<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4440: skyes pa'i rabs kyi rgya cher bshad pa<br><table><tr><td>
<input type="button" onclick="location.href='tcompletep.php?id=N4440&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4440&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4440&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">skyes pa'i rabs kyi rgyud slob dpon 'phags pa dpa' bos mdzad pa rdzogs so// //rgya gar gyi mkhan po bidyA ka ra sid+ha dang/ /zhu chen lo tsA ba bande many+dzu sh+rI barmmas bsgyur te zhus nas gtan la phab pa// //
 */ (/dpa' bo'i skyes rabs kyi rgya cher bshad pa bzhugs so//) //rgya gar skad du/ dza ta ka mA la TI kA/ bod skad du/ skyes pa'i rabs kyi rgya cher bshad pa/ bcom ldan 'das ngag gi dbang po la phyag 'tshal lo/ /thub pa'i legs spyod rmad byung dpag med pa//
 snyan ngag mkhan po 'phags pa dpa' pos bkod/ /bdag blo zhan kyang gus pas bshad pa ni/ /blo chung dag la phan phyi rab tu brtsams/ /dpal ldan zhes bya ba la sogs pa'i tshig bcad 'di ni 'og nas 'byung ba'i snyan ngag mdza' dag gis bsdus pa'i
 don yin te/ /bsod nams dang ye shes kyi tshogs kyi rang bzhin byang chub sems dpa' i spyod pa'i dbang du byas nas bdag gis snyan ngag 'di bya'o zhes bya ba ni tshigs su bcad pa 'di yi bsdus pa'i don no/ /de la pha rol tu phyin pa drug ste/ /sbyin
 pa dang tshul khrims dang/ bzod pa dang/ brtson 'grus dang/ bsam gtan dang/ shes rab kyi pha rol tu phyin pa'o/ /pha rol tu phyin pa de dag las dang po'i pha rol tu phyin pa gsum po sbyin pa dang/ tshul khrims dang/ bzod pa'i pha rol tu phyin pa ni
 bsod nams kyi tshog te/ 'khor ba'i 'khor dang/ longs spyod phum sum tshogs pa'i rgyur gyur pas so/ /bsam gtan dang/ shes rab kyi pha rol tu phyin pa gnyis ni rnam par grol ba'i rgyur gyur pa yin par nges par gzung ngo/ /brtson
 'grus kyi pha rol tu phyin pa ni gnyis ka'i phyogs la brten pa yin no/ /gang dag la dpal yod pa de ni dpal ldan te/ gzi mdangs bzang po dang ldan pa yin no zhes bya ba'i bar du ste/ dpal dang/ 'od dang/ 'bar ba zhes bya ba ni rnam grangs so/
 'dir dpal zhes bya ba smos pas ni/ /bsod nams kyi tshogs kyi 'bras bu ste/ 'khor ba'i longs spyod dang/ 'khor phun sum tshogs pa bzung ste/ sbyor ba 'dis zhes bya bar sbyar bar bya'o/ /yon tan dam pas yongs
 bzung bkra shis pa zhes bya ba ni yon tan yang yin la dam pa yang yin pas yon tan dam pa'o/ /yang na yon tan bzang po yin pas yon tan dam pa'o/ /yang na skyes bu dam pa rnams kyi yon tan yin pas so/ /yongs bzung zhes bya ba
 ni 'di dag gis yongs su bzung bas na'o/ /yon tan dam pa yang yin la yongs su bzung ba yang yin pas yon tan dam pas yongs bzung ngo/ /de dag gi bkra shis yin pas yon tan dam pas yongs su bzung bkra shis pa'o/ /de la yon
 tan ni gzhan la phan pa kha na ma tho ba med pa'i bsod nams la 'jug pa'o/ /gal te de ni de lta na dam pa zhes smos pa ci zhig dgos zhe na/ byang chub sems dpa' ma yin pa yang gzhan la phan pa la 'jug pa de dag ni bdag la phan pa dang 'brel
 pa'i dngos po ston cing yon tan gyi 'bras bu yod par gyur te/ /gang zhig ce na/ nyan thos dang rang sangs rgyas lta bu ste/ de'i yon tan ni rang gi rgyud las byung ba'i nyon mongs pa 'joms pa dang/ yongs su bsngo bar byed pa ste/ snga ma ni de lta bu ma
 yin pa'i phyir ro/ /yang na yongs su bzung ba yin pas na yongs su bzung ba ste/ yon tan dam pa rnams kyis yongs su bzung bas na yon tan dam pas yongs bzung ngo/ /yon tan dam pas yongs su bzung ba'i bkris pa ni yon tan dam pas
 yongs bzung bkra shis pa'o/ /bkra shis zhes bya ba ni dge shis dang/ dge byed do/ /grags pa'i gzhir gyur ces bya ba ni grags pa'i gzhir gyur pas na grags pa'i gzhir gyur te/ grags pa'i gnas su gyur pa zhes bya ba'i don to/ /
 'dis ni mngon du 'gro bas de'i spyod pa ston pa yin no/ /gal te de lta yin na ni/ byang chub sems dpa' yin pa gzhan brgya byin dang/ pa ba bsangs dang/ skem byed dang/ nye dbang la sogs pa'i spyod pa dag la yang grags pa'i gzhir gyur pa
 yong ce na/ smras pa/ ma smad shin tu yid du 'ong zhes smras so/ /grags pa ni snyan pa ste/ rnam grangs so/ /ma smad ces bya ba ni smad pa ma yin pas na ma smad pa ste/ des rang gi rgyud brgyan cing 'jig rten las 'das par gyur pas so/ /yang na ma smad
 bar ni mchod par 'os pa'i gzhir gyur pa ste ma smad pa'o/ /de bas na de nyid yid du 'ong ba ste/ ma smad shin tu yid 'ong ngo/ /'dis ni spyod pa de'i ye shes kyi tshogs gzhan la phan par ston pa yin no/ /'jig rten pa rnams la yang/ shes pa ni
 yod mod kyi tshogs ni ma yin te/ 'dis sangs rgyas pa'i rgyur gyur pa dang/ sangs rgyas su 'jog par byed pas tshogs so/ /yid 'phrog par byed pas yid du 'ong ba'o/ /sku tshe snga ma rnams su zhes bya ba ni 'di ltar sngon gyi mdza' i skye ba nas
 gang du mngon par rdzogs par byang chub pa'i bar brnyes pa'i skye ba de ni mdza' i bar ro/ /thub pa zhes bya ba ni gsum thub pas na thub pa ste/ bcom ldan 'das so/ /yang na nyon mongs pa skye ba 'gog pas na thub pa'o/ /de'i spyod pa ni spyod pa ste
 tshul lo/ /de'i spyod pa rmad du byung ba yin pas spyod pa rmad du byung ba ste spyod pa ngo mtshar ba'o/ /yang na de'i spyod pa 'das par gyur pas mi mthong ba ste/ brgya la zhig na nye bar dmigs pa yin pas rmad du byung ba rnams so/ /gus pas zhes bya ba ni
 dga' zhing zhes pas zhes bya'o/ /'dis ni bsam pa phun sum tshogs pa ston pa yin no/ /rang gi snyan ngag yin pas bdag gi snyan ngag go /bdag gi snyan ngag nyid me tog yin pas bdag gi snyan ngag me tog go /me tog bzhin du me tog gi mchod
 pa'i yo byad dang chos mthun pa yin pa'i phyir ji ltar de me tog la sogs pa'i snyim pa ste/ bdag gi snyan ngag me tog snyim pa'o/ /snyim pa ni lag pa gnyis sbyor ba'o/ /yang na me tog gi snyim pa yin pas me tog snyim pa'o//
 rang gi snyan ngag nyid me tog snyim pa yin pas na bdag gi snyan ngag me tog snyim pa'o/ /des na bdag gi snyan ngag me tog snyim pa zhes bya ba 'dis ni mchod pa'i yo byad cung zad tsam du bstan te/ me tog gi gnas dag la snyan ngag nye bar bstan  
 pa yin no/ /de ltar ni 'dis ni sbyor ba phun sum tshogs pa bshad pa yin no/ /grags pa'i mtshan mar gyur pa 'di rnams kyis zhes bya ba dang/ 'jig rten don 'gyur zhes bya ba la sogs pa'i tshigs su bcad pa gnyis ni snyan ngag brtsams
 pa'i dogs pa bstan pa yin te/ dgos pa dang/ dgos pa byed pa gnyis kyis bsdus pa'i don te/ tshig bcad 'di gnyis kyis bdag dang gzhan gyi don mdza' dag 'di las 'byung bar bstan to/ /de la gzhan gyi don mdza' ngag la bsams
 te/ grags pa'i mtshan mar gyur pa zhes bya ba'i tshigs su bcad pa bstan te/ 'di rnams kyis zhes bya ba ni sngar bshad pa'i bsod nams dang ye shes kyis yongs su bzung ba des na grags pa zhes bya bar grags pa byed pa yin te rab
 tu bsngags pa'o/ /ji ltar grags pa yin zhe na smras pa/ mngon snang mtshan mar gyur pa zhes smos te/ sems can rnams kyi mngon par snang ba'i mtshan mar gyur pa ste/ 'dis ni gnas kyi khyad par gyis spyod pa'i khyad par bshad pa yin no//
 yang na mngon par snang ba yang yin la/ mtshan mar gyur pa yang yin pas mngon snang mtshan mar gyur pa'o/ /'dis ni de'i spyod pa dag gis skye bo kun la phan par ston par bshad de bsdus pa'i don to/ /grags pa zhes bya ba ni dge shes so//
 'di rnams kyis zhes bya bas ni spyod pa ste mngon snang mtshan mar byas pa'o/ /de gang gi zhe na/ sangs rgyas nyid kyi'o/ /mtshan mar gyur pa ni rtags su gyur pa dang/ mtshon par gyur pa'o/ /bde bar gshegs 'gyur lam zhes bya ba ni bde bar gshegs
 par 'gyur ba yin pas bde bar gshegs 'gyur ro/ /mdzes par gshegs pas ni bde bar gshegs pa'o/ /de kho na nyid ni phyin ci ma log pa'o/ /lam rnams zhes bya ba ni 'phags pa'i lam yan lag brgyad pa'o/ /gang yin zhes bya ba na gang gi phyir ro//
 bstan pa ni bshad pa ste rab tu ston pa yin no/ /yid la dad pa med pa rnams kyang zhes bya ba la/ 'dir yang zhes bya ba ni de yang de ltar gyur zhes pa ste/ kyang gi sgra ni srid pa'i tshul lo/ /yang na yid la dad pa med pa rnams kyang de bzhin du 'gyur ba ste gzhan
 dag gi yang ngo/ /'dir kyang gi sgra yang srid pa'i tshul nyid do/ /chos dang ldan pa'i gtam gyis rab tu dga' ba zhes bya ba ni grags pa'i spyod pa 'di rnams kyis rab tu dga' bar 'gyur ba'i phyir ro/ /ji ltar zhe na/ 'dir nyan pa tha mal pa rnams gang
 gi phyir rab tu dga' bar 'gyur ba yin pas so/ /nges na yang skye bo tha mal pa la mngon par brtags nas 'bad pa brtsam mo zhes bya bar sbyar ro/ /de la skye bo'i bye brag kyang rnam pa gsum ste/ dad pa dang ldan pa dang/ dad pa nyams pa dang/ tha mal
 pa'o/ skye bo de gsum gyi don du mngon par brtags shing 'bad nas bya'o zhes bya ba ni tshigs bcad 'di'i bsdus pa'i don no/ /de la skye bo dad pa dang ldan pa'i dbang du byas nas/ bstan par gyur pa ni bde bar gshegs 'gyur lam rnams gang yin
 zhes bya bas bstan to/ /dad pa nyams pa'i dbang du byas pa ni yid la dad pa med pa rnams kyang dad par 'gyur zhes bya'o/ /tha mal pa'i dbang du byas pa ni chos ldan pa'i gtam gyis rab dga' bar 'gyur zhes bya ba yin no/ /de la chos ni rnam pa
 bcu gnyis brjod pa'i rnam pa'o/ /gtam yin pas na gtam de rab tu dga' ba'o/ /rab tu zhes bya ba ni lhag par zhes bya ba dang/ rab tu zhes bya ba'i dbye bas so/ /'gyur zhes bya ba ni 'ong bar 'gyur ba'o/ /'jig rten
 gyi don ni 'jig rten la phan pa'i phyir ro/ /mngon par brtags zhes bya ba ni bltas nas brtsams so zhes bya ba'i tshig don no/ /'bar zhes bya ba ni kun la sbyar bar bya'o/ /thos pa dang gtsug lag dang rigs pa ni thos dang gtsug lag rigs pa dag
 ste/ thos pa ni nyan pa'o/ /gtsugs lag ni sangs rgyas kyis gsung pa'o/ /rig pa ni rig pa'i bstan bcos so/ /yang na rig pa ni tshang ma'o/ /mi 'gal ba ni skyon dang bral ba'i lam ngag gis so/ /'bad pa ni mngon par spro ba'o/ /'jig rten mchog
 gi spyod pa zhes bya ba ni 'jig rten ni skye dgu'o/ /mchog ni gtso bo'o/ /spyod pa ni spyod pa'o/ /dam pa zhes bya ba ni lhag pa'o/ /phyogs tsam zhes bya ba ni phyogs gcig go /mnyan par rung ba ni mnyan du rung ba'o/ /shes par 'gyur ba yin pas na shes
 par rung ba ste/ snyan ngag go /rtogs pa ni nye bar 'dul ba'i don du'o/ /mnyan par ni rna ba'i dbang pos so/ /rung bar bya ba ni dga' bar bya ba'o/ /rang don brtson pas zhes bya ba la rang gi don ni rang la phan pa'o/ /brtson pa ni mngon par brtson pa'o//
 yang gi sgra ni srid pa'i tshul lo/ /gzhan don brtson zhes bya ba ni gzhan gyi don la spyod pa yin pas gzhan don brtson pa'o/ /yon tan sgrub pa bzang po zhes bya ba la sgrub pa ni phun sum tshogs pa'o/ /bzang po ni bzang por gyur pas so/ /rjes su
 mthun ma gyur zhes bya ba ni de'i rjes su ma gyur ces bya ba'o/ /yang na rang don brtson pa ni nyan thos dang rang sangs rgyas te/ des kyang rjes su mthun par ma gyur pa ste/ de bzhin gshegs pa'i yon tan la yongs su gcod pa 'am/ skyed par
 mi nus na skye ba'o gzhan dag gis lta smos kyang ci dgos zhes bya ba'o/ /thams cad mkhyen pa zhes bya ba ni thams cad thugs su chud pa'i phyir thams cad mkhyen pa'o/ /'di ltar ma nor ba ni phyin ci ma log pa'o/ /gsal ba ni snang bar gyur pa'o/ /grags
 pa ni snyan pa'o/ /chos dang dge 'dun dang bcas pa ni chos dang dge 'dun dang lhan cig pa'o/ /spyi bo ni mgo bo'i gtsug gis so/ /'dud ces bya ba ni des phyag 'tshal bar byed pa'o/ /bcom ldan 'das de sems can thams cad la rgyu med par byams pa'i
 ngo bo nyid yin zhes bya ba ni phyogs so/ /'byung po kun la dga' bzhin du gyur pa zhes bya ba ni gtan tshigs so/ /'di skad thos te/ byang chub sems dpa' zhes bya ba ni dpe'o/ /sems can zhes bya ba ni skye dgu'o/ /thams cad ni lus pa med pa'o/ /rgyu med par
 zhes bya bar ni dgos pa med par ro/ /rab tu zhes bya ba ni yang dag par rab tu dang pa'o/ /byams pa ni gnyen gshin pa dang ldan pa'o/ /ngo bo nyid ces bya ba ni rang bzhin no/ /'byung po kun zhes bya ba ni sems can thams cad do/ /bdag bzhin du gyur pas
 zhes bya ba ni bdag dang mnyam pas so/ /sku tshe snga ma la yang zhes bya ba ni byang chub sems dpa' i dus na'o/ /sangs rgyas bcom ldan 'das zhes bya ba ni rang bzhin gyis 'jig rten la de bzhin nyid du rab tu ston pa yin pas na sangs rgyas kyi
 yon tan bshad pa'o/ /bcom ldan 'das zhes bya ba ni bdud bzhi bcom pas na bcom ldan 'das te/ de bas na gtso bo ste dam pa de la sems dang bar bya ba ni dad par bya ba'o/ /de yang zhes bya ba ni dkon mchog gsum mo/ /'di skad thos
 zhes bya ba ni rgyud pa yin par ston to/ /bdag cag gi bla ma dkon mchog gsum bla mar byed pa gang yin pa de dag ni bla ma dkon mchog gsum bla mar byed pa'o/ /sgrub pa'i yon tan ni tshul khrims kyi sgrub pa'i yon tan de/ skyon med cing
 'dren mar ma gyur pas bla ma rnams te/ slob dpon dang/ mkhan po dang/ 'phags pa dga' mgu bar bya'o/ /yon tan gyi tshogs ni yon tan bsags pa ste des bdag gi bla mar gyur pa'o/ /mkhan po dag gis yongs su
 bsgrags pa ni bsags par smra ba dag bstan pa'o/ /'di zhes bya ba ni ston pa yin te/ ci zhig ston pa yin zhe na/ bcom ldan 'das kyi sku tshe snga ma zhes bya ba ni byang chub sems dpar gyur pa'i 'o/ /rtogs pa brjod pa spyod pa'i mtshan ma'o//
 byang chub sems dpa' ni byang chub sems dpas na byang chub sems dpa' o/ /dam bcas pas khyad par can zhes bya ba dang po sems skyed pa de dang rjes su mthun pa ste/ bcom ldan 'das shAkya thub pa 'dis so/ /dam bcas pa khyad par can ni  
 dam bcas pa dam pa'o/ /de gang yin zhe na/ sangs rgyas te de dang mthun pa ni 'dra ba'o/ /gang byin pa de ni sbyin pa'o/ /tshig snyan pa ni gtam snyan pa'o/ /don spyod pa ni phan pa spyod pa'o/ /sogs zhes bya ba la sogs pa'i sgra ni don mthun pa dang
 gzhan yang yon tan dag go /don mthun par spyod pa ni don mthun pa ste dge ba'i chos so/ /gzhan yang yon tan gyi chos rnams yongs bzung ngo/ /shes rab kyis yongs su zin pa zhes bya ba ni 'dis yongs su gzung bas na yongs su zin
 pa ste/ shes rab nyid kyis yongs su gzung ba'i phyir shes rab kyis yongs su zin pa'o/ /shes rab kyis bzung bas na skyon med pa ste ma smad pa'o snying rje'i rgyu mthun pa zhes bya ba ni snying rje'i rgyus snying rje dang rjes su mthun pa ste/ rgyu mthun pa ni
 rgyu dang 'dra ba'i tshig go /yongs su 'dzin pa ni mgu bar byas pa'o/ /rang gi chos yin pas na rang gi chos te las rnam pa drug go /de yang mchod sbyin dang/ mchod sbyin byed du 'jug pa dang/ 'don pa dang/ 'don du 'jug pa dang/ sbyin pa dang
 len pa'o/ /chos de rnams las mngon par dga' ba las gyur pa'i rigs kyi gtsang sbra spyod pa gang yin pa de ni rang gi chos la mngon par dag pa las gyur pa'i gtsang sbra'i spyod pa ste/ de la gtsang sbra ni dag pa'i spyod pa ste/ dag par spyod pa'i tshul
 kun tu spyod pa'o/ /chen po zhes bya ba ni rigs gzhan la bltos pas chen po'o/ /je mtho je mthor zhes bya ba ni skyes shing skyes pa na'o/ /yang na mtho ba'i rigs de las byang chub sems dpa' mtho bar gyur pa'i phyir ro/ /skye ba zhes bya ba ni 'byung bar
 'gyur ba'o/ /yongs su bzung ba ni thob par byas pa'o/ /grag go zhes bya ba ni mngon sum du ma gyur pa'i tshig go /de zhes bya ba ni byang chub sems dpa' o/ /skyes pa'i las ni rum skyed pa dang/ ming gdags pa dang/ kha zas sbyin pa dang/ gtsug phung bya
 ba dang/ tshangs skud dags pa dang/ gtsug phud bcing ba dang/ ska rag bcing ba la sogs pa bzung ngo/ /spyad pa rims bzhin du byas pa ni go rims bzhin du spyad pa byas pa'o/ /mngon par skyes pa zhes bya ba ni mngon bar 'phel ba na'o/ /rang bzhin
 gyis yid gzhungs pa ni ngo bo nyid kyis yid gzhungs pa'o/ /mgon skyabs kyi khyad par ni mgon skyabs kyi sbyor ba'o/ /ched cher 'dzin pa nyid lta ba yin te/ shes pa la gcig tu lta ba zhes bya ba'i don to/ /le lo ni snyom las te/ de med pa ni le lo
 med pa ste/ ring por ma thog pas zhes bya ba ni yun thung dus zhes bya ba'i don to/ /rigs pa'i gnas bco brgyad ni 'di lta ste/ rol mo dang/ 'khrig thabs dang/ 'tsho tshis dang/ grangs can dang/ sgra dang/ gso ba'i dpyad dang/ bzo dang/ 'phong
 spyad dang/ gtan tshig kyang sbyor ba dang/ rnal 'byor dang/ thos shing dran pa dang/ skar ma'i spyad dang/ rtsis dang/ mig 'phrul dang/ sngon gyi rabs dang/ de bzhin du bye brag pa dang/ don gyi 'phreng ba dang/ rig pa'i bstan bcos dang/ yongs su 
 brtag pa'o/ /de bzhin du yang bdag gi rigs zhes bya ba ni bram ze'i rigs la gnas pa las ma 'das pa ste/ mi 'gal ba ni bram ze'i gnas pa las ma 'khrul pa'o/ /sgyu rtsal rnams zhes bya ba ni sgyu rtsal mdza' dag
 ste/ /snyan ngag dang/ glu dbyangs dang/ glegs 'dri mkhan dang/ 'thab mo dang/ rol mo dang/ mtshan ma dang/ me tog gi las kyi sbyor ba dang/ dmag mi bkod pa dang/ rtsis dang/ g.yos kyi las dang/ bud med kyi mtshan nyid dang/ skyes pa'i
 mtshan nyid dang/ gar dang/ tshong dang/ shing 'jog pa dang/ 'dri ba dang/ rtsig pa'i las dang/ ri mo'i las dang/ sog le'i las dang/ khyim sa brtag pa'i mtshan nyid dang/ rin po che brtag pa dang/ sku gzugs kyi mtshan nyid dang/ glang po
 che brtag pa dang/ gzhad gang dang/ bro gar dang/ lus kyi sku mnye dang/ ltas shes pa dang/ hor dz+nyA na nor sgyur mkhan dang/ gter shes pa dang/ mchod sbyin gyi chog shes pa dang/ mtshon cha brtag pa dang/ lugs kyi bstan bcos shes pa dang/
 mig 'phrul shes pa dang/ bzhon pa dang lhan cig spyod pa dang/ de la sogs pa'i sgyu rtsal drug cu rtsa bzhi'o/ /rang gi rigs ni bram ze'i rigs so/ /slob dpon dam pa'i go 'phang ni slob dpon dam pa'i go 'phang ste/ dam pa'i khyad par thob par gyur
 zhes pa'o/ /rig byed shes la bya pa smos te/ de zhes bya ba ni byang chub sems dpa' o/ /rig byed shes la zhes bya ba de tshangs pa shes pa'o/ /tshangs pa bzhin zhes bya ba ni tshangs pa bzhin gyur pa'o/ /rgyal po zhes bya ba ni ji ltar yul na gnas pa'i
 rgyal po bzhin du skye dgu rnams la mdzes pa yin te/ bkur pa ni zhes dang mchod pa mang pos so/ /gnas ni snod du gyur pa'o/ /skyes dgu rnams ni don spyod pa ste/ sprin las char bab ba lta bu yin te/ brgya byin ni mig stong ldan no/ /mngon
 sum ni mngon sum nyid do/ /shes 'dod rnams ni shes par 'dod pa'i slob ma rnams so/ /don spyod ni phan par 'dod pa ste/ ji lta bu'i pha lta bur ro/ /de zhes bya ba ni byang chub sems dpa' o/ /skal ba dang yon tan zhes bya ba ni skal ba dang yon
 tan te/ skal ba dang yon tan nyid khyad par du gyur pa yin pa'i phyir skal ba dang yon tan khyad par du gyur pa'o/ /de yang dag par sogs pa yin pas skal ba dang yon tan khyad par du gyur pa dang ldan pa'o/ /skal ba ni bsod nams so/ /yon tan
 ni pha rol tu phyin pa drug go/ /byad? par ni lhag pa'o/ /ldan pa ni mngon du byas pa'o/ /rnyed pa ni dbyig dang gser la sogs pa'o/ /bkur sti ni mchod pa'o/ /chen po ni mang po ste mang po'i sgra ni re re la sbyar na rnyed pa chen po dang bkur sti chen po'o/ /grags pa ni  
 snyan par grags pa'o/ /khyad par ni khyad par du 'phags pa ste/ byung bar gyur te zhes bya ba ni byung ba zhes bya ba'i tha tshig go /byang chub sems dpa' de'i blo ni sems so/ /chos la goms pa zhes bya ba la chos ni rnam pa gnyis te/ khyim na gnas pa'i
 chos dang/ mngon par 'byung ba'i chos so/ /khyim na gnas pa'i chos goms shing bsgoms par gyur kyang de rnyed pa la sogs pa de la mngon par dga' bar ma gyur te/ rab tu byung ba dang 'dris par byas pa zhes bya ba rab tu byung ba la 'dris par byas
 pas na byang chub sems dpa' de rab tu byung ba la dga' zhing/ de la dga' bar ma gyur pa ni mngon par dga' ba med pa yin no/ /sngon gyi spyod pas de la blo yongs su dag pa ces bya ba ni skye ba gzhan la des yongs su dag par byas pa ste/ gang gis
 blo yongs su dag pa de ni blo yongs su dag pa'o/ /'dod par bya ba yin pas 'dod pa rnams so/ /mngon pa ni rtogs pa'o/ /skyon mang zhes bya ba ni bsags pa dang/ bsrung ba dang/ nye bar spyod pa'i kun nas nyon mongs pa la sogs pa'i mngon
 pa'i nyes pas so/ /khyim na gnas pa nad bzhin yod spangs nas zhes bya ba ni nang ni mi bde ba'o/ /yongs su spangs pa ni yongs su dor ba'o/ /nags tshal gnas shing zhes bya ba ni nags kyi phyogs gcig go /
 brgyan par gyur zhes bya ba ni bsdud pa'o/ /der ni zhes bya ba ni byang chub sems dpa' o/ /der ni zhes bya ba ni nags kyi gnas der ro/ /chags med ces bya ba ni zhen pa med pa ste/ chags pa med par gyur pa'i phyir chags pa med pa'o/ /de yis
 zhes bya ba ni chags pa med pa de yis zhes 'dren pa yin no/ /shes rab yongs su sbyangs pa ni shes rab dag pa'o/ /zhi ba ni nye bar zhi ba'o/ /mi'i 'jig rten zhes bya ba ni mi'i 'jig rten du'o/ /dam pa ni gzhung lugs ston par byed pa'i skyes
 bu dam pa de dag gi rjes su spyod pa ste/ rjes su 'jug cing dbang po sdom pa'o/ /bral ba ni med par gyur pa'o/ /ngan pa ni 'jig rten ngan pa bzhin du spyod pa ste/ ngan pa byed pa yin pas ngan pa spyod pa'o/ /chags pa ni zhen pa'o/ /bzlog pa ni gsal
 ba'o/ /byams pa'i rang bzhin zhes bya ba ni byams pa'i ngo bo nyid kyis so/ /rab zhi zhes bya ba ni nye bar zhi ba nyid do/ /de'i zhes bya ba ni byang chub sems dpa' i'o/ /rnam par brlan pa zhes bya ba ni rnam par brlan cing 'jog pa'o/ /sems mthun
 zhing zhes bya ba ni mi mthun pa med pa'o/ /phan tshun ni gcig la gcig go /med ba zhes bya ba ni ldog pa ste/ de gang las ldog pa yin zhe na/ gnod pa'i dngos po ste kun nas gnod pa'i sems las so/ /dka' thub can bzhin zhes bya ba ni drang
 srong bzhin du'o/ /gcan zan khro bo ni seng ge dang/ stag dang/ dom la sogs pa'o/ /spyod ces bya ba ni spyod pa dang ldan pa'o/ /spyod pa dag pa ni gzhung lugs dag pa'o/ yang na spyod pa dag pa ni bdun las ldog pa'o/ /dbang po dul ba zhes bya ba ni dbang
 po dag par bsdams pa'o/ /chog shes pa ni ngan don can gyi chog shes pa'o/ /bza' ba dang bgo ba la sogs pa'i rgyus so/ /snying rje'i yon tan zhes bya ba ni goms pas so/ /'jig rten ni snod kyi 'jig rten no/ /skye bo ni de na gnas pa'i skye bo
 la brjod do/ /ma 'dris pa ni yongs su 'dris par ma gyur pa'o/ /'ang gi sgra ni srid pa'i don no/ /ji ltar byang chub sems dpa' skye bo la byams par gyur pa de bzhin du ma 'dris pa'i skye bo yang byang chub sems dpa' de la byams par gyur to/ /'dod pa chung
 pa ni yongs su bzung ba la rgyab kyis phyogs pa yin te/ chog shes pa'o/ /ngan g.yo zhes bya ba ni rnyed pa dang bkur sti'i ched du spyod lam 'chos ba'o/ /mi shes pa ni mngon par mi shes pa'o/ /chags pa ni/ rnyed pa dang/ grags pa dang/ bde ba
 dag la'o/ /'dis ni chags pa med par bstan pa yin no/ /de ni zhes bya ba ni byang chub sems dpa' o/ /lha rnams kyi yid kyang mgu bar gyur pas dang zhing gus pa la rab gzhol ba ni rjes su mthun pa'o/ /byed pa ni byed pa dang ldan pa'o/ /de ni zhes bya
 ba ni byang chub sems dpa' o/ /rab tu byung ba ni rtag dang ldan par byas zhes bya ba'i don to/ /mis zhes bya ba ni skye bos so/ /thos zhes bya ba ni rna ba'i dbang po gtang pa las so/ /de nas zhes bya ba ni de ma thag tu'o/ /yon tan zhes bya ba ni sbyin
 pa dang/ tshul khrims dang/ nges pa la sogs pa'o/ /sems drangs nas zhes bya ba ni yon tan 'dzin par byed pa sems yin pas so/ /rnam spangs te zhes bya ba ni yongs su dor ba'o/ /de gang yin zhe na/ gnyen dang yongs su bzung ba ste/
 gnyen ni pha dang ma dang 'brel pa'o/ /yongs su bzung ba ni/ dbyig dang/ gser dang/ glang po che la sogs pa'o/ /de'i slob ma zhes bya ba ni/ byang chub sems dpa' de'i slob mar nye bar khas blangs pa'o/ /ji ltar zhe na/ 'di ltar dngos grub
 ba lta bur ro/ /yang na de'i slob ma ni/ dngos grub bzhin du ste bya ba rnams grub pa bzhin du'o/ /gyur pa ni thob pa'o/ /tshul khrims ni so sor thar pa'i sdom pa'o/ /gtsang ba bslab pa'i gzhi yang dag par bsrungs pa la sogs
 pa'o/ /dbang po dul ba ni dad pa la sogs pa yongs su bzung ngo/ /sgom pa ni goms pa'i sbyor bas so/ /dran pa zhes smos pas ni dran pa nye bar gzhag pa gzung ngo/ /ma nyams pa ni dran pa sngon du 'gro bas dran pa nye bar gnas pa'o/ /rab tu 
 dben pa ni rab tu dben par byas pa ste/ lus ngag yid gsum rnams dben par gnas pas so/ /byams pa zhes bya ba la sogs pa smos pas ni snying rje dang/ dga' ba dang/ btang snyoms bzung ngo/ /yid ni sems so/ /ting nge 'dzin ni bsam gtan
