བོད་ཡིག

e-texts based on the ACIP/ALL Input

paN+Di ta chen po rin chen 'byung gnas zhi bas mdzad pa rdzogs so// //rgya gar gyi paN+Di ta shU n+ya tA sa mA d+hi dang/ lo tsA ba dge slong shes rab ye shes kyis bsgyur ba// //*/ /rgya gar skad du/ sh+ri tsakra sampa ra nA ma shata aSh+Ta kan sto tra/ bod skad du/ dpal 'khor lo sdom pa'i mtshan brgya rtsa brgyad pa'i bstod pa/ dpal rdo rje mkha' 'gro la phyag 'tshal lo/ /bskal pa'i me ltar 'bar ba'i 'jigs pa'i skur ldan pa/ /khros pas 'jigs mdzed mtsho skyes sngon po'i sku mdog bzhin/ /nye me'i dkyil 'khor steng bzhugs kha TwAM ga dang ni/ /rdo rje bsnams shing oM oM yi ge dag pa yis/ /tshangs pa dang ni khyab 'jug drag po'i lha dag gi /mgo rnams bcad mdzad nas ni dbu la rnam brgyan pa/ /hUM hUM phaT phaT Ta Ta yi ge 'khor ldan pa/ /mi yi seng ge zil mnan nas ni 'jigs mdzad pa/ /thugs rje chen pos sprul pa'i 'khor lo'i tshul bskyed pa/ /dza:hUM baM ho:sa dpal mo'i nu ma rab tu mnan/ /bde bar gshegs pas dbu gtsug la ni rnam brgyan pa/ /lha rnams kun gyi dbu gtsug zhabs kyis mnan mdzad pa/ /a la la yi sgras ni bgegs rnams skrag mdzad pa/ /cang te'u 'khrol zhing khyab 'jug drag po'i pags pa bsnams/ /rdo rje lha mo rnams kyi 'khor lo bsgyur mdzad pa/ /hu lu hu lu dzi dzi traM traM dzaM dzaM sgrogs/ /rgyu mas brgyus pa'i mgo bo'i phreng ba'i rgyan ldan pa/ /rdo rje mkha' 'gro'i gzugs kyis 'jigs byed glu len pa/ /kruM kruM dang ni hu lu hu lus myos mdzad pa/ /rdo rje mkha' 'gro rnam par brgyan pa yi/ /dur khrod du ni gar dang ha la ha la'i sgras/ /gnod sbyin rnams ni rab tu skrag par mdzad pa des/ /rdo rje mkha' 'gro ma yi glus ni rab bskul ba/ /sha dang khrag dang rgyu ma nang khrol gsol bar mdzad/ /haM haM a a'i sgras ni lha rnams gsal mdzad pa/ /thod ba klang bas bkang nas gsol phyir phyag na bstsams/ /ka ha ka ha'i bzhad sgras 'khor ba 'jigs mdzad pa/ /mi bzang dur khrod rnams kyi rus ba'i rgyan ldan pa/ /rdo rje ha har bzhad bas khams gsum rgyal mdzad pa/ /ha ha hi hi dza dza'i yi ges sdigs mdzub mdzad/ /ha ha bzhad pas ri bo rtse nas bsgyel mdzad pa/ /rnal 'byor ma dang dpal rnams h+ri h+ri sgrogs pa 'bod/ /mi yi seng ge rtse gsum gyis 'gugs sems can don mdzad pa/ /mche ba gtsigs pa'i zhal bzhi sku mdog sngon por ldan/ /bruM bruM sgrogs shing phyag rgya chen por bskyed mdzad pa/ /rdo rje glog stong 'gyu ba'i ljags ni phyung nas kyang/ /rdo rje dril bu mda' dang gzhu la kraM kraM sgrogs/ /g.yon brkyang ba dang sprul rnams kyis ni dbu brgyan cing/ /bskal ba grangs med sems can don mdzad mi 'dor ba/ /ha nang to phaT phaT sgrogs shing skyob mdzad pa/ /rnal 'byor stobs kyis rgyal ba'i mdzad pa rnams mdzad pa/ /dngos dang dngos med min zhing bsgom dang rdo rje can/ /tsa Ta tsa Ta graM graM khaM khaM sgrogs mdzad pa/ /sangs rgyas sku gsung thugs kyi spros pa stong pa nyid/ /rol pa'i lta bas dri ma ma lus bral ba dang/ go lu go lu dzaM dzaM yaM yaM sgrogs pas zhi ba dang/ /mkha' dang mnyam pa'i ting 'dzin bzhugs pa'i mthu mnga' ba/ maM maM sgras ni bde ba chen po'i bdag nyid can/ /thugs rje chen pos rjes 'brel sems can mi gtor ba'i/ /brtan g.yo'i rang bzhin he ru ka dpal phyag 'tshal bstod/ /mkha' 'gro'i dam tshig A li kA la'i sbyor ba ste/ /rigs lnga'i bde gshegs bcom ldan 'das kyis bshad du gsol/ /lha dang drang srong rnams ni phyag 'tshal brjod pa yis/ /he ru ka dpal gsang ba'i sku 'dzin der nges 'gyur/ /dpal ldan 'khor lo sdom pa'i mtshan brkya rtsa brgyad pa'i bstod pa rdzogs so// //