བོད་ཡིག

e-texts based on the ACIP/ALL Input

pa'o/ //rgya gar skad du/ sh+rI badzra DA ki han+twa sya ha t+twa sus+thi ra nA ma pany+dzi kA/ bod skad du/ dpal rdo rje mkha' 'gro rgyud kyi de kho na nyid rab tu brtan par byed pa zhes bya ba'i dka' 'grel/ dpal rdo rje mkha' 'gro la phyag 'tshal lo/ /shin tu gong na med pa'i de kho na nyid rtogs par byed pa'o phyir gsang la sogs pa'i tshig rnams kyi nang du 'di skad bdag gis thos pa la sogs pa 'dus pa bstan pa yin te/ rgyu des na sdud par byed pas kyang de ltar rim pa bzhin du gsungs te/ gang gis phyir 'dir bcom ldan 'das rdo rje phag mo 'di'i sdud pa por 'gyur bas so/ /yang na brda'i dbang gis gsang pa la sogs pa'i tshig gis sems kyi don bstan pa yin te/ sgra rnams kyi sbyong ba'i rang bzhin can gyi nus pa gtso bo ma yin pa'i phyir ro/ /ci'i phyir 'di skad bdag gis zhes pa nye bar sbyar zhe na/ gang gi phyir gsang ba 'dus pa la sogs par 'di skad bdag gis thos pa la sogs pa nges pa bstan pa de'i phyir drang ba'i don dang nges pa'i don gyi rim pas klad du e be gi don bstan pa yin no/ /gzhan du mdo sde'i sde snod la sogs pa'i chos thams cad du de ltar mthong ba dang 'gal lo/ /de nas 'di skad bdag gis la sogs pa sbyar mos kyi / 'on kyang don du ma ldan te/ sangs rgyas mnyam sbyor la sogs pa'i rnal 'byor gyi rgyud dang/ rdo rje mkha' 'gro ma rdo rje'i gur la sogs pa'i rnal 'byor ma'i rgyud rnams su bstan pa'i phyir ro/ /de lta ma yin na ma grub pa la sbyar pa'i nyes pa 'jug par 'gyur ro/ /gal te 'dir yang grub pa sgrub par gsungs pa la gang gis bzlog par bya/ shes rab can rang nyid kyis shes par bya ste/ brda'i don ci'i phyir bri bar mi bya/ de'i phyir 'di la nyes pa med do/ /'gro ba mthar dag dang thun mong ma yin pa'i stong pa dang snying rje dbyer med pa'i byang chub sems g.yo ba med pa yongs su shes par bya ste/ bla ma brgyud pa'i rim pa'i man ngag gis rang gi ngo bo rtogs pa 'ba' zhig tu bya'i/ gzhan nyam thag pas ci zhig bya/ yang na dgos pa la sogs pa 'dod pa la sgra gtso bo'i don la 'da' ba rigs pa ma yin no/ /'dir gsang ba bstan par bya ba la sgra gtso bor gyur pa'i cha sdud? par byed pas kyang rigs pas rnyed pa ma yin no/ /gal te de ltar yin mod kyi 'on kyang gsungs rab rnams la 'di sbyar bar bya'o/ /des na 'dir yang 'di skad bdag gis thos pa la sogs pa'i mtshan nyid dang por sbyar ba 'thad pa yin no/ de ltar don ci yang rung ba la sogs par sbyar ba de ltar yang the tshom za ba ma yin te/ sdud par byed pa nyid kyis thos pa'i bshad pa'i khyad par gsungs pas the tshom za ba'i mtshan nyid ci yang med pa yin no/ /'dir rigs pa la rtog bzhin pas ni gzhung rgyas par 'gyur bas don med cing nyam thag pas ci zhig bya/ ji ltar yang bcom ldan 'das kyis 'dir sbas pa ni yod pa ste/ yang ji lta bu yin zhe na/ de brjod par bya ste/ /bla ma rgyud pa'i rim pa las 'ongs pa'i e la sogs pa'i gsang ba ni sems can gyi bsam pa'i dbye bas de dang de ru spas pa yin no/ /de bas na shin tu gsang ba nyid ni de bzhin gshegs pas bsten par bzhed pa yin no/ /de shes par 'dod na shes rab chen pos nan tan du bya ba 'os so/ /des na lung ni 'di dag thams cad dang ldan pa ste/ 'dir ji lta ba bzhin du sbas pa de don dang mi 'gal bar bstan par bya'o/ /gsang ba mchog gi dgyis pa na/ /thams cad bdag nyid rtag tu bzhugs/ /mkha' 'gro kun dngos sems dpa' ste/ /rdo rje mkha' 'gro bde ba'i mchog /'di ni rab byung bcom ldan 'das/ /gcig pu nyid ni lhag pa'i lha/ /sgra yi tshul las nges byung rnams/ /dam tshig spyod pa'i spyod yul yin zhes pa las/ gsang ba'i sgra las ni e'o/ /thams cad bdag nyid kyi sgra las ni pa'o/ /mchog gi sgra las ni thig le'o/ /mkha' 'gro ma'i rang bzhin gyi sgra las ni ma yA'o/ /yang thams cad bdag nyid kyi sgra las ni a'o/ /'di nyid kyi ra dang ldan pa dang ma yA'i tshig drag las yi ge shar byas te sbyar ba dang/ sems dpa' rdo rje mkha' 'gro'i sgra las u'o/ /thams cad bdag nyid kyi sgra las ta'o/ /'od nyid kyi yang ma'o/ /gcig pu nyid kyi sgra las e ka'o/ /thams cad bdag nyid kyi sgra las sa'o/ /mchog gi sgra las ma'o/ /thams cad bdag nyid sgra las a'o/ /yang 'di nyid kyi sgra las ma'o/ /dam tshig gi sgra las ma yA'o/ /mchog gi sgra las e gzung ngo/ /des na don ni 'di yin te/ e baM ma yA sh+ru taM e ka smin sa ma ye zhes so/ /gsang ba mchog gi dgyis pa na/ /thams cad bdag nyid rtag tu bzhugs/ /mkha' 'gro kun dngos sems dpa' ni/ /rdo rje mkha' 'gro bde ba'i mchog /'di ni rang byung bcom ldan 'das/ /gcig pu nyid ni lhag pa'i lha/ /sgra yi tshul las nges byung rnams/ /dam tshig spyod pa'i spyod yul yin zhes te/ de nyid kyis ni khyad par du bya ba dang khyad par dag tshig gcig tu gyur pa de nyid kyi don gsal bar byas pas ni thams cad legs par gnas pa yin no/ /yang na 'dir khyad par gzhan yang yod par bstan te/ gsang ba la sogs pa'i tshig rnams la khams bcu drug tu sbyar ba dang/ kha sbyor la sogs pa'i gang bstan pa de yang gtan la dbab par bya ba dang/ yi ge bcu drug pos de'i don mdor bsdus pa dang/ yang na stong pa nyid bcu drug tu bstan pa dang/ mchog tu gtan la dbab pa rnams sdud pa bos 'chad par 'gyur ba'i rgyud mdza' dag gi don thugs la bzhag ste/ 'di skad bdag gis thos pa zhes bya ba la sogs pa gsungs so/ /gang gi tshe gang du gang dang gang gis gang la zhes pa'i dri ba lngas ni gling bzhi bstan te/ gang gi tshe bcom ldan 'das e baM gi rnam pa'i chos kyi 'byung gnas kyi khang pa brtsegs pa'i dbus su bzhugs pa ste/ dam tshig spyod pa'i spyod yul ni zhes pa'i gsang bar spyod pa dang spyod yul du byed cing rjes su sgrub pa ste/ lung la ni rtags dang sgra'i mtshan nyid rang dbang ma yin par rigs so/ /des na gnas der 'khor rnams kyis yongs su bskor ba'i rdo rje mkha' 'gro las de'i tshe thos so// thos pa ni khong du chud pa'o/ /rdo rje ni rdo rje sems dpa' o/ /mkha' 'gro ni 'gro ba'i don dang ldan pa'i phyir te/ skad kyi byings rnams ni don du ma dang ldan pa nyid kyi phyir bzhugs zhes bya ba'i yang don to/ /dus gcig ni dus gcig gi tshe'o/ /dus gzhan ma yin zhing da lta'i dus na zhes pa'i don to/ /'dis ni sdud pa po bdag nyid thos pa mang ba dang ldan te /bsam gyis mi khyab pa'i rnam par thar pa'i bde ba rnyed ces pa'i don to/ /don ni bcom ldan 'das kyi drung du thos zhes pa'i tha tshig go /'di dag gis ni ston pa dang gnas phun sum tshogs pa dang/ rjod pa dang/ brjod par bya ba dang/ dgos pa dang dgos pa'i dgos pa rnams bstan pa yin no/ /slar yang gsang ba la sogs pa tshig khyad par du dbye ste/ gsang ba mchog gi dgyes pa'i khyad par ji lta ba yin zhe na/ nyan thos la sogs pa la spas pa nyid kyi phyir gsang ba'o/ /mchog ni phul du byung ba'o/ /dgyes pa ni shin tu yi dga' byed pa'o/ / mchog kyang yin la dgyes pa yang yin pas na mchog dgyes so/ /gsang ba dang mchog tu dgyes pa ni gsang ba mchog dgyes te khyad par bsdu ba'o/ /der rtag tu bzhugs pa ni bcom ldan 'das ma gnas pa'i mya ngan las 'das pa'i dbyings nyid khong du chud pa'o/ /rtag tu bzhugs pa ni dus thams cad du bzhugs zhes pa'i don to/ /mkha' 'gro kun dngos sems dpa' ni zhes pa ni/ thams cad sku dang gsung dang thugs las yang dag par byung ba brjod kyis mi