 no/ /ci nus zhes bya ba ni gang gang la ci nus pa ste ji ltar nus pa'o/ /dang po tshul khrims la gzhag par ston to/ /tshul khrims la gnas nas dbang po'i sgo sdom pa'o/ /de la sogs pa'i rim pa ji ltar 'tsham pa bzhin du ci nus pa ste/ stobs ji
 lta ba bzhin du rjes su ston pa zhes bya ba'i don to/ /slob ma de gang yin zhe na/ de nas zhes bya ba ni de ma thag pa'o/ /bdag nyid chen po zhes bya ba la/ bdag nyid chen po gang la yod pa de la bdag nyid chen po ste/ tshul khrims la sogs pa yod
 pa'o/ /de zhes bya ba ni byang chub sems dpa' o/ /re zhig ces bya ba ni dus gang gi tshe na'o/ /slob ma'i tshogs zhes bya ba ni slob ma 'dus pa rnams so/ /phal cher zhes bya ba ni mang du'o/ /yongs su rdzogs pa ni bya ba rnams mthar phyin pa'o/ /rgya che ba
 ni yangs? par gyur pa zhes bya ba'i don to/ /dge ba ni de dag pa'o/ /lam ni lam ste/ 'phags pa'i lam yan lag brgyad pa'o/ /rab tu bkod pa ni rnam par bzhag pa'o/ /'jig rten pa rnams zhes bya ba ni slob ma'i mchog tu bzung ba yin no
 yang na 'jig rten tha mal pa'o/ /des pa ni mya ngan las 'das pa'o/ /nges pa'i lam ni 'phags pa'i lam yan lag brgyad pa de nyid sbyar bar bya'o/ /btsud pa ni yang dag par zhugs par byas pas so/ /ngan song ni dmyal ba dang/ dud 'gro dang/
 yi dwags la sogs pa'o/ /sgo ni 'jug par byed pa ste/ bcad pa ni bkag pa'o/ /de 'gro zhes bya ba ni mdzes par 'gro bas bde 'gro'o/ /yang na lha dang mi yi mya ngan las 'das pa'o/ /lam po che ste rgyal po'i lam srang bzhin du zhes bya ba ni dpes nye
 bar 'jal ba ste/ ji ltar bram ze'i khye'u seng ge lta bu'o/ /byas nas zhes bya ba ni byas par gyur nas zhes pa yin no/ /tshe 'di la zhes bya ba ni mthong ba'i chos la'o/ /bde bar spyad pa'i phyir zhes bya ba ni tshangs pa'i gnas bzhi ste/ de yang gcig tu
 bde ba yin pas des gnas pa'i phyir spyod pa'o/ /de'i tshe zhes bya ba ni sems can gdul ba rnams 'dul ba'i tshe'o/ /yang na de'i tshe zhes pa ni slob ma smin pa'i tshe na'o/ /slob ma'i tshul can yin pas na slob ma'o/ /mi 'pham pa ni byams pa 'di'o//
 rjes su mthun pa zhes bya ba rjes su 'gro ba'o/ /rnal 'byor dang mthun pa ni zhi gnas dang lhag mthong dang rjes su mthun pa'i gnas so/ /ri sul ni ri'i sman ljongs dang/ phug dang tshang tshing dang bcas so/ /gnas shing spyod pa ni spyod cing 'dug
 pa'o/ /de nas zhes bya ba ni de ma thag pa'o/ /ri'i khrod ni ri'i khrod de sul dag go /de na ni zhes bya ba ni de'i tshe na'o/ /stag mo ni stag mo nyid do/ /phrug gu 'brangs par gyur pa zhes bya ba ni btsas par gyur pa'o/ /btsas pa'i nad kyis sdug bsngal ba
 nyid ni nyon mongs pa'o/ /skyon ni de'i skyon gyis ltogs shing nges shin tu gzir ba'i sdug bsngal gyi dbang du gyur te'o/ /spyod pa nyams par gyur zhes bya ba ni 'gro ba nyams pa ste mi nus par gyur pa'i phyir ro/ /mthong ba ni shes pa'o/ /gang
 la mig zung yod pa de ni mig gnyis lta ba'o/ /lta ba ni mig go /gnyis ni zung ngo/ /nyan par gyur pa ni mig phugs? su zhugs pa'o/ /bkres pa ni za bar 'dod pa'o/ /lto ba ni gsus pa ste rab tu rnyed pa ni rab tu zhum
 par gyur pa ste/ btsas pa'i nad kyis lho? rab tu zhum par gyur pa'o/ /kha zas zhes bya ba ni bzang ba bzhin du mthong bar gyur pas so/ /de gang yin zhe na phrug gu ste shin tu gzhon pa'i gzugs can no/ /bdag gi zhes bya ba ni rang gi'o/ /bu zhes bya
 ba ni rang las skyes pa'o/ /ma zhes bya ba ni 'dzin pa'o/ /yid gcugs 'jigs med ces bya ba ni dogs pa med par ro/ /nu zho ni nu ma nas/ 'ong ba'o/ /'dod phyir zhes bya ba ni srid pa ste/ 'thung bar 'dod pa'o/ /lhags pa zhes bya ba ni nye bar phyin
 pa'o/ /stag skad ces bya ba ni skad rtsub pa'o/ /nyer nyer skad 'byin cing zhes bya ba ni sgra'i khyad par las bya ba yin te/ 'jigs su rung bas bsdigs pa dang skod pa'o/ /gzhan gyis zhes bya ba ni pha rol gyi'o/ /bzhin zhes bya ba ni dpes nye bar
 'jal ba'o/ /byang chub sems dpas stag mo de mthong nas/ brtan yang snying rje'i dbang gyur pas zhes bya ba ni brtse ba'i dbang du gyur pas 'dar bar gyur pa'o/ /ci'i phyir 'dar zhe na/ gzhan gyi sdug bsngal gyis so/ /ji ltar 'dar zhe na/ sa
 g.yos pa'i ljon shing lta bur ro/ /sa ni 'byung ba'i rten no/ /ljon shing ni shing ste/ ji ltar sa g.yos pas na shing 'gul ba de bzhin du byang chub sems dpa' gzhan gyi sdug bsngal gyis 'dar ro zhes bya ba'i don no/ /bdag gi sdug bsngal
 chen po zhes bya ba ni rang gi sdug bsngal chen po la yang brtan pas yi chad pa dang/ sgyid lug pa spangs pa yin no/ /snying rje'i bdag nyid ces bya ba ni snying rje'i bdag nyid du gyur pa'o/ /gzhan gyi zhes bya ba ni pha rol gyi'o/ /chung du ni cung zad
 tsam gyis kyang ngo/ /sdug bsngal ni 'phongs pa'o/ /'dar bar gyur pa zhes bya ba ni gnod par gyur pa'o/ /de zhes bya ba ni de'i phyir ro/ /rmad do zhes bya ba ni ngo mtshar ro zhes bya'o/ /de nas zhes bya ba ni de ma thag pa'o/ /byang chub sems dpa' brtabs shing
 rings pa'i tshig gang yin pa de ni rings rings skad du smra ba'i tshig bzlas pa ste/ ji lta bu zhes bya ba lta bu'o/ /rang bzhin khyad par can gsal ba zhes bya ba la rang bzhin ni ngo bo nyid do/ /khyad par can ni dam pa'o/ /gsal bar ston pa zhes bya ba ni
 rab tu ston pa'o/ /snying rje ni brtse ba'o/ /dbang gis zhes bya ba ni spro bas so/ /tshig 'bru zhes bya ba ni yi ge'o/ /gsal ba zhes bya ba ni sems ma 'khrul pa'o/ /slob ma ni ma pham pa'o/ /smras pa ni bstan pa'o/ /bu bu zhes bya ba ni rtag par zlas pa'o
 'khor ba ni 'khor bar byed pas na 'khor ba'o/ /yon tan med pa zhes bya ba ni yon tan phyir rgol bar gyur pas so/ /ltos zhes bya ba ni ltos shig ces pa'o/ /gcan gzan mo zhes bya ba ni gcan gzan gyi rigs so/ /byams pa ni brtse zhing dga' ba dang rjes su
 'brel ba'o/ /mtshams ni rnam par gnas pa'o/ /'das pa ni brgal ba'o/ /bdag gi bu zhes bya ba ni rang gi bu'o/ /'di skad bstan te/ byams pa'i mtshams su byas pa ste/ stag mo gang yin pa des 'das par byas zhes pa'o/ /e ma zhes
 pa ni ngo mtshar du gyur pa'o/ /kyi hud ces bya ba ni skyo ba dang rjes su brtse bas so/ /kyi hud ces bya bas ni dka' bas so/ /bdag la byams pa ni bdag la dga' ba'o/ /mi bzang ngo zhes bya ba ni snying rje med pa'o/ /gang gi phyir zhes bya ba ni gang
 gis so/ /ma ni skyed par byed pa'o/ /yang gi sgra ni srid pa'i tshul lo/ /bu ni bu'o/ /bza' bar ni za ba'o/ /'dod pa ni mngon par 'dod pa'o/ /gang gi phyir zhes bya ba ni gang gi rgyus so/ /'di 'dra'i zhes bya ba ni bu za bar 'dod pa de'i las ston par byed
 pa yin no/ /las ni bya ba'o/ /kyang gi sgra ni srid pa nyid do/ /byed pa ni byed par gyur pa'o/ /rtsol ba de lta bu zhes bya ba ni rab tu gnas pa dang/ 'bad pa dang 'jug pa'o/ /bdag la byams pa ni bdag la dga' ba'o/ /'di
 zhes bya ba ni nye bar ston pa yin no/ /dgra ni sha khon can no/ /su zhig ces bya ba ji ltar zhes pa'o/ /'phel bar byed pa ni skyed par byed pa'o/ /yod ces bya ba ni 'os zhes bya ba'i don to/ /de bas na zhes bya ba ni de'i phyir zhes bya ba ste/ bu za bar 'dod pa
 de bas na 'tshol cig pa'o/ /myur du zhes bya ba ni rings par ro/ /'tshol cig pa ni btsal ba ste/ des bu za bar mi 'gyur ba de ltar 'tshol cig pa'o/ /gang zhig nas zhes bya ba ni ji ltar yod do/ /'di zhes bya ba ni stag mo'o/ /bkres pa'i sdug
 bsngal ni zhes bya ba ni de 'dod pa'i tshor ba'o/ /gsal ba ni gso ba'o/ /rgyu ni rgyu nyid do/ /ji ltar mo bdag dang phrug gu rnams ma rung bar mi 'gyur bar zhes bya ba ni stag mo dang phrug gu gnyis te/ bu dang bdag nyid ma rung bar ma gyur pa zhes
 bya ba ni 'chi bar ma gyur pa'o/ /dag pa gnyis smos pa ni don gyi rang bzhin smos par byed pa ste/ 'chi ba nyid kyis 'chi bar 'gyur ba'o/ /mo bdag la gnod pa ni bu bsang ba'i sdig pas 'jig rten pha rol du ngan song du 'gro ba'o/ /bdag kyang
 'di zhes bya ba 'dis ni byang chub sems dpa' rang gi lus kyi sbyin pa yin pa la bsams nas smras pa'o/ /des zhes bya ba ni slob ma'o/ /de bzhin du bgyi'o zhes nas so/ /de zhes bya ba ni byang chub sems dpa' las de'o/ /mnyan te zhes bya
 ba ni mnyan nas so/ /de'i zas zhes bya ba ni stag mo dang sbyar ro/ /'tshol ba ni btsal ba'o/ /'bad pa ni nan te/ de byas par gyur to zhes bya ba'i don to/ /de nas zhes bya ba ni de ma thag pa'o/ /byang chub sems dpa' zhes bya ba ni byang chub kyi
 phyir sems pas na byang chub sems dpa' o/ /slob ma de zhes bya ba ni ma pham pa'o/ /snyan btags te zhes bya ba'i don dang ldan par byas te'o/ /btang ba ni gzhan du btang ba'o/ /bsams pa ni bsams pa la zhugs pa'o/ /yod bzhin du zhes bya ba ni ldan
 bzhin du'o/ /tshang ba zhes bya ba ni ma lus pa'o/ /tshang ba zhes smos pa ni gzhan dag 'di ltar ma gyur pa'i phyir te/ la la yan lag ma tshang ba las ni yongs su gtong ba dang ldan pa yin no zhes mi 'dzin pas so/ /lus ni 'jig pa'i bdag nyid pas lus
 ci phyir zhes bya ba ni ci'i rgyus so/ /gzhan la zhes bya ba ni gzhan dag gi ste sha'o/ /btsal ba ni bslang bar bya ba'o/ /de zhes bya ba ni slob mas kyang ngo/ /gtol med ces bya ba ni glo bur du rnyed dam mi rnyed ma nges zhes bya ba'i don to/ /gang gi phyir bdag gi
 dgos pa zhes bya ba ni rnyed pa phun sum tshogs pa'o/ /dgos pa mi 'grub srid ces bya ba ni bya ba mi 'grub cing 'jig par 'gyur zhes bya'o/ /gnyis su na zhes bya ba ni gzhan yang ngo/ /bdag med ces bya ba ni bdag dang bral ba'o/ /'jig la zhes
 bya ba ni 'jig pa'i ngo bo nyid yin pas so/ /snying po med pa ni snying po med pa'i bdag nyid de chu shing gi sdong po lta bu'o/ /sdug bsngal zhes bya ba ni gnod pa sna tshogs kyi gzhir gyur ba yin pas sdug bsngal lo/ /drin med ces bya ba ni gang phan pa
 byas pa gang yin pa de yang 'jig par byed pa'i phyir ro/ /rtag tu zhes bya ba ni dus thams cad du'o mi gtsang ba ni phyis dang/ gcin dang/ mchil ma la sogs pa 'dzag pa'i phyir mi gtsang ba'o/ /lus ni lus so/ /gzhan la zhes bya ba ni gzhan gyi
 don du'o/ /phan thogs par gyur pa ni nye bar sbyor bar gyur ba la'o/ /dga' bar mi 'gyur ba ni mi dga' bar gyur pa'o/ /mkhas pa ni rtogs pa'o/ /bdag ni bde ba la chags zhes bya ba ni rang gi bde ba la zhen pa'o/ /gzhan gyi sdug bsngal yal bar 'dor ba ni tha mal
 bar ni 'dug pa nyid do/ /mthu med dam zhes bya ba ni/ spro ba nyams pa'o/ ngam zhes bya ba'i sgra ni rnam pa gnyi gar brtag pa'o/ /gzhan gyi sdug bsngal zhes bya ba ni de gzhan la sdug bsngal yod pa ste/ 'di ltar gzhan
 dag sdug bsngal bas sdug bsngal bdag la bde ba med do/ /nus pa yod bzhin du zhes bya ba ni skyes bu'i byed pa ste/ 'di ltar lus yongs su gtong ba'o/ /ci ste zhes bya ba ni ci'i phyir yal bar 'dor bar byed ces bya ba yin no/ /nus pa yod
 bzhin zhes bya ba ni ldan pa ste skyes bu'i byed pa'o/ /bdag gis zhes bya ba ni bdag nyid kyis so/ /gal te yal bor zhes bya ba ste/ gal te tha mal bar bdag 'dug na'o/ /gsod pa'i dgra ni phas kyi dgra ste gsod par 'dod pa'o/ /sdug bsngal
 bying ba zhes bya ba ni phongs par bying ba zhes bya ba'i don to/ /sdig par byas pa bzhin zhes bya ba ni bdag gis te phyi nas yid la gcags pa'i phyir ro/ /bdag gi sems ni rang gi sems so/ /de 'gyod pa'i ma nges sems kun tu tshig pa yin
 te/ ji lta bu zhe na/ 'di ltar mi chen pos 'dam bu 'am rtswa dag tshig pa yin no/ /de bas zhes bya ba ni de'i phyir ro/ /bsrung bar bya ba ni bsrung ba'o/ /lus zhes bya ba la/ /ka zhes bya ba'i sgra ngan par bstan to/ /g.yang sar lhung ba la thug
 pa yin pas de'i phyir gang gi srog thug pa yod pa ste lus kyi'o/ /thug pa zhes bya ba ni nye bar 'dod pa'i srog dang ldan pa'i lus zhes bya ba'i don to/ /phrug gu bca' ba ni phrug gu song ba las so/ /gcan mo ni stag mo'o/ /de'i phrug gu ni
 de'i bu'o/ /gzhan yang zhes bya ba ni gzhan yang yod par bstan pa'o/ /yang na gzhan yang zhes bya ba ni 'di ltar yang bstan pa yin te/ 'di ltar mdo'i tshig bstan pa ni yang dag par 'dzin du 'jug pa'o/ /spro ba bskyed pa ni yang dag par
 gzeng bstod pa'o/ /de la bstan pa ni rab tu bshad pa'o/ /gang la bshad pa yin zhe na/ gang 'jig rten la phan par brtson pa rnams so/ /'jig rten na sems can no/ /phan brtson ni phan 'dogs par byed pa'o/ /brtson 'grus zhan pa ni rlongs pa ste/
 pha rol gnod pa gzhan pa dang/ spro ba chung ba rnams so/ /dga' ba bskyed pa ni tshim par bya ba'o/ /su zhe na gang zhig sbyin pa gtong phod pa ste/ de gang yin zhe na/ mgon med zas sbyin la sogs pa'o/ /gtong ba ni btang ba'o/ /phod pa ni rlabs che ba
 nyid do/ /skye bo dam pa zhes bya ba ni bag yod pa la gnas te/ byang chub sems dpa' dang/ skyes bu dam pa dag go /yid dang ba ni 'dren pa'o/ /'di skad ston pa yin te/ skyes bu dam pa rnams kyi sems 'dren par byed pa yin no zhes bya ba'i don
 to/ /yang na bdag las skyes pa ni bu bu las bstan pa ni rab tu ston pa'o/ /brtson pa ni 'bad pa'o/ /spro ba bskyed par ni gzeng bstod pa'o/ /yid rang ba ni yid rang bar bya ba'o/ /bdud ni 'dod pa'i lha'o/ /chen po ni mang po nyid do/ /sde ni tshogs so//
 spa bkong ba ni sems zhum par bya'o/ /yang na spa bkong ba ni yid skyo bar bya ba'o/ /sangs rgyas kyi yon tan ni sangs rgyas kyi chos ma 'dres pa bco brgyad do/ /gzhan yang dran pa nye bar gzhag pa la sogs mdza' dag go /dga' ba ni yon tan la
 dga' ba'o/ /dad pa ni sems dad pa'o/ /gang de dag la mngon par dad pa dang ma dad pa rnams kyang dang bar 'gyur ro/ /bdag gi don brtson zhes bya ba ni bdag gi don la gzhol ba'o/ /ngo tsha zhes bya ba ni ngo tsha'i gnas kyis so/ /'jungs dang 'dod chen
 zhes bya ba la/ 'jungs pa ni kun tu bzung ba'i yo byad kyi tshogs yongs su mi gtong pa'i ngang tshul lo/ /'dod chen zhes bya ba ni zhes pas bzung ba ste/ gzung ba dang rjes su 'brel pa'o/ /de ltar des ni 'jums pa dang 'dod chen pa'i sems nye
 bar bcom pa yin te/ ngo tsha skyed par gyur ba yin no/ /dad pa bskyed pa ni dang bar byed pa yin te/ su dag zhe na/ theg pa mchog la brten pa rnams so/ /theg pa zhes bya ba ni nyan thos dang rang sangs rgyas kyi theg pa'o/ /mchog
 gi sgra ni rang sangs rgyas kyi theg pa yongs su bzung ngo/ /brten pa rnams kyang theg pa gsum la brten pa dad pa'o/ /ngo mtshar med pa zhes bya ba ni ya mtshan med pa ste/ /su zhig zhe na/ gtong ba byas pa rnams kyi ste/ sbyin pa chung ngus snyems pa de
 rnams kyi ngo mtshar gzhig pa'o/ /sbyad phyir zhes bya ba ni dag par bya ba'i phyir te/ gang gi phyir zhe na/ mtho ris lam chen zhes bya ba yin no/ /gtong la dga' ba zhes bya ba ni sbyin par 'dod pa rnams te/ su dag ce na/ byang chub sems dpa' sbyin
 pa rtul phod pa rnams so/ /gtong la dga' ba zhes bya ba la sogs pa'i tshig bcad mdza' dag la de bas lus kyi yongs su bsrung bar bya zhes sbyar ro/ /de'i 'brus yod par bya zhes bya ba ni de'i 'brus gang yin pa de 'bras bu dang bcas par
 bya ba ste/ yid la sems pa'i smon lam mo/ /bya ba mchog kyang bdag gis nye bar bya zhes bya ba ni bdag gis bya'o zhes sbyar ro/ /de bas lus kyi yongs su bsrung bar bya ba'i dang po'o/ /tshigs su bcad pa lngas ni rim pa bzhin du bcad
 pas dus gsum gyi sems can gyi don sgrub pa'i phyir mngon par brtags cing nges par byas pa ste/ rang gi lus btang bas stag mo dang stag phrug gnyis yang dag par bsrungs pa ni de ltar gzhan gyi don no/ /'jig rten phan brtson rnams
 la bstan zhes pa'i dang po ni tshig bcad gsum gyis ni ma 'ongs pa'i sems can thams cad kyi don bstan to/ /phun sum tshogs pa skyed pa la mngon brtags nas lus tsam gyis kyang nam zhig phan thogs par gyur zhes pa la sogs
 pas ni 'das pa'i dus kyi lus kyis gzhan la phan par bya ba yin no/ /smon lam ni 'dod pa'i don no/ /'bras bu yod par bya ba'i phyir yang bdag gi lus btang bar bya ste/ de yis bsams pa'i smon lam 'das par gyur ba yin pas de'i smon lam
 sgrub pa ni 'das pa'i sems can rnams kyi don zhes brjod do/ /byang chub mchog kyang nye bar bya zhes bya ba 'di la kyang gi sgra ni gzhan gyi sgra ma yin par ston to/ /byang chub kyi mchog thob pa ni gzhan gyi don bya bas so/ /'gran phyir ma yin zhes
 bya ba la sogs pa'i tshig bcad 'di'i bsdus pa'i don ni 'di yin te/ mthong ba'i chos dang/ mngon par mtho ba dang/ nges par legs pa'i 'bras bur bcas pa dang 'brel ba'i phyir bdag gis byas pa ma yin par ston to/ /mtho ris 'dod dang rgyal
 srid sgrub phyir min zhes bya ba ste/ 'jig rten rnams ni gzhan phal cher zil gyis mnan pa dang/ bdag nyid kyi yon tan 'byung ba'i phyir dge ba rnams la brtson par byed do/ /de gnyi ga ma yin pa'i phyir 'gran phyir ma yin grags pa'i don phyir
 min zhes bya'o/ /'di gnyis kyis ni mngon par mtho ba 'dod pa ma yin par ston to/ /mtho ris 'dod dang rgyal srid bsgrub phyir min zhes bya ba ste/ 'di gnyis kyis ni mngon par mtho ba'i lhar skye ba dang/ mi rigs khyad par can tu skye ba mi 'dod par
 bstan to/ /bdag gi bde ba mchog ni thob phyir min zhes bya ba 'dis ni nges par legs pa don du mi gnyer pa yin/ bdag gi bde ba mchog ces bya ba ni bdag bde ba mya ngan las 'das pa thob pa yin te/ de la yang brtson par mi byed do zhes pa
 ste/ /smras pa/ /gzhan don sgrub phyir ro zhes bya ba smos te/ gzhan don sgrub pa zhes bya ba bshad pa'i gzhan don sgrub pa de gang yin zhe na/ gzhan gyi don sgrub pa ste/ gzhan gyi don sgrub pa'i rnam pa don du gnyer ba'o/ /de bas bdag ni zhes
 bya ba nas mthong zhing thos sam zhes bya ba'i tshigs bcad 'dis ni mngon par mtho ba las brtsams te/ 'dis zhes bya ba ni rang gi lus sbyin pa'i dge bas so/ /dus gcig tu zhes bya ba ni cig car sdug bsngal
 gsal ba dang bde ba 'byung bar gyur cig pa'o/ /mngon par mtho ba las brtsams te/ mthong zhing thos sam zhes bya ba'i tshigs su bcad pa la/ reg gam zhes bya ba ni lus dang ngo/ /gtam du brjod par gyur kyang zhes bya ba ni chos bstan
 pa dang mnyan pas so/ /rnam kun tu zhes bya ba ni dge ba'i rtsa ba bskyed cing 'phel ba dang/ nus par ldan zhing rnam par grol ba'i mtshan nyid ni rnam pa kun tu phan pa'o/ /khros shing ngo mtshar skyes nas zhes bya ba la/ /khros shing ngo mtshar skyes
 pa ni 'di ci zhig ces langs nas bros te gzhan dag gi phrug gu zos par dwogs pa dang/ ltogs pas bdag gis za bar 'dod pa yang btang ste'o/ /nye bar 'ongs te zhes pa ni drung du phyin pa'o/ /brtsam pa ni rtsom pa'o/ /de spyod pa zhes bya ba ni
 de'i las khyad par can no/ /las khyad par can des ngo mtshar ba de ni spyod pa khyad par can ngo mtshar ro/ /de bas na mya ngan dang sdug bsngal ni mya ngan dang sdug bsngal te/ mya ngan ni bla ma sdug pa dang bral bas so/ /sdug bsngal ni mya ngan gyi
 kun nas bslang ba ste/ lus dang sems kyi sdug bsngal lo/ /de gnyis kyi shugs kyis yang dag par bskyed pa'o/ /btang ba ni spangs pa ste/ gang gi mya ngan dang sdug bsngal gyi shugs btang ba gang yin pa de ni mya ngan dang sdug bsngal
 gyi shugs btang ba'o/ /kye ma'o sdug bsngal zhes bya ba'i tshigs bcad phyed kyi byed pas ni shes rab kyi dbang du byas te/ sems can la brtse ba'i snying rje'i bsam pa dang/ de la chags pa med pa'i shes rab ste/ de gnyi ga byang chub
 kyi rtsa ba ste/ de bas ni 'di dang por smos pas ni byang chub sems dpa' o/ /gzhan gyi zhes bya ba 'di ni gnyis so/ /'di yin te/ de'i dbang du byas nas gnyis pa'i tshigs bcad phyed kyis don dam pa rnams zhes bya ba la sogs pa ste/ dam pa rnams
 ni byang chub sems dpa' rnams kyi snying rje dang ldan pa ni ngo mtshar gyi bya ba yin te/ ngo mtshar du byas par gyur pas so/ /gzhan gyi zhes bya ba ni byang chub sems dpa' ma yin pa rnams kyi'o/ /e ma'o zhes bya ba la sogs pa'i tshigs bcad 'di'i phyed
 kyis ni byang chub sems dpa' i sbyor ba dang/ bsam pa phun sum tshogs pa bstan to/ /'og ma phyed kyis ni de'i 'bras bu smin pa yin no/ /phyag gi gnas zhes bya ba ni rten du gyur pa'o/ /de nas rang bzhin zhi ba zhes bya ba'i tshigs bcad 'dis ni byang chub
 sems dpa' bdag gi rgyud rab tu ston to/ /rang bzhin zhi ba nyid ni sa bzhin du bstan pa yin te/ mi bzod pa med pa'i rgyus so/ /mi bzod pa med pa 'dis ni myur du byed pa ston pa yin no/ /skyon du gyur pa yin pas dang po de'i sdug bsngal skye ba ni
 med do/ /mgon po 'dis ni zhes bya ba la sogs pa'i tshigs bcad 'dis ni 'gro ba'i dgra dang/ bdud 'di gnyis kyi te/ de gnyis kyi bye brag dang ldan pa'o/ /gzhan gyis pham gyis dwogs pa'i bdud dag kyang zhes bya ba yin te/ bdud kyang gzhan
 gyis pham du dwogs pa skye bar 'gyur ba gang yin pa de ni gzhan gyis pham du dogs pa'o/ /sems can thams cad kyi skyabs su gyur pa zhes bya ba ni 'di ni brtan pa'o/ /ji ltar sems can thams cad kyi skyabs yin zhe na/ thugs rje shin tu
 rlabs che ba dang/ snying stobs dpag tu med pas so/ /snying stobs dpag tu med pa ni shes rab dpag tu med pa'o/ /de gnyi ga'i sbyor ba don ji lta ba bzhin yod pas byang chub sems dpa' ste/ byang chub sems dpa' don ji lta ba nyid do/ /slong
 ma zhes smos pa ni mi dag bzung ste/ de na gzhan mi dge med pas so/ /dri za dang gnod sbyin zhes bya ba ni gshol mnga' 'dzin pa la sogs pa'i ri'i bar dag la gnas pas so/ /klu zhes smos pa ni 'di nas 'og na gnas
 ba'i sprul gzung ngo/ /sum cu rtsa gsum gyi bdag po zhes smos pas ri rab la gnas pa rnams gzung ngo/ /de dag gi sku gdung gi steng du sa gzhi thams cad g.yogs par gyur to/ /phreng ba la sogs pa smos pas ni gos dang yo byad rnams
 gzung ngo/ /rgyan zhes smos pa ni yo byad de dri zhim po'i yo byad dang/ gos kyi yo byad dang/ phreng ba dang/ gos dang/ rgyan dang/ rgyan gyi yo byad rnams so/ /tsan dan gyi phye ma ni dri zhim po'i yo byad do/ /de la sogs pa 'jig rten ba rnams kyis
 mngon par mchod do/ /mchod pa'i yo byad rnams kyis de nyid du slob ma la sogs pas mchod pa byas pa'o/ /rab tu dang bar bya'o zhes bya ba ni ma dad pa rnams kyi dbang du byas pa'o/ /dad pa skyed pa rnams kyis dga' bskyed pa zhes
 pa ni dad pa rnams phyir nye bar 'gro bar bya ba'i phyir bstan par bya'o/ /gnas ni gnas su gyur pa ste/ /dad pa dge ba'i chos skye ba'i gnas yin pas sangs rgyas bcom ldan 'das nas te/ gnas de dag la dang par bya'o/ /de ltar
 gnas de la dad par byas nas chos la rim gro bskyed cing chos mnyan par byas te rab tu byed pa sgrub pa dang/ ngo bo nyid khyad par can sgrub pa la 'bad de gnas par bya'o zhes pa yin no/ /slob dpon dpa' bos mdzad pa'i skyes pa'i
 rabs? kyi mdo dang mthun pa'i rgya cher bshad pa las stag mo'i skyes pa'i rabs te dang po'o// //dpag tu med pa'i dus nas goms pa ni bskal pa grangs med pa gsum du goms par byas pa'o//
 bsod nams kyi las kyis shing 'dris pa zhes bya ba ni sbyin pa'i rgyu mthun pa dang rnam par smin pa'i nus pa'i 'brus yin te/ bsod nams kyi las rtag pa dang gus par byed pa'i sbyor ba gnyis kyis ni don gnyis 'grub pa yin no/ /rtag tu
 sbyor bas ni bsod nams kyi las rgyu mthun pa'i 'bras bu sbyor ba yin te/ rtag par byed pa'i bag chags kyis phyis kyang bsod nams kyi bya ba mngon par sgrub pa yin pa'i phyir ro/ /gus par bya ba'i sbyor bas ni bsod nams kyi las rgya cher sogs
 shing rnam par smin pa'i 'bras bu sbyin pa'i des par 'byung bar 'gyur ro/ /de yang bsod nams kyi las goms shing 'dris par byas pa ste/ dpag tu med pa'i dus nas goms par byas pas so/ /bsod nams zhes pa smon pa ni sbyin pa dang/ tshul
 khrims dang/ bzod pa'i pha rol tu phyin pa gzung ngo/ /de bas na de nyid kyi rgyal po nyid du gyur pa yin te/ bsod nams kyi 'bras bu'i stobs kyis so/ /rgyal po bdag gi bu bzhin du zhes bya ba ni rang gi skye bo bzhin du skye dgu skyong bar gyur pa'o/ /yon tan
 ci dang ldan pas yongs su skyong zhe na/ de nyid smras pa/ byis pa nas rgan po la bsnyen bkur byed pa zhes bya ba'i yon tan dang ldan pa nyid kyis so/ /gang dag skyong bar gyur zhe na/ rang gi tshogs dang gzhan gyi tshogs gnyis te/ rang gi tshogs kyi skye bo
 skyong bar byed pa ni rgan pa la sogs pa la bsnyen bkur bya ba la dga' ba dang/ rje blon byams pa dang/ yid gzhungs pa ste/ 'dis ni rig pa rtogs shing blo dri ma med par gyur pa'o/ /gzhan gyi tshogs kyi skye bo skyo bar byed pa ni nus pa gsum
 dang ldan pa dang/ skal pa phun sum tshogs pas so/ /des na de nyid kyi tshig gis ni lugs kyi bstan chos dang gnyis su byar med pa yin no/ /yang na 'khor gsum dang rjes su mthun pa'i yon tan gyi tshogs zhes bya ba de bstan pa'i phyir ??
