བོད་ཡིག

e-texts based on the ACIP/ALL Input

la phab pa/ //*/ (/dpal bde mchog gi dkyil 'khor bzhugs//) //*/ /rgya gar skad du/ sh+rI tsakra sam+ba ra maN+Da lo bi ka ra tan+t+ra dI pe dyo ta nA ma/ bod skad du/ dpal 'khor lo bde mchog gi dkyil 'khor gyi cho ga rin po che rab tu gsal po'i sgron ma zhes bya ba/ bcom ldan 'das dpal rdo rje mkha' 'gro la phyag 'tshal lo/ /sdang dang bdud rnams tshar bcad chags can rjes gzung phyir/ /ma rungs 'jigs pa'i sku dang phyag rgya la 'khyud pa/ /thugs rje chen po'i rol pas gzhal gyi don 'jug pa/ /bcom ldan 'khor lo bde mchog khyed la phyag 'tshal lo/ /'khor lo sdom pa'i dkyil 'khor cho ga ni/ /gsungs shing mkhas pa'i mdzad pa yod mod kyi/ /slob ma gus pas mang du gsol btab pas/ tshul bzhin de nyid gsal bar bshad par bya/ /slob dpon bstan bcos kun shes shing/ /tshul khrims ldan zhing snying rje'i bdag /drang zhing bzod la gtsang sgra can/ /dad dang dran ldan snying stobs can/ /smra mkhas mi 'jigs sran thub pa/ /smu rtsal dag la mkhas shing gsal/ /mdzes dang ldan pa de bzhin du/ /gus ldan dul la khong bzo ba/ /rtag tu dam pa'i chos la dga' / /theg pa che la mos pa can/ /gsang sngags spyod pa la bslabs shing/ /dkyil 'khor dag gi bye brag shes/ slob ma dag gi tshul shes shing/ /de bzhin sngags dang rgyud kyang 'dzin/ /rjes su gnang zhing dbang bskur la/ /cho ga shes bzlas brjod lhur len pa/ /slob dpon rig la bsnyen bkur byas/ /dkyil 'khor thams cad khong du chud/ /gsang sngags kun dang bla ma dang/ /de bzhin glo bur mgron mchod byed/ /phyag rgya la sogs bcing ba dang/ /dkyil 'khor bri ba'i las rnams dang/ /gsang sngags mchod pa'i spyod pa la/ /slob dpon gyis ni mkhas par bya/ /zhes bya ba la sogs pa'i ji skad gsungs pa'i mtshan nyid dang ldan pa'i rnal 'byor pas/ bdag nyid dngos grub kyi phyed du 'am/ 'jam zhing snyan par smra ba dang/ /snying rje la sogs phan sems ldan/ /thos dang klog la sogs la brtson/ /gsang ba'i chos la lhag par dang/ /rtag par rgyun tu bla ma gus/ /slob mas me tog yongs su bzung/ /zhes bya ba la sogs pa'i mtshan nyid dang ldan pa gzhan gyis lan gsum du gsol ba 'debs pa de rjes su bzung ba'i phyir yid dang rjes su mthun pa'i gnas gang yang rung bar dpal 'khor lo bde mchog gi rnal 'byor dang ldan pa/ 'khor lo'i bdag po'i 'bum bzlas shing/ /dkyil 'khor ba yi de bzhin khri/ /zhes ji skad gsungs pa bzhin du bzlas brjod byas pas/ lha'i mtshan ma thob pa 'am/ rang gi sems dag cing brtan par gyur par bya ste/ sngon du bsnyen pa'o/ /de nas sgrub par bya ste/ de yang sa'i phyogs kyi mtshan nyid ni/ sa gzhi ci 'dra bzang ba dang/ /mi bzad ba dag bsgrags pa ni/ /rab tu brtags te spang dang blang/ /mtho dman can dang tshe ram can/ /gyo mo'i dum bu can dag dang/ /dam grog rus pa sdong dum khung/ /grog mkhar thal ba tshwa sgo can/ /gseg ma rdo dang rdul dang skra/ /srin bu grog spur la sogs mang/ /de lta bu yi sa gzhi ni/ /mkhas pas las rnams kun la spangs/ /mtho dma' snyoms shing gtsang la snum/ /zug rngu'i nyes pa rnam par spangs/ /shar dang byang du gzhol ba yi/ /sa gzhi las rnams kun la shis/ /dkyil 'khor sa ni gang dag gis/ /nye 'khor dag tu chu mod pa/ /des ni shis shing dngos grub thob/ /chu dkon pas ni mkhas pas smad/ /ljon shing bzang pos brgyan pa dang/ /bdag gi mig yid mgul ba dang/ /'tshe med zug rngu spangs pa ni/ /dkyil 'khor gnas su shes pa ste/ /mi yis dngos grub kun 'thob byed/ /de bas sgrub po der gnas bya/ /bcom ldan 'khor lo bde mchog la/ /mchod phyir sna tshogs rin chen 'dzin/ /lha mo khyod ni dbang du gyur/ /phyis 'dir dkyil 'khor bri bar bya/ /dang po pus nub tsam brkos nas/ /sa de nyid kyis dgang bar bya/ /gal te lhag par gyur pa ni/ /dngos grub dag ni yod par bshad/ /de las bzlog par gyur na ni/ /sgrub pa po yis las mi brtsam/ /brtsams na sdug bsngal myor 'gyur zhing/ /legs pa dag kyang mi 'thob bo/ /zug rngu'i nyes pa thams cad ni/ /gal te dbyung bar mi nus na/ /der ni gsang sngags kho na yis/ /sbyar ba legs par byas par 'gyur/ /drang srong gnas dang ba lang lhas/ /phag dang ri yi rtse mo dang/ /sa gzhi gang na 'thas pa dang/ /thog steng dang ni rdo leb dang/ /mchod rten drung dang 'bab chu'i gling/ /mtsho rnams kyi ni 'gram ngag tu/ /sa gzhi sbyang zhing brtags pa dang/ /nan tan du ni bya mi dgos/ /'thas par bcags kyang der mi dgos/ /mtho dma' la sogs skyon rnams kyang/ /der ni dogs pa skye mi dgos/ /rang bzhin yon tan ldan pa'i phyir/ /rang bzhin gnas pa'i sa gzhi la/ /byi dor legs par byas nas su/ /lag pas reg cing gsang sngags bzlas/ /de yi sbyang ba de yin no/ /snang bar gyur pa'i las rnams dang/ /gdon rnams tshar gcod la sogs dang/ /drag shul spyod pa dag la ni/ /sa ni brtag par bya mi dgos/ /stegs bu ni khru gang nas bcu drug gi bar du ste/ /shar dang byang du gzhol ba ni/ /sngags pa rnams kyi dngos grub 'grub/ /dbus su mtho ba rgyal srid dam/ /rig pa 'dzin pa'i sa dag thob/ /byang mtho 'chi 'am nor 'joms 'gyur/ /shar mtho myur du rigs rnams mdzad/ /dbus dma' sgrub po 'jigs par byed/ /de bas dam tshig rab ldan bya/ /zhes bya ba la sogs pa yid dang mthun cing nyams dga' ba'i gnas/ /dkyil 'khor gyis legs par 'dus byas la/ mchod pa'i yo byad sna tshogs pa dang grogs dang bcas par bdag nyid khrus byas shing dri zhim pos byugs pa rgyan sna tshogs kyis brgyan pas gtor ma byin nas/ 'dod pa lha'i rnal 'byor gyis oM b+hu khaM zhes bya ba'i sngags kyis sa gzhi nam mkha' i rang bzhin du byas la/ hUM laM hUM zhes bya bas rdo rje'i bdag nyid kyi nor 'dzin byin gyis rlab par bya'o/ /de nas dri zhim pas byugs la me tog chal par bkram pa'i dkyil 'khor gyi steng du 'dug ste/ rgyal ba rnams la gsol ba 'debs pa/ ma lus phyogs na bzhugs pa yi/ /mgon pos bdag la dgongs su gsol/ /rdo rje 'chang chen che ge mo/ /bdag ni dkyil 'khor 'dri bar byed/ /bdag gi bsgrub bya grub bya'i phyir/ /dkyil 'khor byin gyis brlab tu gsol/ /zhes brjod do/ /bdag nyid ngo bo nyid dag pa'i dkyil 'khor bde mchog gi gzugs rdo rje dang dril bus lag pa brel cing 'gying ba la/ rnal 'byor ma lo bcu gnyis lon pa'i na tshod bzhi phyogs kyi lha mo bzhi rang rgyal byas la/ rnal 'byor gyi bya ba ci la goms pa'i lha mo de rnams kyis tshigs su bcad par re res gsol ba gdab par bya ste/ de bzhin gshegs pa kun zhib/ /de bzhin gshegs pa kun gyi gnas/ /chos kun bdag med pa yi mchog /dkyil 'khor dam pa bstan du gsol/ /mtshan nyid dam pa yongs su rdzogs/ /mtshan min thams cad yongs su spangs/ /kun tu bzang po sku yi mchog /dkyil 'khor dam pa bstan du gsol/ /zhi pa'i chos mchog las byung ba// ye shes spyod pa rnam par mdzad/ /kun tu bzang po gsung gi mchog /ye shes dam pa bstan du gsol/ /sems can kun gyi sems chen po/ /rang bzhin dag cing dri ma med/ /kun tu bzang po thugs kyi mchog /dkyil 'khor dam pa bstan du gsol/ /de rnams kyis gsol ba 'debs par rig nas/ de nas rdo rje dang bcas pa'i sor mo sa la bsnun pas/ sa'i lha mo mdog ser brgyan sna tshogs kyis brgyan pa/ lus kyi phyed phyung ba/ g.yas pa dam 'cha' ba khab len pa lta bu'i lag pa g.yon pa bum pa 'dzin pa de spyan drangs la/ me tog dri zhim po sna tshogs pas mchod nas lhag par gnas pa bya ste/ skyob pa sangs rgyas thams cad kyi/ /spyod pa'i tshul dang khyad par ni/ /sa dang pha rol phyin pa la/ /lha mo khyod ni dbang du gyur// skyob pa shAkya seng+ge yis/ /ji ltar bdud kyi sde bcom pa/ /de bzhin bdag gis bdud las ni/ /rgyal bar bya phyir dkyil 'khor bri/ /de nas de nyid du thim par bsam mo/ /de dag ni sa lhag par gnas pa'o/ /de'i rjes la sems can gyi khams ma lus pa 'dod chags la sogs pa'i nyon mongs pas rnam par khrugs par bltas la/ nyon mongs pa rnams la khros te/ yi ge ma las mig g.yon par zla ba/ Ta las mig g.yas par nyi ma ste/ phyogs thams cad las 'bar bar byed cing khams gsum la blta ba'i rnal 'byor pas rkang pa'i 'og tu rdo rje 'bar ba bsgom zhing/ rdo rje gsor bar brtson pa dril bu dkrol zhing 'gying bas/ hUM zhes mgrin pa'i sgra sgrog cing bgegs kyi tshogs dang lha la sogs pa'i sdang ba ma lus pa bskrad par bya'o/ /oM A(rgyud 'grel nga las 'gal 'das na/ /de dag shigs bya gzhan du smin/ /rdo rje'i gnas su 'khor lo dang rin po che dang pad+ma dang ral gri la sogs pa bcug la brjod par bya'o/ /rdo rje'i gom pas gar byed cing 'khor lo yongs su bskor ro/ /bskal pa'i me lta bu'i 'od zer rkang pa nas khyud? nas gdug pa rnams bsregs te phan tshun bros par bsam mo/ /mthun pa'i stang stabs g.yas g.yon brkyang/ /zlum bu sa ga gyen du 'degs/ /thur du skyod dang thang logs bskyod/ /gom brgyad g.yas g.yon skor gang bya'o/ /de ma thab tu bgegs med par bya ba'i phyir phur bus gdab par bya'o/ /de yang shar sogs lugs dang mi mthun dang/ lugs mthun g.yon mdzub se gol gtogs/ /oM suM b+ha ni suM b+ha huM huM phaT/ oM grih+Na grih+Na huM huM phaT/ oM grih+NA pa ya grih+NA pa huM huM phaT/ oM A na ya ho b+ha ga bAn badzra rA dza huM huM phaT/ ces rkang pa re re brjod pa'i tshe/ sngags de dang de kha dog dmar po 'bar ba yig 'bru che ba phyogs de dang me kha nas 'phros pa/ sngags de dang 'phros pa'i lha mo khwa gdong ma la sogs pa zhal gcig phyag gnyis ma/ kha dog dmar mo cher 'bar zhing zhabs 'og gis gzhi la bzhag /tshangs pa'i gnas la dbu thug pa rab tu che zhing gzugs rags pa/ phyag g.yon lte ba man chad zur gsum stod ni rang 'dra thogs/ g.yas pa tho ba can rnams rang rang phyogs su spro ba bya/ de dag gis ni bgegs rnams shin tu thag ring bar bskrad par bsam de nas sngags de dag las grub pa'i rdo rje'i ra ba gru bzhi pa rab tu 'bar brgyar sgrub pa po ji tsam 'dod pa bsam la/ oM badzra prA kA ra hUM baM hUM/ zhes pa'i sngags kyis byin gyis brlab po/ /de nas rdo rje'i ra ba de las/ 'od zer rab tu 'bar ba'i tshogs/ /'phos pas dbus su yi ge hUM/ /las sgrub sna tshogs rdo rje bsam/ /de las rdo rje'i rang bzhin gyis/ /'od zer 'bar ba 'phros pas 'og du sa 'og gi gzhi la thug par sna tshogs rdo rje'i rang bzhin gyis sar byas la/ oM me di ni badzri b+ha ba band+ha hUM zhes byin gyis brlab bo/ /de bzhin du sa dang ra ba las 'phros pas gur ro/ /gur las bla bre'o/ /bla bre las mda'i dra ba zhes bya ba phyi rol du stang dang logs kun tu khyab par bsam zhing/ de dag tu oM badzra prA kA ra hUM