<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N972: dpal mngon par rtogs pa zhes bya ba'i dka' 'grel<br><table><tr><td>
<input type="button" onclick="location.href='tcompletep.php?id=N972&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N972&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N972&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">tsho tshul khrims rgyal bas bsgyur ro// //rgya gar skad du/ sh+rI ab+hi sa ma ya nA ma pany+tsi ka /bod skad du/ dpal mngon par rtogs pa zhes bya ba'i dka' 'grel/ bcom ldan 'das dpal he ru ka la phyag 'tshal lo/ /bde mchog
 dpal ldan bla ma yi/ /zhabs kyi pad+mar phyag 'tshal te/ /luA yi pa yi sgrub thabs kyi/ /de yi dka' 'grel bdag gis bya/ /dang po kho nar rnal 'byor pas dur khrod dam ril sogs pa mtho ba'i gnas su ro la nye bar gnas la/ /gcer bu skra
 grol te bdud rtsi lnga'i ril bu khar bcug la kha lho phyogs su bltas te/ sh+rI he ru ka zhes bya ba'i yi ge bzhi'i don mngon du bya ste/ sh+rI ni gnyis med ye shes te/ /he ni rgyu sogs stong pa'o/ /ru ni tshogs dang bral ba ste/ /ka ni gang duAng mi gnas pa'o zhes pa'o/ /
 sems can thams cad la phan pa dang bde pa'i rgyur sh+rI he ru ka a haM zhes lan gsum brjod la/ bde mchog 'khor lo phyag gnyis pa yum dang bcas pa 'am gcig bu gang yang rung bar mos pa byas nas/ de'i rjes la oM gyi yi ge'i dang po can dang hUM hUM
 phaT/ kyi yi ge'i mdza' can gyis A li dA kA li'i phreng ba 'od zer lnga dang ldan pa lan gsum du brjod pas yongs su bskor nas gnas pa las 'khor lo gsum gyi lha tshogs spros te/ bgegs kyi tshogs rnams 'joms/ par byad pas bskrad par bsgoms la/
 de nas ci zhig bya ba de gsungs pa/ re zhig rnal 'byor gyi dbang phyug gis tshangs pa'i gnas bzhi bsgom par bya'o/ /de ltar thams cad byas nas tshangs pa'i gnas bzhi bsgom pa de gang las rnyed ce na/ bla ma'i gdams ngag las dang/ rnal 'byor gyi dbang phyug
 gi tshig las kyang ngo/ /dbang po rnon po'i sems can gyi dbang du byas nas mdor bsdus pa'i byams pa la sogs pa bsgoms pa ni/ ji ltar 'khor ba'i sdug bsngal las bton la de bzhin du ro gcig pa'i bde ba chen po la sems can thams cad bdag gis
 rab tu dgod par bya'o zhes pa'o/ /de la sdug bsngal las bsgral ba ni snying rje'o/ /bde ba chen po la rab tu 'god par byed pa byams pa'o/ /de bzhin nyid kyi rang bzhin gyis btang snyoms so/ /brtan pa'i bde ba nyid kyis dga' pa'o/ /byams pa la sogs pa rgyas pa
 bsgom pa ni rab tu grags pa nyid do/ /bsgom par bya'o zhes bya ba 'dis ni thams cad bsgom par gsungs pa'o/ /de'i dgos pa brjod par bya ste/ stong pa nyid du mos pas ni rnam par rtog pa'i dri ma thams cad 'joms pa'o/ /bde mchog zhal gcig phyag gnyis
 pa'i nga rgyal gyis ni lus kyi bya ba thams cad dag pa dang 'gro ba thams cad thog ma med pa nas yang dag par grub cing rang bzhin gyis yongs su dag pa'i he ru ka'i rang bzhin du yang bstan to/ /A li kA? li bsgoms pas dgag bya ba
 thams cad rnam par dag par byed do/ /byang chub tu sems bskyed pas ni dge ba'i rtsa ba thams cad 'phel bar byed pa'o/ /de nas phung po la sogs pa rnam par dag pa las byung ba'i mchod pa la sogs pa ni byang chub myur ba'i rgyur 'gyur ba'i phyir gsungs pa/
 de nas phung po lnga'i nga rgyal bskyed par byas te/ de la gzugs nas rnam par shes pa'i mthar thug pa rnams la dbu ba dang/ chu bur dang/ smig rgyu dang/ chu shing dang/ /sgyu ma lta bu nyid kyis rnam par snang mdzad la sogs pa nyid du nges pa'o/ /de
 bzhin gshegs pa thams cad kyi rang bzhin ni de bzhin nyid ces bya ba'i don to/ /yang na dbu ba lta bu la sogs pa las gzhan rnam par snang mdzad la sogs pa'i lhar mos pa nyid kyis de rnams rnam par dag pa'o/ /de la gzugs dang/ tshor ba dang/ /'du
 shes dang 'du byed dang rnam par shes pa rnams la rnam par snang mdzad dang rin chen 'byung ldan dang/ snang ba mdza' yas dang don yod grub pa dang/ rdo rje sems dpa' / /gzugs la sogs pa'i de bzhin nyid ni mi bskyod pa ste/ /dkar po dang ser po dang
 dmar po dang ljang gu dang dkar po dang nag por de rnams kyis kha dog rig par bya'o/ /rnam par snang mdzad ni phyag g.yas kyis 'khor lo gdengs pa/ phyag g.yon pa dril bu dang ldan pa'i bsnyems pa dang bcas pas bkur bsten pa'o/ /rin chen 'byung ldan
 dang? 'od dpag med pa dang/ don yod grub pa ni rin po che dang pad+ma dmar po dang/ sna tshogs rdo rje dang ldan pa'i phyag g.yas gdengs pa/ rol pa dang bcas pa'i dril bu dang ldan pa'i phyag g.yon pa thugs kar son pa'o/ /rdo rje sems dpa' i g.yas pa'i
 phyag gis rol pa dang bcas pas thugs kar rdo rje 'dzin pa/ dril bu dang bcos pa'i phyag g.yon pa bsnyems pa dang bcas pas dkur brten pa'o/ /rdo rje he ru ka'i phyag g.yas pa rdo rje dang bcas pas sa gnon pa'i phyag rgya'o/ /phyag g.yon pa dril bu dang bcas
 pas dkur brten pa'o/ /mig gnyis la zhes bya ba la sogs pa la rgyud gzhan las grags pa'i sa'i snying po dang phyag na rdo rje dang/ nam mkha' i snying po dang 'jig rten dbang phyug dang/ sgrib pa thams cad rnam par sel ba dang/ kun tu bzang po rnams
 'dir gti mug rdo rje la sogs par go rim bzhin rtogs par bya ste/ kha dog ni dkar po dang nag po dang/ ser po dang/ dmar po dang/ ljang gu dang/ dkar po rnams so/ /gti mug rdo rje g.yas pas 'khor lo gdengs pa/ phyag g.yon pas dril bu thugs kar
 bsnams pa'o/ /zhe sdang rdo rje ni phyag g.yas pa rdo rje dang bcas pas thugs kar son pa'o/ /phyag g.yon pa dril bu dang ldan pas bsnyems pa dang bcas pas bkur brten pa'o/ /phra ma dang 'dod chags dang phrag dog rdo rje rnams g.yas ba na rin po che dang
 pad+ma dmar po dang sna tshogs rdo rje dang bcas pa gdengs pa/ dril bu dang ldan pa'i phyag g.yon pa rol pa dang bcas pas thugs kar son pa'o/ /dbang phyug rdo rje ni phyag g.yas pa rdo rje dang bcas pa thugs kar son pa'o/ /phyag g.yon dril bu dang bcas
 pas dkur bsten pa'o/ /ltung byed ma rang gsor byed ma dang/ 'gugs byed ma dang/ pad+ma gar gyi dbang phyug ma rnams ni zhal gcig /phyag bzhi ma ste/ ser po dang/ nag po dang/ dmar po dang/ ljang gu'i mdog can gyi spyan ma dang/ mA ma
