བོད་ཡིག

e-texts based on the ACIP/ALL Input

*// (//dpal 'khor lo sdom pa'i dbang gi bya ba mdor bsdus pa bzhugs//) //*/ /rgya gar skad du/ sh+rI tsakra saM ba ra She ka pra kri ya u pa de sha nA ma/ bod skad du/ dpal 'khor lo sdom pa'i dbang gi bya ba mdor bsdus pa zhes bya ba/ /dpal rdo rje sems dpa' la phyag 'tshal lo/ /'khor lo sum rim rnal 'byor nyid/ /gang gis sems can khams gsum gnas/ /rdo rje can gyi gnas thob pa'i/ /dbang bskur cho ga'i rim pa bshad/ /dbang bskur dkyil 'khor sngon 'gro bar/ /rdo rje 'chang gis bshad pa ste/ /'on kyang dkyil 'khor de rang bzhin/ /ci yin de ni 'di ltar bshad/ /ri mor gnas pa'i las dang ni/ /thig las tshon dgye'i rim pas bstan/ /'gro ba 'di nyid rang bzhin gyis/ /grub pa'i dkyil 'khor gnyis med pa'o/ /bcos ma nyid kyi ngo bo gang/ /de ni gdul bya'i dbang las 'dod/ /mkhas pa'i bsgrub bya de min te/ /yang dag don mthong grol phyir ro/ /'khor lo gsum gyi dkyil 'khor grub/ /dkyil 'khor lha rnams grub pa'o/ /de yis dbang bskur la sogs rim/ /ci nas ma grub yang grub byed/ /de yis rang bzhin mi shes rnams/ /snod du bya bar bzhed pa ste/ /dbang bskur sogs rim kun rdzob tu/ /mngon sum du ni sgrub pa po/ /slob dpon la sogs dbye ba yis/ / dbang bskur rnam pa bzhir bshad de/ /chu yi dbang sogs dbye ba yis/ /bzhi po des ni bcu bzhi'o/ /dang por re zhig 'khor lo gsum/ /bdag nyid rdo rje slob dpon rang/ /de nas slob ma bdag 'drar bsam/ /de nas thams cad bsgrub par bya/ 'di ni bu khyod bdud rtsi ste/ /ma srungs sreg par byed pas dug /bsrungs na dngos grub 'gyur ba ste/ /bdud rtsi lnga yis chus grub pa'o/ /oM pany+tsa a mri ta u da ka Tha hUM/ thod par gnas pa de la sbyin/ /khyod kyis smad par mi bya zhing/ /dam tshig dang 'gal mi bya ste/ /dmyal la sogs par 'gro 'gyur ro/ /de nas dbab par bya ba ste/ /de la 'di yi rim pa ni/ /bshang gci sogs pas yang dag spags/ /zla mtshan ldan pa 'doms dkris ras/ /byi la'i brun gyis spags pa yi/ /gu gul dang ni bsres te btags /yi dags me ni rab blangs la/ /de yi pad+ma'i snod bzhag byas/ /der ni de dag thams cad de/ /rkang pa g.yon brkyang la gnas pas/ /'khor lo gsum bdag khro bo 'babs/ /'khor lo gsum bdag de mdun du/ /rdo rje ldan pas bsreg de nas/ /bdugs de 'bab par the tshom med/ /tiSh+Tha mahA kro d+ha A be sha ya hUM/ sh+rI he ru kA ya padmi he bidyA rA dzA ya/ d+hi ma he swAhA/ zhes bya ba'i sngags 'dis dpa' bo bskul bar bya'o/ /de nas dkyil 'khor nye bar bstan par bya ste/ rang bzhin gyis ni dag pa'i bdag /lus kyi rang bzhin dri ma med/ /dpa' bo dpa' mo dbang po'i gnas/ /dkyil 'khor la ni bu khyod ltos/ /de nas gnas dang nye gnas sogs/ /bdag nyid dkyil 'khor lus dkyil 'khor/ /la gnas byang chub phyogs kyi chos/ / sum cu rtsa bdun rang bzhin te/ /rtsa ni sum cu rtsa bdun po/ /lha yi 'khor lo dkyil 'khor pa'o/ /dpal ni he ru ka yi ni/ /yan lag nying lag nyer bstan bya/ /de nas bdag nyid kun btud de/ /bla ma mgon la gsol ba gdab/ /chos bden bdag nyid bsam mi khyab/ /bdag la dbang ni bskur bar mdzod/ /slob mas gsol ba btab ma thag /rnam rgyal