baM hUM/ oM badzra bi dA na hUM khaM hUM/ oM badzra sa ra dzA la trAM saM trAM zhes bya bas byin gyis brlab bo/ /khwa gdong ma la song pa brgyad ni phyi rol du/ /ba bltas 'khos pa rnams kyi mdun du hUM/ ring po brgyad bltas de yongs su gyur pa las/ dang po kha khyer phan tshun sprad brgyad bsam/ de nas khwa gdong ma la sogs pa 'od zer rab tu 'bar ba'i tshogs rnams kyi bgegs bos pa rnams dong du chud cing/ de dag gi pha rol nas bgegs bros pa rnams 'od zer 'bar ba lcags kyu'i rnam pas drangs shir dong? du bcug pa dang/ khwa gdong ma la sogs pa dong gi drung na 'khod pa rnams la bdag nyid khro bo'i lta ba dang bcas pas/ oM g+ha:g+ha:g+hA ta ya g+hA ta ya sarbba duSh+TAM hUM hUM phaT kI la kI la ya sarbba pA paM huM hUM phaT/ hUM hUM hUM badzra kI la ya badzra d+ha rod Adz+nyA pa ya ti kA ya wAk+tsit+ta badzra kI la ya hUM phaT/ zhes bya ba brjod de phur bu tshugs shig par bka' bsgo bas bgegs rnams kyi spyi bor phur pa btsugs pa dang/ oM badzra mung+ga ra badzra kI la ya A ko Ta ya hUM phaT/ zhes brjod pas de dag gi rdo rje tho bas phur pa brdungs te/ bgegs rnams la phur ba btab pas bgegs rnams rdzogs pa'i byang chub thob par byas nas khwa gdong ma la sogs pa rnams 'od 'bar ba'i tshogs su gyur de/ mda'i dra ba la thim ma thag du chu la brdabs pa'i tshul du slar phyir 'phros pas rdo rje'i ra ba zlum por gyur par bsam la/ oM badzra prA kA ra hUM/ zhes bya bas byin gyis brlab bo/ / de bzhin du de las 'od zer 'phros pas pad+ma'i dra ba/ de las 'khor lo'i ra ba/ de las rdo rje me 'bar ba steng dang logs kun tu khyab pa/ g.yon bskor du 'khyil zhing 'bar bar bsams te/ de bzhin du oM pad+ma prA kA ra hUM phaT oM tsakra prA kA ra hUM/ oM badzra dzwa la a na lArga hUM hUM hUM/ zhes so so'i sngags kyi byin gyis brlab par bya'o/ /de dag ni sa yongs su bzung ba'o/ /de nas yid dang mthun cing gyi dor la sogs pa legs par byas pa'i sa'i chad bum pa rnams lhag par gnas par bya ste/ de yang gser la sogs pa las grub pa'am/ sa'i rang bzhin nag po dang/ rtsa ba med pa mchu 'phyang ba/ mgrin pa mtho ba lto che ba rnams/ legs par bkrus shing rdo rgyus byugs/ gu gul la sogs pas bdags nas/ rnam rgyal bum par sna tshogs pa/ /lte bar bdag po'i mtshan rtags bri/ /dkyil 'khor gzhan gyi bum pa rnams/ /rang rang mtshan mas mtshon par bya/ /'on kyang las thams cad bum pa las kyi lha'i mtshan mas mtshon pa/ mgrin pa ras zung gis dkris pa/ gser dang dngul dang mu men dang mu rig dang byu ru dang/ nas dang gro dang til dang 'bras dang so ba dang mon sran rde'u dang/ bri ha ti dang kanTa ka ri dang/ a pa rA dzi ta dkar po dang/ daN+Dotpal dkar po dang/ ha sa de ba rnams dang ldan pa/ chu gtsang srog chags med pa legs par blangs la/ bdud rtsi lnga dang ldan pas ngan par bkad ba/ shing ha sa ka ra la sogs pa 'bras bu dang bcas shing 'dab ma dang ldan pas kha brgyan pa/ de dag las 'dren pa'i bum pa ni dbus su ste/ gzhan go rim ji bzhin du bzhag la/ de dang de'i steng du mchod yon gyi snod dri zhim po'i chu me tog dkar po dang bcas pa bzhag ste/ de'i steng du me tog gi phreng ba bcings pa'i rdo rje bzhag la/ de nas snying ga'i sa bon gyi 'od zer gyis ye shes kyi 'khor lo spyan drangs la/ mchod yon la sogs pa phul nas/ dam tshig gi 'khor lo dang gcig tu byas te mchod pa byas la/ de dang de'i sngags rnams kyis brgya rtsa brgyad mngon par/ sngags pa byas la/ me tog dkar po dang bcas pa'i mchod yon bum par phul bas/ dkyil 'khor gyi bdag po 'dod chags chen pos de'i nang du zhu bar bsam/ 'khor lo'i de dag de nyid du ye shes kyi chu'i rnam par gyur par blta'o/ /de nas mi bskyod rdo rje ye shes che/ /rdo rje dbyings ni mkhas chen po/ /rdo rje gsum mchog dkyil 'khor gsum/ /rdo rje mkha' 'gro phyag 'tshal bstod/ /rnam par snang mdzad dag pa che/ /rdo rje zhi ba dgyes ba che/ /rang bzhin 'od gsal mchog gi mchog /'khor lo mkha' 'gro phyag 'tshal bstod/ /rin chen rgyal por rab tu bzang/ /rdo rje nam mkha' dri ma med/ /rang bzhin dag pa gos pa med/ /rin chen mkha' 'gro phyag 'tshal bstod/ /rdo rje dpag med rgyal po che/ /mi rtog nam mkha' rdo rje 'dzin/ /'dod chags pha rol phyin ma brnyes/ /pad+ma mkha' 'gro phyag 'tshal bstod/ /don yod rdo rje rdzogs sangs rgyas/ /bsam pa thams cad rdzogs mdzad pa/ /dag pa'i ngo bo nyid las byung/ /sna tshogs mkha' 'gro phyag 'tshal bstod/ /ces bstod pa bya zhing dril bu dkrol bar bya'o/ /de dag ni bum ba lhag par gnas pa'i cho ga'o/ /de nas dkyil 'khor gyi khang pa'i sgor rigs dang gzugs dang lang tsho dang dad pa dang thos pa dang/ gtong ba la sogs pa dang ldan pa/ sngags kyi tshul gyi skal pa can/ nga rgyal la sogs pa'i skyon mdza' dag dang bral ba/ don du gnyer ba'i slob ma rnams dang/ gzhan yang yon tan med pa rnams kyang dkon mchog gsum la skyabs su song ba/ byang chub mchog tu sems bskyed pa/ khrus byas de yon phul ba/ maN+Dal byas shing me tog thogs pa/ phyag 'tshal nas pus mo'i lha nga sa la btsugs pa/ thal mo sbyar nas gsol ba btab pa/ dge ba bcu'i las kyi lam la brten pa rnams la/ chos bshad pas spro ba bskyed par bya ste/ rang gis bslab dang ldan pa'i 'khor/ /gzhi pa rjes su snang ba dang/ / theg chen blo la yang dag pa'i/ /cho ga de bzhin gshegs pas gsungs/ /gsang sngags dngos grub don gnyer gang/ /bsod nams 'dod pa de bzhin gzhan/ /'jig rten pha rol la gzhol ba/ /kha cig dkyil 'khor 'dir 'jug byed/ /'jig rten ba zhan don 'dod pa yi/ /blo bzang dad pa cher byas 'jug /'jig rten 'di pa'i 'bras spangs nas/ /'jig rten gzhan don la dmigs na/ /'bad pa med par 'di 'bras 'grub/ /'di las 'jig rten gzhan gyi min/ / de phyir 'jig rten gzhan dag gi /dngos grub don du yid rten gyis/ /zhes de dag bsgrags nas/ de rnams kyang blos rang gi lus la bcug ste/ rdo rje dang pad+ma dag par byas nas/ he ru ka zhal gcig phyag gnyis bar dmigs te/ gsol ba gdab bar bya'o/ /rnal 'byor ma dang zhal sbyor bzhugs/ /dga' chen khyod dag ston pa'i rgyal/ /byang chub chen po'i tshul bstan pa/ /mgon po chen po bdag 'tshal lo/ /dam tshig de nyid bdag la rtsol/ /byang chub sems kyang bdag la rtsol/ /sangs rgyas chos dang dge 'dun te/ /skyabs gsum pa ni bdag la stsol/ /thar chen mchog gi pho brang du/ /mgon po bdag ni gzhug tu gsol/ /zhes bya ba'i tshigs su bcad pa 'di brjod nas/ gus pa dang ldan pa'i slob ma rnams las gcig gtso bor byas la/ bu tshur theg pa chen po yi/ /tshul chen snod ni khyod yin pas/ /gsang sngags spyod tshul cho ga ni/ /khyod la yang dag bstan par bya/ /sku dang gsung thugs rdo rje can/ /sangs rgyas dus gsum 'byung ba rnams/ /rdo rje gsang sngags rab bsgoms pas/ /ye shes mnyam med yang dag brnyes/ /shAkya seng ge sogs mchog gis/ /gsang sngags sbyor ba mnyam med pas/ /drag po chen po bdud kyi sde/ /stobs chen dag kyang de yis bcom/ /'jig rten rjes 'jug mkhyen nas ni/ /'khor lo bskor nas mya ngan 'das/ /de bas kun mkhyen thob bya'i phyir/ /bu yis blo gros 'di gyis shig /ces brjod de bstan par bya'o/ /yang slob mas dkon mchog gsum la skyabs su mchi/ /sdig pa thams cad so sor bshags/ /'gro ba'i bsod nams rjes yi rang/ /sangs rgyas byang chub yid la bzhag /ces brjod pas byang chub tu sems bskyed pa rnams dran par bya'o/ /de dag ni dbang bskur ba lnga 'dod pa la sogs pa'i slob ma'i thun mong gi sdom pa'o/ /de nas slob dpon gyi sdom pa 'dzin pa 'dod pa'i slob mas slob dpon gyi zhabs gnyis la phyag 'tshal nas thal mo khong steng du sbyar bas/ 'khor lo mi ldog dbang bskur mchog /stsal nas mgon po bdag la ni/ /'khor lo lha yi de nyid dang/ /slob dpon gyi ni las rnams dang/ /sangs rgyas kun gyi dam tshig gi /sdom pa gsang ba bla med pa/ /rtag tu sems can kun don phyir/ /slob dpon du 'gyur bdag la gsungs zhes bya ba'i tshigs su bcad pa 'di gsol ba gdab par bya'o/ /de nas gsol ba btab pa'i bla mas rigs thams cad la gsol ba gdab par bya ste/ che ge mo zhes bya ba 'di/ /byang chub sems ni yongs 'dzin cing/ /dam tshig sdom dang gsang ba yi/ /'khor lo 'dir yang bzhugs par 'tshal/ /zhes so/ /de nas slob dpon gyis brjod par bya ba ni/ dus gsum sangs rgyas thams cad kyis/ /gsang ba chen po'i rigs dag pa'i/ /gsang ba yongs su 'dzin pa ni/ /bdag nyid chen po khyod 'dod dam/ /nges kyang bdag ni rab tu de 'tshal lo/ /zhes brjod par bya'o/ /de nas bla mas brjod par bya ba ni/ sangs rgyas rdo rje rin po che/ /pad+ma las kyi rigs mchog gi /sdom pa thams cad ldan par ni/ /yang dag nyid du so sor bzung/ /rtsa ba'i ltung ba bcu bzhi yang/ /phas pham pa bzhi dang mi dge bcu/ /rnam par 'khrul par 'chad ltung ba/ /de dag kun tu spang bar gyi/ /sems can don min bya min spong/ /dam pa nyer bstan rnal 'byor bskur?/ /theg pa dman la 'dod mi byed/ /sems can don la rgyab phyogs min/ /'khor ba mi spang 'das ma chags/ /lha sogs brnyas min rgya mi 'gong/ /'di dag dam tshig ces su bstan/ /sdom brtson khyod kyis bsrung bar gyis/ /de nas slob mas brjod par bya'o/ /sangs rgyas thams cad 'dus pa'i sku/ /slob dpon 'dir ni bdag la gson/ /khyab bdag ji ltar bka' stsal pa/ de ltar bdag ni bgyid par 'tshal/ /de nas bla ma'i dag gis 'di/ /sdom pa legs par blang bar bya/ /ji ltar dus gsum mgon po rnams/ /rdzogs pa'i byang chub des mdzad pa'i/ /byang chub sems ni bla na med/ /dam pa bdag gis bskyed par bgyi/ /sangs rgyas rnal 'byor sdom pa dang/ /dge pa'i chos ni sdud pa dang/ /sems can don byed tshul khrims gsum/ /bdag gis brtan por bzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /deng nas brtsams te bzung bar bgyi/ /nam du yang ni mi spang ngo/ /rdo rje rigs mchog chen po la/ /rdo rje dril bu phyag rgya yang/ /yang dag nyid du bzung bar bgyi/ /slob dpon dag kyang bzung bar bgyi/ /rigs tshan rigs mchog chen po ste/ /dam tshig yid du 'ong ba la/ /zang zing mi 'jigs chos dang byams/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma rigs chen dag pa la/ /phyi dang gsang ba theg pa yi/ /dam pa'i chos ni bzung bar bgyi/ /las kyi rigs mchog chen po yi/ /sdom pa thams cad ldan pa ni/ /yang dag nyid du bzung bar bgyi/ /mchod pa'i las kyang ci nus bgyi/ /bcu bzhi yi ni rab dbye bas/ /rtsa ba'i ltung ba spang bar bgyi/ /gzhan yang yan lag ltung ba rnams/ /bdag gis rab tu spang bar bgyi/ /srog chags gsang par mi