lang ba'i yang brjod kyis mi lang ba'i sangs rgyas kyi zhing rnams su khyab pa'i shes rab kyi pha rol tu phyin pa'i rang bzhin can sems can rnams kyi don la shin tu brtson pa'i mkha' 'gro ma rnams so/ /de rnams kyi sems dpa' ni srog tu gyur pa ste/ snying rje'i rang bzhin nyid kyi phyir ro/ /mchog tu bde ba ni bla na med pa'i bde ba ste/ 'gro ba mdza' dag gi yid la re ba sgrub par byed pa nyid kyi phyir ro/ /'di ni rang byung zhes pa la/ rang byung ba gyur pas/ yang na gang gi stong pa dang snying rje dbyer mi phyed pa'i bde ba la goms pas rang skye bar 'gyur zhing/ sems can de lta bur gyur pa 'byung bar 'gyur bas na rang byung ngo/ /gcig pu nyid ni lhag pa'i lha/ zhes pa ni lha las lhag pa'i lha ste/ mchog tu btsun par rtogs pa'i phyir dang/ gdul bya'i sems can sna tshogs pa'i spyod pa'i 'jig rten gyi khams su 'khrungs pa'i phyir/ des na bcom ldan 'das nyid lhag pa'i lha'o/ /bcom ldan 'das zhes pa ni dbang phyug la sogs pa'i yon tan dang sbyar ba 'am/ nyon mongs pa la sogs pa'i bdud bcom pa'am/ yang ni shes rab kyis nyon mongs pa 'joms pa ste/ de'i phyir shes rab la 'joms pa zhes bya ste/ gang la de yod pa de ni bcom ldan 'das zhes bya'o/ /sgra'i tshul las nges 'byung zhes bya ba ni/ bde ba chen po'i rang bzhin sgra'i tshul gyi hUM gi yi ge'i rang bzhin sngags dang lha dag dbyer med pa las chos dang longs spyod rdzogs pa dang sprul pa ste/ sku gsum gyi rang bzhin gyi rang bzhin gyis 'gro ba gdul ba'i phyir/ sna tshogs kyi gzugs su sprul te/ thams cad du son rang bzhin nyid kyis de ltar thams cad nges par 'byung bar byed pa'i don to/ /yang na mngon par rtogs pa'i rim pa bstan pa nyid do/ da ni gsang ba mchog gi dgyes pa zhes bya ba la sogs pa rnams khyad par du bya ste/ rtag tu ni dus thams cad du bzhugs pa'i bcom ldan 'das rdo rje mkha' 'gro'o/ /'gro zhing 'byung bas na rdo rje mkha' 'gro ste /de ni nam mkha' 'gro ba ste/ sangs rgyas khams su rnam par bstan zhes gsungs so/ /rdo rje ni mi phyed pa'i ngo bo nyid kyi phyir ye shes dang dam tshig nyid do zhes pa 'am/ yang na rdo rje mkha' 'gro'i sgras kla klo'i skad du bstan pa'i phyir/ stong pa nyid dang mtshan ma med pa dang smon pa med pa la sogs pa'i rnam par thar pa bzhi dang ldan pa de nyid kyi phyir bcom ldan 'das zhal bzhi par 'byung bar 'gyur pa'i don to/ /gang du gnas zhes gsungs pa la gsang ba ste/ chos kyi 'byung gnas kyi dbus su'o/ /khyad par ji lta bu zhe na/ mchog ste phul du byung ba'o/ /slar yang khyad par du bya ste/ dgyes pa la ni dga' ba la sbyor ba'o/ /thams cad bdag nyid ni chos kyi dbyings thams cad du son pa'i rang bzhin nyid kyi phyir ro yang na gsang bas yi khams yin te/ mchog ni chu yi khams yin no/ /dgyes pa me yi khams yin te/ thams cad bdag nyid rlung gi khams/ rtag tu bzhugs pa nam mkha' i khams/ /yang na rdo rje sems dpa' dang/ bde bar gshegs pa lnga'i rang bzhin nyid/ /gsang ba rnam par snang mdzad de/ /mchog ni rin chen 'byung ldan no/ /dgyes pa 'od dpag med pa ste/ /thams cad bdag nyid don yod grub/ /rtag tu mi bskyod pa yin te/ /bzhugs pa rdo rje mkha' 'gro'o/ /yang na dga' la sogs pa ni/ /bzhi yi rim pa ji bzhin no/ /yang na sna tshogs la sogs pa'i/ /skad cig bzhi ru sbyar bar bya/ /yang na rnal 'byor bzhi dang ni/ /myur ba la sogs skad cig bzhi/ /yang na ni rdo rjer gsungs/ /yi ge nga ni pad+mar brjod gang yang 'di dag 'dus pa ni/ /byang sems su ni brjod par bya/ /tshig gzhan dag ni thams cad ni/ /de'i khyad par du gnas pa yin no/ /bde ba'i mchog ces pa ni/ /sems can thams cad dang thun mong gi tshul yod pa'i bde ba zhes pa'o/ / de'i don khyad par du phye ba ni mchog go /lus la ni rtags dang sgra'i mtshan nyid rang dbang ma yin par rigs so/ /mchog tu bde ba ni 'gro ba mdza' dag dang thun mong ma yin pa mya ngan las 'das pa ster ba nyis kyi phyir ro/ /nges na gcig pu nyid lhag pa'i lta'o/ /gdul bya'i skye bo rnams bsgom pa'i rjes su sgrub pa la ston par byed pas na sems pa'o/ /yang na sems pa la sbyor ba'i phyir sems pa'o/ /byang chub kyi phyogs kyi chos sum cu rtsa bdun gyi rang nyid 'byung bas na rang 'byung ngo/ /yang na bsam gyis mi khyab pa'i rten cing 'brel par 'byung ba nyid kyi phyir rang 'byung ba'o/ /yang na dbang bcu brnyes pa nyid kyi phyir na rang 'byung ngo/ /mkha' 'gro ma kun gyi dngos po ni rnal 'byor ma thams cad kyi rang bzhin te/ spyan ma la sogs pa de'i rang bzhin zhes pa'i don to/ /'dis ni las dang chos dang dam tshig dang phyag rgya chen po bzhi bstan pa yin no/ /yang na mkha' 'gro ma'i sgras ni lus la gnas pa'i rtsa'i 'khor lo'o/ /de'i rang bzhin ni kun rdzob byang chub sems kyi ngo bo ste/ de nyid kyis na sems dpa' o/ /'dis ni gsang ba'i dbang bskyed pa nyid du bstan pa yin no/ /yang na shes rab ye shes nyid kyi gnyis su med pa'i sbyor ba la snyoms par zhugs pa nyid kyis khams gsum pa ro gcig pa nyid kyi phyir ro zhes pa'i don to/ /'di dag ni rtogs par sla bar bshad pa ste/ gsang ba'i tshig tsam gyi don ma lus pa bshad pa yin no/ /dpal rdo rje mkha' 'gro'i le'u dang po'i gsang ba'i bshad pa'o// //dang por rnam par snang mdzad gnas zhes pa ni dang por oM gnas pa'o/ /de la sde tshan mdza' ma sbyar zhes pa ni/ oM de'i mdza' mar sde tshan brgyad pa'i mdza' ma ha sbyar bar bya'o/ /ta pa dag ni mdza' ma la/ ri khrod bdag gis blta bar bya zhes pa ni/ ta'i sde tshan dang po'i sde tshan gyi mdza' mar gnas pa'i na dang ma ste/ de'i mdza' bdag gis ha blta bar bya'o/ /gsum la mda' yis spyi bor brgyan zhes pa ni dbyangs yig gsum pa'i i des brgyan zhes pa'i don to/ /mdza' ru sa zhes pa ni/ mdza' ru sa sbyar ba'o/ /la sha dag gi dbus kyi gang na zhes pa ni/ la dang sha dag gi dbus su gnas pa'i yi ge wa de gang gi gdan du sbyar zhes pa'i don to/ /mnga' gnyis pa yis yongs su dag ces pa ni/ dbyangs yig gnyis pa dang sgrel bas yongs su mnyes par bya zhes pa'i don to/ /ri khrod a'i mda' steng gnas zhes pa ni/ ri khrod ni ha'o/ /de yang dbyangs kyi yi ge mnga' dang ldan pa'i don to// slar yang ri khrod mnga' lnga'i gdan zhes pa ni/ slar yang ha u'i gdan la gnas pa'i don to/ /zla phyed thig les brgyan pa ste zhes pa ni/ zla ba phyed pa dang thig les mdzes par byas zhes pa'i don to/ /la sha'i dbus su gnas sa bon zhes pa ni/ la dang sha'i dbus su gnas pa'i sa bon zhes pa'i don to/ /bcu pa'i mnga' yis yongs su dag ces pa ni/ dbyangs yig bcu po aaus brgyan pas mgu bar bya zhes pa'i bar du'o/ /sha dang sa'i dbus gnas pa zhes pa ni/ sha dang sa dag gi dbus gnas pa'i Sha zhes pa'i don to/ /zhal gsum pa zhes pa la zhal gsum pa ni ta'o/ /rlung gi gnyis pa drag pos brgyan zhes pa la rlung gi ya'o/ /de'i gnyis pa ni sha'i sde tshan te/ de'i mdza' ma'i ha la dbyangs yig bcu gcig pas brgyan zhes pa'i don to/ /hUM hUM dang ni ha rnyed pa zhes pa ni/ hUM hUM ha blang zhes pa'i don to/ /dgu pa mnga' yis yongs su brgyan zhes pa ni/ oM dang yang dag ldan zhes pa'i don to/ /phaT kyi yi ge rnyed pa zhes pa ni/ yi ge phaT blang ba nyid do/ /lhag ma ha zhes pa ni sde tshan gyi lhag ma ste mdza' na gnas pa'i ha'o/ /tshig gi kha bskang zhes pa ni ha la aM sbyar zhes pa'i don to/ /'dis ni 'khor lo bsgyur ba drug ni/ sngags btub bstan pa yin no/ /de la sngags ni 'di yin no/ /oM ha na ma:hi swAhA huM bau ShaT he hUM hUM ho phaT ha do/ /lnga pa'i dbus gnas de kho na zhes pa ni sde tshan lnga pa'i dbus su gnas pa'i ba'o/ /yi ge ha dang yo 'ang sbyor zhes pa ni/ yi ge ha o btu ba'o/ /ri khrod ra la zhon pa ste zhes pa ni/ yi ge ha ra la gnas pa'o/ /i'i mda' la spyi bor gnas zhes pa ni/ yi ge i ma gor yang dag par gnas zhes pa'i don to/ /slar yang pa sde'i mdza' ma la zhes pa ni yang pa'i sde tshan gyi mdza' ma'am gzung ba'o/ /dgu pa'i mnga' yis yongs su brgyan zhes pa ni o'i dbyangs yig dang ldan pa'o/ /ri khrod 'di nyid ra la zhon pa ni ha'i yi ge de nyid ra la brten pa'o/ /rna ba ru ni e yis brgyan zhes pa ni/ yi ge es mgo'i grar brgyan pa'i don to/ /ri khrod ra la zhon pas mdzes/ /aM mda' zla phyed thig les brgyan zhes pa'i yi ge ha ra la brten pa/ dbyangs yig is brgyan cing zla ba phyed pa dang thig les brgyan pas mdzes zhes pa'i don to/ /slar yang ri khrod mda' lngas sbyar/ /zla phyed thig les cod pan nor/ /zhes pa ni slar ha dbyangs yig u dang ldan pas btu ba'o/ /khyad par ji lta bu zhe na/ zla ba phyed dang thig les nor bu de nyid kyis de la sbyar ba'i don to/ /slar yang mdza' dag de nyid mgon zhes pa ni/ slar yang mdza' dag gi de kho na mchog ste hUM ngo/ /de nyid kyis mgon po'o/ /mdza' mar phaT kyis rin chen brgyan zhes pa la/ phaT ni klu'i rin po che 'dra ba ste tha mar phaT nyis 'gyur sbyar zhes pa'i don to/ /rnam snang mdzad kyi go cha bzhin/ /sna tshogs tshig ni kha bsnyed? bya zhes pa ni/ de'i rjes su tshig thams cad la kha bskang bas rdzogs par bya ba'i don to/ /gang gis zhe na kha bskang ba'i cho gas so/ /sngon du gsungs pa'i thun mong gi cho gar blta bar bya ste/ de'i rjes su re zhig dang por oM dang thams cad kyi mgor zla ba phyed pa dang/ thig les brgyan par bya ba'i don to/ /'dis ni rnal 'byor ma drug gi sngags btu ba bstan to/ /de la sngags ni 'di yin te/ oM baM haM oM h+riM moM hoM hiM hUM hUM phaT phaT/ sngon du ka bsags mdza' ru ni/ /ra dang mnyam pa lan gnyis bzla zhes pa ni/ dang po kho nar ka ra'i mdza' dang ldan par sbyar ba lan gnyis su bzlas par bya ba'i don to// slar yang 'di ni/ ku ru ku ru sems can sbyor zhes pa ni sems can gyi don la rab tu sbyor bar byed pa'o/ /band+ha bcod pa na mdzes pas chings/ zhes pa ni mgor ral pa'i cod pan mdzes pa chings shig ces pa'i don to/ /slar yang 'di ni bzlas par bya zhes pa ni band+ha dang zhes pa'i sgra'i gzugs 'di nyid slar bzlas pa ste/ lan gnyis su bzlas par bya zhes pa'i don to/ /trA sa brdzun pa'i 'jig rten skrag /gzugs bral bden dngos 'di ni bzlas zhes pa ni 'jig rten brdzun skrag par byed pa'i gzugs dang bral ba'i bden pa'i dngos po stong pa nyid gsungs pa yang bzlas par bya zhes pa'i don to/ /ka Sha o'i mda' dang ldan zhes pa ni/ yi ge k+Sha o'i dbyangs yig dang ldan par bya ba'i don to/ /b+ha ya glo ru ya dag gnas zhes pa ni/ b+ha ya'i sgra glo ru gnas par bya ba'o/ /slar yang 'di ni bzlas par bya zhes pa ni lan gnyis su bzlas par bya zhes pa'i don to/ /ri khrod nyi ma'i gdan la bzhugs zhes pa ni/ yi ge ha ra'i stan la gnas zhes pa'i don to/ /bcu pa'i mnga' dang zla phyed dang/ /thig le yis ni yongs su brgyan zhes pa ni/ de nyid aau dang zla ba phyed pa dang thig les yongs su rdzogs par bya zhes pa'i don to/ /'di nyid slar yang bzlas par bya zhes pa ni 'di nyid yang brjod pa ste lan gnyis su bzlas par bya zhes pa'i don to/ /ri khrod nyin gcig lhan cig pas/ /yongs brgyan tsheg drag yang dag gnas zhes pa ni/ yi ge ha ra la brten cing cho ga dang lhan cig pa btu ba zhes pa'i don to/ /nyis 'gyur bya zhes pa ni lan gnyis su bzlas par bya zhes pa'i don to/ /phe zhes bya ba'i steng du ni/ /zla ba gzhon pa'i thig ler sbyar zhes pa ni/ yi ge phe'i steng du zla ba phyed dang thig ler sbyar zhe bya ba'i don to/ /slar yang bzlas par bya ba yin/ /zhes pa ni sngon bzhin du yang bzlas par bya ba'i don to/ /phaT phaT sgra'i bsgyings te mdzas shes pa ni phaT phaT ces pas brgyan pa gong ma dang sdur bar bya zhes pa'i don to/ /da ha da ha mkha' 'gro sdom/ /ma lus rnam rtog shing ni bseg ces pa ni/ da ha da ha mkha' 'gro ma'i sdom pa ste/ rnam par rtog pa ma lus pa'i shing bsreg pa'i don to/ /sde tshan lnga pa gnyis dang ldan zhes pa ni sde tshan lnga pa'i lnga pa dang/ sde tshan gnyis pa'i tsa dang ldan pa'i don to/ /sde 'di dag gi gtso bo ni/ /slar yang bzlas par bya ba yin/ /zhes pa ni sde tshan de dag gi yi ge gnyis po gtso bor gyur pa slar yang bzlas par bya zhes pa'i don to/ /b+hak+Sha b+hak+Sha ba sa ru d+hi ra an+t+ra mA lA ba laM baM na zhes pa ni/ b+hak+Sha b+hak+Sha zhes pa la sogs pa bsdus te btu bar bya zhes pa'i don to/ grih+Na grih+Na sa pa ta p+pa tA la ga ta b+hu dzi ga sarbaM bA zhes pa dang/ ta ra dza ya lan gnyis bzlas par bya zhes ni/ ta ra dzi'i tshig lan gnyis su bsgre bar bya zhes pa'i don to/ /a dang ka ste gsum pa dang/ /bzhi pa'i tshig la yang dag gnas/ /zhes pa ni yi ge a dang sde tshan sum pa'i Da dang 'di nyid kyi bzhi pa Dha ya'i tshig la gnas pa'i don to/ /sbyar ba 'di bzlas par bya zhes pa'i don ni lan gnyis su gdon par bya zhes pa'i don to/ /ri khrod me'i gdan la gnas zhes pa ni/ yi ge ha ra brten pa'i don to/ /bzhi pa'i mnga' yis yongs su rdzogs zhes pa ni bzhi pa'i dbyangs dang ldan pa'i don to/ /slar yang bzlas par bya ba yin zhes pa ni/ lan gnyis su bzlas par bya zhes pa'i don to/ /kaSha sde tshan lnga pa yi/ mdza' yi gdan la yang dag gnas zhes pa ni/ yi ge k+Sha sde tshan lnga pa'i mdza' ma ma'i gdan la gnas pa'o/ /a dang thig ler yang dag ldan zhes pa ni a'i dbyangs yig dang thig le dang rab tu ldan zhes pa'o/ /'di ni bzlas par bya pa yin zhes pa ni/ 'di slar 'das par bya zhes pa'i don to/ /slar yang ri khrod ces bya ba/ /gnyis pa'i mnga' dang yang dag ldan zhes pa'i yi ge ha dang dbyangs yig gnyis pa dang ldan zhes pa'i don to/ /slar yang gsum pa'i mnga' yis ni/ /ri khrod yongs su brgyan pa'o/ /zhes pa ni dbyangs yig gsum pas yongs su rdzogs pa'i ha zhes pa'i don to/ /slar yang ri khrod ces bya ba bas/ lnga pa'i mda' yis gdan du byas/ /zhes pa ni slar yang yi ge has dbyangs yig lnga pa gdan du byas zhes pa'i don to/ /'di dag thams cad zla phyed dang/ thig le cod pan gyis brgyan zhes pa ni/ 'di dag thams cad ji ltar gsungs pa bzhin du zla ba phyed pa dang thig les cod pan du brgyan zhes pa'i don to/ /'di dag slar yang bzlas par bya zhes pa ni/ 'di dag thams cad yang dang yang du bzlas par bya zhes pa'i don to/ /ka sa tsa d+ha i mnga' 'char zhes pa ni yi ge ka dang sa tsa dang d+ha rnams dbyangs yig i 'chang zhes pa'i don to/ /re re bzhin du le'i mdza' zhes pa re re bzhin du li'i sgra'i mdza' dang ldan zhes pa'i don to/ /'di'i rang bzhin slar yang bzlas/ shes pa ni yang dang yang du bzlas par bya zhes pa'i don to/ /ri khrod u yi mnga' la zhon/ /zla ba phyed dang thig ler ldan/ /slar yang yongs su bzlas par bya/ /zhes pa ni yi ge ha dang dbyangs yig lnga pa u la brten pa dang/ zla ba phyed dang thig le dang ldan pa lan gnyis su