 pa la bsnyen bkur byed pa la sogs pa'i yon tan 'di dag bstan te/ chos kyi yon tan dang nus pa gsum gyi yon tan dang/ don gyi yon tan dang/ skal ba phun sum tshogs pa'i yon tan dang/ dad pa'i yon
 tan no/ /phun sum 'gran pa bzhin du gnas par gyur ces bya ba 'dis ni ji ltar yod pa'i yon tan dang ldan pa de dag kyang lhan cig tu gnas par gyur pa yin par bstan to/ /dngos po thams cad ni dngos po ji srid pas lus pa'i yon
 tan yod par gyur pa ste/ chos dang don dang 'dod pa phan tshun 'gal ba yin yang de'i yang yon tan 'gal zhing 'khrugs pas mdzes pa med dam gyur zhes pa'i don to/ /ma dul 'phyar ba zhes bya ba'i tshig bcad 'dis ni zhe sdang dang/ gti mug
 dang 'dod chags kyi nyes pas ma rungs par byas pas ma dul ba la sogs pa'o/ /gsum du gyur pa'i nyes pas gsum po med pa ste nyes pa de gsum gyi gnyen por gyur pa byams pa dang/ rten cing 'brel bar 'byung ba dang/ mi sdug pa
 bsgoms pa dang ldan pa ste/ dpal de de la ming ni don bzhin du gyur ces bya ba la sogs pa ni mtshan nyid dang mtshan du gyur pa'o/ /rang bzhin rgya che zhes bya ba 'di'i lus ni bsam pa dang/ sbyin pa'i dngos po dang/ slong ba'i sgrub pa phun sum
 tshogs pa yin no/ /rang bzhin rgya che ba dang/ snying rje'i yon tan zhes bya ba 'dis ni bsam pa phun sum tshogs pa bstan to/ /rgya che bas ni rang gi bde ba la chags par 'gyur ba yin no/ /snying rje'i yon tan gyis ni gzhan gyi sdug bsngal
 sel bar mngon par 'dod pa yin no/ /yang na bdag gi longs spyod la mi bltos pa dang/ sems can la bltos pa dang gnyis bston pa yin no/ /yang na 'bras bu la mi bltos pa dang/ sems can la bltos pa yin par bstan to/ /sbyin
 pa'i dngos po ni nor gyi rgyal pos mi len cing/ sems can gyi sdug bsngal sel bar 'dod pa yin pas longs spyod sems can rnams la sbyin pa'i dngos po sgrub pa yin no/ /nor la dbang yod phyir zhes bya ba 'dis ni sbyin pa'i dngos po phun sum tshogs pa  
 bstan to/ /'dod pa'i don grub ces bya ba mos pa ni sbyin pa'i dngos po sgrub pa phun sum tshogs pa yin te/ ji lta bu 'dod pa dang/ ji snyed 'dod pa dang/ gang 'dod pa de dag yang dag par sgrub pa'o/ /'dod pa'i don grub pas phongs pa dag ngo zum mi gnag
 bzhin bzangs mthong bas dga' ba ste/ de ltar slong mo ba phun sum tshogs pa'o/ /de'i phun sum tshogs pa gang zhe na/ sbyin pa'i dngos po rnam pa thams cad bslangs pa ste/ 'dod pa zhes smos pas thob pa yin te/ des dus phyi zhig na ming dang
 gzugs kyi lus dga' ba dang mdzes par byed do/ /sbyin pa la dga' bas zhes bya ba ni sngar smos pa bzhin du rgyu mthun pa'i 'bras bu ston pa yin te/ rgyu mthun pa'i rgyu dang 'dra ba ste de'i tshig gis sngon gyi sbyin pa byas pas sbyin pa la mngon par dga' 
 ba skye bar gyur te/ rgyu mthun pa'i 'bras bu sbyin pa la dga' ba nyid do/ /yo byad phun sum tshogs pa zhes bya ba la sogs pa smos pa la/ yo byad ni nor dang 'bru zhes smos pa ste nye bar spyad pa dang/ longs spyad pa'i bye brag gis gsum gyi nang du 'dus pa yin no
 gang dag ma smos pa'i sbyin pa dngos po de yang 'di'i nang du chung ba yin te/ de dag kyang de'i rang bzhin yin pa'i phyir ro/ /bdag gi bdag nyid che ba dang rjes su mthun pas zhes bya bas ni sbyin pa'i dngos po mang du yod pa bstan to/ /re ba ji lta ba bzhin zhes
 bya bas ni gang dang gang 'dod pa de de re ba ji lta ba bzhin du'o/ /'dis ni dngos po sna tshogs sbyin par bstan pa'o/ /gus pa dang bcas par zhes bya ba ni bsgrub pa phun sum tshogs par bstan to/ /dus bzhin du 'byor bas yid du 'ong ba zhes bya ba'i
 dus gang gi tshe gang 'dod pa bzhin du ste/ rdzogs ldan gyi sprin dang 'dra bar bdag gi bdag nyid che ba dang rjes su mthun par re ba ji lta bar dus bzhin du 'byor ba sgrub pa'i chos dang mthun pa yin no/ /'dis ni re ba ji lta ba
 bzhin du zhes bya ba 'di'i khyad par bstan pa ste/ zas 'dod pa la sogs pa smos pas ni gang dang gang 'dod par gyur pa ste de dang de sgrub pa yin no/ /yang na yo byad thams cad do/ /nor dang 'bru la sogs pa gang gong du bstan pa nges zas 'dod pa rnams
 la ni zas/ /btung ba 'dod pa rnams la ni btung ba ste/ gang gong du bshad pa de sbyin pa'o/ /mal cha dang/ stan dang/ gos dang/ bza' ba dang/ byug spos dang/ phreng ba dang/ dngul la sogs pa'i nor sgrub pas snying dga' bar byed de/ bdag gi bdag
 nyid chen po dang rjes su mthun pas so/ /sbyin pa des dga' bar gyur te zhes bya ba ni re ba ji lta ba bzhin du sgrub pa la sogs pa gsum gyis so/ /phyogs tha dad pa'i yul na gnas pa'o/ /yang na phyogs tha dad pa'i gnas pas mtshon pa'i tshul gang
 la yod pa de dag go /phyogs tha dad pa zhes smos pas ni thag ring po nas 'ong bar ston pa mngon par mtshon pa'o/ /yul na gnas pa zhes smos pas ni yul na gnas pa phun sum tshogs pa ston to/ /gzhan dag na re re ba yongs su rdzogs par
 byed pa med dam/ ci'i phyir thag ring po nas lhags shing 'ongs zhe na/ de'i rgyu bstan pa'i phyir/ mi yul kun dus yid kyi brtags na yang zhes bya ba'i tshigs bcad 'di smos so/ /gzhan du bslang ba'i skabs ni ma rnyed pa zhes bya ba ni ser sna che bar
 gyur pa ste/ skye bo rnams sbyin pa la 'jug pa med par ston to/ /de bas na ring po nas lhag par gyur pa yin no/ /nags tshal glang po mtsho chen dogs lhags bzhin zhes bya ba 'dis ni yul na gnas pa'i skye bo dag sbyin pa la 'jug cing re ba yongs
 su rdzogs par byed pa yod kyang de dag spangs te lhags pa yin no/ /skye bo mdza' bshes byas nas 'ongs pa dag ces bya ba'i tshigs bcad 'di'i lus ni sbyor ba dang/ dngos dang/ mjug sangs rgyas kyi bka' mthun par ston pa yin te/ de yang mdo'i
 don dang mthun par 'gyur ste/ sbyin pa'i snga rol du yid dga' bar 'gyur ba dang/ sbyin pa'i tshe na sems dang bar 'gyur ba dang/ byin nas mthar yang rjes su dga' bar gyur pa yin te/ sbyor ba dang/ dngos dang/ mjug nyid kyis lus dang ngag dang yid kyi
 las bstan te/ go rims ji lta ba bzhin du skye bo mdza' bshes zhes bya ba la sogs pa dang sbyar ro/ /sbyin pa las byung ba dang/ tshigs bcad 'di gnyis kyis ni mthong ba'i chos kyi rtogs pa gnyis bstan te/ bdag nyid la lta ba dang/ gzhan dag
 la yang grags par byed pa'o/ /sbyin pa'i bsod nams mi 'phel bar gyur pas zhes bya ba'i blos kun tu brtags pa bzhin du gzhan pa nor bgegs su gyur cing 'phel bar gyur pas so/ /sbyin pa'i bsod nams mi 'phel ba de nyid smras pa/ slong ba'i
 skye bo 'du ba nyung ba zhes bya ba yin te/ 'di nyid bsgrub pa'i phyir/ de la brten nas 'phongs pa tshim par 'gyur zhes bya ba 'di min te/ rgyal po ni sbyin pa'i bsod nams mi 'phel bar gyur pas mgu bar ma gyur te/ sbyin la dpa' ba de ni snying ma tshim zhes
 bya ba 'di yin no/ /phongs pa rnams tshim par gyur na de ci'i phyir tshim par ma gyur zhe na/ smras pa/ phongs pa'i rnams kyis slong ba'i tshang dag gis zhes bya ba la sogs pa smos so/ /bdag gi lus ni nges par sbyin byas nas sam/ 'di'i rgyal pos
 gyi nad rnams brtags pa ste/ de brtags pa'i phyir bram ze rgan po long ba zhig gi gzugs su bsgyur nas zhes bya ba la/ gsum smos pa'i long ba smos pa ni lam du 'gro bar mi nus pa'o/ /rgan po smos pa ni dka' bar gyur pa yin no/ /bram ze
 smos pa ni 'di dag gis sbyin pa'i gnas su bstan pa'o/ /snying rje dang byams pa dgos pa zhes bya ba 'dir rim pa smos pa ni sdug bsngal bsal bar byas la phyi nas bde ba la bzhag par bya ste/ sdug bsngal las thar
 par ma byas par ni bde ba la bzhag par mi nus so/ /lta ba bstan zhing gsal la zhi ba zhes bya ba ni 'dod chags dang/ gti mug dang/ zhe sdang gi nyon mongs pa la mi gnas par ston pa yin no/ /gti mug bar du smos pa ni de gnyi ga'i yang rgyu 'gyur
 ba'i phyir ro/ /gti mug che bar gyur na lta ba gsal ba med par 'gyur ro/ /bsu ba bzhin zhes bya ba ni thag ring ba na gnas pa'o/ /mkhyud pa bzhin zhes bya ba ni de dang nye na gnas par gyur pa ste/ yang na bsu ba ni snying rje bsgoms pas so/ /mkhyud pa
 bzhin du lta ba ni byams pa yongs su bsgoms pa ste/ sdug bsngal bsal ba dang bde ba la nye bar sbyar ba gnyis kyis bya ba phun sum tshogs pa'i bsam pa gsal bar byed pa yin no/ /sa bdag dam pa khyod kyi zhes bya ba la sogs pa 'di'i lus
 ni gang slong ba dang/ ji lta bu slong ba dang/ gang nas 'ongs te slong ba'o/ /gnas skabs ji lta bus zhe na/ gnas skabs gnyis po'i yon tan med pas ni lam du 'gro ba'i phun sum tshogs pa med pa yin te/ mig gi yon tan med pa ni mi mthong bzhin
 zhes bya ba'i tshig gis so/ /nus pa'i yon tan yang med de rgan po zhes bya ba'i tshig gis so/ /gang slong ba de ni mig gang la gang yod pa de ste/ spyan 'tshal phyir zhes bya ba yin te/ de'i mig cig slong ba ste/ 'jig rten gyi bya ba sgrub pa'i phyir ro//
 de ltar gang dang gang gi don tu slong ba de tshigs bcad 'dis bston pa yin no/ /gang slong ba ni 'dod pa'i nor slong ba ste/ slong ba'i dngos pos de dga' bar thob par gyur pa yin te/ spyan ni gcig sus kyang 'jig rten bgyi ba 'grub ces bya
 pa smos pa yin no/ /su yis bstan ces bya ba ni lhas yin nam zhes rtog pa skyes te dris pa'o/ /gzhan gyi spyod lam ni ma yin pa'i phyir bdag nyid la rnam par rtog pa ste/ de bas na slob dpon gyis 'di smras pa yin no/ /rgyal po de'i
 bsam pa rig nas zhes bya ba ni de nyid kyis bsam pa'o/ /lha'i mthus zhes pa ni gal te lha'i mthu yin na 'di yi mig gi dbang po yang ci'i phyir lha'i mthus de ltar mi 'gyur te 'gyur ro zhes bya ba'i gnas skabs so/ /des na de nyid smras pa/ cho ga
 'dis mig dang ldan par 'gyur ro zhes bya ba ni bdag gis mig byin pa dang/ lha'i mthu dang ldan pa'i bram ze'i mig gi phun sum tshogs pa'i rgyu'i zhes so/ /yid la re ba gang gis 'dir 'ongs pa zhes bya ba ni mig gcig thob par gang yin
 pa de nyid bram ze khyod kyis re ba bskad par bya zhes bya ba yin te/ mig gcig sbyin no zhes bya ba'i don to/ /re ba bskad pa nyi tsher ma zad de/ gzhan yang mig gnyi ga yang ngas sbyin gyis zhes bya ba yin no/ /yang na 'di yi don ni mig gcig
 sbyin pa nyid ji ltar re ba bskad ba yin te/ re ba bskad ba ni re zhig ji ltar yang mig gnyis thob par bya ba yin no/ /'on kyang 'dis yid la re ba bzhin du slong bar mi nus te/ ci'i phyir zhe na/ mi sbyin snyam pa dang/ mig gnyis bslangs na rgyal
 po la gnod par 'gyur ba dang/ gzhan gyi sems srung bar ston pa yin te/ yid la re ba ni re zhig mig gnyi ga thob pa nyid do/ /nges na de nyid smras pa/ yid la re ba yongs su bskad ba zhes smos pa de nyid ni mig gnyis kyang ni ngas sbyin
 gyis zhes bya ba'i tshig gis so/ /gzhan du ji ltar re ba yongs su skongs par gyur te/ nga'i mig ni ya gcig 'dod pa la zhes bya ba ste/ slong ba la gnyis sbyin pa'i don ni 'di yin no/ /shugs kyis skrag pa ni shugs kyis skrag pa ste/ 
 brtabs pa dang bcas pa'i shugs kyis skrag pa'o/ /brtabs pa dang bcas pa dang shugs kyis skrag pa dang bcas pa yin no/ /brtabs pa ni lugs kyi 'gyur ba'o/ /shugs ni skye ba'o/ /skrag pa ni sems so/ /mi rigs
 pa dang gnod par 'gyur zhes pa ni gnod pa dang rjes su 'brel ba'o/ /yang na don med pa dang mi rigs pa dang rjes su 'brel ba'o/ /sbyin pa la dgyes che ba 'dis ni mig sbyin pa las zlog par byed pa ste/ mig sbyin pa mi rigs pa dang/ gnod par
 'dod pa de sgrub par 'dod nas/ bram ze 'di ni gcig bu'i phyir zhes bya ba la sogs pa'i tshigs su bcad pa smos pa yin no ces pa blos brtags shing sbyin par bya ba ste/ gcig pu dang mang po la gces pa dang mi gces pa brtag pa'i rigs te/ bdag
 cag thams cad ces bya ba 'di ni mang po nyid de/ byis pa dang/ bar ma dang/ rgan po dang bcas pa'i bram ze dang/ rgyal rigs dang rje'u rigs la sogs pa ci'i phyir dor zhes pa'o/ /thams cad la gnod par 'gyur ba'i phyir 'di nyid kyis ni re zhig
 mig btang ba rigs pa ma yin par bstan to/ /gnod par 'gyur ba ni skye dgu bde bar bskyed pa rnams/ /mya ngan zhugs kyang mi bsreg gsol zhes bya ba yin te/ skye dgu bde bas rgyal po bde zhes bya ba'i tshig gis so/ /da ni spyan stsal bar
 mi rigs so zhes bya ba de mi rigs par sgrub pa ste/ spyan stsal bar mi rung ba'i dmigs kyis dbye ba ni gzhan ni stsal bar rigs so zhes ston pa yin te/ gzhan yang gang dag yin zhe na/ de bstan pa'i phyir/ dpal chen skyed par 'gyur ba'i
 zhes bya ba la sogs dum pa'i tshigs bcad gnyis smos pa yin no/ /dpal chen bskyed pa'i nor zhes bya ba nyid kyis ni 'dis nang du sbyin pa'i dngos po thams cad 'dus pa yin te/ spyad par bya ba dang/ yid dga' bar byed pa dang/ bkres pa dang
 skom pa'i sdug bsngal zlog par byed pa dang/ 'khrig pa'i 'dod pa nye bar spyod pa'i bde ba dang/ yo byad ni nor la sogs pa yin pas de ltar smos pa yin no/ /rtsod pa bzlog par byed pa yin pas nor la sogs pa 'di'i tha snyad do/ /rin chen zhes bya ba ni yid
 dga' bar byed pas so/ /shing rta dang glang po smos pas ni ngal ba las gyur pa'i sdug bsngal sel bar byed pa'o/ /rkang gdub 'khrol ba'i sgra rnam grags pa yi zhes bya ba ni 'khrig pa'i 'dod pa nye bar spyod pa'i yo byad do/ /khang ba dus rnams kun tu bde ldan
 pa zhes bya ba 'dis ni rtsod pa med par 'gyur ba yin no/ /spyan stsal ba mi rigs pa de dmigs kyi dbye ba ni gzhan gyi mig gis gzhan la ji ltar sbyar du rung zhes bya ba la sogs pa'i tshigs bcad gnyis te/ rgyu de gnyi gas spyan stsal ba de mi rigs te
 nyid kyi spyan stsal kyang de'i mig skye bar mi 'gyur ba'i phyir dang/ gal te 'byung bar gyur na ni khyod kyi spyan ma byin par yang yod par 'gyur ba'i phyir ro/ /gzhan dag gi mig gis zhes bya bar 'dis ni mig 'byin par mi rigs pa'o/ /mig yod
 kyang nor gyi phun sum tshogs pa med pa dang/ gong du bshad pa'i ni nor dang ldan pa gang ces pa yin te/ mig gshes pa yin nam/ 'on te nor dang ldan pas gces pa yin ces bsams na nor nyid gtso bo yin te/ mig dang ldan pa nor med par
 ni nyams pa nyid du 'gyur te/ mig yod kyang nor gyi phun sum tshogs pa med pa dang/ nor dang ldan zhing mig med de long ba ni bla'i/ phongs pa ni ma yin te/ phongs shing mig dang ldan par gyur na gzhan gyi 'byor pa mthong na yid gdungs par 'gyur ro/ /
 'byor ba phun sum tshogs pa ni long na yang dbang po gzhan gyis nye bar longs spyod pa'i phyir ro/ /de bas dkor las stsal du gsol zhes bya ba yin te/ nor nyid sbyin bar bya'i sbyan ni stsal bar bya ba ma yin zhes pa'o/ /'dir yang spyan stsal bar mi rigs
 pa dmigs kyis 'byed pas gzhan nyid sngar bshad pa ste/ nor gzhan dag ni stsal bar rigs so/ /gcig gi phyir ni zhes bya ba'i dbang du byas nas dpal bskyed pa'i nor zhes bya ba la sogs pa'i tshigs bcad gnyis kyis bstan
 pa yin no/ /gzhan la ji ltar sbyar du rung zhes pa ni dbye ba'o/ /lha gzhan yang zhes bya bas ci zhig ston par 'gyur zhe na nor dang mig gnyis 'dod pa de la nor nyid ches phan pa yin gyi/ mig sbyin pa ni ma yin no zhes ston pa yin no/ /gang zhig sbyin zhes
 smras nas ni zhes bya ba la sogs pa'i tshigs bcad gsum gyis ni sbyin pa nyid rigs pas phyogs blangs nas smras pa ste/ bsam pa nyams pa dang/ sbyor ba nyams pa las brtsams te/ gnyis kyis ni bsam pa nyams pa'o/ /gcig gis ni sbyor
 ba nyams pa ste/ rgyu gsum gyis so/ /sbyin ba'i dngos po la chags pa'am/ bdag nyid la chags shing nyams pas 'jigs ba 'am/ phongs pa rnams kyi sdug bsngal yal bar 'dor bas ni khas blangs pa'i dngos po sbyor bar mi 'dod ba yin te/ sbyin pa'i
 dngos po la chags pa de nyid mi rigs pa'i dbang du byas nas/ gang gis sbyin zhes smras na ni zhes bya ba la sogs pa'i tshigs bcad yin te/ skye bo rnams ni sbyin pa'i dngos po chags shing 'dod pa yin pas so/ /'dod pa gang zhe na sbyin pa dang
 'gal ba'i sems kyis kun tu 'dzin pa zhes bya ba'i tshig gis so/ /bdag la chags shing nyams pas 'jigs pa'i dbang du byas nas/ sbyin no zhes ni khas blangs nas zhes bya ba la sogs pa'i tshigs su bcad pa yin te/ gang zhig yid la
 gzhan sems pa zhes bya ba ni mi sbyin par yid la sems pa'o/ /ser snas ma nges blo can te zhes bya ba ni ser snas bdag nyid la chags shing sbyin pa dang mi mthun pa yod pa'o/ /ser snas ma nges pa'i blo gang yin pa de ni ser snas ma nges pa'i
 blo can nye'o/ /ma nges par gyur ba de ni phyis mi sbyin pa'i sems yin no zhes rjes su shes so/ /phongs pa'i skye bo yal bar dor ba'i dbang du byas nas sbyor ba/ sbyin no zhes ni khas blangs nas zhes bya ba la sogs pa yin no/ /brtan par byas nas zhes
 bya ba ni ci nas kyang sbyin bya'o zhes khas blangs nas so/ /slu ba'i tshig ni rtsub po yis zhes bya ba'i tshig gis phongs pa rnams kyi sdug bsngal yal bar dor ba 'am gzhag ba de'i tshig smra bar mi nus pa yang yin te/ tshig ni ngag gi sbyor ba'o/ /skyin
 bsab pa ni ci yang med ces bya ba ni shin tu sdig che'o zhes bya ba'i don to/ /de la de nyid nges par gzung bas bstan pa ni gzhan gyi mig gi gzhan la ji ltar sbyar du rung zhes bya ba de'i lan 'dis bstan pa yin te/ rgyu gcig gis ni grub pa yi zhes bya ba
 smos pa yin te/ rkyen gcig gis bskyed pa ni ci yang med pa'i phyir rgyu rkyen gzhan la ma bltos pa'i mig ni med do/ /rgyu rkyen gzhan la bltos pa ni lha rnams kyis byas ba'i mig nyid kyang sbyin par bya ba dang/ rgyu rkyen gzhan la bltos par 'gyur ba
 yin no/ /sbyin pa chen po la bgegs bya ba zhes bya ba ni nang gi sbyin pa ni sbyin pa chen po ste/ phyi rol las khyad par du gyur pa yin no/ /gang gi phyir nang gi sbyin pa ni shin tu dka' ba yin pas de dag dang ma 'dres pa'o/ /sbyin pa'i bgegs byed pas mi
 tshugs pa bstan pa yin no/ /dogs pa skyed pa'i mtshan nyid tha mi dad cing sbyin pa'i bye brag mig sbyin pa dgag pa'i phyir yang smras pa/ lha nor dang 'bru dang rin po che dang zhes bya ba la sogs pa smos te/ 'di dag sbyin pa bgegs byas par gyur na de'i
 tshe bgegs byed pa yin na/ de lta ni ma yin gyi bdag nyid sbyin pa nye bar 'gyur zhes bstan pa yin no/ /gang zhig slong ba de ni sbyin par bya zhes pa'i tshigs bcad 'di lta ste/ gzhan yang de rnams kyi sbyin pa'i bgegs kyi nyes bar bsgrubs pa'i phyir
 gang zhig slong ba de ni sbyin par bya zhes bya ba 'dis te/ gang las zhe na/ slong ba de nyid thob cing bslangs nas ni dga' bar 'gyur pa yin te/ sbyin pa len pas dga' bar 'gyur ba'i don yin no/ /de ltar rang gi mig sbyin
 pa rigs par bstan nas nor dang 'bru la sogs pa gzhan ni de la byin yang sbyin pa ma yin par bstan pa'i phyir/ mi 'dod pa ni byin yang dag rim 'gyur zhes bya ba ste/ 'di ni mi mthun pa'i sbyin pas dga' bar mi 'gyur ba bstan pa'i phyir
 bshad de/ 'dis ni dge ba skye ba'i mthus mi mthun pa dang ldog pa bstan pa yin no/ /mi slong ba dang mi 'dod pa sbyin pa mi mthun cing dgos pa med pa'i phyogs yin te/ ji lta bu zhe na/ dpes bstan pa'i phyir/ chu khyer ba la chu yis ci zhig bya zhes
 pa yin te/ chos mthun pa'i dpe'o/ /skom pa la chu yis byin pa dang 'dra bar bslangs pa'i don ni 'di la sbyin zhes bya ba smos te/ bslangs pa de nyid sbyin na skye bo dga' ba kun tu 'dzin cing dga' ba skye bar 'gyur ro/ /de nas rgyal po de zhes bya
 ba la sogs pa'i 'di'i bsdus pa'i don ni gang smra ba dang gang gi phyir smra ba dang/ ji ltar smra ba dang/ gang la smra ba zhes bya ba la sogs pa 'di dag ste/ ci rigs par sbyar bar bya'o/ /la la dka' thub ting 'dzin zhes bya ba la sogs pa'i
 tshigs bcad 'di'i bsdus pa'i don ni rgyal srid thob pa'i rgyu dang/ 'bras bu dang ngo bo nyid kyi khyad par yin te/ rtag tu byed pa dang yun mi thung bas de'i dka' thub chen po'o/ /dka' thub ting 'dzin chog chen po zhes bya ba ni dka' thub
 nyid ting nge 'dzin yin pas dka' thub ting nge 'dzin no/ /gang du rgyu sbyin pa dang/ yang dag par sdom pa la sogs pa'i mtshan nyid yod pa de ni dka' thub ting nge 'dzin chog zhes bya'o/ /gus par byed pa'i rgyus cho ga zhes kyang bya ste/ cho ga nyams
 na ni gang gis kyang ngam?/ thams cad kyis lus nyon mongs par byas te rtag tu dka' thub dang thob pa la brten kyang gus par sbyor ba'i cho ga nyams na mi thob bo/ /'dis ni rgyal srid thob pa'i rgyu bstan to/ /mang po ji ltar brten pa'i mchod sbyin brgya phrag
 yin te/ 'dis ni ji srid du bsten par byas pa'o/ /grags pa ni mthong ba'i chos kyi 'bras bu ste/ mtho ris zhes bya ba ni 'jig rten pha rol lo/ /de ltar ji ltar bsten pa ste rtag tu brten pa dang gus par bya ba'i sbyor ba'i mchod sbyin chen po mang pos
 'bras bu ci zhig thob ce na/ smras pa/ mthong ba'i chos la ni grags pa'o/ /'jig rten pha rol gyi 'bras bu ni mtho ris so/ /'dis ni 'bras bu phun sum tshogs pa bstan to/ /brgya byin dang 'gran pa'i longs spyod ces bya bas ni rang bzhin phun sum tshogs
 pa bstan to/ /ci zhig mthong na zhes bya ba ni 'bras bu zhes bya ba'i don to/ /ci zhig mthong nas mig sbyin zhes bya ba'i don to/ /gang sbyin pa de thams cad 'bad pa med par yod do zhes pa'o/ /cho ga 'di ni su las lobs zhes bya ba ni cho ga 'di zhes bya ba ni
 'bras bu yang dag par 'thob ces bya ba'i lung ngo/ /su las logs zhes bya ba ni gang gis bstan ces bya ba'i tshig ste/ ci zhig mthong na khyod kyi mig sbyin zhes bstan pa yin no/ gang gis don du sbyin pa de thams cad kyang phun sum tshogs pa bstan
 pa'i phyir smras pa/ mchod sbyin byas pas sum cu rtsa gsum zhes bya ba'i tshigs bcad 'di yin no/ /de'i phyir rgyu ni sngar byas zin pas so/ /ji lta bu zhe na/ mchod sbyin byas pas zhes bya ba la sogs pas so/ /gal te 'jig rten 'di'i 'bras bu grags
 pa dang/ tshig btsun po 'dod na ni de gnyis ka yang phun sum tshogs pa bstan pa'i phyir/ grags pas kun tu rab tu gsal gyur cing/ /mi dbang gtsug gis 'od gyis rkang brgyan pa/ zhes bya ba ste go rims bzhin du sbyar ro/ /ci zhig 'dod phyir mig
 ni sbyin par byed ces bya ba ni gang gi don du bstan pa de ci zhig mthong na/ khyod kyis mig sbyin zhes bya ba ste/ de nyid 'dir yang bstan pa yin no/ /sa kun 'thob phyir dang mtho ris dang thar pa ste 'jig rten gyi 'bras bu'o/ /sa?
