བོད་ཡིག

e-texts produced with BDRC’s OCR application

bal cings yon tan 'bar gyis bsgyur cing zhus te gtan la phab pa'o// rgya gar skad du/ yo gi nI sany+tsA n+ya bod skad du/ rnal 'byor ma'i kun tu spyod pa/ bcom ldan 'das dpal rdo rje sems dpa' la phyag 'tshal lo// gang gi drin gyis bde chen gnas// skad cig gis ni thob gyur pa// bla ma rin chen lha bu yi// rdo rje can zhabs pad la 'dud// de nas yang dag bshad bya ba// kun tu spyod pa'i cho ga mchog/ 'khor lo gsum bdag 'di bsgom pa// rnal 'byor lam la gnas pa yin// lugs 'byung lugs las bzlog par ni// rgyud du sbas par gnas gang de// bstan pa 'di ru ji skad gsungs// bshad pa yang ni de bzhin no// so sor bstan pa ma lus nyid// brda yi cho ga rgyas pa yin// gang gis shes pa tsam gyis ni// sgrub pa po yis grub thob pa// sum cu rtsa bdun tshul gyis ni// byang chub phyogs la gnas pa yin// 'jig rten du ni bsgom byar bshad// he ru ka dpal 'gro ba'i mchog/ de la thog mar rnal 'byor gyi dbang phyug gis phung po lnga la lha'i nga rgyal bskyed par bya ba ste/ gzugs kyi phung po la ni rnam par snang mdzad do// tshor ba'i phung po la ni rdo rje nyi ma'o// 'du shes kyi phung po la ni pad+ma gang gyi dbang phyug go// 'du byed kyi phung po la ni rdo rje rgyal po'o// rnam par shes pa'i phung po la ni rdo rje sems dpa' ste/ de bzhin gshegs pa thams cad kyi bdag nyid ni shrI he ru ka rdo rje'o// mig gnyis lam gti mug rdo rje'o// rna ba gnyis la ni zhe sdang rdo rje'o// sna dag la ni phrag dog rdo rje'o// lce la ni 'dod chags rdo rje'o// lus la ni ser sna rdo rje'o// skye mched thams cad la ni dbang phyug rdo rje ste dpal te/ ru ka'i dbyings so// sa'i khams la ni ltung byed ma'o// chu'i khams la nI gsod ma'o// me'i khams la ni 'gugs ma'o// rlung gi khams la ni gar dbang ma'o// nam mkha'i khams la nr-i pang+ga'i d+hA ba mo ste// de ltar phung po dang / khams dang / skye mched rnams la lha nyid kyi nga rgyal bskyed par bya'o// rnal 'byor ma'i kun tu spyod pa las/ lha rnams kyi gnas kyi rnam par dag pa gnas pa ste dang po'o// de nas byang chub kyi phyogs kyi chos sum cu rtsa bdun lha'i sbyor bas sbyar bar bya ste/ de thams cad kyang gang zhe na/ lus dran pa nye bar gzhag pa dang / tshor ba dran pa nye bar gzhag pa dang / chos dran pa nye bar gzhag pa dang / sems dran pa nye bar gzhag pa dang / 'dun pa'i rdzu 'phrul gyi rkang pa dang / brtson 'grus kyi rdzu 'phrul gyi rkang pa dang / dpyod pa'i rdzu 'phrul gyi rkang pa dang / sems kyi rdzu 'phrul gyi rkang pa dang / dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po dang / dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs dang / ting nge 'dzin yang dag byang chub kyi yan lag dang brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / dran pa yang dag byang chub kyi yan lag dang / btang snyoms yang dag byang chub kyi yan lag dang / yang dag pa'i lta ba dang / yang dag pa rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin/ dang / dge ba'i chos ma skyes pa rnams skyed pa dang / dge ba'i chos skyes pa rnams yang dag par srung ba dang / mi dge ba'i chos skyes pa rnams spong ba dang / mi dge ba'i chos ma skyes pa rnams mi skyes pa'o// de ltar na dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa'i mthar thug pa rnams ni byang chub kyi phyogs kyi chos sum cu rtsa bdun yin no// rnal 'byor ma'i kun tu spyod pa las/ byang chub kyi phyogs kyi chos sum cu rtsa bdun bstan pa ste/ gnyis pa'o// / de la de rnams kyi lha'i sbyor ba grangs ji lta bar mdor bsdus pa bshad par bya ste/ 'di lta ste/ lus dran pa nye bar gzhag pa ni mkha' 'gro ma'o// tshor dran pa nye bar gzhag pa ni lA ma'o// chos dran pa nye bar gzhag pa ni khaN+Da ro hi'o// sems dran pa nye bar gzhag pa ni gzugs can ma'o// 'dun pa'i rdzu 'phrul gyi rkang pa ni rab gtum ma'o// brtson 'grus kyi rdzu 'phrul gyi rkang pa ni gtum pa'i mig can ma'o// dpyod pa'i rdzu 'phrul gyi rkang pa ni 'od ldan ma'o// sems kyi rdzu 'phrul gyi rkang pa ni sna chen ma'o// dad pa'i dbang po ni dpa' bo'i sgra gros ma'o// brtson 'grus kyi dbang po ni mi'u thung ma'o// dran pa'i dbang po ni lang ka'i dbang phyug ma'o// ting nge 'dzin gyi dbang po ni shing grib ma'o// shes rab kyi dbang po ni sa srungs ma'o/ dad pa'i stobs ni 'jigs byed chen mo'o// brtson 'grus kyi stobs ni rlung gi shugs can ma'o// dran pa'i stobs ni chang 'thung ma'o// ting nge 'dzin gyi stobs ni sngo bsangs lha mo'o// shes rab kyi stobs ni shin tu bzang mo'o// ting nge 'dzin yang dag byang chub kyi yan lag ni rta rna ma'o// brtson 'grus yang dag byang chub kyi yan lag ni bya gdong ma'o// dga' ba yang dag byang chub kyi yan lag ni 'khor lo'i shugs can ma'o// shin tu sbyangs pa yang dag byang chub kyi yan lag ni khaN+Da ro hi'o// chos rnam par 'byed pa yang dag byang chub kyi yan lag