| བོད་ཡིག | e-texts produced with BDRC’s OCR application |
te gtan la phab pa// bod skad du/ rdo rje rgyal mtshan gyi yongs su bsngo ba/ sangs rgyas dang byang chub sems dpa' thams cad la phyag 'tshal lo// rgyu dang mi rgyu'i 'jig rten sman slad du// byung dang 'byung bar 'gyur dang da ltar gyi// rang byung thub dbang thugs rje ldan rnams la/ bdag gis bdag kun btud nas phyag 'tshal lo// chags dang zhe sdang gti mug dbang gis ni// bdag gis lus dang ngag dang yid rnams kyis// srid pa nyam ngar sdig pa ci bsags pa/ sdig pa de kun so sor bshags par bgyi// de bzhin gshegs kyi bsod nams mdzod gang dang // byang chub sems dpa' las byung bsod nams dang // gang yang nyan thos rkyen gyi theg can dang // 'jig rten bsod nams de la yi rang ngo // byang chub snying por thog mar gang sangs rgyas/ pad+ma rgyas pa'i spyan 'dra spyan mnga' gA sangs rgyas zla med mtha' yas de dag la/ chos kyi 'khor lo dam pa bskor bar bskul/ phung po ma lus mya ngan 'das dbyings su// gshegs par gang bzhed mi dang lha yi lnga/ mgon po de dag ji snyed sman slad du// bzhugs dang sangs rgyas sku don mdzad par gsol// phyag 'tshal ba dang bshags pa'i bsod nams dang / bskul ba dang ni/ gsol ba btab pa dang // de bzhin yi rang bsod nams ci bsags pa/ byang chub dam pa mchog tu bsngo bar bgyi/ bdag gis bsod nams dam pa 'dis rtag tu/ byang chub sems ni brjed par ma gyur cig/ rtag tu sangs rgyas byang chub sems dpa' dang // dge ba'i bshes rnams mnyes par byed gyur cig/ mi khom gnod pa brgyad po spong bar shog bzod dang ldan zhing mtshan gyis lus brgyan dang / rtag tu skye dran sems ni mi rmongs dang // rab nges pha rol phyin pa brtson gyur cig/ dbang phyug mi brdzi chos kyi dbang phyug dang yon tan 'byung gnas nyid ni 'gyur med shog/ g.yog 'khor mang po 'thun par ldan pa dang // bsam pa 'thun zhing rgya cher dag gyur cig/ bsod nams mi zad rnam dag blo dang ldan/ cho ga yon tan dag la dga' bar shog bsam gtan mngon shes so so yang dag rig dbang bcu dag la bdag dbang byed gyur cig byang chub sems dpa' gang dag lam rdzogs pa// de dag sangs rgyas go 'phang myur thob shog/ de la gang dag lam kun ma rdzogs pa// de dag tshogs kyis rnyed pa rnyed gyur cig/ sems can thams cad bla na med pa yi// byang chub tu ni smon lam myur 'debs shog/ de la dam bcas pas ni brtan gyur cing // byang chub thob min don gzhan byed ma gyur/ lus kun dbang po dag pas rab rgyas shing // nad med rims nad med cing mya ngan bral// tshe ring zhi dang sgra ni yid 'ong ldan// sdig las zlog cing dge la 'jug gyur cig/ ser sna bral zhing zang zing med chos kyis// rtag tu phan tshun phan 'dogs byed par shog/ gzhan du snying rje che dang ldan gyur nas// 'dod pa mi mnga' bde bar gshegs gyur cig/ 'gro ba sdug bsngal bying la phan bya'i phyir// sangs rgyas byang chub bla na mdo mchog tu// rdo rje rgyal mtshan yongs bsngo rgyal po la// des ni rang gi bsod nams yongs su bsngo// bde gshegs kun tu bzang dang mkhyen pa dag/ kun tu bzang po bsngo dge ji lta bar// de bzhin bdag kyang kun tu bzang spyod dang // rgyal ba dam pa kur tu bzang por shog/ rdo rje rgyal mtshan gyi yongs su bsngo ba rdzogs so// rgya gar skad du/ swas+thA ya na bA thA/ bod skad du/ bde legs su 'gyur ba'i