 kun 'thob pa dang mtho ris 'thob pa zhes bya ba 'di gnyis ni mngon par mtho ba'i dbang du byas pa'o/ /thar pa ni nyan thos dang rang sangs rgyas kyi 'bras bu ste/ 'dis ni nges par legs pa 'thob pa'i dbang du byas pas so/ /grags pa ni mthong ba'i chos kyi
 'bras bu'o/ /slong ba rnams mthong ba'i chos la 'bras bu 'am don med pa'o/ /'jig rten bskyab phyir zhes bya ba ni sangs rgyas kyi go 'phang thob par bya ba'i gnas skabs kyi don no/ /sman dpyad las 'byung ba zhes bya ba'i sman dpyad las 'byung ba ji lta bu
 zhe na/ smras pa dal bus dang ma snang par ro/ /yang na sman dpyad las byung ba bzhin du zhes bya ba'i sman yig las byung ba bzhin du ste/ phyogs gang du mtshon gtang bar bya ba dang/ ji ltar dbyung ba ston pa yin te/ dal bus bya ba dang snang?  par ro/ /de
 ltar phyung ba la rab tu dga' pa bzhin du zhes 'byin pa dngos te/ las kyi dus na sems dang ba gang bcom ldan 'das kyis gsungs pa de ston pa yin te/ sbyor ba'i tshe na mchog tu dga' ba dang/ /byin nas kyang yid dga' bar byed pa ste/ gang bcom
 ldan 'das kyi gsungs pa de ston to/ /slong ba ni don bsgrub pa'i phyir slong mo ba'i mig tu gnas par gyur pa ni mig gis mthong bar bya ba'o/ /pad+ma dang bral ba'i pad+ma'i mtsho gang yin pa de pad+ma'i mtsho'o/ /de lta bu'i bzhin gang la yod pa de ni pad+ma med
 pa'i pad+ma'i mtsho 'dra ba'i gdong ngo/ /gzhan la med pa'i rab tu dga' bar gyur zhes bya ba ni skye bo dang thun mong ma yin pa'i dga' ba yin te/ de ltar na skye dgu dang rgyal po ni de ltar skye dgu bde la rgyal po yang bde/ mi bden yang de bzhin no zhes
 pa'i tshig gis rgyal po nyid mya ngan skyes pa yin mod kyi/ 'on kyang dga' ba skye ba yin te/ 'di ni skye bo gzhan la med pa'i dga' ba'o/ /bram ze'ang mig dang ldan par mthong zhes bya ba ni 'khor gyis zhes bya bar sbyar ro/ /'khor gzhan rnams la med pa'i
 rab tu dga' ba de nyid med par bstan pa'i phyir/ rgyal po'i btsun mo'i 'khor zhes bya ba la sogs pa 'di'i don yin no/ /e ma'o brtan zhing zhes bya ba ni rang gi bde ba la 'dod pa med pa'i bstan pa'o/ /e ma'o snying stobs che zhes bya ba ni rang gi mi bde ba
 la 'jigs pa med pa'o/ /de gnyi gas kyang shes rab kyi yon tan bstan to/ /e ma'o sems can phan 'dogs pa zhes bya ba 'dis ni snying rje'i yon tan ston to/ /shes rab dang snying rje de gnyis ka smos pa ni de gnyis bsgoms pas byang chub pa ste/ de
 gnyi ga yang rgyur gyur ba'i phyir byang chub sems dpa' i sgrub pa'o/ /mi gnas pa'i mya ngan las 'das pa dang/ rab tu gnas pa'i mya ngan las 'das pa'i rgyur gyur cing/ de gnyi ga yang kun nas nyon mongs pa yang mthar byed cing spong bas na sems
 dpa' chen po'i rab tu sgrub pa'o/ /de bas na zhes bya ba nyid sems can phan 'dogs pas na'o/ /yang na shes rab dang snying rje'i yon tan gnyis dang ldan pas so/ /ngo mtshar che ba'i sems can zhes bya ba ni gang gi phyir brtan pa dang/ snying stobs che
 ba dang/ sems can la phan 'dogs par byed pa ste/ sems can zhes bya ba nyid smos pa yin no/ /yun ring por 'di ltar nyon mongs su gzhug pa'i mi rigs zhes bya ba 'di ltar brjod par 'dod de ni yongs su nyon mongs pa la 'jigs pa med
 pa'i rgyur gyur pa/ de nyid sems can gyi yon tan nyid yin te/ sems can gyi yon tan du gzung ngo/ /mig gi rma ni sos zhes bya ba ni mig gi gnas kyi rma zhes bya ba brjod pa yin no/ /mig gi rma ni sos zhes bya ba'i tshig gis ni gnas pa ston te
 ji ltar rgyal po mdun sa na mi gnang yang rgyal po'i gnas su ston pa dang 'dra'o/ /bsrab shing sangs pa zhes bya ba la bsrab pa yin/ sangs pa yin pas bsrabs shing sangs pa'o/ /btsun mo'i 'khor dang pho brang 'khor gyis
 mi rnams ni btsun mo'i 'khor gyi pho brang 'khor dang mi rnams so/ /btsun mo'i 'khor zhes smos pas ni btsun mo'i 'khor na spyod pa'i skye bo yin pas de skad ces bya'o/ /yang na btsun mo'i 'khor gyi sgra nyid la 'khor gyi mi rnams la 'jug go /btsun
 mo'i 'khor dang pho brang 'khor gyi mi rnams kyi mya ngan gyi btsun mo'i 'khor dang pho brang 'khor gyi mya ngan no/ /bsrabs shing sangs ni btsun mo'i 'khor dang pho brang 'khor gyi mi rnams kyi mya ngan gang yin pa ste/ btsun mo'i 'khor dang pho brang 'khor
 gyi mi rnams kyi zhes de ltar bsdu bar bya'o/ /'dir rgyal po la ni mya ngan med pa yin te/ 'on kyang btsun mo'i 'khor dang pho brang 'khor gyis ni rgyal po de mya ngan yod de/ btsun mo'i 'khor la sogs pa'i tshig gi 'brel pa cung zad yod de/ skye dgu
 'di ni rgyal po bde zhes bya ba'i tshig gis so/ /de bstan pa'i phyir rgyal po de nyid kyis mya ngan dang bcas pa ni gang btsun mo'i 'khor la sogs pa yin no zhes bstan pa yin no/ /rab tu dben pa 'dod pa'i phyir zhes bya ba ni skye ba gzhan du
 dben pa la goms pa ston pa'o/ /rdzing bu 'gram na zhes bya ba nas dkyil mo dkrung bcas te zhes bya ba'i bar gyi tshig gi bsdus pa'i don ni mig gnyis med pas mig gi yul ma bstan te/ reg bya dang/ dri dang/ sgra'i yul dang ldan pa yin no//
 des kyang yid du 'ong bar bstan pa yin te/ ji ltar rigs bar sbyar bar bya'o/ /brgya byin mdun du 'ongs nas 'di su zhes dris ba ste/ mi las khyad par du gyur pa zhig yin par rtogs so/ /yang na lha'i dbang po nyid kyis rang 'ongs bar brda
 phrad pa'i phyir skang ba'i sgra byas par gyur to/ /gzhan du na dri ba'i skabs med par 'gyur ro/ /'di su zhes dris pa dang/ 'di ltar de nyid smras pa/ khyed kyi drung du 'ongs so zhes pa ste skabs dbye ba'i phyir ro/ /bka' stsal du gsol zhes bya ba'i tshig
 zhes pa dang bcas pa dang zhes bya ba yin te/ mdun bsu ba la sogs pa sngon du 'gro ba zhes bya ba'i don to/ /mchog slongs shig zhes bshad pa ni ci 'dod pa smos shig ces bya ba'i tha tshig go /mchog 'di nyid du nges par bzung ba'i dngos po
 bstan pa'i phyir/ brgya byin bdag la nor mang zhes bya ba'i tshigs bcad 'dis bstan pa yin te/ 'di lus su bzhag pa ni mchog slong ba'i 'byor pa'i mtshan nyid rnam pa gnyis te/ phyi rol gyi dngos po dang 'brel pa dang/ nang gi dngos po dang 'brel
 pa dang/ de gnyi ga'i don bstan pa'i phyir phyi rol yang rnam pa gnyis te/ sems can dang sems can ma yin pa'o/ /sems can ma yin pa ni nor dang 'bru la sogs pa yin te/ nor mang zhes bya ba smos pa'o/ /mang po zhes bya ba smos pas ni
 de las gzhan pa'i sems can ma yin pa bzung ngo/ /sems can ni mthu dang gus pa dang ldan par bstan pa ste/ dmag tshogs che la zhes smos pas so/ /phyi rol dang sems can mdza' dag phun sum tshogs pa bzung bas ni nang gi dngos
 po phun sum tshogs par bstan to/ /'on kyang sngar de lta bu'i rnam pa yin na yang long ba dag la ni mig byin pas nges na mchog 'di slong ngo zhes bya ba yin te/ long bar gyur pas zhes bya ba smos pa yin no/ /gang gong du bstan pa de bstan pas
 ngo mtshar mi che zhing rlabs can du zhes bya ba yin te/ 'di ni ngo mtshar mi che zhing brtan bas rlabs can du smras ba ste/ ngo mtshar med pas gang gi phyir mchog dang mchog ma yin pa 'tshol ba la'o/ /bdag nyid kyi yon tan dang ldan pas
 sngon ma byung ba'i ngo mtshar med pa'i phyir ro/ /nor mang po yod cing dmag tshogs che la mthu dang yang ldan pa yin no/ /gal te de ltar gnyis ka dang ldan pa yin ni ci'i phyir mchog 'tshol bar byed ce na/ de bstan pa
 yin te/ long bar gyur pas 'di lta bu'i gnas skabs 'di las ni 'chi ba nyid 'dod do zhes mchog slong ba'i tshig gi rnam pa yin no/ /ngo mtshar mi che ba dang rlabs can du smra ba ni gang gi mchog kyang mi len pa ste/ de bas na de smos so//
 bdag la nor mang zhes bya ba'i tshigs bcad 'di'i don gzhan du ni bsod nams kyi tshogs kyi 'bras bu'i mtshan nyid ni rnam pa gsum ste/ mchog sbyin par bya ba dang/ khyod kyis sbyin par bya ba dang/ bdag la sbyin pa'o sbyin par bya ba de las
 ni gnyis yod de/ bzod pa'i bsod nams kyi tshogs kyi 'bras bu'i mthu dang ldan pa dang/ dmag tshogs yod pa'o/ /de ni zhes bya bas ni tshul khrims kyi bsod nams kyi tshogs kyi 'bras bu nang gi phun sum tshogs pa yin te/ de yang
 yod pa las med pa ste/ gang yin zhe na/ mig med pa'o/ /de mchog 'di slong zhes bya ba ni 'di ltar 'ong ba'i gnas skabs su gyur pas 'chi ba 'ba' zhig mngon par 'dod ces bya ba yin no/ /sngar bshad pa ste/ ngo mtshar mi che ba'i rlabs
 can du 'dis bstan pa yin te/ tshigs cad 'dis don gyis so/ /tshigs bcad kyi don gnyis su yang 'gyur ba ste/ long bar gyur pa zhes bya ba ni lnga pa rgyu'i mtshan nyid de/ long ba nyid kyi rgyas mchi ba 'ba' zhig mngon bar
 'dod ces sbyar te/ 'di ltar 'di'i don du yang 'gyur ro/ /'di lta'i gnas skabs gyur byas na zhes bya ba ni mig med pa'i gnas skabs so/ /de ni de la khyed kyi yid ni ci snyam sems zhes bya ba ni 'di dang rjes su mthun pa'i tshig
 bshad pa ste/ tshig rkang gsum gyis so/ /ci nas yid ni rab tu ches par gyur pa ru zhes bya ba ni de dang rjes su mthun par bshad/ bdag gi mig ni ya cig mthong bar shog ces bya ba'i bden pa'i byin gyi mthu zhes bya ba ni de ltar byung ba'i dge ba'i sems
 kyi stobs so/ /bsod nams sel ba'i khyad par gyis zhes bya ba ni rgyu'i stobs so/ /ji lta bu'i bsod nams bsags pa'i khyad par gyis zhe na smras pa/ /mig gi sbyin pa las byung ba'i las byas pa las nye bar bsags pas so/ /de skad smras ma thag
 tu zhes bya ba ni bden pa'i byin gyis rlabs kyi mthus skyes ma thag nyid do/ /anda rnyil gyis smras pa la sogs pas bden pa'i byin gyi rlabs kyis mi khyad par can skyes par ston pa yin no/ /mig snga ma la 'gran pa bzhin zhes bya ba ni sngar skyes pa'i
 mig gi yon tan dang ldan pa bzhin zhes bya ba'i don to/ /lha rnams kyi rnga bo che dag kyang zhes bya ba la sogs pas ni reg par bya ba dang/ snam par bya ba ste don gsum ston to/ /yid du 'ong ba zhes bya bas ni mi rigs par bya ba'o/ /rgyal po'i spyod
 mchog bstod pa'i gzhi zhes bya ba ni don phun sum tshogs pa'o/ /snyan pa'i tshig rnams kun tu zhes bya bas ni sgra phun sum tshogs pa bstan to/ /spyod mchog bstod pa'i gzhi zhes bstan pa'i spyod mchog gi gzhi de nyid kyi dbang du byas nas smras
 pa/ kye ma'o rlabs chen zhes bya ba nas/ khyod kyis 'gro ba mgon bcas bgyis pa legs zhes bya ba la sogs pa ste/ kye ma'o rlabs chen zhes bya ba'i bsdus pa'i don ni 'di min te/ sbyor ba phun sum tshogs pa dang/ bsam pa phun sum
 tshogs pa bstan to/ /dang po'i gnyis po ste/ kye ma'o rlabs chen zhes bya ba 'dis ni sbyin pa'i dngos po la chags pa med par bstan to/ /e ma'o snying rje can bya ba 'dis ni rab tu 'dzin par byed pa'i snying rje dang ldan pa ste/ 'di gnyis
 kyi phyir sbyor ba phun sum tshogs pa'o/ /'di'i sems ni ji ltar rnam dag ltos zhes bya ba 'dis ni 'bras bu yongs su ? rgyur ba'o/ /e ma'o bdag gi bde la sems ma chags zhes bya ba 'dis ni bdag la chags
 pa med pa yin te/ gnyis kas kyang bsam pa phun sum tshogs pa bstan pa'o/ /des na de nyid brtan zhing dpag mchog ces bya ba yin te/ brtan pa ni brtan pa'i bsam pa ste sems rnam par dag pa dang/ bdag nyid kyi bde ba la ma chags
 bar des bstan to/ /dang po'i gnyis pa 'dis ni dpa' ba ste/ sbyor ba phun sum tshogs pa des so/ /de ltar dang po'i tshigs bcad kyis mig sbyin pa'i spyod pa gzhi las bstod pa'i dbang du byas pa'o/ /pad+ma'i spyin rgyas zhes bya ba
 la sogs pa 'dis ni mig rnyed pa'i sgo nas bstod pa yin te/ mgon dang bcas pas so/ /bsod nams tshogs ni don yod pa zhes bya ba 'dis ni don gyis te/ brgya byin gyi mchog la bltos pa med par bden pa'i byin gyi rlabs kyis
 rang gi mig slar rnyed pa'o/ /byin gyis zhes bya ba ni bden pa'i byin gyis rlabs kyis so/ /rgyal ba ni brgya byin mchog la ma bltos par rang gi mig slar rnyed pa'o/ /bsam pa dag pa ni de tshe dang ni de ltar slong rnams kyi zhes bya ba dang/ gang yang
 bdag la ya cig bslangs na zhes bya ba'i tshigs bcad gnyis bstan pa de'i dbang du byas pa'o/ /de ltar zhes bya ba ni slong ba rnams kyis 'di lta'i gnas skabs shes gang bshad pa'i tshigs bcad des bstan to/ /dpag tshad brgya ni 'khor
 yug tu zhes bya ba ni rang du bstan pa'o/ /brag ri rnams kyi bar bcad kyang zhes bya ba ni sgrib g.yogs bstan to/ /de gnyi ga mthong ba ni lha'i mig gi mtshan nyid yin no/ /brag ri rnams kyis bar bcad kyang zhes bya bas ni bar du gcod
 pa gzhan bstan pa yang rab tu grub bo/ /ya mtshan che zhing sems rab tu dga' bar 'gyur ba'i mig gis zhes bya ba la/ ya mtshan che ba ni mig nyams pa las yang bskyed pa'o/ /sems rab tu dga' bar gyur pas ni des na mgon dang bcas par
 byas pas so/ /rab tu sbyin pa'i bsod nams las gyur pa'i zhes bya ba la sogs pa'i tshigs bcad gsum gyis ni sbyin pa rab tu bsgrubs par bstan pa'i phyir ro/ /shi bi pa rnams de ltar rigs zhes bya ba'i tshigs su bcad pa 'dis ni yang dag
 par 'dzin du gzhug pa'o/ /'jig rten phan phyir sbyin pa zhes bya ba'i tshigs bcad 'dis ni shi bi pa rnams de ltar rig byas nas zhes bya ba'i tshigs bcad de nyid sgrub pa ste/ phyi rol gyi nor gyi sbyin pa gyis shig ces bya ba bshad pa'o/ /lha'i
 mthu ldan zhes bya ba ni lha'i mthu bzhin du gang gis nus pas mig gnyis kyis mthong ba de ni mig gis mthong bas te lha'i mthu'o/ /rab tu sbyin pa'i bsod nams las gyur pa zhes bya ba ni mig rab tu sbyin pa'i bsod nams las gyur pa ste/
 lha'i mthu ldan zhes bstan pa de'i/ /lha'i mthu ldan zhes bya ba de nyid bstan pa'i phyir/ dpag tshad brgya ni tshun chad du zhes bya ba'i tshigs su bcad pa yin no/ /shin tu ring na gnas pa yang/ blta bar bya ba gsal bar mthong zhes bya ba ni nye bar gnas
 pa bzhin du rnam par gsal ba yin pa'i phyir nye bar gnas pa bzhin du gsal bar mthong ba'o/ /blta bar bya ba zhes bya ba ni phyogs kun tu ste/ 'og dang steng du yang mngon sum du dmigs so/ /sbyin pa'i mthong ba'i chos kyi 'bras bu bstan pa dang/
 pha rol tu mngon par mtho ba rab tu bsgrub pa'i phyir/ gang phyir mi'i mig ni zhes bya ba'i tshigs bcad bstan to/ /gzhan dag la brtse ba ni gzhan dag la snying brtse ba ste snying rje zhes bya ba'i don to/ /'dis ni bzod pa bstan to/ /gzhan la brtse ba
 dang dul ba'i tshul ni gzhan la brtse zhing dul ba'o/ /de las skyes pa ni gzhan la brtse zhing dul ba las byung ba'o/ /de bas na mngon par mtho ba sbyin pa'i 'bras bu ste longs spyod phun sum tshogs pa'o/ /tshul khrims kyi 'bras
 bu ni goms pa'i dngos po phun sum tshogs pa'o/ /bzod pa'i 'bras bu ni 'khor phun sum tshogs pa'o/ /mngon bar mtho ba'i thabs kyang rnam pa gsum ste/ gang phyir mig ni zhes bya ba'i tshigs bcad phyed po sgrub pa'i phyir/ sbyin dang spyad pas
 nor rnams don yod byos zhes bya ba gnyis ka bzung ba yin no/ /gsum pa ni ma byin zhing bzhag bde bzlog pa yin te/ 'jig rten 'di dang gzhan la bde ba 'byung ba'i lam zhes bya ba 'jig rten 'dir ni grags pa gtso bo yin pas 'jig rten bde
 ba 'byung ba'o/ /lam ni gang gi phyir longs spyod do/ /de bas na don yod byos zhes bya ba yin te/ sbyin pa dang spyad pas nor rnams don yod zhes bya ba'o/ /'dir don gnyis po de rab tu bsgrub ba dang skyon bstan pa'i phyir bshad pa ste/ mngon 'dod pa ni khyad
 par du 'phags ba'i gter bstan pa'i phyir dang/ nges bar legs pa'i lam nye bar bstan pa'i phyir/ 'jig rten phan phyir zhes bya ba'i tshigs bcad brtsams pa yin no/ /snying po med pa'i zhes bya ba ni snying po med pas yig ces pa ni snying po med
 pa'o/ /de'i snying po ni gang byin pa'i snying po yong pa ste/ /byin pa gang yin pa ste gang btang ba de'i snying po'o/ /'jig rten na phyir zhes bya ba ni sangs rgyas nyid du mngon par 'dod pa ste/ 'dis ni khyad par du nges par legs pa'i lam stan to/ /ji
 ltar sbyin pa sbyin par bya ba yin zhe na/ smras pa/ sbyin pa byin na gter dang 'dra bar gyur zhes bya ba ste/ mngon bar 'dod pa gang yin pa de khyad par du gyur ba'i gter yin pas btang ba byas na ni 'khor ba'i skye ba gzhan dag tu nye bar longs spyod
 par gyur te/ de la sbyin pa byin na zhes bya ba'i don to/ /shin tu chus zos gyur zhes bya ba ni gter rnam par nyams pa ste/ gcig tu chud zos pa gang yin pa de ni shin tu chud zos 'gyur zhes bya'o/ /slob dpon dpa' bos mdzad pa'i skyes pa'i rabs rgya
 cher bshad pa las yul shi bi pa'i skyes ba'i rabs so// //sems rab tu dang ba las 'byung ba zhes bya ba ni sems dam pa dang khyad par du gyur pa las 'byung ba'o/ /chung zhes bya ba ni sbyin pa'i dngos po chung zhes bya ba med
 ces bya ba'i don to/ /rab tu byed pa ni ji lta ba bzhin du yod pa'i rgyal po'i yon tan no/ /gyur zhes bya ba ni bdag nyid phun sum tshogs pa yin te/ 'dis ni yon tan dang ldan par bstan to/ /skal ba phun sum tshogs pa nyid yon tan yin pas
 skal ba phun sum tshogs pa'i yon tan no/ /de nyid bzang po ste blta na sdug par gyur pas so/ /zla ba lta bu ni rgyal po yin la/ 'od lta bu ni de'i yon tan no/ /ston ka lta bu ni skal ba phun sum tshogs pa'o/ /khros pa'i rjes su 'brangs pa'i dpal de la
 gnas te/ gang las zhe na/ 'di ltar de'i dgra dregs pa rnams kyang btang zhes pas so/ /byams pa'i rjes su 'brang ba'i dpal du yang 'gyur te/ gang las zhe na/ de la brten pa rnams la chags zhes bya ba yin te/ spro ba phun sum tshogs
 pa dang ldan zhes bya ba'i don to/ /de'i dgra dregs pa rnams kyang btang bas dpal zhes bshad pa de ni byang chub sems dpa' la nyes pa bcas te mi mthun pa yin pas snying rje'i yon tan dang 'gal bar snang ngo zhe na/ de'i lan bstan pa'i phyir/
 de ni chos kyi bdag nyid gyur pas na zhes bya ba'i tshigs bcad brtsams pa yin te/ gzhan gyi gnod pa ni gzhan la gnod ba'o/ /des gdug pa'i gzhan la gnod pas gdug pa'i sems su ma gyur pa'o/ /gal te gzhan la gnod cing gdug ba'i sems su gyur ni ni snying rje'i
 yon tan dang 'gal ba'i skyon du 'gyur gyi/ de med pas so/ /ci'i phyir zhe na/ de smras pa/ chos kyi bdag nyid du gyur pa zhes pas so/ /da lta ni ji lta de'i dgra mtshon cha btang zhe na/ de sgrub pa'i phyir/ 'bangs kyang de la glo ba nye bar
 gyur zhes bya ba yin te/ glo ba nye ba ni de'i 'bangs rje la snying nye ba des dpal mngon par sbyor bar byed de/ byang chub sems dpa' ma yin pa'o/ /de bdag gi tshe snga ma 'das pa zhes bya ba la 'das pa zhes smos pas ni snga ma'i khyad par bstan pa'i phyir
 ro/ /bdag gi zhes smos pas ni tshe rjes su dran pa'i khyad par bstan pa'i phyir te/ gzhan gyi skye ba dran pa dgag pa'o/ /rab tu skye bar gyur nas zhes bya ba ni 'khor ba'i gnas skabs rtogs shing/ tshe snga ma la dbul ba de rjes su gnas pa dran
 pa'i rgyus so/ /sbyin pa khyad par can zhes bya ba la ci'i phyir khyad par can yin zhe na/ tshe rabs snga ma la sbyin pa dang/ tshul khrims la sogs pa yang dag par blangs pa dang/ bdag gi skye ba rjes su dran pa'i rgyus sbyin pa la sogs pa'i yon tan
 dang ldan pa ste/ ci'i phyir 'bras bu dang 'brel ce na mngon par du gyur pas so/ /de la dge sbyong dang bram ze dang/ phongs pa dang/ slong ba nyid smos pa ni yon tan 'byung ba'i zhing gi dbye ba bstan pa'i phyir te/ dge spyod dang bram ze ni 'jig rten pa
 rnams kyis yon tan gyi zhing du yang 'dod pa'i phyir ro/ /don dam pa dang kun rdzob gnyis so/ /phongs pa dang slong ba smos pas ni rang gi 'tsho bas 'jigs pa dang/ slong ba de nyid kyi 'tsho ba'i dbye bas snying rje'i zhing gi dbye ba bstan pa'o/ /bde
 ba'i rgyu dang gzhir gyur pa zhes bya ba ni sbyin pa po dang byang chub sems dpa' o/ /bde ba'i rgyu zhes bya ba la bde ba ni lus dang sems kyi myong ba gang yin pa'o/ /de'i rgyu ni longs spyod do/ de'i gzhir gyur pa ni sbyin par bya ba yin te/ sbyin pa'i dngos
 po dam pa'o/ /'dis ni sbyin pa'i dngos po phun sum tshogs pa bstan te/ sbyin pa thams cad byin par ston to/ /de dag gis ni gang dag la sbyin pa dang gang gi phyir sbyin pa de bstan pa yin no/ /bde ba'i rgyu dang gzhir gyur pa zhes bya ba la/ tshul
 khrims dang gso sbyong ni bde ba'i rgyu ste/ tshul khrims kyi 'bras bu mngon par mtho ba phun sum tshogs pa'o/ /de'i gzhir gyur pa ni tshul khrims ngan pa ma yin pa de dag go /yang gang srog gcod pa la sogs pa las ldog pa'i mtshan
 nyid do/ /mu stegs la sogs pa gzhan dag ni rang gi btags pa'i tshul khrims zhes pa'i don to/ /'dis ni bslab pa'i gzhi lnga 'dzin par bstan to/ /gso sbyong dang nges par gnas bdag kyang yang dag par len te/ gso sbyong ngan pa ma yin pa
 ni yan lag brgyad pa ste/ bde ba'i rgyu dang gzhir gyur pa zhes bya ba dang sbyar ba'o/ /bsod nams kyi mthu bsgrags pa zhes bya ba la/ bsod nams ni dge ba dang chos so/ /de'i mthu ni 'bras bu chen por gyur pa yin pas de bsgrags pas so/ /bsod
 nams kyi mthu bsgrags pa'i rgyus so/ /legs par dgong par 'dod pas dang ba'i sems kyis zhes bya ba ni bsod nams kyi 'bras bu mngon sum du bstan pas so/ /don nges pa zhes bya ba ni mi 'gyur ba nyid kyi don to/ /bde bar gshegs pa
 bkur sti zhes bya ba la/ mdzes par gshegs pas na bde bar gshegs pa ste/ 'di'i lam du zhugs pa zhes bya ba'i don to/ /de la bkur sti ni sbyin pa dang/ nye bar 'gro ba dang rim gro la sogs pa'i mtshan nyid do/ /med ces thos zhes bya
 ba'i sgra ni mthong bar 'gyur ba med pa ste/ gang thos pa zhes bya ba'i don to/ /sngon zhes bya ba ni skye ba gzhan dag du'o/ /zan dron khengs pa zhes bya ba la sogs pa'i bsdus pa'i don ni dngos po dang/ tshad dang legs par ma sbyar ba ste/ sbyin
 pa'i dngos po shin tu zhan pa yin pas de skad bstan to/ /lan tshwa med pa zhes bya ba 'dis ni ro dman pa'o/ /khengs pa zhes bya ba ni tshad ma med pa ste/ 'di ni reg bya zhan pa'o/ /rtsub pa zhes bya bas ni snum med pa'o/ /'dis
 ni ?? dman pa'o/ /'di dag gis ni legs par ma spyir ba bstan pa yin no/ /de dag nye bar blangs pa'i tshul yin te/ des na de'i phun sum tshogs pa med par gyur pa'o/ /zan dron zhes smos pas ni dngos po ste ngan? pa'o/ /chang gcig zhes pas?