bgyi zhing/ /ma byin pa yang mi blad do/ /'dod la sogs par mi spyod cing/ /brdzun du smra bar mi bgyi'o/ /lus kyi las ni rnam gsum dang/ /dag gi rnam pa bzhi dang ni/ /yid kyi rnam pa gsum dag gi /dge ba dag ni bskyang bar bgyi/ /don min kun gyi rtsa ba yi/ /chang 'thung rnam khrul sems dpa' spong/ /sems can gdul don ma gtogs par/ /bya min thams cad spang bar bgyi/ /skyes bu thams cad brten bgyi zhing/ /rnal 'byor ba rnams bsnyen bkur bgyi/ /theg pa dman la 'dod pa yang/ /'bad pa yis ni spang bar bgyi/ /ma bsgral ba rnams bdag gi bsgral/ /ma grol ba rnams dgrol bar bgyi/ /dbugs ma byung ba dbugs dbyung zhing// sems can mya ngan 'das la dgong/ /'khor ba spang bar mi bgyi zhing/ /mya ngan 'das la chags mi bgyi/ /lha dang lha min gsang ba po/ /gtso bo bdag gis brnyas mi bgyi/ /phyag rgya bzhon pa mtshon cha dang/ /mtshan ma 'goms par mi bgyi'o/ dus 'di nas ni bzung nas ni/ /byang chub snying por mchis kyi bar/ /sems can kun gyi don gyi phyir/ /byang chub sems ni bla med pa/ /dam pa dag ni bskyed par bgyi/ /sdom pa dag kyang ma lus gzung/ /de dag ni slob dpon gyi sdom pa bzung ba'i cho ga'o/ /de nas zhal bzhi ba'i sngags kyis de dag la shin tu bsrungs la/ de rnams kyi snying gar yi ge hUM las rdo rje/ mgrin par yi ge A:las pad+ma/ mgo bor yi ge oM las 'khor lo/ mtshan ma de rnams kyi lte ba'i dbus su sa bon de rnams bsam par bya'o/ /de nas langs te dri zhim po'i chos rdo rje khu tshur gyis hUM A:aoM zhes brjod cing/ snying ga dang mgrin pa dang mgo bor byug par bya'o/ /de nas de dag gi spyi bor me tog/ mdun du spos dang mar me/ snying gar dri/ lag par zas mchog sbyin par bya ste/ thams cad la las thams cad pa'i sngags bzlas la sbyin no/ /de nas rdo rje phag mo'i snying po'i sngags kyis mngon par bsngags pa'i a shwdtha la sogs pa'i so shing mi 'khyog pa srin bu med pa ma gas pa rma med pa/ sor bcu gnyis pa mthe'u chung rtse mo me tog mdzes pa can/ dri zhim po'i chus bkrus pa slob ma rnams kha byang du bltas pa'i thal mor sbyin no/ /de rnams shar phyogs su kha bltas nas gnas pa la 'char bcug la/ zur bzhi pa la gru bzhi tsam du ba lang gi lci bas byugs pa'i sa la bltos pa med par dor bar bya'o/ /de nas so shing ltung ba'i rjes su 'brangs nas de rnams kyi zhi ba la sogs pa'i dngos grub 'byung ba bstan par bya ste/ shar dang lho dang nub dang byang du kha bltas nas lhung na/ rim pa ji lta ba bzhin du zhi ba dang drag shul spyod pa dbang dang/ rgyas pa rnams so/ /mtshams rnams su bltas na 'jig rten pa'i dngos grub 'thob po/ /steng du kha bltas te lhung na rigs 'dzin gyi dngos grub 'thob bo/ /'og tu kha bltas te lhung na sa 'og gi dngos grub 'thob po/ /dkyil 'khor gyi phyi rol du lhung na dngos grub med pa yin no/ /de nas yi ge hUM las byung ba'i de nyid gsum bzlas pa'i chu 'thor 'thung bya ba'i phyir/ oM h+rI:bi shud+d+ha sarbba pA paM ni tsa sya bi shud+d+ha ya sarbba pi kal pAM a pa na ya hUM zhes bya ba'i sngags brjod cing skyor ba gsum 'thung du gzhug go /de nas tshang legs pa'i skud pa gsum sgril mdud pa gsum dang ldan pa/ /rang bzhin gyi lha'i sngags bzlas pa byas pa bdag nyid kyis de rnams kyi dpung pa g.yas pa la bcings pas kun nas bsrung bar bya'o/ /de nas yi ge hUM las skyed pa'i ku sha gsar pa ma nyams pa las las kyi lha mo'i sngags bzlas pa bstan pa dang sngas su sbyin par bya'o/ /de nas chos bstan pas spro ba bskyed pa'i phyir/ thams cad mkhyen pa'i 'jig rten du/ /u duM bA ra'i me tog bzhin/ /brgya lam na yang res 'ga' bzhin/ /'byung 'gyur yang na mi 'byung ngo// gsang sngags spyod pa'i tshul 'byung ba/ /de bas kyang ni dkon pa ste/ /gang gis mnyam med sems can don/ /mya ngan mi 'da' byed par nus/ /bskal pa bye ba du mar ni/ /sngon chad sdig pa byas pa gang/ /dkyil 'khor 'di 'dra mthong ma thab// de dag thams cad zad 'gyur na/ /grags pa mdza' yas sngags spyod pa'i/ /tshul la gnas na smos ci dgos/ /skyob pa'i gsang sngags bzlas na ni/ /go 'phang bla na med par 'gro/ /gang dag spyod pa'i mchog 'di la/ /blo gros shin tu mi g.yo ba/ de dag gis ni ngan 'gro'i rgyu/ /sdug bsngal kun 'byung bcad pa yin/ /bdag nyid chen po khyed rnams kyis/ /rnyed pa mnyam med de ring rnyed/ /gang phyir rgyal ba sras dang bcas/ /bdag nyid chen po thams cad kyis/ /bstan pa 'di la khyed rnams kun/ /yongs su bzung nas skye bzhin pa/ /de phyir khyed rnams theg chen la/ /legs par skye bar 'gyur ba yin/ /theg pa chen po cher 'byung ba'i/ /lam mchog 'di ni dpal dang ldan/ /gang phyir khyed rnams dong byed pa/ /de bzhin gshegs pa rnams su 'gyur ro/ /zhes bya ba bstan pa thos par byas nas/ de rnams bcom ldan 'das kyis rtsa ba'i sngags kyis bsrungs te/ nang par rmi lam nga la smros shig ces brjod la/ dkyil 'khor gyi khang pa'i mthar seng ge'i nyal stabs kyis dge ba'i sems kyis nyal du gzhug go /slob dpon yang dkyil 'khor gyi khang par zhugs nas bsrung ba'i don du bcom ldan 'das kyi rtsa ba'i gsang sngags bzlas par bya'o/ /de nas slob dpon gyis nang par sngar gtor ma btang nas dkyil 'khor gyi khang pa nas byung ste/ slob ma rnams bos te rmi lam dris te/ ri las lhung ba la sogs pa mtshan ma'i mi dge ba'i rmi lam ngan pa rnams byung na zhal bzhi'i sngags kyis slob ma'i bgegs bzlog par bya'o/ /de dag rig pa'i dbang bskur ba la sogs pa'i sdom pa sngon du 'gro ba'i slob ma lhag pa'i gnas pa'i cho ga'o/ /de nas de la dris nye bar byugs nas me tog rnam pa sna tshogs pa chal bar bkram nas lha'i gnas rnams su bdud rtsi lnga yi thig le byas la/ ded snying ga'i sa bon gyi 'od zer gyis 'khor lo spyan drangs te bzhugs su gsol lo/ /oM A:badzra puShpe hUM/ oM A:badzra b+hU pe hUM/ oM A:badzra dI pe hUM/ oM A:badzra gand+he hUM/ oM A:badzra nai bidye hUM/ zhes bya bas me tog dang/ bdug pa dang/ mar me dang/ dri dang/ zhal zas rnams kyis yang dag par mchod nas/ hUM mche ba gtsigs shing 'jigs chen po/ /sgyu ma'i me tog phreng bas brgyan/ /sha chen rab tu gsol mdzad pa/ /khrag 'thung dpal la bdag phyag 'tshal/ /dpal ldan rdo rje mkha' 'gro ni/ /mkha' 'gro ma yi 'khor lor sgyur/ /ye shes lnga dang sku gsum nyid/ /'gro ba skyob pa la phyag 'tshal/ /ji snyed rdo rje mkha' 'gro ma/ /kun tu rtog pa 'chid bcad cing/ /'jig rten bya ba la 'jug ma/ /de snyed rnams la bdag phyag 'tshal/ /zhes bstod pa byas nas/ /de nas pus mo g.yas pa'i lha nga sa la btsugs te lag pa g.yas pa'i spos snod thogs la 'khor lo'i dbang bdag dang sems can rnams la gsol ba gdab par bya ste/ bcom ldan khrag 'thung rdo rje mchog /dam pa rig rgyal khyod phyag 'tshal/ /thugs rje'i bdag nyid dkyil 'khor ni/ /mgon po bdag ni dri bar 'tshal/ /slob ma rnams la brtse phyir dang/ /khyed rnams la yang mchod pa'i phyir/ /bcom ldan bdag ni gus pa la/ /de bas bka' drin mdzad par rigs/ /'gro ba'i tshogs kyi don mdzad pa'i/ /rdzogs sangs rgyas rnams dgongs su gsol/ /'bras gnas byang chub sems dpa' dang/ /gang gzhan sngags kyi lha nyid dang/ /'jig rten skyong ba'i lha nyid dang/ /'byung po rdzogs byang nyer gnas dang/ /bstan la mngon dga' i sems can ni/ /gang zhig rdo rje'i mig can rnams/ /rdo rje can chen che ge bdag /dpal ldan khrag 'thung dkyil 'khor ni/ /ci ltar 'byor pa'i yo byad kyis/ /'bro ba'i don phyir bri lags pas/ /bde bdag slob mar bcas pa la/ /thugs brtse bar ru dgongs nas ni/ /dkyil 'khor bcas pa thams cad kyi/ /byin gyis brlab par mdzad du gsol/ /de skad byas nas 'khor lo de nam mkha' la 'degs par bya'o/ /de dag ni lha lhag par gnas pa'i cho ga'o// de nas nang par nyi ma 'char kar dris nye bar byugs la/ /de'i rjes la thig skud dkyil 'khor gyi nyis 'gyur du ring ba sboms su sgo'i nyi shu cha bdud rtsi lngas brlan pa dri zhim po lngas bsgos pa kha dog lnga byugs pa rtag pa la sogs pa sa bon oM baM aM traM hUM rnams las grub pa de'i kha dog can snod du bzhag la/ rnal 'byor pa'i yi ge dza las grub pa'i nyi ma dang zla ba'i mig can gyis rtag pa la sogs pa'i thugs kar gnas pa de dag gi kha dog can gyi 'od zer gyi thig skud bltas la/ oM dI pa ta dri ShI aM ku shi dza:zhes bya ba 'di dang/ oM A pra yats+tsha/ shA shwa ta su tra sA tsakrA sU tra NA ya hUM zhes rtag pa'i gnas su rin chen 'byung pa la sogs pa yang sbyar te gsol pa btab pa dang/ de rnams kyis btang ba rab tu g.yo zhing 'bar ba'i mig gi rdzi mas 'drin pa'i 'bar ba'i blta bas bkug la/ ye shes kyi thig tu byas te/ oM a n+yo n+ya a nu ga tA sarbba d+ha mA a nu pra biSh+Ta sarbba d+harmA hUM zhes brjod cing lnga po gcig tu bsgyil bar bya'o/ /de nas slob ma rang gi 'dod pa'i lha'i rnal 'byor dang ldan pa thig skud/ 'dzin pa dang lhan cig tu bla ma rdo rje dril bu 'chang bas ye shes kyi thig skud g.yon pa'i khu tshur gyis bzung ste/ dza zhes bya ba gsum gyis slob ma la btang la/ slob mas kyang dza dza dza zhes brjod cing 'gro bas song ste/ lte ba'i steng du thig skud bzung ste/ nub du gnas pa shar du mngon par phyogs pa dang/ shar du gnas pa nub du mngon par phyogs pas gnam thig gdab bo/ /de bzhin du 'og gi thig kyang gdab bo/ /oM A:badzra sa ma ya sU tra ma ti kra ma hUM/ khyed rnams kyis sems can gyi don gyi dus lags te de bas 'dir gshegs su gsol lo/ /zhes thig skud kyi sgras nam mkha' la bzhugs pa'i de bzhin gshegs pa rnams bskul la/ shar dang nub tu tshangs pa'i thig gdab par bya'o/ / shar du mngon par phyogs pa dang/ lhor mngon par phyogs pa dang/ thabs gcig tu lho dang byang gi thig gdab par bya'o/ /mer gnas pa'i gnod sbyin du bltas pa dang/ dbang ldan du gnas pa yi dags su bltas pas ni shar gyi rtsa ba'i thig go / rlung gi phyogs su gnas pa yi dags su bltas pa dang/ bden bral du gnas pa gnod sbyin du bltas pas ni nub phyogs kyi rtsa ba'i thig gdab po/ /mer gnas pa klu'i phyogs su bltas pa dang/ bden bral du gnas pa dang/ dbang po'i phyogs su gnas pa'i lho phyogs kyi rtsa ba'i thig gdab bo/ /rlung gi phyogs su gnas pa dang/ dbang por bltas pa dang dbang ldan du gnas pa klur bltas pa ni byang phyogs kyi rtsa ba'i thig go /cho ga 'di nyid kyis tshangs thig dag gis ngos gnyis su thig gsum gsum gdab po/ /rtsa ba'i thig rnams kyi phyi rol du cha chen bzhi bzhi gdab po/ /me'i phyogs dang bden bral du gnas nas mtshams kyi thig gnyis kyang gdab po/ /cha chen dang po tshangs