<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N854: bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu pa bcu gnyis pa dri ma med pa'i 'od ces bya ba<br><table><tr><td>
<input type="button" onclick="location.href='tcompletep.php?id=N854&coll=TN&volcur=1';" value="show page break" />
<td width=150><td>
<input type="button" onclick="location.href='tcompletel.php?id=N854&coll=TN&volcur=1';" value="show line break" />

<td width=150><td>
<a href="tcompleteu.php?coll=TN&id=N854&volcur=1" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">text in 2 volumes<br><br><a href="tcomplete.php?id=N854&coll=TN&volcur=0">volume 1 </a>- <span style="color:red;border: 2px solid red;border-radius: 5px;padding:3px;">volume 2</span> - <br><br>dpal dus kyi 'khor lo la phyag 'tshal lo/ /rta la sogs pa sbyin pa rnam bcu gang gis sbyin pa don gnyer
 rnams la byin/ /bsod nams ye shes stobs ni chen po de yis bdud la sogs pa bcom byas te/ /dpal ldan chos
 dbyings dri med gsung gi dbang phyug dkyil 'khor du ni dbang bskur nas/ /thams cad ston pa gcig pu'i yul la lung bstan
 sangs rgyas de la phyag 'tshal lo/ /de bzhin dus 'khor bde chen po/ /sku gsum mchog dang dkyil 'khor gsum/ /rdo rje
 gsum mchog rdo rje'i dbyangs/ /'gyur pa med la phyag 'tshal te/ /bsod nams ye shes 'bras thob slad/ /rtsa ba'i
 rgyud ni rtogs pa las/ /rgyud 'dir dbang gi le'u la/ /'grel bshad bdag gis bri bar bya/ /'dir dpal ldan ka lA pa'i grong gi lho
 phyogs ma la ya'i skyed mos tshal gyi dus kyi 'khor lo'i dkyil 'khor gyi khang pa'i shar sgo'i mthar nor bu rin po che chen po'i khang
 bzangs na/ nor bu rin po che chen po'i seng ge'i khri la bzhugs pa/ de bzhin gshegs pas lung bstan pa 'jam dpal gyi
 sprul pa'i sku rgyal po grags pa la nyi ma'i shing rtas gsol ba btab pas/ mchog gis dang po'i sangs rgyas las zla ba bzang pos gsol ba btab pa'i
 don rab tu ston par byed pa'i tshigs su bcad pa dang po/ /bsdus pa'i rgyud kyi dbang bskur ba'i le'u las lus la sna tshogs tshad ces pa la sogs pas
 bstan pa de nyid de bzhin gshegs pas lung bstan cing 'jam dpal gyis bskul ba/ 'jig rten dbang phyug gis sprul pa'i sku pad+ma dkar po bdag
 gis mdor bsdus chen po'i 'grel bshad kyis rgyas par bya ste/ 'dir lus la sna tshogs tshad dang zhes pa la sogs pa nas dkyil 'khor dag
 ni bstan du gsol zhes pa'i mthar thug pa ni zla ba bzang pos gsol ba btab pa'o/ /de nas zla ba bzang po'i tshig dag gsan nas bde bar gshegs
 pas dus kyi 'khor lo'i dkyil 'khor rab tu gsungs zhes pa la sogs pa dbang gi le'u'i tshigs su bcad pa mdza' dag ni de bzhin gshegs
 pas lan gsungs pa ste/ le'u yi mdza' i bar du slar gsol ba btab pa med do/ /'dir zla ba bzang pos gsol pa/ bcom ldan 'das 'dir lus la nang gi
 le'u las bcom ldan 'das kyis gang gsungs pa/ sna tshogs tshad dang nyin dang mtshan mo'i dus dang zla ba 'pho ba'i dbye ba rnams la sogs pa rig byed dang ni byed pa po
 la sogs dbye ba'i mthar thug pa bdag gis thos te thams cad shes so zhes pa'i don to/ /des na da ni sems can rnams kyi bsod nams dang ye shes 'thob
 par bya ba dang/ slob ma rnams la dbang bskur ba sbyin pa dang/ sku gzugs la sogs rab tu gnas pa bya ba dang/ 'jig rten pa'i bden pas 'og min gyi
 srid pa'i mthar thug par de nyid bcu dang yang dag par ldan pa'i 'jig rten pa'i dngos grub sgrub pa'i slad du bcom ldan 'das kyis dkyil 'khor bstan du gsol ces pa'o/ /don dam pa'i bden pas rdul
 tshon gyi dkyil 'khor bri ba med de/ bcom ldan 'das kyis bkag pa'i phyir ro/ /de bzhin du dang po'i sangs rgyas las bcom ldan 'das kyis gsungs pa/ rdo rje'i thig rnams gdab pa dang/ rdul tshon
 dag kyang gdab pa ni/ mi bya sngags kyi de nyid kyis/ /byed na byang chub thob par dka' zhes pa ste/ 'dir gal te sngags kyi de nyid ni/ sngags zhes pa'i ye shes te yid skyob par gyur pa'i phyir ro/ /sngags
 kyi de nyid de yis gal te rdo rje slob dpon phyag rgya chen po'i dngos grub kyi don du thig gdab pa la sogs pa byed na/ de'i tshe byed pa de'i byang chub thob par dka' bar 'gyur ro zhes pa ni de bzhin gshegs pa'i
 nges pa'o/ /rgyu des na zla ba bzang pos gsol ba gdab pa 'di ni 'jig rten pa'i dngos grub sgrub pa'i don dang bsod nams kyi tshogs kyi don du ste/ phyag rgya chen po'i dngos grub sgrub pa'i don dang ye shes kyi
 tshogs kyi don du ni ma yin no/ /'dir ye shes bsgrub pa'i slad du mchog gi dkyil 'khor gsum bcom ldan 'das kyis gsung pa 'di lta ste/ lus kyi dbang po b+ha ga sems/ /sku gsung
 thugs kyi rdo rje yis/ /dkyil 'khor rnam pa gsum du 'gyur/ /gzhan pa tshon lnga ldan pa min/ /zhes pa ste/ de'i phyir bde ba chen po sgrub pa dang/ mchog gi dbang bskur ba sbyin pa'i don du rdul
 tshon gyi dkyil 'khor du mi 'gyur ro zhes pa ni zla ba bzang pos gsol ba btab pa'o/ /zla ba bzang po'i tshig dag ste gsol ba btab pa'i tshig de nyid gsan nas bde bar gshegs pas dus kyi 'khor lo'i dkyil
 'khor thams cad rab tu gsungs te/ thams cad 'chang pa'i rim pas bstan to zhes pa'i don to/ /ston pa po dang gsol ba 'debs pa po'i tshig bsdus pa'o/ /da ni bla ma bsten pa'i don du rdo rje slob dpon
 yongs su brtag pa tshigs su bcad pa gnyis pas gsungs pa/ dang por zhes pa la sogs pa ste/ 'dir sngags kyi tshul la 'jig rten dang 'jig rten las 'das pa'i dngos grub 'dod pa'i slob
 ma rnams kyis dang por bla ma bsten par bya ste/ de yang rdo rje slob dpon yongs su brtag pa gsungs pa'i cho gas yang dag par yongs su brtags nas so/ /rnam pa gzhan du yongs su brtag pa'i
 mtshan nyid dang bral ba'i bla ma bsten pas slob ma rnams kyis chos phyin ci log tu 'gyur te/ chos phyin ci log pas dmyal bar 'gro bar 'gyur ro/ /de'i phyir gsungs pa/ dang por yang dag bsten bya bla ma dag kyang dam
 tshig ldan zhing zhes pa la 'dir dam tshig rnam pa gnyis ni/ phyi dang nang gi ste drang pa dang nges pa'i don gyis rtogs par bya ba 'chang par 'gyur ba'o/ /dam tshig 'di la yod pa'i phyir dam tshig ldan pa'i bla ma'o/ /dang por yang dag par bsten par bya ste/ bu dang
 chung ma la sogs pas mnyes par bya'o zhes pa'i don to/ /rdo rje theg par lhag par gnas/ /zhes pa la 'dir rdo rje theg pa ni yang dag par rdzogs pa'i sangs rgyas kyi theg pa ste/ mu stegs pa dang/ nyan thos dang rang sangs rgyas kyi theg pa rnams kyis mi phyed
 pa'i phyir rdo rje ste/ thar par 'dis 'gro ba'i phyir rdo rje theg pa'o/ /de la lhag par gnas pa ni/ /rdo rje theg pa la lhag par gnas pa'o/ /de nyid bsgoms shing 'dir de nyid ni 'jig rten pa'i dngos grub sgrub par byed pa dang/ yang dag par rdzogs pa'i sangs rgyas nyid
 grub par byed pa rnam pa gnyis te/ lnga pa ye shes kyi le'u yi mchog tu mi 'gyur ba'i ye shes grub pa 'chad par 'gyur ba las brjod par bya'o/ /de nyid de kho na nyid sgom pa ni 'di'i ngang tshul lo zhes pa'i don to/ /ma chags zhes pa ni bu dang chung ma la sogs
 pa thams cad dang/ rang gi lus la ltos pa med pa'o/ /dri ma dag dang rnam par bral zhing zhes pa la 'dod chags dang zhe sdang dang gti mug dang brgyal dang phrag dog dang ser sna'i tshogs ni dri ma ste/ de nyid rnam pa mang pos bral ba gang yin pa de ni dri ma dag dang rnam
 par bral ba'o/ /bzod pa'i ngang tshul zhes pa ni bzod pa la 'di 'bras bu ltos pa med pa'i rang bzhin gyis rab tu zhugs pa'o/ /lam la zhugs zhes pa la lam ni yang dag par rdzogs pa'i sangs rgyas kyi lam ste/ de la zhugs pa'i ngang tshul can no/ /bla ma
 de bsten par gyur na slob ma rnams la lam ni sbyin byed dmyal ba'i 'jigs pa 'phrog par 'gyur ro/ /de nyid las ni tshangs spyod ldan zhes pa gang zhig mchog tu mi 'gyur ba'i bde ba thob pa'o/ /bdud rnams la zhes pa phung po dang nyon mongs pa dang 'chi bdag
 dang lha'i bu ste/ bdud bzhi po rnams la rdo rje dbyug pa dang 'dra bas rdo rje dbyug pa'o/ /de yang 'dzin ma'i bzhi la rdo rje sems dpar rab tu grags pa ste sprul pa'i sku yis so/ /zhes pa ni rdo rje slob dpon bsten pa'i nges pa'o/ /da ni gdug pa'i slob dpon gyi skyon
 yongs su brtag pa'i don du nga rgyal dang ldan zhes pa la sogs pa'i tshigs su bcad pa gsum pa nyid kyis gsungs te/ 'dir sngags kyi tshul la bla ma gang zhig nga rgyal la sogs pa'i skyon dang bcas pa'i bla ma de ni bla mar byas kyang/ dmyal ba bzhin du slob ma mkhas pa
 ste/ shes ldan rnams kyis rdzogs pa'i byang chub rgyud ni spang bar bya'o/ /nga rgyal 'di la yod pa'i phyir nga rgyal dang ldan pa'o/ /nga rgyal yang rnam pa du ma ste/ mkhas pa'i mngon pa'i nga rgyal dang/ rdzas dang dbang phyug gi mngon pa'i nga rgyal dang/ de nyid bcu yongs su shes
 pa dang/ lam dang gzugs la sogs pa'i mngon pa'i nga rgyal te/ de gang la yod pa de ni spang bar bya'o/ /'og ma 'og ma'i sems can rnams la bltas shing nga rgyal dang ldan pa dang/ gong ma gong ma'i sems can rnams la bltas shing nga rgyal dang bral bar 'gyur te/
 yang dag pa'i lam rig pa'o/ /des na nga rgyal dang ldan zhing snying rje dang bral ba ni spang bar bya ste/ de bzhin du khro bas zil gyis mnan pa'o/ /dam tshig rnam bral zhes pa ni 'jig rten pas smad pa gsang ba'i dam tshig rnams gsal por spyad pas dam tshig
 dang bral bar 'gyur te/ de yang spang bar bya'o/ /rdzas la bskam pa yang ste/ dge 'dun dang mchod rten gyi rdzas la sogs pa'i lci ba'i rdzas nye bar longs spyod pa ni rdzas la brkam pa'o/ /de bzhin du 'khor ba'i longs spyod kyi don du rdzas sogs par byed pa'o/ /thos pa
 dag kyang med ces pa ni rmongs pa ste dam pa'i lam gyi man ngag dang bral ba'o/ /de bzhin du dam pa'i slob ma rnams ni slu ba don du gnyer zhing zhes pa ni brdzun smra ba po ste spang bar bya'o/ /mchog gi bde ba'i gnas las sems nyams dbang ma bskur zhes pa na dbang
 bskur med par rgyud 'chad pa po zhes pa ste spang bar bya'o/ /longs spyod dag la kun chags zhes pa ni phyi rol 'khor ba pa'i longs spyod rnams la kun te rnam pa kun nas yang dag par chags pa'o/ /bag med ni chang 'thungs pa ste mnyam par ma gzhag pa spang bar bya'o zhes
 pa'i don to/ /dbang po'i don du 'dod ldan pa zhes pa ni dbang po gnyis kyi bde ba'i don du 'dod ldan yang spang bar bya'o/ /zhes pa ni de bzhin gshegs pa'i nges pa'o/ /sngags kyi tshul las 'di lta ste/ slob dpon yon tan blang bya ste/ /skyon ni nam yang min pa nyid/
 yon tan blangs pas dngos grub 'gyur/ /skyon brjod pa las dngos grub med/ /ces dang/ de bzhin du/ dbang mchog thob gang rdo rje yi/ /slob dpon la ni de bzhin gshegs/ /phyogs bcu'i 'jig rten khams bzhugs rnams/ /dus gsum byon nas phyag 'tshal
 lo/ /zhes de bzhin gshegs pas gsungs pa ma yin nam/ de'i phyir slob dpon gyi yon tan blang bar bya'o zhes pa lam nyams pa 'ga' zhig gi tshig 'byung bar 'gyur te/ de'i phyir brjod par bya ste/ 'dir ma 'ongs pa'i dus su lam nyams pa'i byis pa'i
 skye bo rnams kyis/ /slob dpon yon tan blang bya ste/ skyon ni nam yang min pa nyid/ /ces pa gang brjod par bya ba de ni ma yin te/ ci'i phyir zhe na/ gang gi phyir bla ma bsten pa'i slad du slob dpon gyi skyon dang yon tan yongs su brtag pa de bzhin gshegs pas gsungs
 pa 'di lta ste/ snying rje med cing khro la gdug /khengs shing chags lam bsdams dang/ /rang bstod bla mar slob ma ni/ /blo bzang ldan pas mi bya'o/ /zhes pa ste/ gsung 'di'i phyir bla mar byas kyang bya ba ma yin pa byed pa ni thar pa don du gnyer ba'i slob mas spang bar bya
 ba nyid do/ /de bzhin du dang po'i sangs rgyas las/ /gang zhig khyim pa bsti gnas spyod/ /g.yog po zhing pa tshong pa dang/ dam chos 'tshong pa'i rmongs pa de/ /sa la rdo rje 'dzin pa min/ /zhes pa la sogs pas so/ /bla ma rnam pa gsum slob dpon yongs su brtag de
 las gsungs pa/ /de nyid bcu ni yongs shes pa/ /gsum las dge slong mchog yin 'bring/ /dge tshul zhes bya de dag las/ /khyim na gnas pa tha ma'o/ /zhes dang de bzhin du sa thob ma gtogs khyim pa ni/ /rgyal pos bla mar mi bya ste/ /de la thos pa yongs
 shas pas/ /gang zhig rtags can bya ba nyid/ /sa thob ma gtogs slob dpon ni/ /khyim nas gang tshe mchod byed pa/ /de tshe sangs rgyas chos dang ni/ /dge 'dun rnams la gus med 'gyur/ /de bzhin du lha khang sogs kyi rab gnas sogs/ /rtags can gyis ni rtag tu bya//
 gnas gcig dag na gsum yod na/ /khyim pa gos dkar ldan pas min/ /zhes pa ste/ de ltar rnam pa du mas slob dpon yongs su brtags pa las/ /bcom ldan 'das kyis gsungs pa'i bla ma slob ma rnams kyis bsten par bya ste/ sngar gsungs pa'i nges pa ni skyon dang
 ldan pa spang ba'i slad du'o/ /de bzhin du yon tan las kyang gsungs pa/ 'di lta ste/ brtan zhing dul la blo gros ldan/ /bzod ldan drang la g.yo sgyu med/ /sngags dang rgyud kyi sbyor ba shes/ /snying brtser ldan zhing bstan bcos mkhas/ /de nyid bcu ni yongs su shes/ /dkyil
 'khor 'bri ba'i las la mkhas/ /gsang sngags 'chang byed slob dpon te/ dang ba'i bdag nyid dbang po thul/ /zhes pa la sogs pas so/ /'on kyang tshigs su bcad pa gzhan gyis gsungs pa'i tshig rnam par dpyad par bya ste/ ci ste rnam par mi dpyad ce na/
 dbang mchog thob gang zhes pa la sogs pa'i tshig ni mkhas pa rnams kyis don dam pa'i bden pa dang/ 'jig rten pa'i bden pa nges pa'i don dang drang ba'i don gyis rtogs par bya'o/ /de la re zhig nges pa'i don brjod par bya ste/ 'dir bum pa dang gsang ba
 dang shes rab ye shes kyi dbang bskur ba rnams kyi mdun du phyag rgya chen po shes rab kyi pha rol tu phyin pa mi 'gyur ba'i bde ba chen po'i skad cig ma rnams kyi tha ma/ mngon par rdzogs par byang chub pa'i mtshan nyid mi mchod pa ste/ de bcom ldan 'das gang gis
 byang chub kyi shing drung du thob pa de ni dbang mchog thob pa'o/ /gang ni gang gi phyir te sku dang gsung dang thugs mi phyed pa de'i phyir rdo rje slob dpon te/ de bzhin gshegs pa shAkya thub pa'o/ /khams gsum po 'dir sems can gyi don du gang gi sku dang gsung dang thugs mi
 chod par rdo rje bzhin du spyod pa de ni rdo rje slob dpon kun du gshegs pa thams cad mkhyen pa nyid de/ /de la yang de bzhin gshegs pa/ phyogs bcu'i 'jig rten khams bzhugs rnams zhes pa la 'dir phyogs bcu rnams na byang chub sems dpa' gang dag
 yod pa de dag rnams kyi cod pan rin po che bdun gyi rang bzhin ni nges pa'i don gyis 'jig rten gyi khams zhes brjod de/ cod pan de dag la de bzhin gshegs pa gang dag rigs kyi phyag rgya'i rang bzhin gyis bzhugs pa de dag ni phyogs bcu'i 'jig rten
 khams bzhugs rnams so/ /byang chub sems dpa' de dag kyang dus gsum du byon nas/ sangs rgyas bcom ldan 'das la phyag 'tshal bar byed de/ de dag phyag 'tshal bar byed pas cod pan la gnas pa'i de bzhin gshegs pa rnams dang/ phung po rnams kyis
 kyang de bzhin gshegs pa la phyag 'tshal bar 'gyur ro/ /zhes pa ni bcom ldan 'das kyi nges don to/ /de bzhin du nye bar btags nas drang ba'i don brjod par bya ste/ 'dir phyi rol la ji lta ba de bzhin du lus la sna tshogs zhes gsungs pa'i phyir/ /'jig rten gyi
 khams kyi sgras phyogs bcu na gnas pa'i slob ma rnams kyi lus brjod de/ /'og ni sa'i khang pa la gnas pa rnams so/ /steng ni khang bzangs sum rtseg la sogs pa la gnas pa rnams so/ /de dag rnams la phung po lnga gnas pa ni de bzhin gshegs pa
 zhes brjod de/ /de ltar 'jig rten khams bzhugs rnams so/ /slob ma de dag kyang thun mtshams gsum du 'ongs nas bla ma la phyag 'tshal bar byed de/ /de dag phyag 'tshal bar byed pas/ phung po lnga rnams kyis kyang bla ma la phyag 'tshal bar 'gyur ro/ /zhes
 pa ni drang ba'i don to/ /'dir ngur smig 'dzin pa'i dge slong rnams kyis dus gsum du rdo rje slob dpon la phyag 'tshal bar bya ste/ khyim pa dang gsar bu rnams la ni dam pa'i ches 'chad pa ma gtogs par ma yin no/ /'di lta ste/ 'jig rten smod
 pa spang ba'i phyir/ /dam chos la sogs mdun bdar te/ /khyim pa 'am ni gsar bu la/ /brtul zhugs 'dzin pas blos phyag bya/ /de bzhin du/ mchog min las dang phyag spangs nas/ /stan bstabs pa dang ldang ba dang/ /don bya la sogs bsnyen bkur 'di/ /thams cad
 brtul zhugs can gyi bya/ /zhes pa ni 'dir gal te khyim pa 'am ni gsar bu dag kyang dge slong dang rdo rje slob dpon gyis mtshungs par gyur na de'i tshe ji ltar zhe na/ mchog min gyi las rkang pa bkru ba la sogs pa dang/ yan lag lnga'i phyag spangs nas rang gi
 gnas su bla ma byon pa la nor la sogs pa'i bkur sti bya'o/ /'chad pa'i dus su 'jig rten smod pa spang ba'i phyir dam pa'i chos la sogs pa mdun du bdar nas phyag 'tshal bar bya'o/ /'dir 'jig rten smod pa ni khyim pa 'am dge tshul gang yin pa de dag le
 lo nyid kyis gong ma'i rtags mi 'dzin pas so sor thar pa thos pa dang yongs su shes pa med pa'i phyir ro/ /gal te le lo dang nga rgyal med pa de lta na sngar dge slong gi sdom pa shes nas phyis theg pa chen po shes par bya ba ste kye'i rdo rje la sogs pa
 las bcom ldan 'das kyis gsungs pa ci'i don du mi byed/ de'i phyir dge slong rdo rje 'dzin pa yod na khyim na gnas pa'i slob dpon ni dge slong rnams kyis bsten par mi bya ste/ rgyal pos kyang rnam pa thams cad du bsten par mi bya'o/ /de bzhin du slob dpon yongs
 su brtags pa las/ slobs mo dang ni gos dmar gyis/ /ngan pa'i bdag nyid gang ngo tsha/ /g.yem bcas lam nyams sangs rgyas pa/ /rnams kyis phyag 'os mchod 'os so/ /'gyur ro zhes 'brel lo/ /de bzhin du gang tshe gos dmar mthong gyur nas/ /zhe
 sdang du 'gyur sangs rgyas pa/ /sdig can kla klo'i chos la dga' / /de tshe dkar po'i chos la mos/ /zhes so/ /'dir sangs rgyas pa'i lta ba ni dus thams cad du gos dkar po ma yin te/ de ltar yang 'jam dpal gyi yul gyi gtsug lag khang du dge slong dang dge
 tshul bam par gyur pa de'i tshe gos dkar po byin zhing ngur smrig blangs te/ gtsug lag khang nas nges par 'byin par byed do/ /rdo rje slob dpon yang sngags pa'i gtsug lag khang nas rgyal po'i nges pas so/ /'phags pa'i yul 'dir yang khyim na gnas
 pa gos dkar po ni ngur smrig 'dzin pa rnams kyi bla ma dang/ gtsug lag khang la sogs pa rab tu gnas pa byed pa po ji ltar yin/ gang zhig dge slong rdo rje 'dzin pa yod kyang gnod pa'i gnas skabs thob pa dag sten par byed na/ 'di ni dge 'dun la brnyas
 pa chen po ste/ nges par 'di ni bde bar gshegs pa'i dben pa rnam par nyams par byed pa'o/ /de'i phyir rnam pa kun tu yongs su brtags nas skyon dang bral ba'i bla ma bsten par bya zhing skyon dang ldan pa spang bar bya'o/ /slob dpon yongs su brtag pa gsungs pa'i nges
 pa'o/ /da ni zab cing zhes pa la sogs pa shes rab ye shes la sogs pa'i dbang gi don du slob ma dam pa'i mtshan nyid gsungs pa te/ 'dir sngags kyi tshul la slob ma rnam pa gnyis te/ gcig ni phyag rgya chen po'i dngos grub sgrub pa don du gnyer ba dang gnyis
 pa ni 'jig rten pa'i dngos grub sgrub pa don du gnyer ba'o/ /gang phyag rgya chen po'i dngos grub sgrub pa don du gnyer ba de ni stong pa nyid kyi lam bsgom pa'i don du bum pa dang gsang ba la sogs pa'i dbang gis yang dag par bsdu bar bya'o/ /gang 'jig rten pa'i dngos
 grub sgrub pa don du gnyer ba de ni sngags dang phyag rgya dang dkyil 'khor gyi 'khor lo bsgom pa'i don du dbang bdun gyis yang dag par bsdu par bya ste 'bring po bsod nams dag gi rgyur zhes so/ /tha ma ni dbang gis yang dag par bsdu bar bya ba ma yin te/ dge bsnyen gyi
 bslab pas yang dag par bsdu bar bya'o/ /zhes pa ni nges pa'o/ /'dir zab cing rgya che ba'i chos stong pa nyid dang snying rje'i bdag nyid la gang zhig sems pa de ni zab cing rgya che la sems shes pa ste slob ma mchog go /bla ma'i nges pa la dga' zhes pa
 ni rtsa ba'i ltung ba bcu bzhi dang bral zhing dge ba bcu'i chos la dga' ba'o/ /gtong ba'i ngang tshul dang ldan zhes pa ni 'du 'dzi thams cad rnam par spangs shing rdzas la sogs pa la ltos pa med pa'o/ /yon tan shes zhes pa ni dkon mchog gsum la
 dad pa'o/ /thar pa don gnyer zhes pa ni 'jig rten pa'i dngos grub la ltos pa med pa'o/ /rgyud la gus shing zhes pa ni/ rgyud las gsungs pa'i sdom pa bsrung bar byed pa'o/ /g.yo ba med pa'i sems ldan zhes pa ni 'jig rten pa'i lam rnams kyis gang gi sems
 mi g.yo ba de ni g.yo ba min pa'i sems dang ldan no/ /de nyid thob pa shin tu sbed ces pa ni de nyid thob pa ni ji srid rang gis nyams su myong bar gyur pa de srid sbed pa ni shin tu sbed pa'o/ /gdug pa rnams kyi grogs nyams zhes pa ni 'dir gang dag nor don du
 gnyer ba'i khyim pa'i slob dpon rnams dang de bzhin du dka' thub pa rnams kyang ste gang zag gcig gis bsti gnas dang gtsug lag khang nye bar longs spyod pa de rnams ni gdug pa'o/ /de dag gi grogs ni mi dge ba bcu'i lam ste/ de dag las nyams pa
 de ni gdug pa rnams kyi grogs nyams so/ /de ltar gyur pa ni slob ma chen po ste bla ma shin tu mkhas pa de nyid rig pa rnams kyis shes rab ye shes kyi dbang la sogs pa'i rgyur bsdu bar bya'o/ /sogs pa'i sgras dbang bzhi pa'i rgyur yang de nyid do/ /gzhan
 'bring po ni slar yang bsod nams dag gi rgyur te/ yon tan 'bring po dang ldan pa ni dbang bdun gyi rgyur yang dag par bsdu bar bya'o/ /tha ma yang gal te bla ma sten par byed cing smod par mi byed na bslab pa'i gnas lnga'i rgyur yang dag par bsdu bar bya'o zhes pa ni
 bcom ldan 'das kyi nges pa ste/ slob ma yongs su brtag pa'i nges pa'o/ /da ni rdo rje slob dpon gyis dkyil 'khor bzhengs pa dang/ dbang sbyin pa dang/ rgyud bsnyan pa'i don du rnal 'byor ma rnams la mchod pa byed pa'i slad du/ nag po'i mthar zhes pa la sogs pas
 dkar po'i tshigs nges pa bcom ldan 'das kyis gsungs pa rnam par rgyas par bya ste/ 'phags pa'i yul 'dir dkar po'i tshes gcig la sogs pa cha bco lnga'i mthar nag po'i tshes gcig 'jug pa sa ga'i nya'i skya rengs 'char ba'i tshe/ bcom ldan
 ldan 'das shAkya thub pa mngon par rdzogs par sangs rgyas te/ de nas chos kyi 'khor lo bskor zhing theg pa gsum bstan pa mdzad nas/ zla ba bcu gnyis pa nag pa'i nya la sh+rI b+hA n+ya ka Ta ka? ra chos kyi dbyings gsung gi dbang phyug gi dkyil 'khor cha bcu
 drug gi rnam par dbye ba'i mtshan nyid dang/ de'i steng du dpal ldan rgyu skar gyi dkyil 'khor drug gi rnam par dbye ba can dang po'i sangs rgyas rnam par spros so/ /'dir rgyu skar gyi dkyil 'khor ji ltar shes par bya zhe na/ brjod par bya ste/ 'dir mchod rten gyi
 phyi rol du rgyu skar nyi shu rtsa brgyad rnam par dag pas ka ba nyi shu rtsa brgyad de/ phyogs bzhi rnams su thur ma bdun gyi dbye bas shar du khyab 'jug gis khyer nas 'ongs pa dang/ lhor k+Sha ra ti ka yis dang/ nub du tshangs pas dang/ byang du bde byed kyis khyer
 nas 'ongs pa dag btsugs pa dag gang yin pa des na mchod rten gyi phyi rol rgyu skar gyi rnam par dbye ba mchod rten gyi nang gi dkyil 'khor ni dpal ldan rgyu skar gyi dkyil 'khor ro/ /de bzhin du gnas nyi shu rtsa bzhi ni phyogs kyi cha'i dbye bas so//
 gzhan 'og gi dkyil 'khor cha bcu drug dang ldan pa sku dang gsung dang thugs kyi dkyil 'khor gyi bdag nyid ni stong pa nyid dang snying rje bcu drug rnam par dag pas so/ /dkyil 'khor gyis gnas nges pa'o/ /gnas der nyin zhag de nyid la de ebzhin gshegs
 pas sangs rgyas kyi dbang byin nas lha dang lha ma yin la sogs pa rnams sangs rgyas nyid du lung bstan te/ des na ma 'ongs pa'i dus su nya 'di ni dus kyi 'khor lo las rdo rje slob dpon rnams la de bzhin gshegs pa'i nges par gyur
 to/ /nag pa'i mthang ni dkar po'i tshigs la gzhan la phan pa'i bla mas dkyil 'khor dag ni bzhengs byas nas/ /sdig pa'i dri ma 'phrog pa'i dbang bdun rnams ni bsod nams don du bu rnams dag la sbyin par bya/ zhes pa la 'dir dang por
 dbang bdun sbyin pa ni gzhugs pa'i don dang sngags bzlas pa dang dkyil 'khor sgom pa'i don du ste/ de yis bsod nams kyi tshogs/ /de'i phyir bsod nams kyi tshogs kyi rgyur dbang bdun sbyin par bya zhing mi 'tshe ba la sogs pa'i
 brtul zhugs nyi shu rtsa lnga sbyin par bya'o/ /de nas ye shes kyi tshogs kyi don du dbang gong ma gsum sbyin pa ni rang gi sha la sogs pa shin tu 'dod pa sbyin pa la sogs pa'i don dang/ rnam pa thams cad kyi mchog dang ldan pa'i stong pa nyid
 bsgom pa'i don dang/ byang chub kyi sems mi 'gyur ba'i don te/ de yis ye shes kyi tshogs so/ /de'i phyir ye shes kyi tshogs kyi rgyur dbang gong ma rnams sbyin par bya'o/ /de dag kyang dbang bzhi pa dang bcas pa ste/ bzhi pa ni man ngag gis
 brjod par bya'o/ /bcom ldan 'das kyi dbang gis nges pa'o/ /de ltar nag pa'i nya gtso bor byas nas nya bcu gnyis po rnams la rdo rje slob dpon gyi dbang sbyin par bya zhing sku gzugs la sogs pa rnams rab tu gnas par bya'o/ /de bzhin
 du rgyu skar dang sbyor ba dge ba dang bcas pa'i nyin zhag gzhan la yang bya'o/ /zhes pa ni dbang la sogs pa'i nges pa'o/ /da ni dus ni dus kyi 'khor lo'i rgyud bstan pa'i don du rnal 'byor ma rnams mchod pa'i nges pa gsungs te/ nag pa'i nya la dkyil 'khor
 bzhengs nas sam/ yang na dkyil 'khor bris pa med par yang mdza' dag yon tan gter rgyud kyi rgyal po bstan pa'i slad du rnal 'byor ma rnams dag la bza' ba dang btung ba la sogs pas mchod pa bya'o/ /ci ste ma tshogs pa'i dbang gis nag pa'i nya la mchod pa med par
 gyur na de'i tshe lo gcig tu ni rgyud kyi rgyal po dag las bla ma rdo rje slob dpon gyis bstan par mi bya'o/ /ci ste mchod pa med par gyur pa la 'os pa'i slob ma 'ga' zhig thos pa don du gnyer na de'i tshe des nya bcu gnyis po la rnal 'byor ma rnams la mchod pa byas nas
 mnyan par bya ste/ de'i bsod nams kyis tshogs kyis gzhan rnams kyis kyang mnyan no/ /'dir rnal 'byor ma rnams la mchod pa ni phyi'i bgegs nye bar zhi bar bya ba'i don du ste/ rtag tu brgyad dang bcu bzhi la ji ltar 'byor pa bya ba dang/ 'byung po la sogs pa rnams
 la nyin zhag so sor gtor ma sbyin par bya ba dang/ sangs rgyas mchod pa maN+Dal la sogs pa bya ba ni/ khyim na gnas pa nor dang ldan pa rnams kyi nges pa'o/ /kun spangs kyi slob ma rnams la ni mchod pa nges pa med cing de dag la bstan pa'i don du bla ma rnams la
 yang nges pa med de/ gang gi phyir sangs rgyas dang rdo rje rnal 'byor ma rnams kyang bsam pa 'dzin par byed pa ste/ mchod pa la sogs pa'i dngos po 'dzin par byed pa ma yin pa'i phyir ro/ /rgyud bstan pa'i mchod pa'i nges pa'o/ /da ni dbang gi don du sa la sogs pa'i
 mtshan nyid gsungs te/ tshigs su bcad pa 'dir sa la sogs pa gang smos pa de mdza' dag 'chad par 'gyur ba las brjod par bya'o/ /dge ba dang mi dge ba'i las kyi 'bras bu'i don du zhi ba la sogs pa bya'o/ /zhes pa ni rdo rje slob dpon gyis so/ /slob ma rnams
 ni bsdu ba dag dang gang yang dkyil 'khor bri ba dag shes nas bya'o/ zhes pa ni nges pa'o/ /gdug pa'i slob dpon pa rol slu ba po rdzas la chags pas yongs su shes pa med par byed na dmyal bar 'gro bar 'gyur ro/ /zhes pa ni slob dpon la rjes su bstan pa'i tshigs su bcad
 pa'o/ /dbang gi don du sa ni yongs brtag ces pa la sogs pa ni go bla'o/ /da ni sa yi zhes pa la sogs pas sa'i mtshan nyid gsungs te/ 'dir 'jig rten gyi tha snyad kyis dngos po rnams kyi rigs rnam pa bzhi'o/ /de yang kha dog bzhis rig par bya ste/
 dmangs rigs la sogs pa rnams kha dog nag po la sogs pas so/ /'dir 'jig rten gyi kun rdzob kyis kha dog nag po'i sa dmangs rigs so/ /ser po ni rje'u rigs so/ /dmar po ni rgyal rigs so/ /dkar po ni bram ze'i rigs so/ /de bzhin du dri las te/
 rul ba'i dri ni dmangs rigs so/ /lan tshwa dri ni rje'u rigs so/ /pad+ma'i dri ni rgyal rigs so/ /mchog gi dri ni bram ze'i rigs te/ rim pas so/ /de bzhin du ro las te/ skyur dang lan tshwa'i ro ni dmangs rigs so/ /mngar dang tsha ba zhes pa la mngar ba'i ro ni
 rje'u rigs so/ /tshwa ba'i ro ni mi bdag gi rigs te rgyal rigs so/ /gzhan pa'i ro kha pa dang/ bska ba dag ni gnyis skyes kyi rigs so zhes pas te/ ro las rigs nges pa'o/ /da ni zhi ba la sogs pa'i don du sa gsungs pa dkar po zhes pa la sogs pa ste
 'dir zhi ba dang rgyas pa las dkar po dang bsad pa dang bskrad pa la kha dog nag po dang dbang dang dgug pa la dmar po dang/ rengs pa dang rmongs pa la ser por 'gyur ro/ /yang yig las dug gzhil ba la sogs pa yang rim pa ji lta bas te nges pa'o/ /'dir las
 kyi cha ni thams cad dag las ljang khu las thams cad byed par 'gyur te/ lnga pa dag ni tha ma dag gi rigs/ /ro dang dri rnams thams cad dang ldan mdza' dag yon tan gter/ /de ni nam mkha' i khams kyi mtshan nyid du/ /rnal 'byor pa yis rig par
 bya'o zhes pa ste/ sa'i mtshan nyid nges pa'o/ /'dir gal te 'di 'dra ba'i sa'i mtshan nyid nges pa zhi ba la sogs pa'i don du yin na/ de'i tshe nags dang grong khyer la sogs pa'i phyogs kyi cha thams cad du mtshan nyid 'di rnams dang ldan pa'i sar mi 'gyur ro/
 des na rtsa ba'i rgyud las bcom ldan 'das kyis gsungs pa/ 'dir gang du dkyil 'khor la sogs pa'i las bya ba der gal te las dang rjes su mthun pa'i sa med par gyur na de'i tshe khung bu brkos nas te/ chu'i mdza' 'am rdo ba'i mthar brko bar bya'o/ /de nas sa gzhan
 gyis las dang rjes su mthun par khung bu dgang bar bya'o/ /'dir sa'i dri'i don du sa dkar po ni tsan dan gyi chu yis bran par bya'o/ /sa dmar po ni pad+ma'i chu dang tsan dan dmar po'i chu yis bran par bya'o/ /sa ser po ni bong bu dang rta dang mi'i gcin gyis bran par bya'o/ /sa nag
 po ni sha rul ba'i chu yis bran par bya'o/ /ro bro ba'i don du nag po la lan tshwa dang skyur ba bsre bar bya'o/ /ser po la bu ram mo/ /dmar po la tsha ba gsum mo/ /dkar po la kha ba dang bska ba'o/ /ljang gu ni las thams cad pa nyid kyi phyir ci yang bsre bar mi bya'o/ /de
 bzhin du sa'i nang du gter bzhug par bya ste/ nag po la ni bsad pa la mi rus dang/ bskrad pa la bya rog gi mjug sgro dang/ sdang ba la bong bu'i rus pa'o/ /ser po la ni phur bus gdab pa la lug gi rwa dang/ rengs pa la ba bla dang/ rmongs pa la sbrul lo/ /dmar
 po la ni dbang la go ro tsa na dang/ dgug pa la mtshal dang bskyod pa la ldong ros so/ /dkar po la ni zhi ba la shel dang/ rgyas pa la dung dang/ rims 'phrog pa dang bsreg pa la mu tig go /ljang gu la ni cung zad kyang gzhug par mi bya'o/ /ci ste ljang gu la
 thun mong gi las thams cad pa bya ba yin na/ de'i tshe sa'i snying por rin po che lnga gzhug par bya'o/ /dkar po dang dmar po la yang ste las thams cad pa la drag po'i rdzas rnams spang bar bya'o/ /las thams cad pa'i sgra ?zhi ba la sogs pa dang dbang la
 sogs pa'i las drug ste/ bsad pa la sogs pa dang phur bus gdab pa la sogs pa drug ni ma yin no/ /sa yongs su brtag pa'i nges pa'o/ /da ni dbang ldan zhes pa la sogs pas zhi ba la sogs pa'i don du phyogs kyi cha gsungs te/ 'dir spyi'i grong las grong
 gi phyi rol dbang ldan nam byang du yang zhi ba dang rgyas ba dag bya'o/ /rgyal po chen po'i gnas las ni phyogs brgyad na ro bsregs pa la sogs pa'i dur khrod brgyad de/ des na zhi ba dang rgyas pa 'grub par mi 'gyur ro/ /des na rgyal po'i khab
 kyi dbang ldan nam byang du zhi ba dang rgyas pa bya'o/ /las lhag ma rnams ni grong gi bzhin rgyal po'i gnas las phyi rol tu'o zhes pa ste/ zhi ba dang rgyas pa'i las nges pa'o/ /de bzhin du mer bsad pa'o/ /shar du rnam par dbye ba dang bskred pa'o/ /bden
 bral du dbang du bya ba'o/ /lhor dgug pa'o/ /rlung du rmongs pa'o/ /nub du rengs pa dang phur bus gdab pa'o/ /grong gi dbus su las thams cad pa'i dkyil 'khor dang tha ba dang sbyin bsreg la sogs pa sngags pas bya'o/ /zhes pa ni phyogs kyi char
 las byed pa'i nges pa'o/ /da ni zhi ba sogs pa'i thab gsungs te/ thab khung grong gi phyogs brgyad dbang ldan la sogs pa dag tu rim pa ji lta bas te/ zhi ba la thab khung zlum po'o/ /rgyas pa la gru zhi'o/ /bsad pa la gzhu'i rnam pa'o/ /dbye ba la zur
 lnga pa ste/ dbang la zur bdun pa'o/ /dgug pa la zur gsum pa'o/ /rmongs pa la zur drug pa'o/ /rengs pa la zur brgyad pa'o/ /'di dag gi cho ga ni 'chad par 'gyur ba'i sbyin sreg gi cho ga las rgyas par brjod par bya'o/ /da ni thab khung gi mtshan ma
 gsungs te/ 'dir thab khung zlum po'i pad+ma'i lte ba la pad+ma'o/ /gru bzhi pa la 'khor lo'o/ /gzhu'i rnam pa la gri gug go /zur lnga pa la ral gri'o/ /zur bdun pa la mda'o/ /zur gsum pa la rdo rje lcags kyu'o/ /zur drug pa'i rmongs pa la sbrul
 lo/ /zur brgyad pa la lcags sgrog go /'dir thab khung gnyis kyi mtshan ma bzlog pa ni sdeb sbyor gyi dbang gis te mtshan ma'i nges pa'o/ /'di rnams kyi tshad gsungs pa/ gcig ces pa la sogs pa ste/ zlum po ni khru gcig pa'o/ /gru bzhi pa ni khru gnyis
 pa'o/ /gzhu'i rnam pa ni khru phyed pa'o/ /zur lnga pa ni zlum po'i tshad do/ /zur bdun pa ni sor bzhi bcu'o/ /zur gsum pa ni sor nyi shu'o/ /zur drug pa ni sor sum cu'o/ /zur brgyad pa ni sor drug cu'o/ /thab khung gi phyed kyi tshad ni zabs so/ /thab khung gi drug gi cha shas ni kha khyer
 ro/ /thab khung gi bcu gnyis kyi cha shas ni mchu dang/ /mtshan ma'i 'phreng ba yang ste/ kha khyer dang mnyam pa'o/ /de'i phyi rol du chu skyes 'dab ma rnams ni zhi ba dang rgyas pa la'o/ /lhag ma'i las rnams ni rtsig pa'i phyi rol du gzhan dang gzhan 'chad par 'gyur ro/ /yang
 na las thams cad kyi thab khung gi dbus su rdo rje mtshan mar shes par bya'o/ /da ni sa la phur bus gdab pa'i don du phur bu gsungs te/ 'dir zhi ba la phyogs phur bus gdab pa'i don du n+ya gro d+ha'i phur bu'o/ /rgyas pa la a shwadtha'o/ /bsad pa la rus pa'i bdag nyid do/ /
 bskrad pa la lcags kyi'o/ /dbang la seng ldeng las skyes pa'o/ /dgug pa la tsU ta las skyes pa'o/ /rmongs pa la arga las skyes pa'o/ /rengs pa bil ba las skyes pa'o/ zhes pa ni phur bu'i nges pa ste las thams cad pa la u duM bA ra las skyes pa'o/ /da ni bum pa
 gsungs te/ zhi ba la shel gyi bum pa'o/ /rgyas pa la dngul gyi'o/ /bsad pa la mi'i thod pa'o/ /bskrad pa dang dbye ba la lcags kyi'o/ /dbang la gser gyi'o/ /dgug pa la zangs kyi'o/ /rengs pa la sa'i bdag nyid do/ /rmongs pa la shing las skyes pa'i bum pa
 bcu'o/ /de nas zhi ba dang rgyas pa'i don du dum pa'i mtshan nyid kyi gsungs te/ 'dir bum pa'i lto ba zlum po ni brgyad gnyis sor du brjod de sor bcu drug du brjod do/ /gnyis kyis bsgyur ba'i bcu yis dpangs zhes pa ni bum pa'i lto ba'i 'og nas kha dang mchu'i
 mthar sor nyi shu ni dpangs so/ /sor gnyis dag gi mchu zhes pa ni gang dag gi mchu sor gnyis 'phyang ba de dag ni sor gnyis dag gi mchu'o/ /kha'i mtshams nas sor drug gi mgrin pa'o/ /sor brgyad kha ste zhes pa ni mchu'i mdza' nas mchu'i mthar kha sor mo brgyad de
 sor brgyad cha gsum du byas nas cha gnyis kyi mgrim pa'i bug pa'o/ /cha gcig gis mchu gnyis kyi zheng ngo/ /de dag kyang ri bong 'dzin pa ltar dkar zhi rgyas dag la'o gzhan la min zhes pa ni bum par 'gyur ba'o/ /shel dang dngul gyi bum
 pa rnams med na sa'i rang bzhin gyi bum pa nag po dang rtsa ba med pa rnams sA yi brtags pa 'am tsan dan gyis byugs te dkar por bya'o/ /de bzhin du rtsa ba'i rgyud las kyang/ bcom ldan 'das kyis gsungs te/ bsad pa la mi'i thod pa dur khrod kyi sol ba'i phye ma
 dang mi'i zhag gis byugs te nag por bya'o/ /zhes so/ bskrad pa dang dbye ba la mgrin pa ring po song brgyad pa 'khyog po/ /lus phra ba zlum po sor bcu gnyis pa/ srid du sor nyi shu rtsa bzhi pa/ mchur sor gcig pa/ kha sor drug pa'o/ /dbang dang dgug pa la 'jig
 rten gyi tha snyad kyi bzo bos ji ltar byas pa'o/ /rengs pa la sbom thung ste zlum po dang dpangs mtshungs par sor bcu drug pa/ mgrin pa sor bzhi pa/ kha sor drug pa/ mchu sbom po sor gnyis pa'o/ /bum pa'i nges pa ste/ las thams cad pa la zhi ba la sogs pa dang/
 dbang la sogs pa'i las la gsungs pa rnams gzung bar bya'o zhes pa ni nges pa'o/ /da ni snga dro zhes pa la sogs pas zhi ba la sogs pa'i dus gsungs te/ 'dir nyin zhag so so la snga dro nas thun brgyad ni thun tshod rnams te/ de rnams las dang po'i
 thun la zhi ba dang/ gnyis pa la rgyas pa dang/ gsum pa la bsad pa dang/ bzhi pa la bskrad pa dang/ lnga pa la dbang dang/ drug pa la dgug pa dang/ bdun pa la rmongs pa dang/ brgyad pa la rengs par bya'o/ /zhes pa ni zhi ba la sogs pa la thun mtshams su
 'gyur ro/ /de bzhin de'i thun phyed dag la zhes pa ni/ snga dro'i thun phyed la zhi ba dang/ phyed phyi ma la rgyas pa ste/ thams cad du yang de bzhin no/ /de bzhin du mtshan mo'i thun phyed snga ma la zhi ba dang/ phyed phyi ma la rgyas pa'i las rnams kyang sngags pas bya'o/ /gal te
 'chang bar 'gyur ba'i gdan bcings nas thun tshod gcig tu sbyin bsreg byed par mi nus na/ de'i tshe thun phyed gcig sbyin bsreg byas nas bsgrub par bya ste/ gnyis ka gsungs so/ /dus kyi bye brag gis lha mchod pa dang/ bsgrub pa'i nges pa gzhan ni le'u lnga par 'chad par
 'gyur ba las brjod par bya'o/ /da ni zhi ba dang rgyas pa dag la gdug pa'i dus dang dus sbyor dgag pa gsungs te/ 'dir nyin zhag so sor nyi ma gung dang nam phyed dag ni zhi ba dang rgyas pa'i las la yang spang bar bya'o/ /de bzhin du 'char ba'i dus spyod gdug pa'i gza'
 rnams gnas pa ste/ bkra shis dang sben pa dang dus me'i gza' dang bcas pa ni spang ste/ gang gi phyir 'chi ba'i 'jigs byed do/ /de nas bsad pa dang bskrad pa la ni de nyid sbyar bar bya'o zhes pa nges pa'o/ /da ni 'o ma dang bcas shes pa la sogs pa'i zhi ba la sogs pa
 rnams la sbyin bsreg gi yam shing gsungs te/ 'dir zhi ba dang rgyas pa la 'o ma dang bcas yam shing mda' brgya zhes pa ni lnga brgya'i grangs so/ /'o ma'i shing rnams shes pa ni u dum ba ra dang a shwadtha dang n+ya gro d+hA dang/ barka TI dang/ rgun 'brum gyi shing rnams so/
 bsad pa la mi rus mtheb chung gi sor mo'i dbyibs su byas pa lnga brgya'o/ /de bzhin du dbye ba dang bskrad pa la bya rog gi mjug ma lnga brgya'o/ /de bzhin du dbang la seng ldeng las skyes pa dang/ dgug pa la pa la sha las skyes pa dang/ rmongs pa la smyo byed las skyes pa
 rengs pa la bel ba las skyes pa ste/ thams cad khru phyed ni sor bcu gnyis pa'o/ /mthe'u chung gi sor mo'i tshad nas mthe bong gi bar du ste/ de'i steng du chad pa 'am lhag pa ni gzung bar mi bya'o/ /zhes pa ni yam shing gi nges pa'o/ /da ni sbyin bsreg gi rdzas rnams
 gsungs pa/ 'o ma zhes pa la sogs pa ste/ 'dir zhi ba la ba'i 'o ma dang dur ba yis sbyin bsreg go /rgyas pa la mar dang 'bru lnga yis so/ /gsad pa la khrag gis te sha dang dug dang lhan cig go /skrad pa dang dbye ba la mi'i zhag gis te skye tshe dang lan tshwa dag dang
 lhan cig go /dbang la rdul gyis te ka ra pa'i ra'i me tog dmar po la sogs pa dang lhan cig go /dgug pa la gcin gyis te bil ba'i 'dab ma'am de'i 'bras bu'i 'bru dang lhan cig go /rengs pa la mchil mas ste rnyings pa'i phreng ba dang lhan cig go/
 rmongs pa la chang gis te b+ha du ra'i me tog dang lhan cig go /zhes pa ni zhi ba la sogs pa rnams la sbyin sreg gi rdzas nges pa'o/ /da ni slob dpon gyi gdan gyi phyogs kyi cha gsungs te/ 'dir zhi ba la gshin rjer 'chad par 'gyur ba'i gdan bya'o/ /rgyas pa la bden bral gyi
 zur du'o/ /bsad pa la chu ru'o/ /bskrad pa dang dbye ba la rlung du'o/ /dbang la gnod sbyin du'o/ /dgug pa la dbang ldan du'o/ /rmongs pa shar du'o/ /rengs pa la me'i zur du'o/ /zhes pa ni zhi ba'i las la sogs pa la sbyin bsreg gi thab kyi gdan
 gyi nges pa'o/ /da ni rdul tshon gyi cho ga gsungs te/ 'dir zhi ba la sogs pa'i las gnyis gnyis la thab khung dam dkyil 'khor gyi dbus su rdul tshon gdab par 'gyur te/ zhi ba dang rgyas pa dag la rdul tshon dkar po'o/ /bsad pa dang bskrad pa dag la rdul mtshon
 nag po'o/ /dbang dang dgug pa dag la dmar po'o/ /rmongs pa dang rengs pa dag la ser po'o/ /las thams cad pa la ljang gu ste/ dkar po dang nag po 'am dmar dang ser po ljang gu dang bcas pa'o/ /de bzhin du thab khung dag gam dkyil 'khor gyi phyi rol
 gyi shar dang lho dang nub dang byang gi sa la sangs rgyas kyi dbye ba 'am bcom ldan 'das kyi zhal gyi dbye bas brgyud las gsungs pa'i cho gas rdul tshon gdab bo/ /rdul tshon gdab pa'i nges pa'o/ /de bzhin du 'chad par 'gyur ba'i rim pas slob dpon gyis dgod
 pa la sogs pa dang/ bsang gtor la sogs pa dang/ rang gi snying ga'i rdo rje dag las lha rnams spro bar bya'o zhes pa ni nges pa'o/ /da ni mchod yon gyi snod kyi mtshan nyid gsungs te/ 'dir zhi ba la ni mchod yon sbyin pa'i don du shel gyi snod kham phor gyi rnam pa
 ste/ ka ca la'i rnam pa'o zhes pa'i don to/ /thams cad sor bcu gnyis pa/ lte ba dang bcas pa 'dab ma brgyad pa'i bdag nyid de/ de bzhin du shel la sogs pa'i mchod yon snod la padmo nor gyi 'dab ma mthe bo dag ni bcu gnyis kyang zhes so/ /'dir lte ba sor
 bzhi dang 'dab ma rnams sor bzhi ste/ de ltar sor bcu gnyis so/ /de bzhin du rgyas pa la sogs pa la dngul dang thod pa dang lcags dang gser dang zangs dang shing dang sa'i rang bzhin gyi snod rnams la bsgrub po/ /de bzhin du bsreg blugs kyi sbyin bsreg
 gi don du dgang gzar dang blugs gzar gsungs te/ 'dir yu ba'i rtse mor te khru gang tsam gyi yu ba'i rtse mor snyim pa'i rnam pa'i snod gru bzhi pa ste sor mo gcig gi dpangs so/ mnyam pa'i gzhi la pad+ma ste pad+ma'i 'dab ma'i rtse mo 'di ni mchu'i nang gi ngos so/
 phyi rol tu rdo rje rtse lnga pa ste dbu ma'i rtse mo la gcin dang khu ba'i rgyun 'byung ba bzhin du mar gyi rgyun 'byung ba'i don du bug pa'o/ /bsreg blugs kyi bya ba la bsregs blugs kyi dgang gzar ro/ /khru gang tsam gyi yul ba las zhes pa ni rtsa ba'i rgyud las snying
 ga'i pad+ma nas rdo rje'i mthar thug pa'o zhes pa ni nges pa'o/ /de bzhin du yu ba'i rtse mor sbyin sreg gi bya ba la khyor bar 'gyur te/ mdzod spu'i gnas nas snying ga'i bar du'o/ /rtse mo 'am thad ka'i cha nas zhes pa ste/ de nyid du lag mthil gyi tshed kyis pad+ma
 sor drug pa'o/ /rdzas kyi sbyin bsreg gi blugs gzar gyi yu ba'i rgyab la rdo rjes mtshan pa ste/ sbyin sreg gi snod kyi nges pa'o/ /nga ni zhi ba la sogs pa la lha'i sku gsungs te/ 'dir thab khung gi me'i lha dang/ dkyil 'khor gyi gtso bo ni zhi ba dang rgyas pa
 la zhi ba kha dog dkar por 'gyur ro/ /bsad pa dang bskrad pa la sogs pa la drag po kha dog nag po'o/ /dbang dang dgug pa la chags pa dang bcas pa kha dog dmar po'o/ /rmongs pa dang rengs pa la sogs pa la rengs pa kha dog ser po'o/ /zhes
 pa ni zhi ba la sogs pa la lha'i kha dog ste/ las thams cad pa la ljang gu cung zad bzhad cing chags pa'i sku ste/ lha'i nges pa'o/ /da ni rdul tshon gyi rnam par dag pa gsungs pa/ rnam pa lnga zhes pa la sogs pa ste/ 'dir rgyal ba'i
 dbang po rdo rje sems dpa' rnam pa lnga'o/ /gang phyir te gang gi phyir ye shes kyi 'od zer rnam pa lnga spro ba'i phyir te/ srid pa gsum la gnas pa'i phung po dang khams dang skye mched sgrib pa med pa'i dbye ba yis so/ /de las kyang ni lha rnams
 dkyil 'khor dag la rdul tshon rnam pa lnga ru 'gyur te/ rdul tshon gyi nges pa'o/ /nga ni thig skud khru ni brgyad ces pa la sogs pas thig skud kyi mtshan nyid gsungs te/ 'dir gzhon nu mas bkal ba'i skud pa sum sgril gyi bdag nyid du mas skud
 pa byas te/ de nas rdo rje slob dpon gyi mthe bo'i nas kyi sum sgril du bya'o/ /de nyid ni khru brgyad ces pa dkyil 'khor nyis ldab bam/ bzhi ldab khru bcu drug gi bar du slob dpon gyi khru yis thig skud gcig bya'o/ /dkyil 'khor la mtshan nyid
 gzhan pa ma yin no/ /dkyil 'khor ni rtag tu rang gi bdag nyid kyi cha yis khru gcig nas brtsams te khru stong ji srid pa de srid du 'gyur ro/ /des na gang du thig skud kyi nges pa dang dkyil 'khor gyi nges pa slob dpon gyi khru yis yin pa der
 thig skud ni dkyil 'khor las nyis 'gyur ro/ /de la dang po'i sangs rgyas kyi thugs kyi dkyil 'khor ni khru bcu gnyis pa rab tu bya'o/ /zhes pa'i nges pas thig skud khru nyi shu rtsa bzhi'o/ /de bzhin du gsung gi dkyil 'khor khru bcu drug pa
 dang/ sku'i dkyil 'khor khru nyi shu pa'o zhes pa ni nges pa ste/ thig skud ni de dag gi nyis 'gyur ro/ /khru stong gi dkyil 'khor la ni khru nyis stong gi thig skud kyis thig gdab par mngon par brjod pa med de shin tu rmad du
 byung ba'i phyir ro/ /rgyud gzhan las thig skud sboms su sgo'i nyi shu cha dang/ ring ba dkyil 'khor gyi nyis 'gyur ma yin nam/ ji ltar na sboms su nas tsam dang ring ba khru brgyad pa yin zhes pa 'ga' zhig gi tshig 'byung bar 'gyur te/
 de'i phyir brjod par bya'o/ /'dir gal te dkyil 'khor thams cad la thig skud sboms su sgo'i nyi shu'i cha yin na/ de'i tshe khru stong gi dkyil 'khor la 'khor lo'i brgyad cha'i sgo ni nyi shu rtsa lnga lhag pa'i khru brgyad do/ /de'i nyi shu cha sor drug
 lhag pa'i khru drug ni thig skud kyi sboms su 'gyur te/ thig skud khru stong phrag gnyis pa des slob dpon su zhig dkyil 'khor gyi sa la thig gdab pa byed par 'gyur/ de'i phyir tshig 'di ni spyi'i dkyil 'khor khru gang tsam la sogs pa la ste/ de'i
 steng du thig skud kyi sboms nges pa ni bcom ldan 'das kyi ma yin no/ /mi rnams kyi lus ni thun mongs gis khru bzhi ste/ des na lus las nyis 'gyur ni khru brgyad do/ /rnam pa gsum gyi lam na gnas pa'i lus dang sems kyi rtsa la gnas
 pa gcig tu 'dres par gyur pa'i thig skud do/ /de yis khru stong gi mthar thug pa'i dkyil 'khor la thig gdab par bya ste/ snying po'i 'khor lo'i rtsibs rnams las yang dang yang du thig gi gnas su thig btab pas so zhes pa ni thig
 skud kyi cho ga'i nges pa'o/ /da ni zhi ba la sogs pas zhi ba la sogs pa'i las bsgrub pa'i don du 'dug stangs rnams gsungs te/ 'dir zhi ba la sogs pa la rim pas 'dug stangs rnams su 'gyur ro/ /de las zhi ba la skyil krung zhes pa
 ste/ pus mo g.yon pas steng du rkang pa g.yas pa gan rkyal du gnas pa ni skyil krung ngo/ /rgyas pa la rdo rje'i 'dug stangs ni/ rkang pa g.yas pa brlag yon pa'i steng dang/ g.yon pa yang brla g.yas pa'i steng du ste/ thad kar gan rkyal gyis so
 zhes pa ni rdo rje'i gdan no/ /lha min zhes pa ni lha min gyi 'dug stangs te/ gsad pa la 'thab mo byed pa'i rus sbal gyi stabs bzhin no/ /zhes pa ni lha min gyi gdan no/ /tsog pu zhes pa ni bskrad pa dang dbye ba la tsog
 pur 'gyur te/ rkang pa gnyis mnyam pa long bu 'phongs tshos kyi rtsa ba la reg pa dag ste byin pa gnyis dang brla gnyis steng du son pa ni tsog pu'o/ /skyil krung phyed pa dbye ba rnam pa gnyis zhes pa ni 'dir dbang la rkang pa g.yon
 pa skyil krung bzhin dang/ g.yas pa tsog bu bzhin te g.yas su cung zad dud pa'o/ /dgug pa la dbye ba gnyis pa ste/ g.yas pa skyil krung bzhin dang g.yon pa tsog bu bzhin te/ g.yon tu cung zad dud pa'o/ /zhes pa ni skyil krung phyed pa
 dbye ba gnyis so/ /bshang lam rkang par gnas pa dag ces pa ni/ 'dir rmongs pa la rkang pa g.yon par bshang lam gnas pa ste/ rkang pa g.yon pa'i steng du bshang lam bzhag cing g.yas pa tsog pu bzhin no/ /rengs pa la g.yas
 par bshang lam gnas pa ste/ rkang pa'i steng du gshang lam bzhag cing g.yon pa tsog bu bzhin no/ /'dug stangs kyi dbye ba rnams pa brgyad kyi nges pa'o/ /da ni shel dang zhes pa la sogs pas sngags bzlas pa'i don du zhi ba la sogs
 pa'i bgrang phreng gsungs te/ 'dir zhi ba la shel gyi bgrang phreng ngo/ /rgyas pa la mu tig gi 'bras bu'i'o/ /bsad pa la mi'i so las byas pa'o/ /bskrad pa la bang bu'i so las byas pa 'am/ rus pa las byas pa'o/ /dbang la b+ho d+hi tse'i
 bgrang phreng ngo/ /dgug pa la pad+ma'i bgrang phreng ngam/ tsan dan dmar po'i sa bon las byas pa'o/ /rmongs pa la lung tang gi bgrang phreng ngo/ /rengs pa la dbang po'i mig ces pa ru rA k+Sha'i bgrang phreng ngo zhes pa ni bgrang phreng gi nges pa ste/
 bde gshegs rigs kyi dbang gis zhes pa ni 'chad par 'gyur ba las brjod par bya'o/ /da ni dri zhim zhes pa la sogs pas mchod pa'i don du zhi ba la/ /sogs pa la me tog rnams gsungs te/ 'dir
 zhi ba dang rgyas pa la dri zhim po'i me tog dkar po rnams kyis lha la sogs pa rnams mchod do/ /bsad pa dang bskrad pa dang dbye ba la tsha ba dang bcas pa'i nag po tsher ma can rnams so/ /dbang dang dgug pa la dmar po yis so/ /rmongs
 pa dang rengs pa la ser po yis te/ mchod pa'i me tog gi nges pa'o/ /da ni bsil dang zhes pa la sogs pas spos gsungs te/ zhi ba dang rgyas pa dag la bsil ba'i spos te/ bsil ba ni a ka ru dang sihla ka dang/ ga bur dag gi
 spos sbrang rtsi dang sha ka ra la sogs pa dang bcas pa ni bsil ba'i spos zhes brjod de/ bsil ba'i rdzas rnams kyis so/ /de bzhin du bsad pa dang bskrad pa la bshang pa dang sha'i spos khrag dang ldan pa'o/ /dbang dang dgug pa
 la drag po'i spos zhes pa ste/ gu gul dang rgya skyegs dang/ sardza ra sa dang/ kun tu ru dang/ shI pU sA/ bu ram gyis sbyar ba ni drag po'i spos so/ /de bzhin du rmongs pa dang rengs pa la bska ba'i spos ni a ru ra'i phye ma bu ram
 dang bcas pa bska ba'i spos te/ spos kyi nges pa'o/ /de bzhin du zhal zas ni zhi ba la'o ma dang zan no/ /rgyas pa la zho dang zan no/ /bsad pa la mchin pa'o/ /bskrad pa la sha'o/ /dbang la mar dang zan no/ /dgug pa la til gyi 'bru mar
 dang zan no/ /rmongs pa la sran chung mud ga dang bsres pa'i zan no/ /rengs pa la tsa na ka dang nya dang zan no/ /de bzhin du zhi ba dang rgyas pa dag la tsan dan gyi byug pa'o/ /bsad pa dang bskrad pa la khrag dang sel bas so/ /dbang dang dgug
 pa la gur gum dang/ go ro tsa na'am/ tsan dan dmar pos so/ /rmongs pa dang rengs pa la yung ba dang ba bla yis te dri'i nges pa'o/ /de bzhin du mar me ni zhi ba dang rgyas pa dag la mar gyi mar me'o/ /bsad pa dang bskrad pa
 dag la mi'i zhag gis so/ /dbang dang dgug pa dag la til gyi 'bru mar gyis so/ /rmongs pa dang rengs pa la 'od ldan gyi 'bru mar dang b+hal+lA ta ka'i 'bru mar gyis so zhes pa la sogs pa mar me'i nges pa'o/ de bzhin du zhi ba dang rgyas
 pa la 'bras sa la mi chag pa'o/ /bsad pa dang bskrad pa la skye tshe'o/ dbang dang dgug pa la yungs kar ro/ /rengs pa dang rmongs pa la sran chung ngam 'bru gzhan no/ /de bzhin du gos la sogs pa ste/ zhi ba dang rgyas pa dag la mchod/
 pa'i rdzas thams cad dkar po'o/ /bsad pa dang bskrad pa dag la nag po'o/ /dbang dang dgug pa dag la dmar po'o/ /rengs pa dang rmongs pa dag la ser po'o/ /las thams cad pa la ljang gu ste/ mchod pa'i cho ga nges pa'o/ /nga ni zhi ba
 la sogs pa'i las la 'chad par 'gyur ba'i 'khrul 'khor bri bar cho ga gsungs te/ 'dir 'chad par 'gyur ba'i 'khrul 'khor ni zhi ba dang rgyas pa dag la/ n+ya gro d+ha'i 'dab ma gsar pa la shi ri khaN+Da dang sA li btags pa'i chu yis
 dUr ba'i smyu gu yis bri bar bya ste/ rgyas pa ni bsil ba'i smyu gus so/ /de bzhin du bsad pa dang bskrad pa la yang dur khrod kyi ras la dug dang khrag dang sol bas mi'i rus pa'i smyu gus te/ bskrad pa la ni bya rog gi mjug ma'i smyu gus so/
 dbang dang dgug pa la ni gro ga'i 'dab ma la gur gum dang go ro tsa nas gser gyi smyu gus te/ dgug pa la ni seng ldeng gi smyu gus tsan dan dmar po btags pas so/ /rengs pa dang rmongs pa la ni arga'i 'dab ma yongs su smin pa'i kha
 dog ser po la 'bras bu gsum gyi khu ba dang bcas pa'i ba bla dang yung bas bil ba'i smyu gus te/ rmongs pa la arga'i smyu gus so zhes pa ni nges pa'o/ /da ni 'khrul 'khor rab tu bzhag pa'i cho ga gsungs te/ 'dir zhi ba dang rgyas pa dag la 'khrul
 'khor bris pa'i 'dab ma la sogs pa ni ji srid 'khrul 'khor mi mthong gi bar du skud pa dkar pos dkri bar bya ste/ de bzhin du las kyi dbye bas skud pa nag po dang skud pa dmar po dang skud pa ser pos dkri bar bya'o/ /de nas zhi ba dang rgyas pa
 dag la kham phor kha sbyor du mngar gsum ste sbrang rtsi dang mar dang 'o ma yang dag par bsres pa la bzhag par bya'o/ /bsad pa dang bskrad pa la thod pa khrag gis gang bar bzhag par bya'o/ /dbang dang dgug pa la me yis gdungs pa'i gyo mo kha
 sbyar du spra tshil gyis dkris nas so/ /rengs pa dang rmongs pa la ba bla yi chu yis gang ba'i so phag gi dbus su bzhag par bya'o/ /zhi ba dang rgyas pa dag la rlan dang bcas pa'i gnas ni gtsang ma dag tu maN+Dal gyi steng du bzhag par bya'o/ /bsad pa
 dang bskrad pa la ro bsregs pa'i sa brkos pa'i 'og tu gzhug par bya'o/ /dbang dang dgug pa la thab kyi 'og tu'o/ /rengs pa dang rmongs pa la sa skam po la gzhug par bya ste dge ba dang mi dge ba'i las la 'bras bu sngags pa yis ni rig par
 bya zhes pa ni nges pa'o/ /da ni bris pa'i 'khrul 'khor gyi 'khor lo'i phyi rol gyi nges pa gsungs te/ 'dir zhi ba la 'khor lo'i phyi rol du zla ba'i dkyil 'khor gyis bskor bar bya te/ zlum po yi ri mo yis so/ /rgyas pa la glang po ches bskor bar bya
 ste ji ltar glang po che'i lus la 'khor lo 'gyur ba'o/ /bsad pa la yi dags kyi lus la'o/ /bskrad pa la rnga mo'i lus la'o/ /dbang la ri dags kyi lus la'o/ /dgug pa la rta'i lus la'o/ /rmongs pa la ra'i lus sam lug gi lus la'o/ /
 rengs pa la rus sbal gyi lus la ste/ ji ltar 'khrul 'khor gyi 'khor lor 'gyur ba de bzhin du phyi rol du gzugs bya'o/ /de nas sngon du gsungs pa'i skud pas dkri bar bya'o/ /de bzhin du rig pa yang nges pa ste/ zhi ba dang
 rgyas pa la dngul gyi sbu gu rig pa'i dbus su bzhag par bya'o/ /bsad pa la mi'i rus pa'i sbu gu'o/ /bskrad pa la bya rog gi rus pa'i sbu gu'o/ /dbang la gser gyi sbu gu'o/ /dgug pa la zangs kyi sbu gu'o/ /rmongs pa la lcags kyi
 sbu gu'o/ /rengs pa la ra gan gyi sbu gu'o zhes pa ni nges pa'o/ /'dir gang gis bskrad par 'gyur ba'i cho ga de nyid kyis dbye ba'i bya ba bya'o/ /gang gis rengs par 'gyur ba de nyid kyis phur bus gdab par bya ste/ 'on kyang dgra'i dri ma dril
 ba bdud rtsi lnga dang bcas pas gzugs brnyan bcas nas 'khor lo drug dang lag pa dang rkang pa'i tshigs rnams la myos byed kyi tsher ma rnams kyis phur bus gdab par bya'o/ /lhag ma ni rengs pa la sogs pa bzhin no/ /gang gis dgug
 par 'gyur ba de nyid kyis rims bskyed pa ste/ 'on kyang skye tshe dang lan tshas gzugs brnyan las byugs nas me yis rab tu gdung bar bya'o/ /gang gis zhi bar 'gyur ba de nyid kyis gdug pa'i lta ba dang du gzhil ba ste/ slob dpon gyi
 las bcu gnyis kyi cho ga shes nas gal te gzhan la phan pa'i slad du byed na/ de'i tshe bcom ldan 'das kyis nges pas gdon mi za bar de'i 'bras bur 'gyur ro/ /rang gi don du ni ma yin no/ /gang zhig byed na yang 'dir de'i cung zad kyang
 'grub par mi 'gyur te/ gdug pa'i slob dpon rnams yongs su ngal ba nyon mongs pa tsam 'ba' zhig go /de'i phyir rgyud las gsungs pa'i nges pas/ ltos pa med pa'i slob dpon mngon par shes pa thob pas gzhan la phan pa'i don
 du bya'o/ /'chad par 'gyur ba las nges par 'byung bar 'gyur te des na 'dir rgyas par ma brjod do/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od kyi dbang gi le'u
 las slob dpon la sogs pa dang las rab 'byam thams cad kyi sgrub thabs kyi mtshan nyid kyi mdor bsdus chen po ste dang po'o// //rdo rje 'jigs byed 'jigs par byed/ /dpa' bo gdul bka' 'dul ba po/ /dus kyis 'khor lo thod pa
 can/ /khams gsum rnam rgyal la btud de/ dkyil 'khor bri ba'i slad du yang/ /gnas bsrung cho ga gdug pa ni/ /bsal ba nyid dang sa sogs la/ /lhag par gnas pa bshad par bya/ /ji ltar rgyud rgyal las gsungs dang/ /'jam pa'i rdo rjes
 gzhan las kyang/ cho ga thams cad sangs rgyas 'bras/ /thob slad 'grel pas bdag gis dgrol/ /'dir sngar gsungs pa'i cho gas nyi ma'i shing rtas gsol ba btab pa bcom ldan 'das 'jam dpal gyi sprul pa'i sku mi'i dbang po grags pas
 dkyil 'khor bri ba'i slad du mchog gi dang po'i sangs rgyas bcom ldan 'das kyis rab tu gsungs pa bsrung ba'i 'khor lo la sogs pa rnams tshigs su bcad pa nyi shu rtsa gsum pa la sogs pas rab tu bsdus te/ dpal ldan rdo rje rnams
 kyis phyogs kun tu zhes pa la sogs pas rgyud las gang gsungs pa de thams cad dpal ldan rdo rje zhes pa la sogs pa'i mdor bsdus chen pos bdag gis dgrol bar bya'o/ /'dir dang por re zhig rdo rje slob dpon gyis rang gi lus dang gnas
 bsrung ba bsam bya ste/ phyi nas slob ma la sogs pa bsdu ba dang sa yongs su gzung ba yang bya'o/ /de'i phyir dang por sngags pas dkyil 'khor gyi don du brtags pa'i sar song nas dbus su 'jam pa'i stan la shar du mngon par phyogs par
 gyur pas nye bar 'dug pas dpal ldan rdo rje rnams yan lag la dgod par bya ste/ dpral bar zla ba'i dkyil 'khor dkar po la oM yig dgod do/ /mgrin par nyi ma'i dkyil 'khor dmar po la A(rgyud 'grel gar sgra gcan gyi dkyil 'khor nag po la hUM yig dgod do/ /lte bar dus me'i dkyil 'khor kha dog ser po la ho yig dgod do/ /gtsug tor dang gsang bar grangs bzhin du nam mkha' dang ye shes kyi dkyil 'khor ljang gu dang/ sngon
 po la ha dad k+Sha yig dag dgod do/ /de ltar dkyil 'khor drug bsgoms te/ dkyil 'khor de rnams la rim pa ji lta pas sa bon 'di dag yongs su gyur pa'i rdo rje rnams bsgom par bya ste/ rtse mo bcu bdun pa dang/ rtse mo sum cu rtsa gsum
 pa dang/ rtse mo dgu pa dang/ rtse mo drug cu rtsa lnga pa dang/ rtse mo lnga pa dang/ rtse mo sum cu rtsa gsum pa'o/ /de bzhin du phyi rol du g.yon pa'i phrag pa dang dpung pa'i tshigs la ka sde'i bdag nyid rtse mo sum cu rtsa gcig pa'o/ /de bzhin du
 g.yas pa la ka sde ring po'i bdag nyid do/ /de bzhin du g.yon pa'i nye dpung pa'i tshigs la tsa sde thung ngu'i bdag nyid do/ /g.yas pa la ring po'i bdag nyid do/ /de bzhin du g.yon pa'i lag pa'i tshigs la Ta sde thung ngu'i bdag nyid do//
 g.yas pa la ring po'i bdag nyid do/ /g.yon pa'i brla'i tshigs la pa sde thung ngu'i bdag nyid do/ /g.yas pa la ring po'i bdag nyid do/ /g.yon pa'i pus mo'i tshigs la ta sde thung ngu'i bdag nyid do/ /g.yas pa la ring po'i
 bdag nyid do/ /rkang pa g.yon pa'i tshigs las sde thung ngu'i bdag nyid do/ /g.yas pa la ring po'i bdag nyid do/ /zhes pa ni tshigs la rdo rje dgod pa'o/ /de bzhin du nang gi le'u las gsungs pa'i sa bon gyi yi ge rnams kyis
 so sor sor mo'i tshigs drug cu po rnams la rdo rje rtse mo bdun pa bsgom par bya'o/ /de bzhin du rna ba dag la a A dag gis rdo rje rtse mo gsum pa bsgom par bya'o/ /sna'i bug pa dag la e i dag gis so/ /mig dag la ar Ar dag gis
 so/ /lce dang lce chung dag la o aau dag gis so/ /rdo rje dang gsang ba dag la al Al dag gis so/ /yid dang khu ba'i rtsa la aM a(rgyud 'grel lce dang rkan dag la ya yA dag gis rtse mo lnga pa'o/ /lag pa'i mthil dag la ra rA dag gis so/ /de bzhin du rkang pa'i mthil dag la wa wA dag gis so/ /de bzhin du bshang lam gyi g.yon dang g.yas su la lA dag gis
 so/ /de ltar rdo rje'i skur bdag nyid bsgom par bya'o/ /de nas rdo rje de las 'phros pa'i rdo rje 'bar ba rnams kyis phyogs bcu na gnas pa'i mdza' dag bdud kyi tshogs sems can la rnam par 'tshe bar byed pa rnams nges par bsreg par
 bya ste/ steng du ljang gu 'bar ba rnams dang/ 'og du sngon po 'bar ba rnams dang/ shar dang mer nag po 'bar ba rnams dang/ lho dang bden bral du dmar po 'bar ba rnams dang/ byang dang dbang
 ldan du dkar po 'bar ba rnams dang/ nub dang rlung du ser po 'bar ba rnams kyis so/ /bdud kyi tshogs bsegs pa de'i 'og tu phyi nas 'khor lo rtsibs bcu dag la phyogs dang phyogs bral du gnas khro bo'i tshogs ni bsgom par bya zhes pa ni
 'dir 'chad par 'gyur ba'i rim pas bdud dang bgegs rang log 'dren rnams phur bus gdab pa'i don dang gnas bsrung ba'i don don du sngags pas srung pa'i 'khor lo bsgom par bya'o/ /'dir 'chad par 'gyur ba'i tshigs su bcad
 pa las nges pa gsungs pa/ sa yi phyogs rnams su 'dir dang po rdo rje gsum gyis zhing skyong rnams la gtor ma sbyin bya ste/ phyi nas rdo rjer brjod pa bzhi yis phyogs dang phyogs bral la gnas bdud kyi tshogs rnams nges
 par bsreg par bya zhes pa ste/ 'dir bzhi yis shes pa ni gtso bo nyid kyi phyir gsungs pa'o/ /rgyas par ni rdo rje thams cad kyis nges par bsreg par bya'o/ /zhes pa nges pa ste yan lag thams cad la sngags dgod par rig par bya'o//
 de'i phyir dang po sa la zhing skyong gang zhig de'i grong gi ming gis mnyam pa dang mi mnyam pa'i yi ge ste/ de'i gtor ma'i sngags ni/ oM A:hUM/ che ge mo sa pa ri wA rA ya/ i daM ba liM/ gand+haM/ puShpaM d+hU paM pra dI pAk+ShA taM da dA ma he/ sa pa
 ri wA ra(rgyud 'grel ltar sngar gsungs pa'i cho gas gtor ma byin nas gnas kyi bdag po gshegs te/ de nas bdud kyi tshogs bsregs nas bsrung ba'i 'khor lo rnam par bsam mo/ /de la dang por yaM yig yongs su gyur pa las rlung gi dkyil 'khor
 te/ steng dang 'og tu hUM yig las rdo rje kha sbyar ba'o/ /de bzhin du raM yig gi bdag nyid me'i dkyil 'khor dang/ waM yig gi bdag nyid chu'i dkyil 'khor dang/ laM yig gi bdag nyid sa'i dkyil 'khor ro/ /de nas dkyil 'khor bzhi po rnams
 gcig tu byas te/ tho rangs nas ni grib ma'i mdza' ru zhes pa mtshams kyi mthar thug par ro/ /de nas khang pa brtsegs pa khru brgya phrag gnyis pa bsgom par bya ste/ phyi rol tu ring du mthong ba'i mdza' ru ste/ gang du nam mkha' dang sa 'byar ba
 zlum po'i dkyil 'khor gyi rnam par snang ba der dkyil 'khor bzhi gcig tu gyur pa de nyid kyis rab gsum mo/ /de nas yul 'khor bsrung ba'i don du yul 'khor gyi mtshams su ra ba lnga bsgoms par bya ste/ thams cad du 'og tu mdung rnams dang
 steng du mda'i dra ba rnon po'o/ /dbus su rdo rje'i sa yul 'khor gyi mtshams kyi mdza' ru bsgom par bya'o/ /de nas khang pa brtsegs pa'i dbus su chu skyes sam 'khor lo rtsibs brgyad pa khru bcu gnyis pa bsgom par bya'o/ /de'i lte ba 'am mu khyud
 gdan dang bcas pa ste/ nyi ma'i gdan dang bcas pa dag kyang khru bzhi'o/ /nyi ma de'i steng du bdag nyid 'chad par 'gyur ba'i khro bo rdo rje shugs kyi gzugs phyag nyi shu rtsa drug dang zhal bzhi pa nyes pa dag dang rnam par bral ba ste/ 'di ltar 'khor lo'i
 dbus su gnyis lhag rgyal ba'i phyag dang dus kyi zhal ldan khro bo'i dbang po rdo rje shugs zhes pa ste/ sgrub thabs kyi le'u las 'chad par 'gyur ba sngags pas bsgom par bya'o/ /zhes pa ni nges pa'o/ /de nas te khro bo'i rgyal po de bsgoms nas bla ma'i nges pa
 dang ldan zhes pa sangs rgyas kyi gsung dang ldan pa gang zhig cung zad 'dod pa bsgrub pa po yis bsgrub par bya zhes pa ste/ dkyil 'khor gyi sa dang slob ma la sogs pa rnams bsrung pa'i don du bsrung ba'i 'khor lo la khro bo la sogs pa'i lha'i tshogs spro bar bya'o
 'dir ting nge 'dzin ni dang por bdag nyid rdo rje shugs su bsgoms te/ de nas snying kar nyi ma'i dkyil 'khor la ha ya ra wa la rnams brtsegs pa'i rang bzhin bsgom par bya'o/ /de dag gi nang nas ha yig las grub pa kha dog ljang gu 'chad par 'gyur ba'i phyag dang mtshon
 cha dang zhal dang ldan pa gtso bo'i zhal gyi rna ba g.yon pa'i sgo nas phyung ste/ steng du brtsegs pa'i nang du zla ba'i dkyil 'khor ram nyi ma'i dkyil 'khor la gtsug tor g.yas brgyad du gzhag par bya'o/ /'dir nyi ma'i rkang pa'i dbye bas khro bo rnams dgod pa ni rnam
 pa lnga'o/ /'dir ro dang dus dang ri bong can zhes pa'i nges pa las nyi ma'i rkang pa ni bcu gcig go /de la ri bong can gyis rdo rje shugs so/ /dus kyis gshin rje mthar byed la sogs pa bzhi'o/ /ro yis gtsug tor la sogs pa drug go /de'i phyir nyi ma'i bu lon dang
 nor gyi dbye bas thams cad nyi ma la gnas pa 'am/ de bzhin du chos kyi nor dang bu lon gyi dbye bas thams cad zla ba la gnas pa'o/ /de bzhin du lus kyi dbye bas phyogs rnams su zla ba la gnas pa dang/ phyogs bral rnams su nyi ma la gnas pa'o/ /de bzhin du bsam pa'i
 dbye bas phyogs bral rnams su zla ba la gnas pa dang/ phyogs rnams su nyi ma la gnas pa'o/ /de bzhin du nub dang lhor nyi ma'i gdan la gnas pa dang/ byang dang shar du zla ba'i gdan la gnas pa ni/ nyi ma'i rkang pa'i dbye bas nges pa'o/ /de nas sngags pas ji ltar mngon par 'dod pa bzhin
 khro bo'i tshogs bzhag par bya'o zhes pa ni nges pa'o/ /de bzhin du hA yig ring po las grub pa'i gnod mdzes rgyal po kha dog sngon po ni rna ba g.yas pa'i sgo nas phyung ste rdo rje'i sa ga zhir nyi ma la gzhag par bya'o/ /de bzhin du yi yig las grub pa bgegs mthar byed kha dog nag po ni sna
 g.yon pa'i sgo nas phyung ste shar gyi rtsibs su zla ba'i dkyil 'khor ram nyi ma la bzhag par bya'o/ /de bzhin du yI yig las grub pa dbyug pa sngon po nag po ni sna g.yas pa'i sgo nas phyung ste me'i rtsibs su nyi ma 'am zla ba la bzhag par bya'o/ /rri yig las grub pa shes rab
 mthar byed dmar po ni mig g.yon pa'i sgo nas phyung ste lho'i rtsibs su zla ba 'am nyi ma'i gdan la bzhag par bya'o/ /de bzhin du rrI yig las grub pa 'dod pa'i rgyal po dmar po ni mig g.yas pa'i sgo nas phyung ste bden bral gyi rtsibs su nyi ma'am zla ba'i gdan la
 bzhag par bya'o/ /de bzhin du wwu yig las grub pa pad+ma mthar byed dkar po ni lce'i sgo nas phyung ste byang gi rtsibs su zla ba 'am nyi ma la bzhag par bya'o/ /de bzhin du nynyU? yig las grub pa mi g.yo ba dkar po ni gcin gyi sgo nas phyung ste dbang ldan gyi rtsibs su
 nyi ma 'am zla ba la bzhag par bya'o/ /de bzhin du l+li yig las grub pa gshin rje mthar byed ser po ni bshang lam gyi sgo nas phyung ste nub kyi rtsibs su zla ba 'am nyi ma la gzhag par bya'o/ /de bzhin du l+lI yig las grub pa stobs po che ser po ni rdo rje gtsug tor gyi sgo
 nas phyung ste rlung gi rtsibs su nyi ma 'am zla ba la bzhag par bya'o/ /yang na bsdus pa'i rgyud kyi rjes su 'brang ba'i sngags pas thams cad nyi ma'i dkyil 'khor la bzhag par bya'o/ /de ltar na snying po'i 'khor lo dgod pa'o/ /de nas brtsegs pa'i phyi rol du tshangs ris
 la sogs pa'i zad par sa la sogs pa rnams spro bar bya'o/ /'dir so sor brjod pa'i tshig gis ha ya ra wa la zhes brjod nas nga nya Na ma nan ces gsungs te/ de bzhin du 'dir snying gar nyi ma'i dkyil 'khor la nga nya Na ma nan brtsegs pa'i rang bzhin bsgoms
 nas/ de dag las da dA'i yi ge las grub pa zad par nam mkha' dag ni sngar brjod pa'i sgo dag nas phyung ste/ brtsegs pa'i steng dang/ gnod mdzes kyi 'og tu stong pa'i dkyil 'khor la gnas pa bsgom par bya'o/ /de bzhin du nyi nyI las grub pa'i zad par rlung
 dag ni shar dang me dag tu rlung gi dkyil 'khor la bsgom par bya'o/ /de bzhin du NrDi Nri las grub pa zad par mi dag ni lho dang bden bral dag du me'i dkyil 'khor la bsgom par bya'o/ /de bzhin du mu mU las grub pa zad par chu dag ni byang dang dbang ldan dag tu
 chu'i dkyil 'khor la bsgom par bya'o/ /de bzhin du nli nlI las grub pa zad par sa dag ni nub dang rlung dag tu sa'i dkyil 'khor la bsgom par bya'o/ /de nas g+ha dzha Dha b+ha d+ha b+ha brtsegs pa'i rnam par bsgom par bya zhing de dag las kyang phyogs skyong ba spro bar bya ste/ g+ha g+hA las
 grub pa tshangs pa dang khyab 'jug ljang khu dang sngon po dag ni ra ba'i khyon gyi tshang kyi stong du tshangs pa dang 'og du khyab 'jug ste/ dang phu dang mkha' ldir la gnas pa bsgom par bya'o/ /de bzhin du dzhi dzhI las grub pa bden bral dang rlung lha kha dog nag po dag ni
 shar dang me dag tu yi dags dang ri dags kyi gdan la gnas pa'o/ /de bzhin du lho dang bden bral du Dh+ri Dh+rI las grub pa gshin rje dang me dag ni ma he dang lug la gnas pa'o/ /byang dang dbang ldan du b+hu b+hU las grub pa rgya mtsho dang bde byed dag ni chu
 srin dang khyu mchog la gnas pa'o/ /nub dang rlung du d+hli d+hlI las grub pa dbang po dang gnod sbyin dag ni glang po dang gzhal yas khang la gnas pa ste/ de ltar phyogs skyong rnams ra ba la sogs pa la bsgom par bya'o/ /de nas ra ba bsrung ba'i don du gza'i 'khor lo
 spro bar bya ste/ sngar brjod pa'i nyi ma'i dkyil 'khor la ga dza Da ba dang bsgoms te/ de dag las ga gA las grub pa sgra gcan dang dus kyi me dag ni ra ba gsum po rnams kyi khyon gyi tshad kyis steng dang 'og du stong pa'i dkyil 'khor la gnas par bsgom par bya'o/ /de
 bzhin du dzi dzI las grub pa zla ba dang nyi ma dag ni shar dang me dag tu rlung gi dkyil 'khor la gnas pa'o/ /Dri DrI las grub pa gza' lhag dang bkra shis dag ni lho dang bden bral du me'i dkyil 'khor la gnas pa'o/ /pu pU las grub pa pa sangs dang phur bu dag ni
 byang dang dbang ldan du chu'i dkyil 'khor la gnas pa'o/ /dli dlI las grub pa mjug rings dang spen pa dag ni nub dang rlung dag tu sa'i dkyil 'khor la bsgom par bya'o/ /'di ni ra ba'i phyi rol du srung zhing skyong ba'i gza' rnams so/ /de nas rab lnga bsrung ba'i
 don du klu'i rgyal po rnams spro bar bya ste/ nyi ma'i dkyil 'khor de la kha tsha Tha pha Tha Tha bsgoms nas/ de dag las kha khA las grub pa rgyal ba dang rnam par rgyal ba dag ni ra ba lnga'i nang gi khyon gyi tshad kyi steng dang 'og tu stong pa'i dkyil 'khor la gnas pa
 bsgom par bya'o/ /de bzhin du tshi tshi las grub pa stobs kyi rgyu dang pad+ma dag ni shar dang me dag tu rlung gi dkyil 'khor la gnas pa'o/ /de bzhin du Th+ri Th+rI las grub pa nor rgyas kyi gu dang dung sgyod? dag gi lho dang bden bral dag tu me'i dkyil 'khor la gnas
 pa'o/ /de bzhin du phu phU las grub pa mdza' yas dang rigs ldan dag ni byang dang dbang ldan dag tu chu'i dkyil 'khor la gnas pa'o/ /thli thlI las grub pa pad+ma chen po dang 'jog po dag ni nub dang rlung du sa'i dkyil 'khor la gnas pa bsgom par bya'o/ /de
 nas ra ba lnga'i phyi rol tu bsrung ba'i don du 'byung po dang lha ma yin rnams bsgom par bya ste/ nyi ma'i dkyil 'khor de la ka tsa Ta ba ta ta brtsegs pa bsgoms nas/ de dag las phyi rol du ra ba'i khyon gyi tshad kyis steng du ro langs dang/ 'og tu grul bum ste/
 de ni ka kA las grub pa stong pa'i dkyil 'khor la gnas pa bsgom par bya'o/ /shar du tsi las grub pa'i mi 'am ci khyi gdong can dang/ mer tsI las grub pa skyes bu bu 'am ci bya rog gi gdong can te rlung la gnas pa'o/ /de bzhin du Tri TrI las grub pa dag ni dri
 za phag gi gdong can dang 'byung po bya rgod kyi gdong can te lho dang bden bral du me la gnas pa'o/ pu pU las grub pa srin po stag gi gdong can dang yi dags 'ug pa'i gdong can ni byang dang dbang ldan du chu la gnas pa'o/ /dli dlI las grub pa
 brjed byed ce spyang gi gdong can dang mkha' lding ni mkha' lding nyid de nub dang rlung dus la gnas pa'o/ /zhes pa ni bsrung ba'i 'khor lo ste sku dang gsung dang thugs kyi chos rnam par dag pa khang pa brtsegs pa dang/ ra ba gsum dang dang/ ra ba lnga rnams
 ni/ ye shes dang/ nam mkha' dang rlung dang me dang chu dang sa'i khams drug las skyes pa/ khro bo'i rgyal po rnams dang/ gzugs dang gzugs med pa dang/ phyogs skyong bcu dang gza' dang klu dang 'byung po ste/ sde pa drug gi bdag nyid srung zhing skyong ba
 rnams ni nang dang phyi rol nas yang dag par sbyar ba'i sbyor bas dgod par bya'o/ /sa dang chu las byung ba rnams ni lus kyi khams srung bar byed pa'o/ /me dang rlung gi khams las byung ba rnams ni dag gi khams bsrung bar byed
 pa'o/ /stong pa dang ye shes kyi khams las byung ba rnams ni thams cad du sems kyi khams bsrung bar byed pa'o/ /de'i phyir bcom ldan 'das kyi des pa ste/ de nas bla ma'i nges pa dang ldan gang zhig cung zad 'dod pa bsgrub pa po yis bsgrub par
 du zhes pa ni nges pa'o/ /da ni khro bo la sogs pa 'di rnams so so'i gtor ma'i sngags kyi tshig rnams su 'gyur ba 'di lta ste/ oM A(rgyud 'grel wA re b+hya(rgyud 'grel zhes pa ni khro bo thams cad kyi gtor ma'i sngags so/ /de bzhin du zad par nam mkha' la sogs pa grub pa rnams kyi gtor ma raM sngags kyi tshig rnams ni/ oM A(rgyud 'grel gand+haM puShpaM paM dI paM ak+Sha taM da dA ma he/ te tsA ga tye sa pa ri wA rA/ shI g+haM i daM ba liM grih+Na n+tu/ khA dan+tu pi ban+tu dza(rgyud 'grel ma'i sngags kyi tshig rnams ni/ oM A(rgyud 'grel hUM baM ho(rgyud 'grel sa pa ri wa re b+hya(rgyud 'grel kyi tshig rnams ni/ oM A(rgyud 'grel pi ho(rgyud 'grel wA re b+hya(rgyud 'grel 'byung po'i gtor ma'i sngags te/ de ltar so so'i gtor ma 'chad par 'gyur ba'i rim pas spyad pa dang rtogs pa dang rab tu 'bar ba dang bdud rtsir byas nas khro bo la sogs pa rnams la sngags pas sbyin par bya'o/ /de bzhin du dkyil 'khor gyi cho ga thams cad
 la thun mtshams bzhir slob dpon gyis gtor ma byin te de nas gshegs su gsol bar bya'o/ /gshegs su gsol ba'i dus su gsad pa'i 'khor lor haM yig la khro bo'i 'khor lo gzhug par bya'o/ /
 gtsug tor du aM yig la zad par stong pa la sogs pa'i 'khor lo'o/ /dpral bar i yig la phyogs skyong ba'i 'khor lo'o/ /mgrin par raM yig la gza'i 'khor lo'o/ /snying gar u yig la klu'i 'khor lo'o/ /lte bar li yig la 'byung po'i 'khor lo gzhug
 par bya'o/ /gshegs su gsol ba'i cho ga rdzogs nas/ de'i 'og tu sngags pas 'chad par 'gyur pa'i rim pas sa yongs su bzung bar bya'o/ /zhes pa ni nges pa'o/ /da ni 'chad par 'gyur pa'i ting nge 'dzin gyis sa sbyang ba'i don du sa'i lha mo spyan drang
 pa gsungs te/ 'dir sa'i ting nge 'dzin gyis sa'i lha mo spyan drangs nas dza(rgyud 'grel rab tu sbyin no/ /de la gsol ba btab ste phyi nas sa'i gnas la dag pa dag ni ji ltar 'dod pa mdzod ces pa'o/ /'dir gsol ba gdab pa ni/ rgyal bas lha yi bdag po dang bcas bdud ni bcom pa dag la lha mo khyod ni dbang du gyur/ /de phyir khyod ni mchod par
 bya zhing lha mchog gis btud bzhes shig bzhes shig bdag gi mchod yon no/ /zhes pas bstod nas de la gsol ba gdab par bya ste/ ji ltar rgyal bas byang chub slad du bdud kyi sde ni stobs ldan dag kyang rab tu bcom gyur pa/ /de bzhin bdag
 gis kyang ni slob ma rnams la dbang bskur slad du bdud rnams nyams pa dag tu bya/ /khyod dbang du gyur pas so zhes pa'o/ /de nas sangs rgyas la sogs pa rnams la 'chad par 'gyur ba'i mchod pa byas shing/ /mchod yon la sogs pa phul nas
 gsol ba gdab par bya ste/ 'dir gsol ba gdab pa ni/ gang dag phyogs rnams kun na sangs rgyas byang chub sems dpa' nyes pa rnam bral btsun mo dang bcas pa/ /de dag rnams kyis mchog gi snying rjes dkyil 'khor du ni dbang bskur slad du
 bdag la bskyang du gsol/ /de dag kun la gsol ba btab nas seng ldeng rang bzhin sra ba'i phur ba dag gis sa la gdab ste/ 'chad par 'gyur ba'i rim pas so zhes pa ni/ gsol ba gdab pa'i nges pa'o/ /de bzhin du gsungs pa/ khro bos mtshon cha ldan
 pa rnams ni phyogs bcu'i cha ru sa la phur bus gdab pa dang bsrung ba'i don du dgod par bya zhes pa ste nges pa'o/ /nga ni sa rko ba'i mtshan ma gsungs te/ 'dir sa'i cha la zug rngu la sogs pa nges par zhugs na dge ba'i las la gegs byed par 'gyur te/ de'i phyir sbyang ba bya'o/ /
 zug rngu ste mi'i dus pa'am/ sol ba dang bcas pa ste sol ba'am rwa ni thun mong du dge ba'i las la 'chi ba'i 'jigs byed de/ /gnas de dag tu yon tan dbang gis nyams par 'gyur te de'i phyir ni sbyang bar bya/ ci ste sa la rin chen nam dung dam mchid bu mthong na/
 de'i tshe bde bar byed par 'gyur te dkyil 'khor dag gi don du'o/ /de bzhin du khang bzang gi don dang khyim gyi don dang rab gsal nges par 'dir ni mchod sbyin la sogs pa slad du'o/ /zhes pa ni gnas sbyang ba'i nges pa'o/ /da ni sa sbyang pa'i don du nyi ma gsungs pa/
 rdzogs pa dag la zhes pa la sogs pa ste/ 'dir zla ba so so la rdzogs pa drug ni 'di lta ste/ lnga pa gnyis dang/ bcu pa gnyis dang/ bco lnga pa gnyis te/ dkyil 'khor bri ba'i slad du dus kyi mtshams shes shing dge ba dang mi dge ba'i las shes nas so
 'dir dge ba'i las la dkar po'i lnga pa dang bcu pa dang bco lnga la biSh+Ti spangs nas sa sbyang par bya ste/ de nas sngar gsungs pa'i sa yis dgang bar bya'o/ /mi dge ba'i las la nag po'i lnga pa dang/ bcu pa dang gnam stong gi zla ba nyams pa las sbyang bar bya ste
 sngar gsungs pa'i sa yis dgang bar bya'o/ /de nas bzung ba dag kyang ste mchod pa la sogs pa rdzogs pa la'o/ /bu rnams dag ni ste slob ma rnams yang dag bsdu ba ni nya la'o/ /de nas dkyil 'khor bri ba'i dus shes nas bcu gnyis pa la thig gdab par bya'o
 'dod pa ma nu'i nyin zhag dag la zhes pa bcu gsum pa dang bcu bzhi pa la dpal ldan rdul tshon dgye bar bya'o/ /dbang la sogs pa 'chad par 'gyur ba ni nyal mchog gi bla mas sbyin te/ zhes pa lung gi tshig go /bdud ni bcom pa'i nyin zhag dag la/ yang
 yig gis nya gzhan la yang sbyin no zhes pa ni nges pa'o/ /de bzhin du sku gzugs la sogs pa la nya de nyid kyi mtshan mo rgyal ba'i rigs la rab tu gnas par 'gyur te/ mtshan mo gzhan la rab gnasmin zhes pa ni nges pa'o/ /de nas dag pa'i dus sbyong gza' la
 sogs pas mi'i bdag po mtshan mo gzhan la rab tu gnas par 'gyur ro srog phur bu dang pa sangs nub par gyur pa zhes pa nyi ma'i dkyil 'khor la rab tu zhugs na/ de tshe ste zla ba de la nges par ni mdza' gcig tu bag ma dang rab tu gnas par mi 'gyur ro/ /de ltar rgyal dang nag pa'i nya la phur bu'i zhing du nyi ma zhugs par
 gyur pa na 'gyur te/ rgyal la rgyal po rnams kyi dbang bskur ba dang nag pa la sangs rgyas kyi dbang bskur ba'i phyir ro zhes pa ni nges pa'o/ /de ltar slob dpon dag gis sa gzhi'i gnas su 'jig rten 'jig rten 'das pa dag kyang mdza' dag shes nas ni zhi ba la sogs pa'i bya ba
 gang gang byed pa de de mdza' de ltar 'bras bu dag ni rab tu sbyin par 'gyur zhes pa ni tshes kyi nges pa ste/ de bzhin du drag po'i las ni mi dge ba'i nyin zhag la nges pa'o/ /da ni slob ma bsrung ba'i cho ga gsungs te/ 'dir dang por slob ma la sogs pa bsrung ba bya ste/ phyi nas slob ma
 la sogs pa bsdu ba bya'o/ /'dir rgyal ba la sogs pa lha mo rnams dang gnyis ka'i rigs su gyur pa dag gis bsrung ba ni/ mgo bor u yig dang/ snying kar a'i yig dang/ gtsug tor du a yig dang/ lte bar lI yig dang/ mgrin par rI yig dang/ gsang bar A(rgyud 'grel ste/ gnyis ka'i rigs su gyur pa sku gsung thugs kyis phye ba dag gis shes pa'o/ /de bzhin du sku gzugs sogs dang glegs bam rnams ni rab gsal nges pa'i dpal ldan dbyangs rnams dag gis zhes pa ste/ a i ri u li zhes pa dbyangs lnga po rnams kyis bsrung ba byas nas/ /de'i
 rjes la sangs rgyas rnams la gsol ba gdab par bya ste/ sems can rnams ni thar pa'i slad du che ge mo dag kyang bcom ldan 'das dus kyi 'khor lo'i dkyil 'khor 'dri bar bgyid do/ /de'i phyir sangs rgyas dang byang chub sems dpa' rnams kyis slob ma la sogs pa rnams byin gyis brlab
 par mdzad du gsol zhes pa ni gsol ba gdab pa'i nges pa dang/ bsrung ba'i nges pa'o/ /da ni gang zhig 'chad par 'gyur bas rgyas par brjod par bya ba thig skud la sogs pa'i lhag par gnas pa la sogs pa mdor bsdus pas gsungs te/ dag pa'i gnas ni legs par
 gang zhing shin tu mnyam par bkod pa gru bzhi cung zad rus sbal rgyab bzhin mtho ba dag /khru tshad gcig la sogs pa dus dang nor dang mi bdag ces pa khru bzhi dang/ khru brgyad dang khru bcu drug ste/ de bzhin du stong phrag gi tshad kyi gnas gang ba de la lhor thig skud dang
 gshin rjed rdo rje dang/ chur rdul tshon gyi snong dang/ byang du rdo rje dril bu dang/ dbus su rnam par rgyal ba'i bum pa brkod nas/ de'i rjes la 'chad par 'gyur ba'i rim pas gnyid log ste/ gang gi tshe slob dpon nam slob mas mtshan ma rnyed pa de'i tshe mtshan ma
 rnyed na dang po ste shar gyi phyogs dang/ phyi ma ste nub kyi phyogs su dkyil 'khor thig ni gdab par bya ste/ bla ma dang slob ma dag gis so/ zhes pa ni nges pa'o/ /da ni mtshan ma ngan pa'i mtshan nyid gsungs te/ 'dir thig skud chad par gyur pa na bla ma nyams par 'gyur
 zhing/ yongs 'joms 'gongs par gyur na bu rnams dag kyang nyams par 'gyur ro/ /gal te rdul tshon rlung gis khyer na zhes pa ni 'dir gang gi tshe dkyil 'khor gyi rdul tshon rlung gis khyer bar gyur pa de'i tshe bla ma la sogs pa rnams la 'jigs pa gsal bar byed cing
 yul 'khor dag tu rgyal po 'jig pa yang gsal bar byed do/ /mtshan ma ngan pa de dag mthong nas slar yang slob dpon gyis gtso bo dag gi sngags kyi bzlas pa rab tu bya ste/ slar yang mtshan mar gyur gyi bar du'o/ /de nas slar yang mtshan ma rnyed na mnyam dang mi mnyam
 rkang pa dag gis thig ni gdab pa bsgrub par bya/ 'dir slob dpon gyi g.yon pa skyil krung dang rkang pa g.yas pa'i mthil la bzhag pa mnyam pa'i rkang pa dang/ de bzhin du bzlog pa mnyam pa'i rkang pas thig gdab pa bsgrub par bya'o/ /zhes pa ni nges pa'o/ /da ni yongs 'joms
 gsungs te/ 'dir shes rab thabs kyi yan lag dbus su yongs 'joms su 'gyur de ni dkyil 'khor dag la spang bar bya zhes pa la 'dir shes rab kyi yan lag ni lho dang nub bo/ /thabs kyi yan lag ni shar dang byang ngo/ /'di dag gi dbus su yongs 'joms
 te/ dkyil 'khor la spang bar bya'o/ /de bzhin du sa la g.yul gyi dus su rtse mo can dang rlung du gnas pa zhes pa ni me dang rlung gis phyogs su ji snyed gnas pa'i sde gnyis po dag gi dbus su gdengs can bzhin du dbyug pa'i rnam pa ste/ yongs 'joms
 'gongs pa las g.yul du sde ni nyams par 'gyur te sa gzhi dag tu mtshan ma'i 'thab mo lo bsnun par 'gyur zhing/ /dkyil 'khor la 'thab mo dang brtsod par 'gyur ro/ /de'i phyir g.yul dang dbang dag la yang yongs 'joms shin tu stobs dang ldan par sngags
 pas rig par bya/ zhes pa ste nges pa'o/ /da ni 'dod pa'i lha'i dmigs pa mdor bsdus pas gsungs te/ 'dir a sogs zhes pa a yig la sogs pa'i dbyangs rnams dang ka sogs zhes pa ka yig la sogs pa'i gsal byed rnams te/ zla ba dang nyi ma'i
 bdag nyid do/ /rdo rje ldan pa dag gis zhes pa hUM yig dang bcas pa dag gis rang gi snying ga'i pad+mar zla ba nyi ma steng du/ 'chad par 'gyur ba'i rim pas/ dpal ldan dus kyi 'khor lo ri bong can 'dzin 'dod pa mnan pa'i g.yas brkyang zhabs ni bsgoms byas shing
 shes rab gtso bo'i thugs ka'i pad+ma nyi zla sbyar ldan la ste rang rang rdo rje lcags kyu yis/ /sangs rgyas lha mo rnams bkug ces pa ste/ rdul mtshon la sangs rgyas rnams ro mnyam par bsgom par bya zhing rdul tshon gyi rnam pas bkod de/ thig skud la yang lha mo
 bsgom par bya zhing thig skud kyi rnams pas so/ /zhes pa ste nges pa'o/ /da ni sngon gyi sa'i lha mo spyan drang ba la sogs pa nas brtsams te/ ji srid ting nge 'dzin 'di'i bar gyi sngags kyi cho ga brjod par bya zhing/ lha'i ting nge 'dzin gyis bdud tshar bcad pa'i sngags
 dang/ bcom ldan 'das dus kyi 'khor lo yan lag dgong pa dang/ sku dang gsung dang thugs kyi sbyang ba brjod par bya ste/ 'dir dang por sgrub thabs kyi le'u las 'chad par 'gyur ba'i rim pas kha rnam par dag pa dang/ de bzhin gshegs pa rnams mchod pa dang
 sdig pa bshags pa dang/ bsod nams la rjes su yi rang ba dang/ gsum la skyabs su 'gro ba dang/ bdag nyid kyi dngos po dbul ba dang/ byang chub kyi sems bskyed pa dang/ lam la brten pa byas te de nas stong pa nyid la dmigs pa byas nas/ lha rdzogs
 par bya ba'i don du sku dang gsung dang thugs dang ye shes rnam par sbyong bar byed sngags kyi tshig rnams su 'gyur te/ oM A(rgyud 'grel twA ya ta ni ni(rgyud 'grel sen mo'i mdza' ji srid bar rang gi lus sbrul gyi shun pa bzhin du lan gsum du dor bar bya'o/ /de nas ri bong mtshan ma'i lus su bdag nyid bsgom par bya ste zhi ba dang rgyas pa la'o/ /de bzhin du dbang dang dgug pa la raM yig yongs su gyur pa'i nyi ma'i
 dkyil 'khor gyis kha dog dmar por bsgom par bya'o/ /bsad pa dang bskrad pa la yaM yig yongs su gyur pa'i sgra gcan gyi dkyil 'khor nag pos so/ /rengs pa dang rmongs pa la laM yig yongs su gyur pa'i sgra gcan gyi mjug ma'i dkyil 'khor ser
 pos ser por ro/ /slar gso ba la haM yig yongs su gyur pa'i nam mkha' i dkyil 'khor kha dog sna tshogs ljang gus bdag nyid kha dog sna tshogs ljang gur sngags pas bsgom par bya'o/ /de nas sngags 'di brjod par bya ste/ oM swa b+hA ba shud+d+hA(rgyud 'grel swa b+hA ba shud+d+honyhaM/ zhes pa 'di brjod de/ de nas dpral bar oM dkar po las snang ba mdza' yas dang/ mgrin par A:dmar po las rin chen 'byung ldan dang/ snying gar huM nag po las don yod grub pa dang/ lte bar ho ser po las rnam pa bsnang
 mdzad dang/ gtsug tor du haM ljang gu las mi bskyod pa dang/ gsang ba rak+Sha(rgyud 'grel lag pa dag pa dang dgod pa'i sngags brjod par bya ste/ oM h+ra:sarbA stra rA dza mA ra kle shAn+ta ka ra badzra tIk+Sha du(rgyud 'grel gsungs pa'i rim pas a i ri u li/ a e ar o al/ ha ya ra wa la zhes pa i yig la sogs pa la yig gi mthar thug pa dbyangs bco lnga po rnams mtheb chung gi rtsa ba'i tshigs la sogs pa lag pa g.yon pa'i sor mo'i tshigs
 kyi mtshams rnams la dgod par bya'o/ /lag pa g.yas pa'i mthe bo rgan po'i steng gi tshigs nas brtsams te mthe chung gi 'og gi tshigs gsum pa'i bar du lA wA rA yA hA/ Al aau Ar i A/ lI a'u rI a'i a zhes pa lA yig la sogs pa rnams sa la sogs
 pa'i rim pas dgod par bya'o/ /de nas lag pa yang dag par sbyar ba'i zla ba dang nyi ma dag gi dbus su huM yig kha dog sngon po bsgoms te/ de nas zla ba dang nyi ma dang sgra gcan gyi sa bon de dag gis 'chad par 'gyur pa rdo rje rtse lnga pa'i phyag rgya bcing
 par bya ste/ de yis gtsug tor nas brtsams nas rkang pa'i mdza' dang sor mo'i sen mo'i mthar thug par bdag nyid la yang dag par rig par bya'o/ /de nas sngags 'di brjod par bya ste/ oM A:huM ho haM k+Sha(rgyud 'grel ya ma ma kA bAk+tsit+ta dz+nyA na badzri badzra kA ya swa b+hA baM ku ru ku ru swAhA/ /de nas nga rgyal ni/ oM sarba ta thA ga ta badzra kA ya swa b+hA ba At+ma konyhaM/ zhes pa ste/ sku dang gsung dang thugs dang ye shes rnam par dag pa'o/ /de nas rigs drug dgod pa byas nas phyi nas yan
 lag drug dgod par bya ste/ lag pa gnyis kha sbyar ba byas nas mthe bo zung gis snying gar oM h+rIM h+riM da yA ya na ma(rgyud 'grel yan lag thams cad la reg par bya'o/ /oM h+rAM ni trA ya wa Sha Ta/ mig la'o/ /oM h+rA(rgyud 'grel ga ta h+ri da ya si ra(rgyud 'grel pa dang dpral ba dang gtsug tor la sogs pa ste/ mgo bo la sogs pas gzung bar bya'o/ /de nas sngags 'di yis sngar brjod pa'i srung ba'i 'khor lo bya ste/ oM A hUM ra(rgyud 'grel zhes pa ra ba'i sngags so/ /oM hUM bi shwa kA ya badzra kU TA gA raM ku ru ku ru swAhA/ /zhes pa ni khang pa brtsegs pa'i sngags so/ /oM hAM yAM rAM wAM lAM badzrA ka sha bA yu te dzo da kA pri thi bI badzra swa b+hA ba pany+tsa d+hA twa bo badzra maN+Da la ni ku ru ku ru swAhA/ /zhes pa ni 'og tu dkyil
 'khor dgod pa'i sngags so/ /thabs kyi rgyud la 'di nyid kyi khang pa brtsegs pa la sogs pa bya ste/ 'dir lhun po'i steng du dkyil 'khor du mi 'gyur ro/ /oM pa(rgyud 'grel ku ru swAhA/ /zhes pa ni nyi ma'i gdan gyi sngags so/ /de nas de'i steng du rgyud la lhag par mos pa bdag nyid khro bo'i dbang por bsgom par bya ste/ oM hUM kro d+he na dro haM kro d+hA nAM/ A dz+nyA dA ya ka swAhA/ de nas rang rang gi sngags kyi tshig gis khro bo rnams
 la bka' bsgo bar bya ste/ oM haM badzra kro d+ha rA dzA mahA uSh+NI Shord+hA di shi rak+ShAM ku ru ku ru swAhA/ /oM yaM badzra kro d+ha rA dzA ti ba la sarba big+h+nAn+ta ka pUrba di shi rak+ShA ku ru ku ru swAhA/ /oM raM badzra kro d+ha rA dza dzam+b+ha ka duSh+Ta pradz+nyAn+ta ka rak+Shi Na di shi rak+ShAM ku ru ku ru swAhA/ /oM waM
 badzra kro d+ha rA dze mA naka bi rA ka padmAn+ta kot+ta ra di shi rak+ShAM ku ru ku ru swAhA/ oM laM badzra kro d+ha rA dza stam+b+ha ka ya mAn+ta ka pashtsi ma di shi rak+ShAM ku ru ku ru swAhA/ de nas bsam pa'i dbang gis phyogs bral rnams su yi ge ring po rnams sdud pa'i rim pas bzung bar
 bya ste/ oM lA(rgyud 'grel rak+ShAM ku ru ku ru swAhA/ /oM hA(rgyud 'grel gyi cho gas bsgom par bya'o/ /de nas sarba ta thA ga ta rak+ShAM tsakra swa b+hA ba t+ma konyahaM zhes pa brjod de nga rgyal gzung bar bya'o/ /bsrung ba'i 'khor lo'i nges pa'o/ /de nas rang gi snying gar paM yig yongs su gyur pa las sna tshogs pad+ma ste/ de'i lte ba'i steng du
 aM yig yongs su gyur pa las zla ba'i dkyil 'khor ro/ /de'i steng du lha la lhag par mos pa'i dbang gis ye shes kyi sa bon no/ /de las rdo rje nyi ma bzhin du de bzhin gshegs pa thams cad rab tu sad par byed pa'i 'od zer rnams nam mkha' i khams su
 spro bar bya'o/ /de nas de dag phyir log ste rang gi snying kha'i ye shes kyi sa bon la zhugs nas nam mkha' i khams su dkyil 'khor gyi rnam par spros pa'i sangs rgyas rnams mchod pa'i don du dri dang phreng ba la sogs pa rnams rang rang gi ye shes kyi sa bon las spro bar
 bya'o/ /oM ts+tsh+dzdzh+nya badzra gand+he gand+hA rtsa naM ku ru ku ru swA hA/ oM ts+tsh+dzdzh+nyA badzra mA le mA lA rtsa na ku ru ku ru swA hA/ /oM TThthh+Na badzra d+hU pe d+hU pA rtsa naM ku ru ku ru swA hA/ /oM TThThh+NA badzra pra dI pe pra dI pA rtsa naM ku ru ku ru swA hA/ /oM p+phbb+hma badzra a mri te nai bai tya pU dzaM ku ru ku ru swA hA/ /oM p+phbb+hmA badzrA k+Sha ta yak+Sha ta pha
 lA rtsa naM ku ru ku ru swA hA/ oM t+th+d+d+h+na badzra lAsya bastrA b+ha raN pU dzi ku ru ku ru swA hA/ /oM t+th+d+d+h+nA badzra hA sya g+haN+TA darsha pU dzaM ku ru ku ru swA hA/ oM k+kh+g+g+h+da badzra badye bA dya pU dzaM ku ru ku ru swA hA// oM k+kh+g+g+h+dA badzra nri tye nri tya pU dzaM ku ru ku ru swA hA/ oM snypShshthA badzra gI te gI
 ta bU dza ku ru ku ru swA hA/ /oM snyShshth+kA badzra kA me sarba bud+d+ha bo d+hi satwA nAM kro d+hA dI nA badzra su ra ta pU dzaM ku ru ku ru swAhA/ zhes pa lha mo'i sngags kyi tshig 'di rnams kyis sangs rgyas la sogs pa rnams la yid kyi rang bzhin gyis mchod pa
 byas nas/ de bzhin du phyag 'tshal ba'i mchod pa'o/ /de nas rgyud las gsungs pa'i cho gas sdig pa bshags pa dang/ bsod nams la rjes su yi rang ba dang/ dkon mchog gsum la skyabs su 'gro ba dang/ bdag nyid kyi dngos po dbul ba
 dang byang chub kyi sems bskyed pa bya'o/ zhes pa ni rnam pa bdun gyis mchod pa'i cho ga'o/ /de nas stong pa nyid la dmigs pa dang/ dkyil 'khor rgyal mchog dang/ las rgyal mchog dang/ thig le'i rnal 'byor dang/ phra mo'i rnal 'byor rnams sngags
 pas bya'o/ /de nas rgyud la lhag par mos pa'i dbang gis 'dod pa'i lha'i nga rgyal bya ste/ oM sarba ta thA ga tA d+hi pa ti badzra satwA hAM/ durdA nA da ma ka hUM hUM phaT swA hA/ /'di yis bdag nyid byin gyis brlabs par bya ste lha'i nga rgyal gyi nges pa'o/ /de ltar
 lha'i nga rgyal bskyed de de nas sa yongs su gzung ba dang/ slob ma bsdu ba bya'o/ /dang por yul dang grong dang zhing gi bdag po la gtor ma sngags kyi tshig 'di dag gis sbyangs nas sbyin par bya'o/ /oM oM badzra tsan+d+ra sarba d+harmma su pi shud+d+ha swa
 b+hA ba sarba d+harmA na bi sho d+ha ya swA hA/ oM A(rgyud 'grel sngags kyi tshig 'di dag gis go rims bzhin du lag pa g.yon pas sbyang par bya'o/ /lag pa g.yas pas rtogs par bya'o/ /yang dag par reg ste snyim pa bkab nas rab tu 'bar bar bya'o/ /rdo rje mkha' lding gi phyag rgyas rdo rje bdud rtsir byas nas/ 'jig
 rten gsum las rnam par rgyal ba'i phyag rgyas yul gyi bdag po spyan drang bar bya ste/ khyi'i phyag rgyas grong dang gnas kyi bdag po rnams dang/ rtse lnga pa'i phyag rgyas khro bo'i rgyal po rnams dang/ gri gug gi phyag rgyas zad par rnams dang/ ral
 gri'i phyag rgyas lha rnams dang/ rin po che'i phyag rgyas gza' rnams dang/ pad+ma'i phyag rgyas klu rnams dang/ 'khor lo'i phyag rgyas yi dags rnams spyan drang ba byas te/ de nas oM A:hUM che ge mo A gats+tshA gats+tsha shI g+haM i daM ba liM grih+Na grih+Na/
 b+huk+tA pI twA tri pa twa kri twA/ sarba satwA nAM/ shIn+taM tsit+tiM kri twA pa ras+thA naM gats+tsha gats+tsha swA hA/ sa yongs su gzung ba'i dus su'o/ /gzhan gyi dus su ni swa s+thA nA gats+tsha zhes brjod par bya'o/ /de ltar thams cad kyi'am sbyar brjod pa'i cho gas so so'i gtong
 sa phyogs kyi char gshegs su gsol bar bya'o/ /gtor ma'i cho ga'o/ /de nas rang gi snying gar zla ba'i dkyil 'khor la lAM yig yongs su gyur pa las 'khor lo ser po bsgom par bya ste/ de yongs su gyur pa las sa'i lha mo zhal gsum phyag drug ma/ g.yas pa na
 'khor lo dang dbyig pa dang rdo rje 'dzin cing/ g.yon pa na dung dang lcags sgrog dang rdo rje dril bu 'dzin ma/ kha dog ser mo gos ser mo dang/ rin po che'i rgyan ser po dang ldan pa bsgom par bya'o/ /de nas 'chad par 'gyur ba'i rim pas dam tshig sems dpa' dang ye shes
 sems dpa' gcig tu byas te/ de nas sngags kyi tshig 'dis phyi rol gyi sa'i lha mo spyan drang par bya'o/ /oM lAM A:huM ba su d+ha ri sarba bud+d+hA dza na ni sarba satwo pa ri Ni/ badzra satwA dz+nyA pa ya ti shI g+h+ra mA gats+tsha gats+tsha daM gand+haM puShpaM d+hU paM dI paM nai be dyaM pha lAk+Sha taM da dA mi
 ta ba twa me ba grih+Na grih+Na maN+Da lArthaM/ ma mas+thA na da dA sarba satwAM nAM shAn+ti/ puSh+Ti kri twA shu b+ha tsit+ta ne daM s+thA nAM tyaka twA pa ras+thA nAM gats+tsha gats+tsha swAhA/ zhes pa ni sa'i lha mo gshegs su gsol ba'i cho ga'o/ /de nas sngar gsungs pa'i cho ga dang sngags kyi tshig 'di dag gis bdud
 gzhom par bya ste/ oM A:huM ho haM k+Sha(rgyud 'grel pa'i cho ga'o/ /de nas bgegs dang log 'dren la sogs pa gzhan rnams rdo rje lcags kyus bkug cing rdo rje zhags pas bcings nas rdo rje phur ba khro bo'i rgyal po lte ba'i 'og rtse mo'i rnam pa ni gnas bcu po rnams su gdug pa'i steng du byid par yi ge lnga las
 bsgom par bya ste/ sngags kyi tshig 'di dag gis so/ /oM A(rgyud 'grel rje tho ba'i sngags ni/ oM l+li badzra mung+ga ra/ mA rA dI nAM/ si ra si kaN+the h+ri da ye/ nA b+ho/ gu hya/ an+te/ badzra kI la kA nA ko Ta yA ko Ta yA/ k+ShaM k+ShIM k+ShiM k+ShIM k+Sh+riM k+Sh+rIM k+ShuM k+ShUM k+ShliM k+ShlIM hUM hUM hUM phaT phaT phaT/ zhes pa ni phur bus gdab pa'i cho ga'o/ /de nas phur bu 
 rnams bsrung ba'i don du khro bo'i rgyal po bcu po rnams sngar gsungs pa'i cho gas dgod par bya'o/ de nas g.yon pa dang g.yas pa'i rkang pa'i mthil la huM hUM rnam par bkod de/ rdo rje rtse lnga pa'i phyag rgyas rkang pa'i mthil du reg nas rdo rje'i stabs
 kyis dkyil 'khor gyi dbus kyi sa la bcag par bya ste/ dus kyi 'khor lo'i sku'i g.yas brkyang dang g.yon brkyang gi stabs dang/ mnyam pa'i stabs kyis kyang ngo/ /shar du yaM yA:rkang pa'i mthil la bkod cing ral gri'i phyag rgyas reg nas zlum po'i
 stabs kyis bcag par bya'o/ /lhor raM rA:bkod cing rin po che'i phyag rgyas reg nas rol pa'i stabs kyis bcag par bya'o/ /nub tu laM lA:bkod cing 'khor lo'i phyag rgyas reg nas rdo rje'i gdan nams ga'i stabs kyis byin gyis brlab par bya'o/ byang du waM wA:bkod
 cing pad+ma'i phyag rgyas reg nas pad+ma'i gdan gyis byin gyis brlab pa'i slad du tAN+Da ba'i stabs kyis bcag par bya'o/ /de nas badzra gand+ha la sogs pa'i sngags kyi tshig rnams kyis dri la sogs pa'i rdzas rnams kyis dkyil 'khor gyi sa la mchod pa
 byas nas sngar brjod pa'i tshogs rdo rje'i sa spyan drang bar bya'o/ /de la sngags kyi tshig rnams ni/ oM A lAM hUM badzra b+hU mi tiSh+ThA mA tsa la huM hUM phaT/ badzra d+ha rA dz+nyA pa ya ti swAhA/ de nas slar yang sngags pas mchod yon la sogs pa bya'o/ /sa lhag par gnas
 pa'i cho ga'o/ /de nas rdo rje bum pa rnams lhag par gnas par bya ste/ 'dir sngags kyi tshig rnams ni/ oM haM hAM hi hI h+ri h+rI hAM hUM hUM hIM hIM badzra pad+ma'a mri ta g+ha Ta su bi shud+d+ha d+d+harma d+hA tu swa bA wa sarba d+harmA na su bi shud+d+ha d+harma d+hA tu swa b+hA wA na ku ru ku ru swAhA/
 dkyil 'khor gyi dbus su dri la sogs pa phul nas rnam par rgyal ba'i bum pa bzhag par bya'o/ /bum pa lhag par gnas pa'i cho ga'o/ /de nas rdo rje'i thig skud lhag par gnas par bya ste/ de la sngags kyi tshig rnams ni/ oM AM AM rAM uAM lAM badzra sU
 tra sarba d+harme kA swa b+hA pA sarba d+harmA nai kA kA ra swa b+hA wAn ku ru ku swA hA/ shar gyi sar dri la sogs pa phul nas bzhag par bya'o/ /thig skud lhag par gnas pa'i cho ga'o/ /de nas rdo rje rdul tshon lhag par gnas par bya ste/ de la sngags kyi tshig rnams ni/
 oM aM aM raM uM li su bi shud+d+ha pany+tsa skand+ha swa b+hA ba pany+tsa skand+hi su bid+d+ha shud+d+ha rmAn ku ru ku ru swAhA/ dri la sogs pa phul nas rdul tshon gyi snod rnams nub kyi sar bzhag par bya'o/ /rdul tshon lhag par gnas pa'i cho ga'o/ /de nas rdo rje lhag par gnas pa
 ste de la sngags kyi tshig rnams ni/ oM hUM kro d+ha badzra sarba satwa ka ru Na da ma ka sarba d+harmai ka su kha swa b+hA ba sarba d+harman badzra su kha swa b+hA bA ku ru ku ru swAhA/ dri la sogs pa phul nas lhor bzhag par bya'o/ /rdo rje lhag par gnas pa'i cho ga'o/ /de nas rdo rje
 dril bu lhag par gnas par bya ste/ de la sngags kyi tshig rnams ni/ oM ho badzra gaN+De sarba d+harmai ka pradz+nyA d+ha ni swa b+hA pe sarbA ka re sarba d+harmA pra bo d+ha ni/ sarba d+harmAn ni swa b+hA pe na pra bo d+ha ya pra bo d+ha ya swA hA/ dri la sogs pa phul nas byang gi sa la bzhag
 par bya'o/ /rdo rje dril bu lhag par gnas pa'i cho ga ste/ sa la sogs pa yang dag par gzung ba'i cho ga'o/ /de nas slob ma lhag par gnas pa ste/ dang por dkyil 'khor gsol ba gdab pa'i dus dang/ bar du sa la sogs pa gzung ba dang/
 mthar dkyil 'khor du 'jug pa'i dus thams cad du maN+Dal byas nas so shing byin te/ de nas bsrung ba bya'o/ /de la 'di ni cho ga ste/ khrus byas shing gos btsad ma bgos te/ zhi ba la sogs pa'i las dang rjes su mthun pas sa de nyid la maN+Dal byas
 nas shar du mngon par phyogs pa la u duM ba ra'i so shing ngam/ 'o ma can gyi shing gzhan las skyes pa sor bcu gnyis pa mgo bor me tog gi phreng ba bcings pa dri la sogs pa rnams kyis mchod nas sngags 'dis sbyin par bya'o/ /oM A:hUM ho hi k+Sha:badzra
 dan+ta kaShtha tsa tur bi mok+Sha mu kha bi shud+d+hi swa b+hA bA kA ya bAk+tsi t+tA dz+nyA na mu kha dan+tA di ma la bi sho d+ha ya bi sho d+ha ya swA hA/ zhes pas so shing byin nas lhag par gnas pa'i mthar steng nas rab tu ngor zhing dkyil 'khor du lhung ba'i so shing
 mtshon par bya ste/ gang du mgo bo gang yin pa lhung ba der gnas pa'i las rab 'byam la sogs pa des 'grub par 'gyur ro/ /zhes pa ni so shing gi cho ga'o/ /de nas slob ma dkyil 'khor gyi sa la bcug ste/ mgo bo dang mgrin pa dang snying ga dang lte ba dang
 gtsug tor dang gsang ba la oM A:hUM ho haM k+Sha:rigs drug po rnams dgong ba byas nas sngags kyi tshig 'di dag gis rdo rje sems dpa' bskul bar bya ste/ oM a A aM A:badzra satwa ma hA su kha badzra kA la tsakra shiSh+ya sya a b+hi mu kho b+ha bsan
 tut+tro b+ha ga ba ra do b+ha ba/ kA ya bAk+tsi t+tA d+hiSh+ThA nAM/ ku ru ku ru swAhA/ slob ma lhag par gnas pa'i cho ga'o/ /de nas slob ma gshegs su bcug nas dkyil 'khor gyi dbus su rnam par rgyal ba'i bum pa dang/ shar du rdo rje'i thig skud dang/ nub
 du rdo rje rdul tshon gyi snod dang/ lhor rdo rje dang/ byang du dril bu rnams slob dpon gyis sgo'i cha shes nas dgong par bya'o/ /de nas gnas lngar bkod de de nas lhor dge ba dang mi dge ba'i mtshan ma'i don du sngags 'di sa mal stan
 lhag par gnas par bya'o/ /oM ho badzra ka ma la nga la garb+he sha yye su kha ma hA ni trAM ka ro mi ya thA ta thA ga te na kri tA ha(rgyud 'grel bya'o/ /de la bsgom pa 'am rmi lam gyi stobs kyis mtshan ma mthong bar 'gyur te/ gal te sangs rgyas dang byang chub sems dpa' dang lha mo'i tshogs rgyud mangs la sogs pa'i mtshan ma'i phyag dang ldan pa mthong na de'i tshe dge ba'o/
 ci ste rdo rje mkha' 'gro ma phyag na gri gug dang thod pa can nam/ khro bo'i dbang po bdud dang bgegs dang log 'dren la sogs pa rnams bsrung ba'i 'khor lo'i mdza' phan chad du nyams par byed pa mthong na yang de bzhin du dge ba'o/ /ci ste cung zad kyang
 ma mthong na de'i tshe 'bring po'o/ /ci ste bdud kyi ris bkres pa dang skom pas gzir ba ring cing skam pa'i lus can lag na gri gug dang thad pa thogs pa/ skye bo legs pa la gnod pa byed pa la dga' ba rnams slob dpon nam slob mas mthong na
 de'i tshe mtshan ma ngan par 'gyur te/ de mthong nas rdo rje slob dpon gyis mal stan spangs te dkyil 'khor gyi shar gyi sar sngar brjod pa'i bsrung ba'i 'khor lo bsgoms nas/ slar yang de rnams la sngar brjod pa'i cho gas gtor ma rgya chen po sbyin par
 bya'o/ /slar yang sbyang ba'i sngags gzhan ni/ oM phreM badzra DA ki ni badzra d+hA twI shwa ri ga ga na swa b+hA bA sarba dra bya bi sho d+ha ni sarba dra byA ni bi shod+ha ya huM phreM phaT/ zhes pa ni bgegs nye bar zhi bar byed pa'i gtor ma sbyang ba'i sngags so/ /de nas sangs rgyas
 rnams spyan drang bar bya ste/ sangs rgyas yab yum bcas pa sras bcas g.yog 'khor dang/ /grogs bcas gnyen rnams dag gis bskor ba'i tshogs pa ni/ lha dang lha mo dag gis mnyes par byed rnams dang/ /mchog gi rdo rje sems
 dpa' ngag ni gshegs su gsol zhes pa'i tshigs su bcad pa 'di de bzhin gshegs pa rnams rang gi lus kyi rang rang gi khams la dgod par bya'o/ /sangs rgyas rnams spyan drang ba'i cho ga'o/ /de nas rdo rje mkha' 'gro ma rnams
 dgug par bya ste/ de la sngags kyi tshig rnams ni/ oM ha hA hi hI badzra b+hai ra bA kar Sha yA kar Sha ya/ bra be Sha ya phra be Sha ya/ band+ha ya band+ha ya/ to Sha ya to Sha ya/ dza:hUM baM ho(rgyud 'grel so/ /de nas rdo rje'i phyag rgya yis rdo rje mkha' 'gro ma rnams la gtor ma dang dri dang me tog dang bdug pa dang mar me dang 'bru mnyams pa dang bcas pa sngar brjod pa'i cho gas byin nas/ phyi rol dur khrod kyi sa la bza' ba dang btung ba byed par bsam
 par bya'o/ /'gro ma rnams dgug pa'i sngags so/ /de nas bdud dang bgegs kyi nye bar 'tshe ba zhi bar bya ba'i slad du srung ba'i 'khor lo sngon du 'gro ba can rdo rje 'jigs byed kyi rnal 'byor la dmigs par bya ste/ sgrub thabs kyi cho gas yan lag drug la sogs pa'i sngags dgod pa
 byas nas dam tshig sems dpa' dang lhan cig ye shes sems dpa' gcig tu byas te/ sgrub thabs las gsungs pa'i cho gas 'chad par 'gyur ba'i phyag nyi shu rtsa drug dang/ spyan bcu gnyis dang phrag pa drug dang zhal bzhi dang/ mgrin pa gsum dang/ zhabs gnyis
 pa 'chad par 'gyur ba'i mtshon cha rnams 'dzin par rnam par bsams nas/ sngar gsungs pa'i sa bon gyi yi ge rnams rang gi lus la rnam par bkod de/ de nas dbang bskur bar gsol ba gdab par bya ste/ de la sngags kyi tshig rnams ni/ oM haM hAM hiM hIM h+rIM h+rIM huM hUM hliM hlIM/
 a a'i ri a'u lI badzra DA ki n+yau/ badzrA mri ta g+ha Tai rA b+hi Shiny+tsa tu mAM swA hA/ oM aM iM ri uM liM sarba bud+d+hA badzra mu ku TaM ma ma pany+tsa bud+d+ha At+ma kaM band+ha yan+tu huM hUM phaT/ oM a A aM a:ha hA haM ha(rgyud 'grel swa b+hA be ka ru Na pradz+nyA At+ma ke badzra badzra g+haN+De sa bye ta ra ka ra yor ma ma badzra satwa:sa pra dz+nyaiM da dA tu/ oM A e i ar Ar o i al Al aM A:sarba bo d+hi satwa:sa b+hArya(rgyud 'grel ra rA wa wA wa lA sarba kro d+ha rA dzA(rgyud 'grel par bya ste/ de nas dbang bdun gyis bdag nyid la dbang bskur bar bsgom par bya'o/ /de nas dbang bdun thob pa'i nga rgyal bzung bar bya ste/ oM sarba ta thA ga ta sabtA b+ha She ka sapta b+hA mi prApto haM/ zhes pa ste dbang bdun rjes su gnang ba'i cho ga'o/ /de nas sngags pas sngags kyi tshig 'di dag gis
 bum pa la sogs pa'i dbang gong ma rnams gsol ba gdab par bya ste/ oM oM pradz+nyo pA yo ka la shA b+hi She kaM me da da taM huM hUM phaT/ oM a:pradz+nyo pA yau guhyA b+hi She kaM me da da tAM huM hUM phaT/ oM hUM pradz+nyo pa yau badzra satwa bi shwa mA ta rau pradz+nyA dz+nyA nA b+hi She kaM me da da tAM hUM hUM phaT zhes pas gsol
 ba btab ste/ de nas 'chad par 'gyur ba'i cho gas bdag nyid la dbang bskur bar bsgom par bya'o/ /de nas nga rgyal gzung bar bya ste/ oM oM badzra satwe na badzra ka la shA b+hi Shi ka nA bnyi Shi ka to badzra satwa pu tra ba tsa lA b+hA mi la bd+ho haM/ oM A:badzra satwa na gu hye b+hi Sha ke nA b+hi Shi ka to badzra satwa yu
 ba rA dzo na ba b+hU mi la b+ho haM/ oM hUM badzra satwe na pradz+nyA dz+nyA ne nA b+hi Shi ka to dwi tI ya badzra ro haM d+harma me g+hA b+hA mi la b+ho haM zhes pas nga rgyal byas te/ dbang gong ma'i cho ga'o/ /de nas gong ma las gong ma dbang bzhi pa ni man ngag las te/ sngags 'dis gsol ba gdab par bya'o/ /oM ho bodz+nya
 pA ya da ma kaM badzra satwa ma hA mu drA dz+nyA nA b+hi She me pra yats+tsha/ oM A:huM ho phaT/ gsol ba btab ste de nas bdag nyid la dri ma med pas dbang bskur bar bsgom par bya'o/ /de nas rdo rje sems dpa' i nga rgyal gzung bar bya ste/ oM ho d+harma d+hA twA k+Sha ra tsa tur thA b+hi She ka NA b+hi She
 ka to badzra sate nA ta ma nI hi dwi tI yo dwA da sha b+hU mi la bd+ho badzra satwa mahA rthwA(rgyud 'grel phaT phaT/ oM aM a:kan+yAM kaNI badzra me kha lA badzra kaN+tI ke hUM hUM phaT phaT/ oM a A ba ma dak+Shi Na ka ra yor badzra ru co ko hUM hUM phaT phaT/ oM ha hA bA ma dak+Shi Na pA da yor badzra nU pu re hUM hUM phaT phaT/ oM haM baM pany+tsA kA ra mahA shU n+ya swo b+hA ba badzra shi ro ma Ni shi ra si sarbA be/
 b+hasma huM hUM phaT phaT/ oM aM a d+ha nA rI shwa ra badzrA ra d+ha tsan+d+ra badzra paTTor d+he huM hUM phaT phaT/ oM a a(rgyud 'grel rgya dang bcas pa gzhan phyag rgya bzhi'i sngags kyi tshig rnams ni/ oM k+Sha:dur dAn tA b+hi mA na k+Sha yaM ka ra byA g+h+ra tsar ma ka Tau huM hUM phaT phaT/ oM haM k+Sha/ triM shatshwa/ ra sapta ti h+ra swa dIrga byany+dza na swa b+hA ba dai tya ku la sha ta si ro b+hir muN Da mA la skand+hA ba laM bi ni skand+he huM hUM phaT phaT
 oM ha hi h+ri hu hli pany+tsa skand+hA bi shud+d+hi bi shud+d+ha swa b+hA be shi ra si ka pA la mA le huM hUM phaT phaT/ zhes pa ni phyag rgya bzhi'i cho ga'o/ /de ltar pha rol tu phyin pa bcu'i dbye bas phyag rgya bcu ste/ gnas bcu drug gi dbye bas stong pa nyid bcu drug ste/ phyag rgya dgod pa'i cho ga'o/ /de
 nas g.yas dang g.yon gyi phyag rgya rnams su mtshon cha bsgom par bya ste/ de la sngags kyi tshig rnams ni mtshon cha'i sa bon gyis brjod par bya'o/ /oM k+Sha:badzra kro d+ha badzra huM phaT/ oM k+Sha:badzra khaDga hUM phaT/ oM k+Sh+ra:badzra tri shU laM huM phaT/
 oM k+Sh+ra:badzra kart+ta ri huM phaT/ oM k+Sha:badzra pA Na hUM phaT/ oM k+Sha:badzrI gu sha huM phaT/ oM k+Sh+ra:badzra Da ka ru ka hUM phaT/ oM k+Sha:badzra mung+ga ra huM phaT/ oM k+Sh+ra(rgyud 'grel ra shu hUM phaT/ zhes pa ni g.yas kyi mtshon cha dgod pa'o/ /de nas g.yon pa la sngags kyi tshig rnams ni/ oM hwAM yig dang pos brjod par bya'o/ /oM hwAM badzra g+haN+Da ho phreM phaT/ oM hwAM badzra khe Ta ho phreM phaT/ oM hwAM badzra kha TwAM ga ho phreM phaT/ oM hwAM badzra ka pha la ho
 phreM phaT/ oM hwAM badzra tsA pa ho phreM phaT/ oM hwAM badzra pA sha ho phreM phaT/ oM hwAM badzra ratna ho phreM phaT/ oM hwAM badzra pad+ma ho phreM phaT/ oM hwAM badzra shaM kha to phreM phaT/ oM hwAM badzra darsha ho phreM phaT/ oM hwAM badzra sh+riM kha le ho phreM phaT/ oM hwAM badzra tsa tu be da swA b+hA ba brahma shi ro ho phreM phaT/
 zhes pa ni g.yon pa'i phyag rnams la mtshan ma dgod pa'i cho ga'o/ /de nas glang po che'i pags pa'i sngags kyi tshig rnams ni/ oM k+Sha k+ShA k+Shi k+ShI k+Sh+ri k+Sh+rI k+Shu k+ShU k+Shli k+ShlI k+ShaM k+Sha:ha hA hi hI h+ri h+rI hu hU hli hlI haM ha(rgyud 'grel khu tshur stegs mdzub dang bcas pa dag gis g.yas su mgo bo'i rtse mo dang rgyab tu rkang pa gnyis 'phyang ba'i rkang pa gnyis gzung ba bsam par bya'o/ /pags pa bgo ba'i cho ga'o/ /de nas klu'i rgyal po rnams rnam par dgod par bya te/ de la sngags kyi tshig rnams
 ni/ oM hUM badzra dza ya nA gen+d+ra badzra dza TA mu ku Ta band+he tiSh+Tha tiSh+Tha huM hUM phaT phaT/ oM k+ShuM badzra bi dza ya nA gen+d+ra badzra paTTa banb+he tiSh+Tha tiSh+Tha huM hUM phaT phaT/ oM hyaM hyA badzra karko Tak badzra padmau bA ma dak+Shi Na kuN+Da la yo:tiSh+Tha tiSh+Tha huM hUM phaT phaT/ oM h+raM h+rA badzra bA su ki shaM kha pA
 lau bA ma dak+Shi Na ru tsa ka ye(rgyud 'grel par bya ste/ de nas bcom ldan 'das dus kyi 'khor lo'i rkang pa bcu drug pa mkha' 'gro ma'i tshogs dang bcas pa gdug pa tshar gcod pa'i sngags/ bdud la sogs pa rnams tshar gcod pa'i don du sngags pas bzlas par bya'o zhes pa ni nges pa'o/ /de
 la sngags kyi tshig rnams ni/ 'di lta ste/ oM na mo badzra satwA ya/ na mo bud+d+ha bo d+hi satwe b+hya(rgyud 'grel bar+N+Na sha rI rA ya/ mA rakle sha h+ri da yA krAn+ta si ta rak+ta tsa ra NA ya/ kriSh+Na rak+ta si ta kar+N+ThA ya nI la si ta pI ta rak+ta daMSh+TA ka rA lo gra b+hI Sha Na mu khA ya/ kriSh+Na rak+ta si ta sa bye ta ra skaM d+hA ya/ dwA da sha b+hu dzA ya/ ShaDbingsha ti ka rA ya/ badzra khaDga ga tri shU la kart+ti kA bA NA ku
 sha Da ma ru ka mung+ga ra tsakra kun+ta daN+Ta ba ra shu badzra g+haN+DA khe Ta kha TwAM ga ka pA la tsA ba pA sha ratna ka ma la shaM kha A darsha sh+rI kha lA prahma shi ro ga dza tsar mad+h+ri ta ka rA ya/ byA g+ha tsarma ni wa sa nA ya/ skand+he uN+Da mA lA ba laM bi ne/ shi ra si badzra paTTa mu ku Te badzra ka bA
 lA mA lAnha tsan+d+ra d+ha rA ya/ kuN+Da la ru tsa ka kanThi kA me kha lA nu pu ra b+hasma yadz+nye pa bI ta shi ro ma Ni ma hA mu drA nA gen+d+ra bi b+hu Sha tA ya/ badzra DA ki nI satwo Shi ta h+ri da yA ya/ an+d+rE gni ya ma ne rri tya ba ru Na bA yu ku be re shA na grahma biSh+Nu bi nA ya ka kArti ke ya na ni da ma hA kA la gra ha
 nak+Sha tra k+She tra pA la su ren+d+rA su ren+d+ra pa Nin+d+ra b+hU te n+d+ra na ren+d+ra saM stu ta tsa ra NA ya/ zhes pa ni bcom ldan 'das kyi sngags rkang pa bcu drug pa ste/ 'di bye ba bzlas pas las thams cad dang sbyin bsreg 'bum phrag bcu yis grub pa chen po brgyad po thams cad 'grub par 'gyur te/
 sngon du bsnyen pa'i nges pa'o/ /de nas klags pa tsam gyis thams cad byed do/ /da ni bdud kyi rigs brgya'i mgo'i 'phreng ba'i sa bon rnams te/ mkha' 'gro ma'i tshogs kyi yang de dag nyid do/ /ha hA k+Sha k+ShA da dA th+ka th+kA na nA ma mA Na NA nya nyA huM hUM phreM phreM phaT phaT/ dur khrod
 la'o/ /kli klI khu khU gri grI g+hi g+hI ha hA huM hUM phaT phaT/ zhes pa nam mkha' i 'khor lo la'o/ /tsli tsli tshu tshU dzri dzrI dzhi dzhI ya yA huM hUM phaT phaT/ zhes pa ni rlung gi 'khor lo la'o/ /Tli TlI Thu ThU Tri TrI Dhi DhI rA rA huM hUM phaT phaT/ zhes pa ni me'i 'khor lo la'o/ /
 pli plI phu phU bri brI b+hi b+hI wa wA huM hUM phaT phaT/ zhes pa ni chu'i 'khor lo la'o/ /tli tlI thu thU dri drI d+hi d+hI la lA huM hUM phaT phaT/ zhes pa ni sa'i 'khor lo la'o/ /sli slI nypu nypU Sh+ri Sh+rI shi shI haM hA(rgyud 'grel grangs bzhin du rdo rje dang/ ral gri dang/ rin po che dang/ pad+ma dang/ 'khor lo dang/ gri gug gi phreng ba rnams te/ ha yig la sogs pa'i sa bon bcu gnyis rnams kyi 'khor lo'i phyogs kyi 'dren ma'o/ /ha hA hi hI h+ri h+rI huM hUM hli hlI zhes pa ni shes rab dang thabs kyi
 lag pa gnyis la ste/ lhag ma thod pa brgyad ni lha mo rnams kyi bar bar du'o/ /a A aM a(rgyud 'grel zhes pa ni nges pa'o/ /da ni bcom ldan 'das kyi yan lag so so'i phreng ba'i sngags brjod par bya ste/ oM A(rgyud 'grel badzra sh+ro tra/ badzra g+ha Na/ badzra dzi hwA/ badzra dan+ta/ badzra na kha/ badzra ke sha/ badzra lo ma/ badzrA b+ha ra Na/ badzra hA sa/ badzra gI ta/ badzra nri tya/ badzrA yu d+ha ka ra/ badzra kro d+ha rA dzA d+hi pa ti/ badzra DA ka/ badzra DA ki nI dzA la pa ri bri ta/ shI g+h+ra mA gats+tsha gats+tsha/ badzra satwA dz+nya ya/ sarba mA ra
 bik+ShA bi mA ya ka kin+na ra kimpu ru Sha ga ru Da gand+ha ? yak+Sha rAk+Sha saM b+hU ta ma hA pre ta kum b+hAN+DA ba smA ra/ k+She tra pA la/ be tA Da/ pU ta na/ duSh+Ta nSha ga gra hA da yo ye sarba dzwa ra/ sarba byA d+hi/ k+Shu dro pa dra ba kA ri Na(rgyud 'grel badzra ku she nA kri Sh+yA kri Sh+ya/ a'urd+ha ti shi ga tA nA kriSh+yA kriSh+ya/ pU ra ba di shi ga tA nA kriSh+yA kriSh+ya/ dak+Shi Na di shi ga tA nA kriSh+yA kriSh+ya/ ut+ta ra da shi ga tA nA kriSh+yA kriSh+ya/ pashtsi ma di shi ga tA nA kriSh+yA kriSh+ya/ bA ya bya di shi ga tA nA kriSh+yA kriSh+ya/ a'i shA na di
 shi ga twA nA kriSh+yA kriSh+ya/ nai ratyi di shi ga tA nA kriSh+yA kriSh+ya/ agme ya di shi ga tA nA kriSh+yA kriSh+ya/ a d+ho di shi ga tA nA kriSh+yA kriSh+ya/ A kA sha maN+Da la ga tA nA kriSh+yA kriSh+ya/ bA yu maN+Da la ga tA nA kriSh+yA kriSh+ya/ te dze maN+Da la ga tA nA kriSh+yA kriSh+ya/ to ya maN+Da
 la ga tA nA kriSh+yA kriSh+ya/ pri thbI maN+Dal ga tA nA kriSh+yA kriSh+ya/ kA ma d+hA tu ga tA nA kriSh+yA kriSh+ya/ rU pa d+hA tu ga tA nA kriSh+yA kriSh+ya/ a a rU pa d+hA tu ga tA nA kriSh+yA kriSh+ya/ kA ya d+hA tu ga tA nA kriSh+yA kriSh+ya/ pA ga d+hA tu ga tA nA kriSh+yA kriSh+ya/ tsi tu d+hA tu ga tA nA
 kriSh+yA kriSh+ya/ pany+tsa skand+ha ga tA nA kriSh+yA kriSh+ya/ pany+tsa d+hA tu ga tA nA kriSh+yA kriSh+ya/ pany+tsen+d+ri ya ga tA nA kriSh+yA kriSh+ya/ pany+tsa bi Sha ya ga tA nA kriSh+yA kriSh+ya/ pany+tsa karmen+d+ri ya ga tA nA kriSh+yA kriSh+ya/ pany+tsa karme na dri ya bi Sha ya ga tA nA kriSh+yA kriSh+ya/ sarba to
 ya tra ku tra tsit+ta ga tA nA kriSh+yA kriSh+ya/ mahA sma shA ne badzra ga ni dzwa la ti b+hU myAM ni pA ta ya ni pA ta ya/ badzra pA she na sarba b+hu dze Sha band+ha ya band+ha ya/ badzri sh+raM kha la yA sarba pA de Shu ni ro d+ha ya ni ro d+ha ya/ ma ma sarba satwe Shu kA ya bAk+tsit+to pa dra ba ka ra ra
 tA na mahA kro d+ha badzre Na tsUr+N+Na ya tsur+N+Na ya/ badzra khaDge na ni krin+ta ya ni krin+ta ya/ badzra tri shU le na b+he da ya b+he da ya/ badzra ka ti ke ya ha na ha na/ badzre bA Ne na b+hinda b+hinda/ badzre kI la ke(rgyud 'grel Na ts+tsha da ya ts+tsha da ya/ badzra kun+ta na b+hinda b+hinda/ badzra daN+De na tA Da ya tA Da ya/ badzra par shu nA ts+tshinda ts+tshinda/ sArd+ha tri kro Ti khanDaM kri twA shma shA naM b+hU myAM sarba b+hU te b+hyo ba liM ku ru ku ru badzra Da ma ru ke na badzra DA ki nI rA bA ha ya bA ha ya/ badzra DA ki nI b+hyo mA ra kA yi
 kA ni ru d+hi raM ni be da ya ni be da ya/ pany+tsA mri ta hA rI Ni b+hya(rgyud 'grel bcom ldan 'das dus kyi 'khor lo rdo rje 'jigs byed kyi yan lag so so'i phreng ba'i sngags te/ lan bdun bzlas pas bdud dang bgegs dang gzhan gyis mi thub pa dang/ yi dags la sogs pa'i bdag po rnams thams cad dang
 gdug pa thams cad tshar gcod par byed do/ /'di la yang dang por bye ba bzlas pa dang sbyin bsreg 'bum phrag bcu bya ste/ las so so la bzlas pa 'bum phrag bcu dang/ sbyin bsreg khri phrag bcu'o zhes pa ni nges pa'o/ /de nas bdud tshar
 bcad pa byas nas yang dang yang du mal stan la nyal bar bya ste/ ji srid dge ba'i mtshan ma thob pa'i bar du'o/ /de nas mal stan spangs te/ rdo rje dang dril bu bzung nas slar yang gtor ma sbyin par bya'o/ /de nas dkyil 'khor gyi nub kyi sa la shar du mngon
 par phyogs pas/ rdo rje'i thig skud dri dang sbos la sogs pas yang dag par mchod de/ de nas zhi ba la sogs pa'i las kyis dgos par sh+rI khaN+Da dang/ sA li btags pa dang khrag dang dug dang ro bsregs pa'i sol ba dang gur gum dang tsan dan
 dmar po dang/ yung pa dang ba bla'i chu yis spangs te/ bslob dpon gyi khu tshur g.yon pa dang slob ma nub tu mngon par phyogs pa'i khu tshur g.yas pas thig skud bzung nas shar dang nub kyi sa la brkyang ste/ sngags 'di brjod par bya'o/ /oM
 a(rgyud 'grel ba skyil krung phyed pa ste/ rkang pa g.yas pa sa la gzhag pa dang/ slob ma'i g.yas pa skyil krung dang rkang pa g.yon pa sa la gzhag pas shar dang nub kyi tshangs pa'i thig gdab par bya'o/ /de nas slob dpon lho'i sar gnas pa dang/ slob ma
 byang gi sar gnas pas lho dang byang gi tshangs pa'i thig ste/ sgo bzhi rnams su son pa shar dang nub dang lho dang byang gi phur ba'i steng du'o/ /de nas rang gi 'dod pas zur thig gdab par bya ste/ slar yang skyil krung la sogs pa'i cho ga de nyid kyis
 rlung dang me dang bden bral dang dbang ldan gyi thig gdab par bya'o/ /de nas phyogs kyi yongs 'jom spangs nas shar dang nub kyi tshangs pa'i thig nas brtsams te lho'i sa la thig gdab par bya'o/ /de nas byang gi sa la'o/ /de nas lho dang byang gi
 tshangs pa'i thig nas nub kyi sa la'o/ /de nas shar gyi sa la'o/ /de nas dri dang spos la sogs pa phul nas/ dkyil 'khor la dgos pa'i thig rnams yang dag par bsrungs te/ lhag ma thams cad dbyi bar bya'o/ /sgo thams cad yang dag
 par sbyangs te/ slar yang dri dang me tog la sogs pa dang gtor ma byin nas sngar brjod pa'i cho gas sngags zlas par bya'o// //bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu
 gnyis pa dri ma med pa'i 'od kyi dbang gi le'u las/ /bsrung ba'i 'khor lo sngon du 'gro ba can sa la sogs pa gzung ba'i mdor bsdus chen po ste gnyis pa'o// //dus kyi 'khor lo bde chen po/ /dkyil 'khor pa rnams dag gi gtso//
 rdo rje gsum mchog la btud de/ /zla ba khu ba'i cha dbye bas/ /brgyad gnyis cha yis dkyil 'khor gyi/ /sku gsung thugs kyi dkyil 'khor la/ /yang yang char ni phye ba yis/ /rdo rje'i thig ni gdab pa la/ /'jam pa'i rdo rjes bsdus brgyud las/ /drang
 srong rigs ni smra ba po/ /rnams kyi nga rgyal gzhil don du/ /khru bzhi dpal ldan dkyil 'khor ni/ /gsum las sor phyed thig dag gis/ /spros pa gang zhig gsungs pa de/ /rtsa ba'i rgyud kyi rjes 'brangs nas/ /mtshan nyid bdag gis rgyas par bya/ /'dir
 mchog gi dang po'i sangs rgyas las tshigs su bcad pa sum cu rtsa lnga pa la sogs pas dkyil 'khor gyi mtshan nyid bsdus te 'jam dpal gyi thig ces pa la sogs pas yang dag par brjod pa gang yin pa de dag /da ni rtsa ba'i rgyud kyi rjes su 'brangs
 nas dgrol bar bya'o/ /'dir sngar gyi dkyil 'khor gyi sa la nub tu rdo rje slob dpon shar du mngon par phyogs pa dang/ shar du slob ma las kyi rdo rje can nub tu mngon par phyogs pas dkyil 'khor gyi sa gru bzhir gzhal nas dbus su tshangs pa'i
 thig/ /dab par bya'o/ /de nas lhor slob dpon byang du mngon par phyogs pa dang/ byang du slob ma lhor mngon par phyogs pas tshangs pa'i thig gdab par bya ste tshangs pa'i thig gi nges pa'o/ /de nas zur sbyangs pa'i don du zur gyi thig kyang gdab par bya'o/ /
 de nas thig ni ro dang bcu dgu 'di dag tshangs pa'i thig las phyogs kyi cha rnams dag du rab sbyin bya/ /zhes pa ni 'dir dbus kyi tshangs pa'i thig las lho'i phyogs kyi char dgu bcu rtsa drug dang byang du dgu bcu rtsa drug dang/ nub tu dgu bcu rtsa drug
 gi thig rnams rab tu btab nas/ sor phyed brjod pa nor dang dus kyi thig rnams dag gis zhes pa thig de dag las thig bzhi bcu rtsa brgyad kyi dbus su snying po'i dkyil 'khor dag tu 'gyur te/ thugs kyi 'khor lor 'gyur ro zhes pa'i don to/ /
 snying po las ni phyi rol mdza' dag rnams kyis shes pa dgu bcu rtsa gnyis lhag pa'i brgya yis bkod pa dag kyang dkyil 'khor chen po'i sgo'i mtshams zhes pa ste/ snying po'i dkyil 'khor gyi thig las nyis 'gyur gyi thig gis gsung gi dkyil
 'khor gyi sgo'i mtshams su 'gyur ro/ /gsung gi dkyil 'khor gyi thig las nyis 'gyur gyis sku'i dkyil 'khor gyi sgo'i mthar thug par 'gyur ro/ /de nas sku'i dkyil 'khor la ra ba lnga dang/ rta babs dang sa la sogs pa'i dkyil 'khor bzhi
 dang rdo rje'i phreng ba blta bar bya ste/ phyi rol sa la zhes pa nam mkha' i sa la zhes pa'i don to/ /zhes pa thig gdab pa'i nges pa gang yin pa de ni spros pa'i don gyis gsungs pa'o/ /rang gi ngo bos ni slar yang tshigs su bcad pa lnga bcu rtsa gsum pa la
 sogs pa gnyis kyis gnyis dang chu gter gcig dang chu gter gcig dang nyi ma zhes pa la sogs pa'i cha shas kyis nges pa gsungs so/ /de'i phyir sor phyed brjod pa'i re mig 'di dag gis tshad gang yin pa de ni slob dpon gyis spros pa'i
 don to/ /gzhan gnyis dang chu gter la sogs pa'i cha shas kyis gang yin pa de ni byis pa'i slob ma rnams kyis rab tu rtogs par bya ba'i don du gsungs pa'o/ /de'i phyir thig gang zhig dbyi bar bya ba de dag ni gdab par bya ba ma yin no
 zhes pa cho ga gzhan las nges pa'o/ /de nas rtsa ba'i rgyud kyi rjes su 'brangs nas spos pa med pa zla ba'i cha dag pas thig gdab pa brjod par bya ste/ de bzhin du bcom ldan 'das kyis gsungs pa/ gru bzhi mnyam pa'i sa dag la/ bcu drug cha ru byas
 nas ni/ /sku yi dkyil 'khor dor bya ste/ slar yang cha ni bcu drug pa/ /gsung la sogs pa'i dkyil 'khor bya/ /de nas gsung gi dkyil 'khor dag /dor nas cha ni bcu drug pa/ /slar yang thugs kyi dkyil 'khor bya/ /de ltar phyogs gsum yang dag
 dag/ dkyil 'khor gsum gyi bdag nyid do/ /de nas gnyis dang chu sogs chas/ /dkyil 'khor gsum de thig gdab po/ /zhes pa la sogs pa sku dang gsung dang thugs kyi dkyil 'khor la thig gdab pa'i nges pa bcom ldan 'das kyis gsungs
 te/ rtsa ba'i rgyud las gsungs pa'i cho ga de yis dbyi ba'i thig rnams spangs nas rdo rje slob dpon gyis thig gdab par bya'o zhes pa ni nges pa'o/ /'dir yang khru bzhi'i bdag nyid kyi dkyil 'khor gsum la sor phyed pa'i cha dgu cu rtsa drug nyis
 'gyur du gsungs par 'gyur ro/ /de la cha bcu drug po rnams kyi cha so so la sor phyed pa bcu gnyis su 'gyur te/ de ltar na cha bcu drug po rnams la sor phyed pa dgu bcu rtsa drug gnyis 'gyur du 'gyur ro/ /de'i phyir dang po dkyil 'khor gyi
 don gyi sa gzhi cha bcu drug tu bya'o/ /de nas phyi rol gyi phyogs bzhi rnams su cha bzhi dor te ngos gnyis ka la cha brgyad dor nas gsung gi dkyil 'khor gyi don du 'gyur ro/ /de nas gsung gi dkyil 'khor la cha so so'i dbus su thig btab nas
 cha brgyad po gang yin pa de nyid cha bcu drug tu bya'o/ /de la cha bcu drug po rnams ni sor phyed pa drug par 'gyur ro/ /de dag las kyang thugs kyi dkyil 'khor gyi don du shar du cha bzhi dang/ de bzhin du nub dang byang dang lho ru yang dor nas snying por cha so so'i dbus
 su thig gdab ste/ cha brgyad pa gzhan cha bcu drug tu bya'o/ /thugs kyi dkyil 'khor de la cha bcu drug po rnams ni sor phyed pa gsum par 'gyur ro/ /de ltar na nor dang dus kyis 'gyur zhes pa sor phyed pa bzhi bcu rtsa brgyad kyis te/ sor phyed pa
 gsum gyi bdag nyid kyi cha bcu drug gis so/ /de rnams la tshangs pa'i thig las byang dang lho dang shar dang nub kyi cha gnyis ni thugs kyi dkyil 'khor gyi sgo bzhi'i don du bcom ldan 'das kyis gsungs so/ /de bzhin du sor phyed pa gsum gyi cha bzhi ni
 gsung gi dkyil 'khor gyi sgo'i don du gsungs so/ /de bzhin du sor phyed pa gsum gyi cha brgyad ni sku'i dkyil 'khor gyi sgo'i don du gsungs te/ de ltar thugs dang gsungs dang sku'i dkyil 'khor la rang rang gi 'khor lo'i tshad kyis sgo ni 'khor lo'i
 brgyan char 'gyur ro/ /'khor lo yang ra ba'i dang po'i mtshams su rig par bya ste/ dkyil 'khor gsum ga la yang de bzhin no/ /tshangs pa'i thig las byang dang lho dang shar dang nub tu sor phyed pa gnyis spangs nas snying po'i pad+ma'i lte ba gtso bo'i gdan
 gyi don dang/ phyogs bzhi'i sgo rnams su lha'i pad+ma'i gdan gyi don du thig gdab par bya'o/ /de nas byang dang lho dang shar dang nub kyi phyogs rnams su chu gter zhes pa sor phyed pa bzhi ni pad+ma'i 'dab ma rnams su 'gyur te/ gtso bo'i pad+ma ni lha dang lha mo
 lhag ma rnams kyi gdan las sum 'gyur ro/ /de ltar tshangs pa'i gnas su ni nyi ma'i re mig dag gis zhes pa sor phyed pa bcu gnyis kyis bcom ldan 'das kyi pad+ma'o/ /pad+ma'i sum cha ni lte ba ste sor phyed pa bzhir 'gyur ro zhes pa nges pa'o/ /
 phyogs rnams su 'dab ma'i dbus su thig btab nas/ lhag ma sor phyed pa gsum rnam pa gnyis su byas te rkang pa dang bcas pa'i sor phyed pa'i cha yis snying po'i dkyil la re khA gsum du 'gyur te/ gzhan gyis ni logs su 'gyur ro/ /de nas
 pad+ma'i 'dab ma'i phyi rol tu sor phyed pa'i cha gcig gis rdo rje phreng ba'i gnas so/ /de nas sor phyed pa bzhis lha'i pad+ma rnams so/ /pad+ma'i dbus su thig btab nas snga ma ma yin pa'i rdo rje phreng ba'i cha dang lhan cig sor phyed pa gsum du 'gyur te/ de rnams
 kyi dbus su thig btab nas phyed dang bcas pa phyed dang bcas pa'i cha yis 'gram gyi gnas su ra ba'i sa dang rta babs kyi ka bar 'gyur ro/ /de nas sangs rgyas kyi gdan las phyi rol du sor phyed kyis phyi'i rdo rje phreng bar 'gyur ro/ /sangs rgyas dang
 lha mo rnams kyi bar gyi le tshe rnams la bum pa 'am thod pa rnams kyi gdan brgyad du 'gyur te/ g.yon dang g.yas su ka ba bcu drug gi bar du sor phyed pa'i cha gsum gyis so/ /lhag ma ni sangs rgyas kyi gdan gyi tshad kyis so/ /de nas rdo rje phreng ba las
 sor phyed pa gsum pa'i cha gnyis dor nas sor phyed kyis thig gdab ste/ de nas bzhi yis dri la sogs pa'i lha mo rnams dang sna la sogs pa'i lha rnams kyi gdan gyi don du thig gdab par bya'o/ /de nas sor phyed dor nas phyed dang bcas pa'i sor mo phyed
 kyis rab gsum du 'gyur ro/ /de bzhin du ra ba'i sa las nyis 'gyur ni kha khyer gyi sa'o/ /kha khyer gyi phyed kyis rin chen snam bu'o/ rin chen snam bu nyis 'gyur gyis do shal dang do shal phyed pa'i sa'o/ /do shal gyi sa phyed ni bA ku li dang kri
 ma shI ra Sha'o/ /de ltar na sgo dang mnyam pa ni sgo khyud do/ /sgo khyu dang mnyam pa ni logs te 'gram yang de bzhin no/ /ka ba'i steng du rta babs ni sgo'i tshad las sum 'gyur te/ de ltar na snying po'i dkyil 'khor la thig gdab pa'i nges pa'o/ /de ltar
 thig ni re? dang zhes pa nas brtsams te/ do shal phyed pa dag gi mthar ni bA ku lir yang rab tu 'gyur zhes pa'i mthar thug pa sngar thig gdab pa dang/ slar yang dkyil 'khor gyi don du gzhan gnyis dang chu gter gcig dang/ chu gter gcig dang zhes pa nas brtsams
 te/ rta babs rab tu gsungs pa'i cha rnams kyis shes pa'i mthar thug pa ste/ thugs kyi dkyil 'khor la thig gdab pa gnyi ga rab tu gsungs so/ /zhes pa ni thugs kyi dkyil 'khor gyi nges pa'o/ /da ni rtsa ba'i rgyud las gsungs pa'i rta babs kyi mtshan nyid
 brjod par bya ste/ 'dir rta babs ni thams cad du sgo'i tshad las sum 'gyur du 'gyur ro/ /de la thugs kyi dkyil 'khor la sor phyed pa drug gis sgo ste/ de las sum 'gyur sor phyed pa bco brgyad kyis rta babs su 'gyur ro/ /de nyid ni rtseg ma gsum du bya ste/
 rtseg ma dang pos ni sor phyed pa drug gis so/ /gnyis pa ni phyed dang bcas pa'i bzhi yis so/ /gsum pa ni phyed dang bcas pa'i gsum gyis so/ /de nas gnyis gyis har mi dang/ gnyis kyis bum pa ste/ de ltar cha bco brgyad kyis rta babs sum brtseg go/
 de la rtseg ma dang po la ka ba'i steng du sor phyed kyi chas snam bu ste ring ba nyid kyis sor phyed pa nyi shu rtsa bzhi ro/ /de'i stengs du sor phyed kyi chas myos pa bsrung ba ste/ ring ba nyid kyis sor phyed pa bcu drug go /de'i steng du snying po'i ste ba'i tshad kyis dbus su mchod pa'i
 lha mo'i gnas gru bzhi'o/ /de'i g.yas dang g.yon du sor phyed kyis ka ba'o/ /de dag gi g.yas dang g.yon du slar yang lha mo'i gnas so/ /de nas slar yang g.yas dang g.yon du ka ba'o/ /de dag gi g.yas dang g.yon du rta babs kyi ka ba'i steng du glang po che mnan
 pa'i seng ge zung zhig mgo bo steng du bltas pa'o/ /de dag gi mgo bo'i steng dang ka ba bzhi'i steng du 'og gi snam bu'i phyed kyi chas snam bur 'gyur te/ ring ba nyid kyis sor phyed pa bco brgyad pa'o/ /de'i steng du rtsa ba'i myos pa srung ba bzhin du myos pa srung ba ste/
 ring ba nyid kyis sor phyed pa bcu gnyis pa'o/ /de'i steng du rkang pas dman pa'i sor phyed kyi cha yis ka ba so so ste/ ka ba'i bar du sor phyed pa gsum gsum gyis lha'i gnas sam mtshan ma'i gnas gsum mo/ /phyi rol gyi ka ba
 dag gi g.yas dang g.yon du shA la b+hany+tsi kA bya'o/ /de dag gi mgo'i steng dang ka ba bzhi'i steng du slar yang sor phyed pa phyed kyi cha yis snam bu ste ring ba nyid kyis sor phyed pa bco lnga'o/ /de'i steng du snga ma bzhin du sor phyed kyis myos pa
 srung ba ste/ ring ba nyid kyis sor phyed brgyad pa'o/ /de'i steng du sor phyed phyed kyi cha yis ka ba so sor bya'o/ /ka ba'i bar bar du rtsa ba'i rtseg ma'i lha'i gnas kyi phyed kyi cha yis gnas gsum mo/ /de la phyi rol gyi ka ba dag gi g.yas dang
 g.yon du slar yang shA la b+hanya dzi ka bya'o/ /de'i steng du cha phyed kyis snam bu sor phyed bcu gnyis pa'o/ /de'i steng du har mi ring ba nyid kyis sor phyed brgyad pa'o/ /de'i steng du gnyis kyi bum pa ste/ g.yas dang g.yon du rgyal mtshan
 gyi yu ba'i gnas so/ /de bzhin du snam bu so so'i rtse mor rnga yab dang me long 'byang ba dang rgyal mtshan te/ rta babs kyi tshad kyi mtshan nyid rtsa ba'i rgyud las gsungs pa'o/ /da ni gsung gi dkyil 'khor gsungs pa/ re mig drug gi rta
 babs 'og du nor gyi pad+ma dang ldan rnal 'byor ma rnams snam bu'o zhes pa ste 'dir gsung gi dkyil 'khor la phyogs bzhi rnams su sor phyed pa drug gi bdag nyid kyi cha bzhi po gang yin pa de dag las cha gnyis las snying po'i dkyil
 'khor gyi ra ba dang kha khyer dang rin chen snam bu dang/ do shal dang do shal phyed pa dang/ ba ku lI dang/ kra ma shIr Sha rnams bkod de/ lhag ma cha gnyis gnas so/ /de dag las cha gcig dor nas cha gzhan gyi re mig drug po rnams las steng
 dang 'og du re mig re re dor de dbus su cha bzhi yis rnal 'byor ma rnams kyis pad+ma brgyad kyi snam bu ste phyogs dang mtshams rnams thams cad du pad+ma'o/ /phyogs rnams su rta babs kyi 'og tu ste/ rtseg ma gnyis pa'i myos pa srung ba sor phyed bzhi tsam du
 bshig cing ka bzung dag sor mo phyed pa phyed tsam bkyed nas rnal 'byor ma rnams kyis pad+ma bya'o/ /lha mo rnams med na slar yang sngar brjod pa'i mtshan nyid de/ mtshan nyid de nyid kyi phyi rol du gsung gi dkyil 'khor la sgo nas brtsams te rta babs kyi mthar
 thams cad nyis 'gyur ro zhes pa ni nges pa'o/ /da ni de nas shes pa la sogs pas sku'i dkyil 'khor gsungs te/ 'dir sku'i dkyil 'khor la phyogs bzhi rnams su sor phyed pa bcu gnyis kyi bdag nyid kyi cha bzhi po gang yin pa de dag las cha gnyis
 la gsung gi dkyil 'khor gyi ra ba dang kha khyer dang rin chen snam bu dang do shal dang do shal phyed pa dang ba ku lI dang/ kra ma shIr Sha rnams bkod de/ lhag ma cha gnyis gnas so/ /de nas te gsung gi dkyil 'khor gyi mdza' nas/ re yis bsgyur ba'i dus
 kyis shes pa sor phyed pa nyi shu rtsa bzhi yis dpal ldan tshon gyi sar 'gyur te/ re khA lnga'i bar du'o zhes pa ni nges pa'o/ /dkyil 'khor de la phyogs zur rnams nyi ma'i pad+ma zhes pa ni pad+ma bcu gnyis te/ nyi 'gyur ma nu'i 'dab ldan zhes pa
 'dab ma nyi shu rtsa brgyad pa'o/ /nyi ma'i re mig dag gis shes pa ni sor phyed pa'i cha bcu gnyis kyis te/ sor phyed pa cha bcu gnyis po de dag cha bdun du byas nas dbus kyi cha yis lte ba'o/ /g.yas dang g.yon gyi cha gnyis pas 'dab ma bzhi'o/ /g.yas
 dang g.yon gyi gsum pas 'dab ma brgyad do/ g.yas dang g.yon gyi bzhi pas 'dab ma bcu drug ste/ de ltar na 'dab ma nyi shu rtsa brgyad bya'o/ /de bzhin du snying po'i sgo ni mun pa'i yon tan gyi dbang gis te/ de las bar ma'i dkyil 'khor gyi sgo rdul
 gyi yon tan gyi dbang gis nyis 'gyur ro/ /de las snying stobs kyis yon tan gyi dbang gis sku'i dkyil 'khor gyi sgo bzhi ru 'gyur ro/ /de bzhin du ra ba sogs te rta babs la sogs pa dang/ dkyil 'khor gsum bkod rnams
 te chu dang me dang rlung gi dkyil 'khor bkod pa rnams ni brgyad pa gsum gyis shes pa nyi shu rtsa bzhi rab tu bya'o/ /dkyil 'khor gsum po de dag rnams kyi thog ma'i cha la nyi zla 'char ba'i dkyil 'khor de phyed re mig dag gis te bcu gnyis bya'o/ /de
 dag rnams kyi mdza' la rdo rje 'phreng ba bcu gnyis kyis bya ste/ nyi shu rtsa bzhi rnams kyis rdo rje'i me lce'o/ /de la sgo'i mdza' i 'khor lo gang yin pa de ni so sor rtsibs brgyad pa ste rlung dang me'i dkyil 'khor gyi dbus su bcu gnyis kyis so/ phyi
 rol gyi dkyil 'khor gyi ka ba'i 'og tu kha khyer la bcu gnyis kyi gdengs can rnams kyi gdan rlung la sogs pa'i dkyil 'khor ro/ /shing rta ni bcu gnyis kyi sgo'i dbus su ste/ de nyid las gsung gi dkyil 'khor gyi rta babs sor phyed pa bcu
 gnyis spangs nas/ /sgo'i phyed gnyis pa la dbang po la sogs pa'i lha'i snam bu dang mtshungs pa'i shing rta bya'o/ /sku'i dkyil 'khor la shar dang nub kyi rta babs kyi bum pa spangs nas nam mkha' dang sa 'og gi shing rta blta bar bya'o/ /dkyil
 'khor gyi thig gdab pa'i nges pa'o/ /da ni rdo rje zhes pa la sogs pa rdul tshon gdab pa'i cho ga gsungs te/ 'dir thig btab cing lha'i gnas thams cad sbyangs par gyur pa na de nas dri dang me tog la sogs pas gtor ma byin te/ phyi nas rdul
 tshon dgye ba brtsam par bya'o/ /de la 'byor ba dang rjes su mthun pas tshon lnga bya ste/ 'khor los sgyur ba'i 'byor pa la rdo rje la sogs pa'i rin po che lnga yis phye ma bya'o/ /de la mar ka ta yis ljang bu'i phye ma'o/ /in+d+ra nI la yis nag po'o
 badna rA ga yis dmar po'o/ /zla ba chu shel gyis dkar po'o/ /kar ke ta na yis ser po'o/ /mthon ka chen po yis sngon po'o/ /de bzhin du thun mong ba'i 'khor los sgyur ba rnams kyi phye ma ni ser po'o/ /mu tig gi phye ma ni dkar po'o/ /byi ru'i phye ma ni dmar po'o/ /mu
 min gyi phye ma ni nag po'o/ /tshon bzhi bsres pa ni ljang gu'o/ /dbye ba lnga yis 'bru 'am zhes pa ni mud ga la sogs pa'am/ 'bras ma nyams pa dag gam/ /rnam mang nor bu'i phye ma'i tshon dag gam/ btags pa'i tshon thun mong bdag gis ni sems can
 thams cad kyis te/ rdo rje rnams kyis ji lta ba de bzhin du ma nyams pa'i 'bru rnams kyis so/ /ma ra ka ta la sogs pa'i phye ma rnams kyis ji lta ba de bzhin du btags pa'i tshon rnams kyis te/ ji ltar 'byor pa las 'di dag gis phyogs kyi char sa
 la rdul tshon gdab par 'gyur te/ kye mi'i bdag po de nyid ni sangs rgyas dbye ba 'chad par 'gyur ba dag gis te dkyil 'khor la'o/ /phyi rol du yang sa'i dkyil 'khor la ser pos so/ /chu la dkar pos so/ /me la dmar pos so/ /rlung gi dkyil 'khor
 la nag pos te rim pas so/ /da ni shar du zhes pa la sogs pas tshon gyi sa'i kha dog gsungs te/ 'dir bdag po'i mtshan ma dang zhal gyi dbang gis dkyil 'khor sa la phyogs kyi char 'gyur te/ zhal nag po la sogs pas so/ /des na thugs rnam
 par dag pas shar du dpal ldan nag po'i sar 'gyur ro/ /gsung rnams par dag pas lho ru nyi ma dang mtshungs pa'o/ /ye shes kyi zhal rnam par dag pas nub tu gser mdog ste ser po'o/ /sku'i zhal rnam par dag pas byang du yang gzhan te dkar po'o/ /
 de ltar rdo rje can gyi zhal gyi dbye bas phyogs rnams su rdul tshon dgye bar bya'o/ /de yang dbang ldan gyi phyogs nas brtsams nas tshon dkar po la sogs pa las kyi rjes su 'brangs pas phyogs rnams su btab ste/ de nas zhal gyi dbye bas dgye bar
 /bya'o/ /zhes pa ni nges pa'o/ /da ni dkar dang zhes pa la sogs pas kha khyer la sogs pa rnams kyi rdul tshon gyi kha dog gsungs te/ 'dir kha khyer ni dkar po ste de yang gzungs kyi snam bu'o/ /de'i steng du rin chen snam bu'i sa dmar po ste/
 de la rin po che'i 'ching pa rnam par bkra zhing sgo khyud dang ka ba'i mtshams su rin po ches spras pa'o/ /de bzhin du do shal gyi sa nag po ste/ de la do shal dang do shal phyed pa dang/ me long dang rnga yab rnams so/ /ba ku lI dkar po'o/ /ka ba ser
 po'o/ /kra ma shIr Sha dkar po'o/ /lha'i pad+ma rnams ni zla ba'i kha dog dang nyi ma'i kha dog go /de bzhin du snying po'i dkyil 'khor thams cad la sku dang gsung dang thugs dag pas ra ba rnams ni dkar po dang dmar po dang nag po'i re khAr 'gyur
 ro/ /dbus su zhes pa la sogs pas snying po'i pad+ma la sogs pa'i kha dog gsungs te/ 'dir thugs kyi dkyil 'khor gyi dbus su gtso bo'i pad+ma 'dab ma brgyad ljang gu'o/ /zhi ba la sogs pa rnams la dkar po la sogs par
 'gyur te thun mong gis ljang gu'o/ /bung ba dang mtshungs ka ba rdo rje phreng bar 'gyur/ /pad+ma'i phyi rol du ka ba bcu drug ni shar la sogs pa rnams te/ ral gri dang rin po che dang 'khor lo dang pad+ma'i phreng ba dang ldan pa bzhi bzhi nyid
 do/ /'dir snying po'i dkyil 'khor gyi zur bzhi rnams su grangs bzhin du dbang ldan du dung zla ba'i kha dog can dang/ bden bral du chos kyi gaN+DI nyi ma'i kha dog dang me'i zur du yid bzhin gyi nor bu kha dog nag po dang/ rlung gi
 zur du dpag bsam gyi shing ser po'o/ /de bzhin du phyogs bzhi rnams su sangs rgyas dang lha mo rnams dang ka ba bcu drug gi bar du bum pa dkar po rnams te phyogs brgyad du pad+ma'i steng na gnas shing pad+ma'i kha dang ldan pa'o//
 'dir pad+ma dmar po'i steng du lha mo rnams kyi zla ba'i gdan du 'gyur zhing/ pad+ma dkar po'i steng du lha rnams nyi ma'i gdan du 'gyur te/ 'dab ma brgyad po rnams spangs nas pad+ma'i sum cha'i lte ba la'o/ /lha mo rnams kyi zla ba'i gdan yang zur rnams su ste/
 lha rnams kyi ni phyogs su'o/ /thams cad kyi phyi rol tu ni rdo rje phreng bar 'gyur te/ gtso bo'i pad+ma'i kha dog gi dbang gis bya'o/ /rta babs ni kha dog sna tshogs su bya'o/ /rtsa ba'i dkyil 'khor la rdul tshon dgye pa'i kha dog gi nges pa'o/ /da ni gsung
 dang sku'i dkyil 'khor gyi lha'i snam bu'i kha dog gsungs pa/ dkar po'i mdog ces bya ba ste/ 'dir gsung gi dkyil 'khor la rnal 'byor ma rnams dang/ 'dod pa la sogs pa rnams dang/ sku'i dkyil 'khor la phyir 'dod ma la sogs pa rnams
 kyi snam bu ni dkar po'i mdog tu 'gyur zhing nor gyi pad+ma ste pad+ma brgyad kyi bzhi'i snam bu dag kyang phyogs dang phyogs bral kun tu'o/ /de la phyogs kyi char ni pad+ma rnams kha dog dmar por 'gyur ro/ /rgyal ba'i dbang gis te sangs rgyas kyi dbang
 pad+ma dkar po zur du'o/ /pad+ma de dag ni nyi ma dang zla ba'i gdan gyis rnam par dman pa 'dab ma brgyad pa ste/ de bzhin nyid du 'chi med rnams kyi nyi 'gyur ma nu'i 'dab ldan te 'dab ma nyi shu rtsa brgyad pa ni zla ba dang nyams rnam par dman pa'o/ /gsung
 gi dkyil 'khor la mkha' sogs re khA lnga po gang yin de dag rang bzhin yon tan dbang gis gsum cha bar du gnas zhes pa ni 'dir gsung gi dkyil 'khor la rang bzhin ni nam mkha' la sogs pa dkyil 'khor rab tu 'bab pa ste/ des na zhi ba
 la sogs pa dang dbang la sogs pa'i las la g.yon pa'i rgyu ba'i dbang gis spro ba'i sbyor bas nam mkha' dang/ rlung dang/ me dang/ chu dang sa rnams ljang gu dang nag po dang/ dmar po dang/ dkar po dang ser po'i kha dog ste/ rim pa bzhin du snying po
 brtsams nas kha khyer gyi bar du'o/ /de bzhin du bsad pa la sogs pa dang/ mnan pa la sogs pa la sa la sogs pa rnams kyis bya'o zhes pa rang bzhin yon tan dbang gis 'gyur ba'o/ /cha gcig dor nas cha gnyis kyis re
 khA so sor 'gyur ba gang yin pa de'i phyir ra ba'i sa ni cha bco lnga par shes par bya'o/ /de bzhin du snying po'i dkyil 'khor gyi ra ba'i sa ni cha dgu pa'o/ /de bzhin du sku'i dkyil 'khor gyi rang bzhin brjod par bya ste/ 'dir sku la mthe chung la sogs
 pa'i sor mo lnga po rnams ni nam mkha' la sogs pa'i rang bzhin te/ des na zhi ba la sogs pa'i dkyil 'khor la spro ba'i dbye bas kha dog ljang gu la sogs pa'i re khA'o/ /bsad pa la sogs pa la sdud pa'i rim pas sa'i dbye bas so zhes pa ni ra
 ba'i re khA nges pa'o/ /da ni ka ba'i 'og ces pa la sogs pas klu'i rgyal po rnams kyi gdan gsungs te/ 'dir phyi rol sku'i dkyil 'khor la rta babs kyi ka ba rnams kyi 'og gi kha khyer gyi gnas la sgo'i mtshams su gdengs can rnams kyi
 gdan rlung la sogs par rab tu 'gyur te/ shar gyi sgo'i g.yas dang g.yon du rlung gi dkyil 'khor zlum por 'gyur te/ snying po'i pad+ma'i tshad kyis so/ /sogs pa'i sgras lho ru me'i dkyil 'khor zur gsum dang/ nub tu sa'i dkyil 'khor gru
 bzhi dang/ byang du chu'i dkyil 'khor zla ba phyed pa'i rnam pa ni/ nag po dang/ dmar po dang/ ser po dang/ dkar po ste rim pa bzhin du thig le dang bkra shis dang rdo rje dang pad+mas mtshan pa'o/ /de bzhin du nag po dang dmar po dang ser po dang dkar po
 dang ljang gu dang sngon po ni sgo la sogs pa'i shing rta rnams so/ /dur khrod kyi 'khor lo rnams ni zla ba dang nyi ma'i kha dog ste/ gang zhig 'chad par 'gyur pa'i 'khor lo dkar dang dmar po zhes pa'o/ /de bzhin gshegs pa'i kha dog gi dbye bas thams cad du
 rdul tshon gyi sa'o/ /da ni nyi ma dang zla ba 'char ba'i gnas gsungs te/ 'dir sku'i dkyil 'khor gyi rta babs kyi mthar sa'i dkyil 'khor kha dog ser po sor byed pa bcu gnyis kyis dkod pa gang yin pa de la dbang ldan du mtshan mo'i dbang gis zla ba 'char ba blta
 bar bya ste nya la'o/ /de bzhin du lta min zur zhes pa bden bral du nyi ma nub pa blta bar bya'o/ /de ltar na sa'i dkyil 'khor la gnas zla nyi dag go kye mi'i dbang po zhes pa'o/ /de nas sku'i dkyil 'khor gyi phyi rol sgo'i steng gi char rta babs kyi rtseg ma dang po'i
 dbu ma'i gnas sor phyed bcu drug gi bdag nyid la thugs kyi zhal rnam par dag pas ri dags dang bcas chos kyi 'khor lo sprin gyi mdog tu 'gyur te/ 'khor lo'i g.yas dang g.yon du ri dags dang ri dags mo'o/ /de las gzhan pa'i gnas su mchod pa'i 
 lha mo ste ji ltar brjod pa las so/ /de bzhin du g.yas su ste lho'i rta babs la gsung rnam par dag pas bum pa bzang po kha dog dmar po ste/ de'i g.yas dang g.yon du dung dang pad+ma'o/ /nor sbyin dang bcas tshur ni nor sbyin du rnga po che dkar po ste/ g.yas
 dang g.yon du dbyug pa dang tho ba'o/ /nub du byang chub kyi shing ser po ste/ g.yas dang g.yon du mi 'am (ci dang mi 'am ci me'o/) /zhes pa ni nges pa'o/ /de bzhin du dril bu me long ba dan ri bong 'dzin pa ltar dkar rta babs dag las 'byang bar 'gyur ba dang/
 do shal phyed pa kha dog dkar por 'gyur te rigs kyi dbang gis shing rta sgo yi dbus su'o/ /'khor lo dkar dang dmar po rang gi rgyal ba'i rigs kyi dbang gis rlung la sgo'i phyi rol du rdo rje 'bar ba 'phro ba dag gis mi'i bdag po phyi rol rdo rje phreng ba dag
 tu 'ang 'gyur/ zhes pa ni 'dir rdo rje phreng ba'i dang po dang tha mar zlum bskor bkod nas/ de'i phyi rol tu 'od zer lnga'i rang bzhin 'bar ba blta bar bya ste/ de yis dkyil 'khor grub po/ /sa'i dkyil 'khor dang/ kra ma shIrSha dag gi bar du mchod pa'i rdzas
 rnams ji ltar mdzes par bya'o/ /dkyil 'khor gyi rdul tshon gyi kha dog nges pa'o/ /da ni ra ba'i re kha rnams kyi mtshan nyid dang bral ba'i skyon gsungs pa/ sboms pas shes pa la sogs pa ste/ 'dir zhi ba dang rgyas pa la
 gang gi tshe re khA mtshan nyid dang bral bar gyur pa de'i tshe las phyin ci log tu 'gyur te/ de la sboms pas ni sbyin bdag gam slob dpon la nad dag cing/ phra dang re khA ngan pas rdzas ni nyams pa rab tu gsal bar byed do/ /chad pas
 'chi ba yang rab tu gsal bar byed do/ /'khyog pos mi yi bdag po dang bcas grong rdal de bzhin nyid du bskyod par byed do/ /mtshan ma 'am nyi ma dang zla ba'i gdan chad par gyur na/ sngags pa rnams la srid pa'i 'jigs pa 'joms pa'i dngos
 grub gang yin pa de med do/ /phan tshun rdul tshon rnam par 'dren pas/ sbyin bdag gi rgyud dang slob dpon gyi rgyud kyi rigs rgyud 'chad par 'gyur ro/ /des na rgyal ba'i rigs kyi dkyil 'khor dag la rig par bya ste/ rab tu 'bad pas rdul tshon
 thams cad bsgrub bo zhes pa ni nges pa'o/ /da ni mtshan nyid dang bral ba gsungs pa/ 'dir 'khor lo ni rnam pa gnyis te/ gcig ni lha mo rnams kyi tshogs pa dang/ gzhan ni rtsibs brgyad pa brten gyi rang bzhin no/ /de la rtsibs brgyad pa ni zur du dkar
 po dang phyogs rnams su dmar po'o/ /tshogs pa'i rang bzhin yang rang gi rgyal ba'i rigs kyi dbang gis rang gi rgyal ba'i kha dog gis te lha mo rnams kyi kha dog go zhes pa'i don to/ /gang zhig ces pa ni 'dir sngags kyi tshul la gang du rgyud las
 rgyal bas te/ de bzhin gshegs pas mtshan ma gsal bar ma gsungs pa'i mtshan ma de ni mdzes pa'i don du dkyil 'khor la dgong par mi bya'o/ /ci'i phyir zhe na/ gang gi phyir mtshan ma de ni bdud kyi mtshan mar 'gyur te/ phyin ci log
 dang lhag pa'i phyir ro/ /rgyal ba skyed mdzad rigs la ste/ rdo rje sems dpa' i rigs la rdo rje slob dpon gyis so/ /de'i phyir rgyud las gsungs pa'i cho ga'i mtshan mar 'gyur te/ rigs kyi dbang gis sgo'i mtshams nas dkyil 'khor la'o/ /do shal phyed pa'i mthar ni rab tu bya zhes
 pa ni do shal phyed pas nye bar mtshon nas ba ku la'i dang kra ma shir Sha'i mthar ro/ /sku'i dkyil 'khor gyi mthar sa'i dkyil 'khor bzhi la pad+ma bum sogs mdzes pa bya'o zhes pa ni nges pa'o/ /da ni nag po la sogs shes pa la sogs pas rdul tshon gyi dpangs
 gsungs te/ 'dir snying po'i dkyil 'khor la rlung la sogs pa'i yon tan gyi dbye bas/ rkang pa la sogs 'phel ba rdul tshon dgye bar 'gyur te/ shar du reg bya'i yon tan rnam par dag pa rdul tshon nag po ni nas kyi rkang pa gcig gis dpangs so/ /lhor
 reg bya dang gzugs kyi yon tan gnyis rnam par dag pas dmar po ni rkang pa gnyis so/ /byang du reg bya dang gzugs dang ro'i yon tan rnam par dag pas dkar po ni rkang pa gsum mo/ /nub tu reg bya dang gzugs dang ro dang dri'i yon tan bzhi'i rnam par dag
 pas ser po ni rkang pa bzhi'i dpangs so/ /de bzhin du gsung gi dkyil 'khor la nyis 'gyur dang/ sku'i dkyil 'khor la bzhi 'gyur gyi dpangs so zhes pa ni nges pa'o/ /nas kyang rang rang gi dkyil 'khor gyi drug cu rtsa brgyad lhag pa'i bdun brgya'i cha shes su rig
 par bya'o/ /de bzhin du ra ba rnams kyi dpangs ni rdul tshon ser po'i dpangs sum 'gyur te/ gzhan re khA thun mong pa ni rdul tshon ser po'i nyis 'gyur du 'gyur ro/ /pad+ma rnams kyi 'dab ma'i phyi rol tu pad+ma'i gzhan gyi snam bu'o/ /nyin mor byed pa ri bong can
 dang chu skyes re khA nyis 'gyur ni nges pa'o/ /snying po dag las phyi rol bar ma'i dkyil 'khor la nyis 'gyur te/ de nyis 'gyur ni sku'i dkyil 'khor 'di la'o/ /do shal phyed pa'i mthar ni nas gcig ste/ bkra ma shIr Sha'i mthar phyi rol gyi mchod pa'i sa
 la'o/ /de bzhin du sa chu bsreg za rlung gi dkyil 'khor rnams dang rdo rje phreng ba rnams la ste/ zlum skor gnyis la sku'i dkyil 'khor gyi ra ba'i tshad kyis so zhes pa ni khams kyi yon tan gyi dbye bas rdul tshon gyi dpangs nges pa'o/ /dgyes pa
 gzhan ni thams cad du yon tan gsum gyi dbye bas sa thams cad la tshad mtshungs pa ste ra ba rnams ni dkyil 'khor gsum gyi tshad las sum 'gyur ro zhes pa ste rdul tshon rnam par dag pa'o/ /da ni dbus zhes pa la sogs pas 'jig rten gyi khams dag
 pas rdul tshon gyi dkyil 'khor dag pa gsungs te/ 'dir ji ltar phyi rol de bzhin lus/ /ji ltar lus la de bzhin gzhan rdul tshon gyi dkyil 'khor la'o/ /des na 'jig rten gyi khams la tshad dpag tshad 'bum phrag gang yin pa de ni lus la khru bzhi ste de
 bzhin du dkyil 'khor la yang ngo/ /khru gcig nas brtsams te ji srid khru stong gi bar du thams cad rang gi khru bzhi pa'i dkyil 'khor te/ sor phyed pa dgu bcu rtsa drug nyis 'gyur gyi bdag nyid kyi cha yin pa'i phyir ro/ /de'i phyir dkyil 'khor thams
 cad khru bzhi'i bdag nyid du 'gyur ro/ /des na dbus nas sgo'i dang po'i mtshams ni nor gyi blo gros mar 'gyur/ /tshangs pa'i thig nas phyogs thams cad du sgo'i mthar thug pas sor phyed pas nyi shu rtsa bzhis nor gyi blo gros mar 'gyur te/ de la snying
 po'i pad+ma sor phyed pa bcu gnyis pa ni dpag tshad stong phrag lnga bcu'i phyed kyi tshad kyis so/ /de bzhin gshegs pa'i 'phar ma ni phyogs thams cad du gling drug dang rgya mtsho drug dang ri drug gi mthar 'og dang steng du lhun po'i tshad kyis te dpag tshad stong
 phrag lnga bcu'o/ /de nas sa'i dkyil 'khor thams cad du dpag tshad stong phrag nyi shu rtsa lnga ste/ dkyil 'khor la rdul tshon gyis sgo'i mthar ro/ /de ltar snying po'i dkyil 'khor mdza' dag ni dpag tshad 'bum phrag ste/ sor phyed pa bzhi bcu rtsa brgyad
 kyi cha dang ldan pa'o zhes pa ni nges pa'o/ /de ltar na dbus nas sgo'i dang po'i mtshams ni nor gyi blo gros mar 'gyur 'jig rten khams kyi dkyil 'khor la zhes pa'o/ de bzhin du sgo bzhi nas phyogs bzhi rnams su tsar tsi kA mthar sum 'gyur gdengs can re mig dag