ni chang 'tshong ma'o// dran pa yang dag byang chub kyi yan lag ni 'khor lo'i go cha ma'o// btang snyoms yang dag byang chub kyi yan lag ni shin tu dpa' mo'o// yang dag pa'i lta ba ni stobs chen ma'o// yang dag pa'i rtog pa ni 'khor lo// sbyar ma'o// yang dag pa'i ngag ni brtson 'grus chen mo'o// yang dag pa'i las kyi mtha' ni khwa gdong ma'o// yang dag pa'i 'tsho ba ni 'ug gdong ma'o// yang dag pa'i rtsol ba/ ni khyi gdong ma'o// yang dag pa'i dran pa ni phag gdong ma'o// yang dag pa'i ting nge 'dzin ni bcom ldan 'das dpal he ru ka rdo rje'o// dge ba'i chos ma skyes pa rnams skyed pa ni gshin rje brtan ma'o// dge ba'i chos skyes pa rnams yang dag par srung ba ni gshin rje pho nya ma'o// mi dge ba'i chos skyes pa rnams spong ba ni gshin rje mche ba ma'o// mi dge ba'i chos ma skyes pa rnams mi skyed pa ni gshin rje 'joms ma'o// rnal 'byor ma'i kun tu spyod pa las/ byang chub kyi phyogs kyi chos sum cu rtsa bdun lha rnams kyi rnam par dag pa bstan pa ste gsum pa'o// de nas yang dag bshad bya ba// dpa' bo gnyis med dam pa ste// he ru ka dpal sku'i yan lag/ yan lag kun na chi shas gnas// sen mo dang so la ni thod pa phyed pa'o// skra dang spu la ni keng rus chen po'o// pags pa dang dri ma la ni keng rus so// sha la ni mche ba rnam par gtsigs pa'o// rgyus pa la ni lha dgra'o// rus pa la ni 'od dpag med do// mkhal ma la ni rdo rje 'od do// snying la ni rdo rje sku'o// mig gnyis la/ ni myu gu can no// mkhris pa la ni rdo rje ral pa can no// glo ba la ni dpa' bo chen po'o// rgyu ma la ni rdo rje hUM mdzad do// gnye ma la ni rab bzang ngo // lto ba la ni rdo rje bzang po'o// bshang ba la ni 'jigs byed chen pa'o// bachogs ma'i srubs la na mag mi bzang // bang kan lan bas pargya'o// nag lan che 'ardog// zug lan tam byin no// rdul la ni rnam mapa'i rnying 'o// tshal lad pam/ druga'o// mchi ma la nI pad+ma gar gyi dbang phyug go// mchil ma la ni rnam par snang mdzad do// skabs la ni rdo rje sems dpa'a'o// rnal 'byor ma'i kun tu spyod pa las/ dpa' bo'i yan lag ma par dag pa bstan pa ste bzhi pa'o// de nas gzhan yang bshad bya ba// dngos grub thams cad sgrub byed pa// gang zhig shes pa com gyis nA~M// sgrub pos dngos su bathob 'gyur ba'o ji ltar nang gi bdag nyid shes// phye yi dkyil 'khor dam pa yin// rnam dgod ji ltar sbyar ba ni// snying po thams cad bsdus pa ste// rkyen dang brten pa'i tshul gyis ni// b+hai b+ha sogs ya dag gnas// bla ma las brgyad rim bzhin du// gang zhig cho ga 'di shes pas// ri stengs pad+ma ga sar gyi// sna tshogs 'dab ma 'jam pa la// de yi dbus bzhugs dpa' bo ni// 'dod pa'i don kun sgru ba mdzad pa// mkha' 'gro ma dang lA ma dang // khaN+Da ro tsi gzugs can ma// pad+ma'i phyogs kyi gnas la dgod// dngos grub thams cad sgrub byed yin// phyag gnyis pa la zhal gcig pa// snachog gzugs dang rnam rol ma'o// mtshams kyi bzhi po dag la ni// lnga pas gang ba'i thod pa gzhag/ pu la sogs dang yang dag sbyar// yul dang yul du gnas pa yin// spyan drang 'khor lo'i dbus gnas la// rnal 'byor rig pas rtag tu mchod// pu zhes bya ba ni pul+lI ra ma la ya na khaHka pA la dang / prama'o// dza zhes bya ba ni dz+wa lan d+hA ra na ma hA ka kA la dang / tsaN+Da k+Shi'o// u zhes bya ba ni oMr+ya na na kaM kA la dang / pra b+hA ba tI'o// a zhes bya ba ni ar bu da na ba~M ka Ta daMSh+Ti Na dang / ma hA nA sA ste gnas so// go zhes bya ba ni go dA ba ri na su rA bai ri Na dang bI ra ma tI'o// rA zhes bya ba ni rA me shwa ra na a mi tA b+ha dang / khar ba rI'o// de zhes bya ba ni de wi ko Ta na badz+ra pra b+ha dang / lang ke shwa rI'o// mA zhes bya ba ni mA la ba na badz+ra de ha dang / dru mats+tsha yA'o// nye ba'i gnas so// thugs kyi 'khor lo ste/ nam mkha' la rgyu ba'o// kA zhes bya ba ni kA ma rU pa na ang ku ri dang / e rA ba ti'o// oM zhes bya ba ni o dra na badz+ra dza Ti la dang / ma hA b+hai ra bA'o// zhing ngo // tri zhes bya ba ni tri sha ku ni na ma hA bI ra dang / bA yu be gA'o// ko zhes bya ba ni ko sa la nA badz+ra hUM kar dang / su ra b+hak+Shi'o// nye ba'i zhing ngo // ka zhes bya ba ni ka l-i ka na su b+ha bra dang sh+yA mA de bI'o// la zhes bya ba ni laM pA ka na badz+ra b+hA dra dang / su b+ha drA'o// tsAn+do ha'o// kA zhes bya ba ni kAny+dzi na ma hA b+hai ra pa dang / ha ya kar+N+Na'o// hi zhes bya ba ni mA la ya na bi ru pAk+Sha dang / kha gA nA nA'o// nye ba'i/ ts+tshan+do ha'o// gsung gi 'khor lo ste/ sa la rgyu ba'o// pre zhes bya ba ni pre ta pu ri na ma hA ba la dang / tsa kra be gA'o// gr-i zhes bya ba ni gr-i ha de ba tA na rat+na badz+ra dang / khaN+Da ro hA'o// 'du ba can no// so zhes bya ba ni sor Sh+Ta na ha ya dz+nyA ba dang / narnon 'o// su zhes bya ba ni su brta dI pa na A kA sha gar+b+ha dang / tsaT bamratra'o// nye bar 'du ba can no// na zhes bya ba ni na