<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N856: dpal ldan dri ma dang bral ba'i 'od kyi rgyud la 'jug pa'i bshad sbyar snying po snang ba<br><table><tr><td>
<input type="button" onclick="location.href='tcompletep.php?id=N856&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N856&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N856&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">*/ dpal ldan dri ma med pa'i 'od kyi rgyud la 'jug pa'i bshad sbyar snying po snang ? zhes bya ba bzhugs so// //*/ /rgya gar skad du/ sh+rI ma da bi ma la pra ptA tran+t+ra ba ha ra Ni bA da h+ri da ya lo ka/ bod skad du/ dpal ldan dri ma dang bral ba'i 'od kyi rgyud la 'jug pa'i bshad sbyar snying po
 snang ba/ dpal ldan dus kyi 'khor lo la phyag 'tshal lo/ /bcom ldan phyin ci log rtogs gang mngon par byang chub rdo rje bzhi rnams dang/ /rnam thar tshangs pa zhes bya skad cig sku bzang sems dpa' zhes pa dang bcas dang/ rnal 'byor dga' ba bzhi dang nyi ma ri bong can song yan lag
 dang bcas pa/ mdza' dag rnams kyis 'khor ba rnam dag ston mdzad ston pa de la 'dud gyur cig/ gang gi sngon du byed pa yang dag sbyar ba 'gyur med pa/ /zla ba thig le dag pa rnam rgyas rim pas 'phel gyur pa/ /shes rab las byung sa rnams rnam par rol par byed pa yi/ /dpal
 ldan rgyud kyi rab gsal rdo rje'i gnas la phyag 'tshal lo/ /sngags la sogs pa 'gyur med tshul dang? ldan pa'i chu gter shes rab kyis mthar byed bdag nyid/ /phyugs bdag la sogs bla ma'i bla ma yi yang bla ma dpal ldan byang chub rdo rje ste/ /mnga' bdag mthu yis yang
 dag byang chub rdzogs par mdzad pa'i zhabs kyi chu skyes bdud dang ni/ /nyon mongs lag ldan dbang po'i bum pa 'byed la gcan gzan mchog rnams brtsen la spyi bos 'dud/ /'jam pa'i dbyangs kyis legs par bzlas rnams gang na zhig/ 'phags pa 'jig rten dbang
 pos dpyad pa'ang gang na zhig/ yong ba reg pa ngan pa bdag kyang gang na ste/ /de yis bkod pa'i chal yang dag 'bang byas te/ /'on kyang spyan ras gzigs dbang thugs rje'i zho sha yis/ /drangs bzhin pa yis de nas 'jig rten 'bad pa yis/ /dpyad pa de rnams dag gis
 dri ma med 'od kyi/ /rgyud la 'jug pa la ni bshad sbyar rnam par bsgrub/ /'dir dang por re zhig 'phags pa spyan ras gzigs dbang phyug gi sprul ba'i sku sa'i bdag po pad+ma dkar po bcom ldan 'das kyis ? du'i rgyud kyi rgya cher 'grel pa dri ma med pa'i 'od rtsom
 bzhin pas/ bdud dang bgegs mdza' dag rnam par bzhig pa'i don dang/ rab tu gsal ba'i rdo rje'i gnas rgyud kyi gsang chen las shin tu gsang chen rdo rje'i rnal 'byor ma lus pa rtogs pa'i don du/ mchod tu 'dod pa'i lha la phyag 'tshal ba gsungs pa/ dpal
 ldan dus 'khor la phyag 'tshal zhes pa rgyas par ro/ /dpal gnyis su med pa'i ye shes kyi nye bar mtshon pa ni bcom ldan 'das dus kyis 'khor lo ste/ dus ni mchog tu mi 'gyur ba'i bde ba chen po'i skad cig yin la/ des bskyed pa'i sgrib pa med pa'i
 phung po dang/ khams la sogs pa 'khor lo ste/ gang gi sku 'di yin pa ni dus kyi 'khor lo'o/ /de la phyag 'tshal bar gyur cig ces pa'o/ /stong nyid snying rje'i bdag nyid can zhes pa 'dir 'das pa dang ma 'ongs pa'i shes bya ni stong pa yin la/ de mthong ba ni dngos po
 ? stong pa nyid rnam pa thams cad mchog dang ldan pa'i shes rab po zhes pa'o/ /'dir phung po rnam par dpyad pa'i stong pa nyid ni ma yin te de gsungs pa/ phung po rnam dpyad stong pa rnams/ /chu shing ji bzhin snying po med/ /rnam pa thams cad mchog ldan pa'i/ /stong
 nyid de ltar 'gyur ma yin/ /skyes pa med pa 'gag med pa'i/ /shes bya gang zhig 'dir mthong ba'i/ /stong pa'i dngos po'i stong pa nyid/ /phung po rnam dbyang pa min zhes so/ /ka bde ba 'gog par byed pas na snying rje ste/ /ye shes 'gyur ba med pa'i thabs/ /mngon par
 shes pa drug can no/ /zhes pa'o/ srid gsum skye dang 'jig pa med/ /shes dang shes bya gcig pa'i sku/ /zhes pa srid pa gsum 'dod pa dang gzugs dang gzugs med pa'i khams lus dang ngag dang yid kyi skye ba dang 'jig pa srid pa dang mya ngan las 'das
 pa yin la/ ye shes de la ni med de cha bcu drug gcig pa nyid kyi phyir cha bcu drug pa cha med pa nyid las so/ /de nyid kyi phyir gsungs pa/ yang yang gtsug tor du 'char ba/ slar yang rdo rje nor bur rdzogs/ /de chags bral las cha nyams pa/ /lus can ye shes
 nyams pa min zhes so/ /de la gang la dngos po ste/ yod pa nyid med pa de skad cig gcig gis mngon par byang chub pa nyid kyi phyir 'dod pa'i srid pa la sogs pa la gnas pa ma yin /'dod pa'i mya ngan las 'das pa la sogs pa la mi gnas/ srid pa dang
 mya ngan las 'das bdag la mi gnas te phan tshun 'gal pa'i phyir la/ 'di dag gi phyi rol yang ma yin te/ gnub shing gtsubs pa las me bzhin 'dod chags chen po'i bdag nyid bcom ldan 'das so/ /'dir shes pa ni sgrib pa thams cad dang bral ba'i mchog tu mi
 'gyur pa'i skad cig ste/ shes bya yang khams gsum pa'i dngos po mdza' yas pa mthong ba yin la/ de kho na nyid du rgyu dang 'bras bu dbyer med pa'i phyir 'di dag gcig pa nyid gnyis su med pa'i da'i sku ste/ de ni cha 'gyur ba med pa'i mtshan nyid do/ /des ? rtsa ba'i rgyud du yang
 kun nas phyag dang zhabs la sogs/ /kun nas spyan dang dbu dang zhal/ /kun nas thos ldan 'jig rten du/ /thams cad khyab par byas te gnas shes so/ /tshigs su bcad pa phyed kyis phyi nas khyab par gyi bsdu ba ste/ de'i phyir tshig bzhi rnams kyis sku bzhi'i
 bdag nyid bcom ldan 'das brjod par bya ba yin la/ 'di'i brjod par byed pa yang po ti? dang gzhung dang/ don dang rtogs pa'i dbye bas rnam pa bzhi'o/ /phyag 'tshal ba yang rim pas shes bya ste/ ji skad du/ lus kyi spyi bor son pas dang/ lag pa sbyar bas dang/ pus
 mo'i lta ? la son pas dang/ ngag gi gzhung klog pa dang/ yid kyi don bsgom pa dang/ ye shes kyi don rtogs pa'i zhes rjod par byed pa'i rgyud kyi rgyal po ste/ gang zhig phyir bcom ldan 'das brjod par bya ba dang/ rjod par byed pa'i ngo bo nyid kyis gnas pa nyid kyi phyir
 ro zhes pa'o/ /brjod par bya ba la ni ji skad du/ dkyil 'khor bcu rnams gcig tu byang/ gcig tu byas pa'i phyir mi 'gro ba las sems nor bu dang pad+mar 'dzin/ gzung ba gyen du drangs ba las dri ma med pa nyid thob pa'o zhes so/ /rdo rje'i tshig 'di gsal bar byed pa'i
 dag kyang ji skad du/ dkyil 'khor bcu po yang dag sbyor/ /mgo bor thal sbyar phyag 'tshal ba'o/ /rdo rje thal mo 'di yi ming/ /gzhan pa phyag rgya'i dbang po zhes so/ /rtsa ba'i rgyud du yang/ sor mo rnams ni phan tshun du/ /dkyil 'khor bcu po yang dag sbyor/ /spyi bor
 lag pa'i mthil sbyar dag/ rtse gcig de ni gri gug go/ zhes so/ /'on gang dus kyi 'khor lo de kho na stong pa nyid dang snying rje'i bdag nyid do/ /zhes pa de'i phyir ming gnyis dag gi dngos po gcig rtogs par byed pa'i phyir na/ /stong nyid snying rje'i bdag
 nyid can zhes zlos pa 'di ci'i don du gsud zhen bden mod/ /dbugs dbyung ba 'jug pa'i rgyun mtshan mo dang nyin mo la sogs pa'i mtshan nyid can sems can rnams kyi skye ba dang 'jig pa'i rgyur gyur pa gzhan yang dus kyi 'khor lo ste/ /de yang mu stegs pa rnams kyis
 rtags gnyid du yongs su brtags pa'i phyir na zlos pa gsungs pa'o/ /'di kho na ci'i phyir mi 'gyur zhen gang gi phyir bcom ldan 'das dus kyi 'khor lo ni dbugs dbyung ba dang 'jug pa'i rgyun mtshan mo dang nyin mo la sogs pa 'gog pa'i mtshan nyid can skye ba
 dang ?/ ba med pa'i phyir rnal 'byor rnams la thar pa ster brtag pa nyid la sogs pa'i skyon dang gral ba'o/ /ji skad du dus kyi 'khor lo 'dir bshad pa/ rnal 'byor pa la thar pa ste/ 'di nyid sgrub par byed pa ni/ bsam med snang ba rnams kyis bya zhes rgyas
 par ro/ /de phyir mchog ster ba po nyid dang/ skyon gsal ba yang ngo zhes pa'o/ /'o na gang stong pa nyid dang snying rje'i bdag nyid de kho na srid pa gsum gyi skye ba dang 'jig pa med pa yin pas zlos pa ci'i don du gsungs she na bden mod/ /khyab 'jug dang dbang phyug dang dbye ba?
 gi snying po la sogs pa lta gzhan rnams kyang rtag pa nyid du mu stegs pa rnams kyis yongs su brtags shing/ nyan thos pa'i sangs rgyas rnams kyis kyang thams cad chad pas sgron ma lta bu'i mya ngan las 'das pa smra ste/ de'i phyir de'i chos nyid bsal pa'i tshad du srid gsum
 skye dang 'jig pa med ces zlos pa gsungs so/ /'di kho na ci'i phyir mi 'gyur zhe na/ gang gi phyir khyab 'jug dang dbang phyug dang dbyig gi snying po la sogs pa lta rnams 'dod chags la sogs pa'i nyon mongs pa yod pa'i phyir 'khor ba pa dang/ /chags pa dang
 bral ba dang ldan pa'i phyir nyan thos ba'i sangs rgyas rnams mya ngan las 'das pa sngon du byed pa yin la/ bcom ldan 'das dpal dus kyi 'khor lo ni chags pa dang chags pa med pa'i mthar son pa nyid kyi phyir srid pa dang mya ngan las 'das pa la mi gnas pa'o zhes pa'o/ /'on gang dus kyi
 'khor bo de khon shes pa dang shes bya gcig pa'i sku can yin pas/ ci'i don du shes dang shes bya gcig pa'i sku zhes zlos pa gsungs shen 'di bden mod 'on kyang gzhan sangs rgyas pa g.yo can rnam par shes par smra ba dang/ mdo sde pa bsam pa shin tu rags pa rnams kyang
 yod pa de rnams yan lag dang yan lag can rnams kyi dngos pos rdul phra rab rnams dang bral bar 'dod mod rnam par shes pa'i chos nyid las ma 'das par rnam par shes par smra ba rnams 'jug cing/ /mdo sde rnams ni rdul phra rab rnams
 sbyor bar 'dod pas shes bya dang shes pa tha dad par khas len to/ /zhes pa'o/ /de'i phyir de'i 'dod pa bsal ba'i don du shes dang shes bya gcig pa'i sku zhes zlos pa gsungs so/ /de'i lugs nyid ci'i phyir mi 'gyur zhe na/ gang gi phyir ldan pa dang bral ba ni rtag pa la sogS
 pa'i skyon dang bcas pa ste/ bcom ldan 'das kyis rtsa ba'i rgyud du gsungs pa/ phra rab rdul rnams ldan pa min/ /thams cad chen rtag par 'gyur/ /phra rab rdul rnams bral ba min/ /thams cad chen mi rtag 'gyur/ /dngos po rtag tu mirtag min/ /phrar brdul chas phye ba las/ /yan
 lag yod dang yan lag med/ /ces pa phyogs yongs 'dzin pa las/ /rnam par shes dang tshangs smra ba'i/ /g.yo can rnams kyis 'chad par byed/ /bde gshegs rgyal ba'i tshul la phyogs/ /gnyis spangs de rnams bsnags par 'os/ /rtag dang mi rtag 'dzin sdangs pa/ /
 bden gnyis tshul la gnas pa rnams/ /bden pa gnyis la brten byas nas/ /sangs rgyas rnams kyis chos bstan pa/ /slob dpon gang rnams byed de rnams/ /sangs rgyas pa gzhan mu stegs can zhes so/ /de'i phyir stong pa nyid dang snying rje'i bdag nyid rnam par dag pa'i
 sems shes bya ba dang ldan pa'o/ /de gzugs kyi mtshan nyid can ma yin te/ rdul phra rab yod pa ma yin pa'i phyir ro/ /gzugs med pa'i mtshan nyid can ma yin te stong pa la yod pa nyid kyi phyir ro/ /rtag pa dang chad pa las grol ba yang bcom ldan 'das
 shes dang shes bya gcig pa'i sku can no zhes pa'o/ /de ltar rnam par shes pa'i sgrib pa rnam par dag pas stong pa chen po yi ge lnga'i rdo rje'i stong pa dang po rnam par shes pa 'gog pa'i mtshan nyid can de rnam par shes pa'i chos nyid las 'das pa nyid kyi phyir/
 de rnam par shes pa gzhan no zhes gsungs pa'i phyir ro/ /de'i rigs su skyes pa na mkha' la sogs pa'i khams dang dbang po rnams kyi yang 'das pa nyid do zhes so/ de'i phyir thams cad nye bar 'dus pa'i rnam par shes par bya ba med pa kho na'o/ /de'i phyir yi
 ge so so'i ming gis sku bzhi'i bdg nyid can phyag gis 'os mchog rab bla ma bsal ba kho na'o/ /gang gsung bar 'gyur ba/ kA sogs yi ge rnams kyis de bzhin gshegs rnams kyis/ /dang po'i sangs rgyas rigs med gang gis sprul pa dang/ longs spyod
 rdzogs pa bzang po'i chos dang dag pa ste/ sku bzhi gsungs pa de la spyi bos rab btud nas/ /zhes pa gnas pa'o// //da ni 'du byed 'gog pa'i mtshan nyid can gzhan de rnams 'du byed rnams so shes pa'i gsung dang/ rlung la
 sogs pa'i khams dang dbang po rnams sgrib pa med pa nyid las stong pa gnyis pa'i ba stong pa gsungs pa/ rnam par bcas kyang zhes pa la sogs pa'o/ /gang mchog gi dang po'i sangs rgyas bcom ldan 'das mas 'khyud ba de'i sa gnyis su med pa de kho na
 la phyag 'tshal gyi gzhan la ma yin zhes pa'o/ /shes rab ma ni gang stong pa nyid do/ /bcom ldan 'das ma shes pa b+ha ga ni chos kyi dbyings te/ thamS cad du 'gro yang de kho na nyid ma rig pa rnams kyis blta bar bya ba ma yin pa dang/ /dbang phyug la sogs
 pa'i yon tan dang ldan pa gang la yod pa'o zhes pa'o/ /ji skad du phyag rgya chen po'i thig ler/ ji ltar til son til mar dang/ ji ltar shing la son pa'i me/ /de bzhin chos rnams thams cad la/ /yang dag gnas kyang mi mthong ba/ /chos kyi dbyings ni b+ha gar bshad/ /b+ha ga rin
 chen za ma tog /gang phyir dbang phyug sogs yon tan/ /ldan pa de phyir b+ha gar bshad ces so/ /ci'i mtshan nyid can zhe na/ gsungs pa/ rnam par bcas kyang rnam med do/ /rnam pa ni 'dzin pa'i rnam pa ste/ 'das pa dang ma 'ongs pa'i don mthong bar phyir rgya che ba dnag/ 'das
 ba dnag ma 'ong ba'i don med pa'i phyir zab pa zhes brjod do/ /rdo rje gur du yang/ dngos dang dngos po med pa dang/ gdod nas grol ba'i de bzhin gshegs/ /gzugs med gzugs dang ldan ba'i mchog/ /zab cing rgya che'i gzugs dang ldan zhes so/ /mchog gi dang
 po'i sangs rgyas ni/ mchog skad cig dang rnam pa lnga dang rnam pa nyi shu dang sgyu 'phrul dra bas mngon par byang chub pa'i mtshan nyid can mi 'gyur ba'i skad cig ste/ des dang por sangs rgyas pa'o/ /dang po'i sgra ni dang po dang tha ma med pa brjod par byed pa yin la
 dang po dang tha ma med pa'i phyir dbus med par don gyis bshad do/ /des na dang po yang 'di yin la sangs rgyas kyang ngo shes pa dang po'i sangs rgyas so/ /gal te dang por sangs rgyas yin na de'i tshe mdza' dang bar du sangs rgyas nyid med par 'gyur ro zhe na/ de
 ltar yang ma yin te gang gi phyir 'di ni dus gsum du dge ba can gyi phyir zhes pa'o/ /sgyu 'phrul dra bar yang/ sangs rgyas thog ma tha ma med/ /dang po'i sangs rgyas rigs med pa/ /ye shes mig gcig dri ma med/ /ye shes lus can de bzhin gshegs
 zhes so/ bshad pa 'di yi ge la gnas pa ma yin no zhes kyang bsam par mi bya ste/ gang gi phyir sgra dang bzang por smra ba'i lugs la yang an+tatpa tya nu kul mon ya zhes pa la sogs pa rnams su sgra brjod pa las mchog sbyin pa mi gtsan bar 'gyur ba de
 brda phyin ci log pa ste/ ji skad du/ rigs med mdza' dag gzugs las te/ /thod pa cha yis chog pa nyid/ /ces so/ /rnam pa dang bcas pa nyid kyi phyir dang/ /rnam pa med pa nyid kyi phyir zhes bya ma lus pa mthong ba las sangs rgyas so zhes rim pa kho nas so//
 ? rdo rjer yang/ dngos dang dngos po med pa dang/ dngos po rtogs phyir sangs rgyas pa zhes so/ /mchog gi dang po'i sangs rgyas shes pa rnams dbyer med pa'i tshig go/ yang na bcom ldan zhes pa 'di dang khyad par gyi bsdu pa'o/ /de nyid kyi phyir mun pa'i gnas skabs dang
 'bral bas kun mkhyen no/ /de gsungs pa/ sad pa'i skabs song sangs rgyas te/ /thams cad mkhyen pa zhes bsgrags pa/ thams cad rig cing nges grol ba/ /mun pa'i skabs song med pa'o zhes so/ bcom ldan 'das shes pa khams drug rnam par dag pa nyid kyi phyir
 dbang phyug la sogs pa'i yon tan gyi mtshan nyid kyi b+ha ga 'di la yod pas na'o/ /rtsa ba'i rgyud du yang dbang phyug dang ni gzugs bzangs dang/ /dpal dang grags dang ye shes dang/ /brtson 'grus phun sum tshogs pa ste/ drug rnams lhag zhes par bshad/ /sum cu rtsa drug
 khams dag pa/ /sa sogs rdo rje btsun mo rnams/ /de yi yon tan dbang phyug sogs/ /drug po de rnams b+ha gar bsgrags/ /zhes so/ /kye rdo rjer yang/ 'joms byed b+ha ga zhes bya ste/ bdud dang nyon mongs dgra 'joms phyir/ /shes rab kyis gzhom nyon mongs te/
 de phyir shes rab b+ha gar brjod ces so/ /skye 'jig spangs pa zhes pa skye ba dang 'jig pa dag ni dkar po dang nag po'i phyogs dag ste/ de dag gis rdo rje la mi gnas pa lhan cig skyes pa'i sku cha bcu drug pa ma ni? zhes so/ /gang ye shes kyi le'ur gsung bar
 'gyur pa/ /'dir shes rab ni cha bco lnga'i bdag nyid dkar po'i phyogs so/ /nag po'i phyogs zla ba'i cha nyams pa ni thabs so/ /de bzhin du dkar po mtshan mo'o/ /nag po nyin mo'o/ /de'i phyir lhan cig skyes pa'i sku ni shes rab ma yin thabs kyang min pa 'di ni/
 sangs rgyas rnams kyi lhan cig skyes pa'i sku ste/ de ltar yod pa dkar po'i phyogs ma yin no/ /med pa ste cha'i dngos po med pa nag po'i phyogs ma yin no/ /yod med min te 'di dag phan tshun 'gal ba'i phyir tshogs pa med do/ /gnyis ka'i bdag nyid min pa'ang min zhes pa dkar po dang
 nag po'i phyogs 'di dag ma gtogs pa lhan cig skyes pa'i bde bar ma yin no/ /de ltar mdza' bzhi yongs su dag pa'i cha bcu drug pa stong pa nyid kyi chos can te lhan cig skyes pa'i sku ru brjod de/ /rnal 'byor pa rnams kyi bzhi bzad pa las rgyu mthun pa'o/ /de ltar na ma ni? ngo
 zhes grub po zhes so/ /rtsa ba'i rgyud du yang/ skye ba dang 'jig pa dkar po dang/ /nag po'i phyogs de rab gnas ba'o/ /de dag dbus su gang ba gang/ /gang ba de ni mi gnas nyid ces so/ /'gyur med bde ba zhes pa nor bu dang pad+ma las 'gyur ba med pas na 'gyur med de 'dis bar ba zhes
 pa byang chub kyi sems rnams 'gyur med pa gang gi yin pa zhes pa'o/ /dgod pa la sogs bde ba spangs pa zhes dgod pa kho na bde ba gang gi dang po yin la/ bde ba kho na bde ba nyid de/ sogs pa'i sgra las lta ba dang 'khyud pa dang lag bcangs dang gnyis sbyor du brjod pa ste
 de spangs pa zhes pa'o/ /'o na mi 'gyur ba'i bde ba kho nas chog pa ma yin nam/ dgod pa la sogs pa bde ba spangs zhes zlos pa gsungs pa ci'i don zhe na/ bden mod de kho na nyid ma yin pa la de kho na nyid du mngon pa rang rgyal ba bsal ba'i don du ste/ gzhan du na
 lha la yod pa'i bde ba yang de kho na nyid du 'gyur ro/ /rtsa ba'i rgyud du gsungs pa/ dbang po gnyis skyes bde ba lha/ /chags can rnams kyi de nyid bshad/ /'jig rten gsum spyod las grol ba/ /'gyur med bde ba sangs rgyas kyi'o/ /gdod dang lha la sogs las
 grol/ gnyis sbyor thams cad rnam par spangs/ /rgyu dang 'bras las nges grol ba/ /'jig rten gsum snang gnyis su med/ /ces so/ /sangs rgyas rnams kyis skyed mdzad ces pa sangs rgyas rnams te phung po lnga rnams 'dod chags chen po'i mes 'khor ba'i?
 bag chags kyi dri ma dang bral bar byed ba'i phyir skyed byed skye dgu'i bdag po ste/ gti mug rnams g.yo ba med pa'i ro'i khams ltar ro zhes pa'o/ /sku gsum rnams dang ldan pa zhes pa chos kyi sku la sogs pa rnams dang ldan pa'o/ /'o na
 ye shes kyi sku sangs rgyas bcom ldan 'das rnam par shes pa'i chos nyid las 'das pa nyid kyi phyir sems la sogs pa'i chos dang bral ba rnam par rtog pa med pa ste/ rnam par shes pa'i chos nyid 'das/ /ye shes gnyis med tshul 'chad ba zhes gsungs
 pa'i phyir ro/ /de ltar chos can med na chos rnams skye ba mi rigs pa'i phyir gzhan gyi don byed pa po nyid kyang med do/ /chos kyi sku la sogs rnams kyis gzhan kyi don byed pa yang ma yin te/ de rnams 'dzin pa la sogs pa'i bye brag gis so sor snang ba'i phyir
 rnam par rtog pa dang bcas pa nyid do/ /rnam par rtog pa med pa dang/ rnam par rtog dang bcas pa dag lhan cig pa nyid ces bya ba yang ma yin zhing/ lhan cig pa nyid med na sku gsum dang ldan zhes ji ltar brjod ce na/ bden par brjod med/ bcom ldan 'das kyi ye shes kyi
 sku de kho na sngon gyi smon lam gyi 'phen pa'i dbang gis dge ba yongs su smin pa'i sems can gyi bsam pa'i snang ba las rnam pa bzhir rigs kyang rnam par rtog pa med pa'i tshul gyis yid bzhin gyi nor bu ltar 'gro ba'i don byed pa'o zhes pa'o gang ye shes kyi
 le'ur gsung bar 'gyur ba/ gzhan don phun sum tshogs pa'i ched du gnyid 'thug bo'i gnas skabs zad? pa las chos kyi skur gyur pa ste/ de yang shes rab thabs kyi rang bzhin mun pa nges par bral ba ye shes rnam par shes pa'i dbye ba las/ shes pa la 'dir
 ye shes ni rnal 'byor pa'i 'dzin pa'i sems so/ /rnam par shes pa ni gzhan gyi sems shes pa bzung bar bya ba shes bya'i mtshan nyid can no/ /de ltar 'dzin pa'i sems ni rnal 'byor pa rnams kyi shes rab ste/ rtog pa dang bral pa nyid kyi phyir ro/ /thabs kyi
 sems ni yongs su brtags pa ste snying rje'i mtshan nyid can no/ /des na 'dzin pa dang gzung ba'i dbye bas shes rab dang thabs kyi rang bzhin gzhan gyi don byed pa bo'i chas kyi sku'o/ /de yang lhan cig skyes pa las byung ba'o zhes pa'o/ /de ltar lte bar rgyu mthun pa lhan cig
 skyes pa'o/ /snying gi chos kyi 'khor lor rnam par smin pa'o/ /de 'di ste chos kyi sku ni longs spyod rdzogs pa'i sku staM?/ gzhan don phun sum tshogs pa'i ched du sgra brnyan lta bur sems can du ma'i don mdzad pa'o/ /'dir lha'i mig gis gang 'das ba dang ma 'ongs pa'i gzugs
 mthong ba ni ? brnyan gyi rnam pa shin tu dad bar te/ der sgra gang nges par rgyu bde sgra brnyan no/ /longs spyod rdzogs pa'i sku ni shes rab dang thabs kyi ngo bo ste/ lha'i rna bas lha'i rnam par shes pa ni 'dzin pa'o/ /sgra brnyan ni bzung bya'o/ /des na 'das pa dang ma 'ongs pa'i dus dang
 grangs mkhyen te/ bskal pa che ge mo la dang/ dus bzhi che ge mo dang/ lo che ge mo dang/ zla ba che ge mo dang/ phyogs che ge mo dang/ nyin zhag che ge mo la sogs pa la che ge mo byung bar gyur to/ /che ge mo 'byung bar 'gyur ro zhes pa'o/ /des na sems can rnams gdul
 bar bya'o/ /zhes pa ste/ rmi lam gyi gnas skabs zad pa la mgrin par skyes bu byed pa longs spyod rdzogs pa'i sku ste steng du khu bas so/ /sems can rnams ni smin pa'i rgyu ru slar yang longs spyod rdzogs pa'i sku 'di ni sprul pa'i sku ru 'gyur te/ shes rab thabs kyi bdag
 nyid do/ /gcig yin yang sems can rnams la sprul pa sna tshogs ston pas du ma'o/ /de ltar gcig dang du mar dag sbyor ba ni don dam par te /shes rab dang thabs so/ /kun rdzob tu ni gcig dang du mar 'gal ba'o/ /de yang sad pa'i gnas skabs zad pa las dpal
 bar dri ma med par sprul pa'i sku gzugs ma lus pa ston pa'o/ /nor bu rin chen po chen tog ces pa'o/ /de ltar lhan cig skyes pa gcig po de kho na chos dang longs spyod rdzogs pa dang spral ba'o zhes pa rnam pa bzhi'o zhes so/ /dus gsum pa yang dag rig ces pa dus gsum la yod pa
 dus gsum pa yin la/ de yang dag par rig pa ste/ rang gzhan gyi sems can gyi rnam par rtog pa skye mched drug rig pa'i phyir ro/ /rtsa ba'i rgyud du gsungs pa/ rang gi sems dang gzhan sems kyi/ gzhan dag skye mched gang gi phyir/ pha rol sems kyi rnam
 rtag gang/ /skye mched drug gi mtshan nyid can/ /bdag gi sems kyi rnam rtog gang/ /skye mched drug gi mtshan nyid do/ /kun mkhyen shes pa 'dzin byed do/ /byung dang 'byung 'os bsgribs pa'o/ /zhes so/ /de ni tshor ba 'gog pa'i mtshan nyid can gzhan 'di ni tshor ba'o zhes gsungs