 gis te/ phyogs bzhi rnams su sor phyed nyi shu rtsa bzhis lan tsha'i rin chen gnas zhes pa lan tsha'i chu'i dkyil 'khor ro/ /de ltar na gsung gi dkyil 'khor ni 'bum phrag gnyis su 'gyur te/ shar nas nub kyi phyed kyi bar du'o zhes pa ni nges pa'o//
 gsung gi dkyil 'khor gyi sgo de nas rgyal ba'i dbang po'i re mig gis te/ phyogs thams cad du sor phyed nyi shu rtsa bzhi dag gis kyang gsung gi dkyil 'khor kra me shIr Sha'i mthar me'i dkyil 'khor te/ gnas de nas shar dang nub tu 'jig rten gyi khams
 dpag tshad 'bum phrag gsum mo zhes pa ni nges pa'o/ /de nas de bzhin rlung du 'gyur/ /kra ma shIr Sha de nas rgyal ba'i dbang po'i re mig gis te/ sor phyed pa nyi shu rtsa bzhi dag gis phyogs thams cad du sku'i dkyil 'khor gyi sgo'i mthar 'jig rten
 gyi khams kyi rlung gi dkyil 'khor ro/ /de ltar phyi rol tu 'jig rten gyi khams kyi dkyil 'khor 'bum phrag bzhi ste dgu bcu rtsa drug nyis 'gyur gyi cha dang ldan pa'o zhes pa ni sku'i dkyil 'khor nges pa'o/ /slar yang de'i phyi rol du sku'i dkyil 'khor gyi
 rta babs kyi mthar ni de dag rnam par dag pas shes pa la sogs pa'i dkyil 'khor rnam par dag pas sa'i dkyil 'khor lhun po spangs nas sor phyed pa bcu gnyis dang/ lhag ma rnams ni so sor sor phyed pa nyi shu rtsa bzhi blta bar bya'o/ /de nas phyi rol
 tu sor phyed pa bcu gnyis la rdo rje phreng ba ste/ g.yas dang g.yon du cha gsum byas nas dbus su cha drug gis rdo rje'i phreng ba bya'o/ /de'i phyi rol du nyi shu rtsa bzhis rdo rje'i me lce ste 'jig rten gyi khams rnam par dag pa'i nges pa'o/ /da ni gtsug tor zhes pa la
 sogs pas steng 'og rnam par dag pa gsungs te/ 'di'i phyi rol tu lhun po'i gtsug tor stong phrag nyi shu rtsa lnga ste/ sor phyed pa bcu gnyis kyi cha dang ldan pa ni dbus su snying po'i pad+ma de'i cha dang ldan pa'o/ /de nas zhal 'bum phrag phyed dang
 mgrin pa stong phrag nyi shu rtsa lnga ste/ de rnams las dang po'i cha la sangs rgyas kyi 'khor lo'o/ /zhal gyi phyed gnyis pa stong phrag nyi shu rtsa lnga la 'khor lo gzhan no/ /lhag ma cha gnyis la rdul tshon gyis ste sgo'i mthar ro/ /de ltar steng 'og du mgrin
 pa'i mthar 'jig rten gyi khams dpag tshad 'bum phrag ste/ dkyil 'khor la kun nas khru gcig go /snying po'i dkyil 'khor gyi nges pa ste/ de ltar na gtsug tor zhal dang mgrin pa sum 'gyur gdengs can re mig dag gis dkyil 'khor la ni
 g.yas dang g.yon du sbyang bar bya zhes pa ni nges pa'o/ /de nas te mgrin pa nas lhun po'i mdza' dag spyi'i mthar steng 'og du dpag tshad 'bum phrag ste/ sum 'gyur gdengs can re mig dag gis shes pa sor phyed ba nyi shu rtsa bzhi gsung gis
 mtshan nyid kyi dkyil 'khor la g.yas g.yon du sbyang par bya ste/ 'og tu sa ni ji srid nyid du'o/ /de nas re mig drug drug dag gis rim pas te dpag tshad stong phrag nyi shu rtsa lnga'i bdag nyid can cha drug dang ldan pa dag gis 'bum phrag
 gnyis cha brgyad du byas nas gsal bar klu'i srid pa dang ni sa 'og bdun po ste dmyal ba'i srid pa rnams sor sbyang bar bya'o/ /lus la spyi nas brtsams nas rkang pa'i mthil gyi mthar cha brgyad du byas nas rdul tshon gyi dkyil 'khor la sbyang par
 bya ste/ tshangs pa'i gnas nas phyogs thams cad du sku'i dkyil 'khor gyi mthar te sgo bzhi'i mthar thug pa'o zhes pa ni nges pa'o/ /de ltar sa la sogs pa thams cad slar yang de bzhin du mi la sogs pa sems can thams cad kyi rang gi lus la sbyang
 par bya zhes pa ni dkyil 'khor gyi cho ga nges pa'o/ /de bzhin du rtsa ba'i rgyud las gsungs pa'i rnam par dag pa gzhan brjod par bya ste/ 'dir sems can thams cad kyi snying gi nang na gnas pa ni ye shes so/ /de yang gzhom du med pa'i sgra ste rtag tu nA
 de'i mtshan nyid do/ /de'i phyir snying ga'i 'khor lo'i dkyil 'khor de dbus su byas te/ de nas mgrin pa dang lte ba dag gis dbus su tshad phyed gzung nas tshad phyed dang bcas pa'i bcu gnyis kyi bdag nyid ni bcom ldan 'das kyi thugs kyi dkyil
 'khor du bya'o/ /mgrin pa nas lte ba'i mthar tshad nyi shu rtsa lnga'i bdag nyid ni gsung gi dkyil 'khor du bya'o/ /mdzod spu'i gnas nas chu so'i mthar tshad lnga bcu'i bdag nyid ni sku'i dkyil 'khor du bya'o/ /de las sku'i sgo bzhi ni bshang ba dang gcig
 dang khu ba dang gtsug tor gyi bug pa rnams so/ /gsung gi dkyil 'khor gyi sgo ni la la nA dang/ ra sa nA dang/ A ba d+hU tI dang/ dung can ma rnams te/ mgrin pa nas lte ba'i mtshams su'o/ /thugs kyi dkyil 'khor gyi sgo nas ni sad pa dang rmi lam dang
 shin tu gnyid log pa dang bzhi pa'i mtshan nyid rnams so/ /de ltar sgo bcu gnyis kyi bdag nyid sku dang gsung dang thugs kyi dkyil 'khor mchog gi dang po'i sangs rgyas zla ba'i cha bcu drug gi cha dang ldan pa ni/ phyi rol la ji lta ba de bzhin du lus dang
 de bzhin du gzhan la ste/ dkyil 'khor rnam pa gsum shes nas slob dpon gyis dkyil 'khor bri bar bya'o zhes pa ni thams cad du nges pa'o/ /gnyis dang chu gter gcig la sogs pa'i tshigs su bcad pa gnyis ni sngar thig gdab pa dang lhan
 cig brjod zin to/ /da ni oM yig ces pa la sogs pas dkyil 'khor gyi lha rnams kyi sngags dang phyag rgya'i mtshan ma gsungs te/ 'dir rgyud kyi rgyal po thams cad las rdul tshon gyi dkyil 'khor la oM yig sku'i rdo rje dang de yis dkyil 'khor 
 rdzogs par byas pa ni oM yig ye shes las skyes pa zhes gsungs so/ /de'i phyir oM yig las skyes pa'i dkyil 'khor gyi rgyal ba mchog gi pad+ma ste/ pad+ma nyi shu rtsa bzhi rnams su zla ba dang nyi ma dag gi gdan rnams ni
 lo'i dbye ba ste/ nya bcu gnyis kyi dbye bas zla ba'i gdan rnams dang/ gnam stong bcu gnyis kyi dbye bas nyi ma'i gdan rnams te/ thabs dang shes rab rnam par dag pas so/ /steng du ste lte ba'i steng na gnas pa zla ba dang nyi ma'i gdan de
 dag rnams la/ a sogs zhes pa a yig la sogs pa'i dbyangs rnams dang/ ka sogs zhes pa ka yig la sogs pa'i gsal byed rnams te/ stong pa bcas pa dag dang zhes pa thig le dang rnam par bcad pa dang/ bcas pa dag
 dang lhan cig tu srid gsum bskyed par byed pa'i stong pa nyid rnam pa thams cad pa nA da'i gzugs can ni thig le'i steng du ste/ yum khams gsum bskyed par byed pa gzhom du med pa'i sgra zhes pa shes rab kyi pha rol tu phyin ma sangs rgyas
 bskyed par byed pa ni don dam pa'i bden la brten nas a yig la sogs pa dang/ ka yig la sogs pa stong pa dang bcas pa'i sngags thams cad kyi mgor gzhag par bya'o/ /des na de ni de dag dang lhan cig brjod par bya ste/ de bzhin
 du bcom ldan 'das kyang bde ba chen po'i gzugs can de'i nang du gnas so/ /da ni stong pa zhes pa la sogs pas stong pa lnga las sku la sogs pa'i sngags rab tu brjod pa'i chos can rnams 'byung ba gsungs te/ stong pa ni le'u dang por
 brjod pa'i sngags kyi g.yon gyis yan lag tu rjes su nga ro dang/ shar dang nub tu a yig gnyis dang/ lho'i yan lag tu rnam par bcad pa thig le gnyis dang/ dbyangs dang bral ba mchog ces pa gzhom du med pa'i ha yig dbyangs med pa
 las sku dang gsung dang thugs dang ye shes kyi rdo rje rnams yang dag par 'byung ngo/ /de dag las dang por re shig sku 'byung ba brjod par bya ste/ 'dir dang por rjes su nga ro'o/ /de nas a yig go /gnyis ka'i dbus su rnam par bcad pa'o/ /rjes su nga ro'i mthar
 a yig ring po'o/ /de ltar dbyangs yig ring po pha rol tu byung bas sngon ma'i rjes su nga ro ma nyid thob par 'gyur ro/ /ma yig pha rol tu byung bas kyang oM yig las pha rol gyi rnam par bcad pa ni u yig tu 'gyur te/ phyi nas a yig gis
 yon tan du gyur pa na o yig go /de nas nges pa'i tshig gi mtshan nyid las yi ge nyams pa yod ces pas ma yig rnam par phral nas A yig dbyi bar bya'o/ /de ltar na yon tan gsum gyi bdag nyid oM yig sku rdo rje ste a uM zhes rang dang gzhan
 gyi grub pa'i mdza' las brjod do/ /da ni gsung rdo rje brjod par bya ste/ 'dir sngon dang gzhan gyi a yig gnyis ring por byas nas mthar rnam par bcad pa sbyin par bya'o/ /des na A(rgyud 'grel brjod do/ /da ni thugs rdo rje brjod par bya ste/ 'dir sngon du ha yig dbyangs med pa'o/ /de nas a yig thung ngu'o/ /de nas rnam par bcad pa'o/ /de nas thig le'o/ /de nas A yig ring po'o/ /de ltar snga ma bzhin du rnam par bcad pa u yig ste thog
 ma dang tha ma'i a yig dag dbye ba'o/ /de las hUM yig yon tan gsum gyi bdag nyid de ha uM zhes brjod do/ /de ltar sku gsung thugs kyi sngags yang dag par 'byung ba ste/ sngags rnams kyi skye gnas ni skyed par byed pa'o zhes pa'i don to/ /da ni ye
 shes rdo rje brjod par bya ste/ 'dir sngon du ha yig dbyangs med pa'o/ /de nas a yig thung ngu'o/ /de nas rnam par bcad pa'o/ /de nas rjes su nga ro'o/ /de nas A yig ring po'o/ /de ltar snga ma bzhin du rnam par bcad pa las u yig dang/ snga ma'i dbyangs
 kyi yon tan te/ ha yig dang yang dag par sbyar zhing/ phyi ma'i A yig dang ma yig dag dbyi'o/ /de ltar na yon tan gsum gyi bdag nyid ho yig ste/ ha a u zhes brjod do/ /de ltar ye shes rdo rje la yon tan gsum ni ma
 rig pa dang 'du byed dang rnam par shes pa'o/ /sku rdo rje la ming dang gzugs dang/ skye mched drug dang reg pa'o/ /gsung rdo rje la tshor ba dang sred pa dang len pa'o/ /thugs rdo rje la srid pa dang skye ba dang rga shi ste thig le'i gzugs kyi dbang
 gis so/ /de ltar ma rig pa la sogs pa skyed par byed pa mchog gi bde byed ye shes rdo rje dag ni bzhi pa'o zhes pa ni sngags rnams kyi skye gnas te/ thams cad du rnam pa bcu gnyis pa sku dang gsung dang thugs dang ye shes rdo rje'o zhes pa ni
 bcom ldan 'das kyi nges pa'o/ /da ni sngags kyi mtshan ma dgod pa gsungs te/ 'dir thams cad du rdul tshon gyi dkyil 'khor gyi nyi ma dang/ zla ba'i gdan rnams la rags pa dang phra mo dang gzhan gyi dbye bas dgod pa rnam pa gsum
 ste/ de la gzhan gyi dbye ba ni sngags kyi sa bon dgod pa'o/ /phra mo'i dbye ba ni sngags kyi sa bon yongs su gyur pa rdo rje la sogs pa'i mtshan ma dgod pa'o/ /rags pa'i dbye ba ni rdo rje la sogs pa'i mtshan ma yongs su gyur pa'i
 lha'i gzugs dgod pa'o/ /de ltar go rims ji lta bas sngags kyi sa bon dgod par byas pas mtshan ma dgod pa la sogs pa rig par bya'o zhes pa ni nges pa ste/ des na 'dir gtso bo nyid kyis sngags kyi sa bon dgod pa gsungs
 so/ /rgyal ba'i bdag po pad+ma sna tshogs mdog la zhes pa ljang gu'i mdog la zla ba nyi ma me'i steng du hUM yig ste zhes pa ni 'di gnam stong gi mthar 'dzin pa'i dus su zla ba dang nyi ma dang sgra gcan rnams sbyor ba ste/ zla ba dang
 nyi ma dang me yang dag par ldan pa de nyid dkyil 'khor gyi gdan no/ /nang du ni la la nA dang ra sa nA dang a ba d+hU tI dang yang dag par ldan pa snying ga'i pad+ma ste/ de'i lte bar zla ba nyi ma sgra gcan gyi steng du huM yig gi sa bon rdul tshon sngon pos bri bar bya'o/ /
 yang na de yongs su gyur pa'i rdo rje sngon po rtse mo gsum pa bri bar bya'o/ /gsang ba'i rgyud kyi rdul tshon gyi dkyil 'khor la 'jig rten gyi smod pa yongs su spang ba'i slad du lha'i gzugs ni bri bar mi bya'o/ /bdag po'i sa bon dgod pa'o/ /de nas pad+ma'i
 'dab ma la sbyin pa la sogs pa'i pha rol tu phyin pa rnams dgod par bya ste/ phyogs 'dab rnams la a sogs stong pa zhes pa ni/ shar gyi 'dab ma la a/ lho'i 'dab ma la a(rgyud 'grel rnams te/ shar gyi 'dab ma la spos kyi snod do/ /lhor mar me'o/ /byang du lha bshos so/ /nub tu dung ngo/ /'dir 'chad par 'gyur ba las/ mtshan ma gang zhig gang gi g.yas pa'i phyag mthil du 'gyur phyag rgya de ni chu skyes dag gis dman
 zhes gsungs pa'i phyir 'chad par 'gyur ba'i nges pas phyag rgya dgod do/ /de bzhin du phyogs bral 'dab ma la yang ha sogs stong pa rnam pa bzhi zhes pa ni 'dir me ru ha/ bden bral du ha(rgyud 'grel po dang dmar po dang dkar po dang ser po'i rnga yab rnams bri bar bya'o/ /de nas phyogs bral 'di la phyi rol gyi zur bzhi rnams su grangs bzhin du dbang ldan du sku rdo rje oM yig gam chos kyi dung ngo/ /bden bral gyi zur du gsung rdo rje a(rgyud 'grel chos kyi gaN+Dhi'o/ /rtse mo can du thugs rdo rje hUM dam yid bzhin gyi nor bu'o/ /rlung du chags pa ste ye shes rdo rje ho 'am dpag bsam gyi shing bri bar bya'o/ /snying po'i pad+ma la dgod pa'o/ /da ni 'phar ma gnyis pa la dgod pa gsungs te/
 'dir 'phar ma gnyis pa la shar la sogs pa'i le tshe'i gnas brgyad po rnams su ste/ shar gyi lha'i pad+ma'i gnas kyi byang dang/ lho ru hi hI 'am bum pa gnyis so/ /lho'i lha'i shar dang nub dung h+ri h+rI 'am bum pa dag go /nub
 kyi lha'i lho dang byang du hli hlI 'am bum pa dag go /byang gi lha'i nub dang shar du hu hU 'am bum pa dag go /haM ha(rgyud 'grel bum pa'i sa bon dgod pa'o/ /de nas lha'i sa bon dgod pa ste/ 'dir shar gyi chu skyes steng du nyi ma'i gdan la 'du byed kyi i yig gam ral gri'o/ /rtse mo can du pad+ma la gnas te zla ba'i dkyil 'khor la gnas pa rlung gi khams kyi a'i
 yig ring po 'am ral gri 'am utpa la'o/ /de bzhin du gshin rjer tshor ba'i ri yig gam rin po che'o/ /bden bral du zla ba la me'i khams kyi rI 'am pad+ma dmar po'o/ /de bzhin du nor sbyin du 'du shes kyi u yig gam pad+ma dkar po'o//
 dbang ldan du chu'i khams kyi a'u 'am utpa la dkar po'o/ /de bzhin du chu ru yang gzugs kyi li yig gam 'khor lo'o/ /rlung gi zur du sa'i khams kyi lI 'am 'khor lo'o/ /zhes pa ni phung po dang khams dgod pa ste/ nam mkha' i khams
 dang rnam par shes pa dag gi mtshan ma ni lte ba la rdo rje gcig nyid do/ /shar dang mer nag po dang/ lho dang lha min du dmar po dang/ byang dang dbang ldan du dkar po dang/ nub dang rlung du ser po ste rgyal ba'i zhal gyi dbye ba dag gis dgod par
 bya zhes pa ste nges pa'o/ /da ni 'phar ma gsum pa la dbang po drug dang yul drug rnam par dag pas lha dang lha mo rnams kyi sa bon gsungs te/ 'dir shar gyi sgo'i lhor pad+ma'i steng du gnas pa'i nyi ma'i dkyil 'khor la sna'i e yig go /
 me'i pad+ma la gnas te me'i zur du zla ba'i dkyil 'khor la reg bya rdo rje ma'i i yig go /de bzhin du lho'i sgo'i nub tu mig gi ar yig go /de bzhin du bden bral du rdo rje ma'i Ar yig go zhes pa ste zung ngo/ /de bzhin du nub tu lus kyi
 dbang po'i al yig go /rlung du dri rdo rje ma'i Al yig go /gnod sbyin du lce'i o'o/ /drag por gzugs rdo rje ma'i aau/ /lha chu gshin rje gnod sbyin dang bcas sgo yi byang du ni zhes pa la/ 'dir shar sgo'i byang du nyi ma'i steng du yid kyi dbang po'i
 aM ngo/ /chu'i sgo'i lhor zla ba la chos kyi khams kyi a yig go /gshin rje zhes pa lho'i sgo'i shar du nyi ma la rna ba'i dbang po'i a yig go /thams cad du bcom ldan 'das kyi zhal bzhi'i dbye bas g.yon du'o/ /gnod sbyin du byang gi sgo'i nub du
 sgra rdo rje ma'i A(rgyud 'grel ya yig go /lhor nyi ma la lag pa'i dbang po'i ra yig go /byang du rkang pa'i dbang po'i wa yig go /nub du bshang lam gyi dbang po'i la yig go zhes pa ste dgod pa'o/ /nga ni zla ba nyi ma'i gdan gyi nges pa gsungs te/ 'dir shar gyi sgo dang byang gi sgor ni ri bong
 'dzin pa dag kyang khro ba dag gi gdan du 'gyur ba ste zhes pa ni kyang yig gis yang na nyi ma'o/ /lho dang nub du yang nyi mar 'gyur te/ shes rab dang thabs kyi yan lag gi dbye bas so/ /yang na rang rang gi pad+ma rnams la thabs kyi gdan nyi ma dang
 shes rab kyi gdan zla ba'o/ /yang na shar dang me'i lha rnams kyi ral gri'o/ /lho dang bden bral gyi lha rnams kyi rin po che'o/ /byang dang dbang ldan gyi lha rnams kyi pad+ma'o/ /nub dang rlung gi lha rnams kyi 'khor lo'o/ /steng dang 'og gi lha rnams kyi rdo rje'o/ /yang
 na yul gyi dbye bas te/ sgra'i rgyud mangs so/ /reg bya'i gos so/ /gzugs kyi me long ngo/ /ro'i snod do/ /dri'i dung ngo/ /chos kyi khams kyi chos 'byung ngo/ /de bzhin du dag gi dbang po'i ral gri'o/ /lag pa'i dbang po'i dbyug pa'o/ /rkang pa'i dbang
 po'i pad+ma'o/ /bshang lam gyi dbang po'i tho ba'o/ /snying po'i dkyil 'khor la mtshan ma dgod pa'o/ /da ni thig le'i rnam pa dag gis shes pa la sogs pas pad+ma'i sa bon rnams gsungs te/ 'dir pad+ma nyi shu rtsa bzhi po rnams kyi rtsa ba la sogs pa rnams la ka
 la sogs pa'i sde pa'i yi ge ste/ thig le la sogs pas phye ba ni aM a(rgyud 'grel chos kyi khams kyi kA khA gA g+hA ngA zhes pa'o/ /yid kyi dbang po'i saM nypaM ShaM shaM th+kaM zhes pa'o/ /sgra'i sa(rgyud 'grel dzhaM nyaM zhes pa'o/ /de bzhin du rlung gi khams kyi tsA tshA dzA dzhA nyA zhes pa'o/ /reg bya'i/ tsa(rgyud 'grel zhes pa'o/ /'du shes kyi pa pha ba b+ha ma zhes pa'o/ /lce'i paM phaM baM b+haM maM zhes pa'o/ /chu'i khams kyi pA phA bA b+hA mA zhes pa'o/ /gzugs rdo rje ma'i pa(rgyud 'grel sa'i khams kyi tA thA dA d+hA nA zhes pa'o/ /dri'i ta(rgyud 'grel par bya'o/ /pad+ma'i sa bon dgod pa ste thung ngu ring po rang gi sa la'o/ /zhes pa ni nges pa'o/ /de bzhin du thig le 'am a yig gam ha yig zla ba'i gdan rnams dang/ rnam par bcad pa 'am ra yig gam k+Sha yig gis nyi ma'i gdan rnams te lte ba'i steng du'o/ /bdag
 po'i pad+ma la sAM nypaM ShAM shaM th+kaM zhes pa'o/ /lte ba'i steng du aM a(rgyud 'grel gyi shar gyi kha khyer la rta babs kyi ka ba'i byang du dri ma'i ts+tsh+dzdzh+nyA'o/ /lhor phreng ba ma'i ts+tsh+dzdzbnyA'o/ /de bzhin du lhor spos ma'i TThDDh+Na'o/ /mar me ma'i TThDDh+NA'o/ /nub du sgeg mo'i t+th+d+d+h+nA'o/ /bzhad ma'i t+th+d+d+h+nA'o/ /byang du bdud rtsi ma'i p+phbb+hma'o/ /'bras bu ma nyams ma'i p+phbb+hmA'o/ /shar gyi
 sgo'i rta babs kyi steng du gar ma'i k+kh+g+g+h+nga'o/ /nub kyi sgo'i rta babs kyi steng du sil snyan ma'i k+kh+g+g+h+ngA'o/ /byang gi sgo'i rta babs kyi steng du glu ma'i snypShshth+ka'o/ /lho sgo'i rta babs kyi steng du 'dod ma'i snypShshth+kA'o/ /yang na mtshan ma rnams te/ thug
 dang 'phreng ba dang/ spos snod dang/ mar me dang/ dbu rgyan dang/ do shal dang/ 'bras bu dang/ snod dang/ gos dang rnga dang/ rdo rje dang/ pad+ma rnams kyi shar gyi cha la sogs par sbyar bar bya'o/ /zhes pa ni nges pa'o/ /da ni phyi rol
 tu zhes pa la sogs pas gdod ma sum cu rtsa drug rnams kyi sa bon gsungs te/ /'dir phyi rol tu gsungs gi dkyil 'khor gyi kha khyer la ste/ shar gyi sgo'i lho'i kha khyer la/ tsa(rgyud 'grel sa(rgyud 'grel thig le dang bcas pa ste/ tsa yig la sogs pa'i yi ge rnams kyis phyir 'dod ma rnams kyi sa bon nam mtshan ma 'am gzugs bri bar bya'o/ /snying po'i kha khyer la mchod pa'i lha mo du ma ste gzungs ma mdza' dag bri bar bya'o/ /gzungs ma dang 'dod
 ma'i sa bon dgod pa'o/ /de ltar 'dod ma thams cad kun nas rang rigs phyogs su gnas te/ rgyal ba rnams kyi kha dog dbye bas kha dog rig par bya ste/ kha dog lnga'i rdul tshon gyis so zhes pa ni thams cad du nges pa'o/ /da ni thung dang zhes pa la sogs pas
 gsung gi dkyil 'khor la tsar tsi kA la sogs pa rnams kyi sa bon gsungs te/ 'dir 'chad par 'gyur ba'i sgrub thabs kyi le'u las tsar tsi kA'i pad+ma'i gdan yi dags te/ de'i steng du pad+ma 'dab ma brgyad pa de nyid rdul tshon gyis phri bar bya ste/ pad+ma yang
 kha dog dmar po'o/ /de nas thung dang ring ba'i ha yig dag ni zhes pa ni lhor pad+ma'i lte ba la tsar tsi kA'i ha'o/ /nor sbyin du khyu mchog gi steng du pad+ma'i lte ba la drag mo'i haM ngo/ /lhor ma he'i steng du phag mo'i ha'o/ /nub du glang po che'i steng du dbang mo'i
 hA'o/ /zhes pa ste phyogs su tsar tsi kA sogs kyi'o/ /khyab 'jug pa sogs dag gi ksha yig ni de bzhin du me'i zur du mkha' lding gi steng du pad+ma'i lte ba la k+Sha'o/ /de bzhin du 'phrog byed du seng ge'i steng du dpal chen mo'i k+ShaM ngo/ /rlung du ngang pa'i steng du
 tshangs ma'i kshA'o/ /bden bral du rma bya dang pad+ma'i steng du gzhon nu ma'i k+Sha(rgyud 'grel rnams la 'jigs ma la sogs pa rnal 'byor ma drug cu rtsa bzhi rnams kyi sa bon gsungs te/ 'dir hi la sogs pa grangs brgyad do/ /de la tsar tsi kA'i mdun gyi pad+ma'i 'dab ma la 'jigs ma'i hi'o/ /rgyab du rlung shugs ma'i hI'o/ /rang phyogs de
 dag rnams su ste shar gyi phyogs su ya sogs thung ba drug rnams so/ /'jigs ma la sogs pa g.yas skor gyis te/ de bzhin du 'jigs ma'i 'dab ma gnyis pa la drag mo'i ya'o/ /gsum pa la dus kyi mche ba'i yi'o/ /bzhi pa la me 'bar gdong ma'i yli'o/ /de
 nas 'dab ma la rlung gi shugs ma'i brjod zin to/ /drug pa la rab gtum ma'i yu'o/ /bdun pa la drag mig ma'i yli'o/ /brgyad pa la sna chen ma'i yaM ngo/ /yang na lte ba la sogs pa la thams cad du tsar tsi kA la sogs pa rnams kyi gri gug gi mtshan ma'o/
 lha yi pad+ma ste shar gyi pad+ma la dgong pa'o/ /'dir me'i pad+ma la sogs pa rnams k+Shi la sogs pa grangs brgyad po ste/ de la khyab 'jug ma'i mdun du dpal mo'i k+Shi'o/ /rgyab du mchog tu rnam par rgyal ma'i k+Shi'o/ /de bzhin du ya la sogs pa ste/ sgyu
 'phrul ma'i yA'o/ /grags ma'i yI'o/ /dpal mo'i yrI'o/ /'dab ma drug pa la rgyal ma'i yU'o/ /rgyal ldan ma'i ylI'o/ /'dab ma brgyad pa la 'khor lo can ma'i ya:O/ /yang na thams cad du 'khor lo'i mtshan ma ste/ me'i pad+ma dag la rims
 pa yis shes pa nges pa'o/ /de bzhin gshin rjer ra sogs shes pa ste/ 'dir lho ru phag mo'i mdun du keng rus ma'i h+ri'o/ /rgyab du 'dab ma lnga par mche ba gtsigs ma'i h+rI'o/ /de nas ra sogs te dus mtshan ma'i ra'o/ /rab khros gdong ma'i ri'o/ /dus kyi
 lce'i rri'o/ /nag mo'i ru'o/ /'jigs rung ma'i rli'o/ /gzugs ngan ma'i raM mo/ /de bzhin du lha min te bden bral gyi pad+ma'i 'dab ma la gzhon nu ma'i mdun du pad+ma'i k+Sh+ri'o/ /rgyab tu rin chen phreng ba ma'i k+ShI'o/ /de nas rim pa ji lta bas yan lag
 med pa'i rA'o/ /gzhon nu ma'i rI'o/ /ri dags bdag 'gro ma'i rri'o/ /mig bzangs ma'i rlu'o/ /rul pa ma'i rlI'o/ /bzang mo'i:ra'o/ /zhes pa ni lha min pad+ma'i 'dab ma dag la thung ngu ring po'i rab tu dbye bas so/ /gnod sbyin drag por wa la sogs
 shes pa ni 'dir gnod sprin du drag mo'i mdun du gau ri'i hu'o/ /rgyab tu 'dab ma lnga pa la tro ta li'i hU'o/ /de nas wa la sogs pa rim pas te gang gA'i wa'o/ /rtag pa ma'i wi'o/ /mchog tu mgyogs ma'i wri'o/ /mtshan nyid ma'i wli'o//
 ser skya mo'i wli'o/ /nag mo'i waM zhes pa ste gnod sbyin du'o/ /drag por dpal chen mo'i mdun du dpal dkar mo'i k+Shu'o/ /rgyab tu khyab 'jug ma'i k+ShU'o/ /de nas wA la sogs pa ste/ zla ba'i ri mo'i wA'o/ /ri bong 'dzin zhal ma'i wI'o/ /dang pa'i mdog ma'i
 wrI'o/ /pad+ma'i dbang phyug ma'i wU'o/ /skar mig ma'i wlI'o/ /dri med ri bong 'dzin ma'i wa:O/ /zhes pa ni 'phrog byed du'o/ /chu gter dang bcas rlung gi pad 'dab rnams la la la sogs shes pa ni 'dir chu ru dbang mo'i mdun du rdo rje 'od hli'o/ /rgyab
 du sna tshogs ri mo'i hlI'o/ /de nas la la sogs pa ste/ rdo rje lus ma'i la'o/ /mchog gi gser ldan ma'i li'o/ /u pa shi'i lri'o/ /raM b+ha'i lu'o/ /zug rngu med pa'i l+li'o/ /sgrol ma'i laM mo/ /zhes pa'o/ rlung du tshangs ma'i mdun du sA ba di tra'i
 k+Shli'o/ /rgyab tu dag gi dbang phyug ma'i k+Shli'o/ /de nas lA la sogs pa ring po rnams te/ 'dir 'dab ma gnyis pa la pad+ma'i mig ma'i lA'o/ /chu skyes can ma'i lI'o/ /blo gros ma'i lrI'o/ /gA yang trA'i lU'o/ /glog 'od ma'i l+lI'o/ /dran pa ma'i la:
 'o/ /zhes pa ni pad+ma'i 'dab ma rnams la sa bon dgong pa'o/ /yang na thams cad du phag ma la sogs pa rnams la dbyug pa'i mtshan ma'o/ /gzhon nu ma la sogs pa rnams la shak+ti'o/ /drag ma la sogs pa rnams la rtse gsum mo/ /dpal mo
 la sogs pa rnams la pad+ma 'am ral gri'o/ /dbang mo la sogs pa rnams la rdo rje'o/ /tshangs ma la sogs pa rnams la khab bam snod do/ /gsung gi dkyil 'khor la tsar tsi kA la sogs pa rnams kyi sa bon dang mtshan ma dgong pa ste bri bar bya'o/ /
 zhes pa ni bcom ldan 'das kyi nges pa'o/ /da ni shar gyi sgo'i zhes pa la sogs pas sku'i dkyil 'khor la bden bral la sogs pa rnams kyi sa bon gsungs te/ 'dir sku'i dkyil 'khor la bden bral la sogs pa lha bcu gnyis po rnams kyi pad+ma 'dab ma nyi shu
 rtsa brgyad po rnams ni nag pa'i zla ba la sogs pa ste/ tshes sum brgya drug cu rnams ni lhag pa'i lha'o/ /de dag las nya dang gnam stong gi sa bon rnams ni lte ba la ste/ lhag ma ni pad+ma'i 'dab ma rnams la'o/ /'dir nag pa'i zla ba dang sa ga'i zla ba dag ni
 rlung rnam par dag pas dpyid do/ /des na tsa sde'i thung ngu lha min gyi ste/ dbyangs ring pos phye ba ni me yi zur na gnas pa rlung gi'o/ /'di shar gyi sgo'i lho'i 'dab ma dang po la nya rdo rje ma'i nya'o/ /ji ltar dkar po'i tshes gcig nya rdo rje ma yin pa de bzhin du thams
 cad du'o/ /de bzhin du 'dab ma gnyis pa la nyi rdo rje ma'i nyi'o/ /de bzhin du tshes thams cad la rdo rje ming gi mthar rig par bya'o/ /nya ni shes rab ste gnam stong ni thabs so/ /de bzhin du 'dab ma gsum pa la nyi ste slar yang rim pa ji lta bas nyu nyli nyaM dzha dzhi
 dzh+rI ?? dzhi dza dzi zhes pa 'dab ma bcu bzhi pa'o/ /de nas nya ni lte ba la dzri rdo rje ma'i dzri'o/ /de nas 'dab ma bco lnga pa la dzu ste/ de bzhin du rim pas dzli dzaM tsha tshi tsh+ri tshu tshli tshaM/ tsa tsi tsri tsu tsli tsaM zhes pa 'dab ma nyi shu rtsa brgyad pa la'o/ /de nas lte ba la gnam stong gi
 sa bon tsam mo/ /sa ga'i dkar po'i tshes gcig ni dang po la tsA rdo rje ma'i tsA'o/ /de bzhin du tshes thams cad la rdo rje ma mdza' i ming ngo/ /de bzhin du 'dab ma gnyis pa la gnyis pa tsI rdo rje ma'i tsI'o/ /de bzhin du rim pas tsrI tsU tsli tsa(rgyud 'grel zhes pa pad+ma bcu bzhi pa la'o/ /de nas sa ga'i nya'i sa bon ni lte ba la trI rdo rje ma'i d+hi'o?/ /de nas 'dab ma bco lnga pa la nag po'i tshes gcig ste/ dzU dzlI dza(rgyud 'grel rlung gi sa bon ni/ lte ba la nya'o/ tsa ste ring po ste rlung gi'o zhes pa ni nges pa'o/ de bzhin gshin rjer te lho'i sgo'i nub du snon gyi zla ba'i tshes rnams la Ta sde thung ngu rnams Na la sogs pas so/ /lte ba la Tri TaM ste me'o/ /ro'i gdong
 pa dag ga zhes gdong drug gi ni ring po ste/ chu stod kyi zla ba'i tshes rnams la tsa ste ring po bzhin no/ /lte ba la Dri Na(rgyud 'grel gyi zla ba'i nya dang gnam stong dag gi pri paM mo/ /dbang ldan du ring po'i dbye bas tshogs kyi zhes pa log 'dren gyi ste/ lte ba la khrums kyi zla ba'i nya dang gnam stong dag gi brI ma:O/ /de bzhin du chur brgya byin gyi ta sde thung ngu la sogs pas
 te ste ba la tha skar gyi zla ba'i nya dang gnam stong dag gi dri taM do/ /de bzhin du rlung du tshangs pa'i tA la sogs pas te/ lte ba la smin drug gi zla ba'i nya dang gnam stong dag gi drI na:O/ /de bzhin du shar gyi sgo'i g.yon du pad+ma'i 'dab ma la
 lha min dgra'i zhes ba khyab 'jug gi ka sde thung ngu ba la sogs pas te lte ba la chu'i zla ba'i nya dang gnam stong dag gi kri ki do/ /lho ru zhes pa lho'i sgo'i shar du gshin rje dag gi ring po kA la sogs pa ste/ lte pa la dpo'i zla ba'i nya dang gnam
 stong dag gi grI nga:ngo/ /de bzhin du byang du zhes pa byang gi sgo'i nub tu phyugs kyi bdag po'i sa sde thung ngu th+ka la sogs pas te lte ba la mog ga'i zla ba'i nya dang gnam stong gi Sh+ri saM mo/ /de bzhin du nub kyi sgo'i lhor pad+ma'i 'dab ma rnams la gnod
 sbyin gyi ring po sa la sogs pas te/ lte ba la rgyal gyi zla ba'i nya dang gnam stong dag gi Sh+rI th+ka:O/ /zhes pa ste/ de ltar dpyid dang so ga dang dbyang dang ston dang/ dgun smad dang/ dgun stod kyi dus kyi dbye bas rlung dang me dang/ chu dang/ sa dang/ nam
 mkha' dang/ ye shes kyi khams rnams so/ /tshes kyi dbye bas dkyil 'khor lnga la drug drug gi dbye bas sku'i dkyil 'khor la sa bon dgong pa'o/ /yang na gtso bo'i mtshan ma'i rab tu dbye bas 'dab ma thams cad la mtshan ma rnams te/ 'dir lte ba la bden bral la sogs pa rnams kyi mtshan ma ni
 rim pas ral gri dang/ ljon shing dang/ shak+ti dang mdung dang zhags pa dang/ dgra sta dang/ rdo rje dang/ kha ba dang/ 'khor lo dang/ dbyug pa dang/ rtse gsum dang/ be con no/ zhes pa ste mtshan ma dgong pa'i nges pa'o/ /'di lta ste lha min la sogs rnams kyi
 rang gi sa bon du 'gyur 'dab ma la min rang rang snga mdza' dbus/ 'dab ma nyi shu rtsa brgyad la yang nyin zhag dbang gis rang rang sde pa dag gi yi ge rnams shes pa ste/ sku'i dkyil 'khor la sum brgya drug cu'i rdo rje'i tshes dgong pa'i nges pa'o/ /da ni yA rA zhe
 pa la sogs pa sgo skyong shing rta la gnas pa'i lha mo rnams dang/ khro bo'i rgyal po rnams kyi sa bon gsungs te/ 'dir shar gyi sgor 'od zer can gyi lA'o/ /dbyug pa sngon po yaM ngo/ /lho'i sgor tsun d+ha'i wA:dang 'dod pa'i rgyal po'i ri do/ /byang gi
 khro gnyer can gyi rA:dang mi g.yo ba'i waM ngo/ nub du rdo rje lcags sgrog ma'i yA:dad stobs po che'i laM ngo/ /nam mkha' dag pas shar gyi sgo'i mdun du sngon mo'i hA:dang gtsug tor gyi haM ngo/ /sa 'og dag pas nub kyi sgo'i mdun du drag can ma'i hA:
 dang gnod mdzes rgyal po'i haM ngo/ /yang na mtshan ma rnams te/ dbyug pa dang/ mda' dang/ gtun shing dang/ be con dang/ rdo rje dang/ rtse gsum pa'o/ /phag pa dang/ rta dang/ seng ge dang/ glang po che dang/ a ni la dang/ rkang pa brgyad pa'i shing rta'o/ /zhes
 pa ni nges pa'o/ /da ni klu'i sa bon rnams gsungs te/ 'dir shar la sogs pa'i sgo las g.yas dang g.yon du kha khyer la gdengs can pad+ma la sogs pa rnams kyi rim pa bzhin du ya sogs la gnas ha yig ste/ 'dir shar gyi sgo'i byang du rlung gi
 dkyil 'khor la stobs kyi rgyu'i hya dang/ lho ru pad+ma'i hyA'o/ /yang na rgyal mtshan gyi mtshan ma'o/ de bzhin du lho'i sgo'i shar dang nub du me'i dkyil 'khor la nor rgyas dang dung skyong dag gi h+ra h+rA 'am bkra shis so/ /byang gi sgo'i nub dang shar du chu'i
 dkyil 'khor la rigs ldan dang mdza' yas dag gi hwa hwA 'am pad+ma'o/ /nub kyi sgo'i lho dang byang du sa'i dkyil 'khor la 'jog po dang pad+ma chen po dag gi hla hlA 'am rdo rje'o zhes pa ni mtshan ma dgong pa'o/ /da ni sde drug ces pa la sogs pas dur
 khrod kyi lha mo rnams kyi sa bon gsungs te/ 'dir shar la sogs pa'i dur khrod brgyad po rnams su grangs bzhin du phyogs kyi 'khor lor ka sogs sde rnams shes pa ni shar gyi 'khor lo'i steng du k+kh+g+g+h+nga zhes pa 'am gri gug go /nub du snypShshtha zhes
 pa'o/ /byang du lwryha'o/ /lho ru k+Sha sogs ldan pa lwryk+Sha zhes pa'o/ /'di dag ni g.yo ba dang me'i dkyil 'khor gyi steng du 'khor lo rtsibs brgyad pa byas nas de'i steng du'o/ /tsa sogs gzhan la lugs mthun ni phyogs bral rnams su ste
 mer ts+tsh+dzdzh+nya'o/ /bden bral du TThDDh+Na'o/ /rlung du t+th+d+d+h+na'o/ /dbang ldan du p+phbb+hma'o/ /yang na thams cad du gri gug gi mchan ma ni nges pa ste/ shar dang gshin rje byang dang chu dang me dang lha min dang ni dbang ldan rlung du rim pas so zhes so/ /'dir sa'i
 dkyil 'khor la zla ba'i aM dang nyi ma'i a(rgyud 'grel rnams te/ de'i grangs rnams so/ /yang na rlung gi dkyil 'khor la mtshan ma sna tshogs pa bya ste nges pa'o/ /da ni phyogs kyi 'khor lo la sogs pa'i sa bon te/ shar gyi rta babs la chos kyi 'khor lo'i huM ngo/ /lhor bum pa bzang
 po'i A:O/ /byang du rnga bo che'i oM 'o/ /nub du byang chub shing gi ho mo/ zhes pa de ltar dbyangs ldan rnams ni rigs kyi dbang gis dkyil 'khor dag la sngags kyi dbye bar 'gyur/ /phyag rgya mtshan ma rnams kyi kha dog mdza' dag rdo rje can gyi zhal gyi dbye
 ba dag gis 'gyur/ /thab du sbyin bsreg dag kyang de bzhin 'gyur te slar yang 'jug ngogs pa rnams spyan drang ba dag dang/ dpal ldan sa las gsang pa dang ni mchod yon cho ga de bzhin bdud ni gzhom pa dag kyang ngo/ /zhes pa'i tshigs su bcad
 pa 'dir yang dag par bsdus pa thams cad 'chad par 'gyur ba'i rim pas rig par bya'o zhes pa ni thams cad du nges pa'o/ /da ni sgo zhes pa la sogs pas dkyil 'khor gyi sgo bsrung ba'i slad du slob ma rnams gsungs te/ 'dir shar la
 sogs pa'i sgo rnams bsrung ba'i don du brtul zhugs nges pa dang ldan zhes pa la brtul zhugs ni 'chad par 'gyur ba nyi shu rtsa lnga po rnams so/ /de dag la nges pa ni sangs rgyas kyis rjes su gnang ba ste/ de dang ldan pa ni brtul zhugs nges
 pa dang ldan pa'o/ /dag pa'i slob ma ni rtsa ba'i ltung ba bcu bzhi dang bral ba ste/ lag na rdo rje dang rdo rje dril bu thogs pa mngon par dbang bskur zhing rjes su gnang ba de rnams sgo rnams su rab tu dgong par bya'o/ /dpal ldan bum pa dag
 gi rnal 'byor ma rnams me dang lha min rang dbang zur du rim pas so/ /zhes pa ni sngar gyi brtul zhugs la sogs pa yongs su dag pa dgong par bya'o/ /de nas rdo rje slob dpon dpal ldan tshogs kyi dbang por 'gyur te mi bdag las
 kyi rdo rje can dag rab byas nas/ shes pa 'dir lnga pa slob ma bzang po las thams cad la mkhas shing de nyid bcu yongs su shes pa de sbyin bsreg la sogs pa'i las kyi tshogs la las kyi rdo rje can du byas nas bla mas dkyil
 'khor la rab tu gnas pa bya'o/ /de ltar gyur pa'i slob ma med na tshogs kyi bdag po rang gis kyang ni sbyin bsreg la sogs pa'i las bya ste/ kyang yig gis 'chad par 'gyur ba gzhan kyang ngo/ /bsdus pa'i rgyud kyi rgyal po dus kyi 'khor
 lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las/ /dkyil 'khor bri ba zhes bya ba'i mdor bsdus chen po ste gsum pa'o// //phung po sogs kyi yam shing sogs/ /bsregs pa thams
 cad gsol ba gang/ ye shes me de la btud nas/ /de yi thabs kyi mtshan nyid bshad/ /zhi ba la sogs rab dbye las/ /so so'i phyogs kyi cha yis ni/ /thab khung rnam brgyad rab gsungs dang/ /dgu pa las ni thams cad pa/ /'jam pa'i rdo rjes rtsa rgyud las
 phyung ste mdor bsdus bstan pa gang/ /de dag rtsa rgyud rjes su ni/ /'jug pas rnam par rgyas par bya/ /'dir tshigs su bcad pa bdun cu rtsa gcig pa la sogs pas gsungs pa las thams cad pa la sogs pa'i thab rnams kyi mtshan nyid zlum po 'am zhes pa la
 sogs pas gsungs te/ 'dir thams cad du khru bzhi pa'i dkyil 'khor la las thams cad pa'i thab ni zhi ba la zlum po dkyil 'khor gyi phyed do/ /rgyus pa la gru bzhi dkyil 'khor dang mnyam pa'o/ /de la re shig rigs kyi dbang gis ye shes kyi 'khor
 lo ni thams cad du snying po ste rdo rje phreng ba dang ka ba'i mthar dkyil 'khor las phyed kyi char 'gyur te/ phyi rol 'khor lo'i phyed kyis tshad kyi shes pa'i nges pa las so/ /de'i phyed kyis rtsa ba'i pad+ma ste/ de'i phyir snying po ni pad+ma nyis 'gyur ro/ /rgyas pa la khru
 gnyis pa gru bzhi'o/ /zlum po dang snying po'i pad+ma'i tshad ni khru gcig go /thams cad du grod la sogs pa'i dbus su bsod nams kyi don du'o/ /yang na las kyi rjes su mthun pas byang ngam drag po'i zur ram gzhan yang dkar po'i sa la rdul tshon gyi
 dkyil 'khor rdo rje 'bar ba'i phyi rol khru gnyis kyi bar du'o/ /de la thab gru bzhi ni khru gnyis pa ste/ rgyar phyi rol gyi 'khor lo'i phyed kyi tshad kyis so/ /zabs ni pad+ma'i tshad ces pa ni 'dir rgyas pa'i thab la zabs ni pad+ma'i tshad de mtho gnyis su 'gyur zhing/ zlum
 po la mtho'i tshad du 'gyur ro/ /de'i nang du snying por pad+ma ste/ khru bzhi pa'i dkyil 'khor la ji lta ba de bzhin du thab gru bzhi dang/ khru gnyis pa'i dkyil 'khor la ji lta ba de bzhin du thab zlum po'i snying po la mtshan ma dang bcas par 'gyur ro/ /de bzhin
 du dkyil 'khor la pad+ma phyed la pad+ma'i phyir ru phyogs bral rnams su bum pa dang bcas ral gri la sogs pa'i mtshan ma ji lta ba de bzhin du thab khung gi snying por rdul tshon dkar po la sogs pa 'am 'jim pas thab khung thams cad la rtsa ba'i pad+ma la
 sogs pa bya ste/ phyi nas las kyi rjes su mthun pas rgyas pa'i dkyil 'khor la 'bras btags pa la sogs pas kha dog bya'o/ /mtshan ma rnams ni dkyil 'khor gyi mtshan ma ji lta ba bzhin no/ /de ltar thab khung gi gzhi la tshangs pa'i gnas nas
 thad ka'i cha khru gcig ste gru bzhi'i phyed kyi cha'o/ /de bzhin du thab kyi rtsig pa la'o/ /de ltar cha gnyis gnyis ni shar dang nub la yang ste/ de bzhin du lho dang byang la yang ngo/ /de ltar thab gru bzhi ni ra ba'i mtshams su ste/ mig la sogs pa'i gnas
 kyi mthar ro zhes pa ni nges pa'o/ /khru bzhi pa ni gru bzhi'o/ /de'i phyed ni zlum po ste khru gnyis pa'i dkyil 'khor ro/ /de yi phyed kyis kyang ni mchu ste zhes pa ni pad+ma'i phyed de bzhin gshegs pa'i gnas de'i phyed kyis thad ka dang dpangs su ste/ ra ba'i tshad kyis
 thad ka'i cha yis nges pa'o/ /tshad de nyid kyis dkyil 'khor gyi kha khyer gyi phyed ji srid pa'o/ /de'i steng du de'i phyed kyis 'byung ba dang dpangs te/ mchu'i phyi rol gyi steng du re khA'i dkyil 'khor ro/ /de bzhin du dkyil 'khor gyi kha khyer gyi mthar yongs su dag pa'o//
 de las nyis 'gyur dag kyang kha khyer dag gi brgya'i cha zhes pa ni/ snying po'i mchu'i tshad de las nyis 'gyur thad ka'i char bskyed pa ni kha khyer te/ de bzhin du rin po che'i snam bu dang/ do shal dang do shal phyed pa'i sa dang/ ba ku lI'i mthar thug par thams
 cad kha khyer bya'o/ /de nas bku lI dang kram shIr Sha'i cha tshad phyed thad ka'i char bskyed pa'o/ /kha khyer gyi steng gi dbus kyi cha de la kha khyer cha ldar byas nas dbus kyi cha gsum gyi kha khyer gyi steng du rdo rje phreng ba ste/ las thams cad pa'i thab la'o/ /mchu'i tshad
 phyed kyi dpangs te gang gi tshe 'jim rang bzhin yin pa de'i tshe dbu ma'i rang bzhin mchu'i phyed kyi dpangs so/ /gang gi tshe rdul tshon gyi sa yin pa de'i tshe dpangs nges pa med do/ /phyi rol 'og tu ste 'og du rtse mo yod pa'i pad+ma'i 'dab ma rnams sa'i mthar thug
 par kha khyer gyi phyed kyi tshad kyis bya'o/ /de nas phyi rol gyi phyogs rnams kun tu ku sha dgong par bya'o/ /ku sha bkram pa de'i phyi rol nub kyi phyogs kyi cha dag tu nges par ri mo gsum gyis sgo gcig du ni rab tu 'gyur zhes pa ni 'dir thab kyi phyi rol tu khru
 gnyis dor nas phyi rol tu dkar po dang dmar po dang/ nag po'i rdul tshon gyis ra ba gsum byas te/ de nas nub du ra ba ring ba'i tshad kyi brgyad cha'i sgo ste/ dkyil 'khor gyi sgo bzhin du rta babs dang bcas pa'o/ /de ltar thab che ba dang chung ba thams cad
 la khru gnyis dor nas ra ba gsum ni nges pa'o/ /slob dpon dag gi gdan ni nges par mnyam pa gru bzhir 'gyur te/ thab kyi snying po'i pad+ma dag las nyis 'gyur ro zhes pa ni khru gnyis pa gru bzhi'o/ /de bzhin du thab thams cad la khru gang gi byon
 no/ /de bzhin du g.yon du mchod yon gyi gdan khru gang du 'gyur ro/ /de bzhin du g.yas su sbyin bsreg snod dag gi gdan yang khru gang ste/ rgyas pa la khru gnyis so/ /gdan rnams kun gyi dbus su pad+ma'i 'dab ma rnams bkod pa'o/ /gdan
 gyi dbus su sna tshogs rdo rje ni rgyal ba'i bdag po'i yang na ste rdo rje sems dpa' i yang na'o/ /mkha' i pad+ma yum gyi'o zhes pa chos 'byung dgod par bya ste las thams cad pa la'o/ /'bru la sogs pa rnams bsreg pa'i don du zhal thab khung ngo/ /mar la sogs
 pa bdud rtsi'i bsregs blugs sbyin pa'i slad du gsang ba thab khung ngo/ /de ltar phyi dang lus la thab khung rnam pa gnyis su 'gyur te rgyal po zhes pa ni bod pa'o/ /de ltar na las thams cad pa'i thab kyi mtshan nyid nges pa'o/ /da ni sngar mdor bstan pa'i zhi ba
 la sogs pa rnams kyi mtshan nyid rgyas par bshad par bya ste/ 'dir zlum po'i thab khru'i tshad la snying po'i pad+ma dkar po khru'i tshad de/ lte ba la pad+ma dang 'dab ma rnams la 'khor lo la sogs pa'i mtshan ma'o/ /pad+ma'i phyed kyi zabs so/ /pad+ma'i bcu gnyis cha
 ni mchu'i thad kar bskyed pa dang steng du yang ngo/ /de'i phyed kyis thad kar 'byung ba dang kha khyer gyi dpangs so/ /pad+ma'i drug cha ni kha khyer ro/ /kha khyer cha lnga rnams las mdun dang rgyab kyi cha gnyis dor nas cha gsum gyis pad+ma'i phreng ba'o/ /kha khyer gyi
 'og gi phyi rol du pad+ma'i 'dab ma rnams dang dur ba dgram par bya ste/ rab gsum dang sgo dang rta babs ni byang du 'gyur ro/ /slob dpon gyi gdan te mchod yon gyi gdan dang/ sbyin bsregs gdan ni slob dpon gyi gdan gyi g.yon dang g.yas su bya'o/ /rgyas
 pa la pad+ma khru gnyis pa ste/ thams cad du mchu la sogs pa ni bcu gnyis la sogs pa'i cha'o/ /lte ba la 'khor lo dang 'dab ma rdo rje la sogs pa'i mtshan ma'o/ /zur du spyan ma la sogs pa'i mtshan ma'o/ /kha khyer la 'khor lo'i phreng ba'o/ /lhag
 ma ni sngar gyi las bzhin no/ /de bzhin du gzhu'i rnam pa ni zhi ba'i thab dbus nas bcad pa ste/ dbus su pad+ma sor bcu gnyis pa'o/ /de'i phyed kyi zabs so/ /mchu la sogs pa thams cad sngar bzhin du bcu gnyis la sogs pa'i cha'o/ /pad+ma'i 'dab ma'i
 gnas su mtshan ma ni lag mthil gyi sor mo'i phreng ba'o/ /'og gi phyi rol tu ro yi skra yis spras pa'o/ /lte ba la gri gug dang kha khyer gyi steng du gri gug gi phreng ba'o/ /slob dpon gyi gdan ni gzhu'i rnam pa gri gug gis mtshan pa ste/
 zhi ba la pad+mas mtshan pa dang/ rgyas pa la 'khor los mtshan pa ji lta ba bzhin no/ /zur lnga pa ni zhi ba'i thab kyi tshad de zur lnga'i steng du kha khyer la ral gri'i phreng ba dang snying po'i mtshan ma yang ral gri'o/ /phyi rol gyi 'og tu bya rog gi mjug ma'i phreng ba
 sa'i rang bzhin kha dog nag po bya ste/ phyi rol du 'byung po'i shing gi 'dab ma dgod do/ /zur gsum pa ni rna ba nas rna bar khru gang dang rna ba nas dbu ma'i tshar sor mo nyi shu ni snying po'i pad+ma 'o/ /tshad de nyid kyis pad+ma'i phyed sor mo bcu ni zabs so/ /lhag
 ma mchu la sogs pa ni bcu gnyis kyi cha la sogs pas snga ma bzhin no/ /kha khyer la mda'i phreng ba'o/ /'og du pad+ma dmar po rnams so/ /phyi rol du me tog dmar pos spras pa'o/ /zur bdun pa ni 'di'i nyis 'gyur te kha khyer la rdo rje lcags kyu'i phreng
 ba'o/ /lhag ma ni zur gsum pa bzhin no/ /snying po'i mtshan ma ni zur gsum pa la mda' ste/ dgu pa la rdo rje lcags kyu'o/ /zur drug pa ni sor sum cu ste zur drug pa'i steng du kha khyer la klu'i zhags pa'i phreng ba'o/ /snying po'i mtshan mo ni klu'i
 zhags pa'o/ /ar ka ser po'i 'dab ma rnams dang phyi rol du me tog ser pos spras pa'o/ /zur brgyad pa ni snga ma nyis 'gyur te/ snying po'i mtshan ma ni rdo rje lcags sgrog go /kha khyer la rdo rje lcags sgrog gi phreng ba'o/ /'og tu zur drug pa
 bzhin no/ /ra ba gsum ni thams cad du khru gnyis dor nas so/ /slob dpon gyi gdan dang mchod yon gyi gdan dang/ sbyin sreg gi gdan ni thams cad du thab kyi rnam pas so/ /thab rnams kyi rna ba nas rna ba'i tshad kyis thad ka'i cha nges pa'o/ /da ni
 thab rnams kyi rang bzhin brjod par bya ste/ 'dir zhi ba'i thab ni zla ba'i rang bzhin nyi ma'i mtshan mas mtshan pa'o/ /rgyas pa'i thab ni nyi ma'i chos can nyis 'gyur nyid kyi phyir zla ba nyis 'gyur te zla bas mtshan pa'o/ /bsad pa'i thab ni sgra gcan gyi
 mtshan nyid de/ dus me'i mtshan mas mtshan pa'o/ /bskrad pa'i thab ni rlung gi mtshan nyid de me'i rang bzhin dang 'dres pa ste/ rang gi mtshan mas mtshan pa'o/ zur gsum pa'i thab ni dus me'i mtshan nyid de rang gi mtshan mas mtshan pa'o/ /dgug pa'i
 thab ni sa dang me'i yon tan gyi bdag nyid de lcags kyu'i mtshan mas mtshan pa'o/ /zur drug pa ni sgra gcan dang sa'i bdag nyid de sbrul gyi mtshan mas mtshan pa'o/ /rmongs pa la sgra gcan gyi'o/ /rengs pa'i thab ni lhun po dang sa gnyis ka kha sbyar
 ba gnyi ga'i mtshan mas mtshan pa'o/ /zhes pa ni thab kyi mtshan nyid nges pa'o/ /sngar gsungs pa'i gdan dang sbyin bsreg gi rdzas la sogs pa'i nges pa sngags pas rig par bya'o/ /zhes pa ni rnal 'byor dang rnal 'byor ma'i rgyud la sogs pa thams
 cad la bcom ldan 'das kyi nges pa'o/ /da ni thab ces pa la sogs pas sbyin bsreg gi cho ga gsungs te/ 'dir dang por thab kyi phyogs bcu rnams su khro bo'i rgyal po lha mor bcas pas shes pa khro bo rnams kyis lha mo rnams dang thabs cig tu
 bsrungs ba byas nas sngar brjod pa'i sngags kyi tshig rnams kyis phur pa btab ste/ de nas dpal ldan rdo rje dag gis bsad ba sogs dang/ oM A(rgyud 'grel chu blangs nas dang por gsad bar bya'o/ de nas de'i rnal 'byor dmigs pa byas nas rang gi snying ga dang thab tu me lha rab tu bzhag ste/ de nas chur bcas me tog rnams kyis ma la mchod yon nyid/ de'i rnal 'byor ldan pas sbyin par byas te/
 rang snying pad+mar zla ba'i steng du bsgoms nas so/ /las thams cad pa la zhal gcig pa kha dog ljang gu phyag bzhi pa zhabs gnyis pa'o/ /'dir las thams cad pa la g.yas pa'i phyag dang po na rdo rje'o/ /gnyis pa na bgrang phreng ngo/ /
 g.yon na dril bu dang pad+ma'o/ /ral pa shin tu ser skya dang/ mig dmar ser dang/ gos dmar ser te/ las thams cad pa la mi bskyod pa spyi bor 'dzin pa'o/ /dam tshig sems dpa' rdzogs par bya ste/ de nas de'i snying gar zla ba'i dkyil 'khor
 ro/ /de'i steng du dza(rgyud 'grel de ltar thab la yang ni yang dag 'gyur te rang gi snying ga las phyir 'byung ba'i dbugs dang 'chad par 'gyur ba'i rdo rje lcags kyu'i phyag rgya yis spyan drang ba byas nas rdo rje khu tshur steng du mthe bos pad+ma'i lte ba la gzhag par bya'o/ /zhi ba la kha
 dog dkar po gos dang bcas pa snang ba mdza' yas kyis dbu brgyan pa ste/ g.yas pa na pad+ma dang shel gyi bgrang phreng 'dzin cing g.yon pa na ril ba dang dung 'dzin pa'o/ /rgyas pa la g.yas na 'khor lo dang mu tig 'bras bu'i bgrang phreng
 'dzin cing/ g.yon na pad+ma dang spyi blugs 'dzin pa'o/ /bsad pa la kha dog nag po gos dang bcas pa/ don yod grub pas dbu brgyan pa ste/ phyag g.yas pa na gri gug dang rtse gsum pa/ phyag g.yon pa na thod pa dang kha TwAM ga'o/ /
 bskrad pa dang dbye ba la yang/ phyag g.yas pa na ral gri dang rtse gsum pa/ phyag g.yon pa na thod pa dang kha TwAM ga'o/ /dbang la gur gum gyi mdog can gos dang bcas pa/ phyag g.yas pa na mda' dang rin po che/ phyag g.yon pa na gzhu dang me
 long ste rin chen dbang phyug gis dbu brgyan pa'o/ /dgug pa la g.yas na rdo rje lcags kyu dang rin po che 'dzin cing/ g.yon na rdo rje zhags pa dang me long 'dzin pa'o/ /rmongs pa la g.yas na sbrul dang dbyug pa 'dzin cing/ g.yon pa na 'khor lo dang tho ba'o/ /
 rengs pa dang phur bus gdab pa la g.yas na lcags sgrog dang tho ba 'dzin cing/ phyag g.yon na 'khor lo dang rdo rje phur ba ste/ kha dog ser po gos dang bcas pa rnam par snang mdzad kyis dbu brgyan pa'o/ /'dir dang por las thams cad pa la
 lha'i khang pa nas me blangs nas tsan dan gyi shing gis rab tu spang bar bya'o/ /zhi ba dang rgyas pa la bram ze'i khyim nas so/ /bsad pa la sogs pa la dmangs rigs kyi khyim nas so/ /dbang la sogs pa la rgyal rigs kyi khyim nas so/ /rengs pa la
 sogs pa la rje rigs kyi khyim nas so/ /bsad pa la ni gdol pa'i khyim nas blangs nas te tsher ma can gyi shing gis rab tu spang bar bya'o/ /rengs pa la bska ba'i shing gis so/ /dbang la seng ldeng la sogs pa dmar po'i shing gis so/
 zhi ba la shing 'o ma can gyi shing gis so/ /las thams cad pa la tsan dan dang a ga ru dang thang shing la sogs pa dri bzang po'i shing rnams sam shing 'o ma can rnams kyis so/ /de nas sngags kyi tshig 'di rnams kyis me lha spyan drangs
 par bya ste oM e hi e hi ma hA b+hU ta de ba ri Shi dwi dza sat+ta ma gri hA twA yu d+haM ma hA rasmi asminsaM ni hi to b+ha ba badzra d+ha rA dz+nyA ba ti swA hA/ zhes pa brjod de lcags kyu'i phyag rgyas dgug par bya ste/ rdo rje'i phyag rgyas gzhug par bya zhing/ zhags pa'i phyag
 rgyas bcing bar bya ste/ dril bu'i phyag rgyas 'chad par 'gyur bas mnyes par bya'o/ /'di rnams la so sor sa bon gyi yi ge dza:hUM baM ho(rgyud 'grel oM pra ba ra sad kA raM mahA rasmin pra tIts+tsha swAhA/ zhes pa ni mchod yon sbyin pa'i sngags so/ /de nas mchod pa ni de bzhin du/ badzro gand+haM pra tIts+tsha swAhA/ badzra puShpaM pra tIts+tsha swAhA/ badzra d+hU paM pra tIts+tsha swA hA/ badzra pra dI paM pra tIts+tsha swA hA/ badzra ak+Sha taM pra
 tIts+tsha swA hA/ badzra nai be tya pra tIts+tsha swA hA/ badzra lA syaM pra tIts+tsha swA hA/ badzra hA syaM pra tIts+tsha swA hA/ badzra bA dyaM pra tIts+tsha swA hA/ badzra nri tyaM pra tIts+tsha swA hA/ badzra gI taM pra tIts+tsha swA hA/ badzra kA maM pra tIts+tsha swA hA/ de bzhin du sngar gsungs pa'i rdzas las kyi rjes
 su mthun pa dag gis me mchod pa'i yul la sngags kyi tshig 'di rnams swA hA'i mdza' can gyis mchod par bya ste/ dkyil 'khor la na ma:I mdza' can gyis so zhes pa ni thams cad du nges pa'o/ /de bzhin du zhabs bsil thams cad rab tu phul
 te/ sil snyan thams cad rab tu dkrol te/ de nas sngar gsungs pa'i yam shing la sogs pa dang/ sngar gsungs pa'i gdan gyi cho ga dang sngar gsungs pa'i sbyin bsreg gis rdzas rnams kyis las kyi rjes su mthun pas ting nge 'dzin la gnas pa'i
 rdo rje slob dpon gyis sbyin bsreg bya'o/ /lag pas yam shing bsregs te/ de nas blugs gzar gyis sbyin bsreg gi rdzas thams cad dang dgang gzar gyis bsreg blugs dbul bar bya ste/ de med na rang gi lag pa mchog sbyin gyi mthe bong gis me
 lha'i zhal du thams cad sbyin sreg bya'o/ /'dir me lha'i rnam par dag pa brjod par bya ste/ 'dir me rnam pa gsum ste/ lho'i me dang/ khyim bdag gi me dang/ mchod sbyin gyi me'o/ /lho'i me ni 'dir glog go /khyim bdag gi me ni nyi ma'o/ /mchog sbyin
 gyi me ni sha za ste/ bden pa bzhi pa ye shes kyi me kun tu dga' ba'i chos so/ /de'i phyir de'i don du thams cad nyid sbyin bsreg byed do/ /de bzhin du rig byed kyi mdza' las smras pa/ sha za'i me las ring du bdag 'gro'o/ /ri ka rab 'dzin gshin
 rje'i rgyal srid rgyug /'di nyid du ni gzhan skyes rig byed 'di/ /lha dang skye dgu sogs las bsreg bya 'dzin/ /ces pa rig byed kyi don te/ 'dir yang don de nyid do/ /sha za'i me ni sngags kyi tshig 'di yis te/ oM sarba pA da ha na badzra agni badzra satwa sarba pA pa
 da ha da ha swA hA/ zhes pa'i nges pa las 'dod pa'i me spyan drang pa'o/ /de bzhin du nyi ma'i yang 'dir bsreg bya 'dzin pa'i sngags kyi dam tshig ni/ oM badzrA na la sarba b+hU tany+dza la ya sarbAn b+hasmiM ku ru sarba dza na duShDA na hUM phaT swA hA/ /zhes pa'i nges pa las nyi ma
 de nyid gza' bdun gyi bdag po/ /rta bdun pa'i shing rta can/ gza'i dbye bas lce bdun pa ste/ zhi ba la zla ba'i lce'o/ /rgyas pa la nyi ma'i lce'o/ /bsad pa dang bskrad pa dang dbye ba la spen pa'i lce'o/ /dbang la pha ba sangs kyi lce'o/ /dgug pa la phur bu'i lce'o/
 rmongs nga la gza' lag gi lce'o/ /rengs pa la bkra shis kyi lce'o/ /de bzhin du gza'i so so rnam par dag pas/ las so sor re re la zhal gcig pa'o/ /nyin mo dang mtshan mo rnam par dag pas zhabs gnyis pa'o/ /thun mtshams bzhi rnam par
 dag pas phyag bzhi pa'o zhes pa ni nges pa'o/ /zhi ba la sogs pa'i las la'o/ /bsad pa la mjug rings rnam par dag pas/ phyag na gri gug dang thod pa'o/ /dbye ba la spen pa rnam par dag pas phyag na ral gri dang thod pa zhes pa phyogs gzhan gyi
 nges pa ste/ gza' spen pa la snga ma phyed dang phyi ma phyed kyi dbye bas so/ /las thams cad pa la sgra gcan rnam par dag pa dang/ dus me rnam par dag pas te/ skye ba dang 'jig pa'i chos nyid kyi phyir ro/ /'dod pa'i me mchod sbyin gyi me ni rang gi
 lha ste/ gza' thams cad la khyab par byed pa nyid kyi phyir ye shes kyi me zhes bya ba rdo rje slob dpon gyis sngar gyi cho gas mchod par bya ba'o/ /me lha spyan drangs pa'i nges pa'o/ /da ni mchog sbyin zhes pa la sogs pas sbyin bsreg gi phyag rgya la sogs
 pa gsungs te/ 'dir gang gi che blugs gzar med pa na de'i tshe rdo rje slob dpon sngar brjod pa'i gdan la gnas pas lag pa g.yon pa gan rkyal du byas nas g.yas pa mchod sbyin gyi phyag gi mthe bos sbyin bsreg gi rdzas bskyod
 cing zhal phye ba'i me'i zhal du sbyin bsreg bya ste/ de yang gsol bar bsam par bya'o/ /rdo rje yis shes pa ni/ oM A:hUM ho haM k+Sha:swA hA/ 'di dag gis yam shing lnga brgya po de dag las brgya rtsa brgyad bsreg par bya'o/ /de nas yan lag
 gis shes pa ni/ hlI h+rUM h+rUM h+rIM h+rI h+ra(rgyud 'grel du skye mched rnams kyis kyang ste/ a A e i ar Ar o aau al Al aM a(rgyud 'grel yA ra rA wa wA la lA haM ha(rgyud 'grel brgya rtsa bcu gnyis te/ de rnams la sku dang/ gsung dang thugs dang ye shes kyi gnas rnams spangs nas lhag ma brgya rtsa brgyad po rnams ni bgrang phreng la ste lhun po la zhal bzhi'o/ /des na thams cad du las thams cad pa'i sbyin bsreg
 la bsod nams kyi tshogs kyi don du brgya rtsa brgyad kyi ched do/ /de nas 'bru la sogs pa'i sbyin bsreg gi rdzas kyang cho ga 'di nyid kyis te/ 'bru dang dung ba mar dang 'o ma yis shes pa rdo rje la sogs pa 'di dag gis brgya rtsa brgyad kyi dbye bas
 sbyin bsreg bya ste/ yam shing dang 'bru rnams mar gyis spags pa dang/ dur ba 'o mas spags pa rnams bsreg par bya'o/ /de nas snying po'i sngags kyis gang ba'i bsreg blugs te dgang gzar mar gyis bkad nas/ skyil krung du gnas rab tu zhi zhing
 g.yo ba med pa'i sems ldan gsang sngags rig pa sngags kyi sku/ /slob dpon las kyi rdo rje can gyis slar yang me la bsreg blugs dang ni nges par sbyin par bya/ oM h+k+Sh+mlwryaM zhes pa'i sngags 'dis mar gyis bsreg blugs phul te/ de nas zan dang chu bzung
 nas bkra shis par brjod par bya'o/ /oM b+hUr b+hu ba(rgyud 'grel nas/ der 'thor 'thung byas la slar yang dkyil 'khor gyi khang par rab tu zhugs nas me la yang ku sha'i chu yis 'thor 'thung bya ste/ oM A(rgyud 'grel byed pa'i dus su me yang dag par 'bar ba'i don du kha'i rlung mi bya ste rlung yab kyi rlung la sogs pas bya'o/ /de ltar rim pa yis ni sbyin bsreg byas nas 'thar 'thung dag kyang de bzhin me dang bdag nyid dag la yang/ /dri la sogs dang spos dag sngar
 brjod pa'i rim pas slar yang phul nas rang snying pad+mar dbugs 'jug pas ye shes me ni gshegs su gsol bar bya ste/ oM dza(rgyud 'grel kyi me gshegs su gsol te/ phyi nas slob ma la ni dbang bskur bla ma mdza' dag yon tan gter gyis 'chad par 'gyur ba'i rim pas sbyin/ dbang gi don du dang por bdud rtsi lnga ni rgyal ba mchog gi rdo rjes byin brlabs pa zhes pa ni/ oM A:huM
 ho haM k+Sha(rgyud 'grel bdun gyi don du'o/ /sbyin bsreg gi cho ga rgyud thams cad las bcom ldan 'das kyi nges pa'o/ /nga ni rang gi zhes pa la sogs pas rdul tshon gyi dkyil 'khor rab tu gnas pa'i slad du ting nge 'dzin gsungs te/ 'dir rang gi sngags kyis sbyin bsreg
 grub par gyur cing zhes pa ni bya ba dang rnal 'byor rjes su rig pa dang rnal 'byor ma'i rgyud du ma la gsungs pa rnams ni rang gi rgyud las gsungs pa'i sngags te/ rang gi sngags de dag gis rang gi rgyud las gsungs pa'i cho gas sbyin bsreg grub par gyur
 cing/ sbyin bsreg gi dang po rang gi dkyil 'khor de la rdul tshon btab pa'i rjes la lha'i tshogs kyi snying po'i mtshan ma rang rang gi rgyud las gsungs pa'i tshogs bkod par gyur pa na zur du shel gyi bum pa dkar po skud pa lnga yis dkris pa rnams
 ni yang dag gzhag par bya zhes pa ste/ zhi ba la'o/ /lhag ma rnams la gsungs pa'i cho gas skud pa lnga yis dkris shing mgrin par gos kyis bcings pa rnams so/ /bum pa lnga'i bya ba la shar gyi sa'i dkyil 'khor gyi phyi rol tu rgyal ba'i bum
 pa ste/ de'i steng du drug pa rnam par rgyal ba dung ngo/ /bum pa bcu'i bya ba la yang phyogs brgyad po rnams su bum pa brgyad do/ /rgyal ba dang rnam par rgyal ba'i bum pa ni shar dang nub kyi bum pa'i phyi rol du sor gnyis kyis ma reg par te/ de la shar gyi
 rgyal ba'i bum pa'i steng du bcu gcig pa rnam par rgyal ba'i bum pa chen po dung ngo/ /zhes pa bum pa'i nges pa'o/ /de ltar bum pa brgya stong la yang rnam par rgyal ba'i bum pa chen po ni dung ste zhes pa dang/ rgyas pa dang las thams cad pa la'o/ /
 drag po'i las la ni thod pa'o/ /dbang la sogs pa la zangs dang/ gser gyi snod do/ /rengs pa dang rmongs pa la sogs pa la yang kham phor te/ der gzhag cing las kyi rjes su mthun pas skud pas bcings te/ gos mgrin par byas nas slob dpon gyis kha
 yal 'da' dang bcas pa rnams gzhag par bya'o/ /de nas slob dpon shar gyi zhal du 'dug ste/ 'chad par 'gyur ba'i sgrub thabs kyi cho gas sdig pa bshags pa la sogs pa byas nas dkyil 'khor rgyal mchog dang las rgyal mchog dang thig le'i
 rnal 'byor dang phra mo'i rnal 'byor byas te/ de nas shes rab dang thabs las 'byung ba rdo rje pad+ma las skyes rab bgrod khro bo'i rgyal po rnams dag gi zhes pa sgrub thabs kyi thabs dang ldan pa'i cho gas dza(rgyud 'grel dgug pa dang/ huM yig gis gzhug pa dang/ baM yig gis bcings pa dang/ ho(rgyud 'grel don du'o/ /de nas rab tu gnas pa byas te/ sngar brjod pa'i cho gas mchod yon phul nas/ oM A(rgyud 'grel ni rdul tshon gyi phyi rol tu dkyil 'khor byas nas dbul bar bya'o/ /de nas rnam par rgyal ba'i bum pa'i mdun du gzhan khru gang pa'i dkyil 'khor byas te/ de sngar gsungs pa'i dri la sogs pa dang zhabs bsil rab tu dbul bar bya'o/ /de bzhin
 du phyogs dang phyogs bral thams cad du lha so so rnams la yang lha bshos la sogs pa dbul bar bya ste/ phyogs thams cad du rdul tshon gyi dkyil 'khor gyi phyi rol tu'o/ /rdul tshon gyis la ni me tog la sogs pa dbul bar mi bya ste/ phul
 na rdul tshon subs par 'gyur ro/ /rab tu gnas pa byas pa'i dkyil 'khor gyi rdul tshon subs pa las mchod rten 'jig pa'o/ /des na rigs yongs su brtag pa'i don du dkyil 'khor gyi phyi rol shar gyi sgor rnam par rgyal ba'i bum pa'i steng du
 me tog dor bar bya'o/ /rnam pa gzhan du na khru stong pa'i dkyil 'khor la slob mas dor ba'i me tog shar gyi rdo rje 'bar ba spangs nas gang du ltung bar 'gyur/ de la rdo rje 'bar ba yang rkang pa dang bcas pa'i khru brgyar 'gyur te/ lhas byin gyis brlabs pa ma
 gtogs pa de rgal nas rigs kyi phyogs rnams su ji ltar me tog ltung bar 'gyur/ de'i phyir rnam par rgyal ba'i bum pa la mtshan ma lnga byas nas de la 'chad par 'gyur ba'i me tog dor bar bya'o/ /des na dri la sogs pa rnams rdul tshon gyi dkyil 'khor
 gyi phyi rol du ste/ rdul tshon gyi sa la ni ma yin no/ /rdul tshon gyi dkyil 'khor ni bcom ldan 'das kyi skur rig par bya'o/ /zhes pa ni nges pa'o/ /da ni lha dang zhes pa la sogs pas sngags kyi nges pa gsungs te/ 'dir dkyil 'khor gyi gtso bo dang
 gtso bo'i rjes su mthun pa rnams thams cad kyi ming gi sngags kyi sngon du oM du 'gyur te/ oM yig go zhes pa'i don to/ /ma gsungs pa'i sngags rnams la yang thams cad du oM yig dang po'i zhes rnam par shes par bya'o/ /sbyin bsreg la ni swA ha'i
 mdza' sngags thams cad kyi ming gi sngags ni snying por brjod de/ de nyid las thams cad pa'i sbyin bsreg gi bya ba la swA hA'i mdza' can du 'gyur ro/ /mchod pa dag la na ma:I mdza' can du 'gyur te de nyid do zhes pa ni nges pa'o/ /dza(rgyud 'grel lcags kyu la sogs shes pa ni 'dir lha rnams spyan drang ba la dza(rgyud 'grel bkod pa rdo rje lcags kyu la sogs pa rnams so/ /de nas mchod yon sbyin pa la yang ming gi sngags kyi mthar 'gyur te/ che ge mo i daM grih+Na grih+Na arg+ha kaM me pu na ri yaM zhes pa ni nges pa'o/ /da ni rgyas pa la zhes pa la sogs pas rgyas pa la sogs pa'i
 las kyi dbye bas sngags kyi cho ga gsungs te/ 'dir rgyas pa la thams cad du sngags bzlas pa'am sbyin bsreg la oM yig dang po dang swA hA'i mdza' i sngags su 'gyur ro/ /mi bdag ces pa ni bod pa'o/ /zhi ba la sngags 'di na ma:I mdza' can no//
 dgug pa la de nyid bau ShaTa mthar 'gyur ro/ /de nyid bau ShaTa mdza' ni dbang la'o/ /de bzhin du hUM yig mdza' can mngon spyod la ste dbye ba dang bskrad pa dang bsad pa la'o/ /rang bzhin yon tan dbang gis phur bus gdab pa dang/ rmongs pa dang rengs
 pa la phaT yig gi mdza' can du 'gyur te/ 'dir rang bzhin ni rgyas pa la rlan dang bcas pa'i sa'i rang bzhin te nges na swAhA'o/ /zhi ba la chu'i rang bzhin na ma:O/ /dgug pa la me dang sa'i rang bzhin po Sha Ta'o dbang la me'i rang bzhin pa ShaTa'o/
 bsad pa dang/ bskrad pa dang/ dbyi ba la rlung dang me'i rang bzhin hUM yig go /phur bus gdab pa dang rengs pa la lhun po dang sa'i rang bzhin phaT yig go /rmongs pa la yang rlung dang sa'i rang bzhin no/ /yang na thams cad du bsad pa la sogs
 pa dang rmongs pa la sogs pa'i las gsum po rnams la yi ge hUM phaT kyi mdza' ste sngags bzlas pa dang/ sbyin bsreg dang mchod pa la sogs pa dag kyang sngags pas bya'o zhes pa ni nges pa'o/ /lha'i kha dog ni zhi ba dang rgyas pa la dkar po dang/
 dbang la sogs pa la dmar mo dang/ bsad pa la sogs pa la nag po dang/ rmongs pa la sogs pa la ser po ste/ las kyi dbye ba dag gis sngags su 'gyur ro zhes pa ni nges pa'o/ /da ni dkyil 'khor gyis rnam par dag pa'i sa bon rnams gsungs 
 te/ 'dir shar du rlung rnam par dag pas thugs rdo rje kha dog nag po sa'i cha la khyab par byed pa'o/ /byang du chu rnam par dag pas sku rdo rje dkar po'o/ /lho ru me dag pas gsung rdo rje dmar po'o/ /nub du rang gi rigs sa'i phyogs su
 gnas pa'i ye shes rdo rje ser po'o/ /de bzhin du sgra gcan dang zla ba dang nyi ma dang dus me dag pas zhal bzhi'i dbye bas sa'i cha'o/ /de'i phyir grangs bzhin du rlung gi skye gnas i'o/ /me'i skye gnas ri'o/ /chu'i skye gnas u'o/ /sa'i skye gnas ni
 li'o/ /de bzhin du rlung la sogs pa'i lha rnams kyi skye gnas ni i yig la sogs pa rang rang gi sa bon 'du byed dang/ tshor ba dang/ 'du shes dang/ gzugs kyi rang bzhin rnams so/ /a yig ni ma brjod kyang nam mkha' i skye gnas te rnam par
 shes pa'i phung po'i mtshan nyid do zhes pa thams cad du nges pa ste/ a i raM u li ka zhes pa so sor brjod pa'i tshig las spro ba'i rim pas te bskyed pa'i rim pas so zhes pa ni nges pa'o/ /da ni phyag rgyas gdab pa'i don du phyag rgya'i sa bon rnams
 gsungs te/ 'dir dpral bar sku'i phyag rgya oM yig dkar po'o/ /mgrin par gsung gi phyag rgya A(rgyud 'grel 'di dag dang bcas pa lnga ste/ gang gi phyir zla ba'i rkang pa la bcu gsum zla ba'i rkang par lnga gsungs pa'o/ /nyi mar dus shes gsungs pa'i phyir nyi ma'i rkang pa gsum gsungs so/ /ring po'i dbye bas shes pa ni sdeb sbyor gyi rtsa bar thung ngu'o/ /de bzhin
 du oM sku'i zhal lo/ /A(rgyud 'grel de bzhin du A sogs dang bcas shes pa ni A la sogs pa dbyangs drug dang lhan cig tu h+raM yig drug ni ro dang drug dang lhan cig na ma(rgyud 'grel oM h+rA(rgyud 'grel lag drug go /de bzhin du phrem gyi yig ni sna tshogs yum gyi sa bon no/ /rgyal ba dus kyi 'khor lo shes rab dang bcas pa dag gi sngags ni/ h+k+Sh+mlwryaM zhes pa'o/ /bcom ldan 'das de nyid tha dad par bskyed pa'i slad du hAM yig ye shes kyi sa bon
 te/ shes rab dang thabs so sor bskyed pa'i slad du'o/ /snying po dag kyang de bzhin du rgyal ba'i brtsegs pa'i sngags sngar gsungs pa oM A(rgyud 'grel dang por gyur pa dang ldan pa ni bzlas pa'i don du bcom ldan 'das kyi nye ba'i snying po ste/ oM h+rAM h+rIM h+rUM h+rUM h+rlIM ha(rgyud 'grel 'phreng ba'i sngags ni de bzhin gzhin du 'gyur ro/ /de yang las kyi dbye ba du ma yis rnam par ngo bo tshogs du ma dang ldan par shes par bya ste/ dus kyi 'khor lo'i dkyil 'khor 'dir ni sa la sogs pa rang bzhin te/ de'i yon tan dbang
 gis so/ /zhes pa 'tshad par 'gyur ba las brjod par bya'o/ /de ltar rgyud gzhan thams cad las nges pa'o/ /da ni rin chen zhes pa la sogs pas lha rnams mchod par gsungs te/ 'dir sngar brjod pa'i cho gas lha rnams dmigs pa byas te
 de nas ye shes kyi 'khor lo dam tshig gi 'khor lo dang lhan cig gcig tu byas nas sngar gyi sngags kyi tshig rnams kyis mchod yon la sogs pa phul te/ de nas mchod pa'i don du dang por tsan dan la sogs pa'i dri bzung nas
 mthe bo dang ming med dag gis dkyil 'khor byas pa'i phyi rol tu gtso bo la sogs pa rnams mchod pa bya'o/ /thams cad kyi ming gi dang por oM yig sbyin par bya ste/ las thams cad pa'i mchod pa la ming gi mthar na ma(rgyud 'grel las so so la ni rgyas pa la sogs pa la swA hA mthar rig par bya'o/ /'dir las thams cad pa la mchod pa'i slad du lha rnams kyi sngags kyi tshig rnams ni rtsa ba'i rgyud las 'di lta ste/ oM bud+ha ya na ma(rgyud 'grel oM badzra satwA ya na ma(rgyud 'grel oM tsa tur bi mok+She b+hyo na ma(rgyud 'grel la tsa grA ya na ma(rgyud 'grel oM pra Ni d+hA na pA ra mi tA yai na ma(rgyud 'grel oM d+d+harma gaN n+yi na ma(rgyud 'grel mA ma kyi na ma(rgyud 'grel ya na ma(rgyud 'grel oM padnAn+ta kA ya na ma(rgyud 'grel dkyil 'khor la mchod pa'i cho ga'o/ /de nas gsung gi dkyil 'khor la 'di lta ste/ oM badzra tsar tsi kA yai na ma(rgyud 'grel ma(rgyud 'grel 'khor la 'di lta ste/ oM badzra baiSh+Na bai na ma(rgyud 'grel yA ya na ma(rgyud 'grel na ma(rgyud 'grel ShaT triM sha ta pra tIts+tsha b+hyo na ma(rgyud 'grel ya na ma(rgyud 'grel ka syA yai na ma(rgyud 'grel ya na ma(rgyud 'grel sarba nak+Sha tya b+hyo na ma(rgyud 'grel b+hyo na ma(rgyud 'grel chen in+d+ra nI la la sogs pa rnams dang/ rin chen gser gyi me tog dang/ rnam pa mo'i gos te/ kha dog lnga'i gos rnams dang/ dri dang/ spos dang/ mar me dang/ dril bu dang/ me long dang/ bla re dang/ rnam mang 'bras bu dang kha dog lnga'i ba dan rnams
 dang/ gar dang rol mo yis rnam bkra mchod pa byas te/ gzhan pa rnam bcu zhes pa ni 'chad par 'gyur ba las brjod par bya'o/ /de ltar slob ma bdag nyid kyi nub pas ji ltar gsungs pa bzhin mchod pa byas te/ de nas slob dpon dag gi zhabs kyi rtsa bar
 maN+Dal byas nas/ mchog gi bu yis yon ni dag pa'i slad du dbul bar bya dag pa gsum gyis shes pa lus dang ngag dang sems dag pas rdzas dang bdag nyid du dang bu mo dang bcas te/ gal te rang la med na rigs las skyes pa'i gzhon nu ma dbul
 bar bya'o/ /de ltar yon phul te de nas gsol ba gdab pa dang smon lam gdab par bya'o/ /di ring nyid nas bdag ni rgyal ba rnams la skyabs su lhag par mche ste byang chub bar du'o/ /khyod kyi zhabs kyi chu skyes nges par srid pa'i 'jigs 'phreg dag la
 lus ngag sems ni dag pas so zhes pa gser bcas me tog dag gis maN+Dal byas nas bla ma la ni gsol ba gdab par 'gyur/ /de nas smon lam gdab par bya ste/ 'dod pa'i rdo rje la ni rdo rje dril bu phyag rgya bla ma dag kyang spyi bos gzung bar bgyi/ zhes
 pa ste rdo rje'i rigs la gnas pas dam tshig 'di thams cad bzung bar bgyi'o/ /rin chen la ni sbyin pa sbyin bgyi ste/ rin chen gyi rigs la gnas pas bsod nams kyi tshogs kyi slad du sbyin pa rnam pa bcu sbyin par bgyi'o/ /rin chen lcags zangs ba lang rta/
 glang chen bu mo nor 'dzin dang/ /'dod pa'i chung ma rang gi sha /sbyin pa rnam pa bcu ru 'dod ces pa ste yid bzhin gyi nor bu bsgrubs nas sbyin pa sbyin par bgyi'o zhes pa smon lam mo/ /'khor lo 'di la rgyal ba mchog gi dam tshig brkyang
 bar bgyi/ /'khor lo'i rigs la gnas pas bdud rtsi lnga la thogs pa dang go ku da ha na dang/ phung po dang dbang po'i tshogs pa bsrung bar bgyi'o/ /zhes pa ste smon lam mo/ /ral gri la ni mchod pa bgyi ste ral gri'i rigs la gnas par gyur pas bla
 ma dang sangs rgyas dang byang chub sems dpa' rnams dang gzhan rnams la yo byad thams cad kyis mchod pa bgyi'o zhes pa smon lam mo/ /gsal bar chu skyes rigs la ste pad+ma'i rigs dang rigs ma yin pa la mngon par 'gro bas gsal bar pad+ma la
 reg pa las tshul khrims kyi sdom pa'i slad du tshangs par spyad pa'i sdom pa dag ni bskyang bar bgyi'o zhes pa'i smon lam gdab par bya'o/ /sems can rnams ni thar pa'i slad du rgyal ba bskyed mdzad rigs la ste rdo rje rtse gcig pa'i rigs la gnas par
 gyur pas stong pa nyid dang snying rje'i bdag nyid phyag rgya chen po'i dngos grub byang chub bdag gis skyed par bgyi'o zhes smon lam gdab par bgyi'o/ /de ltar smon lam gdab pa byas pa'i tshe dbang bskur ba'i slad du gsol ba btab pa'i bla ma dgyes shing
 mnyes par gyur pas slob ma khrus byas dri yis rjes byugs brtul zhugs nges pa dang ldan shar gyi sar ni dkyil 'khor gyi phyi rol tu bzhag par bya ste/ dngos grub don du so shing sngar brjod pa'i cho gas rgyal ba mchog gi rdo rje dag gis shes pa oM
 A(rgyud 'grel sngar gsungs so/ /de nas khar chu khyor ba gsum blud de dag par byas nas/ dkyil 'khor la yol ba bkod cing shar gyi sar slob ma khrid de/ /de nas de'i lce la bdud rtsi lnga sbyin par bya'o/ /rgyal ba mchog gi dam tshig dag gis te/ bdud rtsi lnga dang sgron ma lnga po
 dag gis sngar spos bsgrubs nas spos de nyid lha dbab pa'i don du'o/ /de la sngags ni huM gi yi ge gcig ste/ a ra la drang bcas pa zhes pa/ oM a ra ra ra ra la la la la badzrA be sha ya huM zhes pa ste/ sngags 'dis khro bo'i gtso bo bskul ba byas nas khro bo
 dpa' bo zhes pa'i don to/ /'di la bzlas pa bye ba dang sbyin bsreg 'bum phrag bcu yis sngon du bsnyen pa bya'o/ /de nas 'grub par 'gyur te/ dran pa tsam gyis khro bo 'bebs par byed do/ /de la mtshan nyid ni tshigs su bcad pa brgyad cu rtsa brgyad pa yis gsungs
 pa 'dir 'gyur ro/ /khro bo'i rgyal po phebs na mtshon chas mdzes pa'i lag pa dag gis bdud kyi tshogs la bsdigs byed cing/ zhes pa ni 'dir slob ma la khro bo'i rgyal po phebs par gyur na mtshon chas mdzes par byas pa'i lag pa dag gis
 brtan pa dang g.yo ba gang la bsnun pa de phye ma brgyad byed do/ /bdud kyi tshogs chos la 'tshe bar byed pa gang la sdigs mdzub kyis bsdigs pa des la 'gyel byed cing sems med par byed do/ /de bzhin du g.yon brkyang la sogs stobs rnams dang
 ni rnam mang bcing ba dag gis rdo rje'i gar gyi gar byed do/ /'dir slob ma gang zhig sngar gyi mtshan nyid cung zad kyang mi shes pa de nyid khro bo phebs par gyur pa na rdo rje'i gar byed do/ /bar snang la yang rnam mang bcing ba dag gis shes pa
 gar byed do/ /ci ste bzhad par byed na/ de'i tshe hUM gi yi ge 'dres pas dgra ste bdud kyi tshogs la 'jigs pa ster ba dang ni de bzhin du slob ma gang zhig sngar mi shes pa de khro bo phebs pa ni mi la sogs pa rnams kyis rtogs par bya ba ma yin pa'i
 sgras rgyud gzhan du ma las gsungs pa'i glu byed do/ /de'i phyir khro bo'i rgyal po 'phebs pa ni/ /ngo tsha med cing dogs pa med par 'gyur te/ yon tan dbang gis shes pa khro bo'i rang bzhin gyis so/ /lha gzhan dag kyang zhi ba'o
 zhes pa ni ci ste spyan la sogs pa'i lha yin na zhi ba'o zhes pa ste khro bo dbab pa'i nges pa'o/ /'dir yang rgya cher gzhan khro bo bcu po rnams kyi rang bzhin bcu po rnams ni phyag rgya bcings bas rig par bya'o/ /mtshan ma gang gis gang bskyed pa de yang
 de'i phyag gi phyag rgyar 'gyur te/ de ni nga yis shes par bya'o zhes pa nges pa'o/ /da ni sku zhes pa la sogs pa khro bo'i rgyal po 'am byang chub sems dpa' i sku la sogs pa'i byin gyis brlabs pa gsungs te/ 'dir sku thebs pas ni rnal 'byor
 ldan pa zhes pa lha'i sku rdo rjes byin gyis brlabs par gyur na/ rang bzhin yon tan dbang gis shes pa drag po dang zhi ba'i rang bzhin gyis slob ma sku'i bya ba byed pa ste/ ji ltar khro ba dang byang chub sems dpa' nam mkha' la 'gro ba dang sa 'og du
 'gro ba mdzad pa de bzhin du slob mas byed cing/ dkyil 'khor la sogs pa ma mthong ba bskyed par byed de/ mchog gi lha'i sku rdo rjes byin gyis brlabs par gyur pas ri bong 'byin pa la sogs pa sku'i bya ba byed do/ /de bzhin du gsung phebs pas
 ni srid gsum lha dang klu dang lha min rnams las rnam par rgyal ba'i smra ba por 'gyur te/ lha'i gsung rdo rjes byin gyis brlabs pa'i slob ma rmongs pa yang 'jam dpal ji lta ba de bzhin du 'gyur ro zhes pa nges pa'o/ /de bzhin du mchog gi lha'i
 thugs phebs pas ni gzhan gyi snying la gnas pa thams cad dang/ 'das pa dang/ ma 'ongs pa dang/ da ltar byung ba ma mthong ba thams cad slob mas shes par 'gyur zhes thugs phebs pa'i nges pa'o/ /ci ste skye ba snga ma'i bag chags kyi stobs kyis
 kha cig la ye shes phebs par 'gyur te/ de'i tshe dkyil 'khor la 'grub par 'gyur zhing sangs rgyas su 'gyur ro/ /bla ma'i yang bla ma zhes pa mngon par shes pa lnga thob pa dang sa bcu'i dbang phyug du 'gyur ro/ /sangs rgyas shes pa ni nyis par
 brtags pa'i tshig ste/ rdzu 'phrul ldan pa'i ston pa gcig pu zhes pa yang de bzhin ni/ sku dang gsung dang thugs dang ye shes kyi byin brlabs kyi mtshan nyid kyi nges pa'o/ /da ni sa zhes pa la sogs pas spyan la sogs pa rnams kyi byin gyis brlabs
 pas gsungs te/ 'dir gang gi tshes phebs pas ni rnal 'byor pa ste slob ma byin gyis brlabs par gyur na ri dang mtshungs par 'gyur te/ mi brgya phrag du mas kyang bskyod par mi nus so/ /chus kyang bsil bar rab tu 'gyur/ 'dir mA mi kA yis byin gyis
 brlabs pa'i rnal 'byor pas gang zhig bsreg pa'i rims kyis gzung ba la mkhyud na yang de rims dang bral bar 'gyur ro/ /me phebs pas ni bsregs par 'gyur te/ 'dir gang gi tshe gos dkar mos byin gyis brlabs par gyur na de'i tshe gang la
 reg pa de bsreg par byed do/ /ci ste rlung phebs pas byin gyis brlabs na de bzhin skam pa dag tu rab tu 'gyur te/ /gang la 'khyud pa de dpag tshad du ma rnams su skyod par byed do/ /
 de bzhin stong pa phebs pas mi snang bar 'gyur/ gang la reg pa de nyid mi snang bar 'gyur ro/ /sa steng du ni mkha' la spyod pa nyid du rab tu 'gyur zhes pa ste nges pa'o/ /de bzhin thams cad rang bzhin yon tan dbang gis rig par bya ste/ 'dir gang gi tshe lha'i
 mig phebs par gyur na de'i tshe mchog gi gzugs dang/ mi mthong ba'i rdzas kyang mthong bar 'gyur ro/ /gang gi tshe lha'i rna ba phebs par gyur na de'i tshe sems can gyi sgra gang mi thos pa de dag thos par 'gyur ro/ /gang gi tshe lha'i yid phebs par gyur na de'i
 tshe gzhan gyi sems kyi ye shes shes par 'gyur ro/ /gang gi tshe lha'i lus kyi dbang po phebs par gyur na/ de'i tshe lha'i reg bya 'dzin par 'gyur zhing/ sngon gyi gnas shes par 'gyur ro/ /gang gi tshe lha'i lce phebs par gyur na
 de'i tshe lha'i ro myong bar 'gyur zhing/ des nam mkha' i rdzu 'phrul du 'gyur ro/ /gang gi tshe lha'i sna phebs par gyur na de'i tshe lha'i dri 'dzin par 'gyur te/ des sangs rgyas thams cad kyis byin gyis brlabs par 'gyur ro/ /zhes pa ni nges pa'o/ /da
 ni dbab pa zhes pa la sogs pas lha dbab pa bskyed pa'i mtshan nyid gsungs te/ 'dir lha dbab pa gang yin pa de ni nges par zhes pa mdza' gcig tu 'gyur te/ sngags pa slob dpon rnams kyis bsgom pa'i stobs dang/ sngon du bsnyen
 pa'i dbye ba dang ni zhes pa cho ga sna tshogs pa dang/ rnam mang dam tshig byang chub kyi sems kyi thig le la sogs pa bsrung ba dang/ de bzhin du sngags kyi bzlas pa la sogs pa dag gis kyang phebs par 'gyur gyi/ rnam pa gzhan du mi 'gyur
 ro/ /'ga' zhig gang gi tshe bla ma brgyud pa'i rim pas rnam par dag pa'i slob ma la ste/ sangs rgyas ro myong byed pas bdud rtsi'i dbang la dkyil 'khor 'gar ni mchog gi bu la 'gyur ro/ /mi'i bdag po zhes pa ni bod pa'o/ /rang byin brlabs
 pas dman pa rnam mang srid pa dag gis bsngags pa rnams la dngos grub yod pa min/ /ji srid 'og min gyi srid pa'i mthar thug pa'i bar du de bzhin gshegs pas 'jig rten pa zhes gsungs pa'o/ /'dir mchog rnams kyi dbab pa'o/ /gzhan
 du 'byung po dang srin po'i 'khor lo la sogs pa rnams kyi dbab pa ni mdza' yas pa ste/ de rnams kyi mtshan nyid dang bla ma'i bka' i mtshan nyid kyang le'u lnga pa'i ye shes grub pa las brjod par bya ste/ des na 'dir dkyil 'khor du 'jug pa la
 de dag ma gsungs so zhes pa ni bcom ldan 'das kyi nges pa'o/ /da ni phebs btang zhes pa la sogs pas phebs pa nye bar zhi ba la sogs pa gsungs te/ 'dir gang gi tshe slob ma khro bo'i lha la sogs byin gyis brlabs pa de'i tshe slob dpon gyis gang
 cung zad mngon par 'dod pa'i bya ba dri bar bya'o/ /de nas oM A(rgyud 'grel phebs pa btang pa'i phyi nas mgo bor rgyal bas bsrung ba zhes gsungs pa'i phyir mgo bor oM yig gis so/ /snying gar hUM yig gis so/ /spyi gtsug te gtsug tor tu haM yig gis so/ /zhes pa ni thabs kyi ste rang gi rdo rje gsum gyi shes pa sku dang gsung
 dang thugs kyis so/ /de bzhin du lte bar ho yig gis so/ /mgrin par A(rgyud 'grel gsung dang thugs rdo rje'i yul la hUM yig ring po ni gsung rdo rje'o/ /thung ngu ni thugs rdo rje'o/ /gzhan du gang na yod pa'o/ /de nas bsrung ba byas nas lus la ser po'i gos dag ni byin te/ mig ni bsgribs par gyur pa'i slob ma dkyil 'khor 'dir ni
 gzhug par bsgrub par bya'o/ /dang por kun rdzob don du brtul zhugs byang chub kyi mthar thug pa'i bar du ste/ kun rdzob ni bsod nams la sogs pa'i tshogs so/ /de yi don ni de don no/ /rab mchog bgrod pa dag gi bgrod pa dag ces pa la/
 rab mchog ni bskal pa bzang po la rnam par gzigs la sogs pa shAkya thub pa'i mthar thug pa'i de bzhin gshegs pa bdun po rnams so/ /de dag gi dgod pa ni bsod nams dang tshul khrims dang ye shes kyi tshogs kyi bdag nyid do/ /
 de dag la bgrod pa ni rab mchog bgrod pa dag la bgrod pa ste/ de dag nyid slob dpon gyis slob ma la sbyin pa sbyin par bya'o zhes pa ni de bzhin gshegs pa'i nges pa'o/ /de la brtul zhugs rnams ni byang chub kyi mthar thug
 pa'i bar du bcom ldan 'das kyis gsungs pa/ 'tshe dang mi bden gzhan gyi bud med spang bya gzhan gyi nor dang chang gi btung ba de bzhin nyid ces pa ste brtul zhugs lnga'i nges pa'o zhes pa'i don to/ /gang la ci'i phyir zhe na/ 'khor bar rdo rje'i
 zhags pa dag ste rang gi dge ba 'joms byed sdig pa'i las lnga po 'di dag go /de'i phyir mi bya'o zhes pa ste nges pa'o/ /sna tshogs gtso bo su zhig gi zhe na/ gang zhig gang gi dus su 'byung ba'i de bzhin gshegs pa lha dang mi yi bla ma de yis
 mtshan gyis rab sbyin bya/ sna tshogs gtso bo'i bka' 'di srid pa'i 'jigs pa 'joms pa dag ste khyod kyis kyang ni bskyang bar bya zhes pa ni rigs kyi bu dang rigs kyi bu mo rnams kyis bsod nams kyi tshogs kyi slad du bskyangs pa ji lta ba bzhin
 du'o/ /zhes pa ste de bzhin gshegs pa'i nges pas bslab pa'i gnas lnga dang ldan pa'o/ /de nas gal te 'dod na de'i tshe gzhan rnams sbyin par bya'o/ /de la cho lo dang/ kha na ma tho ba dang bcas pa'i zas sngar brjod pa dang/ tshig dan klog pa
 dang/ 'byung po'i chos pha mas kyi bya ba dang/ mchod sbyin gyi bya ba rig byed las brjod pa dang/ lha min gyi chos ni kla klo'i chos te mi bya'o zhes pa nye ba'i sdig pa lnga dang/ de bzhin du snga ma dang phyi ma bcu po rnams kyi dang po gsod pa lnga dus thams
 cad du mi bya ba ste ba lang gsod pa dang/ byis pa gsod pa dang/ bung med gsod pa dang/ skyes pa gsod pa dang/ lha mi'i bla ma zhes pa ni sku gzugs dang mchod rten la sogs pa ste rnam par bshig pa ni gsod pa gzhan no/ /de bzhin du
 grogs po la 'khu ba dang rje bo la 'khu ba dang sangs rgyas la 'khu ba dang/ dge 'dun la 'khu ba dang/ yid brtan la 'khu ba zhes pa lnga mi bya'o/ /de bzhin du dbang po rnams ni chags pa dag dang zhes pa ni gzugs la chags pa dang/ sgra la chags
 pa dang/ dri la chags pa dang/ ro la chags pa dang/ reg la chags pa'o/ /srid pa'i bdag po rdo rje sems dpa' dag gis nges pa'i brtul zhugs nyi shu rtsa lnga ste/ slob ma rnams kyis bskyang bar bya zhing/ /rdo rje slob dpon gyis dbang gi
 dus su slob ma la sbyin par bya'o/ /brtul zhugs sbyin pa'i nges pa'o/ /da ni dpal ldan sngags shes pa la sogs pas dkyil 'khor du 'jug pa gsungs te/ 'dir dang por brtul zhugs byin pa'i de ma thag tu las thams cad pa la gos ser po
 'am gos dmar pos gdong bcing bar bya zhing/ zhi ba la sogs pa la gos srab mo lha'i kha dog gi kha dog gis te/ sngags 'di yis so/ /oM dwA da shi gi ni ro d+hA kA ri Ne hUM phaT/ de nas mig la sogs pa bkab nas dge ba'i grogs kyis
 dang por dkyil 'khor la lan gsum bskor te/ de nas shar kyi sgor slob dpon gtso bo'i gzugs su gnas pas te/ gal te dkyil 'khor la lha g.yon brkyang la sogs pa'i stabs kyis bzhengs pa yin na de'i tshe slob dpon bzhengs
 pas slob ma la dbang bskur sbyin par bya'o/ /ci ste bzhugs pa yin na de'i tshe bzhugs pas sbyin par bya'o/ /de nas dge ba'i grogs kyis gtad pa'i slob ma'i mgo bo la dung gi chus bsang gtor byas te/ oM A(rgyud 'grel yi ge gsum gyis lan bdun mngon par bsngags pa'i me tog gcig de'i lag pa'i pad+ma sbyar bar kun tu sbyin par bya ste/ me tog gi snyim pa rnam par dag pas so/ /de nas lag pa'i pad+ma sbyar ba dag las dkyil 'khor gyi phyi rol tu rgyal
 pa'i bum pa'i steng du sngar brjod pa'i nges pas me tog dor ba dang dus gcig tu mig dar dgrol bar bya'o/ /yang na sngar me tog dor ba byas la phyi nas dgrol bar bya ste/ oM di byen dri yA N+yud g+hA Ta ya swAhA/ /zhes pa'i sngags 'di yis so/
 mig dbye ba byas nas gang gi gnas su me tog bzang po yi ge gsum gyis mngon par sngags pa lhung ba der gnas pa'i lha ni de'i rigs kyi lhar 'gyur te/ de yis las kyi phyag rgya'i dngos grub po/ /zhes pa ni nges pa'o/ /de nas de'i rigs kyi lha bstan te/
 phyi nas chu la sogs pa dbang bdun po dag dang/ rnam gsum 'dir ni ji bzhin te bum pa la sogs pa de bzhin du las kyi phyag rgya mchod nas so/ /bla med 'chad par 'gyur ba yang dag rab sbyin bya zhes pa slob dpon gyi ste de bzhin gshegs pa'i nges
 pa'o/ /da ni klu zhes pa la sogs pas dbang bdun gyi cho ga gsungs te/ 'dir klu zhes pa brgyad dang bzhi'i rgyal dang rnam rgyal bum pa dag gis shes pa ni bum pa brgyad kyi phyogs la rgyal ba'i bum pa lnga dang/ rnam par rgyal ba'i bum pa lnga yis
 so/ /bum pa bzhi'i phyogs la rgyal ba'i bum pa gsum drang rnam par rgyal ba'i bum pa gsum gyis te/ nor bu gser gyi rang bzhin nam/ de med na sa'i rang bzhin te/ rin chen dang bcas pa sman dang dri dang ldan pa zhes pa'o/ /de la sman ni sngar gsungs
 pa'i dri'i le tshe sbyar ba las mig ces pa la sogs pa'i cha shas kyis gzung bar bya ste/ slob dpon gyis rtsa ba'i rgyud las gsungs pa'i cho gas nyi shu rtsa lnga po rnams kyi nang nas ji ltar snyed pa lnga gzung bar bya'o/ /de la bcom ldan 'das kyis bka' stsal
 pa/ dri yi le tshe sbyar ba la/ /rgyal po tshangs ma la sogs sman mig zla me sogs cha shas dang/ /lnga lnga yis ni rim pas dgod/ /tshangs ma sred med drag mo dang/ /dbang phyug mchog gi dbang phyug ma/ /dbang mo dpal mo phag mo dang/ /gzhon nu tsar
 tsi kA de bzhin/ /sa mo chu mo me mo dang/ /rlung mo mkha' sbyong ma de bzhin/ /ma dang sring mo bu mo dang/ /tsha mo rang skyes ma de bzhin/ /bram ze rgyal rigs rje rigs mo/ /dmangs mo gdol ma de bzhin bshad/ /ces pa'i sman ni dngos grub che/ /zos pas rtag tu
 rdzu 'phrul steng zhes pa'o/ /da ni 'dis rnams kyi rab tu gsal ba'i ming brjod par bya ste/ 'dir tshangs ma zhes pa ni tshangs pa'i dbyug pa ste cha gnyis so/ /sred med ma ni khyab 'jug gnon ma ste cha gcig go /drag mo zhes pa drag po'i ral pa ste cha gsum
 mo/ /dbang phyug ma ni rab tu grags pa ste cha bzhi'o/ /mchog gi dbang phyug ma ni de brdA li ste cha lnga'o zhes pa dang po'i dgod pa'o/ /de nas gnyis pa brjod par bya ste/ /dbang mo zhes pa ni dbang po chu lha mo ste cha gsum mo/ /dpal mo ni mtshan nyid de cha
 bzhi'o/ /phag mo zhes pa ni phag sna ste cha lnga'o/ /gzhon nu ma zhes pa ni kar Ni ka ste cha gnyis so/ /tsar tsi kA zhes pa ni thur bltas me tog can cha gcig go /zhes pa ni gnyis pa lnga dgod pa'o/ /de nas gsum pa brjod par bya ste/ /sa mo zhes pa ni gtun
 shing ste cha lnga'o/ /chu ma zhes pa ni ngu byed ma ste cha gnyis so/ /me mo zhes pa ni me ldan ste cha gcig go /rlung mo ni ngo can ma ste cha gsum mo/ /mkha' spyod ma ni arka ste cha bzhi'o/ /zhes pa ni gsum pa lnga'o/ /de nas bzhi pa dgod pa brjod par bya ste/ /ma
 zhes pa ni bu traM dzA ri ste cha gcig go /sring mo zhes pa ni lha dang bcas pa ste cha gsum mo/ /bu mo ni snyim pa byas pa ste cha bzhi'o/ /tsha mo ni a dza kar+N+NA ste cha lnga'o/ /rang skyes ma ni rmongs ma 'dab chen ma ste cha gnyis so zhes pa ni bzhi pa lnga'o/ /de nas lnga
 pa dgod pa brjod par bya ste/ /bram ze mo zhes pa ni bri ha ste cha bzhi'o/ /rgyal rigs mo zhes pa ni b+h+ri ga rA dzA ste cha lnga'o/ /rje rigs mo ni shing mngar te cha gnyis so/ /dmangs rigs dmangs mo kaN+Da kA ri ste cha gcig go /gdol pa mo ni rma bya'i gtsug
 bud de cha gsum mo zhes pa lnga pa dgod pa'o/ /de bzhin du grangs ji lta bas so ba la sogs pa 'bru'i tshogs rnams te/ so ba dang/ so ba chen po dang/ mon sran dang/ tsan ka dkar po dang/ til nag po ni dang po lnga'o/ /gnyis pa ni/ go dra bA dang/ mud gA
 dang/ sran ma dang/ til dkar po dang/ gro'o/ gsum pa ni/ aau Sh+Tha dang/ tripu TA dang/ yungs nag dang/ nas dang/ mon sran no/ /bzhi pa ni/ sran chung dang/ yungs kar dang/ kaM dgu dang/ tu ba ri kA dang/ bar pa Ti kA'o/ /lnga pa ni/ a ta shI dang/ /bar TI dang/
 bar NA dang/ ku lan tha dang/ tsa na ka nag po ste/ le tshe sbyar ba'i chas 'bru lnga ji ltar rnyed pa gzung bar bya'o/ /'dir cha rnams ni ri lu'i grangs so/ /de nas rin po che rnams ni/ bram ze dang rgyal po dang rje rigs dang dmangs rigs las skyes pa'i rdo rje rnams dang/ de bzhin
 du in+d+ra nI la dang/ pad+ma rA ga dang/ zla ba chu shel dang/ kar ke ta ka dang/ mar ka ta ni gtso bo'o/ /de bzhin du lcags rnams ni/ gser dang/ dngul dang/ zangs dang/ lcags rnon po dang/ khab len no/ /de bzhin du rin po che 'bring po ni/ /mu tig dang/ byu ru dang/
 mu men dang/ shU lam Ni dang/ thig le drug pa'o/ /de bzhin du tham rnams ni/ shel dang/ dzI ba dzA ti dang/ Dau ha ri dang/ mching bu dang/ nor bu ljang gu rnams so/ /'di dag ji ltar 'byor ba gzung bar bya'o/ /ci ste bka' i 'khor los bsgyur ba'i rin po che chen po'i
 dbang bskur ba la ni lha dang klu rnams kyi rin po che kha dog lngar 'gyur ro/ /de med na kha ldan ni dri bzang po'i me tog rnams so/ zhes pa nges pa ste dngul po rnams kyi'o/ /de bzhin du sa'i rang bzhin rin chen bcas shes so/ /'dir rin po che ljang gu ni rnam par rgyal
 ba dung la'o/ /rin po che sngon po ni shar dang/ nub kyi rgyal ba dang rnam par rgyal ba'i bum pa la'o/ /nag po ni shar dang me'i bum pa la'o/ /dmar po ni lho dang bden bral gyi bum pa la'o/ /dkar po ni byang dang dbang ldan gyi bum pa la'o/ /ser po ni nub dang rlung gi bum
 pa'o/ /de bzhin du khab len dang/ lcags rnon po dang/ zangs dang/ dngul dang/ gser ro/ /de bzhin du sman rnams te/ /cha gcig pa ni rgyal ba dang rnam par rgyal ba'i bum pa la'o// //gnyis pa ni shar dang mer ro/ /cha gsum pa ni gshin rje dang lha min du'o/ /cha bzhi
 po ni byang dang 'phrog byed du'o/ /cha lnga pa ni nub dang rlung du'o/ /de bzhin du ri lu'i dbye bas 'bru rnams dang/ de bzhin du sngar gsungs pa'i le tshe sbyar ba'i sman lnga ste/ de ltar lcags dang/ rin po che dang/ nags kyi sman dang/ 'bru dang/ dri'i rdzas rnams bum pa rnams
 su blugs nas slar yang nyi shu rtsa lnga po de dag thum por bcings te rnam par rgyal ba'i dung chu yis gang bar gzhug par bya'o/ /de yis skye ba'i gnas lngar dbang bskur bar bya ste/ gtsug tor dang/ phrag pa dang/ dpung pa'i tshigs g.yas pa dang g.yon pa dang/ de bzhin du
 dpyi dang brla'i mtshams dag la'o/ /de nas rigs kyi lha rnam par sbyar ba'i don du me tog gtor ba'i sngags ni/ oM sarba ta thA ga ta ku la bi sho d+ha ni swA hA/ sngags 'di yis slob dpon gyis slob ma me tog 'thor du gzhug par bya'o/ /sngags 'di yis mig dbye bar bya
 ste/ oM di bya na ya na mud g+ha Ta yA mi swAhA/ de nas rigs kyi lha dang dkyil 'khor gyi gtso bo dang por byas pa'i dkyil 'khor mdza' dag bstan par bya'o/ /de nas shar gyi sgor rigs dag par byas nas slob dpon gyi slob ma lag pa g.yon pa nas bskyod de las kyi
 rdo rje can dang lhan cig bskor ba byas nas byang gi sgor khrid de der lus rnam par dag pa'i don du sgrol ma la sogs pa lha mo rnams kyi sngags kyis bum pa thams cad nas chu blangs te rnam par rgyal ba'i dung du blugs nas slar yang skye ba'i gnas lngar sngags 'di yis
 chu'i dbang gis dbang bskur bar bya'o/ /oM A a'i rI a'u lI pany+tsa d+hA tu bi sho d+hA ni swA hA/ de nas cod pan gyi dbang la skye ba'i gnas lngar sngags 'di yis dbang bskur bar bya'o/ /oM a i ri u li pany+tsa ta thA ga ta pa ri shud d+ha swA hA/ de nas rin po che dang
 gser gyi cod pan nam/ gas kyi cod pan bcing bar bya'o/ /de ltar dbang gnyis kyis khams dang phung po yongs su dag pas sku rnam par dag par 'gyur ro/ /sku'i zhal gyi sa la sku dag par byas te de nas g.yas skor gyis slar yang lho'i
 sgor sleb ma khrid nas gsung rnam par dag pa'i don du dar dpyangs kyi dbang la skye ba'i gnas lngar sngags 'dis dbang bskur bar bya'o/ /oM a A/ aM a(rgyud 'grel dang gser gyi dar dpyangs sam ma rnyed na me tog gi phreng ba dpral bar bcing bar bya'o/ /de nas rdo rje dril bu'i dbang la skye ba'i gnas lngar sngags 'dis dbang bskur bar bya'o/ /oM hUM ho sUrya tsan+d+ra bi sho d+ha ka swA hA/ de nas rdo rje dang rdo rje dril bu spyi bor
 bzhag nas dung gi chus dbang bskur bar bya'o/ /de nas dbang bskur gnyis kyis gsung gi rdo rje sbyangs te rdo rje'i mthe bo byin nas/ g.yas skor gyis slar yang bskor ba byas te/ shar gyi sgor thugs rdo rje sbyang ba'i don du rdo rje brtul zhugs kyi dbang
 la skye ba'i gnas lngar sngags 'di yis dbang bskur bar bya'o/ /oM a A e i ar Ar o aau al Al bi Sha yen dri ya bi sho d+ha ni swA hA/ de nas rna ba la sogs pa la me tog bkod nas/ slar yang ming gi dbang la skye ba'i gnas
 lngar sngags 'dis dbang bskur bar bya'o/ /oM ha hA ya yA ra rA wa wA la lA tsa tur drahma bi hA ra bi shud+d+ha swA hA/ de nas gdu bu dang rkang gdub la sogs pa med na lag pa dang rkang pa la me tog gi phreng ba bcing ste/ de nas dbang bskur byas nas khyod
 ni che ge mo rdo rje zhes byas nas lung bstan par bya'o/ /de nas dbang bskur gnyis kyis thugs rdo rje sbyangs nas ye shes rnam par dag pa'i don du slar yang g.yas skor gyis slob ma nub kyi sgor khrid de/ skye ba'i gnas lngar rjes su gnas pa'i dbang la
 sngags 'dis dbang bskur bar bya'o/ /oM haM k+Sha:d+harma tsakra pra bar ta ka swAhA/ dbang bskur byin nas sku dang gsung dang thugs dang ye shes kyi rdo rje rnams dbang bdun gyis rnam par sbyangs te/ de nas slob ma la lag par rdo rje dang rdo rje dril bu byin nas che ge mo
 rdo rje/ /de dag gi slob dpon te/ rdo rje dril bu rab tu byin nas rab mchog snying rje dag gis dag pa'i chos ni bstan par bya/ 'di lta ste/ nges par rdo rje'i rigs dag la ni srog gcod bya ste zhes pa la sogs pa nas/ dkyil 'khor du ni yang dag rab sbyin bya zhes pa'i
 mthar thug pa phyed dang bcas pa'i tshigs su bcad pa gnyis po 'di yis so/ /dkyil 'khor la dbang bdun gyi cho ga bya ste/ de nas slob ma la sangs rgyas kyis byin gyis brlabs par bsam par bya'o/ /rdo rje slob dpon gyis rgan pa dang gzhon pa'i don
 du lo la sogs pa rab tu bsgrag par bya ste/ 'dir lo che ge mo dang/ rigs ldan gyi rgyal po che ge mo chos ston pa dang/ zla ba che ge mo dang/ nya che ge mo dang/ gza' che ge mo dang/ tshes che ge mo dang/ skar ma che ge mo dang/ sbyor ba che ge mo dang/ byed pa che
 ge mo la rdo rje slob dpon che ge mo bdag gis slob ma che ge mo mchog gi dang po'i sangs rgyas sam/ dkyil 'khor gzhan du dbang bdun gyis dbang bskur te/ 'og min gyi srid pa'i mthar thug pa 'jig rten pa'i dngos grub bsgrub pa dang/ sems can thams
 cad kyi 'dren pa nyid kyis bsod nams dang ye shes kyi 'bras bu thob pa'i slad du bdag gis lung bstan cing rjes su gnang ngo zhes pa ste/ dbang bdun gyi nges pa'o/ /'dir rgyud gzhan dang gzhan las byis pa'i skye bo gzhug pa'i slad du de bzhin gshegs pa
 lnga dag pas dbang lnga ste/ rnam par snang mdzad kyis chu'i dbang dang rin chen 'byung ldan gyis cod pan no zhes gang gsungs pa de la snga ma dang phyi ma 'gal te/ rgyud thams cad las dkyil 'khor du me tog dor bas slob ma'i rigs kyi lha gang yin pa de yis cod
 pan dang de'i rigs kyi phyag rgya yis de yi dngos grub bo zhes pa ni bcom ldan 'das kyi nges pa'o/ /des na mtshan yang dag par brjod pa las sangs rgyas lnga bdag cod pan can zhes gsungs pa'i phyir gang du me tog lhung ba'i de bzhin gshegs
 pa de cod pan du 'gyur gyi/ thams cad du rin chen 'byung ldan ni ma yin no/ /de bzhin du bsdus pa'i rgyud las chu la sogs pa'i dag pa med de cho ga gzhan stobs dang ldan pa'i phyir ro/ /da ni nges par rdo rje zhes pa la sogs pas rnam par dag pa'i chos
 bstan pa gsungs te/ 'dir srog gcod pa la sogs pa'i dam tshig ni rnam pa gnyis te/ drang ba'i don dang nges pa'i don gyis phyi rol dang nang gi bdag nyid do/ /de la phyi rol du bcom ldan 'das kyis srog gcod pa byas pa gang yin pa de ni
 mtshams med pa lnga byed pa rnams dang/ sangs rgyas kyi bstan pa la gnod pa byed pa rnams dang/ dam tshig 'dral ba rnams so zhes pa nges pa ste/ mtshams med pa lnga po de nyid sngon dang phyi mar shes nas so/ /'di dang 'ga' zhig sngar mtshams
 med pa lnga byed pa po phyis bsod nams byed pa por 'gyur te gtum po mya ngan med pa dang chos rgyal mya ngan med pa de bzhin no/ /de'i phyir de la gnod pa byas na dmyal bar 'gyur te/ sngags pas dge ba dang mi dge ba'i las yongs su mi shes pa'i phyir ro/ /des na ji
 srid du mngon par shes pa lnga dang ldan par ma gyur ba de srid du sngags pas zhi ba dang rgyas pa dang dbang dang dgug pa ma gtogs pa drag po'i las mi bya'o/ /de bzhin du brdzun du smra ba dang/ ma byin par len pa dang/ gzhan gyi bud med
 'phrog pa dang/ dam tshig bsnyen pa dang/ rigs dang rigs ma yin pa la mngon par 'gro ba dang/ rang gi lus kyi mthar thug pa sbyin pa yang gzhan la phan pa'i phyir te rang gi don du ni ma yin no zhes pa nges pa'o/ /da ni gang gi tshe 'chi ba'i mdza' i
 bar du mtshams med pa lnga byed pa de'i tshe khro bo'i rigs las sngar bsgrubs pa'i sngags dang mi bskyod pa'i ting nge 'dzin 'di yis byas bsad par bya ste/ bcom ldan 'das kyis so zhes pa ni drang ba'i don to/ /de bzhin du lam ma yin par lhung ba rnams mngon par
 gdon pa'i slar du brdzun gyi tshig smra bar bya ste/ rang gi don du ni ma yin no/ /de bzhin du ma byin par len pa ni yi dags kyi 'gro bar 'gro bzlog pa'i don du ste rang gi don du ma yin no/ /de bzhin du gzhan gyi bud med 'phrog pa ni dud 'gro'i skye gnas su 'gro
 ba bzlog pa'i don du ste rang gi don du ni ma yin no/ /rigs su 'dzin pa rnam par gzhig pa'i don du bdud rtsi lnga la sogs pa'i dam tshig rnams bston par bya'o/ /de bzhin du las kyi phyag rgya'i dngos grub kyi don du gdol pa mo la sogs pa'i
 bud med rnams la smad par mi bya'o/ bsod nams kyi slad du sbyin pa chen po sbyin par bya'o/ /de ltar ral gri'i rigs dang/ rin po che'i rigs dang/ pad+ma'i rigs dang/ gri gug gi rigs la sngags rnams bsgrubs nas nus pa dang ldan par gyur pa na
 rnal 'byor pas thams cad bya ste/ ji ltar 'jig rten pa'i gzhan gang du mi 'gyur ba'i zhes pa ni drang ba'i don to/ /da ni nges pa'i don brjod par bya ste 'dir rang gi lus la srog bkag pa ni srog gcod pa ste rdo rje'i rigs dag la ni zhes pa ni gtsug tor
 du dgag par bya'o/ /srog gcod pa des rnal 'byor pa'i khu ba stang du 'gyur ro/ /zhes pa'o/ /ral gri la yang bden pa min pa'i tshig 'dir bden pa min pa zhes bya ba ni rab tu mi gnas pa'i tshig ste/ /drang ba'i don dang nges pa'i don gyis sems can
 thams cad kyi skad kyi tshig tu cig car sems can rnams la chos ston pa bo'o/ /de nyid snying gar gzhom du med pa'i sgra'o zhes pa ni nges pa'o/ /rin chen la ni gzhan nor dbrog bya zhes pa la/ 'dir gzhan ni rdo rje sems dpa' o/ /de'i nor ni rin po che ste/
 yid bzhin gyi nor bu'o/ /de 'phrog pa ni rin chen rigs la ste mgrin par sa brgyad pa'i gnas su'o zhes pa nges pa'o/ mchog gi pad+ma'i rigs nyid la yang gzhan gyi bud med dbrog ces pa la gzhan gyi bud med ni phyag rgya chen
 po ste/ de 'phrog pa ni gzhan gyi bud med 'phrog pa'o/ /dbrog pa de ni mchog gi pad+ma'i rigs la ste dpral bar sa bcu pa'i gnas su steng du khu ba'o zhes pa'o/ /chang dang sgron ma sangs rgyas rnams dang bzang po'i yul rnams mdza' dag
 'khor ba la ni brten par bya zhes pa la 'dir chang ni lhan cig skyes pa'i dga' ba'o/ /sgron ma ni go ku la sogs pa ste nang du ni dbang po lnga'o/ /sangs rgyas rnams ni bdud rtsi lnga'o/ /'khor lo la ni lte ba'i pad+mar bsten par bya ba ni bzang bar
 bya ba'o/ /phyi rol tu bshad pa dang lci ba dang khu ba mi 'dzag par bya'o zhes pa ni nges pa'i don to/ /gdol pa mo la sogs pa'i bud med rnams ni gri gug la ste gsang ba'i pad+mar smad par mi bya'o/ /mkha' i pad+ma ste skye gnas su bsrubs
 pa las tshangs par spyod pas so/ /phyi rol tu khu ba mi 'pho bas nges pa'o/ /sems can don gyi slad du sbyin par bya ste nor dang bcas pa bu dang chung ma la sogs pa dang lhan cig tu rang gi lus bsod nams kyi tshogs kyi don du rab tu sbyin
 par bya'o/ /de bzhin du tshul khrims kyi don du bud med rnams mkha' i pad+mar smad par mi bya'o/ /de'i phyir bsod nams dang tshul khrims kyi tshogs dag las ye shes kyi tshogs so/ /de ltar tshogs gsum gyis kye rigs kyi 'u khyod yang
 dag par rdzogs pa'i sangs rgyas nyid du 'gyur ro/ /gzhan du mdza' yas bskal pas min par gang rgyal bas gsungs pa'o/ /zhes pa ste/ rgyud thams cad las rnam par dag pa'i chos bstan pa'i nges pa'o/ /da ni chu ni sgrol ma la sogs
 lha mo zhes pa la sogs pas dbang gi rnam par dag pa gsungs te/ 'dir chu'i dbang gang yin pa de ni rlung la sogs pa'o khams lnga rnam par dag cing sgrib pa med pa nyid de/ /de bzhin du cod pan gyi dbang ni rnam par shes pa la sogs pa'i
 phung po lnga rnam par dag pa'o/ /dpa' bo'i dar dpyangs kyi dbang ni pha rol tu phyin pa rnams yongs su rdzogs pa'i don du sbyin pa la sogs pa'i nus ma bcu'o/ /rdo rje dang dril bu'i dbang mil la nA dang ra sa nA rnam dang dag pa ste zla ba dang nyi ma
 sgrib pa med pa nyid do/ /brtul zhugs kyi dbang ni gzugs la sogs pa'i yul dang/ mig la sogs pa'i dbang po rnam par dag pa ste/ lha'i mig la sogs pa la 'jug pa'o/ /ming gi dbang ni byams pa la sogs pa'i sbyor ba tshangs
 pa'i gnas bzhis gnas pa la dus thams cad du 'dod chags dang zhe sdang la sogs pa rnam par dag pa ste/ sgrib pa med pa nyid do/ /rjes gnang gi dbang ni rdzogs pa'i byang chub dpal mo chos kyi 'khor lo bskor zhing chos ston pa'o/ /de yang
 srid pa'i 'jigs 'joms te/ gzhan la phan pa bde ba'i phyir ro/ /dus kyi 'khor lo rjes su rig pa ni mi 'pho ba'i bde ba rjes su rig pa stong pa nyid ston pa'o zhes pa nges pa'o/ /de ltar sdig pa'i dri ma 'phrog pa'i dbang bskur bdun po 'di
 dag dkyil 'khor du ni yang dgar ba sbyin bya ste/ slob dpon gyis slob ma rnams la'o/ zhes pa ni rdo rje slob dpon rnams kyis dbang bskur bdun sbyin pa la de bzhin gshegs pa'i nges pa'o/ /da ni dbang zhes pa la sogs pas dbang bskur ba'i 'bras bu gsungs te/ 'dir
 dbang bdun dag gis dkyil 'khor chen por mngon par dbang bskur bar gyur pa na dge ba'i dbang gis sa bdun gyi ni dbang phyug nyid du 'gyur/ gal te dkyil 'khor gyi 'khor lo mngon sum du byed na de'i tshe lus 'di nyid kyis sa bdun
 gyi dbang phyug nyid du 'gyur ro/ /ci ste mi dge ba bcu dang bral te shi bar gyur na de'i tshe de nas dge ba'i dbang gis sa bdun gyi dbang phyug nyid du 'gyur ro/ /zhes pa nges pa ste bsod nams kyi tshogs kyis so/ /bum pa gsang
 bas mngon par dbang bskur slar yang phyir mi ldog pa sogs su nges par rab tu 'jug ces pa ni 'dir bum pa dang gsang ba dag gis mngon par dbang bskur ba ni tshul khrims kyis dbang gis phyir mi ldog pa mi g.yo bar 'gyur te/
 sogs pa'i sgras legs pa'i blo gros su 'gyur ro/ /mi g.yo ba ni skye gnas su bsrubs pa la byang chub kyi sems mi g.yo ba ste/ legs pa'i blo gros shes pa ni bde ba chen po'i sems so/ /'dir shes rab ye shes dag gis mngon par dbang
 bskur na/ tshul khrims kyi tshogs kyi stobs kyis srid pa'i 'jigs pa 'joms pa'i 'jam dbyangs nyid du 'gyur zhes pa ni chos kyi sprin du 'gyur ba ste/ chos kyi sprin ni bde ba chen po'i char gyis rang dang gzhan gyi don byed pa'o zhes pa ste nges
 pa'o/ /de ltar bsod nams dang tshul khrims kyi tshogs mngon du 'gro ba ni ye shes kyi tshogs so/ /de las sa bcu gnyis pa la rnal 'byor pa rnams sangs rgyas nyid do zhes pa ni de bzhin gshegs pa'i nges pa'o/ /ci ste g.yo sgyu'i
 dbang gis shes pa mi dge bcu la zhugs pa'i dbang gis 'chad par 'gyur ba'i rtsa ba'i ltung ba byung na/ de'i dbang la sogs pa 'di dag mdza' dag dmyal bar sdug bsngal du 'gyur te/ phyin ci log gi dbang gis so zhes pa ni nges pa'o//
 da ni rtsa ba'i ltung ba zhes pa la sogs pas rtsa ba'i ltung ba rnam par dag pa gsungs te/ 'dir gang gi tshe 'chad par 'gyur ba'i rtsa ba'i ltung ba byung bar gyur na/ de'i tshe dbang bdun la gnas pa dag gis sngags bzlas pa stong phrag sum cu rtsa
 drug gis dag par 'gyur te/ yon tan ldan pa zhes pa phyis mi phyed pa'i sdom pa la gnas pa'o/ /bum pa gsang ba'i dbang bskur ba la gnas pa la/ gang gi tshe rtsa ba'i ltung ba byung bar gyur na/ de'i tshe gal te na brtul zhugs nges pa'i dbang
 gis shes pa bsod nams dang tshul khrims kyi tshogs kyi dbang gis rnam par dag par 'gyur te/ de nyid la slob dpon gyis brtul zhugs kyi nges pas 'chad pa sbyin par bya'o/ /gong ma la ni dag pa med ces pa ni shes rab ye shes kyi dbang
 bskur ba la gang gi tshe rtsa ba'i ltung ba byung bar 'gyur na de'i tshe dag pa med do/ /don ci zhe na/ de la slob dpon gyis 'di'i chad pa sbyin par mi bya ste/ rang gi bsod nams dang tshul khrims kyi stobs kyis bdag nyid kyis sdig pa bshags pa
 la sogs pa byas nas/ sangs rgyas dang byang chub sems dpa' rnams kyi byin brlabs dang bcas pa'i gnas su gyur te bdag nyid dag pas 'thob bo zhes pa ni sangs rgyas rnams kyis zhes pa'o/ /rtsa ba'i ltung ba byung ba gang zhig dag pa'i slad
 du slar yang dkyil 'khor 'dir ni 'jug bya ste zhes pa ni/ 'dir gang gi tshe dbang bdun la gnas pa 'am/ bum pa dang gsang ba'i dbang la gnas pa la rtsa ba'i ltung ba byung bar gyur na de dag pa'i slad du dkyil 'khor 'di bris nas slar mi
 byed pa'i don du slar yang dkyil 'khor du 'jug pa la sogs pa bya'o/ /de nas rjes su gnang ba thob nas slar yang tshogs kyi 'dus par zhes pa rigs kyi dbus su sngar thu po'i ming gang yin pa de ni chung ba nyid du 'gyur te gzhom pa nyid du
 gyur ro/ /zhes pa slar yang mi byed pa'i sdom pa'i slad du de bzhin gshegs pa'i nges pa ste/ slob ma rnams kyis gdon mi za bar bya'o/ /da ni dpal ldan zhes pa la sogs pas rtsa ba'i ltung ba rnams gsungs te/ 'dir rgyud thams cad
 las rtsa ba'i ltung ba bcu bzhi'o/ /de rnams las ji ltar so sor 'gyur ba de bzhin du gsungs pa/ bu rnams de dbang bskur ba'i slob ma rnams kyis rtsa ba'i ltung ba ri bong 'dzin pa zhes pa dang por 'gyur te/ dpal ldan bla ma'i
 thugs dkrugs pa las shes pa la/ 'dir bla ma rnam pa gnyis te/ bla ma dam pa dang bla ma dam pa ma yin pa'o/ /de dag gi thugs dkrugs pa yang rnam pa gnyis te/ gzhan gyi don dang rang gi don las so/ /de la gzhan gyi don las
 gang gi thugs 'khrugs pa de ni dpal ldan bla ma'o/ /rang gi don las gang gi thugs 'khrugs pa de ni bla ma dam pa ma yin pa'o/ /'dir slob ma mi dge ba bcu la zhugs pas dpal ldan bla ma'i thugs dkrugs par 'gyur te/ thugs
 dkrugs pa de las rtse ba'i ltung bar 'gyur ro/ /rang gi don la zhugs pa'i bla ma ni mi dge ba bcu la zhugs pa las ma yin no zhes pa ste nges pa'o/ /de'i bka' las 'gongs pas gzhan rtsa ba'i ltung ba gnyis par 'gyur te/ bla ma'i
 ? du gyur par mi dge ba bcu byed pa'i phyir ro/ /de bzhin du spun la khros pas gsum par 'gyur te/ gang gi tshe rdo rje spun rgan po 'am gzhon nu bslab pa dang ldan pa la rab tu khro bar byed na'o/ /byams pa btang bas bzhi par 'gyur te/ zhes
 pa la 'dir byams pa btang ba ni rnam pa bzhi ste/ chung ngu dang 'bring po dang/ chen po dang chen po'i chen po'i dbye bas so/ /de la chung ngu ni skad cig tsam byams pa btang zhing de nas ldog par 'gyur ba ste/ chu la dbyug pa'i ri mo lta bu'o/ /'bring
 po ni bye ma'i ri mo slar yang rlung gis mnyam pa nyid du 'gyur ba lta bu'o/ /chen po'i bdag nyid ni sa gas pa slar yang dbyar gyi chu yis mnyam pa nyid du 'gyur ba lta bu ste/ de de bzhin du byams pa med pa'i sems so/ /chen po'i chen
 po'i bdag nyid ni yongs su smin pa ste/ dper na rdo rje tha dad pa slar yang 'ga' zhig tu yongs su rdzogs par ro/ /mnyam par mi 'gyur ba 'am/ dper na 'bras bu smin pa shing la mi gnas pa de bzhin du sems can rnams la byams pa yongs su gtong
 ba ste/ des rtsa ba'i ltung ba bzhi par 'gyur ro zhes pa ni nges pa'o/ /mda' zhes pa lnga par 'gyur te byang chub sems ni rab tu nyams pa las zhes pa la/ 'dir byang chub kyi sems ni khu ba ste nyams pa las 'pho ba med pa'i bde bar mi 'gyur ro/ /
 de'i phyir de kho na nyid med pa dbang po gnyis kyi bde bas sangs rgyas nyid 'dod pa rnams la rtsa ba'i ltung ba lnga par 'gyur ro/ /drug pa grub pa'i mdza' la smod pa ste/ grub pa'i mdza' ni shes rab kyi pha rol tu phyin pa dang/ sngags kyi tshul la de kho
 na nyid kyi le'u'o/ /de la smod pa gang yin pa de ni drug pa'o/ /ri bo zhes pa bdun par 'gyur te/ ma smin pa'i mi nyan thos kyi lam la gnas pa la gsang ba byin las shes pa bde ba chen po byin pa las slob dpon rnams la ltung ba'o/ /phung
 po nyon mongs pa las klu zhes pa ni brgyad pa ste/ phung po nyon mongs pa la sogs pa ni bsnyung bar gnas pa la bkod pa la sogs pa dang lus gcod pa la sogs par brjod de/ de las brgyad par 'gyur ro/ /slar yang dgu pa dag pa'i chos te/
 stong pa nyid kyi chos la ma dad par gyur pa gang yin pa'o/ /sgyu yi byams pa ni kha nas tshigs gzhan 'dod cing snying la gzhan sems pa ste/ sgyu'i byams pa gang yin pa de ni phyogs shes pa bcu pa'o/ /ming sogs bral ba bde ba ster la
 zhes pa de bzhin gshegs pa'i de kho na nyid la rtog pa gang yin pa de ni drag po zhes pa ste bcu gcig pa'o/ /dag pa'i sems can dag la ste/ rnal 'byor pa la skyon brjod pa las nyi ma zhes pa bcu gnyis par 'gyur ro/ /tshogs kyi 'khor
 lor dam tshig thob par gyur pa gtong pa las gzhan te bcu gsum par 'gyur ro/ /bud med thams cad la smod pa gang yin pa de ni nges par te/ gdon mi za bar ma nu zhes pa bcu bzhi par 'gyur ro zhes pa nges pa'o/ /gang dag rdo rje'i
 theg par gnas pa rnams la ste/ dbang bskur ba rnams la'o zhes pa rdo rje 'dzin pa'i nges pa'o/ /ltung ba sbom po rnams ni du ma ste/ de rnams la chad pa shin tu chung bar 'gyur ro zhes pa ni nges pa'o/ /bsdus pa'i rgyud kyi rgyal po dus kyi
 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las dkyil 'khor du dbang bskur ba'i mdor bsdus chen po ste bzhi pa'o// //rab gnas byas nas lhar bcas lha min
 dbang po dang/ klu dang mi dbang tshogs kyis gang la phyag byas pa/ /dus kyi 'khor lo de la spyi bos rab btud nas/ /sku gzugs la sogs rnams kyi rab gnas brjod par bya/ /'dir dpal mchog gi dang po'i sangs rgyas las rab tu
 gnas pa'i cho ga 'jam dpal gyis tshigs su bcad pa bzhi lhag pa'i brgya pa la sogs pas phyung ba ni 'grel bshad kyis dgrol bar bya ste/ klu dang zhes pa la sogs pa ni/ 'dir dang po 'chad par 'gyur ba'i bum pa la sogs pa'i
 dbang bskur ba rnams kyis mngon par dbang bskur te/ de nas rgyud thams cad shes shing dam bca' ba la gnas pa'i slob ma ni/ rdo rje slob dpon bdag po'i slad du bla mas dbang bskur bar bya'o/ /kye dpal ldan bla ma khyod kyi bka' drin las
 da ni bdag gis bde bar gshegs pa'i lam thams cad shes so zhes bla ma la zhus nas dam bca' bar bya ste/ dus 'di nas brtsams te khyod dang sangs rgyas dang byang chub sems dpa' rnams spangs nas bla ma gzhan bsten par mi
 bgyi'o/ /yon tan thams cad dang ldan pa'i slob ma dam bca' ba la gnas pa gzigs te/ de nas sngar brjod pa'i rgyal ba dang rnam par rgyal ba'i bum pa rnams te/ de dag klu zhes pa brgyad dam/ bzhi 'am/ bum pa gcig gi bdag po rnams pa gsum
 nyid sbyin par bya ste/ klu rnams kyis dge slong rdo rje 'dzin pa la'o/ /bzhi yis dge tshul la'o/ /gcig gi khyim pa la'o/ /de bzhin du sngar gsungs pa'i cho gas sman la sogs pa dang ldan pa'i bum pa rnams kyis dbang bskur ro/ /'dis dkyil
 'khor gyi khang pa'i phyi rol du mnyam pa'i sa'i char grub bzhi pa la rab lnga'i re khA byas nas/ dbus su khru gnyis pa'i pad+ma 'dab ma brgyad pa mtshan ma lnga dang bral ba kha dog sna tshogs pa'o/ /'di nyid ni gdan gyi pad+ma ste shing stan gyi steng du tshon sna
 lnga yis bri bar bya'o/ /pad+ma de'i dbus kyi steng du dge slong bkod nas/ bum pa brgyad rgyal ba dang rnam par rgyal ba dang bcas pa bcu yis khrus byas te/ bu mo gzugs mdzes shing rgyan thams cad dang ldan pa bu ma skyes pa brgyad dang/
 gzhon nu ma skye gnas ma nyams pa gnyis kyis mgo bor cod pan dar dpyangs dang phyag rgya dang bcas pa bcings te khrus bya'o/ /gdug pa bsdigs par byed pa'i mchog /gang gi ngur smrig mthong ba yis/ /lha min sa'i 'og tu 'gro /dge slong
 rdo rje 'dzin pa bya/ zhes pa ste/ de ltar na klu dag gis ni dpal ldan cod pan bcings te nor 'dab pad+mar zhes pa'o/ /dge tshul la yang dar dpyangs bcing bar bya ste/ bu mo bzhi dang gzhon nu ma gnyis dar dpyangs phyag rgya dang
 bcas pa bcings te/ rdul tshon gyi pad+ma spangs shing re kha lnga byas pa'i dbus su shing stan byin nas khrus bya'o/ /de ltar slob dpon 'bring po'o/ /de nas phyag rgya la ni zhes pa mthe bo'i rdo rje byin nas bum pa gcig dang rnam
 par rgyal bas bu mo gcig dang gzhon nu gcig gis khrus bya'o/ /re khA lnga spangs shing spyi'i byug pas re khA gsum byas nas thun mong gi gdan byin la khrus bya ste slob dpon tha ma'o/ /de ltar rim pa ji lta ba bzhin du khru
 bzhi pa dang/ khru gnyis pa dang/ khru gcig pa'i gdan byas nas dge slong dang/ dge tshul dang/ khyim pa rnams la rdo rje slob dpon gyis dbang bskur ba dang rgyud bstan pa'i don du gsung ngam rjes su gnang ba sbyin par bya'o zhes
 pa ni nges pa'o/ /de nas dang por zhes pa la sogs pas dbang gi rnam par dag pa gsungs te/ 'dir dang por dbang bdun po'i chu'i ming can dag la mngon par dbang bskur bar gyur pa ni/ sa bdun par lung bstan pa'i phyir dge
 bsnyen du brjod de/ /des na dge bsnyen du 'gyur ro zhes pa ni nges pa'o/ /bum pa la yang dge tshul dag du 'gyur te/ mi g.yo bar lung bstan pa'i phyir sangs rgyas kyi sras po ste/ gzhon nu zhes pa'i don to/ /de nas gsang
 ba'i dbang la dge slong du 'gyur te/ legs pa'i blo gros su lung bstan pa'i phyir sangs rgyas kyi rgyal tshab po/ /de nas grong ma gsum pa'i byed pa ste/ shes rab kyi ye shes kyi dbang la mngon par dbang bskur ba ni/
 gnas brtan zhes pa chos ston par byed pa dang/ slob ma'i byed pa por 'gyur te/ chos kyi sprin la lung bstan pa'i phyir sangs rgyas gnyis pa nyid do/ /de bzhin du mtshan yang dag par brjod pa las bcom ldan 'das kyis gsungs pa/
 'jig rten gsum na gzhon nus gcig /gnas brtan rgan po skye dgu'i bdag /sum cu rtsa gnyis mtshan 'chad pa/ sdug gu 'jig rten gsum na mdzes shes dang/ de bzhin du/ phyir mi ldog pa phyir mi 'ong/ 'dren pa rang rgyal
 bse ru'i tshul/ /nges 'byung sna tshogs las byung ba/ /'byung ba chen po rgyu gcig po/ /ngag slong dgra bcom zag pa zad/ /'dod chags bral bas dbang po thul/ /bde ba brnyed pas 'jigs med thob/ /bsil bar gyur pas rnyog pa med ces dang/ de
 bzhin du/ mgo zlum brtul bzhugs chen po 'chang/ /tshangs par spyod pa brtul zhugs mchog /dka' thub mthar phyin dka' thub che/ /gtsang gnas dam pa gau tam/ bram ze tshangs pa tshangs pa shes/ /mya ngan 'das pa tshangs pa thob/ /grol ba
 thar pa rnam grol lus/ /rnam grol zhi ba zhi ba nyid/ /ces pa ste slob dpon gyi dbang ngo/ /de nas sku dang gsung dang thugs rdo rje byed pa'i slad du rdo rje sku'i phyag rgya sbyin par bya'o/ /dar dpyangs cod pan sbyin par bya ba ni/ khyab 'jug byed pa'i slad du
 ste/ thugs rdo rje byed pa'i slad du'o zhes pa'i don to/ /rdo rje mchod phyir thogs gser gyi rang bzhin nam/ skud pa'i rang bzhin ni tshangs pa byed pa'i slad du ste/ sku rdo rje byed pa'i slad du sbyin par bya'o/ /rgan po dang gzhon nu de dag rnams la slob
 dpon slad du rang gi rgyal ba'i rigs kyi dbang gis zhes pa me tog ltung ba'i dbang gis phyag rgya rnam par dag pa dbang bskur ba nyid sbyin par bya ba ni gsung gi rdo rje rnam par dag pa byed pa'i slad du ste/ dbang phyug chen po byed pa'i slad du'o/ /de
 ltar tshangs pa sku yi rdo rje 'dzin/ /gsung gi rdo rje dbang phyug che/ /rgyal po thugs kyi rdo rje 'dzin/ /de yang khyab 'jug rdzu 'phrul che/ /rdo rje slob dpon zhes dang/ de bzhin du mtshan yang dag par brjod pa las bcom ldan 'das kyis
 gsungs pa/ /gtsug pud phur bu lca lo can/ /ral pa mun dza cod pan thogs/ /gdod lnga zur phud lnga dang ldan/ /zur phud lnga pa me tog thod ces pa ste/ rgyud gzhan thams cad la bcom ldan 'das kyi nges pa'o/ /'dir ston pa po'i dbang la mngon
 par dbang bskur ba'i dge slong ngam/ dge tshul lam/ khyim pas g.yog la sogs pa chos dang khyim pa'i chos mi bya'o/ /gal te ral gri dang snag tsha dang tshod la sogs pa byed na de'i tshe bka' bcag par 'gyur zhing/ bka' bcag
 pa las mnar med par 'gro bar 'gyur te/ slob dpon gyi chos rnam par bshig pa'i phyir ro/ /rdo rje slob dpon bdag po'i dbang gi cho ga'i rab tu gnas pa'i nges pa'o/ /'dir sku gzugs la sogs pa rnams kyi rab tu gnas pa/ steng du bla re bkod
 cing sa yi mthil gyi gnas dag tu yang ri mo gsum ni kun nas so/ /zhes pa la sogs pa'i tshigs su bcad pa nas brtsams pa tshigs su bcad pa bcu gnyis ni go sla ste/ ji srid slob mas smon lam gdab pa dang/ yongs su bsngo ba byed pa/ bsod
 nams 'di yis sems can rnams ni rnam gsum srid pa la gnas bla med byang chub thob par shog /ces pa'i mthar thug pa rab tu gnas pa'i cho ga ni go sla'o/ /des na 'grel bshad ma byas so/ /da ni ji srid phyogs kyi lo zhes
 pa la sogs pas dbang gong ma'i cho ga gsungs te/ 'dir bum pa la sogs pa'i dbang gi don du phyag rgya ni ji srid phyogs kyi lo zhes pa la bcu'i bar gzhon nu ma spang bar bya'o/ /gang gi phyir zhe na/ shes rab kyi pha rol tu phyin pa gcig pu rnam pa
 bcur 'gyur te/ lo so sor sbyin pa la sogs pa rnam par dag pas so/ /de la yang ji srid so lhung par ma gyur pa de srid du ye shes kyi khams te mi zad pa nyid kyi phyir ro/ /de nas so lhung nas nam mkha' i khams so/ /de ltar khams gnyis kyis gzhon nu
 ma skye gnas ma nyams pa'o/ /des na de ni blta bar bya ba dang reg par bya ba dang mchod par bya'o/ /lo bcu po de nas lo bcu gcig pa dang por byas nas ji srid lo nyi shu'i mthar 'khyud par bya ste/ /ro dang bcas pa'i chu gter zhes pa ni drug dang bcas pa'i
 bzhi'o/ /g.yo ba la sogs te rlung la sogs pa rnams ni bsten par bya'o/ /de'i phyir lo bcu gcig ma la rlung gi khams so/ /bcu gnyis ma la me'o/ /bcu gsum ma la chu'o/ /bcu bzhi ma la sa'o/ /zhes pa ste bzhi'o/ /bco lnga ma la sgra'o/ /bcu drug
 ma la reg go /bcu bdun ma la ro'o/ /bco brgyad ma la gzugs so/ /bcu dgu ma la dri'o/ /nyi shu ma la chos kyi khams so/ /de nas lo ni nyi shu yan chad phyag rgya mchog tu 'jigs byed ma ste khro bo 'byung po lha min cha/ 'dir lo nyi shu'i phyi nas
 nyi shu rtsa gcig nas brtsams te lo so so rnams ni grangs bzhin du shin tu sngon mo dang/ shin du stobs ldan ma dang/ yaM b+hi dang/ khengs ldan ma dang/ rengs byed ma dang/ 'od zer can ma dang/ tsun dA dang/ khro gnyer can ma dang/ rdo rje lcags
 sgrog ma dang/ drag can ma ste/ khro bo bcu'i lha mo rnams so/ /de nas lo sum cu rtsa gcig nas brgyad ni 'byung po'i cha ste/ tsar tsi kA dang/ phag mo dang/ drag mo dang/ dbang ma dang/ tshangs ma dang/ dpal chen mo dang/ gzhon nu ma dang/ khyab
 'jug ma'o/ /de nas lo sum cu rtsa dgu nas brgyad ni lha min gyi cha ste/ khyi gdong ma dang/ phag gdong ma dang/ stag gdong ma dang/ lce spyang gdong ma dang/ mkha' lding gdong ma dang/ 'ug gdong ma dang bya rgod gdong ma dang/ bya rog gdong ma ste/
 ji srid lo bzhi bcu rtsa drug gi bar du ni phyag rgya bsgom pa'i don du'o/ /dbang gi don du ni slar yang drug dang bzhi ste/ bde mnyam 'bras bu ster ba zhes pa me'i khams nas brtsams te ji srid chos kyi khams kyi bar du'o/ /rlung gi khams ni rdul med
 pa nyid gyi phyir gzung bar mi bya'o/ /zhes pa nges pa'o/ /'dir dbang gong ma ni rnam pa gnyis te/ gcig ni sems can gzhug pa'i don dang/ lam yongs su shes pa'i don dang/ rgyud nyan pa la dbang ba'i don du'o/ /gzhan ni slob dpon chen po'i
 gnas sbyin pa dang/ ston pa po byed pa po byed pa'i slad du'o/ /dang po dbang 'di la re shig skrag pa dang 'khrul ba'i sems la sogs pa'i skyon dang bral ba la bcu gnyis ma la sogs pa yongs su smin pa ni slob mas bla ma la dbul
 par bya'o/ /de nas gsol ba btab pa la sogs pa byas nas/ slob mas bla ma la 'chod par 'gyur ba'i bstod pas gsol ba btab par bya'o/ /de nas bla ma mnyes pas 'jig rten gyi kun rdzob kyis rang gi phyag rgya'i nu ma la rag par byed du gzhug ste/
 des na bum pa'i dbang ni de nyid do/ /de nas gsad pa'i mchod pa byas nas slob ma la bdud rtsi sbyin zhing phyag rgya'i b+ha ga yang gsal bar byed du gzhug go /des na ri bong 'dzin pa myang ba dang/ blta ba dag gis gsang ba'i dbang du 'gyur ro/ /de nas
 shes rab ye shes dbang la oM yig la sogs pa'i sa bon rnams kyis rigs lnga'i cha dang ldan pa byas te/ /de nas ji ltar skal ba ngan pa'i sems can 'di ni bsgom pa la sogs pa la 'di dbang ba dang rgyud mnyan pa'i slad du ste/ sems can
 rnams la rgyud bstan pa dang/ dkyil 'khor bri ba'i slad du ni ma yin no zhes bla mas rgyal ba ste/ rdo rje sems dpa' dbang du byas nas lag bcangs dang/ gnyis gnyis 'khyud pa byed pa'i slad du phyag rgya de slob ma la sbyin par bya'o/ /dang
 por slob ma gzhug pa la dbang bskur ba'i nges pa'o/ /de bzhin du slob dpon ni/ rgod pa yon tan gnyis kyi bdag nyid khu ba'i bde ba'i lha rnam par dag pas so/ /gsang ba zhes pa ni lta ba yon tan gsum gyi bdag nyid rnam par dag pas so//
 lag bcangs shes pa ni/ yon tan bzhin bdag nyid rnam par dag pas so/ /gnyis gnyis 'khyud pa zhes pa ni/ yon tan lnga'i bdag nyid khru ba'i bde ba'i lha rnam par dag pas so/ zhes pa la sogs pa ni 'chad par 'gyur ba'i le'u lnga pa'i mchog
 tu mi 'gyur ba'i ye shes grub pa las brjod par bya'o/ /'jig rten pa'i kun rdzob kyis sems can gzhug pa'i slad du dbang rnam pa gzhi'i nges pa'o/ /de nas 'grel bshad dang bcas pa'i rgyud thams cad thos shing shes par gyur pa na bdag po
 chen po nyid kyi slad du go rims ji lta ba bzhin gsungs pa'i rig ma bcu po rnams khyim na gnas pa'i slob mas bla ma la dbul bar bya'o/ /'dir rtsa ba'i rgyud las bcom ldan 'das kyis gsungs pa/ tsha mo dang ni bu mo dang/ /sring mo de bzhin
 skyed byed ma/ /de bzhin chung ma'i ma dang ni/ /de bzhin zhad po'i bud med dang/ /pha yi spun zla'i chung ma dang/ /de bzhin pha yi sring mo dang/ rang gi ma yi spun zla nyid/ /rang gi chung ma mchog gzugs can/ /sgrol ma la sogs chos khams mthar/ /rang
 rigs las skyes rig ma bcu/ /thar pa 'dod pa'i khyim pa yis/ /dbang gi dus su rab sbyin bya/ /rig ma 'di dag rigs bsrung phyir/ /gal te bla mar mi 'bul na/ /de tshe khyim na gnas rnams la/ /gzhan gyis dbang bskur sbyin mi bya/ /
 dkyil 'khor du ni dbang bskur ba'i/ /dmangs rigs skyes sogs gzhan dag gis/ /dge slong dge tshul rnams la ni/ /bla mas sbyin bya mi yi bdag rlung sogs rim pas dmangs rigs mo/ /rgyal rigs de bzhin bram ze mo/ /rdzi mi gsol? mo
 nya ba mo/ /gar ma de bzhin chos mkhan mo/ /ko lpags byed ma gtum mo dang/ /chos khams mthar skyes ma ste bcu/ /rig ma chen mor yang dag brjod/ /longs spyod grol 'bras rab tu ster/ zhes pa ste/ de ltar gsungs pa'i rim pas pha rol tu
 phyin pa bcu dang/ dbang bcu dang/ sa bcu dang/ stobs bcu rnams rnam par dag par 'gyur ro/ /de bzhin du mtshan yang dag par brjod pa'i chos kyi dbyings kyi bstod pa las bcom ldan 'das kyis gsungs pa/ sangs rgyas rnam par snang mdzad che/ /thung pa chen
 po thub chen ldan/ /gsang sngags tshul chen las byung ba/ /gsang sngags tshul chen bdag nyid can/ /pha rol phyin bcu thob pa ste/ /pha rol phyin pa bcu la gnas/ /pha rol phyin bcu dag pa ste/ /pha rol phyin pa bcu yi tshul/ /
 mgon po sa bcu'i dbang phyug ste/ /sa bcu la ni gnas pa po/ /shes bcu rnam dag bdag nyid can/ /shes bcu rnam dag 'chad pa po/ /rnam pa bcu po don bcu'i don/ /thub dbang stobs bcu khyab pa'i bdag/ /kun gyi don ni ma lus byed
 rnam bcu dbang ldan che ba po/ /zhes pa ste/ bdag po nyid byed pa'i slad du dkyil 'khor chen po'i slob dpon gyi gnas mngon par 'dod pas phyag rgya bcu sbyin par bya'o/ /zhes pa ni de bzhin gshegs pa'i nges pa'o/ /de ltar slob mas bla ma
 la phyag rgya bcu phul te/ de nas bka' stsal don du gnyer bar bya'o/ /kye bcom ldan 'das pha rol tu phyin pa thams cad thob bo/ /da ni bdag gis ci zhig bgyi/ de nas slob dpon gyis gsungs pa/ bcu'i nang na rang gi chung ma 'di bzung nas
 de dang lhan cig tu bdag la gsol ba gdab pa byos shig/ dge slong dang dge tshul rnams la ni gtum mo rang gi chung mar bya'o/ /de nas bla ma'i nges pa de gzung nas gnyis kyis gser la sogs pa'i me tog rnams kyis maN+Dal bya ste/ de
 nas gsol ba gdab par bya'o/ /sgrib pa thams cad bcom pa yi/ /dus kyi 'khor lo khyod la 'dud/ /mchog tu mi 'gyur bde ba rdzogs/ /ye shes sku khyod la 'dud do/ /stong nyid snying rje dbyer med pa/ /byang chub sems ni 'gyur med gang
 dbang bskur de yis bdag la ni/ /mgon po de ni bka' drin mdzod/ /bu dang chung ma sogs bcas pa/ /bdag ni dus kun khyod kyi 'bangs/ /ji srid byang chub snying po'i mthar/ /bdag la skyabs gzhan yong ma yin/ /zhes pas gsol
 ba btab par gyur pa'i slob ma chung ma dang bcas pa gzigs nas/ slob dpon gyis sgra rdo rje ma la rgyan thams cad dgrol zhing gcer bur byas nas 'khyud du gzhug par bya'o/ /khyim pa rnams ni chung ma'i ma la'o/ /de nas shar du sgrol ma dang/ lhor
 gos dkar ma dang/ byang du mA ma kI dang/ nub tu spyan ma dang/ mer reg bya rdo rje ma dang/ /bden bral du ro rdo rje ma dang/ dbang ldan du gzugs rdo rje ma dang/ rlung du dri rdo rje ma ste/ rnal 'byor ma'i 'khor lo gcer mo skra grol ma phyag na gri gug dang thod
 pa can rnams dgod par bya ste/ rig ma dgu po rnams kyis rim pa bzhin du'o/ /de ltar sngar dbang bskur ba ni chu la sogs pas rnam pa bdun no/ /de nas gong ma'i dbang ni spyi'i las kyi phyag rgya yis so/ /gong ma'i yang gong ma'i dbang ni dmangs
 rigs las skyes pa la sogs pa'i phyag rgya dbul ba'i don du sngar gsungs pa/ bcu po rnams kyis so/ /klu ste bum pa brgyad dang/ rgyal ba dang rnam par rgyal ba'i bum pa dag gis dge slong la khras bya'o/ /dge tshul la de rnams
 kyi nang nas phyag rgya drug gis bum pa bzhi dang/ rgyal ba dang rnam par rgyal ba'i bum pa dag gis khrus bya'o/ /khyim na gnas pa la dgu po de dag rnams kyi nang nas rang gi chung ma gcig pu yis rnam par rgyal ba'i bum pa gcig pus
 mngon par dbang bskur bar bya ste/ sngar gsungs pa'i cho gas so/ /de nas phyag rgya gtad bar bya ste/ bum dbang sbyin pa'i don du'o zhes pa ste/ 'dir rgyan rnams thams cad dang ldan zhun ma'i gser dang mtshungs shing bcu gnyis lo lon
 mdzes pa'i bu mo lo nyi shu'i mthar thug pa khrag ldan te rdul dang ldan pa la shes rab thabs kyi bdag nyid dag gis shes pa 'chad par 'gyur ba'i lha'i rnal 'byor gyis rang gi rdo rje nor bus 'dod spyad nas sa bon dang bcas rdo rje dag kyang gong
 ma'i gong ma'i dbang la slob ma dag par shes nas kha ru 'phang ba byas nas ni phyi nas rang gi phyag rgya sbyin bya ste/ slob dpon gyis gang la 'khyud pa'o/ /yang na bu'i chung ma la slob dpon rang gis mngon par bgrod de/ /de nas dbang gi 
 dus la bab ba na/ slob ma la slar yang rang gi chung ma gtad par bya'o/ /'dir shes rab kyi nu ma la thabs kyis reg par byed do/ /bum pa'i dbang la bla mas slob ma chung ma'o/ /gsang ba'i dbang la slob ma chung ma'i mkhar rdo rje gzhug par bya'o/ /
 slob ma'i mig bcings te bla mas shes rab kyis nA ra nA si ka bzhi pa par bya'o/ /de nas chung ma shes bas rang gi phyag rgya gtad par bya'o/ /slob dpon zhes pa ni thams cad du dbang gi cho ga'i bdag po chen po la'o/ /gal te phyag rgya bcu yod na/ de'i
 tshe gang dang gang la 'dod pa spyad par nus pa'i slob ma de dang de gtang par bya ste/ mtshan mo phyed nas chu tshod gnyis kyi gting la nyi ma 'char ba ji srid par ro/ /de nas tshogs kyi 'khor lo gshegs su gsol bar bya ste/ /gshegs su gsol
 nas slob ma la sdom pa sbyin par bya'o/ /kun rdzob du khyad par dga' ba'i mthar lhan cig skyes pa'i skad cig bdag gis brjod pa gang yin pa 'di dang/ thig le gsum gyi mthar gang yin pa de ni don dam par mi 'gyur te/ don dam par rnal
 'byor ba rnams kyi bde ba ni 'pho ba med pa'o/ /des na bde ba chen po 'di ni khyod kyis bsrung bar bya'o/ /de bzhin dang po'i sangs rgyas las bcom ldan 'das kyis gsungs pa/ las kyi phyag rgya'i rab sbyor dang/ /ye shes phyag rgya'i rdzas chags
 la'ang/ /bde ba chen po byang chub sems/ /brtul zhugs brtan pas bsrung bar bya/ /b+ha gar ling ga rab bzhag nas/ /byang chub sems ni spro mi bya/ /khams gsum po ni ma lus nas/ /sangs rgyas sku ru bsgom par bya/ /
 bsrung ba 'di nyid kho na yis/ /skye ba 'di la sangs rgyas nyid/ /tshul khrims tshogs ni yang dag rdzogs/ /bsod nams ye shes yang dag ldan/ /pha rol phyin bcu thob pa yi/ /rdzogs pa'i sangs rgyas dus gsum 'jug/ 'di yis
 rdzogs sangs rgyas kun gyis/ /chos kyi 'khor lo rab tu bskor/ /rang dang gzhan don bsgrub pa'i slad/ /stong nyid snying rje dbyer med pa/ /khams gsum dbang phyug ye shes ni/ /'di las gzhan pa yong ma yin/ /skyob pa kun gyi
 sdom pa ni/ /gal te khyed bsrung bdag gi bu/ /de tshe sangs rgyas thams cad kyis/ /byin brlabs rdzogs byang chub thob 'gyur/ /ci ste chags pas zil mnan bdag/ gtso bo mdun du blangs nas ni/ /sdom pa skyong bar mi byed na/ /de
 tshe du 'phong? du 'gro 'gyur/ /dman pa'i sems las skye gnas su/ /gang tshe byang chub sems lhung gyur/ /de tshe phyag rgyar shes nas ni/ /pad+ma'i phyi rol rang lces blang/ /zhes pa ste slob dpon gyis slob ma la sdom pa byin nas/ slob
 mas kyang bla ma la yon phul te slar yang maN+Dal byas nas gsol ba gdab par bya'o/ /bcom ldan 'das bdag la dbang bskur ba'i rab tu byed pa'i bka' drin mdzad du gsol/ (de nas bla ma) mas slob na la bos te bu khyod nyon cig/ kun
 rdzob ji lta ba bzhin du sems can thams cad kyi thun mong gi bde ba dga' ba bcu drug gi mtshan nyid ni/ tshigs su bcad pa nyi shu rtsa gcig lhag pa'i brgya pa la sogs pa rnams kyis mchog gi dang/ po'i sangs rgyas las 'jam pa'i
 rdo rjes phyung ba/ /'dod pa skyong pa zhes pa la sogs pa ste/ 'dir 'gro ba thams cad kyi yid la 'dod pa skyod par byed pa ni dang po dga' ba'o/ /de nas gang ba'i gnas skabs ni/ /shes rab la 'khyud pa la sogs pas dpral bar byang chub gyi/ 
 sems rdzogs pa nyid kyi phyir/ /gang ba nyid du 'gyur ba ste/ gnyis pa mchog dga' o/ /gang ba yan lag mchog las 'khrig pa la 'bar ba'i gnas skabs ni/ ri bong 'dzin pa khu bar byas nas thig le 'dzag pa ste/
 gsum pa khyad par dga' bar byed do/ /de nas oDDa'i gnas skabs ni thig le 'pho ba'i dus su sku dang gsung dang thugs kyi thig le rnams kyi mthar thig le bzhi pa 'byung ba'i dus na lhan cig skyes pa'i dga' bar byed do/ /de ltar tshes gcig
 la sogs pa'i cha lnga lnga po nam mkha' dang rlung dang me dang chu dang sa'i rang bzhin dga' ba dang bzang po dang rgyal ba dang stong pa dang rdzogs pa'i ming can a i ri u li ka /a e ar e al ce/ ha ya ra wa la Ta shes pa'i dbyangs 'di dag
 gi chos can rnams kyis so/ /de ltar lnga pa ni dga' ba rdzogs pa'o/ /bcu pa ni mchog dga' rdzogs pa'o/ /nya ni khyad par gyi dga' ba rdzogs pa'o/ /lhan cig skyes pa'i dga' ba zhes pa ni cha bcu drug pa ste/ khams thams cad bsdus pa
 dang/ tshogs pa dang/ 'dus pa dang/ sdom pa'o/ /de ltar byang chub kyi sems kyi chags pa ni dkar po'i phyogs te/ chags bral ni nag po'i phyogs so/ /de bzhin du mtshan yang dag par brjod pa las/ bcom ldan 'das kyis gsungs pa/
 chags bral dang po chags pa che/ kha dog sna tshogs 'bar ba'i 'od/ /rdo rje skyil krung rdzogs sangs rgyas/ /sangs rgyas brjod pa'i chos 'dzin pa zhes dang/ de bzhin du rnam pa kun ldan rnam pa med/ /bcu drug phyed phyed thig le 'chad/
 cha med cha las 'das pa po/ /bsam gtan bzhi ba'i rtse mo 'chang/ /zhes pa ni bcom ldan 'das kyi nges pa'o/ /de ltar don dam pas le'u lnga pa las phyag rgya chen po'i ye shes rgya cher brjod par bya ste/ des na 'dir rgyas par ma byas so/ /
 de ni 'dod pa zhes pa la sogs pas dga' ba bcu drug po rnams kyi sbyor ba bzhi gsungs te/ 'dir sems can thams cad kyi sad pa dang/ rmi lam dang/ shin tu gnyid log pa dang/ bzhi pa'i dbye ba yis sku dang gsung dang thugs dang ye shes
 kyi sbyor ba ste/ de dag kyang dga' ba la sogs pa'i dbye bas bcu drug go /de la 'dod pa zhes pa ni sku'i dga' ba'o/ /dga' ba zhes pa ni gsung gi dga' ba'o/ /'dar ba zhes pa ni thugs kyi dga' ba'o/ /'gyur med ces pa ni ming gi ye shes
 kyi dga' ba'o/ /de ltar bzhi po yis dga' ba'i sbyor ba gcig go /de bzhin du gang ba zhes pa ni sku'i mchog dga' o/ /'dir mchog gi dga' ba la sogs pa gsum po rnams mdza' ma la sogs pas gsang dang thugs dang/ ye shes
 rdo rje rnams te/ sdeb sbyor gyi dbang gis so/ /de'i phyir mchog gi dga' pa zhes pa ni gsung gi mchog dga' o/ /skye ba zhes pa ni thugs kyi mchog dga' o/ /nus pa zhes pa ni ye shes kyi mchog dga' ste/ gnyis pa'i sbyor ba'o/ /'bar
 ba zhes pa ni sku'i khyad par gyi dga' ba'o/ /khyad par dga' ba zhes pa ni gsung gi khyad par gyi dga' ba'o/ /rgyal ba zhes pa ni thugs kyi khyad par gyi dga' ba'o/ /thig le zhes pa ni ye shes kyi khyad par gyi dga' ba ste/ gsum pa'i sbyor
 ba'o/ /de bzhin du uTTa zhes pa ni sku'i lhan cig skyes pa'i dga' ba'o/ /lhan cig skyes pa'i dga' ba zhes pa ni gsung gi lhan cig skyes pa'i dga' ba'o/ /gnyid ces pa ni thugs kyi lhan cig skyes pa'i dga' ba'o/ /nA da zhes pa ni
 ye shes kyi lhan cig skyes pa'i dga' ba'o/ /de ltar na sprul pa dang/ longs spyod rdzogs pa dang/ chos dang/ ngo bo nyid kyi dbye bas sku rnam pa bzhi dang/ gsung rnam pa bzhi ste/ de bzhin du thugs rnam pa bzhi dang/ ye shes rnam pa bzhi'o/ /
 de ltar dga' ba bcu drug gi dbye ba ni 'chad par 'gyur ba las rgya cher brjod par bya'o/ /bcu drug gis mthar lhan cig skyes pa'o/ /zhes pa ni nges pa'o/ /da ni sems kyis zhes pa la sogs pa las kyi phyag rgya'i rnam
 par dag pa gsungs te/ 'dir rgyud thams cad las ma la sogs pa'i phyag rgya rnams thun mong gis gsungs te/ rnal 'byor ba rnams rjes su chags pa byed pa'i slad du'o/ /de yang byang chub kyi sems bsten par byas pa rnams
 kyi yin gyi/ gzhan rnams kyi ni ma yin no/ /gzhan rnams kyi 'jig rten gyi tha snyad dang ldan pa'i bud med gnas skabs kyi dbye bas ma la sogs par 'gyur ro/ /'dir gang gi tshe rnal 'byor pa bud med la sems par byed na de'i tshe
 sems kyis bsam pa byas pas mar 'gyur ro/ /reg pas ni sring mo'o/ /rdo rje zhugs pas bu mor 'gyur ro/ /byed pa dang bcas shin tu dga' ba byas pas tsha mo nyid du 'gyur ro/ /thig le lhung bar gyur na chung ma'o/ /gzhan gyi rigs
 la gnas pa gtum mo'i rnal 'byor mar ni 'dod chags nyams par gyur pa las te chags bral las 'gyur ro/ /'di dag rnal 'byor phyag rgya drug ste/ rnal 'byor pa rnams kyis la sogs pa rnams so/ /'dir dang por sa'i khams
 'khrug go /de bzhin du chu dang me dang rlung dang nam mkha' i khams rnams 'khrug ste/ 'khrugs pa rnams 'dzag go /de'i phyir sa chu bsreg za rlung dang mkha' dang chad pa'i dngos rnams te gnas skabs drug go /de bzhin du g.yas dang g.yon gyi
 dkyil 'khor lnga zad pa yang 'pho ba'i dus su rig par bya ste/ ma la sogs pa rnam par dag pas so/ /'khor lo dang/ rna cha dang/ mgul rgyan dang/ lag gdub dang/ ska rags dang/ thal ba rnam par dag pas rnal 'byor pa rnams
 kyi phyag rgya rnams te/ de bzhin du sbyin pa la sogs pa'i pha rol tu phyin pa drug rnam par dag pas so zhes pa ni nges pa'o/ /da ni chu skyes shes pa la sogs pas sku la sogs pa'i phyag rgya gsum gsungs te/ 'dir rgyud thams cad las
 phyi rol du drang ba'i don gyis dpral bar sku'i phyag rgya'o/ /mgrin par gsung gi phyag rgya'o/ /snying gar thugs kyi phyag rgya'o/ /nges pa'i don gyis kyang rtsa ba skyes la ni rdo rje rab zhugs te rdo rje rtag tu langs pa ni sku'i phyag rgya'o/ /rtse mo tsam la
 rlung dang zhes pa rtsa dbu ma la srog gi rlung rab tu zhugs pa gsung gi phyag rgya'o/ /thig le mi lhung ba ni thugs kyi phyag rgya'o/ /'di dag rnal 'byor gsum gyi ste/ dbu ma la brten pa'i sku dang gsung dang thugs kyi phyag rgya rnams su ngas
 grangs bzhin du 'gyur ro/ /de'i steng du chags dang chags bral mthar gyur dang po zhes pa la/ chags pa ni dkar po'i phyogs te/ de'i mthar gyur pa'o/ /chags bral ni nag po'i phyogs te/ de'i dang po'o/ /de ltar chags dang chags
 bral mthar gyur dang po ni cha bcu drug par gzhag par bya ba ste/ ji srid mi 'dzag pa de srid du ni mdza' dag yon tan gyi gter/ 'gyur ba med pa'i bde ba sbyin pa po rnal 'byor rnams kyis rtogs bya bzhi pa'o zhes pa ni/ rnal 'byor pa
 rnams kyi yan lag drug gi sbyor ba kho nas rtogs par bya ba ste/ gzhan rnams kyis ni ma yin no/ /phyag rgya rnams las te snga ma dang phyi ma dgu po rnams las de ni legs pa'i ma skyed byed mar mngal na skyes pa'i dus nas brtsams
 te 'chi ba'i mthar 'gyur ro/ /rnam bcu ni de du ba la sogs pa'i dbye bas sbyin pa la sogs pa'i pha rol tu phyin pa ste/ dpal ldan bla ma rdo rje sems dpa' i zhal 'di'o zhes pa ni ye shes kyi zhal bzhi pa'o zhes pa'i don te/ de ni ngo
 bo nyid kyi sku'i chos can no zhes pa nges pa'o/ /de ltar slob ma dbang bskur ba'i don du phyag rgya'i mtshan nyid rab tu bstan nas tshogs kyi 'khor lo'i slad du bla mas nges pa sbyin par bya'o/ /de la rigs sum cu rtsa drug gi
 lha mo rnams spyan drang bar bya ste/ de nas nyin mo'i dus su gzhon nu dang gzhon nu ma bcu la 'o thug la sogs pa mngar ba'i zas kyis ston mo byas te/ yon phul nas gshegs su gsol bar bya'o/ /de nas chu tshod bdun pa la dge slong dang
 dge slong ma'i dge 'dun mngar ba'i kha zas sha dang bral ba rnams kyis yang dag par mchod de/ sangs rgyas gtso bor byas nas dge 'dun la yon phul te/ 'phags pa'i dge 'dun chen po gtsug lag khang du gzhug par bya'o/ /de nas
 skye bo dang bral ba'i khyim bug pa med par tshogs kyi 'khor lo'i cho gas dpa' bo dang dpa' mo'i dbang phyug ma rnams kyis gnas rnams bsam par bya'o/ /'dir 'byor pa dang rjes su mthun pas gtso bo bla ma shes rab dang thabs kyi
 bdag nyid ni dbus dang/ phyogs bzhi'i char rnal 'byor ma bzhi rnams te/ dbus su gdol pa mo dang/ shar du dmangs rigs mo dang/ lhor rgyal rigs mo dang/ byang du bram ze mo dang/ nub du rje rigs mo tshogs kyi gtso bo lnga'i
 bdag nyid do/ /'di rnams kyi gdan ni mi'i pags pa dang/ khyi'i pags pa dang/ rta'i pags pa dang/ ba lang gi pags pa dang/ glang po che'i pags pa'o/ /de nas gnyis pa ni phyogs bral rnams su ste/ dbang ldan du gcin gyi
 snod dang/ rlung du bshang ba'i snod dang/ bden bral du khrag gi snod dang/ mer rkang gi snod do/ /de nas zlum skor gnyis pa thugs kyi 'khor lo'i gnas la shar du 'khar ba mkhan mo dang/ lhor 'od ma'i gar mkhan ma dang/ byang du
 nor du mkhan ma dang/ nub du drag can ma dang/ mer thags mkhan ma dang/ bden bral du chang 'tshong ma dang/ dbang ldan du gser mkhan ma dang/ rlung du phreng ba mkhan ma ste/ rnal 'byor ma brgyad do/ /'di rnams kyi gdan rnams ni grangs bzhin du lug gi
 pags pa dang/ 'brog dgon pa'i khyi'i pags pa dang/ rnga mo'i pags pa dang/ 'dam seng gi pags pa dang/ ra'i pags pa dang/ ri dags kyi pags pa dang/ bong bu'i pags pa dang/ phag gi pags pa rnams so/ /de nas zlum
 skor gsum pa gsung gi 'khor lo'i gnas la shar du sha 'tshong ma dang/ mer rdza mkhan ma dang/ lhor khur ba mkhan ma dang/ bden bral du smad 'tshong ma dang/ nub tu tshem bu mo dang/ rlung du nya ba mo dang/ byang du gar mkhan
 ma dang/ dbang ldan du tshos mkhan ma ste rnal 'byor ma brgyad do/ /'di rnams kyi gdan rnams ni kum b+hI ra'i pags pa dang/ 'gron bu'i phung po dang/ karka na'i rus pa'i phung po dang/ nya skam po dang/ ma ka ra'i pags pa dang/
 sbal pa'i pags pa dang/ ru sbal gyi khog pa dang/ dung rnams grangs bzhin no/ /de nas zlum bskor bzhi ba sku'i 'khor lo'i gnas la shar du lcags mkhan ma dang/ lho nga rgya skyegs mkhan ma dang/ nub du srid bal mkhan ma dang/
 byang du til mar mkhan ma dang/ mer smyug ma mkhan ma dang/ bden bral du shing mkhan ma dang/ rlung du ko lpags mkhan ma dang/ dbang ldan du 'breg mkhan ma ste brgyad do/ /'di rnams kyi gdan rnams ni bse'i pags pa dang
 stag gi pags pa dang/ dom gyi pags pa dang/ ne'u le'i pags pa dang/ 'bri'i pags pa dang/ lce spang gi pags pa dang/ sram gyi pags pa dang/ byi la'i pags pa rnams so/ /de nas zlum skor lnga
 pa dur khrod kyi gnas la shar du kla klo ma dang/ lho ru 'chag pa mo dang/ nub tu gtum mo dang/ byang du stag gzigs ma dang/ mer snyon thabs ma dang/ bden bral du ro bsreg ma dang/ rlung du b+hi l+lI dang/ dbang
 ldan du ri khrod ma ste rab gtum ma brgyad do/ /'di rnams kyi gdan rnams ni gau d+hA'i pags pa dang/ byi ba'i pags pa dang/ sA li dzA ta ka'i pags pa dang/ spre 'u'i pags pa dang/ ri bong gi pags pa dang/ gzungs mo byi dur gyi
 pags pa dang/ i Shu ka pa shu'i lpags pa dang/ rtsa bas pa'i pags pa rnams so/ /pags pa 'di rnams med na shar dang mer khyi'i pags pa dang/ lho dang bden bral du rta'i pags pa dang/ nub dang rlung du glang po'i pags pa dang/
 byang dang dbang ldan du ba lang gi pags pa dang/ dbus su mi'i pags pa'o/ /de ltar gdan rnams bkod nas rnal 'byor ma rnams bzhugs su gsol bar bya'o/ /pags pa 'di rnams kyi sder sbyin par bya ste/ de bzhin du skyogs
 rnams ni/ shar du nya phyis kyi snod de me ru yang de bzhin no/ /lho dang bden bral du na ri ke la'i skyogs so/ /nub dang rlung du kham phor ro/ /byang dang dbang ldan du mi'i thod pa'o/ /dbus su shing gi snod do/ /de nas chang la sogs pa phul
 nas bza' ba dang bca' ba la sogs pa sgron ma dang bcas pa 'chad par 'gyur ba rnam pa bcu po chu dang mchod yon la sogs pa phul te/ maN+Dal byas nas slob mas las kyi rdo rje can dang lhan cig tu mchod pa'i rdzas dbul
 bar bya'o/ /de ltar na tshogs kyi 'khor lo la gnas dang rigs nges pa'o/ /de nas le'u lnga pa las gsungs pa'i cho gas 'khrig pa'i kun tu spyod pa yang bya'o/ /kun tu spyod pa de la shes rab yum gyi nang nas tshogs kyi gtso mo de
 ni mchog gi yum zhes pa ste/ gdol pa mo dang/ gtum mo dang/ tshogs kyi 'khor lo la thams cad du gnas pa'i rnal 'byor ma rnams kyi spyan ma la sogs pa bzhi ni sring mo'o/ /sgra rdo rje ma la sogs pa drug dang/ sngon mo dang/ drag can
 ma gnyis ni tsha mo rnams so/ /phyugs kyi skye bo 'jigs ster tsar tsi kA sogs brgyad ni yang tsha mo'o/ /'di rnams ni 'khor lo la gnas pa dus kun du ni kun du spyod pas gnas pa rang rigs sa la gnas pa rnams te/ rnal 'byor pa
 yis bsten par bya'o/ /gnas dang zhing dang 'dus pa dang dur khrod nges bcu gnyis la gnas pa rnams bsten par bya ste/ skye bo dang bcas pa grong gi dbus dang/ 'khor lo phyi rol skye bo med par nam yang dor bar mi bya'o zhes pa
 ni nges pa'o/ /gcer bu gos dang bral zhing skra grol ba lag na gri gug dang thod pa can de dag thams cad yang dag par rgyu ste/ de bzhin du dpal ldan rdo rje can ni slob dpon te gdol ba'o/ /dpal ldan yab ni gtum mo de nyid de/
 gtso bo nyid kyi phyir gdol pa mo dang/ gtum mo'i lhag ma za ba dang/ de dang 'khrig pa byed pa'i phyir ro/ /de ltar rigs rnam par dag pas rnal 'byor pa rnams kyi rang gi ma la sogs pa dang/ rigs las skyes pa rang
 gi sar 'ongs pa rnams dor bar mi bya zhing/ de la ngo tsha bar mi bya'o/ /de bzhin du rnal 'byor ma rnams kyi dpal ldan rdo rje can ni dpal ldan yab ste srid gsum bskyed mdzad rdo rje sems dpa' bzhin du blta bar bya'o/ /sangs
 rgyas thams cad ming po ste/ dmangs rigs la sogs pa dang 'chag pa la sogs pa rnams so/ /mig la sogs pa rnams ni tsha bo ste/ mkhar ba mkhan la sogs pa rnams so/ /yang tsha rnams ni brgyad de bshan pa la
 sogs pa'o/ /yang tsha'i bu ni lcags mkhan pa rnams skye bo dang bcas pa dang/ skye bo med par rnal 'byor ma rnams kyis dor bar mi bya'o/ /phan tshun sems rnam par dag pa'i nges pa'o/ /tshogs kyi 'khor lo de la bud med
 zla ba'i bzhin dang/ ud pal mig can mchog gi dri yis rjes su byugs pa gang su dag bsod nams dag gi rgyu ru dag pa gsum gyis slob dpon dpa' bo dang bcas pa la ni rdo rje'i mchod pa 'bul byed na/ sa gzhi byin dang glang po rta
 dang shing rta du ma'i bu mo rab tu sbyin las bsod nams gang zhig 'gyur ba'i bsod nams de dag thams cad rnal 'byor ma de la 'gyur ro/ /mi bdag ces pa ni bod pa'o/ /mkhar gnas zla ba nyi ma'i mtshams su ste mi zad pa zhes pa'i
 don to/ /da ni sgrol ma zhes pa la sogs pas dmangs rigs la sogs pa'i rigs kyi sgrol ma la sogs pa'i rigs rnams gsungs te/ mi'i 'jig rten 'dir las kyi rjes su mthun pas rigs so/ /de la dmangs rigs rnam pa bzhi ste/
 sa gzhi rmo ba dang/ ba lang skyong ba dang/ 'jim pa'i las byed pa dang/ khyim pa la sogs pa'i gnas byed pa'o/ /de bzhin du sgrol ma dmangs mo rnams pa bzhi ru sa'i steng du 'gyur ro/ /gos dkar mo ni rgyal rigs ma rgyal rigs kyi chos
 kyis rnam pa bzhi ste/ rkang thang dang rta la zhon pa dang/ glang po che la zhon pa dang/ shing rta la zhon pa'o/ /sa ste spyan ma ni rje'u rigs ma rnams rje'u rigs kyi chos las rnam pa gsum ste/ tshong pa dang/ yig mkhan dang/ sman pa'o/ /
 mA ma kI ni gnyis skyes skye bo'i rigs skyes bram ze gnyis skyes kyi chos las rnam pa bdun te/ nges brjod kyi yal ga dang/ mchod sbyin gyi yal ga dang/ snyan ngag gi yal ga dang/ srid bsrung gi yal ga dang/ nags na rab tu
 gnas pa'i chung ma dang/ bdag po'i chung ma dang/ grol ba'i chung ma ste rnam pa bdun no/ /de bzhin du sgra rdo rje ma ni mkhar ba mkhan ma'o/ /ro rdo rje ma ni chang 'tshong ma'o/ /gzugs rdo rje ma ni gser mkhan ma'o/ /dri rdo rje ma ni phreng ba mkhan ma'o/ /reg bya
 rdo rje ma ni thag mkhan ma'o/ /chos kyi dbyings kyi rdo rje ma ni nor bu mkhan ma'o/ /drag can ma ni khron pa mkhan ma'o/ /shin tu sngon mo ni 'od ma'i gar mkhan te gdol pa'i gar mkhan ma'o de bzhin du tsA muN+DA ni sha 'tshongs ma'o/ /khyab 'jug ma
 ni rdza mkhan ma'o/ /phag mo ni khur ba mkhan ma'o/ /gzhon nu ma ni smad 'tshong ma'o/ /dbang mo ni tshem bu ma'o/ /tshangs ma ni nya pa ma'o/ /drag mo ni gar mkhan ma'o/ /dpal mo ni tshos mkhan ma ste brgyad do/ /de bzhin du rmugs byed ma ni rgya skyegs
 mkhan ma'o/ /rengs byed ma ni srin bal mkhan ma'o/ /khengs ma ni til mar mkhan ma'o/ /shin tu stobs ni lcags mkhan ma'o/ /'od zer can ni ko lpags mkhan ma'o/ /khro gnyer can ni shing mkhan ma'o/ /tsun da ni 'breg mkhan ma'o/ /rdo rje
 lcags sgrog ma ni smyug ma mkhan ma ste/ brgyad ni khro bo'i rigs can rnams so/ /khyi gdong ma ni kla klo ma'o/ /phag gdong ma ni 'phyag pa ma'o/ /ce spyang gdong ma ni gtum mo'o/ /stag gdong ma ni stag gzig ma'o/ /bya rog gdong ma ni smyon thabs ma'o/ /
 bya rgod gdong ma ni ro bsreg ma'o/ /mkha' lding gdong ma ni b+hi l+lI'o/ /'ug gdong ma ni ri khrod ma ste brgyad ni rab tu gtum ma'o/ /de ltar na sum cu rtsa drug rigs kyi dbye bas sa gzhi'i gnas su rnal 'byor ma rnams dag gi rigs rnams te/ zhing dang
 gnas dang nye ba'i gnas dang yul dang grong mchog dpal ldan nags su yang dag gnas pa ni/ /rmongs rnams 'ching bar byed cing rab mchog sa yi steng du rnal 'byor pa rnams dag la dngos grub ster zhes pa ste/ slar yang 'di rnams kyi dbye ba ni/ /
 bzhi ni dmangs rigs la sogs pa'o/ /drug ni sgra rdo rje ma la sogs pa'o/ /de bzhin brgyad ni tsar tsi kA la sogs pa'o/ /bcu ni khro bo'i dbye ba rnams te/ /de dag las gnyis ni sgra la sogs pa rnams la rab tu zhugs so/ /
 nor ni brgyad kyi dbye ba ste/ khyi gdong ma la sogs pa rnams so/ /de bzhin du bzhi ni sangs rgyas dbye ba rnams so/ /drug ni byang chub sems dpa' i rab tu dbye ba rnams so/ /yi dags rnams ni brgyad kyi dbye ba'o/ /khro bo rnams ni bcu'o/ /lha min
 rnams ni brgyad kyi dbye ba ste/ gdengs can srid par gnas rnams shes pa ni rnal 'byor pa rnams kyi dbye ba sum cu rtsa drug ste/ rnal 'byor pa yis rig par bya'o/ /gcig pu gcig ni sna tshogs yum ste srid gsum gnas su dpal
 ldan rigs rnams dag gi khyab byed de sum cu rtsa bdun pa'o/ /de bzhin dus 'og rnams su gtum mo brgyad de/ khyi gdong ma la sogs pa rnams so/ /mi'i 'jig rten phyogs bcu'i dkyil 'khor la ni khro skyes rnams so/ /yi dags
 zhes bya ba brgyad ni/ yi dags 'jig rten du ste lha mchog gnas su sgra'i rdo rje la sogs drug ces pa ni 'dod pa na spyod pa drug go /tshangs pa'i yul sar dpal ldan bzhi ste tshangs ris la sogs pa'i gzugs can zad par sa la sogs pa bsgom pa rnams so/ /gzugs
 med pa rnams ni stong pa'i khams so/ /rab mchog zhi ba'i grong du yum gcig ma ni ye shes kyi khams te/ shes rab kyi pha rol tu phyin ma'o/ /'di dag rab tu khros pa'i zhal rnams kyis sna tshogs te lus yang dag sdud byed dgyes
 pa rnams kyis ni skyong par byed pa nyid do/ /zhes pa ni rnal 'byor ma'i rigs nges pa'o/ /da ni bu mo zhes pa la sogs pas rnal 'byor pa rnams kyi las kyi phyag rgya'i dngos grub kyi don du rdo rje'i mchod pa'i nges pa gsungs te/
 'dir dben par tshogs kyi 'khor lo 'am/ skye bo med par bsgom pa'i dus su bu mo rgan mo dang ma rnams sam/ lus ni dri ma dang bcas pa 'am/ bram ze mo 'am/ rgyal rigs mo 'am/ rje'u mo 'am/ dmangs mo 'am/ mthar skyes ma 'am/
 mig dang lag pa dang dpral ba'am/ rna ba chad pa 'am/ sna chad pa 'am/ mchu chad pa 'am zhes pa la sogs pa yan lag ma tshang ba rnams te/ mdza' dag ni byang chub rgyu ru mchog gi snying rjes shes rab dang thabs kyi bdag nyid kyi
 rnal 'byor gyis bsten par bya ste/ slob dpon nam rnal 'byor pa dri ma dag dang rnam par bral te khengs pa la sogs pa'i skyon las grol zhing/ byang chub spyod la rjes su zhon pa chags pa dang phyi rol dang khyim gyi 'ching pa thams cad las
 grol ba rnams kyis so/ /zhes pa ni bcom ldan 'das kyi nges pa'o/ /da ni dang por zhes pa la sogs pas rdo rje'i mchod pa la phyag rgya bzhi'i ming gsungs te/ 'dir dam tshig 'dus pa la ming rnam pa bzhi ni dang por shes rab bud med gang yin
 pa de ni gsang ba'i phyag rgyar brjod do/ /dam tshig la ni dpal ldan skyes pa ste/ rnal 'byor pa thabs ni mchog gi phyag rgyar 'gyur ro/ /de dag 'dus pa'i rtsed mo la tsum pa na la sogs pa ni las kyi phyag rgya zhes brjod do/ /dbang po gnyis
 kyi sbyor ba'i bde mnyam dag gis chos kyi phyag rgyar brjod do/ /dam tshig gi skad rnam pa bzhi po 'di ni rdo rje'i mchod pa la gsungs so/ /da ni pho nya mo rnams zhes pa la sogs pas pho nya mo rnams kyi lus sam skye gnas la dri'i mtshan nyid
 gsungs te/ 'dir pho nya mo rnams dag gi dri lnga lus la gnas pa 'am/ pad+ma la gnas par 'gyur te/ de bzhin du de dag gi rigs rnam pa lngar 'gyur ro/ /de la rang bzhin ni nam mkha' la sogs pa ste/ de'i yon tan gyi dbang gis gla rtsi'i
 dri dang/ pad+ma'i dri dang/ gcin gyi dri dang/ sha'i dri dang/ rul pa'i dri'o/ /grangs bzhin du dpal ldan bzang mo dang/ pad+ma can dang/ dung can ma dang/ sna tshogs ma dang/ glang chen ma ste/ 'di rnams gla rtsi la sogs pa'i drir?