 kI dang gos dkar mo dang sgrol ma'i rang bzhin te/ phyag g.yas pa gnyis kyis 'khor lo dang gri gug dang rdo rje dang gri gug dang pad+ma dang gri gug dang/ ral gri dang/ gri gug rnams 'dzin pa'o/ /g.yon pa'i phyag gnyis thod pa dang kha TwAM ga 'dzin pa'o/ /
 pad+ma'i dra ba can ni du ba'i mdog dang dkar ba dang dmar pa'i zhal gsum pa phyag drug pa chos kyi dbyings kyi rdo rje ma'i rang bzhin du ba'i mdog can/ g.yon pa'i phyag gsum gyis thod pa dang/ kha? twaM? ga dang zhags pa 'dzin pa/
 g.yas pa'i phyag gsum na lcags kyu dang tshangs pa'i mgo bo dang gri gug gis mdzes pa'o/ /rnam par snang mdzad me long lta bu'i ye shes kyi rang bzhin/ /rdo rje nyi ma ni mnyam pa nyid kyi ye shes kyi rang bzhin no/ /pad+ma gar gyi dbang phyug ni so sor
 rtog pa'i ye shes kyi rang bzhin no/ /rdo rje rgyal po ni bya ba grub pa'i ye shes kyi rang bzhin no/ /sgrub thabs 'dir ni shin tu rnam pa dag pa'i chos kyi dbyings kyi ye shes kyi rang bzhin ni rdo rje sems dpa' / /chos kyi dbyings kyi rang bzhin ni mi bskyod
 pa'o/ /gti mug rnam par 'joms pas ni gti mug rdo rje'o/ /zhe sdang 'joms pas na zhe sdang rdo rje'o/ /phrag dog rnam par 'joms pas na phrag dog rdo rje'o/ /chags pa thams cad 'joms pas na 'dod chags rdo rje'o/ /phra ma thams
 cad 'joms pas na phra ma rdo rje'o/ /thams cad la dbang phyug ster bas na dbang phyug rdo rje'o/ /ming dang rjes su mthun pa'i las rnams sgrub pas na ltung byed ma la sogs pa'o/ /rnam par snang mdzad la sogs pa ni zhabs g.yas brkyang ba ral pa'i
 cod pan can spyan gsum pa phyag rgya lngas brgyan pa'o/ /lha mo rnams ni skra grol ba gcer bu spyan gsum pa phyag rgya lngas brgyan pa zhabs g.yas brkyang ba'o/ /de nas zhes bya pa ni phung po la sogs pa rnam par dag pa'i rjes thogs su'o/ /rdo
 rje'i gur bsams par bya ste/ /shar la sogs pa'i phyogs su nges par dgod par bya'o/ /steng du ni mda'i dra ba'o/ /sa gzhi ni yi ge hUM las sna tshogs rdo rje'i rang bzhin du byin gyis brlab par bya'o/ /de'i 'od kyis snang ba las rdo rje'i ra ba dang/
 rdo rje'i bla re'o/ /zhes bya ba'i tshig bdun po 'di rnams ni man ngag ji lta ba bzhin du bri'o/ /g.yon pa'i mdzub mo dang mthe bong ? pa ? du 'gro pas oM suM b+ha ni sum b+ha zhes bya ba'i sngags brjod cing nag po dang ljang gu dang dmar po dang/ ser po'i kha dog tshangs
 pa'i 'jig rten nas gser gyis gzhi la thug par khyab cing 'bar ba'i lus chen po shar dang byang dang nub dang lho'i phyogs rnams su rims kyis dgod par bya'o/ /sum b+ha la sogs pa'i sngags kyi 'od zer gyi kha dog las de dang mthun pa'i ra ba bzhi'o/ /de
 dang dus mnyam pa nyid du hUM gi yi ge las skyes shing de nyid kyi byin gyis brlabs pa'i sna tshogs rdo rje'i rang bzhin gyi sa gzhi'o/ /de'i 'od zer gyi steng du rdo rje rtse lnga pa'i rnam pa'i mnga' dri ba'o/ /de'i 'og tu rdo rje'i gur dang rdo rje'i bla bre ni gnas ji lta ba
 bzhin du bsam pa'o/ / de nas sum b+ha la sogs pa'i sngags bzhi las grub pa'i khwa gdong ma la sogs pa'i lha mo bzhi dang/ de nyid kyi tshe gnyis gnyis kyi 'od zer las byung ba'i gshin rje brtan ma la sogs pa'i lha mo bzhi ste/ 'di brgyad ni zhal
 gcig pa phyag gnyis pa lte ba man chad rtse gcig pa'i rnam pa'o/ /g.yas pa na rdo rje tho ba 'dzin pa/ g.yon pa bdag nyid kyi phur bu'i phyag can spros te/ phyogs bcu na gnas pa'i bgegs kyi tshogs bkug nas sgra ring por brjod pa'i hUM gi yi ge las grub
 pa'i phyogs brgyad kyi ra ba dang nye ba'i dor rnams su bcug la phur bus gdab pa'i sngags sngon du 'gro bas bgegs kyi tshogs phur bus gdab pa dang brdung ba'i sngags sngon du 'gro bas brdung bar bya'o/ /phur bus 'dabs pa dang brdungs pa dag gis
 bgegs gyis tshogs rnams bde ba chen po'i de bzhin nyid du rang bzhin gcig par rnam par bsam par bya'o/ /yang bgegs lhag ma rnams bskrad nas de dag ra ba la thim pa na chu la chu thim pa las thigs pa byung ba'i tshul gyis mtshams bcing ba'i 
 don du zlum po'i rdo rje dang pad+ma dang 'khor lo'i ra ba rnams bsam par bya'o/ /rdo rje'i ra ba la sogs pa de nyid mtshams med cing dum bu gcig tu gyur pas rnam pa thams cad du 'gro ba la bgegs med par mos par
 bya'o/ /'dir ci'i phyir srung ba'i rdo rje'i dra ba la sogs pa'i rjes thogs su stong pa nyid bsgom zhes rtsod par mi bya ste/ gang gi phyir rgyud 'di ni dbang po rnon po'i dbang du byas pa yin la/ de la stong pa nyid kho na don dam pa'i bsrung ba yin no/ /'o
 na ji ltar phyi rol gyi bris pa'i dkyil 'khor du rdo rje'i ra ba yin no zhe na/ ma yin te/ gang gi tshe bcom ldan 'das rdzogs pa de nyid kyi tshe dam tshig gi 'khor lo yongs su gcod pa'i sna tshogs rdo rje'i ra ba rdzogs pa'i phyir ro/ /de nas zhes bya ba
 ni srung ba'i rjes la'o/ /rang gi snying gar zhes bya ba ni rdo rje dra ba'i dbus na gnas pa'i bdag nyid kyi snying gar ro/ /yi ge a las zhes bya ba ni klang kor dang bcas pa las so/ /de'i steng du zhes bya ba'i zla ba'i steng du'o/ /yi ge hUM las zhes bya
 ba ni rdo rje sems dpa' i rang bzhin las so/ /rdo rje sems dpa' yang zla pa'i dkyil 'khor can nyid du rigs ba nyid do/ /sna tshogs pa'i 'od zer 'phro ba zhes pa ni 'od zer 'phro ba lnga dang ldan pa'o/ /yi ge hUM gi gnyug ma'i kha dog ni dngul
 chu dang mtshungs pa ste dbus sngo ba dang phyi rol dkar ba nyid kyis so/ /yang dag par mchod de zhes bya ba la pi wang ma la sogs pa'i lha mo bcu drug gis te/ de la pi wang ma dang gling bu dang/ rda zlum ma dang/ rdza rnga ma rnams zhal gcig
 phyag bzhi ma sngon mo dang ser mo dang/ dmar mo dang ljang gu ste/ phyag gtso bo gnyis kyis rang rang gis brdung ba dag brdung bar brtson pa/ phyag gzhan gnyis kyis rdo rje dang dril bu 'dzin pa'o/ /gzhad ma dang sgeg mo dang/ glu ma
 dang? gar ma ni zhal gcig phyag bzhi ma/ dmar po dang/ sngon mo dang/ ser mo dang/ ljang gu ste/ bzhad ma ni phyag gnyis bzhad pa'i stangs byed pa'o/ /sgeg mo ni phyag gtso bo gnyis kyis bsnyems pas rdo rje dang dril bu 'dzin zhing sgog?