bzlas par bya zhes pa'i don to/ /phaT kyi rin chen rab tu bsgrub/ /rnam pa du ma'i cha dang ni/ /cha med me tog yang dag blang/ /zhes pa ni rnam pa sna tshogs pa'i cha dang/ cha ma yin pa'i me tog blangs te phaT kyi mdza' can gyi sngags kyi rgyal po rab tu bsgrub ces pa'i don to/ /'dis ni ka ra ka ra la sogs pa'i sngags kyi tshogs gang zhig glu'i rnam 'phrul gyis btas te bstan pa yin no/ /de la sngags ni 'di yin te/ oM ka ra ka ra ku ru ku ru band+ha band+ha/ twA sa ya twA sa ya/ k+Sho b+ha yak+Sho b+ha ya/ h+rauM h+rauM h+ra:h+ra(rgyud 'grel k+Sh+maM k+Sh+maM hAM hAM hiM hiM huM hUM/ ki li ki li/ si li si li/ tsi li tsi li/ d+hi li d+hi li/ hUM hUM phaT/ sngags kyi rgyal po 'di dag rgyud du gsungs pa'i rab tu sbyor ba las kyi tshogs brgya bya'o/ /dpal rdo rje mkha' 'gro'i le'u gnyis pa'i sngags btu ba'i bshad pa'o// //rkang pa brgyad pa'i sngags dang btsan thabs kyi gzung dang/ spyan ser can gyi sngags kyi lhan cig par gtogs pa rgyud du bstan pa de bzhin du btu bar bya'o/ /de la sngags ni 'di yin te/ oM na mo b+ha ga ba te bI ri shA ya/ mahA ka la pAgni saM ni b+hA ya/ dza Ta ma ku To ta kaTA ya/ daMSh+Ta ka rA lo gra b+hi Sha Na ma Shu ya sA ha sra b+hu dza b+ha su rA ya/ pa ra shu bA sho dya ta shu la kha TwAM ga d+hA ri Ni/ byag+h+ra dzi nAM ba ra d+ha ra ya/ mahA d+hum+bra a na d+ha kA ra ba pu ShA ya hUM hUM phaT phaT swAhA/ de la btsan thabs kyi gzungs 'di'i'o/ /aDTe baDTe naDTe ku naDTe tha ke tha ra ke ta ru bi ta ru be naDTa ki li li lu lu hi li mi li ti li si li si li/ a the ba the ku na the/ a na ma pa ti/ d+ha na pa ni/ ka se g+ha se g+ha se ma hA g+ha se g+ha sa g+ha se swAhA/ oM baM ga tsa lAk+Sha ya hUM hUM hUM phaT phaT zhes pa ni spyan ser can gyi sngags so/ /gang du btu zhe na/ o mo he zhes pa la sogs par ro/ /he ma ban da zhes bya ba la sogs sngags kyi cho ga ni 'di yin te/ sa la khru gang tsam brkos nas de'i 'og gi sa blangs te lan bdun du mngon par sngags te/ dbugs mi 'byin par khang pa'i steng gtor na/ ji skad gsungs pa bzhin 'gyur ro/ /b+ha sa ba to la i madTi zhes bya ba la sogs pa'i sngags mthar gang gsungs pa ni ba lang gi gdong can gyi sbyor ba'o/ /khyu mchog gi rwas sa gtor ba bar snang las myur bar blangs te zhes pa ni/ khyu mchog rang nyid kyi rwas brkos pa gang yin pa de nyid blang bar bya zhes bya ba'i don to/ /'dir nges par dkrugs pa dang ma dkrugs pa'i rim pas/ sbyor ba rtogs par bya'o/ /sngags kyang de bzhin no/ /de ltar gzhan dag kun ni rtogs par sla'o/ /bkas sprin bzlog pa 'grub ces pa ni/ in dassa taNShadzha a i zhes pa la sogs pa'i sngags kyis so/ /ka ra bI ra'i lcag ma la lag pa'i tshad tsam blangs te/ cho ga bzhin sngags pas rlung dang char pa dang ser ba la sogs bzlogs par byed de/ 'di'i cho gas rtogs par bya'o/ /ratna ra ti zhes pa ni/ oM ratna ra ti swAhA zhes pa'o/ /sngags 'di'i sbyor ba ni bud med kyi chu'i rjes kyi sa dang/ bdag gi chu'i rjes kyi sa gcig tu byas pa dang/ gzhan yang mi'i thar par gi wang dang/ sin rtsi dag gis bsgrub bya'i cha byas bri bar bya zhes pa'i don to/ /de ltar las kyi cho ga rdzogs par bya zhes pa'i bar du'o/ /dpal rdo rje mkha' 'gro'i le'u gsum pa'i las kyi tshogs kyi bshad pa'o// //dpa' bo g.yul du phyogs pa'i ras la ri mo sna tshogs pas lus spras zhes pa ni/ oM dzaM b+he mo he zhes pa'i sbyor bas rtogs par bya'o/ /rkang pa brgyad pa'i sngags kyi rgyal po ni de'i las kyi khyad par thams cad la thun mong ma yin no/ /btsan thabs kyi gzung rgyun du bzlog pa gang yin pa de ni 'chi ba las rgyal bar 'gyur ro/ /spyan ser can gyi rab tu sbyor bas kyang de ltar 'gyur ro/ /dpal rdo rje mkha' 'gro'i le'u bzhi pa'i las kyi lhag ma'i bshad pa'o// //rtog pa'i dgra'i mche ba can zhes pa ni gshin rje'i dgril mche ba can gyi yi ge sa'o/ /rus sbal gdan la yang dag bzhugs zhes pa ni/ u'i gdan la yang dag par bzhugs pa'o/ /pa ste dbu ma'i mthar chung pa/ slar yang bzhi pa yang dag gnas zhes pa ni bkram pa'i 'khor lo'i dbus su gnas pa'i sde tshan gyi mdza' ma'o/ /slar yang bzhi pa zhes pa ni/ sde tshan de nyid kyi dbus su gnas pa'i bzhi pa'i b+ha de ru yang dag par sbyor bas gnas pa'o/ /gshin rje phyogs kyi sar gnas pa zhes pa ni ta'i sde tshan gyi mdza' ma na'o/ /bzang pos steng du brgyan pa ste/ zhes la bzang po ni i ste/ nges steng du brgyan pa zhes pa'i don to/ /slar yang ru sbal zhes bya ba/ gshin rje mche par rab tu bsgrub ces pa ni/ yang ru sbal ni u ste/ sa dang ldan par rab tu bsgrub ces pa'i don to/ /m+b+ha'i tshig dang yang dag ldan/ /zhes pa ni m+b+ha'i sgra dang ldan pa'i don to/ /me yi ru sbal gdan la gnas zhes pa la/ me ni gshin rje'i srub ma ste ha'o/ /rus sbal ni u ste de'i gdan la gnas zhes pa'i don to/ /mgon po ri mo gnyis ni 'bar/ /ces pa ni hUM 'bar ba dang ldan pa gnyis zhes pa'i don to/ /gdengs ka'i gdengs tsan 'bar ba'i mgon zhes pa ni/ phaT phaT ces pa ni kha nas 'bar ba'i mgon po zhes pa'i don to/ /oM suM b+ha ni suM b+ha huM hUM phaT phaT/ sngags 'di ltar btus te/ sbel ba 'dis ni las thams cad do/ /de la sbyor ba ni 'di yin te/ khwa gdong ma zhes pa ni khwa gdong can gyi bud med bri bar bya zhes pa'i don to/ /skra grol ma zhes pa ni skra bshig ma'o/ /gcer bu zhes pa ni gcer bu mar gyur pa'o/ /zla ba'i cha ma zhes pa ni/ de'i snying gar zla ba phyed pa bri bar bya zhes pa'i don to/ /re'u mig bsgrub ces pa ni/ zla ba phyed pa der re'u mig bya zhes bya ba'i don to/ /snying gi steng du phreng gnyis bya zhes pa ni/ de ltar snying gar re'u mig phreng gnyis bya zhes pa'i don to/ /der 'di bri bar bya ste/ ka ha ka hi dzdza i kasmA thAM zhes pa'o/ /'bral du 'bras bu ster byed pa'i sngags kyi don su zhig la bstan par bya/ /su la'ang bstan par mi bya'o zhes bya ba'i don to/ ji ltar las kyi rjes su 'brangs pas rgyud du gsungs pa'i cho ga rnams ni rtsa bar bya'o/ /gal te dbang po dang/ tshangs pa dang/ khyab 'jug dang/ dbang phyug chen po rnams mngon sum du dpung dang bzhon par bcas pa lhags te bsrungs kyang/ khwa gdong ma'i snying gar gnas pa'i 'khor los glog cing 'jig par byed do/ /b+hi di ka ni sa dbang phyug ces pa ni/ b+hi di ka sa dbang phyug ni oM ste/ bcu gnyis pho de dag la sa'i dbang phyug ces gsungs pa'i phyir ro/ /zla ba phyed thig le dag gis brgyan zhes pa ni/ oM la zla phyed dang thig le dag gis brgyan zhes pa'i don te/ /slar yang dbu ma'i dbu ma blang zhes pa ni/ dbu ma ni pa'i sde tshan te/ de'i dbu ma pa btu zhes pa'i don to/ /byang gi dbu ma yang blang bya ste zhes pa ni/ byang gi phyogs su gnas pa ni tsa'i sde tshan te/ de'i dbu ma dza blang zhes pa'i don to/ /zhabs kyi pad+mar nyi mar ldan zhes pa ni de'i cha 'og gi char ra dang ldan zhes pa'i don to/ /bden bral ma kir yis brgyan zhes pa ni/ bden bral gyi phyogs su gnas pa'i ba blang zhes don to/ /mi ki ras brgyan pa ni/ o brgyan zhes pa'i don to/ /'bar ba b+hi di ka yis brgyan zhes pa ni 'bar ba ni ra ste de la bi tri ka os brgyan zhes pa'i don to/ /byang gi dang po gshin rje'i mdza' zhes pa la/ byang gi dang po ni tsa'o/ /gshin rje'i mdza' ma ni na'o/ /khyu mchog steng du yang dag gnas zhes pa la/ khyu