 rim pa bzhin du 'gyur ro/ /dpal ldan zhes pa ni rdo rje dbyings kyi dbang phyug ma ste/ dpal shin tu bzang mo'o/ /sgrol ma ni pad+ma can no/ /gos dkar mo ni dung can ma'o/ /mA ma kI ni sna tshogs ma'o/ /spyan ma ni glang chen ma'o/ /de bzhin du
 rnal 'byor pa yang rnam pa lnga ste/ seng ge dang/ ri dags dang/ rta dang/ khyu mchog dang/ glang po che ste rigs kyi dbye ba las so/ /mi bskyod pa ni seng ge'o/ /don yod grub pa ni ri dags so/ /rin chen 'byung ldan ni rta'o/ /snang ba mdza' yas
 ni khyu mchog go /rnam par snang mdzad ni glang po che'o/ /de'i phyir snga ma bzhin du dri'i nges pa dang/ rigs kyi nges pa'o/ /da ni yan lag phra zhes pa la sogs pas lus kyi mtshan nyid gsungs te/ 'dir shin tu bzang mo ni yan lag phra ldan skra
 rnams phra zhing rkang lag 'jam la sems can la mnyes bshin zhes pa ste/ rdo rje dbyings kyi dbang phyug ma'o/ /de bzhin du cung zad phra ba dang ldan la/ cung zad ring zhing mig ni g.yo ba med la/ skra ni khyog pa pad+ma can zhes pa ste sgrol ma'o/ /de
 bzhin du ngo tsha med cing 'dod pa drag la rtsod mang la/ skra ni shin tu chung ba dung can ma zhes pa ste gos dkar mo'o/ /ring zhing yan lag thams cad rdzogs la nges par yang ba'i yul dang/ skra ni ring ba'i sna tshogs ma zhes pa ste mA ma kI'o/ /de
 bzhin du spom zhing thung la yan lag brtan ldan shin tu sra ba'i yul dang skra ni sbom pa glang chen ma zhes pa ste spyan ma'o/ /de ltar pho nya mo rnams dag pa'i rigs ni 'ba' zhig dag tu 'dir 'gyur dus kun du ni 'dres pa'i rigs so/ /pho
 nya mo sum cu rtsa drug gi rigs nges pa'o/ /da ni rnal 'byor pa rnams kyi mtshan nyid gsungs te/ seng ge dag kyang 'brog na gnas shing yul dang rnam bral 'jigs pa med la gtong ba'i ngang tshul can zhes pa ni mi bskyod pa'o/ /ri dags 'gyogs 'gro dang
 ldan 'gyur zhing yang ba'i yul dang skrag pa'i sems te shin tu 'jigs pa'o/ /zhes pa ni don yod grub pa'o/ /rta ni nges par 'dod la sred par 'dor te gzhan dbang gcin gyi dri dang gzhan don gnyer ba'o/ /zhes pa ni rin chen 'byung ldan no/ /khyu
 mchog rengs pa'i mig dang dman par 'gro ldan rang bzhin yon tan blun po nya yi dri ru 'gyur zhes pa ni snang ba mdza' yas so/ glang chen 'dod ldan nges par dal bar 'gro bar 'gyur te rul ba'i dri dang shin tu rmongs pa'o/ /zhes pa ni rnam par
 snang mdzad do/ /de ltar 'ga' zhig tu rnal 'byor pa rnams kyi dag pa'i rigs te thams cad du ni 'dres pa'i rigs so/ /de ltar sum cu dbye bas phye ba sa'i steng gi gnas su rigs kyi dri'i rang bzhin te/ phan tshun 'dres pa las skyes par gyur
 pa'o/ /de'i phyir nya mo de dag rnams mchod pa'i don du 'dod pa'i bstan bcos yon tan mang po'i gnas ni rnal 'byor pas rig par bya'o/ /gang las ci'i phyir zhe na/ shin tu dga' ba byas kyang rnal 'byor pa la rnal 'byor ma yis ma
 tshim dngos grub sbyin par mi 'gyur ro/ /de'i phyir 'jig rten pa'i dngos grub kyi don du 'dod pa'i bstan bcos shes par bya'o zhes pa ni nges pa'o/ /da ni mdzes ma zhes pa la sogs pas pho nya mo rnams kyi chos kyi dbyings la sogs pa'i rigs
 gsungs te/ 'dir mdzes ma ni chos kyi dbyings ma'o/ /lha mo ni sgra rdo rje ma'o/ /sha za mo ni dri rdo rje ma'o/ /mi mo ni gzugs rdo rje ma'o/ /srin mo ni ro rdo rje ma'o/ /glu mo ni reg bya rdo rje ma'o/ /de la mdzes ma sems can phan pa byed ma brtul zhugs
 nges pa la dga' sdom dang bsam gtan dang tshul can/ /lha mo longs spyod la ni rjes chags 'gyur te dri ma ldan zhing lhag ma la chags sha za mo/ /mi mo 'dod la rjes chags ma yin srin mo yi khrag la dga' zhing gsod par
 sems ma ste/ /klu mo dag kyang 'o ma'i zas can rab mchog sa yi steng du rnal 'byor pa yis mchod par bya ste/ thams cad du gnas dang nye ba'i gnas la sogs pa rnams su'o zhes pa ni nges pa'o/ /de bzhin du gzhan du 'dres pa'i rang bzhin
 rnams ni rang bzhin yon tan dbang gis rnal 'byor pa yis rig par bya ste/ tsar tsi kA la sogs pa rnams 'dod ma dang phyir 'dod ma la sogs pa'i rang bzhin gyis sgrub thabs kyi le'u las 'chad par 'gyur ba'i cho gas so/ /de ltar sa'i
 steng gi gnas su mkha' spyod sa spyod rnams ni sum cu rtsa drug dbye bas phye ba'o/ /da ni chang zhes pa la sogs pas ston pa po'i btung ba'i nges pa gsungs te/ 'dir chang thams cad shes rab kyi rang bzhin te sbrang rtsi las skyes pa 'am/ bu ram
 las skyes pa 'am/ 'bras las skyes pa'am/ shing las skyes pa 'am/ gzhan pa'o/ /phyag rgya dang bral slob dpon gang zhig 'thung byed de ni yul can du 'gyur te/ chang 'thung ngo zhes pa'i don do/ /bdud kyi tshogs kyis bskor bar 'gyur
 ro/ /de phyir shes rab lhag ldan sdig pa'i dri ma 'phrog cing sngags pa rnams la dngos grub sbyin par 'gyur zhes pa'o/ /phyag rgya gang su rung ba chang 'thung ba'i dus 'dir ni dkyil 'khor dang tshogs kyi 'khor lo ma gtogs par dam
 tshig rnam par bral yang btung ba'i slad du rab tu bya ste/ rdo rje mchod pa'i don du'o zhes pa ni nges pa'o/ /gang gis rnal 'byor pa rnams kyi dam tshig bzhi pa bsten par gyur pa de'i yon tan gsungs te/ rgyal po ri bong mtshan pa gcig pu
 thams cad dus su bsten pa 'chi ba'i 'jigs pa 'phrog byed na/ mi 'pho ba'i bde bas shes rab chos 'byung la gnas nyin mor byed pa dang bcas pa ni byang chub sems kyi khams te/ phyi rol tu zos pas 'chi ba'i 'jigs pa 'phrog na rnal 'byor ldan pa
 dag gi smos? ci dgos te/ mi 'pho bar byas pa zhes pa'i don to/ /mi skyod pa ni gcin no/ /don yod pa ni rkang ngo/ /rgyal ba mchog ni rnam snang mdzad de/ /de dang ldan pa'i ni 'chi ba'i 'jigs pa 'phrog par 'gyur ro/ /de bzhin du khyi dang/ rta dang/
 ba lang dang/ glang po che dang ldan pa ni nyon mongs rnams kyi rdo rje dbyug pa ste/ phyugs kyi skye bo 'jigs sbyin brgyad pa gzhan ni shin tu drag ces pa ni sha chen po'i dam tshig go /de ltar bshang ba dang gci ba dang/ rkang dang sgron ma lnga ni dam tshig
 brgyad de gnyis ni nyi ma dang zla ba dag go /de ltar bdud rtsi lnga dang sgron ma lngas tshogs kyi 'khor lo la mchod pa rnam pa bcur 'gyur ro/ /chang dang sha dang 'khrig pa dang/ /bdud rtsi bza' ba zhes pa dam tshig bzhi ni slob dpon gyis bya ste/ rnam pa
 gzhan du na bdud kyi phyogs kyis 'dzin par phyir ro/ /zhes pa ni de bzhin gshegs pa'i nges pa'o/ /da ni khyi rta zhes pa la sogs pas rnal 'byor pa rnams kyi gzugs yongs su bsgyur bas dam tshig gsum cu rtsa drug gsungs te/ 'dir khyi ni
 sgrol ma'o/ /rta ni gos dkar mo'o/ ba lang ni mA ma kI'o/ /glang po che ni spyan ma'o/ /rdo rje dbyings kyi dbang phyug ma ni gzugs thams cad 'dzin pa'o/ /lug ni sgra rdo rje ma'o/ /ra ni reg bya rdo rje ma'o/ /ri dags ni ro rdo rje ma'o/ /bong bu ni gzugs rdo rje
 ma'o/ /phag ni dri rdo rje ma'o/ /rnga mo ni chos kyi dbyings kyi rdo rje ma ste/ sangs rgyas dang byang chub sems dpa' i rigs kyi dbye bas 'di dag phyogs shes pa ste bcu'o/ /de bzhin du kum+b+hI ra ni tsar tsi kA'o/ /'gron bu ni khyab 'jug ma'o/ /ku li ra
 ni phag mo'o/ /nya ni gzhon nu ma'o/ /ma kar ni dbang mo'o/ /sbal pa ni tshangs ma'o/ /rus sbal ni dbang phyug ma'o/ /dung ni dpal chen mo ste 'byung po las skyes pa brgyad do/ /bse ni rmug byed ma'o/ /stag ni rengs byed
 ma'o/ /dom ni nga rgyal ma'o/ /ne'u le ni shin tu stobs ma'o/ /'bri ni rdo rje lcags sgrog ma'o/ /ce spyang ni khro gnyer can ma'o/ /sra ma ni tsun da'o/ /byil ni 'od zer can no/ /'brog dgon pa'i khyi ni shin tu sngon mo'o/ /'brog dgon pa'i seng ge ni drag can
 ma ste/ khro bo las skyes pa bcu'o/ /de bzhin dug lhA ni bya rog gdong ma'o/ /byi ba ni phag gdong ma'o/ /shA li jA ta ka ni ce spyang gdong ma'o/ /spre'u ni stag gdong ma'o/ /ri bong ni khyi gdong ma'o/ /gzungs mo ni bya rgod gdong ma'o/ /iShu ka ni
 mkha' lding gdong ma'o/ /rtsangs pa ni 'ug gdong ma ste/ brgyad ni lha min las skyes pa rnams kyi dam tshig dang gzugs yongs su bsgyur ba'o/ /de ltar sa la spyod pa dang chu la spyod pa'i dam tshig nges pa'o/ /da ni khengs ldan zhes pa la sogs
 pas mkha' la spyod pa rnams kyi dam tshig gsungs te/ 'dir khyi la sogs pa bzhi po ji lta ba de bzhin du khengs ldan 'dab chags te/ tsA ta ka dang/ ne tso dang/ khu byug dang/ ri skegs te/ gsal bar chu'i gter zhes pa dam tshig bzhi ste/
 sgron ma la sogs pa rnams so/ /de bzhin du sgra rdo rje ma la sogs pa drug ni/ lA ba dang/ phug ron dang/ bya dkar dang/ tsa Ta ka dang/ dur pa dang/ dang po'o zhes pa ni nges pa'o/ /de bzhin du 'byung po las skyes pa'i dam tshig brgyad ni/ /
 khrung khrung dang/ khu byug mig dang/ ra dzA kA dang/ b+ha ga ba tI zhes pa pa ta kI dang/ tit+ti ri dang/ bzhad dang/ chu la 'jug pa zhes pa chu'i bya 'og dang/ chu skyar te nor rnams shes pa brgyad ni tsA munDa la sogs pa rnams kyis te rim pas rig
 par bya'o/ /de bzhin du khro bo las skyes pa rnams kyi dam tshig bcu ni/ bya rog dang/ bya rgod dang/ 'ug pa dang/ ri dags dgra zhes pa hor pa chen po dang/ gtsug phud can dang/ bya gag dang/ b+ha dra zhes pa san tsA ka dang/ g+hAr zhes pa 'ol pa dang/ hor ba dang
 ljon shing dgra ste khro bo las skyes khro bo'i rigs rmugs byed la sogs pa rim pa ji lta bas so/ /de bzhin du khyi gdong ma la sogs pa lha min rnams kyi dam tshig brgyad ni/ mig sngon dang/ tsa kor dang/ a ni la dang/ gu da mu kha zhes pa pha bang dang/ bug
 gi zhes pa dAd pU ha dang/ rkang steng nyal zhes pa Ti Ti b+hi ga dang/ b+he ru Na Da dang/ am pa rI ka ste/ mi yi bdag po bya rog gdong ma la sogs pa lha min mo rnams kyi mchog gi 'dab chags brgyad du 'gyur ro/ /de ltar sum cu rtsa drug rigs kyi dbye bas
 sa'i srid pa la gnas sa spyod mkha' la spyod rnams kyi rigs su gyur pa'i dam tshig ste/ dam tshig bdun bcu rtsa gnyis po mdza' dag rnams ni mchod pa'i dus su rnal 'byor pas bza' bar bya'o/ /de dag kyang rnal 'byor ma rnams kyi byin te/ rmongs
 pas gti mug dag las gal te tshogs kyi 'khor lo la dam tshig byin pa rnams spangs na de'i tshe myur du nyams par rab tu 'gyur te smad pa'i sems kyis so/ /da ni so dang zhes pa la sogs pas lus kyis cha shas kyi dam tshig gsungs te/ so dang
 skra dang/ pags pa dang/ sha dang/ chu rgyus dang/ rus pa dang/ snying dang/ pad+ma zhes pa skye gnas dang/ shig dang/ ba spu dang/ srin bu dang/ glo ba dang/ rgyu ma dang/ chu so dang/ bad kan dang/ mkhris pa dang/ chu dang/ rnag dang/ sna tshogs
 lus la gnas pa zhes pas sems can rnams kyi lus la gnas pa rnams dang/ khrag dang/ rdul dang/ tshil dang/ mchi ma dang/ mchil ma dang/ snabs dang/ dri chu dang/ chu ser dang/ zhag dang/ kha dog sna tshogs dang/ dri sna tshogs dang
 lce dang/ mig dang/ rna ba dang/ sna dang/ ri bong can zhes pa khu ba dang/ nyin phyed ces pa rdul te/ dam tshig gi rdzas 'di rnams kyis lha rnams mchod par bya ste/ tshogs kyis 'khor lo la rnal 'byor pa rnams kyis so zhes pa
 ni nges pa'o/ /sum cu rtsa drug yi ge rnams ni de dag gis rang bzhin yon tan dbang gis shes pa nam mkha' la sogs pa'i khams kyi dbang gis te/ da g+ha ga kha ka/ nya dz+nya dza tsha tsa/ Na Dha Da Tha Ta/ ma b+ha ba pha pa/ na d+ha da tha ta/ th+ka sha Sha nypa sa
 ha ya ra wa la k+Sha zhes pa'o/ /'di rnams ni byang chub phyogs kyi chos rnams kyang ste/ bcom ldan 'das ma dang bcas pa sum cu rtsa bdun no/ /de bzhin du sum cu rtsa drug khams kyi dbye ba ste/ a A i a'i ri rI u a'u la lI aM a:
 A A e i ar Ar o aau al Al aM a(rgyud 'grel de bzhin du dbyangs dang bcas pa'i yi ge so so yis bskyed pa rnams ni rnal 'byor gyi rgyud sum cu rtsa drug go /de bzhin du rnal 'byor ma'i rigs kyi rgyud rnams te/ bcom ldan 'das ma dang bcas pa thams cad sum cu rtsa bdun gyi
 bdag nyid du rig par bya'o zhes pa ni sa gzhi dag la gnas pa rnams shes pa ste nges pa'o/ /lhag ma rnams ni dag pa'i rigs su mi 'gyur te/ gsal byed sna tshogs kyi chos can nyid kyi phyir ro/ /de ltar rigs sum cu rtsa drug gi dkyil
 'khor bri ba dang rnal 'byor ma rnams mchod pa ni nyis so la bya'o zhes pa de bzhin gshegs pa'i nges pa'o/ /da ni chu dang zhes pa la sogs pas 'khor lo 'dus pa la mchod yon la sogs pa gsungs te/ chu'i snod dang/ mchod
 yon gyi snod dang/ dri yi snod dang/ spos kyi snod dang/ me tog gi snod dang/ 'bras bu'i snod dang/ 'bru ma nyams pa'i snod dang/ mar me'i snod dang/ lha bshos kyi snod dang/ gos kyi snod de/ de ltar mchod pa'i rdzas rnam pa bcu ni tshogs kyi
 'khor lo la 'dus pa dang/ dkyil 'khor gyi 'khor lo la mchod pa'i don du'o/ /de bzhin du nang gi rdzas rnams bcur 'gyur te/ khu ba dang/ gcin dang/ rkang dang/ bshang ba dang/ sha dang/ mchin pa dang/ mkhris pa dang/ khrag
 dang/ rgyu ma dang/ pags pa ste rnam pa bcu ni 'khor lo 'dus pa la lha mo rnams mchod pa'i don du 'gyur ro/ /rgyal po zhes pa ni bod pa'o/ /da ni sgrol ma la sogs pa'i rigs las skyes pa rnams kyi mtshan ma sum cu rtsa drug gsungs te/ 'dir
 tshogs kyi 'khor lo la zhugs pa rnams sam grong ngam grong khyer du gnas pas rnal 'byor ma rnams kyi dpral ba'am/ brag pa gnyis ka 'am/ g.yon pa dang g.yas pa'i dpyi yi phyogs la gang gi tshe lus kyi kha dog las gang zhig kha dog gzhan du rtogs par 'gyur
 ba'i mtshan ma de ni kha dog la rigs par bya ste/ gang yang lag pa dang rkang pa'i mthil du 'gyur ba de ni mo rnams kyis rig par bya'o/ /des na rnal 'byor ma rnams kyis lag pa gzung ba'i slad du bud med dang skyes pa'i mtshan nyid bslab par bya'o/ /gang gis gzhan gyi bud
 med kyi rang gi lag pa yang mtshan nyid kyi don du gtong du 'jug par byed na des zol gyis de dag gi lus la gnas pa dang/ lag pa dang rkang pa'i mthil na gnas pa dang/ khyim du bris pa'i mtshan ma rig par bya'o zhes pa ni thabs so/ /de
 la gang gi skye ba'i gnas lnga rnams su kha dog las rdo rje mthong na de ni rdo rje dbyings kyi dbang phyug ma ste/ lag pa'i mthil lam rkang pa dag la ni ri mo rnams kyis so/ /de bas na de ni nam mkha' i khams kyi rigs can ma'o/ /de bzhin du sgrol ma'i
 ral gri'o/ /gos dkar mo'i mnga' 'am rin po che'o/ /mA ma kI yi pad+ma 'dab ma brgya pa'o/ /spyan ma'i lnga pa 'khor lo'i mtshan ma ste/ de ltar rlung dang me dang chu dang sa'i rigs las skyes pa rnams kyi mtshan ma rnams so/ /de bzhin
 du sgra rdo rje ma'i rgyud mangs so/ /gzugs rdo rje ma'i me long ngo/ /ro rdo rje ma'i snod do/ /dri rdo rje ma'i me tog phreng ba'o/ /reg bya rdo rje ma'i gos so/ /chos kyi dbyings kyi rdo rje ma'i chos 'byung ste/ /yul gyi rigs las skyes pa rnams kyi skye ba'i gnas
 lnga rnams sam/ lag pa dang rkang pa rnams la mthong bar 'gyur ro zhes pa ni sgra rdo rje ma la sogs pa'i mtshan ma'o/ /de bzhin du ngas pa'i gri gug la sogs pa rnam pa brgyad de/ /de la tsA ra tsi kA'i gri gug go /khyab 'jug ma'i bum pa'o/ /
 phag mo'i gcu gzar ro/ /gzhon nu ma'i gos ser mo'o/ /dbang mo'i khab bam tho ba'o/ /tshangs ma'i nya rgya'o/ /drag mo'i rtse gsum mo/ /dpal mo'i rdo gru bzhi ste mtshan ma brgyad po 'di ni 'byung po las skyes pa rnams kyi zhes pa/ 'chi med
 la sogs pa'i rigs las skyes pa rnams kyi'o/ /de bzhin du khro bo las skyes pa rnams kyi bcu ste/ de la rmugs byed ma'i rmugs ci'i snod de nyin mor byed pa dang mtshungs pa zlum po'o/ /rengs byed ma'i dar gyi srin bu'o/ /nga rgyal can ma'i ku
 sha'o/ /shin tu stobs ma'i chu gri'o/ /'od zer can ma'i mthil lham mo/ tsun da'i spu gri'o/ /khro gnyer can gyi shing lham mo/ /rdo rje lcags sgrog ma'i gdugs so/ /drag can ma'i tog co'o/ /shin tu sngon mo'i 'od ma'i dbyug pa ste/
 de ltar bcu ni khro bo las skyes pa rnams kyi rang gi mtshan ma rnam pa bcur 'gyur te/ rnam gnyis las kyi dbang po rnams kyi'o/ /de bzhin du lha min rnams kyi mchan ma ni khyi gdong ma'i ba lang gi rwa'o/ /phag gdong ma'i kham phor zhes pa sa'i
 phor pa'o/ /ce spyang gdong ma'i rgyud ldan no/ /stag gdong ma'i 'phang ngo/ /bya rog gdong ma'i sha'i gsal shing ngo/ /bya rgod gdong ma'i rgyud mangs nye ba'i yan lag ste mi 'am ci mo'o/ /mkha' lding gdong ma'i mda'o/ /'ug gdong ma'i rma bya'i mjug ma
 ste/ mtshan ma brgyad po 'di ni kha la sogs pa sgo brgyad rnam par dag pas rigs brgyad po rnams la mthong bar 'gyur ro/ /de ltar mtshan ma sum cu rtsa drug gang dag la mthong ba de dag ni de'i rigs can te/ mtshan ma des shes nas mchod par
 bya'o zhes pa nges pa'o/ /slar yang te sgrol ma la sogs pa rnams kyis dmangs rigs la sogs pa'i mtshan ma gsungs te/ 'dir dmangs rigs kyi yon tan gyi dbang gis sgrol ma'i rigs las skyes pa rnams kyis utpal 'am/ thod gshol
 mthong bar 'gyur ro/ /rgyal rigs ma ste gos dkar ma'i rigs las skyes pa'i rin chen dar dpyangs so/ /rje rigs ma ste spyan ma'i rigs las skyes pa'i smyu gu dang rin chen phreng ba'o/ /gnyis skyes ma skye mA ma kI'i rigs las skyes pa'i chu na rgyu
 ba dung dang zangs snod do/ /de ltar snga ma phyi mar yum gyi mtshan ma rnam pa bzhi ste/ gdol pa mo rdo rje dbyings kyi dbang phyug ma'i rigs las skyes pa'i Da ma ru dang rnga chen no/ /de bzhin du gtum mo shes rab kyi pha rol tu phyin ma'i rigs las
 skyes pa'i cod pan nam bgrad phreng ngo/ /de ltar gang gi dpral ba'am/ phrag pa 'am/ dpyi 'am/ lag pa dang rkang pa rnams la mtshan ma gang zhig mthong ba 'am/ khyim du bris shing mchod pa byed pa de ni de'i rigs
 can du rnal 'byor pas rig par bya'o/ /de yis dam tshig gi rdzas gang byin pa de bzar bar bya'o/ /ji srid las lan bdun gyi bar du bzlas te yongs su bsten par bya ste/ de nas dam tshig gi rdzas des mkha' la spyod pa nyid du 'gyur ro zhes
 pa ni nges pa'o/ /da ni bshad pa la sogs pa dam tshig gi rdzas rnams la sa la sogs pa'i lha'i rnam par dag pa gsungs te/ 'dir bshang ba dang gci ba dang/ khrag dang bcas pa dang/ sha dang bcas pa ni grangs bzhin du sa dang
 chu dang me dang rlung gi lha rnams kyi bzhir 'gyur ro/ /ma smos kyang khu ba ni rdo rje dbyings kyi dbang phyug ma zhes pa nam mkha' i khams so/ /de bzhin du rna ba dang sna dang mig dang lce dang bshang lam dang b+ha ga ni sgra dang dri dang gzugs dang ro dang reg bya dang
 chos kyi dbyings kyi lha mo rnams kyi dam tshig drug ste/ sgra'i rdo rje la sogs drug ces so/ /de bzhin du rnag dang bad kan dang shig dang srin bu dang chu ser dang zhag dang ba spu rnams dang skra rnams shes pa dam tshig brgyad ni grangs bzhin du tsar tsi
 kA dang khyab 'jug ma dang/ phag mo dang/ gzhon nu ma dang/ dbang mo dang/ tshangs ma dang/ drag mo dang/ dpal chen mo ste/ rnal 'byor ma 'byung po las skyes pa rnams kyi'o/ /de bzhin du rgyu ma dang mkhris pa dang rus pa dang rkang
 dang sna tshogs lus la gnas pa zhes pa sems can thams cad kyi lus la gnas pa ste/ mchin pa dang glo ba dang/ rtsa dang pags pa dang/ snying dang tshil bu ste/ de ltar bcur 'gyur ro/ /rgyu ma la sogs pa tshil bu'i mthar thug pa
 ni grangs bzhin du rmugs byed ma dang rengs byed ma dang/ nga rgyal can ma dang shin tu stobs ma dang/ rdo rje lcags sgrog ma dang khro gnyer can ma dang/ tsun dA dang 'od zer can dang/ drag can ma dang shin tu sngon mo ste/ khro bo'i lha mo 'di
 rnams kyi dam tshig bcu'o/ /de bzhin du rna ba'i dri ma dang sna'i dri ma dang/ mig gi dri ma dang lce'i dri ma dang/ bshang lam gyi dri ma dang b+ha ga yi dri ma 'am/ rtags kyi dri ma dang mchan khung gi dri ma dang/ yan lag thams cad kyi dri ma ste/
 dam tshig brgyad ni lha min mo rnams kyi grangs bzhin du ste/ khyi gdong ma dang phag gdong ma dang lce spyang gdong ma dang stag gdong ma dang bya rog gdong ma dang bya rgod gdong ma dang mkha' lding gdong ma dang 'ug gdong ma ste 'di rnams kyi dam tshig
 brgyad do/ /de bzhin du rnal 'byor ma rnams ni 'jigs/ ma la sogs pa ste/ gang zhig brgyad pa brgyad de drug cu rtsa bzhi po de rnams kyi dam tshig ni sen mo nyi shu dang so sum cu rtsa gnyis dang rtsa 'bab pa'i dbye bas thod pa dum bu bcu
 gnyis rnams te dam tshig drug cu rtsa bzhi'o/ /de bzhin du rigs brgya'i dbye bas dam tshig brgya ste/ rigs gsum dang ni rigs lnga nyid/ /rang bzhin gcig ste rigs brgya'o zhes gsungs pa'i phyir ro/ /rnal 'byor ma rnams kyi rigs sum
 cu rtsa drug dang/ rigs drug cu rtsa bzhi gcig pa nyid rigs brgyad rigs par bya'o zhes pa nges pa'o/ /da ni gnas la sogs pa rnams kyi dam tshig gi rnam par dag pa gsungs te/ bshang ba dang/ gci ba dang/ khrag dang sha zhes
 pa sna tshogs mdza' dag sems can rnams kyi lus la gnas pa ni gnas kyi dbye ba dag la bzhi'o/ /rna ba dang/ sna dang/ mig dang/ lce dang bshang lam dang/ b+ha ga zhes pa drug ni zhing gi dbye ba la 'gyur ro/ /de bzhin du rnag dang/
 bad kan dang shig dang srin bu dang/ chu ser dang zhag dang ba spu dang skra ste brgyad ni tshon do ha yi dbye ba rnams so/ /de bzhin du rgyu ma dang/ mkhris pa dang rus pa dang/ rkang dang mchin pa dang/ glo ba dang rtsa dang pags pa dang/ snying dang
 tshil bu ste bcu ni 'dus pa'i dbye ba rnams so/ /de bzhin du rna ba'i dri ma dang/ sna'i dri ma dang mig gi dri ma dang/ lce'i dri ma dar b+ha ga'i dri ma dang/ bshang lam gyi dri ma dang/ mchan khung gi dri ma dang yan lag brgyad kyi dri ma de/ /brgyad
 ni dur khrod kyi rab tu dbye ba rnams so/ /de bzhin du phyi rol du 'jig rten gyi khams la gnas la sogs pa'i rnam par dag pas dam tshig rnams gsungs te/ 'dir dus me dang zla ba dang nyi ma dang sgra gcan ni gnas kyi dbye
 bas spyan ma la sogs pa rnams kyi dam tshig bzhi'o/ /sa skyes dang zla skyes dang sngags pa dang/ pa pa sangs dang spen pa dang gdengs can zhes pa mjug rings te/ 'di rnams ni zhing gi dbye bas gzugs kyi rdo rje ma la sogs pa'i dam tshig
 rnams so/ /de bzhin du sa dang chu dang me dang rlung dang sa las skyes pa dang/ chu las skyes pa dang/ me las skyes pa dang/ rlung las skyes pa ste/ brtan pa dang g.yo bar gyur pa brgyad po rnams ni 'byung po las skyes pa rnams kyi dam tshig go /
 slar yang de nas ro drug po rnams dang/ dri dang kha dog dang sgra dang reg bya ste/ bcu ni 'dus pa'i dbye ba rnams te/ khro bo las skyes pa rnams kyi'o/ /sa la sogs pa rnams dang kha dog la sogs pa bzhi po rnams dbugs 'byung ba dang
 'jug pa dag gis zad pa ni dur khrod kyi rab tu dbye ba rnams te/ lha min mo rnams kyi dam tshig brgyad do/ /gnas la sogs pa phyi dang nang gi dam tshig rnam par dag pa'i nges pa'o/ /da ni gnas zhes pa la sogs pas nye ba'i
 gnas la sogs pa'i gnas rnams gsungs te/ 'dir thun mong gis byis pa rnams yul du 'khyam pa'i don du dzA la d+ha ra la sogs pa rnams gnas la sogs par gsungs so/ /de nyid ni thams cad du khyab par byed par mi 'gyur
 te/ rnal 'byor ma rnams kyi rigs sum cu rtsa drug ni grong khyer gcig tu yang gnas so/ /gang gis na 'dir mchog gi dang po'i sangs rgyas thams cad la khyab par byed pa nyid yin pa'i phyir bod la sogs pa dang rgya nag la
 sogs pa'i yul rnams na yang gnas la sogs pa yod do/ /de nyid ni bsdus pa'i rgyud gzhan du ma bsnan te yul thams cad dang grong khyer thams cad du gnas la sogs pa gsungs pa ni/ /gnas ni sgrol ma la sogs khyim ste rnam pa
 bzhi'o/ /de bzhin du sgra rdo rje ma la sogs pa'i khyim ni zhing rnam pa drug gi /tsar tsi kA la sogs pa'i khyim ni mtshan do ha rnam pa brgyad do/ /rmugs byed ma la sogs pa'i khyim ni 'dus pa rnam pa bcu'o/ /khyi gdong ma la sogs pa'i khyim ni
 dur khrod rnam pa brgyad do/ /mchog gi sar gnas rtsa ba'i gnas dang gsang bar bcas pa ni yum gyi khyim rnams gnyis te/ de dag rab tu gsal bar sa la mthar skyes ma dang mthar skyes ma zhes pa gdol pa mo dang gtum mo'i khyim ste/
 de ltar dmangs rigs la sogs pa'i khyim ni gnas la sogs pa'i ming gis rnal 'byor pas rig par bya'o/ /zhes pa ni thams cad du nges pa'o/ /da ni gnas shes pa la sogs pas nang du gnas la sogs pa'i ming gsungs
 te/ 'dir dam tshig 'dus pa la gnas ni thams cad du bud med kyi pad+ma'o/ /nye ba'i gnas gyi sgras skyes pa'i rdo rjer 'gyur ro/ /de bzhin du bud med rnams kyi skye mched drug ni zhing ngo/ /skyes pa rnams kyis ni nye ba'i zhing ngo/ /de
 bzhin du bud med rnams kyi mnyam gnas la sogs pa'i rlung brgyad ni tshan do ha'o/ /skyes pa rnams kyi ni nye ba'i mtshan do ha'o/ /de bzhin du bud med rnams kyi lce dang lce'u chung dang lag pa gnyis dang/ rkang pa gnyis dang/ bshang lam gyi g.yas dang
 g.yon dang/ gcin dang khu ba'i rtsa gnyis te/ las kyi dbang po bcu po 'di dag ni 'dus pa'o/ /skyes pa rnams kyi ni nye ba'i 'dus pa'o/ /de bzhin dus na gnyis dang rna ba gnyis dang/ mig gnyis dang kha dang bshang lam las dri ma 'byung ba ste de ltar bud med rnams kyi
 dur khrod brgyad do/ /skyes pa rnams kyi ni nye ba'i dur khrod do/ /zhes pa ste mdza' dag go /de bzhin du gnyi ga'i lus la so sor gnas ni g.yon gyi yan lag dang mdun no/ /nye ba'i gnas ni rgyab dang g.yas dang yan
 lag ste/ de ltar gnas rnam pa gnyis so/ /de bzhin du g.yon gyi dbang po'i tshogs ni zhing ngo/ /g.yas kyi dbang po'i tshogs ni nye ba'i zhing ngo/ /de bzhin du ru sbal dang/ rtsangs pa dang/ lhas byin dang/ nor las rgyal ba ste/ bzhi ni tshan
 do ha'o/ /mnyam gnas dang gyen rgyu dang khyab byed dang klu'i tshogs ni nye ba'i mtshan do ha'o/ /de bzhin du g.yon gyi las kyi dbang po'i tshogs ni 'dus pa'o/ /g.yas kyi ni nye ba'i 'dus pa'o/ /g.yon gyi rna ba la sogs pa'i bug pa dri
 ma 'byung ba ni dur khrod do/ /g.yas kyi nye ba'i dur khrod do/ /de bzhin du lag pa dang rkang pa la sogs pa la gnas pa ni rnam par dag pa gzhan gyis te/ mdun dang g.yon gyi yan lag ni gnas so/ /rgyab dang g.yas ni nye ba'i gnas
 so/ /de bzhin du g.yon gyi dpung pa'i tshigs dang g.yon gyi brla dang dbyi'i tshigs ni zhing ngo/ /g.yas kyi ni nye ba'i zhing ngo/ /g.yon gyi nye ba'i dpung pa'i tshigs dang byin pa dang brla'i tshigs ni tshan do ha'o/ /g.yas kyi ni nye ba'i tshan
 do ha'o/ /de bzhin du g.yon gyi lag pa dang rkang pa'i tshigs gnyis ni 'dus pa'o/ /g.yas kyi ni nye ba'i 'dus pa'o/ /de bzhin du g.yon gyi sor mo dang sen mo rnams ni dur khrod do/ /g.yas kyi ni nye ba'i dur khrod do/ /yang na gnyis ka'i dpung
 pa'i tshigs gnyis ni nye ba'i zhing ngo/ /de bzhin du tshan do ha la sogs pa dag kyang ste/ lag pa rkang pa la gnas pa yang sor mo'i mdza' i mtshams su zhes pa dam tshig 'dus pa la gnas la sogs pa'i ming rnal 'byor pas rig
 par bya'o/ /da ni dran pa zhes pa la sogs pas byang chub kyi phyogs kyi chos sum cu rtsa bdun rnams kyis rnal 'byor ma rnams kyi rnam par dag pa gsungs te/ 'dir lha mo bzhi ni rim pa bzhin du ste/ lus dran pa nye bar gzhag pa ni spyan ma'o/ /chor
 ba dran pa nye bar gzhag pa ni gos dkar mo'o/ /zhes pa rgyab dang g.yas so/ /sems dran pa nye bar gzhag pa ni mA ma kI'o/ /chos dran pa nye bar gzhag pa ni sgron ma'o/ /zhes pa ni g.yon pa dang mdun te/ lus kyi dbye bas gnas dang nye ba'i
 gnas gnyis so/ /dus kyi 'khor lor rab tu grags shes pa rgyud gzhan du rab tu ma grags te/ bcom ldan 'das kyis sbas so zhes pa'i don to/ /de bzhin du byang chub kyi yan lag bdun gyi nang nas byang chub kyi yan lag gcig ni
 yum rdo rje dbyings kyi dbang phyug ma ste rigs kyi gnas btang snyoms yang dag byang chub kyi yan lag go /gzhan bdag kyang sgra'i rdo rje ma la sogs pa drug ces pa ste/ dran pa yang dag byang chub kyi yan lag ni sgra rdo rje ma'o/ /chos
 rab tu rnam par 'byed pa yang dag byang chub kyi yan lag ni reg bya rdo rje ma'o/ /brtson 'grus yang dag byang chub kyi yan lag ni gzugs rdo rje ma ste lus kyi dbye bas nya ba'i zhing ngo/ /de bzhin du dga' ba yang dag byang chub kyi yan
 lag ni dri rdo rje ma'o/ /shin tu sbyangs pa yang dag byang chub kyi yan lag ni ro rdo rje ma'o/ /ting nge 'dzin yang dag byang chub kyi yan lag ni chos kyi dbyings kyi rdo rje ma ste zhing rnam pa gnyis so/ /de bzhin du chu gter yang dag spong ba
 rnams dang/ zhes pa ste sdig pa ma skyes pa rnams mi bskyed pa'i phyir spong ba ni tsar tsi kA'o/ /sdig pa skyes pa rnams spong ba'i dge ba'i rtsa ba ni khyab 'jug ma'o/ /mi dge ba ma skyes pa rnams spong ba'i dge ba bskyed pa ni dbang phyug ma'o/
 dge ba skyes pa rnams sangs rgyas nyid du yongs su bsngo bas spong ba ni dpal chen mo ste nye ba'i tshan do ha bzhi'o/ /gzhan pa chu gter lha mo bzhi ni rdzu 'phrul gyi rkang par 'gyur te/ de la 'dun pa'i rdzu 'phrul gyi rkang pa ni tshangs
 ma'o/ /brtson 'grus kyi rdzu 'phrul gyi rkang pa ni dbang mo'o/ /sems kyi rdzu 'phrul gyi rkang pa ni phag mo'o/ /dpyod pa'i rdzu 'phrul gyi rkang pa ni gzhon nu ma zhes pa tshan do ha'i dbye ba ste/ de ltar brgyad du 'gyur ro/ /de bzhin du khro bo
 lnga ni stobs rnams dag ste/ 'dir dad pa'i stobs ni shin tu sngon ma'o/ /brtson 'grus kyi stobs ni shin tu stobs ma'o/ /dran pa'i stobs ni rdo rje lcags sgrog ma'o/ /ting nge 'dzin gyi stobs ni nga rgyal ma'o/ /shes rab kyi
 stobs ni tsun da ste nye pa'i 'drus pa'o/ /de bzhin du rab tu gsal zhing nges par dbang po rnams ni lnga nyid do/ /zhes pa ste/ de bzhin du dad pa'i dbang po ni rengs byed ma'o/ /brtson 'grus kyi dbang po ni rmugs byed ma'o/ /dran pa'i
 dbang po ni 'od zer can no/ /ting nge 'dzin gyi dbang po ni khro gnyer can no/ /shes rab kyi dbang po ni drag can ma'o/ /zhes pa 'dus pa ste de ltar bcu'o/ /yang dag yan lag brgyad kyi lam ni mi yi bdag po lha min dag las skyes
 pa brgyad du 'gyur zhes pa la 'dir yang dag pa'i lta ba ni khyi gdong ma'o/ /yang dag pa'i rtog pa ni bya dog gdong ma'o/ /yang dag pa'i ngag ni stag gdong ma'o/ /yang dag pa'i las kyi mdza' ni 'ug gdong ma'o/ /yang dag pa'i
 'tsho ba ni lce spyang gdong ma'o/ /yang dag pa'i rtsol ba ni mkha' lding gdong ma'o/ /yang dag pa'i dran pa ni phag gdong ma'o/ /yang dag pa'i ting nge 'dzin ni bya rgod gdong ma ste/ de ltar na sum cu rtsa bdun rab tu dbye bas srid pa
 gsum gyi gnas su byang chub phyogs kyi chos rnams gang yin pa de dag mdza' dag rnal 'byor ma rnams sa'i steng gi gnas su rnal 'byor pas rig par bya ste gdol pa mo la sogs pa'o/ /de ltar byang chub kyi phyogs kyi chos sum
 cu rtsa bdun gyis rnam par sbyangs pa'i gnas la sogs pa ni chos kyi sku'i mtshan nyid du 'gyur te/ mi yi bdag po spyi dang lus la yang ni de bzhin zhes pa thams cad du nges pa'o/ /da ni sangs rgyas pa zhes pa la sogs pa 'di rnams
 bsten pa'i slad du rnal 'byor pa rnams kyi spyod pa'i cho ga gsungs te/ 'dir rgyud kyi rgyal po dus kyi 'khor lo'i dkyil 'khor du dbang bskur ba ni dkyil 'khor thams cad du dbang bskur ba ste/ mu stegs pa rnams kyi lha dang
 lha mo khyab 'jug dang drag po la sogs pa rnams dang/ tsar tsi kA la sogs pa rnam par sbyangs pa rnams kyi dkyil 'khor la yang bsgrub pa po'o/ /des na rnal 'byor pa de nyid thob pa ste dbang bskur ba ni ye shes sam/
 'jig rten pa'i las rab 'byams bsgrub pa'i don du sangs rgyas par gyur kyang rung/ zhi ba pa 'am gcer pu bar gyur kyang rung mchog gi nges pa'o/ /skal ldan gtsang gnas sam/ de bzhin du bram ze 'am thod pa can nam
 skra 'bal zhes pa zad byed par gyur kyang rung/ gos dkar 'am zhing skyong du gyur kyang rung ste dag go /thub pa 'am smon pa'i gzugs can nam/ rigs can nam/ sdig pa med pa'i sems ldan mkhas pa 'am/ gra pa ste
 rnal 'byor pa ni dngos grub don slad mdza' dag yon tan gter te mi yi dbang yid la gang 'dod pa'i spyod pa de ji srid grub par gyur gyi bar du sbas te bya zhing de nas nus pa la 'jig rten las 'das pa mngon sum du bya'o/ /zhes
 pa ni de bzhin gshegs pa'i nges pa'o/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las rab tu gnas pa dang tshogs
 kyi 'khor lo'i cho ga dang rnal 'byor gyi spyod pa'i mdor bsdus chen po ste lnga pa'o// //lag pa'i phyag rgya lta stangs kyis/ /gang gis lha min dbang skrag byed/ /dus kyi 'khor lo de btud nas/ /phyag rgya la
 sogs mtshan nyid bshad/ /smra mkhas kyis ni bsdus rgyud kyis/ /ji ltar rgyud chen las phyung ba/ /phyag rgya lta stangs yan lag brda/ /thams cad 'grel pas rgyas par bya/ /'dir phyag rgya bcing pa'i don du rgan po
 mthe bo la sogs pa sor mo rnams kyi ming ste/ rgan po ni mthe bo'o/ /de nas gnyis pa ni mdzub mo'o/ /gsum pa ni gung mo'o/ /bzhi pa ni mig med do/ /ming med de'i mthar mthe'u chung ni mdza' dag yon tan gter te
 nam mkha' i khams nyid kyi phyir ro/ /rnal 'byor pa yis slob dpon gyi man ngag gis rig par bya'o/ /de ltar phyag rgya bcing ba'i don du ming gi dbye bar 'gyur te/ yon tan dbang gis shes pa ni dri dang/ gzugs dang/ ro dang/
 reg pa dang/ sgra'i yon tan gyi dbang gis te rim pas so/ /de bzhin du bcing ba brjod par 'gyur na rdo rje bcing ba zhes par 'gyur zhing nges pa las khu tshur bcing ba byas par gyur na rdo rje'i khu tshur bcing ba/ zhes pa nges pa
 ste de bzhin zhes gsungs pa'i phyir ro/ /da ni rgyal ba'i bdag po'i phyag rgya gsungs te/ 'dir lag pa gnyis kas rdo rje khu tshur bcings nas khu tshur gyis mthe bo bsdams pa dag brla g.yas dang g.yon pa'i steng du
 rdo rje'i gdan la gnas pa ni rdo rje'i phyag rgyar 'gyur ro/ /da ni mi bskyod pa'i phyag rgya gsungs te/ sngar skyil krung byas nas skyil krung de la lag pa g.yon pa gan rkyal du 'gyur te/ g.yas pa pus mo g.yas pa'i phyogs nas ji srid sa la reg pa'i bar du
 sa las zhi bar gyur pa ste/ de ltar sa la reg pa mi bskyod pa'i phyag rgya'o/ /slar yang rim pa de nyid kyis te/ 'on kyang lag pa g.yas pa gan rkyal ni phyag na rin chen gyi mchog sbyin gyi phyag rgya'o/ /de bzhin du skyil krung la lag pa
 g.yon pa'i steng du lag pa g.yas pa gan rkyal mnyam par gnas pa ni phyag na pad+ma ste/ snang ba mdza' yas kyi ting nge 'dzin gyi phyag rgya'o/ /de bzhin du lag pa g.yon pa'i mthil gan rkyal du skyil krung gi steng du ste/ gzhan
 pa lag pa g.yas pa'i mthil pus mo g.yas pa'i steng du 'jigs pa med pa rab tu sbyin pa ni/ phyag na ral gri zhes pa don yod grub pa'i mi 'jigs pa'i phyag rgya'o/ /de bzhin du g.yas pa'i khu tshur g.yas min gyi khu
 tshur la ste/ mdzub mo g.yon pa gang yin pa de slar yang gzhan steng du khu tshur bcings pa la mdzub mo rab tu zhugs pa 'di ni/ rnam par snang mdzad kyi byang chub mchog gi phyag rgya ste/ 'di ni gsal bar snying khar son pa'o//
 de bzhin du gzhan pa byang chub mchog gi phyag rgya ni lag pa g.yon pa dang g.yas pa'i mdzub mo mthe bong sbyar ba gdu bu bzhin du gyur cing/ zlum bu g.yon pa'i sen mo 'dus pa la g.yas pa'i sen mo 'dus pa ston pa'i
 sbyor bas gung mo la sogs brkyang bar ming med dang mthe'u chung cung zad steng du'o zhes pa snying kha'i phyogs su chos kyi 'khor lo'i phyag rgya ste/ de ltar de bzhin gshegs pa drug gi nges pa'o/ /da ni mchog gi phyag rgya
 gsungs te/ 'dir rang gi lus la go cha chen po'i don du lag pa g.yon la shin tu gang ba'i dri med ri bong 'dzin pa zhes pa ni/ 'dir a yig la sogs pa dbyangs bco lnga'i bdag nyid zla ba'i dkyil 'khor te/
 lag pa g.yon la shin tu gang ba'i dri med ri bong 'dzin pa cha bco lnga yongs su rdzogs pa'o/ /a i ri u li a e ar o al ha ya ra wa la zhes pa ni dbyangs rnams so/ /de bzhin du lag pa g.yas la rdo rje nyi ma dbyangs bco lnga'i
 bdag nyid de/ lA wA rA yA hA Al aau Ar i A lI a'u rI a'i A zhes pa ni yang dag par gang ba'i nyi ma'o/ /nyi ma dang zla ba 'di dag yang dag par sbyar ba rdo rje 'jigs byed de/ drag po'i rdo rje khro bo las skyes shes pa hUM yig
 las skyes pa rtse mo lnga pa bsgoms nas rdo rje dang 'chad par 'gyur ba'i rdo rje'i phyag rgyas yan lag thams cad la reg par bya ste/ cod pan dang bcas shes pa gtsug tor dang bcas pa'i mgo nas brtsams te rkang pa'i mthar zhes
 pa rkang pa'i sen mo'i mthar thug pa nyid du'o/ /'di ni rgyal po dus kyi 'khor lo'i dpal ldan mchog gi phyag rgya ste thams cad bsrung zhing/ sdig pa'i dri ma 'phrog pa'o/ /de bzhin du phyag rgya 'di yis gang zhig cung zad bzung bar bya
 ba'i dngos pos skyes chu skyes kyi dam tshig dang/ mngal skyes sam/ drod bsher las skyes pa 'am sogs pa'i sgras rul pa skyes pa'i dam tshig gam/ de bzhin du bza' ba dang btung ba dang/ brtson 'grus dang bcas te/
 sha dang bcas pa ni 'chad par 'gyur ba'i rim pas sbyang ba dang rtogs pa dang/ rab tu 'bar bar bya'o/ /de bzhin du bla ma dang na zhabs dag la yang ste lha'i sku la rang gi rkang pa bgrod pa'i don du'o/ /gang gang bya ba nye bar sbyor
 bar 'gyur ba'i dngos po gang yin pa de yon tan dbang gis shes pa snying stobs dang rdul dang mun pa dang/ dri la sogs pa'i yul gyi dbang gis bya ba de la de ni phyag rgyas reg nas sbyar bar bya'o/ /sa la sogs la dkyil 'khor don dang
 rkang pa bgrod pa'i don du rnal 'byor pas phyag rgya 'di yis bsnun par bya ste mchog gi phyag rgya'o/ /da ni khro bo'i mgon po'i phyag rgya gsungs te/ 'dir lag pa dag gis rdo rje bcings pa zhes pa la 'dir lag pa g.yas pa lag
 pa g.yon pa'i 'khrig ma'i steng du song nas 'og tu zhugs te dpung pa dang nye ba'i dpung pa'i tshogs kyi steng du rdo rje khu tshur gyis gnas so/ /de bzhin du lag pa g.yon pa yang rdo rje bcings pa ste nges par khro bo'i mgon po chen
 po'i phyag rgyar 'gyur zhes pa rdo rje shugs kyi'o/ /de bzhin du mdzub mo thog mdza' bcings shing zhes pa ni 'dir mdzub mo dag phan tshun du lcags kyu bcings shing mdza' zhes pa mdza' chung gnyis po dag bcings te/ lhag pa'i
 rgyab sbyar bas khu tshur bcings te mthe bo dag khu tshur gyi nang du'o/ /de ltar gtso bo srid pa gsum las rnam par rgyal ba'i zhes pa 'jig rten gsum las rnam par rgyal ba'i ste snying khar gnas pa'o/ /mtshan ma'i rnam pa dag kyang
 lhag ma rnams te rab gsal nges par lha dang lha mo rnams kyi'o/ /de bzhin du klu rnams kyi phyag rgya ni lag pa dag gis rdo rje bcings pa zhes pa ste/ 'dir g.yon pa'i dpung pa dang nye ba'i dpung pa'i tshigs kyi steng du g.yas pa'i
 dpung pa dang nye ba'i dpung pa'i tshigs bcings pas g.yon pa'i lag pa dang nye ba'i dpung pa'i tshigs g.yas pa'i lag pa dang nye ba'i dpung pa'i tshigs kyi steng du ste/ lag pa g.yon pa dang g.yas pa g.yo ba'i gdengs ka'i
 rnam par dag go /de ltar g.yo ba'i gdengs ka'i rnam pa gdengs can rnams kyi phyag rgya'o/ /de bzhin du g.yas su bskor bas kyang rig par bya'o/ /da ni mthe bo zhes pa la sogs pas mtshan ma'i phyag rgya gsungs
 te/ 'dir rdo rje rtse lnga pa'i phyag rgya la lag pa sbyar ba byas nas mthe bong dag sbyar zhing mthe chung gnyis sbyar te dag pad+ma'i 'dab ma dang mtshungs la/ gung mo gnyis mnyam par dbus su brkyang ste/ mdzub mo gnyis gung mo dag gi
 rgyab kyi char phyed 'khyog pa zla ba phyed pa'i rnam pa dang/ ming med 'og tu bskum pa rang gi lag mthil son gyur pa de ltar phyag rgya 'di ni rdo rje can gyi rdo rje rtse mo lnga par 'gyur te/ bstan par bya'o zhes pa ste/ sngar gsungs pa'i mchog gi
 phyag rgya yang 'di'o/ /de bzhin du rtsibs kyi rnam pa sor mo rnams te/ lag pa gnyi ga la gnas mthe bo la sogs mdza' dag rnams shes pa ni rdo rje'i phyag rgya gzhan te/ shes rab la 'khyud pa'i don du'o/ /de bzhin du lag pa
 gnyis ni rdo rje bcings pa snga ma bzhin du rdo rje'i khu tshur gyis rdo rjer 'gyur te/ g.yas pa steng du byas shing g.yon pa gang yin pa 'og tu khu tshur gyis dril bur 'gyur ro/ /de bzhin du khu tshur phyed pa ming med dang mthe chung gi khu tshur gyi nang du mthe bo'o/ /de ltar khu
 tshur byed pa 'dzub mo dang ni gung mo sbyar ba mda' dang mtshungs pa dag kyang ral gri rnon por 'gyur zhes pa steng du ral gri'i phyag rgya'o/ /de bzhin du mthe bong khu tshur phyed pa dang mdzub mo la sogs zhes pa mdzub mo dang/ gung mo dang/
 ming med rtse gsum gyi rnam par slar yang bkram pa dag ste/ khu tshur phyed pa yis ni rtse gsum gyi phyag rgya ste/ thams cad ni yul gyi don la bdun pa'o/ /de bzhin du dpal ldan gri gug khu tshur bcings shing mthe chung zla ba phyed pa'i
 rnam pa gdul dka' rnams 'jigs par byed par 'gyur zhes pa gri gug gi phyag rgya'o/ /de bzhin du rna ba'i steng du khu tshur bcings shing mthe bong gung mo'i steng la mdzub mo'i 'og tu mnga' i mchog gi phyag rgya la zhes pa ni mda'i phyag rgya'o/ /
 lcags kyu la rdo rje khu tshur bcings shing mdzub mo khu tshur gyi steng du lcags kyu'i rnam pa shin tu 'khyog po ni lcags kyu'i phyag rgya'o/ /de bzhin du mthe chung dang mthe bo dag gis khu tshur dang/ mdzub mo dang/ ming med 'og tu mda' dang mtshungs
 par sbyar zhing/ de dag gi steng du gung mo ni mdung la ste de ltar mdung gi phyag rgya'o/ /de bzhin du thad kar khu tshur dang dpung pa rab tu brkyang ba dbyug pa la ste/ de ltar dbyug pa'i phyag rgyar 'gyur ro/ /de bzhin du lag mthil shin tu mnyam
 la/ steng du mthe bo rab tu brkyang zhing thad ka'i char mdzub mo la sogs pa bzhi sbyar ba ste/ de ltar dgra sta'i phyag rgyar 'gyur ro/ /de bzhin du steng du khu tshur gnyis dang/ khu tshur gnyis kyi steng du yang mdzub mor 'gyur te lha min bdag
 po glang chen ni log 'dren te/ de'i pags pa dag la'o zhes pa glang po che'i pags pa'i phyag rgya'o/ /de bzhin du mche ba la ni lag pa gnyi ga'i mthil du khu tshur bcings shing mthe chung zla ba phyed pa'i rnam pa g.yas dang g.yas min ni
 khar bstan par bya ste/ de ltar mche ba'i phyag rgya'o/ /lag pa g.yas kyi mtshan ma'i phyag rgya dang glang po che'i pags pa dang mche ba'i phyag rgya'i nges pa'o/ /da ni lag pa g.yon pa'i mtshan ma'i phyag rgya gsungs te/ de bzhin du khe TA ka
 la ste phub la dpung pa g.yon pa rab tu brkyang zhing lag pa'i mthil ni steng du son pa mi 'jigs pa'i lag mthil lta bur 'gyur te/ de ltar phub kyi phyag rgyar 'gyur ro/ /de bzhin du kha TwAM ga la khu tshur bug pa ste/ mdzub mo dang/
 gung mo dang/ ming med dang/ mthe bo rnams sbyar zhing phrag pa'i steng gnas su mthe chung steng du rab tu brkyang ba ste/ de ltar kha TwAM ga'i phyag rgya'o/ /de bzhin du thod pa la sor mo bug pa med pa'i lag pa pad 'dab lta bu gan rkyal ni thod pa'i
 phyag rgya'o/ /de bzhin du gzhu la rab tu brkyang ba'i lag pa gan rkyal khu tshur te de ltar gzhu'i phyag rgya'o/ /de bzhin du g.yon pa'i khu tshur gyi steng du gung mo dag ni mdzub mo 'khyog po bsten pa ste/ gnyis kyi dbus su bug pa'o/ /de
 ltar rdo rje zhags pa ste/ 'di ni lag pa gcig gi phyag rgya'o/ /gzhan ni lag pa gnyis kyis gcig car gyis te chu la sogs pa'i g.yas pa gang du rdo rje lcags kyu ma mthong ba'o/ /de ltar zhags pa'i phyag rgya'o/ /de bzhin du sbyar ba ste
 'dus pa'i sor mo lnga po rnams kyi dbus su gung mo byas nas lag pa dag steng du'o/ /zhes pa ni rin po che'i phyag rgya'o/ /lag pa g.yon pa'i pad+ma'i phyag rgya la mthe bo dang mthe chung sbyar te mdzug me la sogs pa ni phyogs rnams
 su'o/ /de ltar sor mo rnams rnam par phye ba pad+ma 'dab ma bzhi pa lta bu ste/ lag pa gnyis ka dag gis 'dab ma brgyad par 'gyur ro/ /de ltar pad+ma'i phyag rgya'o/ /de bzhin du Da ma ru la gung mo dang ming med dag gis khu tshur
 bcings shing mdzub mo lcags kyu'i rnam pa dang mthe bo'i sen mo'i steng du mthe chung phyed 'khyog pa'o/ /de bzhin du tho ba la khu tshur bcings pa'o/ /'khor lo la sor mo thams cad rtsibs kyi rnam pas rab tu brkyang ba lag pa gcig
 la ste/ lag pa gnyis ga'i mthil sbyar ba'o/ /de bzhin du mdzub mo dang mthe bo dag sbyar te/ mthe bo'i 'og tu mthe chung la sogs pa khu tshur dang mthe bo dang/ mdzub mo rab tu brkyang ba dung gi phyag rgya'o/ /me long ni mngon du phyogs
 shing shin tu mnyam pa'i lag mthil g.yon pa ste/ me long gi phyag rgya la sor mo rnams bug pa med pa'o/ /de bzhin du mdzub mo dang por byas nas mthe chung gi mthar thug pa ste/ mthe bo'i steng du mdzub mo 'khyog po zlum po'i rnam pa'o/ /
 de'i steng du gung mo'o/ /gung mo'i steng du ming med do/ /ming med kyi steng du mthe chung ngo/ /de ltar lcags sgrog gi phyag rgya'o/ /de bzhin du tshangs pa'i mgo bo la mthe bo la sogs bzhi po phan tshun sbyar bas gdong dang mtshungs shing 'og
 tu gdong rnams te/ mthe chung bskum pa ni mgo'i phyag rgya'o/ /de bzhin du lag pa dag gis dung gi phyag rgya sbyar ba cod pan du 'gyur te/ steng du mdzub mo gnyis sbyar pa'o/ /lag pa gnyis ga'i mthil mi mnyam par bstan te/ rgyab
 du sor mo lnga po rnams ni rna rgyan la ste rna rgyan gyi phyag rgya'o/ /de bzhin du lag pa'i rgyab tu sor mo rnams ni rim par yongs su bkod cing phan tshun bcings pa mgul pa'i rgyan la ste/ de ltar mgul rgyan gyi phyag rgya'o/ /de bzhin du ska rags
 la g.yon pa dang g.yas pa dag gis sor mo gsum ni ming med dang/ gung mo dang/ mdzub mo dag ste sor mo rtse mor 'dus shing mthe chung dang mthe bos khu tshur bcings pa ni ska rags kyi phyag rgya'o/ /de bzhin du lag pa gnyis ga'i mthe
 bo gnyis dang gung mo gnyis sbyar te/ de dag gis zlum skor lta bur byas shing sor mo lhag ma rnams kyis khu tshur bcings pa ni rkang gdub la ste/ rkang gdub kyi phyag rgya'o/ /de bzhin du dpung rgyan nam gdu bu la mthe bo sbyar ba dang
 mdzub mo sbyar ba zlum skor lta bur 'gyur zhes pa ste/ bcom ldan 'das kyi mtshan ma'i phyag rgya'o/ /da ni mthe bo zhes pa la sogs pas rigs kyi phyag rgya gsungs te/ 'dir mkha' 'gro ma thams cad kyi thun mongs du rdo rje khu
 tshur gyi steng du mthe bo bstan pa ni rigs kyi phyag rgyar 'gyur ro/ /de bzhin du rdo rje khu tshur gyi steng du mdzub mo rab tu brkyang ba ni gsang ba po ste gnod sbyin rnams kyi rigs kyi phyag rgya'o/ /de bzhin du khu tshur bcings pa las gung
 mo rab tu brkyang ste bstan pa ni dri za rnams kyi rigs su 'gyur ro/ /de bzhin du ming med ni gdengs can rnams kyi rigs su 'gyur ro/ /mthe chung bstan pa ni 'byung po rnams kyi rigs su 'gyur ro/ /de bzhin nyid du steng du sor mo bzhi po
 rnams kyis khu tshur bcings te lag pa'i mthil rab tu gsal bar bstan pa ni srin po rnams kyi rigs su 'gyur ro/ /khu tshur bcings te bstan pa ni grub pa rnams kyi rigs su 'gyur ro/ /de bzhin du dpung pa dang nye ba'i dpung pa'i tshigs ni
 lha rnams kyi rigs so/ /de bzhin du lag pa'i rgyab kyi mthil ni tshangs pa'i srin po'i 'o/ /de bzhin du nye ba'i dpung pa dang lag pa'i tshigs bstan pa ni ro langs rnams kyi rigs su 'gyur te/ de ltar phyag rgya rnam pa brgyad ni rigs brgyad bas skyes pa rnams
 la lag pa g.yon pas bstan par bya'o/ /da ni lag pa zhes pa la sogs pas dud 'gro'i gdong can rnams kyi rigs kyi phyag rgya gsungs te/ 'dir lag pa gcig gam/ gnyi ga'i mthil du sor mo lnga po rnams phyed 'khyog pa
 seng ge'i sder mo'i rnam pas sder mo can rnams kyi rigs kyi phyag rgya'o/ /de bzhin du khu tshur bcings pa las lag pa gnyi ga'i khu tshur gyi steng du mdzub mo gnyis po phyed 'khyog pa zla ba phyed pa'i rnam pas mgo bor bstan pa ni rwa can
 rnams kyi'o/ /zhes pa ni rwa can rnams kyi phyag rgya'o/ /de bzhin du rgyab sbyor bas mi mnyam lag pa'i mthil la mthe'u chung phan tshun bcings shing mdzub mo dang gung mo dang/ mthe bo dag kha sbyar ba ste/ de ltar bya khyung
 gi phyag rgya'o/ /de bzhin du sor mo lnga po rtse mo'i tshigs 'khyog pa bstan pa ni gdengs can rnams kyi rigs kyi phyag rgyar 'gyur ro/ /de bzhin du 'bar ba'i phyag rgya la gung mo dang/ ming med dang/ mthe chung brkyang ste lag pa gnyis ka'i mdzub
 mo gnyis po phan tshun mdud de mgo bo'i steng du kha 'og du bstan nas mthe bo dag sbyar ba'o/ /mchog gi lag mthil dag gi rnam pa de nyid kyis te/ 'on kyang mdzub mo brkyang ba ni gzhan pa ste/ 'bar ba'i phyag rgya gnyis pas so/ /
 rigs kyi phyag rgya dud 'gro'i gdong can rnams la bstan par bya ba'o/ /da ni mdzub mo zhes pa la sogs pas dpa' bo dang dpa' mo'i dbang phyug ma rnams phan tshun du phebs par smra ba'i phyag rgya gsungs te/ 'dir gang dang gang du phrad pa tsam
 gyi khu tshur bcings nas steng du phyogs pa'i mdzub mo mthe bo la mngon par phyogs shing sbyor ba bstan par bya ste/ de bstan nas legs par 'ongs sam du 'gyur ro/ /rnal 'byor pa la rnal 'byor pa yis sam/ rnal 'byor ma la rnal
 'byor pas so/ /gnyis kyis te mdzub mo dang gung mo rgyab du yang dag par ldan pa dag gis shin tu legs par 'ongs pa brjod par 'gyur ro/ /de bzhin du g.yon pa'i mthe bo khu tshur bcings pas skal bzangs dge ba rab tu brjod par
 'gyur ro/ /de bzhin du sor mo'i se gol rdebs pa mthe po dang mdzub mo dag gis khyod ni 'di ru sngags pa mchog tu nges par brjod par 'gyur ro/ /mthe bo dang ni ming med dag gis se gol byas nas dam tshig bcas pa'i chang gis
 khyod tshim par byed do brjod par 'gyur ro/ /de bzhin du phyag 'tshal ba'i sbyor bas sor mo thams cad rtse mo brkyang bas bskal bzangs legs par 'ongs pa brjod par 'gyur rnal 'byor pa la yang/ de bzhin du g.yon gyi yan lag
 reg pas rtag tu khyod ni bdag gi gnyen gcig bu dag rab tu gsal bar byed/ de bzhin du skye gnas la reg pas gtso bo ste/ de bzhin du mchu dang nu ma 'am/ /sen mo 'debs pas kyang gtso bor brjod pa'o/ /sor mo
 phan tshun bcings pa zhes pa ni lag pa dag sbyar ba byas nas mthe chung la sogs pa sor mo rnams phan tshun bcings te/ bcings pa de las mdzub mo dang ming med bcings shing mthe bo dang gung mo rab tu brkyang bas dam tshig la 'dus
 pa brjod par byed do/ /phebs par smra ba'i phyag rgya'o/ /da ni mchu dang zhes pa la sogs pas smod pa'i phyag rgya gsungs te/ 'dir gang gi tshe gang dang gang du pho nya mos mthong bar 'gyur na/ sgrub pa po mthong nas mchu la sogs pa yo
 ba ston par byed do/ /der mchu yo ba dang/ smin ma yo ba dang/ mig yo ba dang/ de bzhin du mgo bo la 'phrug par byed na khyod shin tu cher rmongs pa brjod par byed do/ /gang gi tshe phyag rgya'i brda mi shes pas phyir ro/ /de bzhin du
 gal te des mche ba'i dbus su mthe chung bkod na de'i tshe mthe chung nges 'jigs pa rab tu gsal bar byed do/ /yang na mdzub mo snying kha 'am khar bkod na 'jigs pa brjod par byed do/ /de bzhin mthe bo khu tshur bcing pa byas te/ khu
 tshur bcings pa de las de nyid kyis sa la rdebs pa 'am lag pa dang rkang pa rdebs par gyur na ngas bza' bar bya'o/ /zhes brjod pa ste/ phyag rgya'i brda mngon par mi shes pa nyid kyi phyir ro/ /zhes pa smod pa'i phyag rgya'o/ /de bzhin du
 zad kyi don du ming med kyis lce la reg na zos pa dang/ de bzhin du lag pa g.yon pas lto dang so la bsnun pa dag gis ma zos pa'o/ /de bzhin du lag pa'i rgyab ston par gyur na song cig zhes nges par rab tu brjod pa ste/ /
 mngon du phyogs pa ston par gyur na 'dug cig ces brjod pa'o/ /de bzhin du byin pa nyed pa dang/ brla nyed par gyur na bskal bzang khyod di ring ngal sos shig ces brjod par byed do/ /de bzhin du rkang pa rab tu rkyong bas gnyid log cig ces
 pa'i nges pa sbyin pa'o/ /de bzhin du pus mo zung dag skyong ba bdag la shin tu dga' ba gyis shes pa nges pa'o/ /de bzhin du rang gi yan lag kun la lag pa g.yon pas reg pa 'am/ khar lag pa g.yon pa 'god pa ste/ de ltar byed
 na khyod dang lhan cig bdag la 'dus pa med do zhes brjod pa ste/ rje bo la sogs pas bsrungs pa nyid kyi phyir ro/ /zhes pa'o/ /de bzhin du rang gi lag pa phan tshun bcings te/ mthe bo dang mdzub mo dbus nas rnam par phyung na de'i tshe phyag
 rgyas di ring bdag gi khyim du 'khor lo 'dus par 'byung bar 'gyur ro zhes brjod pa ste/ khyod kyang 'dug ces ces pa'i don to/ /mthe bo ming med rtse mo ston pa dag gis rnam mang dam tshig dag khyod la ji ltar 'dod pa mchod
 ba bya zhes brjod pa'o/ /de bzhin du rkang pa la ni 'phrug par byed par gyur na phyi rol gyi 'khor lo 'dus pa dag la 'gro ba yang brjod pa ste/ khyod kyang shog cig ces pa dgongs pa'o/ /de bzhin du mdzub mo lcags kyu'i rnam
 pas phan tshun bcings par gyur na rdo rje'i grogs po khyod ni di ring 'jigs pa 'phrog par byed pa zhes pa ste/ de ltar dam tshig 'dus pa'i phyag rgya nges pa'o/ /nga ni sgra zhes pa la sogs pas shin tu khros pa rnams kyi phyag rgya
 gsungs te/ 'dir gang gi tshe sgrub pa po log pa'i nga rgyal gyis brlams bsnyems pa zer pa red dam/ nus pa dang ldan pa ma gtogs par phyag rgya'i lan ston par byed na/ de'i tshe nus pa dang ldan pa rang gi skra rnams rang gi sos gcod par byed
 de ltar skra ni rang gi sos gcod par byed par gyur na phyag rgyas kye mi'i phyugs khyod bdag gis 'dir ni ltung bar bya zhes pa 'di brjod pa'i/ /de bzhin du so la so yis phan tshun 'dar bar byed de der 'dar bar
 gyur na/ kye mi yis phyugs khyod kyi sha ni 'di dag di ring bdag gis bza' bar bya zhes pa 'di brjod pa'o/ /de bzhin du lce mchu g.yo bar byed par gyur na mchog gi lus las khrag ni btung bar bya'o zhes brjod par byed do//
 de bzhin du mchu la so dag gis 'debs par byed na/ khyod kyi rgyu ma lto bar gnas/ 'di bdag gis bza' bar bya/ kye mi'i phyugs khyod gang du 'gro zhes brjod par byed pa ste/ khros par gyur pa phyag rgya ston par
 byed na nus pa dang bral ba des phyag rgya'i lan bstan par mi bya ste/ de rnams la phyag byas nas snying kar lag pa g.yon pa'i mthil bzhag ste/ rang gi lus g.yon skor gyis yongs su bskor la de nas lag pa g.yon
 gyi steng du phyag byas nas 'gro bar bya ste/ de rnams dang lhan cig rtsod par mi bya'o/ /byis pa'i rnal 'byor pa rnams la nges pa gang byin pa de des bya'o/ /rnam pa gzhan du na 'chi ba 'thob ste/ khros pa'i pho nya mo nus pa dang
 ldan pa'o zhes pa ni bcom ldan 'das kyi nges pa'o/ /nga ni phan tshun phyag rgya ston pa na phyag rgya'i lan gyi mtshan nyid gsungs te/ 'dir bcom ldan 'das dus kyi 'khor lo'i g.yon pa dang g.yas pa'i phyag gi mtshan ma
 gang yin pa de'i rang bzhin ni phyag rgya rnams so/ de las phan tshun du phyag rgya dang phyag rgya'i lan te rdo rje dang rdo rje dril bu dag go /ral gri dang phub dag go /rtse gsum dang kha TwAM ga dag go /gri gug dang thod pa dag go /mnga' 
 dang gzhu dag go /lcags kyu dang zhags pa dag go /Da ma ru dang rin po che dag go /tho ba dang pad+ma dag go /'khor lo dang dung dag go /mdung dang me long dag go /dbyug pa dang lcags sgrog dag go /dgra sta dang tshangs pa'i mgo bo dag
 go /glang po che'i pags pa dang sdigs mdzub dag go /dbu rgyan dang rna rgyan dag go /mgul rgyan dang lag gdub dag go /ska rags dang rkang gdub dag go /rwa can dang sen mo can dag go /glu dang mkha' lding dag go /lag pa
 dang nang pa dag go /kha dang bshang lam dag go /b+ha ga dang rtags dag go /nu ma dang mchu dag go /mig dang smin ma dag go /thig le dang mig sman dag go /rab tu khro ba dang gtsug phud dgrol ba dag go /pus mo dang brla dag go /lte
 ba dang snying ga dag go /mgrin pa dang dpral ba dag go /skra mtshams dang sin d+hu ra dag go /mche ba dang mthe chung dag go /mthe bong dang ming med dag go /mdzub mo dang gung mo dag go /de ltar phyag rgya du ma bstan pa na phyag rgya'i lan
 du mar 'gyur ro/ /shes rab dang thabs kyi chos dang sa la sogs pa de nyid kyi dbye bas thams cad du rnal 'byor pas rig par bya'o zhes pa ni nges pa'o/ /da ni sgeg pa la sogs pa'i phyag rgya mdza' yas pa rnams te/ de
 rnams kyi rang bzhin shes nas de rnams thams cad rig par bya'o/ /'di lta ste sgeg pa'i sbyor ba yis ni sgeg par 'gyur te mi'i bdag po bzhad pa'i sbyor bas bzhad pa'o/ /gar gyi sbyor ba yis ni gang du 'gyur te/ rnam pa
 mang po'i rol mo'i sbyor bas rol mo'o/ /glu yi sbyor ba yis ni glu ste mchog gi yon tan rnams mang dri yi sbyor ba dag gis dri/ /phreng ba'i sbyor ba yis ni phreng bar 'gyur te yon tan dbang gis spos kyi sbyor ba dag gis spos/ /
 mar me'i rnam pas mar me nges par mun pa bcom pa dang ni snod kyi phyag rgya bdud rtsir 'gyur/ /zhes pa de ltar phyag rgya thams cad slar yang de nas lnga yi dbye bas rnam par phye ba ste/ gzhan pa phyag rgya mdza' yas rnams
 kyang mdza' dag lus la gnas pa rnal 'byor pa yis rig par bya/ gang gang dngos po'i rang bzhin du gyur sa yi steng du de yi rang bzhin dag kyang phyag rgya rnams shes pa de'i phyir/ ji snyed mig ni rnam g.yeng ba/ /de snyed phyag rgyar rab
 tu grags/ /phyag rgya phyag rgya'i lan la ni/ /nges par 'dzin par su yis nus/ /rnal 'byor rnams kyi ting 'dzin gyis/ /ji srid mngon shes ma bskyed pa/ /de srid 'jig rten rtsod don du/ /phyag rgya'i lan ni bstan mi bya/ /zhes pa ste/
 phyag rgya'i brda'i nges pa'o/ /da ni pho nya mo zhes pa la sogs pas lta stangs kyi brda gsungs te/ 'dir gang gi che rnal 'byor ba mthong ba na/ pho nya mo zhes pa rnal 'byor ma 'phreng la mig blta bar byed na/ lta stangs de yis khyod ni
 gnas gang zhig nas 'ongs shes pa'i dri bskal pa bzang la zhes pa rnal 'byor pa la rjod par byed do/ /de nas mgo bor lag pa g.yon pa gzhag ste phyogs su nges par bltas pas rnal 'byor pas gnas nas 'das pa brjod pa ste lan
 smras par 'gyur ro/ /steng du blta bas khyod ni dge ba'am rjod par byed do/ /sa'i steng du gnas pas khyod ni 'dug pa ngal sos shig ces rjod par byed do/ /yon por lta bas khyod song zhig ces pa'o/ /chags pa'i lta bas pho nya mo ni
 shin tu dga' ba gyis shig ces rjod par byed do/ /zhi ba'i lta bas khyod ni bdag gi grogs po zhes brjod par byed de/ /phebs par smra ba'i lta stangs kyi nges pa'o/ /da ni 'jigs pa'i lta stangs rnams gsungs te/ 'dir gang gi tshe
 khro gnyer byas nas khro bo'i lta ba ston par byed na de'i tshe khro gnyer khro bo'i lta ba de yis rnal 'byor pa la 'jigs pa rab tu gsal bar byed de mi shes pa'i phyir ro/ /de bzhin du skra la lta bas bdag ni ma rungs pa zhes brjod pa ste/ skal bzang
 la ni zhes brjod pa rnal 'byor pa la rang gi rang bzhin zur 'di dag gis so/ /de bzhin du mdzod spur lta bas bdag ni mchog go zhes rab tu gsal bar byed do/ /de bzhin du sna la lta bas yon tan rab tu gsal bar byed do/ /mchu la lta
 bas rang gi skal ba bzang por rab tu gsal bar byed do/ /de bzhin du rang gi nu ma zung la blta na bdag ni phyag rgya bzang mo zhes brjod do/ /snying gar lta bas bsgom pa'i bdag nyid do zhes brjod do/ /de bzhin du lag pa zung la lta na
 bdag ni rab tu gtum mo zhes brjod do/ /de bzhin du phrag par lta bas bdag ni nus ma zhes brjod do/ /de bzhin du sen mo dang bcas lag pa'i mthil la lta na bdag ni srin mo zhes brjod do/ /de bzhin du rgyab du blta bas bdag ni
 klu mo zhes brjod do/ /de bzhin du lte bar lta bas bdag ni dam tshig can zhes brjod de/ mi'i dbang po zhes pa ni bod pa'o/ /de bzhin du gsang bar lta bas bdag ni dag pa zhes brjod do/ /de bzhin du brla la blta bas bdag ni shin tu dga' 
 la gdul bar dka' zhes brjod do/ /de bzhin du pus mor lta bas bdag ni grub pa zhes brjod do/ /de bzhin du rkang par lta bas bdag ni rdzu 'phrul sbyin pa mo zhes brjod do/ /de bzhin du rkang pa'i mthe bong nges par lta bar byed na lta
 stangs des bdag ni srid par rdo rje'i sku ste dpa' mo gcig pu'o zhes brjod do/ /de bzhin du rkang pa dag gi sor mo kun gyi rtse mor lta bas na srid pa gsum gyi gnas su bdag ni kun tu 'gro ma sna tshogs yum mo zhes brjod do/ /de bzhin
 du rnal 'byor pa nus pa dang ldan pa yang bdag nyid kyi yon tan rnams pho nya mo rnams la rab tu gsal bar byed/ /de ltar gsungs pa'i rim pas pho nya mo rnams kho na'i lta stangs te/ slar yang rang bzhin dag gis rnam pa
 mang por rig par bya'o/ /zhes pa ni lta stangs kyi brda'i nges pa'o/ /de bzhin du brda ni dngos po gang gi ming gang yin pa de'i yi ge dang pos de bzung bar rig par bya ste/ gnas skabs kyi dbang gis so/ /dper na sain d+ha ba khyer la shog
 ces brjod pa na/ khrus la gos dang/ zas la lan tshwa dang/ 'gro ba la rta dang/ g.yul la ral gri'o zhes pa'i rigs pas dang po'i yi ge'i brdas dngos po'i chos thams cad rig par bya ste/ tshogs kyi 'khor lo la sogs
 pa la dam tshig dang mi ldan pa'i sems can gyi nang du rnal 'byor pa 'am rnal 'byor mas dgongs pa'i skad gzhan nam brda yis brjod par bya'o/ /zhes pa ni thams cad du nges pa'o/ /da ni slob ma rnams kyi sbyin pa'i don
 du rang gi lus la sogs pa'i cha'i nges pa gsungs pa/ drug cha zhes pa la sogs pa ste/ 'dir gang gi tshe khyim pa 'am/ dge tshul lam/ dge slong la rdo rje slob dpon gyis dbang bskur ba ni des dam bca' ba 'di bya ste/ bdag
 gis dus thams cad du dngos po thams cad kyi drug cha sbyin par dbul bar bya'o zhes pa'o/ /de la dang por re shig drug cha lus kyi nang na lag pa rkang pa lus dag gi zhes pa lag pa gnyis dang/ rkang pa gnyis dang/ lus te lnga
 po 'di rnams kyi nang nas drug pa yan lag mcho ni/ slob dpon la phyag 'tshal ba'i don du sbyin pa rab tu dbul bar bya'o/ /sangs rgyas dang byang chub sems dpa' dang ldan pa'i bla ma la de phul nas/ mchog gi phyag rgya rjes su rig pa
 sbyin pa po ni bde ba'i gnas su 'gro'o/ /de bzhin du las kyi dbang po rnams kyi nang na ngag dbul bar bya'o/ /lag pa dang/ rkang pa dang/ bshang lam b+ha ga la sogs pa'i dbang po rnams kyi nang na drug pa dag gi dbang po bden par smra ba'i don
 du dbul bar bya'o/ /zhes pa ni bcom ldan 'das kyi nges pa'o/ /de bzhin du mig dang rna ba dang/ sna dang/ lce dang/ lus kyi dbang po rnams kyi nang nas drug pa yid de/ /yon tan dang bcas g.yo sgyu'i sgros pa dang bral ba/ sems can
 gyi don du dbul bar bya ste sbyin pa'i nges pa'o/ /de bzhin du khams kyi cha shas zhes pa ni gser dang rin po che dang/ 'bru la sogs pa sems med pa'i rdzas rnams ni khams te/ yun rings kyi dang glo bur du byung ba'i khams de rnams kyi
 drug gi cha shas ni rnal 'byor ma la sogs pa mchod pa'i don du dbul bar bya'o/ /de bzhin du sems dang bcas pa rkang gnyis pa dang/ rkang bzhi pa rnams drug gi cha shas kyis dbul bar bya ste/ cha shas lnga ni bdag nyid dang rtsa lag nye bar
 longs spyod pa'i don du gzhag par bya'o/ /de bzhin du de nyid cha yis gzhan gzugs bzang chung ma la sogs pa zla ba'i nang du lan lnga 'dod pa sbyin pas dbul bar bya'o zhes pa ni de bzhin gshegs pa'i nges pa'o/ /rnam pa gzhan du sngags
 kyi tshul las 'dod pa sbyin pa ma gtogs par bskal pa mdza' yas pa dag gi phyag rgya chen po'i dngos grub tu mi 'gyur ba'i las kyi phyag rgya dang ye shes kyi phyag rgya'i dngos grub tu yang mi 'gyur te/ chags pas zil gyis mnan pa'i
 rigs la zhen pa'i phyir ro/ /de ltar drug cha sbyin pa'i nges pa'o/ /da ni sems can gang dag ces pa la sogs pas snying rje'i dbang bskur ba gsungs te/ 'dir 'jig rten gyi khams 'gro ba drug po rnams las sems can gang dag dbang
 ma bskur ba rnam gsum srid par gnas rnams thams cad mkhyen pa'i ye shes rdo rje lcags kyus bkug nas bsgoms pa tsam de dag rnams la mchog gi snying rjes dkyil 'khor du ni sangs rgyas rnams te/ bshad pa dang/
 gci ba dang/ khrag dang/ rkang rnams dang/ de bzhin du rdo rje'i bdud rtsi ste khu bas mngon par dbang bskur ba dri med ri bong can gyi lus dang/ de nas rdo rje can gyi lam thob par gyur pa zhes rnam par bsgoms te/ de nas rdo rje slob
 dpon gyis dri ma rnam par bral zhing byang chub spyod la rjes su gnas pa de dag thams cad rang gi gnas su btang bar bya'o/ /zhes pa ni snying rje'i dbang gi nges pa'o/ /da ni rdzas rnams med pa zhes pa la sogs pas kun spangs kyi slob ma la
 dbang bskur ba'i des pa gsungs te/ 'dir gang gi tshe kun spangs kyi slob ma la rdzas med na/ de'i tshe bla mas rdzas rnams med pa'i mngon par dbang bskur rgyal ba'i bdag po'i bka' yis kun spangs la ni sbyin par bya ste/ rim pa
 ji lta bas dbang bdun dang/ de nas bum pa la sogs pa rnam pa gsum sbyin pa bya'o/ /de bzhin du bzhi pa du ba la sogs pa'i lam sbyin par bya zhes pa ste/ tshig gis brjod par bya'o/ /de bzhin du mdza' dag yon tan gter ni rtsa'i
 rnal 'byor ldan pa ste/ mi 'gyur pa'i bde ba chen po'i skad cig tshig gis brjod par bya'o/ /de la bsten pa'i don du las kyi phyag rgya med par gyur na lag pa'i phyag rgya sbyin par bya ste/ rang gi snying gi dbang son lag pa'i phyag rgya ni skyon
 rnams kun las rnam par grol ba ste/ byang chub kyi sems bstan par byed pa'i slad du'o zhes pa nges pa'o/ /gzhan rnams la ni ste khyim pa rnams la rgyal ba mchog gi snying po zhes pa rdo rje'i tshig yum gyi mchod pa rnam par dman
 par sbyin pa nyid du mi bya zhes pa ni de bzhin gshegs pa'i dbang gi nges pa'o/ /da ni dbang gi mthar zhes pa la sogs pas dkyil 'khor gshegs su gsol pa gsungs te/ 'dir dbang gi mjug du stong kor dang bcas pa'i gos zung bum pa'i steng du
 byin pa gang yin pa de rnal 'byor ma bum pa bsrung zhing skyong ba rnams la sbyin par bya'o/ /gzhan yang de bzhin stong kor dang ni gos zung dag so so'i sgo nas gnas pa bsrung zhing skyong ba rnams la rab tu sbyin par bya ste/ mngon du ji ltar 'byor pas
 cod pan la sogs pa sbyin par bya'o zhes pa ni nges pa'o/ /de bzhin du mdza' dag yon tan rigs la bdag nyid nus pas de bzhin gzhan tshogs kyi 'khor lor dpa' bo dang dpa' mo'o dbang phyug ma rnams la'o/ /de nas tshogs kyi 'khor
 lo gshegs su gsol te/ mthar ni sbyin bsreg byas nas slob dpon gyis sngar bzhin du mchod par bya ste/ shar gyi sgor bcom ldan 'das la mngon du phyogs bas rdo rje dang rdo rje dril bu bzung nas rdo rje bcings pas rang gi snying kha'i pad+mar ye shes
 sems dpa' rab tu gzhug par bya ste/ dbang po la sogs pa 'jig rten pa rnams ni rang rang gnas su'o/ /de nas a shwad tha'i 'dab ma 'am/ rang gi lag pa'am/ rdo rjes tshangs pa'i thig gi lam nas bde ba chen po'i 'khor lo rdo rje
 ji srid pa dpyi bar bya'o/ /de nas rang gi mgor rdul tshon bag tsam bkod nas pad+ma la sogs pa dbyi bar bya'o/ /dkyil 'khor gshegs su gsol pa'i nges pa'o/ /de nas mdza' dag rdul tshon glang po che'i steng du gdugs dang/ rnga yab dang/
 rgyal mtshan dang mchod pa dang bcas pas khyer nas rgya mtshor 'gro ba'i dag pa'i chu rlung la'o/ /bum pa gang du khyer ba'i bum pa de chu yis gang bar byas nas/ /slar yang glang po che'i phrag bar gzhag ste dkyil 'khor gyi khang par khyed
 la 'ong ngo/ /glang po che med na bde ba'i gdan khyogs byas nas bsgyer bar bya'o/ /rdul tshon gshegs su gsol ba'o/ /de nas dkyil 'khor gyi khang par 'ongs te/ ba'i lci bas nye bar byugs pa'i dkyil 'khor gyi
 khang par lo lta nas brtsams te/ lo bcu'i bar gyi gzhon nu ma bcu la 'o ma dang/ mar dang/ 'o thug dang/ khaN+Da dang/ la du la sogs pa mngar ba'i zas rnams kyis snga dro yang dag par mchod de/ de nas tAm bu la dang/ dri dang/
 spos dang/ me tog dang/ 'bras bur bcas pa dang/ bum pa'i mgrin pa bcings pa'i ras yug dag ni gzhon nu ma rnams la zhes pa ste/ bu mo rnams la byin nas slob dpon slob mar bcas pas mdza' dag tshogs kyi rigs ni dpa' 
 bo'i ston mos ji ltar 'dod par mchod par bya'o/ /de la 'di ni dpa' bo'i ston mo'i cho ga ste/ 'dir slob dpon yongs su brtag pa las rdo rje slob dpon rnam pa gsum ste/ mchog dang 'bring dang tha ma'o/ /'di lha ste/ de nyid bcu ni
 yongs shes pa/ /gsum las dge slong mchog yin te/ /'bring po dge tshul zhes bya dang/ /khyim pa de las tha ma'o/ /zhes pa rgyud kyi nges pa las dge slong dang/ dge tshul dang/ khyim pa de rnams kyi dbang bskur bas rgan pa 'am
 gzhon pa nyid thun mong gis gcig tu 'dus na/ de'i phyir dge slong rdo rje 'dzin pa'i gral ni shar du mngon par phyogs par gyur par bya'o/ /dge tshul gyi gral ni byang du mngon par phyogs pa'o/ /khyim pa'i slob dpon ku gral ni lhor
 mngon par phyogs pa'o/ /de bzhin du dge slong ma'i gral dang/ dge tshul ma'i gral dang/ dge bsnyen ma'i gral ni so sor ro/ /de rnams la rgan pa dang gzhon pa la sogs pa'i gdan rnams yin par bya'o/ /de la dge slong rnams las
 gang zhig dbang gis rgan pa ste/ 'on kyang rmongs pa dang/ gzhon pa ni slob dpon chen po rgyud ston pa po yin na/ de dag las rgyud ston pa po gang yin pa de'i dpa' bo'i ston mo la tshogs kyi gtso bo ste/ rgan po ni khyim gzhan du so sor yang
 dag par mnyes par bya'o/ /de bzhin du rgan po chos ston pa po dang/ man ngag dang ldan pa gzhan yang ste/ sems can gyi don byed mi nus pa'i phyir ro/ /gzhan yang dge tshul dang khyim pa mngon du dbang bskur ba rnams ni ji srid mngon par shes pa
 ma bskyed kyi bar du dge slong rdo rje 'dzin pa'i rgan por mi 'gyur ro/ /ci ste 'ga' zhig rtsod pa byed na yang de'i tshe nus pa dri bar bya'o/ /gal te mngon shes la sogs pa ston par byed na de'i tshe tshogs kyi gtso bo'o/ /ci ste yang dag pa'i spyod pa btang
 nas brdzun gyi dbang bskur gyis mngon pa'i nga rgyal dang rtsod pa byed na/ de'i tshe rang gi khyim nas dbyung bar bya'o/ /ci ste byung pas chad pa mkhas len na de'i tshe chad pa'i bdag pos bza' ba btung ba la sogs pa'i chad pa sbyin par bya'o/ /de
 ltar dge tshul dang khyim pa rnams la go rims bzhin bza' ba dang btung ba la sogs pa sbyin par bya'o/ /de dag thams cad nyid ni shar du sngar gzhag par bya'o/ /de rnams kyi dbus su bcom ldan 'das dus kyi 'khor lo'i dkyil 'khor
 byas nas snam bu dang por bza' ba dang btung ba la sogs pa phul te/ de nas dge slong la sogs pa'i slob dpon rnams dang/ dbang bskur ba gzhan rnams dang/ de rnams kyi drung na gnas pa rnams la sbyin par bya'o/ /de ltar mdza' 
 dag tshogs kyi rigs ni ji ltar 'dod par mchod pa byas te/ de nas slob dpon gyis slob ma la ni tshogs kyi sbyin pa'i don du snang ba rab tu byin nas/ de'i tshe bdag nyid kyi nus pas tshogs la yon phul te/ rab mchog tshogs kyi rigs
 kun du dga' bar byas pa ni/ rang rang gnas su gshegs su gsol bar bya'o/ /zhes pa ni dpa' bo'i ston mo'i nges pa'o/ /da ni dgra zhes pa la sogs pas 'jigs pa dang nye bar 'tshe ba thams cad zhi bar byed pa gsungs
 te/ 'dir rigs kyi bu gang la la zhig gis dkyil 'khor bris nas dbang bskur blangs te/ rnal 'byor ma sngar gsungs pa rnams kyi zhabs dang nang du a ba d+hU tI la sogs pa rnams kyi zhabs nyin zhag so sor dran par byed na/ de la 'jigs pa
 thams cad rab tu nyams par 'gyur te/ dgra yis 'jigs pa dang/ seng ge yis 'jigs pa dang/ glang po ches 'jigs pa dang/ me yis 'jigs pa dang/ lto 'phyes 'jigs pa dang/ chom rkun gyis 'jigs pa dang/ zhags pas
 'ching bas 'jigs pa dang/ rgya mtsho 'khrul pas 'jigs pa dang/ sha zas 'jigs pa dang/ nad kyis 'jigs pa dang dbang po'i nye bar 'tshe bas 'jigs pa dang/ dbul ba'i sdug bsngal gyis 'jigs pa dang/ bud med dang bral ba'i
 sdug bsngal gyis 'jigs pa dang/ mi'i bdag po 'khrugs pas 'jigs pa dang/ rdo rje ltung bas 'jigs pa dang/ don nyams pas 'jigs pa ste/ de ltar 'jigs pa bcu drug po rnams dang/ gzhan dag kyang rab tu nyams par
 'gyur ro/ /'di rnams ni rgya cher le'u dang por bstod pa'i sgo nas brjod zin to/ /des na 'dir gsal bar ma byas so/ /de ltar dus kyi 'khor lo'i dkyil 'khor du dbang bskur ba ni rnal 'byor ma dang rnal 'byor gyi rgyud thams cad la dbang
 bskur bar 'gyur zhing/ rgyud thams cad kyi ston pa po dang/ sngags thams cad kyi rjes su gnang ba sbyin pa po dang/ dngos grub thams cad kyi sgrub pa po ste/ dus kyi 'khor lo'i rgyud ston pa po rdo rje slob dpon ni/ bcom ldan 'das 'jam
 dpal ji lta ba dang/ dus kyi 'khor lo dang po'i sangs rgyas ji lta ba de bzhin du thar pa don du gnyer ba rnams kyis blta bar bya'o/ /mchog gi dang po'i sangs rgyas kyi rjes su 'brangs nas dbang gi le'u'i 'grel bshad bris pa'o/ /bsdus pa'i rgyud kyi rgyal
 po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las/ phyag rgya dang lta stangs dang dkyil 'khor gshegs su gsol ba dang dpa' bo'i ston mo'i mdor bsdus chen po ste drug pa'o// //
 dbang gi le'u'i 'grel bshad rdzogs so// // */ (/dpal dus kyi 'khor lo'i sgrub thabs le'u'i 'grel bshad bzhugs//) //bcom ldan 'das dpal dus kyi 'khor lo la phyag 'tshal lo/ /bcom ldan 'das kyi bsod nams ye shes kyis
 sprul gdul dka' i sems can rnams kyis rtag tu ni/ /'jigs byed 'jigs su rung ba'i gzugs dang skye ba mkhas pa rnams kyis dregs dang bral bar mthong/ /gang zhig kho na'i gsungs ni sems can rnams kyi mos pa'i sems kyi dbang gis kun
 gyi sgra/ /gzhan gyi rna bar son pas dam pa'i lam ni yang dag ston par byed pa de la 'dud/ /rnam pa kun gyi mchog ldan pa'i/ /sku ni mos pa sna tshogs las/ /rang rang bsam pas sems can gyis/ /mthong ba sprul ba'i mtshan nyid do/ /gang zhig sems
 can kun gyi sgras/ /rdzu 'phrul bdag nyid rab gsal byed/ /sems can bsam pa'i dbang gis 'di/ /longs spyod rdzogs sku'i mtshan nyid do/ /mi rtag pa min rtag pa'ang min/ /gcig min du ma'i mtshan nyid min/ /dngos min dngos po med pa'ang
 min/ /'di ni rten brel chos sku'o/ /stong nyid snying rje dbyer med cing/ /chags dang chags bral rnam par spangs/ /shes rab ma yin thabs kyang min/ /'di ni ngo bo nyid sku gzhan/ /dus kyi 'khor lo zhes grags pa/ /sku bzhi'i bdag nyid zhi
 pa la/ /dngos po kun gyis phyag 'tshal te/ /sgrub thabs le'u'i 'grel bshad ni/ /'jam pa'i dpal gyis bskul gyur cing/ /sprul pa'i sku ru gyur pa bdag/ 'jig rten dbang po chu skyes 'dzin/ /pad+ma dkar pos bri bar
 bya/ /'dir dpal ldan ka lA pa'i grong gi lho/ /ma la ya'i skyed mos tshal gyi dpal dus kyi 'khor lo'i dkyil 'khor gyi khang pa'i shar sgo'i mthar/ rin po che'i khang bzangs na seng ge'i khri la bzhugs pa/ /bcom ldan 'das 'jam
 dpal gyi sprul pa'i sku mi'i dbang po grags pa nyi ma'i shing rtas gsol ba btab par gyur pas/ mchog gi dang po'i sangs rgyas las sgrub thabs kyi le'u la zla ba bzang pos gsol ba btab pa dang/ sangs rgyas bcom ldan 'das
 kyi lan gyi gsung tshigs su bcad pa dang pos 'khor chen po la rab tu bstan par gyur pa/ rgyal ba sgyed mdzad bdag gis dbang bskur bdun pa rnams dang bum pa dang ni gsang ba'i dbang dag dang/ /shes rab ye shes dbang bskur srid pa'i
 'jigs pa 'joms pa rnal 'byor dag gis bgrod bya bzhi pa thob/ /slar yang rgyal ba mchog dang bcas pa sna tshogs gtso bo'i sgrub thabs yang dag pa ni bdag zhu'o/ /zla ba bzang po'i tshig bsan nas ni rgyal ba'i bdag pos rdo rje
 can dag gi yang sgrub thabs gsungs zhes pa ste/ 'dir tshigs su bcad pa'i rkang pa gsum gyis sgrub thabs kyi le'u bstan pa'i slad du zla ba bzang pos gsol ba btab pa'o/ /de nas rkang pa bzhi pa nas brtsams te/ ji srid le'u
 yongs su rdzogs pa de srid ni bcom ldan 'das kyi lan gyis gsung ngo/ /da ni zla ba bzang po'i tshig bsan nas ni rgyal ba'i bdag po bcom ldan 'das shAkya thub pa dus kyi 'khor lo'i ting nge 'dzin la snyoms par zhugs pas rdo rje can
 bcom ldan 'das dpal dus kyi 'khor lo'i sgrub thabs gsungs te/ yang yig gis mi bskyod pa la sogs pa'i de bzhin gshegs pa rnams dang/ rdo rje dbyings kyi dbang phyug ma la sogs pa'i lha mo rnams dang/ phyag na rdo rje la sogs pa'i
 byang chub sems dpa' rnams dang/ sgra'i rdo rje ma la sogs pa yul gyi lha mo rnams dang/ gtsug tor la sogs pa'i khro bo'i rgyal po chen po rnams dang/ shin tu sngon mo la sogs pa'i khro bo'i lha mo rnams dang/ tsar tsi kA la sogs pa'i ma mo
 rnams dang/ khyab 'jug la sogs pa'i lha rnams dang/ rgyal ba la sogs pa'i klu'i rgyal po rnams dang/ khyi gdong ma la sogs pa'i rab gtum ma rnams dang/ gzhan rnams kyi yang so so'i sgrub thabs rgyal ba'i bdag pos gsungs te/ 'og min gyi
 srid pa'i mthar thug par gzugs kyi bsgom pas 'jig rten pa'i dngos grub pa'i slad du'o/ /zhes pa ni bcom ldan 'das kyi nges pa'o/ /da ni dus rnam par dag pas bcom ldan 'das kyi gzugs brtags pa mdor bstan pa gsungs pa/ zla ba'i
 sku zhes pa la sogs pa ste/ 'dir dang po'i sangs rgyas las bcom ldan 'das kyis gsungs pa/ nyin mo nyi ma rdo rje rdul/ /bsam pa'i dbye bas mtshan mo zla/ /khu ba pad+ma de dag gcig dus kyi 'khor lo bde chen po zhes dang/ de bzhin du rgyud gzhan
 dang gzhan dag las kyang bcom ldan 'das kyis spyir gsungs pa/ /nyin mo bcom ldan rdo rje can/ /mtshan mo shes rab rab tu grags/ /ji ltar nyi ma drag pa dang/ /de bzhin zla ba u mar 'dod/ /de ltar nyi ma dang/ zla ba dang/ nyin mo dang/ mtshan mo'i
 dbye bas nyin mtshan ni dus zhes gsungs te/ de'i 'khor lo ni dbugs drug brgya lhag pa'i stong phrag nyi shu rtsa gcig gi bdag nyid dang/ rten 'brel yan lag bcu gnyis kyi mtshan nyid kyi khyim gyi 'khor lo ste/ 'jig rten pa'i kun rdzob 
 kyis sems can thams cad kyi skye ba dang 'jig pa'i rgyur gyur pa'o/ /de bzhin du yang gsungs pa/ dus kyis 'byung po rnam spro zhing/ /dus kyis rtag tu sdud par byed/ /dus ni bcom ldan rdo rje can/ /nyin mtshan rang bzhin can yin
 no/ /zhes pa'o/ /de ltar dus kyi 'khor lo 'di'i sgrub thabs ni skye ba dang 'jig pa rnam par nyams pa'i don du rnal 'byor pa rnams kyis 'chad par 'gyur ba'i rim pas bya'o/ /gzugs brtags pa'i nges pa ni zla pa'i sku zhes pa la
 sogs pa ste dus sbyor bcu gnyis kyi bdag nyid kyi nyin mtshan ni sku gcig go /de'i dus sbyor drug drug gi bdag nyid ni/ g.yon dang g.yas pa'i zhabs te/ zung gi zhabs shes so/ /dus sbyor bzhi bzhi'i bdag nyid ni/ g.yon dang g.yas
 dang dbus kyi mgrin pa ste/ me'i mgrin pa zhes pa mgrin pa gsum mo/ /de bzhin du dus sbyor gsum gsum gyi bdag nyid ni/ shar dang lho dang/ nub dang/ byang gi zhal bzhi ste/ chu gtor zhes pa zhal bzhi'o/ sna tshogs mdog ni
 'chad par 'gyur ro/ /de bzhin du dus sbyor gnyis gnyis kyi bdag nyid ni/ /g.yon dang g.yas su yang shar dang nub dang dbus kyis phrag pa ste/ phrag pa drug ces so/ /de bzhin du zla ba so so'i bdag nyid ni dpung pa rnams te/ dpung pa de dag
 gis nyi ma'i dpung pa zhes pa'o/ /dus sbyor phyed pa so sor phyogs kyi dbye bas phyag nyi shu rtsa bzhi ste/ rgyal ba'i phyag gi pad+ma zhes so/ /de bzhin du so sor dbugs drug cu drug cu'i bdag nyid kyi nyin zhag gi dbye bas sor mo'i tshig sum brgya drug
 cu ste/ phyag re re la sor mo lnga ste tshigs gsum gyi dbye bas tshigs bco lnga'o/ /phyag nyi shu rtsa bzhi po rnams la sum brgya drug cur 'gyur te/ de ltar stong pa drug dang me'i tshigs so/ /zhabs dag gis ni zla ba nyi ma bsreg za'i dkyil 'khor dag la
 bdud dang drag po zhes pa phung po dang nyon mongs pa dang 'chi ba dag dang lha'i bu ni bdud do/ /'dod chags dang/ zhe sdang dang/ gti mug dang/ nga rgyal gyi bdag nyid ni drag po ste skrag bzhin pa dus kyi 'khor lo gang gi rol pas mnan cing/ srid med srid pa mnyam pa
 ni sgrib pa min pa las mya ngan las 'das pa dang 'khor ba gcig tu 'dres par gyur pa ste/ de ltar dus kyi 'khor lo gcig po de ni bsgrub par bya'o zhes pa bcom ldan 'das kyi nges pa'o/ /da ni 'di'i bsgrub pa'i don rnams gsungs pa/ skyed mos tshal zhes pa la
 sogs pa ste/ 'dir 'jig rten pa'i las sgrub pa'i rjes su mthun par gnas su 'gyur ro/ /skyed mos tshal du dbang dang dgug pa'i don du sngags pas bsgrub par bya'o/ /ri bong rengs pa dang/ rmongs pa dang/ phur bus gdab pa'i don du'o/ /rgyal ba mchog gi gnas
 byin brlabs dang/ bcas pa'i mchod rten chen por dngos grub chen po brgyad kyi don du'o/ /lha'i gnas stong par bskrad pa dang dbye ba'i don du'o/ /dang gi yi ges rgya mtsho chen po'i dogs su yang ngo/ /grub pa'i gnas su las kyi phyag rgya'i dngos grub kyi don du'o/ /
 dur khrod du bsad pa'i don du'o/ /mtsho dang bzang po'i gnas su zhi ba dang rgyas pa'i don du'o/ /sbas pa'i sa zhes pa phug gnas sam/ sa'i khang par 'jig rten gsum gyi rgyal srid bsgrub pa'i don du'o/ /de ltar las kyi rjes su mthun pas yul gang du sems ni rab tu tshim
 par 'gyur ba der ni bsgrub par bya'o mi'i bdag po kye/ /de bzhin du yang gsungs pa/ gang nas skyong chos ldan zhing/ /gang zhig kho nar skye dgu rnams/ /bder gnas sa 'dzin rtsod med pa/ /der ni rnal 'byor brtsam par bya zhes pa'o/ /nges par 'jam pa'i stan dag
 dang/ gdan la nye bar 'dug nas sngar brjod bsrung ba byas nas ni zhes pa ni dbang gi le'u las gsungs pa'i bsrung ba byas nas shes pa ste gnas kyi nges pa'o/ /da ni kha dag pa la sogs pa gsungs pa/ dang por zhes pa la sogs pa ste/ 'dir rnal 'byor bas sngar
 gsungs pa'i bsrung ba dang bdud bskrad pa bya ste/ de nas sgrub thabs kyi le'u las gsungs pa'i cho gas bdag nyid lha'i gzugs su skad cig rnam pas phyag nas rang gi snying gar paM yig yongs su gyur pa las pad+ma dmar po 'dab ma brgyad pa'o/
 de'i steng du lte ba la aM yig yongs su gyur pa las zla ba'i dkyil 'khor ro/ /de'i dbus su de nyid ces pa kun rdzob du huM yig las skyes pa'i rdo rje rtse lnga pa'o/ /de'i 'od zer sna tshogs rnams te/ kha dog lnga rnams rnal 'byor par bsgom par bya'o/ /sngon du kha la
 sogs pa dag par byas nas te/ bdud rtsi lnga'i ri lu khar bcug pas kha dag par 'gyur ro/ /de bzhin du sngar gsungs pa'i mchog gi phyag rgyas mgo bo nas brtsams te ji srid rkang pa'i mdza' de srid du bdag nyid la yang dag par reg par bya'o/ /de ltar na
 lus dag pa ste/ de ltar kha la sogs dag pa byas nas/ de nas zla ba'i dkyil 'khor la rdo rje'i 'od zer gyis nam mkha' i mthil du de bzhin gshegs pa rnams rab tu rtogs par bya ste spros pa'i rgyal ba de dag rnams la mchod pa'i don du 'od zer de dag
 rnams kyang bkug nas rang gi snying khar zla ba'i rdo rje la rab tu zhugs par bsgom par bya'o/ /de nas zla ba'i dkyil 'khor la mchod pa'i lha mo bcu gnyis po rnams kyi sa bon yi ge'i gong bu rnams bsam par bya ste/ k+kh+g+g+h+nga k+kh+g+g+h+ngA ts+tsh+dzdzh+nya ts+tsh+dzdzh+nyA TThDDh+Na TThDDh+NA p+phbb+hma p+phbb+hmA t+th+d+d+h+na t+th+d+d+h+nA snypShshth+ka snypShshth+kA
 zhes pa sa bon gyi yi ge 'di rnams las grub pa ni grangs bzhin du rol mo ma dang/ gar ma dang/ dri ma dang/ phreng ba ma dang/ bdug sngos ma dang/ mar me ma dang/ lha bshos ma dang/ 'bru ma nyams ma dang/ sgeg mo dang/ gzhad ma dang/ glu ma
 dang/ 'dod ma ste/ de dag la sogs pa rnams kyis de bzhin gshegs pa rnams la dbang gi le'u las gsungs pa'i cho gas mchod pa byas nas/ de nas 'chad par 'gyur ba'i rim pas sdig pa rnam pa mang po bsags pa dag ni dang por bshags bya ste/
 de nas sgrub pa po yis lus dang ngag dang sems rnams dag pa yis ni gsum la skyabs su 'gro ba bya/ /zhes pa ni nges pa'o/ /da ni sdig pa bshags pa'i mjug thogs su bsod nams la rjes su yi rang bar bya ste/ rdzogs sangs rgyas dang byang chub sems
 dpa' rnams dang 'phags pa'i tshogs kyis rnam mang dge ba gang byas pa/ de dag mdza' dag la ni sdig pa rnam bral byang chub spyod la rjes su gnas pa'i sngags pa rjes yi rang/ de nas gsum la skyabs su 'gro ste/ sangs rgyas chos dang dge 'dun
 srid pa'i 'jigs 'phrog la yang byang chub bar du bdag ni skyabs su mchi/ gsum la skyabs su song ste/ bdag nyid kyi dngos po 'bul ba byas nas/ de nas sems can gyi don gyi slad du smon lam bya ste/ rdzogs sangs rgyas su bdag gyur cig
 ces 'dir ni smon lam sems can don gyi slad du bdag bgyid do/ /zhes pa'o/ /de ltar phyag 'tshal ba dang/ mchod pa dang/ sdig pa bshags pa dang/ bsod nams la rjes su yi rang ba dang/ de bzhin gshegs pa rnams la gsol ba
 gdab pa dang/ bskul ba dang/ bsod nams yongs su bsngo ba ste/ de ltar mchod pa rnam pa bdun byas nas/ de nas rtsa ba gsum dran par bya ste/ byang chub tu sems bskyed pa dang/ bsam pa rnam par dag pa dang/ bdag tu 'dzin pa dang /
 bdag gir 'dzin pa yongs su spong ba'o/ /de nas bsod nams dang ye shes dang/ tshul khrims kyi tshogs kyi don du pha rol tu phyin pa bcu bsam par bya ste/ sbyin pa'i pha rol tu phyin pa dang/ de bzhin du tshul khrims dang/ bzod pa dang/
 brtson 'grus dang/ bsam gtan dang/ shes rab dang/ thabs dang/ smon lam dang/ stobs dang/ ye shes kyi pha rol tu phyin pa rnam par bsam par bya'o/ /de nas tshangs pa'i gnas rnams dran par bya/ byams pa dang/ snying rje
 dang/ dga' ba dang/ btang snyoms so/ /de nas bsdu ba'i dngos po bzhi bsam par bya ste/ sbyin pa dang/ snyan par smra ba dang/ don dpyod pa dang/ don mthun pa'o/ /de nas mi dge ba bcu yongs su spang ba bsgom par bya ste/ srog gcod pa dang/
 sdun du smra ba dang/ ma byin par len pa dang/ 'dod pa las log par g.yem pa dang/ tshig rtsub dang/ phra ma dang/ tshig 'khyal pa dang/ brnab sems dang/ gnod sems dang/ log lta'o/ /de bzhin du 'gyod pa dang/ rmugs pa dang/ gnyid
 dag rgod pa dang/ the tshom ste/ sgrib pa lnga yongs su spang bar bya'o/ /de bzhin du 'dod chags dang/ zhe sdang dang/ gti mug dang/ nga rgyal te/ nyon mongs pa rnams yongs su spang bar bya'o/ /de bzhin du 'dod pa'i zag pa dang/ srid pa'i zag pa dang/
 ma rig pa'i zag pa dang/ lta ba'i zag pa spangs nas/ de nas rnam par thar pa bzhi bsgom par bya ste/ stong pa nyid dang/ mtshan ma med pa dang/ smon pa med pa dang/ mngon par 'dus ma byas pa bsgom par bya'o/ /rgyu ba dang mi rgyu ba dang bcas
 pa'i khams gsum pa tshigs su bcad pa 'di yis rnam par dpyad par bya ste/ dngos po med la sgom pa med/ /sgom pa sgom pa nyid ma yin/ /de ltar dngos po dngos mi 'gyur/ /sgom pa dmigs su med pa'o zhes pa'o/ /'di'i don ni 'chad par
 'gyur ba las brjod par bya'o/ /da ni stong pa zhes pa la sogs pas yang srid pa gzung ba'i slad du stong pa nyid kyi mtshan nyid gsungs te/ stong pa dngos po'i ngo bo'i rang bzhin 'gro ba mdza' dag 'di ni dngos po dag gis rnam par dman pa gang yin
 pa'i stong pa chen po de las kyang sangs rgyas byang chub med cing gzhan phan snying rje dag kyang med do/ /de bzhin du 'gro ba la phan pa'i phyir sangs rgyas su bya'o/ /zhes pa'i mtshan ma'i dam bca' med pa ste/ mdza' dag de ltar shes nas sangs rgyas nyid kyi srad du
 de ltar yang mi'i bdag po sku gsung thugs kyi rdo rje ni/ dpag med yon tan dkyil 'khor dbang po dkyil 'khor la ni byang chub sems dpa' rnams kyis bsgom par bya zhes pa ste/ 'jig rten pa'i 'bras pu bsgrub pa dang/ sems can thams cad la
 yang dag par bstan pa'i slad du/ sku gsung thugs kyi dkyil 'khor la gtso bo sku gsung thugs kyi rdo rje bsgom par bya'o/ /zhes pa ni bcom ldan 'das kyi nges pa'o/ /da ni 'jig rten las 'das pa'i phung po gzung ba dang/ 'khor ba pa'i phung po
 yongs su spang pa'i slad du ting nge 'dzin gsungs pa/ chu yis shes pa la sogs pa ste/ mi'i 'jig rten 'dor mngal nas skyes pa rnams 'chi ba'i dus su chu yis me rnam par nyams par byed do/ /
 /de'i phyir ting nge 'dzin de nyid kyis chu yis min rnam par nyams pa dang por 'dir ni lus kyi dbus su sdom brtson dag gis bya/ phyi nas me med pa'i phyir 'dzin ma dag ni sra pa nyid sgrangs te/ lan tshwa bzhin du zhu bar gyur nas chur
 'gyur te/ chu'i dbus su rab tu zhugs so/ /de nas rlung ni chu de rnams mdza' dag skams nas nam mkha' la mi snang bar 'gyur ro/ /de ltar khams kyi tshogs myur du rnam par nyams te/ de nas sems ni me dang mun pa'i mdza' la nam mkha' khams
 rnam pa thams cad pa'i gzugs yul dang rnam par bral ba'i dbus kyi sa la gzhag par bya ste/ kun bzhi rnam par shes pa'o/ /de nas sngags 'di brjed par bya ste/ oM shU n+ya tA dz+nyA na badzra swa b+hA ba At+ma konyahaM oM a ni mi d+ha dz+nyA na badzra swA b+hA ba
 At+ma konyahaM/ oM a pra Ni hi to dz+nyO ni badzra swa b+hA pa At+ma konyahaM/ oM a na b+hi saM skA ra dz+nyA na badzra swa b+hA ba At+ma konyahaM/ zhes pa brjod nas khams gsum po rdul phra rab kyi chos nyid las 'das pa stong pa nyid kyi gzugs su rnam par bsgom par bya'o
 zhes pa ni de bzhin gshegs pa'i nges pa'o/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las/ gnas dang bsrung ba dang sdig pa bshags pa la sogs
 pa'i mdor bsdus chen po ste dang po'o// //da ni sngon gyi smon lam yongs su rdzogs par bya ba dang chos kyi 'khor lo bskor pa'i don du/ mngal du 'jug pa'i tshul gyis bskyed pa'i rim pas bcom ldan 'das kyi bsgrub thabs gsungs pa
 stong pa zhes pa la sogs pa ste/ 'dir phyi dang nang du bskyed pa'i mtshan ma ni/ nam mkha' i khams mdza' yas pa dang/ shes rab kyi chos 'byung gru gsum mo/ /phyi rol du mi yul la rdo rje'i rang bzhin rtsibs bcu zlum po ste/ nang du ma'i lus so
 de la phyi rol tu yaM yig yongs su gyur pa las rlung gi dkyil 'khor nag po dbus su gzhu'i rnam pa thad ka'i dpag tshad 'bum phrag bzhi pa 'og dang steng du hUM yig yongs su gyur pa'i sna tshogs rdo rje gnyis dang bcas pa/ rgyal mtshan gyi mtshan
 pa'o/ /de'i steng du raM yig yongs su gyur pa las me'i dkyil 'khor dmar po gru gsum rgyar dpag tshad 'bum phrag gsum pa/ 'og dang steng du hUM yig yongs su gyur pa'i sna tshogs rdo rje gnyis dang bcas pa/ bkra shis kyi mtshan pa'o/ /
 de'i steng du waM yig yongs su gyur pa las chu'i dkyil 'khor dkar po zlum po dpag tshad gnyis pa/ steng dang 'og du hUM yig yongs su gyur pa'i sna tshogs rdo rje gnyis dang bcas pa/ pad+mas mtshan pa'o/ /de'i steng du lam yig yongs su
 gyur pa las sa'i dkyil 'khor kha dog ser po gru bzhi pa dpag tshad 'bum yod pa/ 'og? dang steng du hUM yig yongs su gyur pa'i sna tshogs rdo rje gnyis dang bcas pa/ rdo rjes mtshan pa'o/ /de'i steng du maM yig yongs su gyur pa las lhun po chen
 po rdo rje'i rang bzhin 'og gi rgyar stong phrag bcu drug dang/ steng la stong phrag lnga bcu pa'o/ /de'i dbus su k+ShaM yig yongs su gyur pa las lhun po'i tshad phyed kyis sna tshogs chu skyes so/ /de'i sum cha ni lte ba ste/ de'i steng du haM yig yongs su gyur
 pa las/ zla ba'i dkyil 'khor lte ba dang mnyam pa'o/ /de'i steng du rnam par bcad pa yongs su gyur pa las nyi ma'i dkyil 'khor ro/ /de'i steng du thig le yongs su gyur pa las/ me zhes pa sgra gcan gyi dkyil 'khor kha dog sngon po ste/ de ltar mdza' 
 dag gcig tu 'dres par gyur pa ni h+k+Sh+mlwryaM zhes pa sa bon gyi yi ger rnam par bsgom par bya ste/ de las 'jig rten gyi khams grub par bsam par bya'o/ /zhes pa ni phyi rol tu'o/ /nang du ni sngar gsungs pa'i cho gas ma'i lus la dpral bar rlung gi dkyil
 'khor ro/ /mgrin par gsung gi dkyil 'khor ro/ /snying gar chu'i dkyil 'khor ro/ /lte bar sa'i dkyil 'khor ro/ /lte ba nas gsang ba'i pad+ma'i maNra thu ? lhun po chen po'o/ /gsang ba'i pad+ma ni bcom ldan 'das kyi pad+ma bzhin no/ /bshar ba dang/ ? ba dang/ /bu pa
 'bab pa'i rtsa gsum ni zla ba dang/ nyi ma dang/ sgra gcan gyi dkyil 'khor te/ gsang ba'i pad+ma'i lte ba'i de rnams 'dus pa'o/ /de bzhin du de'i steng du khang pa brtsegs pa kun nas dri med 'od zer 'phro ba 'am/ rdo rje las skyes to hUM yig las
 skyes pa'i rdo rje gur te/ yum gyi skyes gnas su ni rdo rje dang bcas pad+ma zhes pa'i shes par byed pa las so/ /de nyid kyis na yang na rdo rje'i rang bzhin gyi gur ro/ /de'i dbus su rdo rje'i sa la b+h+ruM yig yongs su gyur pa 'am/ oM yig yongs su gyur pa las
 nor bu'i 'od zer tshogs kyi dkyil 'khor rnam pa 'phro ba ste/ oM yig ye shes las skyes rgyal ba mchog gi pad+ma zla ba dang ni nyi ma dag gi gdan zhes pa ste/ sa'i dkyil 'khor gyi mthar thug par thugs kyi dkyil 'khor ro/ /de'i phyi rol tu ni
 gsung gi dkyil 'khor rgya mtsho'i dkyil 'khor gyi mthar thug pa ste/ nor gyi pad+ma zhes pad+ma brgyad po 'di ni zla ba nyi mas rnam par dman pa'o/ /de nyid kyi phyi rol tu sku'i dkyil 'khor rlung gi dkyil 'khor gyi mthar thug pa ste/ nyin mor byed pa'i pad+ma
 zhes pa pad+ma bcu gnyis zla ba nyi mas rnam par dman pa dang/ de bzhin du sgo bzhir shing rta rnams so/ /de ltar sku'i dkyil 'khor ni zheng du dpag tshad bzhi 'bum mo/ /de'i phyed ni gsung gi dkyil 'khor ro/ /de'i yang phyed ni thugs kyi dkyil 'khor ro//
 de'i yang phyed ni bde ba chen po'i 'khor lo'o/ /de'i yang phyed ni bcom ldan 'das kyi pad+ma'o/ /pad+ma'i sum cha ni lte ba ste/ de bzhin du zla ba dang nyi ma dang/ sgra gcan gyi dkyil 'khor rnams so/ /de bzhin du nang du ni gsang ba'i pad+ma nas 'og dang steng du
 snying ga nas gsang ba'i pad+ma dang spyi bo ji srid par ro/ /yang na snying ga nas dpung pa dang/ nye ba'i dpung pa dang/ sen mo'i mdza' ji srid par te/ ma'i lus la rnam par rtags pa bsgom pa'i phyir ro zhes pa ni nges pa'o/ /de ltar dkyil 'khor re re la
 sgo bzhi bzhi ste/ de ltar sgo bcu gnyis rnams so/ /nyi ma'i sgo rnams su ni rgyal po zhes pa bod pa ste/ nor du gser gyi rang bzhin rta babs rnams dang/ sku'i dkyil 'khor gyi phyi rol du dur khrod brgyad dang/ snying por brgyad gnyis ka ba rnams
 te/ cha bcu drug gi dbye bas ka ba bcu drug go /rdo rje'i rang bzhin ni byang chub sems kyi rang bzhin no/ /rgyal ba'i shin tu longs spyod rdzogs pa'i 'khor lo'o/ /'di la lus kyi khams rnams kyi rnam par dag pa ni ye shes kyi le'u las brjod
 par bya'o/ /'dir rtsa ba'i rgyud kyi rjes su 'brengs nas/ chos kyi phung po'i rnam par dag pa brjod par bya ste/ 'dir bcom ldan 'das kyis gsungs pa/ sangs rgyas chos dang dge 'dun chos/ /thugs gsung sku yi dkyil 'khor ro/ /tshangs pa'i gnas bzhi
 rnams kyis ni/ /rdo rje thig ni bzhi po ste/ /dran pa nyer gzhag bzhi rnams kyis/ /kun nas gru bzhi pa nyid do/ /yan lag bcu gnyis 'gog pa yis/ /sgo ni bcu gnyis po rnams te/ /de bzhin sa ni bcu gnyis kyis/ /rta babs dag ni mdzes pa rnams/ /'phags
 lam yan lag brgyad rnams kyis/ /phyogs brgyad du ni dur khrod rnams/ /stong nyid bcu drug ka ba rnams/ /khams rnams kyis kyang khang pa brtsegs/ /rnam thar brgyad kyi sgo khyud rnams/ /gzugs can yon tan brgyad rnams kyis/ /'gram rnams dang ni logs
 rnams nyid/ /thugs gsung sku yi dbye bas so/ /tshul khrims la sogs phung po lngas/ /kha dog lnga ni rnam sbyangs pa/ /theg pa gsum gyis ra ba gsum/ /dad pa'i dbang po sogs kyis lnga/ /dad sogs stobs rnams dag gis lnga/ /thugs gsung sku
 yi dkyil 'khor la'o/ /ting nge 'dzin dang gzungs rnams kyis/ /dkyil 'khor gsum la kha khyer te/ /pha rol phyin bcu rdzogs pa yis/ /rin chen rnam bu rnam par bkra/ /ma 'dres chos ni bco brgyad kyis/ /do shal phyed pa de rnams nyid/ /dbang rnams
 kyis kyang ba ku lI/ /dge bas kra ma shIr Sha'o/ /stong nyid la sogs rnam thar gyis/ /dril bu'i sgra ni rdzogs pa ste/ /rdzu 'phrul rkang pas rgyal mtshan gtams/ /spong bas me long rab tu 'bar/ /byang chub yan lag rnga yab ga-yo/ /yan lag dgu yis phreng
 bas brgyan/ /bsdu ba bzhi po rnams kyis ni/ /zung du sna tshogs rdo rje brgyan/ /bden pa rin chen bzhi rnams kyis/ /sgo dang sgo khyud mtshams su spras/ /mngon shes lnga yis rtag tu ni/ /zlum skor chen po lnga yis bskor/ /rnam pa kun mkhyen byang chub pas
 rdo rje phyed bas legs par bskor/ /bde ba gcig pu'i lcags ri yis/ /de bzhin ye shes rdo rje 'bab/ shes rab thabs kyi cha yis ni/ /zla ba nyi ma rtag tu shar/ /thugs gsung sku ni yang dag dag /chos kyi 'khor lo bum pa che/ /rnga bo che dang byang chub
 shing /de ni yid bzhin nor bu sogs/ /'di dag dpal ldan dus 'khor gyi/ /dkyil 'khor chos kyi dbyings dang ldan/ /phun tshogs kun byed bsgoms nas ni/ /de nas a sogs ka sogs dgod ces pa ste/ /bcom ldan 'das mngal du 'jug pa'i dus su
 mngal sbyong pa'i cho ga'o/ /da ni zla ba zhes pa la sogs pas phyi rol tu lha rdzogs pa dang/ nang du mngal rdzogs pa gsungs te/ /'dir dkyil 'khor gyi lte ba'i steng gi zla ba dang/ nyi ma dang/ sgra gcan gyi dkyil 'khor gyi steng du zla ba'i dkyil 'khor la
 a sogs dbyangs sum cu dang/ thig le dang/ rnam par bcad pa ste/ sum cu rtsa gnyis po rnams mtshan sum cu rtsa gnyis kyi don du g.yon dang g.yas su bskor bas dgod par bya'o/ /de la a i ri u li zhes pa ni dang po'i cha lnga'o/ /de nas
 yon tan gyi dbye bas a e ar o al zhes pa ni gnyis pa'i cha'o/ /de nas ya Nar bsgyur bas ha ya ra wa la zhes pa ni gsum pa'i cha lnga'o/ /cha bco lnga'i thar thig le aM zhes pa ste bcu drug ni g.yon skor gyis so/ /de nas g.yas skor
 gyis nag pos tshes gcig la sogs pa'i cha rnams dgod par bya ste/ lA wA rA yA hA/ Al aau Ar/ i A lI a'u rI a'i A zhes pa ste/ bco lnga pa gnam stong gi mthar rnam par bcad pa/ a:zhes pa ste dbyangs bcu drug go /'di
 dag ni skyes bu chen po'i mtshan sum cu rtsa gnyis po rnams te/ zla ba'i yan lag dang mngal 'dzin pa'i khu ba'i khams la'o/ /de nas nyi ma'i dkyil 'khor la ka sogs gsal byed gcig gi bdag nyid bzhi bcu dang/ brtsegs pa bzhi bcu rnams
 te/ de la ha ya ra wa la dang bcas pa'i sde pa drug po rnams ni sum cu rtsa lngar 'gyur ro/ /de bzhin du lan gnyis brjod pa'i dbang gis la wa ya Da Dha rnams gzung bar bya ste/ l+la wwa yya DDa DhDha/ l+la wwa rra yya hha/ ssa nypnypa Sh+Sha shsha th+k+th+ka/ t+ta ththa dzdza d+h+d+ha n+na/ p+pa phpha bba b+hb+ha mma/ TTa bDA DDa
 DhDha N+Na/ tstsa tshtsha dzh+dzha nynya k+ka kh+kha g+ga g+h+g+ha ngnga/ zhes pa bzhi bcu ste/ g.yas skor du sa la sogs pa'i dbye bas brtsegs pa rnams so/ /de nas g.yon skor gyis nga g+ha ga kha ka /nya dzha dza tsha tsa/ Na Dha Da tha Ta/ ma b+ha ba pha pa/ na d+ha da tha ta/ th+ka sha Sha nypa sa ha ya ra wa la
 d+ha Da ya wa ha la zhes pa/ gsal byed gcig gi bdag nyid bzhi bcu'o/ /de ltar nyi ma dang mngal 'dzin pa'i rdul la dpe byad brgyad cu rnams so zhes pa ni nges pa'o/ /de ltar zla ba nyi ma la yang a sogs ka sogs rdo rje dang bcas zhes pa ni/ de dag
 las 'og tu nyi ma'o/ /nyi ma'i steng du zla ba'o/ /zla ba'i dbus su hUM yig zla ba'i mtshan ma lta bu'o/ /de bzhin du rdul gyi steng du khu ba'o/ /khu ba'i dbus su kun bzhi rnam par shes pa dri za'i sems can no/ /de nas me long la sogs lnga rnams kyis/ shes pa
 ni da la zla ba dang khu ba dbyangs dang ldan pa ni me long lta bu'i ye shes te/ gzugs kyi phung po skyed par byed pa rnam par snang mdzad do/ /nyi ma dang rdul gsal byed dang ldan pa ni mnyam pa nyid kyi ye shes te/ tshor ba'i phung po skyed par byed pa rin chen 'byung ldan
 no/ /dri za'i sems can hUM yig dang ldan pa ni so sor rtog pa'i ye shes te 'du shes kyi phung po skyed par byed pa snang ba mdza' yas so/ /de rnams gcig pa nyid dang srog gi rlung hi yig dang ldan pa ni bya ba grub pa'i ye shes te 'du byed kyi phung po bskyed par byed
 pa don yod grub pa'o/ /de nas yan lag thams cad kyi cha shas yongs su rdzogs pa dang rnam par shes pa haM yig dang ldan pa ni chos kyi dbyings shin tu rnam par dag pa'i ye shes te/ rnam par shes pa'i phung po skyed par byed pa mi bskyod pa ste/ phyi rol dang
 nang du ye shes lnga'i bdag nyid do/ /'di rnams gcig du 'dres par gyur pa ni sa bon te/ dbyangs rnams kyi thig le dang/ gsal byed rnams kyi rnam par bcad pa dang/ rnam par shes pa gzhom du med pa dang/ srog gi a yig go /de ltar
 gsungs pa'i rim pas bcom ldan 'das 'od zer lnga rnams 'gyed par byed cing dri ma med pa'i 'od zer 'phro dus kyi 'khor lo bsgom par bya/ zhes pa ste/ phyi rol dang mngal du sku rdzogs pa'i nges pa'o/ /da ni lha'i sku la dus kyi cha yis dbyibs
 gsungs pa/ rdo rje zhes pa la sogs pa ste/ 'dir lha rnams skye ba'i dus su rgyan thams cad dang bcas par skye ste/ de dag kyang lus kyi cha shas sna tshogs dang kha dog sna tshogs dang dbyibs sna tshogs nyid du skye'o/ /de'i phyir rdo rje rgyan dang ldan
 pa'i lus dang/ rgyal ba'i phyag gi pad+ma ni phyag nyi shu rtsa bzhi'o/ /nyi ma zhes pa dpung pa bcu gnyis so/ /dus kyi zhal ni zhal bzhi'o/ /mgrin pa gsum dang spyan bcu gnyis te/ rnam par rgyas pa'i zhal yang mche ba phyed ni gtsigs pa'o/ /zhes
 pa'o/ /lus rdzogs pa la lus kyi rnam par shes pa bdag po'i mtshan nyid ni dkyil 'khor gyi pad+ma'i lte ba'i dbus su rang gi lus kyi nang du 'dus pa'i lha rnam par dgod pa dang/ dkyil 'khor gyi rnam pa gsungs so/ /dpal ldan oM
 yig las skyes rgyal ba'i bdag po'i pad+mar zhes pa snying kha'i pad+mar/ zla ba nyi ma ma'i steng du ni zhes pa la la nA dang ra sa nA dang a ba d+hU tI'i steng du/ drag po lus med gnyis kyi zhes pa bdud dang nyon mongs pa'i phyogs g.yon dang
 g.yas par rab tu 'bab pa dag gi snying gar rgyal po'i dbang po shin tu rol pa'i zhabs ni g.yas brkyang stabs zhes pa'o/ /de la bdud ni 'dod pa'i lha kha dog dmar po gdong gcig pa lag pa bzhi pa/ lag na me tog gi mda' lnga dang gzhu dang
 pa dang lcags kyu 'dzin pa ste/ zhabs g.yas pa kha dog dmar po'i 'og tu'o/ /de bzhin du drag po dkar po mig gsum pa gdong gcig pa lag pa bzhi pa/ rtse gsum dang DA ma ru dang thod pa dang khwa TwAM ga 'dzin pa ste/ zhabs g.yon pa dkar po'i 'og tu'o
 'di ltar sku sngon po ste/ de bzhin du dbus kyi mgrin pa sngon po dang g.yas pa nyi ma dang mtshungs pa dmar po dang/ g.yas min te g.yon pa ni zla ba'i mdog dkar po ste/ de ltar mgrin pa gsum mo/ /sngar gsungs pa'i cho gas shar gyi zhal ni
 nag po mtsha ba gtsigs pa drag po'o/ /g.yas pa ni chags pa dang bcas pa dmar po'o/ /g.yon ni rab tu zhi ba dkar po'o/ /nub ni ting nge 'dzin la gnas pa ser po'o/ /ral pa'i cod pan la sna tshogs rdo rje dang/ zla ba phyed pa dang rdo rje sems
 dpa' i dbu rgyan can/ /rdo rje nor bu dang/ rdo rje rgya rgyan dang/ rdo rje mgul rgyan dang/ rdo rje gdub bu dang/ rdo rje ske rags dang/ rdo rje rkang gdub dang/ rdo rje dar dpyangs dang/ rdo rje phreng ba dang/ stag gi pags pa'i gos 'dzin pa'o/ /de bzhin du g.yas kyi phrag pa dang
 po sngon po dang/ gnyis pa dmar po dang gsum pa dkar po ste/ de bzhin du g.yon du yang ngo/ /de bzhin du g.yas dang g.yon du yang dpung pa gnyis sngon po dang gnyis dmar po dang gnyis dkar po'o/ /de bzhin du g.yas dang g.yon du yang phyag bzhi
 nag po dang/ bzhi dmar po dang/ bzhi dkar po ste de rnams kyang 'chad par 'gyur ba'i mtshon cha dang bcas pa'o/ /de bzhin du phyag re re la sor mo lnga dang/ de dag re re la tshigs gsum ste/ mthe bo ser po dang/ mdzub mo dkar po dang/ gus
 dmar po dag ming med nag po dag mthe chung ljang gu dang/ phyag gi mthil nas sor mo thams cad kyi tshigs kyi phreng ba dang po nag po dang/ gnyis pa dmar po dang/ gsum pa dkar po'o/ /de ltar phyag gi padmo ri bong can so so la kha dog lnga ste de dag sor gdul
 rnams kyis 'phro ba'o/ /de ltar ma rig pa dang 'du byed dang rnam par shes pa rnams rab tu zhugs pa'i nges pa ste/ mngal gyi zla ba gsum pa dang gnas skabs dang po'o/ /da ni gnag ces pa la sogs pas mtshon cha'i tshogs gsungs te/ gnag
 pa'i phyag gi mthil bzhi la dang por rdo rje'o/ /gnyis pa ral gri'o/ /gsum pa rtse gsum mo/ /bzhi pa gri gug go /de bzhin du dmar ba'i phyag gi mthil bzhi la/ dang por me'i mda'o/ /gnyis par rdo rje lcags kyu'o/ /gsum par sgra dang bcas pa'i DA
 ma ru'o/ /bzhi par tho ba'o/ /gsum pa dkar po'i phyag gi mthil bzhi la/ dang po'i phyag gi mthil du 'khor lo'o/ /gnyis par mdung ngo gsum par dbyug pa'o/ /bzhi par dgra ste'o/ /zhes pa ni g.yas pa'i mtshon cha'i tshogs te/ rdo rje can gyi
 nyi ma'i phyag gi pad+ma g.yas la'o zhes so/ da ni g.yon pa'i gnag pa'i phyag gi mthil bzhi la mtshan ma gsungs te/ dang por rdo rje dril bu'o/ /gnyis par phub po/ /gsum par kha TwAM ga rnam par rgyas pa'i kha'o/ /bzhi par khrag gis
 gang ba'i thod pa'o/ /de bzhin du dmar ba'i phyag gi mthil bzhi la dang por gzhu'o/ /gnyis par zhags pa'o/ /gsum par nor bu rin chen no/ /bzhi par pad+mar dkar po'o/ /de bzhin du dkar po'i phyag gi mthil bzhi la/ /dang po'i phyag gi mthil du
 chu na rgyu ba zhes pa dung de/ /gnyis par me long ngo/ /gsum pa rdo rje lcags sgrog go /bzhi par tshangs pa'i mgo bo ste/ de bzhin du tshangs pa'i mgo bo pad+mas brgyan pa ste spras pa rig byed gdong ldan gang yin rgyal ba'i g.yon gyi phyag na'o zhes so/ /
 der bdud dang drag po yang dag par bzung ba ni/ /bdud dang drag po dag gi lha mo dag ni zhabs kyi mthil la 'dzin zhing gdong gi dman pa dag tu byed de bdud kyi dga' ma dang drag po'i u ma'o/ /mi bskyod pa rab tu bzhugs pa'o/ /da ni sna tshogs yum gyi
 mtshan nyid gsungs pa/ gser mdog ces pa la sogs pa ste/ de la ra mnyam pa gcig las zla ba dang khu ba'i rang bzhin gyis bcom ldan 'das bskyed cing/ nyi ma dang rdul gyi rang bzhin gyis lha mo bskyed do/ /de la dkar po dang nag po'i chos can ni zla
 ba ste/ /dmar po dang ser po'i chos can ni nyi ma'o/ /des na gser mdog go /rig byed zhal ldan ni zhal bzhi'o/ /nor gyi phyag gi pad+ma ni phyag brgyad de/ mdun nas 'khyud pa dag ni sna tshogs yum mo/ /de'i g.yas kyi phyag dang po na gri gug go /
 gnyis pa na lcags kyu'o/ /gsum pa na sgra dang bcas pa'i DA ma ru'o/ /bzhi pa na bgrang phreng ngo/ /g.yon gyi phyag dang po na thod pa'o/ /gnyis pa na zhags pa'o/ /gsum pa na 'dab ma brgya pa'i pad+ma dkar po'o/ /bzhi pa na mchog gi rin chen de bzhin
 nyid du'o/ /de bzhin du bcom ldan 'das ni g.yas brkyang ste/ sna tshogs yum ni g.yon brkyang ngo/ /nyi ma'i spyan ni spyan bcu gnyis so/ /rgyal ba'i bdag po'i cod pan ni rdo rje sems dpa' i cod pan no/ /phyag rgya lnga po rnams kyis rgya yis btab pa snyoms par
 zhugs pas gnas pa'o/ /ye shes kyi pha rol tu phyin pa ni sna tshogs yum de'i nang du 'dus shing pha rol tu phyin pa gzhan sbyin pa la sogs pa rnams te/ pha rol tu phyin pa brgyad ni 'dab ma rnams la lha mo brgyad de/ de rnams nor gyi phyag gi pad+ma ni phyag
 brgyad do/ /rig byed zhal ni zhal bzhi'o/ /nyi ma'i spyan ni spyan bcu gnyis so/ /de dag rnams kyi nang nas bzhi ni sprul gyi rnga yab 'dzin te phyag brgyad kyis rnga yab brgyad 'dzin pa'o/ /zur bzhir rgyal ba'i zhal gyi dbye bas so zhes pa ni mer nag mo'o/ /bden
 bral du dmar mo'o/ /rlung du ser mo'o/ /dbang ldan du dkar mo'o/ /de bzhin du de dag rnams kyi rgyab tu dbang ldan du chos kyi dung dkar po'o/ /bden bral du chos kyi gan DI dmar po'o/ /mer yid bzhin gyi nor bu nag po'o/ /rlung du dpag bsam gyi shing ser po'o//
 de bzhin du shar gyi 'dab ma la nag mo dang/ lhor dmar mo dang/ byang du dkar mo dang/ nub tu ser mo 'bar ma'o/ /phyogs bzhi'i dbye bas bcom ldan 'das kyi zhal gyi dbye ba ji lta ba de bzhin du lha mo rnams kyi ste/ sna tshogs yum gyi
 dang po'i zhal gser gyi mdog dang/ g.yas dkar po dang/ g.yon pa dmar po dang/ rgyab sngon po ste de bzhin du lha mo ser mo rnams kyi'o/ /dkar mo rnams kyi mdun dkar po dang/ g.yas nag po dang/ rgyab dmar po dang/ g.yon ser po'o/ /dmar mo rnams kyi
 dang po dmar po dang/ g.yas ser po dang/ g.yon sngon po dang/ rgyab dkar po'o/ /nag mo rnams kyi mdun du nag po dang/ g.yas dmar po dang/ g.yon dkar po dang/ rgyab ser po'o/ /snying po'i pad+ma'i lha mo rnams kyi rgyan dang phyag rgya lnga po rnams ni bcom
 ldan 'das ma'i ji lta ba de bzhin du shes par bya'o/ /zhes pa nges pa'o/ /da ni nag po 'bar ma la sogs pa rnams kyi g.yas dang g.yon gyi phyag gi mtshan ma rnams gsungs pa/ /nag mo zhes pa la sogs pa ste/ nag mo yi ni dang po'i phyag gi mthil na
 spos kyi snod dang/ gnyis pa dag na bsil ba'i snod de tsan dan gyi snod do/ /dmar po sbyar ba gur gum gyi snod ni gsum pa na'o/ /myos byed dang bcas ri bong 'dzin pa zhes pa gla rtsi dang bcas pa ga bur gyi snod ni bzhi pa na ste g.yas kyi phyag rnams
 na'o/ /g.yon pa'i dang po na dril bu'o/ /gnyis pa na pad+ma'o/ /gsum pa na lha'i shing gi me tog go /bzhi pa ni me tog sna tshogs kyi phreng ba rim pas so zhes pa ste/ shar gyi 'dab ma la'o/ /dmar mo 'bar ma'i g.yas kyi phyag dang po na mar me'o/ /
 gnyis pa na do shal lo/ /gsum pa na cod pan no/ /bzhi pa na gdu bu'o/ /de bzhin du g.yon pa'i phyag dang po na gos so/ /gnyis pa na ske rags so/ /gsum pa na rin po che'i rna rgyan no/ /bzhi pa na rkang gdub po/ /de bzhin du ser mo 'bar ma'i g.yas kyi
 dang po na dung ngo/ /gnyis pa na gling bu'o/ /gsum pa na nor bu'o/ /bzhi pa na DA ma ru'o/ /g.yon gyi dang po na rgyud mangs so/ /gnyis pa na rnga'o/ /gsum pa na sgra sgrogs pa'i 'khar ba'o/ /bzhi pa na zangs dung ngo/ /de bzhin du dkar mo 'bar ma'i dang po na 'o ma'i
 snod do/ /gnyis pa na chu'i snod do/ /gsum pa na mchog gi sman no/ /bzhi pa na chang gi snod do/ /g.yon gyi dang po na bdud rtsi'i snod do/ /gnyis pa na grub pa'i ro'i snod do/ /gsum pa na bdud rtsi'i 'bras bu'o/ /bzhi pa na zan gyi snod de dkar mo'i 'o/ /rang gi
 phyag rgya dang bcas pa ste rdo rje sems dpa' rdzogs pa'o// //da ni ming dang gzugs la sogs pa bskyed pa'i slad du 'dod chags chen pos gdul bar bya ba'i sems can gyi 'jig rten dang po'i sangs rgyas bstan par bya ba'i snod du mngon par
 gzigs nas shin tu dga' ba'i sgra yis rang gi lus la mi bskyod pa la sogs pa'i rgyal ba'i tshogs rnams dang/ nam mkha' la sogs pa'i khams kyi tshogs rnams dang/ skyes bu dang/ rig ma mig la sogs pa dang/ gzugs la sogs pa
 yul gyi rang bzhin gyi lha'i rang gi ngo bor snang bar gyur pa rnams gzhug par bya ste/ slar yang de dag rang gi lus la spros nas sna tshogs yum gyi nang du ji lta ba bzhin du bsgom par bya'o/ /de nas de bzhin nyid du spros nas slar yang khams dang
 bcas pa'i de bzhin gshegs pa dkyil 'khor gyi 'khor lo'i rnam pa rnams rang gi lus la gzhug par bya ste/ zla ba zhu bar gyur pa rnams rang gi rig ma'i pad+ma'i nang du rang gi rdo rje nas spros te/ de dag yongs su gyur pa las lha dang lha mo'i tshogs
 kyi dkyil 'khor rten dang brten pa'i mtshan nyid/ /mi bskyod pa bdag por bsgoms nas dang por bcom ldan 'das kyi sku la gzhug par bya'o/ /de nas phyogs kyi pad+mar chu gter sangs rgyas bzhi rnams ni nges par spyan dgu pa me'i zhal zhes pa zhal
 gsum pa dus kyi phyag ces pa phyag drug pa rnams spro bar bya'o/ /de la shar gyi pad+ma'i nyi ma'i steng du don yod grub pa nag po ste/ g.yas skor gyis nag po dang dmar po dang dkar po'i zhal lo/ /lhor rin chen 'byung ldan kha dog dmar po
 ste/ g.yas skor gyis dmar po dang dkar po dang nag po'i zhal lo/ /byang du snang ba mdza' yas dkar po ste/ g.yas skor gyis dkar po dang nag po dang dmar po'i zhal lo/ /nub tu rnam par snang mdzad ser po ste/ g.yas skor gyis ser po dang
 dkar po dang nag po'i zhal lo/ /de ltar bzhi ni nyi ma'i dkyil 'khor la ste/ nyin mo bcom ldan rdo rje can zhes pa'i shes par byed pa las so/ /mer sgrol ma don yod grub pa lta bu'o/ /bden bral du gos dkar mo rin chen 'byung ldan lta bu'o/ /
 dbang ldan du mA ma kI snang ba mdza' yas lta bu'o/ /rlung du spyan ma rnam par snang mdzad lta bu'o/ /de ltar bzhi ni zla ba'i dkyil 'khor la ste/ mtshan mo shes rab rab tu grags shes pa'i shes par byed pa las so/ /slar yang lha dang lha mo de
 dag gi bar gyi mtshams brgyad du bdud rtsi'i bum pa brgyad do/ /de ltar lha dang lha mo gnag dang dmar ser dang/ ri bong 'dzin pa lta bu dkar ba ste zhes so/ /shar gyi sgor khro bo shin tu stobs te kha dog dang zhal dang phyag ni don yod grub pa lta bu nag po'o/ /
 lho'i sgor rmugs byed de kha dog dang zhal dang phyag ni rin chen 'byung ldan lta bu dmar po'o/ /nub gyi sgor rengs byed de/ kha dog dang zhal dang phyag ni rnam par snang mdzad lta bu ser po'o/ /byang du kheng byed de/ kha dog dang zhal dang phyag ni snang ba
 mdza' yas lta bu dkar po'o/ /steng du gtsug tor te kha dog dang zhal dang/ phyag ni mi bskyod pa lta bu ljang gu'o/ /'on kyang khro bo 'di rnams g.yas brkyang ba ste/ khro bo'i lha mo rnams ni g.yon brkyang ngo/ /zla ba bzhi pa la ming dang gzugs skye ba'i
 dus su gzugs 'byung ba chen po bzhi'i bdag nyid dang/ rlung dang me dang sa dang chu'i khams kyi bdag nyid de/ /des na khams dang phung po dang khro bo rnams spro ba'o/ /de nas zla ba lnga la skye mched drug skye ba'i dus la nam mkha' i snying po la sogs pa spro bar bya ste mkha' 
 snying la sogs zhes pa ni/ 'dir rlung las skyes pa sna ni nam mkha' i snying po dbyibs la sogs pa don yod grub pa lta bu ste/ shar gyi sgo'i g.yas su ra ba'i rtsig pa la ste phyogs su'o/ /phyogs bral du gnas ni me'i zung du rlung las skyes pa reg bya rdo rje ma ste/ dbyibs
 la sogs pa sgrol ma lta bu'o/ /de bzhin du lho'i sgo'i g.yas su me las skye ba mig ni sa'i snying po ste/ dbyibs la sogs pa rin chen 'byung ldan lta bu'o/ /de bzhin du bden bral gyi zur du me'i khams las skyes pa'i rdo rje ma ni gos dkar mo lta bu'o/ /nub
 kyi sgo'i g.yas su sa las skyes pas lus kyi dbang po ni sgrib pa thams cad rnam par sel ba ste/ rnam par snang mdzad lta bu'o/ /de bzhin du rlung gi zur du sa'i khams las skyes pa dri rdo rje ma ni spyan ma lta bu'o/ /byang gi sgo'i g.yas su chu las skyes pa lce ni
 'jig rten dbang phyug ste/ snang ba mdza' yas lta bu'o/ /dbang ldan du chu'i khams las skyes pa gzugs rdo rje ma ni mA ma kI lta bu'o/ /'og tu ye shes kyi khams las skyes pa yid ni kun tu bzang po kha dog sngon po zhal gsum pa phyag drug pa kha dog
 dus kyi 'khor lo lta bu ste/ shar gyi sgo'i g.yon du ra ba'i rtsig pa la'o/ /de bzhin du ye shes kyi khams las skyes pa sgra rdo rje ma ni kun tu bzang po lta bu ste/ byang gi sgo'i g.yon du'o/ /steng du nam mkha' i khams las skyes pa rna ba ni phyag na rdo rje ljang gu mi bskyod
 pa lta bu ste/ lho'i sgo'i g.yon du'o/ /de bzhin du nam mkha' i khams las skyes pa chos kyi dbyings kyi rdo rje ma ni phyag na rdo rje lta bu ste/ nub kyi sgo'i g.yon du'o/ /de ltar zla ba lnga la skye mched drug dang/ drug pa la reg bya zhes pa'i shes par byed pa las
 reg bya la sogs pa'i yul rnams te/ de ltar skye mched bcu gnyis spro ba'o/ /sku rdo rje'i gnas skabs gnyis pa'o/ /'dir shar dang byang dang steng na gnas pa'i lha dang lha mo nag po dang dkar po rnams ni zla ba'i dkyil 'khor la dgod par bya ste/
 nam mkha' dang rlung dang chu'i khams rnams khu ba'i chos can nyid kyi phyir ro/ /yang na phyogs bral du gnas pa zur gyi lha mo rnams zla ba la ste/ mtshan mo shes rab rab tu grags zhes gsungs pa'i phyir ro/ /de bzhin du lho dang nub dang 'og na gnas pa'i lha
 dang lha mo dmar po dang ser po rnams ni nyi ma'i dkyil 'khor la ste/ ye shes dang me dang sa'i khams rnams ni rdul gyi chos can nyid kyi phyir ro/ /yang na phyogs na gnas pa'i lha rnams nyi ma la ste nyin mo bcom ldan 'das rdo rje can zhes gsungs pa'i phyir ro/ /
 de ltar gang zhig bcom ldan 'das la mngon du phyogs pa de ni gtso bo ste phyogs rnams su'o/ /bcom ldan 'das la mngon du phyogs pa'i lha mo ni gtso mo ste phyogs bral rnams su'o/ /gzhan du phyogs pa ni gtso bo ma yin pa'o/ /de'i phyir shes rab phang
 par thabs ni gtso bo ma yin pa ste ri bong 'dzin pa'i pad+ma la zur gyi char phyogs bral rnams su'o/ /de bzhin du thabs kyi lha rnams kyi phang par yang lha mo gtso mo ma yin pa ste nyi ma'i dkyil 'khor la phyogs rnams su'o/ /gnyis po dag ni rang gi phyag gi chu
 skyes 'chad par 'gyur ba'i rang rang mtshan mas mtshan pa dag gis phan tshun 'khyud/ /mtshan ma gang zhig gang gi g.yas kyi dang po'i phyag mthil na ste de yis phyag rgya chu skyes dman chu skyes kyi mtshan ma dang rin po che dang/ ral gri ni g.yon dang g.yas su
 yang thun mong ngo/ /de ltar shar dang nub dang g.yon dang g.yas dang 'og dang steng du shes rab thabs kyi 'khor lo mchog gi bde bar gnas pa rdo rje'i gdan gyis bzhugs pa ni thabs 'dren pa ste/ pad+ma'i gdan gyis bzhugs pa ni lha mo'i tshogs 'dren ma'o/ /zhes
 pa nges pa'o/ /da ni nag po rnams kyi zhes pa la sogs pas mtshan ma rnams gsungs te/ 'dir rigs drug gi phung po rnam par dag pas mtshan ma drug rnams so/ /de la 'du byed kyi rigs las skyes pa don yod grub pa dang sgrol ma dang shin tu stobs dang
 nam mkha' i snying po dang reg bya rdo rje ma ste nag po rnams kyi g.yas kyi phyag dang po na ral gri'o/ /gnyis pa na gri gug go /gsum pa na rtse gsum mo/ /g.yon gyi dang po na phub po/ /gnyis pa na thod pa'o/ /gsum pa'i phyag gi mthil na kha TwAM ga dkar po'o/ /de bzhin
 du tshor ba'i phung po'i rigs las skyes pa rin chen 'byung ldan dang gos dkar mo dang rmugs byed dang sa'i snying po dang ro rdo rje ma ste/ dmar po rnams kyi g.yas kyi phyag dang po na me'i mda'o/ /gnyis pa na rdo rje lcags kyu'o/ /gsum pa na sgra dang bcas pa'i DA ma
 ru ste rim pa yis so/ /g.yon gyi dang po na gzhu'o/ /gnyis pa na rdo rje'i zhags pa'o/ /gsum pa na dri med 'phro ba'i nor bu rin po che'i rtse mo dgu pa'o/ /de bzhin du gzugs kyi rigs las skyes pa rnam par snang mdzad dang/ spyan ma dang rengs byed dang/
 sgrib pa thams cad rnam par sel ba dang/ dri rdo rje ma ste ser po rnams kyi g.yas kyi phyag dang po na 'khor lo'o/ /gnyis pa na dbyug pa'o/ /gsum pa na 'jigs byed rdo rje'o/ /g.yon gyi dang po na dung ngo/ /gnyis pa na rdo rje lcags sgrog go /gsum pa na sgra dang
 bcas pa'i rdo rje dril bu'o/ /de bzhin du 'du byed kyi rigs las skyes pa snang ba mdza' yas dang mA ma kI dang/ pad+ma mthar byed dang/ 'jig rten dbang phyug dang/ gzugs rdo rje ma ste dkar po rnams kyi g.yos kyi phyag dang po na tho ba'o/ /gnyis pa na mdung
 ngo/ /gsum pa na rtse gsum mo/ /g.yon pa'i dang po na pad+ma dkar po 'dab ma brgyad pa'o/ gnyis pa na me long ngo/ /gsum pa na bgrang phreng ngo/ /de bzhin du rnam par shes pa'i rigs pas skyes pa mi bskyod pa dang rdo rje dbyings kyi dbang phyug ma dang
 gtsug tor dang phyag na rdo rje dang chos kyi dbyings kyi rdo rje ma ste/ ljang gu rnams kyi g.yas kyi dang po na rdo rje'o/ /gnyis pa na gri gug go /gsum pa na dgra sta'o/ /g.yon gyi dang po na dril bu'o/ /gnyis pa na thod pa'o/ /gsum pa na tshangs pa'i mgo bo'o//
 de bzhin du ye shes kyi rigs las skyes pa rdo rje sems dpa' dang sna tshogs yum dang gnod mdzes rgyal po dang kun tu bzang po dang sgra rdo rje ma ste sngon po rnams kyi yang ngo/ /mtshan ma'i nges pa'o/ /yang na sgrol ma dang kun tu bzang po'i kha TwAM ga'i gnas dang tshangs
 pa'i mgo bo'i gnas su ud pa la'o/ /du ba la sogs lha mo brgyad po dang bum pa brgyad dang chos kyi dung la sogs pa dor nas rgyal ba'i bdag po'i pad+ma dag la res 'ga' ni dpal ldan 'khor lo ste thugs kyi dkyil 'khor ni snying po'i dbus su mi yi bdag
 po nyi shu lnga'i bdag nyid du yang 'gyur ro/ /de'i tshe bcom ldan 'das bzhugs pa yang dpal 'dus pa lta bur 'gyur ro/ /'di la skyon med de rigs med pa nyid kyi phyir ro/ /de ltar sgrub pa po rnams kyis rang gi sems kyi nus pa shes nas bcom ldan 'das 'di
 yang rnal 'byor pa rnams bdag gis bsgom par bya'o/ /dbang gi don du dkyil 'khor dag ni rigs kyi dbang gis phyi'i 'khor lo rab tu dman par 'gyur ro/ /'dir lhan cig skyes pa'i bde ba rdo rje sems dpa' khu ba mngal du zhugs pa ni zla ba dang po la ma
 rig pa'o/ /gnyis pa la 'du byed do/ /gsum pa la rnam par shes pa'o/ /bzhi pa la ming dang gzugs so/ /gzugs dang 'brel ba skye mched drug dang reg bya la sogs pa ni zla ba drug pa ji srid par te/ rigs kyi dbang gis so zhes pa bcom ldan 'das
 kyi nges pa'o/ /de bzhin du snying khar thugs kyi dkyil 'khor khams lnga lnga'i bdag nyid do/ /de nas zla ba bdun pa la tshor ba skye ba'i dus su gnas skabs gsum pa ni gsung gi dkyil 'khor la rtsa'i lha mo rnams spro ba ste/ de la gsung gi dkyil 'khor ni
 mgrin pa na sprul pa'i 'khor lo'i mthar thug pa gru bzhir gzung bar bya'o/ /sprul pa'i 'khor lo de la rtsa rnam pa bzhi ste/ snying po'i zlum skor dang po la bzhi'o/ /gnyis pa la brgyad do/ /gsum pa la bcu gnyis te/ thugs dang gsung dang sku'i rang bzhin gyis so/ /de nas
 zlum skor bzhi pa la rdo rje gsum thun mong gi rtsa drug cu rtsa bzhi ste/ de la drug cu ni dkyil 'khor 'bab pa yin la/ bzhi ni stong pa'o/ /de bzhin du mgrin par sum cu ni yud tsam 'bab pa ste/ gnyis ni stong pa'o/ /de ltar sprul pa'i 'khor lo nas gsung gi rtsa thun tshad
 brgyad kyi dbye ba 'bab pa zlum skor gnyis pa la gnas pa rnams drug cu rtsa bzhi po rnams dang lhan cig tu mgrin pa'i bar du spro bar bya'o/ /zhes pa ni nges pa'o/ /nga ni phyi rol zhes pa la sogs pas gsung gi dkyil 'khor gyi lha spro ba gsungs te/ 'dir thugs
 kyi dkyil 'khor gyi phyi rol ni gsung gi dkyil 'khor te phyi rol der ni brgyad pa brgyad kyis phad 'dab brgyad po rnams la phyogs brgyad lha mo rnams dang lhan cig tu/ tsar tsi ka sogs rnal 'byor ma rnams zla ba nyi ma dang bral zhing rang rang gi gzhon pa la
 gnas pa rig byed phyag ces pa phyag bzhi dang spyan gsum ma gdong sna tshogs pa'o/ /de la shar gyi pad+mar tsar tsi kA zhal gcig ma nag mo'o/ /mer ni mkha' 'gro'i bdag pos 'gro ma khyab 'jug ma'o/ /phag mo dang gdong drug ma ni kha dog dmar mo ste gshin rje
 dang bden bral du'o/ /chur dbang mo ser mo'o/ /rlung tu chu gter gdong ma ste tshangs ma ser mo'o/ /byang du drag mo dkar mo zhal gcig ma'o/ /dbang ldan du dpal mo dkar mo'o/ /de ltar lte ba la gnas pa'i gtso mo'i kha dog dang dbyibs ji lta ba de bzhin du de rnams
 kyi 'dab ma la gnas pa'i lha mo rnams so/ /de ltar brgyad pa brgyad kyi rnal 'byor ma gang pad+ma'i 'dab ma la gnas gtso mo'i kha dog zhal rnams so/ /da ni shar la sogs par zhes pa la sogs pas tsar tsi kA la sogs pa rnams kyi g.yas kyi phyag gnyis la
 mtshan ma rnams ni rim pa bzhin du gsungs te/ 'dir shar du tsar tsi kA'i phyag dang po na gri gug go /gnyis pa na rtse gsum mo/ /khyab 'jug ma'i 'khor lo dang be con no/ /phag mo'i dbyug pa dang ral gri'o/ /gzhon nu ma'i mdung thung dang lcags kyu'o/ /
 dbang po'i rdo rje dang mnga' o/ /tshangs ma'i pad+ma dang tshangs pa'i dbyug pa'o/ /drag mo'i rtse gsum dang DA ma ru'o/ /dpal chen mo'i pad+ma dang bgrang phreng ngo zhes pa ste/ g.yas kyi phyag gnyis la'o/ /de bzhin du 'dab ma'i lha mo rnams kyi yang ngo/ /de nas g.yon gyi phyag
 gnyis la shar la sogs pa rim pa bzhin du ste/ tsar tsi kA'i g.yon gyi phyag dang po na thod pa'o/ /gnyis pa na kha TwAM ga'o/ /khyab 'jug ma'i pad+ma dang dung ngo/ /phag mo'i lcags sgrog dang phub po/ /gzhon nu ma'i rin po che dang zhags pa'o/ /dbang mo'i dril bu dang
 gzhu'o/ /tshangs ma'i spyi blugs dang snod do/ /drag mo'i kha TwAM ga dang sprul lo/ /dpal chen mo'i pad+ma dang rin po che nyid do/ /de bzhin pad+ma nor 'dab la ni brgyad pa brgyad kyi rnal 'byor ma'i phyag gi mtshon cha de bzhin no ste gtso mo'i ji lta ba de bzhin no zhes pa nges
 pa'o/ /da ni de dag rnams kyi ming du 'gyur te/ de la tsar tsi kA la sogs pa'i pad+ma'i 'dab ma rnams la shar la sogs pa g.yas skor gyis tsar tsi kA la sogs pa rnams kyi 'dab ma'i lha mo rnams rig par bya'o/ /de la 'dab ma dang po la 'jigs ma ste/
 gnyis pa la sogs pa la drag mo dang dus kyi mche ba dang me 'bar gdong ma dang rlung gi shugs ma dang rab tu gtum ma dang drag spyan ma dang sna chen ma ste/ tsar tsi kA'i nor 'dab pad+ma la rang gi phyogs rnams su'o/ /khyab 'jug ma'i 'dab ma dang po la sogs
 pa la g.yang mo dang/ /sgyu ma dang/ grags ma dang/ dpal mo dang/ rnam par rgyal ma dang/ dpal ldan rgyal ma dang/ dpal ldan rgyal byed ma dang/ brgyad pa dpal ldan 'khor lo can ma ste/ nor 'dab pad+ma la ni khyab 'jug ma'i phyogs kyi char zhes pa
 med do/ /de nas phag mo'i 'dab ma dang po la sogs pa la keng rus ma dang/ dus mtshan ma dang/ rab tu khros pa'i gdong ma dang dus kyi lce dang/ gtsigs ma dang nag mo dang/ 'jigs rung ma dang/ gzugs ngan ma rnams nor 'dab pad+ma la ste phag mo'i 'dab ma'i lha mo bzhes
 pa ltar ro/ /de bzhin du gzhon nu ma'i mdun gyi 'dab ma la sogs pa la pad+ma dang/ lus med ma dang/ gzhon nu ma dang/ ri dags bdag pos 'gro ma dang/ rin chen phreng ba ma dang/ mig bzangs ma dang/ rul ma dang/ bzang mo ste/ gang na gtso mo mchog gi
 rma byas 'gro ma'i chu skyes 'dab ma la'o/ /rgyal po kye zhes pa bden bral du'o/ /de bzhin du dbang mo'i mdun gyi 'dab ma la sogs pa la rdo rje 'od dang/ rdo rje lus dang/ gser ldan ma dang/ ur ba sI dang/ bkra ba'i ri mo dang ram b+ha dang zug rngu med dang/ shin tu
 sgrol ma ste/ pad+ma nor 'dab rdo rje lag ma lhag sI lta can la'o/ /zhes pa nub tu'o/ /de nas tshangs ma'i mdun gyi 'dab ma la sogs pa la sA bi tri dang/ pad+ma'i mig dang/ chu skyes can ma dang/ blo ma dang ngag gi dbang phyug ma dang/ gA ya trI dang/ glog ma dang/ dran
 me dag kyang pad+ma rig byed gdong ni lhag pa'i lha can la'o/ /zhes pa rlung du'o/ /de nas drag mo'i mdun gyi 'dab ma la sogs pa la gau rI dang gang gA dang/ rtag ma dang/ myur ma dang/ to ta lA dang/ mtshon byed ma dang/ dmar ser ma dang/ nag mo ste/ de
 bzhin gang na drag mo gtso ma'i pad+ma nor gyi 'dab ma la'o/ /zhes pa byang du'o/ /de nas dpal mo'i mdun gyi pad+ma la sogs pa la dpal ldan dkar mo dang/ zla ba'i ri mo dang/ ri bong 'dzin pa'i gdong ma dang/ dang pa'i mdog ma dang/ 'dzin ma dang/ pad+ma'i
 dbang mo dang/ skar mig ma dang/ dri med ri bong 'dzin ma ste/ /dbang ldan pad+ma dag la mtshan mar bcas pa'o/ /de ltar rnal 'byor ma drug cu rtsa bzhi po rnams ni tsar tsi kA la sogs pa rnams kyi pad+ma'i 'dab ma rnams so/ /tshor ba'i yan lag la gsung gi
 dkyil 'khor gyi gtso mo dang/ sred pa'i yan lag la sku rdo rje thams cad rdzogs pa ste/ sku rdzogs pa la dpral gnas gsang ba'i pad+ma'i mthar gru bzhir rig par bya'o/ /de la lag pa dang rkang pa'i las kyi 'khor lo dang bya ba'i 'khor lo'i
 tshigs bcu gnyis la 'dab ma nyi shu rtsa brgyad pa'i pad+ma bcu gnyis po gang yin pa de dag ni zla ba brgyad pa la rtsa dad lha'i gzugs kyis spro bar bya ste/ de'i phyi rol nyi ma'i pad+ma la zhes pa ni/ de'i phyi rol tu sku'i dkyil 'khor gyi pad+ma bcu gnyis po rnams la
 shar gyi sgo'i g.yas kyi cha la sogs par ra ba'i rtsig pa la nam mkha' i snying po la sogs pa bzhin du bden bral la sogs pa rnams grangs bzhin gsungs te/ lha min zhes pa ni bden bral te/ shar gyi sgo'i g.yas su'o/ /g.yo dang zhes pa ni rlung ste
 mer ro/ /gshin rje zhes pa ni lho'i sgo'i g.yon du'o/ /g.yas su me'o/ /bden bral du gdong drug go /nub kyi sgo'i g.yon du gnod sbyin no/ /g.yas su brgya byin no/ /rlung du tshangs pa'o/ /byang gi sgo'i g.yon du drag po'o/ /g.yas su rgya mtsho'o/ /
 dbang ldan du tshogs kyi bdag po'o/ /shar gyi sgo'i g.yon du khyab 'jug ste thams cad phyag bzhi pa'o/ /bcu gnyis po 'di rnams kyi g.yas kyi phyag gnyis la rim pa bzhin mtshan ma rnams su 'gyur te/ bden bral gyi dang po na ral gri'o/ /gnyis pa na gri
 gug go /rlung gi dang po na ljon shing dbang po ste dpag bsam gyi shing ngo/ /gnyis pa na yongs 'du'i me tog go /gshin rje'i dang po na dbyug pa'o/ /gnyis pa na ral gri'o/ /me'i dang po na shag ti'o/ /gnyis pa na dbyug pa'o/ /gnod drug gi dang
 po na shag ti'o/ /gnyis pa na mdung ngo/ /nor sbyin gyi dang po na nor bu rin po che'o/ /gnyis pa na be con no/ /dbang po'i dang po na rdo rje'o/ /gnyis pa na me'i mnga' o/ /tshangs pa'i dang po na khab bo/ /gnyis pa na bgrang phreng ngo/ /drag po'i dang po na rtse
 gsum mo/ /gnyis pa na mnga' o/ /chu lha'i dang po na zhags pa'o/ /gnyis pa na rin po che'o/ /log 'dren gyi dang po na dgra sta'o/ /gnyis pa na rdo rje'o/ /khyab 'jug gi dang po na 'khor lo'o/ /gnyis pa na dbyug tho'o/ /de nas g.yon du bden bral gyi phyag dang po
 na phub po/ /gnyis pa na thod pa'o/ /rlung gi dang po na in dra nI la'o/ /gnyis pa na ud pa la sngon po'o/ /gshin rje'i dang po na lcags sgrog go /gnyis pa na zhags pa'o/ /me'i dang po ni pad+ma'o/ /gnyis pa na ril pa spyi lugs so/ /gdong drug gi dang po na rin po
 che'o/ /gnyis pa na me long ngo/ /gnod sbyin gyi dang po na ne'u le'o/ /gnyis pa na pad+ma'o/ /dbang po'i dang po na dril bu'o/ /gnyis pa na gzhu'o/ /tshangs pa'i dang po na pad+ma'o/ /gnyis pa na spyi lugs so/ /drag po'i dang po na sprul dad bcas pa'i kha TwAM ga'o/ /gnyis