ngos dor/ /de nas cha chung gnyis gdab bya/ /cha chen gnyis pa cha bzhir gdab/ /cha chen lnga pa ngos gnyis nas/ /cha chung re re gdab par bya/ /cha chen drug gi tha ma yi/ /ngos nas cha chung gnyis gnyis gdab/ /cha chen bdun pa dang brgyad pa/ /cha chung bzhi bzhir gdab par bya/ /gnyis pa sgo khyud bzhi pa sogs// bcu pa ngos dang bcu gnyis 'gram/ /bcu bzhi pa yi ya phug te/ /de dag kun la thams cad du/ /cha lnga mnyam par gzhag pas gdab/ /chos kyi 'khor lo la sogs pa/ /ji ltar mdzes par brtag par bya/ /dkyil 'khor du phur bu btsugs la dbang ldan gyi mtshams nas rdo rje'i ra ba dang 'bar ba'i ra ba cha chung re res bskor ro/ /de bzhin du lha snam gyi nang du zlum por bskor bar bya'o/ /'dir mtshan ma ngan pa mthong ba las ni dngos grub med do/ /thig skud chad na bla ma 'chi/ /lhag chad kyi nyes pa las ni nad do/ /phyogs las 'khrul na slob ma rmongs so/ /gru bzhi pa la sgo bzhi pa/ /rta babs bzhi yis mdzes pa ste/ /do shal do shal phyed pas spras/ /dar dang me tog phreng bas brgyan/ /stegs bu la brten gzungs kyi tshogs/ / chos pa rnams kyis 'brel ba ste/ /grwa yi cha ni thams cad dang/ /sgo khyud kyi ni mtshams rnams su/ /rdo rje rin chen rnams kyis brgyan/ /sgo ni dkyil 'khor brgyad cha ru/ /bdag nyid chen pos shes par bya/ /stegs bu chen po dor byas la/ /tshad dang ldan shing shin tu mdzes/ /sgo khyud sgo 'dar shes par bya/ /de bzhin lha'i snam bu ste/ /rdo rje lha mo yang dag ldan/ /glu dang rol mo la sogs gar/ /stegs bu sgo yi phyed yin te/ /'gram dang logs zhes bya ba'ang yin/ /zla ba me tog 'phreng ba nyid/ /rtsa ba thig sa'i phyi rol du/ /tshon rtsi'i sa ni de yi phyed/ /rin chen ka ba sogs snam bu/ /rdul tshon sa dang snam bu'i sa/ /rta babs sgo yi bzhi 'gyur ste/ /ba dan dril bu ldan pa rnams/ /dril bur bcas pa rlung bskyod pa'i/ / ba dan phye yi gru rnams su'o/ /gzhan rnams 'khor lo'i rjes mthun par/ /ji ltar mdzes pa rab tu brtag /de ltar rim pa 'dis legs par thig btab la/ de las rin po che las byung ba 'am/ lcags lnga las byung ba 'am/ khams las byung ba 'am/ 'bras sA lu las byung ba la sogs pa'i rdul tshon lnga snod lngar bzhag la brtag pa la sogs pa'i sa bon bkod de/ ye shes kyi rdul tshon bkug nas/ gzi brjid bskyed nas/ oM badzra tsi tra sa ma ye hUM/ zhes bya ba 'dis bla mas mngon par bsngags te/ dkyil 'khor gyi ye shes kyi thig oM badzra be ga mA ti kra ma hUM zhes brjod pas yid kyis nam mkha' la bteg nas/ 'khor lo'i nang du 'dug la kha shar du bltas te/ chos dbyings 'di ni rnam par dag /sems can khams ni rnam grol ba/ /'khor lo bde mchog rgya chen gyi/ /dkyil 'khor snying po bri bar bya/ /zhes brjod de dbang ldan gyi grwa nas g.yas bskor gyi rim pas g.yon pa rdo rje khu tshur gyis so so so sor dpal ldan khrag 'thung gi nga rgyal dang ldan pas rdul tshon bsgye bar bya'o/ /phyi nas sgrub pa'i grogs mchog gis bya'o/ /pha dang ma dang rgyal po dang/ /rgyal rigs gnyis dang brtag pa'i chus/ /thod pa bzang po rab tu bkang/ /legs byas slob ma la sogs yin/ /nag po dkar po ljang gu dang/ /dmar po dang ni ser po sogs/ /mnyam zhing g.yas bskor lo min dang/ /ma chad bar ni ri mo gyi/ /sbom por gyur na nad du 'gyur/ /phra mo yis ni nor 'joms byed/ /yon pos rnam sdang chad pa yis/ /bla ma dang ni slob ma 'chi/ /shar phyogs su ni dkar po che/ /byang phyogs ljang gu yang dag ldan/ /nub kyi cha ni dmar po ste/ /lho phyogs ser ba rab tu gnas/ /dbus kyi sa gzhi'i cha de ni/ /in+d+ra nI la mtshungs par 'dod// 'di dag rdul tshon rim pa ste/ /de ltar dkyil 'khor bris nas ni/ /bdag po la sogs dang gnas su/ /phyag rgya chen po lha gzugs rdzogs/ /yang na rtag mtshan la sogs pa/ /gang 'dod ji ltar rigs par bri/ /rdul tshon bri ba zin nas rdul tshon gyi lhag ma'i lha rnams/ oM A:hUM badzra muM(rgyud 'grel byugs te/ byi dor byas shing dri zhim po'i chu sa chag chag btab bar bsang btor la sogs pa mchod pa'i yo byad rnams dang/ bum pa yang gnas gnas su legs par bzhag te/ de ltar dkyil 'khor rdzogs par bltas la bdag nyid dkyil 'khor gyi lho phyogs su 'dug pas/ khang pa brtsegs ma'i dbus su sgrub thabs las 'byung ba rang bzhin dkyil 'khor bskyed la/ nam mkha' i khams khyab par spros nas gnas ji lta bar rang rang gi mtshan ma'i phyag rgya'i ras rang rang gi lha'i sku ji lta bar yongs su rdzogs par bltas la/ 'dren pa la ni sku gsung thugs byin gyis brlab pa la sogs pa dang lha mo rnams la ni ngo bo nyid rnam par dag pa dran par bya'o/ /de nas ye shes sems dpa' spyan drangs mchod yon la sogs pa phul la/ yi ge bzhis dgug pa dang gzhug pa dang bcing ba dang dbang bskur ba byas la/ dbang bskur ba dang mchod pa dang bstod pa dang bdud rtsi myang ba byas te/ sgo kun nas ni lag pa yis/ /dkyil 'khor bdag po nas brtsams nas/ /rang rang sngags bzlas byin gyis brlab/ /kun kyang brgya rtsa brgyad par bzlas/ /de nas me tog la sogs pas yang dag par mchod nas/ oM badzra baShtre hUM zhes bya bas ras grung? du sbyar ba lha rnams la phul la/ mi bskyod rdo rje ye shes che zhes bya ba la sogs par legs par bstod de yi ge brgya bas brtan par byas la/ sgrub pa'i grogs mchog dkyil 'khor du bzhag ste/ /bdag nyid phyir byung nas/ rgya chen pos gtor ma btang bar bya'o/ /de nas bdag nyid kyi dkyil 'khor la skor ba byas la phyag bya'o/ /de dag ni dkyil 'khor sgrub pa po'o/ /de nas slob dpon bdag nyid slob ma 'jug pa'i cho gas dkyil 'khor du zhugs te/ dbang bskur ba thams cad rdzogs par bya ba dang/ rjes su gnang? ba la sogs pa thob par bya ba dang/ 'dod chags chen po las byung ba'i de kho na nyid bde ba chen po'i rang bzhin dang/ dkyil 'khor gyi 'khor lo yang gzugs brnyan ltar chos nyid kyis shes par byas nas/ tshigs su bcad pa gdon te/ nam mkha' las byung mtshan ldan phyin/ /thog ma tha ma med pa'i mchog /sems dpa' rdo rje che rang bzhin/ /bde mchog 'khor lo bdag grub mdzod/ /kun mchog yon tan chen po ste/ /dbang phyug chen po lhag pa'i lta/ /rdo rje 'dzin pa kun gyi rgyal/ /mi 'gyur mchog tu bdag grub mdzod/ /nyes pa mi mnga' rtag pa ste/ /'dod chags kun gyi rjes chags pa/ /'dod chags chen po dga' ba che/ /bcom ldan de nyid bdag grub mdzod/ /shin tu dag pa sku'i mchog /bzod nas grol ba de bzhin gshegs/ /kun tu bzang po kun bdag nyid/ /byang chub sems dpar bdag grub mdzod/ /kun mchog dngos grub chen po ste/ /dbang phyug chen po phyag rgya mchog /grub pa'i rdo rje cher bstod pa/ rdo rje snyems bdag bdag grub mdzod/ /sems can kun gyi yid khyab pa/ /sems can kun gyi yid la gnas/ /sems can kun gyi yab nyid de/ /'dod chags mchog gi dam tshig mchog /ces so/ /da ni tshigs su bcad pa rnams kyis bden pa'i byin brlabs ste/ shes rab thabs bdag dkyil 'khor gyi/ /bden pa gang gi ye shes mchog /bden pa de yis mgon khyod kyis/ /bdag gi 'dod pa yongs rdzogs mdzod/ /chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu dang las la kun tu 'byung/ /de bzhin de kho nyid las 'byung/ /bden pa 'di yis dkyil 'khor du/ /gzugs brnyan gsal bar slob ma ni/ /kun gyi dri med mthong bar shog ces so/ /de nas yol ba'i phyi rol du khrus byas shing dri zhim po la sogs pas gtsang bar gyur pa/ dbang bskur ba'i snod du rung ba'i slob mas yon phul te/ sangs rgyas kun gyi rang bzhin sku/ /rdo rje 'chang chen ngo bo nyid/ / dmigs med bde chen ston pa po/ /slob dpon chen po la phyag 'tshal/ /zhes phyag byas la/ don dam rnal 'byor smra ba'i seng ge ces bya ba/ /nyon mongs gcod pa'i don la shin tu mkhas gyur pa/ /srid pa'i nyes brgya bskyed pa'i nyon mongs bcom mdzad pa/ /rnal 'byor don dam rgyal po de nyid grub par mdzod/ /ces bya bas gsol ba gdab pa dang/ de dpal bde mchog zhal gcig rphyag gnyis pa'i gzugs su bltas la/ A khaM pI ra hUM/ zhes bya ba'i sngags kyis me tog gi phreng ba bzung la/ zhal bzhi'i sngags kyis byin gyis brlabs pa'i dar ser po 'am dmar pos gdong g.yogs bya ba ste/ slob ma tha ma 'bring ni mi mthong bar/ /mchog ni cung zad mthong bar bcing bar bya/ /de nas las thams cad pa'i chus bsang te/ dkyil 'khor du zhugs pa'i phyir/ kye dga' ba sdug gu khyod su yin zhes dri bar bya'o/ /des kyang kye bde ba chen po kho bo ni skal pa bzang po lags so/ /zhes brjod par bya'o/ /yang bu ci bya/ des kyang/ sangs rgyas mchog gi dam tshig ? 'tshal/ zhes so/ /de nas de'i mgo bor lag pa bzhag la/ oM sarbba yo ga tsit+totwA da ya mi zhes bya ba'i sngags 'dis byang chub kyi sems bskyed la/ me tog dang bcas pa'i rdo rje snying gar bzhag ste/ oM su ra te sa ma ya stwaM/ ho sind+ha badzra ya thA su khaM zhes bya ba 'dis so/ /de nas de skad brjod par byas te/ deng khyod de bzhin gshegs pa thams cad kyis byin gyis brlabs par 'gyur gyis/ de bzhin gshegs pa thams cad kyi mchog du gsang ba'i dkyil 'khor 'di/ khyod kyis dkyil 'khor du ma zhugs pa rnams la smra bar ma byed cig /ma dad par yang mi bya'o/ /de nas shar phyogs kyi sgo skyong ma'i sngags kyis slob ma bkug ste/ sngar bstan pa'i yi ge lnga yis yol ba'i nang du bcug la/ shar phyogs su bzhag ste lag pa nas gzung la 'di skad brjod par bya'o/ /deng khyod de bzhin gshegs pa thams cad kyi rigs su zhugs kyis/ de bas na ngas khyod la rdo rje ye shes bskyed par bya yis/ ye shes gang gis khyod de bzhin gshegs pa thams cad kyis dngos grub kyang thob par gyur na/ dngos grub gzhan lta smos kyang ci dgos khyod kyis 'di dkyil 'khor ma mthong ba rnams kyi mdun du brjod par mi bya'o/ /oM sh+rI he ru ka deng khyod kyi / snying la de ring yang dag zhugs/ /gal te tshul 'di smas na ni/ /de ma thag tu bral te gshegs/ /zhes bya ba 'dis mna' bsgags nas/ pad+ma'i snod na gnas pa'i bdud rtsi lnga dang/ tsan dan dang gur gum la sogs pa bsres pa'i chu yi yi ge gsum gyis byin gyis brlabs la/ 'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub 'grub/ /rdo rje bdud rtsi'i chu 'thung shig /oM badzra pany+tsa a mri tod ka tha tha tha hUM zhes brjod cing 'thung du gzhug go /de nas 'di skad ces brjod par bya ste/ deng nas brtsams te khyod kyi dpal he ru ka nga yin gyi/ ngas gang 'di gyis zhes smras pa de bu khyod kyis bya dgos so/ /khyod kyis nga la brnyas par ma byed cig /brnyas pa byas na khyod yang ba ma spangs par 'chi ba'i dus byas nas sems can dmyal ba chen por ltung bar gyur ta re zhes so/ /de dag