mchog steng du gnas pa ni yi ge i zhes pa'i don to/ /rlung la ran ngas rab tu bsgrub ces pa la/ rlung ni yo'o/ /rand+ha sa rab tu bsgrub pa zhes bya ba'i don to/ /gshin rje'i mche ba can bden bral gnas zhes pa la/ gshin rje'i mche ba can ni sa'o/ /bden bral ni wa ste de la yi ge sa gnas pa zhes pa'i don to/ /mo hi ta'i rgyan gyis brgyan zhes pa la/ mo hi ta'i ni a de nyid kyis de la brgyan zhes pa'i don to/ /gshin rje srub min ha'o mo hi ta ni a ste/ des yongs su brgyan zhes pa'i don to/ /de la sngags ni 'di yin te/ oM badzra bai ro tsa nI ye swAhA/ dang por ru sbal byang gi ni/ /dang por gnyis par yang dag ldan/ /zhes pa la/ rus sbal ni u ste dang por sbyar ro// byang gi dang po ni byang gi phyogs su gnas pa'i ci'o/ /gnyis pa ni de nyid kyi gnyis pa tsha ste/ de dang yang dag par ldan par bri bar bya ba'i don to/ /b+ha dra steng du yang dag gnas zhes bya ba la/ b+ha dri na i ste de'i steng du gnas zhes pa'i don te/ /gshin rje pho nya chu gdan zhes pa la/ gshin rje'i pho nya mo ni sha'o/ /de'i gdan du chu ste ta bya zhes don to/ /ra dang mo ha te ru sbyar zhes pa ni/ ral mo hi ta ste/ a dang sbyar bar bya zhes pa'i don to/ /slar yang ka Sha zhes su bshad ces pa la/ slar yang ka dang Sha zhes pa ni/ yi ge k+Sha zhes pa'i don to/ /gshin rje'i mche ba can zhes pa la/ b+ha dra'i sa ni spyi bor brgyan zhes pa ni/ /gshin rje mche ba can ni sa'o/ /b+ha dra ni i ste nges sa'i mgo bor brgyan zhes pa'i don to/ /slar yang mche ba can gyi ni zhes pa la/ mche ba can zhes pa ni sa'o/ /gdan du bden bral bya ste zhes pa ni/ bden bral du gnas pa'i gdan du bya zhes pa'i don to/ /me hi ta ni grogs dang ldan zhes pa la/ me hi ta ni mA ste/ de'i bshes dang ldan par bya zhes pa'i don to/ /de ru ri khrod mo hi ta'o/ /grogs kyis yongs su brgyan pa ste zhes pa la/ de ltar ri khrod ni ha'o/ /mo hi ta ni a'o/ /de nyid grogs pa ste des yongs su brgyan zhes pa'i don to/ /gzhan dag ni rtogs par sla ba'i phyir 'dir ma bkrol lo/ /de la sngags ni 'di yin te/ uts+tshaSh+Ta rak+Sha si swAhA/ shar gyi brgyad pa blang bya ste zhes pa ni/ shar phyogs su gnas pa'i ka'i sde tshan te/ de'i brgyad pa dza blang zhes pa'i don to/ /dbu ma'i bzhi pa mdza' mthar ldan zhes pa la/ dbu ma ni pa'i sde tshan te/ de'i bzhi pa ni b+ha'o/ /de'i mdza' ma ni ma ste/ de dang ldan par bya zhes pa'i don to/ /de'i spyi bor raN+Ta sbyar zhes pa ni/ b+ha de'i spyi bor ru raN+Ta ste e sbyar zhes pa'i don to/ /slar yang dbu ma'i mdza' ma blang zhes pa ni/ slar yang dbu ma ni pa'i sde tshan te/ de'i mdza' ma ni ma blang zhes pa'i don to/ /b+hi d+hi chang gis myos dang ldan zhes pa la/ b+hi d+hi ka ni oM ste/ de'i chang gis myos pa dang ldan zhes pa'i don to/ /gshin rje srub ma yang dag blang zhes pa la/ gshin rje srub ma ni ha ste/ de yang dag par blang zhes pa'i don to/ /raN+Ta yis ni rna bar brgyan zhes pa ni/ yi ge es ha'i mgo'i grar brgyan pa'i don to/ /mdza' ru swAhA tshogs mdzes pa la/ cho ga ni oM ste/ de yongs su mnyes par bya ba'o/ /de la cho ga ni 'di yin te/ dang por oM sbyar mdza' mar swAhA sbyar zhes pa'i don to/ /thod pa'i dbus su gnas pas brgyal zhes pa ni/ thod pa kha sbyar gyi dbus su gnas par bri ste/ grog mkhar gyi sa la sogs pa la/ gzugs brnyan byas la gzhan yang cho ga bzhin du ming spal te/ de'i snying gar bcug na brgyal par 'gyur ro/ /de sngags ni 'di yin no/ /oM dza b+he mo he swAhA/ yi ge re re bzhin nang du chud pa'i sngags 'di gnyis/ ba lang gi chu rjes lta bur sbyar ba rim pas btu ste/ sngags phreng gnyis su bya'o/ /de la oM ni kA ka kA sa khi zhes pa la sogs pa'o/ /de la sngags ni 'di yin te/ mu ni ka sa i mu ni pa sa i mu ni ha la lang ga le ho phaT / a'i a mu ka sya mu ha ha tha band+ha mi swAhA/ phreng gcig gis gzhan bshad de/ oM ka kA k+Shi ka ku ru te ka ka pin to pa ha ri ni a mu ka sya dzi bi ta gra hyats+tsha kA ki ya thA su khaM phaT/ phreng gnyis pa'o/ /sngags 'di gnyis gnon pa dang bsrung ba la rab tu sbyar bar bya'o/ /oM b+ha ga ba ti mun ta zhes pa la sogs pa ni rgan byang ma'i sngags so/ /sbyor ba gang dang gang la sngags ma gsungs pa de dang der cho ga bzhin rgan byed ma'i gdong can gyi sbyor ba'i sngags de khong du chung par bya'o/ /de dag gram pa'i 'khor lo las btu bar bya'o/ /dpal rdo rje mkha' 'gro'i le'u drug pa'i sngags btu ba'i bshad pa'o// //nyi khri dang ni chig stong dang/ /drug brgya zhes bya'i lo ni/ zhes pa ni zhag gcig gi dbugs dang lo gcig gi dbu gu'i grangs yin te/ khri phrag gnyis dang stong phrag gcig dang/ brgya phrag drug ces pa'i don to/ /ji ltar bgrang bar bya zhe na/ nyin tshan gcig la dbugs tshod drug cu ste/ dbugs tshod dang/ chu tshod dang spu gu zhes pa ni rnam grangs kyi don to/ /zhag sum brgya drug cu la lo gcig go /de snyed kyi grangs nyid chu tshod gcig gi dbugs te ji lta zhe na/ dbugs sum brgya drug cus ni chu tshod gcig go /chu tshod drug cu la ni nyin mtshan gcig go /gang gi tshe dbugs sum brgya drug cu grangs drug cur sbas te/ gsum drug la bco brgyad do/ /drug drug la sum cu rtsa drug ste/ de'i rim pas brtsis pas/ de'i tshe ji skad gsungs pa bzhin du 'gyur ro/ /'byin dang rdub ces pa ni/ 'byung ba'i rlung dang 'jug pa'i rlung ngo/ /de bzhin sa ni bcu gnyis nyid/ /phyi rol tu ni mtshon te bzhag ces pa ni/ mo rdzis kyi ye shes kyi 'khor lo rtags par byed pa'i bdag nyid du gsungs te/ 'di ni rgyud nyid nas mngon par gsal te/ phyis kyang gsal ba nyid du 'gyur ro/ /des na dus kyi bgrod par bshad ces pa la sogs pa la/ ri'u mig bcu gnyis po de rnams su sngon bzhin du/ /thams cad zi bar bya zhes pa'i don to/ /ro hi ta la nor rgyas te/ /mo hi ta la 'jog po nyid/ /b+ha d+ha stobs kyis rgyu yi gzugs/ /khyu mchog pad+mar shes par bya/ /de bzhin rus sbal pad chen po/ /chu sin dung skyong nyid du gsungs/ /ranTa mdza' yas su ni bshad/ /mi ki ri la rigs kyi gtso/ b+ha d+ha la ni mgo brgya pa/ /bya ku li la yid 'gro zhes/ /sbas na la ni gcig pa nyid/ /sa la sa ru char 'bebs pa'o/ /lha chen bcu gnyis po de rnams/ /so sor byung ba'i rang bzhin nyid/ /ces pa ni/ gang du gza' dus yin pa der klu'i dus suAng gsungs te/ des na tshes grangs rnams dang rgyu skar rnams/ /rjes su mthun pa'i dus kyi dbang thang ni/ dus kyi dbang por gsungs so/ /de ltar sa ni mnyam shes nas zhes pa ni/ ji skad gsungs pa'i rim pas gnas mnyam par shes pa ste/ mo rtsis shes pas lag pas reg pa 'am me tog bsgyur ba 'am/ bgrang ba yang rung bas dge ba dang mi dge ba thams cad 'khor lo 'dir rim pa bzhin du gcig par bstan par bya ba'i don to/ /dga' ba la sogs pa'i zhes pa ni/ dga' ba bzhi dang/ skad cig bzhi dang/ 'bras bu dang yan lag dang/ de bzhin du bgrod pa dang/ dbye ba ste drug go de dag gsum 'gyur du bsgyur ro/ /thams cad tshig rkang bzhi yis gdan tshig bzhi rdzogs par bya zhes pa'i don to/ /gang gis dge ba dang mi dge ba shes par bya ste/ de'i ming gzhug par bya'o/ /mdud pa dor bar 'byung ba nyid ces ba ni/ 'khor lo re'u mig bcu gnyis pa'i mdung pa btang ba ste/ yang zhes pa'i don to/ /lhag ma dus 'byung ba las/ dge ba dang mi dge ba brtag ste/ de nas ro hi ta la sogs pa'i