 pa las me'i khams dang dbang po la sogs pa rnams sgrib pa med pa nyid ces pa stod pa gsum pa bden don rnam pa bcu gnyis dang de kho na nyid rnam pa bcu drug rigs pa la bstod pa gsungs pa/ sangs rgyas shes pa la sogs pa'o/ /sangs rgyas dus kyi 'khor lo la phyag 'tshal
 nas 'grel bshad de pad+ma dkar po bdag gis ni bri bar bya'o/ /zhes 'chad par 'gyur ba dang sbrel lo/ /dus ni 'dir srog chen po ste de yang lus dang ngag dang sems rnam par dag pas rim pas g.yon pa dang g.yas pa dang/ a ba d+hu tI ru 'gyur ba'i dbugs yongs su
 rdzogs par rgyur byas nas grub pa'o/ /des bcu gnyis rnam par dag pas 'pho ba bcu gnyis kyi dbugs 'gags pa 'khor lo zhes pa'o/ /rtsa ba'i rgyud du gsungs pa/ /dus chen po ni srog chen po/ 'bras bu'i dbugs 'grod zang pa las/ /stong phrag nyi shu rtsa gcig dang/
 brgya phrag drug gi dbugs rnams te/ /srid pa gsum du dbugs 'khor lo/ /'di ni dus kyi 'khor lor bshad ces so/ /de nyid kyi phyir sangs rgyas shes pa skad cig gcig gis mngon par byang chub pa skad cig thams cad rnam par 'byed pa ste/ dbugs kyi grangs kyi
 mdza' zhes ji srid pa'o/ /gang du stong phrag nyi shu rtsa gcig dang brgya phrag drug mchog tu mi 'gyur ba'i bde ba'i skad cig tu rdzogs pan mngon par byang chub pa ste/ skad cig de nas chos rnams thams cad skye ba med pa gnas pa med pa 'jig pa med pa'o/ /de'i phyir gcig
 dang du ma'i skad cig dang bral ba rigs med pa lhan cig skyes pa'i dga' ba lhan cig skyes pa'i sku yin la de la zhes pa'o/ /seng ge'i khrir bzhugs shes pa seng ge'i khri nam mkha' i khams rnam pa thams cad pa'i rin po ches brgyan pa shes rab kyi gzugs te/ de la byang chub kyi sems mi
 'gyur ba'i tshul gyis bzhugs pa'o zhes pa'o/ /srid pa gsum gyis mchod ces pa dgod pa la sogs pa dang bral ba'i phyir srid pa gsum ste lus dang dag dang sems rnams kyis mchod pa ste/ rdo rje nor bu las gyen du shes rab kyi ye shes kyi stobs kyis bkug nas spyi gtsug tu
 'dzin pa'o/ /de la mchod pa'o zhes pa'o/ /rdo rje'i rnal 'byor zhes pa rdo rje ste/ ye shes dang sems dang ngag dang lus kyi thig le dbyer med pa rnams kyis dag pa dang chos dang longs spyod rdzogs pa dang/ sprul pa'i sku'i pad+ma rnams su sbyor ba ste de yang dag par 'byor ba zhes pa'o//
 gcig ste gnyis su med pa de kho na nyid rnam par thar pa bzhi dang tshangs pa'i gnas bzhi rnams dang lhan cig tu 'dres par gyur pa gcig dang du ma'i skad cig dang bral ba'i ye shes so/ /'pho ba'i bag chags dang bral ba'i phyir rnam dag pa'o/ /de kho na nyid re re yang
 sku'i rab tu dbye ba rnams kyis rnam pa bcu drug tu snang ste gang le'u 'di kho nar gsungs par 'gyur ba/ de las sku'i dga' ba dang gsung gi dga' ba dang thugs kyi dga' ba dang ye shes kyi dga' ba dang/ de bzhin du sku'i mchog dga' dang gsung gi mchog dag dang thugs
 kyi mchog dga' ? ye shes kyi mchog dag dang/ de bzhin du sku'i khyad par gyi dga' ba dang gsung gi khyad par gyis dga' ba dang thugs kyi khyad par gyi dga' ba dang ye shes kyi khyad par gyi dga' ba dang/ de bzhin du sku'i lhan cig skyes ba'i dga' ba dang gsung gi lhan cig
 skyes pa'i dga' ba dang/ thugs kyi lhan cig skyes pa'i dga' ba dang ye shes kyi lhan cig skyes pa'i dga' ba ste/ de ltar de nyid rnam pa bcu drug gi lhan cig skyes pa'i sku zhes brjod par bya la/ de nas chos kyi sku de nas longs spyod rdzogs pa'i sku dang de nas sprul pa'i
 sku'o/ /de bzhin du lhan cig skyes pa'i gsung dang lhan cig skyes ba'i thugs dang lhan cig skyes pa'i ye shes dang/ chos kyi gsung dang chos kyi thugs dang chos kyi ye shes dang/ longs spyod rdzogs pa'i gsung dang longs spyod rdzogs pa'i thugs dang
 longs spyod rdzogs pa'i ye shes dang/ sprul pa'i gsung dang/ sprul pa'i thugs dang sprul pa'i ye shes so shes so/ /de ltar bcu drug gi sgrib bzang pa'i phyir rdo rje zla ba dri med 'od ces grub bo/ /de nyid kyi phyir rdo rje zla ba dri med 'od nyid las srid med srid pa spong ba ste/
 srid med mya ngan las pa dang sring pa 'khor ba yin la de dag 'khor ba spro ba'i rgyu can dag ste/ de dag dang bral pa de la'o/ /de phyir shes bya gcig gyur te/ shes pa 'khor ba las bragl pa'i mi 'gyur ba dang/ shes bya mya ngan las 'das pa'i
 gzugs te/ de dag gcig tu gyur pa ni rtag pa dang chad pa las nges bar grol ba nyid kyi phyir dbyer med pa'i ngo ba'o/ /de nyid kyi phyir yang dag pa'i sbyor pa'i tshul las rgyal pa mchog gi 'dus pa ste/ sgrib pa med pa'i phung po dang khams dang dbang po la sogs
 pa rnams kyi tshogs pa'o zhes pa'o/ /rnam pa bcu gnyis kyi bden don zhes pa la bden don ni de kho na nyid rin po che'o/ /de yang rnam pa bcu gnyis su dbye ste/ /ma rig pa la sogs pa yan lag bcu gnyis srog la sogs pa drung? bcu gnyis kyis ngo bo rnams
 'gags pa zhes pa'o/ /rtsa ba'i rgyud du gsungs pa/ srog la sogs pa rlung ma dag/ yan lag bcu gnyis rigs byung ba/ /de rnams khyim du yang dag bshad/ /de rnams la ni gza' rnams 'byung/ /rnam pa bcu gnyis 'khor lo 'di/ /yan lag bcu gnyis stid par
 bshad/ /yan lag bcu gnyis 'gags pa yis/ /'jig rten 'dren pa rdzogs sangs rgyas shes te/ /rdo rje nyi ma snang ba che zhes grub po/ byang chub sems shes pa dpal 'dus pa la sogs par yongs su bshad pa ste/ thog ma tha ma med zhi ba/ /dngos dang dngos med zad pa'i
 gom stong nyid snying rje dbyer med pa/ /byang chub sems shes bya bar bshad ces so/ /rgyal ba'i rdo rje'i gnas shes pa rgyal ba ni dus gsum gyi rdzogs pa'i sangs rgyas rnams te/ de rnams kyi rdo rje ni dbyer med pa'i ye shes bde ba chen po dang po dang par dang tha mar dge ba'o//
 de'i gnas ni gtsug tor dang/ rdo rje nor bu'i pad+mar gnas pa'o/ /de ltar bden don rnam pa bcu gnyis pa de kho na nyid rnam pa bcu drug rig pa/ bcom ldan 'das dpal dus kyi 'khor lo de kho ni nyid rin po che ma rig pa la sogs pa'i yan lag 'gags pa las khams
 bco brgyad kyi rnams 'gyur pa dang bral ba/ 'gro ba'i don mdzad pa'o zhes pa'o/ /'phags pa rdo rje snying pos/ kye'i rdo rjer gang gsungs pa/ rnal 'byor ba rnams la phyi rol gyi gzugs med do/ /lta ba po med do/ /mig gi rnam par shes pa med do/ /de bzhin du sgra med do//
 nyan pa po med do/ /rna ba'i rnam par shes pa med do/ /de bzhin du dri med do/ /mnon pa po med do/ /sna'i rnam par shes pa med do/ /de bzhin du ro med do/ /myong ba po med ngo/ /lce'i rnam par shes pa med do/ /de bzhin du reg bya med do/ /reg pa po med do/ /lus kyi rnam
 par shes pa med do/ /de bzhin du chos med do/ /shes pa po med do/ /yid kyi rnam par shes pa med do zhes pa'o/ /de bzhin du mig la sogs pa rnams kyang yo d pa ma yin te/ de ltar khams bco brgyad la sogs pa dang bral ba'i de kho na nyid rin po che rnal 'byor
 bsam rig pa la sogs pa 'gog pas bsgom par bya ba'o/ /ji skad du 'bum phrag lnga pa mngon par brjod par/ /'gyur pa'i ma rig 'gags pa yis/ /'du byed nges par 'gog pa yin/ /'du byed nges par 'gags pa yis/ /rnam par shes pa
 'gog pa yin/ /rnam par shes pa 'gags pa yis/ /ming dang gzugs dag 'gog pa'o/ /ming dang gzugS dag 'gags pa yis/ /skye mched drug po 'gag pa'o/ /skye mched drug po 'gags pa yis/ /reg pa yang ni 'gog pa'o/ /reg pa'ang nges par 'gags
 pa yis/ /tshor ba nges par 'gog pa'o/ /tshor ba des par 'gags pa yis/ /sred pa yang ni 'g og pa'o/ /sred pa nges par 'gags pa yis/ /nye bar len pa 'gog pa yin/ /nye bar len pa 'gags pa yis/ /srid pa'ang nges par 'gags pa yin/ /
 srid pa'ang des par 'gags pa yis/ /skye ba'ang nges par 'gags pa yin/ /skye ba'ang des par 'gags pa yis/ /rga dang 'chi ba 'gog pa'o/ /phung po khams rnams des 'gags pa/ /de nyid nye bar zhi bar bshad/ /de ltar lus 'di 'gags pa yis/ /srog rlung
 yang na 'gag pa'o/ /srog rlung nges par 'gags pa yis/ /byang chub sems ni 'gag pa'o/ /byang chub sems ni 'gags pa yis/ /'pho ba nges par 'gag pa'o/ /'pho ba'i skad cig 'gags pa yis/ /rnal 'byor ba kun sangs rgyas nyid/ /de bzhin nyon mongs
 'gags pa yis/ /las rnams dag kyang nges par 'gog/ /las rnams nges par 'gags pa yis/ /sdug bsngal yang ni 'gag par byed/ /sdug bsngal yang ni 'gags pa yis/ /de ni nyon mongs skye mi 'gyur/ /nyon mongs skye ba med pa las/ /skye ba 'byung
 bar mi 'gyur ro/ /de yi skye ba 'byung med par/ /sdug bsngal yang ni skye mi 'gyur/ /sdug bsngal med pas rnal 'byor pa/ /bde ldan sems can don rtag byed ces so/ /da ni 'du shes 'gog pa'i mtshan nyid can de 'du shes gzhan no zhes pa'i gsung las
 tshul sogs pa'i khams rnams dang dbang po la sogs pa rnams sgrib pa med pa nyid ces pa stong pa bzhi pa sku bzhi'i bdag nyid rnam par thar pa bzhi rnam par dag pa shes rab dang thabs gnyis su med ba rdo rje bzhi rnam par mdzes pa la bstong pa gsungs pa/
 kun mkhyen zhes pa ste/ gang shes rab dang thabs kyi bdag nyid gnyis su med pa rnal 'byor dang po'i sangs rgyas de la phyag 'tshal nas shes pa'o/ /de yang bcom ldan 'das 'di ni stong pa nyid kyi rnam par thar pas rnam par dag pa ye shes rdo rje shes rab dang
 thabs kyi bdag nyid lhan cig skyes pa'i mu? thams cad shes pa nyid thob pa ni thams cad mkhyen pa ste/ thams cad gzigs pa nyid kyi phyir ro/ /mtshan ma med pa'i rnam par thar pas rnam par dag pa thugs rdo rje shes rab dang thabs kyi bdag nyid chos kyi sku rnam pa thams
 cad mkhyen pa nyid brnyes pa ni ye shes sku ste/ mchog tu mi 'gyur ba'i bde bas gnas pa nyid kyi phyir ro/ /smon pa med pa'i rnam par thar pas rnam par dag pa gsung rdo rje shes rab dang thabs kyi bdag nyid longs spyod pa'i sku lam mkhyen pa nyid brnyes pa ni nyin mor byed
 pa'i sku ste/ mdza' yas pa mdza' yas pa'i sems can gyi skang rnams kyis dus gcig tu 'jig rten pa dang 'jig rten 'das pa'i chos ston pa po nyid kyi phyir ro/ /mngon par 'du mi byed pa'i rnam par thar pas rnam par dag pa sku rdo rje shes rab dang thabs kyi bdag nyid
 sprul pa'i sku lam gyi rnam pa mkhyen pa nyid brnyed pa ni pad+ma'i 'dab ma rgyas pa'i spyan can te/ mdza' yas pa mdza' yas pa'i sprul pa'i sku rnams kyi dus gcig tu rnam pa thams cad pa'i sku'i bkod pa pa? spro bar byed pa'i phyir ro/ /de ltar rnam par thar ba sku
 gsung thugs chags srid dang 'jig pa song rnams kyi dag pa zhes pa la chags ni 'dir ye shes so/ /srid pa dang 'jig pa 'dir spro ba dang sdud pa dag song bdag ste? slar mi ldog pa dag gang rnams la yod pa zhes pa'o/ /lha mi lha min gyis stod pa ni khams gsum pas zhabs
 gyis pad+ma la phyag byas pa zhes pa'i don to/ /'o na gang kun mkhyen de khon dang po'i sangs rgyas bcom ldan 'das ma yin nam/ ci'i don du dang po'i sangs rgyas shes slar gsungs she na/ bden mod/ seng ge 'phrog byed la sogs pa'i thams cad mkhyen
 pa rnams kyang yod do zhes pas/ de'i 'dod pa bsal ba'i ched du ste gang gi phyir de rnams la sems can thams cad kyi skad kyis chos thams cad ston pa po nyid med pa'o/ /'o na gang thams cad mkhyen pa de kho na ye shes kyi sku can ma yin na/ ci'i phyir ye shes kyi sku zhes
 zlos pa gsung zhen/ bden mod gzhan nyan thos dang rang sangs rgyas rnams kyi yang dag par rdzogs pa'i sangs rgyas nyid bsal ba'i ched du ste gang gi phyir de rnams lhag ma dang bcas pa'i mya ngan las 'das pa la gnas pa nyid kyi phyir ro/ /yang dag par
 rdzogs pa'i sangs rgyas ni lhag ma kun las nges par grol ba nyid kyi phyir ro/ /lhag ma dang bcas pa dang/ lhag ma med pa sgyu 'phrul dra bar shin tu gsal lo/ /ji skad du lhag bcas phung po yod na yang/ /nyon mongs rnams kyis gdud med nyid/ /lhag med bag chags
 yod min pas/ /dri med nam mkha' ji bzhin no/ /zhes so/ /'o na ye shes kyi sku de kho na mi shes pa'i mun pa 'joms pa nyid kyi phyir nyin mor byed pa'i sku ma yin nam/ ci'i don du nyin mor byed pa'i sku zhes zlos pa'i tshig gsung zhe na/ bden mod/ gzhan rnam par shes par smra
 ba'i sangs rgyas pa rnam par shes pa'i chos nyid la gnas pa nyid kyi phyir ro/ /ye shes kyi sku nyin mor byed pa'i sku rnam par shes pa'i chos nyid las 'das pa yang dag par rdzoD pa'i sangs rgyas so zhes pa'o/ /'o na gang rgyun tu brjod par bya ba'i ye shes kyi sku de gzugs can ma yin pa/ gang
 pad+ma'i 'dab ma rgyas pa'i spyan de gzugs can yin pas 'di 'gal ba'o zhes/ skyon 'di med de 'dir pad+ma'i sgras nges pa'i don du nam mkha' i khams brjod la/ /pad+ma namkha' i khams der pad+ma'i 'dab ma rnams bzhin du rigs brgya ring ba'i ngo bo nyid kyi gnas pa'i sems
 can rnams so zhes pad+ma'i 'dab ma'o/ /de rnams kyi mdza' ji srid par bcom ldan 'das gang gis spyan brgya rnams yin pa ni pad+ma 'dab ma rgyas pa'i spyan zhes pa'o/ /rgyal ba'i bdag po'i lhan cig skyes pa zhes pa rgyal ba rnams kyi bdag po ni khyab par byed pa nyid kyi phyir drug pa
 ye shes kyi phung po'o/ /de yang 'di yin la shes rab kyi gzugs dang lhan cig skyes pas na lhan cig skyes pa yang ste/ de'i sku zhes pa khyad par ro/ /dus gsum pa'i ngo bo 'dzin pa'i phyir chos te rtag pa dang mi rtag pa la sogs pa dang bral ba'o/ /de'i sku ni phung po
 zhes pa'o/ /yang dag par longs spyod par bya bas na longs spyod ? pa ste/ sems can thams cad kyi skad kyi bdag nyid do/ /sprul par bya pas na sprul pa ste rnam pa thams cad mchog dang ldan pa'o zhes pa'o/ /'o na sku rnams sgrub par bya ba de rgyal ba rnams sgrub pa bos stong
 pa nyid kyi ye shes bde ba dam pa sgrub par byed pa rnams kyis shes pa tha dad pa nyid kyis kun mkhyen gyi ye shes kyi sku zhes pa la sogs pa bstan par rigs na/ de ji ltar kun mkhyen ye shes sku zhes brjod/ ji skad du/ gzugs kyi tshogs pa mdza' yas pa/ /bdag gi
 sprul pa'i sku mchog go/ /sgra yi phung po mdza' yas pa/ /bdag gi longs spyod rdzogs sku mchog /chos kyi phung po mdza' yas pa/ /bdag gi chos kyi skur ba bsgrags/ /bde ba'i phung po mdza' yas pa/ /bdag gi bde sku 'gyur med mchog/ god bu'i phung po de bzhin sku/ /yang
 dag bsags par yongs su bsgrags/ /gang phyir sku rnams bsgrub bya sku'i/ /sems can kun mgu sgrub byed pa'i/ /stong nyid ye shes bde dam pas/ /sgrub pa rgyal ba min par 'gyur/ /shes so zhe na/ bden pa brjod mod/ bsgrub par bya ba rnams dang sgrub pa po rnams dang sgrub du ? rab brtan ne
 par byed pa rnams gcig nyid gzhan nyid ma yin no/ /de med par 'di dang 'di de ma yin no zhes pa de ltar mi 'gyur ro/ /gal te bsgrub par bya ba la sogs pa rnams gcig pa nyid na de'i tshe su zhig ci yis ci zhig sgrub par byed/ 'on te gzhan nyid na de'i tshe su zhig gi ci zhig
 ci zhig gi 'brang bur 'gyur zhes pa'i don to/ /bde ba chen po'i sku la sogs pa bsgrub par bya ba yang ma yin te/ sgrib pa thams cad dang bral ba med par sangs rgyas ma yin la/ sangs rgyas med na bde ba chen po'i sku la sogs pa bsgrub par bya'o/ /zhes pa'i nges pa med pa'i
 phyir kun mkhyen ye shes sku zhes pa yang 'gyuro/ /sku rnams kyi mtshan nyid ni sgrub thabs kyi le'ur gang gsungs par 'gyur ba/ rnam pa thams cad mchog ldan pa'i/ /sku ni rang rang bsam pa yis/ /mos pa sna tshogs sems can gyis/ /mthong ba sprul pa'i mtshan nyid do//
 sku gang sems can kun gyi sgras/ /sems can bsam pa'i dbang rnams kyis/ /bdag gi rdzu 'phrul gsal byed 'di/ /longs spyod rdzogs pa'i mtshan nyid do/ /mi rtag ba min rtag pa'ang min/ /gcig min du ma'i mtshan nyid min/ /dngos min dngos po med ba
 bar min/ /'di ni rten bral chos sku'o/ /stong nyid snying rje dbyer med cing/ /chags dang chags bral rnam par spangs/ /shes rab ma yin thabs kyang min/ /'di ni ngo bo nyid sku gzhan zhes so/ /da ni gzhan de ni gzugs so zhes gsungs pa'i phyir/ gzugs 'gog pa'i mtshan
 nyid can pa? la sogs pa'i khams dang dbang po rnams dang/ de'i rigs can rnams kyang sgrib pa med pa nyid ces pa stong pa lnga pa sku bzhi'i bdag nyid tshangs pa'i gnas bzhi dang/ rnam par thar pa bzhi gcig tu 'dres par gyur pa/ bde ba bzhis rab tu phye ba byang chub kyi
 sems zhes bya ba la tshigs su bcad pa bzhis bstod pa gsungs pa/ stong nyid ces pa la sogs pa'o/ /gang shes rab thabs bdag nyid rnal 'byor byang chub sems zhes bya ba de la phyag 'tshal nas zhes pa'o/ /rnal 'byor de rdo rje'i rnal 'byor dang/ shes rab
 thabs bdag nyid ces pa so sor 'brel par bya'o/ /rang bzhin med las stong pa'o/ /de mthong ba ni stong pa nyid do/ /de yis nye bar mtshon pa'i ye shes ni stong pa nyid kyi rnam par thar pa zhes pa'o/ /de bzhin du smon pa med pa la sogs pa rnams la yang ngo//
 des yang dag par dag pa bzhi pa zad pa'i phyir 'gyur ba med pa bde ba chen po rang gi don phun sum tshogs pa snying rje'i mtshan nyid can te/ dbang po las skyes pa'i ye shes ni ma yin no zhes pa ye shes rdo rje'o/ /rnam dag ces pa rnam par dbye ba'i tshig go/ de kho
 na lhan cig skyes pa'i sku shes rab dang thabs kyi bdag nyid rnam par dag pa'i rnal 'byor pa'o/ /mtshan ma ni sangs rgyas so byang chub bo zhes pa la sogs pa'i rnam par rtog pa'i sems te rgyu'o/ /stong pa nyid yin pa'i phyir rgyu med pa de'i phyir gang la mtshan ma med
 bde mtshan ma med pa'i ye shes dang mtshan ma med pa'i rnam par thar pa'o/ /des yang dag par dag pa gnyid thug po zad pa las gnyis med de rtog pa dang mi rtag pa la sogs pa gnyis dang bral ba byams pa'i bdag nyid 'gro pa'i don mdzad pa rnam par rtog pa med pa gcig
 tu sems zhes pa thugs rdo rje'o/ /de kho na chos kyi sku shes rab dang thabs kyi bdag nyid chos kyi rnal 'byor zhes brjod do/ /mtshan ma med pa nyid kyi phyir rtog pa med pa la rtog pa med pa'i phyir ro/ /smon pa ste smon lam bdag sangs rgyas su 'gyur bar bya'o zhes pa la sogs pa
 gang la med pa de smon pa med pa'i rnam par thar pa ste/ des dag pa rmi lam zad pa'i phyir mi zad pa ste gzhom du med pa'i sgra sems can thams cad kyi skad kyi bdag nyid kyi bde ba'i sngags dga' ba'i mtshan nyid can te sems can thams cad kyi skad rnams kyis sems can
 rnaMs dga' bar mdzad pa'i phyir dang yid skyob par gyur pa nyid kyi phyir la tha snyad tsam gyi bdag nyid ma yin te/ de ni nyi tshe ba nyid kyi phyir dang yul chung ba nyid kyi phyir ro zhes pa ste/ ngag rnams kyi gsung rdo rje'o/ /de kho na longs spyod rdzogs pa'i sku shes rab dang thabs kyi bdag nyid gsang
 sngags kyi rnal 'byor zhes pa'o/ /smon pa med pa'i phyir gang la dkar po dang dmar po dang srog dang zur sel dang rnam par shes pa'i mtshan nyid can mngon par 'du byed pa med pa ste/ mngon par 'dus ma byas pa'i rnam par thar pa ste/ nges dag pa sad pa'i gnas
 skabs zad pa las rdzu 'phrul bgrod pa ste/ rdzu 'phrul te nam mkhar 'gro ba la sogs pa'i mtshan nyid can gyis 'gro bar byed pa zhes pa ste/ drag po'i nyams dang chaD pa dang zhi ba la sogs pa'i ngo bo nyid kyis dri ma med pa ste ma 'dres pa'i btang snyoms kyi
 bdag nyid do/ /'o na 'di dri ma med pa nyid du mi rigs te/ drag po dang zhi ba la sogs pa'i gzugs mthong ba'i phyir ro zhe na/ bden de de yang sems can rnams kyi rang gi sems kyi snang ba las te/ gang gsung bar 'gyur ba/ bsod nams ye shes kyi
 sprul pa zhes pa la sogs pa'o/ /sku zhes pa rdo rje'o/ /de kho na sprul pa'i sku shes rab dang thabs kyi bdag nyid dbyibs kyi rnal 'byor zhes pa'o/ /dbyibs shes pa rnam dbye med pa'i tshig go/ /de yang thogs pa med pa mtshan dang dpe byang 'bar ba'o/ /'o
 na bcom ldan 'das kyi sku mtshan ma la sogs pas brgyan par 'gyur mod/ /thegs pa med par ni ? ltar te/ gang gi lha byin gyis rgyogs 'phangs pa'i rdo bas mngon par snang ba las bcom ldan 'das kyi zhabs kyi mthe bong la tshong bskyed nyid do zhen bden mod/ da/ 'di ni sprul
 pa'i sku ma yin gyi 'on kyang sprul pa'i sprul pa ste/ 'di yang tshong ba ni las kyi mdza' phul du byung ba bshad pa'i don du bstan pa nyid do/ /de'i phyir sprul pa'i sku ni thogs pa dang bcas pa ma yin te gang gi phyir gzugs kyi phung po 'gag pa'i phyir 'di mi srid do/ /gang le'u 'di
 nyid du gsung bar 'gyur ba/ de kho na lhan cig skyes pa'i sku stong pa nyid kyi rnam par thar pas rnam par dag pa ye shes kyi rdo rje kun mkhyen pa shes rab dang thabs kyi bdag nyid rnam par dag pa'i rnal 'byor ces pa'o/ /de kho na chos sku mtshan ma med pa'i rnam par thar bas
 rnam par dag pa thugs rdo rje ye shes kyi sku shes rab dang thabs ki bdag nyid kyi chos kyi bdag nyid kyi rnal 'byor ces brjod do/ /de kho na longs spyod rdzogs pa'i spyod pa'i sku smon pa med pa'i rnam par thar pas rnam par dag pa gsung rdo rje nyin mor byed pa'i sku shes
 rab dang thabs kyi bdag nyid sngags kyi rnal 'byor zhes bshad do/ /de kho na sprul pa'i sku mngon par 'dus ma byas pa'i rnam par thang pas rnam par dag pa sku rdo rje pad+ma'i 'dab ma rgyas pa'i spyan shes rab dang thabs kyi bdag nyid dbyibs kyi rnal 'byor ces brjod do
 zhes so/ /'on 'gyur ba med pa snying rjer 'gyur mod/ snying rje dang ye shes 'gyur ba med pa zhes pa'i gsung las te/ gnyis su med pa dang mi zad pa dang dri ma med pa rnams kyi byams pa dang dga' ba dang btang snyoms shes pa 'di ltar ji ltar zhen bden
 mod/ chos thams cad rnam par brtags pa las dang sgrib pa med pa nyid las/ rnam par thar pa dang gnas bzhi gcig tu 'dres par gyur pa gnyis su med pa gsal bar byas te/ ji skad du stong pa nyid dang mtshan ma med/ de bzhin smon pa med dang slar/ /mngon par bdus ma byas de
 rnams/ /rnam par ? pa bzhi du bsgrags/ /snying rje de bzhin byams pa dang/ /dga' dang de bzhin btang snyoms te/ /de rnams tshangs pa'i gnas bzhi ste/ /chos kun yongs su brtags pa las/ /sgrib pa med pa'i chos kyis ni/ /de yis gnyis med brtags pa'o zhes
 so/ gnyis su med pa ni tshig gsum po rnams kyis kyang ngo zhes pa'o/ /bsgrub par bya ba sku bzhi rnams kyi sgrub pa po yang sems dpa' rnam pa bzhi'o/ /ji skad du/ rdo rje sems dpa' zhes pa ste/ /rdo rje ni mi phyed pa ste/ /sku dang gsung dang thugs kyi bdag nyid ces
 pa'o/ sems dpa' ni srid pa gsum la gcig pa nyid ces pa ste shes bya'o/ /'di dag gcig pa nyid mchog tu mi 'gyur ba'o/ /chen po'i sgras mchog tu mi 'gyur ba ste/ des dang sa rnams kyis kyang rdzogs pa'i sems dpa' gang yin pa de sems dpa' chen
 po'o/ byang chub stong pa nyid dang snying rje'i bdag nyid rnam par gnas pa'i sems dpa' ni byang chub sems dpa' o/ /dam tshig ni byang chub kyi sems te/ de 'dzag pa med pa sems dpa' i sgras brjod do zhes pa dam tshig sems dpa' o/ /sems dpa' bzhi po 'di rnams kyang
 rtsa ba'i rgyud du bcom ldan 'das kyis gsungs pa/ ji skad du/ rdo rje mi phyed ces par bshad/ /'dir ni don chen bcom ldan 'das/ /sems dpa' srid pa gsum gcig nyid/ /mchog tu mi 'gyur bar brjod bya/ de bzhin mchog tu mi 'gyur rdzogs/ /sa rnams kyis ni
 yongs rdzogs pa/ /'dod chags chen po sems dpa' che/ /sems can thams cad dga' bar byed/ /byang chub la gnas sems dpa' ni/ /byang chub sems dpa' mi g.yo nges/ /nyon mongs la sogs zhe sdang tshogs/ /zhe sdang chen po sgra che ba/ /dam tshig bdud rtsi khu?