 ni? chu de ba ste tshad do/ /de gnyis kyis phun sum tshogs pa dang bral bar yang ston to/ /'bras bu 'byor ba chen po zhes bya ba ni kha dog la sogs pa phun sum tshogs pa'i dngos po ste/ gzugs bzang bar gyur pa dang/ grags pa dang ldan pa dang
 dga' bar gyur pa dang/ gzhan sha tshigs pa dang/ bde ba'i reg pa dang ldan pa'o/ /de ltar sbyin pa'i dngos po ni kha dog la sogs pa med kyang bde bar gshegs pa la bkur sti byas pas ni 'bras bu phun sum tshogs pa bshad pa yin no//
 yang na mtho rim gyi 'bras bu phun sum tshogs pa'o/ /phyi rol gyi dngos po'i 'bras bu phun sum tshogs pa dang/ nang gi 'bras bu phun sum tshogs pa ste/ de las nang gi phun sum tshogs pa'i dngos po'i dbang du byas nas sbyin pa'i dngos po
 kha dog la sogs pa med kyang gzugs mdzes par gyur pa dang/ dri dang bral ba yin yang grags pa che ba dang/ reg bya phun sum tshogs pa med kyang bde ba'i reg pa dang ldan pa ste/ 'di ni rang gi phun sum tshogs pa'o/ /yang na nang gi ni zla
 med pa yin pas de ni thams cad kyis mngon sum du gyur pas brjod par bya ba ma yin no/ /da ni phyi rol gyi dngos po phun sum tshogs pa'i dbang du byas nas/ shing rta sna tshogs rta dang zhes bya ba la sogs pa smos te/ shing rta dang/ rta dang
 glang po che smos pas ni nus pa phun sum tshogs pa bstan to/ /sa chen 'di ni zhes bya ba 'dis yul mi dang/ mkhar dang/ grogs po dang/ mdza' bshes la sogs pa gzung ngo/ /nor mang zhes bya ba 'dis ni mdzod phun sum tshogs pa'o/ /dpal yang
 rjes chags btsun mo rgya chen ldan zhes bya ba 'dis ni longs spyod phun sum tshogs pa'o/ /longs spyod pa'i dngos po yang rnam pa gnyis te/ rdzas la nye bar longs spyod pa'i dngos po dang/ 'khrig pa la nye bar longs spyod pa'i dngos por bshad de/
 de gnyis kyang go rims ji lta ba bzhin du rang bzhin gyi phun sum tshogs pa dang/ nye bar longs spyod pa'i phun sum tshogs pa'o/ /'bras bu grub pa bzang po zhes bya ba ni 'bras bu phun sum tshogs pa ste/ bzang po ni mdzes pa'o/ /zan dron chad
 gcig ces bya ba ni sngar bshad pas mtshon par bya'o/ /blon po chen po zhes bya ba la sogs pa nyi smros pa ni thag nye ba na spyod pa dang/ rigs mtho ba phun sum tshogs pa dang/ glo ba nye zhing zhu bar nus pa'o/ /smra ba'i spobs pa ni smra bar nus pa'o//
 thogs pa med pa ni smra ba thogs pa gang yang med pa gang la yod pa'o/ /de smra ba ni thogs pa med pas gtam gleng ba'i skabs ni gtam gleng pa'i dus skabs te/ de bab pa ni de nyid la bab pa'o/ /des pa ni dus rtag tu'o/ /gsung ba ni zhes bya
 ba'i don ni gang bshad pa'i tshigs bcad do/ /de skad ces bya ba 'di tshigs bcad gnyis so/ /ngo mtshar che ba dang/ rab tu g.yeng ba ni ngo mtshar che bas rab tu g.yengs pa'o/ /de'i don thos pa mngon par 'dod pas rab tu g.yengs ba'am/ de'i
 don yongs su shes par 'dod pas so/ /skye bo ni blon po la sogs pa'i mtshon pa'o/ /yang na bdag nyid la ston cig pa ste/ gzhan la bstan du mi rung ba mngon par 'dod pa'i don 'dri ba ste/ de bas na gsal bar dris pa'o/ /mi bsgrags
 ces bya ba ni dogs pa bsu nas smras pa ste/ gsang ba zhes bya ba 'di'i don yin no/ /gsang ba ni gsal bar mi bsgrags pa'o/ /grags pa zhes bya ba ni gsal bar bdag gis dris pa'o/ /de dga' zhing rab tu byams
 pas zhes bya ba ni lhag par dga' zhing byams pa nyid de/ snga ma bas kyang de ltar rab tu byams pa ste/ byams pa ni mngon par 'dod pa yang dag par bsgrubs pas so/ /byams pa'i lta bas bzhin gsal zhing dga' ba'i mtshan mas phyogs gcig
 tu zur gyis lta zhing dad ba'i lta bas te dga' ba'i mtshan ma dag gis so/ /don dang rgyu mtshan ma phye bar zhes bya ba la rgyu mtshan dang don ni don dang rgyu mtshan no/ /gang gi don dang rgyu mtshan mi phye bar smras pa de ni don dang rgyu mtshan ma phye bar ro/ /rgyu
 mtshan ni ci zhig bstan pa dang/ 'di'i don ci ston pa ste/ de ltar ma phye bar smras pa'o/ /ngo mtshar che ba dang yid g.yos pa ni sngar bstan pa gang yin pa ste/ ngo mtshar che bas rab tu g.yengs par gyur ces bya bar bstan pa yin no/ /ngo mtshar
 chen pos rab tu g.yos par gyur pa ni bskyod pa ste/ ngo mtshar chen pos rab tu g.yos par gyur pa nyid rab tu g.yengs pa yin no/ /yid ni sems te ngo mtshar chen pos rab tu g.yos pa'i yid do/ /gang gi phyir zhes bya ba ni gang gi
 rgyu 'am gang gi mtshan ma'o/ /zhig tu zhes bya ba ni skyes pa'o/ /'dir zhes bya ba ni 'di nyid du'o/ /nor tsam gyis ni mtho ba la zhes bya ba ni tshul khrims la sogs pa'i yon tan ni ma tshang ba zhes bya ba'i don to/ /las dag gis ni mgu ba ni
 las kyis mgu ba ste/ des sgrub pa ni byas pa'o/ /dman tshis kyis 'tsho ba gang yin pa de ni las kyi mgu bar byas nas dman tshis kyis 'tsho ba ste/ lus ngag gi 'tsho zhing spyod par byed pa ni 'tsho ba'o/ /de'i 'byor pa dman zhing zhum pa skyed
 par byed pa yin pas dman tshigs so/ /gla 'dis srog bzung ba yin pas gla mi ste/ gzhan dag gi las byed pas na sems kyis bsams shing de la zhugs te zhes bya ba ni zhugs par gyur pa'o/ /mtshan nyid ji lta bu zhe na/ brnyas shing zhes bya
 ba yin te/ gzhan gyi khyad par du gsad pa'i phyir gyur pa'o/ /ngal ba ni rang gi las yongs su dub par gyur pa'o/ /dman pa ni sems zhum pa'o/ /nges brnyas shing ngal ba dman pa'i gnas ni brnyas shing ngal ba dman pa'i gnas te/ gnas
 des yongs su brnyas shing ngal ba yin pas so/ /ci'i phyir de ltar nyes pas ma rung ba de la 'jug zhe na/ smras pa/ mi 'tshor dogs nas zhes bya ba yin te/ 'tsho ba med pas 'jigs pas so/ /dbang po dul zhing zhes bya ba ni dbang po bsrung zhing
 bsdams par yin par ston to/ /dge slong dpal gyi rjes 'brang bzhin zhes bya ba ni kun tu lta ba dang/ rnam par lta ba dang/ snam sbyar dang/ lhung bzed dang/ chos gos 'chang ba la sogs pa ji ltar mdo sde la sogs pa ji ltar mdo sde las gsungs
 pa bzhin du rig par bya'o/ /bzhi zhes smos pas ni dge 'dun gyi tshogs dang rjes su mthun par bstan pa'i phyir ro/ /'dis ni snod phun sum tshogs pa bstan to/ /dang zhing 'jam pa zhes bya ba la dad ba ni dad pa'i gzhi ste 'jam pa zhes bstan pa yin no
 sbyin pa po'i phun sum tshogs pa ni dad ba zhes bya ba'i tshig gis so/ /tshul khrims ni sngar bshad pa yin pas yang bshad par bya ba ma yin te/ tshul dang ldan yang nor tsam gyis ni zhes bya ba'i tshig gis so/ /phyag byas nas zhes bya ba ni bkur
 sti dang gus pa dang bcas pa'i sbyin pa'o/ /bsnyen bkur dang bcas pas byin pa ni de thob pa'o/ /zan dron tsam zhig gus par byin zhes bya ba 'dis ni sbyin pa chung zhes bya ba gang yang med do zhes gong du bstan pa de sgrub pa yin no/ /bdag gi khyim du
 gus pa zhes bya ba 'dis ni sbyin pa'i dngos po dag par ston to/ /de'i myu gu tsam zhig byung zhes bya ba dag gis ni gus par byas te bsod nams byas pas bsnyen bkur thob par ston pa yin no/ /nga yis de las bsams nas ni
 zhes bya ba gong du bshad pa ste/ gang yin zhe na/ rgyal po chen po ci las dgongs zhes bya ba la sogs pa de nyid bshad pa'o/ /bsod nams kyis ni ngoms mi myong zhes bya ba'i tshigs bcad phyed po 'dis ni las kyi 'bras bu mngon sum du gyur pa'i phyir
 sbyin pa'i zhing la sbyin pa'i dngos po byin pas mi ngoms par bstan to/ /dga' ba ni yid tshim pa ste/ bdag nyid kyis kyang las kyi 'bras bu de dang mnyam par mngon sum du gyur pa'i phyir ro/ /ngo mtshar che ba ni sbyin pa'i dngos po chung ba las 'bras
 bu chen po ston pas so/ /rab tu gus pa ni slar yang bsod nams la brtson pas 'jug par ston to/ /bsod nams kyis zhes bya ba ni dang zhing 'jam pa'i yid kyis zhes bya ba la sogs pa gang gong du bstan pa de 'am/ yang na bde bar gshegs
 pa bkur sti byas pa chung ngu yang zhes bya ba'i tshigs su bcad pa gang bstan pa 'di ru bshad do/ /mngon par mtho ba'i khyad par 'di lta bu'i rnam par smin pa zhes bya ba ni/ shing rta sna tshogs rta dang glang po 'gying ba dang zhes bya ba'i tshigs bcad gang
 bstan pa des bstan pa yin te/ rnam par smin pa nyid mngon par mtho ba yin pas rnam par smin pa mngon par mtho ba'o/ /mngon par mtho ba nyid bye brag yin pas na mngon par mtho ba'i khyad par ro/ /bsod nams kyi 'bras bu mngon sum du gyur
 pas zhes bya ba la sogs pa ni gang gong du bstan pa'i bsod nams kyis ni ngoms mi myong zhes bya ba'i dbang du byas pa yin no/ /dngos sdig mi mdzad pa zhes bya ba'i ldog pa'i tshul 'dis ni tshul khrims kyi pha rol tu phyin pa bstan to//
 skye dgu rnams la pha bzhin du zhes bya bas ni bzod pa'i pha rol tu phyin pa bstan te/ kho na med pa'i phyir ro/ /bsod nams kyi yon tan sgrub pa la mngon par phyogs pa zhes bya ba 'dis ni brtson 'grus kyi pha rol tu phyin pa bstan to/ /bsod nams kyi
 yid yon tan yin pas gtso bor yang dag par bzung bas so/ /brtson 'grus zhes bya ba 'dis kyang dge ba'i chos ma skyes pa'i rnam pa bskyed pa dang/ skyes pa rnams phyir zhing 'phel par byed pa'o/ /sbyin pa phun sum tshogs pa zhes bya ba ni sbyin pa'i
 pha rol tu phyin pa bstan to/ /grags pa nyid dpal yin pas grags dang dpal lo/ /des na grags pa dang dpal ni/ sbyin pa'i pha rol tu phyin pa'i mthong ba'i chos kyi 'bras bu'o/ /de bzhin du chos kyi tshul bzhin du yun ring sa chen skyong bar gyur
 ces bya ba ni ji lta ba de bzhin du yun ring du skyong bar gyur cig pa'o/ /lha mo de de ltar ga la zhig ma yin zhes bya ba ni gong du bstan ma thag pa ste/ de bas na 'di ltar zhes bya ba la sogs pa'o/ /de nyid la ni zhes bya ba ni legs pa'i lam la ste/
 da dung brtson pas bsten par bya'o/ /de ci'i phyir zhe na/ de'i 'bras bu nyams su myong ba ste/ mngon sum du mthong bas so/ /dpal phun sum tshogs pa'i rgyu yin pas dpal phun sum tshogs pa'i rgyu de las sems zhe na pa gang yin pa de ni dpal phun
 sum tshogs pa la zhes bya'o/ /ci'i phyir rgyal po la dpal phun sum tshogs pa'i rgyu 'di 'dra bar 'gyur/ ci thams cad nyid skye ba dran par 'gyur ro zhe na/ de ni ma yin par bstan pa'i phyir de lta bas na 'dri ba ste/ de nas lha mo zhes bya ba'i tshig
 gis so/ /bsod nams kyi yon tan zhes bya ba la sogs pas kyang bskyed pa'i gnas yin pa'i phyir dri ba yin no/ /gang gis thob pa'i mtshan ma des na zan chad gcig ces bya ba'i skal ba sgom pa'o/ /thub pa ni rab tu byung ba la'o//
 gus par phul ba zhes bya ba ni sri zhus byin pa'o/ /de tshe gnyid kyis log las zhes bya bas ni snga ma'i lus yang dag par rtogs pa'o/ /'chi ba'i sems las sad pa bzhin zhes bya ba yin te/ nying mtshams sbyor
 bar gyur pa'o/ /mgon khyod ces bya ba ni gang gi mgon gang yin pa de ni mgon po ste/ der gyur pa de ni mgon khyod gyur pa'o/ /sa dang bcas pa zhes bya ba ni ji ltar sa'i mgon du khyod gyur pa zhes bya ba la yin te/ des na bdag kyang khyod dang 'dra
 bar gyur zhes bya ba bstan pa'i don to/ /ji ltar thub pas zhes bya ba ni sangs rgyas bcom ldan 'das kyis te/ ji ltar bsod nams kyi 'bras bu bstan pa bzhin du rgyal pos kyang bsod nams kyi 'bras bu stan pa ste/ de bas na bsod nams la
 gus pa bskyed pa zhes bya ba ni bsod nams de nyid chung ngu yin yang rnam par smin pa che ba yin pas bsod nams la sems mngon par dang ba ste/ bsod nams kyi bya ba bskyed pa dag dang/ sems mngon par dad par gyur zhing las kyi
 'bras bu la yid ches pas sems rnyog pa dang bral ba yin te/ chu dang ba bzhin no/ /ya mtshan la rtse gcig tu gyur zhes bya ba ni gong du bshad pa dag gis ya mtshan du gyur pa de la yang yang dag par bstan pa'o/ /da ni dge ba mi che
 bas kyang zhes bya ba la sogs pa'i tshigs bcad lngas ni yang dag par len pa'i dbang du byas pa ste/ de la dge? ba mi che bas kyang zhes bya ba'i tshigs bcad 'di'i don ni 'di yin te/ dge ba zhes bya ba tshul khrims dang sbyin pa la
 sogs pa'o/ /rgya che zhes bya ba ni bdag nyid phun sum tshogs pa ston to/ /sbyin pa dang/ tshul khrims kyi bya bas rnam pa thams cad kyi mngon par mtho ba la 'jug pa dang ldan par bstan par rnam pa thams cad kyi dge ba bya ba dang ldan
 par bstan pa'o/ /de rnam pa thams cad kyis nus pa yin na yang bya ba gzhan bsten pa yin no/ /de ltar mi rung zhes bya ba'i don bstan pa ni da ltar yang mi bzod do zhes bya ba ste/ 'di ni de bas na skye ba gzhan dag tu med par bstan pa yin te ji
 ltar zhe na/ nor gyis chog par yod kyang zhes bya ba smos pa ste/ sbyin pa'i dngos po la yang ngan cing zhen pa'i phyir sbyin pa chung ba ste/ bdag nyid la chags pa dang ldan pas de phun sum tshogs pa yin yang sbyin pa mi nus par ston to/ /de
 ltar mi rung zhes bya ba la rung ba ni bzod par zhes bstan pa yin no/ /da ni de'i rgyu bstan pa'i phyir blo bsgribs nas zhes smos te/ mun pa bzhin du blo bsgribs pa yin pa'i phyir ro/ /grags pa zhes smos pa ni 'jig rten pha rol gyi 'bras
 bu ni re zhig bzhag gi /'jig rten 'di'i 'bras bu mngon sum du 'dod pa'i phyir yang sbyin pa sbyin par bya ba ste/ grags pa'i don du yang ngo/ /ser sna'i mun pas zhes bya ba ni ser sna'i mun pas blos rab tu g.yogs pa'i phyir ro zhes bstan pa
 yin no/ /de nyid sgrub pa'i phyir/ dbang med par ni gang zhig ces bya ba la sogs pa'i tshig bcad brtsams pa yin te/ dbang med par ni gang zhig btang dgos zhes bya ba ni rkun po dang chu la sogs pa rnams kyis kyang nor 'jig par 'gyur
 la/ tha mar yang bdag nyid 'chi bas mi rtag pa ste/ des nas nor te btang dgos pa yin no/ /de bzhin su la'ang phan mi thogs zhes bya ba ni dbang med par yongs su btang bas bdag nyid kyis yin zhing gzhan rnams kyi nor yin pa'i
 phyir ro/ /nor de rigs par zhes bya ba'i yon tan de phan pa yin zhing/ gal te sbyin pa'i zhing la byin na ni yon tan 'ga' zhig thob par 'gyur zhes bya ba yin te/ tha na grags pa yang ngo/ /de la zhes bya ba ni nges par yongs su btang
 ba la'o/ /ser sna'i lam la brten zhes bya ni mi ster ba zhes bya ba'i don to/ /sngar shes bzhin du ste yon tan gyi nyams sam/ yon tan gyi ro tshor bzhin du su zhig de ltar mi sbyin zhes pa'o/ /yon tan de dag gang
 yin zhe na/ smras pa/ sbyin pa las byung yon tan dga' la sogs pa zhes smos te/ ji ltar dga' ba la sogs pa'i yon tan yin zhe na/ lhag par rjes su 'brang ba'i yid tshim pa'i dga' ba skyes pas lus sbyangs par 'gyur ro/ /lus sbyangs pa
 las ni bde ba so sor myong bar 'gyur ro/ /sems bde bas ni ting nge 'dzin la mnyam par 'jog par 'gyur ro/ /sems mnyam par bzhag pa las ni yang dag pa ji lta ba bzhin shes par 'gyur te/ de ltar dga' ba la sogs pa'i yon tan
 sbyin pa las byung ba'i grags pa dang yang ldan par 'gyur ro/ /de ni sbyin pa'i chos dang/ don dang/ 'dod pa'i 'khor gsum gyi rgyu nyid du bstan pa'i phyir 'di brtsams pa yin te/ sbyin pa zhes bya gter chen zhes bya ba'i tshigs bcad smos te
 gter chen zhes bya ba gter gzhan ni god pa dang yongs su zad pa'o/ /rjes su 'gro zhes bya ba ni gter gzhan ni 'jig rten pha rol tu mi 'gro ba yin te/ 'di ni 'jig rten pha rol tu rjes su 'brang ba yin no/ /gter gzhan ni rkun po la
 sogs pa dang/ thun mong yin te/ 'di ni thun mong ma yin te/ sbyin pa'i bdag nyid khyad par 'phags pa'i don gyi rgyur gyur pa yin no/ /ji ltar chos kyi rgyur gyur zhe na/ chos kyi rgyu de bstan pa'i phyir smras pa/ sbyin pa 'dod dang ser
 sna zhes bya ba smos te/ sbyin pa dang 'gal ba'i sems kyis kun tu 'dzin pa ni ser sna'o/ /gzhan gyi phun sum tshogs pa la mi bzod pa ni 'dod pa'o/ /skyon ni de las gzhan pa ste/ sred pa dang/ zhe sdang dang/ nga rgyal dang/ ma rig pa la
 sogs pa'o/ /de nyid rdul yin pas de'i rdul te/ rdul ni sgrib pa'i don to/ /de bas na skyon de rnams sbyong bar byed pas chos kyi rgyur gyur pa'o/ /sbyin pa 'khor pa'i zhes pa 'di'i don gyis ni 'dod pa'i rgyur gyur pa yin te/ 'khor ba nyid la ma yin pas
 na 'khor ba'i lam te/ 'grod par bya ba yin pas 'khor ba'i lam zhes brjod do/ /'khor ba'i lam du bgrod pas ngal ba ni 'khor ba'i lam bgrod pas ngal ba ste/ bkres pa dang skom pa la sogs pa'i sdug bsngal gyis ngal ba'o/ /sel ba
 yin pas med pa ste/ de la med pa ni 'khor ba'i lam bgrod ngal ba med pa'o/ /'dis ni sdug bsngal las ldog par bstan to/ /sdug bsngal bsal nas bde ba sgrub pa'i dbang du byas nas/ sbyin pa bde ba mang po zhes bya ba la sogs pa'i tshig
 rkang yin te/ gcig ma yin pa'i bde ba yin te/ bde ba mang po'o/ /de dag sgrub pa ni bde ba mang po 'grub pa'o/ /grogs po bzang po zhes bya ba ni grogs po yang yin la grogs po bzang po'o/ /ji ltar grogs po bzang po yin zhe na/ sngar bshad
 pa'i tshul gyis te/ bde ba mang po sgrub par byed pas so/ /mchog yin no zhes bya ba ni rtag tu nye bar 'khor ba'i phyir ro/ /de ltar sbyin pas chos dang/ don dang/ 'dod pa rnams 'grub par bstan nas/ sbyin pa ni dang po yin te/ des na nges
 yongs su bzung ba ste/ de'i dbang du byas pa yin pas gzhan las gtso bor byas pa yin no/ /'byor pa phun sum tshogs pa zhes bya ba la sogs pa yin no/ /sbyin pa nyid kyis bsod nams kyi tshogs kyi 'bras bu mdza' dag thob par 'gyur
 ro zhes bstan pa'i don yin te/ bsod nams kyi tshogs kyang rnam pa gsum ste/ sbyin pa dang/ tshul khrims dang/ bzod pa ste rnam pa gsum mo/ /bsod nams kyi tshogs rnam pa gsum las 'bras bu yang rnam pa gsum ste/ sbyin
 bas ni longs spyod chen por 'gyur ro/ /bzod pas ni 'khor mang ba nyid du 'gyur ro/ /tshul khrims kyis ni bde 'gror skye ba ste bdag gi phun sum tshogs pa'o/ /sbyin pa'i 'bras bu ni 'byor ba phun sum tshogs pa'o//
 bzod pas ni bka' lung phun sum tshogs pa'o/ /de yang sbyin pa nyid kyis 'grub pa ste/ sngon sbyin pa'i dus su slong mo ba rnams kyi dag bzhin du byas te/ 'dod pa'i don rab tu bsgrub pa yin pa'i phyir bka' lung mnyan pa'i yon tan thob pa'o/ /
 sum cu rtsa gsum pho brang gnas sam zhes bya ba ni tshul khrims kyi 'bras bu ste/ sbyin pa'i dus su slong mo pa rnams kyi dag bzhin du byas te 'dod pa'i don rab tu bsgrubs pa yin pa'i phyir bde ba bskyed pa yin te/ de bas na sum cu
 rtsa gsum gyi pho brang du gnas pa'i rgyur gyur pa nyid do/ /gzugs bzang yon tan zhes bya ba yang tshul khrims kyi 'bras bu nyid do/ /de'i phyir ji ltar 'dis thob pa yin te/ mdog phun sum tshogs pa sbyin pa'i dngos po ma yin pa las so/ /
 gang zhig 'dod pa de dag thams cad sbyin pa thob par 'gyur zhes bya ba ni re zhig 'dod pa'i khams kyi bsod nams kyi 'bras bu thams cad 'dis 'thob ces bya ba'i don to/ /de ltar des don gtan la phab na zhes bya ba 'dis de ltar
 brtan cing de ltar nges pa'i don du gyur pa yin pa'i phyir ro/ /yang dag par bstan pa'i phyir/ sbyin pa nor gyi snying po zhes bya ba'i tshigs bcad bstan pa yin te/ 'jig rten dang 'jig rten las 'das pa'i phun sum tshogs pa'i
 rgyu ni sbyin pa yin te/ de ltar nges don gtan la phab na sbyin pa nor gyi snying po zhes bya ba ste/ mthong ba'i chos kyi thun mong du gyur pa'i nor las thun mong ma yin pa'i phyir rgyur gyur pa yin pas sbyin pa ni snying po len pa'o/ /sbyin pa dbang phyug
 rnams kyi rgyu zhes bya ba ni ma 'ongs pa'i mngon par mtho ba'i rgyur byas pa'o/ /skye bo mchog gi tshul zhes bya ba ni 'jig rten las 'das pa'i byang chub sems dpa' rnams kyi tshul lo/ /rdul tsam zhes sbyin pa zhes bya ba la/ sbyin pa rdul tsam yang
 sbyin par mi byed pa ni shes rab chung ngu dag ste/ nges don gtan la ma phab pa zhes bya ba'i don to/ /sbyin pa la sogs pa zhes bya ba la sogs pa smos pas tshul khrims la sogs pa gzung ngo/ /slob dpon dpa' bos mdzad pa'i skyes pa'i rabs
 rgya cher bshad pa las zan dron chad ba byin pa'i skyes pa'i rabs so// //brlag par 'gyur ba ni ngan song gsum du 'gro bas ni brlag pa'o/ /ngan song gsum du 'gro ba brjod pas ni gzhan ma brjod par yang grub bo//
 skal pa khyad par can dang ldan pa/ yon tan dang spro ba phun sum tshogs pa zhes bya bas ni skal ba dang skyes bu byed pa phun sum tshogs pa gnyis yin no/ /spro ba phun sum tshogs pas zhes bshad pa'i spro ba phun sum tshogs pa gang yin zhe na/ de
 nyid smras pa/ spyod tshul mi mthun pa med pa'i ngang tshul can zhes bya ba'o/ /cho rigs btsun pa dang ldan zhes bya ba la sogs pa la/ rigs btsun pa dang/ rig pa dang gzhung len par bstan pa yin no/ /phongs pa rnams ni dgar gyur pas zhes
 bya ba 'dis ni mthong ba'i chos kyi 'bras bu grags pa bstan pa'o/ /rnam par rtog pa nyid g.yo ba yin pa'i phyir rnam par rtog pa g.yo ba ste/ sbyin nam mi sbyin snyam pa'o/ /phyogs gnyi gar rgyu ba dang/ chos mthun pa rnam par rtog pa'i g.yo
 bas bskyod pa'i yid dang ldan pa'i phongs pa gang yin pa de ni rnam par rtog pa'i g.yo bas bskyod pa yin la/ sems can phongs pa rnams la'o/ /yid ches pas spobs pa'i yongs pa'i sbyor ba gang yin pa de ni yid ches spobs shing slong
 ba'o/ /de ni bdag gi bde phyir nor mi sbed ces bya ba 'di dag gis bsdus pa'i don yongs su bzung ba yin pas nor yongs su bzung ba'i bya ba yin pa ste/ 'jig rten pa rnams ni bdag gi bde pa'i don dang/ mngon
 par chags pa'i don du byed pa'o/ /gsum po de med pa'i phyir ro/ /gzhan gyi don du med ces bya ba dang/ bzlog pa de ni mi nus pa'i phyir spangs par gyur pa yin te/ 'dis ni 'jig rten las 'das pa'i nor yongs su bzung ba bstan to/ /mdog
 dang bsung dang 'jam pa la sogs pa'i zhes pa'i sogs pa'i sas ni smin pa'i nus pa dang/ bzod pa'i yon tan la sogs pa dang ldan pa'o/ /rnam pa sna tshogs zhes bya ba ni dngos po'i rnam pa'o/ /yang na bca' ba la sogs pa re re'i rnam pa
 yang sna tshogs par gyur pa yin pas sna tshogs par bshams pa'o/ /bza' ba dang bca' ba la sogs pa'i sgras bzhi ba pa dang bldag pa la sogs pa yang bzung ngo/ /de yi bsod nams kyi tshogs rnam par 'phel bar 'dod pa zhes bya ba
 la/ de'i zhes bya ba ni byang chub sems dpa' i 'o/ /'dis sogs pa yin pas tshogs te bsod nams nyid tshogs so/ /'dir sbyin pa'i nyi tshe la bsams pa yin gyi/ tshul khrims dang bzod pa rnam par 'phel par 'dod pa ni ma yin no/ /nyon
 mongs pa thams cad ni khams gsum gyi mthong bas spang bar bya ba dang/ sgom pas spang bar bya ba'o/ /nyon mongs pa nyid bud shing yin pas nyon mongs pa'i bud shing ngo/ /de yang mi mthun pa'i chos su bstan te/ ji ltar mes bud shing
 bsregs pa de bzhin du ye shes kyi mes nyon mongs pa thams cad nges par bsregs pa yin no/ /nyon mongs pa'i bud shing thams cad bsreg pa gang yin pa de ni nyon mongs pa'i bud shing thams cad bsregs pa yin no/ /dwogs med mi
 g.yo zhes bya ba 'di'i bsdus pa'i don ni gang 'dug pa dang/ ji ltar 'dug pa dang/ ci'i phyir 'dug pa ste/ tshig rkyang pa 'di'i don 'di dag ni tshigs bcad kyis sgrub pa'o/ /gang 'dug pa ni nyon mongs pa'i bud shing thams cad bsregs pa'o/ /ji ltar
 'dug pa ni nyon mongs pa'i bud shing thams cad bsreg par gyur pa las shes pa yin te/ de smras pa/ dwogs med me g.yo brtan zhing zhi ba'i zhes bya ba des bstan pa ste/ dwogs med ces smos pas ni mthong bas spang bar bya ba'i nyon mongs pa'i
 bud shing thams cad bsregs par bstan to/ /gang gi phyir dwogs pa dang ma bral ba ni bdag tu lta ba yin zhing bdag tu lta ba la 'jug pa skye ba yin te/ de med pas na de med par rjes su dpag pa yin no/ /mi g.yo brtan zhing zhi ba zhes pa dag gis
 sgom pas spang bar bya ba'i nyon mongs pa spang bar bstan pa yin te/ gti mug dang/ chags pa dang/ zhe sdang go rims ji lta ba bzhin du sbyar te/ kun tu rmongs pas ni lta bar g.yo bar 'gyur ro/ /chags pas ni mi brtan par 'gyur ro/ /zhe sdang
 gis ni ma zhi bar 'gyur ste/ nyon mongs pa de dag spangs shing med pa'i phyir ro/ /mig gis sa la gnya' shing gang du lta zhes bya ba ni khyim du 'gror rung ba'i lta ba des dbang po'i sgo bsdams pa'o/ /rab tu zhi bar gyur cing zhes bya ba 'dis ni kun
 tu lta ba la sogs pa la shes bzhin du ldan par bstan to/ /de na sdod ces bya ba ni sgo gang na slong ba'i don du'o/ /ci'i phyir zhe na/ smras pa/ de'i lag pad+ma'i mchog ni lhung bzed thogs zhes bya ba ni 'di yin te/ gang gi phyir lhung bzed lag na
 yod pa ni slong bar shes pa yin no/ /sbyin pa phun sum tshogs pa de zhes bya ba ni len pa dang gtong ba po phun sum tshogs par gyur pas sbyin pa phun sum tshogs pa ste/ 'dir sbyin pa'i sgra ni rgyud la sogs pa la yang dag par 'jug ste//
 gang gis byin pa de ni sbyin pa ste/ mchod pa dang rjes su bzung ba'i 'dod pas lus dang ngag gi las la spro ba dang bcas pa'i zhes bya ba'i tha tshig go /de la bgegs bya ba'i phyir zhes bya ba ni sbyin pa'i bar du gcod par bya ba'i
 phyir ro/ /bza' ba dang bca' ba nyid smos pa ni de la btung ba dang lhag ba las dkar ba'o/ /de la zhes bya ba ni dmyal ba'i gnas skabs kyis so/ /des smras pa ni dmyal ba zhes bya ba'i ming yang ma brjod cing dngos po ma smras pa ni nges smras pa'o/ /
 khang pa'i ngos kyi rtsig pa nas byung ste bdag gis lus ya mtshan che ba bstan pas bar snang la gnas te/ de la tshig 'di bstan pa'i phyir ro/ /phongs pas bsngags pa'i tshig gis bslus nas ni zhes bya ba ni mthong ba'i chos kyi grags pa'i phan
 yon gyis so/ /nor nyams pa'i rgyus nyes pa bsgrags pa'i phyir bshad pa yin te/ ji ltar nor chung zos zhe na/ de dag ni lo ni stong phrag du mar yang/ dmyal ba 'di na gnas 'gyur zhes bya ba yin no/ /de sgrub pa'i phyir/ nor ni 'khor gsum
 khyad par rgyu yin te zhes bya ba'i tshig bcad yin te/ ji ltar 'khor gsum gyi khyad par gyi rgyu yin zhe na/ 'di ltar nor ni chos dang don dang 'dod pa rnams kyi mngon sum dang brgyud pa'i tshul gyis te/ ji ltar mngon sum gyi rgyu yin zhe na/ mthong
 ba nyid kyi chos la zhing la nor skyed pas chos kyi rgyu yang nor yin no/ /nor yang nor gyi rgyu yin te/ /nor dang nor ni 'brel ba ste/ glang po nags kyi glang po bzhin zhes ba'i tshig gis so/ /'dod pa'i yang rgyur gyur pa nyid de/ brgyud pa'i tshul
 gyis kyang nor dang chos kyi bya ba yin te/ de yang rang gi chos kyi'o/ /rtag tu yang chos dang/ nor dang/ 'dod pa rnams kyi rgyur gyur pa nyid do/ /chos kyang 'khor gsum gyi rgyu yin te/ rgyun tu 'khor gsum gyi rgyur gyur pas so/ /mthong
 ba'i chos la yang res 'ga' don dang/ 'dod pa'i rgyur gyur pa yin no/ /de'i phyir na khyad par gyi rgyu zhes smos so/ /de med byas na zhes bya ba ni 'khor gsum gyi khyad par gyi rgyu nor dang chos med par byas na nyams par byas pa'o/ /ji ltar zhe na/ smras pa/