sogs pa'i bum pa blang/ /pad+ma'i snod las gnas pa'i chu/ /hUM yig rdo rje las byung pa/ /mi bskyod pa ni rdo rje yi/ /slob dpon gyis rab bsgom par bya/ /ye shes sems dpa' i rang bzhin gyi/ /sa bon 'od zer gyis bskul brtson/ /ye shes de nyid gzhug par bya/ /de bzhin rab mchog chu blang bya/ /de nyid mi bskyod gzugs kyis ni/ /rnam shes phung po'i ngo bo ste/ /brtse chen ston pa dpa' bo yi/ /dbang bskur 'di ni spyi bor sbyin/ /oM tsakra bI ra twaM a b+hi Shiny+tsa yi ma zhes pa ste chu'i'o/ /bris pa la sogs dbu rgyan yang/ /'di ltar rin chen 'dzin sa bon/ /a las rdo rje nyi ma zhes/ /bshad par bsgrub cing yang dag mchod// de ni snga ma bzhin du'o/ /de nyid dbu rgyan rnam pa ste/ /'di ni tshong ba'i bdag nyid do/ /bsam shing bsgrubs te rdo rje can/ /rdo rje mkha' 'gro spyi bor te/ /oM sarba bud+d+ha DA ki nI ye/ badzra war+N+Na ni ye huM hUM phaT swAhA zhes bya ba'i sngags dang/ de bzhin du sngags gzhan yang brjod do/ /dbu rgyan no/ /dzi phad rdo rje las byung ba/ /'du shes de bzhin gshegs pa ni/ /snang ba mdza' yas rdo rjer bsgrubs/ /yang dag gzungs pas sbyin par bya/ /lag pa g.yas dang snying gar ro/ /a d+hi ba ti dwAM a b+hi Shiny+tsa tha twaM bI ra sh+rI he ru ka d+he bi/ e d+ha rud sarba bud+dA twAM grih+Na badzra su bi d+ha ye rdo rje'o/ /khaM yig ral gri yang dag 'byung/ /don yod grub pa'i gzugs can te/ /'du byed ngo bo dril bu ni/ /lag pa g.yon par sbyin par bya/ /'di ni rnal 'byor ma kun gyi/ /dril bu'i sgra kun rjes 'gror bshad/ /khyod nyid kyis ni rtag tu bcad/ /byang chub mchog tu rgyas bas bzhed/ /dpa' bo lag tu rdo rje dril/ /gzung ngo 'khor lo gsum gyi bdag /rang bzhin gyis mdzes dga' ba ni/ /phyag rgya chen por byin gyis brlab/ bdag po'o/ /slob ma'i spyi bor lag pa sbyin/ /'bruM las rnam snang mdzad kyi gzugs/ /rdo rje can gzugs phung ngo bo/ /ming gi dbang ni bskur bar bya/ /oM sh+rI tsakra a d+hi pa ti sh+rI he ru ka bI ra twaM a b+hi Shiny+tsa yA mi/ khyod ni rdo rje che ge mo zhes bya'o/ /ming ngo/ /dbang bskur lnga thob rgyud bas ni/ /sangs rgyas lnga po 'di rnams dag /ma rig pa dang bral ba las/ /ye shes lnga ni thob par byed/ /yi ge nyi shu gnyis sngags kyis/ /sngags kyi dbang bskur de nas sbyin/ /'di de sangs rgyas thams cad kyi/ /dpal he ru ka'i phyag na bsnams/ /khyod kyis kyang ni rtag tu bca?/ /dpal he ru ka'i brtul zhugs brtan/ /oM sarba ta thA ga ta sid+d+ha badzra sa ma ya tiSh+Tha e Sha TwaM d+ha rA ya mi oM ha ha ha hI/ rdo rje brtul zhugs so /kha TwAM cang te'u lhung bzed dag /dpa' bos byin pa blangs nas ni/ /dpal he ru ka'i phyag rgya 'di/ /phyi dang nang du yang dag pa/ /rdor bcas lag pa g.yon pa yis/ /chos gos grwa nas bzung nas su/ /g.yas pas mi 'jigs sbyin byas la/ /slob ma dbugs 'byung sbyin par bya/ /'di ltar nga yis lung bstan te/ /'khor lo gsum gyi bdag nyid khyod/ /rang nyid sangs rgyas kun rang bzhin/ /he ru ka dpal zhes bya ba'i/ /de bzhin gshegs pa nyid yin no/ /sh+rI he ru ka DA ki nI na ma:sarba ta thA ga ta sid+d+ha(rgyud 'grel ya twaM b+hu b+hu ba swa(rgyud 