 pa'i stangs can no/ /glu mi na phyag gnyis kyis 'khor ba'i sil khrol 'dzin pa'o/ /gar ma ni phyag gnyis kyis pad+ma bskor ba'i tshul can no/ /'di rnams kyis phyag gzhan gnyis na thod pa dang kha TwAM ga'o/ /me tog ma dang gdug pa ma dang/
 mar me ma dang/ dri chab ma ni kha dog dkar mo dang du ba'i mdog dang mar me'i rtse lta bu dang dmar mo ste phyag bzhi pa zhal gcig pa'o/ /'di rnams kyi phyag gi gtso bo gcig na me tog gi snod dang spos khang dang mar me'i skor bu dang dri'i dung phor?
 ro/ /phyag gzhan gsum na Da? ma ru dang? thod pa dang kha TwAM ga'o/ /me long ma dang/ ro ma dang/ reg ma dang/ chos ma rnams ni dkar po dang/ dmar mo dang/ ljang gu dang dkar mo ste/ phyag bzhi ma zhal gcig ma phyag gtso bo gcig gi me long
 dang/ ro'i snod dang/ gos sna tshogs dang/ chos kyi 'byung gnas 'dzin pa'o/ /phyag ltag ma gsum na Da ma ru dang thod pa dang/ kha TwAM ga bsnams pa'o/ /de nas rkang pa brgyad pa'i sngags kyi bstong nas sems can thams cad gdon pa'i phyir/ bdag
 nyid de dag la phul la sdig pa bshags pa la sogs pa'i don du dkon mchog gsum la bdag skyabs mchi zhes bya ba la sogs pa'i tshigs su bcad pa lan gsum gyi bar du brjod par bya'o zhes bya ba ni bsod nams kyi tshogs su bstan to/ /de nas
 zhes bya ba la sogs pas ye shes kyi tshogs gsungs te/ mchod par byed pa dang mchod par bya ba dang mchod pa la sogs pa rnams rnam par rig pa tsam du mkhas len pa ni oM swa b+ha ba shud+d+ha(rgyud 'grel dag pa'o/ /swa b+ha ba shud+d+honyahaM zhes bya ba ni 'dzin pa rnam par dag pa'o/ /slar yang stong par bsam par bya zhes bya ba ni de'i rnam par rtog pa yang spang ba'o/ /sems tsam nyid ni sems tsam/ nyid kyang ngo//
 gnas ba zhes bya ba ni nA da'i gzugs su gnas pa'o/ /byang chub kyi tshogs bsgom pa yis zhes bya ba ni byang chub kyi tshogs ni snying rje chen po ste/ de bsgom pa dang lhan cig tu blta bar bya'o/ /sngags brjod pa sngon du 'gro bas snang ba tsam gyi ye
 shes kyi mtshan nyid kyis stong par bsgom par bya zhes pa'i don to/ /snang ba tsam gyi ye shes zhes bya ba ni oM swa b+ha ba zhes bya ba 'di'i de ma thag tu'o/ /de'i don ni 'di yin te/ mchod pa la sogs pa'i rjes la mchod pa la sogs rten
 cing 'brel bar 'byung ba sems tsam du mos pa byas la bdag nyid kyi spyi po dang mgrin pa dang snying ga rnams su he ru ka zhes bya ba'i yi ge gsum bsgom zhing/ he ni chos rnams rgyu dang bral ba dang de bzhin du rtog ba dang bral ba dang/ gang du
 yang mi gnas pa zhes brtags nas de lta bur chos thams cad kyi rang bzhin ma shes pas sems can rnams bdag dang bdag gi ba la sogs par gzung bas 'khor bar gyur te/ de bas na bdag nyid he ru kar gyur nas ji ltar de lta bu'i rang bzhin du
 chos thams cad shes rab 'gyur ba de ltar bdag gis bya'o/ /zhes chos la dmigs pa'i snying rje bskyed la/ oM swa b+ha ba la sogs pa'i sngags brjod cing khams gsum pa thams cad stong pa nyid du blta bar bya'o/ /smon lam gyi dbang gis sems de gong
 du gnas pa dkar po dang dmar po dang sngon po'i yi ge oM A:hUM gi rang bzhin du rnam par bsam par bya'o/ /de nas yi ge oM las sku'i 'khor lo'i lta rnams yang dag par s+thos? te/ 'gro ba'i don byas nas snyoms par 'jug pa sngon du byas te zhu
 bar byas nas de nyid la zhugs par byas la/ /de nas yi ge a(rgyud 'grel zla ba phyed par la'o/ /zla ba phyed ba ni thig le la'o/ /thig le ni nA nga la bsdus nas skra'i rtse me brgya stong du bshags pa'i tshad tsam du gzhag nas sems can rnams chos nyid ma shes pas 'khor bar 'khor te/ de bas na bdag gis chos nyid shes par byas nas
 de rnams kyi rtogs par bya'o/ /zhes bya'i snying rje chen po dmigs pa med pa'i snying rje'i sa bon du gyur pa bsgoms la/ oM shU n+ya tA dz+nyA na badzra zhes bya ba la sogs pa'i sngags brjod pas nA da tsam gyi rtog pa yongs su spang bar bya'o/ /de nas zhes bya ba ni stong pa nyid kyi
 rjes la'o/ /langs nas zhes bya ba ni nA da'i rang bzhin gyi rang gi sems nam mkhar bzhag nas rten dang brten pa'i rang bzhin gyi 'khor lo bai raM b+ha la sogs pa'i gnas pa ni/ rlung gi dkyil 'khor sogs pa steng du gnas pa bsam pa ste 'di ni mdor bstan
 pa'o/ /'di'i rgyas par bshad pa ni yi ge yaM zhes bya ba la sogs pa ste go sla'o/ /de'i steng du yi ge hUM las byung ba'i sna tshogs rdo rje zhes bya ba la de'i don ni 'di yin te/ ri rab kyi steng du yi ge paM las byung ba'i sna tshogs pad+ma'i ze 'bru'i steng du zhes bya ba'i don
 to/ /sna tshogs pad+ma 'dab ma brgyad pa lte ba dang ge sar du bcas pa zhes bya ba la pad+ma 'di'i kha dog ni phyogs kyi rim par brjod par bya ste/ shar sogs phyogs gnas 'dab ma nyi 'od 'dra/ rlung dang mer gnas 'dab ma ser po yin/ /lus ngan dang ni dpang ldan
 phyogs dag tu/ /dUr? ltar ljang dang sprin nag sna tshogs mdog ces pa'i don ni 'di yin te/ shar la sogs pa'i phyogs su son pa ni dmar po'o/ /me dang rlung du ni ser po'o?/ /srin por ljang gu'o/ /dbang ldan du nag po'o/ /A li kA li'i sbyor pa'o zhes bya ba la g.yon
 skor? dang g.yas skor du rab tu gnas pa'i A li kA li'i phreng? pa yongs su gyur pa las des byin gyis brlabs pa'i gzugs brnyan can gyi rnam pa'i zla ba'i dkyil 'khor bsam par bya ba ni 'di'i rnal 'byor ro/ /de'i dbus su zhes bya
 ba ni zla ba'i dbus su'o/ /yi ge? hUM zhes bya ba ni sngar bzhag pa'i nA da las rim pa rdzogs pa'o/ /rdo rje sems dpa' i rang bzhin can zhes bya ba ni rgyu'i rdo rje 'chang gi rang bzhin no/ /'od zer sna tshogs rnam par 'phro ba zhes bya ba ni spro ba na kha dog lnga'i 'od zer gyi
 sgo nas gyur ba'i 'khor lo lnga'i lha rnams kyis 'gro ba de'i rang bzhin du byas nas yang bsdus pas phyogs bcur gnas ba'i grub pa'i dpa' po dang/ rnal 'byor ma la sogs pa thabs dang shes rab dang ro mnyam pa sngon du 'gro ba'i sbyor bas zhu par byas
 nas nA nga la zhugs par bsam par bya/ bsams la zhes pa ni mchog tu grub pa'i rang bzhin gyi sa bon de mngon byas te bsgom par bya'o/ /de nyid kyis na rgyu'i rdo rje 'dzin pa'i rang bzhin no/ /bcom ldan 'das ni lhan cig skyes pa'i dga' ba'i rang
