<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4643: 'phags pa dgongs pa nges par 'grel pa'i mdo'i rnam par bshad pa<br><table><tr><td>
<input type="button" onclick="location.href='tcompletep.php?id=N4643&coll=TN&volcur=1';" value="show page break" />
<td width=150><td>
<input type="button" onclick="location.href='tcompletel.php?id=N4643&coll=TN&volcur=1';" value="show line break" />

<td width=150><td>
<a href="tcompleteu.php?coll=TN&id=N4643&volcur=1" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">text in 2 volumes<br><br><a href="tcomplete.php?id=N4643&coll=TN&volcur=0">volume 1  (dgongs pa nges 'grel (co）)</a> - <span style="color:red;border: 2px solid red;border-radius: 5px;padding:3px;">volume 2 (mdo sde (cho）)</span> - <br><br>de'i 'og tu mthar thug pa bsdu ba la mkhas pa'i tshig gi don la sogs pa bshad par bya ste/ de ni
 pha rol tu phyin pa drug po rnams kyi grangs kyi mdza' rnam pa drug tu thug par bsdu ba la mkhas par bya'o/ /de'i phyir
 bcom ldan 'das ci'i slad du bslab pa'i gzhi de dag grangs drug tu gdags par rigs par bgyi lags zhes bya ba zhus
 so/ /rnam pa gnyis kyi phyir te/ sems can la phan gdags pa dang/ nyon mongs pa'i gnyen po nyid kyi phyir ro zhes
 bya ba ni phyi rol gyi sems can yongs su smin par bya ba dang bdag nyid kyi sangs rgyas kyi chos yongs su smin par bya
 ba nyid kyi phyir te go rim bzhin no/ /de la gsum ni sems can la phan gdags pa yin la zhes bya ba ni sbyin pa dang/ tshul khrims
 dang bzod pa gsum ste/ de yang phan pa nye bar bsgrub pas phan 'dogs pa dang/ gnod pa nye bar mi bsgrub pas phan 'dogs pa dang/
 phas kyi gnod pa dang du len pas phan 'dogs pa go rim bzhin te/ de tsam gyis ni pha rol gyi sems can yongs su smin par
 'gyur ba'i phyir ro/ /gsum ni nyon mongs pa'i gnyen po yin par rig par bya ste zhes bya ba ni brtson 'grus dang/ bsam gtan dang/ shes rab
 gsum ste/ de yang dge ba'i phyogs la sbyor bas nyon mongs pa'i gnyen po dang/ rnam par gnon pas nyon mongs pa'i gnyen po dang/ bag la
 nyal legs par 'joms pas nyon mongs pa'i gnyen por go rim bzhin te/ de tsam gyis na bdag nyid kyi sangs rgyas kyi chos yongs su smin par
 'gyur pa'i phyir ro/ /de la phan pa nye bar sgrub pas phan 'dogs pa ni yo byad nye bar sgrub pa'i phan 'dogs so zhes bya bas bstan to/ /gnod pa nye bar mi
 sgrub pas phan 'dogs pa ni tshul khrims kyis ni phongs pa dang/ gnod pa dang rnam par tho 'tshams pa nye bar mi sgrub pa'i phan 'dogs phas phan 'dogs so
 zhes bya bas bstan no/ /phas kyi gnod pa dang du len pas phan 'dogs pa ni phongs pa dang/ gnod pa dang/ tho 'tshams pa la ji mi snyam pas phan 'dogs te
 zhes bya bas bstan to/ /de gsum gyis ni sems can la phan 'dogs so zhes bya bas ni de tsam gyis na phyi rol gyi sems can yongs su smin par 'gyur pa'i phyir ro/ /
 dge ba'i phyogs la sbyor bas nyon mongs pa'i gnyen po ni/ brtson 'grus kyis ni nyon mongs pa rnam par bcil ba dang/ nyon mongs pa yang dag par bcom pa'i tshogs la
 sbyor bar byed de zhes bya bas bstan to/ /rnam par gnon pas nyon mongs pa'i gnyen po ni/ bsam gtan gyis ni nyon mongs pa rnams rnam par gnon to zhes bya bas bstan
 to/ /bag la nyal legs par 'joms pas nyon mongs pa'i gnyen po ni shes rab kyis ni bag la nyal legs par 'joms par byed de zhes bya bas bstan to/ /de gsum ni
 nyon mongs pa'i gnyen po yin no zhes bya ba ni de tsam gyi na bdag nyid kyis sangs rgyas kyi chos yongs su smin par 'gyur pa'i phyir ro/ /mthar thug pa bsdu ba la mkhas pa'i tshig gi don la sogs
 pa bshad zin to// //de'i 'og tu grogs la mkhas pa'i tshig gi don la sogs pa bshad par bya ste/ de ni pha rol tu phyin pa bzhi po dag la mkhas par bya'o/ /de'i phyir bcom ldan 'das ci'i
 slad du pha rol tu phyin pa gzhan dag grangs bzhir gdags par bgyi lags zhes bya ba zhus so/ /pha rol tu phyin pa drug po de dag nyid kyi grogs su gyur pa nyid yin pa'i phyir te zhes bya ba ni thabs
 la mkhas pa ni sbyin pa dang/ tshul khrims dang/ bzod pa gsum gyi grogs yin la/ smon lam ni brtson 'grus kyi grogs yin/ stobs ni bsam gtan gyi grogs yin/ ye shes ni shes
 rab kyi grogs yin pas/ grogs kyi grangs kyang bzhir rig par bya'o zhes bstan to/ /de la pha rol tu phyin pa gsum gyi sems can rnams la phan btags pas zhes bya ba ni sbyin pa dang/ tshul khrims
 dang/ bzod pa gsum gyis phan pa nye bar sgrub pa dang/ gnod pa nye bar mi sgrub pa dang/ phas kyi gnod pa dang du len pas phan btags nas so/ /byang chub sems dpa' sdu ba'i dngos po zin pa'i
 thabs la mkhas pa'i dge ba la 'jog par byed de zhes bya bas byang chub sems dpa' rnams kyi lus dang ngag dang yid kyi las bsdu ba'i dngos po bzhis yongs su zin pa ni thabs
 la mkhas pa yin par ston te/ 'di ltar sems can rnams gdul ba dang/ bsdu ba'i thabs ni rnam pa bzhis te/ phan 'dogs pa dang/ 'dzin du 'jug pa dang/ 'jug par byed pa dang/ mthun par
 sgrub pa'o/ /des bsdu ba'i dngos po sbyin pas phan 'dogs pas thabs yin te/ zang zing gis sbyin pa sna tshogs kyis phan btags na sems can rnams de'i tshig mnyan pa dang/ bya bar sems pa'i
 phyir ro/ /snyan par smra ba ni 'dzin du 'jug pas thabs yin te/ sbyin pas phan 'dogs pa rnams kyi de dang de la kun tu rmongs pa ma lus par bsal ba'i phyir rig pa 'dzin du bcug na kun tu
 rmongs pa thams cad dang bral bar 'gyur ba'i phyir ro/ /don spyod pa ni 'jug par byed pas thabs yin te/ rigs pas 'dzin du bcug pa rnams kyis dge ba'i gnas kyis bslang ste/
 dge ba'i gnas su btsud na dul bar 'gyur ba'i phyir ro/ /don mthun pa ni mthun par sgrub pas thabs yin te/ de ltar btsud pa rnams de las khyod bdag nyid kyang da dung dad pa dang 15/
 tshul khrims dang/ gtong ba dang/ shes rab dang/ ldan pa ma yin na ci'i phyir khyod gzhan dag de yang dag par 'dzin du 'jug par byed ces gdul bdag de la smra bar mi 'gyur bas des bdag nyid kyang don mthun par sgrub pa na gzhan dag 'dul bar 'gyur
 ba'i phyir te/ de ltar byang chub sems dpa' rnams kyi lus dang ngag dang yid kyi las sdu ba'i dngos po bzhi po thams cad dam/ re res zin pa de ni thabs la mkhas pa yin pas sngar pha rol tu phyin pa gsum gyis phan btags nas de'i thabs la mkhas pa des
 dge ba la 'jog par byed pas/ de'i phyir ngas thabs la mkhas pa'i pha rol tu phyin pa ni gsum po dag gi grogs su gyur pa yin par yongs su ston to zhes bya ba gsungs so/ /gal te byang chub sems dpa' tshe 'di nyid la nyon mongs pa mang bas rtag tu bsgom
 mi nus pa zhes bya ba ni brtson 'grus kyi pha rol tu phyin pa'i mi mthun pa'i phyogs yin no/ /mos pa dman pa'i phyir lhag pa'i bsam pa stobs chung bas sems nang du 'jog mi nus pa zhes bya ba ni bsam gtan gyi pha rol tu phyin pa'i mi mthun pa'i phyogs
 yin no/ /byang chub sems dpa' i sde snod thob pa'i dmigs pa la bsam gtan yongs su ma bsgoms pas 'jig rten las 'das pa'i shes rab mngon par sgrub mi nus pas zhes pa ni shes rab kyi pha rol tu phyin pa'i mi mthun pa'i phyogs yin te/ mi
 mthun pa'i phyogs de gsum spong zhing pha rol tu phyin pa de gsum gyi grogs su pha rol tu phyin pa gzhan gsum rims bzhin du sbyar ro/ /de la brtson 'grus kyi pha rol tu phyin pa'i mi mthun pa'i phyogs ji skad smras pa de spong zhing brtson 'grus kyi
 pha rol tu phyin pa'i grogs ni/ bsod nams kyi tshogs yang dag par blangs te/ gnas shing phyi ma la nyon mongs pa chung ba nyid du yid kyis smon par byed/ de ni smon lam gyi pha rol tu phyin pa te/ de la nyon mongs pa chung ba dang/ brtson 'grus rtsom
 nus par 'gyur bas de'i phyir smon lam gyi pha rol tu phyin pa brtson 'grus kyi pha rol tu phyin pa'i grogs su 'gyur ba nyid yin no zhes bya bas bstan te/ gong nas gong du ye shes khyad par can don du gnyer ba ni/ smon
 lam gyi pha rol tu phyin pa yin no/ /bsam gtan gyi pha rol tu phyin pa'i mi mthun pa'i phyogs ji skad bstan pa de spong zhing/ bsam gtan gyi pha rol tu phyin pa'i grogs ni/ des skyes bu dam pa la yang dag par brten pa dang dam pa'i chos
 mnyan pa la brten nas/ tshul bzhin yid la byed pa thob cing lhag pa'i bsam pa stobs chung pa nyid rnam par rtog pa na khams gya nom pa las bsam pa'i stobs thob par 'gyur ba de ni/ de'i stobs kyi pha rol tu phyin pa yin te/ des
 sems nang du 'jog nus pa yin pas de'i stobs kyi pha rol tu phyin pa ni bsam gtan kyi pha rol tu phyin pa grogs zhes bya bas bstan te/ bdud thams cad kyis lam mi chod pa ni stobs kyi pha rol tu phyin pa yin no/ /shes rab kyi pha
 rol tu phyin pa'i mi mthun pa'i phyogs ji skad bstan pa de spong zhing shes rab kyi pha rol tu phyin pa'i grogs ni/ de la byang chub sems dpa' i sde snod thob pa'i dmigs pa yongs su bsgoms pa la bsam gtan byed de/ de ni de'i ye shes
 kyi pha rol tu phyin pa yin te/ des 'jig rten las 'das pa'i shes rab sgrub nus par 'gyur bas de'i phyir des ye shes kyi pha rol tu phyin pa ni shes rab kyi grogs su gyur pa yin par yongs su bstan to zhes bya bas bstan te/ de
 shes rab ni rang dang spyi'i mtshan nyid rab tu dbye ba'i rnam pa yin/ ye shes ni rgyu dang 'bras bu'i 'jug pa rab tu dbye ba'i rnam pa yin no/ /yang gcig tu na shes rab ni don dam pa'i bden pa 'dzin pa'i rnam pa yin/ ye shes ni kun
 rdzob kyi bden pa 'dzin pa'i rnam pa yin no/ /grogs la mkhas pa'i tshig gis don la sogs pa bshad zin to// //de'i 'og tu 'byung ba la mkhas pa'i tshig gi don la sogs pa bshad par bya ste/ de ni pha rol tu phyin pa drug po dag snga ma snga ma?
 las phyi ma phyi ma 'byung ba'i go rim la mkhas par bya'o/ /de'i phyir bcom ldan 'das ci'i slad du pha rol tu phyin pa drug po de dag gi go rim de ltar bstan par bgyi lags zhes bya ba zhus so/ /de nas gong du 'grub pa'i rten gyi yin pa'i phyir te zhes
 bya ba ni go rim gyi tshul rnam pa gsum ste/ snga mal brten nas phyi ma 'byung ba dang/ snga ma dman pa yin la/ phyi ma dam pa yin pa dang/ snga ma rags pa yin la/ phyi ma phra ba yin pa'i phyir te/ de'i phyir byang chub sems dpa' las dang/ /
 longs spyod la mi lta na tshul khrims yang dag par len par byad do zhes bya ba la sogs pa gsungs so/ /'byung ba la mkhas pa'i tshig gi don la sogs pa bshad zin to// //de'i 'og tu tha dad pa la rab tu dbye ba mkhas pa'i tshig gi don
 la sogs pa bshad par bya ste/ de'i phyir pha rol tu phyin pa drug po re re yang rnam pa gsum gsum du tha dad pa'i rab tu dbye ba la mkhas par bya'o/ /de'i phyir bcom ldan 'das pha rol tu phyin pa de dag rnam pa dur rab tu dbye ba lags shes
 bya ba zhus so/ /rnam pa gsum zhes bya ba drug po re re la yang rnam pa gsum gsum du rab tu dbye'o/ sbyin pa rnam pa gsum zhes bya ba la/ chos sbyin pa yang rnam pa gsum ste/ glegs bam sbyin pa dang/ gzhung bzhin 'chad pa dang/ mkhan
 por ston pa'o/ /zang zing sbyin pa yang rnam pa gsum ste/ phyi'i zang zing gi sbyin pa dang/ nang gi zang zing gi sbyin pa dang/ phyi nang gnyis ka'i zang zing gi sbyin pa'o/ /mi 'jigs pa sbyin pa yang rnam pa gsum ste/ rkyen gyi sdug bsngal ba
 bskyab pa dang/ srog gi bar chad la bskyab pa dang/ 'khor ba'i rgyud la bskyab pa'o/ /de la yon tan gyi mthu rnam pa gsum du 'gyur te/ chos sbyin pas ni 'jig rten las 'da' bar 'gyur/ zang zing sbyin pas
 ni longs spyod chen po thob par 'gyur/ mi 'jigs pa sbyin pas ni tshe la bar chad med par 'gyur ro/ /tshul khrims rnam pa gsum ni zhes bya ba la/ mi dge ba las ldog pa'i tshul khrims kyang rnam pa gsum ste/ lus mi dge
 ba las bzlog pa dang/ ngag mi dge ba las bzlog pa dang/ yid mi dge ba las ldog pa'o/ /dge ba las 'jug pa'i tshul khrims kyang rnam pa gsum ste/ dkon mchog gsum la skyabs su rton par 'jug pa dang/ bsod nams
 la yid rton par 'jug pa dang/ chos kyi dbyings rtogs par 'jug pa'o/ /sems can gyi don la 'jug pa'i tshul khrims kyang rnam pa gsum ste/ yongs su ma smin pa smin par bya ba dang/ rnam par ma grol ba dgrol ba dang/ yongs su mya ngan las
 ma 'das pa mya ngan las bzla ba'o/ /de la yang yon tan gyi mthu rnam pa gsum du 'gyur te/ mi dge ba las ldog pa'i tshul khrims kyis ni mtho ris su skye bar 'gyur/ dge ba la 'jug pa'i tshul khrims kyis ni byang chub kyi
 tshogs rdzogs par 'gyur/ sems can gyi don la 'jug pa'i tshul khrims kyis ni bdag dang gzhan gyi don phun sum tshogs par 'gyur ro/ /bzod pa rnam pa gsum ni zhes bya ba la/ gnod pa la mi mdzad pa'i bzod pa
 rnam pa gsum te/ gshe yang phyir mi gshe bar bya ba dang/ brdeg kyang phyis mi brdeg par bya ba dang/ snang yang phyis mi snang bar bya ba'o/ /sdug bsngal la ji snyam pa'i bzod pa yang rnam pa gsum ste/ ma 'ongs pa'i
 dus kyi so chos can thams cad kyi don bya bas mi skyo ba'i bzod pa dang/ spyod lam dam pa la log par bsgrub pa'i sdug bsngal gyis spa mi brkong pa'i bzod pa dang/ 'dod chags la sogs pa nyon mongs pa zhi zhing spong bar bzod pa'o/ /chos la nges
 par rtog pa'i bzod pa yang rnam pa gsum ste/ stong pas mi skrag pa dang/ mdza' gnyis la mi chags pa dang dga' ba spyod pa la brten par bzod pa'o/ /de la yang yon tan gyi mthu rnam pa gsum du 'gyur te/ gnod pa byed pa la mi mdzad pa'i bzod pas
 ni 'khor phun sum tshogs pa dang ldan par 'gyur/ sdug bsngal la ji mi snyam pa'i bzod pas ni ma rabs kyi sems spong bar 'gyur/ chos la nges par rtog pa'i bzod pas ni zag pa med pa'i shes rab skye bar 'gyur ro/ /brtson 'grus rnam pa
 gsum ni zhes bya ba la/ go cha'i brtson 'grus kyang rnam pa gsum ste/ byams pa chen po'i go bgo ba dang/ snying rje chen po'i mthu brtan pa dang/ brtson 'grus chen po'i mthu brtan pa'o/ /dge ba la sbyor pa'i brtson 'grus kyang rnam pa gsum
 ste/ dad pa chen pos don la rton pa dang/ spyod pa chen pos dge ba la 'jug pa dang/ bsngo ba chen pos sems can la khyab pa'o/ /sems can gyi don la sbyor ba'i brtson 'grus kyang rnam pa gsum ste/ snyoms pa dang/ tshul khrims la khyad par
 med par brtson pa dang/ sdu ba rnam pa bzhi'i thabs kyis chos kyi don la 'jog par brtson pa dang/ gnyen po mi 'god pa'i shes rab kyi thabs su brtson pa'o/ /de la yang yon tan gyi mthu rnam pa gsum du 'gyur te go cha'i brtson 'grus kyis
 ni bdud bzhi thul bar 'gyur/ dge ba la sbyor ba'i brtson 'grus kyis ni sa bcu yongs su rdzogs par 'gyur/ sems can gyis don la sbyor ba'i brtson 'grus kyis ni/ 'dren pa chen po'i thabs dang ldan par 'gyur ro/ /bsam gtan rnam pa  
 gsum ni zhes bya ba la/ rnam par mi rtog cing zhi la rab tu zhi bas nyon mongs pa dang/ sdug bsngal gyi gnyen po bde bar gnas pa'i bsam gtan yang rnam pa gsum ste/ sems chos la mi rtog pa dang/ chos sems la mi
 rtog pa dang/ btang snyoms kyi sems gnyi gar mi rtog pa'o/ /yon tan mngon par sgrub pa'i bsam gtan yang rnam gsum ste/ sku'i yon tan mngon par sgrub pa dang/ ye shes kyi yon tan mngon par sgrub pa dang/ stobs la sogs pa'i
 yon tan mngon par sgrub pa'o/ /sems can gyi don mngon par sgrub pa'i yon tan yang rnam pa gsum ste/ bsngo ba'i ting nge 'dzin dang/ khyab pa'i ting nge 'dzin dang/ mi 'gyur ba'i ting nge 'dzin te/ /de la yang yon tan gyi mthu rnam
 pa gsum du 'gyur ste/ rnam par mi rtag cing zhi ba rab tu zhi bas nyon mongs pa dang/ sdug bsngal gyi gnyen po bde bar gnas pa'i bsam gtan gyis ni rnam par mi rtog pa lhun gyis grub par 'gyur/ yon tan mngon par sgrub pa'i bsam gtan
 gyis ni rgyu phun sum tshogs pa thob par 'gyur/ sems can gyi don sgrub pa'i bsam gtan gyis ni snying rje chen pos sems can gyi don la sbyor bar 'gyur ro/ /shes rab rnam pa gsum ni zhes bya ba la/ kun rdzob kyi bden pas dmigs
 pa yang rnam pa gsum ste/ 'dus byas kyi mtshan nyid la mkhas pa dang/ 'khor ba'i rgyud la mkhas pa dang/ 'khor ba'i rgyud las ldog pa la mkhas pa'o/ /don dam pa'i bden pa la dmigs pa la yang rnam pa gsum ste/ stong pa nyid
 pas mi gnas pa dang/ mtshan ma med pas mi rtog pa dang/ smon pa med pas mi chags pa'o/ /sems can gyi don la dmigs pa la rnam pa gsum ste/ rang bzhin gyis sdug bsngal la ting nge 'dzin gyis sbyor ba dang/ 'du byed kyi
 sdug bsngal la gnyan pos gcod pa dang/ the tshom gyi sdug bsngal la rgyas par 'grel pa'i shes rab bo/ /de la yang yon tan gyi mthu rnam pa gsum du 'gyur te/ kun rdzob kyi bden pa la dmigs pa'i shes rab kyis 'khor ba la mi chags par 'gyur/ don dam pa'i bden pa
 las dmigs pa'i shes rab kyis ni 'phags pa'i shes rab mngon par thob par 'gyur/ sems can gyi don la dmigs pa'i shes rab kyis ni sprul pa mngon par ston par 'gyur ro/ /tha dad pa'i rab tu dbye ba la mkhas pa'i tshig gi don la sogs pa bshad zin to//
 de'i 'og tu rdzogs pa la mkhas pa'i tshig gi don la sogs pa'i bshad par bya ste/ de ni pha rol tu phyin pa de dag rgyu rnam pa lnga dang/ rnam par dag pa bsdus pa dang/ so so bas rdzogs par 'gyur pa la mkhas par bya'o/ /de'i phyir bcom ldan
 'das ci'i slad du pha rol tu phyin pa'i de dag pha rol tu phyin pa rnams shes bgyi lags zhes bya ba zhus so/ /lnga'i phyir te zhes bya bas ni rgyu de lngas pha rol tu phyin pa rdzogs par ston to/ /chags pa med pa'i nyid ces bya ba la/
 rdzogs pa lnga'i gnas su gyur pa chos rnams thams cad la chags pa med pa nyid dang/ de'i 'bras bu dang zang zing la sems 'brel ba med pa nyid dang/ nye ba'i nyon mongs pa rnam pa thams cad rnam par spangs pa nyid dang/ kun brtags
 pa'i ngo bo nyid tu ji lta ba nyid dang/ bla na med pa yang dag par rdzogs pa'i byang chub thob par smon lam 'debs pa nyid dang/ go rim bzhin du sbyar te/ de ltar na byang chub sems dpa' rnams kyi pha rol tu phyin pa yang yon tan lngas yongs su zin pa
 de dag ni sbyin pa'i ngo bo nyid ces bya ba nas rnam par dag pa'i sbyin pa nis bya ba dang/ shes rab kyi ngo bo nyid ces bya ba nas rnam par dag pa'i shes rab dag yin par rig par bya'o/ /pha rol tu phyin pa dang mi mthun pa'i phyogs
 dngos po gang lags zhes zhus pas ni/ chags pa med pa nyid rgya ched ston te tshig gi don ni go sla'o/ /pha rol tu phyin pa de dag gi rnam par smin pa'i 'bras bu gang lags zhes zhus pas ni mi nyid rgya cher ston te de dag gi tshig gi don kyang go
 bla'o/ /pha rol tu phyin pa de dag la kun nas nyon mongs pa can gyi chos dang 'dres pa gang lags zhes zhus pas ni/ kha na ma tho ba nyid rgya cher ston te de dag gi tshig gi don kyang go bla'o/ /de bas gzhan pa'i pha rol tu phyin pa dag la de las gzhan pa'i
 pha rol tu phyin pa bsgom pa'i nyams pa zhes bya ba ni dper na sbyin pa ni sbyin la/ tshul khrims ni nyams pa lta bu'o/ /thabs ma lags pa byung ba zhes zhus pas kha na ma tho ba nyid rgyu chen por ston te/ de dag gi tshig don kyang go bla'o/ /bcom
 ldan 'das pha rol tu phyin pa'i de dag gi rnam par dag pa du mchis lags zhes bya ba la sogs pas ni rnam par dag pa bsdus pa dang/ so so bas pha rol tu phyin pa rdzogs par 'gyur ba la mkhas par bya ba'i don to/ /de la pha rol tu phyin pa thams
 cad kyis rnam par dag pa bsdu ba ni/ rnam pa bdun gyis rig par bya ste zhes bya ba ni yon tan gyi dri ma bdun po 'dod pa dang lta ba dang/ yid gnyis dang/ nga rgyal dang/ rgyags pa dang/ bag la nyal dang/ ser sna dang bral bas rnam par dag pa ste/
 dkyus kyi tshig bdun dang go rim bzhin du sbyar ro/ /rnam par dag pa so so tha dad pa de yang rnam pa bdun kho nar rig par bya ste/ zhes bya ba ni drug po re re la yang rnam pa bdun bdun du 'gyur ro/ /sbyin pa rnam par dag pa rnam pa bdun po zhes bya ba
 ni rnam pa bdun 'og nas byung ba re re la yang rnam pa bcu bcur rig par bya'o/ /de la sbyin par bya ba'i dngos po rnam par dag pa rnam pa bcus ni mang po dang sna tshogs nyid kyis rgya chen po sbyin par byed pa dang/ mi mang mi nyung ba nyid kyis mtshungs
 par sbyin par byed pa dang/ 'dod pa'i dus nyid kyis dus su sbyin par byed pa dang/ kha dog la sogs pa phun sum tshogs pa nyid kyis gya nom par sbyin par byed pa dang/ mi gtsang ba'i dngos po dang ma 'dres pa nyid kyis gtsang par sbyin par byed pa dang/ /kha
 na ma tho ba med pa dang ldan pa nyid kyis rung ba sbyin par byed pa dang/ slongs mo pa'i bsam pa nyid kyi ci 'dod pa sbyin par byed pa dang/ brtson pa nyid kyis phan pa sbyin par byed pa dang/ slongs mo pa la bltos pa nyid kyis cig car ram/ rim gyis sbyin
 par byed pa dang/ rgyun mi 'chad pa nyid kyis rtag tu sbyin par byed pa'o/ /tshul khrims rnam par dag pa rnam pa btsun sgrub pa'i brtson 'grus kyis thob pa'i longs spyod rnams sbyin par byed pa dang/ rang gi zho shas bsgrub pa dag sbyin par byed pa dang/ rtul
 zhing dri ma chags chags su bsgrub pa dag sbyin par byed pa dang/ chos rnams kyis chos bzhin thob pa dag sbyin par byed pa dang/ sdig pa las log pa dag sbyin par byed pa dang/ dbang po thul bas sbyin par byed pa dang/ gus par byas te sbyin par byed
 pa dang/ rab tu btung de sbyin par byed pa dang/ rang gi lag nas sbyin par byed pa dang/ dang po rang gi tshal za'i 'khor rnams la legs par ri mo byas legs par mchod pa byas nas/ de'i 'og tu slongs mo pa gzhan dag la sbyin par byed do/ /lta ba rnam par
 dag pa rnam pa bcu ni bdag ni sbyin par byed pa'o/ /bdag gi sbyin pa'o snyam du rlom sems med pas sbyin par byed pa dang/ bdag nyid gzhan dang mi sgrub par sbyin par byed pa dang/ bdag nyid gzhan dag pas che ba 'am mnyam pa 'am chung ngo snyam du
 mi sems par sbyin par byed pa dang/ gzhan las lan mang du phan 'dogs pa la mi lta bar sbyin par byed pa dang/ phyi ma la srid hpa khyad par can nam/ longs spyod khyad par can la mi lta bar sbyin par byed pa dang/ sbyin pa'i 'bras bu med do snyam
 du mi lta bar 'byed pa dang/ 'bras bu tshul dang mi mthun pa dang/ 'bras bu phyin ci log yin no/ /snyam du mi lta bar sbyin par byed pa dang/ 'tsho ba dang bcas pa ni dge pa'o snyam du mi lta bar sbyin par byed pa dang/ ngo mtshar dang
 bkra shis su mi lta bar sbyin par byed pa dang/ grags pa dang sgra dang tshigs su bcad pa'i phyir ma yin par sbyin par byed pa dang/ /sems rnam par dag pa rnam pa bcu ni rang bzhin gyi sems can thams cad la byams pa'i sems kyis sbyin par
 byed pa dang/ sbyin pa la rin po che'i sems kyis sbyin par byed pa dang/ mdza' bshes dang dgra bo dang tha mal pa dag la snyoms pa'i sems kyis sbyin par byed pa dang/ ser sna'i dri ma dang sogs 'jog gi dri ma bsal ba'i sems kyis sbyin
 par byed pa dang/ slongs mo ba'i dus la bzod cing skye ba med pa'i sems kyis sbyin par byed pa dang/ rnam par 'tshe ba rnams la byams pa'i sems kyis sbyin par byed pa dang/ sdug bsngal ba rnams la snying rje'i sems kyis sbyin par byed pa
 yon tan dang ldan pa rnams la dga' ba'i sems kyis sbyin par byed pa dang/ mdza' bshes rnams la btang snyoms kyi sems kyis sbyon par byed pa'o/ /dag rnam par dag pa rnam pa bcu ni/ sbyin pa'i snga rol nyid kyis sbyin no zhes skabs
 'byed pa dang/ 'ongs pa na tshur shog legs par 'ongs so zhes smra ba dang/ khro gnyer med cing bzhin gyi mdog gsal la 'dzum pa sngar gtong zhing tshig gi lam 'jam pa dag gis gtam 'dre bar byed/ phebs par smra? bar byed
 kun dga' bar med pa dang slongs mo pa rnams kyi mjug thogs su sbyin par bya'o zhes sbyin par bya ba'i dngos pos kun dga' bar byed pa dang/ da ni khyod la sbyin par byed pa yin no zhes bya ba'i tshig kun rjod par byed pa dang/ de ni dus byed pa
 na khro bas kun nas bslang ba'i tshig rtsub mo rjod par mi byed pa dang/ slong mo pa la mngon sum dang lkog nas mi smod mi sgrogs pa dang/ sbyin par bya pa'i chos mi bdog na yang legs par bshad kyis sbyangs te gtong bar byed pa dang/
 slongs mo pa la mngon sum du smod par mi byed khyad du gsod bar mi byed/ sting bar mi byed co 'dri bar mi byed pa dang/ sma dbab pa nye bar sgrub par mi byed pa'o/ /shes pa rnam par dag pa rnam pa bcu ni sbyin pa la brten pa'i shes pa rnam
 par dag pa dang/ slong mo pa la brten pa'i shes pa rnam par dag pa dang/ sbyin par bya ba'i chos la brten pa'i shes pa rnam par dag pa dang/ sbyin pa'i sbyor ba la brten pa'i shes pa rnam par dag pa dang/ sbyin pas sems can yongs su
 smin par bya ba la brten pa'i shes pa rnam par dag pa dang/ thabs la mkhas pa la brten pa'i shes pa rnam par dag pa dang/ 'dod pa rnams kyi nyes dmigs la brten pa'i shes pa rnam par dag pa dang/ dri ma bsal ba la brten pa'i
 shes pa rnam par dag pa dang/ sdig pa'i grogs po yongs su spang ba dang/ dge ba'i bshes gnyen yongs su gzung ba la brten pa'i shes pa rnam par dag pa dang/ phyogs drug gis bgab pa nyid las brten pa'i shes pa rnam par dag pa'o//
 dri ma rnam par dag pa rnam pa bcu ni le lo'i dri ma dang bral ba'i sbyin pa byin par byed pa dang/ chags pa'i dri ma dang bral ba'i sbyin pa sbyin par byed pa dang/ zhe sdang gi dri ma dang bral pa'i sbyin pa sbyin par byed pa dang/ gti mug gi dri ma dang bral
 ba'i sbyin pa sbyin par byed pa dang/ gags kyi dri ma dang bral ba'i sbyin pa sbyin par byed pa dang/ mi rigs pa'i dri ma dang bral ba'i sbyin pa byin par byed pa dang/ ma rdzogs pa'i dri ma dang bral ba'i sbyin pa sbyin par byed pa dang/ rnam par
 ma dag pa'i dri ma dang bral ba'i sbyin pa sbyin par byed pa dang/ 'chal ba'i shes rab kyi dri ma dang bral ba'i sbyin pa sbyin par byed pa dang/ thabs ma yin pa'i dri ma dang bral pa'i sbyin pa sbyin par byed pa'o/ /de'i 'og tu tshul khrims bab par
 dag pa rnam pa bdun la 'di lta ste/ byang chub sems dpa' sdom pa bcas pa la bslab pa'i gzhi rnam pa thams cad la mkhas pa zhes bya bas ni/ byang chub sems dpa' i tshul khrims thams cad ces bya ba yin te/ de ni rnam pa gnyis te/ khyim pa'i phyogs
 su gtogs pa dang/ rab tu byung ba'i phyogs su gtogs pa'o/ /de yang ci rigs par rnam pa gsum te/ sdom pa'i tshul khrims dang/ dge ba'i chos sdung pa'i tshul khrims dang/ sems can gyi don bya ba'i tshul khrims so/ /tshul khrims rnam pa
 gsum po de dag kyang bya ba gsum ste/ sdom pa'i tshul khrims kyis ni sems gnas par byed la/ dge ba'i chos sdud pa'i tshul khrims kyis ni bdag nyid kyi sangs rgyas kyi chos yongs su smin par byed/ sems can gyi don bya ba'i tshul khrims
 kyis ni/ sems can yongs su smin par byed do/ /byang chub sems dpa' i bya ba thams cad 'di lta ste/ tshe 'di la bde bar gnas par bya ba'i phyir sems gnas pa dang/ lus dang sems du ba pa med par sangs rgyas kyi chos yongs su smin par
 bya ba dang/ sems can yongs su smin par bya ba de tsam du zad de/ tshul khrims kyang de dag du zad la/ tshul khrims kyi phan yon yang de dag tu zad de/ dus gsum gyi byang chub sems dpa' byang chub chen po 'dod pa thams cad kyang 'di la bslabs
 shing/ bla na med pa'i byang chub mngon par sangs rgyas na tshul khrims thams cad ces kyang bya/ bslab pa'i gzhi rnam pa tha dad ces kyang bya ste/ de la mkhas pa ni tshul khrims rnam par dag pa yin no/ /ltung ba las bslang ba la mkhas pa zhes bya
 ba ni/ rgyu gsum gyi ltung ba las bslang ba las mkhas pa ste/ gsum gang zhe na/ 'gyod pa lnga bskyed pa dang/ yan lag lngas bsdus pa'i bag yod pa dang/ rnam pa lngas 'gyod pa bsal ba'o/ /de la 'gyod pa lnga bskyed pa gang zhe na/ ltung ba gang yang
 rung ba zhig byung ba na/ bdag nyid la gzhi des tshul khrims dag gis smad bar 'gyur ro/ /snyam nas 'gyod pa skyed par byed pa dang/ gzhan dang lha dag gis smad par 'gyur ro snyam nas 'gyod pa skyed par byed pa dang/ ston pa tshangs pa mtshungs
 par spyod pa mkhas pa rnams kyis smad par 'gyur ro snyam nas 'gyod pa skyed par byed pa dang/ phyogs dang phyogs mtshams rnams su sdig pa can gyis bsngags pa'i grags pa dang/ sgra dang tshigs su bcad pa mngon par 'phel par 'gyur ro
 snyam nas 'gyod pa skyed par byed pa dang/ bdag lus zhig nas ngan song dang ngan 'gro log par ltung ba rnams su skye bar 'gyur na mi rung ngo snyam nas 'gyod pa skyed par byed pa'o/ /yan lag lngas bsdus pa'i bag yod pa gang zhe na/ 'das pa'i
 dus la brten nas ltung ba byung ba gang yin pa de yang chos bzhin du phyis byed pas sngon gyi mdza' dang ldan pa'i bag yod pa dang/ ma 'ongs pa'i dus la brten nas ltung ba 'byung ba gang yin pa de yang chos bzhin du phyis byed pas phyi ma'i mdza' 
 dang ldan pa bag yod pa dang/ da ltar byung ba'i dus la brten nas ltung ba 'byung ba gang yin pa de yang chos bzhin du byed pas dbus kyi mdza' dang ldan pa'i bag yod pa dang/ ltung ba ma byung ba'i snga rol nas phyis ltung ba mi 'byung bar bya ba'i phyir
 ji ltar spyad cing gnas na phyis ltung ba 'byung bar mi 'gyur ba da lta de ltar spyad cing gnas pas dus snga nas bya ba'i bag yod pa dang/ 'phral du yang phyi nas kyang ltung ba mi 'byung ba de ltar spyod cing gnas pas lhan cig spyod pa'i bag yod pa
 dang ldan pa'o/ /rnam pa lngas 'gyod pa bsal ba gang zhe na/ bcom ldan 'das kyi sa gzhi dang bcas nges par 'byung ba dang bcas pa'i chos bstan pa dang/ ltung ba las ldang pa'i skabs yod do snyam nas 'gyod pa
 sel bar byed pa dang/ mi shes pa dang bag med pa dang nyon mongs pa mang pa dang/ ma gus pa'i dbang gis ltung ba 'byung ba'i shes pa nas ma gus pa'i bar ni spangs shing shes pa nas gus pa'i bar de ni yang dag par skyes so?
 snyam nas 'gyod pa sel bar byed pa dang/ yang ltung ba mi 'byung bar bya ba'i phyir bsam pa thag pa nas sems skyes so snyam nas 'gyod pa sel bar byed pa dang/ tshangs pa mtshungs par spyod pa mkhas pa rnams kyi mdun du so sor
 bshags zin to snyam nas 'gyod pa sel bar byed pa dang/ bdag legs par gsungs pa'i chos 'dul ba la rab tu gyur nas/ bslab pa dang mi 'gal zhing 'gyod pa med pa gang yin pa de ni bdag la dge ba dang/ legs pa yin
 te/ bcom ldan 'das kyis 'byung ba'i rgyun sgrib pa'i gnas lta bu rnam grangs du mar smad pa bar du gcod par byed pa gang yin pa des mang du gnas shing dang du len par byed la/ sems par mi byed pa gang yin pa de ni bdag
 la dge ba dang legs pa ma yin na snyam nas 'gyod pa sel bar byed pa ste/ rnam pa de dag gis ltung ba las bslangs pa mkhas pa yang tshul khrims rnam par dag pa yin no/ /de la nges pa'i tshul khrims can zhes bya ba ni bslab
 pa'i gzhi mi 'bul ba'o/ /yang nges pa'i don ni chags pa med pa'i don to/ /tshul khrims 'chal pa dang ma 'dres pa'i phyir te/ des kyang tshul khrims rnam par dag pa yin no/ /bstan pa'i tshul khrims can zhes bya ba ni bslab pa'i
 gzhi nyams par mi byed pa'o/ /yang srog gi phyir yang bslab pa'i gzhi mi gtang ba ste/ des kyang tshul khrims rnam par dag pa yin no/ /rtag tu byed pa zhes bya ba ni bslab pa'i gzhi 'bul par mi byed pa'o/ /yang rtag tu byed pa ni lus kyis te/ des kyang
 tshul khrims rnam par dag pa yin no/ /rtag tu 'jug pa zhes bya ba ni/ bslab pa'i gzhi ral na yang phyis chos bzhin byed pa'o/ /yang rtag tu 'jug pa ni dag gis te des kyang tshul khrims rnam par dag pa yin no/ /bslab pa'i gzhi rnams yang
 dag par blangs te/ slob par byed pa zhes bya ba ni/ bslab pa'i gzhi mdza' dag rjes su bsrung pa'o/ /yang don dang tshig 'bru dang phyin ci ma log par yongs su 'dzin cing lhag chad med par slob pa ste/ des kyang tshul khrims rnam par dag pa yin no//
 de'i 'og tu bzod pa rnam par dag pa rnam pa bdun la 'di lta ste/ thams cad la gnod pa nye bar gnas pa na bdag nyid kyi las kyi rnam par smin pa ston pas mi 'khrugs pa zhes bya ba ni dang po sbyor ba'i gnas skabs na mi 'khrugs pa'o/ /
 lan bya ba'i phyir slar spyor ba dang/ gshe ba dang/ rdeg pa dang/ bsdigs pa dang/ mtshang 'bru ba'i gnod pa dag gis sbyor bar mi byed pa zhes bya ba ni/ bar du dngos kyi gnas skabs na phyir gnod pa mi byed pa'o/ /khon gyi bsam pa mi
 'dzin pa zhes bya ba ni/ tha mar 'jug gi gnas skabs na sems la mi 'dzin pa ste/ de ltar sbyor ba dang dngos gzhi dang/ mjug gi gnas skabs su bzod pa rnam pa de gsum ni rnam par dag pa'i bzod pa rnam pa bco lngar bstan pa'i
 dang po dang sbyar ro/ /shad kyis 'chags pa na yongs su nyon mongs par mi byed pa zhes bya ba ni/ sems can nyams chung ba rnams kyis gnod pa byas pa bzod pa'o/ /shad kyis 'chags pa la mi sdod pa zhes bya ba ni bdag nyid rje dpon
 du gyur pa bran g.yog gis gnod pa byas pa bzod pa'o/ /'jigs pa dang zang zing gis sems kyis 'jigs par byed pa ma yin pa zhes bya ba ni/ sems can bdag pas rigs dang/ rus ches sman pa dag gis gnod pa
 mchog tu chen po byas pa bzod pa ste/ de dag gsum ni dka' pa'i bzod pa rnam pa gsum sngar bstan pa dang sbyar ro/ /phan gdags par bya ba la yal bar mi 'dor ba zhes bya ba ni bzod pa la phan yon tu lta ba dang/ bdag nyid kyis
 kyang bzod pa dang/ gzhan la yang bzod pa yang dag par 'dzin du 'jug pa dang/ bzod pa'i bsngags pa yang brjod pa dang/ gang zag bzod pa can mthong na yid dga' ba ste/ skyes bu dam pa'i bzod pa rnam pa lnga sngar bstan pa dang sbyar
 ro/ /de'i 'og tu brtson 'grus rnam par dag pa rnam pa bdun la 'di lta ste/ brtson 'grus kyi mnyam pa nyid rab tu shes pa zhes bya ba ni snyoms pa'i brtson 'grus ha cang yang ma zhum ha cang yang stun mi ngas par brtson 'grus rtsom
 zhing sbyor ba snyoms par byed de/ brtsam par bya ba thams cad la snyoms shing gus par byed pa ste/ rnam par dag pa'i brtson 'grus kyi skabs su snyoms pa zhes sngar bstan pa dang sbyar ro/ /brtson 'grus brtsams pa des bdag
 la mi bstod cing gzhan la mi smod pa zhes bya ba ni/ rgyun tu byed pa'i phyir rtag pa'i brtson 'grus so/ /mthu dang ldan pa zhes bya ba ni lhun sbyor ba'i phyir gus pa'i brtson 'grus so/ /brtson 'grus dang ldan pa zhes bya ba ni sngon gyi rgyu'i stobs
 kyis bskyed pa'i phyir rgyu mthun pa'i brtson 'grus so/ /spro ba dang ldan pa zhes bya ba ni so sor brtags nas dge ba'i phyogs la sbyor ba'i phyir sbyor ba las byung ba'i brtson 'grus so/ /brtul ba bstan pa zhes bya ba ni sdug bsngal gyis gnod
 pa thams cad kyis mi 'khrugs shing gzhan du bsgyur du med pa'i phyir mi 'khrugs pa'i brtson 'grus so/ /dge ba'i chos rnams la brtson pa zhes bya ba ni sbyor ba'i dag pas dag pa ste/ bsam gtan dang po'i dngos gzhi la sbyor ba'i thabs sam
 rgyu 'am mtshan mar gyur pa mi lcogs pa med pa ni mtshan ma zhes bya ste/ de legs par rtog pa la brton nas dngos gzhi'i thabs rnam par dag pas byang chub sems dpa' rnams kyi zhi gnas dang lhag mthong dang btang snyoms yongs su dag
 pa'i ting nge 'dzin la bsam gtan byed pa'o/ /yongs su rdzogs pa'i ting nge 'dzin la bsam gtan pa zhes bya ba ni dngos gzhi thob pas dag pa ste/ bsam gtan dang po'i dngos gzhi thob pa na rtog pa dang bcas shing dpyod pa dang bcas pa'i
 ting nge 'dzin dang/ rtog pa med la dpyod pa tsam gyi ting nge 'dzin bsgrubs te/ gnas pa ni yongs su rdzogs pa'i ting nge 'dzin ces bya ste/ de la brten nas dngos gzhi thob pa rnam par dag pas byang chub sems dpa' rnams kyi zhi gnas dang lhag
 mthong dang btang snyoms yongs su dag pa'i ting nge 'dzin la bsam gtan byed pa'o/ /gnyis ka'i cha ting nge 'dzin la bsam gtan pa zhes bya ba ni/ dngos gzhi la khyad par gong ma rnam par dag pas rnam par dag pa ste/ bsam gtan dang po'i
 dngos gzhi dang/ bsam gtan gnyis pa'i nyer bsdogs gnyis ka thob pa nas gzung ste/ ci yang med pa'i skye mched kyi dngos gzhi ba dang/ srid pa'i rtse mo'i gnyer bsdogs gnyis ka thob pa'i bar gyi dngos gzhi gcig dang/ gnyis
 thob ste/ rtog pa yang med dpyad pa yang med pa'i ting nge 'dzin bsgrubs te gnas pa na snang pa yang dag par shes la/ gzugs rnams kyang mthong pa ni gnyis ka'i cha'i ting nge 'dzin ces bya ste/ de la brten nas dbang gis thabs rnam par dag
 pas byang chub sems dpa' rnams kyi zhi gnas dang/ lhag mthong dang btang snyoms yongs su dag pa'i ting nge 'dzin la bsam gtan byed pa'o/ /shugs kyi 'byung ba'i ting nge 'dzin la bsam gtan pa zhes bya ba ni
 'jug pa dang/ gnas pa dang/ ldang ba la dbang ba rnam par dag pas/ rnam par dag pa ste/ srid pa'i rtse mo man chad kyi nyer bsdogs dang/ dngos gzhi thams cad thob pa na snyoms par 'jug pa dang/ gnas pa dang/ ldang ba
 la brtsal mi dgos par rang gi ngang gis 'grub pa ni shugs kyis 'byung ba'i ting nge 'dzin ces bya ste/ de la brten nas gnas pa la bang ba rnam par dag pas byang chub sems dpa' sems dpa' rnams kyi zhi gnas dang lhag mthong btang snyoms
 yongs su dag pa'i ting nge 'dzin la bsam gtan byed pa'o/ /mi gnas pa'i ting nge 'dzin la bsam gtan pa zhes bya ba ni bsam gtan bzlog nas yang snyoms par 'jug pa la dbang ba rnam par dag pas rnam par dag pa ste/ bsam
 gtan dang rnam par thar pa'i ting nge 'dzin dang/ snyoms par 'jug pa thams cad thob pa na de dag la ro myang ba med cing lugs dang lugs ma yin pa dang/ thod rgal dang/ yan lag bsdu ba dang/ dmigs pa bsdu ba dang/ yan lag
 gzung du bya ba dang/ dmigs pa zung du bya ba dang/ yan lag dang/ dmigs pa zung du bya ba'i dbang po thob pa ni mi gnas pa'i ting nge 'dzin ces bya ste/ de la brten nas mngon par shes pa sgrub pa la dbang po rnam par dag pas byang chub
 sems dpa' rnams kyi zhi gnas dang/ lhag mthong dang btang snyoms yongs su dag pa la bsam gtan byed pa'o/ /shin tu sbyang ba byas pa'i ting nge 'dzin la bsam gtan ba zhes bya ba ni/ mngon par shes pas rnam par 'phrul pa
 la dbang ba rnam par dag pas rnam par dag pa ste/ bsam gtan dang/ rnam par thar pa dang/ ting nge 'dzin dang/ snyoms par 'jug pa de dag thams cad thob pa na mngon par shes pa dang/ rnam par thar pa'i sgo shes pa dang/ so so yang dag par rig par
 shes pa dang/ nyon mongs pa med pa'i shes pa dang/ smon nas shes pa la sogs pa dbang thob pa ni shin tu sbyang ba byas pa'i ting nge 'dzin ces bya ste/ de la brten nas sems can yongs su smin par bya ba la dbang ba rnam par dag pas byang chub
 sems dpa' rnams kyi zhi gnas dang/ lhag mthong dang/ btang snyoms yongs su dag pa'i ting nge 'dzin la bsam gtan byed pa'o/ /byang chub sems dpa' sde snod kyi dmigs pa yongs su bsgoms pa dpag tu med pa'i ting nge 'dzin la bsam
 gtan pa zhes bya ba ni/ lta bar gyur pa thams cad dang bral ba rnam par dag pa dang/ nyon mongs pa dang shes bya'i sgrib pa spang ba rnam par dag pas rnam par dag pa ste/ bsam gtan dang/ rnam par thar pa dang/ ting nge 'dzin dang/ snyoms
 par 'jug pa de dag thob pa na/ byang chub sems dpa' i sde snod thob pa dang/ bsam pa sngon du 'gro ba'i dmigs pa la brten to/ /byang chub sems dpa' i ting nge 'dzin gyi yon tan sgrib pa'i bsam gtan stobs bcu'i rigs kyis bsdus pa'i ting nge 'dzin
 rnam pa sna tshogs bsam gyis mi khyab cing/ tshad med pa sgrub par byed pa dang/ ting nge 'dzin gang dag nyan thos dang rang sangs rgyas rnams kyis ming yang mi shes na/ snyoms par 'jug par lta ga la 'gyur ba dang/ rnam par thar pa dang/ zil gyis
 non pa'i skye mched dang/ zang par gyis kye mched dang/ so so yang dag par rig pa dang/ nyon mongs pa med pa dang/ smon nas shes pa la sogs pa'i yon tan nyan thos dang/ thun mong ba rnams mngon par sgrub par byed pa'i ting nge 'dzin dpag
 tu med pa la dbang thob pa ni byang chub sems dpa' i sde snod dmigs pa yongs su bsgoms pa dang dpag tu med pa'i ting nge 'dzin ces bya ste/ de la brten nas stegs can tshar bcad pa la dbang ba rnam par dag pa dang
 'bral ba bla na med pa rnam par dag pas byang chub sems dpa' rnams kyi zhi gnas dang lhag mthong dang btang snyoms yongs su dag pa'i ting nge 'dzin la bsam gtan byed pa ste/ de dag ni rnam par dag pa'i bsam gtan sngar
 bstan pa dang ci rigs par sbyar ro/ /de'i 'og tu shes rab rnam par dag pa rnam pa bdun la/ 'di lta ste/ de'i shes rab de sgro 'dogs pa'i mdza' dang/ skur pa 'debs pa'i mdza' rnam par spangs te dbu ma'i lam gyi nges
 par 'byung ba zhes bya ba ni rang gi don thob par bya ba'i thabs kyis lam yang dag par ston pa'i shes rab ste/ legs par zin pa ma yin pa'i mdza' rnam par spangs pas rnam par dag pa yin no/ /shes rab nges stong pa nyid dang/
 smon pa med pa dang/ mtshan ma med pa rnam par thar pa'i sgo gsum po dag la rnam par thar pa'i don kyang yang dag pa ji lta ba bzhin du rab tu shes pa zhes bya ba ni rnam par thar pa'i don yang dag par ston pa'i shes rab ste/ rnam par
 grol bas rnam par dag pa yin no/ /rnam par thar pa'i sgo gsum gyi tshig gi don ni sngar gleng gzhi'i skabs su bstan pa yin no/ /kun brtags pa dang/ gzhan gyi dbang dang/ yongs su grub pa'i ngo bo nyid kyis don kyang yang dag pa
 ji lta ba bzhin du rab tu shes pa zhes bya ba ni ngo bo nyid kyi don yang dag par ston pa'i shes rab te/ kun nas nyon mongs pa'i chos shes nas rnam par byang ba'i ngo bo nyid kyi chos thob pas rnam par dag pa yin no/ /ngo bo nyid gsum
 gyi tshig gi don ni sngar 'phags pa yon tan 'byung gnas kyi le'ur bstan pa bzhin no/ /mtshan nyid dang skye ba dang don dam pa ngo bo nyid med pa gsum po dag la ngo bo nyid med pa'i don kyang yang dag pa ji lta ba bzhin du rab tu shes pa zhes bya
 ba ni/ /ngo bo nyid med pa'i don yang dag par ston pa'i shes rab ste/ ngo bo nyid med pa'i don rab tu shes na rab tu nyams par mi 'gyur bas rnam par dag pa yin no/ /ngo bo nyid med pa nyid rnam pa gsum gyi tshig gi don ni sngar 'phags
 pa don dam yang dag 'phags kyi le'ur bstan pa bzhin no/ /rig pa'i gnas lnga po dag la kun rdzob kyi bden pa'i don kyang yang dag pa ji lta ba bzhin du shes pa zhes bya ba ni/ kun rdzob kyi bden pa yang dag par ston pa'i shes rab ste
 kun rdzob kyi bden pa zhes na don dam pa'i bden pa la 'jug par 'gyur bas rnam par dag pa yin no/ /rig pa'i gnas lnga'i tshig gi don ni sngar legs par shin tu bslab pa la mkhas pa'i skabs su bstan pa yin no/ /de bzhin nyid rnam
 pa bdun gyi don dam pa'i bden pa'i don kyang yan lag pa ji lta ba bzhin du rab tu shes pa zhes bya ba ni/ don dam pa'i bden pa yang dag par ston pa'i shes rab ste/ don dam pa'i dran pa shes na yongs su grub pa mngon par rtogs pas
 rnam par dag pa yin no/ /de bzhin nyid rnam pa bdun gyi tshig gi don ni sngar 'phags pa byams pa'i le'ur bstan pa bzhin no/ /rnam par mi rtog cing spros pa med pa la tshul gcig tu de la mang du gnas pa dang 'dres pa tshad med pa'i chos
 la dmigs pa'i lhag mthong gi chos kyi rjes su 'thun pa'i chos sgrub pa yang dag par sgrub par byed pa zhes bya ba ni zhi gnas dang lhag mthong yang dag par ston pa'i shes rab ste/ tshigs su bcad pa dang po ni shes bya'i sgrib pa rnam par
 dag pa'i ye shes kyi spyod yul gyi de kho na la dmigs pa'i zhi gnas yang dag par ston pa'i shes rab bo/ /'og ma shos ni de bzhin gshegs pa rnams kyis chos bstan pa tshad med pa rnams dang/ chos kyi tshig dang/ yi ge tshad med
 pa rnams dang/ gong nas gong du shes rab dang spobs pa tshad med pa rnams gcig tu bzlums te yid la byed pa'i lhag mthong gi chos kyi rjes su mthun pa'i chos sgrub par byed pa'i shes rab yin te de gnyis kyi gnas gyur ba 'thob par byed pas
 rnam par dag pa yin no/ /rdzogs pa mkhas pa'i tshig gi don la sogs pa bshad zin to// //de'i 'og tu gdags pa bsdu ba la mkhas pa'i tshig gi don la sogs pa bshad par bya ste/ gdags pa bsdu ba la mkhas pa zhes
 bya ba ni chags pa med pa nyid la sogs pa yon tan lngas pha rol tu phyin pa yongs su rdzogs par gdags pa de dag so so'i las gang yin pa bsdu ba la/ mkhas par bya ba'i don 'dir bstan pa'o/ /de'i phyir de bstan pa'i dbang du
 mdzad nas bcom ldan 'das rnam pa lnga po de dag gis so so'i las gang lags zhes bya ba zhus so/ /de dag gis las kyang rnam pa lngar rig par bya ste zhes bya ba ni/ lnga po re re'i las kyang re rer bsdu ba'o/ /chags pa med pa nyid kyis ni zhes
 bya ba la sogs pas ni pha rol tu phyin pa'i gegs su gyur pa'i chos rnam pa thams cad la chags pa med pa nyid kyis tshe 'di la pha rol tu phyin pa la bag yod do zhes bstan to/ /mi lta ba nyid kyis ni zhes bya ba la sogs pa ni de'i
 'bras bu dang zang zing la sems 'brel ba med pa nyid kyis phyi ma la pha rol tu phyin pa las bag yod pa'i rgyu yongs su 'dzin par byed do zhes bstan to/ /kha na ma tho ba med pa nyid kyis ni zhes bya ba la sogs pa ni nye ba'i nyon mongs pa rnam
 pa thams cad rnam par spangs pa nyid kyis pha rol tu phyin pa phun sum tshogs pa sgom par byed do zhes bstan to/ /rnam par mi rtog pa nyid kyis ni zhes bya ba la sogs pas mi nyan? brtags pa'i ngo bo nyid du mi lta ba nyid kyis myur du pha rol tu phyin
 pa yongs su rdzogs par byed do zhes bstan to/ /yongs su bsngo ba nyid kyis ni zhes bya ba la sogs pa ni bla na med pa yang dag par rdzogs pa'i byang chub thob par smon lam 'debs pa nyid kyis rnam par smin pa'i 'bras bu yang zhar la 'grub
 la pha rol tu phyin pa mi zad pa nyid kyang thob par byed do zhes bstan to/ /gdags pa bsdu ba la mkhas pa'i tshig gi don la sogs pa bshad zin to// //de'i 'og tu yon tan gyi khyad par la mkhas pa'i tshig gi don la sogs pa bshad
 par bya ste/ yon tan gyi khyad par la mkhas pa zhes bya ba ni pha rol tu phyin pa'i yon tan rnam pa gnyis te/ phul tu byung ba dang/ rnam par dag pa'o/ /de la phul du byung ba ni rgyu rnam pa gnyis kyis te rgya che ba dang/ kun nas nyon mongs pa
 can ma yin pas so/ /rnam par dag pa rgyu gsum gyi ste/ sbyangs pa nyid dang/ mi g.yo ba nyid dang/ shin tu rnam par dag pa nyid kyis te/ de la mkhas par bya ba'i phyir 'dir bstan pa'o/ /de la rgya che bas phul du byung ba bstan pa'i
 dbang du mdzad nas/ bcom ldan 'das pha rol tu phyin pa de dag gi rgya che ba nyid gang lags zhes bya ba zhus so/ /de la rgya che ba ni sems can la dbye ba med pa dang/ dngos po la dbye ba med pa dang/ dus la dbye ba med pa ste/ sems can
 la dbye ba med pa ni byang chub sems dpa' sems can thams cad la brten cing brtsams nas sbyin pa la sogs pa dge ba'i rtsa ba de dag kun tu spyod par byed kyi bdag 'ba' zhig kho na'i phyir ma yin no/ /dngos po la dbye ba med pa ni
 sbyin pa la sogs pa dge ba'i rtsa ba de dag thams cad dang/ rnam pa thams cad yang dag par blangs te/ kun tu spyod pa'o/ /dus la dbye ba med pa ni tshe 'di la mtshan mo dang nyin mo rgyun mi 'chad par sbyor ba mi gtong zhing brtson pa
 mi 'dor ba dang/ rgyu de nyid kyis tshe rabs thams cad du dge ba'i rtsa ba de dag kun tu spyod par byed pa'o/ /de'i phyir chags ba med pa nyid dang/ mi lta ba nyid dang/ yongs su bsngos pa nyid gang yin pa'o zhes bya ba gsungs te/ chags
 pa med pa la sogs pa gsum po re re yang sems can la dbye ba med pa la sogs pa gsum gsum gyis rgya che ba'i phyir ro/ /kun nas nyon mongs pa can ma yin pas phul du byung ba bstan pa'i dbang du mdzad nas/
 kun nas nyon mongs pa ma mchis pa nyid gang lags zhes bya ba zhus so/ /kun nas nyon mongs pa can ma yin pa ni mchog tu dga' ba dang/ mi mthun pa med pa dang/ gus pa dang/ mi rten pa te/ mchog tu
 dga' ba'i ste/ byang chub sems dpa' sems dga' ba dang/ sdug bsngal ba med pa dang/ yid mi bde ba med pas dge ba'i rtsa ba de dag la rten par byed cig gzhi des 'gyod par yang mi byed pa'o/ /mi mthun pa med pa ni
 gzhan la gnod pa med pa dang/ lta bar gyur pa rnams la mngon pa zhen pa med par dge ba'i rtsa ba de dag kun tu spyod pa'o/ /gus pa ni gus pa dang snying thag pa nas de dag nyid la yon tan dang snying por lta ba shin
 tu nges pa dang/ gzhan gyi dring mi 'jog pa dang/ gzhan gyis mi bkri bar dge ba'i rtsa ba de dag yang dag par blangs te/ kun tu spyod pa'o/ /mi brten pa ni dge ba'i rtsa ba de dag gi
 rnam par smin pa 'khor los sgyur pa nyid dam/ brgya byin nyid dam/ bdud nyid dam/ tshangs pa nyid du re ba med pa dang/ gzhan las lan du phan 'dogs pa dang/ rnyed pa dang/ bkur sti dang/ tshigs su bcad pa la brten pa med pa'o/ /de'i
 phyir kha na ma tho ba med pa nyid dang/ rnam par mi rtog pa gang yin pa'o zhes bya ba gsungs te/ kha na ma tho ba med pa nyid la sogs pa gnyis po re re yang mchog tu dga' ba la sogs pa bzhi bzhis kun nas nyon mongs pa can ma
 yin pa'i phyir ro/ /de ltar rgya che ba dang/ kun nas nyon mongs pa can ma yin pa'i phyir pha rol tu phyin pa phul du byung ba dang/ bla na med pa dang/ thun mongs ma yin par rig par bya'o/ /sbyangs pa nyid kyis rnam par dag pa bstan pa'i
 dbang du mdzad nas/ sbyangs pa nyid gang lags zhes bya ba zhus so/ /sbyangs pa nyid ces bya ba ni bsam pa dag pa'i sa la zhugs pa'i dge ba'i rtsa ba so sor brtags shing byed pa rang bzhin gyis brling ba dang/ gsal ba dang/ 'bras
 bu che ba dang/ phan yon che ba ste/ de'i phyir so sor brtag cing bya ba nyid gang yin pa'o zhes bya ba gsungs so/ /mi g.yo ba yid kyi rnam par dag pa bstan pa'i dbang du mdzad nas/ mi g.yo ba nyid gang lags zhes bya ba zhus so/ /mi?
 ba zhes bya ba ni bsam pa'i sa la zhugs pa'i dge ba'i rtsa ba ji ltar thob pa rnams dang/ ji ltar bsags pa de dag las phyir mi ldog pa dang/ yongs su mi nyams pa dang/ khyad par du 'gro ba ste/ de'i phyir sar chud pa rnams kyi
 yongs su mi nyams pa'i chos nyid gang yin pa'o zhes bya ba gsungs so/ /shin tu rnam par dag pa nyid kyis rnam par dag pa bstan pa'i dbang du mdzad nas/ shin tu rnam par dag pa nyid gang lags zhes bya ba zhus so/ /shin tu
 rnam par dag pa zhes bya ba ni ngas pa dang mthar thug par gyur pa'i dge ba'i rtsa ba byang chub sems dpa' i sa la de dag las ches yongs su dag pa gong na med pa dang/ sangs rgyas kyi sar gtogs pa'i dge ba'i rtsa ba ste/ de'i
 phyir sa bcu par gtogs pa nyid dang/ sangs rgyas kyi sar gtogs pa nyid gang yin pa'o zhes bya ba gsungs te/ da ltar sbyangs pa nyid dang/ mi g.yo ba nyid dang/ shin tu rnam par dag pa nyid yin pa'i phyir pha rol tu phyin pa
 rnam par dag par rig par bya'o/ /yon tan gyi khyad pa la mkhas pa'i tshig gi don la sogs pa bshad zin to// //de'i 'og tu rgyun mi 'chad pa la mkhas pa'i tshig gi don la sogs pa bshad par bya ste/ rgyun rgyun mi 'chad
 pa la mkhas pa zhes bya ba ni pha rol tu phyin pa'i rnam par smin pa'i 'bras bu 'dod pa zad mi shes pa yang rtag tu ldan la pha rol tu phyin pa zad mi shes pa dang yang rtag tu ldan te/ rnam par smin pa dang sbyor ba'i rgyun rgyun mi
 'chad pa la mkhas par bya ba'i don 'dir bstan pa'o/ /de'i phyir de bstan pa'i dbang du mdzad nas/ bcom ldan 'das ci'i slad du byang chub sems dpa' rtag tu pha rol tu phyin pa'i rnam par smin pa'i 'bras bu 'dod pas ma
 'tshal ba dang/ pha rol tu phyin pas ma 'tshal ba dang ldan pa lags zhes zhus pas so/ /gcig la gcig brten nas 'grub pa bsgom pa nyid kyis phyir ro zhes bya ba ni/ sngon pha rol tu phyin pa la spyad pa la brten nas/
 rnam par smin pa'i 'bras bu zad mi shes pa dang ldan pas de la brten nas kyang pha rol tu phyin pa'i sbyor ba rgyun mi gcod pas de lta bu'i brgyud pa'i tshul gyis rnam par smin pa dang/ sbyor ba'i rgyun rgyun mi 'chad par 'gyur? ba
 yin no/ /rgyun rgyun mi 'chad pa la mkhas pa'i tshig gi don la sogs pa bshad zin to/ /de'i 'og tu rgyu nyid la gnas pa'i thabs la mkhas pa'i tshig gi don la sogs pa bshad par bya ste/ rgyu nyid la gnas pa'i thabs la mkhas
 pa zhes bya ba ni pha rol tu phyin pa'i rnam par smin pa'i 'bras bu'i rgyu'i pha rol tu phyin pa rnams la dad pas gnas par bya ba ltar pha rol tu phyin pa'i rnam par smin pa'i 'bras bu 'dod pa la dad pas gnas par bya ba ma yin
 pa la mkhas par bya ba'i don 'dir bstan pa'o/ /de'i phyir de bstan pa dbang du mdzad nas bcom ldan 'das ci'i slad du byang chub sems dpa' rnams pha rol tu phyin pa rnams la ji lta ba de ltar pha rol tu phyin pa'i rnam
 par smin pa'i 'bras bu 'dod pa la dad pas gnas pa ma lags zhes bya ba zhus so/ /rgyu lnga'i phyir te zhes bya ba ni rgyu'o/ /gnas 'byung ba lnga'i phyir na/ pha rol tu phyin pa rnams la dad pas gnas pa ltar pha rol tu phyin pa'i
 rnam par smin pa'i 'bras bu 'dod pa las dad pas gnas par bya ba ma yin te/ de nyid rgyu nyid la gnas par bya ba'i thabs la mkhas pa yin par ston to/ /pha rol tu phyin pa rnams ni ches lhag par bde ba dang/ yid bde ba'i
 rgyu yin pa'i phyir zhes bya ba ni/ rnam par smin pa'i 'bras bu la gnas pa ni/ gal te na skyo ba dang yid 'byung ba'i rgyu yang yin gyi/ pha rol tu phyin pa la dad pas gnas pas ni de ltar ma yin pa'i phyir ro/ /bdag dang gzhan
 la phan 'dogs pa'i rgyu yin pa'i phyir zhes bya ba ni/ rnam par smin pa'i 'bras bu la gnas pa ni bdag la phan pa tsam du zad kyi/ pha rol tu phyin pa la dad pas gnas pa ni/ bdag nyid kyi sangs rgyas kyi chos yongs
 su smin pa dang/ sems can yongs su smin pa'i rgyu yin pa'i phyir ro/ /phyi ma la de'i rnam par smin pa'i 'bras bu 'dod pa'i rgyu yin pa'i phyir zhes bya ba ni/ rnam par smin pa'i 'bras bu la gnas pa ni/ gzhan la
 phan pa yang ma yin/ tshe phyi ma la phan pa yang ma yin gyi/ pha rol tu phyin pa la dad pas gnas pa ni/ gzhan la phan pa dang/ tshe phyi ma la phan pa'i rgyu yin pa'i phyir ro/ /kun nas nyon mongs pa med pa'i gzhi yin pa'i phyir
 zhes bya ba ni/ rnam par smin pa'i 'bras bu la gnas pa ni/ gal te kha na ma tho ba dang bcas pas/ kun nas nyon mongs pa'i gzhir yang 'gyur gyi/ pha rol tu phyin pa la dad pas ni/ de ltar ma yin pa'i phyir ro/ /mi mthun pa'i
 chos nyid yin pa'i phyir ro/ /zhes bya ba ni rnam par smin pa'i 'bras bu la gnas pa ni zad pa'i chos can gyi pha rol tu phyin pa la dad pas gnas pa ni/ bla na med pa'i byang chub kyi rgyu yin pas/ zad mi shes pa'i phyir ro/ /rgyu nyid
 la gnas pa'i phyir thabs la mkhas pa'i tshig gi don la sogs pa bshad zin to// //de'i 'og tu bya ba bsgrub pa la mkhas pa'i tshig gi don la sogs pa bshad par bya ste/ bya ba bsgrub pa la mkhas pa zhes bya ba ni/ pha
 rol tu phyin pa drug po so so'i chos kyi mthu la mkhas par bya ba'i don 'dir bstan pa'o/ /de'i phyir de bstan pa'i dbang du mdzad nas/ bcom ldan 'das pha rol tu phyin pa de dag gi so so'i mthu gang lags zhes bya ba zhus so/ /de dag
 gi so so'i mthu ni rnam pa bzhir rig par bya ste zhes bya ba ni mi mthun pa'i phyogs spong ba dang/ tshogs yongs su smin par byed pa dang/ bdag dang gzhan la phan 'dogs par byed pa dang/ phyi ma la 'bras bu 'byin par byed pa'o/ /de la
 mi mthun pa'i phyogs spong ba ni/ pha rol tu phyin pa bsgom pa na mi mthun pa'i phyogs ser sna dang/ /'chal ba'i tshul khrims dang/ sems 'khrug pa dang/ le lo dang/ rnam par g.yeng ba dang/ lta ba'i rnam pa rab tu spong pa zhes
 bya ba bstan to/ /tshogs yongs su smin par byed pa ni/ bla na med pa yang dag par rdzogs pa'i byang chub kyi tshogs su 'gyur ba zhes bya bas bstan to/ /bdag dang gzhan la phan 'dogs pa ni tshe 'di la bdag dang sems can rnams
 la phan 'dogs par 'gyur ba zhes bya bas bstan to/ /phyi ma la 'bras bu 'byin par byed pa ni/ phyi ma la rnam par smin pa'i 'bras bu 'dod pa rgya chen po zad mi shes pa thob par 'gyur pa'o zhes bya bas bstan te/ rnam pa bzhi
 po de dag so so'i rab tu dbye ba ni sngar 'phags pa byams pa'i le'u chos kyi mthu bstan pa'i skabs su rgya cher bstan pa bzhin no/ /bya ba bsgrub pa pa'i tshig gi don la sogs pa bshad zin to// //de'i 'og tu yongs su bsdus
 pa'i yang dag par 'grub pa'i phan yon la mkhas pa'i tshig gi don la sogs pa bshad par bya ste/ yongs su bsdus pa'i yang dag par 'grub pa'i phan yon la mkhas pa zhes bya ba ni pha rol tu phyin pa de dag rgyu gang dang 'bras bu
 gang dang don chen po gang gis yongs su bsdus pa'i de'i don yang dag par 'grub pa'i phan yon te/ rgyu de dang 'bras bu de dang don de dag nyid de'i yang dag par 'grub pa'i phan yon yin pas de la mkhas par bya ba'i don 'dir
 bstan pa'o/ /de'i phyir de bstan pa'i dbang du mdzad nas bcom ldan 'das pha rol tu phyin pa de dag rgyu gang las byung ba dang/ 'bras bu gang dang ldan pa dang/ don gang dang ldan pa lags zhes bya ba zhus so/ /snying rje'i rgyu las byung
 ba zhes bya ba ni/ snying rje ni byang chub kyi sems kyi rtsa ba yin pa'i phyir ro/ /rnam par smin pa'i 'bras bu 'dod pa dang/ sems can la phan 'dogs pa'i 'bras bu dang ldan pa zhes bya bas ni rnam par smin pa
 dang rgyu mthun pa'i 'bras bu dang ldan pa'i phyir ro/ /byang chub chen po yongs su rdzogs par byed pa'i don chen po dang ldan pa yin no zhes bya ba ni de'i dbang du byas pa'i phyir ro/ /yongs su bsdus pa'i yang dag par 'grub
 pa'i phan yon la mkhas pa'i tshig gi don la sogs pa bshad zin to// //de'i 'og tu sems can la phan 'dogs pa'i bgegs la mkhas pa'i tshig gi don la sogs pa bshad par bya ste/ sems can la phan gdags
 pa'i bgegs la mkhas pa zhes bya ba ni/ byang chub sems dpa' longs spyod zad mi shes pa dang ldan pas sbyin par bya ba'i chos kyang 'dog la/ snying rje can yin pas sems can sdud pa yin yang/ sems can dbul po
 dag tu snang ba ni byang chub sems dpa' sems can la phan gdags pa'i bgegs su sems can de dag gi rang gi las kyis nyes pa yod pa ste/ de la mkhas par bya ba'i don 'dir bstan pa'o/ /de'i phyir de bstan pa'i
 dbang du mdzad nas/ bcom ldan 'das gal te byang chub sems dpa' rnams longs spyod pas ma 'tshal ba dang ldan pa dang/ snying rje can lags na ci'i slad du 'jig rten na dbul po gda' lags zhes bya ba zhus so/ /de ni
 sems can rnams kyis rang gi las kyi nyes pa kho na yin no zhes bya ba ni byang chub sems dpa' sems can la phan gdags pa'i bgegs ni sems can rang gi las kyi nyes pa yin par ston to/ /de la rtag tu bya ba nyid la
 zhugs pa zhes bya ba ni/ byang chub sems dpa' de dag la snying rjes sems can gyi don bya ba nyid la zhugs pa rtag tu yod pa'o/ /'bras bu med par gyur pa zhes bya ba ni/ byang chub sems dpa' longs spyod do/ snying rje yod kyang
 sems can dbul po snang ba'o/ /sems can la phan gdags pa'i bgegs la mkhas pa'i tshig gi don la sogs pa bshad zin to// //de'i 'og tu thabs la mkhas pa'i tshig gi don la sogs pa bshad par bya ste/
 thabs la 'jug pa chung mi za ba la mkhas pa zhes bya ba ni chos nyid rtogs par bya ba'i thabs la 'jug pa chung mi za bar bya ba ste/ de yang don dam par chos thams cad ngo bo nyid med pa yin pas ngo bo nyid med pa'i chos kyis ngo bo
 nyid med pa'i chos 'dzin pa yang med mod kyis 'on kyang tha snyad kyi sgo nas ma bstan na chos nyid rtogs par bya ba'i thabs med pa na/ tha snyad kyi sgo nas shes rab kyi pha rol tu phyin pas 'dzin to zhes bstan pa ni chos nyid rtogs
 par bya ba'i thabs la 'jug pa'i chud mi za ba zhes bya ste/ de la mkhas par bya ba'i don 'dir bstan pa'o/ /de'i phyir de bstan pa'i dbang du mdzad nas/ bcom ldan 'das byang chub sems dpa' chos rnams kyi ngo bo nyid ma mchis
 pa nyid pha rol tu phyin pa gang gis 'dzin pa lags zhes bya ba zhus so/ /shes rab kyi pha rol tu phyin pas 'dzin to zhes bya ba ni chos rnams kyi ngo bo nyid med pa ni don dam pa'i ngo bo nyid med pa nyid de ni de'i gnas skabs na
 gzung ba dang 'dzin pa'i rnam pa nyid med mod kyi 'on kyang tha snyad kyi sgo nas de'i don rtogs par bya ba'i thabs med pas 'dir tha snyad kyi sgo nas shes rab kyi pha rol tu phyin par 'dzin to zhes bya ba gsungs pa ni chos nyid rtogs par
 bya ba'i thabs la 'jug pa chud mi za bar yin par ston to/ /gal te shes rab kyi pha rol tu phyin pas ngo bo nyid ma mchis pa nyid 'dzin na/ ngo bo nyid dang bcas pa nyid kyang ci'i slad du mi 'dzin lags zhes bya bas ni chos thams
 cad ngo bo nyid med pa nyid ces bya ba ni don dam pa'i ngo bo nyid med pa nyid chos bdag med pas rab tu phye ba yin pas de ni tha snyad thams cad yang dag par chad pa'i mtshan nyid de/ de la ni gang gzung ba dang gang 'dzin pa'i tha snyad med pa
 yin na/ des shes rab kyi pha rol tu phyin pas yongs su 'dzin na ni/ ngo bo nyid med pa'i chos des bya ba gzung ba'i dngos por rtag tu rung ba cig yod par gyur pas de lta na/ dngos po med pa'i zla dngos po yod pa gcig kyang yod pa'i
 rigs pas de yang ci'i phyir mi 'dzin ces gal te gzung ste zhus pa yin no/ /da ni ngo bo nyid med pa nyid kyis ngo bo nyid med pa nyid 'dzin par mi smra mod kyi zhes bya ba ni/ don dam par na shes rab kyi pha rol tu phyin pa dang/ chos kyi
 ngo bo nyid med pa zhes bya ba gzung ba dang/ 'dzin pa'i rnam pa gnyis med pas na shes rab kyi pha rol tu phyin pa yang ngo bo nyid med pa nyid med pa yin la chos rnams kyi ngo bo nyid kyang ngo bo nyid med par yin par ro gcig pas des de 'dzin
 to zhes mi smra te/ de tsam du bzhag na chos nyid rnam par 'khrugs pa med pas chos nyid dang mi 'gal mod kyi/ tha snyad la ma brten par don dam par 'dogs par mi 'gyur bas chos nyid rtogs par bya ba'i thabs la 'jug pa chud
 za bar mi 'gyur ro zhes bya bar dgongs pa yin no/ /'on kyang zhes bya ba la sogs pas ni chos rnams kyi ngo bo nyid med pa nyid shes rab kyi pha rol tu phyin pa 'dzin to zhes bya ba'i yi ges bstan pa med par don dam pa yi ge med par
 so sor rig pa de bstan par nus pas de skad ma bstan na chos nyid rtogs par bya ba'i thabs la 'jug pa chud za bar ston to/ /de'i phyir ngo bo nyid med pa nyid 'dzin to zhes de skad brjod do zhes bya bas ni chos nyid rtogs par bya ba'i thabs la
 'jug pa chud mi za bar bya ba'i phyir de skad brjod do zhes bstan to/ /thabs la 'jug pa chud mi za ba la mkhas pa'i tshig gi don la sogs pa bshad zin to// //de'i 'og tu 'grib pa dang 'phel ba'i tshig gi don la sogs pa bshad
 par bya ste/ 'grib pa dang 'phel ba la mkhas pa zhes bya ba ni/ 'dir pha rol tu phyin pa dang/ nye ba'i pha rol tu phyin pa dang/ pha rol tu phyin pa chen po zhes bya ba gsum smos pa la snga ma snga ma ni chung ba'i phyir 'grib pa zhes bya/ phyi ma phyir
 ma ni ches pa'i phyir 'phel ba zhes bya ste/ de la mkhas par bya ba'i don 'dir bstan pa'o/ /de'i phyir de bstan pa'i dbang du mdzad nas/ bcom ldan 'das pha rol tu phyin pa zhes kyang bgyi zhes bya ba la sogs pa zhus so/ /dus dpag tu med
 pa nas yongs su bsgoms pa'i zhes bya ba ni/ mos pas spyod pa'i sa la gnas pa yongs su smin pa chung ngu la gnas pa ste/ bskal pa grangs med pa dang por gtogs pa yin no/ /sbyin pa la sogs pa'i dge ba'i chos rnams dang ldan pa
 yang yin la zhes bya ba ni/ sbyin pa la sogs pa dge ba'i chos byang chub kyi phyogs dang mthun pa sbyangs pa nyid dang/ mi g.yo ba nyid dang/ shin tu rnam par dag pa nyi ma yin pa de gsum las gzhan pa dag dang ldan pa'o/ /de la
 nyon mongs pa yang kun tu 'byung zhing zhes bya ba ni de 'dun pa chung ba dang/ sbyor ba chung pas nyon mongs pa kun nas dkris pa kun tu 'byung ba dang ldan pa'o/ /de zil gyis mnan par mi nus kyi des zil gyis non par 'gyur pa zhes bya ba
 ni nyon mongs pa de dang des te/ ngan song rnams su yang lan 'ga' 'gro ba'o/ /'di lta ste/ mos pas spyod pa'i sa la mos pa chung ngu dang/ 'bring la zhugs pa zhes bya ba ni 'jig rten pa'i tshes kyis mchog ma gtogs
 pa man chad do/ /yang dus dpag tu med pa nas chos yongs su bsgoms pa'i zhes bya ba ni/ lhag pa'i bsam pa dag pa'i sa la zhugs pa yongs su smin pa 'bring la zhugs pa ste/ bskal pa grangs med pa gnyis par gtogs
 pa yin no/ /dge ba'i chos de dag nyid dang ldan zhing zhes bya ba ni/ sbyin pa la sogs pa dge ba'i chos byang chub kyi phyogs dang mthun pa sbyangs pa nyid dang mi g.yo ba nyid dang ni ldan la/ shin tu rnam par dag pa nyid dang mi ldan
 pa'o/ /de la nyon mongs pa yang kun 'byung la zhes bya ba ni de 'dun pa 'bring dang sbyor ba 'bring bar? ldan pas nyon mongs pa ngan song ma yin pa kun tu 'byung ba'o/ /de zil gyis gnon cing de zil gyis gnon par mi 'gyur ba zhes
 bya ba yang nyon mongs pa de dang des te ngan song rnams su mi 'gro ba'o/ /'di lta ste/ sa dang po nas bzung ba zhes bya ba ni sa dang po yan chad sa bdun pa man chad do/ /yang dus dpag tu med pa nas ches shin tu yongs su bsgoms
 pa'i zhes bya ba ni/ des pa dang mthar thug par gyur pa'i sa la zhugs pa yongs su smin pa chen po la gnas pa ste/ bskal pa grangs med pa gsum par gtogs pa yin no/ /dge ba'i chos de dag nyid dang ldan zhing zhes
 bya ba ni sbyin pa la sogs pa dge ba'i chos byang chub kyi phyogs dang mthun pa sbyangs pa nyid mi g.yo ba nyid dang/ shin tu rnam par dag pa rnams dang ldan pa'o/ /de la rnam pa thams cad kyi thams cad du nyon mongs pa kun tu mi 'byung
 ba'i chos can du gyur pa zhes bya ba ni/ de 'dun pa che ba dang sbyor ba che bas nyon mongs pa kun nas dkris pa kun tu mi 'gyur zhing ngan song rnams su yang mi 'gro ba'o/ /'di lta ste/ sa brgyad pa nas gzung ba zhes bya ba ni sa brgyad pa yan chad sa bcu pa
 man chad do/ /'grib pa dang 'phel ba la mkhas pa'i tshig gi don la sogs pa bshad zin to/ /de'i 'og tu kun nas nyon mongs pa'i rgyun rjes su 'dzin pa gzhig pa la mkhas pa'i tshig gi don la sogs pa bshad par bya ste/ kun nas
 nyon mongs pa'i rgyun rjes su 'dzin pa gzhig pa la mkhas pa zhes bya ba ni/ spyod pa yongs su rdzogs pa'i pha rol tu phyin pa'i ji skad bstan pa de dag gis rab tu phye ba'i rtogs pa yongs su rdzogs pa'i sa rab tu dbye ba ji skad bstan
 pa de dag la kun nas nyon mongs pa'i bag la nyal gyi rgyun rjes su 'dzin pa gang dang gang yod pa de dang de dag gzhig pa la mkhas par bya ba'i don 'dir bstan pa'o/ /de'i phyir de bstan pa'i dbang du mdzad nas/ bcom ldan 'das de dag
 la nyon mongs pa'i bag la nyal rnam pa du mchis lags zhes bya ba zhus so/ /rnam pa gsum ste zhes bya ba ni grogs yang dag par bcom pa dang/ bag la nyal stobs chung ba dang/ bag la nyal phra mo'o/ /de la grogs yang dag
 par bcom pa zhes bya ba ni/ sa dang po nas sa lnga pa man chad la nyon mongs pa'i bag la nyal yod pa ni/ sa de dag nyon mongs pa lhan cig skyes pa kun tu 'byung ba yod pa de'i grogs lhan cig skyes pha ma yin pa'i nyon mongs pa de yang dag par bcom pas nyon mongs
 lhan cig skyes pa kun tu 'byung ba'i grogs lhan cig skyes pa ma yin pa yang dag par bcom pa'i phyir bag la nyal de lhan cig skyes pa ma yin pa'i nyon mongs pa kun tu 'byung ba dang ni mi ldan la/ lhan cig skyes pa'i nyon mongs pa kun tu
 'byung ba grogs yang dag par bcom pa dang ni ldan pas na grogs yang dag par bcom pa zhes bya ste/ dngos su na grogs yang dag par bcom pa'i nyon mongs pa kun tu 'byung bar mi bya'i de dang ldan pa'i nyon mongs
 pa'i bag la nyal la bya'o/ /de'i phyir 'di lta ste/ sa lnga po dag na zhes bya ba la sogs pa gsungs te/ sa lnga po dag na zhes bya ba ni/ sa dang po nas sa lnga pa'i bar dag na'o/ /nyon mongs pa lhan cig skyes pa kun tu 'byung ba
 zhes bya ba ni/ sa de lnga la nyon mongs pa kun tu 'byung ba chen po dang 'bring thams cad ni spangs so/ /kun tu 'byung ba chung ngu ma spangs pa de ni glo bur gyi kun nas brtags pa ma yin gyi/ rang bzhin du lhan cig skyes pa yin pas/ nyon
 mongs pa lhan cig skyes pa kun tu 'byung ba zhes bya'o/ /grogs zhes bya ba ni lhan cig skyes pa kun tu 'byung pa de'i grogs so/ /nyon mongs pa lhan cig skyes pa ma yin pa kun tu 'byung ba zhes bya ba ni/ dper na mos pas
 spyod pa'i sa man chad la nyon mongs pa lhan cig skyes pa kun tu 'byung ba de'i grogs la nyon mongs pa lhan cig skyes pa ma yin pas glo bur gyi yul gyi rkyen la rjes su chags pa dang/ khong khro ba la sogs pa kun tu 'byung ba lta
 bu la bya'o/ /de de'i tshe de la med pas zhes bya ba ni/ nyon mongs pa lhan cig skyes pa kun tu 'byung ba'i grogs nyon mongs pa lhan cig skyes pa ma yin pa kun tu 'byung ba de sa dang po nas sa lnga pa'i bar dag thob pa de'i tshe byang
 chub sems dpa' de la med pas so/ /de'i phyir grogs yang dag par bcom pa zhes bya'o zhes bya ba ni sa dang po nas sa lnga pa'i bar dag la nyon mongs pa'i bag la nyal yod pa de ni nyon mongs pa'i lhan cig skyes pa kun tu 'byung ba
 grogs yang dag par bcom pa de dang ldan pas na/ bag la nyal de yang grogs yang dag par bcom pa zhes bya ste/ sa dang po nas sa lnga pa'i bar dag la nyon mongs pa'i bag la nyal de lta bu ma spangs pa yod do zhes bya ba'i tha tshig
 go /bag la nyal stobs chung ba zhes bya ba ni/ sa drug pa dang bdun pa gnyis la bsgoms pa'i stobs kyis sbyor ba can gyi spyod pa yongs su rdzogs pa dang/ mthar thugs pas nyon mongs pa'i bag la nyal lnga pa man chad kyi lta
 bu stobs dang ldan pa ni med kyi/ mi skye ba'i chos la bzod pa rnam par dag pa la bgegs byed pa'i nyon mongs pa cha phra mo kun tu 'byung ba de yang bsgoms pa'i thabs kyis mnan pas nyams dams? shing kun tu 'byung ba de
 dang ldan pa'i nyon mongs pa'i bag la bya'o/ /de'i phyir 'di lta ste/ sa drug pa dang bdun pa la zhes bya ba gsungs so/ /cha phra mo kun tu 'byung ba nyid ces bya ba 'di mi skye ba'i chos la bzod pa rnam par dag pa la bgegs
 byed pa'i nyon mongs pa cha phra mo kun tu 'byung ba'o/ /bsgoms pas mnan pas kun tu 'byung ba ni nyid ces bya ba ni cha phra mo kun tu 'byung ba de yang bsgoms pa'i stobs kyis mnan pas nyams dams shing kun tu 'byung ba'i phyir
 ro zhes bya ba ni de ltar kun tu 'byung ba cha phra mo de yod pa'i phyir de kun nas slong ba'i bag la nyal ni bag la nyal stobs chung ba zhes bya ste/ sa drug pa dang bdun pa la bag la nyal de lta bu ma spangs pa yod do zhes bya ba'i
 tha tshig go /bag la nyal phra mo zhes bya ba nas brgyad pa yan chad sa bcu ba man chad la nyon mongs pa kun nas bkris pa kun tu 'byung ba cha phra mo bag la nyal cha phra mo tsam zhig yod pa'o/ /de'i phyir 'di lta ste/ sa brgyad
 pa dang/ de'i gong ma rnams la zhes bya ba la sogs pa gsungs so/ /nyon mongs pa thams cad kyi thams cad du kun tu mi 'byung ba dang/ /shes bya'i sgrib pa tsam la gnas pa nyid kyi phyir ro zhes bya ba ni de
 yan chad la nyon mongs pa kun nas dkris pa kun tu 'byung ba ni med kyi/ shes bya'i sgrib pa snying po la yod pa lta bu ma spangs pas de'i gzhir gyur pa'i bag la nyal phra mo yod pa ni nyon mongs pa'i bag la nyal phra mo zhes
 bya'o/ /bcom ldan 'das bag la nyal de dag gnas ngan len spangs pa rnam pa dus rab tu phye ba lags zhes bya ba la sogs pas kyang kun nas nyon mongs pa'i rgyun rjes su 'dzin pa la mkhas pa ston to/ /de la bag
 la nyal de dag ces bya ba ni grogs yang dag par bcom pa dang bag la nyal stobs chung ba dang/ bag la nyal phra mo zhes bya'o/ /bstan pa gsum po de dag go /gnas ngan len spangs pa rnam pa dus zhes bya ba ni shes bya'i
 sgrib pa phyogs dang mthun pa'i gnas ngan len spangs pa rnam pa dus zhes bya bar sbyar ro/ /rab tu phye ba lags so zhes bya ba ni/ ma spangs par yod pa'i don to/ /nyon mongs pa'i sgrib pa'i phyogs dang mthun pa'i gnas ngan
 len gsum po de dag shes bya'i sgrib pa'i phyogs dang mthun pa'i gnas ngan len rnam pa du spangs pas kyang da dung ma spangs par yod par rig par bya zhes zhus pa yin no/ /de yang ji lta bu zhe na/ sa bcu gcig lo thams
 cad la nyon mongs pa'i sgrib pa'i phyogs dang mthun pa'i gnas ngan len gsum dang shes pa'i sgrib pa'i phyogs dang mthun pa'i gnas ngan len rnam pa gsum po spong bar byed de/ nyon mongs pa'i sgrib pa'i phyogs
 dang mthun pa'i gnas ngan len rnam pa gsum ni ngan song ba'i nyon mongs pa'i phyogs dang mthun pa'i gnas ngan len dang/ mi skye ba'i chos la bzod pa rnam par dag pa la bgegs byed pa'i nyon mongs pa'i phyogs dang mthun pa'i
 gnas ngan len dang/ nyon mongs pa'i bag la nyal phra mo'o/ /de las dang po la ngan song ba'i nyon mongs pa'i phyogs dang mthun pa'i gnas ngan len thams cad kyi thams cad du spong ngo/ /kun tu 'byung ba las ni nyon mongs
 pa'i phyogs dang mthun pa chen po dang 'bring thams cad kyang spong ngo/ /sa brgyad pa la ni mi skye ba'i chos la bzod pa rnam par dag pa la bgegs byed pa nyon mongs pa'i phyogs dang mthun pa'i gnas ngan len thams cad kyi
 thams cad du spong ngo/ /kun 'byung ba las ni nyon mongs pa thams cad spong ngo/ /sa bcu pa la ni nyon mongs pa'i bag la nyal phra mo thams cad spong ste/ de yang de bzhin gshegs pa'i gnas pa la 'jug pa'i tshe na'o/ /de
 ltar na ngan song ba'i nyon mongs pa'i phyogs dang mthun pa'i gnas ngan len ni sa dang po la spangs zin pas sa thams cad la med do/ /mi skye ba'i chos la bzod pa rnam par dag pa la bgegs byed pa'i nyon mongs pa'i phyogs dang
 mthun pa'i gnas ngan len ni sa brgyad pa la spong bas sa dang po yan chad bdun pa man chad da dung ma spangs par yod de de ni grogs yang dag par bcom pa dang bag la nyal stobs chung ba zhes sngar bstan pa yin no/ /nyon mongs pa'i bag
 la nyal phra mo ni sa bcu pa la de bzhin gshegs pa'i gnas pa la 'jug pa'i tshe na spangs pas sa bcu pa man chad la yang yod de/ de ni bag la nyal phra mo'i zhes sngar bstan pa yin no/ /shes bya'i sgrib pa'i phyogs dang mthun
 pa'i gnas ngan len rnam pa gsum ni pags shun la yod pa lta bu dang/ phrin yod pa lta bu dang/ snying po la yod pa lta bu'o/ /de la pags shun la yod pa lta bu ni sa dang po la spong ba'o/ /phri la yod pa lta bu ni
 sa brgyad pa la spong ba'o/ /snying po la yod pa lta bu ni de bzhin gshegs pa'i gnas pa la spong ba ste/ sgrib pa thams cad rnam par dag pa'i ye shes kyang de yin no/ /de ltar na sa dang po la shes bya'i sgrib pa'i phyogs dang
 mthun pa'i gnas ngan len pags shun la yod pa lta bu spangs kyang nyon mongs pa'i sgrib pa'i phyogs dang mthun pa'i gnas ngan len grogs yang dag par bcom pa dang/ bag la nyal stobs chung ba gnyis da dung ma spangs
 par yod la/ sa brgyad pa la shes bya'i sgrib pa'i phyogs dang mthun pa'i gnas ngan len phri la yod pa lta bu spangs kyang nyon mongs pa'i phyogs dang mthun pa'i gnas ngan len bag la nyal da dung ma spangs par yod pas
 na/ nyon mongs pa'i bag la nyal gsum zhes bya ba'i sgrib pa'i gnas ngan len rnam pa de gsum las rnam pa du spangs pas kyang da dung ma spangs par yod ces dri ba'i phyir bag la nyal de dag gnas ngan len spangs pa
 rnam pa dus rab tu phye lags zhes zhus par sbyar ro/ /rnam pa gnyis kyis te zhes bya ba ni nyon mongs pa'i bag la nyal grogs yang dag par bcom pa bag la nyal stobs chung ba dang/ bag la nyal phra mo de dag ni shes
 bya'i sgrib pa'i phyogs dang mthun pa'i gnas ngan len rnam pa gsum po pags shun la yod pa lta bu dang/ phri la yod pa lta bu dang/ snying po la yod pa lta bu dag las pags shun la yod pa lta bu dang/ phri la yod ba lta bu
 gnyis spangs pas kyang da dung ma spangs par yod do zhes bya ba'i tha tshig go /de'i phyir gnas ngan len pags shun la yod pa lta bur spangs pa ni dang po dang gnyis pas rab tu dbye ba yin no/ /phri la yod pa lta bur spangs pa ni gsum pa'o zhes
 bya ba gsungs te/ gnas ngan len pags shun la yod pa lta bu spangs pas sa dang po la shes bya'i sgrib pa'i gnas ngan len rags pas pags shun la yod pa lta bu spangs pa'o/ /de spangs pas na ngan song ba'i nyon mongs pa'i//
 phyogs dang mthun pa'i gnas ngan len thams cad kyi thams cad du spangs kyang mi skye pa'i chos la bzod pa rnam par dag pa'i bgegs byed pa'i nyon mongs pa'i phyogs dang mthun pa'i gnas pa len pa ma spangs pas na/ dang po
 dang gnyis pas rab tu phye ba yin no zhes gsungs te/ dang po ni grogs yang dag par bcom pa'o/ /gnyis pa ni bag la nyal stobs chung ba ste/ de gnyis ni mi skye ba'i chos la bzod pa rnam par dag pa la bgegs byed pa'i nyon mongs
 pa'i phyogs dang mthun pa'i gnas ngan len yin pas sa brgyad pa la spong ba'i phyir sa dang po la shes bya'i sgrib pa'i gnas ngan len pags shun la yod pa lta bu spangs kyang da dung ma spangs par yod do zhes bya ba'i tha tshig go /phri la
 yod pa lta bu spangs pas shes bya ba ni sa brgyad pa la shes bya'i sgrib pa'i gnas ngan len 'bring phri la yod pa lta bu spangs pa'o/ /de spangs pa na mi skye ba'i chos la bzod pa rnam par dag pas bgegs byed pa'i nyon mongs pa'i
 phyogs dang mthun pa'i gnas ngan len thams cad kyi thams cad du spangs kyang nyon mongs pa'i bag la nyal phra mo ma spangs pas na/ gsum pa'o zhes gsungs te/ gsum pa ni bag la nyal phra mo ste/ de ni sa brgyad pa yan chad kyis
 bag la nyal phra mo yin pas/ sa bcu pa nas de bzhin gshegs pa'i gnas pa la 'jug pa'i tshe na gzod spong ba'i phyir sa brgyad pa la shes bya'i sgrib pa'i gnas ngan len phra mo phri la yod ba lta bu spangs pas
 kyang da dung ma spangs par yod do zhes bya ba'i tha tshig go /'o na shes bya'i sgrib pa'i phyogs dang mthun pa'i gnas ngan len snying po la yod pa lta bu spangs pa la nyon mongs pa'i phyogs dang mthun pa'i bag la nyal yod dam med
 snyam pa la med par bstan pa'i phyir gnas ngan len snying po la yod pa lta bu spangs pa gang yin pa de ni thams cad kyi thams cad du bag la nyal med pa'i gnas skabs yin te/ sangs rgyas kyis yin par ngas yongs su bstan
 to zhes bya ba gsungs te/ gnas ngan len snying po la yod pa lta bu spangs pa zhes bya ba ni de bzhin gshegs pa'i gnas pa la shes bya'i sgrib pa phra mo rkang la yod pa lta bu ste/ sgrib pa thams cad rnam par dag pa'i ye shes
 kyang de yin no/ /thams cad kyi thams cad du bag la nyal ba med gnas skabs yin te zhes bya ba ni nyon mongs pa'i sgrib pa bag la nyal med pa zhes bya ba ni med pa'i gnas skabs yin te/ de'i phyir sangs rgyas kyis yin par
 yongs su bstan to zhes bya ba gsungs so/ /bcom ldan 'das gnas ngan len de dag bskal pa grangs ma mchis pa du dag gis spong bar 'gyur lags zhes bya ba la sogs pas ni kun nas nyon mongs pa'i rgyu rjes su 'dzin
 pa de bzhin pa la mkhas par ston to/ /de la gnas ngan len de dag ces bya ba ni nyon mongs pa'i sgrib pa dang mthun pa'i gnas ngan len dang shes bya'i sgrib pa'i phyogs dang mthun pa'i gnas ngan len sngar bstan pa de dag go /
 bskal pa grangs ma mchis pa zhes bya ba la bskal pa grangs med pa zhes bya ba ni rnam pa gnyis te/ nyung ngu dang mang po'o/ /de dag la bskal pa grangs med pa nyung ngu zhes bya ba ni bskal pa chen po gcig la bya ste/ de la yang nyin
 mtshan dang zla ba dang zla ba phyed du bgrang ba'i tshul gyis dus dpag tu med pa'i phyir bskal pa grangs med pa zhes bya'o/ /bskal pa grangs med pa mang po zhes bya ba ni bskal pa chen po nyid bgrang ba'i tshul gyis grangs kyi 'dres drug cu la thug pa ste/
 'jig rten na grangs kyi rim pa de las gong na med pa'i phyir bskal pa grangs med pa zhes bya'o/ /du dag gis spong bar 'gyur lags zhes bya ba ni dang po sems bskyed pa nas bzung ste gnas pa mchog thob cing de bzhin gshegs pa'i
 gnas la 'jug pa'i bar du byang chub sems dpa' i gnas pa thams cad la gnas ngan len de bskal pa grangs med pa nyung ngu dang mang po gnyis las dus spong zhes gsungs pa yin no/ /grangs med pa gsum gyis sam zhes bya ba ni
 bskal pa med pa gsum gyis te/ de yang byang chub sems dpa' i gnas pa bcu gnyis so/ /rigs la gnas dang mos pa la spyod pa la gnas pa dang/ rab tu dga' ba la gnas pa dang/ lhag pa'i tshul khrims la gnas pa dang/
 lhag pa'i sems la gnas pa dang/ byang chub kyi phyogs dang ldan pa'i lhag pa'i shes rab la gnas pa dang/ bden pa'i lhag pa'i shes rab la gnas pa dang/ rten cing 'brel par 'byung ba dang ldan pa'i lhag pa'i shes rab la gnas
 pa dang/ mtshan ma med pa la gnas pa la mngon par 'du byed pa dang/ bcas shing rtsol ba dang bcas pa dang/ mtshan ma med pa la gnas pa mngon par 'du bya ba med cing lhun gyis 'grub pa dang/ so so yang dag par rig pa la gnas
 pa dang/ gnas pa mchog ces sngar bstan pa de dag las rigs la gnas pa'i dus na ni da dung sems ma bskyes pas na gnas ngan len spong bar mi byed do/ /rigs la gnas pa'i 'og tu dang po bla na med pa'i byang chub ?
 sems bskyed pa tshun chad mos pas spyod pa la gnas pa'i dang po yin pas de tshun chad gnas ngan len spong bar byed de/ dang po sems bskyed pa'i de nas bzung ste/ gnas pa mchog la gnas par 'gyur gyi bar du byang chub sems dpa' i
 gnas pa bcu gcig po de dag thams cad ni bskal pa grangs med pa mang po shos gsum gyis yang dag par 'grub ste/ grangs med pa mang pos ni mos pas spyod pa la gnas pa las yang dag par 'das nas rab tu dga' pa la gnas
 pa thob ste/ de yang rtag tu 'bang pas thob kyi mi 'bang pas ni ma yin no/ /grangs med pa gnyis pas ni rab tu dga' ba la gnas pa na mtshan ma med pa la gnas pa mngon par 'du byed pa dang bcas shing rtsol pa dang bcas pa'i bar las yang
 dag par 'das te mtshan ma med pa la gnas pas mngon par 'du byed pa med cing lhun gyis grub pa thob ste/ de ni bsam pa dag pa'i sar chud pa yan chad la rtag tu mi 'bad pa med pas nges pa kho na yin no/ /grangs med pa gsum pas ni
 mtshan ma med pa la gnas pas mngon par 'du bya ba med cing lhun gyis grub pa dang so sor yang dag par rig pa la gnas pa las yang dag par 'das nas gnas pa mchog thob ste/ de yang nges pa kho na yin no/ /de yang bskal pa grangs
 med pa mang po shos gsum gyis gnas pa bcu gcig thob pa de la yang su brtson 'grus chen po'i yang chen pos sbyor bar byed pa de'i nang nas la las ni bskal pa bar ma mang po zhig 'dums par byed do/ /la las ni bskal pa grangs
 med pa nyung ngu shos ces bya ba bskal pa chen po gcig gam gnyis sam mang po dag gi bar du 'dums par byed mod kyang grangs med pa mang po shos 'dums par byed pa ni 'ga' yang med par rig par bya'o/ /de ltar gnas pa 'thob pa'i   
 tshul ba stan pa de nas gnas ngan len spong ba'i tshul yin par rig par bya'o/ /dus tshigs dang zla ba dang zla ba phyed dang zhag dang nyi ma dang thun dang thun phyed dang skad cig dang thang cig dang yud tsam dang bskal pa grangs med pa dag gis spong ngo
 zhes bya ba ni bskal pa grangs med pa nyung ngu shos dang sbyar te 'dus byas bsam pa tha dad pa dag la go bar bya ba'i phyir sgra tha dad pas bstan to/ /de yang sngar bskal pa grangs med pa mang po shos ni gsum kho nas spong bar bstan to/ /'dir
 bskal ba grangs med pa nyung ngu shos ni dpag tu med pa dag gis spong bar ston to/ /'dir bskal pa zhes bya ba'i sgra ni dus kyi ming yin pas dus tshigs zhes bya ba nas/ yud tsam dang bskal pa zhes bya ba'i bar thams cad la skabs zhes
 bya'o/ /bskal de lta bu du dag gis dang po sems bskyed pa nas gnas pa mchog thob par gyur pa'i bar gyis gnas pa bcu gcig thob cing de dag gi gnas ngan len spong bar 'gyur zhe na/ dpag tu med pa dag gis te dus tshigs brtsan
 par byas na yang dus tshigs dpag tu med pas so/ /zla ba phyed brtsan par bya na yang zla ba phyed dpag tu med pas so/ /zhag btsan par bya na yang zhag dpag tu med pas so/ /nyi ma btsan par bya na yang nyi ma dpag tu med pas so/ /thun
 bcin par bya na yang thun dpag tu med pas so/ /thun phyed btsan par bya na yang thun phyed dpag tu med pas so/ /skad cig btsan par bya na yang skad cig dpag tu med pas so/ /thang cig btsan par bya na yang thad cig dpag tu med pas
 so/ /yud tsam btsan par bya na yang yud tsam dpag tu med pas so/ /bskal pa btsan par bya na yang bskal pa dpag tu med pa dag gis so zhes de dag re re la yang dpag tu med pa'i sgra re re dang sbyar ro/ /de dag
 gi dpag tu med pa zhes bya ba'i yun yang dus ji tsam zhig la rtag ce na/ dus tshigs la sogs pa de dag gang yang rung ste/ dpag tu med pa zhes bya ba ni yun ni sngar bskal pa grangs med pa mang po shes gsum pa de'i yun
 dang mnyam ste/ dus tshigs la sogs pa gang yang rung ste/ nam zhig na bskal ba chen po grangs med pa gsum thal bar gyur pa de na dus tshigs la sogs pa dpag tu med pa zhes bya ba yang mthar thug par rig par bya ste/ mdor
 bsdus na bskal pa grangs med pa mang po shos gsum dang bskal pa grangs med pa nyung ngu shos dpag tu med pa zhes bya bar lung bstan par rig par bya'o/ /de lta bas na byang chub sems dpa' i gnas pa thams cad thob cing
 gnas ngan len thams cad spong ba ni bskal pa chen po grangs med pa gsum du bstan te/ de lta yin pa las 'dir bskal pa grangs med gsum gyis sam dus tshigs dang zla ba dang/ zla ba phyed dang/ zhag dang nyi ma dang thun dang
 thun phyed dang skad cig dang thang cig dang yud tsam dang bskal pa dpag tu med pa dag gis spong ngo zhes bya bas bskal pa grangs med pa mang po shos gsum dang nyung ngu shos dpag tu med pa dag gis so zhes bstan pa ni 'dul ba'i
 skye bo bsam pa dang dbang po tha dad pa dag la go bar bya ba'i grangs su bstan pa yin no/ /'o na byang chub sems dpa' i gnas pa de dag re re la yun ji tsam gyis 'thob cing gnas ngan len spong bar 'gyur zhe na/ gnas pa
 re re la yang bskal pa chen po bye ba 'bum phrag du ma 'am yang na de bas kyang chos mang pas 'thob cing gnas ngan len spong bar 'gyur ro zhes bla ma'i khyad par bdag nyid chen po dang ldan pa rnams kyis nges par bstan pa'i gzhung
 dag snang ngo/ /de bas na dus tshigs gcig gam zla ba gcig gam zla ba phyed dam zhag gcig gam nyi ma gcig gam/ thun gcig gam thun phyed dam skad cig gcig gam/ thang cig gcig gam/ yud tsam gcig gam bskal pa gcig
 gis gnas pa thob cing gnas ngan len spong ba ni 'di lta ste byang chub sems dpa' rnams kyis gnas pa'i khyad par re re'i yon tan yang bskal pa grangs med pa gang+ga'i klung gi bye ma snyed du brjod kyang mthar phyin par bla ba ma yin pa'i
 phyir ro/ /bcom ldan 'das de dag la byang chub sems dpa' rnams kyi nyon mongs pa skye ba'i mtshan nyid ni gang lags/ skyon ni gang lags yon tan ni gang lags par bgyi zhes bya ba la sogs pas ni lhag pa'i bsam pa dag
 pa'i sar chud pa yan chad kyis de dag la byang chub sems dpa' rnams kyi nyon mongs pa ji skad bstan pa de dag ni so so skye bo sred pa'i rjes su 'brang ba rnams dang nyan thos dang rang sangs rgyas sred pa 'gog pa rnams kyi dge ba'i
 rtsa ba rnams zil gyis gnon par 'gyur ba phan yon chen po dang ldan pa yin par ston to/ /kun nas nyon mongs pa med pa'i mtshan nyid yin no zhes bya ba ni sred pa'i rjes su mi 'brang bas kun nas nyon mongs pa'i dbang du mi
 'gyur ba'i phyir ro/ /de'i phyir sa dang po la so sor ngas pa kho nar chos kyi dbyings thams cad rab tu rtogs pa'i phyir te/ zhes bya ba la sogs pa gsungs so/ /rang gi rgyud la sdug bsngal skyed par mi nus pa nyid kyi phyir skyon med
 pa yin no zhes bdag nyid kyis sangs rgyas kyi chos yongs su smin par byed pa'i rgyu yin pa'i phyir ro/ /sems can gyi khams sdug bsngal rnam par bzlog pa'i rgyu nyid yin pa'i phyir yon tan dpag tu med pa yin no
 zhes bya ba ni sems can yongs su smin par byed pa'i rgyu yin pa'i phyir ro/ /gang la zhes bya ba ni 'og nas byang chub ces 'byung ba dang sbyar ro/ /sems can dang/ nyan thos dang/ rang sangs rgyas thams cad kyi dge ba'i rtsa ba rnams
 de tsam du zil gyis gnon par bgyid na zhes bya ba ni sred pa'i rjes su mi 'brang ba dang sred pa 'gog par mi byed pa'i phyir ro/ /byang chub ji tsam du don che ba ni ngo mtshar lags so zhes bya ba ni tshogs dpag tu med pas byang chub pa'i  
 sgo nas yon tan de lta bu thob pa'i phyir ro/ /kun nas nyon mongs pa'i rgyun rjes su 'dzin pa gzhig pa la mkhas pa'i tshig gi don la sogs pa bshad zin to/ /de'i 'og tu nges par 'byin pa'i bye brag gi rab tu dbye ba la mkhas
 pa'i tshig gi don la sogs pa bshad par bya ste/ nges par 'byin pa'i bye brag gi rab tu dbye ba la mkhas pa zhes bya ba ni theg pa'i khyad par la mkhas pa'i don 'dir bstan pa'o/ /de'i phyir bstan pa'i dbang du mdzad nas/ bcom
 ldan 'das kyis nyan thos kyi theg pa gang yin pa dang/ theg pa chen po gang yin pa de ni theg pa chen po'i zhes bka' stsal to/ /de la dgongs pa gang lags zhes bya ba zhus so/ /des nyan thos kyi theg par chos sna tshogs
 kyi ngo bo nyid ngas theg pa chen por chos kyi dbyings tshul gcig par bstan pa bshad de zhes bya ba ni nyan thos kyi theg par ni chos kyi dbang du bya ste bstan la theg pa chen por ni chos nyid kyi dbang du byas te bstan pa chos dang chos
 nyid tha mi dad pa'i phyir nga ni theg pa tha dad par mi smra'o zhes gsungs so/ /de la gang dag don la sgra ji bzhin kho nar rnam par rtog pa kha cig ni sgrog par byed ces bya ba ni gzugs la sogs pa'i mtshan nyid kyis yod par rtogs pa
 gang dag theg pa gsum bstan par tha dad par smra ba dag go /kha cig ni skur ba 'debs par byed cing zhes bya ba ni chos thams cad ngo bo nyid med pa'o zhes smra ba de mtshan nyid thams cad la skur ba 'debs pa gang dag theg pa  
 gcig tu yang gtan med par smra ba dag go /de gnyis mi mthun par sems shing phan tshun rtsod par zad de zhes bya ba ni gcig dang du mar tha dad pa de gnyis so/ /nges par 'byin pa'i bye brag gi rab tu dbye ba la mkhas pa'i tshig
 gi don la sogs pa bshad zin to/ /de nas bcom ldan 'das kyis de'i tshe tshigs su bcad pa 'di dag bka' stsal to zhes bya ba la sogs pas ni snga ma rnams kyi dngos po bsdu ba ston to/ /de la tshigs su bcad pa dang po
 dang gnyis pas ni nges par 'byin pa'i bye brag gi rab tu dbye ba la mkhas pa de nyid kyi dngos po bsdu ba bstan te tshig gi don ni go bla'o// //tshigs su bcad pa gsum pas ni le'u dgu pa 'di nyid kyi mgo 'jug gi don
 ji skad bstan pa thams cad kyi dngos po bsdu ba bstan te/ de las rnam shes bya ba ni sngar 'bras bu la mkhas pa zhes smos pa bstan to/ /bsdus dang zhes bya bas ni sngar mi mthun pa'i phyogs dang gnyen po la mkhas pa zhes
 smos pa bstan to/ /ming dang zhes bya bas ni sngar ming la mkhas pa zhes smos pas bstan to/ /mi mthun pa'i phyogs zhes bya bas ni sngar mi mthun pa'i phyogs kyi rab tu dbye ba la mkhas pa zhes smos pa bstan to/ /khyad
 par zhes bya bas sngar gnyen po'i rab tu dbye ba la mkhas pa zhes smos pas bstan to/ /skye dang zhes bya bas ni sngar bdag dang gzhan gyi rgyud yongs su smin pa'i gnas la mkhas pa zhes smos pas bstan to/ /
 smon dang zhes bya bas ni sngar bsam pa yongs su rdzogs par bya ba'i thabs la mkhas pa zhes bya bas bstan to/ /bslab pa rnams zhes bya bas ni sngar pha rol tu phyin pa rab tu dbye ba rnam pa nyi shu smos pa rnams spyir bstan to/ /de
 ni sangs rgyas rnams kyis theg chen bstan ces bya bas ni/ de ltar rab tu dbye ba rnam pa bdun dang/ pha rol tu phyin pa rab tu dbye ba rnam pa nyi shu bstan pa de ni theg pa chen po byang chub sems dpa' i lan yin par bstan to/ /'di
 la gang brtson de dag sangs rgyas 'gyur zhes bya bas ni theg pa chen po byang chub sems dpa' i lam gyi 'bras bu bstan te/ de dag 'dis spyir na sngar theg pa rnam par bzhag pa las brtsams nas theg pa'i rnam par dbye ba ji lta
 ba bzhin bstan pa zhes smos pa'i dngos po bsdu ba bstan to/ /bcom ldan 'das dgongs pa nges par 'grel pa'i chos kyi rnam grangs 'dir bstan pa de'i ming ci lags zhes bya ba la sogs pas ni mdo'i le'u dgu pa 'di'i
 nges pa'i tshig bstan to/ /byang chub sems dpa' bdun khri lnga stong gis byang chub sems dpa' i ting nge 'dzin theg pa chen po snang ba thob par gyur to zhes bya bas ni bstan pa'i 'bras bu rgya che ba bstan to/ /le'u dgu pa'i tshig gi
 don la sogs la bshad zin to// //de ltar theg pa rnam par bzhag pa las brtsams nas theg pa'i rnam par dbye ba ji lta ba bzhin bstan pas kun rdzob kyi bden pa'i mtshan nyid yongs su shes par bya ba bstan nas/ da ni theg
 pa rnam par bzhag pa kho na las brtsams nas de bzhin gshegs pa'i bya ba sgrub pa'i rab tu dbye bas kun rdzob kyi bden pa'i mtshan nyid yongs su shes par bya ba bstan pa'i tshig gi don la sogs pa bshad par bya ste/ de'i phyir de bstan pa'i dbang
 du mdzad nas/ de nas bcom ldan 'das la byang chub sems dpa' 'jam dpal gyis zhu ba zhus pa zhes bya ba la sogs pa 'phags pa 'jam dpal gyi le'u bcu pa 'di gsungs so/ /de la le'u bcu pa 'di'i bsdus pa'i don ni
 bsdu na theg pa rnam par bzhag pa kho na las brtsams nas de bzhin gshegs pa'i bya ba sgrub pa'i rab tu dbye ba bstan pa yin no/ /de yang rnam par dbye ba rnam pa gsum ste/ de bzhin gshegs pa'i rgyu phun sum tshogs pa dang/ 'bras
 bu phun sum tshogs pa dang/ mdzad pa phun sum tshogs pa'o/ de la de bzhin gshegs pa'i rgyu phun sum tshogs pa ni theg pa rnam par bzhag pa kho na las brtsams te/ sa dang pha rol tu phyin pa shin tu bsgoms pa'i nges par
 'byung bas zhes bya bas bstan to/ /'bras bu phun sum tshogs pa ni de bzhin gshegs pa ste/ gnas gyur pa yang dag par grub pa yin no zhes bya ba la sogs pas bstan to/ /mdzad pa phun sum tshogs pa ni bya ba sgrub pa'i rab
 tu dbye ba ste/ bcom ldan 'das de bzhin gshegs pa rnams kyis skye ba 'byung ba'i mtshan nyid ji lta bur rig par bgyi lags zhes bya ba la sogs pa gzhung lhag ma thams cad kyis bstan to/ /de la dang por 'phags pa 'jam
 dpal gyis /gdul ba de bzhin gshegs pa'i sku la shin tu rmongs pa'i gnyen po rnam par bzhag pa bstan pa'i sgo nas de bzhin gshegs pa'i rgyu phun sum tshogs pa dang/ 'bras bu phun sum tshogs pa dang/ mdzad pa phun sum
 tshogs pa bstan pa'i dbang du mdzad nas/ bcom ldan 'das de bzhin gshegs pa rnams kyi chos kyi sku zhes bgyi na/ bcom ldan 'das de bzhin gshegs pa rnams kyi chos kyi sku'i mtshan nyid ji lta bu lags
 zhes bya ba zhus so/ /de bzhin gshegs pa'i sku la shin tu rmongs pa'i gnyen po rnam par bzhag pa ni rnam pa gnyis te/ mi rtag par rtog pa'i gnyen por chos kyi sku bstan pa dang/ nor pa rtog pa'i gnyen por skye ba 'byung
 bar bstan pa'o/ /de la zhus pa snga ma'i skabs 'dir ni mi rtag par rtog pa'i gnyen por chos kyi sku bstan par zhus pa yin te/ de bstan pa'i sgo nas de bzhin gshegs pa'i rgyu phun sum tshogs pa dang/ 'bras bu phun sum
 tshogs pa dang/ mdzad pa phun sum tshogs pa ston to/ /nor par rtog pa'i gnyen por skye ba 'byung ba bstan pa ni 'og nas mdzad pa phun sum tshogs pa'i skabs su bstan to/ /de la de bzhin gshegs pa'i rgyu phun sum tshogs pa dang/ 'bras bu phun sum
 zhes bgyi zhes bya ba ni 'phags pa sum brgya pa'i mdo las 'dren pa ni chos kyi sku zhes gsungs pa lta bu la sogs pa mdo sde dang de las de bzhin gshegs pa rnams kyis chos kyi sku bstan pa de'i dbang du mdzad nas zhus
 pa yin no/ /de bzhin gshegs pa rnams kyi chos kyi sku'i mtshan nyid ji lta bu lags zhes bya bas ni mi rtag par rtog pa'i nyen por chos sku bstan pa rnam par bzhag pa nyid zhus pa yin no/ /de nas bcom ldan 'das
 kyis kyang de bzhin gshegs pa'i sku la shin tu rmongs par mi rtag par rtog pa'i gnyen por chos kyi sku bstan pa rnam par bzhag pa de nyid bstan pa'i sgo nas de bzhin gshegs pa'i rgyu phun sum tshogs pa dang/ mdzad?
