བོད་ཡིག

e-texts based on the ACIP/ALL Input

ba myur du 'grub par shog cig /rdzogs sho// //bla chen dgongs pa rab gsal gyis mdzad pa'i sngo ba bzhugs so// //rkang gnyis mchod gyur rgyal ba sras bcas dang/ /chags sdang bral ba'i dam chos bdud rtsi dang/ /sdug bsngal chogs gsal dge 'dun tshogs rnams la/ /lus dang dag yid dang bas phyag bgyi'o/ /lus kyi gus bcas bsti stang dab bsgrubs te/ /dang sems 'dun bcas rtogs ldan gsal 'gyur la/ /yon tan pa sngags pa mdza' yas rab brjod de/ /mgon po sras bcas bdag gis rab tu bstod/ /me tog phreng ba sil snyan mchog rnams dang/ /byug pa gdugs dang mar me bdug spos rnams/ /shin tu dang ba'i sems kyis dbul bar gyi/ /rin chen na bza' rnam pa sna tshogs dang/ /gduD dang bla re pho brang gdan la sogs/ /khyad par can gyi rgya mtsho thams cad kun/ /thabs mkhas kun rdzob byang chub sems yin te/ /'gro ba'i don du dang bas bdag 'bul gyis/ /thugs brtser dgongs nas 'di dag bzhes su gsol/ /gnyis med mdza' bral don dam byang chub sems/ /bsngo dang bsngo bya nam mkha' i dbyings 'dra yang/ /sngon spyod rgyal sras bsngo mdzad ji bzhin du/ /shes rab rtsal gyis bdag gis bsngo bar bgyi/ /phyogs su dus kun gyi rgyal ba sras bcas dang/ /dam chos bsrung ba nyid kyis zhal 'ches pa'i/ /tshangs ris tshangs bcas 'og min lha la sogs/ /gzhan 'phrul 'phrul dga' dga' ldan 'thab bral dang/ /brgya byin nye dbang rgyal chen phyogs skyong bcas/ /sa 'og sa steng nam mkha' bar snang bcas/ /bsod nams tshogs? ldan lha tshogs mang po kun/ /thugs brtser dgongs nas dbang po mdzad du gsol/ /khyed kyi spyan sngar sdig pa bshags pa ni/ /bdag dang mdza' yas sems can thams cad kyi/ /thog ma med nas skye ba 'di bar du/ /bdag 'dzin sgyu mkhan log pa'i sems brgyud nas/ /nyon mongs drug dang nye ba nyi shu yi/ /dbang du gyur nas sdig pa'i las byas pa'i/ /mtshams med lnga dang de dang nye ba lnga/ /mi dge bcu dang mi khom brgyad la sogs/ /bya bar ma 'ongs bdag gis bgyis pa dang/ /sdig pa'i grogs ldan gzhan gyi rkyin song nas/ /bdud rtsi spangs nas dug 'thungs ji bzhin du/ yang dag lta spyod dam tshig spangs nas ni/ /log pa'i lta spyod dam tshig mchog bzung nas/ /sdig pa'i nyon mongs rgya mtsho tshul 'dra la/ /bdag dang mdza' yas sems can thams cad kyis/ /rang gis bgyid dang bgyid du rtsal ba dang/ bgyid par byed la rjes su yi rang bas/ /sems dmyal dung 'gro gshin rje'i 'jig rten ba'i/ /'bras bu'i sdug bsngal nyams su myong 'gyur kun/ /dang sems brtson pas rab tu bshags 'gyur bas/ /myong bar ma gyur smin par ma gyur cig /deng nas bzung nas ma 'ongs dus su yang/ /rkyen du mi 'tsham sdig pa'i las rnams kun/ /nam yang mi bgyid dam du bcas pas na/ /'phags pa'i 'khor tshogs thugs rje che rnams kyi/ tshangs ba rtsol nas byin gyis rlob tu gsol/ /byang chub snying po myur du bgrod pa