 bzhin nyid kyi phyir 'bras bu'i rang bzhin nyid do zhes bya ba ni rjes su rnal 'byor ro/ /de yongs su gyur pa las zhes bya ba ni zla ba dang sa bon yongs su gyur pa las so/ /dpal he ru ka zhes bya ba ni dkyil 'khor dang bcas pa'i bcom ldan 'das lhan cig skyes pa'i
 rang bzhin du rdzogs pa ste/ oM A:hUM oM sarbba bI ra yo gi ni kA ya bAk+tsit+ta? badzra swa b+hA ba at+ma ko haM/ oM badzra shud d+hA(rgyud 'grel rang bzhin nyid kyi phyir la khro bo rnams ni nyi ma'i gdan can yin pa'i phyir ro/ /dkyil 'khor gyi 'khor lo dang bcas pa zhes bya ba ni sangs rgyas kyi chos thams cad yongs su rdzogs pa'o/ /dur khrod brgyad kyis brgyan pa zhes bya ba ni 'jig rten gyi
 khams thams cad sdud? par byed pa'i rnam par shes pa brgyad bdag med ba'i rang bzhin gyis so/ /rnam par shes pa brgyad brjod de mig gi rnam par shes pa la sogs pa lnga dang/ kun gzhi rnam par shes pa dang/ yid kyi rnam par shes pa dang/ nyon
 mongs pa can gyi yid kyi rnam par shes pa'o/ /zhal? bzhi pa zhes bya ba ni stong pa nyid dang/ mtshan ma med pa dang/ smon pa med pa dang/ mngon par 'dus ma byas pa nyid de/ rnam par thar pa bzhis rnam par dag pa'o/ /spyan gsum pa zhes bya ba ni
 dus gsum gyi rnam pa thams cad gzigs pa'i phyir ro/ /phyag bcu gnyis pa zhes bya ba ni rten cing 'brel bar 'byung ba'i yan lag bcu gnyis 'gags pa'i phyir ro/ /dpral par rdo rje'i phreng pa 'dzin pa ni ye shes lnga'i rang bzhin yin pa'i
 phyir ro/ /g.yas brkyang bas bzhugs pa zhes bya ba ni 'gro pa thams cad stong pa nyid kyis mnan pa'i phyir ro/ /de yang zhabs g.yon bskum pa g.yas mtho lngar brkyang ba'o/ /'jigs byed chen po dang dus mtshan dag mnan pa zhes bya ba ni mi gnas
 pa'i mya ngan las 'das pa'i rang bzhin nyid kyi phyir rtag dang chad pa'i rnam par rtog pa mnan pa'i phyir te/ rtag pa'i rnam par rtog pa ni 'jigs byed do/ /chang pa'i rnam par rtogs pa ni tsa rtsi ka'o/ /rdo rje phag mo la 'khyud pa zhes bya ba ni stong pa nyid dang
 snying rje'i bdag nyid ro mnyam pa'i phyir ro/ /phyag gnyis na rdo rje dang dril bu zhes bya ba ni g.yas kyi phyag na ye shes lnga'i rang bzhin du ro gcig par gyur pa'i rdo rje'o/ /g.yon pa na shes rab kyi pha rol tu phyin pa'i rang bzhin gyi dril bu'o/ /glang po che'i pags
 pa'i na bza' zhes bya ba ni glang po che dkar po'i pags pa gos su 'dzin pa ste 'gro pa'i gti mug 'joms pa'o/ /mchog tu dga' ba'i sgras de bzhin gshegs pa thams cad skul par mdzad bas Da ma ru'o/ /lus dang ngag dang yid kyi skyon gcod
 pas dgra sta'o/ /dngos po dang dngos po med pa'i rnam par rtog pa gcod par byed pa'i shes rab ni gri gug go /srid pa gsum du son pa'i nyon mongs pa 'bigs pas mdur rtse gsum pa'o/ /byang chub kyi sems kyi rang bzhin
 kyi kha TwAM ga'o/ /bde ba chen po dang snying rje chen po'i ro'i rang bzhin gyis na khrag gis yongs su gang ba'i thod pa'o/ /yang dag pa'i ye shes bcings pa'i phyir rdo rje'i zhags pa'o/ /dngos po dang dngos po med pa'i rnam par rtog pa 'jig par byed pa'i
 thar pa'i rang bzhin gyis tshangs pa'i mgo bo'o/ /dge ba'i rtsa ba thar bskyed pas na ral pa'i cod pan gyis brgyan pa'o/ /chos kyi dbyings la yang dag par bzhengs pa nyid kyis thod pa'i phreng ba'i thod can no/ /byang chub kyi sems rgyas pa'i rang
 bzhin gyis na zla ba phyed pa 'dzin pa'o/ /'gro ba thams cad kyi don byed pa nyid kyis na sna tshogs rdo rjes mtshan pa'i dbu rgyan can no/ /log par lta ba spangs pas na zhas rnam par 'gyur ba'o/ /bdud bzhi rnam par 'joms pas mchi? pa gtsigs
 shing 'jigs par byed pa'o/ /de bzhin gshegs pa lnga dang lha mo bzhi'i rang bzhin gyi zhi gnas dang lhag mthong goms pa'i bde ba dang ldan pa'i phyir sgeg pa la sogs pa'i nyams dang ldan pa'o/ /'dod chags la sogs pa rnam par sbyong ba
 byed pas stag gi pags pa'i shams thabs bsnabs pa'o/ /A li dang kA li'i yi ge lnga bcu'i rang bzhin gyis mi'i mgo po'i thod pa rlon pa'i phreng ba'o/ /thal bas lus kyi yan lag thams cad la khyab par byugs pa ni lus kyis yan
 lag thams cad la byang chub kyi sems kyis khyab par ston to/ /de'i spyan sngar zhes pa ni mdun du bcom ldan 'das la 'khyung nas bzhugs pa'i don to/ /dum bus brgyan pa'i ska rags zhes bya ba ni thod pa'i dum bus rked pa brgyan pa'o//
 bskal pa'i me lta bu zhes pa ni stong pa'i rang bzhin gyis 'gro ba thams cad dmigs pa med par mnyam pa'o/ /gzi brjid chen po zhes bya ba ni shin tu rnam par dag pa'i ye shes kyis snang ba dang ldan pas so/ /nyi ma'i 'od kyi dkyil 'khor can ni zla mtshan
 gyi spyod bas 'dzag pa'o/ /phyag rgya snga yis brgyan pa yang rtog par bya'o/ /byin pas 'khyud pa ni shing la 'jog pa'i 'khyud thabs kyis gnas pa'o/ /bde ba chen po dang thugs rje chen po'i bdag nyid ces pa ni lhag mthong gi rang bzhin gyi bde ba chen po
 la thim kyang 'gro ba'i don mthod? pa'o/ /cung zhig bzhad dang yongs 'khyud pa/ gcer bu nyid dang skra? grol dang/ spu lngar lnga po bde bskyed pa'i/ /phyi rol tu ni rtag yin no/ /dngos su rtags gsum brjod pa yis/ /rtags gnyis de las
 shugs gyis shes/ /'khor lo lnga la gnas pa yi/ /lha mo rtags lnga rnam par gnas zhes so/ /rdo rje la sogs pa sbyang ba brjod par bya ste/ /yi ge hUM dkar po las rdo rje nag po dang/ yi ge bye dmar po las nor bud? cung? zad dmar ba'o/ /yi
 ge byA ser po rtse mor byin gyis brlabs pa'o/ /yi ge A las pad+ma dmar po 'dab gsum pa dang/ yi ge byA las dpa' bo'i byang chub gyi sems nye bar mtshon pa can gyi ze 'bru dkar po yi ge dyE ser pos rtse mor byin gyis brlabs pa'o/ /de nas
 oM badzra bai ro tsa nI ye zhes bya ba la sogs pa dang/ oM sarbba bud d+ha DA ki nA zhes bya ba la lha mo'i snying po dang/ nye ba'i snying po gnyis kyi lte ba dang snying ga dang/ de bzhin du rang gi snying po dang nye ba'i snying po'i sngags gnyis kyis mgrin pa dang dpral