 pa phun sum tshogs pa bstan pa'i skabs su mdzad nas/ 'jam dpal de bzhin gshegs pa rnams kyi chos kyi sku'i mtshan nyid ni zhes bya ba gsungs so/ /de ni de bzhin gshegs pa'i rgyu phun sum tshogs pa bstan pa'i tshig gis don la
 sogs pa bshad par bya ste/ de bzhin gshegs pa'i rgyu phun sum tshogs pa zhes bya ba ni theg pa rnam par bzhag pa kho na las brtsams pa'o/ /de'i phyir de bstan pa'i dbang du mdzad nas/ sa dang pha rol tu phyin pa shin tu bsgoms pa'i
 nges par 'byung bas zhes bya ba gsungs te/ sa ni rtogs pa yin la/ pha rol tu phyin pa ni spyod pa yin pas rtog pa dang spyod pa ni byang chub sems dpa' i lam yin pa'i phyir/ sa dang pha rol tu phyin pa dag shin tu bsgoms pa'i nges
 par 'byung ba las zhes bya ba ni gnas gyur pa yang dag par grub pa'i thabs kyis rgyu yin pas na de ni de bzhin gshegs pa'i rgyu phun sum tshogs pa zhes bya'o/ /sa dang pha rol tu phyin pa'i rab tu dbye ba ni sngar 'phags pa
 spyan ras gzigs kyi le'ur theg pa rnam par bzhag pa bstan pa'i skabs rgya cher bstan zin te/ de'i phyir skabs 'dir theg pa rnam par bzhag pa kho na las brtsams nas zhes bya ba smos so/ /de bzhin gshegs pa'i rgyu phun
 sum tshogs pa'i tshig gi don la sogs pa bshad zin to// //de'i 'og tu 'bras bu phun sum tshogs pa'i tshig gi don la sogs pa bshad par bya ste/ 'bras bu phun sum tshogs pa zhes bya ba ni de bzhin gshegs pa'o/
 de'i phyir de bstan pa'i dbang du mdzad nas/ gnas gyur pa yang dag par grub pa yin no zhes bya ba la sogs pa gsungs te/ gnas gyur pa yang dag par grub pa ni yang dag par ye shes dang de bzhin nyid phyin ci ma log dra?
 pa dang 'gyur ba med pa yongs su grub pa chos kyi sku'i mtshan nyid yin pa'i de bzhin gshegs pa zhes bya ste/ de bas na bla na med pa yang dag par rdzogs pa'i byang chub kyi dngos po bstan to/ /byang chub dngos po de ni rnam pa
 lngas rig par bya ste/ ngo bo nyid dang/ mthu dang/ thabs dang/ 'jug pa dang/ ldog pas so/ /de la ngo bo nyid gang zhe na/ nyan thos dang rang sangs rgyas las khyad par du 'phags pa'i gnas gyur pa gang yin pa'o/ /de yang rnam pa bzhis
 rig par bya ste/ 'jug pa'i gnas dang/ mi 'jug pa'i gnas dang/ shes bya legs par yongs su brtags pa'i 'bras bu dang/ chos kyi dbyings rnam par dag pa'i mtshan nyid kyis so/ /de la 'jug pa'i gnas ni sangs rgyas kyi
 rgyud la mnga' ba'i 'jig rten las 'das pa'i lam gyis gnas yin pa'i phyir ro/ /mi 'jug pa'i gnas ni bag chags dang bcas pa'i nyon mongs pa rnams mi 'jug pa'i gnas yin pa'i phyir ro/ /shes bya legs par yongs
 su brtag pa'i 'bras bu ni gnas gyur pa de shes bya ba'i de kho na legs par yongs su brtags pa'i 'bras bu yin pa'i phyir ro/ /chos kyi dbyings rnam par dag pa'i mtshan nyid ni gnas gyur pa de mtshan ma thams cad zil gyis
 gnon pa'i phyir chos kyi dbyings shin tu rnam par dag pa'i mtshan nyid kyis rab tu phye ba yin pa'i phyir ro/ /mthu gang zhe na/ mdor bsdu na stobs bcu dang/ mngon par shes pa drug dang/ dbang bcu la mthu zhes bya'o/ /thabs gang zhe na/ mdor
 bsdu na sprul pa rnam pa bzhi ni thabs zhes bya ste/ sems can yongs su ma smin pa rnams yongs su smin par bya ba'i phyir byang chub sems dpa' i spyod pa sprul pa dang/ sems can yongs su smin pa rnams rnam par grol par
 bya ba'i phyir stong gsum gyi stong chen po'i 'jig rten gyi khams kyi 'dzam bu'i gling bye ba phrag brgyar cig car du de bzhin gshegs pa'i sku sprul pa'i thabs yongs su 'dzin pa dang/ nyan thos kyi 'dul ba rnams la de sprul pa dang/ rang? sangs
 rgyas kyis 'dul ba rnams la de sprul pa ste/ sangs rgyas bcom ldan 'das ni phyogs bcu sprul pa rnams pa bzhi po de dag la thogs pa med pa'i mthu dang ldan pa yin par blta bar bya'o/ /'jug pa gang zhe na/ de ni rnam pa gnyis su
 blta bar bya ste/ de'i mdo la 'jug pa dang/ de bstan la 'jug pa'o/ /de la de'i mdo la 'jug pa ni ji srid du sems can rnams yongs su ma smin cing rnam par ma grol ba de srid du sangs rgyas rnams kyi sprul pa 'jug pa'o/ /de bstan
 'jug pa ni sangs rgyas rnams kyi ngo bo nyid mi zad cing bsam gyis mi khyab pa 'jig rten ji srid yod kyi bar du sems can rnams kyi bya ba sgrub pa la rjes su 'jug pa'i phyir 'jug par mdzad pa'o/ /ldog pa gang zhe na/ de yang rnam pa gnyis
 su blta bar bya ste/ de'i mdo la ldog pa dang/ de bstan ldog pa'o/ /de la de'i mdo la ldog pa ni sems can rnams yongs su smin cing rnam par grol bar gyur pa na de'i mdo sangs rgyas rnams yongs su mya ngan las 'das pas ldog par
 mdzad pa'o/ /de bstan ldog pa ni bag chags dang bral ba'i nyon mongs pa rnams dang/ sdug bsngal gnas dang bcas pa gtan zad pa las rig par bya'o/ /byang chub kyi dngos pos bstan pa des ni mi rtag par rtogs pa'i gnyen por chos kyi
 sku bstan pa bshad pa mi rtag par rtog pa zhes bya ba ni chos kyi sku kun gzhi'i rnam par shes pas rab tu phye ba yin par rtog pa'o/ /de'i gnyen por gnas gyur pas rab tu phye ba yin par bstan te/ 'di ltar kun gzhi'i rnam par shes pa ni
 mi rtag pa dang len pa dang bcas pa yin la gnas gyur pa ni rtag pa dang len pa med pa yin pa dang/ kun gzhi'i rnam par shes pa ni gnas ngan len dang ldan pa yin la/ gnas gyur pa ni gnas ngan len dang ldan pa ma
 yin la/ gnas gyur pa ni gnas ngan len thams cad dang bral ba yin pa dang/ kun gzhi'i rnam par shes pa ni nyon mongs pa rnams kyi 'jug pa'i rgyu yin zhing lam gyi 'jug pa'i rgyu ma yin la gnas gyur pa ni nyon mongs pa rnams
 kyi 'jug pa'i rgyu ma yin zhing lam gyi 'jug pa'i rgyu yin pa dang/ kun gzhi rnam par shes pa ni dge ba dang lung du ma bstan pa'i chos rnams la dbang mi byed la gnas gyur pa ni/ dge ba dang lung du ma bstan pa'i chos rnams la dbang
 byed pa yin pa'i phyir ro/ /de yang rgyu gnyis kyi bsam gyis mi khyab pa'i mtshan nyid du rig par bya ste zhes bya ba ni gnas gyur pas rab tu phye ba'i chos kyi sku de yang rgyu gnyis bsam gyis mi khyab pa'i mtshan nyid du bstan te/ brjod
 du med pa'i don gyis tshig gi spyod yul las 'das pas de'i phyir bsam gyis mi khyab pa dang/ 'jig rten las 'das pa nyid kyis 'jig rten de'i dpe med pas de'i phyir bsam gyis mi khyab pa yin no zhes rgyu 'og ma gnyis
 kyis go rim bzhin du ston to/ /de la de ni spros pa med cing mngon par 'du bya ba med pa nyid kyis phyir dang zhes bya bas ni brjod du med pa'i don gyis tshig gi spyod yul las 'das pas de'i phyir bsam gyis mi khyab par ston to//
 de yang spros pa med pa'i phyir mngon par 'dus bya ba med pa yin te/ de la spros pa med pa zhes bya ba ni 'gag pa med pa dang/ skye ba med pa dang/ rtag pa med pa dang/ chad ba med pa dang/ don tha dad pa ma yin pa dang/ don gcig
 pa ma yin pa dang/ 'ong ba med pa dang/ 'gro ba med pa'o/ /de'i phyir de dag las bzlog pa'i tshul tu mngon par 'du bya ba med pa yin te/ 'phags pa klu grub kyis chos kyi sku la bstod pa las/ gcig min du ma ma yin bdag dang gzhan la
 phan pa phun sum tshogs pa'i gzhir gyur pa/ dngos med dngos po med pa ma yin mkha' ltar ro cig rtogs par dka' ba'i rang bzhin can/ gos pa med cing zhi 'gyur zhing la mi mnyam mnyam pa khyad par can te spros med pa/ so sor
 rang rig rgyal ba rnams kyi chos sku dpe' med gang yin de la bdag phyag 'tshal/ /zhes ji skad gsungs pa lta bu'o/ /sems can rnams ni spros pa dang mngon par 'du bya ba la mngon par zhen pa nyid kyi phyir ro zhes bya bas ni 'jig
 rten las 'das pa nyid kyis 'jig rten na de'i dpe' med pas de'i phyir bsam gyis mi khyab pa yin par bstan te/ tshig gi don ni snga ma las bzlog pa yin no/ /rgyu de gnyis kyis bsam gyis mi khyab pa de yang rnam pa lngar rig
 par bya ste/ ngo bo nyid dang/ yul dang/ gcig pa nyid dang tha dad pa nyid dang/ bya ba sgrub pas so/ /de la ji ltar ngo bo nyid la bsam gyis mi khyab pa yin zhe na/ phung po dang/ khams dang/ skye mched las gzhan zhes bya ba dang/ dngos
 po 'am dngos po med pa zhes bya ba de ltar bsam gyis mi khyab pa yin no/ /ji ltar yul bsam gyis mi khyab pa yin zhe na/ khams dang 'gro ba dang phyogs dang phyogs mtshams rnams khams dang 'gro ba dang/ phyogs dang
 phyogs mtshams rnams las gzhan zhes bya ba de ltar bsam gyis mi khyab pa yin no/ /ji ltar gnas pa las bsam gyis mi khyab pa yin zhe na/ bde bar gnas pa dang/ zhi bar gnas pa dang/ sems dang bcas pa'i gnas
 */ pa dang/ sems med pa'i gnas pa dang/ lha dang tshangs pa dang 'phags pa'i gnas pa 'di dang 'di lta bus gnas so zhes bya ba de ltar bsam gyis mi khyab pa yin no/ /ji ltar gcig pa nyid dang tha dad
 pa nyid las bsam gyis mi khyab pa yin no/ zag pa med pa'i dbyings cig la gnas pa'i sangs rgyas rnams gcig pa nyid yin zhes bya ba de ltar bsam gyis khyab pa yin no/ /ji ltar bya ba de ltar bsam gyis mi khyab
 pa yin zhe na/ de bzhin gshegs pa khams mnyam pa dang/ ye shes dang mgyogs pa dang/ stobs dang/ pha rol la gnon pa mnyam pa zag pa med pa'i dbyings la gnas pa rnams gnas gyur pa de nyid la brten nas
 'di ltar sems can gyis don dang sems can gyi bya ba mdzad do zhes bya ba de ltar bsam gyis mi khyab pa yin no/ /bcom ldan 'das ci lags nyan thos dang rang sangs rgyas rnams kyi gnas gyur pa gang lags pa de yang
 chos kyi sku lags par brjod par bgyi 'am zhes bya ba la sogs pas ni nyan thos dang rang sangs rgyas rnams la yang nyon mongs pa'i sgrib pa las rnam par grol ba'i sgo nas gnas gyur pa zhes bya ba'i tha snyad rnam par gzhag
 pa yod mod kyi de ni shes bya'i sgrib pa'i bag chags dang bcas pa yin pas yang dag pa'i ye shes dang/ de bzhin nyid yongs su grub pa'i mtshan nyid ma yin pa'i phyir rnam par grol ba'i lus tsam du zad kyi chos kyi sku zhes
 ni mi bya'o zhes ston to/ /rnam par grol ba'i lus yin te zhes bya ba ni nyon mongs pa'i sgrib pa kun tu 'byung ba las rnam par grol ba'i lus yin pa'o/ /rnam par grol ba'i lus kyis ni de bzhin gshegs pa rnams
 dang/ nyan thos dang rang sangs rgyas rnams kyang mtshungs shing mnyam mo zhes bya bas ni lung gzhan las rnam par grol ba dang/ rnam par grol ba la bye brag med do zhes gsungs pa nyid kyi don bstan pa yin no/ /chos kyi skus ni khyad
 par du 'phags te zhes bya bas ni de bzhin gshegs pa rnams ni bag chags dang bcas pa'i nyon mongs pa ma lus par spangs pas gnas gyur pa'i chos kyi sku yang dag par grub pa yin la/ nyan thos dang rang sangs rgyas rnams
 ni de ltar ma yin pa'i phyir ro/ /chos kyi skus khyad par du 'phags na yon tan gyi khyad par dpag tu med pas kyang khyad par du 'phags pa yin te zhes bya ba ni sku gsum dang ye shes bzhi dang/ sangs rgyas kyi chos ma 'dres pa
 brgya bzhi bcu la sogs pa dag gis so/ /de dag la ni dper bya bar yang sla ba ma yin no zhes bya ba ni bskrun pa'i zla ma yin pa'i phyir ro/ /'bras bu phun sum tshogs pa'i tshig gi don la sogs pa bshad zin to// //de'i 'og tu
 mdzad pa phun sum tshogs pa'i tshig gi don la sogs pa bshad par bya ste/ mdzad pa phun sum tshogs pa zhes bya ba ni bya ba sgrub pa'i rab tu dbye ba'o/ /de ni rnam pa bcu ste/ de bzhin gshegs pa rnams kyi skye ba 'byung ba bstan
 pa dang/ sku ston pa bstan pa dang/ gsung brjod pa bstan pa dang/ sems 'byung ba bstan pa dang/ spyod yul bstan pa dang/ yul bstan pa dang/ mngon par rdzogs par byang chub pa bstan pa dang/ chos kyi 'khor lo bskor ba
 bstan pa dang/ yongs su mya ngan las 'das pa chen po ston pa bstan pa dang/ de bzhin gshegs pa la lta ba dang/ nyan pa dang bsnyen bkur byed pa las dge ba'i rtsa ba skye ba bstan pa'o/ /de la de bzhin gshegs pa rnams kyis
 skye ba 'byung ba bstan pa ni/ bcom ldan 'das de bzhin gshegs pa rnams kyi skye ba 'byung ba'i mtshan nyid ji lta bur rig par bgyi lags zhes bya ba la sogs pa'o/ /sku ston pa bstan pa ni/ bcom ldan
 ldan 'das sprul pa'i skur ston pa'i thabs la mkhas pa gang lags par blta bar bgyi ba lags zhes bya ba la sogs pa'o/ /gsung brjod pa de bstan pa ni/ bcom ldan 'das de bzhin gshegs pa'i byin gyi rlabs kyis
 sku gsung gang dag brjod pa zhes bya ba la sogs pa'o/ /sems 'byung ba bstan pa ni/ bcom ldan 'das de bzhin gshegs pa'i sems 'byung ba'i mtshan nyid ji lta bur rig par bgyi lags zhes bya ba la sogs pa'o//
 spyod yul bstan pa dang yul bstan pa gnyis ni/ bcom ldan 'das de bzhin gshegs pa'i spyod yul gang lags/ de bzhin gshegs pa'i yul gang lags pa de gnyis la tha dad du bgyi ba ci mchis lags zhes
 bya ba la sogs pa'o/ /mngon par rdzogs par byang chub pa bstan pa dang/ chos kyi 'khor lo bskor ba bstan pa dang/ yongs su mya ngan las 'das pa chen po ston pa bstan pa gsum ni bcom ldan 'das de bzhin gshegs pa'i
 mngon par rdzogs par byang chub pa gang lags pa dang/ chos kyi 'khor lo bskor ba gang lags pa dang/ yongs su mya ngan las 'das pa chen po gang lags pa de dag gi mtshan nyid ji lta bur rig par bgyi lags zhes bya
 ba la sogs pa'o/ /de bzhin gshegs pa la lta ba dang/ nyan pa dang/ bsnyen bkur byed pa las dge ba'i rtsa ba skyed pa bstan pa ni/ bcom ldan 'das sprul pa'i sku la lta ba dang nyan pa dang/ bsnyen bkur bgyed pa dag gis
 sems can rnams bsod nams skyed pa de ci'i slad du de bzhin gshegs pa las 'byung bar rig par bgyi lags zhes bya ba la sogs pas ston te/ bya ba sgrub pa'i rab tu dbye ba rnam pa bcu po de dag ni 'phags pa de bzhin gshegs pa skye ba
 'byung ba bstan pa'i mdo las/ kye rgyal ba'i sras de bzhin gshegs pa rnams kyi skye ba 'byung ba bstan pa dang/ sku ston pa bstan pa dang/ gsung brjod pa dang/ sems 'byung ba dang/ spyod yul bstan pa dang/ yul gyi gnas pa dang
 mngon par rdzogs par byang chub pa dang/ chos kyi 'khor lo bskor ba mngon par sgrub pa dang/ yongs su mya ngan las 'das pa chen po ston pa dang/ de bzhin gshegs pa la blta ba dang/ nyan pa dang/ bsnyen bkur byed pa las dge ba'i
 rtsa ba skye ba de legs par bshad du gsol zhes 'byung ba dang go rim bzhin du sbyar ro/ /de la dang por de bzhin gshegs pa rnams kyi skye ba 'byung bar bstan pa'i tshig gi don la sogs pa bshad par bya ste/ de bzhin gshegs pa
 rnams kyi skye ba 'byung ba bstan pa zhes bya ba na de bzhin gshegs pa rnams kyi gzugs kyi sku rnam pa gnyis 'jig rten du skye ba 'byung ba'i mtshan nyid bstan pa'o/ /de'i phyir de bstan pa'i dbang du mdzad nas/ bcom ldan 'das
 de bzhin gshegs pa rnams kyi skye ba 'byung ba'i mtshan nyid ji lta bur rig par bgyi lags zhes bya ba zhus ste/ des ni de bzhin gshegs pa'i sku la shin tu rmongs pa nor par rtogs pa'i gnyen por skye ba 'byung bar ston pa ston
 to/ /sprul pa'i sku'i mtshan nyid de zhes bya ba ni/ de bzhin gshegs pa rnams kyi skye ba 'byung ba'i mtshan nyid ni de bzhin gshegs pa rnams sprul pa'i skus 'byung ba'i mtshan nyid ldan pa ste/ de ni longs spyod rdzogs pa'i skus
 'byung ba'i mtshan nyid dang ldan pa yin mod kyi/ sprul pa'i sku de ni 'jig rten thams cad du grags pa yin gyi longs spyod rdzogs pa'i sku ni de lta ma yin pas sprul pa'i sku de gzung ngo/ /de bzhin gshegs
 pa'i sku la shin tu rmongs pa ni nor bar rtogs pa'i gnyen por skye ba 'byung bar bstan pa de ni 'phags pa de bzhin gshegs pa skye ba 'byung ba bstan pa'i mdo las de skad ces bstan pa dang/ byang chub sems dpa' 
 sems dpa' chen po kun tu bzang pos byang chub sems dpa' chen po de bzhin gshegs pa'i rigs su byung ba'i dpal la dmigs nas byang chub sems dpa' i tshogs thams cad la smras pa/ kye rgyal ba'i sras dag 'di lta
 ste/ de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba bstan pa'i gnas de ni chos tshad med pa dag gis byung ba bsam gyis mi khyab pa yin te/ de bzhin gshegs pa
 rnams kyis skye ba 'byung ba rgyu gcig gis ma yin/ byed rgyu gcig gis ma yin no/ /de ci'i phyir zhe na/ rgyal ba'i sras dag de bzhin gshegs pa rnams ni chos bcu la sogs pa chos thams cad tha mi dad pa brgya stong tshad
 med grangs med pa yongs su rdzogs pa'i tshul yang dag par 'grub pa'i byed rgyu dag gis 'byung ba'i phyir ro/ /bcu gang zhe na/ 'di lta ste/ sngon byang chub kyi sems tshad med pa'i 'gro ba thams cad yongs su bskyab pa'i
 sems skyed pa yang dag par 'grub pa'i byed rgyu dang/ sngon bsam pa dang/ lhag pa'i bsam pa tshad med pa shin tu sbyangs ba yang dag par 'grub pa'i byed rgyu dang/ byams pa chen po dang/ snying rje chen po tshad med pas 'gro ba
 thams cad phongs su bskyab pa yang dag par 'grub pa'i byed rgyu dang/ spyod pa dang/ smon lam tshad med pa rgyun mi 'chad pa yang dag par 'grub pa'i byed rgyu dang/ bsod nams dang ye shes kyi tshogs tshad med pa ngoms mi shes par bdag
 par 'grub pa'i byed rgyu dang/ sangs rgyas la mchod pa dang/ rim gro bya ba dang/ sems can yongs su smin par bya ba'i bkod pa tshad med pas yang dag par 'grub pa'i byed rgyu dang/ thabs dang shes rab kyi lam tshad med pa shin tu yongs su sbyangs pa yang
 dag par 'grub pa'i byed rgyu dang/ yon tan gyi bkod pa rnam par dag pa rnam pa tshad med pa yang dag par 'grub pa'i byed rgyu dang/ lam gyi yan lag rnam par bzhag pa tshad med pa'i shes pa yang dag 'grub pa'i byed rgyu dang/ don dang chos tshad med pa khong
 du chud par bya ba la nges par rtogs pa'i shes pa yang dag par 'grub pa'i byed rgyu ste/ kye rgyal ba'i sras dag de bzhin gshegs pa rnams ni chos bcu po de dag la sogs pa chos tha dad pa brgya stong tshad med pa yongs su rdzogs pa'i tshul yang dag
 par 'grub pa'i byed rgyu dag gis 'byung ngo zhes gsungs pa bzhin du blta bar bya'o/ /'jig rten gyi khams 'byung ba dang 'dra'o zhes bya ba ni/ de bzhin gshegs pa rnams kyi skye ba 'byung ba bstan pa de 'jug pa'i sgo rnam pa bcus 'jig rten gyi
 khams 'byung ba dang 'dra bar bstan pa ste/ de yang 'phags pa de bzhin gshegs pa skye ba 'byung ba bstan pa'i mdo las/ kye rgyal ba'i sras dag 'di lta ste/ dper na stong gsum gyi stong chen po'i 'jig rten gyi khams 'byung ba ni/ rgyu
 gcig gis 'byung ba ma yin/ byed rgyu gcig gis ma yin gyi/ rgyu tshad med pa dag dang/ byed rgyu tshad med pa dag dang/ yang dag par 'grub pa tshad med pa dag gis 'byung ste/ 'di lta ste/ stong gsum gyi stong chen po'i 'jig rten gyi
 khams su gtogs pa'i sems can rnams kyi lhan cig skyes pa'i las byas shing bsags pa dang/ byang chub sems dpa' rnams kyis dge ba'i rtsa ba'i stobs skyed pa dang/ de bzhin gshegs pa rnams kyis byin gyis
 brlabs dang chos nyid kyis thob bas 'di lta ste/ sprin chen po rnams kyis char dus las mi mnga' bar char legs par rab tu legs pa las kyang brten rlung gi dkyil 'khor chen po bzhi rgyun mi 'chad par ldang ba las kyang bstan
 nas te/ bzhi gang zhe na/ 'di lta ste/ rlung gi dkyil 'khor yongs su 'dzin pa zhes bya ba de tshu'i phung po phyi rol du mi 'phro bar bya ba'i phyir ldang ba dang/ rlung gi dkyil 'khor yongs su snyems pa zhes bya ba de nang gi chu'i phung po yongs su
 bskam pa'i phyir ldang ba dang/ rlung gi dkyil 'khor yongs su 'gyod pa zhes bya ba de gzhal med khang thams cad yongs su 'grub pa tshad med pa dag gis 'byung ba yang de las 'byung bar byed pa 'ga' yang med med kyi 'byung bar 'gyur
 ba yang yod do/ /kye rgyal ba'i sras dag de bzhin du de bzhin gshegs pa rnams kyi skye ba 'byung ba yang rgyu cig gis 'byung ba ma yin gyi/ rgyu tshad med pa dag dang byed rgyu tshad med pa dag gis 'byung bar 'gyur ba yang yod do/ /'di lta ste
 sngon gyi de bzhin gshegs pa rnams las chos kyi sprin chen po'i bar yang dag par rab tu 'bab pas ngos mi shes pa'i bsam pa la yang dag par dga' ba yang brten/ de bzhin gshegs pa'i ye shes kyi rlung gi dkyil 'khor chen
 po'i bzhi rgyun mi 'chad par ldang ba las kyang brten nas te/ bzhi gang zhe na/ 'di lta ste/ de bzhin gshegs pa'i ye shes kyi dkyil 'khor chen po dran pas yang dag par 'dzin cing gsungs kyis chud mi za ba rnam par g.yeng ba med pa
 zhes bya ba de bzhin gshegs pa thams cad kyi sprin chen po'i char yang dag par gzung ba'i phyir ldang ba dang/ de bzhin gshegs pa'i ye shes kyi rlung gi dkyil 'khor chen po zhi gnas dang/ lhag mthong mngon par grub pa zhes bya ba de nyon mong
 pa thams cad yongs su bskam pa'i phyir ldang ba dang/ de bzhin gshegs pa'i ye shes kyi rlung gi dkyil 'khor chen po yongs su bsngo ba la mkhas pa zhes bya ba de dge ba'i rtsa ba thams cad yongs su bsngo ba'i phyir ldang ba dang/ de bzhin
 gshegs pa'i ye shes kyi rlung gi dkyil 'khor chen pos sprul pa mngon par bsgrub pa'i bkod pa shin tu rnam par 'byes shing rnam par 'byes pa zhes bya ba de sngon yongs su smin par byas pa'i sems can rnams kyi lhan cig skyes pa'i dge
 ba'i rtsa ba yongs su sbyangs pa dang/ de bzhin gshegs pa'i zag pa med pa'i dge ba'i rtsa ba'i stobs skyed pa'i phyir ldang ba'o// //de dag la sogs pa rgyu tshad med pa dag dang/ byed rgyu tshad med pa dag dang/ chos nyid kyis 'thob pas 'byed
 yang de la byung bar byed ba 'ga' yang med mod kyi/ 'byung bar 'gyur pa yang yod de/ kye rgyal ba'i sras dag/ byang chub sems dpa' sems dpa' chen po 'jug pa'i sgo dang po des/ de bzhin gshegs pa dgra bcom pa yang dag par rdzogs pa'i
 sangs rgyas rnams kyi skye ba 'byung ba bstan pa khong du chud par bya'o zhes bya ba la sogs pa 'jug pa'i sgo rnam pa bcu gsungs pa bzhin du blta bar bya'o/ /sprul pa'i sku de 'byor pa ji lta bu dang ldan pa yin zhe na/ de'i phyir/ sprul pa'i sku'i
 mtshan nyid 'byung ba ni de bzhin gshegs pa'i yon tan bkod pa'i 'byung ba'i rgyan gyi rnam pa thams cad kyis byin gyis brlabs pa'i mtshan nyid du blta bar bya'o zhes bya ba gsungs pa ste/ de bzhin gshegs pa'i yon tan gyi bkod pa
 rnam pa thams cad dang ldan pa yin no zhes bya ba'i tha tshig go /de yang 'phags pa/ de bzhin gshegs pa skye ba 'byung ba bstan pa'i mdo las/ kye rgyal ba'i sras dag byang chub sems dpa' sems dpa' chen pos/ de bzhin
 gshegs pa dgra bcom pa yang dag par rdzogs pa'i sangs rgyas rnams kyis skye ba 'byung ba bstan pa ni 'di ltar khong du chud par bya ste/ spyad pa tshad med pa yang dag par sgrub pa'i phyir tshad med pa'i rjes su song bar khong du chud par bya'o/ /phyogs thams
 cad du khyab pa'i phyir rgya che bar khong du chud par bya'o/ /skye ba dang/ 'jig pa dang gnas pa dang/ bral ba'i phyir blang ba med pa dang dor ba med par khong du chud par bya'o/ /sems dang/ yid rnam par shes par sgro btags pa med pa'i phyir spros pa med
 pa dang/ spros pa dang bral bar khong du chud par bya'o/ /nam mkha' i ngo bo nyid yin pa'i phyir lus med par khong du chud par bya'o/ /sems can thams cad bdag med pa'i phyir mnyam par khong du chud par bya'o/ /zhing thams cad mi zad pa'i zhing
 yin pa'i phyir mi zad par khong du chud par bya'o/ /phyi ma'i mdza' i mur rgyun mi 'chad pa'i phyir mi zlog par khong du chud par bya'o/ /de bzhin gshegs pa'i ye shes la gnyen po med pa'i phyir mi 'phrogs par khong du chud par bya'o/ /'dus
 byas dang/ 'dus ma byas kyi chos mnyam par rtogs pa'i phyir gnyis su med par khong du chud par bya'o/ /sngon legs par yongs su smin par bya ba'i sems can gyi bsam pa'i khyad par yongs su rdzogs par mdzad pa'i phyir 'gro ba thams
 cad nye bar 'tsho ba'i khong du chud par bya ste/ kye rgyal ba'i sras dang/ /byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba bstan pa ni/ de
 dag la sogs pa rnam par byed ba'i bye brag bstan pa tshad med pa dag gi /khong du chud par bya'o zhes gsungs pa bzhin du blta bar bya'o/ /chos kyi sku la ni skye ba 'byung ba med do zhes bya ba ni chos kyi sku'i ngo bo nyid kyis rtag pa'i phyir te/ des ni de bzhin gshegs
 pa rnams kyi skye ba bstan pa zhes bya bas ni/ de bzhin gshegs pa rnams kyi gzugs kyi sku rnam gnyis 'jig rten du skye ba 'byung ba'i mtshan nyid yin par bstan to/ /de dag gis ni de bzhin gshegs pa'i sku la shin tu rmongs pa nor bar rtog pa'i
 gnyen por skye ba 'byung ba bstan pa bshad de/ nor bar rtog pa zhes bya bas ni/ de bzhin gshegs pa rnams skye ba 'byung ba bstan pa chos bcu la sogs pa chos tha dad pa brgya stong tshad med pa grangs med pa yongs su rdzogs pa'i tshul yang
 dag par 'grub pa'i byed rgyu dag gis 'byung ba dang 'jug pa'i sgo rnam pa bcus 'jig rten gyi khams 'byung ba dang 'dre ba dang/ de bzhin gshegs pa'i yon tan bkod pa'i rgyan gyi rnam pa thams cad kyis byin gyis brlabs pa'i mtshan nyid
 du mi shes pa ste/ de'i gnyen por de bzhin gshegs pa rnams kyi skye ba 'byung ba bstan pa'i mtshan nyid ji skad smos pa de dag ma nor bar bstan pa yin no/ /de bzhin gshegs pa rnams kyi skye ba 'byung bas bstan pa'i tshig gi don la sogs
 pa bshad zin to// //de'i 'og tu de bzhin gshegs pa rnams kyi sku ston pa mdzad pa'i tshig gi don la sogs pa bshad par bya ste/ sku ston pa zhes bya ba ni de bzhin gshegs pa rnams kyi sprul pa'i sku ston pa'i thabs las mkhas pa'o/
 de'i phyir de bstan pa'i dbang du mdzad nas/ bcom ldan 'das sprul pa'i sku ston pa'i thabs la mkhas pa gang lags par blta bar bgyi lags zhes bya ba zhus so/ /sprul pa'i sku ston pa'i thabs la mkhas pa ni/ zhes bya ba ni 'jig rten gyi khams
 rab 'byams ma lus pa thams cad du sangs rgyas 'byung ba thams cad kyi dang po dga' ldan gyi pho brang na bzhugs pa dang/ 'pho ba dang gshegs pa dang/ lhums na zhugs pa dang/ bltams pa dang/ gzhon nu rol pa
 dang/ btsun mo'i 'khor gyi nang na bzhugs pa dang/ mngon par 'byung ba dang/ dka' ba spyod pa dang/ byang chub kyi snying por gshegs pa dang/ bdud 'dul ba dang/ mngon par rdzogs par byang chub pa dang/ chos kyi 'khor lo bskor
 ba dang/ yongs su mya ngan las 'das pa chen po ston par mdzad pa phun sum tshogs pa ston pa'i thabs la mkhas pa gang yin pa ston to/ /stong gsum gyi stong chen po'i sangs rgyas kyi zhing thams cad du zhes bas ni 'jig
 rten gyi khams rab 'byams ma lus pa thams cad du sangs rgyas 'byung ba thams cad kyi mdzad pa ston te/ /bdag por grags pa zhes bya ba na rgyal pa'o/ /sbyin gnas su grags pa zhes bya ba ni rgyal po'i mdun na 'don no/ /mngal
 du 'jug pa zhes bya bas ni dang por dga' ldan na bzhugs pa dang/ 'pho ba dang gshegs pa bstan te/ gshegs pa nyid mngal du 'jug pa yin par sbyar ro/ /btsas pa zhes bya bas ni lhums na bzhugs pa dang/ bltams pa
 gnyis bstan to/ /skye ba zhes bya bas ni gzhon nu rol pa bstan to/ /'dod pa na spyod pa zhes bya bas ni btsun mo'i 'khor gyi nang na gzhugs pa bstan to/ /mngon par 'byung ba zhes bya bas ni mngon par 'byung ba bstan te/ khab nas
 rab tu byung ba'o/ /dka' ba spyod pa zhes bya bas ni dka' ba spyod pa bstan te/ lo drug tu dka' thub mdzad pa'o/ /de gtong ba zhes bya bas ni byang chub kyi snying por gshegs pa bstan te/ dka' ba spyod pa de btang ste/ dang por byang chub
 pa'i gnas nas rdo rje'i gdan la gshegs pa'o/ /mngon par rdzogs par byang chub pa'i rim pa zhes bya bas ni bdud 'dul ba dang/ mngon par rdzogs par byang chub pa dang/ chos kyi 'khor lo bskor ba dang/ yongs su mya ngan las 'das
 pa chen po ston pa bstan to/ /kun tu ston pa yin par blta bar bya'o zhes bya bas ni mdzad pa de dag kyang stong chen po'i 'jig rten gyi khams gcig dga' ldan gyi gnas bye ba phrag brgya na 'dzam bu'i gling bye ba phrag brgyar dus gcig tu rim gyis
 mdzad pa ston pa dang/ gdul bya'i skal pa ji lta ba bzhin du 'jig rten gyi khams rab 'byams ma lus pa thams cad du yang de bzhin ston pa bstan to/ /de bzhin gshegs pa rnams kyi sku ston pa'i thabs la mkhas pa de ni mdzad pa re re la
 yang 'jug pa'i sgo rnam pa bcu bcus khong du chud par bya ste/ de yang 'phags pa de bzhin gshegs pa skye ba 'byung ba bstan pa'i mdo las/ de skad ces smras pa dang/ byang chub sems dpa' sems dpa' chen po de bzhin gshegs pa'i rigs
 su byung ba'i dpal gyis/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras dag byang chub sems dpa' chen pos de bzhin gshegs pa dgra bcom pa yang dag par rdzogs pa'i
 sangs rgyas rnams kyi sku ston pa ji ltar khong du chud par bya/ de skad ces smras pa dang/ byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs pa'i rigs su gyur pa'i
 dpal la 'di skad ces smras so/ /kye rgyal ba'i sras dag byang chub sems dpa' chen po/ /de bzhin gshegs pa dgra bcom pa yang dag par rdzogs pa'i sangs rgyas rnams kyi sku ston pa ni tshad med pa'i rjes su song bar khong du chud
 par bya'o/ /de ci'i phyir zhe na/ rgyal ba'i sras dag de bzhin gshegs pa rnams kyi sku ston pa ni chos gcig las sam/ sku gcig las sam/ byams pa gcig las sam/ zhing gcig las sam/ sems gcig las sam/ byed
 rgyu gcig las khong du chud par bya ba ma yin gyi/ thams cad kyi rjes su song ba khong du chud par bya ba'i phyir ro/ /kye rgyal ba'i sras dag 'di lta ste/ dper na nam mkha' i khams ni thams cad kyi rjes su song ba ste/ gzugs can dang gzugs
 can ma yin pa'i dngos po thams cad kyi rjes su song yang gang du yang song ba med pa gang nas kyang 'ong ba med de/ de ci'i phyir zhe na/ nam mkha' ni lus med pa'i phyir ro/ /kye rgyal ba'i sras dag de bzhin du de bzhin gshegs pa rnams kyi
 sku yang thams cad du song ba ste/ sems can thams cad dang chos thams cad dang zhing thams cad kyi rjes su song yang gang du yang song ba med la gang nas kyang 'ong ba med de/ de ci'i phyir zhe na/ de bzhin gshegs pa rnams kyi sku ni lus med
 pa'i phyir ro/ /'on kyang sems can gyi rnam par rig pa la/ brten nas de bzhin gshegs pa rnams kyi gzugs kyi sku snang bar yang 'gyur te/ kye rgyal ba'i sras dag byang chub sems dpa' sems dpa' chen pos 'jug pa'i sgo dang po
 de bzhin gshegs pa dgra bcom pa yang dag par rdzogs pa'i sangs rgyas rnams kyi sku ston pa khong du chud par bya'o/ /zhes bya ba la sogs pa 'jug pa'i sgo rnam pa bcu gsungs pa bzhin du blta bar bya'o/ /de bzhin gshegs pa
 rnams kyis sku ston pa bstan pa'i tshig gi don la sogs pa bshad zin to// //de'i 'og tu de bzhin gshegs pa rnams kyi gsung brjod pa bstan pa'i tshig gi don la sogs pa bshad par bya ste/ gsung brjod pa ni zhes bya ba ni chos
 kyi sku'i byin gyis brlabs las byung ba gzugs kyi sku rnam pa gnyis las gdul ba rnams kyi bsam pa ji lta ba bzhin du sde snod gsum bstan pa'i gsung 'byung ba'o/ /de'i phyir bstan pa'i dbang du mdzad nas/ bcom ldan 'das de bzhin
 gshegs pa'i byin gyis brlabs kyis sku gsung gang dag brjod pas zhes bya ba la sogs pa gsungs te/ 'di man chad ni 'dul ba sde snod gdags pa la shin tu rmongs pa rnams kyis gnyen po de ma nor bar bstan pa bstan to/ /de la de bzhin
 gshegs pa'i byin gyis brlabs kyis skus zhes bya bas ni chos kyi sku byin gyis rlabs las byung ba gzugs brnyan gyi sku rnam gnyis so/ /'dul ba'i khams zhes bya ba ni rang bzhin gyis gnas pa'i rigs dang ldan pa'i sems can gyi khams
 rnam par dag pa thag ring ba las bye brag tu byung ba ste/ yang dag par sgrub pa'i rigs dang ldan pa'i 'dul ba'i khams rnam par dag pa dag nye ba la bya'o/ /yongs su ma smin pa zhes bya ba ni 'dod chags dang/ zhe sdang dang/ gti mug dang/ nga rgyal la
 sogs pa shas che bas da dung yongs su smin pa chung ngu dang/ 'bring dang/ chen po gang la yang mi gnas pa'o/ /yongs su smin par mdzad la zhes bya ba ni mi sdug pa dang/ byams pa dang/ rten cing 'brel par 'byung ba dang/ khams rab tu dbye
 ba la sogs pa'i dmigs pas yongs su smin pa chung ngu dang/ 'bring dang/ chen po la gnas par mdzad pa'o/ /yongs su smin pa zhes bya bas ni yongs su smin pa chung ngu dang/ 'bring dang/ chen po la gnas pa de'i mjug thogs su rnam par
 grol bar byad? rung ba'o/ /dmigs pa de nyid kyis zhes bya ba ni mi sdug pa dang/ byams pa dang/ rten cing 'brel par 'byung ba dang/ khams rab tu dbye ba'i dmigs pa la sogs pa gang gis su smin par byung pa de nyid kyis so/ /rnam par grol
 bar mdzad pa zhes bya ba ni skal ba ji lta ba bzhin du theg pa gsum gyi lam gyi rnam par grol ba chung ngu dang/ 'bring dang/ chen po thob par mdzad pa ste/ dper na 'dod chags dang/ zhe sdang dang gti mug dang/ nga rgyal la
 sogs pa'i shas che ba'i gdul bya mdzes dga' bo dang/ sor phreng dang/ lteng rgyas 'od srungs dang/ rgyal po chen po ka pi na la sogs pa mi sdug pa dang/ byams pa dang rten cing 'brel bar 'byung ba dang/ khams rab tu dbye ba'i dmigs
 pa la sogs pas yongs su smin par mdzad nas dmigs pa de nyid kyis rnam par grol bar mdzad pa la sogs pa lta bu'o/ /gsung brjod pa du zhig brjod par mdzad lags zhes bya ba ni gsung gi yan lag mdza' yas mod kyi sde
 snod bsdu ba'i tshul khrims gsung brjod pa du zhig brjod par mdzad lags zhes zhus pa yin no/ /'jam dpal de bzhin gshegs pa'i gsung brjod pa ni gsum po 'di dag yin te/ mdo sde brjod pa dang 'dul ba brjod pa dang/
 ma mo brjod pa'o zhes bya ba yang sde snod bsdu ba'i tshul khrims rnam pa gsum du bstan pa yin no/ /mdo sde dang/ 'dul ba dang/ ma mo'i rnam grangs dang/ nges pa'i tshig dang/ rab tu dbye ba mdza' yas pa dag las gang brjod kyang
 rung ste/ re re zhing yang 'jug pa'i sgo rnam pa bcu bcus khong du chud par bya ste/ de yang 'phags pa de bzhin gshegs pa skye ba 'byung ba bstan pa'i mdo las de skad ces smras pa dang/ byang chub sems dpa' sems dpa' chen po de
 bzhin gshegs pa'i rigs su 'byung ba'i dpal? gyis/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras dag byang chub sems dpa' sems dpa' chen pos de bzhin
 gshegs pa dgra bcom pa yang dag par rdzogs pa'i sangs rgyas kyi gsung brjod pa ji ltar khong du chud par bya/ de skad ces smras pa dang/ byang chub sems dpa' sems dpa' chen po kun tu bzang pos/ byang chub sems dpa' sems dpa' chen po
 de bzhin gshegs pa'i rigs su 'byung ba'i dpal la 'di skad ces smras so/ /kye rgyal ba'i sras dag byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi
 gsung brjod pa ni dbyangs kyi dkyil 'khor tshad med pas khyab pa'i phyir thams cad kyi rjes su song ba khong du chud par bya'o/ /chos bstan pas mgu bar mdzad pa'i phyir sems can thams cad bsam pa ji lta ba bzhin du yang dag par tshim par
 mdzad par khong du chud par bya'o/ /sems rab tu tshim bar mdzad pas 'khor gyi dkyil 'khor thams cad mos pa ji lta ba bzhin du mgul bar mdzad par khong du chud par bya'o/ /dus las mi 'da' ba' i phyir ji lta ba bzhin du mgu bar mdzad
 par khong du chud par bya'o/ /brag cha dang 'dra ba'i phyir rtag tu skye ba med pa dang/ 'gag pa med par khong du chud par bya'o/ /sems can gyi las nye bar bsags pa brjod par mdzad pa'i phyir bdag po med par khong du chud par bya'o/ /gting dpag dka' 
 ba'i phyir zab pa dang ldan par khong du chud par bya'o/ /chos kyi dbyings la nges par rtog pa'i phyir ma choms par khong du chud par bya'o/ /chos kyi dbyings la yang dag par gzhol pa'i phyir rgyun mi 'chad par khong du chud par bya'o/ /shin tu mthar
 thug pa'i phyir bskyod du med par khong du chud par bya ste/ de bzhin gshegs pa rnams kyi gsung brjod pa ni bdag po yod pa yang ma yin/ bdag po med pa 'ang ma yin/ rnam par rig pa yod pa'ang ma yin/ rnam par rig pa med pa 'ang
 ma yin par khong du chud par bya'o/ /de ci'i phyir zhe na/ rgyal ba'i sras dag 'di lta ste/ dper na 'jig rten gyi khams 'jig par 'gyur ba'i tshe chos nyid kyis thob pas sgra skad chen po bzhi 'byung ba de dag ni bdag
 po med pa dag gi med pa 'dzin pa med pa ste/ bzhi gang zhe na/ kye rgyal ba'i sras dag 'jig rten gyi khams 'jig par 'gyur pa'i tshe chos nyid kyis thob pas kye ma grogs po dag bsam gtan dang po'i ni bde bar 'dod pa
 dang/ gnod sems dang bral ba ste/ 'dod pa'i khams las yang dag par 'da' bar 'gyur ba'o zhes de lta bu'i sgra skad chen po dang po de 'byung ste/ sems can rnams kyis sgra de thos nas bsam gtan dang po bsgrubs te/ 'dod
 pa'i khams las yang dag par 'das nas tshangs pa'i 'jig rten du skye'o/ /de nas kyang chos nyid kyis thob pas kye ma grogs po dag bsam gtan gnyis pa ni bde ba rtog pa med pa dpyod pa med pa ste/ tshangs ris kyi lha las
 yang dag par 'da' bar 'gyur ba'o zhes de lta bu'i sgra skad chen po gnyis po de 'byung ste/ sems can rnams kyis sgra de thos nas bsam gtan gnyis pa bsgrubs te/ tshangs ris kyi lha las yang dag par 'das nas 'od gsal
 gyi lha rnams dang skal pa mnyam par skye'o de nas kyang chos nyid kyi thob pas kye ma grogs po dag bsam gtan gsum pa ni bde ba dga' ba med pa ste/ 'od gsal gyi lha las yang dag par 'da' par 'gyur ro zhes de lta bu'i sgra skad
 chen po de 'byung ste/ sems can rnams kyis sgra de thos nas bsam gtan gsum pa bsgrubs te/ 'od gsal gyi lha las yang dag par 'das nas/ dge rgyas kyi lha rnams dang skal ba mnyam par skye'o/ /de nas kyang chos nyid kyis
 thob pas kye ma grogs po dag bsam gtan bzhi pa ste/ dge rgyas kyi lha las yang dag par 'da' bar 'gyur ba'o zhes de lta bu'i sgra skad chen po bzhi po de 'byung ste/ sems can rnams kyis sgra de thos nas bsam gtan bzhi pa bsgrubs ste/ dge rgyas kyi
 lha las yang dag par 'das nas 'bras bu che ba'i lha rnams dang skal ba mnyam par skye'o/ /kye rgyal ba'i sras dag de ltar 'jig rten gyi khams 'jig par 'gyur ba'i tshe chos nyid kyis thob pas sgra skad chen po bzhi 'byung ba de dag ni bdag po med
 pa bdag gi med pa 'dzin pa med kyang sgra de dag ni yon tan tshad med pa de dag dang ldan pa yin no/ /kye rgyal ba'i sras dag de bzhin du de bzhin gshegs pa rnams las chos nyid kyis thob pas de bzhin gshegs pa'i gsung gi sgra skad chen po bzhi 'byung
 ba de dag kyang bdag po med par rjod par byed pa med pa ma spros pa ma blangs pas 'khor ba yin te/ bzhi gang zhe na/ 'di lta ste/ chos nyid kyis thob pas kye ma grogs po dag 'du byed 'di dag thams cad ni sdug bsngal ba'o/ /sems can dmyal ba dang dud 'gro'i
 skye gnas ni sdug bsngal ba'o/ /gshin rje'i 'jig rten ni sdug bsngal ba'o/ /bsod nams ma byas pa ni sdug bsngal ba'o/ /bdag gir 'dzin pa ni sdug bsngal ba'o/ /sdig pa'i las spyod pa ni sdug bsngal ba ste/ lha dang mir skye ba'i phyir dge ba'i rtsa ba
 dag skad cig/ 'phags pa'i gnas yongs su zung zhig/ mi khom par skye ba rnam par spongs shig ces de lta bu'i sgra skad chen po dang po de 'byung ste/ sems can rnams kyis sgra de thos nas de bzhin nyid du sgrub par byed cing de bzhin nyid du bsgrub nas dge ba'i
 rtsa ba spyod par byed ste/ dge ba'i rtsa ba spyod pa la zhugs pa na mi khom par skye ba yongs su spong bar byed cing lha dang mi'i phun sum tshogs pa yongs su 'dzin par byed do/ /de nas yang chos nyid kyis thob pas kye ma grogs po dag 'du byed 'di dag thams
 cad ni sdug bsngal ba kun tu 'bar ba rab tu 'bar ba/ kun tu rab tu 'bar bar kun nas me lcer gyur ba/ me lce gcig tu gyur pa lcags kyi thu lum dang 'dra bar mi rtag par 'gyur ba'i chos can no/ /'dus ma byas ni zhi ba ??
 med pa bsil bar gyur pa yongs su gdung ba thams cad dang bral ba'o zhes de lta bu'i sgra skad chen po gnyis pa de 'byung ste/ sems can rnams kyis sgra de thos nas dge ba'i chos la mngon par brtson par byed cing mngon par brtson pa na nyan
 thos kyi theg pa la sgra'i rjes su 'gro ba'i bzod pa thob par gyur to/ /de nas yang chos nyid kyis thob pas kye ma grogs po dag nyan thos kyi theg pa 'di ni chung ba gzhan las nyan pa'i sgra'i rjes su 'gro ba'o/ /de bas ches? rgya che ba'i theg
 pa yod te/ 'di lta ste/ rang sangs rgyas kyi theg pa slob dpon med par rang gis mngon par rdzogs par byang chub pa'o? zhes de lta bu'i sgra skad chen po gsum pa de 'byung ste/ sems can ches rgya chen po la mos pa rnams kyis sgra
 de thos nas nyan thos kyi theg pa spangs te/ rang sangs rgyas byang chub bar bya ba'i phyir nan tan du byed do/ /de nas yang de bzhin gshegs pa las chos nyid kyis thob pa'i kye ma grogs po dag theg pa chen po ni nyan thos dang rang
 sangs rgyas kyi theg pa las yang dag par 'das pa/ byang chub sems dpa' i spyod pa dang mthun pa byang chub sems dpa' i pha rol tu phyin pa drug rgyun mi 'chad pa/ 'khor ba dpag tu med pa yongs su 'dzin pa bsod nams dang
 ye shes kyi tshogs mdza' yas pa yongs su rdzogs pa de/ nyan thos kyi theg pa ni gzhan gyi sgra'i rjes su 'brang ba'o/ /rang sangs rgyas kyi theg pa ni chung ba'o/ /theg pa chen po ni theg pa dam pa theg pa gtso bo theg pa rab?
 mchog/ theg pa bla na med pa/ sems can thams cad nye bar 'tsho ba'i theg pa'o zhes de lta bu'i sgra skad chen po bzhi po de 'byung ste/ sems can ches shin tu rgya chen po la mos pa dbang po rno ba sngon dge ba'i rtsa ba skyed pa/ de bzhin gshegs pa'i phyir
 gyis brlabs kyis brlabs pa rnams kyis sgra de thos nas lhag pa'i bsam pas de bzhin gshegs pa nyid dang/ rang byung nyid kyi phyir bla na med pa yang dag par rdzogs pa'i byang chub tu sems skyed par byed de/ de bzhin gshegs pa'i gsung de yang
 sku las byung ba ma yin/ thugs las byung ba ma yin mod kyi/ sems can rnams kyi dge ba'i las shin tu bsags pa rnam par rig par yang mdzad pa'i phyir ro/ /kye rgyal ba'i sras dag byang chub sems dpa' sems dpa' chen pos 'jug pa'i sgo
 dang po des de bzhin gshegs pa dgra bcom pa yang dag par rdzogs pa'i sangs rgyas rnams kyi gsung brjod bas khong du chud par bya'o zhes bya ba la sogs pa 'jug pa'i sgo rnam pa bcu gsungs bzhin du blta bar bya'o/ /de nas 'phags pa 'jam
 dpal gyis mdo sde dang 'dul ba dang ma mo'i mtshan nyid rgya cher bstan pa'i dbang du mdzad nas/ bcom ldan 'das mdo de ni gang lags/ 'dul ba ni gang lags/ ma mo ni gang lags zhes bya ba zhus so/ /'di lta ste dngos gzhi 'am zhes bya bas ni
 bye brag ba brtags pa 'am/ khas len pa dang/ sgrub pa dang/ mthar thug pa ston te/ de tsam gyis thams cad bsdus pa yin no/ /dgu 'am zhes bya bas ni phung po rnams dang/ skye mched rnams dang/ khams rnams dang/ zas rnams dang/ bden pa rnams
 dang/ rten cing 'brel bar 'byung ba rnams dang/ dkon mchog gsum po/ /sangs rgyas dkon mchog dang/ chos dkon mchog dang/ dge 'dun dkon mchog ston te rim bzhin du sbyar ro/ /nyi shu rtsa dgu zhes bya bas ni kun nas nyon mongs pa dang rnam par
 byad pa'i phyogs kyi dngos po bsdu ba ston to/ /dbang du byas nas zhes bya bas ni de dag la brten nas zhes bya ba'i tha tshig ste/ de yang skabs kha cig tu ni dngos po gcig la bsten nas so/ /kha cig tu ni gnyis la brten nas so/ /kha
 cig tu ni mang po la brten nas te mdo sde thams cad dang ci rigs par sbyar ro/ /chos rnams kyi zhes bya ba ni rang dang spyi'i mtshan nyid 'dzin pa'i chos kun nas nyon mongs pa dang rnam par byad pa'i rab tu dbye ba 'di lta ste/ gzugs can rnams
 dang/ gzugs can ma yin pa rnams dang/ bstan tu yod pa rnams dang/ bstan du med pa rnams dang/ thogs pa dang bcas pa rnams dang/ thogs pa med pa rnams dang/ bstan du med pa thogs pa med pa rnams dang/ bstan du yod pa
 thogs pa dang bcas pa rnams dang/ zag pa dang bcas pa rnams dang/ zag pa med pa rnams dang/ nyon mongs pa dang bcas pa rnams dang/ nyon mongs pa can ma yin pa rnams dang/ zang zing dang bcas pa rnams dang/ zang zing med pa rnams
 dang/ zhen pa la bsten pa rnams dang/ mngon par 'byung ba la brten pa rnams dang/ 'jig rten pa rnams dang/ 'jig rten las 'das pa rnams dang/ rtogs pa rnams dang/ ma rtogs pa rnams dang/ 'dus byas rnams dang/ 'dus ma byas rnams dang/ shes
 par bya ba rnams dang/ rnam par shes par bya ba dang/ dmigs pa rnams dang/ rnam par gnas pa 'dren pa'i chos rnams dang/ rnam par smin pa dang bcas pa rnams dang/ rnam par smin pa rnams dang/ rgyu dang bcas pa rnams dang/ rgyu med pa rnams
 dang/ 'bras bu dang bcas pa rnams dang/ 'bras bu med pa rnams dang/ rten cing 'bral par 'byung ba'i chos rnams dang/ nang gi rnams dang/ phyi'i rnams dang/ phyi rol gyi rnams dang/ ming dang gzugs kyis bsdus pa rnams dang/ zin pa rnams
 dang/ ma zin pa rnams dang/ 'byung ba chen po rnams rgyur byas pa dang/ 'byung ba chen po rnams rgyur byas pa ma yin pa dang/ srid pa rnams dang/ srid pa ma yin pa rnams dang/ bla na yod pa rnams dang/ bla na med pa rnams dang/ bsgom par bya ba rnams dang/ 'das pa
 rnams dang/ ma 'ongs pa rnams dang da ltar byung ba rnams dang/ 'dod pa dang ldan pa rnams dang/ gzugs dang ldan pa rnams dang/ gzugs med pa dang ldan pa rnams dang/ dge ba rnams dang/ mi dge ba rnams dang/ lung du ma bstan pa rnams dang/ slob
 pa rnams dang/ mi slob pa rnams dang/ slob ba yang ma yin mi slob pa yang ma yin pa rnams dang/ mthong bas spang bar bya ba rnams dang/ bsgom pas spang bar bya ba rnams dang/ spang bar bya ba ma yin pa rnams dang/ zab mo mthong bar dka' ba'i chos
 rnams kyi rab tu dbye ba rnam par bzhag pa rnams kyi'o/ /dngos po bsdu ba tsam ngas gang du bstan pa de ni mdo sde yin no zhes bya bas ni don mdor bstan pas na mdo sde zhes bya'o/ /gsung rab tu gtogs pa yan lag bcu gnyis pa gleng gzhi'i sde dang
 gtan las dbab par bstan pa'i sde gnyis ma gtogs pa lhag ma bcu dang/ spyir ci rig pas sbyar ro/ /dngos po bzhi gang zhe na/ 'di lta ste zhes bya ba la sogs pa'i dngos po zhes bya bas ni bye brag tu rtogs pa bstan te/ de yang byang chub sems dpa' 
 thos pa yongs su tshol ba na ci zhig tshol zhe na mdor sdu na byang chub sems dpa' i sde snod dang/ nyan thos kyi sde snod dang/ phyi rol gyi bstan bcos dang/ 'jig rten pa'i bzo dang/ las kyi gnas zhes bya ba rnams tshol lo/ /de la byang chub sems dpa' i sde
 snod na gsung rab tu gtogs la yan lag bcu gnyis las shin tu rgyas pa'i sde zhes bya ba yin no/ /nyan thos kyi sde snod ni yan lag thams cad lhag ma rnams yin no/ /phyi rol gyi bstan bcos ni rnam pa gsum ste/ gso ba'i bstan bcos dang/ gtan
 tshigs kyi bstan bcos dang/ sgra'i bstan bcos so/ /'jig rten pa'i bzo dang las kyi gnas shes pa ni rnam pa bcu gnyis te/ snams su byas pa'i bzo dang/ nyo tshod gi bzo'o/ /rgyal po'i zha 'bring bya pa'i bzo dang/ ya ga dang ru? sa dang/ shong??
 'god pa dang/ grangs dang lag rtsis kyi bzo dang/ ltas sur lta pa'i bzo dang/ blo gros kyi bzo dang/ drungs kyi bzo dang/ bskyed pa'i bzo dang/ sbyar ba'i bzo dang/ g.yos byas pa'i bzo dang/ /rol mo ?? bzo'o/ /byang chub sems dpas btsal bar bya ba
 de dag gang mdor bsdu na rig pa'i gnas lnga po nang gi rig pa dang/ gso ba'i rig pa dang/ gtan tshigs kyi rig pa dang/ sgra'i rig pa dang/ bzo dang las kyi gnas kyi rig pa dag yin te/ byang chub sems dpa' thos pa yongs su tshol bas thos
 pa'i dngos por rig pa'i gnas lnga po de dag btsal na mkhas par bya ba sna tshogs dag bye brag tu gtogs par 'gyur ba des ni bye brag tu rtogs pa bstan to/ /skyabs su 'gro ba'i dngos po zhes bya bas ni khas len pa bstan te/ de yang byang chub
 sems dpa' gsum la skyabs su 'gro bar khas len pas ni gnas lnga po lus kyi las yongs su dag pa dang/ dag gi las yongs su dag pa dang/ yid kyi las yongs su dag pa dang/ sems can rnams la snying rje chen po dang/ bla na med pa
 dang ldan pa nyid kyis skyabs kyi 'os nye bar brtags nas skyabs su 'gro bar bya ste/ de la skyabs su 'gro bar bya ba ni du/ rgyu gang gis na de dag nyid la skyabs su 'gro/ ji tsam gyis na skyabs su song ba yin/ skyabs su song bas ji ltar ni bsgrub par bya/
 skyabs su song ba'i phan yon ni gang zhe na/ skyabs su 'gro bar bya ba ni gsum ste/ sangs rgyas dkon mchog dang/ chos dkon mchog dang/ dge 'dun dkon mchog go/ rgyu bzhis na de dag nyid la skyabs su 'gro ste/ sangs rgyas dkon mchog de? shin? tu
 dul ba'i bdag nyid yin la rnam pa thams cad du gdul bya'i gdul pa'i thabs la mkhas pa dang/ thugs rje che ba dang/ zang zing gi mchod pa thams cad kyis mnyes par bya ba ma yin pa dang/ bsgrub pa'i mchod pas mnyes par bya ba yin pas so/ /de lta bus bstan?
 pa'i chos dkon mchog dang/ de'i gsung las skyes pa'i dge 'dun dkon mchog kyang rnam pa de lta bu kho nas skyabs su 'os pa yin no/ /rgyu bzhis na skyabs su song ba yin te/ yon tan shes pa dang/ khyad par shes pa dang/ khas blangs pa dang/ skyabs bzhin??
 mi smra bas so/ /skyabs su song ba'i yang dag pa'i sgrub pa ni rnam pa bzhi ste/ skyes bu dam pa la legs par brten pa dang/ dam pa'i chos mnyan pa dang/ tshul bzhin yid la bya ba dang/ chos kyi rjes su mthun pa'i chos sgrub pa'o/ /gzhan yang yang dag
 pa'i sgrub pa rnam pa bzhis te/ dbang po mi rgod par bya ba dang/ bslab pa'i gzhi yang dag par blang bar bya ba dang/ sems can rnams la snying rje bar bya ba dang/ dus dus su dkon mchog mchod pa la brtson par bya'o/ /skyabs su song ba'i phan yon ni
 bzhi ste/ bsod nams rgya chen po thob pa dang/ dga' ba dang mchog tu dga' ba rgya chen po thob pa dang/ ting nge 'dzin thob pa dang/ rnam par dag pa thob pa'o/ /gzhan yang phan yon bzhi ste/ bsrung ba chen po dang ldan pa dang/ log par mos pa'i sgrib pa
 thams cad bsrabs pa dang/ yongs su zad pa dang/ yongs su rtogs pa thob pa dang/ dam pa yang dag par song pa skyes bu dam pa rnams kyi nang du bgrang bar gyur pa dang stan pa dang/ tshangs pa mtshungs par spyod pa rnams dang/ bstan pa la mngon
 par dad pa'i lha rnams kyi yid du 'ong zhing dga' bar 'gyur ba'o/ /de ltar byang chub sems dpa' gsum la skyabs su 'gro ba ni/ skyabs su gzhan khas mi len par dkon mchog gsum la skyabs su 'gro bar khas len pa'i phyir des ni khas len pa 
 ston to/ /bslab pa'i dngos po zhes bya bas ni sgrub pa bstan ste/ de yang byang chub sems dpa' rnams gang la slob pa dang/ ji ltar slob pa dang/ gang dag slob pa de dag thams cad gcig tu bsdus pa ni byang chub sems dpa' i
 spyod pa zhes bya ste/ de nyid bslab pa'i dngos po yang yin sgrub pa 'ang yin no/ /de la byang chub sems dpa' rnams gang la slob ces na/ gnas bdun la slab ste/ bdag gi don dang/ gzhan gyi don dang/ de kho na'i don dang/ mthu dang/ sems
 can yongs su smin par bya ba dang/ rang gi sangs rgyas kyi chos yongs su smin par bya ba dang/ bla na med pa yang dag par rdzogs pa'i byang chub la slab pa'o/ /de la bdag gi don gang zhe na/ rnam pa bcu ste/ 'ba' zhig pa dang/ gzhan dang
 'brel ba dang/ phan pa'i rgyu dang/ bde ba'i rgyu dang/ rgyur bsdus pa dang/ 'bras bur bsdus pa dang/ tshe 'di pa dang/ tshe rabs gzhan pa dang/ gtan du ba dang/ gtan du ba ma yin pa'o/ /gzhan gyi don gang zhe na/ de yang rnam pa bcu ste//
 bdag gi don gyi gnas skabs su bstan pa bcu po de dag nyid gzhan gyi don du sbyar ba yin no/ /de kho na'i don gang zhe na/ mdor bsdu na rnam pa gnyis te/ ji lta ba bzhin du yod pa nyid las brtsams te chos rnams kyi yang dag pa nyid gang
 yin pa dang/ ji snyed yod pa nyid las brtsams te chos rnams kyis thams cad mkhyen pa nyid gang yin pa te/ de ltar yang dag pa nyid dang thams cad nyid ni chos rnams kyi de kho na'i don mdza' dag yin par rig par bya'o/ /de yang rab tu
 dbye na rnam pa bzhi ste/ 'jig rten gyi grags pa'i de kho na dang/ rigs pas grags pa'i de kho na dang/ nyon mongs pa'i sgrib pa rnam par dag pa'i shes pa'i spyod yul gyi de kho na dang/ shes bya'i sgrib pa rnam par dag pa'i shes pa'i spyod yul
 gyi de kho na'o/ /de dag las dang po gnyis ni tha ma'o/ /gsum pa ni 'bring bzhi pa ni mchog yin par rig par bya'o/ /mthu gang zhe na/ rnam pa lnga ste/ /mngon par shes pa'i mthu dang/ chos kyi mthu dang/ lhan cig skyes pa'i mthu dang/ thun mong gi mthu dang/ thun
 mong ma yin pa'i mdza' o/ /sems can yongs su smin par bya ba gang zhe na/ de yang rnam pa drug ste/ ngo bo nyid dang/ yongs su smin par bya ba'i gang zag dang/ yongs su smin pa'i rnam par dbye ba dang/ yongs su smin par bya ba'i thabs dang/ yongs su smin
 par bya ba'i gang zag dang/ yongs su smin par byed pa'i gang zag gi mtshan nyid do/ /rang gi sangs rgyas kyi chos yongs su smin par byed pa gang zhe na/ de yang rnam pa drug ste/ sems can yongs su smin par bya ba'i thabs su bstan pa drug pa de dag
 nyid rang gi sangs rgyas kyi chos yongs su smin par bya bar sbyar ba yin no/ /bla na med pa yang dag par rdzogs pa'i byang chub gang zhe na rnam pa lnga ste/ ngo bo nyid dang/ dam par gyur pa dang/ yon tan dang/ 'byung ba dang khyad par gyis rig par bya'o/ /de las
 ngo bo nyid ni spangs pa phun sum tshogs pa dang/ ye shes phun sum tshogs pa dang/ sangs rgyas kyi chos ma 'dres pa dang/ che ba nyid thams cad dang ldan pa'o/ /dam par gyur pa ni dam pa rnam pa bdun po sku dam pa dang/ sgrub pa dam pa dang/ phun
 sum tshogs pa dam pa dang/ ye shes dam pa dang/ mthu dam pa dang/ spangs pa dam pa dang/ gnas pa dam pa dang ldan pa'o/ /yon tan ni de bzhin gshegs pa dgra bcom pa yang dag par rdzogs pa'i sangs rgyas rig pa rang zhabs su ldan pa/
 bde bar gshegs pa/ 'jig rten mkhyen pa/ skyes bu 'dul ba'i kha lo sgyur pa'o/ /bla na med pa/ lha dang mi rnams kyi ston pa sangs rgyas bcom ldan 'das zhes bya'o/ /'byung ba ni 'jig rten gyi khams gcig tu gnyis mi 'byung ba dang/ 'jig rten gyi
 khams thams cad du don mdzad pa dang/ 'jig rten thams cad na sangs rgyas 'byung ba srid pa la sogs pa'o/ /khyad par ni sangs rgyas thams cad khyad par bzhi po sku tshe dang mtshan dang/ gdung dang gzugs kyi sku ma gtogs
 par thams cad mtshungs par mnyam ste/ khyad par med pa'o/ /de la byang chub sems dpa' rnams ji ltar slob ce na/ de yang rnam pa bdun te/ mos pa mang bar bya ba dang/ chos btsal par bya ba dang/ chos bstan par bya ba dang/ chos kyi
 rjes su mthun pa'i chos sgrub par bya ba dang/ legs par gdams shing rjes su bstan par bya ba dang/ legs par gdams shing rjes su bstan pa la gnas par bya ba dang/ thabs kyis yongs su zin pa'i lus dang/ ngag dang/ yid
 kyi las can du bya'o/ /de la ji ltar mos pa mang bar bya zhe na/ byang chub sems dpa' rnams kyis mos pa'i gnas brgyad po/ /mchog gi gnas dang/ rgya che ba'i gnas dang/ zab pa'i gnas dang/ rgyu rigs pa'i gnas dang/ 'bras bu
 rigs pa'i gnas dang/ rtogs par bya ba'i gnas dang/ bsgrub par bya ba'i gnas dang/ bshad par bya ba'i gnas/ dkon mchog gsum gyi yon tan dang/ sangs rgyas dang byang chub sems dpa' i mthu dang/ de kho na'i don dang/ lam la
 gnas pa dang/ 'bras bu thob pa dang/ bla na med pa'i byang chub dang/ byang chub sems dpa' i bslab pa dang/ legs par gsungs pa'i chos mdo'i sde la sogs pa la byang chub sems dpa' rnams kyi mos pa'i khams sangs
 rgyas kyi chos rnams la thob par nus par yid ches pas rab tu phye bas mos pa med par bya'o/ /ji ltar chos btsal bar bya zhe na/ byang chub sems dpa' tshol bas ci zhig tshol/ ji ltar tshol/ ci'i phyir tshol zhe na/ mdor bsdu na/
 byang chub sems dpa' ni byang chub sems dpa' i sde snod dang/ nyan thos kyi sde snod dang/ phyi rol gyi bstan bcos dang/ 'jig rten pa'i bzo dang/ las kyi gnas shes pas bsdus pa rig pa'i gnas lnga'o/ /nang gi rig pa dang gso ba'i rig pa
 dang/ gtan tshigs kyi rig pa dang/ sgra'i rig pa dang/ bzo dang las kyi gnas kyi rig pa dag tshol lo/ /ji ltar tshol zhe na/ mdor bsdu na byang chub sems dpa' ni rnam pa gsum gyis chos tshol te/ gus pa chen po nye bar gzhog pa dang/ 'gro ba phun
 sum tshogs pa dang/ nyan pa phun sum tshogs pas so/ /ci'i phyir tshol zhe na/ mdor bsdu na byang chub sems dpa' i rig pa'i gnas lnga po de dag tshol ba ni bla na med pa'i byang chub kyi ye shes kyi tshogs chen po yongs su rdzogs par bya ba'i
 phyir tshol lo/ /ji ltar chos bstan par bya zhe na/ byang chub sems dpa' chos ston pa ci zhig ston/ ji ltar ston/ ci'i phyir ston ce na/ gang btsal ba de nyid ston te/ /gang gi phyir btsal ba de nyid kyi phyir ston to/ /ji ltar ston ce na/ rnam pa gnyis
 kyis ston te/ mthun pa'i gtum brjod pa dang/ yongs su dag pas ston to/ /ji ltar chos kyi rjes su mthun pa'i chos bsgrub par bya zhe na/ mdor bsdu na rnam pa ldang rig par bya ste/ ji ltar btsal ba dang/ ji ltar gzung ba'i chos de dag nyid
 lus dang ngag dang yid kyis rjes su sgrub pa dang/ legs par sems pa dang/ legs par bsgom pa dang/ bcom ldan 'das kyis chos gang dag lus dang ngag dang yid kyis byed du ma gnang ba de dag yongs su spong ba dang/ gang dag lus
 dang ngag dang/ yid kyis byed du gnang ba de dag la so sor brten par byed pa yin no/ /ji ltar legs par gdams shing rjes su bstan par bya zhe na/ gdams ngag gi mdor bsdu na rnam pa brgyad du rig par bya ste/ byang chub sems dpa' 
 dang de bzhin gshegs pa ni gang la 'doms par mdzad pa de la dang por sems btsal te/ mkhyen to sems btsal nas dbang po btsal te mkhyen to/ /dbang po btsal nas bsam pa btsal te mkhyen to/ /bsam pa btsal
 nas bag la nyal btsal te mkhyen to/ /bag la nyal btsal nas ci rigs par 'jug pa'i sgo spyod pa rnam par spyod pa'i dmigs pa la 'dzud par mdzad do/ /ci rigs par 'jug pa'i sgor bcud nas lags par ma zin pa rtag par
 lta ba'i gnyen pos dbu ma'i lam ston par mdzad do/ /de nas legs par ma zin pa chad par lta ba'i mdza' i gnyen pos dbu ma'i lam ston par mdzad do/ /de nas ma byas pa dang/ ma thob pa dang/ ma reg pa dang/ mngon sum du ma
 khyab pa la mngon sum du byas so snyam pa'i mngon pa'i nga rgyal 'dor du 'jug par mdzad pa'o/ /gdams ngag rnam pa brgyad po de dag kyang mdor bsdu na gnas gsum gyis bsdu bar rigs par bya ste/ sems mi gnas pa
 gnas par bya ba'i phyir thog mar dmigs pa la legs par gtod pa'i gnas dang/ sems gnas pa la rang gi don thob par bya ba'i phyir thabs kyis lam yang dag par bstan pa'i gnas dang/ rang gi don thob pa mthar phyin
 pa la bar ma do'i gnas 'dor du 'jug pa'i gnas kyis te/ de la gdams ngag dang po lnga ni gnas dang por bsdus so/ /bar ma gnyis ni gnas gnyis par bsdus so/ /tha ma ni gnas tha mar bsdus par rig par bya'o/ /rjes su bstan
 pa gang zhe na/ de ni rnam pa lngar rig par bya ste/ kha na ma tho ba dang bcas pa kun tu spyod pa dgag pa dang/ kha na ma tho ba med pa kun tu spyod pa gnang ba dang/ dgag pa dang gnang ba'i chos rnams la 'khrul par kun tu spyod pa
 bskul ba dang/ yang dang yang du gus par gyur te 'khrul pa la rnyog pa med pa dang/ mi mthun pa med pa dang/ snum pa'i bsam pa sma dbab pas bstan par byed du gzhug pa dang/ yang dag par zhugs pa la dgag pa dang/ gnang ba'i chos rnams kyi yon
 tan yang dag pa dang dga' ba bsnyad pas yang dag par dga' bar bya'o/ /rjes su bstan pa lnga po de dag kyang mdor bsdu na dgag pa dang/ gnang ba dang/ bskul ba dang/ sma dbab pa dang/ yang dag par dga' bar bya ba yin no/ /ji ltar legs
 par gdams shing rjes su bstan pa la gnas par bya zhe na/ /gdams ngag rnam pa brgyad dang rjes su bstan pa rnam pa lnga po ji skad bstan pas gzhan la gdams shing rjes su bstan par bya ba de dag nyid kyang legs par gnas par bya'o//
 ji ltar thabs kyis yongs su zin pa'i lus dang ngag dang yid kyi las can bya zhe na/ /sdu ba'i dngos po bzhi'i thabs kyis yongs su zin pa'i lus dang ngag dang yid kyis pha rol tu phyin pa drug dang/ sdu ba'i dngos po bzhi dang/ dkon mchog
 mchod pa dang/ dge ba'i bshes gnyen bsten pa dang/ tshad med pa bsgom pa dang/ byang chub kyi phyogs bsgom pa dang/ byang chub sems dpa' i thams cad slob pa'i las can du bya'o/ /de la gang dag slob ce na/ mdor bsdu na byang chub sems dpa' 
 rnam pa bcu po dag slob par byed de/ rigs la gnas pa dang/ zhugs pa dang/ bsam pa ma dag pa dang/ bsam pa dag pa dang/ yongs su ma smin pa dang/ yongs su smin pa dang/ des par zhugs pa ma yin pa dang/ nges par zhugs pa dang/ skye ba gcig
 gis thogs pa dang/ srid pa tha ma pa'o/ /de la rigs pa gnas pa ni byang chub sems dpa' i rigs yang dag par sgrub pa la gnas la sems ma skyed pa'o/ /zhugs pa'i rigs la gnas pa de nyid slob pa na sems skyed par byed pa'o/ /bsam
 pa ma dag pa ni zhugs pa de nyid ji srid du bsam pa dag pa'i sa lam zhugs pa'o/ /bsam pa dag pa ni de nyid bsam pa dag pa'i sa la zhugs pa'o/ /yongs su ma smin pa ni bsam pa dag pa de nyid du mthar thug par
 'gro ba'i sa la ma zhugs pa'o/ /yongs su ma smin pa ni bsam pa dag pa de nyid ji srid du mthar thug pa'i 'gro ba'i sa lam zhugs pa'o/ /yongs su smin pa ni de nyid mthar thug par 'gro ba'i sa la zhugs pa'o/ /yongs su smin
 pa ni nges par zhugs pa ma yin pa ni yongs su smin pa de nyid ji srid du nges pa dang/ spyad pa nges pa'i sa la ma zhugs pa'o/ /nges par zhugs pa ni de nyid nges pa dang/ spyod pa nges pa'i sa la zhugs pa'o/ /skye ba gcig gis
 thog pa ni tshe phyi ma la/ bla na med pa yang dag par rdzogs pa'i byang chub mngon par rdzogs par sangs rgyas par 'gyur ba'o/ /srid pa tha ma pa'i tshe 'di nyid la gnas bzhin du/ bla na med pa yang dag par rdzogs pa'i byang chub mngon
 par rdzogs par sangs rgyas par 'gyur ba gang yin pa'o/ /de ltar gang la slob pa dang/ ji ltar slob pa dang/ gang dag slob pa de dag thams cad gcig tu bsdus pa ni byang chub sems dpa' i spyod pa zhes bya ste/ de nyid la bslab pa'i
 dngos po yin pa'i phyir des ni sgrub pa bstan to/ /byang chub kyi dngos po zhes bya bas ni mthar thug pa bstan to/ /bla na med pa yang dag par rdzogs pa'i byang chub kyi dngos po ni rnam pa lngas rig par bya ste/ ngo bo nyid dang/ mthu dang/
 thabs dang/ 'jug pa dang/ ldog pas so/ /de dag gi rnam par dbye ba ni lngar 'bras bu phun sum tshogs pa'i skabs su bshad zin te/ de ni gnas gyur pa yang dag par grub pa chos kyi sku'i mtshan nyid yin pa'i phyir de ni mthar thug
 pa bstan to/ /de la ci'i phyir thos pa dang/ skyabs su 'gro ba dang/ bslab pa dang byang chub kyi dngos po de bzhin tshoms gcig tu mdzad ce na/ de tsam gyis thams cad bsdus pa'i phyir te/ thob pas bye brag tu rtogs pa dang/ skyabs su 'gro ba khas
 blangs pa dang/ bslab pas bslab pa dang/ byang chub kyis mthar thug par bstan pa'i rim pa des chos 'di pa'i dngos po sems bskyed pa nas tha mar 'bras bu mchog thob pa'i bar thams cad bsdus pa'i phyir ro/ /de'i 'og tu dngos po dbu
 gang zhe na/ zhes bya ba la/ sems can du gdags pa'i dngos po zhes bya bas ni phung po rnams bstan te/ de la phung po ni lnga ste/ gzugs kyi phung po dang/ tshor ba'i phung po dang/ 'du shes kyi phung po dang/ 'du byed kyi phung po dang/ rnam par shes
 pa'i phung po'o/ /de dag gi rnam par bzhag pa ni rnam pa drug gis bstan te/ ngo bo nyid dang/ don dang/ rab tu dbye ba dang/ go rim dang/ bsdu ba dang/ rten gyis so/ /de la phung po rnams kyi ngo bo nyid ni rnam par bzhag pa gang zhe na/ gzugs kyi
 phung po'i ngo bo nyid rnam par bzhag pa ni rnam pa bcu gcig ste/ mig la sogs pa reg bya'i mthar thug pa'i bar gyi skye mched bcu dang/ chos kyi skye mched du gtogs pa'i gzugs so/ /de yang mdor bsdu na 'byung ba chen po bzhi dang/
 'byung ba chen po bzhi dag rgyur byas pa ste/ thams cad kyang gzugs su rung ba'i mtshan nyid yin no/ /tshor ba'i phung po'i ngo bo nyid rnam par gzhag pa gang zhe na/ de ni rnam pa drug ste/ mig dang/ rna ba dang/ sna dang/ lce dang lus dang yid kyi
 'dus te reg pa las byung ba'o/ /de yang mdor bsdu na myong ba rnam pa gsum ste/ bde ba dang/ sdug bsngal ba dang/ sdug bsngal ba yang ma yin/ bde ba yang ma yin pa dang/ rnam pa gnyis te/ lus kyi dang/ sems kyi te/ gzugs
 can la brten pa ni lus kyi'o/ /gzugs can ma yin pa la brten pa ni sems kyi te/ thams cad dang myong ba'i mtshan nyid yin no/ /'du shes kyi phung po'i ngo bo nyid rnam par bzhag pa gang zhe na/ de yang rnam pa drug ste/ mig dang rna ba
 dang/ sna dang lce dang/ lus dang yid kyi 'dus te reg pa las byung ba'i 'du shes so/ /de dag kyang rnam pa drug ste/ chung ngu dang chen por gyur pa dang/ tshad med pa dang/ ci yang med pa dang/ mtshan ma dang bcas pa dang mtshan ma med pa'o/ /de
 la chung ngu ni 'dod pa na spyod pa'i'o/ /chen por gyur pa ni gzugs na spyod pa'i 'o/ /tshad med pa ni gzugs med pa nam mkha' dang rnam shes mdza' yas skye mched na spyod pa'i 'o/ /ci yang med pa'i skye mched na spyod pa'i ste/ de dag thams
 cad ni mtshan ma dang bcas pa yin no/ /mtshan ma med pa ni srid pa'i rtse mo dang 'jig rten las 'das pa slob ba dang/ mi slob pa'i 'o/ /de dag kyang mdor bsdu na rnam pa gnyis te/ 'jig rten pa dang/ 'jig rten las 'das pa'i te thams
 cad kyang kun shes par byed pa'i mtshan nyid yin no/ /'du byed kyi phung po'i mtshan nyid rnam par bzhag pa gang zhe na/ de yang rnam pa drug ste/ mig dang rna ba dang/ sna dang/ lce dang/ lus dang/ yid kyi 'dus te reg pa las byung ba'i
 sems pa'o/ /de yang yul dang mthun par byed pa dang/ de yang phrad par byed pa'i mtshan nyid yin no/ /rnam par shes pa'i phung po'i ngo bo nyid rnam par bzhag pa gang zhe na/ de ni rnam pa brgyad de/ kun gzhi rnam par shes pa dang/ nyon
 mongs pa can gyi yid dang/ 'jug pa'i rnam par shes pa drug go /de yang mdor bsdu na/ dbye ba rnam pa gsum ste/ myong ba'i dbye ba dang/ dmigs pa la mtshan mar 'dzin pa'i dbye ba dang/ gnas skabs kyi dbye ba'o/ /de la myong ba'i
 dbye ba ni rnam pa gsum ste/ bde ba dang/ sdug bsngal ba dang/ sdug bsngal ba yang ma yin bde ba yang ma yin pa'o/ /dmigs pa'i mtshan mar 'dzin pa'i dbye ba ni rnam pa drug ste/ chung ngu dang/ chen por gyur pa dang/ tshad med pa dang/ ci yang med pa dang/ mtshan ma dang
 bcas pa dang/ mtshan ma med pa'o/ /gnas skabs kyi dbye ba yang rnam pa gsum ste/ dge ba dang/ mi dge ba dang/ lung du ma bstan pa'o/ /dbye ba de dag gcig tu bsdus nas rnam pa bco brgyad du 'gyur te/ thams cad kyang dmigs pa rnam par rig pa'i mtshan
 nyid yin te/ de ni phung po rnams kyi ngo bo nyid rnam par bzhag pa yin no/ /de la phung po rnams kyi don rnam par bzhag pa gang zhe na/ rnam pa gnyis te/ nges pa'i tshig dang/ dgos pa'o/ /de la nges pa'i tshig ni/ ci'i phyir phung po zhes bya zhe na/ phung po'i don
 bstan pa ste/ de yang dus dang/ rgyu dang/ rnam par grol ba dang/ yul tha dad pa'i gzugs la sogs pa mdor bsdus pa nyid kyi phyir bsdu ba dang/ bsdus pa'i don ni phung po'i don to/ /de la gzugs gang yin pa ci yang rung ste 'das pa dang/ ma 'ongs
 pa dang/ da ltar byung ba dang/ nang gi dang/ phyi rol gyi dang/ rags pa dang/ cha phra ba dang/ ngan pa dang/ bzang po dang/ thag nye ba dang/ thag ring po dang/ tshor ba dang/ 'du shes dang/ 'du byed dang/ rnam par shes pa'i bar yang de bzhin te/ de la 'das pa
 dang/ ma 'ongs pa dang/ da ltar byung ba dang/ zhes bya bas ni dus tha dad pa bstan to/ /nang gi dang phyi rol gyi zhes bya bas ni rgyu/ tha dad pa bstan to/ /rags pa dang/ phra bas zhes bya ba ni rnam pa tha dad pa bstan to/ /ngan pa dang bzang po zhes bya bas ni/ 'gro
 ba tha dad pa bstan to/ /thag nye ba dang/ thag ring ba zhes bya bas ni yul tha dad pa bstan te/ de dag gcig tu bsdus pas ni rnam pa thams cad bsdus pa yin pa'i phyir bsdus pa 'am/ spungs pa'i don ni phung po'i don to/ /dgos pa ci'i phyir na phung po
 rnam par bzhag pa yongs su bstan ce na/ phung po rnam par bzhag pa'i dgos pa bstan pa ste/ phung po de dag ni bdag nyid sna tshogs mang po yin pa'i phyir 'du byed tsam ste/ de las don gzhan pa'i bdag med par yongs su
 bstan pa'i phyir phung po rnam par bzhag par rig par bya ste/ de ni phung po rnams kyi don rnam par bzhag pa yin no/ /de la phung po rnams kyi rab tu dbye ba rnam par bzhag pa gang zhe na/ gzugs kyi phung po'i rab tu dbye ba rnam par bzhag pa
 ni rnam pa drug ste/ dngos po dang/ mtshan nyid dang/ rnam par shes pa gnas pa dang/ mi gnas pa dang/ rnam par shes pa dben pa dang/ mi dben pa dang/ 'du shes kyi spyod yul dang mdza' o/ /de la dngos po'i rab tu dbye ba ni gzugs gang yin
 pa ci yang rung ste/ de thams cad 'byung ba chen po bzhi dag dang/ 'byung ba chen po bzhi rgyur byas pa'o/ /mtshan nyid kyi rab tu dbye ba ni rang dang spyi'i mtshan nyid de/ gzugs kyi rang gi mtshan nyid ni mdor bsdu na dad ba dang/ dad ba'i dad pa dang/
 yid kyis gzung ba'i gzugs so/ /spyi'i mtshan nyid ni gzugs su rung ba'i mtshan nyid do/ /rnam par shes pa gnas pa dang/ mi gnas pa'i rab tu dbye ba ni zin pa'i/ gzugs gang yin pa de ni rnam par shes pa gnas pa zhes bya ste/
 de yang rnam par shes pa dang 'dres par gyur pa dang/ bde ba gcig pa'i don gyis 'jug pa gang yin pa dang/ tshor ba rnams skye pa'i rkyen du gyur pa gang yin pa'o/ /de las bzlog pa gang yin pa de ni ma zin pa ste/ rnam par shes pa mi gnas
 pa yin par rig par bya'o/ /rnam par shes pa las dben pa dang/ mi dben pa'i rab tu dbye ba ni rnam par shes pa las mi dben pa'i gzugs gang yin pa de ni mtshungs pa zhes bya ste/ rnam par shes pa dang/ mtshungs par don la 'jug
 pa nyid kyi phyir ro/ /rnam par shes pa las dben pa'i gzugs gang yin pa de ni de dag dang mtshungs pa zhes bya ste/ rang gi rgyu dang mtshungs par rjes su 'jug pa nyid kyi phyir ro/ /'du shes kyi spyod yul gyi rab tu dbye ba ni 'du shes gsum
 po 'di dag ni gzugs la dmigs pa yin te/ gzugs kyi 'du shes dang/ thogs pa'i 'du shes dang/ sna tshogs kyi 'du shes so/ /gzugs kyang mtshan nyid gsum ste/ snang ba dang bcas pa'i mtshan nyid dang/ yul gnas pa'i
 mtshan nyid dang/ rgyas pa'i mtshan nyid dang/ de dag kyang go rim bzhin du 'du shes gsum po dag gi spyod yul du gyur pa yin par blta bar bya'o/ /de la sngon po la sogs pa'i kha dog 'dzin par byed pa ni gzugs kyi 'du shes so/ /'gro
 ba thogs pa 'dzin par byed pa ni thogs pa'i 'du shes so/ /skyes pa dang bud med dang khang khyim dang zhing la sogs par nye bar 'dogs par 'dzin par byed pa ni sna tshogs kyi 'du shes so/ /mdza' i rab tu dbye ba ni mdor bsdu na gzugs
 kyi mdza' rnam pa gnyis te/ khams 'og ma dang bar ma bar mar gtogs pa ste/ 'dod pa na spyod pa dang/ gzugs na spyod pa'o/ /de la tshor ba'i phung po rab tu dbye ba gang zhe na/ de ni rnam pa lnga ste/ dngos po dang/ mtshan nyid dang/ rab tu skye
 ba dang/ nye bar brtags pa dang/ nges par 'byung ba'o de la dngos po'i rab tu dbye ba ni myong ba nyid dang/ myong ba'i gnas dang/ mthun pa'i chos rnams so/ /mtshan nyid kyi rab tu dbye ba ni rang dang spyi'i mtshan nyid de/ rang gi mtshan nyid de rang gi
 mtshan nyid bde ba dang/ sdug bsngal ba dang/ sdug bsngal ba yang ma yin bde ba yang ma yin pa'i tshor ba'o/ /spyi'i mtshan nyid ni bde ba'i tshor ba ni mtshan nyid brgyud pa'i sdug bsngal nyid kyi/ sdug bsngal ba dang sdug bsngal gyi tshor ba ni sdug bsngal
 gyi sdug bsngal gyis sdug bsngal ba dang/ sdug bsngal yang ma yin bde ba yang ma yin pa'i tshor ba ni 'du byed kyi sdug bsngal nyid kyis sdug bsngal ba'i dbang du mdzad nas/ gang ci tshor yang rung ste/ de ni 'dir sdug
 bsngal pa'o/ /zhes gsungs pa'o/ /rab tu skye ba'i rab tu dbye ba ni reg pa bcu drug la tshor ba rnams rab tu skye bar 'gyur te/ mig dang/ rna ba dang/ sna dang/ lce dang/ lus dang/ yid kyi 'dus te reg pa rnams dang/ thogs pa'i
 'dus te reg pa dang/ tshig bla dags kyi 'dus te reg pa dang/ bde ba'i tshor ba dang mthun pa'i 'dus te reg pa dang/ sdug bsngal gyi tshor ba dang/ mthun pa'i 'dus te reg pa dang/ sdug bsngal yang ma yin bde ba yang ma yin
 ba'i tshor ba dang/ mthun pa'i 'dus te reg pa dang/ rjes su chags pa'i 'dus te reg pa dang/ khong khro ba'i 'dus te reg pa dang/ rig pa'i 'dus te reg pa dang/ ma rig pa'i 'dus te reg pa dang/ rig pa yang ma yin ma rig
 pa yang ma yin pa'i 'dus te reg pa las so/ /bcu drug po de dag kyang yul 'dzin par byed pa nyid la brten nas ni 'dus te reg pa drug po rnams dang/ thos pa'i 'dus te reg pa rnam par bzhag pa'o/ /yul la rnam pa
 rtog pa nyid la brten nas ni tshig bla dags kyi 'dus te reg pa rnam par bzhag go /yul myong bar byed pa nyid la brten nas ni bde ba la sogs pa'i tshor ba dang mthun pa'i 'dus te reg pa gsum rnam par bzhag go /kun nas
 nyon mongs pa dang/ rnam par byed ba nyid la brten nas rjes su chags pa dang/ khong khro ba dang/ ma rig pa dang/ rig pa dang/ rig pa yang ma yin/ ma rig pa yang ma yin pa'i 'dus te reg pa rnam par bzhag go /nye bar brtags
 pa'i rab tu dbye ba ni tshor ba nye bar brtags pa rnam pa brgyad de/ rang gi mtshan nyid nye bar brtags pa dang/ tshe 'di la 'byung ba'i rgyu nye bar brtags pa dang/ de 'gog pa nye bar brtags pa dang/ tshe phyi ma la 'byung ba'i rgyu nye bar brtags pa dang/
 de 'gog pa nye bar brtags pa dang/ de gnyis ka las 'byung ba'i rgyu nye bar brtags pa dang/ de gnyis ka la 'byung ba nye bar brtags pa dang/ rnam par byang ba nye bar brtags pa'o/ /de dag ni mdo las bcom ldan 'das nyag gcig dben
 par gshegs te/ nang du yang dag par 'jog pa la bzhugs pa na/ thugs la thugs kyis yongs su rtog pa 'di lta bu byung ste/ tshor ba ni rang tshor ba kun 'byung bar ni gang/ tshor ba 'gog pa ni gang/ tshor ba kun 'byung bar 'gyur ba'i
 lam ni gang/ tshor ba'i ro myang ba ni gang/ tshor ba'i nyes dmigs ni gang/ tshor ba la nyes par 'byung ba ni gang snyam nas de 'di snyam du dgongs te/ tshor ba ni gsum po 'di dag yin te/ bde ba dang sdug bsngal ba dang/ sdug bsngal ba
 yang ma yin/ bde ba yang ma yin pa'o/ /reg pa kun 'byung bas tshor ba kun 'byung ngo/ /reg pa 'gags pas tshor ba 'gag go /tshor ba la mngon par dga' ba dang/ mngon par brjod pa dang/ lhag par chags pa dang/ lhag par chags shing
 gnas pa gang yin pa de ni tshor ba kun 'byung bar 'gyur ba'i lam yin no/ /tshor ba la mngon par dga' ba med pa dang/ mngon par mi brjod pa dang/ lhag par chags shing mi gnas pa gang yin pa 'di ni tshor ba 'gog par 'gyur ba'i lam
 yin no/ /tshor ba la brten te bde ba skye ba dang/ yid bde ba skye ba gang yin pa de ni tshor ba'i ro myong ba yin no/ /tshor ba mi brtag pa dang/ sdug bsngal ba dang/ 'gyur ba'i chos can gang yin pa 'di ni tshor ba'i nyes dmigs yin no/ /tshor ba
 la 'dun pa'i 'dod chags 'dul ba dang/ 'dun pa'i 'dod chags spang ba dang/ 'dun pa'i 'dod chags las yang dag par 'da' ba gang yin pa 'di ni tshor ba las nges par 'byung ba yin no/ /snyam mo zhes gsungs pa dang/ go
 rim bzhin du sbyar ro/ /nges par 'byung ba'i rab tu dbye ba ni tshor ba'i dbang po lnga las nges par 'byung ba ste/ yid mi bde ba'i dbang po las nges par 'byung ba ni bsam gtan dang po'o/ /sdug bsngal gyi dbang po las nges par 'byung ba ni
 bsam gtan gnyis pa'o/ /bde ba'i dbang po las nges par 'byung ba ni bsam gtan gsum pa'o/ /yid bde ba'i dbang po las nges par 'byung ba ni bsam gtan bzhi pa'o/ /btang snyoms kyi dbang po las nges par 'byung ba ni
 mtshan nyid med pa'i dbyings so/ /de la 'du shes kyi phung po'i rab tu dbye ba rnam par bzhag pa gang zhe na/ de yang rnam pa lnga ste/ dngos po dang/ mtshan nyid dang/ phyin ci log dang/ phyin ci ma log pa dang/ yongs su gcod pa'o/ /de la
 dngos po'i rab tu dbye ba ni dmigs pa mtshan mar 'dzin pa dang/ de'i gnas dang mthun pa'i chos rnams so/ /mtshan nyid kyis rab tu dbye ba ni rang dang spyi'i mtshan nyid de/ rang gi mtshan nyid ni rnam pa drug te/ chung ngu dang/ chen por
 gyur pa dang/ tshad med pa dang/ ci yang med pa dang/ mtshan ma dang bcas pa dang/ mtshan ma med par sngar bstan pa bzhin du blta bar bya'o/ /spyi'i mtshan nyid ni kun shes par byed pa'i mtshan nyid do/ /phyin ci log gi rab tu dbye ba ni byis
 pa mi mkhas pa rig pa dang ldan pa'i tshul bzhin ma yin pa yid la byed pa/ dmigs pa mi rtag pa la rtag pa dang/ sdug bsngal ba la bde ba dang/ mi sdug pa la sdug pa la/ bdag med pa la bdag tu mtshan mar 'dzin pa ste/ de ni 'du
 shes phyin ci log yin no/ /'du shes phyin ci log de yang khyam pa rnams la ni sems phyin ci log tu gyur la/ rab tu byung ba 'di las phyir rol pa dag la ni lta ba phyin ci log tu 'gyur ro/ /rnam grangs gzhan yang dngos po bzhi po de dag la
 log par mtshan mar 'dzin pa gang yin pa de ni 'du shes phyin ci log yin no/ /yul de la de ltar kun tu shes pa'i kun tu 'dod chags pa gang yin pa de ni sems phyin ci log yin no/ /phyin ci log gi dngos po de nyid la de ltar kun tu
 shes shing lhag par chags pa'i mngon par shes pa dang/ 'dod pa dang/ ston pa dang/ rnam par 'jog pa gang yin pa de ni lta ba phyin ci log yin no/ /phyin ci ma log pa'i rab tu dbye ba ni 'dzangs pa mkhas par rig pa dang ldan pa
 tshul bzhin yod la byed pa/ dmigs pa mi rtag pa dang/ sdug bsngal ba la sdug bsngal ba dang/ mi sdug pa la mi sdug pa dang/ bdag med pa la bdag med do zhes yang dag par mtshan mar 'dzin pa gang yin pa ste/ de ni de'i 'du shes
 dang/ sems dang/ lta ba phyin ci ma log pa yin no/ /yongs su gcod pa'i rab tu dbye ba ni rnam pa lnga ste/ yul yongs su gcod pa dang/ myong ba yongs su gcod pa dang/ brda yongs su gcod pa dang/ log par yongs su gcod pa
 dang/ bden pa'i don yongs su gcod pa'o/ /de la yul yongs su gcod pa ni yul la mtshan ma dang/ mngon rtags su 'dzin pa'o/ /myong ba yongs su gcod pa ni yul la nges par 'byung ba'i tshor ba 'dzin pa'o/ /brda yongs su gcod pa
 ni bdag gam gzhan dag la ming ni 'di zhes bya/ rigs ni 'di zhes bya/ rus ni 'di zhes bya ba la sogs pa'i tha snyad du 'dzin pa'o/ /log par yongs su gcod pa ni yul phyin ci log tu 'dzin pa'o/ /bden pa'i don yongs su gcod pa'i
 gzugs la mngon par zhen pa las de gnyi ga la kun tu zhen pa zhes bya'o/ /gzugs med pa'i khams na gzugs pa'i sems can rnams kyi rnam par shes pa ni nang gi ming la mngon par zhen pa la la ming la kun tu zhen pa zhes bya'o/ /kun nas
 nyon mongs pa'i rab tu dbye ba ni byis pa rnams kyi/ rnam par shes pa ni sgo gnyis nas nyon mongs par 'gyur ba ste/ tshe 'di la yul la yongs su spyod pa'i sgo dang/ tshe phyi ma la skye ba dang/ rga ba la sogs pa sdug bsngal gyi sgo nas so/ /gnas
 kyi rab tu dbye ba ni rnam par shes pa rjes su 'jug pa'i gnas ni lhan cig 'byung ba'i gnas lnga po dbang po lnga dang/ de ma thag pa'i gnas yod pa dang/ sa bon gyi gnas kun gzhi rnam par shes pa'o/ /gnas pa'i rab tu dbye ba ni
 rnam par shes pa gnas bzhi po dag ste/ gzugs la nye bar song ba'i rnam par shes pa gnas pa dang/ tshor ba dang/ 'du shes dang/ 'du byed rnams la nye bar song ba'i rnam par shes pa gnas pa ste/ de ni gzugs can gyi khams na'o/ /gzugs
 can ma yin pa'i khams na'o/ /gzugs can ma yin pa'i khams ni tshor ba la sogs pa'o/ /rnam pa sna tshogs kyi rab tu dbye ba ni rnam pa nyi shu ste/ mdo las sems 'dod chags dang bcas pa dang/ 'dod chags dang bral ba dang/ zhe sdang
 dang/ bcas pa dang/ zhe sdang dang bral ba dang/ gti mug dang bcas pa dang/ gti mug dang bral ba dang/ kun tu bsdus pa dang/ rnam par g.yengs pa dang/ zhum pa dang rab tu gzung ba dang/ rgod pa dang/ rgod pa ma yin pa dang/ nye bar
 zhi ba dang/ nye bar zhi ba ma yin pa dang/ mnyam par gzhag pa dang/ mnyam par gzhag pa ma yin pa dang/ legs par bsgom pa dang/ legs par bsgom pa ma yin pa dang/ shin tu rnam par grol ba dang/ shin tu rnam par grol pa
 ma yin pa zhes gsungs pa'o/ /yang khams kyi rab tu dbye ba las/ 'dod pa na spyod pa rnams ni sems bzhi yod de/ dge ba dang/ mi dge ba dang/ bsgribs la lung du ma bstan pa dang/ ma bsgribs la lung du ma bstan pa'o//
 gzugs dang gzugs med pa na spyod pa rnams la ni gsum gsum ste/ mi dge ba ma gtogs pa rnams so/ /zag pa med pa'i sems ni slob pa dang/ mi slob pa'i sems so/ /yang s? ba rlab tu dbye ba la 'dod pa na spyod pa rnams
 la ni bden bzhi mthong bas spang bar bya ba bzhi dang/ bsgom pas spang bar bya ba lnga yod do/ /gzugs dang gzugs med pa na spyod pa rnams la yang de bzhin du lnga lnga yod do/ /de ni phung po rnams kyi rab tu dbye ba rnam par bzhag pa
 yin no/ /de la phung po rnams kyi go rims rnam par bzhag pa gang zhe na/ rnam pa lnga ste/ skye ba las gyur ba dang gnyen bo las gyur pa dang/ 'jug pa las gyur pa dang/ gnas pa las gyur pa dang/ rnam par bzhag pa las gyur
 pa'o/ /de la skye ba las gyur ba'i go rim rnam par bzhag pa ni/ mig dang gzugs rnams la brtan nas mig gi rnam par shes pa skye ba dang/ yid dang chos rnams la brten nas yid kyi rnam par shes pa skye'o zhes bya ba'i bar du
 gsungs pa'i dbang du mdzad pa ste/ de la ni dang por gzugs kyi phung po bstan la de'i 'og tu rnam par shes pa'i phung po de'i 'og tu tshor ba'i phung po'o/ /de'i 'og tu 'du byed kyi phung po bstan to/ /gnyen po las gyur pa'i go rim
 rnam par bzhag pa ni phyin ci log bzhi po mi gtsang ba la gtsang bar phyin ci log pa dang/ sdug bsngal ba la bde bar phyin ci log pa dang/ bdag med pa la bdag tu phyin ci log pa dang/ mi rtag pa la rtag par phyin ci log dag
 gi gnyen por dran pa nye bar gzhag pa bzhi bstan pa'i dbang du mdzad pa ste/ de la ni dang por gzugs kyi phung po bstan la/ de'i 'og tu tshor ba'i phung po/ /de'i 'og tu ni rnam par shes pa'i phung po/ /de'i 'og tu 'du shes dang 'du byed kyi phung po bsten to//
 'jug pa las gyur pa'i go rim rnam par bzhag pa ni dbang po dang yul la brten nas yul so sor myong ba dang/ yul la mtshan mar 'dzin pa dang/ de nas tshe 'di la yul la yongs su longs spyod pa'i kun nas nyon mongs pa dang/ dge ba dang mi dge
 ba'i las mngon par 'du byed dang bcas pas tshe phyi ma la skye ba la sogs pa'i sdug bsngal 'byung ba dang/ kun nas nyon mongs par 'gyur bar gang yin pa'i rim gyis 'khor bar 'jug pa'i dbang du mdzad pa ste/ de la ni dang por gzugs kyi phung po
 bstan la/ de'i 'og tu tshor ba dang/ 'du shes dang/ 'du byed dang/ rnam par shes pa'i phung po bstan to/ /gnas pa las gyur pa go rim rnam par bzhag pa ni/ rnam par shes pa gnas bzhi po gzugs dang/ tshor ba dang/ 'du shes dang/ 'du byed
 rnams dang/ de dag la gnas pa rnam par shes pa nyid kyi dbang du mdzad pa ste/ de la yang dang por gzugs dang tshor ba dang/ 'du shes dang/ 'du byed kyi phung po bstan la/ de'i 'og tu rnam par shes pa'i phung po bstan to/ /rnam par bzhag pa las
 gyur pa'i go rim ni dang por gang zag mthong nas gzugs kyis so sor ngo shes par 'gyur ba dang/ de'i 'og tu tshor bas 'byor pa dang/ rgud pa dang/ bde ba dang/ sdug bsngal ba'o zhes rnam par 'jog pa dang/ de'i 'og tu 'du shes kyi ming ni 'di zhes bya/
 rigs ni 'di zhes bya/ rus ni 'di zhes bya zhes bya ba la sogs pa rnam par 'jog pa dang/ de'i 'og tu 'du byed kyis de lta bu ni byis pa'o de lta bu ni mkhas pa'o zhes bya bar rnam par 'jog pa dang/ de'i 'og tu rnam par shes pas nang gi sems can
 du 'brang ba'i bdag rnam par 'jog par byed pa'i dbang du mdzad pa ste/ de la yang dang por gzugs kyi phung po bstan la/ de'i 'og tu tshor ba dang/ 'du shes dang/ 'du byed dang/ rnam par shes pa'i phung po bstan to/ /rnam
 par bzhag pa las gyur pa'i go rim rnam par bzhag pa'i rnam grangs gzhan yang rnam pa gsum ste/ rags pa'i rim pa dang/ snod la sogs pa'i dpe'i rim pa dang/ kun nas nyon mongs pa skye ba'i rim pa'i dbang du mdzad nas go rim
 de ltar rnam par bzhag pa yin no/ /de la rags pa'i rim pa'i dbang du mdzad pa ni gzugs ni thogs pa dang bcas pa dang rnam par shes pa'i tshogs lnga'i gnas yin pa dang/ rnam par shes pa'i tshogs drug gi dmigs pa yin pa'i
 phyir phung po gzhan bzhi bas chos rags pas dang por bstan to/ /tshor ba ni rgyu ba rags pa'i phyir phung po gzhan gsum pas ches rags te/ 'di ltar na 'jig rten na nga'i klad par tshor ro/ /klad pa phyed la tshor ro zhes tha snyad du bya
 ba'i phyir de'i 'og tu bstan to/ /'du shes ni mtshan mar 'dzin pa ste/ 'jug pa shin tu rtogs par bla ba'i phyir phung po gzhan gnyis pas ches rags pas de'i 'og tu bstan to/ /'du byed rnams ni mngon par 'du byed pa'i mtshan
 nyid yin pas 'dod chags la sogs pa kun tu 'byung ba gsal bar rtogs pa'i phyir rnam par shes pa bas ches rags pa'i de'i 'og tu bstan to/ /snod la sogs pa'i rim pa'i dbang du mdzad pa ni gzugs kyi phung po ni tshor
 ba la sogs pa'i gnas yin pas zas bzhag pa'i snod lta bu yin pa'i phyir dang por bstan to/ /tshor ba'i phung po ni sems can gyi lus la phan pa dang gnod pa byed pa zas lta bu yin pa'i phyir de'i 'og tu bstan to/ /'du shes
 kyi phung po ni bde ba dang sdug bsngal ba dang/ sdug bsngal ba yang ma yin bde ba yang ma yin pa'i tshor ba la/ mdza' bshes dang/ dgra bo dang/ tha mal pa lta bur 'dzin pas tshod ma dang 'dra ba'i phyir de'i 'og tu bstan to/ 'du byed kyi phung po ni de'i dbang
 gis 'dod pa dang mi 'dod pa'i rnam par smin pa mngon par grub par byed pas byang po lta bu yin pa'i phyir de'i 'og tu bstan to/ /rnam par shes pa ni de la bdag tu 'dzin cing sdug bsngal dang bde ba la sogs pa rnam par shes pa byed pas zab
 po lta bu yin pa'i phyir sangs rgyas kyi tha mar bstan to/ /kun nas nyon mongs pa skye ba'i rim pa'i dbang du mdzad pa ni gzugs kyi phung po la brten nas thog pa med pa can gyi 'khor ba na/ skyes pa dang bud med rnams phan tshun kha dog dang dbyibs la
 mngon par dga' ba las thog mar kun nas nyon mongs pa 'byung bas de'i phyir dang por gzugs kyi phung po bstan to/ /gzugs kyi sgo nas bde ba'i tshor ba la mngon par chags pa la kun nas nyon mongs pa 'byung bas de'i 'og tu tshor ba'i phung
 po bstan to/ /tshor ba'i sgo nas bde ba la sogs pa mtshan mar 'dzin pa'i 'du shes phyin ci log /'byung ba las kun nas nyon mongs pa 'byung bas de'i 'og tu 'du shes kyi phung po bstan to/ /'du shes phyin ci log de ni 'du byed kyi nyon
 mongs pa la gnas pas de'i 'og tu 'du byed kyi phung po bstan to/ /'du byed kyi las dang nyon mongs pa rnams kyi 'gro ba gzhan du rnam par shes pa kun nas nyon mongs par 'gyur bas de'i 'og tu rnam par shes pa'i phung po thams cad
 kyi 'og tu bstan to/ /de ltar go rim bzhin du bstan pa'i skabs 'di nyid kyis grangs kyang bstan te/ phung po rnams ni lnga po kho nar zad de mi nyung mi mang bar nges so/ /de ci'i phyir zhe na/ bdag gi nye bar spyad pa'i dngos po dang/ bdag gi dngos po'i
 dbang du mdzad pa'i phyir te/ de la bdag gis lus la brten pa dang/ yul la bde ba dang sdug bsngal myong bar byed pa dang/ bdag dang gzhan la ming ni 'di zhes bya rigs ni 'di zhes bya/ rus ni 'di zhes bya zhes bya
 ba la sogs par rjes su tha snyad 'dogs par byed pa dang/ de gnyis la brten nas chos dang chos ma yin pa nye bar bsogs par byed de/ de ltar na de dag gi nye bar spyad pa'i dngos po yin par rig par bya'o/ /phung po tha ma ni
 bdag gi dngos po nyid yin par blta bar bya ste/ 'di ltar 'jig rten phal cher rnam par shes pa ni bdag tu 'dzin la lhag ma bzhi la ni bdag gir 'dzin pa'i phyir de skad bstan par zad kyi dngos po rnam par shes pa'i dngos po'i
 dbang du mdzad nas phung po'i grangs lnga kho nar nges par bstan te/ de ni phung po rnams kyi go rim rnam par bzhag pa yin no/ /de la phung po rnams kyis bsdu ba rnam par bzhag pa ni gzug kyi phung po drug po du dag dang/ khams du dag dang/
 skye mched du dag dang/ srid pa'i yan lag du dag dang/ gnas dang gnas ma yin pa du dag dang/ dbang po du dag gis bsdus/ /gzugs kyi phung po ji lta ba bzhin du tshor ba dang/ 'du shes dang 'du byed dang/ rnam par shes pa'i
 phung po'i bar du yang phung po la sogs pa du dag gis bsdus she na/ de la gzugs kyi phung po ni phung po gcig kho nas bsdus te/ gzugs kyi phung po nyid kyis so/ /khams dang skye mched bcu bcus bsdus te/ mig dang/ rna ba dang/
 sna dang/ lce dang/ lus kyi khams dang/ gzugs dang/ sgra dang/ dri dang/ ro dang/ reg bya'i khams rnams dang/ de dag gi skye mched rnams kyis so/ /khams dang skye mched gcig gi phyogs kyis kyang bsdus te/ khams bco brgyad
 kyi nang nas khams gcig ni chos kyi khams te/ de'i phyogs ni chos kyi khams brgyad las rnam par rig byed ma yin pa'i gzugs so/ /skye mched bcu gnyis kyi nan nas skye mched gcig kyang chos kyi skye mched de/ de'i phyogs kyang chos
 kyi skye mched brgyad las rnam par rig byed ma yin pa'i gzugs kyis so/ /srid pa'i yan lag drug gi phyogs kyis bsdus te 'du byed dang/ ming dang gzugs dang/ skye mched drug dang/ srid pa dang/ skye ba dang/ rga shi'i nang nas gzugs
 kyi phyogs re re bzung bas so/ /gnas dang gnas ma yin pa'i phyogs gcig gis bsdus te/ gzugs kyi rgyu 'bras bu ma nor ba'i gnas dang/ nor ba'i gnas ma yin pa'i phyogs so/ /dbang po bdun gyis bsdus te/ mgo dang
 rna ba dang/ sna dang/ lce dang/ lus dang/ pho dang mo'i dbang po rnams kyis so/ /tshor ba'i phung po ni phung po gcig kho nas bsdus te/ tshor ba'i phung po nyid kyis so/ /khams dang skye mched gcig gis phyogs bsdus te/ khams bco
 brgyad kyi nang nas khams gcig ni chos kyi khams te/ de'i phyogs ni chos kyi khams brgyad las tshor ba'o/ /skye mched bcu gnyis kyi nang nas skye mched gcig kyang chos kyi skye mched de'i phyogs kyang chos kyi skye mched brgyad las
 tshor ba so so/ /srid pa'i yan lag gcig gis bsdus te/ tshor bas so/ /srid pa'i yan lag gsum gyi phyogs kyis kyang bsdus te/ ming dang/ gzugs dang/ skye ba dang/ rga shi'i nang nas tshor ba'i phyogs re re bzung bas so/ /gnas dang
 gnas ma yin pa'i phyogs gcig gis bsdus te/ tshor ba'i 'bras bu ma nor ba'i gnas dang/ nor ba'i gnas ma yin pa'i phyogs so/ /dbang po lngas bsdus te/ yid mi bde ba dang/ sdug bsngal ba dang/ yid bde ba dang/ bde ba dang/ btang
 snyoms kyis ni dbang pos so/ /dbang po gsum gyis phyogs kyis kyang bsdus te/ mi shes pa kun shes pa dang/ kun shes pa dang/ kun shes pa dang ldan pa'i dbang po gsum re re mang dbang po dag dgu yod pa las
 tshor ba'i dbang por gtogs pa'i phyogs re re bzung bas so/ /'du shes kyi phung po ni phung po gcig kho nar bsdus te/ 'du shes kyi phung po nyid kyis so/ /khams dang/ skye mched gcig gi phyogs kyis kyang bsdus te/ khams bco brgyad
 kyi nang nas khams gcig gi ni chos kyis khams te/ de'i phyogs ni chos kyi khams brgyad las 'du shes so/ /skye mched bcu gnyis kyi nang nas skye mched gcig dang/ chos kyi skye mched de/ de'i phyogs dang chos kyi skye mched brgyad
 las 'du shes kyis so/ /srid pa'i yan lag gsum gyi phyogs bsdus te/ ming dang gzugs dang/ skye ba dang/ rga shi'i nas/ 'du shes kyi phyogs re re bzung bas so/ /gnas dang/ gnas ma yin pa'i phyogs gcig gis bsdus
 te/ 'du shes kyi rgyu dang/ 'bras bu la nor ba'i gnas dang/ nor pa'i gnas ma yin pa'i phyogs kyis so/ /dbang po ni gang gis kyang ma bsdus so/ /'du byed kyi phung po ni phung po gcig kho nas bsdus te/ 'du byed kyi phung po nyid
 kyis so/ /khams dang skye mched gcig gi phyogs kyis bsdus te/ khams bco brgyad kyi nang nas khams gcig ni chos kyi khams te/ de'i 'og ni brgyad pa las 'du byed do/ /skye mched bcu gnyis kyi nang nas/ skye mched
 gcig kyang chos kyi skye mched de/ de'i phyogs kyang chos kyi skye mched brgyad las 'du byed kyis so/ /srid pa'i yan lag bzhis bsdus te/ ma rig pa dang/ reg pa dang/ sred pa dang/ len pas so/ /srid pa'i yan lag lnga'i
 phyogs kyis kyang bsdus te/ 'du byed dang/ ming dang/ gzugs dang/ srid pa dang/ skye ba dang/ rga shi'i nang nas gzugs la sogs pa ma yin pa 'du byed kyi phyogs re re bzung bas so/ /gnas dang gnas ma yin pa'i phyogs gcig gis
 bsdus te/ 'du byed kyi rgyu dang 'bras bu ma nor ba'i gnas dang/ nor pa'i gnas ma yin pa'i phyogs kyis so/ /dbang po drug gis bsdus te/ dad pa dang/ brtson 'grus dang/ dran pa dang/ ting nge 'dzin dang/ shes rab kyi dbang po dang/ srog
 gi dbang pos so/ /dbang po gsum gyi phyogs kyis kyang bsdus te/ mi shes pa kun shes pa dang/ kun shes pa dang/ kun shes pa dang ldan pa'i dbang po gsum po re re las yang dbang po dgu dgu yod pa las/ dad pa la sogs pa'i
 lnga'i phyogs re re bzung bas so/ /rnam par shes pa'i phung po ni phung po gcig kho nas bsdus te/ rnam par shes pa'i phung po nyid kyis so/ /khams bdun gyis bsdus te/ rnam par shes pa'i khams drug dang/ yid kyi bams kyis so//
 skye mched gcig gis bsdus te/ chos kyi skye mched kyis so/ /srid pa'i yan lag gcig gis bsdus te/ rnam par shes pas so/ /srid pa'i yan lag bzhi'i phyogs kyis kyang bsdus te/ ming dang gzugs dang/ skye mched drug dang/
 skye ba dang/ rga shi'i nang nas rnam par shes pa'i phyogs re re bzung bas so/ /gnas dang gnas ma yin pa'i phyogs kyis bsdus te/ rnam par shes pa'i rgyu dang/ 'bras bu ma nor ba'i gnas dang/ nor pa'i gnas ma yin pa'i phyogs kyis so//
 dbang po gcig gis bsdus te/ yid kyi dbang pos so/ /dbang po gsum gyi phyogs kyis bsdus te/ mi shes pa kun shes pa dang/ kun shes pa dang/ kun shes pa dang ldan pa'i dbang po gsum po re re la yang dbang po dgu dgu
 yod pa las/ yid kyi dbang po'i phyogs re re bzung bas so/ /phung po rnams kyis bsdus pa rnam par bzhag pa'i rnam grangs gzhan yang rnam pa bcu yod de/ khams kyi bsdus pa ni phung po de dag nyid dang rang gi
 sa bon gyis bsdus pa gang yin pa'o/ /mtshan nyid kyi bsdus pa ni phung po de dag nyid rang dang spyi'i mtshan nyid kyis bsdus pa gang yin pa'o/ /rigs kyis bsdus pa ni phung po de dag nyid rang gi rigs zad par gyis bsdus
 pa gang yin pa'o/ /gnas skabs kyis bsdus pa ni phung po de dag nyid bde ba'i tshor ba dang mthun pa la sogs pa'i gnas skabs rnams kyis bsdus pa gang yin pa'o/ /tha mi dad pas bsdus pa ni phung po de dag nyid kyi chos
 re re yang phung po 'khor dang bcas pa thams cad kyis bsdus pa gang yin pa'o/ /dus kyis bsdus pa ni 'das pa dang/ ma 'ongs pa dang/ da ltar byung ba'i phung po de dag nyid dus de nyid kyis bsdus pa gang yin pa'o/ /
 yul gyis bsdus pa ni phung po de dag nyid yul gang du 'jug pa dang/ gnas gang nas 'byung ba'i yul de nyid kyis bsdus pa gang yin pa'o/ /mdza' dag gis bsdus pa ni phung po de dag nyid lnga nyid kyis bsdus pa
 gang yin pa'o/ /phyogs gcig gis bsdus pa ni phung po de dag nyid rnam par phye na/ gcig gis nang nas gzhan med pa'i rang rang gi phyogs kyis bsdus pa gang yin pa'o/ don dam pas bsdus pa ni phung po de dag
 nyid de bzhin nyid kyi mtshan nyid kyis bsdus pa gang yin pa'o/ /de dag thams cad gcig tu bsdus nas phung po rnams kyis bsdu ba rnam pa bcu drug yod te/ de ni phung po rnams kyi bsdu ba rnam par bzhag pa yin no/ /de la phung
 po rnams kyi rten rnam par bzhag pa ni gzugs kyi phung po ni gnas su dag las brten nas 'jug par 'gyur/ ming gis bsdus pa'i phung po dag ni gnas du dag las brten nas 'jug par 'gyur zhe na/ gzugs kyi phung po ni gnas drug
 la brten nas 'jug par 'gyur te/ rten gyi gnas snod kyi 'jig rten dang/ gnas kyi gnas khang khyim la sogs pa dang/ yo byad kyi gnas yo byad bcu dang/ dbang po'i gnas dgur byas pa'i gzugs dang/ dbang po'i rten gyi gnas
 'byung ba chen po'i gzugs dang/ mthu las byung ba'i ting nge 'dzin gyi spyod yul gyi gnas bstan du med pa/ thogs pa med pa'i gzugs la'o/ /ming gis bsdus pa'i phung po dag ni gnas bdun la brten nas 'jug par 'gyur te/ 'dod
 pa dang/ re ba dang/ /yul dang/ rnam par rtog pa dang/ yang dag par shes pa dang/ dag pa'i sbyor ba dang/ dag ba la'o/ /de la 'dod pa la longs spyod pa rnams kyi gnas skabs ni bzhi'o/ /sdom pa la gnas pa'i sdom brtson pa rnams kyi ni
 gcig go /nyer bsdogs thob pa mnyam par bzhag pa rnams kyi yang gcig go /dngos gzhi la gnas pa rnams kyi yang gcig go /de ltar na gnas bdun po de dag ni gnas skabs bzhir 'gyur te/ de ni phung po rnams kyi rten rnam par bzhag pa
 yin no/ /phung po rnams kyi rnam par bzhag pa ji skad bstan pa de dag ni sems can du ston pa yin pa'i phyir des ni sems can du gdags pa'i dngos po bstan to/ /de'i longs spyod kyi dngos po zhes bya bas ni/ skye mched rnams kyis bsten pa
 de la skye mched ni bcu gnyis te/ mig gi skye mched dang/ gzugs kyi skye mched dang/ rna ba'i skye mched dang/ sgra'i skye mched dang/ sna'i skye mched dang/ dri'i skye mched dang/ lce'i skye mched dang/ ro'i skye mched dang/ lus kyi skye mched dang/ reg?