dang/ 'gro ba ma lus byang chub bsgrub pa'i phyir/ /dang ba'i sems kyis dge ba bsngo ba ni/ /thog ma med nas da lta'i dus grang? du// bla med byang chub mchog tu sems bskyed de/ shes rab gnyis med nges ba'i tshul rtogs shing/ /thabs mkhas snying rje sku gsung thugs dang ni/ /sku gsum 'phro 'du 'phrin las rnam bzhi yis/ /snying rje bskyed nas dge ba ci bsags dang/ sku gsung thugs kyi mtshan ma bris pa dang/ /bla na yod med mchod pa rgya chen dang/ mchod nas sbyin gnas sbyin pa rnam gnyis dang/ nyan dang len dang de bzhin bklags pa dang/ kha ton dag dang ci rigs bshad pa dang/ tshul bzhin sems dang sgom pas mthar byung? dang/ /byams dang snying rje dga' ba btang snyoms dang/ /sbyin dang tshul khrims bzod pa brtson 'grus dang/ /bsam gtan shes rab thabs dang stobs dang ni/ /smon lam dang ni de bzhin ye shes dang/ /rnam par dag pa'i phung po lnga dang ni// dran pa brtson 'grus rdzu 'phrul rkang pa dang/ /dbang stobs yan lag 'phags pa'i lam rnams dang/ /phyi nang rten 'brel rgyu 'bras phye ba dang/ /gzungs dang ting 'dzin stobs dang mi 'jigs dang/ /ma 'dres chos dang rnam pa kun khyen dang/ /thabs dang shes rab bden gnyis bden bzhi dang/ /snyoms par 'jug dgu zad par bcu dag dang/ /rnam thar brgyad dang rnam thar gsum dag dang/ /bsam gtan brgyad dang dge ba bcu la sogs/ /de la sogs te dge ba ji snyed pa/ /rgyal ba sras dang bcas pas dang? bsngags pa/ /skyes bu dam pa rnams kyis bgrod pa'i lam/ /nye lam dam pa shin tu mchog gyur pa/ /bdag gis bsgrubs dang bsgrub tu rtsal ba dang/ /sgrub par byed la rjes su yi rang bas/ /dge ba'i rtsa ba bdag gis ci bsags dang/ /skal pa mnyam pas rigs kyi bu mchog rnams/ /bsam pa dag pas brtson 'grus rab bskyed nas/ /byang chub sgrub phyir dge ba ci bsags dang/ phyogs dus kun gyi rgyal ba sras bcas pas/ /dang por thugs bskyed dam chos gnas par bgyi/ /dge ba'i yon tan khyad par ci mdzad dang/ /mdza' yas mu med 'jig rten rab 'byams na /'gro cug sems can ma lus ji snyed pa/ /lus dang ngag dang de bzhin yid gyis yang ? ba'i yon tan khyad par ci bsags pa/ /thabs mkhas bcas pas snying rje cher bskyed nas/ /'gro ba'i don tu dge ba bsngo ba ni/ /rgyal brgya mtsho tshogs kyi dkyil 'khor du/ /rgyan dang longs spyod mchog gis klubs gyur cig/ phyogs dus kun na bzhugs pa rgyal pa'i sras/ /sa bcu rgyal tshab srid pa tham pa/ /shes bya bag chags rtsa nas bsal nas su/ /byang chub snying po shin tu nyams dga' bar/ /rdo rje'i gdan mchog myur du mnan nas kyang/ /bdud rnams sder bcas shin tu pham mdzad nas/ /zhing gi rdul bsnyed mya ngan mi 'da' bar/ /chos kyi 'khor lo rgya chen po skong gyur cig/ tshogs kyi lam rtags bcu gsum rdzogs mdzad pa'i/ /skyes bu dam pa dad pa thob pa dang/ /des 'byed yan lag ting 'dzin bzhi spyangs nas/ /sbyor ba'i sa gzhings