 nor chung gsan pas zhes bya ba yin te/ de ltar nor nyams par byas na dmyal bar gnas par 'gyur ba'i phyir ro/ /dmyal bar gnas par 'gyur ba de ltar rab tu sgrub pa'i phyir/ sbyin pa'i phyir ni chos kyi rtsar gyur pa'i zhes bya ba'i tshigs bcad
 yin no/ /chung gsan sdig byas pas zhes bya ba ni chos nyams par byas pa'o/ /de'i phyir zhes bya ba ni rgyu 'dis so/ /dmyal ba'i gshed po zhes bya ba ni mthar byed pa'i kha yin pas gshed po'o/ /de ltar tshigs su bcad pa de dag gis yang dag par
 bstan par byas nas/ yang dag par len du gzhug pa'i phyir/ de bas blo ni sbyin las bzlog na legs zhes bya ba'i tshigs su bcad pa brtsams pa yin no/ /'on kyang 'phral du ltung bar khyod mi 'gyur zhes bya bas ni dus phyi nas kyang ltung bar
 mi 'gyur ba ste/ chos kyi rtsa ba nor yin pas so/ /de dang 'gal bas na dang po'i tshigs bcad phyed kyis na sbyin pa las ldog pa'i yon tan bstan nas/ sbyin pa las mi ldog pa'i skyon bstan pa'i dbang du byas nas smras pa/ snying rjer du
 zhing zhes bya ba la sogs pa 'di yi don yin no/ /sbyin pa las ldog na ni 'phral du dmyal bar mi ltung ba nyid kyi yon tan yod de/ de'i gnyen por gyur pas so/ /de ni len pa po'i phan yon bstan pa'i phyir sbyin pa tshul min zhes bya ba la
 sogs pa'i tshigs bcad yin te/ tshul bzhin byed pa dang/ len pa po'i ni mtho ris su 'gro ba yin te/ ci'i phyir zhe na/ sbyin pa tshul min mi byed par gyur pas so/ /chos kyi rgyu ni nor rnam par spel ba na chos rnam par 'phel bar 'gyur ro//
 'dis sgrib par byed pa yin pas sgrib pa'o/ /mtho ris kyi lam sgrib pa la ni mtho ris kyi lam sgrib pa ste/ de bas na mtho ris kyi lam sgrib pa yin no/ /ldog la zhes bya ba ni sbyin pa las ldog pa'o/ /'di ni zhes
 bya ba ni bdud do/ /bdag nyid kyi snying stobs ni bdag gi snying stobs so/ /bdag gi snying stobs nyid kyi khar bor ba yin pas bdag gi snying stobs kyi khar bor ba'o/ /bstan pa ni bdag gi snying stobs kyi khar bor ba de bstan par byas pa'o/ /tshig
 'jam po rgyun mi 'chad pa gang yin pa de ni tshig 'jam po rgyun mi 'chad pa'o/ /'dir gnas pa'i bdag cag la phan pa yin pa'i phyir/ bdag cag 'dra la phan pa'o/ /bdag cag 'dra la dgongs pa ni bdag cag 'dra la phan par dgongs pa ste/
 dmyal bar ltung ba las bzlog pa'o/ /de la mthun pa ni le lo med pa'o/ /yang na dge ba ste bdag cag 'dra la phan par dgongs pa'o/ /'phags pa'i lam ni lam gzhan la phan pa la 'jug pa'i 'phags pa'i lam mo/ /de ltar zhes
 bya ba ni khyad par du ste/ las kyi 'bras bu mngon sum du mthong ba'i lha rnams kyis so/ /gzhan la phan 'dogs mkhas pa'i spyod pa yin zhes bya ba la/ phan 'dogs pa'i mkhas pa ni sbyin pa las ldog pa'i rgyu dmyal ba mngon sum du
 bstan pas so/ /nyes pa byung ba zhes bya ba ni rlung dang mkhris pa dang/ bad kan byung ba'o/ /'di ni rang gi 'tsho ba bstan pa yin no/ /nyes pa byung ba'i 'og tu yang zhes bya ba ni nyes pa byung ma thag ces bya ba'i don to/ /zhi ba'i lam der zhes
 bya ba ni nyes pa mi 'byung ba'i lam du ste/ nyes pa mi skye ba ni tha mal bar gnas pa'o/ /nyes pa byung ba'i 'og tu yang nyes pa de zhi ba'i lam du 'gro bar bya ba ste/ nad byung ba de ma thag par nyes pa de dag nyid la zhi ba'i lam du 'gro
 bas so/ /zhi ba'i lam du 'gro bas kyang ma rung ba ni tshabs cher gyur la zhes bya ba yin te/ gsor mi rung bar gyur pa'o/ /cho ga spyad pa nongs pa yis zhes bya ba ni mthun pa'i zas kyis ma zlog ba dang/ mi mthun pa'i zas bsten pas ni sman mi thogs pas
 zhes bya ba yin te/ ngal ba'i 'bras bu nye tsher zad de/ de ltar nad nye bar zhi bar mi 'gyur ro/ /de ltar dpe bstan nas/ dpe bsgrub par bya ba de bstan pa'i phyir sbyin la zhugs pa dag gis sdug bsngal 'di zhes bya ba'i tshigs bcad yin te/ dpyad kyis glon
 par rab tu mi 'gyur dogs zhes bya ba ni phan par bstan pa'i dpyad kyis gso ba'i yul du mi 'gyur ba'o/ /de sgrub pa'i phyir khyod kyi phan pa bstan pa'ang zhes bya ba'i tshigs bcad phyed bstan pa yin te/ phan pa bstan pa yang mi nyan par zhes bya ba ni phan
 'dogs pa'i gdam ngag mi sgrub pa'o/ /sems zhes bya ba ni sbyin bar 'dod pa'i yid do/ /nang dang 'dra ba ni de'i sbyin pa'i sems te/ sems la gnas par gyur pas de'i sgrar brjod de/ ji ltar sgra 'byin zhes bya ba de bzhin no/ /nor ni 'khor gsum khyad
 par rgyu yin te/ zhes bya ba'i tshig gang sngar bstan pa de las 'di brtsams pa yin te/ sbyin pa sdig par 'gyur zhes gang smras shing zhes bya ba'i tshigs bcad de sbyin pa sdig bar 'gyur zhes gang smras pa zhes bya ba la/ ji ltar smras pa yin zhe na/ nor
 ni 'khor gsum gyi rgyu yin te/ sbyin pas chud zos par 'gyur zhing de'i rgyus chos kyang nyams par 'gyur la/ nor yang chos kyi khyad par rgyu yin zhes bya ba yin te/ nor ni 'khor gsum gyi rgyu yin no zhes bshad par gyur pa'o/ /gal te
 sbyin pa sdig yin na ni gzhan du na nor ji ltar sdig par 'gyur ba ma yin te/ sbyin pa ni chos ma yin par bshad pas so/ /gter du spas pa'am/ 'jig par 'gyur ba de chos su 'gyur ro zhe na/ de bstan pa'i phyir/ de ni gter sbas zhes bya ba
 la sogs pa'i tshigs bcad smos pa yin no/ /de bas na nye bar longs spyod pas na chos kyi rgyur gyur pa yin te/ kun tu 'dzin pa ni ma yin no/ nye bar longs spyod par 'dod pa'i tshul dang/ 'dod pa'i rgyur nor gyi dbang du byas
 pa ma yin zhing chos kyi rgyu yang ma yin te/ bar du gcod par byed pas so/ /gter sbas zhes bya ba ni nor gter du sbas na ci zhig chos kyi rgyur gyur zhes pa'o/ /'on te 'jig pa ste 'jig pa ni rkun po la sogs pa rnam pa lngas so/ /mngon
 ston phrogs par gyur pa ni mngon sum du'o/ /rkun ma smos pas rgyal po la sogs pa gzung ste/ lnga po de dag kyang ma byin par len par chos mthun pas so/ /de ltar lnga dang thun mong du gyur pa yin pas 'jig par bstan to/ /gang gong
 du bstan pa'i sbyin pa tshul min mi byed len pa po zhes bya ba dag gi lam bstan pa'i phyir/ nor sbyin pa ni dmyal bar 'gro ba dang zhes bya ba'i tshigs bcad 'di bstan pa yin no/ /de sgrub pa'i phyir khyod kyi tshig de gzhan du ma gyur cig ces
 bya ba'i tshigs bcad bstan pa'o/ /phan par 'dod pa bzhin bstan par bya ba'i lag pa brkyang ste zhes bya ba'i phan zhing brtan pa'i lag pas so/ /phan par smras na yang legs par rtogs la gang du dga' bar song zhig ba ste/
 sbyin pa las log bar gyis shig pa'o/ /brdzun du smras na yang legs par rtogs pa gang du dga' ba der song zhig pa ste/ sbyin pa la 'jug par gyis shig pa'o/ /de gnyis kyis cir 'gyur zhe na/ de smras pa/ phan par smras
 pa 'di legs par rtogs la gal te sbyin pa las ldog na ni bde ba dang ldan pa yin te/ gus bcas dran par gyis zhes pa'o/ /gal te brdzun du smras na yang legs par rtogs la sbyin pa las ma log na ni 'gyod bzhin de ni
 dran par byos zhes bya ba yin no/ /gang sngar bstan pa'i brdzun du smras pa la legs par rtogs la sbyin pa las ma log pa ni 'gyod bzhin da ni dran par byos zhes bya ba de'i lan brtsams pa'i phyir/ phongs pa rnams kyis bag phab spobs
 te bslangs pa la zhes bya ba'i tshigs su bcad pa 'di yin no/ /de na phongs pa rnams kyis bag phab ste bslangs pa gang yin pa de ni phongs pa rnams kyis bag yod spobs te/ bslang ba'o/ /mi bzad pa yang yin la me lce yang yin pas mi bzad me lce 'bar ba'o/ /mi bzad me lce 'bar ba des phog nas spyi'u
 tshugs su lhung yod do/ /de'i bsod nams kyi mthu yis zhes bya ba ni nang gi bsod nams kyi mthu yis zhes bya ba ni gang gi bsod nams kyi mthu yis zhe na/ sngon byas pa'i steng gang gong du bstan pa'i bdag gi skal ba'i mthu la brten pa dang/
 sbyin pa la nyes dmigs med par yang shes pa dang/ 'jig rten pa'i yang dag pa'i lta ba las kyi 'bras bu la yid ches pa'i mtshan nyid kyi bsod nams da ltar byung ba dang/ de gnyi ga'i bsod nams kyi mthu yis so/ /bsod nams khyad
 par can las byung ba'i zhes bya ba 'dis ni gnyi ga bstan te/ des na khyad par can zhes smos so/ /de ni char 'bebs 'bar bar byed ces bya ba ni 'phags pa de'i rdzu 'phrul ston pa yin no/ /slob dpon dpa' bos mdzad pa'i skyes pa'i rabs rgya
 cher bshad pa las tshong dpon gyi skyes pa'i rabs so// //tshul khrims dang gtong ba la sogs pa'i tshig 'di dag gis ni bsod nams dang ye shes kyi tshogs dang ma 'ongs pa dang/ da ltar gyi bsod
 nams dang ye shes kyi tshogs kyi 'bras bu bstan to/ /gtong ba dang tshul khrims rnam pa gnyis ni da ltar byung ba'i bsod nams kyi tshogs te/ sbyin pa dang tshul khrims kyi mtshan nyid du bstan te/ mang du thos pa zhes smos pa ni
 da ltar byung ba'i ye shes kyi tshogs so/ /cho rigs dang dul ba zhes smos pa ni 'das pa'i tshul khrims dang dul ba las byung ba'i bsod nams kyi tshogs kyi 'bras bu'o/ /'das pa'i sbyin pa las byung ba'i bsod nams kyi
 tshogs kyi 'bras bu ni 'byor pa phun sum tshogs pa nyid do/ /shes pa zhes bya bas ni 'das pa'i tshe'i ye shes kyi tshogs kyi 'bras bu'o/ /'di dag gis dregs pa med de zhes sgyu rtsal du ma dang skad kyi rnam par shes kyang ngo/ /'di dag ni gong du
 bshad pa'i sbyin pa'i khyad par gyi don no/ /glo bur ba thams cad la zhes brtsams te/ sbyin pa po'i gtso bor gyur pa de rgyu des na 'jig rten la phan pa'i phyir zhugs pa'o/ /ser sna la sogs pa'i nyes pas zil gyis mnon pa zhes bya ba la
 'dir sogs pa'i sgra ni chags pa dang/ /phrag dog dang/ zhe sdang la sogs pa ste/ sbyin pa'i bgegs kyi rgyur gyur pas nyes pa zhes smos so/ /'dod pa'i don 'byor the tshom med gyur bas zhes bya ba la/ byin pa de ni 'dod pa'i don no/ /ma
 byin pa de ni the tshom ste/ de med pa yin pa'i phyir 'dod pa'i don 'byor the tshom med pa'o/ /de bas slong zhes nges par zhes bya ba la/ nor gang slong ba de ni slong zhes nges par smras so/ /gang gi phyir zhe na/ smras pa/ de'i sems ni zhes bya ba la
 sogs pa smos te/ chags pa'i skabs med par byas pa ste/ sems can gyi don la chags pas so/ /shin tu mi bzad nor min zhes bya ba la/ mi bzad pa ni drag pa'o/ /de rab tu mang por gyur ba'i phyir shin tu'o/ /gzhan mang po gzhan
 dag ste/ nor ma yin pa dag las kyang nor ma yin pa 'di shin tu mi bzad nor min pa'o/ /de ltar bsags pa dang/ bsrung ba gnyis kyi dus na yang nyes pa chen por gyur bas na phud khrol lam nor ba yin par bshad do/ /rgyu
 rkyen med par myur du chud za ba'i zhes bya ba la bar du gcod pa'i nyes pa yin pas na'o/ /myur du zhes bya ba ni yun mi ring bar ro/ /de la mi thogs pa'i tshul gang la yod pa de ni rgyu rkyen med par myur du chud za ba zhes bya ba yin te/ 'dis ni legs
 par srung bzhin du yang 'jigs pa dang/ myur du 'jig par bshad do/ /chags pa'i gzhi yin pa'i phyir/ des na ngan 'gro'i grogs su gyur pa yin te/ ngan 'gro'i lam gyi ded dpon zhes bya ba'i don to/ /ji ltar ded dpon gyi lam du 'jug pa rnams
 kyis grogs byed par gyur pa de bzhin du'o/ /bdag dang gzhan gyi 'byor ba thob ces bya ba la/ gzhan gyi 'byor ba thob pa ni mthong ba'i chos la slong ba rnams kyi dbul ba 'jig pa'i phyir ro/ /bdag gi 'byor ba thob pa ni phun sum tshogs pa
 thams cad kyi pha rol tu phyin pa'i rgyur gyur pas so/ /don dang mthun par 'gyur ba zhes bya ba ni 'dod pa'i don zhes bya ba'i tha tshig ste/ 'dod pa'i don phun sum tshogs pa'o/ /slong bas bslang zhes nges par smras pa la sogs pa 'dis ni sbyor
 ba phun sum tshogs pa bstan to/ /phongs ba rnams kyi zhes bya ba la sogs pa 'dis ni dngos gzhi phun sum tshogs pa bstan to/ /'jig rten dag na nor ni phal cher yang zhes bya ba'i tshigs su bcad pa 'dis ni mjug phun sum tshogs pa
 bstan to/ /des na sbyin pa'i snga rol na yid bde bar 'gyur ba dang/ sbyin pa'i tshe na dad pa dang/ tha mar byin nas kyang rjes su dga' bar bya'o zhes bcom ldan 'das kyis gang bstan pa de dang yang 'thad pa nyid do/ /ji ltar 'dod pa bzhin
 zhes bya ba la gang gi tshe gang slong ba de'i tshe de byin pa yin te/ de bas na ji ltar 'dod pa bzhin zhes bya ba 'dis ni dus dang mthun pa'i sbyin pa bstan to/ /nyon mongs par zhes bya ba la dor lta ba dang/ sbyin pa dman pa dang ldan pa mi sbyin
 pa ste/ des na bu lta bu la phan pa'i ched du dgag pa yin te/ 'dis ni yun ring ba'i bde ba'i rgyur gyur ba bshad do/ /gus pa khyad par can gyis brgyan ces bya ba ni bkur sti'i sbyin pa'o/ /rlabs che gang zhes
 bya ba ni rgya che ba'o/ /kun tu zhes bya ba ni phyogs su ma lhung bar bstan pa'o/ /yon tan 'di dag dang ldan pas na de nyid sbyin pa rlabs po che'o/ /nor dang 'bru dang rin po che dang yo byad kyi rnam pa bzhi smos pa ni yang dag par tha snyad dang/ bsags
 par bya ba dang yongs su longs spyad pa 'di dag 'jig rten na yongs su bzung ba'i dngos po ste/ de bas na bzhi po nyid smos so/ /sbyin pa chen po zhes bya ba ni sngon gyi dus nas byed pas kyang ngo/ /slong ba'i tshig smra ma phod de/ bdag gi zho shas
 'tsho ba zhes bya ba ni rkun po zhes bya ba'i don to/ /de ste bdag skal ba chung ba'i skyon gyis mtho bar gyur ba zhes bya ba la/ bdag skal ba chung ba'i skyon gyis zhes bya ba bdag gi skal ba chung ba'i skyon mi dbul ba 'byung ba'i las dang/ longs
 spyod kyi bar du gcod par gyur pa zhes pa ste/ mthong bar gyur pa de'i dbang du byas nas so/ /nor rnams do ni mi rtag par zhes bya ba'i tshigs su bcad pa dang po'i phyed 'dis ni mi rtag par brtags te/ sems mi gdung bar bstan to/ /tshig
 rkang 'og ma gnyis kyis ni slong ba rnams la ltos te yid gdungs par bstan to/ /de sgrub ba'i phyir/ sbyin pa dang bkur sti zhes bya ba la sogs pa'i tshigs su bcad pa ste/ sbyin dang bkur stis yun ring bde byas pa zhes bya ba
 la/ sbyin dang bkur sti ni sbyin pa dang bkur sti'o/ /de gnyis las gang byung ba'i bde ba ni sbyin pa dang bkur sti'i bde ba'o/ /des byas ba ni sbyin pa dang bkur stis bde ba byas pa'o/ /bslang ba ni de ltar dka' ba lta zhig ces bya ba la/ /bdag
 ni re zhig 'dris pa la yang slong bar mi spro na/ ma 'dris pa la'ang slong bar byed pa de dag ni re lta zhig dka' snyam pa ste/ de bas na dka' ba lta zhig bya'o/ /sbyin pa drags pa zhes bya ba la/ sbyin pa drags pa nyid kyi nyes dmigs kyis nyams par ston
 pa yin te/ rkun pos ma khyer zhes bya ba la sogs pa'i tshigs bcad phyed kyis so/ /zhugs pa ni zhugs pa nyid yin te/ sbyin pa de la rjes su chags pa ste/ sbyin pa la zhugs pa'i chags pa ste byams pas bskyod pa'o/ /de bas khyod la phan phyir
 zhes bya ba'i tshigs bcad gnyis kyis sbyin ba drags pa'i rgyus nor zad pa dang/ ma byin pa las ni 'brel par bshad de/ de gnyi ga'i dpe bstan pa'i phyir smras pa/ chung du god kyang zhes bya ba la sogs pa'i tshigs bcad 'di smos pa yin te/ rtag
 tu zhes bya ba ni rgyun tu'o/ /chung du god kyang zhes bya ba la/ kyang gi sgras ni mang po spyod pa lta smos kyang ci dgos zhes bya ba'i don to/ /gang gi dus rtag tu byas pa yang grogs mkhar ltar mthon por byas pa'o/ /dar bar 'dod pas bsdam pa byas
 na legs zhes bya ba 'dis ni zad cing god pa'i lam zhes bya ba bstan pa yin no/ /ma rabs zhes bya ba ni sbyin pa mi byed pa'o/ /sbyin par byed pa ni 'phags pa nyid de/ tshigs bcad 'og nas smos pas gang thob pa'i rgyu 'di las gang thob par
 'dod pa ni ma rabs zhes bya ba'i don to/ /'di ltar gyur kyang gal te ma byin na zhes bya ba'i lan ni/ bdag la med kyang rung zhes bya ba 'di yi don te/ gang yang sngon gyi 'byor pa bzang po thob par 'gyur zhes bya ba 'di ji ltar sbyin pa ma byin pa
 'phags pa nyid yin te/ des na de ma rabs su bsgrub pa'i phyir/ slong ba'i sdug bsngal zhes bya ba'i tshigs bcad do/ /slong ba nyid shi ba yin pas slong ba shi ba dang 'dra'o/ /de'i gnyen po'i lam ni nor thob pa dang nor rnyed pa'o/ /des de'i
 sdug bsngal gso bar byed de sdug bsngal ni dbul ba'i sdug bsngal lo/ /de yis phongs pa ni slong ba shi ba dang 'dra ba nyid kyis so/ /ser bas bsnun par byed pa ni ma rabs te/ slong ba shi ba dang 'dra ba 'dzin pa
 la yang med ces bya ba'i ser bas rdeg par byas pas so/ /gang rdeg par byed pa de ni ma rabs te/ khyad par du yang ya rabs gzi byin can gyis de rdeg par byed pa ni ma rabs so/ /de ltar re zhig 'di'i ma rabs sgrubs nas gang zhig thob
 phyir ser sna zhes bya ba la sogs pa'i tshigs bcad phyed po de'i don sgrub pa'i phyir/ slong bas gdungs nas zhes bya ba la sogs pa smos so/ /gzhan la phan pa la zhugs pa la ci sogs par byed dam zhes pa ste/ snga na med pa'i rin po che la
 sogs pa bdag la med kyang rung ba ste/ de bdag gi sems 'di ltar 'dis bsgrub pa'o/ /gang zhig thob phyir ser sna'i sems byung ba zhes bya ba 'dis sgrub pa'i phyir/ slong bas gdungs shing zhes bya ba'i don de ser sna'i sems kyis slong
 ba'i bde ba mi sgrub cing snga na med pa sogs pa ni mi rigs pa nyid du bstan to/ /gang zhig thob pa'i phyir ser sna'i sems byung ba la/ da ni skyes pa la yang mi rigs pa'i dbang du byas nas gang gis ser sna'i skyon zhes bya ba'i
 tshigs bcad bshad do/ /gang gis ser sna'i skyon ni 'phel 'gyur zhing zhes bya ba la/ ser sna ni gzhan gyi phun sum tshogs pa la mi bzod pa ste/ des ni snying rje med par bstan to/ gtong ba'i sems kyang skye bar mi 'gyur ba zhes
 bya ba la chags pa'i gnyen po ni gtong ba'i sems te/ yongs su skye ba zhes bya ba 'dis ni shes rab rnam par 'phel bar byed pa ste/ shes rab kyis ni phan pa med pa'i ngo bo nyid kyis yongs su spyod pa'i phyir ro/ /gtong
 ba'i sems skye ba de dang sbyin pa ste/ skyes na zhes bya ba'i don to/ skyes pa la lta smos kyang ci dgos/ de yongs su bzung bar snyad btags zhes bya ba ni yongs su bzung ba nyid snyad btags pa nyid pas yongs su bzung bar snyad btags pa ste/ snyad btags pa ni sgrib pa'i chos so/ /yang
 na gya gyu'o/ /yongs su bzung bar snyad btags pa mi ltogs par ni yongs su bzung bar snyad btags pa'i rang bzhin no/ /de gang zhe na/ phongs pa ste/ 'dis rnam par bcom pa yin pas phongs pa nyid do/ /yongs su bzung ba'i tshul nyid
 du gnas pas bcom zhes bya ba'i don te/ phongs pa'i rgyu yin bas rgyu la 'bras bu btags pa'o/ /phongs pa de nyid sgrub par 'dod pas/ glog ni 'gyu ba bzhin du zhes bya ba'i tshigs bcad brtsams so/ /glog ni 'gyu ba bzhin du zhes bya ba
 la sogs bas ni skad cig gis 'jig cing mi rtag par bstan te/ rang nyid rnam par 'jig pa'i phyir ro/ /thun mong zhes bya ba 'dis ni lnga'i thun mong du gyur pa ste/ 'dis ni rnam par 'jig pa'i rgyus 'jigs pa'i phyir te/ 'bral ba'i mi
 rtag pa bstan to/ /phongs pa du ma'i rgyu zhes bya ba ni gang sngar bstan pa'i phongs pa zhes bya ba de nyid bstan te/ phongs pa'i rgyu zhes bya ba ni bsags pa dang 'jigs pa'i dus su bsrung ba dang/ grang ba dang/ tsha ba dang/ bsad pa dang
 bcings pa dang brdeg pa la sogs pa ? yongs pa'i rgyu'o/ /'dis ni yongs su bcom pas 'phongs pa nyid du bstan to/ /de ltar phongs pa la nor gyi ser sna'i ya rabs su zhig bsten par byed de nor sbyin pa nyid la su zhig 'di ltar
 ser sna byed pa'o/ /da ni de'i rgyu bstan pa'i lam las brtsams te/ brgya byin khyod kyis zhes bya ba'i tshigs su bcad pa 'di'o/ /gnyen pa ni bdag nyid kyi nye du lta bu ste/ ci'i phyir na phan pa smras pas so/ /de bas lam min zhes bya ba
 la sbyin pa'i lam ma yin ba ni sbyin pa ma yin pa ste/ smras pa phan pa ma yin pa bstan cing bsgrubs pas ni khro ba yongs su 'dzin pa'i phyir/ khyod kyi thugs ni zhes bya ba'i tshigs bcad smos so/ /mthun pa'i
 phyogs nyid bgrod bar dka' ba'o/ /ngo bo nyid kyis sbyin pa ni ngo bo nyid kyis sbyin pa'o/ /ngo bo nyid kyis sbyin pa'i mi mthun pa'i phyogs ni sbyin pa ma yin pa ngo bo nyid kyis mi mthun pa'o/ /bgrod dka' ba ni sdug bsngal gyi bgrod dka' ba'i phyir ro//
 gzhug pa ni 'gro ba'o/ /sla ba zhes bya ba ni 'bad pa chung dus so/ /'byor ba phun sum tshogs pa zhes bya ba la gos dang/ rgyan dang/ yo byad dang/ mal cha la sogs pa bzung ngo/ /bang mdzod yongs su gang ba dang zhes bya ba 'di gnyis kyis
 ni gang sogs shing du ba de bstan to/ /gang sogs pa de'i dbang du byas nas/ legs par byed cing zhes bya ba la sogs pa ste/ legs pa byed pa ni ji ltar bya ba de bzhin du byed pa'i phyir ro/ /rlabs che ba ni re re la yang las kyi mdza' 
 mang po yod pa'i phyir ro/ /rnam pa sna tshogs pa ni zhing rmed pa dang tshong la sogs pa ste/ zhing gi rnams ni sna tshogs pas so/ /dar bar gyur pa zhes bya ba ni brtan pa dang gnas par gyur pa ste/ gnas par gyur pa gang yin pa de ni 'jig
 rten na dar bar gyur pa zhes bya ba'i don yin te/ 'jig rten dbang phyug dbang du gyur pa zhes bya ba ni gang gis 'jig rten gyi dbang phyug gis dbang du gyur pa ste/ sems can 'jig rten pa rnams bka' bzhin du byed par bstan
 to/ /bdag gi blo yis zhes bya ba la sogs pa smos pa la/ rang gi blo yis lcogs pa ni bdag gi blo yi lcogs pa'o/ /des mnyam par bzhag pa ni ma g.yengs pa 'am yang dag par khyab par byas pa'o/ /las dang yon tan
 gyi dbang du byas pa ste/ de yang grags pa'i rjes su mthun par 'gyur ba'i 'jig rten pas rab tu bsngags pa ni rigs mtho ba 'am grags pa dang rjes su mthun pa'o/ /de yang rnam pa gnyis te/ las dang rigs dang rjes su mthun
 pa'o/ /'gran zla zil mnan te zhes bya ba ni dgra'i phyogs las brtsams pa'o/ /skye bo rnams ni zhar la grogs btsal nas zhes bya ba ni tha mal pa rnams las brtsams pa'o/ /zhar la zhes bya ba ni phan tshun 'dud cing phyag 'tshal ba'o//
 mdza' bor bcas la zhes bya ba la sogs ni grogs po'i phyogs las brtsams pa'o/ /rgyal po las kyang zhes bya ba ni phun sum tshogs pa bstan pa'i rgyu nyid du bstan te/ des yongs su bsrung ba'i phyir ro/ /dpal gyis 'khyud gyur
 na zhes bya ba yin te/ 'di ltar yongs su gton bcan ni 'byor ba dang bde ba yin te/ 'di ni nye bar longs spyod pa'o/ /sdom zhing mi g.yeng gnas pa zhes bya ba la sdom pa ni sbyin pa las ldog pa'o/ /mi g.yeng ba ni nye bar longs spyod
 pa las ldog pa'o/ /yang na mi g.yeng ba ni rgyal po la sogs pa'i chad pa'i las kyis so/ /de la ma rabs 'gyur ba zhes bya ba ni gang de ltar bstan pa ste/ 'phags pas ma rabs chos bya zhes bya ba la sogs pa de'i lan gyis bstan
 pa yin no/ /'byor pa med par zhes bya ba la/ 'byor ba med bzhin du ste/ bdag gi don zhes bya ba las brtsams pa'o/ /gang zhig ces bya ba la sogs pa'i tshigs su bcad pa gnyis bstan pa las 'jig rten pa dang/ nyan thos dang rang
 sangs rgyas kyi dbang du byas pa'o/ /gzhan gyi don las zhes bya ba'i tshigs su bcad pa 'di ni 'jig rten pa'i dbang du byas pa ste/ bdag gi don ched cher 'dzin pa'o/ /gzhan gyi don ched cher mi 'dzin pa des kyang sbyin dgos pa
 yin te/ de ci'i phyir zhe na/ 'dis ni longs spyod chog pa med pas so/ /des ni mthong ba'i chos kyis bde ba bstan nas/ mtho ris thob mi 'gyur zhes bya ba'i 'jig rten pha rol gyi bde ba'o/ /ci'i phyir mtho ba'i chos
 nyid la bsod nams su mi 'gyur zhe na/ sbyin pa'i 'bras bu ni 'byor pa yin pas so zhes bya ba'i don to/ ser sna la sogs zhes bya ba 'di'i don ni nyan thos dang rang sangs rgyas kyi dbang du byas pa ste/ gang gi phyir de ni nyon mongs pa la spong ba
 'bad pas so/ /'byor pa de'i phyir zhes bya ba ni phum sum tshogs pa'i rgyu'i phyir ro/ /gang zhig skye shis nyen pa'i zhes bya ba'i tshigs su bcad pa 'dis ni byang chub sems dpa' i dbang du byas pa ste rga ba dang shi ba zhes bya ba la/ gnyis kho na smos
 pas ni nad ni nges par 'byung ba'i phyir la/ skye ba ni ma bshad kyang grub pa'i phyir 'di ltar bstan to/ /bdag kyang gtong byed cing zhes bya ba 'dis ni sems can gyi don byed pa'i tshul khrims la 'jug pa'i mtshan nyid bstan to/ /gzhan sdug
 bsngal bas bdag gi bde ba mi myong ba zhes bya ba 'dis ni sdom pa'i tshul khrims bstan to/ /khyim bdag 'byor pa phun sum tshogs pa zhes bya ba la sogs pa gang bstan pa de'i lan ni nor rnam pa phun sum tshogs pa zhes bya ba'i tshigs
 bcad do/ bdag gi sgrub pa phun sum tshogs pa dang/ gzhan gyi sgrub pa phun sum tshogs pa'i rgyu ni bdag gi sgrub pas gzhan gyi don las brtsams te/ shing rta gcig gis zhes bya ba la sogs pa'i tshigs su bcad pa'o/ /gang du lam
 drangs zhes bya ba ni dang po'i lam byed pa'o/ /gzhan zhes bya ba ni gnyis pa'o/ /de bzhin gzhan zhes bya ba ni gsum pa'o/ /bde ba ni zhes bya ba ni gtso bor gyur pa ste/ dang po gang gi rjes su 'gro ba la sogs pa'i blos 'khor bar
 byang chub sems dpa' i lam dam pa ma yin pa ste/ bdag gi don mchog tu byed pa ni lam mo/ /'di ltar gyur kyang zhes bya ba ni 'byor pa ma zad par gyur kyang ngo/ /mi bzad ngan pa zhes bya ba la ngan pa ni shin tu smad pa'o/ mi bzad pa ni sdig pa
 mchog tu byed pa'o/ /nyes dmigs ma mthong na/ zhes bya ba ni 'jig rten 'di'i bsad pa dang bcing pa la sogs pa grags pa ma yin pa'i nyes dmigs dang/ 'jig rten pha rol tu ngan 'gro la sogs pa'i nyes dmigs so/ /rab tu  
 'jug pa ni rab tu 'gro ba'o/ /gang gi zhe na/ shin tu g.yengs pa'i sems kyis so/ /khyod kyis nor ni zad par 'gyur ba'ang ma bsams shig zhes bya ba 'di'i bsdus pa'i don ni slong ba'i skye bo'i sdug bsngal bsal ba'o/ /mi byed pa'i rgyu
 de yang gsum ste/ nor la chags pa dang/ bdag gi bde ba la chags pa dang/ mi dge ba'i bshes gnyen la bsten pa'o/ /rgyu gsum po de dag zil gyis mnan nas gzhan gyi don sgrub pa la sems brtan par 'gyur ba'i phyir ro/ /
 rab tu che ba bstan zhes bya ba ni tshigs bcad snga ma 'dir bzlog pa bstan pas 'jig rten gyi ngo bo nyid bstan to/ /nor ni zad par gyur pa zhes bya ba bzlogs pas so/ /grags pa dang 'gal bar gyur pas zhes bya ba'i phyed kyis ni bdag gi bde
 nyams zhes bya ba 'di'i mi mthun pa'o/ /bdag gi bde la chags pas zhes bya ba ni nga yis bslus pa zhes bya ba'i mi mthun pa'i phyogs bstan to/ /shin tu g.yengs pa'i sems kyis rab tu 'jug ces bya ba ni bdag nyid chen po phun sum
 tshogs pa'i zhes bya ba 'di'i bzlog pa'i phyogs so/ /skye bo ni skye bo tha mal pa'o/ /de ltar mi mthun pa'i phyogs dang gnyen por bstan te/ byams kyis bskyod pa zhes bya ba brgya byin gyis dang po smras pa de'i dbang du byas pa'o/ /de ni e ma'o 
 rlabs chen zhes bya ba la sogs pa tshigs su bcad pa gnyis ni khyim bdag 'byor pa phun sum tshogs pa zhes bya ba la sogs pa lha'i dbang po brgya byin gyis smras pa de'i dbang du byas pa'o/ /rlabs??