 bya'i skye mched dang/ yid kyi skye mched dang/ chos kyi skye mched do/ /de dag ni rnam par bzhag pa yang rnam pa bcu drug gis bstan te/ ngo bo nyid dang/ don dang/ rab tu dbye ba dang/ go rim dang/ bsdu ba dang/ rten gyis so/ /
 de la skye mched rnams kyi ngo bo nyid rnam par bzhag pa gang zhe na/ mig gi skye mched kyi ngo bo nyid ni mig thob cing ma spangs la/ de ma thag tu lus la 'gog pa'i chos can ma yin pa gang yin pa'o/ /mig gi skye mched ji lta ba bzhin du
 skye mched lhag ma rnams kyang ngo bo nyid las de bzhin du blta bar bya ste/ de ni skye mched rnams kyi ngo bo nyid rnam par bzhag pa yin no/ /de la skye mched rnams kyi don rnam par bzhag pa gang zhe na/ rnam pa gnyis te/ nges pa'i tshig
 dang/ dgos pa'o/ /de la nges pa'i tshig ni ci'i phyir skye mched ces bya zhe na/ skye mched kyi don bstan pa ste/ de ni sems dang sems las byung ba'i chos rnams kyi skye ba'i sgo ni don dang/ rkyen gyi don dang/ thabs kyi don dang/ tshogs pa'i
 dngos po'i don dang/ rten gyi don dang/ de dag snang ba'i gnas kyi don to/ /dgos pa ni ci'i phyir na/ skye mched rnam par bzhag pa yongs su bstan ce na/ skye mched rnam par bzhag pa'i dgos pa bstan pa mtshungs pa de ma thag pa
 dang/ dmigs pa dang/ bdag po'i rkyen rnam pa gsum yongs su bstan par bya ba'i phyir/ skye mched rnam par bzhag pa ste/ de ni skye mched rnams kyi don rnam par bzhag pa yin no/ /de la skye mched rnams kyi rab tu dbye ba rnam par bzhag
 pa gang zhe na/ mdor bsdu na rnam pa drug tu blta bar bya ste/ skye ba'i sgo'i skye mched mig la sogs pa dag gis skye mched rnams so/ /dag pa'i skye mched ni gang zag rigs la gnas pa rnams kyi skye mched gang dag yin pa'o/ /rang
 bzhin gyi skye mched ni skye mched bcu gnyis po de dag nyid thog ma med pa'i dus nas skye ba dang/ phyi ma dag rab tu grub pa gang yin pa dang/ gang zag rigs la gnas pa dang/ rigs la gnas pa ma yin pa rnams kyis yongs su mya ngan las 'da' ba dang
 yongs su mya ngan las 'da' ba ma yin pa'i chos nyid du grub pa gang yin pa'o/ /yongs su bsgoms pa'i skye mched ni sngon dge ba dang/ mi dge ba yongs su bsgoms pa de dag nyid 'khor bar skye ba dang/ 'bri ba dang/ bye brag dang/ mya ngan las
 'das pa thog pa'i skye mched nyid gang yin pa'o/ /'bras bu skyed pa'i skye mched ni de dag nyid 'bras bu bskyed nas/ /'gags pa gang yin pa'o/ /'bras bu ma bskyed pa'i skye mched ni de dag nyid 'bras bu ma bskyed la 'gags pa 'am ma 'gags
 pa gang yin pa ste/ de ni skye mched rnams kyi rab tu dbye ba rnam par bzhag pa yin no/ /de la skye mched rnams kyi go rim rnam par bzhag pa gang zhe na/ de ni mdor bsdu na rnam pa gnyis te/ gnyis kyi go rim dang/ drug gi go rim mo/ /de la
 gnyis kyi go rim nang dang phyi ste/ nang gi rnam par shes pa'i gnas yin la/ gnas de la rnam par shes pa yul gcig pa'i don gyis brten pas dang por bstan la/ phyi'i ni dmigs pa yin pas de'i 'og tu bstan to/ /drug gi go rim ni
 dang por mig dang gzugs bstan pa nas tha mar yid dang chos kyi skye mched bstan pa'i bar gyi ste/ de yang mig nas reg bya'i bar ni rgyu rnam pa drug gi go rim de ltar bstan te/ mig dang gzugs ni spyod yul chos phal che ba dang/ sna tshogs pa
 dang yang dang yang 'byung ba'i phyir dang por bstan to/ /lhag ma rnams kyang rim gyis de bzhin pas de'i 'og tu rim gyis bstan te/ de ni rgyu dang po yin no/ /yang 'jig rten gyi tha snyad rjes su 'jug pa las te/ 'jig rten pa rnams ni dang
 por gcig la gcig lta bar byed pas de'i phyir mig dang gzugs dang por bstan to/ /de'i 'og tu kun tu smra bar byed pas rna ba dang sgra bstan to/ /de'i 'og tu 'dus shing za ba dang/ lhag par za bar byed pas na sna dang dri dang por myong
 bas sna dang dri bstan to/ /de'i 'og tu lce dang/ ro myong bas lce dang ro bstan to/ /de'i 'og nyi ma nub cing nam sros pa nam la shong zhing mal stan la sogs pa'i reg pa la rten par byed pas lus dang reg bya bstan te/ de ni rgyu gnyis pa yin no/ /yang dga' 
 ba'i bye brag gi gnas las te/ mig gis ni rgyang ring po nas gzugs mthong bas dga' ba'i bye brag skye bas dang por mig dang gzugs bstan to/ /lhag ma rnams dang rim gyis de bzhin pas de'i 'og tu rim gyis bstan te/ de ni rgyu gsum pa yin no//
 yang mdzes pa'i bye brag yongs su 'dzin pa las te/ 'dod pa la longs spyod pa rnams kyi mig tshugs dang/ mig sman la sogs pas mdzes par byas pas ni mig go /rna cha dang rna rgyan la sogs pas mdzes par byas pa ni rna ba yin no/ /gzhan
 ni de lta ma yin pas rim bzhin bstan te/ de ni rgyu bzhi pa yin no/ /yang bya ba dang zas dang/ 'khrig pa'i dbang las te/ sems can rnams ni lus dang ngag gis las dge ba dang mi dge ba dag gis thams cad la rtsol bar byed yongs su rtsol bar
 byed pas mig dang gzugs dang/ rna ba dang/ sgra bstan to/ /de'i 'og tu khams kyi zas dag za bar byed pas sna dang/ dri dang/ lce dang/ ro ston to/ /de'i 'og tu tshim zhing rgyas pa dang 'khrig pa rten par byed pas lus dang reg bya bstan te/ de ni rgyu lnga pa
 yin no/ /yang las dang bya ba'i bye brag yongs su 'dzin pa las te/ mig gis gzugs dag mthong nas 'gro ba la sogs pa la dka' ba byed pas dang por mig dang gzugs bstan to/ /rna bas ni sgra sna tshogs pa dag nyid pa la sogs par byed ste
 snga ma bas sla bas de'i 'og tu rna ba dang sgra bstan to/ /sna ni dri sna tshogs dag snom pa la sogs par byed de snga ma bas las sla bas de'i 'og tu sna dang dri bstan to/ /lce ni ro sna tshogs dag myang ba la sogs par byed de snga ma bas las sla bas de'i 'og tu
 lce dang ro bstan to/ /lus ni reg bya sna tshogs dag reg pa la sogs par byed de/ snga ma bas las sla bas de'i 'og tu lus dang reg bya bstan te/ de ni rgyu drug pa yin no/ /yid dang chos ni mig la sogs pa'i drug po de dag gi rnam grangs thams cad
 dang thams cad du 'gro ba yin pa'i phyir thams cad kyi tha mar bstan par rig par bya ste/ de ni skye mched rnams kyi go rim rnam par bzhag pa yin no/ /de la skye mched rnams kyi bsdu ba rnam par bzhag pa gang zhe na/ mig la sogs pa lnga dang/ gzugs
 la sogs pa lnga dang/ chos kyi skye mched kyi phyogs rnam par rig par byed pa ma yin pa'i gzugs ni gzugs kyi phung por gtogs pas gzugs kyi phung pos phung po dang/ skye mched dang/ khams dang/ srid pa'i yan lag dang/ gnas dang gnas
 ma yin pa dang/ dbang po dag bsdu bar sngar bstan pa kho na bzhin du sbyar ro/ /yid kyi skye mched ni rnam par shes pa'i phung por gtogs pas rnam par shes pa'i phung pos phung po dang skye mched dang/ khams dang/ srid pa'i yan lag dang/ gnas dang
 gnas ma yin pa dang/ dbang po dag bsdu ba sngar bstan pa kho na bzhin du sbyar ro/ /chos kyi skye mched kyi phyogs tshor ba dang/ 'du shes dang/ 'du byed gsum ni tshor ba dang/ 'du shes dang/ 'du byed kyi phung por gtogs pas tshor ba dang/ 'du shes dang/ 'du
 byed kyi phung pos phung po dang/ skye mched dang/ khams dang/ srid pa'i yan lag dang/ gnas dang gnas ma yin pa dang/ dbang po du dag bsdus pa sngar bstan pa kho na bzhin du sbyar ro/ /chos kyi skye mched kyi phyogs 'dus ma byas pa rnam pa bzhi ni khams
 su ma gtogs pa yin pas phung po la sogs pa gang gis kyang ma bsdus so/ /gzhan yang bcom ldan 'das kyis mdo sde las zil gyis gnon pa'i skye mched brgyad dang/ zad par gyi skye mched bcu dang/ nam mkha' mdza' yas skye
 mched la sogs pa bzhi dang/ 'du shes med pa'i skye mched dang/ 'du shes med 'du shes med min skye mched gnyis dang/ reg pa'i skye mched la sogs pa skye mched kyi sgrar bstan pa'i chos gang dag gsungs pa de dag kyang skye mched bcu gnyis
 po dag gis mtshan nyid ji skad smos pa ci rigs par bsdus pa rig par bya ste/ de ni skye mched rnams kyi bsdu ba rnam par bzhag pa yin no/ /de la skye mched rnams kyi rten rnam par bzhag pa gang zhe na/ skye mched gzugs can rnams ni gzugs kyi
 phung por gtogs par gzugs kyi phung po gnas drug la brten nas 'jug par 'gyur ba sngar bstan pa kho na bzhin du sbyar ro/ /skye mched gzugs can ma yin pa rnams kyis ming gis bsdus pa'i phung po bzhir gtogs pas ming gis bsdus pa'i
 phung po bzhi po dag gnas bdun la brten pas 'jug par 'gyur ba sngar bstan pa kho na bzhin du sbyar te/ de ni skye mched rnams kyi rten rnam par bzhag pa yin no/ /skye mched bcu gnyis kyi rnam par bzhag pa ji skad bstan pa de dag gi sgo nas sems
 can du gdags pa'i dngos pos phyi nang gi longs spyod nyams su myong ba'i phyir/ des ni de'i longs spyod kyi dngos po bstan to/ /de 'byung ba'i dngos po zhes bya bas ni khams rnams bstan te/ /de la khams ni bco brgyad de/ mig gis khams dang/
 gzugs kyi khams dang/ mig gi rnam par shes pa'i khams dang/ rna ba'i khams dang/ sgra'i khams dang/ rna ba'i rnam par shes pa'i khams dang/ sna'i khams dang/ dri'i khams dang/ sna'i rnam par shes pa'i khams dang/ lce'i khams dang/ ro'i khams
 dang/ lce'i rnam par shes pa'i khams dang/ lus kyi khams dang/ reg bya'i khams dang/ lus kyi rnam par shes pa'i khams dang/ yid kyi khams dang/ chos kyi khams dang/ yid kyi rnam par shes pa'i khams so/ /de dag gi rnam par bzhag pa yang rnam
 pa drug gis bstan te/ ngo bo nyid dang/ don dang/ rab tu dbye ba dang/ go rim dang/ bsdu ba dang rten gyis so/ /de la khams rnams kyi ngo bo nyid rnam par bzhag pa gang zhe na/ mig gi khams kyi ngo bo nyid ni mig ma spangs pa 'am/ spang ba srog gi dpa' 
 pos yongs su zin pa gang yin pa'o/ /mig gi khams ji lta bu zhe na/ rna ba dang/ sna dang/ lce dang/ lus dang/ yid dang/ de dag gi rnam par shes pa rnams dang/ chos kyi khams kyi phyogs 'dus ma byas ma gtogs pa rnams kyang de bzhin no/ /gzugs
 kyi khams kyi/ ngo bo nyid ni dbang po rnams kyis byung ba'i gzugs gang yin pa de la de'i dbang gis gzugs kyi khams zhes bya'o/ /gzugs kyi khams ji lta ba bzhin du sgra dang/ dri dang ro dang reg bya'i khams rnams kyang de bzhin no/ /chos kyi khams
 kyi phyogs 'dus ma byas kyi ngo bo nyid ni yongs su g.yo ba'i gzhi dang/ mi skye ba'i gzhi'i ngo bo nyid yin te/ de ni khams rnams kyi ngo bo nyid rnam par bzhag pa yin no/ de la khams rnams kyi don rnam par bzhag pa gang zhe na/ rnam pa gnyis te/
 des pa'i tshigs dang/ dgos pa'o/ /de la nges pa'i tshig ni/ ci'i phyir/ khams zhes bya zhe na/ khams kyi don bstan pa ste/ khams kyi don ni rgyu'i don dang/ sa bon gyi don dang/ rang bzhin gyi don dang/ rigs kyi don dang/ tshe phra ba'i don dang/ gzhi'i
 don to/ /dgos pa ni ci'i phyir na/ khams rnam par bzhag pa yongs su bstan ce na/ khams rnam par bzhag pa'i dgos pa bstan pa ste/ rgyu'i rkyen yongs su bstan par bya ba'i phyir dang/ dbang po dang/ yul dang/ nye bar spyod pa yongs su
 bstan par bya ba'i phyir te/ de ni khams rnams kyi don rnam par bzhag pa yin no/ /de la khams rnams kyi rab tu dbye ba rnam par bzhag pa gang zhe na/ mdor bsdu na rnam pa drug tu bsdu bar bya ste/ mtshan nyid 'dzin pa'i
 khams ni mig la sogs pa dag gi khams rnams so/ /dag pa'i khams ni gang zag rigs la gnas pa rnams kyi khams dag pa yin no/ /rang bzhin gyi khams ni khams bco brgyad po ji skad bstan pa de dag nyid thog ma med
 par dus nas rab tu grub pa gang yin pa dang/ gang zag rigs pa gnas pa dang/ rigs la gnas pa ma yin pa rnams kyi yongs su mya ngan las 'da' ba dang/ yongs su mya ngan las 'da' ba ma yin pa'i chos nyid du rab tu grub
 pa gang yin pa'o/ /yongs su bsgom pa'i khams ni sngon dge ba dang/ mi dge pa yongs su bsgoms pa de dag 'khor bar skye ba dang/ 'bri ba dang/ bye brag dang/ mya ngan las 'das pa thob pa'i rgyu gang yin pa'o/ /'bras bu skye ba'i
 khams ni de dag nyid 'bras bu skyed nas 'gags pa gang yin pa'o/ /'bras bu ma skyed pa'i khams ni de dag nyid 'bras bu ma bskyed la/ ma 'gags pa gang yin pa ste/ de ni khams rnams kyi rab tu dbye bar rnam par bzhag pa
 yin no/ /de la khams rnams kyi go rim rnam par bzhag pa gang zhe na/ de ni mdor bsdu na rnam pa gnyis te/ gsum gyi go rim dang/ drug gi go rim mo/ /de dag gis rnam par dbye ba ni skye mched kyi skabs su bstan pa bzhin ci
 rigs par sbyar te/ de ni khams rnams kyi go rim rnam par bzhag pa yin no/ /de la khams kyi bsdu ba rnam par bzhag pa gang zhe na/ skye mched kyi skabs su bstan pa bzhin ci rigs par sbyar ro/ /gzhan yang bcom ldan 'das kyi mdo
 sde las khams drug dang/ khams gsum dang/ 'dus byas dang/ 'dus ma byas kyi khams gnyis dang/ 'jig rten gyi khams dang/ chos kyi khams dang/ sems can gyi khams dang/ gdul ba'i khams dang/ gdul ba'i khams kyi
 thabs la sogs pa khams kyi sgrar bstan pa'i chos gang dag gsungs pa de dag kyang/ khams bco brgyad po dag gis mtshan nyid ji skad smos pas ci rigs par bsdus par rig par bya ste/ de ni khams rnams kyi bsdu ba rnam par bzhag
 pa yin no/ /de la khams rnams kyi rten rnam par bzhag pa gang zhe na/ skye mched kyi skabs su bstan pa bzhin ci rigs par sbyar te/ de ni khams kyi rten rnam par bzhag pa yin no/ /khams bco brgyad kyis rnam par bzhag pa ji skad bstan
 pa de dag las sems can du gdags pa'i dngos po la sogs pa 'byung ba'i phyir des ni de 'byung ba'i dngos po bstan to/ /de 'byung ba gnas pa'i dngos po zhes bya bas ni zas rnams bstan te/ de la zas ni bzhi ste/ kham gyi zas dang/
 reg pa'i zas dang/ yid la sems pa'i zas dang/ rnam par shes pa'i zas so/ /de dag gi rnam par bzhag pa yang rnam pa drug gis bstan te/ ngo bo nyid dang/ don dang/ rab tu dbye ba dang/ go rim dang/ bsdu ba dang/ rten gyis so/ /de la
 zas rnam par bzhag pa gang zhe na/ kham gyi zas kyi ngo bo nyid ni dri dang/ ro dang/ reg bya'i skye mched gsum gyis bsdus pa'i kham gyi zas yongs su 'jug pa'i tshe/ dri dang/ ro dang reg bya'i mthu dang/ rnam par smin pa la sogs pa'i stobs
 kyis rnam par shes pa la phan 'dogs par byed cing/ phan btags pa'i rnam par shes pa stobs dang ldan pa des dbang po gzugs can lnga dang/ yid kyi dbang po dang/ dbang po'i rten gyi 'byung ba chen po rnams 'phel zhing/ yangs pa
 dang/ rgyas par 'gyur pa gang yin pa'o/ /reg pa'i zas kyi ngo bo nyid ni reg pa'i skye mched drug gis bsdus pa'i reg pa bde ba 'am/ yid bde ba 'am/ btang snyoms kyi tsher ba skyed par byed pa da ltar byung ba'i bde ba 'am/ btang
 snyoms kyi stobs kyis rnam par shes pa la phan 'dogs par byed cing/ phan btags pa'i rnam par shes pa stobs dang ldan pa des dbang po gzugs can lnga dang/ yid kyi dbang po dang/ dbang po'i rten gyi 'byung ba chen po rnams
 'phel zhing yangs pa dang/ rgyas par 'gyur ba gang yin pa'o yid la sems pa'i zas kyi ngo bo nyid ni chos kyi skye mched kyi phyogs kyis bsdus pa'i sems pa yul 'dod pa 'thob pa'i rgyu yang dag pa'i thabs nyon mongs pa can
 nam/ nyon mongs pa can ma yin pa la brten nas re ba'i yid bde ba ma 'ongs pa'i yul la dmigs pas ma 'ongs pa'i yul 'dod pa thob tu re ba'i yid la sems pa'i stobs kyis rnam par shes pa la phan 'dogs par byed cing phan
 btags pa'i rnam par shes pa stobs dang ldan pa des dbang po gzugs can lnga dang/ yid kyi dbang po'i rten gyi 'byung ba chen po rnams 'phel zhing yangs pa dang/ rgyas par gyur pa gang yin pa'o/ /rnam par shes pa'i zas kyi ngo bo nyid
 ni yid kyi skye mched kyis bsdus pa'i rnam par shes pa zas gsum po rnams kyis da ltar dang/ ma 'ongs pa la dmigs pas phan btags shing stobs dang ldan pa des dbang po gzugs can lnga dang/ yid kyi dbang po dang/ dbang po'i rten
 gyi 'byung ba chen po rnams 'phel zhing/ yangs pa dang/ rgyas par 'gyur ba gang yin pa ste/ de ni zas rnams kyi ngo bo nyid rnam par bzhag pa yin no/ /de la zas rnams kyi don rnam par bzhag pa gang zhe na/ rnam pa gnyis te/ nges
 pa'i tshig dang/ dgos pa'o/ /de la nges pa'i tshig ni/ zas zhes bya zhe na/ zas kyi don bstan pa ste/ zas kyi don ni khams gsum na spyod pa'i sems can skyes shing byung ba rnams kyi gnas pa sgrub par byed pa'i don to/ /dgos pa ci'i phyir
 zas rnam par bzhag pa yongs su bstan ce na/ zas rnam par bzhag pa'i dgos pa bstan pa ste/ gnas pa sgrub par byed pa'i chos rnams kyi rab tu dbye ba bstan pa'i phyir te/ de ni zas rnams kyi rab tu dbye ba rnam par bzhag pa yin no/ de
 la zas rnams kyi rab tu dbye ba rnam par bzhag pa gang zhe na/ rnam pa bdun te/ khams kyi rab tu dbye ba dang/ rags pa dang/ cha phra ba'i bar du dbye ba dang/ gnas skabs kyi rab tu dbye ba dang/ zas dang zas ma yin pa'i rab tu dbye ba dang bya ba
 byed pa'i rab tu dbye ba dang/ mu bzhir bcas pa'i rab tu dbye ba'o/ de la khams kyi rab tu dbye ba gang zhe na/ kham gyi zas kyi ni 'dod pa ni spyod pa'i sems can rnams gnas shing 'tsho ba'o/ /reg pa dang/ yid la sems pa dang/ rnam par
 shes pa'i zas kyis ni khams gsum na spyod pa'i sems can thams cad gnas shing 'tsho'o/ /rags pa dang cha phra ba'i rab tu dbye ba gang zhe na/ kham kyi zas rags pa ni dud 'gro dang/ yi dags dang/ mi bcas pa'i dus tshun chad la gnas   
 pa rnams kyi'o/ /cha phra pa ni sems can mdal na gnas pa mer mer po la sogs pa'i dus rnams dang/ lha'i ris drug po dag gi ste/ de dag ni kham gyi zas zos pa'i mod la lus kyi yan lag thams cad du cig car 'ju zhing rim gyis ma
 yin pas de dag la bshang pa dang/ gci bar gyur pa yang med do/ /nyi tshe ba'i sems can dmyal ba kha cig ma gtogs pa sems can dmyal ba pa rnams la yang kham gyi zas med de/ de dag ni rlung cha phra mo rjes su zhugs pa zas kyi tha snyad la
 ma gtogs pa dang/ las kyi dbang gis gnas shing 'tshe'o/ /reg pa dang/ yid la sems pa dang/ rnam par shes pa'i zas rags pa gang zhe na/ 'dod pa na spyod pa rnams kyi'o/ /cha phra ba gang zhe na/ gzugs dang gzugs
 med pa na spyod pa rnams kyi'o/ /dngos po'i rab tu dbye ba gang zhe na/ kham gyi zas kyis ni 'dag gu dang/ snum khur dang/ 'bras chan dang/ zas dron dang/ zhu mar dang/ sbrang rtsi dang/ bu ram gyi dbu pa dang/ sha dang nya sha dang/ sha skam dang/ lan
 tsha dang/ 'o ma dang/ zho dang/ mar dang/ gzhan yang de lta bu'i yo byad gang dag kham du byas te/ bzar rung ba dag ste/ de'i phyir kham gyi zas zhes bya'o/ reg pa'i zas kyis ni reg pa'i skye mched drug gis bsdus pa'i reg pa'i tshe ba drug po
 bde ba dang/ yid bde ba dang/ btang snyoms kyi tshor ba skyed par byed pa ltar byung ba dag go/ yid la sems pa'i zas kyi 'dus te reg pa'i tshogs drug gis bsdus pa'i sems pa'i tshogs drug po la 'ongs pa'i yul 'dod pa las dmigs
 pa dag go/ rnam par shes pa'i zas kyis ni yid kyi skye mched kyis bsdus pa rnam par shes pa'i tshogs brgyad po zas gsum po rnams kyis da ltar dang ma 'ongs pa la dmigs pas phan btags shing stobs dang ldan pa dag go/ gnas
 skabs kyi rab tu dbye ba gang zhe na/ kham gyi zas dus gang gi tshe/ zas nyid du rnam par bzhag ce na/ 'jug pa'i tshe kho na zas su rnam par bzhag gi/ za ba'i tshe na ni ma yin no/ /reg pa dang/ yid la sems pa dang/ rnam par shes pa'i zas ni
 gang gi tshe dbang po dang 'byung ba chen po rnams 'phel zhing yangs pa dang rgyas par 'gyur pa'i tshe na zas su rnam par bzhag go/ zas dang zas ma yin pa'i rab tu dbye ba gang zhe na/ kham gyi zas ni dbang po dang 'byung ba chen po 'phel zhing
 yangs pa dang rgyas par byed pa ni zas yin la/ de las zlog pa ni zas ma yin te/ de la kham gang za ba'i tshe na/ yid du 'ong bar zab po'i dbang po cham par byed pa de ni da dung ma zhu bas dbang po dang 'byung ba chen po rnams 'phel zhing yangs pa dang/
 rgyas par mi byed pa'i phyir kham gyi zas shes brjod par ni mi bya mod kyi/ 'on kyang de'i reg pa'i skye mched drug car nas dbang po dang 'byung ba chen po rnams 'phel zhing yangs pa dang rgyas par byed pas reg pa'i zas zhes brjod par bya'o/ /kham de
 'phrod pas dbang po dang 'byung ba chen po rnams 'phel zhing yangs pa dang/ rgyas par 'gyur bar 'jug na ni de 'ju ba'i tshe na kham gyi zas yin par brjod par bya'o/ /gal te kham de zhu yang dbang po dang 'byung ba chen po rnams 'phel zhing yangs
 pa dang/ rgyas par mi 'gyur na ni de zhur zin kyang kham gyi zas ma yin par brjod par bya'o/ /kham gang za ba'i tshe na kha ba dang tsha ba la sogs pas gnod pa byed pa dang/ 'ju ba'i tshe phan 'dogs par byed pa de ni kham gyi zas yin par brjod par bya'o//
 kham gang za ba'i tshe na zhim la 'ju ba'i tshe na mi 'phrod pa de ni kham gyis zas ma yin par brjod par bya'o/ /kham gang dri dang ro dang reg bya'i skye mched kyis bsdus pa ni legs par zhu bas phan 'dogs pas kham gyis zas yin gyi gzugs dang sgra'i skye
 mched ni phan par yang mi 'ju gnod par yang mi 'ju ba'i kham gyi zas yin par brjod par mi bya'o/ /reg pa dang yid la sems pa dang/ rnam par shes pa'i zas ni sngar so so'i ngo bo nyid ji skad bstan pa dag ni dbang po dang/ 'byung ba chen po rnams
 'phel zhing yangs pa dang/ rgyas par gyur pas zas yin bar brjod par bya'o/ /sdug bsngal dang yid mi bde ba'i tshor ba skyed par byed pa'i reg pa dang/ yul 'dod pa thob tu mi re ba dang/ yul mi 'dod pa thob tu dogs pa'i yid la sems pa
 dang/ zas gsum dang bral zhing zas gsum gyi mi mthun pa'i phyogs dang/ phrad pa'i rnam par shes pa gnod pas nyams thag pa dang/ 'chi ba'i rnam par shes pa la sogs pa ni dbang po dang/ 'byung ba chen po rnams 'phel
 zhing yangs pa dang/ rgyas par mi 'gyur bas zas ma yin par brjod bar bya'o/ /bya ba byed pa'i rab tu dbye ba gang zhe na/ kham gyi khas kyis ni yongs su 'ju ba'i tshe dri dang ro dang reg bya'i mthu dang/ rnam par smin pa la stobs kyis rnam par
 shes pa la phan 'dogs par byed cing/ phan btags pa'i rnam par shes pa stobs dang ldan pa nges dbang po dang 'byung ba chen po rnams 'phel zhing yangs pa dang/ rgyas par byed pas zas kyi bya ba byed do/ /reg pa dang yid la
 sems pa dang/ rnam par shes pa'i zas kyis ni so so'i stobs kyis rnam par shes pa la phan 'dogs par byed cing phan btags pa'i rnam par shes pa stobs dang ldan pa nges dbang po dang 'byung ba chen po rnams 'phel zhing yangs pa dang/ rgyas
 par byed pas zas kyi bya ba byed do/ /de la rnam par shes pa ji ltar na yid kyi dbang po'i zas yin zhe na/ de ltar zas rnam pa gsum gyi nye bar brtags pa'i rnam par shes pa de yid kyi dbang po gong nas gong du ches rtas pa dang/ ches stobs
 dang ldan par skye ba'i rgyur gyur pa'i phyir ro/ /mu bzhir bcas pa'i rab tu dbye ba gang zhe na/ kham gang yin pa de zas kyang yin la/ zas gang yin pa de yang/ kham yin nam zhe na/ mu bzhi ste/ kham yin la zas ma yin pa ni kham gang dbang po
 dang 'byung ba chen po 'phel bar mi 'gyur ba'o/ /zas yin la kham ma yin pa ni reg pa dang/ yid la sems pa dang/ rnam par shes pa gang dbang po dang 'byung ba chen po 'phel bar 'gyur ba'o/ /zas kyang yin la kham yang yin pa ni
 kham gang dbang po dang 'byung ba chen po 'phel bar 'gyur ba'o/ /kham yang ma yin la zas kyang ma yin pa ni reg pa dang/ yid la sems pa dang rnam par shes pa gang dbang po dang 'byung ba chen po 'phel bar mi 'gyur ba'o/ /reg pa la sogs pa
 lhag ma rnams la yang mu bzhi de bzhin du ci rigs par brjod par bya ste/ de ni zas rnams kyi rab tu dbye ba rnam par bzhag pa yin no/ /nga ni zas rnams kyi go rim rnam par bzhag pa gang zhe na/ rnam pa lnga'i phyir te/ mang ba'i rim pa dang/ brda phrad
 pa'i rim pa dang/ phan 'dogs pa'i rim pa dang/ srog gi dbang po 'dzin pa'i rim pa dang/ dran pa nye bar gzhag pa la 'jug pa'i phyir ro/ /de la mang ba'i rim pa ni kham gyi zas ni dri dang ro dang reg bya'i skye mched kyis bsdus pa'i kham du bya ba'i zas
 sgo mang po sna tshogs nas byung ba dang por bstan to/ /reg pa'i zas ni bde ba dang/ yid bde ba dang/ btang snyoms kyi tshor ba skyed par byed pa'i reg pa'i tshogs nyi tshe las byung bas snga mas kyang nyung ba'i phyir de'i 'og tu bstan to/ /yid la sems pa'i
 zas ni yul 'dod pa thob tu re ba la sems pa'i yid la sems pa 'ba' zhig las byung bas snga ma bas kyang ches nyung ba'i phyir de'i 'og tu bstan to/ /rnam par shes pa'i zas snga ma gsum po dag gi phan btags pa'i rnam par shes pa nyi tshe
 las byung bas snga ma bas kyang ches shin tu nyung ba'i phyir de'i 'og tu bstan to/ /brda phrad par sla ba'i rim pa ni kham gyi las ni byis pa yan chad kyis kyang gzung ba dang 'jug pa dang/ rtogs par sla bas dang por bstan to/ /reg pa'i zas ni ngo bo nyid
 dang gnas dang dmigs pa dang/ grogs dang las la sogs pa snga ma bas kyang brda phrad par dka' bas de'i 'og tu bstan to/ /yid la sems pa'i zas ni ngo bo nyid la sogs pa snga ma bas kyang ches brda phrad bar dka' bas de'i 'og tu bstan to
 rnam par shes pa'i zas ni ngo bo nyid la sogs pa snga ma bas kyang ches shin tu brda phrad par dga' bas de'i 'og tu bstan to/ /phan 'dogs pa'i rim pa ni kham gyi zas ni dbang po dang/ 'byung ba chen po 'phel ba la phan
 'dogs pa mthu che bas dang por bstan to/ /reg pa'i zas ni snga ma bas phan 'dogs pa'i mthu chung pas de'i 'og tu bstan to/ /yid la sems pa'i zas ni snga ma bas kyang phan 'dogs pa'i mthu ches chung bas de'i 'og tu bstan to//
 rnam par shes pa'i zas ni snga ma bas kyang phan 'dogs pa'i mthu ches shin tu chung bas de'i 'og tu bstan to/ /srog gi dbang po 'dzin pa'i rim pa ni kham gyi zas ni de yod na srog gi dbang po re zhig mi 'gag pas dang por
 bstan to/ /dge ba'i zas ni kham gyi zas med na de yod kyang srog gi dbang po myur du 'gag pas de'i 'og tu bstan to/ /yid la sems pa'i zas ni kham dang reg pa'i zas med na de yod kyang srog gi dbang po ches myur du 'gag
 par de'i 'og tu bstan to/ /rnam par shes pa'i zas ni kham dang reg pa dang yid la sems pa'i zas med na gtan med pas srog gi dbang po ches shin tu myur tu 'gag pas de'i 'og tu bstan to/ /dran pa nye bar gzhag pa la
 'jug pa'i rim pa ni kham gyi zas ni lus dran pa nye bar gzhag pa la 'jug pa'i sgo yin pas dang por bstan to/ /reg pa'i zas ni tshor ba dran pa nye bar gzhag pa la 'jug pa'i sgo yin pas de'i 'og tu bstan to/ /yid la
 sems pa'i zas ni chos dran pa nye bar gzhag pa la 'jug pa'i sgo yin pas de'i 'og tu bstan to/ /rnam par shes pa'i zas ni sems dran pa nye bar gzhag pa la 'jug pa'i sgo yin pas de'i 'og tu bstan to/ de ni zas rnams
 kyi go rim rnam par bzhag pa yin no/ /de la zas rnams kyi bsdu ba rnam par bzhag pa gang zhe na/ kham gyi zas ni gzugs kyi phung por gtogs pas des ni gzugs kyi phung pos chos gang dag bsdus pa de dag bsdus so/ /reg pa dang yid la
 sems pa'i zas ni 'du byed kyi phung por gtogs pas de gnyis kyis ni 'du byed kyi phung pos chos gang dag bsdus pa de dag bsdus so/ /rnam par shes pa'i zas ni rnam par shes pa'i phung por gtogs pas/ des ni rnam par shes pa'i phung
 pos chos gang dag bsdus pa de dag bsdus par blta bar bya'o/ /de la gnyid dang yang ba spangs pa dang/ tshangs par spyod pa dang/ snyoms par 'jug pa dag kyang dbang po dang 'byung ba chen po rgyas par byed pa yin na/ ci'i phyir zas
 yin par rnam par mi bzhag ce na rgyas pa ni gnyis po 'di dag yin te/ don gzhan la phan 'dogs pas rgyas pa dang/ gnod par mi byed pas rgyas pa'o/ de la gnyid la sogs pa ni rgyas pa phyi ma shos kyis rgyas par byed pa yin gyi snga ma shos
 kyis ma yin te/ de'i phyir de dag zas yin par rnam par mi bzhag go /ci'i phyir lus gnas par byed pa'i srog gi dbang po zas yin par rnam par mi bzhag ce na/ de ni zas med na rgyas par byed pa ma yin pa'i phyir ro/ /gang gi tshe rgyu bdun gyi 'du
 byed rnams gnas par 'gyur te/ bdun gang zhe na/ skye ba dang/ srog gi dbang po dang/ zas dang/ sems la dbang po rnams kyi rdzu 'phrul dang/ rgyu dang rkyen tshogs pa dang/ sngon gyi las kyi 'phen pa dang/ bar du gcod pa med pa ste/ rgyu bdun po de dag
 gis 'du byed rnams gnas par gyur pa dmigs pa de'i tshe ci'i phyir sems can skyes shing 'byung ba rnam pa zas bzhi po kho nas gnas par gsungs te/ zas bzhi ni mang ba'i phyir dang/ brda phrad sla ba'i phyir dang/ phan 'dogs par byed pa'i
 phyir dang/ srog gi dbang po 'dzin pa'i phyir dang/ dran pa nye bar bzhag pa la 'jug pa'i sgo yin pa'i phyir sems can skyes shing 'byung ba rnams zas bzhis gnas pa kho na yin par gsungs te/ de ni zas rnams kyi
 bsdu ba rnam par bzhag pa yin no/ /de la zas rnams kyi rten rnam par bzhag pa gang zhe na/ kham gyi zas ni gzugs kyi phung por gtogs la/ reg pa dang/ yid la sems pa dang/ rnam par shes pa'i zas ni ming gis bsdus
 pa'i phung po yin pas de dag gi rten dang/ sngar gzugs kyi phung po ni gnas drug las brten te/ 'jug la/ ming gis bsdus pa'i phung po bzhi po dag ni gnas bdun la/ brten te 'jug par 'gyur ro zhes bstan pa bzhin du ci rigs
 par sbyar te/ de ni zas rnams kyi rten rnam par bzhag pa yin no/ /de ltar zas rnams kyi rten rnam par bzhag pa ji skad bstan pa de dag gis sems can skyes shing 'byung ba rnams gnas shing 'tsho bar 'gyur pa'i phyir des ni de 'byung ba'i
 dngos po bstan to/ /de'i kun nas nyon mongs pa dang rnam par byang ba'i dngos po zhes bya bas ni bden pa rnams bstan te/ sdug bsngal 'phags pa'i bden pa dang/ kun 'byung ba dang/ 'gog pa dang/ lam 'phags pa'i bden
 pa'o/ /de dag gi rnam par bzhag pa yang rnam pa drug gis bstan te/ ngo bo nyid dang/ don dang rab tu dbye ba dang/ go rim dang/ bsdu ba dang/ rten gyis so/ /de la bden pa rnams kyi ngo bo nyid rnam par bzhag pa gang zhe na/ sdug bsngal
 gyi bden pa zhes bya ba la sogs pas ni bden pa rnams bstan te/ de la bden pa ni bzhi ste/ sdug bsngal 'phags pa'i bden pa'i ngo bo nyid ni skye ba'i kun nyon mongs pa sdug bsngal brgyad dang gsum gyis bsdus pa gang yin
 pa'o/ /kun 'byung ba'i bden pa'i ngo bo nyid ni nyon mongs pa'i kun nas nyon mongs pa dang/ las kyi kun nas nyon mongs pa dang/ sred pas bsdus pa gang yin pa'o/ /'gog pa'i bden pa'i ngo bo nyid ni sdug bsngal dang/ kun 'byung ba ma lus
 par spangs pa nyon mongs pa 'gog pa dang/ phung po 'gog pas bsdus pa gang yin pa'o/ /lam gyi bden pa'i ngo bo nyid ni sdug bsngal dang/ kun 'byung ba spong ba 'phags pa'i lam yan lag brgyad pa tshogs kyi lam dang/ sbyor ba'i lam dang/
 rnam par dag pa'i lam gyis bsdus pa gang yin pa ste/ de ni bden pa rnams kyi ngo bo nyid rnam par bzhag pa yin no/ /de la bden pa rnams kyi don rnam par bzhag pa gang zhe na/ rnam pa gnyis te/ des pa'i tshig dang/ dgos pa'o/ /de la
 ngas pa'i tshig ni ci'i phyir bden pa zhes bya/ ci'i phyir 'phags pa'i bden pa zhes bya/ ci'i phyir sdug bsngal dang/ 'gog pa dang/ lam zhes bya/ ci'i phyir sdug bsngal bden pa dang/ kun 'byung ba bden pa dang/ 'gog pa bden pa dang/ lam
 bden pa zhes bya zhe na/ bden pa zhes bya ba'i don ni bstan pa dang mi mthun pa med pa'i mtshan nyid kyi don dang/ de mthong na rnam par dag pa'i rgyu 'gyur pa'i don to/ /ci'i phyir 'phags pa'i bden pa zhes bya zhe na/ 'phags pa'i bden pa'i don ni 'phags
 pa rnams kyi bden pa de dag chos nyid kyi sgo dang/ rtogs pa'i sgo gnyis ka nas de kho na lta bu yin par yang dag par ji lta ba bzhin du mkhyen cing gzigs kyi/ byis pa rnams kyis yang dag pa ji lta ba bzhin du mi shes mi mthong bas na/ de'i phyir 'phags
 pa'i bden pa'i don ni zhes bya ste/ byis pa rnams la yang de dag chos nyid kyi sgo nas ni don med mod kyi/ rtogs pa'i sgo nas ni ma yin gyi 'phags pa rnams la ni de gnyi ga'i sgo nas bden pa yin no/ /ci'i phyir sdug bsngal dang/ kun 'byung ba dang/
 'gog pa dang/ lam zhes bya zhe na/ sdug bsngal gyi don ni nyon mongs pa las 'byung ba'i 'du byed kyi don to/ /kun 'byung ba'i don ni sdug bsngal bskyed pa'i don to/ /'gog pa'i don ni de gnyi ga nye bar zhi ba'i don to/ /lam
 gyi don ni don gsum po de dag sgrub pa'i don to/ /ci'i phyir sdug bsngal bden pa dang/ kun 'byung ba bden pa dang/ 'gog pa bden pa dang/ lam bden pa zhes bya zhe na/ sdug bsngal yang sdug bsngal ba'i don dang/ lam gyi bar yang
 lam gyi don gyis yang dag par de bzhin pha ma nor pa ste/ phyin ci ma log cing ma bslad pa dang/ rang gi mtshan nyid kyis mi bslu ba'i phyir ro/ /de la dgos pa ni ci'i phyir bden pa rnam par bzhag pa yongs su bstan ce na/ kun nas
 nyon mongs pa dang rnam par byang ba'i phyogs su gtogs pa'i rgyu dang 'bras bu rnam par bzhag pa bstan pa'i phyir te/ sdug bsngal gyi bden pa ni kun nas nyon mongs pa'i phyogs su gtogs pa'i 'bras bu yin la/ kun 'byung ba'i
 bden pa ni de skyed par byed pa'i rgyu yin no/ 'gog pa'i bden pa ni rnam par byang ba'i phyogs su gtogs pa'i 'bras bu yin/ lam gyi bden pa ni de thob par byed pa'i rgyu yin te/ de ni bden pa rnams kyi don rnam par bzhag pa
 yin no/ /de la bden pa rnams kyi rab tu dbye ba rnam par bzhag pa gang zhe na/ rnam pa bdun te/ ngo bo nyid kyi rab tu dbye ba dang/ mngon sum dang rjes su dpag pa'i rab tu dbye ba dang/ mi mthun pa'i phyogs dang/ gnyen po'i rab tu dbye ba
 dang/ yid la byed pa'i rab tu dbye ba dang/ mngon par rtog pa'i rab tu dbye ba dang/ 'bras bu thob pa'i rab tu dbye ba'o/ /de la ngo bo nyid kyi rab tu dbye ba gang zhe na/ sdug bsngal gyi bden pa'i ngo bo nyid ni/ skye ba'i kun nas nyon mongs pa
 sdug bsngal brgyad dang gsum gyis bsdus pa gang yin pa'o zhes bstan pa de la skye ba'i kun nas nyon mongs pa ni gang/ sdug bsngal brgyad ni gang/ skye ba'i kun nas nyon mongs pa zhes bya ba ni nyon mongs pa'i kun nas nyon mongs pa dang/ las kyi kun
 nas nyon mongs pa'i khams gsum du skye'o/ /de'i 'og tu rab tu dbye ba ni rnam pa bzhis rnam par gzhag ste/ rab tu dbye ba dang/ sdug bsngal ba dang ma nyes pa dang/ 'jug pas so de la rab tu dbye ba ni rnam pa lta ste/ khams kyi rab tu dbye ba dang/
 'gro ba'i rab tu dbye ba dang/ gnas gzhan gyis rab tu dbye ba dang/ rigs kyis rab tu dbye ba dang/ 'jig rten na lus kyi rab tu dbye ba'o/ /de la khams kyi rab tu dbye ba ni khams gsum du skye ba rnam pa gsum mo/ /'gro ba'i rab tu dbye ba ni 'gro
 ba lngar skye ba rnam pa lnga'o/ /gnas gzhan gyi rab tu dbye ba ni 'dod pa'i khams na gnas gzhan sum cu rtsa drug /gzugs kyi khams na gnas gzhan bco brgyad dang/ gzugs med pa'i khams na gnas gzhan lnga bcu rtsa brgyad du skye'o/ /rigs
 kyi rab tu dbye ba ni 'dod pa'i khams na mi rnams la skye ba rnam pa gsum yod de/ rigs ngan par skye ba dang/ rigs btsun pa dang/ rigs ngan pa yang ma yin btsun pa ma yang ma yin par skye ba dang/ 'dod pa na spyod pa'i lha rnams la yang skye
 ba rnam pa gsum yod de/ lha ma yin du skye ba dang/ sa bzhi la brten pa'i nang du skye ba dang/ nam mkha' i gzhal med khang la brten pa'i nang du skye ba dang/ gzugs kyi khams na yang skye ba rnam pa gsum yod de/ so so'i skye bo rnams kyi 'du shes
 dang bcas pa skye ba dang/ 'du shes med par skye ba dang/ 'phags pa rnams kyi gnas gtsang mar skye ba dang/ gzugs med pa'i khams na yang skye ba rnam pa gsum yod de/ 'du shes rgya che ba rnams kyi nang du skye ba dang/ 'du shes tshad med pa
 rnams kyi nang du skye ba dang/ 'du shes med 'du shes med min gyi lha rnams kyi nang du skye ba skyes te/ de dag bsdoms na rigs gnyis su skye ba'o/ /'jig rten na lus kyi rab tu dbye ba phyogs bcu'i 'jig rten gyi khams
 tshad med pa dag na gnas pa rnams kyi skye ba tshad med pa dag yin par rig par bya'o/ de la sdug bsngal ba'i rab tu dbye ba ni yun ring po nas skye ba de dag 'gro zhing 'khor ba rnams kyi yan lag dang nying lag bcad pa mang po nyams
 su myong ba las khrag 'dzag cing 'bab pa dang/ der pha ma dang/ phu nu dang/ bu sring gi phyir sdug bsngal ba dang/ gnyen bshes dang nor dang longs spyod zad pa mang po nyams su myong ba rnams kyi mchi ma mang po 'dzag cing 'bab pa dang
 de dag tu ma'i nu zho 'thungs pa yang rgya mtsho chen po bzhi'i chu bas kyang ches mang ngo zhes gsungs pa dang/ de lta bu dang mthun pa rnams ni skye ba'i sdug bsngal ba'i rab tu dbye ba yin par rig par bya'o/ /de la ma nges pa'i rab tu dbye ba ni
 skye ba de dag tu 'gro zhing 'khor ba rnams kyi pha dang ma'i mdza' thug pa med pa dang/ pha ma dang/ phu nu dang bu sring dang/ mkhan po dang slob dpon dang/ bla ma dang/ bla ma lta bur ma gyur pa med pa dang/ gang zag gcig gi rus pa'i phung po
 yang sdud pa zhig yang la bsdus kyang 'jig pa dang/ rul bar mi 'gyur du zin na ni ri ngos kyi dpangs tsam mo zhes gsungs pa dang/ de lta bu dang mthun pa rnams ni skye ba'i ma nges pa'i rab tu dbye ba yin par rig par bya'o/ /de 'jug
 pa'i rab tu dbye ba ni skye ba de dag tu 'gro zhing 'khor ba rnams kyi rten cing 'brel par 'byung ba'i ngo bo nyid dang/ don dang rab tu dbye ba dang/ go rim dang/ bsdu ba dang/ rten rnam par bzhag pa dag yin par rig par bya'o/ /de la sdug
 bsngal brgyad gang zhe na/ skye ba'i sdug bsngal dang/ rga ba'i sdug bsngal dang/ na ba'i sdug bsngal dang/ 'chi ba'i sdug bsngal dang/ mi sdug pa dang phrad pa'i sdug bsngal dang/ sdug pa dang bral ba'i sdug bsngal dang/ 'dod pas phongs pa'i sdug
 bsngal dang/ mdor na nye bar len pa'i phung po lnga sdug bsngal ba'o/ /de la ji ltar na skye ba sdug bsngal ba yin zhe na/ rnam pa lnga ste/ sdug bsngal dang ldan pa'i phyir dang/ gnas ngan len dang ldan pa'i phyir dang/ sdug bsngal gyi gnas
 yin pa'i phyir dang/ nyon mongs pa'i gnas yin pa'i phyir dang/ mi 'dod bzhin du 'bral ba'i chos nyid yin pa'i phyir ro/ /rga ba yang rnam pa lngas sdug bsngal nyid yin te/ gzugs bzang ba yongs su nyams pa'i phyir dang/ mthu stobs yongs
 su nyams pa'i phyir dang/ dbang po yongs su nyams pa'i phyir dang/ yul la longs spyod pa yongs su nyams pa'i phyir dang/ tshe yongs su nyams pa'i phyir ro/ /na ba yang rnam pa lngas sdug bsngal ba nyid yin te/ lus kyi rang bzhin 'gyur ba'i phyir
 dang/ sdug bsngal dang yid mi bde ba mngon par 'phel zhing de la shes cher gnas pa'i phyir dang/ yul gyi longs spyod yid du 'ong ba mi 'dod pa'i phyir dang/ yul gyi longs spyod yid du 'ong ba mi 'dod bzhin du yongs su spyad dgos pa'i phyir
 dang/ srog gi dbang po dang bral bar 'gyur ba'i phyir ro/ /'chi ba yang rnam pa lngas sdug bsngal nyid yin te/ longs spyod sdug pa phun sum tshogs pa dang bral ba nyid kyi phyir dang/ rtsa 'jing? sdug pa phun sum tshogs pa dang 'bral ba nyid kyi phyir
 dang/ 'khor phun sum tshogs pa dang 'bral ba nyid kyi phyir dang/ lus sdug pa phun sum tshogs pa dang 'bral ba nyid kyi phyir dang/ 'chi ba'i tshe sdug bsngal yid mi bde ba rab tu drag po nyams su myong bar 'gyur ba nyid kyi phyir dang/ mi sdug pa
 dang phrad pa yang rnam pa lngas sdug bsngal nyid yin te/ de dang phrad pas sdug bsngal dang yid mi bde ba nyid kyi phyir dang/ chad pas 'jigs pa'i gnas nyid kyi phyir dang/ nyam nga bzhin du 'chi ba'i 'jigs pa'i gnas nyid kyi phyir dang/ chos
 dang 'gal bas ngan 'gros 'jigs pa'i gnas nyid kyi phyir dang/ sdug pa dang bral ba yang rnam pa lngas sdug bsngal nyid yin te/ de dang 'bral bas mya ngan skyes pa nyid kyi phyir dang/ smre sngags 'don pa nyid kyi phyir dang lus la gnod pa nyid kyi phyir dang/
 yon tan rnam pa lngas rjes su dran zhing 'dod pas yid yongs su gdung ba nyid kyi phyir dang/ de'i longs spyod mtshan nyid kyi phyir dang/ sdug pa dang 'bral ba'i sdug bsngal gyi snod nyid ji lta ba bzhin du 'dod pas phongs pa'i sdug bsngal yang rnam
 pa de lngas sdug bsngal ba nyid yin par rig par bya'o/ /mdor na nye bar len pa'i phung po lnga sdug bsngal ba yang rnam pa lngas sdug bsngal nyid yin te/ mngon par grub pa'i sdug bsngal gyi snod nyid yin pa'i phyir dang/ mngon par grub pa la
 brten pa'i sdug bsngal gyi snod nyid yin pa'i phyir dang/ sdug bsngal gyi sdug bsngal gyi snod nyid yin pa'i phyir dang/ 'gyur ba'i sdug bsngal gyi snod nyid yin pa'i phyir dang/ 'du byed kyi sdug bsngal gyi rang bzhin yin pa'i phyir ro/ /de
 la skye ba'i sdug bsngal zhes bya ba ni skye ba'i tshe na lus dang sems kyi sdug bsngal gyi tshor ba 'byung ba la bya'i/ skye ba nyid ni sdug bsngal ma yin te/ sdug bsngal gyi gzhi ni de yin no/ /de bzhin du 'dod pas phongs pa'i sdug bsngal
 zhes bya ba'i bar yang 'dod pas phongs pa'i sdug bsngal gyi tshor ba 'byung ba la bya'i/ 'dod pas phongs pa nyid ni sdug bsngal ma yin te/ sdug bsngal gyi gzhi ni de yin no zhes snga ma bzhin du sbyar ro/ /mdor na nye bar len pa'i phung
 po lnga sdug bsngal ba zhes bya ba ni skye ba la sogs pa de dag gis rnam grangs dag gi sdug bsngal kho na yin te/ sdug bsngal brgyad po de dag kyang skye ba'i kun nas nyon mongs pa nyid kyi rab tu bya ba yin par rig par bya'o/ /de la sdug bsngal gsum gang zhe na/
 sdug bsngal gyi sdug bsngal dang/ 'gyur ba'i sdug bsngal dang/ 'du byed kyi sdug bsngal lo/ /skye ba'i sdug bsngal dang/ rga ba'i sdug bsngal dang/ na ba'i sdug bsngal dang/ 'chi ba'i sdug bsngal dang/ mi sdug pa dang phrad pa'i sdug bsngal zhes
 smos pa dang po lnga'o/ /'gyur ba'i sdug bsngal gang zhe na/ sdug pa dang bral ba'i sdug bsngal dang/ 'dod pas phongs pa'i sdug bsngal zhes smos pa bar ma gnyis so/ /'du byed kyi sdug bsngal gang zhe na/ mdor na nye bar len pa'i phung po lnga sdug bsngal
 ba zhes smos pa tha ma gcig go /yang rnam grangs gzhan du na sdug bsngal gyi sdug bsngal ni dang po bdun gyi bstan to/ /'gyur ba'i sdug bsngal ni bdun po de dag las drug gi gnyen po dkar po'i phyogs drug po rga ba'i gnyen po nad med pa dang/
 'chi ba'i gnyen po gson pa dang/ mi sdug pa dang phrad pa'i gnyen po sdug pa dang/ sdug pa dang bral ba'i gnyen por mi sdug pa dang bral ba dang/ 'dod pas phongs pa'i gnyen po 'dod pa phun sum tshogs pa gang yin pa rnams dang/ 'dod
 chags la sogs pa nyon mongs pa rnams so/ /'du byed kyi sdug bsngal ni snga ma bzhin te/ de yang mdor bsdu na sdug bsngal gyi sdug bsngal dang/ 'gyur ba'i sdug bsngal sngar bstan pa'i rten du gyur pa phung po ma gtogs pa de las gzhan pa'i phung
 po sdug bsngal yang ma yin/ bde ba yang ma yin pa'i de dag ni 'du byed kyi sdug bsngal zhes bya ste/ sdug bsngal gsum po de dag kyang skye ba'i kun nas nyon mongs pa nyid kyi rab tu dbye ba yin par rig par bya'o/ /sdug bsngal gyi bden pa'i ngo
 po nyid rab tu dbye ba ji skad bstan pa de yang mdor bsdu na rnam pa brgyad de/ shin tu rgyas la bsrabs pa dang/ shin tu rgyas la bsrabs pa yang ma yin la bsrabs pa yang ma yin pa dang/ bar ma ma bsrabs pa dang bsrabs
 la ma bsrabs pa dang/ ches bsrabs la ma bsrabs pa dang/ shin tu ches bsrabs la ma bsrabs pa dang/ sdug bsngal ma yin la sdug bsngal du snang zhing bsrabs pa chen por nye bar gnas pa'o/ /de la dang por ni 'dod pa na spyod pa
 dge ba'i rtsa ba ma bsags pa rnams kyi sdug bsngal gang yin pa'o/ /gnyis pa ni 'dod pa na spyod pa thar ba'i cha dang mthun pa'i dge ba'i rtsa ba bskyed pa rnams kyi sdug bsngal gang yin pa'o/ /gsum pa ni 'dod pa na spyod pa 'jig rten pa'i
 lam gyis 'dod chags dang bral ba nyid dang bral bar bya ba'i phyir dge ba'i rtsa ba bsags pa rnams kyi sdug bsngal gang yin pa'o/ /bzhi pa ni gzugs kyi khams su skyes pa thar pa'i cha dang/ mthun pa rnam par spangs pa rnams kyi sdug
 bsngal gang yin pa'o/ /lnga pa ni gzugs med pa'i khams su skyes pa thar pa'i cha dad mthun pa rnam par spangs pa rnams kyis sdug bsngal gang yin pa'o/ /drug pa ni slob pa bzhi mthong ba rnams kyi sdug bsngal gang yin pa'o/ /bdun pa
 ni mi slob pa phung po'i lhag ma dang bcas pa rnams kyi srog gi dbang po'i rkyen gyi ming dang gzugs gang yin pa'o/ /brgyad pa ni byang chub sems dpa' pha rol tu phyin pa thob pa bsam bzhin du srid par skye ba rnams kyi sdug bsngal gang
 yin pa ste/ de ni sdug bsngal gyi bden pa'i ngo bo nyid kyi rab tu dbye ba yin no/ /kun 'byung ba'i bden pa'i ngo bo nyid ni nyon mongs pa'i kun nas nyon mongs pa dang/ las kyi kun nas nyon mongs pa sred pas bsdus pa gang yin pa'o zhes bstan
 pa de la nyon mongs pa'i kun nas nyon mongs pa ni gang/ las kyi kun nas nyon mongs pa ni gang/ sred pa ni gang zhe na/ nyon mongs pa'i kun nas nyon mongs pa zhes bya ba ni nyon mongs pa dang nye ba'i nyon mongs pa rnams so/ /de dag gis rab tu
 dbye ba ni rnam pa dgus rnam par bzhag ste/ ngo bo nyid dang/ rab tu dbye ba dang/ rgyu dang/ gnas skabs? dang/ sgo dang/ tsha ba dang/ phyin ci log dang/ rnam grangs dang/ nyes dmigs kyis so/ /de la ngo bo nyid gang zhe na/ chos gang skye ba na bdag
 nyid rab tu ma zhi ba'i mtshan nyid du skye la/ de la skyes pas 'du byed kyi rgyud kyang rab tu ma zhi ba kho nar 'jug pa'o/ /rab tu dbye ba gang zhe na/ nyon mongs pa drug dang/ nye ba'i nyon mongs pa mang po dag gi mtshan nyid rab tu dbye ba'o/ /rgyu gang
 zhe na/ rnam pa drug ste/ rten dang/ dmigs pa dang/ 'du 'dzi dang/ bshad pa dang/ goms pa dang/ yid la byed pa las nyon mongs pa skyed pa'o/ /gnas skabs gang zhe na/ rnam pa bdun te/ bag la nyal dang/ kun nas dkris pa dang/ kun
 nas brtags pa dang/ lhan cig skyes pa dang/ chung ngu dang/ 'bring dang/ chen po'i gnas skabs so/ /sgo gang zhe na/ rnam pa gnyis te/ kun nas dkris pa dang/ bag la nyal gyi sgo'o/ /che ba gang zhe na/ rnam pa drug te/ ltung ba dang/
 skye ba dang/ rgyang? dang/ gzhi dang/ las kun nas slong ba dang/ mthar gyur pa'o/ /phyin ci log gang zhe na/ rnam pa bdun te/ phyin ci log bzhi dang/ de dag la 'du shes dang/ lta ba dang/ sems phyin ci log tu gyur pa'o/ /rnam grangs gang zhe
 na/ rnam grangs mang po 'di lta ste/ kun tu spyod pa dang/ 'ching ba dang/ bag la nyal ba dang/ nye ba'i kun nas nyon mongs pa dang/ kun nas dkris pa zhes bya ba la sogs pa dag go /nyes dmigs gang zhe na nyes dmigs rnam pa du ma 'di
 lta ste/ sems kun nas nyon mongs par byed pa dang/ dmigs pa la phyin ci log par byed pa dang/ bag la nyal ba brten par byed pa dang/ rgyu mthun pa'i 'du byed kyi rgyun 'jug pa 'byed pa zhes bya ba la sogs pa dag go /las
 kyi kun nas nyon mongs pa zhes bya ba ni lus dang ngag dang yid kyi mngon par 'du byed pa rnams so/ /de dag gi rab tu dbye ba yang rnam pa dgus rnam par bzhag ste/ ngo bo nyid dang rab tu dbye ba dang/ rgyud dang/ gnas skabs dang/ sgo dang/ tshe
 ba dang/ phyin ci log dang/ rnam grangs dang/ nyes dmigs kyis so/ /de la ngo bo nyid gang zhe na/ chos gang skye ba na mngon par 'du byed pa'i mtshan nyid kyang skye la/ de skyes bas lus dang ngag gi mngon par 'du byed pa yang 'jug pa'o//
 rab tu dbye ba gang zhe na/ rnam pa gnyis te/ dge ba bcu dang/ mi dge bcu'i las kyi lam yang dag par blangs te 'jug pa'i gang zag gi mtshan nyid kyi rab tu dbye ba dang/ las kyi lam de nyid kyi rab tu dbye ba'o/ /rgyu gang zhe na/ rnam pa bcu
 gnyis te/ chags pa dang/ zhe sdang dang/ gti mug dang/ bdag dang/ gzhan dang/ gzhan gyi rjes su 'jug pa dang/ zang zing dang/ 'jigs pa dang/ gnod pa bya ba'i phyir dang/ rtse zhing dga' ba dang/ chos su shes pa dang/ log par
 lta ba'i gnas skabs gang zhe na/ rnam pa lnga ste/ chung ngu dang 'bring dang/ chen po dang/ 'byung ba dang/ bag chags kyi gnas skabs so/ /sgo gang zhe na/ rnam pa gnyis te/ 'bras bu 'phyin pa'i sgo nas dang/ gnod pa byed pa dang/
 phan 'dogs pa'i sgo'o/ /che ba gang zhe na/ rnam pa drug ste/ mngon par 'du byed pa dang/ ngo bo nyid dang/ gzhi dang/ mi mthun pa'i phyogs gcig tu bas pa dang/ mi mthun pa'i phyogs sel ba'o/ /phyin ci log gang zhe na/ rnam pa gsum? ?
 ste/ bya ba phyin ci log dang/ 'dzin pa phyin ci log dang/ dga' ba phyin ci log go /rnam grangs gang zhe na/ las byas pa dang/ ma byas pa dang/ bsags pa dang/ ma bsags pa zhes bya ba la sogs pa dag go /nyes dmigs gang zhe
 na/ rnam pa bdun te/ bdag la gnod pa dang/ gzhan la gnod pa dang/ gnyis ga la gnod pa dang/ tshe 'di'i kha na ma tho ba skyed pa dang/ tshe phyi ma'i kha na ma tho ba bskyed pa dang/ de las skyes pa'i sems las byung ba sdug bsngal ba dang/
 yid mi bde ba nyams su myong bar 'gyur ro/ /sred pa gang zhe na/ rnam pa bzhi ste/ bdag tu sred pa dang/ rteg par sred pa dang/ bde bar sred pa dang/ gtsang bar sred pa'o/ /de la bdag tu sred pa las brten nas ni lus la chags pa
 dang ldan pa'i sred pa byung ngo/ /rtag par sred pa las brten nas ni yang byung ba pa'i sred pa 'byung ngo/ /bde bar sred pa las brten nas ni dga' ba'i 'dod chags dang ldan pa'i sred pa 'byung ngo/ /gcing bar sred pa las brten nas
 ni/ de dang der mngon par dga' ba'i sred pa 'byung ste/ sred pa rnam pa bzhi de dag las dang po ni sred pa'i bag la nyal gyi rnam pa yin la/ tha ma gsum ni sred pa'i kun nas dkris pa'i rnam pa yin par rig par bya'o/ /de la
 lus la chags pa dang ldan pa'i sred pa gang zhe na/ lus la chags shing sbyor bar byed pa gang yin pa'o/ /yang 'byung ba'i sred pa gang zhe na/ phyi ma'i lus kyi khyad par 'dod pa gang yin pa'o/ /dga' ba'i 'dod chags dang ldan
 pa'i sred pa gang zhe na/ gzugs la sogs pa yul yid du 'ong pa thob pa rnams la yid mi bde zhing lhag par chags pa dang ldan pa gang yin pa'o/ /de dang der mngon par dga' ba'i sred pa gang zhe na/ gzugs la sogs pa yul
 yid du 'ong ba ma thob pa rnams la kun tu sbyor bar 'dod pa dang ldan pa gang yin pa'o/ /sred pa'i kun nas dkris pa'i rnam pa gsum po de dag kyang mdor bsdu na rnam pa gnyis te/ yang 'byung ba'i sred pa la sred pa dang
 de'i longs spyod kyi yul la sred pa'o/ /de la yang 'byung ba'i sred pa ni 'byung ba'i sred pa yin no/ /dga' ba'i 'dod chags dang ldan pa'i sred pa dang/ de dang der mngon par dga' ba'i sred pa gnyis ni de'i longs spyod kyi yul
 la sred pa ste/ de yang yul thob pa dang/ ma thob pa la sred par go rim bzhin no/ /sred pa rnam pa bzhi po de dag gi bsdus pa'i nyon mongs pa'i kun nas nyon mongs pa dang/ las kyi kun nas nyon mongs pa ji skad bstan pa de dag ni kun
 'byung ba'i bden pa'i ngo bo nyid yin par rig par bya'o/ /de la bcom ldan 'das kyis ma mo'i mtshan nyid kyi tshul gyis yang 'byung ba'i las dang nyon mongs pa sdug bsngal skyed par byed pa gang dag yin pa de dag kun 'byung bden
 pa yin par gsungs pa na/ ci'i phyir mdo sde'i tshul gyis lus la chags pa dang ldan pa'i sred pa kho na kun 'byung ba'i bden pa yin par gsungs she na/ de ni gtso bo yin pa'i phyir te/ 'di ltar sred pa'i bag la nyal de ni nyon
 mongs pa kun nas slong bar byed pa dang/ las kun nas slong bar byed pa dang/ sred pa'i kun nas dkris pa rnam pa gsum po yang 'byung ba ba'i sred pa dang/ dga' ba'i 'dod chags dang ldan pa'i sred pa dang/ de dang der
 mngon par dga' ba'i sred pa kun nas slong ba dngos po la khyad par byed pa dang/ de skye ba na gnod pa rnam pa mang po rgyas par byed pas de ni gtso bo yin pa'i phyir te/ de ni kun 'byung ba'i bden pa'i ngo bo nyid kyi rab tu dbye
 ba yin no/ /'gog pa'i bden pa'i ngo bo nyid ni sdug bsngal dang kun 'byung ba ma lus par spangs pa nyon mongs pa'i 'gog pa dang/ phung po 'gog pas bsdus pa gang yin pa'o zhes bstan pa de la sdug bsngal dang kun 'byung ba ma lus
 par spangs pa ni gang/ nyon mongs pa 'gog pa ni gang/ phung po 'gog pa ni gang zhe na/ sdug bsngal dang kun 'byung ba ma lus par spangs pa zhes bya ba ni de gnyis kyi sa bon 'phags pa'i lam gyis so sor brtags te bkag par
 nyon mongs pa 'gog pa zhes bya ba ni phung po'i lhag ma dang bcas pa'i mya ngan las 'das pa'i dbyings te/ sred pa zad pa dang 'dod chags dang bral ba'i bya ba yin no/ /phung po 'gog pa zhes bya ba ni phung po lhag ma med pa'i mya ngan las
 'das pa'i dbyings te/ 'gog pa dang mya ngan las 'das pa zhes bya ba yin no/ /'gog pa'i bden pa'i ngo bo nyid de yang rab tu dbye ba rnam pa bcu gnyis te/ mtshan nyid dang/ zab pa dang/ brdar brtags pa dang/ don dam pa dang/ yongs
 su ma rdzogs pa dang/ yongs su rdzogs pa dang/ rgyan med pa dang/ rgyan dang bcas pa dang/ lhag ma dang bcas pa dang/ lhag ma med pa dang/ khyad par du 'phags pa dang/ rnam grangs so/ /de la mtshan nyid gang zhe na/ de bzhin nyid
 dang/ lam dang/ nyon mongs pa mi 'byung ba ste/ gang du 'gog pa dang gang gis 'gog pa dang gang 'gog pa'o/ /zab pa gang zhe na/ 'gog pa de 'du byed rnams zad pa las gzhan zhes kyang mi bya/ gzhan ma yin pa zhes kyang mi bya/ gzhan dang
 gzhan ma yin pa zhes khyad mi bya/ gzhan yang ma yin gzhan ma yin pa yang ma yin zhes kyang mi bya'o/ /brdar brtags pa gang zhe na/ 'jig rten pa'i lam gyi sa bon nyams smad pas 'gog pa te/ de ni mya ngan las 'das pa ni ci
 yin gyi de'i yan lag gis mya ngan las 'das pa zhes bya'o/ /don dam pa gang zhe na/ 'phags pa'i shes rab kyi sa bon kun tu bcom pas 'gog pa gang yin pa'o/ /yongs su ma rdzogs pa gang zhe na/ slob pa rnams kyi
 'gog pa gang yin pa'o/ /yongs su rdzogs pa gang zhe na/ mi slob pa rnams kyi 'gog pa gang yin pa'o/ /rgyan med pa gang zhe na/ dgra bcom pa shes rab kyi rnam par grol ba rnams kyi 'gog pa gang yin pa'o/ /rgyan dang bcas pa
 gang zhe na/ dgra bcom pa gnyi ga'i cha las rnam par grol pa rig pa gsum dang/ mngon par shes pa drug dang/ ldan pa rnams kyi 'gog pa gang yin pa'o/ /lhag ma dang bcas pa gang zhe na/ phung po'i lhag ma dang bcas pa'i 'gog
 pa gang yin pa'o/ /lhag ma med pa gang zhe na/ phung po'i lhag ma med pa'i 'gog par gang yin pa'o/ /khyad par du 'phags pa gang zhe na/ sangs rgyas dang byang chub sems dpa' rnams kyi mi gnas pa'i mya ngan las 'das pas bsdug
 pa'i 'gog pa gang yin pa'o/ /rnam grangs gang zhe na/ ma lus par spangs pa dang/ nges par spangs pa dang/ byang bar gyur pa dang/ zad pa dang/ 'dod chags dang bral ba dang/ 'gog pa dang/ rnam par zhi ba dang/ nub pa zhes bya ba la sogs
 pa'o/ /rab tu dbye ba rnam pa bcu gnyis 'gyur ba'i gnas kyi snod nyid du 'gyur ba'i phyir ro/ /sbyor ba'i lam gang zhe na/ tshogs kyi lam gang yin pa de nyid sbyor ba'i lam yin mod kyi sbyor ba'i lam yin la tshogs kyi lam ma yin pa yang
 yod de/ tshogs bsags pa'i gong du nges par 'byed pa'i cha dang mthun pa'i dge ba'i rtsa ba bzhi po dro bar gyur pa dang/ rtse mo dang/ bden pa'i rjes su mthun pa'i bzod pa dang/ 'jig rten pa'i chos kyi mchog rnams su rnam par dag
 pa'i lam gang zhe na/ de ni rnam pa gsum ste/ mthong ba'i lam dang/ bsgom pa'i lam dang/ mthar thug pa'i lam mo/ /de la mthong ba'i gang zhe na/ 'jig rten pa'i chos kyi mchog gi mjug thogs kho nar skad cig ma bcu drug po la bden pa mngon
 par gtogs pa'i shes pa gang yin pa'o/ /bsgom pa'i lam gang zhe na/ mthong ba'i lam ma thob pa'i gong du bsgom pa'i lam rnam par dbye ba bcu gcig po dag ste/ zhi gnas bsgom pa dang/ lhag mthong bsgom pa dang/ 'jig rten pa'i
 lam bsgom pa dang/ 'jig rten las 'das pa'i lam bsgom pa dang/ lam chung ngu bsgom pa dang/ lam 'bring po bsgom pa dang/ lam chen po bsgom pa dang/ sbyor ba'i lam bsgom pa dang/ bar chad med pa'i lam bsgom pa dang/ rnam par
 'grel ba'i lam bsgom pa dang/ khyad par gyi lam bsgom pa'o/ /mthar thug pa'i lam gang zhe na/ gnas ngan len thams cad rgyun bcad pa dang/ phrad pa'i thob pa rnams kyi rgyun bcad pa dang/ bral ba'i thob pa rnams thob pa'i phyir rdo rje lta bu'i ting
 nge 'dzin la brten nas de ma thag tu gnas ma lus par gyur te/ zad pa dang mu skye ba shes pa dang/ mi slob pa'i chos bcu thob pa'i shes pa gang yin pa'o/ /lam gyi bden pa'i ngo bo nyid de yang rab tu dbye na rnam pa bcu gcig ste/ dngos po la
 yongs su rtogs pa'i lam dang/ rtsom pa las byung ba'i lam dang/ ting nge 'dzin yongs su sbyong bar byed pa'i lam dang/ mngon par rtogs pa la sbyor ba'i lam dang/ mngon par rtogs pa dang 'brel ba'i lam dang/ mngon par rtogs pa'i lam dang/
 rnam par dag par nges par 'byin pa'i lam dang/ gnas dang/ dbang pos tha dad pa'i lam dang/ bslab pa gsum yongs su sbyong ba'i lam dang/ yon tan thams cad sgrub par byed pa'i lam dang/ lam sdud pa'i lam mo/ /de dag kyang dran pa nye
 bar gzhag pa dang/ yang dag par spong ba dang/ rdzu 'phrul gi rkang pa dang dbang po dang/ stobs dang byang chub kyi yan lag dang/ 'phags pa'i lam yan lag brgyad pa dang/ lam bzhi dang/ chos kyi gnas bzhi dang/ zhi gnas
 dang/ lhag mthong dang/ dbang po gsum dang go rim bzhin no/ /de ni lam gyi bden pa'i ngo bo nyid kyi rab tu dbye ba yin te/ de dag ni ngo bo nyid kyi rab tu dbye ba rnam par bzhag pa yin no/ /de la rnam pa rab tu dbye ba gang zhe na/ bden pa
 bzhi po dag gi mtshan nyid rnam pa bzhi bzhis so sor rig bar bya ste/ de la sdug bsngal gyi bden pa'i mtshan nyid ni rnam pa bzhi po ni mi rtag pa'i rnam pa dang/ sdug bsngal ba'i rnam pa dang/ stong pa'i rnam pa dang/ bdag med pa'i rnam
 pas so sor rig par bya'o/ rnam pa bzhi po de dag gi rnam par bzhag pa ni sdug bsngal gyi bden pa la rnam pa bcus yongs su rtog par byed pa na/ rnam pa bzhi po de dag gi rjes su 'jug par 'gyur te/ bcu gang zhe na/ 'gyur ba'i rnam pa dang/ 'jig
 pa'i rnam pa dang/ bral ba'i rnam pa dang/ chos nyid kyi rnam pa dang/ nye ba'i rnam pa dang/ kun tu sbyor ba dang/ 'ching ba'i rnam pa dang/ mi sdug pa'i rnam pa dang/ grub pa dang bde ba med pa'i rnam pa dang/ dmigs su med pa'i rnam pa dang/ rang
 dbang med pa'i rnam pas so/ /de la mi rtag pa'i rnam pa ni rnam pa dang po lngas bsdus so/ /sdug bsngal gyi rnam pa ni rnam pa bar ma gsum gyis bsdus so/ /stong pa'i rnam pa ni tha dag gcig bus bsdus so/ /bdag med pa'i rnam pa ni rnam
 pa tha mas bsdus so/ /de la 'gyur de'i rnam pa gang zhe na/ 'gyur ba rnam pa bco lnga dang/ 'gyur ba'i rgyu rnam pa brgyad kyis 'du byed rnams 'gyur ba ste/ 'gyur ba rnam pa bco lnga gang zhe na/ gnas skabs las gyur ba dang/ kha dog las gyur ba
 dang/ dbyibs las gyur pa dang/ 'byor ba dang rgud pa las gyur pa dang/ yan lag dang nying lag tshang ba dang ma tshang ba las gyur pa dang/ yongs su ngal ba las gyur pa dang/ bzhan gyi gnod pa byas pa las gyur pa dang/ grang ba dang dro ba las gyur pa dang/
 spyod lam sa gyur ba dang/ rag pa las gyur pa dang/ kun nas nyon mongs pa las gyur pa dang/ na ba las gyur pa dang/ 'chi ba las gyur pa dang/ rnam par bsngos pa la sogs pa las gyur pa dang/ thams cad kyis thams cad du mi snang zhing yongs su zad
 pa las gyur pa'i 'gyur pa'o/ /'gyur ba'i rgyu rnam pa brgyad gang zhe na/ dus kyi yongs su 'gyur ba dang/ gzhan gyis gnod pa byas pa dang/ longs spyod pa dang/ dus tshigs 'gyur ba dang/ mes tshig pa dang/ chus khyer ba dang/ rlung gis skams pa dang
 rkyen gzhan dang phrad pa ste/ 'gyur ba rnam pa bco lnga dang/ 'gyur ba'i rgyu rnam pa brgyad kyis 'du byed rnams 'gyur ba ni 'gyur ba'i rnam pas bsdus pa'i mi rtag pa'i rnam pa yin no/ /'jig pa'i rnam pa gang zhe na/ 'du byed rnams skad cig skad cig
 la rkyen gyi dbang gis 'byung zhing byung nas kyang 'jig pa'i rkyen med par rang gi dang gis 'jig pa gang yin pa ste/ de ni 'jig pa'i rnam pas bsdus pa'i mi rtag pa'i rnam pa yin no/ /bral ba'i rnam pa gang zhe na/ phyi nang gi dngos po sngon rje dpon la
 sogs pa dang/ longs spyod yod cing bdog pa las de dang/ bral bar 'gyur ba ste/ de ni 'bral ba'i rnam pas bsdus pa'i mi rtag pa'i rnam pa yin no/ /chos nyid kyi rnam pa gang zhe na/ 'gyur ba'i mi rtag pa dang 'jig pa'i mi rtag pa dang/ bral
 ba'i mi rtag pa de dag da ltar byung ba'i dus su nye bar ma gyur du zin kyang ma 'ongs pa'i dus su de lta bur 'gyur ba'i chos nyid yin pa ste/ de ni chos nyid kyi rnam pas bsdus pa'i mi rtag pa yin no/ /nye ba'i rnam pa gang zhe na/ 'gyur ba'i mi rtag pa
 dang/ 'jig pa'i mi rtag pa dang bral ba'i mi rtag pa de dag da ltar mngon sum du nye par gyur pa ste/ de ni nye ba'i rnam pas bsdus pa'i mi rtag pa'i rnam pa yin no/ /de lt na mi rtag pa'i rnam pa ni 'gyur pa'i rnam pa dang/ 'jig
 pa'i rnam pa dang/ bral ba'i rnam pa dang/ chos nyid kyi rnam pa dang/ nye pa'i rnam pa lngas bsdus pa yin no/ /kun tu spyod pa dang 'ching ba'i rnam pa gang zhe na/ bde ba dang mthun pa'i 'du byed rnams dang/ bde ba'i tshor ba 'gyur ba'i sdug
 bsngal nyid kyis sdug bsngal ba gang yin pa ste/ de dag ni sreg pa'i kun tu sbyor ba'i gnas yin la/ sred pa'i kun tu sbyor ba yang skyed pa dang/ rga ba dang ngan pa dang/ 'chi ba la sogs pa dang/ 'dod chags dang/ zhe sdang dang/ gti mug gi
 'ching ba'i gnas yin pa'i phyir ro/ /mi sdug pa'i rnam pa gang zhe na/ sdug bsngal dang mthun pa'i 'du byed rnams dang/ sdug bsngal gyi tshor ba sdug bsngal gyi sdug bsngal ba nyid kyis sdug bsngal ba gang yin pa ste/ de dag ni zag pa
 dang bcas pa'i dang/ nye bar len pa dang/ bcas pa dang/ yid mi bde ba dang ldan pa dang/ gnas ngan len dang ldan pa dang/ sdug bsngal nyid las rnam par grol ba dang/ mi rtag pa dang/ 'gog pa'i chos can yin pa'i phyir ro/ /grub pa
 dang bde ba med pa'i rnam pa gang zhe na/ sdug bsngal yang ma yid bde ba yang ma yin pa dang/ 'dun pa'i 'du byed rnams dang/ sdug bsngal ba yang ma yin bde ba yang ma yin pa'i tshor ba 'di byed kyi sdug bsngal nyid kyi sdug bsngal ba gang
 yin pa ste/ de dag ni zag pa dang bcas pa dang/ nye bar len pa dang bcas pa dang/ gnas ngan len dang ldan pa dang/ bde ba dang sdug bsngal gyi sa bon dang ldan pa dang/ sdug bsngal gyi sdug bsngal dang/ 'gyur ba'i sdug bsngal las rnam par
 ma grol ba dang/ mi rtag pa dang 'gog pa'i chos can yin pa'i phyir ro/ /de ltar na sdug bsngal ba'i rnam pa ni kun tu sbyor ba dang/ 'ching ba'i rnam pa dang/ mi rtag pa rnam pa dang/ grub pa dang/ bde ba med pa'i rnam pa gsum gyis bsdus pa yin no/ /
 dmigs su med pa'i rnam pa gang zhe na/ dbang po tsam dang/ yul tsam dang/ de las byung ba'i tshod pa tsam dang/ sems tsam zhig snang bar zad kyi de dag las bdag dang bdag gi zhes bya ba dmigs su med pas 'du byed thams cad stong pa dang/ bdag med
 pa ste/ de ltar na stong pa'i rnam pa ste/ dmigs su med pa'i rnam pas bsdus pa yin no/ /rang dbang med pa'i rnam pa gang zhe na/ rang gi mtshan nyid dang/ mi rtag pa'i mtshan nyid dang/ sdug bsngal gyi mtshan nyid dang ldan pa'i 'du byed thams cad ni rten cing 'bral
 par 'byung ba'i phyir rang dbang med pa yin la/ rang dbang med pa gang dag yin pa de dag ni bdag med pa ste/ de ltar na bdag med pa'i rnam pa ni rang dbang med pa'i rnam pas bsdus pa yin no/ de ltar na sdug bsngal gyi bden pa'i mtshan nyid ni rnam pa
 bzhi po rnam pa bcus bsdus pa de dag gis so sor rig par bya'o/ /de la kun 'byung ba'i bden pa mtshan nyid ni rnam pa bzhi po rgyu dang/ kun 'byung ba dang/ rab tu skye ba dang/ rkyen gyi rnam pas so sor rig par bya ste/ de la rgyu ni srid pa ste/ sdug bsngal
 'phen par byed pa yin pa'i phyir ro/ /kun 'byung ba ni 'phangs nas mngon par 'grub par byed cing sdug bsngal kun 'byung bar byed pa'i phyir ro/ /rab tu skye ba ni sdug bsngal mngon par grub pa ste srid pa de las rab tu skyes pa'i phyir ro/ /rkyen ni sred pa de ma
 'ongs pa'i sdug bsngal gyis sa bon yongs su 'dzin pa dang/ rim gyis sdug bsngal yang dag par grub par byed pa'i phyir ro/ /rnam grangs gzhan dang sred pa don len pa'i rgyur gyur pa yin pa dang/ len pa dang len pa'i rgyu las byung ba'i sred pa kun 'byung
 bar byed pa gang yin pa dang/ srid pa sngon du btang ba'i skye ba'i rab tu skyes par byed pa yin pa dang/ skye ba'i rkyen gyis rga pa dang na ba dang 'tsho ba dang mya ngan la sogs pa mngon par grub par byed pa'i phyir rgyu dang/ kun 'byung ba dang/ rab
 tu skye ba dang/ rkyen ces bya ba ste go rim bzhin no/ /rnam grangs gzhan yang srid pa'i bag la nyal la sogs pa nyon mongs pa'i bag la nyal lus la zhen pa gang yin pa de ni phyi ma la yang srid pa mngon par grub pa'i rgyu yin no/ /rgyu de las skyes pa'i
 sred pa'i kun nas dkris pa rnam pa gsum ni kun 'byung ba dang/ rab tu skye ba dang rkyen yin ste/ de yang 'byung pa'i sred pa yang dag par 'grub par byed pa'i phyir kun 'byung ba yin no/ /yang 'byung ba pa'i sred pa yang de yang dag pa'i 'dod chags
 dang ldan pa'i sred pa rab tu skye bar byed pa yin no/ /dga' ba'i 'dod chags dang ldan pa'i sred pa skyes pa don de dang der mngon par dga' ba'i sred pa'i rkyen yin te/ de ltar sred pa'i bag la nyal gyi rnam pa dang/ sred pa'i kun nas dkris pa rnam pa
 gsum la brten nas phyi ma la yang 'byung ba'i sred pa mngon par 'grub pa'i 'byung bar 'gyur bas na/ de'i phyir rgyu dang/ kun 'byung ba dang/ rab tu skye ba dang/ rkyen ces bya bar gsungs so/ /de ltar na kun 'byung ba'i bden pa'i mtshan nyid ni rnam  
 pa bzhi po de dag gis so sor rig par bya'o/ /de la 'gog pa'i bden ba'i mtshan nyid ni rnam pa bzhi po 'gog pa dang/ zhi ba dang/ gya nom pa dang/ nges par 'byung ba'i rnam pas so sor rig pa dang/ de la 'gog pa ni kun 'byung ba'i bden pa ma
 lus par zad pa'i phyir ro/ /zhi ba ni sdug bsngal gyi bden pa ma lus par zad pa'i phyir ro/ /gya nom pa ni de mchog dang/ gtso bo dang/ bla na med pa yin pa'i phyir ro/ nges par 'byung ba ni 'gyur ba med pa'i sgo nas rtag pa'i phyir ste/ de ltar ni 'gro
 ba'i bden pa'i mtshan nyid rnam pa bzhi po de dag gis so sor rig par bya'o/ /de la lam gyi bden pa'i mtshan nyid ni rnam pa bzhi po lam dang/ rigs pa dang/ sgrub pa dang/ nges par 'byin pa'i rnam pas so sor rig par bya ste/ de la lam ni shes
 bya yongs su tshol ba'i don to/ /rigs pa ni yang dag pa yongs su tshol ba'i don to/ /sgrub pa ni sgo bzhis rjes su 'jug pa'i don no/ /nges par 'byung ba ni mya ngan las 'das par 'gro ba'i phyir bgrod pa gcig pa'i don to/ /de ltar na lam gyis
 bden pa'i mtshan nyid ni rnam pa bzhi pa de dag gis so sor rig par bya ste/ de ni rnam pa'i rab tu dbye ba rnam par bzhag pa yin no/ /de la mngon sum dang rjes su dpag pa'i rab tu dbye ba gang zhe na/ bden pa bzhi la bzod pa brgyad dang shes  
 pa brgyad las chos shes pa'i phyogs su gtogs pa'i bzod pa bzhi dang/ shes pa bzhi ni khams 'di pa yin pas mngon sum gyi rab tu dbye ba yin no/ /rjes su gtogs pa'i shes pa'i phyogs su gtogs pa'i bzod pa bzhi dang/ shes pa
 bzhi ni khams gong ma ba yin pas rjes su dpag pa'i rab tu dbye ba yin no/ /de la bden pa bzhi la bzod pa brgyad dang shes pa brgyad gang zhe na sdug bsngal la chos shes pa'i bzod pa dang/ sdug bsngal la chos shes pa dang/ sdug bsngal
 la rjes su gtogs pa'i bzod pa dang/ sdug bsngal la rjes su rtogs pa'i shes pa dang/ kun 'byung ba la chos shes pa'i bzod pa dang/ kun 'byung ba la chos shes pa dang/ kun 'byung ba la rjes su rtogs pa'i shes pa'i bzod pa dang/ kun
 'byung ba la rjes su rtogs pa'i shes pa dang/ 'gog pa la chos shes pa'i bzod pa dang/ 'gog pa la chos shes pa dang/ 'gog pa la rjes su rtogs pa'i shes pa'i bzod pa dang/ 'gog pa la rjes su rtogs pa'i shes pa dang/
 lam la chos shes pa'i bzod pa dang/ lam la chos shes pa dang lam la rjes su rtogs pa'i shes pa'i bzod pa dang/ lam la rjes su gtogs pa'i shes pa'o/ /de la bzod pa zhes bya ba ni bar chad med pa'i lam ste/ bden
 pa la bzod cing nyon mongs pa spong bar byed pa yin no/ /shes pa zhes bya ba ni rnam par grol ba'i lam ste/ bden pa la nges shing rnam par grol ba mngon sum du byed pa yin no/ /de dag gi rim pa ji lta bu zhe na/ sngar rnam pa'i rab tu dbye ba'i skabs
 su rnal 'byor bas bden pa bzhi'i mtshan nyid rnam pa bzhi bzhis so sor rig pa'i dus na bdag nyid kyi phung po lkog tu ma gyur pa rnams la bden par shes pa gang yin pa dang/ khams mi 'dra ba'i phung po lkog tu gyur pa rnams la rjes su dpags
 pa'i sgo nas shes pa gang yin pa de ni phyis chos shes pa dang/ rjes su rtogs pa'i shes pa dag skye ba'i sa bon lta bu yin te/ de nyid la brten nas bden pa rnams la zhugs pa na mya ngan las 'das pa la mngon par dga' ba'i bar du gcod par
 byed pa nga'o snyam pa'i nga rgyal rags pa gang yin pa de/ kun tu spyod pa'i sgo nas spong bar 'gyur zhing dmigs par bya ba dang/ dmigs par byed pas mnyam zhing mtshungs pa'i ye shes skye bar 'gyur te/ ye shes bzod pa chung ngu dang ldan par
 gyur pa ni dro bar gyur pa zhes bya/ bzod pa 'bring dang ldan par gyur pa ni rtse mo zhes bya/ bzod pa chen po dang ldan par gyur pa ni bden pa'i rjes su mthun pa'i bzod pa zhes bya'o/ /de thams cad kyi tha ma rnam par mi rtog pa'i sems de'i
 mjug thogs su sngar dpyad pa'i bden pa rnams la bdag nyid rtsol bar byed pa'i skad cig ma gcig gang yin pa de ni 'jig rten pa'i chos kyi mchog yin te/ de yan chad 'jig rten las 'das pa'i sems kho na skye bar 'gyur gyi/ 'jig rten
 pa'i sems mi skye ba dang/ de ni 'jig rten pa'i 'du byed rnams kyi mtshams dang mthar thug pa yin pas na de'i phyir 'jig rten pa'i chos kyi mchog ces bya'o/ /de ltar nges par 'byed pa'i cha dang mthun pa'i dge ba'i rtsa ba skyes pa de dag gi rjes su sngar brgyad?
 pa'i bden pa rnams la rtsol bar byed cing mthong ba'i lam skyed pa'i gnas skabs su bzod pa brgyad dang/ shes pa brgyad 'byung bar rig par bya'o/ /de la sdug bsngal la chos shes pa'i bzod pa zhes bya ba ni 'dod par gtogs pa'i sdug bsngal
 gyi bden pa'i chos dang chos shes pa'i sa la nges pa'i shes pa skyed pa po'i blo'i bye brag ste/ bden pa la bzod pas na de'i phyir bzod pa zhes bya'o/ /sdug bsngal la chos shes bya ba ni 'dod par gtogs pa'i sdug bsngal gyi bden pa'i chos dang/
 chos shes pa'i sa la nges pa'i shes pa dri ma med pa gang yin pa'o/ /chos shes pa'i sa zhes bya ba ni sa gang la brten nas chos shes pa'i des pa'i shes pas 'di skye ba'i sa drug ste/ mi lcogs pa med pa dang bsam gtan khyad par can dang/
 bsam gtan bzhi po rnams so/ /sdug bsngal la rjes su rtogs pa'i shes pa'i bzod pa zhes bya ba ni de ltar 'dod par gtogs pa'i sdug bsngal gyi chos shes pa'i 'og tu gzugs dang gzugs med par gtogs pa'i sdug bsngal gyi
 bden pa rjes su rtogs pa'i shes pa bzod pa dang/ rjes su rtogs pa'i shes pa'i sa la nges pa'i sa la shes pa bskyed pa'i blo'i bye brag ste/ de yang bden pa la bzod pas na de'i phyir bzod pa zhes bya'o/ /sdug bsngal rjes su rtogs
 pa'i shes pa zhes bya ba ni gzugs dang gzugs med par gtogs pa'i sdug bsngal gyi bden pa rjes su rtogs pa dang/ rjes su rtogs par shes pa'i sa la nges pa'i shes pa dri ma med pa gang yin pa'o/ /rjes su rtogs par shes pa'i
 sa zhes bya ba ni sa gang la brten nas rjes su rtogs par shes pa'i nges pa'i shes pa 'di skye ba'i sa dgu ste/ chos shes pa'i sa drug dang/ gzugs med pa bzhi las srid pa'i rtse mo la gtogs pa gsum mo/ /de la
 sdug bsngal la chos shes pa'i bzod pa skye ba na sdug bsngal mthong bas spang bar bya ba'i nyon mongs pa 'dod par gtogs pa rnams kyi thob pa nas bzung ste/ 'gag la sdug bsngal la chos shes pa yang de dag gi mya ngan las
 'das pa'i sa thob pa nas gzung ste skye'o/ /sdug bsngal la rjes su rtogs pa'i shes pa'i bzod pa skye ba na sdug bsngal mthong bas spang bar bya ba'i nyon mongs pa gzugs dang/ gzugs med par gtogs pa rnams kyi thob pa nas gzung
 ste/ 'gag la sdug bsngal la rjes su rtogs pa'i shes pa yang de dag gi mya ngan las 'das pa'i sa thob pa nas gzung ste skye'o/ /de ltar na sems bzhi po de dag gis khams gsum pa'i sdug bsngal gyi bden pa mngon par rtogs
 par 'gyur ro/ /ji ltar sdug bsngal gyi bden pa sems bzhi mngon par rtogs pa de bzhin du kun 'byung ba dang/ 'gog pa dang lam gyi bden pa rnams kyang sems bzhi bzhis mngon par rtogs par khong du chud par bya'o/ /de ltar bzod pa
 brgyad dang shes pa brgyad kyi sems bcu drug gis khams gsum gyi nyon mongs pa spang bar bya ba brgyad cu rtsa brgyad spangs nas bden pa bzhi mngon par rtogs te/ rgyun tu zhugs pa'i 'bras bu yang thob par 'gyur ro/ /de ni mngon sum
 dang rjes su dpag pa'i rab tu dbye ba rnam par bzhag pa yin no de la mi mthun pa'i phyogs dang gnyen po'i rab tu dbye ba gang zhe na/ bden pa bzhi mthong bas spang bar bya ba dang/ bsgom pas spang bar bya ba khams gsum pa'i nyon mongs pa dgu
 bcu rtsa brgyad ni mi mthun pa'i phyogs kyi rab tu dbye ba yin no/ /mthong ba'i lam dang/ bsgom pa'i lam gyis bar chad med pa'i lam dang/ rnam par grol ba'i lam rnams ni gnyen po'i rab tu dbye ba yin no/ /de la bden pa bzhi mthong bas spang bar bya
 ba dang/ bsgom pas spang bar bya ba khams gsum ba'i nyon mongs pa dgu bcu rtsa brgyad gang zhe na nyon mongs pa'i rtsa ba rnam pa drug ste/ 'dod chags dang/ khong khro ba dang/ nga rgyal dang/ ma rig pa dang/ lta ba dang/ the tshom dang/ drug po de dag las
 'dod chags rnam pa gnyis te/ 'dod pa'i 'dod chags dang/ srid pa'i 'dod chags so/ /lta ba rnam pa lnga ste/ 'jig tshogs la lta ba dang/ mthar 'dzin par lta ba dang/ log par lta ba dang/ lta ba mchog tu 'dzin pa dang/ tshul khrims dang
 brtul zhugs mchog tu 'dzin pa ste/ de ltar phye na rnam pa bcu gcig tu 'gyur ro/ /de la 'dod pa'i khams na mthong bas spang bar bya ba'i nyon mongs pa sum cu rtsa gnyis dang/ bsgom pas spang bar bya ba bzhi ste/ spyir sum cu rtsa drug yod do/ /
 gzugs kyi khams na mthong bas spang bar bya ba'i nyon mongs pa nyi shu rtsa brgyad dang/ sgom pas spang bar bya ba gsum ste/ spyir sum cu rtsa gcig yod do/ /gzugs med pa'i khams na yang de dang 'dra ba sum cu rtsa gcig ste/ de dag gcig tu
 bsdus nas dgu bcu rtsa brgyad du 'gyur ste/ de dag las brgyad cu rtsa brgyad ni mthong bas spang bar bya'o/ /bcu ni bsgom pas spang bar bya'o/ /de la 'dod par gtogs pa'i mthong bas spang bar bya ba sum cu rtsa gnyis gang zhe na/ 'dod pa na
 sdug bsngal mthong bas spang bar bya ba bcu ste/ 'dod pa'i 'dod chags dang/ khong khro ba dang/ de rgyal dang/ ma rig pa dang/ lta ba lnga dang/ the tshom mo/ /kun 'byung ba mthong bas spang bar bya ba bdun te/ de dag gi nang nas 'jig tshogs la ?