par non pa dang/ /dang po thob nas dgu la thug par gyi/ /skyes mchog dam pa thug rje mda' rnams kyi/ /brtson 'grus drag po'i me chen sbar nas su/ /rdo rje lta bu'i ye shes chen po yis/ /'og ma'i skyon rnams myur du bsal nas kyang/ /kun gyis mthun par byang chub thob par shog/ ma nor tshul bzhin dge ba 'di bsngos pas/ /cho gas dang bse ru lta bu'i rang rgyal rnams/ /rgyu rkyen rten 'brel ting 'dzin sbyangs nas su/ /gnyis su med pa'i ye shes mchog brnyes nas/ /'gro ba ma lus thabs kyiS sgrol mdzad cing/ /sa bcu'i yon tan lhun gyis rdzogs gyur cig dge bshes dam pa'i drin la rab gnas shing/ /dbang po sgron? med 'dun dang bcas pa'i phyir/ /nyan thos shes pa'i tha snyad ldan pa rnams/ /chos la bdag 'dzin ting 'dzin sbyangs nas su/ /theg pa chen po'i sems la gzhol bar shog/ dge ba'i rtsa ba tshul bzhin bsngos pa 'dis/ /nam mkha' mdza' yas rnam shes mdza' yas dang/ /ci yang med dang srid pa'i rtse mo pa/ /bdag dang bcas pa'i ting 'dzin sbyangs nas su/ /bla med byang chub myur tu thob par shog/ bdag gi dge ba'i rtsa ba 'di yi mthus/ /bsam gtan bzhi gsum bcu gnyis la gsol te/ /gzugs khams lha tshogs mang po thams cad kun/ /bdag 'dzin sgyu mkhan de dag bsal nas kyang/ /bla med byang chub myur du thob par shog/ bdag gi dge ba'i rtsa ba 'di yi mthus/ /gzhan 'phrul 'phrul dga' dga' ldan 'thab bral dang/ /sum cu gsum brgyal chen sa bla ba/ /'dod khams ris drug lha tshogs thams cad kun/ /dge bcu dpag med yon tan bsgrubs nas su/ /bla na med pa'i byang chub thob par shog/ bdag gi dge ba'i rtsa ba 'di yi mthus/ /lha ma yin gyi ris su rtogs pa rnams/ /pa rgyal phrag dog dug rnams spangs nas su/ /byang chub gsum gyi go 'phang thob par shog/ /bdag gi dge ba'i rtsa ba 'di yi mthus/ /gling na gnas pa'i mi rnams thams cad kun/ /sdug bsngal dug gsum skyon rnams rab spangs nas/ /byang chub mchog tu sngon sems bskyed pa rnams/ sems de rgyas shing yon tan rdzogs gyur cig/ sngon chad nam yang dad sems ma bskyed pa/ /dad dang mos pa'i sems su gyur nas su/ /lus dag yid kyi brtson 'grus bskyed nas ni/ /byang chub sgrub la som nyi med par shog/ gzhan yang phran tshegs sdug bsngal 'di dag kyang/ /rnams kyang mi 'byung byung yang zhi bar shog/ long pas gzugs mthong 'on pas sgra thos shing/ /dge? pas smra shes smyon pas dran rnyed shos zha po rnams kyang de bzhin rangs pa dang/ /nad ba rnams kyang myur du sos par shog/ dbul po rnams kyis rtag tu nor rnyed cing/ /bkres skom rnams kyis zas skom rnyed par shog/ gos med rnams kyang gos dang ldan pa dang/ /de la sogs pa phongs pa'i sdug bsngal kun/ /thams cad bsal nas sgra mi snyan bzhin du/ bde ba kun gyis stan tu rgyas nas kyang/ /bsod nams 'bras bu rtag tu grub par shog/ bdag gi dge ba'i rtsa ba 'di yi mthus/ /mdza' yas 'jig rten khams kyi byol song