ni dam tshig gi nu chu sbyin pa'o/ /de nas de bzhin gshegs pa thams cad kyis byin gyis brlab tu gsol/ rdo rje sems dpa' bdag la dbab tu gsol zhes brjod du bcug la/ de'i mgo bor yi ge baM las byung ba'i chu'i dkyil 'khor zlum po bum pas mtshan pa de la ha/ snying kar laM las byung ba'i dbang chen gyi dkyil 'khor gru bzhi pa ser po rdo rje rtse gsum pas gru rnams su mtshan pa de la hUM/ lte bar raM las grub pa'i me'i dkyil 'khor gru gsum pa dmar po rno zhing 'bar ba de la a/ rkang pa'i 'og tu yaM las rlung gi dkyil 'khor sngon po g.yo ba gzhur snang ba ba dan gyis zung mtshan pa de la dzhai(rgyud 'grel par dka' ba 'bar ba'i lus kyi rlung gis ji srid du me'i dkyil 'khor dang phrad pa'i bar du 'bud zhing 'bar bar bsams la der yang des 'bar te der shin tu tshabs cher 'bar bas dbang chen gyi dkyil 'khor yang 'bar ba na/ de nas chu'i dkyil 'khor la bdud rtsi 'dzag pa'i tshogs kyis ngoms shing tshim bzhin pa/ rlung gis kyang slob ma bteg bzhin pa la/ bdag nyid kyang dregs pa dang bcas pa'i khro bo chen po rdo rje khrag 'thung drag po'i lus/ g.yas pas rdo rje gsor zhing g.yon pas dril bu dkrol bas/ 'bebs pa'i sngags kyis bdug spos byin dbab par bya'o/ /de la sngags ni 'di yin te/ oM sh+rI he he ru ru kaM huM hUM phaT DA ki nI dzA la saM ba ra swAhA/ oM bi ShA ya sto b+ha ya ra ra ra ra tsA la ya hUM ha a dzhai:hUM phaT zhes bya ba ste 'dis myur du phebs par 'gyur ro/ /slob ma la 'babs par rig nas de pad+ma'i rigs kyis lha mo'i gzugs su yud tsam gyis dmigs la/ tiSh+Tha badzra zhes bya ba 'dis babs pa brtan par bya ste/ de'i lce la yi ge a dmar po bsams nas pru hi badzra zhes brjod na dge ba dang mi dge ba smra bar byed do/ /oM mgon po chen po rdo rje chos/ /'od dpag med pa bde ba che/ /'dod chags chen po'i chos gsungs zhing/ /dge dang mi dge gang yin 'bri/ /zhes bya bas 'dis bri bar bya'o/ /babs pa de yang gang la babs pa las dge mi dge smra bar bya'o/ /sems la babs pa las 'jig rten gsum na gnas pa shes so/ /lus la babs na nam mkha' la 'phag go /gal te ring du 'phags na de'i tshe de'i mgo'i steng du laM las byung ba'i dbang chen gyi dkyil 'khor sna tshogs rdo rje mnan par bsgom na mi g.yo bar 'gyur ro/ /de dag ni dbab pa'o/ /de nas yang lho phyogs kyi sgor mngon par lang la/ oM na ma ste hUM/ na mA mi hUM/ na mo na ma hUM swAhA/ /zhes bya bas lus ngag yid kyi sgo nas lan gsum phyag bya ba sngon du 'gro bas/ oM sarba bI ra yo gi n+yai pU dza u pas+thA nA yAt+ma nAM niryA ta yA mi/ sarba ta thA ga ta bI ra yo gi n+yA twA mu kaM/ a d+hi tiSh+Tha swA ma/ zhes bya bas lus thams cad kyis phyag byed du gzhug go /de na g.yon phyogs su thal mo 'di nyid snying gar sbyor du bcug la shar phyogs kyi sgo nas/ oM sarbba bI ra yo gi n+yai pU dza a b+hi She ka ya At+ma nAM/ nIrya ta yA mi sarbbA ta thA ga ta bI ra yo gi ni At+ma a mu kaM a b+hi Shiny+tsa tu maM/ de nas byang phyogs kyi sgor thal mo de nyid dpral bar bzhag la phyag byang du gzhug go /oM sarbba bI ra yo gi n+yai pu dza pra barta nA At+ma nA nIrya ta yA mi sarbba ta thA ga ta bI ra yo gi ni At+ma a mu kaM pra bartA ya maM/ de nas nub phyogs kyi sgor thal mo sbyor ba de nyid mgor gzhag la phyag byed du gzhug ste/ oM sarbba bI ra yo gi n+yai bU dza karma NI At+mA naM/ nIrya ta yA mi sarbba ta thA ga ta bI ra yo gi ni At+ma na a mu kaM Arya karmA ku ru maM/ de dag ni phyag go /de nas oM de bzhin gshegs pa kun gyi gnas/ /lha mo rnams kyi chos 'byung nyid/ /rin chen sna tshogs khang rtsegs ma/ /he ru ka dpal pho brang mchog /snying po'i dkyil 'khor 'di nyid du/ /bdag gis slob ma gzhug par bgyi/ /lha yi rigs kyi rim pa dag /bsod nams ji bzhin de bzhin shog /'di yis dngos grub gang 'grub dang/ /rigs ni gang gi snod du 'gyur/ /'di yis bsod nams ci yo de las/ /dkyil 'khor 'dir ni de bzhin shog /ces bya bas bden pa'i byin brlabs byas la/ mig lam du snang ba'i 'od kyi bye brag dri'o/ /des kyang smra bar bya ste/ de la dkar po dang ser po dang dmar po dang sngon po'i dbye bas zhi ba dang/ rgyas pa dang dbang dang drag shul spyod pa rnams kyi snod du go rim bzhin bstan la/ de nas sngar yi ge lngas bzung ba'i me tog gi phreng ba traM gis byin gyis brlabs la hUM gis dkyil 'khor du dor bar bya ste/ pra tIts+tsha badzra ho zhes brjod par bya'o/ /de la gal te sangs rgyas rnams kyi mdzod spu 'am gtsug tor ram dbu la lhung na phyag rgya chen po'i dngos grub po/ /spyan nam zhal la lhung na sngags kyi dngos grub thob po/ /sku'i stong du lhung na dngos grub rab lo/ /bar la ni dngos grub 'bring ngo/ /smad kyi cha la ni dngos grub tha ma'o/ /gzugs brnyan dang shin tu rings na ni/ /shin tu ring bas/ nye na ni dngos grub myur ro/ / lha rnams kyi rang gi gnas ni mig la sogs pa bcad pa las shes par bya'o/ /gal te lha gnyis kyi bar du lhung na/ me tog gang la nye ba de'i rigs kyi lha yin no/ /dkyil 'khor gyi phyi rol tu lhung na dngos grub med do/ /gal te dkyil 'khor gyi phyi rol lhung na der slar dor bar bya ste/ lan gsum byas nas gal te de nyid du lhung na/ de'i tshe gzung bar mi bya'o/ /de dag ni me tog dor ba'o/ /de'i rjes la slob ma'i mig gnyis la yi ge oM gnyis bsam la/ /he ru ka dpal der khyod kyi/ /mig 'byed par ni brtson par mdzad/ /mig ni thams cad 'byed mdzad de/ /rdo rje'i mig ni bla na med/ /oM dz+nyA na tsak+Shu badzra hUM/ zhes brjod cing gdong g.yog bsal nas/ oM dkyil 'khor bzang po 'di la ltos// nga ni dad pa rab tu bskyed/ /khyod ni rnal 'byor ma zas skye/ /sngags dang phyag rgyas byin gyis brlabs/ /'gro ba phun sum tshogs kun dang/ /dngos grub phun tshogs khyod mngon gyur/ /dam tshig thams cad brkyang ba dang/ /gsang sngags pa yang brtson par bgyis/ /zhes brjod nas 'phangs pa'i me tog gi phreng ba de blangs la/ de'i spyi bor pra ti grih+na swa i maM satwa mahA ba la zhes brjod cing bcing bar bya'o/ /de nas dkyil 'khor gyi lha so so'i ming bstan pa sngon du 'gro bas shar phyogs kyi sgo skyong ma nas brtsams nas/ bdag po'i mthar thug par bstan par bya'o/ /de dag ni slob ma dkyil 'khor du gzhug pa'i cho ga'o/ /de nas dbang bskur ba'i don du bla ma la 'byor pa ji lta bas yon phul te/ yan lag lngas phyag byas nas pus mo'i lha nga sa la btsugs la thal mo khong stong du sbyar nas/ ji ltar sangs rgyas mkhas rnams kyis/ /rdo rje sems dpa' dbang bskur ltar/ /bdag kyang mgon pos dbang bskur zhing/ /mchog kyang bdag la stsal du gsol/ /zhes brjod cing slob mas gsol ba gdab par bya'o/ /de nas slob dpon gyis dbang bskur ba'i don du rtsa ba'i dkyil 'khor las phyi rol du khrud yongs su dor ba'i phyi rol gyi sgo la mngon par phyogs par snying po'i dkyil 'khor gyi phyed kyi tshang gru bzhi pa rtsegs ma'i dkyil 'khor sgo bzhi pa dbus su pad+ma 'dab ma brgyad pa ge sar dang bcas pa snam bu shar du 'khor lo/ lhor rin po che/ nub du pad+ma/ byang du ral gri bris par de'i dbus su slob ma bzhag la/ hUM bzlas pa'i yungs kar g.yas pa dang/ g.yon pa'i chad pas gzung ste/ lo re zhing lan gnyis su g.yas bskor dang g.yon bskor du bskor zhing lag pa gnyis slob ma la nye bar reg par bya'o/ /de nas dkyil 'khor dbang phyug gi sngags kyi dris byug cing mar dang bcas pa'i sa rdzar rdza'i snod spos hUM bzlas pas 'jug par bya'o/ /de dag ni mi gtsang ba bsal ba'i cho ga'o/ /de ma thag tu snying ga'i sa bon las byung ba'i 'od zer gyi tshogs rnams kyis mdza' yas pa'i phyogs na bzhugs pa'i de bzhin gshegs pa rnams dang/ rig pa'i lha mo rnams slob ma dbang bskur ba'i don du bskul nas byon pa'i de bzhin gshegs pa til gyi gang bu ltar nam mkha' gang ba rnams/ gdugs dang rgyal mtshan dang ba dan dang gos la sogs pa'i yo byad rnams dang ldan zhing sangs rgyas spyan la sogs pa'i rig sngags pad+ma'i rtsa ba ltar dkar ba'i ye shes kyi chu yis gang ba'i bum pa lag na thogs pa dang/ lhan cig pa rnams kyis/ phun sum tshogs pa mnga' ba gser gyi ri bo 'dra/ /'jig rten gsum gyi mgon po dril gsum spangs pa/ /sangs rgyas pad+ma rgyas pa'i 'dab 'dra'i spyan mnga' ba/ /bkra shis des ni deng 'dir bde legs shog /de yis nye bar bstan pa'i mchog rab mi g.yo ba/ /'jig rten gsum na grags shing lha dang mis mchod pa'i/ /chos kyi dam pa skye dgu rnams pa zhi byed pa'i/ /bkra shis des ni deng nas khyed la bde legs shog /dge 'dun dam pa'i chos ldan thos dang bkra shis phyug /lha dang mi dang lha min dag gis mchod pa'i gnas/ /tshogs kyi mchog rab ngo tsha shes dang dpal gyi zhing/ /bkra shis des ni deng nas khyed la bde legs shog /ces bya ba'i tshigs su bcad pa gsum dang/ gzugs rdo rje ma la sogs pa'i lha mo rnams kyi glu len bzhin pa dang/ rdo rje can gyis 'gro skyab phyir/ /sangs rgyas rnams kyis dbang bskur ba/ /yon tan 'byung nas stsal ji ltar/ /de bzhin 'di la'ang stsal du gsol/ /zhes pa'i tshigs su bcad pa 'dis gsol ba btab la/ hUM dang rdo rje las byung ba'i thugs kyi 'khor lo bde mchog gi gzugs can gyis slob ma la dbang bskur ba bzhin du/ dbang bskur rdo rje chen po ni/ /khams gsum pa yi phyag byas pa/ /sangs rgyas kun gyi gsang gsum gyi/ /gnas las byung ba sbyin par bya/ /zhes bya ba dang/ ji ltar bltams pa tsam gyi ni/ /de bzhin gshegs kun khrus gsol ba/ /lha yi chu ni dag pa yis/ /de bzhin bdag gis khrus bya'o/ /zhes bya ba brjod cing chus sdud pa'i rnam par rgyal ba'i bum pa rdo rje dang bcas pa lag pas blangs pa'i bum pa'i chus mi bskyod pa'i ngo bo yis/ oM sarbba ta thA ga ta badzra a b+hi She ka sa ma ya sh+ri ye hUM/ zhes brjod cing slob ma 'khor lo sgyur ba bzhin du dbang bskur bar bya'o/ /de nas rang gi snying ga'i sa bon gyi 'od zer gyis mi bskyod pa yis bdag pos byas pa he ru ka'i dkyil 'khor slob ma'i lus la gzhug par bya'o/ /rnam par rgyal ba'i bum pas/ legs par dbang bskur la chu yongs su gyur pa las spyi gtsug tu mi bskyod pa bltas la/ me tog la sogs pas yang dag par mchod de de ni chu'i dbang bskur ba ste rang bzhin gyis rnam par dag pa'i gnas gyur nas chos kyi dbyings shin tu rnam par dag pa'i ye shes so/ /de nas rin chen can gyi 'gro ba bskyab phyir zhes bya ba la sogs pa'i tshigs su bcad pas gsol ba btab pa'i slob dpon gyis slob ma trAM las rin po che las byung ba'i yon tan 'khor lo bde mchog gi gzugs can la/ sngar bstan pa'i de bzhin gshegs pa thams