 khyad par gsal ba zhes bya ba la/ rlabs che ba nyid kyi khyad par des rang bzhin gyis rlabs che ba ste/ bdag nyid la chags pa med par gzhan la phan pa dang bde ba la 'jug pa'o/ /ser sna nyid kyi mun pa ni ser sna'i mun pa'o/ /snying ??
 sda'i? mun pa rab tu gsal ba de nyid ni snying gi ser sna'i mun pa rab tu bsal ba'o/ /ser sna ni mun pa dang chos mthun pa yin te/ nor ni snying po med cing sems can dag sdug bsngal bar byed pa la phan bar lta ba'i gnas su gyur pa'i phyir
 de sgrub par 'dod nas smras pa/ rab tu sbyin la zhum pa'i sems su yongs ma gyur ces bya ba gang yin pa de nyid rnam par snying la yod pa ste/ de bas na snying gi ser sna'i mun pa rab tu bsal ba'o/ /rab tu sbyin pas zhum pa ni rab tu sbyin??
 la zhum pa ste/ rab tu sbyin pa la zhum pa'i sems su yongs ma gyur ces bstan pa nor med par gyur kyang ngo/ /de bas sdom zhing mi g.yeng gnas byas la zhes bya ba 'di'i thabs kyis te ston pa'o/ /gang zhig skye shis nyen pa'i 'jig
 rten skyong 'dod pa zhes bya ba byang chub sems dpa' smras pa de'i dbang du byas pa ni/ gzhan sdug pa'i sdug la ngo mtshar mi che ste zhes bya ba'i tshigs bcad do/ /'dir gzhan gyi sdug bsngal gyis sdug bsngal ba ni ngo mtshar ma yin no
 zhes bya ba ni gang sngar bstan pa'i bzhan sdug bsngal bas bdag gi bde pa mi myong zhes bya ba de'i dbang du byas te bshad pa'o/ /snying rje'i dbang gis khyod ni 'jig rten phan par 'dod ces bya ba ni gang sngar byang chub sems dpa' ??
 bstan pa'i gang zhig skye shis nyen pa'i zhes bya ba la sogs pa bstan pa yin no/ /gangs kyi ri bo rlung gis zhes bya ba'i phyed 'dis ni gang sngar bstan pa'i de la khyod kyi dpal ldan nor yang ci zhig bya zhes pa de bstan pa yin no/ /da ni de'i
 'byor pa mi snang bar byas pa'i rgyu las bsams te/ grags pa kun tu zhes bya ba'i tshigs bcad smos so/ /kun tu grags pa'i phyir zhes bya ba ni kun tu bstan pa'o/ /yongs su brtag pa ni yongs brtag pa'i phyir te/ brtags par ni
 grags pa kun tu bsgrag cing bsgrub par mi nus so/ /de ltar ma byas na ni zhes bya ba'i tshigs bcad phyed po 'di la mdzes pa'i rjes su 'gro ba ni nor bu bzang po ste/ 'dis ni mthong ba'i yul du bstan to/ /de bzhin du yon tan thos pa'i
 yul du bstan pa ni grags pa ste/ nor bu bzang po lta bu ni grags pa'o/ /de ltar ma byas na ni zhes bya ba ni yongs su brtag pa ma byas par ro/ /nor bu dag ni grags pa yin pas nor bu'i grags pa'o/ /rin che ba nyid pas ni rin chen no/ /bdag gi
 grags pa yang mi bltos la rin che ba nyid du yang mi bltos pa ste/ nor bu bzang po yin yang yongs su brtag pa med par ro/ /de bzhin du grags pa yang yongs su brtag pa med par ni kun tu grags par mi 'gyur te/ brtag pa'i rgyu des na
 khyed kyi nor 'di rnams ni bdag gis sbas par gyur ces bya ba yin no/ /de bas zhes bya ba ni gang gi phyir brtags pa'i rgyu de nges khyod kyi nor sbas par gyur pa'o/ /des na sbyin pa char bzhin phob ces bya ba ni gang nor sbas pa de nyid kyis
 bsgrub par bstan to/ /des ni rjes su bzung bas ni yang zad mi 'gyur zhes bya ba 'dis ni mchog sbyin pas bstan to/ /khyod kyis bzod pa byos zhes bya ba 'dis ni nor sbas pa de dang de 'dis ni bzod par mdzod cig pa'o/ /mgu bar byas
 pa zhes bya ba ni grags pa kun tu bsgrags pa zhes bya ba la sogs pa tshigs bcad lngas so/ /de'i nor gyis rnam pa slar byin te/ de bas sbyin pa zhes bya ba'i tshigs su bcad sngar bstan pa des bstan to/ /bzod par byas nas
 zhes bya ba ni bdag gis gtses pa 'di yang khyod kyis bzod pa mdzod ces bya ba 'dis bstan to/ /slob dpon dpa' bos mdzad pa'i skyes pa'i rabs rgya cher bshad pa las tshong dpon zil gyis mnon pa'i skyes pa'i rabs so// //
 ldum bu dang/ rtswa dang shing ljon pa yid du 'ong ba zhes bya ba 'dis ni grib ma phun sum tshogs pa bstan to/ me tog dang 'bras bur ldan pa zhes bya ba 'dis ni zas phun sum tshogs pa'o/ /chu gtsang ba baiDUrya lta bu zhes bya ba la sogs pa bzhis
 ni ming gi tshigs btung ba phun sum tshogs pa'o/ /sa gzhi ne'u sing 'jam pa dang ldan pa dang/ skye bo dka' thub can gnas pa dang ldan pas ni 'jigs pa med pa nyid du bstan te/ sngar bstan pa nyid kyis skye bo dka' thub can gnas pa'i rgyu bstan
 to/ /de ni lus bzang zhes bya ba la sogs pa bzhis ni ming gi tshogs dang/ gzugs kyi lus phun sum tshogs pa bstan te/ yon tan de dag nyid dang ldan pa'i phyir/ gcan gzan ngan pas glags par bag mi tsha bar gnas te/ ji
 ltar glags mi lta bar 'dug ce na/ smras pa/ ri dwags rgyal po'i tshul khrims kyis zhes bya ba'o/ /cha byad dang/ chog shes pa gnyis kyis ni thub pa bzhin mdzes pa yin te/ gang gi phyir thub pa rnams ni yo byad dang/ chog shes
 pas rab tu rnam par 'byed pa yin te/ de bas na 'di bstan to/ /bdag gi pag pa a dzin gon zhes bya ba'i tshigs bcad 'dis ni bdag nyid ngan pa ste/ gnod par byed pa spangs pa zhes bya ba'i don to/ /slob ma der gnas shing zhes
 bya ba ni slob ma bzhin du bde bas slob ma bder gnas te/ bde ba byed pa'i phyir bde ba lta bu'o/ /'dul ba sbyin par nus pa'i dbang du byas nas slob ma nyid dang chos mthun pas bde ba yang yin/ 'di ltar bde bas 'dul bar byed pa'o//
 yon tan khyad par can gyis skyes pa zhes bya ba ni yon tan khyad par can gyis yang dag par bskyed pa'o/ /byang chub sems dpa' de la byams pa dang gus pa khyad par can te de la byams dang gus pa'o/ /phan tshun gnyen du 'brel pa ni skye
 gnas kyi 'brel ba ste/ des 'brel ba'i byams shing chags par gyur pa gang yin pa ni phan tshun gnyen du 'brel bzhin du gcig la gcig chags shing byams par gyur pa'o/ /gcig la gcig ni phan tshun 'brel bas so/ /spobs pa
 dang bkur sti ni spobs pa dang bkur sti'o/ /de dag gcig la gcig spobs shing bkur stis rab tu mdza' bar gyur pa gang yin pa de ni gcig la gcig spobs shing bkur sti byed pas rab tu mdza' bar gyur pa ste/ de bas na 'di
 ltar ro zhes brjod do/ /dud 'gro'i rang bzhin la ni mi phyogs zhes bya ba ni srog gcod pa las ldog pa'o/ /bde ba dang mthun zhing zhes bya ba la sogs pa 'di'i lus ni phan pa yin bde ba ma yin pa dang/ bde ba yang ma yin phan pa yang
 ma yin zhes bya ba la sogs pa rnam pa bzhi las de la phan pa med pa ni gcig tu mi bya ba yin no/ /gang du phan pa yod pa don gcig tu bya ba ste/ de la phan la bde ba ma yin pa dang/ phan la bde ba de ni bya ba yin no zhes bstan to/ /bde
 dang mthun zhing yon tan mi mthun tshul zhes bya ba ni gang du phan pa dang bde ba yod pa de bstan to/ /yon tan mthun zhing bde dang mi mthun tshul zhes bya ba ni phan pa de nyid bde ba nyid du bstan to/ /yon tan phyogs la brtan na ni zhes
 bya ba ni gang la phan pa yod pa de la brten pa zhes bya ba'i don to/ /gzhan la snying rje dang sgrub pa ni snying rje dang sgrub pa'o/ /de gnyis kyis bla mar gyur ba ni gzhan la snying rje sgrub pa'i bla ma ste/ bsam pa dang
 sbyor ba gnyis che ba'o/ /yang na bdag dang gzhan la phan par sgrub pa'o/ /yang na gzhan la snying rje ba nyid sgrub pa yin pas gzhan la snying rje che ba'i bla mar gyur pa ste/ gzhan la phan par sgrub pa yin pas bla ma zhes brjod pa yin
 no/ /yon tan rje 'gro rang bzhin phun sum tshogs zhes bya ba la slob ma rnams kyi rang bzhin phun sum tshogs pa bstan to/ /slob ma dang bla ma'i phun sum tshogs pa gnyis kyi grags pa lha yul du yang grags par gyur pa'o/ /
 dkyil 'khor yongs su rdzogs pa nye ba cung zad ma rdzogs pa bzang po ni yongs su ma gang ba'i mdzes pa'o/ /'du ba gang yod mdza' ni zhes bya ba la sogs pa'i tshigs bcad drug smos pa la/ de la 'du ba gang yod ces bya ba'i
 tshigs bcad 'dis ni bsod nams kyi tshogs kyi 'bras bu g.yog 'khor dang longs spyod chen po'i bdag nyid srid pa'i phun sum tshogs pa mdza' rgud pa nyid du bstan te/ 'du ba gang yod mdza' ni 'bral bar 'gyur zhes bya ba ni
 mthar 'byed pa yin te/ 'dis ni bsod nams tshogs kyi 'bras bu g.yog 'khor chen po dang bral zhing mthar rgud pa nyid du bstan to/ /dar ba yod na ngan pa rgud pa'i mdza' zhes bya ba 'dis ni sbyin pa las byung ba'i bsod nams
 kyi tshogs kyi 'bras bu longs spyod chen po las mdza' rgud pa nyid du bstan to/ /tshe yang glog bzhin 'gyu zhing mi bstan no zhes bya ba 'dis ni tshul khrims las byung ba'i bsod nams kyi tshogs kyi 'bras bu bdag gis phun
 sum tshogs pa 'chi ba nyid kyis rgud par bstan to/ /de'i phyir zhes bya ba ni bsod nams kyi tshogs gsum po de nyid kyi phyir bag yod par bya ba ste/ phyis kyang de'i rgyu 'phel ba la bag yod par bya'o/ /yang na 'di'i bsdus pa'i don
 gzhan ni dge ba'i bshes gnyen dang/ lus dang srog dang bral ba dang/ rgud pa dang/ 'jigs pa zhes bya ba ste/ de bas mthar rgud pas 'jigs pa med pa las rgyu gsum gyi bag yod par 'gyur te/ tshigs bcad 'dis go rims
 bzhin du sbyar ro/ /bag yod par bya'o zhes bstan pa la/ ji ltar bag yod par bya ba dang/ de'i phan yon bstan pa'i phyir/ de bas sbyin pa tshul khrims zhes bya ba'i tshigs bcad smos so/ /sbyin pa zhes bya ba'i ni sbyin pa'i bsod nams
 kyi tshogs bstan to/ /tshul khrims brgyan pa zhes bya bas ni tshul khrims dang/ bzod pa'i bsod nams kyi tshogs bstan to/ /tshul khrims las tha dad pa de yang gang zhe na gnod bar byed pa la lan du gnod pa byed pa'i mtshan nyid
 kyi bzod pa med pa'o/ /tshul khrims med na ni gnod pa mi byed pa la yang gnod pa byed pa ste/ des ni gnod pa byed pa las ldog pa'o/ /de bas na sbyir gnyi ga la sbyar ba yin te/ tshul khrims smos pas bzod pa ma smos kyang grub pa
 yin no/ /skye ba'i ngan 'gro'i nang na zhes bya ba'i tshigs bcad kyi phyed 'og mas ni bsod nams kyi tshogs dang 'brel ba'i phan yon no/ /rten ni gnas zhes bya ba'i don to/ /skar ma rnams kyis dpal ni zhes bya ba la
 sogs pa'i tshigs bcad gsum smras pa ni bsod nams kyi gnas gsum smos pa'i phyir ro/ /de la skar ma rnams kyi dpal ni zhes bya ba'i tshigs bcad ni tshul khrims las byung ba'i bsod nams kyi tshogs kyi 'bras bu sgrub
 pa'i phyir te/ tshul khrims ni bdag gi phun sum tshogs pa'i 'bras bu ste/ de yang ris 'dra ba la tshul khrims de khyad par du gyur pa'i 'bras bu nyid du bstan to/ /skar ma rnams dang bsil bar rigs
 'dra zhing chos mthun pa de las khyad par du gyur pa'i yon tan gyis zla pa mdzes pa yin te/ mdzes shing khyad par du gyur pa yin no/ /'od zer can ni 'od dang ldan pa ste/ chos mthun pa'i 'od dang ldan gzhan pa bsangs la sogs pa'i
 'od zer can 'od dang ldan pa'o/ /nyi mas zhes bya ba ni tshul khrims kyi rang bzhin gyi bsod nams kyi yon tan la sogs pa'o/ /sa'i dbang phyug ces bya ba la sogs pa'i tshigs bcad ni bzod pa'i rang bzhin gyi bsod nams kyi tshogs
 kyi 'bras bu ste/ nges par 'byung ba ste da ltar byung ba'i skyes bu'i byed pa dgon pa'i ri dags kyang ci yang mi byed do zhes ston to/ /de ltar bsod nams ma yin pa rjes su 'brang ba zhes bya ba la/ ji ltar rjes su 'brang ba yin zhe na/ de
 bstan pa'i phyir/ bsod nams che bas zhes bya ba 'di'i don yin te/ bskrad pa nyid yin pas bskrad pa ste/ ji ltar gang su dag gis bskrad cing rjes su 'gro ba bzlog ste de dang mi mthun pa'i phyogs la brten pa de bzhin du/ bsod
 nams che bas skrag pa bzhin du de nye bar 'gro ba'i glags skabs thob pas de'i mi mthun pa'i phyogs kyi bsod nams rab tu nyams pas de'i mi mthun pa'i phyogs so/ /khros bzhin zhes bya ba la/ gang la khros bzhin zhe na/ bsod
 nams che ba la khros pa bzhin du drung du 'gro'o/ /sngar bstan pa'i de las sbyin pa tshul khrims zhes bya ba'i tshigs bcad des ni bsod nams nyi tshe srel ba la grogs po btsud pa yin no/ /sdug bsngal gzhir 'gyur zhes bya
 ba'i tshigs bcad 'dis ni mi mthun pa'i phyogs? spang pa dang/ gnyen po'i phyogs bsten pa la grogs po dag yang dag par 'dzud pa yin no/ /sdug bsngal gyi gzhir gyur ces bya ba'i tshigs bcad 'di la sdug bsngal gyi gnas yin pas
 sdug bsngal gnas gzhi ste/ gang la sdug bsngal gyi gnas kyi bsod nams ma yin pa'i las yod pa de ni sdug bsngal gyi gzhi'o/ /de bas na 'dis ni sdig pa'i las te ngan song gi rgyu nyid du bstan to/ /gang la gtam ngan dang rjes su 'brel ba'i
 sdig pa'i lam de ni gtam ngan rjes su 'brang ba'o/ /de bas slar log la zhes bya ba ni bsod nams ma yin pa'i las ldog pa ste/ ser sna dang tshul khrims 'chal cing mi bzod pa de las slar ldog pa'o/ /dpal ldan pa zhes bya ba ni mthong ba'i
 chos kyi grags pa la sogs pa'o/ /bde ba rab 'byung sgrub la zhes bya ba ni bde ba rab tu 'byung ba'o/ /de'i sgrub pa ni bde ba rab tu 'byung ba sgrub pa ste/ 'dis sgrub pa yin pas sgrub pa'o/ /bsod nams spyad pa la zhes bya ba ni bsod nams dang
 'brel ba la ste/ 'dis ni rtag tu byed pa la sbyor ba yin no/ /de ltar re zhig snyan par smra ba'i mtshan nyid kyi bsdu ba'i dngos pos bsdus nas don mthun pa'i bsdu ba'i dngos pos bsdu ba'i phyir/ bdag nyid chen po des bsams pa zhes bya
 ba smos te/ gzhan du na ji skad du smras pa de bzhin byed pa nyid du ston par mi 'gyur ro/ /'dir ci'i phyir sbyin pa dang don sbyod pa'i bsdu ba'i dngos po ma bshad ce na/ de ni bshad pa nyid de/ sngar sbyin pa'i rang bzhin gyi bsdu ba'i dngos po
 bstan pa ni phan tshun gnyen du 'brel ba bzhin du gcig la gcig byams par ni gyur ces bya ba'i tshig rkang gis bsdus pa yin te/ thabs sbyin pa yang bsdu ba'i dngos por grags pa nyid de yang brjod par mi bya'o/ /don spyod pa'i
 bsdu ba'i dngos po yang bshad pa nyid de/ gcig la gcig spobs shing bkur sti zhes bya ba la sogs pa'i tshig rkang gis bstan te/ gang gis phyir spobs shing bkur sti ni don spyod pa bsdu ba'i
 dngos po ste/ de bas na bsdu ba'i dngos po bzhi yang bstan pa'i tshul nyid yin te/ yang tshig bstan pa ni brjod par mi nus pa'i phyir ro/ /mgron la bsnyen bkur byed pa'i ci'i phyir nus pa med ce na/ rtswa ni sos bcad par nus pa yin te
 de bas na bdag gi so rtses zhes bya ba'i tshigs su bcad pa 'di lta ste/ sngar ma byung ba nyid bstan cing mgon la bsnyen bkur mi nus pa nyid de/ /de ltar gsal ba nyid du bstan pa'i phyir tshigs bcad brtsams pa yin te/ rtswa'i myu
 gu kha bo ni zhes bya ba ni rdzas dang ros mgron la sbyin du mi rung ba nyid du bstan to/ /yod ye zhes bya ba ni mdor bsdu na nus pa med pa dang mnyam pa'i smad pa ni cung zad kyang med pa'i phyir ro/ /de bas sbyin pa mi nus pa zhes bya ba ni gzhan
 la phan 'dags pa'i nus pa nyi la zhan pa'o/ /yang na nus pa med pa dang zhan pa ni nus med zhan pa ste/ slong ba rnams la phan 'dogs par mi nus pa'o/ /gson yang ci la phan zhes bya ba ni gson pa zhes bya ba 'dis gzhan la
 phan 'dogs pa gang yin pa de ni nus pa med pas don ci zhig yod ces so/ /dga' ba zhes bya ba ni dga' ba'i rgyu ste/ rgyu la 'bras bu btags pa'i phyir ro/ /mya ngan yang mya ngan gyi rgyu ste/ bdag ni mgron bzhin 'ongs gyur na
 des bya ba ni sngar bstan pa'i nus pa med pa dang ldan pa'o/ /'di ltar zhes bya ba ni bdag gi so rtses zhes bya ba'i tshigs bcad du bstan pa de'i rnam pas mgron la bsnyen bkur bya bar mi nus pas so/ /mgron rnams kyi bsnyen
 bkur ni 'gron gyi bsnyen bkur ro/ /de la mi rung ba ni mgron gyi bsnyen bkur bya bar mi rung ba'o/ des snying po med pa ni mgron la bsnyen bkur byar mi rung bas snying po med pa'o/ /lus nyid nor yin te/ nor ni 'dod pa'i don sgrub pa nyid
 kyis te/ sems khyod de bas na rtogs pa de las mi dga' ba ma byed cig pa'o/ /yongs su rdzogs par yod pa 'dis mgron gyi skye bo spobs par slong ba la mgron bya'o zhes so/ /mthu dang rab tu dang ba dag rab tu bstan pa ste/ lha rnams
 byang chub sems dpa' i mthu ston par byed cing/ byang chub sems dpa' i gtam lha rnams sgrog par byed do/ /mthu dang dang ba lha rnams la ni bstan par gyur ces bya ba de'i rgyu bstan pa'i phyir/ de nas sa gzhi zhes bya ba la sogs pa'i
 tshigs bcad gsum ste/ tshigs bcad 'di gsum gyi sdus pa'i don ni sa 'gul ba'i mtshan ma dang/ mchod pa'i dbang du byas pa ste/ mkha' las lha'i rnga sgra zhes bya ba la sogs pa ni mchod pa'i don to/ /phan tshun sngos pas
 me tog gi rdul rnams lhag par gyur pa gang yin pa de ni phan tshun sngos pa'i rdul rnams lhags pa'i me tog go /rab tu 'khrigs pa srab mo'i zhes bya ba ni rab tu 'khrigs pa gang yin pa'i srab mo'i gos yin gyi/ gzhan rab
 tu 'khrigs pa ni ma yin no/ /de las thos pa ni sa 'gul ba la sogs pa'o/ /rab tu dga' zhing ngo mtshar skyes pa ni sngar dang ba thob pa'o/ /yid la ya mtshan dang ngo mtshar che ba zhes bya ba ni ngo mtshar dang ya mtshan che ba
 gnyis kyis drangs pa ste/ des ngo mtshar du gyur nas rnam par rtog pa rmad du byung bar gyur ba'i phyir ro/ /ngo mtshar che ba des na de nyid nyams sad pas 'dod pa ste des so/ /nyi ma'i 'od rab tu gsal ba gang yin pa de ni nyi
 ma'i 'od zer rab tu gsal bar gyur pa'o/ /'dir tsha bas byas pa'i ngal pa des gdungs pa gang yin pa de ni tsha bas gdungs shing ngal bar gyur pa'o/ /de dag gis ni bkres pa dang/ skom pa dang
 dal bas gdungs shing mgrin pa 'gags pa'o/ /yang na bkres pa dang/ skom pa dang/ ngal bas byas pas gdungs pa des mgrin pa 'gags pa gang yin pa'o/ /grogs dang bral bas gcig pur ces bya ba'i tshigs su bcad
 pa 'di'i bsdus pa'i don ni lus dang sems sdug bsngal gyis nyam thag pa bdag la bskyab pa'i rigs so zhes bstan to/ de la sems kyi sdug bsngal ni 'jigs pa ste/ grogs med pa'i phyir ro/ /nags tshal stug po'i nang du
 'dug pa ni lus kyi sdug bsngal yin te/ de yang rnam pa gnyis so/ /lhan cig skyes pa'i sdug bsngal dang/ lam du zhugs pas dub pa'i sdug bsngal te/ bkres pa dang ngal ba de gnyis kyis dub pa'i lus zhes smos pa'i
 phyir ro/ /skom pa yang lhan cig skyes pa'i sdug bsngal gyi rang bzhin yin bsam smos so/ /tshigs bcad snga ma'i don nyid bstan pa'i phyir tshigs bcad pa gnyis pa yang brtsams te/ bdag ni lam dang lam min zhes bya
 ba'o/ /yang na khyad par dmigs pa yin te/ tshigs bcad de las ni snga mar nags tshal stug po'i nang du 'dug ces bshad pa la/ nags tshal gyi rgyu ma bstan pas de'i rgyu lam dang lam min zhes bya ba 'dis bstan
 to/ /ji ltar bstan pa'i don nyid/ tsha ba dang/ skom pa dang/ ngal ba'o zhes sngar bstan pa'i khyad par te/ sngar bshad pa'i tshigs bcad kyi don yang lhan cig skyes pa'i sdug bsngal skom pa bskang ba ste/ de'i rang
 bzhin bkres pa'i sdug bsngal smos pa yang rab tu grub bo/ /rings rings ltar mgyogs su dong ste zhes bya ba ni brtabs shing rings pas mgyogs par 'gro ba gang yin pa de ni rings rings ltar mgyogs su dong ba'o/ /dga' ba
 dang rtab rtab ni dga' bas rtab rtab pa'o/ /de gnyis kyis mgyogs par 'gro ba gang yin pa de ni dga' bas rtab rtab por gyur cing mgyogs por song ba'o/ /nya pa rnams kyi brjed nas bor ba 'am zhes bya ba 'dis ni gzhan gyis
 bsad pa nyid du bstan to/ /sngags te brgal bas thong la 'gres pa dag ces bya ba 'dis ni rang nyid shi ba nyid du bstan te/ gnyi gas kyang bdag gis ma bsad pa nyid du bstan to/ /de bas na sbyin pa'i dngos po nyon mongs pa med
 pa nyid du bstan to/ /la la zhig gis zhes bya ba 'dis ni rku ba dang rngon pa ma yin pa nyid du bstan te/ des na yang nyon mongs pa med pa ste/ lhag ma rnams ni snga ma bzhin no/ /chung du na 'bras bu 'di smos pa yin no/ /ri bong
 grong na nye bar gnas pa gzhan dag la ni yod de/ bdag ni nags su skyes nas med do zhes bstan to/ /des na yang mud ka la sogs pa bcos pa'i khyad par las ma gtogs par yang bza' bar nus te/ des na de dag nyid
 smos so/ /gang gi don sgrub nor ci yod pa zhes bya ba 'dis ni rang dgar yod pas nyon mongs pa med pa'i sbyin pa bstan to/ /lhag pa'i zhes bya ba ni khyad par du gyur ba'o/ /nor dbyig ces bya ba ni nor thams cad de/ re zhig
 bdag nyid ches bya ba la/ /bdag yongs su gtang ba la dgongs pa'o/ /khyod la brten nas bdag gi don yong gyur ces bya ba ni 'di ltar sbyin pas so/ /gus shing rim gro skyed de zhes bya ba la/ gus pa dang rim gro med par
 gzhan du na de ji ltar nus par gyur pa'o/ /de la de skad ces smras te zhes bya ba ni slong ba'i 'gron la dga' zhing yon tan che bar rtogs nas zhes bya ba'i don to/ /ji ltar mchog tu dga' ba yin
 zhe na/ nor 'dod pa dag gter ni mthong ba bzhin zhes bya ba yin no/ /ji lta bu'i me'i nang du zhugs zhe na/ me 'bar de'i nang du zhes bya ba dang/ pad+ma rgyas pa'i chu nang dad pa bzhin zhes bya ba'o/ /ji ltar gter mthong bas ni mchog tu
 dga' ba de lta bu ma yin te/ de bas na 'phral la zhes smos so/ /ci zhig btang zhe na/ lus so/ /ji ltar btang zhe na/ chags pa med pa 'gron la byams pa'i phyir ro/ /'di ltar yang chags pa med pa ni me tog dman ma bzhin no/
 gtong ba rgya chen zhes bya ba ste/ de bas na lus la chags pa med pa yongs su gtong bas so/ /sems kyang gsal ba ni zhes bya ba ni 'gron la byams pas gtang ba'o/ /gtong ba rgya che ba dang sems kyang gsal ba'i rgyu bsgrub
 pa'i phyir/ e ma'o yon tan goms byas pa zhes bya ba'i tshigs bcad smos te/ de bas na lus la chags pa med par dud 'gro'i skye gnas su gyur pa yang sems gsal bar byed pa dang/ yon tan la goms pa'i phyir