 pa na gzhu'o/ /rgya mtsho'i dang po na klu'i zhags pa'o/ /gnyis pa na zla ba chu shel gyi nor bu rin po che'o/ /log 'dren gyi dang po na zhags pa'o/ /gnyis pa na rin po che'o/ /nor lha'i dang po na pad+ma'o/ /gnyis pa na skye ba lnga pa'i dud ste thams cad kyi phyag g.yon
 pa gnyis la rim pa bzhin du mtshan ma rnams so/ /bden bral la sogs pa pad+ma'i lte ba la gnas pa de dag rnams kyi pad+ma'i 'dab ma ni nyi shu rtsa brgyad de g.yas bskor gyis 'dab ma'i zlum skor gsum la zlum skor dang po la 'dab ma bzhi'o/ /gnyis pa
 la brgyad de/ /gsum pa la bcu drug go /de ltar 'dab nyi shu rtsa brgyad po rnams la nag po la sogs pa'i zla ba'i tshes rnams te/ dkar po dang nag po'i phyogs rnams kyi nya dang gnam stong ni gtso bo nyid kyis lte ba la gnas so/ /de ltar nag pa'i zla ba'i tshes
 rnams bden bral gyi pad+ma'i 'dab ma la'o/ /sa ga'i zla ba'i tshes rnams rlung gi la'o/ /snron gyi zla ba'i tshes rnams me'i la'o/ /chu stong gyi zla ba'i tshes rnams gdong drug gi la'o/ /gro bzhin gyi zla ba'i tshes rnams rgya mtsho'i la'o/ /khrums stod kyi zla ba'i
 tshes rnams log 'dren gyi la'o/ /tha skar gyi zla ba'i tshes rnams dbang po'i la'o/ /smin drug gi zla ba'i tshes rnams tshangs pa'i la'o/ /mgo'i zla ba'i tshes rnams drag po'i la'o/ /rgyal gyi zla ba'i tshes rnams gnod sbyin gyi la'o/ /mchu'i zla
 ba'i tshes rnams khyab 'jug gi la'o/ /dbo'i zla ba'i tshes rnams gshin rje la'o/ /lha mo rnams kyi kha dog dang mtshon cha dang dbyibs ni de bzhin no/ /de ltar pad+ma'i 'dab ma dag la nag pa la sogs kyi nor lag tshes rnams lte ba la ni rdzogs pa gnyis
 mchog gi zla ba'i cha rnams thams cad stong dus 'jig rten zhes pa sum brgya drug cu ste/ de rnams lo'i sbyor bas rig par bya'o/ /'chad par 'gyur ba'i sa bon dang por gyur pa rdo rje yi mdza' can ni 'di rnams kyi ming du 'gyur ro zhes pa nges pa'o/ /
 da ni lag pa dang rkang pa'i mthil dang/ gtsug tor dang bshang lam gyi rtsa spro ba'i dag pas sgor ni lha mo shing rta la gnas 'od zer can la sogs pa zhal gcig phyag bzhi ma rnams te/ 'di rnams ni gzhan gyi gnas su 'gro ba'i phyir gtso mo ma
 yin pa nyid do/ /dbyug pa sngon po la sogs pa rnams ni rang gi gnas kyi phyir gtso bo nyid do/ /de'i phyir rdo rje lcags sgrog la sogs pa 'di rnams mngon du phyogs pa'i gnas su 'gro ba ni shar la sogs pa'i rigs so/ /rigs kyi dbang des na
 lcags sgrog ma'i g.yas kyi phyag dang po na ral gri dang gnyis pa na rdo rje ste/ don yod grub pa'i rigs kyi dbang gis so/ /de bzhin du rin po che'i rigs kyi dbang gis khro gnyer can gyi phyag dang po na mnga' dang/ gnyis pa na lcags kyu dang
 bcas pa'o/ /rnam par snang mdzad kyi rigs kyi dbang gis 'od zer can gyi g.yas kyi phyag na 'khor lo dang/ gnyis pa na dbyug pa'o/ /rang bzhin yon tan dbang gis shes pa pad+ma'i rigs kyi dbang gis tsun rA'i phyag dang po na tho ba dang/ gnyis pa
 na bdud do/ /ye shes kyi rigs kyi dbang gis shin tu sngon mo'i dang po na gri gug dang gnyis pa na rdo rje'o/ /nam mkha' i rigs kyi dbang gis drag can ma'i dang po na dgra sta dang gnyis pa na rtse gsum mo/ /de bzhin du lcags sgrog ma'i g.yon gyi phyag na phub dang sprul
 lo/ /khro gnyer can gyi dang po na gzhu dang gnyis pa na zhags pa'o/ /'od zer can gyi dung dang rin chen no/ /tsun dI pad+ma dang me long ngo/ /shin tu sngon mo'i thod pa dang dril bu'o/ /drag can ma'i klu'i zhags pa dang kha TwAM ga'o/ /de bzhin du shar dang lho dang nub dang
 byang ni sgor gnas pa dbyug pa sngon po dang/ 'dod pa'i rgyal po dang/ stobs po che dang/ mi g.yo ba'i 'o zhes pa ni nges pa'o/ /de nas zla ba dgu pa len pa la bya ba'i 'khor lo la sor mo nyi shu'i rtsa rnam par dag pas klu bcu dang ra ba gtum ma bcu spro
 bar bya ste/ sku'i dkyil 'khor gyi phyi rol tu rta babs bzhi'i ka ba brgyad kyi 'og tu klu brgyad dang 'og dang steng du rgyal ba dang rnam par rgyal ba dag go/ thams cad phyag bzhi pa ste/ g.yas kyi dang po na bdud rtsi'i bum pa'o/ /gnyis pa na rdo rje'o/ /g.yon gyi
 dang po na pad+ma'o/ /gnyis pa na rin po che'o/ /de'i phyir bum pa rdo rje'i phyag dang pad+ma nor bu dag gi phyag /rlung la sogs pa'i dkyil 'khor la ni zhes pa ste/ shar gyi rlung gi dkyil 'khor gnyis la pad+ma dang kar ko ta dag go /lhor me'i dkyil 'khor la nor rgyas
 kyi bu dang dung skyong ngo/ /nub tu sa yi dkyil 'khor la 'jog po dang pad+ma chen po'o/ /byang tu chu'i dkyil 'khor la mdza' yas dang rigs ldan no/ /nam mkha' la rgyal ba'o/ /ye shes la rnam par rgyal pa'o zhes pa ste/ rkang pa'i sor mo bcu'o/ /de nas lag pa'i
 sor mo rnam par dag pas shar du khyi gdong ma dang/ lhor phag gdong ma dang/ nub tu lci sbyang gdong ma dang/ byang du stag gdong ma ste rlung dang me'i dkyil 'khor gyi dbus su dur khrod chen po la zhal gcig phyag gnyis ma phyag na gri gug dang thod pa can no//
 de bzhin du mer bya rog gdong ma dang bden bral du bya rgod gdong ma dang/ rlung du mkha' lding gdong ma dang/ dbang ldan du 'ug gdong ma dang/ sa 'og tu rdo rje mig dang/ nam mkhar sngon mo ste/ 'di rnams thams cad phyag na gri gug dang thod
 pa can/ gtsar bu phyag rgya lnga yis brgyan pa mgo bo'i phreng ba 'phyang pa'o/ /de bzhin du ba spu dang skra rnam par dag pas phyed dang/ bcas pa bye ba phrag gsum gyi 'byung po'i skye gnas g.yo ba'i mthar zhes pa rlung gi dkyil 'khor gyi mthar te/ pags pa'i
 mthar spu rnams so zhes pa sngags pas phyi rol tu spro bar bya ste/ de ltar zla ba dgu'i mthar lus dang lha yi tshigs rdzogs pa'o/ /nga ni yi dags dmar dang zhes pa la sogs pas tsA mun Da la sogs pa rnams kyi pad+ma'i gdan rnams gsungs te/ 'dir shar
 du tsA muN Da ste yi dags dmar po chen po'i gdan no/ /lte ba dang 'dab ma brgyad la tsA mun Da la sogs pa'i lha mo rnams so/ /de bzhin du khyab 'jug pa'i mkha' lding dang/ phag mo'i ma he dang gzhon nu ma'i rma bya dang/ dbang mo'i glang po dang/ tshangs pa'i dang
 po dang/ drag mo'i khyu mchog dang/ dpal chen mo'i seng ge ni rim pas pad+ma'i gdan te phyogs dang phyogs bral rnams su'o/ /lha min la sogs rnams kyi de bzhin zhes gsungs pa'i phyir bden bral gyi pad+ma'i gdan ni yi dags dmar po'o/ /khyab 'jug gi
 mkha' lding ngo/ /gshin rje'i ma he'o/ /gzhon nu'i rma bya'o/ /dbang po'i glang po'o/ /tshangs pa'i dang pa'o/ /drag po'i khyu mchog go/ zhes pa ni bden bral la sogs pa rnams kyi nges pa'o/ /de bzhin du nor bdag rtse mo can dang/ chu gter rlung dang tshogs kyi ni zhes
 pa lnga po rnams kyi grangs bzhin du ste/ nor bdag gi glang po che'o/ /ne'i lug go /rgya mtsho'i chu srin no/ /rlung gi ri dags so/ /tshogs kyi bdag po'i byi ba'o/ /de bzhin du bya rog gdong ma'i 'khor lo'i 'og tu b+he ru Na Da'o/ /bya rgod gdong ma'i khrung khrung/
 mkha' lding gdong ma'i mig sngon no/ /'ug gdong ma'i pha wang ste zur du'o/ /de bzhin du phyogs rnams su khyi gdong ma'i 'khor lo'i 'og tu bse'o/ /phag gdong ma'i dom mo/ /lce spyang gdong ma'i seng ge'o/ /stag gdong ma'i g.yag go zhes pa khyi gdong ma la sogs
 pa yi lha phyogs rnams su'o/ /rdo rje mig gi rkang pa brgyad pas 'og shing rta la gnas pa'o/ /mkha' la sngon mo'i shing rta'i mkhar bgrod khro bo dang bcas kha dog lnga pa lus rgyas mig gsum ldan pa a ni la zhes pa'o/ /de bzhin du shar gyi sgor 'od zer
 can gyi shing rta la phag bdun no/ /lhor tsun nga'i shing rta la rta bdun no/ /nub tu lcags sgrog ma'i shing rta la glang po bdun no/ /byang du khro gnyer can gyi shing rta la seng ge bdun no/ /de bzhin du de nas snying kha'i rtsa bcu'i rang bzhin gyis thugs kyi dkyil 'khor
 gyi sgo'i g.yas dang g.yon gyi kha khyer la mchod pa'i lha mo spro bar bya ste/ shar du dri ma dang phreng ba'o/ /lhor bdug spos dang mar me ma'o/ /nub tu sgreg mo dang bzhang ma'o/ /byang du rol mo ma dang gar mkhan ma'o/ /nam mkhar glu ma dang 'dod ma'o/ /'og tu bshang ba
 dang gci ba'i rtsa'i rang bzhin gyis lha bshos ma dang bdud rtsi'i 'bras bu ma'o/ /rdul tshon gyi dkyil 'khor la mkha' dang 'og na gnas pa'i lha mo gang su yang rung pa de dag ni shar dang nub kyi rta babs kyi 'og tu lta bar bya'o/ /bsgom pa la ni phyogs skyong la sogs pa rnams
 ji ltar gsungs pa'i gnas nyid du'o/ /kun tu bzang po la sogs pa bzhi ni sgo'i g.yas ma yin par ro zhes pa nges pa'o/ /de ltar mchod pa'i lha mo rnams ji lta ba de bzhin du mdza' yas pa'i gzungs ma rnams ni snam bu la ste kha khyer la'o/ /de bzhin du
 gdengs can rigs dang bcas pa'i phyir 'dod ma rnams sku'i dkyil 'khor gyi phyi rol tu kha khyer la'o/ /de'i phyir gsung gi dkyil 'khor gyi kha khyer la 'dod ma rnams so/ /de la shar du sgrol ma las skyes pa dbye ba'i 'dod ma'o/ /ster gos dkar mo las skyes 
 pa bskyod par 'dod ma'o/ /byang du mA ma kI las skyes pa rgyas par 'dod ma'o/ /nub tu spyan ma las skyes pa rengs par 'dod ma'o/ /de ltar lha mo sgrol ma la sogs dag pa yis so/ /rdo rje dbyings kyi dbang phyug ma las skyes pa ni srid gsum skyed ma
 gsod par 'dod ma'o/ /sna tshogs yum las skyes pa ni skyed pa 'dod ma'o/ /de bzhin du sgra las skyes pa rol mo 'dod ma dang/ gzugs las skyes pa rgyan 'dod ma dang/ ro las skyes pa zas 'dod ma dang/ dri las skyes pa dri 'dod ma dang/ reg bya las
 skyes pa gos 'dod ma dang/ chos kyi dbyings las skyes pa 'khrig pa 'dod ma ste/ shar la sogs pa'i kha khyer rnams la rigs kyi dbye bas so/ /tsA muN+Da las skyes pa lus la 'phrug par 'dod ma dang/ khyab 'jug ma las skyes pa kha na gnas
 pa'i mchil ma 'dor par 'dod ma dang/ phag mo las skyes pa lus kyi dri ma 'dod ma dang/ gzhon nu ma las skyes pa gang 'dod ma dang/ drag mo las skyes pa stan 'dod ma dang/ tshangs ma las skyes pa chu las rkyal bar 'dod ma dang/ dbang mo las skyes pa
 mal stan la bsnyes par 'dod ma dang/ dpal mo las skyes pa rgyal srid 'dod ma ste/ tsA muN+Da la sogs pa brgyad kyi bya ba rnams so/ /de bzhin sa la khro skyes rnams kyis 'dod ma dang/ 'dir shin tu sngon mo las skyes pa kun tu gdung ba 'dod ma
 dang/ rengs byed ma las skyes pa mchid 'dod ma dang/ nga rgyal ma las skyes pa 'jam par smra bar 'dod ma dang/ rmugs byed ma las skyes pa skems par 'dod ma dang/ shin tu stobs ma las skyes pa skrod 'dod ma dang/ de bzhin du rdo rje lcags
 sgrog ma las skyes pa reg bya 'dod ma dang/ khro gnyer can las skyes pa dgug pa 'dod ma dang/ tsun dA las skyes pa'i chang ba 'dod ma dang/ 'od zer can la skros pa phur bus gdab pa 'dod ma dang/ drag can ma las skyes pa rgyug pa 'dod ma'o//
 de bzhin du lha min rigs las skyes pa rnams kyi 'dod ma rnams ni/ /khyi gdong ma las skyes pa yan lag thams cad bskyed par 'dod ma dang/ /phag gdong ma las skyed pa bshang gci zag par 'dod ma dang/ lce spyang gdong ma las skyes pa sems can rnams la slu
 bar 'dod ma dang/ stag gdong ma las skyes pa rtsod pa mang po 'dod ma dang/ bya rog gdong ma las skyes pa lhag ma za bar 'dod ma dang/ bya rgod gdong ma las skyes pa g.yul 'dod ma dang/ mkha' lding gdong ma las skyes pa sbrul 'ching bar 'dod ma dang/ 'ug gdong ma
 las skyes pa byis pa khro bar 'dod ma ste/ 'dod ma sum cu rtsa bdun rnams kyi gsung gi dkyil 'khor la rang gi rigs kyi dbye bas rang rang gi phyogs rnams su'o/ /de bzhin du sum cu rtsa bdun phyir 'dod ma rnams shes pa 'dod ma rnams las bzlog pa ni phyir 'dod
 ma zhes brjod de/ /de rnams sku'i dkyil 'khor gyi kha khyer la rang gi rigs kyi dbang gis rang rang gi phyogs rnams su'o/ /zhes pa ni thams cad du nges pa'o/ /de ltar phyi rol gyi dkyil 'khor gyi phyi rol gyi snam bu la gzhan yang nyin zhag so so'i dus su 'dod
 pa las gang zhig cung zad sems can gyi bya ba de thams cad 'dir khams kyi dbang gis rnal 'byor ma'i bya ba'o zhes pa ni nges pa'o/ /da ni rtag pa dang mi rtag pa gsungs pa zhes pa de ltar zhes pa la sogs pa ste zhes pa de ltar skye ba'i zla ba bdun la sogs pa rnams
 kyi phyi rol tu rdo rje can gyis srin pa gsum po mdza' dag rnams kyang zhes pa phung po dang/ khams dang skye mched la sogs pa dkyil 'khor gyi rnam par gsungs te/ byis pa'i skye bo rnams kyi sems brtan par bya ba'i don du'o/ /'dir phyi 'jig rten gyi khams
 dang/ nad lus dang/ gzhan brtags pa'i dkyil 'khor la spro ba dang sdud pa ni spro dang sdud pa dag la dngos po'i skye ba yang dag gnas shes pa la/ 'dir dngos po ni rdul phra rab kyi rdzas te/ sa dang chu dang me dang rlung ste 'byung ba bzhi pa rnams dang/ nam mkha' i
 khams ni zla ba dang rjes su nga ro 'am/ khu ba 'am de bzhin du rdul lam thig le gnyis dang nyi ma yang nam mkha' i khams dang de bzhin du sgra gcan rnam par shes pa'i khams te/ de ltar khams drug gi bdag nyid can skyes bu chen po'i gang zag ni
 dngos po'i skye pa'o/ /dngos po'i skye ba de'i 'byung pa ni spro pa'o/ /nyams pa ni sdud pa ste/ de gnyis la 'byung ba las skyes pa rnams yang dag par gnas so/ /de ltar sa'i skye ba ni shing la sogs pa brtan pa rnams so/ /chu'i skye ba ni dror gsher las skyes pa
 rnams so/ /me'i skye ba ni mngal skyes rnams so/ /rlung gi skye ba ni sgo nga skyes rnams so/ /zla ba'i skye ba ni klu dang lha ma yin rnams so/ /nyi ma'i skye ba ni 'byung po dang lha rnams so/ /sgra gcan gyi skye ba ni gzugs med rnams so/ /dus me'i skye ba ni dmyal ba rnams so
 de ltar skye ba rnam pa brgyad ni dngos po'i rang bzhin can te dngos po'i skye ba'o/ /de la rtag pa mkha' i rdo rje zhes pa la/ 'dir mkha' zhes pa ni dgu pa nam mkha' i khams rdul phra rab kyi rdzas dang bral ba mi chod pa ste gcad du med pa dang dbyer med pa nyid kyi phyir
 dang/ rdzas med pa'i phyir nam mkha' i rdo rje nam mkha' i khams ni rtag pa ste/ nam mkha' i khams de thams cad na gnas pa nyid kyi phyir rnam gsum srid pa la gnas kyang mi rtag pa nyid du 'gyur ba ma yin no/ /sngar brjod pa'i 'byung po'i tshogs ni rtag pa min par
 'gyur te/ mi'i bdag po mig 'phrul ji bzhin nyid du mthong ba nyams pa zhes pa'i rigs pa las so/ /de ltar rnam par dpyad kyang rtag pa stong pa chen po mthong zhing/ mi rtag pa rdul phra rab phrad pa dang 'bral ba yang mthong ste gnyis ga sangs rgyas nyid kyi
 sgrub thabs su mi 'gyur ro/ /de ltar na yang blun po'i blo can byis pa rnams gzhug pa dang/ sems ni dag pa'i don slad du/ kye mi'i bdag po zla ba bzang po khyod kyis sgrub zabs dag ni brjod par bya ste/ don dam par ni rtag pa dang mi rtag pa'i dngos po snying por gyur
 pa 'ga' yang 'dir ni bsgrub par bya ba med do/ /de'i phyir sangs rgyas nyid kyi slad du gang zhig sgrub bya ni sgrub pa po de nyid do zhes pa nges pa'o/ /'dir gang zhig brtags pa'i sgrub thabs de ni 'khrul ba zhes pa ste/ rdo rje can gyi sgrub thabs mdza' dag gang yin pa'o/ /de phyir
 rgyal po rang sems dri ma rnam par bral ba ste/ brtags pa dang bral ba dag ni dkyil 'khor gyi dbang por bya'o/ /zhes pa nges pa'o/ /da ni dpal ldan zhes pa la sogs pas rten dang brten pa gsungs te sku gsung thugs kyi dkyil 'khor la dpal ldan rdo rje can gtso bo
 ni thugs rdo rjer 'gyur te mi bdag sku gsung thugs kyi mtshan nyid kyi dkyil 'khor ni sku'i rdo rje'o/ /lha rnams 'khor lo A li kA li'i rigs skyes gsung gi rdo rje zla ba nyi ma'i steng du'o/ /de ltar gsung dang sku'i dkyil 'khor la yang lha'i tshogs ni gsung rdo rje'o/ /
 de ltar sku'i rnam pas thugs rnam pa gsum dang/ /dkyil 'khor gyi rnam pas sku rnam pa gsum dang/ so sor sdud pas gsung yang rnam pa gsum mo zhes pa ni thams cad du nges pa'o/ /'dir pad+ma rnams kyi rtsa ba dang sdong bu ni a yig las byung ba'o
 'dab ma rnams dang ge sar rnams ni u yig las yang dag par byung ba'o/ /dbus kyi lte ba dang zla ba'i gdan ni ma yig gis so/ /nyi ma'i gdan ni yang na ra yig gis so/ /de ltar oM yig pra Na ba ni snying por gsungs te pad+ma'o/ /mngal nas skyes
 pa rnams kyi skye ba 'di la dang po lha'i sku'i dbyibs rdzogs pa'o zhes pa ste nges pa'o/ /de ltar ye shes lnga'i bdag nyid bcom ldan 'das dus kyi 'khor lo rdo rje sems dpas dbus rgyan pa shin tu rnam par dag pa'i chos kyi dbyings kyi bdag nyid
 can bsgom ste/ da nas 'gro ba drug na gnas pa'i sems can thams cad bkug nas dkyil 'khor de nyid du bcug par bsgom par bya'o/ /de nas rnam par snang mdzad la sogs pa'i de bzhin gshegs pa khams dang bcas pa rnams rang gi
 snying gar bcug nas byang chub kyi sems su zhu bar gyur pa rnams rang gi gsang ba'i rdo rje nas spros te/ byang chub kyi sems des sems can de dag rnams dbang bskur bar bsgom par bya'o/ /de nas byang chub kyi sems kyi 'od zer
 gyis reg pa'i sems can de dag thams cad zhal gsum pa dang zhal sna tshogs pa dang/ kha dog sna tshogs pa'i lha'i rang bzhin shes rab dang thabs kyi bdag nyid can mchog gi dga' ba'i bde bas gang bar bsgom par bya'o/ /de nas de rnams kyi rang
 gi lus dkyil 'khor gyi 'khor lo'i rang bzhin du gyur par skad cig gis blta bar bya'o/ /de la sngags kyi sa bon rnams ni gsal byed sna tshogs brtsegs pa dbyangs dang bcas pa rnams so/ /'dir gsal byed thams cad kyi tshogs ni k+Sha yig ste/
 shes par byed pa de yis gang gi ming gi gsal byed dang po gang yin pa des de thams cad bya'o/ /'dir k+Sha k+Shi k+Sh+ri k+Shu k+Shli zhes pa ni rnam par shes pa la sogs pa de bzhin gshegs pa lnga'o/ /de bzhin du /k+ShA k+ShI k+Sh+rI k+ShU k+ShI zhes pa ni nam mkha' la sogs pa khams lnga'o/
 de bzhin du k+Sha k+She k+Sher k+Sho k+Shal k+ShaM zhes pa ni rna ba la sogs pa byang chub sems dpa' drug go /de bzhin du k+ShA k+Shai k+ShAr k+Shau k+ShAl k+ShA(rgyud 'grel zhes pa ni las kyi dbang pa'i yul lnga'o/ /de ltar phung po lnga dang/ khams lnga dang/ skye mched bcu gnyis dang/ las kyi dbang po lnga dang/ las kyi dbang po'i yul lnga ste/ de ltar skyes bu chen po'i mtshan sum cu rtsa
 gnyis su gyur pa'i dkyil 'khor gyi 'khor lo'i rnam par sems can thams cad skad cig gis bsgom par bya'o/ /yang na rgyas par te lha mo'i gsang bar sa bon so sor re res lha de rnams so sor rdzogs par byas nas spro bar bya'o/ /de bzhin du bcom
 ldan 'das kyis rtsa ba'i rgyud las gsungs pa/ sangs rgyas zhing na sems can gang/ /sku gsung dam tshig bdud rtsi yis/ /bskyed cing rdo rje dpal gyis reg /thams cad der ni de bzhin gshegs/ /rdo rje gsum gyi ye shes thob/ /'dir ni rdzogs pa'i sangs rgyas gyur/ /
 bsgoms te de nas de dag rnams/ /rang rang zhing du rab tu gzhug ces pa'o/ /sems can rnams la rtse ba'i don du dbang bskur sbyin pa'o zhes pa nges pa'o/ /da ni zla ba bcu pa srid pa'i yan lag la srog spro ba dang gsung gi rdo rje bskyed pa'i slad du gsungs te/
 phyi rol tu yang gnyis pa rdzogs pa'o/ /de la lte ba dang gtsug tor du yang ho yig ste/ 'di gnyis kyi dbus su chud pa ni dpral bar sku rdo rje oM/ /mgrin par gsung rdo rje A(rgyud 'grel nyid rtsa gsum skyed par byed pa'o/ /lte bar to yig ye shes kyi 'od zer gyis zhu ba/ bde mnyam pad+ma la ni sku gsung thugs kyi rdo rje ste/ de ni shes rab chags pa zhu ba khyab bdag rdo rje can/ yang yig gis shes rab dang lhan cig ri bong 'dzin pa bzhin du rnam
 par bltas nas/ nang du dkyil 'khor lnga 'bar ba'i don dang/ phyi rol gyi yul thams cad nye bar longs spyod ma'i don dang/ phyi rol tu lha rdzogs pa ni 'gro ba thams cad dag gi don byed pa'i slad du byams pa dang snying rje dang dga' ba dang btang snyoms kyi
 rang bzhin can/ sgrol ma dang mA ma kI dang gos dkar mo dang spyan ma ste/ lha mo rnams kyis glu dag mdzad pa bcom ldan 'das khyod ni sems can kun la phan par mdzad pa'o/ /bdag cag srungs shig lha mi'i bla ma rdo rje ldan pa 'dod pa don gnyer rnams la
 'dod pa mdzod ces pa ste/ byams pa'i rang bzhin sgrol mas thugs rdo rje dang/ snying rje'i rang bzhin mA ma kI yis sku rdo rje dang/ dga' ba'i rang bzhin gos dkar mos gsungs rdo rje dang/ btang snyoms kyi rang bzhin spyan mas ye shes rdo rje skul bar byed do/ /
 de ltar thugs dang sku dang gsung dang ye shes kyi bdag nyid can bcom ldan 'das rdo rje can des de dag rnams kyi glu dag gsan nas/ 'dod pa dang gzugs dang gzugs med pa'i mtshan nyid srid pa gsum po mdza' dag rnams kyang mig 'phrul
 lta bur gzigs nas zla ba zhu ba de la huM yig kha dog sngon po dri ma med pa'i 'od zer 'phro ba bltas te/ de yongs su gyur pa las rdo rje'o/ /de las spros pa zhes pa ni rnal 'byor pa bdag nyid bcom ldan 'das/ rdo rje'i rgyan dang ldan zhing rgyal ba'i bdag po'i
 cod pan shes rab kyis 'khyud par gyur pa yang rdzogs pa'o/ /sngar bzhin du slar yang shes rab thabs kyi bdag nyid thugs dang sku dang gsung gi chos kyi dkyil 'khor rab tu spro bar bya ste/ skyes pa'i byis pa rab tu sad pa ngu bar byed pa'i phyir ro/ /'dir sngags
 kyi tshul la mngal nas skyes pa skye ba'i rim pas zla ba dgus byis pa'i lus rdzogs shing/ /rnam pa lngas mngon par rdzogs par byang chub pa'i mtshan nyid ni lha rnams kyi sku rdzogs pa ste/ bsnyen pa'i yan lag dang po'o/ /'dir lha'i nga rgyal gyi slad du
 sngags kyi tshig /oM su bi shud+d+ha d+harmA d+hA tu At+ma konyahaM/ zhes pa brjod do/ /de nas gsung rdo rje bskyed pa'i slad du rnal 'byor pas bsnyen pa'i yan lag gnyis pa bsdom par bya'o/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi
 rjes su 'jug pa stong phrag bcu gnyis pa dri ma med pa'i 'od las skyed pa'i rim pas sku rdzogs pa'i mdor bsdus chen po ste gnyis pa'o// //'dir ni srog gi kun spyod dag las gsung gi rdo rje dkyil 'khor bcu'i bdag nyid do/ stong pa la
 sogs dbye ba dbyangs kyi rang bzhin las rtag tu gnas lnga dag la gnas/ /srid pa'i 'jigs las sems can rnams kyi lhag par mos pas dam pa'i lam ni ston byed pa/ 'dor skyed pa dag ni 'jam dpal gyis gsung 'grel bshad dag gis rnam
 par rgyas par bya/ /ho yig ces pa la sogs pa ni/ /'dir mi'i 'jig rten du mngal nas skyes pa rnams kyi srog gi rlung bskyed pa'i slad du rang gi dkyil 'khor 'bab pa sa la sogs pa'i khams rnams kyis rmi lam gyi gnas skabs su zhugs pa'i rnam par shes pa
 la sad pa'i gnas skabs kyi don du skul bar byed pa ji lta ba de bzhin du sems can gyi don gyi slad du spyan pa la sogs pa'i lha mo rnams rig par bya'o/ /'dir lha la lte ba dang gtsug tor gyi a ba d+hA ti'i lam du ho yig thog ma tha mar bkod de/ /de nas dpral
 bar sku rdo rje oM/ /mgrin par gsung rdo rje A(rgyud 'grel chags pas zhu ba zhes pa la/ shes rab ni gtum mo ste des zhu ba'o/ /'dir skul ba rnams pa gnyis te/ gcig ni srog rdzogs pa'i slad du yin la/ gnyis pa ni lo bcu drug gi mthar bde ba rdzogs pa'i slad du'o/ /de nas rdo rje can yang ri bong 'dzin pa zhu
 ba bzhin bltas nas yang yig gis shes rab kyang ste/ shes rab dang bcas pa'i thugs dang ye shes rdo rje a ba d+hU tI dang dung can ma la brten pa'o/ /lha mo rnams kyis glu dag mdzad de bcom ldan khyed ni sems can kun la phan par mdzad pa po/ /bdag cag
 srungs shig lha mi'i bla ma rdo rje ldan pa 'dod pa don gnyer rnams la 'dod pa mdzod/ /'dir byams pa dang snying rje dang dga' ba dang btang snyoms kyi rang bzhin can sgrol ma dang/ mA ma kI dang/ gos dkar mo dang/ spyan ma ste/ lha mo rnams kyis byis pa rnams la
 dkyil 'khor 'bab pa'i don dang/ bcom ldan 'das la 'gro ba'i don gyi slad du skul bar byed do/ /lha mo'i rdo rje yi glu yis bskul ba'i nges pa'o/ /de bzhin du rtsa ba'i rgyud las/ /spyan ma bdag ni 'gro ba'i yul/ /rnal 'byor yi rgyu mthun gnas/ / 
 bdag gis dkyil 'khor rang bzhin gyis/ /dus 'khor bzhengs la bdag 'dod mdzod/ /mA ma kI bdag sring mo ste/ /rnal 'byor ma yi rnam smin gnas/ /bdag gis dkyil 'khor rang bzhin gyis/ /dus 'khor bzhengs la bdag 'dod mdzod/ /gos
 dkar mo bdag bu mo ste/ /rnal 'byor pa yi skyes bur gnas/ /bdag gi dkyil 'khor rang bzhin gyis/ /dus 'khor bzhengs la bdag 'dod mdzod/ /sgrol ma bdag ni tsha mo ste/ /rnal 'byor pa yi dri bral gnas/ /bdag gi dkyil 'khor rang bzhin gyis/ /
 dus 'khor bzhengs la bdag 'dod mdzod/ /stong pa'i dkyil 'khor nyams myong nas/ /sku gsung thugs kyi dkyil 'khor ni/ /'gro ba gdon pa'i bsam pa yis/ /'gro ba'i mgon po spro bar mdzod ces pa ste/ de ltar bde mnyam 'bras bu ster ba lte ba dang gsang
 ba la sogs pa'i pad+ma la byis pa rnams kyi rnam par shes pa brgyal bar gyur pa sad par byed pa bzhin du/ lha'i sku gnas so zhes pa ni nges pa'i don to/ /da ni rdo rje can des glu zhes pa la sogs pas lha bzhengs pa gsungs te/ 'dir stong pa nyid la rab
 tu zhugs pa'i bcom ldan 'das glu rnams kyis rab tu sad par gyur pa na 'gro ba mdza' dag sgyu ma lta bur gzigs nas sems can gyi don gyi slad du slar yang skyed pa mdzad de/ dri ma med pa'i 'od zer 'phro ba rang gi mtshan ma huM yig yongs su gyur pa'i
 rdo rje rtse lnga pa spros byas nas/ /des rdo rje'i rgyan dang ldan zhing rgyal ba'i bdag po'i cod pan zhes pa mi bskyod pa'i cod pan no/ /shes rab kyis ni 'khyud par gyur pa zhes pa ni stong pa'i dkyil 'khor 'bab pa rdo rje dbyings kyi dbang phyug ma sna tshogs yum
 gyis te/ de'i snying khar byis pa rnams kyi bzhin no/ /shes rab thabs kyis rgyal po zhes pa bod pa ste/ shes rab dang thabs snyoms par zhugs pas dkyil 'khor lnga'i rang bzhin gyi sangs rgyas nam mkhar gnas pa rnams phung po dang khams dang skye mched
 la sogs pa'i rang bzhin dam tshig gi dkyil 'khor gyi don du rang gi lus la bcug ste/ shes rab kyi pad+mar sngags kyi rang bzhin yi ge so so ba rnams so/ /de nas pad+ma las sngon bzhin du zhal dang phyag dang mtshan ma dang dbyibs kyi mtshan nyid can rnams ye
 shes dang thugs dang sku dang gsung gi dkyil 'khor rnams la spro bar bya'o/ /de ltar dkyil 'khor rab tu spro ba dag kyang ngo/ /kyang yig gis sngon bzhin zhes so/ /byis pa mngal nas 'byung ba'i dus su srog la sogs pa'i rlung bcu skye'o/ /slob ma rnams dkyil
 'khor du 'jug pa'i dus su me tog 'thor ro/ /gcer pu mngal gyi khru ma'i gos 'dzin pa byis pa zhes pa'i rnam par dag pas lha'i dam tshig gi dkyil 'khor rdzogs pa'o/ /de nas dbang po rab tu sad pa ni ye shes sems dpa' gzhug pa ste/ byis pa la ji lta
 ba de bzhin du lha la rnam pa nyi shus rdzogs par byang chub pa'i mtshan nyid rnal 'byor pa rnams kyis bsgom par bya'o/ /de ltar rnam pa lngas mngon par rdzogs par byang chub pas sku rdzogs pa ni bsnyen pa'i yan lag ste/ rnam pa nyi shus rdzogs par byang chub
 pas gsung rdzogs pa'i nye ba'i bsgrub pa'o/ /de ltar skyed pa'i rim pa rnam pa gnyis te/ gcig ni mngal nas skyes pa dang/ gnyis pa sgo nga las skyes pa'o/ /gang sgo nga las skyes pa de ni 'jig rten gyi khams skyed pa ste/ tshangs pa'i sgo nga zhes pa'i tshig gi
 phyir ro/ /gang mngal nas skyes pa de ni mi rnams skyed pa'o/ /gang skad cig gis yin pa de ni sems can rnams rdzus skyes las skyed pa'o/ /de ni skyed pa'i rim pa gcig ste/ skad cig gis rnam pa'i sems can gyi bsam pas bcom ldan 'das kyis gsungs
 so/ /rdzogs pa'i rim pa ni rtog pa dang bral ba ste/ nam mkha' las byung rang byung ba/ /shes rab ye shes me'i che/ /'ong chen rnam par snang bar byed/ /ye shes snang ba lam me ba/ /zhes pa la sogs pa rnam pa lngas mngon par rdzogs par byang chub pas
 rtogs par bya'o/ /da ni 'od zer sngon po zhes pa la sogs pas ye shes kyi 'khor lo dgu pa gsungs te/ 'dir byis pa skyes pa'i dbu ma'i srog 'byung ba ni 'od zer sngon po ste/ de'i 'byung bas dbang po rnams rab tu sad cing phyi rol gyi
 yul rnams dang rnam par shes pa drug po rnams 'jug pa ni nang du'o/ /de'i phyir phyi rol gyi lha rdzogs pa la dbu ma'i srog rnam par dag pas rdo rje shugs 'od zer sngon po 'jigs pa'i sku/ rab tu bzhad pa'i zhal mche ba phyed gtsigs pa/ sgra drag po
 sgrogs pa/ spyan bcu gnyis pa/ gnyis lhag rgyal ba'i phyag ste phyag nyi shu rtsa drug pa/ zhal bzhi pa zhabs gnyis pa shes rab dang thabs las rab tu byung ba/ /gtso bo bzhin du mtshon cha rnams dang bcas pa/ /glang po che'i pags pa'i gos
 'dzin pa/ phyag rgya lngas rnam par brgyan pa/ /mi bskyod pas dbu brgyan pa/ /thod pa dang mgo bo'i phreng ba 'dzin pa/ sbrul gyis brgyan pa/ huM yig rdo rje'i sprul pa/ rkang pa brgyad pa'i shing rta dag la gnas shes pa/ sgra dang reg bya dang ro dang gzugs
 dang dri dang snying stobs dang/ rdul dang mun pa'i yon tan la gnas pa/ rgyal ba'i dgra ni 'joms par byed pa ste/ bdud dang nyon mongs pa 'joms par byed pa'i rdo rje shugs de ni ye shes 'khor lo'i slad du zhes pa yul lnga'i ye shes 'jug
 pa'i slad du bskul bar bya ste/ kun gzhi rnam par shes pa dang 'jug pa'i rnam par shes pa'o/ /de nas lte ba'i pad+ma las phyi rol tu 'byung ba'i srog gis phyi rol gyi dngos po rnams bkug nas slar yang ldog go /de'i phyir rnam par dag pas dri
 med 'od zer 'phro ba ye shes 'khor lo'i dbang phyug dag ni lte bar rdo rje lcags kyus bsnun byas shing/ /phyag nyi shu rtsa bzhi po rnams rang gi rdo rje klu'i zhags pa dag gis bcings nas/ rang gi mtshon cha rnams kyis 'jigs par bya ste/
 de ltar ye shes kyi 'khor lo bsgrub byar byas shing dngos po'i mtshan nyid sna tshogs pa'i 'khor lo mdza' dag bskyod par byas nas slar yang rang gi gnas su 'gro'o/ /de nas bzhug pa ni mig gi dbang po las skyes pa kun gzhi rnam par shes pa rmugs byed kyis byed do/ /bcings
 pa ni lus kyi dbang po las skyes pa lus kyi rnam par shes pa rengs byed kyi byed do/ /mnyes pa ni lce'i dbang po las skyes pa lce'i rnam par shes pa khengs byed kyis byed do/ /ro mnyam par byed pa ni sa'i dbang po las skyes pa sna'i rnam pa shes pa shin tu stobs
 kyis byed do/ /de ltar na rnam lnga ni dza:yig gis dgug pa dang/ huM yig gi bzhug pa dang/ wa yig gis bcing ba dang/ ho yig gis mnyes pa dang/ ho yig gis ro mnyam par byas pa ste/ rdo rje lcags kyu dang/ rdo rje dang/ rdo rje zhags pa dang/ rdo rje dril bu dang/ rdo rje dbyug
 pas so/ /de ltar ye shes kyi 'khor lo yang dag par mchid de/ sngar bzhin dam tshig 'khor lo la ro mnyam pa nyid du gyur par bsgom par bya'o/ /zhes pa ni nges pa'o/ /da ni rdzogs pa'i zhes pa la sogs pas skyed pa'i rim pas gnas ser ye shes kyi lha rnams dam tshig gi lha rnams
 dang lhan cig tu gcig pa nyid gsungs te/ 'dir rdzogs pa'i rnal 'byor gyi skyed pa'i rim pa dag la rnam pa shes pa ni nam mkha' dang bcas shes pa rdo rje dbyings kyi dbang phyug ma dang lhan cig tu/ snying po'i padmor zhes pa bden pa chen po la/ me'i steng du ste zla ba
 dang nyi ma dang sgra gcan dang dus me'i steng du dam tshig sems dpa' dang/ ye shes sems dpa' ro mnyam pa nyid du 'gyur ro/ /de bzhin du shar gyi 'dab ma la nag mo 'bar ma ro mnyam pa'o/ /mchog gi pad 'dab la ni lho ru dmar mo 'bar ma'o/ /byang du
 dkar mo 'bar ma'o/ /nub tu ser mo 'bar mar 'gyur to/ rigs kyi dbang gis shes pa ye shes kyi zhal gyi dbang gis so/ /de bzhin du mer du pa ma'o/ /bden bral du smig rgyu ma'o/ /dbang ldan du mkha' snang ma'o/ /rlung du mar me ma ro mnyam pa'o/ /
 de bzhin du me'i zur du yid bzhin gyi nor bu dang/ bden bral du chos kyi gaN DhI dang/ dbang ldan du chos kyi dung dang/ rlung du dpag bsam gyi shing ste/ rdo rje phreng ba dang pad+ma'i 'dab ma dag gi bar gyi zur gyi cha la'o/ /de bzhin du shar gyi
 pad+ma'i gdan gyi lte bar nyi ma la 'du byed dang sa gnyis po dam tshig sems dpa' dag dang lhan cig ro mnyam pa'o/ /lhor tshor ba dang chu'i khams so/ /byang du 'du shes dang me'i khams so/ /nub tu rlung dang bcas pa'i gzugs ro mnyam par 'gyur ro/ /
 'dir thabs rnams gtso bo'o/ /de bzhin du me'i phyogs su rlung dang gzugs dag ro mnyam par 'gyur ro/ /bden bral du me'i khams dang 'du shes so/ /dbang ldan du chu'i khams dang tshor ba'o/ /rlung du sa'i khams dang 'du byed dag ro mnyam pa ste/ zur
 du lha mo rnams gtso mo'o/ /de bzhin du lha mo sangs rgyas par rnams su ni le tshe brgyad kyi gnas su bdud rtsi'i ro'i bum pa rnams ro mnyam par 'gyur ro zhes pa nges pa ste/ de bzhin gshegs pa'i 'phar mal la'o/ /de nas byang chub sems dpa' i
 'phar ma'i shar gyi pad+ma la sna dang dri ro mnyam pa'o/ /lhor mig dang yul gzugs so/ /byang du lce dang ro'o/ /chur lus kyi dbang po dang reg bya'o/ /sa 'og tu rna ba dang sgra dag ste lho'i sgo'i g.yon du'o/ /nam mkha' la ni nges par sems dang chos
 kyi dbyings su 'gyur te shar gyi sgo'i g.yon du'o/ /de ltar dang por thabs ni drug pa dag kyang de bzhin gshegs pa'i rigs kyi dbang gis dkyil 'khor gyi lhag pa'i lha ru 'gyur ro/ /phyi nas shes rab la sogs drug ces pa ni chos kyi dbyings
 la sogs pa ste/ 'dir me ru reg bya rdo rje ma dang lus kyi dbang po'o/ /bden bral du ro rdo rje ma dang lce'o/ /dbang ldan du gzugs rdo rje ma dang mig go /rlung du dri rdo rje ma dang sna'o/ /sa 'og tu sgra rdo rje ma dang rna ba ste byang gi sgo'i g.yon du'o/ /nam mkha' la
 chos kyi dbyings dang yid de nub kyi sgo'i g.yon du'o/ /de ltar skye mched bcu gnyis po rnams ni byang chub sems dpa' i 'phar ma la ste/ rang rang gi pad+ma'i gdan la zla ba'i steng du ye shes sems dpa' dang ro mnyam du byed pa'o/ /da ni khro bo'i rgyal po rnams kyi ro
 mnyam pa nyid gsungs te/ shar gyi sgor ni rab gtum ral gri 'dzin pa shin tu stobs te de'i phyag rgya rengs byed ma'o/ /lho'i sgor rmugs byed dang phyag rgya nga rgyal ma'o/ /byang gi sgor khengs byed dang phyag rgya rmugs byed ma'o/ /nub kyi sgo rengs byed dang de'i phyag
 rgya mdza' yas brtson 'grus mar 'gyur te/ sgo'i dbus na gnas pa'i pad+ma la ro mnyam pa'o/ /thugs kyi dkyil 'khor la ro mnyam par byed pa ste/ skyes pa'i lte ba'i 'khor lo dang snying kha'i pad+ma la'o/ /zhes pa ni nges pa'o/ /de bzhin du khro bo'i zhar la
 byung bas phyi rol tu sku'i dkyil 'khor gyi sgo skyong ste/ shar du dbyug pa sngon po dang 'od zer can ro mnyam pa'o/ /lhor 'dod pa dang tsun dA shing rta la gnas pa'o/ /byang du mi g.yo ba dang khro gnyer can ma'o/ /nub tu brtson 'grus mdza' yas stobs po
 che dang lcags sgrog ma ro mnyam pa'o/ /sa 'og tu gnod mdzes rgyal po dang drag can ma'o/ /steng du gtsug tor dang/ shin tu sngon mo'o/ /rdul tshon gyi dkyil 'khor la shar gyi sgo'i steng du gtsug tor dang/ nub tu gnod mdzes te gnyis pa dag gi
 shing rta yang ngo zhes pa nges pa'o/ /bsgom pa la ni 'og dang steng du shing rta'o/ /snying po'i dkyil 'khor la kha dang dbang po dang bshang lam dang gtsug tor ni sgo rnams te/ dbang po zhes pa ni gcin dang khu ba'i sgo'o/ /phyi rol tu sku'i dkyil 'khor la
 sna dang mig dang lce dang lus dang rna ba rnams te/ byis pa'i lus la ji lta ba de bzhin du dkyil 'khor la'o/ /zhes pa nges pa'o/ /de bzhin du gnas lnga nas brjod pa'i dbang gis gsung gis dkyil 'khor gyi sgo lnga ste de ltar 'og dang steng du stong pa'i
 sgo gsum po khu ba'i sgo dang lus dang mgrin pa'i gnas kyi mtshan nyid spangs nas dkyil 'khor gsum po rnams la sgo bcu gnyis so/ /de ltar nyi ma'i dus sbyor gyi dbye bas sgo bcu gnyis dang/ zla ba'i cha yi dbye bas bco lnga ste/ sems can
 thams cad kyi sku dang gsung dang thugs kyi chos kyis so/ /zhes pa ni nges pa'o/ /'dir gsung gi dkyil 'khor la sogs pa ro mnyam pa nyid dang/ g.yon brkyang la sogs pa'i stabs rnams ni go bla ste gsung las skyes pa'i dkyil 'khor du ni zhes pa nas brtsams
 te/ rdo rje gar gyi slad du'o/ /zhes pa'i mthar thug par tshigs su bcad pa phyed dang bcas pa dgu ni go bla'o/ /da ni cod pan zhes pa la sogs pas lha rnams kyi rigs kyi rgyas gdab pa gsungs te/ 'dir mchog gi dang po'i sangs rgyas kyi dkyil 'khor du
 cod pan dag la phan tshun rdo rje yi ni rdo rjer 'gyur te/ de ci'i phyir zhe na/ ye shes dang rnam par shes pa phan tshun yang dag par sbyor ba'i phyir ro/ /de bas na ye shes kyis rnam par shes pa dang rnam par shes pas ye shes la ste/ gnyi ga'i spyi bo la thugs
 rdo rje chos gos dang gtsug tor 'dzin pa rdo rje skyil krung gis gnas pa sa la reg pa'i phyag rgyas de bzhin gshegs pa la dbugs 'byin pa ste/ rigs lnga'i phyag rgyas gdab pa'o/ /ngo bo nyid kyi rigs ni bkag ste/ sangs rgyas rnams kyi skyed par
 byed pa nyid yin pa'i phyir ro/ /yang na ye shes dang rnam par shes pa'i chos kyis sangs rgyas lnga'i bdag nyid kyi cod pan ni res 'ga' na'o zhes pa nges pa'o/ /gzugs kyi steng du mi bskyod pa ste sku'i rnam pas thugs shes gsungs pa'i phyir ro/ /
 gsal bar pad+ma 'dzin pa'i rnam par snang mdzad nyid du 'gyur te/ lus ni so sor brjod pas gsung zhes gsungs pa'i phyir ro/ /rin chen dbang po'i chu skyes 'dzin te rdul gyi chos can nyid kyi phyir ro/ /don yod grub pa'i cod pan la ni rab mchog nor
 bu'i phyag rgya ste/ khrag la sha 'byung ba'i phyir ro/ /drug gi cod pan ral pa zhes byar 'gyur te yon tan dbang gis shes pa la/ /yon tan ni mu stegs pa rnams gzhug par bya ba'i slad du dbang phyug gi zhal rnam par dag pas zhal drug gam/ tshangs pa'i mtshan nyid
 lnga'i zhal lnga ni ral pa'i cod pan 'dzin pa'o/ /'dir de ma thag pa ste/ rnam par snang mdzad dang/ g.yon gyi lha ste snang ba mdza' yas dang/ mi 'jigs pa ste rin chen 'byung ldan dang/ de'i skyes bu ste don yod grub pa dang/ dbang ldan te mi bskyod pa dang/ dus
 kyi me ste rdo rje sems dpa' rnams ni sa dang chu dang me dang rlung dang nam mkha' dang ye shes kyi rang bzhin tha mal pa'i phung po rnams te/ /dag pa'i phung po gtsug tor dang chos gos 'dzin pa rnams kyis rgyas btab pa'o/ /de ltar drug gi cod pan ral pa zhes bya'o//
 lhag ma'i 'khor lo'i lha dang lha mo rnams kyi cod pan ni rin po che sna tshogs pa'i rang rang gi rigs kyis rgyas btab pa ste/ 'chad par 'gyur ba las gang zhig gang gis skyes pa de ni de yis rgyas gdab bo/ /da ni 'khor lo la sogs pa'i mtshan ma rnams kyi rab tu
 skye ba gsungs pa/ sa las shes pa la sogs pa ste/ 'dir sa'i sa bon li yig las 'khor lo rab tu skye'o/ /chu las te u yig las pad+ma'o/ /me las te ri yig las nor bu'o/ /rlung las te i yig las ral gri'o/ /stong pa las te a yig las rdo rje'i
 ye shes las te aM yig gri gug tu 'gyur zhes bya ba dang 'brel lo/ /de bzhin du li yig las gos su 'gyur ro/ /u yig las bdud rtsi'i snod do/ /rI yig las me long ngo/ /a'i yig las dri'o/ /A yig las rgyud mangs so/ /rnam par bcad pa ste a:
 yig las chos 'byung ste/ sa la sogs pa'i yon tan gyi dbye bas mtshan ma rnams so/ /de bzhin du a yig las phub bo/ /u yig las mdung ngo/ /ar yig las mda''o/ /e yig las dgra sta'o/ /a yig las Da ma ru ste yon tan gyi dbye
 bas mtshan ma lnga'o/ /de bzhin du Al yig gis dbyug pa'o/ /aau yig las zhags pa'o/ /Ar yig las lcags kyu'o/ /i yig las tho ba'o/ /A yig las rtse gsum ste 'phel ba'i dbyangs kyis mtshan ma lnga'o/ /de bzhin du la yig
 las gzhu'o/ /wa yig las ud pa la'o/ /ra yig las mgo bo'o/ /ya yig las kha TwAM ga'o/ /ha yig las dril bu'o/ /de bzhin du lA yig las lcags sgrog go /wA yig las dung ngo/ /rA yig las thod pa'o/ /yA yig las stag gi pags pa'o//
 hA yig las glang po'i pags pa'o/ /ya Nar bsgyur ba ring po rnams kyis so/ /mtshan ma sum cu rtsa gnyis kyi dbyangs kyi nges pa'o/ /'dir ni lhag ma nye ba'i mtshan ma sa dang chu dang bsreg rnga rlung dang nam mkha' las skyes pa/ de dag rang bzhin yon tan dbang
 gis shes par bya ba nyid lha dang lha mo rnams kyi'o zhes pa ste/ tsar tsi kA la sogs pa thams cad kyi mtshan ma rnams rlung la sogs pa'i reg pas dbye bar bya'o/ /'dir gsung pa/ /gang zhig la la sogs pa sum cu'i dbyangs ni sa chu bsreg za rlung dang nam
 mkha' las skyes pa/ /thung ngu ring po'i rab dbye rnams kyis rim pas yongs bkod nges par pad+ma la gnas zla ba dang/ /nyi ma'i gdan la gnas pa de dag mdza' dag 'khor lo la sogs mtshan ma rnams kyi rang gi sngags/ /gang zhig kho nar mtshan ma
 drug par gyur pa der ni yon tan dbang gis gzhom du med par 'gyur/ /de ltar sa bon gyis mtshan ma bskyed pa dang mtshan mas lha bskyed pa ni rnal 'byor pas thams cad du rtogs par bya'o zhes pa rgyud kyi nges pa'o/ /da ni nA da zhes pa la sogs pas rdo rje
 sems dpa' la sogs pa rnams kyi skye ba'i sa bon gyi yi ge gsungs te/ nA da ni gzhom du med pa'o/ /dpal ldan rdo rje sems dpa' ni ye shes kyi phung po'o/ /de ltar thams cad du ming dang ming can gyis 'brel pa ste/ 'di ltar a ni mi bskyod pa'o//
 i ni don yod grub pa'o/ /ri ni rin chen 'byung ldan no/ /u ni snang ba mdza' yas so/ /li ni rnam par snang mdzad do/ /lI ni spyan ma'o/ /rI ni gos dkar mo'o/ /a'u ni mA ma kI'o/ /a'i ni sgrol ma'o/ /A ni rdo rje dbyings kyi dbang phyug ma'o/ /gzhom du med pa zhes
 pa ni dpal ldan yum ste shes rab kyi pha rol tu phyin ma'o/ /de ltar lus dang bsam pa'i dbye bas thung ngu dang ring po'i dbyangs rnams kyi skye ba'o/ /de bzhin du mchog gi rgyal ba'i bdag po'i ye shes kyi phung po dang/ sna tshogs yum ye shes kyi khams ni
 phan tshun lus bsam pa'o/ /rnam par shes pa dang nam mkha' i khams so/ /'du byed dang sa'i khams so/ /tshor ba dang chu'i khams so/ /'du shes dang me'i khams so/ /gzugs dang rlung gi khams so/ /de bzhin du aM yig ni kun tu bzang po'o/ /
 a yig ni phyag na rdo rje'o/ /e ni nam mkha' i snying po'o/ /ar ni sa'i snying po'o/ /o ni 'jig rten dbang phyug go /al ni sgrib pa thams cad rnam par sel ba'o/ /de bzhin du A ni chos kyi dbyings so/ /a'i:ni sgra rdo rje ma'o/ /i ni reg bya rdo rje ma'o/ /
 Ar ni ro rdo rje ma'o/ /aau ni gzugs rdo rje ma'o/ /Al ni dri rdo rje ma'o/ /kun tu bzang po chos kyi dbyings ni phan tshun du lus dang bsam pa'o/ /phyag na rdo rje dang sgra'i rdo rje ma zung ste lus dang bsam pa'o/ /nam mkha' i snying po dang dri rdo rje ma'o/ /'jig rten
 dbang phyug dang ro rdo rje ma'o/ /sa'i snying po dang gzugs rdo rje ma'o/ /sgrib pa thams cad rnam par sel ba dang reg bya rdo rje ma'o/ /de ltar rigs ni drug po rnams dag rang bzhin yon tan dbang gis yang dag par ni rnal 'byor pa yis rig par bya zhes pa
 ni nges pa'o/ /da ni haM zhes pa la sogs pas khro bo rnams kyi rigs lnga'i sa bon gsungs te/ 'dir haM yig ni gtsug tor 'khor los sgyur bar 'gyur te/ lus kyi dbang gis shes pa lus kyi dbye ba las so/ /de ltar gzhan du yang ngo/ /ha(rgyud 'grel tu sngon mo'o/ /ha ni gnod mdzes so/ /hA ni drag spyan ma'o/ /yi ni shin tu stobs so/ /lAM(rgyud 'grel ma'o/ /de bzhin du ya wa ra la ni grangs bzhin du dbyug pa sngon po dang/ mi g.yo ba dag 'dod pa dang/ stobs po cher 'gyur ro/ /lus kyi dbang gis lha mo rnams kyi ring po ste/ glang po che'i shing rta la yA ni rdo rje lcags sgrog ma'o/ /rta'i shing rta la wA ni tsun dA'o/ /seng ge'i
 shing rta la rA ni khro gnyer can ma'o/ /phag gi shing rta la lA ni 'od zer can ma'o/ /de bzhin du dbyug sngon dang 'od zer can ni zung ste/ phan tshun lus dang bsam pa'o/ /mi g.yo ba dang khro gnyer can ma'o/ /shin tu stobs dang rdo rje lcags sgrog ma'o/ /
 'dod pa'i rgyal po dang/ tsun dA ni zung ste/ dkyil 'khor la ni bde ba dam pa'i don du'o zhes pa ni gzhan gyi rigs la 'khyud pas so/ /de bzhin du nus ma'i sa bon rnams te nus ma ni du ba la sogs pa mtshan ma'i rnal 'byor ma rnams so/ /de la a yig
 dag dang aM dang rnam par bcad pa ni A A aM a:ste/ rim pa bzhin du nag ma 'bar ma dang/ ser mo 'bar ma dang/ dkar mo 'bar ma dang/ dmar mo 'bar ma'o/ /de bzhin du haM dang ha:dang ha hA ste/ haM ni mkha' gsal ma'o/ /ha:ni smig rgyu ma'o/ ha ni du
 ba ma'o/ /hA ni mar me ma'o de ltar yi ge brgyad las skyes pa nus ma brgyad do/ /bum pa rnams la de bzhin ha yig rlung dang me dang chu dang sa'i dbyangs kyis phye bar 'gyur zhes pa ni/ shar gyi bum pa dag la hi hI'o/ /lho'i bum pa dag la h+ri h+ri'o/ /byang gi bum
 pa dag la hu hU'o/ /nub kyi bum pa dag la hli hlI ste rlung la sogs pa'i dbye ba'o/ /de bzhin du oM yig ni chos kyi dung ngo/ /huM ni yid bzhin gyi nor bu'o/ /ho ni dpag bsam gyi shing ngo/ /A:ni chos kyi gaN+DI ste/ thugs kyi dkyil 'khor gyi lha'i sa
 bon gyi yi ge'o/ /da ni gsung gi dkyil 'khor la tsar tsi kA la sogs pa'i sa bon gyi yi ge rnams gsungs te/ ha yig ni tsA muN Da'o/ /haM ni dbang phyug chen mo'o/ /ha:ni phag mo'o/ /hA ni dbang mo'o/ /k+Sha ni khyab 'jug ma'o/ /k+ShA ni tshangs ma'o/ /k+Shi ni dpal chen
 mo'o/ /k+Sha:ni gzhon nu ma ste gtso bo rnams kyi sa bon no/ /de bzhin du 'dab ma'i lha mo rnams kyi ni rim pa bzhin du shar la sogs pa phyogs brgyad kyi rgyab kyi pad+ma'i 'dab ma rnams la hI h+rI hu hlI k+ShA k+Sh+rI k+ShU k+ShlI'o/ /thung ngu'i dbyangs rnams mdun du'o/ /zhes pa/ 'dab ma
 brgyad po rnams la ha h+ri hu hli k+Shi k+Sh+ri k+Shu k+Shli zhes pa ste/ shar gyi pad+ma'i 'dab ma dag dang/ lho'i dag dang/ byang gi dag dang/ nub kyi dag dang/ me'i dag dang/ bden bral gyi dag dang/ dbang ldan gyi dag dang/ rlung gi dag la'o/ /lhag ma'i 'dab ma
 drug po rnams la ni 'dab ma drug la ya sogs dbyangs drug gis phye ba thung ngu ring po rnams ni rim pas yongs bkod pa zhes pa ste/ phyogs dang phyogs bral gyi pad+ma'i 'dab ma rnams la'o/ /de la tsa muN Da'i pad+ma'i 'dab ma la mdun du hi yig sngar bkod
 pa ste/ de nas g.yas skor gyis 'dab ma gnyis pa la ya'o/ /gsum pa la yig /bzhi pa la yri'o/ /lnga pa la sngar bkod pa'i hA'o/ /drug pa la yu'o/ /bdun pa la yli'o/ /brgyad pa la yang ngo/ /de bzhin du khyab 'jug ma'i k+Shi yA yi k+Shi yA ylI ya:
 'o/ /de bzhin du phag mo'i mdun gyi 'dab ma la h+ri ste de nas ra ri rraM h+rI ru rli ri mo/ /gzhon nu ma'i k+Sh+ri rA rI rrI k+ShI rU rlI ra:O/ /drag mo'i hu wa wi wri hu(rgyud 'grel hlI lu l+li laM 'o/ /tshangs ma'i k+ShI lA lI lrI k+ShlI lU l+lI la:O/ /de ltar hi k+Shi la sogs la mdza' thams cad nor ni gdengs can gyis bsgyur zhes pa brgyad brgyad kyis bsgyur ba 'jigs ma la sogs pa lha mo rnams kyi 'dab ma la go rims
 bzhin du'o/ /zhes pa nges pa ste phyogs rnams su'o/ /k+Shi lA la sogs pa ni pad+ma la sogs pa rnams kyi phyogs bral la'o/ /'dir rigs kyis dbang gis mngon phyogs tsa muN Da la sogs pa'i thabs su 'gyur te sngags kyi dbye bas so
 zhes pa ni/ 'dir tsA muN Da dang khyab 'jug ma ni 'du byed kyi rigs can ma'o/ /de la mngon du phyogs pa gzugs kyi rigs can ni thabs te/ sngags kyi dbye bas shes pa li yig gi rigs nyid do/ /phag mo dang gzhon du ma ni tshor ba'i rigs
 can ma'o/ /de la mngon du phyogs pa 'du shes kyi rigs can ni thabs te u yig las skyes pa'o/ /dbang mo dang tshangs ma ni gzugs kyi rigs can ma'o/ /de la mngon du phyogs pa 'du byed kyi rigs can ni thabs te e yig las skyes pa'o//
 drag mo dang dpal chen mo ni 'du shes kyi rigs can ma'o/ /de la mngon du phyogs pa tshor ba'i rigs can ni thabs te ri yig las skyes pa'o/ /de ltar gsung gi dkyil 'khor la rigs bzhi'i rnam par gzhag pa'o/ /da ni sku'i dkyil 'khor la
 brgya byin la sogs pa rnams kyi sa bon gsungs te/ taM ni brgya byin no/ /na:ni tshangs pa'o/ /paM ni brgya mtsho'o/ /ma:ni tshogs kyi dbang po'o/ /taM ni me'o/ /Na:ni gzhon nu'o/ /tsaM ni srin po'i dbang po'o/ /nya:ni rlung ngo/ /kaM ni khyab 'jug go /nga:ni
 gshin rje'o/ /saM ni drag po'o/ /th+ka:ni gnod sbyin no/ /de ltar tsa la sogs pa sde pa drug po rnams kyi thung ngu dang/ ring po'i dbye bas nag pa'i zla ba la sogs pa rnams kyi gnam stong gi sa bon te/ tsa nya(rgyud 'grel ba'i gnam stong dang/ sa ga'i zla ba'i gnam stong la gzung bar bya'o/ /de bzhin du tsa sogs sde pa dbyangs dang bcas pa rnams ni lha'i pad+ma'i 'dab mar lha mo rnams kyis 'gyur/ /nag pa'i zla ba sogs kyi tshes rnams dus kyi nges pa'i dbang gis
 stong pa drug dang me'i grangs shes pa sum rgya drug cu'i grangs te lo'i tshes rnams so/ /'dir nag pa'i zla ba'i lha mo rnams ni dang po'i zlum skor gyis 'dab ma bcu bzhi po rnams la'o/ /de la dang po'i 'dab ma la nya rdo rje ma'o/ /gnyis pa la nyi rdo rje ma'o/ /de bzhin du nyri
 rdo rje ma dang/ nyu rdo rje ma dang/ nylaM rdo rje ma dang/ nyaM rdo rje ma dang/ de bzhin du dzha rdo rje ma dang/ dzhi rdo rje ma dang/ dzh+ri rdo rje ma dang/ dzhu rdo rje ma dang/ dzhli rdo rje ma dang/ dzhi rdo rje ma dang/ dza rdo rje ma dang/ dzi rdo rje ma ste/ lha mo bcu bzhi po rnams ni bden bral gyi pad+ma'i 'dab
 ma rnams la'o/ /dzri rdo rje ma ni mngon du phyogs pa'i shes rab ste/ nya'i chos can nyid kyi phyir ro/ /de bzhin du gnyis pa'i zlum skor la nag pa'i tshes gcig la sogs pa ste/ dang po'i 'dab ma la dzu rdo rje ma'o/ /de bzhin du dzli rdo rje ma dang/ dzi rdo rje ma dang dzi rdo rje
 ma dang/ tsha rdo rje ma dang/ tshi rdo rje ma dang/ tsh+ri rdo rje ma dang/ tshu rdo rje ma dang/ tshli rdo rje ma dang/ tshi rdo rje ma dang/ tsa rdo rje ma dang/ tsi rdo rje ma dang/ tsri rdo rje ma dang/ tsu rdo rje ma dang/ tsli rdo rje ma'o/ /tsI rdo rje ma ni gnam stong gi sa bon te/ 'dir skyed pa'i rim pas so/ /nya:zhes pa
 lugs las bzlog pa'i skyed pa'i rim pas te rlung gi 'dab ma la tsA rdo rje ma'o/ /de bzhin du sngags thams cad rdo rje'i mdza' can ste/ tsA tsI tsrI tsU tslI tsa(rgyud 'grel po'i tshes gcig la sogs pa ste/ dzU dzlI dza:dzhA dzhI dzh+rI dzhU dzhlI dza(rgyud 'grel kyi zla ba dag la pa sde'o/ /tha skar gyi zla ba dang smin drug gi zla ba dag la ta sde'o/ /mgo'i zla ba dang rgyal gyi zla ba dag las sde'o/ /mchu'i zla ba dang/ dpo'i zla ba dag la ka sde'o/ /de ltar lo'i tshes kyi sa bon gyi nges pa'o/ /da ni de nyid la
 zhon ha yig ces pa la sogs pas klu'i rgyal po rnams kyi sa bon gsungs te/ 'dir de nyid ni ya ra la wa ste/ de rnams la zhon pa ni de nyid la zhon pa'o/ /rlung gi dkyil 'khor la stobs kyi rgyu dang pad+ma dag gi hya hyA'o/ /sa'i dkyil 'khor
 la 'jog po pad+ma chen po dag gi grangs bzhin du hla hlA'o/ /me'i dkyil 'khor la nor rgyas kyi bu dang dung skyong dag gi h+ra h+rA'o/ /chu'i dkyil 'khor la mdza' yas dang rigs ldan dag gi hA tA'o/ /de ltar rlung me chu dang sa rnams kyi dkyil 'khor dag la
 shar la sogs pa'i klu rnams kyis zhes so/ /da ni khyi gdong ma la sogs pa rnams kyi sa bon gsungs te/ brtsegs pa zhes pa ni yi ge so sos yi ge lha'i bdag nyid brtsegs pa'o/ /sde bdun brtsegs pa la gnas de rnams k+Sha ya ra wa lar
 ldan pa ni brgyad de/ dur khrod brgyad du lha min mo rnams kyi'o/ /de la phyogs kyi dur khrod du shar du/ k+kh+g+g+h+ra'o/ /lhor k+Sh+yrwla'o/ /nub tu th+ksh+Shwsa'o/ /byang du hywla'o/ zur gyi mer ny+d+h+dz+ts+tsha'o/ /bden bral du N+Dh+N+Dha'o/ /rlung du nd+h+dshta'o/ /dbang ldan du m+b+h+dphya'o/ /de ltar thams cad du shes
 rab thabs kyi lus dang bsam pas rigs kyi dbang las 'dir ni gang zhig dbus su mngon phyogs/ 'gyur/ /rnal 'byor pas gtso bo blo dang nye ba'i gtso bo'i dbye bas rtogs par bya'o/ /zhes pa ni rgyud kyi nges pa'o/ /da ni bskyed bya
 skyed byed la sogs pa'i 'brel pa dpal ldan rdo rje can dang kun bzang zhes pa la sogs pa tshigs su bcad pa phyed dang bcas pa'i dgu ni go bla ste/ sna tshogs yum ni lhag ma'o zhes pa'i mthar thug pa rigs can dag gi 'brel pa'o/ /da ni sku
 bzhi rnam par dag pas dag pa gsungs te/ lha mo zhes pa la sogs pa ste/ /'dir nang gi le'u las mngal nas skyes pa'i byis pa'i gnas skabs rnam pa bzhi'i dbye bas mngal dang phyi rol tu sku bzhir gsungs pa ji lta ba de bzhin du lha bsgom pa
 la rnal 'byor pas rnam par sbyangs par bya'o/ /de la lha mo ni du ba ma dang/ smig rgyu ma dang/ mkha' snang ma dang/ mer me ma dang/ ser mo 'bar ma dang/ dkar mo 'bar ma dang/ dmar mo 'bar ma dang/ nag mo 'bar ma dang/ zla ba'i cha dang thig le'i gzugs can ma ste/
 bde ba chen po'i 'khor lo'i bde ba chen po'i pad+ma'i 'dab ma rnams la'o/ /'phar ma gnyis pa la sangs rgyas rig ma zhes pa ste/ 'dir sangs rgyas ni don yod grub pa dang/ rin chen 'byung ldan dang/ snang ba mdza' yas dang/ rnam par snang mdzad do/ /rig ma ni
 sgrol ma dang/ gos dkar mo dang/ mA ma k+Shi dang/ spyan ma'o/ /shing dang bcas shing gum pa dang bcas shes pa la/ shing ni dpag bsam gyi shing ste/ de bzhin du yid bzhin gyi nor bu dang/ chos kyi gan DI dang/ chos kyi dung dang po/ /bum pa ni rngu ba dang khu ba dag gis
 sru dang gsung dang thugs dang ye shes kyi thig le'i dbye bas bshang pa dang gci ba dang khrag dang rkang gis bum pa brgyad do/ /rgyal ba dkyil 'khor gyi bdag po yi ni dag pa'i sku'o/ /de nas phyi rol gyi 'bar ma la thugs kyi dkyil 'khor gyi sgo rnams su khro bo'i dbang
 po ni bgegs mthar byed dang/ shes rab mthar byed dang/ pad+ma mthar byed dang/ gshin rje mthar byed dang/ gtsug tor ro/ /byang chub sems dpa' ni/ phyag na rdo rje dang/ nam mkha' i snying po dang/ sa'i snying po dang/ 'jig rten dbang phyug dang/ rnam par sel ba dang/
 kun tu bzang po'o/ /nges par ro'i rdo rje ma zhes pa ni/ skra rdo rje ma dang/ reg bya rdo rje ma dang/ gzugs rdo rje ma dang/ ro rdo rje ma dang/ dri rdo rje ma dang/ chos kyi dbyings kyi rdo rje ma ste/ 'di rnams ni chos kyi sku de nyid do/ /de nas gsung gi dkyil 'khor la rnal 'byor ma rnams
 longs spyod sku ste/ tsar tsi kA la sogs pa 'dab ma'i lha mo idang lhan cig pa'o/ /de ni sku'i dkyil 'khor la rab mchog shing rta la gnas 'od zer can la sogs pa dang/ lha ni nyi mar rab grags pa bden bral la sogs pa bcu gnyis dang/ stobs kyi rgyu la sogs
 pa klu ni brgyad po rnams dang/ khyi gdong ma la sogs pa rab gtum ma rnams te/ lha la sogs pa 'di dag 'khor dang bcas pa zhes pa/ pad+ma'i 'dab ma'i lha dang bcas pa ni sangs rgyas kyi sprul pa'i sku'o/ /de bzhin slar yang rgyal ba'i sku ni dbye ba
 ma gnyis su 'gyur te phyi rol dag dang nang la yang/ mngal nas skyes pa ji lta ba nyid de bzhin kho na dkyil 'khor la ni nges par rab tu 'gyur/ /zhes pa ni 'dir mngal du byis pa'i rnam par shes pa dang ye shes dang khu ba dang rdul mngal du dag pa'i sku
 yin pa ji ltar de bzhin du sngon pa bcom ldan 'das dang lha mo du ba ma la sogs pa dang/ /sogs pa'i sgras chos kyis dang la sogs pa dang/ bum pa brgyad de 'di rnams ni dkyil 'khor gyi snying por lhan cig skyes pa'i sku'o/ /de nas byis pa'i phung po dang
 khams 'byung ba chos kyi sku yin pa ji lta ba de bzhin du dkyil 'khor la sangs rgyas la sogs pa'o/ /de nas byis pa'i skye mched 'byung ba longs spyod rdzogs pa'i sku yin pa ji lta ba de bzhin du dkyil 'khor la yang nges par sgra rdo rje ma la sogs pa'i/ /de
 nas byis pa'i lag pa dang rkang pa la sogs pa dang/ skra la sogs pa 'byung ba dang btsa' ba' i dus sprul pa'i sku yin pa ji lta ba de bzhin du gshin rje mthar byed la sogs pa khro bo bzhi ste/ rigs kyi dbang gis dkyil 'khor gyi ni snying por yang dag gnas
 shes pa/ thugs kyi dkyil 'khor la thugs kyi rigs kyi dbang gis te/ mngal du rnam pa bzhi'i nges pa'o/ /da ni phyi rol du rnam pa bzhi gsungs pa/ phyi rol zhes pa la sogs pa ste/ 'dir byis pa skyes pa'i lte ba nas srog 'byung ba lhan cig
 skyes pa'i sku yin pa ji lta ba de bzhin du phyi rol gyi gsung gi dkyil 'khor la tsA muN Da la sogs pa lha mo brgyad po 'khor dang bcas pa zhes pa lha mo drug cu rtsa bzhi dang bcas pa'o/ /'dir byis pa'i lag pa dang rkang pa la sogs pa bskum pa dang tshigs
 mi gsal ba chos kyi sku yin pa ji lta ba de bzhin du lha bcu gnyis te/ sogs pa'i sgras shing rta la gnas pa'i lha mo drug go /'dir byis pa'i so skyes ba dang tshigs gsal bar gyur pa na longs spyod rdzogs pa'i sku yin pa ji lta ba de bzhin du dkyil 'khor la mdza' 
 dag gdengs can rigs so/ /'dir byis pa'i so lhung ste slar skyes pa nas 'chi ba'i bar du sprul pa'i sku yin pa ji lta ba de bzhin du dkyil 'khor la gtum mo khyi gdong ma la sogs pa 'khor dang bcas pa ste/ 'byung po bye ba phrag phyed dang bcas pa'i gsum
 dang bcas pa ni sprul pa'i skur 'gyur mi yi bdag po sems can kun gyi don gyi slad du'o zhes pa ste/ phyi rol tu sku bzhi rnam par dag pa'i nges pa'o/ /da ni sku bzhi dang rdo rje bzhi phan tshun du sbyor ba gsungs/ sku yi zhes pa la sogs pa ste/ 'dir byis pa'i gzugs
 rdzogs pa'i slad du lhan cig skyes pa'i sku dang 'byung bzhi'i bdag nyid kyi sku yi rdo rje zung du 'gyur ba ji lta ba de bzhin du dkyil 'khor la yang ngo/ /de bzhin du byis pa'i brjod pa'i don gsungs rdo rje dang chos kyi sku zung du 'gyur ba ji lta ba
 de bzhin du chos ston pa'i don du dkyil 'khor la yang ngo/ /'dir byis pa'i byang chub sems dang longs spyod rdzogs pa'i sku sems can kun gyis don byed pa po zung yin pa ji lta ba de bzhin du dkyil 'khor la yang ngo/ /'dir byis pa'i ye shes shes pa
 ni 'pho ba'i dus su bde ba'o/ /sprul pa'i sku zhes pa ni lo bcu drug gi mtshams su khams yongs su rdzogs pa nyid do/ /zung du 'gyur te srog chags rnams la thar ba ster ba nyid do zhes pa la/ thar ba ni 'dir byang chub kyi sems kyi thig le rnams 'pho ba'i
 skad cig ste/ de ster ba'i phyir thar pa ster ba'o/ /srog chags rnams kyi ye shes dang sprul pa'i sku'i mtshan nyid zung yin pa ji lta ba de bzhin du de'i chos mi mthun pas rgyu dang 'bras bu'i yan lag bcu gnyis 'geg pa ni thar pa ster ba'o zhes pa sangs rgyas
 kyi nges pa'o/ /slar yang sku bzhi dang rdo rje bzhi po 'di rnams kyi shes rab thabs kyi lus dang bsam pa mnyam dang mi mnyam rigs shes shes pa la/ mnyam pa'i rigs ni rdul las byung ba'i khams kyi rigs dang/ mi mnyam pa'i rigs ni
 khu ba las byung ba'i khams kyi rigs te/ nyi zla ka sogs a sogs dang/ rnam gsum srid pa la gnas ye shes kyi dbye ba dga' ba la sogs pa dang rnam shes kyi dbye ba skye mched bcu gnyis kyi dbye ba dag gis rnal 'byor pa yis mdza' dag
 rig par bya ste/ nang gi le'u las byis pa la ji lta ba bzhin du lha'i sgrub thabs kyi skyed ba'i rim pa la'o/ /de ltar lha'i gzugs rdzogs pa'o/ /nga ni sku dang gsung dang thugs kyi byin gyis brlabs pa gsungs pa/ rdo rje zhes pa la sogs pa ste/ 'dir
 byis pa skyes pa'i lus dang ngag dang sems byin gyis brlabs pa sad pa dang rmi lam dang shin tu gnyid log pa'i mtshan nyid du 'gyur ba ji lta ba bzhin du dpral ba dang mgrin pa dang snying ka dang lte ba dang gsang ba dang gtsug tor la oM A(rgyud 'grel 'di dag gis byin gyis brlabs pa'i yan lag ni byis ba ma yis 'khru bar byed pa ji lta ba de bzhin du rab mchog rgyal ba'i bdag po lha mo rnams kyis shes pa rnal 'byor ma rnams kyis bkru bar bya'o/ /'dir byin gyis brlab pa ni dpral bar a
 yig yongs su gyur pa las zla ba'i dkyil 'khor ro/ /de'i steng du oM yig yongs su gyur pa las 'khor lo'i rtsibs brgyad pa'o/ /de yongs su gyur pa las sku rdo rje kha dog dkar po zhal gsum pa rtsa ba dkar po g.yon dmar po g.yas nag po/ /
 phyag drug pa g.yas na 'khor lo dang rdo rje dang pad+ma 'dzin pa/ g.yon na ral gri dang nor bu dang dril bu 'dzin pa/ shes rab dang bcas pa rdzogs par bya ste/ de nas dpral ba las spros nas de yis nam mkha' i khams kun nas yongs su gang bar
 bsgom? par bya'o/ /sku rdo rjes gdul bar bya bo'i sems can rnams la chos bstan pa mdzad nas slar log ste bdag nyid kyi mdun du yang dag par bkod la/ sku'i rdo rje 'dzin pa bdag la dbang bskur du gsol zhes dbang bskur bar gsol ba gdab par bya'o/ /
 de nas sku'i rigs kyi lha mo rnams kyis bdud rtsi'i bum pas mngon par dbang bskur ro/ /de nas dbang bskur bar gyur pa la byin gyis brlab par bya ste/ dpral bar zla ba'i dkyil 'khor la sku rdo rje rab tu bcug nas 'di rjod par bya'o/ /dpal ldan sku yi rdo rje
 'dzin/ /rdo rje mi byed gsum bsgoms pas/ /sku yi rdo rje can gyis ni/ /byin brlabs gnas su ding bdag mdzod/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /sku yi rdo rje can gyis ni/ /byin brlabs gnas su ding
 bdag mdzod/ ces pa ste/ sku byin gyis brlab pa'o/ /de bzhin du mgrin par ra yig yongs su gyur ba las nyi ma'i dkyil 'khor lo/ /de'i steng du A:yig yongs su gyur ba las pad+ma dmar po 'dab ma brgyad pa'o/ /de yongs su gyur pa las gsung rdo
 rje shes rab dang bcas pa/ dmar po zhal dmar po dang dkar po dang nag po/ /g.yas na pad+ma dang rdo rje dang 'khor lo 'dzin pa/ g.yon na nor bu dang dril bu dang ral gri 'dzin pa spros te/ des nam mkha' i khams yongs su gang bar bsgom par bya'o/ /gsung rdo rjes gdul bar
 bya ba'i sems can rnams la chos bstan pa mdzad nas slar yang bdag nyid kyi mdun du yang dag par bkod do/ /gsung gi rdo rje can gyis bdag la dbang bskur du gsol zhes dbang bskur bar gsol ba gdab par bya'o/ /de nas gsung gi rigs kyi lha mo rnams kyis
 bdud rtsi'i bus pas bdag nyid la dbang bskur bar bsgom par bya'o/ /de nas gsung byin gyis brlab par bya ste/ gsung rdo rje nyi ma'i dkyil 'khor la rnam par bkod nas 'di brjod par bya'o/ /dpal ldan gsung gi rdo rje 'dzin/ /rdo rje mi phyed gsum bsgoms pas/ /gsung
 gi rdo rje can gyis ni/ /byin brlabs gnas su ding bdag mdzod/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /gsung gi rdo rje can gyis ni/ /byin brlabs gnas su ding bdag mdzod/ /ces pa ste/ gsung byin
 gyis brlab pa'o/ /thugs byin gyis brlab pa ni snying gar thig le yongs su gyur ba las sgra gcan gyis dkyil 'khor kha dog sngon po rnam par bsgom par bya'o/ /de'i steng du huM yig yongs su gyur pa las rdo rje rtse lnga pa'o/ /de yongs su gyur pa las thugs rdo rje shes
 rab dang bcas pa/ /nag po zhal nag po dang dkar po dang/ dkar po g.yas na rdo rje dang 'khor lo dang pad+ma 'dzin pa/ /g.yon na dril bu dang nor bu dang ral gri 'dzin pa spros te/ de yis nam mkha' i khams yongs su gang bar bya'o/ /thugs rdo rjes gdul bar bya ba'i
 sems can rnams la chos bstan par mdzad nas slar log ste/ bdag nyid kyi mdun du yang dag par bkod la/ thugs kyi rdo rje can gyis bdag la dbang bskur du gsol zhes dbang bskur bar gsol ba gdab par bya'o/ /de nas thugs rdo rje'i rigs kyi lha mo
 rnams kyis bdag nyid la dbang bskur bar bsgoms nas byin gyis brlab par bya ste/ thugs rdo rje sgra gcan gyi dkyil 'khor la bkod nas 'di brjod par bya'o/ /dpal ldan thugs kyi rdo rje 'dzin/ /rdo rje mi phyed gsum bsgoms pas/ /thugs kyi rdo rje can
 gyis ni/ /byin brlabs gnyis su ding bdag mdzod/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ thugs kyi rdo rje can gyis ni/ /byin brlabs gnas su ding bdag mdzod ces pa ste/ de ltar thugs byin
 gyis brlabs pa byas te/ de nas gcig pa nyid kyis/ /oM sarba ta thA ga ta kA ya wA ka tsit+ta swa b+hA ba At ma konyahaM zhes pa'i nga rgyal rnal 'byor pas gzung bar bya'o zhes pa nges pa'o/ /de bzhin du shes rab kyi lte bar ho yig gis so/ /gsung bar
 swA yig gis so/ /gtsug tor la hA yig gis so/ /khu ba'i chos las thabs rigs gsum dang/ rdul dang khu ba'i chos las shes rab rigs drug go /gsol ba gdab pa gzhan ni dbang gi le'u las gsungs pa'i cho gas bya'o/ /der ma gsungs pa gang yin
 ba de thams cad cho ga 'di yis bya'o/ /zhes pa ni nges pa'o/ /da ni stong pa la sogs pa'i nga rgyal gyi gnas rnams gsungs pa/ stong pa zhes pa la sogs pas te/ 'dir sems can thams cad shi ba'i mthar shi ba'i mdza' i phung po rnams stong pa nyid du
 'gyur ba ji lta ba de bzhin du rnal 'byor pa rnams kyis mi yi phung po'i nga rgyal yongs su spang ba'i don dang/ lha'i phung po yongs su rdzogs par byed pa'i don du/ oM shUn+ya tA dz+nyA na badzra swa b+hA ba At+ma konyahaM zhes pa ni nges pa'o/ /'dir nye bar bskyed pa'i cha
 shas can gyi phung po lngas mngal du byis pa'i lus rdzogs pa ji lta ba de bzhin du dkyil 'khor la me long lta bu la sogs pa rnam pa lngas lha'i sku rdzogs pa'o/ /de la nga rgyal ni/ oM su bi shud d+ha d+harma d+hA tu swa b+hA ba At+ma konyahaM zhes pa nges pa ste/ de ltar stong pa
 dang chos kyi dbyings kyi dus dang/ rdo rje gsum gyi dus dang/ de bzhin du 'chad par 'gyur ba'i ye shes mchod pa rjes su chags pa la ste 'dir byis pa'i rna ba 'bigs pa la sogs pa dang/ bag ma len pa na lag pa 'dzin pa dang/ lo bcu drug gi mtshams su
 ye shes mchod pa'i rjes su chags pa ji lta ba bzhin no/ /de ltar de'i dus su tad swab+hA wa At+ma konya haM zhes brjod par bya ste/ 'dir skyed pa'i rim pa la bcom ldan 'das kyi nges pa'o/ /da ni lha'i rnam par dag pas 'khor lo thams cad kyi rtsa rnams gsungs
 pa/ bum pa zhes pa la sogs pa ste/ 'dir bum pa rnams dang lhan cig du ba la sogs pa brgyad po rnams kyi snying kha'i 'khor lo rtsibs brgyad pa dag ste/ de nyid chos kyi 'khor lo'o/ /rig ma spyan ma la sogs pa bzhi dang/ sangs rgyas rnam par
 snang mdzad la sogs pa bzhi ste/ brgyad po 'di rnams lus dang bsam pa'i dbye bas bcu drug po rnams kyi mgo bor 'khor lo rtsibs bcu drug dag pa ste/ de nyid lhan cig skyed par rab tu grags so/ /ma gsungs pa nyid las kyi
 dung yid bzhin gyi nor bu dang chos kyi gaN+DI dang dpag bsam gyi shing ste bzhi po rnams kyis gtsug tor gyi 'khor lo dag pa'o/ /byang chub sems dpa' la sogs shes pa skye mched bcu gnyis dang khro bo bzhi ste bcu drug po rnams shes rab dang thabs
 kyi dbye bas sum cu rtsa gnyis te/ nyis 'gyur mi bdag ces pa sum cu rtsa gnyis rnams kyis mgrin pa longs spyod rdzogs pa'i 'khor lo rtsibs sum cu rtsa gnyis pa dag pa'o/ /'jigs ma la sogs nor ni gdeng can dag gis bsgyur ba zhes pa drug
 cu rtsa bzhi po rnams kyis lte bar sprul pa'i 'khor lo rtsibs drug cu rtsa bzhi pa dag la'o/ /de bzhin du tsA muN DA la sogs pa brgyad dang sgeg mo la sogs pa brgyad kyis gsang ba'i 'khor lo dag pa'o/ /lag pa dang rkang pa'i tshigs bcu gnyis po
 rnams la lha sum brgya drug cu po rnams kyis las kyi 'khor lo dag pa'o/ /klu dang gtum mo bcu drug po 'di rnams kyi lus dang bsam pa'i dbye bas sor mo'i tshigs kyi mtshams rnams la bya ba'i 'khor lo dag pa ste 'khor lo dag pa'i nges
 ba'o/ /da ni gtso bo la sogs pa rnams kyi rnam par dag pa gzhan gsungs pa/ dus kyi zhes pa la sogs pa ste/ 'dir phyi rol tu dus dang nang du chu srin la sogs pa'i khyim gyi 'khor lo yan lag bcu gnyis kyi bdag nyid ni rgyu dang 'bras bu'i
 bdag nyid de/ de la lnga ni rgyu'i chos so/ /bdun ni 'bras bu'i chos so/ /rgyu'i chos ni nyon mongs pa dang las kyi bdag nyid do/ /'bras bu'i chos ni sdug bsngal gyi bdag nyid do/ 'jig rten khams kyi le'ur gsungs so/ /rgyu dang 'bras bu'i chos de
 rnams kyi dag pa ni dus dag pa ste/ rgyu dang 'bras bu 'gog pa'i dag pas rdo rje can te/ /dkyil 'khor gyi dbang po dus kyi 'khor lo can rnam par dag pa'o/ /lo dang zla ba la sogs pa dbye bas so zhes pa ni 'chad par 'gyur ba las brjod par bya'o/ /sems kyi rnam pa
 ni rnam par dag pa'i sems so/ /nyi ma ste 'khor ba'i sems kyi mtshan nyid srog la zhon pa'i rnam par shes pa'i phung po ni ma yin no/ /nyin zhag so so'i dbang gis sna tshogs yum shes rab ma rnam par dag pa ste/ 'dir lo la zla ba'i dbye bas dus sbyor bcu
 gnyis ji lta ba de bzhin du nyin zhag so so la 'char ba'i dbye bas dus sbyor bcu gnyis so/ /de bzhin du yan lag bcu gnyis 'gog pas shes rab ma'ang dag pa'o/ /'dir theg pa gsum la rgyas gdab pa ni/ chos kyi phung po brgyad khri bzhi stong gi ye d+harmA'o//
 lha rnams kyi rgyas gdab pa ni sangs rgyas pa'o/ /dge 'dun rnam pa bzhi'i rgyas gdab pa ni dge slong ngo/ /de bzhin du dge slong sngon du 'gro ba ni dge 'dun no/ /ye d+harmA sngon du 'gro ba ni chos so/ /sangs rgyas sngon du 'gro ba ni byang chub sems dpa' dang khro bo dang lha'i
 tshogs so/ /de bzhin du dkyil 'khor la gtso bo ni bsam du med pa'i thugs rdo rje ste/ gtso mo ni stong pa nyid dang ye shes kyi chos can ma sna tshogs yum mo zhes pa ni rigs pa'o/ /nga ni du ba la sogs pa rnams kyi rnam par dag pa gsungs pa/ rlung zhes pa la sogs
 pa ste/ 'dir snying kha'i pad+ma mnyam gnas la sogs pa'i rlung rnams kyi rten du gyur pa'i rtsa ba brgyad de rnams kyi du ba la sogs pa'i lha mo nag mo 'bar ma'i mthar thug pa rnams dag pa'o/ /a ba d+hU tI dang dung can ma dag gi cha dang thig le'i gzugs can ma dag ste/
 rlung bcu 'gog pas dag pa'o/ /nyon mongs pa bzhi zad pas zhabs g.yon pa'i 'og tu drag po dag pa'o/ /bdud kyi tshogs zad pas zhabs g.yas pa'i 'og tu bdud dag pa'o/ /lus kyi sgrib pa zad pas dung dag pa'o/ /ngag gi sgrib pa zad pas gaN DI dag pa'o//
 sems kyi sgrib pa zad pas nor bu dag pa'o/ /ye shes kyi sgrib pa zad pas dpag bsam gyi shing dag pa ste/ sku'i rdo rje la sogs kyis so/ /bum pa brgyad ni bdud rtsi'i yan lag gis zhes pa ni 'dir rkang 'gog pas bum pa gnyis dag pa ste/
 g.yon dang g.yas kyi dbye bas so/ /de ltar thams cad du g.yon dang g.yas kyi dbye bas rig par bya'o/ /de bzhin du khrag 'gog pas bum pa gnyis so/ /de bzhin du gci ba mi 'dzag pas bum pa gnyis so/ /de bzhin du bshang ba mi 'dzag pas bum pa
 gnyis so/ /de bzhin du khu ba mi 'dzag pas rgyal ba'i bum pa gnyis so/ /rdul mi 'dzag pas rnam par rgyal ba'i bum pa ste/ bum pa brgyad dam thod pa rnams dag pa'o/ /da ni sangs rgyas rnams kyi dag pa gsungs te/ 'dir kun rdzob kyi chos 'gags par gyur
 pa na/ gzhan 'du byed la sogs pa de dag rnams so/ /des na 'du byed rnam par dag pa ni don yod grub pa ste/ 'du byed kyi sgrib pa zad pas so/ /tshor ba ni dri med nor bu'i phyag ces pa rin chen 'byung ldan te/ dang yig ni sdud pa'i don to/ /de bzhin du 'du
 shes ni snang ba mdza' yas so/ /gzugs kyi phung po ni 'khor lo can zhes pa rnam par snang mdzad do/ /'di dag ni slar yang mi bstod pa la sogs pa ste/ ri bong can zhes pa khu ba dang/ stobs shes pa sha dang khrag dang gci ba dang bshang ba ste/ 'di
 rnams rnam par dag cing sgrib pa med pas rnam par shes pa la sogs pa'i phung po lnga rnam par dag par 'gyur ro/ /de bzhin du lha mo drug ces pa sna tshogs yum dang/ rdo rje dbyings kyi dbang phyug ma dang/ sgrol ma dang/ gos dkar mo dang/ mA ma kI dang/ spyan
 ma ste/ khams rnams kyis shes pa/ ye shes dang/ nam mkha' dang/ rlung dang/ me dang/ chu dang/ sa'i khams rnams 'gags pas gzhan khams de dag rnam par dag par 'gyur ro/ /yul dang yul can rnams kyis shes pa/ gzugs la sogs pa yul
 drug dang/ mig la sogs pa'i yul can rnam par dag pa rnams kyis gzhan gzugs la sogs pa de rnams dang/ gzhan mig la sogs pa de rnams rnam par dag pa ni gzugs rdo rje ma la sogs pa dang lhan cig tu sa'i snying po la sogs pa ste/ byang chub sems
 dpa' sras dang bcas pa dag pa'o/ /khro bo lnga ni stobs rnams kyis shes pa/ dad pa'i stobs dang/ brtson 'grus kyi stobs dang/ dran pa'i stobs dang/ ting nge 'dzin gyi stobs dang/ shes rab kyi stobs te/ dad pa med pa dang/ brtson 'grus med pa dang/ dran pa med pa
 dang/ ting nge 'dzin med pa dang/ shes rab med pa'i sgrib pa zad pas dad pa la sogs pa'i stobs rnams su 'gyur te /stobs de rnams kyis rnam par dag pa ni/ gtsug tor dang/ bgegs mthar byed dang/ shes rab mthar byed dang/ pad+ma mthar byed dang/ gshin rje
 mthar byed de/ /khro bo'i rgyal po rnams dag pa'o/ /nges par slar yang gzhan pa zhes pa gnod mdzes rgyal po dang/ dbyug pa sngon po dang/ 'dod pa'i rgyal po dang/ mi g.yo ba dang/ stobs po che ni b+ha ga dang/ ngag dang/ lag pa dang/ rkang pa dang/ bshang lam gyi las kyi dbang po lnga po rnams kyis te
 las kyis dbang po'i bya ba rnams kyis drag can ma la sogs pa dang lhan cig yongs su dag pa'o/ /tsA muN+Da la sogs pa thun brgyad kyis so/ /pad+ma'i 'dab mar gnas pa 'jigs ma la sogs pa rnams nyi ma'i dus sbyor chu tshod drug cu rnams kyis so/ /bzhi ni stong pa'i 'dab ma rnam
 par dag pas so/ /sprul pa'i 'khor lo'i sgrib pa zad pas gzhan tsar tsi kA la sogs pa dang/ gzhan 'jigs ma la sogs pa'o zhes pa dag pa'o/ /lha min la sogs shes pa bden bral dang/ rlung dang/ me dang/ gdong drug pa dang/ rgya mtsho dang/ tshogs
 kyi dbang po dang/ brgya byin dang/ changs pa dang/ drag po dang/ gnod sbyin dang/ khyab 'jug dang/ gshin rje rnams ni nag pa'i zla ba dang/ sa ga'i zla ba dang/ snron gyi zla ba dang/ chu stod kyi zla ba dang gro zhin gyi zla ba dang/ khrums stod kyi zla ba dang/ tha skar
 gyi zla ba dang/ smin drug gi zla ba dang/ mgo'i zla ba dang/ rgyal gyi zla ba dang/ mchu'i zla ba dang/ dpo'i zla ba ste/ bcu gnyis po rnams kyi sgrib pa zad pas dag pa'o/ /de rnams kyi pad+ma'i 'dab mar gnas sgeg mo la sogs pa dang ldan pa sum brgya
 drug cu ni chu tshod dbugs kyi grangs kyis nyin zhag rnams kyis te/ nyin zhag sum brgya drug cu'i sgrib pa zad pas dag pa gzhan lha de rnams dang gzhan 'dab ma'i lha mo de rnams so zhes pa dag pa'o/ /gsang bar mi bdag nyis 'gyur chu tshod rnams kyis klu rnams
 dang ni gtum mo rnams kyang rnam par dag ces pa shes rab dang thabs kyi dbye bas nyis 'gyur nyid do/ /de bzhin 'dod ma la sogs shes pa ni 'dir 'dod ma sum cu rtsa drug dang/ phyir 'dod ma sum cu rtsa drug sngar gsungs pa rnams rang bzhin yon tan dbang gis
 lus kyi bya bas rnam par dag pa ste/ lus kyi bya ba'i sgrib pa zad pas gzhan 'dod ma la sogs pa de rnams dag pa'o/ /skra rnams kyis ni grub pa mdza' dag go /sgrib pa med pa'i ba spu bye ba phrag phyed dang bcas pa'i gsum po rnams kyis dur khrod du 'byung po'i
 tshogs rnam par dag pa ste/ de ltar gzhan grub pa de rnams dang/ gzhan 'byung po de rnams so zhes pa ste dag pa'o/ /de nyid ni nyi shu rtsa bzhi sgrib pa med pa rnams kyi gtso bo'i mtshon cha rdo rje la sogs pa rnams dag pa ste/ rnam pa nyi shu rtsa bzhi'i rang
 bzhin med pa'i phyir ro/ /rang bzhin yon tan dbang gis shes pa la/ rang bzhin ni sa la sogs pa'i khams kyi tshogs so/ /de rnams kyi yon tan ni yul drug ste/ de rnams kyi sgrib pa zad pa las gzhan dri la sogs pa'i khams rnams kyis
 phyag rgya drug rnam par dag pa'o/ /rdo rjes zhes pa sku dang gsung dang thugs dang ye shes kyi rdo rje ste/ sad pa dang rmi lam dang shin tu gnyid log pa dang bzhi ba'i mtshan nyid rnam par dag pa rnams kyi sgrib pa med pa'i phyir nang gi phyag rgya rnams dag pa ste/
 gzhan sku'i phyag rgya de rnams rnam par dag pa'o/ /rdo rje 'dzin pa'i thugs kar zhes pa dkyil 'khor gyi gtso bo'i thugs kar zla ba'i steng du yang dag par gnas pa'o/ /dpal ldan rdo rje can ni lhan cig skyes pa'i dga' ba mchog tu 'gyur ba med pa'o/ /sna tshogs yum ni rnam pa
 thams cad pa'i stong pa nyid kyi ye shes dus gsum gzigs pa ste/ 'pho ba'i bde ba brtags pa'i sgrib pa zad pa'i phyir ro zhes pa dag pa'o/ /rnam gsum srid gnas shes pa ni thams cad du thams cad kyi tshe phung po la sogs pa thams cad rnam par dag pa ste/ sgrib
 pa thams cad zad pa'i phyir ro zhes pa bcom ldan 'das kyi nges pa'o/ /de ltar srid pa yongs su shes pa mya ngan las 'das pa zhes brjod do/ /'dir srid pa gsum gyi 'das pa dang/ ma 'ongs pa dang/ da ltar byung ba ste/ dus gsum du 'jug pa yang dag pa ji lta ba
 bzhin gzigs pa ni yongs su shes pa ste/ de nyid srid pa gsum gyi sgrib pa zad pa dang/ rgyu dang 'bras bu 'gog pas rdzogs pa'i sangs rgyas rnams la cig car du 'gyur te/ thams cad shes pa nyid dang/ rnam pa thams cad mkhyen pa nyid dang/ lam shes pa
 nyid dang/ lam gyi rnam pa mkhyen pa nyid kyis stobs kyis nyan thos dang rang sangs rgyas rnams dang/ byang chub sems dpa' rnams la srid pa gsum gyi dus gsum yang dag pa ji lta ba bzhin yongs su shes pa ji lta cig car mi 'gyur to/ phung po lhag ma dang bcas
 pa'i mya ngan las 'das pa'i dbyings kyi phyir dang/ de bzhin du byang chub sems dpa' rnams la sgrib pa cung zad tsam gyi phyir ro/ /de bzhin du khro bo'i dbang po rnams kyang sa bcu yis dbang phyug nyid du grub bo/ /da ni dag pa las chos kyi sku la sogs pa 'byung ba
 gsungs pa/ dpal ldan dag pa las shes pa la sogs te/ 'dir kun rdzob kyi bden pa la rten cing 'brel bar 'byung ba'i chos skad cig ma rnams skye ba dang 'jig pa'i chos can te/ srid pa yongs su mi shes pa'i phyir ro/ /'khor ba pa rnams kyi ma rig
 pa'i bag chags las bzhi pa la sogs pa'i gnas skabs bzhir 'gyur te/ de rnams las lus kyi rab tu dbye bas yid ni rnam pa bzhi ru gnas so/ /srog chags rnams kyi lus la rnam pa bzhi ni 'dir 'dzin pa'i dus su mngal du 'jug pa
 na khu ba 'pho ba'i gnas skabs ni bzhi pa ste/ de yang kun rdzob tu bde ba chen po zhes brjod do/ /de nyid ni sh+rI yig las gnyis su med pa'i ye shes so/ /kun rdzob du dag pa'i sku ste lhan cig skyes pa'i sku 'o zhes pa'i don to/ /de las chos kyi sku shin tu
 gnyid log pa'i mtshan nyid do/ /de las longs spyod rdzogs pa'i sku rmi lam gyi mtshan nyid do/ /de las sprul pa'i sku sad pa'i mtshan nyid do/ /lus rdzogs te srog 'byung ba'i dus nas phyi rol tu slar yang rnam pa bzhir gsungs so/ de bzhin du dkyil
 'khor la rgyal ba'i bdag po'i sems can kun don byed pa po sku'i dbye bar 'gyur te/ kun rdzob kyi sgrib pa zad pa'i phyir ro/ /khams gsum pa gzhan gyi sems shes pa dang/ sngon gyi gnas rjes su dran pa las sangs rgyas rnams kyi yid bzhugs
 te srid pa yongs su shes pa'i phyir ro/ /da ni sku bzhi'i bya ba gsungs pa/ sprul par zhes pa la sogs pa ste/ 'dir 'khor ba pa rnams kyi sprul bar zhes pa sad pa'i gnas skabs su yid ni yul rnams longs spyod byed pa por rab tu 'gyur te/ lus
 dang ngag gi dbang po byed par 'gyur bas so/ /longs spyod rdzogs la zhes pa rmi lam gyi gnas skabs su ma mthong ba'i yul bems po ma yin pa rnams la sems par 'gyur te yon tan dbang gis shes pa yul gyi bag chags kyi dbang gis
 so/ /chos kyi sku la zhes pa shin tu gnyid log pa'i gnas skabs su gnyid du 'gyur te/ yid ni dbang po med par 'gyur ro zhes pa'i don to/ /dag pa la ni zhes pa bzhi pa'i gnas skabs su bde bas rab tu 'gyur te/ 'dir ni nyin mo'i dus su mtshan
 mo'i dus su ste/ dus ni dus tshod do/ /de'i dus su 'khrig pa byas pa na thig le grol ba gsum gyi mthar lhan cig skyes pa'i skad cig gi dus gcig na bde ba chen por rab tu 'gyur ro/ /zhes pa kun rdzob kyi de nyid gang yin pa de'i phyir de nyid mtshan dus su rnal 'byor
 pa yis bsgom par bya'o/ /'gyur med don du'o zhes pa mi 'pho ba'i skad cig gi don du ste/ 'chad par 'gyur ba'i yan lag drug gis so zhes pa nges pa'o/ /de ltar sgrib pa dang bcas pa'i chos 'gags na sgrib pa me'i chos su 'gyur te/ skye ba dang/
 'jig pa dang bral ba'o zhes pa rig pa'o/ /da ni g.yon brkyang gi stabs la sogs pa'i rnam par dag pa gsungs pa/ g.yon zhes pa la sogs pa ste/ 'dir gang gi tshe 'khor ba pa rnams kyi g.yon gyi rtsa la srog rab tu rgyu bar 'gyur ba de'i tshe g.yas
 la bskum par 'gyur te/ srog kyang sngags kyi lha'o/ /des na g.yon brkyang pa dang g.yas bskum pas g.yon la srog rab tu rgyu ba gang yin pa der 'gyur te/ de bzhin du sngags kyi lha'i g.yas bskum pa gang yin pa de ni g.yon brkyang gi stabs
 su brjod do/ /mnyam pa'i stabs dang gzhan pa g.yas brkyang gi stabs ni grangs bzhin du ste/ me'i rgyu ba las shes pa gcig car rtsa gnyis las dbu mar rgyu ba las mnyam pa'i stabs su 'gyur ro/ /nyi ma'i rgyu ba las shes pa g.yas la rgyu ba dang
 g.yon bskum pa las g.yas brkyang gi stabs su 'gyur ro/ /de bzhin du sa ga'i stabs dang/ zlum pa dang/ rol pa'i stabs dang/ pad+ma'i gdan dang/ rdo rje'i gdan gang yin pa de dag rim pa bzhin du g.yon gyi rtsa 'am g.yas kyi rtsa la nam mkha' 
 sogs la zhes pa ste/ nam mkha' i dkyil 'khor la srog rab tu rgyu ba ni sa ga'i stabs so/ /rlung gis dkyil 'khor la rab tu rgyu ba ni zlum po'i stabs so/ /me'i dkyil 'khor la rab tu rgyu ba ni rol pa'i stabs so/ /chu'i dkyil 'khor la rab tu rgyu ba ni pad+ma'i
 gdan no/ /sa'i dkyil 'khor la rab tu rgyu ba ni rdo rje gdan no/ /de ltar mnyam dang mi mnyam bgrod pa dag la srog rlung rab tu rgyu ba gang yin pa rnam pa lnga'o/ /rnam par dag pa des lha rnams kyi stabs dang gdan rnam par dag par 'gyur
 te/ g.yo ba med pa las so zhes pa nges pa'o/ /de bzhin du skyes pa'i ngag rdzogs pa gnyis pa'o/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las/ srog
 dang lha skyed pa'i mdor bsdus chen po ste gsum pa'o// //'pho med bde la rab btud nas/ /bcu drug phyed phyed thig le 'chang/ /gang de'i thabs ni yang dag pa/ /thig le'i rnal 'byor rab brjod bya/ /gtum mo zhes pa la sogs pas so//
 'dir bskyed pa'i rim pa thams cad la sku rdzogs pa ni dkyil 'khor rgyal mchog go /gsung rdzogs pa ni las rgyal mchog go/ gsung rdzogs pa ni las rgyal mchog ste/ las kyi dbang po bya ba la 'jug pa'i phyir ro/ /byang chub kyi sems kyi thig le
 rdzogs pa ni thig le'i rnal 'byor ro/ /khu ba 'pho ba las bde ba la dmigs pa ni phra mo'i rnal 'byor te/ de yang mi rnams kyi lo bcu drug gi mtshams su 'gyur ro/ /des na nye bar longs spyod pa'i slad du bag ma len pa dang/ lag pa 'dzin pa la
 sogs pa'i bya ba dang/ slob ma la slob dpon gyis shes rab ma gtod par byed do/ /byis pa'i skye bo rnams la las kyi phyag rgya des bde ba de sgrub par byed par gsungs so/ /'bring po rnams la ye shes kyi phyag rgya las so/ /mchog rnams dang rnal 'byor
 pa rnams la phyag rgya chen po smos so/ /des na rtsa ba'i rgyud las bcom ldan 'das kyis gsungs pa/ bcu drug lo 'am rigs ldan ma/ /gzugs dang lang tshos brgyan pa la/ /dang por legs par bslabs byas nas/ /dbang bskur nas ni bsgrub pa
 brtsam/ /sku gsung thugs dang chags pa ni/ /dpral ba la sogs rnams la dgod/ /swA hA gsang ba gtsug tor cher/ /de nas pad+ma rnam par sbyang/ /A:yig pad+ma 'dab brgyad pa/ /hUM yig gis ni rdo rjer ldan/ /de ltar rdo rje dang bcas pa'i/ /shes rab pad+ma
 skyod rgyu las/ /huM gis rang gi rdo rje ni/ /rtse mo lnga par rnam par bsgom/ /de dbus pad+ma 'dab brgyad pa/ /A:yig gis ni rab tu brtag /de ltar rdo rje pad+ma dang/ /bcas pa byas nas pad+mar gzhug /de ltar rdo rje 'dzin pa'i bsnyems/ /'dzin cing rnal 'byor hUM
 phaT bya/ /b+ha gar ling ga rab bkod nas/ /byang chub sems ni spro mi bya/ /khams gsum po ni ma lus nas/ /sangs rgyas gzugs su bsgom par bya/ /lte bar gtum mo 'bar ba ni/ /de bzhin gshegs pa lnga bsreg cing/ /spyan ma mig la sogs
 pa yang/ /bsregs nas ri bong can haM 'dzag /bdud rtsi khu ba'i gzugs chos can 'dug can ni/ /thig le'i gzugs kyis 'dzag par byed/ /thig le'i rnal 'byor zhes par grags/ /bcu drug phyed phyed thig le 'chang/ /cha med cha las 'das pa ste/ /
 bsam gtan bzhi yi rtse mo 'chang/ /phra mo'i rnal 'byor zhes par grags/ /rgyu mthun la sogs steng du 'gro/ /dung can ma ni phyag rgya che/ /de ni gtum mo rab tu brjod/ /lte ba'i steng du gdol mo gang/ /a ba d+hU tI mi yi sna/ /'od zer lnga yi rang bzhin
 srog /dkyil 'khor lnga ni 'bab byed pa/ /sna rtsem yungs kar du grags pa/ /de yang srog gi rtsol bar bshad/ /khams gsum po ni ma lus nas/ /srid pa gsum ni yongs shes pa/ /yungs kar srog la rgyu bcas dang/ /rgyu med 'gog pa de yang ngo/ /so
 sor sdud la phyag rgya che/ /nam mkha' stong pa'i mtshan nyid do/ /gang phyir kho nar yid dag ni/ /bkod pa de yi phyogs su sna/ /mtshan ma'i mdza' ni re khA gang/ /de la sna tshogs rgyu mi rgyu/ /ma lus bsgom par bya de la/ /rnal 'byor bsam gtan sogs de
 yang/ /zhes pa rtsa ba'i rgyud las nges pa ste/ /'dir mdor bsdus nas gsungs so/ /des rtsa ba'i rgyud kyi rjes su 'brangs nas rtogs par bya'o zhes pa bcom ldan 'das 'jam dpal gyi nges pa'o/ /gtum mo lte ba'i 'khor lo dgu yis
 bsnun pa'i lag 'gro zhes pa ni 'dir lte ba la rtsa ba'i 'khor lo dgu yis bsnun pa'i lag 'gro ste/ rtsa bdun cu rtsa gnyis kyi bdag nyid ni khyim bcu gnyis kyi rtsa'i bdag nyid dang/ dkyil 'khor drug cu'i rtsa'i bdag nyid do/ /dgu yis bsnun pa'i
 lag 'gro tsar tsi kA sogs lhag pa'i lha dang ldan pa ho yig ye shes snying po ste/ /ye shes rdo rjes byin gyis brlabs pa de la dri med glog dang mtshungs pa gtum mo'i ye shes ni rab rgyas pa zhes pa kun rdzob kyi ye shes 'dod pa ste/ de'i me
 ni 'dod pa'i me'o/ /'dod pa'i me des rab tu rgyas par gyur pa na lte ba sbrul ba'i 'khor lor rnam par snang mdzad la sogs pa g.yon dang g.yas la dkyil 'khor lngar gyur pa rnams bsreg cing/ spyan ma la sogs pa rnams dang/ mig la sogs pa'i
 dbang po rnams dang/ gzugs la sogs pa'i yul rnams kyang sreg ste/ yid ni chos kyi dbyings 'dzin pa'i phyir ro/ /thams cad mi 'jug pa'i phyir bsregs pa'o/ /de ltar thams cad bsregs nas mgo bor zla ba bzang las shes pa skye ba'i
 byang chub kyi sa bon las haM yig thig le'i gzugs khu ba glo bur ba 'dzag pa gang yin pa de ni rdo rje can te byang chub kyi sems so zhes pa'i don to/ /mgo bo nas mgrin par ro/ /mgrin pa nas snying khar ro/ /snying kha nas lte bar ro/ /lte ba nas
 gsang ba'i pad+mar ro/ pad+ma de nyid ni shes rab gyi chos 'byung du gsungs shing/ de bzhin du lte ba dang snying kha dang/ mgrin pa dang/ dpral ba dang/ gtsug tor gyi pad+ma rnams shes rab kyi chos 'byung du gsungs te/ de ltar zhu bar gyur pa na gsang bar sku'i
 thig le'o/ /lte bar gsung gi thig le'o/ /snying khar thugs kyi thig le'o/ /mgrin par ye shes kyi thig le ste/ de ltar shes rab chos 'byung dag la gnas pa byang chub kyi sems ni slar yang zhes pa ji ltar ba de bzhin gshegs pa ste/ spro ba byas shes
 gsungs so/ /ji ltar dpral ba na dga' ba la sogs pa'i dbye ba 'am/ rnam pa sna tshogs la sogs pa'i dbye bas byon pa dang/ zla ba'i cha bco lnga yongs su gang ba de bzhin du rgyu mthun la sogs pa'i dbye bas steng du dpral bar gshegs te dri ma med
 pa spro ba byas par 'gyur ro/ /dri ma med pa'i thig le de yis sna tshogs rgyan dang ldan zhing me long dag la gnas pa lta bu zhes pa phra phab pa dang mtshungs pa dus gsum du gnas pa'i ye shes 'khor lo rang 'byung ba zhes pa ni thig le'i rnal 'byor las
 phra mo'i rnal 'byor du gyur pa'o/ /de bzhin du 'dod pa dang ni gzugs dang gzugs med srid pa rnam pa gsum po dag kyang rim pas shes pas sku dang gsung dang thugs kyi thig le skyed pa'i rim pas sbyangs byas te phyi nas ye shes me lce dag gis
 shes par mi 'pho ba'i bde ba'i 'od zer rnams kyis srid pa gsum po mdza' dag ste khams gsum po dus gcig tu ni dgug par bya ba zhes pa gcig car dus gsum shes pa ste/ lha'i rnal 'byor dkyil 'khor gyi 'khor lo'i rnam pa spro ba dang/ 'khor
 ba pa rnams kyi bu dang bu mo spro ba ni byang chub kyi sems las so/ /de ltar la bcu drug gi mtshams su mngal nas skyes pa rnams kyi lus dang ngag dang sems dang ye shes rdzogs pa ste/ lha rnams kyi ni sgom pa'i stobs kyis so/ /sangs rgyas rnams kyis
 ni rnam par thar pa bzhi'i stobs kyis so zhes pa kun rdzob dang don dam pa'i bden pas so/ /da ni zla ba zhes pa la sogs pas nang du sngags kyi zlas pa la sogs pa gsungs te/ 'dir lus la zla ba zhes pa ni g.yon gyi rtsa'o/ /nyi ma zhes pa g.yas
 rtsa'o/ /a sogs zhes pa ni a la sogs pa dbyangs kyi tshogs te g.yon du srog yang dag par rgyu ba'o/ /ka sogs shes pa ni gsal byed kyi tshogs te/ g.yas su srog yang dag par rgyu'o/ /rnams gsum bgrod gnas
 shes pa g.yon gyi bgrod pa la gnas pa'i srog ni sku rdo rje'i bzlas pa zhes brjod do/ /g.yas kyi bgrod pa la gnas pa'i srog ni gsung gi bzlas pa zhes brjod do/ /dbu ma'i bgrod pa la gnas pa'i srog ni thugs kyi bzlas pa zhes brjod do/ /'di rnams
 'gags pa las thams cad mkhyen pa'i gsung gzhom du med par 'gyur ro/ /des na so sor sdud pa la sogs pa drug gis sbyor ba yan lag drug po 'di bsgom par bya ste/ so sor sdud dang bsam gtan dang/ /de bzhin srog rtsol 'dzin pa dang/
 rjes su dran dang ting nge 'dzin/ /sbyor ba yan lag drug tu 'dod ces pa ste/ 'chad par 'gyur ba 'di dag goms pas gser bzang pad+ma la ni zhes pa lte ba'i pad+ma la/ /sku gsung thugs kyi rnal 'byor te zhes pa ni rnam gsum bgrod pa la gnas
 pa'i srog 'gog pa'o/ /zhes pa'i don to/ /'gog pa de nas dga' ba la sogs pa rnams kyis shes pa dga' ba dang mchog dga' dang khyad par gyi dga' ba dang lhan cig skyes pa'i dga' ba rnams kyis rdo rje chu skyes dag la ro ma nyi gyur pas laM 'pho
 ba nyid kyi phyir bsgom pa 'di ni rdo rje gsum ste/ khu ba dang bshang ba dang gci ba 'gog pa'o zhes pa'i don to// de bzhin du rtsa ba'i rgyud las/ /dbu ma mchog gi dbugs dang ni/ /dri dang chu dang ldan pas kyang/ /rtag tu rigs ldan ma mchod bya/ /
 khyad par dus kyi pho nya ma zhes so/ /de nas shes rab pad+mar zhes pa gsang ba'i pad+mar sems kyi thig le gnas par gyur pa dag la lhan cig skyes pa'i dbang gis shes pa/ mi 'gyur ba'i bde ba'i dbang gis bsgoms pa ni gzhom du med par
 'gyur te steng du khu ba'o/ /da ni bsnyen pa la sogs pa gsungs pa/ bdud rtsi zhes pa la sogs pa ste/ 'dir las dang po pas dang por sgrub thabs kyi cho gas bsnyen pa byas te/ bdud rtsi lnga la sogs pas snyen pa zhes pa la/ phyi rol tu bdud rtsi lnga ni bshang ba la
 sogs pa dang sogs pa'i sgras go ku la sogs pa ste/ lha mnyes pa'i don du de dag zos pas bsnyen pa'o/ /nang du bdud rtsi lnga ni phung po lnga'o/ /sogs pa'i sgras dbang po lnga po sgro lam lnga'o/ /de rnams la ltos pa med pa ni bsnyen pa ste/ lus dang rdzas la
 sred pa yongs su spangs pa'o/ /bsnyen pa de yis lha rnams mchog ster bar 'gyur te/ bshang ba la sogs pa zos pas ni ma yin no/ /chu gter rdo rje rnams dang zhes pa ni lus kyi longs spyod la ltos pa med pa dang/ ngag gi longs spyod la ltos pa med
 pa dang/ sems kyi longs spyod la ltos pa med pa dang/ 'pho ba'i bde ba la ltos pa med pa ni bsnyen pa ste/ lus dang ngag dang sems dang tshangs par spyod pa'i sdom pa'o zhes pa'i don to/ /'di yis lha mchog ster bar 'gyur te/ srid pa'i longs spyod la
 zhen pas ni ma yin no/ /sngags kyi bzlas pa sogs kyis shes pa la/ /'dir sngags kyi bzlas pa shes pa ni srog sdom pa ste/ sogs pa'i sgras dbyung po dang/ dgang ba dang/ bum pa can gyi sbyor ba ni rtag tu bsnyen pa'o/ /de yis lha mchog ster bar 'gyur te/
 srog ma bsdams par dag du brjod pas ni ma yin no zhes pa nges pa'i don to/ /drang ba'i don gyis ni thun mong gi dngos grub kyi don du bgrang phreng la sogs pas bzlas pa la sogs pa bya'o/ /da ni nye ba'i bsgrub pa gsungs pa/ so sor zhes pa la sogs
 pa ste/ 'dir phyir sdud pa zhes pa la 'khor ba pa rnams kyi sdud pa ni/ mig la sogs pa'i dbang po rnams gzugs la sogs pa'i yul 'dzin pa'o/ /de yongs su song ba ni phyir sdud pa zhes brjod de/ stong pa nyid kyi gzugs la gzhan sha la sogs pa'i
 mig la sogs pa rnams kyis gzhan gzugs la sogs pa'i yul 'dzin pa ni nye ba'i sgrub pa'o/ /de bzhin du bsam gtan dang/ srog rtsol ba dang/ 'dzin pa ste/ rdo rje pad+ma las skyes bdud rtsi 'pho ba med pa yis ni nye ba'i sgrub pa ste/ nges
 pa'i don gyis so/ /drang ba'i don gyis ni phyi rol tu lha spos pas so zhes pas nye ba'i bsgrub pa grub pa'o/ /da ni sgrub pa gsungs pa/ dga' ba zhes pa la sogs pa ste/ 'dir dga' ba la rdo rje gsum zhes pa/ sku dang gsung dang thugs kyi thig le rnams
 dang/ chu skyes ro mnyam byung pa sgom pa sgrub par 'gyur te/ snying kha dang lte ba dang gsang bar thig le rnams gnas pa'i zhes pa'i don do/ /de ltar na bsgrub pa'o/ /de nas sgrub pa chen po ni shes rab sbyar la gang gi tshe
 'pho ba med pa'i bde bar 'gyur ba de'i tshe nges par sgrub pa chen po ste phra mo'i rnal 'byor dag las shes pa nges pa'i don gyis shin tu yid bzangs ma'i rtsa'i steng du khu ba yang dag par sbyor ba las sgrub pa chen por gsungs te/ drang ba'i don gyis ni shes
 rab kyi chos 'byung gi sna'i rtse mor yungs kar la sogs pa'o/ /zhes pa nges pa'o/ /de ltar sgrub pa chen por 'gyur ro/ /da ni dman pa dang mchog gi dbye bas bsnyen pa la sogs pa gsungs pa/ dang por zhes pa la sogs pa ste/ 'dir skyed pa'i
 rim pa la dang por stong nyid byang chub ces pa ni srog chags rnams shi ba'i mthar phung po yongs su dong nas skye ba'i cha shas can gyi phung po 'dzin pa las bar gang yin pa stong pa nyid kyi skad cig ma gcig po srid pa gsum mthong ba ni stong pa zhes
 gsungs te/ nges par ni gdon mi za bar ro/ /skad cig de'i phyi nas zla ba thig le dag ni yang dag 'dzin zhes pa ni/ 'dir kun gzhi rnam par shes pas me'i mngal du khu ba'i thig le'i rnams 'dzin pa zhes bya ba ni yang dag 'dzin pa'o/ /de'i
 'og tu khu ba la sogs pa gzung ba de nas gzugs dag bskyed pa zhes bya ba ni zla ba bdun gyis mngal rdzogs pa ste/ lus rdzogs pa'o zhes pa'i don to/ de nas rab mchog ro'i rigs rnams dag gis shes pa phung po drug po rnams kyis mig la sogs pa rnams kyis
 yi ge dgod pa ste/ gzugs la sogs pa'i yul rab tu 'jug pa'o/ /de bzhin du lha'i sgrub thabs la yang las dang po pas brtags pa'i bdag nyid bsgom par bya'o/ /'di ni spyi'i bsnyen pa'o/ /chu'i gter gyi rdo rje rnams kyis shes pa sku dang gsung dang thugs
 dang ye shes kyi rdo rje rdzogs pa rnams kyis sgrub pa dag ni 'bring po yang ste srog rdzogs pa'o/ /'di la thabs ni rnam bzhir 'gyur te zhes pa ni bsnyen pa'i yan lag dang nye bar bsgrub pa yan lag la dman pa dang bstan pa'o/ /sgrub pa'i yan lag dag la
 de bzhin nyid de lo bcu drug gi mtshams su zhes pa nges pa'o/ /'dir dman pa ni skyes pa'i byis pa'o/ /so skyes nas 'bring po'i byis pa'o/ /so lhung nas gzhon nu'o/ /slar yang so skyes shing lo bcu drug gi rjes la dar ma ste bu dang bu mo skyed par byed pa nyid kyi
 phyir ro/ /de bzhin du lha thams cad yan lag rnam pa bzhir rnal 'byor pas bsgom par bya'o zhes pa ni 'jig rten pa'i bden pa'i nges pa'o/ /da ni don dam pa'i bden pas sangs rgyas kyi sku rdzogs pa brjod par bya ste/ 'dir dang por stong nyid byang chub ces
 pa ni mun pa la cung zad bsam par mi bya ba'o/ /de nas zla ba thig le dag ni yang dag 'dzin zhes pa ni du ba la sogs pa'i mtshan ma thig le'i mthar thug pa 'dzin pa'o/ /de nas gzugs dag bskyed ? zhes pa ni thig le nas sna tshogs mthong ba ni
 gzugs skyed pa'o/ /rab mchog ro yaM rigs rnams ngag gis shes pa sgrib pa med pa'i phung po drug rnams kyis so/ /yi ge dgod pa zhes pa ni nyi tshe ba'i phung po dang khams dang skye mched la sogs pa rnams 'gog pa'o/ /de'i phyir sa thob pas dman
 pa la sogs pa'i dbye bar 'gyur te/ ji srid sa bcu gnyis kyi dbang phyug tu ma gyur gyi bar du'o/ /de'i phyir bden don rnam pa bcu gnyis ldan/ /de nyid rnam pa bcu drug rig/ /rnam pa nyi shus byang chub pa/ /rnam par sangs rgyas kun rig
 mchog ces pa nges pa'o/ /da ni sbyor ba yan lag drug gsungs pa/ so sor sdud pa zhes pa la sogs pa ste/ 'dir dang po'i las la so sor sdud pa'i rgyal ba'i dbang po zhes pa ye shes kyi phung po'o/ /de yang mtshan ma'i dbye bas rnam pa bcu ste/
 du ba dang rmig sgyu dang/ me khyer dang/ mar me dang/ 'bar ba dang/ zla ba dang/ nyi ma dang/ sgra gcan dang/ cha shas dang/ thig le mthong ba'i dbye bas ma brtags pa ye shes kyi phung po'o/ /bsam gtan mi bskyod pa nyid do zhes pa rnam par shes
 pa'i phung po ste rnam pa bcu ni yul can bcu po rnams gcig nyid du sna tshogs gzugs la bsam gtan pa'o/ /srog rtsol dag kyang ral gri can no zhes pa 'du byed kyi phung po ste rnam pa bcu ni g.yon dang/ g.yas kyi dkyil 'khor bcu gcig
 tu 'dres par gyur pa nyid kyi phyir ro/ /slar yang rnam pa bcu ste 'dzin pa phyag na rin chen no zhes pa ni tshor ba'i phung po ste/ srog gi 'dzin pa lte ba dang snying kha dang mgrin pa dang dpral ba dang gtsug tor gyi pad+ma la 'gro ba dang 'ong ba'i dbye bas
 rnam pa bcu'o/ /gdol pa mo la rjes su dran pa pad+ma 'dzin par 'gyur zhes pa 'du shes kyi phung po'o/ /gdol pa mo dbu ma'i rtsal rjes su dran pa de yang rnam pa bcu ste/ 'dod pa'i gnas skabs bcu'i dbye ba las so/ /dpal ldan ting 'dzin
 'khor lo can zhes pa rnam par snang mdzad de/ ting 'dzin rnam pa bcu po rnams 'gog pa'i phyir ro/ /de ltar bcom ldan 'das ni rab tu mi gnas pa'i mya ngan las 'das pa ste/ rlung rnams mi 'bab pa gang gi phyir ro zhes pa'i don to/ /re re
 dbye ba lnga rnams kyis te zhes pa ni/ 'dir sbyor ba re re ni dkyil 'khor lnga 'bab pa'o/ /a sogs ka sogs rnams kyis shes pa ni dbyangs dang gsal byed g.yon dang g.yas kyi srog yang dag par rgyu ba 'gog pas so/ /da ni so sor sdud pa la
 sogs pa'i mtshan nyid gsungs pa/ so sor zhes pa la sogs pa ste/ 'dir so sor sdud pa zhes bya ba ni yul la yul dang yul can bcu po rnams kyi 'brel pas rnam par shes pa rab tu 'jug pa med pa ste/ stong pa'i gzugs kyi yul rnams la gzhan mig
 la sogs pa rnam pa lnga po rnams kyis rab tu 'jug pa'o/ /de bzhin du gzugs de nyid la shes rab ces pa ni lta ba'o/ /rtog pa zhes pa ni dngos po 'dzin pa'o/ /dpyod pa zhes pa ni nges pa'i don to/ /dga' ba zhes pa ni gzugs la chags pa'o/ /g.yo med
 bde ba zhes pa ni gzugs dang lhan cig sems gcig tu byed pa'o/ /de ltar gzung ba dang 'dzin pa'i dbye bas bsam gtan rnam pa bcu'o/ /'dir srog gi rtsol ba zhes bya ba dag kyang lam ni gnyis po zhes pa g.yon dang g.yas pa'i lam bsgyel
 ba ste 'gog cing dbu ma'i lam du rab tu zhugs pa'o/ /de yang dkyil 'khor bcu 'gog pa las rnam pa bcu'o/ /'dir thig ler zhes pa dpral bar srog ni rab tu zhugs shing gnyis ka'i bgod pa bcom pa zhes pa 'gro ba dang 'ong ba dang bral ba ni
 rtse gcig sems pa zhes bya ba dpral bar srog 'dzin pa'o/ /gtum mo'i snang ba gang zhig srid pa gsum gyi nam mkha' la gyur pa de ni rjes su dran pa ste rnam pa bcur sngar gsungs so/ /shes rab thabs kyi bdag nyid kyis ni zhes pa shes bya dang shes
 pa gcig tu 'dres par gyur pa ste/ 'gyur med bde ba'i dbang gis gzugs la ting nge 'dzin to/ /de yang srog la sogs pa rnams med pa las rnam pa bcu'o/ /de ltar sbyor ba yan lag drug gi sgrub thabs so/ /'di dag dman pa la sogs pa dbye
 pa rnams kyis sna tshogs gtso bo dus kyi 'khor lo'i sgrub thabs rnam pa gsum du 'gyur/ phyag rgya gsum dang gnas skabs gsum zhes pa'i rnam gsum bgrod ba'i dbang gis shes pa ste/ 'dir byang chub kyi sems 'dzag pa'i
 bgrod pa ni dman pa'i gnas skabs so/ /g.yo ba'i bgrod pa ni 'bring po'i gnas skabs so/ /mi g.yo ba'i bgrod pa ni mchog gi gnas skabs so/ /'di rnams las las kyi phyag rgya ni 'dzag pa'i bde ba sbyin pa mo'o/ /ye shes kyi phyag rgya
 ni g.yo ba'i bde ba sbyin pa mo'o/ /phyag rgya chen mo ni mi g.yo ba'i bde ba sbyin pa mo'o/ /de ltar sbyor ba yan lag drug la phyag rgya gsum bsgom bcom ldan 'das kyis gsungs pa'i phyir rnal 'byor pas sangs rgyas nyid kyi slad du sbyor ba yan
 lag drug bsgom par bya'o/ /da ni so sor sdud pa la sogs pa'i 'bras bu gsungs pa/ so sor zhes pa la sogs pa ste/ 'dir gang gi tshe so sor sdud pa gzugs brtan par gyur pas rnal 'byor pa rnam par dag par gyur pa de'i tshe sngags
 rnam kun gyis byin gyis rlob par 'gyur te/ tshig gi mchog sbyin la sogs pa sbyin par 'gyur ro/ /mngon par shes pa lnga ni thob par 'gyur te mi'i bdag po bsam gtan sbyor bas dag pa'o zhes pa ni 'dir gang gi tshe mig mi 'dzum par gyur pa
 de'i tshe lha'i mig tu 'gyur ro/ /de bzhin du lha'i rna ba la sogs pa ste bsam gtan gyis dag par 'gyur ro/ /srog gi rtsol bas dag pa zhes pa ni 'dir gang gi tshe rnal 'byor pa nyi ma ri bong can gyi lam dang bral te rtag tu dbu mar 'bab par
 gyur pa de'i tshe srog gi rtsol pas dag par gyur pas na byang chub sems dpa' rnams kyis mchod de bsngags par byed do zhes pa'i don te/ /bdud dang nyon mongs la sogs nyams shing stobs bcu la ni 'jug par 'gyur te zhes pa ni stong pa
 nyid kyi gzugs gzung ba'i sems la 'jug par 'gyur te/ 'dzin pa'i stobs kyis so zhes pa ni srog gi 'gro ba dang 'ong bzad pas gcig tu 'dres par gyur pas so/ /rjes su dran pa legs par dag pa zhes pa la 'dir rjes su dran pa ni gzugs la 'khyud pa'i
 sems rnam par rtog pa thams cad dang bral ba'o/ /de'i phyir gang gi tshe dag par gyur pa de'i tshe dri med 'od kyi dkyil 'khor du 'gyur ro/ /kyang gi sgra las ba spu'i khung bu nas 'od zer lnga 'phro zhing nges par rgyu'o/ /ye shes gzugs las so zhes pa stong
 pa'i gzugs las so/ /de nas ting nge 'dzin gyi dag pa zhes pa ni/ 'dir gzung ba dang 'dzin pa'i sems dag gcig pa nyid kyis gang zhig 'gyur ba med pa'i bde ba de ni ting nge 'dzin du gsungs te/ de'i phyir ting nge 'dzin gyis dag pa dri ma med par gyur pa
 ni nyin zhag 'ga' zhig dag gis te lo gsum dang phyogs gsum gyi nyin zhag rnams kyis ye shes lus ni 'grub par 'gyur zhes pa/ dbang bcu la sogs pa thob pa'i byang chub sems dpar 'gyur te so sor sdud pa la sogs pa sogs pa'i nges pa'o/ /da ni
 btsan thabs kyi rnal 'byor gsungs te/ 'dir gang gi tshe so sor sdud pa la sogs pas gzugs mthong bar gyur pa la srog ma bcings pa nyid kyis 'gyur ba med pa'i skad cig ma ma skyes na de'i tshe nA da goms pa 'chad par 'gyur bas btsan thabs
 su dbu mar 'bab par byas nas shes rab kyi chu skyes su gnas pa'i rdo rje nor bur byang chub sems kyi thig le bkag nas mi g.yo bas 'gyur ba med pa'i skad cig bsgrub par bya'o zhes pa ni btsan thabs kyi rnal 'byor ro/ /da ni stong pa nyid kyi gzugs bsgrub
 pa'i slad du lta stangs gsungs pa/ bsnyen pa zhes pa la sogs pa ste/ 'dir bsnyen pa zhes pa ni dang por du ba la sogs pa'i mtshan ma bsgom pa'o/ /bsnyen pa de la dang po'i rnal 'byor ni sems kyis du ba la sogs pa'i mtshan ma 'dzin pa'o/ /de yang du ba
 la sogs pa dang lhan cig skyen du 'gyur pa rnam pa ste/ des na de yang rnam pa bcu'o/ /'khor lo can gyi zhes pa gtsug tor gyi khro bo'i lta bas shes pa mig mi 'dzub par steng du lta bas mtshan mar 'gyur te/ mtshan mo'i rnal
 'byor gyis rnam pa bzhi dang nyin mo'i rnal 'byor gyis rnam pa drug ste de nas gzugs so/ /de ltar gzugs kyi mthar thug pa so sor sdud dang bsam gtan gyis bsnyen pa'i yan lag du 'gyur ro/ /bgegs mthar byed pa'i lta ba zhes pa la/
 bgegs mthar byed ni bdud rtsi 'khyil pa'o/ /de'i lta ba ni bdud rtsi'i gnas su son pa ste dpral bar son pa'o/ /bgegs mthar byed pa'i lta ba bdud rtsi'i lam du son pa de yis nye ba'i sgrub pa la yan lag drug go /kyang yig gis sog
 rtsol dang 'dzin pa bya ste/ srog gi gzugs mthong bar gyur ba na nye ba'i sgrub pa'o/ /shes rab la spros zla ba thig le zhes pa la 'dir shes rab la chags pas spros pa 'di zla ba thig le yin pa ni la spros zla ba thig le ste/ rdo rje nor bur gnas pa
 de'i gsang ba dang/ lte ba dang snying khar 'gyur med gsum du gyur pa gang yin pa de ni sgrub pa la zhes pa gsum pa sgrub pa'i yan lag la 'gyur ro/ /de ltar sgrub pa'i yan lag bya'o/ /bde ba ma nyams gcig pu zhi ba zhes pa la 'dir bde
 ba ma nyams pas byang chub kyi sems skad cig gcig pu gang yin pa de ni zhi ba zhes gsungs te/ lhan skyes ye shes rnal 'byor 'dir ni sgrub pa chen po la zhes pa ni sems kyi 'gyur ba med pa'i bde ba dang lhan cig gcig pa nyid do/ /zhes pa
 sgrub pa chen po'i yan lag bzhi pa'o/ /de ltar ye shes kyi sgrub thabs la yan lag bzhi'o/ /lha'i sgrub thabs la skyed pa'i rim pas sngar gsungs te 'jig rten pa'o/ /'jig rten las 'das pa ni de kho na nyid kyi sgrub thabs rdzogs pa'i rim pas
 so/ /de bzhin du gsungs pa/ sangs rgyas rnams kyi chos bstan pa/ /bden pa gnyis la yang dag bsten/ /'jig rten kun rdzob bden pa dang/ /dam pa'i don gyi bden pa'o zhes pa ni bcom ldan 'das kyi nges pa'o/ /slar yang rdo rje can bdag gis bstan
 pa/ /rim pa gnyis la yang dag brten/ /gcig ni skyed pa'i rim pa ste/ /gzhan ni rdzogs pa'i rim pa'o/ /de ltar lha'i sgrub pa la rnam par rtog pa'i sgom pa dang/ de kho na nyid kyi sgrub pa la rnam par rtog pa dang bral ba yan lag bzhi po rnams kyis so zhes
 pa rigs pa'o/ /da ni srog rtsol gyi mtshan nyid gsungs pa/ srog ces pa la sogs pa ste/ 'dir stong pa nyid kyi gzugs mthong bar gyur pa na rnal 'byor pas srog gi rtsol ba bya ba gang yin pa de ni ji srid mgo yi gar du zhes pa mgo bo na bar mi byed
 kyi bar du'o/ /de yang bde mnyam 'bras bu ster bar 'gyur ro/ /de ltar steng du zhes pa ni mgo na ba'i mdza' las 'dod pa ma yin pa 'chi ba'i 'jigs pa byed par 'gyur te/ phung po rnam par nyams pa'i rgyur 'gyur ro/ /ci ste rnal 'byor gyi stobs kyis
 gtsug tor phug nas srog 'gro na rnal 'byor pas mchog gi bde ba'i go 'phangs dag la zhes pa stong pa nyid kyi gzugs la nges par sgyur bar bya ste/ nges par ni mdza' gcig tu'o/ /de ltar phung po med kyang rnal 'byor pa ni pad mnyam zhes pa sangs rgyas kyi
 gzugs la 'jug ste/ rnal 'byor pa zhes pa ni rnal 'byor gyi sems 'gro ba'o/ /'on kyang 'jig rten du ni grags pa min pa rnal 'byor pa 'di shi'o zhes pa ste/ srog rtsol gyi nges pa'o/ /tshigs su bcad pa gzhan ni go sla'o/ /da ni lha gshegs su gsol
 ba gsungs pa/ gtsug tor zhes pa la sogs pa ste/ 'dir dkyil 'khor rgyal mchog dang/ las rgyal mchog dang/ thig le'i rnal 'byor dang/ phra mo'i rnal 'byor bsgoms nas/ mchod pa dang/ mchog sbyin rdo rje mchog khyod 'dug /ces pa la sogs
 pas bstod pa byas te/ de nas dkyil 'khor gyi lha rnams gshegs su gsol ba'i slad du gtsug tor du ni rdo rje rtse mo lnga pa bsgom par bya'o/ /de'i lte ba la bde ba chen po'i 'khor lo gshegs su gsol lo/ /de'i phyi rol gyi rtse mo
 dag ni nyis 'gyur zhes pa rtse mo brgyad pa ste/ dbus kyi rtse mo dang lhan cig rtse mo dgu pa'i rdo rje chos kyi 'khor lor zhes pa snying khar 'gyur te/ de'i lte bar du ba la sogs pa gshegs su gsol lo/ /nyis 'gyur gzhan ma zhes pa rtse mo bcu drug pa
 dbus kyi rtse mo dang bcu bdun pa ste/ lhan skyes zhes pa dpral bar ro/ /de'i lte bar phung po dang khams kyi lha gshegs su gsol lo/ /de'i nyis 'gyur dag kyang bzhin zhes pa rtse mo sum cu rtsa gnyis pa/ dbus ma'i rtse mo dang lhan cig rtse mo sum cu rtsa gsum pa ste/ longs spyod rdzogs shes pa mgrin par ro//
 de'i lte bar skye mched bcu gnyis dang/ khro bo bzhi'i lha gshegs su gsol de'i yang ni nyis 'gyur gzhan zhes pa rtse mo drug cu rtsa bzhi pa dbus ma'i rtse mo dang lhan cig rtse mo drug cu rtsa lnga pa'i rdo rje ste/ sprul pa zhes pa lte ba'i 'khor lor ro/ /de'i lte bar tsar tsi kA
 la sogs pa dang 'jigs ma la sogs pa dkyil 'khor drug cu 'bab pa rnams te/ bzhi ni stong pa nyid kyi rigs ldan ma'o/ /de ltar bdun cu rtsa gnyis po de dag gshegs su gsol lo/ /de'i snying po rtse mo gcig pa zhes pa ni de rnams kyi snying
 por sngar gsungs pa'i rtse mo gcig pa ste/ bde mnyam 'bras ster gsang ba'i pad+ma'i khongs su gnas pa'o/ /de la yang rtse mo sum cu rtsa gnyis te 'dab ma'i grangs so/ /de'i lte bar 'od zer can la sogs pa gang yin pa de dag ni gshegs
 su gsol lo/ /de bzhin du lha bcu gnyis po 'khor dang bcas pa rnams ni las kyi 'khor lo rnams rdo rjer byas nas de rnams kyi lte bar de rnams gshegs su gsol lo/ /klu rnams dang khyi gdong ma la sogs pa rnams ni bya ba'i 'khor lo
 rnams so/ /de ltar gshegs su gsol ba byas te/ de nas thun mtshams gsum la sngar gsungs pa'i cho gas gtor ma sbyin par bya'o/ /sngar gyi cho gas bdud rtsi lnga spyad par byas nas des bdag nyid tshim par bya'o/ /de ltar bskyed pa'i rim pa dang
 rdzogs pa'i rim pas dus kyi 'khor lo'i sgrub thabs bcom ldan 'das 'jam dpal gyis gsungs so/ /da ni rnal 'byor gyi spyod pa gsungs pa/ rnal 'byor pa zhes pa la sogs pa ste/ 'dir rnal 'byor pa rnams kyis rnal 'byor gyi spyod la
 rnam pa gnyis te/ gcig ni phyi'i 'o/ /gnyis pa ni nang gi'o/ /de la phyi'i gang yin pa de 'jig rten pa'i 'bras bu'i rgyu dang nang gi gang yin pa de 'jig rten las 'das pa'i 'bras bu'i rgyur rnal 'byor pas bya'o/ /'dir rnal 'byor pa yis nyin dang
 mtshan mor srog gcod pa dag bya ba de ni thams cad mkhyen pa'i 'bras bu thob pa'i slad du rang gi lus la srog nyams pa gsungs pa ste/ phyi rol du srog gcod pa ni ma yin no/ /'dir phyi rol du gdul dka' 'dul ba'i slad du srog gcod par gsungs
 pa gang yin pa de ni de rnams kyi srog rnal 'byor gyi bkug pa slar yang lus de nyid la rnal 'byor pas gzhug par bya'o/ /de ltar na gdul dka' 'dul ba por 'gyur te/ gdul dka' mthar byed ba ni ma yin no zhes grub bo/ /sgra ni gang zhig zhal gyi
 dman pa dag ces pa ni 'dir thams cad mkhyen pa'i gsung thams cad kyi skad/ sems can gyi snying la rang rang gi skad gzhan gyis 'gyur pa gang yin pa de nyid ni rab tu mi gnas pa ste/ sems can thams cad kyi skad yin pa nyid kyi phyir ro/ /rab tu mi
 gnas pa nyid kyi phyir brdzun du smra bar gsungs so/ /phyi rol tu yang sems can gyi don gyi slad du/ sgyu 'phrul chen mo drag chen mo/ /'byung dang sdud par byed pa mo/ /zhes pa la sogs pa'i gsung ni gdul bya'i don du'o/ /de bzhin du dbang po gnyis skyes bde
 de nyid/ /sangs rgyas nyid kyi 'bras bu ster/ /rdo rje 'dzin pa'i rnam pa mi/ /bud med rdo rje btsun mo'o/ /zhes pa la sogs pa'i gsung ni brdzun du smra ba ste/ sems can rnams slu ba'i slad du sangs rgyas pa'i rnal 'byor pa rnams
 kyi slu ba can gyi tshig ni ma yin no zhes pa ste grub pa'i slad du'o/ /'dir lus sgrib pa med par skyes par gyur pa dang/ gang zhig thams cad mkhyen pa'i sa bcu gnyis po rnams 'dzin pa de ni rnal 'byor pa'i brkus te 'dzin par gsungs so/ /phyi
 rol tu yang sems can la phan pa'i slad du gser la sogs pa dbyung bar bya ste/ gter bsrung ba po rnams ngan 'gro las grol bar bya ba'i don du'o/ /khu ba'i thig le ma lhung ba las bde bar 'gyur ba gang yin pa de ni gzhan gyi bud med
 bsten pa'o/ /gzhan gyi bud med ni shes rab kyi pha rol tu phyin ma ste 'khor ba'i pha rol tu son ma'o/ /gzhan ni rdo rje sems dpa' ste 'khor ba'i pha rol son pa'o/ /de'i bud med ni gzhan gyi bud med de/ rnal 'byor pa rnams kyi chags bral
 min pa las shes pa mi 'gyur ba'i bde ba las te bsten pa'o/ /phyi rol du yang dbang la sogs pa'i dus su sbyin pa pos rang gi chung ma la sogs pa gang byin pa de bsten pa ni gzhan gyi bud med bsten pa ste/ chags bral min pa las shes pa ni ji
 ltar bdag la dam tshig can rnams dam tshig nyams pa las chags bral du mi 'gyur ba'o zhes pa'i don to/ /srog gi rtsol ba'i me yis shes pa ni 'dir srog 'geg pas gtum mo 'bar ba gang yin pa de srog gi rtsol ba'i me zhes gsungs
 te/ srog gi rtsol ba me de yis ri bong can ni zhu ba dag kyang zhes pa byang chub kyi sems zhu ba'i khu ba thig le'i gzugs rdo rje'i kha yis steng du btung ba lhan cig skyes pa'i bde ba skyes pa'i gang yin pa de ni rnal 'byor pa rnams kyis chang btung bar
 gsungs so/ /phyi rol tu yang dbang la sogs pa'i dus su phyi'i lha rnams kyi gtor ma'i don du gsungs so/ /mthe bo'i tshigs nas gtsug tor dag tu zhes pa ni/ 'dir 'dod pa'i bstan bcos las thos te/ dkar po'i phyogs la rkang pa g.yon pa'i mthe
 bong nas tshes gcig la sogs pa 'phel ba dang/ zla ba'i cha 'phel bas nya'i mthar gtsug tor du rang sems shes pa/ byang chub kyi sems 'gro ste tshes kyi dbang gis so/ /slar yang gtsug tor nas ni rkang pa g.yas pa'i sor mo rnams su slar yang
 'di ni 'gro ste nag po'i phyogs kyi tshes kyi dbang gis ji srid nag po'i phyogs kyi mthar ni byang chub kyi sems rkang pa'i mthe bo la rig par bya'o/ /slar yang zla ba gzhan gyi dkar po'i phyogs la g.yon gyi mthe bo la sngar bzhin no/ /de la smras pa/ dang
 po'i tshes ni dang po'i sor mo'i tshigs la'o/ /gnyis pa ni gnyis pa la'o/ /gsum pa ni gsum pa la'o/ /bzhi pa ni g.yon gyi rkang pa'i tshigs la'o/ /lnga pa ni pus mo'i tshigs la'o/ /drug pa ni brla dang dpyi'i tshigs la'o/ /bdun pa ni g.yon pa'i
 lag pa'i ser mo'i tshigs kyi mtshams la'o/ /brgyad pa ni dbu ma'i tshigs la'o/ /dgu pa ni gsum pa'i tshigs la'o/ /bcu pa ni lag pa'i tshigs la'o/ /bcu gcig pa ni dpung pa'i tshigs pa'o/ /bcu gnyis pa ni phrag pa dang dpung pa'i tshigs
 ma'o/ bcu gsum pa ni snying khar ro/ /bcu bzhi pa ni mgrin par ro/ /nya ni dpral bar ro/ /khu ba'i nya'i mdza' ni spyi gtsug tu 'gyur ro/ /slar yang nag po'i tshes gcig ni dpral bar ro/ /gnyis pa ni mgrin par ro/ /gsum pa ni snying gar ro/ /bzhi pa
 ni g.yas pa'i phrag pa dang dpung pa'i tshigs la'o/ /lhag ma ni g.yon pa bzhin lugs las bzlog pa ste/ rkang pa g.yas pa'i sor mo'i sen mo mdza' ji srid bar byang chub sems kyi gnam stong gi mdza' o/ /rnal 'byor pa rnams spyod pa gang de
 nyin zhag so so'i dus su 'dod pa'i dngos grub rab ster ba zhes pa ni 'dir g.yon dang g.yas kyis rtsal rab tu 'bab pa'i dbang gis g.yon dang g.yas su bgrod pa'i byang chub kyi sems dus thams cad du dbu mar rab tu 'bab pas
 gsang ba la sogs pa'i pad+ma drug po rnams su 'og tu 'gro ba las steng du 'gro ba zhes bya ba'i spyod pa ni 'dod pa'i dngos grub ces pa phyag rgya chen po'i dngos grub ste/ de rab tu ster ba po'o/ /phyi rol du yang de bzhin gshegs pa lnga'i rigs
 can gyi bud med rnams 'dzin pa ni bud med kyi spyod pa ste/ bud med kyi spyod pa de rnams la srub pa ni tshangs pa'i spyod pa'o/ /de bzhin du zhal las rnal 'byor par bya'o zhes pa dang/ de bzhin du byang chub sems kyi 'thab mo ni rtsa'i kun tu
 spyod pa zhes pa ni steng du khu ba 'gro bar bya'o/ /zhes pa rtsa ba'i rgyud las nges pa ste/ bud med kyi spyod pa'i nges pa'o/ /'dir ni nyi shu rtsa lnga lhag pa'i brgya'i rjes la tshigs su bcad pa bzhi ni go sla'o/ /de ni zhi ba la sogs pa'i don du lha
 sgom pa gsungs pa/ dkar po zhes pa la sogs pa ste/ 'dir bcom ldan 'das dus kyi 'khor lo dpa' bo gcig pa'am/ shes rab dang thabs kyi bdag nyid dam lnga'i bdag nyid la sogs par gsungs pa ni zhal la sogs pa'i
 dbye ba rnams kyis zhi ba la sogs par 'gyur ro/ /gang gi tshe zhi ba byed pa de'i tshe rnal 'byor pas sku'i zhal gtso bor byas nas zla ba'i dkyil 'khor la kha dog dkar po dpral bar gnas par bsgom par bya'o/ /dkar po yis ni zhi ba
 dang rgyas pa byed do/ /gsung gi zhal gtso bo nyi ma'i dkyil 'khor la mgrin par gnas pa yid la sgom par gyur na dmar po yis ni dgug pa dang dbang du bya ba byed do/ /ye shes kyi zhal gtso bo dus me'i dkyil 'khor la lte bar gnas
 dang bsgom pas ser pos rengs pa dang rmongs pa byed do/ /snying gar sgra gcan gyi dkyil 'khor la thugs kyi zhal gtso bo ste/ nag po yis bsad pa dang bskrad pa dang dbye ba yang byed do/ /de bzhin du 'byung ba rnams kyi dkyil 'khor la gnas lha min lag
 'gro ? rigs 'di bsgoms pa yis ni bsgrub par bya zhes pa la lha min dang lag 'gro rnams kyi rigs rnam pa brgyad de rigs de nyid bsgrub par bya'o/ /mkha' lding du 'chad par 'gyur ba ni 'dir rgyas par ma byas so/ /sgom dang bzlas pa de
 bzhin nyid du rang gi yid la byed ces pa ni zhal gcig phyag gnyis pa'i lha'i sku la sogs pa'i kha dog gi dbye bas bsgoms pa ni 'chad par 'gyur ba'i rim pas zhi ba la sogs pa byed do/ /de ltar 'byung ba rnams kyi dkyil 'khor ba gnas
 shes pa chu la sogs pa'i dkyil 'khor la gnas pa'i rdo rje bzhi srid pa gsum gyi gnas su bsgrub par bya ste/ las kyi dbye ba du ma rnams kyis shes pa cho ga sna tshogs pa rnams kyis shes pa'i don to/ /de ni gdul dka' 'dul bar byad pa'i
 snang du glang po che'i pags pa rlon pa'i gos 'dzin par bsgom pa gsungs pa/ phyogs shes pa la sogs pa ste/ 'dir dus rnam par dag pas lo'i phyogs nyi shu rtsa bzhi po rnams kyis phyag nyi shu rtsa bzhi pa ste/ rdo rje phreng thogs dpal
 dang ldan zhes pa grub po/ /glang po che'i pags pa rlon pa'i gos 'dzin pa 'di ni lhag ma'i zla ba dang bcas pa ste/ lo gang zhes zla ba bcu gsum gyi bdag nyid do/ de'i phyogs nyi shu rtsa drug rnams kyis phyag rnam par dag pa'o/ /de'i phyir phyogs
 lhag pa las byung ba ni phyag gnyis so/ /phyag de dag phung ba dang ni gser dang mtshungs pa zhes pa nag po dang ser po g.yas dang cig shos dag gis ni/ phung po'i bdud lta glang chen zhes pa ni phung po'i bdud lta bu glang po che ste/ de zad pa
 las cha tsam nyid ni pags pa'o/ /de nyid rab tu 'byin pa ni phung po'i bdud lta glang chen ma lus bshus nas rkang pa zung zhig dag nas 'dzin cing rkang pa zung zhig 'phyang ba glang chen pags pa'i gos zhes pa 'dzin pa'i ste/ g.yas su mgo
 bo dang g.yon gyi char mjug ma'o/ /lha min dbang po zhes pa ni lha'i bu'i bdud de/ de'i ma rig pa 'jug pa ni khrag go /de zad pa las cha tsam ni thod pa'i khrag ste/ khrag gi thod pa de gang gi rab mchog phyag gi mthil na yod pa de ni lha min dbang
 po'i khrag gi thod pa phyag mthil na zhes pa'o/ /'chi bdag bdud kyi gdong gi phyag ces pa ni 'chi bdag gi bdud zad pa las cha tsam gyi sgrib pa mgo bo gong gi lag pa na yod pa de ni 'chi bdag bdud kyi gdong gi phyag nyon mongs bdud ni zhabs
 kyis bsgyel zhes pa ni nyon mongs pa'i bdud zad pa las cha tsam gyi nyon mongs pa'i sgrib pa nges par ma bsregs pa gang yin pa de dag ni yi dags te/ gang gi zhabs kyi 'og tu bsgyel ba'o/ /des na nyon mongs bdud ni zhabs kyis bsgyel
 pa'o/ /de ltar cha tsam gyi sgrib pa rnams kyis gnyis lhag rgyal ba'i phyag ces pa phyag nyi shu rtsa drug pa ste/ lhag ma'i phyag la ni mtshon cha dus kyi 'khor lo bzhin no/ /mgo bo dang thod pa'i phreng ba 'dzin pa stag gi pags pa'i sham thabs
 can/ /rus pa'i phyag rgya dang klu'i dbang pos rgyan pa ste/ gzhan gyi don du bsgom par bya zhes pa ni gdul dka' bar 'dul bya'i don du'o zhes pa nges pa'o/ /da ni de'i shes rab kyi mtshan nyid gsungs pa/ de la zhes pa la sogs pa ste/
 'dir lus kyi dbye bas nyi ma ni shes rab ste zla ba ni thabs so/ /zla ba des nyi ma las bcu gnyis lhag pa'i gcig gis rgyu ba ji srid par rgyu ste/ zla ba so sor khyim bcu gsum rgyu zhing/ nyi mas khyim gcig rgyu'o/ /des na nyi ma'i rgyu ba'i dbang gis
 ? yum ni zhal gcig ma ste zla ba dag pas so ? gi phyag gi pad+ma ni phyag gnyis te/ phyag gi pad+ma g.yas dang g.yas min de dag la gri gug dang dpal ldan zhes pa mi'i thod pa'o/ /de phyir lus kyi rab tu dbye bas shes pa zla ba'i khyim gyi phyogs kyi dbye ba nyi shu rtsa
 drug gis rgyal ba'i bdag po phyag nyi shu rtsa drug par 'gyur te/ sna tshogs yum ni de bzhin nyid du lus kyi dbye bas nyi ma'i khyim gcig ste phyogs kyi dbye bas sna tshogs yum phyag gnyis ma'o/ /gcer bu skra grol ma ste lhag min
 bcom ldan 'das bzhin du rgyan gyis brgyan pa'o/ /shes rab thabs kyis lus dang bsam pa bde mnyam 'bras ster zhes pa mi 'gyur ba'i bde ba'i 'bras bu ster ba zla ba nyi ma'i rab tu rgyu ba ste/ dbugs 'jug pa dang 'byung ba dang 'gog pa de ltar
 gsungs pa dag gis bsgom par bya'o zhes pa ni nges pa'o/ /da ni sna tshogs gzugs bsgom pa gsungs pa/ gcig ces pa la sogs pa ste 'dir zhal gcig pa'am sogs pa'i sgras zhal gnyis pa'am zhal bzhi dang lnga dang mdza' yas
 pa'am/ phyag dang zhabs mang zhes pa phyag dang zhabs du ma can mtshon ched du ma 'dzin pa/ du ma'i kha dog dang du ma'i dbyibs te/ rgyal po sgyu 'phrul sna tshogs 'chang/ /che ba sangs rgyas rig sngags 'dzin pa ste stong pa nyid dang mi 'gyur
 ba 'dzin pa'i bcom ldan 'das shes rab thabs kyi bdag nyid do/ /mun pa dag gi mthar zhes pa ni mtshan mo'i dus su mtshan mo'i rnal 'byor dang/ nyin mo'i dus su nyin mo'i rnal 'byor gyis shes rab kyi pha rol tu phyin pa la rnal 'byor
 lta ba gang yin pa de ni mtshan mo nam mkha' la blta zhing nyin mo bla gab med pa la blta'o/ /de ltar gzugs kyi mthar thug par bsgoms te/ rtsa ni zla ba nyi ma 'gog pa las shes pa g.yon dang g.yas kyi srog 'gog pa las bde mnyam
 ster te zhes pa mchog tu mi 'gyur ba'i bde bster ro/ /sa la sogs pa rnams ni zhes pa ni sa la sogs pa'i khams rnams so/ /'bigs byed dri med nor bu dang mtshungs shes pa ni/ ji ltar dri med nor bu chen po reg pa tsam gyis
 rdo la sogs pa'i khams rin po cher byed de/ 'bigs par byed pa zhes pa 'joms par byed pa ni ma yin no/ /de bzhin du stong pa gcig pu dri ma dang/ bril ba ni sa la sogs pa'i lus kyi khams rnams kun nas 'bigs par byed do/ /
 stong pa nyid kyi gzugs can ni/ thog ma med cing mdza' med dbus kyang med la yul med yul zhes pa ni/ yul rnams med par yul du snang ba sgyu ma dang rmi lam dang phra phab pa lta bu bsgrubs pa ni dus kyi 'khor lo ste/ bde mnyam ster ba'o/ /zhes
 pa nges pa'o/ /de ltar dpal ldan dang po'i sangs rgyas kyi sgrub thabs rdzogs pa'i rim pas gsungs pa ste/ 'di'i rgyas pa ni ye shes le'u las brjod par bya'o/ /bsdus pa'i rgyud kyi
 rgyal po dus kyi 'khor lo'i 'brel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las/ skyed ba'i rim pa dang rdzogs pa'i rim pa'i sgrub thabs kyi mdor bsdus chen po ste bzhi pa'o// //
 rje bo sna tshogs rdo rje 'dzin/ /khro bo'i rgyal po rnams kyi gtso/ /rdo rje shugs la phyag 'tshal nas/ /sgrub pa sna tshogs bshad par bya/ /khro bo'i dbang po zhes pa la sogs pas so/ /'dir khro bo'i dbang po rdo rje shugs ni sngar gsungs
 pa'i sgrub thabs kyi cho gas hUM yig rdo rje las rdzogs pa gnyis lhag rgyal ba'i phyag ces pa phyag nyi shu rtsa drug pa/ glang po che'i pags pa'i gos 'dzin pa/ rig byed zhal zhes pa zhal bzhi pa/ zhabs gnyis pa dmar ser spyan dang
 dbu skra dmar ser rgyal ba'i bdag po'i cod pan zhes pa mi bskyod pa'i cod pan can/ mche ba rnon po gtsigs pa/ sbrul gyi rgyan dang zhes pa sprul gyis brgyan pa/ rab mchog stag gi pags pa'i shams thabs can/
 gtso bo'i bzhin du mtshon cha'i phyag ste/ dus kyi 'khor lo lta bu/ spyi bor mdza' dag rgyal ba'i rigs rnam par dag pa'i thod pa kha dog lnga rnams dag gis phreng ba nges par bcings pa/ de ltar gyur pa dri med 'phro ba ste dang ba ni sna tshogs
 chu skyes dang nyi ma'i dkyil 'khor gyi steng du dkyil 'khor gyi khang pa sna tshogs mdog la dbus su dpa' bo gcig pa ste/ sgo bzhi rnams su rdo rje dang lcags kyu dang rdo rje zhags pa dang rdo rje dril bu rnams go rims ji lta ba bzhin bkod nas/
 zhabs gnyis dag gis 'byung po'i mgon po ste yi dags kyi mgon po gzhan gyis mi thub pa lhag pa'i stobs kyis mnan zhing g.yas brkyang stobs kyis yang dag gnas pa/ 'byung po la sogs pa rnams skrag par byed pa'i klad pa'o
 che'i pags pa 'dzin pa/ lag pa'i sdigs mdzub dag gis lha min gdengs can lha rnams skrag par byed pa/ dza:hUM baM ho:sngags kyi tshig 'di dag gis ye shes sems dpa' dang gcig tu gyur pa rnal 'byor pas bsgoms nas zla ba
 gcig nyid kho nas dur khrod sa la gnas pa zhes pa/ dur khrod kyi sar gnas pa'i 'byung po'i tshogs ni bsgrub par bya zhes pa ste/ 'byung po la sogs pa rnams kyi gtso bo gang yin pa de gzugs des zhabs kyi 'og tu bsgyel bar
 gyur pa na/ 'khor dang bcas pa grub par 'gyur te/ yi dags sam srin po la sogs pa'o/ /'byung po la sogs pa'i sgrub thabs kyi nges pa'o/ /da ni sprin gyi char dbab pa'i don du klu'i rgyal po'i sgrubs thabs gsungs pa/ klu rnams shes pa la sogs
 ba ste/ 'dir khro bo'i dbang po rdo rje shugs de nyid bsgoms par gyur pas nyin zhag 'ga' zhig dag gis shes pa/ zla ba'i nyin zhag rnams kyis sprin gyi tshogs ni bsgrub par bya ste/ de ltar zhes pa cho ga 'di yis so/ /klu rnams
 chu skyes 'dab brgyad la ste zhes pa ni/ chu skyes kyi shar gyi 'dab ma la stobs kyi rgyu'o/ /mer pad+ma'o/ /lhor nor rgyas kyi bu'o/ /bden bral du dung skyong ngo/ /byang du mdza' yas so/ /dbang ldan du rigs ldan no/ /nub tu 'jog po'o/ /rlung du pad+ma
 chen po'o/ /shar dang mer nag po dag go /lho dang bden brel du dmar po dag go /byang dang dbang ldan du dkar po dag go /nub dang rlung du ser po dag go /klu'i rgyal po rgyal ba dang rnam rgyal ljang gu dang sngon po dag ni/ nyi ma'i steng du bsgyel  byas nas zhes pa/ nyi ma'i dkyil 'khor la g.yon pa dang g.yas pa'i zhabs kyi 'og tu/ lte ba yan lag skyes bu'i rnam pa man chad sbrul gyi rnam pa/ mgo'i steng na gdengs ka bdun gyi khor yug can/ /nor bu chen po 'phro ba dag
 gan rkyal du bsgyel zhing/ klu'i rgyal po gzhan rnams bsgyel nas de rnams kyi mjug ma'i rtse mo ni so sor rgyal ba'i steng du shar dang byang gi rnams dang/ rnam par rgyal ba'i steng du lho dang nub kyi mjug ma'i rtse mo thams cad do/ /de
 ltar zhabs dag gis ni gdengs ka can bdag po zung dang pad+ma'i 'dab mar gnas pa rnams kyi mjug ma yi/ rtse mo thams cad mnan nas shes so/ /de ltar klu'i rgyal po brgyad ni gdengs ka lnga dang ldan pa sprin gyi rigs te sprin
 tshogs lto ba dag nas des par kun tu spro byed pa'o/ /de ltar dur khrod kyi sar khro bo'i dbang po bsgoms pas zla ba'i nyin zhag rnam kyis sprin gyi tshogs ni bsgrubs par bya ste/ de nas ji ltar mngon par 'dod pa'i dus su char
 'bebs par byed cing gshegs su gsol bas zlog par byed do/ /klu'i rgyal po'i sgrub thabs kyi nges pa'o/ /da ni las kyi dbye ba rnams kyis lha'i sgrub thabs gsungs pa/ zhes pa la sogs pa ste/ 'dir dkyil 'khor du gsungs pa la sogs pa dang
 mi yi bdag po gzhan lha dang lha mo rnams kyi bsgrub thabs so/ /so so ru dkyil 'khor 'dir ni dpa' bo gcig pa rnams kyis 'gyur te/ rang gi rgyal ba'i rigs kyi dbang gis te rnam par snang mdzad la sogs pa'i rigs kyi dbang gis las kyi
 dbye ba mdza' dag rnams kyis sgrub thabs su 'gyur ro/ /rengs dang zhi ba dag dang dbang dang gzhan nor 'phrog dang gsad pa dang ni bskrad pa la sogs pa dag la yang/ sum cu rtsa drug rnal 'byor ma rnams dang gzhan dur khrod kyi mthar
 thug pa rnams kyi 'chad par 'gyur ba'i sgrub thabs su 'gyur te/ slar yang bzlas pa dang sbyin sreg ni rang rang gi sngags kyi sa bon rnams kyis 'gyur ro/ /da ni zhi ba la sogs pa'i bsam gtan gsungs pa/ zhi ba la ni zhes pa la sogs
 pa ste/ 'dir zhi ba la bsam gtan zhi ba dang ri bong 'dzin pa ltar dkar pa'i lha zhi ba'i gzugs bsgom par bya'o/ /drag po gsad pa la sogs pa la bsam gtan drag po dang lha kha dog nag po'o/ /dbang la bsam gtan chags pa dang
 bcas pa dang lha kha dog dmar po chags pa'i gzugs so/ /rengs pa la bsam gtan rmongs pa dang lha kha dog ser po rengs pa'i gzugs so/ /zhi ba la ji lta ba de bzhin du rgyas pa dang rims nye bar zhi ba dang dug gzhil bar 'gyur ro/ /gsang
 ba la ji ltar de bzhin du bskrad pa dang dbye ba dang rims gzhug pa la yang ngo/ /dbang la ji lta ba de bzhin du dgug pa dang bskyod pa dang rims bskyed pa la yang ngo/ /rengs pa la ji lta ba de bzhin du rmongs pa dang phur bus gdab pa la yang ngo 
 zhes pa nges pa'o/ /da ni tshogs kyi rigs kyis zhi ba la sogs pa 'grub par gsungs pa/ zhi dang zhes pa la sogs pa ste/ 'dir zhi dang rgyas pa dag kyang sras bcas rgyal ba'i rigs dang/ zhes pa ni 'dir gzugs dang tshor ba dang
 'du shes dang 'du byed de/ bzhi po 'di rnams ni rgyal ba'i rigs so/ /sras bcas shes pa ni rnam par sel ba dang/ sa'i snying po dang/ 'jig rten dbang phyug dang/ nam mkha' i snying po ste/ 'di rnams ni byang chub sems dpa' i rigs so/ /de bzhin du
 spyan ma dang/ gos dkar mo dang/ mA ma kI dang/ sgrol ma rnams ni rgyal ba'i rigs so/ /dri rdo rje ma dang/ ro rdo rje ma dang/ gzugs rdo rje ma dang/ reg bya rdo rje ma rnams ni byang chub sems dpa' i rigs te/ rigs 'di rnams kha dog dkar po dpral
 bar zla ba'i dkyil 'khor la pad+ma'i gdan gyis gnas pa/ thabs rnams pad+ma dkar po dang mchog sbyin gyi phyag rgya dang/ shes rab rnams utpa la dkar po mi 'jigs pa'i phyag tu bsgoms pa so so re res zhi dang rgyas pa dag kyang 'grub par
 'gyur te/ rgyal po zhes pa ni bod pa'o/ /kyang yig gis dug med pa nyid dang/ rims nye bar zhi ba yang ngo/ /dbye ba dang bskrad pa dag dang/ kyang yig gis gsad pa dang/ dug gzhug pa dag kyang rang bzhin yon tan dbang gis shes pa/ khro