 ba dang/ mthar 'dzin par lta ba dang/ tshul khrims dang/ brtul shugs mchog tu 'dzin pa ma gtogs pa rnams so/ /'gog pa mthong bas spang bar bya ba yang bdun ste/ de dag nyid do lam mthong bas spang bar bya ba yang
 brgyad de bdun po de dag nyid dang tshul khrims dang/ brtul shugs mchog tu 'dzin pa ste/ de dag bsdoms na sum cu rtsa gnyis su 'gyur ro/ /bsgom pas spang bar bya ba bzhi gang zhe na lta ba rnams dang/ the tshom ma gtogs pa rnams te/ de ltar de dag
 gi 'dod par gtogs pa'i nyon mongs ba sum cu rtsa drug yin no/ /gzugs su gtogs pa'i mthong bas spang bar bya ba nyi shu rtsa brgyad gang zhe na/ gzugs na sdug bsngal mthong bas spang bar bya ba dgu ste/ snga ma las khong khro ba ma gtogs
 pa rnams so/ /kun 'byung ba mthong bas spang bar bya ba drug ste/ de yang snga ma las khong khro ba ma gtogs pa rnams so 'gog pa'i mthong bas spang bar bya ba yang drug ste/ de dag nyid do/ /lam mthong bas spang bar bya ba bdun te/ de yang snga
 ma las khong khro ba ma gtogs pa rnams te/ de dag bsdoms na nyi shu rtsa brgyad du 'gyur ro/ /bsgom pas spang bar bya ba gsum gang zhe na/ snga ma las khong khro ba ma gtogs pa rnams de ltar de dag ni gzugs gtogs pa'i nyon mongs pa
 sum cu rtsa gcig yin no/ /gzugs med par gtogs pa'i nyon mongs pa sum cu rtsa gcig kyang de bzhin te/ de dag ni bden pa bzhi mthong bas sdang bar bya ba dang/ bsgom pas spang par bya ba khams gsum pa'i nyon mongs pa dgu bcu
 rtsa brgyad yin no/ /de la mthong ba'i lam dang bsgom pa'i lam gyi bar chad med pa'i lam dang rnam par grol ba'i lam rnams gang zhe na/ de la re zhing/ 'dod pa'i khams kyi bar chad med pa'i lam ni sngar mngon sum gyi rab tu dbye ba'i skabs
 su chos shes pa'i bzod pa brgyad bstan pa rnams so/ /rnam par grol ba'i lam ni chos shes pa brgyad bstan pa rnams te/ de dag gi 'dod par gtogs pa'i mthong bas spang bar bya ba'i nyon mongs pa sum cu rtsa gnyis spong bar byed do/
 gzugs dang gzugs med pa'i khams kyi bar tshad med pa'i lam la rjes su gtogs pa'i shes pa'i bzod pa brgyad bstan pa rnams so/ /rnam par grol ba'i lam ni rjes su gtogs pa'i shes pa brgyad bstan pa rnams te/ de dag
 gis gzugs dang gzugs med par gtogs pa'i mthong bas spang bar bya'o/ /nyon mongs pa lnga bcu rtsa drug spong bar byed do/ de la skad cig ma bco lnga ni mthong ba'i lam ste/ rgyun tu zhugs pa'i 'bras bu mngon du bya ba'i phyir zhugs
 pa'i gnas skabs yin no/ /skad cig ma bcu drug pa ni bsgom pa'i lam ste/ rgyun du zhugs pa'i gnas skabs yin na/ /de la bsgom pa'i lam gyi bar chad med pa'i lam dang/ rnam par grol ba'i lam gang zhe na/ de la re zhig 'dod par gtogs
 pa'i 'dod chags dang/ khong khro ba dang/ nga rgyal dang/ ma rig pa 'dam du sbams pa'i tshul du bsdus nas rim pa gur phye ste/ chen po'i chen po dang/ chen po'i 'bring dang/ chen po'i chung ngu dang/ 'bring po chen po dang/ 'bring po'i 'bring po dang/ 'bring
 po'i chung ngu dang/ chung ngu'i chen po dang/ chung ngu'i 'bring dang/ chung ngu'i chung ngu'o/ /de dag gi gnyen go bar chad med pa'i lam dang/ rnam par grol ba'i lam yang de bzhin du rim pa dgu dgur dag? par bya'o/ /de la nyon mongs pa'i rnam pa chen po'i chen po
 gnyen pa por tshad med pa'i lam dang/ rnam par grol ba'i lam gyi rnam pa chung ngu'i chung ngu ste/ de bzhin du nyon mongs pa'i rnam par chung ngu'i chung ngu'i gnyen par ni lam chen po'i chen po'i bar du'o/ /de la 'dod pa'i khams kyi bsgom pas spang bar bya ba'i
 nyon mongs pa'i rnam pa dgu las rnam pa drug spangs nas lan cig phyir 'ong bar 'gyur ro/ /dgu pa spangs na phyir mi 'ong bar 'gyur ro/ /gzugs dang gzugs med par gtogs pa'i bar chad med pa'i las dang/ rnam
 par grol pa'i lam ni gzugs kyi khams na bsam gtan bzhi dang gzugs med pa bzhi ste/ spyir sa brgyad yod pa'i sa re re la yang srid pa'i 'dod chags dang/ nga rgyal dang ma rig pa snga ma bzhin du rnam pa dgu dgur phye ste/ de
 dag gi gnyen po bar chad med pa'i lam dang/ rnam par grol ba'i lam yang rnam pa dgu dgur khang du chud par bya'o/ /de ltar nyon mongs pa rnams mthar gyis spangs par gnas te/ srid pa'i rtse mo'i nyon mongs pa'i rnam pa chung
 ngu'i chung ngu spangs nas dgra bcom par 'gyur te/ de ni mi mthun pa'i phyogs dang/ gnyen po'i rab tu dbye ba rnam par bzhag pa yin no/ /de la yid la byed pa'i rab tu dbye ba gang zhe na/ 'phags pa'i bden pa bzhi po dag las brtsams
 nas dgra bcom pa nyid thob kyi bar du yid la byed pa bdun gyis 'byung bar 'gyur te/ bdun gang zhe na/ mtshan nyid so sor rig pa'i yid la byed pa dang/ mos pa las byung ba'i yid la byed pa dang/ rab tu dben pa'i yid bad byed pa
 dang/ spyod pa'i yid la byed pa dang/ dga' ba sdud pa'i yid la byed pa dang/ sbyor ba mthar thug pa yid la byed pa dang/ sbyor ba mthar thug pa'i 'bras bu yid la byed pa'o/ /de la mtshan nyid so sor rig pa'i yid la byed pa
 gang zhe na/ dang po'i rnam pa'i rab tu dbye bas bden pa bzhi po dag gi mtshan nyid rnam pa bzhi bzhis so sor rig par byed pa'i yid la byed pa'i yid la byed pa yin no/ /mos pa las byung ba'i yid la byed pa gang zhe na/ de ltar mtshan nyid so
 sor rig pa'i yid la byed pa thob pa yan chad nas 'jig rten pa'i chos kyi mchog gi rab tu dbye ba bden pa bzhi go dag la thos pa dang bsam pa las byung ba'i yid la byed pa dang/ ma 'dres par gcig tu bsgoms pa'i rnam pas mos pa la
 byed pa'i yid la byed pa yin no/ /rab tu dben pa'i yid la byed pa gang zhe na/ mngon sum dang rjes su dpag pa'i rab tu dbye ba'i bzod pa brgyad dang/ shes pa brgyad kyis bden pa bzhi mngon par rtogs nas mthong bas spang bar bya ba'i nyon mongs
 pa rnam par spangs te rgyun tu zhugs pa'i sa thob pa'i yid la byed pa yin no/ /dpyod pa'i yid la byed pa'i gang zhe na/ bsgom pa'i las thams cad la nyon mongs pa spangs pa dang/ ma spangs pa la so sor brtags shing dpyad nas lam ji ltar thob pa
 goms par byed pa'i yid la byed pa yin no/ /dga' ba sdud pa'i yid la byed pa gang zhe na/ dpyod pa'i yid la byed pa'i de nyid kyi gnas skabs na lam ji ltar thob pa goms par byas nas de'i 'og tu dus dus su kun tu skye bar 'gyur ba'i chos
 rnams la sems skyo bar byed pa dang/ dus dus su mngon par dga' bar 'gyur ba'i chos rnams la sems mngon par dga' bar byed pa'i yid la byed pa yin no/ /sbyor ba mthar thug pa'i yid la byed pa gang zhe na/ de ltar dga' ba/ sdud pa'i yid
 la byed pa de/ skun tu brten cig goms par byas/ lan mang du byas pa'i rgyas bsgom pas skrang bar bya ba'i nyon mongs pa ma lus par spang bar bya ba'i phyir thams cad kyi tha mar slob pa'i rdo rje lta bu'i ting nge 'dzin skyes par gyur pa'i yid la byed pa
 yin no/ /sbyor bar mthar thug pa'i 'bras bu yid la byed pa gang zhe na/ rdo rje lta bu'i ting nge 'dzin skyes ma thag tu nyon mongs pa'i phyogs su gyur pa gnas ngan len gyi sa bon thams cad yang dag par bcom pa'i phyir sems shin tu rnams
 par grol ba dang/ rigs yongs su dag pa thob pa dang/ zad pa dang mi skye ba shes pa skyes pa'i dgra bcom pa nyid thob par 'gyur ba'i yid la byed pa yin te/ de ni yid la byed pa'i rab tu dbye ba rnam par bzhi pa
 yin na/ /de la mngon par rtogs pa'i rab tu dbye ba gang zhe na/ bden pa mngon par rtogs pa'i mtshan nyid dang/ rnam par bstan pa ste/ /de la bden pa mngon pa'i rtogs pa'i mtshan nyid gang zhe na/ rnam par grol ba'i lam gyis
 bsdus pa'i shes pa rnams dang/ mthong ba'i lam gyi gnas skabs na bden pa rnams la nges pa'i shes rab lhan cig 'byung ba rgyu dang bcas pa dang/ de rtsir zhig mtshan nyid yin no/ /bden pa mngon par rtogs pa
 la rnam pa du yod ce no/ rnam pa drug ste/ bsam pa mngon par rtogs pa dang/ dad pa mngon par rtogs pa dang/ tshul khrims mngon par rtogs pa'i shes pa 'dir ba mngon par rtogs pa dang/
 mngon par rtogs pa'i mdza' las byung ba'i bden pa mngon par rtogs pa dang/ mthar thug pa'i mngon par rtogs pa'o/ de la bsam pa mngon par rtogs pa gang zhe na/ bden pa rnams la nges par sems pa bsam
 pa las byung ba'i shes rab chen po'i ngo bo nyid dang/ de dang ldan pa'i byang chub kyi phyogs dang mthun pa'i chos kyi ngo bo nyid yin no/ /dad pa mngon par rtogs dpag re zhe na 'jig rten ?/ 'jig rten las 'das pa'i
 dad pa chen po thos la las byung ba'i shes rab nges pa dkon mchog la dmigs pa'i ngo bo nyid dang/ de dang ldan pa'i byang chub kyi phyogs dang mthun pa'i chos kyi so so nyid min no/ /tshul khrims mngon par rtogs pa'i
 gang zhe na/ ngan song ba'i las mi byed cing nges par sdom pa thob pa 'phags pa dgyes pa'i tshul khrims kyi ngo bo nyid dang/ de dang ldan pa'i byang chub kyi phyogs dang mthun pa'i chos kyi ngo bo nyid yin no/ /mngon par rtogs pa'i shes pa bden
 pa mngon par rtogs pa gang zhe na/ rnam par ma bzhag pa'i bden pa la dmigs pa'i shes rab kyi ngo bo nyid dang/ de dang ldan pa'i byang chub kyi phyogs dang mthun pa'i chos kyi ngo bo nyid yin te/ de ni sdom sbyor ba'i las la tshogs shin tu
 bsags pa'i tshe sems yongs su sbyangs pa legs par byas pa na/ 'jig rten pa'i nges par 'byed pa cha ngo/ mthun pa'i dge ba'i rtsa mthar thug pa'i rjes la so sor bdag nyid la sems can kyi brda brtsal ba'i chos la dmigs
 shing mthong bas spang bar bya ba'i nyon mongs pa'i phyogs dang/ mthun pa'i gnas ngan yen chung ngu dang bral ba'i sems dang po skye ba dang/ de'i rjes la so so'i bdag nyid la chos kyi brda brtsal ba'i chos la dmigs shing mthong bas
 spang bar bya ba'i nyon mongs pa'i phyogs dang mthun pa'i gnas ngan len 'bring dang bral ba'i sems gnyis pa skye ba dang/ de'i rjes la sems can thams cad chos thams cad kyi brda brtsal ba'i chos la dmigs shing mthong bas
 spang bar bya ba'i nyon mongs pa'i phyogs dang mthun pa'i gnas ngan len thams cad dang bral ba'i sems gsum pa skye ba gang yin pa ste/ sems gsum po de dag las dang po gnyis ni chos shes pa dang/ mtshungs par ldan pa yin la/ the ma
 gsum pa gcig pu ni rjes su rtogs pa'i shes pa dang mtshungs par ldan pa yin te/ de dag kyang zhi gnas dang/ lhag mthong zung du 'brel pas 'jug pa'i lam yin no/ /de ltar zhi gnas dang lhas mthong gi phyogs dang mthun pa'i
 sems gsum po de dag gis mthong bas spang bar bya ba'i nyon mongs pa nye ba bzhi ba mngon du byed pa dang/ nyon mongs pa dang phung po thams cad zhi bar byed pa 'jig rten las 'bras pa'i lam thob pa gang yin pa de
 ni mngon par rtogs pa'i shes pa bden pa mthong bar rtogs pa zhes bya'o/ /mngon par rtogs pa'i mdza' las byung ba'i shes pa bden pa mngon par rtogs pa gang zhe na/ rnam par bzhag pa la bden pa'i dmigs pa'i shes
 rab kyi pha rol nyid dang de dang ldan pa'i byang chub kyi phyogs dang mthun pa'i chos kyi ngo bo nyid yin te/ de yang sems gsum pa'i 'jug thogs su mthong ba'i lam las langs pas mngon du byas nas bsngon 'jig
 rten pa'i shes pas dpyad nas rnam par bzhag po'i bden pas 'og ma pa sa 'og ma'i dbang gis byung ba dang/ sa 'og ma pa sa gong ma'i dbang gis byung ba rnams la/ chos shes pa dang/ rjes su rtogs pa'i shes
 pa dang 'dra ba skun rdzob shes pa dang 'jig rten dang 'jig rten las 'das pa'i rjes la thob pa'i shes pas bden pa re re la yang go rim bzhin du 'dod pa'i shes pa dang/ mngon par rtogs pa nges pa'i shes pa gnyis
 gnyis 'byung ste/ de ltar mngon par rtogs pa'i snga ma las langs pa las gong ma lam gong ma'i bden pa dag pa shes pa gnyis gnyis 'byung ba gang yin pa de ni mngon par rtogs pa'i rjes las thob ba'i shes
 pa yin pas na de'i phyi rim don par rtogs pa'i mdza' las byung ba'i shes pa bden pa mngon par rtogs pa zhes bya'o/ /de la shes pa snga ma ni brda brtsal ba'i chos la dmigs pa'i phyir rnam par rtogs pa med pa
 dang/ rnam par ma bzhag pa'i bden pa la dmigs pa yin no/ /shes par phyi ma ni brda ma brtsal ba'i chos la dmigs pa'i phyir rnam par rtogs pa dang bcas pa dang/ rnam par bzhag pa'i bden pa dmigs pa yin no/ /yang snga mas ni mthong
 bas skad par bya ba'i nyon mongs pa'i bdag la nyal gnas la spong bar byed do/ /phyi mas ni dpags pa yid la byed pas de dag nyid kyi 'jug pa spong bar byed de/ /yang snga mas ni bsgom pa'i lam la 'jig rten las 'das pa'i lam gyi spong bar
 byed do/ /phyi mas ni 'jig rten pa dang 'jig rten las 'das pa'i lam gyis spong bar byed do/ /mthar thug pa'i mngon par rtogs pa gang zhe na/ zad pa dang mi skye ba shes pa'i ngo bo nyid dang/ de dang ldan pa'i byang chub kyi phyogs dang/ mthun pa'i
 chos kyi ngo bo nyid yin te/ de yang bsgom pas spang bar bya ba dag spangs pa la zad pa shes pa dang mi skye ba shes pa gcig tu 'jig rten las 'das pa dang/ 'jig rten pa dang 'jig rten las 'das pa'i tshe 'di la nyon mongs pa thams cad
 des mar spangs pa dang/ phyi ma la yang phung po thams cad nges par 'gags pas na de'i phyir mthar thug pa'i mngon par rtogs pa zhes bya'o/ /de la 'jig rten las 'das pa'i zad pa shes pa gang zhe na/ zad pa la rnam par mi rtog pa'i shes pa
 gang yin pa'o/ /'jig rten pa dang 'jig rten las 'das pa'i zad pa shes pa gang zhe na/ zad pa la rnam par rtog pa dang bcas pa'i shes pa gang yin pa'o/ /'jig rten las 'das pa'i me skye ba shes pa gang zhe na/ phung po 'phags pa de
 nyid kyi rgyu'i don gyis phyi mar phung po mi skye ba las rnam par mi rtog pa'i shes pa gang yin pa'o/ /'jig rten pa dang 'jig rten las 'das pa'i mi skye ba shes pa gang zhe na/ phyi mar phung po mi skye ba la rnam par rtog pa dang bcas pa'i shes pa
 gang yin pa ste/ de ni mngon par rtogs pa'i rab tu dbye ba rnam par bzhag pa yin no/ /de la 'bras bu thob pa'i rab tu dbye ba gang zhe na/ bden pa bzhi mngon par rtogs pa'i 'bras bu 'phags pa'i gang zag brgyad
 rnam par bzhag pa ste/ rgyun tu zhugs pa'i 'bras bu mngon sum du bya ba'i phyir zhu shes pa dang/ rgyun du zhugs pa dang/ lan cig phyir 'ong ba'i 'bras bu sngon sum du bya ba'i phyir zhugs pa dang/ lan cig phyir 'ong ba dang/ phyir
 mi 'ong ba'i 'bras bu mngon sum du bya ba'i phyir zhugs pa dang/ phyir mi 'ong ba dang/ dgra bcom pa nyid kyi 'bras bu mngon sum du bya ba'i phyir zhugs pa dang/ dgra bcom pa'o/ /de la rgyun tu zhugs pa'i 'bras bu mngon
 sum du bya ba'i phyir zhugs pa gang zhe na/ mthong ba'i lam gyis skad cig mi bco lnga mngon par rtogs pa ste/ de yan chad 'phags pa'i gang zag ces bya'o/ /rgyun du zhugs pa gang zhe na/ bsgom pa'i lam du rtogs pa lam
 la rjes su rtogs pa'i shes pa zhes bya ba skad cig ma bcu drug pa mngon par rtogs pa ste/ mya ngan las 'das pa'i rgyun gyi lam du zhugs pas rgyun du zhugs pa zhes bya'o/ /de ni rnam pa gnyis te/ de ltar thogs na sred
 pa lan bdun pa dang/ rigs nas rigs su skye ba'o/ /de la re zhig thogs nas srid pa lan bdun pa zhes bya ba ni mi rnams kyi nang du de las gzhan pa'i srid pa bdun pa dang/ srid pa'i bar ma bdun dang/ 'dod pa na spyod pa'i
 lha rnams kyi nang du yang de las gzhan pa'i srid pa bdun dang/ srid pa ba'i ma bdun nyid mtshams sbyor bar byed de/ de ltar srid pa nyi shu rtsa brgyad kyi bar du nyid mtshams spyod nas yongs su mya ngan las 'da' ba' i dang tshul
 can gang yin pa'o/ /de yang thams cad ni de ltar ma yin pas de ltar rdzogs na zhes bya ba gsungs te/ thams cad kyi tha shal ba dang sbyor ro/ /rigs nas rigs su skye ba zhes bya ba ni rnam pa gnyis te/ lha'i rigs nas rigs su skye ba dang/ mo'i
 rigs nas rigs su skye ba'o/ /de la lha'i rigs nas rigs su skye ba ni 'dod pa na spyod pa'i lha rnams kyi nang du skye ba gnyis/ sam gsum du 'khor nas lha'i rigs de nyid dam gzhan du yongs su mya ngan 'da' ba gang yin pa'o//
 mi'i rigs nas rigs su skye ba ni mi rnams kyi nang du skye ba gnyis sam gsum du 'khor nas gling de nyid dam gzhan du yongs su mya ngan las 'da' ba gang yin pa'o/ /lan cig phyir 'ong ba'i 'bras bu mngon sum du bya ba'i phyir zhugs
 pa gang zhe na/ rgyun tu zhugs pa'i 'bras bu la gnas pa de nyid kyis 'dod pa'i khams kyi bsgom pas spang bar bya ba'i nyon mongs pa rnam pa dgu las rnam pa gcig nas rnam pa lnga'i bar du spangs pa gang yon pa'o/ /lan cig phyir
 'ong ba gang zhe na zhugs pa de nyid kyis 'dod pa'i khams kyi bsgom pas spang bar bya ba'i nyon mongs pa rnam pa drug spangs pa ste/ 'dod pa na spyod pa'i lha rnams kyi nang du song nas mi'i 'jig rten du lan cig phyir 'ong ba'i
 pha lan cig phyir 'ong ba zhes bya'o/ /de ni bar chad gcig pa zhes bya ste/ mya ngan las 'das pa la tshe gcig gis chod pa'i phyir dang/ phyir mi 'ong ba'i 'bras bu la nyon mongs pa'i rnam pa gcig gis chod pa'i phyir ro/ /de yang
 rgyu gsum gyis na bar chad cig pa yin te/ 'dod pa'i khams kyi bsgom pas spang bar bya ba'i nyon mongs pa'i rnam pa bdun nas brgyad spangs pa'i phyir dang/ de'i gnyen po zag pa med pa'i dbang po thob pa'i phyir dang/ tshe gcig
 lus pa'i phyir ro/ /phyir mi 'ong ba'i 'bras bu mngon sum du bya ba'i phyir zhugs pa gang zhe na/ lan cig phyir 'ong ba'i 'bras bu la gnas pa de nyid kyis 'dod pa la khams kyi bsgom pas spang bar bya ba'i nyon mongs pa rnam pa bdun
 nam brgyad spangs pa gang yin pa de nyid yin no/ /phyir mi 'ong ba gang zhe na zhugs pa de nyid kyis 'dod pa'i khams kyi bsgom pas spang bar bya ba'i nyon mongs pa'i rnam pa dgu pa spangs pa ste/ 'dod pa'i khams su phyir mi 'ong bas phyir
 mi 'ong ba zhes bya'o/ /de ni rnam pa gsum ste/ gzugs su nye bar 'gro ba dang/ gzugs med par nye bar 'gro ba dang/ tshe 'di la yongs su mya ngan las 'da' ba' o/ /de la gzugs su nye bar 'gro ba zhes bya ba ni 'dod pa'i 'dod
 chags dang bral ba gzugs kyi khams su skye ba'i rim gyis yongs su mya ngan las 'da' ba' o/ /de ni rnam pa lnga ste/ bar ma dor yongs su mya ngan las 'da' ba dang/ skyes nas yongs su mya ngan las 'da' ba dang/ mngon par 'du
 byed pa dang bcas pa yongs su mya ngan las 'da' ba dang/ mngon par 'du byed pa med par yongs su mya ngan las 'da' ba dang/ gong du 'pho ba'i de la bar ma dor yongs su mya ngan las 'da' ba zhes bya ba ni gzugs kyi khams kyi
 lha'i rigs gang yang rung ba nas shi 'phos nas gzugs kyi khams kyi lha'i ris gang yang rung ba'i bar ma do'i srid pa la gnas pa ste/ skye ba'i srid pa mngon par ma grub pa'i skabs su phung po'i lhag ma med pa'i mya ngan las
 'da' ba' i dbyings su yongs su mya ngan las 'da' ba' i ngang tshul gang yin pa'o/ /de yang rnam pa gsum ste/ shi 'phos ma thag kho nar bar ma do'i srid pa mngon par grub pa'i tshe bar ma do'i srid pa mngon par grub par byed cing
 mngon par grub pa dang/ dus mnyam pa kho nar yongs su mya ngan las 'da' ba dper na sbur ma'i me stag byung ma thag kho nar 'chi ba lta bu dang/ bar ma do'i srid pa mngon par 'grub par byed cing bar ma do'i srid pa mngon par 'grub pa de la gnas pa'i dus gzhan
 gyis yongs su mya ngan las 'da' zhing skye ba'i srid pa ga la ba der ni da rung mi gzhol ba dper na lcags kyi tho lun 'am lcags glebs pa mer bsregs shing rab tu 'bar ba dag lcags kyi tho ba dag gis brdungs pa na/ lcags kyi tsha tsha gnam du yang nas phyir
 ma log pa'i skabs kho nar 'chi ba lta bu dang/ bar ma de'i srid pa mngon par 'grub par byed cing bar ma dor srid pa mngon par grub nas kyang skye ba'i srid pa ga la ba der gzhol bar byed la/ gzhol nas kyang skye ba'i srid ba cung zad ma skyes pa'i skabs kho nar
 yongs su mya ngan 'da' ba dper na lcags kyi tsha tsha de nyid gnam du yar nas phyir log ste sa la cung zad ma lhung ba'i skabs kho nar 'chi ba lta bu dag go /skyes nas yongs su mya ngan las 'da' ba zhes bya ba ni gzugs kyi khams kyi lha'i ris gang yang
 rung bar skyes ma thag kho nar phung po'i lhag ma dang bcas pa'i mya ngan las 'da' bas yongs su mya ngan las 'da' ba' i ngang tshul can gang yin pa'o/ /de yang rnam pa gsum ste/ skyes nas yongs su mya ngan las 'da' ba de nyid dang/ de'i khyad par gnyis
 po mngon par 'du byed pa dang bcas pa dang/ mngon par 'du byed pa med par yongs su mya ngan las 'da' ba ste/ de dag thams cad kyang skyes nas yongs su mya ngan las 'da' ba dag yin pa'i phyir ro/ /mngon par 'du byed pa dang bcas pas yongs
 su mya ngan las 'da' ba zhes bya ba ni mngon par 'du byed pa dang/ 'bad pa dang/ dal bas lam mngon du byas shing der skyes nas yongs su mya ngan las 'da' ba' i ngang tshul can gang yin pa'o/ /mngon par 'du byed pa med par yongs su mya ngan las 'da' ba
 zhes bya ba ni mngon par 'du byed pa med pa dang/ 'bad pa med pa dang/ dal ba med pas lam mngon du byas shing der skyes nas yongs su mya ngan las 'da' ba gang yin pa'o/ /gong du 'pho ba gang zhe na/ gzugs kyi khams kyi
 lha'i ris gang du skyes pa de nyid yongs su mya ngan las mi 'da' ba' i bar gang du 'gro ba'i rim gyis yongs su mya ngan las 'da' ba' i ngang tshul can gang yin pa'o/ /de ni rgyu dang 'bras bu'i sgo nas rnam pa gnyis ste/ rgyu'i sgo nas ni bsam
 gtan spel ba dang/ bsam gtan ma spel ba gnyis so/ /'bras bu'i sgo nas ni 'og min gyi bar du 'gro ba dang/ srid pa'i rtse mo'i bar du 'gro ba gnyis so/ /de la gang gis bsam gtan spel ba de ni 'og min gyi bar du song nas der yongs su
 mya ngan 'da' ba' i ngang tshul can yin no/ /gang gis bsam gtan ma spel ba de ni srid pa'i rtse mo'i bar du song nas der yongs su mya ngan las 'da' ba' i ngang tshul can yin no/ /de'i gong du 'pho ba bsam gtan spel bas 'og min gyi bar du 'gro
 ba de yang rnam pa gsum ste/ 'phar ba dang/ khyad par du 'phar ba dang/ gnas thams cad du 'chi 'pho ba'o/ /de la 'phar ba zhes bya ba ni sngar 'dod pa'i khams 'dir bsam gtan bzhi par thob pa la zag pa dang bcas pa dang zag ba med
 pa'i bsam gtan spel mar bsgom pa bsam gtan gnyis pa dang gsum pa dang bzhi pa las nyams la bsam gtan dang po las ni ma nyams bsam gtan dang po'i ro myang ste/ tshangs ris su skyes nas bsam gtan gnyis pa dang/ gsum
 par mi skye bar sngon goms pa'i dbang gis bsam gtan bzhi pa'i so so'i skye bo'i gnas dang gnas gtsang ma'i zag pa dang bcas pa dang zag pa med pa spel mar bsgoms te/ tshangs ris nas shi 'phos nas gnas par ma dag tu mi skye ba thal
 byung 'og min du skye ba gang yin pa'o/ /phyed du 'phar zhes bya ba ni de nying tshangs ris nas shi 'phos nas gnas gtsang ma lnga las dang po 'am gnyis pa 'am gsum pa 'am bzhi pa gang yang rung ba cig tu skyes la de nas shi 'phos nas 'og min tu skye ba
 gang yin pa'o/ /gnas thams cad du 'chi 'pho ba zhes bya ba ni de nyid kyis bsam gtan gnyis pa dang/ gsum pa dang/ bzhi pa thams cad mthar gyis bskyed de/ spel nas tshangs ris nas 'og min gyi bar gyis gnas rnams las tshangs chen ma gtogs
 pa thams cad du skyes shing 'phos nas tha mar 'og min du skye ba gang yin pa'o/ /'phags pa ni tshangs chen du mi skye ste/ lta pa'i gnas yin pa'i phyir dang gtso bo gcig tu zad pa'i phyir ro/ /bsam gtan spel pa zhes bya ba ni bsam gtan bzhi pa spel
 bar byed pa ste/ bsam gtan de ni thams cad pa las su rung ba dang/ mngon par shes pa'i sla ba'i lam rnams kyi nang na mchog yin pa'i phyir ro/ /de yang 'di ltar spel bar byed de/ dgra bcom pa 'am phyir mi 'ong ba 'ang rung dang por zag pa med pa'i
 bsam gtan bzhi rgyun dang ldan pa la snyoms par 'jug cing de las langs nas bsam gtan bzhi pa de nyid kyi zag pa dang bcas pa rgyun dang ldan pa la yun ring du snyoms par 'jug la/ de las langs nas yang bsam gtan bzhi pa de nyid kyi zag pa
 med pa rgyun dang ldan pa la yun ring du snyoms par 'jug go/ tshul de bzhin du snyoms par 'jug pa las khad kyis khad kyi rgyu na je thung je thung du phyi nas gang gis tshe zag pa med pa'i skad cig ma gnyis la snyoms par 'jug cing de las langs nas
 zag pa dang bcas pa'i skad cig ma gnyis la snyoms par 'jug pa de las langs nas yang zag pa med pa'i skad cig ma gnyis la snyoms par 'jug ste zag pa med pa dang zag pa dang bcas pa'i skad cig ma re re spel ba ni sangs rgyas bcom
 ldan 'das ma gtogs pa gzhan gyis mi nus pas de'i phyir dgra bcom pa dang/ phyir mi 'ong ba dag ni rgyun chags yun ring po nas bzung ste/ skad cig ma gnyis gnyis spel pa'i mthar thug pa la snyoms par
 'jug pa rdzogs pa yin par blta'o/ /de la rgyun chags gsum las dang po/ /gnyis ni bar chad med pa'i lam lta bu yin la/ gsum pa ni rnam par grol ba'i lam lta bu yin te/ zag pa dang bcas pa gang yin pa de'i dbang
 gis ni de dag tu skye'o/ /de la gong du 'pho ba bsam gtan ma spel ba srid pa'i rtse mo'i bar du 'gro ba zhen tshangs ris su skye ba de nyid kyis bsam gtan dang po nas gnyis pa dang gsum pa dang bsam gtan bzhi pa'i so
 so'i skye bo'i gnas gsum pa'i snyoms par 'jug pa rnams kyis ro myang bar byed cing gnas de dag thams cad du skyes la gnas gtsang ma rnams su mi 'jug par gzugs med par skye ba'i rim gyis srid pa'i rtse mor
 song nas yongs su mya ngan las 'da' ba ste/ 'di ni zhi gnas sbyang ba yin no/ /snga ma ni lhag mthong spyad pa yin no/ /gong du 'pho ba de dag bar skabs su yang yongs su mya ngan 'da' bar rung bar blta'o/ /'og min dang srid
 pa'i rtse mo'i mthar thug pa nyid ni de phan chad 'gro ba med de/ dper na rgyun du zhugs pa de ltar thogs na srid pa lan bdun pa nyid bzhin ste/ de ni re zhig gzugs su nye bar 'gro ba'i phyir mi 'ong pa lnga yin no/ /mdo las
 skyes bu dam pa'i 'gro ba bdun zhes bstan pa ni bar ma dor yongs su mya ngan las 'da' ba gsum dang skyes nas yongs su mya ngan las zla ba gsum dang gong du 'pho ba rnams ma phye bar gcig tu bsdus pa la bya'o/ /de la gzugs
 med par nye bar 'gro ba zhes bya ba ni phyir mi 'ong ba gzugs kyi 'dod chags dang bral ba 'dod pa'i khams 'di nas shi 'phos nas gzugs med pa dag gi nang du skye ba gang yin pa ste/ de yang gzugs su nye bar 'gro ba lnga las bar ma dor yongs su mya ngan las
 'da' ba ma gtogs pa bzhi po dag gi khyad par yin no/ /de la tshe 'di la yongs su mya ngan las 'da' ba zhes bya ba ni phyir mi 'ong ba 'dod pa'i khams su chos 'di la yongs su mya ngan las 'da' ba zhing khams gong ma gnyis su mi skye ba gang yin pa ste/ de
 ni gzugs su nye bar 'gro ba lnga dang gzugs med par nye bar 'gro ba bzhi po gang yang ma yin mod kyi 'on kyang mngon par 'du byed pa dang bcas pa mngon par 'du byed pa med pas mya ngan las 'da' ba ni yin no/ /phyir mi 'ong ba de dag las gang la las
 'gog pa'i snyoms par 'jug pa thob pa de ni mya ngan las 'das pa dang 'dra ba'i chos lus kyis mngon sum du byed pa'i phyir lus kyi mngon par 'du byed pa zhes bya'o/ /ji ltar lus kyis mngon par 'du byed ce na/ sems med pas lus la brten ste
 skye ba'i phyir ro/ /dgra bcom pa nyid kyi 'bras bu mngon sum du bya ba'i phyir zhugs pa gang zhe na/ phyir mi 'ong ba de nyid kyis bsam gtan dang po'i bsgom pas spang bar bya ba'i nyon mongs pa'i rnam pa dgu las rnam pa gcig spangs pa nas bzung
 ste/ srid pa'i rtse mo'i rnam pa dgu las rnam pa brgyad kyi bar spangs pa gang yin pa'o/ /de srid pa'i rtse mo'i rnam pa dgu po spong bar byed pa'i bar chad med pa'i lam la gnas pa na yang dgra bcom pa nyid kyi 'bras bu mngon sum du bya ba'i phyir
 zhugs pa yin ste/ bar chad med pa'i lam de ni rdo rje lta bu ting nge 'dzin zhes bya'o/ /dgra bcom pa gang zhe na/ zhugs pa de nyid kyi srid pa'i rtse mo'i nyon mongs pa'i rnam pa dgu pa spong bar byed pa'i bar chad med pa'i lam rdo rje lta bu'i ting nge 'dzin gyi mjug
 thogs su nyon mongs pa rnam pa dgu pa ma lus bar spangs pa'i rnam par grol ba'i lam tha ma thob pa yin ste/ zad pa shes pa dang mi skye ba shes pa dang mi slob ba'i chos thob pa yin la de nyid kyi phyir de bzhin gyi don
 byed par 'os pa'i phyir dang/ 'dod chags dang bcas pa thams cad kyis mchod par 'os pa'i phyir dgra bcom pa zhes bya'o/ /de ni rnam pa drug ste yongs su nyams pa'i chos can dang/ 'chi bar sems pa'i chos can dang/ rjes su
 bsrungs par chos can dang/ gnas pa las mi skyod pa dang/ rtogs pa'i skal ba can dang/ mi g.yo ba'i chos can te/ de la yongs su nyams pa'i chos can gang zhe na/ dgra bcom pa dbang po rtul po gal te na 'bras bu thob pa
 las yongs su nyams par 'gyur ba'i ngang tshul can gang yin pa'o/ /'chi bar sems pa'i chos can gang zhe na/ dgra bcom pa dbang po rtul po gal te bdag tshe 'di la 'bras bu thob pa las yongs su nyams par gyur na ma legs kyi
 myur du phung po lhag ma med pa'i dbyings su mya ngan las 'da' bar bya'o snyam du sems pa'i ngang tshul can gang yin pa'o/ /rjes su bsrung ba'i chos can gang zhe na/ dgra bcom pa dbang po rtul po ci nas kyang tshe 'di la 'bras bu thob
 pa las yongs su mi nyams par bya'o snyam nas 'bad pa dang bcas pa rjes su srung bar byed pa'i ngang tshul can gang yin pa'o/ /gnas pa las mi bskyod pa gang zhe na/ dgra bcom pa dbang po rtul po yongs su nyams par 'gyur ba'i rkyen
 stobs dang ldan pa med na rjes su ma srungs kyang rnam par 'gyur ba'i skal ba can yin zhing nyams par mi 'gyur ba dang/ mngon par brtson pa med na 'phel bar yang mi 'gyur ba'i ngang tshul can gang yin pa'o/ /rtogs? pa'i skal ba can gang zhe
 na/ dgra bcom pa dbang po rtul po mi g.yo bar rtogs par 'gyur ba'i ngang tshul can gang yin pa'o/ /mi gol pa'i chos can gang zhe na/ dgra bcom pa dbang po rnon po yongs su nyams par mi 'gyur ba'i ngang tshul can gang yin pa'o/ /de dag kyang yongs su nyams pa'i chos can
 yang gdon mi za bar yongs su nyams par 'gyur ba ma yin la/ rtogs pa'i skal pa can gyi bar du yang rtogs par 'gyur ba kho nar nges par ni ma yin gyi srid pa'i phyir de skad ces bshad do/ /de ltar 'bras bu la gnas pa bzhi po de dag ni dge sbyong gi tshul gyi 'bras bu zhes
 bya ste/ dge sbyong gi tshul zhes bya ba ni zag pa med pa'i lam mo/ /de'i 'bras bu ni bzhi po dag yin pas dge sbyong gi tshul gyis 'bras bu'o/ /'bras bu de dag kyang 'dus byas dang 'dus ma byas yin te/ rnam par grol pa'i lam ni 'dus byas yin 'brel ba ni 'dus ma byas yin no//
 de la ci'i phyir 'bras bu rnam la bzhir rnam par bzhag ce na/ bcom ldan 'das kyis spong pa'i lam gyi gnas skabs gang la rgyu lnga srid pa de la 'bras bur rnam par bzhag go/ lnga gang zhe na/ lam lnga ma btang ba dang/ lam gzhan thob pa dang/ spangs pa bsdus pa dang/ shes pa
 brgyad thob pa dang/ rnam pa bcu drug thob pa'o/ /de la lam lnga ma btang ba ni zhugs pa bzhi'i lam btang ba'o/ /lam gzhan thob pa na 'bras bu la gnas pa bzhi'i lam thob pa'o/ /spangs pa bsdus pa ni 'bras bu bzhi'i gnas skabs na nyon mongs pa spangs pa thams cad kyi
 thob pa'i gcig rnyed pa'o/ /shes pa brgyad thob pa ni 'bras bu bzhi'i gnas skabs na chos shes pa bzhi dang/ rjes su rtogs pa'i shes pa thob pa bzhi rnyed pa'o/ /rnam pa bcu drug thob pa ni 'bras bu bzhi'i gnas skabs na bden pa bzhi la mi stag pa'i rnam pa la sogs pa
 bcu drug thob pa ste/ rgyu lnga po de dag ni 'bras bu bzhi po re re la yang lnga lnga yod do/ /de la 'bras bu bzhi la gnas pa'i gang zag ji skad bstan pa de dag ni rigs kyi sgo nas rnam pa drug du 'gyur te/ so so'i skye bo dbang po rtul po dang rnon po'i rigs can gang yin pa de gnyis
 mthong ba'i lam la sems kyi skad cig bco lnga po rnams la dad pas rjes su 'brang ba dang chos kyi rjes su 'brang ba zhes bya ba gnyis su 'gyur ro/ /de gnyis bsgom pa'i lam sems kyi skad cig ma bcu drug pa nas gzung ste/ srid pa'i rtse mo'i
 nyon mongs pa'i rnam pa dgu pa spong ba'i bar chad med pa'i lam gyi bar la dad pas mos pa dang mthong bas thob pa zhes bya ba gnyis su 'gyur ro/ /de gnyis mi slob pa'i lam la zad pa shes pa nas bzung ste/ sems kyi skad cig ma tha ma mya ngan las
 'da' ba' i bar la dus kyi rnam par grol ba dang mi sbyor bar rnam par grol ba zhes bya ba gnyis su 'gyur te/ dgra bcom pa rnam pa drug bstan pa dang po lnga dang tha ma gcig dang/ go rim bzhin no/ /de ni 'bras bu thob pa'i rab tu dbye ba rnam par
 bzhag ba yin te/ bden pa rnams kyi rab tu dbye ba rnam par bzhag pa bshad zin to/ /de la bden pa rnams kyi go rim rnam par bzhag pa gang zhe na/ yongs su shes par bya ba dang/ spang bar bya ba dang/ mngon sum du bya ba dang/ bsgom par bya ba
 yin pa'i phyir bden pa bzhi po dag gi go rim sdug bsngal dang kun 'byung ba dang/ 'gog pa dang lam zhes bya ba de ltar rnam par bzhag go /de la ci'i phyir sdug bsngal gyi bden pa yongs su shes bar bya zhe na/ sdug bsngal gyi bden pa ni phyin ci
 log bzhi po rtag pa dang bde ba dang gtsang ba dang/ bdag tu phyin ci log pa'i gnas yin la/ sdug bsngal gyi bden pa'i mtshan nyid ni mi rtag pa dang/ sdug bsngal ba dang stong pa dang bdag med pa so sor rig na phyin ci log bzhi spong bar 'gyur
 bas de'i phyir de ni dang por yongs su shes par bya ba yin no/ /gang gi tshe bden pa bzhi po thams cad kyang yongs su shes par bya ba dag yin pa'i tshe ci'i phyir sdug bsngal gyi bden pa 'ba' zhig yongs su shes par bya zhes gsungs she na/ sdug
 bsngal gyi bden pa ni rang gi mtshan nyid dang/ spyi'i mtshan nyid kyis yongs su shes par bya ba yin gyi/ de las gzhan pa'i bden pa gsum ni rang gi mtshan nyid kho na ste/ kun 'byung ba'i bden pa la rgyu la sogs pa'i rnam pa dag gi yongs su shes par bya ba de yang de'i rang gi mtshan
 nyid yongs su shes par bya ba yin la/ 'gog pa'i bden pa la 'gog pa la sogs pa'i rnam pa dag gis yongs su shes par bya ba de yang de'i rang gi mtshan nyid yin/ lam gyi bden pa la lam la sogs pa'i rnam pa dag gis yongs su shes par bya ba de yang de'i
 rang gi mtshan nyid yin pas de'i phyir mtshan nyid gnyis kyis mi rtag pa dang/ sdug bsngal ba dang stong pa dang/ bdag med pa'i rnam par yongs su shes par bya dgos pa'i sdug bsngal gyi bden pa 'ba' zhig yongs su shes par bya zhes gsungs so/ /ci'i phyir kun 'byung gi
 bden pa spang bar bya zhe na/ kun 'byung gi bden pa ni sdug bsngal gyi bden pas bsdus pa yin pa'i phyir sdug bsngal gyi bden pa yongs su shes su zin kyang da dung kun 'byung ba'i bden pa dang rjes su 'brel pa'i phyir kun 'byung ba'i bden pa ni de'i 'og tu spang bar bya ba yin
 no/ /gang gi tshe sdug bsngal gyi bden pa yang spang bar bya ba yin pa de'i tshe ci'i phyir kun 'byung pa'i bden pa 'ba' zhig spang bar bya zhes gsungs she na/ sdug bsngal gyi bden pa spong ba ni kun 'byung ba'i bden pa spang bas rab tu phye ba yin te/ de'i phyir kun 'byung ba'i bden pa
 'ba' zhig spang bar bya zhes gsungs so/ /ci'i phyir 'gog pa'i bden pa mngon sum du bya zhe na/ mngon sum du bya ba ni mngon sum du bya ba'i don yin pas de mngon du byas na 'gog pa mi skrag cing dga' ba yongs su 'dzin pa'i phyir 'gog pa'i bden pa ni de'i 'og tu mngon
 du bya ba yin no/ /ci'i phyir lam gyi bden pa bsgom par bya zhe na/ ji skad smos pa'i don gsum po dag bsgrubs pa'i phyir lam goms par bya ba rtogs pas na lam gyi bden pa ni de'i 'og tu bsgom par bya ba yin no/ /go rim gyi rnam grangs gzhan yang gang gis sdug
 bsngal bar gyur pa de ni dang por bstan to/ /ji ltar sdug bsngal bar gyur pa de ni gnyis pa yin no/ /nag po'i phyogs gtugs nas yang gang gis bde bar gyur pa de ni gsum pa yin no/ /ji ltar bde bar gyur pa de ni bzhi pa yin te/ dper
 na nad dang de'i rgyu dang/ nad med pa dang/ sman lta bu yin no/ /rnam grangs gzhan yang 'jig rten pa'i sdug bsngal 'byung ba'i go rim bzhin du bden pa rnams kyi go rim bzhag par bya ste/ 'jig rten pa dag ni dang por sdug bsngal gang yang rung ba
 zhig gis thebs pa na de la rtog par byed do/ /de'i 'og tu de dag las byung ba la'o/ /de'i 'og tu de las thar pa la'o/ /de'i 'og tu de las thar pa'i thabs rtogs par byed pa'i phyir ro/ /de'i bden pa rnams kyi go rim rnam par bzhag pa yin no/ /de la
 bden pa rnams kyi bsdu ba rnam par bzhag pa gang zhe na/ bden pa bzhi las/ sdug bsngal dang/ kun 'byung ba dang/ lam gsum ni 'dus byas yin la/ 'gog pa ni 'dus ma byas yin pas sngar phung po dang/ khams dang/ skye mched dang/ srid pa'i yan
 lag dang/ gnas dang gnas ma yin pa dang/ dbang po rnams la 'dus byas pa dang 'dus ma byas kyi phyogs gang gis bsdus pa kho na bzhin du blta bar bya'o/ /de ni bden pa rnams kyi bsdu ba rnam par bzhag pa yin no/ /de la bden pa rnams kyi rten
 rnam par bzhag pa gang zhe na/ sdug bsngal ba dang/ kun 'byung ba dang/ lam gyis phung po lngas bsdus pa yin pas sngar phung po lnga'i rten ji skad bstan pa la brten par ci rigs par sbyar ro/ /'gog pa ni ci la yang mi brten mi gnas par brjod par
 bya ste/ 'di ni bden pa rnams kyi rten rnam par bzhag pa yin no/ /de ltar bden pa rnams kyi rten rnam par bzhag pa ji skad bstan pa de dag gis sems can skyes shing 'byung ba rnams kun nas nyon mongs pa dang rnam par byad bar 'gyur ba'i
 phyir des ni de'i kun nas nyon mongs pa dang rnam par byang ba'i dngos po bstan to/ /de'i sna tshogs kyi dngos po zhes bya bas ni rten cing 'brel par 'byung ba bstan te/ rten cing 'brel par 'byung ba zhes bya ba ni gzhan gyi dbang gi ngo bo nyid kyi chos kun nas nyon mongs pa dang/ rnam
 par byang ba'i phyogs su gtogs pa gang yin pa'o/ /de yang rnam pa drug gis rnam par bzhag ste/ ngo bo nyid dang/ don dang rab tu dbye ba dang go rim dang/ bsdu ba dang/ rten gyis so/ /de la rten cing 'brel pa'i ngo bo nyid rnam par bzhag pa gang zhe na/ nang dang phyi rol gyi
 rten cing 'brel par 'byung ba dgu dang/ rkyen dang 'bras bu rab tu dbye ba gang yin pa'o/ /de la rten cing 'brel par 'byung ba'i don rnam par bzhag pa gang zhe na/ rnam pa gnyis te/ nges pa'i tshig dang/ dngos po'o/ /de la nges pa'i tshig ni 'di lta ste/ 'di yod pas 'di 'byung
 la 'di skyes pa'i phyir 'di skye ba ste zhes bya ba'i don 'di'i dbang du byas nas de nges pa'i tshig tu blta bar bya'o/ /de'i don gang zhe na/ sems can med pa'i don dang/ mi rtag pa'i don dang/ ring po mi thogs par nye bar gnas pa'i don dang/ gzhan gyi dbang gi don
 dang/ byed pa med pa'i don dang/ rgyu dang 'bras bu rgyun mi chad pa'i don dang/ rgyu dang 'bras bu mthun par 'jug pa'i don dang/ las bdag gir bya ba'i don ni rten cing 'brel par 'byung ba'i don to/ /dgos pa gang zhe na/ rgyu dang rkyen rnams kyi rang gi kun nas nyon
 mongs pa dang/ rnam par byang ba'i don yongs su bstan pa'i phyir/ de la rten cing 'brel par 'byung ba'i rab tu dbye ba rnam par bzhag pa gang zhe na/ rnam pa gsum ste/ nang gi rten cing 'brel bar 'byung ba'i ngo bo nyid kyi rab tu dbye ba dang/ phyi rol gyi rten cing 'brel
 par 'byung ba'i ngo bo nyid kyi rab tu dbye ba dang/ de gnyis ga'i rgyu dang rkyen dang/ 'bras bu'i rab tu dbye ba rnam par bzhag pa'o/ /de la nang gi rten cing 'brel par 'byung ba'i ngo bo nyid kyi rab tu dbye ba rnam par bzhag pa gang zhe na/ rnam pa gnyis te/ rgyu 'brel ba
 dang/ rkyen 'brel pa'o/ /de la nang gi rten cing 'brel par 'byung ba'i rgyu 'brel pa gang zhe na/ 'di lta ste/ ma rig pa'i rkyen gyis sred pa rnams/ 'du byed kyi rkyen gyis rnam par shes pa dang/ rnam par shes pa'i rkyen gyis ming dang gzugs dang gzugs kyi rkyen
 gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rten gyis skye ba/ skye ba'i rkyen gyis rga shi dang/ mya ngan dang/ smre
 sngags 'don pa dang/ sdug bsngal ba dang/ yid mi bde ba dang/ 'khrug pa rnams 'byung ste/ de ltar na sdug bsngal gyi phung po 'ba' zhig pa 'di 'byung bar 'gyur ro zhes gsungs pa'o/ /nang gi rten cing 'brel par 'byung ba'i rkyen 'drel pa gang zhe
 na/ khams drug po sa'i khams dang/ chu'i khams dang/ me'i khams dang/ rlung gi khams dang/ nam mkha' i khams dang/ rnam par shes pa'i khams 'dus pa'o/ /de la phyi rol gyi rten cing 'brel par 'byung ba'i ngo bo nyid kyis rab tu dbye ba rnam
 par bzhag pa gang zhe na/ de yang rnam pa gnyis te/ rgyu dang 'brel pa dang/ rkyen dang 'brel pa'o/ /de la phyi rol gyi rten cing 'brel par 'byung ba'i rgyu 'brel pa gang zhe na/ 'di lta ste/ sa bon las myu gu /myu gu las 'dab ma/ 'dab ma las
 sdong bu/ sdong bu las spu gu/ spu gu las snying po/ /snying po las me tog/ me tog las 'bras bu'o zhes gsungs so/ /phyi rol gyi rten cing 'brel par 'byung ba'i rkyen 'brel pa gang zhe na/ khams drug ba sa'i khams dang/ chu'i khams dang/
 me'i khams dang/ rlung gi? khams dang/ nam mkha' i khams dang/ dus kyi khams rnams bsdus pa'o/ /de la gnyis ka'i rgyu dang/ rkyen dang/ 'bras bu'i rab tu dbye ba rnam par bzhag pa gang zhe na/ rnam pa bzhir rig par bya ste/ mtshan nyid dang
 gnas dang/ rab tu dbye ba dang/ rnam par bzhag pa'o/ /de la mtshan nyid gang zhe na/ snga ma yod pa gang yin pa gang la brten nas gang phrad na chos gang skye ba 'am/ 'thob pa 'am/ 'grub par 'gyur ba 'am/ 'grub pa 'am/ gnas pa 'am/ byed par 'gyur ba de ni rgyu
 dang/ rkyen dang/ 'bras bu'i mtshan nyid yin te/ de la snga nas yod pa ni rgyu'i mtshan nyid do/ /gang la brten nas zhes bya ba dang/ gang la phrad na zhes bya ba ni rkyen gyi mtshan nyid do/ /chos gang skye ba 'am zhes bya ba la sogs pa ni/ 'bras bu'i mtshan nyid de/ de
 la rgyu ni phan pa'i don/ rkyen ni gnas par bya ba'i don/ 'bras bu ni 'grub pa'i don to/ /de la snga na yod pa ci zhig /ci la brten nas/ ci dang phrad na/ chos ci zhig skye bar 'gyur zhe na/ rang gi sa bon ni snga na yod pa ste/ sa bon gyi gnas ma gtogs
 pa de las gzhan pa'i gnas gzugs can dang/ gzugs can ma yin pa la yang brten la/ las la yang brten nas grogs dang/ dmigs pa dang yang phrad na 'dod pa dang/ gzugs dang/ gzugs med pa dang/ ldan pa dang mi ldan pa ma
 yin pa'i chos rnams kyi bar 'gyur ste/ de yang ci rigs par sbyar ro/ /snga ma yod pa ci zhig /ci la brten nas/ ci dang phrad na/ chos ci zhig thob par 'gyur zhe na/ nyan thos dang/ rang sangs rgyas dang/ de bzhin gshegs pa'i rigs ni
 snga nas yod pa ste/ nang gi yan lag gi stobs la brten nas/ phyi rol gyi yan lag gi stobs dang phrad na nyon mongs pa dang bral ba mya ngan las 'das pa thob par 'gyur ro/ /snga na yod pa ci zhig ci la brten nas ci dang phrad na chos ci zhig 'grub
 par 'gyur zhe na/ shes bya la mos shing 'dod pa'i snga na yod pa ste/ dam bca' ba dang/ gtan tshigs dang/ dpe la brten nas phyir rgol ba dang mi mthun pa med pa'i 'khor dang/ phrad na bsgrub par bya ba'i don 'grub par 'gyur ro/ /snga na
 yod ba ci zhig ci la brten nas ci dang phrad na chos ci zhig 'grub ce na/ bzo shes pa ni snga na yod ba ste/ /rang mthun pa'i brtson pa la brten nas/ bzo'i las kyi gnas dang mthun pa'i cha byad dang phrad na
 bzo'i las kyi gnas de dang de dag 'grub par 'gyur ro/ /snga na yod pa ci zhig ci la brten nas ci dang phrad na/ chos ci zhig gnas par 'gyur zhe na sred pa ni snga na yod pa ste/ zas la brten pa'i lus la brten nas/ zas rnam
 bzhi dang phrad na sems can 'byung ba rnams gnas shing 'tsho ba la lta bar 'gyur ro/ /snga na yod pa ci zhig ci la brten nas ci dang phrad nas chos ci zhig byed par 'gyur zhe na/ rang gi sa bon ni snga na yod pa ste/ skye ba la brten nas
 skye ba'i rkyen dang phrad na rang rang gi chos kyi rang gi byed pa yod cing rang gi las byed de/ 'di lta ste/ mig ni lta bar byed pa dang/ dbang po lhag ma rnams kyang rang rang gi bya ba byed pa dang/ sa ni rten par byed pa dang/ de lta bu
 dang mthun pa'i phyi rol gyi dngos po rnams kyang rang rang gi bya ba byed par rig par bya ste/ de ni rgyu dang rkyen dang/ 'bras bu'i mtshan nyid yin no/ /de la rgyu dang rkyen dang 'bras bu gnas gang zhe na/ bco lnga ste/ tshig dang
 myong ba dang/ bag chags dang/ rlan dang/ bcas pa'i sa bon dang phrad nas 'gag pa dang/ /yul dang dbang po dang/ byed pa dang/ skyes bu'i byed pa dang/ de kho na la lta ba dang/ mthun pa dang/ mthu sna tshogs dang/
 tshigs pa dang/ bar du gcod pa dang/ bar du gcod pa ma yin pa'o/ /de la tshig ni rtog pas kun nas bslang ba'i ngag go/ myong ba ni bde ba dang sdug bsngal la sogs pa nyams su myong ba'o/ /bag chags ni dge ba dang/
 mi dge ba'i las kyis bsgos pa'i 'du byed kyi bag chags so/ /rlan dang bcas pa'i sa bon ni srid pa dang bcas pa'i las dang chu'i rlan dang bcas pa'i lo tog gi sa bon no/ /phrad nas 'gag pa ni 'gags ma thag pa'i rkyen no/ /yul ni dmigs
 pa'o/ /dbang po ni bdag po'o/ /byed pa ni 'du byed rnams dang/ rang rang gi las byed pa'o/ /skyes bu'i byed pa ni bya ba bsgrub pa'i phyir skyes bu'i rtsol ba'o/ /de kho na la lta ba'i 'jig rten pa dang/ 'jig rten las 'das pa'i yang dag pa'i lta
 ba'o/ /mthun pa ni rigs mthun pa'o/ /mthu sna tshogs ni 'du byed rnams kyi so so'i nus pa tha dad pa'o/ /tshogs pa ni lhan cig 'byung ba'o/ /bar du gcod pa ni skye ba la sogs pa la bar chad byed pa'o/ /bar du gcod pa ma yin pa ni
 skye ba la sogs pa la bar chad mi byed pa ste/ de dag ni rgyu dang rkyen 'bras bu'i gnas yin no/ /de la rgyu dang rkyen dang 'bras bu'i rab tu dbye ba gang zhe na/ rgyu bcu dang rkyen bzhi dang/ 'bras bu lnga ste de la rgyu bcu gang zhe na/ rjes su tha snyad 'dogs
 pa'i rgyu dang/ bltos pa'i rgyu dang/ 'phen pa'i rgyu dang/ mngon par 'grub pa'i rgyu dang/ yongs su 'dzin pa'i rgyu dang/ 'dren pa'i rgyu dang/ so sor nges pa'i rgyu dang/ lhan cig byed pa'i rgyu dang/ mi mthun pa'i rgyu dang/ mi mthun pa med pa'i
 rgyu'o/ /de la rjes su tha snyad 'dogs pa'i rgyu gang zhe na/ chos thams cad kyi ming dang/ ming sngon du 'gro ba'i 'du shes dang/ 'du shes sngon du 'gro ba'i brjod pa gang yin pa de ni/ chos de dang de dag gi rjes su tha snyad 'dogs pa'i rgyu yin
 no/ /bltos pa'i rgyu gang zhe na/ gzhi gang las bltos shing rgyu gang gis dngos po gang la 'dod pa dang len par 'gyur ba de ni de'i bltos pa'i rgyu yin no/ /'phen pa'i rgyu gang zhe na/ sa bon ni rang gi 'bras bu tha ma'i bar gyis 'phen pa'i
 rgyu yin no/ /mngon par 'grub pa'i rgyu gang zhe na/ sa bon de nyid ni rang gi 'bras bu mngon par 'grub pa'i rgyu yin no/ /yongs su 'dzin pa'i rgyu gang zhe na/ sa bon ma gtogs pa de las gzhan pa'i rkyen rnams ni
 yongs su 'dzin pa'i rgyu yin no/ /'dren pa'i rgyu gang zhe na/ sa bon las grub pa'i 'bras bu de ni sa bon gyis 'phangs pa'i 'bras bu phyi ma'i rgyu yin no/ /so sor nges pa'i rgyu gang zhe na/ chos rnam pa sna tshogs rnam pa tha dad pa'i rang rang gi
 rgyu ni so sor nges pa'i rgyu yin no/ /lhan cig byed pa'i rgyu gang zhe na/ bltos pa'i rgyu dang/ 'phen pa'i rgyu dang/ mngon par 'grub pa'i rgyu dang/ yongs su 'dzin pa'i rgyu dang/ 'dren pa'i rgyu dang/ so sor nges pa'i rgyu gang yin pa de dag
 thams cad gcig tu bsdus pa ni lhan cig byed pa'i rgyu yin no/ /mi mthun pa'i rgyu gang zhe na/ skye ba la sogs pa la bar du gcod pa'i rgyu mi mthun pa'i rgyu yin no/ /mi mthun pa med pa'i rgyu gang zhe na/ skye ba la sogs pa la bar
 du gcod pa med pa'i rgyu ni mi mthun pa med pa'i rgyu yin no/ /rgyu bcu po de dag ni 'jig rten pa'i lo tog la sogs pa lung du ma bstan pa'i dngos po thams cad dang/ kun nas nyon mongs pa dang/ rnam par byad pa'i phyogs
 kyi dngos po thams cad phyin ci ma log par 'gyur ba'i yin te/ de la rgyu bcu po de dag gis 'jig rten pa'i dngos po thams cad ni ji ltar 'byung bar 'gyur/ kun nas nyon mongs pa ni ji ltar 'gyur/ rnam par byad ba ni ji ltar 'gyur
 zhe na/ 'di ltar 'jig rten na 'bru'i grangs su gtogs pa'i lo tog gang dag gis 'jig rten 'di 'tsho bar byed pa gang yin pa de dag gi ming dang/ 'du shes dang tshig tu brjod pa rnam pa sna tshogs 'di lta ste/ nas dang/ 'bras
 dang/ sa lu dang/ gro dang/ til dang/ sran ma la sogs pa zhes bya ba la sogs pa 'di ni de dag gi tha snyad du khyer te shog /thogs shig /zhog cig ces bya ba la sogs pa'i rjes su tha snyad 'dogs pa'i rgyu yin no/ /bkros pa dang/ skom pa dang/ nyam
 chung ba dang/ lus gnas par bya ba la bltos pa dang/ kham gyi zas kyi myang ba bya ba la bltos nas/ nas la sogs pa de dag 'dod pa dang/ tshol ba dang/ len pa dang/ longs spyod par byed pa 'di ni de dag gis bltos pa'i rgyu yin no/ /
 nas la sogs pa'i rang rang gis sa bon gang dang gang la lo tog gang? dang gang 'byung ba'i sa bon de ni de'i 'phen pa'i rgyu yin no/ /sa bon de ni myu gu de'i mngon par 'grub pa'i rgyu yin no/ /sa dang char pa la sogs pa'i rkyen
 las myu gu 'byung bar 'gyur ba de ni de'i yongs su 'dzin pa'i rgyu yin no/ /myu gu dang sdong bu dang lo ma gcig nas gcig tu brgyud pa'i rgyun de ni lo tog de 'grub pa dang yongs su smin pa'i 'dren pa'i rgyu yin no/ /nas kyi sa
 bon las kyang nas kyi myu gu dang nas kyi lo tog 'byung bar 'gyur gyi gzhan ma yin la 'bru gzhan dag las kyang de bzhin pa de ni de dag gi so sor nges pa'i rgyu yin no/ /bltos pa'i rgyu nas bzung ste/ so sor nges pa'i
 rgyu la thug pa'i bar? gyi rgyu drug po de dag thams cad gcig tu bsdus pa ni lo tog de 'gab pa'i lhan cig byed pa'i rgyu yin no/ /ser ba dang lo tog la gnod pa 'byung ba la sogs pa bar tu gcod pa rnams
 ni de'i mi mthun pa'i rgyu yin no/ /de dag med de par tu gcod pa med pa'i ni mi mthun pa med pa'i rgyu yin te/ de ltar rgyu bcu po de dag ni 'bru bsdus pa rnams la ji lta ba bzhin du de las gzhan pa'i 'jig rten
 pa'i dngos po dag la yang ci rigs par sbyar bar rig par bya'o/ /de la kun nas nyon mongs par ji ltar 'gyur zhe na/ 'di ltar rten cing 'brel par 'byung ba thams cad kyi ming dang 'du
 shes dang/ tshig tu brjod pa 'di lta ste/ ma rig pa dang/ 'du byed rnams dang rnam par shes pa dang ming dang gzugs nas rgyas par rga shi dang mya ngan dang smre sngags 'don pa dang/ sdug bsngal ba dang yid mi bde ba
 dang/ 'khrug pa zhes bya ba'i bar de ni re zhig kun nas nyon mongs pa'i tha snyad ma rig pa'i rkyen gyis 'du byed rnams zhes bya ba nas skye ba'i rkyen gyis rga shi zhes bya ba la sogs pa'i rjes su tha snyad 'dogs pa'i rgyu yin no/ /bde
 ba la sogs pa'i yul myong ba la bltos nas srid pa'i yan lag 'di dag 'jug pa de ni/ kun nas nyon mongs pa de'i bltos pa'i rgyu yin no/ /tshe 'di la skyes shing 'byung ba'i ma rig pa la sogs pa'i chos rnams kyi sa
 bon gang dag yin pa de dag ni skye ba gzhan gyi skye ba dang rga shi 'phan pa'i rgyu yin no/ /ma rig pa la sogs pa'i rang gi sa bon ni mngon par 'grub pa'i rgyu yin no/ /skyes bu dam pa ma yin pa la brten pa dang/ dam pa'i chos
 ma yin pa thob pa dang/ tshul bzhin ma yin pa yid la byed pa dang/ sngon goms pa'i 'phen pa ni ma rig pa la sogs pa dag 'byung ba'i yongs su 'dzin pa'i rgyu yin no/ /ma rig pa la sogs pa sred pa la thug pa de dag
 ni phyi ma phyi ma 'dren cing gcig nas gcig tu brgyud pa tshe gzhan gyi skye ba dang rga shi de'i 'dren pa'i rgyu yin no/ /ma rig pa la sogs pa mthar thug pa rang gi sa bon rnams dang bcas pa gzhan dag sems can
 dmyal bar skye bar 'gyur ba dang/ gzhan dag dud 'gro dang/ yi dags dang/ mi dang lhar skye bar 'gyur ba de ni kun nas nyon mongs pa'i so sor nges pa'i rgyu yin no/ /bltos par rgyu nas bzung ste/ so sor nges pa'i rgyu la thug pa'i
 bar gyis rgyu drug po de dag thams cad gcig tu bsdus pa ni kun nas nyon mongs pa'i lhan cig byed pa'i rgyu yin no/ /kun nas nyon mongs pa de'i mi mthun pa'i rgyu ni rigs dang ldan pa dang/ sangs rgyas rnams 'gyur
 ba dang/ dam pa'i chos bstan pa dang/ skyes bu dam pa la brten pa dang/ dam pa'i chos nyan pa dang/ tshul bzhin yid la byed pa dang/ chos kyi rjes su mthun pa'i chos sgrub
 pa dang/ byang chub kyi phyogs kyi chos thams cad do/ /mi mthun pa med pa'i rgyu ni ji skad bstan pa'i chos 'di dag nyid med pa dang bral ba nyid de/ de ltar rgyu bcu po de dag gis sems can
 thams cad kyi kun nas nyon mongs pa thams cad rig par bya'o/ /de la rnam par byad ba ji ltar 'gyur zhe na/ rnam par byad ba'i chos thams cad dang 'gog pa mya ngan las 'das pa la ming dang
 'du shes dang tshig tu brjod pa gang yin pa 'di lta ste/ dran pa nye bar gzhag pa dang/ yang dag par spong ba dang/ rdzu 'phrul gyi rkang pa dang/ dbang po dang stobs dang/ byang chub kyi yan lag dang/ 'phags pa'i
 lam yan lag brgyad pa dang/ /ma rig pa 'gags pas 'du byed 'gag ces bya ba nas skye ba 'gags pas rga shi 'gag ces bya ba'i bar de dag dang/ de lta bu dang mthun pa rnams ni rnam par byad pa'i rjes su tha snyad 'dogs pa'i
 rgyu yin no/ /'du byed kyi nyes dmigs la bltos nas rnam par byad ba'i tshol ba dang rnam par byed ba yongs su 'dzin pa dang rnam par byad ba yongs su grub pa gang yin pa de ni de'i bltos pa'i rgyu yin no/ /gang zag rigs la gnas
 pa'i rigs dang ldan pa phung po'i lhag ma dang bcas pa dang/ lhag ma med pa'i mya ngan las 'das pa'i dbyings 'thob pa'i sngon du 'gro ba gang yin pa de ni rnam par byad ba'i 'phen pa'i rgyu yin no/ /rigs kyis bsdus pa'i zag pa med pa byang chub kyis
 phyogs kyi chos kyi sa bon de dag ni byang chub kyi phyogs kyi chos de dag gi mngon par 'grub pa'i rgyu yin no/ /skyes bu dam pa la brten pa dang/ dam pa'i chos mnyan pa dang/ tshul bzhin yid la bya ba dang/ sngon dbang po yongs su smin par byas pa ni rnam
 par byad ba'i yongs su 'dzin pa'i rgyu yin no/ /byang chub kyi phyogs kyi chos kyis rang gi sa bon las mngon par 'grub pa de ni phung po'i lhag ma dang bcas pa dang/ lhag ma med pa'i mya ngan las 'das pa'i dbyings kyi rim gyi 'dren pa'i rgyu yin no/ /nyan
 thos kyi rigs gang yin pa de ni nyan thos kyi theg pas yongs su mya ngan las 'da' bar 'gyur ba dang/ rang sangs rgyas kyi theg pas yongs su mya ngan las 'da' bar 'gyur ba dang/ theg pa chen po'i rigs ni theg pa chen pos yongs su mya ngan las
 'da' bar 'gyur ba de ni rnam par byad ba'i so so'i nges pa'i rgyu yin no/ /bltos pa'i rgyu nas bzung ste/ so sor des pa'i rgyu la thug pa'i bar gyis rgyu drug po de dag thams cad gcig du bsdus pa ni rnam par byed pa'i lhan cig byed pa'i rgyu yin no/ /rigs
 dang mi ldan pa dang rang sangs rgyas rnams mi 'byung ba dang/ mi khom par skyes pa dang/ skyes bu dam pa ma yin pa la brten pa yang dam pa'i chos ma yin pa nyan pa dang tshul bzhin ma yin pa yid la byed pa dang log par sgrub pa ni rnam par byad pa'i mi mthun
 ba'i rgyu yin no/ /mi mthun pa'i rgyu de nyid med pa dang bral ba nyid gang yin pa de ni mi mthun pa'i med pa'i rgyu yin no/ /de ltar rgyu bcu po dag gis kun nas nyon mongs par 'gyur la bcu po nyid kyis rnam par byad par 'gyur ste/ 'das pa'i dus na byung ba dang ma 'ongs pa'i dus na
 'byung bar 'gyur ba'i kun nas nyon mongs pa 'am rnam par byad pa'i rgyu gzhan ni 'di las gong ma yang med pa 'di las lhag pa yang med do/ /rgyu bcu po de dag kyang mdor bsdu na rgyu gnyis kyis bsdus te/ skyed pa'i rgyu dang thabs kyi rgyu'o/ /de la 'phen pa'i rgyu dang mngon par
 'grub pa'i rgyu gnyis ni skye ba'i rgyu yin no/ /rgyu lhag ma brgyad ni thabs kyi rgyu yin par rig par bya ste/ de ni rgyu'i rab tu dbye ba yin no/ /de la rkyen bzhi gang zhe na/ rgyu rkyen dang/ de ma thag pa'i rkyen dang/ dmigs pa'i rkyen dang/ bdag po'i rkyen to/ /de la rgyu'i rkyen gang zhe na/
 sa bon thams cad pa kun gzhi'i rnam par shes pa gang yin pa'o/ /phyi rol gyi dngos po dag la yang 'phen pa'i rgyu dang mngon par 'grub pa'i rgyur grags pa thams cad ni rgyu'i rkyen yin no/ /de ma thag pa'i rkyen gang zhe na/ sems dang sems las byung ba'i chos
 gang dag gi mjug thogs su sems dang sems las byung ba'i chos gang dag byung ba de dag ni de dag gi de ma thag pa'i rkyen ces bya'o/ /rnam par shes pa drug po 'gags ma thag pa gang yin pa de dag gi ni rnam par shes pa drug po gang dag de'i mjug thogs
 su skye ba'i de ma thag pa'i rkyen yin te/ de dag ni 'gags pa'i yid las yid ces bya ba dang yid kyi skye mched ces bya ba dang yid kyi khams zhes bya bar yang btags so/ /dmigs pa'i rkyen gang zhe na gzugs la sogs pa yul lnga po dag ni rnam par
 shes pa'i tshogs lnga po dag ni dmigs pa'i rkyen yin no/ /nang dang phyi rol gyi skye mched bcu gnyis po thams cad ni yid kyi rnam par shes pa'i dmigs pa'i rkyen yin no/ /bdag po'i rkyen gang zhe na/ mig la sogs pa'i skye mched lhan cig
 'byung ba rnams ni mig gi rnam par shes pa la sogs pa'i bdag po'i rkyen yin no/ /rnam par shes pa rnams dmigs pa la gtod par byed pa'i yid la byed pa yang rnam par shes pa rnams kyi bdag po'i rkyen yin no/ /sems dang
 sems las byung ba'i chos lhan cig byung ba rnams kyang gcig gi bdag po'i rkyen gcig yin pas bdag po'i rkyen yin no/ /dge ba dang mi dge ba'i las sngon byas pa rnams dang phyis 'bras bu 'dod pa dang mi 'dod pa rnam par smin par 'gyur
 ba'i bdag po'i rkyen yin no/ /zhing dang lung dang chu la sogs pa ni lo tog mngon par 'grub pa'i bdag po'i rkyen yin no/ /bzo shes pa dang bzo'i las dang de dag ni 'jig rten pa'i bzo dang las kyi gnas de dang de dag mngon par 'grub pa'i bdag
 po'i rkyen yin no/ /de la rgyu'i rkyen ni rgyu yang yin rkyen yang yin te/ skyed pa'i rgyu yin no/ /de las gzhan pa'i rkyen gsum po dag ni rkyen kho na yin gyi/ rgyu ni ma yin te/ thabs kyi rgyu yin no/ /de la yang bdag po rkyen ni gtso cher thabs kyi rgyu thams
 cad yin no/ /de ma thag pa'i rkyen dang dmigs pa'i rkyen ni yongs su 'dzin pa'i rgyus bsdus pa'i sgo nas thabs kyi rgyu yin par rig par bya ste/ de ni rkyen gyi rab tu dbye ba yin no/ /de la 'bras bu lnga gang zhe na/ rnam par smin pa'i 'bras bu dang/ rgyu
 mthun pa'i 'bras bu dang/ bral ba'i 'bras bu dang/ skyes bu byed pa'i 'bras bu dang bdag po'i 'bras bu'o/ /de la rnam par smin pa'i 'bras bu gang zhe na/ mi dge ba'i chos rnams kyi rnam par smin pa ngan song rnams su rnam par smin par 'gyur ba
 dang/ dge ba zag pa dang bcas pa rnams kyi rnam par smin pa bde 'gro rnams su rnam par smin par 'gyur ba gang yin pa de ni rnam par smin pa'i 'bras bu'o/ /rgyu mthun pa'i 'bras bu gang zhe na/ mi dge ba la goms pas mi dge ba la dga' 
 zhing mi dge ba mang bar gnas pa dang/ dge ba la goms pas dge ba la dga' zhing dge ba mang bar gnas pa dang/ sngon gyi las dang mthun par phyis rjes su 'jug pa gang yin pa de ni rgyu mthun pa'i 'bras bu'o/ /bral ba'i 'bras bu gang zhe na/ 'phags
 ba'i lam yan lag brgyad pas nyon mongs pa 'gog pa gang yin pa de ni bral ba'i 'bras bu'o/ /skyes bu byed pa'i 'bras bu gang zhe na/ la la chos 'di nyid la bzo dang las kyi gnas gang yang rung ba la brten nas skyes bu'i byed pas yang na zhing med?
 dam yang na tshong byed dam yang na rgyal po'i zha 'bring byed dam yi ge dang rtsis dang shong 'god dang bgrang ba dang/ lag rtsis kyis lo tog la sogs pa dang rnyed pa la sogs pa'i 'bras bu mngon par 'grub pa gang yin pa de ni skyes bu byed pa'i 'bras bu'o/
 bdag po'i 'bras bu gang zhe na/ mig gi rnam par shes pa ni mig gi dbang po'i 'bras bu'o/ /yid kyi rnam par shes pa'i bar yang yid kyi dbang po'i bar gyis bdag po'i 'bras bu'o/ /de bzhin du srog dang ma bral ba ni srog gi dbang po'i bdag po'i
 'bras bu'o/ /de bzhin du dbang po nyi shu rtsa gnyis po thams cad kyi so so'i dbang gis 'bras bu gang 'grub pa de bdag po'i 'bras bu yin par rig par bya ste/ de ni 'bras bu'i rab tu dbye ba yin no/ /de la rgyu dang rkyen dang 'bras bu rnam par bzhag
 pa gang zhe na/ rgyu'i gnas tshig la brten nas rjes su tha snyad 'dogs par byed pa/ /de ci'i phyir zhe na/ 'di ltar 'dod pa dang gzugs dang gzugs med pa dang ldan pa dang ldan pa ma yin pa'i chos rnams la ming rnam par bzhag pa sngar byung nas
 'du shes 'jug go /'du shes sngar byung nas tshig 'byung ngo/ /tshig gis ni ji ltar mthong ba dang thos pa dang bye brag phyed pa dang rnam par shes pa bzhin du rjes su tha snyad 'dogs pa'i phyir te/ de bas na tshig la brten nas rjes su tha snyad 'dogs
 pa'i rgyu 'dogs so/ /de la rgyu'i gnas myong ba la brten nas bltos pa'i rgyu 'dogs par byed de/ de ci'i phyir zhe na/ 'di ltar 'dod pa dang ldan pa'i bde ba 'dod pa gang yin pa de ni de la bltos nas 'dod pa rnams rnyed pa 'am kun rdzogs
 pa 'am so sor bsten pa yongs su tshol ba dang gzugs dang gzugs med pa dang ldan pa'i bde ba 'dod pa gang yin pa de ni de la bltos nas de'i rkyen rnyed pa'am so sor bsten pa yongs su tshol ba dang ldan pa ma yin pa'i bden pa 'dod pa gang yin pa
 de yang de la bltos nas de'i rkyen rnyed nas so sor bsten pa yongs su tshol ba dang/ sdug bsngal mi 'dod pa gang yin pa de yang de la bltos nas de'i rkyen rnams spong ba 'am de spong ba'i rkyen rnams rnyed pa 'am so sor brten pa 'am yongs su tshol ba'i
 phyir ste/ de bas na myong ba la brten nas bltos pa'i rgyu 'dogs so/ /de la rgyu'i gnas bag chags la brten nas 'phen pa'i rgyu 'dogs par byed de/ de ci'i phyir zhe na/ 'di ltar dge ba dang/ mi dge ba'i las kyis yongs su bsgos pa'i 'du byed
 rnams kyi khams gsum du sdug pa dang mi sdug pa'i 'gro ba rnams su sdug pa dang mi sdug pa'i lus rnams 'phen par byed pa dang de nyid kyi dbang gis phyi rol gyi dngos po rnams kyang phun sum tshogs pa dang rgyud par 'gyur ba'i phyir te/ de bas na
 bag chags la brten nas 'phen pa'i rgyu 'dogs so/ /de la rgyu'i gnas rlan dang bcas pa'i sa bon la brten nas mngon par 'grub pa'i rgyu 'dogs par byed de/ de ci'i phyir zhe na/ 'di ltar 'dod pa dang gzugs dang gzugs med pa dang ldan pa'i
 chos rnams rang rang gi sa bon las 'byung bar 'gyur ba dang sred pa ni sa bon gyi rlan ces bya ste/ des sa bon rlan nas lus 'phangs pa rnams mngon par 'grub par 'gyur ba'i phyir te/ skye ba'i rgyu ni las yin la mngon par 'grub pa'i rgyu
 ni sred pa yin no zhes ji skad gsungs pa lta bu'o/ /de bas na rlan dang bcas pa'i sa bon la brten nas mngon par 'grub pa'i rgyu 'dogs so/ /de la rgyu'i gnas phrad nas 'gag pa dang yul dang dbang po dang byed pa dang skyes bu'i byed pa dang de kho na la lta ba la brten nas
 yongs su 'dzin pa'i rgyu 'dogs par byed de/ de ci'i phyir zhe na/ 'di ltar 'dod pa dang/ gzugs dang gzugs med pa dang ldan pa chos rnams kyi nang nas 'du byed rnams kyis 'jug pa 'byung ba ni phrad nas 'gag pa dang yul dang dbang po dang byed pa dang skyes bu'i
 byed pas yongs su zin pa las 'byung ba de kho na lta bas yongs su zin pa'i chos de las gzhan pa ldan pa ma yin pa rnams kyang 'byung bar 'gyur pa'i phyir te/ de bas na phrad nas 'gag pa dang yul dang dbang po dang byed pa dang skyes bu'i byed pa dang/ de kho na la
 lta ba la brten nas yongs su 'dzin pa'i rgyu 'dogs so/ /de la rgyu'i gnas mthun pa la brten nas 'dren pa'i rgyu 'dogs par byed de/ de ci'i phyir zhe na/ 'di ltar 'dod pa dang ldan pa'i dge ba'i chos rnams ni 'dod pa dang ldan pa'i dge ba'i chos khyad par can
 rnams dang gzugs dang gzugs med par ldan pa dang ldan pa ma yin pa'i chos rnams 'dren pa dang/ de bzhin du gzugs dang ldan pa'i dge ba'i chos rnams kyang gzugs dang ldan pa'i dge ba'i chos khyad par can rnams dang/ gzugs med pa dang ldan
 pa dang/ ldan pa ma yin pa'i chos rnams 'dren pa dang/ de bzhin du gzugs med pa dang ldan pa'i dge ba'i chos rnams kyang gzugs med pa dang ldan pa'i dge ba'i chos khyad par can rnams dang ldan pa ma yin pa'i chos rnams 'dren pa dang/ de bzhin du ldan
 pa ma yin pa'i dge ba'i chos rnams kyang ldan pa ma yin pa'i dge ba'i chos khyad par can rnams dang 'dus ma byas pa mngon sum du bya ba 'dren pa de bzhin du mi dge ba'i chos rnams kyang mi dge ba'i chos khyad par can rnams 'dren pa dang de bzhin du lung
 ma bstan pa'i chos rnams kyang lung du ma bstan pa'i chos khyad par can rnams dang lung du ma bstan pa'i ba kun gzhi'i rnam par shes pa dge ba dang mi dge ba'i sa bon can gyis dge ba dang mi dge ba'i chos rnams kyang 'dren
 pa'i phyir te/ de dag ni de dag dang ci rigs par mthun pa'i phyir ro/ /de bas na mthun pa la brten nas 'dren pa'i chos so/ /de la rgyu'i gnas mthu sna tshogs la brten nas so sor nges pa'i rgyu 'dogs par byed do/ de ci'i phyir zhe na/ 'di ltar 'dod pa dang/ gzugs
 dang gzugs med pa dang ldan pa dang ldan pa ma yin pa'i chos ngo bo nyid rnam pa sna tshogs pa rnams ni ngo bo nyid kyi khyad par rnam pa sna tshogs mthu rnam pa sna tshogs can las byung ba'i phyir te/ de bas na mthu sna tshogs la brten nas so sor nges pa'i
 rgyu 'dogs so/ /de la rgyu'i gnas tshogs pa la brten nas lhan cig byed pa'i rgyu 'dogs par byed do/ de ci'i phyir zhe na/ 'di ltar 'dod pa dang/ gzugs dang gzugs med pa dang/ ldan pa dang ldan pa ma yin pa'i chos rnams dang skye ba'i tshogs pa dang
 phrad nas skye ba dang skye ba'i tshogs pa ji lta ba bzhin du 'thob pa dang 'grub par 'gyur ba dang 'grub pa dang gnas pa dang byed pa'i tshogs pa dang phrad na byang bar 'gyur ba'i phyir te/ de bas na tshogs pa la brten nas lhan cig byed pa'i rgyu 'dogs so//
 de la rgyu'i gnas bar du gcod pa la brten nas mi mthun pa'i rgyu 'dogs par byed de/ de ci'i phyir zhe na/ 'di ltar 'dod pa dang gzugs dang gzugs med pa dang ldan pa dang ldan pa ma yin pa'i chos rnams skye ba la gal te bar du gcod pa nye bar
 gnas par gyur na skye bar mi 'gyur ba dang/ de bzhin du 'thob pa dang grub par 'gyur ba dang/ /grub pa dang gnas pa dang byed pa la yang de de dang 'dra ba'i phyir ste/ de bas na bar du gcod pa la brten nas mi mthun pa'i rgyu 'dogs so/ /de la rgyu'i gnas
 bar du gcod pa ma min pa la brten nas mi mthun pa med pa'i rgyu 'dogs par byed de/ de ci'i phyir zhe na/ 'di ltar 'dod pa dang/ gzugs dang gzugs med pa dang ldan pa dang ldan pa ma yin pa'i chos rnams skye ba la gal te bar tu gcod pa ma yin pa ma yin pa nye bar
 gnas par gyur nang de dag skye ba dang/ de bzhin du 'thob pa dang grub par 'gyur ba dang 'grub pa dang/ gnas pa dang byed pa la yang de dang 'dra ba'i phyir ste/ de bas na bar du gcod pa ma yin pa la brten nas de mi mthun pa med pa'i rgyu 'dogs te/ de ni rgyu'i rnam par bzhag
 pa yin no/ /de la rkyen gyi rnam par bzhag pa gang zhe na/ de la rkyen gyis gnas bag chags dang rlan dang bcas pa'i sa bon la brten nas rgyu'i rkyen 'dogs par byed do/ /rkyen gyi gnas phrad nas 'gag pa la brten nas de ma thag pa'i rkyen 'dogs par byed do/
 rkyen gyi gnas yul la brten nas dmigs pa'i rkyen 'dogs par byed do/ /rkyen gyi gnas dbang po la sogs pa de las gzhan pa rnams la brten nas bdag po'i rkyen 'dogs par byed de/ de ni rkyen gyi rnam par bzhag pa yin no/ /de la 'bras bu'i rnam
 par bzhag pa gang zhe na 'bras bu'i gnas bag chags la brten nas rnam par smin pa'i 'bras bu 'dogs par byed de/ 'bras bu'i gnas mthun pa la brten nas/ rgyu mthun pa'i 'bras bu 'dogs par byed do/ /'bras bu'i gnas de kho na la lta ba la brten nas
 bral ba'i 'bras bu 'dogs par byed do/ /'bras bu'i gnas skyes bu'i byed pa la brten nas/ skyes bu'i byed pa'i 'bras bu 'dogs par byed do/ /'bras bu'i gnas de las gzhan rnams par brten nas bdag po'i 'bras bu 'dogs par byed do/ /de ni 'bras
 bu'i rnam par bzhag pa yin te/ rten cing 'brel par 'byung ba'i rab tu dbye ba rnam par bzhag pa bshad zin to// //de la rten cing 'brel par 'byung ba'i go rims rnam par bzhag pa gang zhe na/ srid pa'i yan lag bcu gnyis kyi go rim bstan
 pa ste/ thog ma kho nar shes bya'i dngos po la rmongs pa ni ma rig pa'o/ /rmongs pa de nyid la log par mngon par 'du byed pa ni 'du byed rnams so/ /log par mngon par 'du byed pas sems phyin ci log tu 'gyur ba ni rnam par shes
 pa'o/ /sems phyin ci log tu gyur pas nying mtshams sbyor ba ni ming dang gzugs so/ /nying dang mtshams sbyor bas dbang po yongs su rdzogs par 'gyur ba ni skye mched drug go /dbang po yongs su rdzogs pa las yul las yongs su longs spyod
 bar byed pa ni reg pa'o/ /yul la yongs su longs spyod pa las lhag par zhen par 'gyur ba ni tshor ba'o/ /lhag par zhen pa las de 'dod par 'gyur ba ni sred pa'o/ /'dod nas yongs su tshol bas nyon mongs par bsogs par 'gyur ba ni len pa'o//
 nyon mongs pa bsags pas yang srid pa sdug pa dang mi sdug pa'i las kun nas ldang ba ni srid pa'o/ /las bsags pa kun nas ldang ba ni 'gro ba lnga'i 'khor sdug bsngal mngon pa ni skye ba'o/ /sdug bsngal mngon par 'grub par byas pas lus
 yongs su 'gyur ba'i rgyu las byung ba'i sdug bsngal 'byung ba ni rga shi'o/ /yul yongs su 'gyur ba'i rgyu las byung ba'i sdug bsngal 'byung ba ni mya ngan dang smre sngags 'don pa'i dang sdug bsngal ba dang yid mi bde ba dang 'khrug pa dag yin te de lta
 bas na bcom ldan 'das kyis yan lag bcu gnyis po de dag go rim gyis bstan to/ /go rim gyi rnam grangs gzhan yang rten cing 'brel par 'byung ba'i yan lag bcu gnyis la brtsams pa'i rkyen rnam pa gnyis yod de/ lus kyi rkyen dang/ yul la
 nye bar spyod pa'i rkyen to/ /de la lus kyi rkyen ni yan lag dang po drug gis bsdus te/ thog mar lus la bdag tu 'dzin pa la sogs pas rmongs pa ni ma rig pa'o/ /de nas las rnams kyi 'bras bu rnam par smin pa sdug bsngal bar ma shes nas
 las byed pa ni 'du byed rnams so/ /las byas nas kyang de nyid la shas cher rjes su rtog pa ni rnam par shes pa'o/ /de nas grogs rnam par shes pa de dang ldan pa'i las kyis phyi ma la dbang po 'grub pas bsdus pa'i ming dang gzugs kyi sdug bsngal
 dang/ dbang po yongs su rdzogs pas bsdus pa'i skye mched drug gi sdug bsngal dang/ yul la longs spyod pas bsdus pas reg pa'i sdug bsngal rnam pa gsum mngon par 'grub ste/ de na lus kyi rkyen gyi dbang du byas pa'i go rim yin no/ /de la yul
 nye bar spyod pa'i rkyen ni yan lag lhag ma drug gis bsdus te/ de ltar lus mngon par grub nas che 'di la yang reg pa'i rkyen gyis tshor ba la sred pa bskyed pa ni tshor ba dang sred pa yin no/ /de nas brtsam pa'i sgo nas rnyed pa dang bkur sti'i sgo nas tshul khrims dang
 brtul zhugs kyi sgo dang thar pa'i sgo nas 'dod pa yongs su tshol ba 'am/ lus yongs su tshol ba 'am thar ba yongs su tshol ba yang rung ste/ yul la yongs su longs spyod pa'i rkyen dang ldan pa yongs su tshol bar byed pa ni len pa'o/ /log pa yongs
 su tshol bar byed pa nyon mongs pa rnams dang de sngon du 'gro ba'i las rnams byas shing bsags pa ni srid pa'o/ /srid pa'i dbang gis 'gro ba lnga'i 'khor bar lus mngon par 'grub pa ni skye ba'o/ /skyes nas rgas shing 'chi bar 'gyur ba ni rga shi ste
 de ni yul la nye bar spyod pa'i rkyen gyi dbang du byas pa'i go rim yin no/ /go rim gyi rnam grangs gzhan yang sems can gyi tshogs gsum yod de/ 'jig rten las 'das pa'i rnam par dag pa 'dod pa rnams dang/ 'jig rten pa'i rnam par dag pa
 'dod pa rnams dang/ yul lhur 'dzin pa rnams so/ /de la dang por rnams ni dkar po'i phyogs rten cing 'brel par 'byung ba'i 'gog par byed cing nag po'i phyogs 'phel par mi byed pas de dag la ni go rim rnam par bzhag tu yang med do/ /gnyis pa
 rnams la ni bden pa rnams yang dag pa ji lta ba bzhin du mi shes pa ni ma rig pa yin no/ /dran pa la nye bar gnas shing bsod nams dang mi g.yo ba zag pa dang bcas pa bsgom pa las byung ba'i las byed pa ni 'du byed rnams
 so/ /dran pa la nye bar gnas pa ma yin du zin kyang bsod nams ma yin pa las 'gyod pas yongs su bsgoms pa 'am/ 'gyod pa med pa la mchog tu dgag pas yongs su bsgoms pa'i sems kyis shing cher gnas pa ni rnam par
 shes pa'o/ /de nas snga ma bzhin du phyi ma la skye ba'i gnas tha ma dang 'bring dang khyad par du 'phags pa dag tu mthar gyis ming gzugs dang skye mched drug dang reg pas bsdus pa'i sdug bsngal rnam pa gsum mngon par 'grub par 'gyur ro//
 sems can gsum pa de ltar byung ba'i yul longs spyod pas byung ba'i tshor ba la gnas pa rnams kyis ni snga ma bzhin du yan lag drug po gzhan sred pa nas rga shi la sdug pa rnams rims kyi 'byung bar blta bar bya ste/ de ni rten cing 'brel
 par 'byung ba'i go rim rnam par bzhag pa yin no/ /de la rten cing 'brel par 'byung ba'i bsdu ba rnam par bzhag pa gang zhe na/ sngar phung po rnams kyi bsdu ba bshad pa'i skabs su srid pa'i yan lag rnams kyi phung po dang khams dang skye mched
 dang gnas dang gnas ma yin pa dang dbang po dag bsdu bar bstan pa kho na bzhin ci rigs par sbyar te/ de ni rten cing 'brel par 'byung ba'i bsdu ba rnam par bzhag pa yin no/ /de la rten cing 'brel par 'byung ba'i rten rnam par bzhag pa gang zhe
 na/ rten cing 'brel par 'byung ba gzugs can ni gzugs kyi phung por gtogs la gzugs can ma yin pa ni ming gi phung por rtogs pas sngar phung po gzugs can dang gzugs can ma yin pa rnams kyi rten rnam par bzhag pa ji skad
 bstan pa bzhin ci rigs par sbyar te/ de ni rten cing 'brel par 'byung ba'i rten rnam par bzhag pa yin no/ /de ltar rten cing 'brel par 'byung ba'i rnam par bzhag pa rnam pa drug po de dag gis sems can du btags pa dang de'i longs spyod kyi dngos po sna tshogs
 su snang bas na/ de'i phyir des ni de'i sna tshogs kyi dngos po bstan to/ /ston pa'i dngos po dang bstan par bya ba'i dngos po rang 'khor gyi dngos po zhes bya ba'i dngos po gsum gyis dkon mchog gsum po sangs rgyas dkon mchog dang chos dkon mchog dang dge 'dun
 dkon mchog bstan te go rim bzhin no/ /de la dkon mchog ces bya ba ni rin po che dang 'dra bar dkon pa dang rin che ba dang dga' bar byed pa dang phan 'dogs pa dang mi ma yin pa la sogs pa gnod par byed pa'i gnyen por gyur pa'i phyir dkon mchog ces
 bya'o/ /de la dkon pa ni dper na yid bzhin gyi nor bu rin po che ni dngos rgyal ba'i sku gdung las 'gyur bas klu'i rgyal po rgyal mtsho dang klu'i rgyal po dbang sgyur ba la sogs pa sems can chen po sngon bsags pa kha cig la bdog gi/ sems can
 tshogs ma bsags pa rnams kyis 'phral gyi skyes bu byed pa'i brtsal du mi rnyed pas dkon pa yin no/ /de bzhin du sangs rgyas dkon mchog ni byang chub sems dpa' srid pa dang longs spyod la ma chags pa lus dang srog la mi lta ba rgyun mi 'chad
 par byang chub kyi phyogs la zhugs pa rnams kyis bskal ba grangs med pa gsum gyis thob par bya ba yin gyi skye bo phal pa rnams kyi rang gi rigs dang po sems skyed pa tsam gyis mi thob pas de'i phyir sangs rgyas 'byung ba ni u dum ba ra'i me tog
 dang 'dra bar dkon pa yin no/ /sangs rgyas 'byung ba dkon pas na chos dang dge 'dun dkon mchog kyang sangs rgyas 'byung ba la rag las pa'i phyir dkon pa yin no/ /rin che ba ni dper na yid bzhin gyi nor bu rin po che ni de bzhin gshegs pa'i sngon gyi smon
 lam gyi dbang dang bdag po'i bsod nams kyi stobs kyis thob pa'i phyir 'dzam bu'i gling dang 'dra rin tha dad dpag tu med pas na rin po che yin no/ /de bzhin du sangs rgyas dkon mchog ni 'dod dgu mthar phyin pa'i gnas thob pa rnams
 kyis bsod nams dang ye shes kyi tshogs gnyis kas thob pa yin la chos dkon mchog ni 'dus byas thams cad yongs su btang bas thob pa yin/ dge 'dun dkon mchog gi 'khor ba'i 'bras bu 'grub pa las khyad par du gyur pa'i phyir 'phags pa'i
 nor bdun gyi dbyig dang 'dri bar rin thang gang btu med pas na rin che ba yin no/ /dga' bar byed pas ni dper na yid bzhin gyi nor bu rin po che ni gzi byin mdza' yas pa yin pas mthong ba dang thos pa dang rjes su dran na dga' bar byed pa'i phyir dga' ba'i
 rgyur 'gyur bas dga' bar byed pa yin no/ /de bzhin du sangs rgyas dkon mchog ni 'od dang gzi brjid dang sku mdog dang dpal gyis tshangs pa dang bdud dang lha dang mi zil gyis mnan te mdzes shing lha ma me ltan ne lhang der bzhugs pa yin la/ chos
 dkon mchog ni bag chags dang bcas pa'i nyon mongs pa thams cad spangs pa mya ngan las 'das pa'i grong khyer dang 'dra ba yin/ dge 'dun dkon mchog ni mchod bar 'os pa dang bsod nams kyi zhing yin pas mthong ba dang thos pa dang rjes su
 dran na dga' bar byed pa'i phyir dga' bar 'gyur bas dga' bar byed pa yin no/ /phan 'dogs pa ni dper na yid bzhin phyi nor bu rin po che ni nad sil ba dang/ dbul ba 'dor ba la sogs pa'i sgo nas gzhan la phan 'dogs pa yin no/ /de bzhin du dkon
 mchog gsum yang bsdu ba dang/ bsgyal ba dang/ yongs su shes par bya ba rnams kyis sems can rnams la phan 'dogs pa'i phyir/ /ji skad du khyod la bsdu bas dpal du byed/ /bsnyen bkur byas na bde bar byed/ /kun tu tshol bas blo gros
 byed pa yongs su shes byed rnam par sbyor/ zhes bya ba brjod pa lta bu'o/ /mi ma yin pa la sogs pa gnod pa byed pa'i gnyen por gyur pa ni yid bzhin gyi nor bu rin po che ni klu'i rgyal po la sogs pa su'i lus sam mgul lam gtsug gi nor bu la btags
 na/ de'i lus dang phyogs dang nam mkha' lting la sogs pa mi ma yin pa gnod pa byed pa gang gis kyang klags mi rnyed pas ni dam pa yin pa la sogs pa gnod pa byed pa'i gnyen por gyur pa yin no/ /de bzhin du dkon mchog gsum yang rnam pa las rjes su
 dran par byas na de la mi ma yin pa la sogs pa thams cad zhi bar 'gyur te/ ji skad du mdo chen po rgyal mtshan mchog ces bya ba las/ tshod pa dag 'di lta ste/ dper na sngon lha dang lha ma yin g.yul nye bar gyur pa na lha'i dbang po brgya byin gyis sum
 cu rtsa gsum pa'i lha rnams la smras pa/ grogs po dag gal te khyed cag lha dang lha ma yin gyi yul du zhugs pa na 'jigs pa 'am/ phag tsha ba 'am/ spu zing zhes byed pa skye bar 'gyur na/ de'i tshe khyod kyis nga'i rgyal mtshan mchog rnam par
 rgyal byed yang dag par rjes su dran par bgyis shig gal te nga mi dran na yang lha'i bu dbang ldan gyi rgyal mtshan mchog yang dag par rjes su dran par gyis shig gal te lha'i bu dbang ldan gyis mi dran na yang lha'i bu chung lha'i rgyal mtshan mchog rnam
 pa nga rgyal byed yang dag par rjes su dran par gyis shig dang/ de'i tshe 'jigs pa 'am bag tsha ba 'am spu zing zhes byed pa 'byung bar 'gyur ba gang yin pa de med par 'gyur ro zhes smras so/ /tshangs pa dag de bzhin du gal te khyed cag kyang dgon par song na 'jigs
 pa'am bag tsha 'am/ spu zing byed pa skye bar gyur na/ de'i tshe khyed kyis nga rnam pa las yang dag par rjes su dran par gyis shig/ gal te nga mi dran na yang nga'i chos rnam pa yang dag par rjes su dran par gyis shig/ gal te chos mi dran na yang nga'i
 dge 'dun rnams la yang dag par rjes su dran par gyis shig dang/ de'i tshe 'jigs pa'am bag tsha ba 'am spu zing zhes byed pa 'byung bar 'gyur ba gang yin pa de med par 'gyur ro zhes gsungs pa lta bu'o/ /de ltar na dkon pa dang
 rin che ba dang dga' bar byed pa dang phan 'dogs pa dang mi ma yin pa la sogs pa gnod pa byed pa'i gnyen por gyur pa'i phyir rin po che dang 'dra bas na dkon mchog ces bya'o/ /gsum zhes bya ba ni dkon mchog gsum po sangs rgyas dkon mchog dang
 chos dkon mchog dang dge 'dun dkon mchog go /de la sangs rgyas dkon mchog gang zhe na/ shes bya thams cad la chags pa med cing thogs pa med par mkhyen pa'i mthu brnyes pas gnas gyur pa ni sangs rgyas dkon mchog te/ de ni zag pa dang bcas
 pa'i chos thams cad kyi sa bon dang bral ba zag pa med pa'i chos thams cad kyi sa bon rgyas pa mthu stobs mdza' yas yongs su bzung pa'i phyir yid bzhin gyi nor bu rin po che ltar lhun gyis grub pas sems can ma lus pa'i don mdzad par spyod pa yin
 no/ /chos dkon mchog gang zhe na/ rnam pa gsum ste/ bstan pa'i chos gsung rab tu gtogs pa yan lag bcu gnyis dang/ bsgrub pa'i chos 'phags pa'i lam yan lag brgyad pa 'khor dang bcas pa dang/ don dam pa'i chos mya ngan las 'das pa'o/ /dge
 'dun dkon mchog gang zhe na/ 'phags pa'i gang zag brgyad dang byang chub sems dpa' sa bcu la rim par gnas pa rnams so/ /de la sangs rgyas dang chos dang dge 'dun dkon mchog rnams kyi khyad par ni rnam pa drug gis rig bar bya ste/ mtshan
 'di dang/ phrin las dang/ mos pa dang/ sgrub pa dang/ rjes su dran pa dang/ bsod nams 'phel bas so/ /de la mtshan nyid las gyur pa'i khyad par ni sangs rgyas dkon mchog ni rang mngon par rdzogs par byang chub pa'i mtshan nyid do/ /chos dkon
 mchog ni mngon par rdzogs par byang chub pa'i 'bras bu'i mtshan nyid do/ /dge 'dun dkon mchog ni gzhan gyi man ngag gis yang dag par sgrub pa'i mtshan nyid do/ /phrin las las gyur pa'i khyad par ni sangs rgyas dkon mchog ni lung logs par 'bog pa'i phrin las
 can no/ /chos dkon mchog ni nyon mongs pa dang sdug bsngal spong ba la dmigs pa'i phrin las can no/ /dge 'dun dkon mchog ni spro bar mngon bar 'phen par byed pa'i phrin las can no/ /mos pa las gyur ba ni sangs rgyas dkon mchog ni bsnyen bkur la
 gus pas zhen par bya'o/ /chos dkon mchog ni mngon du bya ba las gus pas zhen par bya'o/ /dge 'dun dkon mchog la ni chos mthun pa'i dngos pos lhan cig 'grogs pa la gus pas zhen par bya'o/ /sgrub pa las gyur pa'i khyad par ni sangs rgyas dkon
 mchog la ni mchod pa dang rim gro nye bar bsdus pas bsgrub par bya'o/ /chos dkon mchog la ni rnal 'byor gyi sbyor ba goms par bya bas bsgrub bar bya'o/ /dge 'dun dkon mchog la ni chos dang zang zing gi longs spyod thun mong gis bsgrub par bya'o//
 rjes su dran pa las gyur ba'i khyad par ni sangs rgyas dkon mchog ni 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa skyes
 bu 'dul ba kha lo sgyur ba bla na med pa lha dang mi rnams kyi ston ba sangs rgyas bcom ldan 'das yin no zhes rnam pa gzhan dag gis rjes su dran par bya'o/ /chos dkon mchog ni legs par gsungs pa yang dag par mthong ba nad med pa dus chad pa med
 pa nye bar ston pa 'di mthong ba la don yod pa mkhas pa rnams kyis rang gis rig bar bya ba yin no zhes rnam pa gzhan gyis rjes su dran par bya'o/ /dge 'dun dkon mchog ni legs par zhugs pa rigs par zhugs par drang por zhugs pa mthun
 par zhugs pa chos kyi rjes su mthun par spyod pa yin no/ /zhes rnam pa gzhan dag gis rjes su dran par bya'o/ /bsod nams 'phel pa las gyur pa'i khyad par ni sangs rgyas dkon mchog la ni sems can gcig gis dbang du byas
 pa'i bsod nams mchog 'phel bar 'gyur ro/ /chos dkon mchog la ni chos kyi dbang du byas pa'i bsod nams mchog 'phel bar 'gyur/ /dge 'dun dkon mchog la ni sems can mang po'i dbang du byas pa'i bsod nams mchog 'phel bar 'gyur ro//
 de ltar na ston pa'i dngos po dang bstan pa'i dngos po dang 'khor gyi dngos po ni dkon mchog gsum po sangs rgyas dang chos dang dge 'dun dkon mchog bstan pa yin no/ /de'i 'og tu dngos po nyi shu rtsa dgu gang zhe na zhes bya ba la sogs pa ni kun nas nyon
 mongs pa dang rnam par byang ba'i phyogs kyi dngos po bsdus pa ston to/ /de la re zhig kun nas nyon mongs pa'i phyogs las brtsams te zhes bya ba la sogs pas ni kun nas nyon mongs pa'i phyogs kyi dngos po bsdus pa ston to/ /de ni rnam pa gsum ste/
 kun nas nyon mongs pa'i ngo bo nyid rnam par bzhag pa dang/ de'i 'jug pa rnam par bzhag pa dang/ de'i rgyu rnam par bzhag pa'o/ /de la kun nas nyon mongs pa'i ngo bo nyid rnam par bzhag pa ni 'du byed bsdu ba'i dngos po zhes bya bas bstan te/ nye bar len
 pa dang bcas pa'i phung po lnga po sdug bsngal gyi bden pas bsdus pa nyid gang yin pa'o/ /de'i 'jug pa'i rnam par bzhag pa ni de'i go rim rjes su 'jug pa'i dngos po zhes bya bas bstan te/ phung po'i go rim rnam pa lnga sngar bstan pa de dag nyid kyis
 kun nas nyon mongs pa'i dngos po des khor bar 'jug pa gang yin pa'o/ /de'i rgyu rnam par bzhag ba ni gang zag la mngon par zhen pa dang/ chos la mngon par zhen pa'i dbang gis rnam pa gnyis te/ de dag nyid la gang zag gi ming du byas nas phyi mar 'byung
 ba'i rgyu'i dngos po dang chos kyi ming du byas nas phyi mar 'byung ba'i rgyu'i dngos po zhes bya ba gnyis kyis bstan te/ bdag dang chos su nye bar 'dogs pa las kun nas nyon mongs par 'gyur zhing 'khor bar 'jug pa gang yin pa'o/ /de'i 'og tu rnam par byad
 ba'i phyogs las brtsams te zhes bya ba la sogs pas ni rnam par byang ba'i phyogs kyi dngos po bsdu ba ston te/ de ni rnam pa bzhi ste/ gnyen po bsgom pa rnam par bzhag pa dang/ de'i 'bras bu rnam par bzhag pa dang/ de la sbyor ba'i rgyu rnam par bzhag
 pa dang/ de'i mi mthun pa'i phyogs rnam par bzhag pa'o/ /de la gnyen po bsgom pa rnam par bzhag ba ni kun nas nyon mongs pa'i phyogs kyi gnyen po byang chub kyi chos rnams bsgom pa rnam par bzhag ba'o/ /de'i 'bras bu rnam par bzhag
 pa ni gnyen po bsgoms pa'i 'bras bu ye shes dang spangs pa rnam par bzhag pa'o/ /de la sbyor ba'i rgyu rnam par bzhag pa ni gnyen po bsgom pa de la sbyor ba'i rgyu legs par gsungs pa'i chos 'dul ba 'di la 'jig rten pa'i yang dag pa'i lta
 ba rnam par bzhag pa'o/ /de'i mi mthun pa'i phyogs rnam par bzhag pa ni de la sbyor ba'i rgyu mi mthun pa'i phyogs ni mi bsgom pas yongs su nyams pa rnam par bzhag ba ste/ de dag kyang go rim bzhin du dkyus kyi tshig rnams kyis ston to/ /de la
 re zhig gnyen por bsgom pa rnam par bzhag pa ni kun nas nyon mongs pa'i phyogs kyi gnyen por byang chub kyi phyogs kyi chos rnams kyi bsgom pa rnam par bzhag pa'o zhes bya ba de la/ byang chub kyi phyogs kyi chos rnams gang zhe na/ dran pa nye bar
 bzhag pa bzhi dang/ yang dag par spong ba bzhi dang/ rdzu 'phrul gyi rkang ba bzhi dang/ dbang po lnga dang/ stobs lnga dang/ byang chub kyi yan lag bdun dang/ 'phags pa'i yan lag brgyad pa'o/ /de dag ni byang chub kyi phyogs dang mthun pa zhes bya ste/
 de la byang chub ces bya ba ni zad pa shes pa dang ma skye ba shes pa'i gang zag gi bye brag gis nyan thos kyi byang chub dang/ rang sangs rgyas kyi byang chub dang/ bla na med pa yang dag par rdzogs pa'i byang chub ste/ zad pa dang mi skye
 ba shes pa de gnyis kyis go rim bzhin du ma rigs ma lus pa spangs pa'i phyir dang/ rang gi don yang dag pa ji lta ba bzhin du byas pa bzhin du byas pa nyid kyi phyir dang/ spang byar med pa nyid rtogs pa'i phyir byang chub ces bya'o/ /de dang
 mthun pa'i phyir ming gi sgo nas byang chub kyi phyogs dang mthun pa'i chos rnams shes bya ste/ de dang mthun pa yang de thob pa'i lam yin pa'i phyir ste/ de dag ni dngos po la yongs su rtog pa'i lam dang/ rtsol ba las byung ba'i lam dang/ ting
 nge 'dzin yongs su sbyong bar byed pa'i lam dang/ mngon par rtogs par bya ba la sbyor ba'i lam dang/ mngon par rtogs pa dang 'dres pa'i lam dang/ mngon par rtogs pa'i lam dang/ rnam par dag par nges par 'byin pa'i lam yin te go rim
 bzhin no/ /de la dngos po dran pa nye bar gzhag pa dag la ni dmigs pa la sems nye bar gtong par rig par bya'o/ /de'i 'og tu dmigs pa de nyid la sems gnas par bya ba'i phyir yang dag par spong ba rnams kyis rtsom par rig par bya'o/ /de'i
 'og tu ting nge 'dzin thob pa'i ting nge 'dzin yongs su rdzogs par bya ba'i phyir rdzu 'phrul gyi rkang ba la sbyor bar rig par bya'o/ /de'i 'og tu ting nge 'dzin yongs su rdzogs pa'i mtshan ma dang/ gnas ngan len thams cad dang bral ba'i phyir dbang po
 rnams dang/ stobs rnams kyis sbyor ba'i lam yang dag par rtsom par rig par bya ste/ de la dbang po rnams kyis ni sbyor ba chung ngu yang dag par rtsom par byed do/ /stobs rnams kyis chen po'o/ /de'i 'og tu sbyor ba yang dag bar brtsams pa'i byang
 chub kyi yan lag rnams kyis yang dag pa'i mdza' rtogs par byed par rig par bya'o/ /de'i 'og tu yang dag pa'i mdza' rtogs pa'i 'di lta ste/ sgrib pa thams cad las rnam par thar bar bya'i phyir lam gyi yan lag rnams kyis bla na med pa yang dag par
 rdzogs pa'i byang chub kyi bar du rjes su thob par rig par bya'o/ /de la dran pa nye bar bzhag pa bzhi ni/ dmigs pa las nye bar gtong ba'i dngos po zhes bya bas bstan to/ /de ni dngos po la yongs su rtogs pa'i lam bstan to/ /de la dran pa nye bar
 bzhag pa bzhi gang zhe na/ lus dran pa nye bar gzhag pa dang/ tshor ba dran pa nye bar gzhag pa dang/ sems can pa nye bar gzhag pa dang/ chos dran pa nye bar gzhag pa dang/ de la ci'i phyir dang po kho nar dran pa nye bar gzhag pa bzhi rnam par bzhag par yongs su bsten ce na//
 rnal 'byor pas rigs yang dag par bsgrubs te sems skyed pa'i gong du tshogs kyi lam bsgrags nas thar pa'i tsha dang mthun pa'i dge ba'i rtsa ba skyed par byed pa na/ dang po kho nar phyin ci log bzhi spangs pa dang/ bden pa bzhi la 'jug pa
 dang/ lus la sogs pa dang bral bar bya ba'i phyir dran pa nye bar gzhag pa bzhi rnam par gzhag pa yongs su bya bstan to/ /de la ji ltar phyin ci log bzhi spong bar 'gyur zhe na/ bcom ldan 'das kyis dran pa nye bar gzhag pa bzhes ni phyin ci log bzhi'i
 gnyen por rnam par bzhag pa yin no/ /de la lus dran pa nye bar gzhag pa ni mi gtsang ba la gtsang bar phyin ci log pa'i gnyen por rnam par gzhag pa yin te/ 'di ltar lus dran pa nye bar gzhag pa/ bsgom pa las mi sdug pa dang ldan pa'i
 dur khrod rnam pa'i zha mo kha dog dang/ dbyibs dang reg pa dang nye bar spyad pa mi sdug pa bstan pas des de dag lan mang du yid la byed pa na/ mi gtsang ba la gtsang bar phyin ci log pa gang yin pa de spong ba'i phyir ro/ /tshor ba dran pa nye bar gzhag
 pa ni sdug bsngal la bde bar phyin ci log pa'i gnyen por rnam par gzhag pa yin te/ 'di ltar tshor ba dag la tshor ba'i rjes su lta zhing gnas pa gang cung zad ci tshor yang rung ste de dag de la sdug bsngal lo zhes yang dag pa
 ji lta ba bzhin du rab tu shes pas na nga'i phyir de'i sdug bsngal la bde bar phyin ci log pa gang yin pa de spong par 'gyur pa yin pa'i phyir ro/ /sems dran pa nye bar gzhag pa ni mi rtag pa la rtag par phyin ci log pa'i gnyen por rnam par bzhag
 pa yin to/ 'di ltar de'i sems 'dod chags dang bcas pa la sogs pa'i rab tu dbye bas nyin mo dang/ mtshan mo dang skad cig dang thang cig dang yud tsam de dang de dag 'das par 'gyur ba'i phyir sems rnam pa du mas rnam pa sna tshogs mang po
 mthong nas dmigs pa las rtag par phyin ci log pa gang yin pa de spong bar 'gyur ba'i phyir chos dran pa nye bar gzhag pa ni bdag med pa la bdag tu phyin ci log pa'i gnyen por rnam par bzhag pa yin te/ 'di ltar de la bdag du lta ba la sogs
 pa'i nyon mongs pa gang yin pa rnam pa ni yod pa la bdag med par lta ba la sogs pa'i dge ba'i chos de dag ni med pa'i phyir phung po rnams la bdag du lta bar 'gyur pas des dag rang dang spyi'i mtshan nyid kyi sgo nas chos la chos kyi rjes su lta
 zhing yang dag pa ji lta ba bzhin du mthong na bdag med pa la bdag tu phyin ci log pa gang yin pa ni spong bar 'gyur ba'i phyir ro/ /de la ji ltar na bden pa bzhi la 'jug par 'gyur zhe na/ lus kyi gnas ngan len dang bcas pa'i phung po'i 'du byed
 kyi mtshan nyid min pas de la yongs su brtags pas sdug bsngal gyi bden pa la 'jug go /tshor ba ni srad pa'i rgyu min pas de la yongs su brtags pas kun 'byung ba'i bden pa la 'jug go /sems ni mngon par zhen pa'i gzhi yin
 pas de la yongs su brtags na bdag chad par 'dogs pa'i 'jigs pa med pa'i 'gog pa'i bden pa la 'jug go chos ni kun nas nyon mongs pa dang rnam par byang ba'i ngo bo nyid yin pas de la yongs su brtags pas lam la rmongs par byed pa'i
 phyir lam gyi bden pa la 'jug pa'o/ /de la ji ltar na lus la sogs pa dang bral bar 'gyur zhe na/ dran pa nye bar gzhag pa bzhi'i dmigs pa dang/ yid la byed pa thob pa ste gnyen po bsgom pa'i dus na nyan thos dang rang sangs rgyas rnams ni lus dang
 tshor ba dang sems dang chos rnams dang bral bar 'gyur la byang chub sems dpa' rnams ni bal bar yang mi 'gyur bar mi gnas mya ngan las 'das par 'gyur pa'i phyir ro/ /yang rnam grangs gzhan yang 'jig rten pa'i ni phal cher 'di ltar zhugs
 pa yin te/ phung po rnams la phung po tsam dang chos tsam du yang dag pa ji lta ba bzhin du rab tu shes pas 'di ltar bdag ni lus la brten pa yin te/ de la brten nas tshor ba bde ba dang/ sdug bsngal ba myong bar 'gyur ba'i de myong ba na chos dang chos ma
 yin pa dag gis kun nas nyon mongs pa dang rnam par byad par 'gyur ro/ /zhes de ltar zhugs pa yin pas de la bdag nyid kyi lus kyi dngos po la kun tu rmongs pa bsal bar bya ba'i phyir ni lus dang dran pa nye bar gzhag pa rnam par gzhag go /bdag
 de nyid kyi myong ba'i dngos po kun tu rmongs pa bsal bar bya ba'i phyir ni tshor ba dran pa nye bar gzhag pa rnam par bzhag go /de dag sems dang yid dang rnam par shes pa gang kho na la bdag tu 'dzin pas kun tu rmongs par 'gyur pa'i bdag gi gzhi la kun
 tu rmongs pa bsal bar bya ba'i phyir ni sems dran pa nye bar gzhag pa rnam par bzhag go /sems de kho na'i kun nas nyon mongs pa dang/ rnam par byang ba'i dngos po la kun tu rmongs pa bsal bar bya ba'i phyir ni chos dran pa nye bar gzhag pa rnam par bzhag
 pa yin no/ /rnam grangs gzhan yang gang la las byed pa dang/ gang gis don du byed pa dang/ gang zhig las byed pa dang/ gang gis byed pa de dag thams cad gcig du bsdus nas dran pa nye bar gzhag pa bzhi rnam par bzhag pa yin
 te/ de la gang la las byed do ce na/ gang gi don byed ce na/ tshor ba'i don du byed do/ /gang zhig las byed ce na/ sems kyis byed do/ /gang gis byed ce na/ dge ba dang mi dge ba'i chos rnams kyis byed do/ /rnam grangs gzhan yang gang la kun nas nyon mongs pa
 dang rnam par byad par 'gyur ba dang gang las dang gang zhig dang gang gis kun nas nyon mongs pa dang rnam par byang bar 'gyur ba de dag thams cad gcig tu bsdus nas dran pa nye bar gzhag pa bzhi rnam par gzhag pa yin te/ de la gang la zhe na/ lus
 la kun nas nyon mongs pa dang rnam par byang bar 'gyur ro/ /gang las zhe na/ tshor ba dag las so/ /gang zhig ce na/ sems so/ /gang gis zhe na/ chos kyis kun nas nyon mongs pa dang rnam par byang bar 'gyur ro/ /de la dran pa nye bar gzhag pa bzhi ni dmigs
 pa dang ngo bo nyid dang grogs dang sgom pa dang bsgom pa'i 'bras bus rig par bya ste/ de la dmigs pa gang zhe na/ lus dang/ tshor ba dang sems dang chos te/ de yang bdag gi gnas kyi dngos po dang bdag gi longs spyod kyi dngos po dang bdag gis
 dngos po dang/ bdag kun nas nyon mongs pa dang rnam par byang ba'i dngos po yin no/ /ngo bo nyid gang zhe na/ shes rab dang/ dran pa'o/ grogs gang zhe na/ de dag dang mtshungs par ldan pa sems dang sems las byung ba'i chos rnams so/ /bsgom pa
 gang zhe na/ nang gi lus la sogs pa la lus la sogs pa'i rjes su lta zhing dran pa nye bar 'jog pa'o/ /bsgom pa'i 'bras bu gang zhe na/ phyin ci log bzhi spong ba dang bden pa bzhi la 'jug pa dang lus la sogs pa dang bral ba'o/ /de dag kyang
 mdo sde las de nang dang phyi rol dang/ nang dang phyi rol gyi lus dang/ tshor ba dang sems dang chos la chos kyi rjes su lta zhing dran pa nye bar gzhag ste/ gnas pa yin zhes gsungs pas bstan te/ de lus dang/ tshor ba dang/ sems dang/ chos la zhes gsungs
 pas ni dmigs pa bstan to/ /rjes su lta dang dran pas zhes gsungs pas ni ngo bo nyid bstan to/ /de nyid kyi gnas skabs kyis grogs bstan to/ /dran pa nye bar gzhag ste zhes gsungs pa ni bsgom pa bstan to/ /gnas pa yin zhes gsungs pas ni
 bsgom pa'i 'bras bu bstan to/ /de la lus dang tshor ba dang sems dang chos ni gang de la rjes su lta ba ni gang dran pa ni gang dran pa nye bar gzhag pa ni gang gnas pa ni gang zhe na/ lus ni rnam pa sum cu rtsa lnga yod do/ /nang gi dang phyi rol gyi dang dbang pos zin
 pa dang dbang pos zin pa ma yin pa dang/ sems can du bgrang ba ma yin pa dang/ gnas ngan len dang ldan pa dang/ shin tu sbyangs pa dang ldan pa dang/ 'byung ba'i lus dang/ 'byung ba las gyur pa'i lus dang/ ming gi lus dang/ gzugs kyi lus dang/ sems
 can dmyal ba dang/ dud 'gro'i skye gnas dang/ yi dags kyi yul dang/ mi'i dang/ lha'i dang/ rnam par shes pa dang/ bsam pa dang/ rnam par shes pa med pa dang/ nang gi lus dang/ phyi'i lus dang/ yongs su gyur pa dang/ yongs su ma gyur pa dang/
 bud med kyi lus dang/ skyes pa'i lus dang/ ma ning gi lus dang/ mdza' bshes kyi lus dang/ dgra bo'i lus dang/ tha mal pa'i lus dang/ lus ngan pa dang/ lus 'bring dang/ lus bzang po dang/ gzhon nu'i lus dang/ lang tsho'i lus dang/ rgan po'i lus
 te/ de ni re zhig lus kyi rab tu dbye ba yin no/ /de la tshor ba gang zhe na 'di lta ste/ bde ba dang sdug bsngal ba dang/ sdug bsngal yang ma yin bde ba yang ma yin par tshor ba ste/ de dag kyang lus kyi dang sems kyi'o/ /zang zing dang bcas pa dang/ zang zing
 med pa dang zhen pa la brten pa dang nges par 'byung ba la brten pa ste/ de dag ni tshor ba nyi shu rtsa gcig rnam pa dgur 'gyur ro/ /de la sems gang zhe na/ 'di lta ste/ sems 'dod chags dang bcas pa dang/ 'dod chags dang bral ba
 dang/ zhe sdang dang bcas pa dang/ zhe sdang dang bral ba dang/ gti mug dang bcas pa dang/ gti mug dang bral ba dang/ kun tu bsdus pa dang/ rnam par g.yeng ba dang/ zhum pa dang/ rab tu bzung ba dang/ rgod pa dang/ rgod pa ma yin pa dang/ nye bar zhi ba dang/ nye bar
 zhi ba ma yin pa dang/ mnyam par bzhag pa dang/ mnyam par bzhag pa ma yin pa dang/ legs par bsgom pa dang/ legs par bsgom pa ma yin pa dang/ sems shin tu rnam par grol ba dang/ sems shin tu rnam par grol ba ma yin pa ste/ de dag ni
 sems rnam pa nyi shu yin no/ /de la chos rnams gang zhe na/ 'di lta ste/ 'dod chags dang/ 'dod chags 'dul ba dang/ zhe sdang dang zhe sdang 'dul ba dang/ gti mug dang gti mug 'dul ba dang/ kun tu bsdus pa dang/ rnam par g.yengs pa dang/ zhum pa dang/ rab
 tu 'dzin pa dang/ rgod pa dang/ rgod pa ma yin pa dang/ nye bar zhi ba dang/ nye bar zhi ba ma yin pa dang/ legs par mnyam par bzhag pa dang/ legs par mnyam par bzhag pa ma yin pa dang/ lam legs par bsgoms pa dang/
 lam legs par bsgoms pa ma yin pa dang/ shin tu rnam par grol ba dang/ shin tu rnam par ma grol ba ste/ de dag ni nag po dang dkar po'i phyogs rnam par bzhag pa kun nas nyon mongs pa dang/ rnam par byang ba'i phyogs kyi chos nyi shu yin par rig
 par bya ste/ de dag ni dmigs pa yin no/ de dag la rjes su lta ba gang zhe na/ shes rab rnam pa gsum ste/ lus dang/ tshor ba dang sems chos kyi dbang du byas nas/ thos pa las byung ba dang bsams pa las byung ba'i shes rab gang yin pa ste/ shes rab des
 lus dang tshor ba dang sems dang/ chos thams cad la rnam pa thams cad du yang dag par kho nar nye bar rtog par byed cing kun tu rtog par byed rjes su 'jug par byed/ rjes su rtog par byed rnam par rtog pa'i gzugs brnyan gyi lus la sogs pa dang rang bzhin
 gyi gzugs kyi lus la sogs pa la mnyam pa nyid du blta ba gang yin pa'o/ /de la dran pa gang zhe na/ ting nge 'dzin yang dag par sdud par byed pa'i dran pa ste/ des lus dang tshor ba dang sems dang chos kyi dbang du byas nas chos gang dag gzung ba'i chos de
 dag kho na'i don bsam pa gang yin pa yin pa dang/ gang dag bsgoms pas mngon sum du byas pa'i tshig 'bru dang don dang mngon sum du byas pa de sems kyis mi brjod pa gang yin pa ste/ de ltar rjes su lta ba'i shes rab dang ting nge 'dzin yang dag par
 sdud pa'i dran pa de ni ngo bo nyid yin no/ /de ltar ngo bo nyid bstan pa'i gnas skabs de nyid kyis de dag dang mtshungs par ldan pa'i sems las byung ba'i grogs rnams kyang bstan pa yin te/ de dag ni mtshungs par ldan pa las dran pa nye bar gzhag pa yin no//
 de la dran pa nye bar gzhag pa gang zhe na/ bdag gi nang gi lus la sogs pa'i chos de dag legs par bzung ngam/ 'on te ma bzung shes rab kyis de dang de dag la legs par btags sam/ 'on te ma brtags rnam par grol bas de dang de dag la legs
 par byas sam/ 'on te ma? byas zhes dran pa nye bar gzhag pa yin no/ /gzhan yang dran pa kun bsrung ba dang yul gyis kun nas nyon mongs pa med pa dang dmigs pa nye bar gtod pa'i rgyu gsum po de dag gis dran pa legs par nye bar gzhag pa
 gang yin pa de ni dran pa nye bar gzhag pa zhes bya ste/ de yang las dang por sbyor ba'i gnas skabs na ni lus la mi sdug pa'i rnam par rjes su lta/ tshor ba la sdug bsngal ba'i rnam par rjes su lta/ sems la mi rtag pa'i rnam par rjes su lta/
 chos la bdag med pa'i rnam par rjes su lta zhing gnas so/ /de'i 'og tu yid la byed pa thob pa'i gnas skabs na ni lus dang/ tshor ba dang/ sems dang/ chos la de bzhin nyid kyi lus dang tshor ba dang/ sems dang chos kyi rjes su
 lta zhing gnas so/ /de la ji ltar nang gi lus la lus kyi rjes su lta zhing gnas pa yin/ ji ltar na phyi rol gyi lus la lus kyi rjes su lta zhing gnas pa yin/ ji ltar na/ nang dang phyi dang phyi rol gyi lus la lus kyi rjes su lta zhing gnas pa yin/ ji ltar na
 nang gi tshor ba dang sems dang chos la chos kyi rjes su lta zhing gnas pa yin/ ji ltar na phyi rol gyi tshor ba dang sems dang chos la chos kyi rjes su lta zhing gnas pa yin/ ji ltar na nang dang phyi rol gyi tshor ba dang sems dang chos la chos kyi rjes su lta
 zhing gnas pa yin zhe na/ gang gi tshe sems can bgrang ba nang gi so sor rang gi lus la lus kyi rjes su lta zhing gnas pa de ni nang gi lus la lus kyi rjes su lta zhing gnas pa yin no/ /gang gi tshe sems can du bgrad pa ma yin pa'i phyi rol gyi gzugs la
 dmigs par byed pa ni phyi rol gyi lus la lus kyi rjes su lta zhing gnas pa yin no/ /gang gi tshe sems can du bgrang ba'i phyi rol gzhan gyis gzugs la dmigs par byed pa de ni nang phyi rol gyi lus la lus kyi rjes su lta zhing gnas pa yin no/ /de la sems
 can du bgrang ba nang gi so sor rang rang gi gzugs las brten te/ skyes pa'i tshor ba dang sems dang chos gang dag la dmigs par byed pa de dag ni nang gi tshor ba dang sems dang chos rnams la chos kyi rjes su lta zhing gnas pa yin no/ /sems can du
 bgrang ba ma yin pa'i phyi rol gyi gzugs las brten te skyes pa'i tshor ba dang sems dang chos gang dag yin pa de dag la dmigs par byed pa/ de dag ni phyi rol gyi tshor ba dang sems dang chos rnams la chos kyi rjes su lta zhing gnas pa yin no//
 sems can du bgrang ba'i phyi rol gzhan gyi gzugs las brten te skyes pa'i tshor ba dang sems dang chos gang dag yin pa de dag dmigs par byed pa de ni nang dang phyi rol gyi tshor ba dang sems dang chos rnams la chos kyi rjes su lta zhing gnas pa yin no//
 rnam grangs gzhan yang dbang pos zin pa'i gzugs la dmigs par byed pa ni nang gi lus la lus kyi rjes su lta zhing gnas pa yin no/ /dbang pos ma zin pa zin pa ma yin zhing ma yin pa'i gzugs la dmigs par byed pa ni phyi rol gyi lus la
 lus kyi rjes su lta zhing gnas pa yin no/ /dbang pos ma zin pa kho na yin la/ zin cing zin par 'gyur ba'i nang gi gzugs la dmigs par byed pa ni nang dang phyi rol gyi lus la lus kyi rjes su lta zhing gnas pa yin no/ /de bzhin du gzugs gsum
 po de dag la brten te/ skyes pa'i tshor ba dang sems dang chos gang dag yin pa de dag la ci rigs par dmigs par byed pa ni de ltar rjes su lta zhing gnas pa yin no zhes snga ma bzhin du rig par bya ba yin no/ /rnam grangs gzhan yang mnyam par
 bzhag pa'i sa'i gzugs shin tu spyad pa dang ldan pa la dmigs par byed pa gang yin pa de ni nang gi lus la lus kyi rjes su lta zhing gnas pa yin no/ /nang gi nang kho na'i gzugs mnyam par bzhag pa'i sa ma yin pa gnas ngan len dang ldan
 pa la dmigs par byed pa gang yin pa de ni phyi rol gyi lus la lus kyi rjes su lta zhing gnas pa yin no/ /gzhan gyi gzugs shin tu sbyangs pa dang ldan pa dang gnas ngan len dang ldan pa la dmigs par byed pa gang yin pa de ni nang dang phyi rol gyi
 lus la lus kyi rjes su lta zhing gnas pa yin no/ /de bzhin de du dag las brten te skyes pa'i chos? pa dang sems dang chos gang dag yin pa de dag la yang ci rigs par bya'o/ /rnam grangs gzhan yang gang gi tshe nang gi rnam par shes pa dang bcas
 pa'i lus la dmigs par byed pa ni nang gi lus la lus kyi rjes su lta zhing gnas pa yin no/ /sems can du bgrang ba'i gzugs rnam par shes pa med pa rnam par sngos pa la sogs pa'i gnas skabs su gyur pa la dmigs
 par byed pa de ni phyi rol gyi lus la lus kyi rjes su lta zhing gnas pa yin no/ /rnam par shes pa med pa'i gzugs 'das pa'i dus na rnam par shes pa dang bcas pa dang/ rnam par shes pa dang bcas pa'i gzugs ma 'ong pa'i dus na rnam par shes
 pa med par gyur na chos mtshungs pa nyid dang chos mnyam pa nyid dang dmigs pa de ni nang dang phyi rol gyi lus la lus kyi rjes su lta zhing gnas pa yin no/ /de bzhin du de dag las brten te skyes pa'i tshor ba dang sems dang chos gang dag yin pa de
 dag la yang ci rigs par sbyar ro/ /rnam grangs gzhan yang bdag nyid kyi skra dang spu dang sen mo la sogs pa'i rnam pa dag gis dmigs par byed pa ni nang gi lus la lus kyi rjes su lta zhing gnas pa yin no/ /gzhan dag gi nang gi lus la
 skra dang spu dang sen mo la sogs pa'i rnam pa dag gis dmigs par byed pa ni phyi rol gyi lus la lus kyi rjes su lta zhing gnas pa yin no/ /bdag nyid kyi phyi rol gyi lus rnam par sngos pa la sogs pa'i rnam pa dag gis ma nyams pa dang
 gzhan dag gi phyi rol gyi lus rnam par sngos pa la sogs pa'i rnam pa dag gis nyams kyang rung ma nyams kyang rung ba la chos nyid mtshungs par dmigs par byed pa'i nang dang phyi rol gyi lus la lus kyi rjes su lta zhing gnas pa yin no//
 de dag las brten te skyes pa'i tshor ba dang chos gang dag gang yin pa de dag la yang de bzhin du ci rigs par rig par bya'o/ /de la dran pa nye bar gzhag pa zhes bya ba'i don gang zhe na/ gang la dran pa nye bar 'jog par byed pa dang/ gang
 gis dran pa nye bar 'jog par byed pa de ni dran pa nye bar gzhag pa zhes bya'o/ /de la gang la dran pa nye bar 'jog par byed ce na/ dmigs pa la'o/ /gang gis dran pa nye bar 'jog par ce na rjes su lta ba'i shes rab dang ting nge 'dzin yang dag par sdud par
 byed pa'i dran pas so/ /gzhan yang lus dang tshor ba dang sems dang chos rnams kyi dbang gi dge ba zag pa dang bcas pa dang zag pa med pa'i lam yang dag par skyes pa gang yin pa de ni dran pa nye bar bzhag pa yin te/ de yang thos pa las byung ba dang
 bsams pa las byung ba dang bsgoms pa las byung ba ste/ de la thos pa dang bsam pa las byung ba ni zag pa dang bcas pa kho na yin no/ /bsgom pa las byung ba ni zag pa dang bcas pa yang yod zag pa med pa yang yod de de ni bsgom pa yin no/ /de la
 gnas pa gang zhe na yid la byed pa thos pa'i gnas skabs na phyin ci log bzhi spangs pa dang bden pa bzhi la zhugs pa dang lus la sogs pa dang bral bar gnas pa gang yin pa ste de ni bsgoms pa'i 'bras bu yin no/ /de ltar dran pa nye bar gzhag
 pa bzhi po de dag ni dngos po la yongs su rdzogs pa'i lam yin pas na de'i phyir dmigs pa la nye bar gtong pa'i dngos po zhes bya ste/ de tsam gyis na dmigs pa la sems nye bar gtang pa dang phyin ci log rags pa dag bsal ba dang/ bden
 pa bzhi la zhugs pa dang mi mthun pa'i phyogs dang gnyen po rnam pa thams cad du shes pa yin no/ /yang dag pa'i spong ba bzhi ni de nyid la sogs pa'i dngos po zhes bya bas bstan te/ des ni rtsol ba las byung ba'i lam bstan to/ /de la yang dag
 pa'i spong ba bzhi gang zhe na/ sdig pa mi dge ba'i chos ma skyes pa rnams mi skyed pa dang/ sdig pa mi dge ba'i chos skyes pa rnams spang ba'i phyir bdun pa skyed par byed 'bad par byed brtson 'grus rtsam par byed cing sems rab tu 'dzin par byed
 rab tu 'jog par byed pa dang/ dge ba'i chos ma skyes pa rnams bskyed pa dang/ dge ba'i chos skyes pa rnams gnas pa dang ma brjed pa dang bsgom pa yongs su rdzogs par bya ba'i phyir bdun pa skyed par byed 'bad par byed brtson
 'grus rtsom par byed cing sems rab tu 'dzin par byed rab tu 'jog par byed pa'o/ /de la rim pa ji lta bu zhe na/ de de ltar dran pa nye bar gzhag pa bzhi po dag la yongs su sbyad pa byas shing phyin ci log rigs pa dag bsal te mi mthun pa dang gnyen po'i
 chos rnams yongs su shes pa na dmigs pa de nyid la sems gnas par bya ba dang/ mi mthun pa'i phyogs bsal zhing gnyen po skyed pa'i phyir yang dag par spong pa bzhis rtsom par rig par bya'o/ /de la yang dag pa'i rtsol ba bzhi yang dmigs
 pa dang ngo bo nyid dang grogs dang bsgom pa dang/ bsgom pa'i 'bras bus rig par bya te/ de la dmigs pa gang zhe na/ mi mthun pa'i phyogs dang gnyen po skyes pa dang ma skyes pa'o/ /ngo bo nyid gang zhe na/ brtson 'grus so/ /grogs gang zhe na/ de dang mtshungs
 par ldan pa sems dang sems las byung ba'i chos rnams so/ /bsgom pa gang zhe na/ 'dun pa skyed par byed pa 'bad par byed pa brtson 'grus rtsam par byed cing sems rab tu 'dzin par byed rab tu 'jog par byed pa'o/ /bsgoms pa'i 'bras bu gang
 zhe na/ mi mthun pa'i phyogs ma lus pa 'gags pa dang gnyen po thob pa dang 'phel ba'o/ /de la sdig pa mi dge ba'i chos rnams ni gang de dag ma skyes pa ni gang/ skyes pa ni gang zhe na/ sdig pa mi dge ba'i chos rnams shes bya ba ni 'dod pa na
 spyod pa'i lus dang ngag dang yid kyi las nyon mongs pa can rnams te lus dang/ ngag dang yid kyi nyes par spyad pa gang dag yin pa dang de dag kun nas slong bar byed pa'i nyon mongs pa gang dag yin pa rnams so/ /de dag ma skyes pa gang zhe na/ gang
 dag phrad par ma gyur cing mngon du ma gyur pa dag go /skyes pa rnams gang zhe na/ gang phrad par gyur cing mngon du phrad pa dag go /yang de bzhin nyid kyi dmigs pa la nye bar gtang pa'i sems la mtshan ma dang gnas ngan len gyi snang bar gyur pa thams cad dang nang
 du yang dag par ma skyes pa rnams ni sdig pa mi dge ba'i chos ma skyes pa rnams zhes bya'o/ /de las bzlog pa'i sdig pa mi dge ba'i chos skyes pa rnams zhes bya'o/ /de la sdig pa mi dge ba'i chos ma skyes pa rnams mi skyed pa'i phyir 'dun pa skyed par byed pa ni
 gang/ skyes pa rnams spang ba'i phyir 'dun pa skyes par byed pa ni gang zhe na/ gang gi tshe sdig pa mi dge ba'i chos ma skyes pa rnams dang po nas mi skyed pa'i phyir spro ba skyed par byed smon lam 'debs par byed cing dang du len par mi 'dod pa gang yin pa de ni ma skyes
 pa rnams mi skyed pa'i phyir 'dun pa yin no/ /skyes pa rnams dang du mi len cing spong bar byed pa gang yin pa de ni skyes pa rnams spang ba'i phyir 'dun pa yin no/ /de las ma skyes pa rnams mi skyed pa dang skyed pa rnams spang ba'i 'bad pa byed pa ni gang brtson
 'grus rtsom par byed pa na gang zhe na/ sdig pa mi dge ba'i chos de dag kyang 'das pa dang ma 'ongs pa dang da ltar byung ba'i dngos po la dmigs te skye la/ gang dag 'das pa dang ma 'ongs pa'i dngos pos dmigs te skyes pa de dag ni lkog tu gyur pa'i
 yul la dmigs pa yin/ gang dag da ltar byung ba'i yul la dmigs te skye ba de dag ni mngon sum gyi yul la dmigs pa yin te/ de lkog tu gyur pa'i yul la dmigs pa'i sdig pa mi dge ba'i chos ma skyes pa rnams mi skyed pa dang skyes pa rnams spang
 pa'i phyir ni 'bad pa byed pa yin no/ /mngon sum gyi yul la dmigs pa'i sdig pa mi dge ba'i chos ma skyes pa rnams mi skyed pa dang skyes pa rnams spang ba'i phyir ni brtson 'grus rtsom par byed pa yin no/ /gzhan yang kun nas dkris pa chung ngu dang 'bring po ma
 skyes pa rnams mi skyed pa dang skyes ba rnams spang ba'i phyir ni 'bad par byed pa yin no/ /kun nas dkris pa chen po ma skyes pa rnams mi skyed pa dang skyes pa rnams spang ba'i phyir ni brtson 'grus rtsom par byed pa yin no/ /gzhan yang
 sdig pa mi dge ba'i chos gang dag kun tu rtog pa'i dbang po kho nas skye la yul gyi stobs kyis ma yin pa 'di lta ste/ gnas pa na gang dag 'das pa dang ma 'ongs pa'i dmigs pa la skye ba de dag ma skyes pa mi skyed pa dang skyes pa rnams spang ba'i phyir