rnams/ /gleng zhing gti mug par ni gyur pa dang /gcig la gcig ni gnod pa'i sdug bsngal rnams/ /myur du bsal nas lha mi thob par shog/ bdag gi dge ba'i rtsa ba 'di yi mthus/ /phyogs bcu 'jig rten khams kyi yi dags rnams/ /bkres skom sdug bsngal rnams ni bsal nas kyang/ /lha dang mi yi bde ba'i mchog la gnas/ /byang chub sgrub la som nyi med par shog/ bdag gi dge ba'i rtsa ba 'di yi mthus/ /'jig rten khams kyi sems dmyal ji snyed pa/ /tsha grangs sdug bsngal ji snyed yod pa rnams/ /ba mo la ni nyi zer ji bzhin du/ /myur du zhi nas lha ma'i bde ba dang/ /byang chub sgrub la the tshom med par shog/ mdor na mdza' yas sems can thams cad kyis/ /sdig pa rnam grangs ma lus kun bsal nas/ /sdug bsngal 'bras bu kun las thar ba dang/ /bla med byang chub mthun pa thob par shog/ dge ba'i rtsa ba bsngo bar brtsams pa yang/ /bdag phyir ma yin 'gro ba'i phyir brtsams pas/ deng nas bzung nas byang chub thob par shog/ mi khom brgyad dang gtan du bral gyur cig/ grogs mcho dam pa rnams dang mi 'bral bas/ /gang nas gang du byang chub sgrub pa'i tshe/ /phrad par gyur nas spyod par mi smon pa/ /lha mi'i longs spyod mchog tu bde ba dang/ /rgyal srid dbang phyug de bzhin snyan tshig rnams/ /'gro ba'i don du spyod pa ma gtogs pa/ /slus shing chags par nam yang ma gyur cig/ rig pa'i gnas la sogs pa'i bya byed kun/ /mthong thos tha snyad bzhis ni bsgrub nas su/ /thabs mkhas snying rjes 'gro don ma togs pa/ /spyod par ma gyur slob par mi gyur cig/ yul 'khor non dang 'byung ba'i gter rnams dang/ /pha ma phu nu de bzhin spun rnams dang/ /bu dang chung ma khyim dang bad mdzod dang/ /bran pho bran mo rta dang glang po dang/ /de la sogs pa bya byed thams cad kun/ /thabs mkhas snying rjes spyod pa ma togs par slus shing chags par nam yang ma gyur cig/ rgyal ba sras bcas ma lus mchod pa dang/ /'gro ba ma lus byang chub bsgral ba'i phyir/ /mgo gcod pa dang rna ba sna gcod dang/ /snying dang rkang dang rus pha khrag rnams dang/ /pags pa rnams dang yan lag nyid lag rnams/ /dgos pa'i don tu spyod pa'i dbang thob nas/ /ji ltar 'dod bzhin rtag tu gtong bar shog/ byang chub snying po myur du thob bya'i phyir/ /phyag 'tshal ba dang bstod cing mchod pa dang/ /sdig pa bshags shing tshul bzhin bsngos pa dang/ /yid dam bcas na nam yang mi 'bral bas/ /byang chub spyod pa rlabs chen thob nas su/ /ji ltar mthun par 'gro ba'i don spyad nas/ /byang chub snying po myur du song nas ni/ /bdud rnams sde dang bcas par tshar bcad nas/ /chos kyi 'khor lo rgya chen skor gyur cig /lha dang lha ma ni mi la sogs pa yi/ /grogs mchog dam pa rnal 'byor spyod rnams kyis/ /lta spyod dam tshig shes rab rtsal bzung nas/ /kun gyis bdag bzhin bsgrub par mdzad du gsol/ /bsngo ba bla chen po dgongs pa gsal gyis mdzad pa rdzogs sho// //