 pa ste/ /de yi 'dzag med za ba ni/ /dam tshig sems dpa' tshul 'di yis/ /gti mug blo yis gti mug sel/ /zhes so/ /sgrub pa po bzhi po 'di rnams kyi yang snying po stong pa nyid kyi ye shes 'gyur ba med pa zhes bya bsgrub par byed par
 bshad de/ /ji skad du de ltar sems dpa' rnam pa bzhi/ /sku rnams kyi ni sgrub po mchog /bzhi po rnams kyi snying po gang/ /stong nyid ye shes mi 'gyur ba'o/ /zhes so/ /byang chub kyi sems sngar brjod pa de kho na khyab bdag ste khyab par byad pa'o zhes de bzhin gshegs
 pa rnams kyis gsungs te/ ji ltar byon pa de ltar gshegs pa ste/ ji skad du/ rtsa ba'i rgyud du 'gyur ba'i tshul gyis gtsug tor nas/ gsang ba'i pad+mar ji ltar 'ongs/ /gsang las 'gyur med bde bas kyang/ /gtsug tor pad+mar de bzhin gshegs/ /zhes so
 de yang dngos dang dngos med zad pa ste/ rtag pa dang chad pa las nges par grol ba'o/ /thog ma tham ma med ces thog ma skye ba dang tha ma 'chi ba ste de dag gang la med pa'o zhes pa'o/ /de nyid kyi phyir rnam par rtog pa thams cad dang bral ba'i phyir zhi ba zhes pa'o/ /de
 ltar rdul phra rab kyi chos nyid las 'das pa me long lta bu la sogs pa ye shes lnga'i bdag nyid rnal 'byor gyis rtogs par bya ba stong pa nyid kyi yi ge lnga pa brten pa byang chub kyi sems 'byung ba thams cad pa dus gsum gyi 'jig rten gyi spyod pa las grol ba mchog
 tu mi 'gyur pa zab cing rgya che ba'i ngo bo rdo rjer rgyal ba rnams kyis gang gsungs bde kho na rgya cher 'grel pa mdzad pa ste/ de dang 'di kho na mi phyed ces pa la sogs pa'i khyad par gyi tshig rnams kyis phyag rgya chen po thig ler mngon par gsal bar byas te/ mi phyed
 rdo rje zhes bshad pa/ ye shes lnga yi bdag nyid mchog /nam mkha' lnga yi nang thim pa/ rang nyid namkha' lnga lta bu/ /pad+ma'i snying pos dbus gnas pa/ /thig ler zhes bya bgrod pa spangs/ /'jig rten pa min kun dga' byed/ /mchog gi bdud rtsi khyad
 'phags pa /rnam pa kun ldan rnam med pa/ /de ni rdo rje? yongs su bsgrags zhes so/ /dpal ldan dri ma med pa'i 'od kyi rgyud la 'jug pa'i bshad sbyar snying po snang bar rdo rje la phyag 'tshal ba'i nges pa ste dang pa'o// //da ni ye shes 'gog pa'i mtshan
 nyid can te ye shes gzhan no zhes pa'i gsungs las ye shes kyi khams dbang po rnams dang de'i rigs can rnams kyang sgrib pa med pa nyid ces pa thig le stong pa drug pa yi ge drug dang rigs drug rnams gcig pa thig le'i khams chos thams cad kyi
 gzhi shes rab dang thabs kyi rnal 'byor pa bzhi'i bdag nyid sku bzhi dang rnam pa bcu drug gcig tu 'dres par gyur pa/ sad pa la sogs pa'i gnas skabs 'gog pa'i chos can rdo rje bzhi po sgrib pa dang bral ba kun tu rtog pa thams cad dang bral ba phyud
 rgya chen po las yang dag par skyes pa e baM gi yi ge lhan cig skyes pa rdo rje 'dzin pa la tshigs su bcad pa drug gis bstod pa gsungs pa/ sprul pa zhes pa la sogs pa'o/ /lhan cig skyes pa gcig tu de kho na sku bzhi dang dga' ba bzhi sgrib pa med pa'i sbyor
 pa las rnam pa bcu drug ste ji skad du/ sku'i dga' ba 'gog pa las sprul pa'i sku ste ji srid du ye shes kyi lhan cig skyes pa'i ye shes kyi bar du'o zhes so/ /sbyor ba ni stong pa nyid dang snying rje'i bdag nyid do de'i sdom pa ni 'dus pa sde sprul pa la sogs
 pa'i sku dang gsung rang thugs dang ye shes rnams kyi'o zhes pa'o/ /'o na sku bzhi rnams ni rdzogs pa'i sangs rgyas kyis bstan pa rang bzhin gyis don phun sum tshogs pa'i mtshan nyid can shin tu rab tu grags pa ste/ de ni sgyu ma lta bu'i dbyibs kyi bdag nyid
 sprul pa'i sku mdza' yas pa'i rdzu 'phrul gyis sems can 'dun par byed/ 'dun par byas pa'i sems can rnams la rang rang gi mos pa las sna tshogs pa'i skad kyis bdag nyid la longs spyod rdzogs pa'i sku chos ston to/ /chos bstan pa'i sems
 can rnams kyi phung po drug gi bdag nyid kyi byang chub kyi phyogs kyi chos sum cu rtsa bdun gyi mtshan nyid can chos kyi sku dngos po dang dngos po med pa la sogs pa bral ba yis rnam par rtog pa'i bag chags kyi dri ma sbyong bar byed la/
 rnam par rtog pa'i bag chags kyi dri ma dag pa rnams kyang lhan cig skyes pa'i sku mchog mi 'gyur ba'i bde ba'i mtshan nyid can sems can dang thun mongs ma yin pa 'bras bu'i ngo bo thob par byed pa nyid yang dag par rdzogs pa'i byang chub mngon du byed pa zhes pas
 sku bzhi la brten mod/ /rnam pa bcu drug so sor snang ba ji ltar zhe na/ bden mod kun 'byung gi bden pa la brten nas brjod pa ste/ gdan gcig yod pa der bzhi rnams so zhes pas skyon med de/ /ye shes kyi le'ur? gsungs pa/ 'dod pa sprul pa'i sku ni nges par
 rab tu 'gyur te gang bdag ni de yi gsung nyid do/ /'bar ba sprul pa'i thugs te 'di yi mchog gi bde ba byed pa'i ye shes dag ni oD DA nyid/ dga' ba long spyod rdzoD pa'i sku ste mchog dga' dang bcas khyad par dga' ba'i rim pa 'di yis ni/ gsung drang
 thugs so lhan cig skyes pa'i dga' ba nyid ni bde 'byung 'di yis ye shes rdo rjer 'gyur/ 'dar ba nyid ni srid pa gsum gyis btung pa chos kyi sku ste 'byung ba de'i gsung du 'gyur/ gnyid yung nyid ni chos kyi thugs ste gnyid ni 'di nyid kho na'i ye shes srid pa'i
 'jigs 'joms so/ /yi ge nyid ni dag pa'i sku ste rang bzhin phan pa'i cha dang thig le nA da rim pa yis/ /bde 'byung dag pa'i sku yi gsung dang thugs dang ye shes rdo rje rnam gsum srid bar gnas pa'o zhes so/ /phyag rgya chen po thig ? yang//
 sku dang dga' ba 'dar ba dang/ /zhu dang kun dga' de bzhin no/ /zhes ni rnal 'byor dang po ?/ /'dod pa'i dga' ba'i nges pa'o/ /gang bdag ba de bzhin du/ /brtan nyid 'byung ba mchog de bzhin/ /zhes 'di rnal 'byor gnyis pa ste/ /mchog tu dga' ba'i nges
 pa'o/ 'bar dang dka' ba thig le dang/ /gnyid yur zhes khyad pr de bzhin zhes/ /'di rnal 'byor gsum pa ste/ /khyad par dka' pa'i nges pa'o/ /oD DA dga' pa'i nges pa'o/ /oD DA dga' ba nA da dang/ /rang bzhin lhan skyes de bzhin no/ /zhes 'di rnal 'byor bzhi par bshad/ /lhan skyes zhes/
 pa'i nges pa'o/ /dga' pa bcu drug bye brag gis/ /bzhi po gsal bar byed pa nyid/ /de phyir thig le rim pas 'di'o/ /gtso por thams cad slar yang nges/ /'dod pa dga' ba der rnams shes/ /do ni bar phyir shes rab skyes/ /de phyir rang gi yid kyang mi/ /'khyud par
 mthong nas grol mi 'gyur/ /gang tshe bcom ldan shes rab ma/ /chags pa chen pos gang ba nyid ni/ /dbyer med gang pa las mchog go/ de phyir rtag pa yang dag par/ /phyi bcas nad ni yun ring bar/ /'bar bar byed pa mchog dga' ste/ /de tshe spyi bo nas
 'ju ba'o/ /'bar ba thig la gsal 'gyur ba/ /khyad par dga' ba'i mtshan nyid do/ /slar yang gang tshe lha mo ni/ /rang gi bde bas yid 'khrugs pas/ /yang dag phun tshogs de yi tshe/ /de ni oD DAr 'gugs par byed/ /de yis bzhi pa rnam gsal te/ /lhan skyes
 dga' ba'i mtshan nyid do/ /de yang oD DA da bkug rnams kyis/ /thig le'i gtso po mthar gnas to/ /thig le dga' ba sogs dbye bas/ /lhan skyes gnyid do gzhan pa med/ /gang zhig sems kyi rang bzhin zhes/ /de phyir kun tu gnas pa'o/ /zhes so//
 'o na 'di lta bur gyur pa'i lhan cig skyes pa sems can thams cad la yod pa nyid pas sangs rgyas nyid yongs su tshol ba dgos pa med do zhe na/ de'i phyir gsungs pa/ sad pa zhes pa la sogs pa'o/ /rnam par rtog pa du ma'i dngos po'i 'du shes sad pa'i sems
 kyis dngos po med pa'i sems ni sprul pa'i sku pad+ma'i 'dab ma rgyas pa'i spyan zhes pa'o/ /srog gi skyes pa yod pa dang med pa rmi lam gyi sems med pa'i sems ni longs spyod rdzogs pa'i sku nyin mor byed pa'i sku can zhes pa'o/ /mun pas zil gyis mnan pa shin 
 tu gnyid log pa'i sems med pa'i sems can ni chos kyi sku ye shes kyi sku zhes pa'o/ /bzlog par dka' ba'i 'dod chags kyi dri mas gos pa dbang po gnyis kyi bdag nyid bzhi pa'i sems med pa'i sems ni ngo bo nyid kyi sku thams cad
 mkhyen pa zhes pa ste/ sku bzhi'i sgrib pa rab tu spang pa'o/ /ye shes kyi gnas 'gyur pa'i bde ba'i gzhir gnas pa yang ma yin te/ a ba d+hu tir dbugs 'bab pa med pa'i phyir ro/ /dkyil 'khor lnga 'gog pa'i bdag nyid ye shes lnga skyes pa'i phyir
 sems kyi gnas nyid du gnyid log pa'i zhir? dang 'pho ba bcu gnyis 'gags pa'i phyir/ dag gi gnas rang dang gzhan gyi gzhir dang/ cha bcu drug gi bsgrib pa zad pa'i phyir lus kyi gnas sad pa'i phyir lus kyi gnas sad pa'i bzhir lhan cig skyes
 pa gnas pa yang ma yin no/ /'bras bu dang rgyu'i 'brel pa yang ma yin te/ ji skad du/ las kyi phyag rgya yongs dor zhing/ /ye shes phyag rgya rnam par spangs zhes so/ /las kyi phyag rgya ni mum? dang skrar ldan pa 'dod pa'i khams kyi bde ba'i rgyu'o/ /las ni
 'o byad pa dang 'khyud pa dang/ /gsad bar reg pa dang/ rdo rje skyong pa la sogs pa'i bya ba'i bdag nyid can no/ /de yis nye bar mtshon pa'i phyag rgya rtogs pa'i rgyu'o/ /rtogs pa ni 'dir 'gyur ba'i bde ba'i mtshan nyid do/ /ye shes kyi phyag rgya rang gi sems
 kyis yongs su brtags pa dang sngon rjes su nyams pa zhes pa ji? srid pa ste/ gzugs kyi khams kyi bde ba'i rgyu'o/ /ye shes ni sngon dgod dgod pa dang rtse rtse ba la sogs pa bsgom pa'i mtshan nyid can no/ /rtogs pa ni 'dir g.yo ba'i bde ba'i mtshan nyid
 can no/ /'di nyid kho na mi'i phyugs dpe tsam la mngon par zhen par 'gyur ba'i bde ba'i bag chags la mngon par dga' ba rnams kyis lhan cig skyes pa'i bde bas sangs rgyas nyid kyi 'bras bu ster ba po brjod do/ /de'i phyir dga' ba'i don du 'di
 gsungs so zhes pa'o/ /gal te de ltar gang las 'di skye bar 'gyur zhe na/ gsungs pa/ phyag rgya che las yang dag skyes/ /lhan skyes gzhan dang 'grogs pa min/ zhes so/ /chen po yang 'di yin la phyag rgya yang ste/ 'di'i chen po nyid ni rnam pa thams cad mchog yin pa nyid de nyi
 che ba nyid ni ma yin no/ /'dis byang chub kyi sems rdo rjes rgyas 'debs par byed pas phyag rgya ste/ rtogs pa ni 'di'i rang gi sems kyis yongs su brtags pa'i chos dang bral ba du ba la sogs pa sngon ma can rang gi sems kyi so sor snang ba rnal 'byor pas rtogs bar bya ba pra phab
 pa lta bu'o zhes pa'o/ /'o na rgyu dang 'bras bu'i dngos po 'brel pa nyid lhan cig skyes par 'gyur la de la de yang skye bo thams cad kyis bde ba chen po nyid du yang dag par myong zhing rjes su myangs pa yang yin no zhen ma yin te/ de ni bde ba'i 'khor lo nyid kyi phyir dang/ ha cang
 thal pa'i skyon du 'gyur ba nyid kyi phyir cis na lhan cig skyes pa'i bde ba nyid yin zhes pa'o/ /rang gi lta ba'i 'dod pa 'dor bstan par gsungs pa dbang skyes bde ba de nyid du/ tha shal mi rnams smra bar byed/ /bde ba chen po nyid du/ rgyal ba mchog rnams gsungs ma yin
 rten cing 'brel byung las byung ba/ /gal te bde ba cher 'gyur na/ /g.yon pa phrugs pa las byung de/ /ji ltar bde ba chen po min/ /las kyi phyag rgya g.yo can gdug/ ye shes phyag rgya de bzhin te/ /rnam par rtog mang dor byas nas/ /phyag rgya chen po rten par byos/ /phyag
 rgya che dang rab 'grogs pas/ /sangs rgyas rnams kyi mi 'gyur bde/ /'jig rten gsum spyod las grol ba/ /ji ltar dbang po las skyes 'gyur zhes so/ /'o na phyag rgya chen po las skyes pa nyid kyi phyir lhan cig skyes pa dang rgyu dang bcas pa nyid la phyag rgya chen po yang
 rgyu nyid do/ /de lta na ni gnyis ka yang rgyu dang 'bras bu las ma 'das so/ /de'i phyir las kyi phyag rgya dang ye shes kyi phyag rgya rgyur 'gyur mod/ /phyag rgya chen po yang ngo shes pas khyad par ci zhen bden te phyag rgya chen po ni pra phab pa'i rang bzhin can no zhes pa 'di'i phyir phyag rgya
 chen po rgyu las skyes pa nyid ma yin la/ phyag rgya chen po las skyes pa lhan cig skyes par 'dod cing rgyu las skyes pa ni ma yin te/ gang gi phyir rgyu phyag rgya chen po ma skyes pa nyid kyi phyir 'bras bu lhan cig skyes pa zhes bya ba yang ji ltar 'dir rgyu las
 skyes par 'gyur bar 'os shes pa'o/ /de nyid kyi phyir rgyu dang 'bras bu'i dngos po med pa'i phyir phan tshun gyi phyag rgya yang srid pa ma yin te/ /'dir ni shes rab kyi gzugs brnyan phan tshun rgyas btab par de'i tshe 'gyur te gal te skye ba dang 'jig pa'i mtshan nyid
 can du 'gyur na'o/ /'di kho na ci'i phyir mi 'gyur zhe na brjod par bya ste dngos po med pa las byung ba'i mtshan nyid can nyid kyi phyir shes rab 'di'i gzugs brnyan ji ltar skye ba yin/ shes bya ma lus pa mthong ba'i phyir ji ltar 'jig pa yin zhes pa'o/ /gang
 yang shes bya ma lus pa mthong ba de'i phyir phyi rol gyi ngo bo las ma yin la de'i phyir/ rang nyid bdag nyid la bya ba 'gal ba'i phyir/ /ci las phan tshun rgyas btab par 'gyur zhes pa'o/ /gal te de lta na phyag rgya chen po ma skyes pa nyid kyi phyir 'bras bu
 yang mi srid pas chos ma skyes pa 'ga' zhig gi yang 'bras bu ci yang sus kyang nyams su myong ba med do zhe na/ bden mod ji ltar ma skyes pa mo gsham gyi bu mo dang rmi lam gyi dus su yang dag par sbyor ba na bde ba nyamsu myong bar 'gyur ba de dang 'dra ba
 nam mkha' las byung ba'i gzugs bsten pa las 'bras bu'i ngo bo lhan cig skyes pa'i bde ba rnal 'byor pa rnams kyis rang rig par 'gyur ba nyid do/ /shes rab dang thabs kyi dbang po las ma skyes pa phyag rgya chen po la skyes ba nam mkha' lta bu sgrib pa spas pa/ 'byung po thams cad la
 gnas pa ni de kho na nyid ma rig pa rnams kyis rig par bya ba ni ma yin no zhes pa'o/ /dbang mdor bstan par gsungs pa/ /shes rab rgyu las ma byung zhing/ /shes rab rgyu las byung ba 'bras/ /shes rab rgyu? las ma skyes phyir/ /shes rab las skyes rgyus skyes
 min/ /zhes rgyas par ro/ /gal te de ltar na dkyil 'khor gyi 'khor lo sogs ? 'di'i rgyur 'gyur ro zhen gsungs pa/ rnam rtog ces pa'o/ /rnam rtog bsgom pa ni zla ba dang nyi ma dang/ rdo rje yongs su gyur pa la sogs pa'i dkyil 'khor sgom pa yin la/ de las 'das pa ni shin tu rgal ba
 ste/ nam mkha' las byung ba nyid kyi phyir/ rgyu dang 'bras bu med pa'i phyir phyag rgya chen po mi 'gyur pa shes rab ye shes so/ /yul dang dbang po dang rnam par shes pa 'gag pa'i phyir bde ba dbang po med pa'o/ /gzung ba ni phyi rol gyi shes bya yin la de rnam par spangs pa ste/ rdul
 phra rab kyi chos nyid las 'das pa nyid kyi phyir ro/ /phyi rol gyi shes bya med pa'i phyir de'i 'dzin pa po rnam par rtog pa'i shes bya med pa'i phyir 'dzin pa rnam par spangs pa'o/ /de nyid kyi phyir bsgom par bya ba dang sgom pa pa'i rnal 'byor med pas na dbyibs ni mtshan
 dang dpe byad la sogs pas brgyan pa'i sku yin la de las kyang ngo/ /bsgom pa dang bral ba'i phyir rtog pa ni brtags pa ste de yang skad cig gis rnam pas yongs su rdzogs pa'i lha la sogs pa'i mtshan nyid can no/ /ngag 'das pa'i phyir na brjod pa ni dag gi bya ba
 yin la de rnams kyis rnam par spangs pa'o zhes pa'o/ /'o na de ltar sgrib pa thams cad spangs pa lhan cig skyes pa'i bde ba ni ci'i mtshan nyid can du 'gyur/ dpe thams cad las 'das pa mtshan nyid med pa ni shes par nus pa yang ma yin no zhes gsung ba
 dri za zhes so/ /dri za'i grong khyer ni 'phrog byed zla ba'i grod nyid du rab tu grags so/ /de yang res 'ga' 'ga' zhig du rdul dang/ bug sna dang du bas 'khrugs pa'i ri'i mdza' phyogs la sogs par so sor snang ba'o/ /gang gi rnam pa dri ba'i? grong khyer gyi rnam
 pa dang 'dra ba'o zhes ba ste skye bo thams cad pa'i mtshan nyid gsungs so/ /pra phab ba ni khams gsum gyi don kun nas mthong pa'i mtshan nyid can no/ /de'i rang bzhin dang 'dra ba gang gi rang bzhin yin pa zhes pa ste rnal 'byor las byung ba'i mtshan nyid
 gsungs so/ /ji skad du/ ji ltar ? phab me long la/ /gzhon nu mas mthong gzhi med skyes/ /de bzhin 'das dang ma 'ongs chos/ /mkha' la de nyid rnal 'byor pas/ /gal te yod pa'i gzugs mthong na/ /gang gi gdong pa cis mi mthong/ /gal
 te med pa'i gzugs mthong na/ /ri bong rwa ni ji ltar min/ /gzhan gyis mig gis mi mthong zhing/ /rang gi mig gis mthong min pa/ /skye ba med pa mthong pa ni/ /gzhon nu ma yi bu ji bzhin/ /zhes te mtshan nyid gnyis su kun rdzob tu'o/ /bzlog pas ni mtshan nyid
 med pa kho na ste/ rang rig par bya ba ni 'di ni bstan par bya ba dang ston pa po dang ston pa las 'das pa nyid kyi phyir ro zhes pa'o/ /phyag rgya chen po thig ler yang/ /kun rdzob rnam pa'i gzugs kyis ni/ /chu thigs bzhin du yang dag gnas/ /dam pa'i don du blta
 bya min/ /blta min ma yin gnyis ka'ang min/ /rang gi rig bya mchog zhi ba/ /dangs dang dngos med zad par byed/ /de nyid chen po mchog 'di ni/ /dngos dang dngos med bdag nyid zhi/ /zhes so/ /'o na de bzhin gshegs pas gsungs pa/ /phung po dang khams dang
 skye mched med na/ dbang po gnyis sbyor ba dang bral ba shes rab ye shes rang rig par bya bar mi 'gyur te/ 'pho ba med pa nyid kyi phyir ro zhes pa ma yin nam/ ji ltar rnal 'byor rang gi sems kyi snang ba la rang gi sems kyi rjesu 'brel par byas nas rang gi
 sems sgrib pa med par byed cing 'gyur ba med pa'i bde ba chen po'i ye shes nyams su myong bar byed de/ rdul phra rab tshogs pa'i lus med pa'i phyir ro/ /'di nyid ni phyin ci log pa ste ltas byin bdag nyid kyi phrag pa la zhon nas grong khyer du 'gro'o zhes pa'i ngag bzhin 'dir
 'ga' zhig gi bsam pa 'byung bar 'gyur te/ de'i phyir brjod par bya'o/ /'dir gang rmongs pa rnams kyi brjod par bya ba rdul phra rab tshogs pa'i bdag nyid can phung po dang khams dang skye mched rnams med par sems tsam gyis shes rab ye shes dang rig par bya
 bar ? 'gyur ro zhes pa de ma yin te/ gang gi phyir zhen glo bur ba'i sems kyi bag tshogs kyi dbang po las so/ /'dir phung po dang khams dang skye mched ces pa sems kyi bag chags glo bur ba ste/ de'i drin gyis sems la bde ba dang sdug bsngal gyi sems kyi bag chags
 'jug gi don dam par rnam par dpyad na lus 'di la nye bar che 'phra mos ni ma yin no zhes pa'o/ /'dir rdul phra rab tshogs pa'i bdag nyid kyi lus ni rmi lam gyi gnas skabs na kun nas lhung ste gnas la 'di la nye bar 'tsho ba chung du cung zad yod pa ma yin no/ /gang gis
 sems la sdug bsngal rab tu 'jug pa 'dir 'jig rten pa rnams la rab tu grags pa ste/ /gnas skabs de nyid du sems kyi bag chags kyi bdag nyid kyi lus gzhan rdul phra rab tshogs pa dang bral pa yul gzhan du 'gro bar so sor snang ba ste/ de yul gzhan du song ba'i lus
 la 'tshon? kun la sogs pa rnams kyi gnod pa byas par gyur pa na nye bar 'tshe ba des sems la sdug bsngal rab tu 'jug go/ sdug bsngal nges du'o/ /de 'di rmad du 'byung ba chen po ste lus med cing chom rkun la sogs pa rnams med par sems la rang gis rig par bya
 ba'i sdug bsngal 'jug pa'o/ /de bzhin du rmi lam du 'dod pa chen po nye bar longs spyod pa rnams kyi sems la bde ba rab tu 'jug go/ de kho na ngo mtshar ba ste/ lus med cing 'dod pa longs spyod pa rnams med par yang rang rig pa bya ba bde ba'i shes pa can sems
 can rnams kyi sems la rab tu 'jug pa'o/ /nyi tshe ba'i shes pa de nyid kyang mkhas pa rnams kyis rnam par dpyad par mi nus na 'khor ba'i bag chags las 'das pa mya ngan las 'das pa'i bag chags las byung ba rnal 'byor pa'i rang rig par bya ba kun tu bzang
 po mi 'gyur ba'i bde ba chen po'i ye shes rmongs pa rnams kyi rnam par dpyad par nus pa lta ci smos zhes pa mchog tu mi 'gyur ba'i ye shes grub pa'o/ /lhan cig skyes pa 'di nyid e bi yi ge shes rab thabs bdag nyid rnal 'byor du gnas pa'o zhes pas rim
 pas te e yig ni shes rab thig le stong pa yi ge drug pa chos kyi 'byung gnas dmigs pa dang bcas pa'i stong pa nyid kyi bdag nyid dri ba'i grong khyer gyi rnam pa can pra phab pa'i rang bzhin can rten ye shes zhes pa'o/ /bam yig ni lus dang ngag dang
 yid kyi bdag nyid thabs stong pa chen po yi ge lnga pa 'gyur pa med pa'i ngo bo dmigs pa med pa'i snying rje'i bdag nyid brten pa rnam par shes pa'o zhes pa'o/ /e baM gi yi ge'i bdag nyid ye shes dang rnam par shes pas byin gyis rlabs 'gro ba'i don byed
 pa po sangs rgyas bcom ldan 'das thams cad mkhyen pa sgrib pa thams cad las nges par grol ba 'jig rten pa dang 'jig rten las 'das pa'i chos ston pa po dang mi rnams kyi ston pa mchog tu thugs rtse ba can rgyu med par mnyes gshin pa can srid
 pa gsum gyi bla ma zhes pa'o/ /de ltar na/ 'di rnams rnam pa drug tu brjod/ /mi 'gyur ye shes tshor ba dang/ /rnam shes gzugs dang 'du byed dang/ /'du shes phung po de rnams rigs/ /ye shes me dang nam mkha' sa/ /rlung chu rnams kyi rim pa bzhin/
 yid mig rnam pa lus dang sna/ /lce rnams kyi yang de bzhin nyid/ /sgra? ches kyi dbyings dang dri/ /reg bya kha dog rnams kyi yang/ /rdo rje kun gyi gcig nyid de/ /shes rab sku 'gyur med dang bcas/ /shes pa rgyal ba rnams kyis lhan cig skyes pa gsungs so//
 de bzhin du 'bum phrag lnga pa mngon par brjod par/ /shes rab thabs bdag de bzhin du/ /sku yi rdo rje gnyis med rnams/ /drug tu byas nas khams rnams dang/ /de bzhin yul dang dbang po rnams/ /bya dang las dbang rnams kyang ste/ /gnyis med nyid kyis
 yang dag gnas/ /sangs rgyas rnams kyi sdom pa ni/ /e baM yi ger so sor gnas zhes so/ /da ni shes rab dang thabs kyi mtshan nyid kyi dbye ba sngon ma can phyag 'tshal pa gsal bar byed pa gsungs pa/ phra rab ? zhes la sogs pa'o/ /yul dang rnam par
 bral ba nyid kyi phyir/ /rdul phra rab ni dbang po las 'das pa'i don te de yang 'di yin la chos byang ste/ de'i dngos po de las 'das pa ni thogs bcas kyi gzugs 'das pa'i phyir ro zhes pa'i don to/ /pra phab pa'i rang bzhin ni yid la phyi rol gyi shes bya ltar gzhon nu
 ma'i me long la sogs pa'ang khams gsum pa so sor snang ba gang yin pa ste/ de sems kyi snang ba tsam nyid kyi phyir gang la yod pa ni pra phab pa'i rang bzhin can te de la ste/ thams cad du rnyog pa med pa la'o/ /sgyu ma'i rang bzhin nyid kyi phyir/ /rnam pa thams cad
 mchog ldan pa/ /dag pa dngos dang rang gi sems ro gcig par gyur pa la'o/ /de ltar yul las 'das pa'i phyir dang/ rnam par rtog pa'i sems dang bral pa'i phyir phyi dang nang gcig pa'i ngo bos gsum gyi rnam pa thams cad yongs su gyur pa'i sems ni dri ma
 dang bral ba'i nor bu bzhin te/ /gzugs brnyan so sor 'dzin pa'i me long la ste rnal 'byor ba rnams kyi'o zhes pa'o/ /'di nyid phyag rgya chen po zhes par brjod de/ rnal 'byor pa'i rgyud la rtogs pa'i don gcig yang dag par rig par byed pa'i phyir ro//
 'di'i chen po nyid ni sa bcu'i dbang phyug nyid sgrub par byed pa'i phyir ro/ /phyag rgya chen po 'di kho na ni yang dag par rdzogs pa'i sangs rgyas kyi sa thob par byed pa'i phyir rgyal bskyed par byed pa mo dang sna tshogs yum zhes par mngon par brjod do/ /ji
 skad du/ sangs rgyas thams cad bskyed mdzad ma zhes pa ste/ dus gsum du 'jug pa'i rdzogs pa'i sangs rgyas rnams phung po lnga la sogs par sgrib pa med pa nyid kyis skyed par byed pa'i phyir ro/ /rdul phra rab tshogs pa med pa'i phyir dang rnam par mi rtog
 pa nyid kyi phyir yang skye ba dang ni 'jig pa spangs zhes pa ste/ 'dis ni las kyi phyag rgya dang ye shes kyi phyag rgya yongs su spangs pa gsungs so/ /nam mkha' i go skabs nyid kyi phyir dang rnal 'byor gyi rtogs par bya ba gcig pu'i ngo bo nyid kyi phyir spyod pa ste sgrib pa
 thams cad kyi gnyen por gyur pa dang stong pa nyid ces pa'i bar ro/ /kun tu bzang po'i zhes pa ste kun tu ste 'dod pa dang gzugs dang gzugs med pa'i khams su bzang po ste/ 'jig rten gsum gyi spyod pa'i gnyen po'i bde bas rdzogs pa nyid kyi
 phyir thog ma dang bar dang tha ma rnams su dge ba gsungs pa ste/ bcom ldan 'das de ni spyod pa de dang ldan pa ste/ gtsug tor dang dpral ba dang mgrin pa dang snying ga dang lte ba dang gsang ba'i pad+ma nam mkha' dang rlung dang me dang chu dang sa dang ye shes kyi khams kyi rang
 bzhin rdo rje btsun mo'i b+ha ga rnams su dri ma med pa nyid kyi rnal 'byor pa spyod do zhes pa'o/ /de ni sna tshogs te kun nas nyon mongs pa dang nyon mongs pa med pa rnams kyi sgrib pa dang bcas pa sgrib pa med pa nyid du skyed pa po ni sna tshogs yum zhes brjod par bya'o/
 de nas de la phyag 'tshal ba 'ba' zhig tu ma zad kyi dus kyi 'khor lo de la yang zhes pa'o/ /dus kyi 'khor lo yang 'dir yi ge so so'i ming can te/ kA yig las ni rgyu zhi ba/ /la yig las ni 'dir thi ma nyid/ /tsa? yig las ni g.yo ba'i sems/ /? yig
 las rim pa cing las so zhes pa'o/ /A li kA li snyoms 'jug dang/ /hUM phaT yi ge sogs spangs pa zhes pa ste/ /A li ni a yig la sogs pa dbyangs kyi tshogs pa ha yig zla ba yin la dbyangs so so yang ngo/ /kA li ni ka yig la sogs pa gsal
 byed kyi tshogs pa k+Sha yig nyi ma ste gsal byed so so yang zhes pa A li dang kA li zhes pa'o/ /a sogs ka sogs ri bong can dang nyin mor byed pa de dag gam/ ha yig dang k+Sha yig dag gam a yig dang pa yig dag snyoms par 'jug pa gcig tu byed pa
 ni gdan te rten no zhes pa ste ba yig gsal byed kyi bdag nyid pad+ma'o/ /a yig gi bdag nyid zla ba'i dkyil 'khor te ha yig gi bdag nyid yang na'o/ /re ba'i bdag nyid nyi ma'i dkyil 'khor te/ k+Sha yig gi bdag nyid yang na'o zhes pa dang hUM yig yongs su
 gyur pa rdo rje'i mtshan mo yongs su gyur pa'i lha'i sku/ /kha dog dang dbyibs brtags pa'i chos can brten pa'i mtshan nyid can te de spangs pa'o zhes pa'o/ /ci'i phyir zhe na mngon par zhen pa'i mtshan nyid can gyi phyir dang 'gyur ba'i rang bzhin gyi phyir ro/ /'dir a yig
 la sogs pa dbyangs rnams dang ka yig la sogs gsal byed rnams te/ 'byung bar gyur pa rten cing 'brel par 'byung pa rnams kyang bstan bcos rig pa rnams kyis mi 'gyur bar brjod de/ de skad cig tu yang sgras par mi 'gyur zhing mi g.yo ste gzhan
 gyi gnas su? mi 'gro'o zhes pa mi 'gyur pa'i sgras dbyangs zhes brjod do/ /de yis sngags ngan pa 'khrul te mi 'gyur ba nyid kyis dbyangs kyi tshogs sam gsal byed kyi tshogs 'dzin no/ /don dam par dbyangs dang gsal byed kyi tshogs ni mi 'gyur ba ma yin no//
 ji lta bur 'dod cen gsungs pa/ 'gyur ba med las 'khrungs pa'i sku zhes pa ste/ 'dir 'gyur ba med pa ni mchog tu mi 'gyur ba'i bde ba'i ye shes te de las skyes pas na 'khrungs pa gang gi phung po dang khams dang dbang po la sogs pa'i lus yin pa zhes
 pa ste/ de bzhin du yid skyob par gyur pa nyid kyi phyir mchog tu mi 'gyur ba'i ye shes ni sngags su yang brjod do/ /de bzhin du gzhan nang rig pa shes rab kyi pha rol tu phyin ma rang bzhin gyis 'od gsal ba phyag rgya chen mo lhan cig skyes pa'i dga' ba'i ngo bo
 can chos kyi dbyings kyi rgyu mthun pa rdzogs pa'i gnas skabs ni lhan cig skyes pa'i sku zhes rgyal ba rnams kyis gsungs la/ rten cing 'brel par 'byung ba'i spyod yul ma yin pa mchog gi dbang po'i spyod yul rdo rje sems dpa' dang sangs rgyas kyi yum de
 dag ni mchog tu mi 'gyur ba'i bde ba'i rang bzhin rdul phra rab kyi chos nyid las 'das pa me long la pra phrab pa dang rmi lam dang mtshungs pa dag ste/ mchog tu mi 'gyur ba'i rang bzhin gyi phyir ro zhes pa'o/ /'dir 'gyur med rnams ni gzugs dang tshor ba dang 
 'du shes dang 'du byed dang rnam par shes pa sgrib pa med pa rnams 'gyur med lnga ste/ stong pa chen por gsungs so/ /de bzhin du sa dang chu dang me dang rlung dang nam mkha' i khams sgrib pa med pa rnams 'gyur med lngar gsungs so/ /'gyur med
 drug ni mig dang rna ba dang sna dang lce dang lus dang yid sgrib pa med pa rnams te rang rang gi yul 'dzin pa spangs pa rnams so/ /de bzhin du gzugs dang sgra dang dri dang ro dang reg bya dang chos kyi khams sgrib pa med pa rnams kyang 'gyur med drug tu gsungs te
 phung po dang khams dang skye mched 'di rnams gcig tu ro mnyam par gyur pa ni thig le stong par 'gyur ro/ /thig le de yang mi 'pho bar gyur pa ni mchog tu mi 'gyur bar brjod la mchog tu mi 'gyur pa yang a yig ste a yig las yang dag par byung
 ba yang dag par rdzogs pa'i sangs rgyas shes rab dang thabs kyi bdag nyid rdo rje sems dpa' ma ning gi go 'phang lhan cig skyes ba'i sku zhes brjod do/ /zhes pa kun rdzob tu mtshan nyid kyi dbye ba ste/ bzlog pas ni 'di dag gi mtshan nyid kyi dbye ba gang las
 yin pa'am/ rten dang rten pa'i 'brel pa gang las yin zhes pa'i// //da ni bsdus pa'i rgyud du ston pa po la sogs pa bsdus pa'i 'brel pa bsgrub pa'i don rtsa ba'i rgyud du gsungs pa'i phyag 'tshal ba'i sngon ma can zla ba bzang