gar na shrI ba ruka dang / sa rI rA'o// si zhes bya ba ni sin d+hu de sha na/ pad+ma narte shwa ri dang / ma hA ba lA'o// dur khrod do// ma zhes bya ba ni ma ru de sha na/ bai ro tsa na dang / tsakra baN+Di nA'o// ku zhes bya ba ni ku lu tA na badz+ra satwa dang / ma hA bIr+ya'o// nye ba'i dur khrod do// sku'i 'khor lo ste/ sa 'og na spyod pa'o// kA kA s+yA dang / u lA kA s+ya dang / shA nA s+tha dang / sU ka rA s+yA ni phyogs su'o// ya ma dAr+t+ti dang / ya ma dU tI dang / ya ma da~MSh+NI Ni dang / ya ma ma tha nI ni mtshams su'o// de ltar phyi dang nang gi bdag nyid ji srid nges par rtogs pa'i spyod yul du gyur kyi bar du dmigs par bya'o// rnal 'byor ma'i kun tu spyod pa las/ lha'i gnas kyis bstan pa ste lnga pa'o// de nas bdag po sogs kun gyi// mtshan ma phyog rgya'i tshogs rnams dang // rang mdog phyag mtshan bzhugs tshul rnams// rgyud/ du sbas pa nges par bya// rgyal chen shrI he ru ka ni// gdug pa thams cad rab 'joms pa// phyag gnyis yang dag 'khyud pa dang // gnyis kyis glang po'i pags pa 'dzin// g.yas pa'i lhag mar dgra sta mdung // rtse gsum gri gug Da ma ru// g.yon gyi lhag mar kha T+wAM bsgreng // thod pa dmar chen zhags pa dang // tshangs pa'i mgo bo rnams bshad de// bcu gnyis kyis ni brgyan pa yin// thod pa'i 'phreng ba'i mchod phyir thogs// brgya phyed par ni shes par bya// bcom ldan yum ni mdun du bzhugs// zhal gcig 'bar ba chen po ste// 'khyud pa yis ni thod pa dag/ gdug pa'i bdud kyi khrag bkang bsdams// g.yas pas rtag tu sdigs mdzub dang // ma rungs pa yi gri gug bsdams// sku mdog dmar zhing cher 'bar ba// thod dum brgyan pa'i ska rags can// dbu skra grol zhing spyan gsum sku// mche ba gtsigs pa 'jigs su rung // byin pa zhabs kyis legs par 'khyud// gnyis ka kha sbyar tshul gyis bzhugs// mkha' 'gro ma sogs bzhi po ni/ kha T+wAM ga snod gri gug bsnams// sku la spyan gsum rgya lnga sogs// skra grol bas ni rnam par brgyan// dpa' bo nyi shu rtsa bzhi ni// phyag rgya lnga la sogs pas brgyan// phyag gnyis zhal gcig spyan gsum pa// ral pa'i cod pan dar gyis bcings// rdo rje dril bus legs 'khyud cing // chags pa chen po rjes chags mdzad// rnal 'byor ma ni nyi shu bzhi// dbu skra grol bas rnam par brgyan// phyag rgya lnga la sogs pa dang // spyi bor nor bus rnam par brgyan// rnal 'byor snod dang bcas pas 'khyud// sdigs mdzub kyis ni gri gug bsnams// he ru ka dpal la sogs kun// g.yas brkyang ba yi gnas pas bzhugs// mgur chu dpung rgyan rna cha dang // thod pa'i 'phreng bas rnam par brgyan// mchod phyir thogs dang thal ba ni// phyag rgya drug par rab tu bshad// pha rol phyin drug rnam dag pas// phyag rgya drug gis brgyan pa yin// sku gsung thugs kyi rdo rje ni// spyan gsum 'og pag dag gis brgyan// sku gsung thugs kyi dbye ba yis// yi ge gsum gyi dngos grub kyi// ngo bor bdag nyid bsgom bya zhing // dngos grub 'dod pas gzhan mi bya// de yi bsod nams gang 'gyur ba// sgrub pa'i yon tan rgya chen po// lce ni brgya stong du ma yis// bsod nams brjod par nus ma yin// khwa gdong la sogs rnam pa bzhi// thams cad kyang ni sgo skyong ste// kha T+wAM ga dang thod pa thogs// sku la phyag rgya lnga sogs ldan// gshin rje brtan sogs mtshams bzhir te// de dag zhabs gnyis brkyang ba dang gzugs gnyis ldan zhing yid 'phrog ma// mkha' 'gro ma bskyed ji bzhin du// khwa gdong la sogs dbye ba nyid// de ltar ma lus 'khor lor gnas// mdog dbye ba'i cho ga'i rim bzhin no// rnal 'byor ma'i kun tu spyod pa las/ rang gi mtshan ma dang / zhal dang / phyag dang sku mdog dang / mtshon cha bstan pa ste drug pa'o// de nas go cha gnyis po ni// gang shes pas ni myur ba ru// sgrub pa po yis grub thob pa// rgyud du sbas pa nges bshad bya// oM ha/ na ma hi/ swa ha hu/ bo ShaT he/ hUM hU~M ho/ phaT haM/ snying ka spyi bo spyi gtsug dang // dpung pa mig gnyis go cha sbyar// dang po rdo rje sems dpa' ste// gnyis pa rnam par snang mdzad gnas// gsum pa pad+ma gar dbang rgyal// bzhi pa he ru ka dpal bshad// lnga pa rdo rje nyi ma ste// drug pa la ni rta mchog/ yin 'di ni go cha rnam drug gis// shin tu bsrungs pa nyid yin no// oM ba/ haM yau/ hriM mo/ dz+ra n+da/ d+hur+tha/ phaT phaT/ lte ba snying kha de bzhin kha/ spyi bo spyi gtsug gocha/ nyid dang po rdo rje phag mo'o// gnyis pa yA mi nI ru brjod// gsum pa rmongs byed ma nyid de// bzhi pa sbyin ma yin par bshad// lnga pa kun tu skrag par grags// drug pa gtum mo yin par bsha/ go cha drug nyid phag mo dang // dpa' bo gnyis med rnal 'byor ma'o// rnal 'byor ma'i kun tu spyod pa las/ go cha gnyis bstan pa ste bdun pa'o// / de nas go cha gnyis shes nas// ye shes 'khor lo rnam bsgoms nas// sngags dang phyag rgya'i sbyor ba yis// dam tshig 'khor lor myur gzhug bya// rkang pa mnan la steng du blta// steng du pa~M gyi sgra bsgrags la/ phyogs bcu'i 'jig rten khams gnas