 ni 'bad par byed pa yin no/ /sdig pa mi dge ba'i chos gang dag kun tu rtog pa'i dbang dang yul gyi stobs kyis kyang skyes pa 'di lta ste/ rgyu ba na gang dag da ltar byung ba'i dmigs pa las skye ba de dag ma skyes pa rnams mi skyed pa dang skyes pa rnams spong
 ba'i phyir ni brtson 'grus rtsom par byed pa yin no/ /de la sdig pa mi dge ba'i chos ma skyes pa rnams mi skyed pa dang skyes pa rnams spang ba'i phyir ni 'dun pa skyed par byed 'bad par byed brtson 'grus rtsom par byed pa na sems rab tu 'dzin par
 byed pa ni gang/ rab tu 'jog par byed pa ni gang zhe na/ gang gi tshe sdig pa mi dge ba'i sems ma skyes pa rnams mi skyed pa dang skyes pa rnams spang ba'i phyir 'dun pa skyed par byed 'bad par byed brtson 'grus rtsom par byed cing sems de zhi gnas bsgom
 ba dang rtse gcig tu byed pa'i tshe nang du mngon du bsdus na zhum pa 'am zhum du dogs na mthong ba de'i tshe na rab tu 'dzin pa'i mtshan ma dang bar 'gyur ba gang yang rung bas rab tu 'dzin par byed cing rab tu dga' bar byed pa de ni sems rab tu 'dzin
 par byed pa yin no/ /de? ltar rab tu 'dzin par byed pa'i dus na sems rgod dam rgod du dogs par mthong ba de'i tshe na sems nang du mngon par sdud par byed cing zhi gnas la rab tu 'jog par byed pa de ni rab tu 'jog par byed pa yin no/ /de ni dge
 ba'i chos rnams ni gang/ de dag ma skyes pa ni gang/ skyes pa ni gang zhe na/ dge ba'i chos rnams zhes bya ba ni gang dag sdig pa mi dge ba'i chos de dag gi gnyen por gyur pa'i chos rnams te/ nyes par spyad pa'i gnyen por gyur pa dang/ sgrib pa'i gnyen por gyur pa dang/
 kun tu sbyor ba'i gnyen por gyur pa rnams so/ /de dag ma skyes pa gang zhe na/ gang dag phrad par ma gyur cing mngon sum du ma gyur ba dag go /skyes pa rnams gang zhe na gang dag phrad par gyur cing mngon sum du gyur pa dag go /yang de bzhin nyid kyi dmigs pa la nye bar
 gtad pa'i sems la mtshan ma med pa dang shin tu sbyangs pa mi snang bar gyur pa thams cad dang nang du yang dag par ma skyes pa rnams ni dge ba'i chos ma skyes pa rnams zhes bya'o/ /de las bzlog pa ni dge ba'i chos skyes pa rnams zhes bya'o/ /de la dge ba'i chos
 ma skyes pa rnams skyes pa'i phyir 'dun pa skyed par byed pa ni gang/ skyes pa rnams gnas pa dang mi brjed pa dang bsgom pa yongs su rdzogs par bya ba'i phyir 'dun pa skyed par byed pa ni gang zhe na/ dge ba'i chos gang dag phrad par ma gyur cing mngon sum du ma gyur
 pa de dag thob par bya ba dang mngon sum du bya ba'i phyir spro ba skyed par byed sems kyis smon par byed cing de shas cher thob par 'dod pa dang/ mngon sum du bya bar 'dod pa la nye bar gnas pa ni dge ba'i chos ma skyes pa rnams bskyed pa'i phyir 'dun pa skyed par
 byed pa yin no/ /dge ba'i chos skyes pa rnams gnas pa dang/ mi brjed pa dang/ bsgom pa yongs su rdzogs par bya ba'i phyir 'dun pa skyes par byed ces bya ba la/ dge ba'i chos thob pa dang mi 'bral zhing thob pa yongs su mi nyams par bya ba'i dbang du mdzad
 nas/ gnas par bya ba'i phyir zhes bya ba gsungs so/ /mngon sum du gyur pa nyid gsal bar bya ba'i dbang du mdzad nas/ mi brjed par bya ba'i phyir zhes bya ba gsungs so/ /dge ba'i chos thob pa dang mngon sum du gyur pa de dag nyid kun tu rten pa'i rgyus yongs
 su grub pa dang/ mthar phyin par bya ba'i dbang du mdzad nas/ bsgom pa yongs su rdzogs par bya ba'i phyir zhes bya ba gsungs te/ de las yang spro ba skyed par byed sems kyis smon par byed cing de shas cher gnas par 'dod
 pa dang/ mi brjed par 'dod pa dang/ bsgom pa yongs su rdzogs par 'dod pa la nye bar gnas pa de ni dge ba'i chos skyes pa rnams gnas pa dang/ mi brjed pa dang bsgom pa yongs su rdzogs par bya ba'i phyir 'dun pa skyed par byed pa yin no//
 de la dge ba'i chos ma skyes pa rnams skyed pa dang skyes pa rnams gnas pa dang mi brjed pa dang/ bsgom pa yongs su rdzogs par bya ba'i phyir 'bad par byed pa ni gang brtson 'grus rtsom par byed pa ni gang zhe na/ dge ba'i chos thob pa rnams
 mngon du bsgom pa'i phyir ni 'bad par byed pa yin no/ /dge ba'i chos ma thob pa rnams thob par bya ba'i phyir ni brtson 'grus rtsom par byed pa yin no/ /gzhan yang dge ba'i chos skyes pa rnams gnas pa dang mi bcad par bya ba'i phyir ni 'bad par
 byed pa yin no/ /bsgom pa yongs su rdzogs par bya ba'i phyir ni brtson 'grus rtsom par byed pa yin no/ /gzhan yang dge ba chung ngu dang 'bring ma skyes pa rnams skyed pa dang/ skyes pa rnams gnas pa dang/ mi brjed pa dang/ bsgom par yongs su
 rdzogs par bya ba'i phyir ni 'bad par byed pa yin no/ /dge ba'i chos chen po mi skyes pa rnams skyed pa dang/ skyes pa rnams gnas pa dang/ mi brjed pa dang/ bsgom pa yongs su rdzogs par bya ba'i phyir ni/ brtson 'grus rtsom par byed pa yin no//
 de la dge ba'i chos ma skyes pa rnams skyed pa dang skyes pa rnams gnas pa dang mi brjed pa dang/ bsgom pa yongs su rdzogs par bya ba'i phyir 'dun pa skyed par byed/ 'bad par byed/ brtson 'grus rtsom par byed pa na sems rab tu 'dzin par
 byed pa ni gang/ rab tu 'jog par byed pa ni gang zhe na/ gang gi tshe dge ba'i chos ma skyes pa rnams bskyed pa dang/ skyes pa rnams gnas pa dang/ mi brjed pa dang/ bsgom pa yongs su rdzogs par bya ba'i phyir 'dun pa skyed par byed/ 'bad par byed brtson 'grus
 rtsom par byed cing sems zhi gnas bsgom pa dang rtse gcig tu byed pa'i che nang du mngon par bsdus pa na zhum pa 'am zhum du dogs par mthong ba'i tshe na rab tu 'dzin pa'i mtshan ma dang bar 'gyur bas gang yang rung bas rab tu 'dzin par byed cing rab
 tu dga' bar byed pa de ni sems rab tu 'dzin par byed pa yin no/ /de ltar rab tu 'dzin pa'i dus na sems rgod dam rgod du dogs par mthong ba ni de'i tshe na sems nang du mngon par sdud par byed cing/ zhi gnas la rab tu 'jog par byed pa de ni rab tu 'jog
 bar byed pa yin no/ /yang dag par spong ba bzhi po de dag las dang po ni spang bas spong ba yin te/ sdig pa mi dge ba'i chos ma skyes pa gang yin pa de dag ni kun tu mi spyad pa'i sgo nas spang bar bya ba yin spang bas spong ba zhes bya'o/ /gnyis pa ni bsdams
 pas yongs su spang ba yin te/ sdig pa mi dge ba'i chos skyes pa gang yin pa de dag ni bsdam par bya zhing dang du mi blang bar bya ba yin pas bsdam pas spong ba zhes bya'o/ /gsum pa ni bsgom pas spong ba yin te/ dge ba'i chos ma skyes pa rnams
 bskyed pa'i dge ba'i chos rnams la kun tu rten par byed cing bsgom par byed na ma thob pa thob par 'gyur zhing thob pa yang mngon du byed par 'gyur ba'i phyir ro/ /bzhi pa ni rjes su bsrung bas spong ba yin te/ dge ba'i chos thob cing mngon sum
 du byas pa dag la bag med pa spangs te/ bag yod pas rten par byed pa gang yin pa de ni dge ba'i chos rnams gnas pa dang mi brjed pa dang bsgom pa yongs su rdzogs par 'gyur ba'i phyir te/ de ni re zhig yang dag pa'i spong ba rnams kyi rnam
 par dbye ba rgyas pa yin no/ /don mdor bsdu ba gang zhe na/ nag po dang dkar po'i phyogs kyi dngos po btang ba dang blang ba'i bsam pa phun sum tshogs pa dang sbyor ba phun sum tshogs pa yongs su bstan pa yin no//
 de la bsam pa phun sum tshogs pa ni 'dun pa skyed par byed ces bya bas bstan to/ /sbyor ba phun sum tshogs pa 'bad par byed/ brtson 'grus rtsom par byed cing/ sems rab tu 'dzin par byed/ rab tu 'jog par byed ces bya ba dag gis
 bstan to/ rab tu 'jog pa'i bya ba ni 'di tsam du zad de/ spang par bya ba'i dngos po gang yin pa spang bar bya ba dang/ thob par bya ba'i dngos po gang yin pa thob par bya ba'i phyir dang po kho nar 'bad pas spro ba skyed par bya ba dang/ kun nas dkris
 pa spang bar bya ba'i phyir brtson 'grus kyis brtson 'grus brtsam par bya ba dang bag la nyal spang bar bya ba'i phyir sems rab tu 'dzin pas dus dus su zhi gnas dang rab tu 'dzin pa dang btang snyoms kyi mtshan ma dag bsgom par bya ba dang/
 kun nas dkris pa dang bag la nyal gnyi ga spang bar bya ba'i phyir rab tu 'jog par byed pas gnyen po'i phyogs kyi dge ba gang dag yin pa de dag yang dag par bsgrub par bya ba ste/ de dag thams cad yang dag pa'i spong ba bzhi po dag gis
 yongs su bstan pas na de ni mdor bsdus pa yin no/ /de ltar yang dag pa'i spong ba bzhi po de dag ni rtsol ba las byung ba'i lam yin pas na de'i phyir de nyid la brtsol ba'i dngos po zhes bya ste/ de tsam gyis na mi mthun pa'i phyogs ma lus
 par 'gags pa dang gnyen po thob pa dang 'phel bas de bzhin nyid kyi dmigs pa la nye bar gtang pa'i sems la mtshan ma dang gnas ngan len mi snang zhing nang du yang dag par mi skye ba yin no/ /rdzu 'phrul gyi rkang pa bzhi ni sems gnas pa'i
 dngos po zhes bya bas bstan te/ des ni ting nge 'dzin yongs su spyod bar byed pa'i lam bstan to/ /de la rdzu 'phrul gyi rkang pa bzhi gang zhe na/ 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dang/ brtson 'grus kyi ting nge 'dzin spong ba'i 'du byed
 dang ldan pa'i rdzu 'phrul gyi rkang pa dang/ sems kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dang/ dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa'o/ /de la rim pa ji lta bu zhe na/ de de ltar yang dag pa'i spong
 bzhi po dag gis mi mthun pa'i phyogs ma lus par spangs ba dang gnyen po thob cing 'phel bas de bzhin nyid kyi dmigs pa la nye bar gtang ba'i sems la mtshan ma dang gnas ngan len mi snang zhing nad yang dag par mi skye ba na de'i 'og tu ting nge 'dzin thob
 pa'i ting nge 'dzin yongs su rdzogs par bya ba'i phyir rdzu 'phrul gyi rkang pa la sbyor bar rig par bya'o/ /de la rdzu 'phrul gyi rkang pa bzhi yang dmigs pa dang/ ngo bo nyid dang/ grogs dang/ bsgom pa dang bsgom pa'i 'bras bus rig par bya ste/ de la dmigs
 pa gang zhe na/ ting nge 'dzin 'grub pa'i bya ba'o/ /ngo bo nyid gang zhe na/ ting nge 'dzin to/ /grogs gang zhe na/ 'dun pa dang/ brtson 'grus dang/ sems dang/ dpyod pa dang/ de dag dang mtshungs par ldan pa'i sems dang sems las byung ba'i chos rnams so/ /
 bsgom pa gang zhe na/ spong ba'i 'du byed brgyad goms par byed pa'o/ /bsgoms pa'i 'bras bu gang zhe na/ de ltar ting nge 'dzin legs par yongs su spyad ba byas nas chos mngon par shes par bya ba gang dang gang mngon du bya bar 'dod pa de dang de la sems
 mngon par gtong ba de rang rang gi gnas kyi chos rnams la mngon du gyur pa'i skal ba can du 'gyur ro/ /de la ting nge 'dzin ni bzhi ste/ 'dun ba'i ting nge 'dzin dang/ brtson 'grus kyi ting nge 'dzin dang/ sems kyi ting nge 'dzin dang/ dpyod pa'i ting nge 'dzin
 to/ /de la 'dun ba'i ting nge 'dzin gang zhe na/ 'dun pa'i dbang du byas nas ting nge 'dzin thob pa gang yin pa'o/ /brtson 'grus dang sems dang dpyod pa'i ting nge 'dzin gang zhe na/ brtson 'grus dang sems dang dpyod pa'i dbang du byas
 nas ting nge 'dzin thob pa gang yin pa'o/ /yang gus par sbyor ba la brten nas sems rtse gcig pa nyid la reg pa gang yin pa de ni 'dun pa'i ting nge 'dzin to/ /rgyun du sbyor ba la brten nas sems rtse gcig pa nyid la reg pa gang yin pa de ni
 brtson 'grus kyi ting nge 'dzin to/ /sngon ting nge 'dzin bsgom pa la brten nas sems gcig pa nyid la reg pa gang yin pa de ni sems kyi ting nge 'dzin to/ /chos rab tu rnam par 'byed pa la brten nas sems rtse gcig pa nyid la reg pa gang
 yin pa de ni dpyod pa'i ting nge 'dzin to/ /yang 'dun pa skyed par byed pa na sems rtse gcig pa nyid la reg pa gang yin pa de ni 'dun pa'i ting nge 'dzin to/ /'bad par byed brtson 'grus rtsom par byed pa na sems rtse gcig pa nyid la reg pa gang yin
 pa de ni brtson 'grus kyi ting nge 'dzin to/ /sems rab tu 'jog par byed pas na sems rtse gcig pa nyid la reg pa gang yin pa de ni sems kyi ting nge 'dzin to/ /sems rab tu 'dzin par byed pa na sems rtse gcig pa nyid la reg pa gang yin pa de ni
 dpyod pa'i ting nge 'dzin to/ /de la 'dun pa'i dbang du bya ba'i ting nge 'dzin gang zhe na/ gang gi tshe de re zhig 'dun pa de kho na nyi tshe skyed par byed cing 'dun pa skyes nas sdig pa mi dge ba'i chos de dag la ngo bo nyid dang gzhi dang nyes dmigs dang
 gnyen po'i sgo nas legs pa kho nar nges par rtog par byed cing dran pa rtse gcig tu 'jog par byed pa dang de bzhin du dge ba'i chos rnams la yang ngo bo nyid dang gzhi dang phan yon dang nges par 'byung ba'i sgo nas legs pa kho nar nges par
 rtog par byed cing dran pa rtse gcig tu byed pa dang/ de lan mang du byas pas kun nas dkris pa'i rgyu ba thag ring du byed pa'i tshul gyis rtse gcig pa nyid la rig par byed cing da dung sdig pa mi dge ba'i chos rnams kyi bag la nyal ba yang dag par 'joms par mi
 byed pa gang yin pa de ni de'i 'dun pa'i dbang du byas pa'i ting nge 'dzin ces bya'o/ /brtson 'grus kyi dbang du byas pa'i ting nge 'dzin gang zhe na/ 'das pa dang ma 'ongs pa dang da ltar byung ba'i dmigs pa sdig pa mi dge ba'i chos dang mthun pa nyon mongs pa'i
 kun nas dkris pa'i chung ngu dang 'byid dang chen po dang mthun pa ma skyes pa mi skyed pa dang skyes pa spang ba'i phyir 'bad par byed brtson 'grus rtsom par byed pa'i tshe dmigs pa de la dpyod pas na dmigs pa de'i ngo bo nyid gzhi dang nyes dmigs dang gnyen po'i
 sgo nas legs pa kho nar nges par rtog par byed cing dran pa rtse gcig tu 'jog par byed pa dang/ de la lan mang du gnas par byed pa la kun nas dkris pa'i rgyu ba thag ring du byed pa'i tshul gyis sems rtse gcig pa nyid skye bar 'gyur zhing da dung sdig
 pa mi dge ba'i chos rnams kyi bag la nyal yang dag par 'joms par mi byed pa gang yin pa de ni de'i brtson 'grus kyi dbang du byas pa'i ting nge 'dzin ces bya'o/ /sems kyi dbang du byas pa'i ting nge 'dzin gang zhe na/ sems bying pa rab tu 'dzin par byed
 cing sems rab tu bzung nas ting nge 'dzin du byed pa dang dus dus su lhag par btang snyoms su byed pa dang/ sdig pa mi dge ba'i chos rnams dang mthun pa'i chos dang dge ba dang mi dge ba'i chos dang/ dge pa dang mi dge ba'i chos dang mthun pa'i chos gang
 yin pa de dag la ngo bo nyid gzhi dang nyes dmigs dang/ phan yon dang gnyen po dang nges par 'byung ba'i sgo nas legs pa kho nar nges par rtog par byed cing dran pa rtse gcig tu 'jog par byed pa dang/ de la lan mang du byed par gnas par
 byed pa la kun nas dkris pa'i rgyu ba thag ring du byed pa'i tshul gyis sems rtse gcig pa nyid skye bar 'gyur zhing da dung sdig pa mi dge ba'i chos rnams kyi bag la nyal yang dag par 'joms par ni mi byed pa gang yin pa de ni de'i
 sems kyi dbang du byas pa'i ting nge 'dzin ces bya'o/ /dpyod pa'i dbang du byas pa'i ting nge 'dzin gang zhe na/ tshul bzhin ma yin pa yid la byed pa'i sdig pa mi dge ba'i chos dang mthun pa'i chos gang dag yin pa de dag nyid ni tshul bzhin yid la byed
 pa'i dge ba'i chos dang mthun pa'i chos rnams yin pas na de ltar de'i kun nas dkris pa thag ring du byas pa rnams dang/ kun nas dkris pa'i gnyen po ting nge 'dzin la sogs pa dge ba'i chos skyes pa rnams la sdig pa mi dge ba'i chos de dag
 kun tu mi 'byung bas na de 'di snyam du sems te/ ci sdig pa mi dge ba'i chos rnams yod cing med pa ma yin pa la myong bar mi 'gyur ram/ 'on te med cing yod pa ma yin pas myong bar mi 'gyur ba dag gis yongs su dpyad par bya'o snyam nas de dpyod
 pa'i yid la byed pa'i dbang du byas te/ spangs pa dang ma spangs pa la dpyod par byed de legs pa kho nar nges par rtog par byed cing dran pa rtse gcig tu 'jog par byed pa dang de la lan mang du gnas par byed pas sems rtse gcig pa nyid la reg
 par 'gyur te/ des na bdag gis sems ni kun nas dkris pa tsam las rnam par grol bar zad kyi bag la nyal thams cad kyi thams cad las ni ma yin no zhes bya ba dang bdag gi kun nas dkris pa de dag gi gnyen po ting nge 'dzin la sogs pa
 dge ba'i chos rnams thob cing bsgom pa tsam du zad kyi bag la nyal gyi gnyen po rnams ni ma yin no zhes yang dag pa ji lta ba bzhin du rab tu shes shing mngon pa'i nga rgyal med pa gang yin pa de ni de'i dpyod pa'i dbang du byas pa'i ting nge 'dzin
 ces bya'o/ /de la ting nge 'dzin rnam pa bzhi po de dag gi dbang du byas te kun nas dkris pa rnams thag ring du byas pa na sdig pa mi dge ba'i chos rnams kyi bag la nyal rnam pa thams cad kyi thams cad du yang dag par gzhom pa dang/ de'i gnyen po dge ba'i
 chos rnams la yang dag par bsgrub pa'i phyir yang rgya cher 'dun pa skyed par byed 'bad par byed brtson 'grus rtsom par byed cing yang dag pa'i spong ba bzhi po dag gis rab tu brtson par byed de de ltar rab tu brtson zhing de ltar gyur pa de la spong ba'i chos 'du
 byed brgyad 'byung bar 'gyur te/ de dag gis de'i bag la nyal yang dag par 'joms pa dang ting nge 'dzin yongs su rdzogs par 'gyur zhing sems las su rung bar 'gyur ro/ /spong ba'i 'du byed brgyad gang zhe na/ 'dun pa dang rtsol ba dang dad pa dang shin tu sbyangs
 pa dang dran pa dang shes bzhin dang sems pa dang btang snyoms so de la 'dun pa ni nam zhig na bdag gi ting nge 'dzin yongs su rdzogs par 'gyur zhing sdig pa mi dge ba'i chos rnams kyi bag la nyal spong bar 'gyur zhig gu snyam du sems pa'o/ /rtsol
 ba ni gnyen po bsgom pa la sbyor ba mi gtong ba nyid gang yin pa'o/ /dad pa ni sbyor ba ma btang bar gnas pa'i gong du rtogs par bya ba dang dad cing mngon par yid chos pa gang yin pa'o/ /shin tu sbyangs pa ni dad pa dang dad pa sngon du btang ba'i mchog tu dga' ba dang
 dga' ba ste/ yid dga' bar 'gyur ba'i rim gyis sdig pa mi dge ba'i chos kyi phyogs kyi gnas ngan len spangs shing sbyangs pa gang yin pa'o/ /dran pa ni zhi gnas kyi phyogs kyi sems gnas pa dgu yang dag par 'dzin par byed pa gang yin pa'o/ /shes
 bzhin ni lhag mthong gi phyogs kyi shes rab kyi spyod pa bzhi dang gzhi'i rab tu dbye ba rnam pa drug gang yin pa'o/ /sems pa ni sems mngon par 'du byed pa ste/ spangs pa dang ma spangs pa la dpyod par byed pa'i sems mngon par 'du byed pa gang yin pa dang/
 zhi gnas dang lhag mthong dang rjes su mthun pa'i lus kyi las dang dag gi las kun nas slongs par byed pa gang yin pa'o/ /btang snyoms ni 'das pa dang ma 'ongs pa dang da ltar byung ba'i sdig pa mi dge ba'i chos dang mthun pa dag la de byed
 pa'i sems kun nas nyon mongs pa med cing sems mnyam pa nyid du byed ba gang yin pa'o/ /spong ba'i 'du byed brgyad po de dag ni bag la nyal yang dag par 'joms pa'i sbyor ba bzhi 'dun pa dang brtson 'grus dang dad pa dang thabs yin te/ de la 'dun pa ni
 'dun pa'i sbyor ba yin/ rtsol ba ni brtson 'grus kyi sbyor ba yin/ dad pa ni dad ba'i sbyor ba yin/ shin tu sbyangs pa dang dran pa dang shes bzhin dang sems pa dang btang snyoms ni thabs kyi sbyor ba yin no/ /spong ba'i 'du byed brgyad po de dag ni yan lag bzhis
 bsdus pa yang yin te/ bsgom pa'i yan lag dang/ khyad par nyon mongs pa'i yan lag dang/ nye ba'i nyon mongs pa rjes su bsrungs pa rtogs pa'i yan lag dang/ nye ba'i nyon mongs pa rnam par dag pa'i phyir sdud pa'i yan lag gis so/ /de la bsgom
 pa'i yan lag ni 'dun par brtsol ba ste/ 'di ltar 'dun pa dang rtsol ba gnyis la brten nas rdzu 'phrul gyi rkang pa sgom par byed pa'i phyir ro/ /khyad par rtogs pa'i yan lag ni dad ba dang shin tu sbyangs pa ste/ 'di ltar dad pas ni khyad par rtogs nas gong
 ma'i rnam bar thar pa la mngon par dad par byed pa shin tu sbyangs pa ni lus dang sems kyi gnas ngan len shin tu spyod bar byed pa'i phyir ro/ /nye ba'i nyon mongs pa rjes su bsrung ba rtogs pa'i yan lag ni dran pa dang shes bzhin te/ 'di ltar dran pa
 ni zhi gnas dang lhag mthong gi nye ba'i nyon mongs pa ma byung ba srung bar byed la shes bzhin gyis ni byung ba rtogs par byed pa'i phyir ro/ /nye ba'i nyon mongs pa rnam par dag pa'i phyir sdud pa'i yan lag gi sems pa dang btang snyoms te/ 'di ltar
 sems pas ni sems zhum pa'i phyir 'dzin par byed la btang snyoms kyis ni rgod pa nang du sdud par byed pa'i phyir ro/ /spong ba'i 'du byed brgyud po de dag ni nyes pa lnga spong ba'i phyir 'du byed pa yin pas de'i phyir spangs pa'i 'du byed ces bya ste/ nyes pa lnga
 gang zhe na/ le lo dang/ gang bas dag brjed pa dang bying ba dang/ rgod pa dang/ bying ba dang/ rgod pa rab tu zhi bar bya ba'i dus na mngon par 'du mi byed pa dang/ bying ba dang rgod pa rab tu zhi ba'i tshe na mngon par 'du byed pa'o/ /de dag spong ba'i phyir spong pa'i 'du byed
 brgyad ji ltar rnam par bzhag ce na/ le lo spang ba'i phyir ni spong ba'i 'du byed bzhi rnam par bzhag ste/ 'dun pa dang rtsol ba dang dad pa dang shin tu sbyangs pa'o/ /de dag kyang gnas dang de la gnas pa dang rgyu dang 'bras bu yin no/ /'dun pa ni rtsol ba'i gnas yin no//
 rtsol ba ni 'dun pa de la gnas pa yin no/ /dad pa ni gnas 'dun pa'i rgyu yin no/ /shin tu sbyangs pa ni gnas pa rtsol pa de'i 'bras bu yin no/ /nyes pa de'i lhag ma bzhi spong ba'i phyir ni spong ba'i 'du byed lhag ma bzhi go rim bzhin du rnam par bzhag ste/
 dran pa ni dmigs pa ma brjed pa yin la shes bzhin ni dran pa ma brjed par gyur na bying ba dang rgod pa rtogs pa yin/ sems pa ni rtogs nas de dang bral ba'i phyogs mngon par 'du byed pa yin/ btang snyoms ni bying ba dang rgod pa de nye bar zhi bar 'gyur
 ba na du 'jog pa yin pa'i phyir ro/ /de ltar 'dun pa la sogs pa'i ting nge 'dzin snga ma gang dag yin pa dang spong ba'i 'du byed 'di dag yin pa de dag thams cad gcig tu bsdus te bag la nyal spangs shing ting nge 'dzin yongs su grub pa ni 'dun pa'i
 ting nge 'dzin spong ba'i 'du byed dang ldan pa'i rdzu 'phrul gyi rkang pa zhes bya ba dang/ brtson 'grus dang sems dang dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa zhes bya ste/ nyes pa lnga spong ba'i 'du byed brgyad bsgom pa'i rgyu las
 byung ba ni 'dun pa dang brtson 'grus dang sems dang dpyod pa'i ting nge 'dzin yin la ting nge 'dzin bzhi po de dag nyid rdzu 'phrul gyi rkang pa bzhi yin par rig par bya'o/ /de la ci'i phyir rdzu 'phrul gyi rkang pa zhes bya zhe na/ 'di lta ste/
 dper na gang la rkang pa yod pa des 'gro ba dang ldog pa dang pha rol gnas par nus pa de bzhin du gang la nyes pa lnga spong pa'i 'du byed brgyad kyi chos de gang yod la de dag bsgom pa'i rgyu las byung ba 'dun pa la sogs pa'i ting nge 'dzin bzhi po de dag
 kyang yongs su rdzogs par yod cing de de ltar sems yongs su dag pa dang yongs su byad ba dang/ nyon mongs pa med pa dang nye ba'i nyon mongs pa dang bral ba dang drang por gyur pa dang las su rung bar gnas pa dang/ mi g.yo ba thob par gyur na 'jig
 rten las 'das pa'i chos rnams thob par bya ba dang ldog pa dang pha rol gnon par nus ste/ de'i da ltar 'jig rten las 'das pa'i chos de dag gi rdzu 'phrul dam pa dang 'byor pa dam pa yin pas na de thob par bya ba'i gzhir gyur pa'i ting nge 'dzin
 gzhi po de dag ni rdzu 'phrul gyi rkang pa zhes bya'o/ /de ltar rdzu 'phrul gyi rkang pa bzhi po de dag ni yongs su spyod par byed pa'i lam yin pas na sems gnas pa'i dngos po zhes bya ste/ de tsam gyis na nyon mongs pa'i dngos po bag la nyal yang dag par
 bcom pa dang/ de'i gnyen po ting nge 'dzin yongs su rdzogs pa thob pa dang thar pa'i cha dang mthun pa'i dge ba'i rtsa ba rnams bskyed zin pa dang nges par 'byed pa'i cha dang mthun pa'i dge ba'i rtsa ba rnams la sbyor ba'i lam rtsom par rig par bya'o/ /de'i 'og
 tu dngos po bcu bzhis ni sems gnas pa'i dngos po rdzu 'phrul gyi rkang pa bzhis ting nge 'dzin yongs su sbyong bar byed pa'i lam bstan pa de gnyis kyi gnas skabs rgya cher ston to/ /de dag gi bsdus pa'i don ni rnam pa bzhi ste/ sa dang dmigs pa
 dang ngo bo nyid dang de'i yan lag go/ de las ni bsam gtan bzhi'o/ /dmigs pa ni dmigs pa bzhi'o/ /ngo bo nyid ni 'phags pa'i bden pa bzhi shes pa'o/ /de'i yan lag ni 'phags pa'i bden pa bzhi shes pa de'i yan lag brgyad de/ sbyor ba'i
 yan lag dang rnam pa'i yan lag dang yid la byed pa'i yan lag dang mi mthun pa'i phyogs kyi yan lag dang gnyen po'i yan lag dang gnyen po'i gnas kyi yan lag gnyen po'i bsgom pa las mi nyams pa'i thabs kyi yan lag ste dngos po
 gcig dang bzhi dang re re dang go rim bzhin no/ /de la re zhig sa gang na sems gnas pa'i sa pa'i dngos po de ce na/ de'i phyir tshe 'di la bde bar gnas pa'i dngos po zhes bya ba gsungs te/ sa ni bsam gtan bzhi po dag ste/ de dag ni sems gnas  
 pa'i dngos po de yod do zhes bya bar sbyar ro/ /de ni mtshon pa tsam du zad kyi 'dod pa'i khams dang mi lcogs pa med pa dang nyer bsdogs rnams dang gzugs med pa bzhin yang sems gnas pa'i dngos po de yod par rig par bya'o/ /de la bsam
 gtan bzhi gang zhe na/ de 'dod pa dag las dben pa sdig pa mi dge ba'i chos rnams las dben pa rtog pa dang bcas pa dpyod pa dang bcas pa dben pa las skyes pa'i dga' ba dang bde ba can bsam gtan dang po bsgrubs te gnas so zhes bya
 ba dang/ de rtog pa dang dpyod pa dang bral zhing nang yongs su dang ste sems kyi rgyud gcig tu gyur pas rtog pa med pa dpyod pa med pa'i ting nge 'dzin las skyes pa'i dga' ba dang bde ba can bsam gtan gnyis pa bsgrubs te gnas so zhes bya ba
 dang/ de dga' ba'i 'dod chags dang bral bas btang snyoms la gnas shing dran pa dang shes bzhin can yin te bde ba lus kyis myong pa la 'phags pa rnams kyis gang de dran pa dang ldan pa bde ba la gnas pa btang snyoms pa'o zhes brjod pa
 ste/ dga' ba med pa'i bsam gtan gsum pa bsgrubs te gnas so zhes bya ba dang/ de bde ba spangs te snga nas sdug bsngal yang spangs shing yid bde ba dang yid mi bde ba yang nub pas bde ba yang ma yin sdug bsngal yang ma yin pa  
 btang snyoms dang dran pa yongs su dag ba bsam gtan bzhi pa bsgrubs te gnas so zhes bya ba'o/ /de la bsam gtan dang po'i skabs na 'dod pa dag ces bya bas ni rnam pa gnyis te/ nyon mongs pa'i 'dod pa dang dngos po'i 'dod pa'o/ /'dod pa dag las
 dben pa zhes bya ba yang rnam pa gnyis te/ mtshungs par ldan pas dben pa dang dmigs pa'i dben pa'o/ /sdig pa mi dge ba'i chos rnams las dben pa zhes bya ba ni 'dod pa'i rgyu las byung ba nye ba'i nyon mongs pa mi dge ba'i chos 'di lta ste/ lus kyis
 nyes par spyad pa dang dag gis nyes par spyad pa dang/ yid kyis nyes par spyad pa dang mtshon 'byin pa dang dbyig pa 'byin pa dang mthab? mo dang mtshang 'drub dang rtsod pa dang 'ged pa dang g.yo byed pa dang slu ba dang snying rje med pa dang brdzun du smra ba dang kun
 'byung ba gang yin pa dag ste/ de dag spangs pa'i phyir sdig pa mi dge ba'i chos rnams las dben pa zhes bya'o/ /de la ci'i phyir 'dod pa dag las dben pa zhes gsungs nas/ sdig pa mi dge ba'i chos rnams las dben pa zhes gsungs she na/
 'dod pa rnams kyis rang gi mtshan nyid bstan pa'i phyir 'dod pa dag gsungs la/ 'dod pa rnams kyi nyes dmigs kyi mtshan nyid bstan pa'i phyir/ sdig pa mi dge ba'i chos rnams zhes gsungs so/ /de la nyes dmigs kyi mtshan nyid ni 'di
 yin te/ 'dod pa rnams kyis nyes par spyod pa kun nas bslangs nas 'og tu ltung bar byed pa'i phyir sdig pa yin no/ /dge ba skye ba dang mi mthun pa'i phyir mi dge ba yin no/ /rnam grangs gzhan yang nyon mongs pa spangs pa yongs su bstan
 ba'i phyir dang/ sngon bsags pa'i las kyi kun nas nyon mongs pa spangs pa yongs su bstan pa'i phyir/ 'dod pa dag las dben pa sdig pa mi dge ba'i chos rnams las dben pa zhes gsungs so/ /rnam grangs gzhan yang khyim na gnas pa rnams
 kyis dngos po la yongs su longs spyod pa'i sgo nas 'dod pa spang bar yongs su bstan pa'i phyir dang rab tu byung ba rnams kyi rnam par rtog pa'i sgo nas de spangs pa yongs su bstan pa'i phyir 'dod pa dag las dbyer? pa'i sdig pa mi dge ba'i chos rnams
 las dben pa zhes gsungs so/ /rnam grangs gzhan yang 'dod pa'i rnam par rtog pa spangs pa yongs su bstan pa'i phyir dang/ gnod sems dang rnam par 'tsho ba'i rnam par rtog pa spangs pa yongs su bstan pa'i phyir 'dod pa las dben pa sdig
 pa mi dge ba'i chos rnams las dben pa zhes gsungs so/ /rnam grangs gzhan yang phyi rol ba'i drang srong rnams 'khor ba thob pa'i rtags mngon du bstan pa'i phyir dang/ de dag bsam gtan las yongs su nyams pa rnams kyi dmod pa 'dor ba yongs  
 su bstan pa'i phyir/ 'dod pa dag dang sdig pa mi dge ba'i chos rnams zhes gsungs so/ /rtog pa dang bcas dpyod pa dang bcas pa zhes bya ba ni rtog pa dang dpyod pa dag las skyon du mi lta ba'i phyir/ 'dod pa'i gnyen pos rang gi sa'i rtogs dang
 dpyod pa dge ba dag dang ldan dpas na rtog pa dang bcas pa dpyod pa dang bcas pa zhes gsungs so/ /dben pa las zhes bya ba ni 'dod pa las dben pa sbyor ba mthar thug pa'i yid la byed pa las so/ /skyes pa zhes bya ba ni rgyu de dang rkyen des de'i
 mjug thogs kho nar yang dag par skyes pa la byas te/ de'i phyir dben pa las skyes pa zhes bya ba gsungs so/ /dga' ba dang bde ba can zhes bya ba ni 'dod pa'i re ba'i don thob cing dga' ba la skyon du mi lta ba'i phyir dang/ gnas ngan len thams
 cad dang bral zhing sems dang lus las su rung ba rgya chen po dang ldan pas na dpa' ba dang bde ba can zhes bya'o/ /bsam gtan zhes bya ba ni dmigs pa la yang dag par nye bar gtong pa dang dran pa rtse gcig tu gtod pa'i
 phyir bsam gtan zhes bya'o/ /dang po zhes bya ba ni dang po 'dod pa'i khams nas bskyod pa'i go rim bzhin du grangs pa'i phyir dang po zhes bya'o/ /bsgrubs te zhes bya ba ni sbyor ba mthar thug pa'i 'bras bu yin pa'i phyir bsgrubs te zhes bya'o/ /gnas
 so zhes bya ba phyir rgol ba lan mang du bsgrubs pas ci 'dod pa bzhin thob pa dang/ dga' ba med par thab ba dang tshogs med par thob pa'i phyir bsam gtan gyis snyoms par 'jug pa des mtshan ma dang nyin mo dang nyin mtshan bdun gyi
 bar ram/ ji srid kyi bar du 'da' bar byed pas na gnas so zhes bya ba gsungs so/ /bsam gtan gnyis pa'i skabs nas de rtog pa dang dpyod pa dang bral zhing nang yongs su dang ste zhes bya ba ni rtog pa dang bcas dpyod pa dang bcas pa'i
 ting nge 'dzin gyi mtshan ma dag las sems rnam par bzlog nas rtog pa med pa dang dpyod ba med pa'i ting nge 'dzin gyi mtshan ma dag la legs par gtod cing/ dmigs pa mi rtag par dpyod pa las rnam par phral te/ dmigs pa la brtan par
 dpyod ba la dang cig gis sems zhi ba ngang? dang bar 'jug par byed cing rnam par 'jog par byed pas na/ de'i phyir rtog pa dang dpyod pa dang bral zhing nang yongs su dang ste zhes bya ba gsungs so/ /sems kyi rgyud gcig tu gyur pas zhes
 bya bas ni de bsgom pa gom par bya ba'i phyir rtog pa dang dpyod pa med pa'i ting nge 'dzin de nyid la rtog pa dang dpyod pas bar du gcod pa'i skabs su chad pa'i gnas skabs las yang dag par 'dam te/ bar du gcod pa med pa dang skabs su
 'chad pa med pa'i gnas skabs thob pas na de'i phyir gyi rgyud gcig du gyur bas zhes bya ba gsungs so/ /rtog pa med pa dpyod pa med pa zhes bya ba ni rtog pa dang dpyod pa dag rnam pa thams cad kyi thams cad du spangs pa'i phyir rtog pa med pas dpyad pa
 med pa zhes bya'o/ /ting nge 'dzin las zhes bya ba ni sbyor ba mthar thug pa'i yid la byed pa'i ting nge 'dzin las so/ /skyes pa zhes bya ba ni rgyu de dang rkyen des de'i mjug thogs kho nar yang dag par skyes pa la bya ste/ de'i phyir ting nge 'dzin las?
 skyes pa zhes bya ba gsungs so/ /dga' ba dang bde ba can zhes bya ba ni 'dod pa dang bde ba'i don thob cing dga' ba la skyon du mi lta ba yang dag par rab tu dgal ba dang ldan zhing yid bde ba dang ldan pa'i phyir dang/ bsam gtan dang po'i rtog pa
 dang dpyod pa dang nyon mongs pa'i phyogs gnas ngan len thams cad dang bral bas de'i gnyen po sems dang lus shin tu sbyangs shing las su rung pa'i bde ba dang ldan pa'i phyir dga' ba dang bde ba can zhes bya'o/ /bsam gtan gnyis pa
 bsgrub te gnas so zhes bya ba la/ gnyis shes bya ba ni go rim bzhin du 'brangs pa'i phyir ro/ /lhag ma thams cad ni snga ma bzhin du rig par ba'o/ /bsam gtan gsum pa'i skabs nas de dga' bo'i 'dod chags dang bral bas zhes bya ba ni
 dga' ba'i mtshan ma dag la skyon du lta ba'i phyir te/ de'i phyir de dga' ba'i 'dod chags dang bral bas zhes bya ba gsungs so/ /btang snyoms pa gnas shing zhes bya ba ni dga' ba med pa bsam gtan gsum pa la sems gtong par byed pa
 de'i tshe na/ de'i sems kun tu 'khrug par byed pa'i skyon rnams pa gnyis so/ /bsam gtan gnyis pa la rtog pa dang dpyod pa dang da ltar gyi dga' ba dag dang bral bas de'i phyir btang snyoms la gnas shing zhes bya ba gsungs te/ sems
 kun tu 'khrug par byed pa'i chos de gnyis ni sems rgyun tu btang snyoms su bzhag pa la bgegs byed pa yin pas na sems kun tu 'khrug par byed pa zhes bya'o/ /de la bsam gtan dang po la ni rtog pa dang dpyod pa yod pas
 des na rgyun du btang snyoms la 'jug par mi 'gyur ro/ /bsam gtan gnyis pa la ni dga' ba yod pas des na der yang rgyun du btang snyoms la 'jug par mi 'gyur te/ de lta bas na bsam gtan dang po dang bsam gtan gnyis pa de dag la
 btang snyoms shas cher med pas de'i phyir bsam gtan gsum pa la snyoms par zhugs pa'i bsam gtan pa de ni btang snyoms la gnas pa zhes bya'o/ /dran pa dang shes bzhin can yin te zhes bya bas ni btang snyoms la gnas pa na ji lta ji ltar
 dga' ba dang ldan pa'i 'du shes yid la byed pa de dag kun 'byung bar mi 'gyur ba de lta de ltar dran pa nye bar bzhag ste gnas pa med do/ /gal te bsam gtan gsum pa la legs par goms par ma byas pa rjed ngas pa'i phyir brgya lam na dga' ba
 dang ldan pa'i 'du shes yid la byed pa de dag kun tu 'byung bar byed na myur ba myur ba kho nar de dag la shes rab kyi so sor rtog par byed legs pa kho nar rab tu shes par byed cing 'byung ngo chog dang du mi len par spong bar byed sel bar byed byad par
 byed cing sems btang snyoms su byed pas na de'i phyir dran pa dang shes bzhin can yin te zhes bya ba gsungs so/ /bde ba lus kyis myong la zhes bya ba ni de de'i tshe na gzugs kyis lus dang yid kyi lus tshor ba'i bde ba dang shin tu spyangs pa'i bde ba
 so sor myong bar byed pas na de'i phyir bde ba lus kyi myong zhes bya ba gsungs so/ /'phags pa rnams kyi gang de dran pa dang ldan pa bde ba la gnas pa btang snyoms pa'o zhes brjod pa ste zhes bya ba ni bsam gtan gsum pa'i 'og ma dag la ni
 bde ba de lta bu yang med pa bsam gtan gsum pa'i gong ma dag la ni btang snyoms yod kyang bde ba de lta bu yang med de/ de ltar 'og ma dag la bde ba dang btang snyoms pa dang gong ma dag la bde ba med pa'i phyir bsam gtan gsum pa 'di ni de dag gi gnas
 yin pas na 'phags pa rnams kyang de la dmigs te gnas pa'i gang zag gang yin pa de ni dbang du mdzad nas gang de dran pa dang ldan pa bde ba la gnas pa btang snyoms pa'o zhes brjod de/ 'phags pa rnams zhes bya ba ni sangs rgyas dang sangs rgyas kyi nyan
 thos rnams so/ /dga' ba med pa zhes bya ba de dag btang snyoms la gnas te des de'i tshe ngan? pa dang shes bzhin dang kun tu brten cing goms par byas lan mang du byas pa'i rgyus dga' ba dang ldan pa'i tshor ba sems dga' bar byed pa de spong bar byed cing
 dga' ba'i gnyen po dga' ba med pa zhi ba dang rab tu zhi pa'i tshor ba skyes par 'gyur bas na de'i phyir dga' ba med pa zhes bya ba gsungs so/ /bsam gtan gsum pa bsgrubs te gnas so zhes bya ba ni snga ma bzhin du rig par bya'o/ /bsam gtan
 bzhi pa'i skabs nas de bde ba yang spangs te zhes bya ba'i gnyen po rigs 'dra ba'i phyir spong pa'i gnyen po ma bstan par de'i gnyen pos byas pa bde ba spangs pa gang yin pa de nyid bstan te/ de'i gnyen po yang gang zhe na/ 'di lta ste/ btang snyoms dang
 dran? pa dang shes bzhin no/ /de la brten cing goms par byas lan mang du byas pas bsam gtan gsum pa'i las bskyed cing bsam gtan gsum pa'i sa ba'i bde ba gang yin pa de spong bar byed pas na de'i phyir de bde ba yang spangs te zhes bya ba gsung
 so/ /snga na sdug bsngal yang spangs shing yid mi bde ba yang nub pas zhes bya ba ni de'i tshe na bsam gtan pa des bde ba dang sdug bsngal las yang dag par 'das pa rjes su thob pa des sngon spangs pa gang yin pa dang/ da ltar spong bar byed pa gang yin
 pa de dag gcig tu bsdus pas na de'i phyir snga nas sdug bsngal yang spangs shing yid bde ba dang yid mi bde ba spang nub pas zhes bya ba gsungs so/ /de la bsam gtan bzhi pa la snyoms par 'jug pa'i tshe na ni bde ba spangs so//
 bsam gtan gnyis pa la snyoms par 'jug pa'i tshe na ni sdug bsngal spangs so/ /bsam gtan gsum pa la snyoms par 'jug pa'i tshe na ni yid bde ba nub so/ /bsam gtan dang po la snyoms par 'jug pa'i tshe na ni yid mi bde ba nub bo bde
 ba yang ma yin sdug bsngal yang ma yin pa zhes bya ba ni ngas re zhig bde ba dang sdug bsngal spangs pa'i phyir de la lhag ma'i tshor ba bde ba yang ma yin/ sdug bsngal yang ma yin pa nyi tshe yod pas na de'i phyir bde ba yang ma yin sdug bsngal yang
 ma yin pa zhes gsungs so/ /btang snyoms dang dran pa yongs su dag pa zhes bya ba ni des de'i tshe na bsam gtan dang po yan chad kyis 'og ma'i skyon 'di lta ste/ rtog pa dang dpyod pa dang dga' ba dang dbugs rdub pa dang dbyugs dbyung ba thams
 cad spangs par gyur cing/ de dag spangs pa'i phyir de la btang snyoms dang dran pa gang yod pa de yongs su dag pa dang yongs su byang bar 'gyur te/ des na bsam gtan bzhi pa la snyoms par zhugs pa de'i sems ngo mi g.yo bar gnas shing g.yo
 ba thams cad dang bral bas na de'i phyir btang snyoms dang dran pa yongs su dag pa zhes bya ba gsungs so/ /bsam gtan bzhi pa bsgrubs te gnas so zhes bya ba ni snga ma bzhin du rig par bya'o/ /bsam gtan bzhi po de dag ni rnam pa bzhis
 rig par bya ste/ kun nas nyon mongs pa dang rnam par byang ba dang rnam par bzhag pa dang rnam par dag pas so/ /de la kun nas nyon mongs pas ji ltar rig par bya zhe na/ lung du bstan pa'i rtsa ba bzhi po sred pa dang lta ba dang nga rgyal dang ma rig pa
 ste/ sred pas ni kun nas nyon mongs pa'i kun nas nyon mongs so/ /lta bas ni lta ba'i shas che ba'i bsam gtan pa nyid kyis kun nas nyon mongs so/ /nga rgyal gyis ni nga rgyal gyi shas che ba'i bsam gtan pa nyid kyis kun nas nyon mongs so/ /ma rig
 pas ni the tshom gyis shas che ba'i bsam gtan nyid kyis nyon mongs te/ de ltar sems kun nas nyon mongs pa dag la gzugs na spyod pa'i nyon mongs pa dang nye ba'i nyon mongs pa rnams byung ba na de'i phyir des ni nyon mongs pa bstan to/ /rnam par
 byang bas ji ltar rig par bya zhe na/ dag pa'i bsam gtan ni dge ba'i phyir rnam par byang ba zhes bya ste/ de'i phyir des ni rnam par byang ba bstan to/ /rnam par bzhag pas ji ltar rig par bya zhe na/ de ni rnam pa bzhi ste/ grangs dang mi mthun pa'i phyogs dang/
 yan lag rnam par bzhag pa dang/ snyoms par 'jug pa rnam par bzhag pa dang/ tshad rnam par bzhag pa dang/ ming du gdags pa rnam par bzhag pa'o/ /de la grangs rnam par bzhag pa ni ci'i phyir bsam gtan bzhi po kho nar zad de ches mang ba yang
 ma yin la ches nyung ba yang ma yin zhe na/ bde ba dang sdug bsngal las shin tu 'das shing yongs su rdzogs pa'i phyir te/ 'di ltar bsam gtan dang po nas mthar gyis bzhi pa'i bar du bde ba dang sdug bsngal las shin tu 'das shing? yongs su
 rdzogs pa'i phyir ro/ /mi mthun pa'i phyogs rnam par bzhag pa ni bsam gtan dang po'i mi mthun pa'i phyogs gang zhe na lnga ste/ 'dod pa'i 'dod chags dang gnod sems dang rnam par 'tsho ba dang/ rnam par rtogs pa dang yid mi bde ba dang 'chal
 ba'i tshul khrims dang rnam par g.yeng ba'o/ /bsam gtan gnyis pa'i mi mthun pa'i phyogs gang zhe na/ de yang lnga ste bsam gtan dang po'i 'dod chags dang rtog pa dang spyod pa dang/ sdug bsngal dang/ rgod pa dang/ ting nge 'dzin ma rdzogs pa'o//
 bsam gtan gsum pa'i mi mthun pa'i phyogs gang zhe na/ bzhi ste/ bsam gtan gnyis pa'i/ 'dod chags dang yid bde ba dang dga' ba dang ting nge 'dzin ma rdzogs pa'o/ /bsam gtan bzhi pa'i mi mthun pa'i phyogs gang zhe na/ de
 yang lnga ste/ dbugs rdub pa dang dbugs dbyung ba dang bsam gtan gsum pa'i 'dod chags dang bde ba dang bde ba la sogs pa dang ting nge 'dzin ma rdzogs pa'o/ /yan lag rnam par bzhag pa ni bsam gtan dang po'i yan lag du zhe na lnga ste/ rtog pa
 dang dpyod pa dang dga' ba dang bde ba dang sems rtse gcig pa nyid do/ /bsam gtan gnyis pa'i yan lag du zhe na/ bzhi ste/ nang yongs su dang ba dang dga' ba dang bde ba dang/ sems rtse gcig pa nyid do/ /bsam gtan gsum pa'i yan lag du zhe
 na/ de yang lnga ste/ dran pa dang/ shes bzhin dang/ btang snyoms dang/ bde ba dang sems rtse gcig pa nyid do/ /bsam gtan bzhi pa'i yan lag du zhe na/ de yang bzhi ste/ btang snyoms yongs su dag pa dang dran pa yongs su dag pa dang sdug bsngal
 yang ma yin bde ba yang ma yin pa dang/ sems rtse gcig pa nyid do/ /ci'i phyir bsam gtan bzhi po de dag yan lag lnga pa dang/ bzhi par rnam par bzhag ce na/ gnas pa'i rten dang gnas pa la phan pa dang gnas pa'i ngo bo nyid yin pa'i
 phyir te/ de la bsam gtan dang po'i yan lag lnga las rtog par dang dpyod pa dang bsam gtan gnyis pa'i yan lag bzhi las nang yongs su dang ba dang bsam gtan gsum pa'i yan lag lnga las dran pa dang shes bzhin dang btang snyoms
 dang bsam gtan bzhi pa'i yan lag bzhi las btang snyoms dag pa dang dran pa yongs su dag pa ni bsam gtan bzhi po rang rang gi gnas pa'i rten yin no/ /bsam gtan dang po'i dga' pa dang bde ba dang gnyis pa'i dga' ba dang bde ba dang
 gsum pa'i bde ba dang bzhi ba'i sdug bsngal yang ma yin pa ngo bo? yang ma yin pa ni rang rang gi gnas pa la phan pa yin no/ /bsam gtan bzhi par sems rtse gcig pa bzhi ni rang rang gi gnas pa'i ngo bo nyid yin par rig par bya'o/ /rnam grangs gzhan
 yang dmigs pa yid la byed pa dang gdam? gis pa yongs su spyod pa dang/ dmigs pa la mi 'phro ba'i phyir ro/ /rnam grangs gzhan yang dag phan 'dogs pa'i rten dang/ lhag pa'i sems kyi rten dang/ lhag pa'i shes rab kyi rten yin pa'i
 phyir ro/ /rnam grangs gzhan yang mi mthun pa'i phyogs nye ba'i nyon mongs pa can mi gnas pa rnam pa gsum po nyon mongs pa can gyi gnas pa dang/ sdug bsngal pa'i gnas pa dang/ kun tu rmongs pa'i gnas pa'i gnyen po'i phyir ro/ /
 rnam grangs gzhan yang bsam gtan pa rnams kyi 'dod pa la longs spyod pa dang chos mthun pa yin par lta bar byed do/ /'dod pa la longs spyod pa rnams kyis yang dag par bya bzhi gsum po 'di dag yin te/ longs spyod legs par yongs
 su tshol pa dang yongs su brtsal ba rnams la legs par longs spyod pa dang/ de la dbang sgyur pa la rang dang de yod pa'o/ /de bzhin du bsam gtan pa rnams kyi yan lag kyang legs por bya ba gsum la brten nas rnams gang bzhag go /rnam
 grangs gzhan yang bsam gtan pa rnams kyi yan lag ni dka' thub drag po'i gnyen po rnam pa gsum du rnam par bzhag te gnyen po ma yin pa'i gnyen po dang/ lus dang sems la gnod pa'i gnyen po dang/ sems phyi rol du 'phro ba nye
 bar ma zhi ba'i gnyen po'o/ /rnam grangs de dag la bsam gtan bzhi po dang/ dag gi yan lag lnga dang/ bzhi dum bu gsum gsum du bcad pa'i tshul ni snga ma bzhin du rig par bya'o/ /snyoms par 'jug pa rnam par bzhag pa ni yid la
 byed pa bdun gyis bsam gtan rnams la snyoms par 'jug pa ste/ mtshan nyid so sor rig pa yid la byed pa dang/ mos pa las byung ba'i yid la dang/ rab tu dben pa'i yid la byed pa dang/ dpyod pa'i yid la byed
 pa dang/ dga' ba sdud pa'i yid la byed pa dang/ sbyor ba mthar thug pa'i yid la byed pa dang/ sbyor ba mthar thug pa'i 'bras bu yid la byed pa dag gis so/ /de la bsam gtan dang po la yid la byed pa bdun gyis ji ltar snyoms par 'jug ce na/
 mnyam par bzhag pa'i sa pa'i yid la byed pa gang gis 'dod pa rnams la rags pa'i mtshan nyid dang/ bsam gtan dang po la zhi ba'i mtshan nyid du so sor rig par byed pa de ni de'i mtshan nyid so sor rig pa'i yid la byed pa yin te/ de na thob
 pa dang bcas pa dang 'bras pa yin par rig par bya'o/ /des de ltar 'dod pa rnams la rags pa'i mtshan nyid dang bsam gtan dang po la/ zhi ba'i mtshan nyid du so sor rig nas bsam gtan dang po la yongs su tshol ba dang rags pa zhi
 ba'i mtshan nyid ji lta ba bzhin gyis thos pa dang bsam pa las yang dag par 'das nas gcig du bsgoms pa'i rnam pas mos par byed cing/ mtshan ma de nyid la dmigs pa'i zhi gnas dang lhag mthong sgom par byed de/ sgom par byed pas
 na ji ltar yongs su tshol ba dang rags pa dang zhi ba'i mtshan nyid de dag la yang du zhi bar byed pa de ni de'i mos pa las byung ba'i yid la byed pa yin no/ /de kun tu sten cing gom par byas pa lan mang du byas pa'i rgyus dang po kho na nyon mongs
 pa chen po spong ba'i lam skye bar 'gyur zhing/ lam de dang ldan pa'i yid la byed pa de ni rab tu dben pa'i yid la byed pa zhes bya'o/ /des dang por 'dod pa na spyod pa'i nyon mongs pa spangs pa dang/ de'i phyogs kyi gnas ngan len dang bral
 ba'i phyir re'i 'og tu spong ba la dga' ba dang/ rab tu dben pa la dga' bar 'gyur zhing spong ba de la phan yon du mthong pa dang/ rab tu dben pa las skyes pa'i dga' ba dang bde ba chung ngu la reg nas 'di lta ste/ rmugs pa dang/ gnyid dang rgod pa spang ba'i
 phyir dus su rab tu dang bar 'gyur ba'i yid la byed pas yang dag par rab tu dga' bar byed pa'i kun tu skyo bar 'gyur ba'i yid la byed pas rab tu skyo bar byed pa de ni de'i dga' ba sdud pa'i yid la byed pa zhes bya'o/ /de ltar spong pa'i dga' ba dang bsgom
 pa'i dga' pa la yang dag par rab tu brtson pa na rgya 'am gnas kyang rung ste/ de la dge ba'i phyogs la sbyor ba la bgegs byed par 'dod pa dang ldan pa'i nyon mongs pa'i kun nas dkris pa kun tu 'byung bar mi 'gyur ba na de 'di snyam du sems te/
 ci dag la 'dod pa rnams la 'dod pa la 'dun pa yin bzhin du mi myong ngam 'on te med pas mi myong snyam du sems te/ de yongs su dpyod par 'dod pas rab tu dang bar 'gyur ba'i mtshan ma sdug gu gang yang rung ba yid la byed de de'i bag la nyal
 nyid? kyi thams cad? du spang ba'i phyir mtshan ma de yid la byed pa na bsten pa la gzhol ba dang/ 'bab pa dang bab pa'i sems 'byung bar 'gyur zhing btang snyoms su mi gnas la/ yid byung ba dang smod pa dang phyi ldog pa dang/ mi mthun par mi gnas na
 'di snyam du sems te/ bdag gi sems ni 'di lta ste/ 'dod pa rnams las yang dag par 'dod chags dang bral zhing rnam par grol ba ma min no snyam nas bag la nyal de'i lhag ma lus pa rgya cher spang ba'i phyir bdag gi sems mngon par
 'du byed pas mngon par zin pa dang chu bzhin du bcus pa dang/ chos nyid kyis mngon par zin pa des spong ba ci la dga' ba dang/ bsgom pa la dga' ba rgya cher gnas par bya'o snyam pa de ni de'i dpyod pa'i yid la byed pa zhes bya'o/ /da de ltar
 spong ba la dga' ba dang bsgom pa la dga' ba la rgya cher gnas shing zhi gnas dang/ lhag mthong bsgom pa la rab tu brtson par byed pa na yang dang yang du dpyod par byed cing de'i gnyen po sgom par byed de/ dus dus su spangs pa
 dang ma spangs pa gnyis la dpyod par byed pa na/ 'dod pa na spyod pa'i nyon mongs pa thams cad las re zhig tsam gyis tshul gyis sems 'bral bar byed cing/ sa bon gtan bcom pa ma yin la de'i tshe na bsam gtan dang po la sbyor ba'i lam gyi
 mthar thug pa nyon mongs pa thams cad kyi gnyen por gyur pa'i yid la byed pa gang yin pa skyes pa ni de'i sbyor ba mthar thug pa'i yid la byed pa zhes bya'o/ /de'i mjug thogs kho nar rgyu de dang rkyen des bsam gtan dang po'i dngos gzhi la snyoms
 par 'jug cing/ bsam gtan gyi dngos gzhi dang ldan pa'i yid la byed pa skyes pa ni de'i sbyor ba mthar thug pa'i 'bras bu yid la byed pa zhes bya'o/ /de la rab tu dben pa'i yid la byed pa dang dga' ba sdud pa'i yid la byed pa skyes par gyur
 pa'i tshe na ni dben pa las skyes pa'i dga' ba dang bde bas lus yongs su tshim par byed do/ /sbyor ba mthar thug pa'i yid la byed pa skyes par 'gyur pa'i tshe na ni lan 'ga' lan 'ga' ni bde ba'i dngos po chung ngu'i tshul gyis khyab par byed do/ /lan
 'ga' lan 'ga' ni bde ba'i dngos po shin tu mang po dang/ shin tu rgya chen po'i tshul gyis khyab par byed do/ /sbyor ba mthar thug pa'i 'bras bu'i yid la byed pa skyes par gyur pa'i tshe na ni 'di lta ste/ lus thams cad dben pa la skyes pa'i
 dga' ba dang bde bas khyab pa dang khyab par bya ba cung zad kyang med de/ de'i tshe na ni 'dod pa dag las dben pa sdig pa mi dge ba'i chos rnams las dben pa rtog pa dang bcas dpyod pa dang bcas pa dben pa las skyes pa'i dga' ba dang bde
 pa can bsam gtan dang po yan lag lnga bsgrubs te gnas pa dang/ 'dod pa na spyod pa'i lam bsgoms pa'i 'bras bu la gnas pa dang 'dod pa rnams las 'dod chags dang bral ba thob pa zhes bya'o/ /ji ltar yid la byed pa bdun gyis bsam gtan
 dang po la snyoms par 'jug pa de bzhin du bsam gtan gnyis pa dang bzhi pa dang gzugs med pa rnams la yang yid la byed pa bdun gyis snyoms par 'jug par ci rigs par rig par bya ste/ de la yang mtshan nyid so sor rigs pa'i yid
 la byed pas ni spang bar bya ba gang yin pa de yang yongs su shes par byad? thob par bya ba gang yin pa de dang yongs su shes par byed cing spangs par bya ba spangs pa dang/ thob par bya ba thob par bya ba'i phyir sems gtong bar yang byed do/ /mos
 pa las byung ba'i yid la byed pa ni spang bar bya ba dang thob par bya ba spang zhing thob par bya ba'i phyir yang dag par sbyor bar brtsom par byed do/ /rab tu dben pa'i yid la byed pas ni nyon mongs pa chen po spong bar byed do/ /dga' ba sdud par byed
 pas ni nyon mongs pa'i rnam pa 'bring ba spong bar byed do/ /dpyod pa'i yid la byed pas ni thob pa la mngon pa'i nga rgyal med pa la sems 'jog par byed do/ /sbyor pa mthar thug pa'i yid la byed pas ni nyon mongs pa'i rnam pa chung ngu spong
 bar byed do/ /sbyor ba mthar thug pa'i 'bras bu'i yid la byed pas ni yid la byed pa'i rnam pa de dag bsgoms pa'i 'bras bu nyam su myong bar byed do/ /gzhan yang mtshan nyid so sor rigs pa'i yid la byed pa dang mos pa las byung
 ba'i yid la byed pa gang yin pa de ni sun 'byin pa gnyen po dang ldan ste rjes su mthun pa'i yid la byed pa yin no/ /rab tu dben pa'i yid la byed pa dang sbyor ba mthar thug pa'i 'bras bu yid la byed pa gang yin pa de ni spong ba'i gnyen
 po dang ldan pa ste/ gnyen po yid la byed pa yin no/ /dga' ba sdud pa'i yid la byed pa gang yin pa de ni kun 'dzin pa gnyen po dang ldan pa ste/ dad par gyur pa'i yid la byed pa yin no/ /dpyod pa'i yid la byed pa gang yin pa de
 ni thag bsrings pa gnyen po dang ldan pa ste/ so sor rtog pa'i yid la byed pa yin no/ /sbyor ba mthar thug pa'i 'bras bu'i yid la byed pa gang yin pa de ni de dag gi 'bras bu yin no/ /tshad rnam par bzhag pa ni bsam gtan chung ngu dang 'bring dang chen
 po yongs su nyams pa'i 'bras bu ni bsam gtan dang po'i skye ba gsum mo/ /bsam gtan gnyis pa dang gsum pa dang/ bzhi pa'i so sor skye bo'i gnas rnam pa chung ngu dang 'bring dang/ chen por yongs su bsgoms pa'i 'bras bu ni bsam gtan gnyis
 pa dang/ gsum pa dang/ bzhi pa'i so sor skye bo'i gnas rnams kyis skye ba gsum mo/ /gnas gtsang ma lnga po dag chung ngu dang 'bring dang/ chen po dang shin tu che ba dang/ shin tu ches che bar yongs su bsgoms pas gnas gtsang ma lngar rim bzhin
 du skye ba lnga'o/ /ming du btags pa rnam par bzhag pa ni bsam gtan bzhi po de dag gis bsdus pa'i ting nge 'dzin ji snyed la sangs rgyas dang byang chub sems dpa' rnams snyoms par 'jug pa'i de dag gi ming yang nyan thos dang/ rang sangs rgyas
 rnams kyis mi shes pa de snyed kyi ming du btags pa rnam par bzhag pa yong pa ste/ de'i phyir de dag gis ni rnam par bzhag pa bstan to/ /rnam par dag pas ji ltar rigs par bya zhe na/ rab kyi mthar phyin pa'i bsam gtan dang po nas bzhi
 pa'i bar dag gis rnam par dag pa zhes bya'o/ /da ltar bsam gtan bzhi pa de dag ni bsam gtan zhes kyang bya ting nge 'dzin zhes kyang byas zhi gnas zhes kyang bya/ rtse gcig pa zhes kyang bya tshe 'di la bde bar gnas pa zhes kyang bya bas de'i phyir
 tshe 'di la bde bar gnas pa'i dngos po zhes bya ste/ sa de dag na sems gnas pa'i dngos po de yod pa na de ni sa bstan to/ /sa de dag na sems gnas pa'i dngos po de dmigs pa gang la dmigs te skye zhe na/ de'i phyir sdug bsngal thams cad las
 yang dag par 'da' ba' i thabs kyis dmigs pa'i dngos po zhes bya ba gsungs ste/ dmigs pa ni dmigs pa bzhi po dag ste/ sa de dag na dmigs pa de dag la dmigs nas sems gnas pa'i dngos po skye'o zhes bya bar sbyar ro/ /de la
 dmigs pa bzhi gang zhe na/ khyab pa'i dmigs pa dang/ spyad pa rnam par spyod pa'i dmigs pa dang/ mkhas pa'i dmigs pa dang/ nyon mongs pa rnam bar spyod pa'i dmigs pa'o/ /de la khyab pa'i dmigs pa gang zhe na/ de yang rnam pa bzhi ste/ rnam
 par rtog pa dang bcas pa'i gzugs brnyan dang/ rnam par rtog pa med pa'i gzugs brnyan dang/ dngos po'i mdza' dang/ dgos pa yongs su bsdus pa'o/ /spyad pa rnam par spyod ba'i dmigs pa gang zhe na de ni rnam pa lnga ste/ mi sdug pa dang/
 byams pa dang/ rkyen 'di pa nyid kyis rten cing 'brel par 'byung ba dang/ khams rab tu dbye ba dang/ dbugs rdub pa dang dbugs 'byung ba dran pa'o/ /mkhas pa'i dmigs pa gang zhe na de yang rnam pa lnga ste/ phung po la mkhas pa dang/ khams la
 mkhas pa dang/ skye mched la mkhas pa dang/ rten cing 'byung bar mkhas pa dang/ gnas dang gnas ma yin pa la mkhas pa'o/ /nyon mongs pa rnam par spyod pa'i dmigs pa gang zhe na/ de ni rnam pa gnyis te/ 'jig rten pa'i dang/ 'jig rten
 las 'das pa'i 'o/ /de la 'jig rten pa'i ni rnam pa gnyis te/ sa 'og ma rnams kyis zhi ba nyid gang yin pa'o/ /'jig rten las 'das pa'i ni rnam pa bzhi ste/ sdug bsngal 'phags pa'i bden pa dang/ kun 'byung ba dang 'gog pa dang lam
 'phags pa'i bden pa'o/ /de ltar dmigs pa bzhi po de dag ni 'jig rten dang 'jig rten las 'das pa'i lam gyi 'dod chags dang bral bar gyur pa'i thabs kyis dmigs pa yin pas na de'i phyir sdug bsngal thams
 cad las yang dag par 'da' ba' i thabs kyis dmigs pa'i dngos po zhes bya'o/ /de dag na sems gnas pa'i dngos po de dmigs pa de dag la dmigs te/ skye ba nas de ni dmigs pa bstan to/ /sa de dag na dmigs pa de dag la dmigs te/
 skye ba sems gnas pa'i dngos po de'i ngo bo nyid gang zhe na/ 'phags pa'i bden pa bzhi shes pa ste/ de yang ji lta bu zhe na/ rnal 'byor pa dang po dran pa nye bar gzhag pa bzhi bsgom pa na/ 'phags pa'i bden pa bzhi la bzhugs pa de nyid yang dag
 pa'i spong ba bzhis bstan par byas pa nges rdzu 'phrul gyi rkang pa bzhi bsgoms pas ting nge 'dzin yongs su rdzogs par 'gyur ba gang yin pa de'i ngo bo nyid ni 'phags pa'i bden pa bzhi shes pa yin pas na de'i phyir sems gnas pa'i dngos
 po de'i ngo bo nyid ni 'phags pa'i bden pa bzhi shes pa yin par rig par bya'o/ /de la 'phags pa'i bden pa bzhi shes pa gang zhe na/ sdug bsngal yongs su shes pa dang/ kun 'byung ba spang bar bya ba dang/ 'gog pa mngon du bya ba shes pa dang/
 lam bsgom pa shes pa ste/ de yang zhi gnas dang lhag mthong gis bsdus pa'i sems gnas pa'i dngos po'o/ /sems gnas pa'i dngos po des sdug bsngal yongs su shes par byed/ kun 'byung spong bar byed/ 'gog pa mngon du byed/
 lam bsgom par byed pas na de'i phyir de ni bden pa shes pa zhes bya'o/ /de la re zhig yongs su shes par bya ba'i dngos po sdug bsngal gyi bden pa shes pa'i yongs su shes pa'i dngos po bstan pa'i dbang du mdzad nas de yongs su shes pa'i
 dngos po ni zhes bya ba la sogs pas sdug bsngal gyi bden pa'i mtshan nyid so sor rig pa dang/ de la gang zag bdag med pa dang/ chos la bdag med par shes pa'i yongs su shes pa'i dngos po rnam pa gsum ston to/ /de la yongs su shes pa'i
 dngos po zhes bya ba ni rdzu 'phrul gyi rkang pa bzhi/ bsgom pa'i gnas skabs kyi shes pa gang gis sdug bsngal gyi bden pa'i mtshan nyid so sor rig pa dang/ de la gang zag bdag med pa dang/ chos bdag med par shes pa bden pa shes pa'i
 yongs su shes pa gang yin pa shes pa de ni yongs su shes pa'i dngos po zhes bya'o/ /de la phyin ci log gi gnas yongs su shes pa zhes bya ba ni sdug bsngal gyi bden pa 'di phyin ci log bzhi'i gnas yin pas bden pa shes pa'i yongs
 su shes pa des sdug bsngal gyi bden pa'i mtshan nyid mi rtag pa dang/ sdug bsngal ba dang/ stong pa dang/ bdag med pas so sor rig pa gang yin pa de ni phyin ci log gi gnas yongs su shes pa zhes bya ste/ de ni sdug bsngal gyi bden pa'i
 mtshan nyid so sor rig pa bstan to/ /sems can du 'du shes pa las brtsams te phyi rol gyi sems can rnams log par sgrub pa'i gnas yongs su shes pa zhes bya ba ni sdug bsngal gyi bden pa de nyid la gang zag la ming du byas nas phyi
 mar 'byung ba'i rgyu'i dngos po sems can du 'du shes pa las brtsams te/ phyi rol gyi sems can gzhan dag dang gang zag gzhan rnams la bya ba phyin ci log dang/ 'dzin pa phyin ci log dang/ dga' ba phyin ci log dag gis log par sgrub
 pa'i gnas de nye bar len pa'i phung po sdug bsngal gyi bden pas bsdus pa yin pas bden pa shes pa'i yongs su shes pa des sdug bsngal gyi bden pa de gang zag la bdag med par yongs su shes pa gang yin pa de ni sems can
 du shes pa las brtsams te phyi rol gyi sems can rnams la log par sgrub pa'i gnas yongs su shes pa zhes bya ste/ des ni sdug bsngal gyi bden pa la gang zag bdag med par bstan to/ /nang la mngon pa'i nga rgyal med pa'i
 gnas yongs su shes pa zhes bya ba ni nang gi bdag nyid kyi nye bar len pa'i phung po lnga po sdug bsngal gyi bden pas bsdus pa gang zag med bzhin gang zag tu bdag tu lta ba'i mngon pa'i nga rgyal med kyang chos su nye bar 'dogs shing chos la bdag
 tu lta ba'i gnas ni nye bar len pa'i phung po lnga po sdug bsngal gyi bden pas bsdus pa nyid yin pas bden pa shes pa'i yongs su shes pa des sdug bsngal gyi bden pa de la chos bdag med par yongs su shes pa gang yin pa de ni nang la
 mngon pa'i nga rgyal med pa'i gnas yongs su shes pa zhes bya ste/ des ni sdug bsngal gyi bden pa la chos bdag med par shes pa bstan to/ /de yang rnam pa gsum zhes bya ba ni sdug bsngal gyi bden pa'i mtshan nyid so sor rig pa dang/ de
 la gang zag bdag med pa dang/ chos bdag med par shes pa'i yongs su shes pa rnam pa gsum po bstan ma thag pa la bya ste/ de gsum dngos po gcig tu bsdu'o/ /de'i 'og tu spang bar bya ba'i dngos po kun 'byung ba'i bden pa spangs
 shes pa bstan pa'i dbang du byas nas/ bsgom pa'i gnas kyi dngos po zhes bya ba gsungs te/ bsgom pa'i lam gyi bden pa'o/ /de'i gnas ni kun 'byung ba'i bden pa spang bar bya ste/ de spang bar bya ba la gnas shing brten nas lam bsgom
 pa la sbyor ba'i phyir ro/ /de bas na kun 'byung ba'i bden pa ni sdug bsngal gyi bden pas bsdus pa ma yin pa'i phyir sdug bsngal gyi bden pa yongs su shes su zin kyang da dung kun 'byung pa'i bden pa dang rjes su 'brel pa'i phyir kun 'byung
 pa'i bden pa de'i 'og tu spang par bya ba yin pas/ de'i phyir des ni kun 'byung ba spang bar bya ba shes pa'i dngos po bstan to/ /de'i 'og tu mngon sum du bya ba'i dngos po 'gog pa'i bden pa mngon sum du bya ba shes pa bstan pa'i dbang du mdzad nas/
 mngon du bya ba'i dngos po zhes bya ba gsungs te/ mngon gsum du bya ba ni mngon sum du bya ba'i don yin pas de mngon du byas na 'gog pa la mi skrag cing dga' ba yongs su 'dzin pa'i phyir 'gog pa'i bden pa ni de'i 'og tu mngon du bya ba yin
 pas de'i phyir des na 'gog pa'i bden pa mngon sum du byas pa shes pa bstan to/ /de'i 'og tu bsgom par bya ba'i dngos po lam gyi bden pa bsgom pa shes pa bstan pa'i dbang du mdzad nas/ bsgom pa'i dngos po zhes bya ba gsungs te/ ji
 skad smos pa'i don gsum po dag bsgrubs pa'i phyir lam goms par bya dgos pas na lam gyi bden pa ni de'i 'og tu bsgom par bya ba yin pas de'i phyir de ni lam gyi bden pa bsgom pa zhes pa bstan te/ de ltar 'phags pa'i bden pa bzhi
 shes pa ji skad bstan pa de dag gis ni sao de dag na dmigs p de dag la dmigs te skye ba'i sems gnas pa'i dngos po de'i ngo bo nyid bstan to/ /de ltar sa de dag na dmigs pa de dag la dmigs te skye ba'i sems gnas pa'i dngos
 po 'phags pa'i bden pa bzhi shes pa'i ngo bo nyid de'i yan lag gang zhe na/ de'i yan lag ni 'phags pa'i bden pa bzhi shes pa'i yan lag rnam pa brgyad de/ sbyor ba'i yan lag dang/ rnam pa'i yan lag dang/ dmigs pa'i yan lag dang/
 yid la byed pa'i yan lag dang/ mi mthun pa'i phyogs kyi yan lag dang/ gnyen po'i yan lag dang/ gnyen po'i gnas kyi yan lag dang/ gnyen po'i bsgom pa las mi nyams pa'i thabs kyi yan lag ste dngos po re re dang go rim bzhin
 no/ /de la dang po sbyor ba'i yan lag gang zhe na de/ de snying por bya ba'i dngos po zhes bya bas bstan te/ sems gnas pa'i dngos po 'phags pa'i bden pa bzhi shes pa'i ngo bo nyid de la sbyor ba'i yan lag ni de snying por bya
 pa'i dngos po yin no/ /de yang gus pas sbyor ba'i sbyor ba dang rtag tu sbyor ba'i sbyor bas de snying por bya ba ste/ de gus par sbyor ba'i sbyor bas ni de chud mi za bar 'gyur la/ rtag tu sbyor ba'i sbyor bas ni de mthar phyin par 'gyur bas na de
 ltar chud mi za ba dang/ mthar phyin pa'i sbyor bas sems gnas pa'i dngos po de snying por bya ba'i phyir des ni sbyor ba'i yan lag bstan to/ /rnam pa'i yan lag gang zhe na/ de'i rnam pa'i dngos po zhes bya bas bstan te/ sems gnas pa'i
 dngos po 'phags pa'i bden pa bzhi shes pa'i ngo bo nyid de'i rnam pa'i dngos po gang zhe na/ zhi gnas kyi rnam pa dang lhag mthong gi rnam pa dang/ zung du 'brel pa'i rnam pa'o/ /de la zhi gnas kyi rnam pa ni sems gnas pa dgu dang/ stobs drug
 dang/ yid la byed pa bzhi sngar bstan pa dag go /zung du brel pa'i rnam pa dang zhi gnas dang lhag mthong gnyis pa nges par gyur te mnyam par zung du 'jug pa'i sems rtse gcig pa nyid yid la byed pa gang yin pa ste/ de dag gis ni sems
 gnas pa'i dngos po de'i rnam pa'i yan lag bstan to/ /dmigs pa'i yan lag gang zhe na/ de'i dmigs pa'i dngos po zhes bya bas bstan te/ sems gnas pa'i dngos po 'phags pa'i bden pa bzhi shes pa'i ngo bo nyid de'i rnam pa'i dngos
 po ji skad bstan pa de'i dmigs pa'i dngos po gang zhe na/ zhi gnas kyi dmigs pa'i rnam par rtog pa med pa'i gzugs brnyan no/ /lhag mthong gi rnam pa'i dmigs pa ni rnam par rtog pa dang bcas pa'i gzugs brnyan no/ /zung du 'brel pa'i
 rnam pa'i dmigs pa ni dngos po'i mdza' dang dgos pa yongs su grub pa ste/ de dag gis ni sems gnas pa'i dngos po de'i dmigs pa'i yan lag bstan to/ /yid la byed pa'i yan lag gang zhe na/ spangs pa dang ma spangs pa dpyod pa la mkhas pa'i
 dngos po zhes bya bas bstan te/ sems la gnas pa'i dngos po 'phags pa'i bden pa bzhi shes pa'i ngo bo nyid de'i yid pa byed pa'i dngos po gang zhe na/ yid la byed pa bdun po mtshan nyid so sor rig pa'i yid la byed pa dang/ mos pa las byung ba'i
 yid la byed pa dang rab tu dben pa'i yid la byed pa dang/ dpyod pa'i yid la byed pa dang/ dga' ba sdud ba'i yid la byed pa dang/ sbyor ba mthar thug pa'i yid la byed pa dang/ sbyor ba mthar thug pa'i 'bras bu'i yid la byed pa thams cad yin mod kyi
 skabs 'dir ni gtso cher dpyod pa'i yid la byed pa bstan pa'i dbang du mdzad nas/ spangs pa dang ma spangs pa/ dpyod pa la mkhas pa'i dngos po zhes bya ba gsungs te/ de yang bsgom pa'i lam thams cad la nyon mongs pa spangs pa dang ma spangs pa
 so sor brtags shing dpyad? nas lam ji ltar thob pa goms pa dpyid pa'i yid la byed pa yin mod kyi/ skabs 'dir mnyam par bzhag pa'i sa thams cad bsgom pa'i lam zhes bya ba'i sbas?  bsdus pa'i rdzu 'phrul gyi rkang pa bzhi bsgom pa'i
 gnas skabs kyi dpyod pa'i yid la byed pa dang sbyar te/ des ni sems gnas pa'i dngos po de'i yid la byed pa'i dngos po bstan to/ /mi mthun pa'i phyogs kyi yan lag gang zhe na/ de las rnam par g.yeng ba'i dngos po zhes bya ba bstan
 te/ sems gnas pa'i dngos po 'phags pa'i bden pa bzhi shes pa'i dngos po de la rnam par g.yeng ba'i dngos po gang zhe na/ rnam pa lnga ste/ yid la byed pa'i rnam par g.yeng pa dang/ pha rol du sems rnam par g.yeng ba dang/ nang du sems
 rnam par g.yeng ba dang/ mtshan ma'i rnam par g.yeng ba dang/ gnas ngan len gyi rnam par g.yeng ba'o/ /de dag gis rab tu dbye ba ni lngar 'phags pa byams pa'i le'ur rgya cher bstan pa bzhin te/ des ni sems
 gnas pa'i dngos po de'i mi mthun pa'i phyogs kyi yan lag bstan to/ /gnyen po'i yan lag gang zhe na/ de las rnam par mi g.yeng ba'i dngos po zhes bya bas bstan te/ sems gnas pa'i dngos po 'phags pa'i bden pa bzhi shes pa'i ngo
 bo nyid de las rnam par mi g.yeng ba'i dngos po gang zhe na/ rnam par g.yeng ba'i dngos po lnga po de nyid nye bar zhi bar 'gyur ba gang yin pa ste/ des ni sems gnas pa'i dngos po de las rnam par g.yeng ba'i gnyen po'i yan lag bstan to//
 gnyen po'i gnas kyi yan lag gang zhe na/ rnam par mi g.yeng ba'i gnas kyi dngos po zhes bya ba bstan te/ sems gnas pa'i dngos po 'phags pa'i bden pa bzhi shes pa'i ngo bo nyid de las rnam par mi g.yeng ba'i gnas kyi dngos po gang
 zhe na/ gcig tu zhi gnas sgom pa rgyun chags su yid la byed pas bar chad med pa'i sems yid la byed pa dang/ gcig tu lhag mthong bsgom pa rgyun chags su yid la byed pas sems kyi mtshan ma nyid yid la byed pa dang/ zhi gnas
 dang lhag mthong gnyis 'dres par gyur te mnyam par zung du 'jug pa sems rtse gcig pa nyid yid la byed pa gang yin pa ste/ de dag gis ni sems gnas pa'i dngos po de las rnam par g.yeng ba'i dngos po de'i gnyen po rnam par
 mi g.yeng ba'i gnas kyi yan lag bstan to/ /gnyen po bsgom pa las mi nyams pa'i thabs kyi yan lag gang zhe na/ bsgom pa las yongs su skyo ba'i sbyor ba bsam pa'i dngos po zhes bya bas bstan te/ sems gnas pa'i
 dngos po 'phags pa'i bden pa bzhi shes pa'i ngo bo nyid de bsgom pa las yongs su spyong pa'i sbyor ba ni gang/ de bsal ba'i dngos po ni gang zhe na/ de bsgom pa las yongs su skyo ba'i sbyor ba ni zhi gnas kyi rgyu mtshan yid la mi byed pa dang/ rab tu
 'dzin pa'i dpe'i rgyu mtshan yid la mi byed pa dang/ btang snyoms kyi rgyu mtshan yid la mi byed pa'o/ /de brtsal ba'i dngos po ni de dag yid la byed pa'o/ /de la zhi gnas kyi rgyu mtshan ni gang/ rab tu 'dzin pa'i rgyu mtshan ni gang btang snyoms kyi rgyu mtshan
 ni gang zhe na/ sems rgod pa 'am rgod du dogs pa na kun tu skyo bar gyur pa dang mthun pa'i chos rnams dang/ bar chad med pa'i sems de yid la byed pa gang yin pa de ni zhi gnas kyi rgyu mtshan zhes bya'o/ /sems bying ngam bying du dogs pa na mngon
 par dga' bar 'gyur ba dang mthun pa'i chos rnams dang/ sems kyi mtshan ma de yid la byed pa gang yin pa de ni rab tu 'dzin pa'i rgyu mtshan zhes bya'o/ /zhi gnas la gcig tu nges pa 'am/ lhag mthong la gcig tu nges pa 'am/ zung du 'brel pa'i
 lam yang rung ste/ de gnyi ga'i nye ba'i nyon mongs pas nye bar nyon mongs pa med pa la sems rang gi dang gi 'jug pa ni yid la byed pa na lhun gyis grub pa gang yin pa de ni btang snyoms kyi rgyu mtshan zhes bya ste/ de dag gis ni sems gnas pa'i
 dngos po de las rnam par g.yeng ba'i gnyen po rnam par mi g.yeng ba bsgom pa la mi nyams pa'i thabs kyi yan lag bstan to/ /de ltar dngos po bcu bzhis sems gnas pa'i dngos po de'i ma dang/ dmigs pa dang ngo bo nyid dang/ yan lag
 ma bstan pa de dag thams cad kyis ni sems gnas pa'i dngos po rdzu 'phrul gyi rkang pa bzhis ting nge 'dzin yongs su spyod par byed pa'i lam bstan pa de nyid kyi gnas skabs rgya cher bstan pa yin no/ /dbang po lnga ni bsgom pa'i phan yon gyi dngos po
 zhes bya ba bstan to/ des ni mngon par rtogs par bya ba la sbyor ba'i lam bstan to/ /de la bsgom pa ni rdzu 'phrul gyis rkang pa bzhi bsgom pa'o/ /de'i phan yon ni dbang po lnga skyes pa ste/ de dag skyes pas mngon par rtog
 par bya ba'i sbyor ba'i la ma thob par rig par bya'o/ /de la dbang po lnga po gang zhe na/ dad pa'i dbang po dang/ brtson 'grus kyi dbang po dang/ dran pa'i dbang po dang/ ting nge 'dzin gyi dbang po dang/ shes rab kyi dbang po'o/ /de la rim pa ji lta bu zhe na/ de
 ltar gnas pa'i dngos po rdzu 'phrul gyi rkang pa bzhis ting nge 'dzin yongs su spyod par byed pa'i lam thob cing ting nge 'dzin la gnas pa des nyon mongs pa'i bag la nyal yang dag par bcom pa dang/ de'i gnyen po'i ting nge 'dzin yongs su
 rdzogs par thob pa dang/ thar pa'i cha dang mthun pa'i dge ba'i rtsa ba rnams bskyed zin nas de'i gong du ting nge 'dzin yongs su rdzogs pa'i mtshan ma dang gnas ngan len chen po dang 'bring dang bral par bya ba dang/ nges par 'byed pa'i cha dang mthun pa'i
 dge ba'i rtsa ba dro bar gyur pa dang rtse mo gnyis bskyed par bya ba'i phyir dbang po rnams kyis sbyor ba'i lam chung ngu yang dag par rtsom par byed de/ de yang rdzu 'phrul gyi rkang pa bzhi ji ltar thob pa'i ting nge 'dzin la gnas ting nge 'dzin la brten nas
 lhag pa'i sems kyi bslab pa dang lhag pa'i shes rab kyi bslab pa la rnam 'byor du byed pa ni dbang po lnga dag rim gyis skye zhing de dag gi nges par 'byed pa'i cha dang mthun pa'i dge ba'i rtsa ba dro bar gyur pa dang/ rtse mo zhes bya ba gnyis thob
 par rig par bya'o/ /de yang dbang po lnga yang dmigs pa dang/ ngo bo nyid dang/ grogs dang/ bsgom pa dang/ bsgom pa'i 'bras bur rig par bya ste/ de la dmigs pa gang zhe na/ 'phags pa'i bden pa bzhi rnams/ ngo bo nyid gang zhe na/ dad pa
 dang brtson 'grus dang dran pa dang ting nge 'dzin dang shes rab bo/ grogs gang zhe na/ de dag dang mtshungs par ldan pa'i sems dang sems las byung ba'i chos rnams so/ /bsgom pa gang zhe na/ dad pa'i dbang po ni bden pa rnams la mngon par yid ches pa'i
 tshul gyis bsgom mo/ /brtson 'grus kyi dbang po ni mngon par yid ches pa skyes nas bden pa mngon par rtog par bya ba'i phyir spro ba'i tshul gyis brtson 'grus rtsom par bsgom mo/ /dran pa'i dbang po ni brtson 'grus brtsams nas bden pa rnams la
 nye bar gnas pa'i dran pa mi brjed pa'i tshul gyis bsgom mo/ /ting nge 'dzin gyi dbang po ni bden pa rnams la nye bar gnas pa'i dran pa mi brjed pas sems rtsa gcig pa'i tshul gyis bsgom mo/ /shes rab kyi dbang po ni bden pa rnams la sems rtse gcig
 tu mnyam par bzhag nas chos rab tu rnam par 'byed pa'i tshul gyis bsgom mo/ /bsgoms pa'i 'bras bu gang zhe na/ bden pa rnams myur du rtogs pa dang dro bar gyur pa dang rtse mo chung ngu dang 'bring dang chen po dag skye bar 'gyur ro/ /de la dad pa'i dbang po
 gang zhe na/ de ltar ting nge 'dzin la gnas ting nge 'dzin la brten nas lhag pa'i sems kyi bslab pa dang/ lhag pa'i shes rab kyis bslab pa la rnal 'byor du byed pa na/ ston pa dang nyan thos gzhan dag gis rtogs pa la mngon par yid ches pa dang/ rab
 tu dad pa dang dad pa gang yin pa de ni dad pa'o/ /de ni dbang byed pa'i don gyis dad pa'i dbang po zhes bya ste/ gang la dbang byed ce na/ 'jig rten las 'das pa'i chos skye ba dang brtson 'grus dang/ ting nge 'dzin dang shes rab kyi dbang po la sogs pa skye
 ba la dbang byed pa yin no/ /brtson 'grus kyi dbang po gang zhe na/ mthong bas spang bar bya ba'i nyon mongs pa spang pa'i phyir sbyor ba las byung ba'i yang dag pa'i spong ba bzhi po dag ni brtson 'grus zhes bya'o/ /de yang dbang byed pa'i don gyis brtson
 'grus kyi dbang po zhes bya ste/ gang dag dbang byed ce na/ 'jig rten las 'das pa'i chos skye ba dang dran pa dang/ ting nge 'dzin dang shes rab kyi dbang po la sogs pa skye ba la dbang byed pa yin no/ /dran pa'i dbang po gang zhe
 na/ phyin ci log ma lus par spong ba'i phyir 'jug par 'gyur pa'i dran pa nye bar bzhag pa bzhi po dag ni 'dir dran pa zhes bya'o/ /de yang dbang byed pa'i don gyis dran pa'i dbang po zhes bya ste/ gang la dbang byed ce na/ 'jig rten las 'das
 pa'i chos skye ba dang/ ting nge 'dzin dang shes rab kyi dbang po la sogs pa skye ba la dbang byed pa yin no/ /ting nge 'dzin gyi dbang po gang zhe na/ phyir mi 'ong ba nyid du sbyor ba las byung ba'i bsam gtan bzhi po dag ni 'dir ting nge 'dzin ces bya'o/ /de
 yang dbang byed pa'i don gyis ting nge 'dzin gyi dbang po zhes bya ste/ gang la byed ce na/ 'jig rten las 'das pa'i chos skye ba dang/ shes rab kyi dbang po la sogs pa skye ba la dbang byed pa yin no/ /shes rab kyi dbang po gang zhe na/ 'phags pa'i
 bden pa bzhi po dag mngon par rtogs par bya ba dang/ dge sbyong gi tshul gyi 'bras bu thob par bya ba'i phyir 'jug par 'gyur pa'i bden pa shes pa gang dag ni 'dir shes rab ces bya'o/ /de yang dbang byed pa'i don gyis shes rab kyi dbang po zhes
 bya ste/ gang la dbang byed ce na/ 'jig rten las 'das pa'i chos skye ba la dbang byed pa yin/ dbang po lnga ni de dag gi don dang rnam par bzhag pa dang rab tu dbye ba bstan te/ de la dbang po lnga'i don gang zhe na/ dbang byed pa'i don to/ /ji zhig yongs
 su bstan pa'i don du dbang byed ce na/ gzhi de dang de la chos de dang de dag la brtse bar yongs su bstan pa'i don du dbang byed do/ /de la dbang po lnga'i rnam par bzhag pa gang zhe na/ dbang po lnga ni 'jig rten pa'i rnam par dag pa la dbang byed
 pa'i don dang/ rnam par byad pa la dbang byed pa'i don dang/ kun nas nyon mongs pa'i gnyen po la dbang byed pa'i don dang/ lus rnam par grol ba la dbang byed pa'i don dang/ sems can gyi mngon par mtho ba'i thabs la dbang byed pa'i don dang/ sems
 can gyi yon tan dang skye na yongs su bstan pa la dbang byed pa'i don dang/ dad pa nas shes rab kyi bar ni 'di lta bu dang ldan zhes bya ba la dbang byed pa'i don dang/ dge sbyong gi tshul gyi 'bras bu la sbyor ba'i lam dbang byed pa'i don gyis rnam par bzhag
 pa'o/ /de la dbang po lnga'i rab tu dbye ba ni dbang po lnga dag gis ci byed ce na/ bde 'gror skye ba dang mya ngan las 'das pa'i tshogs yongs su rdzogs par byed pa dang/ dbang po de dag gis rdzas su yod pa yin pa dang/ de dag ni sems las byung bas
 bsdus pa yin pa de dag ni 'dus byas yin pa dang de dag ni dag pa yin pa dang/ de dag ni rnam par smin pa dang bcas pa yin pa dang de dag gi phyogs gcig ni rnam par smin pa med pa ma yin pa dang/ de dag gis sa bon rnam par smin pa yin pa dang de
 dag nyid rnam par smin pa ma yin pa las skyes pa yin pa dang/ de dag ni khams gsum du gtogs pa yin pa dang khams gsum du ma gtogs pa yang yin pa dang/ sa thams cad dmigs pa yin pa dang zag pa dang bcas pa dang zag pa med
 pa yang ma yin pa dang/ spang bar bya ba dang spang bar bya ba ma yin pa dang/ 'jig rten pa dang 'jig rten las 'das pa yang yin no zhes bya ba la sogs pa rab tu dbye ba'o/ /de dbang po de dag kun bsten cing goms par byas lan mang du byas pa'i
 rgyus nges par 'byed pa'i cha dang mthun pa'i dge ba'i rtsa ba bzhi po dag las dro bar gyur pa dang rtse mo chung ngu dang 'bring dang chen po dag skyed par byed do/ /de la dro bar gyur pa ni snang ba thog pa'i rtse mo ni snang ba mchod pa dang ste/ dper na mes mo'i bya
 ba byed par 'dod cing ma don du gnyer ba'i me la la zhig gis gtsub stan gyi steng du gtsubs shing gtsubs te mngon par gtsubs shing 'bad par byed sgrim par byed rtsol bar byed na/ de'i 'bad pa dang sgrim pa dang rtsol
 ba'i sgo nas gtsub stan las drod skyes par 'gyur ro/ /drod de nyid mngon par 'phel bas na rtse mor 'byung ba de bzhin du ji ltar gtsub stan gyi steng du gtsub shing gtsubs ste mngon par gtsubs shing 'bad par byed sgrim par byed rtsol bar
 byed pa de ltar ni dbang po lnga dag la kun brten cing goms par byed lan mang du byed pa blta bar bya'o/ /ji ltar dang po kho nar gtsub stan las drod skye bar 'gyur ba de ltar ni me de lta bu chos nyon mongs pa'i bud shing sregs par byed pa rnams
 skyes pa'i sngon du 'gro zhing rgyur 'gyur ba'i dro bar gyur pa dag blta bar bya'o/ /ji ltar drod de nyid mngon par 'phel ba na rtse mor byung bar de ltar ni dro bar gyur pa de dag nyid shas cher 'phel ba'i rtse mo dag la blta bar bya'o/ /de la dro bar
 gyur pa thob pa ni rgyal yongs su nyams na yang nam zhig na nges par mya ngan 'das pa'i chos can yin no/ /rtse mo thob pa ni rgyal yongs su nyams shing ngan song du 'gro ba dang mtshams med pa dag byed pa dang dge ba'i rtsa ba rnams mi 'chad
 pa'i chos can yin no/ /de ltar dbang po lnga po de dag ni stobs lnga ni/ de brtan pa'i dngos po zhes bya bas bstan te/ des ni mngon par rtogs pa dang 'dres pa'i lam bstan to/ /de la des zhes bya ba ste dbang po'o/ /brtan pa zhes bya ba
 ni stobs te dbang po de brtan zhing stobs su gyur pa na mngon par rtogs pa dang 'dres pa'i lam thob par rig par bya'o/ /de la stobs lnga gang zhe na/ dad pa'i stobs dang brtson 'grus kyi stobs dang dran pa'i stobs dang ting nge 'dzin
 gyi stobs dang shes rab kyi stobs so/ /de la rim pa ji lta bu zhe na/ de ltar bsgom pa'i phan yon gyi dngos po dbang po lngas mngon par rtogs par bya ba la sbyor ba la lam thob pa des ting nge 'dzin yongs su rdzogs pa'i mtshan ma dang gnas ngan len chen po
 dang 'bring dang bral zhing nges par 'byed pa'i cha dang mthun pa'i dge ba'i rtsa ba dro bar gyur pa dang rtse mo thob ste/ sbyor ba'i lam chung ngu dang 'bring yang dag par brtsams nas de'i gong du yang ting nge 'dzin yongs su rdzogs pa'i mtshan ma dang gnas ngan
 len chung ngu dang bral ba bya ba dang/ nges par 'byed pa'i cha dang mthun pa'i dge ba'i rtsa ba bden pa dang rjes su mthun pa'i bzod pa dang 'jig rten pa'i chos kyi mchog gnyis bskyed par bya ba'i phyir stobs rnams kyis sbyor ba'i lam chen po yang
 dag par rtsom par byed par rig par bya'o/ /de la stobs lnga yang dmigs pa dang ngo bo nyid dang/ grogs dang/ bsgom pa dang/ bsgoms pa'i 'bras bus rig par bya ste/ dmigs pa dang ngo bo nyid dang grogs dang bsgom pa ni dbang po rnams ji lta
 ba bzhin du rig par bya'o/ /bsgom pa'i 'bras bu gang zhe na/ bden pa rnams myur du mngon par rtogs pa dang/ bden pa dang rjes su mthun pa'i bzod pa chung ngu dang 'bring dar chen po dang 'jig rten pa'i chos kyi mchog skye bar 'gyur ro/ /de la dad pa
 dang brtson 'grus dang dran pa dang/ ting nge 'dzin dang shes rab kyi ting nge 'dzin ni sngar dbang po lnga'i skabs su bstan pa kho na dag yin no/ /de la bye brag ni 'di yod de/ dbang po rnams la ni dbang byed pa'i don gyis rnam par bzhag go /'dir stobs
 rnams la ni de dag nyid brtan zhing stobs dang ldan pas mi choms pa'i don gyis stobs rnams zhes bya ste/ ci zhig gis mi choms she na/ de dag ni ma dad pa la sogs pa mi mthun pa'i phyogs rnams dang mi 'dre zhing lha 'am bdud dam/
 tshangs pa 'am su yang 'jig rten mchos dang mi mthun pas mi 'phrog pa dang nyon mongs pa'i kun nas dkris pas mi 'phrogs nga sa na de'i phyir mi choms pa zhes bya'o/ /de stobs de dag gis stobs dang ldan par gyur pas
 bdud kyi stobs thams cad las rnam par rgyal bar byas te/ theg pa rnams zad par bya ba'i phyir rab tu mchod par byed pas na de ni phyir stobs rnams zhes bya'o/ /de stobs de dag kun tu sten cing goms par byas lan mang du byas pa'i
 rgyus nges par 'byed pa'i cha dang mthun pa'i dge ba'i rtsa ba gzhan gnyis po bden pa dang mthun pa'i dpe bzod pa chung ngu dang 'bring dang chen po dang 'jig rten pa'i chos kyis mchog skyed par byed do/ /de la bden pa dang/ rjes su mthun pa'i bzod pa
 ni de kho na'i don gyis phyogs gcig la rjes su zhugs pa yin no/ /'jig rten pa'i chos kyi mchog ni bar chad med pa'i ting 'dzin yin te/ dper na me'i drod 'dod pa de nyid mngon par 'phel ba'i rtse mor byung ba na du ba 'thul bar 'gyur ro//
 rgya cher mngon par 'phel bar byed pas na/ me lce med pa'i me 'byung bar 'gyur ro/ /de bzhin du ji ltar du ba 'thul ba de ltar ni bden pa dang rjes su mthun pa'i bzod pa rnams blta bar bya'o/ /ji ltar mngon par rgya cher 'phel bar gyur
 pa na me lce med pa'i me 'byung bar 'gyur ba de ltar ni 'jig rten pa'i chos kyi mchog blta bar bya ste/ de ni skad cig gcig kho nar zad do/ /de la bden pa dang rjes su mthun pa'i bzod pa thob pa ni brgya la yongs su nyams kyang ngan
 song du mi 'gro ste/ bde 'gro'i las dang/ nyon mongs pa thag bsrings pa'i phyir ro/ /bzod pa thob pa kho nas 'gro ba dang skye ba dang lus dang srid pa dang nyon mongs pa rnams las kha cig gis mi skye ba'i chos nyid thob ste/
 ngan song gi 'gro ba rnams dang/ sgo nga las skyes pa dang drod gsher las skyes pa'i skye gnas dang/ 'du shes med pa'i sems can dang byang gi sgra mi snyan dang tshangs pa chen por skye ba rnams dang za ma dang ma ning mtshan gnyis pa'i lus rnams dang bskyed
 la sogs pa'i srid pa rnams dang mthong bar spang bar bya ba'i nyon mongs pa'i dpe kun nas dkris pa rnams kyis mi skye pa'i chos nyid thob po/ /'jig rten pa'i chos kyi mchog thob pa ni bar chad med par skad cig gnyis pa la mthong ba'i lam
 thob pa'i lam chos nyid yin no/ /de la gang zag nyan thos kyi rigs can gyis dro bar gyur ba dang rtse mo gnyis thob pa ni nyan thos kyi rigs las bzlog nas sangs rgyas kyi rigs su gyur par srid kyi bzod pa thob pa ni de lta bu mi srid de/ /des bzod
 pa man chad gsum thob par ni nyan thos kyi rigs las bzlog ste/ rang sangs rgyas su 'gyur bar srid kyi 'jig rten pa'i chos kyi mchog thob pa ni de lta bu mi srid do/ /rang sangs rgyas bse ru lta bu dang/ sangs rgyas kyi rigs can rnams ni nges
 par 'byed pa'i cha dang mthun pa bzhi po gang las kyang bzlog tu mi rung ste/ de gnyis ni g.yo ba dang gsal ba'i phyir bsam gtan bzhi pa kho na la brten te/ rgyun chags kho nar nges par 'byed pa'i cha dang mthun pa rnams nas bzung ste/ byang chub kyi
 bar du skyed par byed pa'i phyir ro/ /rang sangs rgyas kyi tshogs na spyod pa'i rigs can rnams ni nyan thos dang 'dra bar bzlog tu rung ngo/ /de la theg pa gsum po gang yang rung ba'i rigs can gyis gang zag rnam pa che ba dang po kho na la sems
 bskyed pa la sogs pa'i sbyor ba byas te/ nges par 'byed pa'i cha dang mthun pa rnams skyed pa dang 'phags pa'i lam skyed par byed pa yod dam zhe na/ de lta bu ni med de/ thams cad pas shin tu myur ba yang dper na sa bon 'debs pa dang
 lo thog skye ba dang 'bras bu chags pa bzhin du/ tshe dang po gcig la ni thar pa'i cha dang mthun pa'i dge ba'i rtsa ba skyed par byed do/ /tshe gnyis pa la ni nges par 'byed pa'i cha dang mthun pa'i dge ba'i rtsa ba skyed
 par byed do/ /tshe gsum pa la ni 'phags pa'i lam skyed par byed de/ chos nyid 'di la ni rgyud rim gyis 'jug pa dang yongs su smin pa dang rnam par grol bar 'gyur ro/ /de ltar stobs de dag ni mngon par rtogs pa dang 'dres pa'i
 lam yin pas na de brtan pa'i dngos po zhes bya ste/ de tsam gyis na ting nge 'dzin yongs su rdzogs pa'i mtshan ma dang gnas ngan len chung ngu dang bral zhing nges par 'byed pa'i cha dang mthun pa'i dge ba'i rtsa ba dang bden pa dang rjes
 su mthun pa'i bzod pa dang 'jig rten pa'i chos kyi mchog thob ste/ sbyor ba'i lam chen po yang dag par brtsams pa yin par rig par bya'o/ /byang chub kyi yan lag bdun ni/ 'phags pa'i dbang phyug sdu ba'i dngos po zhes bya bas
 bstan te/ des ni mngon par rtogs pa'i lam bstan to/ /de la 'phags pa'i dbang phyug ni mngon par rtogs pa ste/ mthong ba'i lam mo/ /de sdud pa'i dngos po ni mngon par rtogs pa'i lam ste/ byang chub kyi yan lag bdun no/ /de
 dag skyes pa'i dus na 'phags pa'i dbang phyug bsdus shing mthong ba'i lam thob par rig par bya'o/ /de la byang chub kyi yan lag bdun gang zhe na/ dran pa yang dag byang chub kyi yan lag dang/ chos rnam par 'byed pa yang dag pa/
 byang chub kyi yan lag dang/ brtson 'grus yang dag byang chub kyi yan lag dang/ dga' ba yang dag byang chub kyi yan lag dang/ shin tu sbyangs pa yang dag byang chub kyi yan lag dang/ ting nge 'dzin yang dag byang chub kyi
 yan lag dang/ btang snyoms yang dag byang chub kyi yan lag go /de la rim pa ji lta bu zhe na/ de ltar bstan pa'i dngos po stobs lngas mngon par rtogs dang 'dres pa'i lam thob pa des ting nge 'dzin yongs su rdzogs pa'i mtshan ma dang gnas ngan len
 chung ngu dang bral zhing nges par 'byed pa'i cha dang mthun pa'i dge ba'i rtsa ba bden pa dang rjes su mthun pa'i bzod pa dang/ 'jig rten pa'i chos kyi mchog thob ste/ sbyor ba'i lam chen po yang dag par brtsams pa na/ de'i gong du sbyor ba yang dag par brtsams
 pa'i byang chub kyi yan lag rnams kyis yang dag pa'i mdza' rtogs par byed par rig par bya'o/ /de yang ji lta bu zhe na/ 'jig rten pa'i chos kyi mchog mjug thogs su sdug bsngal la chos shes pa'i bzod pa zag pa med pa skye ste/ de skyes na
 'phags pa'i gang zag ces kyang bya/ mthong ba'i lam thob pa zhes kyang bya'o/ /de'i 'jug thogs su sdug bsngal la chos shes pa dang sdug bsngal rjes su rtogs par shes pa'i bzod pa dang/ sdug bsngal la rjes su rtogs par shes
 pa nas lam rjes su rtogs par shes pa'i bar gyi skad gcig bco lnga po dag skye ste/ de tsam gyis na mthong ba'i lam yongs su rdzogs pa zhes kyang bya'o/ /de dag kyang gang gis yongs su rdzogs par byed ce na/ dper na me lce med pa'i me de
 byung ma thag kho nar me lce byung bar 'gyur te/ me lce byung zhing 'bar ba nges me'i bya ba byed pa de bzhin du/ ji ltar me lce byung bar gyur de me lce byung zhing 'bar ba nges me'i bya ba byed pa ltar ni gang dag 'jig rten pa'i chos kyi mchog gis yang dag
 par zin pa'i dbang po lnga po dag gis mjug thogs kho nar byung ba 'jig rten las 'das pa zag pa med pa'i chos rnams pa lta bar bya'o/ /de dag kyang gang zhe na/ byang chub kyi yan lag bdun po dag ste/ yang dag pa nyid skyon med pa la zhugs
 pa'i gang zag gi yang dag pa ji lta ba bzhin du rtogs pa de ni byang chub ces bya'o/ /de'i yan lag du gyur pa'i byang chub kyi yan lag rnams zhes bya ste/ de dag gis sdug bsngal la chos shes pa'i bzod pa zag pa med pa nas
 lam la rjes su rtogs par byed pa'i bzod pa'i bar gyi mthong ba'i lam gyi skad cig bco lnga po dag yongs su rdzogs par byed do/ /de la nyan thos dang rang sangs rgyas kyi rnam par bzhag pa'i bden pa la dmigs shing yang dag pa'i mdza' mngon
 du byed pa'i tshul gyis yongs su rdzogs par byed do/ /byang chub sems dpa' ni rnam par ma bzhag pa'i bden pa la dmigs shing yongs su 'dris pa'i shes pas yongs su rdzogs par byed de/ spyi'i tshul ni de lta'o/ /de la byang chub kyi yan lag
 bdun yang dmigs pa dang ngo bo nyid dang grogs dang/ bsgom pa dang bsgom pa'i 'bras bus rig par bya ste/ de la dmigs pa gang zhe na/ 'phags pa'i bden pa bzhi po dag gi yang dag pa nyid ji lta ba'o/ /ngo bo nyid gang zhe na/ dran pa dang chos rnam
 par 'byed pa dang/ brtson 'grus dang dga' ba dag shin tu sbyang pa dang ting nge 'dzin dang btang snyoms so/ /de la dran pa ni yang dag pa nyid skyon med pa la zhugs pa'i gang zag gi yang dag pa ji lta ba nyid bzhin du rtogs pa'i byang chub de'i gnas
 kyi yan lag go /chos rnam par 'byed pa ni ngo bo nyid kyi yan lag go /brtson 'grus ni nges par 'byung ba'i ni nges par 'byung ba'i yan lag go /dga' ba bzhi ni phan yon gyi yan lag go /shin tu sbyangs pa dang ting nge 'dzin dang btang snyoms ni
 de'i kun nas nyon mongs pa med pa'i gzhi dang gnas dang ngo bo nyid kyi yan lag ste/ gang gis kyang kun nas nyon mongs par mi 'gyur ba dang/ gang du yang kun nas nyon mongs par mi 'gyur ba dang/ kun nas nyon mongs pa med pa ste go rim bzhin
 no/ /grogs gang zhe na/ de dag dang mtshungs par ldan pa sems dang sems las byung ba'i chos rnams so/ /bsgom pa gang zhe na/ dran pa yang dag byang chub kyi yan lag dben pa la gnas pa'i 'dod chags dang bral la gnas pa 'gog pa la gnas pa
 rnam par spong ba yongs su bsngos pa bsgom pa dang lhag ma rnams la yang de bzhin no/ /'dis ni bden pa la dmigs pa byang chub kyi yan lag bsgom par yongs su bstan to/ /bsgom pa'i 'bras bu gang zhe na/ mthong bas spang bar bya ba'i nyon mongs
 pa rnams spangs pa'o/ /de la dran pa yang dag byang chub kyi yan lag gang zhe na/ shes bya mi shes pa shes par bya ba'i phyir shes pa thams cad la dran pa spyod pa ni dran pa'o/ /yang dag ces bya ba ni mthong ba'i lam gyi bar chad med pa'i lam dang rnam par grol
 ba'i lam gyis rab tu phye ba'o/ /byang chub kyi yan lag ces bya ba ni mthong ba'i lam gyi yang dag pa nyid med pa la zhugs pa'i gang zag gi yang dag pa ji lta ba bzhin du rtogs pa gang yin pa de ni byang chub ces bya ste/ de'i yan lag dang 'khor dang yo
 byad dang rgyu zhes bya ba'i rnam grangs so/ /dben pa la gnas pa zhes bya ba ni chos shes pa'i bzod pa bzhi skyes nas bden pa bzhi mthong bas spang bar bya ba'i nyon mongs pa'i 'dod pa'i khams su rtogs pa rnams kyis thob pa nas bzung te/ 'gog pa
 ni bden pa zhes bya ste/ de la byang chub kyi yan lag de gnas pa'o/ /'dod chags dang bral ba la gnas pa zhes bya ba ni chos shes pa bzhi yang de dag gis mya ngan las 'das pa'i thob pa nas bzung ste/ skye ba ni 'dod chags dang bral ba zhes bya ste/ de
 la byang chub kyi yan lag gnas pa'o/ /'gog pa la gnas pa zhes pa ni rjes su rtogs par shes pa'i bzod pa bzhi skyes nas bden pa bzhi mthong bas spang bar bya ba'i nyon mongs pa gzugs dang gzugs med pa'i khams su gtogs pa rnams
 kyis thob pa nas bzung ste 'gag pa ni 'gag pa na zhes bya ste/ de la byang chub kyi yan lag de gnas pa'o/ /rnam par spong bar yongs su sngos pa zhes bya ba la/ de rnam par spong ba zhes bya ba ni mya ngan las 'das pa'o/ /
 der yongs su bsngos pa zhes bya ba ni skad cig ma bcu drug pa lam rjes su rtogs par shes pa ni bsgom pa'i lam yin pas de ma gtogs pa mthong ba'i lam du rtogs pa rjes su rtogs par shes pa gsum po dag kyang de dag gi mya ngan las 'das pa thob pa
 nas bzung te skye ba ni da dung bsgom pas spang bar bya ba'i nyon mongs pa thams cad ma lus par spangs pa'i thob pa nas bzung ste skyes pa ma yin gyi de dang mthun pa 'am der gzhol ba 'am der yongs su bsngos pa tsam du zad pas rnam par song ba
 yongs su zad pa zhes bya ste/ mthong ba'i lam gyis byang chub kyi yan lag de der yongs su bsngos pa yin no zhes bya ba'i tha tshig go /chos rnam par 'byed pa yang dag byang chub kyi yan lag gang zhe na/ rtog pa dang mtshan ma thams cad 'joms
 shing de bzhin nyid rnam par 'byed pa ni chos rnam par 'byed pa'o/ /yang dag dang byang chub kyi yan lag dang/ dben pa la gnas pa zhes bya ba la sogs pa'i tshig gi don ni snga ma bzhin te lhag ma thams cad la yang de bzhin du rig par bya'o/ /
 brtson 'grus yang dag byang chub kyi yan lag gang zhe na/ myur du mngon par shes pa thob par bya ba'i phyir brtson 'grus rab tu 'jug pa ni brtson 'grus so/ /dga' ba yang dag byang chub kyi yan lag gang zhe na/ brtson 'grus brtsams pas
 chos snang ba de'i dga' ba lus dang sems thams cad rtag tu dga' bar gyur pa ni dga' ba'o/ /shin tu sbyangs pa yang dag byang chub kyi yan lag gang zhe na/ gnas ngan len gyi sgrib pa thams cad rab tu bcom ste/ lus dang sems
 las su rung bar gyur na ni sems rab tu sbyangs pa'o/ /ting nge 'dzin yang dag byang chub kyi yan lag gang zhe na/ bsal ba'i don thams cad 'grub pa'i rten du gyur pa zhi gnas lhag mthong gi sems rtse gcig pa nyid ni ting nge 'dzin to/ /btang snyoms yang
 dag byang chub kyi yan lag gang zhe na/ rnam par mi rtog pa'i ye shes ni btang snyoms zhes bya ste/ de dang de'i rjes la thob pa dag la 'jig rten pa'i ye shes kyi thams cad du kun nas nyon mongs pa med par ci 'dod pa bzhin du gnas so/ /byang chub kyi yan
 lag bdun po de dag ni zhi gnas kyi phyogs dang lhag mthong gi phyogs dang gnyi ga'i phyogs su gtogs pa yang yin te/ de la chos rnam par 'byed pa dang/ brtson 'grus dang dga' ba gsum ni lhag mthong gi phyogs so/ /shin tu sbyangs pa dang ting nge
 'dzin dang btang snyoms gsum ni zhi gnas kyi phyogs so/ /dran pa ni gnyis ka'i phyogs de kun nas 'gro ba zhes bya'o/ /de ltar byang chub kyi yan lag bdun po de dag ni mngon par rtogs pa'i lam yin pas na 'phags pa'i dbang phyug bsdu ba dngos
 po zhes bya ste/ de tsam gyis na sbyor ba yang dag par brtsams pa de'i byang chub kyi yan lag rnams kyis yang dag pa'i mdza' rtogs pa yin ste/ de'i tshe na nyan thos ni slob pa bzhi mthong ba chos rnams la chos kyi mig rdul med cing dri ma dang bral ba chos
 mthong ba'i chos thob pa chos rig pa chos rtogs pa som nyi las brgal ba the tshom las brgal ba gzhan gyi drid mi 'jog pa ston pa'i bstan pa la gzhan gyis mi bkri ba chos rnams la mi 'jigs pa thob pa rgyun tu zhugs pa'i 'bras bu mngon sum du
 bya ba'i phyir zhugs pa yin no/ /skad cig ma bcu drug pa thob pa nas ni rgyun du zhugs pa'i 'bras bu la gnas pa yin na/ /byang chub sems dpa' ni yang dag pa nyid skyon med pa la de bzhin gshegs pa'i rigs su skyes pas dang po thob pa dang
 sa de'i phan yon yang nyams su myong ba yin par rig par bya'o/ /'phags pa'i lam yan lag brgyad pa ni/ 'phags pa'i phyogs dang 'khor bsdu ba'i dngos po zhes bya bas bstan te/ des ni rnam par dag pa nges par
 'byin pa'i lam bstan to/ /de la 'phags pa'i phyogs dang 'khor dang rnam par dag pa ste bsgom pa'i lam mo/ /de sdud pa'i dngos po ni rnam par dag par nges par 'byin pa'i lam ste/ 'phags pa'i lam yan lag brgyad pa'o/ /de skyes pa'i dus
 na 'phags pa'i phyogs dang 'khor bsdus shing bsgom pa'i lam thob par rig par bya'o/ /de la 'phags pa'i lam yan lag brgyad pa gang zhe na/ yang dag pa'i lta ba dang yang dag pa'i rtog pa dang yang dag pa'i dag dang/ yang dag pa'i las
 kyi mdza' dang yang dag pa'i tshor ba dang yang dag pa'i rtsol ba dang yang dag pa'i dran pa dang yang dag pa'i ting nge 'dzin to/ /de la rim pa ji lta bu zhe na/ de byang chub kyi yan lag rnams thob pa'i phyir de'i tshe na slob pa bzhi mthong ba 'am byang chub sems pa
 sa dang po yin te/ de'i mthong bas spang bar bya ba'i nyon mongs pa rnams ni spangs zin gyi bsgom pas spang bar bya ba'i nyon mongs pa rnams lus pa na de dag spang ba'i phyir phung po gsum pa 'phags pa'i lam yan lag brgyad pa spom par byed
 de/ des sgrib pa thams cad las rnam par thar par 'gyur zhing bla na med pa yang dag par rdzogs pa'i byang chub kyi bar du rjes su thob par rig par bya'o/ /de la 'phags pa'i lam yan lag brgyad pa yang dmigs pa dang ngo bo nyid dang grogs
 dang bsgom pa'i 'bras bus rig par bya'o/ /de la dmigs pa gang zhe na/ de'i 'og tu 'phags pa'i bden pa bzhi po rnams kyi yang dag pa ji lta ba'o/ /ngo bo nyid gang zhe na/ 'phags pa'i lam yan lag brgyad pa ste/ de la yang dag pa'i
 lta ba ni bsgom pa'i lam gyi tshe mthong ba'i lam la yongs su gcod pa'i yan lag de 'jig rten las 'das pa'i rjes las thob pa'i 'jig rten pa des rang gi rtogs pa de yongs su gcod pa'i phyir ro/ /yang dag pa'i rtog pa dang yang dag pa'i dag ni gzhan
 go bar byed pa'i yan lag de kun nas slong ba dang bcas pa'i ngag gis de go bar byed pa'i phyir ro/ /yang dag pa'i ngag dang yang dag pa'i las kyi mdza' dang yang dag pa'i 'tsho ba gsum ni gzhan yid ches par byed pa'i yan lag te/ yang dag pa'i ngag gis
 rnyed pa dang 'brel ba'i gtam rnam par gtan la 'bebs bas shes rab la yid ches par 'gyur ro/ /yang dag pa'i las kyi mdza' bya ba ma yin pa mi byed par tshul khrims la yid ches par 'gyur ro/ /yang dag pa'i 'tsho bas chos gos la sogs
 pa 'tshod zin par tshol bas yo byad snyungs pa la yid ches par 'gyur ro/ /yang dag pa'i rtsol ba dang yang dag pa'i dran pa dang yang dag pa'i ting nge 'dzin ni mi mthun pa'i phyogs kyi gnyen po 'am yan lag te/ mi mthun pa'i phyogs ni rnam pa gsum ste/
 bsgom bas spang bar bya ba nyon mongs pa dang/ nyams pa'i nyon mongs pa dang rgod pa dang/ dbang gi mi mthun pa'i phyogs yon tan khyad par can mngon par 'grub pa'i gegs su gyur pa'o/ /de la dang po'i gnyen po ni yang dag pa'i rtsol ba te des lam
 bsgom pa'i phyir ro/ /gnyis pa'i gnyen po ni yang dag pa'i dran pa ste/ zhi gnas la sogs pa'i rgyu mtshan rnams la dran pa shin tu nye bar gnas pa'i byed pa dang rgod pa med pa'i phyir ro/ /gsum pa'i gnyen po ni yang dag pa'i ting nge 'dzin te/ bsam
 gtan la gnas nas mngon par shes pa la sogs pa yon tan mngon par 'grub pa'i phyir ro/ /grogs gang zhe na/ de dag dang mtshungs par ldan pa sems dang sems las byung ba'i chos rnams so/ /bsgom pa gang zhe na/ byang chub kyi yan lag
 bzhi'o/ /bsgom pa'i 'bras bu gang zhe na/ yongs su gcod pa dang gzhan go bar byed pa dang gzhan yid ches par byed pa dang nyon mongs pa'i sgrib pa rnam par dag pa dang/ nye ba'i nyon mongs pa'i sgrib pa rnam par dag pa
 dang yon tan khyad par can la sgrib pa rnam par dag cing bsgom zhes spang bar bya ba nyon mongs pa dang bral ba'o/ /de la yang dag pa'i lta ba gang zhe na/ byang chub kyi yan lag gi dus de kho na rtogs shing thob pa gang yin pa dang/ thob nas ji ltar rtogs
 shing khong du chud pa de nyid shes rab kyi rnam par 'jog par byed pa gang yin pa de gnyis gcig du bsdus pa ni yang dag pa'i lta ba zhes bya'o/ /de yang mdor bsdu na rnam pa bcu gcig tu lta bar bya ste/ nang du lta ba dang/ 'bras dang zu rngu dang/ sdig
 pa dang/ mi rtag pa nyid dang/ sdug bsngal ba nyid dang/ stong pa nyid dang/ bdag med pa nyid dang/ kun tu sbyor ba byed pa dang/ bral ba dang/ bral bar byed par lta'o/ /de yang 'du byed rnam pa bzhi po nyon mongs pa'i kun nas dkris pa dang ldan pa rnams
 dang nyon mongs pa'i bag la nyal dang ldan pa rnams dang/ ro myang ba dang ldan pa rnams dang/ nyes dmigs dang ldan pa rnams la de yang dag pa'i lta ba bzhi po nad dang 'bras dang zug rngu dang sdig par lta ba dag go rim byed du rig par bya'o//
 'du byed rnams la 'byung ba dang 'jig par lta ba ni mi rtag pa nyid du lta ba yin no/ /sdug bsngal gsum dang rjes su 'brel par ldan pa ni sdug bsngal nyid du lta ba yin no/ /de la bdag dang bdag gi dang bral? bar lta ba ni stong pa nyid du lta ba
 yin no/ /bdag dang bdag gi mtshan nyid med par lta ba na bdag med pa nyid du lta ba yin de bzhi po de dag ni sdug bsngal gyi bden pa la mi rtag pa dang sdug bsngal ba dang stong pa dang bdag med pa'i rnam par lta ba dang go rims bzhin no/ /kun 'byung ba'i
 bden pa la rgyu dang kun 'byung ba dang/ rab tu skye ba dang rkyen du lta ba gang yin pa de ni kun tu sbyor bar byed par lta ba zhes bya ste/ 'di ltar kun 'byung ba'i bden pa'i sdug bsngal gyi bden pa kun nas nyon mongs pa dang kun tu sbyor bar byed pa yin pa'i phyir ro//
 'gog pa'i bden pa la 'gog pa dang zhi ba dang gya nom pa dang nges par 'byung bar lta ba gang yin pa de ni bral bar lta ba zhes bya ste/ 'gog pa'i bden pa ni nyon mongs pa dang phung po thams cad bral bas rab tu phye ba yin pa'i phyir ro/ /lam gyi bden
 pa la lam dang rigs pa dang sgrub pa dang nges par 'byin bar lta ba gang yin pa de ni 'bral bar byed par lta ba zhes bya ste/ 'di ltar lam gyi bden pa ni 'bral ba'i phyir 'gro ba yin pa'i phyir ro/ /gang gis tshe sngar mi rtag pa dang sdug bsngal ba dang stong pa
 dang bdag med par lta ba skyes pa phyis nad dang 'bras dang zug rngu dang sdig par lta ba skye par 'gyur ba de'i tshe ci'i phyir nad la sogs pa ston ce na/ gang zag mthong ba'i lam thob pa la dgongs nas nad la sogs pa lngar ston te/ 'di ltar slob pa
 mthong ba'i lam mthong ba ni lhag pa'i bsam pas phung po rnams la nad la sogs par lta bar de ltar lta ba de'i bsgoms pas spang bar bya ba'i kun tu sbyor ba lhag ma rnams spang ba'i phyir gong du mi rtag pa la sogs par lta ba dag ces yongs su
 dag par 'gyur ba'i phyir ro/ /mi rtag pa la sogs par lta ba de yang mdor bsdu na rnam pa gnyis te/ nad la sogs par lta ba ma thob bar bya ba'i phyir sngar mi rtag pa la sogs par lta ba yongs su ma dag par ni tshogs kyi lam la sogs pa'i gnas
 skabs na so so'i skye bo rnams kyi'o/ /nad la sogs pa'i lta ba thob pa'i phyir zhing 'byung ba dang/ sems shin tu rnam par grol bar bya ba'i phyir nad la sogs par lta ba la brten pa yongs su dag pa ni mthong ba'i lam la sogs pa'i gnas
 skabs na slob pa bzhi mthong ba rnams kyi'o/ /yang dag pa'i lta ba rnam pa bcu gcig po de dag la stong pa nyid dang bdag med pa gnyis ni rnam pa thar pa'i sgo stong pa nyid kyi rnam pa yin no/ /lhag ma brgyad ni smon pa med pa'i
 rnam pa yin no/ /'gog pa'i bden pa la bral bar lta ba gang yin pa gcig bu ni mtshan ma med pa'i rnam pa yin te/ de ni yang dag pa'i lta ba'i rab tu dbye ba yin no/ /yang dag pa'i rtog pa gang zhe na/ re zhig rnam par rtog pa dag las sems 'jug
 par 'gyur na/ yang dag pa'i lta ba de nyid kyi dbang du byas nas nges par 'byung ba'i rtog pa dang gnod sems med pa'i rtog pa dang rnam par 'tshe ba med pa'i rtog pa dang de lta bu dang mthun pa'i rtog pa dag la yang dag par rtog par byed pa gang yin
 pa'o/ /yang dag pa'i dag zhe na/ gal te gtam las sems 'jug par 'gyur na yang dag pa'i lta ba de nyid kyi dbang du byas nas yang dag pa'i rtog pa dge ba de dag gi kun nas bslang ba'i gtam chos dang ldan pa 'di lta ste/ sems kyi sgrib pa
 spong ba dang mthun par 'gyur ba'i gtam mam/ tshul khrims kyi gtam mam/ ting nge 'dzin gyi gtam mam/ shes rab kyi gtam mam/ rnam par grol ba'i gtam mam/ rnam par grol ba shes pa dang mthong ba'i gtam mam/ 'dod pa chung ba'i
 gtam mam/ chog shes pa'i gtam mam/ 'dod chags dang bral ba'i gtam mam/ 'gog pa'i gtam mam mi bsogs pa'i gtam mam/ 'du 'dzi med pa'i gtam mam/ rkyen 'di pa gnyis kyi rten cing 'brel bar 'byung ba dang rjes su mthun
 pa'i gtam dag tshig 'bru 'byor pa dang/ 'brel ba dang/ rjes su mthun pa dang/ rjes su 'phrod pa dang/ thabs dang ldan pa dang 'tsham pa dang mthun pa dang 'grus skyong gi yan lag gi tshogs dang ldan par zer ba gang yin pa'o/ /yang dag pa'i las
 kyi mdza' gang zhe na/ gal te las kyi mdza' la spyod par gyur na yang dag pa'i lta ba de nyid dbang du byas nas 'gro ba dang ldog pa dang shes bzhin du spyod par byed pa dang cung zad bltas pa dang rnam par bltas pa dang/ bskum pa dang/ brkyang ba dang/ snam sbyar dang
 chos gos dang lhung bzed dang bcas pa dang zos pa dang 'thungs pa dang 'chos pa dang myangs pa dang/ song ba dang sdod pa dang 'dug pa dang nyal ba dang mi nyal ba dang/ smra ba dang/ mi smra ba dang/ gnyid kyi nyom pa bsang ba la yang shes bzhin du spyod par byed pa gang
 yin pa'o/ /yang dag pa'i 'tsho ba gang zhe na/ gal te 'tsho ba'i yo byad sgrub par gyur na yang dag pa'i lta ba de nyid kyi dbang du byas nas chos gos dang bsod snyoms dang mal stan dang nad kyi gso sman yo byad dang/ chos kyis yongs su tshol bar byed cing logs
 pas 'tsho bar byed pa'i tshul 'chos dang kha gsags dang/ gzhog slongs dang 'thob kyis 'jal ba dang rnyed pas rnyed par byed 'dod pa dag rnam par spangs pa gang yin pa'o/ /de ltar spong ba yang dag par bsdus pa yang dag pa'i dag dang las kyi mdza' dang 'tsho
 pa de gsum ni des dang po kho nar mthong ba'i lam la zag pa med pa'i yid la byed pa thob pa na byang chub kyi yan lag rnams dang lhan cig kho nar thob pa yin te/ de dag ni 'phags pa dgyes pa'i tshul khrims rnams zhes bya'o/ /ci'i phyir zhe na/ 'di ltar de ni
 'phags pa dam pa yang dag par spong ba rnams ci nas kyang bdag gis dag gi nyes pa spyad pa dang/ lus kyi nyes pa spyad pa dang log pas 'tsho ba dag mi bya bas bsdom pa de thob par bya'o zhes yun ring po nas dgyes pa dang sdug pa dang 'phangs pa dang thugs
 su 'thar bar mdzad pa yin te/ de dag gi yun ring po nas dgyes pa dang sdug pa dang phangs pa dang thugs su 'thad pa mdzad pa gang yin pa de des de'i tshe na thob pas na de'i 'phags pa dgyes ba zhes bya'o/ /de ltar 'phags pa dgyes pa'i tshul khrims mngon
 par rtogs pa na shes bzhin du brdzun gyi tshig smra bar mi byed bsam pa bzhin du srog chags kyi srog gcod par mi byed ma byin par len par mi byed 'dod pa la logs par g.yem par mi byed chos ma yin pas chos gos la
 sogs pa yongs su tshol bar mi byed pas na de ltar 'phags pa dgyes pa'i tshul khrims de dag nyid kyi dbang du byas te bsgom pa'i lam gyi tshe ngag 'jug pa gang yin pa dang lus kyi las gang yin pa dang 'tsho ba gang yin pa de dag kyang yang dag pa'i
 ngag dang las kyi mdza' dang 'tsho ba zhes bya'o/ /yang dag pa'i rtsol ba gang zhe na/ yang dag pa'i lta ba dang rtog pa dang ngag dang las kyi mdza' dang 'tsho ba dag la brten te/ bsgom pa'i lam la zhugs pa de'i kun tu sbyor ba lhag ma rnams spang ba'i phyir
 chos kyi rjes su mthun pa'i chos sgrub par byed pa na/ 'dun pa dang brtson 'grus dang rtsol ba dang nges par 'byung bar byed pa dang pha rol gnon par byed pa dang mthu dang rtsol ba dang sems yang dag par rab tu 'dzin par byed pa dang brtson 'grus gang
 yin pa'o/ /yang dag pa'i dran pa gang zhe na/ de ltar yang dag pa'i rtsol ba dang ldan pa'i de'i dran pa nye bar gzhag pa bzhi'i dbang du byas nas phyin ci ma log par bsdus pa'i dran pa gang yin pa'o/ /yang dag pa'i ting nge 'dzin gang zhe na/ de ltar yang
 dag pa'i dran pa la brten nas phyin ci ma log pas yang dag par bsdus pa'i dran pa de la zhi gnas kyi sems gnas pa dgu dang stobs drug dang yid la byed pa bzhis 'jug pa gang yin pa'o/ /de la sems gnas pa dgu gang zhe na/ sems
 nang kho nar 'jog par byed ba dang/ yang dag par 'jog par byed pa dang/ bsdus te 'jog par byed pa dang/ nye bar 'jog par byed pa dang/ dul bar byed pa dang/ zhi bar byed pa dang/ nye bar zhi bar byed pa dang/ rgyu gcig tu byed pa dang/ ting nge 'dzin
 du byed pa'o/ /de las ji ltar na sems nang kho nar 'jog par byed pa yin zhe na/ phyi rol gyi dmigs pa thams cad las yang dag par bsdus te/ rnam par mi g.yeng bar bya ba'i phyir dang po nang du nye bar gtod par byed pa gang yin pa de ni 'jog par
 byed pa yin no/ /ji ltar na yang dag par 'jog par byed pa yin zhe na/ dang po nye bar gtang pa'i sems gang yin pa de g.yo ba dang rags pa dang yang dag par mi gnas pa dang yongs su mi gnas par gyur pa na/ de dmigs pa de nyid la gtang pa'i
 tshul dang dang bar bya ba'i tshul gyis mngon par tshar bcad pa dang/ bcas pas 'phro bar mi byed cing mngon par g.yeng bar mi byed pa gang yin pa ni yang dag par 'jog par byed pa yin no/ /ji ltar bsdus te 'jog par byed pa yin zhe na/ de ltar
 de'i sems bzhag pa dang yang dag par bzhag pa de gal te brjed ngas pas phyi rol du rnam par g.yeng bar gyur na/ des yang phyir de nyid las sdud par byed do/ /de ltar na bsdus te 'jig par byed pa yin no/ /ji ltar na nye bar zhi par 'jog par
 byed pa zhe na/ dang po kho nar de lta de ltar dran pa nye bar bzhag ste/ gnas shing sems de yang dag par 'jog par byed pa na/ ci gnas kyang de'i sems de phyi rol du mi 'gro bar byed de/ de ltar na nye bar 'jog par byed pa yin no/ /ji ltar na dul
 bar byed pa yin zhe na/ gzugs dang sgra dang dri dang ro dang reg bya'i mtshan ma dang 'dod chags dang zhe sdang dang gti mug dang skyes pa dang bud med kyi mtshan ma gang gis de'i sems rnam par g.yeng bar gyur na/ de la des dang po nyid nas nyes dmigs
 kyi 'du shes bzung ba de nyid kyi dbang du byas nas mtshan ma de dag la de'i sems 'phror mi ster bar byed de/ de ltar na dul bar byed pa yin no/ /ji ltar na zhi bar byed pa yin zhe na/ 'dod pa'i rnam par rtog pa la sogs pa rnam par rtog pa gang dag
 dang 'dod ba la bdun pa la sogs pa nye ba'i nyon mongs pa gang dag gis de'i sems kun tu 'khrugs par gyur na/ de la des dang po nyid nas nyes dmigs kyi 'du shes su bzung ba de nyid kyi dbang du byas nas rnam par rtog
 pa dang nye ba'i nyon mongs pa de dag la de'i sems 'phror mi ster bar byed de/ de ltar na zhi bar byed pa yin no/ /ji ltar nye bar zhi bar byed pa yin zhe na/ de brjed ngas pa'i phyir zhes rnam par rtog pa dang nye ba'i nyon mongs pa des gnyis ga kun tu 'byung
 par gyur na/ byung ngo cog dang du mi len cing spong bar byed do/ /de ltar na nye bar zhi bar byed pa yin no/ /ji ltar rgyud gcig du byed pa yin zhe na/ mngon par 'du byed pa dang bcas pas bar du 'chad pa med pa dang rgyun chags par ting nge 'dzin gyi
 rgyu ma la 'jog par byed de/ de ltar na rgyu gcig du byed pa yin no/ /ji ltar ni ting nge 'dzin du byed pa yin zhe na/ kun tu bstan cing goms par byas lan mang du byas pa'i rgyus lhun gyis grub par 'jug pa dang rang gi ngad gis 'jug pa'i
 lam thob cing mngon par 'du byed pa med pa dang/ lhun gyis grub pa de nyid kyis de'i sems de rnam par g.yeng ba med pa'i ting nge 'dzin gyi rgyun la 'jug par 'gyur te/ de ltar na ting nge 'dzin du byed pa yin no/ /de la stobs drug gang zhe na/
 thos pa'i stobs dang bsam pa'i stobs dang dran pa'i stobs dang shes bzhin gyi stobs dang brtson 'grus kyi stobs dang yongs su 'dris pa'i stobs so/ /stobs drug po de dag gi sems gnas par gu po de dag 'grub ste/ de la thos
 ba'i stobs dang bsam pa'i stobs kyis ni re zhig thos pa gang yin pa dang bsam pa gang yin pa'i dbang du bas nas dang por kho nar sems dmigs pa la 'jog par byed pa dang de nyid la gtong ba'i tshul gyis yang dag par 'jog par byed do//
 dran pa'i stobs kyis ni de ltar sems gtang pa la yang dag par sdud pa dang rnam par mi g.yeng bar byed pas bsdus te 'jog nye bar 'jog par byed do/ /shes bzhin gyi stobs kyis ni de zhes rnam par rtog pa dang nye ba'i nyon mongs pa'i mtshan ma dag
 la 'bro bar mi byed pas dul bar byed pa dang zhi bar byed do/ /brtson 'grus kyi stobs kyis ni de gnyi ga dang du mi len pa dang rgyun chags par ting nge 'dzin gyi rgyun la 'jog par byed pas zhi bar byed pa dang rgyun gcig tu byed do/ /yongs su 'dris par
 byed pa'i stobs kyis ni ting nge 'dzin du byed do/ /de la yid la byed pa bzhi gang zhe na/ bsgrims te 'jug pa'i yid la byed pa dang/ skabs su 'chad cing 'jug pa'i yid la byed pa dang/ skabs su 'chad pa med par 'jug pa'i yid la byed pa dang/ rtsol
 ba med par 'jug pa'i yang la byed pa'o/ /sems gnas pa dgu po de dag ni yid la byed pa de bzhis 'jug te/ de la 'jog par byed pa dang yang dag par 'jog par byed pas ni bsgrims te 'jug pa'i yid la byed pas 'jug go/ bsdus te 'jog
 par byed pa dang nye bar 'jog par byed pa dang dul bar byed pa dang zhi bar byed pa dang/ nye bar zhi bar byed pa ni skabs su 'chad cing 'jug pa'i yid la byed pas 'jug go/ rgyud gcig tu byed pa ni skabs su 'chad pa med par 'jug pa'i yid la byed pas
 'jug go/ ting nge 'dzin du byed pa'i rtsol ba med par 'jug pa'i yid la byed pas 'jug go/ 'dir bsgom pa'i las la ni thams cad du yang sems gnas pa dgu la ting nge 'dzin du byed pa stobs drug las yongs su 'dris pa'i stobs dang yid la
 byed pa bzhi la sa rtsol ba med par 'jug pa'i yid la byed pa shas cher 'jug ste/ de yang dag pa'i ting nge 'dzin gyi la?  rab tu dbye ba yin no/ /'phags pa'i lam yan lag brgyad pa de dag thams cad kyang mdor bsdu na rgyu ba'i tshe na bya ba dang??