 bo'i rang bzhin gyi dbang gis khro bo las skyes rnams kyis 'grub par 'gyur ro/ /khro bo las skyes ni hUM yig dang rdo rje las skyes pa khro bo bcu po rnams dang phreM yig dang gri gug las skyes pa khro bo bcu'i btsun mo rnams te/ snying gar sgra gcan gyi
 dkyil 'khor la khro bo g.yas brkyang gi stabs phyag na rdo rje dang zhags pa can rnams kyis gsang pa 'grub par 'gyur ro/ /phyag na ral gri dang lcags sgrog sdigs mdzub dang bcas pa rnams kyis dbye ba la sogs pa 'grub par 'gyur te/
 kha dog nag po drag po rnams kyis so/ /lha mo g.yon brkyang pa phyag na gri gug dang thod pa can rnams dang/ phyag na ral gri dang zhags pa can rnams kyis so/ /dbang sogs 'byung skyes rnams kyis zhes pa ni/ 'dir tsar tsi kA la sogs pa'i lha mo brgyad po
 mgrin par nyi ma'i dkyil 'khor la sa ga'i stabs kha dog dmar po phyag na 'da' gzhu can rnams kyis dbang du bya ba 'grub par 'gyur te/ phyag na zhags pa dang lcags kyu can gyis dgug pa la sogs pa 'grub par 'gyur ro/ /rab gsal lha min
 rigs la phur bus gdab pa'ang lha min mo rnams kyis shes pa ni/ 'dir khyi gdong ma la sogs pa'i lha mo brgyad po lte bar dus me'i dkyil 'khor ser po la zlum po'i stabs phyag na 'khor lo dang ri bong can rnams kyis rengs pa 'grub par 'gyur ro/ /phyag
 na tho ba dang phur bu can rnams kyis phur bu gdab pa 'grub par 'gyur ro/ /phyag na rtse gsum dang sbrul rnams kyis rmongs pa 'grub par 'gyur ro/ /yum dag gis ni zhes pa ni rdo rje dbyings
 kyi dbang phyug ma'am/ shes rab kyi pha rol tu phyin ma yis gsang ba'i pad+ma la las thams cad 'grub par 'gyur te/ chu la sogs pa'i dkyil 'khor gyi dbye bas dkar po la sogs pa'i kha dog dang/ sngar brjod pa'i mtshan ma so so re res gsad pa dang
 g.yo ba yang 'grub par 'gyur ro/ /rdo rje'i gdan gyis thig le'i dbus su dga' ba dang bcas pa'i lha mos gos bar byed do/ /rnal 'byor gyi stobs kyis srog bkug ste/ thig le 'phos pas ni chags pa dang bral bas 'chi bar byed de/ slar
 yang bsgrub bya la slar 'tsho ba med do/ /des na de ni sangs rgyas pa'i rnal 'byor pas bsgrub par mi bya ste gang du bsgrub bya'i srog bkug pa na khu ba 'byung bar 'gyur ba'o zhes pa ste/ las thams cad la nges pa'o/ /da ni las thams cad kyi sgrub thabs
 kyi dang po rgyu gsungs pa/ dang por zhes pa la sogs pa ste/ 'dir dang por rnal 'byor pas 'bad pa yis ni bla ma'i man ngag las bsgrub par bya ste/ dus kyi 'khor lo zhes pa ni srog gi rlung ste/ rtag tu dbu mar rab tu
 gzhug par bya'o/ /srid gsum skyed ma zhes pa ni/ stong pa nyid kyi gzugs te/ gzugs dang srog gnyis po de dag 'bad pa yis ni bsgrub par bya/ phyis nas sa gzhi'i gnas dag tu ni gang zhig gsungs pa/ zhi ba la sogs pa'i las rnams
 thams cad bsgrub par bya bar 'gyur ro/ /'dir dpe ni pha dang ma yis rnam par dman pa'i bu ni yong pa min par dus kun tu ni 'jig rten grags/ de phyir bde mnyam 'bras ster gzugs dang srog gnyis po bsgrub par bya ste rnam pa gzhan du gzugs
 dang srog mi bsgrub pas las ni 'grub pa yod pa min no zhes pa nges pa'o/ /da ni zhi ba la sogs pa bsgrub pa'i slad du dang po'i sgom pa gsungs pa/ gtso bo'i zhes pa la sogs pa ste/ 'dir gang gi tshe rnal 'byor pas a ba d+hU tI la sogs gnas
 pa gzugs rnam par gsal ba mthong ba de'i tshe/ gzugs de ji ltar rnam par brtags pa de ltar gzugs de mthong bar 'gyur ro/ /gtso bo'i zhes pa ni sngar gsungs pa'i dus kyi 'khor lo rdzogs par bya ste/ de nas de'i thugs kar pad+ma'i dbus kyi
 lte ba la ri bong can dang nyi ma me zhes pa zla ba dang nyi ma dang sgra gcan te gsum gyi bdag nyid sbyor ba'i gza'i dkyil 'khor dang nang du la la nA dang ra sa nA a ba d+hU tI gcig tu 'dres par gyur pa snying kha'i pad+ma ste/ de'i steng du rdo rje ni/ hUM yig
 yongs su gyur pa las byung ba/ 'jig dus sprin dang mtshungs pa zhes pa/ kha dog nag po/ rtse mo lnga pa 'od zer dang bcas shes pa/ 'od zer lnga 'phro ba dgod par bya'o/ /de'i dbus su zhes pa ni rdo rje de'i dbus su ste lte bar dza:
 yig yongs su gyur pa las rdo rje lcags kyu bsgom par bya'o/ /de nas dza(rgyud 'grel gyi rnam pa can dang ba/ khyab byed nyid kyis rnam gsum srid pa la gnas ye shes 'khor lo gang yin pa de thams cad bkug nas/ a ba d+hU tI'i sgo nas gtsug tor dang/ dpral ba dang/ mgrin pa dang/ snying ga dang/ lce dang/ gsang ba'i lam du
 rab tu gzhug par bya ste/ rnam pa thams cad pa zla ba zhu ba dang mtshungs zhes pa/ byang chub kyi sems kyi mtshan nyid gang yin pa de dang gi rdo rje'i kha nas yum gyi pad+mar spro bar bya zhes pa ni/ skyes bus rang gi rdo rje'i sgo nas bud med kyi pad+mar
 byang chub kyi sems dga' ba dang ldan par spro bar byed po ji lta ba de bzhin du lha'i rnal 'byor gyis lha mo'i pad+mar spro bar bya ste/ yum zhes pa ni 'chad par 'gyur pa rnams kyi skyed mdzad ma ste/ mdal nas skyes pa rnams kyi ji lta ba de bzhin nyid/ /der
 ni nyi mar rab tu zhugs pa zhes pa ni/ 'dir bud med kyi skyes gnas su khrag la rab tu zhugs pa'i byang chub kyi sems khrag dang lhan cig ro mnyam par 'gyur ba ji lta ba de bzhin du yum gyi pad+mar nyi ma'i dbus su rab tu zhugs pa'i zla ba'i ro
 mnyam par 'gyur ro/ /a sogs dang ldan pa zla ba zhu ba dang/ ka sogs dang ldan pa nyi ma rdul te/ srog dang thur sel dang ldan pa'o/ /de'i dbus su ste srog dang thur sel gyi dbus su ye shes sa bon kun gzhi rnam par shes pa'i mtshan nyid
 du 'gyur te/ /rigs kyi dbang gis so zhes pa ni/ phung po lnga'i bag chags kyi dbang gis sems can rnams kyi rnam par shes par 'gyur te/ de bzhin du zhi ba la sogs pa'i las kyi ye shes kyi sa bon du 'gyur ro/ /sa bon de
 yis rdzogs pa'i gzhon nu ma 'am gzhon nu lo bcu gnyis kyi mdza' dang/ lo bcu drug gi mthar 'bras bu ster bar 'gyur ba ji lta ba de bzhin du lha mo 'am thabs kyi lha rnal 'byor pas bsgoms pa'o zhes pa ni nges pa'o/ /de'i phyir lo
 bcu gnyis rnams kyis lha mo bsgoms pa mchog ster bar 'gyur zhing/ lha ni lo bcu drug rnams kyis mchog ster bar 'gyur te/ de nas las thams cad dang dngos grub thams cad dang ba thams cad rnal 'byor pas 'grub par 'gyur ro/ /rnam pa
 gzhan du na nyon mongs pa 'ba' zhig ste/ rgyud gzhan thams cad las dus nges pa ni brtson 'grus dang ldan pa nyin dang mtshan mor bsgoms pa'i bdag nyid can rnams kyi yin gyi/ gzhan rnams kyi ni lo brgya'i mthar yang ma yin no zhes pa
 dngos grub nges pa'o/ /nga ni mtshan ma bskyed pa'i slad du ye shes kyi sa bon rnams gsungs pa/ dza(rgyud 'grel lha 'am/ lha mo phyag na rdo rje lcags kyu can du 'gyur ro/ /de bzhin du hUM yig las rdo rje ste de las phyag na rdo rjer gyur ro/ /baM yig las zhags pa ste/ de las phyag na zhags par 'gyur ro/ /ho(rgyud 'grel bur 'gyur ro/ /oM A:hUM ho de bzhin du gsungs shes pa la/ de bzhin du zhes pa ni sngar bzhin du rim pa ste/ oM yig las zla ba zhes pa zla ba'i dkyil 'khor ro/ /A(rgyud 'grel rdo rje zhes pa sgra gcan gyi dkyil 'khor ro/ /ho yig las de bzhin nyid du 'gyur med ces pa dus me'i dkyil 'khor ro/ /a'i rI a'u lI de bzhin nyid du zhes pa ste/ rim pa bzhin du a'i yig yongs su gyur pa las ral gri ste/ yongs su gyur
 ba las lha 'am lha mo phyag na ral grir 'gyur ro/ /de bzhin du rI yig las nor bu 'am mda' ste/ de las me'i lha phyag na nor bu 'am phyag na mda' ste/ a'u yig las pad+ma/ de las chu'i lha phyag na utpa la'o/ /lI yig las 'khor lo ste/ de
 las sa'i lha phyag na 'khor lo'o/ /de bzhin du yar wa la rnams kyang rim pa bzhin du rlung dang me dang chu dang sa'i lha rnams so/ /de bzhin du ha(rgyud 'grel ni zla ba'i dkyil 'khor ro/ /phreng zhes pa ni zla ba'i dkyil 'khor gyi steng du gtso mo'i gri gug go mtshan ma'i nges pa ste/ de bzhin gsungs shes so/ /da ni lha bsgrubs pa'i rjes la zhi ba la sogs pa'i las bya ba'i slad du lha'i ting nge 'dzin gsungs
 pa/ zla ba zhes pa la sogs pa ste/ 'dir sngar brjod pa'i yum gyi gsang ba'i pad+mar zla ba nyi ma'i dbus a sogs ka sogs dang bcas par chu'i sa bon bdag nyid chu skyes te/ zhes pa ni waM yig yongs su gyur pa las pad+ma dkar po'o/ /de las
 rdzogs pa'i lha mo zla ba'i mdog can zhal gcig phyag gnyis ma/ glang chen dkar po la zhon zhes pas sa srungs la zhon pa phyag na chu skyes dkar dang zhes pa ni lha phyag na pad+ma dkar po dang/ lha mo phyag na ut pa la dkar po'o/ /mi 'jigs
 pa ni g.yas pa mi 'jigs pa'i phyag go /gos ni dkar po dkar ba'i rgyan dang ldan pa ste/ mu tig gi 'bras bus brgyan pa rab tu bzhad pa'i zhal ni bsgoms par bya ste/ de yang bsgrub bya'i khyim du bskul bar bya'o/ /de nas zhes pa la sogs
 pa tshigs su bcad pa gzhan gnyis kyis gsungs pa go bla ste/ de ltar bsgrub bya yi ni mchog gi bde ba byed pa thams cad rnal 'byor ba yis bsgom par bya zhes pa'i mdza' thug par ro/ /de bzhin du zla ba nyi ma'i dbus su h+rI(rgyud 'grel pa la sogs pa nas/ de bzhin zhags pa lcags kyu dag gis khams gsum po nas dgug pa'i las ni rnam pa mang por zhes pa'i mthar thug pa dbang dang dgug pa'i tshigs su bcad pa gsum ni go bla'o/ /de bzhin du
 dbye ba dang bskrad pa la/ nyi ma zla ba'i dbus su sprin nag dang mtshungs hUM yig ring po las skyes ral gri bsgom byas nas/ zhes pa la sogs pa'i tshigs su bcad pa gnyis ni go bla'o/ /nyi zla ba'i dbus su la(rgyud 'grel 'khor lo bzang po kha dog ser po bsgom byas nas/ zhes pa la sogs pa rengs pa dang phur bus gdab pa dang rmongs pa'i tshigs su bcad pa gnyis ni go bla'o/ /slar yang gsad pa la nyi ma zla ba'i dbus su dri med glog dang mtshungs
 pa'i gri gug phreM gi rang bzhin bsgom byas nas/ zhes pa la sogs pa tshigs su bcad pa gnyis ni go bla ste/ de ltar dbang la sogs pa'i tshigs su bcad pa dgu ni go gla ste nges na ma bris so/ /da ni zhi ba la bsam gtan gzhan gsungs
 pa zhi dang zhes pa la sogs pa ste/ dang por re zhig dus kyi 'khor lo dpa' bo gcig pa'i bdag nyid bsgom par bya ste/ zhi ba la sogs dang dbang la sogs pa'i las la phyag nyi shu rtsa bzhi pa dang/ gsad pa la sogs pa dang rengs
 pa la sogs pa'i las la phyag nyi shu rtsa drug pa'o/ /de nas skad cig gis rnam pas zhi dang rgyas pa la zhes pa ni/ 'dir dus kyi 'khor lo'i thugs kar chu'i dkyil 'khor la chu'i sa bon gyis bskyed pa'i lha chu'i bdag nyid can dkar
 po ste/ rigs kyi dbang gis zhes pa/ u yig gi rigs kyi dbang gis chu'i sa bon las ni zhi dang rgyas pa la yang de'i bsam gtan ni bsam gtan dkar por 'gyur ro/ /de bzhin du dbang dang dgug pa la yang dmar po lus ni sreg
 par byed pa me yi sa bon bdag nyid de/ mgrin par me'i dkyil 'khor la ri yig gi rigs kyi dbang gis so/ /dbye ba dang ni bskrad pa la yang nag po rlung gi sa bon gyi rang bzhin te/ dpral bar rlung gi dkyil 'khor la sogs kyi i yig gi
 rigs kyi dbang gis so/ /rengs pa dang phur bus gdab pa la sogs pa la ser po sa'i sa bon gyis bdag nyid de/ lte bar sa'i dkyil 'khor la li yig gi rigs kyi dbang gis so/ /gsad pa la stong pa'i sa bon las sngon po'i mdog ste
 gsang bar ye shes kyi dkyil 'khor la a yig gi rigs kyi dbang gis so/ /gso ba la ljang gu ste gtsug tor du stong pa'i dkyil 'khor la a yig gis rigs kyi dbang gis so/ /de ltar gnas drug po rnams su rigs drug gi dbang gis
 srog yang dag par sdom pas las 'grub par bcom ldan 'das kyis gsungs so/ /da ni sa la sogs pa'i zad par bsgom pa gsungs pa/ sa zhes pa la sogs pa ste/ 'dir gang gi tshe rnal 'byor pa rnams kyis lha grub par gyur pa de'i
 tshe lte ba'i sa'i dkyil 'khor las sa'i zad pa'i rgya mtsho'i steng du zam stegs brtsegs pa bzhin du spros nas bsgom par bya ste/ chu'i gter du 'gro ba la zhes zad par sa'i bsam gtan gyi thang la ji lta ba de bzhin du chu la rgya mtsho'i
 steng du rnal 'byor pa 'gro'o/ /de bzhin du rlung gi zad par char ches pa nyams pa'i don to/ /zhes pa ni dpral ba'i rlung gi dkyil 'khor las sprin gyi steng du rlung gi zad par spros nas bsgom par bya ste/ des sprin dang char rnam par nyams
 par byed do/ /gzhan yang khams lnga'i bdag nyid kyi khang pa brtsegs pa bdag nyid kyi steng du bsgom par bya ste/ bsam gtan des ni char 'bab kyang rnal 'byor pa chus ma reg cing khang pa brtsegs pa'i mtshams kyi mthar thug par
 sprin gyi char rab tu 'jug par 'gyur ro/ /zhes rtsa ba'i rgyud las rab tu gsungs so/ /de ltar rlung gi zad par char pa ni nyams pa'i don to zhes so/ /me yi zad par zhes pa ni 'dir mgrin pa'i me'i dkyil 'khor las sa bon
 yongs su gyur pa'i 'bar ba rnams sa'i steng du spros nas bsgom par bya ste/ 'bar ba de rnams kyis sa'i dkyil 'khor gser zhu ba bzhin du zhu bar byed do/ /de ltar sa zhu bar byed pa'i don du me'i zad par bsgom par bya'o/ /de bzhin du me dag kyang nyams
 pa'i don du chu yi zad par zhes pa ni 'dir lha'i thugs ka'i chu'i dkyil 'khor las chu'i sa bon gyis bskyed pa'i chu'i zad par me'i steng du spros nas bsgom par bya ste/ nges me bsil bar 'gyur zhing sreg par byed pa'i nus pa med do/ /stong pa'i
 zad par mkha' la 'gro dang zhes pa ni gtsug tor gyis nam mkha' i dkyil 'khor la nam mkha' i zad par rdzas dang bral ba bsgom par bya ste des nam mkha' la 'gro bar 'gyur ro/ /de bzhin du chom rkun la sogs pa'i nye bar 'tshe ba
 la bsam gtan de nyid kyis mi snang bar 'gyur ro zhes pa ni nges pa'o/ /da ni dud 'gro'i nye bar 'tshe ba zhi ba'i slad du bsam gtan gsungs pa/ glang po'i zhes pa la sogs pa ste/ 'dir gang gi tshe glang po'i bdag pos 'jigs
 par 'gyur ba de'i tshe mgrin pa'i me'i sa bon zhes pa ra yig las byung ba'i gdong lnga pa bsgom par bya ste/ glang po'i bdag po gzhom pa'i yul la de ni gdong lnga pa'i bsam gtan du 'gyur ro/ /de bzhin du klu'i dbang po gzhom pa
 la na nam mkha' lding snying kha'i chu'i dkyil 'khor las chu'i sa bon bdag nyid can te de ni dkar por 'gyur ro/ /bse'i 'jigs pa dang/ seng ge'i 'jigs pa la rkang brgyad ces pa rkang pa brgyad pa nag po ste/ dpral ba'i rlung gi
 dkyil 'khor las rlung gi sa bon gyi bdag nyid can no/ /rta yi dgra la zhes pa/ ma he'i 'jigs pa la pas zhes grags pa sa yi rigs kyi dbang gis shes pa ser po ste/ lte ba'i sa'i dkyil 'khor la la yig gis sa bon las so/ /lha min
 gzhom pa la khro bo skyes/ gtsug tor gyi stong pa'i dkyil 'khor ljang khu 'am gsang ba'i ye shes kyi dkyil 'khor sngon po las hUM yig gi sa bon gyis bdag nyid dam k+ShuM yig gi sa bon gyi bdag nyid khro bo las skyes pa ni lha min pa
 sogs pa rnams gzhom pa'i yul la rnal 'byor pa rnams kyi bde ba byed par 'gyur ro zhes pa ste/ dud 'gro bzhom pa'i slad du bsam gtan gyi nges pa'o/ /da ni las sgrub pa'i slad du dang po'i nges pa gsungs pa/ khyab pa dag nges pa
 la sogs pa 'dir rnal 'byor pas las 'grub pa'i slad du dang por bsgrub par bya ste/ sngags gzhan 'grub pa'i slad du 'chad par 'gyur ba'i bzlas pa dang/ sbyin sreg gi cho gas dpal ldan sngags shes pa ste/ oM A:huM zhes pa
 bsgrub par bya'o/ /de bzhin du bsam gtan gzhan 'grub pa'i slad du sangs rgyas gzugs shes pa stong pa nyid kyi gzugs mngon sum du ste/ de ltar khyab bdag gi ni dpal ldan sngags dang sangs rgyas gzugs kyang rnal 'byor pa yis
 dang por bsgrub par bya'o/ /phyi nas nyi ma'i dbye ba rnams kyis shes par bye ba bcu gnyis kyi gnas pa yon tan dpag tu med pa'i las rnams 'grub par 'gyur ro/ /sngags dang gzugs brnyan ma grub par ni srid gsum gnas su ci yang 'grub
 par 'gyur ba nyid ma yin/ de phyir rgyal po rang sems dri ma rnam par bral ba dag la dang po khyab bdag gi sngags dang gzugs ni bsgrub par bya'o zhes pa nges pa'o/ /da ni ral gri la sogs pa'i dngos grub kyi don du lha min dbang po'i
 bsgrub pa gsungs pa/ dpa' bo zhes pa la sogs pa ste/ 'dir g.yul gyi ser dpa' bo rgyal po'i bu 'am 'thab mo pa gzhan lcags mnga' gcig bsnun pas ltung bar gyur pa 'am/ de bzhin du tshom rkun nam dpa' bo
 shing las sbyangs pa ni nag po'i phyogs kyi brgyad dam 'byung po'i mtshan ma zhes pa bcu bzhi la ste/ mi'i bdag po zhes pa ni bod pa'o/ /ro sreg sar ni zhes pa dur khrod du dbang gi las la gsungs pa'i bum pa brgyad dang rgyal ba dang
 rnam par rgyal ba'i bum pa dag gis kyang ro de bkru bar bya'o/ /de nas dri dang spos dang me dang ni rnam mang kha zas me tog dmar po rnams kyis rab mchod nas/ gos dmar po bskon pa bya ste/ mgo dang snying kha dang ni spyi bo lte ba la sogs su
 yang rdo rje dgod par byas te/ zhes pa ni dpral bar oM/ snying khar hUM/ gtsug tor du haM/ lte bar ho/ mgrin par A(rgyud 'grel mtshon cha ste yan lag drug dgod pa byas nas ro dang bdag nyid kyi lus kyang lha'i rnal 'byor gyis bsrung ba byas te/ de nas sngar gsungs pa'i thab khung zur gsum du rdul tshon dmar por snying po'i pad+ma dmar po gang yin pa de ni mtshan mar
 bcas pa zhes pa ste/ lte ba la mda'i mtshan ma'o/ /yang na las thams cad la rdo rje zhes gsungs pa'i phyir rdo rje dmar po'o/ /'dab mar rgyal rnams mtshan ma zhes pa ni/ shar gyi 'dab mar ral gri dang/ lhor rin po che dang/ byang du pad+ma
 dang/ nub tu 'khor lo ste phyogs su'o/ /phyogs bral du ni de bzhin lha mo rnams kyi rang mtshan ma zhes pa ni sngar gsungs pa'i ma mo'i skyon la ji lta ba bzhin du mar gri gug dang/ bden bral gyi 'dab mar rdo rje lcags kyu dang/ rlung du rdo rje
 zhags pa dang/ dbang ldan du rtse gsum mo/ /phyi rol re khA gsum la phyogs bcu'i dkyil 'khor du ni de bzhin khro bo'i mtshan ma rnams shes pa ni/ de bzhin gshegs pa rnams kyi ji lta ba de bzhin du phyogs rnams su'o/ /lha mo rnams kyi ji lta ba
 de bzhin du phyogs bral rnams su'o/ /steng du gtsug tor gyi rdo rje'o/ /'og tu gnod mdzes rgyal po'i dgra sta ste/ ra ba gsum po rnams bsrung ba'i slad du'o/ /de bzhin du rdul tshon gyi dkyil 'khor la sngar gsungs pa'i tshogs mtshan
 ma rnams bkod cing/ dkyil 'khor gyi dur khrod kyis la bum pa la sogs pa yang dag par gzhag ste/ rab tu gnas par byas la/ dri la sogs pa rnams kyi 'dod pa'i lha rnams la mchod pa byas nas/ zhing skyong la sogs pa
 rnams la gtor ma byin te/ de nas yi dags te de'i g.yas min du ni zhes pa thab khung gi byang rdul tshon gyi dkyil 'khor gyi lho'i sgo'i lhor te/ de ltar dkyil 'khor dang thab khung dag gi dbus su yi dags so/ /g.yas su rkang pa'o
 zhes pa ni lhor rkang pa dang byang du mgo bo'o/ /lag pad ral gri zhes pa ni lag na ral gri gan rkyal te/ ri mo gsum gyis yongs su bskor ba'o/ /de ltar sngar brjod ma ma'i skyon las dkyil 'khor du rgyal ba'i bdag po'i rdo rje sngar
 gsungs pa rnams kyis bdag nyid bsrung ba rab byas nas/ sngags pas thabs kyi g.yas su khrag dang bcas pa'i sha rnams dag gis sbyin sreg nyid ni rab byed pa zhes pa ni/ 'dir thab khung du rgyal rigs kyi me seng ster gi shing gis
 rab tu spar te/ de nas sngar gsungs pa'i cho gas me lha spyan drang ba la sogs pa byas nas lha'i rnal 'byor gyis sha chen po khrag dang bcas pa bcu yis bsgyur ba'i brgyar ni zhes pa stong phrag gcig 'di yi sngags kyis sbyin bsreg bya'o//
 de'i sngags shes pa oM h+ri phriM huM phaT zhes pa 'di ni de'i sngags so/ /'di yis de la dgod pa yang bya ste/ dpral bar oM/ mgrin par h+rIM snying gar phreM/ lte bar huM/ gsang bar phaT zhes pa dgod do/ /rdo rje skyil krung byas nas
 'chi med ri bo bzhin du g.yo ba med pa nyid du mtshan mo phyed thun gcig ji srid par sbyin bsreg bya'o/ /de nas sbyin bsreg stong phrag rdzogs par gyur pa na ro 'dzin ral gri lta bur 'khrug cing 'phar la mche ba rnon po mig gsum pa/ gang
 zhig sgra sgrogs sa yang rkang pas rnam par 'gengs shing sgrub pa po ni 'jigs par byed pa ste/ yi dags kyi lus la lha min dbang po zhugs pa ste/ de ltar bsgrub pa thab kyi mdza' ru gnas nas ka ha ka ha rgod par byed cing 'jigs pa'i
 lus kyis gang byed de/ de mthong nas 'jigs pa'i sngags pa sems skad cig gis ni gshin rje'i grong khyer 'gro bar 'gyur/ /'di'i rjes la ro bsreg gnas su sngags pas shes pa la sogs pa nas brtsams te/ lha min dbang po bsgrub
 par bya zhes pa'i mthar thug pa tshigs su bcad pa gsum ni go bla'o/ /de ltar lha min dbang po'i sgrub pa'i nges pa'o/ /da ni sngags kyi mtshan nyid gsungs pa/ ming gi dang po zhes pa la sogs pa ste/ khams gsum po 'dir brtan pa dang
 g.yo ba'i chos rnams kyi gang gi ming gang yin pa de'i dang po'i yi ge ni ming gi dang po'o/ /de nyid thugs kyi rdo rjer 'gyur te mi'i bdag po lha dang lha mo rnams kyi'o/ /gsung gi rdo rje ming thams cad de/ 'dir dper na tA rA/ paN Da rA mA
 ma kI lo tsa nA zhes pa ming de nyid gsung gi rdo rje'o/ /de bzhin du dngos po thams cad kyi'o/ /de bzhin du ming gi yi ge thams cad kyang ngo/ /de las lhag pa dag kyang sku yi rdo rje ste zhes pa ni 'dir dper na oM tA re tut+tA re tu re swAhA/ oM pAN
 ? bA si ni ba ra de swAhA/ oM mA ma kI ki ri ki ri swAhA/ oM lo tsa na ba su de swAhA/ zhes pa la sogs pa ming gi yi ge las lhag pa'i yi ge thugs dang gsung gi yi ge dang bcas pa rnams ni sku rdo rje'o/ /sku rdo rje de la gzhan pa phreng ba'i sngags gang
 yin pa de ni yan lag so so'i sngags shes gsungs te/ ji ltar lag pa dang rkang pa la sogs pa lus kyi cha shas yin pa de bzhin du ming gi cha shas ni sngags kyi ming gi'o/ /de yang rnam pa mang por 'gyur te/ klags pas grub pa brgya lam na/
 'dir ji ltar dbang gi le'u las yan lag so so'i sngags/ oM A(rgyud 'grel pa yan lag so so'i sngags te/ brgya lam na sngon gyi skye ba la bsgrubs na klags pas 'grub po/ /skye ba 'di la bsgrubs na yang 'grub par 'gyur te/ de nas las byed do/ /'dir thugs la sogs pa rnams kyi sngags bsgom par
 bya ba ni ming gi yi ge dang po'o/ /mchod par bya ba ni ming gi sngags so/ /bzlas par bya ba ni ming las lhag pa'o/ /rang gi rgyal ba'i rigs kyi dbang gi shes pa bgrang phreng la sogs pa'i dbye ba rnams kyis so/ /thugs kyi dbye bas
 bsgom par bya'o/ /gsung gi dbye bas mchod par bya'o/ /sku yi dbye bas bzlas par bya'o/ /zhes pa nges pa'o/ /'dir oM yig ma gtogs pa'i ming gi yi ge dang po lha'i rnam par bsgom par bya'o/ /oM yig dang po'i ming thams cad
 la mchod par bya ste sku rdo rjes so/ /de bzhin du yan lag so so la dang por sku rdo rje dang mthar thugs rdo rje hUM phaT zhes pa byin nas bzlas par bya'o/ /de bzhin du sems can thams cad kyi lus dang ngag dang yid kyi dbye ba'o/ /da ni thun mong gi
 sngags bsgrub pa la bzlas pa'i grangs gsungs pa/ so sor zhes pa la sogs pa ste/ 'dir so so sku rdo rje'i sngags kyi rigs ni bye ba bzlas par 'gyur te/ rab tu grags par/ sbyin sreg ni bye ba bzlas pa de las bcu'i
 cha shas shes pa gsung rdo rje'i sbyin bsreg 'bum phrag bcur 'gyur ro/ /rang bzhin yon tan dbang gis shes pa ni zhi ba la sogs pa'i yon tan gyi dbang gis dbang gi le'u las gsungs pa'i rdzas rnams dang/ thab dang gdan la
 sogs pa'i cho gas 'grub par 'gyur ba ji srid nyid du'o/ /phyi nas zhi ba la sogs rnams la 'bras bu ster bar rab tu 'gyur rnam pa gzhan du 'grub mi 'gyur/ /de ltar gsungs pa'i bsam gtan dang bcas bzlas dang sbyin bsreg
 brtul zhugs nges ldan rnams kyis sngags kyi skye gnas bsgrub par bya/ 'dir lha gang dag gi dam tshig gang dang gang yin pa'i lha de ni dam tshig de dang brtul zhugs dang nges pa des bsgrub par bya bar 'gyur te/ /rnam pa gzhan du na
 'grub par mi 'gyur ro/ /de bzhin du bsgrub bya'i ming gi yi ge gal te bsgrub pa po ming gi yi ge dang po'i dgrar gyur na de'i sgrub pa po 'chi bar 'gyur ro/ /ci ste tha mal par gyur na de'i tshe nyon mongs par 'gyur ro/ /ci ste grogs por
 gyur na de'i tshe lha 'grub par 'gyur ro/ /dbyangs kyi dgra yis 'chi ba'o/ /gsal byed kyi dgra yis na ba'o/ /gzhan rlung gi yi ge thams cad chu yi yi ge rnams kyi dgra ste/ dbyangs rnams kyi dbyangs rnams dang/ gsal byed
 rnams kyi gsal byed rnams so/ /de bzhin du chu'i yi ge rnams me'i yi ge rnams kyi'o/ /me'i yi ge rnams sa'i yi ge rnams kyi'o/ /sa'i yi ge rnams rlung gi yi ge rnams kyi'o/ /nam mkha' i yi ge rnams thams cad kyi grogs po'o
 thams cad kyi yi ge rnams nam mkha' i grogs po'o/ /de bzhin du sa'i grogs po chu'o/ /me'i grogs po rlung ngo/ /rlung gi me'o/ /chu'i sa ste de ltar grogs po'i sde mtshan no/ /rlung gi tha mal pa ni chu'o/ /me'i tha mal pa ni sa'o/ /chu'i tha mal pa
 na me'o/ /sa'i tha mal pa ni rlung ngo/ /de ltar thams cad shes par bya ste/ de nas sngags kyi lha bsgrub par bya'o/ /zhes bya ba ni rtsa ba'i rgyud las nges pa ste/ de bzhin du rtsa ba'i rgyud las bcom ldan 'das kyis gsungs pa/ /a ku ha th+ka mgrin
 byung gang/ /dbyangs dang gsal byed mtshan nyid rnams/ /stong pa rlung sogs khams rnams kyi/ /grogs po nyid kyis rtag tu gnas/ /i tsu ya sha rkan las byung/ /dbyangs dang gsal byed mtshan nyid rnams/ /rlung gi khams las
 yang dag byung/ /chu las skyes pa rnams kyi dgra/ /ri Tu ra Sha spyi bo skyes/ /dbyangs dang gsal byed mtshan nyid rnams/ /me yi khams las yang dag byung/ /sa las skyes pa rnams kyi dgra/ u pu wa nypa mchu skyes gang/ /dbyangs dang
 gsal byed mtshan nyid rnams/ /chu yi khams las yang dag byung/ /me las skyes pa rnams kyi dgra /li tu la sa sa skyes gang/ /dbyangs dang gsal byed mtshan nyid rnams/ /sa yi khams las yang dag byung/ /rlung las skyes pa rnams
 kyi dgra/ /rtag tu rlung gi grogs po me/ /tha mal pa chu nus med phyir/ /chu yi grogs po sa yin te/ /tha mal pa me nus med phyir/ /sa yi grogs po chu yin te/ /tha mal pa ni rlung nyid do/ /oM gyi yi ge spangs nas kyang/ /sngags kyi dang
 po'i yi ge'i rigs/ /de nyid sngags rnams dag gi thugs/ /gzugs ni rdzogs pa'i rgyu yin no/ /gang tshe sngags kyi dang po yi/ /yi ge gsal byed gzhan brtsegs ma/ /de tshe thog mar brjod pa'i slad/ /de dag las ni dang po bzung/ /dbyangs
 dang gsal byed dbye ba yis/ /de nyid rnam pa gnyis su 'gyur/ /srog gi dgra dang grogs po dang/ /lus kyi yang ni brjod par bya/ /srog gi dgra dang grogs po 'am/ /tha mal pa ni dbyangs su brjod/ /lus kyi dgra grogs tha mal
 pa/ /gsal byed rnams kyi bdag nyid do/ /dbyangs kyi dgra yis bsgrub pa po'i/ /srog 'phrog par ni the tshom med/ /gsal byed mtshan nyid dgra yis ni/ /lus la nad la sogs pa byed/ /sde pa gcig la 'ang ka la sogs/ /gsal
 byed chos can lnga rnams gang/ /de rnams sa la sogs pa'i rigs/ /sngags sgrub pa la shes par bya/ /da nya Na ma na 'di rnams/ /rlung sogs las skyes rnams kyi grogs/ /g+ha dzha Dha b+ha d+ha d+ha 'di rnams/ /chu las
 skyes pa rnams kyi dgra/ ga dza Da ba dad 'di rnams/ /sa las skyes pa rnams kyi dgra/ /kha tsha Tha pha tha tha 'di rnams/ /me las skyes pa rnams kyi dgra/ /ka tsa Ta pa ta ta 'di rnams/ /rlung las skyes pa rnams kyi dgra/ /sngags kyi dang
 po yi ge gnas rang gi sde pa'am gzhan la yang/ /sgrub pa po yi yi ge gnyis/ /skye ba las skyes ming skyes 'gyur/ /zhes pa la sogs pa rtsa ba'i rgyud las bcom ldan 'das kyi nges pa'o/ /slar yang de nyid las dang po'i yi ge'i
 las rnam pa drug gsungs pa 'di lta ste/ sngags kyi dang po gsal byed dam/ /dbyangs rnams bsgrub par bya ba'i slad/ /bsnyen dang bzlas pa byed rnams la/ /'di yi las ni rnam drug gsungs/ /dang por bsnun par bya ba ste/ /de nas
 dbab dang bsreg pa dang/ de nas sngags pas bslang ba dang/ /de nas rgyas dang mnyes pa'o/ /rnam par gcad bcas stong pa yis/ /sngags kyi sngon 'gro mnan pa ni/ /mtshon gyi rgyal po bsnun pa ste/ /brgyal ba'i gnas skabs thob
 par 'gyur/ /thugs kyi bzlas pa 'bum gyis ni/ /brgyal bar gyur pa sngags kyi lha/ /nga rgyal yongs su gtang ba ni/ /sgrub pa po yi dbang du 'gyur/ /de bzhin rlung gis mnan na de/ /rnal 'byor pa la phebs par 'gyur/ /me yi mnan nas
 bsreg par 'gyur/ /de bzhin chu yis bslang bar 'gyur/ /sa ni spyi bor gnas pa dag /bzlas na lha ni rgyas par gyur/ /spyi bor thig le'i chas mnan na/ /mnyes pa mchog ni ster bar 'gyur/ /de ltar drug 'bum bzlas pa ni/ dang po'i sangs rgyas
 rgyud chen las/ /'dod pa grub slad bde gshegs kyis/ /sngon du bsnyen pa dag tu gsungs/ /phaT yig de bzhin huM bau Sha Ta/ /na ma(rgyud 'grel rnam snang mdzad byin nas/ /slar yang bzlas pa yang dag brtsam/ /de nas bye ba bzlas byas nas/ /sbyin bsreg bcu yi cha shas kun/ /rgyud las gsungs pa'i cho gas bya/ /de nas lha ni 'grub 'gyur te/ /sngags pa rnam la grub pa des/ /
 mchog dang gang zhig don gnyer ster/ /rigs gzhan dang ni bya ba gzhan/ /dus dang de bzhin sngags kyi rigs/ /gnas dang phyogs dang rten gzhan gyis/ /las rnams kun la 'bras bu med/ /glags baM dag las ?glags pa'i sngags/ /man
 ngag rnam par spangs rnams kyis/ /sgrub pa rab tu byed pa'i mi/ /gang des la nyon mongs 'gyur/ /gal te glegs baM las rnyed na/ /man ngag ces bya de ni ci/ /ji ltar bris pa klags pa ni/ /drang ba'i don gyis rab bstan/ /sngags kyi dam pa'i
 dngos spangs nas/ /glegs bam glegs pa'i sngags rnams kyis/ /lha la sogs rnams sgrub pa po/ /nam mkha' dag ni za bar 'dod/ /rang sems brtan pa'i brtson 'grus sam/ /sngags kyi bzlas pas sgrub pa po bzhin don gnyer ba rnams kyi ni/
 'dod pa'i 'jig rten dngos grub 'gyur/ /sngags bzlas de bzhin sbyin bsreg dang/ /mchod rten mchod pa'i cho ga rim gyis/ /tshig 'di ji ltar gyur pa bzhin/ /brtse bas dman na 'grub mi 'gyur/ /de phyir 'bad pa thams
 cad kyis/ /ston pa byang chub sems dpa' dang/ /lha rnams sgrub pa'i slad du ni/ /de nyid mkhas pas bzung bar bya zhes pa ste/ de ltar sngon du bsnyen pa byas nas thugs kyi yi ge sgrub par bya'o/ /'dir sngags la bsnun pa la sogs pa ni
 'di lta ste dang por sgrol ma'i sngags bstan par bya ste/ cho ga des gzhan la yang shes par bya'o/ /oM d+hA tAM phaT ces pa sngags kyis bsnun pa ste 'bum bzlas so/ /oM ytA(rgyud 'grel na ma(rgyud 'grel bcu cha'o/ /de nas oM tA re tut+tA re tu re swAhA zhes pa sku rdo rje'i zlas pa bye ba'i mthar thug pa dang 'bum phrag bcu'i sbyin bsreg bya ste/ de lta na rnal 'byor pa rnams la sngags kyi lha mchog ster bar 'gyur gyi rnam pa gzhan du ni ma yin no/ /thugs
 dang gsung dang sku'i dbye ba rnams kyis bsgom par bya ba dang/ mchod par bya ba dang/ bzlas par bya ba'i sngags so sor 'bum phrag drug dang/ 'bum phrag bcu dang/ 'bum phrag brgya'o/ /zhes pa ni rtsa pa'i rgyud las bcom ldan 'das kyi nges
 pa'o/ /da ni ri lu'i sgrub pa gsungs pa/ grub pa zhes pa la sogs pa ste/ 'dir dang por ri lu sgrub pa'i sngags sngar gsungs pa'i cho gas bsgrubs nas/ oM kA la tsa krA dz+nyA sid+d+ha gu li kAM sA d+ha ya swAhA/ de nas ri lu sgrub pa'i slad du lha yis
 rab tu snang bar 'gyur te/ de la 'di ni cho ga'o/ /grub pa zhes pa ni dbang gi le'u las gsungs pa mkha' la spyod pa sum cu rtsa drug po rnams bzhi dang drug dang bcu dang brgyad dang brgyad ni sde tshan te/ de rnams las sde mtshan gcig gi sha bsgrubs
 nas grib mal bskams pa bdud rtsi lnga dang lhan cig tu phye mar byas te/ de nas mi skyod pas sprus nas tsa na ka yi tshad kyi ri lu byas pas te/ de ltar na grub pa zhes pa'o/ /lcags gsum gyis bcings shes pa ni 'dir sku dang gsung dang thugs kyi
 dag pas zla ba dang nyi ma dang sgra gcan gyi dbye bas dngul dang zangs dang khab len gyi lcags te/ so sor bcings pa ni lcags gsum gyis bcings pa'o/ /mkha' la 'gro ba'i sha'i ri lu 'chad par 'gyur ba'i rim pas bsgrubs pa ni mkha' la spyod
 pa nyid dag ster ro/ /de bzhin du khyi dang rta la sogs pa sa la spyod pa dang/ chu la spyod pa rnams kyi lus kyi sha rnams kyi ri lu grub pa lcags gsum gyis bcings pas lus la bkres skom la sogs nad rnams 'phrog par byed do zhes pa ri
 lu bsgrub pa'i nges pa'o/ /da ni mig sman bsgrub pa gsungs pa/ de dag rnams kyi zhes pa la sogs pa ste/ 'dir mig sman sgrub pa'i sngags sngar bzhin bsgrubs nas de nas mig sman bsgrub par bya'o/ /oM kA la tsa krA dz+nyA sid+d+hA ny+dza naM sA d+ha ya swA hA/ /de
 nas mkha' la 'gro ba rnams kyi mig rnams blangs nas phye ma zhib mor byas te byang chub kyi sems kyis sbru? bar bya'o/ /mig sman de nyid ni gter bsgrub pa'i slad du sa rab tu 'byed par 'gyur ro/ /mkhris pa rnams kyis shes pa ni khyi dang rta
 la sogs pa rnams kyi mkhris pa rnams kyis mig sman byas nas bud med kyi me tog gis spru bar bya'o/ /mig sman de nyid ni mi snang ba'i yul la mi snang bar byed cing/ dbang du bya ba'i yul la na chung gi yid 'phrog par 'gyur te/ dpal
 ldan dur khrod du ni bsgrubs pa'o/ /de la 'di ni cho ga ste/ nag po'i brgyad kyi mtshan mo 'am/ yang na ma nu'i nyin zhag la zhes pa/ nag po'i bcu bzhi'i mtshan mo dkyil 'khor bzhengs byas nas/ sngar gsungs pa'i lha min dbang
 po'i sgrub pa las bsrung ba sngar gsungs pa gang yin pa dag kyang kun byas te/ de nas de yis dbus su dkyil 'khor gyi lte ba la ri lu dag gam mig sman thod par gnas pa gzhag par bya'o/ /de ltar de'i dbus su sha'i ri lu dag gam mig
 sman ni/ byas nas shin tu dri bzangs me tog rnams kyis yang dag mchod de/ de bzhin du sngar gsungs pa'i gtor ma la sogs pa byin la/ de nas sngar gsungs pa'i sngags kyi bzlas pa mchog 'dis rab tu bya'o/ /dus kyi 'khor lo'i
 bka' yis ji srid ri lu 'am mig sman rnams 'od zer 'phro ba'i bar de srid du sngags bzlas par bya'o/ /de nas de de'i mtshams su blangs la bzung bar bya'o/ /gal te 'od zer mi 'phro na de'i tshe yang ji srid lhas rab tu gnang bar gyur gyi bar du
 sngags bsgrubs par bya'o/ /de nas ri lu'i grangs kyis ma rnams bzung nas ri lu'i rig pa 'dzin par 'gyur ro/ /de bzhin du mig sman gyis rig pa 'dzin pa'o/ /ral gri yis ral gri'i rig pa 'dzin pa ste/ de bzhin du rin po che la sogs pas kyang
 ngo/ /de la sngags ni oM kA la tsakra Adz+nyA sid d+ha khaD gaM sA d+hA ya swAhA/ de bzhin du rin po che la sogs pa rnams la dang por kA la tsakrA zhes pa nges pa'o/ /de la lcags kyi ral gri byas nas lha'i nges pa bsgrub par bya'o/ /shel gyi rin po
 che dang/ dngul gyi pad+ma dang/ gser gyi 'khor lo dang/ lcags thams cad kyi rang bzhin gyi rdo rje dang/ de bzhin du dril bu dang/ lcags kyi gri gug byas nas so/ /mtshan ma bsgrub pa'i nges pa ste/ de bzhin du rtse gsum dang dgra sta la
 sogs pa'i mtshon cha thams cad bsgrub par bya'o/ /dus kyi 'khor lo'i bka' yis mtshon cha gang dang gang bsgrubs pa de mtshan ma yis/ de'i rigs kyi rig pa 'dzin par 'gyur ro/ /ci ste lha yis nges pa grub pa'i bcud bzhin du bdun du
 'khor ba rnyed nas sgrub pa med par mkha' la spyong pa rnams grub par 'gyur ro/ /zhes pa ni rtsa ba'i rgyud las nges pa ste/ ri lu la sogs pa bsgrub pa'i cho ga'o/ /de nas tshigs su bcad pa'i bdun cu lhag pa'i brgya pa nas mkha' lding gi tshigs
 su bcad pa bcu bzhi ni go bla ste/ des na 'dir ma bris so/ /da ni zhi ba la sogs pa'i 'khrul 'khor gsungs pa/ /rig byed ces pa la sogs pa ste/ 'dir dbang gi le'u las gsungs pa'i n+ya gro d+ha'i 'dab ma la sogs pa la/ sh+rI
 ri khaN Da la sogs pa dang/ tsan dan la sogs pa'i smyu gus zhi ba la sogs pa'i 'khrul 'khor bri bar bya'o/ /de la rim pa 'di lta ste dang po'i zlum skor la 'dab ma bzhi'o/ /gnyis pa la brgyad do/ /gsum pa la bcu drug go /bzhi pa
 la sum cu rtsa gnyis so/ /lnga pa la drug cu rtsa bzhi'o/ /drug pa la sum cu rtsa gnyis te/ ji ltar lus la gtsug tor dang snying kha dpral ba dang mgrin pa dang lte ba dang gsang ba nas 'khor lo drug yod pa de bzhin du 'khrul 'khor
 bri pa la zlum skor drug go /de la 'dab ma bzhi'i dbus su bsgrub bya'i ming ngo/ /rig byed ces pa 'dab ma bzhi la phyogs su dang por a AM dzu zhes pa ni shar du a/ byang du AM/ nub tu A/ lhor a(rgyud 'grel la'o/ /chu skyes 'dab brgyad ces pa ni i la sogs pa 'dab brgyad la zhes pa ni/ shar dang mer i a'i/ gshin rje dang bden bral du ri rI/ byang dang dbang ldan du u a'u/ nub dang rlung du li lI/ zhes pa ni zlum skor gnyis
 pa la'o/ /de bzhin du mi yi bdag po zhes pa ni zlum skor gsum pa'i 'dab ma bcu drug la e ya la sogs pa zhes pa ste/ shar la sogs pa'i 'dab ma bzhi la e Ai ya yA'o/ /lho'i 'dab ma rnams la/ ar Ar ra rA'o/ /
 byang gi 'dab ma rnams la o aau wa wA'o/ /nub kyi 'dab ma rnams la al Al la lA zhes pa ni zlum skor gsum pa la'o/ /so zhes pa 'dab ma sum cu rtsa gnyis rnams la ka sogs gsum gyis bsgyur ba'i bcu zhes pa sum cu dang/ ha k+Shi
 zhes pa gnyis skyes la'o/ /de la shar la sogs pa'i 'dab ma lnga po rnams la tsa tsha dza dzha nya'o/ /lho'i 'dab ma lnga rnams la Ta tha Da Dha Na'o/ /byang gi rnams la pa pha ba b+ha ma'o/ /nub kyi rnams la ta tha da d+ha na'o/ /de bzhin du dbang ldan nas
 brtsams nas shar du 'dab ma gsum la ma yig nas brtsams te ka kha ga'o/ /me nas brtsams nas lhor 'dab ma gsum la nya yig nas brtsams te g+ha nga k+Sha'o/ /bden bral nas brtsams nas nub tu 'dab ma gsum la Na yig nas
 brtsams te sanypa Sha'o/ /rlung nas brtsams nas byang du 'dab ma gsum la ni yig nas brtsams te sha th+ka ha'o/ /de ltar 'dab ma sum cu rtsa gnyis po rnams la ste/ zlum skor bzhi pa la'o/ /chu gter drug ces pa 'dab ma drug cu rtsa bzhi la'o/
 thun mtshams 'dab ma bzhi po rnams la shar dang lho dang byang dang nub tu bsgrub bya'i ming ste dbus su ji lta ba bzhin no/ /de ltar gnas lngar bsgrub bya'i ming ngo/ /tshes kyis bsgyur ba'i dus la zhes pa/ 'dab ma drug cu po rnams la
 grangs bzhin du la mdza' dbyangs dang bcas pa rnams shes pa ni ha ya ra wa la rnams dbyangs dang bcas pa zhes pa dbyangs bcu gnyis dang bcas pa ste/ 'dab ma drug cu po rnams la'o/ /de nas shar la sogs pa'i bsgrub bya'i ming
 las g.yas skor gyis ya yA yi yI yri yrI yu yU yli ylI yi ya(rgyud 'grel wi wI wri wrI wu wU wli wlI waM wa(rgyud 'grel nub tu hA/ lhor ha(rgyud 'grel gyi thun mtshams kyi 'dab ma la'o/ /gsum pa ni lhor ro/ /bzhi pa ni byang du'o/ /lnga pa ni nub tu ste/ de huM A(rgyud 'grel a sogs dbyangs ni re re dag gis chu srin bum pa'i dbang las ring po thung ngu dag kyang lnga zhes pa ste/ 'dir chu srin la sogs pa'i dus sbyor rnams kyi lhag pa'i lha ni kA khA gA g+hA ngA zhes pa la sogs pa'o/ /shar du bsgrub bya'i thugs kyi yi
 ge nas g.yas skor gyis nya la tsA tshA dzA dzhA nyA'o/ /de bzhin du lug la nya dzha dza tsha tsa ste/ de ltar 'dab ma bcu la'o/ /de bzhin du lhor gsung rdo rje nas TA la sogs pa bcu'o/ /byang du sku rdo rje nas pA la sogs pa bcu'o/ /nub tu ye shes rdo rje nas tA
 la sogs pa bcu'o/ /lhag ma'i 'dab ma nyi shu po rnams kyi nub kyi 'dab ma lnga la kA la sogs pa ring po lnga'o/ /shar du nga la sogs pa thung ngu lnga'o/ /lhor sA la sogs pa ring po lnga'o/ /byang du th+ka la sogs pa thung ngu lnga'o/ /de ltar yi
 ge drug cu rnams zlum skor lnga pa la'o/ /phyi rol 'dab ma sum cu gnyis la zhes pa ni/ /'dir gsang ba'i pad+ma'i 'dab ma sum cu rtsa gnyis rnam par dag par zlum skor drug pa'i 'dab ma sum cu rtsa gnyis po rnams la/ /bdag gi snying po
 badzra tik+Sh+Na la sogs pa yi ge rnams shes pa ni 'di lta ste/ badzra tik+Sh+Na du:khets+tsha da zhes pa ni dbang ldan nas brtsams nas me'i mthar thug par ro/ /de nas lhor pradz+nyA dz+nyA na mUrta ye dz+nyA zhes pa'o/ /de bzhin du nub tu na kA ya bA gI shwa ra a zhes pa'o/
 de bzhin du byang du ra pa tsa na ya te na ma(rgyud 'grel las la wa ya ra la dkyil 'khor rnams nyid do/ /zhes pa ni 'khrul 'khor 'di yis zhi ba dang rgyas pa dang rims 'phrog pa dang dug med par byed pa la 'khrul 'khor chu'i dkyil 'khor ram wa yig gis bskor bar bya'o/ /de nas zla ba'i
 dkyil 'khor gyi dbus sam glang po che'i dbus su gzhugs par bya'o/ /de bzhin du gsad pa la sogs pa la rlung gi dkyil 'khor dang/ dbang la sogs pa la me'i dkyil 'khor dang/ rengs pa la sogs pa la sa'i dkyil 'khor gyis bskor
 bar bya'o/ /lhag ma dbang gi le'u las gsungs pa dag go /'dir 'khrul 'khor la snying por yi ge'i yan lag mchog ces pa ni/ /snying por mgo bo bri bar bya'o/ /rtse mo can dang g.yo bar rkang pa zhes pa ni lhun po thams cad kyi byang na gnas
 pa'i snying po'i lte ba yin pa'i phyir lhor rkang pa ste/ dbang dang dgug pa la sogs pa la'o/ /de bzhin du zhi ba la sogs la snying por rkang pa zhes pa ni byang du rkang pa ste lhun po la mngon par phyogs pa'o/ /me dang rlung du mgo bo zhes pa ni lhor mgo
 po'o/ /de bzhin du gsad pa la sogs pa la shar rkang pa dang nub tu mgo bo'o/ /rengs pa la sogs pa la shar du mgo bo dang nub tu rkang pa ste/ de ltar 'khrul 'khor so so la sngags pas bri bar bya'o/ /zhi ba zhes pa la sogs pa ni go bla'o/ /
 'khor lo drug gi 'khrul 'khor gyi nges pa'o/ /da ni gshin rje mthar byed kyi 'khrul 'khor gsungs pa rtsibs brgyad ces pa la sogs pa ste/ 'dir n+ya gro d+ha'i 'dab ma la sogs pa la 'khrul 'khor bri bar bya ste/ zlum skor dang po ni rtsibs
 brgyad pa'o/ /gnyis pa ni rtsibs bcu gnyis pa'o/ /gsum pa ni rtsibs bcu drug pa'o/ /de la rtsibs brgyad po rnams la phyogs dang phyogs bral du gnas shes pa ni phyogs su ya ma la sogs pa'i yi ge gnas pa dang/ phyogs bral gyi
 'dab ma la bsgrub bya'i ming gi yi ge gnas shing/ bcu drug rtsibs la yang bar gyi 'dab ma brgyad po rnams la'o/ /de ltar zlum skor dang po la bsgrub bya zur rnams su ste/ dbus su lte bar rab tu 'gyur ba ya'o/ /shar du ma'o/ /rtsibs bcu
 gnyis pa'i shar du rA'o/ /gnyis par dzA'o/ /gsum par sa'o/ /'dab ma bzhi par do'o/ /dang po'i rtsibs brgyad pa'i lhor me'o/ /slar yang rtsibs bcu gnyis pa'i 'dab ma lnga par ru'o/ /drug par Na'o/ /bdun par yo'o/ /slar yang rtsibs brgyad
 pa'i nub kyi 'dab mar da'o/ /slar yang rtsibs bcu gnyis pa'i brgyad par ni'o/ /dgu par ra'o/ /bcu par ya'o/ /slar yang rtsibs brgyad pa'i byang du k+Sha'o/ /slar yang rtsibs bcu gnyis pa'i bcu gcig par ts+tsha'o/ /bcu gnyis par ni'o/ /de
 bzhin du rtsa ba'i rgyud las gsungs pa/ ya ma rA dzA sa do me ya/ ya me do ru Na yo da ya/ ya da yo ni ra yak+Sha ya/ yak+She yats+tsha ni rU ma ya zhes so/ /gcig bdag po yis yi ge bcu drug po rnams 'dab ma bcu drug la'o/ /de ltar dbus su
 rab 'gyur ya ma rA dzA sa do me ru Na las yo/ /de nas snying po'i rtsibs kyi dbus nas da ni ra yak+She ts+tsha de nas mthar ni ni ru 'gyur zhes pa/ rtsibs brgyad pa dang rtsibs bcu gnyis pa la nges pa'o/ /de nas rtsibs bcu drug pa bsgrub bya'i
 ming gi bar bar gyi 'dab ma la sngags 'di bri bar bya'o/ /oM h+rISh+TI bikrI tA na na huM hUM phaT/ zhes pa'o/ /de ltar re mig nas ni re mig bar la 'gyur te mi yi bdag po bsgrub bya'i ming dang sngags 'di'o/ /dbye ba gsad dang dbang la zhes pa ni 'dir dbye ba la
 dbus su lhag pa'i lha ya'o/ /gsad pa la ma'o/ /dbang la rA rab tu 'gyur ro/ /de bzhin du k+She da me do yats+tsha sogs shes pa ni 'dir rengs pa la k+Sha'o/ /dgug pa la do'o/ /rmongs pa la me'o/ /stobs byed pa la do'o/ /zhi ba la sa'o/ /bskrad pa la
 ts+tsha'o/ /rims byed pa la Na'o/ /bskyod pa la ru'o/ /rgyal ba la dza'o/ /bdud bzhi par byed pa la yo'o/ /dgra zlog pa la ni'o/ /der ni snying po dag nas ya yig 'gro ste/ yon tan dbang gis shes pa ni 'dir las kyi rang bzhin gyis yi ge gang
 zhig snying por bdag por gyur pa de'i gnas su ya yig bri bar bya'o/ /phyi rol thams cad snga ma bzhin te gshin rje mthar byed kyi 'khrul 'khor gyi nges pa'o/ /da ni 'jam dpal gyi 'khrul 'khor gsungs pa/ yi ge rnams kyis zhes pa la sogs pa ste
 'dir yi ge rnams kyi yan lag mchog las ces pa ni yi ge rnams kyi mgo la thig le'o/ /yan lag mchog de las mdun du dbyangs kyis 'khyud pa dag ma ru rab tu 'gyur te/ rjes su nga ro dbyangs a yig gis 'khyud pa ni ma ru 'gyur ro/ /gzhan
 yang ka yig la sogs pa'i yi ge rnams kyis 'khyud pa ni sde mdza' zhes pa nga nya Na ma nan rnams su 'gyur te/ rdo rje'i rigs kyi dbang gi lnga pa haM dang saM du gsungs/ de'i phyir thig le ni bdag go/ /rnam par bcad pa'i thig le gnyis kyis dbyangs
 mchog sbyar ba la ni zhes pa/ a yig gnyis kyi dbus su 'di yang bdag gis shes rab yi ge u ru 'gyur ro/ /de ltar maM zhes pa ni thabs so/ /mu(rgyud 'grel brgyad la'o/ /nyi ma'i 'dab ma la zhes pa rtsibs bcu gnyis pa'i zlum skor gnyis pa la/ phyi rol du 'dab ma dang po la sh+rI'o/ /gnyis pa la ba'o/ /de bzhin du rim pas dzra g+ho Sha sa man+ta b+ha dra hUM phaT zhes pa yi ge bcu gnyis po rnams so/ /lhag ma
 thams cad sngar bzhin no/ /bsgrub bya 'dir ni lte ba la ste zhes pa ni bsgrub bya'i ming gi yi ge dang po lte ba la'o/ /de nas bzlas pa'i dus du dpal ldan zhi ba sogs la bskul zhes pa ni/ oM sh+rI badzra g+ho Sha sa man+ta b+ha dra che ge mo'i shAn ting ku
 ru ku ru na ma(rgyud 'grel bya bar 'gyur/ 'di dag thams cad bdag gi drin las rgyal ba'i bdag po'i bka' yis mi rnams kyi ni 'grub par 'gyur zhes pa ste/ 'khrul 'khor bri ba'i cho ga'o/ /de nas tshigs su bcad pa brgya dgu bcu rtsa gcig pa'i rjes la tshigs su bcad pa
 bzhi bcu ni go bla ste/ dgra ni gang zhig ces pa la sogs pa nas pho nya mo rnams dag la zas phud ces pa'i tshigs su bcad pa'i mthar thug pa tshigs su bcad pa 'ga' zhig ni go bla zhing/ tshigs su bcad pa dga' zhig ni dgos pa'i dbang
 gis dbang gi le'ur kha bskang ste brjod zin to/ /da ni 'jig rten dang 'jig rten las 'das pa'i dngos grub kyi slad du lha'i dmigs pa gsungs pa/ lha yi zhes pa la sogs pa ste/ 'dir sems can rnams kyi bsam pa'i dbang gis
 rnal 'byor pa rnams kyi lha'i dmigs pa gang yin mngon sum dang ni rjes su dpag pa rnam pa gnyis su 'gyur ba ste/ mngon sum dang rjes su dpag pa de dag las mngon sum gang yin pa dag ni de nyid sbyor bas mkha' 
 la skar ma bzhin du 'gyur te/ skar ma'i chogs bzhin du du ma longs spyod rdzogs pa'i sku zhes pa ni sha la sogs sa'i mig gis gzung bar bya ba srid pa gsum dang dus gsum rmi lam sgyu ma dang mtshungs pa'o/ /'dir dang por las dang
 po pa'i rnal 'byor pas mngon par shes pa med par sha'i mig gis sna tshogs mthong ngo/ /de nas mngon par shes pa'i mtshams kyi dbang gis lha'i mig gis mthong ngo/ /de nas chags pa dang bral ba'i mtshams kyi dbang gis sangs rgyas
 kyi spyan gyis gzigs so/ /de nas byang chub sems dpa' mtshams kyi dbang gis shes rab kyi spyan gyis gzigs so/ /de nas yang dag par rdzogs pa'i sangs rgyas kyi mtshams kyi thugs kyi dbang gis ye shes kyi spyan gyis gzigs te/ lhag
 ma kun las rnam grol zhing zhes so/ /de ltar de bzhin gshegs pa'i sha la sogs pa'i spyan lnga po rnams ni stong pa nyid gzigs pa'i slad du ste/ sems can gzhan rnams ni stong pa nyid lta ba'i yul la dmus long ngo/ /'di rnams
 kyi rgyas pa ni mchog tu mi 'gyur ba'i ye shes grub pa las brjod par bya ste/ de kho na nyid bsgom pa'i nges pa'o/ /de kho na nyid ma yin pa'i bsgrub pa la mngon sum min na rjes su dpag pa shi ba'i lus bzhin de nyid min pa yis ni brtags
 pa gang/ de ni ri mo sogs la blta bya zhes pa ni sangs rgyas dang byang chub sems dpa' rnams kyi ri mo dang sku gzugs byas pa dang lugs ma 'am/ dkyil 'khor gyi 'khor lo bris nas nges pa'i rnam par blta bar bya ste/ byis pa'i rnal 'byor
 pa dman pa rnams kyi bsgom pa'i don du'o/ /zhes pa rnam par rtog pa'i bsgom pa'i nges pa'o/ /da ni rnam par rtog pa'i thabs gsungs pa/ gzugs shes pa la sogs pa ste/ 'dir byis pa'i rnal 'byor pa rnams kyi rang gi sems kyi nus pas gzugs
 shes pa lha gcig gam dkyil 'khor bris pa bsgom par bya ste/ dang por bris sku la ni de nyid min pas rang sems bsgom par bya zhes so/ /de kho na nyid kyis kyang nam mkha' la ni de nyid sbyor ba dag gis shes stong pa nyid dang snying rje'i sbyor bas rang sems
 ma tshang med pa mdza' dag mthong gyur pa zhes pa rnam pa thams cad pa ste/ gzugs dang dkyil 'khor gyi 'khor lor brtags pa med pa'i phyir ro/ /de ltar gzugs la sogs pa'i bris skur bris pa brtags pa 'am/ stong pa nyid kyi gzugs ma
 brtags pa lo'i phyed dam lo gcig bla ma'i nges pa'i dbang gis ji srid nyid du rang sems brtan par gyur gyi bar du'o/ /de nas phyag rgya'i sbyor bas zhes pa ni/ 'dir so sor sdud dang/ bsam gtan dang srog rtsol dang/ 'dzin pa'i stobs kyis rang sems
 brtan pa skyes par gyur pa na/ de nas phyag rgya'i sbyor bar nyin zhag 'ga' zhig dag gis shes pa ni dus kyi 'khor lo'i nyin zhag nyi shu rtsa lnga lhag pa'i brgya phrag bcu gcig gis so zhes pa nges pa ste/ nyin zhag 'di rnams kyis byang chub kyi
 sems 'gyur ba med pa nyid du rab tu 'gyur te dri ma med pa nyid du 'gyur ro/ /zhes 'brel lo/ /'dir bris sku dang sku gzugs dang glegs baM bris pa'i slad du nye gnas chos smra ba btsal bar bya ste/ des bris sku dang sku gzugs dang glegs bam la sogs
 pa bya'o/ /drag po dang zhi ba'i bya bas sngar gsungs pa'i mchod yon la sogs pa byin nas slob dpon gyis mchod pa bya'o/ /dge 'dun gyi mchod ston dang tshogs kyi 'khor lo sbyin par bya'o/ /mchod yon sbyin pa'i dus su ni rab gnas gyi dus gyi cho
 ga ji lta ba de bzhin du mchod yon sbyin pa'i dus su yang ji ltar nus pas bya'o zhes pa ni nges pa'o/ /da ni rdo rje'i tshig gi nges pa gsungs pa/ rgyud kyi rgyal po zhes pa ste/ 'dir rgyud kyi rgyal po thams cad las ni zhes pa/
 'dus pa la sogs pa thabs kyi rgyud dang/ sdom pa la sogs pa shes rab kyi rgyud las nges par rdo rje'i tshig sngar gsungs pa'i mi 'gyur ba'i bde ba de bcom ldan 'das kyis rnal 'byor pa rnams dag la gsungs te/ de bzhin du gsungs pa/ 'di
 ltar sangs rgyas bcom ldan 'das/ /rdzogs pa'i sangs rgyas a las byung/ /a ni yig 'bru kun gyi mchog /don chen yi ge dam pa yin/ /srog chen po ni skye ba med/ /tshig tu brjod pa spangs pa ste/ /brjod pa kun gyi rgyu yi mchog tshig kun
 tu gsal bar byed/ /ces pa la sogs pa nas/ ye shes sku nyid khyod la 'dud/ /ces pa'i mthar thug pa tshigs su bcad pa drug cu rtsa gnyis lhag pa'i brgya yis mtshan yang dag par brjod pa las ye shes kyi sku gsungs pa de nyid rdo rje'i
 tshig tu brjod de/ de nyid ni rgyud kyi rgyal po thams cad las byis po rnams ni smin par byed pa'i don du mchog gi snying rje dag gi sna tshogs gtso bos sbas te byis pa rnams la dbang po gnyis kyi bde ba la rab tu bstan to/ /de'i phyir rdo rje'i
 tshig de ni dbye ba byas nas nyin zhag so so'i dus su ste/ nyin dang mtshan mor rnal 'byor ba yis sngar gsungs pa'i mig gis bsgom par bya ste/ phyag rgya'i dngos grub don slad ces pa phyag rgya chen po'i dngos grub kyi slad du'o/ /de ci zhig tsam na
 de ni rgyal po mchog gi bskyed mdzad gzhom du med pa dus kyi 'khor lo'o zhes pa bcom ldan 'das kyi nges pa ste/ rdzogs pa'i sangs rgyas kyi gnas thob pa'i slad du rgyud gzhan thams cad la rnal 'byor ba rnams kyis rtogs par bya'o/ /bsdus pa'i
 rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las/ sna tshogs pa'i sgrub pa'i thabs kyi mdor bsdus chen po ste lnga pa'o// //sgrub thabs kyi le'u'i 'grel bshad rdzogs so// //
 */ (/dpal dus kyi 'khor lo'i bsdus pa'i rgyud kyi rgyal po'i 'brel bshad rtsa ba'i rgyud kyi rjes su 'jug pa dri ma med pa'i 'od las ye shes le'u'i 'brel bshad bzhugs so//) //bcom ldan 'das dpal dus kyi 'khor lo la phyag 'tshal lo/ /shAkya thub pa gang gis shes rab dang ni
 ye shes stobs kyis yid las byung ba dag /rang gi rdo rje nas bkug rang gi dpral ba dang ni rdo rje gtsug tor chen por khrid/ /gang gi dmigs bcas rdul med stong pa nyid dang snying rje bzang po dmigs pa med pa nyid/ /lha mi lha min klu yi bla ma kun gyi ston
 pa gcig pu de la phyag 'tshal lo/ /kA la tsakra'i mngon brjod kyis/ /gang la rgyu dang mtshan nyid med/ /g.yo dang de bzhin rim pa med/ /gnyis med de las btud byas shing/ /kA sogs yi ge de bzhin gshegs pa rnams kyis ni/ /dang po'i sangs rgyas
 rigs med gang gis sprul pa dang/ /longs spyod rdzogs pa bzang po'i chos dang dag pa ste/ /sku bzhi gsungs pa de la spyi bos rab btud nas/ /drang srong rnams dang sems can kun/ /bsod nams ye shes 'bras thob slad/ /dpal ldan ye shes le'u la/
 'grel bshad pad+ma dkar po bdag /'jam dpal gyis ni bskul gyur cing/ /bde bar gshegs pas lung bstan pa/ /'jig rten dbang po chu skyes 'dzin/ /sprul pa'i sku yis bri bar bya/ /'dir dpal ldan ka lA pa'i grong gi lho ma la ya'i bskyed mos tshal
 gyi dpal dus kyi 'khor lo'i dkyil 'khor khang pa'i shar sgo'i mthar rin po che'i khang bzangs su nor bu rin po che chen po'i seng ge'i khri la bzhugs pa 'jam dpal gyi sprul pa'i sku/ mi yi dbang po grags pa/ tshangs pa'i drang srong nyi ma'i shing rtas
 gsol ba btab par gyur pas/ mchog gi dang po'i sangs rgyas las ye shes kyi le'u la zla ba bzang pos gsol ba btabs pa dang de bzhin gshegs pa'i lan gyi gsungs tshigs su bcad pa dang pos gsungs pa/ gtso bo'i
 sgrub thabs rgyal ba mchog dang bcas pa gang zhig khyod kyis gsungs pa dag ni cung zad shes/ /slar yang bdag ni nyan par 'tshal lo lha mi'i bla ma khams kyi dbye ba rnams kyis dkyil 'khor dang/ sangs rgyas rnams dang rnal 'byor ma
 rnams dag gis rigs drug A li kA li dag la gnas pa nyid/ /zla ba bzang po'i tshig dag gsan nas rgyal ba'i bdag pos khams kyis dbye bas dkyil 'khor la sogs gsungs shes pa'o/ /'dir tshigs su bcad pa dang pos
 dang po'i sangs rgyas las zla ba bzang pos gsol ba btab pa dang/ de bzhin gshegs pas lan gsungs pa/ 'jam dpal gyis don la rten pa nyid kyis yang dag par bsdus pa de nyid 'brel bshad kyis dgrol bar bya ste/ gtso
 bo'i zhes pa la sogs pa la/ 'dir sgrub thabs kyi le'u las gang zhig gtso bo dus kyi 'khor lo'i sgrub thabs de bzhin gshegs pa dang bcas pa gang zhig khyod kyis gsungs pa de ni bdag gis cung zad shes te/ de'i phyir slar
 yang bdag ni nyan par 'tshal lo/ /kye lha mi'i bla ma shAkya thub pa/ lus la khams kyi dbye ba rnams kyis shes pa/ rus pa la sogs pa'i khams rnam par dag pa rnams kyis dus kyi 'khor lo'i dkyil 'khor dang/ gzhan yang
 sangs rgyas rnams kyis rigs drug nyan par 'tshal te/ gang zhig A li kA li dag la gnas pa zhes pa ni a yig la sogs pa'i dbyangs la gnas pa dang/ ka yig la sogs pa'i gsal byed la gnas pa ste 'chad par 'gyur ba rnams
 so/ /de bzhin du rnal 'byor ma rnams dag gi de dag ste/ phung po drug po rnams kyi rigs drug ji lta ba de bzhin du khams drug po rnams kyi yang a la sogs pa dang ka la sogs pa la gnas pa'o/ /zla ba bzang po'i tshig 'di dag gsan te de nas
 rgyal ba'i bdag po zhes pa/ lhan cig skyes pa la sogs pa sku bzhi'i bdag nyid sgrub pa med pa'i phung po la sogs pa'o/ /de rnams bdag po ni skyed par byed pa rdzogs pa'i sangs rgyas te dang po'i sangs rgyas so/ /khams kyis dkyil 'khor la sogs
 shes pa/ rigs drug la sogs pa 'chad par 'gyur ba dag gsungs te/ stong pa po dang gsol ba 'debs pa po'i 'brel pa'o/ /tshigs su bcad pa 'di la rkang pa gsum gyis zla ba bzang pos gsol ba btab pa'o/ /rkang pa bzhi pa nas brtsams
 te/ ji srid le'u yongs su rdzogs pa de srid ni de bzhin gshegs pa'i lan gyis gsungs te/ rgyud 'di la slar yang gsol ba gdab pa med do zhes pa ni nges pa'o/ /da ni khams rnam par dag pa yis dkyil 'khor gyi rnam par dag pa gsungs
 pa/ ka ba rnams shes pa la sogs pa ste/ 'dir lus kyi rus pa rnams kyis lus kyi sku'i dkyil 'khor la ka ba rnams mdzod cig ces pa brtags pas so/ /de bzhin du rdo rje phreng ba dang sa'i dkyil 'khor dang rtsig pa yang rus pa rnams kyis
 te/ mdzod ces pa tshigs su bcad pa gsum du 'brel lo/ /rnam par dag pa'i ngas rus pa'i phye ma la sogs pa rdul tshon gyi nang du blugs par bya'o/ /sha khrag chu dang bshang ba rnams kyis shes pa ni sha rnam par dag pas lha ste shar du rdul
 tshon gdab ba'o/ /khrag rnam par dag pas gshin rje ste lhor rdul tshon gdab pa'o/ /chu rnam par dag pas nor sbyin te byang du rdul tshon gdab pa'o/ /bshang ba rnam par dag pas gzhan te nub tu rdul tshon gdab pa'o/ /dbus su khu ba rnam par
 dag pas rdul tshon gdab pa'o/ /gang du rdul tshon drug pa yin pa der ni rdul rnam par dag pas rdul tshon gdab pa'o/ /de ltar de bzhin gshegs pa sha la sogs pa rnam par dag pas rim pa bzhin du/ don yod pa dang/ rin
 chen dbang po dang/ 'od dpag med dang/ rnam par snang mdzad dang/ mi bskyod pa dang/ rdo rje sems pa ste drug go /mkhris pa zhes pa mkhris pa'i khams kyis nyi ma'i gdan rnams dang bad kan gyi
 khams kyis zla ba'i gdan rnams te/ nyi ma ri bong can yang zhes so/ /chu rgyus rnams kyis chu skyes rnams te zla ba dang nyi ma'i gdan gyi 'og tu'o/ /ra ba lnga'i re khA zhes pa la/ re khA dang po ni sa las skyes pa'i
 mthe bo rnam par dag pas so/ /gnyis pa ni chu las skyes pa'i mdzub mo rnam par dag pas so/ /gsum pa ni me las skyes pa'i gung mo rnam par dag pas so/ /bzhi pa ni rlung las skyes pa'i ming med rnam par dag pas so/ /lnga pa ni
 nam mkha' las skyes pa'i mthe chung rnam par dag pas so/ /de ltar rdul tshon gyi dkyil 'khor la ra ba lnga'i re khA mdzod ces pa'o/ /dus kyi rtsa yis gtso bo'i chu skyes shes pa ni a bo d+hU tI rnam par dag pas gtso bo'i pad+ma'o/ /lhag ma
 rnams ni la la nA la sogs pa rnams kyis te/ rtsa stong phrag bdun cu rtsa gnyis kyi mthar thug pa rnams kyis so/ /g.yo ba me'i dkyil 'khor la sogs pa pags pa la sogs kyis shes pa ni 'dir rlung gi dkyil 'khor pags
 pas so/ /me'i dkyil 'khor ni khrag dang drod kyi khams kyis so/ /chu'i dkyil 'khor ni rdul gyis so/ /nyi ma'i sgo rnams shes sgo bcu gnyis po rnams bug pa bcu gnyis po rnams kyis te/ rna ba la gnyis dang/ sna la gnyis dang/
 mig la gnyis dang/ kha la gcig dang/ gci ba dang bshang ba dang/ khu ba'i bug pa gsum dang nu ma gnyis la gnyis so/ /de ltar bug pa bcu gnyis te/ bug pa bcu gnyis rnam par dag pas rdul tshon gyi dkyil 'khor la mdzod cig ces pa'o//
 dkyil 'khor la nor bu'i rang bzhin bkod pa do shal la sogs gang yin pa de so'i phreng ba mdzod cig /dur khrod brgyad du 'khor lo gang yin pa de rnams ni sor mo rnams kyis sen mo yis shes pa lag pa dang rkang pa'i sen mo rnam par dag
 pas mdzod cig /ba spu rnams kyis rdo rje me lce zhes pa ni phyi rol gyi rdo rje'i phreng ba dang rdo rje 'bar ba ba spu rnams kyis mdzod cig ste/ dkyil 'khor gyi ni mdza' ru phyogs dang phyogs bral dag la gnas pa'i ba spu rnams kyis rdo rje me lce'o/ /de
 ltar nges par sku'i rdo rje khams drug gi bdag nyid sa la sogs pa'i dbye bas mchog gi yon tan rnams mang dkyil 'khor gyi ni rnam par gsungs shes pa ni dkyil 'khor gyi nges pa'o/ /da ni lha'i tshogs kyi rnam par dag pa gsungs
 pa/ gsung gi rdo rje zhes pa la sogs pa ste/ 'dir a sogs ka sogs dbyangs dang gsal byed kyi bdag nyid ni gsung rdo rje ste/ dbyangs dang gsal byed yongs su gyur pa'i lha'i tshogs mdza' dag rgyal ba'i rigs dang bcas pa'o//
 des na gsung gis rdo rje ni lha'i rnams pa gnyis su gsungs te/ de nyid rdul tshon gyi dkyil 'khor la lha'i rnam par mdzod cig ces pa'o/ /stong pa drug gis thugs kyi rdo rje zhes pa ni/ mig gi rnam par shes pa dang/ rna ba'i
 rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ /yid kyi rnam par shes pa rnam par dag pas rnam pa drug ste/ stong pa drug dang gzugs la sogs pa'i yul
 rnams kyis sgrib pa med pa thugs rdo rjer 'gyur ro/ /rnam pa gsum gyi srid pa la gnas kun la khyab pa gtso bo'i rnam pa gcig pu mdzod cig /de bzhin du ni ye shes rdo rje gzung bar bya ba'i sems rnam pa
 gsum gyi srid pa la gnas pa sna tshogs yum gyi rang bzhin stong pa nyid kyi gzugs srid pa'i 'jigs pa 'joms pa rtogs pa thams cad las rnam par grol ba'i shes rab gtso mor dkyil 'khor la mdzod cig ces pa'o/ /
 de ltar lus la sku dang gsung dang thugs dang ye shes kyi khams rnams dang/ phyi rol tu dkyil 'khor dang lha'i tshogs dang gtso bo dang gtso mo ste/ kun rdzob dang don dam pas sprul pa dang longs spyod rdzogs pa dang chos dang lhan
 cig skyes pa'o zhes grub po/ /da ni sngags drug gi rigs rnams gsungs pa/ sde pa zhes pa la sogs pa ste/ 'dir ka la sogs pa sde ba drug ni ka tsa Ta ta pa sa zhes pa'o/ /sde pa ka pa la sogs pa rim par yongs su
 bkod pa de rnams kyi rigs drug ni rgyal ba rnams kyi rdo rje la sogs pa'i mtshan ma rnams te/ de la rdo rje ni ka sde'i rigs so/ /ral gyi ni tsa sde'i rigs so/ /rin po che ni Ta sde'i rigs so/ /'khor lo ni ta sde'i rigs so/ /chu
 skyes ni pa sde'i rigs so/ /de bzhin du gri gug ni sa sde'i rigs te/ nyid ces pa mdza' gcig tu'o/ /sde pa'i rigs nges pa'o/ /slar yang sde pa re re la yang mdza' dag rgyal
 ba mchog gi dbye ba lnga rnams dag gis dbye zhes pa ni/ 'dir gang du gcig yin pa der kun 'byung gi bden pas rigs lnga rnams su 'gyur te/ des na 'jig rten pa'i dngos grub kyi slad du de rnams kyi tha snyad do/ /de'i
 phyir sde pa re re la yang so sor yi ge'i dbye ba sa'i dngos po dang chu'i dngos po dang/ me'i dngos po dang/ rlung gi dngos po dang/ nam mkha' i dngos po las so sor sde pa rnam par lngar dbye ste/ ka kha ga g+ha nga zhes pa dang/ de bzhin du tsa la sogs
 pa ste/ so sor brjod pa'i klog gis sdud pa'i rim pas bklags pa'o/ /slar yang nga la sogs pa rnams nam mkha' la sogs pa'i bskyed pa'i rim pas bklags pa ste/ de dag kyang gsungs pa/ dang por zhes pa la sogs pa ste/
 'dir dang por re zhig stong pa ni nga nya Na ma na dang de bzhin du th+ka dang po'i dbyangs shes pa a yig dang/ de'i dbus su lhung ba ni de smos pas gzung ba'i phyir ro zhes pa'i brda'i skad kyis ha yig kyang nam mkha' i dbye ba'o zhes grub bo//
 de bzhin du rlung gi dbye ba i yig g+ha dzha Dha b+ha d+ha sha rnams dang yag dang ya yig go /me'i mig dza Da ba da Sha rnams dang ra'o/ /chu'i u kha tsha Tha pa tha nypa rnams dang wa'o/ /sa'i li ka tsa Ta pa ta sa rnams dang la'o/ /de ltar mchog
 gi rgyal ba'i rigs ni rnam pa lnga yis ka la sogs pa'i sde rnam par phye zhes pa ste/ rdo rje dang ral gri dang rin po che dang pad+ma dang 'khor lo'i rigs rnams kyis gsungs pa'i yi ge nga la sogs pa rnams rigs par bya'o/ /zhes pa
 ni nges pa'o/ /da ni gtsug tor gyi rigs rnams gsungs pa/ gtsug tor zhes pa la sogs pa ste/ 'dir gtsug tor chen po'i rigs chen gang yin pa de ni stong pa lnga ste/ 'jig rten khams kyi le'ur brjod zin to/ /rigs
 gsum ni sku dang gsung dang thugs kyi rdo rje ste oM A(rgyud 'grel zhes pa ni ha ya ra wa ka k+Sha dang ldan pa'i ka sogs sde pa mdza' dag rnams te/ gsal byed sum cu rtsa drug go /ha ya ra wa lar ldan dbyangs dang bcas pa'i sde pa rnams te/ ha la sogs pa dbyangs dang bcas pa
 drug cu sngar gsungs pa rnams dang/ ka la sogs pa dbyangs dang bcas pa sum brgya drug cu dang/ slar yang yon tan dang 'phel pa dang ya Nar bsgyur bas phye ba stong brgyad cu ni 'jig rten 'jig rten 'das pa'i rigs su 'gyur ro/ /
 gsal byed brtsegs pa ni rig sngags 'chang gi dbang po mdza' dag tu 'gyur te/ ka sogs sde pa brtsegs pa la gnas brgyad rnams shes pa ni/ k+kh+g+g+h+nga ts+tsh+dzdzh+nya TThDDh+Na p+phbb+hma t+th+d+d+h+na snypShshth+ka lwryha lth+rk+Sha zhes pa'o/ /da ni ka la sogs pa'i yi ge so so re re la
 brgyad so so re re gsungs pa/ ka sogs shes pa la sogs pa ste/ 'dir ka la sogs pa'i gsal byed sum cu ha ya ra wa la k+Sha dang bcas pa ni sum cu rtsa drug nyid de de rnams ni yi ge zhes bya'o/ /
 yi ge de rnams dbyangs kyi rnam par 'gyur bas phye ba zhes pa la/ dbyangs ni a yig la sogs pa thung ngu dang ring po bcu gnyis dang/ yon tan dang 'phel bar gzhag par bya ba bcu gnyis dang/ ya Nar
 bsgyur ba thung ngu dang ring po bcu gnyis te/ dbyangs kyi rnam par 'gyur ba 'di rnams kyi drug drug gis phye bar 'gyur pa na ro yis bsgyur ba'i ro zhes pa sum cu rtsa drug gi 'khor lo'i mgon po rnams su 'gyur ro/ /yi ge so so re re la
 sum cu rtsa drug gi dbye bas phye bar 'gyur te/ de ltar na thams cad la sum cu rtsa drug go /rgyud sum cu rtsa drug po rnams la gsal byed sum cu rtsa drug gi rang bzhin gyis 'khor lo'i mgon por yang 'gyur ro/ /dang por gsal
 byed ka gtso bo yis ka rdo rje'i rgyud gsungs te/ de la dkyil 'khor du gtso bo sku ni gcig pa dbyangs gcig gis phye ba ste/ dpa' bo gcig pa ni a yig dang bcas pa'i gsal byed ka'o/ /'khor dang bcas pa gnyis shes pa/ a yig gnyis dang ldan
 pa ni gtso bo shes rab dag gis khyud par 'gyur te kA'o/ /lnga'i bdag nyid lnga yis 'gyur te zhes pa ni kA ki kri ku kli zhes pa'o/ /'khor dang bcas pa dgu ni 'khor lo'i mgon po dgu bdag nyid ces pa ni kA kI kri krI ku kU kli klI zhes pa'o/ /dbyangs kyi
 grangs ni bdag nyid bcu gsum dgu dang phyogs rnams kyis kyang zhes pa ni bcu gsum gyis bcu gsum gyi bdag nyid de/ sngar brjod pa rnams kya kra kba kla ya Nar bsgyur ba 'di rnams dang ldan pa ni sgo skyong ba rnams dang bcas pa bcu gsum
 gyi bdag nyid do/ /'di yang yon tan rnams kyis phye ba bcu dgu'i bdag nyid du 'gyur te ka ka kar ko kal ki zhes pa rnams dang bcas pa'o/ /de nas nyi shu rtsa lnga'i bdag nyid ni yon tan dang 'phel ba rnams dang bcas pa ste/ kA kai kAr ko k+ka la
 ka(rgyud 'grel dang bcas pa ste/ thams cad du sum cu rtsa bdun gyi bdag nyid ni dbus su hUM yig gtso bo dang sum cu rtsa drug dkyil 'khor pa rnams so/ /ka kA ki kI kri krI ku kU kli klI kaM ka(rgyud 'grel bzhin du ka kA ke kai kar kAr ko kau kal kAl kaM ka:zhes pa ni yon tan dang 'phel ba rnams kyis phye ba'i yi ge'o/ /kha khA kya kyA kra krA kwa kwA kla klA khaM kha:zhes pa ni /thung ngu dang ring po'i ya Nar bsgyur bas phye ba'i yi ge ste ka yig go /kha pa sogs pa 
 rnams kyang so sor sum cu rtsa drug go /de bzhin du kha rdo rje la sogs pa'i rgyud gsungs te/ gsal byed gcig gi bdag nyid dbyangs sum cu rtsa drug gis phye ba'o/ /de ltar sum cu rtsa drug gi bdag nyid ni dkyil 'khor gyi dbang po'o//
 ya la sogs pa rnams kyis sgo skyong zhes pa ni ya Nar bsgyur ba dang bcas pa'i gsol byed kya kra kwa kla zhes pa 'di rnams kyi sgo skyong rnams so/ /mdza' dag tshogs kyis rigs phung po dang khams dang skye mched kyi mtshan nyid ni lhag
 ma'i dbyangs thung ngu dang ring po dang yon tan dang 'phel bar gzhag par bya ba rnams kyis te/ lhag ma'i dbyangs rnams nyid kyis so/ /khro bo drug tu ha sogs kyis 'gyur zhes pa ni gang du phyogs bcu rnams su khro bo bcur 'gyur
 ba dang gzhan khro bo drug po de dag tu ha la sogs pa ya Nar bsgyur ba'i ring po rnams kyis 'gyur te/ kha khA kyA krA kwA klA zhes pa'o/ /gang du khro bo'i dbang po yin pa der kaM ka(rgyud 'grel rigs gcig gi rgyud la yang dbyangs drug rigs kyi dbye ba rnams kyis so/ /zhes pa ni nges pa'o/ /rang rigs phyogs su gnas pa ni nam mkha' i khams steng dang/ ye shes kyi khams 'og tu gnas pa ste/ lha gzhan rnams ni rlung
 gi dbyangs la sogs pa'i dbye ba yis shar dang lho dang byang dang nub tu gnas so/ /de ltar so sor ka yig la sogs pa'i gsal byed ni yi ge'i dbye ba rnams kyis te/ dbyangs kyi dbye ba rnams kyi ro yis bsgyur ba'i ro zhes pa sum cu
 rtsa drug gi dbye bas phye ba ni rnal 'byor ma dang rnal 'byor rgyud ces pa ste/ kun rdzob kyis gang du rnal 'byor ma rnams yang dag par rgyu zhing gtso bo mi g.yo ba de ni rnal 'byor ma'i rgyud do/ gang du thabs yang dag par rgyu zhing shes rab
 mi g.yo ba de ni thabs kyi rgyud do/ /rang gi ngo bos ni thams cad shes rab dang thabs kyi bdag nyid can rnal 'byor gyi rgyud nyid do/ /de bzhin du dgyes pa'i rdo rje las gsungs pa/ haM yig gis ni snying rje che/ /badzra shes rab ces brjod de/ shes rab thabs kyi
 bdag nyid rgyud/ /de ni bdag gis bshad kyis nyon/ /zhes gsungs pa'i phyir dgyes pa rdo rje ni shes rab kyi rgyud du mi 'gyur te/ shes rab kyi rgyud nyon zhes gsungs pa med pa'i phyir ro/ /de bzhin du 'dus pa las/ thabs dang shes rab snyoms
 'jug pa/ /rnal 'byor ces par mngon par brjod/ 'dus pa sbyor bar rab gsungs te/ /sangs rgyas thams cad mngon rjod byed/ /ces gsungs pa'i phyir/ 'di ni thabs kyi rgyud du mi 'gyur ro/ /de bzhin du dang po'i sangs rgyas las/ thabs kyi lus
 kyi rnal 'byor min/ /shes rab gcig pus 'gyur ma yin/ /thabs dang shes rab snyoms 'jug pa/ /de bzhin gshegs pas rnal 'byor gsungs zhes so/ /de bzhin yi ge so so ni ro yis bsgyur ba'i ro zhes pa/ rnal 'byor ma dang rnal 'byor
 gyi rgyud sum cu rtsa drug gi dkyil 'khor la ni dkyil 'khor gyi dbang po'i rigs gcig gi rgyud dang/ rigs gsum dang rigs lngar grub pa gang yin pa de nyid stong dang 'bum dang bya ba'i dbye bas phyed ste/ mdza' yas pa'i sems can
 gyi bsam pa'i dbang gis 'dus pa la sogs pa dang dgyes pa'i rdo rje la sogs pa'i rgyud rnams la grangs med do zhes pa ni rgyud kyi nges pa'o/ /da ni sngags kyi lha rnams kyi nang gi dag pa gsungs pa/ phung po zhes pa la sogs pa ste/ 'dir phung
 po lnga yis lnga'i bdag nyid dag par 'gyur ro/ /phung po lnga dang 'byung ba rnams kyis dgu'i bdag nyid dag par 'gyur ro/ /las kyi dbang po bzhi dang bcas pas bcu gsum gyi bdag nyid dag par 'gyur ro/ /yul drug dang bcas pas bcu dgu'i bdag
 nyid dag par 'gyur ro/ /dbang po drug dang bcas pas nyi shu rtsa lnga'i bdag nyid dag par 'gyur ro/ /las kyi dbang po'i bya ba lnga dang bcas shing las kyi dbang po lnga pa rab tu zhugs pa na rang 'od kyi shes rab dang bcas
 pa sum cu rtsa gnyis kyi bdag nyid do/ /las kyi dbang po drug pa dang las kyi dbang po'i bya ba drug pa dang ldan pa ni sum cu rtsa bzhi'i bdag nyid do/ /phung po dang khams drug po dag dang ldan pa ni sum cu rtsa drug gi bdag nyid do/ /de ltar 
 phung po drug dang/ khams drug dang/ dbang po drug dang/ yul drug dang/ las kyi dbang po dang/ las kyi dbang po'i bya ba drug ste/ khams rnams ni dkyil 'khor pa rnams so/ /de rnams la khyab par byed pa sems dang ye shes ni thams
 cad du gtso bo ste/ de ltar dbyangs kyi dbye bas mdza' dag tshogs kyi rigs ni sbyang bar bya zhes so/ /stong pa gzhom med la sogs shes pa ni/ 'dir ye shes la sogs pa stong pa drug ste/ mdza' dag rgyal ba'i rigs phung po drug
 rnam par dag pa rnams kyis lha rnams rgya yis gdab pa ste/ gtsug tor nas ni chu skyes mdza' ru mi mnyam mnyam pa'i rigs las 'khor lo'i dbus kyi gdan la'o/ /zhes pa ni 'dir gtsug tor gyi 'khor lo'i thig le mi
 bskyod pa a'o/ /de bzhin du snying khar sgra gcan gyi dkyil 'khor la don yod grub ba i'o/ /dpral bar zla ba'i dkyil 'khor la snang ba mdza' yas u ste/ mi mnyam pa'i 'khor lo mi mnyam pa'i rigs so/ /de bzhin
 du lte bar dus kyi me la rnam par snang mdzad li'o/ /mgrin par nyi ma la rin chen dbang po ri'o/ /gsang bar ye shes kyi dkyil 'khor la rdo rje sems dpa' aM zhes pa ste/ sku'i rgyas gdab pa la lha rnams kyi rgyas gdab
 pa'o zhes pa nges pa'o/ /srog gi rgyas gdab pa la ni/ lte bar li'o/ /snying gar u'o/ /mgrin par ri'o/ /dpral bar i'o/ /gtsug tor du a ste/ sa la sogs pa'i dkyil 'khor la dgod par bya'o/ /de bzhin du thugs kyi thig le rgyas
 gdab pa la ni/ dpral par zla ba'i dkyil 'khor la o/ mgrin par nyi ma'i dkyil 'khor la A(rgyud 'grel yig ni gdong ma nas ma skyes pa'i phyir chos thams cad kyi sgo'o zhes pas rdo rje nor bu la a zhes pa sgrub po/ /sku dang gsung dang thugs dang ye shes rnams kyis rgyas gdab pa'o/ /da ni zhal gyi dbye ba gsungs pa/ rdo rje rnams kyis shes pa
 la sogs pa ste/ 'dir rigs gcig dang rigs gsum dang/ rigs lnga dang/ rigs drug ni rdo rjer gsungs shing/ rdo rje de rnams kyi zhal gyi dbye bar 'gyur te/ rigs gcig gis zhal gcig go /rigs gsum gyis dag pa zhal gsum
 mo/ /rigs lnga yis dag pa zhal lngar 'gyur ro/ /rigs drug gis dag pa zhal drug tu 'gyur te 'jigs shes so/ /de bzhin du zhal brgyad pa la sogs pa nas ha la ha la gdong brgya pa'i bar du khams rnams kyi dag la gtso bor
 'gyur ro zhes pa rgyud gzhan du nges pa ste rgyal ba'i bdag po'i'o/ de bzhin du dus kyi 'khor lo la dkyil 'khor gyi bdag po yang/ gcig la sogs pa mdza' yas zhal dang phyag dang zhabs mang du ma'i kha dog dag ni mun pa'i
 mthar zhes pa la sogs pa sgrub thabs kyi le'u las gsungs so/ /'dir phyag nyi shu rtsa bzhi pa'i phyag rnams kyi dbye ba ni dbyangs kyi dbye ba yis shes pa la/ ha hA hi hI h+ri h+rI hu hU zhes pa ni nag po brgyad de mun pa'i yon tan las so/ /ha hA he
 hai har hAr ho hau zhes pa ni dmar po brgyad de rdul gyi yon tan las so/ /hha hhA hya hyA h+ra h+rA hwa hwA zhes pa ni dkar po brgyad de/ snying stobs kyi yon tan las so zhes pa dus kyi 'khor lo yi'o/ /de bzhin du sna tshogs yum gyi
 ni yon tan thams cad las/ haM ha(rgyud 'grel pa nam mkha' dang rlung dang me dang chu dang sa dang ye shes kyi dbye ba ste lha'i tshogs thams cad kyi rgyas gdab pa'o/ /gzhan yang de bzhin du sku'i rgyas gdab pa oM/ gsung gi rgyas gdab pa A(rgyud 'grel shes rab kyi rgyas gdab pa ho/ /rigs gcig gis rgyas gdab pa gzhom du med pa'i a yig go zhes pa ste/ de ltar rigs drug dang rigs lnga dang rigs bzhi dang rigs gsum dang rigs gcig gis rgyas gdab pa ni
 sum cu rtsa drug rnal 'byor gyi rgyud rnams la'o/ /dpag med yon tan yi ge du ma'i rab tu dbye ba can te rgyud sna tshogs pa/ yi ge so so'i ming can zhes pa/ ka rdo rje ma dang/ kha rdo rje dang/ ga rdo rje dang/ g+ha rdo rje dang/ nga rdo rje ste/ de
 bzhin du yi ge sum cu rtsa drug gi bar du tsa yig la sogs pa'i ming can/ mnyam pa'i rigs shes pa/ shes rab kyi rgyud dang mi mnyam pa'i rigs shes pa thabs kyi rgyud la lha dang lha mo rnams kyi rgyas gdab pa'i nges pa
 ste/ phyi rol tu lag gdub la sogs pa dang nang du sangs rgyas kyi bdag nyid do/ /da ni sngags kyi lha rnams kyis skyed pa'i rim pa la skyed pa'i rnam par dag pa gsungs pa/ sa bon zhes pa la sogs pa ste/ 'dir ji ltar mngal
 'dzin pa na byang chub sems kyi rten dang bcas pa'i yid kyi rnam par shes pa gcig pu yul chos kyi dbyings dang gcig tu 'dres par gyur pa ni skyes pa'i dpa' bo gcig par gsungs te/ rang 'od kyi shes rab ni nang du 'dus su/ de bzhin du lha ni
 ka yig gcig pus dpa' bo gcig par 'grub bo/ /phyi nas sa bon de rdul la ro mnyam pa ni shes rab dag gis 'khyud par 'gyur zhes pa ni/ de'i bag chags las rnam par shes pa'i phung po shes rab kyis 'khyud pa kA zhes par 'gyur te
 bzhi pa'i sbyor ba las so zhes pa nges pa'o/ /de bzhin du phung po lnga rdzogs pa na mngal du lnga'i bdag nyid de/ de bzhin du lha yang lnga'i bdag nyid can kA ki kri ku kli zhes pa'o/ /de bzhin du rus pa dang khu ba dang dro ba dang g.yo ba'i chos
 skyes pa na phung po khams kyis byin gyis brlabs pas mngal du dgu'i bdag nyid ji lta ba de bzhin du lha yang/ kA ki kI kri krI ku kU kli klI zhes pa grub bo/ /de bzhin du dag dang lag pa dang rkang pa dang bshang lam rdzogs pa na sngar gyi phung po dang khams dang bcas pa bcu
 gsum gyi bdag nyid de/ las kyi dbang po rdzogs pa na byis pa ji lta bas de bzhin du lha yang kA ki kri krI ku kU kli klI kya kra kwa kla zhes pa'o/ /nang du yul skyes pa na sngar gyi phung po la sogs pa dang lhan cig mngal du bcu dgu'i bdag nyid ji lta ba de
 bzhin du lha yang kA ki kI kri krI ku kU kli klI kya kra kwa kla kA kai kar kau kAl ka(rgyud 'grel kla kA kai kAr kau kAl(rgyud 'grel yang/ ka kA ki kI kri krI ku kU kli klI kha khA kya kyA kra krA kwa kwA kla klA ka kA ke kai kar kAr ko kau kal kAl kaM ka(rgyud 'grel ba na bzhi pa'i gnas skabs su 'gyur zhing bzhi pa de nyid sku bzhi pa dang/ phung po drug pa dang/ khams drug dang/ dbang po drug pa dang/ yul drug pa dang/ las kyi dbang po drug pa dang/ las kyi dbang po'i bya ba drug par 'gyur te/ de
 ltar phung po drug dang/ khams drug dang/ skye mched bcu gnyis dang/ las kyi dbang po drug dang/ las kyi dbang po'i bya ba drug ste/ de ltar khams sum cu rtsa drug ni sum cu rtsa bdun pa ye shes dang sems kyi brten par 'gyur ba'o/ /
 de bzhin du lha rdzogs pa la/ ka kA ki kI kri krI ku kU kli klI kaM kA(rgyud 'grel bzhin du ka kA ke kai kar kAr ko kau kal kAl kaM ka(rgyud 'grel e yig go/ e waM gi yi ge ni gtso bo bde ba chen po ste/ dkyil 'khor gyi bdag po'o/ /ka rdo rje'i rgyud la ji lta ba de bzhin du kha rdo rje la sogs pa la grub po/ /de ltar snying po'i 'bar ma la phung po dang khams rnams so//
 phyi'i 'phar ma la skye mched bcu gnyis dang/ sgo skyong rnams dang las kyi dbang po yul dang bcas pa rnams so/ /'dir gzhon nu lo bcu drug gi rjes la bu dang bu mo'i phung po rnams skyed par byed pa nyid kyi phyir dbang phyug mdza' 
 yas 'khor lo can zhes pa ji lta ba de bzhin du de bzhin gshegs pa lnga la sogs pa'i bkod pa spro ba'i phyir lha'i tshogs kyi gtso bo ni dbang phyug mdza' yas 'khor lo can du 'gyur ro/ /zhes pa nges pa'o/ /'dir mngal gyi lus skyed pa
 ji lta ba de bzhin du lha bskyed pa la dkyil 'khor rgyal mchog dang bsnyen pa'i yan lag go /ngag bskyed pa ji lta ba de bzhin du las rgyal mchog dang/ nye ba'i sgrub pa'o/ /byang chub kyi sems kyi thig le skyed pa ji lta ba de bzhin du thig le'i
 rnal 'byor dang sgrub pa'o/ /khu ba 'pho ba na bde ba bskyed pa ji lta ba de bzhin du phra mo'i rnal 'byor dang sgrub pa chen po ste/ de ltar yan lag bzhi'i sgrub pa nang gi le'u las sngar gsungs pa de rgya cher sbyar bar bya'o/ /zhes pa ni nges pa'o/ /da ni
 'khor lo drug po rnams su khams drug las rigs kyi lha rnams spro bar gsungs pa/ dag par zhes pa la sogs pa ste/ 'dir lo bcu drug gi rjes la mi rnams kyi khams drug gi rang bzhin gyis sems kyi sna tshogs pa spro bar byed pa ji lta
 ba de bzhin du gtso bo ya yang khams drug gi dbye bas te/ dag par zhes pa dpral ba'i 'khor lor/ yang dag pa'i chu las shes pa sgrib pa med pa'i chu'i khams dang 'du shes kyi phung po las/ lha'i tshogs ri bong 'dzin pa ltar dkar
 pad+ma'i mtshan ma spro ba ni 'di lta ste/ 'od dpag med dang/ mA ma kI dang/ pad+ma mthar byed dang/ mi g.yo ba dang/ nga rgyal ma dang/ tsun dA dang/ 'jig rten dbang phyug dang/ gzugs rdo rje dang/ drag mo dang/ dpal mo dang/ rgya mtsho dang/
 tshogs kyi dbang po dang/ klu mdza' yas dang/ rigs ldan dang/ stag gdong ma dang/ 'ug gdong ma ste/ de ltar lha 'di dag g.yon gyi zhal nas shes pa sku'i zhal dkar po nas mchog gi snying rje yis spros pa'o/ /zhes pa ni bcom ldan 'das
 dus kyi 'khor lo'i nges pa'o/ /'dir snang ba mdza' yas la rnam par shes pa dang lha'i tshogs la snang ba mdza' yas kyis rgyas btab pa/ pad+ma'i mtshan ma can zhi ba dang/ rgyas pa'i las kyi dngos grub ster ba/
 chu'i kha dog las dkar po ste/ de ltar snang ba mdza' yas kyi rigs kyi lha spro ba dang bsdu ba ni so sor rtog pa las so/ /da ni don yod grub pa'i rigs spo ba gsungs pa/ chos la zhes pa la sogs pa ste/ 'dir snying kha chos kyi 'khor
 lor yang dag pa'i rlung gi khams dang dag pa'i 'du byed las ral gri'i mtshan ma'i lha'i tshogs kha dog nag po ni 'di lta ste/ don yod grub pa dang/ sgrol ma dang/ bgegs mthar byed dang/ dbyug pa sngon po dang/ shin tu stobs ma
 dang/ rdo rje lcags sgrog ma dang/ nam mkha' i snying po dang/ reg bya rdo rje ma dang/ tsar tsi kA dang/ khyab 'jug ma dang/ rlung lha dang/ bden bral dang/ pad+ma dang/ stobs rgyu dang/ bya rog gdong ma dang/ khyi gdong ma dang/ 'di dag ni byams
 pa'i thugs kyis srid pa gsum gyi bdag pos shar gyi zhal nas shes pa/ thugs kyi zhal nas spros pa'o/ /'dir don yod grub pa la rnam par shes pa dang/ lha'i tshogs la don yod grub pas rgyas btab pa/ ral gri'i mtshan/
 mtshan bsdud pa dang dbye ba'i las kyi dngos grub ster ba/ rlung gi kha dog las nag po ste/ de ltar don yod grub pa'i rigs kyi lha rnams spro ba dang/ bsdu ba ni bya ba nan tan las so/ da ni rin chen 'byung ldan gyi rigs spro ba gsungs
 pa longs spyod rdzogs par dag pa'i me las shes pa ste/ 'dir mgrin pa'i 'khor lo dag pa'i me dang dag pa'i tshor ba las nyi ma 'char ka dang mtshungs shes pa kha dog dmar po ste/ rin chen 'dzin ces pa rin chen 'byung ldan dang/ de bzhin
 du gos dkar mo dang/ shes rab mthar byed dang/ 'dod pa'i rgyal po dang/ rmugs byed ma dang/ khro gnyer can dang/ sa'i snying po dang/ ro'i rdo rje ma dang/ phag mo dang/ gzhon nu ma dang/ me lha dang/ smin drug gi bu dang/ phag gdong ma dang/
 bya rgod gdong ma dang/ nor rgyas kyi bu dang/ dud skyong ste/ 'di dag dpal ldan g.yas kyi zhal nas mchog gi dga' ba yis ni sna tshogs gtso bos spros pa'o zhes pa gsung gi zhal gyi rang bzhin las thams cad kha dog dmar po rin chen 'byung
 ldan gyis rgyas btab pa dbang dang dgug pa'i dngos grub ster ba'o/ /de ltar rin chen 'byung ldan gyi rigs kyi lha rnams spro ba la sogs pa ni mnyam pa nyid kyi ye shes las te/ 'dir yang rin chen 'byung ldan ni rnam par shes pas rgyas btab
 pa'o/ /da ni rnam par snang mdzad kyi rigs kyi lha spro ba gsungs pa/ lte bar yang dag dag pa'i sa las shes pa la sogs pa ste/ 'dir lte bar zhes pa sprul pa'i 'khor lo/ /dag pa'i gzugs kyi phung po dang/ dag pa'i sa'i khams las mchog gi gser
 dang mtshungs pa kha dog ser po'i thub pa phyag na 'khor lo zhes pa rnam par snang mdzad de/ de bzhin du spyan ma dang/ gshin rje mthar byed dang/ stobs po che dang/ rengs byed ma dang/ 'od zer can dang/ rnam par sel ba dang/ dri rdo rje ma dang/ dbang
 mo dang/ tshangs ma dang/ brgya byin dang/ tshangs pa dang/ 'dzag po dang/ pad+ma chen po dang/ lce spyang gdong ma dang/ mkha' lding gdong ma ste/ 'di rnams gtso bo yis ni btang snyoms dag gis nub kyi zhal nas shes pa/
 ye shes kyi zhal nas skye bo kun la phan rnams spros pa ste/ kha dog ser po rengs pa dang rmongs pa la sogs pa'i las kyi dngos grub ster ba rnam par snang mdzad kyis rgyas btab cing rnam par snang mdzad la yang rnam par shes pas
 rgyas btab pa'o/ /de ltar rnam par snang mdzad kyi rigs spro ba la sogs pa ni me long lta bu'i ye shes las so/ /da ni mi bskyod pa'i rigs spro ba gsungs pa/ gtsug tor dag pa'i stong pa las ni zhes pa ste/ gtsug tor
 gyi 'khor lor dag pa'i rnam par shes pa'i phung po dang dag pa'i nam mkha' i khams las mchog gi rdo rje 'dzin pa mi bskyod pa ye shes kyis rgyas btab pa kha dog ljang khu ste/ de bzhin du rdo rje dbyings kyi dbang phyug ma dang/ gtsug tor dang
 rdo rje hUM mdzad dang/ drag spyan ma dang/ khro bo'i rgyal mo dang/ phyag na rdo rje dang/ chos kyi dbyings kyi rdo rje ma dang/ khyab 'jug dang/ gshin rje dang/ klu rgyal pa ste/ 'di dag steng gi zhal nas spros pa yon tan mang po'i gnas te/ las
 thams cad kyi dngos grub ster ba rdo rje'i mtshan ma can mi bskyod pas rgyas btab pa nam mkha' i kha dog las ljang khu'o/ /de ltar mi bskyod pa'i rigs kyi lha spro ba la sogs pa ni shin tu rnam par dag pa'i chos kyi dbyings kyi ye
 shes las so/ /da ni rdo rje sems dpa' i rigs spro ba gsungs pa/ gsang bar dag pa las ni zhes pa la sogs pa ste/ 'dir gsang ba'i 'khor lor dag pa'i ye shes kyi phung po dang dag pa'i ye shes kyi khams las rdo rje sems
 dpa' sngon po rdo rje rtse gsum pa'i mtshan ma can/ rnam par shes pas rgyas btab pa dang/ de bzhin du ye shes kyi khams shes rab sngon mo dang/ gnod mdzes rgyal po dang/ rdo rje shugs dang/ shin tu sngon mo dang/ khro bo'i dbang
 phyug ma dang/ drag po dang/ dzam b+ha la dang/ kun tu bzang po dang/ sgra rdo rje ma dang/ klu rnams par rgyal ba ste/ skye bo kun la phan pa 'di dag ni srog chags rnams kyis thar pa'i rgyu ru 'og gi zhal ye shes kyi chos las spros pa/
 shin tu rnam par dag pa'i chos kyi dbyings kyi ye shes las kha dog sngon po mi skyod pa'i sku sngon po dang rdo rje sems dpas rgyas btab pa/ las thams cad sgrub par byed pa'o/ /de ltar 'khor lo drug tu rigs drug gi lha rnams spro ba dang 'gro ba'i
 don byed pa ste/ lo bcu drug gi rjes la dus kyi 'khor lo skyed par byed pa nyid kyis grub pa'o/ /zhes pa nges pa'o/ /'dir rnam par shes pa'i phung po mi bskyod pa ljang khu la mi bskyod pa'i gzugs sngon po dang/ ye shes kyi phung po sngon po la mi
 bskyod pa ljang khus rgyas btab pa'o/ /yang na sku dang gsung dang thugs dang ye shes kyi rigs bzhi'i dbye bas gang du rgyas gdab pa der zla ba'i chos las rnam par snang mdzad dkar po dang nyi ma'i chos las snang ba mdza' yas dmar po dang/
 sgra gcan gyi chos las mi bskyod pa nag po dang/ dus me'i chos las rdo rje sems dpa' ser po'o/ /yang na sgrub thabs kyi le'u las gsungs pa'i cho gas rten dang brten pa'i 'brel pas rgyas gdab ste/ de bzhin du ma bskyod pa ni rnam par
 snang mdzad kyis rgyas gdab po/ /rnam par snang mdzad ni snang ba mdza' yas kyi'o/ /snang ba mdza' yas ni rin chen 'byung ldan gyi'o/ /rin chen 'byung ldan ni don yod grub pa yi'o/ /zhes pa rgyas gdab pa'i nges pa'o/ /de ltar khams gsum
 pa'i dbang phyug chen po mdza' yas 'khor lo can ni rgyud gzhan thams cad la rig par bya ste/ rigs gsum dang rigs lnga la yang ngo/ /da ni shes rab kyi rgyud spro ba gsungs pa phyogs kyi 'dab mar zhes pa la sogs pa ste/ 'dir 'khor lo
 sdom pa las grags pa rdo rje mkha' 'gro ma la sogs pa bzhi ni spyan ma la sogs pa ste/ sa la sogs pa'i rang bzhin zhi ba la sogs pa'i dngos grub ster ba'o/ /de dag kyang thugs kyi zhal la sogs pa'i kha dog nag po la sogs pas
 phye ba ste/ bden par sa la sogs pa'i las kyi dngos grub ster bar mi 'gyur ro/ /de bzhin du gsungs pa/ ser pos rengs pa'i bya ba dang/ dkar pos sa la zhi ba'o/ /dmar pos dbang dang dgug pa ste/ nag pos bskrad
 pa la sogs so zhes so/ /de'i phyir kha dog nag po'i dbang gis rdo rje mkha' 'gro ma ni rlung gi khams so/ /kha dog dmar po las lA mA ni me'i khams so/ /kha dog ser po las dum skyes ma ni sa'i khams so/ /zhal gyi kha dog dkar po
 las gzugs can ma ni chu'i khams so/ /de ltar thugs dang gsung dang ye shes dang sku'i zhal rnams rim pa bzhin du nag po dang dmar po dang ser po dang dkar po'i kha dog yin pa ji lta ba de bzhin du de'i phyogs kyi char gnas pa rab gtum
 ma la sogs pa lha mo dgu dgu po rnams kyi kha dog kyang rig par bya ste/ mngon brjod 'bum pa chen po las so/ /zhes pa bcom ldan 'das kyi nges pa'o/ /des na brtson 'grus chung ba dang ldan pa rnams la 'jam dpal gyis dus kyi 'khor
 lo 'dir nye bar bstan pa nyung ngu yis spros pa de nyid rab tu bstan to/ /phyogs kyi 'dab mar spyan ma la sogs shes pa ni nub kyi 'dab mar spyan ma'i kha dog las dum skyes ma ser po'o/ /dus kyi 'khor lo he ru ka'i ye shes kyi zhal nub
 ma ser po ste/ sa'i kha dog dang bshad pa'i rtsa'i rang bzhin las so/ /byang gi 'dab mar chu'i kha dog las gzugs can ma dkar mo dang/ byang gi sku'i zhal dkar po ste pa la nA'i rang bzhin las so/ /lhor me'i kha dog las lA mA
 dmar mo dang/ gsung gi zhal dmar po ste ra sa nA'i rang bzhin las so/ /shar gyi 'dab mar rlung gi kha dog las rdo rje mkha' 'gro ma nag mo dang thugs kyi zhal nag mo ste gtso ba'i rtsa'i rang bzhin las so/ /de bzhin du a ba d+hU tI'i rang
 bzhin gyis rdo rje phag mo ljang khu'o/ /dung can ma'i rang bzhin las bcom ldan 'das dus kyi 'khor lo he ru ka kha dog sngon po'o/ /de bzhin du thugs dang gsung dang sku'i 'khor lo'i rtsibs rnams la shar dang mer mkha' 'gro ma nag mo rnams so
 lho dang bden bral du dmar mo rnams so/ /nub dang rlung du ser mo rnams so/ /byang dang dbang ldan du dkar mo rnams te/ de bzhin du dur khrod brgyad du lha mo rnams rigs par bya'o/ /'di rnams kyi las rab 'byam la sogs pa rgya cher rgyud las
 gsungs pa ni phyag na rdo rjes mdzad pa'i 'grel bshad stong phrag drug cu pa las rtogs par bya ste/ des na bsdus pa'i rgyud 'dir ma bris so/ /phyogs bral 'dab ma la gnas shes pa la sogs pa ni go bla'o/ /de bzhin du 'dus pa dang/ sgyu
 'phrul ? ba yang rab tu grags te go bla'o/ /des na 'di ni thugs dang gsung dang sku'i rdo rje spro ba tsam las ma bris so/ /'dir rtsa ba'i rgyud las thig gi mtshan nyid ni/ /gnyis dang gcig dang gsum phyed bcas/ /phyed dang gcig dus ri
 bong can/ /dus dang gcig dang dus dang gcig/ cha ni sum cu gnyis sogs la/ /zhes pa ste/ lhag mar ba la sogs pa ni dus kyi 'khor lo'i dkyil 'khor bzhin no/ /da ni sdom pa chen po'i dkyil 'khor gsungs pa/ thig ni zhes pa la sogs
 pa ste/ 'dis nub kyi zhal ye shes kyi zhal nas 'khor lo sdom pa chen po ni 'khor lo gsum gyi sdom pa'i nyis 'gyur te/ gang gi phyir 'khor lo drug dang dur khrod bcu drug po rnams kyis so/ /des sgo brgyad rnam par spyad pa'i slad du 'di'i
 dkyil 'khor ni zlum po'o/ /de'i phyir dkyil 'khor 'di'i mtshan nyid gsungs pa/ thig ni drug dang bug pa cha shas shes pa ni dgu bcu rtsa drug gi cha shas so/ /g.yo ba'i dkyil 'khor la gnas rnams kyis shes pa 'jig rten gyi khams
 la rlung gi dkyil 'khor gyi mdza' dpag tshad 'bum phrag bzhir gnas pa dang/ lus la khru bzhir gnas pa rnams kyis te/ thig dgu bcu rtsa drug rnams kyis dkyil 'khor la thig btab nas/ de rnams kyi dbus su drug
 drug cha rnams kyis so sor 'khor lo bya ste/ de ltar 'khor lo ni cha drug drug rnams kyis so/ /pad+ma'i 'dab ma phyed kyis lte bar ldan pa yang drug gi cha rnams kyis te/ de ltar bdun po rnams la shar du cha bzhi bcu rtsa gnyis so/ /de bzhin du
 nub dang lho dang byang du ste/ thams cad gcig tu bsdus pa cha brgyad cu rtsa bzhi song ste dgu bcu rtsa drug las so/ /lhag ma cha bcu gnyis po rnams las cha drug gis shar gyi sa'o/ /nub tu yang de bzhin te/ byang dang lho ru yang de bzhin no/ /
 phyogs thams cad du thig rnams gdab pa'o/ /de la sngar gsungs pa'i dbus kyi cha drug rnams kyis bzhi yis pad+ma'i 'dab ma'o/ /gnyis kyis lte ba phyed do/ /de bzhin du bzhi yis 'khor lo'i rtsibs dang gnyis kyis gri gug la
 sogs pa rnams mtshan ma'i phreng ba'o/ /dbus su pad+ma 'dab ma bcu drug pa'o/ /pad+ma'i 'dab ma'i phyi rol tu gri gug gi phreng ba sngon po ste/ de'i 'og tu sa ljang khu'o de bzhin du ye shes kyi khams kyi 'khor lo la 'khor lo'i rtsibs
 kyang sngon po'o/ /de nas sa'i khams kyi 'khor lo la 'khor lo'i phreng ba ser po dang/ de bzhin du 'khor lo'i rtsibs te/ 'og tu sa nag po'o/ chu'i khams kyi 'khor lo la pad+ma'i phreng ba dang 'khor lo'i rtsibs dkar po ste
 'og tu dmar po'o/ /me'i khams kyi 'khor lo la rin po che'i phreng ba dang 'khor lo'i rtsibs dmar po ste/ 'og tu sa dkar mo'o/ /rlung gi khams kyi 'khor lo la ral gri'i phreng ba dang 'khor lo'i rtsibs nag po ste 'og tu sa ser po'o/ /
 nam mkha' i khams kyi 'khor lo la rdo rje phreng ba dang 'khor lo'i rtsibs ljang khu ste/ 'og tu sa sngon po'o/ /de nas cha drug gis ni tshon gyis te skyed byed zhal gyis dbang gis shes pa ni shar dang mer nag po'o/ /lho dang bden bral du dmar po'o/ /nub dang
 rlung du ser po'o/ /byang dang dbang ldan du dkar po'o/ /sgo'i 'khor lo de bzhin no/ /zhes pa ste/ sgo brgyad kyi mthar dur khrod chen po brgyad kyi 'khor lo rnams dang sgo brgyad kyi bar rnams su dur khrod brgyad kyi 'khor lo rnams te/ de ltar na dur khrod
 brgyad kyi 'khor lo rtsibs brgyad pa bcu drug go /snying po'i pad+ma'i 'dab ma brgyad la lha mo brgyad do/ /lha mo brgyad kyi bar bar gyi 'dab ma rnams la thod pa bdud rtsis gang ba brgyad do/ /'khor lo drug gi rtsibs brgyad po rnams la gnas dang nye ba'i
 gnas la sogs pa'i lha mo bzhi bcu rtsa brgyad dang/ de bzhin du dpa' bo rnams kyang rig par bya'o/ /phyi rol tu kha khyer la rta babs kyi ka ba'i rtsa bar klu'i rgyal po brgyad do/ /sgo'i rta babs la sgeg mo la sogs pa'o/ /lhag ma sgo la sogs pa'i
 mtshan nyid ni dus kyi 'khor lo'i dkyil 'khor bzhin du rig par bya'o/ /da ni 'khor lo drug gi rtsibs la sogs pa rnams la lha mo'i sa bon rnams gsungs pa/ ring po zhes pa la sogs pa ste/ ring po'i dbyangs lnga lI a'u rI a'i A zhes pa
 dang/ thung ngu a i ri u li zhes pa 'di rnams kyis phye ba sa ta pa Ta tsa ka sde pa drug po rnams kyi sa sogs stong sogs yi ge rnams so/ /rlung sogs rtsibs rnams la ring po zhes pa ni/ 'dir ye shes kyi 'khor lo la sa'i sde pa lhag pa'i
 lha ste/ de'i slI rlung gi rtsibs la'o/ /nypU dbang ldan du'o/ /Sh+rI bden bral du'o/ /shI mer ro/ /th+kA sa 'og ste/ rlung dang nub kyi dur khrod kyi 'khor lo'i dbus su'o/ /mkha' 'gro ma lnga po 'di dag ni sdig pa'i dus sbyor gyi dkyil 'khor lnga'i
 gtso mo ste/ sems can thams cad kyi sna bug g.yas pa las sdud pa'i rim pas srog 'bab pa'i phyir ro/ /de nas gzhu'i dus sbyor la ste th+ka ste/ rlung dang byang gi dur khrod kyi 'khor lo'i dbus su'o/ /ye shes kyi 'khor lo'i shar
 gyi rtsibs la shi'o/ /lhor Sh+ri'o/ /byang du nypU'o/ /nub du sli'o/ zhes pa ni/ gzhu'i dus sbyor la g.yon pa'i rtsa nas srog 'bab pa'o/ /de'i sa sa'i 'khor lo la ta'i sde pa lhag pa'i lha ste/ de'i tlI rlung du'o/ /thU dbang ldan du'o/ /drI bden bral
 du'o/ /d+hI mer ro/ /nA sa 'og tu ste/ rlung gi sgo'i dur khrod kyi 'khor lo'i dbus su'o/ /zhes pa ni bu mo'i dus sbyor la'o/ /de bzhin du srad la steng du na ste nub kyi sgor ro/ /shar du d+he'o/ /lhor dri'o/ /byang du thu'o/ /nub tu tli'o/ /de nas chu'i
 khams kyi 'khor lo la/ pa'i sde pa lhag pa'i lha ste/ de'i plI rlung du'o/ /phU dbang ldan du'o/ prI bden bral du'o/ b+hI mer ro/ mA sa 'og tu ste/ dbang ldan gyi sgo ru'o/ /de ltar karka Ta'i dus sbyor la lhag pa'i lha rnams so/ /de bzhin du seng
 ge'i dus sbyor la nam mkha' ste/ byang gi sgo ru'o/ /shar gyi rtsibs la b+hi'o/ /lhor bri'o/ /byang du phu'o/ nub tu pli'o/ de nas me'i 'khor lo la Ta'i sde pa lhag pa'i lha ste/ de'i TlI rlung gi rtsibs la'o/ ThU dbang ldan du'o/ TrI bden bral du'o/
 mer DhI'o/ NA 'og tu ste bden bral gyi sgo ru'o/ /zhes pa glang gi dus sbyor la'o/ de nas 'khrig pa la steng du Na ste lho'i sgo'i dur khrod du'o/ /shar gyi rtsibs la Dhi'o/ lhor Dri'o byang du thu'o/ /nub tu Tli'o/ de nas rlung gi 'khor lo la tsa'i sde pa lhag
 pa'i lha ste/ de'i tslI rlung gi rtsibs la'o/ /tshA dbang ldan du'o/ dzrI bden bral du'o/ dzhI mer ro nyA sa 'og tu ste me'i sgo ru zhes pa nya'i dus sbyor la'o/ /de nas lug gi dus sbyor la steng du ste shar gyi sgo'i dur khrod gyi 'khor lo la'o/ /shar gyi
 rtsibs la dzhi'o/ lhor dzrI'o/ byang du tshu'o/ nub tu tslI'o/ de nas nam mkha' i khams kyi 'khor lo la ka'i sde pa lhag pa'i lha ste/ de'i kli rlung gi rtsibs la'o/ /khU dbang ldan du'o/ grI bden bral du'o/ /b+hI mer ro/ tA 'og tu ste me dang shar gyi sgo'i dbus
 kyi dur khrod kyi 'khor lo'i steng du'o/ zhes pa chu srin gyi dus sbyor la'o/ de nas bum pa'i dus sbyor la steng du nga ste/ me dang lho'i sgo'i dbus su'o/ shar gyi rtsibs la g+hI'o/ lho'i rtsibs la gri'o/ byang gi rtsibs la khu'o/ nub kyi rtsibs
 la kli'o/ /sgo dang sgo'i bar du ha ka dang ldan nam mkha' i mthil na gnas pa'i sde par bcas pa rnams shes pa ni/ 'dir sde pa drug po rnams kyi stong pa'i dkyil 'khor 'bab par byed pa'i yi ge ring po dang thung ngu bcu gnyis po rnams te/ th+kA th+ka nA
 na mA ma NA Na nyA nya ngA nga zhes pa ni dur khrod bcu gnyis kyi lha mo rnams kyi'o/ /gzhan ni thun mtshams bzhi'i dbye bas dus sbyor gsum gsum gyi mdza' ha hA k+Sha k+Sha zhes pa yi ge bzhi ste/ byang dang dbang ldan dang lho dang bden bral gyi dur
 khrod bzhi rnams su'o/ /de ltar dur khrod bcu drug po rnams la lha mo bcu drug dang/ 'khor lo drug po rnams la bzhi bcu rtsa brgyad do/ /snying po'i pad+ma'i 'dab ma la lha mo brgyad de/ de rnams kyi sa bon ni shar gyi 'dab ma la a'o/ /lho'i 'dab
 ma la a:O/ /byang gi 'dab ma la aM ngo/ /nub kyi 'dab ma la a'o/ /me'i 'dab ma la ha'o/ /bden bral gyi 'dab ma la ha:O/ /dbang ldan gyi 'dab ma la haM ngo/ /rlung gi 'dab ma la hA'o/ /de rnams kyi bar bar gyi 'dab ma brgyad po
 rnams kyi la thod pa brgyad do/ /dbus su rdo rje mkha' 'gro ma dang bcom ldan 'das dus kyi 'khor lo he ru ka gtso bo ste/ hUM phreM mo/ mkha' 'gro ma dang mkha' 'gro 'di rnams kyi sa bon gyi mthar rdo rje ste/ de dang bcas pa'i ming slI rdo rje
 ma dang/ nypU rdo rje ma zhes pa la sogs pa klI rdo rje ma'i mthar thug pa rnams so/ /'di rnams kyi mkha' 'gro bzhi bcu rtsa brgyad ni bsam pa'i dbye bas shi rdo rje dang Sh+ri rdo rje'o/ /gang du mkha' 'gro ma'i sa bon ring po
 yin pa der mkha' 'gro'i sa bon thung ngu dang gang du thung ngu yin pa der ring po ste slI rdo rje ma dang shi rdo rje zhes pa ni shes rab dang thabs so/ /wU rdo rje ma dang Sh+rI rdo rje zhes pa ste/ de bzhin du thams cad du 'chang par 'gyur ba'o/ /de bzhin
 du dkyil 'khor la mkha' 'gro ma'i dra ba sdom pa nyis 'gyur mchod par bya'o/ /zhes pa ni nges pa'o/ /'dir sdig pa dang gzhu la sogs pa lugs las bzlog pas dgod pa gang yin pa de spros pas gsungs te/ 'dir yan lag
 bcu gnyis 'gog pa kun rdzob ma yin pas don dam pa'i bden par gzhu dang sdig pa la sogs pa lugs las bzlog pas gnas dang nye ba'i gnas la sogs pa dgod pa'o/ /kun rdzob kyis chu srin dang bum pa la sogs
 pa'i ma pas nye ba'i pa'i la ba la sogs dgod pa ste/ rten 'brel yan lag bcu gnyis las so/ /ji ltar 'khor lo gsum gyi sdom pa las gcig ni rab gtum ma dang gtum pa'i mig ma la sogs pa'i lugs las bzlog pas
 gnas la sogs pa dgod pa ste/ gnyis pa ni brtson 'grus chen mo la sogs pa go rims kyis nye ba'i dur khrod la sogs pas so/ /'dir 'jig rten pa'i tha snyad la kun rdzob gang yin pa de ni don dam pa zhes shes par bya'o/ /de ltar
 rlung sogs rtsibs rnams la ni nyi ma'i rgyu ba'i dbang gis shes pa/ g.yas kyi rtsa la srog rgyu ba'i dbang gis ring po rnams so/ /steng sogs rtsibs la zla ba rgyu ba'i dbang gis shes pa g.yon gyi rtsa la srog rgyu ba'i dbang gis thung ngu
 rnams so/ /zhes pa ni dgod pa gsungs pa ste/ rim pa yis kyang kun rdzob kyis nye ba'i pa'i la ba la sogs pas chu srin la sogs pa'i dkyil 'khor rnams la ka tsa Ta pa ta sa'i sde pa rnams kyi yi ge ka yig la sogs pa la yig
 la sogs pa'i dbyangs kyis phye ba ring po dang thung ngu rnams dgod par bya'o/ /don dam pas th+ka la sogs pa thung ngu'i a yig la sogs pa'i dbyangs kyis phye ba rnams gzhu dang sdig pa la sogs pa'i dbye bas so/ /de ltar rlung la sogs
 pa'i rtsibs rnams las la sogs pa ste g.yas kyi dkyil 'khor 'bab pa las so/ /steng la sogs pa'i rtsibs rnams la nam mkha' la sogs pa ste g.yon gyi dkyil 'khor rab tu 'bab pa las so/ zhes pa ni nang gi nges pa'o/ /'dir
 lhag ma tshigs su bcad pa lnga ni go bla'o/ /da ni lha rnams kyi gnas la sogs pa'i gnas gsungs pa/ lhun po zhes pa la sogs pa ste/ 'dir lhun po'i phyogs brgyad rnams la steng du rnal 'byor ma'i 'khor lo rlung gi dkyil 'khor
 gyi mthar thug pa ste/ 'og tu sa la sems can gyi don gyi slad du yang dag par rgyu'o/ /de bzhin du rgya mtsho'i dkyil 'khor dang me'i dkyil 'khor dang/ rlung gi dkyil 'khor dang nam mkha' i mthar ro zhes pa ste/ 'jig rten gyi khams
 gyi dkyil 'khor la dpag tshad 'bum lnga ji srid par ro/ /sems can rnams kyi lus pa sgra'i mthar khyab par byed pa nyid do/ /bcom ldan 'das kyi rnal 'byor ma yang dag par rgyu ba las so/ /'dir lhun po'i steng la dpag tshad
 stong phrag lnga bcu ni bcom ldan 'das kyi snying po'i pad+ma 'dab ma bcu drug pa'o/ /de'i sum cha ni lte ba ste/ lte ba'i steng du nyi ma'i dkyil 'khor ro/ /nyi ma'i steng du dus kyi 'khor lo'i zhabs g.yas pa'i 'og tu bdud dang/ zhabs g.yon pa'i
 'og tu nyon mongs pa ste de yang drag po'o/ /'dab ma brgyad la du ba la sogs pa'i rdo rje mkha' 'gro ma brgyad do/ /de rnams kyi bar bar gyi 'dab ma rnams la bdud rtsis gang ba'i thod pa brgyad do/ /de ltar 'dab ma bcu drug ni
 dga' ba'i 'khor lo ste/ dga' ba bcu drug gi dbye bas lha mo rnams dang thod pa rnams so/ /bcom ldan 'das ni thig le bzhi 'dzin pa'i phyir zhal bzhi pa'o/ /phyogs nyi shu rtsa bzhi 'gog pa'i phyir phyag nyi shu rtsa bzhi pa'o/ /lhag pa'i
 zla ba'i phyogs gnyis 'gog pa'i phyir gnyis lhag rgyal ba'i phyag rgya ste/ /sngar gsung pa'i rdo rje shugs so/ /bcom ldan 'das ma'i zhal gcig ni stong pa nyid do/ /phyag gnyis ni mtshan ma med pa dang/ smon pa med pa dag go /gri gug
 dang phyag rgya dang thod pa la sogs pa ni mngon par 'dus ma byas pa'o/ /de nas pad+ma'i phyi rol tu lhun po'i phyogs brgyad rnams su thad ka'i char sa'i dkyil 'khor gyi tshad kyis dpag tshad stong phrag nyi shu rtsa lnga ni ye shes kyi khams kyi
 'khor lo ste/ de'i sum cha'i sa la gri gug phreng ba'o/ /cha gnyis kyis rtsibs brgyad do/ /de bzhin du rgya mtsho'i phyed la sa'i 'khor lo'o/ /phyed phyi ma la chu'i 'khor lo'o/ /de bzhin du me'i dkyil 'khor gyi phyed la me'i 'khor lo'o/ /
 phyed phyi ma la rlung gi 'khor lo'o/ /de bzhin du rlung gi dkyil 'khor gyi phyed la nam mkha' i 'khor lo'o/ /phyed phyi ma la rdul tshon gyis sa'o/ /nam mkha' dkyil 'khor la dur khrod bcu drug rnams so/ /zhes pa ni nges pa'o/ /'dir sku'i mthar
 khru lnga ni lus so/ /des na nam mkha' i dkyil 'khor la phyi rol gyi dur khrod rnams te/ de'i rnam par dag pas 'jig rten gyi khams kyang dpag tshad 'bum phrag lnga'o/ /zhes pa 'khor lo sdom pa chen po la'o/ /de ltar rim pa bzhin du lhun po'i
 phyogs brgyad rnams su ye shes kyi khams kyi 'khor lo'i phyogs kyi rtsibs rnams la gnas rnams te/ gzhu 'gags pas rga shi 'gag pa'i phyir ro/ /phyogs bral gyi rtsibs rnams la nye ba'i gnas rnams te/ sdig pa 'gags pas skye ba
 'gag pa'i phyir ro/ /de bzhin du dur khrod gnyis so/ /de nas sa'i khams kyi 'khor lo'i phyogs kyi rtsibs rnams la zhing bzhi ste/ srang 'gags pas srid pa 'gag pa'i phyir ro/ /phyogs bral gyi rtsibs rnams la nye ba'i zhing rnams te/ bu mo
 'gags pas len pa 'gag pa'i phyir ro/ /de bzhin du dur khrod gnyis so/ /de nas chu'i khams kyi 'khor lo'i phyogs kyi rtsibs rnams la tshan do ha bzhi ste/ seng ge 'gags pas sred pa 'gag pa'i phyir ro/ /phyogs bral gyi rtsibs
 rnams la nye ba'i tshan do ha rnams te/ kar ka Ta 'gags pas tshor ba 'gag pa'i phyir ro/ /de bzhin du dur khrod gnyis so/ /de nas me'i khams kyi 'khor lo'i phyogs kyi rtsibs rnams la 'dus pa bzhi ste/ 'khrig pa 'gags
 pas reg pa 'gag pa'i phyir ro/ /phyogs bral gyi rtsibs rnams la nye ba'i 'dus pa rnams te/ glang 'gags pas skye mched drug 'gag pa'i phyir ro/ /de bzhin du dur khrod gnyis so/ /de nas rlung gi khams kyi 'khor lo'i phyogs kyi rtsibs
 rnams la dur khrod bzhi ste/ lug 'gags pas ming dang gzugs 'gag pa'i phyir ro/ /phyogs bral gyi rtsibs rnams la nye ba'i dur khrod rnams te/ nya 'gags pas rnam par shes pa 'gag pa'i phyir ro/ /de bzhin du dur khrod gnyis
 so/ /de nas nam mkha' i 'khor lo'i phyogs kyi rtsibs rnams la pa'i la ba 'am khyim bzhi ste bum pa 'gags pas 'du byed 'gag pa'i phyir ro/ /phyogs bral gyi rtsibs rnams la nye ba'i pa'i la ba rnams te/ chu srin 'gags pas
 ma rig pa 'gag pa'i phyir ro/ /de bzhin du dur khrod gnyis so/ /dus sbyor gyi thun mtshams bzhi 'gags pas/ gzhan dur khrod bzhi'o/ /yang na zla ba'i cha bcu drug 'gags pas dur khrod bcu drug rnams te/ de bzhin
 du bden don rnam pa bcu gnyis ldan/ de nyid rnam pa bcu drug rig ces so/ /thun tshod brgyad 'gags pas lha mo brgyad de/ yang na gza' rnams 'gags pa'i phyir ro/ /don dam pa'i rten la sgrib pa med pa'i lha ma rnams brten pa'i rang
 bzhin no/ /zhes pa don dam pa'i bden par 'gyur ro/ /'jig rten gyi kun rdzob kyis kyang gnas la sogs par sngags kyi lha rnams skye ba bcom ldan 'das kyis rtsa ba'i rgyud las gsungs pa 'di lta ste/ kA ma rU pa dza lar grags/ pUr+N+Na
 gi re de bzhin gnas/ o Di yA Na bzhi par 'gyur/ shi Sh+ri nypu sli der gtso mo/ /go ngA ba rI rA ma shwa /de bI ko Ta mA lA wa/ nye ba'i gnas bzhi 'di rnams su/ slI nypA Sh+rI shI gtso mo'o/ /arbu da ma mmu nI zhing/ /o draM kA ra N+ya pA Ta/ /d+hi
 dri thu tli zhes lha mo/ /rnams rten nor 'dzin bzhi la'o/ /tri sha ku ni nye ba'i zhing/ /de bzhin kar mA ra pA tra/ /ka sha la dang lA Da'i yul/ /tlI thu drI d+hi der gtso mo/ /ka ling ga ta ri ke la/ /tsan+d+ra d+hi pa lo pA ka/ tshan do ha ni rnam pa bzhi/ /b+hi
 bri phu pli der gtso mo/ /kAny+tsi kong ka Na ka dang/ /hi mA ma ya nye ba yi/ /tshan do bzhi pa nai pa la nyid/ /blI phU brI b+hI der gtso mo/ /mA tri gri haM pra yA ga/ kol+la gi ri gri ha'i lha/ /'dus pa rnam pa bzhir 'gyur te/ Dha DhI thu Tli der gtso mo/ /
 sau rASh+TA dang kAsmI ra/ /su wa ra Na gling sing ha la/ /nye ba'i 'dus pa 'di rnams su/ /TlI ShU DrI DhI/ gtso mo'o/ /na ga ra ma he na dra ri/ /sin d+hu'i yul ki rA ta ka/ /dur khrod rnam pa bzhir 'gyur te/ /dzhi dzri tshu tsli der gtso mo/ /ma ru'i yul dang
 ga hAr nyid/ /ku lu tA dang sa ma la/ /de bzhin nye ba'i dur khrod gsungs/ /tslI tshU dzrI dzhI der gtso mo/ /tsa ri tra ki ra Na nyid/ /bin d+hya ko mA ri ka'i grong/ /rnam bzhi pa'i la wa zhes grags/ g+hi gri khu kli der gtso mo/ /nye khyim bi ra dzA ko ga/
 tri phu rI sh+ri haTTa ka /rnam pa 'di bzhir grags pa ste/ /klI khU grI g+hI der gtso mo/ /th+ka sogs bcu gnyis pho nya mo/ /stong pa'i dkyil 'khor gtso mo ste/ /ha sogs bzhi ni phyi rol gyi/ /dur khrod la ste a A aM a:ha hA haM ha(rgyud 'grel pho nya mo de pad 'dab la/ /brgyad nyid la ni thod pa rnams/ /lte ba'i rtse mor gtso bo ste/ /yan lag bcu gnyis 'gags pa yis/ /dus sbyor la ni mi 'bab phyir/ /sa rnams bcu gnyis shes grags pa/ /don dam par ni gnas
 la sogs/ /ma rig la sogs lugs mthun gyis/ /chu srin sogs la kun rdzob tu/ /gzhu la sogs pa lugs bzlog gis/ /rga shi la sogs de dag rnams/ /sgrib pa med pa'i chos kyis ni/ /dag pa'i chos kyi rab dbye las/ /
 mkha' 'gro ma rnams lus kyi khams/ /rnam pa bdun cu gnyis rab gsungs/ /kun rdzob sngags grub gang de dag /khyim sogs rnams su gtso mo ste/ /de nas de rnams sa bon yig /gnas sogs dang por gyur pa'o/ /zhes pa ni 'di
 lta ste/ kA dzA pU o zhes pa ni gnas rnams la'o/ /go rA de mA zhes pa ni nye pa'i gnas rnams la'o/ /a mu o kA zhes pa ni zhing rnams la'o/ /tri ka ko lA zhes pa ni nye ba'i zhing rnams la'o/ /ka ha tsa la zhes pa ni tshan do ha rnams
 la'o/ /kAM ko hi ne zhes pa ni nye ba'i tshan do haM rnams la'o/ /mA pra ko gri zhes pa ni 'dus pa rnams la'o/ /sau kA su si zhes pa ni nye ba'i 'dus pa rnams la'o/ /nam si ki zhes pa ni dur khrod rnams la'o/ /ma ga ku sa zhes pa
 ni te ba'i dur khrod rnams la'o/ /tsa ke bi kau zhes pa ni pI la ba rnams la'o/ /bi ko tri sh+rI zhes pa ni nye ba'i pa'i la pa rnams la'o/ /de bzhin dur khrod rnams la ste rlung gi sgo'i g.yon dang g.yas dag tu kaM kA la la kaM da?/ /
 ko la ha la la ko'o/ /yang na th+ka th+kA'o/ /de bzhin du nub dang/ rlung gi sgor pU taM gan d+hA la pU'o/ /sarba dam sha la sa'o/ /yang na na nA'o/ /byang gi sgor klI na la klI'o/ /dbang ldan du bA la mri tyu la ba'o/ /yang na ma mA'o/ /lho dang bden bral
 gyi sgor sha ba da ha na la sha'o/ /go ra yud d+ha la g+ho'o/ /yang naN NA'o/ /shar dang me lha'i sgor shU la be da la shU'o/ /uts+tshiSh+Ta b+hak+Sha la u'o/ /yang na nya nyA'o/ /me'i sgo g.yon dang g.yas dag tu b+hI ma la b+hI'o/ /b+ha yaM ka ra la b+hA'o
 yang na nga ngA'o/ /dbang ldan gyi sgo'i g.yon dang g.yas dag tu ha hA kA ra la hA'o/ /aTTa TTa hA sa la a'o/ /yang na ha hA'o/ /bden bral gyi sgo'i g.yon dang g.yas dag tu/ rau tra nA dA la ro'o/ /pheT ka ra la phe'o/ yang na k+Sha k+ShA'o/ /zhes pa ni
 dur khrod bcu drug gi lha mo rnams kyi sa bon no/ /de ltar mkha' 'gro ma'i dra ba sdom pa nyis 'gyur ni 'jig rten pa'i yul gyi tha snyad kyis byis pa'i skye bo rnams bsgral ba'i slad du gsungs so/ /rnam par dpyad na kA ma rU pa dang
 dzA lan d+ha ra la sogs pa gnas la sogs pa yin pa ni brdzun te/ grong bye ba'i lhag pa'i lha dang ldan pa'i yul gcig la yang gnas la sogs pa rnams gsungs pa'i phyir dang/ de bzhin du bod dang rgya nag dang rgya nag chen po la
 sogs pa grong bye ba bye ba'i lhag pa'i lha dang ldan pa'i yul dgu bcu rtsa drug rnams su ma gsungs pa nyid kyi phyir/ pho nya mo rnams khyab par byed pa ma yin pa nyid do/ /des na rtsa ba'i rgyud las bcom ldan 'das kyis gsungs pa 'di lta ste
 shar gyi lus 'phags gnas yin te/ /lho ru 'dzam bu'i gling dang ni/ /nub tu nub kyi ba lang spyod/ /byang du byang gi sgra mi snyan/ /phyogs bral rnams su nye ba'i gling/ /nye ba'i gnas 'gyur sa gzhi la'o/ /de bzhin zhing la sogs pa kun/ /rgya mtsho'i
 dkyil 'khor sogs rnams la/ /zhes so/ /de'i phyir 'khor lo gsum gyi sdom pa dang dgyes pa'i rdo rje las bcom ldan 'das kyi snga ma dang phyi ma'i gsung 'gal ba gang yin pa de ni dbang po rnon po'i sems can rnams kyi 'dzin pa dgrol ba'i slad du
 ste/ 'dir 'khor lo sdom pa las gnas dang nye ba'i gnas la sogs pa gsungs pa gang yin pa de dag ni dgyes pa'i rdo rje las zhing dang nye ba'i zhing la sogs pa 'khrags 'khrugs su gsungs so/ /rnal 'byor pa rnams kyi 'jig rten pa'i dngos
 grub rnams kyang phyi rol gyi gnas la sogs par ji lta ba bzhin du mi 'gyur ro/ /nang du ma rig pa la sogs pa 'gags pa'i dus sbyor bcu gnyis rnams te/ rga shi la sogs pa 'gags pa'i gzhu la sogs pas gnas la sogs pa rnams
 rtogs par bya'o/ /gnas la sogs pa de rnams su de bzhin gshegs pa'i rnam par dag pa'i phung po dang khams dang skye mched la sogs pa'i khams rnams lha'i gzugs kyis byon pa 'am gshegs pa 'das pa'i dus 'gyur bar gyur
 pa dang/ da ltar byung ba na yod pa dang ma 'ongs pa na 'byung bar 'gyur ba ste/ dbang byed pa dang longs spyod pa dang thim pa'i dbye bas so/ /kun rdzob tu ni 'khor lo gsum gyi sdom pa las longs spyod pa dang thim pa dang dbang byed pa'i bdag
 po nyid du thun mtshams dang thun tshod dang dus sbyor phyed kyi dbye bas lha mo bzhi dang brgyad dang nyi shu rtsa bzhi rnams gsungs so/ /'dir 'khor lo drug gi sdom pa chen po las dus sbyor gyi dkyil 'khor rab tu 'bab pas dbang byed pa dang/
 thim pa'o zhes pa ste/ 'dir dbang byed pa zhes bya ba ni srog gis byin gyis brlabs pa'o/ /de nyid ni longs spyod pa ste bdag po nyid do/ /thim pa zhes bya ba ni 'gro bar bya ba'i gnas so/ /des na rgyab tu lha mo dbang byed thim pa
 zhes pa 'dir ni mdun de nyid lnga'i rang bzhin rnams kyis te zhes pa la sogs pa rgyas par mdzad de/ 'dir g.yas kyi rtsa la chu srin gyi dus sbyor chu tshod lnga'i bdag nyid kyi chu tshod dang po la sa'i dkyil 'khor ro/ /lte bar rtsibs bcu gnyis
 las nub phyogs kyi char chu srin gyi 'dab ma la srog rab tu 'bab ste/ rlung gi rtsibs la zhes pa brtags pa'o/ /'dir gang gi tshe srog gi nus pa'i lha mo sa'i dkyil 'khor la dbang byed pa gnas pa de'i tshe 'gro bar bya ba chu'i dkyil
 'khor la thim pa'o/ /slar yang skye ba 'dzin pa ni snga ma 'gags shing phyi ma skye ba ste/ kha ton dang mar me la sogs pa'i dpe bzhin du 'dir yang yang 'chi ba'i tha ma dang/ skye ba'i cha can gyi chos dag la'o/ /des na sa'i dkyil 'khor
 la dbang byed pa dang chu'i dkyil 'khor la thim pa'o/ /chu'i dkyil 'khor la dbang byed pa dang/ me'i dkyil 'khor la thim pa'o/ /me'i dkyil 'khor la dbang byed pa dang/ rlung gi dkyil 'khor la thim pa'o/ /rlung gi dkyil 'khor
 la dbang byed pa dang/ stong pa'i dkyil 'khor la thim pa'o/ /stong pa'i dkyil 'khor la dbang byed pa dang/ ye shes kyi dkyil 'khor la thim pa'o zhes pa ni chu srin la'o/ /de nas bum pa'i 'dab ma la dbu mar yang dag par rgyu ba gang
 yin pa de ni 'khor lo'i steng du gsungs te/ 'dir gang gi tshe a ba d+hU tir ye shes kyi 'khor lo la dbang byed pa de'i tshe g.yon gyi rtsar nam mkha' i dkyil 'khor la thim pa'o/ /gang gi tshe nam mkha' i dkyil 'khor la dbang byed pa de'i tshe rlung la
 thim pa'o/ /de bzhin du rlung la dbang byed pa dang me la thim pa'o/ /me la dbang byed pa dang chu la thim pa'o/ /chu la dbang byed pa dang sa la thim pa'o/ /sa la dbang byed pa dang a ba d+hU tir ye shes kyi dkyil 'khor la thim pa'o/ /de bzhin
 du nya dang lug gi dkyil 'khor rnams la ste/ de bzhin du khyu mchog dang 'khrig pa dag dang/ kar ka Ta dang seng ge dag dang/ bu mo dang srang dag dang/ sdig pa dang gzhu dag la'o/ /dkyil 'khor drug cu po rnams la longs spyod pa dang
 thim pa dang dbang byed pa rnams dus sbyor gsum gyis thar bzhi ni dbus ma la rig par bya'o/ /rlung dang dbang ldan la min me dang 'og dang mkha' dang lha dang gshin rje gnod sbyin nub tu dkyil 'khor bcu po rnams la ste/ yang yig gis ye
 shes kyi dkyil 'khor la yang ngo/ /chu srin dang bum pa la ste/ de bzhin du gzhan la yang ngo/ /da ni chu srin la sogs pa rnams kyi rten gyi 'khor lo'i rtsa rnams gsungs pa/ gtsug tor zhes pa la sogs pa ste/ 'dir gtsug tor gyi
 'khor lo'i zlum skor dang po la rtsa bzhi dang dbus su gcig go /de bzhin du snying kha la sogs pa'i 'khor lo rnams la'o/ /des na chu srin dang bum pa dag la gtsug tor gyi 'khor lor rlung gi rtsibs la sogs pa yang dag par rgyu
 ste/ nam mkha' dag pas 'khor lo'i dang po la rdo rje'i mtshan ma'o/ /des na dkyil 'khor du nam mkha' i 'khor lo la rdo rje phreng ba'o/ /de bzhin du nya dang lug dag la snying kha'i rang bzhin las rlung gi 'khor lo la ral gri'i phreng ba'o/ /
 de bzhin du glang dang 'khrig pa dag la mgrin par gnas pa la ste/ me'i rang bzhin las me'i 'khor lo la rin po che'i phreng ba'o/ /kar ka Ta dang seng ge dag la mgo bo la gnas pa la ste/ chu'i rang bzhin las chu'i 'khor lo la pad+ma'i
 phreng ba'o/ /bu mo dang srang dag la lte ba'i 'khor lo la ste/ sa'i rang bzhin las 'khor lo'i phreng ba'o/ /sdig pa dang gzhu dag la gsang ba'i 'khor lo ste ye shes kyi rang bzhin las gri gug gi phreng ba'o/ /
 'khor lo rtsibs brgyad brgyad pa 'di rnams la/ 'og dang steng du nyin zhag so sor chu srin gyi dus sbyor nas rtsams de/ srog gi yang dag par rgyu ba 'di rnal 'byor pas rig par bya'o/ /'dir gang dang gang du srog dbang byed
 pa de dang der dkyil 'khor gtso mo'i ming dang lhan cig bcom ldan 'das kyi rkang pa bzhi bcu rtsa brgyad pa'i rkang pa gcig bzung nas srog la rab tu 'bab pas bzlas par bya ste/ bgrang 'phreng gis ni ma yin no/ /de bzhin du rkang pa bcu drug pa'i
 rkang pa re re bzung nas dur khrod kyi lha mo'i ming dang bcas pa bzlas par bya'o/ /rkang pa brgyad ni pad+ma'i 'dab ma'i lha mo brgyad dang lhan cig tu'o zhes pa 'chad par 'gyur ro/ /de ltar chu srin la sogs pa dus sbyor gnyis gnyis kyi bar du dbyu gu bcu
 bcu rnams la pho nya mo rnams kyi 'khor lo yang dag par rgyu'o/ /de ltar nyin zhag gi dbyu gu drug cu po rnams kyi dkyil 'khor drug cu po rnams la srog gi yang dag par rgyu ba'o/ /de ltar phra mo dang lus skyes dang mi dang 'byung po dang lha dang lha
 ma yin rnams kyi rang rang gi nyin zhag dang rang rang gi dkyil 'khor rnams la rnal 'byor ma yang dag par rgyu ba ni skye ba dang 'jig pa'i rgyur gyur pa ste/ sgyu 'phrul chen mo drag chen mo/ /'byung dang sdud par byed pa mo/ /ji ltar de bzhin rang byed
 po/ /'phrog po rdo rje 'dzin bshad dang/ /shes rab pha rol phyin byed ma/ /sangs rgyas byed min lus can gyi/ /'phrog mo 'phrog po sangs rgyas pa/ /rnams la bden gsung gi ma bstan/ /lus dang ngag dang yid kyi
 las/ /dge dang mi dge gang byed pa/ /de yi 'bras bu sems can spyod/ /byed po gzhan ni 'ga' yang med/ /ces pa ni bcom ldan 'das kyi nges pa'o/ /da ni gtso bo'i gdan gsungs pa/ gtso bo'i zhes pa la sogs pa ste/ 'dir gtsug tor la sogs
 pa'i 'khor lo drug po rnams la ka yig la sogs pa'i yi ge rnams kyis rnal 'byor ma rnams kyi yang dag par rgyu ba'o/ /de nas gtso bo'i chu skyes te dkyil 'khor gyi dbus su pad+ma gang yin pa de ni rdo rje kun gyis so/ /'gyur med ces pa mi 'pho ba'i
 thig le bzhi po rdo rje nor bur gnas pa rnams kyis rdo rje nor bu la gnas pa'i pad+ma kun nas dga' ba thams cad bcad pa mi 'pho ba nyid kyi phyir rdo rje can gyi bde ba mnyam pa'i gnas te/ dus ni thams cad du rnal 'byor ma rnams kyi dga' ba bskyed pa'o/
 de'i phyir zla ba zhu ba mi 'pho ba'i bde ba bla ma'i bde ba bla ma'i zhal zhes pa/ ye shes kyi zhal de ru ni gang zhig zhugs pa dus kyi 'khor lo de nyid de/ rnal 'byor par 'gyur zhes pa nges pa'o/ /de ltar 'khor lo 'di ni dus su gsungs shing ma rig pa
 la sogs pa'i chos dang ldan pa phung po la sogs pa'i bdud bzhi po rnams kyi 'chi ba'i 'jigs byed mkha' 'gro ma'i 'khor lo 'di dag go /zhes pa sgrib pa thams cad las nges par grol ba ste/ lha'i tshogs brtags pa gzhan ni ma yin
 no/ /da ni 'jig rten pa'i dngos grub bsgrub pa'i slad du sngags kyi bzlas pa gsungs pa/ shes rab thabs shes pa la sogs pa ste/ 'dir dus kyi 'khor lo la shes rab thabs kyi yi ge dag gis shes pa ni/ 'dir gang du shes rab kyi sa bon
 thung ngu yin pa de'i tshe thabs kyi mngon du phyogs pa'i rigs kyi dbang gis ring por 'gyur ro/ /gang gi tshe shes rab kyi ring po yin pa de'i tshe thabs kyi thung ngu'o/ /de ltar gnyis ka'i rigs kyi dbang las mkha' 'gro ma dang mkha' 'gro'i ming
 zhes pa ni shi rdo rje ma dang slI rdo rje ma zhes pa la sogs pa dang/ de bzhin du slI rdo rje ma dang shi rdo rje ste/ sa dang rlung phan tshun du shes rab dang thabs kyi dbye ba las so/ /de bzhin du chu dang me dag gi Sh+ri rdo rje ma dang nypU rdo rje
 ma zhes pa dang/ de bzhin dunypU rdo rje ma dang Sh+ri rdo rje zhes pa mkha' 'gro ma dang mkha' 'gro thams cad kyi ming/ rdo rje gsum pa rkang pa gzhan dang bcas pas thog ma dang dbus dang tha mar phye ba 'di bzlas bya ste/ zhes pa ni/ thog mar oM yig
 go/ dbus su phreng ba'i sngags kyi rkang pa dang po la sogs dang/ de nas rdo rje pho nya mo'i sa bon rdo rje mkha' 'gro dang bcas pa dang/ de nas thugs rdo rje hUM yig thung ngu dang gsung rdo rje ring po'o/ /tha mar phaT yig go /de la phreng ba'i sngags ni rkang pa bdun cu
 rtsa gnyis pa ste/ rkang pa bdun cu rtsa gnyis po de rnams las dang por brgyad ni pad+ma'i 'dab ma'i lha mo rnams dang lhan cig go /rkang pa bcu drug ni dur khrod lha mo rnams dang lhan cig go /rkang pa bzhi bcu rtsa brgyad ni 'khor lo drug gi dpa' bo dang
 dpa' mo'i dbang phyug ma'i ming dang lhan cig tu bzlas par bya'o/ /'dir rkang pa brgyad dang dur khrod bzhi'i rkang pa srog gi byin gyis brlabs pa rnams ni chu srin la sogs pa la 'pho ba'i dus su dbu mar rab tu zhugs pa bcu gnyis rnams la
 bzlas par bya'o/ /lhag ma rkang pa drug cu rnams ni dkyil 'khor lnga'i byin gyis brlabs kyis srog byin gyis brlabs pa gang gi dkyil 'khor yin pa de ni lhag pa'i lha dang bcas pa'i phreng ba'i sngags rnal 'byor pa rnams kyis 'grub par
 'gyur ro/ /ro yi 'gro ba rnams la gnas shes pa 'gro ba drug la gnas pa bcom ldan 'das kyi mkha' 'gro ma dang rdo rje mkha' 'gro rnams thams cad rgyu ba'i dbye ba la myur du 'grub par 'gyur ro/ /zhes pa ni nges pa'o/ /'dir kun rdzob tu lha
 mo'i phreng ba'i sngags la chu srin la sogs pa dang ka'i ste pa la sogs pas nye ba'i pa'i la ba la sogs pa dgong de/ de la 'pho ba bcu gnyis kyi rkang pa rnams ni 'di lta ste/ oM A hUM ho/ /h+k+Sh+ml+lryaM kA la tsakra hA badzre huM hUM phaT/ zhes pa chu srin gyi 'pho ba la rkang pa dang bcas pa'i dbugs
 lnga bcu rtsa drug bzlas so/ /de bzhin du oM dur dA na ta da ma ka(rgyud 'grel lug la'o/ /oM badzra b+hai ra ba ha:badzra huM hUM phaT zhes pa glang la'o/ /oM badzra kA ya a:badzre huM hUM phaT zhes pa 'khrig pa la'o/ /oM badzre gA tra haM badzre huM hUM phaT/ zhes pa kar ka Ta la'o/ /oM badzra ne tra aM badzra huM hUM phaT zhes pa seng ge
 la'o/ /oM badzra sho h+ra hA badzre huM hUM phaT zhes pa bu mo'i 'pho ba la'o/ /oM badzra g+h+rAN hA badzre huM hUM phaT zhes pa srang la'o/ /oM badzra dze hwa k+ShA badzre huM hUM phaT zhes pa sdig pa la'o/ /oM badzra dan ta k+Sha badzra huM hUM phaT zhes pa gzhu'i 'pho ba la dbugs
 dang lhan cig bzlas par bya'o zhes pa ste/ 'pho ba bcu gnyis la ye shes kyi dkyil 'khor gyi bzlas pa'o/ /oM badzra na khA k+ShI badzra g+hi badzra huM hUM phaT zhes pa chu srin gyi sa'i dkyil 'khor la rkang pa dang bcas pa'i bcu gcig gis dman pa'i bum
 brgya drug cu bzlas te/ de ltar thams cad du dkyil 'khor drug cu po rnams la'o/ /oM badzra ke sha khU badzre gri badzre huM hUM phaT zhes pa chu la'o/ /oM badzra lo ma grI badzre khu badzra huM hUM phaT zhes pa me la'o/ /oM badzrA b+ha ra Na g+hI badzre kI badzra huM hUM phaT
 zhes pa rlung la'o/ /oM badzra hA sa da badzro huM hUM phaT zhes pa nam mkha' i dkyil 'khor la dur khrod du'o/ /thabs ni bcom ldan 'das te/ des na sa bon gnyis pa med do/ /de ltar thams cad du nam mkha' i dkyil 'khor la shes par bya'o/ /oM badzre gI 
 ta da badzre huM hUM phaT zhes pa bum pa'i nam mkha' i dkyil 'khor la dbugs kyi bzlas pa'o/ /oM badzre nri tya g+hi badzre kli badzra huM hUM phaT zhes pa rlung la'o/ /oM badzrA yu d+ha ka ra gri badzre khU badzra huM hUM phaT zhes pa me la'o/ /oM
 badzra kro d+hA d+hi pa ti khu badzra grI badzra huM hUM phaT zhes pa chu la'o/ /oM badzra DA ka kli badzre g+hI badzra huM hUM phaT zhes pa sa'i dkyil 'khor la dbus kyi bzlas pa'o/ /de ltar ka'i sde pa song ngo/ /de nas nya la oM badzra DA ki nI dza la pa ra pri ta tslI badzre dzri
 badzra huM hUM phaT zhes pa sa'i dkyil 'khor la dbugs kyi bzlas pa'o/ /oM shI g+h+ra mA gats+tsha gats+tsha ts+tshu badzre dzri badzra huM hUM phaT zhes pa chu la'o/ /oM badzra sa twA dz+nyA yA sarba mA ra big+h+na bi nA ya ka ki na na ra kiM pu ru Sha ga ru Da gan d+harpa yak+Sha rAk+Sha sa/
 b+hu ta pre ta kum b+hAN DA pasmA rak+She tra pA la be tA Da pU ta na/ duSh+Ta nA ga grAhA yo ye sarba dzwo ra sarba bya d+hi b+hi k+Shu dro pa dra pa kA ri Ni(rgyud 'grel dkyil 'khor la'o/ /oM urd+ha di shi ga tA nA kri Sh+yA kri Sh+ya dzhI badzra tsli badzra huM hUM phaT zhes pa rlung la'o/ /oM pUrba di shi ga tA nA kri Sh+yA kri Sh+ya nya badzre huM hUM phaT zhes pa nam mkha' i dkyil 'khor la dur khrod du'o/ /de nas lug la oM dak+Shi Na di
 shig tA nA kri Sh+yA kri Sh+ya nya badzre huM hUM phaT zhes pa nam mkha' i dkyil 'khor la dur khrod do/ /oM u ta ta ra di shi ga hA nA kri Sh+yA kri Sh+ya dz+nya badzre tslI badzra huM hUM phaT zhes pa rlung la'o/ /oM pashtsi ma di shi ga tA nA kri Sh+yA kri Sh+ya dzri badzre tshu badzra huM hUM phaT
 zhes pa me la'o/ /oM bA ya bya di shi ka tA nA kri Sh+yA kri Sh+ya tshu badzre dzri ra badzra huM hUM phaT zhes pa chu la'o/ /oM a'i sha na di shi ga tA nA kri Sh+yA kri Sh+ya tsI badzre dzhI badzra huM hUM phaT zhes pa sa'i dkyil 'khor la dbugs kyi bzlas pa'o/ /
 de nas glang gi dus sbyor la/ oM nai ri tya di shi ga ta nA kri Sh+ya kri Sh+ya DlI badzra Dhi badzra huM hUM phaT zhes pa sa'i dkyil 'khor la dbugs kyis bzlas pa'o/ /oM agne ya di shig tA nA krir Sh+ya kri Sh+ya ThU badzre Dri badzre huM hUM phaT zhes pa chu la'o/ /oM a d+ho di shi ga tA nA kri Sh+yA kri Sh+ya DShI
 badzre Thu badzra huM hUM phaT zhes pa me la'o/ /oM A kA sha ma Na Da la ga tA nA kri Sh+ya kri Sh+yA d+hI badzre Tli badzra huM hUM phaT zhes pa rlung la'o/ /oM bA yu maN+Da la ga tA nA kri Sh+yA kri Sh+ya NA badzre huM hUM phaT zhes pa nam mkha' i dkyil 'khor la dur khrod du dbugs kyi bzlas
 pa'o/ /de nas 'khrig pa la oM Te dzwa maN Da la ga tA nA kri Sh+ya kri Sh+ya Na badzre huM hUM phaT zhes pa nam mkha' i dkyil 'khor la dur khrod du dbugs kyi bzlas pa'o/ /oM u da ke maN+Da la ga hA nA kri Sh+ya kri Sh+ya Dhi badzre TlI badzra huM hUM phaT zhes pa rlung la'o/ /oM pri th+rI maN+Da la
 ga tA nA kri Sh+ya kri Sh+ya Dri badzre ThU badzra huM hUM phaT zhes pa me la'o/ /oM kA ma d+hA tu ga tA nA kri Sh+ya kri Sh+ya Thu badzra TrI badzra huM hUM phaT zhes pa chu la'o/ /oM rU pa d+hA tu ga tA nA kri Sh+ya kri Sh+ya Tli badzra Dha badzra huM hUM phaT zhes pa sa'i dkyil 'khor la dbugs
 kyi bzlas pa'o/ /de nas karka Ta'i dus sbyor la/ oM rU pa d+hA tu ga tA nA kri Sh+ya kri Sh+ya plI badzra b+hi badzra huM hUM phaT zhes pa sa'i dkyil 'khor la dbugs kyi bzlas pa'o/ /oM kA ya d+hA tu ga tA nA kri Sh+yA kri Sh+ya phU badzre bi badzra huM hUM phaT zhes pa chu la'o/ /
 oM pA ka d+hA tu ga tA nA kri Sh+ya kri Sh+ya b+h+ri badzre phu badzra huM hUM phaT zhes pa me la'o/ /oM tsit+ta d+hA tu ga tA nA kri Sh+ya kri Sh+ya b+hI badzre blI badzra huM hUM phaT zhes pa rlung la'o/ /oM pany+tsa skand+ha ga tA nA kri Sh+ya kri Sh+ya mA badzre huM hUM phaT zhes pa nam mkha' i dkyil 'khor la
 dur khrod du dbugs kyi bzlas pa'o/ /seng+ge la/ oM pany+tsa d+hA tu ga tA nA kri Sh+yA kri Sh+ya ma badzre huM hUM phaT zhes pa nam mkha' i dkyil 'khor la dur khrod du dbugs kyi bzlas pa'o/ /oM pany+tse na dri ya ga tA nA kri Sh+yA kri Sh+ya b+hi badzre blI badzra huM hUM
 phaT zhes pa rlung la'o/ /oM pany+tsa biSha ya ga tA nA kri Sh+ya kri Sh+ya bar badzre phu badzra huM hUM phaT zhes pa me la'o/ /oM pany+tsa karmindA ya ga tA nA kri Sh+ya kri Sh+ya phu badzre b+h+rI badzra huM hUM phaT/ zhes pa chu la'o/ /oM ka ra men+d+ri ya bi Sha ya ga hA nA kri Sh+ya kri Sh+ya
 rki? badzre b+hi badzra huM hUM phaT zhes pa sa'i dkyil 'khor la dbugs kyi bzlas pa'o/ /de nas bu mo'i dus sbyor la oM sarba tra ya tra ku Ta tsit+ta ga tA nA kri Sh+yA kri Sh+ya tlI badzre d+hi badzra huM hUM phaT zhes pa sa'i dkyil 'khor la dbugs kyi bzlas pa'o/ /oM
 ma hA shma shA ne badzrA ga ni dzwa li ta b+hU myAM ni pa ta ya ni pa ta yang thu badzre dri huM hUM phaT zhes pa chu la'o/ /oM badzra pA she na sarba b+hu dze Shu band+ha ya band+ha ya badzre thu badzra huM hUM phaT zhes pa me la'o/ /oM badzra sh+ri kha la ya sarba pA te Shu ni ro d+ha ya ni bod+ha
 ya d+hi badzre tli badzra huM hUM phaT zhes pa rlung la'o/ /oM sarba sa twa kA ya pA ka tsit+ta k+Shu dro pa dra ba ka ra ra tAn+ta ma hA kro d+ha na ? paN+Na ya tsUr? Na ya nA badzra huM hUM phaT/ zhes pa nam mkha' i dkyil 'khor la dur khrod du'o/ /de nas srang gi dus sbyor la/ oM khaD ge
 na ni krin da ya ni krin da ya na badzra huM hUM phaT zhes pa nam mkha' i dkyil 'khor la dur khrod du dbugs kyi bzlas pa'o/ /oM badzra tri shU le na b+he da ya b+he da ya d+hi badzre tlI badzra huM hUM phaT zhes pa rlung la'o/ /oM badzra kart+ti ka lA ha na ha na dri badzra thu
 badzra huM hUM phaT zhes pa me la'o/ /oM badzra pA Na na b+hind+ha b+hind+ha thu badzre drI badzra huM hUM phaT zhes pa chu la'o/ /oM badzra kI la kai(rgyud 'grel pa'i dus sbyor la oM badzra mud ga re NA ko Ta yA ko Ta ya slI badzre shi badzra huM hUM phaT zhes pa sa'i dkyil 'khor la dbugs kyi bzlas pa'o/ /oM badzra tsakra Na ts+tshe da ya ts+tshe da ya nypU badzre Sh+ri badzra huM hUM phaT zhes pa chu la'o/ /oM badzra kun
 te na g+hind+ha g+hind+hA Sh+rI badzra nypU badzra huM hUM phaT zhes pa me la'o/ /badzra da na De na tA Da ya tA Da ya shi badzrer sli badzra huM hUM phaT zhes pa rlung la'o/ /oM badzra par shu nA ts+tshinda ts+tshinda th+kA badzra huM hUM phaT zhes pa nam mkha' i dkyil 'khor la dur khrod dbugs kyi bzlas pa'o/ /
 de nas gzhu'i dus sbyor la/ oM sA ra d+ha tri ko ti khaN DA kri twA shma shA na b+hu te b+hyo ba li ku ru ku ru th+ka badzre huM hUM phaT zhes pa nam mkha' i dkyil 'khor la dur khrod du dbugs kyi bzlas pa'o/ /oM badzra Da ma ru ki na badzra DA ki nI rA pA ha yA pA