 pos gsol ba btab pa tshigs su bcad pa gnyis kyis gsungs pa/ kun mkhyen zhes pa la sogs pa'o/ /sngon sham b+ha la'i yul nas rang nyid 'ongs te/ rgyal po zla ba bzang po nyi ma'i 'od kyi lha mo rnam par rgyal ma'i mngal nas byung ba phyag na rdo rje'i
 sprul pa'i sku grong bye phrag dgu bcu rtsa drug na gnas pa'i rgyal po rnams kyis rjes su bgrod bzhin pas dpal 'bras spungs su dpal dus kyi 'khor lo'i rgyud bstan pa'i ched du dang sems can mdza' dag gi nye ba'i skal pa dang ldan pa tid? mthong nas 'jig rten pa
 dang 'jig rten las 'das pa'i dngos grub bsgrub pa'i don du gsol ba btab pa ni sangs rgyas rgyal po zas gtsang ma'i lha mo sgyu 'phrul chen mo'i mngal nas byung ba yin pa ste/ kun mkhyen ye shes sku zhes pa// nyi ma'i sku can khyab bdag ste/ pad+ma'i 'dab ma rgyas pa'i can/ /sangs
 rgyas de la gus btud nas/ /'dis ni ston pa po bsdus so/ /rdo rje seng ge'i dbyings la gnas pa ste bzhugs pa'o zhes pa 'dis ni gnas bsdus pa'o/ /lha dang lha min gyis bstod ces pa ni 'khor yang dag par bsdus pa'o/ /zla bzang gis gsol ba zhes pa ni gsol ba
 'debs pa po bsdus pa'o /sku bzhi yi ni bdag nyid can/ /de nyid bcu drug dbye bar ldan/ /zhes pa chos bstan pa yang dag par bsdus pa ste/ dgos pa'i dgos pa yang dag par bsdus pa yang ngo zhes pa'o/ /rtsa ba'i rgyud gsungs pa/ ston pa gau taM ston pa po/ /gnas ni
 dpal ldan chos kyi dbyings/ /'khor ni byang chub sems dpa' sogs/ /mi bdag zla bzangs zhu ba pho/ /rgyud bstan pa ni mi rnams kyis/ /bsod nams ye shes dgos pa can/ /zhes pa'o// //da ni phyi dang lus dang gzhan du sgrib pa med pa'i chos kyis sems rdo rje
 shes rab dang thabs kyi bdag nyid rdo rje'i rnal 'byor la rim gyis tshigs su bcad pa gsum gyi stod pa gsungs pa dag ces pa la sogs pa'o gang rdo rje sems dpa' dang thugs kyi rdo rje dpal dus kyi 'khor lo dang po'i sangs rgyas bcom ldan 'das te/ shes rab dang thabs
 kyi bdag nyid rdo rje'i rnal 'byor bcom ldan 'das de la phyag 'tshal nas shes pa'o/ /de 'di yang mngal nas skye ba'i bskyed pa'i rim pa rnam pa bzhi dang chos mi mthun pa ste/ ji ltar 'gyur ba'i ma rig pas bskyed pa nyid kyi rnam par shes pas byin gyis brlabs pa
 ni skad cig gcig pa'i bde pa'o/ /de nas de kho na zla ba lnga ji srid pa ni a ba d+hu tIr bde bas brgyal ba'o/ /de nas sor mo nyi shu pa ji srid pa ni cha shas yongs su rdzogs pa'i/ /de nas lo bcu drug gi mtshams su pu dang bu mo la sogs pa mdza' yas pa'i sgyu ma'i skyed par
 nus pa'o zhes pa mngon par byang chub pa bzhi rnams kyis rdo rje bzhi dang sku bzhi'i bdag nyid bcom ldan 'das 'jig rten pa'i dngos grub kho nas 'jig rten las 'das pa'i 'bras bu 'byung ba'i ched du sngags pa ngan pa rnams sgom par byed do/ /de dang chos mi
 mthun de nyid kyis dag dang ye shes gcig sbyor zhes pa ste/ sdeb sbyor gyi ngor dag pa'i sgra sngar bstan te ye shes rdo rje dang dag pa'i sku dag gcig ste gnyis su med par sbyor ba'o/ /de bzhin du thuT rdo rje dang chos kyi sku la sogs pa rnams la'ang shes par bya'o/ /dag
 pa ye shes dang rnam par shes pa'i bdag nyid thig le 'pho ba ma ngo bo nyid kyi sku ni ye shes rdo rje'i rnal 'byor rdo rje'i sems dpa' rang gi don phun sum tshogs pa don thams cad gzigs pa ste/ skad cig gcig gis mngon par rdzogs par byang chub pa nyid kyi phyir ro//
 skad cig gcig gis mngon par rdzogs par byang chub pa ni 'dir brgya phrag drug lha'i stong phrag nyi shu rtsa gcig gi dbugs yongs su rdzogs pa'i mtshan nyid can te dbugs kyi 'khor lo yongs su zad pa'i phyir ro/ /rtsa ba'i rgyud du yang/ rgyal dbang
 rnams kyi skye ba'i gnas/ /mi 'gyur ba skad cig na/ srog chen sems ni gnas gyur cing/ /srog rlung zad par son pa dang/ /lha yi mig ni skyes gyur cing/ /sha yi mig gi tshogs nyams dang/ /gnyug ma'i skye mched nyams gyur cing/ /gzugs brnyan skye
 mched mthong ba na/ /mi dbang thams cad bdag gis mthong/ /bdag lam mthong rtag tu med/ /ces so/ /de kho na chos kyi sku thugs rdo rje'i rnal 'byor sems dpa' chen po rang sangs rgyas la sogs pa rjes su 'dzin pa po mchog tu mi 'gyur ba'i bde ba ste/ rnam pa
 lnga mngon par rdzogs par byang chub pa nyid kyi phyir ro/ /rnam pa lnga mngon par byang chub pa ni 'dir me long lta bu la sogs pa ye shes lnga'i bdag nyid can te sa la sogs pa'i khams dang gzugs la sogs pa'i phung po shes rab thabs kyi bdag nyid
 kyi dkyil 'khor lnga 'gog pa'i rang bzhin nyid kyi phyir ro/ /de kho na longs spyod rdzogs pa'i sku gsung rdo rje'i rnal 'byor byang chub sems dpa' bden don rnam pa bcu gnyis pa byang chub sems dpa' rjes su 'dzin pa po sems can thams cad kyi skad kyis chos ston pa po ste/ rnam pa nyi
 shus mngon par rdzogs par byang chub pa'i phyir ro/ /rnam pa nyi shus mngon par rdzogs par byang chub pa ni 'dir dbang po lnga dang yul lnga dang las kyi dbang po lnga dang las kyis dbang po'i bya ba lnga rnams sgrib pa med pa'i mtshan nyid 'pho ba bcu gnyis 'gog par gyur
 pa'i dngos por shes par bya'o/ /de kho na'i sprul pa'i sku rdo rje'i rnal 'byor dam tshig sems dpa' de nyid rnam pa bcu drug rig pa lta la sogs pa rjes su 'dzin pa po sgyu 'phrul gyi dra ba mdza' yas pa rnams kyi spros pa'i sku can te/ sgyu 'phrul dra bas mngon par rdzogs par
 byang chub pa nyid kyi phyir ro/ /sgyu 'phrul dra bas mngon par rdzogs par byang chub pa ni 'dir cig car mdza' yas shing mur thug pa med pa'i sgyu ma sna tshogs pa sprul pa'i mtshan nyid can te lus kyi dga' ba la sogs pa'i thig le bcu drug 'gog pa las shes par
 bya'o zhes pa'o/ /tshig lhag ma rnams kyi bshad pa sngar nyid brjod zin to/ /'o na rdo rje sems dpa' yang gzhan la dus kyi 'khor lo mchog gi dang po'i sangs rgyas kyang gzhan yin te/ zhal dang phyag dang dbyibs la sogs pa tha dad pa'i phyir ro/ /de ji ltar tha dad pa
 med par bstan ce na/ bden mod don dam pa'i bden pas zhal dang phyag la sogs pa med pa'i phyir skyon med do zhes pa'o/ /gang le'u 'di nyid du gsung bar 'gyur ba/ /'dod pa'i don gyi 'bras bu ster ba ste/ 'bras bu ni 'gyur ba med pa'i bde ba ye shes
 kyi sems so/ /sems 'di gnyis gcig pa nyid ni shes rab dang thabs ni bdag nyid rdo rje'i rnal 'byor don chen po mchog tu mi 'gyur ba dang po'i sangs rgyas rigs med pa dus kyi 'khor lo bcom ldan 'das rdo rje sems dpar rgyud gzhan thams cad du rab tu
 grags so zhes so/ /'o na phyi rol tu rab tu grags par 'gyur du chug mod nang gi bdag nyid la nyams su myong ba med par grub pa ji ltar yin zhe na/ gsungs pa/ zhabs gcig ces pa la sogs pa ste/ gtso bor byang chub kyi sems rdo rje
 dpal dus kyi 'khor lo'i zhabs zhes pa'o/ /gnas med pa yang rdo rje'i gnas te lhan cig skyes pa'i bde ba'i gzhi nyid kyi phyir ro/ /bkod pa ni bskyed pa ste ma rig pa 'gog pa'i ched du'o/ /rdo rje nor bur te mi gnas pa'i mya ngan las 'das pa'i sa la'o/ /rdul
 dang nyi ma'i dkyil 'khor bzhi la ste ye shes kyi khams la'o/ /gcig ni g.yas pa gang yin ba'o zhes pa rkang pa gcig gis mthil gnon pa'o/ /gtsug tor srid pa'i bde ba las shin tu 'das par khu ba ri bong can la ni rkang thab sen mo sngar 'dod pa'i cha 'char
 ba'i bdag nyid rnam par shes pa'i khams la gnyis pa gang g.yon pa zhes pa ni tshangs pa'i sgo da'i? rtse mo gnon pa'o/ /rtag tu ni dus gsum du'o/ /rdul phra rab kyi chos nyid las 'das pa nyid kyi phyir rig pa dang shes pa'i gri gug gis bcad du med pa'o//
 rnam par shes pa'i chos nyid las 'das pa nyid kyi phyir gzung ba dang 'dzin pa'i gri gug gis dbyer med pa'o/ /bde ba chen po'i rgyu nyid kyi phyir 'dod pa'o/ /bya ba byas pa skam sar te nor bu la gnas pa'o/ /'jig rten gyi sbyor pa spangs pa'i phyir/ /'jig rten
 gsum gyi mchod pa ste/ 'khor ba'i pha rol gyi mdza' gtsug tor la gnas pa'o zhes pa'o/ /'di skad brjod par 'gyur te/ gang steng dang 'og tu rtsa drug gi rang bzhin khams drug 'ga' pa ye shes kyi sku can bcom ldan 'das khams gsum bas zhabs
 kyi pad+ma la phyag byas pa/ dngos po dang dngos po med pa'i bdag nyid dkar po dang nag po'i phyogs sgrib pa med pa nyid kyis na steng pa nyid dang snying rje bco lnga pa gnyis kyi bdag nyid kyi zhabs zla ba dang nyi ma'i rang bzhin 'khor ba dang mya ngan las
 'das pa'i lam 'gog par byed pa po dag gis nya dang gnam stong mngon par khyab pa 'gro ba'i gtso bo gcig pa de'i zhabs la phyag 'tshal nas zhes pa'o/ /sems can rnams ni rnam pa gzhan du ste/ ji skad du/ sangs rgyas kun gyi mdzod pu yi/ /pad+ma zla ba bdud rtsi nya/ /nyi rdul gnam
 steng gsang bar te/ /gtsug tor nor bu de dag cha/ /zhes pa ston pa'i rdo rje'i gnas/ /lus can kun gyi phyin ci log ces so/ /gang 'di ltar nang gi bdag nyid la grub mod/ /'di tsam gyis 'di'i don gsal ba dang ldan pa 'thad pa sgron ma lta bu ma ya ni no zhe na gsungs pa
 rlung zhes pa la sogs pa'o/ /'dir sgrib pa med pa'i chos la/ /'jig rten gyi khams kyi dkyil 'khor du rlung dang me dang chu dang sa'i dkyil 'khor te bzhi rnams sgrib pa med pa dang nyid kyis na lnga'i bdag nyid brtan ba'i khams sgrib pa med pa dang pad+ma'i tha
 snyad kyi bstan pas khams drug gi bdag nyid can gyi gang zag sgrib pa med pa dang zla ba sgrib pa med pa dang nyi ma sgrib pa med pa dang dus me sgra gcan sgrib pa med pa dang de'i steng du 'dod chags dang zhe sdang dang gti mug dang nga rgyal gyi ngo bos dbang phyug ste/
 mchog lta dang/ g.yas su phung po dang nyon mongs pha dang bdag dang lha'i bu'i bdud de g.yon phyogs su lta'o/ /'di dag gi mgo ste spyi bor gtso bo dpal dus kyi 'khor lo khams gsum pa'i 'khor los bsgyur ba zhabs g.yon dang g.yas pa srid
 pa'i yum sna tshogs yum ste de'i zhabs dang lhan cig bkod pa'o/ /phyag 'tshal te pad+ma dkar po dag gis ni rgya cher 'grel bri bar bya'o zhes 'chad par 'gyur ba dang sbrel lo zhes pa'o/ /ji skad brjod par 'gyur te/ phyi rol du thun mong par srid
 pa mdza' dag la mngon par khyab pa'i rdo rje'i rnal 'byor gyi ngo bo nyid du gnas pa'i bcom ldan 'das bstod pa khyad par du lus la bcom ldan 'das de nyid so so rang gis rig par bya ba rdo rje'i rnal 'byor gyi/ rtogs par bya ba'i dngos po chen po nyid kyis
 gnas pa ste 'dus byas pa ni ma yin no/ /ji ltar phyi rol de bzhin lus/ /ji ltar lus la de bzhin gzhan zhes pa'i gsung las bcom ldan 'das de nyid dkyil 'khor du sems can gyi bsam pas rdo rje'i sku'i rang bzhin nyid kyis gnas
 pa'o zhes mngon par bstod pa'o// //da ni thams cad mkhyen pa'i ye shes kyi spyod yul zab cing rgya che ba 'jug par dka' ba rdo rje'i rnal 'byor rab tu gsal bar byed pa'i rgod pa yongs su spangs par gsungs pa/ de ltar zhes pa la sogs pa'o//
 de ltar de ma thag par brjod pa'i rdo rje'i rnal 'byor gang zhig bsten pa ste/ rnam pa thams cad rtogs pa'i phyir ro/ /bstan pas rang gis rtogs nas de la mos pa'i lha dang mi rnams la gsal bar byas pa'o/ /dpag med de mdza' yas pa rnams kyis so/ /bde
 gshegs rnams kyi shes pas 'gyur ba med pa'i tshul gyis mdzes pas te dri ma med pa nyid du gshegs pa'i yang ji tsam du bzod par bya bar gshegs pa'i phyir te rtsa stong phrag bdun cu rtsa gnyis gang ba'i phyir legs par gshegs pa'o/ /yang na 'gyur ba'i
 ma rig pa'i sgrib pa spangs pa'i phyir te rim pa ltar gzugs mdzes pa'i gzhon nu ma bzhin dang/ legs par gang ba'i buM pa bzhin dang/ rims nad legs par byang ba bzhin du bde bar gshegs pa rnams te de rnams kyis so/ /rdo rje ni stong? pa lnga'i rtse mo? can no/ /
 gsang sngags kyang 'gyur ba med pa'i bde ba'i ye shes can te tha snyad byas pa'i mtshan nyid can ni ma yin no/ /'di ji ltar zhe na yid skyob par gyur pa nyid kyi phyir/ /ji skad du rtsa ba'i rgyud du gsungs pa/ lus ngag? sems kyi khams rnams na/ /gang phyir skyob
 bar gyur de'i phyir/ /sngags don sngags kyi sgra yis ni/ /stong nyid snying rje 'gyur med pa/ /bsod nams ye shes rang bzhin sngags/ /stong nyid snying rje'i bdag nyid can zhes pa'o/ /'o na dus kyi 'khor lo gang du rdo rje 'dzin pa sangs rgyas bcom ldan 'das la
 bcu gnyis kyi dbang phyug rnams rdo rje'i rnal 'byor gyi ston pa po dang gsang sngags mkhyen pa'i byang chub sems dpa' sa bcu pa'i dbang phyug rnams sdud par byed pa rnams yin nam/ de la ji ltar na bcom ldan 'das blo gros gzhan pas smra par 'dod pa nyid kyis bdag nyid skabs
 dbye bar 'dod ce na/ mkha' la zhes pa'o/ /ci zhes pa gang du ji zhes dri ba ste/ 'gro ba min nam ci ste 'on kyang gzhan la 'gros gzhan pa nyid de zhes pa'o/ /'di ni dgongs pa ste/ 'dab chags chu du dang 'dra ba dag gis bgrod par bya ba ni nam mkha' i khams dang 'dra ba'i
 rdo rje rnal 'byor 'di'i zhes pa'o// //da ni rgyud kyi che ba nyid gsal bar byed pa sngon ma can bdag nyid rgya cher 'grel pa bya ba'i ched du yang dag par rdzogs pa'i sangs rgyas kyi dgugs 'byin pa gsungs pa/ gang du zhes pa la sogs pa ste gang du ste rgyud
 kyi rgyal por gsungs te nye bar bstan to/ /srid pa mdza' dag ste/ 'du shes med 'du shes med min skye mched nas brtsams nas ji srid du dmyal ba'i mthar thug pa'o/ /gsal bar te sgrib pa med par ji ltar gyur pa'o/ /zhes pa bya ba'i khyad par las rgyud kyi rgyal po'i rdo rje'i
 tshig rab tu gsal ba nyid bstan to/ /sngags ni rnam pa gnyis te de bzhin nyid kyi brda dang tha snyad pa'i brda can de dag bcas te 'jug pa'o/ /rgyal ba'i dbang pos te yang dag par rdzogs ba'i sangs rgyas rnams kyis so/ /A li ni byang chub kyi sems te chags su bcas
 pa kha cig tu ring po la thung du'o zhes pa'i gsungs las so/ /kye'i rdo rjer ni ring po ste gsal ba kho na'o/ /ji skad du/ zla bar gyur pa byang chub sems/ cha bco lnga yi bdag nyid can/ /A li'i ngo bo bde ba che/ /rnal 'byor ma rnams de yi cha zhes pa ste/ byang chub kyi sems thig
 le 'dzin pa rnams kyis shes pa'o/ /rgyal ba'i ched du ste rgal ba'i ched du'o/ /'o na brjod ma thag pa'i rim pas nus pa chung brgya mtsho chen po rgal bar zhugs pa khyod kyi pha rol tu 'gro bar gang las srid par 'byung zhe na 'di ni bden pa? kho na ste gal te de la rgal ba'i
 mthu med par gyur na mod/ rgyal pa bcom ldan 'das dpal shAkya seng ge'i mthu ste byin gyis brlabs pa yang ste/ de las so zhes pa'o/ /rtsa ba'i rgyud du gsungs pa/ phreng 'dzin tshigs bcad sum cu yang/ lhag pa'i phyag rgya le'u ldas /dpal ldan rgyud
 dag rdzogs par ni/ /smra ba'i rgyal pos ston 'gyur te/ /sdud par byed pa po yang 'di/ /rgyas 'grel byed pa pad dkar 'dzin zhes so/ /da ni nyung du'i rgyud sdud par byed pa lung bstan pa gsungs pa/ /gang zhes pa la sogs pa'o/ /gang nyung du'i rgyud gsung bar lung
 bstan te stobs bcu pa zas gtsang gi sras pos sngon te dang por ro/ /gsang bdag la rdo rje'i rnal 'byor gsungs shing bstan pa mchog gi dang po'i sangs rgyas stong phrag bcu gnyis pa las dpal dus kyi 'khor lo nyung du'i rgyud kyi mtshan can te des bstan to/ /don
 gyi sgo nas mdza' dag ste/ /gzhung gi ni nyung du zhes pa'o/ /'jam dpal gyis te rgyal po grags pas so/ /ka lA par te rgyal po'i pho brang gang du byang chub sems dpa' rnams kyis dpal dus kyi 'khor lo'i dkyil 'khor bzhengs shing de'i shar du chos bstan pa'i
 ched du rin po che'i seng+ge'i khri yang yod pa'o/ /thub pa rnams la te tshangs pa'i drang srong phyed dang bcas pa'i bye ba gsum rnams la'o zhes pa'o// //da ni rgyud kyi rgyal po rgya cher 'grel pa'i rim pa gsungs pa/ rgyas 'grel zhes pa la sogs
 pa'o/ gang zhig rgyas 'grel rab tu rgyas bshad chen po'i mchan nyid can theg pa rnams kun don gsal par byed cing mdor ston pa rgyal po zla ba bzang pos bris la stong phrag bcu drug pa ste/ rtsa ba'i rgyud kyi zhes don gyis so/ /de 'jig rten dbang phyug gi sprul pa'i sku
 sa bcu'i dbang phyug pad+ma dkar po bdag gis rdo rje'i rnal 'byor la phyag 'tshal nas bri bar bya'o/ /rtsa ba'i rgyud kyi rjes su 'brang ba ste 'brel pa la sogs pa'o/ /de lta na yang gzhung gi stong phrag bcu gnyis pa ste/ 'di'i tshad stong phrag bcu gnyis pa'o/ /rdo rje'i
 tshig dang bcas te 'jug pa'i rgyu gang yin pa de 'byed de/ rnam par dbye ba'i ngang tshul 'di'o zhes pa'o/ /rtsa ba'i rgyud du gsungs pa/ de nas zla bzang rtsa rgyud la/ /khyod ni sdud par byed pa po/ /khyod nyid rgyas 'grel byed pa ste/ /'dir ni sems can yongs smin byed/ /'jam
 pa'i rdo rje 'di? nyung rgyud la'o/ /rgyas 'grel byed pa'ang pad 'dzin rang zhes pa'o/ /dpal ldan dri ma med pa'i 'od kyi rgyud la 'jug pa'i bshad sbyar snying po snang ba brgya phrag bcu gsum par rdo rje 'dzin pa la phyag 'tshal ba'i nges pa ste gnyis pa'o// //
 da ni byang sems dpas mdzad pa'i rgy acher 'grel mnyan pa'i rim pas bdag nyid chen po nyid bsgrags pa gsungs pa/ thos nas shes pa la s gs pa'o/ /rgyas 'grel ni byang chub sems dpas mdzad pa ste/ de ni mngon shes thob rnams kyis/ /bya yis
 mkhas rnams kyis min nyid ces pa'i gsung las so/ /gtso bo'i ste brjod par bya ba dus kyi 'khor lo yi'o/ /rnal 'byor ba zhes pa rnal 'byor la dang tshul 'di yod pa'o zhes pa'o/ /kyang gi sgra ni 'dir bsdu ba ste/ gzhan byis pa'i mkhas pa khyim gnas la sogs
 pa 'ga' zhig tu ma zad kyi rnal 'byor pas kyang ste yang dag pa'i ye shes kyi lam du ba la sogs pa'i lam la gnas pas so/ /ci byas nas she na/ rgyal bas gsungs pa'i tshogs te dbang gi le'ur gsungs pa'i rim pas dbang mchog ste shes rab ye shes
 blangs nas so/ /rgyud 'di thos nas te nyung du'i rgyud kyi rgyal po'o/ /de nas khengs pa rnam pa du ma dang longs spyod rnams 'jig du ma btang nas so/ /bi b+ha ba ni 'dir rnam par 'jig pa la ste sems kyi khyad par la ni phun sum tshogs pa'o/ /sems ni sangs rgyas
 nyid kyi ched du gtad de bskyed pa'o/ /bla ma las shes pa rdo rje slob dpon brtag pa'i tshogs brtags pa'i bla ma'i skabs las so/ /rnam pa gzhan du na brtag pa'i mtshan nyid dang bral ba'i bla ma mnyes par byas bas slob ma rnams kyi chos la zlog par 'gyur ro/
 chos las bzlog pa las dmyal bar 'gro'o zhes pa'o/ /'di skad brjod par 'gyur te ma 'ongs pa'i dus su byis pa'i mkhas pa shes pa ngan pas khengs pa rnams mkhas pas mngon pa'i nga rgyal bskyed par 'gyur ro/ /mngon pa'i nga rgyal des dbang ma blangs
 shing rgyud ma thos pa kho nar 'grel pa ma bsams nas slob dpon ma bsten pa rgyud kyi don dang dbang gi don mi shes pa rnams bdud kyi ris rnams bzhin du sems can rnams kyi bla mar gyur nas phyin ci log tu ston par gyur to/ /gzhan gyi bud med dang rdzas rnyed pas dmyal
 par 'gro ba la spro ba rnams so zhes pa ste/ 'di dgag pa lhur len pa tshigs su bcas pa 'di gsungs so zhes pa'o/ /'o na de ltar na mngon par shes pa med pa rnams kyis rgya cher 'grel byed na 'dir skyon ci yod/ gang gis na 'di brjod par bya zhe na gsungs pa/
 gang zhes pa la sogs pa'o/ /gang mngon par shes pa med par rgya cher 'grel pa chen po ste de na thams cad mtshon par byed pa rgyas bshad chen po dang mdor bstan pa chen po'i mtshan nyid can byed pa'o/ /dpal ldan rdo rje theg par zhes pa dpal gnyis su med pa'i
 ye shes kyis nye bar mtshan pa rdo rje theg par 'gro ba'o/ /rdzogs pa'i sangs rgyas kyi theg pa de la gnas pa ste zhon pa'o/ /bstan bcos du ma'i rnam rtog chos kyi snying zhes pa ni bstan bcos te rtog ge la sogs pa rnams kyis dbugs phyung ba'i rnam par rtog pa ste mi
 bden pa'i shes pa yang ngo/ /de khon chos te rang gi ngo bo nye bar ston pa'i tshul yun ring por zhugs pa'i gdengs can gyi rkang pa lta bu'i snying ste sems gang gi yin pa zhes pa'o/ /da ni glang chen long pa'i rgyud ltar rang gi rgyud nyams par byed pa'o/ /de'i rgyud ni
 yan lag bzhi pa'i dpung stobs dang ldan pa'o/ /gnas pa ni bstan pa ste dgra'i rgyud rgyal ba'i ched du'o/ /gsod bar byed pas na bdud de de'i gnyen ni pha dang ma'i 'brel par gyur pa'o/ /rtag tu ni dus thams cad du'o zhes pa'o/ /don ni 'di yin te/ rgya cher 'grel byed pa
 po mngon par shes pa dang bral ba nyid kyi phyir long pa lta bu bden pa mthong ba dang bral ba bstan bcos du ma'i rnam rtog chos kyi snying can nyid kyi phyir glang po che bzhin du bzlog pa la bzlog pa'i lus can mkhas pa nyid kyi dregs pa dang ldan pa nyid kyi phyir myos pa bzhin du nga rgyal
 chen pos khengs pa las bdud kyi phyogs su gyur pa ni/ 'gyur ba'i bde ba la sogs pa bdud kyi stobs rgyal ba'i ched du gang nas pa'i rgyud mdza' drug gi mtshan nyid can dbang bzhi la sogs pa brjod par byed pa de rtsa ba dang bcas pa rtsad nas dbyung bar 'bad pa'i rmongs pa
 chen po ste/ /de dgag pa'i ched du tshigs su bcad pa 'di gsungs so/ /'o na 'di lta bu'i skyon rnam par smin pa'i 'bras bu rtsub pa can mthong nas kyang rgya cher 'grel byed pa la 'jug pa ni ci mkhas pa'i rang bzhin can du 'gyur ram zhes/ dogs pa la gsungs pa/ /mkhas pa'i
 zhes pa la sogs pa'o/ /mngon pa'i nga rgyal can ni mkhas par sems pa yin gyi/ bden pa mthong ba ni ma yin pa'o/ /rgyal bdag gsung ni gang zhig thig le las ni dkar po'i rgyun 'bab ces pa la sogs pa rnams la dgongs pa gang gis mi shes ba'i dang tshul can de ni
 rgyal bdag gsung ni mi shes dang tshul lo/ /'gyod pa dang srog gcod pa la sogs mi dge ba'i lam can zhes pa la ngan pa'i bya ba ni ngan byas te gang bsod nams btang ba dang 'jig rten gyis smad pa'o/ /de'i dngos po ni 'gyod pa nyid do/ /srog gcod pa ni srog chags gsod
 pa'o/ de dag kho na mi dge ba'i lam gyi dang po yin pa'o/ /sogs pa'i sgra las ma byin par len pa la sogs pa'o/ /de la gnas pa zhes pa lhag ma'o/ /des na bud med bde bas sems drangs shes pa dbang po gnyis kyis 'gyur ba'i bde bas gang gis sems drangs te
 dbang du byas pa zhes pa'o/ /'o na chang gis kun dga' gcig ste b+ha gnyed pa bu ni sgrub pa'i ched du'o gzhan pa gsungs pa med ces pa la sogs pa de bzhin gshegs pas gsungs pa yin nam zhe na/ bden mod sgra ji bzhin ma yin te/ chad yang gzhan yin b+ha ga
 yang gzhan yin te/ phyag rgya chen po'i dngos grub kyi ched du gsungs pa'o/ /sgra ji bzhin pas kyang bde ba 'phel pa'i don du ste bde ba nyams pa'i ched du ma yin no/ /'di dpal ldan shes rab bde nyams shes pa ste dpal ldan shes rab ni phyag
 rgya chen pa'o/ /de'i bde ba ni mchog tu mi 'gyur ba'o/ /de las nyams pa ni ring du gyur pa'o/ /de las rdo rje'i tshig bcom ste bzhi pa la sogs pa'i rdo rje'i tshig bcom pa'o/ /de nyid kyi phyir phyi rol gyi longs spyod kyis zil gyis mnan pa ste dam pa ma yin pa'i bza' ba dang btung
 ba la sogs pa la chags pa'o/ /theg mchog ni rdo rje theg pa la'o/ /mngon par shes pa la sogs pa med par rgya cher 'grel ba byas nas long bas bdag nyid ltung nas long ba gzhan dmyal bar 'jug go /ni'i sgra ni gang gi phyir gyi don te de'i phyir de ltar chos kyi yang
 dag pa'i ye shes kyi lam la gnas par spro ba ni ji ltar yang rang gi chos rjes su sgrub pa dang mthun pa'i lam bor nas 'tsho ba'i sdong po'i 'bras bu za bar byed pa de ltar ni shes rab 'tshal ba'i rang bzhin can ni mkhas pa cing? du mngon pa'i nga rgyal ba skyed nas de slar
 yang de bzhin du/ khyod kyi srog chags bsad par bya zhes pa la sogs pa'i rdo rje'i tshig phyin ci log tu ston par rang gi byas pa'i rgya cher 'grel pas bzung nas lam 'di ni bcom ldan 'das kyis thar pa'i ched du gsungs pa'o zhes sems can rnams la rgya
 cher sgrogs par byed de gang las rang yang nyams shing gzhan yang nyams su 'jug pa da nyid zab mo'i don mi shes pa la lam nyams pa bzhin du lam yin pa nye bar ston pa lam phyin ci log las bzlog par mi nus so zhes pa'o/ /gal te gzhan chos
 mtshungs pa ma yin pa rnams kyi dmyal bar 'gro bar mi rigs pa ma yin nam zhen bden mod gang rnams nges sbyar ba'i 'grel bshad las rdo rje'i tshig gis don phyin ci log tu thos shing shes nas nged ni sangs rgyas bcom ldan 'das kyis gsungs pa'i don kun
 nas shes so zhes pa 'di ltar mngon pa'i nga rgyal skyed par byed pa de rnams kyang rgyal ba'i bdag po'i gsung mi shes pa'i dang tshul can rtag du long bar gyur pa rnams te/ sngar kho nar dmyal bar 'gro ba rnams so zhes pa 'di lta bu la sogs pa rnams kyang dgag pa'i don du
 tshigs su bcad pa 'di gsungs so zhes pa'o/ /gal te de la mngon par shes pa med pa rnams kyis rgya cher 'grel mi bya la byas kyang ston pa po rnams kyis bstan par mi bya zhing/ de rnams kyang lam las phyin ci log pa dang brdzun du smra ba nyid gzung bar 'os pa ma
 yin pa'i tshig can rnams yin na rgya cher 'grel byed pa po phyin ci ma log pa bden pa mthong ba rnams ni su rnams yin zhen gsungs pa/ ston pas zhes pa la sogs pa'o/ /rang gi sgra'i rnam grangs la nyid kyi sgra yang yod de da'i phyir nyid de bdag nyid kyis te
 gzhan dang gzhan gyis ma yin pa'o/ /ston pas te yang dag par rdzogs pa'i sangs rgyas kyis so/ /rdo rje'i theg pa te theg chen por ro/ /rgyal bdag bde ster te lhan cig skyes pa'i bde ba sbyin pa por ro/ /gang rgya cher 'grel pa nyid dang sdud par byed pa nyid du lung bstan pa
 bdag 'dra stes bcu'i dbang phyug 'jig rten dbang phyug lta bu de rnams thams cad ni sangs rgyas mthar thug zhes pas sangs rgyas bcom ldan 'das rnams kyis bdag nyid chen po sgrogs so/ /lha dang lag 'gro mi rnams smin pa'i don du ste srid pa gsum gyi skye bo rnams kyi
 sangs rgyas nyid kyi ched du ste/ tshig 'jam pos bslab pa'i gnas sbyin pa'i rim gyis sems shes nas dpe'i tshul gyis 'dod chags la sogs pa'i skyon rnams rnam par sel ba zhes pa ni smin pa'o/ /de nyid gang gi don te dgos pa yin pa'o/ /phyi nas dka' thub
 kyi bslab pa nas ji srid du don dang mthun pa bsgoms pas skyon rnams rtsa ba nas 'byin pa'o/ /ji skad du nad pa rnams la dang por sman gyis sbyor ba phra mos smin par byed pa la phyi nas drag pos rims la sogs pa'i skyon rnams nges par sgrol ba'o zhes so/ /gang
 rnams mngon shes lnga rnams kyang med pa de rnams kyang rnyed pa dang bkur sti'i don du bdag cag rgyal dbang yin zhes bden pa min pa smra'o zhes pa de'i phyir de rnams kyis dag thar pa 'dod pa rnams kyis mnyan par mi bya dang bar mi bya yid la mi bya'o
 zhes pa'o/ /gal te de lta na 'phags pa phyag na rdo rjes mdzad pa'i rgya cher 'grel bar ji ltar gsungs te 'dir dang por bum pa'i dbang la slob ma rdo rje slob dpon du gyur pa'o/ /de bzhin du gsang ba dang shes rab ye shes dang bzhi pa la yang ngo/ /slob dpon nyid 'di ci
 zhig tu 'gyur zhen/ rdo rje sems dpa' zhes bya ba'o zhes so/ /de ji ltar yin te dang por bum pa'i dbang bskur gyis dbang bskur slob dpon no zhes pa'i gsung las rgyal ba'i dbang po nyid du rigs so zhen de ltar ma yin te dbang bskur bzhi'i rims pa rnam par
 bzhag pa'i don du'o/ /de yang kun rdzob tu ste dam pa'i don du ni ma yin no/ /ji skad 'phags pa rdo rje snying pos mdzad pa'i rgya cher 'phrel par gsungs pa ji ltar bshad pa rnam snang dang/ gci ba khu pa'i dam tshig ni/ /mi bskyod 'od dpag med yin pa/ /de bzhin slob
 dpon rdo rje 'dzin/ /bshad gcig khu ba phyag rgya rnams/ /ji ltar slob dpon sbyin pa po/ /de bzhin lus ngag yid rnams kyi/ /grub pa sbyin byed rdo rje 'dzin/ /kun rdzob dang ni bzlog pas kyang/ /slob ma rnal 'byor rnams kyi yang/ /dkyil 'khor byang chub rtsa ba?
 gang de sngon la phyi ma min/ /dgongs pa'i skad ni mi shes shing/ /ming tsam gyis ni rmongs ba rnams/ /rgyal ba'i dbang po rnams spangs nas/ /du 'bod du ni 'gro bar 'gyur zhes so/ /de ltar byang chub sems dpas mdzad pa'i rgya cher 'grel pa la thar pa 'dod pa
 rnams kyis gdams ngag dam pas thos pa dang bsams pa dang bsgom pa la sogs pa rnams kyis mchog tu mngon par dad par bya'o zhes pa'o/ /'o na de ltar gang gis 'di kho na la rab tu dang bar bya ba byang chub sems dpas mdzad pa'i rgya cher 'grel pa de
 la rnam par grengs pa'i yon tan ci zhig mthong zhen gsungs pa sna tshogs la sogs pa'o/ /ma 'ongs pa'i dus kyi chen 'byung bar 'gyur te sangs rgyas kyi blo ste shes pa sna tshogs te rnam pa du ma 'byung bar 'gyur te/ /rtog ge la sogs pa'i bstan bcos la gtad pa'o/ /sogs pa'i sgra
 ches mngon pa'i mdzed dang shes rab kyi pha rol tu phyin pa la sogs pa'i bstan bcos rnams te de rnams la so sor gnas pa'o/ /ji skad du nang gi le'ur gsungs pa/ gang zhig de kho na nyid gang zag ces bya lung nas smra ba de ni rang bzhin gyis bdag nyams/ kun rdzob tu ni don du ?