 bar bcom ldan 'das ma la bcom ldan 'das kyis tsum pa na bya'o/ /bcom ldan 'das mas kyang bcom ldan 'das kyi snying po dang nye ba'i snying po dag gi mgrin pa dang dpral bar bcom ldan 'das la tsum pa na bya'o/ /de nas yi ge gsum gyi dga' 
 ba brtsam par bya'o/ /phyi rol gyi mdzes ma'i sbyor ba yang cho ga 'di nyid kyis bya'o/ /ral pa'i cod pan dang ngar dpyangs ni ral pa'i cod pan dang dpa' bo'i dar thod can zhes bya ba'i tha tshig go /gdu? bu zhes bya ba ni lag pa'i gdu bu'o//
 yid 'phrog pa'i gzugs gnyis pa zhes bya ba ni mtshams na gnas pa ste/ mi'i gdong pa can dang kha dog gnyis dang ldan pa yin gyi kha la sogs pa'i gdong pa can ni ma yin no/ /yi dags kyi gdan la gnas shing 'jigs pa chen po zhes bya ba ni
 brgyad car la yang rig par bya'o/ /dur khrod du gnas pa can nyid kyi phyir 'di rnams kyi gdan ro nyid do/ /dpa' bo dang rnal 'byor ma rnams kyi zhes bya ba ni phag mo la sogs pa rnams kyi'o/ /lha'i rnam pa la mngon par zhen pa spang ba'i phyir dang thams cad
 shes pa thob pa bstan pa'i phyir byang chub kyi phyogs kyi chos dang sbyar bar bya ste/ de la lus dran ba nye bar gzhag pa ni gzugs kyi phung po yongs su shes pa la rab tu rtsom pa'o/ /tshor ba dran pa nye bar gzhag pa ni chor ba'i phung po yongs su shes pa la rab tu
 rtsom pa'o/ /chos dran pa nye bar gzhag pa ni 'du shes dang 'du byed dag sgyu ma lta bu nyid du nges par 'dzin pa'o/ /rnam par shes pa'i phung po rang gi ngo bo gsal bar so sor rig pa ni sems dran pa nye bar gzhag pa'o/ /dam pa'i chos nyan pa la sogs
 pa la shin tu gus pa ni 'dun pa'i rdzu 'phrul gyi rkang pa'o/ /brtson 'grus mi ldog par goms par byed pa ni brtson 'grus kyi rdzu 'phrul gyi rkang pa'o/ /dpyod pa'i rdzu 'phrul gyi rkang pa ni shin tu rnam par dpyod pa'o/ /sems kyi rdzu 'phrul gyi rkang pa ni
 byang chub mngon du byed pa'i bya ba la khyad par du 'phags ni sems canbu la mngon par yid ches pa'i dad pa'i dbang po ni 'di'o zhes / /bden pa dang dkon mchog dang las dang 'bras bu la mngon par yid ches pa'i dad pa'i dbang po ni 'di'o zhes nges par 'dzin pa'o/ /brtson 'grus kyi dbang po ni des par byed pas
 yid ches pa'o/ /dran pa'i dbang po ni mi brjed pa nyid du dran pa nyid kyis ma? rig pa'i skabs? mi 'byed pa'o/ /ting nge 'dzin gyi dbang po ni sems rtse gcig pa la dbang yong pa'o/ /shes rab kyi dbang po ni spang? bar bya ba dang blang bar bya ba nyid du des pa'o/ /dbang
 po lna po de nyid phul du byung ba'i gnas skabs su spang byas mi thub pa'i phyir na stobs zhes ming 'thob par 'gyur ba ni/ dad pa'i stobs dang/ brtson 'grus kyi stobs dang/ dran pa'i stobs dang/ ting nge 'dzin gyi stobs dang/ shes rab kyi stobs zhes
 mngon par brjod do/ /ting nge 'dzin yang dag byang chub kyi yan lag ni ting nge 'dzin nyid byang chub kyi rgyu'o/ /brtson 'grus yang dag byang chub kyi yan lag ni le lo'i skabs mi 'byed pa'o/ /dga' ba yang dag byang chub kyi yan lag ni dge ba kun tu 'dzin
 pa'o/ /shin tu sbyangs pa yang dag byang chub kyi yan lag ni dge ba'i las sems las su? rung ba'o/ /chos rnam par 'byed pa yang dag byang chub kyi yan la ni bdag med pa'i rang bzhin 'di lta bu zhes 'dzin pa'o/ /dran pa yang dag byang chub kyi yan
 lag ni mngon par dran pa'i ngang tshul can nyid do/ /btang snyoms yang dag byang chub kyi yan lag ni ting nge 'dzin la lhun gyis grub pa'o/ /yang dag pa'i lta ba ni sangs rgyas kyi gsung la mchog tu gus pa dang byin ci ma log par don rtogs
 pa'o/ /yang dag pa'i rtog pa ni dam pa'i bya ba brtsam pa mi spong ba'o/ /yang dag pa'i ngag ni sems can mi bslu pa'i tshig ge /yang dag pa'i las kyi mdza' ni dge bcu las 'da' bar mi byed pa'o/ /yang dag pa'i 'tsho ba ni sems can
 rnams la 'tshe ba med pa'i tshul gyis 'tsho ba'o/ /yang dag pa'i rtsol ba ni dge pa'i don la sbyor ba'o/ /yang dag pa'i dran pa ni sangs rgyas kyi gsung rjes su dran pa'o/ /yang dag pa'i ting nge 'dzin ni dpal he ru kar? gzugs su gnas pa'o/
 de nas zhes bya ba la sogs pa ni go sla'o/ /gnas zhes bya ba la sogs pa ni rim pa ji lta ? sa bcu rnam par dag pa'i gnas la sogs pa dang sbyor pa'i phyir ro zhes bya ba'i don to/ /de la gnas dang nye ba'i gnas la
 sogs pa ni rim gyis rab tu dga' ba dang dri ma med pa dang/ 'od byed pa dang/ 'od 'phro ba dang shin tu sbyad dka' ba dang mngon du gyur pa dang ring du song ba dang mi g.yo ba dang legs pa'i blo gros dang chos kyi sprin rnams so/ /pu dza zhes bya ba la
 sogs pa la 'dir man ngag ni puM dzaM zhes bya ba la sogs pa thams cad klang kor dang bcas par brtags la/ puM la sogs pa ye shes yongs su gyur pa las rtsibs kyi stong pa'i 'khor lo'i rnam pa can gyis gnas la sogs pa'i gnas
 rnams spyi bo la sogs par skad cig gis blta bar byas la/ gnas la sogs pa de rnams su de'i gnas na yod pa'i rtsa rnams de'i lha'i gzugs su gyur nas rnam par gnas par blta bar bya'o/ /rna ba zhes bya ba ni rna ba'i bug pa'i nang
 du'o/ /de bzhin du kha dang lte ba dang mtshan ma dang bshang ba'i lam dang mdzod spu dang mig dang sna rnams su yang rig par bya'o/ /mkha' spyod ces bya ba ni mtho ris su son pa rnams bsdus pa'o/ /sa la spyod pa ni mi yul du gnas pa rnams so/ /
 sa 'og ni sa 'og na gnas pa rnams so/ /ji ltar phyi rol gyi gnas la sogs pa ni chu rlung gis chus gso bar byed pa de bzhin du lus la yang rtsa rnams kyis sen mo la sogs pa rgyas par byed de des na mtshungs pa nyid do/ /phyi rol tu ni rdo rje'i gnas
 byang chub chen po'i ming can gyi gnas yin zhing/ ni rany+dza na ni chu klung yin pa bzhin du lus la ni bde ba chen po'i 'khor lo rdo rje'i gnas so/ /a ba d+hu tI ni nai rany+dza na'o/ /kha dang sna bug g.yon? pa dang bshad pa'i lam dang sna bug g.yas pa'i sgo rnamS
 su rim ba bzhin du khwa gdong ma la sogs pa'i sgo skyong ma rnams so/ /rna ba g.yas pa dang g.yon pa dang mig g.yas pa dang g.yon pa rnams su gshin rje brtan ma la sogs pa rnams so/ /snying ga dang mgrin pa dang lte ba dang/ dpral ba'i pad+ma'i