 gnas pa'i tshe na bya ba ni de la yang dag pa'i dag dang las kyi mdza' dang 'tsho ba dag ni rgyu pa'i tshe na bya ba yin no/ /gnas pa'i tshe na bya ba ni rnam pa gnyis te/ zhi gnas dang lhag mthong ngo/ /de la yang dag pa'i lta ba dang rtog
 pa dang rtsol ba gang yin pa de ni lhag mthong yin no/ /yang dag pa'i dran pa dang ting nge 'dzin gang yin pa de zhi gnas yin no/ /de ltar yang dag pa'i ngag dang las kyi mdza' dang 'tshe ba yongs su dag pa la brten nas dus dus su zhi gnas dang
 lhag mthong sgom par byed pa de ni kun tu sbyor ba ma lus par spangs pa mngon sum du byed cing 'bras bu'i mchog dgra bcom pa nyid kyang thob par 'gyur bas brgyad po de dag ni 'phags pa'i lam gyi yan lag yin no/ /de la gang gi tshe 'jig
 rten las 'das pa'i phung po lnga po thams cad lam gyis bsdus pa yin pa de'i tshe ci'i phyir yang dag pa'i lta ba mngon du btang ba'i 'phags pa'i lam yan lag brgyad pa lam gyi bden pa zhes bya zhe na/ 'phags pa slob pa bzhi mthong ba
 rnams kyi bslabs pa gsum gyi dbang du byas pa'i phyir te/ slob pa ni 'di ltar dus dus su lhag pa'i tshul khrims kyi bslab pa yang slob par byed cing lhag pa'i sems kyi bslab pa yang slob par byed lhag pa'i shes rab kyi bslab pa yang
 slob par byed la bslab pa gsum ni 'phags pa'i lam yan lag brgyad pa yin pas de'i phyir lam gyi bden pa zhes bya'o/ /de la yang dag pa'i dag dang las kyi mdza' dang 'tsho ba ni lhag pa'i tshul khrims kyi bslab pa yin no/ /ci'i
 phyir zhe na/ yang dag pa'i chos kyi longs spyod dang yang dag pa'i zang zing gi longs spyod kyi dbang du byas pa'i rgyu gnyis kyi ste/ yang dag pa'i dag dang yang dag pa'i las kyi mdza' ni rtsa ba'i tshul khrims yin te/ tshul khrims ni chos
 kyi longs spyod thams cad kyi gzhi yin pas de gnyis kyi yang dag pa'i chos la longs spyod kyi dbang du byas pa yin no/ /yang dag pa'i 'tsho ba ni tshul 'chos pa la sogs pa log par 'tsho bar byed pa'i chos rnam la mi brten par chos gos la sogs
 par yongs su tshol ba'i rtsa ba dang gzhi yin pas de ni yang dag pa'i zang zing gi longs spyod kyi dbang du byas pa yin no/ /yang dag pa'i lta ba dang rtog pa ni rtsol ba dang lhag pa'i shes rab kyi bslab pa yin no/ /de ci'i phyir zhe na/ shes rab kyi lam
 gyis ni mdor bsdu na rnam pa gsum yod la de dag ni chos gsum po de dag yongs su rdzogs par byed pa'i phyir te/ chos kyi de kho na'i don rtogs par byed pa'i las kyi de kho na'i don rtogs nas de nyid gzhan dag la ston par byed pa'i las dang kun
 sbyor ba lhag ma rnams spangs pa'i phyir ro/ /chos kyi rjes su mthun pa'i sgrub par byed pa'i las te/ las de gsum ni yang dag pa'i lta ba dang rtog pa dang rtsol ba dag gis go rim bzhin du yongs su rdzogs par byed pa'i phyir ro/ /yang dag pa'i
 dran pa dang ting nge 'dzin ni lhag pa'i sems kyi bslab pa yin no/ /ci'i phyir zhe na/ rnam pa gnyis kyis te/ ngo bo nyid rkyen gyis so/ /de la yang dag pa'i ting nge 'dzin ni lhag pa'i sems kyi ngo bo nyid yin no/ /yang dag pa'i dran pa ni rgyu bzhis lhag pa'i
 sems kyi rten gyi bya ba byed pa yin te/ dran pa nye bar gzhag pa bzhi po dag la sems dmigs pa la nye bar gtod par byed pa dang dbang po'i sgo bsdam pa dang shes bzhin du spyod pa dang dang bar gyur pa'i gnas lta bu'i dran pa yid la byed pa ting 'dzin gyis
 rjes su mthun pa dang skye ba pa'i gnyen po mi sdug pa la sogs pa yid la bya ba dag la lam la sgrib pa spong ba dang/ rab tu dben pa'i zhi gnas dang/ rab tu 'dzin pa dang btang snyoms kyi mtshan ma rtag tu byed pa dang gus par byed pa'i sbyor ba dag la mtshan
 ma yid la byed pa lan mang du byed bas so/ /de ltar 'phags pa'i lam yan lag brgyad pa de dag ni rnam par dag pa nges par 'byin pa'i lam yin pa na 'phags pa'i phyogs dang 'khor bsdu ba'i dngos po zhes bya ste/
 de tsam gyis yang dag pa'i mdza' rtogs pa 'di lta sgrib pa thams cad las rnam par thar par bya ba'i phyir lam gyi yan lag rnams kyis bla na med pa yang dag par rdzogs pa'i byang chub kyi bar du rjes su thob par rig par bya'o/ /gnyen po
 bsgom pas rnam par bzhag pa'i tshig gi don la sogs pa bshad zin to// //de'i 'bras bu rnam par bzhag pa ni gnyen po bsgom pa de'i 'bras bu ye shes dang spangs pa rnam par bzhag pa'o zhes smos pa la ye shes
 rnam par bzhag pa gang zhe na/ de kho nar rab tu rtogs pa'i dngos po zhes bya ba bstan te/ byang chub kyi phyogs bsgoms pa'i dbang gis 'jig rten pa dang 'jig rten las 'das pa'i lam rnams la de kho na'i don rab tu rtogs pa'i ye
 shes pa ni de kho na nyid rab tu shes pa'i de kho na nyid rab tu rtogs pa'i dngos po zhes bya ste de ni ye shes rnam par bzhag pa yin no/ /de la de kho na'i don gang zhe na mdor bsdu na rnams gnyis te/ ji ltar yod pa las brtsams te chos rnams
 kyi yang dag pa nyid gang yin pa dang/ ji snyed yod pa las brtsams te chos rnams kyi thams cad nyid gang yin pa ste de ltar yang dag pa'i nyid dang thams cad nyid ni chos rnams kyi de kho na'i don mdza' dag yin par rig par bya'o/ /de kho
 na'i don de rab tu dbye ba rnam pa bzhi ste/ 'jig rten gyi grags pa'i de kho na dang rigs pas grags pa'i de kho na'i don dang/ nyon mongs pa'i sgrib pa rnam par dag pa'i shes pa'i spyod yul gyi de kho na dang shes bya'i sgrib pa rnam par dag pa'i
 shes pa'i spyod yul de kho na'o/ /de la 'jig rten gyi grags pa'i de kho na gang zhe na brda dang kun rdzob 'dris pa'i rjes su 'gro bas zhugs pa'i blos dngos po gang la 'jig rten pa thams cad kyi lta ba mtshungs par gyur pa 'jig rten thams cad kyi nges par
 mos pa'i spyod yul gcig nas gcig tu 'ongs pa'i ming gi rang gi rnam par rtog pa la grags pa ma bsams ma dpyad ma rtags par bzung ba'i dngos po gzugs she 'am sgra zhes bya ba la sogs pa gang yin pa des ni 'jig rten gyi grags pa'i
 de kho na'o zhes bya'o/ /rigs par grags pa'i de kho na gang zhe na/ dam pa rigs pa'i don la mkhas pa 'dzangs pa rtog ga'i dpyod pa dang ldan pa rtog ger rtogs pa'i sa'i rang spobs pa las byung ba so so'i skye bo pa dpyod pa'i rjes su dpyod pa la gnas
 pa rnams kyi shes pa shin tu rnam par phye ba rnam par nges pa'i spyod yul shes bya'i dngos po mngon sum dang rjes su dpag pa dang yid ches pa'i lung gi tshad ma la brten nas 'thad pa sgrub pa'i rigs pas rab tu bsgrubs shing rnam par bzhag pa
 rang dang spyi'i mtshan nyid gang yin pa de ni rigs pas grags pa'i de kho na zhes bya'o/ /nyon mongs pa'i sgrib pa rnam par dag pa'i shes pa'i spyod yul gyi de kho na gang zhe na/ nyan thos kyi rang sangs rgyas thams cad kyi zag pa med pa dang/ zag pa med
 pa thob par byed pa dang/ zag pa med pa'i rdzas las 'thob pa 'jig rten pa'i shes pas spyod yul du bya ba 'phags pa'i bden pa bzhi dang gang yin pa ni nyon mongs pa'i sgrib pa'i rnam par dag pa'i spyod yul gyi de kho na zhes bya'o/ /shes bya'i sgrib
 pa rnam par dag pa'i shes pa'i spyod yul gyi de kho na gang zhe na chos thams cad brjod du mig pa'i ngo bo nyid las brtsams te/ byang chub sems dpa' rnams dang sangs rgyas bcom ldan 'das kyi ye shes chos bdag med pa la 'jug pa dang
 zhugs par gyur ba shin tu rnam par dag pa'i tshig du btags pa'i ngo bo nyid rnam par mi rtog pa dang mtshungs par spyod yul gyi yul du bya ba de bzhin mchog bla na med pa'i shes bya'i mthar thug pa gang yin pa de ni shes
 bya'i sgrib pa rnam par dag pa'i shes pa'i spyod yul gyi de kho na zhes bya ste/ de kho na de dag rab tu rtogs pa'i dngos po ye shes rnam par bzhag pa de ni gnyen po bsgom pa'i 'bras bu rnam par bzhag pa cig yin no/ /spangs pa rnam par
 bzhag pa gang zhe na/ mya ngan las 'das pa yang dag par 'thob pa'i dngos po zhes bya bas bstan te/ byang chub kyi phyogs bsgom pa'i dbang gi mthong bas spang bar bya ba dang/ bsgom pas spang bar bya ba'i nyon mongs pa ma lus bar spangs
 pa na/ de dag gis mya ngan las 'das pa thob pa zag pa med pa 'dus ma byas pa yang dag par 'thob pa ni mya ngan las 'das par yang dag par 'thob pa'i dngos po zhes bya ste/ de ni spangs pa rnam par bzhag pa yin no/ /de'i phung po
 lhag ma dang bcas pa dang lhag ma med pa'i mya ngan las 'das pa'i rgyud kyis yang dag par bsdus pa yin te/ de yang gnyen po bsgom pa de'i 'bras bu rnam par bzhag pa cig yin no/ /de'i 'bras bu rnam par bzhag pa'i tshig gi
 don la sogs pa bshad do// //de la sbyor ba'i rgyu rnam par bzhag pa ni gnyen po bsgom pa de la sbyor ba'i rgyu legs par gsungs pa'i chos 'dul ba 'di la 'jig rten pa'i yang dag pa'i lta ba rnam par
 bzhag pa'o zhes smos pa de la legs par gsungs pa'i chos 'dul ba 'di la 'jig rten pa'i yang dag pa'i lta ba rnam par bzhag pa gang zhe na/ legs par gsungs pa'i chos 'dul ba la 'jig rten pa'i yang dag pa'i
 lta ba 'di las phyi rol pa thams cad kyi yang dag pa'i lta ba dag las spyi bor gyur pa nyid kyi dngos po zhes bya bas bstan te/ de la legs par gsungs pa'i chos 'dul ba zhes bya ba ni bde bar gshegs pa'i gsung rab bo/ /de legs par gsungs
 pa'i zhes bya ba ni dam pa'i chos tshangs par spyod pa thog mar dge ba bar du dge ba tha mar dge ba zhes bya ba la sogs pa'o/ /chos 'dul ba zhes bya ba ni 'phags pa'i lam yan lag brgyad pa ste/ yang dag pa'i lta ba dang rtog pa dngos su la ba dang/ dran pa
 dang ting nge 'dzin ni chos so/ /yang dag pa'i dag dang las kyi mdza' dang 'tsho ba ni 'dul pa'o/ /'jig rten pa'i yang dag pa'i lta ba zhes bya ba ni dang po sems bskyed pa nas bzung ste tshogs kyi lam dang sbyor ba'i lam thams cad mthar pa'i cha dang mthun
 pa dang nges par byin pa'i cha dang mthun pa'i dge ba'i rtsa bas bsdus pa'i yang dag pa'i lta ba 'byin pa dang mchod sbyin dang la dang 'bras bu dang pa dang dgra bcom pa yod do zhes bya ba la sogs par lta ba gang yin pa'o/ /'di las phyi rol pa thams cad
 kyis yang dag pa'i lta ba dag las spyi por gyur pa nyid kyi dngos po zhes bya la/ 'di las phyi rol pa zhes bya ba ni bde par gshegs pa'i bstan pa 'di las phyi rol pa mu stegs can dang 'jig rten pa gzhan dag go/ de dag gi yang dag pa'i lta ba dag ni
 phyin ci log dang 'brel pa yin no/ /de dag gi yang dag pa'i lta ba dag las spyi bor gyur pa ni chos 'di ba'i 'jig rten pa'i yang dag pa'i lta ba de ni lung las 'jig rten pa yin yang dag lte/ chen po su la yang gyur ba/ de ni bskal pa stod rnams su/
 ngan 'gror 'gro bar mi 'gyur ro zhes gsungs pa'i phyir te/ de nyid bsgom pa de la bsgom pa'i rgyu yin no/ /de sbyor ba'i rgyu rnam par bzhag pa'i tshig gi don la sogs pa bshad zin to// //de'i mi mthun pa'i phyogs rnam par bzhag
 ba ni de sbyor ba'i rgyu de'i mi mthun pa'i phyogs ni de bsgom pas yongs su nyams pa rnam par bzhag ste zhes smos pa las/ de bsgom pas yongs su nyams pa dag zhe na de mi sgom pas yongs su nyams pa'i dngos po ste/ de
 zhes bya bas bstan to/ /zhes bya ba ni legs par gsungs pa'i chos 'dul ba 'di 'jig rten pa'i yang dag pa'i lta ba de 'od de mi bsgom pas ji ltar yongs su nyams par 'gyur zhe na/ de'i phyir 'di ltar legs par gsungs pa'i chos
 'dul ba ni mi bsgom pas yongs su nyams par 'gyur gyi zhes bya ba gsungs te/ de la sbyor ba'i rgyu de mi bsgom pa ni ma thob pa'i nyams pas yongs su nyams par 'gyur pa'i phyir ro/ /lta bas nyes pas ni ma yin no zhes bya ba ni
 legs par gsungs pa'i chos 'dul ba 'di la lta ba'i nyes pa med pa'i phyir ro de ltar na dngos po bzhi 'am dgu 'am nyi shu po de dag gi dbang du mdzad nas bcom ldan 'das kyi chos rnams kyi dngos po bsdu ba tsam gang du bstan pa
 de ni mdo sde yin te/ gsung rab tu gtogs pa yan lag bcu gnyis las mdo sde dang dbyangs kyis snyad pa'i sde dang lung du bstan pa'i sde dang/ tshigs su bcad pa'i sde dang/ ched du brjod pa'i sde gang yin pa de ni nyan thos kyi
 mdo sde'i snod do/ /shin tu rgyas pa'i sde dang/ rmad tu byung ba'i sde gang yin pa de ni byang chub sems dpa' i mdo sde'i sde snod do/ /skabs kha cig nas ni gling gzhi'i sde dang/ gtan la phab pa'i bstan pa'i sde ma gtogs pa
 gzhan bcu ni gnyis ka'i mdo sde snod do zhes kyang bshad do/ /de'i 'og tu 'dul ba'i mtshan nyid bstan pa'i dbang du mdzad nas/ 'jam dpal ngas gang du nyan thos rnams dang byang chub sems dpa' rnams kyis zhes bya ba la
 sogs pa gsungs so/ /de la so sor thar pa 'am zhes bya ba ni ris bdun po dge slong dang dge slong ma dang dge bsnyen dang dge bsnyen ma dang sdom pa'i tshul khrims kyis bsdus pa'i 'dul ba gang yin pa de de yang 'dul ba bzhi po rnam par 'byed pa dang gzhi dang phran
 tshogs dang dris lan las so sor thar pa'i mdo'i ma mo rgya cher brgyud de 'ongs pa de bzhin gshegs pas gsungs pa'i bsngags pa bstod pa yin no/ /so sor thar pa dang ldan pa zhes bya ba ni de rnam par 'byed pa ste/ de rnam par 'byed na gzhi dang phran
 tshogs/ dang dris lan yang zhar la byung bas 'dul ba dum bu bzhi char yang yin par rig par bya'o/ /de ni 'dul ba'i dngos po yin no/ /zhes bya ba ni so sor thar pa dang ldan pa ni 'dul ba'i ma mo yin no zhes bya ba ni don to/ /'dul ba'i ma mo de yang mdor
 bsdu na de na rnam pa bcu dang ldan pa yin te/ bcu gang zhe na/ phan yon dang/ sde tshan dang/ sdud pa dang rjes su spyod pa dang/ mi mthun pa dang/ mthun pa dang/ nya bar zhi ba dang/ yongs su shes pa dang/ dad cing 'phel bar 'gyur ba dang stobs so/ /de la phan
 yon gang zhe na/ de bzhin gshegs pas phan yon bcu yang dag par gzigs nas 'dul ba la nyan thos rnams kyis bslab pa'i bzhi bcas pa ste/ 'di lta ste/ dge 'dun bsdu ba'i phyir dang/ dge 'dun legs par bya ba'i phyir dang/ dge 'dun bde
 bar gnas par bya ba'i phyir dang/ rnod mi bkur ba'i gang zag rnams tshar bcad pa'i phyir dang/ ngo tsha shes pa rnams bde bar gnas par bya ba'i phyir dang/ mngon par ma dad pa rnams mngon par dad par bya ba'i phyir dang/ mngon par dad pa rnams phyir
 zhing dad par bya ba'i phyir dang/ tshe 'di'i zag pa rnams bsdams pa'i phyir dang/ tshe rabs phyi ma'i zag pa rnams gzhom pa'i phyir dang nga'i tshangs par spyod pa skye bo mang po la phan par gyur pa lha dang mi rnams kyis bar la yang dag par rab tu bstan pa
 yun ring du gnas pa'i phyir ro zhes gsungs pa'o/ /sde tshan gang zhe na/ ltung ba'i sde tshan lnga dang/ ltung ba las bslangs pa'i sde tshan bzhi ste/ ltung ba'i sde tshan lnga ni pham pa dang/ dge 'dun lhag ma dang/ ltung byed dang/ so sor
 bshags par bya ba dang/ nyes byas ste/ nyes pa spom po dang spang ba'i ltung pa dang ma nges pa dang/ de dag nyid du 'dus pa ci rigs par bya'o/ /ltung ba las bslang ba'i sde tshan bzhi ni pham pa ma gtogs pa de las gzhan pa'i ltung ba'i sde tshan
 bzhi las bslang ste/ pham pa las kyang bslang ba yod mod kyi don gang zag gi bye brag tsam nyid las brten pa yin gyi thams cad la khyad par med par ma yin pas de'i phyir de la bslang ba'i sde tshan ni mgo gcig tu rnam par mi bzhag go /
 sdud pa gang zhe na/ 'dul ba sdud par byed pa'i chos lnga ste/ rang bzhin gyi kha na ma tho ba dang bcas pa dang/ dgag pa dang gnang ba dang/ sgrub pa'o/ rjes su spyod pa gang zhe na/ 'dul ba'i rjes su spyod pa'i chos lnga ste/ gnas pa dang gnas dang rten ngas
 longs spyod dang las so/ /mi mthun pa gang zhe na/ dge slong 'dus pa'i bslab pa la brtson pa'i bslab pa dang mi mthun pa'i chos lnga ste/ bar tu gcod pa dang/ dam pa'i chos ltar bcos pa dang/ sdig pa'i grogs po dang/ glen zhing nyon mongs pa
 spang ba dang/ sngon gyi tshogs stobs chung ba'o/ /mthun pa gang zhe na/ dge slong 'dul ba'i bslab pa la brtson pa'i bslab pa dang mthun pa'i chos lnga ste/ mi mthun pa lnga las bzlog pa'o/ /nye bar zhi ba gang zhe na/ dge slong 'dul pa'i bslab pa la
 brtson pa'i nye bar zhi ba dang/ 'du ba dang zhi bar 'gyur ba'i chos lnga ste/ des shing 'grogs na bde ba nyid dang/ spong ba dang/ spong ba'i yan lag dang/ bsnyen bkur dang/ rtsod pa nye bar zhi ba'o/ /yongs su shes pa gang zhe na/ dge slong 'dul
 pa'i bslab pa la brnon pas yongs su shes par bya ba dang/ ltung ba yongs su shes par bya ba dang/ gang zag yongs su shes par bya ba dang/ rdzas yongs su shes par bya ba dang/ gnod pa yongs su shes par bya ba dang/ dad cing 'phel
 bar 'gyur ba gang zhe na/ dge slong 'dul ba'i bslab pa la brtson pa la ma dad pa rnams dang ba dang/ dad pa rnams phyir zhing 'phel bar 'gyur ba'i chos lnga ste/ tshul khrims phun sum tshogs pa dang/ lta ba phun sum tshogs pa dang/ chog phun
 sum tshogs pa dang/ 'tsho ba phun sum tshogs pa dang/ phan tshun 'thab rtsod med pa'o/ /stabs gang zhe na/ dge slong 'dul ba'i tshul la brtson pa'i yang dag pa'i sbyor ba rnam pa thams cad du phun sum tshogs par 'gyur ba'i stobs lnga ste/
 sbyor ba'i dpe stobs dang/ bsam pa'i stobs dang/ rtog pa'i stobs dang/ shes pa'i stobs dang/ gnas pa'i stobs so/ /de ltar 'dul ba'i ma mo don bcu dang ldan pa bstan pa nges ni 'dul ba'i ngo bo nyid bstan to// //
 de'i 'og tu de'i rab tu dbye ba bstan pa'i phyir/ bcom ldan 'das byang chub sems dpa' rnams kyis so sor rnam par thar pa dus bsdus par rig par bgyi lags zhes bya ba gsungs so/ /'jam dpal rnam pa bdun gyis te/ zhes bya ba la yang dag
 par blang ba'i cho ga bstan pa zhes bya ba ni dang por gsum la skyabs su btang ba dang/ dge bsnyen gyi sdom pa byin nas de'i 'og tu las bzhi po gsol ba'i las dar gsol ba dang gnyis kyi las dang/ gsol ba dang bzhi'i las dang/ las gsum brjed
 pa'i las kyis rab tu byung ba dang bsnyen par rdzogs par bya ba'i chos bstan pa'o/ /pham pa'i gnas lta bu'i dngos po bstan pa zhes bya ba ni ltung ba'i sde tshan lnga'i dang po dang sbyar ro/ /ltung ba'i gnas lta bu'i dngos po bstan pa zhes bya ba ni ltung pa'i
 sde tshan lnga'i tha ma bzhi dang sbyar ro/ /ltung ba'i ngo bo nyid bstan pa zhes bya ba ni rnam pa gsum ste/ nyon mongs pa can ma yin pa'i ltung ba dang/ nyon mongs pa can gyi ltung ba dang ltung pa rnams kyi chung ngu dang 'bring dang chen po nyid
 bstan pa'o/ /de la nyon mongs pa can ma yin pa'i ltung ba ni rgyu gnyis kyis 'byung ste/ mi shes pa dang/ bag med pa'o/ /nyon mongs pa can gyi ltung ba yang rgyu gnyis 'byung ste/ nyon mongs pa mang pa dang/ ma gus pa'o/ /ltung ba rnams kyi chung ngu
 dang 'bring dang chen po ni rnam pa lngas rig par bya ste/ ngo bo nyid byed pa dang/ bsam pa dang/ gzhi dang tshogs pa'o/ /de la ngo bo nyid las chung ngu dang 'bring dang chen po nyid ni pham pa ni ltung ba chen po yin no/ /dge 'dun lhag ma ni 'bring ngo/ /de las
 gzhan pa ni ltung ba chung ngo/ /rnam grangs gzhan yang pham pa dang/ dge 'dun lhag ma rnams ni chen po yin/ ltung byed dang so sor gshags par bya ba rnams ni 'bring yin no/ /nyes byas rnams ni chung ngu yin pa'o/ /byed pa las ni mi shes pas
 byas pa dang bag med pas byas pa ni chung ngu yin/ nyon mongs pa mang bas byas pa ni 'bring yin/ ma gus pas byas pa ni chen po yin no/ /bsam pa las ni 'dod chags dang zhe sdang dang gti mug gis kun nas dkris pa chung ngus byas pa ni
 chung ngu yin/ 'bring gis byas pa ni 'bring yin/ chen pos byas pa ni chen po yin pa'o/ /gzhi las ni zhe sdang gis kun nas dkris pa mtshungs pas dud 'gro'i skye gnas su skyes pa'i srog chags bsams bzhin du bsad na ni ltung byed yin pas
 chung ba 'am ming chags pa pha ma? yin pa bsad na ni pham pa yin la/ mtshams med pa ma yin pas 'bring/ pha ma bsad na ni pham pa yang yin la mtshams med pa yin pas che ba lta bu'o/ /sogs pa las ni ltung ba gcig dang gnyis
 dang gsum nas lnga'i bar du byung yang chos bzhin du phyir mi byed pa de ni chung ngu yin bcu 'am nyi shu 'am sum cu 'am shes par bya nus pa'i bar du byung ba chos bzhin du phyir mi byed pa ni 'bring yin/ ltung pa dpag tu med par gyur pa bdag la ltung ba 'di snyed cig
 byung ngo zhes shes par mi nus pa de ni chen por rig par bya'o/ /ltung ba ma yin pa'i ngo bo nyid bstan pa zhes bya ba ni bya ba rnam pa lnga kho nas ltung ba mi 'byung ba ste/ dbang po rnams kyis sgo bsdams te gnas pa dang zas kyi tshod rig pa nyid nam gyi cha stong
 dang nam gyi cha smad la mi nyal bar sbyor ba'i rjes su brtson pa dang shes bzhin du spyod pa de ni bya ba gcig yin no/ /gzhan yang dge sbyong gi tshul shas cher lta ba dang ston pa dang tshangs pa mtshungs par spyod pa rnams la dad pa dang gus pa chen po dang
 kha na ma tho ba spyod pas shas cher ngo tsha shes shing khrel yod pa zhugs pa de ni bya ba gnyis pa yin no/ /gzhan yang bya ba nyung ba dang don nyung ba dang las kyi mdza' nyung ba dang 'du 'dzi nyung ba de ni bya ba gsum pa yin no/ /gzhan yang khyim pa dang rab tu byung
 pa rnams dang mi 'dre bar gnas pa dang bag yod par ltung ba dang ltung ba med pa la mkhas pa dang de dag pa'i phyogs pa gcig tu nges par byed pa de ni bya ba bzhi pa yin no/ /gzhan yang las dang po pa dang smyon pa dang sems 'khrugs pa dang tshor bas nyen
 ba de ni bya ba rnam pa lnga yin te/ bya ba lnga po de dag gi dang po nyid nas ltung ba mi 'byung bar rig par bya'o/ /ltung ba las byung ba bstan pa la zhes bya ba ni rgyu gsum gyis ltung ba las ldang ba ste/ gsum gang zhe na/ 'gyod pa lnga bskyed pa dang/ yan lag
 lngas bsdus pa'i bag yod pa dang/ rnam pa lngas 'gyod pa bsal ba'o/ /de la 'gyod pa gang zhe na/ ltung ba gang yang rung ba zhig byung ba na bdag nyid la gzhi 'dis tshul khrims dag gis smad par 'gyur ro snyam nas 'gyod pa skyed par byed pa dang/
 gzhan dang lha dag gis smad par 'gyur ro snyam nas 'gyod pa skyed par byed pa dang/ ston pa dang tshangs pa mtshungs par spyod pa mkhas pa rnams kyi smad par 'gyur ro snyam nas 'gyod pa skyed par byed pa dang/ phyogs dang phyogs
 mtshams rnams su sdig pa can mi bsngags pa bsgrags pa dang sgra dang tshigs su bcad pa mngon par 'phel bar 'gyur ro snyam nas 'gyod pa skyed par byed pa dang/ bdag lus zhig na ngan song ngan 'gro log par ltung ba rnams su skye bar gyur
 na mi rung ngo snyam nas 'gyod pa skyed par byed pa'o/ /yan lag lngas bsdus pa'i bag yod pa gang zhe na/ 'das pa'i dus la brten nas ltung ba byung ba gang yin pa de yang chos bzhin du byed pas sngon gyi mdza' dang ldan pa'i bag yod pa dang/ ma 'ongs
 pa'i dus la brten nas ltung ba byung ba gang yin pa de yang chos bzhin du phyir byed pas phyi ma'i mdza' dang ldan pa'i bag yod pa dang/ da ltar byung ba'i dus la brten nas ltung ba gang yin pa de yang chos bzhin du phyir byas pas dbus kyi mdza' 
 dang ldan pa'i bag yod pa dang/ ltung ba ma byung ba'i lnga rol nas phyis ltung ba mi 'byung bar bya ba'i phyir ji lta ji ltar spyad cing gnas na phyis ltung ba mi 'byung bar gyur ba de lta de ltar spyod cing gnas pas dus lnga nas byas pa'i bag yod pa dang/
 'bral du yang ci nas kyang ltung ba mi 'byung ba de ltar spyod cing gnas pas lhan cig spyod pa'i bag yod pa dang ldan pa'o/ /rnam pa lngas 'gyod pa bsal ba gang zhe na/ bcom ldan 'das kyis gzhi dang bcas nges par 'byung ba dang bcas pa'i
 chos bstan pas ltung ba las ldang ba'i skabs yod do snyam nas 'gyod pa sel bar byed pa dang mi shes pa dang bag med pa de nyon mongs pa mang ba dang ma gus pa gang gis ltung ba byung ba'i mi shes pa nas ma gus pa'i bar de ni spangs shing shes
 nas gus pa'i bar de ni yang dag par skyes so snyam nas 'gyod pa sel bar byed pa dang yang ltung ba mi 'byung bar bya ba'i phyir bsam pa thag pa nas sems skyes so/ /snyam nas 'gyod pa sel bar byed pa dang/ tshangs pa mtshungs par spyod pa la mkhas pa
 rnams kyi mdun du so sor bshad zin to snyam nas 'gyod pa sel bar byed pa dang/ bdag legs par gsungs pa'i chos 'dul ba las rab tu byung nas bslab pa dang mi 'gal zhing 'gyod ba med pa gang yin pa de ni bdag la dge ba dang legs pa yin
 gyi bdag bcom ldan 'das kyis 'dod pa'i rgyun sgrib pa'i gnas lta bu rnam grangs du mar smad par bar du gcod par byed pa gang yin pa des mang du gnas shing dang du len par byed na sel bar mi byed pa gang yin pa de ni bdag la dge ba dang legs
 pa ma yin no snyam nas 'gyod pa sel bar byed pa ste/ rnam pa de dag gi ltung ba las ldang bar byed do/ /sdom pa gtong ba bstan pas so zhes bya la rgyu dus ni dge slong gi sdom pa blangs kyang btong bar 'gyur zhe na/ mdor bsdu na rgyu lnga ste/ bslang pa'i
 gzhi 'bul ba dang/ ltung ba'i gzhi 'bul ba dang/ ltung ba'i rtsa ba lhag par spyod pa dang/ mtshan nub cing mtshan gnyis skyes pa dang/ dge ba'i rtsa ba chad pa dang/ rigs mthun pa spangs pa'o/ /dam pa'i chos rab tu rnam par zhig dam pa'i chos
 nub cing dge slong gi sdom pa blang ba ni blang du med la sngar blangs pa ni yongs su smin gtong bar rig par bya'o/ /dge bsnyen gyi sdom pa ni mi mthun pa'i sems skyes pa dang/ dge ba'i rtsa ba chad pa dang/ rigs 'thun pa spangs pas gtong par rig par
 bya'o/ /dam pa'i chos nub pas ni dge slong gi sdom pa ji lta ba bzhin du dge bsnyen gyi sdom pa dang/ dge bsnyen ma'i sdom pa yang de bzhin du rigs par bya'o/ /bsnyen gnas pa'i sdom pa gtong ba ni nyi ma shar ba dang/ gal te sems mi mthun pa bskyed pa
 dang/ snga rol du ris mthun pa spong zhing 'chi ba'i dus byed pa las khong du chud par bya'o/ /de ltar 'dul ba'i ngo bo nyid dang rab tu dbye ba de dag lus dang ngag dang yid sdom zhing nyon mongs pa 'dul bar byed pas na 'dul ba zhes bya ste/ gsung
 rab tu gtogs yan lag bcu gnyis las gleng gzhi'i sde dang/ rtogs pa brjod pa'i sde dang de lta bu byung ba'i sde dang skyes pa'i rabs kyi sde dang ci rigs par sbyar ro/ /skabs kha cig nas ni gleng gzhi'i sde nyi tsha dang sbyor ro zhes kyang bshad do/ /de'i 'og
 tu ma mo'i mtshan nyid bstan pa'i dbang du mdzad nas 'jam dpal ngas gang du mtshan nyid rnam pa bcu gcig bshad pa dang/ rnam par phye ba dang bstan pa gang yin pa de ni ma mo zhes bya'o zhes bya ba la sogs pa gsungs te/ mdo sde dang 'dul ba ji skad
 bstan pa de dag gtan la phebs par byed pa/ gtan la dbab par bstan pa'i sde thams cad ni ma mo zhes bya ba ste/ chos mngon pa'i sde snod kyang yin no/ /de la mtshan rnam pa bcu gcig gang zhe na/ zhes bya ba la ma mo'i mtshan nyid bcu gcig gang
 yin pa de ni mtshan nyid lngar 'gyur te/ kun rdzob kyi mtshan nyid dang/ don dam pa'i mtshan nyid gnyis ni bstan pa'i mtshan nyid do/ /byang chub kyi phyogs dang mthun pa'i chos rnams kyi dmigs pa'i mtshan nyid dang/ rnam pa'i mtshan nyid ngo bo nyid kyi mtshan
 nyid gsum ni yongs su rtog pa'i mtshan nyid do/ /de'i 'bras bu'i mtshan nyid dang/ de myong ba'i rnam par bsnyad pa'i mtshan nyid gnyis ni 'bras bu'i mtshan nyid do/ /de'i bar du gcod pa'i chos kyi mtshan nyid dang/ rjes su mthun pa'i chos kyi mtshan
 nyid gnyis ni de dag gi bgegs dang phan 'dog pa'i mtshan nyid do/ /de'i nyes dmigs kyi mtshan nyid dang/ phan yon gyi mtshan nyid gnyis ni de'i nyes pa dang yon tan gyi mtshan nyid do/ /'jam dpal de la kun rdzob kyi mtshan nyid ni rnam pa
 gsum ste/ gang zag bstan pa dang kun gdags pa'i ngo bo nyid bstan pa dang/ chos rnams kyis byed pa dang/ g.yo ba dang las byed pa bstan par lta bar bya'o zhes bya ba la gang zag bstan pa zhes bya ba ni bdag dang sems can dang srog dang gang zag ces
 bya ba la sogs pa mu stegs can gyi bdag tu brjod pa'i rnam grangs lung las bstan pa'o/ /kun brtags pa'i mtshan nyid bstan pa zhes bya ba ni rnam par rtogs pa'i spyod yul kun brtags pa'i mtshan nyid kyi gnas 'du byed kyi mtshan ma la
 ngo bo nyid kyi mtshan nyid dam bye brag gi mtshan nyid du ming dang brdar rnam par bzhag pa'o/ /chos rnams kyi byed pa dang g.yo ba dang las byed pa zhes bya ba ni rnam grangs te spyir na byed pa pos byed pas las kyi bya ba byed do zhes bstan pa dag go /de dag
 thams cad ni blo bur du sgro btags pa yin gyi dngos su yod pa ma yin pa ma yin pas na kun rdzob gyi mtshan nyid ces bya ste/ de ni kun rdzob tu bstan pa'i mtshan nyid yin no/ /de la don dam pa'i mtshan nyid de bzhin nyid rnam pa bdun bstan pa yin
 par blta bar bya'o/ /zhes bya ba la de bzhin nyid rnam pa bdun ni sngar 'phags pa byams pa'i le'ur byung ba'i de bzhin nyid dang mtshan nyid kyi de bzhin nyid dang rnam par rig pa'i de bzhin nyid dang gnas pa'i de bzhin nyid dang log par sgrub pa'i de
 bzhin nyid dang rnam par dag pa'i de bzhin nyid dang yang dag par sgrub pa'i de bzhin nyid bstan pa dag go /de dag ni de'i ngo bo nyid de bzhin nyid bden pa yin pas na don dam pas bden pa'i mtshan nyid ces bya ste de ni don dam par bstan pa'i
 mtshan nyid yin no/ /dmigs pa'i mtshan nyid ni shes bya'i dngos po rnam pa thams cad bstan pa yin par blta bar bya'o zhes bya ba la/ shes bya'i dngos po rnam pa thams cad ces bya ba ni sngar dran pa nye bar gzhag pa la sogs pa byang chub
 kyi phyogs dang mthun pa'i chos sum cu rtsa bdun gyi dmigs pa ji skad bstan pa dag yin te/ de ni byang chub kyi phyogs kyi chos rnams kyi brtags pa'i mtshan nyid yin no/ /rnam pa'i mtshan nyid ni brtag pa rnam pa brgyad bstan
 par blta bar bya ste/ zhes bya ba ni brtag pa rnam pa brgyad po de dag kyang sems kyi rnam pa tsam du zad pas rnam pa'i mtshan nyid ces bya ste/ de ni sems kyi brtags pa'i mtshan nyid yin no/ /brtags pa rnam pa brgyad gang zhe na zhes bya ba la/ bden pa'i
 rnam pa yang bden pa'i sgo nas brtag gnas pa'i rnam pa yang gnas pa'i sgo nas brtag skyon dang/ yon tan dang tshul dang 'jug pa dang rigs pa dang bsdus pa dang rgyas pa'i rnam pa yang de dag gi so so'i sgo nas de dag nyid yin par brtag go
 zhes bya bar sbyar ro/ /de la bden pa ni de bzhin nyid gang yin pa'o zhes bya ba ni sngar don dam pa'i mtshan nyid rnam pa bdun bstan pa'o/ /gnas pa ni gang zag rnam par bzhag pa 'am/ kun brtag pa'i ngo bo nyid rnam par bzhag pa 'am/
 mgo gcig dang rnam par dbye ba dang dris te lan gdab pa rnam par bzhag pa 'am/ bzhag pa rnam par bzhag pa 'am/ gsang ba dang rnam par dbye ba lan btab pa rnam par bzhag pa gang yin pa'o zhes bya ba la gang zag rnam par bzhag pa dang
 kun brtags pa'i ngo bo nyid rnam par bzhag ba ni sngar kun rdzob kyi mtshan nyid bstan pa'i skabs su bshad pa bzhin no/ /mgo gcig tu lan btab pa rnam par bzhag ces bya ba ni sems can thams cad 'chi bar 'gyur ram zhes 'dri ba thams
 cad 'chi bar 'gyur ro zhes mgo gcig tu lan btab pa lta bu la sogs pa'o/ /rnam par dbye zhing lan gdab pa rnam par bzhag pa zhes bya ba ni shi ba thams cad skye bar 'gyur ram zhes 'dri ba la gang dag nyon mongs pa dang bcas pa de dag ni skye bar
 'gyur ro/ /gang dag nyon mongs pa med pa de dag ni skye bar mi 'gyur ro zhes rnam par phye bas lan gdab pa lta bu la sogs pa'o/ /dris te lan gdab pa rnam par bzhag pa zhes bya ba ni mi rnams khyad par du 'phags pa yin nam/ dman pa yin zhes dris pa
 las gang la bltos te 'dri zhes phyir dris nas gal te ngan song rnams las bltos nas 'dri'o zhes zer na ni khyad par du 'phags pa yin no/ /zhes lan btab pa dang/ gal te lha rnams las bltos te 'dri'i zhes zer na ni dman pa yin no zhes lan gdab
 pa lta bu la sogs pa'o/ /bzhag pa las lan gdab pa rnam par bzhag pa zhes bya ba ni bdag phung po rnams dang gcig gam tha dad ces 'dri ba la bdag gtan med pa phung po rnams dang gcig gam tha dad pa nyid du 'gyur pa yod re skan snyam don gyi dbang
 de yid la byas te cang mi smra bas lan gdab pa lta bu la sogs pa'o/ /gsang ba zhes bya ba ni sems can snod du ma gyur pa dag la don zab mo gsang ba'o/ /rnam par dbye ba lan gdab pa rnam par bzhag pa zhes bya ba ni snod du gyur pa dag la sgrogs par
 mdzad do skyon rnams ni nges kun nas nyon mongs pa'i chos rnams kyi nye dmigs rnam grangs du mar bstan pa gang yin pa dag go zhes bya ba la kun nas nyon mongs pa'i chos rnams zhes bya ba ni nyon mongs pa dang las dang kun skye ba'i nyon mongs pas
 bsdus pa'i chos rnams so/ /de dag gi nyes dmigs rnam grangs du mar bstan pa gang zhe na/ nyon mongs pa'i kun nas nyon mongs pa'i nyes dmigs ni rnam pa du ma 'di lta ste/ sems kun nas nyon mongs par byed pa dang/ dmigs pa la phyin ci log du
 byed pa dang/ bag la nyal bar stan par byed pa dang/ rgyu mthun pa'i 'du byed kyi/ rgyu 'jug par byed pa dang/ bdag dang gzhan dang gnyis ka las gnod pa dang/ tshe 'di dang phyi ma gnyis ka'i kha na ma tho ba skyed pa dang/ de las skyes pa'i sems de las
 byung ba'i sdug bsngal ba dang yid mi bde ba nyams su myongs bar byed pa dang/ skye ba la sogs pa'i sdug bsngal 'grub par byed pa dang/ mya ngan 'das pa las rgyud thag ring bar byed pa dang/ dge ba'i chos yongs su nyams
 par byed pa dang/ longs spyod nyams par byed pa dang/ 'khor gyi nang du zhum par 'gyur ba dang/ phyogs dang phyogs mtshams su sdig pa mi snyan pa'i sgra grags par 'gyur ba dang/ dam pa rnams kyis smad par 'gyur ba dang/ 'gyod bzhin du 'chi ba'i
 dus byed pa dang/ lus zhig ste shi ba'i 'og du ngan song ngan 'gro log par ltung ba'i sems can dmyal ba rnams su skye ba dang/ bdag gi don thob par mi 'gyur ba'o/ /las kyi kun nas nyon mongs pa'i nyes dmigs ni rnam pa bdun te/ bdag
 la gnod pa dang/ gzhan la gnod pa dang/ gnyi ga la gnod pa dang/ tshe 'di'i kha na ma tho ba skyed pa dang/ tshe phyi ma'i kha na ma tho ba skyed pa dang/ tshe 'di dang phyi ma'i kha na ma tho ba skyed pa dang/ de la skyes pa'i sems las byung ba'i sdug bsngal ba
 dang yid mi bde ba de nyams su myong bar 'gyur ba'o/ /skye ba'i kun nas nyon mongs pa'i nyes dmigs ni skye ba'i rab tu dbye ba dang sdug bsngal ba dang ma nges pa dang 'jug pa dag las ci rigs par rig par bya'o/ /yon tan rnams ni ngas rnam
 par byang ba'i chos rnams kyi phan yon rnam grangs du mar bstan pa gang yin pa dag go zhes bya ba la rnam par byang ba'i chos rnams zhes bya ba ni tshogs kyi lam dang sbyor ba'i lam dang rnam par dag pa'i lam rnams so/ /de dag gi phan yon rnam
 grangs du mar bstan pa ni mi mthun pa'i phyogs spong ba dang gnyen po skyed pa'i rim gyis mthar thug pa'i 'bras bu thob pa'i bar du ji skad bstan pa yin no/ /tshul ni rnam pa drug du rig par bya ste/ de kho na'i don gyi tshul dang/ /
 'thob pa'i tshul dang/ bshad pa'i tshul dang/ /mdza' gnyis rnam par spongs ba'i tshul dang/ bsam gyis mi khyab pa'i tshul dang/ /dgongs pa'i tshul lo zhes bya ba la sangs rgyas kyi bka' shes bya ba'i gnas thams cad ni
 mdor bsdu na tshul drug du de dag khong du chud par bya'o/ /de la tshul snga ma gsum ni tshul phyi ma gsum gyis khong du chud par bya ste 'di lta ste/ de kho na'i tshul gyis mdza' gnyis rnam par spang ba'i tshul gyi khon du chud par bya'o/ /'thob pa'i tshul ni bsam
 gyis mi khyab pa'i tshul gyis khong du chud par bya'o/ /bshad pa'i tshul ni dgongs pa'i tshul gyis khong du chud par bya'o/ /de la de kho na'i don 'di tshul yin pas de kho na'i don gyi tshul te/ dgongs pa nyid tshul yin pas dgongs pa'i tshul gyi bar tu 'ang
 de bzhin no/ /tshul gyi don ni de dang de la ma nor ba nyid ji lta ba de bzhin nyid dang phyin ci ma log pa yin pa'o/ /de la de kho na'i don ni mdor bsdus na rnam pa drug du rig par bya ste/ 'jig rten pa'i grags pa'i de kho na dang/ rigs pas grags pa'i de kho na
 dang/ nyon mongs pa'i sgrib pa rnam par dag pa'i shes pa'i spyod yul gyi de kho na dang/ shes bya'i sgrib pa rnam par dag pa'i shes pa'i spyod yul gyi de kho na dang rnam par bzhag pa'i de kho na dang rnam par ma gzhag pa'i de kho na'o/ /de la 'jig rten
 gyi gnas pa'i de kho na gang zhe na/ brda dang kun rdzob la dris pa'i rjes su 'gro bas zhugs pa'i blos dngos po gang la 'jig rten pa thams cad kyi lta ba mtshungs pa 'jig rten pa thams cad kyi nges pa'i spyod yul cig nas cig tu 'ongs pa'i ming
 gis rang gi rnam par rtog pa la grags pa ma bsams ma dpyad ma brtags par bzung ba'i dngos po gzugs she 'am sgra zhes bya ba la sogs pa gang yin pa de ni 'jig rten gyi grags pa'i de kho na zhes bya'o/ /rigs pas grags pa'i de kho na
 gang zhe na/ dam par rigs pa'i don la mkhas pa 'dzangs pa rtog ge'i spyod pa dang ldan pa rtog ger rtogs pa'i sa rang spobs pa las byung bas so/ /skye bo pa spyod pa'i rjes su spyod pa gnas pa rnams kyi shes pa shin tu
 rnam par phye ba rnam par des pa'i spyod yul shes bya'i dngos po mngon sum dang rjes su dpag pa dang yid ches pa'i lung gis tshad ma la brten nas 'thong ba bsgrubs pa'i rigs pas rab tu bsgrubs shing rnam par bzhag pa rang dang spyi'i/
 mtshan nyid gang yin pa de ni rigs pas grags pa'i de kho na zhes bya'o/ /nyon mongs pa'i sgrib pa rnam par dag pa'i spyod yul gyi de kho na gang zhe na/ nyan thos dang rang sangs rgyas thams cad kyi zag pa med pa dang zag pa med pa thob par byed pa dang
 zag pa med pa'i rjes las thob pa 'jig rten pa'i shes pas spyod yul du bya ba 'phags pa'i bden pa bzhi gang yin pa de ni nyon mongs pa'i sgrib pa rnam par dag pa'i shes pa'i spyod yul gyi de kho na zhes bya'o/ /shes bya'i sgrib pa rnam par
 dag pa'i shes pa'i spyod yul gyi de kho na gang zhe na/ chos thams cad brjod du med pa'i ngo bo nyid las brtsams te byang chub sems dpa' rnams dang sangs rgyas bcom ldan 'das rnams kyi ye shes chos bdag med pa la 'jug pa dang zhugs
 par 'gyur ba shin tu rnam par dag pa tshig tu btags pa'i ngo bo nyid rnam par mi rtog pa dang mtshungs par spyod yul gyi yul du bya ba de bzhin nyid mchog bla na med pa shes bya'i mthar thug pa gang yin pa de na shes bya'i sgrib pa rnam par dag pa'i
 shes bya'i spyod yul gyi de kho na zhes bya'o/ /rnam par bzhag pa'i de kho na gang zhe na 'phags pa'i bden pa bzhi ste/ sdug bsngal ni sdug bsngal du rnam par bzhag pa dang/ lam gyi bar du lam du rnam par bzhag pa'o/ /de ci'i phyir zhe na/ 'di ltar de ni kun
 rdzob rnam pa gsum gyis rnam par 'jog par byed pa'i phyir ste/ 'jig rten gyi kun rdzob dang rigs pa'i kun rdzob dang/ rtogs pa'i kun rdzob kyis so/ /de la 'jig rten gyi kun rdzob ni khang khyim dang bum pa dang dmag dang nags tshal dang grangs la sogs pa
 rnam par bzhag pa dang/ bdag dang sems can la sogs pa rnam par bzhag pa rnam par 'jog go /rigs pa'i kun rdzob kyis ni phung po dang khams dang skye mched la sogs pa rnam par bzhag pas rnam par 'jog go /rtogs pa'i kun rdzob kyis ni rgyun
 tu zhugs pa'i 'bras bu la sogs pa dang de dag gi gnas rnam par bzhag pas rnam par 'jog go/ de dag kyang mdor bsdu ba rnam par bzhag pa rnam par bzhir 'gyur te/ ji skad bstan pa rnam pa gsum dang don dam pa'i kun rdzob gyis don dam
 pa'i bden pa rnam par bzhag pa ste/ don dam pa de'i don ni so sor rang rig pa yin pa'i phyir don dam pa de shes pa skye ba dang mthun pa nyid la brten te/ kun rdzob kyi tha snyad du don dam pa'i bden pa zhes rnam par 'jog go /rnam par ma bzhag pa'i
 de kho na gang zhe na/ chos rnams kyi de bzhin nyid yongs su grub pa'i ngo bo nyid 'phags pa'i ye shes kyi spyod yul 'phags pa'i ye shes kyi dmigs pa gang yin pa'o/ /'thob pa gang zhe na/ 'thob pa ni mdor na rnam pa bzhi ste/ sems can rnams
 kyi las kyi rnam par smin pa'i 'thob pa dang/ nyan thos kyi theg pa 'thob pa dang/ rang sangs rgyas kyi theg pa 'thob pa dang/ theg pa chen po 'thob pa'o/ /de la sems can rnams kyi rnam par smin pa 'thob pa ni las dge ba dang mi dge ba dang mi dge ba
 mngon par 'du byed pas las bdag gir bya ba nyid la brten nas rgyud des 'gro ba lnga'i 'khor bar sems can rnams kyi rnam par smin pa mngon par 'grub? pa dang rnam par smin pa so sor myong ba gang yin pa'o/ /nyan thos kyi theg pa 'thob pa ni
 skabs su 'gro ba la sogs pa nas dge sbyong gi rgyan gyi bar du tshogs kyi lam la brten nas rnam pa lnga thog pa gang yin pa ste/ sa 'thob pa dang/ /shes pa 'thob pa dang/ dad pa 'thob pa dang/ 'bras bu 'thob pa dang/
 yon tan 'thob pa'o/ /de las 'thob ba ni sa gsum ste/ mthong ba'i sa dang/ bsgom pa'i sa dang/ mthar thug pa'i sa'o/ /shes pa thob pa ni dgu ste/ chos shes pa dang/ rjes su rtogs pa shes pa dang/ sdug bsngal shes pa dang/ kun 'byung
 shes pa dang/ 'gog par shes pa dang/ lam shes pa dang/ de dag gi rjes las thob pa kun rdzob shes pa dang/ zad pa shes pa dang/ mi skye ba shes pa'o/ /dad pa 'thob pa ni shes nas dang pa bzhi po dag ste/ dkon mchog gsum dang
 'phags pa dgyes pa'i tshul khrims so/ /'bras bu thob pa ni dge sbyong gi 'bras bu bzhi po dag ste/ /rgyun du zhugs nas dgra bcom pa nyid kyi par ro/ /yon tan thob pa ni tshad med pa dang rnam par thar pa dang zil gyis gnon pa'i skye
 mched dang zad par gyi skye mched dang nyon mongs pa med pa dang smon nas shes pa dang so so yang dag par rig pa dang mngon par shes pa thob pa'o/ /nyan thos kyi theg pa thob par byed pa'i rgyu ni 'jig rten pa'i lam gyi 'dod chags dang bral ba
 dang thar pa'i cha dang mthun pa dang nges par 'byed pa'i cha dang mthun pa'i dge ba'i rtsa ba dag yin no/ /rang sangs rgyas kyi theg pa thob pa ni mdor bsdu na rnam pa gsum ste/ nges par 'byed pa'i cha dang mthun pa thob pa sngon du btang pa dang/ rtogs
 pa sngon du btang ba dang sngon du ma btang ba'o/ /de la nges par 'byed pa'i cha dang mthun pa thob pa sngon du btang ba ni dang por byang chub kyi theg par sems bskyed nas nges par 'byed pa'i cha dang mthun pa'i dge ba'i rtsa ba bzhi thob pa la brten
 nas slob pa'i sa bdun po gang yang mi thob par thal byung du mi slob pa'i sa rang byang chub kyi 'bras bu nyid thob pa ste/ de ni 'jig rten pa'i sa dang mi slob pa'i sa yod la slob pa'i sa ni med pa yin no/ /mngon par rtogs pa sngon du btang ba ni dang por rang byang
 chub kyi theg par sems bskyed nas nges par 'byed pa'i cha dang mthun pa'i dge ba'i rtsa ba bzhi yang thob/ slob pa'i sa bdun po dag mngon par rtogs pa yang 'thob pa la brten nas mi slob pa'i sa rang byang chub kyi 'bras bu nyid thob pa ste/ de ni 'jig
 rten pa'i sa dang slob pa'i sa dang mi slob pa'i sa gsum char yod pa yin no/ /sngon du ma btang ba ni dang po rang byang chub kyi theg par sems bskyed nas thar pa'i cha dang mthun pa'i dge ba'i rtsa ba bskyed pa de nyid la brten nas bskal pa rgya tshor bsags te/
 nges par 'byed pa'i cha dang mthun pa yang mi slob pa'i sa yang mi thob par thal byung mi slob pa'i sa rang byang chub kyi snying po 'bras bu nyid thob pa ste/ de ni 'jig rten pa'i sa thar pa'i cha dang mthun pa'i dge ba'i rtsa ba dang mi slob pa'i sa ni yod la 'jig
 rten pa'i sa nges par 'byed pa'i cha dang mthun pa dang slob pa'i sa ni med pa yin no/ /de la dang po gnyis kyis ni rang rgyal ba tshogs dang spyod par 'gyur ro/ /tha mas ni bse ru lta bur 'gyur ro/ /theg pa chen po thob pa ni rnam pa brgyad de/ sems bskyed
 pa thob pa dang/ snying rje thob pa dang/ pha rol tu phyin pa thob pa dang/ sdu pa'i dngos po thob pa dang/ sa thob pa dang/ dpag tu med pa lnga las de bzhin nyid khong du chud pa thob pa dang/ mthu bsam gyis mi khyab pa thob pa dang/ sangs rgyas kyi chos
 ma 'dres pa thob pa gang yin pa'o/ /de la bshad pa ni mdor bsdus na gnas gsum gyis bsdus pa yin te/ sde snod bsdu ba dang/ ma mo bsdu ba dang/ de gnyis ga bsdu ba'o/ /de la sde snod bsdu ba ni nyan thos kyi sde snod dang/ theg pa chen po'i
 sde snod do/ /ma mo bsdu ba ni rnal 'byor spyod pa'i sa bcu bdun dang/ de ni bsdu ba bzhi ste/ rnal 'byor spyod pa'i sa bcu bdun ni rnam par shes pa'i tshogs lnga dang ldan pa'i sa dang/ yid kyi sa dang/ rtog pa dang bcas shing dpyod
 pa dang bcas pa'i sa dang/ rtog pa med la dpyod pa tsam gyi sa dang/ rtog pa yang med dpyod pa yang med pa'i sa dang/ mnyam par bzhag pa'i sa dang/ mnyam par ma bzhag pa'i sa dang/ sems yod pa'i sa dang/ sems med pa'i sa dang/ thos
 pa las byung ba'i sa dang/ bsam pa las byung ba'i sa dang/ bsgom pa las byung ba'i sa dang/ nyan thos kyi sa dang/ rang sangs rgyas kyi sa dang/ byang chub sems dpa' i sa dang/ phung po dang bcas pa'i sa dang/ phung po med pa'i sa'o/ /de'i bsdu
 ba bzhi ni rnal 'byor spyod pa'i sa de'i rnam par gtan la dbab pa bsdu ba dang/ gzhi bsdu ba dang/ rnam grangs bsdu ba dang/ rnam par bshad pa bsdu'o/ /de gnyi ga bsdu ba ni mdor bsdu na rnam pa bcu ste/ bden pa'i mtshan nyid bshad pa dang/
 yongs su shes pa bshad pa dang/ spang ba bshad pa dang/ mngon du shes pa bshad pa dang/ bsgom pa bshad pa dang/ de dag nyid kyi rnam par rab tu dbye ba bshad pa dang de dag nyid kyi gnas dang gnas pa'i 'brel pa bshad pa dang/ yongs su
 shes pa la sogs pa'i bar du gcod pa'i chos bshad pa dang/ yongs su shes pa la sogs pa rjes su mthun pa'i chos bshad pa dang/ yongs su shes pa la sogs pa dang nyes dmigs dang phan yon bshad pa ste/ de dag gi sde snod
 bsdu ba dang/ ma mo bsdu ba de gnyi ga sdud par byed pa na gnyis ga bsdu ba zhes bya'o/ /yang mdor bsdu na bshad pa rnam pa bcu gnyis yod de/ dngos po bshad pa dang/ ming gi rnam grangs bshad pa dang/ rang gi gzhung lugs brtag pa
 bshad pa dang/ gzhan gyi gzhung lugs brtags pa bshad pa dang/ drang ba'i don bshad pa dang/ nges pa'i don bshad pa dang/ kun rdzob kyi bden pa bshad pa dang/ don dam pa'i bden pa bshad pa dang/ gsang ba bshad pa dang/ rnam par dbye ba bshad
 pa dang/ lan gdab pa'i dngos po bshad pa dang/ lan mi gdab pa'i dngos po bshad pa'o/ /de la dngos po bshad pa ni gzugs la sogs pa mig la sogs pa'i chos rnams so sor bshad pa gang yin pa'o/ /ming gi rnam grangs bshad pa ni sangs
 rgyas bcom ldan 'das rnams kyis chos bshad pa phung po dang khams dang skye mched rten cing 'brel par 'byung ba dang gnas dang gnas ma yin pa dang dbang po dang bden pa'i ming dang dran pa nye bar bzhag pa la sogs pa'i ming dang gzugs can dang gzugs
 can ma yin pa dang bstan du yod pa dang bstan du med pa dang thogs pa dang bcas pa dang thogs pa med pa la sogs pa'i ming gi rnam grangs dpag tu med pa dag rgya cher bshad pa gang yin pa'o/ /rang gi gzhung lugs brtag pa ni rnam par bshad pa
 bsdu ba la brten nas mdo sde dang dbyangs kyis snyad pa'i sde dang lung bstan pa'i sde la sogs pa bshad pa dang yang dag par bshad pa gang yin pa'o/ /gzhan gyi gzhung lugs brtag pa ni gtan tshigs kyi rig pa rnam pa bdun la brten nas pas kyis
 rgol ba tshar bcad pa dang rang gi sgra pa'i gzhung gzugs pa gang yin pa ste gtan tshigs kyi rigs pa rnam pa bdun ni 'di lta ste/ smra ba dang smra ba'i zhal che ba dang smra ba'i gzhi dang smra pa'i rgyan dang smra ba chad pas bcad pa dang smra ba las byung ba dang/ smra
 ba gces spras la dgos pa'i rnams so/ /drang ba'i chos bshad pa ni bcom ldan 'das kyis ma do'i sde dang dbyangs kyis bsnyad pa'i sde dang lung bstan pa'i sde la sogs pa gang bshad pa don rnams rnam par ma phye ba bgrang bar bya dgos pa gang yin
 pa'o/ /nges pa'i don bshad pa ni de las bzlog par rig par bya'o/ /kun rdzob kyi bden pa bshad pa ni tshig gi lam gyis brjod pa gang ci yang rung ste/ ming dang 'du shes dang brjod pa'i dbang du bya ba 'di lta ste/ mtshan ma dang ming dang
 rnam par rtog pa gang ci yang rung ba dang bshad pa'o/ /don dam pa'i bden pa ni 'phags pa'i bden pa bzhi bshad pa dang de bzhin nyid dang yang dag pa'i mdza' dang chos kyi dbyings bshad pa gang yin pa bshad pa'o/ /gsang ba bshad pa ni 'di lta ste/
 phal cher ni nyan thos kyi sde snod bshad pa gang yin pa'o/ /rnam par bye ba bshad pa ni 'di lta ste/ phal cher ni theg pa chen po'i sde snod bshad pa gang yin pa'o/ /lan btab pa'i dngos po bshad pa ni chos kyi mdo bzhi po dag bshad pa 'di lta ste/
 'dus byas thams cad mi rtag pa zhes bya ba nas mya ngan las 'das pa ni zhi ba'o/ /zhes bya ba'i bar dang de lta bu dang mthun pa dag bshad pa gang yin pa'o/ /lan mi gdab pa'i dngos po bshad pa ni 'jig rten rtag gam zhes dris nas de dag gis
 lan ma btab po zhes smra zhing lan 'debs par byed pa dang de bzhin 'ongs pa nyid phan chad yod pa yang ma yin pa yin rnam zhes bya ba'i bar du lan mi gdag pa'i dngos po bcu bzhir dris na de ni bdag gis lan btab bo zhes smra zhing lan 'debs
 par mi byed pa gang yin pa'o/ /de la lan mi 'debs pa'i dngos po bshad pa ni rgyu rnam bzhis rig par bya ste/ med pa'i phyir lan mi gdab pa gang yod de/ 'di lta ste/ ci bdag phung po rnams dang gzhan nam gzhan ma yin nam rtag gam mi
 rtag ces bya ba la sogs pa'o/ /don dang ldan pa'i phyir lan mi 'debs pa yang yod de/ 'di lta ste/ shing sha lo ma'i dpe'i mdo las/ ngas ni 'di snyed cig mngon par thugs su chud kyang ma bstan te/ de ci'i phyir zhe na/ chos de
 ngag don dang ldan pa ma yin pa'i phyir ro zhes ji skad gsungs pa lta bu'o/ /zag pa'i phyir lan mi 'debs pa yang yod de/ 'di lta ste/ bdag yod dam zhes 'dri na phung po rnams la bdag tu 'dzin par gyur tam/ /phung po rnams la don gzhan du gyur ba
 yod pa 'dzin nam mi rung bas lan mi 'debs pa dang/ bdag med dam zhes 'dri na skyes bu'i tha snyad la skur pa 'debs sam 'dzin par gyur na mi rung bas lan mi 'debs pa dang/ de bzhin du de bzhin 'ongs pa shi phan chad yod dam zhes bya ba nas
 yod pa 'ang ma yin med pa 'am ma yin zhes bya ba'i bar du 'dri na zab pa'i phyir lan 'debs pa lta bu'o/ /de bzhin nyid kyi mtshan nyid rnam par bzhag pa las lan mi 'debs pa gang yang yod de/ 'di lta ste chos de dag lan gzhan ma yin zhes
 'dri na/ lan mi 'debs pa lta bu ste 'di ltar mtshan nyid de ni gzhan pa nyid kyang ma yin gzhan pa ma yin par rnam par gnas pa yin pa'i phyir ro/ /gzhan yang lan mi gdab pa'i dngos po bshad pa ni rgyu rnam pa bzhis rig par bya ste/ mu stegs
 can rnams kyis bshad pa yin pa'i phyir dang/ tshul bzhin ma yin pa'i phyir dang/ don dang mi ldan pa'i phyir dang/ rtsod pa'i gzhi'i gnas su gyur pa 'ba' zhig yin pa'i phyir ro/ /mdza' gnyis rnam par spangs pa gang zhe na/ der ni mdor bsdus
 na rnam pa drug tu blta bar bya ste/ yod pa ma yin pa la sgro 'dogs pa'i mdza' rnam par spang ba dang/ yod pa la skur ba 'debs pa'i mdza' rnam par spang pa dang rtag par 'dzin pa'i mdza' rnam par spang ba dang chad par 'dzin pa'i mdza' rnam par
 spang ba dang/ 'dod pa'i bsod nams la sbyor ba'i mdza' rnam par spang ba dang/ bdag nyid ngal bar sbyor ba'i mdza' rnam par spang ba'o/ /bsam gyis mi khyab pa gang zhe na/ mdor bsdu na bsam gyis mi khyab pa drug ste/ bdag la sems pa
 dang/ sems can la sems pa dang/ 'jig rten pa sems pa dang/ sems can rnams kyi las kyi rnam par smin pa la sems pa dang/ bsam gtan pa rnams kyi bsam gtan pa'i yul dang/ sangs rgyas rnams kyi sangs rgyas
 kyi yul lo/ /de la bdag la sems pa dang sems can la sems pa dang 'jig rten la sems pa ni lta ba la brtan na ni bsam gyis mi khyab pa dag yin no/ /de la bdag la sems pa ni 'di ltar 'di na la la 'jig tshogs la/ lta ba la brten
 nas 'di snyam du sems te ci bdag 'das pa'i dus ni byung bar gyur tam zhes bya ba la sogs par sems pa'o/ /sems can la nges pa ni 'di ltar 'di na la la 'jig tshogs la lta ba la brten nas 'di snyam du sems te/ sems can gang las
 byung sems can byed po su yin sems can gang gi bar du 'gro sems can gang gi bar du 'gas par 'gyur snyam du sems pa'o/ /'jig rten la sems pa ni 'di ltar 'di na la la 'jig tshogs la lta ba brten nas 'di snyam du sems
 te/ 'jig rten rtag go zhes bya ba la sogs par sems pa'o/ /yang de dag ni chos nyid las brtsams nas kyang 'di snyam du sems te/ bdag gi chos nyid dang/ sems can gyi chos nyid dang 'jig rten gyi chos nyid 'di ci las de ltar byung
 snyam du bsams shing chos nyid kyi rigs pa kho nas mi 'jug pa yin te/ de'i phyir yang bsams gyis mi khyab pa'i gnas la sems pa zhes bya'o/ /sems can rnams kyi las kyi rnam par smin pa la sems pa ni rnam pa bzhis
 bsam gyis mi khyab pa yin te/ gnas dang dngos po dang rgyu dang rnam par smin pa las so/ /bsam gtan pa rnams kyi bsam gtan pa'i yul ni rnam pa gsum gyis bsam gyis mi khyab pa yin te/ de bzhin nyid zab pa'i don dang dbang
 sgyur ba dang zag pa zad pa'i dbyings yang dag par 'grub pas so/ /sangs rgyas rnams kyi sangs rgyas kyi yul ni rnam pa lngas bsam gyis mi khyab pa yin te/ ji skad bstan pa rnam pa gsum po de dag nyid dang/ gzhan gnyis te sgrib pa med pa dang
 sems can gyi don gyi bya ba mdzad pas so/ /dgongs pa gang zhe na/ mdor bsdu na rnam pa bcu drug ste/ yang dag par ston pa'i dgongs pa dang/ 'dun pa bzlog pa'i dgongs pa dang yang dag par 'dzin du 'jug pa'i dgongs pa dang/ yang dag
 par gzed bstod pa'i dgongs pa dang/ yang dag par rab tu dga' bar mdzad pa'i dgongs pa dang/ gzung ba'i dgongs pa dang/ the tshom bcad pa'i dgongs pa dang yongs su smin par bya ba'i dgongs pa dang/ ting nge 'dzin du bya ba'i dgongs pa dang/
 rnam par grol bar bya ba'i dgongs pa dang/ don gzhan dang 'brel pa'i dgongs pa dang/ rtogs par byed pa rnams la kha na ma tho ba med pa'i dgongs pa dang/ mchog tu dga' ba skyed pa'i dgongs pa dang/ smra ba po la nyan pa rnams rin po cher skyed pa'i
 dgongs pa dang/ chos kyi tshul 'jug pa'i dgongs pa dang/ dge ba mang bar bya ba'i dgongs pa dang/ mtshan ma thams cad zil gyis gnon pa'i dgongs pa'o/ /de la mdza' gnyis spang pa'i tshul gyis de kho na'i tshul khong du chud na thob par bya pa'i don
 thog pa'o/ /de kho na'i don gyi tshul khong du chud pa'i skyon med pa la 'jug pa ni rnam pa lngar rig par bya ste/ 'di lta ste/ 'dod chags dang ma bral ba'i skyon mang ba la 'jug pa dang/ 'dod chags dang shas cher bral ba'i skyon med pa la 'jug pa dang/
 'dod chags dang bral ba'i skyon med pa la 'jug pa dang/ rang sangs rgyas kyi skyon med pa la 'jug pa dang/ byang chub sems dpa' i skyon med pa la 'jug pa'o/ /thob par bya ba'i don thob na de las gzhan pa'i thob pa'i tshul yang bsam gyis mi
 khyab pa'i tshul gyis khong du chud par bya'o/ /bshad pa'i tshul thams cad ni sangs rgyas bcom ldan 'das rnams kyis dgongs pa'i tshul gyis ci rigs par khong du chud par 'gyur ro/ /'jug pa ni dus gsum dang 'dus byas kyi
 mtshan nyid gsum dang rkyen bzhi po dag go zhes bya ba ni gang du 'jug pa dang ji ltar 'jug pa dang gang gis 'jug pa bstan to/ /rigs pa ni rnam pa bzhir rig par bya ste zhes bya ba ni chos so cog gi dbang byed pa rigs pa'i rnam grangs smos pa 'jig rten na
 rgyal po dag bdag gi rigs su ci 'dod pa'i dag gi dbang phyug gis 'grub pa bzhin du chos so cog la bdag gi phyogs su gzung ba ji ltar 'dod par rig pa'i dbang gis 'grub ste/ chos thams cad kyi rgyal po lta bu'i rigs zhes bya ba chos kyi rjes su
 gsungs pa'i rigs pa bzhi brjod pa'o/ /bltos pa'i rigs pa dang/ bya ba byed pa'i rigs pa dang/ 'thad pas sgrub pa'i rigs pa dang/ chos nyid kyi rigs pa'o zhes bya ba la rigs pa de bzhi'i phyogs tsam zhig mdor brjod na/ bltos pa'i rigs
 pa zhes bya ba ni chos rnams rgyu dang 'bras bu'i bltos pa bstan pa yin no/ /bya ba byed pa'i rigs pa zhes bya ba ni chos rnams kyi bya ba byed pa'i las bstan pa yin no/ /'thad pa sgrub pa'i rigs pa zhes bya ba ni tshad ma gsum gyis 'thad pas so so'i don
 sgrub pa'i rigs pa bstan pa yin no/ /chos nyid kyi rigs pa zhes bya ba ni chos rnams kyi gnas dang gnas ma yin pa'i mtshan nyid so sor nges pa'i chos nyid bstan pa yin no/ /de la bltos pa'i rigs pa'i mtshan nyid gang zhe na/ de la bltos pa'i
 rigs pa ni 'du byed rnams 'byung ba dang rjes su tha snyad btags pa'i rgyu rnams gang dag yin pa dang rkyen gang dag yin pa ste/ de ni bltos pa'i rigs pa yin no zhes bya ba gsungs te 'du byed rnams 'byung ba dang rjes su tha snyad gdags pa la
 rang dbang med/ rgyu dang rkyen du nges pa'i tshogs pa la bltos shing 'byung ba rjes su tha snyad 'dogs dgos pas de dag gi rgyu dang 'bras bu'i ltos pa bstan pa ni ltos pa'i rigs pa zhes bya'o/ /de la 'du byed rnams shes bya ba ni rnam pa gnyis te phyi dang nang gi 'du
 byed rnams so/ /de la gzugs nas chos kyi bar gyi khams drug ni phyi'i 'du byed rnams so/ /mig gi dbang po dang rnam par shes pa'i khams nas yid kyi dbang po dang rnam par shes pa'i khams kyi bar ni nang gi 'du byed rnams te/ de dag gis 'jig
 rten pa'i lo tog la sogs pa lung ma bstan pa'i dngos po thams cad dang nyon mongs pa dang las dang skye ba'i mtshan nyid kyi kun nas nyon mongs pa'i phyogs kyi dngos po thams cad dang byang chub kyi phyogs dang mthun pa'i chos la sogs pa rnam par
 byang ba'i phyogs kyi dngos po thams cad kyang ci rigs par bsdus par rig par bya'o/ /'byung ba zhes bya ba ni gang ma 'byung ba gdod 'byung ba'o/ /rjes su tha snyad gdags pa'i/ zhes bya ba ni dngos po rnams la ngo bo nyid dam bye brag gi rnam pa ming dang/
 brdar btags pa'i 'o/ /de dag kyang 'dra ba las bltos te mi 'dra ba'i cha yod pa dang gnyis su 'gyur te/ de dag gi mtshan nyid rab tu dbye ba ni dbang phyug dam pa'i mnga' bdag dpal lha btsan byang chub rdzu 'phrul gyis mdzad pa bka' yang dag pa'i mtshan
 ma las 'byung ba bzhin du blta bar bya'o/ /rgyu gang dag yin pa dang/ rkyen gang dag yin pa te zhes bya ba 'du byed byung ba dang rjes su tha snyad gdags pa'i 'bras bu de dag 'byung ba dang rjes su tha snyad 'dogs pa'i tshe na rgyu dang rkyen de dag la bltos par bya
 ba yin pas bltos pa'i rigs pa zhes bya'o zhes bya ba bstan to/ /de la 'du byed rnams 'byung ba dang rjes su tha snyad gdags pa'i rgyu dang rkyen ni gang dag yin/ rgyu dang rkyen de dag la bltos te byung ba dang rjes su tha snyad btags pa'i 'bras bu ni gang
 dag yin zhe na/ rgyu bcu dang/ rkyen bzhi dang 'bras bu lnga ste/ de la rgyu bcu gang zhe na/ rjes su tha snyad 'dogs pa'i rgyu dang bltos pa'i rgyu dang 'phen pa'i rgyu dang mngon par 'grub pa'i rgyu dang yongs su 'dzin pa'i rgyu dang 'dren pa'i rgyu dang
 so sor nges pa'i rgyu dang lhan cig byed pa'i rgyu dang mi mthun pa'i rgyu dang/ mi mthun pa med pa'i rgyu'o/ /de la rjes su tha snyad 'dogs pa'i rgyu ma gtogs pa rgyu lhag ma dgu ni 'byung ba'i rgyu yin te/ de la yang mi mthun pa'i rgyu ni mi mthun pa med par gyur
 na 'byung ba'i rgyu yin par sbyar ro/ /rjes su tha snyad 'dogs pa'i rgyu nyid ni rjes su tha snyad 'dogs pa'i rgyu yin par sbyar ro/ /de la rjes su tha snyad 'dogs pa'i rgyu gang zhe na/ chos thams cad kyi ming dang ming sngon du 'gro ba'i 'du shes dang 'du shes
 sngon du 'gro ba'i brjod pa gang yin pa de ni chos de dang de dag gis rjes su tha snyad 'dogs pa'i rgyu yin no/ /bltos pa'i rgyu gang zhe na/ gzhi gang las bltos shing rgyu gang gis dngos po gang la 'dod pa dang len par gyur pa de ni de'i bltos
 pa'i rgyu yin no/ /'phen pa'i rgyu gang zhe na/ sa bon ni rang gi 'bras bu tha ma'i bar gyi 'phen pa'i rgyu yin no/ /mngon par 'grub pa'i rgyu gang zhe na/ sa bon de nyid rang gi 'bras bu mngon par 'grub pa'i rgyu yin no/ /yongs su 'dzin pa'i rgyu gang zhe na/
 sa bon ma gtogs pa de las gzhan pa rkyen rnams ni yongs su 'dzin pa'i rgyu yin no/ /'dren pa'i rgyu gang zhe na/ sa bon las grub pa'i 'bras bu de ni sa bon gyis 'phangs pa'i 'bras bu phyi ma'i 'dren pa'i rgyu yin no/ /so sor nges pa'i
 rgyu gang zhe na/ chos rnam pa sna tshogs rnam pa ni tha dad pa'i rang rang gi rgyu so sor nges pa'i rgyu yin no/ /lhan cig byed pa'i rgyu gang zhe na/ bltos pa'i rgyu dang 'phen pa'i rgyu dang mngon par 'grub pa'i rgyu dang yongs su 'dzin pa'i rgyu dang
 'dren pa'i rgyu dang so sor nges pa'i rgyu gang yin pa de dag thams cad gcig tu bsdus pa ni lhan cig byed pa'i rgyu yin no/ /mi mthun pa'i rgyu gang zhe na/ skye ba la sog pa la bar du gcod pa'i rgyu ni/ mi mthun pa'i rgyu yin no/ /mi mthun pa med pa'i rgyu gang zhe
 na/ skye ba la sogs pa la bar du gcod pa med pa'i rgyu ni/ mi mthun pa med pa'i rgyu yin no/ /rgyu bcu po de dag ni nang dang phyi'i 'du byed/ 'jig rten pa'i lo tog la sogs pa lung du ma bstan pa'i dngos po thams cad dang nyon mongs pa dang las dang
 skye ba'i mtshan nyid kyi kun nas nyon mongs pa'i phyogs kyi/ dngos po thams cad dang/ byang chub kyi phyogs dang mthun pa'i chos la sogs pa rnam par byang ba'i phyogs kyi dngos po thams cad phyin ci ma log par 'byung ba dang rjes su tha snyad 'dogs
 pa'i rgyu yin no/ /de la rgyu bcu po de dag gis 'jig rten pa'i lo tog la sogs pa'i lung du ma bstan pa'i dngos po thams cad ji ltar 'byung zhing rjes su tha snyad 'dogs par byed ce na/ 'di ltar 'jig rten na 'bru'i grangs su gtogs pa'i lo tog
 gang gis 'jig rten 'dir byed pa gang yin pa de dag gi ming du 'du shes dang tshig tu brjod pa rnam pa sna tshogs pa 'di lta ste/ nas dang 'bras dang sa lu dang gro dang til dang sran ma zhes bya ba la sogs pa ni de dag gi tha snyad nas la sogs pa 
 byed de shog thogs shog cig ces bya ba la sogs pa'i tha snyad 'dogs pa'i rgyu yin no/ /bkres pa dang skom pa dang nyam chung ba dang lus gnas par bya ba la ltos pa dang kham gyi zas myang bar bya ba la bltos nas nas la sogs pa de dag
 'dod pa tshol ba dang len pa dang longs spyod par byed pa 'di ni de dag gi bltos pa'i rgyu yin no/ /nas la sogs pa'i rang rang gi sa bon gang dang gang la lo tog gang dang gang 'byung ba'i sa bon de ni de'i 'phen pa'i rgyu yin no/ /sa bon de ni
 myu gu de'i mngon par 'grub pa'i rgyu yin no/ /sa dang char pa la sogs pa'i rkyen las myu gu 'byung bar 'gyur ba de ni de'i yongs su 'dzin pa'i rgyu yin no/ /myu gu dang sdong bu dang lo ma gcig nas gcig du brgyud pa'i rgyun de ni
 lo tog de 'grub pa dang yongs su smin pa'i 'dren pa'i rgyu yin no/ /nas kyi sa bon las kyang nas kyi myu gu dang nas kyi lo tog 'byung bar 'gyur gyi gzhan ma yin pa la 'bru gzhan dag las kyang de bzhin pa de ni de dag gi so sor nges pa'i
 rgyu yin no/ /bltos pa'i rgyu nas bzung ste so sor nges pa'i rgyu la thug pa'i bar gyi rgyu drug po de dag thams cad gcig tu bsdus pa ni lo tog de 'grub pa'i lhan cig byed pa'i yin no/ /ser ba dang lo tog la gnod pa 'byung ba la sogs
 pa bar du gcod pa rnams ni de'i mi mthun pa'i rgyu yin no/ /de dag med de bar du gcod pa med pa ni mi mthun pa med pa'i rgyu yin te/ de ltar rgyu bcu po de dag gis 'bru bsdus pa rnams la ji  bzhin du de las gzhan pa'i 'jig rten pa'i
 lung du ma bstan pa'i dngos po dag la yang ci rigs par sbyar bar rig par bya'o/ /de la rgyu bcu po de dag gis nyon mongs pa dang las dang skye ba'i mtshan nyid kyi kun nas nyon mongs pa'i phyogs kyi dngos po thams cad ji ltar 'byung zhing
 rjes su tha snyad 'dogs par byed ces 'di ltar rten cing 'brel bar 'byung ba thams cad kyi ming dang 'du shes dang tshig du brjod pa 'di lta ste/ ma rig pa dang 'du byed rnams dang rnam par shes pa dang ming gzugs las rgyas
 pa rga shi dang mya ngan dang smre sngags 'don pa dang sdug bsngal ba dang yid mi bde ba dang 'khrug pa zhes bya ba'i bar de ni re shig kun nas nyon mongs pa'i tha snyad ma rig pa'i rkyen gyis 'du byed rnams shes bya ba nas/
 skye ba'i rkyen gyis rga shi zhes bya ba la sogs pa'i rjes su tha snyad 'dogs pa'i rgyu yin no/ /bde ba la sogs pa'i rgyu yul myong ba la bltos nas srid pa'i yan lag 'di dag 'jug pa de ni kun nas nyon mongs pa'i de'i bltos pa'i rgyu yin no/ /tshe 'di la
 skyes shing 'byung ba'i ma rig pa la sogs pa'i chos rnams kyi sa bon gang dag yin pa de dag ni skye ba gzhan gyi skye ba dang rga shi'i 'phan pa'i rgyu yin no/ /ma rig pa la sogs pa'i rang rang gi sa bon ni mngon par 'grub pa'i rgyu yin/ /skyes bu dam pa ma
 yin pa la brten pa dang dam pa'i chos ma yin pa thob pa dang tshul bzhin ma yin pa yid la byed pa dang/ sngon goms pa'i 'phen pa ni ma rig pa la sogs pa dag 'byung ba'i yongs su 'dzin pa'i rgyu yin no/ /ma rig pa la sogs pa srid pa la thugs
 pa de dag gi phyi ma 'dren cing gcig nas gcig tu brgyud pas tshe gzhan gyis skye ba dang rga shi ni 'dren pa'i rgyu yin no/ /ma rig pa la sogs pa srid pa'i mthar thug pa rnams rang gi sa bon rnams dang bcas pa gzhan dag sems can dmyal
 bar skye bar 'gyur ba dang gzhan dag dud 'gror skye ba dang yi dags dang mi dang lhar skye bar 'gyur ba de ni kun nas nyon mongs pa'i so sor nges pa'i rgyu yin no/ /bltos pa'i rgyu nas bzung ste/ so sor nges pa'i rgyu la thug pa'i bar gyi rgyu drug po
 de dag thams cad gcig tu bsdus pa ni kun nas nyon mongs pa'i lhan cig byed pa'i rgyu yin no/ /kun nas nyon mongs pa de'i mi mthun pa'i rgyu ni rig pa dang ldan pas sangs rgyas rnams 'byung ba dang dam pa'i chos bstan pa dang skyes
 bu dam pa la brten pa dang dam pa'i chos nyan pa ngang? tshul bzhin nyid la bya ba dang chos kyi rjes su mi mthun pa'i chos sgrub pa dang byang chub kyi phyogs kyi chos thams cad do/ /mi mthun pa med pa'i rgyu ni ji skad bstan pa'i chos 'di dag
 nyid med pa dang bral ba nyid de/ de ltar rgyu bcu po de dag gis sems can thams cad kyi kun nas nyon mongs pa thams cad rig par bya'o/ /de la rgyu bcu po de dag gis byang chub kyi phyogs dang mthun pa'i chos la sogs pa
 rnam par byang ba'i phyogs kyi dngos po thams cad ji ltar 'byung zhing rjes su tha snyad 'dogs par byed ce na/ rnam par byang ba'i phyogs kyi chos thams cad 'gog pa mya ngan las 'das pa la ming dang 'du shes dang tshig du brjod pa 'di lta ste/
 dran pa nye bar gzhag pa dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang byang chub kyi yan lag dang/ 'phags pa'i lam yan lag brgyad pa dang/ ma rig pa 'gags pas 'du byed 'gag ces bya ba nas/ skye
 pa 'gags pas rga shi 'gag ces bya ba'i bar de dag dang/ de lta bu dang mthun pa rnams ni rnam par byang ba'i rjes su tha snyad 'dogs pa'i rgyu yin no/ /'du byed kyi nyes dmigs la bltos nas rnam par byang ba tshol ba dang rnam par byang ba yongs
 su 'dzin pa dang rnam par byang ba yongs su grub pa gang yin pa de ni de'i ltos pa'i rgyu yin no/ /gang zag rigs la gnas pa'i rigs dang ldan pa phung po'i lhag ma dang bcas pa dang/ lhag ma med pa'i mya ngan las 'das pa'i dbyings
 thob pa'i sngon du 'gro ba gang yin pa de ni rnam par byang ba 'phen pa'i rgyu yin no/ /rigs kyis bsdus pa zag pa med pa'i byang chub kyi phyogs kyi chos kyi sa bon de dag ni byang chub kyi phyogs kyi chos de dag gi mngon par 'grub pa'i rgyu yin
 no/ /skyes bu dam pa la brten pa dang/ dam pa'i chos nyan pa dang tshul bzhin yid la bya ba dang/ sngon dbang po yongs su smin par byas pa ni rnam par byang ba'i yongs su 'dzin pa'i rgyu yin no/ /byang chub kyi phyogs kyi chos rang gi sa bon las
 mngon par 'grub pa de dag ni phung po lhag ma dang bcas pa dang lhag ma med pa'i mya ngan las 'das pa'i dbyings kyi rim gyis 'dren pa'i rgyu yin no/ /nyan thos kyi rigs gang yin pa ni nyan thos kyi theg pas yongs su mya ngan las 'da' bar 'gyur ba dang rang
 sangs rgyas kyi rigs gang yin pa ni rang sangs rgyas kyi theg pas yongs su mya ngan las 'da' bar 'gyur ba dang/ theg pa chen po'i rigs ni theg pa chen pos yongs su mya ngan las 'da' bar 'gyur ba de ni rnam par byang ba'i so sor nges
 pa'i rgyu yin no/ /de bltos pa'i rgyu nas bzung ste/ so sor nges pa'i rgyu la thug pa'i bar gyi rgyu drug po de dag thams cad gcig tu bsdus pa ni rnam par byang ba'i lhan cig byed pa'i rgyu yin no/ /rigs dang mi ldan pa dang sangs rgyas rnams mi
 'byung ba dang/ mi khom par skye ba dang/ skyes bu dam pa ma yin pa la brten pa dang/ dam pa'i chos ma yin pa nyan pa dang tshul bzhin ma yin pa yid las byed pa dang/ log par sgrub pa ni rnam par byang ba'i mi mthun pa'i rgyu yin no/ /mi mthun
 pa'i rgyu da nyid med pa dang bral ba nyid gang yin pa de ni mi mthun pa med pa'i rgyu yin no/ /de ltar rgyu bcu po de dag ni lung du ma bstan pa dang kun nas nyon mongs pa dang rnam par byang ba'i dngos po thams cad kyi rgyu yin te/ 'das pa'i dus na byung
 ba dang/ ma 'ongs pa'i dus na 'byung bar 'gyur ba'o/ /lung du ma bstan pa kun nas nyon mongs pa dang rnam par byang ba'i rgyu gzhan ni 'di las gong na yang med la 'di las lhag pa yang med ado/ /rgyu bcu po de dag kyang mdor bsdu na rgyu gnyis
 kyis bsdus te/ skyed pa'i rgyu dang thabs kyi rgyu'o/ /de la 'phen pa'i rgyu dang mngon par 'grub pa'i rgyu gnyis ni skyed pa'i rgyu yin no/ /rgyu lhag ma brgyad ni thabs kyi rgyu yin par rig par bya'o/ /de la rkyen bzhi gang zhe na rgyu'i?