 ba po yang don dam pa rig med pa ru ni 'dod pa'o/ /srid gsum mdza' dag rnam par shes pa nyid du smra ba po yang rnam par shes par 'dod par byed/ /gang zhig stong nyid snying rje gnyis su med par smra ba phyogs nyam de ni mnyams par 'gyur ro zhes so/ /sna tshogs su ma zad kyi
 gog par yang ste/ log pa'i shes pa ni chad pa'i stong pa nyid kyi shes pa la sogs pa'o/ /gzhan gyi rtog ge la sogs pa dang 'grogs pa'i dbang las te gzhan rnam par shes pa tshangs par sna ba la sogs pa rnams kyi 'dod bya ma yin pa'i bstan bcos dang
 'grogs pa'i dbang du gyur pa nyid kyi phyir ro zhes pa'o/ /sgrubs thabs le'ur gsungs pa/ srid gsum phra rab gzugs min rnam par shes ba'o zhes pa ni de bzhin rnam par shes pa med de sangs rgyas shes rab gang duAng gnas pa ma yin zhes pa'i tshig ni sangs rgyas pa
 rnams ston par 'gyur/ gang gis 'gyur med dang bral mi rnams kyis ni stong pa nyid de gzung nas stong par lta byed pa/ /de nas gtso bos gang zhig 'pho med lhan cig skyes pa'i lus kyi bde bsngags kyi theg pa par bstan zhes so/ /de'i phyir bdag gis te 'jig rten
 dbang phyug gi sprul pa'i sku pad+ma dkar po sangs rgyas sras pos rgya cher 'grel pa bri bar bya ste gsal bar bya'o/ /blo ngan skyon ni 'joms byed de/ /blo dan skyon ni 'dir phyin ci log pa'i chos sten pa yin la de 'joms par byed pa'o/ /su rnams kyi zhen 'dod pa'i yul la ste rdo
 rje theg pa la lam ston byed pa gang rnams te lam ni phyag rgya chen po'i bdag nyid can no/ /de rnams kyi'o/ /ci yis she na/ de'i de sna tshogs pa'i bdag nyid kyis blos dang log pa la sogs pa'i bdag gis dang/ rtog ge la gnyid? pa nyid kyis dang/ rang
 dang gzhan gyi bstan bcas rnams dang/ kun nas 'grogs pa nyid kyis so zhes pa ste/ tshigs su bcad pa 'dis rgya cher 'grel pa'i shes bya'i sgrib pa rab tu spong ba gsal bar byed pa nyid gsungs so// //shes bya'i sgrib pa rab tu spong ba gsal bar
 byed pa nyid med pa bsgom par bya ba'i lam gsal bar 'gyur ba med la nyon mongs pa'i sgrib pa rab tu gsal bar byed pa med par bsgom pa bstan par bya bar nus pa yang ma yin te/ de'i phyir de'i don du gsungs pa/ 'dod chags zhes pa la sogs pa ste rgya cher
 'grel pa ji lta bu bri bar bya zhe na/ skye ba 'dzin pa'o/ /gang du zhen dpal ldan rdo rje'i theg par rtag tu 'khor ba'i rgya mtsho chen po dang bral bar re/ /de nyid gsungs pa/ srid pa'i chu gter la ni ste/ srid pa'i phung po la sogs pa'i bdag nyid dam khams gsum
 pa'o/ de nyid chu gter te chu dang gsher pa zhes pa rnam grangs su nad ge le'ur ro/ /'dod chags mdza' yas chu la zhes pa 'dod chags ni 'gyur ba'i bde ba'i bdag nyid kyi chos sam kun tu sbyor ba'i bdag nyid de/ de kho na gang? mdza' yas pa'i chu yin pa zhes pa'o/ /rnam
 pa byed med dang zhe sdang sprul dang chu srin 'khrig par zhes pa rnam byed na gnas dang gnas ma yin pa shes pa yin la/ de med pa ni bral ba ste rnam 'byed nyams pa med pa'i don to/ /zhe sdang ni chags pa dang bral ba'i bdag nyid kyi chos sam 'bral ba'i bdag nyid do/ /de
 dag kho na sbrul dang chu srin dag ste klu dang chu srin dag yin la de dag gis dkrigs pa mngon par khyab pa'o/ /gti mug klod ni rab mang ste/ gti mug ni rmongs pa'i bdag nyid kyi chos sam kun tu sbyor ba dang 'bral ba'i bdag nyid do/ /de kho na klod yin la de rab
 tu mngar ste rnam par rgyas par ro/ /song dang 'ong ba'i nor gyi dpal la brkam pa'i rlabs dogs can te song ba'ang de yin la 'ong ba 'ang zhes pa ste de yang de yin la nor yang ngo zhes pa skye ba dang mdzad pa'i byang chub kyis sems sam gos dang rgyan la sogs pa'o/ /de'i dpal ni phun sum tshogS
 pa'o/ ? pa ni 'pho ba la mngon par 'dod pa'i bdag gi chos sam rang gi rdzas la chags pas gnas par gyur pa'o/ /de dag kho na gang gi rlabs dang dogs yin pa zhes pa'o/ /rlabs na rgya mtsho'i chu'i rnam 'gyur ro/ /dogs ni 'gram mo/ /'gyod sogs gsod pa la
 sogs las kyi rta gdong 'khor lo sgra drag ces pa 'gyod pa nyid gang gi dang po yin pa'i las rnams te sogs pa'i sgra yis the tshom la sogs pa 'chad par 'gyur ba'o/ /gsod pa srog gcod pa gang gi dang po yin pa de rnams te/ de rnams kyang yin la las
 rnams kyang zhes pa'o/ /de rnams khon rta gdong ste rta sgo dang/ 'khor mo ste chu rnams 'khor ba'o/ /de dag las drag po ste 'jigs par gyur pa'i sgra gang na yod pa der zhes pa'o/ /de'i phyir nyon mongs pa'i sgrib pa spangs pa rab tu gsal bar byed pa las bde glag kho
 nar yang dag par rdzogs pa'i sangs rgyas nyid kyi rin po che 'thob pa'o zhes gsungs pa/ dam pa'i bde ba zhes pa la sogs pa'o/ /rgya cher 'grel pa mnyan par gyur ba de ni 'dren par byed pas na 'dren pa'o/ /lam gyis ni du ba la sogs pas so/ /dam pa'i bde bas
 zhes pa khyad par la gsum pa ste/ 'dod pa lnga la longs spyod pa sngon ma can bde ba chen po la 'jug par shes pa'o/ /chen po rnams kyi ste dbang po gnyis kyi bde ba mngon par 'dod par da pa rnams kyi'o/ /myang 'das pha rol don gter rnams kyi ste/ mya ngan las
 'das pa ni mi gnas pa'i mya ngan las 'das pa yin la de'i pha rol ni phul du byung ba dri ma med pa nyid thob pa ste/ de don du gnyer ba gang rnams kyi ngang tshul yin pa zhes pa las la drug pa'o/ /myur du rgal ba'i ched du/ shes rab rlung gi dar gyis zhes pa
 byed pa la gsum pa'o/ /shes rab ces pa gzugs brnyan mthong ba ste de nyid rlung gi dar ro/ /myur 'gro zhes pa myur du 'gro pa'i ngang tshul 'di'i yin pa zhes pa ste/ 'di kho na ni 'di nyid ces te 'dren pa ni yang dag ston par byed pa ste yang dag
 ston par byed pas na'o/ /yang dag ye shes yid bzhin nor bu'i zhes pa las la drug pa'o/ /yang dag pa'i ye shes ni pra phab pa lta bu ste de nyid yid bzhin gyi nor bu'o/ /'jig rten gsum gyi bdag po nyid ster ba po'i zhes pa 'jig rten gsum gyi ste lus dang ngag
 dang yid kyi bdag po nyid do/ /bzhi pa nyid dang sangs rgyas nyid ces pa'i bar ro/ /de'i ster ba po yi bo/ /'dud dang nyon mongs chogs 'dzoms mkhas pa'i zhes pa bdud rnams dang nyon mongs pa rnams kyi tshogs te 'dus pa 'joms te gshig pa la mkhas te byang
 pa zhes pa'o/ /tshigs su bcad pa 'dis ni 'bras bu 'thob pa'i rim pa gsungs so/ /de ltar byang chub sems dpas mdzad pa'i rgya cher 'grel pa skya ba 'dzin pa lta bu ste/ de ltar ni skya ba 'dzin pa na rgya mtsho chen por sngar legs par brtan par byas pa'i
 lam des pas chu yi rab tu dbye ba dang sbrul dang chu srin dang klong dang rlabs dang dogs dang rtag gdong dang 'khor lo la sogs pa rab tu bzlog pa la mkhas pa? ga med pa la sogs pa'i yon tan dang ldan pa'i gzigs zhon pa/ rlung ras la sogs pa'i thabs rnams kyis
 bde rlag kho nar lam bzang pos mgyogs pa dang bcas par drangs nas 'dod pa'i rin thad med pa'i yid bzhin gyi nor bu rin po che la sogs? pa gzing kyi tshang pa rnams la ston par byed pa/ ji lta bde bzhin du 'di yang ngo zhes pa'o/ /mngon par shes pa med pas byas pa'i rgya cher
 'grel pa la ni 'di lta bu'i mtshan nyid mi srid do/ /de ltar ni lam rin po che yongs su mi shes pa'i phyir dang/ de'i sgrib pa spong ba rab tu spang ba ston pa las shin tu ring ba nyid kyi phyir dang 'khor ba'i rgya mtsho'i rang bzhin gyi khyad par ma bshad pa'i phyir dang/ 'dod chags
 la sogs pa gdug pa'i rang bzhin can rnams kyi khyad par dang rab tu rgyu ba dang dbye ba rgyas par ma bstan pa'i phyir dang/ phyag rgya chen po bsgom pa la sogs pa thabs rnams nges par ma bstan pa'i phyir dang/ sangs rgyas nyid kyi ched du dkyil 'khor gyi 'khor lo la sogs pa'i
 lam ni lam nyid du gsol bar byed pa'i phyir dang/ 'gyur ba'i bde ba blang bar bya ba nyid du sgrogs pa'i phyir dang/ 'gyur pa med pa'i bde ba ni rig par bya ba ma yin pa'i bde ba chen por brjod pa'i phyir dang/ chags pa chen po'i me 'gyur pa med pa'i bde ba rdo rje'i rnal 'byor
 gyi bdud dang nyon mongs pa'i tshogs thog ma'i gdams ngag tu sgrub par byed pa'i phyir dang/ de'i phyir rnam pa thams cad pa'i yang dag pa'i ye shes yid bzhin nor bu sna tshogs pa dang log pa nyid la sogs pa'i shes pa'i dbyebs yang dag par mthong ba med
 pa'i phyir ro zhes pa'o/ /dpal ldan dri ma dang bral ba'i 'od kyi rgyud la 'jug pa'i bshad sbyar brgya phrag bcu gsum pa mi g.yo ba' snying po snang bar byang chub sems dpas mdzad pa'i rgya cher 'grel gyi yon tan bsgrags pa'i nges pa ste gsum pa'o// //
 da ni thar pa 'dod pa rnams kyi lam gyi sgrib pa dgag pa brjod par bya ste de la lam yongs su spangs pa lam ma yin pa la brten pa ni srid par 'khyam pa'i rgya mtshan du tshigs su bcad pa gnyis kyi ston pa gsungs pa/ de nyid gcig bu rdo rje 'dzin pa'i phyag rgya
 chen po ste zhes pa/ phyag rgya chen mo de nyid gcig pu sta gnyis pa med pa ni kun mkhyen bde ba ste 'dzag pa med pa'i bde ba phul du byung ba dri ma med pa nyid kyi ngo bos ster par byed do zhes pa'o/ /phung po la sogs sgrib pas rab tu dman yul can zhes pa phung
 po ni gzugs la sogs pa rnams te sogs pa'i sgras khams dang dbang po dang yul dang lus kyi dbang po dang bya ba rnams dang shes bya dang nyon mongs pa dang snyoms par 'jug pa'i sgrib pa rnams gzung ngo/ /phung po la sogs pa rnams kho na sgrib pa rnams so/
 de rnams kyi rab tu dman pa'i yul ni gzugs brnyan mthong ba ste de gang gi yin pa de la de skad ces bya'o/ /gang zhig phra phab brgyad lta bu zhes pa brgyad rnams kyang de rnams yin la bra phab rnamS kyang de lta bu ste 'dra zhing mtshungs pa gang yin pa zhes
 pa'o/ de gsungs pa/ me long mthe bong sgron me zla/ /nyi ma chu dang ral gri mig /pra 'phebs 'jug pa brgyad rnams ni/ /rgyal ba rnams kyi pra 'bebs gsungs zhes so/ /de ltar sems kyi snang ba tsam chos kyi dbyings ni phyag rgya chen mo zhes brjod do// ji skad du ye shes
 kyi le'ur gsungs pa/ de'i phyir g.yo med bde ba'i skad cig skyes pa 'dir ni chos kyi dbyings kyis ster byed de/ srog gis ro'i 'gro ba rnams la gnas pa thams cad bkug cing nyon mongs bdud rnams bcom byas nas/ /rdzu 'phrul kun mkhyen sa dang srid gsum bla
 ma nyid ni rnal 'byor rnams kyi skye ba 'di la ste/ /lam du zhugs rnams gal te 'chi bar gyur na de bzung ba las skyes pa gzhan gyis zhes so/ /slar yang de nyid du gsungs pa/ sems kyiS snang ba tsam ste rang gi yid la skyes pa me long gi ni gzugs brnyan lta bu nyid
 gang zhig mdza' dag rgyal ba'i sras dang sangs rgyas rnams kyis bstan pa rnal 'byor dbang pos bsten bya ste/ yang dag ye shes me lce rab tu rgyas pa bdud tshogs yul dang bcas pa mdza' dag sreg byed cing/ /lus la chags pa la sogs kyang ste rnal 'byor rnams
 la lo'i sbyor bas bde mnyam ster bar byed ces so/ /de ste 'di ltar gyur pa'i phyag rgya chen po bong nas sangs rgyas nyid kyi ched du gang le los nyes par bcom bsten par byed cing 'dod par byed de/ nor la chags shing 'khyog po'i snying ldan zhes pa ste nor la chags pa
 yang 'di yin la 'khyog po'i snying yang ste las kyi phyag rgya'o/ /brtag pa zhes pa ye shes kyi phyag rgya'o/ /de yis te las kyi phyag rgya yis sam rnam par brtags pa'i blo ye shes kyi phyag rgyas de ni 'pho ba ste chags pa nyams pa'i mtshan nyid can 'thob par byed ces
 pa'o/ de'i phyir 'gyur ba'i rnal 'byor las 'gyur ba de nyid sangs rgyas nyid mchog tu mi 'gyur ba'i 'dre ba'i go 'phang ni ma yin no/ /ji skad du ye shes kyi le'ur gsungs pa/ /nim pa'i shing la dgun 'brum min te dug las bdud rtsi dang ni tshangs pa'i shing las 'dam
 skyes dang/ /stong pa las ni myang 'das bde ba mi dge'i dbang las dge ba srog chags gsod las grub pa rnams/ /phyugs rnams mchod sbyin las ni mtho ris mchog tu zhi ba'i go 'phang dbang po rnams 'gog ? min/ /rig byed las ni kun mkhyen gsung dang 'gyur
 med mchog gi bde bar 'gyur pa ma dag sems las min shes so/ /'o na sangs rgyas nyid du mi 'gyur mod/ bsod nams ni cis bzlog ce na gsungs pa/ sdig to zhes pa la sogs pa'o/ /chags pa nyams las sdig pa ste snying rje zad pa'i bdag nyid las so/ /de nyid gang gi phyir
 zhe na shin tu sbug ma ste 'dod ldan ma myos ma la zhe sdang ste/ sdad par byed pa 'di ni byam pa zad pa'i bdag nyid de/ skye bo zhes so sor 'brel lo/ /sdang las gti mug ste yang dag par bstan pa nyams pa dga' ba zad pa'i bdag nyid dang rmongs pa ni bde ba nyams pa'i mtshan nyid can
 btang snyoms zad pa'i bdag nyid can no zhes pa tshangs pa'i gnas bzhi med pa'i phyir sdig pa nyid de bsod nams ga la yod ces pa'o/ /'o na 'dod chags 'phel ba'i mtshan nyid can snying rje dang/ zhe sdang nyams pa'i bdag nyid can byams pa dang/ gti mug zad pa'i bdag
 nyid can dga' ba 'gyur ba med pa dang/ 'gyur pa med pa'i bde ba'i bdag nyid can btang snyoms shes pa 'di yang yod dam ci zhe na/ yod de sangs rgyas thod par ji skad du/ lta bar ldan pa snying rjer 'gyur/ /'khyud pa yi yang byams pa ste/ /drung ba'i sbyor bdag dga' ba ?
 chags par byed pa de bzhin no/ /gnyis dag tshogs pa'i skad cig gang/ /de btang snyoms su bdag gis bshad/ /'di ltar gyur pa'i rnal 'byor dang/ /ldan pa nad kyis ji ltar 'joms zhes so/ /dam pa min pa'i bza' ba ni/ /sha la sogs pa dang dam? min pa'i?
 btung ba ni chang la sogs pa'o/ /sogs pas ni gar dang glu la sogs pa'i yul lo/ /de yis shes pa dam pa ma yin pa'i bza' ba dang btung ba la sogs pa'i yul gyis sems la co dris shing/ gang las nye bar gsos pa yang dang yang du shin tu sdug
 ma la rab tu 'jug ste ji srid du sems rmongs pa'i bar zhes pa'o/ /de las bde ba nyams shing skye ba drug ste 'gro ba drug rnams su 'khor bar 'gyur te/ thug pa med pa nyid du skye bar 'gyur te sdig pa las so/ /zhes pa'o/ /da ni lam don du gnyer ba rnams kyi don la
 rten pa nyid gsungs pa/ sgra dang zhes pa la sogs pa'o/ /sgra ni legs pa'i sgras myakSaM bud+ha la sogs pa'o/ /sgra min ni sgra nyams pa lnga dang klu'i brda sprod pa las phyi rol tu gyur pas byas pa bA bi zhes pa la sogs pa'o/ /de rnam par dpyad pa las ni chen po
 khyad par can gyi don dang ldan pa med pa'o/ /sna tshogs yul skad ngan pa ni a tya so d+ha ga bla zhes pa la sogs pa'o/ /chen po rnams kyi ni phyag rgya chen po don du gnyer ba rnams kyi ste dbang po rnon po nyid kyi phyir ro zhes pa'o/ /thams cad mkhyen pa'i gsungs
 ? sna tshogs pa'i skad kyi bdag nyid/ mchog ste bla na med pa'i bde ba sbyin pa'o/ /sems can rnams kyi mos pa'i sems kyi dbang las te mngon par yid ches pa bstan pa'i gzhan gyi dbang las so/ /skad gzhan ni brda sprod pa la lha dang klu la sogs pas bkod pa'o
 gang gi sgra rnams brda' sprad par bya zhing gtan la dbab par bya ba de ni brda' sprod pa ste sgra sogs rtsod pa don gnyer rnams kyi'o/ /sogs pa'i sgra las don dang 'brel ba dang/ dag dang rnam par dbye ba dang tshig dang yi ge la sogs pa bzung bar bya'o zhes pa legS
 par sbyar ba'i skad ni nyi tshe ba nyid do zhes pa'o/ /'o na sgra la don rtogs pa sgra nyams las ma yin pa ma yin nam zhen gsungs pa/ sgra nyams pa las kyang zhes pa la sogs pa'o/ /byang gi sgra ni rim pa tha dad pa la ste sgra nyams pa las kyang? rnal 'byor pa yis don
 ni 'dzin par byed de yul gyi skad las te/ ji skad du/ kar+Na Da pa'i kar+NA'i sgras/ /rdo dang rkang pa brjod par byas/ /la lar 'on par rab brjod de/ /de bzhin rgyud rnams su bstan pa'o/ /tso bo ri'i sgra ni 'jig rten 'gar/ /zan gyi don rab rtogs par byed/ /la lang tshom rkun pa nyid
 brjod/ /de bzhin rgyud du bstan pa rnams zhes so/ /de bzhin pu ru She ga Na Da zhes pa la sogs pa'o/ /lhag ma ni go bla'o/ /de ni tshig 'bru la rton pa dgag pa gsungs pa/ dam pa'i zhes pa la sogs pa'o/ /dam pa ni 'jig rten gsum rnams su mchog go /don ni dgongs
 pa ste phyag? rgya chen po'i lam mo/ /de'i de nyid ni mi 'gyur ba'i ye shes so/ /de'i yul ni rdo rje'i gnas te de la zhes pa'o/ /tshig 'bru ni 'ding sgra bzang po la sogs pa'i bdag nyid can no/ /lhag ma ni go sla'o/ /de ni rnam par shes pa la rton pa nyid dgag pa gsungs pa
 ye shes la sogs pa ste/ nyid kyi sgra gnyis kar yang sbrel bar bya'o/ /brjod par bya ba gang brjod pa ste/ mngon par brjod par gyur pa ni sgra dang sgra nyams par 'gyur ro zhes brjod par bya ba nyid du nges par 'gyur pa de ye shes nyid ma yin no zhes pa'o/ /de ni thams cad mkhyen
 pa'i gsung nyid du mi 'gyur te/ da ni nyi tshe ba ste nyi tshe la yod pa lha la sogs pas bkod pa'o zhes pa'o// //da ni ye shes la rton pa nyid gsungs pa mchog tu zhes pa la sogs pa'o/ /gang zhig shes rab ye shes dang/ shes rab ni phyag
 rgya chen mo pra phab pa'i rang bzhin can yin la/ de nyid ye shes te dus gsum pa mthong ba'o/ /sangs rgyas rnams kyi ste ma lus pa'i ngo bo mthong ba rnams gyi'o/ /de nyid mchog tu mi 'gyur pa/ /bzhi pa'o de ni slar yang de bzhin te/ rang gi phyag rgya chen po rgyal
 bas gsungs zhes pa ste/ mchog ni khams gsum pas mchod pa'o/ /mi 'gyur ba ni 'pho ba med pa'i bde ba'o/ /bzhi pa ni lhan cig skyes pa'i dga' ba'i thig le 'gog pa'o zhes pa'o/ /phyi nas khyad par gyi bsdu ba'o/ /de las rang gi phyag rgya chen po 'di rgyal
 bas gsungs te/ 'di rab tu gsal bar mdzad do/ /de yang de bzhin no zhes pa 'dis gzhan du rnal 'byor pa gdug pa'i slob dpon gyi 'jigs pa las shes pa'o/ /'o na shes rab ye shes kyi khyad par bzhi pa 'am mchog tu mi 'gyur ba
 zhes pa gcig giS chog ma yin nam/ gnyis kas don gcig rtogs par byed pa'i phyir ro zhe na bden med/ mi'i phyugs rnams 'byung bar 'gyur te/ gang rnams shes rab ye shes ni dkyil 'khor gyi 'khor lo bsgom pa'i rnam par rtog pa'i sheS rab gyi bde ba bzhi par
 sems shing de rnams phyag rgya chen po'i ye shes las nyams pa rnam par rtog pa dor ba yongsu dor ba las dam pa ma yin pa'i bla ma'i gdams dag las shes rab ye shes mi shes pa rnams 'gyur ba'i bde bas skyed pa'i 'dzag pa'i bde ba shes rab ye shes
 nyid du nye bar ston par 'gyur zhes pa dgag pa'i don du mchog tu mi 'gyur ba zhes pa'i khyad par gsungso/ /gang rdo rje'i tshig shin tu mi shes pa rnams bzhi pa de yang de bzhin no zhes pa'i gsung las las kyi phyag rgya las skye bar 'gyur ba'i bde ba gsum pa ni rgyu
 dang 'bras bu dbye ba med pa las shes rab ye shes su sems par byed de dbang po gnyis kyi bde bar mngon par 'dod pa slob dpon ma bsten pa mchog mi 'gyur ba'i bde ba nyams pa phyugs rnams las kyang phyugs te de rnams kyis 'gyur pa'i bde ba med
 par kun tu bzang po shes rab ye shes nyams su myong bar mi 'gyur zhes gsungs pa kho na bzhi pa nyid du 'jig rten rnams 'dzin du 'jug go zhes pa 'di'i don du bzhi pa zhes pa'i khyad par gsungs so/ /gal te yang las kyi phyag rgya dang ye shes kyi
 phyag rgya zhes pa las skyes pa'i 'gyur zhing 'dzag pa'i mchan nyid can 'di de bzhin gshegs pa'i ye shes su 'gyur na de'i tshe/ bcom ldan 'das kyis sgyu 'phrul dra bar/ bcu drug phyed phyed thig le 'chang zhes dang/ de bzhin du bsam gtan bzhi pa'i mdza' 
 'chang bzhes pa la sogs pa 'di gsungs pa 'di ni zhig /rgyud kyi rgyal por yang ye shes kyi le 'ur/ de ltar sems ni rnam bzhi srid pa gsum la gnas pa srog chags rnams kyi thig le'i dbus su ste/ rnal 'byor dbang po rnams kyis bde mnyam 'bras ster khyab par byed ni
 thar pa'i rgyu ru bsrung par bya/ thig le btang na rnal 'byor rnams kyi skye po'i sa bon mchog gi bde ba song la thar pa gang/ de phyir 'khor ba'i bde ba'i skad cig 'di ni sdom brtson rnams kyis thams cad dus su dor bar bya zhes so/ /de'i phyir shes rab kyi ye shes
 zhes kyang smra bar mi bya ste/ 'dir gal te shes rab ye shes 'pho ba'i mtshan nyid can shes rab kyi rgyu las skyes pa'i 'bras bu thabs kyi shes rab ye shes yin na de'i tshe thabs kyi rgyu las skyes pa'i 'bras bu ni shes rab kyi phyag rgya chen po'i dngos grub kyi don du/
 thabs ye shes su 'gyur ro/ /de ltar na phan tshun ltes pa nyid kyi phyir ye shes gnyis dag tu 'gyuro/ /de ltar gnyis ka'i ye shes so sor gyur na gnyis su med pa'i ye shes med do/ /gnyis su med pa'i ye shes med pa'i phyir sangs rgyas nyid kyang med par
 'gyur te/ rnam par dag pa mchog tu mi 'gyur ba'i ye shes dang bral ba nyid kyi phyir ro zhes so/ /cis te shes rab ye shes ni shes rab ye shes yin na de'i tshe thabs kyi ye shes thabs ye shes so zhes pa ste skyon snga ma bzhin no zhes so/ /'o na gsum pa
 'gyur pa'i bde pa'i mtshan nyid can shes rab ye shes su mi 'gyur med/ rnam pa gzhan du 'gyur du chug mod /bcom ldan 'das kyi dpe la 'gyur ba'i bde ba 'jig rten rjes su gzung ba'i don du gsungs pa ji ltar zhe na/ 'di ni bden mod/ kun rdzob du
 dpa' don du gsungs pa ste/ bzlog pa ni 'di de bzhin gshegs pa'i ye shes su mi 'gyuro zhes pa'o/ /'di kho na rjes su 'gro ba dang ldog pa dag gis 'phags pa'i tshigs su bcad pa gnyis kyi dbyer byas nas brtan par gsungs pa/ zag ces pa la
 sogs pa'o/ /gang gis dkar po ni byang chub kyi sems so/ /ma rgyas pa ni kha ma bye ba'o/ /tsu ta'i 'bras bu rgyu ci yis 'byung ste gang gis kyang ma yin no zhes pa'i don to/ /de gsungs pa/ grub pa kun gyi gter gyur pa/ byang chub sems ni lhung
 gyur la/ /phung po rnam shes brgyal ba na/ grub pa smad med go la yin zhes so/ /de ltar bzhi pa'i gnas skabs kyi sgrib pa zad pa'i bdag nyid kyi rgyu med par byis pa'i rigs can las gzhan pa ni sangs rgyas nyid ces pa'i 'bras bu re ba ma yin no/ /gal te de
 snang? na skye po thams cad nyid 'gyur ba'i bde ba re bar byed ce na/ gsungs pa/ gang gis zhes pa la sogs pa'o/ /gang gis te srog chags kyis 'khor ba'i bde ba'i bag chags kyi sa bon gyis skyed pa 'du byed kyi sdug bsngal las te 'gyur ba'i bde ba la
 chags pa nyid kyi phyir ro/ /bya thams cad skom pa ni sa la gnas pa'i chu tshol bar byed la/ tsADa ka ni btung bar sems pa ma yin no zhes pa'o/ /'di skad brjod par 'gyur te/ gang tsATa ka'i spyod pa'i rjes su spyod pa de ni mkhas pa'i rigs can skye ba snga
 ma'i stong pa nyid dang snying rje kun rdzob pa'i dmigs pa med pa'i bag chags kyi stobs kyis rdul phra rab tshogs pa las 'das pa dkyil 'khor gyi 'khor lo la sogs pa rnam par rtog pa bsgom pa dang bral ba phyag rgya chen po'i dngos grub kyi sgrub byed la dmigs
 par bya ba ma yin pa mchog mi 'gyur ba'i bde ba mngon sum du bya ba'i ched du 'bad par byed de rtag tu rang dang gzhan gyi don du gnyer ba'o/ /gang shes rab dman pa dbang po gnyis kyi bde ba mngon par 'dod pa las chags bral las skyes pa'i sdug bsngal
 kho na la mngon par rgyug go /des ni phyis pa'i rigs can rang gi don nyams pa rang nyid kyang sdug bsngal ba yin na de'i gzhan gyi don ga la yin zhes pa'o/ /'di kho na drang ba dang nges pa'i don dag gis gsungs/ 'khor ba'i zhes pa la sogs pa'o//
 'khor ba ni 'dod pa dang gzugs dang gzugs med pa'i mtshan nyid can no/ /de'i bde ba ni phreng ba dang tsan dan dang bud med la sogs pa nye bar longs spyod pa'i mtshan nyid can no/ /mi rtag pa ni 'jiD pa'i dad cano/ /de yang thob pa min te rnyed pa min yang rmongs chen tshol bar byed la mkhas pa 'khor
 ba'i bde ba la ltos pa med pa ni yang dag pa'i rgyal srid kyi bde ba 'dor bar byed de yang dag pa'i rgyal po ni 'khor los sgyur ba yin la de'i dngos po ni de nyid de/ de'i bde ba thob pa yang do/ /thar pa'i ched du ste/ 'khor ba'i sdug bsngal las nges par grol ba'i
 ched du'o zhes pa drang ba'i don to/ /nges pa'i don gyis na 'khor ba ni phung po dang khams la sogs pa'i mtshan nyid can no/ /de'i bde ba ni dbang po gnyis kyis skyes pa ste/ mi rtag pa ni skad cig tsam mo/ /dam thob kyang ste yan lag can ma'i rang bzhin las
 so/ de lta na'ang tshol bar byed re bar byed do/ /de nyid kyi phyir gti mug pas na rmongs pa'o/ /chen po ste rnam 'byed pa dang bral ba nyid rmongs pa chen po zhes brjod do/ /mkhas pa ste bden pa mthong ba'i byang chub sems dpa' ni yang dag pa'i rgyal srid kyi bde
 pa yang dag par 'dod par byed do/ /yang dag pa'i rgyal po ni 'khor los bsgyur ba chen po 'og min gyi khang pa na bzhugs pa bcom ldan 'das dpal shAkya seng ge ste/ de'i bde ba ni mdza' yas pa'i yon tan gyi 'bras bu rab tu sbyin pa'o/ /de yang thob pa
 ste phyag rgya chen po dang yang dag par 'grogs pa las so/ /thar pa'i ched du ste/ mi gnas pa'i mya ngan las 'das pa'i ched du'o zhes pa ste nges pa'i don la rton pa nyid la brten par bya'o/ /drang ba'i don la rton pa nyid la ma yin no/ /de yang 'dir bde ba chen po'i/
 rtogs par byed pa ste rab tu mnan nas rgyu bar byed pa nyid kyi phyir ro zhes pa dgongs pa'o/ /'on 'gyur ba med pa'o bde ba thob pa ni khyed kyi lugs kyis sangs rgyas nyid yin la de yang yongsu 'dor ba ni mkhas pa'i rigs can zhes pa ji ltar yin ce ste 'jig rten
 las 'das pa nyid gyi phyir 'jig rten gyi yang dag par 'byung pa ma yin pa las 'das pa'o sems na 'di lta bu lung mthong dam ci zhe na/ bden mod gsal ba kho nar mkha' 'gro ma rdo rje gur la sogs par mthong ste/ /chags
 pas 'jig rten bskyed pa ste/ chags pas 'phangs las zad par 'gyur/ /rdo rje'i chags pa yongs shes las/ /yid ni rdo rje sems dpar 'gyur/ /chags pa'i zhags pas bcings pa yis/ /'jig rten chags las 'khrugs par 'dod/ /chags
 dang bral pa'o sngon byang chub/ /chags pas bgrad pa rnams kyis nyams/ /'jig rten gdul brgyur byas nas/ /'di ni gzugs rnams du mar byed/ /ri bong stag dang seng ge dang/ /glang po rnams kyi rigs rnams suAng/ /phyag rgyas grub pa snying rje yis/ /phan pa'i
 blo? can rnams kyi'o zhes so/ /ji skad du don dam pa'i bsnyen par yang 'jug pa'i sems la brten nas gsungs pa /gang rnams sems can don gyi rgyu ru rnams sangs rgyas nyid kyi/ /bde ba mdza' yas rab tu thob pa yang dag ston mdzad cing/ /'khor ba'i
 dbus su rab tu 'jug par mdzad pa rnams/ /de rnams zhabs kyi chu skyes dag la spyi bos phyag 'tshal lo/ /zhes so/ /de ltar bon 'gyur ba med pa'i bde ba de tshal par spyod pa'i bde ba dang mtshungs par 'gyur ba ma yin nam zhe na ma yin te/ yang
 'dod ldan gyi bde ba dang 'grogs pas non pa ste/ ji skad du lo zhes pa la sogs pa'o/ /ri dags rnams bza' zhing ldan pa'i ngang tshul 'di'i yin pa zhes pa ri dags zas can de seng ge'o/ /brgya lam na ste/ thams cad kyi tshe ma yin no/ /lan cig ni
 khor gcig go/ gal te de lta na yang gnyis ka dag la ni bde ba mchog yod pa ma yin no/ /ni'i sgra ni yang gi don la'o/ /de dang cis 'dra bar 'gyur zhe na/ gsungs pa/ lan cig rtag tu khu ba ltung phyir ro/ /ji lta bar ro zhes pa'o/ /ji ltar te gang dang
 'dra bar de bzhin te/ de dang 'dra bar dka' thub pa'i rmi lam gyi dus dang 'dod ldan gyi sad pa'i dus su 'dzag phyir te sems nyams pa'i phyir ro zhes pa'o/ /rmi lam dang sad pa'i gnas skabs kyi sgrib pa 'di dag gis gsungs so zhes pa dgongs pa'o/ /'o na
 tshangs par spyod pa shin tu gnyid log pa rmi lam gyi 'dod ldan ma'i rnam pa'i bag chags skye ba med pa'i phyir gang dang 'dra ba'i bde ba de dang 'dra bar der 'gyur ro zhe na gsungs pa/ gnyid log pa yang zhes pa la sogs pa'o/ /ji ltar te gang dang 'dra bar/
 de ltar te de dang 'dra bar ro/ /stobs med pa'i skye gnas kyis zos pa ste/ dud med kyi b+ha ga'i sbrul gyis so/ /dka' thub mi byed cing dka' thub tu byed pa ma yin te sems zhen pa'i phyir ro/ /don ni 'di yin te/ ji ltar 'ga' zhig rmi lam du sos btab
 pa sad par gyur pas yul gyi kho na nyid mi shes pa rang gi lus 'dzin pa la chags pa de lta du bud med kyi b+ha ga yis sos btab pa phyag rgya chen po'i de kho na nyid mi shes pa ci zhig ltar yid bzhin gyi nor bu byang chub kyi sems kyi de kho na nyid med pas bud med kyi b+ha