 gre 'bru rnams la mkha' 'gro ma la sogs pa bzhi'o/ /rje btsun dang rje btsun ma'i gnas rnams man ngag las shes par bya ste/ de ltar lus kyi dkyil 'khor yongs su rdzogs pa la yang dang yang du mos pa brtan par bya'o gsungs pa'i don 'di
 nyid kyi 'jug sbud par byed pa ni sku gsung thugs kyis dbye ba yis? zhes bya ba la sogs pa'o/ /mtho ris mi yul sa 'og tu/ /skad cig gis ni sku gcig 'gyur zhes bya ba ni mtho ris la sogs pa dang tha mi dad pa'i sku de'i rang bzhin gyis bcom
 ldan 'das su'o/ /'gyur ba ni bskyong ces bya ba'i don to/ /ji ltar zhi na gsungs pa sku gsung thugs kyi dbye ba yis zhes bya ba phyi rol dang nang dag 'khor lo gsum gyi rang bzhin du zhes pa'i don to/ /gang las zhe na gsungs pa/ yi ge gsum gyi rang
 bzhin las zhes bya ba'o?/ yi ge gsum las byung ba'i nA? da? yongs su gyur pa'i sgo nas rang gi ngo bor skyes pa'i hUM gang yin pa de la de skad ces brjod do/ /de la skad cig gcig gis lhan cig skyes pa'i dga' ba'i rang bzhin du skyes pa yin no zhes bya ba'i
 don to/ /skad cig gis zhes bya ba ni phyag mtshan la sogs pa la mi ltos par ro/ /skad cig gis ni rnal 'byor bdag ces pa ni bcom ldan 'das ma dang lhan cig tu lan cig la rdzogs pa'o/ /skad cig gis ni phyag rgya can zhes bya ba ni bdag
 dang dus mnyam pa nyid du shes rab dang bcas pa zhes bya ba'i don tu kun nas kun tu skad cig ste/ zhes pa ni gzhal yas khang dang dpa' bo dang rnal 'byor ma dang lhan cig la rdzogs pa'o/ /skad cig gis ni gsang sngags gdon zhes pa ni rdzogs pa dang
 dus mnyam pa nyid du sngags brjod pa'o/ /sngags gsum gsungs pa/ oM A:hUM zhes bya ba la sogs pa'o/ /de nas zhes bya pa la sogs ba ni mdor bstan pa'i tshigs su bcad pa'o/ /myur bar zhes bya ba ni mchod yon la
 sogs pa la mi bltos par ro/ /de nas zhes bya ba la sogs pa ni rgyas par bstan pa'o/ /oM ha zhes bya ba la sogs pa'i sngags dang lha tha? mi dang pa'i phyir te de'i kha dog can gyi sngags rnams bsgom par bya'o/ /rdo rje sems dpa' la
 sogs pa'i kha dog ni go rims bzhin du dkar po dang ser po dang dmar po dang sngon po dang ljang gu'o yan lag thams cad la go cha ste/ zhes pa ni pags pa'i nang du son pa'i rdul phra rab gyi rang bzhin de'i kha dog can no/ /de bzhin du bcom ldan 'das ma'i oM
 baM zhes bya ba la sogs pa'o/ /sngags ni dmar po dang sngon po dang dkar mo dang ser mo dang ljang gu dang du ba'i mdog can no/ /yang na de dang de'i sngags las rdzogs pa'i gnas de ru rdo rje sems dpa' la sogs pa bsgom par bya ste/ de la rdo rje sems dpa' 
 dang rnam par snang mdzad dang pad+ma gar gyi dbang phyug dang dpal he ru ka dang rdo rje nyi ma dang rta mchog rnams dkar po dang ser po dang dmar po dang sngon po dang ljang gu'i kha dog can te/ rdo rje sems dpa' ni zhal gsum phyag drug pa'o/ /de las gzhan pa ni
 phyag bzhi pa dang zhal gcig pa'o/ /g.yas ni rdo rje dang Da ma ru dang mgo bo g.yon na dril bu dang thod pa dang kha TAM ga bsnams pa/ gtso bo dang g.yas dang g.yon gyi zhal ni dkar po dang dmar po dang sngon po ni rdo rje can no/ /gzhan rnams kyi ni
 g.yas gnyis na 'khor lo dang pad+ma dang rdo rje dang rin po che dang ral gri dang Da ma ru'o/ /g.yon pa dag na ni dril bu dang thod pa dang kha TwAM ga'o/ /phag? mo dmar mo dang sngon mo dang ljang gu'i zhal can g.yon thod pa dang kha TwAM ga dang zhags pa bsnams pa'o//
 g.yas na lcags kyu dang tshangs? pa'i mgo bo dang gri gug 'dzin pa'o/ /gshin rje ma dang rmongs byed ma dang skyong byed ma dang sgrag? byed ma dang gtum mo ni sngod? mo dang dkar mo dang ser mo dang ljang gu dang du ba'i mdog can te skra grol ba gcer bu spyan
 gsum pa phyag bzhi pa ste/ thong pa dang bcas pa'i kha TwAM ga dang dril bu ni g.yon na'o/ /yang g.yas na Da ma ru dang gri gug 'dzin pa'o?/ /'di thams cad g.yas brgyad pa nyid kyis gnas pa spyan gsum pa phyag rgya lngas brgyan pa'o/ /gang yang 'dir dkar
 po ni zla pa'i dkyil 'khor can gyi 'od can no/ /gzhan ni nyi ma'i dkyil 'khor gyi 'on can no/ /mdzub mo mdud byas ni rtse mo mdud pa byas pa'o/ /'di skad bstan par 'gyur te/ /pi wang ma la sogs ba'i lha mo bcu drug gis mchod bzhin pa sngags dang
 phyag rgyas bskul ba snying ga'i sa bon gyi 'od zer gyis bkug pa'i ye shes kyi 'khor lo phyogs btsun gnas pa'i dpa' bo dang dpa' mo'i dbang phyug mar yongs su gyur pa'i rang bzhin skad cig gis bdag la bzhug par bya'o/ /de nas oM yo ga zhes bya ba la sogs
 pa'i sngags brjod cing pad+ma'i lag pa'i phyag rgyas bskor bas snying ga'i phyag rgya sbyin par bya ste/ snying ga'i phyag rgya nye bar bsdus nas 'khyung pa'i tshul dang/ oM A:hUM zhes bya ba la sogs pa sngon du gsungs pa'i sngags gsum gyis byin gyis brlab par bya'o/ /de
 nas dbang bskur ba sbyin par byas te/ de la man ngag ni 'di yin te/ ye shes kyi 'khor lo dgug pa dang dus mnyam pa'i rdo rje rnal 'byor ma ye shes kyi bdud rtsis bkang ba'i thong ba dang Da ma ru 'dzin pa/ snying ga'i sa bon las byung ba'i pi wang ma la
 sogs pa'i lha mo bcu drug gis mchod de/ ji ltar bltams pa zhes bya ba la sogs pa nas khrus gsol zhes bya ba'i mthar thug pa brjod pa rnams kyis lag pa g.yon pa'i thod bcung zhig yo bar byas nas blug pa'i ye shes kyi bdud rtsi'i rgyun gyis
 dbang bskur bas bde ba chen bo'i ngo bor bdag nyid rnam par bsgoms pa chu'i lhag ma las skyes pa'i de bzhin gshegs pa rnams spyi bor bltas te/ oM sarbba ta thA ga ta zhes bya ba la sogs pa'i sngags brjod par bya'o/ /de la
 bcom ldan 'das la ni mi bskyod pas so/ /yum la ni rnam par snang mdzad gyis so/ /mkha' 'gro ma la sogs pa la rin chen 'byung ldan no/ /thugs dang gsung dang sku'i 'khor lor son pa rnams la mi bskyod pa dang 'od dpag med dang rnam par snang
 mdzad de/ /dam tshig gi 'khor lor son pa rnams la ni don yod grub pas so/ /de nas mchod pa sngon du 'gro bas ro ma zhe bya ba'i lha mos nye bar bstabs pa'i bdud rtsi myangs te snying po nas bzung nas rkang pa brgyad pa'i mthar thug pa'i sngags kyi
