བོད་ཡིག

e-texts based on the ACIP/ALL Input

dang zla ba ltar gyur cig/ //lo tsA ba'i 'gyur bstan la dpe phyi byas nas bris te/ zhus dag legs par bgyis pa 'dis/ /sems can dpag tu med pa'i don byed par gyur cig/ //sman 'tsho ba'i mdo ? sgrub kyis mdzad pa bzhugs// // rgya gar skad du/ dzI ba sA tra/ bod skad du/ sman 'tsho ba'i mdo/ bam po gcig pa/ thams cad mkhyen pa la phyag 'tshal lo/ /sman pa'i mchog ste nyon mongs nad sel de la phyag bcal nas/ /'phags pa'i brtul zhugs drang srong ma gtogs skyes bu blo ldan pas/ /rlung mkhris bad kan gsum dang 'phrod sbyad bag bya sbyong lam gyis/ /mi lus 'di thob don yod 'tsho ba'i don tsam bstan par bya/ /'dod khro gti mug gsum las rlung mkhris bad kan gsum srid de/ /lus yul dus la sogs pa kun dang bde bcas dbang sgyur zhes/ /drang srong chen pos gsungs phyir de yi khyad par mdor bsdus nas/ /tshul brtags zas dang gnas sbyad dgongs pa nyi tshe 'di brjod pa/ /lus rtsub skems sems rgod tshig mang grang rlung gi mi/ /dmar ser blo rno khro la drod cha dri can mkhris pa'i mi/ /dkar snum tshig g.yung lci la drod chung gnyid chung bad kan mi/ /gnyis dang gsum du 'dres pa yang ni de las shes par bya/ /rgan dang dar dang byis pa rim gyis blta zhing shes par bya/ /dad can grang ba rlung gi yul te tshag dud mkhris pa'i sa/ /rlan tsan snum bag bad kan yul te 'dres ba de las brtag /nad bar srod ni bad kan tho rangs phyi dro rlung gi dus/ /nyi ma phyed dang nam phyed mkhris pa'i dus yin shes par bya/ /dpyid na bad kan ldang steng dbyar stong rlung gsog ston mkhris ldang/ /dbyar smad rlung ldang mkhris gsog dgun stong dgun smad bad kan gsog /ston ni rlung zhi dgun stong mkhris zhi dbyar smad bad kan zhi/ /lus yul dus dag brjod nas ro drug khyad par mdor bstan pa/ /mngar kun bsil te bod kan bskyed de rlung mkhris sel byed na/ /zhun mar bu ram snying gzer gze ma gro dang starka dro/ /mu ga sbrang rtsi skam sa'i sha dang nas dang bu ram snying/ /bad kan sel te nye shing ram nye bad kan mi skyed snyoms/ /tsha ba dro ste mkhris bskyed rlung dang bad kan sel byed na/ /srog chags mkhris pa mkhris sel na le sham ni rlung yang bskyed/ /skyur kun dro ste mkhris pa bskyed cing bad kan rlung sel na/ /skyu ru ra dang bal po se'u ni mkhris pa sel bar byed/ /ku shu mdar ni bsil la dar ba chus bslang mkhris mi skyed/ /kha ba bsil te rlung bskyed bad kan mkhris pa sel byed na/ /shu dag sle tres dro ste 'phrod dang sbyar na rlung yang sel/ /bska ba kun ni bsil te rlung bskyed bad kan mkhris sel na/ /a ru ra ni nyes pa gsum la gnod mi byed de snyoms/ /chad ran bad kan rlung sel mangs na mkhris ba skyed par byed/ /lan tsha dro ste rlung sel bad kan mkhris pa skyed byed na/ /rgyam tsha lce myang tshwa ni mkhris pa la yang gnod mi byed/ /mdar dang bska dang lan tshwa gsum rim pa bzhin mas lci ste/ /skyur dang tshwa dang kha ba gsum ni de bzhin rim bzhin yang/ /kha ba bska dang lan tshwa gsum yang rim bzhin mas rtsub ste/ /mdar dang skyur dang tshwa ba gsum yang de bzhin mngar zhing 'jam/ /rlung mkhris bad kan gsum ga 'dra ste nyid kyis nyid bskyed pas/ /lus dang yul dus zas spyod tshul gcig 'dom na nad ldang ste/ /ji ltar mthun par 'phrod sbyar rlung mkhris bad kan mi ldang phan/ /de phyir 'phrod dang mi 'phrod la sogs tshul bzhin 'dir bstan pa/ /rlung ni mngar snam lci dro de rtsub yang bsil mi 'phrod/ /mkhris pa kha mngar bsil dang 