pa'i// dpa' bo rnal 'byor ma rnams dgug/ sngags kyis yang dag bskul ba dang // skad cig de la spyan drang bya// mdzub mo mdud byas gung mo nges par sbyar mthe bong rdo rje brtan por yang dag sbyar// de ni dpral ba'i phyogs kyi dbus bzhag la// gcu zhing gcu zhing bskor ba byas pa yis// sngags pas dpa' bo rnal 'byor ma byin brlab// yi ge d+ha ni sna rtser yang dag sbyar// b+ha ni mtshan gyi lte bar yang dag dgod// lte ba snying ka kha dang dpral ba ru// sngags kyi tshogs dang bcas pas byin gyis brlab// lte ba snying ka dag tu rnal 'byor ma sangs rgyas mkha' 'gro ma yi sngags kyis ni// a ba d+hU ti'i gnyis kyis dpa' byin brlab// rnal 'byor ma dang dpa' bo gnyis med yin// dang por dga' ba dpa' bo ste// mchog tu dga'/ ba rnal 'byor ma// rab tu dga' ba ma lus nyid// bde bo'i thabs te kun rig pa'o// lha yul sa stengs 'og tu// skad cig gis ni gzugs gcig 'gyur// sgom pa dag gis bshad pa yi// bsdu ba de nyid bshad pa ni// g.yas dang g.yon gyi lag gnyis kyis// bskor ba mkha' 'gro'i bde de yin// rnal 'byor ma'i kun tu spyod pa las/ ye shes kyi 'khor lo spyan drang ba dang bsdu ba bstan pa ste brgyad pa'o// / de nas sprul par shes bya dang // longs spyod rdzogs par 'dod pa nyon// theg pa chen po phyag rgya che// rnal 'byor ma yi grub ster bshad// phyag rgya chen po las lhag pa'i// rnal 'byor kun las mchog gzhan med// he ru ka dpal rgyal po che// rnal 'byor kun dbang dbang phyug yin// mkha' 'gro ma yi dra ba sdom// nam mkha' dang mnyam las blangs pa// kun mkhyen ye shes de'i rang bzhin// he ru ka dpal dpa' bo mchog/ skye bo dam pa kun 'dus pa// zhi ba'i btung bas grub 'gyur ba// rtag pa'i go 'phang mchog yin te// skyon/ med pa ni brtag pa'i gnas// pu la sogs pa yang dag sbyar// yul dang yul du rnam par gnas// he ru ka dpal bdag nyid dgod// yi ge nyi shu rtsa bzhin// longs spyod rdzogs par shes bya ste/ rnal 'byor che la gnas pa yin// mdor bsdus nas ni rab 'jug pa// blo gros brtson pas shes par bya// ldog pa'ang ji ltar bstan pa ni// bshad bya sgrub pa po rnams nyon shrI ni gnyis med ye shes te// he ni rgyu sogs stong pa nyid// ru ni bkod dang bral ba ste// ka ni gang du'ang mi gnas pa'o// de ni rang bzhin stong pa ste// kun tu 'gro zhing mi shigs par/ mdor bsdus nas ni sgom byed pa// 'dod pa'i dngos grub thob par 'gyur// chos dang longs spyod sprul pa yi// sku gsum dag ni rnam sgom pa// byang chub phyogs ni sum cu bdun// der ni nges par bsgom par bya// rnal 'byor ma'i kun tu spyod pa las/ 'jug pa bstan pa ste dgu pa'o// / de nas bsgoms pas dub gyur pa// bsdus pa spyod tshul khyad par gyis// sbyor dang bral bar mi bya ste// spyod pa'i rnal 'byor pa 'di yin// sngar ni ji skad bshad pa bzhini// bsam gtan cho ga rgyas byas la// rang 'dod las la gtor ma ni// khyad par du yang sbyin par bya zla ba mar ngo'i tshes bcu dang // zla ba yar ngo'i de nyid la// 'bad pas dpa' bo chang sogs dang // rdo rje lha mo rab mchod cing // sngar bshad sngags dang rgya sbyar ba// cho ga bzhin du yang dag srung // oM A ral+li hoH/ dzaHhUM baM hoHbadz+ra DA ki n+yaHsa ma ya staM dr-i sh+ya ho/ de ltar lan gsum bzhi lngar brjod// dam tshig sogs rdzas legs gnas par// rdo rje thal mo gyen kha phye/ dpa' bo rnal 'byor mas mngon pazla// oM kha ba/ khA hi khA hi/ sarba yak+Sha/ rAk+Sha sa/ b+hU ta/ pre ta/ pi shA tsa/ un+na da/ a pasmA ra badz+ra DA kaD+D+h+ya ki nu da ya/ i maM ba liM gr-it+ta nu sa ma ya ra/ rak+Shan+tu ma ma sarba sid+d+him+b+ha pra yats+tshan+tu/ ya thai baM/ ya theSh+Ta b+h+r-i dza tha/ dza~M g+ha tha/ pa~M ba thA/ mA ti kr-i ma tha/ ma ma sar+b+bA kA ra ta yAM/ sata mu khaM bi shud d+ha ye/ sa ha yi kA b+ha baM tu dz+dza hUM phaT phaT swA hA/ dpa' bo'i 'khor lo la sogs sngags// dur khrod la sogs kyis kyang brgyan// lho phyogs kha bltas rnal 'byor pas// gnas ni mthun par rab tu mchod// nye bar mtshon pa ji lta bar// bdag/ gis nus pas dbul bar bya// dgun zla 'bring po la sogs pa'i// tshes bcu la ni dad pas mchod// skye bo dam pa kun 'dus la// bde ba thams cad dbul bar bya// der ni bshos rnams bza' bya/ ste lhag ma snod du gzhag par bya// de yi lag tu 'ongs pa'i dpal// gang gis kyang ni gzhom mi nus// de ni skye bo dang ldan rnams kyis mchod// he ru ka dpal mngon par dgyes gyur nas// kun tu dgyes pas mchog ni stsol 'gyur te// gang phyir mchog ni de yi lag na gnas// mtshan mo sgra ni grol gyur pas// brtul zhugs gos med gtor sbyin na// he ru ka dpal rnal 'byor bdag des ni ma mo dga' bar 'gyur// rnal 'byor ma'i kun tu spyod pa las/ gtor ma dang mchod pa tshes bcur bya ba srung ba bstan pa ste bcu pa'o// / de nas pha rol phyin drug dang / byang chub phyogs ni sum cu bdun// gnas sogs sa ni bcu po rnams// tshe mchog lha yi bdag nyid can// dngos po gang dang gang gis ni// mi rnams yid ni/ yang dag sbyor// de