 bstod par bya'o/ /de nas ye shes lnga dang sku gsum gyi bdag nyid can gyi dkyil 'khor la gzugs brnyan lta bur mos pa bya'o/ /bzlas pa'i rjes thogs su gtor ma'i cho ga gsungs te byis brjod par bya'o/ /so dang sen mo ngag ces pa ni khaN+Da ka
 pA la'i rang bzhin gyi so dang sen mo la sogs pa zhes bya ba'i don to/ /tshangs pa'i skud pa la sogs pa rnams kyi sngags la sogs pa'i rang bzhin gyi rnam par dag pa gsungs pa ni rtsa ba'i sngags sogs dpa' bo zhes bya ba la sogs pa'o/ /
 yang dang yang du bstan pas 'di skad ston pa yin te/ phyag rgya 'dzin pa med par sngags brjod pa nyid kyis de dang mtshungs pa'i 'bras bur 'gyur zhes bya ba'i don to/ /dpa' bo zhes bya ba ni dpa' po'i rtsa ba'i sngags dang 'brel pa'o/ /rtsa
 ba'i sngags ni phreng ba'i sngags te de nyid mchog yin no/ /khams su rtag ces pa ni so dang sen mo la sogs par zhes bya ba'i don to/ /go cha'i dpa' bo drug gis ni zhes bya ba ni bcom ldan 'das kyi go cha'i sngags drug gis zhes bya ba'i
 don to/ /phyag rgya 'di yis zhes pa ni phyag rgya drug gis zhes bya ba'i don to/ /rdo rje phag mo'i sngags gang yin zhes pa ni lha mo'i phreng ba'i sngags zhes bya ba'i don to/ /sangs rgyas kun gyi mkha' 'gro ma zhes pa ni/ oM sarbba bud+d+ha DA ki nI ye/ badzra bar+Na
 nI? ye huM hUM phaT phaT swAhA zhes pa 'di yis zhes bya ba'i don to/ /rnal 'byor ma drug sngags las ni zhes pa ni go char gyur pa'i rnal 'byor ma drug gi sngags kyis so/ /'khor lo kun gyi rnal 'byor ma zhes pa ni mkha' 'go ma nas gshin rje 'joms ma la thug
 pa'i bar gyi lha mo'i sngags rnams kyis zhes bya ba'i don to/ /sngags kyi btung ba'i thod pa yin zhes pa la sngags ni 'dir snying po'o/ /bai ro tsa na'i sngags gang yin zhes bya ba ni/ oM badzra bai ro tsa nI ye huM hUM phaT swAhA/ zhes bya ba 'di yis so/ /de ltar
 zhes bya ba la sogs pas ni rgyu ba'i dus su gang zhig bya ba de gsungs pa'o/ /rnam bsam ste ni go cha dgos nas so/ /tsham rngam? sngags ni oM sum b+ha ni sum b+ha zhes bya ba la sogs pa zhal bzhi pa'i sngags so/ /yang nas yang du brjod pas de nges
 legs par bsrungs par 'gyur ro/ /tshangs par spyod pa rtag gyur nas zhes pa ni 'khor lo sdom pa'i gzugs su dngos bo thams cad rgyun mi 'chad par bltas nas zhes pa'i don to/ /rkang pa brgyad pa'i sngags kyis mchong? ces pa ni rkang pa brgyad pa'i
 sngags kyis bdag nyid la mchod pa'o/ /bla ma dang sangs rgyas dang byang chub sems dpa' rnams mthong na de la bde mchog gi mos pas rkang pa brgyad pas mchod nas phyag la sogs pa bya'o/ /'khor lo bde mchog sdom pa la zhes pa ni
 gnyug ma'i rang bzhin dang tha mi dad pa'i rang bzhin la zhes bya ba'i don to/ /byang chub kyi phyogs kyi chos sum cu rtsa bdun sbyar bas ni thams cad shes pa nyid dang sa bcu'i rnam par dag pa gnas la sogs pa sbyar bas ni lam shes pa nyid dang go cha
 la sogs pa'i rnam par dag pa'i mthar thug pas sbyar bas ni rnam pa thams cad mkhyen pa nyid du bstan to zhes bya ba ni shin tu rnal 'byor ro/ /nga ni rnal 'byor chen pos rdo rje 'dzin pa nyid du gsungs te/ A li kA li/
 mdun bsems nas zhes bya ba la sogs pa la mdun ni thog mar te zla ba bsgom zhes bya ba'i don to/ /de'i zhes bya ba ni zla ba'i'o/ /yi ge zhes pa ni hUM ngo/ /mchog gi gnas gyur pa ni rdo rje 'dzin pa'i sa bon no/ /lha'i gzugs ni bsgom? par bya
 zhes pa ni hUM yongs su gyur pa las so/ /sku gsung thugs kyi rdo rje can zhes bya ba ni rdo rje 'dzin pa zhes bya ba'i don to/ /de ni gzugs las 'das pa ste/ zhes pa ni bcom ldan 'das rim gyis thim par gyur pa de ni nA nga'i rang bzhin du bsgom zhes
 pa'i don to/ /sems nyid ces bya ba ni nA da yang ngo/ /bsam gyis mi khyab ces bya ba la sogs pa ni snga ma nyid nges par bstan to/ /de yang zhes pa ni de la yang ngo/ /sems nyid rtags par mi bya'o/ /zhes pa ni bsam gyis mi khyab
 par yang dag par mi brtag go zhes pa'i don to/ /'di'i nges par bstan pa ni bsam gyis zhes bya ba la sogs pa ste/ /de bsams na zhes bya ba ni bsam gyis mi khyab pa nyid du bsgoms na zhes bya ba'i don to/ /gzungs ni zhes bya ba ni/
 phyag rgya chen po'i dngos grub bo/ /'di thams cad kyi 'di ltar bstan pa yin te/ A li kA li'i phreng ba 'od zer lnga dang ldan pa 'khor lo gsum gyi lha rnams 'phro ba can brjod cing g.yas pa'i rlung dang 'grogs nas byung ste/ /'gro ba
 'khor lo gsum gyi bdag nyid du byas nas thog ma med pa nas grub pa'i dpa' bo dang rnal 'byor ma rnams dang ro mnyam par gyur te/ sna bug g.yon pa nas zhugs nas lte bar rang rang gi rnam pa'i gzugs brnyan dang ldan pa'i zla ba'i/ /
 dkyil 'khor du gyur par bsam ?/ de skad cig gis yi ge hUM ste zla ba dang sa bon yongs su gyur pa las bcom ldan 'das sku mdog dkar po g.yas brkyang bas gnas pa/ nam mkha' la bris pa'i ri mo dang mtshungs pa zhal cig phyag gnyis kyis
 rdo rje dang dril bu 'dzin pa'o/ rdo rje phag mo dmar mo phyag gnyis kyis rdo rje dang thod pa 'dzin pa zhal gcig ma dang snyoms par zhugs par blta ste/ sgyu ma lta bu rab tu gsal ba'i sgras dgug pa'i khams gsum pa'i bdag nyid kyi
 'khor lo rnams bdag nyid la rim gyis bsdu bar bya'o/ /rim pa ni 'gro ba rnams ni dur khrod rnams su dur khrod rnams ni phyi'i 'khor lo la'o/ /phyi'i 'khor lo ni sku'i 'khor lo la'o/ /sku'i 'khor lo la ni gsung gi 'khor lo la'o/
 gsung gi 'khor lo ni thugs kyi 'khor lo la'o/ /thugs kyi 'khor lo ni phyogs su son pa'i mkha' 'gro ma la sogs pa la'o/ /dbang ldan la sogs pa'i mtshams su son pa rnams ni gzugs can ma la sogs pa rnams la'o/ /mkha' 
 'gro ma la sogs pa rnams kyang bcom ldan 'das kyi zhal ji lta ba rnams su'o/ /bcom ldan 'das dang bcom ldan 'das ma yang zhal gcig phyag gnyis ma dang de'i shes rab la'o/ /de dag kyang mnyam ba'i bde bas 'dod chags chen pos