 rkyen dang/ de ma thag pa'i rkyen dang/ dmigs pa'i rkyen dang/ bdag po'i rkyen no/ /rkyen bzhi po de dag ni 'du byed rnams 'byung ba dang rjes su tha snyad 'dogs pa'i rkyen du ci rigs par sbyar ro/ /de la rgyu'i rkyen gang zhe na/ sa bon
 thams cad ba kun gzhi rnam par shes pa gang yin pa'o/ /phyi rol gyi dngos po dag la yang 'phen pa'i rgyu dang mngon par 'grub pa'i rgyur grags pa thams cad ni rgyu'i rkyen yin na/ /de ma thag pa'i rkyen gang zhe na/ sems dang sems las byung
 ba'i chos gang dag gis mjug thogs su sems dang sems las byung ba'i chos gang dag 'byung ba de dag ni de dag gi de ma thag pa'i rkyen ces bya'o/ /rnam par shes pa drug po 'gags ma thag pa gang yin pa de dag ni rnam par shes pa drug
 po gang dag de'i mjug thogs su skye ba'i de ma thag pa'i rkyen yin te/ de dag ni 'gags ma thag pa'i yid las yid ces bya ba dang/ yid kyi skye mched ces bya ba dang yid kyi khams shes bya bar yang bdags so/ /dmigs pa'i
 rkyen gang zhe na/ gzugs la sogs pa yul lnga po dag ni rnam par shes pa'i tshogs lnga po dag gi dmigs pa'i rkyen yin no/ /nang dang phyi rol gyi skye mched bcu gnyis po thams cad ni yid kyi rnam par shes pa'i dmigs pa'i rkyen yin no//
 bdag po'i rkyen gang zhe na/ mig la sogs pa skye mched lhan cig byung ba rnams ni mig gi rnam par shes pa la sogs pa'i bdag po'i rkyen yin no/ /rnam par shes pa rnams dmigs pa la gtod par byed pa'i yid la byed pa yang rnam
 par shes pa rnams kyi bdag po'i rkyen yin no/ /sems dang sems las byung ba'i chos lhan cig byung ba rnams kyang gcig gi bdag po'i rkyen gcig yin pas bdag po'i rkyen yin no/ /dge ba dang mi dge ba'i las sngon byas pa rnams
 dang phyis 'bras bu 'dod pa dang mi 'dod pa rnam par smin par 'gyur ba ni bdag po'i rkyen no/ /zhing dang lung dang chu la sogs pa ni lo tog mngon par 'grub pa'i bdag po'i rkyen no/ /bzo shes pa dang bzo'i las dang de dag ni 'jig rten pa'i bzo dang las
 kyi gnas dang de dag mngon par 'grub pa'i bdag po'i rkyen yin no/ /de la rgyu'i rkyen ni rgyu yang yin rkyen yang yin te/ skyed pa'i rgyu yin no/ /de la gzhan gyi rkyen gsum po dag ni rkyen kho na yin gyi rgyu ni ma yin te/ thabs kyi yin to/ /de yang bdag po'i
 rkyen ni gtso cher thabs kyi rgyu thams cad yin no/ /de ma thag pa'i rkyen dang dmigs pa'i rkyen ni yongs su 'dzin pa'i rgyus bsdus pa'i sgo nas thabs kyi rgyu yin par rig par bya'o/ /de la 'bras bu lnga gang zhe na/ rnam par smin pa'i 'bras bu dang/ rgyu mthun
 pa'i 'bras bu dang/ /bral ba'i 'bras bu dang/ skyes bu'i byed pa'i 'bras bu dang/ bdag po'i 'bras bu'o/ /'du byed 'byung ba dang rjes su tha snyad btags pa'i 'bras bu de dag dang ci rigs par sbyar ro/ /de la rnam par smin pa'i 'bras bu gang zhe na/ mi
 dge ba'i chos rnams kyi rnam par smin pa ngan song rnams su rnam par smin par 'gyur ba dang dge ba zag pa dang bcas pa rnams kyi rnam par smin pa bde 'gro rnams su rnam par smin par 'gyur ba gang yin pa de ni rnam par smin pa'i 'bras bu'o/ /rgyu
 mthun pa'i 'bras bu gang zhe na/ mi dge ba la goms pas mi dge ba la dga' zhing mi dge ba mang bar gnas pa dang/ dge ba la goms pas dag pa la dga' zhing dge ba dang/ bar gnas pa dang sngon gyi las dang mthun par phyis 'bras
 bu rjes su 'jug pa gang yin pa de ni/ rgyu mthun pa'i 'bras bu'o/ /bral ba'i 'bras bu gang zhe na/ 'phags pa'i lam yan lag brgyad pas nyon mongs pa 'gog pa gang yin pa de ni bral ba'i 'bras bu'o/ /skyes bu byed pa'i 'bras bu gang zhe na/ la la
 tshe 'di nyid la bzo dang las kyi gnas gang yang rung ba la brten nas skyes bu byed pas yang na ni zhing rmod dam/ yang na tshong byed dam yang na rgyal po'i zha 'bring byed dam/ yi ge dang rtsis dang shong 'god pa la bgrang ba dang lag
 rtsis kyis lo tog la sogs pa dang rnyed pa la sogs pa'i 'bras bu mngon par sgrub pa gang yin pa de ni skyes bu byed pa'i 'bras bu'o/ /bdag po'i 'bras bu gang zhe na/ mig gi rnam par shes pa ni mig gi dbang po'i bdag po'i 'bras bu'o/ /yid
 kyi rnam par shes pa'i bar yang yid kyi dbang po'i bar gyi bdag po'i 'bras bu'o/ /de bzhin du srog dang ma bral ba ni srog gi dbang po'i 'bras bu'o/ /de bzhin du dbang po nyi shu rtsa gnyis po thams cad kyi so so'i dbang gi 'bras bu gang grub pa de ni
 bdag po'i 'bras bu yin par rig par bya'o/ /de ltar 'du byed byung ba dang rjes su tha snyad gdags pa'i 'bras bu lnga po de dag 'byung ba dang rjes su tha snyad 'dogs pa'i tshe na rgyu bcu po dang rkyen bzhi po dag la bltos par bya ba yin pas de ni bltos
 pa'i rigs pa yin no zhes bya bar sbyar ro/ /bya ba byed pa'i rigs pa'i mtshan nyid gang zhe na/ chos rnams thob pa 'am/ skyes pa rnams las byed par 'gyur ba'i rgyu gang yin pa dang/ rkyen gang yin pa de dag ni bya ba byed pa'i rigs pa yin no
 zhes bya ba gsungs te/ de la 'thob pa 'am 'grub pa zhes bya ba ni byed pa'i bye brag nyid te/ gtso bo yin pa'i phyir so sor smos so/ /de la thob pa ni rnyad pa dang ldan pa la bya ste/ de yang sa bon tsam du rgyu thob pa dang 'bras bu ngo bo thob pa dang gnyis
 so/ /de la sa bon du rgyu thob pa gang zhe na/ 'phags pa'i sa dang 'bras bu thob pa'i dge ba'i rtsa ba dang/ lha dang mi'i bde ba thob par 'gyur ba'i bsod nams byas pa dang ngan 'gro'i sdug bsngal myong bar 'gyur ba'i sdig pa byas pa dang
 lung du ma bstan pa'i rgyu mthun pa dang de dag gi sa bon bag chags dang ldan pa'o/ /'bras bu'i ngo bo nyid thob pa gang zhe na/ de dag gi 'bras bu mngon du thob pa yin te/ mya ngan las 'das pa dang sa dang 'bras bu mngon sum du thob pa 'am bsod nams kyi 'bras bu
 thob pa 'am sdig pa'i 'bras bu myong ba'o/ /'grub pa ni gang gis dngos por red pa las kyang don gyi mdza' yongs su rdzogs par byed pa yin te/ dper na myu gu las sdong bu 'am 'bras bur smin pa'i bar du de la gnod pa bsrung zhing phan pa bsdu ba'i nan
 tan gyis rdzogs par byed pa'o/ /myu gu la ji lta ba bzhin du 'jig rten pa'i chos la mgo 'byung ba rnams mthar phyin par bsgrubs pa dang 'phags pa'i sa thob pas gong nas gong ma'i sa yongs su 'grub par byed pa la sogs pa yang de bzhin no/ /skyes
 pa rnams las byed par 'gyur ba'i zhes bya ba ni skyes pa rnams kyis thob pa'i bya ba 'am 'grub pa'i bya ba gang yin pa byed pa ste/ dngos por red pa de dag ji srid du rgyun yod pa de srid du bya ba byed pa yod de/ dper na shing lcug ma sogs par skyes
 phyin chad lcug ma ni bcing ba'i las byed sdong po ni ka ba'i las byed me tog ni rgyan gyi las byed lo tog ni dkri ba'i las byed 'bras bu ni 'grengs pa'i las byed 'phags pa'i chos las rang rang gi sa'i bye brag gis sems can
 la phan 'dogs pa yang thabs kyi sgo tha dad pa nas so so'i lam la 'jog pa la sogs pa chos gang gi rgyur nges pa de'i 'bras bu so sor skyed pa dang dbang po drug shes pa dang bcas pa rang rang gi yul du ces pa la 'jug pa dang/ bya la sogs pa ni 'phung/
 nya la sogs pa ni rkyal/ phugs la sogs pa ni rgyug pa dang/ 'di lta bu'i tshul gyis dngos po so so'i mthu ci yod pas gang la gang rigs pa'i bya ba byed pa yin no/ /rgyu gang dag yin pa dang rkyen gang dag yin pa dang zhes bya ba ni gang byed pa'i yan lag tu
 gtogs pa gzhir gyur pa dag yin te/ rgyu bcu dang rkyen bzhi gong du smos pa rnams yin no/ /de ltar chos rnams kyi bya ba byed pa'i las bstan pa gang yin pa de ni bya ba byed pa'i rigs pa yin no zhes bya bar sbyar ro// //
 'thad pas sgrub pa'i rigs pa'i mtshan nyid gang zhe na/ so so'i shes pa dang bshad pa dang/ smras pa'i don sgrub pa dang/ legs par khong du chud par bya ba'i rgyu gang dag yin pa dang/ rkyen gang dag yin pa de ni 'thad pas sgrub pa'i rigs pa yin no
 zhes gsungs te/ 'thad pas sgrub pa'i rigs pa zhes bya ba ni tshad ma gsum po mngon sum dang rjes su dpag pa dang yid ches pa'i lung gi 'thad pas so so'i don sgrub pa bstan pa yin no/ /de la tshad ma gsum po mngon sum dang rjes su dpag
 pa dang yid ches pa'i lung gi don ni so so'i shes pa'i don dang bshad pa dang smras pa'i don ces bya ba dang go rim bzhin du sbyar te de dag kyang mngon sum gyi don dang lkog tu gyur pa'i don dang shin tu lkog gyur pa'i don go rim bzhin no/ /de la so
 so'i shes pa'i don ces bya ba la so so'i shes pa gang zhe na/ mngon sum gyi tshad ma bzhi po dbang po'i shes pa dang yid kyi shes pa dang rang rig pa dang rnal 'byor pa'i shes pa so so'i shes pa'o/ /don ces bya ba so so'i shes pa'i yul te/
 mngon sum gyi tshad ma'i yul mngon sum gyi don rang gi mtshan nyid kyis bsdud pa'o/ /bshad pa'i don ces bya ba la bshad pa gang zhe na/ rjes su dpag pa'i tshad ma gnyis pa rang gi don du rjes su dpag pa dang gzhan gyi don du rjes su
 dpag pa sangs rgyas bcom ldan 'das kyi bshad pa 'am smra ba po gzhan dag gis bshad pa'o/ /don ces bya ba ni bshad pa'i yul te/ rjes su dpag pa'i tshad ma'i yul lkog tu gyur pa'i don spyi'i mtshan nyid kyis bsdus pa'o//
 smras pa'i don ces bya ba la smras pa gang zhe na/ yid ches pa'i lung gi tshad ma gnyis po de ston pa thams cad mkhyen pa yin pa dang/ des bstan pa'i lung la tshig 'gal ba med pa gtan la dbab par bstan pa thams cad mkhyen pas gsungs pa'o//
 don ces bya ba ni gsungs pa'i yul te yid ches pa'i lung gi tshad ma'i yul shin tu lkog tu gyur pa'i don rang dang spyi'i mtshan nyid kyis bsdus pa'o/ /sgrub pa dang legs par khong du chud par bya ba'i zhes bya ba ni tshad ma gsum po dag gi don gsum
 po de dag kho na bzhin yin gyi gzhan du ma yin par tshad ma gsum gyi 'thad pas rab tu sgrub pa'o/ /legs par khong du chud par bya ba zhes bya ba ni don de dag gzhan gyis ji ltar ma logs pa yang dag pa'i don nyid du go bar bya'o/ /rgyu gang dag yin  
 pa dang rkyen gang dag yin pa zhes bya ba la tshad ma gsum po de dag gi don gsum po de dag sgrub pa dang legs par khong du chud par bya ba'i rgyu dang rkyen gang dag yin zhe na mngon sum gyi tshad ma'i don sgrub pa dang/ legs par khong du chud par bya
 pa'i rgyu dang rkyen ni mngon sum la log par rtog pa rnam pa bzhi bsal bas ma nor par shes pa ste/ log par rtog pa rnam pa bzhi gang zhe na/ grangs la log par rtog pa dang/ rang gi ngo bo la log par rtog pa dang/ spyod yul log par rtog pa
 dang/ 'bras bu la log par rtog pa'o/ /de la grangs la log par rtog pa ni kha cig ni tshad ma gcig kha cig gsum kha cig ni bzhi kha cig ni drug tu rtog pa'o/ /de bsal ba gang zhe na/ yang dag pa'i shes pa ni rnam pa gnyis te/ mngon sum dang
 rjes su dpag pa'o zhes bya bas/ mngon sum rnam pa bzhi po dbang po'i shes pa dang/ yid kyi rnam par shes pa dang rang rig pa dang rnal 'byor pa'i shes pa bstan pa'o/ /rang gi ngo bo la log par rtog pa ni 'di lta ste/ kha cig ni mngon sum
 rtog pa dang bcas pa dang kha cig ni rnam par rtog pa med par rtog pa'o/ /de bsal ba gang zhe na/ mngon sum ni rtog pa dang bral zhing ma 'khrul pa'o zhes bya bas mngon sum gyi mtshan nyid rtog pa med pa dang ma 'khrul pa
 bstan pa'o/ /spyod yul la log par rtog pa ni 'di lta ste/ kha cig ni mngon sum spyod yul rang gi mtshan nyid kho na'o/ /rjes su dpag pa'i spyod yul ni spyi'i mtshan nyid kho na'o zhes brjod la gzhan dag ni gzhan du brjod pa lta bu'o/ /de bsal
 pa gang zhe na mngon sum de'i yul ni rang gi mtshan nyid yin te zhes bya bas mngon sum gyi tshad ma bstan pa gang yin pa de'i yul ni rang gi mtshan nyid kho na yin par blta bar bya'i spyi'i mtshan nyid ma yin te/ spyi ni dngos po med pa yin pa dang
 mngon sum ni dngos po'i rang gi ngo bo la dmigs pa'i phyir ro zhes bstan pa'o/ /'bras bu la log par rtog pa na 'di lta ste/ kha cig ni tshad ma las 'bras bu tha dad par khas len la kha cig ni tha dad pa ma yin par khas len pa lta bu'o//
 de bsal ba gang zhe na/ mngon sum gyi shes pa de nyid tshad ma'i 'bras bu ste zhes bya bas mngon sum gyi shes pa de nyid tshad ma'i 'bras bu yin gyi mngon sum las gung na tshad ma'i 'bras bu med do zhes bstan pa'o/ /de ltar na de lta bu'i
 log par rtog pa rnam pa bzhi bsal bas/ rnam pa thams cad du mngon sum gyi tshad ma ma nor pa yang dag pa'i shes pa'i rang gi ngo bo bstan pa yin te/ de ni mngon sum gyi tshad ma'i 'thad pas sgrub pa'i rigs pa yin no/ /rjes su dpag pa'i
 tshad ma'i don sgrub pa dang legs par khong du chud par bya ba'i rgyu dang rkyen yang rjes su dpag pa log par rtog pa rnam pa bzhi bsal zhes ma nor shes pa ste/ de la grangs la log par rtog pa ni snga ma kho na bzhin no/ /de la bsal ba gang
 zhe na/ yang dag pa'i shes pa ni rnam pa gnyis te/ mngon sum dang rjes su dpag pa'o zhes bya bas rjes su dpag pa rnam pa gnyis po rang gi don du rjes su dpag pa dang gzhan gyi don du rjes su dpag pa bstan pa ste/ gang gis rtogs par 'gyur ba de
 ni rang gi don yin la gang gis gzhan la go bar byed pa de ni gzhan gyi don yin par khong du chud par bya'o/ /rang gi ngo bo la log par rtog pa ni 'di lta ste/ kha cig rjes su dpag pa'i tshad ma'i mtshan nyid tshul gsum gyi rtags las gzhan du rtog pa'o/
 de bsal ba gang zhe na/ rjes su dpag pa tshul gsum pa nyid kyis rtags rjes su dpag par bya ba la yod pa nyid dang/ mthun pa'i phyogs la yod pa nyid dang mi mthun pa'i phyogs la med pa nyid du nges pa'i tshul dang rtags gsum po mi dmigs pa dang/
 rang bzhin dang 'bras bu'i gtan tshigs ma grub pa dang/ 'gal ba dang/ ma nges pa'i skyon gsum spangs pas rjes su dpag pa'i tshad ma'i mtshan nyid bstan pa'o/ /spyod yul la log par rtog pa ni 'di lta ste/ kha cig rjes su dpag pa'i spyod yul
 spyi'i mtshan nyid las gzhan las gzhan du rtog pa'o/ /de bsal ba gang zhe na/ gzhan ni spyi'i mtshan nyid de/ de'i rjes su dpag pa'i yul yin no/ /zhes bya bas rjes su dpag pa'i yul ni spyi'i mtshan nyid kho na yin te/ rjes su 'gro ba dang ldog pa
 dang ldan pa nyid kyis khyab pa'i phyir ro/ /zhes bstan pa'o/ /'bras bu la log par rtog pa ni 'di lta ste/ kha cig rjes su dpag pa'i tshad ma las 'bras bu tha dad par khas len pa'o/ /de la bsal pa gang zhe na/ 'dir yang tshad ma'i 'bras bu
 rnam par bzhag pa ni mngon sum dang 'dra'o zhes bya bas ji ltar mngon sum la shes pa de nyid tshad ma'i 'bras bur bshad pa de bzhin du 'dir yang rjes su dpag pa'i shes pa nyid tshad ma'i 'bras bu yin te/ don gtan la 'bebs pa'i
 rang bzhin can yin pa'i phyir ro zhes bstan pa'i phyir ro/ /de ltar na de lta bu'i log par rtog pa rnam pa bzhi bsal bas/ rnam pa thams cad du rjes su dpag pa'i tshad ma ma nor yang dag pa'i shes pa'i rang gi ngo bo bstan pa yin
 te/ de ni rjes su dpag pa'i tshad ma'i 'thad pa sgrub pa'i rigs pa yin no/ /yid ches pa'i lung gi mtshad ma'i don sgrub pa dang legs par khong du chud par bya ba'i rgyu dang rkyen ni de ston pa thams cad mkhyen pa yin pa de dang de la bstan pa'i lung la
 tshig 'gal ba med pas ma nor bar shes pa ste/ de la de ston pa thams cad mkhyen pa yin pa ni 'og nas thams cad mkhyen pa'i mtshan nyid lnga 'byung bas rig par bya'o/ /des bstan pa'i lung la tshig 'gal ba med pa ni ji ltar mu stegs
 can dag gi gzhung las chos ma yin pa ni 'dod chags la sogs pa rtsa ba las byung ba gang gi nang du khrus byas pas 'byang ngo zhes zer ba dang chos ni rnam par mi 'tshe ba yin la/ srog chags gsod pa'i mchod sbyin byas nas grol lo//
 zhes zer ba la sogs pa lta bu ni tshig 'gal ba yin gyi thams cad mkhyen pas gsungs pa'i lung las skye ba'i kun nas nyon mongs pa ni nyon mongs pa'i kun nas nyon mongs pa dang/ las kyi kun nas nyon mongs pa'i rgyu las byung la nyon
 mongs pa'i kun nas nyon mongs pa dang las kyi kun nas nyon mongs pa spangs na/ skye ba'i kun nas nyon mongs pa skye bar 'gyur ro zhes gsungs pa dang bag chags dang bcas pa'i nyon mongs pa thams cad gtan spangs pa'i gnas
 gyur pa ni 'phags pa'i lam bsgoms pas thob la 'phags pa'i lam gyis ni nyon mongs pa thams cad spong bar 'gyur zhes gsungs pa la sogs pa lta bu ni lung la tshig 'gal ba med pa yin no/ /de ltar na de ston pa thams
 cad mkhyen pa yin pa dang des bstan pa'i lung la tshig 'gal ba med pas rnam pa thams cad du yid ches pa'i lung gi tshad ma ma nor ba yang dag pa'i shes pa'i rang gi ngo bo bstan pa yin te/ de ni yid ches pa'i lung gi tshad ma'i 'thad pas sgrub pas sgrub pa'i
 rigs pa yin no/ /de la mngon sum dang rjes dpag dang yid ches pa'i lung gi tshad ma gsum po de dag gi don gsum po de dag sgrub pa dang/ legs par khong du chud par bya ba'i rgyu dang rkyen ji ltar bstan pa de dag nyid kyang sngar rgyu bcu dang rkyen bzhi
 bstan pa dag gis ci rigs par bsdus pa yin te/ de ni 'thad pa'i rigs pa yin no/ /zhes bya ba sbyar ro// //da 'di man chad ni 'thad pa sgrub pa'i rigs pa ji skad bstan pa de'i yan lag ston to/ /de'i phyir yang mdor bsdu na
 rnam pa gnyis te zhes bya ba la sogs pa gsungs so/ /de yang zhes bya ba ni 'thad pa sgrub pa'i rigs pa dang sbyar ro/ /yongs su dag pa dang yongs su ma dag pa'o zhes bya ba'i tshad ma'i yongs su dpag pa dang ma dag pa'i bye brag bstan pa yin te/ bshad
 pa ni zhib tu 'og nas 'byung ngo/ /'thad pa sgrub pa la de'i rgyu dang rkyen du gtogs pa'i mtshan nyid yongs su dag pa dang ldan pa'i tshad mas 'jal ba ni don la mi 'khrul par rtogs te/ bdag kyang yang dag pa'i lta ba la gnas shing gzhan yang yang dag
 pa'i lta ba la 'jog pas sdig pa'i grogs po'i lag tu mi ltung bar shes bzhin tshor ba bzhin du spyod do/ /yongs su dag pa'i mtshan nyid dang ldan pa'i tshad mas 'jal ba'i don la 'khrul par dmigs te/ bdag kyang log par lta ba la gnas
 shing gzhan yang log par lta ba la 'jog ste sdig pa'i grogs po'i lag tu song nas rmongs bzhin yengs bzhin spyod do/ /de lta bas na yongs su dag pa'i mtshan nyid brten par bya zhing yongs su ma dag pa'i mtshan nyid spangs par bya ba'i phyir
 'jig rten mkhyen pas kyang 'thad pa sgrub pa'i rigs pa ji skad bstan pa de'i yan lag 'di dag bka' stsal to/ /de la yongs su dag pa'i mtshan nyid ni lnga'o/ /yongs su ma dag pa'i mtshan nyid ni bdun no zhes bya ba ni grangs
 kyi sdom pa bstan pa ste/ ming bstan pa dang bshad pa 'og nas 'byung ba go rim bzhin du bstan to/ /de la yongs su dag pa'i mtshan nyid lnga po dag gang zhe na/ de mngon sum du dmigs pa'i mtshan nyid dang/ de la gnas pa'i gnas pa mngon sum du
 dmigs pa'i mtshan nyid dang/ rang gi rigs kyi dpe nye bar sbyar ba'i mtshan nyid dang/ yongs su dag pa'i mtshan nyid dang/ lung shin tu rnam par dag pa gtan la dbab par bstan pa'i mtshan nyid do zhes bya ba ni sngar so so'i shes pa dang
 bshad pa dang smras pa'i don sgrub pa dang legs par khong du chud par bya ba'i rgyu gang dag yin pa dang/ rkyen gang dag yin pa de ni 'thad pas sgrub pa'i rigs pa yin no/ /zhes gsungs pas mngon sum gyi tshad ma dang rjes su dpag pa'i mtshan ma
 dang yid ches pa'i lung gi tshad ma gsum gyi yul mngon sum shes pa'i so so'i shes pa'i yul lung dang tshad ma gzhan dag las bshad pa gang dang gang yin pa dag kyang? bsdu'o/ /de ltar na mngon sum gyi tshad ma rnam pa bzhi po so so'i shes
 pa'i don de mngon sum gyi tshad ma'i mtshan nyid rtog pa med pa dang ma 'khrul pa'i shes pas dmigs pa gang yin pa'o/ /de mngon sum du dmigs pa'i mtshan nyid yin no zhes bya bar sbyar te/ tshig gi don ni bshad pa bzhin du sbyar ro/ /de'i
 'og tu rjes su dpag pa'i tshad ma'i tshul gsum po de dag la gnas pa mngon sum du dmigs pa'i mtshan nyid dang/ rang gi rigs kyi dpe nye bar sbyar ba'i mtshan nyid kyis yongs su dag par bstan pa bshad par bya ste/ de la rjes su
 dpag go chos ni gang mngon sum gyi dmigs pa de'i rjes su 'jug pa'i blos de dang 'brel pa'i dngos po mngon sum gyis ma dmigs pa yul dang dus dang rang bzhin gyis ma bskal pa lkog tu gyur pa'i don la rjes su dpag par bya ba'i yin pas 'dir
 yang rjes su dpag par bya ba'i chos can de la sgrub par byed pa'i phyogs kyi chos so so'i shes pa'i don mngon sum gyi tshad ma'i yul mngon sum gyi don rang gi mtshan nyid kyis bsdus pa gnas pa mngon sum gyi tshad ma'i mtshan nyid rtog pa dang bral zhing
 ma 'khrul pa mngon sum du dmigs pa'i sgo nas bsgrub par bya ba'i chos bshad pa'i don rjes su dpag pa'i tshad ma'i yul lkog tu gyur pa'i don spyi'i mtshan nyid kyis bsdus pa yul dang dus dang rang bzhin gyis ma bskal pa de nyid rjes su dpag par
 bya'o/ /de rjes su dpag par yang rnam pa gnyis te/ rang gi don rjes su dpag pa dang/ gzhan gyi don du rjes su dpag pa'o/ /de la gang gi bdag nyid kyis rtogs par 'gyur ba de ni rang gi don yin la gang gis gzhan la go bar byed pa de ni gzhan gyi don
 yin par khong du chud par bya'o/ /de ltar rang dang gzhan gyi rjes su dpag pa de'i mtshan nyid ni rjes su dpag par bya ba la tshul gsum pa nyid kyis rtags las bdag nyid kyis rtogs pa dang gzhan la go bar byed pa yin te/ tshul gsum gang zhe na/ rjes su
 dpag pa'i bya ba la yod pa nyid dang/ mthun pa'i phyogs la yod pa nyid dang mi mthun pa'i phyogs la med pa nyid du nges pa'o/ /rtags gang zhe na/ tshul gsum po dag ni rtags gsum kho na dang ldan te/ mi dmigs pa dang rang bzhin dang 'bras bu'o/ /de
 la mi dmigs pa las ni dngos po med par rjes su dpag par bya/ rang bzhin las ni mi rtag pa dang/ skad cig ma nyid la sogs par rjes su dpag par bya ba 'bras bu las ni rgyu rjes su dpag par bya'o/ /de la tshul gsum gyi mtshan nyid gang
 zhe na/ rjes su dpag par bya ba ma yod pa nyid ces bya ba la rjes su dpag par bya ba la zhes bya ba ni 'dir shes par 'dod pa'i bye brag dang ldan pa'i chos can la'o/ /yod pa zhes bya ba ni rjes su dpag par bya ba'i chos can de la/ bsgrub
 par bya ba'i chos dngos po med pa 'am/ mi rtag pa 'am/ skad cig ma nyid la sogs pa 'am rgyu dang sgrub pa phyogs kyi chos mi dmigs pa 'am rang bzhin nam 'bras bu yod pa ste/ des ni mig gis bzung ba yin pa'i phyir ro zhes bya ba la sogs pa'i
 ma grub pa bkag go /nyid ces bya ba ni brnan pa ste/ des ni phyogs kyi phyogs gcig ma grub pa la sogs pa bsal to/ /mthun pa'i phyogs la yod pa nyid ces bya ba la mthun pa'i phyogs ni bsgrub par bya ba'i chos kyi spyi dang rang gi don dang
 mthun pa ste/ chos mthun pa'i dpe yin yin no/ /yod pa zhes bya ba ni mthun pa'i phyogs de la bsgrub par bya ba'i phyogs spyi dang mthun par byed pa'i phyogs kyi chos yod pa ste/ des ni thun mong ma yin pa'i ma nges pa bsal to/ /nyid ces bya ba
 ni brnan pa ste des ni thun mong gi ma nges pa bsal to/ /gnyi ga smos pas ni 'gal ba bsal to/ /mi mthun pa'i phyogs la med pa nyid du nges pa zhes bya ba la mi mthun pa'i phyogs ma yin pa de las gzhan pa de dang 'gal ba de med pa ste/ chos
 mi mthun pa'i da'i? yin no/ /med pa zhes bya ba ni mi mthun pa'i phyogs de la bsgrub par bya ba'i don dang lkog tu gyur pa'i don dang shin tu lkog du gyur ba'i don rnam pa gsum po dag bsgrub pa dang legs par khong du chud par bya ba'i rgyu dang rkyen mngon sum
 log pa rtog pa rnam pa bzhi bsal bas ma nor bar shes pa dang rjes su dpag pa la log par rtog pa rnam pa bzhi bsal bas mngon par shes pa dang de ston pa thams cad mkhyen pa yin pa dang/ de ston pa'i lung la tshig 'gal ba med
 pas ma nor par shes pa ni 'thad pa sgrub pa'i rigs pa yin par bstan pa'i tshad ma gsum po de dag ni mtshan nyid lnga po 'di dag gis yongs su dag ste/ tshad mar rung bar ston to/ /de la mngon sum gyi tshad ma ni de mngon sum du dmigs pa'i mtshan nyid kyis
 yongs su dag ste/ tshad mar rung bar bstan to/ /rjes su dpag pa'i tshad ma ni de la gnas pa mngon sum du dmigs pa'i mtshan nyid dang rang gi rigs kyi dpe nye bar sbyar ba'i mtshan nyid kyis yongs su dag ste/ tshad mar rung bar ston to/ /yongs su dag pa'i
 mtshan nyid kyis ni mngon sum gyi tshad ma dang rjes su dpag pa'i tshad ma gnyi ga yongs su dpag ste/ tshad mar rung bar ston to/ /yid ches pa'i lung gi tshad ma ni lung shin tu rnam par dag par gtan la dbab par bstan pa'i mtshan nyid kyis yongs su dag ste/ tshad
 mar rung bar ston to/ /de la dang po mngon sum gyi tshad ma dang de la mngon sum du dmigs pa'i mtshan nyid kyis yongs su dag par bstan pa'i phyir de la 'du byed thams cad mi rtags pa nyid dang/ 'du byed thams cad sdug bsngal ba nyid dang/ chos thams
 cad bdag med pa nyid 'jig rten na mngon sum du dmigs pa dang/ de lta bu dang mthun pa gang yin pa de ni de mngon sum du dmigs pa'i mtshan nyid yin no zhes gsungs so/ /de mngon sum du dmigs pa'i mtshan nyid ces bya ba la de zhes bya ba ni so so'i
 shes pa'i don sum gyi tshad ma'i yul mngon sum gyi don rang gi mtshan nyid kyis bsdus pa'i de'o/ /mngon sum du dmigs pa zhes bya ba ni so so'i shes pa'i don mngon sum gyi tshad ma'i yul mngon sum gyi don rang gi mtshan nyid kyis bsdus pa'i de'o//
 mngon sum du dmigs pa zhes bya ba ni so so'i shes pa'i don mngon sum gyi tshad ma'i yul mngon sum gyi don rang gi mtshan nyid kyis rtog pa dang bral zhing ma 'khrul pas mngon sum du dmigs so/ /mtshan nyid ces bya ba ni mngon sum gyi tshad ma'i mtshan
 nyid de/ de mngon sum du dmigs pa rtog pa dang bral zhing ma 'khrul pa'i shes pa de nyid mngon sum gyi tshad ma'i mtshan nyid yin pa'o/ /de ltar mngon sum gyi tshad ma ni mngon sum du dmigs pa'i mtshan nyid des yongs su dag ste/
 tshad mar rung la mngon sum gyi tshad ma dang de mngon sum du dmigs pa'i mtshan nyid de yang mtshan nyid kyi tshul gyis ngo bo nyid gcig par rig par bya'o/ /de la so so'i shes pa'i don mngon sum gyi tshad ma'i yul mngon sum gyi don rang gi mtshan
 nyid kyis bsdus pa de yang gang zhe na/ 'du byed thams cad mi rtag pa nyid ces bya ba la sogs pa ste/ de la 'du byed thams cad mi rtag pa nyid ces bya ba ni 'chi 'pho ba dang skye ba dang 'jig pa dang chags pa'i mtshan nyid gang yin pa'o/ /'du
 byed thams cad sdug bsngal ba nyid ces bya ba ni nang la sogs pa sdug bsngal nyid du grub pa gang yin pa'o/ /chos thams cad bdag med pa zhes bya ba ni bde ba dang sdug bsngal la sogs pa dag la rang dbang med pa nyid du grub pa gang yin pa'o//
 'jig rten mngon sum du dmigs pa zhes bya ba ni 'du byed thams cad mi rtag pa nyid dang 'du byed thams cad sdug bsngal ba nyid dang chos thams cad bdag med pa nyid ji skad bstan pa de dag ni 'jig rten na mngon sum yin pa'i phyir ro/ /'on
 'du byed thams cad mi rtag pa nyid la sogs pa de dag mngon sum rnam pa bzhi po dbang po'i shes pa dang/ yid kyi shes pa dang/ rang rig pa dang/ rnal 'byor pa'i chos kyi spyi dang/ sgrub par byed pa'i phyogs kyi chos med pa ste/ des ni thun mong
 gi ma nges pa dang 'gal ba brtsal to/ /nyid ces bya ba ni brnan pa ste/ des ni mi mthun pa'i phyogs la phyogs gcig spong ba'i ma nges pa spangs so/ /nges pa'o zhes bya ba ni mdza' mar smos pa'i phyir gsum char la yang nges pa nyid rig
 bar bya'o/ /tshul gsum po de dag ni rang gi tshad ma ji lta bu dag gis nges pa yin par gzung bar bya'i/ /gzhan du na ni rjes su dpag par bya ba las yid ches par bya bar mi nus pa nyid do/ /rtags gsum gyi mtshan nyid gang zhe na/ mi dmigs pa dang rang bzhin dang
 'bras bu'o/ /zhes bya ba la gang gi phyir rjes su dpag par bya ba ni dngos po med pa dang dngos po'i ngo bos rnam pa gnyis yin pa de'i phyir dngos po med pa sgrub pa dang dngos po sgrub pa'i rtags kyang rnam pa gnyis te/ de la mi dmigs pa ni dngos po med pa sgrub
 pa'i rtags te/ dgag pa'i gtan tshigs so/ /de yang med na mi 'byung ba'i mtshan nyid kyis 'brel pa ste/ rjes su dpag par bya ba'i chos can de la dmigs pa'i rig par gyur pa'i dngos po mi dmigs pa'i rtags kyis dngos po med pa bsgrub par bya'o/
 rang bzhin dang 'bras bu gnyis ni dngos po sgrub pa'i rtags te/ dngos po'i gtan tshigs so/ /de gnyis dang bsgrub par bya ba'i dngos po dang tha mi dad pa dang bsgrub par bya ba'i dngos po dang tha dad pa'i bye brag gis rnam pa gnyis te/ tha mi dad pa ni
 bsgrub par bya ba dang sgrub par byed pa de'i bdag nyid kyi mtshan nyid kyis 'brel pa ste/ rang bzhin gyi rtags so/ /tha dad pa ni bsgrub par bya ba dang sgrub par byed pa de las skyes pa'i mtshan nyid kyi 'brel pa ste/ 'bras bu'i rtags so/ /de dag ni ring la yang
 tshul gsum char yod par lta ba'i tshul re re ba'am gnyis gnyis pa ni ma yin no/ /de ltar tshul gsum dang ldan pa'i rtags de dag ni gtan tshigs kyi skyon gsum po ma grub pa dang 'gal ba dang/ ma nges pa spang ba yang yin te/ 'di ltar rjes su
 dpag par bya ba la yod pa nyid kyi tshul gyis rjes su dpag par bya ba'i chos can de la bsgrub par bya ba'i chos dngos po med pa 'am mi rtag pa dang skad cig ma nyid la sogs pa'am rgyu sgrub par byed pa'i phyogs kyi chos mi dmigs pa'am rang
 bzhin nam 'bras bu'i rtags yod pa nyid bstan pa'i gtan tshigs med na mi 'byung ba'i mtshan nyid kyi 'brel pa 'am de'i bdag nyid kyi mtshan nyid kyi 'brel pa mthun pa'i phyogs la yod pa nyid kyi tshul gyis rjes su 'gro
 pa dang mi mthun pa nyid phyogs la med pa nyid du nges pa'i tshul gyis ldog pa dang ldan pa de ni gzhi ma grub pa dang rang la ma grub pa dang gzhan la ma grub pa la sogs pa med pa'i phyir ma grub pa'i skyon spangs pa yin no/ /bsgrub par bya ba la
 sgrub par byed pa log par bsgrub pa'i 'gal ba med pa'i skyon spangs pa yang yin no/ /thun mong gi ma nges pa dang mthun mong ma yin pa'i ma nges pa dang mi mthun pa'i phyogs kyi phyogs gcig la yod pa'i ma nges pa dang mthun pa'i phyogs
 kyi phyogs gcig la yod pa'i ma nges pa la sogs pa med pa'i phyir ma nges pa'i skyon spangs pa yin no/ /de ltar tshul gsum dang ldan pa'i rtags gtan tshigs kyi skyon ma grub pa dang 'gal ba dang ma nges pa spangs pa ni rjes su dpag
 pa gang bsgrub par bya ba'i chos de 'grub par 'gyur te/ de nyid rjes su dpag pa'i tshad ma'i 'bras bu yin no/ /de ltar rjes su dpag par bya ba la tshul gsum pa nyid kyis rtags las bdag nyid kyis rtogs pa dang gzhan la go bar bya ba la
 skabs 'dir rjes su dpag par bya ba la yod pa nyid kyi tshul ni de la gnas pa mngon sum du dmigs pa'i mtshan nyid ces bya ba bstan to/ /mthun pa'i phyogs la yod pa nyid kyi tshul ni rang gi rigs kyi dpe la nye bar sbyar ba'i mtshan
 nyid ces bya ba bstan to/ /mi mthun pa'i phyogs la med pa nyid du nges pa'i tshul ni lung dang tshad ma gzhan dag las ni dngos su yang bstan/ skabs 'dir ni chos mthun pa'i dpe rjes su 'gro ba bstan pas/ chos mi mthun pa'i dpe'i ldog
 pa zhar la 'grub pas bcom ldan 'das kyis dngos su ma bstan te shes par 'dod na ni ci rigs par sbyar te 'og tu bstan par bya'o/ /de la dang por rjes su dpag pa'i tshad ma de la/ gnas pa mngon sum du dmigs pa'i mtshan nyid kyis yongs
 su dag par bstan pa'i phyir/ 'du byed thams cad skad cig ma nyid dang/ 'jig rten pha rol yod pa nyid dang/ las dge ba dang mi dge ba chud mi za ba de la gnas pa'i mi rtag par rags pa nyid mngon sum du dmigs pa gang yin pa dang/ sems can sna
 tshogs las sna tshogs pa la gnas pa mngon sum du dmigs pa gang yin pa dang/ sems can bde ba dang sdug bsngal ba las dge ba dang mi dge ba las gnas pa mngon sum du dmigs pa gang yin pa dang/ gang gis mngon sum du ma gyur pa
 las rjes su dpag par bya ba dang de lta bu dang mthun pa gang yin pa de ni de la gnas pa mngon sum du dmigs pa'i mtshan nyid yin no/ /zhes bya ba gsungs so/ /de la gnas pa mngon sum du dmigs pa'i mtshan nyid ces bya ba la/ de la zhes bya ba ni
 rjes su dpag par bya ba'i chos can de la'o/ /gnas pa zhes bya ba ni sgrub par byed pa'i chos thams cad kyi chos mi dmigs pa'am/ rang bzhin nam 'bras bu'i rtags so/ /so so'i shes pa'i don mngon sum gyi tshad ma'i don rang gi mtshan nyid
 kyis bsdus pa gnas pa'o/ /mngon sum du dmigs pa zhes bya ba ni sgrub par byed pa'i phyogs kyi chos mi dmigs pa 'am/ rang bzhin nam 'bras bu'i rtags so so'i shes pa'i don mngon sum gyi tshad ma'i yul mngon
 sum gyi don rang gi mtshan nyid kyis sdus pa gnas pa de mngon sum gyi tshad ma'i mtshan nyid rtog pa dang bral zhing ma 'khrul bas mngon sum du dmigs pa'o/ /mtshan nyid ces bya ba ni rjes su dpag pa'i tshad ma'i
 mtshan nyid de/ de ltar rjes su dpag par bya ba la tshul gsum pa'i rtags kyis bsgrub par bya ba'i chos mngon sum gyis mi dmigs pa rjes su dpag ste bdag nyid kyis rtogs pa dang/ gzhan la go bar gyur pa nyid
 rjes su dpag pa'i tshad ma'i mtshan nyid yin no/ /de ltar na rjes su dpag pa'i tshad ma de la gnas pa mngon sum du dmigs pa'i mtshan nyid des yongs su dag ste/ tshad mar rung la rjes su dpag pa'i tshad ma dang de la gnas pa mngon sum
 du dmigs pa'i mtshan nyid de yang mtshan gzhi dang mtshan nyid kyi tshul gyis ngo bo nyid gcig par rig par bya'o/ /rjes su dpag par bya ba'i chos can de la gnas pa sgrub par byed pa'i phyogs kyi chos mngon sum du dmigs pa'i rtags
 kyis bsgrub par bya ba'i chos mngon sum gyis mi dmigs pa rjes su dpag par bya ba de dag gang zhe na/ 'du byed thams cad skad cig ma nyid dang 'jig rten pha rol yod pa nyid dang las dge ba dang mi dge ba chud mi za ba zhes bya ba dag ste/
 de dag ni bshad pa'i don rjes su dpag pa'i tshad ma'i yul lkog tu gyur pa'i don spyi'i mtshan nyid kyis bsdus pa yin no/ /bsgrub par bya ba'i chos mngon sum gyis ma dmigs pa rjes su dpag par bya ba de dag sgrub par byed pa'i
 gtan tshigs de la gnas pa mngon sum du dmigs pa'i rtags dag gang zhe na/ de la gnas pa'i mi rtag pa rags pa nyid mngon sum du dmigs pa gang yin pa dang/ sems can sna tshogs las sna tshogs la gnas pa mngon
 sum du dmigs pa gang yin pa dang/ sems can bde ba dang sdug bsngal ba las dge ba dang mi dge ba la gnas pa mngon sum du dmigs pa gang yin pa zhes bya ba dag ste/ de dag ni so so'i shes pa'i don mngon sum gyi don (tshad ma'i yul mngon sum gyi?)
 rang gi mtshan nyid kyis bsdus pa yin no/ /de ltar rjes su dpag par bya ba'i chos can de la sgrub par byed pa'i phyogs kyi chos so so'i shes pa'i don mngon sum du tshad ma'i yul mngon sum gyi don rang gi mtshan nyid kyis bsdus pa gnas pa
 mngon sum du dmigs pa'i sgo nas bsgrub par bya ba'i chos bshad pa'i don rjes su dpag pa'i tshad ma'i yul lkog tu gyur pa'i don mi rtag pa'i mtshan nyid kyis bsdus pa de rjes su dpag par bya ste/ de la gnas pa'i mi rtag par gnas
 pa nyid mngon sum du dmigs pa gang yin pa zhes bya ba'i rtags 'dis ni 'du byed thams cad skad cig ma nyid ces bya ba'i sgrub par bya ba'i chos 'di rjes su dpag par bya'o/ /de la gnas pa'i mi rtag par rags pa nyid mngon sum du dmigs pa
 gang yin pa zhes bya ba la de la zhes bya ba ni rjes su dpag par bya ba'i chos can 'du byed kyi dngos po la'o/ /gnas pa'i mi rtag pa rags pa nyid ces bya ba ni/ skad cig la 'jigs pa ma yin pa'i mi rtag pa la rags pa 'chi 'pho ba dang/ skye ba dang
 'jig pa'i mtshan nyid de/ de la sgrub par byed pa'i phyogs kyi chos rang bzhin gyi rtags so so'i shes pa'i don mngon sum gyi tshad ma'i yul mngon sum gyi don rang gi mtshan nyid kyis bsdus pa yin no/ /mngon sum du dmigs pa gang yin pa
 zhes bya ba ni sgrub par byed pa'i phyogs kyi chos rang bzhin gyi rtags so so'i shes pa'i don mngon sum gyi tshad ma'i yul mngon sum gyi don rang gi mtshan nyid kyis bsdus pa de nyid mngon sum gyi tshad ma'i mtshan nyid rtog pa dang bral zhing ma 'khrul
 pas mngon sum du dmigs pa ste/ de ltar sgrub par byed pa'i phyogs kyi chos rang bzhin gyi rtags mi rtag pa'i rags pa nyid mngon sum du dmigs pa de'i sgo nas/ bsgrub par bya ba'i chos skad cig ma nyid rjes su dpag par bya'o/ /de la skad
 'dir tshul gsum pa nyid kyi rtags dang ji ltar sbyar zhe na/ rjes su dpag par bya ba las yod pa nyid kyi tshul ni de las zhes bya bas bstan te/ rjes su dpag par bya ba la zhes bya ba ni chos can 'du byed kyi dngos po de la'o/ /yod pa
 nyid ces bya ba ni chos can 'du byed kyi dngos po de la sgrub par byed pa'i chos skad cig ma nyid sgrub par byed pa'i phyogs kyi chos rang bzhin gyi rtags mi rtag pa rags pa nyid mngon sum du dmigs pa yod pa nyid de/ de'i phyir chos can zhes bya'o/ /skabs
 'dir chos can de la bsgrub par bya ba'i chos dngos po med pa rgyu dang/ sgrub par byed pa'i phyogs kyi chos mi dmigs pa dang/ 'bras bu'i rtags ni med do/ /de bas na rjes su dpag pa nyid sgrub par byed pa'i phyogs kyi chos rang bzhin gyi rtags
 mi rtag pa rags pa nyid mngon sum du dmigs pa yod pa nyid de ni bsgrub par bya ba dang sgrub par byed pa de'i bdag gi mtshan nyid kyis 'bral ba yin pas de'i phyir rang bzhin gyi gtan tshigs zhes bya'o/ /mthun pa'i phyogs la yod pa nyid
 kyi tshul ni chos mthun pa'i dpe ste/ gang la mi rtag pa rags pa nyid mngon sum du dmigs pa de ni skad cig ma nyid yin te/ dper na nang dang phyi rol gyi 'du byed rnams la 'jig rten thams cad la grags pa'i 'chi 'pho ba dang skye ba dmigs pa nye
 bar sbyar ba lta bu ste/ de ni rang gi rigs kyi dpe nye bar sbyar ba'i mtshan nyid bstan pa'i skabs su 'og nas ston to/ /mi mthun pa'i phyogs la med pa nyid du nges pa'i tshul ni chos mi mthun pa'i dpe ste/ de ni lung dang tshad ma gzhan dag las ni
 dngos su yang bstan/ skabs 'dir ni chos mthun pa'i dpe rjes su 'gro ba bstan pas chos mi mthun pa'i dpa' i ldog pa zhar la 'grub pas bcom ldan 'das kyis dngos su ma bstan te/ shes par 'dod na ni gang la mi rtag par gnas
 pa nyid mngon sum du mi dmigs pa de ni skad cig ma nyid ma yin te/ dper na nam mkha' lta bu'o zhes brjod par bya'o/ /de ltar tshul gsum dang ldan pa'i rang bzhin gyi rtags de ni gtan tshigs kyi skyon gsum pa ma grub pa dang 'gal ba dang ma nges pa
 spangs pa yang yin te/ 'di ltar rjes su dpag par bya ba la yod pa nyid kyi tshul gyis chos can 'du byed kyi dngos po de la bsgrub par bya ba'i chos skad cig ma nyid sgrub par byed pa'i phyogs kyi chos kyi rang bzhin gyi rtags mi rtag pa rags pa nyid
 mngon sum du dmigs pa yod pa nyid bstan pa'i rang bzhin gyi gtan tshigs bsgrub par bya ba dang sgrub par byed pa de'i bdag nyid kyis 'brel pa'i mtshan nyid kyis 'brel pa mthun pa'i phyogs la yod pa nyid kyi tshul gyis rjes su 'gro ba dang/
 mi mthun pa'i phyogs la med pa nyid du nges pa'i tshul gyis ldog pa dang ldan pa de ni gzhi ma grub pa dang rang la ma grub pa dang gzhan la ma grub pa la sogs pa med pa med pa'i phyir ma grub pa'i skyon spangs pa yin no/ /bsgrub par bya ba las sgrub par
 byed pa log par byed pa'i 'gal ba med pa'i phyir 'gal ba'i skyon spangs pa yang yin no/ /thun mong ma yin pa'i ma nges pa dang thun mong gi ma nges pa dang mi thun pa'i phyogs kyi phyogs gcig la yod pa'i ma nges pa dang/ mthun pa'i phyogs kyi phyogs gcig
 la yod pa'i ma nges pa la sogs pa med pa'i phyir ma nges pa'i skyon spangs pa yin no/ /sems can sna tshogs las sna tshogs la gnas pa mngon sum du dmigs pa gang yin pa zhes bya ba'i rtags 'dis ni 'jig rten pha rol yod pa nyid ces bya
 pa'i bsgrub par bya ba'i chos 'di rjes su dpag par bya'o/ /sems can sna tshogs las sna tshogs la gnas pa mngon sum du dmigs pa gang yin pa zhes bya ba la sems can sna tshogs zhes bya ba ni khams dang 'gro ba dang skye gnas tha dad pa'i
 bye brag la gnas pa'i sems can sna tshogs te/ des ni rjes su dpag par bya ba'i chos can bstan to/ /las sna tshogs la gnas pa zhes bya ba ni 'jig rten mi la sogs pa 'greng ste 'gro ba dang/ phyugs la sogs
 pa dud de 'gro ba dang/ sprul la sogs pa 'phye zhing 'gro ba dang/ bya la sogs pa nam mkha' la lding ba dang/ nya la sogs pa chu la 'phyo ba dang/ de 'dra ba'i tshul gyis mi mthun pa sna tshogs pa ma bslab par rang shes ste rtsol ba dang la la'i
 gnas ci la 'cha'/ la la'i zas su ci za/ la la'i yon tan ci yod la la'i skyon ci la chags te/ sna tshogs kyi spyod pa mi 'dra ba la sogs pa dang skam la gnas pa ni chu'i gting du 'dug par mi bzod/ chu la gnas pa ni skam la 'dug
 par mi bzod/ /grang bas ni tshad khung mi thub dros pas ni grang mo mi thub pa la sogs pa rang gi chos ma yin pa byed mi nus pa dang de'i nang nas kyang la la ni bslabs na lobs pa dang bsgoms na goms su rung ba yang yod pa dang/ la la
 ni bslabs kyang mi lobs la bsgoms kyang goms su mi rung ba yang yod pa dang glang po che dang rta la sogs pa mi bas nyam rtsal che la bar mgyogs pa yang mis bkol du rung ba dang lji ba dang shig la sogs pa mi bas chung ba yang mi la
 za ba dang khams dang 'gro ba dang skye gnas tha dad pa nas skyes pa'i tshul mi mthun pa dang de lta bu la sogs pa sems can sna tshogs las sna tshogs la gnas pa ste/ des ni sgrub par byed pa'i phyogs kyi chos 'bras bu'i rtags so so'i shes
 pa'i don mngon sum gyi tshad ma'i yul mngon sum gyi don rang gi mtshan nyid kyis bsdus pa'i bstan to/ /mngon sum du dmigs pa gang yin pa zhes bya ba ni sgrub par byed pa'i phyogs kyi chos 'bras bu'i rtags so so'i shes pa'i don mngon
 sum gyi tshad ma'i yul mngon sum gyi don rang gi mtshan nyid kyis bsgrus? pa de nyid kyi mngon sum gyi tshad ma'i mtshan nyid rtog pa dang bral zhing ma 'khrul pas mngon sum du dmigs pa ste/ de ltar sgrub par byed pa'i phyogs chos 'bras bu'i rtags
 las sna tshogs la gnas pa mngon sum du dmigs pa de'i sgo nas bsgrub par bya ba'i chos 'jig rten pha rol tshe snga ma yod pa nyid rjes su dpag par bya'o/ /de la skabs 'dir tshul gsum pa nyid kyi rtags dang ji ltar sbyar zhe na/ rjes su dpag par bya ba la yod pa
 nyid kyi tshul ni sems can sna tshogs zhes bya ba bstan te/ rjes su dpag par bya ba la zhes bya ba ni chos can sems can sna tshogs la'o/ /yod pa nyid ces bya ba ni chos can sems can sna tshogs de la bsgrub par bya ba'i chos 'jig rten pha rol tshe snga ma yod pa
 nyid du sgrub par byed pa'i phyogs kyi chos 'bras bu'i rtags las sna tshogs las mngon sum du dmigs pa yod pa nyid de/ de'i phyir chos can zhes bya'o/ /skabs 'dir chos can de la bsgrub par bya ba'i chos dngos po med pa dang mi rtag pa dang/ skad cig
 ma nyid la sogs pa dang/ sgrub par byed pa'i phyogs kyi chos ni mi dmigs pa dang rang bzhin gyi rtag ni med do/ /de bas na rjes su dpag par bya ba'i chos can sems can sna tshogs de la sgrub par byed pa'i phyogs kyi chos 'bras bu'i rtags las sna tshogs
 la gnas pa mngon sum du dmigs pa de la bsgrub par bya ba'i chos 'jig rten pha rol tshe snga ma yod pa nyid mngon sum gyis ma dmigs pa de yod pa nyid du rjes su dpag ste/ de ltar chos can sems can sna tshogs de la bsgrub par bya ba'i chos
 'jig rten pha rol tshe snga ma yod pa nyid sgrub par byed pa'i phyogs kyi chos 'bras bu'i rtags las sna tshogs la gnas pa mngon sum du dmigs pa yod pa nyid de ni bsgrub par bya ba dang/ sgrub par byed pa las skyes pa'i mtshan nyid kyis 'brel 
 pa yin pa de'i phyir 'bras bu'i gtan tshigs zhes bya'o/ /mthun pa'i phyogs nyid la yod pa'i tshul ni chos mthun pa'i dpe ste/ gang la las sna tshogs la gnas pa mngon sum du dmigs pa de la ni 'jig rten pha rol yod pa nyid
 de/ dper na nang dang phyi rol gyi 'du byed rnams la 'jig rten thams cad la grags pa'i skye ba la sogs pa sdug bsngal dmigs pa nye bar sbyar ba lta bu ste/ de la rang gi rigs kyi bde ba nye bar sbyar ba'i mtshan nyid bstan pa'i skabs su 'og nas
 ston to/ /mi mthun pa'i phyogs la med pa nyid du nges pa'i tshul ni chos mi mthun pa'i dpe ste/ de yang lung dang tshad ma gzhan dag las ni dngos su yang bstan pa skabs 'dir ni chos mthun pa'i dpes rjes su 'gro ba bstan pas chos mi mthun
 pa'i dpe'i lhag pa zhar la 'grub pas bcom ldan 'das kyis dngos su ma bstan te/ shes par 'dod na ni gang la las sna tshogs la gnas pa mngon sum du mi dmigs pa de la ni 'jig rten pha rol med pa nyid de/ dper na ri bong gi
 rwa lta bu'o/ /zhes brjod par bya'o/ /de ltar tshul gsum dang ldan pa'i 'bras bu'i rtags de yang gtan tshigs kyi skyon gsum po ma grub pa dang 'gal ba dang ma nges pa spangs pa yin te/ snga ma bzhin du ci rigs par sbyar ro//
 sems can bde ba dang sdug bsngal ba dang las dge ba dang mi dge ba la gnas pa mngon sum du dmigs pa gang yin pa zhes bya ba'i rtags 'dis ni las dge ba dang mi dge ba chung mi za ba zhes bya ba'i bsgrub par bya ba'i chos 'di
 rjes su dpag par bya'o/ /sems can bde ba dang sdug bsngal las las dge ba dang mi dge ba la gnas pa'i mngon sum du dmigs pa gang yin pa zhes bya ba la sems can bde ba dang sdug bsngal ba zhes bya ba ni skyid pa dang sdug
 pa la sogs pa'i bye brag yod pa ste/ de ni rjes su dpag par bya ba'i chos can bstan to/ /las dge ba dang mi dge ba la gnas pa zhes bya ba ni tshe snga ma'i las dge ba dang mi dge ba'i rgyu las byung ba'i 'bras bu bde ba dang sdug bsngal la gnas pa ste
 des ni sgrub par byed pa'i phyogs kyi tshes 'bras bu'i rtags so so'i shes pa'i don mngon sum gyi tshad ma'i yul mngon sum gyi don rang gi mtshan nyid kyis bsdus pa yin no/ /mngon sum du dmigs pa gang yin pa zhes bya ba ni sgrub par byed pa'i
 chos 'bras bu'i rtags so so'i shes pa'i don mngon sum gyi tshad ma'i yul mngon sum gyi don rang gi mtshan nyid bsdus pa de nyid mngon sum gyi tshad ma'i mtshan nyid rtog pa dang bral zhing ma 'khrul pas mngon sum du dmigs pa ste/ /de ltar
 sgrub par byed pa'i phyogs kyi chos 'bras bu'i rtags las dge ba dang mi dge ba la gnas pa mngon sum du dmigs pa de'i sgo nas bsgrub par bya ba'i chos las dge ba dang mi dge ba chung mi za bar de rjes su dpag par bya'o/ /de la skabs 'dir
 tshul gsum pa nyid kyi rtags dang ji ltar sbyar zhe na/ rjes su dpag par bya ba la yod pa nyid kyi tshul ni sems can bde ba dang sdug bsngal zhes bya ba bstan te/ rjes su dpag par bya ba la zhes bya ba la ni chos can sems can bde ba dang
 sdug bsngal ba la'o/ /yod pa nyid ces bya ba ni chos can sems can bde ba dang sdug bsngal ba de la bsgrub par bya ba'i chos las dge ba dang mi dge ba chud mi za bar byed pa'i phyogs kyi chos 'bras bu'i rtags las dge ba dang mi dge ba la
 gnas pa mngon sum du dmigs pa yod pa nyid de de'i phyir chos can zhes bya'o/ /skabs 'dir yang chos can de la bsgrub par bya ba'i chos dngos po med pa dang mi rtag pa dang skad cig ma nyid la sogs pa dang sgrub par byed pa'i phyogs kyi
 chos mi dmigs pa dang rang bzhin gyi rtags ni med do/ /de bas na rjes su dpag par bya ba'i chos can sems can bde ba dang sdug bsngal ba de la sgrub par byed pa'i phyogs kyi chos 'bras bu'i rtags las dge ba
 dang mi dge ba la gnas pa mngon sum du dmigs pa de las bsgrub par bya ba'i chos las dge ba dang mi dge ba chud mi za ba mngon sum gyis ma dmigs pa de chud mi za bar rjes su dpag ste/ de ltar chos can sems can la bde ba dang
 sdug bsngal bde la bsgrub par bya ba'i chos las dge ba dang mi dge ba chud mi za bar sgrub par byed/ phyogs kyi chos 'bras bu'i rtags las dge ba dang mi dge ba la gnas pa mngon sum du dmigs pa yod pa nyid de de yang bsgrub par
 bya ba dang sgrub par byed pa las skyes pa'i mtshan nyid kyi 'brel pa yin pas/ de'i phyir 'bras bu'i gtan tshigs zhes bya'o/ /mthun pa'i phyogs la yod pa nyid kyi tshul ni chos mthun pa'i dpe ste/ gang ma las dge ba dang mi dge ba la gnas pa'i
 mngon sum du dmigs pa de la ni las dge ba dang mi dge ba chud mi za ba ste/ dper na nang dang phyi rol gyi 'du byed rnams la 'jig rten thams cad la grags pa'i rang dbang med pa dmigs pa nye bar sbyar ba dang phyi rol dag la yang 'jig
 rten thams cad la grags pa'i 'byor pa dang rgud pa dmigs pa nye ba lta bu ste/ de yang rang gi rigs kyi dpe nye bar sbyar ba'i mtshan nyid nye bar bstan pa'i skabs su 'og nas ston to/ /mi mthun pa'i phyogs la med pa nyid du nges pa'i
 tshul ni chos mi mthun pa'i dpe ste/ de yang lung dang tshad ma gzhan dag las ni dngos su yang bstan/ skabs 'dir ni chos mthun pa'i dpes rjes su 'gro ba bstan pas chos mi mthun pa'i dpe'i ldog pa zhar la 'grub pas
 bcom ldan 'das kyis ma bstan te/ shes par 'dod na ni gang la las dge ba dang mi dge ba la gnas pa mngon sum du mi dmigs pa de la ni las dge ba dang mi dge ba chud mi za ba med de/ dper na nam mkha' i me tog lta bu'o zhes brjod par bya'o/ /de ltar
 tshul gsum pa'i rtags dang ldan pa'i 'bras bu'i rtags de yang gtan tshigs kyi skyon ma 'grub pa dang 'gal ba dang ma ngas pa spangs pa yin te/ snga ma bzhin du ci rigs par sbyar ro/ /gang gis mngon sum du ma gyur pa la rjes su dpag par bya ba
 zhes bya ba ni rjes su dpag pa'i don spyir bstan pa ste rjes su dpag go /cho ga ni gang mngon sum gyis dmigs pa de'i rjes su 'jug pa'i blo de dang 'brel ba'i dngos po mngon sum gyis ma dmigs pa yul dang dus dang rang bzhin gyis ma bskal
 ba lkog tu gyur pa'i don la rjes su dpag par bya ba yin no zhes ston te/ gang gis zhes bya ba ni sgrib pa dang bcas pa'i skyes bu la bya'o/ /mngon sum du ma gyur pa zhes bya ba ni sgrib pas bsgribs pa la bya'o/ /rjes su dpag pa zhes bya ba ni lkog
 tu gyur pa'i don rtogs par 'dod cing 'jal ba la bya ste/ de la tshul gsum pa'i rtags kyis rang bzhin gyi don rjes su dpag pa ni snga ma bzhin ci rigs par sbyar ro/ /de lta bu dang mthun pa gang yin pa de ni zhes bya ba ni rjes su dpag
 par bya ba la tshul gsum pa'i rtags dang rang dang gzhan gyi don rjes su dpag pa'i mtshan nyid sngar bstan pa de lta bu dang mthun pa gzhan dag dang ci rigs par sbyar te/ de yang ma rigs pa la dngos po med rjes su dpag pa dang rang
 bzhin las mi rtag pa la sogs par rjes su dpag pa dang 'bras bu las rgyu rjes su dpag pa la thams cad du yang tshul gsum pa'i rtags kyis rang dang gzhan gyi don rjes su dpag par bya ste/ de la mi dmigs pa las dngos po med
 pa dang rjes su dpag par bya ba la tshul gsum pa nyid kyi rtags dang ji ltar sbyar zhe na/ rjes su dpag par bya ba la yod pa nyid kyi tshul ni dper na phyogs kyi bye brag 'ga' zhig na bum pa med de/ dmigs pa'i rig
 byar gyur pa las mi dmigs par gyur pa'i phyir ro zhes bya ba lta bu ste/ rjes su dpag par bya ba la zhes bya ba ni chos can bum pa med pa'i phyogs kyi bye brag 'ga' zhig na'o/ /yod pa nyid ces bya ba ni chos can bum pa med pa'i phyogs
 kyi bye brag de ni bsgrub par bya ba'i chos dngos po med pa sgrub par byed pa'i phyogs kyi chos mi dmigs pa'i rtags dmigs pa'i rig byar gyur pa'i bum pa mi dmigs pa yod pa nyid de/ de'i phyir chos can zhes bya'o/ /skabs
 'dir chos de la bsgrub par bya ba'i chos mi rtag pa la sogs pa dang rgyu dang sgrub par byed pa'i phyogs kyi chos rang bzhin dang 'bras bu'i rtag ni med do/ /de bas na rjes su dpag par bya ba'i chos bum pa med pa'i phyogs kyi bye
 brag 'ga' zhig na sgrub par byed pa'i phyogs kyi chos mi dmigs pa'i rtags bum pa mngon sum du dmigs pa de las bsgrub par bya ba'i chos dngos po med pa nyid/ mngon sum gyis ma dmigs pa de dngos po med pa nyid du rjes
 su dpag ste/ de ltar chos can bum pa med pa'i phyogs kyis bye brag 'ga' zhig na bsgrub par bya ba'i chos dngos po med pa nyid sgrub par byed pa nyid kyi chos mi dmigs pa'i rtags bum pa med pa mngon sum du dmigs pa nyid de
 ni bsgrub par bya ba dang sgrub par byed pa med na mi 'byung ba'i mtshan nyid kyi 'brel pa yin pas de'i phyir mi dmigs pa'i gtan tshigs zhes bya'o/ /mthun pa'i phyogs la yod pa nyid kyi tshul ni chos mthun pa'i dpe ste/ phyogs
 kyi bye brag gang na dmigs pa'i rig byar gyur pa'i bum pa mi dmigs pa de na bum pa med de/ dper na bar snang stong pa bzhin no zhes bya ba lta bu ste/ de yang rang gi rigs kyi dpe nye bar sbyar ba'i mtshan nyid bstan pa'i skabs nas de lta bu
 dang mthun pa gang yin pa de ni zhes bya ba ci rigs par ston to/ /mi mthun pa'i phyogs la med pa nyid du nges pa'i tshul ni chos mi mthun pa'i dpe ste/ de yang lung dang tshad ma gzhan dag las ni dngos su yang bstan skabs 'dir na/
 chos mthun pa'i dpes rjes su 'gro bas bstan pa chos mi mthun pa'i dpe'i ldog pa zhar la 'grub pas bcom ldan 'das kyis dngos su ma bstan te/ shes par 'dod na ni phyogs kyi bye brag gang na dmigs pa'i rig byar gyur pa'i
 bum pa dmigs pa de na bum pa yod de/ dper na dngul gzhong gi steng du rgun 'brum blugs pa bzhin no zhes brjod par bya'o/ /de ltar tshul gsum dang ldan pa'i mi dmigs pa'i rtags de yang gtan tshigs kyi skyon gsum po ma
 grub pa dang 'gal ba dang ma nges pa spangs pa yin te/ snga ma bzhin du ci rigs par sbyar ro/ /de la rang bzhin las mi rtag pa la sogs par rjes su dpag par bya ba la tshul gsum pa nyid kyi rtags dang ji ltar sbyar zhe na/ rjes
 su dpag par bya ba la yod pa nyid kyi tshul ni dper na sgra ni mi rtag pa ste/ byas ba'i phyir ro zhes bya ba lta bu ste/ rjes su dpag par bya ba la zhes bya ba ni chos can sgra la'o/ /yod pa nyid ces bya ba ni chos can sgra de la bsgrub
 par bya ba'i chos mi rtag pa nyid du sgrub par byed pa'i phyogs kyi chos rang bzhin gyis rtags byas pa'i phyir ro zhes bya ba yod pa nyid de/ de'i phyir chos can zhes bya'o/ /skabs 'dir yang chos can de bsgrub par bya ba'i chos
 dngos po med pa dang rgyu dang sgrub par byed pa'i phyogs kyi chos mi dmigs pa dang 'bras bu'i rtags ni med do/ /de bas na rjes su dpag par bya ba'i chos can sgra de la sgrub par byed pa'i phyogs kyi chos rang bzhin
 gyi rtags byas pa'i phyir ro zhes bya ba mngon sum du dmigs pa de las bsgrub par bya ba'i chos mi rtag pa nyid mngon sum gyis ma dmigs de mi rtag pa nyid du rjes su dpag ste de ltar chos can sgra de la bsgrub par bya ba'i
 chos mi rtags pa nyid sgrub par byed pa'i phyogs kyi chos rang bzhin gyi rtags byas pa'i phyir zhes bya ba mngon sum du dmigs pa yod pa nyid de yang bsgrub par bya ba dang/ sgrub par byed pa de'i bdag nyid kyi mtshan nyid kyis
 'brel pa yin pas/ de'i phyir rang bzhin gyi gtan tshigs zhes bya'o/ /mthun pa'i phyogs la yod pa nyid kyi tshul ni chos mthun pa'i dpe ste/ gang la byas pa yod pa de ni mi rtag pa ste/ dper na bum pa bzhin no zhes bya ba
 lta bu ste de yang rang gi rigs kyi dpe nye bar sbyar ba'i mtshan nyid bstan pa'i skabs nas de lta bu dang mthun pa gang yin pa de ni zhes bya bas ci rigs par ston to/ /mi mthun pa'i phyogs la med pa nyid nges pa'i tshul ni chos mi
 mthun pa'i dpe ste/ de yang lung dang tshad ma gzhan dag las ni dngos su yang bstan/ skabs 'dir ni mthun pa'i dpes rjes su 'gro ba bstan pas chos mi mthun pa'i dpe'i ldog pa zhar la 'grub pas bcom ldan 'das
 kyis dngos su ma bstan te/ shes par 'dod na ni gang la byas pa med pa de ni rtags pa ste/ dper na 'dus ma byas lta bu'o zhes brjod par bya'o/ /de ltar tshul gsum dang ldan pa rang bzhin gyi
 rtags de yang gtan tshigs kyi skyon gsum po ma grub pa dang 'gal ba dang ma nges pa spangs pa yin te/ snga ma bzhin du ci rigs par sbyar ro/ /de la 'bras bu las rgyu rjes su dpag par bya ba la/ tshul gsum pa nyid kyi rtags dang
 ji ltar sbyar zhe na/ rjes su dpag par bya ba la yod pa nyid kyi tshul ni dper na gang na du ba 'thul ba de na me yod do zhes bya ba lta bu ste/ rjes su dpag par bya ba la zhes bya ba ni chos can sa phyogs gang na du ba 'thul ba'i sa phyogs de na
 me yod pa nyid ces bya ba'i chos can phyogs gang na du ba 'thul ba'i sa phyogs de na bsgrub par bya ba'i chos ma grub par byed pa'i phyogs kyi chos 'bras bu'i rtags du ba 'thul ba mngon sum du dmigs pa yod pa nyid de/ de'i phyir chos
 can zhes bya'o/ /skabs 'dir yang chos can de la bsgrub par bya ba'i chos dngos po med pa dang mi rtag pa la sogs pa dang sgrub par byed pa'i phyogs kyi chos mi dmigs pa dang rang bzhin gyi rtags ni med do/ /de bas na rjes
 su dpag par bya ba'i chos can sa phyogs gang na du ba 'thul ba'i phyogs de na sgrub par byed pa'i phyogs kyi chos 'bras bu'i rtags du ba 'thul ba mngon sum du dmigs pa de las bsgrub par bya ba'i chos me mngon sum gyis ma
 dmigs pa de yod pa nyid du rjes su dpag ste/ de ltar chos can sa phyogs gang na du ba 'thul ba'i sa phyogs de na bsgrub par bya ba'i chos ma sgrub par byed pa'i phyogs kyi chos 'bras bu'i rtags du ba 'thul ba mngon sum du
 dmigs pa yod pa nyid de yang bsgrub par bya ba dang sgrub par byed pa de las skyes pa'i mtshan nyid kyis 'brel pa yin pas de'i phyir 'bras bu'i gtan tshigs zhes bya'o/ /mthun pa'i phyogs la yod pa'i nyid kyi tshul
 ni/ chos mthun pa'i dpe ste/ gang na du ba 'thul ba de na me yod de dper? na tshad mar? lta bu'o/ /zhes bya ba de yang rang gi rigs kyi dpe nye bar sbyar ba'i mtshan nyid bstan pa'i skabs nas de lta bu dang mthun pa gang yod pa de ni zhes
 bya bas ci rigs par ston to/ /mi mthun pa'i phyogs la med pa nyid du nges pa'i tshul ni chos ni mthun pa'i dpe ste/ de yang lung dang tshad ma gzhan dag las ni dngos su yang bstan/ skabs 'dir ni chos mthun pa'i dpes rjes su 'gro ba bstan pas
 chos mi mthun pa'i dpe'i ldog pa zhar la 'grub pas bcom ldan 'das kyis dngos su ma bstan te/ shes par 'dod na ni gang du du ba 'thul ba de na me med de/ /dper na rdzing? chen po lta bu'o zhes bya ba brjod par bya ste/ de ltar tshul gsum dang ldan pa'i
 'bras bu'i rtags de yang gtan tshigs kyi skyon gsum po ma grub pa dang 'gal ba dang ma nges pa spangs pa yin te/ snga ma bzhin du ci rigs par sbyar ro/ /de ltar rjes su dpag par bya ba'i chos can de la sgrub par byed pa'i phyogs kyi chos mi dmigs
 pa 'am rang bzhin nam 'bras bu'i rtags so so'i shes pa'i don mngon sum gyi tshad ma'i yul mngon sum gyi don rang gi mtshan nyid kyis bsdus pa gnas pa mngon sum gyi tshad ma'i mtshan nyid kyi rtog pa dang bral zhing ma 'khrul pas mngon sum
 du dmigs pa'i sgo nas bsgrub par bya ba'i chos dngos po med pa 'am/ mi rtag pa la sogs pa 'am/ rgyu bshad pa'i don rjes su dpag pa'i tshad ma'i yul lkog tu gyur pa'i don spyi'i mtshan nyid kyis bsdus pa yul dang dus dang rang bzhin
 gyis ma bskal pa de rjes su dpag pa'i tshad ma'i mtshan nyid tshul gsum pa nyid kyi rjes su dpag ste rang gi rtog pa dang gzhan gyi go bar byed pa gang yin pa de ni de la gnas pa mngon sum du dmigs pa'i mtshan nyid yin no/ /zhes bya bar
 sbyar te/ tshig gi don ni gong du bshad pa bzhin no/ /de'i 'og tu rjes su dpag pa'i tshad ma rang gi rigs kyi dpe nye bar sbyar? ba'i mtshan nyid kyis yongs su dag par bstan pa'i phyir nang dang phyi rol gyi 'du byed rnams la 'jig rten thams cad la grags pa'i 'chi 'pho ba dang skyes?
 dmigs pa nye bar sbyar ba dang skye ba la sogs pa'i sdug bsngal dmigs pa nye bar sbyar ba dang rang dbang med pa dmigs pa nye bar sbyar ba dang/ phyi rol dag la yang 'ji ba/ rten thams cad la grags pa'i 'byor pa dang rgud pa dmigs pa nye bar sbyar ba dang de lta bu
 dang mthun pa gang yin pa de ni rang gi rigs kyi dpe ste nye bar sbyar ba'i mtshan nyid yin par rig par bya'o zhes bya ba gsungs so/ /rang gi rigs kyi dpe nye bar sbyar ba'i mtshan nyid ces bya ba la rang gi zhes bya ba ni rjes su dpag par bya ba la yod pa nyid kyi tshul gyis rjes su
 dpag par bya ba'i chos can la sgrub par bya ba'i chos can sgrub par byed pa'i phyogs kyi chos yod pa nyid bstan pa dang sbyar ro/ /rigs kyi dpe zhes bya ba ni rjes su dpag par bya ba la yod pa nyid kyi tshul bstan pa de dang chos mthun pa'i dpe ste mthun pa'i phyogs
 la yod pa nyid kyi tshul gyis rjes su 'gro ba bstan pa dang sbyar ro/ /nye bar sbyar ba zhes bya ba ni rjes su dpag par bya ba la yod pa nyid kyi tshul bstan pa de dang chos mthun pa'i dpe de 'dra bar sbyar ba'o/ /mtshan nyid ces bya ba ni rjes su dpag pa'i tshad ma'i mtshan nyid
 de/ de ltar rjes su dpag par bya ba la yod pa nyid kyi tshul bstan pa de mthun pa'i phyogs la yod pa'i dpes rjes su 'gro ba nyid du grub na mi mthun pa'i phyogs las ldog pa zhar? la 'grub pas de ni rjes su dpag pa'i tshad ma'i mtshan nyid yin pa'o/ /de
 ltar na rjes su dpag pa'i tshad ma ni rang gi rigs kyi dpe nye bar sbyar ba'i mtshan nyid des yongs su dag ste/ tshad mar rung la rjes su dpag pa'i tshad ma dang rang gi rigs kyi dpe nye bar sbyar ba'i mtshan nyid de yang mtshan gzhi dang mtshan nyid kyi tshul gyis
 ngo bo nyid gcig par rig par bya'o/ /de la 'dir rang gi rigs kyi dpe nye bar sbyar ba'i tshig bzhi smos pa la/ dpe'i mtshan nyid dang rtags kyi mtshan nyid ni thams cad du yang mngon sum gyi don yin par bzhed pas dpe'i? tshig
 bzhi po 'di dag ni sdang de mngon sum du dmigs pa'i mtshan nyid bstan pa'i skabs su 'du byed thams cad ni mi rtag pa nyid dang chos thams cad bdag med pa nyid 'jig rten na mngon sum du dmigs pa zhes smos pa'i tshig gsum po de dag gi ngo bo nyid
 yin te/ dpe'i tshig tha ma gnyis gcig tu bsdus pa'i go rim zhing no/ /de de yang dpe'i tshig 'di dag gi de mngon sum du dmigs pa'i mtshan nyid kyi tshig gsum po de dag bsgrub pa ni ma yin gyi/ de mngon sum du dmigs pa'i mtshan nyid gyi skabs su bstan pa'i
 mi rtag pa nyid dang sdug bsngal pa nyid dang/ bdag med pa nyid kyi ngo bo nyid kyi dpe gsum po 'di dag gis de la gnas pa mngon sum du dmigs pa'i mtshan nyid bstan pa'i stobs su bsgrub par bya ba'i chos gsum po dag sgrub par byed pa'i phyogs kyi
 chos gsum gyis bsgrubs pa de dag gi chos mthun pa'i dpe go rim bzhin du ston par rig par bya'o/ /de la nang dang phyi rol gyi 'du byed rnams la 'jig rten thams cad la grags pa'i 'chi 'pho bo dang skye ba dmigs pa nye bar sbyar ba zhes bya ba
 'di ni sngar de mngon sum du dmigs pa'i mtshan nyid bstan pa'i skabs su 'du byed thams cad mi rtags pa nyid 'jig rten na mngon sum du dmigs pa zhes smos pa de'i ngo bo nyid yin te/ de ltar mi rtag pa'i ngo bo nyid kyi dpe 'dis sngar de la gnas pa
 mngon sum du dmigs pa'i mtshan nyid rjes su dpag par bya ba'i chos can 'du byed kyi dngos po la sgrub par byed pa'i phyogs kyi chos rang bzhin gyi rtag mi rtag par rigs pa nyid gnas pa mngon sum du dmigs pa de las bsgrub par bya ba'i chos skad
 cig? pa nyid mngon sum gyis ma dmigs pa de skad cig ma nyid rjes su dpag ste zhes bshad pa de'i chos mthun pa'i dpe ston to/ /de yang ji ltar sbyar zhe na/ gang la mi rtag pa dags pa nyid mngon sum du dmigs pa de ni skad cig ma nyid yin te/ dper na nang dang
 phyi rol gyi 'du byed rnams la 'jig rten thams cad la grags pa'i 'chi 'pho dang skye ba dmigs pa nye bar sbyar ba lta bu'o zhes bya bar sbyar te/ 'chi 'pho dang skye ba dmigs pa nye bar sbyar ba zhes bya bas ni tha ma'i bye bag gi dpe snga nas dang 'jig pa sgrub
 ste/ gang la 'jig pa yod pa de'i ni mi rtag pa yin la gang la mi rtag par rags pa nyid mngon sum dmigs pa de ni skad cig ma nyid yin pas de'i phyir rjes su dpag bar bya ba'i chos can 'du byed kyi dngos po de la sgrub par byed pa'i phyogs kyi chos rang
 bzhin gyi rtag mi rtag pa rags pa nyid mngon sum du dmigs pa de las bsgrub par bya ba'i chos skad cig ma nyid mngon sum gyis ma dmigs pa de skad cig ma nyid du rjes su dpag pa'i chos mthun pa'i dpe la sgrub pa'o/ /nang dang phyi rol 'du byed rnams
 la 'jig rten thams cad la grags pa'i skye ba la sogs pa'i sdug bsngal dmigs pa nye bar sbyar ba zhes bya ba ni sngar de mngon sum du dmigs pa'i mtshan nyid bstan pa'i skabs su 'du byed thams cad sdug bsngal nyid 'jig rten na mngon sum du dmigs
 pa zhes smos pa de'i ngo bo nyid yin te/ de ltar sdug bsngal ba'i ngo bo nyid kyi dpe 'dis sngar de la gnas pa mngon sum du dmigs pa'i mtshan nyid bstan pa'i skabs su rjes su dpag par bya ba'i chos can sna tshogs de las sgrub par byed pa'i phyogs kyi
 chos 'bras bu'i rtags las sna tshogs la gnas pa mngon sum du dmigs pa de las bsgrub par bya ba'i chos 'jig rten pha rol tshe snga ma yod pa nyid mngon sum gyis mi dmigs pa de yod pa nyid du rjes su dpag ste zhes bshad pa'i chos mthun pa'i dpe
 ston to/ /de yang ji ltar sbyar zhe na/ gang la las sna tshogs la gnas pa mngon sum du dmigs pa de la ni 'jig rten pha rol yod pa nyid de dper na nang dang phyi rol gyi 'du byed rnams la 'jig rten thams cad pas grags pa'i
 skye ba la sogs sdug bsngal dmigs pa nye bar sbyar ba lta bu'o/ /zhes bya bar sbyar te skye ba la sogs pa'i sdug bsngal dmigs pa nye bar sbyar ba zhes bya bas ni tha mal par gnas pa'i skabs la'ang sdug bsngal ba nyid du sgrub ste/ gang la
 sdug bsngal ba yod pa de la ni las bdag gir bya ba yod pa gang la las sna tshogs la gnas pa mngon sum du dmigs pa de la ni 'jig rten pha rol yod pa nyid yin pas de'i phyir rjes su dpag par bya ba'i chos can sems can sna tshogs de la sgrub par
 byed pa'i phyogs kyi chos 'bras bu'i rtags las sna tshogs la gnas pa mngon sum du dmigs pa de la ma bsgrub par bya ba'i chos 'jig rten pha rol tshe snga ma yod pa nyid mngon sum gyis ma dmigs pa de yod pa nyid du rjes su dpag par bya ba'i
 chos mthun pa'i dpe 'grub po/ nang dang phyi rol gyi 'du byed rnams la 'jig rten thams cad la grags pa'i rang bzhin med pa dmigs pa nye bar sbyar ba dang phyi rol la yang 'jig rten thams cad la grags pa'i 'byor pa dang rlung ba dmigs pa nye bar
 sbyar ba zhes bya ba 'di ni sngar de mngon sum du dmigs pa'i mtshan nyid bstan pa'i skabs su chos thams cad bdag med pa nyid 'jig rten na mngon sum du dmigs pa zhes smos pa de'i ngo bo nyid yin te/ de ltar bdag med pa'i ngo bo nyid kyi
 dpe 'dris sngar de la gnas pa mngon sum du dmigs pa'i mtshan nyid bstan pa'i skabs su rjes su dpag par bya ba'i chos can sems can bde ba dang sdug bsngal ba de la sgrub par byed pa'i phyogs kyi chos 'bras bu'i rtags las dge ba
 dang mi dge ba la gnas pa mngon sum du dmigs pa de las bsgrub par bya ba'i chos la dge ba dang mi dge ba chung mi za bar mngon sum gyis ma dmigs pa de chung mi za bar rjes su dpag ste zhes bshad pa de'i chos mthun pa'i dpe ston to/ /de yang ji ltar sbyar zhe na/
 gang la las dge ba dang mi dge ba la gnas pa mngon sum du dmigs pa de la ni las dge ba dang mi dge ba chud mi za ba ste/ dper na nang dang phyi rol gyi 'du byed rnams la 'jig rten thams cad la grags pa'i rang dbang med pa dmigs pa nye bar sbyar ba dang phyi rol
 dag la yang 'jig rten thams cad la grags pa'i 'byor pa dang rgud pa dmigs pa nye bar sbyar ba lta bu'o/ /zhes bya bar sbyar te/ rang dbang med pa dmigs pa nye bar sbyar ba zhes bya ba ni bdag med par sgrub par byed pa'i dpe yin te/ gang dag la de'i rang dbang med
 pa de dag ni de'i tshe bdag po ngo bo nyid kyis stong par 'gyur ro/ /phyi rol dag la yang zhes bya ba ni skyes bu'i byed pa la rag las pa lo tog la sogs pa 'byor pa dang rgud pa las chud mi za bar sgrub ste/ gang la rang dbang med pa dang 'byor pa dang rgud pa yod
 pa de la ni bdag med cing las yod la gang la las dge pa dang mi dge ba la gnas pa mngon sum du dmigs pa de la ni las dge ba dang mi dge ba chung mi za ba de'i phyir rjes su dpag par bya ba'i chos can sems can bde ba dang sdug bsngal pa de sgrub par
 byed pa'i phyogs kyi chos 'bras bu'i rtags las dge ba dang mi dge ba la gnas pa mngon sum du dmigs pa de la bsgrub par bya ba'i chos las dge ba dang mi dge ba chud mi za ba mngon sum gyis ma rigs pa de chud mi za bar rjes su dpag pa'i chos mthun
 pa'i dpe 'grub po/ /de lta bu dang mthun pa gang yin pa de ni zhes bya ba ni rjes su dpag par bya ba la tshul gsum pa nyid kyi rtags kyi rang dang gzhan gyi don du rjes su dpag pa'i mthun pa'i dpe'i mtshan nyid sngar bstan pa de lta bu dang mthun pa gzhan dag kyang
 ci rigs par sbyar ba ste/ de yang mi dmigs pa las dngos po med pa rjes su dpag pa dang rang bzhin las mi rtag pa la sogs par rjes su dpag pa dang 'bras bu la rgyu rjes su dpag pa la thams cad du yang chos mthun pa'i
 dpes rang dang gzhan gyi don du rjes su dpag par bya ste/ de la mi dmigs pa las dngos po med par rjes su dpag par byas pa'i chos can bum pa med pa'i phyogs kyi bye brag 'ga' zhig na sgrub par byed pa'i phyogs kyi chos mi dmigs pa'i rtags bum pa med pa
 mngon sum du dmigs pa de las bsgrub par bya ba'i chos dngos po med pa nyid mngon sum gyis mi dmigs pa de dngos po med pa nyid du rjes su dpag ste zhes bya ba'i chos mthun pa'i dpe ni phyogs kyis bye brag gang na dmigs pa'i rig byar gyur
 pa'i bum pa mi dmigs pa de bum pa med de dper na bar snang stong pa bzhin no zhes bya ba lta bu'o/ /rang bzhin las mi rtag pa la sogs par rjes su dpag par bya ba la rjes su dpag par bya ba'i chos can sgra de la sgrub par byed pa'i phyogs kyi chos rang bzhin
 gyi rtags byas pa'i phyir ro zhes bya ba mngon sum du dmigs pa de la bsgrub par bya ba'i chos mi rtag pa nyid mngon sum du mi dmigs pa de mi rtag pa nyid du rjes su dpag par bya ba'i chos mthun pa'i dpe ni gang la byas pa yod pa de ni mi rtag pa ste/ dper
 na bum pa bzhin no zhes bya ba lta bu'o/ /'bras bu la rgyu rjes su dpag par bya ba la rjes su dpag par bya ba la rjes su dpag pa'i chos can sa phyogs gang na du ba 'thul ba'i sa phyogs de na sgrub par byed pa'i phyogs kyi chos 'bras bu'i rtags du ba 'thul
 pa mngon sum du dmigs pa de la bsgrub par bya ba'i chos med mngon sum gyis ma dmigs pa de yod pa nyid rjes su dpag pa'i chos mthun pa'i dpe ni gang na du ba 'thul pa de na me yod de/ dper na tshad mad lta bu'o zhes bya ba dag yin no//
 de ltar rjes su dpag par bya ba la yod pa nyid kyi tshul bstan pa de dang mthun pa'i phyogs la yod pa nyid kyi tshul gyis chos mthun pa'i dpe de 'dra bar sbyar ba gang yin pa de ni rang gi rig pa'i dpe nye bar sbyar ba'i mtshan nyid yin par rig par bya'o zhes bya bar sbyar te tshig
 gi don ni gang du bshad pa bzhin du sbyar/ /de'i 'og tu yongs su sreg pa mtshan nyid kyis mngon sum gyi tshad ma dang rjes su dpag pa'i tshad ma gnyi ga yongs su dag par bstan pa'i phyir de ltar de mngon sum du dmigs pa'i mtshan nyid dang de la gnas pa mngon sum
 du dmigs pa'i mtshan nyid dang rang gi rigs kyi dpe nye bar sbyar ba'i mtshan nyid gang yang rung ba de grub par bya ba la gcig tu nges pa'i phyir yongs su sreg pa'i mtshan nyid yin par rig par bya'o zhes bya ba gsungs so/ /yongs su sreg pa'i mtshan nyid ces
 bya ba la yongs su sreg pa zhes bya ba ni so so'i shes pa'i don dang bshad pa'i don mngon sum gyi tshad ma'i yul dang rjes su dpag pa'i tshad ma'i yul gnyis sgrub pa dang legs par khong du chud par bya ba'i de 'grub par bya ba la mngon sum dang rjes su dpag
 pa'i tshad ma'i 'thad pas sgrub pa'i rigs pas bsgrubs te/ shin tu nges shing yongs su grub pa la bya'o/ /mtshan nyid ces bya ba ni mngon sum gyi tshad ma'i mtshan nyid dang rjes su dpag pa'i tshad ma'i mtshan nyid de de mngon sum du dmigs pa rtog pa dang bral zhing
 ma 'khrul ba de nyid mngon sum gyi tshad ma'i mtshan nyid yin la/ de la gnas pa mngon sum du dmigs pa'i mtshan nyid dang rang gi rigs kyi dpe nye bar sbyar ba ni mtshan nyid kyis rjes su dpag par bya ba tshul gsum pa nyid kyi rtags kyis bsgrub par bya ba'i
 chos mngon sum gyis mi dmigs pa rjes su dpag te/ bdag nyid kyis rtogs pa dang gzhan la go bar gyur ba nyid rjes su dpag pa'i tshad ma'i rigs pas bsgrubs te/ mtshan nyid gang yin pa'o/ /de ltar na tshad ma de gnyis ni yongs su srog ba'i mtshan
 nyid des yongs su dag ste tshad mar rung la tshad ma de gnyis dang yongs su sreg pa mtshan nyid de yang mtshan gzhi dang mtshan nyid kyi tshul gyis ngo bo nyid gcig par ci rigs par rig par bya'o/ /de la mngon sum du dmigs pa'i mtshan
 nyid kyis ni so so'i shes pa'i don mngon sum gyi tshad ma'i yul bsgrub pa dang legs par khong du chud par bya ba de grub par bya ba la gcig tu nges pa'i yid la de la gnas pa mngon sum du dmigs pa'i mtshan nyid dang rang gi rigs kyi dpe nye bar sbyar ba'i
 mtshan nyid kyis ni bshad pa'i don rjes su dpag pa'i tshad ma'i yul bsgrub pa dang legs par khong du chud par bya ba de bsgrub par bya ba la gcig tu nges pa'i yongs su sreg pa'i mtshan nyid yin par rig par bya'o zhes bya bar sbyar ro/ /de la de mngon sum du dmigs pa'i
 mtshan nyid de la gnas pa mngon sum du dmigs pa'i mtshan nyid dang rang gi rigs kyi dpe nye bar sbyar ba'i mtshan nyid gsum bstan pas ni mngon sum gyi tshad ma dang rjes su dpag pa'i tshad ma gnyis kyi ngo bo nyid bstan pa yin la yongs su sreg pa'i mtshan
 nyid kyis ni tshad ma de gnyis kyi yul so so'i shes pa'i don dang sbyar ba'i don bsgrub pa dang legs par khong du chud par bya ba de 'grub par bya ba la mngon sum dang rjes su dpag pa'i tshad ma'i 'thad pas sgrub pa'i rigs pas bsgrubs te shin tu nges shing yongs
 su grub par stan te de'i phyir yongs su sreg pa'i mtshan nyid logs shig tu smos so/ /de'i phyir yid ches pa'i lung gi tshad ma lung shin tu rnam par dag pa gtan la phebs par bstan pa'i mtshan nyid kyis yongs su dag par bstan pa'i phyir 'jam dpal gtan
 la dbab par bstan pa thams cad mkhyen pas gsungs pa 'di lta ste/ mya ngan las 'das pa ni zhi ba'o zhes bya ba dang/ de lta bu dang mthun pa gang yin pa de ni lung shin tu rnam par dag pa gtan la dbab par bstan pa'i mtshan nyid yin par rig par bya'o/
 zhes bya ba gsungs so/ /lung shin tu rnam par dag pa gtan la dbab par bstan pa'i mtshan nyid ces bya ba la lung zhes bya ba ni dus gsum gyi sangs rgyas thams cad kyi chos mthun par bstan pa'i lung ste/ des ni rtog pa thams cad mkhyen pa yin par bstan to/ /shin tu rnam
 par dag pa gtan la dbab par bstan pa zhes bya ba ni rang gis tshad mar byas pa'i mtshan nyid dang ldan la rang bzo'i lhad ma zhugs pa ste/ des ni des bstan pa'i lung la tshig 'gal ba med pa bstan to/ /mtshan nyid ces bya ba ni yid ches pa'i lung gi tshad ma'i mtshan
 nyid de yid ches pa'i lung gi tshad ma zhes bya ba ni ston pa thams cad mkhyen pa yin pa dang des bstan pa'i lung la tshig 'gal ba med pa yin no/ /de'i mtshan nyid ni chos kyi phyag rgya gsum po rnam par thar pa'i sgo stong pa nyid dang mtshan ma med pa dang smon pa med pa ston pas
 bstan pa yin te/ de nyid yid ches pa'i lung la tshad ma'i mtshan nyid yin pa'o/ /de ltar na yid ches pa'i lung gi tshad ma ni lung shin tu rnam par dag pa gtan la dbab par bstan pa'i mtshan nyid des yongs su dag te tshad mar rung la yid ches pa'i lung la tshad ma dang lung
 shin tu rnam par dag pa gtan la dbab par bstan pa'i mtshan nyid de yang mtshan gzhi dang mtshan nyid kyi tshul gyis ngo bo nyid gcig par rig par bya'o/ /de la smras pa'i don yid ches pa'i lung gi tshad ma'i yul shin tu lkog tu gyur pa'i don rang dang spyi'i mtshan nyid
 kyis bsdus pa de gang zhe na gtan la dbab par bstan pa thams cad mkhyen pas gsungs pa zhes bya ba bstan te/ gtan la dbab par bstan pa zhes bya bas ni des bstan pa'i lung la tshig 'gal ba med pa bstan to/ /thams cad mkhyen pas gsungs pa zhes bas
 ni de ston pa thams cad mkhyen pa yin par bstan to/ /'o na de ston pa thams cad mkhyen pa yin pa dang des bstan pa'i lung la tshig 'gal ba med pa smra ba'i don yid ches pa'i lung gis tshad ma'i yul yin la lkog tu gyur pa'i don rang dang spyi'i mtshan nyid
 kyis bsdus pa'i phyir de'i mtshan nyid gang zhe na/ 'di lta ste/ mya ngan las 'das pa ni zhi ba'o zhes bya ba dang de lta bu dang mthun pa gang yin pa zhes bya bas bstan te/ de la mya ngan las 'das pa ni rnam pa gnyis te/ phung po'i lhag ma
 dang bcas pa dang phung po lhag ma med pa'o/ /zhi ba zhes bya ba ni phung po lhag ma dang bcas pa'i mya ngan las 'das pa ni nyon mongs pa zhi ba yin no/ /phung po lhag ma med pa'i mya ngan las 'das pa ni nyon mongs pa dang phung po zhi ba yin no/ /mya ngan las 'das pa de
 yang theg pa chen po dang nyan thos kyi theg pa'i tshul gyi rnam pa gnyis te/ de la theg pa chen po'i tshul ni chos thams cad gdod ma nas zhi bas rang bzhin gyis mya ngan las 'das par khong du chud de chos dag kyang mya ngan las bzlar med pas mi gnas pa'i
 mya ngan las 'das pa'o/ /nyan thos kyi theg pa'i tshul ni sdug bsngal gyis skyo bar dmigs nas sdug bsngal zhi ba'i mya ngan las 'das pa ste/ de ltar rnam pa gnyis su bshad pa de yang drang ba'i don dang nges pa'i don du bye brag tu shes par bya'o/ /de
 lta bu dang mthun pa gang yin pa zhes bya ba ni thams cad mkhyen pas gsungs pa'i gsung rab tu gtogs pa yan lag bcu gnyis po dag las yul dang dus dang rang bzhin gyis bskal pa'i don mngon sum dang rjes su dpag pa'i tshad ma'i yul
 ma yin pa rang gi tshad mar bya ba gang dag bstan pa dag kyang bsdu ba'o/ /de ltar gtan la dbab pa bstan pa thams cad mkhyen pas gsungs pa mya ngan las 'das pa ni zhi ba'o zhes bya ba la sogs pa gsung rab tu gtogs pa yan lag bcu gnyis
 po dag yul dang dus dang rang bzhin gyis bskal pa'i don mngon sum dang rjes su dpag pa'i tshad ma'i yul ma yin pa rang gi tshad mar bya ba gang dag bstan pa de ni lung shin tu rnam par dag pa'i gtan la dbab par bstan pa'i mtshan nyid yin par
 rig par bya ste/ de ni smras pa'i don yid ches pa'i lung gi tshad ma'i yul shin tu lkog tu gyur ba'i don rang dang spyi'i mtshan nyid kyis bsdus pa yin par rig par bya'o/ /de lta bas na mtshan nyid lnga po de dag gis rigs pas brtag pa yongs su dag pa yin no/
 yongs su dag pa'i phyir brten par bya'o/ /zhes bya ba ni yongs su dag pa'i mtshan nyid lnga po de dag gi 'jug bsdu ba yin te/ de la de mngon sum du dmigs pa'i mtshan nyid kyis ni so so'i shes pa'i mngon sum gyi tshad ma'i yul mngon sum gyi don rang gi
 mtshan nyid kyis bsdus pa bsgrub pa dang legs par khong du chud par bya ba de bsgrub par bya ba la mngon sum gyi tshad ma'i rigs pas brtags pa yongs su dag pa yin no/ /de la gnas pa mngon sum du dmigs pa'i mtshan nyid dang rang gi rigs kyi dpe nye bar sbyar
 ba'i mtshan nyid kyis ni bshad pa'i don rjes su dpag pa'i tshad ma'i yul lkog tu gyur pa'i don spyi'i mtshan nyid kyis bsdus pa sgrub pa dang legs par khong du chud par bya ba de grub par gyur pa rjes su dpag pa'i tshad ma'i rigs pas brtag pa yongs su dag pa yin no/ /yongs su
 dag pa'i mtshan nyid kyis ni de gnyi ga'i don sgrub pa dang legs par khong du chud par bya ba de grub par bya ba la tshad ma gnyi ga'i rigs pas brtag pa yongs su dag pa yin no/ /lung shin tu rnam par dag pa gtan la bab par bstan pa'i mtshan nyid kyis ni smras pa'i don yid
 ches pa'i lung gi tshad ma'i yul shin tu lkog tu gyur pa'i don rang dang spyi'i mtshan nyid kyis bsdus pa bsgrub pa dang legs par khong du chud par bya ba de bsgrub par bya ba yid ches pa'i lung gi tshad ma'i rigs pas brtag pa yongs su dag pa yin no/ /de ltar yongs su
 dag pa'i phyir 'thad pas sgrub pa la de'i rgyu dang rkyen du gtogs pa'i mtshan nyid yongs su dag pa dang ldan pa'i tshad mas 'jal pa ni don la mi 'khrul bar rtogs te/ bdag kyang yang dag pa'i lta ba la gnas shing gzhan yang yang dag pa'i lta ba la
 'jog pas sdig pa'i grogs po'i dbang du mi ltung bas shes bzhin tshor bzhin du spyod par 'gyur bas de ni brten par bya'o/ /de ltar smras pa'i don yid ches pa'i lung gi tshad ma yul shin tu lkog tu gyur pa'i don rang dang spyi'i mtshan
 nyid kyis bsdus pa de sgrub pa dang legs par khong du chud par bya ba'i phyir rgyu dang rkyen ni de ston pa thams cad mkhyen pa yin par des bstan pa'i lung la tshig 'gal ba med pa'o/ /zhes smos pa la da? 'dir de ston pa thams cad mkhyen pa yin par bstan
 pa'i phyir bcom ldan 'das thams cad mkhyen pa'i mtshan nyid rnam pa dus rtogs par bgyi lags zhes bya ba zhus so/ /'jam dpal lnga ste zhes bya ba la gang su yang rung ba zhig byung na 'jig rten du thams cad mkhyen pa nyid du sgra rnam par grags
 par zhes bya ba la gang su yang rung ba zhig byung na zhes bya ba ni de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa skyes bu 'dul ba kha lo sgyur bla na med pa lha dang
 mi rnams kyi ston pa sangs rgyas bcom ldan 'das zhes bya ba yul dang dus dang yab yum dang rigs la dgongs te/ 'jig rten du 'byung ba'o/ /'jig rten du thams cad mkhyen pa nyid du rnam par grags pa zhes bya ba ni lung las snyan pa'i ba dan 'jig rten
 gsum du grags zhes gsungs pas bcom ldan 'das 'jig rten gsum po thams cad du thams cad mkhyen pa yin par grags pa dang 'jig rten pa'i rig byed las su gang bdag nyid glang po che dkar po mche ba drug par rmi lam du bstan te skyes pa'i
 byang chub sems dpa' yon tan rgya mtsho dang ldan pa ni 'jig rten du thams cad mkhyen pa nyid du sgra rnam par grags shing snying rje chen pos mi 'chi bar goms par rnam par dag pa brnyes te 'jig rten kun gyi phar 'gyur ro zhes 'byung bas mu stegs can
 dag la thams cad mkhyen par grags pa la sogs pa 'jig rten gsum po kun tu snyan pas khyab pa la? bya'o/ /skyes bu chen po'i mtshan sum cu rtsa gnyis dang ldan pa zhes bya ba la skyes bu chen po'i mtshan sum cu rtsa gnyis gang zhe na/ zhabs shin tu gnas pa dang/ phyag
 dang zhabs kyi mthil 'khor lo'i mtshan dang ldan pa dang/ sor mo ring ba dang zhabs kyi rting pa yangs pa dang/ phyag dang zhabs 'jam zhing gzhon sha chags pa dang/ phyag dang zhabs dra bas 'brel pa dang/ zhabs 'bar 'bur med pa dang/ byin pa ri dags e Ne ya'i lta
 bu dang/ sku ma btung ba dang/ 'doms kyi sba ba spubs su nub pa dang/ shing n+ya gro d+ha ltar chu zheng gab pa dang/ sku'i spu gyen du phyogs pa dang/ spu re re nas skye zhing g.yas su 'khyil pa dang/ sku mdog gser 'dra zhing/ 'dom gang dang ldan pa dang/ lpags pa srab pa dang/ bdun mtho
 ba dang/ ro bstod seng ge 'dra ba dang/ dpung mgo legs par sgrub pa dang/ thal gong rgyas pa dang/ sku tshe zhing ring ba dang/ tshems bzhi bcu mnga' ba dang/ tshems mnyam pa dang/ tshems thags bzang ba dang/ tshems shin tu dkar ba dang/ 'gram pa seng ge'i 'dra ba dang/
 ljags ring zhing srab pa dang/ ro bro bar mkhyen pa dang/ tshangs pa'i dbyangs dang/ spyan mthon mthing dang/ rdzi ma ba'i lta bu dang/ dbu gtsug tor dang ldan pa dang/ smin mtshams kyi mdzod spu dung gi mdog 'dra la g.yas su 'khyil ba dang ldan pa'o/ /skyes bu chen po'i
 mtshan sum cu rtsa gnyis po de dag gi rang rang gi mtshan nyid dang rgyu dang 'bras bu ston te/ shes rab kyi pha rol tu phyin pa las bshad pa bzhin no/ /skyes bu chen po'i mtshan sum cu rtsa gnyis po de dag rten gyi tshul gyis 'dzin cing gzugs bzang po mdzes par byed pa'i
 dpe byad bzang po brgya cu yang zhar pa rig par bya ste/ de la dpe byad bzang po drug cu ni mgur yan chad ma gtogs pa sku man chad du gtogs pa yin pa nyi shu ni mgur yan chad du gtogs pa yin no/ /de la phyag dang zhabs kyi sor mo nyi shu tshigs dang sen mo dang bcas
 pa dpe byad bzang po nyi shu dang phyag dang zhabs gnyis la 'thil rgyab brgyad de phyag gnyis la bzhi dang zhabs gnyis la bzhi dpe byad bzang po brgyad dang long bu brgyad dang long bu gnyis dang dpus mo gnyis dang brla gnyis te rnam pa drug rgyas
 pa dpe byad bzang po drug dang/ phyag gi 'khrig ma gnyis dang lag dang gnyis dang dpung pa gnyis te rnam pa drug rgyas pa dpe byad bzang po drug dang/ sta zur dpe byad bzang po gcig dang rked ba dpe byad bzang po gcig dang 'bras bu gnyis dpe byad bzang po gnyis dang/
 'doms dpe byad bzang po gcig dang/ snam gtsos gnyis dpe byad bzang po gnyis dang/ phyal dpe byad bzang po gcig dang/ lte ba dpe byad bzang po gcig dang rtsib logs gnyis dang/ mchan khung gnyis dang nu ma gnyis bsdus pa dpe byad bzang po drug dang/
 brang dpe byad bzang po gcig dang/ thugs ka dpe byad bzang po gcig dang mgur dpe byad bzang po gcig dang/ rgyab dpe byad bzang po gcig te/ dpe byad bzang po drug cu po de rnams ni mgur yan chad ma gtogs pa sku man chad du gtogs pa yin no/ /tshems
 'phreng ba gnyis dpe byad bzang po gnyis dang/ rkan mthon kor dang bcas pa dpe byad bzang po gcig dang sgros gnyis dpe byad bzang po gnyis dang/ mkhur ba shin tu rgyas pa dpe byad bzang po gcig dang/ 'gram pa rgyas shing dbyibs legs pa dpe
 byad bzang po gnyis dang/ spyan gnyis mthon kar dang bcas dpe byad bzang po gnyis dang/ smin ma gnyis dpe byad bzang po gnyis dang/ shangs kyi spugs gnyis dpe byad bzang po gnyis te/ dpral ba dpe byad bzang po gcig dang/ spyan gyi
 gra gnyis dang gnyan gnyis dpe byad bzang po bzhi dang/ dbu skra dang bcas pa dpe byad bzang po gcig ste/ dpe byad bzang po nyi shu po de dag ni mgur yan chad du gtogs pa yin no/ /stobs bcus sems can thams cad kyi the tshom thams
 cad gcod pa zhes bya ba la stobs bcu gang zhe na/ gnas dang gnas ma yin pa mkhyen pa'i stobs dang/ las bdag gir bya ba mkhyen pa'i stobs dang/ bsam gtan dang rnam par thar pa dang ting nge 'dzin la stoms par 'jug pa mkhyen pa'i stobs bcu dbang po mchog dang
 mchog ma yin pa mkhyen pa'i stobs dang/ mos pa sna tshogs mkhyen pa'i stobs dang/ khams sna tshogs mkhyen pa'i stobs dang/ thams cad du 'gro ba'i lam mkhyen pa'i stobs dang/ sngon gyi gnas rjes su dran pa mkhyen pa'i stobs dang/ 'chi 'pho dang skye ba mkhyen
 pa'i stobs dang/ zag pa zad pa mkhyen pa'i stobs so/ /mi 'jigs pa bzhis chos ston pas de'i tshig la phal gyi rgol ba thams cad kyis brgal du med cing brtsad du med pa gang yin pa zhes bya ba la mi 'jigs pa bzhi gang zhe na/ chos thams cad mngon par rdzogs par
 byang chub pa la mi 'jigs pa dang zag pa thams cad zad par mkhyen pa la mi 'jigs pa dang/ bar du gcod pa dang chos rnams gzhan du mi 'gyur bar nges pa'i lung bstan pa la mi 'jigs pa dang/ phun sum tshogs pa thams cad thob par 'gyur ba nges par 'byung ba'i
 lam de bzhin du 'gyur ba la mi 'jigs pa'o/ /su'i chos 'dul ba la 'phags pa'i lam yan lag brgyad pa snang zhing dge sbyong bzhi snang ba yin te zhes bya ba la 'phags pa'i lam yan lag brgyad pa gang zhe na/ yang dag pa'i lta ba dang/ yang dag pa'i
 rtog pa dang/ yang dag pa'i ngag dang/ yang dag pa'i las kyi mdza' dang/ yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin to/ /dge sbyong bzhi gang zhe na/ lam rgyal ba dang/
 lam ston pa dang/ lam gyis 'tsho ba dang/ lam sun par byed pa'o/ /de la lam rgyal ba ni bde bar gshegs pa gang yin pa'o/ /lam ston pa ni chos smra ba gang yin pa'o/ /lam gyi 'tsho ba ni legs par zhugs pa gang yin pa'o/ /lam sum pa
 byed pa gang yin pa ni log par zhugs pa gang yin pa'o/ /de la bde bar gshegs pa zhes bya ba ni 'dod chags dang zhe sdang dang gti mug ma lus par zad pa rjes su brnyes pa gang yin pa'o/ /chos smra ba zhes bya ba ni 'dod chags dang zhe
 sdang dang gti mug gdul ba'i phyir chos ston pa gang yin pa'o/ /legs par zhugs pa zhes bya ba ni 'dod chags dang zhe sdang dang gti mug btul ba'i phyir zhugs pa gang yin pa'o/ /log par zhugs pa zhes bya ba ni tshul khrims 'chal ba dang sdig pa'i chos gang
 yin pa'o/ /gzhan yang slob pa dang mi slob pa dag ni mthong ba dang bsgom pas spang bar bya ba'i nyon mongs dag las rnam par rgyal ba'i phyir lam rgyal ba zhes bya'o/ /de bzhin gshegs pa dang byang chub sems dpa' i phyis byang chub kyi phyir 'jug pa dang nyan thos mdo
 sde 'dzin pa dang 'dul ba 'dzin pa dang ma mo 'dzin pa rnams dang gang dag brdar brtags pa'i chos 'dul ba 'dzin cing chos kyi tshul la 'jug pa de dag ni lam ston pa zhes bya'o/ /so so'i skye bo dge ba dag la phan pa'i phyir zhugs pa ngo tsha dang ldan pa 'gyod pa dang ldan pa
 bslab pa 'dod pa ma thob pa thob bar bya ba dang ma rtogs pa rtogs par bya ba dang mngon sum du ma byas pa mngon sum du bya ba'i phyir rab tu brtson pa mngon sum du ma byas pa mngon sum du bya ba'i bar gyi mthu gang dag yin pa de dag ni lam gyis 'tsho ba zhes bya ste/ de
 dag la drod yod pa'i phyir de dag 'phags pa'i shes rab kyi dbang po bskyed pa'i phyir ma shi zhing gson pa yin pas de'i phyir lam gyis 'tsho ba zhes bya'o/ /gang zag tshul khrims 'chal pa sdig pa'i chos can nang rul pa'i phyir gzigs par gyur pa dge sbyong ma yin par dge
 sbyong du khas 'che ba tshangs par spyod ba ma yin par tshangs par spyod par khas 'che ba gang yin pa de ni lam sun par byed pa zhes bya ste/ des ni lam gzhi dang po nas sun par bya ba'i phyir des na de la ma skyed par bya ba dang lam bstan pa yod cing med pa ma yin lam rtogs par
 bya ba yod cing med par bya ba ma yin pa na yang skal ba dang mthu med la snod du gyur pa ma yin pas na de'i phyir lam sun par byed pa zhes bya'o/ /bcom ldan 'das kyis kyang de dag las dgongs nas gang la 'phags pa'i lam yan lag brgyad pa yod pa de la ni dge sbyong gi dngos
 po yang yod la dge sbyong gi bzhi pa'i bar yang yod kyi phas kyi rgol ba dag la ni dge sbyong dang bram ze dag gis stong ngo/ /de bas na chos 'dul ba 'di la ni 'phags pa'i lam yan lag brgyad pa yang yod la dge sbyong bzhi yang yod do zhes gsungs so/ /de ltar na 'byung ba dang mtshan
 dang the tshom gcod pa dang brgal du med pa'i brtsa du med pa dang dge sbyong dmigs pa thams cad mkhyen pa'i mtshan nyid lngar rig par bya'o zhes bya ba ni thams cad mkhyen pa'i mtshan nyid lnga ji skad bstan pa de dag gi 'jug bsdu ba ste/ go rim bzhin du sbyar ro/ /de bstan pa'i
 lung la tshig 'gal ba med pa ni sngar bstan pa bzhin te/ de ltar na smras pa'i don yid ches pa'i lung gi tshad ma'i yul shin tu lkog tu gyur pa'i don rang dang spyi'i mtshan nyid kyis bsdus pa de bsgrub pa dang legs par khong du chud par bya ba'i rgyu dang rkyen de ston pa thams cad
 mkhyen pa yin pa dang des bstan pa'i lung la tshig 'gal ba med pa yin no/ /de lta bas na lung shin tu rnam par dag pa gtan la dbab pa bstan pa'i mtshan nyid ston pa yang thams cad mkhyen pa yin la thams cad mkhyen pa'i mtshan nyid de lta bu yin par lung shin
 tu rnam par dag pa'i mtshan nyid las byung ba thams cad mkhyen pa'i mtshan nyid dang lung gi mtshan nyid ni gcig la gcig bltos nas de gnyi ga khong du chud par gyur te de nyid yid ches pa'i lung gi tshad mas 'thar pa sgrub pa'i rigs pa yin no/ /de ltar na 'thad pas
 sgrub pa'i rigs pa de ni mngon sum gyi tshad ma dang rjes su dpag pa'i tshad ma dang/ yid ches pa'i lung gi tshad mas mtshan nyid lnga po dag gis yongs su dag pa yin no zhes bya ba ni sngar so so'i shes pa dang bshad pa dang smras pa'i don sgrub pa dang legs par khong du chud par
 bya ba'o/ /rgyu gang dag yin pa dang rkyen gang dag yin pa de ni 'thad pas sgrub pa'i rigs pa ste/ de yang mtshan nyid lngas yongs su dag par bstan pa de'i mjug bsdu ba ston te/ de la de ltar na zhes bya ba ni sngar 'thad pas sgrub pa'i
 rigs pa mtshan nyid lngas yongs su dag par bstan pa de ltar na'o/ /'thad pas sgrub pa'i rigs pa de ni zhes bya ba ni sngar so so'i shes pa dang bshad pa dang smras pa'i don sgrub pa dang/ legs par khong du chud par bya ba'i rgyu gang dag yin pa dang
 rkyen gang dag yin pa de ni 'thad pas sgrub pa'i rigs pa yin no zhes smos pa de'o/ /mngon sum gyi tshad ma dang rjes su dpag pa'i tshad ma dang/ yid ches pa'i lung gi tshad mas mtshan nyid lnga po dag gis yongs su dag pa yin zhes bya ba la mngon sum
 gyi tshad ma zhes bya ba ni sngar so so'i shes pa zhes smos pa tshad ma bzhi po dbang po'i shes pa dang/ yid kyi shes pa dang rang rig pa'i shes pa dang rnal 'byor pa'i shes pa so so'i shes pa'o/ /rjes su dpag pa'i tshad ma zhes bya ba ni sngar bshad pa zhes smos pa
 ste/ rjes su dpag pa'i tshad ma gnyis po rang gi don du rjes su dpag pa dang gzhan gyi don du rjes su dpag pa sangs rgyas bcom ldan 'das rnams kyis bshad pa'am smra ba po gzhan dag bshad pa'o/ /yid ches pa'i lung gi tshad ma zhes bya ba ni sngar
 smras pa zhes smos pa ste/ yid ches pa'i lung gi tshad ma gnyis po de ston pa thams cad mkhyen pa yin pa dang des bstan pa'i lung tshig 'gal ba med pa gtan la phab pas ston pa thams cad mkhyen pas gsungs pa'o/ /'thad pas sgrub pa'i rigs
 pa de ni tshad ma de gsum gyis yongs su dag pa yin tshad ma de gsum ni mtshan nyid lnga po dag gis yongs su dag pa yin no zhes bya ba sbyar te mngon sum gyi tshad ma so so'i shes pa'i don sgrub pa dang legs par khong du chud par bya ba'i rgyu dang rkyen gyi mngon sum
 la log par rtog pa rnam pa bzhi bsal bas ma nor bar shes par bya ste/ de nyid mngon sum gyi tshad ma'i 'thad pas sgrub pa'i rigs pa yongs su dag pa yin no/ /de mtshan nyid lnga po dag las gang gis yongs su dag pa yin zhe na/ de mngon sum du dmigs pa'i mtshan
 nyid kyis yongs su dag pa'i yin te/ de ltar mngon sum gyis tshad ma'i 'thad pas sgrub pa'i rigs pa yongs su dag pa de ni de mngon sum du dmigs pa'i mtshan nyid kyis yongs su dag pa yin la de gnyis kyang (mtshan gzhi dang) mtshan nyid kyis tshul gyis ngo bo nyid gcig par rig par
 bya'o/ /rjes su dpag pa'i tshad ma bshad pa'i don sgrub pa dang legs par khong du chud par bya ba'i rgyu dang rkyen ni rjes su dpag pa la sogs par zhugs pa rnam pa bzhi bsal bas ma nor bar shes pa ste/ de nyid rjes su dpag pa'i tshad ma'i 'thad pas sgrub pa'i rigs
 pa yongs su dag pa yin no de mtshan nyid lnga po dag las gang gis yongs su dag pa yin zhe na/ de la gnas pa mngon sum du dmigs pa'i mtshan nyid dang rang gi rigs kyi dpe nye bar sbyar ba'i dpe mtshan nyid kyis yongs su dag pa yin te/ de ltar rjes su dpag pa'i tshad ma'i
 'thad pas sgrub pa'i rigs pa yongs su dag pa de ni de la gnas pa mngon sum du dmigs pa'i mtshan nyid dang rang gi rigs dpe nye bar sbyar ba'i mtshan nyid kyis yongs su dag pa yin la de dang de gnyis kyang mtshan gzhi dang mtshan nyid kyi tshul gyis
 ngo bo gcig par rigs par bya'o/ /yongs su dag pa'i mtshan nyid kyis ni mngon sum gyis tshad ma dang rjes su dpag pa'i tshad ma'i 'thad pas sgrub pa'i rigs pa yongs su dag pa de gnyi ga yongs su dag pa yin te/ de yang gnyis dang mtshan gzhi dang mtshan nyid kyi
 tshul gyis ngo bo nyid gcig rigs par rig par bya'o/ /yid ches pa'i lung gi tshad ma'i smras pa'i don sgrub pa dang legs par khong du chud par bya ba'i phyir rgyu dang rkyen de ston pa thams cad mkhyen pa yin pa dang des bstan pa'i lung la tshig 'gal ba med
 bas ma nor bar shes pa ste/ de nyid yid ches pa'i lung gi tshad ma'i 'thad bsgrub pa'i rigs pa yongs su dag pa yin no/ /de mtshan nyid lnga po dag las gang gis yongs su dag pa yin zhe na/ lung shin tu rnam par dag pa gtan la dag par
 bstan pa'i mtshan nyid kyis yongs su dag pa ste/ de ltar yid ches pa'i lug gi tshad ma'i 'thad pa sgrub pa'i rigs pa yongs su dag pa de ni lung shin tu rnam par dag pa gtan la dbab par bstan pa'i mtshan nyid kyis yongs su dag pa yin de gnyis dang mtshan gzhi dang mtshan
 nyid kyi tshul gyis ngo bo nyid gcig par rig par bya'o/ /de la yongs su dag pa'i mtshan nyid lnga po de dag gis mtshan gzhi yongs su dag pa gang zhe na/ tshad ma gsum po dag ste/ de mngon sum du dmigs pa'i mtshan nyid kyi mtshan gzhi ni mngon sum gyi tshad ma'i 'thad pas
 sgrub pa'i rigs pa'i yongs su dag pa yin/ de la gnas pa mngon sum du dmigs pa'i mtshan nyid dang rang gi rigs kyi dpe nye bar sbyar ba'i mtshan nyid kyi mtshan zhig ni rjes su dpag pa'i tshad ma'i 'thad pas sgrub pa'i rigs pa yongs su dag pa yin yongs su dag pa'i mtshan nyid
 kyi mtshan gzhi ni mngon sum gyi tshad ma'i 'thad pas sgrub pa dang rjes su dpag pa'i tshad ma'i 'thad pas sgrub pa'i rigs pa yongs su dag par ci rigs par lung shin tu rnam par dag pa gtan la dbang bar bstan pa'i mtshan nyid gyi mtshan gzhin yid ches pa'i
 lung gi tshad ma'i 'thad pas sgrub pa'i rigs pa yongs su dag pa yin te/ de ltar mtshan nyid dang mtshan gzhi mngon sum gyi tshad ma yongs su dag pa gsum po de dag gis rang rang gi don sgrub pa dang legs par khong du chud par byed pa de ni bdag bsgrub pa'i rigs
 pa zhes bya'o/ /de la tshad ma ni ci'i phyir gsungs/ tshad ma'i tshig gi don ni ci yin/ tshad ma gsum ni ci'i phyir gsungs shes na/ 'jig rten na dus gsum gyi sems can dag tshad ma yin pa tshad mar ston cing tshad mar mi rung ba la tshad mar 'dzin pa byung ba rang 'byung
 bar 'gyur pa mkhyen sa de dag gi log par lta ba'i dra ba bsal ba'i phyir tshad ma 'di dag gsungs so/ /tshad ma zhes bya ba ni ring thung la sor la sogs pa gzhal ba dang mang nyung ba la sogs pas gzhal ba dang lci yang srang la sogs pas gzhal blta bu yin no//
 tshad ma gsum du gsungs pa ni gzhal bya rnam pa gsum yod pa'i phyir te/ gzhal bya rnam pa gsum ni gzhal bya mngon sum gyi don dang lkog tu gyur pa'i don dang/ shin tu lkog tu gyur pa'i don te/ so so'i shes pa'i don dang/ bshad pa'i don dang/
 gsungs pa'i don ces bya ba dang go rim bzhin no/ /de la mngon sum gyi don ces bya ba ni da ltar byung ba'i dus dang/ skad cig ma gcig dang/ rang gi mtshan nyid kyis bsdus pa yul dang dus dang/ rang bzhin gyis ma bskal ba'i yul lo/ /lkog tu gyur pa'i
 don ces bya ba ni 'das pa dang/ ma 'ongs pa'i dus dang/ skad cig ma snga phyi'i rgyun dang/ spyi'i mtshan nyid kyis yul dang/ dus dang rang bzhin gyis bskal pa'i yul lo/ /shin tu lkog tu gyur ba'i don ces bya ba ni dus gsum dang/ skad cig ma'i rgyud kyi rgyun dang rang dang
 spyi'i mtshan nyid kyis bsdus pa yul dang/ dus dang rang bzhin gyis bskal pa dang/ ma bskal ba gnyi ga'i yul rtog ge'i spyod yul ma yin pa'o/ /gzhal bya gsum 'jal ba'i tshad ma ni mngon sum dang rjes su dpag pa dang yid ches pa'i lung ste/ go rim
 bzhin no/ /yongs su ma dag pa'i mtshan nyid rnam pa bdun gang zhe na/ de las gzhan dang mthun par dmigs pa'i mtshan nyid dang/ de la gzhan dang mi mthun pa'i dmigs pa'i mtshan nyid dang/ thams cad mthun par dmigs pa'i mtshan nyid dang/ thams
 cad mi mthun bar dmigs pa'i mtshan nyid dang/ gzhan gyi rigs kyi dpe nye bar sbyar ba'i mtshan nyid dang yongs su ma 'dres pa'i mtshan nyid dang/ lung shin tu rnam par ma dag pa'i mtshan nyid do zhes bya ba ni sngar so so'i shes pa dang/ bshad pa dang smras pa'i
 don sgrub pa dang/ legs par khong du chud par bya ba'i rgyu gang dag yin pa de'i ni 'thad pas sgrub pa'i rigs pa yin no zhes gsungs pas mngon sum gyi tshad ma dang rjes su dpag pa'i tshad ma dang/ yid ches pa'i lung gi tshad ma gsum
 gyis yul mngon sum gyi don dang shin tu lkog tu gyur pa'i don rnam pa gsum po dag bsgrub pa dang legs par khong du chud par bya ba'i rgyu dang rkyen mngon sum la log par rtog pa rnam pa bzhi bsal bas ma nor bar shes pa dang/ rjes su dpag pa log
 par rtogs pa rnam pa bzhi bsal bas ma nor bar shes pa dang/ de ston pas thams cad mkhyen pa yin pa dang/ des bstan pa'i lung la tshig 'gal ba med pas ma nor ba ni 'thad pas sgrub pa'i rigs pa yin par bstan pa'i tshad ma gsum po de dag
 ni mtshan nyid lnga lngar bstan pa dag gis ni yongs su dag ste/ tshad mar rung gi mtshan nyid bdun po 'di dag gis yongs su ma dag ste tshad mar rung bar ston te/ de la mngon sum gyi mtshan ma ni sngar mngon sum la log par rtogs pa rnam pa bzhi bsal
 bas ma nor bar shes pa ji skad bstan pa de nyid kyis yongs su dag la de las bzlog pa yongs su ma dag pa yin pas 'dir de'i ma dag pa mtshan nyid bdun dang dmigs kyis sbyar ba ni med de/ 'on kyang 'dir yongs su ma dag pa'i mtshan nyid rnam pa bdun las dang
 po bzhi'i nang nas chos can dang ma rtogs log par dmigs pa byung ngo cog ni mngon sum yongs su ma dag pa yin par yang ci rigs par rig par bya'o/ /rjes su dpag pa'i mtshan ma ni tshul gsum pa nyid kyi rtags la rang dang gzhan gyi don du rjes su dpag pa yin pas de la
 gtan tshigs dang dpe'i skyon rnam pa du ma yod pas de dag ma bsal na rjes su dpag pa'i mtshan nyid yongs su ma dag par bstan pa'i phyir 'dir gtso cher ston te/ rjes su dpag pa'i mtshan nyid ma dag pa bzhi skyon ni 'dir yongs su ma dag pa'i mtshan nyid dang po drug
 gis ston to/ /yid ches pa'i lung gi tshad ma'i mtshan nyid dang/ mi mthun pa'i skyon ni 'dir lung shin tu rnam par ma dag pa bstan pa'i mtshan nyid kyis ston to/ /de la rjes su dpag pa'i tshad ma tshul gsum pa nyid kyi rtags las rang dang gzhan gyi don du rjes su dpag
 pa la gtan tshigs kyi skyon gsum po ma grub pa dang 'gal ba dang ma nges pa zhes bya sngar smos pa la ma grub pa'i skyon ni rjes su dpag par bya ba la yod pa nyid kyi tshul khas mi len cing phyogs kyi chos ma grub pa rnams la gzhi ma grub pa dang/ rang la ma grub pa dang
 gzhan la ma grub pa la sogs pa'i skyon yod kyi 'dir rjes su dpag par bya ba la yod pa nyid kyi tshul khas len cing phyogs kyi chos grub pa rnams la med la 'gal ba'i skyon yang sgrub par byed pa las bsgrub par log par bsgrub pa dper na/ sgra ni rtag
 pa ste/ byas pa'i phyir ro zhes zer ba dang/ sgra ni mi rtag pa ste rtsol ba las mi 'byung ba'i phyir ro zhes zer ba lta bu dag la yod kyi 'dir bsgrub par bya ba las log par sgrub par mi byed pa dag la med pas de'i phyir 'dir bcom ldan 'das kyis ma grub ba dang
 'gal ba'i skyon ni bka' ma stsal te/ shes par 'dod na ni lung dang tshad ma gzhan dag las rig par bya'o/ /'dir ni ma nges pa'i skyon gyis gtan tshigs ltar snang ba dang dpe'i skyon gyis dpe ltar snang ba gtso cher bka' stsal te/ de gnyis kyi bsgrub pa la gcig
 tu ma nges pa'i phyir rjes su dpag pa yongs su ma dag pa yin par ston to/ /de la ma nges pa'i skyon gyis gtan tshigs ltar snang ba ni rnam pa bzhi ste/ mi mthun pa'i phyogs kyi phyogs gcig la yod pa'i ma nges pa dang/ mthun pa'i phyogs kyi phyogs gcig la yod pa'i ma
 nges pa dang/ thun mong gi ma nges pa dang/ thun mong ma yin pa'i ma nges pa ste/ yongs su dag pa'i mtshan nyid bzhi dang/ go rim bzhin/ de la mi mthun pa'i phyogs kyi phyogs gcig la yod pa'i ma nges pa ji lta bu zhe na/ dper na sgra rtsol ba las 'byung bar sgrub
 pa dag gi sbyor ba'i tshigs las 'di skad ces yang sgra ni rtsol ba las 'byung ste/ mi rtag pa'i phyir ro/ /gang dang gang na mi rtag pa de ni rtsol ba las 'byung ste/ chos mthun pa'i dpe ni bum pa la sogs pa bzhin no/ /gang dang gang rtag pa
 de ni rtsol ba las mi 'byung ste/ chos mi mthun pa'i dpe ni nam mkha' dang glog dang nags kyi me tog la sogs pa lta bu'o zhes zer ro/ /de ltar rjes su dpag go chog ni tshul gsum pa nyid kyi rtags las rang dang gzhan gyi don rjes su dpag pa yin
 pas 'dir yang rjes su dpag par bya ba la yod pa nyid dang/ mthun pa'i phyogs la yod pa nyid dang/ mi mthun pa'i phyogs la med pa nyid du nges pa'i tshul dang sbyar dgos te/ 'dir rjes su dpag par bya ba la yod pa nyid ces bya ba la rjes su dpag par bya ba
 la zhes bya ba ni rjes su dpag par bya ba'i chos can sgra la'o/ /yod pa nyid ces bya ba ni rjes su dpag par bya ba'i chos can sgra de la bsgrub par bya ba'i chos rtsol ba las 'byung ba sgrub par byed pa'i phyogs kyi chos mi rtag pa'i phyir zhes bya ba
 yod pa nyid de/ de'i phyir chos can zhes bya'o/ /de ltar chos can de la sgrub par byed pa'i phyogs kyi chos mi rtag pa'i phyir ro/ /zhes bya ba de yod pa nyid yin pas rjes su dpag par bya ba yod pa nyid kyi tshul yang rung mthun pa'i phyogs la yod pa  
 nyid ces bya ba la mthun pa'i phyogs la zhes bya ba ni rtsol ba las 'byung ba de'i phyir mthun pa'i dpe bum pa la sogs pa la'o/ /yod pa nyid ces bya ba ni rtsol ba las byung ba de'i chos mthun pa'i dpe bum pa la sogs pa de la bsgrub par bya ba'i chos
 rtsol ba las 'byung ba'i spyi dang sgrub par byed pa'i phyogs kyi chos mi rtag pa'i phyir zhes bya ba yod pa nyid de/ de'i phyir mthun pa'i phyogs zhes bya'o/ /de ltar mthun pa'i phyogs de la bsgrub par bya ba'i chos rtsol ba las 'byung ba'i spyi dang sgrub par byed pa'i phyogs kyi
 chos mi rtag pa'i phyir zhes bya ba yod pas mthun pa'i phyogs la yod pa nyid kyi tshul yang rung mi mthun pa'i phyogs la med pa nyid du nges pa zhes bya ba la mi mthun pa'i phyogs la zhes bya ba ni rtsol ba las byung ba de'i chos mi mthun pa'i dpe nam mkha' dang glog dang nags
 kyi me tog la sogs pa la'o/ /med pa nyid du nges pa zhes bya ba ni rtsol ba las 'byung ba de'i chos mthun pa'i dpe nam mkha' dang glog dang nags kyi me tog la sogs pa de la bsgrub par bya ba'i chos rtsol ba las byung ba'i spyi dang sgrub par byed pa'i phyogs kyi chos mi
 rtag pa'i phyir zhes bya ba med pa nyid du nges na ni de'i tshe mi mthun pa'i phyogs de la sgrub par byed pa'i phyogs kyi chos mi rtag pa'i phyir zhes bya ba de med pa nyid du nges pa mi mthun pa'i phyogs la med pa nyid du nges pa zhes bya ba'i tshul yang rung bas gtan tshigs ma
 nges pa med pa'i phyir yongs su dag par 'gyur ba zhig na mi mthun pa'i phyogs de la sgrub par byed pa'i phyogs kyi chos mi rtag pa'i phyir zhes bya ba de med pa nyid du ma nges te/ 'di ltar mi mthun pa'i phyogs kyi phyogs gcig shos nam mkha' la ni sgrub par byed pa'i phyogs kyi chos
 mi rtag pa'i phyir zhes bya ba de med pa nyid du nges pas mi mthun pa'i phyogs kyi phyogs gcig la med pa yin yang mi mthun pa'i phyogs cig shos glog dang nags kyi me tog la sogs pa la sgrub par byed pa'i kyi chos mi rtag pa'i phyir zhes bya ba de yod
 pa nyid du nges pas mi mthun pa'i phyogs kyi chos gcig par sgrub par byed pa'i phyogs kyi chos mi rtag pa'i phyir zhes bya ba de yod pa de ni mi mthun pa'i phyogs kyi phyogs gcig la yod pa'i ma nges pa zhes bya ste/ de ni de las gzhan dang mthun par dmigs pa'i mtshan
 nyid ces bya bas ston to/ /de la de las zhes bya bas ni mthun pa'i phyogs cig shos de las ste/ dper na sgra rtsol ba las 'byung bar bsgrub pa dag gi rtsol ba las byung ba de'i mi mthun pa'i phyogs kyi phyogs cig shos dang nam mkha' lta bu de las so/ /gzhan dang
 zhes bya ba ni mi mthun pa'i phyogs kyi phyogs gcig shos de las gzhan dang mi mthun pa'i phyogs cig shos dang ste/ dper na sgra rtsal ba las 'byung bar sgrub pa dag gi rtsal ba las 'byung ba de'i mi mthun pa'i phyogs kyi phyogs
 cig shos nam mkha' de las gzhan pas 'byung pa de'i mi mthun pa'i phyogs kyi phyogs cig shos glog dang nags kyi me tog la sogs pa lta bu dang ngo/ /mthun par dmigs pa zhes bya ba ni mi mthun pa'i phyogs kyi phyogs cig shos de las sgrub par byed pa'i
 phyogs kyi chos de yod pa'i phyogs/ dper na sgra rtsol ba las 'byung bar sgrub pa dag gi rtsol ba las byung ba de'i mi mthun pa'i phyogs kyi phyogs cig shos glog dang nags kyi me tog la sogs pa de la sgrub par byed pa'i phyogs kyi chos mi rtag pa'i phyir
 zhes bya ba de yod pa lta bu'o/ /de ltar na de las gzhan dang mthun par dmigs pa zhes bya ba de ni mi mthun pa'i phyogs kyi phyogs gcig la yod pa'i ma nges pa yin par rig par bya'o/ /mtshan nyid ces bya ba ni rjes su dpag pa yongs su dpag pa'i mtshan nyid
 yin te/ des na de ni tshad mar mi rung bar rig par bya'o/ /de la mthun pa'i phyogs kyi phyogs gcig la yod pa'i ma nges pa ji lta bu zhe na/ dper na sgra rtsol ba las mi 'byung bar bsgrub pa dag gi gtan tshigs lta bu ste de yang sgra ni rtsol ba las mi 'byung ste/ rtag
 pa'i phyir ro/ /chos mthun pa'i dpe ni nam mkha' dang glog dang nags kyi me tog la sogs pa'o/ /chos mi mthun pa'i dpe ni bum pa la sogs pa lta bu'o zhes zer ro/ /de la yang rjes su dpag go chog ni tshul gsum pa nyid kyi rtags rang dang gzhan yi don du rjes su
 dpag pa yin pas/ 'dir yang rjes su dpag par bya ba la yod pa nyid dang/ mthun pa'i phyogs la yod pa nyid dang/ mi mthun pa'i phyogs la med pa nyid du nges pa'i tshul dang sbyar dgos te/ 'dir rjes su dpag par bya ba la zhes bya ba ni rjes su dpag par bya ba'i chos can
 sgra la'o/ yod pa nyid ces bya ba ni rjes su dpag par bya ba'i chos can sgra de la bsgrub par bya ba'i chos rtsol ba las mi 'byung ba sgrub par byed pa'i phyogs kyi chos rtag pa'i phyir zhes bya ba de yod pa gcig la grub pa de'i phyir chos can zhes bya ste/ rjes su dpag par bya ba la yod
 pa nyid kyi tshul rung bas kyang rjes su dpag par bya ba'i chos can sgra de la bsgrub par bya ba'i rtsol ba las mi 'byung ba sgrub par byed pa'i phyogs kyi chos rtag pa'i phyir zhes bya ba de yod par cig la ma grub pas 'dir rjes su dpag par bya ba las yod pa nyid kyi tshul yang mi rung ngo
 mi mthun pa'i phyogs la med pa nyid du nges pa zhes bya ba la mi mthun pa'i phyogs la zhes bya'o/ /rtsol ba las mi 'byung ba de'i chos mi mthun pa'i dpe bum pa la sogs pa la'o/ /med pa nyid du nges pa zhes bya ba ni rtsol ba las mi 'byung ba de'i chos mi mthun pa'i dpe
 bum pa la sogs pa de la bsgrub par bya ba'i chos rtsol ba las mi 'byung ba'i spyi drang sgrub par byed pa'i phyogs kyi chos rtag pa'i phyir zhes bya ba de med pa nyid du nges pa ste/ de'i phyir mi mthun pa'i phyogs zhes bya'o/ /de ltar mi mthun pa'i phyogs de la bsgrub par bya ba'i chos
 rtsol ba las mi 'byung ba'i spyi dang sgrub par byed pa'i phyogs kyi chos rtag pa'i phyir zhes bya ba de med pa nyid du nges par mi mthun pa'i phyogs la med pa nyid du nges pas mi mthun pa'i phyogs la med pa nyid du nges pa'i tshul ni mthun pa'i phyogs la zhes bya ba ni rtsol ba las
 mi 'byung ba las mi 'byung ba de'i chos mthun pa'i dpe nam mkha' dang glog dang nags kyi me tog la sogs pa la'o/ /yod pa nyid ces bya ba ni rtsol ba las mi 'byung ba de'i chos mthun pa'i dpe nam mkha' dang glog dang nags kyi me tog la sogs pa de la sgrub
 par bya ba'i chos rtsol ba las mi 'byung ba'i spyi dang sgrub par byed pa'i phyogs kyi chos rtag pa'i phyir zhes bya ba yod pa yin na ni de'i tshe mthun pa'i phyogs de la bsgrub par byed pa'i phyogs kyi chos rtag pa'i phyir zhes bya ba de yod pa nyid yin pas mthun pa'i phyogs la
 yod pa nyid ces bya ba'i tshul rung ba zhig na mthun pa'i phyogs de la sgrub par byed pa'i phyogs kyi chos rtag pa'i phyir zhes bya ba de yod pa nyid ma yin te/ 'di ltar mthun pa'i phyogs kyi phyogs cig shos glog dang nags kyi me tog la sogs pa
 la sgrub par byed pa'i phyogs kyi chos rtag pa'i phyir zhes bya ba de yod pa nyid ma yin pas mthun pa'i phyogs gcig la med pa nyid yin la mthun pa'i phyogs kyi phyogs cig shos nam mkha' la sgrub par byed pa'i phyogs kyi chos rtag pa'i phyir zhes bya ba de yod
 pa nyid tsam du zad pas mthun pa'i phyogs kyi phyogs gcig la sgrub par byed pa'i phyogs kyi chos rtag pa'i phyir zhes bya ba de yod pa de ni mthun pa'i phyogs kyi phyogs gcig la yod pa'i ma nges pa zhes bya ste/ de ni de las gzhan dang mi mthun par dmigs pa'i
 mtshan nyid ces bya ba ston to/ /de la de las zhes bya ba ni mthun pa'i phyogs kyi phyogs gcig shos de las ste/ dper na sgrub pa rtsol ba las mi 'byung bar sgrub pa dag gi rtsol ba las mi 'byung ba de'i mthun pa'i phyogs kyi phyogs cig shos nam mkha' 
 lta bu de la'o/ /gzhan dang zhes bya ba ni mthun pa'i phyogs kyi phyogs cig shos de las gzhan pa mthun pa'i phyogs kyi phyogs cig shos dang ste/ dper na sgra rtsol ba las mi 'byung ba de'i mthun pa'i phyogs kyi phyogs cig shos nam mkha' de las gzhan
 pa rtsol ba las mi 'byung ba de'i mthun pa'i phyogs kyi chos de yod pa'i phyogs cig shos glog dang nags kyi me tog la sogs pa lta bu dang/ /mi mthun pa'i dmigs pa zhes bya ba ni mthun pa'i phyogs kyi phyogs cig shos de la sgrub par byed pa'i phyogs
 kyi chos de yod pa'i don te/ dper na sgra la rtsol ba las mi 'byung bar bsgrub pa dag gis rtsol ba las mi 'byung ba de'i mthun pa'i phyogs kyi chos cig shos glog dang nags kyi me tog la sogs pa de las sgrub par byed pa'i phyogs kyi chos rtag pa'i
 phyir bya ba de med pa lta bu'o/ /phyogs kyi phyogs gcig la sgrub par byed pa'i phyogs kyi chos de med par grub na mthun pa'i phyogs kyi phyogs gcig la yod pa zhar la 'grub pas de'i phyir de la gzhan dang mi mthun par dmigs zhes bya ba de ni mthun pa'i phyogs kyi phyogs gcig
 la yod pa'i ma nges pa yin par rigs par bya'o/ /mtshan nyid ces bya ba ni rjes su dpag pa yongs su ma dag pa'i mtshan nyid yin te/ des na de yang tshad mar mi ring bar rig par bya'o/ /yang rnam pa gzhan du na mthun pa'i phyogs kyi phyogs gcig la yod pa'i ma nges pa ni de la gzhan dang
 mthun par dmigs pa'i mtshan nyid ces bya bas bstan la mi mthun pa'i phyogs kyi phyogs gcig la yod pa'i ma nges pa ni de las gzhan dang mi mthun par dmigs pa'i mtshan nyid ces bya bas bstan par yang sbyar du rung ste/ de la mthun pa'i phyogs kyi phyogs gcig la yod
 ba'i ma nges pa de las gzhan dang mthun par dmigs pa'i mtshan nyid dang sbyar na/ de las zhes bya ba ni mthun pa'i phyogs kyi phyogs cig shos de las te/ dper na sgra rtsol ba las mi 'byung bar bsgrub pa dag gi /rtsol ba las mi 'byung ba de'i mthun pa'i phyogs kyi phyogs
 cig shos glog dang nags kyi me tog la sogs pa lta bu de la'o/ gzhan dang zhes bya ba ni mthun pa'i phyogs kyi phyogs cig shos las gzhan pa mthun pa'i phyogs kyi phyogs cig shos dang ste/ dper na sgra rtsol ba las mi 'byung bar bsgrub pa dag gi rtsol ba las mi
 'byung ba de'i mthun pa'i phyogs kyi phyogs cig shos glog dang nags kyi me tog la sogs pa de las gzhan pa rtsol ba las mi 'byung ba de'i mthun pa'i phyogs kyi phyogs cig shos nam mkha' dang/ /mthun pa'i dmigs pa zhes bya ba ni mthun pa'i phyogs cig shos
 de la sgrub par byed pa'i phyogs kyi chos de yod pa'i don te/ dper na sgra rtsol ba las mi 'byung bar bsgrub pa dag gi rtsol ba las mi 'byung ba de'i mthun pa'i phyogs kyi phyogs cig shos nam mkha' de la sgrub par byed pa'i phyogs kyi chos rtag pa'i phyir zhes bya ba
 de yod pa lta bu'o/ /de ltar na de las gzhan dang mthun par dmigs pa'i mtshan nyid ces bya ba ni mthun pa'i phyogs kyi phyogs gcig la yod pa'i ma nges par yod par sbyar du rung bar rig par bya'o/ /mi mthun pa'i phyogs kyi phyogs
 gcig la yod pa'i ma nges pa de las gzhan dang mi mthun par dmigs pa'i mtshan nyid dang sbyar na/ de las zhes bya ba ni mi mthun pa'i phyogs kyi phyogs cig shos de las ste/ dper na sgra rtsol ba las byung bar bsgrub pa dag gis rtsol ba las mi 'byung
 ba de'i mi mthun pa'i phyogs kyi chos cig shos glog dang nags kyi me tog la sogs pa de lta bu de las so/ /gzhan dang zhes bya ba ni mi mthun pa'i phyogs kyi phyogs cig shos de las gzhan pa mi mthun pa'i phyogs kyi phyogs cig shos dang ste/ dper na
 sgra rtsol ba las 'byung bar bsgrub pa dag gi rtsol ba las 'byung ba de'i mi mthun pa'i phyogs kyi phyogs gcig shos glog dang nags kyi me tog la sogs pa gzhan rtsol bar 'byung ba de'i mi mthun pa'i phyogs kyi phyogs cig shos nam mkha' 
 lta bu dang/ /mi mthun pa'i dmigs pa zhes bya ba ni mi mthun pa'i phyogs kyi phyogs cig shos de la sgrub par byed pa'i phyogs kyi chos de med pa'i don de dper na sgra rtsol ba las 'byung bar bsgrub pa dag gi rtsol ba las 'byung ba de mi mthun 
 pa'i phyogs kyi phyogs cig shos nam mkha' de la sgrub par byed pa'i phyogs kyi chos mi rtag pa'i phyir zhes bya ba de med pa lta bu'o/ /de ltar mi mthun pa'i phyogs kyi phyogs gcig la sgrub par byed pa'i phyogs kyi chos med par grub na mi
 mthun pa'i phyogs kyi phyogs gcig la yod pa zhar la 'grub pas de'i phyir de las gzhan dang mi mthun par dmigs pa'i mtshan nyid ces bya ba de ni mi mthun pa'i phyogs kyi phyogs gcig la yod pa'i ma nges pa yin pas sbyang du yang rung
 bar rig par bya'o/ /de las thun mongs gis ma nges pa ji lta bu zhe na/ dper na sgra rtag par bsgrub pa dag gi gtan tshigs lta bu ste/ de yang sgra mi rtag pa ste/ gzhal bya yin pa'i phyir ro/ /chos mthun pa'i dpe ni nam mkha' la sogs pa'o/ /chos mi mthun pa'i dpe ni bum
 pa la sogs pa lta bu'o zhes zer ro/ /de las yang rjes su dpag go cog ni tshul gsum pa nyid kyi rtags las rang dang gzhan gyi don du rjes su dpag pa yin pas 'dir yang rjes su dpag par bya ba yod pa nyid dang mthun pa'i phyogs la yod pa nyid dang mi mthun pa'i phyogs la med pa
 nyid du nges pa'i tshul dang sbyar dgos te/ 'dir rjes su dpag par bya ba la yod pa nyid ces bya ba la rjes su dpag par bya ba la zhes bya ba ni rjes su dpag pa'i chos can sgra la'o/ /yod pa nyid ces bya ba ni rjes su dpag par bya ba'i chos can sgra de las bsgrub par bya ba'i chos rtag pa
 sgrub par byed pa'i phyogs kyi chos gzhal bya yin pa'i phyir zhes bya ba yod pa nyid de/ de'i phyir chos can zhes bya'o/ /de ltar chos can de la sgrub par byed pa'i phyogs kyi chos gzhal bya yin pa'i phyir zhes bya de yod pa nyid yin pas rjes su dpag par bya ba la yod pa nyid kyi
 tshul ni rung/ mthun pa'i phyogs la yod pa nyid ces bya ba la mthun pa'i phyogs la zhes bya ba ni rtag pa de'i chos mthun pa'i dpe nam mkha' la sogs pa'o/ /yod pa nyid ces bya ba ni rtag pa'i chos mthun pa'i dpe nam mkha' la sogs pa de la bsgrub par bya ba'i chos
 rtag pa zhes bya ba'i spyi dang sgrub par byed pa'i phyogs kyi chos gzhal bya yin pa'i phyir zhes bya ba yod pa nyid/ de'i phyir mthun pa'i phyogs zhes bya'o/ /de ltar mthun pa'i phyogs de la sgrub par byed pa'i chos rtag pa'i spyi dang sgrub par byed pa'i phyogs kyi chos
 gzhal bya yin pa'i phyir zhes bya ba yod pa mthun pa'i phyogs la yod pa nyid kyi tshul yang mi mthun pa'i phyogs la med pa nyid du nges pa zhes bya ba la ni mi mthun pa'i phyogs la zhes pa ni rtag pa de'i chos mi mthun pa'i dpe bum pa la sogs pa la'o/ /med? pa nyid du?