 ga'i sbrul gyi nyams par byas pa'o/ /zhes pa'o/ /shin tu gnyid sad pa'i gnas skabs kyi sgrib pa gsungs so zhes pa'o/ /'o na de ltar bzhi pa la sogs pa'i gnas skabs kyi sgrib pa yod pa'i phyir 'gyur ba'i bde ba de kho na nyid ma yin na de ci ma nid bzhin du
 'gyur ba med pa'i bde ba de kho na nyid du 'gyur ram zhen gsungs pa/ bsreg pa zhes pa la sogs pa'o/ /ji ltar te gang dang 'dra bar ro/ /rdo dreg ni rdo 'ga' zhig gis dbus su pags par 'gyur ba bsregs par gyur pas dri ma med par 'gyur ro/ /de bzhin
 te de dang 'dra bar ro/ /sems shes pa byang chub kyi sems so/ /shes rab ye shes kyis te phyag rgya chen po chags pa'i sems sam/ las kyi phyag rgya dang chags pa'i mes bsreg pa'o/ /dag pa ste 'gyur ba med pa dri ma med pa nyid du nye bar 'gro bo zhes pa'o//
 missing page
 missing page
 pa/ me ni dngul chu'i dag nyid yin te me dang rnam par bral na dngul chu 'ching gnam yang med/ ma bcings rna rni gser byed med de gser dang bral na smra bo rnams la longs spyod med pa nyid/ de bzhin bud med sbyor ba bral na rtag tu rnal
 'byor pa rnams kyi ni sems 'ching mi 'byung la/ bcings pa med na phug pa'i lus med ma phug lus kyis 'dir ni ltan cig skyes pa bde ba gter ba yin zhes so/ /'o na las kyi phyag rgya sngar spangs pa ma yin nam/ /'dir ni de dang 'grogs
 pa mngon par 'dod pa zhes pa'i phyir 'gal lo zhe na/ der ni 'gyur ba'i bde bas sangs rgyas nyid 'thob pa la spangs kyi/ mi 'gyur ba'i bde ba 'phel pa'i ched du ma yin no zhes pa ste/ don dam bsnyen par gsungs pa/ bud med 'grogs
 pas dman la thar pa'i bde ba med/ bud med 'grogs pas dman la srid me'i sdug bsngal med/ /de phyir rang gi blo yis legs par rnam dpyad nas/ /slob ma rnams ni zung zhig rab tu rtogs par gyis zhes so/ /da ni 'phags pa'i tshigs
 su bcad pa gnyis kyis dpe dang bcas par byang chub kyi sems mthong ba'i thabs ni thabs ma yin pa spangs pas gsungs pa/ shing la gnas pa zhes pa la sogs pa'o/ /ji ltar te gang 'dra bar/ me mi mthong ste shing la gnas kyang zhes
 pa'i kyang ni yang gi don to/ /bcad dang dbye ba'i thabs rnams dag gis shes pa byed pa la gsum pa'o/ /bcad pa ni sta re la sogs pa rnams kyis so/ /dbye ba ni shing gri chu du la sogs pa rnams kyis so/ /thabs ni sgo'o/ /gtsub
 pa'i shing ni dbyug pa'o/ /pA Ni ni lag pa'o/ /de dag gis bsrubs pa las me ste/ de la gnas pa yang zhes pa ni/ srub stan gyi shing de la gnas pas de la gnas pa'o/ /de bzhin te dang 'dra bar sems kyi 'od gsal ni sems kyi 'od
 gsal ba ste khams gsum pa mthong ba'o/ /rtog pa'i bsgom pa'i thabs rnams kyis mi mthong ste rnam par rtog pa yang mngon du byed pa'i sgo rnams kyis so/ /'di ni sems kyi 'od gsal ni brkyang ma dang ro ma gcig tu sbyor bas mthong bar 'gyur
 zhes pa byed pa la gsum pa'o/ /gcig tu sbyor ba ni gnyisu med pa'i rnal 'byor ro/ /de nyid du ste rang gi sems nyid la'o zhes pa'o/ /don dam bsnyen par yang gsungs pa/ shing paS me dang chu yi shel las chu dang ni/ /zho las mar dang rdo ba rnams las
 lcags kyi rigs/ /bung med skye gnas 'grogs las nyams bde ba ni/ /skal ldan rnams kyi de thabs sbyor bas blang bar gyis/ /sems la khyed kyis gsal bar bya ba cung zad med/ /gzhag bya med cing sgrib dang 'phal ba dag kyang med/ /sems
 la rang sems so sor snang ba tsam du ni/ /khams gsum pa ste dper na chung son nyi ma bzhin zhes so/ /sems gcig kho na shes rab gzugs brnyan rtogs pa du ma'o zhes pa dgongs pa'o/ /da ni lam shes pa'i de kho na nyid thob pa gsungs
 pa lam zhes pa la sogs pa'o/ /de bzhin gshegs pas gang gsungs pa/ bcu drug bzhi yi rab tu dbye ba can/ /de kho na nyid bzhi pa dpal ldan bla ma'i zhal te rnal 'byor pa ma yin pas 'thob pa ma yin no/ /sna tshogs rnam rtog la
 sogs lam gyis ni/ /smra tshogs rnam rtog ni pad+ma dang nyi ma dang zla ba sgra gcan gyi gdan dang sa bon dang mtshan ma yongs su gyur pa zhal dang phyag dang kha dog dang dbyibs can rang byin gyis brlab pa la sogs pa'o/ /sogs pa'o sgras chos thams cad chang
 pa'i stong pa nyid du smra ba la? sogs pa'o/ /de kho na nyid rab tu gsal bar dbang gi le'ur gsungs pa/ 'dod dang dga' ba dang ni 'dar? dang 'gyur med kyang ste bzhi po yis ni sbyor ba de gcig ste/ gang ba dang ni nus dang skye ba dag dang mchog gi dga' pa
 de ltar gnyis par nges par 'gyur/ 'bar ba dang ni thig le rgyal ba dag dang slar yang khyad par dga' ba de ltar gsum pa'o/ /oM Da DA dang ni nA da dag dang gnyid dang lhan cig skyes pa'i dga' ba de ltar bzhi par 'gyur zhes so/ /
 de'i phyir rnam par rtog pa'i lam ni de kho na nyid ma yin pa/ de kho na nyid ma yin pa zhes bya ba yang de kho na nyid kye sgrub thabs su 'gyur ba ma yin no// /gal te de sgrubs thabs su mi 'gyur na ci zhig der 'gyur zhe na/ gsungS
 pa/ bskyed pa'i zhes pa la sogs pa'o/ /de kho na nyid bde ba chen po'i sgrub thabs te 'di yi sgrub par bya ba'o zhes bsgrub thabs ni de kho na'o/ /gzhan ma yin te pad+ma la sogs par kun tu rtog pa'o/ /de kho na nyid de ci zhe na/ bskyed pa'i rim pa las grol pa
 ste mngal du 'jug pa'i rim pa las grel ba ste/ hUM dang ni phaT yig ces pa sngags so/ /sogs pa'i sgras phyag rgya la sogs pa'i rtog pa'o/ /de dang bral ba de kho na nyid do/ /de ci zhe na gsungs pa/ rdzogs pa'i rim pa'i rnal 'byor zhes pa la
 rdzogs pa ni nges par grub pa ste/ nam mkha' bsgom pas rtogs par bya ba'o/ /de'i rim pa ni du ba la sogs pa'i lam mo/ /de'i rnal 'byor ni shes rab gzugs brnyan gyis 'gyur ba med pa'i ye shes chen po skyes pa ste ldan pa'o zhes
 pa'o// //'di kho na ston pa gsungs pa/ du ba zhes pa la sogs pa'o/ /dub kho na rtags gang gi dang po yin pa de rnams so/ /mtshan ma ni yid ches par byed pa ste gang gis mngon par 'dod pa gsal bar byed pa de'o zhes
 pa'o/ srog rtsol ni bum pa can gyi steng dang 'og gi rtsa gsum 'gog pa'i bdag nyid do/ /dbu mar 'bab pas te sems kyi rtsar srog gi rlung 'bab cing rjes 'jug pa'o/ /rig pa'i brtul zhugs kyis/ /rig ma'i gtso bo'i brtul zhugs tshangs par
 spyad pa'o/ /rig ma ni rang gi rgyal bas dbang bskur ba lhag pa'i yon tan can bzung bar bya'o/ /mngon par brjod pa bla mar yang/ /puk+ka sI ni mchog mdzes ma/ /gzugs dang lang tshe brgyan byas ma/ /gcig tu rnal 'byor la sems ma/ /dam tshig shes shing brtul
 zhugs brtan/ /brtan ma chags med ngo tsha med/ /sred bral nga rgyal med thob nas/ /de dang lhan cig sngags rig pa/ /rang gi rig ma'i brtul zhugs spyad ces so/ /de las rdo rje mi ltung bas ni rdo rje ltung ba med pa ste/ /'dis gnas par 'gyur ba'o
 zhes pa'o/ /steng du khu bas shes pa nor bu dang pad+ma las log nas 'gro ba la la nA bson pas so/ /lam 'di yis te du ba la sogs pa yan lag gi mtshan nyid can gyis so/ /rnal 'byor pa ni rnal 'byor te rdzogs pa'i rim pa'i rnal 'byor 'di la
 yod pa'o zhes pa'o/ /sangs rgyas rnams kyi ni/ bde ba dbang po med pa ste mchog tu mi 'gyur ba mngon par sgrub pa ni mchog tu mi 'gyur ba gang gis kun nas mngon par sgrub par byed cing rdzogs par byed pa'o zhes pa'o/ /yang na pho nya mo kun
 gyi/ lhan cig skyes pa 'thob pa ste/ /rtsa stong phrag bdun cu rtsa gnyis 'gags pa'i rang bzhin can mkha' 'gro ma rnams kyi stong pa lhan cig skyes par brjod de gsum spangs pa gzhom du med pa'o/ /'jig rten pa la grags pa bzhi pa'i
 sgrib pa'i bdag nyid kyi lhan cig skyes pa ni ma yin no/ /stong pa ni gcig pu brjod de sgrib pa thams cad dang bral ba'i phyir ro zhes pa yang na'i sgra'i don to/ /'o na de ltar rdzogs pa'i rim pa'i rnal 'byor de kho na nyid dang de kho na nyid kyi bsgrub thabs
 yin la gzhan med do zhes brjod pa ma yin nam/ de'i phyir de nyid 'gyur mod/ de las gzhan pa nye bar mi mkho bas ci bya zhe na/ gsungs pa/ gzugs shes pa la sogs pa'o/ /'jig rten ni khams gsum pa ste de la yod pa 'jig
 rten pa yang 'di yin la dngos grub kyang ngo zhes pa'o/ /dngos grub ni 'og min gyi srid pa'i mthar thug pa'i dbang phyug sgrub par byed pa'o/ /gzugs la sogs par rtog pa rnams kyis shes pa la gzugs su rung gnod pa byar
 rung bas gzugs te de kho na gang gi dang po yin pa'o/ /de ni kun tu rtog pa ni yid kyi las zhes pa'o /de la gzugs bsgom pa ni las kyi phyag rgya'o/ /sogs pa'i sgras ye shes te de'i bsgom pa ni ye shes kyi phyag rgya'o/ /dkyil 'khor gyi 'khor lo la
 sogs pa bsgom pa gomS pa rnams kyi zhes pa dkyil 'khor ni rten gyi mtshan nyid can te 'khor lo lha yi tshogs pa brten pa'i mtshan nyid can no/ /sogs pa'i sgra sngags dang phyag rgya dang gdan la sogs pa'o/ /de rnams bsgom pa ni mngon du phyogs
 par byed pa'o/ /de goms pa ni yang dang yang du mngon par zhan pa ste/ de rnams kyis shes pa'o/ /gal te lam 'di kho nas dngos grub thams cad 'grub pa nyid na du ba la sogs pa'i lam gyi man ngag gis chog go zhes na gsungs pa ci
 zhig ces so/ /chen po yang 'di yin dngos grub kyang ngo zhes pa dngos grub chen po ste phyag rgya chen po'i dngos grub bo/ /'dod pa ste 'jig rten las 'das pa'o/ /lta ci zhig ste ci zhig 'grub/ /du ba la sogs pa'i lam gyi man ngag med
 par ma yin pa de kho na'o zhes pa'i don to// //'o na lam gyi gdams ngag 'di ci yang dag par rdzogs pa'i byang chub thob par brtson pa'i blo can thams cad la thams cad nas 'byung ba de kho na yin nam/ 'on te dag pa 'gro
 pa'i don byed pa la mkhas par spro ba 'ga' zhig kho nas 'byung ba yin zhe na gsungs pa lam zhes pa la sogs pa'o/ /bla ma dam pa ni dpal ldan bla ma'o/ /de'i tshe mtshan nyid ni don dam pa'i bsnyen par sangs rgyas par gsungs te/ ji skad du
 bsgom ldan srid pa'i bsam gtan la ni chags nyams pa/ 'dod ldan 'dod pa chen po la ni thugs bcings pa/ brtul zhugs chen po'i dbang po gnyis bod ? sbyor ba la/ phyag rgya rab tu 'grogs la'ang 'dod chags ma nyams shing/ /zla nyi lam ni so
 sor nyams pa'i rnal 'byor can/ shes rab me la rnal 'byor stobs las rab zhugs pa/ kun dga' i bde ba bdud rtsir chags pa de kho na/ /dpal ldan bla ma rdo rje 'dzin sdig bcom pa'o/ /zhes rgya cher ro/ /de'i bka' drin ni de kho na nyid kyis
 man ngag gis rjes su ? pa'o/ /de las 'byung bar 'gyur te skye par 'gyur ro/ /gang rnams kyi zhe na/ slob ma dag pa rnams la'o/ /dag pa ste dbang bskur ba la sogs pa rnams kyi tha mal pa'i nga rgyal gyi dri ma spangs pa zhes pa yang yin la
 slob ma rnams te gzhan gyi don byed pa la sogs pa rnams kyis rjes su bstan par bya ba yang ngo zhes pa'o/ /phyag rgya chen po thig ler? gsungs pa/ sngags la sogs pas gang sbyangs pa'i/ /dug ni bcud len de bzhin du/ /dbang bskur sogs
 kyis slob ma ni/ /ma dag tag? dang ldan par 'gyur zhes so/ /gang rnams pha rol gyi bya ba la dge ba la brtson pa ste/ dge ba la spro ba zhes pa'o/ /dpal ldan dri ma dang bral ba'i 'od kyi rgyud la 'jug pa'i bshad sbyar mi g.yo ba'i snying po snang
 bar lam gyi sgrib pa dgag pa'i nges pa ste bzhi pa'o// //da ni lam thob pa rab tu dang ba rnams kyi lam 'phrog pa'i rgyu mtshan gsungs pa gzhan zhes pa la sogs pa'o/ /'di ni ste de ma thag tu brjed pa sangs rgyas nyid
 gang gis bde zlag tu rtsal? bar byed cing don du gnyer bar byed pa'o zhes pa'o/ /dga' ba rgyas par byed pa na rin chen de yid bzhin gyi nor bu rin po che dang 'dra ba rin po che ste rnyed ? dka' pa nyid kyi phyir dang bsam pa'i don gyi 'bras bu rab tu sbyin pa nyid
 kyi phyir ro/ /lam bzang rin chen te/ phyi nas khyad par gyi bsdu ba'o/ /rab tu myes pa ni bag med spyod pa ste/ rang la phan pa dang bde ba la ltos pa ? pa'o/ /'gro ba drug po rnams su nyams par 'gyur bas na sems can no/ /gzhan
 te gang snying brtse ba la sogs pa'i yon tan dang bral ba gzhan la phan pa dang bde ba la mi brtson pa'o zhes pa'o/ /rab tu zhugs pa'i nor de'i khyim ni bud med do/ /de kho na dgon pa ste 'grog dgon pa sems can gyi gnas so/ /yul ngan chom rkun rnams kyi
 zhes pa 'di rnams su dbang po rnams khyad par du 'ching ngo zhes pa yul rnams te gzugs la sogs pa'i phyi rol gyi longs spyod rnams so/ /de rnams kyang ngan pa ster bro ba chung ba nyid kyi phyir dang rnam par smin pa rtsub pa nyid kyi phyir dang/ rgyal ba'i
 ches kyis bsten pa nyid kyi phyir ro/ /de rnams kho na chom rkun pa ste/ byin pa'i lam bzang po'i rin po che yang de rnams kyis 'phrog par byed rku bar byed pas shes pa'o// //'di rnams 'ba' zhig lam bzang rin chen nor khyib?
 dgon par zhugs pa 'phrog par ma zad kyi/ /gnyen 'dun thebs po'i nang du zhugs pa yi/ /the tshom la sogs pa'i rkun po rnams kyis kyang ngo/ /gnyen 'dun mi chung ma dang bu dang tsha bo la sogs par grags pa'o/ /thibs po ni nags so/ /
 yid ches pa gsum rnams kyis nges pa'i lam bzang rin chen la yang som nye za ba ni the tsom ste/ 'di ci lam bzang po yin nam 'on te ma yin zhes pa'o/ /'gyod pa ni lam ngan pa bdag gis byas te de'i phyir bdag gi lam mngon sum du mi bya'o
 zhes pa 'di lta bu'i rnam pa can no/ /gnyid ni nyal ba ste lus dang yid dag las su mi rung bar bsgrub pa'i mtshan nyid can rmugs shing gnyid pa zhes bya ba'i bar ro/ /le lo ni spro ba zhan pa'o /brgod pa ni sems rnam par g.yer bting de grong?
 khyed la sogs par 'khyam pa zhes pa ji srid pa'o/ /de ltar 'di ni lam sgom pa rnams kyi ting nge 'dzin gyi dri ma 'phags pa'i tshigs su bcad pa 'dis bshad do zhes pa'o/ /ting nge 'dzin gyi dri ma 'di rnams 'ba' zhig gis 'phrog par ma zad kyi/ srog gcod
 pa la sogs pa rnams kyis kyang ste/ rin po che zhes pa ni lam bzang rin chen no/ /rtag tu ste dus gsum du'o/ /srog gcod pa ni sems can gsod pa'o/ /brdzun ni mi bden par smra ba'o/ /ma byin zhes pa ni gzhan gyi rdzas rku? ba'o/ /gzhan kyi dud med
 ni 'dod pa log par spyod pa'o/ /tshig rtsub po ni pha rol po'i gnad 'gems par byed pa'o/ /phra ma smra ba ni nyon mongs pa can gyi sems kyis phan tshun 'byed pa'o/ /ngag 'khyal ni 'dod pa la sogs pa dang ldan pa'i ha ha hi zhes pa la sogs pa 'dod
 chags yang dag par skyed pa'i tshig go /brnab sems ni pha rol gyi rdzas la log par chags pa'o/ /gnod sems ni gnod par byed pa'i sems nyid do/ /lnga ba ngan pa ni med pa'i lta ba'o/ /de bzhin du yod pa'i sdig pa lnga? ni 'tshe ba la sogs pa'o/ /
 nye ba'i sdig pa lnga ni chol lo sogs pa'o/ /ba lang la sogs pa gsod pa lnga'o/ /grogs po la sogs pa la 'khu ba lnga'o/ /mig gi dbang po lnga la sogs pa kun nas chags pa lnga'o/ /zhes pa 'di'i tshar lnga yin pas lnga pa rnam lnga ste chom
 rkun ba de rnams kho nas so zhes pa'o /'di lta ste/ 'tshe dang mi bden gzhan gyi bud med spongs shing/ gzhan gyi nor dang chang gi ltung ba de bzhin nyid/ 'khor bar rdo rje'i zhags pa yin te rang gi dge ba mthar byed sdig pa lnga po 'di rnams so/ /tsho lo kha
 na mtho bcas pa'i zas dang tshig ngan glog dang 'byung po lta min 'dbang po'i chos/ /ba lang byis pa bud med skyes pa rnams dang lha mi'i bla ma gsod pa lnga ni mi bya'o/ /grogs po rje bo rnams dang lha dang mi yi bla ma dge 'dun yir? brtan rnams ?
 yang/ dbang po rnams ni kun nas chags pa'i zhes pa srid pa'i bdag po'i brtul zhugs rnams ni nyi shu lnga zhes pa'o/ /sdig pa can gyi las shes bya ba bar du gcod pa byed pa ste/ mtshams med pa lnga po byed pa rnams kyang nang du bsdus
 pa'o zhes pa'o/ /'di rnams 'ba' zhig gis lam bzang rin chen 'phrog par ma zad kyi/ shin tu bza' dang btung ba rnams kyis dang/ sna tshogs longs spyod rnams kyis kyang ngo/ /bza' ba ni shin tu sha la sogs pa bza' ba'o/ /btung ba ni ching
 'thung ba la sogs pa'o/ /shin tu ni brgyal ba'i chos kyis so zhes pa'o/ /longs spyad par bya bas na longs spyod de phreng ba dang tsandan dang bung med dang mal stan? la sogs pa sna tshogs pa bkra ba'o/ /brtson 'grus ldan pa la yang ste lam bsgom pa
 la spro ba'i bo/ /brjod ma thag pa'i brtson 'grus bstan ba 'ba' zhig gir ma zad kyi brtson 'grus dang ldan pa'i yang ngo zhes pa yang gi sgra'i don to/ /bag med ba ni shin tu bza' ba dang btung ba la sogs pa dang mi dge ba'i grogs po dang
 'grogs pa'o/ /de'i phyir brgyal ba ste sems med pa nyid du gyur pa la 'phrog par byed pa kho na'o/ /rnam pa sna tshogs pa'i srid pa'i longs spyod la mngon par dga' ba ni dge ba byed pa rnams kyi yang bar du gcod par byed pa brjod ces pa'o/ /'o na
 de ltar lam rim po che yongs su rtog pa po la mngon par dgongs nas bar du gcod par byed pa'i skyon rnams brjod pa ma yin nam/ lam thob pa rang nyid yongs su rtog pa po ma yin pa la brjod pa ci zhig ce na gsungs pa rang nyid ces pa la sogs pa'o//
 ci ste gang gi phyir rang nyid yongs su rtog pa po min pa gang de'i phyir gzhan cig shes g.yon can khram pa chen po la ston te rang nyid yongs su rtog pa po min pas rin thang chen por 'gyur ba shes ched du/ g.yon can gzhan la ston te min zhes pa'i//
 de yi tshig la rin chen 'dor bar byed/ /rin thang chen por 'gyur ba ste rin po che chen po yin nam zhes shes par bya ba'i ched du'o/ /des smras pa mi 'gyur ro/ /de nas de'i tshig las te g.yon can gyi dag las 'dor bar byed pa kho na'o zhes pa'o/ /de bzhin
 kho nar shes rab 'chal pa'i rigs can ni sdig pa'i grogs po'i dag las lam bzang rin thang med pa'i rin po che thob pa yang gtong bar byed do/ /zhes pa lam rin po che yongs su rtog pa don du gnyer ba rnams kyi yang sdig pa'i grogs po dang nye bar
 'grogs pa'i skyon brjod do/ /zhes pa'o/ /'o na de ltar lam rin po che rnam par shes par bya na rang nyid yongs su rtog pa po ma yin pas ni gang gi zhe na bden mod de ni ga la te gang rnams kyis skabs las rin po che chen po yongs su rtog par byed du
 gzhug pa de rnams kyi ni rnam dag ngag? gis te mi slu ba'i tshig gis ci ste gsal bar rnam par bya ste rin thang med pa rin po che 'di'o zhes nges par bya'o/ /de ltar kho na rigs kyi bus lam rin po che thob pa dge ba'i bshes gnyen gyi tshig las
 'di ni rin thang med pa'o zhes legs par yongs su brtag pa shin tu brtan par byas nas lhag par rjes su 'brel bar bya dor bar mi bya'o zhes dge ba'i bshes gnyen la brten pa ni rtag tu dge legs kyi ched du legs par bshad de
 lam rin po che bsgom pa la brtson pa rnams kyi yang ngo zhes pa'o/ /de ltar lam bsgom pa la rab tu zhugs pa'i yang bdud kyi las rnam par spangs pa med par sems brtan par 'gyur ba ma yin no zhes pa de'i phyir de kho na ston pa gsungs pa
 bdud ces pa la sogs pa'o/ /bdud sdig can ni yang dag par rdzogs pa'i sangs rgyas rnams kyi gzugs rnams su sprul nas lam bsgom pa la rab tu zhugs pa'i byang chub sems dpa' i bgegs te bar du gcod par byed de/ ji skad du/ 'di
 ni bla na med pa yang dag par rdzogs pa'i byang chub kyi ched du ba'i lam ma yin la/ gang gis khyod gnas pa'i lam 'dis 'ga' zhig kyang nges par 'byung ba dang nges par 'byung bar 'gyur ba dang nges par 'byung ba yang ma yin
 no zhes pa la sogs pa rig par bya ste rgyas par 'phags pa shes rab kyi pha rol tu phyin pa'i bdud kyi las kyi le'ur gsungs pa las shes par bya'o zhes pas bdud kyi las kyi skyon nye bar spangs nas thams cad nye bar bsdu ba gsungs pa de phyir zhes pa
 la sogs pa'o/ /ci ste gang gis phyir lam 'phrog pa'i rgyu mtshan 'di yod pa de'i phyir te rgyu'i phyir ro/ /chom rkun rtsa la gces pa nye bar mtshon pa ste/ the tsom la sogs pa yang yongs su btang byas te 'bad pas te gus pa chen po bla ma dam
 pas byin pa'i lam bzangs rin chen khyad par du 'phags pas legs par sba ba rab tu gsal ba ma yin par slob ma rnams kyis bya'o zhes pa thar pa 'dod pa rnams kyi lam rin po che yongs su bsrung ba gsungs so/ /zhes pa'o/ /'o na thar
 pa'i ched du lam gzhan yang yod pa ma yin nam nges na 'di la gus pas ci zhe na/ gsungs pa dpa' bo zhes pa la sogs pa'o/ /dpa' bo'i rim pa ni phyi rol gyi drag po'i lha mchod pa dang dmigs pa la sogs pa'i mtshan nyid can
 no/ /rang byin gyi rlab pa'i rim pa ni sems kyis zhi ba'i rnal 'byor gyi sgo la dmigs pa'i mtshan nyid can no/ /thar pa'i ched du sangs rgyas rnams kyis yang dag bstan pa min zhes pa'o/ /bstan pa 'di ci zhig yin zhe na gsungs pa/
 shin tu rnam dag rim pa gcig tu'o zhes pa ste/ rdzogs pa'i rnal 'byor gnyis su med pa'o// //gal te 'di lta bu ji ltar shes par bya zhin gsungs pa bde ba nyid kyi zhes pa la sogs pa'o/ /rgyu gang zhig gis rgyal
 ba'i dbang po rnams kyi mtshams med lnga po byed pa rnams yang dag bzung ba ste dbugs byung bar gyur pa'o/ /mtshams med pa lnga po rnams ni/ ma gsod pa dang pha gsod pa dang/ dgra bcom pa gsod pa dang/ dge 'dun 'byed pa dang ngan sems kyis de
 bzhin gshegs pa la khrig 'byin pa zhes pa'o/ /lnga po rnams kyi gang yang rung ba'i skyon gyis par mtshams med pa kho nar mnar med par skal par gnas par 'gyur te/ des na mtshams med par brjod do/ /bde ba nyid kyis te
 thabs bde bas so/ /dbang don gyis te bzhi pa'i don gyis so/ /gzhan du na mtshams med pa lnga po byed pa rnams dpa' bo'i rim pa drag po'i las kyis zil gyis mnan pa rnams dang/ rang byin gyis brlab pa'i rim pa 'khor
 ba'i bde ba shin tu 'phel ba'i bag chags kyi rgyud rnams kyis thar pa thob pa ma yin te/ rgyud nges shes pa'o/ /'o na gal te rim pa gnyis po 'di rim pa ma yin par khyed sems na de'i tshe bcom ldan 'das kyis ci'i don du gsungs shes
 gsungs pa dpa' bo zhes pa la sogs pa'o/ /hi ste gang gi phyir lus la srog zad pa 'di gsungs pa de'i phyir dpa' bo'i rim pa phyir rol la min no/ /'o na de ltar lus la dang byin gyis brlab pa gsal lam zhe na gang gi phyir rang gi sems
 byin gyis brlab pa so sor snang ba ste de yang stong pa la khams gsum pa nyid mthong ba'o/ /mtshan zhes pa rab tu grags pa'o zhes pa'o/ /'gro ba'i don byed pa rnams kyi shin tu rnam par dag pa'i rim pa rnam par gzhag pa yang gsungs pa'o zhes pa'o//
 'o na rang byin gyis brlab pa ni khams gsum pa mthong ba nyid du gsungs pa de mthong ba las de mi ldog pa'i phyir des na 'khor ba gzhan du gyur pa'i mtshan nyid can sangs rgyas nyid ji lta bu dang 'dra bar srid par 'gyur zhe na/ gsungs pa 'khor
 ba zhes pa la sogs pa ste/ 'khor ba khams gsum pa snying po med pa brdzun pa slu ba'i chos can la sangs rgyas nyid de de thams cad mkhyen pa nyid dang/ rnam pa thams cad mkhyen pa nyid dang lam mkhyen pa nyid dang lam gyi rnam
 pa mkhyen pa nyid dang stobs bcu dang mi 'jigs pa la sogs pa rnam par 'byor ba'i mtshan nyid can ni 'bras bu ste snying por 'gyur ro/ /de zad las te 'khor bzad pa las so/ /de 'khor bzad pa'i bar mchod du ci dang 'dra bar 'byung zhen chu shing gi 'bras
 bu bzhin dang 'dra bar zhes pa ste ji ltar snying po med pa'i chu shing la 'bras bu snying po 'bras bu smin pa chu shing nyams pas yang dag 'byung ba de bzhin du sangs rgyas nyid kyang ngo zhes pa'o// //'o na sangs rgyas nyid kyis grub par
 byed pa byang chub kyi sems su 'dod na de kho na nyid ni de kho na nyid kyis sgrub par byed pa'o zhes pa'i gsung las/ de yang sgyu ma las skyed pa nyid kyi phyir sgyu ma ni rig pa yin la des 'jug pa'i de ji ltar sangs rgyas kyi sgrub par byed par 'gyur bar 'os shin
 gsungs pa/ sdig pa zhes pa la sogs pa'o/ /sdig pa ni shU ka'i srin bu'o/ /ku lIr ra ni kar ka Ta'o/ /gang gi skabs las byung zhing 'byung bar nang gi ma de de rnams kyis nyams par byed pa ji lta ba de bzhin zhes pa de ltar rnal 'byor gyi sems te rnal
 'byor ni thabs dang shes rab snyoms par zhugs pa'o/ /de la yod pa'i sems ni dbang bzhi pa ste gang sgyu ma ma rig pa pho ba'i chos can gyi skabs las kun rdzob tu skyes pa yin zhing de rnam par nyams par byed par 'gyur ro zhes pa'o/ /sgyu ma dang bral
 pa na 'khor ba slar ldog pa med par brjod de de kho na nyid kyi rnal 'byor pa rnams dbugs dbyung ba'i don du'o// //'o na byang chub kyi sems ni sems po'i khams su 'dir brjod la de yang sems po ma yin pa mchog tu mi 'gyur ba'i ye
 shes sangs rgyas nyid kyis sgrub par byed pa ji ltar brjod cen khu bar 'gyur ba med pa'i rang bzhin gyis mchog tu mi 'gyur ba bsgrub par byed ces pa'i gsung gi phyir ro/ /de nyid kyi phyir de kho na nyid rnal 'byor gyi sems 'di'i mchog tu mi 'gyur ba'i ngo bos bcu
 drug bzhi'i rab tu dbye ba gsal bar byed pa gsungs pa gnyis med ces pa la sogs pa'o/ /gnyis shes bya ba 'khor ba dang mya ngan las 'das pa'i sems te de gang la yod pa ma yin pa'o zhes pa'o/ /nor bu dang pad+ma las g.yo ba med
 pa'o/ /zhes pa g.yo ba med do/ /rjes su 'gro ba ste shes rab dang thabs kyi bdag nyid 'di la yod pa ma yin no zhes pa rjes 'gro med do/ /bla na med pa'i bde ba rab tu sbyin pa nyid kyi phyir 'dod pa'o zhes rnal 'byor bzhi pa'o/ /brgya phyag drug lhag pa'i stong phrag nyi shu rtsa gcig gis dbugs 'gog pa'i phyir mchog tu mi 'gyur ba'o/ /chags pa dang chags pa dang bral ba'i phyogs dkar po dang nag po zhes pa dag gi gnas dang bgrod pa med pa'i phyir 'dod chags chen po'o/ /
 rnam pa dang bcas pa dang rnam pa med pa las nges par grol ba nyid kyi phyir dngos po dang dngos po med pa'o/ /shes bya ma lus pa mthong ba'i phyir ye shes so zhes pa rnal 'byor gsum pa'o/ /'gro ba dga' bar byed pa sngon ma nyid
 kyi phyir ram chags pa med pa nyid kyi phyir sems pa'o/ /dang po dang bar dang tha mar dge ba byed pa nyid kyi phyir kun tu bzang po'o/ /bdud dang nyon mongs pa dang rnam par rtog pa dang bral ba'i phyir sgra ste grags pa phyi dang nang gi brjod pa'am
 yang na rab tu sgrogs shing rnam par lhod pa'i seng ge'i sgra can gyis yul 'di la yod pa ma yin pa'o zhes pa sgra 'thab pa med pa'o/ /gzhom du med pa'i sgra'i ngo bo nyid phyir 'di'i sgra ste grags pa chen po'o zhes pas sgra che pa'o zhes
 pa rnal 'byor gnyis pa'o/ /'jig rten gyi sbyang ba rnam par spangs pa nyid kyi phyir lhan skyes so/ /sku bzhi'i sgrib pa zad pa'i phyir dpal byang chub sems kyi thig le 'dzin pa'o/ /stong pa nyid dang snying rje dag dbyer med pa nyid kyi
 phyir dpal dus kyi 'khor lo rdo rje'o/ /tshul khrims kyi tshogs yang dag par rdzogs pa nyid kyi phyir shes rab thabs kyi bdag nyid rnal 'byor ro zhes pa rnal 'byor dang po'o/ /shes rab thabs kyis bdag nyid rnal 'byor de 'di kho na rgyud thams cad du rgyu
 dang 'bras bu'i bdag nyid kyis 'bras bu don du gnyer ba rnams la nges par bstan to/ /dpal ldan dri ma dang bral ba'i 'od kyi rgyud la 'jug pa'i bshad sbyar brgya phrag bcu gsum pa mi g.yo ba'i snying po snang bar lam 'phrog pa'i rgyu mtshan
 bshad pa'i nges pa ste lnga pa'o// //da ni gnyis med la sogs pa bcu drug bzhi'i rab tu dbye ba can rdo rje'i rnal 'byor dpal dus kyi 'khor lo 'di nyid kyi go 'phang thob pa'i tshad du rim pa ji lta bar rnal 'byor ma'i zhabs dren pas
 thig le bcu drug gi sgrib pa 'jigs pa chen po'i nye bar 'tshe bzhi bar byed pa gsungs pa/ snying rje zhes pa la sogs pa'o/ /snying rje dang stong pa nyid dag mi phyed pas nye bar mtshon pa'i sku 'di'i yin pa zhes pa'o/ /snying rje ni dmigs pa
 med pa'i dus shes pa ste/ 'gyur ba med pa'i bde ba dang ye shes dang thabs dang snying rje'i bdag nyid ces pa kun rdzob gzugs can ma'o dmigs pa dang bcas pa'i stong pa nyid rdul phra rab med pa'i ngo bo 'khor lo zhes pa ste shes bya'i rnam
 pa'i 'gro 'khor lo/ /dpal ldan shes rab stong nyid bdag ces 'chad par 'gyur ro/ /de'i phyir dus kyi 'khor lo gnyis med 'dod ces so/ /gnyis su med pa shes rab dang thabs kyi bdag nyid dpal dus kyi 'khor lo 'di'i dpal dus kyi 'khor lo 'di'i dpal