cad dang/ rigs pa'i lha mo'i bya ba dang ldan par rnam par bsgoms la/ dbang bskur rdo rje che po ni zhes bya ba la sogs pa dang/ yon tan dpag med 'byung ba'i gnas/ /yid bzhin rin chen sna tshogs rgyal/ /ngo mtshar gzi brjid chen po'i mchog /cod pan gyi ni dbang bskur ro zhes/ brjod la de'i mgo la gser dang gos la sogs pa las byas pa'i rin chen 'byung gi ngo bor de bzhin gshegs pa thams cad kyis kyang rin chen 'byung gi gzugs su rdzogs par byin gyis brlabs pa'i cod pan bcing zhing bum pa'i chu ldugs shing/ oM sarbba ta thA ga ta ratna a b+hi She ka sa ma ye sh+ri ye hUM/ zhes brjod par bya'o/ /de nas rin chen 'byung gis bdag po byas pa'i sh+rI he ru ka'i dkyil 'khor gyi 'khor lo slob ma'i ba spu'i bu ga nas zhugs nas lus la thim par bsam ste/ chu las rna ltag g.yas par rin chen 'byung ngo/ /de dag ni cod pan gyi dbang yin te nyon mongs pa can gyi yid kyi dri ma gsal bas mnyam pa nyid kyi ye shes so/ /de nas pad+ma can gyi 'gro bskyab phyir zhes bya ba la sogs pa brjod de/ slob ma oM dang pad+ma yongs su gyur pa las gsung gi 'khor lo bde mchog gi ngo bo rnam par bzhag nas rdo rje 'od dpag med kyi bdag nyid kyis blangs la/ dbang bskur rdo rje chen po ni zhes bya ba la sogs pa'i tshigs su bcad pa yang brjod la/ yang sangs rgyas rdo rje dbang bskur bas/ /de nyid khyod ni dbang bskur bya/ /'di ni sangs rgyas thams cad nyid/ /rab tu grub phyir rdo rje long zhes brjod cing/ slob ma'i snying ga dang mgrin pa dang/ spyi bor rdo rje reg nas de nyid lag pa g.yas par sbyin par bya ste/ bum par chu ldugs shing/ oM sarbba ta thA ga ta pad+ma a b+hi She ka sa ma ye sh+ri ye hUM/ zhes brjod pa dang/ de nas rang gi snying ga'i sa bon gyi 'od zer gyis 'od dpag med kyis bdag po byas pa'i he ru ka'i dkyil 'khor slob ma'i lus la gzhug par bya ste/ chu yongs su gyur pa las lhag pa'i steng du 'od dpag med bsgom par bya'o/ /de dag ni rdo rje'i dbang bskur ba ste/ yid kyi rnam par shes pa so sor rtog pa'i ye shes so/ /de nas sna tshogs can gyi 'gro bskyab phyir/ /zhes bya ba la sogs pa brjod de/ slob ma kham dang sna tshogs rdo rje yongs su gyur pa las/ phrin las 'khor lo bde mchog gi gzugs su dmigs la/ dbang bskur rdo rje chen po ni zhes bya ba la sogs pa brjod pa sngon du 'gro bas/ oM dril bu rdo rje rab ldan pas/ /shin tu dpa' bo nyid dbang bskur/ /rdo rje dam tshig gnas pa khyod/ /bdag po'i dbang bskur rgyal mnos shig ces brjod cing dril bu don yod grub pa'i ngo bo de'i lag pa g.yon par byin la/ rdo rje dang dril bur ldan pa'i lag pa dag gis 'khyud pa'i tshul du byed du bcug la chu sbyin zhing/ oM sarbba ta thA ga ta karma a b+hi She ka sa ma ya sh+ri ye hUM zhes brjod par bya'o/ /de nas don yod grub pas bdag po byas pa'i sh+rI he ru ka'i dkyil 'khor slob ma'i ba spu'i bu ga nas zhugs nas lus la thim par bsam mo// chu las rna lhag g.yon par don yod grub pa bsam par bya'o/ /de dag ni dril bu'i dbang bskur ba ste/ sgo lnga'i rnam par shes pa gnas gyur nas bya ba nan tan grub pa'i ye shes so/ /de nas 'khor lo can gyi 'gro bskyab phyir/ zhes bya ba la sogs pa'i tshigs su bcad pas gsol ba btab pas rnal 'byor pas/ oM dang 'khor lo yongs su gyur pa las sku'i 'khor lo bde mchog tu gnas pa las/ dbang bskur rdo rje chen po ni zhes bya ba dang/ oM sh+rI he ru ka a d+hi bi ti stwaM a b+hi Shiny+tsa mi/ oM sh+rI he ru ka nA ma a b+hi She ka te zhes bod cing de'i mgo bor lag pa dag gis rdo rje dang dril bu mnyam par bzung zhing/ bum pa'i chus oM sarbba ta thA ga ta bud+d+ha a b+hi She ka sa ma ya sh+rI ye hUM/ zhes bya ba'i sngags kyis rnam par snang mdzad kyi bdag nyid ming gi dbang bskur bar bya ste/ 'di'i me tog babs pa'i rjes su 'brangs pas rigs kyi rim par rtogs nas/ ming kye dpal zhe sdang rdo rje zhes bya ba'am/ kye dpal gti mug rdo rje/ kye dpal nga rgyal rdo rje/ kye dpal 'dod chags rdo rje/ kye dpal phrag dog rdo rje/ zhes bya ba la sogs pa slob dpon gyis bya'o/ /de nas rnam par snang mdzad kyis bdag pos byas pa'i he ru ka'i dkyil 'khor slob ma'i ba spu'i bu ga nas zhugs nas lus la thim par bsam par bya'o// chu las tshogs kar rnam par snang mdzad bsam par bya'o/ /de dag ni ming gi dbang bskur ba ste/ kun gzhi'i rnam par shes pa gnas gyur nas me long lta bu'i ye shes so/ /dbang bskur ba lnga po 'di rnams kyis dbang bskur ba'i slob ma ni/ sngags dang rgyud nyan pa dang bshad pa dang/ gsang sngags sgrub pa la dbang du byas pa yin no/ /de bzhin gshegs pa lnga'i ngo bo dbang bskur ba lnga po de dag la ni rig pa'i dbang bskur ba'i sgras kyang brjod par bya ba yin te/ ma rig pa lnga yongs su gyur pa'i ngo bo/ /rig pa'i ye shes lnga po rnams sgrub par byed pa'i phyir dang thams cad du sangs rgyas spyan la sogs pa rig pa'i lha mo dbang bskur bar byed pa'i phyir ro/ /de dag ni dbang bskur ba lnga'i rim pa'o/ /de ltar rig pa'i dbang bskur ba lnga po tsam 'dod na ni sngar bstan pa'i slob dpon gyi sdom pa mi bzung bar dbang bskur ba lnga byas pa'i de ma thag du rjes su gnang ba dang/ /brtul zhugs sbyin pa dang/ lung bstan pa dang/ dbugs dbyung ba bzhi sbyin par bya'o/ /gal te slob dpon gyi dbang bskur par 'dod pa de'i tshe lhag par gnas pa'i skabs su gsungs pa'i slob dpon gyi sdom pa nod pa'i tshogs sdom pa legs par bzung ba 'am/ rig pa'i dbang bskur ba nod pa'i rjes la skabs 'dir cho ga de nyid kyis sdom pa bzung ba'i slob ma pus mo g.yas pa'i lha ngas la gtsugs nas thal mo khod stong du sbyar te/ tshigs su bcad pa 'dis bla ma la slob dpon gyi dbang gi don du gsol ba gdab par bya'o/ /kye ho snying rje'i gter bdag la/ /khyod kyis bka' drin gang gi bdag /bdag dang gzhan don nus 'gyur ba'i/ /rdo rje slob dpon dbang bskur gsol zhes brjod la/ slob dpon gyis kyang rtsa ba'i dkyil 'khor gyi phyi rol tu sngar bstan pa'i dkyil 'khor du slob ma bzhag pa la sa bon la sogs pa rdzogs pa rdo rje 'chang gi gzugs su rnam par bsgoms la/ rang gi sa bon gyi 'od zer rnams kyis bkug pa mdza' yas pa'i phyogs na bzhugs pa sangs rgyas spyan la sogs pa'i rig pa dang lhan cig pa'i de bzhin gshegs pa'i me tog dang bdug spos la sogs pa rnam pa sna tshogs pa'i mchod pa'i yo byang dang ldan pa ye shes kyi chus gang ba'i bum pa thogs pa rnams kyis dbang bskur zhing gzugs rdo rje ma la sogs pa rnams kyis sngar bstan pa'i bkra shis kyi tshigs su bcad pa glu len bzhin par rnam par bsam te/ bde gshegs kun gyi 'gro ba bskyab phyir zhes bya ba la sogs pa brjod pas/ dbang bskur rdo rje chen po ni zhes bya ba la sogs pa brjod pa dang/ oM su pra tiSh+Tha badzra swAhA/ zhes bya ba la sogs pa'i sngags kyang brjod par bya'o/ /de bzhin gshegs pa de dag dang lha mo de rnams kyis de nyid du ye shes sems dpa' i gzugs kyis zhugs te/ de nas rdo rje sems dpa' cod pan du bsam mo/ /de nas dam tshigs su ma gzung bar bya'o/ /de la dam tshig gsum ni 'di yin no/ /yi ge hUM las rdo rje bsgoms la/ thog mdza' med pa sems dpa' mchog /rdo rje sems dpa' dga' ba che/ /kun tu bzang po thams cad bdag /rdo rje snying po bdag po gtso/ / bcom ldan 'das dam pa dang po'i skyes bu'o/ /oM mahA badzra hUM zhes kyang brjod de de kho na nyid kyi rdo rje 'dzin du gzhug go /de dag ni rdo rje'i dam tshig go /de nas yi ge a las byung ba'i dril bu/ 'di ni rnal 'byor ma kun gyi/ /shes rab dbyangs kyi rjes 'gror bshad/ /khyod kyis kyang ni rtag tu bzung/ /byang chub mchog tu rgyal ba bzhed/ /ces bya ba 'dis 'dzin du gzhug par bya'o/ /srid pa ngo bo nyid kyis bdag /rang bzhin gyis ni dngos med byas/ /rang bzhin dag pa'i sems ldan pas/ /srid pa dam pa mchog tu byed/ /ces bya ba 'dis slob mas kyang de dkrol bar bya ste/ oM badzra g+haN+Da a zhes brjod do/ /de dag ni dril bu'i dam tshig go /de'i rjes la/ rdo rje dril bu yang dag 'khyud/ /g.yon snyems pa dang mchu 'dzin pa/ /gnyis med gnyis 'dzin rnal 'byor bdag /phyag rgya chen por byin gyis brlab/ /de'i 'og tu yid kyi lus ni bstan pa'i phyir/ /phyag rgya dam tshig ces bshad de/ /gang gis lus kun brtan byed pa/ /des na phyag rgya rab tu bsgrags/ /zhes bya ba 'dis rang gi 'dod pa'i lha'i lus rdo rje 'chang gi ngo bo can kha sbyor gyi rim pas byin gyis brlabs nas 'khyud pa'i tshul du gzhug go /de dag ni phyag rgya chen po'i dam tshig go /de nas sna tshogs pa'i mchod pa'i khyad par gyis yang dag par mchod nas/ mi bskyod rdo rje zhes bya ba la sogs pa'i tshigs su bcad pa rnams kyis yang dag par bstod do/ /de nas dkyil 'khor gyi de kho na dang/ lha'i de kho na dang/ slob dpon gyi las dkyil 'khor bsgrub pa dang/ slob dpon 'jug pa'i bya ba brtan par bya'o/ /de dag ni slob dpon gyi dbang bskur ba ste/ ming gzhan phyir mi ldog pa'i dbang bskur ba'o/ /dbang bskur ba drug po 'di rnams ni thams cad du spyan ma la sogs pa'i lha mo rnams kyi bum pa byed du 'jug pas na bum pa'i dbang bskur ba ces brjod do/ /de skad du yang/ bum pa'i dbang ni dang po de zhes gsungs so/ /de nas thung ma mig sman la sogs pa'i cho ga thams cad bya'o/ /'dir rim pa 'di yin te/ slob dpon gyis gser gyi thur ma blangs te/ slob ma'i mdun du/ ji ltar mig mkhan rgyal po yis/ /'jig rten rab rib bsal ba ltar/ /bu khyod kyis ni mi shes pa'i/ /rab rib rgyal ba rnams kyis bsal/ /oM badzra Ni twA ya a pa ha ra phaT laM hI(rgyud 'grel ba'i mchod pa gyis/ /sgeg dang bcas pas phreng ba 'phang/ /sangs rgyas thams cad mchod par bya/ /des ni bcom ldan 'bral mi 'gyur/ /phreng ba de'i rgyan yin no/ /lus can kun la dam chos kyi/ /glu ni khyod kyis blang bar bya// de yis bde gshegs dngos grub ni/ /bde ba myur du myong bar 'gyur/ /de nyid thal mo gar gyis ni/ /sangs rgyas thams cad mnyes par byos/ /sangs rgyas 'dul ba'i phrin las kyis/ /gar mkhan tshul du bsgyur bar gyis/ /sangs rgyas rnams la me tog gtor/ /byang chub yan lag tshogs 'gyur bas/ /mtshan dang dpe byad ldan pa yi/ /bde gshegs sku ni thob par gyis/ /rdzogs sangs rgyas la spos phul bas/ /brtul zhugs bzang pos legs tshim gyis lus can bde gshegs cha lugs su/ /ye shes kyis ni tshim par gyis/ /chos kyi me ni legs 'bar bas/ /rdo rje chos dang 'dra bar 'gyur/ /sems can ma rig ljongs pa la/ /ye shes sgron mas snang bar mdzod/ /rgyal ba rnams la dri phul la/ / tshul khrims ting 'dzin shes rab dang/ /rnam grol ye