yis de yi dngos 'gyur te// sna tshogs gzugs can nor bu 'dra// de bzhin 'jigs dang bcas pa 'am// 'jigs med ji lta ji ltar gnas// bsam gtan dag gam sems tsam gyis// las rnams thams cad rab sgrub byed// spyod dang grol ba'i 'bras rab stsol// tshe 'di nyid la thob 'gyur ba// sgom pa bdag gis bshad par bgyi// snying po kun las btus pa yin// log pa'i shes pa shes pa can// gang yang khyod kyis bshad mi bya// bla ma'i rim las ji ltar bstan// gang gis myur du shes 'gyur ba// skye ba bye ba stong phrag tu// sgyu 'phrul ye shes kyis bskul ba// dad pa yang dag bskyed pa dang // rnal 'byor spyod tshul gnas pa yin// lkug cing glen la thabs ngan ldan// byis pa'i shes pa'i shes pa can// sems can yongs su ma smin dang // phyi rol bstan bcos kyis 'chal pa// de dag kun gyis mi shes te// mi shes mun pas khebs pa dang // khengs pa la ni brten par dga'/ nga / rgyal la sogs bdun sems ldan// de kun gyis kyang sangs rgyas kyi// spyod yul gsang ba mi shes so// he ru ka dpal yang dag 'jug/ slob dpon bdag nyid chen po yis// myur/ du dngos grub skyed byed de// 'phral du yid ches byed pa yin// kun spyod cho ga'i rnal 'byor shes// cho ga'i bya ba bsten par bya// srid pa gsum po ma lus na// de ni kun mkhyen bstan pa/ shes mthong ba dang ni reg pa dang // thos pa dang ni dran pa yis// sdig pa kun las grol 'gyur ba// de ltar de ni the tshom med// lha rnams bzlog ste dgod pa dang // sngags kyi dbye ba bzlog pa dang // sgom pa gsang ba bzlog pa ni// snying po thams cad sgrub pa yin// rgyud rnams kun gyi spyi yi ni// sems ni yongs su smin pa dag/ 'dir ni sbyor sogs sngags rnams kyi// dam tshig de ltar bstan pa yin// bde gshegs dbugs 'byin gsungs pa ni// dag pa'i lus ni skyon med pa// bsod nams chung ba'i sngags pas kyang // nga dga' bas ni rnyed par 'gyur// rnal 'byor ma'i kun tu spyod pa las/ thams cad rnam par dag pa bstan pa ste bcu gcig pa'o// // de nas srung min bza' min dang / dkyil 'khor ba min dkyil 'khor min// bzlas brtul sbyin sreg med min gyi// mdor na sems 'dus tshul can yin// gzung bya rnam shes ye shes ni// bla mas bstan la rtsol bya ste/ phyi rol gyi ni bstan bcos pa// lam de shin tu ring ba yin// rnal 'byor pa rnams thabs kyis ni// bla ma'i bsnyen bkur la brtson pa// ston pa'i mtshan nyid bstan pa dang // dpa' bos de nyid bstan pa yin// skad cig rnam pa'i rnal 'byor bdag/ skad cig rnam pa'i phyag rgyar ldan// kun nas thams cad skad cig ste// skad cig gis ni gsang sngags brjod// sbas dang lha dang lag bcangs dang // 'khyud dang gnyis gnyis la sogs pa// de bzhin gshegs pas dbugs 'byin gsungs// gong nas gong du bsten par bya// thams cad 'dir ni bstan pa yin// rnam pa gzhan dag rtswa dang 'dra// de nyid srog chags rnams kyi srog/ de nyid mi 'gyur dam pa yin// de nyid thams cad khyab byed de// lus kun la ni rnam par gnas// de nyid sangs rgyas ye shes te// he ru ka dpal yin par bshad// skyes pa mi nang la sogs nyid// phra ba'i snying po'ang 'dzin pa yin// ye shes dag tu byung de la// gang zhig sa la gnas rnams dang / bstan bcos dag ni ma lus dang // rig byed grub mthar gnas pa rnams// 'jig rten 'di dang gzhan dag tu// de med par ni grub mi 'gyur// rig byed grub pa'i mtha' rnams las// 'di// ni snying por rab tu bshad// 'gro ba 'di kun sangs rgyas lnga'i bdag nyid// gar mkhan dag dang ri mo bzang ltar snang // gang du bde chen zhes bya gcig pu nyid// gcig pu nyams ni du mas gar mdzad do// 'dug dang ltung ba nyid dag dang // 'jug dang rdzogs pa nyid dag dang // byin gyis brla ba dang dbang bskur dang // ting nge 'dzin mchod bsdus pa yin// de nas cho ga'i ming gzhan pa// thabs dang shes rab gnyis med pa// de nyid du ni kun skyes pa// 'byin dang sdud par byed pa yin/ a A/ A I/ u A/ rArA/ ma nA/ e a~M/ A oM/ a AH/ kA la ga k+Sha / tsa tshad dzAnya/ Ta wA DA D+ha Na/ ta tha da d+ha na/ pha pha ba b+h+ra ma/ ya ra la wa/ sha Sha sa hA/ k+ShaH'di ni bcom ldan lha de yin// mchog nyid lhag par gnas pa yin// lha kun gyi ni bskyed pa dang / sngags rnams kyi ni rgyud nyid yin// gang zhig 'di rtag sgom pa dang // rtag tu klog cing sems pa dang // rnal 'byor pa yis dang por brjod// he ru ka dpal gnyis med 'gyur// der ni lag sogs rgyan yin te// ska rags gnas rnams thams cad yin// 'di ni rtag tu 'dzin byed pa// chos kun rtogs par byed pa yin// A li kA li mdun bsams te// rnal 'byor chen pos rnam gnas la// zla ba'i dkyil 'khor legs rdzogs pa// lte ba'i rtsa bar gnas par bsgom// de yi dbus gnas bsams pa ni// dam pa'i gnas mchog yi ge ste// sku gsung thugs kyi rdo rje ste/ lha yi sku ni bsgom par bya// de ni gzugs las 'das pa ste// dngos po med pa'i sems nyid yin// bsam mi khyab pa nyid bsams te// bsam de mtshan mar brtag mi bya// yang na bdag nyid sems bsam pa// de la gzungs ni thob par 'gyur// rnal 'byor ma'i kun tu spyod