 'jig rten pa dang 'jig rten las 'das pa'i phun sum tshogs pa rang dang gzhan gyi don gyi mtshan nyid can no/ /de thob pa'i ched du rnal 'byor ma rnams te rdo rje'i dbyings kyi dbang phyug ma la sogs pa rnams dang a ba d+hu d+hi la sogs pa rnams kyang ngo/
 de rnams kyi zhabs bsgoms par bya zhes pa kha cig tu gzhan gyi ched kyi tshig can la bdag gi ched kyi tshig go/ /bgegs nyems pa ni dgra dang seng ge la sogs pa'i nye bar 'tshe ba zhi pa'o zhes pa'o/ /'gigs zhi ba de nyid mdor bstan
 pa gsungs pa dgra dang zhes pa la sogs pa'o/ /'dir rigs kyi bu 'am rigs kyi bu mo gang la la zhig mtshan dang nyin du rnal 'byor ma 'chad par 'gyur ba rnams kyi'o/ /kyang gi sgra ni rim pa tha dad pa la ste zhabs kyang dran par
 byed pa de'i gsal bar te nges par dgra dang seng ge la sogs pa rnams nyams pa ste mthong ba med par 'gyur ro zhes pa'o/ /da ni 'jigs pa chen po bcu drug zhi bar byed pa'i tshiD? bcad bcu drug rnams kyis rgyas par bshad pa
 gsungs pa glang chen zhes pa la sogs pa'o/ /glang chen ni glang po che'o/ /shing rta ni shing rta rnams so/ /rta ni rlung ltar mgyogs pa'i rta'o/ /mi ni dpung bu chung rnams so/ /glang chen la sogs pa de rnams thams cad
 kyang yin la go bgos pa'i lus can yang ngo zhes pa'o/ /phal cher glang po che zhon pa rnams 'dir rang gi lag gis mdung dang shing rta la gnas pas 'khor lo zhes pa mda'i 'khor lo dang rta la zhon pa rnams kyi ral gri dang rkang
 thad thams cad kyi mda' gzhu zhes pa mchod cha'o/ /de rnams rang gi mchon rnams kyis bcom ste rgyal ba'i grags pa thob par 'gyur zhes pa bdag gi ched can gyi tshig can la gzhan ched kyi tshig go zhes pa'o/ /don ni 'di yin te phyi rol gyis ji lta 
 ba la gnyis kyi stobs rnam par gnon par bya ba'i ched du lhan cig bgrod par byed do zhes pa g.yul te der gnas pa'i dgra bo shin tu gdug pa dpung? yan lag bzhi rnams dang ldan pa gshin rje lta bu 'chi ba'i gnas sngo bo
 che lta bur thogs pa med pa'i nus pa can 'byung ba'i bdag po lta bur drag po'i gzugs can gzhom par mi nus pa gang de yang dka' ba med pas rnal 'byor ma'i zhabs dran pa'i stobs kyi byin brlabs las rang gi mtshon rnams kyis bcom
 chos rgyal ba'i grags pa'i dpal la rten par byed do/ /de bzhin du lus la yang gnyis kyi dpung ste srid pa dang mya ngan las 'das pa zhes bya bar dkar po dang nag po'i phyogs 'grogs so zhes pa g.yul te 'dir nor bu dang pad+ma'i lte bar brjod par bya'o//
 der gnas pa'i ye shes kyi lhan cig skyes pa'i dga' ba'i thig le thog ma med pa'i srid par nges par 'byung ba dngos por mngon par zhen pa'i bag chags kyis lhag par bsgos pa srog chags ma lus pa rnams kyi mthar byed gzhan pa lta bur shin
 tu 'khrugs pa phung po dang khams dang yul dang dbang po'i sogs rnams dang lhan cig pa phyed dang bcas pa'i brgya phrag bcu gsum gyi gyi srog ma 'gags pa'i bdag nyid 'jig rten gsum bdag po nyid la sogs pa rnam par nyams pa kun
 nas skyed par byed pa gang yin pa de skad cig gcig kho na mnyam par bgrod pa'i zhabs bsgom pa'i stobs bskyed pa las yan lag drug gi mtshon rnams kyis nges par bkag ste 'jig rten pa dang 'jig rten las 'das pa'i dpal
 bsgrubs nas 'gro ba'i don mdza' dag byed par nus par 'gyur ro zhes pa'o/ /da ni seng ge gsungs pa kun nas sgrogs shes pa la sogs pa'o/ /phyi rol du ni shin tu grags pa'o/ /nang du seng ge ni sems kyi lhan cig skyes ba'i
 dga' ba thig le bskyed pa'o/ /seng ge'i sgra ni 'gyur ba'i dbugs so/ /shin tu rnam par 'gyur ba'i gdong ni shin tu skyo bas rnam par khyab pa'i gdod pa'o/ /mche ba rnon po gtsigs pa ni so'i las kyi sbyor bas shin tu gdug pa'o/ /snga ma ni
 'dir rdo rje'o/ /gser pa zhes pa'i don la g.yo ba bzhin pa'o/ /sder mo gug la brtan pas glang chen myos pa'i glang pa mchog tu 'gems/ 'khyog cing rno ba'i rtse mo can brtan zhing ring pa yang pan? po de rnams te/ de rnams kyis
 myos pa'i diSh+TA dang sa na'i bum pa dag ste nu ma zung dag gang gis mchog tu 'byed pa'o zhes pa'o/ /rab khros ni khams 'khrug par gyur pa'o/ /nyi ma shar pa'i mig can ni chags pa bde ba skyes pa las nyi ma shar ma thag pa'i mig dang ldan
 pa'o/ /ngo 'dzin ral gri g.yo ba ni phyag rgya'i kha rnams kyis lce bcing pa los lce'i ral gri bskyod pa'o/ /ral pa can ni nor bu dang pad+ma'i gsar dang ldan pa'i phyir ro/ /gsod 'dod ni thig le ltung ba dang ldan pa'i phyir 'ching bar byed
 'dod pa'o/ /ring du 'gro par 'gyur ba ni dri ma med pa nyid du gyur pas 'gro'o zhes pa'o// //glang po'i bdag po ni 'dir dag gi lhan cig skyes pa'i dga' ba'i thig le'o/ /mdog sngo zhes ba dud? can ma'i rtsa ste chung du
 las gzhan rgyas par byed pa'i phyir kha dog nag por 'gyur ro/ /'chi ltas 'byung ba'i phyir mig ser skya ste 'dren byed dri ma can no/ /myos byed ni lag ldan gyi dAn la zhu ba bzung bar bya'o/ /de nas 'gram pa gnyis po myos byed chu ni
 rab tu mang bas gang/ 'gram pa gnyis po'i bar ji srid pa ste kha cig tu ring po la thung du'o/ /rab tu mang ba'i sgra las gnyis pa'i ma da thob ste bdag nyid kyi sbyor ba las shes pa btsal? du rjes su 'brel ba dang bcas ba'i mtshan nyid kyang byed de//
 shes rab kyi sgra rtsad nas 'byin par byed cing grugs par byed de bral gnyis la sogs pa gnon zhing kun nas len pa sprin bzhin sgra sgrogs byed ces pa'i don la sgrogs bzhin pa ste dbugs 'byung bar byed bzhin pa'o/ /gcig pa ni u
 ra'i zhags pa ste sprul gyi zhaD pa la sogs pa'o/ /rtse mo ni tor tho'i cha'o/ /so'i rtse mos 'byed par byed de nor bus rab tu stobs la sogs pa byed pa'o zhes pa'o/ /de yang so sor ldog pas khams mdza' dag g.yo ba byung ba 'dis kyang? de'i
 lus gtong bar byed do zhes pa'o// //me ni 'dir lus kyi lhan cig skyes pa'i dga' ba'i thig le'o/ /me lce ni lus kyi drod de 'di'i 'bar pa ste khyab par gyur pa'o zhes pa'o/ /kun nas te thams cad nas so/ /phyogs dang
 mcham su ste rim pas g.yon pa'i yan lag dang g.yas pa'i yan lag gi lag pa dang rkang pa la sogs pa rnams su'o/ /kun tu du ba'i mun pa chen pa ste kun tu ste rna ba dang snal sogs pa dang gdong la sogs pa rnams su rab tu dga' ba shin tu
 bsten pa las du ba ste gyen du g.yo ba yin zhing des mun pa ste dbang po rnams yul rnams la 'khrul pa'i'o?/ /chen po ste rab tu skyes pa'i mur thug pa skyes pa'i kun tu du ba'i mun pa gang gis yin pa zhes ba'o/ /me stag ste thig le'i tshogs
 rnams so/ /gang las shen/ grong dang dgon pa gcig tu bsregs pa las te grong ni gtsug tor gyi 'khor lo dang/ /dgon pa gsang ba'i pad+ma ste de dag gcig ste bar ma chad pa yang 'di yin la bsreg pa yang 'di'o zhes pa de dang 'di
 yang gtum mo 'bar ba'i rnal 'byor las so zhes pa'o/ /dus kun tu shin tu dga' ba'i dus tshod ji ltar 'gyur bar ro zhes pa bya ba'i khyad par ro/ /'chi ba ni byang chub kyi sems dang 'bral ba'i mtshan nyid can no/ /phyogs kun
 gsod pa'i 'khor lo'i mdza' i mtshan nyid can no/ /rab tu thob pa ste mngon par khyab pa'ang 'di yin la/ 'khor lo drug bde ba dang bral ba'i mtshan nyid can me ste lus kyi lhan skyes dga' ba'i thig le yang do/ zhes pa las 'dzin pa'o/ /bsil ba
 nyid ni grang ba nyid de mi shes pa dang ma rig pas nyams pa'i chos can zhes pa'i bar ro/ /'gro ba ste pha rol tu byed do zhes pa'i don to/ /gdengs can dbang po ni ye shes kyi khyad par dga' ba'i thig le'o/ /khams 'khrugs pa nyid kyi phyir khros
 pa'o/ /mun pa mang ba nyid kyi phyir mig sman sngon po'i mdog can no/ /dug ces pa ni gdengs can ji lta ba bzhin zhes pa'i tshig las so/ /'khyog por bgrod pa'i lus can ni 'khyog po ste rgya gyur bgrod pa gad gi yin pa de 'dra ba'i lus
 te gzugs 'di yi'o zhes pa'o/ /drag po'i phung sgra ldan pa ni 'jigs par byed pa'i 'gyur pa'i dbugs dang ldan pa'o/ /mche ba 'khyog po zhes pa ni mche ba ni g.yon pa dang g.yas par 'bab pa yin la de dag gis 'khyogs? po mi
 mnyam pa dang mnyam pa bgrod par 'bab pa med pa'i phyir ro/ /lce gnyis ldan pa ni phyugs kyi steng du brjod bsal le lo'i yid do/ /'chi ba'i 'jigs byed ni brgyal ba'i sdug bsngal ster ba'o/ /rlung gi shugs can zhes ? srog dang
 thur sal dag 'khor bar byed pa'i phyir rlung gi shugs dang 'dra ba 'di'i shugs so zhes pa'o rab tu gtum pa ni rab tu gyur pas gtum pa ste gtum mo gad las yin pa'o/ /yang dag phra dang ni gsang ba'i pad+ma'i lte bar mngon par son pa'o/ /bde
 bas brgyal bas gyen du lta bar byed pa nyid kyi phyir drag po'i mig can no/ /gdengs ka gsal bar byas pa ni rnam pa sna tshogs la dga' ba nyid kyi phyir longs spyod dang rnam par ma bral ba'o/ /za bar byed ces pa'i don la za bzhin pa'o/ /rgyal ba ni
 dug skyugs pa'i dang tshul lo/ /nyams pa ste mi mthong bar rab tu 'gyur te rab tu gyur bar bgrod pas so zhes pa'o/ /chom rkun pa ni sems kyi khyad par dga' ba'i thig le rnams so/ /mang po'i tshig ni phyi rol la ltos
 pas so/ /dgon par te gsang ba'i pad+ma dang lte ba'i 'khor lo'i bar du'o/ /sdang ba'i sems ldan ni rnam pa sna tshogs pa'i shin tu dga' ba la nye bar longs spyod pa'i phyir bla na med pa'i bde ba nges par 'phrog pa'i bsam pa'o/ /lag mthil
 gyi gzhu yis shes pa byed pa la gsum pa'o/ /rna ba nas rna ba'i bar der mda' rnams bkang pa ni rna ba'i bar du mda' bkang ba ste gang gis shes pa'o/ /rkang pa'i mthil las ga la sogs pa'i stabs byas pa rnams shes par yang blta bar bya ste
 gzhan du na rkang pa brtan pa ma yin pa rnams mkha' yi bya ba ji ltar 'grub ces pa'o/ /dam pa'i lam gyis ni dri ma med pa nyid kyi grong khyer du rab tu 'jug pa'i phyogs so/ /mdung dang ni 'khor lo ral gri lag thogs shes pa mdung gi sgras
 dbyug pa'i rnam pa a ba d+hu tI la brten pa'i rlung ngo/ /de yang mi bskyod pa byang chub kyi sems su brjod par bya'o/ /'khor lo ni rnam par snang mdzad de bshad pa'o/ /ral gri ni don yod grub pa ste gci ba'o/ /gyen du rtsa gsum du 'phangs pa
 las gshang ba la sogs pa gang rnams 'og tu bgrod pa de rnams kho na mtshon cha nyid kyis lag pa la brten pa rnams te de'i bya ba rab tu 'jug pa'i phyir ro/ /phrad pa ni rang gi yul du thob pa'i mtshan nyid do/ /chags ba che ba nyid kyi phyir drag po'i
 mig can no/ /lam 'gro na skye bo rgyu ba ni dbugs phyin pa'i byang chub kyi sems so 'joms byed pa ni so sor 'joms par byed pa'o/ /ring du 'gyur ba ni gnas gang nas 'ongs pa nyid du song nas gnas so zhes pa'o/ /bcings pa ni ngag gi
 khyad par dga' ba'i thig le'o/ /dpung pa dag ni zhags pas bcings shing rkang pa'i pad+ma zung dag lcags sgrog rnams kyis bsdams shes pa yan lag bcu gnyis kyis 'khor lo 'gags pa'i rlung rab tu rgyu ba'i phyir ro/ /dge ba'i chu ni lha yi bdud rtsi
 ste ye shes shis pa'i don to/ /de dang bral ba las te btang ba las so/ /lce dang mi ? nam? mche? sgams shes pa 'dir bdun pa'i tshig sdud pa'o/ /yang na sgra bzang po smra ba'i 'dod pa 'khrul pa'i don du phyi ma'i tshig la gnas pa'i naSh+NA dang 'bru mang po'o/ /khu
 bas bskyed pa le'o zhes mang du gsungs pa'i phyir lce na sems so/ /rin chen dbang phyug bdag pa nyid kyi phyir mgrin pa ni dag go /chu yi khams skyed par byed pa nyid kyi phyir mchu ni lus su brjod par bya'o/ /des na lus dang dag dang sems
 tshogs pa dang mi ldan pa ni skam pa ste yongs su nyams pa ni gang gis lus chu srin la sogs pa khyim bcu gnyis kyi 'khor lo'i bdag nyid yin pa zhes pa'o/ /bkris pa ni 'gyur ba'i bde ba zhes bya ba yin la nges gzir ba ste skye bar
 'dod do/ /srung ma rnams kyi mi 'dod chags dang zhe sdang dang gti mug dang brgyal ba la sogs pa rnams kyis so/ /rje bo khros pa'i bka' yis te/ /rje bo ni haM yig go /de yis khros pa'i bka' yis te gtum mo 'bar ba'i mtshan/
 nyid can gyis bsrung bzhin pa ni nged rnams las 'da' bar mi rung gis dbang po med pa'i bde ba nyid du song zhig ces pa'o/ /nyin mtshan dus su ste dbyu gu drug cu'i bdag nyid pad+ma'i 'dab ma bcu gnyis su'o/ /'di las te rlung gi zhags
 pa dang lcags sgrog gis bcings pa las grol par te dbang po med pa'i bde pa nyid du 'gro ste son par byed do zhes pa'o/ /chu'i gter ni las kyi khyad par dga' ba'i thig le'o/ /zhon pa ni mos pa'o/ /chu gter bzhon pa la ste rdo rje theg
 pa la'o/ /tshogs pa dang mi ldan pa sna tshogs pa'i rlabs 'khrugs pa yang 'di yin la chu gter te zla ba'i dbugs kyang ngo zhes pa'o/ /ci rnams kyis she na drag po'i rlung rnams kyis te a ba d+hu tI'i 'gyur ba'i dbugs rnams
 kyis so/ /kun tu 'khor byed pa ni 'og tu bgrod par ro/ /chu srin zhes pa ni byang du bgrod pa'i 'pho ba'o/ /nya zhes pa nya'i mnyam pa'i 'pho ba'o/ /rigs kyi sgra yis bgrod pa'i mnyam pa dang 'brel pa lhag ma'i 'phe ba bcu rnams bzung bar bya'o/ /
 chu gter chom rkun rnams kyis ni srid pa'i bag chags kyis khyad par rnams kyis so/ /bkag gyur pa ni gyen gyi srol du bgrod pa 'gog pa A ta bor pa'o/ /gdug pa rnams kyiS chags bral las skyes pa'i sdug bsngal ster ba po rnams kyis so//
 me yis til mar grol ba rnams kyis ni/ /me'i til mar grol ba khams 'khrugs pa'i skad cig gang rnams kyis yin pa zhes pa'o/ /me yis char chen po kun nas rgyun tu 'bab pa las ste lte ba'i pad+ma'i ze 'brur rgyun mi 'chad par
 drag po'i gtum mo 'bar ba'i char ba 'bab pa byang chub kyi thig pa gang du yin pa zhes pa'o/ /chu gter 'khrugs pa de las pha rol ni rab kyi mthar thug pa ste/ dri ma med pa nyid ji srid par ro zhes pa'o// //ro langs rnams ni ye
 shes kyi mchog dga' ba'i thig le rnams so/ /mang po'i tshig ni rtsa rnams mang ba nyid kyi phyir ram yang na phyi rol la ltos pas so/ /'jigs byed pa ste 'jigs pa sgrub par byed pa'o/ /ci rnams kyi she na/ phaT yig rnams kyis lus kyi rtsar
 dbugs 'bab pa rnams kyis so/ /'jigs rung sgra rnams kyis te / /g.yas pa'i rtsar dbugs 'bab pa rnams kyis so/ /kha nas me 'bar rnams kyis te gtum mo spyod pa'i dbu ma'i rtsa'i me ste 'gyur ba'i dbugs rnams kyis so/ /gri
 gug ni sems gcod pa'i bdag nyid can dung can ma'i rtsa'o/ /thod pa ni nor bu dang pad+ma'o/ /de dag giS nye bar mtshan pa'i lag pa rnams kyis te g.yon pa dang g.yas pa dkyil 'khor lnga 'bab pa'i bdag nyid rnams kyis so/ /phyogs bcu'i
 dkyil 'khor du ste/ rtsa bcu'i bdag nyid snying gi pad+ma'o/ /dkyil 'khor dang 'dra ba ni dkyil 'khor te 'khor yug go /de la yang dag par gnas pa'o/ /gdug pa'i sems ldan ni bde ba chen po la zhe sdang ba can no/ /sha za ba ni sems
 nyams ? nyid kyi phyir mig la sogs pa rnams 'jigs par byed pa'o/ /bkres pa ni ma rig pa ste/ des mchog tu mnar ba nyid kyi phyir gzir ba'o/ /mi khrag la dga' ba ni zla ba zad pa las rdul steng du son pa yang dag par chags pa'o/ /de nyid
 kyi phyir gsar ba la sogs pa'i 'khor lo yongs su nyams pa nyid kyi phyir lus skam pa'o/ /srid dang thur sel gyi rtsa rnams kyis kun nas bkag pa med pa nyid kyi phyir gos dang bral ba'o/ /'og tu ltung ba las steng du bsrung pa'i ched du bsrung ba
 ste bde legs su bgrod pa zhes pa'o// //nad na sems kyi mchog tu dga' ba'i thig le'o/ /sor mo'i rtse mo'i zlum po nyams shas pa la lag ldan gyi lag pa dang zla ba dang lcags kyu la sogs pas rnam pas
 pad+ma rnam par zhu ba'i phyir gang gi phyir sor mo'i rtse mo zlum po nyams te zhig par nye bar son pa'o zhes pa'o/ /nyin bzhin 'khung pa ni 'dod chags kyi shugs kyis brang phug pa la sogs pas yongs su brgyan pa'i yan lag can no/ /sna
 dang mchu dang rna ba nyams pa ni sems dal ba las dbang po'i tshogs ma tshogs pa'o/ /rnag ni rang gi gnas nas g.yos pa'i byang chub kyi sems so/ /de yang mang po ste rnam pa mang por sdom pa dang sbom bcas dang pra ti syA ma dang rab drug? la
 sogs pa'i rnam pas 'bab pa'o/ /rma rlon rnams las te spom po dang phra mo'i rtsa ba'i tshogs rnams las so/ /gang du zhe na/ kha dang mgrin pa lag pa rkang par te gangs? sa? snying ga'i pad+ma'i lte ba la brten nas thams cad spro bar byed
 pa'i phyir ro/ /yongs su btang ba ni yongs su bor ba'o/ /gnyen gyi tshogs ni rnam par 'gyur ba'i phung po dang khams la sogs pa'i tshogs pa rnams kyis so/ /rul pa'i dri'i mthu las te/ rab tu nyams pa'i sems kyi byin brlabs las so/ /shi
 ba'i las bzhin zhes pa brgyal bas bskyed pa'i phung po dang khams la sogs pa'i tshogs pa'o/ /nad rnams kyis kyi 'gyur ba'i 'dod chags rnams kyis grol ba dang/ 'dod pa ste rdo rje yan lag med par de 'gyur ro zhes pa'o/ /dbang po'i pho nya ni
 dag gi mchog dga' i thig le rnams so/ /mang po'i tshig ni bya ba mang po rab tu 'jug pa'i phyir ro/ /gang rnams kyis bsdigs par byed kun nas/ bro bar byed pa'o/ /ci rnams kyis she na gdengs can 'phrog byed shar b+ha dang stag dang glang chen
 gdong rnams kyis so/ /'phrog byed ni seng ge'o/ /sha ra b+ha ni ri brag go /'di rnams kyis te dkyil 'khor lnga 'bab pa'i bdag nyid rnams kyis so/ /'bar bcas te gtum mo'i me'i 'od dang ldan pa rnams kyis so/ /rnon po ste rtsub por mche ba
 ste zung du 'jug pa'i bdag nyid can du ldan pa gang yin pa rnams kyis so/ /'khor lo ral gri mda' dang rtse gsum lcags kyu rdo rje'i lag pa rnams kyis shes pa dri dang reg bya dang ro dang sgra dang gzugs dang tshas kyi dbyings kyi yul la kun nas chags pa'i
 sna dang lus dang lce dang rna ba dang mig dang yid kyi dbang po'i bdag nyid rnams kyis so/ /'o na lcags kyu me'i khams kyi bdag nyid yin pa nyid kyi phyir ji ltar yul gzugs nyid du brjod ce na/ bden pa brjod mod dngos po khyad par yongs su 'gyur ba'i
 gzhi las so zhes pa'o/ /phyogs kun tu ? mgrin pa'i pad+ma'i 'dab ma rnams la'o/ /byang chub la ste 'gyur ba med pa bsgom pa la'o/ /bsam gtan ni so sor sdud pa bsgom pa'i dngos po la mngon par phyogs pa'o/ /de la gcig tu tha dad med par
 gzhol ba steng? las? 'di'i yin la zhes pa'o/ /mchog bde la gnas ni bde ba chen po dang kun nas 'brel ba ni rang gi yid la ste bde ba chen po'i rgyu can la 'jug go zhes pa lhag ma'o/ /zhabs ni 'chad par 'gyur ba'o zhes pa'o/ /dbul po
 ni lus kyi mchog dga' thig le'o/ /dbyar te zla ba'i gzugs zhu ba'i dus su'o/ /bur ba ni 'gyur pa'i bde ba khyer ba ste 'dren par byed pa'o/ /grong gi bar du ste nor bu dang pad+ma ji srid par ro/ /nags nas te mgrin pa'i pad+ma'i lte ba nas so/ /
 'dam rdzas kyis gang lam du ste rnam par rtog pa'i bde ba la lhag par gnas pa dbu ma'i lam du'o/ /dgun te bde bas brgyal ba'i dus so/ /kha ba'i lam ni 'gyur ba'i lam mo/ /srog dang thur sel gyi rtsa rnams kyis kun nas bkab pa med pa nyid
 kyi phyir gos dang bral ba'o/ /sogs ni khams mdza' dag 'khrug pa'i dus su'o/ /nyi ma'i 'od zer gyis gdungs pa ni gtum mo'i me 'bar bas gdungs pa'o/ /'jigs bcas mya ngan lam du ste 'jigs pa ste 'chi ba'i sdug bsngal gyi mtshan
 nyid can dang bcas pas 'jug pa'i mya ngan lam ste dga' bral bzhi'i lam du'o/ /chu med pa ni lha'i bdud rtsi'i ro myong ba dang bral ba'o/ /yul gzhan du zhes pa ni yul gyis ste gtsug tor gyi 'khor lo la sogs pa nor bu dang pad+ma'i mthar thug pa'i mtshan nyid can
 gyiS gzhan te bral ba'i yul ni chags pa dang bral ba'i mtshan nyid can te der ro/ /der gsungs pa/ srid las mya ngan 'das par ro/ /de las slar yang 'khor par 'gro /zhes pa'o/ /dbul pa ni zhi ba'i bde ba'i nor dang bral ba'o/ /zhabs bzang
 dag bsgom pa rnams kyis te/ skyes bu rnams kyi nang na gang sgom par byed pa rnams kyi'o/ /de rnams kyis te de ma thag par brjod pa'i sdug bsngal rnams kyis grol bzhes pa rnams dbye med pa'i tshig go /'dod dang ldan pa
 ste yid kyi shing rta kun nas rdzogs par 'gyur ro zhes pa'o/ /bud med dang bral ba ni ye shes kyi dga' ba'i thig le'o/ /gang rnams su mchan khung mig dang rna ba dang sna dang kha dang lus dang brjod pa las shes pa la mchan khung ni g.yon pa dang
 g.yas par dbugs 'bab pa'i mtshan nyid can te de'i gzugs dang sgra dang dri dang ro dang reg bya rnams su mig la sogs pa rnam par shes pa lnga rab tu 'jug pa'i phyir ro/ /kha'i sgras lce'o/ /lus ni lus kho na'o/ /brjod pa ni sgra la
 sogs pa'i yul gsal bar bya ba'i don du gsungs pa'o/ /drag por te brgyal ba'i chos can du ji ltar 'gyur ba ltar ro/ /dri ni dri'i bzhon pa ste dga' ba'i rlung ngo/ /skal ngan nyid ces pa 'di'i skal pa ste ye shes ngan pa'o zhes pa
 yan la/ de'i dngos po de nyid de ma rig pa zhes pa'i don to/ /dus kun tu ste mtshan mo dang nyin mor g.yon pa dang g.yas par 'bab pa'i mtshan nyid can no/ /bzang po'i dga' ba 'bral ba ste dga' ba bzang po ni bde ba chen po'o/ /de ltar
 bral ba ni spangs pa'o/ /gang las shin mi mo kun la bral phyir te/ kun yang 'di yin la nA rI rnams te rtsa stong phrag bdun cu rtsa gnyis rnams kyang ngo/ /de rnams la dga' ba'i rlung gis gang ba med pa de las shes pa'o/ /mi dge ba'i
 'bras bu'i dbang las te ma rig pa la sogs pa'i rkyen yod par gyur pa las so/ /bud med rnams kyis te a ba d+hU tI la sogs pa rnams kyi spang bar gyur te 'chi ba'i bdag nyid can no/ /bde ba mchog sbyin zhabs ni bsgom par byed pa de
 rnams kyi/ bde ba mchog ste bde ba chen po ster par byed do zhes pa de yang de yin la zhabs kyang ngo zhes pa'o/ /skal bzang nyid ni bde ba chen po'o/ /de las kha dog ste sna tshogs pa'i kha dog kyang yin la gzugs te zab cing rgya che ba'i mtshan nyid can yang
 ? pa kha dog gzugs can 'gyur zhes pa'o/ /me'i dbang po ni sems kyi dga' ba'i thig la'o/ /'khrugs pa ni rab tu 'khrugs pa'o/ /gdus phyir te pa rig pa'i bag chaD dang kun tu chaD pa'i phyir/ /mdza' gcig tu gsod pa la zhen zhes pa ni shin tu gsod pa la ste
 brgyal ba'i chos can la brtson pa'o/ /'jig pa'i gshin rje lta bur zhes pa 'jig pa ste 'chi ba'i dus su gshin rje ste nang ma'i byang chub kyi sems kyi bdag nyid can no/ /'khrug par gyur pa ni gsod pa'i ched du sgrub par byed pa de bzhin du 'di yang khyad par
 du skul bar byed pa'o/ /sde ni yang lag bzhi pa'i dpung ste 'dod chags dang zhe sdang dang gti mug dang brgyal ba'i mtshan nyid can no de yang 'chi ba'i 'jigs byed de sems rnam par nyams par byed pa'o/ /myur du ste ma 'gor bar ro/ /g.yog 'khor gang rnams
 la zhes pa sems kyi rgyun gyis bkol bar bya ba g.yog rnams te de rnams la zhes pa'o/ /sgom par byed pa de rnams kyi rang yid la ste dpral ba'i pad+ma'i lte bar ro/ /zhabs ni 'jig rten gsum pa kun gyi mgon po ste srid pa
 gsum po'i sa pa ma lus pa'i mnga' bdag go /de yang ste mo bdag 'khrugs pa yang ngo/ /'ba' zhig tu ma zad kyi sde yang rab tu zhi bar 'gyur ro zhes pa yang gi sgra'i don no/ /ni ste gang gi phyir 'khrugs pa zhi ba de'i rgyu'i phyir ro/ /yang
 dag pas sam kun sbyin pas shes pa rtag tu chags pa chen po mngon par dang bar byed pa zhes bya ba ni yang dag par bsam pa'o/ /sbyin pa ni sngags mi 'gyur ba ste 'pho ba gtong pa sbyin pa'o zhes pa la sogs pa gsungs pa'i phyir ro/
 de rnams kyi mchog sbyin pa 'pho ba med pa'i thig le'i 'phreng ba'i skad cig gis bde ba'i rab tu dbye bar 'gyur ro zhes pa'o/ /rdo rje ltung ba ni ngag gi dga' ba'i thig le'o/ /gang rnams kyi zhes pa nang gi rdo rje la ltos pas 'brel
 pa la drug pa'o/ /rnam pa gzhan du gang rnams la zhes pa thob bo/ /de yang 'chi bar byed do/ /'ga' zhig tuAng zhes pa lus la stegs te 'gyur na'o/ /brgyal par byed de so sor nye ba'i yul dus la'o/ /gang las she na/ mkha' la ste skabs las shes
 pa phyi rol ltos pas so/ /'o na tshigs su bcad pa snga ma bcu bzhi pa rnams su phyi rol la ltos bas rnam par bkral ba la ma yin nam zhe na ma yin te/ de rnams kyi phyi rol tu 'drir gsal ba nyid kyi phyir ro/ /de las slar yang bud med
 'grogs las shes pa'i tshig ni thams cad du blta bar bya'o/ /glo bur ba min pa'i zla ba thig le zad pas mkha' las te gtsug tor gyi 'khor lo las so/ /'ga' zhig tu ste 'chi ltas shar ba la sogs pa'i dus su 'chi bar byed do//
 glo bur ba'i sems 'phos pas 'ga' zhig tu zhes pa pad+ma'i snying por bud med 'grogs pa las te yang dag par sbyar ba las rtag tu ste dus thams cad du brgyal bar byed do/ /chags bral nyid du ni gnyis kar yang byed do/ /skye ba skye ba
 gzhan rnams las shes pa bdun pa'i don la lnga pa'o/ /skye ba ste skye ba 'di dang skye ba yid gzhan pa bar mchod pa skye ba gzhan der de pha rol gyi 'jig rten du'o/ /slar yang zhes pa ma rig pa'i bag chags kyis sa bon skyed par
 sad pa las so/ /dpal ldan las dang ye shes mchog gi chu skyes la son rdo rje'i zhabs ni sgom byed pa/ de rnams kyis shes pa la/ las shes pa las kyis phyag rgya'o/ /mchog ces pa phyag rgya chen mo'o/ /'di rnams
 kyi chu skyes pad+ma la son pa'o zhes pa'o/ /de yang de yin la rdo rje'i zhabs dpal 'jig rten pa dang 'jig rten las 'das pa'i phun sum tshogs pas nye bar mtshan pa yang ngo/ /de yang rdo rje lhung ba'o/ /rab du zhi ba ste nang du rengs pa nyid thob pa'o/ /de nyid kyi
 phyir rdo rje rengs pa dang khu ba steng du son pas slar yang skye ba ste phyir yang 'khor ba'i bag chags dang bral ba'i phyir mdza' nyid mchi ba dang chags bral du yang 'gro ba min zhes pa'o// //don thams cad nyams pa ni
 lus kyi dga' ba'i thig le'o/ /gang rnams kyiS te bag med par spyod pa rnams kyi nor kun nyams pa ni nor dang 'brum lus pa zad pa'o/ /zhes pa'i phyi rol pa ltos pas so/ /bud med 'grogs la chags pa bral las te chags pa'i bde ba
 nyams pa las slar yang ste phyir zhing skye ba gzhan rnams kyis shes pa bdun pa'i don la gsum pa ste skye ba gzhan rnams su'o/ /de ste nor nyams pa tshe 'pho? ba'i mtshan nyid can dang gser gyi rgyan la sogs pa rnams so/ /mang po ste
 rnam pa mang por rab tu gyur pas 'byung bas te/ bag chags bsgos pa'i sems pas te skye ba snga ma 'gyur ba'i bde ba'i rdzas nyams pa la zhen pa dang ldan pa'i yid las so/ /gang de dag gis rtag 'brel bar bsgom par byed pa
 de rnams kyi'o/ /mi mnyam pa'i zhabs te 'jig rten las 'das pa nyid kyi phyir dang bcu pa 'jig rten gsum dang thun mongs ma yin pas sems kyi zla ba de bzhin gshegs pas ji ltar rtog bde ltar rtog pa zhes pa'i bye brag bshad pa nye
 bar blangs nas mnyam pa ste mtshungs pa dang ldan pa yin la zhabs kyang ste gsang ba'i 'khor lor gnas pa rdul gyi chos can pa grong bya rten zhes pa'o/ /yang na gang mnyam pa dang mi mnyam pa dag gis te zla ba dang nyam dag gi zhabs te
 gnas nor bu dang pad+ma'i ni gsal lo/ /sna tshogs gzugs can ni mdza' yas pa dang mthun pa'i rang gi ngo bo'o/ /ci rnams kyi zhe na/ shes rab rnams kyi ste a ba d+hu tI la sogs pa rnal 'byor ma rnams kyi'o/ /gang mchod pa
 ste ye shes kyi sku thob pa las gtsug tor gyi pad+ma'i lte bar bzung ba'o/ /bstod pa ste 'gyur ba med pa'i bde ba las dri ma med pa nyid du drangs pa'o/ /su rnams kyis she na/ rgyal ba mchog rnams kyis te sgrib pa med pa'i phung po rnams kyis so//
 zhabs te sgom pa rnams kyi nor kun de ni mnyams pa'i zhes pa ste 'khor ba'i bag chags dang bral ba las so/ /kun te thig le'i dbye ba tha dad pa yang 'di yin pa don du gnyer bar bya zhing/ 'dod par bya bo'i zhes pas na nor 'ong ba dang 'ong ba ma yin
 pas yang ngo/ /mchog tu mi 'gyur pa'i ngo bos brtan par 'gyur zhes pa'o/ /'o na rim pa gang gis lus kyi dga' ba la sogs pa'i thig le rnams bcu drug bzhi'i rab tu dbyi bas 'char ba de kho na'i rim pas 'gog pa yang rim par bya ba ma
 yin nam/ des na sprul pa'i sku la sogs pa rnams sngon du bstan par rigs te/ gang ye shes kyi le'ur gsung bar 'gyur pa/ lus kyi dga' ba 'gag pa rnams las sangs rgyas kyi sprul pa'i sku'o zhes pa la sogs pa'o zhe na bden mod/