shes mthong ba yi/ /byang chub lus can rnams la bsgos/ /de nas me long ltar bcug la/ /chos kyi mtshan nyid brjod byas te/ /chos rnams gzugs brnyan lta bur ni/ /gsal zhing dangs la rnyog pa med/ /gzung du med cing brjod du med/ /rgyu dang las la kun tu byung/ /rang bzhin med cing bdag med pa/ /de ltar chos rnams shes gyis la/ /sems can don ni mnyam med byos/ /'on kyang rnal 'byor ma sras skyes/ /de nas dbyangs yig tha mas bskyed pa'i dril bu dkrol ba sngon du 'gro bas byin la/ thams cad nam mkha' i mtshan nyid de/ /nam mkha' la yang mtshan nyid med/ /nam mkha' dang ni mnyam sbyor bas/ /kun mchog mnyam pa nyid du gsal/ /zhes bya bas dkrol bar bya'o/ /yi ge ho las byung ba'i mda' gzhu gtad la/ chos nyid gzhu yis ye shes mda'/ /phyogs mtshams steng 'og kun tu 'phongs/ /bdud sogs bcom pas de bzhin gshegs/ /thams cad rjes su mnyam par gyis/ /ces brjod de phyogs bzhi dang steng 'og tu mnga' re 'phang ba ltar bya'o/ /de nas oM badzra he tu bam zhes bya ba 'dis 'khor lo rkang pa'i bar du bzhag la/ deng nas brtsams te sems bskyed la/ /bdag dang lhan cig pa tsam gyis/ /bya ba spyod tshul gsang ba yi/ /chos kyi 'khor lo bskor bar bgyi/ /zhes so/ /de nas oM badzra b+hA Sha raM zhes bya bas lag pa g.yas su dung byin la/ khyed kyis te tshom dogs med par/ /yid gnyis med pa'i sems kyis ni/ /chos kyi dung ni bla med pa/ /dri med kun tu dag par gyis zhes so// de nas dbyangs yig dang po las byung ba'i thod par g.yon par byin la/ gsang sngags theg pa'i tshul dang lugs/ /'jig rten rnams la rtag tu ston/ /de nas sangs rgyas drin shes shing/ /phan par byed pa yin par gsungs/ /des ni rdo rje 'dzin kun gyis/ /khyod la rtag tu bsrung bar mdzad/ /ces brjod do/ /de nas rim pa bzhin du ni/ /rnam par snang mdzad la sogs pa'i gzugs su slob ma dmigs nas 'di skad brjod par bya ste/ sems can kun la phan bya'i phyir/ /bdag gis 'jig rten thams cad du/ /ji ltar gdul bya sna tshogs pas/ /chos kyi 'khor lo bskor bar gyis/ /chos kyi gnas su rdo rje dang/ /rin po che dang pad+ma dang/ /las kyi sgra rnams bcug la rim gyis tshigs su bcad pa lngas rjes su gnang ba sbyin par bya'o/ /de dag ni chos kyi de kho na nyid do/ /zhi dang rgyas dang dbang dang dgug /sdang bar byed dang rengs sogs dang/ /gsang dang bskrad pa thams cad de/ /las de rnams ni sgrub par gyis/ /ral gri mig sman sa 'og dang/ /mchil lhag de bzhin dril bu ste/ /rnal 'byor ma yi dngos grub ni/ /de dag ci dga' bsgrub par gyis/ /slob mas kyang de bzhin du bla ma'i zhabs kyi chu skyes gnyis la phyag 'tshal nas/ gtso bos ji skad bka' stsal pa// de ltar bdag ni bgyid par 'tshal zhes brjod par bya'o/ /de dag ni rjes su gnang ba sbyin pa'o/ /de'i rjes la rdo rje sems dpa' i gzugs su dmigs la/ 'di ni sangs rgyas thams cad kyis/ /rdo rje sems dpa' i phyag na bsnams/ /khyod kyis kyang ni rtag tu bzung/ /phyag na rdo rje'i brtul zhugs brtan/ /slob mas kyang oM sarbba ta thA ga ta sid+d+hi badzra sa ma ya tiSh+Tha e Sha twAM d+ha ra ya mi badzra satwa hI hi hi hi hi hUM zhes brjod cing rdo rje bzung bar bya'o/ /rdo rje'i brtul zhugs so/ /kha TwAM ga ni lha'i sku/ /byang chub sems kyi ngo bo nyid/ /rdo rje kha TwAM rdo rjer bcas/ /thabs chen po ni blang bar gyis/ /shes rab Da ma ru yi sgra/ /rdo rje rnal 'byor ma rang bzhin/ /bde gshegs 'gro don la bskul ba/ /bu khyod kyis ni rtag tu bzung/ /mchod phyir thogs dang rnal 'byor snod/ /snying rje chen po bdud rtsi che/ /'gro ba thams cad skyong byed pa/ /dpa' po chen pos blang bar gyis/ /de nas bdag nyid langs te sangs rgyas kyis gzugs su bsam nas/ snying gar g.yon pa'i khu tshur gyis chos gos 'dzin pa'i tshul dang/ g.yas pa mi 'jigs pa'i phyag rgyar byas la/ rdo rje sems dpa' de bzhin gshegs/ /ngas ni khyod la lung bstan bya/ /srid pa'i ngan 'gro las gton ste/ /mchog tu srid pa sgrub phyir ro/ /kye che ge mo zhes bya ba'i ta thA ga ta sid+d+hi sa ma ya stwaM b+hurb+hu ba swA:zhes bya ba 'dis ming dang rjes su mthun pa'i de bzhin gshegs pa gang yang rung ba'i gzugs su slob ma dmigs la lung bstan nas/ gang la mtho ba'i phyag rgyas lung bstan par byed pa de 'khor gyi dkyil 'khor dang bcas pa'i de bzhin gshegs pa thams cad kyis mgrin gcig tu bla na med pa yang dag par rdzogs pa'i byang chub tu lung ston par mdzad de/ mtho ba'i phyag rgya 'di nyid kyi mthu dang/ sngags 'di'i stobs yin no snyam du dad par bya'o/ /zhes slob ma la brjod par bya'o/ /de dag ni lung bstan pa'o/ /de nas gsang ba brjod par bya ste/ 'dod chags bral ba lta bu'i sdig /khams gsum na ni gzhan med de/ /de bas 'dod chags la bral ba/ /khyod ni nam yang mi bya'o/ /ma hA sa ma ya ha na hUM phaT ces brjod pa'o/ /de'i rjes la lha thams cad kyi snying po'i sngags kyis slob ma'i snying gar mngon par sngags te/ lag pa g.yas par bsrung ba'i gdu bu bcings la/ mgo bor las kyi rdo rjes gdugs bzung zhing/ skor ba yang byed du bcug nas/ thal mo sbyar ba'i slob ma dkyil 'khor shar sgor gdugs dang bcas par phyag byed du bcug ste/ rgyud ni 'dzin par gyur pa yis/ /slob ma 'di ni phul ba lags/ / zhes dkyil 'khor gyi dbang phyug la gsol ba gdab par bya'o/ /de nas slob ma'i yid du 'ong ba brjod par bya ste/ da ni dkyil 'khor slob dpon gyur/ /sngags dang rgyud ni 'dzin pa khyod/ /sangs rgyas byang chub sems dpa' dang/ / lha rnams kyis kyang bzhed pa yi/ /sems can rnams la brtse don du/ /dkyil 'khor cho ga bzhin du bris/ /khyod kyis nan tan bskyed nas su/ /sgrub pa po rnams sngags la sbyor/ /de nas slar yang gzengs bstod par bya ste/ gsang chen mchog gi dkyil 'khor ni/ /dam pa mthong dang zhugs pa yi/ /sdig pa kun las rnam grol bar/ /khyod ni de ring nges par gnas/ /bde chen theg pa 'di las ni/ /slar khyod 'chi ba yod ma yin/ /srid pa shin tu dag pa'i phyir// srid pa'i sdug bsngal las khyod 'das/ /deng khyod skye ba 'bras bur bcas/ /gang zhig 'dir ni legs gnas par/ /dam tshig lha rnams dang mnyam par/ /'gyur bar 'di la the tshom med/ /sangs rgyas rdo rje 'dzin bcas pa/ /kun gyi che ldan ding dbang bskur/ /khams gsum pa yi rgyal srid che/ /bdag po nyid du nges pa yin/ /de ring bdud rnams las rgyal nas/ /pho brang dam par zhugs pa yin/ /de nyid sangs rgyas nyid thob par/ /'di ni khyod la the tshom med/ /'dod pa'i longs spyod thams cad kyis/ /gang la mi 'jigs dga' ba gyis/ /de bzhin gshegs pa'i gsung bzhin du/ /khyod la sdig med ma 'jigs shig /de dag ni dbugs phyung ba'o/ /'dir dbang bskur ba'i slob ma ni/ /lag pas bzung ste gzi ces bya/ /gnyis med ye shes bla med pa/ /ma lus don ni kun brjod bya/ /nang par sngar langs sems bdag nyid/ /ma lus khrus ni byas nas su/ /bsrung dang bza' ba la sogs pa'i/ /sdom pa'i bdag nyid can bsrung ngo/ /lus dang srog la bltos med pas/ /dam tshig dang ni sdom pa bsrung/ /nyin dang mtshan mo lan gsum du/ /nyin re bzhin du bzlas par bya/ /gang tshe nyams na rnal 'byor pa/ /kha na ma tho sbom por 'gyur/ /dgun zla 'bring po nas brtsams te/ /zla ba re re bsrung bar bya/ /gnyis med gnyis med 'khor lo gnas/ /tshes bcu la ni de dag mchod/ /chang dang sha sogs ci yang rung/ /dpa' bo rnal 'byor ma'i tshogs/ /thams cad gnyis med la gnas par/ /sh+rI he ru ka rab tu mchod/ /dpa' bo rnal 'byor ma kun la/ /khyod kyis brnyas par mi bya ste/ /dam tshig rab bsrungs bsod nams kyis/ /tshe 'di nyid la 'grub par 'gyur/ /bud med mthong ba thams cad la/ /g.yon nas lan gsum bskor bya zhing/ /spyi bor phyag ni byas nas ni/ /lan gsum bar du gsol ba gdab/ /bdag gi ma khyod bu yin te/ /ji srid byang chub 'byung bar du/ /byang chub yan lag nu ma las/ /'byung ba'i rang gi 'o mas skyongs/ /gnyis med ye shes spyod pa'i tshul/ /sngon du bslab pa blangs nas ni/ /nA da la sogs sngon 'gro ba'i/ /tshangs par spyod pa shin tu bsrung/ /dam tshig de la rtag gnas te/ /de sngon 'gro ba sbas pa yid/ /spyod dang grol ba'i gnas 'dod pa'i/ /yid la 'dod pa kun grub 'gyur/ /gnyis med ye shes sems ldan la/ /mi bya ba ni ci yang med/ /tshangs par spyod pa rtag mo nas la/ /'dod pa lnga ni spyod par gyis/ /gnyis med la gnas zas la ni/ /rdo rje sems dpa' la sogs brnga/ /gnyis med pa dang thogs med pa/ /dam tshig spyod pa'i spyod pa bya/ /mi mo dbang phyug legs spyad pa'i/ /tshangs spyod bsam gtan de bzhin ni/ /khro ba med par rgyun gcod pa/ /rtag tu sgrub po yongs su bsrung/ /yul kun la ni rnam rol cing/ /gnyis med grub pa'i rnal 'byor ma/ /srog ni ji srid gnas pa'i bar/ /bu khyod kyis ni bsgrub par gyis/ /'dod pa'i longs spyod thams cad ni/ /ci dga' bar ni brten par gyis/ /he ru ka dpal rnal 'byor che/ /bsam nas thams cad rab tu brtag /bdag nyid sangs rgyas thams cad dang/ /rnal 'byor ma ni kun gyi gnas/ /de bas 'bad pa thams cad kyis/ /he ru ka dpal bdag mchod do/ /dam pa'i chos ni smad mi bya/ /nam yang spang bar mi bya'o/ /mi shes pa 'am gti mug gis/ /de ni bstan par mi bya'o/ /rang gi bdag nyid mi spangs te/ /dka' thub kyis kyang gdung mi byed/ /ji ltar bde bas bde bar bzung/ /'di ni ma 'ongs rdzogs sangs rgyas/ /gtso bos ji ltar bka' stsal pa/ /de ltar bdag gis bgyid par 'tshal/ /dam tshig dang sdom pa bskyang ba'o/ /bstan par mi bya'o/ /de nas yol ba la sogs pas/ /dben par byas pa'i sa phyogs su/ /rang gi yid du 'ong zhing mdzes/ /gzugs dang lang tsho phun sum tshogs/ /yon dang ldan pa/ dam tshig dang sdom pa can/ rnal 'byor la mkhas pa/ shin tu dad pa can/ rgyan thams cad kyis brgyan pa/ de bzhin nyid du gsang ba'i dbang bskur ba'i don du bla ma la phul la pus mo g.yas pa'i lha nga sa la btsugs shing thal mo sbyar la/ rdo rje sems dpa' dngos ltar slob dpon la bltas te/ skyob pa med pa'i skyob pa skyabs/ /'khor lo sdom pa bdag la skyobs/ /rgyu med par ni thugs rje che/ /mgon med mgon bdag bka' drin gsol/ /bdag nyid che khyod ji bzhin du/ /khyab bdag bdag kyang mdzad du gsol/ /'khor ba'i 'dam gyi tshogs dag tu/ /bdag bying 'di las bdag la skyobs/ /zhes bya ba 'dis gsol ba gdab la/ de nas bla mas kyang rnal 'byor ji lta ba bzhin kun nas mngon du byed cing de ma thag du tha mal pa'i bud med kyi gzugs bsal nas lha mo'i gzugs su bskyed do/ /rdo rje dang pad+ma 'du bya ba mngon du 'gro bas rdo rje 'chang gi nga rgyal dang ldan pas/ oM sarbba ta thA ga ta a nu rA