pa las/ rgyud thams cad las nges par byas pa'i de kho na nyid kyi gnas gcig pu bstan pa ste bcu gnyis pa'o// / de nas gzhan yang bshad bya ba/ dpa' bo rnal 'byor ma gnyis med// he ru ka dpal rnal 'byor che'i// gnas ni yi ge'i sa pa yin pul+lI ra ma ya mgo la// dzA lan d+ha ra spyi gtsug nyid// aur+yan rna ba g.yas pa ste// ar bu da ni rgyab tshogs la'o// gnas so// go da ba ri rna ba g.yon// rA me shwa ri smin ma'i mtshams// de bi ko Ti mig gnyis te// mA la ba ni dpung mgor ro// nye ba'i gnas so// kA ma rU pa mchan khung dgod// o Te nu ma gnyis la'o// zhing ngo // tri sha ku ni lte ba'i dbus/ ko sa la ni sna rtser ro// nye ba'i zhing ngo // ka li ka ni kha la dgod// lam pa ka ni mgrin dbus nyid// tshan+do ha'o// kiny+tsa snying la dgod par bya// hi ma la ya mtshan rtsar ro// u pa tshan+do ha 'o/ pre ta pu ri mtshan la ste// gr-i ha de ba bshang lam la'o// 'du ba can no// sau rASh+Ta brla gnyis sam// gser gling rje ngar gnyis la'o// nye bar 'du ba can no// na ga ra ni sor mor ro// sin d+hu rkang pa'i bol gnyis la'o// dur khrod do// ma ru mthe bong gnyis la dgod// ku lu ta ni pus mor gnas// nye ba'i dur khrod do// pU dzA o a go rA de mA kA o tri ko ka la kA hi pre gr-i sau/ su ni sa ma ku/ gnyid log ma log ldang ba dang // bza' 'am 'gro ba'i chos spyod pa 'am// gang yin der ni rnam bkod na// 'jig rten gsum gyis mi g.yo'o// ming gi rgyud ni 'bum sde las/ snying po bsdus par gyur pa yin// nam mkha' dang ni mnyam pa'i rgyud// 'bum gcig nang nas de bzhin bshad// shes rab rgyud ni gsang ba ste// ming 'byung ba la gnas pa yin// bstan pa/ yis ni sprul pa yin// bshad pas longs spyod rdzogs par 'dod// so sor bstan pa ma lus nyid// mya ngan 'das pa'i de nyid bstan// sku gsum 'khor lo gsum du bshad// chos sogs longs spyod rdzogs pa nyid// bsod nams ye shes tshogs dag ni// bden pa gnyis la gnas pa yin// blo ngan glen zhing lkugs pa dang // shes rab dman zhing log lha can// phyi rol bstan bcos kyis 'chal pa// bla ma la ni sun 'byin yin// de dag kun kyang rnam spangs te// gus kyang bshad par mi bya'o// cha dang cha yi khyad par la// der ni gnyis su med par bshad// dag byed dbang gi lha mo dang // bka' bsgo'i lha mo dpa' bo skyes// de 'og ma lus kun spyod pa// 'khor ba las grol gtso bo yin// ma lus rig byed las sprul pa// grub pa'i mthar ni de rab bsgrag/ dpa' bo khyod kyis nga la bshad// sangs rgyas mu stegs can la sba// sgra dang sgra nyams brda rnams kyis// lam 'di nyid kyi rjes su 'brang // bsdus don yang dag blangs pa dang // brda yo tshig ni rgyas pa yin// gang gis kun spyod mi shes par// rnal 'byor pa ni rnal 'byor ston// de yi ngal ba don med do// 'bras bu de ni thob mi 'gyur// 'gro la phan pas sngon gsungs pa/ sbas te gzhan du gsungs pa yin// kun spyod 'dir ni bshad pa las// sgrub pa pos ni rab mnyam gzhag/ rgyal bas sngon ni rgyud chen po'i// sngags kyi yi/ ge sgrub mdzad pa// las kyi bya ba gang yang rung // dge dang mi dge brtags te bya// yi ge mtha' dang dbus dag tu// der ni thams cad rab tu grub// rnal 'byor ma'i kun tu spyod pa las A li kA li dang las thams cad kyi nges pa gnyis su med par bstan pa ste bcu gsum pa'o// / de nas rgyud rnams thams cad du// sbas gsang cho ga shes bya ste// sangs rgyas bzhi yi gdan bzhugs pa// rdo rje la sogs dpa' rnal 'byor// mkha' 'gro la sogs rdo rje yi// dpa' bo rnal 'byor dbang phyug gtso// me long la sogs rnam pa bzhi// gnyis med gnyis su med sbyor nyid// gnyis med rdzas ni me tog sogs// re re nas ni dbul bar bya// phyag rgya lnga sogs mchog lus kyi// pha rol son pas phar phyin drug lag pa'i mchod sogs ye shes can// blo ldan dpa' bos shes par bya// rnal 'byor ma drug go rim bzhin// rdo rje sems sogs bcu gnyis dang // dpa' bo chen por sbyar bya/ la lag pa'i mchod la sogs pas bstod// lnga po lnga dang yang dag bsre// 'o ma dang ni bsre bar bya// mchod pa des ni legs gnas la// spyod dang grol ba'i 'dod dang ldan// lag pa'i mchod pas rnal 'byor pa// dbul ba'i 'dod don 'grub par 'gyur// sems ni gzhan du gyur pa dang // bza' btung gos sogs thob par 'gyur// lha yi mchod pa byas nani 'de la bsam pa rnam grub 'gyur// dpa' bo 'di ni dpa' chen po// sa steng rnal 'byor ma rnyed dka'// rnal 'byor pa yi spyod brtul zhugs// rnal 'byor dbang phyug kun gyi gtso gang zhig rtag tu 'dis rang mchod// 'dod pa'i 'bras bu kun rab ster// rnal 'byor ma'i kun tu spyod pa las/ dpa' bo bzhi dang yang dag par sbyor ba'i lag pa'i chod pa bstan pa ste bcu bzhi pa'o// // de nas dpa' bo rnal 'byor ma// gnyis med spyod pa'i cho ga bshad// dang por mnyam bzhag rnal 'byor pas// 'bad de nus pa bskyed par bya// nus pa bskyed pa'i rjes thogs la// yid la 'dod pa'i brtul zhugs spyad// sems can rjes su gzung don phyir// dpa' bo chen po 'gro bya zhing // srog chags yan lag gos bgos