 ha ya shi badzra slI badzra huM hUM phaT zhes pa rlung la'o/ /oM badzra DA kAM nI b+hyo mA ra kI nI b+hyo mA ra kA yi kA na ma ru d+hi raM ni pe da ya ni be da ya Sh+ri badzre nypU badzra huM hUM phaT zhes pa me la'o/ /oM pany+tsa mri ta ha ra ri NI b+hya(rgyud 'grel da ya nypU badzra Sh+ri badzra huM hUM phaT zhes pa chu la'o/ /oM sarba badzra DA ki nI sa hi ta(rgyud 'grel de ltar phreng ba'i sngags nyin zhag so sor dbugs kyi 'khor lo'i grangs bzlas par bya'o/ /'dir bgrang phreng med cing sngags brjod pa med de/ dbugs 'jug pa dang 'byung ba dag dang lhan cig sngags kyi yi ge rnams rab tu
 'jug pa dang byung ba me tog gi phreng ba bzhin du zla ba dang nyi ma'i rang bzhin lugs dang mthun pa dang lugs dang mi mthun pas blta bar bya'o/ /de ltar nang du nyin zhag lnga yis stong phrag brgyad lhag pa'i 'bum phrag gi bzlas
 pa rnal 'byor pa yis bya'o/ /nyin zhag lnga brgya rnams kyi dbugs 'bum phrag brgyad lhag pa'i bye ba bzlas pa'o/ /de nas lus dag pa ste/ de bzhin du ngag dag pa dang/ de bzhin du sems rnam par dag par dag pa'o/ /de ltar nyin zhag
 lnga brgya rnams kyis dbugs g.yo ba med par 'gyur te/ srog gi bum pa can gyi gnas skabs thob par 'gyur ro/ /de nas rnal 'byor pa rnams la mngon par shes pa lnga skye bar 'gyur te/ g.yon dang g.yas
 dang dbu ma'i srog yang dag par rgyu bas rdo rje'i bzlas pa'i rim pa dang ma ning gi bzlas pa'i rim pa'o zhes pa ni bcom ldan 'das kyis nges pa'o/ /da ni a ba d+hU ti'i dbugs rnams dang/ sku dang gsung dang thugs dang ye
 shes kyi 'khor lo lnga po rnams kyis sangs rgyas thams cad kyi sdom pa gsungs pa/ dbugs rnams gang dag ces pa la sogs pa ste/ 'dir byis pa skye ba'i dus su dbu ma la ni dbugs rnams gang dag rkang pa dang bcas
 pa'i lnga bcu rtsa drug ste/ rkang pa dang bcas ro dang mngar gyur pa/ de brgyad rnams kyis 'khor lor 'gyur te/ 'og dang mkha' i dbang gis sgo yi dbugs gnas lha mo rnams/ shes pa ni dbugs 'di rnams kyi nang nas sku? dang
 gsung dang thugs dang ye shes kyi chos can gyi dbugs brgyad de/ shes rab dang thabs kyi dbye ba las so/ /de rnams ni snying po'i pad+ma'i 'dab ma la lha mo brgyad do/ /'dir thod pa rnams su ni mi 'gyur te/ dpa' bo rnams kyang
 ngo/ /brgyad ni gzugs rnam par dag pas sa'i 'khor lo la'o/ /brgyad ni 'du shes rnam par dag pas chu'i 'khor lo la'o/ /brgyad ni tshor ba rnam par dag pas me'i 'khor lo la'o/ /brgyad ni 'du byed rnam par dag pas
 rlung gi 'khor lo la'o/ /brgyad ni rnam par shes pa rnam par dag pas nam mkha' i 'khor lo la'o/ /brgyad ni ye shes rnam par dag pas dur khrod brgyad po rnams la'o/ /de ltar gsang ba dang/ lte ba dang/ snying kha dang/ mgrin
 pa dang/ dpral ba dang/ gtsug tor gyi 'khor lo drug po rnams la bzhi bcu rtsa brgyad do/ /de bzhin du sna'i bug pa dag la gnyis so/ /mig gi bug pa dag la gnyis so/ /rna ba'i bug pa dag la gnyis so/ /lce'i sgo dang gtsug tor gyi bug pa dag
 la gnyis so zhes pa ni lha mo'i tshogs te/ de ltar lnga bcu rtsa drug go /lhag ma rkang pa gcig gi bskyed pa srid pa gsum gyi yum sna tshogs yum ste phyag na gri gug dang ni thod pa can no/ /g.yon brkyang bdud rtsi'i cha de yis 'khyud pa nyi
 ma zla ba'i steng dang bdud dang nyon mongs pa'i steng du g.yas brkyang gis gnas pa/ bcom ldan 'das kyi 'khor lo mchog tu mi 'gyur ba'i bde ba'o/ /dbugs 'di rnams kyi sa bon rnams ni 'chad par 'gyur ba las li sogs
 dbyangs brgyad gang dag ces pa la sogs pas brjod par bya ste/ des na 'dir ma bris so/ /'dir nges pa'i don ni/ dus thams cad du bstan par gyur pa dang bum pa can gyi gnas skabs su gyur pa ji srid par dus thams cad du rnal
 'byor pas 'jug pa dang 'byung ba nyid kyis srog dbu mar bsgom par bya'o/ /de nas rnal 'byor ba mngon par shes pa lnga thong par 'gyur te/ srog gi bzlas pa las so zhes pa ni bcom ldan 'das kyi nges pa'o/ /de ltar mi phyed pa'i
 yan lag srog dang ldan pa'i yid kyi sngags bzlas par bya'o/ /zhes pa ni rgyud thams cad las rdo rje yi tshig ste sngar brjod zin to/ /gang yang srog gi bzlas pa sngags brjod pa dang bgrang phreng dang bral ba de lta na bzlas pa zhes
 brjod par bya ste/ srog 'byung ba dang 'jug pa'i phyir ro/ /da ni phyi dang nang du lha'i gdan gyi dag pa gsungs pa/ lnga zhes pa la sogs pa ste 'dir dpa' bo gcig pa'i gdan ni zla ba khu ba dang nyi ma rdul lo/ /khams lnga po rnams
 shes rab chos can nyid kyi phyir zla ba'i yon tan yul lnga po de dag ni/ 'dir spyan ma la sogs pa rnams kyi zla ba'i gdan rnams te nam mkha' i khams te nam mkha' i khams kyi mthar thug par ro/ /yon tan gsum gyi
 dbang gis rin chen 'byung ldan dang snang ba mdza' yas dang don yod grub pa rnams kyi nyi ma'i gdan gsum mo/ /'byung ba bzhi'i bdag nyid ni gzugs chen po zhes pa khams bzhi'i chos can nyid kyi phyir rnam par snang
 mdzad kyi zla ba'i gdan te/ ye shes kyi me lce'i chos can nyid kyi phyir nyi ma'i gdan no/ /tshor ba la sogs pa ni gzugs can min pa nyid kyang lhag ma rnams shes gsungs pa'i phyir ro/ /de ltar zla ba'i dkyil 'khor lnga dang/
 snying po stobs dang/ rdul dang/ mun pa mnyam pa nyid kyi dbye bas nyi ma'i dkyil 'khor bzhi'o/ /de ltar phung po dang khams rnams kyi yon tan dang yul gyi rten las dgu'i bdag nyid kyi 'dus pa ste mngal du skyes pa'i rnam
 par shes pa la sogs pa rnams kyi ji lta ba de bzhin du lha la yang ngo/ /slar yang gzhan khro bo'i gdan bzhi ste/ chu gter rkang pa zhes pa nyi ma'i rkang pa'i nor dang bu lon 'phel pa dang/ 'grib pa'i dbang gis khro bo rnams
 kyi nyi ma'i gdan rnams so/ /de ltar khro bo rnams kyi rkang pa zhes pa ste/ bcu gsum gyi bdag nyid kyi 'dus pa'o/ /de bzhin du gza' bdun po nyi ma'i gdan rnams dang/ rdzogs pa bcu gnyis zla ba'i dkyil 'khor rnams
 te/ gsum pa bcu dgu'i bdag nyid kyis 'dus pa'o/ /lo so sor nag po'i rdzogs pa gnam stong bcu gnyis dang/ dkar po'i rdzogs pa nya bcu gnyis te/ de ltar nyi shu rtsa bzhi nyi ma dang zla ba'i gdan rnams dang/ gtso bo'i rigs kyi
 dbang gis zla ba 'am nyi ma ste/ de ltar lha rnams kyi rten gyi dbye ba las nyi shu rtsa lnga'i bdag nyid kyi 'dus pa'o/ /slar yang de rnams kyi nang du gzhan gza' bdun gyi gdan rnams sres pa ni phung po lnga dang khams rnams dang skye mched bcu gnyis dang/
 khro bo bcu gcig rnams kyi gdan sum cu rtsa gnyis su 'gyur te sum cu rtsa gnyis kyi bdag nyid kyi 'dus pa'o/ /slar yang mnyam dang mi mnyam gnas la srog gi 'gro ba nyi ma'i gdan dang 'od ba zla ba'i gdan te/ des na sum cu rtsa bzhi'i bdag nyid
 kyi 'dus pa'o/ /de ltar rnam pa drug ste mngal du byis pa'i khams rnams kyi rten dang brten pa 'dus pa ji lta ba de bzhin du lha rnams kyi 'dus pa'o/ /zhes pa'i rigs pas 'dus par drug go /da ni zla ba zhes pa la sogs pas 'khor lo
 gsum gyi sdom pa la gdan gyi dag pa gsungs te/ 'dir 'khor lo gsum la rtsibs nyi shu rtsa bzhi'o/ /de rnams kyang 'byung dang 'byung ba mda' dang rig byed yon tan lag pa ri bong can zhes pa sngar gsungs pa'i zla ba'i rkang pa nyi shu
 rtsa lnga ste/ de rnams las nyi shu rtsa bzhi ni 'khor lo gsum gyi rtsibs su 'gyur zhing/ nyi shu rtsa lnga pa gcig pu ni pad+ma'i 'dab ma'i lha mo'i yi dags kyi gdan no/ /nyi mas rkang pa ni ro dang dus dang ri bong can zhes pa bcu gcig ste/ de rnams
 las gsum ni snying po'i pad+ma'i 'dab ma gsum la'o/ /lhag ma brgyad ni dur khrod brgyad la ro'i gzugs kyis gnas pa rnams te/ rtsibs zhes pa ni rten no/ /ro zhes pa ni lha mo rnams kyi bzhon pa'i ro rnams so/ /de ltar 'khor lo
 gsum gyi sdom pa'o/ /slar yang ma dang phyi ma'i dbye bas rkang pa nyis 'gyur ni sdom pa chen po la lha mo rnams kyi gdan bdun cu rtsa gnyis su 'gyur te/ de ltar 'khor lo drug gi sdom pa'o/ /sgyu 'phrul dra ba la rdzogs par nyi shu
 rtsa bzhi ste/ dkar po dang nag po rnams zla ba dang nyi ma'i gdan rnams so/ /de bzhin du gza' bdun te/ nyi ma'i gdan bdun no/ /nyi ma'i rkang pa rnams ni nyi ma'i gdan bcu gcig go /yang na bsam pa'i dbye bas zla
 ba'i gdan rnams te/ de ltar gdan bzhi bcu rtsa gsum ni gcig la'o/ /mnyam pa dang mi mnyam rkang pas sngar bzhin du zla ba dang nyi ma'i gdan te gdan bzhi bcu rtsa lnga ni gnyis pa la'o/ /chu gter rkang pa zhes pa nyi ma'i rkang pa'i dbye
 bas nyi ma'i gdan nam zla ba'i bzhir lus dang bsam pa'i dbye bas 'gyur ro/ /de ltar lha rnams kyi gdan bzhi bcu rtsa dgu ni sgyu 'phrul dra ba gsum pa la ste/ mngal du byis pa'i srog gi rten du gyur pa'i khams rnams ji lta ba de bzhin
 du phyi rol dang gzhan pa yang grub po de ltar 'dus pa dang/ sgyu 'phrul dra ba dang/ 'khor lo gsum dang/ 'khor lo drug gi sdom pa yongs su dag pa'i nges pa'o/ /rgyud de rnams la gtso bo ni gzugs med pa'i phung po'i chos can nyid
 kyi phyir nyi ma 'am gzugs kyi chos can nyid kyi phyir shes rab kyi chos zla ba la 'gyur ro/ /rnam par snang mdzad ni snying rje'i chos zla ba'i dkyil 'khor la 'gyur te/ rigs kyi dbang gis shes pa shes rab dang snying rje'i dbang gis so/ /gtso bo
 yang ni kha sbyor la zhes pa ni dus kyi 'khor lo la shes rab dang snying rje gnyis la'o zhes pa ste/ dang po'i sangs rgyas rigs med pa nyid kyi phyir ro zhes grub bo/ /da ni rlung la sogs pa'i lha rnams kyi zhal gyi dag pa gsungs pa/ rlung
 zhes pa la sogs pa ste/ 'dir rlung la sogs pa'i lha rnams kyi zhal ni rnam pa gnyis te/ gcig ni yul dag pas so/ /gnyis pa ni yon tan gsum dag pas so/ /de la rlung gi khams la reg bya'i yon tan gyi bdag nyid zhal gcig tu
 'gyur zhing/ gnyis pa ni sgra'i yon tan gyi bdag nyid rgyas gdab pa ste/ des na 'du byed kyi phung po la rnam par shes pa'i phung pos rgyas gdab po/ /de ltar rlung la reg bya'i zhal gcig dang ni yon tan gzhan gyi dbang gis rgyas gdab zhal ni gnyis pa
 spyi bor te/ zhal gyi gnas su ni ma yin no/ /de bzhin du mi la gzugs dang reg bya'i yul gyi chos kyis zhal gnyis te rgyas gdab pa'i zhal ni yon tan gsum pas so/ /des na tshor ba la yang rnam par shes pas rgyas gdab po/ /de bzhin du chu
 la reg bya dang ni gzugs dang ro'i zhal te zhal gsum dang/ rgyas gdab zhal ni bzhi pa nam mkha' i mtshan nyid sgra'o/ /des na 'du shes la rnam par shes pas rgyas gdab po/ /sa la dri la sogs pa zhes pa la sogs pa dri dang ro dang gzugs
 dang reg bya'i yul gyi chos kyi zhal bzhir 'gyur te/ de nas gzugs kyi phung po la yang rnam par shes pa'i phung pos rgyas gdab po zhes grub bo/ /nam mkha' i khams rnam par shes pa'i phung po la ni stong pa chen po yi ge lnga zhes gsungs
 pa'i phyir/ stong pa rnam pa lnga zhal lnga ste/ rgya yis gdab pa'i zhal ni drug pa ye shes kyi phung po'o/ /de bzhin du ni ye shes khams las 'gyur te yon tan dbang las shes pa zhal drug pa la stong pa drug gi zhal te/ de la yang rnam
 par shes pa'i khams kyis rgyas gdab bo/ /zhes pa phyag rgya'i nges pa ste/ khams dang yul gyi yon tan gyi dbang gis dag pa'o/ /de nas gcig ni bzhi la bsres pa bde mnyam 'bras bu ster ba dag ste gnyis dang gsum ni bsres
 pa lnga zhes pa ni 'dir gang gi tshe rlung gi khams reg bya gcig pu'i yon tan gyi bdag nyid nam mkha' i khams kyi rgyas gdab pa ni sa'i khams dri la sogs yon tan bzhi'i bdag nyid nam mkha' i khams kyis rgyas gdab pa la bsres par
 gyur pa de'i tshe bde mnyam 'bras bu ster ba thabs dang shes rab kyi bdag nyid can gyi rnal 'byor du 'gyur ro/ /de bzhin du me reg bya dang gzugs kyi yon tan gnyis kyi bdag nyid nam mkha' yis rgyas btab pa dang/ chu'i khams
 yon tan gsum gyi bdag nyid nam mkha' i yon tan gyis rgyas btab pa phan tshun 'dus pa ni lngar 'gyur ro/ /de bzhin du sa dang rlung dag la lnga'o/ /de bzhin du shar dang nub dang byang dang lho phan tshun 'dus pa ni shes rab dang thabs zhal bcu ste/ 'di'i
 spros pa ni nang gi le'u las shes rab thabs ni rus pa sha dang chu dang bcas pa'i khrag dang gtsang byed dang ni gci ba nyid/ ces pa la sogs pas gsungs so zhes pa nges pa'o/ /gzhan yang yon tan rnam pa gsum zhes pa la sogs pas yon tan gsum gyi dbye ba gsungs te/
 'dir khams thams cad la snying stobs dang rdul dang mun pa'i yon tan rnams yod de/ de dag gis khams thams cad zhal gsum pa'o/ /khams rnams la dri la sogs pa nas chos kyi dbyings kyi mthar yul drug ste/ de rnams kyis phyag drug pa'o/
 de ltar yon tan rnam pa gsum gyi dbang gis zhal ni bcu gnyis te/ shar dang/ nub dang/ byang dang/ lho dang/ 'og dang/ steng gi shes rab dang thabs so zhes pa nges pa'o/ /'dus pa las thams cad mtshan ma ni/ khu pa dang rtsa dang rus pa rnam
 par dag pa rdo rje dang pad+ma dang 'khor lo ste/ mi bskyod pa'i g.yas na'o/ /rdul dang khrag dang sha ni rdo rje dril bu dang nor bu dang ral gri ste g.yon na'o/ /'dir lha gang gi g.yas kyi phyag dang po'i mthil du rang gi mtshan ma song ba de'i gnas su
 rdo rje'i mtshan ma 'gro ba de ltar 'dus pa'i nges pa ste/ 'dus pa la sangs rgyas gang dbus su zhugs pa de'i gnas su mi bskyod pa 'gro ba ji lta ba bzhin du mtshan ma la yang nges pa'o/ /de bzhin du zhal lnga pa dang zhal drug pa dag la
 zhal bcu gcig pa ste/ rnam par shes pa dang/ ye shes kyi khams zhal lnga pa dang zhal drug pa stong pa chen po yi ge lnga dang thig le stong pa yi ge drug dag la'o/ /slar yang de dag phan tshun ltos pa dang bcas pa nyid kyis zhal nyi shu rtsa gnyis pa'i 'dus
 ba'o/ /zhes pa nges pa'o/ /da ni dus kyi dbye bas zhal la sogs pa'i dag pa gsungs pa/ thun mtshams shes pa ste/ 'dir nyin mo bcom ldan rdo rje can/ /mtshan mo shes rab rab tu grags/ /shes pa'i nges pa las/ nam byed nas nyi ma phyed
 kyi bar la thun dang thun gyi mtshams kyi dbye bas bcom ldan 'das zhal bzhi pa'o/ /thun phyed kyi dbye bas phyag brgyad pa'o/ /de bzhin du nyi ma byang nas nam phyed kyi bar la shes rab kyang zhal bzhi phyag brgyad ma'o/ /mnyam pa 'khyud pa ni nyin mo
 dang mtshan mo dag gi dbu ma'i cha shas la'o/ /mi mnyam pa ni nyin mo dang mtshan mo dag gi snga ma'i thun mtshams dang phyi ma'i thun mtshams dag la te/ dman pa dang lhag pa'i dbang gis so/ /de la 'ga' zhig tu nyin mo 'phel ba las
 bcom ldan 'das zhal lnga phyag bcu pa dang/ bcom ldan 'das ma zhal gsum phyag drug ma'o/ /mtshan mo 'phel ba las bcom ldan 'das ma zhal lnga ma dang/ bcom ldan 'das zhal gsum pa'o zhes pa la sogs pa grub po zhes pa dus
 kyi 'khor lo'i rnam par dag pa gcig go /de bzhin du gnyis pa gsungs pa/ rnam gsum zhes pa la sogs te/ 'dir chu srin la sogs pa khyim bcu gnyis te/ de rnams nang nas chu srin dang bum pa dang/ nya'i khyim rnams ni thugs rdo rje'i
 mun pa dang rdul dang snying stobs kyi dbye bas nag po dang dmar po dang dkar po'i zhal rnams te/ dus sbyor dbye bas kha dog gsum zhes so/ /de bzhin du lug dang glang dang 'khrig pa'i zhal rnams ni rdul dang snying stobs dang mun pa'i dbye ba
 bas dmar po dang dkar po dang nag po'i kha dog rnams te/ gsung rdo rje yi'o/ /kar ka Ta dang seng ge dang bu mo'i zhal rnams ni snying stobs dang mun pa dang rdul gyi dbye bas dkar po dang nag po dang dmar po'i zhal
 rnams te sku rdo rje yi'o/ /srang dang sdig pa dang gzhu'i dus sbyor gyi zhal rnams ni mun pa dang rdul dang snying stobs kyi dbye bas ser po dang dmar po dang dkar po'i kha dog rnams te ye shes rdo rje yi'o/ /dus sbyor phyed pa phyag gi dbye bar 'gyur
 te drug po rnams kyi gnyis gnyis la grangs bzhin du rtsa ba'i zhal la sogs pas kha dog gsum ste/ g.yon dang g.yas dag la'o/ /de bzhin du zhal bcu gnyis dang nyi shu rtsa bzhi pa ni bcom ldan 'das dus kyi 'khor lo gcig
 go /'dir sngar gsungs pa'i lha zhal gcig pa dang zhal bzhi pa la sogs pa rnams kyi mi mnyam pa dang mnyam pa 'khyud pa gang yin pa de ni thun mtshams cha shas snga phyi la ste snga dro'i thun mtshams dang phyi dro'i thun mtshams la  
 'dus pa'o/ /zhal gsum phyag drug pa rnams kyi phan tshun 'khyud pa gang yin pa de ni dbu ma'i cha shas la ste/ nyi ma gung gi thun mtshams la'o/ /de ltar lus dang sems la zhes pa ni lnga pa'i don la bdun pa ste lus dang bsam pa'i
 dbye ba las shes pa'o/ /de bzhin du snga ma dang phyi ma'i thun mtshams ni rnal 'byor ma'i rgyud kyi khyud pa ste/ zhal gcig dang zhal bzhi pa dag gam/ zhal gcig pa la sogs pa dag dang/ zhal brgyad pa la sogs pa dag gis mi
 mnyam pa dang mnyam pa snyoms par zhugs pa las so/ /rnal 'byor gyi rgyud la zhal dang phyag mnyam pa dag gi 'khyud pa ni/ nyin mo dang mtshan mo mnyam pa'i dus la'o zhes pa dus kyi khyad par gyi nges pa'o/ /de bzhin du bzang ngan shes
 shing dus shes la/ /khyab bdag dam shes dam tshig ldan/ /dus shes sems can dbang po shes/ rnam grol gsum la mkhas pa po/ /zhes pa mtshan yang dag par brjod pa las te/ bcom ldan 'das kyi nges pa'o/ /da ni bya ba'i rgyud rnams gsungs pa
 shes rab ces pa la sogs pa ste 'dir rnal 'byor ma'i rgyud la shes rab sbyor ba dang rnal 'byor gyi rgyud la snyoms par zhugs pa ste/ snga ma dang phyi ma'i thun mtshams kyi sbyor ba dang nyi ma gung nas mtshan phyed kyi thun mtshams kyi yang dag
 par sbyor ba zhes pa ni rgyud gnyis la grub po/ /dgod pa la sogs pa rnams ni thun gyi mngon mtshams la'o/ /zhes pa ni 'dir thun dang po'i mngon mtshams la dgod pa'i rgyud do/ /thun gsum pa'i mngon mtshams la lta ba'i rgyud do/ /thun lnga
 pa'i mngon mtshams la nu ma la reg pa'i rgyud do/ /thun bdun pa'i thun mtshams la lag pa 'dzin pa'i rgyud de/ de ltar rgyud rnam pa bzhi'o/ /de ci'i phyir zhe na/ 'dir rlung gi zad par rnams ni shes rab la dgod pa tsam gyis 'dzag pa'i bde
 bar 'gyur ro/ /me'i zad par rnams ni bltas pas bde bar 'gyur ro/ /chu'i zad par rnams ni nu ma la reg pas bde bar 'gyur ro/ /sa'i zad par rnams ni lag pa 'dzin pas bde bar 'gyur ro/ /de ltar 'og min la sogs pa nas tshangs ris
 kyi mthar thug pa gzugs na spyod pa bcu drug ste/ 'di rnams kyi rgyas pa ni 'chad par 'gyur ba'i mchog tu mi 'gyur ba'i ye shes grub pa las brjod par bya'o/ /'dod pa na spyod pa rnams kyi snyoms par zhugs pa ni gnyis sbyor ba'o/ /
 zhes pa grub pa'i mdza' 'o/ /thams cad du gzugs med pa la ni 'dod chags dang bral ba rnams gnas so/ /da ni lus dang bsam pa rab tu 'jug pa gsungs pa/ shes rab ces pa la sogs pa ste/ 'dir shes rab kyi yan lag dmar
 po me'i khams dang/ ser po sa'i khams la nges par dus kyi 'khor lo'i bsam pa rab tu 'jug go /shes rab dang thabs ni gzung bar bya ba ste/ gang gis phyir snyoms par zhugs pa la shes rab gang yin pa de ni thabs kyis
 bsam pa 'dzin pa mo dang/ thabs gang yin pa de yang shes rab kyi bsam pa 'dzin pa pa ste/ bsam pa 'dzin pa des na bde ba skye'o/ /des na dus kyi 'khor lo'i chu'i khams dkar po ni dma ?? po'i yan lag me'i yan lag la rab tu 'jug
 cing ro mnyam par 'gyur ro/ /de bzhin du rlung nag po ni ser po'i yan lag sa la ro mnyam par 'gyur ro/ /de bzhin du lho dang nub tu lha rnams kyi'o/ /de bzhin du rdo rje can dang lha rnams kyi g.yon gyi yan lag ste/ chu'i khams dkar po'i/
 yan lag la shes rab bsam pa zhes pa dmar po'i bsam pa rab tu 'jug go /mdun du kha dog nag po'i rlung gis khams la sor po sa'i bsam pa 'jug go /de bzhin du steng dang 'og tu ljang khu dang/ sngon po dag phan tshun du yang
 dag par sbyor ba'o/ /de ltar sems can thams cad kyi yang mchog gi lus la shes rab bsam pas phye ba g.yon dang mdun ni zhi bar 'gyur ro/ /drag po g.yas dang rgyab kyi yan lag mchog gi rgyal ba'i bdag po'i bsam pas
 bya ba de bzhin nyid ces pa ste/ steng zhi ba dang 'og drag por grub bo/ /de ltar shes rab kyis phye ba rgyal ba dag gi rab mchog tshogs kyi rigs khu ba'i khams las byung ba las/ lus kyi dbye bas chu dang rlung dang nam mkha' i mtshan nyid
 gang yin pa de nyid bsam pa'i dbye bas rdul gyi khams kyis bye ba sa dang me dang ye shes kyi rang bzhin du 'gyur ba'i phyir/ rab mchog tshogs kyi rigs ni gnyis kyi rang bzhin zhes pa byang dang lhor lha'i tshogs dmar po dang dkar por
 'gyur ro/ /shar dang nub tu ser po dang nag por 'gyur ro/ /steng dang 'og tu sngon po dang ljang khur 'gyur ro/ /de bzhin du ni shes rab kyi ni tshogs kyi rigs gtso bo'i bsam pas phye ba nges par phyogs bral du yang gnyis kyi rang bzhin nyid du
 'gyur te/ bden bral dang dbang ldan du dkar po dang dmar por 'gyur ro/ /rlung dang mer nag po dang ser por 'gyur ro/ /gnyis kyi rang bzhin zhes pa nges pa'o/ /de ltar thabs kyis tshogs ni phyogs su gnas pa'o/ /rnal 'byor ma'i tshogs
 shes pa shes rab kyi tshogs spyan ma la sogs pa ni sgrol ma la sogs pa ni phyogs bral du gnas pa'o/ /de ltar g.yas dang g.yas min nyi ma dang ni ri bong can gyi sku dag zung ste shar dang nub nyid kyang/ /nag po ser po dag ste sngon
 po ljang khu dag kyang de bzhin mkha' dang sa 'og yang dag gnas pa lha'i tshogs shes pa nges pa'o/ /gzhan gyi rigs la khyud pa de'i phyir thabs dang dkar po rnams kyi shes rab dmar po rnams su 'gyur ro/ /thabs dmar po rnams kyi
 shes rab ri bong 'dzin pa lta dkar mo rnams so/ /de bzhin nyid du thabs ser po rnams kyis shes rab kha dog nag mo rnams so/ /thabs dkar min zhes pa nag po'i rigs rnams kyi shes rab mchog gi gser dang mtshungs pa ser mo
 rnams so/ /sngon mo rnams kyi shes rab kha dog sna tshogs shes pa ljang khu rnams so/ /slar yang thabs ljang khu rnams kyis shes rab sngon po rnams so/ /de bzhin gsungs shes pa ni rigs pa ste/ gzhan gyi rigs la 'khyud pa las
 bya ba 'grub par 'gyur ro/ /rang gi rigs la 'khyud pas ni bya ba 'grub pa med de/ rang gi bdag nyid la bya ba 'gal ba'i phyir ro/ oi/b+ha ga'i sems kyis b+ha ga'i rigs kyi khams rnams kyi bde ba skye ba dang/ de bzhin du rtags kyi sems
 kyis skyes bu'i rigs rnams kyi bde ba skye ba ni med do/ /de'i phyir dus kyi 'khor lo la rang 'od kyi shes rab rnams su mi 'gyur te/ rang gi bdag nyid la bya ba 'gal ba'i phyir ro/ /ci ste me long gi gzugs
 brnyan gyi chos kyis sems kyis dngos po 'dzin par byed do zhe na/ de nyid rnam par dpyad par bya ste/ me long la skyes bu'i gzugs brnyan ni nu ma dang skra dang ldan pa dang mtshungs pa ma yin zhing/ bud med kyi gzugs kyang nu ma dang
 skye gnas dang bral ba ma yin te/ des na re zhig rang 'od ni med do/ /de bzhin du 'gal ba gzhan yang/ 'dir gzugs kyi g.yon pa'i lag pa rnams la mtshan ma gang yod pa de dag ni me long gi gzugs brnyan gyi lag pa g.yas
 pa rnams na gnas pa'o/ /de bzhin du g.yon gyi gdong pa gang yin pa de ni g.yas kyi ste de'i kha dog nyid kyang rang 'od ces par mi 'gyur ro/ /des na gzhan gyi rigs la 'khyud pas dkyil 'khor gyi sgom pa ste dus kyi 'khor lo'i
 rigs pa las so/ /rgyud gzhan dang gzhan las ni dngos po gang dang gang gis ni/ mi rnams yid la yang dag sbyor/ /des de'i rang bzhin nyid 'gyur te/ /nor bu sna tshogs gzugs bzhin no/ /des na 'khrags 'khrugs byed pa yi/
 tshig ni rnam par dpyad mi bzod ces so/ /don dam par ni stong pa nyid kyi gzugs bsgom pa la gzugs dang ?sdu'i rtog pa med de des na rang 'od dang rang 'od ma yin pa zhes pa med de/ /rnam pa thams cad pa dang kha dog thams cad pa'i phyir zhes dang shes
 bya rdul phra rab kyi rdzas kyi rnam par rtog pa dang bral ba dag la rang bzhin med do/ /de'i phyir rang bzhin med pa'i srid pa bsgom pa ni bum pa dang snam bu dang shing rta'i sde la sogs pa rnams kyi bya ba nyi tshe ba ma yin pa 'jig rten pa'i tha snyad mdza' 
 dag dang bral ba'o zhes pa dbu ma pa'i grub pa'i mdza' ste/ sngags kyi tshul gyi de kho na nyid kyi le'u la rig pa las so/ /'dir tshigs su bcad pa bzhi bcu rtsa brgyad pa nas brtsams te tshigs su bcad pa drug cu rtsa gsum pa'i bar du tshigs su bcad
 pa drug ni go bla'o/ /da ni lus la rnam pa bcu'i dag pa gsungs pa/ spu zhes pa la sogs pa ste/ 'dir ba spu dang skra ni nam mkha' i khams so/ /pags pa dang shin rlung gi khams so/ /khrag rnam pa gnyis ni me'i khams so/ /rdul dang gci ba ni chu'i khams so
 rus pa dang rkang ni sa'i khams so/ /rtsa dang srog ni ye shes kyi khams so/ /sgra gcan gyi 'jug ma ni ye shes rdo rje'o/ /sgra gcan ni thugs rdo rje'o/ /nyi ma ni gsung rdo rje'o/ /zla ba ni sku rdo rje ste/ bzhi po 'di rnams kyi bgrod pa kun nas srog gis dbus
 su'o/ /zla ba'i dbus su ste/ khu ba'i dbus su dri med nor bu bzhin du zhes pa bzhin du nye bar gzhag pa dang 'brel pa las dngos po kun gyis 'khyud pa'i rnam par shes pa ste/ de ni dngos po dang dngos po med pa dag gnyis su med pa nyid sgyu ma lta bu
 stong pa nyid kyi gzugs tsam 'gyur ba med pa'i bde ba mchog gi bdud rtsi'i go 'phang khyab byed gzhom du med pa'o/ /zhes pa nges pa ste/ lus la rnam pa bcu dag pa'o/ /da ni sa bcu rnams kyis khams de rnams sbyangs pa gsungs pa sprul
 sogs zhes pa ste/ 'dir ba spu dang skra ni rab tu dga' bo/ /pags pa dang sha ni dri ma med pa'o/ /khrag rnam pa gnyis ni 'od byed pa'o/ /ro dang chu ni 'phro ba'o/ /rus pa dang rkang ni sbyang dka' ba'o/ /rtsa dang srog ni mngon du gyur pa'o/ /dus kyi me dang
 chags pa'i khams ni ring du song ba'o/ /sgra gcan mi g.yo ba'o/ /nyi ma ni legs pa'i blo gros so/ /zla ba ni chos kyi sprin te/ chags pa dang mun pa dang/ rdul dang snying stobs kyis kun rdzob la 'jug pa'o/ /de ltar spu la sogs pa zla ba'i
 mdza' ni mdza' dag lus la gnas pa de rnams kyi sgrib pa med pa las sa bcu po de dag rnams te/ gang zhig sa bcur gsungs de dag rnams kyang sde pa drug dang la sogs gzhan dbyangs dang ldan pa rnams su gsungs so/ /
 de la ka'i sde pa ni rab tu dga' ba ste/ de bzhin du grangs ji lta bar ka tsa Ta pa ta sa zhes pa sde pa drug rnams dang/ la wa ra ya ha/ al o ar e a li u ri i a ha(rgyud 'grel sogs pa'i sde pa rnams shes rab kyis rnams so/ /'di dag dus kun rnal 'byor rnams la sde mnyam 'bras bu ste/ de phyir bla ma'i zhabs la gnas pa zhes pa a ba d+hU tI'i zhabs la gnas pa'i rnal 'byor pa rnams kyis ni thar pa'i slad du btsal
 bar bya zhes pa bcom ldan 'das kyi nges pa'o/ /lus las ma gtogs gang zhig khyab byed thar pa'i ster ba'i sangs rgyas gzhan ni 'ga' yang yod pa min/ 'dir lus kyi khams sgrib pa med pa rnams sangs rgyas nyid ster bar byed pa
 dang thar pa'i ster ba'o/ /tshigs su bcad pa drug cu rtsa lnga pa 'di nas bdun cu rtsa bzhi pa'i mthar thug pa gzhan tshigs su bcad pa dgu ni go bla'o/ /da ni stong pa nyid kyis gzugs mthong ba'i rjes la srog 'gog pas rnal 'byor pa rnams kyi skad
 cig thob pa gsungs pa/ rlung zhes pa la sogs pa ste/ sngar gzugs mthong ba'i rjes la srog rtsol gyi rlung bcu po rnams phrad par 'gyur ro/ /srog thur sel la sogs pa bcu po yang dag par phrad pa de dag rnams kyis/ lte ba'i lte ba la
 gtum mo glog gi me'o/ /de'i rtse mo ni 'od zer te rtse mo de yis spyi bo ste/ dpral bar zla ba zhu bar byed ces pa ni byang chub kyi sems skye ba gnas par bya'o/ /byang chub sems kyi thig le gang gang dpral ba nas mgrin pa dang snying ga dang lte ba dang
 gsang ba dag la son pa ni srog rtsol gyi stobs kyis 'gog par 'gyur te/ gsang bar sku'i thig le 'gog cing/ de bzhin du gsung dang thugs dang ye shes kyi thig le ni lte ba dang snying ga dang mgrin pa la 'gog go /thig le 'di las g.yo ba'i khu ba gang
 yin pa de ni/ 'dir gsang ba la gnas pa sku'i thig le sra ba'i rang bzhin gyi gzhan dang ba'i khu ba gang yin pa de ni g.yo ba'i khu bar gsungs te/ de ni rdo rje nor bu la gnas rgyal mtshan rtse la ste rtags kyi sgo la yang dag par 'gog pa'o/ /g.yo ba
 de ni shes rab ye shes skad cig ste gal te thig le'i 'phreng ba 'pho ba med pa'i rgyu yis bde ba ster na'o/ /de'i tshe las kyi phyag rgya'i ye shes ma yin te shes rab ye shes so/ /zhes pa grub pa'o/ /mi 'pho ba'i rgyu de'i phyir/ g.yo med bde ba'i
 skad cig gang yin pa 'dir ni chos kyi dbyings te shes rab kyi pha rol tu phyin nas ster bar byed do/ /des na phyag rgya chen po'i bde ba ni mchog tu mi 'gyur ba'o/ /las dang ye shes kyi phyag rgya'i bde ba ni g.yo ba dang thabs kyi bde ba ste/ g.yo ba
 dang 'gyur ba ni byis pa dang dar la bab pa'o/ /ji ltar dngul chu byis pa dang lang tsho dang rgan po bcings pa'o/ /de bzhin du khu ba yang byis pa dang dar la bab pa dang rgan po 'gog pa ste sgrib pa thams cad zad pa las sogs/ sgrib pa ni dri ma'o/ /byang
 chub kyi sems de nyid gang gi tshe dpral bar steng du 'gro ba de'i tshe sems de ji ltar byon pa de bzhin gshegs par 'gyur ro/ /srog gis ro'i 'gro ba rnams la gnas pa ste sa la sogs pa'i dkyil 'khor drug po rnams la gnas pa nyi khri chig
 stong drug brgya po thams cad bkug cing/ de bzhin du nyon mongs bdud rnams bcom byas nas rdzu 'phrul dang kun mkhyen gyi sa bcu gnyis 'chad par 'gyur ba rnams dang/ srid gsum bla ma nyid ces pa thams cad mkhyen pa nyid dang/ rnam pa
 thams cad mkhyen pa nyid dang/ lam mkhyen pa nyid dang/ lam gyi rnam pa mkhyen pa nyid la sogs pa'i 'byor pa ni rnal 'byor pa brtson 'grus dang ldan pa rnams kyi skye ba 'di la ster bar byed de/ /ci ste gang gi tshe lam du zhugs
 par gyur pa rnal 'byor ma thob par 'chi bar 'gyur na de'i tshe de yis 'dzin pa ste bag chags kyi stobs kyis slar yang mi'i skye ba gzhan la thams cad thob 'gyur te/ skye ba bdun gyi mthar thug pas brtson 'grus dang mi ldan par gyur cing ye shes
 ma bsgoms kyang do zhes pa nges pa'o/ /da ni byang chub sems dpa' i byin gyis brlabs pa skye ba gsungs pa/ gang zhig yon tan med ces pa la sogs pa ste/ 'dir gzhon nu ma gang zhig yon tan med pa ni mi 'dzag pa'i phyir chos kyi dbyings kyi yon
 tan dang bral ba'o/ /de ni dngos po chung ba lus kyi khams rdzogs shing so ma lhung ba ste/ lo brgyad kyi bar du gcig go /des na gnyis pa ni so lhung nas lo bcu'i bar du'o/ /de ltar sku'i phyag rgya ni skye gnas ma nyams pa'o/ /de'i mtshams nas lo bcu gcig nas
 brtsams nas lo bco lnga 'di ni gcig ste/ chags pa rjes chags so/ /yon tan gter gzhan ni gzhan lo lnga'i bar du ste gsung gi phyag rgya rnam pa gnyis su 'gyur ro/ /de ltar lo brgyad dang/ lo gnyis dang de bzhin du lo lnga dang lnga'o/ /de nas lo nyi shu'i
 rjes la gzhan pa mkha' dus shes pa lo bzhi bcu ni de bzhin du thugs kyi phyag rgya gcig ste/ gnag pa'i dngos po la rjes su chags pa'o/ /de ltar lo drug cu ma'i bud med do/ /slar yang gzhan ma stod pa rig byed ces pa'o/ bzhi bcu'i bar
 du dkar ba'i dngos po la rjes su chags pa ste/ rgan mo rgas pa skra dkar dang ldan pa lo brgya'i mthar thug pa'o/ /de ltar thugs kyi phyag rgya yang rnam pa gnyis so/ /gsum po 'di rnams kyi nang nas sku'i phyag rgya ni shin tu bu mo'o/ /thugs
 kyi phyag rgya ni shin tu lang tsho dang rgan mo ste/ gsum po 'di dag spangs nas lo bcu gcig ma mtshan nyid thams cad yang dag par rdzogs pa rnams ni/ rgyal po'i bla ma 'am rgyal po dbang bskur ba 'am dbang phyug dbang bskur ba gzhan rnams kyis bsrung bar
 bya'o/ /rin chen dbang po mi 'byung bar du ste/ mi 'byung zhes pa rdul mi 'byung gi bar du bsrung bar bya'o/ /rin chen dbang po rab tu 'byung ba'i dus su mdza' dag yon tan gter gyi dkyil 'khor dus kyi 'khor lo bzhengs nas dang por legs par bslab
 par bya ste/ der de la dbang bskur nas/ sangs rgyas byin brlabs sngags pa rnams kyis shes pa/ rdo rje drug po rnams dang 'jam dpal gyi ting nge 'dzin gyi shes rab de yang rdzogs par bya ste/ g.yas kyi rtsa la rab tu 'bab pa'i dus su de'i gsang ba'i pad+mar
 bde mnyam byang chub kyi sems sngags dang bcas pa zhes pa sku dang gsung dang thugs dang ye shes kyi sngags dang bcas pa spro bar bya'o/ /de nas gsang ba de la yan lag drug gis bsrung ba rab tu bya ste/ de nas rang gi rdo rje nor bu la gnas byang
 chub sems ni myang bar bya'o/ /de ni rnal 'byor pas de la yang sbyin no/ /de'i pad+ma'i phyi rol gyi gang yin pa de ni ming med dang mthe bo dag gis blangs nas myang bar bya ste/ thams cad bsrung ba'i don du'o/ /cho ga 'di yi mngal bzung ba de la gang
 zhig bur gyur pa de ni 'jam dpal nyid do/ /shes rab lhag pa la shes pa ni rdul lhag pa las gal te bu mor gyur na/ de'i tshe sna tshogs yum gyis byin gyis brlabs par 'gyur ro/ /des na nges par sangs rgyas yum du 'gyur zhes pa ste/ 'jam
 dpal dang sna tshogs yum gyis byin gyis brlabs pa'i cho ga'o/ /de nas gzhan me tog gsum gyis shes pa ni 'dir gal te rdul dang po la mngal ma skyes na de'i tshe yang dang yang du rdul mthong ba so so la dkyil 'khor bzhengs nas ting 'dzin
 gzhan rnams kyi byang chub kyi sems spro bar bya'o/ /de ltar gnyis pa la pad ma dkar 'dzin zhes pa 'jig rten dbang phyug gi sprul par 'gyur ro/ /gsum pa la 'dzam b+ha la'i sprul pa'o/ /bzhi pa la phyag na rdo rje ste/ bu'i yul la'o/
 bu mo'i yul la ni gos dkar mo dang nor rgyun ma dang/ sgra rdo rje mas byin gyis brlabs par 'gyur ro/ /de nas me tog brgyad kyis gzhan brgyad yangs dpe dpang la gzhan brgyad ces pa mi 'dug phyogs dang phyogs bral du gnas rdzu 'phrul che ldan
 khro bo'i rgyal po rnams shes pa ni 'dir sngar dzam b+ha las byin gyis brlabs pa la gtsug tor gyi ting nge 'dzin gyi gtsug tor ram shin tu sngon pos byin gyis brlabs par 'gyur ro/ /phyag na rdo rje gnas su gnod mdzes rgyal po 'am drag spyan par
 'gyur ro/ /de nas rdul lnga pa la bgegs mthar byed dang brtson 'grus mdza' yas ma'o/ /drug pa la shes rab mthar byed dang rmugs byed ma'o/ /bdun pa la pad+ma mthar byed dang nga rgyal ma'o/ /brgyad pa la gshin rje mthar byed dang
 rengs byed ma'o/ /de nas dgu pa la stobs po che dang 'od zer can ma'o/ /bcu pa la mi g.yo ba dang rtsun dA'o/ /bcu gcig pa la 'dod pa dang khro gnyer can no/ /bcu gnyis pa la dbyug pa sngon po dang rdo rje lcags sgrog ma'o/ /zhes pa
 ste phyogs bral rnams su'o/ /de ltar khro bo'i ting nge 'dzin gyis mngal ni khro bos byin gyis brlabs par 'gyur ro/ /de nas zla mtshan bcu gsum pa ni slar yang dang po ste/ ma rig pa la sogs pa'i yan lag ji lta ba bzhin no/ /dper
 na zla ba de la rdul gang rab tu byung ba'i rdul de ni slar yang 'jam dbyangs rab tu skyed pa ste/ de bzhin du ting nge 'dzin gyi dmigs pa byas nas de'i steng du rnal 'byor pas byang chub kyi sems rnam par spro ba bya ste/ mngal ni de yis byin gyis
 brlabs par 'gyur ro/ /lo ni nyi shu dag gi bar du so so'i rdul la gang gi tshe byang chub sems dpar gyur ba ni gcig gam gnyis sam zhes pa la sogs pa ste/ yum gyi snying stobs chen po can du 'gyur ro/ /yum gyi lo bzhi bcu'i bar du cung zad
 snying stobs cha shas dman par 'gyur ro/ /slar yang lo ni nyi shu'i bar du de bas ni snying stobs chung zhing brtson 'grus chung ba'o/ /de ltar yum gyi lo brgyad cu ste snying stobs dang rdul dang mun pa'i dbye bas mngal byin gyis brlabs pa'o/ /de nas
 skyes gnas la ni rdul med cing mngal gyi yul ni rab tu bcom pa ste/ de nyams pa las shes rab la dbang ma yin no/ /thabs la yang sa bon med na ste/ sa bon zhes pa ni gang rab tu skye ba'o/ /'on kyang sa bon nyams pa'i rgan mo la shes rab
 dbang bskur rgyal ba'i bdag po'i gsung gis sbyin par bya ste/ dge slong la ji lta ba bzhin no/ /de bzhin du shes rab la yang dge slong ma la ji lta ba bzhin no/ /de ltar lo nyi shu ma rnams dbang gi don dang byin gyis brlab pa'i don du bzang ngo/ /
 lo nyi shu nyi shu rnams kyis sa'i khams dang de bzhin nyid du chu dang me dang rlung dang nam mkha' i yon tan rnams lo brgya'i bar du ste/ rgyal ba'i yan lag dag gis brtsal bar bya'o/ /byang chub sems kyi bsnyen pa 'di ni sems can don gyi
 byed pa mi ste 'bras bu mang por 'gyur zhes pa ni byang chub sems dpa' skyed pa'i phyir ro/ /da ni bdud rtsi btung ba gsungs pa gang zhig khrag ni zhes pa la sogs pa ste/ 'dir phyi rol tu drang ba'i don gyis gang zhig khrag 'thung bar byed pa de
 ni sbrang bu'o/ /nges pa'i don gyis ni a ba d+hU tI gang zhig r'pho ba'i dus su rdul gyi khams 'thung ba'o/ /rab mchog lha mi rnams kyi sbrang bu de ni bdud rtsi ste a ba d+hU tI gcig pur 'gog pa'o/ /zhes pa'i don to/ /phyi rol tu zas kyi skyugs pa gang
 yin pa de ni nges pa'i don gyis byang chub sems kyi skyugs pa gsang ba la sogs pa'i kha nas rdo rje nor bu la gnas pa ste/ shes rab kyi chu skyes kyi nang du rab tu zhugs pa ni ma yin no/ /de bzhin du 'pho ba med pa'i gshang
 ba dang gci ba dang khrag dang sha ni mchog tu ro mnyam ste mi zag pa skyugs pa'i dbus su rab tu zhugs pa zhes pa 'gag pa ni sgrib pa med par 'gyur ro/ /'di dag rnams ni ye shes bdud rtsir 'gyur zhing/ 'pho ba med pa'i bdud rtsi lnga ni srid
 pa gsum gyi bla ma yis kyang rgyud rnams kun tu bstan te/ phyi rol gyi bshad pa la sogs pa dngos grub kyi slad du bstan pa ma yin no/ /zhes pa bdud rtsi'i nges pa'o/ /da ni phyi rol tu dam tshigs bsrung ba dang gza' ba gsungs pa/ shes
 rab bcas pa la sogs pa ste/ 'dir snyoms par zhugs pa la sgom par byed pa'i rnal 'byor pa'i byang chub kyi sems ma bsdams pa gal te shes rab kyi chos 'byung du ltung na/ de'i tshe shes rab chos 'byung la ni gang zhig lhung ba'i bde ba
 dag kyang rab tu 'bad pas bsrung bar bya'o/ /de ci'i phyir zhe na/ ting nge 'dzin gyis spros pa'i byang chub kyi sems de yis gang su zhig byung ba de ni rgyal ba'i rigs la byang chub sems dpa' nyid de/ gang gi phyir bde bar gshegs pa'i rigs
 rab tu 'phel bar byed pa de'i phyir bde bar gshegs pa mnyam par ma bzhag pa rnams kyi byang chub kyi sems bsrung ba dang bral ba de ni nyin zhag so so'i dus su bdud kyi pho nya dang srin po khu ba 'phrog par byed pa rnams dang mi rnams
 kyis kyang rnal 'byor pa'i cha byad kyis za ru 'jug par byed cing/ shes rab me tog dang ldan pa zos pa zhi ba bde ba'i 'bras bu ster ba'i ston par byed de/ byis pa'i skye bo gzhan rnams dmyal bar btang ba'i slad du'o//
 /de'i phyir sangs rgyas pa'i sngags pas rdo rje 'khums bar ma gyur gyis bar du chu skyes las ni dbyung bar mi bya ste/ gang ni tshe 'dod pa grub pa de'i tshe na 'di ni sangs rgyas byin gyis brlabs par rab tu 'gyur/ rdo rje'i lam las thabs
 kyi snying gar gzhug par bya zhing pad+ma'i lam nas shes rab kyi snying gar gzhug par bya ste/ rang rang rdo rje'i snying gar lha'i 'khor lo rab tu bcug pa 'di yis 'od zer rnams kyis gnyis ka'i lus ni gang bar byas nas 'khor lo'i rnam par byed do/
 gal te 'di ni grub par ma gyur na de'i tshe rdo rje nor bu la ni yang dag gnas pa'i byang chub kyi sems ming med dang mthe bong dag gis blangs nas bza' bar bya'o/ /de bzhin du shes rab kyi pad+ma'i phyi rol tu 'ongs de nyid kyang gnyis po dag gis bza' 
 bar bya'o/ /shes rab kyi ni chos 'byung na gnas pa la mdza' dag rgyal ba'i rigs ni bsrung ba'i don du 'god par bya ste/ dpral ba la sogs pa rnams su rdo rje drug po rnams dang/ snying ga la sogs pa rnams su yan lag drug go /shes rab ldan
 pa la'o/ /zhes pa ni rdul dang ldan pa la'o/ /de nas byang chub kyi sems gcig pu bsrungs pa la bsod nams chen por 'gyur te/ slar yang gsung ni rab tu gsungs pa byang chub kyi sems 'di ni sangs rgyas kyi sku'o/ /bdud kyi rigs gang su
 zhig la de ni nyams la mngon par dga' byed g.yon can de ni rdo rje can te he ru ka yis gsod par byed do/ /byang chub sems kyi dam tshig bsrung ba dang bza' ba'i nges pa'o/ /'dir sngags kyi tshul las/ srid pa gsum gyi bdag pos drag
 po'i las kyi rang bzhin du ma'i sngags rnams rab tu gsungs pa gang/ de dag thams cad bdud kyi phyogs nyams 'jigs pa skyed byed srog chags rnams la nam yang ma yin no/ /'dir bdud rnams ni/ gang zhig dran pa rnams kyi byed po g.yul
 gyi yul la dga' zhing gsong gzhan yang mu stegs pa/ de rnams la ni mchog gi rgyal sras rnams kyis srog chags bsrung ba'i don du de dag sbyar bar bya/ /de rnams kyi phyogs shes pa ni rigs byed kyi chos la sogs pa
 ste/ chos de nyams pa dang 'jig pa'i slad du yin gyi/ de rnams kyi srog gzhom pa'i slad du ni ma yin no/ /'dir rnal 'byor ma'i rgyud las rdo rje mkha' 'gro ma gang yin pa de rnams kyi phyugs kyi skye bo ste/ mi shes pa rnams gsang ba'i
 don du sangs rgyas pa mkhas pa rnams kyi gsal ba gdab par mi bya ste/ gang las ci'i phyir zhe na sems can rnams ni bsrung ba'i don du srid pa gsum gyi bla mas de dag rnams ni 'jig rten khams su spros pa ste/ de phyir mchog gi
 snying rje dang ldan pa de dag rnams ni 'jig rten rnams srung bar byed cing 'jig rten slu bar byed pa'i sgrub pa po la sdang bar byed do/ /ci ste gsad pa la sogs pa'i las byas par gyur pa na bsgrub bya dag ni las kyi mthu yis shi bar gyur
 na de'i tshe 'di ni sgrub pa po'i yin te/ bdag gis gsad de zhes pa'o nga rgyal las phra mo'i las kyis sgrub pa po dmyal bar 'gro'o/ /khengs pa med pa dang nga rgyal med pa ni phra mo'i las mi byed de/ bdag nyid la ji lta ba de bzhin du
 sems can rnams la lta ba'o/ /'dir 'khor ba pa'i skyes bu rnams kyi sems ni kun nas mi dge ba'i 'bras bu'i dbang gis phran tshegs rig pa la rjes chags/ rig pa 'di yis srid pa gsum po mdza' dag skad cig gis ni
 bdag gis dbang du byed pa'o/ /zhes pa'i bsam pa/ brkam chags sems kyis ye shes sbyin pa rnam par spangs nas shi bar gyur pa dmyal bar rab tu 'jug /rgyab du ste shi bar gyur pa'i rjes la rdzas gzhan gyi dbang dang
 rang gi khyim thabs gzhan gyi dbang du gyur te/ kye ma 'khor ba pa rnams kyi gzhan la chags pa ni dam pa'i chos la rab tu 'jug pa'o/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong
 phrag bcu gnyis pa dri ma med pa'i 'od kyi ye shes kyi le'u las rnal 'byor ma'i rgyud la sogs pa spro ba'i mdor bsdus chen po ste dang po'o// //yod min med min yod med min/ /gnyis ka'i bdag nyid min pa'ang min/ /mdza' 
 bzhi gras ni rnam grol ba/ /bde chen sku la phyag 'tshal nas/ /dang po'i sangs rgyas rigs med las/ /'jam dpal rdo rjes rab phyung ba/ /sangs rgyas sku bzhi po rnams kyi/ /mtshan nyid de ni dgrol bar bya/ /shes rab ma yin zhes pa
 la sogs pa ste/ 'dir shes rab ni cha bco lnga'i bdag nyid de/ dkar po'i phyogs so/ /thabs ni nag po'i phyogs te zla ba'i cha nyams pa'i phyir ro/ /de bzhin du dkar po ni mtshan mo'o/ /nag po ni nyin mo'o/ /de'i phyir lhan cig skyes
 pa'i sku ni shes rab ma yin thabs kyang min pa 'di ni sangs rgyas rnams kyi lhan cig skyes pa'i sku ste/ de ltar yod pa dkar po'i phyogs ma yin no/ /med pa ste cha'i dngos po med pa nag po'i phyogs ma yin no/ /yod med min te 'di dag
 phan tshun 'gal ba'i phyir tshags pa med do/ /gnyis ka'i bdag nyid min pa'ang min zhes pa ni dkar po dang nag po'i phyogs 'di dag/ ma gtogs pa yang lhan cig skyes pa'i bde ba de ma yin no/ /de ltar mdza' bzhi yongs su dag pa
 cha bcu drug pa stong pa nyid kyi chos can ni/ lhan cig skyes pa'i sku ru gsungs te/ rnal 'byor pa rnams kyi bzhi bzang pa las rgyu mthun pa'i mtshan nyid do/ /de ltar na ma ning ngo zhes grub po/ /'dir lhan cig skyes pa'i sku ni rang gi don
 phun sum tshogs pa'o/ /gzhan gyi don phun sum tshogs pa la shin tu gnyid log pa zad pa las chos kyi skur gyur pa ste/ de yang shes rab thabs kyi rang bzhin nges par mun pa dang bral ye shes dang ni rnam shes dbye ba las
 shes pa la 'dir ye shes ni rnal 'byor pa yi 'dzin par byed pa'i sems so/ /rnam shes ni gzhan gyi sems shes pa ste/ gzung bar bya ba shes bya ste/ mtshan nyid do/ /de ltar rnal 'byor pa rnams kyi 'dzin par byed pa'i sems ni/
 shes rab ste brtags pa dang bral ba nyid kyi phyir thabs kyi sems ni kun tu brtags pa ste snying rje'i mtshan nyid do/ /'dzin par byed pa dang bzung bar bya ba'i dbye ba de yis shes rab dang thabs kyi rang bzhin gzhan gyi don byed pa po ni chos
 kyi sku ste/ de yang lhan cig gi skyes pa las byung bar gyur pa'o/ /de ltar lte bar lhan cig skyes pa rgyu mthun pa dang/ snying ga chos kyi 'khor lor rnam par smin pa'o/ /chos kyi sku 'di ni gzhan gyi don phun sum tshogs pa la longs spyod rdzogs
 pa'i sku ste sgra brnyan lta bu sems can du ma'i don ni byed pa po/ /'dir lha'i mig gis 'das pa dang ma 'ongs pa'i gzugs gang zhig mthong ba ni gzugs brnyan gyi rnam pa dang ba ste/ de la sgra gang zhig rgyu ba de ni sgra brnyan no/ /longs spyod
 rdzogs pa'i sku ni shes rab dang thabs kyi rang bzhin te/ lha'i rna bas lha'i rnam par shes pa ni 'dzin par byed pa'o/ /sgra brnyan ni bzung bar bya ba'o/ /des na 'das pa dang ma 'ongs pa'i dus kyi grangs shes te/ bskal pa che ge mo dang dus
 che ge mo dang/ lo che ge mo dang zla ba che ge mo dang/ phyogs che ge mo dang/ nyin zhag che ge mo la sogs pa la che ge mo byung bar gyur to/ /che ge mo 'byung bar 'gyur ro/ /zhes pa'o/ /de yis sems can rnams 'dul bar byed pa ste/ steng du
 khu ba rnams kyi rmi lam gyi gnas skabs zad pa las mgrin par longs spyod rdzogs pa'i sku skyes bu byed pa'o/ /sems can rnams ni smin pa'i slad du slar yang longs spyod rdzogs pa'i sku 'di ni sprul pa'i skur 'gyur te/ shes rab dang thabs kyi
 bdag nyid can gcig kyang sems can rnams la sprul pa sna tshogs ston par byed pa'i phyir du ma'o/ /de ltar gcig dang du ma dag ni don dam par sbyor ba ste shes rab dang thabs so/ /kun rdzob tu ni gcig dang du ma 'gal lo/ /de yang
 sad pa'i gnas skabs zad pa las dpral bar sprul pa'i sku dri ma dang bral ba ste/ gzugs rnams ma lus kun tu ston/ /nor bu chen po rin chen tog /ces pa'o/ /de ltar lhan cig skyes pa'i sku gcig pu ste/ de nyid chos dang longs spyod
 rdzogs pa dang sprul pa'o zhes pa rnam pa bzhi'o/ /sngar gsungs pa'i rdo rje sems dpa' de nyid gcig pu 'di ni dus mdza' sprin dang mtshungs pa nag po'i he ru kar ni byung bar gyur/ /'pho ba med pa'i chos kyis gzhan rnam par shes
 pa de ni he ru ka ste/ de yang gdug pa rnams ni smin pa'i don du rdo rje sems dpa' spros pa'o/ /rdo rje sems dpa' de yang rmongs pa rnams smin pa'i don du gzhan gzugs de ni dam tshig rgyal ba ste rnam par snang mdzad du byung bar gyur to/ /de
 yang rin chen dbang po ni sdug bsngal ldan pa rnams la sbyin pa'i don te 'pho ba med pa'i chos kyis gzhan tshor ba de ni sdug bsngal thams cad 'phro bar byed pa rin chen 'byung ldan par gyur to/ /de yang pad 'dzin chags can rnams kyi chags
 pa'i slad du ste/ 'pho ba med pa'i chos kyis gzhan 'du shes gang yin pa de ni 'pho ba med pa'i bde ba ster bar byed pa po snang ba mdza' yas su byung bar gyur to/ /de yang bgegs rnams rnam par gzhom pa'i don du phyag gi pad+ma ral
 gri ste/ 'pho ba med pa'i chos kyis gzhan 'du byed gang yin pa de dag rnams sems sgrib pa med par byed cing/ bdud la sogs pa'i sgrib pa rnam par 'joms par byed pa don yod grub par byung bar gyur to/ /zhes pa
 ste/ sangs rgyas lnga rnam par dag pa'o/ /da ni khams lnga rnams gsungs pa/ zhe sdang zhes pa la sogs pa ste/ 'dir tha mal pa'i zhe sdang zad pa'i zhe sdang chen po las shes rab kyi pha rol tu phyin pa stong pa nyid rnam pa thams
 cad pa sna tshogs yum gang yin pa de ni rdo rje dbyings kyi dbang phyug ma rdo rje mkha' 'gro mar byung bar gyur to/ /de bzhin du gti mug zad pa'i gti mug chen po las spyan ma'o/ /mchog gi snying rje mA ma kI ni nga rgyal zad pa'i rgyal chen po'i
 rgyu las byung bar gyur to/ /chags pa zad pa'i chags pa chen po las de ni gos dkar mo'o/ /phrag dog zad pa'i phrag dog chen po las de ni mdza' dag yon tan gter sgrol mar byung bar gyur te/ de ltar gzhan nam mkha' i khams dang/
 gzhan sa'i khams dang/ gzhan chu yi khams dang/ gzhan me'i khams dang/ gzhan rlung gi khams so zhes pa khams kyi mtshan nyid de/ sgrib pa med pa'i gzugs dang mi 'pho ba'i bde ba las so zhes grub po/ /dus kyi 'khor lo dang
 sna tshogs yum thabs dang shes rab gcig tu 'dres par gyur pa sna tshogs gzugs can gnyis po 'di dag ni yul dang yul can gzhan rnams thams cad du yang byung bar gyur te/ gzhan dri la sogs pa'i yul de dag rnams dang/
 gzhan rna ba la sogs pa'i yul can de dag rnams dang/ gzhan dag dang lag pa la sogs pa rnams dang/ gzhan las kyi dbang po'i bya ba la sogs pa rnams te/ de bzhin du/ kun nas lag pa rkang pa'i mdza' / /kun nas mig
 dang mgo dang gdong/ /kun nas thos ldan 'jig rten du/ /thams cad g.yogs te gnas pa ni/ rdo rje sems dpa' zhes dang/ /de bzhin du/ bdag rig gzhan rig thams cad pa/ /kun la phan pa'i gang zag mchog /'jig rten dpe las 'das pa ste/
 shes dang shes bya'i bdag po mchog ces pa dang/ de bzhin du/ don grub bsam pa grub pa ste/ /kun tu rtog pa thams cad spangs/ /rnam par mi rtog dbyings mi zad/ /chos dbyings dam pa zad mi shes/ /shes pa ni mtshan yang dag par
 brjod pa las ye shes kyi sku'i mtshan nyid do/ /da ni sems can gyis bsam pa'i dbang gis sangs rgyas rnams kyi bzhugs pa sna tshogs pa gsungs pa/ phung po la zhes pa la sogs pa ste/ 'dir nyon mongs la sogs te/ 'dir nyon mongs pa
 la sogs pa'i sgrib pa dang bral ba rnams kyi mngal du 'jug pa dang phung po lnga 'dzin pa dang bud med kyi mngal du skye ba'i slad du rdo rje btsun mo'i b+ha ga rnams la bzhugs pa gang yin pa de ni brtse ba yis tha mal pa'i skye bo nges par rnam
 par ma bsgrubs shing bsod nams min pa bsags pa rnams smin pa'i slad du ste/ de bzhin du gsungs pa/ gang phyir rdo rje sku yi lus/ /sangs rgyas rnams ni mi rtag nyid/ /chu shing snying po mtshungs pa yi/ /skye bo gzhan lta ci zhig
 sems/ /shes pa la sogs pas rtag par smra ba rnams smin par bya ba'i slad du'o/ /slar yang gtsang ma'i gnas la sogs par skye ba gang yin pa de ni lha nyid du gyur pa'i nyan thos rnams kyi nga rgyal nyams par bya ba'i slad du ste/
 lha nyid 'di ni lhung ba'i dus su sdug bsngal chen po'o/ /zhes bstan pas de rnams smin par byed do/ /gang zhig e waM yi ge ste ostong pa nyid la gnas pa de ni mchog gi nges pa can rab 'byor la sogs pa rnams dang byams pa la sogs 
 pa rnams sku bzhi pa bstan pas mchog yang dag par rdzogs pa'i sangs rgyas nyid la dgod pa'i slad du'o/ /stong pa'i dngos po ni stong pa nyid de/ 'dir 'das pa dang ma 'ongs pa'i shes bya ni stong pa'o/ /de mthong ba ni dngos
 po stong pa nyid zab dang rgya che ba ste/ 'das pa dang ma 'ongs pa'i dngos po med pa'i phyir zab pa'o/ /'das pa dang ma 'ongs pa mthong ba'i phyir rgya che ba'o/ /de bzhin du gsungs pa/ stong nyid smra ba'i khyu mchog ste/ /zab cing rgya che sgra
 sgrogs pa/ /chos kyi dung ste sgra chen ldan/ /chos kyi gaN+Dhi sgra bo che/ /mi gnas mya ngan 'das pa po/ /phyogs bcu'i chos kyi rnga bo che/ /gzugs med gzugs bzang dam pa ste/ /sna tshogs gzugs can yid las skyes/ /gzugs rnams
 thams cad snang ba'i dpal/ /gzugs brnyan ma lus 'chang ba po/ /zhes pa ni mtshan yang dag par brjod pa las bcom ldan 'das kyis nges pa'o/ /'dir tshigs su bcad pa dgu bcu rtsa gnyis kyi rjes la tshigs su bcad pa bco lnga ni go
 bla'o/ /de nas ye shes shes pa la sogs pa tshigs su bcad pa gcig ni spas ba ste de nyid dgrol bar bya'o/ /'dir dkyil 'khor gyi 'khor lo sgom pa la dam tshig sems dpa' rdzogs par bya ste/ de nas ye shes kyi 'khor lo dgug
 pa dang gzhug pa dang bcing pa dang/ mnyes pa dang ro mnyam pa sngags pas bya ba ni dza(rgyud 'grel lho dang nub dang byang gi sgo rnams su gnas pa'i khro bo'i rgyal po rnams kyis so/ /rnal 'byor ma'i rgyud la ni rdo rje mkha' 'gro ma rnams kyis te/ thams cad du grag go /de nyid nang du gsungs pa ye shes dgug pa byed pa 'dir ni lus
 la slar yang shin tu stobs shes pa ni na chung dang rab tu 'grogs pa la ye shes sems dpa' ni khu ba ste/ dgongs pa'i skad gzhan gyis so/ /de'i dgug pa ni srog la sogs pa'i rlung gi tshogs kyis byed de/ /steng du spyi bor byang chub kyi sems
 yongs su rdzogs par byed do/ /zhes pa'i don to/ /de ni gzhug pa rmugs byed kyis shes pa ni me yis de zhu bar byas nas khu ba thig le'i gzugs mgrin pa dang snying ga dang lte ba dang gsang ba'i pad+ma la rab tu zhugs par byed do/ /rengs byed ces pas sa'i
 khams ni thig le'i gzugs de yis bcing ba byed de/ /mchog gi bde ba'i dbang gis shin tu mgyogs pas 'ongs pas ni 'gror mi ster ro/ /khengs byed ni chu'i khams te/ thig le'i khu ba dang gsang ba'i pad+ma dang rdo rje nor bu la gnas pa ni g.yo ba
 zhes brjod cing/ de'i chu'i khams kyis ni mi 'pho ba'i bde ba'i dbang gis mnyes pa ste lus la bsil ba nyid du byed do zhes pa'i don to/ /slar yang gnas de nas steng du 'gro ba'i don du rgyu mthun pa'i bde ba de nyid spyan ma la sogs pa rnams kyis
 sngar brjod pa'i rdo rje'i glu rnams kyis rab tu rtogs par byed do/ /de nas lte bar rgyu mthun pa nyid kyi don du spyan mas skul bar byed do/ /snying gar rnam par smin pa'i don du mA ma kI yis so/ /mgrin par skyes bu byed pa'i don du gos dkar mo yis so/ /
 spyi bor dri ma dang bral ba yi don du sgrol ma yis so/ /de lta bu la sogs pa rnams kyis bslang ba bde ba chen po dri ma dang bral bar gyur pas phung po dang khams dang skye mched la sogs pa thams cad sgrib pa med par byed do/ /de nas rnal 'byor
 pa rnams kyi thams cad mkhyen pa'i gnas su 'gyur te/ brtags pa'i dkyil 'khor la rnal 'byor ma'i glu yis bslang bas ni ma yin no zhes pa nges pa'i don to/ /rgyud thams cad la kun rdzob dang don dam pas kyang ngo/ /de nas dbyug pa sngon
 po la sogs las kyi dbang po dang bya ba rnams kyis bdud la sogs pa rnams la bsnun pa la sogs pa byas nas nam mkha' la 'gro ba dang 'ong ba la sogs pa byed de/ mi 'jigs pa bzhi'i stobs kyi bdud kyi ris thams
 cad pham par byas nas sngar brjod pa'i mtshan gyis de bzhin gshegs pas chos kyi 'khor lo rab tu bskor bar byed do zhes pa nges pa'o/ /de bzhin du sgrib pa med pa'i bde ba las gzhan gang cung zad spros pa yod pa dag kyang khyab bdag
 dkyil 'khor la ni 'byung po las skyes mthar/ zhes pa phyed dang bcas pa'i bye ba phrag gsum gyi mthar thug pa ste/ nang du ba spu'i mthar thug pa sgrib pa med pa'i khams kyi tshogs so/ /sems can kun gyi don du mchog gi yon tan
 rnam mang 'di dag rang gi lus la rig par bya/ /de bzhin rgyud dang sngags ni rnam mang rigs la gnas rnams rnal 'byor ma dang rnal 'byor dbye bas te/ /'jig rten pa'i dngos grub kyi slad du'o/ /dus kyi 'khor lo 'dir ni dbang bskur rnam pa
 gnyis kyang bu'i yon tan dbang gis 'jig rten pa dang/ bla na med pa'i lam 'dod pa rnams kyi yon tan dbang gis bla na med pa'o zhes pa nges pa'o/ /da ni gang zhig shes rab ces pa la sogs pas 'jig rten dang 'jig rten las
 'das pa'i dbang gi don gsungs te 'dir gang zhig rgod pa dang lta ba dang lag pa bcangs pa dang gnyis gnyis 'khyud pa zhes pa ni dbang rnam pa bzhi ste/ slob dpon dang gsang ba dang shes rab ye shes dang slar yang de bzhin gyi
 sgras gsungs pa bzhi pa'o/ /de bzhin du 'dus pa la sogs pa las bum pa la sogs pa'i dbang de ni kun rdzob tu slob dpon byed pa'i slad du brda tsam ste de kho na nyid ni ma yin no/ /dbang bskur nas ni de nyid bshad ces gsungs
 pa'i phyir/ dgong pa dang lta ba dang lag pa bcangs pa dang gnyis gnyis sbyor ba zhes pa dbang rnams bzhi ni kho na nyid du mi 'gyur ro/ /'dir de kho na nyid ni gnyis gnyis 'khyud med pa ste/ las kyi phyag rgya'i rgyu las skyes pa ni rnam par dpyad na gnyis su
 med pa'i ye shes su mi 'gyur ro/ /'dir gal te shes rab kyi rgyu las skyes pa'i bde ba thabs kyi shes rab ye shes yin no/ de'i tshe thabs kyi rgyu las skyes pa ni shes rab kyi thabs ye shes su 'gyur te dngos grub kyi slad du'o/ /gal te gnyis ka'i
 ye shes kyi dbye ba las de ltar ye shes gnyis su 'gyur ro zhe na/ de'i phyir gnyis su med par mi 'gyur te/ gnyis su med pa'i phyir sangs rgyas nyid med do/ /ci ste shes rab kyi ye shes shes rab ye shes yin pa de lta na'ang skyon te/ thabs kyi ye shes
 ni thabs kyi ye shes so zhes grub po/ /de'i phyir thabs kyi 'gyur ba'i bde ba byis pa dang dar la bab pa rnam pa gnyis dang shes rab kyi g.yo ba'i bde ba rgan po ste/ gnyis po de dag gang gi tshe phyag rgya chen po'i sgo nas g.yo bar gyur pa de'i tshe
 dbang po gnyis dang bral ba gnyis med pa'o/ /de'i phyir shes rab kyi nu ma la reg pa la sogs pa ni lam la gzhug pa'i don du 'jig rten par bstan to/ /'jig rten 'das pa'i dbang gang mchog gi rgyal ba'i bdag po'i phyag rgya mchog la rjes
 su sbyor ba'o/ /de nyid gsungs pa/ sems kyi snang ba tsam zhes pa la sogs pa'i tshigs su bcad pa ste go bla'o/ /shes rab ye shes zhes pa la sogs pa dgrol bar bya ste/ 'dir shes rab dang ye shes ni grangs bzhin du 'dzin par byed
 pa'i sems dang 'dzin par byed pa'i sems de'i gzung bar bya ba du ba la sogs pa rnam pa bcu po gang yin pa ste/ me long gi snang ba pra phab pa lta bu de nyid ni ye shes te bzung bar bya ba'i sems so/ /zhes pa'i don to/ /de ltar me long la rang
 gi mig dang gzugs brnyan ni rang gi mig dang gzung bar bya ba yin pa bzhin du shes rab ye shes kyang ngo/ /dbang ni 'di la zhugs pa gang yin pa zhes pa ni 'dir 'dzin par byed pa'i sems kyi gzung bar bya ba'i sems
 de la rab tu zhugs pa ni phyi rol gyi yul rnams la rab tu mi 'jug pa gang yin pa'o/ /yan lag drug las so sor sdud pa dang bsam gtan dang srog rtsol dang 'dzin pa ni zhugs pa zhes brjod de/ zhugs pa de las mya ngan las 'das
 pa'i bde ba 'pho ba med lhan cig skyes pa 'gyur med nyid ni bzhi pa ste/ bde ba byis pa dang dar la bab pa dang g.yo ba rnams kyi mchog /'jig rten pa'i dpe las 'das pa/ 'jig rten gsum gyi spyod pa las grol ba zhes pa'i don te/
 dgod pa dang lta ba dang/ reg pa dang/ 'khyud pa dang lag pa bcangs pa dang/ 'khrig pa dang bral ba las kyi phyag rgya dang ye shes kyi phyag rgya'i rgyu dang bral ba stong pa nyid rnam pa thams cad pa rab tu gsal ba'i mtshan nyid do/ /sangs rgyas
 zhal te ye shes kyi zhal 'di slob dpon gang gi snying la gnas pa zhes pa bsgoms pa ste rang gis nyams su myong ba dang/ slob ma rnams la bstan pa'i slad du dus thams cad du kha la gnas par gyur pa de ni dpal ldan bla ma ste rdo rje 'dzin
 pa'o zhes pa'i don to/ /gzhan dbang po gnyis kyi bde ba rtogs par byed pa po rnams ni ma yin no/ /da ni nam mkhar zhes pa la sogs pas rang gi sems 'di'i snang ba la rab tu gzhug pa gsungs te/ 'dir sngags kyi theg pa dang pha rol tu
 phyin pa'i theg pa la rnal 'byor goms pa rnam pa gnyis te nam mkha' dang bla pa kha med pa la rnal 'byor goms pa'o/ /gang zhig nam mkha' la rnal 'byor goms par byed pa des mtshan mo bug pa med pa'i khyim du mun pa la nam mkhar kun
 nas zhen pa'i sems dang mig mi 'dzums shing rdo rje'i lam du rab tu zhugs pa zhes pa 'dir dbu mar srog rab tu zhugs pas stong pa kho na las du ba la sogs pa'i mtshan ma mthong ste/ nam mkhar kun nas zhen pa'i sems dang mig ni mi 'dzums rdo rje'i
 lam du rab tu zhugs pa yis/ stong pa la ni du ba smig rgyu rab gsal dri ma med pa'i mkha' snang nyid dang mar me dang zhes pa ni mtshan mo'i rnal 'byor gyis mthong ngo/ /de nas sprin med pa'i nam mkha' la lta ste/ nam mkha' de las kyang/ nyin mo'i rnal
 'byor gyis nam mkha' las byung rang byung ba/ shes rab ye shes me'o che/ /zhes pa 'bar ba mthong ste/ sprin med pa'i nam mkha' la'o/ /de bzhin du 'od chen rnam par snang bar byed/ /ye shes snang ba la me pa ni zla ba snang ba'o/ /'gro ba'i mar me ni nyi
 ma'o/ /ye shes sgron ni rdo rje ste sgra can no/ /gzi brjid chen po 'od gsal ba ni glog ste mchog gi cha'o/ /sngags mchog mnga' dag rig sngags rgyal ni thig le'o/ /de ltar mtshan ma rnam pa bcu ste/ 'dus pa la sogs pa las mtshan mo'i
 rnal 'byor dang mtshan yang dag par brjod pa las nyin mo'i rnal 'byor gyis bcom ldan 'das kyis gsungs so/ /de nas gsang sngags rgyal po don chen byed pa ni bum pa dang snam bu la sogs pa rnam pa thams cad pa'i gzugs mthong
 ba'o/ /de'i dbus su ste thig le'i dbus su sangs rgyas gzugs ni rdzas med pa'i phyir dang/ brtag pa med pa'i phyir yul dang rnam par bral ba dang du ma longs spyod rdzogs pa'i sku'o/ /de nas gzugs kyi rnal 'byor gyis gzhom du med pa'i sgra
 gang yin pa de nyid thos te/ de ltar gzugs snang ba las sprul pa'i sku dang/ sgra snang ba las longs spyod rdzogs pa'i sku'o zhes pa'i don to/ /'dir nyin mo'i rnal 'byor ni nam mkha' chu 'dzin bral ba dag ni rnal 'byor pa yis dag pa'i mig gis
 blta bar bya ba ste/ snga dro dang phyi dro nyi ma la rgyab bstan nas so/ /rnam pa gzhan du ni nyi ma'i 'od zer gyis rab rib tu 'gyur te/ de yis shes pa de'i gnod pa las so/ /nyi ma so sor blta bar bya ste/ thig le'i dbus su re
 khA nag po skra'i ched tsam dri med 'od zer 'phro ba dus kyi rtsa zhes pa a ba d+hU tI la mthong bar gyur gyi bar du'o/ /nang du 'dus pa kun mkhyen gzugs ni khams gsum ma lus pa chu la nyi ma lta bu gos pa med pa kha dog sna tshogs te/
 rnam pa kun ldan rang sems yul dang rnam par bral ba dag go sems ni gzhan pa min pa nyid/ gzhan gyi sems ni ma yin te gzhan gyi sems shes pa'i phyir ro/ /'dir de bzhin gshegs pa'i sha'i spyan gyis dang por rang gi
 sems kyi snang ba mthong zhing la sogs pa'i spyan gyis gzhan gyi sems kyi shes pa mthong ste/ des na chos yang dag par sdud pa las bcom ldan 'das kyi spyan lnga zhes gsungs so/ /de ltar rim pas sha'i spyan dang lha'i spyan dang sangs
 rgyas kyi spyan dang/ shes rab kyi spyan dang/ ye shes kyi spyan ni bsgoms pa'i stobs kyis 'byung bar 'gyur ro/ /de'i phyir thams cad mkhyen pas ma gzigs pa cung zad kyang med do/ /de nas zla ba drug ni mthong bar gyur na nyin zhag
 so so'i dus su srog gi rlung ni 'gog pa zhes pa bum pa can rab tu bya ste/ 'od zer 'khor lo rang gi lus la yongs su bskor zhing 'khor bar byed pa mthong gi bar du'o zhes pa sngar brjod pa'i gzugs las nang du'o/ /de nas zla ba drug gi
 sdom brtson te las dang po pa'i tshangs par spyod pa rnams kyis reg byas dman pa zhes pa/ dbang po gnyis kyi 'khrig pa dang bral zhing bde ba mnyam pa ste mi 'gyur ba'i bde ba lam gyi sems shes pa stong pa nyid kyi gzugs kyi
 sems su 'gyur ro/ /de nas skad cig gcig gis mngon par rdzogs par byang chub pa'i mtshan nyid kyi skad cig ma las te/ chags dang chags bral mdza' thog la gnas skad cig ma zhes pa la chags pa zhes pa ni dkar po'i phyogs te/ de'i
 mthar gnas pa ni cha drug pa'i mtshan nyid do/ /chags bral ni nag po'o/ /de'i dang po las gnas pa ni nag po'i phyogs la ma zhugs pa ste mngon par rdzogs par byang chub pa'i dus kyi mtshan nyid do/ /skad cig ma de nyid kyang dbugs kyi grangs shes pa
 nyi khri chig stong drug brgya'i grangs 'phel lo/ /gsang bar rdo rje nor bu'i rtse mo las skad cig ma brgya phrag sum cu rtsa drug rnams kyi 'phel te/ de'i grangs kyis srog rnams gsad nas gsang ba'i pad+ma thob po/ /de yis sa gnyis su 'gyur te/ de
 bzhin du lte ba dang snying ga dang mgrin pa dang dpral bar bzhi dang/ drug dang brgyad dang sa bcu rnams su 'gyur zhing/ gtsug tor du srog thams cad zad pas sa bcu gnyis so/ /de'i phyir o DhA 'bar ba'i bar te gsang bar 'ongs pa dang khyad par
 dga' ba lhan skyes dag gis dbus lte ba dang gnyid dang gnyid yur gyi mtshams snying ga dang/ ye shes rnam shes dag ni dbus mgrin par gnyis gnyis sbyor ba la sku dang gsung dang thugs dang ye shes kyi thig le'i gzugs kyis dpral ba nas
 'ongs pa'i bde ba gang yin pa khu ba bde ba de'i 'phel ba ste steng du 'gro ba rab tu bya'o/ /bla ma'i nges pa'i dbang gis shes pa sngar gsungs pa'i srog 'gog pa las dpral ba'i bar du 'phel bar 'gyur te 'di la ngo mtshar med do/ /de ltar nyon
 mongs bdud rnams bcom nas rgyal ba'i bdag por 'jug ste zhes pa/ g.yon pa dang g.yas par gnas pa'i srog rnams gsad nas rgyal ba'i bdag po stong pa nyid kyi gzugs la 'jug ste/ lo'i sbyor bas rnal 'byor pa bzang po a ba d+hU tI la
 gnas pa'o/ /de'i phyir bum pa can gyis bde ba chen po'i skad cig bskyed nas bde ba 'phel bar bya'o/ /zhes pa ni nges pa'o/ /da ni sa zhes pa la sogs pas gzugs kyi mtshan nyid gsungs te/ 'dir stong pa rab tu snang ba rdzas med
 pa sa'i rnam par mthong ste sra ba ma yin no/ /zhu ba chu'i rnam pa ni smig rgyu'i chu bzhin du chu yang ma yin te/ gsher ba nyid med pa'i phyir ro/ /de bzhin du me'i rnam pa ni me'i yin no/ /g.yo ba rlung gi lus ni rdzas med pa'i phyir gang zhig g.yo ba
 med pa de ni rlung ma yin no/ /rdzas med pa'i phyir stong pa'i rnam pa yin pa de lta na yang mthong ngo/ /sgyu ma'i grong khyer bzhin du dkar po la sogs pa'i kha dog dang ldan yang rdzas med pa'i phyir kha dog ma yin no/ rnam pa thams cad pa yin yang dus
 thams cad du byis pa rnams kyi blta bya min no/ /de ci'i phyir zhe na/ nyon mongs bdud kyi mthu las te g.yon pa dang g.yas pa'i rtsa la srog rab tu rgyu ba las so/ /zhes pa nges pa'o/ /da ni nA da zhes pa la sogs pas rtsa'i bgrod pa'i slad du
 gnas gsungs te/ 'dir nA da ni snying gar thugs kyi thig le shin tu gnyid log pa'i gnas skabs skyed par byed pa'o/ /thig le zhes pa ni dpral bar sku'i thig le sad pa'i gnas skabs skyed par byed pa'o/ /cha zhes pa ni mgrin par gsungs
 gi thig le rmi lam skyed par byed pa'o/ /ye shes shes pa ni lte bar ye shes kyi thig le bzhi pa'i gnas skabs skyed par byed pa'o/ /bdud rtsi'i gnas su song pa lu gu rgyud du bcings pa'i rtsa zhes pa las/ bdud rtsi'i gnas ni dpral
 ba'o/ /deng son pa ni bdud rtsi'i gnas su son pa ste/ la la nA dang ra sa nA dang/ a ba d+hU tI'o/ /de rnams kyang lu gu rgyud du bcings pas lte ba dang snying ga'i bar du lam gsum byas nas slar yang a ba d+hU tI ni dbus su
 snying ga'i lte ba phug nas 'gro'o/ /la la nA dang ra sa nA ni g.yas dang g.yon gyi 'dab ma rab tu rgyu bas so/ /de nas snying ga dang mgrin pa'i bar du slar yang lam gsum byas nas 'gro'o/ /de bzhin du mgrin pa dang dprol ba'i bar du/ lam gsum dang
 dpral ba dang gtsug tor gyi bar du lam gsum ste/ de ltar lam gsum bzhi byas nas la la nA ni sna g.yon pa'i bu ga nas gzhan gyis gnas su bcu gnyis mdza' dang cha'i mthar 'gro ste nang gi le'u las gsungs so/ /ra sa nA ni g.yas
 nas so/ /a ba d+hU tI ni cig car sna bug gnyis nas 'gro'o/ /de bzhin du 'og tu lte ba dang gsang ba'i bar du lam gsum byas nas gshang ba dang gci ba'i rtsa ni g.yon dang g.yas nas song nas gsangs ba'i pad+ma las dbus su dung can ma'o//
 gsang ba'i pad+ma'i 'og tu dri can gyi rtsa dbus nas 'gro ste rtags sam b+ha ga la g.yon nas gci ba'i rtsa 'gro zhing g.yas nas khu ba'i rtsa 'gro'o/ /rtsa'i kun tu spyod pa ni nang gi le'u las sngar gsungs so/ /de ltar srog dang thur sel lam
 gsum rnams shes pa ste/ steng du srog gi g.yon dang g.yas dang dbu ma'i lam rnams dang/ 'og tu thur ser gyi gshang ba dang gci ba dang khu ba'i lam rnams so/ /rdo rje dang bcas pad+ma ni bud med rnams kyi skye gnas te/ g.yo ba nyid kyi
 phyir ro/ /nor bu dang bcas pa'i rdo rje ni 'gyur ba'i phyir te/ chu skyes ldan pa nyid ni kha 'byed pa'i phyir ro/ /rlung gnyis yang dag phrad pa'i dbus su zhes pa lte bar srog dang thur sel gyi rlung dag yang dag par phrad pa'i dbus su yul rnam par
 dbye ba med pa'i tshig ste/ yul rnams la yul can min pa la sogs pa'i rtsa rnams 'byung ba dang 'jug pa yang lte bar ro/ /de nyid ni sngar brjod zin to/ /du ba la sogs rnams kyi mchan ma 'dzin pa ni/ a ba d+hU tI'i sgo nas te/ kyang gi
 sgras lte ba de nyid la'o/ /'di dag thams cad gsang bar bya ste/ /byis pa'i skye bo rnams la sba bar bya'o/ /zhes pa nges pa'o/ /da ni dbu mar srog ces pa la sogs pas rnal 'byor nye bar bsdu ba gsungs te/ 'dir dang por rnal
 'byor pas dbu mar srog ni rab tu gzhug par bya ste/ gang gis mtshan ma mthong bar 'gyur ba a ba d+hU tIr ro/ /'di ni dpal ldan bla ma zhes pa sangs rgyas kyi sku rdo rje ste zhal gcig tu brjod do/ /de nas nyi ma dang bcas te g.yas pa'i bgrod
 pa dang lhan cig tu ri bong can gyi bgrod pa zhes pa g.yon gyi rtsa ba'i bgrod pa la srog gi bcing ba'o/ /zhes pa nges pa ste/ srog rtsol ni gnyis pa gsung rdo rje'o/ /phyag rgya rab tu 'grogs la sems shes pa gzugs la rjes su chags pa
 byang chub kyi sems zhu ba dang mchog gi bde ba la gnas rdo rje yang dag blangs pa yang gsum pa thugs kyi zhal lo/ /ci ste gzugs kyi sgo nas dga' bar ma gyur na/ de'i tshe pad+mar rdo rje'i sgra 'am zhes pa/ ngal bu dag gis bya'o/ /ci ste
 bud med ma rnyed na de'i tshe rang gi lag pa'i pad+mas gsor bar bya'o/ /bde ba 'phel ba'i slad du ste ltung ba'i slad du ni ma yin no/ /de ltar sa bon gtong pa min pa'i bde ba de ni 'chi ba'i 'jigs 'phrog tu 'gyur te/ 'di ni dpal ldan bla ma'i
 zhal bzhi pa ste ye shes rdo rje'o zhes pa rnal 'byor goms pa'i nges pa'o/ /da ni sa zhes pa la sogs pas dkyil 'khor lnga zad pa gsungs te/ 'dir gang gi tshe khro bo'i lta pas stong pa la sems bkod pa'i rnal 'byor pa mig mi
 'dzums par gyur pa de'i tshe g.yon nam g.yas su sa zhes pa ni nye bar mtshon pa ste/ gang gi tshe g.yas su sa rab tu 'bab pa'i dus su rnal 'byor pa sgom par byed na de'i tshe cho ga 'di'o/ /g.yon pa'i rtsa la rab tu 'bab pa'i dus
 su ni ma yin te/ nam mkha' i dkyil 'khor la sogs pa'i rim pa las so/ /des na g.yon nam g.yas su srog gi dkyil 'khor gang 'bab pa de'i chos can nyid kyi phyir dkyil 'khor de nyid gsungs so/ /des na g.yas kyi rtsa la sa'i dkyil 'khor las
 srog chu'i dkyil 'khor la 'jug ste/ de bzhin du ye shes kyi dkyil 'khor gyi bar du'o/ /g.yon gyi rtsa la nam mkha' la sogs pas 'jug go /de bzhin du stong pa nges par du ba la sogs pa'i mtshan ma rnams pa bcu ru 'gyur zhing/ mtshan ma
 ni rnam pa thams cad pa'i gzugs su 'gyur ro/ /gzugs las 'gyur ba med pa'i bde bar 'gyur te/ de nyid ni shes rab kyi pha rol tu phyin pa'i ye shes so/ /ye shes las ni rdzu 'phrul nam mkha' la 'gro ba la sogs pa dang dngos grub
 khams gsum gyi dbang phyug sangs rgyas nyid du 'gyur te mi bdag skyes bu rnams kyi skye ba 'di nyid la'o zhes pa lam la rab tu zhugs pa'i nges pa'o/ /da ni sku bzhi rnams kyi rab tu dbye ba bcu drug gsungs pa 'dod pa zhes pa la sogs
 pa ste/ 'dir kun 'byung gi bden pa las gang na sku gcig yod pa de na gzhan gsung dang thugs la sogs pa rnams kyang ngo/ /'dod pa zhes pa lus kyi dga' ba 'gags pa las sangs rgyas kyi sprul pa'i skur nges par 'gyur ro/ /
 rdzogs pa ste ngag gi dga' ba zad pa gang yin pa de ni sprul pa de'i gsung nyid do/ /'bar ba sprul pa'i thugs te 'bar ba zhes pa ni sems gyi dga' ba 'gags pa'o/ /sprul pa'i mchog gi bde ba byed pa'i ye shes rdo rje ni oM rb+hA ste ye shes
 kyi dga' ba 'gags pa'o/ /de ltar sprul pa bzhi'o/ /de bzhin du longs spyod rdzogs pa bzhi ni/ dga' ba longs spyod rdzogs pa'i sku ste lus kyi mchog dga' 'gags pa'o/ /mchog dga' dang bcas khyad par dga' ba rim pas
 'di yi ni zhes pa/ mchog dga' ni longs spyod rdzogs pa'i gsung ste/ ngag gi mchog dga' zad pa'o/ /khyad par dga' ba ni longs spyod rdzogs pa'i thugs te/ sems kyi mchog dga' 'gags pa'o/ /de ltar
 gsung dang thugs so/ /lhan cig skyes pa'i dga' ba ni longs spyod rdzogs pa'i ye shes rdo rje ste/ ye shes kyi mchog dga' 'gags pa'o zhes pa longs spyod rdzogs pa'o/ /de nas chos bzhi ni 'dar ba nyid ces pa lus kyi khyad par
 dga' ba ste 'gags pa ni srid pa gsum gyis btud pa chos kyi sku'o/ /'byung ba chos pa'i gsung du 'gyur zhes pa ste/ ngag gi khyad par dga' ba 'gags pa'o/ /gnyid yur ni sems kyi khyad par dga' ba 'gags pa ste chos kyi
 thugs so/ /gnyid de ye shes kyi khyad par dga' ba 'gags pa ni chos 'di yi srid pa'i 'jigs 'joms ye shes so/ /yi ge nyid ces pa ni lus kyi lhan cig skyes pa'i dga' ba ste/ de 'gags pa ni dag pa'i sku'o/ /dbyangs dang
 bral ba'i cha dang thig le nA da rim pa yis shes pa la/ cha zhes pa ni ngag gi lhan cig skyes pa'i dga' ba 'gags pa ste/ dag pa'i gsung ngo/ /thig le zhes pa ni sems kyi lhan cig skyes pa'i dga' ba 'gags pa ste/
 dag pa'i thugs so/ nA da zhes pa ye shes kyi lhan cig skyes pa'i dga' ba 'gags pa ste/ dag pa'i ye shes so/ /de ltar bde 'byung dag pa'i sku rdo rje sems dpa' i ye shes rdo rje rnam gsum srid par gnas pa ste/ dga' ba bcu
 drug gi dbye bas phye ba'o/ /de nyid rnam pa bcu drug rig ces gsungs pa'i phyir/ de nyid rnam pa bcu drug ni mi 'gyur ba'i bde ba chen po ste don dam par ro/ /rnam pa bcu gnyis ni kun rdzob tu ste sangs rgyas rnams dang 'khor ba
 rnams kyi'o/ /des na yan lag bcu gnyis 'gags shing srog zad pas/ rdo rje nyi ma snang ba che/ /bden don rnam pa bcu gnyis ldan zhes pa ste/ rdul 'gags pa'i phyir ro/ /cha bcu drug gi khu ba 'gags pas/ rdo rje zla ba dri med 'od/ /
 de nyid rnam pa bcu drug rig ces pa ste/ bcom ldan 'das dus kyi 'khor lo grub po/ /da ni sad pa la sogs pa 'gags pa gsungs pa/ sad pa zhes pa la sogs pa ste/ 'dir 'khor ba pa rnams kyi lus la gnas pa zhes pa spyi
 bor gnas pa'i byang chub kyi sems ni sad pa'i mtshan nyid du 'gyur zhing/ /dbugs la zhen pa zhes pa mgrin par gnas pa ni rmi lam gyi rang bzhin du 'gyur te/ gnas skabs gnyis ka la yul rnams rnam par dpyod do/ /g.yon
 med sems la zhen pa snying gar gnas pa ni slar yang gzhan pa 'di ni sems gsum pa ste/ shin tu gnyid log pa'i rang bzhin no/ /ye shes la gnas shes pa ni/ lte bar gnas pa bzhi pa'i rang bzhin te/ bud med dang rab tu 'grogs
 pa las byang chub sems ni zhu bar gyur pa na/ 'pho ba skad cig gi mtshan nyid do/ /sems rnam pa bzhi po 'di nyid 'gags pa ni/ /sangs rgyas rnams kyi sprul pa dang longs spyod rdzogs pa dang chos dang lhan cig skyes pa'i sku'i mtshan nyid du
 'gyur ro/ /de na sprul pa la sogs dag gi sems kyi rdo rje rnam pa bzhir ni rim pas nges par rab tu 'gyur zhes pa'o/ /de ltar 'khor ba pa rnams kyi sad pa la sogs pa'i mtshan nyid kyi sems rnam pa bzhi ni srid pa gsum la
 gnas pa rnams kyi thig le'i dbus su ste/ byang chub kyi sems kyi rten la byang chub kyi sems de nyid do/ /rnal 'byor dbang po rnams kyis bden mnyam 'bras ster zhes pa/ mi 'gyur ba'i bde ba'i 'bras bu ster ba khyab byed dag
 ni thar pa'i slad du bsrung bar bya'o/ /thig le btang ste rten lhung par gyur na rnal 'byor pa rnams kyi skye ba'i sa bon mchog gi bde ba rten song pa la brten pa byang chub kyi sems kyi thar pa gang na yod/ de phyir 'khor ba'i bde
 ba'i skad cig 'dir ni sdom brtson rnams kyis thams cad dus su dor bar bya'o/ /zhes pa ste/ 'gyur ba dang/ 'dzag pa dang/ g.yo ba dor bar bya'o/ /zhes pa ni bcom ldan 'das kyi nges pa'o/ /rnal 'byor pas rgyu mthun pa la sogs pas
 dri ma dang bral bar 'gyur gyi bar du steng du bya ste/ ji ltar byon pa de bzhin gshegs pa'o/ /zhes pa mi 'gyur ba'i bde ba skyed pa'i nges pa'o/ /gang zhig a sogs shes pa la sogs pa tshigs su bcad pa gzhan gyis mchog tu mi
 'gyur ba'i ye shes grub pa las rgyas par brjod par bya ste/ des na 'dir yongs su bcad pa'o/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las
 sku bzhi la sogs pa'i rnam par dag pa nges pa'i mdor bsdus chen po ste gnyis pa'o// //dpal rdo rje sems dpa' la phyag 'tshal lo/ /phyag rgya chen po la phyag 'tshal lo/ /mchog tu mi 'gyur ba'i bde ba la phyag
 'tshal lo/ /bla ma dang sangs rgyas dang byang chub sems dpa' rnams la phyag 'tshal lo/ /khro bo'i rgyal po dang rdo rje mkha' 'gro ma rnams la phyag 'tshal lo/ /gang phyir a sogs ka sogs ri bong can dang nyin byed gcig nyid rdo rje can
 gyi gdan min zhing/ /huM yig nyid kyis mtshan ma dang ni yongs su gyur pa gzhan pa kha dog gzugs dag mi 'dod de/ /'gyur med dag gis skyed cing 'gyur ba nyams par gyur pa mchog gi dbang po dag dang ldan pa ni/ /rnam pa kun ldan
 thig le mdza' dag rgyal ba'i bdag po sna tshogs sgyu ma 'dzin pa 'di la'o/ /da ni gang gang phyir te gang gi phyir 'gyur ba med pa las byung ba'i lhan cig skyes pa'i sku la A li kA li dang pad+ma dang zla ba dang nyi ma'i gdan dang/ hUM yig yongs su gyur pa'i
 mtshan ma las skyes pa gzugs dang kha dog dang phyag dang dbyibs yongs su brtags pa'i chos bkag pa de'i phyir/ gang phyir A sogs shes pa la sogs pas bcom ldan 'das kyi mchog tu mi 'gyur ba'i ye shes grub par gsungs te/
 gang phyir A sogs shes pa la a sogs ni a yig la sogs pa dbyangs kyi tshogs pa ha yig zla ba ste/ dbyangs so so yang ngo/ /ka yig la sogs pa gsal byed kyi tshogs pa k+Sha yig nyi ma ste gsal byed so so yang ngo/ /A sogs kA
 sogs ha yig dang k+Sha yig dag gam a yig dang pa yig de dag gi ri bong can dang nyin byed de/ pa yig gi gsal byed kyi bdag nyid can pad+ma dang/ a yig gi bdag nyid can nam/ ha yig gi bdag nyid can zla ba'i dkyil 'khor
 dang ra yig gi bdag nyid can nam/ k+Sha yig gi bdag nyid can nyi ma'i dkyil 'khor gcig nyid ces pa gcig tu byas pa ni brten pa rdo rje can gyi ste/ rdo rje ni gcad du med pa mchog tu mi 'gyur ba'i bde ba'i ye shes mi 'pho ba'o/ /de 'di la
 yod pa'i phyir rdo rje can te/ brten pa rdo rje can 'di yi gdan ni rten no/ /min zhes pa ni rten gdan sel ba'o/ /de bzhin du hUM yig yongs su gyur pa las rdo rje'i mtshan ma dang rdo rje'i mtshan ma yongs su gyur pa las lha'i sku kha dog dang phyag dang
 dbyibs yongs su brtags pa'i chos brten pa'i mtshan nyid mi 'dod de/ ci'i phyir zhe na mngon par zhe na mngon par zhen pa'i mtshan nyid kyi phyir dang/ 'gyur ba'i rang bzhin gyi phyir ro/ /'dir a yig la sogs pa dbyangs rnams dang/ ka yig
 la sogs pa gsal byed rnams te 'gyur bar gyur ba rten cing 'brel par 'byung ba rnams ni bstan bcos rig pa rnams kyis mi 'gyur bar brjod de/ de bzhin du yang smras pa/ mi 'gyur zhing mi g.yo ste gzhan gyi gnas su
 mi 'gro'o/ /zhes pa mi 'gyur ba'i sgras dbyangs zhes brjod/ de yis sngags pa ngan pa 'khrul pas mi 'gyur ba nyid kyi dbyangs kyi tshogs sam gsal byed kyi tshogs 'dzin te/ don dam par dbyangs dang gsal byed kyi tshogs
 ni mi 'gyur ba ma yin te/ mi 'gyur ba'i sgra yis ni mchog tu mi 'gyur ba'i bde ba'i ye shes rdo rje sems dpa' o/ /de bzhin du yid bskyob par gyur pa nyid kyi phyir sngags kyang mchog tu mi 'gyur ba'i ye shes su brjod do/ /de bzhin
 du gzhan nang gi rig pa shes rab kyi pha rol tu phyin pa rang bzhin gyis 'od gsal ba phyag rgya chen po lhan cig skyes pa'i dga' ba'i gzugs can ma chos kyi dbyings kyi rgyu mthun pa rdzogs pa'i gnas skabs te/ rdo rje sems dpa' 
 dang sangs rgyas kyi yum rten cing 'brel bar byung pa'i dbang po rnams kyi spyod yul ma yin pa mchog gi dbang po'i spyod yul mchog tu mi 'gyur ba'i bde ba'i rang bzhin rdul phra rab kyi chos las 'das pa me long gi phra phab pa dang/ rmi lam
 dang mtshungs pa de dag ni rgyal ba rnams kyi lhan cig skyes pa'i skur gsungs te/ /mchog tu mi 'gyur ba'i rang bzhin gyi phyir ro/ /'dir 'gyur ba med rnams ni gzugs dang tshor ba dang 'du shes dang 'du byed dang rnam par shes pa
 sgrib pa med pa rnams 'gyur med lnga ste/ stong pa chen por gsungs so/ /de bzhin du sa dang chu dang me dang rlung dang nam mkha' i khams sgrib pa med pa rnams 'gyur med lngar gsungs so/ /'gyur med drug ni mig dang rna ba dang sna dang lce dang
 lus dang yid sgrib pa med pa rnams te so so rang rang gi yul 'dzin pa spangs pa rnams so/ /de bzhin du gzugs dang sgra dang dri dang ro dang reg bya dang chos kyi khams sgrib pa med pa rnams 'gyur med drug tu gsungs te/ phung po dang khams dang skye
 mched 'di rnams gcig tu ro mnyam par gyur pa ni thig le stong par 'gyur ro/ /thig le de yang mi 'pho bar gyur na mchog tu mi 'gyur bar brjod do/ /mchog tu mi 'gyur ba yang a yig ste/ a yig las byung ba ni yang dag par
 rdzogs pa'i sangs rgyas shes rab dang thabs kyi bdag nyid rdo rje sems dpa' ma ning gi go 'phang lhan cig skyes pa'i sku zhes brjod de/ shes pa dang shes bya'i bdag nyid rgyu dang 'bras bu dbyer med pa'i phyir ro/ /de yang bcom ldan
 'das dus kyi 'khor lo ste mchog tu mi 'gyur ba'i bde ba'i go 'phang ngo/ /bcom ldan 'das kyis mtshan yang dag par brjod pa'i rdo rje dbyings kyi dkyil 'khor chen po'i bstod pa las tshigs su bcad pa dang por gsungs pa yang/
 'di ltar sangs rgyas bcom ldan 'das/ /rdzogs pa'i sangs rgyas a las byung/ /a ni yig 'bru kun gyi mchog /don chen yi ge dam pa yin zhes pa'o/ /de bzhin du bya ba nan tan gyi ye shes kyi bstod pa las tshigs su bcad
 pa gnyis pas gsungs pa 'di lta ste/ gsang sngags don kun skyed pa po/ /thig le chen po yi ge med/ /stong pa chen po yi ge lnga/ /thig le stong pa yi ge drug /ces pa'o/ /de bzhin du rtsa ba'i rgyud las gsungs pa 'di lta ste/ a
 sogs ka sogs mnyam sbyor ba/ /rdo rje sems dpa' i gdan yin to/ /'gyur med las byung sku la ni/ /hUM yig la sogs mi 'dod do/ /zhes so/ /'gyur med 'di yis skyed cing 'gyur ba nyams par gyur ba mchog gi dbang po dag dang
 ldan pa ni zhes pa la/ 'gyur ba ni skye ba dang 'gag pa'i gnas skabs kyi mtshan nyid de/ 'pho ba'i skad cig go /de gang la 'gags par gyur pa de ni mchog tu mi 'gyur ba 'pho ba med pa'i skad cig ste dus shes brjod cing de
 nyid ni rdo rje ye shes so/ /dus de'i phung po dang khams dang skye mched sgrib pa med pa ni 'khor lo ste/ srid pa gsum gyi sgrib pa med pa gcig nyid du shes par bya'o/ /de nyid rdo rje dbyings kyi dkyil 'khor chen po zhes brjod de/ rnam pa kun
 ldan dbang po thams cad thig le'i gzugs sna tshogs sgyu ma 'dzin pa ste/ bcom ldan 'das kyi sku shes rab dang thabs kyi bdag nyid can no/ /bcom ldan 'das kyis rgyud kyi rgyal po'i le'u lnga pa'i rnam pa lnga'i bstod pa las tshigs su
 bcad pa gnyis pas gsungs pa 'di lta ste/ dus dang sna tshogs la sogs rdo rje dang ni skyes bu dpe med kun 'gro spros pa med pa ste/ /brtsegs pa la gnas rna ba sna dang kha dang mig dang mgo dang thams cad nas ni phyag dang zhabs/ /
 'byung po'i mdza' dang 'byung po'i mgon po srid pa gsum po mchog 'dzin rgyu rnam dag gi byed pa ste/ /rig pa la sogs rnal 'byor rtogs bya mchog gi bde ba'i go 'phang dus kyi 'khor lo la phyag 'tshal zhes so/ /de bzhin du
 gzhan nang gi rig pa yang bcom ldan 'das kyi nang gi le'u las tshigs su bcad pa dgu bcu rtsa lnga las gsungs pa/ yan lag dang bcas rig byed dran pa'i gzhung dang bcas dang rtog ge grub pa'i mthar ldan 'jig rten du/ /
 snyan dngags mkhan po rgyas pa me la sogs pa rnams kyis byas pa'i bstan bcos gzhan yang rig pa min/ /rig pa zhes pa nag rig 'gyur med kyang ste 'dir ni thub pa rnams kyis rab gsungs nyid/ /gang du 'jig rten gsum
 po mdza' dag tu 'gyur mi yi bdag po slar yang gang du thim pa'o/ /zhes pa ste/ slar yang bcom ldan 'das dus kyi 'khor lo shes rab dang thabs kyi bdag nyid de nyid shes bya dang shes pa'i 'brel pas gsungs te/ 'dir mchog tu mi 'gyur ba'i
 shes pa sgrib pa thams cad zad pa'i rgyur gyur pa ni dus shes brjod de thabs so/ /khams gsum pa'i shes bya dngos po mdza' yas pa'i mtshan nyid ni 'khor lo ste de nyid shes rab po/ /shes pa dang shes bya 'di dag gcig pa nyid ni dus kyi
 'khor lo zhes pa ste/ bcom ldan 'das kyis rgyud kyi rgyal po'i le'u lnga pa las tshigs su bcad pa drug cu rtsa gsum pas dus kyi 'khor lo gsungs pa 'di lta ste/ mdza' yas sangs rgyas zhing rnams dang ni dpag med yon tan rnams dang
 nam mkha' la sogs khams rnams dang/ /gnas dang skye dang nyams pa rnam gsum zhes pa srid pa dang ni 'gro ba drug tu sems can kun/ /sangs rgyas khro bo lha sogs rnams dang snying rje'i thugs ldan byang chub sems dpa' 
 btsun mor bcas rnams te/ /'di dag rnams ni srid pa gsum gyis phyag byas rgyal ba bde 'byung gcig pu'i 'khor lo gcig yin no/ /zhes so/ /shes pa'i rang bzhin dus kyi shes bya'i mtshan nyid ni 'khor lo ste/ shes pa
 dang shes bya 'di dag gcig pa nyid ni dus kyi 'khor lo'o/ /brjod pa'i rim pa 'dis bcom ldan 'das dus kyi 'khor lo de nyid e waM gi yi ge rdo rje sems dpa' ste/ rgyal ba rnams kyis rgyud thams cad las yang dag par rjod pa'o/ /bcom
 ldan 'das kyi rtsa ba'i rgyud kyi le'u lnga pa las gsungs pa yang/ ye shes kun nas bcad du med/ /rdo rje zhes ni mngon par brjod/ /srid gsum gcig nyid sems dpa' ste/ /rdo rje sems dpa' zhes par bshad ces so/ /de phyir 'gyur
 ba med pa las skyes pa rnam pa thams cad pa'i thig le lhan cig skyes pa'i sku mdza' dag rgyal ba'i bdag po sna tshogs sgyu ma 'dzin pa 'di la phyag rgya chen po'i dngos grub kyi don du rten dang brten pa'i 'brel pa mi 'dod
 de/ ji ltar 'jig rten pa'i dngos grub pa'i don du rten dang brten pa'i 'brel pa 'dod pa de bzhin du/ rnal 'byor pa mchog tu mi 'gyur ba'i bde ba bsgrub pa la mngon par dga' ba/ bla ma dam pa'i man ngag thob
 pa/ gdug pa'i grogs po yongs su spangs pa/ du ba la sogs pa'i mtshan ma bsgoms pa las dang po pa/ dbu ma rnam par sbyangs pa/ sems can thams cad pa la bu gcig pa lta bur mchog tu brtse ba'i sems
 rjes su bcings pa/ 'jig rten pa dang 'jig rten las 'das pa'i bden pa la bsten pa/ bu dang chung ma la sogs pa dang rang gi lus la ltos pa med pa tshogs khang gtsug lag khang dang bla ma'i rdzas nye bar longs spyod pa las
 phyi rol tu gyur pa/ sangs rgyas dang byang chub sems dpa' i lam la brten pa/ byams pa dang snying rje dang dga' ba dang btang snyoms de tshangs pa'i gnas bzhis rnam par gnas pa/ zhi ba'i las la sogs pa 'jig rten pa'i
 dngos grub sgrub pa la mngon par dga' ba spangs pa/ thams cad mkhyen pa'i rkang stegs la 'dzeg par 'dod pa/ dkyil 'khor gyi 'khor lo la sogs pa'i rnam par rtog pa'i sgom pa yongs su spangs pa/ nam mkha' i
 khams la rnam pa thams cad pa'i stong pa nyid me long gi phra phab pa bzhin du/ skye ba'i chos nges par mthong ba/ rang gi sems kyis spros pa'i rab tu snang ba rmi lam dang mtshungs pa'i don du sems pa/ rdul phra rab tshogs
 pa'i bdag nyid chos rnam par dpyad pa'i stong pa/ chad pa'i stong pa nyid las ring du byas pa nang gi bde ba rang rig par bya ba'i chos la rjes su chags pa/ phyi rol gyi dbang pos rang rig par bya ba'i bde ba'i chos yongs su spangs pa/ shes
 rab dang thabs kyi bdag nyid can/ byang chub kyi sems brtan par byed pa la gcig tu mkhas pa/ mchog tu mi 'gyur ba'i bde ba chen po'i shes rab ye shes kyi lam gyi man ngag thob pas/ rten dang brten pa mtshan ma dang kha dog dang
 phyag dang dbyibs dang/ dkyil 'khor gyi lha yongs su brtags pa'i chos mi 'dod do/ /gzhan yang rnam par rtog pa'i sems las dkyil 'khor gyi 'khor lo gnas pa med de/ gang gi phyir skye ba dang 'gag pa'i chos can nyid kyi phyir ro
 'dir skad cig gang la rnal 'byor pas gtso bo sgom par byed pa'i skad cig de la shar la sogs pa'i lha rnams med cing/ skad cig gang la shar gyi lha sgom par byed pa'i skad cig de la gtso bo la sogs pa rnams med de/ de ltar rim
 pas lha rnams thams cad med do/ /gang gi tshe sngon po'i zhal sgom par byed pa de'i tshe dmar po la sogs pa'i zhal rnams med cing/ gang gi tshe dmar po'i zhal sgom par byed pa de'i tshe sngon po la sogs pa rnams med de/ de ltar rim pa
 zhal thams cad med do/ /gang gi dus na rdo rje'i mtshan ma sgom par byed pa de'i dus na ral gri la sogs pa'i mtshan ma rnams med cing/ gang gi dus na ral gri dang mtshan ma sgom par byed pa de'i dus na rdo rje la sogs pa'i mtshan ma rnams
 med do/ /de ltar rim pas mtshan ma thams cad med par 'gyur ba'i phyir ji ltar yod/ bum pa'i shes pa 'gags par gyur pa na snam bu'i shes pa skye bar 'gyur ba ji lta ba de bzhin du dkyil 'khor gyi gtso bo'i shes pa 'gags pa na
 shar gyi lha'i shes pa skye bar 'gyur na/ de ltar skyes pa rnams ni skye ba 'gags pa'i phyir med cing/ ma skyes pa rnams ni ma skyes pa'i phyir med de/ skyes pa dang ma skyes pa dag med pa'i phyir thams cad med do/ /de'i phyir rnal
 'byor pas phyag rgya chen po'i dngos grub kyi don du rnam par rtog pa'i sgom pa mi bya'o/ /bcom ldan 'das kyis mtshan yang dag par brjod pa'i shin tu rnam par dag pa'i chos kyi dbyings kyi ye shes la bstod pa las tshigs su bcad pa
 bco lnga pas gsungs pa 'di lta ste/ don grub bsam pa grub pa ste/ /kun tu rtog pa thams cad spangs/ /rnam par mi rtog dbyings mi zad/ /chos dbyings dam pa zad mi shes/ /zhes so/ /rdo rje sems dpa' i nga rgyal yang mi bya ste/
 bstod pa de nyid las tshigs su bcad pa bcu gsum pas bcom ldan 'das kyis gsungs pa/ rig pa dang ni rkang par ldan/ /bde gshegs 'jig rten rig pa'i mchog /bdag gir mi 'dzin ngar mi 'dzin/ /bden pa gnyis kyi tshul la
 gnas/ /zhes pa ste/ de bzhin gshegs pa'i gsung 'di'i phyir rnam par rtog pa'i sgom pa dang rdo rje sems dpa' i nga rgyal yang don dam pa'i bden pa la brten pa'i rnal 'byor pas mi bya'o/ /bcom ldan 'das de bzhin gshegs
 pa de kho na nyid rig par rgyud kyi rgyal po thams cad las dang por bsrung ba'i 'khor lo bsgom par bya'o/ /de nas rang gi snying khar zla ba'i dkyil 'khor la lha'i sa bon gyi yi ge bsam zhing rnam par thar pa'i sgo la sogs dag par
 byas nas nam mkha' i mthil du ye shes kyi sa bon gyi 'od zer rnams kyis de bzhin gshegs pa rnams rtogs par byas te/ de rnams la sngags pas mchod pa byas nas sdig pa bshags pa dang/ bsod nams la rjes
 su yi rang ba dang/ gsum la skyabs su 'gro ba dang/ bdag nyid kyi dngos po dbul ba dang/ byang chub kyi sems bskyed pa dang/ lam la brten pa dang/ stong pa nyid la dmigs par bya'o/ /de nas chos 'byung nam mkha' i khams kyi rang
 bzhin bsgom par bya ste/ de'i dbus su huM yig yongs su gyur pa las rdo rje'i sa'o/ /yang na shes rab kyi rgyud kyi dgongs pas rlung la sogs pa'i dkyil 'khor rnams/ lhun po'i steng du khang pa brtsegs pa 'am rdo rje'i gur ro/ /
 de nas sku rdo rje yongs su gyur pa las dkyil 'khor mtshan nyid thams cad yang dag par rdzogs pa zla ba dang nyi ma'i gdan dang ldan pa'o/ /yang na paM yig yongs su gyur pa las pad+ma dang/ a yig yongs su gyur pa las zla ba'i dkyil
 'khor ram ra yig yongs su gyur pa las nyi ma'i dkyil 'khor ro/ /de'i steng du zla ba dang nyi ma dang A li kA li dang ye shes kyi sa bon gyi yi ge rnams kyis me long lta bu dang mnyam pa nyid dang/ so sor rtog pa dang/ bya ba grub pa dang/
 shin tu rnam par dag pa'i chos kyi dbyings te/ ye shes lnga'i bdag nyid kyi lha'i gzugs bsgom par bya'o/ /de nas sku dang gsung dang thugs kyi ye shes rdo rje shes rab kyi chags pas zhu ba la/ lha mo rnams kyis rdo rje'i glu rnams kyis
 rab tu bskul te/ slar yang sku dang gsung dang thugs byin gyis brlabs pa rang gi mtshan ma rdzogs pa'o/ /de nas dkyil 'khor la lha'i tshogs spro ba dang/ ye shes kyi 'khor lo dgug pa dang/ gzhug pa dang/ bcing ba dang/ mnyes
 ba dang/ /dam tshig gi dkyil 'khor la ro mnyam par byed pa dang/ de bzhin gshegs pa lha mo rnams kyis dbang bskur ba dang/ rdo rje cod pan dang rgyan dang ldan pa dang/ rdo rje sems dpa' i nga rgyal dang gzugs su sngags pas bdag
 nyid bsgom par bya'o/ /zhes gsungs pa ma yin nam/ 'dir ji ltar dkyil 'khor gyi 'khor lo sgom pa ni rnam par rtog pa'i bsgom pa'o zhes de bzhin gshegs pa'i gsung la dgag pa brjod ces 'ga' zhig mngon
 par sems pa 'byung bar 'gyur te/ de'i phyir brjod par bya'o/ /'dir 'di ni bden te/ bcom ldan 'das de kho na nyid rig pas 'jig rten kun rdzob kyi bden pa la brten nas sems can gyi bsam pa'i dbang gis byis pa'i blo tsan/ brtson
 'grus dman pa don dam pa'i de kho na nyid la yongs su rtog par mi byed pa/ zab pa dang rgya che ba'i ye shes la sems skrag pa/ zhi ba la sogs pa'i las sgrub pa la mngon par dga' ba/ dbang po yul la nye bar longs spyod pa la
 chags pa ral gri dang/ ri lu dang mig sman dang/ bcur dang/ bcud len dang/ 'jig rten pa'i dngos grub sgrub pa la mngon par dga' ba rnams la/ rten cing 'brel par byung ba'i ye shes rten cing 'brel par byung ba'i dbang po'i spyod yul/
 nyi tshe ba'i don byed nus pa gsungs so/ /nyi tshe ba'i don byed nus pa de nyid kyi phyir de bzhin gshegs pa'i gsung de ni don dam pa'i bden pa la brten pa ma yin no/ /'on kyang nyi tshe ba'i don byed nus pa rnam par rtog pa'i bsam gtan
 dang sngags dang nor bu dang rdo ba dang ri lu dang bcud dang bcud len la sogs pa rdzas nyi tshe ba rnams kyi mthu yang brtag par bya ba ma yin par de bzhin gshegs pas gsungs pa ji lta ba de bzhin du de yang lta bar bya'o/ /'dir dkar
 po'i bsam gtan zhi ba'i gzugs ni zhi ba'i las byed kyi/ gsang pa'i la sogs pa mi byed do/ /de bzhin du nag po'i bsam gtan drag po'i gzugs ni gsad pa byed kyi/ dbang du bya ba la sogs pa mi byed do/ /de bzhin du dmar po'i
 bsam gtan chags pa'i gzugs ni dbang du bya ba byed kyi rengs pa la sogs pa mi byed do/ /de bzhin du ser po'i bsam gtan rengs pa'i gzugs ni rengs pa byed kyi/ zhi ba la sogs pa mi byed do/ /de bzhin du dug la shes par bya ste/ dpral par
 dkar po'i bsam gtan thig le'i gzugs ni dug med par byed do/ /dmar po'i bsam gtan ni dug skyod par byed do/ /nag po'i bsam gtan ni dug 'jug par byed do/ /ser po'i bsam gtan ni dug rengs par byed do/ /rnam par rtog pa'i
 bsam gtan nyi tshe ba ni nyi tshe ba'i don bya ba byed do/ /de bzhin du nor bu dang/ sngags dang sman rnams la yang rig par bya'o/ /'dir sngags kyang bsgrubs par gyur na gang zhig zhi ba byed pa de ni gsang ba la sogs pa'i las mi byed do/ /
 gang zhig gsad pa de ni dbang po la sogs pa mi byed do/ /gang zhig dbang du bya ba byed pa de ni rengs pa la sogs pa mi byed do/ /gang zhig rengs pa byed pa byed pa de ni zhi ba la sogs pa mi byed do/ /de'i phyir 'jig rten pa'i ye shes ni 'jig
 rten las 'das pa thams cad mkhyen pa nyid kyi bya ba nus par mi 'gyur te/ de bzhin du ral gri la sogs pa'i grub pa yang ngo/ /sngags gcig kyang bsgrubs par gyur na las thams cad byed par bcom ldan 'das kyis gsungs pa
 ma yin nam/ ji ltar nyi tshe bar 'gyur zhes 'dir 'ga' zhig sems pa 'byung bar 'gyur te/ de'i phyir brjod par bya'o/ /'dir sngags gcig kyang bsgrubs par gyur na las thams cad byed pa 'di ni de ltar tshad ma ma yin te/ gang
 gi phyir bya ba'i dbye ba las so 'dir sngags gcig la yang bya ba'i dbye bas dbye ba yod de/ de yang de bzhin gshegs pas gsungs so/ /de bzhin du zhi ba la sngags ni bzlas pa na ma:I mdza' can no/ /rgyas pa la swA hA'i mdza' can no/ /dgug
 pa la bau ShaT kyi mdza' can no dbye ba la hUM dbang du bya ba la pa ShaT kyi mdza' can no/ /gsad pa la phaT gyi mdza' can no/ /de bzhin du sbyin bsreg gi bya ba la yang thabs kyi dbye bas dbye ba gsungs so/ /'dir zlum
 po'i thab dum pA ra la sogs pa'o ma can gyi shing gi yam shing dang dUr ba dang 'o ma rnams kyi sbyin bsreg byas pa'i sngags ni zhi ba byed kyi/ rgyas pa la sogs pa'i las mi byed do/ /gru bzhi'i thab tu sngar gsungs pa'i yam shing
 dang 'bru dang mar rnams kyis sbyin sreg byas pas ni rgyas pa byed kyi/ gsad pa la sogs pa mi byed do/ /gzhu'i rnam pa'i thab tu rus pa'i yam shing dang mi'i sha dang dug dang khrag rnams kyi sbyin sreg byas pa ni gsad pa byed kyi/ skad
 pa la sogs pa mi byed do/ /zur lnga ba'i thab du bya rog gi mjug ma dang mi'i zhag dang ske tshe rnams kyis sbyin bsreg byas pa ni bskrad pa byed kyi/ dbang gi bya ba la sogs pa mi byed do/ /zur bdun pa'i thab tu keM shu ka'i yam shing
 dang me tog dmar po dang rdo rje'i chu yis sbyin bsreg byas pa ni dgug pa byed kyi/ dbang du byas pa la sogs pa mi byed do/ /zur gsum pa'i thab tu seng ldeng gi yam shing dang rdul dang bil ba'i me tog rnams kyis sbyin bsreg
 byas pa ni dbang du bya ba byed kyi/ rengs pa la sogs pa mi byed do/ /zur drug pa'i thab tu bil ba'i yam shing me tog rnying pa dang mchil ma rnams kyis sbyin bsreg byas pa ni rengs pa byed kyi smongs pa la sogs pa mi byed do/ /
 zur brgyad pa'i thab tu arga'i yam shing dang gser gyi me tog dang chang rnams kyis sbyin bsreg byas pa ni rmongs pa byed kyi/ zhi ba la sogs pa mi byed do/ /de bzhin du rdul tshon gyi dbye bas dbye ba gsungs te/ zhi ba dang rgyas pa
 la rdul tshon dkar po'o/ /gsad pa dang bskrad pa la rdul tshon nag po'o/ /dbang dang dgug pa la rdul tshon dmar po'o/ /rengs pa dang rmongs pa la rdul tshon ser po'o/ /slar gso ba la rdul mtshon ljang khu'o/ /de bzhin du bgrang phreng gi dbye bas
 dbye ba gsungs te/ zhi ba la sngags kyi bzlas pa shel gyi bgrang phreng gis so/ /rgyas pa la mu tig gis 'bras bu'i bgrang phreng gis so/ /gsad pa la mi'i so'i bgrang phreng gis so/ /bskrad pa la rnga rmo'i so'i bgrang phreng ngam bong bu'i so'i
 bgrang phreng gis so/ /dbang la bo d+hi tse'i bgrang phreng gis so/ /dgug pa la pad+ma'i sa bon gyi bgrang 'phreng ngam/ tsan dan dmar po'i bgrang phreng gis so/ /rengs pa la ru rag sha'i bgrang phreng gis so/ /rmongs pa la lung thang
 gi bgrang phreng gis so/ /slar gso ba la sngags kyi bzlas pa mar ka ta'i bgrang phreng gis so/ /de ltar sngags dang sman dang nor bu dang ral gri dang bcud dang bcud len la sogs pa grub pa'i rdzas grub pa rnams la yang nyi tshe ba'i yon tan
 yod kyi/ mchog tu mi 'gyur ba'i yon tan med do/ /'dir stong gsum gyi stong chen po'i 'jig rten gyi khams kyi sangs rgyas kyi zhing du ji ltar bcom ldan 'das kyi sprul pa'i sku du ma dang sna tshogs pa'i skad rnams kyis cig car sems can
 gyi don byed pa de ltar nyi tshe ba bsgrubs pa 'di rnams kyis ni rnal 'byor pa sems can gyi don byed par mi nus te/ nyi tshe ba nyid kyi phyir ro/ /bcom ldan 'das kyis mtshan yang dag par brjod pa'i so sor rtog pa'i ye shes kyi bstod pa las/
 tshigs su bcad pa dang po gsum gyis gsungs pa 'di lta ste/ yang dag bdag med de bzhin nyid/ /yang dag mdza' ste yi ge med/ /stong nyid smra ba'i khyu mchog ste/ /zab cing rgya che'i sgra sgrogs pa/ /chos kyi dung ste sgra chen ldan/ /chos kyi
 gaN Dhi sgra bo che/ /mi gnas mya ngan 'das pa po/ /phyogs bcu'i chos kyi rnga bo che/ /gzugs med gzugs bzang dam pa ste/ /sna tshogs gzugs can yid las skyes/ /gzugs rnams thams cad
 snang ba'i dpal/ /gzugs brnyan ma lus 'chang ba pa/ /zhes pa'o/ /de bzhin du rgyud kyi rgyal po'i ye shes kyi le'u lnga pa las tshigs su bcad pa dgu bcu rtsa bdun pas thams cad mkhyen pa'i gsung bcom ldan 'das kyis
 gsungs pa 'di lta ste/ dud 'gro yi dags lha min rnams dang lto 'phye lha dang mi dang 'phags pa bod la sogs rnams la/ /byung dang 'byung 'gyur da ltar byung ba rnam pa gsum dang rtag tu bden pa'i chos ni gsung byed cing/ /
 rang rang skad gzhan dag gis srid pa gsum po ma tshad med pa lam la yang dag 'god byed pa/ /'di ni bde mnyam 'bras bu ster ba thams cad mkhyen pa'i gsung ste lha yi skad kyang ma yin no/ /slar yang le'u de nyid las de'i gong
 gi tshigs su bcad pas thams cad mkhyen pa'i sku dang gsungs gi bya ba gsungs pa 'di lta ste/ skye ba snga mar rang gi snying gis bskyed pa'i zhi dang chags pa la sogs dngos po rnams kyi ni/ /bag chags stobs kyis 'khor lor
 gnas pa gcig ni du mar mthong ste smon lam yon tan dbang gis so/ /don gcig du ma'i skad ni rang rang dngos po rnams kyi srog chags rnams kyi snying la rab tu 'jug /gnas can rnams kyi bsod nams slad du 'khor lo la
 gnas bsod snyoms la ni rnam par rgyu ru gshegs zhes so/ /'dir ji ltar thams cad mkhyen pa'i sku dang gsung dang thugs dang ye shes rnam pa thams cad pa rnam par rtog pa med pa don bya ba thams cad nus par gyur pa de bzhin
 du rnal 'byor pa rnams kyi rnam par rtog pa'i bsam gtan dang sngags la sogs pa bsgrubs pa ni thams cad mkhyen pa'i don bya ba nus par mi 'gyur ro/ /de bzhin du 'dod chags dang bral ba rnams kyi zad par sa la sogs pa mngon
 sum du byas pa yang nye tshe bar 'gyur te/ gang gi phyir nyi tshe ba'i rdzu 'phrul spro bar byed pa'i phyir ro/ /'dir 'dod chags dang bral ba gang zhig sa'i zad par mngon sum du byed pa 'di ni sa'i zad par spro bar byed kyi/ chu la sogs pa'i
 zad par spro bar mi nus so/ /de bzhin du stong pa'i zad par ji srid par zad par so so la yang rig par bya'o/ /'dir dkyil 'khor gyi 'khor lo can gang zhig 'dus pa'i dkyil 'khor spro bar byed pa des na 'khor lo sdom pa'i dkyil 'khor
 la sogs pa spro bar mi nus so/ /gang zhig 'khor lo sdom pa spro bar byed pa des ni 'dus pa la sogs pa spro bar mi nus te/ nyi tshe ba nyid kyi phyir ro/ /ci ste 'dir dkyil 'khor gyi 'khor lo gcig mngon sum du
 byas par gyur na dkyil 'khor gyi 'khor lo thams cad dang khams gsum po yang mngon du byas par gyur te/ gzhan khams gsum dang phung po dang khams dang skye mched kyi dkyil 'khor gyi 'khor lo phyi rol na yod pa ma yin no/ /
 zhes pa 'ga' zhig gis bsam pa 'byung bar 'gyur te/ de'i phyir brjod par bya'o/ /'dir gal te zad par bya khams sam dkyil 'khor gyi 'khor lo gcig mngon sum du byas par gyur na/ khams gsum po mngon sum du byas par
 'gyur zhing/ thams cad mkhyen pa nyid la sogs par yang 'gyur na/ de'i tshe thams cad mkhyen pa'i go 'phang thob pa'i slad du thams cad mkhyen pa nyid dang/ rnam pa thams cad mkhyen pa nyid dang lam mkhyen pa nyid dang/ lam gyi rnam pa
 mkhyen pa nyid mngon sum du byed pa zhes bya bar mi 'gyur zad par sa la sogs pa 'am dkyil 'khor gyi 'khor lo cig mngon sum du byas na yang yang dag par rdzogs pa'i sangs rgyas nyid du 'gyur zhing/ nyan thos dang
 rang sangs rgyas nyid dang grub pa nyid ces bya bar mi 'gyur ro/ /'dir theg pa gsum la bcom ldan 'das kyis gsung thos pa/ sangs rgyas kyi zhing che ge mo dang/ 'jig rten gyi khams che ge mor bskal pa che ge mo la/ che ge mo'i rigs la
 che ge mo'i sras skyes bu chen po'i mtshan sum cu rtsa gnyis dang/ dpe byad bzang po brgyad cus brgyan pa/ mngon par shes pa drug dang ldan pa'i de bzhin gshegs pa byung bar gyur te/ gnas che ge mor mngon par rdzogs par sangs rgyas
 so/ /gnas che ge mor bzhugs so/ /chos kyi 'khor lo bskor bar mdzad do/ /mos pa sna tshogs pa'i sems can rnams la skad sna tshogs kyis chos che ge mo bstan to/
 gnas che ge mor sku gdung chen po yang dag par bstan par mdzad nas yongs su mya ngan las 'das te/ sku gdung de dag rnams kyi cho 'phrul chen po phul du byung ba mthong nas lha dang lha ma yin dang mi rnams kyis
 sku gdung de rnams la mchod pa byed pa ste/ de bzhin du sangs rgyas kyi zhing che ge mo dang/ 'jig rten gyi khams che ge mor bskal pa che ge mo la skyes bu chen po'i mtshan sum cu rtsa gnyis dang/ dpe byad bzang po brgyad cu
 dang/ mngon par shes pa drug dang ldan pa'i rnal 'byor pa byung ste/ gnas che ge mor mngon par rdzogs par sangs rgyas so/ /yul che ge mor bzhugs so/ /gnas che ge mor chos kyi 'khor lo bskor ba mdzad do/ /mos pa sna
 tshogs pa'i sems can rnams la sna tshogs pa'i skad rnams kyis chos che ge mo bstan to/ /stong gsum gyi stong chen po'i 'jig rten gyi khams rnams su cig car sku'i rdzu 'phrul bstan to/ /gnas che ge mor sku gdung chen po yang dag par
 gnas par mdzad nas yongs su mya ngan las 'das te/ sku gdung de rnams kyi 'phro ba chen po phul du byung ba mthong nas lha dang lha ma yin dang mi rnams kyi sku gdung rnams mchod par byed pa ni ma yin no/ /de'i phyir dkyil 'khor gyi
 'khor lo gcig mngon sum du byas par gyur pa na rnal 'byor pa yang dag par rdzogs pa'i sangs rgyas su mi 'gyur te/ gang gi phyir chos kyi 'khor lo bskor ba med pa'i phyir dang/ de bzhin gshegs pas lung bstan pa med pa'i phyir
 ro/ /'dir ji ltar mgon po byams pa de bzhin gshegs pa nyid du de bzhin gshegs pas lung bstan pa dang ma 'ongs pa'i dus su 'byung bar 'gyur bar thal ba'i dbang po la sogs pa gzhan rnams kyang yang dag par rdzogs pa'i
 sangs rgyas 'byung bar 'gyur ro/ /zhes de bzhin gshegs pas lung bstan pa de bzhin du dkyil 'khor gyi 'khor lo gcig mngon sum du byas pa'i rnal 'byor pa yang dag par rdzogs pa'i sangs rgyas bcom ldan 'das 'byung bar
 'gyur ro/ /zhes pa ni 'ga' yang med do/ /'on kyang sems can gyi bsam pa'i dbang gis/ ral gri dang ri lu dang mig sman dang bcud dang/ bcud len la sogs pa 'jig rten pa'i dngos grub bsgrub pa'i don du dkyil 'khor gyi
 'khor lo bsgom pa bcom ldan 'das kyis gsungs te/ de'i phyir dkyil 'khor gyi 'khor lo'i lha mngon sum du byas pa las ral gri la sogs pa'i dngos grub rnams 'grub par 'gyur gyi sgrub pa po thams cad mkhyen pa nyid du ni 'grub 
 par mi 'gyur ro/ /gal te dkyil 'khor gyi 'khor lo bsgom pa'i stobs kyis sgrub pa po thams cad mkhyen pa nyid du 'grub par 'gyur na/ de'i tsha'i ci'i don du grub pa rnams 'dir bcom ldan 'das kyi gsung
 rang gi gzhung la rab tu ston par byed/ de'i phyir 'jig rten pa'i dngos grub rnams thams cad mkhyen pa'i yon tan ster bar byed pa por mi 'gyur te/ nyi tshe ba nyid kyi phyir dang/ thams cad mkhyen pa'i gsung med pa'i phyir ro/ /sgrib
 pa dang bcas pa'i lus kyi dngos grub dang rdzu 'phrul yang dag par ston pa'i phyir/ sgrib pa dang bcas pa'i chos mngon sum du byas pa na rnal 'byor pa thams cad mkhyen par mi 'gyur ro/ /de'i phyir sgrib pa med pa'i chos mngon sum
 du byas par gyur na rnal 'byor pa thams cad mkhyen par 'gyur te/ sgrib pa med pa'i chos kyi mtshan nyid las thams cad mkhyen pa'i lha'i mig dang/ lha'i rna ba dang/ gzhan gyi sems shes pa dang/ sngon gyi gnas rjes su dran pa dang
 thams cad du 'gro ba'i rdzu 'phrul dang/ zag pa thams cad zad pa dang/ gnas dang gnas ma yin pa mkhyen pa'i stobs dang/ las kyi rnam par smin pa mkhyen pa'i stobs dang/ khams gcig dang du ma mkhyen pa'i stobs dang/
 dbang po mchog dang mchog ma yin pa mkhyen pa'i stobs dang/ mos pa sna tshogs mkhyen pa'i stobs dang/ sdug bsngal 'gog par 'gyur ba'i lam mkhyen pa'i stobs dang/ kun nas nyon mongs pa dang/ rnam par byang ba
 mkhyen pa'i stobs dang/ skye ba du ma'i rtogs pa brjod pa mkhyen pa'i stobs dang/ mngon par shes pa thams cad mkhyen pa'i stobs dang/ zag pa zad pa mkhyen pa'i stobs su 'gyur ro/ /de bzhin du kun tu 'od nyi ma'i dkyil
 'khor chen po mdzes pa'i sa dang/ bdud rtsi'i 'od zla ba chen po 'od gsal ba'i sa dang/ nam mkha' i 'od nam mkha' ltar rab tu gnas pa'i sa dang/ rdo rje'i 'od yid dga' ba'i sa dang/ rin chen mngon par dbang bskur ba la gnas pa'i sa dang
 pad+ma'i 'od rang bzhin gyis dag pa'i chos dri ma med pa yongs su 'dzin pa'i sa dang/ sangs rgyas kyi las byed pa'i sa dang/ dpe med pa'i sa dang/ dpe thams cad kyi dpe rab tu rtogs par byed pa'i sa dang/ shes rab kyi 'od bla na med pa'i
 sa dang/ thams cad mkhyen pa nyid 'od gsal ba chen po'i sa dang/ so so'i bdag nyid rig pa rnal 'byor pa'i ye shes rdzogs par byed pa'i sa'o/ /de bzhin du de bzhin gshegs pa la 'khrul pa mi mnga' ba dang/ ca co mi mnga' ba dang
 dran pa nyams pa mi mnga' ba dang/ thugs mnyam par ma bzhag pa mi mnga' ba dang/ tha dad pa nyid kyi 'du shes mi mnga' ba dang so sor ma brtags pa'i btang snyoms mi mnga' ba dang/ 'dun pa yongs su nyams pa mi mnga' ba dang/
 brtson 'grus yongs su nyams pa mi mnga' ba dang/ dran pa yongs su nyams pa mi mnga' ba dang/ ting nge 'dzin yongs su nyams pa mi mnga' ba dang/ shes rab yongs su nyams pa mi mnga' ba dang/ rnam par grol ba'i ye shes gzigs
 pa yongs su nyams pa mi mnga' ba dang/ 'das pa'i dus la ma thogs ma chags shing smon pa med pa'i ye shes gzigs pa rab tu 'jug pa dang/ ma 'ongs pa'i dus la ma thogs ma chags shing smon pa med pa'i ye shes gzigs par
 rab tu 'jug pa dang/ da ltar byung ba'i dus la ma thogs ma chags shing smon pa med pa'i ye shes gzigs pa rab tu 'jug pa dang sku'i las thams cad ye shes sngon du 'gro zhing ye shes kyi rjes su 'brang ba dang/ gsung gi las
 thams cad ye shes sngon du 'gro zhing ye shes kyi rjes su 'brang ba dang/ thugs kyi las thams cad ye shes sngon du 'gro zhing ye shes kyi rjes su 'brang ba'o/ /de'i phyir thams cad du dus thams cad kyi tshe mnyam
 pa nyid la legs par rab tu gnas pa ste/ stong pa nyid la yang dag par rjes su gnas pa nyid kyi phyir ro/ /shes rab yongs su dag pa ni de bzhin gshegs par 'gyur te/ sgrib pa med pa'i mtshan nyid kyi phyir ro/ /dkyil 'khor
 gyi 'khor lo gcig la gzugs kyi lha dang grangs dang/ kha dog dang phyag dang dbyibs dang rnam par rtog pa'i rdzu 'phrul spro ba'i phyir/ rdo rje sems dpa' stobs bcu par 'gyur ba sgrib pa dang bcas pa shes rab yongs su dag pa ni
 'ga' yang med do/ /'on kyang thams cad mkhyen pa'i lam nyams pa de ni log pa'i nga rgyal gyis zil gyis mnan par gyur pa na bdag kyang rdo rje sems dpa' stobs bcu pa'o/ /zhes de ltar rlom par byed do/ /'dir ni stobs bcu
 pa ma yin te/ stobs bcu pa'i 'gal zla nyi tshe ba rmongs pa chen po'o/ /'dir rnal 'byor pa 'di'i sangs rgyas nyid ni sngon med pa shin tu rmad du byung ba chen po chen po ste/ sgrib pa thams cad dang ldan pa'i phyir ro/ /bcom ldan 'das
 kyis mtshan yang dag par brjod pa'i so sor rtog pa'i ye shes kyi bstod pa las tshigs su bcad pa dgu pas gsungs pa/ 'di lta ste/ sdug bsngal gsum gyi sdug bsngal zhi/ /gsum sel mdza' yas grol gsum thob//
 srid pa kun las nges par grol/ /mkha' ltar mnyam pa nyid la gnas/ /zhes so/ /bcom ldan 'das kyi gsung 'di'i phyir/ rnam par rtog pa'i gzugs bsgoms pa'i stobs kyis rnal 'byor pa thams cad mkhyen par mi
 'gyur ro/ /de bzhin gshegs pas rgyud kyi rgyal po thams cad las phung po lnga ni rnam par snang mdzad la sogs pa'i sangs rgyas rnams so/ /khams rnams ni spyan ma la sogs pa'i lha mo rnams so/ /dbang po drug ni sa'i snying po la sogs
 pa'i byang chub sems dpa' rnams so/ /yul rnams ni gzugs rdo rje ma la sogs pa'i lha mo rnams so/ /gti mug rdo rje la sogs pa ni gshin rje mthar byed la sogs pa khro bo'i rgyal po rnams su gsungs pa ma yin nam/ de'i phyir
 sems can rnams kyi lus ni sangs rgyas kyi sprul pa'i sku'o/ /zhes pa 'ga' zhig dag gi bsam pa 'byung bar 'gyur te/ de'i phyir brjod par bya'o/ /'dir rmongs pa rnams kyis sems can rnams kyi lus ni sangs rgyas kyi sprul pa'i sku'o//
 zhes brjod par bya ba gang yin pa gang zhig yongs su brtags na mi 'grig pa 'di ni de bzhin gshegs pa'i gsung ma yin no/ /gal te don dam pa'i bden par sems can rnams kyi lus sangs rgyas kyi sprul pa'i sku yin no/ de'i tshe
 khams gsum na gnas pa'i sems can thams cad sngon du yang dag par rdzogs pa'i sangs rgyas su grub par 'gyur te/ sngon du rdzogs pa'i sangs rgyas nyid yin pa'i phyir/ sangs rgyas nyid kyi slad du thos pa dang bsam pa dang bsgom pa
 dang sbyin pa la sogs pa'i bya ba don med par 'gyur ro/ /sems can thams cad la skye ba dang 'gag pa med par 'gyur ro/ /'khor bar bde ba dang sdug bsngal dang/ bkres pa dang skom pa la sogs pa'i gnod pa med par 'gyur ro/ /mngon
 par shes pa drug la sogs pa sangs rgyas kyi yon tan gyi 'byor pa rnams dang ldan par 'gyur ro/ /'di ni mthong ba dang thos pa dang rjes su dpag pa dang de bzhin gshegs pas lung bstan pa yang med do/ /de'i phyir sems can rnams
 ni sangs rgyas su mi 'gyur te/ sangs rgyas kyi yon tan med pa'i phyir dang/ 'khor bar rnam par gnas pa nyid kyi phyir ro/ /bcom ldan 'das kyis mtshan yang dag par brjod pa'i shin tu rnam par dag pa'i chos
 kyi dbyings kyi bstod pa las tshigs su bcad pa bcu gsum pas gsungs pa 'di lta ste/ 'khor ba'i pha rol mthar son pa/ /bya ba byas pas skam sar gnas/ /shes pa 'ba' zhig nges gsal ba/ /shes rab mtshon chas rnam
 'joms pa/ /zhes pa ste/ de bzhin gshegs pa'i gsung de'i phyir sems can rnams kyi lus ni sangs rgyas kyi sprul pa'i skur mi 'gyur ro/ /bsgom pa goms pa'i dbang gis phung po dang khams dang skye mched la sogs pa dkyil
 'khor kyi 'khor lo'i rnam par 'gyur te/ de nyid kyis na sangs rgyas nyid du yang de bzhin gshegs pas gsungs pa ma yin nam zhes pa 'ga' zhig gi bsam pa 'byung bar 'gyur te/ de'i phyir brjod par bya'o/ /'dir byis pa'i skye bo
 rnams kyis brjod par bya ba gang yin pa/ goms pa'i dbang gis phung po dang khams dang skye mched la sogs pa dkyil 'khor gyi 'khor lo'i rnam par 'gyur te/ de nyid kyis na sangs rgyas nyid du yang de bzhin gshegs pas
 gsungs pa de ni ma yin te/ gang gi phyir bsod nams dang ye shes kyi tshogs med pa'i phyir ro/ /'dir gal te rnal 'byor pa rnams kyis bsod nams dang ye shes kyi tshogs ma gtogs par bsgom pa goms pa'i dbang gis phung
 po dang khams dang skye mched la sogs pa dkyil 'khor gyi 'khor lo'i rnam par 'gyur zhing/ rnam par rtog pa'i sgom pa'i dbang gis sangs rgyas nyid du yang 'gyur na/ de'i tshe bsod nams dman pa gzhan zhig nga ni rgyal po zhes sems
 par byed pa de yang goms pa las bsod nams kyi mchog ma gtogs par rgyal por 'gyur te/ 'di ni mthong ba yang med do/ /log pa'i rnam par rtog pas rnam par rtog pa'i gzugs bsgom pa goms pa'i dbang gis bsod nams kyi tshogs dman pa
 rgyal por mi 'gyur ba ji lta ba de bzhin du bsod nams dang ye shes dman pa rnal 'byor pa rnam par rtog pa sgom pa'i dbang gis bskal pa du ma rnams kyis yang dag par rdzogs pa'i sangs rgyas su mi 'gyur te/ bsod nams dang ye shes
 yin pa'i phyir ro/ /bcom ldan 'das kyis shin tu rnam par dag pa'i chos kyi dbyings kyi bstod pa las tshigs su bcad pa bcu drug pas gsungs pa 'di lta ste/ bsod nams ldan pa bsod nams tshogs/ /ye shes ye shes 'byung gnas
 che/ /ye shes ldan pa yod med shes/ /tshogs gnyis tshogs ni bsags pa po/ /zhes pa ste/ bcom ldan 'das kyi gsung 'di'i phyir bsod nams dang ye shes dman pa ni rnam par rtog pa'i gzugs bsgom pa goms pa'i dbang
 gis sangs rgyas su mi 'gyur ro/ /gal te gzugs kyi bsgom pa rnam par rtog pa yin zhing/ rnam par rtog pa las rnal 'byor pa sangs rgyas su mi 'gyur na de'i tshe lus 'di dkyil 'khor gyi 'khor lo'i lha'i tshogs rnams
 kyis rnam par spyad par bya'o/ /zhes de bzhin gshegs pas gsungs pa ci'i don du yin zhes pa 'ga' zhig gi bsam pa 'byung bar 'gyur te/ de'i phyir brjod par bya'o/ /'dir 'di ni bden te de bzhin gshegs pas dam tshig gi skad kyis
 so sor rnam par snang mdzad la sogs pa de dag rab tu bstan gyi bum pa dang snam bu'i sgra bzhin brjod bya brjod byed kyi dngos po las ni ma yin no/ /'on kyang bud med kyi dbang po pad+ma dang/ skyes pa'i dbang po rdo rje dang/ gshang ba rnam par snang mdzad dang/
 gcig pa mi bskyod pa dang/ khrag rin chen 'byung ldan dang/ khu ba snang ba mdza' yas dang/ sha don yod grub pa ste/ 'di rnams kyis de bzhin gshegs pa lnga po rnams bdud rtsi lnga po rnams kyi ming du gsungs te/
 don dam pa'i rigs pas ni lha ma yin no/ /de'i phyir rul ba'i lus 'di ni lha'i skur brjod par mi nus te/ snying po med pa nyid kyi phyir ro/ /bcom ldan 'das kyis mtshan yang dag par brjod pa'i chos kyi dbyings shin tu rnam par dag pa'i
 ye shes kyis bstod pa las tshigs su bcad pa nyi shu pa la sogs pa gsum gyis gsungs pa 'di lta ste/ gcig pu sra mkhregs rdo rje'i bdag/ skyes ma thag pa 'gro ba'i bdag /nam mkha' las byung rang byung ba/ /shes rab ye
 shes me po che/ /'od chen rnam par snang bar byed/ /ye shes snang ba lam me pa/ /'gro ba'i mar me ye shes sgron/ /gzi brjid chen po 'od gsal ba/ /sngags chog mnga' bdag rig sngags rgyal/ /gsang sngags rgyal po don chen
 byed/ /gtsug tor chen po rmad byung gtsug/ nam mkha' i bdag po sna tshogs ston/ /zhes pa ste/ bcom ldan 'das kyi gsung 'di'i phyir nye tshe ba'i lus ni sangs rgyas kyi skur mi 'gyur ro/ /gal te de bzhin gshegs pa gzugs
 can du mi 'gyur na/ 'o na de'i tshe mngal du 'jug pa dang/ gzhon nu rol rtsed mdzad pa dang/ bzo thams cad yang dag par ston pa dang/ khab nas nges par 'byung ba dang/ byang chub kyi snying po la bzhugs pa dang/ bdud kyi
 dpung 'joms pa dang/ lha las babs pa dang/ chos kyi 'khor lo rab tu bskor ba dang/ skyes bu chen po'i mtshan sum cu rtsa gnyis dang/ dpe byad bzang po brgyad cu dang 'od kyi dkyil 'khor 'dom gang pa dang/ spyod lam bzhi la
 sogs pa'i bya ba dang/ nam mkha' la gshegs pa dang byon pa dang/ de'i sems can gyi don gyi bya ba rnams su mi 'gyur te/ de bzhin du bcom ldan 'das kyis bskyed pa nyan thos kyi dge 'dun yang med par 'gyur zhing yongs su mya ngan las 'das pa
 chen po dang/ cho 'phrul chen po phul du byung ba yang dag par ston pa med par 'gyur ro/ /srid pa gsum na gnas pa rnams kyis mchod pa bya ba'i dbu skra dang tshems dang sha dang rus pa la sogs pa dang sku gdung spro ba med par 'gyur ro//
 gzhan yang de bzhin gshegs pa'i rnam 'phrul shin tu rmad du byung ba ni bcom ldan 'das gzugs dang ldan pa las 'gyur gyi/ gzugs dang mi ldan pa las ni ma yin no/ /de'i phyir bcom ldan 'das kyi gzugs kyi sku sgrub pa ni log par
 mi 'gyur ro/ /zhes pa 'dir 'ga' zhig gi bsam pa 'byung bar 'gyur te/ de'i phyir brjod par bya'o/ /'dir bcom ldan 'das kyi gzugs kyi sku sgrub pa ni log par mi 'gyur ro zhes byis pa'i skye bo rnams brjod par bya ba gang yin pa 'di ni
 de ltar bden pa ma yin no/ /gang gi phyir skye ba dang 'jig pa'i chos can nyid kyi phyir ro/ /'dir gal te don dam par bcom ldan 'das mngal nas 'byung ba dang/ sems can thams cad kyi don gyi slad du gshegs pa dang byon pa'i bya ba dag
 yongs su mya ngan las 'das pa chen po dang sku gdung yang dag par ston pa yod na/ de'i tshe de bzhin gshegs pa'i bsgrub pa 'bras bu med par 'gyur te/ gang gi phyir sku'i sku gdung yang dag par ston pa'i phyir dang yongs su mya ngan las
 'das pa chen po'i phyir ro/ /bcom ldan 'das kyi gzugs kyi sku ni bsgrub kyang ma bsgrub pa kho na'o/ /skyes bu'i sku rnam par nyams pa gang yin pa de bsgrub pas de ji ltar sgrub pa po'i lus nyams pa med par byed par 'gyur/ rang nyid ma
 grub pas gzhan sgrub par byed pa 'di ni phyin ci log go /ci ste sku gdung yang dag par ston pa phul du byung ba'i mtshan nyid chen po yod na/ 'dir sku gdung rnams yang dag par bstan par gyur pa na/ da ni sku gdung gi
 phung por gyur pa'i sku'i skyes bu chen po'i mtshan sum cu rtsa gnyis dang dpe byad bzang po brgyad cu dang/ 'od kyi dkyil 'khor 'dom gang ba rnams rnam par nyams so/ /sngar gyi sku med pa'i phyir/ sku gdung gi phung po ni rdo rje'i
 skur mi 'gyur ro/ /sku med na rdo rje sems dpa' gzhan gyi bsgrub pa med do/ /'dir phan tshun 'gal ba'i phyir de kho na nyid dang mi ldan pa ni nyams te/ skye ba dang 'jig pa'i chos can nyid kyi phyir ro/ /skye ba dang 'jig pa'i chos can
 rdo rje sems dpa' bsgrub pa'i slad du shes rab kyi pha rol tu phyin pa dang/ stong pa nyid dang/ dran pa nye bar gzhag pa dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/
 lam dang/ bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa'i sgo dang/ mngon par shes pa dang/ ting nge 'dzin dang/ gzungs dang stobs dang/ mi 'jigs pa dang/
 /so so yang dag par rig pa dang/ sangs rgyas kyi chos ma 'dres pa rnams don med par 'gyur ro/ /gsum la skyabs su 'gro ba dang/ sdig pa bshags pa dang/ bsod nams la rjes
 su yi rang ba dang byang chub kyi sems bskyed pa dang/ bsod nams ye shes kyi tshogs dang/ byang chub sems pa'i spyod pa du ma rnams don med par 'gyur ro/ /thos pa dang bsam pa'i rang bzhin gyi shes rab kyi khyad par rnams khyad par
 cho gar 'gyur ro/ /shes rab dang thabs kyi rang bzhin gyi cho ga rnams ngan pa'i cho gar 'gyur ro/ /don dam pa'i bden pa'i zab pa dang/ rgya che ba'i chos rtogs par yang ngan pa rtogs par 'gyur ro/ /'jig rten kun rdzob kyi bden pa 'jig rten
 pa'i dngos grub pa'i slad du rdo rje phur bu dang/ rdo rje ra ba dang/ rdo rje gur dang/ bsrung ba'i 'khor lo la sogs pas bskor ba dang/ phung po dang/ khams dang skye mched dang/ sku dang gsung dang thugs byin gyis brlabs dang ldan pa dang/
 sgo skyong dgod pa dang/ ye shes sems dpa' gzhug pa dang/ mngon par dbang bskur ba la sogs pa rdzogs pa dang/ ra ba lnga'i 'od kyi tshogs kyi dkyil 'khor gyi sprul pa 'jig rten gyi khams rnams su/ de yis gdul bar bya ba'i
 sems can rnams kyi sems can gyi tshogs dang/ mchod pa rab 'byams brtsegs pa thams cad thams cad kyi tshe don med par 'gyur te/ de ltar yang ma yin no/ /de phyir skye ba dang 'gag pa'i chos can gyi rdo rje sems dpa' la
 stobs bcu dang mi 'jigs pa la sogs pa'i yon tan rnams mi srid do/ /gzhan yang ci gal te bcom ldan 'das gzugs can yin na/ de'i tshe de phyogs gcig tu gnas pas gang+gA'i klung gi bye ma snyed kyis 'jig rten gyi khams
 rnams su rigs kyi ri bo du ma'i rdul dang mnyam pa'i sems can rnams kyi don bya ba byed par nus par mi 'gyur te/ gzugs kyi sku yin pa'i phyir ro/ /cis te byis pa'i blo can rnams kyis tshig gzugs kyi sku yis kyang 'jig rten
 gyi khams gcig tu gshegs te/ de na gnas pa'i sems can rnams kyi don bya ba mdzad nas de nas kyang 'jig rten gyi khams gzhan du gshegs shing/ de nas kyang gzhan du gshegs pa mdzad do zhe na/ 'di nyid ni rigs pas
 mi 'thad de gang gi phyir phyogs kyi cha cig kho na la 'jig rten gyi khams rnams tshad dang bral ba nyid kyi phyir phyogs bcu'i char yang dag par gnas pa'i 'jig rten gyi khams rnams dang mdza' yas pa'i sems
 can rnams lta ci smos/ gzugs kyi sku yis gshegs nas sems can gyi don mdzad par ni bskal pa du ma rnams kyis mi nus so/ /ci ste bsam gtan dang sngags kyi stobs kyis sangs rgyas kyi zhing 'jig rten gyi khams du ma na
 gnas pa'i sems can rnams bkug nas mdun du gzhag ste de rnams la chos bstan pa mdzad do/ /de rnams lam la bkod nas rang rang gi 'jig rten gyi khams su gtong po zhe na/ de nyid shin tu phyin ci log pa ste/ nam mkha' i khongs
 thams cad kyi 'jig rten gyi khams du ma na gnas pa grangs med pa'i sems can gzugs can rnams rdul phra rab kyi gzugs kyis kyang mdun du gnas par bya bar mi nus so/ /cis te byis pa'i blo can rnams kyi tshig gzugs kyi
 sku 'di yis kyang sangs rgyas kyi zhing gcig la stong gsum gyi stong chen po'i 'jig rten gyi khams rnams su gnas pa'i sems can rnams kyi don bya ba mdzad do zhe na/ tshig 'di ni don dam pa'i rigs pas rnam par dpyad na don
 med pa ste/ ji ltar dbang phyug gi tshig bka' yis grub cing rigs pa'i tshad ma dang bral ba bzhin no/ /'dir yid ches pa'i lung las dbang phyug ni cha shas med pa/ kun gyi byed pa po ste/ de yang bya ba la ltos pa med pa/ 'dod pas
 rtsed mo'i don du sna tshogs byed pa 'am sdud par byed pa'o/ /de bzhin du de'i chos mi mthun pa las bcom ldan 'das gzugs kyi sems can thams cad kyi don byed pa po bka' yis grub pa ste/ de ltar sangs rgyas pa rnams dang ma
 stegs pa rnams kyi mkhas pa rnams la yang shes rab dman pa nyid kyi phyir bye brag med do/ /de'i phyir yongs su brtag pa dang bral ba 'di ni bcom ldan 'das kyis gsung du mi 'gyur te/ bcom ldan 'das kyi gsung ni thog mar dge ba/ bar
 du dge ba/ tha mar dge ba'o/ /de bzhin du bcom ldan 'das kyis gsungs pa/ bsregs bcad brdar ba'i gser bzhin du/ /mkhas pa rnams kyis yongs brtags nas/ /bdag gsung blang bya dge slong dag /gus pa'i phyir ni ma yin
 no/ /zhes pa ste/ bcom ldan 'das kyi gsung 'di yi phyir mtshan yang dag par brjod pa las/ yongs su brtags na sangs rgyas bcom ldan 'das gzugs kyi skur mi 'gyur te/ gang gi phyir nam mkha' las byung ba'i phyir dang/ rang 'byung
 ba'i phyir dang/ rnam pa kun ldan pa med pa'i phyir dang/ thig le bzhin 'dzin pa'i phyir dang/ cha med cha las 'das pa'i phyir dang/ dga' ba bzhi pa'i rtse mo 'dzin pa'i phyir dang/ chags bral dang go chags pa che ba'i phyir dang/ bdag gir
 mi 'dzin pa'i phyir dang/ ngar mi 'dzin pa'i phyir dang/ khams thams cad mi zad pa'i phyir dang/ gsang sngags don kun skyed pa'i phyir dang/ thig le chen po yi ge med pa'i phyir dang/ stong pa chen po yi ge lnga'i phyir dang/ thig le
 stong pa yi ge drug gi phyir dang/ mkha' ltar mnyam pa nyid la gnas pa'i phyir ro/ /de ltar 'di ni sangs rgyas bcom ldan 'das kyis mtshan yang dag par brjod pa las/ /de nas dpal ldan rdo rje 'chang zhes pa la sogs pa nas/
 ye shes sku nyid khyod la 'dud ces pa'i mthar thug pa tshigs su bcad pa drug cu rtsa gnyis lhag pa'i brgya yis rdo rje 'dzin pa'i sku phyag na rdo rje la bden pa gnyis ka yis rab tu bstan to/ /bcom ldan 'das kyi rgyud kyi rgyal po'i
 le'u lnga pa las kyang tshigs su bcad pa dgu bcu rtsa brgyad pas sangs rgyas 'byung ba'i sprul pa dang sgyu ma gsungs pa/ sangs rgyas rnams kyi 'ang rtogs bya min pa dpag med yon tan dang ldan sangs rgyas sprul pa sgyu ma
 ni/ srid pa gsum gyi gnas su bdag nyid ston par byed de brgya byin gzhu ni ji bzhin nyid du'o/ /sna tshogs dngos po rnams kyis phye rgyal ba dang bcas lha mi rnams kyi rang rang sems la rab zhugs pa/ /'di ni ma skyes chos te tshul nam mkha' 
 bzhin du 'dir ni skye bar 'phrul ba ster ba'o/ /bcom ldan 'das kyi gsung 'di'i phyir bcom ldan 'das kyi gzugs ni skur mi 'gyur te/ sangs rgyas thams cad 'dus pa'i phyir ro/ /gal te sangs rgyas gzugs kyi sku yin na/
 de'i tshe rdul 'phra rab kyi gzugs kyis kyang 'dus par mi 'gyur ro/ /de ltar brjod pa'i rim pas bcom ldan 'das kyi gsung thos te/ de ltar na yang sems can rnams ni bcom ldan 'das kyis gsungs pa
 zab cing rgya che ba'i chos yongs su brtags nas mi 'dzin cing/ sangs rgyas nyid kyi slad du bla ma yang yongs su brtags nas ni mi sten te/ rmongs pa chen po chags pas zil gyis mnan par gyur pa/ skyes pa 'di nyid la bdag cag rnams
 kyi rul pa'i lus sangs rgyas kyi skur 'gyur ro zhes pa'i bsam pa brkam chags can rnams/ mi dge ba'i bshes gnyen dang bla ma dam pa ma yin pa'i man ngag las/ 'dir rnam par snang mdzad la sogs pa'i bdud rtsi lnga dang/ go gu
 da ha na la sogs pa'i sha rnams ni bza' ba rang bzhin gyis dag par de bzhin gshegs pas gsungs pas te/ 'di rnams zos pas rga ba dang 'chi ba med pa'i lus su 'gyur zhing/ rdo rje sems dpa' yang mchog sbyin par 'gyur ro/ /
 zhes pa dang/ gzhan yang rdo rje'i rigs la khro ba'i rgyal po'i ting nge 'dzin gyis srog chags rnams gsad par bya'o/ /ral gri'i rigs la don yod grub pa'i ting nge 'dzin gyis mi bden pa smra bar bya'o/ /rin po che'i rigs la rin chen 'byung ldan
 gyi ting nge 'dzin gyis gzhan gyis nor dbrog par bya'o/ /pad+ma'i rigs la snang ba mdza' yas kyi ting nge 'dzin gyis gzhan gyi bud med dbrog par bya'o/ /'khor lo'i rigs la rnam par snang mdzad kyi ting nge 'dzin gyis bdud rtsi lnga dang sha rnams
 bza' bar bya'o/ /zhes pa dang gzhan mi dge ba bcu'i las kyi lam rnams rnal 'byor pas lha'i rnal 'byor gyis bya'o/ /zhes pa ste/ de ltar gdug pa'i slob dpon gyis tshig tshad mar byas nas mi dge ba bcu'i las kyi lam rnams byed do/ /
 spyad pa ma byas pa dang/ rtogs pa ma byas pa dang/ sbar ba ma byas pa dang/ bdud rtsir ma byas pa'i rnam par snang mdzad la sogs pa rnams bza' bar byed do/ /bdud rtsi lnga po de dag ni za ba po de dag rnams la sangs rgyas kyi yon tan ster bar
 byed pa por mi 'gyur te/ sangs rgyas kyi gsung ma rtogs pa'i phyir ro/ /de bzhin gshegs pas rgyud kyi rgyal po thams cad las bdud rtsi lnga rnams rnal 'byor pas bza' bar bya ba gsungs pa ma yin nam/ 'dir ji ltar 'di rnams
 bkag ces pa 'ga' zhig gi bsam pa 'byung bar 'gyur te/ de'i phyir brjod par bya'o/ /'dir byis pa'i skye bo rnams kyis brjod par bya ba gang yin pa de bzhin gshegs pas rgyud kyi rgyal po thams cad las bdud rtsi lnga la sogs