 ye shes kyi lhan cig skyes pa'i dga' pa'i thig le zhu pa nor bu dang pad+ma'i lte ba la 'gog pa las sku gsum gyi thig le rnams 'gog ste/ gsang ba las rdo rje nor bu ji srid par lhan cig skyes pa'i dga' ba ma ? pa'o zhes pa'i gsung las so/ /gnas
 bzung dag gi rim po'i don du sngar lhan cig skyes pa'i sku nyid kyis rgyas par bstan pa'o zhes pa'o/ /de nyid kyi phyir chos dang longs spyod rdzogs pa dang sprul pa 'di rnams ni dag pa'i sku las sbro bar bya'o zhes pa'o/ /'o na rnal 'byor ma rnams kyis
 rang gi ngo bo rgyas par mo bstan pa'i phyir dang/ de'i zhabs kyi mtshan nyid ma bshad pa'i phyir rnal 'byor ma de rnams ci yin pa dang zhabs gang dran pa 'jigs pa 'phrog pa'i zhabs de ci yin mi shes so zhe na gsungs pa/ rnal 'byor ma rnams shes pa la
 sogs pa'o/ /rnal 'byor ma rnams ni dmar ser dang i Da dang a ba d+hU tI rnams shes pa 'dir rnal 'byor te/ shes rab dang thabs kyi bdag nyid la srog dang thur sel bsdams pa las dang tshul te mi 'gyur ba'i sog rtsol yod do zhes pa
 rnal 'byor ma rnams so/ /dmar ser ni ro ma'o/ /i Da ni brkyang ma'o/ /a ba d+hU tI ni yid bzangs ma'o/ /'di rnams dang de rnams ni nyi ma dang zla ba dang sgra gcan gyi lam rnam pa gsum rms shes pa'o/ /nyi ma ni me'i khams kyi rang
 bzhin gyi phyir mgrin pa'i 'khor lo shes rab gsung rdo rje'o/ /de'i lam ni phyed dang bcas pa'i drug cu rtsa gnyis dang brgya phrag bzhi lhag pa'i stong phrag bcu'i dbugs 'bab po/ /zla ba ni chu'i khams kyi rang bzhin gyi phyir dbral ba'i 'khor lo
 thabs kyi sku rdo rje'o/ /de'i lam rnams ni phyed dang bcas pa'i drug cu rtsa gnyis dang brgya phrag bzhi lhag pa'i khri phrag bcu'i dbugs 'bab pa'o/ /sgra gcan ni stong pa'i khams kyi rang bzhin gyi phyir gzug tor gyi 'khor lo thabs kyi thugs rdo rje'io
 de'i lam ni bdun cu rtsa lnga lhag pa'i brgya phrag drug gi dbugs 'bab pa'o/ /rim pas g.yas pa dang g.yon pa dang dbu ma'i rtsa de rnams song ba ste steng du 'gags par 'gyur ba rnams rnal 'byor rnams so zhes ba'o/ kho na rtsa gzhan pa
 rnams kyang lus dang ngag dang sems nyid kyi gtso bo rnams yod de de rnams kyang bshad par rigs pa ma yin nam de ltar ni sa'i khams kyi rang bzhin las lte ba'i 'khor lo shes rab kyi sku rdo rje bshad ba'i rtsa zhes brjod bar bya'o/ /rlung
 gi khams kyi rang bzhin gyi phyir snying ga'i 'khor lo thabs kyi gsung rdo rje gci ba'i rtsa zhes brjod par bya'o/ /ye shes kyi khams kyi rang bzhin las gsang ba'i 'khor lo shes rab kyi thugs rje khu ba'i rtsa zhes brjod par bya'o/ /
 zhe na bden mod/ 'di rnams lam gcig pa mngon par sbyor ba'i phyir ba'i phyir shes rab dang thabs gcig gi ngo bo nyid kyis lus dang ngag dang sems la mi 'khrul ba'i phyir dang skye ba dang 'gog pa rnams su gcig gi sbyor bas 'bab pa nyid kyi phyir ma
 bshad do zhes pa dgongs pa'o/ /de gsungs pa/ zla ba'i lam gyis bshad ba'i rtsa/ nyi mas gci ba 'bab pa ste/ /skye 'chi mnyam pa chags pa la/ /sgra gcan gyis ni khu ba 'bab ces pa'o/ /de bzhin du gang zhig zla nyi mun pa can dang/ /bshad
 gci khu ba 'bab pa rnams/ /srog dang thur sel rim pa yis/ /de rnams lus ngag sems kyi rtsa/ /zhes so/ /de bzhin du zla ba nyi ma'i rtsa 'gags na/ bshad dang gci ba'i rtsa 'gag go /sgra gcan rtsa ni 'gags pa na/ /'og tu khu ba 'bab
 'gags 'gyur/ /skyed dang sdud pa'i byed pa can/ /'di rnams grol bas grol bar 'gyur/ /srog dng thur sel lam gsum las/ /'di ni rtsa yis kun spyod de zhes so/ /rnal 'byor ma 'di rnams kyi gang sngar bshad pa mnyam par
 bgrod pa'i zhabs dag ste g.yon pa dang g.yas par 'bab pa dag dbu mar rab tu zhugs pa las rlung ngag mnyam pa ste mtshungs par bgrod pa'o/ /zhes phyogs gnyis ka rdzogs par bshad do/ /dngos dang dngos med rab nyams de dag
 ces pa/ dngos po ni spro ba'i rim pas rnam par shes pa la sogs pa dkyil 'khor lnga 'bab pa'i bdag nyid g.yon par ro/ /dngos po med pa ni sdud pa'i rim pas sa la sogs pa dkyil 'khor lnga 'bab pa g.yas par ro/ /de dag gi
 ma nyams? te rab tu zhig pa'am de dga' ba tu nyams pa dag gang dag gi yin pa zhes pa yang na'o/ /rgya cher 'grel du kha cig tu zhes gsungs pa las dang/ sangs rgyas mang po la nye bar brten pa rnams shes pa la sogs pa sbyor ba mthong ba'i phyir
 skyon med do/ /de dag gi ste mnyam par bgrod pa'i zhabs dag gi 'gyur med de g.yo ba med pa'o/ /zhabs de 'di gcig ni ye shes kyi sku gtsug tor gyi 'khor lo'o/ /gnyis pa ni bde ba'i bzhi rten gnas rdo rje nor bu dang pad+ma'o/ /zhabs de dag
 dran par byed pa ste yan lag drug gi rnal 'byor gyis brtan par byed pa'i rnal 'byor pa de'i 'gyur ba med pa'i ye shes bsgom pa khams kyi rnam par 'gyur pa spangs pa ni rgyud kyi rgyal por 'jigs pa mdza' dag 'phrog par gsungs so/ /'jigs
 pa ni de ma thag par brjod pa'o/ /skye ba 'di la ni mi'i skye ba la yin gyi lha dang mi la sogs pa la ma yin no/ /de ltar mthong ba sngon ma can gang zhig dran pa sngon du phyogs pa zhes bya ba de nyid kyis bsngags pa gsungs pa gnas shes pa
 la sogs pa gsungs pa'o/ /'dir rnal 'byor ma rnams kyi ste a ba d+hU tI la sogs pa rnams kyi gnas te bzhin rdo rje nor bu'i khang pa'o/ /de 'jug ched du rgyal bas gsungs pa'i lam du ba la sogs pa'i mtshan nyid can brjod
 gsal bar byas/ /bdag gis te sa bcu'i dbang phyug 'jig rten dbang phyug gi sprul pa'i sku pad+ma dkar pos so/ /'dir zhes pa ni rgyud la 'jug par ro/ /de 'di yang bstod pa sngon ma can te/ bstod pa ni dpal ldan dus kyi 'khor lo la phyag
 'tshal zhes pa la sogs pa yin la de sngon ma can te gang gi thog ma yin pa zhes pa'o/ /nyon mongs pa med ces pa gang du sdang bshad pa bzhi po rnams dang bral ba ste mi mnyam pa'i bgrod pa rab tu 'grigs? pa gsal bar byed pa'i
 phyir ro/ /bdud mnyam shes pa gang du sngar bshad pa'i bdud bzhi rnams nyams pa ste nyam pa'i bgrod pa rab tu zhi ba bston pa'i man ngag yin pa'i phyir ro/ /gzhan yang skyes bu gang rnams bdud kyi grogs kyis te 'dod pa'i chung ma la
 sogs pa dang kun nas 'grogs pas song ba ste rnam par g.yos pa rnams kyi lam nyams par gyur pa de rnams la mthong par 'gyur ba 'di yis te bdag gis brjod pa yis so/ /rdo rje nor bu khyim dang ste rdo rje ni bdud dang nyon mongs pa rnams kyis mi
 phyed pa ste/ rlung rgyu ba dang mi ldan pa'i phyir ro/ /de'i nor bu ni rin po che ste bla na med pa'i dga' ba rgyas par byed do zhes pas so/ /de kho na khyim ste sangs rgyas thams cad kyi za ma tog ces pa'o/ /de rnams shes pa ni byang chub sems dpas
 mdzad pa'i rgya cher 'grel la lhag par mos pa bla ma dam pa'i zhabs kyi pad ma yang dag par bsten pa rnams so/ /ring min te nye bar 'ong gyur cig ces pa'o/ /'o na de ma thag tu bshad pa'i lam gyi rdo rje nor bu'i khang par 'jug par gyur
 pa la'ang lam sgom pa po la 'bras bu de 'gyur ram ci zhe na/ gsungs pa/ sum cu rtsa gnyis shes pa la sogs pa'o/ /'dir nam mkha' kun nas 'grogs pa'i sems dang ldan pa gang yin pa'i rnal 'byor pa de ni du ba la sogs
 lam gyi lhan skyes bde ba'i go 'phang bsgoms nas dus kyi 'khor lor 'gyur zhes pa ste/ sogs pa'i sgras smig rgyu la sogs pa mtshan ma dgu bo rnams dang so sor sdud pa las sogs pa yan lag drug rnams so zhes pa ste cha bcu
 drug rnam par dag pa las so/ /mtshan mo'i rnal 'byor gyis nang du 'dus pa las dang/ 'di rnams kho na nyi ma'i yan lag bcu gnyis rnam par dag pa las so/ /'dir zhes pa phyi rol tu rdo rje'i nor bu'i khyim du yang ngo/ /rim
 gyis bcom ldan 'das 'di ni sum cu rtsa gnyis mtshan gyi yan lag can zhes pa nye bar mtshon pa ste dpe byad brgyad cus brgyan pa'i sku can yang ngo zhes pa'o/ /de la mtshan rnams ni zhabs shin tu gnas pa la sogs pa rnams te ye shes kyi le'ur
 mchog tu mi 'gyur ba'i ye shes grub par bshad par bya'o/ /dpe byad rnams ni sen mo zangs ltar dmar ba nyid la sogs pa rnams te bsod nams dang tshul khrims dang ye shes kyi tshogs las byung ba rnams so zhes pa phyi rol tu'o/ /nang du bcom
 ldan 'das dpal dus kyi 'khor lo ye shes kyi sku ste spyi gtsug tu shar ba'i dbyangs sum cu rtsa gnyis kyi bdag nyid zla ba'i gzugs kyi brgyan par byas pa'i gtsug tor gyi 'khor lo dang/ 'og tu dang ba'i gsal byed brgyad cu'i bdag nyid nyi
 ma'i dpe byad las rdo rje nor bu'i pad+ma ste rim pas so/ /'gro ba'i ste 'dod pa dang gzugs dang gzugs med pa zhes pa dang lus dang ngag dang yid kyi mtshan nyid can gyi bla ma ste ston pa po dang mchog tu mi 'gyur ba'i ye shes rdo rje'o/ /chos
 kyi 'khor lor zhes pa la chos kyi phyi rol tu gsung rab yan lag bcu gnyis ta ji skad du/ /mdo sde dbyangs bsnyad lung bstan dang/ /tshigs bcad ched brjod rtogs par brjod/ /de lta byung dang gleng gzhi dang/ /shin tu rgyas pa skye
 rabs bcas/ /gtan la phab dang rmad byung chos zhes te/ /phyi rol du sor bcu gnyis pa'i rdo rje'o/ /nang du ni 'gyur ba'i ma rig pa la sogs pa 'gags pa las bden don bcu gnyis kyi bdag nyid la yang dag par gnas par
 gyur pa'o zhes pa'o/ /lha rnams kyi ste khyab 'jug dang gshin rje la sogs pa rnams kyi mgo bo'i gtsug gi nor bu'i 'od kyi tshogs kyis shes pa la phyi rol tu ni 'di shin tu grags par zad de/ 'od ni 'dir 'od zer ro/ /lus la ni
 lha rnams ni tshig bcu gnyis rnams so/ /de rnams kyi mgo bo'i gtsug gi nor bu ni rlung bsdam pa'o/ /de'i 'od zer gyi tshogs ni rtsa stong phrag bdun cu rtsa gnyis rlung rnams kyis yongs su gang ba nye bar blangs nas te/
 de rnams kyis gcig tu 'dus par gyur pa nyid kyi phyir gtugs pa'i zhabs kyi pad+ma zhes pa ste/ zhabs dag gi ste zla ba dang nyi ma'i mtshan nyid can dag gi pad+ma dag ste gtsug gtor dang nor bu'i pad+ma dag gtugs te sbyar la gang gi yin pa zhes
 tshig? sdud byas nas yi ge bsnan par bya'o/ /yang dag lam zhes pa la lam ni phyi rol du srog gcod pa las ldog pa dang/ sbyin pa la sogs pa la rab tu 'jug pa'i mtshan nyid can no/ /lus la ni rnam pa gzhan du ste srog gcod pa la
 sogs pa la rab tu 'jug pa dang sbyin pa la sogs pa ldog pa'i mtshan nyid can de rnal 'byor srog gcod pa ni zhes pa la sogs pa dang/ nor ni gtong ba sbyin pa zhes pa la sogs pa gsungs pa'i phyir ro zhes pa'i/ /yang dag pa'i sgra
 nye bar blangs pa ni lam ma yin pa la lam gyi blo gsal ba'i don du'o/ /yang dag pa'i lam ma yin pa 'tshe ba la sogs pa'i bdag nyid ma dang dkyil 'khor gyi 'khor lo bsgom pa la sogs pa'i mtshan nyid can gyis ni rim pa bzhin du
 'jig rten dang 'jig rten las 'das pa'i 'bras bu rab tu sgrub par byed pa ma yin te/ lam rab mchog ni dam pa rnams kyis 'byung bar bya'o zhes pa'o/ /ston byed ces pa 'dir yang yang yig yi ge nyams par rig par bya'o/ /nyin
 mor byed pa ni nyi ma ste nor bu'i pad+mar rdo rje kho na'o/ /mun pa thams cad bcom pa ni gang gis ma rig pa la sogs pa nag po'i chos gcig 'ong ba'i mtshan nyid can bcom pa'o zhes pa'o/ /rdzogs pa'i rim pa lam gcig bu
 'di ni rgyud kyi snying por shin tu gsal ba kho nar bshad de/ ji skad du so sor sdud sogs drug po rnams kyis stong nyid bsgom pa stobs bcu'i stobs dang ldan pas gsungs/ /mtshan mo du ba la sogs rnal 'byor slar yang nyin par nam mkhar sgron
 ma la sogs kyang/ /so sor sdud pas rnal 'byor pa yis nam mkha' i mthil du son pa'i dus gsum gzugs rnams mthong/ /da la bsam gtan gyis ni phyi rol dngos rnams spangs nas sems brtan par yang byed/ srog rtsol rnams kyis srog rlung ri bong can
 dang nyi ma dang bral mun can yang 'bab byed/ /slar yang 'dzin pa'i yan lag gis ni thig ler dbugs dbyung dbugs rdu? dag gis dman par byed/ mkha' la rjes su dran pas rang gi gzugs las ri bong can las bzhin du 'od chen spro/ 'khor
 lo nas ni 'khor lor ting nge 'dzin gyis 'gro ste spyi bo dri med bde bas rdzogs par ro/ /nam mkha' lta bas gti mug mdza' ru 'gyur te stong pa nyid ni mthong bas so/ /bdag nyid ltabs 'dod chags mdza' ru 'gyur te srog gi rlung ni 'gags pa
 na'o/ yan lag med pa'i lta bas zhe sdang mthar 'gyur 'khor lor bdri med rnal 'byor las/ srog gi lta bas nga rgyal mdza' ru 'gyur te gzhom med tshangs pa'i rnal 'byor las/ srog dang thur sel nges par 'gags na sangs rgyas gzugs la dri
 med dam pa'i dkyil 'khor 'gyur/ /gsang sngags lte ba snying gi chu skyes mgrin pa mgo bo spyi bor sa bzung rim pas so/ /khu ba steng dang rdul yang 'og tu son pas gzhom du med pa'i tshangs ba'i dbyangs las ni/ sku dang gsung dang thugs
 kyi rdo rje dri ma gsum spang sangs rgyas ygang gis ston byed pa'o zhes pa'o/ /'o na du ba la sogs pa'i lam bsgoms nas bcom ldan 'das dus kyi 'khor lo'i ting nge 'dzin la snyoms par zhugs pa yang dag par rdzogs pa'i sangs rgyas lta la
 sogs pa rnams kyi ston pa por yang dag par gyur pa/ gang gis bka' yis khyod rgya cher 'grel byed pa'i phyir du 'bad pa 'di su zhig yin zhe na/ gsungs pa/ gang zhig ces pa la sogs te/ gang bcom ldan 'das dpal
 shAkya seng ge zhes pa la shAkya'i rigs su 'byung bas na shAkya ste/ de yang 'di yin la seng ge dang 'dra bas na seng ge ste mi 'jigs pa nyid rgyas pa'i phyir dang bzhom du med pa'i nus pa can yang do zhes pa ste/ ji skad du gsungs pa/ 'dir
 bcom ldan 'das de bzhin gshegs pa dgra bcom pa yang dag par rdzogs pa'i sangs rgyas so zhes bdag nyid kyi dam bca' mdzad pa la 'dir 'di la chos 'di rnams khyod kyis mngon par rdzogs par byang chub bo zhes lha dang bcas pa
 bdud dang bcas pa tshangs pa dang bcas pa dge sbyong dang bram zer bcas pa'i lha dang mi dang lta ma yin gyi skye dgu ru sa zhig gis chos dang mthun par rgol ba bskyed pa'i rgyu mtshan yang dag par rjes su ma mthong ste/ rgyu mtshan yang dag
 par rjes su ma mthong bas de bzhin gshegs pas bde ba thob cing mi 'jigs pa thob par gnas te/ khyu mchog rlabs po'i gnas su dam 'cha'o/ /'khor gyi nang du seng ge'i sgra sgrog go /chos kyi 'khor lo dge sbyong dam bram
 bre 'am gzhan sus kyang 'jig rten du chos dang mthun par ma bskor ba rab tu bskor ro zhes rgyas par ro/ /de nyid las seng ge nyid kyi phyir bdud dang nyon mongs ri dags gsod byed rab gtum zhes pa/ bdud dang nyon mongs kyang de rnams
 yin la ri dags dang 'dra bas na ri dags rnams kyang ngo zhes pa'o/ /de rnams gsod pa po yang 'di yin la rab tu gtum ste bzhom du med pa'i nus pa can yang ngo zhes pa'o/ /rtag tu dus thams cad du'o/ /lha dang mi dang lha
 ma yin dang mi'i dbang pos yongs su bskor nas dpal ldan 'bras spungs kyi mchod rten gyi nang 'og dang steng du rgyang grag lhag pa'i dpag tshad drug la gnas pa'i dpal dus kyi 'khor lo'i dkyil 'khor gyi shar sgo'i mthar rin po che'i seng+ge'i
 bri la bzhugs pa'i bcom ldan 'das kyis/ ma 'ongs pa'i dus su sems can mang po rnams yongs su smin par gzigs nas nyung du'i rgyud kyi rgya cher 'grel bya ba'i ched du bdag la gnang ba mdzad do/ /de'i phyir de'i snying rje yis rgya cher
 'grel bri'o? zhes pa bcom ldan 'das de'i 'gro ba ste sems can thams cad la brtse ba gang yin pa de yis shes pa 'dis ni rgya cher 'grel byed pa la khyad par gyi rgyu bshad do/ /'o na bcom ldan 'das sa bcu'i dbang phyug nyid kyi
 phyir shes rab chung ba yin pas bcom ldan 'das sa bcu gnyis kyi dbang phyug gi dgongs pa ma shes pa kho nar de'i brtse ba tsam gyi dbang gis rgya cher 'grel byed pa la zhugs pa yin na rgya cher 'grel byas kyang ji ltar 'gro ba'i don
 byed par 'gyur te de ltar ni dper na shes rab yongs su dman pa 'ga' zhig gis sman pa dam pa'i gdams dag ma shes par rims la 'o ma'i btung ba rab tu bsngags so zhes pa thos nas brtse ba dang ldan pas rims bzhin gzhon
 nus mnar nga'i rang gi bu la 'o mas rigs gso bar bya bar brtson pa lta bu ste 'o ma de yang rims rgan pa bde kan zad pa la bdud rtsi lta bur bshad pa la rims gzhon nu la dug dang 'dra ba'o/ /de'i phyir snying brtse btsam gyis
 phan pa dang bde ba'i ched du phun sum tshogs pa ma yin no zhe na gsungs pa/ de'i shes rab kyis bskul zhes pa la/ de'i shes rab ni zab pa dang rgya che'i mtshan nyid can de des bskul ba'o/ /'gro ba mdza' dag gi don dngos su ston ba'i phyir
 spro ba'i blo gros so/ /ji ltar kho bo yang dag par rdzogs pa'i sangs rgyas kyi stong pa dang snying rje dag dang bral bas rgya cher 'grel ma byas par gnas par spro ba yin/ ji ltar ma 'ongs pa'i dus su sems can
 thams cad kyi snang ba byas par 'gyur ba yin zhes pa'o/ /dpal ldan dri ma dang bral ba'i 'od kyi rgyud la 'jug pa'i bshad sbyar brgya phrag bcu gsum pa mi g.yo pa'i snying po snang bar 'jigs pa chen po bcu drug gis nye bar 'che ba zhi
 bar byed pa'i nges pa drug pa'o// //da ni bcom ldan 'das dpal dus kyi 'khor lo'i mtshan gyi don yi ge re res gsungs pa/ kA yig las ni zhes pa la sogs pa'o/ /rgyu ni byang chub kyi sems te lus zhes
 bshad pa'o/ /zhi ba ni sad pa'i gnas skabs zang pas rnam par rtog pa dang bral ba ste dbral bar lus kyi thig le 'gog pa las sprul pa'i sku'o/ /de ltar gyur pa na rmi lam gyi gnas skabs zang pa'i bdag nyid ni srog thim pa ste
 dag gi thig le 'gog pa las mgrin par longs spyod rdzogs pa'i sku'o/ /sad pa dang rmi lam gyi gnas skabs su sgra la sogs pa'i yul rnams rnam par spyod pa ni g.yo ba ste 'pho ba'i chos can mun pa ? gyis gnan pa'i sems
 khams bco brgyad kyi rnam par 'gyur ba dang ldan pa'o/ /de bcings pa ni mun pa dang bral ba shin tu gnyid log pa sad pa ste sems kyi thig le 'gog pa las snying gar chos kyi sku'o/ /'di ci las shen gsungs pa/ kra yig
 las shes pa ste rim pa ni lus la sogs pa'i thig le rnams 'pho ba yin la de bcings pa ni lhan cig skyes pa'i bde bas te bzhi pa'i gnas skabs zad pa g.yo ba'i bgrod ba can ye shes kyi thig le 'gog pa ste bar lhan cig skyes
 ba'i sku'o/ /zhes sku bzhi'i bdag nyid do/ /bcom ldan 'das dus kyi 'khor lo shes rab dang thabs kyi bdag nyid de kho na shes pa dang shes bya'i 'brel pas brjod de/ ji skad du 'gyur med bde ba ye shes sgrib pa thams cad zad pa'i rgyur gyur pa ni
 dus zhus brjod de/ thabs dang snying rje'i bdag nyid mngon par shes pa drug gi bdag nyid do/ /zhes bya'i rnam par 'gro ba 'khor lo/ /shes bya khams gsum pa mdza' yas pa'i dngos po'i mtshan nyid ni 'khor lo ste/ de nyid shes
 rab stong nyid rnam pa thams cad pa'i bdag nyid do/ /'di dag gcig pa nyid ni dus kyi 'khor lo zhes bshad do/ /rgyud kyi rgyal por yang/ mdza' yas sangs rgyas zhing rnams dang ni dpag med yan tan rnams dang nam mkha' la sogs khams
 rnams dang/ gnas dang skye dang nyams dang rnam gsum zhes pa'i srid pa dang ni 'gro ba drug tu sems can kun/ sangs rgyas khro ba lha tshogs rnams dang snying rje'i thugs ldan byang chub sems dpa' btsun mor bcas rnams te/ /'di
 rnams srid pa gsum po rnams kyis phyag byas rgyal ba bde 'byung gcig po'i 'khor lo gcig yin no zhes so/ /snying po'i don 'di brjod par byed pa dang brjod par bya ba'i 'brel pa med par gsal bar 'gyur pa ma yin no zhes
 gsungs pa 'di'i zhes pa la sogs pa'o/ /'di'i zhes pa yi ge so sor bshad pa'i dus kyi 'khor lo 'di dang slar yang 'di'i zhes pa bshad ma thag pa'i rdo rje'i rnal 'byor gyi'o /bden pa gnyis la gnas pa'i zhes pa/ kun rdzob kyi
 bden pa la gtsug tor la sogs pa'i 'khor lo drug po khams drug gi rdo rje btsun mo'i b+ha ga'i ngo bo rnams su bde ba chen po'i ngo bo nyid kyis gnas pa nyid kyi phyir ro/ /don dam pa'i bden pa la ni slar yang gnyis su med pa'i chos kyi khams kyi
 rnam par 'gyur ba dang bral bas so/ /thams cad du zhes pa thams cad du bcom ldan 'das gnas pa nyid kyi phyir ro/ /ji skad du ye shes kyi le'ur gsungs pa/ dus dang sna tshogs la sogs rdo rje skyes bu dpe zla med pa
 thams cad du 'gro ? pa med/ gzugs gcig tu gnas rna ba dang ni sna dang kha dang mig ste thams cad nas ni phyag dang zhabs/ /'byung ba'i mdza' ste 'byung po'i mgon po srid pa gsum po mchog 'dzin rgyu rnams kyi ni rgyur gyur pa/ /rig
 pa la sogs rnal 'byor gyis ni rtogs bya mchog bde'i go 'phang dus kyi 'khor lo la phyag 'tshal zhes so/ /? rdo rjer yang/ nga las 'gro ba thams cad 'byung/ /nga las srid pa gsum yang 'byung/ /nga yis 'di dag thams cad khyab/ /'gro ba'i
 rang bzhin ? mthong zhes so/ /bde mchog la sogs par yang/ /kun nas phyag dang zhabs kyi mdza' / /kun nas mig dang dbu dang zhal/ /kun nas thos ldan 'jig rten du/ /thams cad khyab par te gnas zhes/ /rnam pa de lta
 bu'i brjod par bya ba tshig gis rtogs par bya ba'i mngon par brjod par byed pa nyung du'i rgyud kyi rgyal por ni brjod byed du 'gyur ro zhes pa mngon par brjodpar byed pa dang mngon par brjod par bya ba dag gi brjod bya dang rjod byed kyi mtshan nyid kyi 'brel
 pa bshad par 'gyur ro zhes pa'o/ /brjod byang brjod byed kyi 'brel pa 'di kho na bde blag tu rtogs pa'i ched du rgya cher 'grel gyi dgongs pa sangs rgys kyi lung bstan pa sngon ma can gsungs pa/ 'dir zhes pa la sogs pa'o/ /'dir te dus kyi
 'khor lo mngon par brjod par ro/ /rgyud ces pa kun rdzob dang don dam pa'i bden pa la brten pa'i bcom ldan 'das dus kyi 'khor lo 'dis rgyud du bya zhing bye brag tu rtogs par byed pas ni rgyu de gzhung bsgrigs par brjod par bya'o/ /de bzhin gshegs
 pas lung bstan pa/ /'jig rten mgon po bdag gis ni zhes pa/ /rgyas 'grel byed pa pad dkar 'dzin ces pa'i gsung las sangs rgyas kyi bka' ste des so/ /e? gsal bar ro/ /'jam pa'i dpal gyis bsdul nyid kyis te 'jam
 dpal gyi sprul pa'i sku mi'i dbang po grags pas so/ /ji skad du gsungs pa/ sangs rgyas kyis ni gsungs las dus kyi 'khor lo bdag gis kyang ni phreng 'dzin sde ba sbyor bcings pas brjod/ /pad+ma dkar po rdo rje 'dzin pa khyod kyis
 'di ni sngags pa rnams la bstan pa nyid du mdzod/ /ces pa 'di'i phyir bdag gis rgya 'grel bri bar bya/ gsang ba gsal byed pa gsang ba sbya bar bya'i don rab tu gsal bar byed do zhes pa'o/ /gang du zhe na rgyud du ste/ nyung du'i dus kyi
 'khor lor ro/ /'o na rgyud kyi rgyal por 'di ni rdo rje'i gnas rab tu gsal ba ma yin nam/ ji ltar sbas pa srid ce na/ bden mod yul mang po nyid kyi phyir rgyud kyi rgyal po 'di gsal por brjod pa yin yan/ 'jig rten las 'das pa'i
 don ni byis pa'i mkhas pa bden pa ma mthong ba rnams dang/ rmongs pa bstan bcos la goms pa med pa rnams kyis rtogs par nus pa ma yin no zhes gsungs pa/ byis pa'i mkhas dang rmongs rnams la zhes so/ /'khor ba'i bde ba
 la kun nas chags pa'i phyir byis pa 'ang de rnams yin la/ phyi rol gyi bstan bcos tsam yongs su shes pa'i phyir/ mkhas pa rnams kyang ngo zhes pa'o/ /bden pa mthong ba'i byang chub sems dpa' rnams kho na mkhas pa'o zhes
 pa'o/ /ma yis bu la phan pa bzhin zhes pa/ dper na ma yis phan pa ste/ gsang zhing sbas pa'i nor gdug pa'i bu'i 'jigs pa las pha yis sbas nas bsrungs pa/ dus la ma bab par yang bu rnams bde ba'i don du rab tu gsal
 bar byas nas ston par byed pa de bzhin du gdug pa'i slob dpon gyis 'jigs pa las bcom ldan 'das kyis dgongs pa dang dgongs pa ma yin pa dang sgra dang sgra min dang drang ba dang des pa'i don rnams kyis
 sbas pa'i don gang yin pa gsang ba de yang/ dbang po la rab tu gsal bar byed pas byis pa'i mkhas pa dang rmongs pa rnams la khyad par med par phan pa ste/ 'gro ba'i don byed pa'i bde ba chen po'i don du rab tu gsal bar
 byed do zhes pa'o/ /de lta bu'i rgya cher 'grel kyi don dang mthun pa'i mtshan nges par bstan pa/ rgyud la 'jug pa nye bar bsdu ba sngon du 'gro bas gsungs pa/ yang dag lam zhes pa la sogs pa'o/ /gang gi phyir rdo rje sems
 dpa' i zhes pa bcom ldan 'das dus kyi 'khor yang dag lam/ rgya cher 'grel pa gang gis rnal 'byor pa rnams kyis thos byed de rab tu thob par byed pa de'i phyir ro/ /'dir zhes pa rgyud la 'jug par ro/ /rgyud la 'jug pa'i dag
 nye bar bsdus nas dri ma med pa'i 'od ces bya ba'i rgya cher 'brel 'di ni 'di ni myur du ste ma 'gor bar ji ltar 'gyur ba de ltar yang dag par bri bar bya'o zhes sbrel lo/ /log pa'i shes pa la sogs pa mun pa'i chags rab tu 'joms par byed pa'i phyir
 na/ dri ma blo ngan pa'i skyon rnams gang gi 'di las bral ba'o zhes pa ste/ rgya cher 'grel gang bzhi pa'i don gang la sogs pa'i gnas rab tu gsal bar byed pa'i phyir rab tu gyur pa yang 'di yin la/ 'on te 'od zer zla ba'i cha
 bcu drug gi sgrib pa dang bral ba las gsal bar byed pa yang ngo/ /zhes pas rgya cher 'grel gang gi 'od dri ma dang bral pa yin pa de ni de skad ces brjod do/ /rgya cher 'grel gyi don dang mthun pa brjod par bya ba la zla ba'i cha bcu
 drug gi sgrib pa dang/ chos mi mthun pa nyid gsal bar byed pa'i sngags pa sbyor ba de rgyu ci'i phyir zhe na bden te/ gang 'di phyag na rdo rje'i sprul pa'i sku rgyal po zla ba bzang pos rtsa ba'i rgyud kyi rgya cher 'grel stong phrag drug cu pa dri ma dang bral ba'i
 'od ces bya ba mdzad pa de nyid/ spyan ras gzigs kyi dbang phyug gi sprul pa'i sku rgyal po pad+ma dkar pos mchen de kho nas stong phrag bcu gnyis rnams kyis yang dag par bsdus so/ /shes pa de'i phyir zla ba'i sbyor ba rigs te/ phyi dang
 nang gi bdod? chags kyi sgrib pa nyid kyi phyir ro zhes pa'o/ /gang gsung bar 'gyur bar bzang po yang 'di yin la zla ba bzang po ste/ de bzhin gshegs pa thams cad kyi nyan pa por gyur pa rdo rje zla ba dri ba la 'od do
 zhes ba'i phyir rgya cher 'grel yang dri ma dang bral ba'i 'od ces bya ba'o zhes gnas so/ /zhes rtsa ba'i rgyud kyi rje su 'jug pa stong phrag bcu gnyis pa nyung du'i rgyud kyi rgyal po dus kyi 'khor lo'i rgya cher 'grel pa dri ma dang bral ba'i 'od du
 bdud dang bgegs mdza' dag nyams par byed pa mchog tu 'dod pa'i lha dang dam pa'i lam des pa'i mdor bsdus chen po dang po'i zhes pa'i sgra ni dag rdzogs pa la blta bar bya'o/ /rtsa ba'i rgyud kyi rjes su 'jug pa 'dis snying po'i don la mi
 'khrul ba'i nges par bshad do/ /bdud dang bgegs thams cad nyams par byed pa mchog gi 'dod pa'i lha dang dam pa'i lam zhes pas brjod bya dang dgos pa'i nges pa gsungs so/ /stong phrag bcu gnyis pa zhes pa 'dis tshad kyi nges pa gsungs
 so/ /dus kyi 'khor lo'i rgyud nyung du'i rgya cher 'grel du zhes pa 'dis ni 'grel pa bshad pa'i nges pa mngon par gsungs so/ /dri ma dang bral ba'i 'od ces pa 'dis ni mtshan gyi des pa bstan to/ /nges pa zhes pa 'dis ni rnam pa
 gzhan du bya ba ma yin no bstan to/ /mdor bsdus chen po'o zhes pa 'dis ni nyud du'i rgyud kyi rgyal po'i rgya cher 'grel du ming nges pa gsungs so zhes pa'o// //dpal ldan dri ma dang bral ba'i 'od kyi
 rgyud la 'jug pa'i bshad sbyar brgya phrag bcu gsum pa mi g.yo ba'i snying po snang bar phyi dus kyi 'khor lo nges pa ste bdun pa'o// //'di ni chos kyi rje shed lo tsA ba rdo rje rgyal mtshan gyi bka' drin la brten nas legs bar sbyar ba brda
 sprod pa'i tshul pa blo'i snang ba cung zad skyes pa dbang lo tsA ba dge slong dpal ldan blo gros brtan pas bsgyur cing zhus te gtan la phab pa'o// //paN+Di ta la mamnyan zhing/ rgya dpe rnying pa 'ang ma rnyed pas/ /'di la 'khrul
 pa ci mchis pa /mkhas pa rnams kyis bzod pa mdzod/ /slar yang mkhas pa gzur gnas pa/ /rgya dpe dag po rnyed pa yis/ /tshig dang don la legs brtags nas/ /'khrul pa mchis na bcos par gsol/ /dge 'dis
 myur du srog chags kun/ /rnam kun mchog ldan stong nyid dang/ /mchog tu mi 'gyur bde ba dag /rtogs shing thob nas kun mkhyen shog /'dis 'gro ba du ma la phan par gyur cig/ //
 pad+ma can? rtse? dka' 'grel zhes bya ba bzhugs// /*/ /rgya gar skad du/ pad+ma ni nA ma pany+dzi ka /bod skad du/ pad+ma can zhes bya ba'i dka' 'grel/ dpal dus kyi 'khor lo la phyag 'tshal lo/ /rnam pa kun tu yon tan skyon phun?