ka Na badzra swa b+ha ba at+ma ko haM/ zhes bya ba'i sngags brjod nas/ de bzhin nyid kyis pad+ma'i nang rol du rdo rje bsgrub par bya zhing/ snying ga'i sa bon kyi 'od zer rnams kyis gnas sna tshogs na bzhugs pa'i de bzhin gshegs pa rnams bdag nyid la bcug nas/ rim gyis dga' ba bzhi rtogs par byas la/ rdo rje'i nor bu nga yang lhan cig skyes pa so so'i rang gis rig pa'i ngo bo bstan par bya ste/ mthe bo dang srin lag dag gis bsdams la rdo rje dang pad+ma nas bton la dkyil 'khor ba'i sngags rnams kyis sangs rgyas thams cad kyi bdag nyid rtogs pas de'i mig dang lag pa'i spyod yul min la/ slob ma'i kha'i chu skyes kyi nam mkhar/ 'di ni btung ba rin chen mchog /lus ni rdo rjer rab bsgrub phyir/ /yid kyi chu ni btung bar gyis/ /bu khyod kun tu ye shes 'gyur/ /zhes bya ba 'dis me tog gis gzhug go /des kyang de bzhin gshegs pa thams cad 'dus pa'i rnam pa'i bdag nyid du rig pas a ho su kha zhes brjod pas kha yi drangs pas/ rang gi longs spyod kyi spugs su gzhug go /de bzhin nyid kyang langs nas rang gi chu skyes kyi nang gi lhag ma sbrang rtsi'i thigs pa/ deng nas brtsams te bu khyod kyis/ /brtul zhugs bzang pos 'gro don gyis/ /bram ze rgyal rigs rje rigs dang/ /dmangs rigs mthar skyes bu mo rnams/ /b+ha kha pad+ma tsum pa na/ /bdud rtsi rnams ni bsgrub par gyis/ /zhes brjod de/ kha'i pad+ma nam mkhar gos pa med par gzhug par bya'o/ /de dag ni gsang ba'i dbang bskur ba'o/ /de ma thag tu de bzhin nyid gcig par 'dod pa 'am/ de bzhin nyid tha dad par 'dod par de mgon pos yang dag par rig par byas nas/ de bzhin gcig tu 'dod pas ni de bzhin nyid de de nyid la'o/ /tha dad pa la yang gzhan te dam tshig dang sdom pa la gnas pa/ sihla dang ga bur dang yang dag par ldan pa/ lo nyi shu rtsa lnga ma dang/ rang rig pa tsam gyis ye shes mngon du bya ba'i phyir/ byang chub rdo rje sangs rgyas la/ /mchod chen ji ltar gsal ba ltar/ /bdag la'ang bskyab pa'i don gyi phyir/ /nam mkha' i rdo rje deng bdag stsol/ /zhes bya bas gsol ba btab pa'i slob ma la/ /de'i lag pa de'i lag par gtad nas/ sangs rgyas thams cad dbang por byas te spyi bor rdo rje bzhag ste snying ga'i sa bon las spros pa'i mdza' yas pa'i sangs rgyas la sogs pa rnams kyis ji skad du gsungs pa'i bya ba sngon du 'gro bas/ khyod kyi gzung ma nyams dga' 'di/ /brten byar sangs rgyas rnams kyis rtags/ /rdo rje pad+ma rab sbyor bas/ /bde ba dam pa yang dag myong/ /thabs gzhan gyis ni sangs mi rgya/ /'gro ba gsum na 'di dag pa/ /de bas 'di dang bral bar ni/ /khyod ni nam yang ma byed cig /'di de sangs rgyas thams cad kyi/ /rig pa'i brtul zhugs bla na med/ /rmongs pa gang zhig 'da' byed na/ /mchog gi dngos grub de la med/ /zhes brjod la gtad par bya'o/ /de yang tsan dan dang gur gum la sogs pas rnam par byugs shing/ shin tu dri zhim pa'i me tog gis phreng bas nye bar brgyan pas/ gos med par chu skyes kha phye bar mngon par gsal bar ston cing 'di skad smra bar bya'o/ /bshang gci la sogs zab dang/ /khrag dang khu ba de bzhin sha/ /rtag par bu med mchog gus pas/ /b+ha ga'i pad+mar 'o byed par/ /bu khyod spro bar byed dam ci/ /bu khyod ji ltar bde bar smros zhes so/ /des kyang bshang gci la sogs lta ba dang/ /bud med rtag tu gus par bgyi/ /b+ha ga nyid la 'o bgyid par/ /lha mo ci phyir bdag mi spro/ /zhes brjod par bya'o/ /nges kyang dga' ba dang byams pa dang bcas pas de skal pa bzang po sdug par blta zhing/ tsog tsog pus chu skyes rab tu bstan nas 'di skad smra bar bya'o/ /e ma'o bdag gis pad+ma 'di/ /bde ba kun dang yang dag ldan/ /gang zhig cho ga bsten byed pa/ /de yi mdun na bdag ni gnas/ /rdzogs sangs mnyes par bya la sogs/ /bya ba ci yin pa dmar gyis/ /bde chen rgyal po rang nyid ni// 'di nyid na ni rtag tu zhugs/ /b+ha dza mo k+Sha ho zhes pa'o/ /des kyang rang nyid lha'i rnal 'byor dang ldan pas shes rab lha mo'i gzugs su skyed la/ /yi ge hUM las rang gi gsang ba'i rdo rje dkar po/ byA las nor bu dmar po byA ser pos bu ga bkag pa/ yi ge a las phyag rgya 'di pad+ma dmar po 'dab ma gsum pa/ dyA las ze'u 'bru dkar po dbyA ser pos bu ga bkag par bsam la g.yon gyi chu skyes kyi g.yon ngos nas gnas pa'i rtsa rdo rje dbyings kyi dbang phyug ma/ lce yi sbyor bas bskyod cing/ oM sarba ta thA ga ta a nu rA ga Na badzra swa b+hA wa at+ma kohaM/ zhes bya ba'i sngags bzlas pa sngon du 'gro bas/ bla ma'i man ngag las dga' ba la sogs pa'i dbye ba rtogs shing/ rang gi snying ka'i sa bon gyi 'od zer gyi tshogs rnams kyis bkug pa'i de bzhin gshegs pa rnams kyi byin gyis brlabs pa'i lus can/ bla mas kyang de'i sems la spyan ma la sogs pa'i lha mo rnams bcug pa dang ldan pas dga' bar brtsams par bya'o/ /de nas bla mas yol ba'i phag tu A li kA li'i sgo nas slob ma'i rigs brtags la/ rigs nges pa'i phyag rgya rgyud nas gsungs pa bstan par bya'o/ /de nas rdo rje pad+mar rab bzhag nas/ /byang chub sems ni btang mi bya/ /bskyod par byas nas dga' ba de/ / sems bskor nas ni bsgom par bya/ /rnal 'byor pa'i byang chub sems/ /ji srid gtong bar ma byed pa/ /de srid kun dga' las byung ba'i/ /dga' skyes bde ba ci yang 'thob/ /dngos grub kun gyi gter gyur pa'i/ /byang chub sems ni lhung gyur na/ /phung po rnam shes brgyal ba las/ /ma smas dngos grub ga la yod/ /mkha' dbyings rdo rje legs sbyor dang/ /reg las ngo mtshar chen po yi/ /bde ba 'byung ba gang yin de/ /mchog tu dga' bral dbus dag tu/ /mtshon cha brtags ste brtan par bya/ /pad mkhar rdo rje'i lte ba yis/ /gnon gnas rdo rje skyil krung las/ /nor bu'i nang chud sems lta zhing/ /ye shes skyes gang de'i ngo bo mchog /'dod chags ma yin chags bral min/ /dbu mar yang ni dmigs su med/ /gsum po spangs pa nyid las ni/ /lhan skyes yang dag byang chub brjod/ /gang tshe rnal 'byor pa shes lha/ /mi 'gyur ba yi bde bar gnas/ /thun nam yang na nyin gcig gam/ /zla phyed zla gcig khyud kar la/ / bskal pa bskal pa stong dag tu/ /ye shes mngon par brtson par gnas/ /de ltar brtags la nus pa ji lta ba bzhin du legs par gzung la pags kyis phyung la/ chu skyes nas ma gton par byang chub kyi sems dam tshig gi ngo bo de lte nyid kyi de kho na mthong bas blang bar bya'o/ /yang gsungs pa/ slob mas brtags nas legs bzung ste/ /pad+ma'i nang du phyung nas ni/ /de nas sems ni lce yis su/ /blang bya byang chub sngon 'gro bas/ /zhes bya ste/ de dag ni shes rab ye shes kyi dbang bskur ba'o/ /de'i rjes la sbyin par bya ba dbang bskur ba bzhi pa bla ma'i zhal nas shes par bya ba ni/ 'di skad du/ de nyid 'gro ba ma lus pa'i don du phun sum tshogs par byed pa/ rtog pa'i rnyog pa dang bral ba nyid kyis bla na med pa yang dag par rig pa dang tha mi dad pa/ thub pa'i tshogs dpag tu med pa'i 'od zer 'phro ba'i dkyil 'khor gyi bdag nyid yid bzhin nor bu lta bu bstan pa'i ngo bo nyid kyi tshig gis sbyin par bya'o/ /zhes gsungs pa gang yin pa ste/ de yang ji skad du gsungs pa'i tshogs dbang bskur byin nas ni/ slob ma'i lhag par mos par sems kyis brtags la/ rgya che zab pa'i tshul la shin tu mos pa na/ tshig nyid kyis ni dbang bskur rin chen sbyin par bya/ zhes pa yin no/ /rgya che ba la mos sam mi mos pa 'di ji ltar rtogs par bya zhe na/ mtshan ma'i khyad par las te/ de yang gsungs pa du ba las ni mer shes shing/ /chu skyar las ni chur shes bya/ /byang chub sems dpa' blo ldan gyis/ /rigs ni mtshan ma dag las shes// bzhin gyi pad+ma rab dang zhing/ /dga' bas ba sbu langs pa ni/ /mthong nas mkhas pa de nyid kyis/ /slob ma dam pa rjes su 'dzin zhes pas so/ /zhes bya ba ni bzhi pa'i dbang bskur ba te/ 'di ni yang sbyin pa zhes bya ba yin no/ /de nas sbyin sreg gis zhi bar bya ste/ dgang blugs gcig gam gsum mam bdun phul la yon brjod du gzhug go /de dag gis kyang mgu ba'i yid kyis 'byor ba ji lta ba bzhin/ sa gzhi 'am/ glang po 'am/ rta'am/ gser ram/ rgyan nam/ bu 'am/ chur mra la sogs pa 'am/ bdag nyid grogs nyid du dngos grub bam dge ba la sogs pa yon tan nye bar bsags pa'i phyir/ 'bul lo/ /sangs rgyas zhing sogs dag bya'i phyir/ /khyad par du ni sbyin la spyod/ /dmangs rigs stong phrag gnyis dang ni/ /bram ze gtsang ma gcig dang 'dra/ /bram ze stong phrag gnyis dag kyang/ /dge slong gcig dang rab tu sbyar/ /dge slong stong phrag gnyis dang ni/ /rdul med pa ni gcig dang mnyam/ / rdul med stong phrag gnyis dang ni/ /ye shes ldan pa gcig dang sbyar/ /ye shes ldan pa stong phrag gnyis/ /slob dpon gcig dang mnyam par mchod/ /de ltar sbyin pa'i zhing shes nas/ /blo dang ldan pas rtag tu sbyin/ /rnal 'byor rtsa ba'i chos la ni/ /zhing bzang po las sa bon gdab/ /de nas yon phul ba de blangs la/ zas dang gnas la sogs pa thams cad kyis rang gzhan dag tshogs kyi 'khor los mchod par bya ste/ skal ba dang ldan pa'i slob ma rnams kyis bzung la/ che mchog sna tshogs pas tshim par byas la/ srid pa gsum 'bar sku ni rjes chags dul bar ldan/ /'od zer rnon po stong ldan nyis brgya stong ldan/ /rnam mang sku dang cha lugs rjes chags sems dang ldan/ /he ru ka dpal sngags pa lhan cig gar byed do/ /hA hA hU hU hUM/ zhes bya ba la sogs pa'i rdo rje'i glu blang ngo/ /de nas mchod pa dang bstod pa la sogs pa gdab ste/ oM khyed kyis sems can don kun mdzad/ /rjes su mthun pa'i dngos grub stsol/ /slar yang byon par mdzad slad du/ /sangs rgyas yul du gshegs su gsol/ /oM A(rgyud 'grel pa'o/ /chos thams cad ni dngos po med pa'o/ /zhes brjod cing rdo rje rtse mo'i shar phyogs kyi sgo nas brtsams te/ 'khor lo dbyi bar bya'o/ /de nas don du gnyer bdag la rdul tshon cung zad byin la/ chu bo chen po thams cad la dor bar bya'o/ / mtshams med pa dang sdig ngan yang/ /chon rtsi mthong bas grol bar 'gyur/ /'dir dbang bskur ba tsam gyis ni/ /gtsang ma'i gnas su skye bar 'gyur/ /khung bu dgang dang rab gnas dang/ /sbyin sreg 'khor lo'i nar gang yin/ /de kun slob dpon nyid yin zhes/ /rdo rje 'dzin pa mchog gis gsungs/ /bde mchog dkyil 'khor chog ni/ /mkhas rnams mngon par 'dod pa bzhin/ /bdag gis 'dir ni bkod pa la/ /bsod nams rgya che gang thob pa/ /de yi bdag dang 'gro ba kun/ / rdo rje 'chang chen nyid gyur cig /bcom ldan 'das dpal bde mchog gi dkyil 'khor gyi cho ga rin po che rab tu gsal ba'i sgron ma zhes bya ba/ slob dpon dpal la ba pas mdzad pa rdzogs so// //