'grel ldog pa'i dbang bskur tshe/ /dpa' bo chen po bdag la stsol/ /'bro ba mtshan ma med byed pa/ /de ni de 'dir mdzad du gsol/ /de nas 'khor lo gsum bdag go/ /ston pa ye shes sems dpa' yi/ /rang gi snying ga'i sa bon gyis/ /yang dag bskul bar rim gyis ni/ /bkug ste dpa' bo dpa' mo rnams/ /mchod dang bsnyen bkur bzang po yis/ /de bzhin ye shes chus gang ba'i/ /bum gnas de bzhin gshegs de dag /rdo rje 'chang dbang dbang bskur bar/ /dpa' bo rnam par bsam par bya/ /dbang bskur rdo rje chen po la/ /khams gsum pa yi phyag byas pa/ /sangs rgyas kun gyi gsang gsum gyi/ /dpa' bo dag ni rnal 'byor gnas/ /ji ltar 'dod pas mchod par bya/ /gnas las byung ba sbyin par bya/ /sngags kyang bzlas so/ /de nas mi bskyod pa dbu rgyan du byas te/ dpa' bo dang lha mo rnams de la lhag par gnas par bya'o/ /oM su pra tiSh+Tha badzra swA hA/ zhes bzlas so/ /de nas me tog la sogs pa'i mchod pa rnams sna tshogs pa rnams kyis kun nas mchod de/ dpa' bo chen po dang rnal 'byor ma rnams kyis ji ltar 'dod par 'gyur ro/ /de nas rdo rje can gyi bka' nod par bya ste/ /de nyid rig pa'i rnal 'byor pas/ /mi bya ba ni cung zad med/ /de nyid shes nas de nas ni// dpa' bos 'dod pa lnga spyod do/ /bdag nyid dpa' bo kun gyi dngos/ /bdag nyid lha mo kun gyi dngos/ /de phyir bdag gis thams cad bya/ /bdag nyid he ru ka mchod bya/ /rten cing 'brel par 'byung chos can/ /sems can sgyu ma'i/ rang bzhin no/ /khams gsum de ltar shes nas ni/ /sems can don ni mnyam med byos/ /bya ba byas pa'i slob ma yis/ /de nas gtso la yon phul te/ /skye bo dam pa 'dus pa la/ /bdag nyid kun gyis bstod phyag bya/ /phyir mi ldog pa'o/ / 'khor lo mdun du bya ba byas/ /'khor lo'i spyan ni bla ma che/ /dpa' bo de nyid la phyag 'tshal lo/ /de nas gsang ston don gnyer bya/ /skyo ba med skyob ba skyabs med skyabs/ /dpal ni 'khor lo bde ba'i mchog /rgyu med par ni thugs rje che/ /mgon med bdag gi mgon mdzod cig /bdag nyid che khyod ji lta bar/ /gtso bos bdag kyang de 'drar mdzod/ /'khor ba'i 'dam gyi tshogs su ni/ /bying ba bdag la skyabs mdzod cig /de la 'dir phyag rgya'i rim pa ni sa bon lnga'i rigs kyi rang bzhin dag pa'i phyag rgya las dang chos dang chen po dang/ dam tshig rnams thams cad ni bud med du 'dod pa'o/ /'di ltar rdo rje slob dpon dpal snying rje chen po'i stobs kyis/ mtshan mo chen mo la gnas khang dben par gang yang rung ba'i mngon par gsang ba'i lha mo dam tshig dang ldan pa'i phyag rgya rnyed pa ni/ snyoms par zhugs pa las gang yang rung ba skye ba med pa'i rang bzhin te/ dpa' bo thams cad yang dag 'dus/ /lha mo thams cad mnyam par phrad/ /kun rdzob pa yi byang chub sems/ /gsang ba gang yin de dbang bskur/ /'di de'i dpa' bo lha mo rnams/ /dam tshig rmad byung chen po ste/ /khams lnga ldan pa ro rtogs byed/ /bde ba de gang myang bar bya/ /pad+mar gnas te yang dag spyad/ /kye ma bde ba chen po zhes/ /ston pa la ni zhu zhing brjod/ /slob mas kyang ni rtog pa bcom/ /ji ltar rdo rje 'chang sogs kyis/ /sngon chad sras ni dbang bskur ba/ /de bzhin du ni byang chub sems/ /bzang pos bu khyod dbang bskur ro/ /gsang ba'o/ /de'i rjes la rang byin gyis brlab pa'i rig pa 'am/ gzhan gyi gzhung ltar gzhan yang dang zhes bya ste/ ston pas byin te/ de yis dam pa bsgrub par byed do/ /lha mo 'di ni phyag rgya che mdza' yas bde ba sbyin pa mo/ /rnam pa kun tu phyag rgya long/ /bu yis bla med mchod pa gyis/ /shes rab bo/ /de nas lha mo des/ dpa' bo bla na med pa la bka' gsol bar byed de/ dpa' bo byang chub sems bza' bar/ /khyod ni spro ba yin nam ci/ /rigs lnga las ni rab 'byung ba/ /rig ma mchod pa la gus sam/ /dri chen dri chu stobs dang khrag /sogs bza' da lta yid ches sam/ /rjes su mthun smra dam tshig bzang/ /ji ltar dga' ba smos shig bu/ /'di ltar gsungs pa'i dam tshig sogs/ /lha mo bdag ni cis mi spros/ /bud med rtag gus cis mi bya/ /pad+ma mchod par cis mi bgyid/ /de nas lha mo de dga' ste/ /skra ni grol zhing gos dang bral// pad+ma rgyas par byas nas ni/ /bstan te b+hany+tsa pad+ma ho/ /pad+ma'i dbus na gnas pa'i rtsa/ /bde ba 'bab pa bstan bya ste/ /sor mos so sor bskul ba dang/ /lce yi ro myang la gnas te/ /de nas grub par smra ba ni/ /lhan cig skyes pa'i bde ba bya'o/ /nyams su myong ba mchog dga' ba/ /'byung sde de yi bde ba myong/ /de nas bcom ldan 'das ma de dga' bston cing zab pa bsngags smra ba'o/ /lag pa g.yon pa spyi bor bzhag la/ /rjes su gnang bar lung bstan par bya'o/ /de nas bzung ste bu khyod kyis/ /ji srid byang chub snying po'i bar/ /mi 'drar sems can thams cad kyi/ /don ni bdag nyid kun gyis gyis/ /shes rab ye shes so/ /rim pa gsum pa de'i bla ma/ /man ngag gis ni 'dir shes bya/ /'di ni rang nyid mdzes pa ste/ /phyi rol yul ni spangs pa'o/ rig 'di bor nas de nas ni/ /gzhan pa'i thabs kyis sangs rgyas med/ /rig ma brtul zhugs spyod cig pu/ /brtul zhugs rnams kyis bla ma'i bla/ /rig ma yi ni brtul zhugs so/ /chu sogs phyir mi ldog pa'i mdza' / /slob dpon dbang du bshad pa ste/ /'di dag phyi rol bstan pa gang/ /thams cad nang du gnas pa'o/ /dpa' bo kun spyod rim phye ba/ /man ngag nyid kyis shes par bya/ /dbang bskur bzhi po bstan pa rnams/ /gang tshe brtul zhugs dbang bskur 'gyur/ bsam med chos ni thob phyir te/ /de tsho de nyid ces bya 'di/ /phyi dang nang du yang dag bshad/ /phyi dang nang gi nang bzhin bshad/ /chos rnams kun gyi ngo bo ste/ /bsam gyis mi khyab ces bshad de/ /snang med rab rdzogs gnas med pa/ /de nyid lnga pa rdzogs pa'i rim/ /lhan cig skyes pa mi bzad pas/ /bsam gyi mi khyab mdza' yas sogs/ /de ni brtan g.yo 'gro bdag nyid/ /bdag med kyis ni bdag tu gnas/ /dpa' bo bde ba chen po rtogs/ /'di ni de kho na'i man ngag go /dpal 'khor lo bde mchog gi dbang bskur bar bya ba'i rim pa mdor bsdus pa/ /slob dpon rdo rje dril bu pa'i zhabs kyis mdzad pa rdzogs so// //sh+rI pha na phi gu ba'i brgyud pa ma nor ba'i bshad pa'o// // rgya gar gyi mkhan po paN+Di ta kriSh+Na dang/ bod kyi lo tsa ba bande chos kyi shes rab kyis bsgyur ba'o// // */ (/dpal 'khor lo sdom pa'i sgrub thabs bzhugs//) //rgya gar skad du/ sh+rI tsakra sraM ba ra sA d+ha naM/ bod skad du/