'phros de tsha skyur dro mi 'phrod/ /bad kan snum lci gsil dang mi 'phrod rtsub tsha bskyong dang 'phrod/ /de bas rang gi lus dang dus gnas zas dang 'phrod spyad phyir/ /dpyid zla gnyis ni bad kan bskyed dus yin te nang ldang bas/ /bad kan drang zhing bkru sman skyug sman btang zhing chu chan btung/ /gro nas bsreg sha sgrang rtsi la sogs rtsub bska yang ba bza' / /sbrang chang rgun chang rga chu bu ram chang rnying btung/ /mar tshil la sogs snum lci kha ra skyur po tsha phrom dag /mngar 'jam skyur na bsil bag yang zhing nyin par log mi bya// rlu chas lus bkru mnye shing las bskyod bcag bya ci ran bya/ /gnas kyang ha cang mi tsha mi grang ran dro grib mar 'dug /dbyar stong zla gnyis mar 'bri dus yin nyal po drag shul spang/ /ngal dub mi bya bag 'bras 'o ma mar sar sha dag bza' / /bu ram tshil ni cung zad bza' ste chang nyung yang ba btung/ /'o ma bskol grangs kha ras btab dang dar ba 'thungs na phan/ /lan tshwa skyur zhing na le sham la sogs pa cha sgyur spad/ /chu 'jam tsam gyis lus bkru sgra snyan mnyan zhing gdags/ /chad par reg bya nyin par tsog pur gnyid kyis log na phan/ /gnas kyang bser bu drag po'i dad med dro min bsil bar 'dug /dbyar smad zla ba gnyis na mkhris pa gsog cing rlung sdang ste/ phyi rol tshal lus kyi nang grang nad gsum g.yo bas na/ /rlung nad bsal phyir lus mnye snum bsku? chu bskol bas bkru/ /rlung nad sel nges til mar mas btang dags dang lums kyang bya/ /zas kyang ha cang tsha min mngar skyur med par ran par sbyar/ /pho ba drod bskyed bag dang mar tshil? sbrang rtsi bar 'ga' bza' / /yos dang 'bras chen mar khu blug dang zan dron sha dag bza' / /chang yang cung zad btung ste chu dang chu 'grogs spang par bya/ /rlan la mi 'dug mi 'gro lus la char pas gsher mi bya/ /stobs dang drag shul ngal zhing dub par gyur ba'i bag dang yang/ /nyin mtshan mi bde nyin par mi log nyal po brtun byed spang/ /gnas kyang rlan med rlung mi ldang la bsil bar stan gding 'dug/ ston zla gnyis ni mkhris pa skye ba'i dus yin nad ldang bas/ /bsil mngar bkru sman btang zhing gtang kas khrag kyang ci ran dbyung/ /kha zhing mngar la bsil ba'i sman yang rtag tu bza' bar bya/ /dus 'di'i chu ni dug med gtsang dang bkrus shing 'thungs na phan/ /zas kyang 'bras nas sran ma sbrang rtsi kha ra sha la sogs/ /mngar zhing kha la yang ba mar sar 'o ma bza' zhing btung/ /char lci drag po'i ro yod mi btung ra ror mi bya ste/ /tshil dang til mar mi bza' bril par mi 'gro 'dug mi bya/ /tsha ba'i zas dang yul yang zla grogs yid du 'ong ba bsten/ /chu 'jam tsam gyis lus bkru gos kyang dri ma med pa bgo /rgyan dang dri zhim lus la gdags shing nyi tshan mi lde ste/ /gnas kyang dro min bser bus mi phog bsil bag can la 'dug/ dgun stong dgun smad zla bzhi phyi grang nang tsha bad kan gsog/ gos dror bgo zhing rlan dang lhags la bag bya nyi ma'ang sde/ /zas kyang sha tshon rus khu mar mig snum bag 'grangs par gza'/ /mngar sgyur lan tshwa drod? bag cher bza' gsar tog 'bru dag bza' / /ran par sna tshogs chang btung ngal ba'i las dag byas kyang sla/ /rtsal bcag lus sbyang skabs skabs mgo lus til mar bsku zhing mnye/ /de rjes skyu ru ral sogs pa sman bskol chus kyang bkru/ /gnas kyang bsro khang dron por me dang stan stug ldan par 'dug /dbyar stod tsha dus dbyar smad rlung dus bkru sman mi btang ste/ /dgun stong dgun smad grang dang rgas la skyug sman gtang ka spad/ /dgun