 pa rnams bza' bar bya bar gsungs pa de ni bden te/ 'on kyang rnal 'byor pa rnams kyi yin gyi tha mal pa'i sems can rnams kyi ni ma yin no/ /gang dag gi sngags kyi stobs sam bsam gtan gyi stobs kyis sbyang bar byas pa dang/
 rtogs pa byas pa dang/ rab tu 'bar ba byas pa dang/ bdud rtsir byas pa'i dug rnams ni dug med par 'gyur ba dang/ chang rnams ni 'o mar 'gyur ba dang/ dug gi chu la sogs pa'i gdug pa rnams dang/ sems can rnams 'chi
 ba ster bar byed pa la sogs pa rnams ni bcud len du 'gyur ba dang/ rus pa rnams ni me tog tu 'gyur ba dang/ so rnams ni mu tig gi 'bras bur 'gyur ba dang/ thod pa ni pad+mar 'gyur ba dang/ sha ni pu tra ke shar 'gyur ba dang/ khrag ni si
 tla kar 'gyur ba dang/ gci ba ni gla rtsir 'gyur ba dang/ khu ba ni ga bur du 'gyur ba dang bshad ba ni bzhi mnyam du 'gyur ba dang/ ba spu rnams ni gur gum gyi ge sar du 'gyur ba ste/ de ltar gdug pa'i rdzas dum rnams gdug pa'i rang bzhin yongs
 su btags pa'i phyir/ sbyang bar byas pa dang/ rtogs par byas pa dang/ rab tu 'bar ba byas pa dang/ bdud rtsir byas pa rnams rang bzhin gyis dag par de bzhin gshegs pas rgyud kyi rgyal po thams cad las gsungs pa de ni bden no/ /dug
 la sogs pa rang bzhin gyis dag par bdud rtsir byas pa de rnams rnal 'byor pa rnams kyis zos pa yang lus la stobs chen po rgyas par byed par 'gyur ro/ /gshad pa la sogs pa rang bzhin gyis dag pa rnams lus la byugs pa ni mchog gi dri rab
 tu ldang bar byed do/ /de'i phyir rnal 'byor pa rnams kyi de bzhin gshegs pas gsungs pa rnams te/ gzhan lha dang sngags ma bsgrubs pa/ klags pa'i rmongs pa/ mkhas pa'i mngon pa'i nga rgyal dang ldan pa chu dang gyi sgyu ma 'dzin pa/ tshogs
 khang dang gtsug lag khang gi rdzas la mngon par chags pa dang ldan pa/ yi dags dang dmyal ba'i skye bar skye ba 'byung ba nges par bcings pa/ rang gi don dang gzhan gyi don nyams pa/ rgyud las gsungs pa'i don la phyin ci log gi don ston pa po
 yongs su brtag pa mi byed pa'i skye bo'i bdud kyi rigs chen po rnams kyi bza' ba ni bcom ldan 'das kyis gsungs pa rnams su mi 'gyur ro/ /gdug pa'i sems dang ldan pa de dag rnams kyis/ dug la sogs pa gdug pa'i rdzas rnams dang bdud rtsi lnga po
 de dag rnams sbyang ba byas pa dang/ rtogs pa byas pa dang/ 'bar ba byas pa dang/ bdud rtsir byas kyang bskal pa du ma rnams kyis gdug pa'i rang bzhin yongs su gtong par mi 'gyur te/ gdug pa'i rang bzhin yongs su ma btang ba'i phyir rang bzhin
 gyis dag par mi 'gyur ro/ /de'i phyir bsam gtan gyi stobs sam sngags kyi stobs kyis gdug pa'i rdzas de dag rnams kyis gdug pa'i rang bzhin dbrog par mi nus kyi bar du/ rigs kyi bu 'am rigs kyi bu mo 'am/ dge slong ngam dge slong
 ma 'am/ dge bsnyen nam dge bsnyen ma 'am/ las dang po pa/ rdo rje theg pa la dga' ba la rdo rje slob dpon bla ma dam pa las dang po pa 'am sngags kyis nus pa dang ldan pas dug la sogs pa dang bdud rtsi lnga la sogs pa bza' ba dang byug
 pa'i nges pa byin par mi bya ste/ ma dag pa'i dug la sogs pa zos pas 'chi bar 'gyur zhing/ ma dag pa'i dam tshig byugs 'jig rten smad par 'gyur ro/ /rang gis bsad pas shi ba dang/ 'jig rten pas smad pa las dmyal bar 'gro
 la 'gyur te/ sngags pa dan pa rnams kyis sems can gyi bsam pa yongs su gtang pa'i phyir ro/ /mtshan yang dag par brjod pa'i gsol ba 'debs pa las tshigs su bcad pa bco lnga pas gsungs pa/ nyon mongs ma lus bsal ba dang/
 mi shes ma lus spangs pa'i phyir/ /bsam pa'i khyad par ji bzhin du/ /sems can rnams la bshad par 'tshal/ /zhes pa'o/ /bcom ldan 'das kyi gsung 'di'i phyir sems can mdza' dag gi bsam pa'i dbang gis slob ma rnams la rdo rje
 slob dpon gyis nges pa sbyin par bya ste/ ji ltar las dang po pa rnams rang gis bsad pas 'chi ba dang/ 'jig rten pas smad par mi 'gyur bar ro/ /'dir gal te 'jig rten pas dmyal bar 'gro bar 'gyur na/ 'o na de'i tshe lta
 ba thams cad ni phan tshun smod par byed de/ phan tshun smod pa las lta ba pa thams cad dmyal bar 'gro bar 'gyur ro/ /gal te de ltar na tshad ma'i bstan bcos rnams dang grub pa'i mdza' thams cad dang 'gal zhing brtul zhugs dang tshul
 khrims la sogs pa thams cad don med par 'gyur ro/ /zhes pa 'ga' zhig gi bsam pa 'byung bar 'gyur te/ de'i phyir brjod par bya'o/ /'dir byis pa'i skye bo rnams kyis brjod par bya ba gang yin pa/ tshad ma'i bstan bcos la sogs
 pa thams cad dang 'gal ba de ni ma yin te/ gang gi phyir de kho na yongs su brtags par sems dpa' i phyir ro/ /lta ba pa phan tshun smra ba po de rnams kyi lta ba la skyon yod pa ma yin te/ de kho na nyid yongs su brtag pa la brten pa'i sems kyi
 phyir dang/ sems can thams cad la gnod pa byed pa'i sems med pa'i phyir dang/ sems can thams cad la phan pa byed pa'i sems kyi phyir ro/ /'dir ni dug la sogs pa dang/ bdud rtsi lnga la sogs pa bza' ba dang byug pa ni 'jig rten
 gyi tha snyad de/ don dam pa yongs su brtag pa ma yin no/ /gang zhig yongs su brtag pa dang/ 'jig rten pas smad pa las kyang skyon du mi 'gyur ba/ dug la sogs pa dang bdud rtsi lnga la sogs pa ni de kho na nyid ma yin no/ /de'i phyir sems
 can gyi bsam pa'i dbang gis sangs rgyas pa rnams kyi chos bstan pa ste/ sems can gyi bsam pa dang bral bas na ma yin no/ /sems can rnams kyi bsam pa yang yul dang rigs kyi tha snyad kyis 'gyur te/ de'i phyir de rnams kyi
 yul dang rigs kyi tha snyad kyis 'jig rten pa'i kun rdzob kyi bden pas rdo rje slob dpon gyis 'jig rten pa'i chos bstan par bya'o/ /'jig rten las 'das pa'i ye shes ni bden pa gnyis ka thun mong pa ste/ de nyid ni bza' bar bya ba ma yin pa'i 'dzin
 pas mi 'gyur ro/ /bza' bar bya ba dang bza' bar bya ba ma yin pa ni lto ba 'gengs pa tsam yin gyi/ stong pa nyid dang mtshan ma med pa dang/ smon pa med pa dang/ mngon par 'dus ma byas pa ste/ rnam par thar pa'i sgo bzhi rnam par
 dag pa ni ma yin no/ /de'i phyir las dang po yul tha snyad kyis bza' bar bya ba dang bar bya ba ma yin pa dang/ rigs dang rigs ma yin pa la mngon par bgrod par yang bya ste/ yul la lan thod pa'i chu yis rnam par dag par 'gyur ro/ /yul
 la la na ba lang gi sha ni bza' bar bya ba'o/ /yul la la na khyi'i sha'o/ /yul la la na rta'i sha'o/ /yul la la na glang po che'i sha'o/ /yul la la na mi'i sha ni bza' bar bya'o/ /de bzhin du sha gzhan yang yul gyi tha snyad kyis
 rigs dang rigs ma yin pa thams cad kyis rnam pa thams cad du bza' bar bya ba'o/ /yul la la na bram ze rnams chang gi btung ba bsgrub po/ /yul la la na dmangs rigs zas sgrub po/ /yul la la na rigs
 can rnams kyi zas rigs can ma yin ma yin pas sgrub po/ /yul la la na khyi'i lhag ma bza' bar bya ba'o/ /yul la la na zas zos pa'i rjes la kha mi 'khrud do/ /yul la la na phag pa'i sha ni bza' bar bya ba'o/ yul
 la la na ma he'i sha'o/ /yul la la na ra'i sha'o/ /de bzhin du sha gzhan yang yul dang rigs kyi tha snyad kyis rigs ma yin pa rnams kyis bza' bar bya ba'o/ /yul la la na gtum mo rnams kyi nyan thos so/ /yul la la na rigs bzhi'i
 'jug pa'o/ /yul la la na thams cad rigs gcig gis 'jug pa'o yul la la na pha shi bar gyur pa na ma bu'i chung mar 'gyur ro/ /yul la la na ming pos sring mo bag mar len no/ /yul la la na zhang po dang 'brel
 ba'o/ /yul la la na rigs dang rigs ma yin pa rnams phan tshun mngon par 'gro'o/ /yul la la na bram ze mo rnams smad 'tshong ma'i tha snyad byed do/ /de ltar rnal 'byor pas yul du ma'i tha snyad kyis bza' bar bya ba dang bza' 
 ba ma yin pa dang/ rigs dang rigs ma yin pa la mngon par bgrod par bya'o/ /de bzhin du rigs kyi lha ni la la'i rigs pa klu lha'o/ /la la'i rigs la ra'o/ /la la'i rigs la phag pa'o/ /la la'i rigs la ma he'o/ /
 la la'i rigs la g+hU ka'o/ /de bzhin du dud 'gro gzhan rnams kyang gzhan rnams kyi rigs kyi lha ste/ bsad par bya ba ma yin pa dang/ bza' bar bya ba ma yin pa'o/ /de bzhin du la la'i rigs la plak+Sha lha'o/ /la la'i arg+ha'o/ /la
 la'i a shwad tha'o/ /de bzhin du shing gzhan rnams kyang gzhan rnams kyi lha ste/ gcad par bya ba ma yin pa dang/ dbye bar bya ba ma yin pa'o/ /'dir 'jig rten pas kyang yid ches par mthong ste/ gang gi phyir rang gi rigs la nye bar 'tshe
 ba'i phyir dang/ rang gi rigs la phan pa byed pa'i phyir ro/ /'dir gang gi lha gang yin pa de bsten pa ni phan pa byed do/ /ma bsten pa ni nye bar 'tshe ba chen po byed do/ /de'i phyir las dang po pa sngags dang bsam gtan sgrub pa la mngon par
 dga' bas sngags grub pa 'am/ ye shes grub par 'gyur gyi bar du yul dang rigs kyi tha snyad kyis tha snyad bya'o/ /de nas rang gi 'dod pas bza' bar bya ba dang/ bza' bar bya ba ma yin pa dang/ bgrod par bya ba dang/ bgrod par
 bya ba ma yin pa dang/ gtung bar bya ba dang/ gtung bar bya ba ma yin pa bya ste/ de la sus kyang gnod par bya bar mi nus so/ /de ltar las dang po pa ni sngags grub par gyur pa na rnal 'byor par 'gyur ro/ /dkyil 'khor gyi 'khor lo spro ba
 dang nam mkha' la 'gro ba'i phyir grub pa'o/ /bdud dang nyon mongs pa dang snyoms par 'jug pa dang shes bya'i sgrib pa zad pa dang/ rnam pa thams cad pa spro ba'i rdzu 'phrul ston pa dang/ chos kyi 'khor lo rab tu bskor ba dang/ thams cad mkhyen pa'i
 gsung gis chos kyi phung po'i tshogs mdza' dag ston par byed pa'i dbang gis thams cad mkhyen par 'gyur ro/ /bcom ldan 'das kyis mtshan yang dag par brjod pa'i so sor kun tu rtog pa'i ye shes kyi bstod pa las tshigs su bcad
 pa bzhi bcu pa la sogs pa gsum gyis gnyis su med pa'i ye shes kyi rnal 'byor gsungs pa 'di lta ste/ brtson chen sgyu 'phrul dra ba ste/ /rgyud kun gyi ni bdag po mchog /rdo rje gdan ni ma lus ldan/ /ye shes sku rnams ma lus 'chang/ /kun
 tu bzang po blo chos bzang/ /sa yi snying po 'gro ba 'dzin/ /sangs rgyas kun gyi chags pa che/ /sangs rgyas sprul pa'i 'khor lo 'chang/ /dngos po kun gyi rang bzhin mchog /dngos po kun gyi rang bzhin 'dzin/ /skye med chos te sna tshogs don
 chos kun ngo bo nyid 'chang ba/ /zhes pa'o/ /de bzhin du rgyud kyi rgyal po'i le'u lnga pa las kyang tshigs su bcad pa drug cu pa la sogs pa gnyis kyis gsungs pa/ de dag rnams kyis dus kyi 'khor lo rdzu 'phrul rab tu gsal byed chen
 po du ma sprul pa'i sku/ /rdo rje 'bar ba 'phro ba rnams kyis 'dod pa'i khams na gnas pa lta min dang ni mi rnams dang/ /longs spyod rdzogs pas gzugs can rnams dang mkha' la rgyal ba'i sras sogs dgra bcom rnams la chos sku
 yis/ /stong pa'i cha yis srid gsum mdza' dag stong pa'i zad par rlung rnams kyis ni rlung gi zad par te/ /me yi cha shas rnams kyis me yi zad par chu yang 'gro la spros pa'i chu yi cha rnams kyi/ /'dzin ma'i cha shas rnams
 kyis sa yi zad par tshogs pa'i yul rnams kyis ni dngos po'i rang bzhin kun/ /kun nas nam mkha' dag dang mtshungs pa gcig gi bdag nyid 'di ni dag pa'i sa la ston par byed/ /de ltar sangs rgyas skur 'gyur bde ba gcig pu'i rang bzhin
 phyir na 'chi bar yang ni mi 'gyur ro zhes pa ste/ bcom ldan 'das kyi gsung 'di'i phyir/ /bdud rtsi lnga bza' ba dang sngags bzlas pa dang/ dkyil 'khor gyi 'khor lo rnam par rtog pa'i bsgom pa'i stobs kyis rnal 'byor pa yang dag par rdzogs
 pa'i sangs rgyas su mi 'gyur ro/ /dkyil 'khor gyi 'khor lo mngon sum du byas par gyur pa na rnal 'byor pa rnams kyi phyag rgya chen po'i dngos grub tu 'gyur bar bcom ldan 'das kyis gsungs pa ma yin nam/ de'i phyir 'dir ji ltar
 dkyil 'khor gyi 'khor lo mngon sum du byas kyang rnal 'byor pa thams cad mkhyen par mi 'gyur zhes pa/ 'dir 'ga' zhig dag gi bsam pa 'byung bar 'gyur te/ de'i phyir brjod par bya'o/ /'dir dkyil 'khor gyi 'khor lo rnam par rtog pa'i dra ba
 dang/ nyi tshe ba dang/ nyi tshe ba'i dngos grub kyi 'bras bu ster ba ni sngon nyid du brjod zin to/ /gzhan yang las kyi phyag rgya gzung nas che ge mo grub pa 'di ni rmongs pa rnams kyi 'khrul ba ste/ 'dir ni lu'i stobs sam/ skye ba bdun pa'i stobs sam/ ral
 gri la sogs pa'i stobs sam/ /sngags kyi stobs sam/ bsam gtan gyi stobs sam dkyil 'khor gyi 'khor lo bsgrubs pa'i stobs kyis mi snang bar 'gyur gyi/ sgrib pa thams cad las rnam par grol ba'i thams cad mkhyen pa bcom ldan 'das
 rdo rje sems dpar 'gyur ba ni ma yin no/ /bcom ldan 'das kyis mtshan yang dag par brjod pa'i rdo rje dbyings kyi dkyil 'khor chen po'i bstod pa las phyag rgya chen po 'dzin pa gsungs pa/ 'di lta ste/ bsam gtan chen po'i ting 'dzin
 gnas/ /shes rab chen po'i lus 'chang ba/ /stobs po che la thabs che ba/ /smon lam ye shes rgya mtsho ste/ /zhes so/ /bcom ldan 'das kyi gsung 'di'i phyir 'di ni phyag rgya chen po'i dngos grub ma yin te/ phyag rgya chen po ni chos
 thams cad rang bzhin med pa'i mtshan nyid/ rnam pa thams cad kyi mchog dang ldan pa/ shes rab kyi pha rol tu phyin pa sangs rgyas skyed par mdzad pa'o/ /chos 'byung gi sgra yis kyang de brjod chos 'byung gang las chos thams cad rang
 bzhin med pas 'byung bar 'gyur ba'o/ /rang bzhin med pa'i chos rnams ni stobs bcu dang mi 'jigs pa la sogs pa chos kyi phung po brgyad khri bzhi stong rnams so/ /de rnams 'byung bar gyur pa ni chos 'byung ste/ sangs rgyas kyi zhing
 ngo/ /sangs rgyas dang byang chub sems dpa' rnams kyi gnas te bde ba'i gnas dang skye ba'i gnas so/ /gang las khrag dang gci ba dang khu ba rnams 'byung ba de ni chos 'byung ma yin no/ /'dir 'khor ba pa rnams kyi chags pa rnams
 kyi chags pa dang bral ba'i zhing ni de bzhin gshegs pa rnams kyi ma yin no/ /de'i phyir chos 'byung ni chos kyi dbyings kyi rang bzhin can sna tshogs yum bcom ldan 'das dus kyi 'khor lo yis 'khyud pa dus thams cad du sgrib pa
 thams cad dang bral ba'o/ /'dir chags pa ni skye pa'i dus dang/ 'pho ba'i 'gog pa'i dus te/ de dag snyoms par zhugs pa ni mi 'gyur pa'i dus so/ /de'i 'khor lo ni rdo rje dbyings kyi dkyil 'khor chen po ste/ phung po dang khams dang skye
 mched sgrib pa med pa ni rdo rje dbyings kyi dkyil 'khor chen po zhes brjod do/ /mi 'gyur ba las skyes pa 'di yis ma skyes pa'i phyag rgya chen po de la 'khyud pa'o/ /gang la la zhig skye ba gzhan gyi bag chags kyi dbang
 dang/ bla ma dam pa'i man ngag gis/ dus du mar nyin dang mtshan mor phyag rgya chen po brtags pa'i chos thams cad dang bral ba/ rang gi sems kyi snang ba tsam/ rnam pa thams cad kyi mchog dang ldan pa chen po stong pa nyid/ lhan
 cig skyes pa'i dga' ba bskyed pa 'di mngon sum du byas nas 'khyud par byed pa de ni phyag rgya chen po'i dngos grub thob pa thams cad mkhyen pa bcom ldan 'das shes brjod do/ /de'i phyir las dang po pas rnal 'byor pa'i bya ba mi bya'o/ /
 rnal 'byor pas grub pa'i bya ba mi bya'o/ /grub pa yis thams cad mkhyen pa'i bya ba mi bya'o/ /de ltar las dang po pas sngar brjod pa'i cho ga yis bza' bar bya ba dang/ bza' bar bya ba ma yin pa la sogs pa bya'o/ /ci ste sdig pa'i blo can/
 lha min gyis bza' bar bya ba/ bla ma dam pa ma yin pas chos nye bar bstan pa rnams kyi tshig ni 'dir rgyud kyi rgyal po/ /rnams las dam tshig thams cad rnam par rtog pa med pa'i sems kyis bza' bar bya bar de bzhin gshegs pas
 gsungs so/ /de'i phyir dang por re zhig bdud rtsi lnga la sogs pa rnams bdag cag rnams kyis bza' bar bya'o/ /phyi nas de goms pa'i dbang gis dam tshig gi dngos grub 'byung bar 'gyur te/ dam tshig gi dngos grub kyi dbang gi dug
 la sogs pa bza' bar bya ba ma yin pa rnams bza' bar bya bar 'gyur zhing/ bshang ba la sogs pa dri nga ba rnams dri zhim por 'gyur ro/ /zhes brjod pa'i phyir mchog tu 'gal lo ji ltar dang pos re zhig me la rab tu 'jug
 par bya ste/ phyi nas goms pa'i dbang gis me rengs par byed par 'gyur ro/ /de ltar yang ma yin no/ /'dir gal te gdug pa chen po/ /pha rol slu par byed pa/ thams cad mkhyen pa'i stan pa la co 'dri ba/ dam tshig chen po 'dral bar byed pa/
 mnar med pa'i dmyal bar 'gro ba/ ma dag pa'i sems dang ldan pa rnams kyis sems rnam par dag na/ de'i tshe de dag rnams rnal 'byor pa'i bya ba ci'i phyir mi byed/ 'dir rnam par dag pa'i sems kyis rnal 'byor pa ni me la rab tu
 'jug ste me yis 'tshig par mi 'gyur ro/ /glang po che'i dbang po myos pa rengs par byed de/ glang po che'i dbang po myos pas gsod par mi 'gyur ro/ /seng ge dang stag la sogs pa la bzhon par byed de/ seng ge dang stag la sogs pas
 rnam par 'joms par mi 'gyur ro/ /bya rog gi btung bar bya ba'i klung tu rab tu 'jug ste/ klung gi rgyun gyis khyer bar mi 'gyur ro/ /dug za bar byed de/ dug gis brgyal bar mi 'gyur ro/ /ral gri la sogs pa'i mtshon cha rnams
 za bar byed de/ mtshon cha rnams kyis kha la gcod par mi 'gyur ro/ /de bzhin du bza' bar bya ba dang/ bza' bar bya ba ma yin pa byed cing rang dang gzhan gyi gzugs yongs su sgyur bar byed do/ /de ltar rnal 'byor pa yi bya ba rnam pa du ma
 rnams te/ las dang po pas byed pa ni ma yin no/ /bcom ldan 'das kyi rnal 'byor pa rnams kyi rnam par gzhag pa bcu gsungs te/ sems dang po skyed pa'i rnal 'byor pa dang/ phyi nas byis par gyur pa dang/ gzhon nur gyur pa
 dang/ las dang po pa dang/ rnal 'byor spyod pa'i skye bar skyes ba dang sbyong ba phun sum tshogs pa dang/ bsam pa phun sum tshogs pa dang/ phyir mi ldog pa dang/ dbang bskur ba thob pa dang/ skye ba gcig gis thogs pa'o/ /de nas
 byang chub sems dpa' i dbang bcur 'gyur te/ tshe la dbang ba dang/ las la dbang ba dang/ yo byad la dbang ba dang/ myos pa la dbang ba dang/ smon lam la dbang ba dang/ chos la dbang ba dang/ sems la
 dbang pa dang/ skye ba la dbang ba dang/ rdzu 'phrul la dbang ba dang/ ye shes la dbang ba'o/ /de bzhin dus bcu rnams te/ rab tu dga' ba dang/ dri ma med pa dang/ 'od byed pa dang/ 'od 'phro ba dang/ shin tu rgyal (sbyang dka' ba zer)
 dka' ba dang/ mngon du gyur pa dang/ ring du song pa dang/ mi g.yo ba dang/ legs pa'i blo gros dang/ chos kyi sprin no/ /de bzhin du pha rol tu phyin pa bcu yongs su rdzogs par 'gyur te/ sbyin pa dang/ tshul khrims dang/ bzod pa dang
 brtson 'grus dang/ bsam gtan dang/ shes rab dang/ thabs dang/ smon lam dang/ stobs dang/ ye shes kyi pha rol tu phyin pa'o/ /de ltar rnal 'byor pa byang chub sems dpar 'gyur ro/ /bcom ldan 'das kyis mtshan yang
 dag par brjod pa'i chos kyi dbyings shin du rnam par dag pa'i stong pa las tshigs su bcad pa gsum dang/ bzhi pa dag gi gsungs pa 'di lta ste/ pha rol phyin bcu thob pa ste/ /pha rol phyin pa bcu la gnas/ /pha rol phyin
 bcu dag pa ste/ /pha rol phyin pa bcu yi tshul/ /mgon po sa bcu'i dbang phyug ste/ /sa bcu la ni gnas pa po/ /shes bcu rnam dag bdag nyid can/ /shes bcu rnam dag 'chang ba po/ /zhes pa ste/ de'i phyir rnal 'byor pa sems
 rnam par dag pa ni byang chub sems dpar bcom ldan 'das kyis gsungs so/ /'dir sngags kyi theg pa la 'ga' zhig gis dpa' bo'i rim pa 'am byin brlabs dang bcas pa'i rim pas mtshan mo chen po dur khrod kyis la rab tu
 zhugs te/ lo gcig gam/ lo gnyis sam/ lo bcu gnyis kyi mthar thug par sngags bzlas pa dang/ sbyin sreg dang bsam gtan gyi stobs kyis bcom ldan 'das he ru ka dang/ de bzhin du ri bo dang bskyed mos tshal dang/ chu klung gi mdo dang/
 rgya mtsho'i 'gram la sogs pa skye bo med pa'i gnas rnams su rang dang bzhan gyi slad du kun tu bzang po la sogs pa'i lha mngon sum du bya bar ma nus pa/ brtson 'grus dman par gyur pa rnams dang/ las sgrub pa'i yul rang gi khyim du
 sngags kyi bzlas pa dang sbyin sreg dang gtor ma dang/ bsam gtan dang/ dkyil 'khor gyi 'khor lo la sogs pa bsgom par byas nas/ gnas dang dus ma yin pa'i dbang gis sngags kyi lha ma grub cing sems chags pa dang bral ba rnams
 dang de bzhin du rnam par dag pa'i phyag rgya chen po bsgom pa'i lam nyams pa rnams te/ bla ma dam pa'i man ngag dang bral zhing chad pa chen por lhung bar gyur pa'i gdug pa'i bla ma rnams kyis/ byis pa'i blo can zab cing rgya che ba'i chos yongs
 su brtag pa mi byed pa rnams la/ shes rab kyi pha rol tu phyin pa ston par 'gyur te/ bcom ldan 'das de bzhin gshegs pas shes rab kyi pha rol tu phyin pa las gsungs pa/ chos thams cad rnam par rtog pa med pa'i dang/
 chos thams cad stong pa dang/ chos thams cad mtshan ma med pa dang/ chos thams cad smon pa med pa dang/ chos thams cad 'dus byas pa dang bral ba dang/ chos thams cad skye ba dang bral ba dang/ chos thams cad 'gyur ba med
 pa dang/ chos thams cad rgyu yis stong pa dang/ chos thams cad ni bsam gyis mi khyab pa'o/ /de'i phyir thams cad mkhyen pa'i 'bras bu thob pa'i slad du byang chub sems dpa' sems dpa' chen pos chos thams cad la ltos pa
 med par bsgom par bya ste/ gzugs la gnas par mi bya'o/ /tshor ba la ma yin no/ /'du shes la ma yin no/ /'du byed rnams la ma yin no/ /rnam par shes pa la ma yin na/ /sa'i khams la gnas par mi bya'o/ /chu'i
 khams la gnas par mi bya'o/ /me'i khams la ma yin no/ /rlung gi khams la ma yin no/ /stong pa'i khams la ma yin no/ /mig gi khams la gnas par mi bya'o/ /gzugs kyi khams la ma yin no/ /mig gis rnam par shes pa'i khams
 la ma yin no/ /rna ba'i khams la ma yin no/ /sgra'i khams la ma yin no/ /rna ba'i rnam par shes pa'i khams la ma yin no/ /sna'i khams la ma yin no/ /dri'i khams la ma yin no/ /sna'i rnam par shes pa'i khams la ma yin no/ /lce'i
 khams la ma yin no/ /ro'i khams la ma yin no/ /lce'i rnam par shes pa'i khams la ma yin no/ /lus kyi khams la ma yin no/ /reg bya'i khams la ma yin no/ /lus kyi rnam par shes pa'i khams la ma yin no/ /yid kyi khams
 ma yin no/ /chos kyi khams la ma yin no/ /yid kyi rnam par shes pa'i khams la gnas par mi bya'o/ /zhes pa ste/ de ltar shes rab kyi pha rol tu phyin pa las de bzhin gshegs pa'i ye shes rnam par bsam pa med pa ni yang dag par
 rdzogs pa'i sangs rgyas nyid thob pa'i slad du bcom ldan 'das kyis gsungs so/ /bsam pa ma yin te/ gang gi phyir chags pa dang chags pa dang/ bral ba'i rang bzhin gyi phyir ro/ /'dir gang gi tshe sems can rnams kyi bsam pa rab tu
 'jug pa de'i tshe mchog tu 'dod pa'i dngos po rnams la chags pa dang/ mi 'dod pa'i dngos po rnams la chags pa dang bral bar 'gyur te/ de dag gi 'khor ba'o/ /gang gi tshe bsam pa med pa rab tu 'jug pa de'i tshe ni 'dod pa'i dngos po
 rnams la chags pa med cing/ mi 'dod pa'i dngos po rnams la chags pa dang bral ba med de/ de ltar chags pa dang chags pa dang bral ba med do/ /de dag med pa'i phyir 'khor ba med pa nyid do/ /'khor ba med pa'i phyir yang dag par rdzogs pa'i sangs rgyas nyid du
 'gyur ro/ /de'i phyir sangs rgyas nyid sgrub par byed pa de ni de bzhin gshegs pa'i ye shes bsam pa med pa ste/ gzhan rnam par rtog pa'i ting nge 'dzin ni ma yin no/ /de ltar rab tu mi mkhas pa bsam pa med pa'i ye shes 'dod pa chad pa chen por
 lhung ba 'ga' zhig smra bar 'gyur te/ de'i phyir brjod par bya'o/ /'dir gal te bsam pa med pa'i ye shes sangs rgyas nyid ster bar byed pa yin na/ de'i tshe sems can thams cad sangs rgyas su ci'i phyir ma gyur/ 'di rnams kyi yang gnyid
 'thug po la bsam pa med pa'i ye shes rab tu 'jug cing/ 'dod pa'i dngos po rnams la chags pa med la/ mi 'dod pa'i dngos po rnams chags pa med la/ mi 'dod pa'i dngos po rnams la chags pa dang bral ba med de/ shin tu gnyid
 log pa'i gnas skabs de la chags pa dang bral pa dag tu mi 'gyur ro/ /bsam pa med pa'i ye shes de yis sems can thams cad yang dag par rdzogs pa'i sangs rgyas su gyur pa yang ma yin no/ /de'i phyir bsam pa med pa'i ye shes ni de
 bzhin gshegs pa'i ye shes su mi 'gyur te/ gang gi phyir shes rab kyi pha rol tu phyin pa'i ting nge 'dzin gyi le'u las ting nge 'dzin rnams bcom ldan 'das kyis gsungs te/ de la rin chen sgron ma zhes bya ba'i ting nge 'dzin to/ /'dir gal te
 rin chen sgron ma bsam pa 'am rab tu snang ba med pa yin na/ de'i tshe rin chen sgron ma zhes bya ba'i ting nge 'dzin tu ji ltar 'gyur de bzhin du ting nge 'dzin gzhan rnams kyang bsam pa med par mi 'gyur te/ rang rig pa'i mtshan nyid kyi phyir dang/
 bem po dang stong pa nyid ma yin pa'i phyir ro/ /ci ste byis pa rnams kyi tshig 'di ni gal te de bzhin gshegs pa'i ye shes rang rig pa yin na/ de'i tshe ji ltar chos thams cad rang bzhin med par de bzhin gshegs pas
 gsungs she na 'di la brjod par bya ste/ 'dir de bzhin gshegs pa'i ye shes ni chos thams cad kyi rang bzhin med pa nyid rtogs par byed pa zhes bya ba ste/ dngos po thams cad med pa'i mtshan nyid shin tu gnyid log pa'i sems
 ni ma yin no/ /shes rab kyi pha rol tu phyin pa las gsungs pa yang/ sems gang zhig yod pa'i sems gang yin pa de ni sems ma yin no/ /zhes pa ste/ rang bzhin gyis 'od gsal ba zhes bya'o/ /gal te de bzhin gshegs
 pa'i ye shes rang rig par mi 'gyur na/ de'i tshe sems can gyi bsam pa'i dbang gis de bzhin gshegs pa chos ston par mi 'gyur te/ chos thams cad rab tu rtogs pa yang dag par rig pa med pa nyid kyi phyir ro/ /ci ste dbang po'i
 sgo nas rang rig pa yin na/ de'i tshe cha med pa dang kun tu 'gro ba dang thams cad la khyab par mi 'gyur te/ sgrib pa thams cad dang ldan pa'i phyir ro/ /de'i phyir de bzhin gshegs pa'i ye shes ni rang rig pa/ chos thams cad kyi
 rang bzhin mkhyen pa/ rnam par mi rtog cing dbang po med pa ste/ bcom ldan 'das kyis mtshan yang dag par brjod pa'i so sor kun tu rtog pa'i ye shes kyi bstod pa las tshigs su bcad pa nyi shu pa la sogs pa gsum gyis
 gsungs pa 'di lta ste/ mya ngan 'das zhing mya ngan 'das/ /legs par mya ngan 'das dang nye/ /bde sdug sel ba mthar gyur pa/ /chags bral lus las 'das pa po/ /thub pa med pa dpe me dag mi sngon mi snang gsal byed min/ /cha
 med kun 'gro khyab pa po/ /phra zhing zag med sa bon bral/ /rdul med rdul bral dri ma med/ /nyes pa spangs pa skyon med pa/ /shin tu sad pa sad pa'i bdag /kun shes kun rig dam pa po/ /zhes pa dang/ de bzhin du bya ba nan tan gyi ye shes kyi
 bstod pa las tshigs su bcad pa bcu gsum pas gsungs pa 'di lta ste/ bdag rig gzhan rig thams cad pa/ /kun la phan pa'i gang zag mchog /dper bya kun las 'das pa ste/ /shes dang shes bya'i bdag po mchog /ces pa dang
 rgyud kyi rgyal po'i le'u lnga pa las kyang tshigs su bcad pa dgu bcu rtsa dgu pas gsungs pa 'di lta ste/ rgyal ba'i sku yi rdo rje yul dang yul can rnams kyi bgrod bya min pa rnam pa thams cad pa/ /gsung gi rdo rje sems can thams cad
 rang snying skad rnams dag gis chos rnams go bar byed pa'o/ /rdo rje can gyi thugs kyi rdo rje sems can rnams kyi sems kyi rang bzhin mdza' dag sa la gnas/ /dri med nor bu lta bu dngos po rnams kyi 'dzin byed gang yin de nyid ye shes rdo rje'o
 zhes pa ste/ de'i phyir de bzhin gshegs pa'i ye shes ni dbang po med cing rang rig pa'o/ /gal te de bzhin gshegs pa'i ye shes rang rig pa yin na/ 'od de'i tshe phung po dang khams dang skye mched med pa las srid pa ma yin
 te/ bcom ldan 'das kyi rgyud kyi rgyal po rnams las gsungs pa/ phung po med pa las ye shes nye bar dmigs par mi 'gyur te/ dbang po gnyis kyi sbyor ba las byang chub kyi sems 'byung ba'i dus su khyad par dga' ba dang/ lhan cig
 skyes pa dag gi dbus su thig le gsum gyi mthar skad cig gcig tsam kun tu bzang po bde ba chen po'i ye shes te/ 'di nyid ni rang rig par gsungs so/ /'dir byang chub kyi sems kyi thig le mya ngan las 'das pa dang bral ba dbang
 po med pa kun tu bzang po bde ba chen po'i ye shes su ji ltar 'gyur/ nam mkha' i me tog la mo gsham gyi bu yis dri bsnams pa/ bzhin du rnam par dpyad na don med pa can no zhes pa/ 'dir 'ga' zhig dag po
 bsam pa 'byung bar 'gyur te/ de'i phyir brjod par bya'o/ /byang chub kyi sems kyi thig le 'gyur ba'i bde ba kun tu bzang po bde ba chen po shes rab ye shes su de bzhin gshegs pas gsungs pa 'di ni de ltar ma yin te/ gang
 gi phyir bzhi pa de yang de bzhin no zhes pa'i dgag pa gsungs pa'i phyir ro/ /'dir gal te gsum pa 'gyur ba'i bde ba shes rab ye shes kun tu bzang po bde ba chen po bzhi pa yin na/ de'i tshe mngon par brjod
 zin pa mngon par brjod par 'gyur ro/ /de ltar yang rig pa yin te/ gang gi phyir zlos pa'i skyon du thal bar 'gyur ba'i phyir/ ji ltar lag pa zhes brjod pa'i rjes la slar yang lag pa dang de bzhin du slar yang zho bzhin no/
 'dir byis pa dang/ smon pa'i tshig ste/ mkhas pa rnams kyi ni ma yin no/ /de'i phyir bzhi pa zhes gsungs pa'i phyir gsum par mi 'gyur ro/ de yang de bzhin no zhes gsungs pa'i phyir/ shes rab ye shes de nyid do/ /bcom lda
 'das kyis gsungs 'di yi phyir ma rtogs pa nyams pa rnams ni bzhi pa de yang de bzhin no zhes pa'i sgras bcom ldan 'das kyi gsum pa gsungs te/ bzhi pa zhes bya bar mi 'gyur ro/ /zhes smra bar 'gyur te/ 'dir byis pa'i blo can
 dbang po gnyis las byung ba'i 'gyur ba'i bde ba la mngon par chags pa mi 'gyur ba'i bde ba chen po'i ye shes las nyams pa rnams kyi chos ma yin pa'i rab tu 'jug pa'o/ /de'i phyir byang chub kyi sems 'pho ba'i bde ba ni kun tu
 bzang po bde ba chen po'i ye shes bzhi par mi 'gyur ro/ /bcom ldan 'das kyi mtshan yang dag par brjod pa'i bya ba nan tan gyi ye shes kyi bstod pa las tshigs su bcad pa gsum pa gsungs pa/ rnam pa kun ldan rnam pa med/ /bcu drug
 phyed phyed thig le 'chang/ /cha med rtsis las 'das pa ste/ /bsam gtan bzhi yi rtse mo 'chang/ /zhes pa dang/ rgyud kyi rgyal po'i le'u lnga pa las kyang tshigs su bcad pa brgya nyi shu rtsa lnga pas gsungs pa 'di lta ste/ de ltar sems ni rnam
 bzhi srid pa gsum la gnas pa'i srog chags rnams kyi thig le'i dbus su ste/ /rnal 'byor dbang po rnams kyis bde mnyam 'bras ster khyab byed dag ni thar ba'i slad du bsrung bar bya/ /thig le btang na rnal 'byor rnams kyi skye ba'i sa
 bon mchog gi bde ba song la thar pa gang/ /de phyir 'khor ba'i bde ba'i skad cig 'dir ni sdom brtson rnams kyis thams cad dus su dor bar bya/ /zhes pa'o/ /de'i phyir bzhi pa ni gsum par mi 'gyur ro/ /'dir gal te thig le 'dor ba'i
 gsum pa shes rab ye shes de nyid bzhi pa yin na de'i tshe bcom ldan 'das bcu drug phyed phyed thig le 'chang bar mi 'gyur zhing/ gal te bzhi pa khyad par dga' ba yin na de'i tshe dga' ba dang mchog dang khyad par dga' ba dang lhan cig skyes
 pa bsam gtan bzhi pa'i rtse mo 'chang par mi 'gyur ro/ /de'i phyir de bzhin gshegs pa'i ye shes ni dbang po med cing rang rig pa'o/ /de'i phyir rnal 'byor pas byang chub kyi sems shin tu brtan par bsrung bar bya ste dor bar mi bya'o/ /thig
 le gzhan byang chub kyi sems kyi thig le dang bral ba chu dang gci ba la sogs pa gang dag lus sam phyi rol la yod kyang sangs rgyas nyid kyi 'bras bu ster bar byed par mi 'gyur ro/ gal te bzhi pa shes rab ye shes gsum par mi 'gyur 
 zhing/ bcom ldan 'das thig le 'chang ba yin na/ 'o na de'i tshe de yang de bzhin no zhes gsungs pa'i phyir/ shes rab ye shes ci zhig 'byung bar 'gyur zhes 'dir 'ga' zhig smra bar 'gyur ro/ /de'i phyir brjod
 par bya'o/ 'dir rdo rje theg pa la 'jig rten dang 'jig rten las 'das pa'i bden pa la brten nas bcom ldan 'das kyis shes rab rnam pa gsum rab tu gsungs te/ las kyi phyag rgya dang/ ye shes kyi phyag rgya dang/ phyag rgya chen po zhes
 pa ste/ mngon par brjod pa gcig las so/ /de rnams las rnal 'byor pa'i las kyi phyag rgya dang ye shes kyi phyag rgya'i bde ba ni g.yo ba'i mtshan nyid dang/ phyag rgya chen po'i bde pa ni mi g.yo ba'i mtshan nyid du 'gyur ro/ /'dir gal
 te shes rab kyi ye shes ni shes rab ye shes te 'pho ba'i mtshan nyid shes rab kyi rgyud las skyes pa'i 'bras bu thabs kyi shes rab ye shes yin na/ de'i tshe thabs kyi rgyu las skyes pa'i 'bras bu ni shes rab kyi thabs ye shes su 'gyur
 te/ phyag rgya chen po'i dngos grub kyi don du'o/ /de ltar na phan tshun ltos pa nyid kyi phyir ye shes gnyis su 'gyur ro/ /de ltar gnyis ka'i ye shes so sor gyur na gnyis su med pa'i ye shes med do/ /gnyis su med pa'i ye shes
 med pa'i phyir sangs rgyas nyid kyang med par 'gyur te/ rnam par dag pa mchog tu mi 'gyur ba'i ye shes dang bral ba nyid kyi phyir ro/ /gal te shes rab kyi pha rol tu rab ye shes yin na/ de'i tshe thabs kyi ye shes ni thabs ye shes
 so/ /zhes pa ste/ de ltar na skyon snga ma yin no/ /bcom ldan 'das kyis mtshan yang dag par brjod pa'i so sor kun tu rtog pa'i ye shes kyi bstod pa las tshigs su bcad pa sum cu rtsa drug pa la sogs pa gnyis kyis rnam par
 dag pa mchog tu mi 'gyur ba'i ye shes gsungs pa 'di lta ste/ rdo rje skyil krung rdzogs sangs rgyas/ /sangs rgyas brjod pa'i chos 'dzin pa/ /dpal ldan sangs rgyas pad+ma skyes/ /kun mkhyen ye shes mdzod 'dzin pa/ /rgyal po sgyu 'phrul sna tshogs
 'chang/ /che ba sangs rgyas rig sngags rgyal/ /rdo rje rnon po ral gri che/ /rnam dag mchog tu 'gyur ba med/ /ces pa dang/ rgyud kyi rgyal po las kyang gsungs te/ sgrub thabs kyi le'u las nyis brgyar gcig gis ma tshang ba'i tshigs su bcad pa dag
 gis phyag rgya chen po'i mtshan nyid gsungs pa/ snying ni rnyog pa dang bcas las kyi phyag rgya 'di dang brtags pa'i ye shes phyag rgya btang bya ste/ /yang dag rdzogs pa'i byang chub slad du rgyal ba mchog gi skyed ma mchog gi phyag rgya gos pa med/ /
 rnam par 'gyur ba med cing mkha' mnyam mun bcom khyab byed rnal 'byor dag gis bgrod bya brtsegs par gnas/ /ye shes gzi brjod srid pa'i dri ma 'phrog cing dus kyi 'khor los rjes su rig pa sgom par bya/ /phyag rgya sgyu ma'i rjes su mthun
 pa yid dang nam mkha' la ni me long dag la gzugs bzhin te/ /'jig rten gsum po snang bar byed cing dri med glog dang mtshungs pa'i 'od zer du ma 'phro bar byed/ /phyi dang lus la dbyer med yul dang rnam par bral ba snang ba tsam nam mkha' la
 gnas pa yi/ /sems dang sems byung la ni bdag gis 'khyud de 'gro ba du ma'i gzugs kyis de ni gcig pu'o/ /zhes pa dang/ rtsa ba'i rgyud las kyang/ las kyi phyag rgya brtag pa yi/ /ye shes phyag rgya yongs spangs nas/ /mchog tu mi
 'gyur sbyor ba yis/ /phyag rgya chen po rnam par bsgom zhes pa ste/ bcom ldan 'das kyi nges pa 'di'i phyir las kyi phyag rgya'i bde ba ni kun tu bzang po mchog tu mi 'gyur ba'i bde bar mi 'gyur ro/ /de bzhin du dkyil 'khor gyi 'khor lo bsgom pa rnam par
 brtags pa'i shes rab kyi bde ba ni kun tu bzang po mi 'gyur ba'i bde ba chen por mi 'gyur te/ rnam par rtog pa yongs su ma spangs pa'i phyir ro/ /da ni bla ma dam pa ma yin pa'i man ngag las phyag rgya chen po'i
 ye shes nyams pa rnams kyis phyugs nyid du byed cing sangs rgyas nyid med de phyag rgya chen po'i ye shes med pa'i phyir ro/ /phyag rgya chen po'i ye shes rab tu mi gnas pa'i rnal 'byor pa rnams la bla ma dam pa ma yin pa lam dang bral
 bas rab tu rtogs par bya bar mi nus so/ /lam yang bzhi pa de yang de bzhin no zhes pa ste/ de ltar dbang bzhi pa ma rtogs pa'i phyir dbang thams cad don med par 'gyur ro/ /gal te kun tu bzang po mchog tu mi 'gyur ba'i bde ba de
 nyid bzhi pa phyag rgya chen po'i ye shes yin zhing/ phyag rgya chen po dang bral bar mi 'gyur ba de lta na 'o na dbang po gnyis kyi snyams par 'jug pas bde ba chen po bsgom pa bcom ldan 'das kyis gsungs pa dang/ bsgom pa 'dis
 skye ba 'di nyid la sangs rgyas nyid dang rdo rje 'dzin pa nyid du gsungs pa 'di ci'i don du yin zhes pa 'ga' zhig gi bsam pa 'byung bar 'gyur te/ de'i phyir brjod par bya'o/ /'dir bcom ldan 'das kyis dbang po gnyis kyi snyoms par
 'jug pas bde ba chen po bsgom par gsungs pa gang yin pa de ni bden te/ bcom ldan 'das kyis rgyud kyi rgyal po'i le'u lnga pa las tshigs su bcad pa brgya dgu bcu rtsa dgu pas gsungs pa/ chags pa gang gis sems can
 rnams ni nyams par gyur pa de yis skyob pa rnams ni 'grol ba ste/ /sems can rnams kyis nyin zhag so so'i dus su gang zhig srung byed de ni skyob rnams ster bar byed/ /sems can rnams kyis rang snying la gnas bde ba gang zhig gtong
 byed de ni rgyal rnams bsrung bar mdzod/ /des na rgyal ba mchog gi spyod pa 'di ni lha klu lha min rnams kyis bya ba dka' bar 'gyur zhes pa ste/ 'dir 'pho ba'i chags pa gang gis sems can rnams ni nyams pa ste/ 'chi bar 'gyur ba de nyid 'pho 
 ba med pa mchog tu mi 'gyur bar gyur pas skyob pa sangs rgyas rnams ni grol bar 'gyur ro/ /sems can rnams kyis bu dang chung ma la sogs pa gang zhig srung bar byed pa de ni skyob pa rnams kyis ster bar byed do/ /sems can rnams
 kyis bde ba chen po gang zhig stong par byed pa de ni sangs rgyas rnams kyis bsrung bar mdzad de/ rgyu des na de bzhin gshegs pa rnams kyi/ rnam 'phrul gyi mdzad pa ni lha dang lha ma yin dang mi dang klu rnams kyi bya ba dka' o/ /rim pa ji lta
 bas mchog tu mi 'gyur ba bsgrub pa'i don tu byang chub kyi sems 'di nyid 'pho ba med par bya'o/ /des na dbang po gnyis kyi snyoms par 'jug pas bde ba bsgom par gsungs kyi byang chub kyi sems 'pho ba'i gnas skabs ni ma yin no/ /'pho
 ba'i bag chags 'di ni sems can rnams kyi thog ma med pa'i dus nas glo bur gyi dri ma'i rang bzhin te/ de yis 'khor ba'o/ /phyag rgya'i 'pho ba'i bag chags su 'gyur te dngul chu dang me bzhin no/ /bcom ldan 'das kyis rgyud kyi rgyal po'i sgrub
 thabs kyi le'u las tshigs su bcad pa nyis brgya nyi shu rtsa bzhi pas gsungs pa/ me ni dngul chu'i dag nyid yin te me dang rnam par bral na nam yang dngul chu 'ching ba med na/ /ma bcings na ni gser byed med de gser dang bral na smra po
 rnams la longs spyod med pa nyid/ /de bzhin bud med sbyor ba bral na rtag tu rnal 'byor pa rnams dag gi sems ni 'ching mi 'gyur/ /bcings pa med na lus 'bigs med de ma phug lus kyis 'dir ni lhan skyes bde ba ster ba min/ /zhes pa ste
 'dir ji ltar me la reg pas dngul chu 'bros par 'gyur te/ thabs dang bcas pa'i me de nyid kyis 'ching bar byed do/ /de bzhin du chos 'byung la reg pas byang chub kyi sems 'bros par byed de/ thabs dang bcas pa de nyid
 kyis 'ching bar byed do/ /ji ltar me yis dngul chu bcings pas lcags thams cad gser du byed do/ /de bzhin du chos 'byung gi sbyor bas byang chub kyi sems bcings pas phung po dang khams dang skye mched la sogs pa sgrib pa med par byed
 do/ /de'i phyir dngul chu'i dang byang chub kyi sems dag gi mthu ni brtag par bya ba ma yin pa ste/ rmongs pa rnams kyis rnam par dpyad par bya bar mi nus so/ /de'i phyir byang chub kyi sems brtan par byed pa'i don las kyi phyag rgyas
 sbyor ba la yang lha'i dmigs pa rab tu gsungs pa ni/ dngul chu'i bdug pa dang bskol ba la sogs pa lta bu ste/ phyugs kyi las pad+mar rab tu zhugs pa'i byang chub kyi sems bza' ba ni de bzhin gshegs pas gsungs pa ma yin no/ /
 bcom ldan 'das kyis rgyud kyi rgyal po'i le'u lnga pa las tshigs su bcad pa bdun cu rtsa gsum pa las kyi phyag rgya la sogs pa sgrub pa gsungs pa 'di lta ste/ rgyal ba'i lhan skyes bde ba 'di ni 'phel ba'i don slad dang por las kyi
 phyag rgya bsten par bya/ /de nas nyi ma'i gzugs ni lus dang gdong dang rkang pa gtsug tor yan lag thams cad rdzogs pa ste/ /glog gi dbyug pa'i rjes mthun 'pho med bde ba skyed par byed pa mtshan nyid yan lag rab tu rdzogs/ /rdo rje rnams
 kyis rab tu snang bar byed ma srid gsum gnas lus chos kyi dbyings ni de nas 'gyur/ /zhes pa dang/ slar yang le'u de nyid las tshigs su bcad pa brgya bcu gsum pas gsungs pa/ /sems kyi snang ba tsam ste rang gi yid la skyes pa me
 long gi ni gzugs brnyan lta bu nyid/ /gang zhig mdza' dag rgyal ba'i sras dang sangs rgyas rnams kyis bsten pa rnal 'byor dbang pos bsten bya ste/ /ye shes me lce rab tu rgyas pa de ni bdud dpung yul dang bcas pa mdza' dag sreg byed cing/ /lus la
 chags pa la sogs kyang ste rnal 'byor rnams la lo yi sbyor bas bde mnyams ster bar byed/ /ces pa ste/ bcom ldan 'das kyi nges pa 'di'i phyir/ dbang po gnyis kyi snyoms par 'jug pas kyang phyi rol gyi dbang po las skyes pa'i 'gyur ba'i
 bde ba rnam par spangs nas byang chub kyi mthar thug pa'i bar du phyag rgya chen po rang gi sems kyi snang ba tsam 'di rnal 'byor pas bsgom par bya'o/ /phung po dang khams dang skye mched med na dbang po gnyis kyi sbyor ba dang bral ba ni shes rab ye
 shes rang rig par mi 'gyur te/ 'pho ba med pa nyid kyi phyir ro/ /zhes de bzhin gshegs pas gsungs pa ma yin nam/ ji ltar rnal 'byor pas rang gi sems kyi snang ba la rang gi sems kyis rjes su chags par byas nas rang gi sems sgrib pa
 med par byed cing/ mi 'gyur ba'i bde ba chen po'i ye shes kyang longs spyod par byed de rdul phra rab tshogs pa'i lus med pa'i phyir ro/ /'di nyid ni phyin ci log pa ste/ lha sbyin bdag nyid kyi phrag par zhon nas grong du 'gro'o zhes pa'i ngag bzhin no zhes
 pa 'dir 'ga' zhig gis bsam pa 'byung bar 'gyur te/ de'i phyir brjod par bya'o/ /'dir rdul phra rab tshogs pa'i bdag nyid kyi phung po dang khams dang skye mched rnams ma gtogs pa sems tsam gyi shes rab ye shes rang rigs par mi 'gyur
 ba rmongs pa rnams kyis brjod par bya ba gang yin pa de ni ma yin te/ gang gi phyir glo bur ba'i sems kyi bag chags kyi dbang gis so/ /'di yang phung po dang khams dang skye mched ces bya ba ni glo bur pa'i sems kyis bag chags so/ /de'i drin gyis
 sems la bde ba dang sdug bsngal gyi tshor ba rab tu 'jug ste/ don dam par rnam par dpyad na lus 'di'i nye bar 'tshe ba phran tshegs kyis ni ma yin no/ /'dir rdul phra rab tshogs pa'i bdag nyid kyi lus ni rmi lam gyi gnas
 skabs na rab tu ltung bas ste gnas shing gang gi sems la sdug bsngal rab tu 'jug pa 'di nye bar 'tshe ba phran tshegs 'ga' yang yod pa ma yin no/ /'dir 'jig rten thams cad du rab tu grags pa ste/ gnas skabs de nyid la sems
 kyi bag chags kyi bdag nyid kyi lus gzhan rdul phra rab tshogs pa dang bral ba yul gzhan du 'gro ba rab tu snang ste/ yul gzhan du song ba de'i lus la chom rkun la sogs pa rnams kyis nye bar 'tshe ba byas par gyur na nye bar 'tshe ba des
 sems la sdug bsngal rab tu 'jug cing/ sdug bsngal des du bar byed de/ /lus med cing chom rkun la sogs pa med par sems kyi sdug bsngal gyi shes pa rang rig pa rab tu 'jug pa 'di ni rmad du byung ba chen po'o/ /de bzhin du rmi lam
 du 'dod pa chen po nye bar longs spyod pa rnams kyis sems la bde ba rab tu 'jug ste/ lus med cing 'dod pa chen po nye bar longs spyod pa rnams med par sems can rnams kyi sems kyi bde ba'i shes pa rang rig pa rab tu 'jug pa de nyid ni
 ngo mtshar ro/ /nyi tshe ba'i shes pa 'di nyid kyang/ mkhas pa rnams kyis rnam par dpyad par mi nus na/ 'khor ba'i bag chags las 'das shing mya ngan las 'das pa'i bag chags las byung ba/ rnal 'byor pa'i rang rig pa kun tu bzang po
 mi 'gyur ba'i bde ba chen po'i ye shes rmongs pa rnams kyis rnam par brtag par nus pa lta ci smos/ ci ste mu stegs sdig pa'i blo gros can srog gi rlung gi de kho na nyid la dga' ba rnams 'dir rmi lam gyi gnas skabs na rdul phra rab 'dus pa'i
 bdag nyid kyi lus la dbugs 'byung ba dang 'jug pa yod de/ /dbugs 'byung ba dang 'jug pa de dag gi mthu las gnas skabs gsum du 'gyur gyi dbugs 'byung ba dang 'jug pa med pa las ni ma yin no/ /zhes pa 'di brjod na/ 'di nyid rnam
 par dpyad par bya ste/ 'dir gal te dbugs 'byung ba dang 'jug pa dag med par sems la rmi lam gyi gnas skabs med na/ de'i tshe ji ltar 'chi ba brgyal ba'i gnas skabs su dbugs 'byung ba dang 'jug pa dag med pa thun tshod gcig gis
 bar du sems rab tu snang bar 'gyur gshin rje'i rgyal po'i bka' yis gshin rje'i pho nya rnams kyis lus khyer bar byed pa dang/ gshin rje'i grong khyer rab tu snang bar 'gyur zhing/ gshin rje'i grong khyer der gshin rje'i rgyal po yang rab tu snang bar
 'gyur to/ gshin rjes de khyer pa'i lus de'i bsod nams dang sdig pa la rnam par dpyod par byed do/ rnam par dpyad nas 'dir smra ste/ ji ltar da dung 'di yi tshe thad par ma gyur to/ /de'i phyir ji srid 'di'i lus 'jig par mi 'gyur gyi bar du sems can 'di
 mi'i 'jig rten du myur du khyer cig ces gshin rje'i pho nya rnams la bsgo bar 'gyur ro/ /sgo ba des gshin rje'i pho nya de rnams lus mi'i 'jig rten du 'dor bar byed do/ /dor bar gyur pa na sems kyi bag chags kyi dbang gis slar yang shi ba'i
 lus de'i dbugs 'byung ba dang 'jug pa dag tu 'gyur te/ de'i tshe bag chags gzhan gyi dbang gis sad pa'i gnas skabs su 'gyur ro/ gnas skabs de la sems rab tu sad pa'i phyir gnyen gyi sde la gshin rje'i rgyal po'i gtam brjod
 par byed do/ /de'i phyir lus med cing dbugs 'byung ba dang 'jug pa dag kyang med par thog ma med pa'i sems kyi bag chags glo bur ba ni yang dang yang du skye ba'i dbang gi 'gyur te/ sems can rnams kyi rang bzhin can ni ma yin no/ /gal te 'khor
 pa'i bag chags 'di rang bzhin can du gyur pa yin na/ de'i tshe sems can rnams sangs rgyas nyid ces bya bar mi 'gyur ro/ /rgyu gang gis glo bur ba yin pa'i rgyu de yis 'di zad par 'gyur te/ de zad pa las sangs rgyas nyid
 du de bzhin gshegs pas gsungs so/ /de ltar rnam pa du mas rnam par dpyad na 'khor ba 'di ni rang gi sems kyi bag chags tsam ste/ gzhan 'ga' yang ma yin no/ /'khor ba'i bag chags kyang 'pho ba'i mtshan nyid kyi skad cig
 yin gyi mi 'gyur ba ma yin no/ /mya ngan las 'das pa'i bag chags ni mi 'pho ba'i mtshan nyid kyi skad cig yin gyi 'gyur ba ma yin no/ /bcom ldan 'das kyis rgyud kyi rgyal po'i nang gi le'u las tshigs su bcad pa brgya rtsa gnyis pas
 gsungs pa 'di lta ste/ gang zhig gang gi dbus su rab zhugs brtul zhugs nges pa la dga' las kyi zhags pas nges bcings pa/ /de yis dbus su rang rang bsam pas mi bdag de yi rigs su de'i 'dzin pa dag gis 'gyur/ /ji srid
 sems kyi rang bzhin dag ni rnam gsum srid pa'i dbang gis tshor ba bde ba dang sdug bsngal ba/ /de srid 'jigs rung 'khor ba 'dir 'khyam mi yi bdag po mtho ris mi yul dag dang 'og tu yang zhes pa dang/ slar yang le'u de nyid las
 tshigs su bcad pa dgu bcu rtsa bdun pas rnal 'byor gyi bag chags gsungs pa/ rnal 'byor dbang po rnal 'byor ma thob rab tu g.yo ba'i yid kyis gal te shi bar gyur pa na/ /dpal ldan mi yi 'jig rten du ni rab mchog thub pa'i
 rigs su rnal 'byor ldan pa skye bar 'gyur/ /sngon gyi goms pa de yis slar yang ye shes rnal 'byor yangs pa dag ni kun tu 'dzin par 'gyur/ ye shes thob na mi zad mchog gi gnas su rab 'gro gang du slar yang skye ba ldan pa min/ zhes
 pa ste/ de'i phyir sems kyi bag chags kyi dbang gis rang rig pa shes rab ye shes su 'gyur gyi/ rdul phra rab kyi lus kyi nye bar longs spyod pa las ni ma yin no/ /ci ste rmi lam gyi gnas skabs su 'khrig pa byas par gyur pa na gnyid log pa'i lus
 las 'dzag par 'gyur gyi/ rmi lam gyi sems kyi bag chags kyi lus las ni ma yin no/ /de'i phyir lus 'di'i mthu las bde ba chen po rang rig par 'gyur gyi/ sems kyi bag chags kyi lus las ni ma yin no/ /zhes pa dbang po gnyis kyi bde
 ba mngon par chag pa 'ga' zhig dag gi tshig 'byung bar 'gyur te/ de'i phyir brjod par bya'o/ /'dir rdul phra rab tshogs pa'i bdag nyid kyi lus las 'jog par 'gyur gyi sems kyi bag chags kyi lus kyi dbang gis ni ma yin no/ /zhes rmongs pa
 rnams kyis brjod par bya ba gang yin pa 'di ni de ltar tshad ma ma yin te/ gang gi phyir gzugs med pa'i srid pa 'jog pa'i phyir ro/ /'dir gal te rdul phra rab tshogs pa'i bdag nyid kyi lus med par 'pho bar mi 'gyur zhing/ 'pho ba med par 'khor
 bar mi 'gyur la/ 'khor ba med par bde ba chen po la nye bar dmigs par yang mi 'gyur na/ de'i tshe gzugs med pa'i rigs rnams 'pho ba med par ji ltar sangs rgyas nyid kyi slad du slar skye bar 'byung bar 'gyur te/ rdul phra rab tshogs pa'i
 bdag nyid kyis lus med pa'i phyir/ gzugs med pa rnams kyi lus ni kha zas can ma yin no/ /rdul phra rab tshogs pa'i bdag nyid kyi lus med pa'i phyir khu ba 'pho ba med do/ /khu ba 'pho ba med pa'i phyir de rnams la bde ba med cing 'khor ba med
 de/ de ltar yang ma yin no/ /bcom ldan 'das kyis nang gi le'u gnyis pa las tshigs su bcad pa gsum pas rdul phra rab tshogs pa'i bdag nyid kyi lus dang mi 'gyur ba'i ye shes gsungs pa/ 'di lta ste/ lus 'di la ni khams
 kyi tshogs su mdza' dag ro drug zos shing 'thungs pa dag las 'gyur ba ste/ /ro drug rnams kyang 'byung ba las kyang ste rab gsal nges par 'byung ba'i tshogs kyang nam mkha' i khams las so/ /stong pa las ni ye shes rnam par bsres pa ro mnyam
 'gyur med brtag par yang ni 'gyur ba ste/ /de ltar 'byung ba la gnas zhi ba rnam gsum srid pa la gnas rang gi lus la rig par bya zhes pa la/ lus 'di la ni zhes pa dud 'gro dang mi'i lus gang la ro drug gi bza' ba dang btung ba yod pa ste/ lus
 'di ni ro drug gi bza' ba dang btung ba can no/ /'di la khams kyi tshogs zhes pa spu dang pags pa dang khrag dang sha dang rus pa dang rkang dang khu ba'i khams rnams kyi 'dus pa ni khams kyi tshogs su 'gyur ro/ /gang las shes na ro drug zos shing 'thungs pa
 dag las shes pa/ ro yang yin la de dag drug kyang yod pa'i phyir ro drug ste/ kha ba dang/ skyur ba dang/ lan tshwa dang/ tsha ba dang/ mngar ba dang/ ska ba rnams spu la sogs pa'i khams kyi rang bzhin du 'gyur ro zhes pa dgongs pa'o/ /ro drug rnams
 kyang 'byung ba las ta zhes pa la/ 'byung ba ni sa dang/ chu dang/ me dang/ rlung dang/ nam mkha' i khams rnams te/ sra ba dang/ gsher ba dang/ dro ba dang/ g.yo ba dang/ ro'i rdul phra rab kyi rang bzhin rnams so/ /de'i sa bon dang ldan pa de rnams las
 kha ba la sogs pa ro drug tu 'gyur te/ khams rnams ro'i rang bzhin du 'gyur ro/ /zhes pa dgongs pa'o/ /'byung ba las 'gyur ro zhes pa ni sems can gyi bsam pa'i dbang gis gsungs pa ste/ don dam pa rnam par dpyad na khams rnams
 ror 'gyur ro/ /zhes pa bskyed bya skyed byed kyi 'brel pa las ni ma yin no/ 'byung ba'i tshogs kyang nam mkha' i khams las so/ /zhes pa ni nam mkha' i khams stong pa'i chos las 'byung ba'i tshogs su 'gyur te/ sa bon las myu gu bzhin
 no/ /ji ltar sa bon nyams pa las myu gur mi 'gyur zhing/ sa bon nyams pa las mi 'gyur ba de bzhin du rang bzhin yongs su spangs pa las ma yin zhing/ bem po'i khams las ma yin la/ chang ba'i stong pa las ma yin te/
 de ltar stong pa las chos thams cad du 'gyur ro/ /stong pa la ni ye shes rnam par bsres pa zhes pa la/ stong pa la ni chos rnams la skye ba dang 'gag
 pa med pa rang gi sems kyi snang ba'o/ /ye shes ni de rab tu rtogs pa mi 'gyur ba'i bde ba'o/ /skye ba dang 'jig pa med pa'i rang gi sems kyi snang ba de la ye shes rnam par bsres pa'o/ /rang gi sems kyi snang ba la ro mnyam pa ni gcig tu
 gyur pa ste/ shes dang shes bya'i 'brel pas ni ma yin no/ /'di nyid ni 'gyur med rtag pa ste mchog tu mi 'gyur ba'o/ /zhes pa'i don to/ /de ltar 'byung ba la gnas zhi ba zhes pa ni de ltar rim pa 'di yis lus kyi khams la gnas pa ni mi
 'gyur ba'o/ /rnam gsum srid pa la gnas shes pa/ 'dod pa dang gzugs dang gzugs med pa la gnas pa ni rang gi lus la rnal 'byor pas rig par bya ste shes par bya'o/ /de na dud 'gro dang mi rnams kyi khu ba ni sa bon te/ 'khor ba skyed
 pa'i rgyu'o/ /de nyid ro drug po rnams kyi lus la khams nyid du 'gyur ba rnams ni sa dang chu dang me dang rlung dang nam mkha' i rdul phra rab 'dus pa'i bdag nyid can/ dri dang gzugs dang ro dang reg bya dang sgra'i bdag nyid sems can gyi khams te/ sa bon gyi rang
 bzhin 'di las las skyes pa'i lus skye bar 'gyur ro/ /'gag par yang 'gyur te/ 'chi ba'i dus su lnga'i bdag nyid kyi sa bon de nyid nges par 'byung ngo/ /slar yang rmi lam gyi lus bzhin du bag chags kyi lus stong pa rdul phra rab kyi tshogs pa
 spangs pa ma 'gags pa ste/ las kyi bag chags las byung ba'i bag chags kyi lus ma 'gags pa de nyid kyis slar yang rdul phra rab tshogs pa'i bdag nyid kyis lus 'dzin to/ /slar yang rdul phra rab tshogs pa'i bdag nyid kyi
 lus bzung ba'i phyir/ sngar gyi lus kyi bag chags yongs su btang nas/ sems la da ltar gyi lus kyi bag chags skye bar 'gyur ro/ /rgyu des na sems kyi bag chags kyi phung po stong pa rnams las glo bur pa'i phung po'i chos rnams su 'gyur
 zhing/ glo bur ba'i phung po'i chos rnams las sems kyi bag chags kyi phung po stong pa rnams su 'gyur ro/ /'jig rten pha rol tu ni rdul phra rab tsam yang mi 'gro ste/ gang gi phyir phung po yongs su btang ba la yang phung po gzhan 'dzin pa'i
 phyir ro/ /de ltar brjod pa'i rim pas 'byung ba lnga'i bdag nyid ro drug gi kha zas can gyi lus la 'pho ba'i dus su las las skyes pa'i sa bon 'byung ba lnga'i bdag nyid can 'byung ste/ ro drug gi kha zas can rnams kyi sems kyi bag chags kyang
 'byung ba lnga'i bdag nyid can du 'gyur ro/ /lha rnams kyi lus ni ro drug gi kha zas can dang 'byung ba lnga'i bdag nyid can du mi 'gyur te/ ro drug gi kha zas med pa'i phyir ro/ /zla ba dang nyi ma la sogs pa 'dod pa na spyod pa drug po de rnams kyi lus
 ni chu dang me dang rlung dang nam mkha' tshogs pa'i bdag nyid can/ ro drug gzugs dang reg bya dang sgra ste yon tan bzhi'i bdag nyid can no/ /sa dang dri'i yon tan dang bral ba ste yang ba nyid kyi phyir ro/ /'pho ba'i dus su khu ba yang de'i rang bzhin
 gyi bdag nyid de/ sems kyi bag chags kyang de'i bdag nyid can no/ /gzugs kyi ris rnams kyi lus ni me dang rlung dang ro'i rdul phra rab tshogs pa'i bdag nyid can gzugs dang reg bya dang sgra'i yon tan gsum gyi bdag nyid/ sa dang
 chu dang dri dang ro'i yon tan dang bral ba ste/ 'pho ba'i dus su bcu drug po rnams kyi khu ba yang yon tan gsum gyi bdag nyid can dang/ sems kyi bag chags kyang de'i bdag nyid can no/ /gzugs med pa'i rigs rnams kyi lus ni stong pa'i khams
 kyi bdag nyid can sems kyi bag chags tsam ste/ sgra'i yon tan gyi bdag nyid can no/ /khu ba yang sa dang chu dang me dang rlung dang dri dang ro dang gzugs dang reg bya'i yon tan spangs pa'o/ /sa la sogs pa bzhi po 'di rnams kyi gtso bo'i yon tan
 'di la phal pa tsam gyi yon tan yod de/ rnam pa gzhan du na tshogs pa'i yon tan rnams med par yon tan gcig las 'khor ba'i bag chags su mi 'gyur ro/ /srid pa gsum po 'di rnams la/ dmyal ba dang yi dags dang/ dud 'gro dang/
 mi dang/ lha ma yin dang/ rgyal po chen po bzhi'i res dang/ sum cu rtsa gsum dang/ mtshe ma dang/ dga' ldan dang/ 'phrul dga' dang/ gzhan 'phrul dbang byed de/ 'dod pa bcu gcig go /tshangs ris dang/ tshangs pa mdun na 'don dang/
 tshangs chen dang/ 'od chung dang/ tshad med 'od dang/ 'od gsal dang/ dge chung dang/ tshad med dge dang/ dge rgyas dang/ sprin med dang/ bsod nams skyes dang/ 'bras bu che dang/ mi che ba dang/ mi gdung ba dang/ gya nom snang ba dang/ 'og
 min te/ gzugs bcu drug go/ nam mkha' mdza' yas skye mched dang/ rnam shes mdza' yas skye mched dang/ ci yang med pa'i skye mched dang/ 'du shes med 'du shes med min skye mched de/ gzugs
 med pa bzhi'o/ /de ltar 'dod pa dang gzugs dang gzugs med pa bzhi po rnams la 'pho ba'i dus su go rims ji lta bas yon tan lnga dang bzhi dang gsum dang gcig gi bdag nyid can gyi khu ba 'byung ste/ sems kyi bag chags kyi dbang gis
 so/ /rnam pa gzhan du na 'khor bar 'khyams par mi 'gyur ro/ /rgyu 'di'i phyir bcom ldan 'das kyis rgyud kyi rgyal po'i le'u lnga pa las tshigs su bcad pa lnga bcu rtsa brgyad pas gsungs pa 'di lta ste/ sa dang chu dang me dang rlung dang ro dang
 mchog gi ro ste phra rab dag ni rnam pa drug /dri la sogs pa re res dman zhing yul dang rnam par bral ba mdza' ma ye shes blta bya rnams/ /'dod pa gzugs dang gzugs med rnams ni zung dang zung dang ri bong can te mdza' ma chos kyi dbyings/ /rnam
 pa kun ldan de dag kun kyang rtag tu 'pho med bde ba lhan skyes rten du gyur pa'o/ /zhes pa ste/ rgyu des na sems can gyi bsam pa'i dbang gis de bzhin gshegs pas chos bstan pa ni/ bye brag tu smra ba dang/ mdo sde pa dang/ rnal 'byor spyod pa dang/
 dbu ma'o/ /de dag rnams las bye brag du smra ba ni skye ba'i cha shas can gyi sems can rab tu gsal bar byed pa'i bstan bcos so/ /mdo sde pa ni don rab tu gsal bar byed pa'i bstan bcos so/ /rnal 'byor spyod pa ni rnam par shes pa tsam rab tu gsal
 bar byed pa'i bstan bcos so/ /dbu ma pa ni don dam pa'i de kho na nyid gsal bar byed pa'i bstan bcos te/ ring ba'i skal pa dang ldan pa dang nye ba'i skal pa dang ldan pa'i sems can gyi phyir sems can gyi bsam pa'i dbang gis bcom ldan 'das kyis
 gsungs so/ /'dir sems rnams ni thog ma med pa'i dus nas mu stegs pa/ lha dang 'byung po dang lha ma yin gyi chos la dga' ba/ thams cad mkhyen pa'i lam nyams pa rigs bzhi dang rigs gcig la rten pa/ mtho ris kyi 'bras bu'i longs
 spyod mngon par 'dod pa/ byed pa po dang bdag tu smra ba po rnams te/ de rnams las sgra smra ba po rnams ni lha dang yi dags kyi chos la rten pa rnams dang/ dbang phyug smra ba po rnams dang/ bdag smra ba po rnams dang/ rigs smra ba po rnams so/ /kla klo ni lha
 min gyi chos la brten pa rnams dang/ byed pa por smra ba po rnams dang/ srog smra ba po rnams te/ rigs smra ba dang bral ba rnams so/ /kla klo 'di rnams kyi 'dzin pa gnyis ka ste/ rdul phra rab tshogs pa'i 'dzin pa dang/ /skye ba cha shas can gyi gang zag gis
 'dzin pa'o/ /'di rnams kyi bsam pa ni gal te rdul phra rab tshogs pa'i bdag nyid can gyi lus la nang du 'jug pa po skye ba'i cha shas can gyi gang zag med na/ rdul phra rab tshogs pa'i bdag nyid kyi lus rnam par nyams pa'i rjes la lus
 gzhan su yis 'dzin par byed par 'gyur/ de'i phyir rdzus te byung ba'i gang zag yod do/ /de yis bsgrubs pas mtho ris kyi 'bras bu ni mya ngan las 'das pa'i 'bras bur 'gyur te/ mtho ris kyi 'bras bu las gzhan mya ngan las
 'das pa zhes bya ba med do zhes pa ste/ de kho na nyid 'dri ba'i dus de rnams kyi rang gi sems kyi bsam pa mngon par mkhyen nas/ de kho na nyid smra ba po bcom ldan 'das kyi gsungs pa khur khur ba'i gang zag yod de/ rtag pa dang mi rtag par
 bdag mi smra'o/ /zhes pa'o/ /de bzhin nyid bden te/ bcom ldan 'das kyis gsungs pa'i phyir ro/ /rmi lam gyi gnas skabs su sems kyi bag chags kyi gang zag ni rtag pa dang mi rtag par brjod par mi nus so/ /de bzhin gshegs pa'i gsung
 'di yis kla klo'i chos spangs nas sangs rgyas pa'i bye brag tu smra ba rnams byung bar gyur to/ /de nas byang chub sems dpa' rnams la 'jig rten las 'das pa'i chos bstan par thos nas/ 'di gang zag tu 'dzin pa yongs su spangs nas
 'ga' zhig yang dag par rdzogs pa'i sangs rgyas kyi lam la brten to/ /mdo sde pa rnams la yang rdul phra rab tshogs pa'i bdag nyid kyi 'dzin pa yod de/ don du smra ba po 'di rnams kyi bsam pa ni/ gal te nam mkha' i bu ga'i nang du 'jug pa
 rgyu ba dang bcas pa dang/ rgyu ba med pa'i dngos po med na/ de'i tshe 'jig rten gsum zhes bya ba med par 'gyur te/ 'khor ba med na bde 'gro dang ngan 'gro med par 'gyur ro/ /de bzhin du sangs rgyas dang byang chub sems dpa' 
 rnams kyang med par 'gyur zhing/ mchog gi mya ngan las 'das pa yang med par 'gyur la/ bcom ldan 'das kyis kyang sku gdung yang dag par ston pa med par 'gyur te/ rdzas kyi nang du 'jug pa'i don med pa'i phyir ro/ /zhes pa ste/ de ltar de
 nyid 'dri ba'i dus su de rnams kyi sems kyi bsam pa mkhyen nas bcom ldan 'das kyis gsungs pa/ rdul phra rab tshogs pa'i bdag nyid skyes bu chen po'i mtshan sum cu rtsa gnyis dang ldan pa tha ma'i lus yod de/ gang gi drin gyis yang dag par rdzogs
 pa'i sangs rgyas nyid dang/ mchog gi mya ngan las 'das pa chen por 'gyur ba'o/ /de nyid bden te/ bcom ldan 'das kyis sku gdung yang dag par bstan pa'i phyir ro/ /de ltar rdul phra rab tshogs pa'i bdag nyid kyi lus kyi mthu thos nas/ rigs su smra
 ba dang/ srung smra ba dang/ dbang phyug tu smra ba dang/ byed pa por smra ba spangs nas/ sangs rgyas pa'i mdo sde pa rnams byung bar gyur to/ /slar yang byang chub sems dpa' rnams la 'jig rten las 'das pa'i chos bstan pa thos nas don gyi 'dzin pa de spangs te/
 'ga' zhig yang dag par rdzogs pa'i sangs rgyas kyi lam la brten pa byung bar gyur to/ /rnal 'byor spyod pa pa rnams la yang rnam par shes pa'i 'dzin pa yod de/ rnam par shes par smra ba po de rnams kyi bsam pa ni khams gsum mdza' 
 dag ni sems tsam mo/ /cha drug gi cha shas can gyi cha yin pa'i phyir rdul phra rab ces pa ni med do/ /ji ltar rmi lam gyi gnas skabs na rdul phra rab kyi rdzas med kyang sems kyi snang ba tsam gyi don gyi don bya ba la rab tu 'jug pa de bzhin du sad
 pa'i gnas su yod pa ma yin pa'i don rab tu snang bar 'gyur te/ rab rib kyi dri mas nye bar bcom pa'i mig gis skra shad 'dzag pa dang gser gyi dung bzhin no/ /de ltar de kho na nyid 'dri ba'i dus su de rnams kyi sems kyi bsam pa mkhyen nas
 bcom ldan 'das kyis gsungs pa/ khams gsum po ni rnam par shes pa tsam ste/ rnam par shes pa las gzhan 'khor ba med do/ /'jig rten pa'i rnam par shes pa 'gags pa las srid pa'i sa bon 'gag pa nyid/ de'i phyir mya ngan las
 'das pa'o/ /'di nyid bden te/ bems po ma yin pa las bde ba dang sdug bsngal 'byung bar 'gyur gyi bems po las ni ma yin no/ /bde ba dang sdug bsngal zhes bya ba ni 'khor bas te/ de med pa zhes bya ba ni mya ngan las 'das pa'o/ /
 zhes pa ste/ de ltar bcom ldan 'das kyi gsung thos nas byed pa po dang bdag tu smra ba yongs su spangs te/ sangs rgyas pa'i rnal 'byor spyod pa pa rnams byung bar gyur te/ /slar yang byang chub sems dpa' rnams la 'jig rten las 'das pa'i
 chos bstan pa thos nas rnam par shes pa smra ba yongs su spangs te/ 'ga' zhig yang dag par rdzogs pa'i sangs rgyas kyi lam la rten pa 'byung bar gyur to/ /de bzhin du rnal 'byor ma'i rgyud rnams las/ sgyu 'phrul chen mo drag chen mo/ /
 'byung dang sdud par byed pa mo zhes pa ste/ de ltar sems can gyi bsam pa'i dbang gis bcom ldan 'das kyis chos bstan pa de ni bcom ldan 'das kyi mgrin pa dang/ rkan dang spyi bo dang po dang mchu las skyes pa nyi tshe ba'i sgra yis ma yin te/
 gang gi phyir mdza' yas pa mdza' yas pa'i sems can gyi skad nyid kyi phyir ro/ /'dir nyi tshe ba'i dag gis cig car mdza' yas pa mdza' yas pa'i sems can rnams la rang rang gi skad gzhan gyis chos bstan par bya bar bskal pa mdza' 
 yas pa yis kyang mi nus te/ de'i phyir sems can gyi bsam pa'i dbang gis bcom ldan 'das kyi gsung du mi 'gyur zhing/ sems can gyi bsam pa'i dbang gis bcom ldan 'das kyang 'dzin pa dang bcas par 'gyur te/ 'dzin
 pa 'dzin pa'i phyir 'khor ba par 'gyur ro/ /de'i phyir sems can rnams kyi skye ba gzhan gyi bag chags kyis stobs kyis rmi lam du ma skyes pa'i lus bzhin du/ bcom ldan 'das kyi sku'i snang ba dang gsung gi snang bar 'gyur ro/ /ji ltar rmi lam du
 slob ma rnams kyis mkhan po mthong nas the tshom gyi don 'dri bar byed cing/ mkhan pos kyang slob ma rnams kyi the tshom gyi don the tshom med par byed kyang de na mkhan po med de/ slob ma rnams kyis sems kyi bag chags kyi snang pa'o/ /de bzhin du
 sems can bsod nams dang ldan pa rnams kyi rang gi sems kyi snang ba ste/ bcom ldan 'das ni ma skyes pa ma yin zhing 'gags pa ma yin no/ /rgyu 'di yis sangs rgyas pa bzhi po rnams kyi sems kyi bag chags kyi stobs kyis bcom ldan
 'das kyis gang zag tu smra ba rnams la gang zag mi rtag par bsgom pa gsungs so/ /don du smra ba rnams las la sogs pa'i zad par bsgom pa'o/ /rnam par shes par smra ba rnams la btags pa tsam gyi ting nge 'dzin to/ /dbu ma pa rnams la
 rmi lam lta bu 'gyur ba med cing gnyis su med pa'i ye shes bsgom pa ste/ de ltar gang zag la bdag med par dang chos la bdag med pa'o/ /bye brag tu smra ba dang/ mdo sde pa dang/ rnal 'byor spyod ba pa rnams la btags pa'i lhag ma
 /dang bcas pa'i mya ngan las 'das pa'o/ /dbu ma pa rnams kyi lhag ma dang bral ba rab tu mi gnas pa'i mya ngan las 'das pa ste/ rgyu dang 'bras bu 'gags pa'i phyir shin tu gnyid log pa dang sad pa'i gnas skabs dang bral ba rmi lam dang
 bzhi pa lta bu'o/ /bcom ldan 'das kyi bya ba nan tan gyi ye shes kyi bstod pa las tshigs su bcad pa bcu pas gsungs pa 'di lta ste/ lhag ma kun las rnam grol zhi/ /nam mkha' i lam la rab gnas pa/ /yid bzhin nor bu chen po 'chang/ /
 khyab bdag rin chen kun gyi mchog ces pa ste/ de'i phyir phyogs su 'dzin pa dang bral zhing lhag ma lus pa'i mya ngan las 'das pa ni yang dag par rdzogs pa'i sangs rgyas kyi'o/ /ci ste rmi lam gyi gnas skabs su bems po'i chos med par
 bems po ma yin pa'i snang ba mthong bar 'gyur te/ sems kyi bag chags kyi dbang gis so/ /sad pa'i gnas skabs su ni bems po'i chos med par bems po ma yin pa'i snang ba mthong bar 'gyur te/ me long la gzugs brnyan bzhin
 no/ /gnas skabs 'di la rnal 'byor pa'i bsgom pa'i snang ba yang rnam pa gnyis su snang bar 'gyur te/ chu'i zla ba bzhin du chos can yod na chos rnams so/ /gnas skabs de la rnal 'byor pas bems po'i chos med par rmi lam dang mtshungs
 par bems po'i chos ma yin pa/ brtags pa ma yin pa/ ma skyes pa ma yin pa/ stong pa ma yin pa/ sems ma yin pa/ nam mkha' la mthong bar 'gyur ba 'di nyid ni rab tu ma grags te/ gang gi phyir chos can yod na chos rnam par dpyod pa'i phyir
 ro/ /sgyu ma lta bur de bzhin gshegs pas gsungs pa rnams bems po'i chos med par bems po ma yin pa'i ting nge 'dzin gyis mthong bar mi 'gyur ro zhes pa 'dir 'ga' zhig dag gi bsam pa 'byung bar 'gyur te/ de'i phyir brjod par bya'o/
 'dir bems po'i sems kyi bag chags la mngon par dga' ba rnams kyis brjod par bya ba gang yin pa sad pa'i gnas skabs su bems po'i chos med par bems po ma yin pa'i snang ba mthong bar mi 'gyur ba de ni ma yin te/ gang gi phyir pra phab
 pa'i me long la bems po'i chos med par bems po ma yin pa'i snang ba yang dag par mthong ba'i phyir ro/ /ji ltar gzhon nu mas pra phab pa'i me long la sngags dang lha'i byin brlabs kyi stobs kyi 'das pa dang ma 'ongs pa dang da
 ltar byung ba'i chos rnams kyi bems po ma yin pa snang bar 'gyur te/ 'das pa dang ma 'ongs pa dang da ltar byung ba'i bems po'i chos de rnams me long la mngon par phyogs par gyur par gang ma yin la/ bems po'i chos de rnams med par me long
 la bems po ma yin pa'i snang ba med pa yang ma yin zhing/ chos de rnams gzhon nu mas bsams pa yang ma yin no/ /de bzhin du rnal 'byor pas rang gi sems kyi byin brlabs kyi stobs kyis nam mkha' i khams la bems po khams gsum pa
 med par bems po ma yin pa'i snang ba mthong bar 'gyur ro/ /bcom ldan 'das kyis sgrub thabs kyi le'u las tshigs su bcad pa brgya dgu bcu rtsa brgyad pas gsungs pa/ phyag rgya sgyu ma'i rjes su mthun pa yid dang nam mkha' la ni me long dag la
 gzugs bzhin te/ 'jig rten gsum po snang bar byed cing dri med glog dang mtshungs pa'i 'od zer du ma 'phro bar byed/ /phyi dang lus la dbyer med yul dang rnam par bral ba snang ba tsam nam mkha' la gnas pa yi/ /sems dang sems byung la
 ni bdag gis 'khyud de 'gro du ma'i gzugs kyi de ni gcig pu'o/ /zhes pa ste/ bcom ldan 'das kyi gsung 'di'i phyir bems po'i chos med par bems po ma yin pa'i chos snang ba rnal 'byor pas mthong bar 'gyur ro/ /ces ste gzhon nu
 mas pra phab pa'i me long la snang ba mthong ba gang yin pa da ni slob dpon gyi drin yin te/ gang gi phyir gzhon nu ma la slob dpon gyi sngags dang lha'i byin gyis brlabs pa byas pa'i phyir ro/ /'dir gzhon nu ma la slob dpon gyis sngags dang lho'i
 byin gyis brlabs pa byas so/ /des na byin gyis brlabs pa'i dbang gis gzhon nu mas pra phab pa'i me long la snang ba mthon bar 'gyur gyi/ sngags dang lha'i byin brlabs dang bral bas ni ma yin no/ /de'i phyir bla ma'i bka' yi drin gyis rnal
 'byor pas khams gsum par snang ba tsam/ nam mkha' i khams la mthong bar 'gyur ro zhes pa 'dir/ bka' la chags pa 'ga' zhig gi bsam pa 'byung bar 'gyur te/ de'i phyir brjod par bya'o/ /'dir rmongs pa rnams kyis brjod
 par bya ba gang yin pa bla ma'i bka' drin gyis gzhon nu ma la sngags dang lha'i byin brlabs su 'gyur ba de ni ma yin te/ gang gi phyir slob dpon la pra phab pa'i me long la snang ba med pa'i phyir ro/ /'dir gal te slob dpon gyi bka' drin gyis
 gzhon nu ma la sngags dang lha'i byin gyis brlabs par gyur na/ de'i tshe slob dpon la yang byin gyis brlabs pa de nyid ci ste mi 'gyur/ gang gis na gzhon nu ma la byin gyis brlab pa byas nas 'das pa dang ma 'ongs pa dang da ltar byung ba'i
 lkog tu gyur pa'i shes pa 'dri bar byed gal te de nyid la byin gyis brlabs pa yod na/ de nyid kyis pra phab pa'i me long la de'i snang ba thong nas rang nyid kho nas brjod par byed de/ de ltar yang ma yin no/ /de'i phyir slob dpon gyi drin gyis gzhon
 nu ma la brjod par mi nus te/ de bzhin du rnal 'byor pa la yang ngo/ /'on kyang gzhon nu ma la sngags dang lha'i byin gyis brlabs par gyur ba de la rgyu yod de/ rgyu gang gis gzhon nu ma la dbang po gnyis yang dag par phrad pa las
 'pho ba'i bde ba nye bar thob pa med pa'i rgyu des byin gyi brlabs par 'gyur ro/ /'jig rten du yang rab tu grags te/ gzhon nu ma'i bde ba bzhin zhes so/ /rgyu des na gzhon nu mas sngags dang lha'i byin gyis brlabs pa'i stobs kyis pra phab
 pa'i me long la snang ba mthong bar 'gyur gyi/ dbang po gnyis kyi bde ba nye bar thob pa'i chung bzhin gyis ni ma yin te/ gzhon nu lha'i byin gyis brlabs pa la'o/ /ngar ma lha'i byin gyis brlab pa la na chung dang dar la bab pa yis
 kyang mthong bar 'gyur ro/ /de bzhin du rnal 'byor pa yang mchog tu mi 'gyur ba'i bde ba gom pa'i dbang gis phyi rol gyi 'pho ba'i bde ba spangs pa'i phyir gzhon nu ma'i gnas skabs gzhan du gyur pas/ rang gi sems kyi byin gyis rlabs
 pa'i stobs kyis 'das pa dang ma 'ongs pa dang da ltar byung ba mthong bar 'gyur gyi/ bla ma'i bka' drin gyis ni ma yin no/ /ci ste mchog tu mi 'gyur ba'i bde ba goms pa med par tshangs par spyod pa ma yin pa du ma rnams kyang mo btab brjod par
 byed pa ma yin nam/ de'i phyir tshangs par spyod pa med pa sngags dang lha'i byin gyis brlabs par 'gyur te/ rnam pa gzhan du na de dag ji ltar mo btab pa rjod par byed ces pa 'ga' zhig gi bsam pa 'byung bar 'gyur te/ de'i phyir brjod par
 bya'o/ /'dir byis pa rnams kyis gang brjod pa tshangs par spyod pa ma yin pa rnams la sngags dang lha'i byin gyis brlabs par 'gyur ba de ni ma yin te/ gang gi phyir skar rtsis goms pa'i dbang gis don yang dag par mthong ba'i phyir
 ro/ /'dir btab pa'i shes pa gang yin pa de nyid ni skar rtsis kyi yan lag sems can thams cad kyi thun mong ba ste/ man ngag gi dbang dang rtsis kyi dbang gis skye ba dang nyams pa la sogs pa ji lta ba bzhin du shes so/ /gzhan dag
 gis rna ba'i sha za mo bsgrubs te de yis rjod par byed do/ /gzhan dag gis zhing skyong rnams bsgrubs te/ de dag gi de rnams kyi sems la gang cung zad 'phro ba brjod par byed do/ /gzhan dag gis ma mo rnams bsgrubs shing phab ste/
 gzhan gyis lus la rab tu zhugs nas rjod par byed do/ /gzhan dag gis klu'i rgyal po rnams bsgrubs te de rnams kyis dus kyis zin pa'i lus la rab tu zhugs nas rjod par byed do/ /gzhan dag gis bran po sgrubs te de ni sgrubs pa
 po rnams kyi tshig gis sems can gyi lus la zhugs nas sems can gyi lus la tse 'dri bar byed do/ /gzhan dag gis mkha' 'gro ma dang srin po la sogs pa rnams bsgrubs te/ de dag gis sems can rnams kyi khrag 'thung bar
 byed do/ /gzhan dag gi 'byung po rnams bsgrubs te/ de dag sems can rnams kyi lus la zhugs nas 'dar ba dang g.yo ba la sogs pa byas te 'gro'o/ /gzhan dag gis bgegs dang log 'dren rnams bsgrubs te/ de dag gis sems
 can rnams la bgegs byed do/ /gzhan dag gis zhi ba'i lha rnams bsgrubs te/ de dag gis sems can rnams bsrung ba byed de/ /gzhan dag gis 'dod pa'i lha rnams bsgrubs te/ de dag gis sems can rnams 'dod pas myos
 pa dang khu ba 'pho bar byed do/ /gzhan dag gis gdug pa'i lha gzhan rnams bsgrubs te/ 'ga' zhig gis rengs par byed do/ /'ga' zhig gis rmongs pa'o/ 'ga' zhig gis bskrad pa'o/ /'ga' zhig gis dbye ba'o/ 'ga' zhig gis dbang pa ba'o/ /'ga' zhig
 gis shing dang mtshan ma rtsad na 'byin par byed de/ de lta bu la sogs pa nye bar 'tshe ba'i las phra mo du ma rnams mi snang ba'i gzugs kyis byed de/ gang dag gis gdug pa'i lha bdud kyi rigs 'di rnams bsgrubs pa de dag 'phral du
 yid ches par byed pa'i yongs su shes pa phra mo 'di rnams kyis rmongs pa rnams kyis bla mar 'gyur zhing chos ston par byed de/ 'dod pa dang dug dang mig sman med pa rnams kyi ye shes yid ches pa ni snying po'o/ /gang la 'dod pa'i bka' 
 med pa dang/ mig sman med pa'i dug gis bka' med pa dang/ mig sman med pa'i phra mo dang/ bde 'byung dang/ nus pa can dang/ mngon sum dang/ lkog tu gyur pa dang/ byed pa po'i bka' med pa de ni mkhas pa yin yang phyugs so/ /sems
 can thams cad la phan pa byed pa la dga' ba bsod snyoms la rgyu zhing/ gcig pu grogs med par gnas pa ni rang gi don nyams pa ste/ rang don nyams pa ni rmongs pa nyid ces 'jig rten du yang rab tu grags so/ /de'i phyir mchog gi dbang
 phyug gi bka' longs spyod dang grol ba'i 'bras bu rab tu ster ba 'di ni/ brgyud pa'i rim pas 'ongs pa ste/ bla ma'i drin gyis thob po/ /mchog gi dbang phyug gam thams cad mkhyen pas gsungs pa bla ma lta bu'i ma med cing/ /bla ma lta bu'i pha
 med de/ /'khor ba'i rgya mtsho rgal dka' ba/ /'jigs pa che la gang gis bsgral/ /zhes pa dang/ bla ma gang gis/ slob ma la/ /dpag tshad brgya nas bslab pa byin/ /longs spyod grol ster bslab pa gang/ /de ni thar pa ster byed do/ zhes pa
 ste/ de ltar rnam pa du ma rnams kyis chags pa chen pos zil gyis mnan pa'i rmongs pa de dag rnams yongs su shes pa phran tshegs kyis sad par byas nas de rnams kyi rjes su 'dzin par byed de/ bka' de yang ster bar byed do/ /de rnams kyang
 mgu ba chen por 'gyur te/ bdag cag rnams bla ma'i drin gyis grol lo/ /da ni bdag gis thams cad bya ste/ mi gtsang ba bza' bar bya'o/ /rigs ma yin pa la mngon par bgrod par bya'o/ /srog gcod pa dang/ rdzun du smra ba dang/ ma byin par
 len pa dang/ chang btung ba la sogs pa bya'o/ /de ltar bdud kyi las rnam pa du ma rnams 'dir dngos grub kyi don byed de/ mchog gi dbang phyug gi bka' i drin gyis de rnams kyi lus grub par 'gyur ba yang ma yin zhing/ 'das pa dang
 ma 'ongs pa dang da ltar byung ba'i rig par 'gyur ba yang ma yin no/ /mthar 'chi bar 'gyur te/ lus me yis sreg par 'gyur ba 'am/ khyi dang bya la sogs pa rnams kyis za bar 'gyur ro/ /srog ni zhi ba can nam/ rnam par shes pa ni rdo rje can du 'gyur ro//
 de ltar bdud rnams kyi sngags dang lha'i byin gyis brlab pa'i rim pa phra mo thams cad/ mchog tu mi 'gyur ba'i ye shes la mngon par dga' ba'i rnal 'byor pa rnams kyis rnam par dpyad par bya ste/ sngags kyi byin gyis brlab pa phra mo 'di rnams kyis
 rdo rje 'bebs par mi 'gyur ro/ /bcom ldan 'das kyis mtshan yang dag par brjod pa'i me long lta bu'i ye shes kyi bstod pa las tshigs su bcad pa bdun pas gsungs pa/ 'di lta ste/ rdo rje 'bar ba mig mi bzang/ /skra yang rdo rje 'bar ba ste/ /rdo rje 'bebs
 pa 'bebs pa che/ /mig brgya pa ste rdo rje'i mig /ces pa dang/ de bzhin du rgyud kyi rgyal po'i dbang gi le'u las tshigs su bcad pa brgyad cu rtsa dgu pas sku 'bebs pa la sogs gsungs pa 'di lta ste/ sku phebs pas rnal 'byor ldan pa rang bzhin yon
 tan dbang gi sku yi bya ba byed pa ste/ /gsung phebs pas ni lha dang 'byung po lha min rnams la rnam par rgyal ba'i smra ba po ru 'gyur/ /thugs phebs pas ni gzhan gyi snying la gnas pa dag dang byung dang 'byung ba thams cad shes 'gyur te/ /ye shes phebs
 pas sangs rgyas lha dang mi yi bla ma rdzu 'phrul ldan pa'i ston pa gcig pur 'gyur zhes pa ste/ /rdo rje 'bebs pa med pa de'i phyir lha phra mo'i 'bebs pa rnams ni sangs rgyas nyid kyi 'bras bu ster bar byed pa por mi 'gyur ro/ /re zhig sangs rgyas nyid dang
 'jig rten gsum gyi bdag po nyid ces bya ba lta zhog gi/ nyi tshe ba'i 'bebs pa 'di rnams kyis ni ral gri dang bcud dang bcud len la sogs pa rnams kyang 'grub par mi 'gyur te/ gang gi phyir mchog gi dbang phyug gi bka' ster bar byed pa po'i bla ma pha rol
 gyis rdzas 'phrog par byed pa nyid kyi phyir ro/ /'dir gal te bla ma'i bka' i drin gyis rmongs pa chen po rnams kyi skye ba 'di la 'jig rten gsum gyi rgyal srid dang thams cad mkhyen pa'i go 'phang du 'gyur na/ de'i tshe ci'i don du bla ma la
 dbul ba'i sdug bsngal yod cing/ bcud grub pa'i go 'phang yod pa ma yin/ /de ltar rnam pa du ma rnams kyis rnam par dpyad na skye ba gzhan gyi bsod nams dang ye shes kyi tshogs gnyis dang bral ba la ni thams cad mkhyen pa'i go 'phang yod pa ma
 yin no/ /de'i phyir bsod nams dang ye shes kyi tshogs kyi don du sems can la phan pa bya'o/ /bcom ldan 'das kyis le'u lnga pa las tshigs su bcad pa dgu bcu rtsa drug pas gsungs pa/ sems can rnams ni sangs rgyas yin te/ sangs rgyas chen po
 gzhan 'dir 'jig rten khams na yod ma yin/ /de rnams mnyes par byas pas dpag med srid pa gcod par byed de rnam par ma rtog pa las so/ /rnal 'byor pa ni 'khu bar byed na dmyal ba ngu 'bod la sogs chen po'i mdza' ru 'gro bar 'gyur/ /de phyir
 sems ni dag pa na yang mkhas dang mi mkhas skye bo rnams la 'gal ba mi bya'o/ /zhes pa ste/ de'i phyir bsod nams kyi tshogs kyi don du sems can la phan par bya'o/ /ye shes kyi tshogs kyi don du mchog tu mi 'gyur ba'i ye shes bsgom par bya'o//
 sems can gyi don ma gtogs par bsod nams kyi tshogs dang/ mchog du mi 'gyur ba'i ye shes bsgom pa ma gtogs par ye shes kyi tshogs su 'gyur ba ma yin no/ /zhes pa ni de bzhin gshegs pa'i thugs so/ /bcom ldan 'das kyis
 rgyud kyis rgyal po'i le'u lnga pa las tshigs su bcad pa bdun cu rtsa gnyis pas gsungs pa 'di lta ste/ sems can rnams kyi sdig pa'i sems ni mi yi bdag po bdud kyi tshogs kyis byin gyis brlab par 'gyur/ /bsod nams ye shes rjes chags
 bde ster dag kyang rtag tu byang chub sems dpa' rnams kyi byin brlab pa'o/ /gang phyir bde ba'i dam tshig dbang gis bdud dang nyon mongs bcom nas mya ngan las 'das par 'gro byed pa/ /de phyir bdud rnams nyi ma so so'i dus su de dag rnams la du ma yi ni
 bgegs rnams byed/ /ces pa ste/ bcom ldan 'das kyi gsung 'di'i phyir/ rnal 'byor pa'i thar pa'i don du mchog tu mi 'gyur ba'i phyag rgya chen po'i rnal 'byor gyis rang gis sems bsgrub par bya'o/ /rnam pa gzhan du na bla ma'i bka' yis thar par mi
 'gyur te/ /gang gi phyir bcom ldan 'das la ma nye bar ston par byed pa nyid kyi phyir ro/ /bka' yis kun spyod chos rnams ni/ /'ga' yang srog chags thar ster min/ /lam nyer ston byed gang gis na/ /rgyal ba'i bka' yis thar ster min/ /gal te
 bla ma'i bka' drin gyis/ /lus can rnams ni grol 'gyur na/ /de tshe thar pa snying rje can/ /ting nge 'dzin gyis ston mi 'gyur/ /de'i phyir thar pa'i don dang 'jig rten pa'i dngos grub bsgrub pa'i don du rnal 'byor pas phyi rol pa'i lha'i sngags bsgrub par mi bya'o//
 'dir phyi rol tu lha nye bar 'tshe ba phra mo byed pa rnams ni bsgrub pa po la glags tshol bar byed do/ /de rnams kyi stobs kyis sgrub pa pos rab tu gtum pa'i lha gzhan rnams la/ nye bar 'tshe ba phra mo byed de/ de rnams kyis bzung ba'i sgrub pa po la
 gdug pa'i lha bsgrubs pa de rnams dgra bor 'gyur zhing/ 'chi ba'i dus su cung zad kyang brjod par mi byed do/ /ting nge 'dzin med pas shi ba'i sgrub pa po yang dmyal bar 'gro'o/ /gzhan yang de rnams bsgrubs pas ci zhig ster bar 'gyur te/ mi
 dbul po bzhin no/ /bsgrubs pa rnams kyis smras pa kyi sgrub pa po khyod kyi bsgo ba thams cad bdag cag gis bya'o/ /gal te sgrub pa pos khyed rnams kyis rgyal po chings la 'dir khyer la shog cig ces brjod na de'i tshe yongs su zlog par byed de/
 yul 'di la bdag cag rnams nus pa med do/ /zhes so/ /de ltar lha phra mo bsgrubs par gyur pa rnams ni thams cad mkhyen pa'i yul la yongs su zlog par byed de/ de'i phyir thams cad mkhyen pa'i go 'phangs mngon par 'dod pa rnams
 la gdug pa'i lha bsgrub pa dang/ bla ma'i bka' 'khor ba'i chos kyi rang bzhin can rnams kyis dgos pa ci zhig yod/ bcom ldan 'das kyis rtsa ba'i rgyud las gsungs pa/ zhi ba'i de nyid 'dod de nyid/ /dug gi de nyid de bzhin dka' / /kun spyod
 'gyur te skyes bu ni/ /sangs rgyas nyid du de bzhin min/ /chags sogs dri ma ldan pa'i sems/ /'gyur ba 'khor ba'i rgyu yin te/ /de dang bral ba'i rnam par dag /rang bzhin dri med dag pa'o/ /de phyir bka' yis gsal bya ni/ /ci yang gzhag bya
 ci yang med do/ /dag pa'i de nyid 'gyur med che/ /sbyin bya ma yin dbrog bya min/ /kun nas dag pa'i de nyid la/ /sbyin byed 'phrog byed bla ma med/ /bsod nams tshogs ni dman rnams la/ /kun mkhyen gtso bo rang nyid kyang/ /skyes bu rnams kyis gzhan
 phan las/ /bsod nams tshogs ni mchog yin zhing/ /ye shes tshogs mchog de dag gis/ /sangs rgyas nyid ni mchog yin no/ /mi la byed po bla ma'i bkas/ /zhi ba'i de nyid 'dod de nyid/ /dug gi de nyid rnam gsum 'gyur/ /mchog tu mi
 'gyur bde ba min/ /sems dag lus kyi dbye ba yis/ /gnyid dang rmi lam sad pa la/ /phra mo bde ba de 'byung byed po dang/ /nus pa can yang bka' yis 'gyur/ /rmongs pa rnams la bla ma'i bkas/ /zhi ba'i de nyid ces
 par brjod/ /bla ma'i bka' yis drin gyis ni/ /sems dang dag lus kun skyod cing/ /lus can rnams kyi khu ba 'pho/ /'dod pa'i de nyid ces par bshad/ /bla ma'i bka' yi drin gyis ni/ /brtan pa g.yo ba byas pa
 yi/ /dug ni dug med ces brjod cing/ /dug med pa ni dug nyid kyang/ /dug gi de nyid ces par brjod/ /'phral du yid ches byed pa ni/ /de nyid gsum ste 'gyur med bde/ /bla ma'i bka' yis drin gyis ni/ /lus can kun la 'byung mi 'gyur/ /de phyir sgom bya
 brtul zhugs can/ /zhes pa ste/ bcom ldan 'das kyi gsung 'di'i phyir/ thar pa don du gnyer ba rnams kyis mchog tu mi 'gyur ba'i ye shes phyag rgya chen po bsgom par bya'o/ /gal te mi 'pho ba'i tshul khrims med par mngon par shes pa lngar
 mi 'gyur ba yin nam/ /de'i tshe chos 'phags la sogs pa'i byang chub sems dpa' rnams dang/ ba shiSh+Tha la sogs pa'i drang srong chen po rnams la ji ltar mngon par shes pa lngar 'gyur zhes pa 'ga' zhig dag gi bsam pa 'byung bar 'gyur
 te/ de'i phyir brjod par bya'o/ /'dir byis pa'i skye bo rnams kyis brjod par bya ba gang yin pa byang chub sems dpa' sems dpa' chen po rnams la tshangs par spyod pa med pa de ni ma yin te/ gang gi phyir byang chub kyi sems 'pho ba rnam pa gnyis
 kyi phyir ro/ /'dir sems can rnams kyi byang chub kyi sems 'pho ba rnam pa gnyis te/ gcig ni dge ba dang mi dge ba'i las kyi dbang gis so/ /gnyis pa ni sems la dbang ba'i dbang gis so/ /de la las kyi dbang gis 'pho ba gang yin pa
 de ni 'khor bar 'khyam pa'i don du'o/ /sems la dbang ba las 'pho ba gang yin pa de ni 'khor ba'i 'khor lor las kyis 'khyam pa rnams la lam bstan pa'i don du'o/ /ji ltar 'bigs byed kyi nags thibs por rab tu lhung ba la ma nyams pa
 rnams la lam ston pa po med par lam mthong bar mi 'gyur te/ de bzhin du 'khor bar rab tu lhung ba rnams la lam ston pa po med par lam mthong bar mi 'gyur ro/ /gal te lam ston pa po dang lhan cig tu yang dag par mthong pa med pa de
 lta na yang lam med do/ /ci ste lam ston pa po sngar rnam par dag pa'i lam nas ma 'ongs pa de lta na yang lam med do/ /ci ste lam nyams pa rnams kyis skad mi shes pa de lta na yang lam med do/ /lam nyams pa 'di rnams skrag
 par gyur pa mthong nas lam nyams pa ma yin pa de ni bskrag par 'gyur ba ma yin no/ /de ltar byang chub sems dpa' rnams sems can la phan gdags pa'i don du 'khor ba rab tu 'jug ste/ las kyi rnam par smin pa las ni ma yin no/ /gal
 te byang chub sems dpa' sa bcu'i dbang phyug pha rol tu phyin pa bcu yis nges par 'byung ba dbang bcu thob pa rnams las kyi rnam par smin pas 'khor bar 'khyam na/ de'i tshe sems can rnams la thar pa med do/ /lam mi shes pa'i lam
 mi shes pa rnams la lam gyi nye bar bstan pa brjod par bya ba ma yin te long bas long ba la bzhin no/ /de'i phyir byang chub sems dpa' rnams skye ba 'dzin pa ni sems can gyi don du'o/ /'jig rten mgon po bdag la sems can gyi don gyi
 slad du dmyal bar rab tu zhugs pa'i dus su bdud kyi rigs rnams kyis brjod pa/ gang zhig srid pa'i 'ching ba rnams las grol yang sems can don du srid pa 'dzin/ /de ni stong pa'i don dag ston mdzad dus las las kyi 'bras bu
 gtong ma yin/ /sems kyi dri ma yang dag ye shes mes bsregs rtag tu yang dag rtse bas brlan/ /mdzad spyod brtag min sems can don la dgyes pa'i sangs rgyas de la bdud bdag cag bdud ces pa ste/ de ltar yon tan du ma dang ldan zhing
 nyon mongs pa'i sgrib pa bsres pa rnams kyi sems can gyi don bya ba'i bdag nyid nyon mongs pa'i sgrib pa cha shas tsam ni skye ba 'dzin pa'i don du'o/ /rnam pa gzhan du na sems can rnams lam ston pa med par 'gyur ro/ /lam med par thog ma
 med pa'i 'khor ba las sems can rnams nges par 'byung bar mi 'gyur te/ byang chub sems dpa' dang phrad pa med pa'i phyir ro/ /'dir byang chub sems dpa' rnams kyis sngon du byang chub kyi sems shin tu brtan par byas so/ /byang chub kyi sems
 'di la bcing ba rnams te/ shes rab kyi chags pa dang bral ba dang shes rab kyi chags pas so/ /ji ltar dngul chu bcing ba bzhin te/ gcig ni bdug pa dang dgod pa'i sbyor bas so/ /gnyis pa ni lcags la sogs pa bskol ba dang mes bsro ba'i
 sbyor bas so/ /de dag bdug pa dang dgod pa'i sbyor bas bcings pa'i dngul chu gang yin pa de ni me drag pos bzhu bar gyur na cung zad gnas te 'bros par byed do/ /lcags thams cad bskol ba las me drag pos bcings pa gang yin pa de ni me drag
 pos bzhu bar gyur pa na nam yang mi 'bros so/ /de nyid ni zas dang bskol ba gzhan gyi dbang gis gnas skabs gzhan du 'gyur ba 'di lta ste/ du ba dang ni tseg tseg nyid/ /sbal pa mchong ba nyid dang ni/ /'dar dang mi 'dar ba nyid de/ /dngul chu yis
 ni gnas skabs lnga/ /de bzhin du bsgo ba goms pa'i dbang gis byang chub kyi gnas skabs gzhan du 'gyur te/ dman pa dang 'bring dang mchog dang mchog gi rab tu dbye ba las so/ /bdug pa dang dgod pa'i sbyor bas bcing pa gang yin pa de ni byang
 chub sems kyi bcings pa ste/ de ni gang zag mi rtag par bsgom pa'i stobs dang/ sa la sogs pa'i zad par mngon sum du byed pa dang shes rab kyi chags pa dang bral ba yis so/ /ji ltar dngul chu'i bdug pa dang dgod pa'i sbyor ba la yang dus
 gzhan gyi dbang gis lcags kyi zas za ba yod de/ zas zos pa des gnas skabs gzhan du 'gyur ro/ /de bzhin du gang zag mi rtag pa bsgom pa dang sa la sogs pa'i zad par bsgom pa yis bems po'i phung po dang khams dang skye mched zad pa las
 gnas skabs gzhan du 'gyur te/ gnas skabs gzhan zhes bya ba ni sa thob pa'o/ /'dir sa ni rnam pa gnyis te/ 'dod chags dang bral ba'i sa dang/ yang dag par rdzogs pa'i sangs rgyas kyi sa'o/ /sa'i dbang gis rdzu 'phrul te/ rnam
 ba gcig pa'i rdzu 'phrul dang rnam pa thams cad ba'i rdzu 'phrul lo/ /de bzhin du mngon par shes pa lnga dang mngon par shes pa drug go /de bzhin du don gyi grangs mthong ba dang/ don thams cad kyi grangs mthong ba'o/ /de bzhin du skad ni sems can gyi
 grangs kyi bdag nyid can dang/ sems can thams cad kyi grangs kyi bdag nyid can no/ /de bzhin du chos ston pa ni sems can gyi grangs kyi mtshan nyid dang/ sems can thams cad kyi grangs kyi skad kyi mtshan nyid do/ /de bzhin du mya ngan las 'das
 pa ni phung po lhag ma dang bcas pa dang phung po lhag ma med pa'o/ /de bzhin du gang zag la bdag med pa dang chos la bdag med pa'o/ /de bzhin du 'phags pa'i bden pa bzhi bsgom pa dang/ chos thams cad rang bzhin med pa stong pa
 nyid kyi ting nge 'dzin no/ /de ltar sa'i khyad par gyis sems can gyi don bya ba rnam pa gnyis su 'gyur ro/ /'dir sa dang po thob pa las 'jig rten gyi khams gcig gis mthar thug par ma mthong ba'i don yang dag par mthong ngo/ /sa
 gnyis pa thob pa las phyogs bcu'i 'jig rten gyi khams gnyis pa'i mthar thug par ro/ /sa gsum pa thob pa las phyogs bcu'i 'jig rten gyi khams bzhi pa'i thar thug par ro/ /sa bzhi pa thob pa las phyogs bcu'i 'jig rten gyi khams
 brgyad kyi mthar thug par ro/ /sa lnga pa thob pa las phyogs bcu'i 'jig rten gyi khams bcu drug gi mthar thug par ro/ /sa drug pa thob pa las phyogs bcu'i 'jig rten gyi khams sum cu rtsa gnyis kyi mthar thug par ro/ /sa bdun pa thob pa las
 phyogs bcu'i 'jig rten gyi khams drug cu rtsa bzhi'i mthar thug par ro/ /sa brgyad pa thob pa las phyogs bcu'i 'jig rten gyi khams brgya nyi shu rtsa brgyad kyi mthar thug par ro/ /sa dgu pa thob pa las phyogs bcu'i 'jig rten gyi khams nyis
 brgya lnga bcu rtsa drug gi mthar thug par ro/ /sa bcu pa thob pa las phyogs bcu'i 'jig rten gyi khams lnga brgya bcu gnyis kyi mthar thug par ro/ /sa bcu gcig pa thob pa las phyogs bcu'i 'jig rten gyi khams nyi shu rtsa bzhi lhag pa'i stong phrag gcig gi mthar thug par
 lkog tu gyur pa'i don yang dag par mthong ngo/ /de bzhin du stong gnyis dang stong gsum gyi 'jig rten gyi khams rnams kyi grangs kyi mtshan nyid de/ stong gcig ces bya ba ni mi mjed kyi 'jig rten gyi khams kyi dbus nas steng dang 'og tu stong
 phrag re re ste/ 'og dang/ steng dang/ shar dang/ nub dang/ byang dang/ lho dang/ bden bral dang/ dbang ldan dang/ rlung dang mer ro/ /de bzhin du stong phrag gnyis dang gsum mo/ /de nas stong chen po zhes bya ba chen por bgrang bar bya ba'i 'jig
 rten gyi khams rnams te/ de rnams su ma mthong ba'i don yang dag par mthong bar yang dag par rdzogs pa'i sangs rgyas kyi sa bcu gnyis pa thob pa las 'gyur gyi/ 'dod chags dang bral ba rnams kyis ni ma yin no/ shes rab kyi chags
 pa yas byung ba mi 'gyur ba'i bde ba chen po'i skad cig rnams kyis de bzhin gshegs pa'i sa 'di rnams thob ste/ mi 'pho ba'i skad cig brgya phrag bco brgyad thob pas sa dang po thob bo/ /grangs 'di yis sa bcu gnyis kyi mthar thug
 bar ro/ /mi 'gyur ba'i skad cig nyi khri chig stong drug brgya rnams kyis sa bcu gnyis thob ste/ yan lag bcu gnyis 'gags par ji srid par ro/ /dus sbyor bcu gnyis 'gags pas zla ba bcu gnyis 'gag go /zla ba bcu gnyis 'gags
 pas nyin zhag sum brgya drug cu 'gag go /nyin zhag sum brgya drug cu 'gags pas chu tshod nyi khri chig stong drug brgya rnams 'gag ste/ de ltar phyi rol la ji lta ba de bzhin du lus la chu tshod kyi grangs dbugs rnams 'gag go /dbugs
 'gags pas lus 'gags te/ byang chub kyi sems 'gyur ba med pa'i skad cig rnams kyis so/ /ji ltar dngul chu bskol ba ni lcags dang rin po che rnams zos shing/ de rnams kyi tshon chen po bzung nas gnas te/ bems po khams ni ma yin no/ /tshon
 chen po des lcags gang la reg par byed pa'i lcags de rnams ni dri ma dang bral bar 'gyur zhing rdo rnams ni rin po cher 'gyur ro/ /de bzhin du byang chub kyi sems bsgoms pa ni phung po dang khams dang skye mched srog dang bcas pa rnams zos shing de
 rnams kyi tshon chen po bzung nas gnas te bems po nyid ma yin no/ /tshon des bsod nams kyi dbang las sems can gang dag la byin gyis brlab pa byed pa de rnams la mngon par shes par 'gyur gyi/ /yang dag par rdzogs pa'i sangs rgyas nyid
 ni ma yin te/ gang gi tshe lcags bskol ba rnams dngul chu dang lhan cig gcig nyid du 'gyur ba de'i tshe dngul chus phug pa'i lcags rnams dri ma med par 'gyur gyi/ bems po'i khams nyid med pa ni ma yin pa bzhin no/ /phan tshun yang
 dag par ldan pa de'i phyir khams rnams la khams nyid med cing dngul chu la dngul chu nyid med de/ sngar gyi rang bzhin yongs su btang ba'i phyir ro/ /de bzhin du sems dang lhan cig gcig tu gyur pa'i lus kyi khams rnams la khams nyid med
 cing sems la sems nyid med de/ sngar gyi 'khor ba'i bag chags med pa'i phyir ro/ /de'i phyir bcom ldan 'das kyis sems gang yod pa'i sems de ni sems ma yin no zhes gsungs so/ /de ltar brjod pa'i rim pa 'dis ma brgyad
 kyi dbang phyug dang dbang phyug la sogs pa'i lha rnams dang byang chub sems dpa' rnams la yang/ mngon par shes pa lnga rig par bya'o/ /ba shaSh+Tha la la sogs pa'i drang srong rnams la ni mngon par shes pa lnga med de/ gang gi phyir rA mA ya Na dang b+hA ra
 ta tshad ma yin pa'i phyir ro/ /'dir grogs mkhar gyi tshig rA mA ya Na las thos pa/ ba shiSh+Tha yis byin pa'i dus sbyor la lha rA mA yis sI ta'i lag pa gzung ba byas so/ /ba shiShtha yis byin pa'i dus sbyor gyi drin des rA ma ni rgyal srid las nyams
 te/ nags su zhugs shing sI ta yang rtag tu sdug bsngal dang ldan no/ /de bzhin du smras pa/ sngon gyi las 'bras longs spyod la/ /gza' dang rgyu skar don med de/ /ba shiSh+Thas byin dus sbyor gyis/ /skyed byed mo ni sdug bsngal bsten/ /zhes so/ /de
 bzhin du rgyas pa'i tshig b+hA ra ta las thos pa/ sgra ngan pa dang/ skya bseng gi bu rnams las gang dag gnam stong la ku ru'i zhing du 'jug par byed pa de rnams rnam par rgyal bar 'gyur ro/ /zhes pa'i tshig 'di thos nas skya bseng gi bu rnams
 bcu gsum la rab tu zhugs shing/ sgra ngan pa rnams gnam stong la rab tu zhugs te/ de rnams las gang dag bcu gsum pa la rab tu zhugs pa de rnams rnam par rgyal bar gyur cing/ gang dag gnam stong la rab tu zhugs pa de rnams shi
 bar gyur to/ /ci ste drang srong gdug pas smras pa/ 'dir bram ze'i tshig gis bcu gsum ni gnam stong du 'gyur te/ zla ba dang nyi ma gcig tu sbyor ba'i phyir ro zhe na/ de nyid ni mi 'thad de/ gang gi phyir zla ba'i cha bco lnga zad pa med pa'i phyir ro/ /'dir bcu
 gsum la cha bco lnga zad par mi 'gyur te/ gza' gang dang skar ma gang gis bcu gsum par gyur pa'i gza' de dang skar ma des gang du yang gnam stong du mi 'gyur ro/ /rgyu de'i phyir de rnams kyi skar rtsis kyis mngon par 'dod pa ste mngon par
 shes pa lnga po rnams kyis don yang dag par mthong ba ma yin no/ /de bzhin sdig pa'i blo gros can rnams kyis lo rgyus kyi chos brdzun pa smras pa 'di lta ste/ rgyal po stobs ldan gyi dus su 'o ma'i rgya mtsho bsrubs pa las rta 'thor
 thos dang/ glang po che sa srungs dang/ nor bu ko stu b+ha dang/ shing yongs 'du dang lha mo a ba sar dang/ dpal mo dang/ zla ba dang/ bdud rtsi dang/ nag po brtsegs pa rnams byung bar gyur to/ /zhes pa lo rgyus kyi chos kyi tshig tu grag go /gal te
 de ltar yin na/ an d+ha ka nyid kyi rgyal srid la tshes dang gza' dang zla ba dang skar ma dang dus me med par 'gyur te/ zla ba dang nyi ma 'char ba dang nub ba med pa'i phyir ro/ /rgya mtshor gnas pa'i zla ba rgyu skar la longs spyod pa med pa'i phyir tshes gcig la
 sogs pa'i cha 'dzin pa med par 'gyur zhing/ nyi ma dang bkra shis la sogs pa'i gza' rnams kyi 'char ba dang nub pa dang/ gza' bdun yongs su longs spyod pa yang med par 'gyur ro/ /de bzhin du hi ra N+ya kA sh+ya ba'i rgyal srid la gza' la
 sogs pa med de/ de'i rigs la dus kyi dbang gis stobs ldan skyes shing de nas lha dang lha ma yin rnams kyi rgya mtsho bsrubs so/ /ci ste zla ba 'di ma yin gyi de ni dbang phyug gis spyi bo'i zla ba'o zhe na/ tshig de nyid 'thad de/ zla ba de nyid mngon par
 'dod pas an d+ha ka shi bar gyur to/ /nag po brtsegs pa byung ba de nyid ni bden pa ma yin te rgyal po stobs ldan gyi dus su nag po brtsegs pa'i dug zos pa'i phyir sngar dbang phyug mgrin sngon ma yin par 'gyur ro/ /de bzhin du sa srungs dang
 mthor thos dang dpal mo kau stu b+ha dang bdud rtsi rnams 'byung ba de nyid bden pa ma yin te/ gang gis na an d+ha ka'i g.yul la lha thams cad rang rang gi mtshan ma dang rang rang gi bzhin pa la gnas pa zhes pa'o/ /ci ste drang srong gdug pa rnams kyis
 smras pa/ dur bA sa yis dmod pa btab pas dbang po'i 'byor pa rgya mtshor zhugs so zhe na/ de nyid ni bden pa ma yin te/ dbang po'i dmod pas lha gzhan rnams kyi 'byor ba nyams par mi 'gyur ro/ /de ltar brjod pa'i rim pas lo rgyus kyi chos thams
 cad brdzun par 'gyur ro/ /bcom ldan 'das kyis le'u lnga pa las tshigs su bcad pa brgya brgyad cu rtsa gnyis pas lo rgyus kyi chas rnams brdzun par gsungs 'di lta ste/ dpal mo mthor thos lha yis ljon pa glang po'i bdag dang lha mo kau stu b+ha
 zla ba dang/ /bdud rtsi stobs ldan rgyal srid dus su chu gter bsrubs las lha yul mkha' la gal te byung gyur na/ /an d+ha ka nyid rgyal srid la ni zla ba med pas gza' tshes dus kyi tshogs kyang med par 'gyur/ /de yang dbang phyug zla phyed la chags
 shi bar gyur te/ stobs ldan de ni de yi phyi nas so/ /zhes pa ste/ rigs pa 'dis rnam par dpyad na 'jig rten gyi lo rgyus rnams ni mi bden no/ /ci ste tshangs pa'i drang srong rnams kyis gdug pa smras pa/ 'dir sngon du rig byed kyi chos ni lhan cig skyes
 pa ste/ phyi nas thams cad mkhyen pas bstan pa'i chos ni bcos ma'o/ /de'i phyir rig byed kyi chos kyi phung po'o/ /zhe na/ de nyid brjod par bya ste/ rig byed kyi chos phung po dang/ phyi nas thams cad mkhyen pa'i chos yin du chug mod/ 'di la gal ba
 ci zhig yod/ sngon du mun pa chen po lhan cig skyes pa lam thams cad gsal bar byed pa ma yin pa dang/ phyi nas de gzhom pa'i don du 'od stong pa'i snang ba lam thams cad rab tu gsal bar byed par gyur na/ mun pa chen po dang snang ba 'di dag las
 mun pa lhan cig skyes pa phu bo ni mig dang ldan pa rnams kyis dga' ba ma yin no/ /de bzhin du sngon du rig byed kyi chos lhan cig skyes pa phu bo mya ngan las 'das pa'i lam gsal bar byed pa ma yin pa dang/ /phyi nas de gzhom pa'i don du thams
 cad mkhyen pa'i chos nu bo mya ngan las 'das pa'i lam gsal bar byed par gyur na/ rig byed kyi chos dang thams cad mkhyen pa'i chos 'di dag las/ rig byed kyi chos lhan cig skyes pa phu bo ni shes ldan rnams kyi dga' ba ma yin te/ mig
 dang ldan pa rnams kyi mun pa chen po bzhin no/ /de'i phyir phu bo dang nu bo dag las nu bo mchog go /de'i phyir mchog tu mi 'gyur ba'i ye shes kyi sgrub pa yis mya ngan las 'das par 'gyur gyi/ 'pho ba'i bag chags rig byed kyi chos rnams kyis ni ma yin
 no/ /de bzhin du nya la sogs pa'i lo rgyus rigs ldan gyi mthar thug pa rnams kyang/ rnam par dpyad na don med pa'o/ /sangs rgyas bcom ldan 'das 'di ni nor lha'i 'jug pa dgu pa ste/ rigs ldan ni bcu pa'o/ /zhes so/ /sangs rgyas ni
 rtsod ldan gyi dus su sgyu ma chen po'i g.yo thabs kyis mchod sbyin gyis chos sun 'byin par 'gyur zhing/ g.yul gyi chos dang/ pha mes kyi bya ba dang/ rigs su smra ba dang/ srog gcod pa dang/ ma byin par len pa dang/ 'dod pa log par
 g.yem pa dang/ rdzun tu smra ba dang/ tshig rtsub pa dang/ phra ma dang/ ngag 'khyal dang/ brnab sems dang/ gnod sems dang/ log par lta ba dang/ sems can thams cad la gnod pa byed pa dang/ rang gi rigs zad pa rgyal rigs kyis chos mtho
 ris kyi 'bras bu ster bar byed pa dang/ drang srong chen po rgyas pa'i tshig b+hA ra ta dang/ glu'i tshig dang/ rig byed kyi tshig rnams sun 'byin par 'gyur ro/ /de rnams sun phyung ste/ de nas dmangs rigs la sogs pa rnams la phyin ci log gi chos
 ston par 'gyur ba ni 'di lta ste/ sbyin pa'i pha rol tu phyin pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu
 phyin pa dang/ thabs kyi pha rol tu phyin pa dang/ smon lam gyi pha rol tu phyin pa dang/ stobs kyi pha rol tu phyin pa dang/ ye shes kyi pha rol tu phyin pa dang/ pha rol tu phyin pa bcu po 'di rnams byang chub sems dpa' rnams kyis yongs su rdzogs par bya'o/ /
 sems can thams cad la byams pa'i sems dang snying rje'i sems bya'o/ /sems can la phan gdags par bya'o/ /srog gcod pa dang/ ma byin par len pa dang/ 'dod pa log par g.yem pa dang/ brdzun du smra ba dang/ tshig rtsub dang/ phra ma dang/
 ngag 'khyal dang/ brnab sems dang/ gnod sems dang/ log par lta ba ste mi dge ba bcu'i las kyi lam rnams mi bya'o/ /phyin ci log gi chos kyi rnam grangs 'di rnams kyis dmangs rigs la sogs pa rnams sad par byas nas skra bregs
 te ngur smrig 'dzin pa'i dge slong rnams su byed par 'gyur ro/ /gang dag sngon lnga ma yin gyi phyogs na gnas pa nor lhas g.yul du ma bsnun pa rnams ni bram ze rnams la sun 'byin pa byas na dmyal bar 'gro ba gang yin pa des na dmangs rigs
 la sogs pa sngar lha ma yin gyi phyogs na gnas pa rnams dmyal bar 'gro ba'i don du khyab 'jug gis sangs rgyas kyi sgyu ma 'di byas te/ de ltar sangs rgyas kyi 'jug pa'o/ /rigs ldan ni sham b+ha la'i yul du nor la bram ze'i bu grags par
 gyur nas rdo rje'i rta la zhon te ku sha'i rang bzhin gyi mdung rnams kyis kla klo thams cad bsad nas gser mang po'i me d+ha'i mchod sbyin byas te/ slar yang sa bram ze'i rang bzhin du byed par 'gyur ro/ /de ltar mi 'thad pa'i tshig bum rnams
 ni gdug pa'i bram ze rnams kyis sangs rgyas byung ba'i dus su bkod pa ste/ sngon gyi rig byed klags pa la med do/ /'dir dang po'i sangs rgyas ston pa'i dus su 'jig rten khams kyi le'u'i skar rtsis kyi skabs las kla klo'i chos byung bar gyur pa
 nas la grub pa'i mdza' rnams rnam par nyams par 'gyur zhing/ nyung ngu'i byed pa rnams 'byung bar 'gyur te/ 'jam pa'i dbyangs kyang nga mya ngan las 'das nas lo drug brgya na sham b+ha la'i yul du shAkya'i rigs la lha mo
 rnam par rgyal ma'i mngal nas lha dbang ldan gyi sras rigs ldan grags pa zhes bya bar 'byung bar 'gyur ro/ /zhes de bzhin gshegs pas gsungs pa 'di lta ste/ lo 'di nas ni drug brgya'i lo yis gsal bar mi bdag grags pa sham b+ha
 la zhes bya bar 'byung/ /de nas klu yi lo brgya rnams kyis nges par mkha' i yul du kla klo'i chos dag rab tu 'jug de'i dus su 'dzin ma la ni nyung ngu'i byed pa gsal ba'i mi rnams dag gis rig par bya/ /mdza' dag sa gzhi la ni grub pa'i mdza' 
 rnams rnam par nyams pa dus kyi sbyor ba la gyur 'gyur/ /zhes pa de bzhin gshegs pas 'jam pa'i dbyangs lung bstan pa ste/ de yang nyi ma'i shing rta la sogs pa tshangs pa'i drang srong bye ba phrag phyed dang bcas pa'i gsum rnams rdo rje theg
 pa'i bsam pas rigs gcig tu byed par 'gyur ro/ /des na 'jam pa'i dbyangs la rigs ldan gyis mtshan 'byung bar 'gyur gyi/ tshangs pa'i rigs 'jog par byed pas ni ma yin no/ /gal te grags pa bram ze'i bu rigs ldan yin na/ de'i tshe
 gang gis na 'di rigs ldan yin/ nor med par ni nor ldan ma yin no/ /rigs shes bya ba ni rigs dang rigs ma yin pa rnams gcig tu byed pa'o/ /rigs de gang la yod pa ni rigs ldan te/ rigs ldan de nyid ni rigs med par ma yin
 no/ /slar yang dus bzhi'i mthar kla klo rnams kyi shin du chos ma yin pa gzigs nas ri po bzhin du 'dar ba med par gyur te/ rta mchog gi ting nge 'dzin gyis rta mchog mdza' yas pa spros nas/ de rnams kyi kla klo rnams kyi sems zhum par
 byas te rang gi chos la 'god par 'gyur zhing de rnams kyi chos 'joms par 'gyur gyi/ srog stong pa ma yin no/ /bcom ldan 'das kyis nang gi le'u las tshigs su bcad pa bzhi bcu rtsa brgyad pas gsungs pa/ 'khor lo can ni rang gi lus la rdo rje can te lha
 mchog bdag rnams yan lag bcu gnyis 'gog/ rigs ldan dag ni yang dag ye shes glang po rta dang shing rta mngag gzhug 'phags pa'i tshad med rnams/ /drag po rang rgyal ming can dag tu 'gyur te ha nu mA na ni nyan thos gdug pa kla klo'i dbang/ /
 srog chags rnams kyi sdig pa dag ste gang zhig byed pa'i blo gros sdug bsngal sbyin byed mi dge'i lam/ /zhes pa la sogs pa dang/ kla klo'i 'khrug pa de bzhin gshegs pas lung bstan pa le'u dang po las gsungs pa gang yin pa/ rigs ldan gyis
 rdo yi rta rnams kyis kla klo rnams 'joms par 'gyur ba de ni gdug pa'i drang srong de rnams kyi sems zhum par byed pa'i don du ste/ rnam pa gzhan du dang por the tshom gyi sems skyes par gyur na rtog par bya bar mi nus so/ /de'i phyir bcom ldan 'das
 kyis byang chub sems dpas thabs la mkhas pas bsgom par bya'o/ /zhes gsungs so/ /de ltar lo rgyus kyi chos rnams ni rnam par dpyad na don med pa'o/ /ci ste drang srong gdug pa rnams kyis smras pa/ lo rgyus dang ni shed bu'i chos/ /rig byed
 bcas dang gso/ /bka' yis grub pa bzhi po ni/ /gtan tshigs rnams kyis gzhom mi bya/ /shed bu rgyas pa ba shiShtha'i/ /tshig ni rig byed dang bcas pa/ /tshad ma med par smra ba gang/ /de ni tshangs pa bsod byed 'gyur zhes pa'o zhe na/ gdug pa'i drang
 srong rnams kyi rdzun kyi tshig 'di nyid ni rang gi rigs rab tu gzhag pa'i don du byis pa rnams kun tu rmongs pa skyed par byed pa ste rnam par dpyad pas stong pa'o/ /gal te sems can rnams kyi 'dod chags kyi 'pho ba'i bag chags thog ma med pa
 yin zhing mthu yis 'khor ba yin na/ /'o na de'i tshe ci'i don du bcom ldan 'das kyis rten cing 'brel par 'byung ba yan lag bcu gnyis bstan te/ nyon mongs pa dang las dang sdug bsngal zhes pa gsum po rnams su rim pa
 bzhin ma rig pa la sogs pa'i yan lag rnams yang dag par bsdus te/ de'i phyir nyon mongs pa las las su 'gyur zhing/ las las sdug bsngal du 'gyur te/ sdug bsngal las slar yang nyon mongs par 'gyur ro/ /'di nyid ni srid pa'i
 'khor lo ste 'gro ba thams cad rgyu dang 'bras bu'o/ /sems can gzhan ni 'ga' yang med do/ /stong pa rnams las chos rnams su 'gyur zhing chos rnams las kyang stong pa rnams su 'gyur te/ kha thon la sogs pa'i dpe rnams kyis
 de rnams shes par bya'o/ /de'i phyir 'pho ba'i bag chags ni 'di ni 'khor ba'i 'khor lor mi 'gyur ro/ /zhes pa 'dir 'ga' zhig gi bsam pa 'byung bar 'gyur te/ de'i phyir brjod par bya'o/ /'dir byis pa rnams kyis ma rig pa la sogs pa
 rten cing 'brel par 'byung ba'i yan lag bcu gnyis po ni nyon mongs pa dang las dang sdug bsngal gyi bdag nyid de/ de nyid 'khor ba'i 'khor lor brjod pa gang yin pa de ni ma yin te/ gang gi phyir bcom ldan 'das mchog tu mi 'gyur ba'i rig pa
 'dzin pa nyid kyi phyir ro/ /'dir bcom ldan 'das rdo rje sems dpa' mchog tu mi 'gyur ba'i rig pa 'dzin pa 'khor ba'i bag chags las 'das pa ste/ de'i chos mi mthun pas 'khor ba pa rnams 'gyur ba'i rig pa 'dzin par 'khor ba'i bag
 chags kyis gzung pa'o/ /de'i phyir mchog tu mi 'gyur ba'i 'dod chags chen po ni rig pa ste/ ma rig pa ni 'dir sems can rnams kyi thog ma med pa'i 'dod chags kyi bag chags so/ /de yis 'dod chags pa la rab tu 'jug ste/ 'dod chags
 kyang 'gyur ba'o/ /'gyur ba las chags pa dang bral ba ste/ chags pa dang bral ba zhes bya ba ni zhe sdang ngo/ /zhe sdang gi bdag nyid ni brgyal ba ste/ brgyal ba zhes bya ba ni gti mug go /de ltar 'dod chags dang zhe sdang dang gti mug gi bdag nyid ni ma
 rig pa ste/ nam mkha' i me tog gi phreng ba ma yin no/ /ma rig pa zhes pa ni nyon mongs pa'o/ /ma rig pa las 'du byed de las so/ /'du byed las rnam par shes pa ste sdug bsngal lo zhes pa ni/ dang po chung ngu'i gnas skabs kyi lus dang ngag dang sems
 so/ /de nas rnam par shes pa las ming dang gzugs las skye mched drug ste las so/ /skye mched drug las reg pa ste/ sdug bsngal lo zhes pa ni gnyis pa 'bring po'i gnas skabs kyi lus dang ngag dang sems so/ /de nas reg pa las tshor
 ba ste nyon mongs pa'o/ /tshor ba la sred pa ste las so/ /sred pa las len pa ste sdug bsngal lo zhes pa ni gsum pa chen po'i gnas skabs kyi lus dang ngag dang sems so/ /de nas len pa las srid pa ste/ nyon mongs pa'o/ /srid pa las skye ba
 ste las so/ /skye ba las rga shi sdug bsngal lo/ /zhes pa ni bzhi pa chen po'i chen po'i gnas skabs kyi lus dang ngag dang sems so/ /de ltar lus dang ngag dang sems dang ye shes kyi bdag nyid bzhi po rnams ni chu srin la sogs pa'i dus sbyor gsum
 gsum la ste/ mngal dang sgo dang phyi'i dbye ba rnams la'o/ /de la mi rnams kyi mngal 'dzin pa'i zla ba ni chu srin dang ma rig pa ste mngal lo/ /zla ba gnyis pa ni bum pa dang 'du byed de sgo'o/ /zla ba gsum pa ni nya dang rnam par shes pa ste phyi rol lo
 zhes pa zla ba gsum gyi bdag nyid ni mngal nas skyes pa rnams kyi chung ngu'i gnas skabs so/ /de nas bzhi pa ni lug dang ming dang gzugs te mngal lo/ /lnga pa ni glang dang skye mched drug ste sgo'o/ /drug pa ni 'khrig pa dang reg pa ste phyi rol lo zhes pa zla
 pa gsum gyi bdag nyid ni 'bring po'i gnas skabs so/ /de nas bdun pa ni karka Ta dang/ tshor ba ste mngal lo/ /brgyad pa ni seng ge dang sred pa ste sgo'o/ /dgu pa ni bu mo dang len pa ste phyi rol lo zhes pa zla ba gsum gyi bdag nyid ni
 gsum pa chen po'i gnas skabs so/ /de nas zla ba bcu pa ni srang dang srid pa ste mngal lo/ /bcu gcig pa ni sdig pa dang skye ba ste sgo'o/ /bcu gnyis pa ni gzhu dang rga shis te phyi rol lo zhes pa/ zla ba gsum gyi bdag nyid ni chen po'o/ /chen
 po'i gnas skabs so/ /de ltar lus dang ngag dang sems dang ye shes kyi dbye bas te/ ye shes kyi dang po chung ngu'i gnas skabs dang/ /lus kyi bzhi par rig par bya'o/ /bcom ldan 'das kyis rgyud kyi rgyal po'i ye shes kyi le'u lnga pa las
 tshigs su bcad pa brgya bdun cu pas gsungs pa 'di lta ste/ las ni nyon mongs las te de las sdug bsngal du 'gyur nyon mongs nyid ni rang gi sdug bsngal las/ /'di ni 'khor ba'i 'khor lor 'khyam pa rgyu dang 'bras bu mnyam pa dag ste sems can
 gzhan pa med/ /stong pa rnams las phung po'i chos rnams 'dir ni 'chi ba'i mdza' ru de rnams las kyang stong pa rnams/ /kha thon mar me chu dang me tog sgra dang me shel sgyur pa sa bon rnams kyis shes par bya/ /zhes pa ste/ kha thon la sogs pa'i
 dge 'di rnams kyis phung po rnams kyi skye ba dang 'gag par rig par bya'o/ /ji ltar kha thon la mkhan po'i rig pa zad pa ma yin zhing/ slob mas thob pa med pa ma yin no/ /de bzhin du mar me las mar me 'byung ngo/ /chu las zla ba las zla ba'o/ /me
 tog las gos la dri'o/ /nyi ma las me shel la me'o/ /sgra las sgra brnyan no/ /skyur ba las lce 'dzag pa'o/ /sa bon la myu gu'o/ /de bzhin du phung po rnams kyi mtshams sbyor ba ni 'gyur ba'i 'dod chags kyi bag chags kyi dbang gis so/ /bcom ldan
 'das kyi gsung 'di'i phyir 'khor ba'i 'khor lo ni 'gyur ba'i 'dod chags te ma rig pa'o/ /'dir gang gi tshe 'gyur ba'i 'dod chags nyams pa de'i tshe mchog tu mi 'gyur bar 'gyur te/ mchog tu mi 'gyur ba ni 'dod chags chen po'o/ /'dod chags
 chen po las chags bral nyams pa ste/ chags bral zhes pa ni zhe sdang ngo/ /zhe sdang zad pa las zhe sdang chen por 'gyur ro zhe sdang chen po las brgyal ba zhes bya ba'i gti mug nyams pa'o/ /gti mug nyams pa las gti mug chen po 'gyur ro/ /
 'dod chags chen po dang zhe sdang chen po dang gti mug chen po las 'dod chags dang zhe sdang dang gti mug gi bdag nyid ma rig pa nyams pa'o/ /ma rig pa zad pa las ma rig pa chen por 'gyur ro/ /de ltar ma rig pa 'gags pas 'du byed 'gag go /
 'du byed 'gags pas rnam par shes pa 'gag go /rnam par shes pa 'gags pas ming dang gzugs 'gag go /ming dang gzugs 'gags pas skye mched drug 'gag go /skye mched drug 'gags pas reg pa 'gag go /reg pa 'gags pas
 tshor ba 'gag go /tshor ba 'gags pas sred pa 'gag go /sred pa 'gags pas len pa 'gag go /len pa 'gags pas srid pa 'gag go /srid pa 'gags pas skye ba 'gag go /skye ba 'gags pas rga shi 'gag go /de ltar yan lag
 bcu gnyis 'gags pa las chos mi mthun pas bcom ldan 'das kyis yan lag rnams ni sgrib pa med par rig par bya'o/ /gal te 'gyur ba'i 'dod chags bcom pas rnal 'byor pa rnams sangs rgyas nyid du 'gyur na/ 'o na de'i tshe 'chi
 bdag dang phung po dang nyon mongs pa dang lha'i bu ste bzhi po rnams gzhom pa de bzhin gshegs pas ci'i don du mdzad/ de'i phyir 'gyur ba'i 'dod chags bcom pas sangs rgyas nyid du mi 'gyur ro/ /zhes pa 'dir 'ga' zhig gi bsam pa 'byung bar
 'gyur te/ de'i phyir brjod par bya'o/ /'dir rmongs pa rnams kyis brjod pa gang yin pa phyi rol gyi bdud rnams de bzhin gshegs pas bcom pa de ni ma yin te/ gang gi phyir snga ma dang phyi ma 'gal ba'i phyir ro/ /'dir gal te sngon
 du sangs rgyas nyid phyi nas bdud bcom pa yin na de'i tshe/ sangs rgyas la sgrib pa med pa nyid med de bdud kyis nye bar 'tshe ba'i phyir ro/ /ci ste sngon du bdud bcom pa phyi nas sangs rgyas nyid yin na/ de'i tshe 'khor ba la gzhan rnams kyang sangs rgyas nyid
 'dzin/ de'i tshe 'khor ba pa gzhan rnams kyang sangs rgyas nyid med par bcom pa ci'i phyir mi byed ci ste cig car bdud bcom par 'gyur ro/ /zhe na/ de bzhin du cig car yang bdud bcom pa mdzad de/ skad cig gang la bdud yod pa'i de la skad
 cig de la sangs rgyas nyid du mi 'gyur te/ sems sgrib pa dang bcas pa'i phyir ro/ /skad cig gang la sangs rgyas nyid yin pa'i skad cig de la bdud med de sgrib pa thams cad zad pa'i phyir ro/ /de'i phyir sems can rnams kyi lus dang ngag dang
 sems dang ma rig pa'i bag chags kyi bdag nyid ni bdud bzhi ste/ de rnams las lus kyi sgrib pa ni phung po'i bdud do/ /ngag gi sgrib pa ni nyon mongs pa'i bdud do/ /sems kyi sgrib pa ni 'chi bdag gi bdud do/ /phyi rol gyi ma rig pa'i
 'jug pa ni lha'i bu'i bdud de/ dge ba dang mi dge ba'i las kyi 'bras bu nye bar longs spyod pa yongs su ma brtags pa byis pa'i blo can 'khor ba'i longs spyod mngon par 'dod pa rnams kyi phyi rol gyi ma rig pa'i 'jug pa 'di ni lha'i bu'i bdud
 kyi tshig gis 'gyur ro/ /'dir lha'i bu rnams kyi tshig ni zla ba'i stobs kyi sems can rnams kyi dge ba dang mi dge bar 'gyur te/ nyi ma'i stobs dang/ bkra shis kyis stobs dang/ gza' lag gi stobs dang/ phur bu'i stobs dang/ pa wa
 sangs rgyas kyi stobs dang/ spen pa'i stobs dang/ sgra can gyi stobs dang/ mjug rings kyi stobs dang/ gza'i stobs dang/ tshes kyi stobs dang/ skar ma'i stobs dang/ sbyor ba'i stobs dang/ byed pa'i stobs dang/ dus sbyor gyi stobs kyis dge ba dang mi dge
 bar 'gyur ro/ /de bzhin du dbyangs 'char ba'i stobs la mngon par dga' ba gzhan rnams kyi tshig ni g.yul du dbyangs 'char ba'i stobs kyis rnam par rgyal bar 'gyur te/ rnal 'byor ma'i stobs dang/ skar ma'i stobs dang/ sgra gcan gyi stobs
 dang/ drag po'i stobs la sogs pas g.yul gyi sar rnam par rgyal bar 'gyur ro/ /de bzhin du sangs rgyas pa'i nyan thos rnams kyi yang phyi rol gyi ma rig pa'i 'jug pa ni rten cing 'brel par 'byung ba'i bsam pas sems can rnams kyi dge ba dang
 mi dge bar 'gyur ro/ de bzhin du lha'i bu gzhan rnams kyi tshig ni lha'i drin gyis thams cad dge bar 'gyur ro/ /zhes pa ste/ sems can rnams kyi de lta bu la sogs pa'i ma rig pa'i 'jug pa ni lha'i bu'i bdud kyi tshig gis so/ /'dir gal te skye
 ba gzhan gyi bsod nams dang/ sdig pa dag ma gtogs par lha'i bu'i bdud kyi tshig rnams kyis sems can rnams kyi dge ba dang mi dge bar 'gyur na/ de'i tshe sngar bsags pa'i dge ba dang mi dge ba thams cad don med par 'gyur te/ gza'
 la sogs pa'i stobs dang stobs ma yin pa nye bar longs spyod pa'i phyir ro/ /de ltar yang ma yin no/ de bzhin du 'phrul pa yang mthong ste/ /dus sbyor las ni sI ta bde/ /ldan mi gnam stong drin gyis ni/ /'thab dka' rnam par rgyal min te/
 'jigs sde yis ni phye mar brlag /thab mo'i sar ni dpung gnas gang/ /srid sgrub la ni bsnun 'dod pa/ /de rnams srid sgrub mnga' yis phub/ /phyogs rnams kun tu brlag par 'gyur/ /de'i phyir sngon gyi dge ba'i las kyi 'bras bu sems 
 can rnams kyi longs spyod par bya'o/ /de bzhin du yang bcom ldan 'das kyis gsungs pa lus dang ngag dang yid kyi las/ /dge dang mi dge gang byed pa/ /de 'bras sems can longs spyod de/ /lha gzhan 'bras bu ster ba min zhes
 so/ /ci ste gang zhig lha'i drin du mthong pa yang sems can rnams kyi sngon gyi bsod nams kyi stobs kyis yin gyi/ sdig pa'i stobs kyis ni ma yin no/ /bsod nams kyang sems can la phan btags pa las gyur gyi/ lha dang pha mes kyi bya ba
 la srog bcad pa las ni ma yin no/ /bcom ldan 'das kyis nang gi le'u las tshigs su bcad pa brgyad cu rtsa dgu pas las kyi 'bras bu gsungs pa 'di lta ste/ de phyir byed po 'ga' yang srog chags rnams kyi bde dang sdug bsngal dag ni mi
 sbyin mi 'phrog ste/ 'khor ba dag tu rnam pa gsum po gang byas sngon gyi las ni 'bras bu rab tu sbyin par 'gyur/ /skyed dang sdud pa'i byed pa po 'di ster zhing de ni 'phrog pa rmongs pa rnams kyi blo gros te/ /lus la dpag med dge ba 'phrog par byed
 pa'i bug pa rang gi dbang po rnams kyis mthong ma yin zhes pa'o/ /de bzhin du lha'i bu'i bdud kyang tshigs su bcad pa brgyad cu rtsa drug pas gsungs pa/ srid pa gsum gyi bdag pos drag po'i las kyi rang bzhin du ma'i sngags rnams rab
 tu gsungs pa gang/ /de dag thams cad bdud kyi phyogs nyams 'jigs par skyed byed srog chags rnams la nam yang ma yin no/ /gang zhig dran pa rnams kyi byed po g.yul gyi yul la dga' zhing gsod byed gzhan yang mu stegs pa/ /
 de rnams la ni mchog gi rgyal sras rnams kyis srog chags bsrung ba'i don du de dag sbyar bar bya/ /zhes pa ste/ bcom ldan 'das kyi gsung 'di'i phyir/ bdud kyi tshig rnams kyis ma rig pa'i 'jug pa ni rnal 'byor pas mi bya'o/ /de bzhin du
 sems can rnams kyis rang gi sems kyi bag chags kyi snang ba ni/ bcom ldan 'das rdo rje sems dpa' ste/ de ltar sems can rnams kyi snang ba bcom ldan 'das bsod nams kyi phung po dang sdig pa'i phung po'o/ /bcom ldan 'das kyis ye shes
 kyi le'u'i rnam pa lnga'i bstod pa las tshigs su bcad pa bzhi pas gsungs pa 'di lta ste/ sems tsam sngags kyi ngo bo lha yis yongs su bskor ba sdug bsngal dang ni bde ba'i rang bzhin te/ /dam pa rnams la zhi ba'i gzugs ni rang gis byas pa'i
 nyams myong mi zad rnams la mi bzang pa/ /gang gis las gang rab byas rang gi sems la cho ga bzhin du de yis 'bras bu nges skyed pa/ /'jig rten dbang po sna tshogs gzugs can srid gsum skyed mdzad rdo rje sems dpa' la yang phyag 'tshal lo/ /
 zhes pa'o/ /de'i phyir sems can rnams kyi rang gi sems kyi bag chags kyi snang ba ni rdo rje sems dpa' dang bdud de/ bcom ldan 'das la bdud med do/ /lus dang ngag dang sems dang ma rig pa'i bdud sngar brjod pa 'di rnams kyi skyed par byed pa
 ni 'gyur ba'i skad cig ste/ 'dod pa'i lhar mngon par brjod do/ /de ni de bzhin gshegs pas mchog tu mi 'gyur ba'i skad cig gis rnam par bcom mo/ /de bcom pa ni bdud kyi dpung bcom pa ste/ 'dod chags dang zhe sdang dang gti mug dang
 khong khro ma rig pa'i gzugs can rnams zad pa'o/ /'dir 'gyur ba'i bag chags 'gags pas 'dod chags dang zhe sdang dang gti mug dang khong khro 'gag go/ /de rnams 'gags pas ma rig pa 'gag ste/ de bzhin du rim pas yan lag bcu gnyis rnams 'gag/ yan lag
 bcu gnyis 'gags pas srid pa 'khor lo 'gag go /srid pa'i 'khor lo 'gags pas sgrib pa med pa'i sangs rgyas nyid du 'gyur ro/ nyan thos dang pha rol tu phyin pa dang sngags kyi tshul 'di rnams las mchog tu mi 'gyur ba ni/ bcom ldan 'das rdo rje 'dzin pa'i thugs su mtshan yang dag par
 brjod pa las de bzhin gshegs pas bstan to/ 'di'i don mi shes pa/ bla ma dam pa ma yin pa/ nyams pa mchog tu mi 'gyur ba'i ye shes nyams pa rnams ma 'ongs pa'i dus su 'byung par 'gyur te/ rnam par nyams pa de rnams kyis sems
 can rnams nyams par byed do/ /des na rtsa ba'i rgyud kyi ye shes rnam pa lnga'i bstod pa las/ /tshigs su bcad pa lnga yis rnam pa lnga'i bsgom pa bcom ldan 'das kyis gsungs pa 'di lta ste/ stong pa la ni dngos po'i tshogs/ rtags pa'i gzugs spangs
 bems po min/ /'di ni mthong ste me long la/ pra phab gzhon nu ma yis bzhin/ /zhes pa ni 'jig rten las 'das pa'i bden pa la gzugs kyi phung po me long lta bu'i ye shes so/ /dngos kun mnyam pa nyid gyur na/ /dngos po gcig tu mi 'gyur gnas/
 mi 'gyur ye shes las byung ba/ /chad pa ma yin rtag pa'ang min/ /zhes pa ni tshor ba'i phung po mnyam pa nyid kyi ye shes so/ /ming gis bdag nyid yi ge kun/ /a yig rigs las yang dag byung/ /mi 'gyur chen po'i gnas thob pa/ /ming med
 ming can dag kyang med/ /ces pa ni 'du shes kyi phung po so sor kun tu rtog pa'i ye shes so/ /skyes pa ma yin pa yi chos/ /'du byed bral ba rnams la yang/ /sangs rgyas nyid med byang chub med/ /sems can med cing srog nyid med/ /ces pa
 ni 'du byed kyi phung po bya ba nan tan gyi ye shes so/ /rnam par shes pa'i chos nyid 'das/ /ye shes ngag pa gos pa med/ /rang bzhin 'od gsal chos rnams ni/ /chos kyi dbyings kyi bgrod par gnas shes pa ni chos kyi dbyings rnam par shes
 pa'i phung po chos kyi dbyings shin tu rnam par dag pa'i ye shes so/ /de bzhin du bsdus pa'i rgyud las kyang tshigs su bcad pa brgya rtsa gcig pa la sogs pa gsum gyi 'khor lo'i mtshan ma la sogs pa dang de bzhin gshegs pa'i mtshan nyid
 gsungs pa 'di lta ste/ 'khor lo srid gsum kun nas dang ba zhes pa bde ba rin chen 'di yi chags pa nyid dag ni/ /pad+ma nyon mongs nad pa ral gri rdo rje dag kyang ye shes sku chen rnam par mi phyed pa'o/ /mi shes gcod pa gri gug mchog gi rig drug
 rnams te 'di dag rnams kyis bskyed pa gang yin pa/ /phung po khams dang dbang po la sogs mkha' bzhin ro mnyam de dag rnams kyang de bzhin rig par bya/ /gang du nges par rigs kyi gzugs ni mnyam pa nyid du gyur pa de ni chen po'i gzugs
 su gsungs/ /gang du 'khor ba'i sdug bsngal nyams pa nyid du gyur pa de ni tshor ba chen por gsungs pa ste/ /gang du 'khor ba'i 'du shes nyams pa nyid du gyur pa de ni rdo rje'i 'du shes chen po'o/ /gang du 'khor ba 'phel ba nyams pa nyid du gyur
 pa dag ni rdo rje'i 'du byed kho na'o/ /gang du gnyid la sogs pa'i gnas skabs nyams pa nyid du gyur pa de yang rnam par shes par gsungs/ /gang du shes pa min pa'i dngos nyams pa nyid du gyur pa de ni thub pa'i ye shes nyid/ /'di dag rnam par snang
 mdzad la sogs mchog gi rgyal ba mchog ni rnam pa drug ste rigs drug rnams/ /gzhan ni khams drug dbye ba rnams te sa dang chu dang me dang rlung dang nam mkha' i zhi ba rnams shes pa'o/ /de bzhin du mtshan yang dag par brjod pa las bcom ldan
 'das rdo rje 'dzin pa'i mchog tu mi 'gyur ba'i ye shes/ sangs rgyas dang byang chub sems dpa' rnams kyi thugs su gyur pa/ gsol ba 'debs pa dang bcas pa'i tshigs su bcad pa brgya drug cu rtsa gnyis kyis de bzhin gshegs pas
 rab tu bstan to/ /de la de nas dpal ldan rdo rje 'chang/ /zhes pa la sogs pa nas/ lus btud nas ni spyan sngar 'dug /ces pa'i mthar thug par ni gsol ba 'debs pa'i tshigs su bcad pa bcu drug go /de nas bcom ldan shAkya thub/ /ces
 pa la sogs pa nas/ bcom ldan de ni legs shes gsol zhes pa'i mthar thug par ni lan gsungs pa'i tshigs su bcad pa drug go /slar yang de nas shes pa la sogs pa nas/ rigs chen gtsug tor cher gzigs
 nas zhes pa'i mdza' thug pa ni rigs drug la gzigs pa'i tshigs su bcad pa gnyis so/ /gsang sngags rgyal po drug ldan zhing/ /zhes pa la sogs pa nas a ra pa tsa na ma ya te na ma(rgyud 'grel mngon par rdzogs par byang chub pa'i rim pa tshigs su bcad pa gsum mo/ /'di ltar sangs rgyas bcom ldan 'das/ /shes pa la sogs pa nas theg pa chen po'i tshul gyi mchog/ ces pa'i mthar thug pa ni rdo rje dbyings kyi dkyil
 'khor chen po'i bstod pa tshigs su bcad pa bcu bzhi'o/ /sangs rgyas rnam par snang mdzad che zhes pa la sogs pa nas/ rdo rje lcags kyu zhags pa che zhes pa'i mthar thug pa ni chos kyi dbyings shin tu rnam par dag pa'i ye shes la
 bstod pa rkang pas dman pa'i tshigs su bcad pa nyi shu rtsa lnga'o/ /rdo rje 'jigs byed 'jigs par byed/ /ces pa la sogs pa nas/ sgra dang ldan pa rnams kyi mchog ces pa'i mthar thug pa ni me long lta bu'i ye shes kyi bstod
 pa rkang pa lhag pa'i tshigs su bcad pa bcu'o yang dag bdag med de bzhin nyid ces pa la sogs pa nas/ ye shes me lce 'od rab gsal zhes pa'i mthar thug pa ni so sor rtog pa'i ye shes kyi bstod pa tshigs su bcad pa
 bzhi bcu rtsa gnyis so/ /'dod pa'i don grub dam pa ste/ /zhes pa la sogs pa nas/ nor bu chen po rin chen rtog ces pa'i mthar thug pa ni mnyam pa nyid kyi ye shes kyi bstod pa tshigs su bcad pa nyi shu rtsa bzhi'o/ /sangs rgyas
 kun gyi rtogs bya ba zhes pa la sogs pa nas 'jam dpal dpal dang ldan pa'i mchog ces pa'i mthar thug pa ni bya ba grub pa'i ye shes kyi bstod pa tshigs su bcad pa bco lnga'o/ /mchog sbyin rdo rje mchog khyod 'dud ces pa la sogs pa nas/
 ye shes sku nyid khyod la 'dud/ /ces pa'i mthar thug pa ni de bzhin gshegs pa lnga'i ye shes kyi bstod pa tshigs su bcad pa lnga ste/ tshigs su bcad pa brgya drug cu rtsa gnyis po 'di rnams kyis theg pa thams cad las phyung nas/ /bcom ldan
 'das rdo rje 'dzin pa'i thugs kun tu bzang po mchog tu mi 'gyur ba'i bde ba chen po/ nam mkha' i khams kyi mthar thug pa'i kun nas snang bar byed pa rnam par dag pa'i ye shes kyi tshogs bsags pa/ zab cing rgya che'i gzugs 'chang ba/ /rang
 bzhin gyis 'od gsal ba/ /thog ma dang tha ma med pa/ bdag dang bdag gi ba'i gzung ba dang 'dzin pa la sogs pa'i rnam par rtog pa'i dri ma dang bral ba/ dus thams cad pa/ kun nas nyon mongs pa med pa/ chos thams cad kyi rang bzhin mkhyen pa
 'khor ba'i bag chags las rnam par grol ba/ 'gro ba dang 'ong ba dang bral ba/ spros pa med pa'i ngo bo/ rang gi ngang gis 'jug cing 'phel ba'i ting nge 'dzin dang/ gzungs sna tshogs pa rnams kyi rten/ bum pa bzang po dang/ dpag bsam gyi
 shing dang/ yid bzhin gyi nor bu bzhin du sems can thams cad kyi bsam pa yongs su rdzogs par byed pa/ thub pa chen po rnams kyi yang spyod yul ma yin pa/ sems can gyi phung po chen po mchog tu zhi bar mdzad pa/ sgyu ma lta bu/ rmi lam lta
 bu/ gzugs brnyan lta bu/ sgra brnyan lta bu yang dag par bsdus te/ srid pa gsum gyis mchod par bya ba/ /rnal 'byor pa'i ye shes rang rig pa/ mchog tu mi 'gyur pa'i bde ba 'di nyid ni rnal 'byor pas dor bar mi bya'o/ /zhes pa de bzhin
 gshegs pa'i nges pa'o/ /'di bsgom pa ni rtsa ba'i rgyud kyi rgyal po'i ye shes kyi le'u las de bzhin gshegs pas gsungs pa 'di lta ste/ du ba la sogs sgom byas shing/ /sems ni g.yo ba med byas te/ dbu ma sbyang ba byas
 nas ni/ /mchog tu mi 'gyur bsgom par bya/ /pad+mar rdo rje rab bkod nas/ /srog ni thig ler gzhug par bya/ /'khor lo thig le thig le yi/ /g.yo ba rdo rje dgag par bya/ /rtag tu rtags rengs rnal 'byor pas/ /rtag tu steng du khu par
 'gyur/ /phyag rgya chen po'i sbyor ba yis/ /rdo rje 'bebs pas byin gyis brlabs mchog tu mi 'gyur skad cig ni/ /stong phrag nyi shu rtsa gcig dang/ /drug brgya rdzogs pas rgyal po che/ /rdo rje sems dpa' rang nyid 'gyur/ /zhes pa dang/
 bcom ldan 'das kyis rgyud kyi rgyal po'i ye shes kyi le'u'i rnam pa lnga'i bstod pa las tshigs su bcad pa dang pos mya ngan las 'das pa mtshan ma med par gsungs pa 'di lta ste/ gang la thog mdza' dbus med gnas dang 'chi dang srid pa dang
 ni sgra dang dri dang ro dag dang/ /reg bya gzugs dang sems med rang bzhin dang ni skyes bu med cing 'ching dang grol dang byed po med/ /sa bon dang ni gsal ba'i dus med mdza' dag srid pa sdug bsngal bde ba nyid kyi rang bzhin med/ /mya ngan 'das
 pa mtshan ma med cing byed pa rnam bral yon tan med pa de la phyag 'tshal lo/ /zhes pa ni rdo rje ste thabs so/ /de nyid las tshigs su bcad pa lnga pas shes rab mtshan ma med par gsungs pa gcig dang du ma dag kyang gcig cing mnyam