phan yon ji skad rgyud du gsungs pa thams cad shes par bya'o/ /lhag mar gyur pa ni rtogs par sla'o/ /le'u dgu par gang gsungs pa'i/ /phyugs rnams kyi ni rgyud bral phyir/ /rgyud bral gyis ni bsnun par bya/ /zhes pa ni rgyu ni rgyur gyur pa ste las dge pa dang mi dge ba las 'ong ba'i rnam par shes pa'i/ de dang bral ba gang yin pa ni srog song ba zhes pa'i bar du'o/ /de rnams kyi bsnun pa ni sha blang ba'o/ /rgyu med pa'i sa zhes pa ni bdag dang bdag gi gzhan la sogs par yongs su brtags pa'i rnam par rtogs pa dang bral ba ste/ de kho na nyid ji lta ba bzhin du rig pa snga byi yongs su dag pa'i don shes pa ste/ mkhas pa zhes pa'i don to/ /de ltar rgyud gzhan dag gi nang du yang rtogs par bya'o/ /de dag ji ltar des par nus she na/ le'u nyi shu rtsa dgu pa las gsungs pa/ /ma dang de bzhin pa dang ni/ /rgyal po bram ze gtsang ma gnyis yul 'khor rgyu ba bcas bcom na/ /bram ze sdig pa med par 'gyur/ /zhes pa la sogs pa ni/ ji ltar 'dus pa de ltar 'gyur ba de ltar bstan pa'i phyir ro/ /de la sred pa dang/ gti mug dang/ 'dod chags dang/ zhe sdang gzhom pa'i don du de ltar gsungs pa yin no/ /'dir lung gi don shin tu lkog du gyur pa nyid ma yin nam zhe na/ de ltar mod kyi bdag nyid 'jig rten du nor bzangs zhes grags pa bzhin no/ /gser la sogs pa dang ldan pas de nor bzangs zhes gal te/ ming kho nas bstan kyang 'dir 'gron bu tsam yang med do/ /de'i phyir dam pa ma yin pa'i rtog pa la mngon par zhen pas bdag nyid 'brel par byed pa zhig tu zad do/ /brda'i don dang sgra'i don dag la khyad par ci yang ma mthong ngo/ /gal te yang bskrad pa la sogs pa de yang gdul bya'i phyir byed na nus pa rtas pas bya ba yin no/ /des na des nyams su myong ba tsam bstan gyi bsad pa ni ma yin te/ bya ba thams cad la snying rjes bya'o/ /zhes gsungs pa'i phyir ro/ /dpal rdo rje mkha' 'gro'i le'u bcu pa'i rlung gi de kho na nyid bshad pa'o// // nye bar spyod pa'i gtor ma'i snod ces ni/ nye bar spyod par gyur pa'i gza' ba la sogs pa snod gcig tu bsags te/ rnal 'byor ma mang po dang lhan cig tu longs spyod pa'o/ /de rnams kyi gtor ma'i snod ni so sor bya zhes pa'i don to/ /sha rlon la sogs nya'i sha zhes pa la sogs pa ni/ de kho na nyid du bstan pa'i don to/ /g.yon pa'i cha'i snod las ni zhes pa ni/ g.yon gyi logs su mchod yon gyi snod bzhag par bya zhes pa'i don to/ /g.yas kyi khro bo bstan par bya zhes pa ni snod der gnas pa'i me tog la sogs pa'i g.yas pa'i mdzub mo dang mthe bo dag gis bskor te/ mchod yon dbul zhes pa'i don to/ /gzhan dag ni rtogs par sla'o/ /dpal rdo rje mkha' 'gro'i le'u bco brgyad pa'i gtor ma'i mchod pa'i bshad pa'o// // bum cu rtsa gnyis rtsa zhes pa ni/ dus kyi 'khor lo'i gnas skabs su gtso bo nyid yin no/ /bcu phyed ces pa rtsa lnga zhes pa'i don to/ /dbyangs rnams kyi ni 'gro mtshan nyid/ /dkar po nag po cha yis ni/ /zhes pa ni thabs dang shes rab kyi dbye bas dbyangs nyi shu rtsa bzhi gsungs so/ /lus kyi mtshan ma zhes pa ni 'og nas 'byung ba'i rtags dgu'o/ /dbugs ni rnam par rgod can gyis/ lus can gdugs gnyis ni na 'chi zhes pa ni/ sor bcu gnyis su dbugs phyir byung ba chad na'o zhes pa ste/ lus can sor gnas pa'i rang 'di las gal te/ gzhan du gyur pa de'i tshe 'chi ba'i dus la bab par de rtogs par bya'o/ /ro hi ta dus snga dro'i cha zhes pa ni/ thun phyed phyed dus nges par rlung 'pho ba'i don to/ /de la ro hi ha la sogs pa'i zhag bcu gnyis rnam par dbye ste de'i don ni 'di'o/ zhag gcig nyid la tshes bcu gnyis kyi cha phyed de/ des na ro hi ta'i cha nas mtshon pa'i don to/ /gzhan dag ni rtogs par sla'o/ /dbus na chad cing 'chang par 'gyur zhes pa ni/ rtags dgu po gang bstan pas gang gi tshe rtsa chad pas de 'chad de/ tshe zang zhes pa'i don to/ /gang tshe nyin zhag drug sgrub pa/ /gcig tu rgyu bas brgyan pa ste/ /zhes pa ni rtag par rgyun mi chad par/ gang gi tshe rlung gi rgyu ba de'i zhes pa'i don to/ /de ru lo ni gsum brtsi ba/ /de bzhin sum brgya drug cus so/ /zhes pa'i don to zhe na/ 'khor lo phyi'i rim pa'i grangs la zhag lngar rgyun lo gsum du tshe thub par gsungs so/ /de'i rjes su lnga las yar 'phel bas gang gi tshe zhag bcu'i bar du bab pa de'i tshe lo gnyis su 'tsho bar bstan to/ /'di dag gi bar du chud pa'i nyi ma rnams gtan la dbab ste/ der lo gsum du brtsi ba ni ma yin te/ lo gsum gyi cha blang bar bya'o/ /des na lo gnyis dang zla ba drug tu de bzhin du zhag bco brgyad do/ /de ltar bar du chad pa'i nyi ma gzhan rnams kyang rtogs par bya'o/ /sum brgya drug cus lo'i zhag gi grangs kyi cha yongs su brtag par bya'o/ /'di dag thams cad kyi bar gyi nyi ma gang yin pa bshad par bya ste/ de yang ji ltar rnyed zhe na/ zhag bdun pa'i cha la yongs su brtag pa ste/ lo gnyis dang zla ba yang dus kyi grangs su bstan to/ /zhag bdun dor zhes pa ni/ zhag bdun dor ba ni brgyad pa zhes pa'i don to/ /gang tshe rlung ni rgyu pa zhes pa ni/ gang gi tshe sna bug g.yas pa nas zhag brgyad du rlung rgyu ba na lo gnyis dang/ zla ba rig byed kyi grangs te/ zla ba bzhi zhes pa'i don to/ /zhag rnams kyi dus kyi sgras bstan to/ zhag ni nyi shu rtsa bzhi bstan pa ni 'tsho ba'i dus kyi grangs so/ /bar gyi zhag grangs gsungs pa gang/ /bcu gnyis las shes bzhin bzang ma/ /bdun cu rtsa gnyis go rim las/ /lo yi rim gyis de der bya/ /sum cu drug dang bco brgyad dang/ /zla ba la sogs go rim bzhin/ /zhes pa ni lo'i rim gyis grangs bzhin ni ma yin no/ / lo'i cha la gnas te/ gcig gnyis gsum la sogs pa'i nyi mas de sbyar zhes pa'i don to/ /de yang 'khor lo'i steng 'og gi sgo las shes par bya ste/ 'khor lo'i steng gi sgo ni lo'i rim pas so/ /'og gi sgo ni zhag dang zla ba'i rim pas so/ /bags kyi bags kyis 'bri bar bya/ /lhag mar gyur pa gang yin dang/ /bzlums pa zhes bya 'tsho ba'i chang/ /ces ma ni ji ltar phri ba de ltar bsnan pa'i don to/ /'dis ni phyi'i dang dbus kyi re'u mig bcu gnyis gtan la phab pa yin no// nang gi re'u mig rnams ni rtogs par sla ba nyid do/ /'dis 'chi ba'i mtshan nyid nges par bya ste/ phyir bzlog pa'i cho ga bya'o/ /'chi ba 'tsho ba la sogs pa ni sngon nyid du yang bstan zin to/ /yan lag kha TwAM ga dang sbyar zhes pa la sogs pa gsungs te/ yang na keng rus kyi gzugs pags pa dang/ sha dang khrag dang khu ba la sogs pa dang bral ba bdag nyid bsgom par bya'o/ /yang na khaN+Ta ro ha kha TwAM ga dang thod pa dang ldan pa phyung ste/ bsgom pa la goms pa'i rnal 'byor pas/ yan lag thams cad kyi sgo la sogs pa gsungs te/ bdud rtsi lngas kha bkrus pa'am/ yang na bdud rtsi bsam gtan gyis byin gyis brlab bo/ /mchod pa sngon du 'gro ba la sogs pa ni sngon du bshad zin to/ /dpal rdo rje mkha' 'gro'i le'u las 'chi ba blu ba'i bshad pa'o// //da ni mu stegs can gyi dbang du byas te gsungs pa'o/ /rlung bcing ba la sogs pas de dag kyang rdzogs pa'i sangs rgyas su bya'o/ /de dag gis kyang nges par rlung dang bdud rtsi la sogs pa'i de kho na nyid rtogs par 'dod de des na de rnams kyis rtogs par bya ba dang/ bdag cag gi yang yod pa ste/ phung po la zhen cing mngon par chags pa rnams dang/ mtho ris la sogs pa'i longs spyod la dga' ba rnams kyi phyir/ gzhan gyi lus la gzhug pa dang/ gong du 'pho ba bstan pa yin no/ /'di dag gang las shes par bya zhe na/ mdo sde la sogs pa las bstan pa'i phyir ro/ /de ltar yang gsungs te/ gang gi tshe sngon tshangs pa dang drang srong dang/ 'od srungs byung pa de'i tshe/ dge spyod gau ta mas gal te/ bdag gi de kho na nyid shes na de'i tshe phyis mnyam par bya'o zhes bgros te/ bcom ldan 'das la 'dri ba la brtson par byed do/ /dge sbyong gau ta ma bdag yod dam zhes 'dri'o/ /gsungs pa bden te khyed cag gis ji ltar shes pa bzhin du bdag ni yod do zhes gsungs so/ /de nas de dag yid dga' zhing mgu nas legs so zhes bya ba byin nas rab tu byung bar gyur to/ /de ltar gzhan dag gi dber yang rtogs par bya'o/ /gzhan yang brtse ba dang ldan zhing bsgoms pa'i bdag nyid can sems can gyi don dang ldan pas ngan 'gro'i lam dgag par bya ba'i phyir gong du 'pho bar bya'o/ /sbyin pa la sogs pa'i pha rol tu phyin pa la goms par bya ba'i phyir dang/ ngan 'gro las gzhan gyi sems bsrung bar bya ba'i phyir/ gzhan gyi lus la gzhug par bya ste/ de yang bsgom pa'i bdag nyid can nus pa dad ldan pas 'di bya'o/ /dang po kho nar yongs su dag par bstan te phyis sems kyis las bya'o/ /gzhan dag ni rtogs par sla'o/ /sngon bzhin 'khor lo gang gsungs las/ rna ba dag tu zhugs nas kyang/ /zhes pa ni rdo rje mkha' 'gro'i sbyor bas nang gi 'khor lo'i bdag gnyid bsgoms te/ thig ler spros nas 'jig rten gsum du gtogs pa'i sgra dang 'dras shing/ dzA lan d+ha ra'i lam nas zhugs te/ me stag bzhin du 'khor bar 'gyur ro/ /rlung gis mes bskyod pas spros pa'i bdag nyid shes rab dang ldan pa me stag bzhin du/ rna pa dag tu gzhug go zhes pa'i don to/ /'dis ni rnal 'byor pa'i ring nas thos pa shes par 'gyur ro/ /de ltar mig la yang sbyar te/ lha'i mig spyod yul du byas pas khams gsum mthong bar 'gyur ro/ /de ltar sngon gyi gnas par bya ba'i phyir/ 'jig rten gsum snang bar bya ba dang/ gzhan gyi sems la bcug pas gzhan gyi sems shes pa dang/ rdzu 'phrul mngon par byed do/ /ji ltar gsungs pa'i dkyil 'khor la gnas te/ 'bar zhing gsal ba la sogs ba la bslab pa dang/ gzhan gyis lus la 'jug pa dang/ gong du 'pho ba'i mtshan nyid la bslabs bas myur ba kho nar de dang 'dra ba skye bar 'gyur ro/ /'gro ba yi ni sgo bzang po/ /nyin gcig lha mo sgyu 'phrul che zhes pa ni/ sgro dgu nas rnam par shes pa 'pho ba'i mchog dang tha ma'i dbye bas 'gro ba'i dbye ba bstan zhes pa'i don to/ /lte ba 'dod can mtho ris te/ /thig les gzugs kyi lus can no/ /zhes pa ni/ gang gi tshe spro ba dang sdud pa'i rim pas sems thig le'i gzung can gyi rnam par shes pa lus can rnams kyi lte ba'i sgo nas byung ba de'i tshe mtho ris su skye bar 'gyur ro/ /lha mo steng gis steng 'gro zhing zhes pa na/ gang gi che steng dzA ran d+ha ra'i sgo nas byung na/ de'i tshe rnal 'byor pa mtho ris kyi gong du gyur pa 'og min la sogs par skye bar 'gyur ba ste/ des na myur du 'gro bas phye ba zhes pa'i don to/ /sna las ni gnod sbyin du 'gyur ro/ /rna ba dag la ni mi 'am cir 'gyur ro/ /lha mo gal te mig 'gro na/ /mi rnams kyi ni rgyal por 'gyur zhes pa ni/ gal te mig nas rnam par shes pa byung na/ mi'i 'khor los sgyur ba'i rgyal lor 'gyur zhes pa'i don to/ /srid pa'i sgo zhes pa ni kha'i sgo ste/ 'di las rnam par shes pa byung na/ yi dags su 'gyur zhes pa'i don to/ /chu yis dud 'gro zhes pa ni dri chu'i lam nas rnam par shes pa byung na dud 'gror 'gyur zhes pa'i don to/ /chu min dmyal bar 'gro ba ste/ zhes pa ni 'og gi sgo dri chen gyi lam nas rnam par shes pa byung// dmyal bar skye bar 'gyur zhes pa'i don to/ /thar pa rnams las gzhan du 'gro zhes pa ni 'di lta bu ni slar yang thar pa'i sgor mi 'gro zhes don to/ /de'i tshe rnal 'byor pa rang dga' i rdzu 'phrul can du ji ltar 'gyur zhe na/ sngon du bum pa can bsams la sgo thams cad bkag ste gong du 'pho ba brtsams na de lta bur 'gyur zhes bya ba'i don to/ /sgrogs pa lnga'i mchod rten gyi sgo yi bu gar bsgom par bya zhes bya ba ni/ mchod rten gyi sgo dang spyi bo'i bum gar hi ka bsgoms nas sgo dbye bar bya zhes bya ba'i don to/ /de nas khung bu'i sgo la zhes pa ni snying gi nang du gnas pa'i hUM gi sa bon chu bu'i 'byung ba dang/ 'jug pa'i rlung bdud rtsi'i rang bzhin can me'i sa bon spar ba dang bum pa can gyi dbugs des ni bde blag du sgo phye nas lus dor te/ rang dga' bar sangs rgyas kyi zhing du 'gro zhes pa'i don to/ /lus ni rlung gi mdog tu ste zhes pa la sogs pa ni go bar sla'o/ /dpal rdo rje mkha' 'gro'i le'u nyi shu gcig pa las gong du 'pho ba'i bshad pa'o// //slar yang lha mos gar mdzes de/ /glu 'di yis ni mnyes par bya/ /zhes pa la sogs pa la/ e baM si ta a ru Na ni b+ha dza ni ta d+hya mA ga mA da ma la/ zhes pa ni khyod ni e baM ste/ dkar po dang dmar por snang ba'i byang chub sems kyi rang bzhin zhes pa'i don to/ /si ta zhes pa ni he ru ka nag po'o/ /a ru sha zhes pa ni/ rdo rje phag mo dmar mo ste/ 'di dag gnyis pa'i dngos pos shes rab dang thabs kyi rang bzhin zhes pa'i don to/ /dza na te ma d+hya mA ga mA zhes pa ni/ dbu ma las skyes shing 'ongs pa zhes pa'i don to/ /dam ma ni sems 'dul ba ste/ de las gang skyes pa ni dbu mar 'gro bas 'dul bar 'gyur ba de la bsrungs shing bskyangs pa'i don to/ /ni sa zhes pa ni dbugs rdub pa zhes pa'i don to/ /bar? g+ha? mA sA zhes pa'i stong pa nyid kyi rnal 'byor ma de'i rang bzhin te/ srog gi dbugs kyi rang bzhin zhes pa'i don to/ /ri ga'i mA zhes pa ni kyi stong pa nyid kyi rang bzhin zhes pa'i don to/ /b+huM pa ste zhes pa ni ma lus pa'i dbang phyug ces pa'i don to// sa re re zhes pa ni khyod kyi snying po zhes pa'i don to/ /de ci zhe na/ ni pA sA zhes pa ni rdub pa'i dbugs tha mal pa gzhan dag ma yin te/ shes rab dang gnyis 'dus pas 'gro ba la phan par byed pa zhes pa'i don to/ /ma d+hya ma d+hya ma sA sA sru ta ni sa zhes pa ni/ 'dzag pa'i rang bzhin rdub pa'i dbugs te/ sems kyis chos kun rdzob pa byang chub sems kyi rang bzhin zhes pa'i tha tshig go /sA ri sA ri ta ka ma gam zhes pa ni/ de dbugs gtor ba dang rngub pa dang 'gro ba dang 'ong pa'i rang bzhin zhes pa'i tha tshig go /d+ha mA d+ha ma sa zhes pa ni des gdul ba ste yid kyis gdul pa'i don to/ /pA pa ma pA pa zhes pa ni sdig pa dang sdig pa med pa'i rang bzhin zhes pa'i don to/ /ma dang ni mi ta zhes pa ni kyi mchog tu dga' ba'i rang bzhin gyis dregs shes pa'i don to/ /don ni 'di yin te glus mnyes par bya zhes sbyar te/ dal zhing snyan pa'i dbyangs kyis khyad par gyi glu blang zhes pa'i don to/ /de ltar rnal 'byor pa'i dbugs kyi gnas su dbyangs kyi dbye ba de rnams kyang bstan to/ /da ni rtsis kyi 'khor lor dge ba dang mi dge ba'i rgyu mtshan 'byung ba bstan te/ shar du me zhes pa ni ri'u mig dgu pa bri ste/ de'i shar phyogs su ma sha'i lug dbang thang bri bar bya'o// gshin rjer bri zhes pa ni gshin rje'i phyogs su bar Sha bri'o/ /chu ru me zhes pa ni chu'i phyogs su mi thu nam bri'o/ /gnod byin du ku zhes pa ni gnod byin te byang gi phyogs su ku ril bri'o/ /me d+ha ru d+ha si zhes pa ni me'i phyogs su d+ha nu dang si haM bri'o// srin po ma ka ra zhes pa ni srin po'i phyogs bden bral du ma ka ra dang ka byi bri'o/ /g.yo bar tu ku zhes