 zhu bar gyur? cing zhu ba des yongs su gyur pa las sin d+hu ra dang mu tig dmar po'i mdog lta bu'i yi ge hUM bde ba chen po'i rang bzhin no/ /de yang a'u ni ha la'o/ /ha ni mgo bo la'o/ /mgo bo ni zla ba phyed pa la'o/ /zla ba phyed pa ni thig le'o/ /
 thig le ? la'o/ /nA da ni skra'i rtse mo brgya stong du bgos pa'i cha'i rang bzhin du blta bar bya'o/ /shin tu dbang po rnon pos ni de yang mi dmigs par bya'o zhes pa ni rnal 'byor chen po'o/ /skyo bar gyur na skad cig gis dkyil 'khor gyi
 'khor lor lhag par mos pa byas la/ lte bar zla ba la dkar dmar gyi yi ge hUM dam nA da bltas te yi ge gsum rjod par byed cing de las byung ba'i rlung gis 'khor lo lnga spros te 'gro ba'i don byas nas yang brjod pas
 sngags dang lhan cig nyid du skud pa'i phreng ba dgug pa'i rim pas 'jug pa'i rlung gis de nyid du gzhugs par bya'o/ /de ltar yang dang yang du byas pa ni rdo rje'i bzlas pa'o de? kho na bzhin du nA da de nyid las snying po dang nye ba'i snying po'i sngags
 las 'khor lo sdom pa'i sna tshogs spro ba dang bsdu bas snying po dang nye ba'i snying po'i sngags brjod par bya'o/ /lha so so'i sngags brjod pa yongs su rdzogs pa na so sor spro ba dang bsdu ba bya ba ni dam tshig gi bzlas pa'o/ /chos thams cad mnyam pa nyid kyi
 nga rgyal gyis sngags kyis phreng ba nA da las 'thon te rdo rje'i lam nas pad+mar byung zhing/ de nas a ba d+hU tI'i nang na yar la song bar bsgom zhing phreng ba'i sngags bzlas par bya ba ni do li'i bzlas pa'o/ /de nas 'chad par gyur pa'i rim pas gtor
 ma byin? nas smon lam yang gdab ste/ lha'i gzugs kyis gnas pas bya'o/ /khrus byed pa'i dus su ni dbang bskur ba'i cho gas bya'o/ /zas kyi dus su ni dkyil 'khor gyi 'khor lo bdag nyid kyi lus skad cig gis bsams nas cho ga ji lta bas
 gtor? ma sbyin par bya ste/ yang na yi ge gsum gyi gtor ma byin gyis brlabs pa la/ oM kha kha khA hi khA hi zhes bya ba la sogs pa'i lan cig brjod pas phyogs skyong rnams la gtor ma byin te 'bar ba la sogs pa'i cho gas sbyangs pa'i
 bza' ? ba chos thams cad mnyam pa nyid kyi nga rgyal sngon du song bas/ oM sa ma ya shud d+ha(rgyud 'grel mri to da ka hUM hUM Tha Tha trAM A(rgyud 'grel gsum brjod/ cing skad cig gis dkyil 'khor gyi 'khor lor mos pa bya ste/ sngon bzhin du thams cad byas la ji ltar bde bar gnas par bya'o/ /phyi thun la gung gi thun bzhin du thams cad byas la nam phyed kyi dus su dag gi bya ba thams cad A li
 kA li'i rang bzhin du rtogs par bya ste/ oM e hye hi ma hA bI ra shud d+ha bAkya sya de sha ka shU n+ya tA dz+nyA na me paM tsaSh+Ti saM ha ra swa yaM b+hU ba zhes pa dang/ a'i yi ge nas k+Sha'i mthar thug pa hUM hUM phaT ces pa brjod cing 'od gsal ba mngon du byas te gnyid
 log pa na 'od gsal ba nyid du mos pa byas nas nyal par bya ste/ thun thams cad kyi mthar yi ge brgya pa brjod par bya'o/ /yang tho rangs kyi thun la 'od gsal ba las 'byung ba'i dkyil 'khor gyi 'khor lor mos par bya ste/ oM e hye hi zhes bya ba
 la sogs pa'i sngags thams cad brjod de langs la sngar gsungs pa thams cad rjes su bsgrub par bya'o/ /kha TwAM ga ni lha'i sku zhes bya ba nas/ ka ni gang duAng mi gnas pa'o zhes pa'i bar gyis gzhung ni/ bai ro tsa na'i sngags gang yin/ thod pas mgo?
 bong? brgyan pa yin/ zhes bya ba 'di'i rjes la sbyar bar bya ste/ lha'i sku zhes bya ba ni sh+rI he ru ka'i sku'o/ /yang na rus pa'i sgal tshigs kha TwAM ga'i rang bzhin du shes par bya'o/ /shes rab ni stong pa nyid do/ /Da ma ru'i sgra ni brag cha lta bur rtogs par bya'o/ /dmiD
 pa'i rang bzhin gyis nyin mo bcom ldan 'das so/ /mi dmigs pa'i rang bzhin gyis mtshan mo rnal 'byor ma'o/ /mya ngan 'das byung dpa' bo rnams/ drug pa sems kyi sprul pa ste/ zhes pa ni mya ngan las 'das pa ni 'chi ba ste/ srog gi dbang po 'gags 
 pa'i phyir ro/ /mya ngan las 'das las byung ba ni dri za'i sems can te/ de yang mngon par shes pa lnga dang mtshan gyis brgyan pa'i lus can ye shes kyi rang bzhin du brjod de/ rnam par shes pa tsam gyi rang bzhin yin pa'i phyir ro/ /
 drug pa nyid du gzhal zhing nges par bya bas na drug pa zhes bya'o/ /de bas na sems kyi sprul pa zhes bya ba'o/ /dpa' bo ni bcom ldan 'das ti? de'i gzugs su mos pa bya ste bsgom par bya'o zhes bya ba'i don to/ /yang na mya ngan las 'das pa ni chos
 kyi dbyings te nyon mongs pa zhi bas so/ /byung ba ni sems can gyi don mdzad pa'i ye shes kyi rang bzhin gyi sku'o/ /drug ni chos kyi dbyings so pa ni 'jal ba dang yongs su bcod pas na de skad ces bya'o/ /sems kyi sprul pa zhes bya ba ni gdul bya'i sems
 can la bltos nas de bzhin du so sor snang ba'o/ /dag pa chos kyi sprul pa ni/ /phag mo'i gzugs su bstan pa yin zhes bya ba la dag pa'i chos ni stong pa nyid de/ /de'i rang bzhin ni rdo rje phag mo zhes pa'i don to/ /sems ni ngal bas so/ /
 zhes bya ba la sogs pa ni mthong ba'i chos kyi phan yon te/ rnal 'byor ni rnal 'byor pas so/ /mya ngan las 'das pa ni 'chi ba nyid do/ /mi ston pa ni don dam par med pa ste/ khyim nas khyim gzhan du 'gro ba nyid bzhin du sems ngal so ba
 tsam nyid la 'chi ba yin no zhes dgongs so/ /'pho ba'i tshe ni 'chi ba'i dus su/ rnal 'byor rnams ni rnal 'byor pa'o/ /'chi ba zhes bya rnams rtog ste/ zhes pa ni 'jig rten pa'i rnam par rtog pa'o/ /mkha' spyod gnas su zhes pa ni 'od
 gsal pa'i? go 'phang du'o/ /'di skad brjod pa yin te 'chi ba'i dus na dpal he ru ka dang/ phag mo la sogs pa rdo rje rnal 'byor ma rnams kyis sna tshogs pa'i spos dang me tog dang/ rgyal mtshan dang/ ba dan la sogs pa lag na
 thogs pas 'od gsal ba'i go 'phang du 'jug par byed do/ /zhes bya ba'i don to/ /dpal mngon par rtogs pa'i dka' 'gril/ grub thob chen po la ba'i na bza' can gyi rjes su 'drangs nas slob dpon chen po pradz+nyA rak+ShI tas mdzad pa rdzogs so//
 rgya gar gyi mkhan po dpal su ma ti kIrti dang/ lo tsa ba dge slong blo ldan shes rab kyis bsgyur ba'o// // */ /rgya gar skad du/ sh+rI tsakra saM ba ra pU dza me g+ha many+dza ri/ bod skad du/ dpal 'khor lo sdom