 nges pa zhes bya ba ni rtag pa de'i chos mi mthun pa'i dpe bum pa la sogs pa de la bsgrub par bya ba'i chos rtag pa'i spyi dang sgrub par byed pa'i phyogs kyi chos gzhal bya yin pa'i phyir zhes bya ba med pa nyid du des na ni de'i tshe mi mthun pa'i
 phyogs de la sgrub par byed pa'i phyogs kyis chos gzhal bya yin pa'i phyir zhes bya ba de med pa nyid du nges pas mi mthun pa'i phyogs la med pa nyid du nges pa zhes bya ba'i tshul yang rung bas gtan tshigs ma nges pa med pa'i phyir yongs su dag par 'gyur ba zhig na
 mi mthun pa'i phyogs de la sgrub par byed pa'i phyogs kyi chos gzhal bya yin pa'i phyir zhes bya ba de med pa nyid du ma nges te/ 'di ltar mi mthun pa'i phyogs bum pa la sogs pa la yang gzhal bya nyid yin pas de'i phyir sgrub par byed pa'i phyogs kyi chos gzhal
 bya yin pa'i phyir zhes bya ba de ni mi mthun pa'i phyogs la yod pa nyid du nges te/ de ltar mthun pa'i phyogs nam mkha' la sogs pa dang/ mi mthun pa'i phyogs bum pa la sogs gnyis ga la sgrub par byed pa'i phyogs kyi chos gzhal bya yin pa'i phyir zhes
 bya ba de yod pa de ni thun mong gi ma nges pa zhes bya ste/ de ni thams cad mthun par dmigs pa'i mtshan nyid ces bya bas ston to/ /de la thams cad ces bya bas ni rjes su dpag par bya ba'i chos can dang mthun pa'i phyogs dang mi mthun pa'i phyogs thams cad de dper na sgra rtag par sgrub
 pa dag gi rjes su dpag par bya ba'i chos can sgra dang rtag pa de'i mthun pa'i phyogs nam mkha' la sogs pa dang/ rtag pa de'i mi mthun pa'i phyogs bum pa la sogs pa lta bu thams cad do/ /mthun par dmigs pa zhes bya ba ni rjes su dpag par bya ba'i chos can dang
 mthun pa'i phyogs dang mi mthun pa'i phyogs thams cad la sgrub par byed pa'i phyogs kyi chos de yod pa'i don to/ /dper na sgra rtag par sgrub pa dag gi rjes su dpag par bya ba'i chos can sgra dang rtag pa de'i mthun pa'i phyogs nam mkha' la sogs pa dang/ rtag pa
 de'i mi mthun pa'i phyogs bum pa la sogs pa thams cad la sgrub par byed pa'i phyogs kyi chos gzhal bya yin pa'i phyir zhes bya ba de yin pa lta bu'o/ /de ltar thams cad mthun par dmigs pa zhes bya ba de ni thun mong gi ma nges pa yin par rig par bya'o
 mtshan nyid ces bya ba ni rjes su dpag pa yongs su ma dag pa'i mtshan nyid yin te des na de yang tshad mar mi rung bar bya'o/ /de la thun mong ma yin pa'i ma nges pa ji lta bu zhe na/ dper na sgra mi rtag par sgrub pa dag gi gtan tshigs lta bu ste/ de yang sgra ni mi
 rtag pa ste/ grangs pa'i phyir ro/ /'di ni chos mthun pa'i dpe bum pa la sogs pa la yang med do/ /chos mi mthun pa'i nam mkha' la sogs pa yang mdo zhes zer ro/ /de la yang rjes su dpag go cog ni tshul gsum pa nyid kyi rtags las rang dang gzhan gyi don du
 rjes su dpag pa yin pas/ 'dir yang rjes su dpag par bya ba la yod pa nyid dang mthun pa'i phyogs la yod pa nyid dang mi mthun pa'i phyogs la med pa nyid du nges pa'i tshul dang sbyar dgos te/ 'dir rjes su dpag par bya ba yod pa nyid ces bya ba la
 rjes su dpag par bya ba la zhes bya ba ni rjes su dpag par bya ba'i chos can sgra la'o/ /yod pa nyid ces bya ba ni rjes su dpag par bya ba'i chos can sgra de la bsgrub par bya ba'i chos mi rtag pa sgrub par byed pa'i phyogs kyi chos grags pa'i phyir zhes bya ba la
 yod pa nyid/ de'i phyir chos can zhes bya'o/ /de ltar chos can de la sgrub par byed pa'i phyogs kyi chos grags pa'i phyir zhes bya ba de yod pa nyid yin pas rjes su dpag go bar bya ba la yod pa nyid kyi tshul ni rung mthun pa'i phyogs la yod pa nyid ces bya ba la mthun pa'i phyogs
 la zhes bya ba ni mi rtag pa de'i chos mthun pa'i dpe bum pa la sogs pa la'o/ /yod pa nyid ces bya ba ni mi rtag pa de'i chos mthun pa'i dpe bum pa la sogs pa de la bsgrub par bya ba'i chos mi rtag pa zhes bya ba'i spyi dang sgrub par byed pa'i phyogs kyi chos grags pa'i phyir
 zhes bya ba yod pa nyid yin na ni/ de'i tshe mthun pa'i phyogs de la sgrub par byed pa'i phyogs kyi chos grags pa'i phyir zhes bya ba de yod pa nyid yin pa'i phyir mthun pa'i phyogs la yod pa nyid ces bya ba'i tshul yang rung ba zhig na/ mthun pa'i phyogs
 de la sgrub par byed pa'i phyogs kyi chos grags pa'i phyir zhes bya ba yod pa nyid ma yin te/ 'di ltar grags pa'i phyir zhes bya ba ni sgra 'ba' zhig la ma 'dres par yod kyi bum pa la sogs pa la med pas phyogs kyi chos de mthun pa'i phyogs la yod pa
 nyid ma yin no/ /mi mthun pa'i phyogs la med pa nyid du nges pa zhes bya ba la mi mthun pa'i phyogs la zhes bya ba ni mi rtag pa de'i chos mi mthun pa'i dpe nam mkha' la sogs pa la'o/ /med pa nyid du nges pa zhes bya ba ni mi rtag pa de'i chos mi mthun pa'i dpe nam mkha' la
 sogs pa de la bsgrub par bya ba'i chos mi rtag pa'i spyi dang sgrub par byed pa'i phyogs kyi chos grags pa'i phyir zhes bya ba med pa nyid du nges pa ste/ de'i phyir mi mthun pa'i phyogs zhes bya'o/ /de ltar sgrub par byed pa'i phyogs kyi chos grags pa'i phyir zhes bya ba de
 mthun pa'i phyogs la yang med pa nyid yin la mi mthun pa'i phyogs la yang med pa nyid du nges pa de'i ni thun mong ma yin pa'i ma nges pa zhes bya ste/ de ni thams cad mi mthun par dmigs pa'i mtshan nyid ces bya bas ston to/ /de la thams cad ces bya ba ni 'dir rjes su dpag
 par bya ba'i chos can ma gtogs pa mthun pa'i phyogs dang mi mthun pa'i phyogs thams cad de dper na sgra mi rtag par sgrub pa dag gi rjes su dpag par bya ba'i chos can ma gtogs pa mi rtag pa de'i mthun pa'i phyogs bum pa la sogs pa dang/ mi rtag pa de'i mi mthun
 pa'i phyogs nam mkha' la sogs pa lta bu thams cad do/ /mi mthun par dmigs pa zhes bya ba ni rjes su dpag par bya ba'i chos can ma gtogs pa mthun pa'i phyogs dang/ mi mthun pa'i phyogs thams cad la phyogs kyi chos de med pa'i don te/ dper na sgra mi rtag par
 bsgrub pa ngag gi rjes su dpag par bya ba'i chos can sgra ma gtogs pa mi rtag pa de'i mthun pa'i phyogs bum pa la sogs pa dang/ mi rtag pa de'i mi mthun pa'i phyogs nam mkha' la sogs pa thams cad sgrub par byed pa'i phyogs kyi chos grags pa'i phyir te zhes bya ba de
 med pa lta bu'o/ /de ltar na thams cad mi mthun par dmigs pa zhes bya ba de ni thun mong ma yin pa'i ma nges pa yin par rig par bya'o/ /mtshan nyid ces bya ba ni rjes su dpag pa'i yongs su ma dag pa'i mtshan nyid yin te/ des na de yang mtshan mar mi snang bar rig par bya'o//
 de ltar ma nges pa rnam pa bzhi po de dag gi de'i ma nges pa'i skyon gyis gtan tshigs ltar snang ba yin no/ /de la dpe'i skyon gyis dpe ltar snang ba zhes bya ba ni bsgrub par bya ba mad pa 'am/ sgrub par byed pa med pa'am/ gnyi ga med pa'i dpe ste/ de ni gzhan gyi rigs kyi dpe
 nye bar sbyar ba'i mtshan nyid ces bya ba ston to/ /de la gzhan gyi rigs kyi dpe zhes bya ba ni rjes su dpag par bya ba la yod pa nyid kyi tshul gyis rjes su dpag par bya ba'i chos can la bsgrub par bya ba'i chos sgrub par byed pa'i phyogs kyi chos yod pa nyid bstan pa la gzhan
 pa'i dpe ste/ bsgrub par bya ba med pa'am sgrub par byed pa med pa 'am gnyi ga med pa'i dpe'o/ /nye bar sbyar ba zhes bya ba ni dpe de lta bus rjes su dpag par bya ba la yod pa nyid kyi tshul gyi rjes su 'gro bar sbyor ba'o/ /mtshan nyid ces bya ba ni rjes su dpag pa dpes yongs
 su ma dag pa'i mtshan nyid yin no/ /de ltar gtan tshigs ma nges pa'i skyon gyis gtan tshig ltar snang pa dang/ dpe'i skyon gyis dpe ltar snang ba de gnyis kyis bsgrub pa la gcig tu ma nges pa'i phyir rjes su dpag pa yongs su ma grub pa ni yongs su ma dag pa'i mtshan nyid
 ces bya ste/ de ni yongs su ma dag pa'i mtshan nyid ces bya bas ston to/ /de la yongs su ma dag pa ni rnam pa gnyis te mi mthun pa'i phyogs kyi phyogs gcig la yod pa ma nges pa dang mthun pa'i phyogs kyi phyogs gcig la yod pa'i ma nges pa gzhan gyi rigs
 kyi dpe nye bar sbyar bar mtshan nyid dang bcas pa la thun mong ma yin pa'i ma nges pa yod pas yongs su ma dag pa dang/ mthun pa'i phyogs kyi phyogs gcig la yod pa'i ma nges pa dang mi mthun pa'i phyogs kyi phyogs gcig la yod pa'i ma nges
 pa gzhan gyi rigs dpe nye bar sbyar ba'i mtshan nyid dang bcas pa la thun mong gi ma nges pa yod pas yongs su ma dag pa ste/ de dag ni 'og nas yongs su ma dag pa'i mtshan nyid bshad pa'i skabs su ston to/ /yid ches pa'i lung gi tshad ma'i mtshan nyid dang mi mthun
 pa'i skyon ni de ston pa thams cad mkhyen pa ma yin pa dang/ des bstan pa'i lung la tshig 'gal ba yod pa ste/ de ni shin tu lung rnam par dag par bstan pa'i mtshan nyid ces bya bas ston te/ de yang 'og nas rang gnas skabs su ston to/ /de ltar ji skad du bstan
 pa de dag ni yongs su ma dag pa'i mtshan nyid bdun bstan pa'i tshig gis don gyis dmigs dngos su bstan pa yin no/ /de ni yongs su dag pa'i mtshan nyid bdun bshad pa'i tshig gis de dag gi mtshan nyid sdeb par bshad pa bya ste/ de la mtshan nyid dang po
 gnyis dang gzhan gyi rigs kyi dpe nye bar sbyar pa'i mtshan nyid ni yongs su ma dag pa'i mtshan nyid bshad pa'i skabs su 'og nas rigs pas grags pas mtshan nyid bsdebs te sbyar na bde bas skabs 'dir bde bar gshegs pas kyang bka' ma stsal to/ /mtshan
 nyid gsum pa dang bzhi pa ni skabs 'dir yang 'jig rten gyi grags pa dang rigs pas bshad la/ yongs su dag pa'i mtshan nyid bshad pa'i skabs su 'og nas kyang rigs pas grags pas mtshan nyid sdebs te sbyar na de kho na nyid kyi tshul dang mi mthun
 pas yongs su ma dag pa'i mtshan nyid yin par rtogs par 'gyur bas 'jig rten mkhyen pas kyang don gyi dbang de gzigs nas bshad pa'i skabs 'dir yang 'jig rten gyi grags pa dang rigs pas grags pa'i dbang du 'dzin bka' stsal la/ yongs su
 ma dag pa'i mtshan nyid bshad pa'i skabs su 'og nas dang rigs pas grags pas mtshan nyid bsdebs te sbyar te dbang du mdzad ston to/ /de la dang por mtshan nyid gsum pa 'jig rten gyi grags pa dang rigs pas bshad pa'i sgo nas de kho na nyid kyi
 tshul dang mi mthun pas yongs su ma dag pa'i mtshan nyid yin par bstan pa'i phyir de la chos thams cad yid kyi rnam par shes pas rnam par shes par bya ba nyid gang yin pa de ni thams cad mthun par dmigs pa'i mtshan nyid yin no/ /zhes bya ba gsungs
 so/ /de la mtshan nyid gsum pa ni thams cad mthun par dmigs pa'i mtshan nyid de/ de ltar na 'jig rten na grags pa'i bshad pa'i sgo nas de kho na nyid kyi don gyi tshul dang mi mthun pas yongs su ma dag pa'i mtshan nyid yin par rig par bya zhe na/ chos
 thams cad yid kyi rnam par shes pas rnam par shes par bya ba nyid do zhes mtshan nyid kyis mi mthun pa'i chos rnams 'dra bar dmigs pa ni/ thams cad mthun par dmigs pa'i mtshan nyid ces bya ste/ de ni 'jig rten gyi grags pas bshad pa'i sgo nas
 de kho na nyid kyi tshul dang mi mthun pas yongs su ma dag pa'i mtshan nyid yin par rig par bya'o/ /yang ji lta bu zhe na/ 'di ltar gzugs la sogs pa'i phyi rol gyi yul lnga po dag la dbang po gzugs can gyi rnam par shes pas ma drangs pa'i yid kyi
 rnam par shes pas kyang dbang po gzugs can gyi rnam par shes pas drangs pas 'dra bar dmigs par 'dzin pa dang/ gzhan gyis bsgribs pa'i dngos po lkog na 'dug pa dag la yang yid kyis mngon sum dmigs pa snyam du 'dzin pa dang/
 'das pa'i dus na che ge mo zhig byung ngo zhe 'am ma 'ongs pa'i dus na che ge mo zhig 'byung bar 'gyur ro zhes thos pa 'am rjes su dpog pa'am bdag nyid kyis don mngon sum du dmigs pa'i bag chags dran pas bzung ba'i dngos po spyi'i mtshan nyid la yang
 da ltar byung ba'i bzung ba'i dngos po'i rang gi mtshan nyid la dmigs pa dang/ 'dra bar yid kyi rnam par shes pa'i mtshan nyid gsum gyis dmigs pa tsam du 'dzin pa dang/ gzhan la de lta bu dang mthun pa'i mtshan nyid kyis mi mthun
 pa'i chos rnams 'dra bar dmigs pa ni thams cad mthun par dmigs pa mtshan nyid ces bya ste/ de ni 'jig rten gyi grags pas bshad pa'i sgo nas de kho na nyid kyi don gyi tshul dang mi mthun pas yongs su ma dag pa'i mtshan nyid yin par rig par bya'o/ /de ji
 ltar na rigs pas drangs pas bshad pa'i sgo nas de kho na nyid kyi don gyi tshul dang mi mthun pas yongs su ma dag pa'i mtshan nyid yin par rig par bya zhe na/ chos thams cad yid kyi rnam par shes pa'i rnam par shes par bya ba nyid yin pas rnam par shes
 pa'i gzhal bya yin no/ /zhes thun mong gi ma nges pa'i skyon sngar bstan pa lta bur rjes su dpag par bya ba'i chos can sgra dang mthun pa'i phyogs nam mkha' la sogs pa dang/ mi mthun pa'i phyogs bum pa la sogs pa thams cad la bsgrub par bya ba'i chos
 rtag pa sgrub par byed pa'i phyogs kyi chos gzhal bya yin pa'i phyir zhes bya ba'i yod pa'i gtan tshigs kyis sgra rtag par sgrub pa lta bu ni thams cad mthun par dmigs pa'i mtshan nyid ces bya ste/ de ni rigs pas grags pa bshad pa'i sgo nas
 de kho na nyid kyi don gyi tshul mi mthun pas yongs su ma dag pa'i mtshan nyid yin par rig par bya'o/ /de'i 'og tu mtshan nyid bzhi pa 'jig rten gyi grags pa dang rigs pas grags pas bshad pa'i sgo nas de kho na nyid don gyi tshul dang mi mthun
 pa'i yongs su ma dag pa'i mtshan nyid yin pas bstan pa'i phyir/ rtags dang ngo bo nyid dang/ las dang chos dang/ rgyu dang 'bras bu mtshan nyid mi mthun pa gang yang rung bas phan tshun mtshan nyid mi mthun par nges pa nyid yin pa de ni thams cad mi mthun
 pa'i mtshan nyid yin no zhes bya ba gsungs so/ /de la mtshan nyid bzhi pa ni thams cad mi mthun par dmigs pa'i mtshan nyid de/ de ji ltar na 'jig rten gyi grags pas bshad pa'i sgo nas de kho na nyid kyi don gyi tshul dang mi mthun pas yongs su ma dag pa'i
 mtshan nyid yin par rig par bya zhe na/ chos rnams kyi rab tu dbye ba'i tshul ni mdor bsdu na rnam pa lngar rig par bya ste/ rtags dang ngo bo nyid dang/ las dang/ chos dang rgyu dang 'bras bu'o/ /de ma? rtags ni lus dang rgyu ba dang gnas pa las rig par
 bya'o/ /ngo bo nyid ni rang gi mtshan nyid dang bye brag gi mtshan nyid las rig par bya'o/ /las ni rang gi bya ba byed pa dang yang dag pa dang log par sgrub pa las rig par bya'o/ /chos ni kun nas nyon mongs pa dang rnam par bya ba dang kun rdzob dang don dam pa'i
 bden pa las rig par bya'o/ /rgyu dang 'bras bu ni thag nye ba dang ring ba dang 'dod pa dang mi 'dod pa las rig par bya'o/ /de ltar chos rnams kyi rab tu dbye ba'i tshul tha dad pa de dag la rnam pa kha cig gis mi mthun yang rnam pa kha cig gis
 mthun pa yod pa la tshul nyid mi mthun pa gang yang rung ba 'ga' tsam gyis mi mthun par dmigs pa'i sgo nas thams cad kyi thams cad du phan mtshun mtshan nyid mi mthun par nges pa nyid du dmigs pa gang yin pa de ni thams cad mi mthun par
 dmigs pa'i mtshan nyid ces bya ste/ de ni 'jig rten gyi grags pas bshad pa'i sgo nas de kho na nyid kyi don gyi tshul dang mi mthun pas yongs su ma dag pa'i mtshan nyid yin par rig par bya'o/ /de ji ltar na rigs pas grags pas bshad
 pa'i sgo nas de kho na nyid kyi don gyi tshul dang mi mthun pas yongs su ma dag pa'i mtshan nyid yin par rig par bya ste/ mtshan nyid mi mthun pa rnams kyi mtshan nyid mi mthun pa gang yang rung ba 'ga' tsam gyis mi mthun par dmigs pa'i sgo nas
 thams cad kyi thams cad du phan tshun mtshan nyid mi mthun par nges pa nyid dmigs nas thun mong ma yin pa'i nges pa'i skyon sngar bstan pa lta bur rjes su dpag par bya ba'i chos can sgra ma gtogs pa mthun pa'i phyogs bum pa la sogs pa dang
 mi mthun pa'i phyogs nam mkha' la sogs pa thams cad bsgrub par bya ba'i chos mi rtag pa sgrub par byed pa'i phyogs kyi chos grags pa'i phyir zhes bya ba byed pa'i gtan tshigs kyis sgra mi rtag par sgrub pa lta bu ste thams cad mi mthun par dmigs
 pa'i mtshan nyid ces bya ste/ de ni rigs pas grags pas bshad pa'i sgo nas de kho na nyid kyi don gyi tshul dang mi mthun pas yongs su ma dag pa'i mtshan nyid yin par rig par bya'o/ /de la da ni yongs su ma dag pa'i mtshan nyid bshad pa'i skabs
 'dir mtshan nyid dang po gnyis dang mtshan nyid gsum pa dang bzhi pa dang gzhan gyi rigs kyi dpe nye bar sbyar ba'i mtshan nyid rnam par rigs pas grags pas mtshan nyid bsdebs te sbyar ba'i sgo nas de kho na nyid kyi don gyi tshul dang mi mthun
 pas yongs su ma dag pa'i mtshan nyid yin par ston te/ de yang mtshan nyid dang pos ni gtan tshigs ma nges pa'i skyon gyis gtan tshigs ltar snang ba dang/ gzhan gyi rigs kyi dpe nye bar sbyar ba'i mtshan nyid kyis dpe'i skyon gyis dpe ltar snang
 ba de nyid kyis bsgrubs la gcig tu ma nges pa'i rjes su dpag pa'i yongs su ma grub pa ni yongs su ma dag pa'i mtshan nyid ces bya'o zhes ston to/ /de la de dag gi mtshan nyid bsdebs pa ni rnam pa gnyis te/ mi mthun pa'i phyogs kyi phyogs cig la yod
 pa'i ma nges pa dang mthun pa'i phyogs kyi phyogs gcig la yod pa'i ma nges pa gzhan gyi rigs kyi dpe nye bar sbyar ba'i mtshan nyid dang bcas pa la thun mong ma yin pa'i ma nges pa yod pa yongs su ma dag pa dang/ mthun pa'i phyogs kyi chos gcig la
 yod pa'i ma nges pa dang/ mi mthun pa'i phyogs kyi phyogs gcig la yod pa'i ma nges pa gzhan gyi rigs kyi dpe nye bar sbyar ba'i mtshan nyid dang bcas pa la thun mong gi ma nges pa yod pas yongs su dag pa'o/ /de la dang por mi mthun pa'i phyogs kyi phyogs
 gcig? la yod pa'i ma nges pa dang/ mthun pa'i phyogs kyi phyogs gcig la yod pa'i ma nges pa gzhan gyi rigs kyi dpe nye bar sbyar ba mtshan nyid dang bcas pa la thun mong ma yin pa'i ma nges par yod pa yongs su ma dag pa la bstan pa'i phyir/ 'jam dpal de la de las gzhan dang
 mthun par dmigs pa'i mtshan nyid dpe dang bcas pa la thams cad mi mthun par dmigs pa'i mtshan nyid yod pas des na de grub par bya ba la gcig tu ma nges pa'i phyir de ni yongs su ma dag pa'i mtshan nyid ces bya'o zhes gsungs so/ /de la de las gzhan dang mthun par
 dmigs pa'i mtshan nyid ces bya ba ni mi mthun pa'i phyogs kyi phyogs gcig la yod pa'i ma nges pa yang yin te/ de gnyi ga yin par ji ltar sbyar ba'i tshig gi don ni gong du bstan pa bzhin du sbyar ro/ /dpe dang bcas pa la zhes bya ba ni ma nges pa de gnyi ga gzhan gyi rigs kyi dpe nye bar
 sbyar ba'i mtshan nyid dang bcas pa la ste/ de la ma nges pa snga ma'i dpe ni dper na sgra rtsol ba las byung bar bsgrub pa dag gis rtsol ba las byung ba dag gi mi mthun pa'i phyogs cig shos nam mkha' de las gzhan pa rtsol ba las byung ba de'i mi mthun pa'i phyogs kyi phyogs
 cig shos glog dang nags kyi me tog la sogs pa de la sgrub par byed pa'i phyogs kyi chos mi rtag pa'i phyir zhes bya ba de yod pas mi mthun pa'i phyogs kyi phyogs gcig la yod pa'i ma nges pa zhes bya ba lta bu'o/ /ma nges pa'i 'og ma'i dpe ni dper na sgra rtsol ba las
 mi 'byung bar bsgrub pa dag gi rtsol ba las mi 'byung ba de'i mthun pa'i phyogs kyi phyogs cig shos glog dang nags kyi me tog la sogs pa de las gzhan pa rtsol ba las mi 'byung ba de'i mthun pa'i phyogs cig shos nam mkha' de las sgrub par byed pa'i phyogs kyi phyogs
 rtag pa'i phyir zhes bya ba de yod pas mthun pa'i phyogs kyi phyogs gcig la yod pa'i ma nges pa zhes bya ba lta bu'o/ /thams cad mi mthun par dmigs pa'i mtshan nyid yod pas zhes bya ba ni de ltar ma nges pa'i dpe dang bcas pa de gnyis la
 thun mong ma yin pa'i ma nges pa yod pa ste/ de yang ma nges pa snga ma dpe dang bcas pa las thun mong ma yin pa'i ma nges pa ji ltar yod ce na/ dper na sgra rtsol ba las byung ba dag gi bsgrub par bya ba'i chos rtsol ba las byung ba sgrub par byed pa'i phyogs kyi chos mi rtag
 pa'i phyir zhes bya ba mi mthun pa'i phyogs kyi phyogs gcig la yod pa'i ma nges pa dpe dang bcas des rtsol ba las 'byung ba zhes bya ba mi mthun pa'i rnam grangs de grub par bya ba la gcig tu ma nges par yang ma zad kyi sgra mi rtag pas rtsol ba las 'byung bar sgrub
 pa'i skabs de nyid du sgra la grags pa yang yod pas sgra mi rtag par sgrub pa dag gi bsgrub par bya ba'i chos mi rtag pa sgrub par byed pa'i phyogs kyi chos grags pa'i phyir zhes bya ba thun mong ma yin pa'i ma nges pa des mi rtag pa zhes bya ba rtsol ba las byung ba'i
 rnam grangs de grub par bya ba la gcig tu ma nges pa de yang 'byung bar 'gyur ste/ dper na rtsol ba las byung ba yang mi 'grub la mi rtag pa yang mi 'grub pas de'i phyir mi mthun pa'i phyogs cig la yod pa'i ma nges pa dpe dang bcas pa la thun mong ma yin
 pa'i ma nges pa yang yod pa yin no/ /ma nges pa'i 'og ma dpe dang bcas pa la thun mong ma yin pa'i nges pa'i ji ltar yod ce na/ dper na sgra rtsol ba las mi 'byung bar sgrub pa dag gi bsgrub par bya ba'i chos rtsol ba las mi 'byung ba sgrub par byed pa'i
 phyogs kyi chos rtag pa'i phyir zhes bya ba gcig la ma grub pa'i gtan tshigs mthun pa'i phyogs kyi phyogs gcig la yod pa'i ma nges pa dpe dang bcas pa des rtsol ba las mi 'byung ba zhes bya ba rtag pa'i rnam grangs de grub par bya ba la gcig tu ma nges par
 yang ma zad kyi sgra rtag pas rtsol ba las mi 'byung bar sgrub pa'i skabs de nyid du sgra la grag pa yang yod/ sgra mi rtag par sgrub pa dag gi bsgrub par bya ba'i chos mi rtag pa sgrub par byed pa'i phyogs kyi chos grags pa'i phyir zhes bya ba thun mong ma yin pa'i ma nges
 pa des mi rtag pa zhes bya bas rtsol ba las mi 'byung ba dang mi mthun pa de grub par bya ba la gcig tu ma nges pa de yang 'byung bar 'gyur te/ des na rtsol ba las mi 'byung ba yang mi 'grub la mi rtag pa yang mi 'grub pas de'i phyir mi mthun pa'i phyogs kyi
 phyogs gcig la yod pa'i ma nges pa dpe dang bcas pa la yang thun mongs ma yin pa'i ma nges pa yod pa yin no/ /des na zhes bya ba ni de ltar ma nges pa gnyis po dpe dang bcas pa la mthun mong ma yin pa'i ma nges pa yang yod pa'i gtan tshigs des na'o
 de grub par bya ba la zhes bya ba la ni sgrub par bya ba'i chos de de sgrub par bya ba la te/ dper na sgra rtsol ba las 'byung ba dang rtsol ba las mi 'byung ba dang mi rtag par sgrub pa de bsgrub par bya ba lta bu la'o/ /gcig tu ma nges pa'i phyir zhes bya ba ni sgrub
 par byed pa'i phyogs kyi chos gcig tu ma nges pa'i phyir te/ dper na sgra rtsol ba las 'byung bar sgrub pa dag gi mi mthun pa'i phyogs kyi phyogs gcig la yod pa'i ma nges pa dpe dang bcas pa ni sgra rtsol ba las 'byung bar bsgrub pa'i chos de grub
 par bya ba la gcig tu ma nges la sgra rtsol ba las mi 'byung bar grub pa de dag gi mthun pa'i phyogs kyi phyogs la yod pa'i ma nges pa dpe dang bcas pa ni sgra rtsol ba las mi 'byung bar bsgrub pa'i chos de grub par bya ba la gcig tu ma nges pa dang/ sgra mi
 rtag par sgrub pa dag gi ma nges pa gnyi ga la thun mongs ma yin pa'i ma nges pa yod pa ni sgra mi rtag par sgrub pa'i chos de bsgrub par bya ba la gcig tu nges pa lta bu'i phyir ro/ /de ni yongs su ma dag pa'i mtshan nyid ces bya'o zhes bya ba ni rjes su dpog pa
 yongs su ma dag pa'i mtshan nyid de dper na sgra rtsol ba las 'byung bar sgrub pa de dag gi mi mthun pa'i phyogs kyi phyogs gcig la yod pa'i ma nges pa dpe dang bcas pa ni sgra rtsol ba las 'byung bar bsgrub pa'i chos de'i grub par bya ba
 la gcig tu ma nges pa'i phyir sgra rtsol ba las 'byung bar sgrub pa'i rjes su dpag pa yongs su ma dag pa'i mtshan nyid yin la sgra rtsol ba las mi 'byung bar sgrub pa dag gis mthun pa'i phyogs kyi phyogs gcig la yod pa'i ma nges pa dpe dang bcas pa ni sgra
 rtsol ba las mi 'byung bar sgrub pa'i chos de grub par bya ba la gcig tu ma nges pa'i phyir sgra rtsol ba las mi 'byung bar sgrub pa'i rjes su dpag pa yongs su ma dag pa'i mtshan nyid yin pa dang/ sgra mi rtag par sgrub pa dag gis ma nges pa gnyi ga la thun mong ma
 yin pa'i ma nges pa yod pa ni/ sgra mi rtag par sgrub pa'i chos de grub par bya ba la gcig tu ma nges pa'i phyir sgra mi rtag par sgrub pa'i rjes su dpag pa yongs su ma dag pa'i mtshan nyid yin pa lta bu ste/ des na de ni tshad mar mi rung bar rig par bya'o/ /de'i 'og tu
 mthun pa'i phyogs kyi phyogs gcig la yod pa'i ma nges pa dang/ mi mthun pa'i phyogs kyi phyogs gcig la yod pa'i ma nges pa gzhan gyi rigs kyi dpe nye bar sbyar ba'i mtshan nyid dang bcas pa la thun mong gi ma nges pa yod pas yongs su ma dag pa bstan pa'i phyir/
 de las gzhan dang mi mthun par dmigs pa'i mtshan nyid dpe dang bcas pa la yang thams cad mthun par dmigs pa'i mtshan nyid yod pas des na de 'grub par bya ba la gcig tu ma nges pa'i phyir de yang yongs su ma dag pa'i mtshan nyid ces bya'o zhes bya ba gsungs so/
 de la de las gzhan dang mi mthun par dmigs pa'i mtshan nyid ces bya ba ni mthun pa'i phyogs kyi phyogs gcig la yod pa'i ma nges pa yang yin/ mi mthun pa'i phyogs kyi phyogs gcig la yod pa'i ma nges pa yang yin te de gnyi ga yin par ji ltar sbyar ba'i tshig don ni
 gong du bstan pa bzhin du sbyar ro/ /dpe dang bcas pa la yang zhes bya ba ni ma nges pa de gnyis ga gzhan gyi rigs kyi dpe nye bar sbyar ba'i mtshan nyid dang bcas pa la ste/ de la ma nges pa snga ma'i dpe ni dper na sgra rtsol ba las mi 'byung bar sgrub pa dag gi rtsol
 ba las mi 'byung ba de'i mthun pa'i phyogs kyi phyogs gcig shos nam mkha' de las gzhan pa rtsol ba la yang mi 'byung ba de'i mthun pa'i phyogs kyi phyogs cig shos glog dang nags kyi me tog la sogs pa de la sgrub par byed pa'i phyogs kyi chos rtag pa'i
 phyir zhes bya ba de med pas mthun pa'i phyogs kyi phyogs gcig la yod pa'i zhes bya ba lta bu'o/ /ma nges pa 'og ma'i dpe ni dper na sgra rtsol ba las 'byung bar sgrub pa dag gi rtsol ba las 'byung ba de'i mi mthun pa'i phyogs kyi phyogs gcig shos glog
 dang nags kyi me tog la sogs pa de las gzhan pa rtsol ba las 'byung ba de'i mi mthun pa'i phyogs kyi phyogs gcig shos nam mkha' de la sgrub par byed pa'i phyogs kyi chos mi rtag pa'i phyir zhes bya ba de med pas mi mthun pa'i phyogs kyi phyogs gcig
 la yod pa'i ma nges pa zhes bya ba lta bu'o/ /thams cad mthun par dmigs pa'i mtshan nyid yod pas zhes bya ba ni de ltar ma nges pa dpe dang bcas pa de gnyis ga la thun mong gi ma nges pa yod pa ste/ de la ma nges pa/ dpe dang bcas pa la thun mong gi ma nges
 pa ji ltar yod ce na/ dper na sgra rtsol ba las mi 'byung bar sgrub pa dag gi bsgrub par bya ba'i chos rtsol ba las mi 'byung bar sgrub par byed pa'i phyogs kyi chos rtag pa zhes bya ba gcig la ma grub pa'i gtan tshigs mthun pa'i phyogs kyi phyogs gcig la yod pa'i
 ma nges pa dpe dang bcas pa des rtsol ba las mi 'byung ba zhes bya ba rtag pa'i rnam grangs de grub par bya ba la gcig tu ma nges par yang ma zad kyi sgra rtag pas rtsol ba las mi 'byung ba sgrub pa'i skabs de nyid du sgra ni gzhal bya yang yin pas sgra rtag pa ma sgrub pa dag
 gi bsgrub par bya ba'i chos rtag pa sgrub par byed pa'i phyogs kyi chos gzhal bya yin pa'i phyir zhes bya ba thun mong gi ma nges pa des rtag pa zhes bya ba la rtsol ba las mi 'byung ba'i rnam grangs de grub par bya ba la gcig tu ma nges pa de yang 'byung par
 'gyur te/ des na rtsol ba las mi 'byung ba yang mi 'grub la/ rtag par yang mi 'grub pas de'i phyir mthun pa'i phyogs kyi phyogs gcig la yod pa'i ma nges pa dpe dang bcas pa la thun mong gi ma nges pa yang yod pa yin no/ /ma nges pa 'og ma dpe dang bcas pa la
 thun mong gi ma nges pa ji ltar yod ce na/ dper na sgra rtsol ba las 'byung bar sgrub par bya ba'i chos rtsol ba las 'byung ba sgrub par byed pa'i phyogs kyi chos mi rtag pa'i phyir zhes bya ba mi mthun pa'i phyogs kyi phyogs gcig la yod pa'i ma nges pa dpe dang
 bcas pa des rtsol ba las 'byung ba zhes bya ba mi rtag pa'i rnam grangs de grub par bya ba la gcig tu ma nges par yang ma zad kyi sgra mi rtag pa las rtsol ba las 'byung bar sgrub pa'i skabs de nyid du sgra ni gzhal bya yang yin pas sgra rtag par sgrub pa
 dag gi bsgrub par bya ba dag /chos rtag pa sgrub par byed pa'i phyogs kyi chos gzhal bya yin pa'i phyir zhes bya ba thun mong gi ma nges pa des rtag pa zhes bya ba rtsol ba las 'byung ba dang/ mi mthun pa de grub par bya ba la gcig tu ma nges pa de yang 'byung
 bar 'gyur te/ des na rtsol ba las 'byung ba yang mi 'grub la rtag pa yang mi 'grub pas/ de'i phyir mi mthun pa'i phyogs kyi phyogs gcig la yod pa'i ma nges pa dpe dang bcas pa la yang thun mong gi ma nges pa yod pa yin no/ /des zhes bya bas
 ni de ltar ma nges pa gnyis po dpe dang bcas pa la thun mong gi ma nges pa yang yod pa'i gtan tshigs des na'o/ /de grub par bya ba la zhes bya ba ni bsgrub par bya ba'i chos de grub par bya ba ste/ dper na sgra rtsol ba las mi 'byung ba dang/ rtsol ba las 'byung
 ba dang/ rtag par sgrub pa de grub par bya ba lta bu'o/ /gcig tu nges pa'i phyir zhes bya ba ni sgrub par byed pa'i phyogs kyi chos gcig tu ma nges pa'i phyir zhes dper na sgra rtsol ba las mi 'byung bar sgrub pa dag gi mthun pa'i phyogs kyi phyogs gcig la yod pa'i
 ma nges pa dpe dang bcas pa ni sgra rtsol ba las mi 'byung bar bsgrub pa'i chos de grub par bya la gcig tu ma nges pa la sgra rtsol ba las 'byung bar sgrub pa dag gi mi mthun pa'i phyogs kyi phyogs gcig la yod pa'i ma nges pa dpe dang bcas pa ni
 sgra rtsol ba las 'byung bar bsgrub pa'i chos de grub par bya ba la gcig tu ma nges pa dang sgra rtag par bsgrub pa dag gi ma nges pa gnyis ga la thun mong gi ma nges pa yod pa ni sgra rtag par bsgrub pa'i chos de grub par bya ba la gcig tu ma nges
 pa lta bu'i phyir ro/ /de yang yongs su ma grag pa'i mtshan nyid ces bya ba ni rjes su dpag pa yongs su ma grags pa'i mtshan nyid de dper na sgra rtsol ba las mi 'byung bar bsgrub pa dag go /mi mthun pa'i phyogs kyi phyogs gcig la yod pa'i ma nges pa dpe dang bcas
 pa ni sgra rtsol ba las mi 'byung bar bsgrub pa'i chos de grub par bya ba la gcig tu ma nges pa'i phyir sgra rtsol ba las mi 'byung bar sgrub pa'i rjes su dpag pa yongs su ma dag pa'i mtshan nyid yin la/ sgra rtsol ba las 'byung bar bsgrub pa dag gi mi
 mthun pa'i phyogs kyi phyogs gcig la yod pa'i ma nges pa dpe dang bcas pa ni sgra rtsol ba las 'byung bar sgrub pa'i chos de grub par bya ba la gcig tu ma nges pa'i phyir/ sgra rtsol ba las 'byung bar sgrub pa'i rjes su dpag pa yongs su ma dag pa'i mtshan
 nyid yin pa dang/ sgra rtag par sgrub pa dag gi ma nges pa gnyis ga la thun mong gi ma nges pa yod pa ni sgra rtag par bsgrub pa'i chos de grub par bya ba la gcig tu ma nges pa'i phyir sgra rtag par bsgrub pa'i rjes su dpag pa yongs su ma dag pa'i mtshan nyid
 yin pa lta bu ste/ des na de yang tshad mar mi rung par rig par bya'o/ /yongs su ma dag pa'i phyir rigs bas brtag pa yongs su ma dag pa yin te/ yongs su ma dag pa'i phyir bsten par mi bya'o zhes bya ba ni da ltar yongs su ma dag pa'i mtshan nyid
 bshad pa'i skabs der mtshan nyid dang po gnyis dang/ mtshan nyid gsum pa dang bzhi pa dang/ gzhan gyi rigs kyi dpe nye bar sbyar ba'i mtshan nyid rnams rigs pas grags pas mtshan nyid bsdebs te/ sbyar ba'i sgo nas de kho na nyid kyi don gyi tshul dang mi mthun
 pas yongs su ma dag pa'i mtshan nyid yin par bstan pa ste/ de dag gi 'jug bsdu ba yin te/ de yang ma nges pa gnyis ga dpe dang bcas pa la thun mong ma yin pa'i ma nges pa yod pas yongs su ma dag pa dang ma nges pa gnyis ka dpe dang bcas pa la thun mong gi
 ma nges pa yod pas yongs su ma dag pa'i phyir rjes su dpag pa'i rigs pas brtag pa yongs su ma dag pa yin te/ de ltar yongs su ma dag pa'i phyir 'thad bas bsgrub pa la de'i rgyu dang rkyen du gtogs pa'i mtshan nyid yongs su ma dag pa'i mtshan nyid dang ldan pa'i tshad
 ma las ni don la 'khrul par dmigs te/ bdag kyang log par lta ba la gnas shing gzhan yang log par lta ba la 'jug ste/ sdig pa'i grogs po'i lag tu song nas rmongs bzhin du spyod bar 'gyur bas de ni sten par mi bya'o zhes bya bar sbyar ro/ /de'i 'og tu  
 yid ches pa'i lung gi tshad ma'i mtshan nyid mi mthun pa'i skyon gyis lung shin tu rnam par ma dag pa stan pa'i mtshan nyid bstan pa'i phyir/ de la lung shin tu rnam par ma dag pa bstan pa'i mtshan nyid ni rang bzhin gyis yongs su ma dag pa yin par rig par bya'o/ zhes bya ba
 gsungs so/ /de la lung shin tu rnam par ma dag pa bstan pa'i mtshan nyid ni de ston pa thams cad mkhyen pa ma yin pa dang/ des bstan pa'i lung la tshig 'gal ba yod pa rang bzhin gyis yongs su ma dag pa yin par rig par bya'o/ /de la de ston pa thams cad mkhyen
 pa nyid ma yin pa mi thams cad mkhyen pa'i mtshan nyid lnga dang mi ldan par sgrib pa ma spangs pa'i phyir thabs mi mkhas shing 'tshal ba'i shes rab tu gyur pa dang/ ye shes ma rdzogs pa'i phyir shes pa mdza' dang bcas pa yin no/ /des bstan pa'i lung la tshig
 'gal ba yod pa ni phyin ci log tu bstan pas chos ma yin pa ni 'dod chags la sogs pa'i rtsa ba las byung ba gang gis nang du khrus byas pas 'byor zhes zer ba dang/ chos ni rnam par mi 'tshe ba yin la srog chags bas de mchog sbyin byas na 'grol zhes zer
 ba lta bu yin no/ /de ltar na de ston pa thams cad mkhyen pa ma yin par yang spang des bstan ba'i lung la tshig 'gal ba yod pa las shes la/ des bstan pa'i lung la tshig 'chal ba yod pa yang ston pa thams cad mkhyen pa ma yin pa las shes pas/ de'i phyir
 de ni rang bzhin nyid kyis yongs su ma dag pa yin par rig par bya'o/ /chos nyid kyi rigs pa'i mtshan nyid gang zhe na/ de la de bzhin gshegs pa rnams byung yang rung/ ma byung yang rung ste/ chos gnas par bya ba'i phyir chos nyid dbyings gnas pa gang yin pa
 de ni chos nyid kyi rigs pa yin no zhes bya ba nas gsungs so/ /de la chos nyid kyi rigs pa zhes bya ba ni chos rnams kyi gnas dang gnas ma yin pa'i mtshan nyid so sor nges pa'i chos nyid gang yin pa ste/ de ni chos rnams kyi grags pa'i chos nyid dang/ bsam gyis
 mi khyab pa'i chos nyid dang/ rnam pa'i chos nyid yin pas de bzhin gshegs pa rnams byung yang rung/ ma byung yang rung ste/ chos gnas par bya ba'i phyir chos nyid dbyings nas ba yin pas de la ni mos par bya bar zad kyi bsam par mi bya/ rtag par mi bya ste
 des ni chos rnam kyi chos nyid kyis de 'dra bar shes par bya'o/ /de ltar chos rnams kyi gnas dang gnas ma yin pa'o mtshan nyid so sor nges pa'i chos nyid gang yin pa de ni chos rnams kyi chos nyid kyi rigs pa yin pas na de'i phyir chos nyid kyi rigs
 pa zhes bya'o/ /rigs pa bzhi bshad zin to// //de la bsdus pa dang rgyas pa ni mdor bsdus te tshig gcig gis bstan pa'i chos tshig phyi ma phyi ma dag gis rab tu phye ste mthar thug par byed pa gang yin pa'i zhes
 bya ba la/ mdor bsdus te tshig gis bstan pa'i chos shes bya ba ni bsdus pa yin no/ /tshig phyi ma dag gis rab tu phye ste mthar thug par byed pa ni rgyas pa yin te/ de bsdus pa zhes bya ba ni yi ge gcig gang yin pa'o/ /rgyas zhes bya ba ni yi ge mang po
 gang yin pa'o/ /yang rnam grangs gzhan du na bsdus pa zhes bya ba ni yongs su ma rdzogs pa'i tshig ste/ de tshig 'bru ma rdzogs pa dang don ma rdzogs pa las blta bar bya'o/ /rgyas pa zhes bya ba ni yongs su rdzogs pa'i tshig ste/ tshig 'bru rdzogs pa dang
 don rdzogs pa gang yin pa ste/ dper na sdig pa thams cad ces bya ba'i tshig 'bru dang don yongs su ma rdzogs pa de mi bya ste zhes bya ba'i tshig 'bru dang don gyis yongs su rdzogs par 'gyur ba lta bu'o/ /yang rnam grangs gzhan du na bsdus pa zhes bya
 ba ni bsgrub pa'i tshig yin la/ rgyas pa zhes bya ba ni sgrub par byed pa'i tshig yin te/ dper na kye ma 'du byed mi rtag ste zhes bya ba bsgrub pa'i tshig ste/ skye zhing 'jig pa'i chos can yin zhes bya bas sgrub par byed pa lta bu'o/ /yang rnam grangs
 gzhan du na bsdus pa zhes bya ba ni stan pa'i tshig la/ rgyas pa zhes bya ba ni bshad pa'i tshig yin te/ dper na dam pa rnams zhes bya ba bstan pa'i tshig de yang dag par spong ba rnams dang skyes bu dam pa rnams zhes bya bar bshad par byed pa'o/ 
 de dag ni rnam pa'i mtshan nyid yin no/ /des rnam pa dang bcas pa'i dmigs pa 'dzin pa byang chub kyi phyogs dang mthun pa'i chos dran pa nye bar gzhag pa la sogs pa gang dag bstan pa ni de dag gi ngo bo nyid kyi mtshan nyid do zhes bya ba la/ rnam pa dang
 ces pa'i dmigs pa 'dzin pa zhes bya ba ni sems kyi rnam pa nyid la dmigs par zad kyi phyi rol gyi yul med pa'i don te/ byang chub kyi phyogs dang mthun pa'i chos dran pa nye bar gzhag pa la sogs pa bsgom pa na rnam par rtog pa dang bcas
 pa'i gzugs brnyan dang/ rnam par mi rtog pa'i gzugs brnyan la dmigs pa nyid rnam pa dang bcas pa'i dmigs pa 'dzin pa yin no/ /de dag gi ngo bo nyid kyi mtshan nyid ces bya ba ni ma mo de dag gi mtshan nyid do/ ma mo ni chos mngon pa yin la chos
 mngon pa ni zag pa med pa'i shes rab 'khor dang bcas pa yin pas de'i phyir byang chub kyi phyogs kyi chos rnams ni ma mo'i ngo bo nyid kyi mtshan nyid yin no/ /'jig rten pa dang 'jig rten las 'das par bcas pa'i nyon mongs pa spangs pas de'i 'bras
 bu 'jig rten pa dang 'jig rten las 'das pa'i yon tan mngon par bsgrub pa gang yin pa de ni de'i 'bras bu 'thob pa'i mtshan nyid yin no zhes bya ba la/ 'jig rten pa dang 'jig rten las 'das par bcas pa'i nyon mongs pa spong bas zhes bya ba ni 'jig
 rten pa'i lam dang 'jig rten las 'das pa'i lam gyi go rim bzhin du'o/ /de'i 'bras bu 'jig rten pa dang 'jig rten las 'das pa'i yon tan mngon par sgrubs pa zhes bya ba ni mngon par shes pa lnga dang rnam par grol ba la sogs pa dag go /de'i
 'bras bu thob pa'i mtshan nyid yin no zhes bya ba ni ma mo'i ngo bo nyid byang chub kyi phyogs kyi skabs de'i 'o/ /de nyid rnam par grol ba'i shes pa so sor yang dag par rig pa gang yin pa gzhan dag la rgya cher sgrogs pa dang/ 'chad ba dang yang dag par
 ston pa de ni de myong ba rnam par bsnyad pa'i mtshan nyid yin no zhes bya ba la/ de nyid rnam par grol ba'i shes pa so so yang dag par rig pa zhes bya ba ni 'bras bu thob pa de nyid do/ /de myong ba rnam par bsnyad pa'i mtshan nyid yin no zhes bya ba ni so sor yang
 dag par rig pa de myong ba'o/ /byang chub kyi phyogs dang mthun pa'i chos de dag nyid sgom pa la bar chad byed pa'i gnas lta bu nyon mongs pa can gyi chos gang dag yin pa de ni de'i bar du bcod pa'i chos kyi mtshan nyid yin zhes
 bya ba la/ bar chad byed pa'i gnas lta bu nyon mongs pa can gyi chos zhes bya ba ni sgrib pa la sogs pa dag go de'i bar du bcod pa'i chos kyi mtshan nyid yin no zhes bya ba ni ma mo'i ngo bo nyid byang chub kyi phyogs kyi chos sgom pa de'i 'o/ /de dag nyid la gces
 spras byed pa'i chos gang dag yin pa de ni de dang rjes su mthun pa'i chos kyi mtshan nyid yin zhes bya ba la/ de dag nyid la gces spras byed pa'i chos zhes bya ni byang chub kyi phyogs sgom pa de dag nyid la phan 'dogs pa'i chos te tshogs kyi lam dang/
 sbyor ba'i lam dang/ rnam par dag pa'i lam gyi gnas skabs thams cad dang ci rigs par sbyar ro/ de dang rjes su mthun pa'i chos kyi mtshan nyid ces bya ba ni ma mo'i ngo bo nyid byang chub kyi phyogs sgom pa de dang?/ /bar du bcod pa rnams kyi skyon gang yin pa de ni nyes dmigs
 kyi mtshan nyid yin zhes bya ba'i sgrib pa lnga la sogs pa'i nyes dmigs mang po dag go rjes su mthun pa rnams kyi yon tan gang yin pa de ni phan yon gyi mtshan nyid yin par rig par bya'o zhes bya ba ni tshogs kyi lam dang sbyor ba'i lam dang/ rnam par dag pa'i lam gyi
 gnas skabs kyi phan yon mang po dgra go ma mo'i mtshan nyid bshad zin to// //da ni de bzhin gshegs pa rnams kyi gsung brjod ba bstan pa de nyid kyi skabs las glengs te bstan pa mdza' dag gi don bsdus pa'i gzungs kyi don bstan pa'i phyir/ de nas
 bcom ldan 'das la byang chub sems dpa' 'jam dpal gyis 'di skad ces gsol to zhes bya ba la sogs pa gsungs so/ /gzungs kyi don gang gis zhes bya ba ni bstan pa mdza' dag gi don mtshan nyid gang gis bsdus pa'i gzungs kyi don gyis/ /byang chub
 sems dpa' rnams de bzhin gshegs pa'i chos zab mo rnams kyi ldem por dgongs par rjes su 'jug par 'gyur ba zhes bya ba ni bstan pa mdza' dag gi don mtshan nyid gang gis bsdus pa'i gzungs kyi don nges so/ /byang chub sems dpa' rnams kyi mdo sde
 dang/ 'dul ba dang/ ma mo dag gi gzungs kyi don ma lus pa zhes bya ba ni bstan pa mdza' dag gi sde snod gsum du 'dus la sde snod gsum po de dag gi don mtshan nyid gang gis bsdus pa'i gzungs kyi don ma lus pa'o/ /'di las slad rol pa rnams dang thun
 mong ma lags pa bshad du gsol zhes bya ba ni chos 'dis las phyi rol du gyur pa'i mu stegs can rnams dang thun mong ma yin pa'o/ /'jam dpal de ni phyir nyon cig dang 'di ltar byang chub sems dpa' rnams nga'i ldem po dag la 'jug par bya ba'i phyir
 gzungs kyi don ma lus pa khyod la bshad par bya'o zhes bya ba la sogs pas ni bstan pa mdza' dag gi don bdag med pa gnyis kyis bsdus pas gzungs kyi don ston te/ de dag gis bsdus pa'i don ni rnam pa bzhi ste/ bdag med pa gnyis kyis gzungs
 kyi don bstan pa dang/ so so'i skye bo rnams de la mngon par zhen pa bstan pa dang/ gzungs kyi don rtogs pa'i phan yon bstan pa dang/ de dag gi dngos po bsdu ba bstan pa'o/ /de la dang por bdag med pa gnyis kyi gzungs kyi don bstan pa la gang zag bdag
 med gzungs kyi don bstan pa ni/ 'jam dpal kun nas nyon mongs pa'i chos gang dag yin pa dang rnam par byed ba'i chos gang dag yin pa de dag thams cad ni g.yo ba med pa'i gang zag med pa yin te/ de'i phyir ngas chos rnams rnam pa thams cad du byed pa
 med par bstan te zhes bya bas bstan to/ /chos bdag med pas gzungs kyi don bstan pa ni/ kun nas nyon mongs pa'i rnams kyang kun nas nyon mongs pa can du gyur la phyis rnam par byang bar 'gyur ba yang ma yin rnam par byang ba'i chos rnams dang phyis
 rnam par byang la sngon kun nas nyon mongs pa can du gyur pa ma yin na zhes bya bas bstan te/ kun nas nyon mongs pa'i phyogs spangs te/ rnam par byang ba'i phyogs thob par bya ba gang yin pa de ni bstan pa'i don yin la/ de ni bdag med
 pa gnyis kyis bsdus pa'i phyir gzungs kyi don ces bya bar sbyar ro/ /gal te gang zag kyang med la bya ba yang med na ji ltar bdag gis mthong ngo zhes bya ba la sogs pa 'byung bar 'gyur zhe na/ de'i phyir so so'i skye bo rnams de la mngon par zhen pa bstan pa'i phyir/
 de la byis pa so so'i skye bo rnams gnas ngan len gyi lus la chos dang gang zag gi ngo bo nyid du mngon par zhen pa'i bag la nyal ba brten nas gzhan nam bdag gir 'dzin cing des na mthong ngo thos so sgom mo myong ngo reg go/ rnam par shes so/ /bzo'o byed do/ /kun nas nyon mongs
 so/ /rnam par byang ngo zhes log par mngon par 'du byed ba 'byung ngo zhes bya ba gsungs te/ gnas ngan len gyi lus la zhes bya ba ni kun gzhi rnam par shes pa'o/ /mngon par zhen pa'i bag la nyal zhes bya ba de dang ldan pa'i/ /bdag gam bdag gir 'dzin
 cing zhes bya ba la sogs pas ni gang zag la mngon par zhen pa'o/ /kun nas nyon mongs so zhes bya ba la sogs pas ni chos la mngon par zhen pa'o/ /de'i 'og tu gzungs kyi don rtogs pa'i phan yon bstan pa'i phyir/ gang la las de ltar yang dag par ji
 lta ba bzhin du rab tu shes pa de ni gnas ngan len gyi lus rab tu spong zhing/ nyon mongs pa thams cad kyi gnas ma yin pa shin tu rnam par dag pa spros pa med pa/ 'dus ma byas pa/ mngon par 'du bya ba med pa'i lus thob par 'gyur te zhes bya ba gsungs
 te/ de ltar yang dag pa ji lta ba bzhin tu shes pa zhes bya ba ni bdag med pa gnyis su shes pa'o/ /gnas ngan len gyi lus rab tu spong zhing zhes bya ba ni bag chags dang bcas pa'i kun gzhi rnam par shes pa rab tu spong ste/ des ni spangs pa phun sum tshogs
 pa bstan to/ /nyon mongs pa thams cad kyi gnas ma yin pa zhes bya ba la sogs pas ni gnas gyur pa'i ye shes phun sum tshogs pa bstan to/ /'jam dpal de ni gzungs kyi don ma lus pa yin par rig par bya'o zhes bya ba ni gong tu kun gyi mjug bsdu ba yin ste de
 ltar bdag med pa gnyis rtogs pa dang kun nas nyon mongs pa spangs te/ rnam par byang ba thob par bya ba dang/ de'i 'bras bu spangs pa dang ye shes phun sum tshogs pa thob pa de ni bstan pa mdza' dag gi don bsdus pa yin pa'i phyir gzugs kyi don to zhes bya bar
 sbyar ro/ /de nas bcom ldan 'das kyis de'i tshe tshigs su bcad pa 'di dag bka' stsal to zhes bya ba la sogs pa'i tshigs su bcad pa gsum gyis ni de dag gi dngos po bsdus pa bstan te/ tshig gi don lnga ma dang ci rigs par sbyar ro/ /de bzhin gshegs pa rnams kyi
 gsungs brjod pa bstan pa'i tshig gi don la sogs pa bshad zin to// //de'i 'og tu de bzhin gshegs pa rnams kyis sems 'byung ba bstan pa'i tshig gi don la sogs pa gshad par bya ste/ sems 'byung ba zhes bya ba ni chos kyi sku'i byin gyis brlabs
 las byung ba gzugs kyi sku rnam gnyis kyi sems sngon thabs dang shes rab sgom pa mngon par 'du byas pa las sprul pa lta bur mngon par 'du byed pa med par 'byung ba bstan pa gang yin pa'o/ /de'i phyir de stan pa'i dbang du mdzad nas/ bcom ldan 'das de
 bzhin gshegs pa'i sems 'byung pa'i mtshan nyid ji lta bur rig par bgyi ba lags zhes bya ba zhus te/ 'di man chad ni de bzhin gshegs pa'i sems 'byung ba la rmongs pa'i gnyen por de ma nor bar sten to/ /'jam dpal de bzhin gshegs pa
 rnams ni sems dang yid dang/ rnam par shes pas rab tu phye ba ma yin mod kyi zhes bya ba ni chos kyi sku ni gnas gyur pas rab tu phye ba yin pas de la ni sems dang yid dang rnam par shes pa med na gang las sems de 'byung zhes bya par dgongs pa'o/ /'o
 na sems gang gis sprul pa 'byin par mdzad pa de gang las 'byung zhe na/ de'i phyir 'on kyang de bzhin gshegs pa'i sems ni mngon par 'du byed pa med par 'byung zhes bya bar gsungs so/ /sprul pa lta bur rig par bya'o zhes bya ba
 ni sprul pa'i sku 'byung ba ji lta kho na bzhin du sems 'byung ba yang de dang 'dra'o zhes bya ba'i tha tshig go /de bzhin gshegs pa rnams kyi sems byung ba bstan pa de yang lags pa de bzhin gshegs pa skye ba 'byung bar bstan pa'i mdo las de skad ces
 smras pa dang/ byang chub sems dpa' sems dpa' chen po de bzhin gshegs pa'i rigs su 'byung ba'i dpal gyis/ byang chub sems dpa' kun tu bzang po la 'di skad ces smras so/ /kye rgyal ba'i sras byang chub sems dpa' sems dpa' chen pos de bzhin
 gshegs pa dgra bcom pa yang dag par rdzogs pa'i sangs rgyas rnams kyi sems 'byung ba ji ltar khong du chud par bya/ de skad ces smras pa dang/ byang chub sems dpa' sems dpa' chen po kun tu bzang pos byang chub sems dpa' sems dpa' 
 chen po de bzhin gshegs pa'i rigs su 'byung ba'i dpal la 'di skad ces smos so/ /kye rgyal ba'i sras de bzhin gshegs pa dgra bcom pa yang dag par rdzogs pa'i sangs rgyas rnams ni sems kyi rab tu phye ba yang ma yin rnam par shes pas rab
 tu phye ba yang ma yi mod kyi/ kye rgyal ba'i sras 'on kyang de bzhin gshegs pa dgra bcom pa yang dag par rdzogs pa'i sangs rgyas kyi sems 'byung ba ni ye shes tshad med pa khong du chud par bya'o/ /kye rgyal ba'i sras 'di lta ste dper na nam mkha' 
 la brten nas bya ba thams cad rab tu shes kyang nam mkha' ni rten ma yin no/ /kye rgyal ba'i sras de bzhin du de bzhin gshegs pa'i ye shes la brten nas/ 'jig rten pa dang 'jig rten las 'das pa'i shes pa thams cad rab tu shes kyang/ de bzhin gshegs
 pa'i ye shes ni rten pa med pa yin te kye rgyal ba'i sras byang chub sems dpa' sems dpa' chen pos 'jug pa'i sgo dang po des/ de bzhin gshegs pa dgra bcom pa yang dag par rdzogs pa'i sangs rgyas rnams kyi sems khong du chud par bya'o/ /zhes
 bya ba la sogs pa 'jug pa'i sgo rnam pa bcu gsungs pa bzhin du blta bar bya'o/ /bcom ldan 'das gal te de bzhin gshegs pa rnams kyi chos kyi sku mngon par 'du bgyi ba thams cad dang bral ba lags na/ 'o na ji ltar mngon par 'du bgyi ba ma
 mchis par sems 'byung bar 'gyur lags zhes bya ba ni chos kyi sku na gnas gyur pas rab tu phye ba mngon par 'du byed pa thams cad dang bral ba yin na/ de las sprul pa'i sku'i rang bzhin gyi sems ji ltar 'byung zhes zhus pa yin no/ /sngon thabs
 dang shes rab bsgoms pa mngon par 'du byas pa'i phyir te zhes bya ba ni thabs dang shes rab kyi ngo bo nyid sgom pa gang yin pa de bsgoms pas shugs dang mngon par 'byed pa zhes bya ba rnam grangs kyi shugs de la brten nas so zhes bya ba'i don to//
 'di lta ste dper na gnyid log pa sems med pa la zhes bya ba la sogs pa dpe'i don mdo las 'byung ba bzhin du rig par bya'o/ ci lags de bzhin gshegs pas sprul pa sems mchi sam ma mchis zhes bya ba ni de bzhin gshegs pa'i
 sprul pa'i sku'i chos kyi sku'i byin gyi rlabs las 'byung ba yin na sprul pa'i sku la sems yod ces bya 'am sems med ces bya zhes zhus pa yin no/ /sems yod pa mang ma yin sems med pa'ang ma yin te/ sems rang dbang med pa nyid dang sems
 gzhan gyi dbang nyid yin pa'i phyir ro zhes bya ba la sems rang dbang med ces bya ba ni ces bya ba ni de'i sems can gzhan dag ltar sems la rang dbang med pa ste/ de'i phyir sems yod pa yang ma yin no/ /sems gzhan gyi dbang nyid yin pa'i phyir zhes bya ba ni de bzhin
 gshegs pa'i sems kyi dbang nyid yin pa'i phyir te/ des na sems med pa yang ma yin no/ /de bzhin gshegs pa rnams kyi sems 'byung ba bstan pa'i tshig gi don la sogs pa bshad zin to/ /de'i 'og tu de bzhin gshegs
 pa rnams kyi spyod yul bstan pa dang/ yul bstan pa gnyis kyi tshig gi don la bshad par bya ste/ de la spyod yul zhes bya ba ni de bzhin gshegs pa thams cad kyi spyod yul thun mongs pa sangs rgyas kyi zhing yongs su dag pa zhes bya ba yin no/
 yul zhes bya ba ni de bzhin gshegs pa thams cad kyi thun mong ma yin pa khams lnga po dag go/ de'i phyir de gnyis bstan pa'i dbang du mdzad nas/ bcom ldan 'das de bzhin gshegs pa'i spyod yul la gsol ba dang/ de bzhin gshegs pa'i yul
 gang lags pa de gnyis la thugs du bgyi ba ci mchis lags zhes bya ba zhugs te 'di man cad ni de bzhin gshegs pa'i spyod yul dang/ yul la shin tu mongs pa'i gnyen por de ma nor bar bstan pa ston to/ /de bzhin gshegs pa'i spyod
 yul ni de bzhin gshegs pa thams cad kyi thun mong ba/ yon tan bsam gyis mi khyab pa dang/ tshad med pa'i rgyan bkod pa'i sangs rgyas kyi zhing yongs su dag pa gang yin pa'o zhes bya ba la thun mong ba zhes bya ba ni byang chub sems dpa' rnams ni
 sangs rgyas kyi zhing so sor rnam par spyod par mi byed kyi mngon par rdzogs par sangs rgyas nas ni sangs rgyas kyi tha dad pa dag na bzhugs te/ zhing mnyam pa'i phyir thun mongs pa zhes bya ba'i gcig pa nyid ni ma yin te/ 'di ltar sangs rgyas so
 longs spyod rdzogs pa'i sku rnams ni 'jug pa'i rnam par shes pa gnas gyur pa'i mtshan nyid yin pas tha dad do/ /chos kyi sku rnams ni kun gzhi'i rnam par shes pa gnas gyur pa yin no/ /sprul pa'i sku ni kun brtags pa'i ngo bo nyid yin pa des
 ni ci yang ma yin no/ /de bzhin gshegs pa'i chos kyi sku'i dbang gis sems can rnams la rnam par rig par snang ba dag kun tu 'byung/ yon tan bsam gyis mi khyab pa dang tshad med pa'i rgyan bkod pa'i sangs rgyas kyi zhing yongs su dag pa gang yin pa'o
 zhes bya ba ni sngar gnas phun sum tshogs pa bstan pa lta bu ste/ des na spyod lam bzhis bzhugs pas spyod yul yin no/ /de bzhin gshegs pa rnams kyi spyod yul bstan pa de yang 'phags pa de bzhin gshegs pa skye ba 'byung ba bstan pa'i mdzes
 de skad ces smras pa dang/ byang chub sems dpa' sems dpa' chen po de bzhin gshegs pa'i rigs su 'byung ba'i dpal gyis/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras byang chub sems
 dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi spyod yul ji ltar khong du chud par bya/ de skad ces smras pa dang byang chub sems dpa' sems dpa' chen po kun tu bzang pos byang chub sems dpa' 
 sems dpa' chen pos de bzhin gshegs pa'i rigs su 'byung ba'i dpal la 'di skad ces smras so/ /kye rgyal ba'i sras byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams
 kyi stang? yul ni chags pa long ba'i spyod yul yin par khong du chud par bya ste/ kye rgyal ba'i sras 'di lta ste dper na de bzhin nyid ni sngon gyi mthar ma byung phyi ma'i mthar mi 'pho/ da ltar byung bar ma grub pa yin no/ /kye rgyal ba'i sras dag de bzhin du byang
 chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi spyod yul yang ma byung ba dang mi 'pho ba dang mngon par ma grub pa khong du chud par bya'o zhes bya ba la sogs pa gsungs
 pa bzhin du blta bar bya'o/ /de bzhin gshegs pa'i yul ni khams lnga po sems can gyi khams dang 'jig rten gyi khams dang/ chos kyi khams dang/ gdul ba'i thabs kyi khams rnam pa thams cad de zhes bya ba la/
 de bzhin gshegs pa'i yul ni sangs rgyas kyi zhing yongs su dag na bzhugs bzhin du de las gzhan pa'i khams lnga po gzhan gang dag tu 'phrin las mdzad pa'o/ /de bzhin gshegs pa rnams kyi yul bstan pa de yang 'phags pa
 de bzhin gshegs pa skye ba 'byung ba bstan pa'i mdo las de skad ces smras pa dang byang chub sems dpa' sems dpa' chen po de bzhin gshegs pa'i rigs su 'byung ba'i dpal gyis byang chub sems dpa' sems dpa' chen po
 kun tu bzang po la 'di skad ces smras so/ /kye rgyal ba'i sras byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi yul ji ltar khong du chud par bya/ de
 skad ces smras pa dang/ byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs pa'i rigs su 'byung ba'i dpal la 'di skad ces smras so/ /kye rgyal ba'i sras
 'di la byang chub sems dpa' sems dpa' chen pos chags pa med pa dang 'jug pa med pa'i shes rab ye shes kyi 'jug pas 'gro ba thams cad kyi yul dang thams cad kyi yul dang/ 'jig rten thams cad kyi yul
 dang zhing thams cad kyi yul dang/ chos thams cad kyi yul dang sems can thams cad kyi yul dang/ sangs rgyas thams cad kyi yul dang de bzhin nyid dbyer med pa'i yul dang/ chos kyi dbyings sgrib pa med pa'i yul dang/ yang
 dag pa'i mdza' med pa'i yul dang/ nam mkha' i khams tshad med pa'i yul dang/ mya ngan las 'das pa'i dbyings kyi yul dang yul med pa yul dang bral ba las de bzhin gshegs pa'i yul khong du chud par bya'o zhes bya ba la sogs pa gsungs
 pa bzhin du blta bar bya'o/ /de bzhin gshegs pa rnams kyi spyod yul dang yul bstan pa gnyis kyi tshig gi don la sogs pa bshad zin to// //de'i 'og tu de bzhin gshegs pa rnams kyi mngon par rdzogs par byang chub pa bstan pa dang/ chos kyi
 'khor lo bskor ba bstan pa dang/ yongs su mya ngan las 'das pa gsum gyi tshig gi don la sogs pa bshad par bya ste/ mngon par rdzogs par byang chub pa zhes bya ba ni yongs su sbyar bar bya ba'i don dang po mngon par rdzogs par byang chub pa ston to/ /chos
 kyi 'khor lo bskor ba zhes bya ba ni rnam par dag pas bden pa bzhi la lan gsum bzlas nas rnam pa bcu gnyis chos kyi 'khor lo bskor ba la sogs pa'o/ /yongs su mya ngan las 'das pa chen po zhes bya ba ni sangs rgyas kyi mdzad pa mdzad nas re
 zhig lkog tu gyur pa'i tshul gyis phung po lhag ma med pa mya ngan las 'das pa chen po ston pa'o/ /de'i phyir de dag gsum bstan pa'i dbang du mdzad nas/ bcom ldan 'das de bzhin gshegs pa'i mngon par rdzogs par byang chub pa gang zags pa dang/ chos kyi
 'khor lo bskor ba gang lags pa dang/ yongs su mya ngan las 'das pa chen po gang lags pa de dag gi mtshan nyid ji lta bur rig par bgyi ba lags zhes bya ba zhus te/ 'di man chad ni de gsum la shin tu rmongs pa'i gnyen por de gsum nor bar
 ston to/ /gting du med pa'i mtshan nyid yin te zhes bya ba la/ chos kyi sku shin tu rnam par dag pa nyid kyi phyir zhes bya bas ni mngon par rdzogs par byang chub pa yang ma yin pa dang/ yongs su mya ngan las
 'das pa chen po yang ma yin par ston te/ mngon par rdzogs par byang chub pa ni yongs su sbyang bar bya ba'i don du yin pa la rnam par dag nas ni chos kyi 'khor lo bskor ba dang/ yongs su mya ngan las 'das pa chen po spros par 'gyur ba'i
 phyir ro/ /sprul pa'i sku kun tu ston pa nyid kyi phyir zhes bya bas ni/ mngon par rdzogs par byang chub pa yang ma yin pa dang/ chos kyi 'khor lo bskor ba yang ma yin pa dang/ yongs su mya ngan las 'das pa chen po med pa yang ma yin te zhes bya ba ston to/ /de dag nyid
 bya ba sgrub pa'i mdzad pa yin pa'i phyir ro/ /de la de bzhin gshegs par byang chub pa ston pa de yang 'phags pa de bzhin gshegs pa skye ba 'byung ba bstan pa'i mdo las/ de skad ces smras pa dang/ byang chub sems dpa' sems dpa' chen
 po de bzhin gshegs pa'i rigs su 'byung ba'i dpal gyis/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras byang chub sems dpa' sems dpa' chen pos de bzhin gshegs pa dgra bcom pa yang
 dag par rdzogs pa'i sangs rgyas rnams kyis mngon par rdzogs par byang chub pa ji ltar khong du chud par bya/ de skad ces smras pa dang/ byang chub sems dpa' sems dpa' chen po kun tu bzang pos byang chub sems dpa' sems dpa' chen po de bzhin
 gshegs pa'i rigs su 'byung ba'i dpal la 'di skad ces smras so/ /kye rgyal ba'i sras 'di la byang chub sems dpa' sems dpa' chen pos sems can gyi don la rnam par spyod pa mnyam pa nyid kyis/ chos thams cad mnyam pa nyid la nem nur med
 pas gnyis su med pa rtogs pa las/ de bzhin gshegs pa'i mngon par rdzogs par byang chub pa khong du chud par bya'o/ /mtshan nyid med pa rtogs pa dang/ rgyu med pa rtogs pa dang/ gnas med pa rtogs pa dang/ mdza' dang dbus med pa
 rtogs pa dang/ sangs rgyas mdza' yas brtogs pa dang/ mdza' dang mdza' med pa yongs su spangs pa dbus na gnas pa rtogs pa dang/ yi ge dang sgra dang brjod pa 'byung ba thams cad rtogs pa dang/ sems can thams cad kyi sems dang spyod pa 'grub pa
 mnyam pa nyid du rtogs pa dang/ bsam pa dang dbang po dang nyon mongs pa dang bag chags dang bag la nyal dang rang bzhin la so sor rtogs pa rtogs pa las/ de bzhin gshegs pa rnams kyi mngon par rdzogs par byang chub pa yongs su chud bar bya'o zhes bya ba
 la sogs pa gsungs pa bzhin du blta bar bya'o/ /de bzhin gshegs pa rnams kyis chos kyi 'khor lo bskor ba ston pa de yang 'phags pa de bzhin gshegs pa skye ba 'byung ba bstan pa'i mdo las/ de skad ces smras pa dang/ byang chub sems dpa' sems dpa' 
 chen pos de bzhin gshegs pa'i rigs su 'byung ba'i dpal gyis/ byang chub sems dpa' sems dpa' chen po kun tu bzang pos 'di skad ces smras so/ /kye rgyal ba'i sras byang chub sems dpa' sems dpa' chen pos de bzhin gshegs pa dgra bcom pa
 yang dag par rdzogs pa'i sangs rgyas rnams kyi chos kyi 'khor lo bskor ba mngon par sgrub pa ji ltar khong du chud par bya/ de skad ces smras pa dang/ byang chub sems dpa' sems dpa' chen po kun tu bzang pos/ byang chub sems dpa' sems dpa' chen po
 de bzhin gshegs pa'i rigs su 'byung ba'i dpal 'di skad ces smras so/ /kye rgyal ba'i sras 'di la byang chub sems dpa' sems dpa' chen pos gtan kun na slong bar byed pa'i tshul gyis de bzhin gshegs pa'i sems la zhugs shing/ mngon par grub pa'i
 chos kyi 'khor lo bskor bar khong du chud par bya'o/ /mdza' dang lta ba thams cad dang bral ba'i phyir 'khor gsum yongs su dag pa'i chos kyi 'khor lo bskor par khong du chud par bya'o/ /nam mkha' i rjes su 'gro bas 'dod chags dang bral ba'i chos kyi 'khor
 lo bskor bar khong du chud par bya'o/ /brjod du med pa'i tshul gyi rjes su 'gro ba med par rab tu phye ba'i chos kyi 'khor lo bskor bar khong du chud par bya'o/ /mya ngan las 'das pa'i ngo bo nyid kyis chos thams cad gtan nye bar zhi ba'i chos kyi 'khor lo
 bskor bar 'khong du chud par bya'o/ /de bzhin gshegs pa'i gsung thams cad du 'gro ba'i phyir yi ge dang sgra dang tshig gi las thams cad kyi 'khor lo bskor bar 'khong du chud par bya'o/ /chos kyi tshul gyi ngo bo nyid yin pa'i phyir grag pa'i sgra bsgrags pa'i ngo bo
 nyid kyi chos kyi 'khor lo bskor bar khong du chud par bya'o/ /sngon gyi smon lam shin tu yongs su sbyangs pa'i phyir gsung gcig brjod pa las sgra thams cad 'byung ba'i chos kyi 'khor lo bskor bar khong du chud par bya'o/ /nang dang phyi rol sbyong bar byed pa'i
 tshul gyis yi ge mi zad pa'i chos kyi 'khor lo bskor bar khong du chud par bya'o/ /chos nyid kyi rjes su 'gro bas gtan mi skye mi 'gag pa'i chos kyi 'khor lo bskor bar khong du chud par bya'o zhes bya ba la sogs pa gsungs pa bzhin du blta bar bya'o/ /de bzhin
 gshegs pa rnams kyi yongs su mya ngan las 'das pa chen po ston pa de yang 'phags pa de bzhin gshegs pa skye ba 'byung ba bstan pa'i mdo las de skad ces smras pa dang/ byang chub sems dpa' sems dpa' chen po de bzhin gshegs pa'i rigs su
 'byung ba'i dpal gyis byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras byang chub sems dpa' sems dpa' chen po de bzhin gshegs pa dgra bcom pa yang dag par rdzogs pa'i sangs rgyas rnams kyi
 yongs su mya ngan las 'das pa chen po ji ltar khong du chud par bya/ de skad ces smras pa dang/ byang chub sems dpa' sems dpa' chen po kun tu bzang pos byang chub sems dpa' sems dpa' chen po de bzhin gshegs pa'i rigs su 'byung ba'i dpal la 'di skad ces smras so/ /
 kye rgyal ba'i sras 'di la byang chub sems dpa' sems dpa' chen po de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po khong du chud par 'dod pas rang bzhin gyi ngo bo nyid khong du chud par blo dang
 ldan par bya ste/ des de bzhin nyid kyi yongs su mya ngan las 'das pa ji lta ba de ltar de bzhin gshegs pa'i yongs su mya ngan las 'das pa khong du chud par bya'o/ /yang dag pa'i mdza' i yongs su mya ngan las 'das pa ji lta ba de ltar/ de bzhin gshegs pa yongs su mya ngan
 las 'das pa khong du chud par bya'o/ /chos kyi dbyings kyi yongs su mya ngan las 'das pa ji lta ba de ltar de bzhin gshegs pa'i yongs su mya ngan las 'das pas khong du chud par bya'o/ /nam mkha' i khams kyi yongs su mya ngan las 'das pa/ ji lta ba de ltar de bzhin
 gshegs pa yongs su mya ngan las 'das par khong du chud par bya'o/ /rang bzhin gyi yongs su mya ngan las 'das pa ji lta ba de ltar/ de bzhin gshegs pa yongs su mya ngan las 'das pa khong du chud par bya'o/ /'dod chags dang bral ba'i mdza' i yongs su mya ngan las 'das
 pa ji lta ba de ltar/ de bzhin gshegs pa yongs su mya ngan las 'das pa khong du chud par bya'o/ /mtshan nyid med pa'i mdza' yongs su mya ngan las 'das pa ji ltar/ de bzhin gshegs pa'i yongs su mya ngan las 'das pa khong du chud par bya'o/ /bdag gi ngo bo nyid
 kyi mdza' i yongs su mya ngan las 'das pa ji lta ba de ltar de bzhin gshegs pa yongs su mya ngan las 'das pa khong du chud par bya'o/ /chos thams cad kyi rang bzhin gyi yongs su mya ngan las 'das pa ji lta ba de ltar/ de bzhin gshegs pa yongs su mya ngan las 'das pa
 khong du chud par bya'o/ /ji lta ba bzhin gyi yongs su mya ngan las 'das pa ji lta ba de ltar/ de bzhin gshegs pa'i yongs su mya ngan las 'das pa khong du chud par bya'o/ /de ci'i phyir zhe na/ 'di ltar chos thams cad ni gdod ma nyid nas gtan ma byung ba ma skyes pa yin pas/
 gdod ma nyid nas gtan ma byung ma skyes pa'i chos gang yin pa de la ni 'bral ba 'ga' yang med pa'i phyir ro/ /zhes bya ba la sogs pa gsungs pa bzhin du blta par bya'o/ /de bzhin gshegs pa rnams kyi mngon par rdzogs par byang
 chub pa ston pa dang/ chos kyi 'khor lo bskor ba ston pa dang/ yongs su mya ngan las 'das pa chen po ston pa gsum gyi tshig gi don la sogs pa bshad zin to// //de'i 'og tu de bzhin gshegs pa la blta ba dang nyan pa dang/ bsnyen bkur
 byed pa las dge ba'i rtsa ba bstan pa'i tshig gi don la sogs pa bshad par bya ste/ de bzhin gshegs pa'i sprul pa'i sku la lta ba dang/ nyan pa dang bsnyen bkur byed pa las bsod nams kyi tshogs skye bar 'gyur ba'o/ /de'i phyir de bstan
 pa'i dbang du mdzad nas/ bcom ldan 'das sprul pa'i sku la blta ba dang/ nyan pa dang/ bsnyen bkur bgyi ba dag gis sems can rnams bsod nams skyed pa de ci'i slad du de bzhin gshegs pa las 'byung bar rig par bgyi lags zhes bya ba zhus te/
 des ni de bzhin gshegs pa bsod nams kyi zhing bla na med pa yin pa la shin tu rmongs pa'i gnyen por de ma nor bar ston to/ /de bzhin gshegs pa la lhag par dmigs pa'i bya ba nyid yin pa'i phyir zhes bya ba ni sems can rnams sprul pa'i sku la blta
 ba dang nyan pa dang/ bsnyen bkur byed pa na/ de bzhin gshegs pa nyid la lhag par dmigs pa'i bsam pa dang sbyor bar byed pa'i phyir/ de la bsod nams skyes pa de bzhin gshegs pa nyid las 'byung ba zhes bya ba ston to/ /sprul pa'i sku yang de bzhin
 gshegs pa'i byin gyi rlabs nyid yin pa'i phyir ro/ /zhes bya ba ni de bzhin gshegs pa'i byin gyis rlabs kyis byung ba'i phyir te/ de ni de bzhin gshegs pa nyid yin par brjod par bya'o zhes bya ba'i tha tshig go /de bzhin gshegs pa la blta ba dang nyan pa dang
 bsnyen bkur byed pa las/ dge ba'i rtsa ba bskyed par bstan pa de yang/ 'phags pa de bzhin gshegs pa'i skye ba 'byung ba bstan pa'i mdo las de skad ces smras pa dang/ byang chub sems dpa' sems dpa' chen po de bzhin gshegs pa'i rigs su 'byung ba'i
 dpal gyis/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras byang chub sems dpa' sems dpa' chen po de bzhin gshegs pa dgra bcom pa yang dag par rdzogs pa'i sangs rgyas rnams la blta
 ba dang/ nyan pa dang bsnyen bkur byed pa las dge ba'i rtsa ba ji ltar khong du chud par bya/ de skad ces smras pa dang/ byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs pa'i rigs su 'byung
 ba'i dpal la 'di skad ces smras so// //kye rgyal ba'i sras 'di byang chub sems dpa' sems dpa' chen pos khom pa mngon par sgrub pa'i blo dang ldan pa'i de bzhin gshegs pa dgra bcom pa yang dag par rdzogs pa'i sangs rgyas rnams la lta
 ba dang nyan pa dang bsnyen bkur byed pa las dge ba'i rtsa ba skyed pa ni don yod pa khong du chud par bya'o/ /de bzhin gshegs pa dgra bcom pa yang dag par rdzogs pa'i sangs rgyas rnams la lta ba dang nyan pa dang/ bsnyen bkur byed pa la dge ba'i rtsa
 ba skye ba ni bar chad med pa'i gnas dang/ gcig tu mthar thug par 'gro ba dang/ bslu ba med pa dang/ bsam pa thams cad yongs su rdzogs par byed pa'o/ /'dus byas kyi spyod pa thams cad mi zad pa dang/ 'dus ma byas rjes su rtogs pa dang/ de bzhin gshegs
 pa'i ye shes rnam par mi rtogs pa dang/ phyi ma'i mdza' i mur thug pa med par gnas pa dang/ rnam pa thams cad kyi mchog dang ldan pa'i rang 'byung gis thob pa las kyang khong du chud par bya'o/ /zhes bya ba la sogs pa gsungs pa bzhin du blta bar bya'o/
 bcom ldan 'das mngon par 'du bgyi ba ma mchis pa 'dra lags na/ ci'i slad du de bzhin gshegs pa'i chos kyi sku kho na las sems can rnams la ye shes kyi snang ba chen po 'byung zhing sprul pa'i gzugs brnyan dpag tu ma mchis
 pa dag kyang 'byung la/ nyan thos dang rang sangs rgyas kyi rnam par grol ba'i lus las ni mi 'byung lags zhes bya ba ni sngar de bzhin gshegs pa la blta ba dang/ nyan pa dang/ bsnyen bkur byed pa las dge ba'i rtsa ba bstan pa'i skabs su sprul pa'i sku yang
 de bzhin gshegs pa'i byin gyis brlabs nyid yin pa'i phyir ro zhes gsungs pa de nyid las glengs te gsungs pa yin par sbyar ro/ /'jam dpal 'di lta ste dper na zhes bya ba la sogs pa'i tshig gi don la zla ba dang nyi ma'i dkyil 'khor ni de dag nyid na
 gnas pa'i sems can mthu chen po dang/ gling bzhi pa'i sems can gnyis kyi las kyis yongs su sbyang ba byas pa'i phyir de dag la snang ba chen po 'byung bar byed do/ /lhag ma ni mdo las 'byung ba bzhin du rig par bya'o/ /bcom ldan 'das de bzhin gshegs
 ba dang/ byang chub sems dpa' byin gyis rlabs kyis mthus/ 'dod pa'i khams kyi mi'i lus phun sum tshogs pa rgyal rigs dang/ bram ze'i rigs shing sA la chen po lta bu rnam/ zhes bya ba la sogs pa dang/ de bzhin gshegs pa la blta ba dang nyan pa
 dang/ bsnyen bkur byed pa las dge ba'i rtsa ba skye ba bstan pa de nyid kyi zhar las glengs te zhus pa yin no/ /tshig gi don gzhan ni go sla bas ma bshad do/ /lus ngan par skye ba yang de bzhin gshegs pa'i byin gyi rlabs kyi mthu las 'byung bar rig par bya'o/
 zhes bya ba ni gang dag lam de dang sgrub pa de ni phyir spong zhing mi snyen par brjod la/ de bzhin gshegs pa la yang kun nas mnar sems kyi sems dang/ khong khro'i sems dang ldan zhing 'chi ba'i dus byed pa de dag de bzhin gshegs pa la dmigs
 pa'i mi dge ba gang yin pa de'i mthu las lus ngan pa thob par 'gyur bas na/ de bzhin gshegs pa'i byin gyi rlabs las 'byung ba zhes bya'o/ /bcom ldan 'das 'jig rten gyi khams yongs su ma dag pa dag na gang ni mod pa lags/ yongs su dag
 pa dag gden gang ni mod pa la/ gang ni dkon pa lags zhes bya ba ni sngar de bzhin gshegs pa rnams kyi spyod yul dang yul bstan pa'i skabs las glangs te zhus pa yin no/ /'on kyang 'jig rten gyi khams dag pa dang ma dag pa dag na mod pa dang
 dkon pa de gnyis gang yang de bzhin gshegs pa'i byin gyis brlabs las byung ba yin pas 'dir de bzhin gshegs pa la blta ba dang/ nyan pa dang/ bsnyen bkur byed pa las dge ba'i rtsa ba skye ba bstan pa'i skabs su bsdu'o/ /'jam
 dpal 'jig rten gyi khams yongs su ma dag pa dag na dngos po brgyad ni mod la gnyis ni dkon te zhes bya ba la sogs pas/ 'jig rten gyi khams yongs su ma dag pa na gnyis dkon pa ni sgrub par byed pa la rnyegs so/ /'jig rten gyi khams yongs
 su dag pa dag na brgyad dkon pa ni dngos po med pa'i don to/ de bzhin gshegs pa la blta ba dang/ nyan pa dang/ bsnyen bkur byed pa las dge ba'i rtsa ba bskyed pa'i gtan tshigs kyi don la sogs pa bshad zin to// //mdzad pa
 phun sum tshogs pa bshad zin to// //de nas bcom ldan 'das la/ byang chub sems dpa' 'jam dpal gyis 'di skad ces gsol to/ /zhes bya ba la sogs pas ni mdo sde le'u bcu pa 'di'i ming ston to/ /dgongs pa nges par 'grel ba'i
 chos kyi rnams grangs 'di zhes bya ba ni mdo sde 'di'i lus spyir snyegs so/ /bstan pa zhes bya ba ni le'u bcu pa 'di nye tshe dang sbyar ro/ /'di'i ming ci lags zhes bya bas ni ming zhus pa bstan to/ /'di ji ltar gzung bar bgyi zhes bya ba ni ming zhus pa'i
 dgongs pa bstan te tha snyad gdags pa'i sgo nas 'di ji ltar gzung bar bgyi zhes bya ba'i tha tshig go/ yang na 'di'i ming ci lags zhes bya ba ni bdag gi don du zhu ba'o/ /'di ji ltar gzung bar bgyi zhes bya ba ni gzhan gyi don du zhu
 ba ste/ chos kyi rnam grangs 'di gzhan dag ji ltar 'dzin du gzhug par bgyi zhes bya ba'i tha tshig/ yang na tshig gnyis mi smos pa ni chos kyi rnam grangs 'di don che ba'i phyir/ dad pas mdun par bya ba'i sems kyis yang du zhu bar byed pa yin no/ /'di ni de bzhin
 gshegs pa'i bya ba sgrub pa nges pa'i don bstan pa yin te zhes bya bas ni ming bstan pa yin te/ de bzhin gshegs pa'i rgyu phun sum tshogs pa dang/ 'bras bu phun sum tshogs pa dang/ mdzad pa phun sum tshogs pa gtan la dbab par bstan pa ni
 de bzhin gshegs pa'i bya ba sgrub par nges pa'i don bstan pa yin te/ de'i phyir 'di de bzhin gshegs pa'i bya ba sgrub pa nges pa'i don bstan pa yin zhes bya bar zung zhig ces bya ba gsungs te/ zhus pa'i tshig gnyis dang go rim bzhin du
 sbyar ro/ /de bzhin gshegs pa'i bya ba sgrub pa nges pa'i don bstan pa 'di bshad ba ni/ byang chub sems dpa' bdun khri lnga stong gis chos kyi sku yongs su rdzogs pa so sor yang dag par rig pa/ thob bar gyur to zhes bya bas ni bstan pa'i 'bras bu rgya
 che ba bstan pa ste/ de la chos kyi sku zhes bya ba ni rtogs pa'i chos kyi sku dang/ bshad pa'i chos kyi tshogs so/ /de ni sa gsum pa la ni 'thob pa yin/ sa bcu pa la ni yongs su rdzogs pa yin/ de bzhin gshegs pa'i sa la ni yongs su 'grub pa
 yin pas/ 'dir chos kyi sku yongs su rdzogs pa so sor yang dag par rig pa thob par gyur to zhes bya bas ni sa bcu po thob par gyur te zhes bya ba'i tha tshig go/ //le'u bcu pa'i tshig gi don la sogs pa bshad zin to// //bcom ldan 'das
 kyi mgur nas bka' stsal ba'i bdud rtsi'i mchog de bsal bar rnam phye 'di/ bris shing gzhan la snang bar bstan pas ni/ /gu Na sh+rI dang sems can thams cad kun/ ma rig mun pa'i sgrib pa rnam dag ste/ shes rab sgron ma mchog ni thob par
 shog/ /'phags pa dgongs pa nges par 'grel pa'i mdo'i rnam par bshad pa rdzogs so// // */ (/lo ts+tsha ba ye shes sdes mdzad pa'i bzang spyod kyi 'grel pa bzhi'i don bsdus nas brjed byad du byas pa/) byang chub sems dpa' kun tu bzang