la// bde don gnyer bar bde ba bsrung // mchod phyir thogs ni kun spangs la// he ru ka dpal gtsang sbrar gnas// grol ba'i 'bras bu 'dod pa yis// rnal 'byor ma kun mnyes par bya// rtsa ba'i sngags kyis dpa' bo gang // tshangs pa'i skud pa la sogs brtag/ lha yi snying po'i gsang sngags kyis// brgya phyed 'phreng bas brgyan pa yin// thod pa'i dum bu la sogs kun// lus kyi khams su brtag par bya// dpa' bo'i go cha drug gi ni// rgya 'dis lus ni mdzes pa yin// rdo rje phag mo sogs sngags gang // mgur chus rked pa mdzes pa yin// sangs rgyas kun gyi mkha' 'gro ma'i// pags pa'i gos ni 'dzin pa'i mchog/ kha T+wAM ga ni lha yi sku// shes rab Da ma ru ru brtag/ yi ge bdun gyi gsang sngags kyis// rna chas snyan ni mdzes pa yin// rnal 'byor ma drug gsang sngags gang // ska rags byas pa brgyan pa yin// 'khor lo kun gyi rnal 'byor ma'i// sngags ni lag na thod pa yin// rnam par snang mdzad yum sngags dang // thod pas mgo bo brgyan pa yin// de ltar bdag nyid rnam bsams nas// tsham rngam sngags kyis legs par bsrung // rtag tu tshangs par spyod 'gyur ba// gsang sngags rkang pa brgyad mchod pa'o// nyin mo bcom ldan dpa' bo ste// mtshan mo bcom ldan ma brtag bya// mi bya ci yang yod min te// rtag tu mi bsam yod ma yin// mi bza' ci yang yod min la// dge dang mi dge mi smra med// bdag nyid ji bzhin 'gro de bzhin// bdag ci 'dra ba gzhan de bzhin// de ltar rnam bsam rnal 'byor bdag/ 'jigs/ pa thams cad yongs spangs te// dpa' bo seng ge bzhin du spyod// bsam pa thams cad rdzogs byed yin// he ru ka dpal gzhir gnas pa'i// yan lag bskyod pa ji snyed dang // tshig tu/ brjod pa ji snyed pa// de snyed phyag rgya gsang sngags yin// rigs lnga'i kun tu spyod pa ni// rigs gcig nyid du spyad par bya// de ltar shes pa'i bdag nyid can// go 'phang mchog tu 'gro bar/ 'gyur// gnyis med ye shes sems ldan la// mi bya ba ni ci yang med// mi rtog bdag nyid sems kyis no// 'dod pa'i yon tan lnga rnams spyad// rnal 'byor ma'i kun tu spyod pa las/ gnyis su med pa'i brtul zhugs dang gsang sngags bstan pa ste bco lnga pa'o// / gzhan yang phyi ma'i dus kyi tshe// dus mthar dngos grub mi thob ste// blo ni gzhan du rnam 'khrugs pas// phyag rgya dkyil 'khor bzlas pa yis// bde bar 'grub par mi 'gyur gyi// bkres dang skom gyi sdug bsngal 'gyur// 'bad de 'dod bya dmigs nas ni// de nyid kyis bdag rnal 'byor pa// ji ltar he ru ka'i ye shes// ci 'dod par ni yongs su rgyu// rna bas ring nas thos pa dang // skad cig gis mthong rnal 'byor pas// chos 'di de ltar shes nas ni// bsam pa thams cad rdzogs byed yin// shes rab chen por byas pa nyid// gnyis med ye shes brtul zhugs bzang // A li kA li ma gtogs par// gal te chos 'di 'dod na ni// de yi ngal ba don med de/ 'bras bu thob par mi 'gyur ro// mdo dang bya ba spyod pa rnams// rnal 'byor gsang sogs dbye ba nyid// 'jig rten kun la bshad pa ni// byang chub don gyi rgyu nyid yin// nga yis 'jug par bsha pa ni/ tshogs gnyis gnyis su med pa yin// de nyid chos kyi rang bzhin zhes// mya ngan 'das pa 'ba' zhig 'dod// thams cad bden pa gnyis la ni// rten par nges// ni sngon bshad pa// rnal 'byor pa yi dngos grub kyis// sgom pa mngon dgar gyur pa yin// spros pa kun la dmigs nas ni// spros pas spros pa med par bya// rgyud rnams kun tu gsang ba gang // sprul pa rnams kyi de nyid bstan// rgyu 'di yis ni rnal 'byor pas// bden pa gnyis la yang dag rten// sems can thams cad gsal nas ni// longs spyod kun la nyer spyad bya// blo ldan chen po 'khor lo sdom// sdom pa la ni rnam par spyod// rnal 'byor ma yi mtshan ma grang // gzugs dang brda dang tha snyad dag/ khyim lnga la sogs yul rnams su// rnal 'byor ma ni lnga nyid gnas/ bsgrub par bya ba'i gnas kun tu// g.yon nas bskor ba la rab brtson// ji ltar sngar bshad 'khor lo yi// grangs kyi cho gas brtul zhugs can// dpa' bo'i sngags sogs rnal 'byor ma'i/ yid la 'dod pa dgod par bya// shar gyi 'dab mar mkha' 'gro ma// bong bu'i rnam par bsgom par bya// he ru ka dpal zhes bya ba// las rnams thams cad byed pa yin// he ru ka dpal go 'phag gnas// lus ngag yid kyi las rnams la// bshad dang ma bshad gang bsams pa// de dag thams cad myur du 'grub// rnal 'byor ma'i kun tu spyod pa las/ dngos grub kyi nges pa dang dpal he ru ka'i mdzad pa bstan pa ste bcu drug pa'o// / de nas he ru ka dpal rgyud// sems ni dri med yin par bshad// dag pa'i chos kyi sprul pa ni// phag mo'i gzugs su bstan pa yin// thabs dang shes rab sbyor ba las// de nyid dang ni thams cad 'byung // me long la sogs rnam pa bzhi// pad+ma'i 'dab gnas rnal 'byor mo// mkha' 'gro ma pan pad+mar gnas// mA ma kI sogs bzang mo yin// thod pa'i dum sogs 'khor lor gnas// nyi shu rtsa bzhi gnyis med yin// sems can 'khor ba las grol ba// dpa' bo nyid ni yin par brtag/ khro bo rnam rgyal la sogs kun// sgo dang mtha' yi mtshams