gnyis dbyar stod lums dugs mi bya nad kyis gzir kyang sla/ /de ltar yin yang lus dang nang du gar mthun brtsam par bya/ /rlung mkhris bad kan gsum dang 'phrod pas 'tsho ba'i mdo brjod nas/ bag byed spyod lam can dag ring du 'tsho phyir yang bstan pa/ /med smra cir yang chos dang rigs pa gzhan dag gsum la 'jom/ /sngar byas nang nub bsam zhing skyon dor phyin chad bag cher bya/ /byed pa gang la rdul med rang nyam med cing 'dod chen spang/ /nga rgyal longs spyod spyi brtol che min shed dman zhum mi bya/ /sdig grogs spang zhing dge gshes bsten te gtong smos dge bcu spyad/ /gsong des tshul chags gzhan la gnod min mi la byams par bya// lha dang rgyal por nyer bsam lung mnyam yid dang mthun par bsgrub/ /rgyal po'i sras dang rma ni chud yang mi bsnyas bag cher bya/ /spyod lam sgyu mas mi bslu bka' khrims yul chos bsrung/ /gzhan gyis spyas skyon mi brjod gtogs 'dod gtum chos 'gran mi bya/ /dge slong slob dpon pha ma'i gong du mi 'gro sri zhu skyed/ /dge sbyong drang srong srog chags ya mtshan gnyan gtong sbrul mi brtse/ /ma rtogs shing chen mchod rten drud dang lam mdo phug stong dang/ /sems can mang du bsad pa slo sa dur khrod nyal mi bya/ /gnyan pa'i mtsho dang chu mig bzang por mi bkru mi bshal te/ /rdo shing dgon pa'i shing chen mi bcad pha bod gzhom mi bya/ /mchod rten rgyal mtshan Arya'i grib ma maN+Dal mi 'gom zhing/ /mi ro gtor ma yas btags hom khung thal? khung bcag mi bya/ /nam mkha' ban bun nyi ma phyed dang dmar thag chad pa'i tshe/ /mi bza' mi btung yi ge klog min nyal po las dad spang/ /nyi ma la sogs 'od zer phra sngags mi ring ring mi blta/ /lha khang sgor mi nyal te ri sna grog snar gnas mi bca' / /ya mtshan shes drag mi bsten bud med dog mi mnyan/ /bud med rgan la mi rgyo rtsal rgyo smra 'gros dub mi bya/ /gad ma che zhib ring du rgod dang dud mo drag po spang/ /rtag tu mi 'dug ring du mi 'greng ci nus rin par bcag /sprid pa lud pa kha chu mchi ma snabs phyen bshad gcig yal/ /mi dgag ma bsgrus bkres skom nad gnyid gnag min myur du bsal/ /nyal po skegs pa lud pa la sogs tshe lus 'dzing mi gcu/ /glal na kha dag ba sbrid pa smra tshe ha cang kha mi bgrad/ /sen mo ring du mi bzhag bregs te phan tshun brung mi bya/ /mgo lus lag pas mi brdab mgo la drag tu mi sprug ste/ /don med sa mi bri zhing lag pa mi brngab chu mi bri/ /mi nu bzhin du lci mi 'degs te mya ngan mnan mi bye/ /dpyid dang dbyar stong ston ni phyugs mar dus gzhan til mar gyis/ /rtag tu mgo dang rkang mthil ba sku zhing bar bar lus kyang bsku/ /ston dpyid ma yin res 'ga' sna dang rna bar til mar blug /skyer ba'i khaN+Da stang zil dag gis bar bar mig kyang bsku/ /rtag tu lus kyi byi dor bya zhing sman sngags rin chen gdags/ /bser bu drag po mi ro'i dri dang dung pas phog mi bya/ /chu tshas mgo lus mi bkru bkru sman skyug sman btang ba la/ /cham pa mi zhus btab ste mgo lus mi bkru snum mi bsku/ /skya reng shar nas cog bor 'dug ste de ring ci bya bsam/ /langs nas so shing bca' zhing kha yi skyon gsal lag gdong bkru/ de nas sman mchog a ru ra ni rtag zos bdud rtsi yin/ /lug gi mar min mar sar zhun mar rgas sra tshe ring ste/ /'di la sogs pa lus dang tshe la phan pa'i sman zos na/ /byug pa rgyan dang gos kyis shin tu mdzes byas lha yang mchod/ /de nas sri zhu'i gnas dang 'khor la snyan brjod 'dzum bstan nas/ /rje dpon las dang bdag gzhan don la nan tan brtson 'grus bskyed/ /dus