pa ni rlung gi phyogs su tu la dang kum b+ha bri'o/ /dbang ldan du bi mi zhes pa ni dbang ldan gyi phyogs su bi Sha dang mI na bri'o/ /'di ni dbang thang rnams kyi dgos pa'o/ /a la sgur po zhes pa ni sgur po mig dmar te/ de'i a 'bri zhes pa'i don to/ /i las zla skyes shes pa ni/ zla skyes ni gza' ste/ gza'i i bri zhes pa'i tha tshig go /u las lha'i bla ma zhes pa ni/ lha'i bla ma zhes pa ni phur bu ste/ de'i u bri zhes pa'i don to/ /e la khu ba zhes pa ni pa ba sangs kyi e bri zhes pa'i don to/ /o la nyi ma'i bu zhes pa ni spen pa'i o bri zhes pa'i don to/ /o la gza' bdag ces pa ni gza' bdag ni zla ba ste/ de'i o bri zhes pa'i don to/ /a(rgyud 'grel kar te'o/ /dkyil 'khor can ni zla ba ste/ de la skyes pa ni gza' lag tu shes par bya ba'i don to/ /gdong lnga pa la nyi ma gnas par zhes pa ni/ gdong lnga pa seng ge nyi ma gnas par shes par bya zhes pa'i don to/ /'dis ni rta'i 'gros kyis gza' rnams bstan pa yin no/ /gang dag mdza' na gnas pa'i gza' rnams ni/ lhag ma rang rang dbang thang la spyod pa zhes pa ni gza' gang dag lhag ma mdza' na gnas pa ste/ mtshams kyi cha na gnas pa na de rnams ni dbang thang gnyis gnyis la spyod pas/ yongs su mnyes pa'i don to/ /phyogs rnams ni dbang thang re re la spyod ces pa'i tha tshig go /gzhan yang ro hi ta lug kha cig tu zhes bya ba la sogs pa ni/ rgyud kyi gzhung nyid du gsal bar byas pas thams cad rtogs par sla zhes pa'i tha tshig go /dpal rdo rje mkha' 'gro'i le'u nyi shu gsum pa las/ glu dang gza'i dbang gi bshad pa'o// //de ltar de kun 'jig rten gyi zhes pa ni/ gang dag sngon du gsungs pa'i ho ta la sogs pa'i dbyangs yig bcu gnyis po rnams so/ /des na zad dang mngon par 'byung la gnas zhes gsungs so/ /lha tshan bcu gnyis po de rnams/ 'tsho ba'i gzugs kyi cha ru gnas/ /de rnams dbang thang yang dag bshad/ /rgyu skar kun dang yang dag ldan/ /zla ba nyi ma rnams dbye bas/ /'og dang steng du bltas de bzhin/ /zhes pa ni lus la kha steng du bltas pa ni sa la sogs pa'o/ /kha 'og tu bltas pa ni ka la sogs pa zhes pa'i don to/ /brtan pa dang ni g.yo ba gnyis/ /gnyis dang gnyis su yang dag gsungs/ /shes pa ni/ re re bzhin du brtan pa dang g.yo ba'i rang bzhin zhes pa'i don to/ /'di dag gi 'byung ba'i rim pas ni mi dge ba'o/ /'jug pa'i rim pas ni dge ba ste/ so so re re la sbyar zhes pa'i don to/ /lha mo de bzhin gzi brjid zung/ /ring thung rgyal dang rgyal min pa zhes pa ni/ sngon du gsungs pa'i 'khor lo'i slar yang bstan pa'o/ /gzi brjid zung zhes pa ni/ sde tshan rim par gsungs pa'i yi ge zung du 'brel pa thung? dang ring ba gang yin pa des/ rgyal ba dang rgyal ba ma yin par 'gyur ro/ /de'i bsam pa ci zhe na/ steng gis de yi ge rgyal ba ste zhes smos te/ dang po'i yi ge thung dus ni rgyal bar 'gyur ro/ /'og gis 'chi dang phrad pa yin zhes pa ni yi ge gnyis pas ni 'chi ba rang phrad pas 'gal lo zhes pa'i don to/ /de ltar sde tshan thams cad dam/ a la sogs pa'i sde tshan rnams rtsis kyi 'khor lo khris te/ brtsis par 'gyur bas gang lhag par 'gyur ba'i yi ge de blangs te/ des bstan pa'i dge ba dang mi dge ba'i 'khor lo re'u mig bcu gnyis pa las mtshon par bya'o/ /de yang rgyu nyid las ston par 'gyur ro/ /thams cad nyi mar spyod pa dang/ /skar ma dbang thang gza' dang klu/ 'char ba yis ni zhes pa la sogs pa ni go sla'o/ /dpal rdo rje mkha' 'gro'i ma'i le'u nyi shu pa'i rtsis kyi 'khor lo'i bshad pa'o// ` //gong du zla ba rnams gnas par/ /sngon du skar ma bgrang bar bya/ /zhes pa ni mi rnams skyes pa dang skar ma brtag par bya ste/ sngon du brtsi bar bya'o/ /phyis de'i zla ba du yin pa yang brtags la/ gang du skar ma gnas pa'i zla ba de brtsis te/ mtshan ma gdab par bya'o/ /de nas grangs drug cu ru brtsi bar bya'o/ /yang nyi ma gang la skyes pa de'i dus kyi chu tshod 'das pa de rnams kyang bsnan par bya'o/ /der ni zla ba gzhug par bya zhes bya ba'i don 'di yin te/ zla ba la longs spyod pa'i dus gzhug pa dang/ slar yang grangs drug cu bsnan par bya ba'i don to/ /glang po me dang po dbang po zhes pa la glang po ni phyogs glang po'o/ /me ni gsum mo/ /ro ni drug go /dbang po ni gcig ste/ spyir dril na grangs nyi shur 'gyur ro/ /de ltar cha 'di dag tsam rim gyis phri ste/ lhag ma lus pa'i cha gang yin pa de blang bar bya zhes pa'i don to/ /dbus su lhag pa zhes pa ni gang lhag pa blangs pa de'i gnas skabs la spyad par gsungs zhes pa'i don to/ /nyin dang mtshan gyi bar sbyor bas/ /lhag pa'i chu tshod du ni gsungs/ /gang du zla ba rnam gnas pa/ /rab tu gnas pa 'joms par 'gyur zhes pa ni/ gal te dang po la skyes pa de'i zla ba dang/ skar mas ni 'joms shing bsod pa la sogs par 'gyur zhes pa'i don to/ /gnyis pa zhi bas zhi ba ste/ /zhes pa ni zla ba gnyis pa ni zhi zhing dge bar shes par bya zhes pa'i don to/ gsum ni 'chi ba zhes bya ba ni zla ba gsum pas sdug bsngal zhing 'chi ba'i gnas skabs su 'gyur zhes pa'i don to/ /bzhi pa dga' bas mgu bar 'gyur zhes pa ni zla ba bzhi pas dga' zhing mgu bar 'gyur zhes pa'i don to/ /lnga pa nor gyis nor ni 'gyur zhes pa ni zla ba lnga pas nor 'byung bar 'gyur zhes pa'i don to/ /drug pa rim gyis dus ni klog zhes pa ni/ zla ba drug pas lus rim gyis klog par 'gyur zhes pa'i don to/ /bdun pas dga' bas de bzhin du zhes pa ni zla ba bdun pas mgu ba dang 'phrad par 'gyur zhes pa'i don to/ /brgyad pa rlog pas brlag pas te/ zhes pa ni zla ba brgyad par brlag par 'gyur zhes pa'i don to/ /dgu pa nye bar gnas pa yis/ /zhes pa ni zla ba dgu pas dgra rnams dang rtsod par 'gyur zhes pa'i don to/ /bcu pa rtsed 'jo zhes bya bas zhes bya ba ni rnam par rgyal ba sna tshogs par rgyal bar 'gyur zhes pa'i don to/ /bcu gcig pa ni gdung ba yis/ /zhes pa ni zla ba bcu gcig pas 'jigs pa sna tshogs 'byung zhes pa'i don to/ /bcu gnyis pa ni tha bzhin pas zhes pa ni zla ba bcu gnyis pas bde ba chen po longs spyod pa skye bar 'gyur zhes pa'i don to/ /zla ba dgu pa'i chog rim pas/ /lha mo lug la sogs par bshad ces te/ de dag ni ris kyi 'khor lor khong du chud par bya zhes pa'i tha tshig go /dpal rdo rje mkha' 'gro'i le'u nyi shu rtsa lnga pa las/ skye ba'i gnas skabs kyi bshad pa'o/ //nya la me ru yang dag gnas/ /gnam stong la ni rlung du gnas/ /de ltar de yis dbus gnas pa'i/ /phyogs ni rab tu gdung gnas su/ /zla ba nyi ma 'byung ri mo/ /mnyam par so zhing mnyam par blta/ /zhes pa la sogs pa ni rgyud nyid du gsal bar bstan to/ /man ngag dam pa rnams ni rnyed dka' shes par dka' / /des na bla ma snying rjes thugs bcings 'dir bzhugs pas/ /de nyid rab brtan rgyu ru khyed cag de rtogs kyis/ /bdag la rigs pas khengs pa'i cha 'dir ci yang med/ /bde gshegs sras tshogs dang ni ye shes btsun mo mchog /ji srid byang chub snying por 'gro kun phan mdzad dang/ /mkha' spyod sa spyod rnams dang sa yi steng bzhugs pa'i/ /'phags pa rnams la nor bzangs 'di byas bzod par mdzod/ /dpal rdo rje mkha' 'gro'i dka' 'grel de kho na nyid brtan par byed pa zhes bya ba slob dpon chen po nor bzangs kyi zhal snga nas kyis mdzad pa rdzogs so// //rgya gar gyi mkhan po sh+rI ga ya d+ha ra dang/ bod kyi lots+tsha ba zla ba'i 'od zer gyis bsgyur ba'o// //