rnams su// sna tshogs gdul ba'i thabs chen gyis// sems can don la brtson par mdzad// gsang ba'i gnas kyi rnam gnas pa// rab tu 'bad de sba bar bya// rnal 'byor ma dang dpa' bo yis// ji ltar 'dod pa'i dngos grub ster// rnal 'byor 'bras bu thob nas ni// srid mtshor ltung bar mi 'gyur ro// 'khor ba las ni bsngal ba'i thabs// rgyud kyi snying po bsdus pa yin// bla ma slob mas rtogs bla phyir// cho ga rgya cher ma bshad de// sems ni ngal so rnal 'byor pa// mya ngan 'das pa bstan mi bya// de/ ltar spyod pa'i skyes mchog 'di// sdig pa thams cad rnam dag 'gyur// 'jig rten 'di 'am pha rol tu// 'dis ni sangs rgyas nyid mthong 'gyur// ji ltar sngar bshad sdig pa rnams// spang bar bya ba'i mtshan nyid yin// gang zhig 'di sgom rnal 'byor pa// 'dod pa'i bde ba thams cad sbyar// he ru ka dpal mtshan brjod pas// lha sogs kun gyi gsang gang dang / mi la sogs la gang zhig yod// de yi bsod nams des 'thob bo// bsam gtan gyis ni bsams tsam mam// 'don cing klog gam bris pa yis// mtho ris longs spyod 'thob 'gyur te/ yang na 'khor los sgyur nyid 'gyur// rnal 'byor pa ni 'pho ba'i tshe// dpal ldan he ru ka la sogs// dpa' bo dag ni thams cad dang // rnal 'byor ma ni ji snyed pa// lag na sna tshogs me tog bsnam/ ba dan rgyal mtshan sna tshogs dang // rol mo'i sgra ni sna tshogs dang // sna tshogs glus ni nye bar mchod// 'chi ba zhes bya rnam rtog ste// mkha' la spyod pa'i gnas su 'khyer// de lha'i dpa' bo chen po dang // rnal 'byor ma ni sa steng dkon// ji ltar bud med byis gtam rjes yi rang // kun smra bsten pa'i gtam yang rjed par byed// lam yang bshad cing 'chi bar 'gyur ba yin// rnal 'byor lam ngan de dang 'dra bar bshad// de nas gzhan yang bshad bya ba// gnas sogs rnal 'byor ma yi gnas// he ru ka dpal sogs rnal 'byor// dpa' bo gnyis med rnal 'byor ma// pul+lI ma la yar rab gtum// dzA lan d+ha rar gtum pa'i mig/ oMr+yan na ni 'od ldan ma// ar bu dar ni sna chen mo// go dA ba rir dpa' blo ma// rA me shwa rir mi'u thung ma// de bi ko Tar lang dbang phyug/ mA la bar ni shing grib ma// kA ma rU par sa srungs mo// oM trer 'jigs byed chen mo yin// tri sha ku nir rlung shugs ma// ko sa lar ni chang 'thung ma// ka ling lha mo sngo bsangs ma// lam pa kar ni rab bzang mo// kany+tsi nar ni rta rna ma// hi ma la yar bya gdong ma// pre ta pu rir 'khor lo'i shugs// gr-i ha de bar dum skyes ma// sau raSh+Ta ra chang 'tshong ma// gser gling 'khor lo'i go cha mo// nA ga rar ni rab dpa' mo/ sin d+hu'i yul du stobs chen mo// mya ngan yul du 'khor sgyur ma// ku lu tar ni brtson chen mo// yul 'di rnams kyi bu mo gang // dpa' bo gnyis med rnal 'byor ma'o// gsang ba'i sngags la rtag/ gnas nas// rab tu 'bad de bsgrub par bya// rnal 'byor ma ni re re zhing // bye ba grangs snyed dag gis bskor// mtshan ma mtshan nyid phyag rgya sogs// g.yon pa'i sgrub pa po yis sba// mi bzad las ni/ gang gang gis// skye bo rnams ni 'ching 'gyur ba// thabs dang bcas na de nyid kyis// srid pa'i 'chi ba las grol 'gyur// 'khor ba'i pha rol brgal nas ni// ci 'dod ye shes can du 'gyur// mgur/ chu gtsug rgyan dpung rgyan dang // rna rgyan tshangs pa'i skud pa dang // mgul pa brgyan cing spyi bor 'phreng // ska rags rkang gdub sgra nyid do// ri steng sna tshogs pad+ma yi// ge sar A li kA li las/ shu rtsa bzhir yang dag ldan// dpa' bo rnal 'byor me tshogs bcas// u ma'i bdag po yang dag mnan// rdo rje dril bu sku la 'khyud// he ru ka dpal rgyal po che// go 'phang mchog ni bsgom par bya/ de nas rtag tu spos chus 'dir// rtag tu lus ni yan lag dril// dri zhim yan lag gis brgyan cing // thal ba'i phyag rgya sogs pas bsgos// kha dog la sogs g.yogs pa'i gzugs// rang gi lus ni yongs su bsgyur// spyod pa'i brtul zhugs la zhugs par// shes nas rnal 'byor la legs gnas// yan lag can dang tshigs can dang // sdud dang de bzhin snying stobs dang 'gar gyi tshul ni bzhi po 'di// de nyid mthong bas shes par bya// btung ba'i tshul zhes bya ba ni// rnal 'byor shes pa yin par bshad// de la 'bad de bya ba ni// skal ba bzang po'i gar chen yin// gar gyi gnas su gnas pa kun// rgyan rnams de ni yin zhes bya// kun tu dbug dang bcing bya dang // gzhug dang de bzhin bskyod pa dang // 'bebs dang 'di ni 'khyil ba dang // de bzhin 'dir ni brgyan pa dang // tshangs skud lus las dgrol ba dang // rnam pa kun tu bcing ba dang // rkang gdub rab tu gzhug pa dang // lag pa'i rgyan ni nyid dag dang // srog shing gcig gyur srad bu yin// 'og pag drug cu rtsa brgyad dang / ro ldan bcu drug par shes bya// 'phreng ba nyi shu rtsa lnga yin// rnal 'byor ma'i kun tu spyod pa las/ de kho na nyid dag pa dang gnas la sogs pa dang gar gyi spyod pa bstan pa ste bcu bdun pa'o// rnal 'byor ma'i kun tu spyod pa rdzogs so// zhu chen gyi lo tsa ba 'gos lhas btsas kyis bsgyur cing zhus te gtan la phab pa'o//