bzhir dro ba ran par zas bza' ngoms par skom btung ste/ /thug pa? khu tshan la sogs snum lci drod kun sngar bza' zhing/ /'bras la sogs pa bsil yang phyis bza' phrad med phyi ma bkam/ /bab chol ha cang 'grangs par bza' min myong par chad mi btung/ /'bras kyis 'grangs rjes phye zan mi bza' drod rjes skom mi btung/ /skyom ran par 'thungs na lus rta nang na rgan la gsod/ /ro drug gang yang gcig la cher zod nad ldang ran par sbyar/ /'grangs pa'i rjes la nyal po bad stobs rta rgyug la sogs spang/ /shing tog ldam ldum mangs na nad ldang ba mos phog pa gnod/ /dbyar zla 'bring po tshes la sdam ldum bza' drags nad du 'gyur/ /nad can lums kyis drangs te mgyogs na nad ldang skran du 'ong/ /mchin pa g.yer ma spangs te zos na cung zad snying la gnod/ /zas mchog sbrang rtsi mar rnying cha mnyam zos na dug bzhin gnod/ /mi mnyam che chung byas kyang zos rjes chang chu 'thungs na gnod// ma langs zho dang langs ma thag gi zho dron nad kun klong/ /chu bya dbyar spang ldum mchog ki lun dbyar zla 'bring po'i sman/ /sman 'thungs sha ba'i sha gnod ga gon zhor 'dres rims su 'gyur/ /bcod bsreg sbrang rtsir mi 'phrod lhan cig zos na 'chi bar 'gyur/ /ke'u 'am gnag sha lhan cig zos na skran du 'gyur/ /dgun stong rgya g.yer zos na snying na drags na mig kyang ldod/ /mar chil zos dang mi 'phrod lta ba bza' drags na so 'byung/ /phra do mang du zos na rlung dang lus g.ya' ste/ /nub mo chu 'thung 'chang gnon la phug snying dang sha skam spang/ /nya dang kha tsha mar tshal mi 'phrod snod kyang gcig mi bya/ /nya dang 'o ma lhan cig mang zos nang gzer ma gnod/ /shing tog chang la sogs te skyur dang shang tshe la phug rlon/ /yungs rnyings 'di rnams gang yang 'o mar 'phrod min mang zos gnod/ /'o tshan 'thungs rjes chu bgrog 'thungs dang rgya sran nag po gnod/ /zla ba sbyang gis zin tshe zan zos so na shu ba 'byung/ /gnag sha sha rta lhan cig zos na lus la g.yan ba 'ong/ /gnag sha phag sha lhan cig zos na lto yi srin bur 'gyur/ /nya dang khyim bya'i sha gnyis lhan cig zos na skran du 'gyur/ /khyim bya'i sgo ra'i spri dang sgog skya zos na dbugs mi bde/ /khyim bya'i sha dang ri bong sha gnyis lhan cig zos na cu zad 'khru/ /sha mo yungs mar nad du brdos pa zos na lus la gnod/ /ma nu'i sa bon ka tsam tsi dang sbrang rtsir 'phrod ma yin/ /la phug bu ram mi 'phrod zho dang bya gag shar mi 'phrod/ /de ltar 'phrod zas goms dang rtag tu 'chag pa dang/ /lang tsho 'ju slas zos dang nyung na gnod ba med dang bsre/ /'phrod pa'i zas zos phyi dro'i las byas na ma sros bde bar nyal/ /de ltar nan tan bag byas mi tshe tshad bzhin 'tshe des pas/ /skyes nas la bsku'i? bar du sma mi dbab cing rang gar bzhag/ de nas nyi shu lon te lo bcur bslab dang rtsol bar bya/ /de nas lnga bcu lnga lon sum cu rtsa lnga khyud khor du/ /longs spyod grags pa'i yul srid gtam byas nas/ /lnga bcu lnga lon phyin chad chos lam yum gyi tshad bsgrub phyir// dge la brtson bskyed thos rig goms byed lus sems ci bder gnas/ /de ltar sus chus mi lus thob pa'i don yod skyed cing dge/ slob dpon 'phags pa klu sgrub snying pos sman pa rnams la brdzangs pa/ /sman 'tsho ba'i mdo tshigs su bcad pa rdzogs so// //slob dpon klu sgrub kyis bshad pa sman a ba'i cho ga/ sman a ba 'di ni lus kyi rus pa chag pa dang/ rkang lag gi rus pa chag pa dang/ 'phres pa dang/ kha bye ba dang/ tshigs 'bur ba dang/ smad te rma chen po byung ba dang/