 dang mi mnyam mnyam pa g.yas dang g.yon dang mdun dang rgyab/ /steng 'og kun nas dkar ljang sna tshogs kha dog chen po gcig gi gzugs te thung ngu ring po dang/ /shin tu ring po yon tan med ces yon tan dang bcas bud med skyes pa
 'ang skyes pa bud med min/ /gang zhig kun gyi rten gcig b+ha ga bzang mo mchog gi b+ha ga khyod la bdud de khyod la 'dud/ /ces pa sems dpa' ni pad+ma dang shes rab ste/ de ltar rdo rje sems dpa' o/ /bcom ldan 'das kyis rtsa ba'i rgyud kyi rgyal po'i ye shes
 kyi le'u las gsungs pa/ chu skyes rdo rje shes rab thabs/ /rten dang brten par brjod pa ste/ /de dag gnyis ni snyoms zhugs pa/ /gnyis med mi 'gyur rdo rje'i sbyor/ rdo rje'i rnal 'byor rnam bzhi pa/ /dus 'khor de la phyag 'tshal bdag /ka lA pa ni
 sprul pa'i rgyal/ /pad dkar chu skyes 'dzin rang nyid ces pa'o/ /bsdus pa'i rgyud kyi rgyal po dpal dus kyi 'khor lo'i 'grel bshad stong phrag bcu gnyis pa dri ma med pa'i 'od las/ mchog tu mi 'gyur ba'i ye shes grub pa zhes pa'i mdor bsdus
 chen po ste gsum pa'o// //stong pa chen po yi ge lnga/ /thig le stong pa yi ge drug la/ /btud nas a sogs ka sogs kyi/ /grangs ni bgrod par bya/ /li sogs/ shes pa la sogs pa ste/ 'dir li yig la sogs pa dbyangs
 brgyad po gang dag dbyangs phyed kyis ni rnam par dman pa rnams yul gyi yon tan du gyur pa ste/ li ni dri'i yon tan gyur pa'o/ /u ni gzugs kyi yon tan du gyur pa'o/ /di ni ro'i yon tan du gyur pa'o/ /i ni reg bya'i yon tan du gyur pa'o/ /
 a pa'o ni sgra'i yon tan du gyur pa'o/ /aM ni snying stobs kyi yon tan du gyur pa'o/ /a(rgyud 'grel yis dman pa rnams ni phyed dang bcas pas bdun no/ /de ltar dbyangs phyed kyi ni rnam par dman pa de rnams phan tshun dbye bas phye ba zhes pa ni so sor phyed dang bcas pa bdun gyi dbye bas phye ba ste/ kun 'byung gi bden pas bsgyur ba de dag thams cad
 rkang pa dang bcas pa lnga bcu rtsa drug tu 'gyur te/ rkang pa dang bcas ro dang mda' rnams shes so/ /thung ngu de dag lug la sogs pa'i dus sbyor la skyes pa'i byis pa'i dbu ma'i dbugs 'bab pa rnams su 'gyur te/ de nas
 g.yon pa'i rtsa'i dkyil 'khor la yang dag par rgyu'o/ /ring po rnams kyang de bzhin du dus sbyor gnyis pa glang la sogs pa mnyam pa la dang po skyes pa'i dbu ma'i dbugs 'bab pa rnams so/ /'dir gal te li la sogs pa dbyangs brgyad
 gsungs pa de lta na yang/ a zhes pa ni sna bug g.yon pa'i nam mkha' la sogs pa'i dkyil 'khor la srog gi bgrod pa'o/ /'dir yang lte ba la sogs pa dang yon tan lnga la sogs pa'i nges pas srog ni nam mkha' la sogs dang sa la
 sogs pa'i chos mthun pas gzung bar bya ste/ thung ngu dang po'i dbye bas mi mnyam pa dang mnyam pa'i dus sbyor dag la'o/ /slar yang thun mtshams gsum pa la ni shin tu ring po yul gyi yon tan dbu ma'i dbugs rnams 'bab ces pa ni 'dir
 gal te 'pho ba'i dus su byis par gyur na/ de'i tshe dbu ma la sogs shin tu ring por gyur nas g.yon dang g.yas la yang dag par rgyu'o/ /sngar brjod pa 'di rnams kyis yi ge thams cad kyi yang dag par rgyu ba rig par bya'o/ /'dir li yig
 gi dbye ba ni 'di lta ste/ li lu lri li la laM la:lAM lra zhes pa'o/ /de bzhin du u wli wri wi wa waM wa:wAM wa zhes pa'o de bzhin du ri rli ru ri ra raM ra(rgyud 'grel a a la o ar e a aM a:a'aM h+ra zhes pa'o/ /de bzhin du aM mli mu mri mi ma maM ma(rgyud 'grel pa'i lnga bcu rtsa drug go de bzhin du ring po dang shin du ring po rnams kyang rig par bya ste/ phan tshun dbye ba rnams kyis so/ /da ni nyin mo dang mtshan mo'i dbugs kyis dbyangs rnams gsungs pa/ ka la sogs pa'i yi ge zhes pa ste/ ka tsa Ta pa ta sa
 drug po rnams kyi ka yig la sogs pa'i yi ge sum cu po rnams ni sum cu'i rab tu dbye bas rab tu gsal bar dgu brgya nyid du 'gyur te/ yi ge re re la phan tshun yang dag par sbyar ba las dbye ba sum cur 'gyur ro/ /'di lta ste/ k+ka k+kha kga
 kg+ha knga/ k+tsa k+tsha kdza kdzha knya/ kTa kTha kDa kDha kNa/ kpa kpha kba kb+ha kma/ k+ta k+tha kda kd+ha kna/ ksa kwa k+Sha ksha kska zhes pa'o/ /de bzhin du kha la sogs pa rnams rig par bya ste/ rab tu gsal bar dgu brgya nyid du 'gyur ro/ /slar yang dgu brgya po de rnams dbyangs
 drug gi ni dbye ba zhes pa ni a i ri u li aM/ zhes pa 'di rnams kyis phye ba ste/ mkha' mkha' dus dang mda' rnams shes pa brgya phrag lnga bcu rtsa bzhir 'gyur te/ dus sbyor gsum gyi rtsa gsum la mtshan mo phyed nas nyi ma 'char ba ji
 srid bar ro/ /de nas dbyangs ring po drug gis phye ba rnams ni nyi ma shar ba nas nyi ma gung ji srid par gzhan dus sbyor gsum gyi rtsa gsum la dbugs kyi dbyangs snga ma'i grangs rnams su 'gyur ro/ /slar yang thung ngu'i dbyangs drug dag
 gis phye ba rnams ni nyi ma gung nas mtshan mo'i dus te/ de la nyi ma nub pa'i mthar thug bar dus sbyor gsum gyi rtsa gsum la grangs sngar bzhin no/ /de bzhin du mtshan mo'i phyi ma'i cha la mtshan mo phyed ji srid bar dus sbyor gsum
 gyi rtsa gsum la dbyangs dang bcas pa snga ma'i grangs rnams so/ /de ltar nyin zhag so so'i dus su dbugs ni 'byung dang 'jug pa mkha' mkha' drug dang zla ba mig rnams 'bab ces pa ni drug brgya lhag pa'i stong phrag nyi shu rtsa
 gcig go /'di rnams kyi dbus nas snga ma stong pa rnams bsdus nas ni mnyam dang mi mnyam bgrod par dbu ma dag la sbyar bar bya zhes pa ni 'dir sngar brjod pa'i dkyil 'khor so so la rkang pa dang bcas pa'i bcu gcig
 ste/ /de rnams kyang chu srin la sogs pa'i dbye bas dkyil 'khor so so'i mthar nga yig la sogs pa'i dbye bas dbu ma dag la sbyar bar bya'o/ /spros pa chen po 'di ni mang ba nyid kyi phyir ma bris te/ mchog gi dang po'i sangs rgyas kyi zla ba
 bzang po'i 'grel bshad stong phrag drug cu pa las shes par bya'o/ /gang gi rab tu 'bad par bya ba 'di yis 'jig rten las 'da' bar byed pa ni cung zad kyang yod pa ma yin te/ a sogs ka sogs 'di ni ba spu dang skra'i
 grangs ji snyed par byung ngo/ /da ni phyed dang bcas pa'i bdun po rnams kyi phyi ma brgyad pa'i phyed gang yin pa de gsungs pa/ phyi rol zhes pa la sogs pa ste/ 'dir phyi rol tu ni zhes pa 'jig rten gyi khams su gang zhig chu tshod
 brgyad pa'i phyed kyi dbyangs su gyur pa sgra gcan longs spyod dag las gzhan du gnas shes pa ste/ 'dir sgra gcan gyis dus so so la zla ba gnyis kyis yul lnga'i mtshan nyid chu tshod lnga dang/ de bzhin du snying stobs rdul
 dang mun pa'i mtshan nyid gsum ste/ khyim gyi 'khor lo'i dbus nas de rnams longs spyod cing/ de rnams las phyed dang bcas pa'i bdun ni longs spyod do/ /chu tshod phyed ni longs spyad par mi nus te/ de ni sgra gcan longs spyod dag
 las gzhan du gnas pa'o/ /de ni rang gi lus la dbugs phyed de ma skyes pa'i lte ba dang dpral ba dag gi dbus su dbyug pa'i rnam pa'o/ /phyi rol tu 'byung ba med pa'i phyir dbugs phyed du brjod do/ /sngags kyi dbye bas ni dbyangs phyed
 de/ /de ni nges pa mun pa dang bral 'jig rten thams cad snang ba ste/ mngal gyi zla ba drug la mngon par shes pa lnga'i phyir ro/ /snga ma phyed ni mun pa dang bcas srid pa gsum po mdza' dag stong pa gang du thim pa'o/ /shi ba'i mthar bzhi pa
 bor nas shin tu gnyid log pa la zla ba drug gi bar du 'jug par byed do/ /de nas rmi lam gyi gnas skabs thob pa'i mngal ni phyi ma'i dbyangs phyed la 'jug go /de phyir snying khar mun pa'i gnas skabs de ni phug nas srog gi rlung bkag pa
 na dus kyi 'khor lo rnal 'byor ldan pa gcig pu lte ba'i 'khor lo la gnas pa'i mun pa bral bar 'jug ste/ mngal gyi gnas skabs su gyur pa zhes pa ni rnal 'byor pa rnams kyi rnal 'byor rdzogs pa'o/ /da ni skyes pa'i byis pa rnams kyi cha nyams
 pa la sogs pa gsungs pa/ zla ba dman zhes pa la sogs pa ste/ 'dir phyi rol la ji lta ba de bzhin du nang la'o/ /nyin zhag so so'i zla ba'i tshes ni chu tshod drug cur mi 'gyur te/ chu tshod gcig gis dman no/ /de yang nang du khu ba yi'o/ /nyi
 mar lhag gang zhes pa ni nyi ma'i longs spyod la ste/ nang gi le'u las sngar brjod pa'i chu tshod gnyis so/ /khyab bdag ces pa ni byang chub kyi sems te/ de'i mchog gi cha ye shes kyi chos can ma ni zla ba'i cha nyams pa'o/ /rnam par shes
 pa'i chos can ma ni nyi ma'i longs spyod nyams pa'o/ /de 'dir ni mthun mtshams bzhi la ste/ thun dang thun la nyin dang mtshan mo'i dbang gis bgrod cing dus sbyor phyed pa'i rab tu dbye ba yis/ sum cu rtsa drug dus kyi pho nya zhes pa ni 'khor
 lo gsum gyi sdom pa'i mkha' 'gro ma rnams te/ de rnams rigs ldan ma'i sbyor ba la thun mtshams kyi dbye ba dang thun tshod kyi dbye ba dang/ dus sbyor phyed pa'i dbye bas yang dag par rgyu'o/ /phyi rol tu longs spyod pa dang/ thim pa dang/
 dbang byed pa dang/ bdag po nyid ji lta ba de bzhin du nang du ste/ nyi ma 'chang ba'i dbye ba dang/ srog 'byung ba'i dbye bas so/ /'dir phyi rol tu gling bzhi rnams las gang du nyi ma 'char ba der longs spyod pa'o/ /gang du mtshan
 mo phyed pa der thim pa'o/ /gang du nyi ma phyed pa der dbang byed pa'o/ /gang du nyi ma nub pa der bdag po nyid de/ rigs ldan ma'i mtshan mo'i rab tu zhugs nas rnal 'byor ma'i longs spyod la mtshan mo phyed kyi bar ro/ /nyi ma shar nas nyi ma
 gung gi bar ni dge slong rnams kyi longs spyod de nyin mo'i dus so/ /des na nyin mo bcom ldan rdo rje can/ /mtshan mo shes rab longs spyod slad ces pa nges pa'o/ /des na nyi ma shar nas nyi ma gung gi bar du dge slong rnams kyi sha dang bral ba'i
 zas bza' bar bya'o/ /nyi ma nub nas nam phyed kyi bar du rnal 'byor pa dang rnal 'byor ma rnams kyis dam tshig gis mchod ston bya'o/ /de las 'das na nyan thos dang sngags pa'i sdom pa nyams te/ de nyams pa'i phyir rdzu 'phrul dang
 dngos grub nyams so/ /de ltar thun mtshams kyi dbye bas rnal 'byor ma bzhi po rnams kyi longs spyod pa dang thim pa la sogs pa ji lta ba de bzhin du thun tshod kyi dbye bas dur khrod kyi rnal 'byor ma brgyad po rnams kyi ste/ mtshan mo
 phyed nas nyi ma gung gi bar du lugs dang mthun pas shar dang lho dang nub dang byang rnams su thun tshod bzhi'i dbye ba rnams la yang dag par rgyu'o/ /nyi ma gung nas mtshan mo phyed kyi mthar thug par lugs dang mi mthun pas dbang
 ldan dang rlung dang bden bral dang me'i phyogs rnams su'o/ /de bzhin du dus sbyor phyed pa'i dbye ba ste/ thugs kyi 'khor lo la sdig pa dang/ gzhu'i dus sbyor phyed pa'i dbye bas bzhi po rnams g.yas skor gyis yang dag par rgyu'o/ /
 chu srin dang bum pa g.yon skor gyis so/ /de bzhin du gsung gi 'khor lo la nya dang lug dang glang dang 'khrig pa'i phyed kyi dbye bas so/ /de bzhin du sku'i 'khor lo la kar ka Ta dang/ seng ge dang bu mo dang srang gi dbye bas yang dag par rgyu'o/ /srog
 gi dbye bas pho nya mo sum cu rtsa drug gi yang dag par rgyu ba ste/ de rnams kyang dus kyi pho nya mo'o/ /de bzhin du 'khor lo sdom pa las gsungs pa/ /dbu ma'i mchog gi dbugs dag ni/ /dri yi chu dang ldan pa yis/ /rigs ldan ma ni rtag
 mchod bya/ /khyad par dus kyi pho nya mo zhes pa ste/ 'dir mchog tu mi 'gyur ba'i bde ba dang gshang ba dang gci ba dang zla ba dang nyi ma'i rtsa 'gog pas rigs ldan ma ste rdo rje phag mo mchod par bya zhing/ brjod pa'i khyad par gyi dus kyis pho
 nya mo sum cu rtsa drug rnams mchod par bya ste/ srog yang dag par rgyu bas phyi rol dang nang du'o/ /'dir lta ba'i 'khor lo'i zlum skor dang po la 'dab ma bzhi ste/ de rnams las shar gyi 'dab ma ni bdag gi gdan no/ /lho ni gzhan gyi gdan no/ /
 nub ni sngags kyi gdan no/ /byang ni de kho na nyid kyi gdan no/ /de bzhin du kha'i sgo ni dur khrod rtse mo 'bigs pa ste shar du'o/ /sna bug g.yas pa ni ro bsreg pa ste lhor ro/ /thur sel gyi sgo ni snag gi dri ste nub tu'o/ /sna bug g.yon pa ni rul pa
 ste byang du'o/ /de bzhin du rna ba g.yon pa ni byis pa shi ba ste dbang ldan du'o/ /rna ba g.yas pa ni drag po'i 'thab mo ste bden bral du'o/ /mig g.yas pa ni sprul gyis zos pa ste rlung du'o/ /mig g.yon pa ni lhag ma ste mer ro/ /de bzhin du snying
 kha'i 'khor lor rtsa brgyad po rnams kyi ming ste/ shar gyi rtsa snar ma ni pUr+N+Na gi ri'o/ /lho'i dmar ser ni dzA lan d+ha ra'o/ /nub kyi rtsa rgyal ba ni o DDi yA Na'o/ /byang gi rtsa a DDA ni ar bud ste/ phyogs rnams su'o/ /de bzhin du phyogs par
 rnams su ste/ dbang ldan du ku hA ni go dA wa ri'o/ /rlung du a lam bu ShA ni rA me shwa ra'o/ /bden bral du pU ShA ni de bI ko Ta'o/ /mer glang po che'i lce ni mA la wa ka'o/ /de bzhin du mgrin pa'i 'khor lo'i zlum skor dang po la rtsa
 brgyad po rnams ni 'di dang nye ba'i zhing dang/ tshan do ha dang nye ba'i tshan do ha'i ming rnams kyis shes par bya'o/ /de bzhin du dpral ba'i zlum skor dang po la yang rtsa brgyad po rnams ni 'dus pa dang nye ba'i 'dus pa dang/ dur khrod dang nye ba'i dur
 khrod kyi ming rnams kyis rig par bya'o/ /zhes pa ni 'khor lo sdom pa'i nges pa'o/ /'di rnams kyi sa bon ni mthar gnas yar la wa rnams sku'i 'khor lo'i shar la sogs pa'i phyogs rnams su'o/ /de bzhin du wA lA rA yA zhes pa ni
 dbang ldan la sogs pa'i phyogs bral rnams su'o/ /ha hA haM ha:ni me dang rlung dang dbang ldan dang bden bral gyi dur khrod rnams su'o/ /de bzhin du e ar al o ni/ gsung gi 'khor lo'i phyogs rnams su'o/ /oM Al Ar
 i ni phyogs bral rnams su'o/ /a A aM a:ni shar dang nub dang byang dang lho'i dur khrod rnams su'o/ /i ri li u ni thugs kyi 'khor lo phyogs rnams su'o/ /a'u lI rI a'i zhes pa ni phyogs bral rnams su'o/ /snying po'i
 pad+ma'i 'dab ma la a A ni shar dang nub tu'o/ /oM a:ni byang dang lho ru ste phyag bcu gnyis pa'o/ /de bzhin du rtsa ba'i rgyud las bcom ldan 'das kyis gsungs pa/ ye shes rnams shes sbyor ba las/ /lte ba'i dbus
 na gnas pa'i sems/ /srog gi yon tan bcad kyis bcings/ /bdag skyes rnams kyis dang srin bzhin/ /sad dang rmi lam gnyid log skabs/ /rnams gsum ye shes dbye ba las/ /srog chags rnams kyi zhal gsum
 sems/ /bzhi pa'i dus las zhal bzhi'o/ /de bzhin rnam shes sbyor ba yis/ /lnga drug yul gyi bdag nyid can/ /sems ni zhal lnga zhal drug pa/ /sems min sems su gzung bya ste/ /lte ba'i dbus gnas thig le dang/ /tsheg drag de
 dag kha sbyor la/ /ye shes rnam shes sbyor ba yi/ /byang chub sems ni rnam par gnas/ /srog rgyu'i dbye bas thun mtshams dang/ /thun dang dus sbyor phyed rnams la/ /sum cu rtsa drug pho nya mo/ /byis pa rnams ni gzhug phyir gsungs shes
 pa ste/ re zhig rtsa sum cu rtsa drug po 'di rnams ni srog 'bab pa las dus kyi pho nya mo ste lus zad par byed pa rnams so/ /de'i phyir de rnams su srog gnas pa dgag par bya'o/ /zhes pa ni nges pa'i don to/ /da ni gsang ba'i rtsa byang chub
 kyi sems 'bab pa sum cu rtsa gnyis gsungs pa nyis 'gyur mi zhes pa la sogs pa ste/ 'dir nyis 'gyur mi bdag ces pa ni/ sum cu rtsa gnyis te/ gsad pa'i 'khor lo la ye shes kyi dbye bas gnas pa rnams so/ /de rnams
 las bcu drug ni chags pa'i phyogs dkar po la cha'i dbye bas gnas so/ /bcu drug ni chags bral gyi dbye bas nag po'i phyogs la ste/ zla ba'i cha nyams pa'i dbye bas sngar brjod do/ /de bzhin du dgyes pa'i rdo rje las/ mi phyed ma dang
 phra gzugs ma/ /mdzes ma g.yon pa thung ngu ma zhes pa la sogs pa rtsa sum cu rtsa gnyis ni rten du gyur pa'o/ /'di snyed kyi mkha' 'gro ma rnams brten pa'i chos can ma ste/ thur sel gyi rlung dang yang dag par sbyor ba'i phyir ro/ /'di
 rnams kyis sum cu rtsa gsum gyi bdag nyid he ru ka 'am 'dus par 'gyur te/ gsang ba'i rgyud kyi phyir ro/ /de'i nyis 'gyur ni sprul pa'i 'khor lo la rnal 'byor ma drug cu rtsa bzhi'i bdag nyid kyi 'khor lo ste dkyil 'khor lnga 'bab
 par byed pa'o/ /gza' rnams kyi yang brgyad kyi dbye ba las te/ slar yang snying kha'i pad+mar gza' rtsa go ri la sogs pa brgyad do/ /dpral bar bdag med ma la sogs bcu drug go /de bzhin du du ma'i tshigs kyi phyogs la zhes
 pa sum brgya drug cu'i tshigs kyi phyogs la lo'i nyin zhag grangs kyi rtsa rnams te/ de rnams kyi bsten par gyur pa'i rnal 'byor ma rnams so/ /de ltar rnal 'byor ma stong phrag bdun cu rtsa gnyis rnams kyi rten dang brten pa'i dbye pas
 rtsa rnams ji snyed kyi mkha' 'gro ma rnams te/ srog dang thur sel rab tu rgyu ba'i phyir ro/ /zhes pa ni bcom ldan 'das kyi gsung spros pa med pa'o/ /da ni bcom ldan 'das kyi phyag rgya gsungs par rig byed dus shes pa la sogs pa
 ste/ 'dir rig byed dus shes pa ni drug cu rtsa bzhi'o/ /de'i mthar 'khor pa pa rnams kyi zla ba'i cha nyams pa gang yin pa de'i chos mi mthun pas zla ba'i cha ma nyams pa ni dbugs kyi lhag ma ste/ dbugs drug cu rnams kyi tha ma dbugs kyi
 chos can rnam srid gsum skyed par mdzad ma mkha' 'gro ma ni sna tshogs gzugs/ /zla ba'i dbus su dman pa gang de mchog gi rgyal ba'i bdag po'i zhes pa byang chub kyi rang gi phyag rgya rnams nyis 'gyur/ gcig ni kun rdzob kyi chos
 can ste/ sgyu 'phrul chen mo drag chen mo'o/ /'byung dang sdud par byed pa mo'o/ /gnyis pa ni byang chub kyi shes rab chen mo/ /sangs rgyas rnams kyi shes rab kyi pha rol tu phyin ma/ skye ba dang 'jig pa dang bral ba/ sangs rgyas sgyu 'phrul zhi ba
 chen mo spro ba dang sdud pa nyams par byed ma ste/ de ni zag pa med pa'i dbye bas thur sel la gnas pa'o/ /gang zhig nyi ma la gnas de ni brgyad dbye pa zhes pa ni sogs la gnas ba rdul gyi chos can ma'o/ /de ni brgyad kyi dbye ba ste
 sad pa dang rmi lam dang shin tu gnyid log pa'i yon tan gsum dang/ yul lnga'i dbye bas yon tan brgyad kyi bdag nyid can no/ /de yang dkyil 'khor du pad+ma'i 'dab ma brgyad po rnams la gnas so zhes pa ni brtags pa'o/ /lhag ma sngar
 brjod pa'i 'khor lo'i lha mo yongs su brtags pa mchog tu 'jigs par byed pa gzhan de rnams mdza' dag phyi dang lus la'o/ /zhes pa ni rtsa la yang dag par rgyu ba'i nges pa'o/ /da ni gza' rgyu ba'i longs spyod kyi mkha' 'gro ma rnams
 gsungs pa/ spen pa zhes pa la sogs pa ste/ 'dir phyi rol tu nyi ma'i rab tu rgyu bas zla gnyis kyi nyi ma'i dus so nang du dus sbyor gnyis kyi srog gi dus su de yang g.yon dang g.yas kyi dkyil 'khor bcu 'bab pa yis 'gyur te/ skyed pa dang sdud
 pa'i dbye bas so/ /des na dus la spen par zhes pa spen pa'i longs spyod la bug pa zhes pa chu tshod dgu khyim gyi 'khor lo la longs spyod de de rnams kyang mkha' 'gro ma'o/ /de bzhin du sgra gcan gyi longs spyod la nyin zhag ces bya zhes bya ba bco
 lnga'o dang lha'i bla ma'i phyed bcas mig dang mig gi grangs shes pa phyed dang bcas pa'i nyi shu rtsa gnyis so/ /gcig tu gyur ba ni phyed bcas drug dang rig byed du gyur ces pa ste/ phyed dang bcas pa'i bzhi bcu rtsa drug go /de rnams mchog gi
 rgyal ba'i bdag po'i thugs rdo rje las skyes shes pa ni thugs kyi thig le las skyes pa'o/ /zhes pa'i don to/ /sa skyes stong pa sprul zla zhes pa ni spros pa ste/ de'i dkyil 'khor las drug cu'i cha yis thob pa gang yin pa de snyed kyi chu tshod rnams
 so zhes pa ni nges pa'o/ /thun mong gis brgya brgyad cu'o/ /'dir gang du bkra shis kyi longs spyod dman pa der nyi ma'i rkang pa'i longs spyod dbrog par mi bya zhing/ zla ba'i longs spyod zla ba gcig bsnan par bya'o/ /'dir zla ba nyi shu rtsa gsum
 gyis bkra shis kyi rang gi nyin zhag go /zla ba bco brgyad kyis 'jig rten gyi grags pa ste/ de ni mi 'thad do/ /des na 'dir gza' rnams kyi dkyil 'khor gyi nyin zhag rnams kyis ji ltar gyur pa lo brgyar 'gyur te/ zla ba brgyad dang
 nyin zhag nyi shu rtsa gcig lhag pa'o zhes pa ni nges pa'o/ /de ltar sa skyes stong pa chu zla nyi ma gza' lag pa sangs mjug rings la yang stong pa sbrul mkha' gcig ces pa stong brgyad cu ste/ gza' lnga po 'di rnams kyi gcig tu longs spyod pa
 las/ mkha' mig mig dang gcig tu gyur pa zhes pa nyi shu lhag pa'i nyis brgya dang stong phrag gcig go /de rnams mchog gi khyab bdag gi ni dag pa'i gsung las byung zhes pa gsung gi thig le las skyes pa'o/ /zhes pa'i don to/ /
 gang zhig zla ba'i dus kyi longs spyod mkha' mkha' ro me zhes pa drug brgya lhag pa'i stong phrag gsum gyi chu tshod kyi longs spyod do/ /de rnams sku'i rdo rje dag las byung zhes pa ni sku'i thig le las byung ba'i/ /zhes pa'o/ /dgu po rnams kyi mdza' 
 dag gcig tu gyur pa ro drug sbrul dang dus rnams dag ste zhes pa brgyad brgya drug cu lhag pa'i stong phrag bzhi dang phyed kyi chu tshod de bzhin nyid ces pa ni dus gcig la mkha' 'gro rnams kyi grangs so/ /de rnams ni mkha' 'gro dus kyi gzugs can
 mdza' dag lus la gnas shing srog la sogs pa srog chags rnams kyi srog ni 'phrog byed ma ste dus gcig la'o/ /dus drug po rnams la ni brgya phrag gcig dang dgu bcu rtsa drug lhag pa'i nyi khri dgu stong ngo/ /zhes pa/ mkha' 'gro ma'i
 grangs te sems can rnams kyi gza' rgyu ba'i nang du 'dus pa'o zhes pa des pa'o/ /de phyir nyin zhag so so'i dus su rang gi lam ni dgag pa byas nas da rnams bsgrub par bya/ de rnams kyi srog dang thur sel 'gags pas thig le bzhi 'gag /zhes
 pa ni nges pa'o/ /ji srid ces pa la sogs pa tshigs su bcad pa gnyis pas gsungs pa ni go bla'o da ni zla ba'i rkang pa la sgra can 'jug pa gsungs pa/ nyi ma zhes pa la sogs pa ste/ 'dir nyi ma'i rkang pa ni ro dang dus dang ri bong can zhes pa sngar brjod pa
 bcu gcig po rnams so/ /zla ba'i rkang pa ni 'byung dang 'byung ba mda' zhes pa la sogs pa nyi shu rtsa lnga ste/ 'di dag gcig tu bsdom pa ni sum cu rtsa drug tu 'gyur ro/ /de nas yon tan brgyad kyis bsgyur ba ni nyis brgya brgyad cu rtsa brgyad du 'gyur te/ de
 ltar sred pas bsnun pa rnams shes pa ni brgyad kyis so/ /yan lag rnams kyis shes pa dus sbyor bcu gnyis kyis bgos pa thob pa nyi shu rtsa bzhi ni zla ba'i rkang pa rnams su 'gyur ro/ /lhag ma'i rkang pa nyi shu rtsa lnga ni sgra gcan 'jug pa la
 yang mjug rings za zhes pa ni nang du yid kyi dbang po dang khu ba'i khams kyi rkang pa stong pa'i yan lag gang yin pa'o/ /thun mtshams bzhi po kun dang/ thun brgyad po rnams dang/ nyin zhag so so'i dus su srog chags rnams kyi yan lag bcu
 gnyis rnams shes pa ni de rnams dus sbyor bcu gnyis so zhes pa'i don to dus sbyor re re la ni dbugs rnams dag kyang nyis 'gyur dgu brgya zhes pa brgya phrag bco brgyad kyi srog rnams 'bab pa de rnams yan lag gcig tu gsungs so/ /de ltar
 phyi rol tu zla ba gcig dang/ dbyug gu brgya phrag bco brgyad kyis yan lag gcig go /zla ba gnyis dang brgya phrag sum cu rtsa drug gis dus so/ /de ltar yan lag gnyis gnyis kyis dus drug rnams so/ /dus gsum gyis 'dzin pa ste/ zla ba dang nyi ma 
 dang sgra gcan gyi longs spyod kyi dbang gis so/ /de ltar yan lag gnyis gnyis rnams la nyin zhag dang po la ma rig pa'o nyin zhag gnyis pa la 'du byed do/ /de bzhin du rga shi'i bar du'o/ /slar yang nyin zhag bcu gsum pa la ma rig pa'o/ /bcu
 bzhi pa la 'du byed do/ /de bzhin du nag po'i dgu pa la rga shi'o/ /slar yang bcu pa la ma rig pa'o/ /bcu gcig pa la 'du byed do/ /de bzhin du rim pas dkar po'i drug pa la rga shi'o/ /slar yang bdun pa la ma rig pa'o/ /brgyad
 pa la 'du byed do/ /nag po'i gsum pa la rga shi'o/ /slar yang bzhi pa la ma rig pa'o/ /lnga pa la 'du byed do/ /de bzhin du rim pas gnam stong la rga shi'o/ /sa dang chu dang me dang rlung dang nam mkha' i rang bzhin gyis dus la yongs su bskor pa lngar
 'dod do/ /de ltar phyogs gcig ni thung ngo'o/ /zla ba ni ring po'o/ dus ni shin tu ring po'o/ /phyogs ni snying stobs kyi chos can no/ /zla ba ni rdul gyi chos can no/ /dus ni mun pa'i chos can no/ /de ltar rnam pa lnga po rnams kyis dus su yang ni kun
 nas zla ba gnyis gnyis dag las 'gyur zla ba gang du zla ba'i cha gcig nyams pa nyid du gyur pa zla ba gnyis po dag las dang po zla ba ni gsum pa de nyid kho na'o zhes pa ste/ nyin zhag drug cu rtsa bzhi rnams kyi cha zad pa'i phyir ro/ /zla ba drug dang
 dus gsum gyis ni 'dzin par 'gyur te rten cing 'brel pa yan lag bcu gnyis kyis shes pa ni 'dir dang po'i dus ni snying stobs kyi chos can no/ /gnyis pa ni rdul gyi chos can no/ /gsum pa ni mun pa'i chos can te de nas mun pa 'jug go /
 de bzhin du zla ba yang khams drug gi dbye bas ye shes kyi khams kyi mthar thug par zla ba drug pa'o/ de ltar nyi ma'i dus kyi dbye ba rkang pa'i bgrod pa'i dbang gis zla ba'i dbus su rab tu zhugs shes pa gnam stong la'o/ /reg pa'i yan lag
 dbus der sgra gcan gyis ni zla ba nyi ma dag gi rkang pa 'dzin no/ /nyin dang mtshan mo'i dus su zhes pa/ nyi ma 'dzin pa la nyin mo'i dus dang/ zla ba 'dzin pa la mtshan ma'i dus su ste 'chang par 'gyur ro/ /sgra gcan dag gi bltas pa'i
 sman rnams gang yin de dag grub pa ster/ /'dzin pa'i dus su shing la sogs pa mtshon gyis bsnun pa rnams 'bras bu smin par 'gyur ro/ /'dir man ngag ni zla ba so sor nyi ma'i longs spyod skar ma gnyis dang chu tshod bcu gcig byin pas zla ba drug gis
 skar ma bcu gnyis dang chu tshod drug cu rtsa drug tu 'gyur ro/ /zla ba'i cha nyin zhag gsum gyi chu tshod dman par byas nas bcu gsum gyi lhag ma lnga bcu rtsa gsum mo/ /'dzin pa'i gnam stong gi longs spyod la nyi ma rkang pa sbyin pa 'am ngor bar bya'o/ /
 de nas sgra gcan gyi longs spyod la chu tshod bzhi bcu rtsa lnga dman par byas nas lhag mas skar ma'i longs spyod la sbyang bar bya'o/ /gang gi tshe snga mar kha yis nyi ma bzung ba de'i tshe phyi mar 'jug pa'i longs spyod kyis 'gyur ro/ /de bzhin zla ba yang
 nya la'o/ /zhes pa 'dzin pa'i mtshan nyid grub pa'o/ /phyi rol la ji lta ba de bzhin du nang du nyin zhag so so'i dus sbyor drug pa la rig par bya'o/ /zhes pa rnal 'byor pa rnams kyis so/ /'di ni byis pa rnams kyis rtogs par bya ba ma yin te/
 bstan bcos kyi sgo nas ni brjod par mi nus so/ da ni bkra shis la sogs pa rnams kyi zhing rnams gsungs pa/ sa skyes shes pa la sogs pa'o/ /'dir sa skyes la sogs pa'i gza' rnams ni lug la sogs pa'i
 khyim la zhing can te/ lug las sa skyes so/ /glang la khu ba'o/ /'khrig pa la gza' lag go /kar ka Ta la zla ba'o/ /seng ge la nyi ma'o/ /bu mo la slar yang gza' lag go /srang la pa sangs so/ /sdig pa las skyes so/ /gzhu la sngags pa
 zhes pa phur bu'o/ /chu srin la nyi skyes shes pa spen pa'o/ /bum pa la yang spen zhes pa slar yang spen pa'o/ /nya la sngags pa'o/ /nyin zhag so so'i dus su dus sbyor bcu gnyis 'char ba la zhing can rnams te dus kun tu longs spyod par byed pa
 po rnams so/ /zhes pa'i don to/ /'dir zhi ba'i las la zla nyi khyim ste zhes pa zhi ba la karka Ta dang seng ge'i khyim gnyis so/ /rgyas pa la gza' lag gi khyim 'khrig pa dang bu mo gnyis so/ /dbang la pa sangs kyi khyim glang
 dang srang gnyis so/ /dgug pa las sa skyes kyi khyim lug dang sdig pa gnyis so/ /bskrad pa la sngags pa'i khyim gzhu dang nya gnyis so/ /gsang pa la spen pa'i khyim chu srin dang bum pa gnyis so/ /gal te rang gi zhing 'dir ni zhing can
 skar ma'i longs spyod kyi dbang gis gal te gyur na de'i tshe'o/ /gzhan gyi dus su gza' gzhan gyis byin gyis brlabs pa'i khyim ni sngar brjod pa'i las rnams la de'i 'bras bu ster bar mi 'gyur ro/ /zhes pa nges pa'o/ /da ni bcom ldan
 'das kyi zhal gyi dbye bas zhi ba la sogs pa gsungs pa/ zhi la zhes pa la sogs te/ 'dir zhi ba la bcom ldan 'das kyi zhal dkar po nyi ma shar ba nas thun mtshams yang dag par rgyu ba'i dbang gi dang por zhes thun dang po
 la sngon du gtso bor 'gyur ro/ /des na zhi ba la zhes bzhi pa'i yul la sngags dang bsam gtan la sogs pa rnams kyi sngar bsgrubs pa'i 'bras bu thun tshod gcig gis bsgrub par bya'o/ /dkar dang gser mtshungs thun tshod lag pa la
 zhes pa ni 'khor ba'i dbang gi thun tshod gnyis pa la nub dang byang gi phyed phyed ni sngon du gtso bor 'gyur te/ bsres pa des rgyas par bsgrub par bya'o/ /nub kyi zhal ser po ni nyi ma gung nas thun tshod gcig la gtso bo ste/ de yis me'i thun la
 zhes pa thun tshod gsum pa la nges pa'i yul la dngos grub ster ro/ /thun tshod bzhi pa la gser dang nyi mtshungs shes pa ser po dang dmar po bsres pa gtso bo ste de yis rmongs par bya'o/ /de bzhin du thun lnga pa la zhal dmar po gtso bor
 'gyur te/ dgug pa la'o/ /drug pa la dmar po dang nag po bsres pa gtso bo ste de yis dbang du bya ba bsgrub par bya'o/ /de bzhin du bsad pa la nag po'i zhal te ri bo la'o/ /zhes pa mtshan mo phyed nas thun tshod bdun pa la'o/ /bskrad pa la gnag
 dang dkar 'dir sprul la zhes pa thun tshod brgyad pa la mtshan mo'i mdza' nas nyi ma 'char ba'i mthar thug pa'o/ /de ltar gang gi tshe bcom ldan 'das dus kyi 'khor lo thun tshod 'khor ba'i dbye bas zhal brgyad pa yin pa de'i tshe thun
 mtshams bzhi'i dbye bas zhabs bzhi dang/ thun phyed kyi dbye bas phyag bcu drug tu 'gyur ro/ /zhes grub po/ /de ltar nyin mo la phyag gis dbye bas las brgyad po rnams te/ mtshan mo la yang thun phyed kyi dbye bas so zhes pa ni nges
 pa'o/ /thun mtshams bzhi'i dbye ba las bzhi ste/ snga dro'i thun mtshams la zhi ba'o/ /nyi ma gung la rengs pa'o/ /nyi ma nub pa la dgug pa'o/ /mtshan mo phyed la gsad pa'o/ /'dir yang zhal brgyad pa'i shes rab ni phyag gnyis ma ste
 snga dro dang phyi dro'i thun mtshams na zhabs gnyis so/ /nyi ma gung nas mtshan mo phyed ni phyag gnyis so/ /nyin mtshan mthar dag ni zhal lo zhes pa las sgrub pa la sgom pa'i nges pa'o/ /tshigs su bcad pa 'di nas tshigs su bcad pa gnyis pa
 gang yin pa ni go bla'o/ /da ni byis pa skyes pa'i dbugs kyi mtshan nyid gsungs pa/ dang po zhes pa la sogs pa ste/ 'dir byis pa skyes pa'i dang po'i dbugs thog ma gang yin pa de ni yon tan med pa'i bdag nyid ces pa snying stobs la sogs
 pa dang dri la sogs pa'i yon tan dang bral ba ste/ de'i chos la ma zhugs pa'i phyir ro/ /de nas rnam gsum yon tan dbang gis shes pa snying stobs kyi dbang gis dbugs gnyis pa 'byung ngo/ /rdul gyi dbang gis gsum pa'o/ /mun pa'i
 dbang gis bzhi pa'o/ /de rnams las snga ma yon tan med pa gzung bar mi bya'o/ /de dang lhan cig gsum gyi grangs su bgrang par bya ste khyab par byed pa yin pa'i phyir ro/ /slar yang snying stobs dang rdul dang mun pa'i rang bzhin
 de rnams so sor yul lnga'i yon tan gyi dbye bas re re la rnam pa lngar 'gyur te/ des na tshes shes bya ba zhes pa bco lnga'o/ /de rnams slar yang lus ngag dang sems kyi dbye bas sum 'gyur ni/ 'byung ba chu gter grangs 'gyur zhes pa
 bzhi bcu rtsa lnga'o/ /slar yang de nas rgyu ba'i dbye ba rnams kyis bsnun pa de dag rnams shes pa ni zla ba dang nyi ma'i rgyu ba rnam pa bzhi ste/ myur ba dang dal ba dang 'khyog po dang 'byung ba'i rkang pa rnams kyi nor 'phel ba dang 'grib pa dang/ bu
 lon 'phel ba dang 'grib pa'i dbye bas so /bzhi po de dag rnams kyis bsnun pa rnams ni chu tshod phyed kyi dbugs kyi grangs shes pa brgya brgyad cu'i grangs so/ /slar yang nyis 'gyur rnams ni dbugs kyi grangs te/ chu tshod kyi dbugs kyi
 grangs sum brgya drug cu rnams su 'gyur te/ /shes rab dang thabs kyi rang bzhin las so/ /chu tshod gcig po de ni byis pa'i g.yon nam g.yas nas dkyil 'khor gcig 'bab par byed pa'o/ /de nas gnyis pa dang gsum pa ste/
 gnyis gsum chu gter mnga' zhes pa la sogs pa bcu rnams kyis dus kyis rtsa dbu ma dkyil 'khor bcu 'bab par byed pa 'di 'phel ba ste/ g.yon dang g.yas su nyin mtshan gyis dkyil 'khor drug cu'i bar du 'phel lo/ /mtshams
 de nas sde'i rab dbye rnams kyis shes pa ka yig la sogs sde pa rnams dang chu srin la sogs pa'i dus sbyor sngar brjod pa rnams kyis rnam gnyis lam la gnas pa dus kyi rtsa ni 'jig rten gsum zhes pa lus kun nas gang bar
 byed de/ rtsa stong phrag bdun cu rtsa gnyis po gang bar byed do/ /bde mnyam 'bras bu ster ba gang yin pa de ni zla ba nyi ma'i rab tu rgyu ba las shes pa la lA nA dang ra sa nA'i rab tu rgyu ba las te/ dkyil 'khor lnga 'bab pa las so/ /dbugs byung ba
 las dus kyi rtsa'i dbye ba'o/ /gnyis pa'i dbye ba ni mngal bzung ba nas dus kyi rtsa sde tshan gyi dbye bas 'byung ba'i slad du 'phel ba'o/ /de la gcig gi sde tshan ni gcig ste/ 'khor lo drug po rnams su dbu ma a ba d+hU tI'o/ /gnyis kyi sde
 tshan ni bzhi ste/ gtsug tor gyi pad+ma'i rtsa rnams dang/ lte bar zlum skor dang po'o/ /gsum gyi sde tshan ni dgu'o/ /de rnams ni snying kha'i rtsa brgyad dang/ lte ba'i zlum skor gnyis pa ste/ dgu pa ni zla ba'i skye gnas so/ /bzhi'i sde mtshan ni bcu
 drug ste/ de rnams ni dpral pa dang lte ba'i 'khor lo'i khyim gyi zlum skor gyi phyi rol tu'o/ /lnga'i sde tshan ni nyi shu rtsa lnga ste/ de rnams ni dpral bar zla ba'i rkang pa rnams so/ /drug gi sde tshan ni sum cu rtsa drug ste/ de rnams kyi nang nas sum cu rtsa
 gnyis ni mgrin par ro/ /bzhi ni bkra shis dang gza' lag dang phur bu dang pa sangs rnams kyi skye gnas so/ /lte ba'i zla ba'i rkang pa'i zlum skor gyi phyi rol tu'o/ /bdun gyi sde tshan ni bzhi bcu rtsa dgu ste/ mgrin par zlum skor gnyis pa la khyim gyi
 rkang pa bzhi bcu rtsa brgyad do/ /gcig ni nyi ma'i skye ba'i gnas te lte bar yang ngo/ /brgyad kyi sde tshan ni drug cu rtsa bzhi ste/ lte ba'i 'khor lor dkyil 'khor drug cu 'bab par byed pa drug cu dang/ stong pa'i rtsa bzhi'o/ /dgu pa'i sde tshan ni brgyad
 cu rtsa gcig go/ bcu'i ni brgya'o/ /gcig ni dal pa'i skye gnas so/ /'di rnams kyi brgya brgyad cu ste/ phyi rol gyi dbye bas rdul gyi chos can nyid kyi phyir ro/ /nyis 'gyur ni sum brgya drug cu ste tshigs su phyogs rnams su shes par bya'o/ /de
 bzhin du mgrin par ji lta ba de bzhin du gsang par 'khor lo la'o/ /dpral ba la ji lta ba de bzhin du rdo rje la'o/ gtsug tor la ji lta ba de bzhin du rdo rje nor bu'i rtse mo la bzhi ste/ lus la khyab pa'o/ /ji srid rig byed sbrul 
 dang me ste zhes pa ni phyogs nyi shu rtsa bzhi dang nyin zhag sum brgya drug cu'o/ /de ltar dus kyi 'khor lo dang bgrod pa dang dus dang dus sbyor dang/ phyogs dang nyin zhag gi dbye bas rtsa'i dbye ba grub ste/ gnyis pa ni thun mtshams dang thun tshod dang/
 thun phyed kyi dbye bas so zhes pa nges pa'o/ /de bzhin du bcom ldan 'das ma ni de'i sbyor ba las nges par phyag na gri gug thod pa can du rab tu 'gyur/ 'dir bcom ldan 'das ni lo'i dag pas so/ /de bzhin du bcom ldan 'das ma ni nyin zhag so
 so'i dag pa ste/ nyin mo gri gug dang mtshan mo thod pa'o zhes pa'i don to/ /da ni ka sde'i 'khor lo rnams gsungs pa/ 'khor lo zhes pa la sogs pa ste/ 'dir ka yig la sogs pa gsal byed rnams dang/ a yig la sogs pa bco lnga ste/
 'di rnams ni bzhi bcu rtsa lnga'o/ /yul lnga dang yon tan gsum ste/ de'i dbang gis shes pa thung ngu dang ring po'i dbyangs lnga dang ldan pa'i ngal sogs pa rnams dang/ bdag nyid thig le rnams par bcad pa dang ldan pa bco lnga ste/ de ltar sa yig gi
 mthar thug pa rtsibs bcu pa sum cu dang phan tshun nang du 'dus pa la sogs pa a yig gi mthar thug pa rtsibs drug pa rnams so/ /'khor lo mda' dang chu gter grangs ni yul dang yon tan dbang gis sku gsung thugs kyi dbye ba yis
 gtso bo dus kyi 'khor lo bde ba chen po srung bar byed de bde mnyam 'bras ster du ba la sogs lha mo brgyad rnams so/ /'dir nga yig gi 'khor lo brjod par bya ste/ 'khor lo thams cad kyi phyi rol dang/ nang du ba spu'i rtse mo la'o/ /steng du nga'o/ /
 shar du ngi'o/ /lhor ngri'o/ /byang du ngu'o/ /nub kyi rtsibs la ngli'o/ /rlung du ngli'o/ /dbang ldan du ngU'o/ /bden bral du ngrI'o/ /mer ngI'o/ /sa 'og tu ngA'o/ /de bzhin du g+ha ga kha ka ste/ /ba spu'i khams la'o/ /pags pa dang sha la tsa sde'o/ /khrag la
 Ta sde'o/ /ro la pa sde'o/ /rus pa la ta sde'o/ /rkang pa la sa sde ste lugs las bzlog pas so/ /de ltar rkang gi mthar rtsibs bcu pa'i 'khor lo sum cu rnams so/ /de nas rtsibs drug rnams te/ shar gyi rtsibs la la'o/ /lhor la:O/ /byang
 du laM ngo/ /nub tu lA'o/ /'og tu lA'o/ /steng du lAM ste/ srog la sogs pa rtsa rnams la'o/ /de bzhin du wa ra ya ha'o/ /de bzhin du rdul la shar du a la'o/ /lhor Al:O/ /byang du a laM ngo/ /nub tu A la'o/ /'og tu a la:O/ /steng du A laM ste/ de
 bzhin du o ar e a'o/ /khu ba'i khams la bsrung ba ni/ shar du li'o/ /lhor li:O/ /byang du laM ngo/ /nub tu li:O/ /'og tu lI'o/ /steng du lIM ste/ de bzhin du u ri i a'o/ /ba spu la sogs pa khu ba'i mthar thug pa khams dgu
 rnams so/ /de nas zla ba'i dbus su rnam par shes pa'i khams te/ dub la sogs pa stong pa rnams kyis bskor ba'o/ /zhes pa'i don to/ /de la yul lnga'i stong pa dang/ yon tan gsum gyi stong pa ni dub pa la sogs pa'o/ /de nas tsha dang
 thig le mthong ba'o/ /de nas gzugs mthong ba'o/ /zhes pa'i don to/ /de ltar nyi ma la gnas gtso bo mchog gi ri bong can gyi cha ni bcu drug ma'o/ /de yis 'khyud par gyur pa dus thams cad du sna tshogs gzugs te rnam pa thams cad pa
 nyid kyi phyir ro/ /lha mo zhes pa ni khams so/ /sangs rgyas shes pa'i phung po rnams so/ /de rnams ci yis khyad par du 'phags she na/ 'chi med rnams te/ skye ba dang rga ba dang 'chi ba dang bral ba rnams dang yul dang yul can rnams dang/ sgra
 gcan dang zla ba dang nyi ma rnams kyis kyang phyag 'os pa mi 'gyur ba'i bde ba chen po bcom ldan 'das dus kyi 'khor lo'o/ /'dir rjes la tshigs su bcad pa bzhi ni go bla'o/ /da ni rdo rje'i dbugs la gza'i rgyu ba 'jug pa gsungs
 pa/ gtso bo'i zhes pa la sogs pa ste/ 'dir phyi rol la ji lta ba de bzhin du nang la'o zhes pa'i rigs pas phyi rol tu nus pa'i dbugs ni lo'i chos so/ /lo de rnams kyis gang gi tshe dus kyi mthar 'gyur ba ni/ mkha' mkha' nam mkha' mkha' 
 mig me dang chu gter zhes pa nus pa'i dbugs dang lo nyi khri lhag pa'i 'bum phrag bzhi bcu rtsa gsum mo/ /de bzhin du sems can thams cad kyi'o/ /dbugs 'di rnams kyi mthar dbugs gcig ni phyi rol tu 'jig rten gyi khams la lo dang/
 dbu ma la dbugs gcig ste/ lo gang la rtsod dus las 'byung zhing rdzogs ldan gyi dus la 'jug pa'o/ /de ltar dus bzhi rnams kyi nus pa'i dkyil 'khor bcu'i rtsa rab tu 'bab ste/ dkyil 'khor re re ni lo stong phrag sum cu rtsa gnyis
 lhag pa'i 'bum phrag bzhi'o/ /de ltar rdzogs ldan la dkyil 'khor bzhi ste/ g.yon gyi rtsa la nam mkha' dang rlung dang me dang chu'o/ /gsum ldan la g.yon gyi rtsa de nyid la dkyil 'khor gcig ste sa'i mtshan nyid do/ /de nas dbu ma la
 'jug ste/ dkyil 'khor lnga po rnams las stong phrag sum cu rtsa lnga lhag pa'i 'bum phrag cig gzung nas dbu ma'i dus so/ /de nas g.yas la yang dag par rgyu ste/ sa'i dkyil 'khor dang chu'i dkyil 'khor ni gsum ldan la'o/ /
 de nas gnyis ldan la me dang rlung gi dkyil 'khor ro/ /rtsod ldan la nam mkha' i dkyil 'khor ro/ /de la dus rdzogs par 'gyur ro/ /de nas dbu ma'i dbugs rnams kyi mthar dbugs gcig lhag pas thams cad snang bar byed do/ /
 gal te dbugs kyi tshad de sad pa'i gnas skabs la gnas na dbugs de ni sems can thams cad kyi gnyid kyi gnas skabs su 'gyur ro/ /de ltar dbugs nyi khri lhag pa'i 'bum phrag bzhi bcu rtsa gsum gyi nang du gza' rnams kyi dus gcig tu
 'gyur ro/ /dbu ma la stong pa'i dkyil 'khor gyi mthar ye shes kyi dkyil 'khor la 'jug par 'gyur te/ de bas na de gzung bar bya'o/ /de ltar rang rang tshad kyis rgyal ba'i bdag po'i rkang pa dbugs kyi dbus su 'gro dang gnas pa shes par bya
 zhes pa ni nges pa'o/ /'di'i rjes la tshigs su bcad pa bcu bzhi ni go bla'o/ /da ni 'jig rten gyi khams nye bar sdud pa gsungs pa/ sa las shes pa la sogs pa'o/ /'dir sangs rgyas bcom ldan 'das kyis chos bstan pa ni rnam pa gnyis te/
 gcig ni 'jig rten gyi kun rdzob po/ /gnyis pa ni don dam pa'o/ /de la 'jig rten gyi kun rdzob tu gsungs pa/ dbang skyes blo ni rnam pa med/ /phra rab bsag pa dngos su rig /kha che gzhung gi chu gter gyi/ /bye brag smra ba'i gzhung du 'dod/ /ces
 pa dang/ de bzhin du mu stegs pa thams cad kyang rdul phra rab bsags par 'dzin pa ste/ des na phyi rol tu sangs rgyas kyi zhing rnams dang/ 'jig rten gyi khams rnams kyi yang skye ba dang 'jig par rig par bya'o/ /de yang sems can rnams
 kyi dge ba dang mi dge ba'i 'bras bu longs spyod pa'i rgyu las 'gyur te/ sems can gyi phung po ji srid pa de srid du'o/ /zhes pa ni nges pa'o/ /des na 'jig rten gyi khams nye bar sdud pa'i dus su las kyi rlung 'di ni gang gis sngon 'jig rten gyi khams
 dang sangs rgyas kyi zhing bskyed pa'o/ /de'i rang bzhin rnam pa gnyis te/ gcig ni nam mkha' la brten pa'i skar ma bzhin du g.yo ba med pa ste/ 'jig rten gyi khams dang sangs rgyas kyi zhing gi phyogs gang du yang 'gro bar mi byed do/ /gnyis pa
 ni nam mkha' la khyim gyi 'khor lo bzhin du 'khor ba'i rang bzhin no/ /de bzhin du 'jig rten gyi khams kyi nang du 'dus pa'i brtan pa rnams ni mi g.yo ba'i rang bzhin no/ /srog chags rnams ni g.yo ba'i rang bzhin te/
 las kyi rlung zhes pa ni rnam par shes pa'i chos nyid do/ /de bzhin du rdul phra rab las grub pa'i lus rnams nye bar sdud pa'o/ /des na chags pa dang 'jig pa'i mtshan nyid skye ba dang 'jig pa'i chos can las sangs rgyas kyi zhing nye
 bar sdud pa'i dus su 'jig rten gyi khams nye bar sdud pa'o/ /'jig rten gyi khams 'jig pa'i dus der sa la zhes pa ni/ sa las chu la sogs pa'i khams kyi rdul phra rab gang dag yang dag par sbyor bas gnas pa rnams te/ de
 rnams sa'i rdul phra rab kyi tshogs las phye ste/ sa'i rdul phra rab rnams tha dad du byas nas chu'i khams la ste chu'i rdul phra rab kyi tshogs las 'jug par byed do/ /de bzhin du chu'i khams las phye nas me las 'jug par byed
 do/ /me las phye nas rlung la 'jug par byed do/ /rlung las phye nas nam mkha' las so so so sor kun tu spyod do/ /de ltar 'jig rten gyi khams nya bar sdud pa ste/ sa 'og na dus kyi me zhes bya ba'i lha 'ga' zhig yod pa des 'jig rten gyi khams
 sreg par byed pa dang thal bar byed pa ni ma yin no/ /dus kyi me rdul phra rab bsag pa gang yin pa de nyid kyis/ chos gzhan za bar byed pa'i phyir/ rdul phra rab dang bral ba gang yin pa des ni cung zad kyang sreg par mi byed cing za bar mi byed
 do/ /de ltar brtan pa rnams zhig par gyur pa'i rjes la rnam par shes pa'i chos can gyi srog gang yin pa de rnams gang zhig las kyi rlung gis bskyed pa'i zhing gzhan gyi 'jig rten gyi khams su 'gro ste de rnams nye bar longs spyad
 pa'i slad du'o/ /de ltar las kyi rlung mdza' yas pa rnams 'jig rten gyi khams skyed par byed pa dang/ sangs rgyas kyi zhing skyed par byed pa ste/ dper na srog chags rnams kyi srog rnams so so so so'i lus skyed par byed pa bzhin no/ /brtan pa rnams kyi 'phel
 pa bskyed par byed pa'o/ /zhes pa ni kun rdzob tu grub pa'i mdza' 'o/ /nga ni las kyi rlung las grol ba rnams kyi bzhugs pa gsungs pa/ sangs rgyas zhing zhes pa la sogs pa ste/ 'dir bzang po spyod pa bsgrags pa las bcom ldan 'das
 kyis gsungs pa 'di lta ste/ rdul cig steng na rdul snyed sangs rgyas rnams/ /sangs rgyas sras kyi dbus na bzhugs pa dag /ces gsungs pa'i phyir kun rdzob tu sangs rgyas rnams kyi bzhugs pa gang yin pa de ni rten spangs pa dang rten med pa ma
 yin no/ /sgrib pa med pa'i chos kyis don dam par ni bzhugs pa med de/ shes rab kyi pha rol tu phyin pa'i chos 'phags kyi le'u las sangs rgyas rnams la gang duAng gshegs pa 'am byon pa ma byung ngo/ /'byung bar mi 'gyur ro/ /mi
 'byung ngo zhes gsungs so/ /des na dag pa'i rdul phra rab grub pa'i bcud khams thams cad 'bigs par byed pa rdul gcig gi rtse mo'i rten la sangs rgyas thams cad de/ gang dag stong pa'i mtshan nyid sgrib pa med pa rnams mdza' dag go/
 de ltar sangs rgyas zhing ni ma lus las can min par te las kyi rlung dang dpral bar srid gsum skyed par mdzad pa ye shes kyi sku yis rnam par gzigs nas ni/ dag pa'i rdul la sangs rgyas thams cad de/ de rnams dang thabs gcig tu bzhugs
 so/ /gnyi ka ro mnyam dag pa'i rdul la zhes pa ni/ phal pa'i bcud grub pa'i bcud du byas pa dang 'khor ba'i byang chub kyi sems mi 'gyur bar byas pa la'o zhes pa'i don to/ /byang chub sems dpa' rnams kyis bskor ba ste zhes pa ni 
 sgrib pa'i cha shas cung zad tsam gyi smon pa'i sems la'o/ /rdo rje'i sras po rnams shes pa ni/ so so re re yi ro yi rdul la zhes pa shes rab dang thabs gnyis ka'i chos la gnas pa rnams te/ mi g.yo ba la sogs
 pa la gnas pa rnams so/ /zhes pa'i don to/ /de bzhin du sa la sogs pa'i rdul la 'dod chags dang bral ba la sogs pa sa la sogs pa'i zad par mngon sum du byas pa mdza' yas pa rnams te/ mi g.yo ba la sogs pa la rab tu
 zhugs pa rnams so/ /zhes pa'i don to/ /'dir rdul gyi sgra yis mi g.yo ba la sogs pa'i sa rnams gsungs kyi/ rdul phra rab rnams ni ma yin no/ /dag pa'i rdul gyi sgra yis rten tu gyur pa'i sa bcu gnyis po rnams te sgrib pa
 thams cad zad pa'i phyir ro/ /zhes pa'i don to/ /de dag rnams dang thabs gcig rdo rje sems dpa' chags pa'i dus kyi bar du mkha' la rnam par bzhugs shes pa ni/ 'dir ji srid sems can rnams kyi bsod nams dang ye shes
 tshogs par ma gyur pa de srid du de rnams kyis sangs rgyas 'byung ba mthong bar mi 'gyur ro/ /des na nam mkha' la rnam par bzhugs te/ chos kyi sku la gnas so zhes pa'i don to/ /da ni 'jig rten gyi khams 'byung ba gsungs te/
 saM bar ta'i dus shes pa la/ saM bar ta ni 'jig par bshad ces grag go /'dir tshig de ni ma yin te/ yang dag pa'i rnam pas chos dang chos ma yin pa la 'jug pa'i phyir 'chags pa'o/ /de'i rgyu las las kyi rlung rnam pa
 gsum du 'gyur te/ yang dag par 'dzin par byed pa dang/ srub par byed pa dang/ dbyibs byed pa'o/ /de rnams las yang dag par 'dzin par byed pas sa la sogs pa'i rdul phra rab kyi tshogs 'dzin te/ dper na sprin gyi rlung gis chu'i rdul
 phra rab kyi tshogs 'dzin pa bzhin no/ /de nas srub par byed pas sa la sogs pa ro'i mthar thug pa'i rdul phran gyi tshogs srub par byed de/ lan tshwa bzhin du khams rnams sra ba nyid du gyur gyi bar du'o/ /de bzhin du de dag rnams phan tshun
 sbyor bar 'gyur te gtso bo'i dngos la chung ngu'i dngos po'o/ /des na sra ba'i chos las sa'i rdul phra rab gtso bo ste/ lhag ma rnams ni phal pa'o/ /de bzhin du chu la chu'o/ /me la me'o/ /g.yo ba nyid la rlung ngo/ /ro la thams cad mnyam
 pa ste rang rang gi yon tan dang bral ba'o/ /de nas dbyibs kyi rlung ni chen po thams cad dag gis sangs rgyas zhing rnams mdza' dag rnam par 'god par byed/ ces pa ni srog dang thur sel la sogs pa bcu yis so zhes pa'i don to/ /
 phyi rol la ji lta ba de bzhin du lus la yang srog la sogs pa rnams te/ brtan pa rnams kyi 'jig pa dang 'phel ba'i rgyu rnams so/ /'jig rten khams ni so so dag la slar yang 'khor yug chen po dang ni kun nas so zhes pa ni sems can
 rnams kyi lus so so dag la ba spu dang pags pa ji lta ba bzhin no/ /sangs rgyas kyi zhing de'i dbus su las kyi rang bzhin 'jig rten gyi khams gcig tu 'gyur te/ rtsa thams cad kyi a ba d+hU tI gcig ji lta ba bzhin no/ /'jig rten gyi khams
 lhag ma longs spyod rang bzhin rnams ni rtsa gzhan rnams bzhin no/ /'jig rten gyi khams de rnams yul gyi bde ba byed pa ste lus kyi rtsa rnams bzhin no/ /rin chen kun gyis rab tu gang ba rnams shes pa ni khrag gis gang ba'i rtsa rnams
 ji lta ba bzhin no/ /'jig rten gyi khams dang bcas pa'i sangs rgyas kyi zhing 'byung ste/ rtsa stong phrag bdun cu rtsa gnyis dang bcas pa'i lus skye ba ji lta ba de bzhin no/ /da ni 'jig rten gyi khams la lhun po la sogs pa rnams kyi mtshan nyid
 gsungs pa/ mdza' dag ces pa la sogs pa ste/ ri mdza' dag gi bdag po'o zhes pa'i don to/ /'dir shar ni zhes pa shar lus 'phags po la mngon par phyogs pa ni dag pa'i in dra nI la ste/ rlung gi chos can
 nyid kyi phyir ro/ /mthar gnas ni ya ra la waM rnams te shar du ya'o/ /lho ni pad+ma rAM ga ste/ ra yig gi chos can nyid kyi phyir ro/ /nub ni kar ke ta na ser po ste/ la yig gi chos can nyid kyi phyir ro/ /byang ni ri bong 'dzin pa ltar dkar
 zla ba chu shel te/ wa yig gi chos can nyid kyi phyir ro/ /de bzhin du ya ra la wa zhes pa ni gling bzhi po rnams la shes par bya'o/ /dbus ni ljang khu ste stong pa ha yig gi chos can nyid kyi phyir ro/ /de'i snying po de'i nang du chud pa 'dir ni
 dkyil 'khor chen po ste zhes pa ni sngar brjod zin to/ /dang por zhes pa dbus su thugs kyi dkyil 'khor ni thugs kyi rang bzhin no/ /de'i nyis 'gyur ni gsung dang sku'i dkyil 'khor ro/ /lhun po'i lte ba'i gnas su ye shes kyi 'khor
 lo'o/ /snying kha'i gnas su thugs kyi dkyil 'khor ro/ /mgrin pa'i gnas su gsung gi dkyil 'khor ro/ /dpral bar sku'i dkyil 'khor ro/ /de'i phyi rol tu dkyil 'khor thams cad 'jig rten gyi khams kyi rang bzhin gyis
 gnas pa'o/ /mda' la bcu yis bsgyur bar 'gyur ba'i dpag tshad stong phrag go zhes pa ni/ lhun po'i steng du dpag tshad stong phrag lnga bcu ni sku dang gsung dang thugs kyi dkyil 'khor ro/ /dus kyi 'khor lo ni snying por phyag
 rgya'i mtshan nyid do/ /de'i phyi rol tu stong phrag lnga bcu nas 'khor lo drug gi sdom pa ste/ dus rnams dag gis shes pa dus drug po rnams kyis rnam par dag pa 'jig rten gyi khams kyi rang bzhin dang dus drug gi rang bzhin no/
 'khor lo drug dang rigs drug gis shes pa ni sngar brjod zin to/ /dpag tshad rig byed 'bum gyis rlung gi dkyil 'khor la gnas shes pa/ rlung gi dkyil 'khor gyi mthar thug par dkyil 'khor ro/ /snying por brgyad gnyis ka ba rnams kyis
 khang pa brtsegs pa cha bcu drug gis dag pa ste/ ka ba de rnams kyis snying po la yongs su bskor ba/ ye shes kyi 'khor lo/ /skye gnas kyi gzugs dang dngos grub thams cad kyi skyed par byed pa'o zhes pa ste/ lhun po rdzogs pa'o/ /da ni
 bcom ldan 'das kyi sku'i tshad kyis phyi rol gyi dkyil 'khor gyi mtshan nyid gsungs pa/ rgyal ba'i zhes pa la sogs pa ste/ 'dir rgyal ba'i bdag po bcom ldan 'das kyi gtsug tor gyi steng nas mdzod spu'i dbus shes pa smin ma'i
 dbus su phyed dang bcas pa nyid ma'i sor du 'gyur te phyed dang bcas pa'i sor bcu gnyis kyi tshad do/ /de nas mgrin pa'i chu skyes de bzhin du phyed dang bcas pa'i sor bcu gnyis kyis tshad do/ /snying kha yang phyed dang bcas pa'i sor bcu gnyis
 so/ /de nas lte gsang chu skyes de bzhin no/ /zhes pa ni lte ba'i chu skyes byed dang bcas pa'i sor bcu gnyis so/ /de bzhin du gsang ba'i chu skyes phyed dang bcas pa'i sor bcu gnyis so/ /de ltar gtsug tor nas gsang ba'i pad+ma'i mthar phyed dang
 bcas pa'i sor drug cu rtsa gnyis kyi tshad ni sku'i tshad do/ /zhabs kyi 'og ni ma nu zhes pa sor bcu bzhi rnams kyis 'gyur ro/ /rje dar ni de nyid ces pa nyi shu rtsa lnga yis te/ brla yang de bzhin no/ /zhabs kyi dpangs ni rig byed ces pa ste phyed
 dang bcas pa'i sor bzhi yis so/ /de bzhin du pus mo'i tshigs dang dbyi yang sor bzhi yis so/ /de ltar phyed dang bcas pa'i sor drug cu rtsa gnyis kyis dpyi nas rkang pa'i mthil gyi bar ro/ /de ltar sor nyi shu rtsa lnga lhag pa'i brgya ni sangs rgyas
 kyi sku'o/ /brang phyed phyed bcas nyi mas shes pa ni phyed dang bcas pa'i bcu gnyis kyi tshad kyis so/ /rang dpung dpung lag rnams ni mkha' yig rgyal po nyi ma'i tshad kyis so shes pa ni nyi shu yis dpung pa'o/ /bcu drug gis
 nye ba'i dpung pa'o/ /bcu gnyis kyis lag pa gung mo'i sor mo'i mthar thug pa'o/ /gcig gis lag pa dang nye ba'i dpung pa'i tshigs dang/ dpung pa dang nye ba'i dpung pa'i tshigs so/ /de ltar phyed dang bcas pa'i sor drug cu rtsa gnyis te
 g.yon la ji lta ba de bzhin du g.yas la yang ngo/ /thams cad du nyi shu rtsa lnga lhag pa'i brgya phrag gcig ni sku'i tshad de gru bzhi'o/ /de nyid ni sems can rnams kyi khru bzhi ste mi rnams kyi sor dgu bcu rtsa drug go /steng dang 'og tu ni brgyad
 cu rtsa bzhi'o/ /de ltar mi rnams ni mtshan nyid dang mi ldan pa'o/ /zhes grub po/ /rig byed ces pa bzhi yis gtsug tor gyi tshad do/ /phyed dang bcas pa'i bzhi yis mgo bo'i dpangs so/ /bzhi yis dpral ba'o/ /bzhi yis dang yig las
 shangs so/ /phyed dang bcas pa'i bzhi yis shangs kyi 'og ko sko'i mthar ro/ /bzhi yis mgrin pa'o/ /de nas snying kha lte ba gsang bar mi yi bdag po phyed bcas nyi ma rnams kyis rim pas 'gyur/ /gsang ba'i chu skyes lte ba'i rtsa
 bar rdo rje dag kyang thub pa yis ni steng gi gtsug tor nyid/ /mdzod pu gsang ba'i chu skyes dbus su khu ba'i thig le mi 'gyur bde skyed byed pa gnas pa gang/ /dpal ldan rdo rje'i sa 'di gnyi ga'i rigs kyi dbang gis sku yi 'khor lo dpral ba
 lte ba dang/ /gsung gi 'khor lo mgrin pa snying kha thugs kyi 'khor lo gsang ba dang ni gtsug tor dag la'o/ /da ni sku la dkyil 'khor dag pa gsungs pa/ phyed bcas nyi ma zhes pa la sogs pa ste/ 'dir lus la gsang ba dang mdzod spu'i
 dbus su thugs ka'o/ /de nyid ni thugs kyi 'khor lo ste lte ba dang mgrin pa'i dbus nas phyed dang bcas pa'i sor bcu gnyis so/ /lte ba dang mgrin pa'i mtshams su sor nyi shu rtsa lnga ni gsung gi 'khor lo'o/ /gsang ba'i pad+ma dang mdzod spu'i mthar sor
 lnga bcu ni/ sku'i 'khor lo ste rdo rje'i sa la'o/ /thugs kyi phyed ces pa ni thugs kyi 'khor lo'i nang du gnas pa ste/ rkang pa dang bcas pa'i sor drug gis ye shes kyi 'khor lo sbyang bar bya'o/ /gsum po dag las shes pa ni bdun pa'i don la lnga pa
 ste/ dkyil 'khor gsum po dag la sgo rnams bya zhes pa la thugs kyi sgo rnams ni sad pa la sogs pa'i gnas skabs bzhi'o/ /gsung gi sgo rnams ni kha dang gshang lam dang sna'i bu ga rnams so/ /sku'i sgo rnams ni mig dang rnams ni mig dang
 rna ba'i bu ga rnams te/ de ltar sgo bcu gnyis so/ /lhag ma ni sngar brjod zin to/ /de ltar byang chub kyi sems kyi 'gro ba dang 'ong ba'i dbye bas steng dang 'og tu sku dang gsung dang thugs kyi 'khor lo nyis 'gyur dag tu 'gyur te/ sor brgya'o zhes
 pa'i don to/ /de bzhin du lhun por gnas pa yang ste dkyil 'khor la rgyal ba'i bdag po'i sor mo'i phyed gang yin pa de ni mi yul tu dpag tshad stong phrag ste/ de ltar na rlung gi dkyil 'khor gyi mthar thug pa khru bzhi po rnams la dpag tshad 'bum phrag
 bzhir 'gyur ro/ /de bzhin lha'i ri bo dag ni lus kyi tshad du 'gyur te/ rgyar ni phyed kyi tshad yin no zhes pa ni sngar brjod zin to/ /de'i steng du rdo rje'i rnam pa brtsegs pa cha gsum pa ste de yi yang ni phyed du 'gyur/ lhun po'i phyi rol tu 'og gi char 'dzin ma'i
 dkyil 'khor dang/ chu'i dkyil 'khor dang/ me'i dkyil 'khor dang/ rlung gi dkyil 'khor ro/ /rdo rje'i dkyil 'khor gyi phyi rol tu me lce dang bcas pa'i rdo rje phreng ba'o/ /phyed bcas shes pa la sogs pa tshigs su bcad pa gcig ni go bla'o/ /steng dang 'og
 tu sangs rgyas sku ni mnyam pa gru bzhi par 'gyur te/ sku dang gsung dang thugs kyi 'khor lo khru bzhi pa'o/ /kun nas rlung gi bgrod pa'i dbang gis thad ka'i tshad kyis shes pa ni phyi rol du rlung gi dkyil 'khor gyi bgrod pa'i dbang
 gis/ nang du lag pa g.yon gyi sen mo nas lag pa g.yas kyi sen mo'i mthar mnyam gnas la sogs pa'i rlung bgrod pa'o/ /des na lus kyi dkyil 'khor khru bzhi pa gru bzhi'o zhes pa nges pa ste/ 'khor lo gsum rnams kyi sdom pa 'am/
 'khor lo drug rnams kyi sdom pa'i dkyil 'khor zlum po sgo brgyad pa ste/ 'khor lo so so'i tshad rgyal ba'i bdag po'i rkang pa dang bcas pa'i sor drug rnams kyis 'gyur ro/ /sgo brgyad rnams kyis bskor ba ni/ /sngar brjod zin to/ /rang gi lag
 mthil sen mo rnams kyis dpal ldan dur khrod brtag par bya/ de la dkyil 'khor gyi thad ka dang 'og dang steng du yang kha la sogs pa sgo brgyad po rnams dang/ dur khrod rnams so zhes pa nges pa'o/ /nga ni bcom ldan 'das ma'i sku'i dag
 pas dkyil 'khor gsungs te/ steng 'og zhal dang gsang bar gnyis dang chu gter tshad kyis bcom ldan 'das ma'i dkyil 'khor dag tu 'gyur zhes pa ni sor bzhi bcu rtsa gnyis kyis 'gyur te/ mdzod spu dang gsang ba'i pad+ma dag las
 sor brgyad dor nas sor bzhi bcu rtsa gnyis kyis rdul gyi khams so/ /de yis bcom ldan 'das ma'i dkyil 'khor du 'gyur ro/ /pad+ma'i phyed dang 'khor lo drug ni mtshungs pa'i cha rnams kyis so/ /'dir sgo ni mi mtshungs te 'khor lo las lnga
 cha'o/ /gdan bzhi la sogs pa la 'khor lo las cha lnga yis gang yin pa de ci'i phyir zhe na/ 'dir skye ba'i dus su ma'i skye gnas sor bcu gnyis su 'gyur te/ cha dgu bcu rtsa drug las brgyad cha'o/ /de na gling bzhi rnams su bud med rnams
 kyi skye gnas ni sgo bzhi rnams so/ /mngal bzung ba ni dkyil 'khor gyi khang pa'o/ /byis pa'i lus ni lha'i tshogs so/ /zhes pa byis pa rnams kyis spros pa lha'i rnam pas skye pa bcom ldan 'das kyis bstan to/ /'on kyang gsang ba nas gtsug tor gyi cha las
 sgo ni lnga cha'o zhes pa ste/ rigs pa las so/ /de ltar sems can rnams kyi lus ni dkyil 'khor gyi mtshan nyid kyi gzugs so/ mchod rten ni shes rab ma yin zhing thabs kyang ma yin te ma ning ngo/ /zhes pa ni nges pa'o/ /lhun po'i phyi rol tu ni 'og
 gis gzhi'i gnas la dngos grub brgyad po yang dag par gnas pa ste/ shar du ral gri'i drag po'i zur du ro'i dbang po'o/ /byang du bdud rtsi'i 'bras bu'o/ /rlung du ri lu'o/ /nub tu mig sman no/ /bden bral du ro tsa na'o/ /lho ru rkang mgyogs so/ /me'i
 zur du mi zad pa'i gter ro/ /dkyil 'khor gyi dbus su mchod phyir thogs pa'o/ /lha dang mi'i bla ma dus kyi 'khor lo'i tshangs pa'i dbyangs ni de nyid do zhes pa ni gzhom du med pa'i sgra ste/ lha la sogs pa rnams rab tu sad par byed pa'o zhes pa
 nges pa'o/ /da ni rdo rje rnam par dag pa'i mtshan nyid gsungs pa/ nor bu zhes pa la sogs pa ste/ 'dir rdo rje nor bu rnam par dag pas rdo rje sor gcig par 'gyur ro/ /gtsug tor gyi 'khor lo rnam par dag pas sor gnyis pa'o/ /dpral ba rnam
 par dag pas sor bzhi pa'o/ /mgrin pa rnam par dag pas sor lnga pa'o/ /snying kha rnam par dag pas sor brgyad pa'o/ /lte ba rnam par dag pas sor dgu pa'o/ /gsang ba rnam par dag pas sor bcu gnyis te/ zad par rlung dang me dang chu dang sa dang 'dod pa na spyod pa dang/ lha ma yin dang mi
 rnams kyi grangs ji lta ba bzhin no/ /des na rna ba'i phyag rgya rnams sor gcig pa'o/ /mthe bo'i rdo rje ni sor gnyis pa'o/ /dpral bar rdo rje phreng ba'i don du sor bzhi pa'o/ /mgrin par yang sor lnga pa'o/ /phrag par rdo rje phreng ba'i don du sor brgyad pa'o/ /snying khar
 'dogs pa'i rdo rje ni sor dgu pa'o/ /gsor ba'i rdo rje ni sor bcu gnyis pa ste/ rnal 'byor pas rdo rje'i rgyan gyi slad du bya'o/ /de rnams kyi mtshan nyid ni steng dang dbus dang 'og tu gsum gyi cha ste mnyam pa'i cha'o/ gsor ba'i
 rdo rje de nyid zlum pa ni zhi ba la ste zhi ba'i las la'o/ /rnam par gyes pa ste rtse mo rnam par bye ba ni drag po zhes pa drag po'i las la'o/ /dril bu dag kyang de bzhin cha gsum ste dbus dang steng du rdo rje dang zhal yang mtshungs pa'o/ /ba lang gi kha
 ni zhi ba la'o/ /pad+ma rnam par rgyas pa'i kha ni drag po la ste/ gyes pa'i rdo rje dang bcas pa'o/ /'dir rdo rje'i rwa rnams kyi khyon ni rdo rje'i tshad las sum cha'o/ /rdo rje'i dbus su lte ba zhal bzhi pa ste sum cha de'i sum cha'o/ /de bzhin du lte ba'i
 'og dang steng du lte ba'i tshad kyis 'dab ma brgyad rnams so/ /rwa ni rdo rje'i khyon dang mtshungs pa zhes pa phyogs dang phyogs bral gyi dbus su sum cha ste phyogs bzhi po rnams sam phyogs bral rnams so/ /rwa'i zlum po ni rdo rje'i sum
 cha'i bzhi cha'o/ /phyi rol tu rwa rnams kyi sum cha ni 'og go /steng du cha gnyis ni ba da rI'i tsher ma lta bu ste/ steng dbus la bsres pas sbyor ba'o zhes pa ni zlum pa'o/ /rnam par gyes pa la rtse mo rnam par bye ba bya'o/ /dril bu'i zhal
 rnams de bzhin zhes pa ni sku dang gsung dang thugs dang ye shes kyi thig le rnam par dag pa dang byams pa la sogs pa'i gnas kyis rdo rje la zhal bzhi ji lta ba bzhin du shes rab kyi rdul gyi thig le'i chos dang stong pa nyid la sogs pa
 rnam par thar pa'i sgo bzhi rnam par dag pas zhal bzhi bya'o zhes pa ni rigs pa ste gcig go /gnyis pa ni nyin mo bcom ldan rdo rje can zhes pa kA li gsal byed kyi chos brjod du med pa ste/ dbyangs med pa'i phyir ro/ /des na rdo rje'i lte ba
 la zhal med de/ mtshan mo shes rab rab tu grags/ /shes pa ni A li dbyangs kyi chos te/ des na brjod pa'i rang bzhin gyi phyir bcom ldan 'das ma'i zhal gcig go /zhes pa ni rdo rje dril bu la grub pa'o/ /da ni mchod rten gyi mtshan nyid gsungs pa//
 gsang ba'i zhes pa la sogs pa ste/ gsang ba'i chu skyes mdzod spu'i mdza' i cha yis shes pa sor lnga bcu rnams kyis mchog gi rgyal ba'i bdag po'i mchod rten dpangs kyi tshad do/ /de'i phyed kyis shes pa nyi shu rtsa lnga yis gdan gyi rgya ste sa bzhin du
 gru bzhi pa shin tu mnyam pa ste/ thad ka'i cha yis so/ /de'i sum chas phyogs cha rnams shes pa ni sor sum cha dang bcas pa'i sor brgyad rnams so/ /sor phyed dang gnyis phyir byung ba ste/ gdan de'i steng du pad+ma'i phyir byung ba dang/ snying khar son pa'i dkyil
 'khor gyi phyir byung ba yang tshad de nyid kyis so/ /de bzhin du snying khar son pa'i dkyil 'khor du 'gyur te/ gdan gyi tshad kyis zlum po dang pad+ma yang ngo/ /pad+ma'i mdza' las cha dman gzhi dang mnyam pa brang zlum po ste sor phyed dang gnyis dman pa'o/ /de yi
 phyogs cha yis kyang mgrin pa'o/ /zhes pa ni thad ka'i tshad kyis sor brgyad dang sum cha'o/ /dpangs kyi chad ni sor bzhi'o/ /gdan gyi phyed kyi cha yis gdong ste zhes pa ni thad ka'i char phyed dang bcas pa'i sor bcu gnyis kyis so/ /de nyid ni gru bzhi'o/ /
 de bzhin du mgrin pa ste sa bzhin shin tu mnyam pa zhes pa'o/ /gdong dang mgrin pa de yis sum cha ni phyogs bzhi'i cha'o/ /mgrin pa'i phyogs kyi cha rnams ni sor phyed phyir byung ba ste/ gdong gi ni rkang pas dman pa'i sor gcig phyir byung ba'o/ /de ltar
 gsang ba'i pad+ma dag las phyed bcas nyi mas shes pa/ phyed dang bcas pa'i sor bcu gnyis kyis dpangs su gru bzhi pa shin tu mnyam pa'i gdan gyi tshad du 'gyur te/ /gdan gyi 'og nas gdan gyi chu skyes kyi sngon ma'i
 mtshams shes pa/ lte ba'i pad+ma'i mthar thug pa ste a ba d+hU tI'i gnas ji srid par phyed dang bcas pa'i bcu gnyis kyi tshad do/ /de nas snying khar son pa'i dkyil 'khor gyi mthar yang phyed dang bcas pa'i bcu gnyis kyi tshad do/ /
 de nas mgrin pa'i rtsa ba ni phyed dang bcas pa'i bcu gnyis kyi tshad do/ /longs spyod rdzogs pa'i 'khor lo'i gnas de nas/ gdong gi mthar ni de bzhin zhes pa gdugs kyi phreng ba'i gnas kyi mthar thug pa de bzhin te/ mgrin pa sor bzhi dang kosko
 nas kha'i gnas kyi mthar thug pa phyed dang bcas pa'i sor bzhi'o/ /de ltar sna bzang po'i gnas ni de bzhin du sor bzhi ste/ mgo'i gnas su gdugs kyi phreng ba'o/ /de bzhin du chu gter dus dang phyed bcas rig byed rnams kyi dum bu
 gsum zhes pa mgrin pa la sogs pa dang gdong ngo/ /gdan las shes pa gdan gyi steng du pad+ma'i gdan gyi dpangs ni rig byed dag gis shis pa sor bzhi yis pad+ma'o/ /de bzhin du snying khar son pa'i dkyil 'khor sor bzhi'o/ /mgrin
 pa'i tshad kyang de bzhin te sor bzhi rnams kyi sor phyed bcas brgyad kyis gdong pa'i tshad ces pa ni phyed dang bcas pa'i bzhi yis kosko nas kha'i mdza' dang/ bzhi yis sna'i mthar te/ de nas mdzod spu'i gnas smin ma'i dbus su'o/ /de'i steng
 du dpral ba nas brtsams nas de'i steng du gdugs kyi phreng bar 'gyur ro/ /mi yi dbang mdzod spu'i mtshams nas/ /gdugs kyi phreng ba dpral ba dag dang mgo la ste de nas 'dir ni gtsug tor dag gi mthar thug 'di phyed dang bcas pa'i
 sor bcu gnyis so zhes pa nges pa'o/ /de ltar lhun po dang 'jig rten gyi khams ni mdza' dag rgyal ba'i sku ste/ mchod rten gyi dngos po ni lhun po'o/ /gzugs kyi rang bzhin ni sangs rgyas kyi sku gzugs sprul pa'i sku ste skyes bu chen po'i
 mtshan sum cu rtsa gnyis dang ldan pa'o/ /'dir skyes bu chen po'i mtshan rnams ni 'di lta ste/ de bzhin gshegs pa'i sku'i phyag dang zhabs kyi mthil 'khor los mtshon pa ste/ 'khor lo rtsibs stong yongs su rdzogs pa lte ba dang bcas dang/ zhabs
 kyi mthil shin tu gnas pa ni zhabs kyi mthil thams cad kyis sa la reg pa ste/ de yang zhabs kyi mthil bteg na 'phar bar byed cing mnan na nem par byed pa dang/ phyag dang zhabs dra bas 'brel pa ste ngang pa'i rgyal po ltar dra ba dang ldan pa dang/
 phyag dang zhabs dag byis pa skyes ma thag gi bzhin du shin du 'jam pa dang/ bdun mtho ba zhes pa zhabs dang phyag dang phrag pa gnyis po dag dang ltag pa yang mtho ba dang/ phyag dang zhabs kyi sor mo ring ba ste/ mthe bo la sogs pa rnams zlum zhing
 yangs la byin gyis phra ba dang/ zhabs kyi rting pa yangs pa dang/ sku che zhing drang ba dang zhabs kyi longs bu mi mngon pa dang/ ba spu'i rtse mo gyen du phyogs shing g.yas su 'khyil pa dang/ byin pa ri dags e Na ya'i lta bu dang 'doms kyi sba ba sbubs
 su nub pa ste glang po che'i bzhin du 'doms kyi sba ba sbubs su nub pa dang/ gser la sogs pa snum pa'i mdog dang/ gser gyi lpags pa dri ma dang rdul gyis ma gos pa dang ba spu'i bu ga nas spu re re skyes pa dang smin ma'i dbus su mdzod spu yongs su
 zlum po ste/ ras bal gyi skud pa ltar dkar zhing shin tu phra ba sum cu rtsa gnyis kyi bdag nyid g.yas su 'khyil bas bskor ba dang/ ro stod seng ge'i lta bu ste ro stor yangs pa dang/ phrag pa shin tu che ba dang mgrin pa yongs su zlum pa dang/ yan lag
 rang nyid lag rnams las ro bro ba'i mchog rnams kyis ro bro bar byed pa ste/ ro bro ba'i mchog de rnams kyang kha zas dang ldan pa'i rtsa'i mchog las te rlung dang mkhris pa dang bad kan gyis ma nyams pa'i phyir ro zhes pa dang/ n+ya gro d+ha ltar chu zheng gang
 pa'i skyes bu chen po ste/ mchu dang zheng kun nas mnyam pa dang/ dbu gtsug tor dang ldan pa ste gtsug tor gdugs ltar yongs su gyur cing mtho ba dang/ dbu skra dang snyan ngag gi bar du ljags kyi rtse mos reg pa ste/ dbu
 skra'i mthar thug pa dang dpral ba yang ljags kyis khebs pa dang/ tshangs pa'i dbyangs 'khor mdza' yas pa la nang du ji lta ba de bzhin du phyi rol tu yang sems can thams cad/ kyis thos pa dang 'gram pa seng ge'i ltar che ba dang/ tshems
 mnyam pa dang/ bzhi bcu tshang pa dang/ dkar ba dang skyon thams cad dang bral ba dang/ spyan shin tu sngo ba la sogs pa ste/ spyan dag gi sngon po gang yin pa de ni shin tu sngon po dang/ dmar po gang yin pa de ni shin tu dmar po dang/ dkar po
 gang yin pa de ni shin tu dkar po dang/ ba lang gi rdzi ma ste khyu mchog gi ltang spyan gyi rdzi ma rnams steng dang 'og nas byung ba dang/ sems can rnams kyi rigs sna tshogs la gzigs pa'i phyir sku'i kha dog sna tshogs so/ /de ltar zhabs
 kyi mthil nas brtsams nas gtsug tor gyi thar thug pa skyes bu chen po'i mtshan sum cu rtsa gnyis ni chos yang dag par sdud pa las gsungs te/ des na tshigs su bcad pa rnams kyis ma brjod do/ /de ltar 'jig rten gyi khams
 'byung ba ni sangs rgyas kyi sprul pa'i sku dang mtshungs so/ /de bzhin du sems can rnams kyis bsod nams thob pa'i slad du rdul tshon gyi dkyil 'khor ro/ /nyi ma la sogs pa rnams g.yas skor du 'khor ba dang/ mchod rten la phyag 'tshal
 ba'i slad du lhun po ji lta ba bzhin du mchod rten mi'i yul du bstan to/ /mchod pa la sogs pa byas pa'i slad du sangs rgyas ji lta ba de bzhin du sangs rgyas kyi gzugs brnyan gyi sku'o/ /de ltar bsod nams thob pa'i slad du kun rdzob kyi
 bden pa bstan to/ /'dir dpe byad bzang po brgyad cu ni gzhung mangs pas 'jigs pa'i phyir ma brjod de/ gang gis thams cad las gsungs pas so/ /da ni 'jig rten gyi khams su khams sna tshogs kyi rang bzhin gsungs pa/ /gser zhes pa la
 sogs pa ste/ 'dir gser ni sa'i khams su 'gyur zhes pa ni/ gser ni sa'i rang bzhin ser po'o/ /dngul ni chu'i rang bzhin dkar po'o/ /zangs ni me'i rang bzhin dmar po'o/ /lcags ni rlung gi rang bzhin nag po'o/ /zha nye dkar nag 'dres pa zhes pa ni
 ro dang lcags nam mkha' i mtshan nyid dang ye shes kyi khams kyi mtshan nyid do/ /de ltar gser la sogs pa'i lcags drug go /de bzhin du nor bu rin chen rnams te/ rin chen ser po ni sa'i rang bzhin no/ /dkar po ni chu'i rang bzhin no/ /dmar po ni me'i
 rang bzhin no/ /nag po ni rlung gi rang bzhin no/ /ljang gu ni nam mkha' i rang bzhin no/ /sngon po ni ye shes kyi khams kyi rang bzhin te/ /khams de rnams las byung ba'i phyir ro/ /de bzhin du ro drug po rnams te/ lan tshwa'i ro ni sa'i rang bzhin no/ /mngar
 ba ni chu'i rang bzhin no/ /tsha ba ni me'i rang bzhin no/ /kha ba ni rlung gi rang bzhin no/ /bska ba ni nam mkha' i rang bzhin no/ /skyur ba ni ye shes kyi rang bzhin no/ /de bzhin du zheng gi rdo rnams dag gi skye gnas ni sa la sogs pa'o/ /de bzhin du sman
 rnams ni rnam pa drug gi ro rnams dang mchog gi ro zhes pa grub pa'i ro rnams dang/ khams rnams gzhan pa nor bu'i dbang po rnams shes pa drug go /de bzhin du sa la sna tshogs reg pa rnams dang mdza' dag nad ni 'phrog pa nyid kyi chu
 rnams shes pa rngo chu la sogs pa rnams ni rnam pa drug go zhes pa yang dag par ro/ /da ni nor bu dang rin po che'i yon tan gsungs pa/ sa shes pa la sogs pa ste/ 'dir sa'i rigs kyi nor bu 'am rin po che ni zug zer 'phrog
 par byed par 'gyur ro/ /chu'i rigs ni dug 'phrog par byed pa'o/ /me'i rigs ni 'byung po zhugs pa 'phrog par byed pa'o/ /rlung gi rigs ni rengs pa 'phrog par byed pa'o/ /stong pa'i rigs ni gdugs pa'i lta ba rab
 tu lhung ba 'phrog par byed pa'o/ /ye shes kyi rigs ni skyon thams cad 'phrog par byed pa'o/ /rin po che dang nor bu ji lta ba de bzhin du thun mong ba sbal pa la sogs pa rnams kyi mgo la skyes pa dang mi bdag rnams kyi lus la gnas
 pa'i nor bu yang skyon 'phrog par byed pa'o/ /de ltar sa la sogs pa'i chos can gang dag brjod pa thams cad bsam gyis mi khyab pa'i rang bzhin no/ /de ltar sangs rgyas kyi zhing rdzogs pa'o/ /'di nas tshigs su bcad pa gnyis ni
 go bla'o/ /da ni chu srin la sogs pa'i khyim rnams kyi rang bzhin gsungs pa/ 'dir ni zhes pa la sogs pa ste'i dar chu srin ni rnam par shes pa dang/ stong pa'i khams kyi rang bzhin no/ /bum pa ni 'du byed dang rlung gi khams kyi rang
 bzhin no/ /nya na tshor ba dang me'i khams kyi rang bzhin no/ /lug ni 'du shes dang chu'i khams kyi rang bzhin no/ /glang ni gzugs dang sa'i khams kyi rang bzhin no/ /'khrig pa ni ye shes kyi phung po dang ye shes kyi khams kyi rang
 bzhin no/ /de bzhin du kar ka Ta la sogs pa'i khyim rnams lhan cig skyes pa la sogs pa'i mdza' rang bzhin rnams te lugs las bzlog pas so/ /chu srin la sogs pa 'di rnams kyi mtshan ma ni rdo rje la sogs te/ rdo rje dang
 ral gri dang/ rin po che dang/ pad+ma dang/ 'khor lo dang/ gri gug go /kar ka Ta la sogs pa rnams kyi skyed pa'i rim pas lugs las bzlog pa rnams so/ /ka'i sde pa la sogs pa rnams ni/ chu srin la sogs pa rnams kyi ka ca ta pa
 tas rnams dang/ kar ka Ta la sogs pa rnams kyi th+ka na ma Na nya nga la sogs pa 'jig rten khams kyi le'u las brjod pa rnams so/ /ring po thung ngu lhag pa'i lha zhes pa ni dbyangs ring pos phye ba ka yig la sogs pa'i gsal byed brgya brgyad cu
 ste/ de bzhin du dbyangs thung ngus phye ba rnams so/ /da ni gza' rnams kyi skye ba'i khyim gsungs pa/ lug ces pa la sogs pa ste/ 'dir grangs bzhin du lug dang 'khrig pa dang kar ka Tar ni ri bong can dang pa sangs dang nyi ma byung bar gyur to/
 seng ger ma skyes so/ /bu mor phur bu'o/ /srang du sgra gcan no/ /sdig par gza' lag go /gzhu'i thog mar spen pa'o/ /de'i mdza' mar mjug rings so/ /de bzhin bum par ri byi'o/ /glang du brtan pa'o/ /de ltar sngar brjod pa'i rim pas sa la
 sogs pa'i khams shes pa rdul phra rab kyi tshogs kyi gtso bo'i dngos po la phal pa'i dngos po kun nas phan tshun sbyor ba ste kun 'byung gi chos kyi phyir ro/ /'gro ba 'di ni sems can rnams kyi las kyi rang bzhin du 'gyur te/ gang zhig rin chen
 kun gyis rab tu gang ba ni sangs rgyas dang byang chub sems dpa' rnams kyi'o/ /da ni sems can rnams kyis las kyis mthu 'di lta ste/ gang dag sa la dpag bsam shing dang ro dang mchog gi ro dang sman dang lha'i ro'i dbang po gzhan mdza' dag nad
 'phrog rdul phran rnams kyis rab tu bskyed pa de rnams sems can rnams kyis bsod nams ma yin pa'i dbang gis mi mthong ste/ /gang zhig phal pa'i rtsa dang shing dang chu dang rdul dang rdo ba dang ni lcags rnams mthong bar 'gyur ro/ /yi
 dags rnams kyis chu bo la sogs pa rnams su chu ni me 'bar ba'i rang bzhin du mthong ngo/ /dmyal bar song ba'i mi rnams kyis sdig pa'i dbang gis gcod pa dang 'bigs pa'i mdud la sogs par mthong ngo/ /da ni sangs rgyas kyi sprul pa/
 gsungs pa 'di rnams shes pa la sogs pa ste/ sems can 'di rnams dgrol ba'i slad du bsod nams 'byung ba'i dus su sras dang bcas pa rgyal ba'i bdag po zhes pa byang chub sems dpa' rnams dang bcas
 pa'i sangs rgyas bcom ldan 'das sar ni rab zhugs te/ sems can gdul ba'i slad du mngal ni rab tu bzung ba mdzad cing mchog gis thugs rje dag gis byang chub bskyed pa mdzad nas ni/ /nyon mongs dang ni bdud rnams bcom nas sa yi
 steng gi gnas su chos kyi 'khor lo rab skor te/ /sprul pa sgyu ma mdzad nas slar yang bcom ldan 'das ni dag pa'i sku can de nyid kho na ji ltar byon pa de bzhin gshegs pa ste/ /de ltar sangs rgyas kyis sprul pa sgyu ma dang/ mya ngan las 'das
 pa'i rang bzhin ni sems can rnams kyi bsod nams kyi dbang dang bsod nams ma yin pa'i dbang gis rab tu snang bar 'gyur ro/ /zhes pa nges pa'o/ /tshigs su bcad pa 'di nas gzhan tshigs su bcad pa bdun ni go bla'o/ /da ni ro chen
 po la sogs pa'i mtshan nyid gsungs pa/ /sreg bya zhes pa la sogs pa'o/ /'dir mA k+Shi ka ni ro chen po dang sa'i rang bzhin te/ dang yig gis ro chen po'o/ /dri ma med pa ni chu'i rang bzhin no/ /tud tha ka ni me'i rang bzhin no/ /g.yo
 ba ni rlung gi rang bzhin no/ /ras ka ni stong pa'i rang bzhin no/ /ri bong can dang mtshal ni ye shes kyi khams kyi rang bzhin te/ ro chen po bdun no/ /de nas nye ba'i ro rnams te/ ka k+Shi ni mnyam pa zhes pa ye shes kyi khams kyi rang bzhin no/ /
 ka she sa ni nam mkha' i khams kyi rang bzhin no/ /mu zi ni rlung gi khams kyi rang bzhin no/ /ldong res ni me'i rang bzhin no/ /ba bla ni chu'i rang bzhin no/ /btsag ni sa'i rang bzhin te/ nye ba'i ro drug go /de nas lan tshwa lnga ste/ the tshwa dang/ rgya mtsho las byung
 ba dang/ rgyam tshwa dang/ /ga ru tshwa dang/ thab kyi tshwa rnams rim pa bzhin du sa la sogs pa'i rang bzhin no/ de nas 'gyur byed lnga ste/ na pa sA ra dang/ ya ba k+Sha ra dang/ sad dzi ka k+ShA ra dang/ tshwa la dang/ kA tsa'i lan tshwa'i 'gyur byed rnams grangs bzhin du nam mkha' 
 la sogs pa'i rang bzhin no/ /de nas chu lnga ste/ rdo'i chu ni sa'i rang bzhin no/ /zla ba'i chu ni chu'i rang bzhin no/ /tsha ba'i chu ni me'i rang bzhin no/ /dug gi chu ni rlung gi rang bzhin no/ /gri gug gi chu ni nam mkha' i rang bzhin no/ /de yang rnam pa gsum ste/ reg pa'i gri
 gug dang/ grib ma'i gri gug dang/ sgra'i gri gug ste/ sgrub pa po gcod par byed pa'i phyir ro/ /de nas dug lnga ste/ gla sgang ser po ni sa'i khams kyi rang bzhin no/ /shag tu ka ni chu'i rang bzhin no/ /rla can ni me'i rang bzhin no/ /dug nag po ni rlung gi rang bzhin
 no/ /nag po rtsegs pa ni stong pa'i rang bzhin no/ /gzhan pa nye ba'i dug ni rnam pa lnga po rig par bya/ zhes pa la rdo rje ba can ni sa'i rang bzhin no/ /ar ka ni chu'i rang bzhin no/ /d+ha du ra me'i rang bzhin no/ /lang+ga lI ni rlung gi rang bzhin no/ /ga ra pI ra ni stong
 ba'i rang bzhin no/ /'dir sa la zhing gis rdo ba dang srog gi ngo bo sna tshogs pa dang 'bras bu'i dbyibs sna tshogs pa dang dung la sogs pa'i gzugs sna tshogs pa de rnams kyang rnam pa drug ste/ gang gis na khams de rnams las lcags rnam pa drug tu
 'gyur ba'o/ /'ga' zhig las gser du 'gyur zhing/ de bzhin du gzhan rnams las dngul la sogs par 'gyur ro/ /lhang tsher skyes ni rnam pa bzhi zhes pa ste/ lhang tsher ser po'i lcags ni sa'i rang bzhin no/ /dkar po yi ni chu'i rang bzhin no/ /dmar
 po yi ni me'i rang bzhin no/ /nag po yi ni rlung gi rang bzhin no/ /de bzhin du lha'i lcags kyang ngo/ /de bzhin du rdo khab len gyi lcags te 'khor byed kyi ni rlung gi rang bzhin no/ /sbyor byed kyi ni sa'i rang bzhin no/ /'dren byed kyi ni me'i rang bzhin no/ 'ju byed kyi ni chu'i
 rang bzhin no/ 'ju byed de rnams kyi rang bzhin sna tshogs pa ste/ 'ga' zhig ni rdo rje rnam par gnon pa zhes pa rdo rje 'ju bar byed pa dang/ /lhang tsher 'ju bar byed pa'o/ /de bzhin du 'ga' zhig ni gser 'ju bar byed pa dang/ de bzhin du dngul dang
 zangs dang lcags rnams 'ju bar byed pa'o/ /de rnams kyang nye bar sbyar bar bya ste/ de rnams las lcags blang bar mi bya'o/ /de la ro ni rnam pa gnyis te grub pa dang grub pa ma yin par 'gyur ro/ /lcags la sogs pa rnams 'bugs pa ni
 grub pa ste/ sa 'og la sogs pa'i khung bu rnams na gnas pa'o/ /gang zhig dbugs byed min pa'i pA ra dngul chu ro de ni lcags la sogs pa rnams bskol ba dang sa bon gyis bsgyur bar gyur pa zhes pa so sor bsgyur ba dang rjes su bsgyur ba
 ni lcags la 'bugs shing rjes su 'bugs par 'gyur zhing zos pas mdza' dag nad 'phrog par 'gyur te/ rul pa'i lcags ni rnam par spangs nas so zhes pa ni zha nye dang gsha' tshe ma rtogs par gser la sogs pa zhu bar gyur pa'o zhes pa
 ste/ /de ltar ro dang nye ba'i ro la sogs pa'i nges pa'o/ /ma k+Shi ka la sogs pa 'di rnams thams cad ro brjod pa'i gzhung las gsungs pa'i cho gas sbyang ba byas te/ de nas gsungs pa'i las la sbyin par bya'o/ /gzhan du na ma dag pa'i
 ro dang nye ba'i ro rnams kyis ni rdzas nyams par byed do/ /de bzhin du gser dang dngul gyi dgra rnams kyang sbyin par mi bya ste/ gser dang dngul gyi bya ba la grogs po sbyin par bya'o/ /lcags bsad pa la ni bstan bcos nas gsungs pa'i cho gas
 dgra bo rnams sbyin par bya'o/ /de bzhin du zangs dang rnon po ma dag pa yang gser dang dngul la sbyin par mi bya'o/ /zha nye dang gsha' ci ma shi ba ni gang du yang sbyin par mi bya'o/ /shi ba'i lcags gdul ba ni ma langs pa'i lcags
 gsad par bya'o/ /zangs la sogs pa srog pa dang gdul ba la ni dgra bo ro chen po dang nye ba'i ro byin nas gdul bar bya'o/ /dngul dang gser la grogs po'o/ /zhes pa ni sa bon gyi bya ba la'o/ /da ni ro'i rang bzhin gsungs pa dang por zhes pa la sogs pa ste/
 'dir dang por du ba'i rang bzhin dag gis 'gro ste me la gnas shing bskol ba gang yin pa de ni rim pa yis sgra byas nas 'gro ba ni byis pa'o/ /'phar bas 'gro ba ni gzhon nu'o/ /rab tu 'dar bas 'gro ba ni dar la bab pa'o/ /'dar ba med pa ni rgan po ste/
 gang gi tshe 'bugs pa dang rjes su 'bugs par 'gyur ba'o/ /'dir sgrar ldan byis pa ni lcags 'bugs par byed pa ma yin te/ 'phar ldan yang ma yin no/ /'on kyang gzhon nu ni 'dab ma la byugs pa dang me 'jam pos cung zad 'jug par byed do/ /de ltar
 byis pa ni 'dab ma la byug pas so/ /gzhon nu yang kong bu kha bcad kyis so/ /lang tsho ni mdung gis 'bugs pas so/ /rgan po ni ji ltar 'dod pas 'bugs pa'o/ /de ltar sgra ldan 'phar ldan yang 'bugs par byed pa yin te/ de yang dang por gang zhig
 du ba'i 'gro ba can ni 'dab ma 'bugs par byed pa'o/ /'dar ba dang bcas pa ni mdung gis 'bugs par byed pa'o/ /de yang rnam gsum 'chad par 'gyur ba'i sgyur byed rnams kyis bsgyur bar gyur pa ni rgan por 'gyur te/ de ni ji ltar 'dod par lcags
 'bugs par 'gyur ro/ /zhes pa ro'i yon tan gyi nges pa'o/ /da ni sman gyi yon tan gsungs pa/ mchog gi zhes pa la sogs pa ste/ 'dir ro'i bstan bcos thams cad las rdo rje rnam par gnon pa reg pa dang mchog gi sman gyi sbyor ba las ro
 dang lhang tsher kha med par rgyu'o zhes pa'o/ /des na rdo rje dang lhang tsher 'ju bar byed pa'i rdo rnams te/ de rnams kyi reg pa dang bi Da yis so/ mchog gi sman ni ro yi sman 'chad par 'gyur ba rnams so/ /de rnams kyi stobs kyi stobs dang ldan
 par rab tu 'gyur te/ lhang tsher la sogs pa'i lcags rnams thams cad bzhu ba'o/ /su zhig ces pa ste mchog gi sman de rnams med nas sa'i steng gi gnas su dngul chu 'di yi cing ba dbul ba dang nad 'phrog par byed
 pa dag ni gang zhig byed/ bcings nam mkha' la spyod pa nyid du 'gyur zhing de bzhin zos na mi rnams kyi 'chi ba dag kyang nyams par 'gyur te/ gang gi mthu las so/ /de phyir ye shes med na nad 'phrog par byed pa'i don du sa bdag rnams kyis
 ro'i dbang po 'di ni bsgrub par bya'o/ /ro'i dbang po zhes pa nges pa ste/ go bla ba'i tshigs su bcad pa gzhan gyis kyang ngo/ /da ni mchog gi sman gyi mtshan nyid gsungs pa/ gang zhig byugs pas shes pa la sogs pa ste/ 'dir gang
 zhig byugs pa tsam gyis 'phral la zangs kyi 'dab ma mer bcug pa'i dri ma 'phrog par byed pa ste/ mchog gi sman ro chen po dang mtshungs pa mdza' dag nad 'phrog cing ro bcings pa'i slad du lcags kyi rigs 'ju bar byed pa de ni sa
 la skal ldan rnams kyis mthong bar 'gyur ro/ /sman gzhan dag rnams kyis dngul chu 'di yis bcing bar rab tu 'gyur ba gang yin pa ni nges par lo dus bar zhes pa lo bcu gnyis dang gdug pa dang bcas pa dang dgod pa dang bcas pa'i
 sbyor ba rnams kyis so/ /de ni bcing ba lhag par mi 'gyur te/ stong phrag gcig 'bugs pa las lhag pa 'bugs par mi 'gyur ro/ /zhes pa nges pa'o/ /tshigs su bcad pa 'di las gzhan tshigs su bcad pa bzhi ni go bla'o/ /da ni ro bsrung
 ba'i don du dzaM b+ha la'i mchod pa gsungs pa/ khru phyed de ces pa la sogs pa ste/ 'dir khru phyed kyis mtho gang tsam gyi gser gyi pad+ma 'dab ma brgyad pa la lte bar snying po'i dbus su rdo rje dag pa'i gser gyi bcing bar bya'o/ /shar gyi 'dab
 ma la in dra nI la'o/ /lho'i 'dab ma la pad+ma rA ga'o/ /nub tu rin chen kar ke ta ser po'o/ /byang du rin chen zla pa chu shel lo/ /de bzhin du mer rnon po bcing bar bya'o/ /bden bral du zangs so/ /rlung du gser ro/ /dbang ldan du dngul lo/ /lte bar
 rdo rje'i steng du gser gyi lhang tsher gyi gdan gzhag par bya'o/ /gdan de'i steng du gser las byas pa'i dzaM b+ha la phyag gnyis pa phyag g.yon na ne'u le dang phyag g.yas pa mchog sbyin pa ste gtsug tor gyi tshad kyis sor bzhi pa'o/ /de bzhin
 du 'dab ma rnams la gser las skyes pa 'am dngul las skyes pa'i gnod sbyin mo brgyad rnams te pad+ma dang mchog sbyin gyi phyag go /'dir gal te dzaM b+ha la dngul las skyes pa yin na/ de'i tshe gnod sbyin mo rnams gser las skye ba'o/ /
 gang gi tshe dzaM b+ha la gser las skyes pa yin pa de'i tshe gnod sbyin mo rnams dngul las skyes pa'o/ /de bzhin du gang gi tshe gser gyi pad+ma yin pa de'i tshe dngul gyi snod do/ /gang gi tshe snying por dngul gyi pad+ma yin pa de'i tshe chu sbyin pa'i slad
 du gser gyi snod du 'gyur ro/ /cod pan sangs rgyas rin chen dbang po nor bu mchog sbyin phyag ste gnod sbyin mo rnams de bzhin nyid/ /de bzhin du shes rab dang bcas pa ste dzaM b+ha la nor rgyun ma dang bcas pa ha lA ha la lta bu'o/ /lte ba la dzaM b+ha
 la dang nor rgyun ma de dag gi sa bon haM hA:O/ /de bzhin du shar gyi lha mo'i haM ngo/ /mer h+rI:O/ /lhor h+ri 'o/ /bden bral h+rI'o/ /byang du huM ngo/ /dbang ldan du hUM:ngo/ /nub tu hli'o/ /rlung du hli:O/ /sgrol ma dang/ reg bya rdo rje ma dang/ gos dkar mo
 dang/ ro rdo rje ma dang/ mA ma kI dang/ gzugs rdo rje ma dang/ spyan ma dang/ /ral dri rdo rje ma ste/ rdo rje dbyings kyi dbang phyug ma ni nor rgyun ma'o/ /rdzas kyi don du khams thams cad rin po che chen pos rgyas btab pa gtso bo dang bcas pa bya'o zhes pa
 ni nges pa'o/ /de nas dri dang spos dang me tog la sogs pa rnams kyis nyin zhag so sor thun mtshams gsum la dngul gyi snod du mchod par bya'o/ /de nas oM dzaM b+ha la dza len drA ya swA hA zhes pa'i sngags 'dis chu khyor ba brgya rtsa
 brgyad sbyin par bya'o/ /rab dga' yid kyi gser 'gyur mkhan rnams dag gi ro ni bsrung ba'i don du chu sbyin par bya ste/ bsrung ba'i cho ga 'di yis 'byung po'i mgon po dang/ klu'i mgon po ste klu'i rgyal pos ro ni 'phrog par mi 'gyur ro/
 de bzhin du gang dag ro 'phrog par byed pa'i lha min gzhan rnams kyis kyang ngo 'phrog par mi 'gyur te/ rdo rje 'dzin pa'i bka' yis dzam b+ha la'i bsrung bas so/ /da ni ro bzhu pa gsungs pa so phag ces pa la sogs pa ste/ 'dir dang
 por so phag gi phye ma dang lan tshwa byin nas bI dza pu ra la sogs pa'i skyur po yis nyi ma bcu'i bar du ro mnye bar bya zhing bdug par bya'o/ /de bkrus shing ro gzung nas chu lhag ma bskams te snyigs ma dag la gnas pa'i ro ni phyi nas slar yang
 de nyid la bsre bar bya'o/ /thams cad dus su'o zhes pa ni dngul chu mnyes pa'i snyigs mar gyur pa gang yin pa de mdza' dag dngul chu gzung ba'i slad du dbye bar bya'o/ /slar yang zhes pa ro phye bar gyur pa na gal te ro ma phyed na de'i tshe
 snyigs ma de nyid las ro shi ba yang dag par bsregs nas gzung bar bya ste/ lcags gzhan dang lhan cig de yang bzhu bar bya'o/ /de la spyangs pa'i dngul chu rang gi skye gnas za bar gyur na de ni slar yang gzhan lcags thams cad kyi skye
 gnas za'o/ /da ni lcags thams cad bsres pa'i bzhu ba gsungs pa/ zha nye zhes pa la sogs pa ste/ 'dir lcags rnams nyid kyis phan tshun 'ju bar byed do/ /des na bsres pa bya'o/ /zha nye dang rnon po dang ra gan dang zangs dang lhang tsher skyes
 shes pa lhang tsher gyi lcags sam/ zhing las skyes pa rdo sna tshogs kyi lcags te/ rnon po la sogs pa'i gnas su rnam par dag pa'o/ /lcags lnga po 'di dag cha mnyam pa gcig tu bsreg pa ni bsres pa'i lcags su 'gyur te/ /gser gyi bya ba
 la'o/ /bcud len gyi bya ba la ni zha nye sbyin par mi bya ste/ lcags bzhi bsres pa bya'o/ /dngul gyi bya ba la lhang tsher dkar po'i lcags dang bsha' tshe ste/ dngul gyi bya ba la gnyis po dag dang lhan cig dngul bzhu bar bya'o/ /de ltar bsres pa
 byas shing dngul chu yang dag par sbyang ba byas nas/ sna tshogs 'ju bar byed pa'i 'khrul 'khor rnams las gru'i 'khrul 'khor mchog ste/ des na gru'i 'khrul 'khor du ro blugs par bya'o/ /de nas dngul chu las sum cu'i cha shas bzung nas
 rdo skyongs su bsres pa btags par bya ste/ rtsa ba'i dngul chu yi drug cu cha yi lcags kyis so/ /de ltar sa las byas pa'i gru'i 'khrul 'khor du dang por drug cu'i cha shas kyis zas byin te/ de nas ro'i steng du ras srab mo byin nas steng du sngar brjod pa'i
 bslang ba'i rtsab mo byin te/ gru ni phub ma dang ba lang gi lci ba'i phye ma'i me la gzhag par bya'o/ /rtsab mo skams pa na bar chad med par slar yang rtsab mo sbyin par bya'o/ /de ltar nyi ma gcig gam gnyis kyis zas 'dzu bar 'gyur te/ /de nas zhu
 ba'i rjes la gzhan nyis 'gyur ni rim pa de nyid kyis sbyin par bya'o/ /slar yang zhu bar shos nas te/ ras la blugs pa'i btags pa gal te ras la mi snang na de'i tshe zhu bar brjod do/ /de ltar zas 'phel bar bya ste ji srid rkang pa'i cha shas kyi
 zas za bar 'gyur gyi bar du'o/ /de'i steng du 'phel bar mi bya ste/ lhag pa rab tu sbyin mi bya zhes pa dgag pa'o/ /de'i steng du cho ga 'di yis sngar gsungs pa'i sa bon no/ /phyogs gcig gis ni nyis 'gyur 'ju bar 'gyur te slar yang dngul
 chu 'di ni de bzhin sa bon rnam par dag /de ltar sa bon gnyis gsum brgyad 'gyur 'jug par 'gyur te/ slar yang zhu bar 'di ni sngar brjod pa'i bi Da mchog rnams kyis so/ /ci ste ma zhu bar gyur na de'i tshe ma zhu ba la 'khor lo'i
 rugs bya ste/ ba lang gi nu ma'i rnam pa'i kong bur dngul chu glugs nas sor mo gsum gyi bar du mi snang bar sa la gzhug par bya'o/ /de nas phyi rol tu 'khor lo'i rnam pa'i 'obs byas nas phub ma dang ba lang gi lci ba'i phye ma rnams kyis
 bkang ste me sbyin par bya'o/ /'khor lo'i dugs de yis nyin zhag brgyad kyis bi Da dang bcas pa ro'i kong bur ma zhu ba'i skyon 'dor bar 'gyur ro/ /de nas slar yang gru'i 'khrul 'khor du blugs par bya ste/ de ltar 'bugs pa dang rjes su
 'bugs pa bya ba'i slad du lo gcig dang por byas nas lo bcu gnyis kyi mthar thug par lcags thams cad bzhu bar bya'o/ /ci ste bsod nams kyi dbang gis reg rdo dang mchog gi sman dang 'ju bar byed pa dag rnyed na de'i tshe reg rdo dang
 'ju byed kyi phye ma'i bi Da dang mchog gi sman sngar brjod pa rnams kyis me la gnas kyang lhang tsher gyi lcags rnams kha med par 'jug par 'gyur te/ de'i stob lhag pa'i ror 'gyur ro/ /lhang tsher gyi lcags zhu na stobs brgyad 'gyur du
 'gyur ro/ /de ni zhu ba ste zos par gyur pa na de yis yang brgyad 'gyur gyi stobs so/ /sa bon zhu ba la yang de'i brgyad 'gyur gyi stobs su 'gyur ro/ /slar yang rdo rje rin chen in dra nI la sogs pa zhu par gyur na de'i yang brgyad 'gyur ro/
 zhes pa nges pa'o/ /de ltar lcags la sogs pa rnams ji srid khol bar gyur gyi bar du bskol bar bya ste/ de nas de'i 'bum phrag du ma 'bug par rab tu 'gyur ro/ /de la sgyur bar byed pa la sogs pa ni mi bya'o/ /reg rdo sman dag
 med na sngar brjod pa'i mchog gi bi Da mnye ba dag dang dugs rnams kyis kyang 'ju bar 'gyur/ 'dar ba med par ji srid nyid de de nas sgyur byed gser ni mnyam pa dag tu rab tu 'gyur zhes pa ni/ 'dir zhu bar gyur pa'i ro 'bar ba'i so la
 gal byin pa na gal te 'dar ba byas nas mi 'gro na/ de'i tshe 'dar ba med pa gang yin pa de ba lang gi nu ma'i rnam pa'i gong bur blugs nas ji srid ro nub par gyur gyi bar du e ra Na Da'i 'bru mar steng du sbyin par bya'o/ /de nas gser ro dang mnyam pa
 bzhu nas rdzas kyi don du zha nye brgyad cha byin te ro'i steng du blugs par bya'o/ /de yis bsgyur bar 'gyur ro/ /slar yang rim pa de nyid kyis nyis 'gyur gyis rab tu sgyur bar 'gyur ro/ /sum 'gyur gyis rjes su sgyur bar 'gyur ro/ /de ltar bsgyur ba
 rnam pa gsum ni 'bugs par 'gyur te/ lcags kyi stobs kyi rjes su mthun pas stong gi mthar thug par ro/ /de nas zangs bzhu ste ro phye mar byas shing spra tshil gyis yang dag par bkris nas shi ba'i zha nye dang gsha' tshe dag dang lhan
 cig de la blugs par bya'o/ /de yis dngul lam gser la 'jug pa dang/ 'bigs par 'gyur ro zhes pa bzhu ba'i nges pa'o/ /da ni dgod pa dang bcas pa'i bcing ba gsungs pa/ gser zhes pa la sogs pa ste/ 'dir gser gyi bya ba la gser
 ni zha nye rab/ nye btab pas gsad par bya'o/ /rnon po mtshal gyis te kha sbyor gyi sbyor bas so/ /sbrul zhes pa zha nye ni ldong ros kyis gsad par bya'o/ /zangs ni mu zi yis gsad par bya'o/ /dngul gyi bya ba la gsha' tse ni ba blas gsad par bya'o/ /dngul ni
 mA k+ShI ka dkar pos gsad par bya'o/ /lhang tsher skyes shes pa lhang tsher dkar po'i lcags ni mA k+Shi ka yis gsad par bya'o/ /de nas shi ba'i lcags dang mnyam pa'i 'gyur byed bzhi po rnams te/ de rnams tshogs pa med na gsum mam gnyis so/
 mnyam pa'i bi Da dang/ mnyam pa'i lan tshwa rnams dang/ nye ba'i ro dgra'i chos can rnams dang/ lcags dang mnyam pa'i dngul chu ste/ thams cad gcig tu byas nas/ nya la sogs pa rnams kyi mkhris pa dang bI dza
 pU ra la sogs pa rnams kyi skyur po dag gis/ nyin zhag bcu ru mnyes nas de thams cad ni rdo skyong kha sbyar du rab tu blugs te/ /de nas sa la bcug nas zla ba drug gi bar ji srid par dus thams cad du steng du me'i sa gdugs par gyur na de nas
 bcings par 'gyur ro/ /de nas bcu drug gi cha yis dbyangs kyis drangs pa ste zangs 'bugs par byed par 'gyur ro/ /slar yang phug pa'i zangs de nyid dngul dang gser dang cha mnyam par byas nas kha sbyor gyis bsgrub par bya'o/ /dge
 ba'i gser 'di ni gser 'gyur mkhan rnams dag gi sdug bsngal 'joms par 'gyur ro/ /ci ste dngul la sogs pa dgod pa dang bcas pas 'ching na/ de'i tshe dngul brgyad kyi cha shas byin par gyur pa na dag pa'i zangs phug pa dngul du
 'gyur ro/ /dgod pa dang bcas pa'i bcing ba'i nges pa'o/ /de nas dang po'i sangs rgyas las gsungs pa'i gong bu'i bcings pa brjod par bya ste/ 'dir gser gyi bya ba la lhang tsher ser po la sogs pa'i lhang tsher cung zad bzhu bar
 bya ste mnyam pa 'am phyed do/ /dngul gyi bya ba lhang tsher dkar po'o/ /de nas gser gyi bya ba la zha nye yis gtag par bya'o/ /dngul la gsha' tshe yis so/ /de nas de la gser gyi 'dab mas dkri bar bya ste/ /dngul gyis bya ba dngul gyi 'dab
 mas so/ /de nas ba lang gi gcin gyis ldong ros btags nas de yis gser gyi 'dab ma'i steng du byug pa sbyin par bya'o/ /de nas phyi rol tu mtshal gyis so/ /de nas rdza mkhan gyi 'jim pa dkri bar bya'o/ /de nas skams pa na slar yang
 ba lang gi lci bas dkri bar bya'o/ /slar yang nyi ma'i 'od drag pos skam por byas nas ba lang gi lci ba'i me 'jam pa'i kha sbyor la sbyin par bya'o/ /de nas thal ba rnams bsal te/ sa'i gong bu ni ji srid ro chen po dang nye ba'i ro dang gser dang zha nye btags
 pa ro mnyam par gyur gyi bar du bzhus ma thag tu sol ba drag po rnams kyis bsreg par bya'o/ /de nas drang mor gyur pa na gong bu bcag nas dbus su gang zhig gser dang lhan cig btags pa'i tshogs ni gang gi sbyor bas gong bu'i bcing
 ba ste/ de nyid zangs la drug cu rtsa bzhi'i cha shas blugs pas ni snga ma bzhin du gser ma dngul du 'gyur ro/ /zhes pa/ rtsa ba'i rgyud las gong bu'i bcing ba'o/ /da ni zhing gi lcags rnams kyis bcing ba gsungs pa/ 'dzin ma zhes pa la sogs
 pa ste/ 'dir sa la rngo ba gang dag 'tsho ba'i rnam pa sna tshogs pa dang/ 'bras la sogs pa'i rnam pa sna tshogs pa ste/ de nyid kyi skye gnas de rnams la byin nas shes pa 'tsho ba rnams la 'tsho ba'i sha dang/ 'bras bu rnams la 'bras bu'i
 phye ma dang/ dung la sogs pa rnams la dung la sogs pa'i phye ma byin nas/ phye ma de dang de rnams kyi phye ma lhan cig tu mar dang sbrang rtsi dang tshal dang bcas pa gong bu byas te/ ji srid lcags phyed par gyur gyi bar du lcags 'byed pa'i 'khrul 'khor
 gyis drag por bzhu bar bya'o/ /slar yang rtag par ni mar la ste slar yang tsha la byin nas ji srid rnam par dag par gyur gyi bar du sbyang bar bya'o/ /de ltar dag par bya ste/ skye gnas de ni shes nas rnon po 'am zangs gser dang lhan cig gnyis sbyar
 ba byas nas de nyid ni gser 'gyur mkhan gyis nyis 'gyur du bzhu bar bya'o/ /dang por lhang tsher mngon du phyogs pa 'am phyir phyogs par bzhu ste/ de nas lcags la sogs pa gzhan rnams bzhu bar bya'o/ /de bzhin du mA kI ka dang zangs dang
 gser ram tud tha ka dang zangs dang gser ram mu men dang/ zangs dang/ gser ram/ ri bong can dang/ zangs dang gser bzhu bar bya'o/ /'dir zhing gi rdo ba rnams kyis lcags 'byed par byed pa ji lta ba de bzhin mA k+Shi ka la sogs
 pa dang dri ma med pa la sogs pa rnams sbyang bar bya ste/ de nas snga ma'i las byed par 'gyur ro/ /gzhan du na rdzas rnam par nyams par 'gyur ro/ /de nas gang gis zan tsam nyon mongs pa med par 'gyur ba dang por gser 'gyur mkhan rnams
 kyi mtsho ba'i thabs brjod par bya ste/ 'dir zhu ba'i ro ma sgyur ba gzhon nu 'am byis pas 'dab ma la byugs pas gser phyed can du 'gyur ro/ /'di la yang 'dab ma gcig dang gser gnyis kyi sum cha can du brjod do/ /'dir dang por
 zangs la 'dab ma byas nas lan tshwa dang rtsab mo dag gis ji srid phye mar gyur gyi bar du btags par bya'o/ /de nas chu byin nas lan tshwa'i skyon bsal te de nas bskam par bya'o/ /de nas rgyam tshwa bcu drug gi cha shas byin te bI dza pu ra la sogs
 pa'i sgyur pos mnyes nas kha sbyor du btso bar bya'o/ /de bzhin du yang nas yang du rgyam tshwa byin nas lan bdun brgyad kyi bar du kha sbyor du btso bar bya ste/ so phag gi rdul dang mtshungs pa cung zad ljang bar 'gyur ro/ /de nas sbrang rtsi dang
 mar dang tsha la yis gong bu byas nas snga ma bzhin du lcags dbye bar bya'o/ /de nas dri ma dang bral ba phyed tsam thob par 'gyur ro/ /slar yang de nyid 'dab mar byas te mtshal rkang pa'i cha shas byin nas mu zi yis kha sbyor dag gis gsad par bya'o/
 de nyid la slar yang dngul chu brgyad cha dang lhan cig dngul chu'i nyis 'gyur gyi mu zi dang/ dngul chu'i phyed kyi mtshal byin nas gyo mor skyur po yis mnye bar bya'o/ /slar yang bdug par bya'o/ /slar yang mnye bar bya ste nyi ma bdun du'o/ /de nyid
 rdza mkhan gyis bsregs pa'i snod dog mor blugs par bya'o/ /de nas snod kyi kha la rdza mkhan gyi 'jim pas rgya yis gdab par bya'o/ /snod kyi phyi rol tu yang byug pa sbyin par bya ste/ sor gcig gis dpangs nA li ke ra'i chad do/ /che ba la lhag pa
 sbyin par mi bya'o/ /de nas nyi ma la skam par bya'o/ /slar yang steng du ba lang gi lci bas byug par bya ste/ slar yang ji srid ba lang gi lci ba skams par gyur gyi bar tu bskams par bya'o/ /de nas kha sbyor gyi btso bar bya'o/ /de ltar zangs kyi phye ma
 la 'khyud nas dngul chu 'chi bar 'gyur zhing zangs kyang skyon med par 'gyur te/ phan tshun yang dag par sbyor ba las so/ /de nas dngul gyi rkang pa'i cha shas kyi gser byin zhing gser gyi nyis 'gyur gyi zangs byin nas ji srid thams cad ro mnyam
 gyur gyi bar du gong bur kha sdams su bsreg par bya'o/ /de nas grangs par gyur pa dang snod bsal te/ slar yang rkang pa'i cha shas kyi gser dang gser gyi nyis 'gyur gyi zangs byin nas snga ma bzhin bsreg par bya'o/ /de nas grangs par
 gyur pa dang snod bsal nas gser phyed kyis gser du 'gyur te/ kha sbyor gnyis kyis rnam par dag pa'o/ /de nas sbyor ba gzhan brjod par bya ste/ phyi ma 'di gser la nyis 'gyur ram/ sum 'gyur bzhu bar bya'o/ /de rkang pa'i cha shas kyis
 dngul chu la sbyar ba byas nas/ so phag gi khung bur blugs te/ steng du mu zi'i phye ma byin zhing de'i steng du kha chod byin nas de'i steng du sol bas skad cig tsam bsreg par bya'o/ /de nas grangs par gyur pa dang/ yang nas yang du sbyar ba dang
 mnyam pa'i mu zi byin nas lan brgyad du bsreg par bya'o/ /de nas dngul chus gser la 'khyud de mi gtong ngo/ /de nas dngul gyi rkang pa'i cha shas kyi sa bon byin zhing de nyid la dngul dang mnyam pa'i zangs byin nas kong bu la kha sdams su
 bsreg par bya'o/ /de nas grangs par gyur pa dang snod bsal nas 'dab ma de 'dab mar bya'o/ /sbyar ba de yis 'dab ma la byug par bya'o/ /'jug par byed pa'i don du tAM bu la'i 'dab ma'i khu bas steng du byug par bya'o/ /de nas thab
 kyi 'og tu gzhug par bya ste/ steng du sa sor cig byin nas steng du me yis khyim gyi g.yos la sogs pa nyi ma gsum gyi bar du bya'o/ /de nas phyung ste slar yang rkang pa'i cha shas kyi sa bon byin nas dbyung bar bya'o/ /'dab ma de ni de'i tshe 'dab
 mar 'gyur te/ byed dang ldan pas khyad par du 'phags pa'i gser du 'gyur ro/ /zhes pa dang po'i sangs rgyas las bcom ldan 'das kyis gsungs pa ste/ gzhan rgya chen po ni ma bris so/ /da ni lus don du gnyer ba rnams bcud len gsungs
 pa/ nyin zhag bdun zhes pa la sogs pa ste/ 'dir gang la zhig bcings pa'i ro za bar byed na/ de'i tshe de yis dang por snod dag par bya ste/ de yang 'bras bu gsum po cha mnyam pa bskol ba'i chu yis bshal ba'o/ /lan tshwa dang/
 skyur po dang bral ba'i sA la'i zan dang 'o mas kha zas bya'o/ /de nas sman gyis bsad pa'i lcags kyi phye ma zhes pa ni ra gu Na Di yis bsad pa'i rnon po'i phye ma mar dang sbrang rtsi dag gi bcas pa dngul chu dang bcas shes pa lags par shi
 ba'i dngul chu dang mnyam pa ste/ de nyid bag tsam re nyin zhag so sor bzad par bya'o/ /kha zas ni gsar pa rnying pa zhes pa dang po ba be'u btsas pa'i ba'i 'o ma dang/ rnying pa zhes pa 'bras rnying pa'i zan ni/ /de ltar sA li la sogs pa lo ma
 skyur bos dman zhing lan tshwa dang rnam par bral ba nya dang 'bru mar la sogs pa la grol ba zos ba dag gis phyogs kyi nang du snod dag par 'gyur ro/ /de nas ro bza' bar bya ste/ stong phrag 'bugs pa dang/ brgya'i sgyur ba'i brgya zhes pa 'bum
 phrag 'bugs pa dang bye ba 'bugs pa ji srid par yang shes nas bza' bar bya'o/ /stong phrag 'bugs pa ni nyin zhag so sor nas tsam za bar bya'o/ /'bum phrag 'bugs pa ni yungs kar tsam mo/ /bye ba 'bugs pa ni ske tshe tsam ste/ de ltar mdza' 
 ma ske tshe'i cha shas so/ /'dir ro bza' ba'i slad du khang bzangs sam sa'i khang pa grang ba dang rlung dang tshad pa dang bral ba shis so/ /de ltar ro 'bring po stong phrag 'bugs pa ni zla ba drug gis lha'i lus po skra dkar gnyer ma dag dang/ bral
 bar byed de/ /grub pa'i ro gzhan ni 'chad par 'gyur ba'i nyin zhag gcig gis byed do/ /da ni ro ma zhu ba'i sman gsungs pa/ kar ko TI zhes pa la sogs pa ste/ 'dir gang gi tshe ro ma zhu bar gyur na de'i tshe b+han d+ha dkar po TI dang/ de ba
 dA li dang/ tsha ba gsum dang/ pri ha tI dang/ nim ba'i 'dab ma dang/ ki rA ta tig ste 'di rnams chu brgyad cha'i lhag mar bskol ba ni bskol zhes brjod do/ /de nyid btung ste ma zhu ba la nyin zhag gsum du bsnyung bar gnas pa ni ji srid shin
 tu bkros par gyur gyi bar du'o/ /de nas kha zas bya'o/ /de bzhin du zla ba'i chu 'thung ste nyin zhag gsum bsnyung bar gnas pa dang de nas kha zas so/ /me'i chu la de nyid kyis dang/ de nyid kyis zan btso ba dang de nyid btung ba ste/ zla ba drug dang
 lo gcig gi bar du 'o ma dang zan bza' bar bya'o/ /drug gi chu dang rdo'i chu dang/ ba l+lA ta'i chu la de bzhin te/ 'di rnams ni cung zad tsam btung bar bya'o/ /lhag pa ni ma yin te 'chi bar byed do/ /de bzhin du ngan pa'i dri bza' ba dang/ sa dang
 rdo ba bza' ba dang/ dug gis byugs pa'i sha dang/ gzhan ts+tsha la'i yal 'dab la sogs pa'i brtag pa la zas la sogs pa cho ga 'di'o/ /da ni bcud len gyi sman rnams kyi mtshan nyid gsungs pa/ gang zhig zos na zhes pa la sogs pa ste/
 'dir ts+tshe l+la'i yal 'dab la sogs pa dang khri shing la sogs pa rnams las gang zhig zos na shin tu drag por brgyal ba ster byed dug dang mtshungs pa ste/ sman de'i yan lag lnga bzung nas phye ma zhib mor bya'o/ /phye ma de nyid bag
 tsam re mar dang sbrang rtsi dang bcas pa nyin zhag so sor bza' bar bya ste/ de bzhin nyid ces pa lhag ma ni cho ga snga ma'o/ /'dir sems can rnams kyis gang zhig za bar byed cing brgyal ba mi ster ba de ni grub pa ster ba'i sman ma yin no/ /sems can
 de dag rnams la 'chi ster mchog tu 'jig byed gang yin pa de ni rnal 'byor pa rnams la grub pa ster ba ste sngags dang bsam gtan gyi stobs kyis so/ /da ni bcud len gzhan gsungs pa/ da Na Dotpa la zhes pa la sogs pa ste/ 'dir daN
 Do ta pa la'i khu ba dang/ sA li bar NA'i khu ba'am/ ut pa la sA rI'i khu ba yis/ /ro dang mu zi mnyam pa rdo khab len gyi lcags kyi snod du lcags kyi btun pu yis nyin zhag gsum mnye bar bya ste/ de ltar mnyes nas bza' bar bya'o/
 gang zhig TaM ka'i rkang pa'i tshad ces pa mA shA ka re za bar byed pa de ni mdze la sogs pa'i nad las grol zhing rgas pa skra dkar la sogs pa dang bral ba la lo bcu drug lon pa lta bur 'gyur ro/ /da ni ro gsad pa la grub pa'i sman rnams gsungs
 pa/ bo k+kA Na zhes pa la sogs pa ste/ 'dir gang zhig dngul chu bdu ba dang gsad par 'dod pa des sman 'di rnams btsal bar bya'o/ /po k+kA Na zhes pa ni shing kun te/ gang gis skud pa sngon po la byugs na dkar por 'gyur ba'o/ /de yis kong pu
 la byugs pas dngul 'chi bar 'gyur ro/ /bar snang zhes pa ni nam mkha' ste be ru Na Da'i bshang ba'o/ /de yang rnam pa gnyis te/ gdugs kyi nam mkha' dang/ gtsug pud kyi nam mkha' o/ /me'i nang du bcug pa'i steng du gos bkab pa na/ gal te gtsug
 pud kyi rnam pas gos phud nas du ba 'byung ba de ni mchog go /ma yin te gdugs kyi rnam pas du ba gnas na de ni 'bring po ste de yis kyang bsdus te bcing ba'o/ /de bzhin du shag tu ka'i dug go /de bzhin du ki ra'i mchu zhes pa ni ne tso'i mchu khrag zag pa can
 te/ 'jig rten du khrag skrod par grags pa'o/ /de bzhin du skam gyi pad+ma can ni gang gi steng du rkang pa gzhag par gyur pa na nyin mo nam mkha' la skar ma rnams mthong bar 'gyur ba ste/ 'di rnams med na sman gzhan rnams kyis zol gyis gsad pa'i
 dngul chu la dmar reng ste zangs dang/ lhang tsher skyes shes pa lhang tsher gyi lcags dang/ gser dang khab len gyi lcags mnyam par byas nas bsreg par bya'o/ /dngul chu srang bzhi la de phyed kyis de srang gnyis kyis sbyar ba srang drug du bya'o/ /
 lhag ma ni nang gi le'u las brjod pa'i cho ga'o/ /da ni stong phrag 'bugs pa la sogs pa'i ro rnams kyi rang bzhin gsungs pa/ zla ba drug ces pa la sogs pa ste/ 'dir sngar brjod pa'i cho ga yis zos na stong phrag 'bugs pa ni zla ba drug gis
 lus mchog tu byed do/ /des na zla ba drug gis 'di yi mthu las lus la dngos grub tu 'gyur ro/ /zla ba gnyis kyis stong phrag bcu 'bugs pa'i mthu las so/ /zla ba gcig gis 'bum phrag 'bugs pa'i mthu las so/ /nyin zhag bcu drug
 gis 'bum phrag nyi shu 'bugs pa'i mthu las so/ /nyin zhag bcu yis 'bum phrag sum cu rtsa bzhi 'bugs pa'i mthu las so/ /zhag bdun gyis 'bum phrag drug cu 'bugs pa'i mthu las so/ /zhag gsum gyis 'bum phrag
 brgyad cu 'bugs pa'i mthu las so/ /nyin zhag gcig gis bye ba 'bug pa'i mthu las so/ /skad cig gcig gis shes pa ni yud tsam gcig gis grub pa'o/ /ro la sogs pa'i dngos grub 'di ni thun mong ba ste/ ral gri la sogs pa'i dngos
 grub rig pa 'dzin pa'i dngos grub kyang ngo/ /las kyi phyag rgya dang ye shes kyi phyag rgya'i dngos grub ni 'bring po'o/ /'di dag las mchog ni rang dang gzhan la phan pa'i mchog ye shes kyi dngos grub ste/ shes rab kyi gzugs
 bsgom pa yis so/ /de yang gang gis gang zhig sgrub par 'gyur ba skyes bu rnams kyi snga ma'i legs byas kyi dbang gis de la bag chags su 'gyur te/ skye ba snga ma'i rjes su 'bugs pa las so/ /da ni rdzas don du gnyer ba rnams
 la gter brtag pa gsungs pa/ gang na zhes pa la sogs pa ste/ 'dir sa gzhi la gang na 'khri shing rnams dang ljon shing rnams mi 'dra ba'i rang bzhin du snang ba de na rdzas yod par 'gyur ro/ /gzhan yang gang na rtag tu dud 'gro rnam par
 rtsod par snang ba ste/ rang gi gnas kyi don du 'thab pa de na rdzas yod do/ /der lcags bzang po'i ral gri'i steng ngam/ chu gri'i steng du pad+ma dmar po'i skud pa la sdong bu byas nas mi'i til mar gyis sbar te/ 'byung po'i bdag po'i sngags sgrub
 thabs kyi le'u las brjod pas mngon par bsngags nas sa la blta bar bya'o/ /gal te me lce kha thur du bltas par gyur na de'i tshe rdzas yod do/ /gal te ma lhung na de'i tshe med do/ /de ltar gal te lhung na de'i tshe gnas der thun gsum du 'byung po'i
 bdag po'i sngags bzlas par bya ste/ ji srid snang bar gyur gyi bar du'o/ /de nas sngags pa rnams la brko bar bya ba'i dngos grub ste/ gzhan du nyon mongs par 'gyur ro/ /lha min rnams kyis bsrungs pa'i rdzas ni sa yis kyang gdon par nus
 pa ma yin no/ /tshigs su bcad pa 'di yis rjes la tshigs su bcad pa gsum ni go bla'o/ /da ni rigs kyi lung las brjod pa'i rigs kyi dbye ba gsungs pa/ sgra gcan zhes pa la sogs pa ste/ 'dir rigs kyi lung nub kyi khang pa las bzhi po
 dang/ lnga po dang/ drug po dang/ lnga po dang/ gsum po zhes pa ni phyi rol dang lus la rnam par sbyang bar bya ste/ de nas lha rnams kyi mchod pa'o/ /zhes so/ /des na phyi rol tu sgra gcan dang/ dus kyi me dang zla ba dang nyi ma'o/ /'di rnams kyi sbyor ba ni
 bzhi po gdan bzhi po'o zhes pa'i don to/ /de nas 'jig rten gyi khams rdzogs pa'i don du lnga po ste sa la sogs pa ro'i mthar thug pa'o/ /de nas gza'i tshogs pa cig shos dag ces pa ni bzhi po spangs pa/ bkra shis dang gza' lag dang
 phur bu dang pa sangs dang spen pa dang mjug rings te/ 'di rnams kyi tshogs pa ni drug pa'o/ /de nas lhun po'i phyogs bzhi rnams su gling bzhi rnams ni bzhi po'o/ /dri la sogs pa rnams kyi yul lnga rnams ni lnga po'o/ /snying stobs la sogs
 pa'i yon tan gsum ni gsum po'o/ /de ltar phyi rol tu snying stobs la sogs pa'i yon tan rnams ni gsum po dang gdan la sogs pa ji lta ba de bzhin du lus kyi dbus su yang shes par bya ste/ 'dir lus bskyed pa'i don du ma'i
 pad+mar kun gzhi rnam par shes pa ni sgra gcan no/ /dga' ba ni dus kyi me'o/ /khrag ces pa ma'i rdul ni nyi ma'o/ /bdud rtsi zhes pa khu ba ni zla ba ste/ 'dir rnams ni dang por lus kyi rigs skyed pa'i rgyu bzhi po'o/ /bzhi po de las rus pa la
 sogs pa ni lnga po ste/ rus pa ni sa'o/ /chu ser ni chu'o/ /khrag ni me'o/ /sha dang pags pa ni rlung ngo/ /rkang ni nam mkha' ste mdza' dag rnams kyang lnga po'o/ /de nas mig la sogs pa drug po ste zhes pa ni/ /mig ni bkra shis so/ /rna ba
 ni gza' lag go /lce ni phur bu'o/ /sna ni pa wa sangs so/ /lus kyi dbang po ni spen pa'o/ /yid kyi dbang po ni mjug rings so/ /zhes pa drug po'o/ /de bzhin du lag pa rkang pa dag ni bzhi po zhes pa la/ lag pa g.yon pa ni shar gyi gling ngo/ /
 lag pa g.yas pa ni lho'i gling ngo/ /rkang pa g.yas pa ni nub kyi gling ngo/ /rkang pa g.yon pa ni byang gi gling ngo/ /zhes pa bzhi pa pa'o/ /lag pa rkang pa la gnas sor mo rnams ni lnga po'o/ /zhes pa la 'dir mthe bo ni dri'o/ /
 mdzub mo ni ro'o/ /gung mo ni gzugs so/ /ming med ni reg bya'o/ /mthe'u chung ni sgra ste/ sa la sogs pa'i yon tan gyi sgo nas so/ /sor mo lnga po de rnams kyi tshigs gsum po ni gsum por brjod de/ dang po'i tshigs ni snying stobs kyi
 yon tan no/ /dbu ma'i tshigs ni rdul gyi yon tan no/ /mdza' i tshigs ni mun pa'i yon tan no/ /mun pa'i mthar sen mo'i tshogs ni gtso bo ste/ 'dir ni rim pa mdza' dag rigs 'di la ni rig par bya zhes pa rig pa'o/ /nga ni gdan la sogs pa rnams kyi
 dbye ba gsungs pa/ sa 'dzin zhes pa la sogs pa ste/ 'dir rkang pa bzhi'i dbang gis dbye ba bzhi'o/ /de ltar gdan gyi dbye bas sa 'dzin zhes pa bcu drug go /de nyid rab dbye rnams ni nyi shu rtsa lnga ste/ kun 'byung gi phyir gang na gcig yod
 pa na lnga ga'o/ /ro yi sgyur ba'i ros shes pa drug gis sgyur ba'i drug ni sum cu rtsa drug tu 'gyur te/ rkang pa drug gi dbang gis bkra shis la sogs pa rnams kyi dbye ba'o/ /bzhi po la nyi ma zhes pa dbye ba bcu gnyis te/ lag pa dang rkang pa'i
 tshigs kyi dbye bas bcu gnyis dang/ phyi rol tu zla ba dang khyim bcu gnyis kyi dbye ba las so/ /lnga po la nyi shu ste sor mo'i grangs so/ /de bzhin du sor mo'i tshogs rnams la dbye ba drug cu ste/ dbye ba 'di rnams mi rnams dang lha rnams
 dag gi mdza' dag lus la gnas pa ste/ dri ma med pa'i lus la gnas pa ni ma yin no/ /zhes pa'i don to/ /thams cad bsdus pa ni bug pa drug dang zla ba'i grangs shes pa brgya drug cu rtsa dgur 'gyur ro/ /de dag thams cad bsdus
 pa zhes pa de rnams bsdus pa las sum 'gyur dgu ru 'gyur te/ zhes pa nyi shu rtsa bdun no/ /slar yang zhi ba dang nus ma'i dbye ba rten dang brten pa'i chos kyis lnga bcu rtsa bzhi'o zhes par rig par bya'o/ /rigs 'di la gang zhig srog gi rtsa la yang dag par rgyu ba dang
 gza' rnams kyi rgyu skar la yang dag par rgyu ba ste/ 'di rnams kyis yang dag par rgyu ba gang yin pa de ni cig shos phyi rol gyi bka' las dga' ba rnams kyis rnal 'byor ma'i yang dag par rgyu bar brjod do/ /de skad du rtsa ba'i mdo las bshad pa/ gang zhig
 nus pa b+ha ga zhes bya de ni rnam gsum bgrod ldan yi ge gsum dang rang bzhin gsum/ /de la dpal ldan o Di yA Na mchog gi cha dang bcas pa dbus su gnas shing shin tu 'bar/ /de yi g.yas zur nyid du rab tu gsal byas gnas pa dpal ldan
 dzA lan d+hAr zhes bya ste/ /g.yon du dpal gang ba'i gnas te phyugs kyi skye bo 'jig byed kA ma rU pa de yis rtse/ /de ltar kun nas khyab byed gnas dang 'jig dang ma khyab byed ma ni drag po'o nus ma ste/ /de'i dbus na rtags ni mchog gi bde byed thig le
 nA da ling na gnas shing rtag tu dga' / /shin tu zhi ba yod de de'i steng na bsrub pa rnam pa drug gis rnam par dbye ba'o/ /'dod pa gsum po 'di rnams byed cing mchog gi lus bskyod bsgyur 'khyog ma zhes bya ba la phyag 'tshal/ /zhes pa'i
 rigs pa ste/ sems can thams cad la lhan cig skyes pa 'bebs par byed ma b+ha ga zhes bya'o/ /zhes pa rang bzhin no/ /de nas rigs kyi mdo lus rdzogs pa'i rgyu ni 'di lta ste/ kA ma rU par kU yig pu li la gnas pu li ka rnams dzA la'i
 gnas su me lce nyid dpal ldan dbus kyi gnas su oDDA rnam pa gsum gyi lam bgrong lha'i rwa coTa yig rnams/ /de yis grub pa rnams kyang lnga ste Da ra la ka dang bcas de rnams lha mo bzhi dang lnga/ /de phyir nus ma gsum mam rigs kyi ljon
 shing skyed ma bskur 'khyog ma zhes bya ba la phyag 'tshal zhes pa ste/ de ltar mchog tu gsang ba ni bza' bar bya ba'i lha min dang bdud kyi ris dang/ rigs las byung ba rnams kyis mi shes so zhes pa rigs kyi mdo'i
 nges pa'o/ /nga ni sangs rgyas rnams kyi chos yang dag par sdud pa gsungs pa/ ye shes shes pa la sogs pa ste/ 'dir dus kyi 'khor lo la rnal 'byor pas chos yang dag par sdud pa shes nas/ de nas rgyud bstan par bya'o/ /gzhan du
 na chos yang dag par sdud pa med na lam ngan pa ston par 'gyur ro/ /des na chos yang dag par sdud pa bri bar bya ste/ 'dir ye shes nam mkha' gnyis zhes pa ni ye shes 'dzin par byed pa'i sems dang/ gzung bar bya ba stong pa'i gzugs so/ /
 gnyis po ni shes rab dang thabs te b+ha ga dang rtags yang dag par sbyor ba ni ma yin no/ /'di yis sems can gyi don byas pas theg pa gsum ston pa por 'gyur zhing chos yang dag par rig pa por 'gyur ro/ /'dir theg pa gsum ni/ /nyan
 thos kyi theg pa dang/ rang sangs rgyas kyi theg pa dang/ yang dag par rdzogs pa'i sangs rgyas kyi theg pa ste/ 'dis 'gro ba'i phyir theg pa'o/ /dkon mchog gsum ni sangs rgyas dkon mchog dang/ chos dkon mchog dang/ dge 'dun dkon
 mchog ste/ ston pa po dang/ bstan pa dang/ zhu ba po'o/ /de bzhin du rtsa ba gsum ni 'di lta ste/ byang chub tu sems bskyed pa dang/ bsam pa rnam par dag pa dang/ bdag tu 'dzin pa dang/ bdag gi 'dzin pa yongs su spangs pa'o/ /de bzhin
 du sangs rgyas la skyabs pa dang/ chos la skyabs pa dang/ dge 'dun la skyabs pa ste/ de ltar skyabs su 'gro ba gsum mo/ /sems can rnams kyi nyon mongs pa bzhi ni/ 'dod chags dang/ zhe sdang dang/ gti mug dang/ nga rgyal lo/ /bdud bzhi ni/
 phung po dang/ nyon mongs pa dang/ 'chi bdag dang lha'i bu'o/ /'di rnams rnam par nyams par byed pa sangs rgyas rnams kyi tshangs pa'i gnas bzhi ni/ byams pa dang/ snying rje dang/ dga' ba dang/ btang snyoms so/ /de bzhin du rnam par thar pa bzhi ni stong pa nyid dang mtshan
 ma med pa dang/ smon pa med pa dang/ mngon par 'dus ma byas pa'o/ /rdzu 'phrul gyi rkang pa bzhi ni/ mdun pa dang/ brtson 'grus dang/ sems dang/ dpyod pa'o/ /sems can rnams kyi zag pa bzhi ni 'di lta ste/ 'dod pa'i zag pa dang/ srid pa'i zag pa dang
 ma rig pa'i zag pa dang/ lta ba'i zag pa'o/ /sangs rgyas rnams kyi mi 'jigs pa bzhi ni 'di lta ste/ chos thams cad mkhyen pa la mi 'jigs pa dang/ chos thams cad ston pa la mi 'jigs pa dang/ sgrib pa med pa'i lam du 'jug pa la mi 'jigs
 pa dang/ zag pa med pa'i ye shes gnas pa la mi 'jigs pa'o/ /bden pa bzhi ni 'di lta ste/ sdug bsngal gyi bden pa dang/ kun 'byung gi bden pa dang lam gyi bden pa dang 'gog pa'i bden pa'o/ /rton pa bzhi ni 'di lta ste/ don la rton par bya
 yi/ tshig la rton par mi bya ba dang/ ye shes la rtan par bya yi/ rnam par shes pa la rton par mi bya ba dang/ nges pa'i don la rton par bya yi/ drang ba'i don la rton par mi bya ba dang/ chos la rton par bya yi/ gang zag la ston par mi bya'o/ /dran pa
 nye bar gzhag pa bzhi ni lus dran pa nye bar gzhag pa dang/ tshor ba dran pa nye bar gzhag pa dang/ sems dran pa nye bar bzhag pa dang chos dran pa nye bar gzhag pa'o/ /bsdu ba'i dngos po bzhi ni sbyin pa dang/ snyan par smra ba dang/ don dpyod pa dang/ don
 mthun pa'o/ /'dir don chen po mchog tu mi 'gyur ba ste/ de'i don dpyod pa dang/ don mthun pa'o/ /chos sbyin pa'i phyir sbyin pa ste/ chos kyi sbyin pa bzhi ni/ 'du byed thams cad mi rtag pa dang 'du byed thams cad sdug bsngal ba dang/ chos thams cad 
 bdag med pa dang/ mya ngan las 'das pa zhi pa'o/ /yang dag par spong ba bzhi ni/ sdig pa ma skyes pa rnams mi skyed pa'i phyir mdun pa skyed pa dang sdig pa skyes pa rnams kyi gnyen po dge ba'i rtsa bskyed pa dang/ dge ba ma skyes pa rnams yang
 dag par skyed pa dang/ dge ba'i rtsa ba skyes pa sangs rgyas nyid du yongs su bsngo ba'o/ /bzhi po 'di dag ni rnam pa bzhi ste/ rgyal ba mchog gi rdo rje rnams kyis shes pa sku dang gsung dang thugs dang ye shes rnam par dag pa dang/ sprul pa dang chos dang longs spyod rdzogs pa
 dang ngo bo nyid kyi sku rnam par dag pa bsgom par bya ba ste/ 'jig rten pa'i dngos grub kyi slad du lha'i rnam pa'o/ /de bzhin du byang chub sems dpa' rnams kyi mngon par shes pa lnga ni/ lha'i mig dang/ lha'i rna ba dang/ gzhan gyi sems shes pa dang/ sngon gyis gnas
 rjes su dran pa dang/ nam mkha' i rdzu 'phrul lo/ /stobs lnga ni/ dad pa'i stobs dang/ brtson 'grus kyi stobs dang/ dran pa'i stobs dang/ ting nge 'dzin gyi stobs dang/ shes rab kyi stobs so/ /de bzhin du dbang po lnga'o/ /sems can rnams kyi lta ba lnga ni 'jig tshogs
 la lta ba dang/ mthar 'dzin pa'i lte ba dang/ log par lta ba dang/ lta ba mchog tu 'dzin pa dang/ tshul khrims dang brtul zhugs mchog tu 'dzin pa'o/ /sangs rgyas rnams kyi spyan lnga ni/ sha'i spyan dang/ lha'i spyan dang/ sangs rgyas kyi spyan dang/ shes rab kyi spyan dang/
 ye shes kyi spyan no/ /sangs rgyas rnams kyi 'jig rten las 'das pa'i phung po lnga ni/ tshul khrims kyi phung po dang/ ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam par grol ba'i ye shes gzigs pa'i phung po'o
 'jig rten pa ni gzugs la sogs pa rnams so/ /khams rnams ni sa la sogs pa rnams so/ /dbang po rnams ni mig la sogs pa rnams so/ /yul rnams ni dri la sogs pa rnams so/ /las kyi dbang po rnams ni gshang lam la sogs pa rnams so/ /las kyi dbang
 po'i bya ba rnams ni brjod pa la sogs pa rnams so/ /ltar lnga ste/ chos kyi dbyings dang lhan cig thams cad drug go /rjes su dran pa drug gi ni sangs rgyas rjes su dran pa dang/ chos rjes su dran pa dang/ dge 'dun rjes su dran pa dang/ gtong ba rjes su dran pa dang/ tshul khrims
 rjes su dran pa dang/ lha rjes su dran pa'o/ /byang chub kyi yan lag bdun ni dran pa yang dag byang chub kyi yan lag dang/ chos rab tu rnam par 'byed pa yang dag byang chub kyi yan lag dang/ brtson 'grus yang dag byang chub kyi yan lag dang/ dga' ba yang dag byang chub
 kyi yan lag dang/ shin tu sbyangs pa yang dag byang chub kyi yan lag dang/ ting nge 'dzin yang dag byang chub kyi yan lag dang/ btang snyoms yang dag byang chub kyi yan lag dag go /mchod pa rnam pa bdun ni/ phyag 'tshal ba dang/ mchod pa dang/ bshags pa
 dang/ rjes su yi rang ba dang/ bskul ba dang/ gsol ba gtab pa dang/ yongs su bsngo ba'o/ /lam yan lag brgyad pa ni/ yang dag pa'i lta ba dang/ yang dag pa'i rtog pa dang/ yang dag pa'i dag dang/ yang dag pa'i las kyi mdza' dang/ yang dag pa'i
 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin no/ /bsam gtan gyi rnam par thar pa brgyad ni/ gzugs stong par lta ba dang/ nang gi gzugs dang/ phyi'i gzugs stong par lta ba ste/ stong pa zhes
 pa ni rnam pa thams cad pa'i gzugs so/ /sdug pa dang mi sdug pa lta bas byas pa stong bar lta ba dang/ nam mkha' mdza' yas skye mched stong par lta ba dang/ rnam shes mdza' yas skye mched stong par lta ba ste/ rnam pa thams cad pa'i gzugs
 la'o/ /ci yang med pa'i skye mched stong par lta ba dang/ 'du shes med 'du shes med min skye mched stong par lta ba dang/ 'du shes dang tshor ba 'gog pa stong par lta ba ste/ stong pa nyid bsgom pa la'o/ /gzugs can brgyad ni/ 'byung ba chen po bzhi
 dang/ gzugs dang/ dri dang/ ro dang/ reg bya'o/ /yang dag par bsdu ba mdzad pa rnams kyi gsung rab yan lag dgu ni/ mdo sde dang/ dbyangs kyis bsnyad pa dang/ lung bstan pa dang/ tshigs su bcad pa dang/ ched du brjod pa dang/ gleng gzhi dang/
 de lta bu byung ba dang/ skyes pa'i rabs dang/ shin tu rgyas pa dang rmad du 'byung ba ste/ chos yang dag par bsdus pa'i slad du'o/ /pha rol tu phyin pa bcu la sogs pa bcu pa rnams ni mchog tu mi 'gyur ba'i ye shes grub pa las brjod de/ sangs rgyas kyi
 chos ma 'dres pa bco brgyad po rnams kyang brjod zin to/ /'dir dge slong rnams kyi spyangs pa'i yon tan bcu gnyis ni/ bsod snyoms pa dang/ chos gos gsum pa dang/ zas phyir mi len pa dang/ cog pu ba dang/ gzhi ji bzhin pa dang/ gdan gcig
 pa dang/ bla khab med pa dang/ shing drung pa dang/ dgon pa ba dang/ dur khrod pa dang/ phyag dang khrod pa dang/ phying pa pa'o/ /de ltar dang por chos thams cad yang dag par bsdu ba shes nas/ de nas rang gi lus la khyab bdag gi mchog gi go 'phang
 ma ning ni sngags pas bsgom par bya'o/ /slob dpon dang bcas pa yis so zhes pa'i don to/ /'di'i rjes la rtsis kyi grangs gcig la sogs pa la zla ba la sogs pa'i ming rab tu gsal par byed pa'i tshigs su bcad pa gnyis ni go bla'o/ /
 da ni rgyud kyi yon tan gsungs pa rgyud kyi rgyal po zhes pa la sogs pa ste/ rnal 'byor ma dang rnal 'byor gyi rgyud kyi rgyal po thams cad rab tu nges par rdo rje'i tshig mchog tu mi 'gyur ba'i bde ba ni/ rdo rje can shAkya thub pa yis spas pa ste/ rdo rje zhes pa
 ni mi phyed pa'i ye shes sems med pa'i sems kyi rdo rje'o/ /de gang la yod pa de ni rdo rje can te/ rdo rje can de yis so/ /de ci'i phyir zhe na/ 'phags pa'i yul du sangs rgyas pa rnams kyi mkhas pa'i mngon pa'i nga rgyal gyi phyir te/ gang gis sangs rgyas pa'i
 mkhas pa rnams bla ma'i sri zhu byas pa med par glegs bam mthong nas bdag cag rnams kyis rdo rje'i tshig shes so zhes brjod par 'gyur ba'i nga rgyal des dmyal bar 'gro ste/ dbang yang dag par sbyin pa med pa'i phyir ro/ /de bas na sbas so/ /des na dang po'i
 sangs rgyas su ni sham b+ha la'i yul du skyes pa nga rgyal med pa'i sems dang ldan pa'i srog chags rnams kyis thar pa'i slad du ma lus pa yang mngon sum du gsungs so/ /de phyir mdza' dag mchod med pa rgyud kyi rgyal po ni 'jig rten 'das pa ste/ 'jig
 rten las rgyud bya ba ste rgyud dang/ 'jig rten 'das pa rnal 'byor gyi rgyud de/ de dag las 'das pa ni/ 'jig rten las 'das pa'o/ /dpal ldan rgyud ni dang po'i sangs rgyas ni mchog gi rgyal ba'i bdag po'i ye shes kyis sku lhan cig skyes pa'i mngon par brjod pa
 ste/ rjod byed do/ /da ni bcom ldan 'das kyi rnam pa lnga'i stong pa gsungs pa/ gang la zhes pa la sogs pa ste/ 'dir stong pa chen po yi ge lnga ni rdo rje'o/ /de'i stong pa dang po ni/ rnam par shes pa 'gags pa ste/ gang la thog mdza' dbus med ces pa la sogs
 pa nas/ yon tan med pa de la phyag 'tshal lo/ /zhes pa'i mthar thug pa/ rnam par shes pa'i chos nyid 'das/ ye shes gnyid med tshul 'chang ba zhes pa ste/ rnam par shes pa'i chos nyid las 'das pa'i phyir de'i rigs las byung ba nam mkha' la sogs
 pa'i khams dang dbang po la sogs pa rnams las kyang 'das pa nyid do/ /de nas stong pa gnyis pa ni 'du byed 'gags pa ste/ dus dang sna tshogs la sogs rdo rje zhes pa la sogs pa nas/ dus kyi 'khor lo la phyag 'tshal zhes pa'i mthar thug pa go bla'o/ /de
 bzhin du gzhan de rnams 'du byed ces gsungs pa'i phyir/ stong pa nyid pas rlung la sogs pa'i khams dang/ dbang po rnams kyi sgrib pa med pa nyid rig par bya'o/ /de nas stong pa nyid ni tshor ba 'gags pa ste/ spro byed ces pa la sogs pa rnams/ rnam par bcad pa de
 la phyag 'tshal lo/ /zhes pa'i mthar thug pa ste/ gzhan de ni tshor ba zhes gsungs pa'i phyir/ me'i khams dang/ dbang po la sogs pa rnams kyi sgrib pa med pa nyid ni stong pa gsum pa'o/ /de nas stong pa bzhi pa ni 'du shes 'gags pa ste/ dkar po zhes
 pa la sogs pa nas thig le'i gzugs la phyag 'tshal lo/ /zhes pa'i mthar thug pa ste/ gzhan de ni 'du shes zhes gsungs pa'i phyir/ chu la sogs pa'i khams dang dbang po rnams kyi sgrib pa med pa nyid ni stong pa bzhi pa'o/ /de nas stong pa lnga pa ni gzugs
 'gags pa ste/ sems tsam zhes pa la sogs pa nas rdo rje sems dpa' la yang phyag 'tshal lo/ /zhes pa'i mthar thug pa ste/ gzhan de ni gzugs shes gsungs pa'i phyir/ de'i rigs can sa la sogs pa'i khams dang dbang po rnams kyi sgrib pa med pa nyid do
 'di'i rgyas pa ni/ 'jig rten gyi khams kyi le'u dang po las brjod zin te/ des na 'dir ma bkrol lo/ /'dir stong pa chen po yi ge lnga'o/ /de nas thig le stong pa yi ge drug ces pa ni/ 'di'i rten du gyur pa'i chos 'byung/ sangs rgyas kyi gzugs kyi mtshan nyid/ khams gsum pa dus
 gsum po/ thams cad du 'jug pa'o/ /'di'i 'gog pa ni phung po la sogs pa drug dang/ khams sum cu rtsa drug dang 'gyur ba'i ye shes sum cu rtsa bdun te 'di rnams sgrib pa med pa nyid ni chos kyi sku chos 'byung brjod do/ /rdo rje bzhi pa dang yi ge lnga ste/ 'di dag gi sprul
 pa ni sprul pa'i sku rdzu 'phrul sna tshogs ston par byed pa'o/ /chos ston pa po'i sgra ni longs spyod rdzogs pa'o/ /de'i phyir gcig dang du ma dag kyang gcig cing mnyam dang mi mnyam pa zhes pa la sogs pas dbu ma pa'i grub pa'i mdza' o/ gang zhig kun gyi
 rten gcig ces pa la/ kun ni mi 'gyur ba'i bde ba chen po'o/ /de'i rten gcig ni nam mkha' i mtshan nyid do/ /b+ha ga bzang mo zhes pa ni dbang phyug la sogs pa'i yon tan gyi bdag nyid do/ /mchog gi b+ha ga ni khams gsum mchog go/ rgyu des na mgo pos 'dud
 ba ste/ khyod la zhes pa ni 'jam dpal khyod la'o/ /'dud ces pa ni phyag 'tshal bar 'gyur cig pa'o/ /da ni dus kyi 'khor lo'i ston pa dang yon tan la sogs pa ni gang zhig ces pa la sogs pa ste ga bla'o/ /bsdus pa'i rgyud kyi rgyal po dus kyi 'khor lo'i
 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las thabs sna tshogs kyis 'dul ba'i mdor bsdus chen po ste/ ye shes kyi le'u'i 'grel bshad rdzogs so/ /rdzogs pa'i sangs rgyas kyis ni lung
 bstan dpal ldan rigs ldan rgyal po 'jam pa'i rdo rje gang gis ni/ /mchog gi thugs rjes rab mchog thub pa'i tshogs ni sangs rgyas lam la bkod cing shes rab dbang skur dag /byin nas dang po'i sangs rgyas las rgyud ni mda' yi le'u dus
 kyi 'khor lo 'di bstan te/ /'dir ni dpal ldan ka lA pa ru mi yi bdag po grags pa dag gi sras po bdag yin no/ /mchag sangs rgyas kyis lung bstan rab tu dga' ba'i yid can dpal ldan grags pas bskul ba pad dkar gyis/ /rgyud kyi rgyal
 po dag la dpal ldan rtsa ba'i rgyud gsal rdo rje'i tshig ni tshol bar byed pa yi/ /'grel bshad byas nas byin pa dag las bsod nams yangs shing shin tu dkar ba gang zhig thob gyur pa/ de yis 'jig rten mdza' dag rdo rje can gyi lam thob rdzogs
 pa'i sangs rgyas rab tu thob par shog /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba rdzogs so// //
 kha che'i paN+Di ta chen po so ma nA tha dang/ bod kyi lo tsA ba chen po 'bro dge slong shes rab grags kyis bsgyur cing zhus te gtan la phab pa las dus phyis yon tan phul du gyur ba dpag tu med pas spras pa'i bla ma dam pa chos kyi rgyal ba'i
 bka' lung dang/ dpon chen shAkya bzang po'i gsung bzhin du mkhas pa chen po zhang ston mdo sde dpal dang/ dus kyi 'khor lo'i tshul khong du chud
 pa'i dge slong tshul khrims dar gyis don gyis cha la dbyangs shing legs par bskul te/ legs par sbyar ba'i skad kyis brda sprod pa'i bstan bcos rig pa'i lo tsA ba dge slong
 shong ston gyis/ dpal sa skya'i gtsug lag khang chen por/ yul dbus kyi rgya dpe gnyis la gtugs shing legs par bcos te gtan la phab pa'o// bkra shis //