 ro/ /rgyu dang skye ba sna tshogs pa dag la yang gtong ba rgya che bar byed pa'o/ /dam pa'i spyod gzhol ba zhes bya ba ni snying stobs rgya che ba'o/ /gang du rnam par mdzes pa ni zla ba ste/ gnas skabs ji lta ba bzhin du yongs su
 rdzogs pa la ste/ da lta'i dus su yang gnyi ga la sbyar bar bya'o/ ji lta bu zhe na/ dngul gyi me long ma bzhin du'o/ /ji ltar mdzes par snang zhe na/ zla ba'i gzugs brnyan bzhin du mdangs dang ldan pa lta bur ro/ /slob dpon
 dpa' bos mdzad pa'i skyes pa'i rabs rgya cher bshad pa las ri bong gi skyes pa'i rabs so// //dka' thub kyi nags tshal na gnas pa rnams la yang zhes bya ba ni gzhan yongs su bzung ba spangs pa'i phyir
 dka' thub kyi nags na ni gtong ba med de/ gtong ba'i nus pa med pa yin pa'i phyir de bas na yang gi sgra smos so/ /khyim na gnas pa rnams lta smos kyang ci dgos zhes bya ba ni de las zlog pa'i phyir ro/ /'jig rten la phan pa'i phyir 'khor ba
 na gnas pa'i tshe zhes bya ba ni gal te 'jig rten la phan pa la bltos pa med par mdzad na ni skad cig gcig gis 'khor ba'i lam gyi mthar gshegs par 'gyur ro zhes bya ba'i don to/ /spyod pa'i dang yon tan rnam par dag pa mngon
 par mtshon pa zhes bya ba la/ spyod pa ni lus dang ngag gi mtshan nyid do/ /yon tan yang spyod pa'i mtshan nyid do/ /yang na spyod pa ni spyod pa'o/ /yon tan ni bsam pa'o/ /spyod pa dang yon tan dag ni rnam par dag pa'i spyod pa dang yon tan
 rnam par dag pa'o/ /des mngon par mtshon pa ni spyod pa dang yon tan rnam par dag pas mtshon pa'o/ /sa'i steng na rgyan du gyur pa zhes bya ba ni rigs mtho zhing mtho ba'i rgyud du gyur pa ste/ shas cher lhag par mdzes pa des rgyun
 du 'gyur/ skyes pa'i las la sogs pa bya ba rnams ni byas zhes bya ba 'dis ni mchod sbyin bstan to/ /rigs byed yan lag dang bcas pa ni bslabs zhes bya ba 'dis ni 'don pa bslabs pa'o/ /mkhas pa'i grags pas mi'i
 'jig rten khyab par byas zhes bya ba 'dis ni 'don du 'jug pa bstan to/ /phul ba rnams blangs pa zhes bya ba 'dis ni len pa bstan to/ /gnyen dang mdza' bshes rten dang zhes bya ba la sogs pas ni sbyin pa bstan to/ /bram ze'i lus
 su bstan pas las lhag ma ci zhig lus zhe na/ mchod sbyin byed du 'jug pa ste/ de ni byang chub sems dpa' mi mdzad de/ 'gro ba thams cad la 'tshe ba med pa dang ldan pa'i phyir ste/ 'tshe ba spong bar 'dod pas so//
 gnyen dang mdza' bshes rten dang zhes bya ba ni los kyang gso dgos pa'i dbang du byas pa'o/ /phongs pa rnams zhes bya ba ni snying rje'i zhing gi dbang du byas pa'o/ /mgron dang bkur sti bya ba rnams zhes bya ba ni yon tan gyi zhing ste mgron
 yang yon tan gyi zhing du bzung bar bya ste/ gang gi phyir slong ba dag ni byang chub sems dpa' i dge ba'i bshes gnyen du gzung bar bya'o zhes bya ba'i tshig gis so/ /bla ma zhes bya ba ni phan 'dogs pa'i zhing ngo/ /zla ba lta bu ni mkhas par
 grags pa'o/ /ston ka lta bu ni gtong ba dang dpa' ba' o/ /bya ba ngan pas 'brel ba'i nyes pas glags pa zhes bya ba ni mngon par mtho ba'i phyogs dang 'gal bar bstan to/ /bag med pa'i gnas su gyur pa zhes bya ba 'dis ni nges par legs
 pa dang 'gal bar bstan to/ /bag med pa gang zhe na/ dge ba'i chos rnams mi sgom pa ste/ 'dis ni nyon mongs pa'i kun nas nyon mongs pas nyon mongs pa nyid du bstan to/ /snga mas ni las kyi kun nas nyon mongs pas nyon mongs pa nyid du
 bstan to/ /da ni skye ba'i kun nas nyon mongs pa nyid bstan te/ tshol ba la sogs pa'i skyon yin pa'i phyir ro/ /nye bar zhi ba dang 'gal ba zhes bya ba ni nye bar longs spyod pa'o/ /'ben du gyur pa zhes bya ba ni 'jig pa'i dus su mya ngan
 dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa la sogs pa'i phongs pa brgya'i 'ben du gyur pa'i phyir ro/ /so tshis kyi las sgrub pa mdza' yas zhes bya ba ni nor sgrub pa la sogs pa'i
 yongs su ma gyur pa dang mthar ma phyin pas so/ /chog mi shes pa zhes bya ba ni nye bar longs spyod pas ngoms pa med pa'o/ /de'i nyes pa med cing bde la zhes bya ba ni ngan pas 'brel ba'i nyes pas glags pa med pa'i bde ba'o/ /chos sgrub pa dang rjes
 su mthun pa zhes bya ba la chos ni 'dir mngon par mthong ba la dgongs so/ /de sgrub pa ni chos sgrub pa'o/ /'di'i rjes su mthun pa ni rjes su 'gro ba dang lugs su 'byung ba ste/ bya ba ngan pas brel ba'i gnyen pos bya ba bzang po sgrub pa dang rjes
 su mthun pa nyid du bstan to/ /thar pa'i chos brtsams pa'i gnas su gyur pa zhes bya ba la/ 'dir chos ni thar pa sgrub pa'i chos la dgongs so/ /thar pa'i chos brtsams pa de'i rtsom pa lhag pa'i tshul khrims dang sems dang/ shes
 rab kyi mtshan nyid de'i gnas su gyur pa'o/ nyon mongs par rnyed pa zhes bya ba ni bsags pa'i sdug bsngal ma yin pas rnyed pa ste/ snga ma nyid du yon tan la dga' ba'i sbyin pa bo dag gis mchod cing phul ba bslangs pa zhes bstan
 pa'i phyir te/ 'dis ni sbyin pa'i pha rol tu phyin pa'i 'bras bu bstan to/ /'jig rten gyi bkur sti byas pa yid du 'ong ba dag kyang zhes bya ba 'dis ni bzod pa'i pha rol tu phyin pa'i 'bras bu bstan te/ bdag nyid kyi phun sum tshogs pa
 sngar bstan pa'i phyir tshul khrims kyi 'bras bu yang bstan to zhes bya ba'i tshigs gis so/ /rab tu byung ba dka' thub can gyi dul ba dang bsdam pa la rab tu 'bad pa zhes bya ba la/ rab tu byung ba dka' thub kyis dul ba dang bsdams
 pa'i dka' thub can gyi rab tu byung ba dul ba dang bsdams pa'o/ /de rab tu byung ba'i dul ba bsdams pa mchog tu byed pa ni gtso bor byed pa ste/ dul ba dang bsdams pa zhes bya ba'i don to/ /grags pa che ba dang zhes bya ba ni grags pa
 gsal bar gyur pas so/ /sngon bshes pa rjes su dran pa dang zhes bya ba ni yongs su 'dris pa'i phyir ro/ /srid pa'i yon tan dang/ rab tu zhi bas mtshon pa'i phyir zhes bya ba ni srid pa'i yon tan nye bar zhi ba gang
 yin pa de ni rab tu zhi ba'o/ /srid pa'i yon tan nyid rab tu zhi ba des mngon par mtshon nas srid pa'i yon tan rab tu zhi bas mngon par mtshon pa'o/ /'dis ni thos pa ste/ 'grogs pas ni ma yin no/ /de ltar na mthong ba tsam gyis de bzhin du
 'ong bar 'gyur ro zhes smos te/ sngon khyim pa'i gnas skabs bzhin rab tu byung nas kyang rab tu dben pa'i bde ba med par byed pa 'khrug pa dang zhes bya ba ni bsam gtan gyi bde ba bcom pa'o/ /yang na rab tu byung ba'i bde ba bcom pa'o//
 ci lta zhe na/ g.yeng ba dang bar chad du gyur ba de la zhes bya ba ni g.yeng ba dang bar chad du gyur pa'i khyim pa'i 'du 'dzi ste/ dben pa'i 'du 'dzis par du gcod par byed pas 'dres pa'o/ /de la mi dga' nas zhes bya ba ni gzhan gyis ni dben
 pa'i ro mi shes shing 'du 'dzi la dga' ba ste/ de bas na mngon par 'jug pa la dga' ba zhes bstan to/ /rab tu dben pa la dga' ba'i phyir zhes bya ba la dga' ba'i phyir zhes bya ba ni lus dang sems dben pa la dga' ba'i phyir te/ lus
 dben pa ni gnyis su med par gnas pa'o/ /sems dben pa ni nyon mongs pas kun tu bcom pa'i sems spangs shing sems kyi rgyud gcig tu gyur pa'o/ /anda rnyil gyi bcag 'bro ltar mngon par sngo ba'i chos gsal ba gang
 yin pa'i rlabs kyis phreng ba 'di ni anda rnyil ltar mdog sngo ba'o/ /de 'thor bas mdza' mar gtor ba de ni 'thor pas mdza' gtor ba'o/ /'di dag gis ni skye bo gzhan gyis bgrod par mi nus par bstan to/ /sa gzhi bye ma skya bos
 khebs pa ni zhes bya ba ni nyams dga' ba dang/ rkang pa dor ba na reg na bde ba nyid du bstan to/ /me tog dang 'bras bu dang mdab mas brgyan pa zhes bya ba ni nyams dga' ba dang 'tsho ba sgrub du rung ba nyid du bstan to/ /shing rnam pa sna tshogs kyis mdzes
 par byas pa zhes bya ba ni 'tsho ba yod pa sgrub pa dang rtag tu mi 'bral ba nyid du bstan to/ /chu gtsang ma btung du rung ba yod pa zhes bya ba ni btung ba dang/ khrus dang/ gtsang sgra'i yo byad nyid bstan to/ /dka' thub kyi gnas dpal dang ldan
 par byas so zhes bya ba ni dka' thub la dka' thub can dag gis lhag par bsten pa'i phyogs ni dka' thub kyi gnas zhes brjod do/ /lus bzang zhes bya ba ni khyad par du gyur pa'i lus shin tu bzang pa'o/ /ring par gyur pa ni lus shin tu
 bzang po de lo ma dang/ 'bras bu dang/ rtsa ba la sogs pa za ba'i phyir ro/ /de na zhes bya ba ni ka ra'i gling na'o/ /dka' thub can zhes bya ba ni dul ba dang sdom pa la sogs pa'i mtshan nyid kyi dka' thub can gyis mdzes pa lta bu gang
 yin pa ni dka' thub po/ /zla ba tshes pa lta bu ni byang chub sems dpa' o/ /spyod pa dang dbang po rab tu zhi zhing dul ba gang yin pa de ni spyod pa dang dbang po rab tu zhi zhing dul ba'o/ /rab tu zhi ba dang/ dul ba dang spyod pa lta zhing rnam par
 lta? ba zhes bya ba la sogs pa la/ rab tu zhi zhing dul ba'i dbang po ni dbang po'i sgo bsrungs pa nyid do/ /brtul zhugs bsdams la nges byas zhes bya ba la brtul zhugs dang bsdams pa ni brtul zhugs dang bsdams pa'o/ /de gnyis
 la rtse gcig pa gang yin pa de ni brtul zhugs bsdams la des byas so/ /brtul zhugs kyis ni sems can bsdams pa yang smos pa yin no/ /mi 'tshe ba dang/ bden pa'i tshig dang/ mi rku ba dang/ rtog pa med pa nyid dang tshangs
 par spyod pa ste lnga po 'di dag ni brtul zhugs so/ /bsdams pa ni mi khro ba dang/ bla ma la sri zhu che ba dang/ gtsang sbra dang/ spyod pa yang ba dang/ bag yod pa ste lnga po 'di dag ni bsdams pa zhes bsgrags
 so/ /bya dang ri dwags rnams kyang de la 'khor te/ /de bas na thub pa zhes bya ste rgyu 'di'i phyir ro/ /'dis ni de la phan pa des dka' thub can khyad par du gyur pa bstan to/ /skye bo dka' thub can la 'os pa zhes bya ba ni rgyu phab pa bstan pa dang
 ldan pa'o/ /'tsho ba'i phyir zhes bya ba ni spa ba dang dregs pa'i phyir ma yin no/ /ji srid de ltar 'dod pa la gnas pa zhes bstan pa'i rim pas so/ /lha'i dbang po brgya byin zhes bya ba ni rang gi ngo bo dang khyad par las bstan to/ /nus pa yin pas
 brgya byin te/ sgro ba dang/ gsang tshig dang/ gtso bo'i nus pa dang ldan pa'i phyir ro/ /brgya byin zhes bya ba 'dis ni rang gi ngo bo'i khyad par bstan to/ /lha rnams kyi dbang po zhes bya bas ni las kyi khyad par bstan to/ /yid bsam gtan la zhugs
 pa zhes bya ba la sogs pa ni dus gsum du de mi snang ba'i rgyu yid la mi byed pas so/ /'di la tshol ba'i dus su der mi snang ba'i rgyu yid la mi byed pa ci'i phyir zhe na/ yid bsam gtan la zhugs pas tshol ba'i dus su yang de mi snang
 ba'i rgyu yid la mi byed do/ /ci'i phyir zhe na/ chog shes pa la goms pa dang zhes bya ba ni gang yongs su longs spyod pa'i dus na mi snang ba'i rgyu de yid la mi byed pa ste/ ci'i phyir zhe na/ kha zas la rmongs pa med pas so/ /zhen pa med
 pa zhes bya ba ni bsam pa sgra don du mi gnyer ba'o/ /zas khyad par can mi 'tshol ba ni sbyor bas so/ /blo bde bar byas te gnas so zhes bya ba ni rgyu gnyis po nges so/ /de bzhin du zhes bya ba ni ji ltar snga ma de bzhin no/ /shing dang shing
 gi lo ma'i kha zas kyi blo bde bar gnas pa nyid kyi rgyu bstan pa'i phyir/ chog shes nges pa zhes bya ba'i tshigs bcad smos so/ /rtswa dang lo ma chu'i gnas zhes smos pa ni gsum po 'di dag ni 'bad pas bskyed mi dgos par thams
 cad na yang yod pa'i phyir thob pa nyid kyi 'jug pa bstan pa yin no/ /lo ma lhags shing rnyings pa ni cung zad rlon pa zhes bya ba'i don to/ /shing gi lo ma'i kha zas kyis mi dga' ba med pa ni blo ngoms pa'i rgyu bstan pa'i phyir/ mang du
 thos pas zhes bya ba la sogs pa'i tshigs bcad smos so/ /tshigs su bcad pa 'di'i bsdus pa'i don ni khyim na gnas pa yang rang gi bsod nams dang/ ye shes kyi tshogs kyi 'bras bu la 'jug pa ste/ mngon par mtho ba don du gnyer
 ba'o/ /rab tu byung ba yang nges par legs pa don du gnyer ba'o/ /gang de dag gi don rtsom pa de'i gnyen po dang rjes su mthun pa'i yon tan nye ba'i nyon mongs pa med pa nyid du bstan to/ /snyems par ni bdag gir byed pa ste bdag go zhe na'o//
 des na snyems pas ni bdag ma bstod pa dang gzhan la smod pa byed de/ des ni shes rab yongs su nyams pa thob par 'gyur ro/ /'byor pa rnams la ser snas ni longs spyod bsags pa dang/ phun sum tshogs pa bzang pa'i rgyu yin no/ /?
 nags tshal du gnas pa la chog mi shes pas ni nges par legs pa mi 'thob bo/ /thams cad la chags pa med pa la goms pas ni mya ngan las 'da' ste/ mya ngan las 'das pa gsum thob pa mngon par 'dod pas so/ /dro la ? ?
 tshe? zhes bya ba ni bza' ba'i dus te/ dus 'di la bza' bar bya'o zhes pa'o/ /brtul zhugs kyi dus de ni brtul zhugs kyi dus zhes bya'o/ /zas kyi dus la bab pa bstan to zhes bya ba ni 'di ni bdag cag gi kha zas kyi dus so zhes ? ?
 mgron du bos so zhes bya ba ni khyed dang 'u bu cag lhan cig bza' bar bya'o zhes so/ /mig dgrad bzhin ni 'dzum pas mdzes zhes bya ba 'dis ni lus kyi khro gnyer de'i gnyen po dga' ba'i mtshan ma
 nyid bstan to/ /yid 'ong rnar snyan tshig gis dga' bar byas nas ni zhes bya ba ni tshig rtsub cing khro ba'i dngos po de'i gnyen po'i tshig phun sum tshogs pa yang bstan to/ /dga' bas tshim par gyur ces bya ba 'dis ni yid kyi rnam
 par gyur pa'i dngos po de'i gnyen po yid rab tu dga' ba yang bstan to/ /yid rab tu dga' nas de bzhin du zhes bya ba ni ji ltar snga ma de bzhin du de byed par bstan to/ /sbyin pa 'dod pa'i zhes bya ba'i tshigs bcad 'dis ni sbyor ba 'dod pa
 la zhum pa med pa dang ldan pa de ci'i phyir zhe na/ snying rje goms pa las skyes pas so/ /'dod pa tsam gyis 'grub par rig nas zhes bya ba la/ 'dod pa tsam gyis don grub par rig pa gang yin pa de ni 'dod pa tsam gyis 'grub par rig pa'o//
 dogs pa dang 'jigs pa skyes te zhes bya ba 'dis ni skyes pa'i dogs pa yang 'jigs pa gang yin pa de ni dogs pa dang 'jigs pa skyes pa'o/ /'jigs pa ni bdag gi dpal 'phrog par byed pas so/ /dogs pa ni ci zhig bstan nas
 dka' thub spyod par byed pa zhes pa'o/ /de gnyi ga'i rgyu de dri bar gnyen dang mdza' bshes zhes bya ba'i tshigs bcad 'di smos te/ 'di'i don ni sems can dang sems can ma yin pa'i bzod pa dang/ sbyin pa'i bsod nams kyi tshogs
 kyi 'bras bu phun sum tshogs pa mngon par spangs nas ci zhig 'dod pa'i phyir dka' thub spyod par byed ces bya ba'i dri ba'i skabs 'di yin no/ /gzhan bslu ba'i dogs pa shes na dri ba'i tshig gi rgyu bstan pa'i phyir/ bde
 bar sbyor ba'i longs spyod ces bya ba'i tshigs bcad 'di ste/ phyed kyis ni tshigs bcad snga ma'i phyed nyid kyi don rtogs par bya'o/ /tshigs bcad 'og ma'i phyed kyis kyang gong ma'i phyed nyid kyi don bstan to/ /gang gi yon tan thos nas zhes
 bya ba ni gang thos nas de spangs pa ste/ phun sum tshogs pa dang 'dra ba'i phun sum tshogs pa tshogs kyi nang du zhes bya ba'i don to/ /rgud pa zhes bya ba longs spyod dang shes pa la sogs pa rgud pa'o/ /skye bo dka' thub can dang mthun pa zhes
 bya ba ni rab tu byung ba'i skye bo dang mthun pa ste/ 'dis ni rab tu byung ba rnams kyi nges par legs par sgrub pa dang rjes su mthun par bstan to/ /srid pa'i bde ba la ma chags pa dan zhes bya ba ni 'og nas bstan pa'i tshigs bcad gang gis
 sbyin pa la sogs pa de dag la chags pa med pa'i phyir ro/ /slong ba nyid sdug bsngal du rig cing zhes bya ba ni gang gi phyir chags pas ni slong bar gyur la/ slong ba ni chags par 'gyur ro/ /de bas na slong ba spangs pa ni mchog yin no/ /chog
 shes pa la goms pa zhes bya ba ni dka' bas rnyed pas 'tsho ba gnas pa sgrub pas chog shes pa'i phyir ro/ /chung ma yid du 'ong dang bu dang dbang byed dang zhes bya ba ni sems can du bstan pa'i bsod nams kyi tshogs kyi 'bras
 bu bstan pa'o/ /nor ni sbyin pa las byung ba bsod nams kyi tshogs kyi 'bras bu'o/ /nyon mongs pa dang bral ba thob dka' ba nyid ces bya ba la nyon mongs pa'i sgra ni zhe sdang nyid de/ ci'i phyir de gzung zhe na/ chags pa la sogs pa spyir
 bstan pa yin yang 'di ni nyon mongs pa thams cad kyi nang na tha chad yin te/ bdag dang gzhan gdung bar byed pas so/ /nor yang nyams shing zhes bya ba ni phyi rol gyi sems can ma yin pa las so/ /mdog bzang zhes bya ba
 ni nang gi mdog rgud pa'o/ /grags ni sems can gzhan gyi dad pa rgud pa'o/ /bde ba las kyang zhes bya ba ni bsam pa dang phan 'dogs pa nyams pa'o/ /phongs par gyur la zhes bya ba bstan pa la phongs
 ba de sgrub pa'i phyir phongs pa'i gnas su gyur pa'i phyir zhes bya ba 'di'i don no/ /byis pa tha ma yin par 'dod ces bya ba ni phongs pa thams cad kyi nang na khyad par du snying rje'i gnas su gyur pa zhes bya ba yin te/ byis pa ni phongs pa
 thams cad kyi gnas su gyur pa'i phyir khyad par du snying rje'i gnas su gyur pa yin no/ /mthong ba rtsam du 'ang mi 'dod pa nyid ni lhan cig gnas pa dang phebs par smra ba lta ci smos zhes pa'o/ /'di dag tshul min pa yang zhes bya ba'i
 tshigs bcad 'di'i sdus pa'i don ni bdag la phan pa'i khyad par mi byed cing gzhan gyi phyir kha na ma tho ba dang slu bar byed pa yang bstan to/ /bdag nyid kyang phan pa ma yin pa dang/ lugs ma yin pa sgrub par byed la/ de la smras pa'i
 phyir gzhan yang rab tu sbyor bar 'dod de/ khyad par sgrub par mi byed pa dang/ phan pa sgrub par mi byed pa nyid do/ /mkhas pa'i nga rgyal zhes bya ba'i tshigs bcad 'dis ni 'di dag tshul min zhes bya ba'i tshigs bcad sgrub pa yin
 te/ mkhas pa'i nga rgyal dang gti mug ni mkhas pa'i nga rgyal gti mug dag go /yang na mkhas pa'i nga rgyal nyid gti mug ste mkhas pa'i nga rgyal gti mug go /bdag gi rang bzhin nga rgyal gyi gti mug gis bsgribs pa yin te/
 des tshul ma yin pa la tshul bzhin du sgrub par byed la/ gzhan yang 'di la rab tu sbyor bar 'dod do/ /phan par smra la'ang khro bas rtsub pa zhes bya ba ni sems can dag ni phan pa yin na yang phan pa ma yin pa bzhin du rab tu khro bar
 byed? do/ /drang po'i dris mi mthun pa zhes bya ba ci'i phyir zhe na/ gzu lums can yin pa'i phyir ro/ /'dul ba dang mi mthun par ci'i phyir zhe na/ 'dul ba la brtson 'grus chung zhes pa'i phyir ro/ /mkhas pa'i nga rgyal gti mug mes bsregs shing
 zhes bya ba ni bdag nyid kyi thad du song nas phan pa'i dri ba'i tshig sgrub pa med pa'i phyir te/ des na de nyid kyis bdag kyang log par sgrub par byed la/ gzhan yang de la sbyor bar byed pa yin no/ /brtan pa ni byang chub sems dpa' o/ /g.yo sgyu med
 pa ni 'dul bas rtag tu brgyan zhes bya ba ni sngar bstan pa'i 'dul ba dang/ drang po'i rim pa mi mthun pa zhes bya ba de'i gnyen po'o/ /phan pa'i bsam pa dang zhes bya ba ni ci nas phan 'dogs par byed pa'o/ /phan 'dogs par byed pa de yang gal
 te zang zing dang bcas pa'i sems kyis yin nam zhe na/ smras pa/ gus dang zhes smos te zhes pas so/ /mthu yang ci yod ces bya ba ni nus pas phan 'dogs pa ste/ rgyu 'di gsum gyis ni phan 'dogs par 'dod pa zang zing med pa'i sems
 kyi nus pa nyid du bstan to/ /sbyin la dga' ba des nges par gyur pa ni sbyin pa la dga' dang mthun par gyur pa'o/ /sbyin pa dang mi mthun pa ni bsnyen bkur ma yin pa 'dod pas so/ /bzlas brjod brtul zhugs dka' thub ces bya ba'i
 tshigs bcad 'di'i bsdus pa'i don ni 'jig rten na bsnyen bkur du mas ngal mchog slong ba'i phyir 'od zhing mthong bar 'dod do zhes bstan pa'i tshig rkang de nyid kyis bstan to/ /mchog sbyin par 'os pa la zhes bya ba 'di'i lan ni
 'di ni ma srun pa'i tshul ma lags zhes pa'o/ /bzlas brjod brtul zhugs mchod sbyin dka' thub spyad pa yis zhes bya ba 'di'i lan ni/ mgu bar ma bgyis pa yang ma lags pas zhes bya ba yin no/ /khyod ni mthong bar mi 'dod ci'i phyir
 zhes bya ba 'di'i lan ni khyod dang phrad par mi 'tshal ba yang ma lags zhes bya ba yin no/ /rjes su mthun pa'i dngos po'i rgyu ni bstan par mi bya ste/ rang bzhin gyis grub pa'i phyir ro/ /nga ni phrad par mi
 'dod par ma yin na ji ltar mthong bar mi 'dod pa yin zhe na/ phrad par 'dod pa'i rgyu yod na yang mi mthong ba'i mchog /slong ba'i rgyu bstan pa'i phyir/ lha'i gzugs mchog rmad du byung ba'i zhes bya ba'i tshigs bcad smos te/ gang
 mthong bar mi 'dod pa'i rgyu de nyid yin no zhes bstan te/ lha'i gzugs mchog rmad du byung ba zhes pa 'dis ni dbyibs phun sum tshogs pa bstan to/ /gsal ba gang yin pa de ni gsal ba'o/ /gzi brjid dang mdangs kyis ni kha dog phun
 sum tshogs pa bstan to/ /'di gnyis mthong bar mi 'dod pa'i rgyu de nyid bstan pa'i phyir smras pa/ bdag gi dka' thub nyams par gyur du dogs lags mod ces bya ba 'dis so/ /rab tu dang zhing zhi bar gyur pa yang zhes bya ba ni sngar bstan
 pa nyid kyi gsal ba'o/ /de nyid bstan pa skye bo dka' thub can dang mthun pa'i tshul dag dang zhes bya ba ni sdong bu dang/ rtsa ba dang/ 'bras bu la sogs pa 'di dag gis 'phags pa'i rigs gsum bstan te/ kha zas ngan ngon tsam
 gyis chog shes pa dang/ gnas mal ngan don tsam gyis chog shes pa dang/ chos gos ngan don tsam gyis chog shes pa'o/ /bsam gtan dang/ tshad med pa dang/ sdom pa zhes bya bas ni spong ba la dga' ba'i 'phags pa'i
 rigs bstan to/ slob dpon dpa' bos mdzad pa'i skyes pa'i rabs rgya cher bshad pa las a ka ta'i skyes pa'i rabs so// //bdag gi che ba nyid kyis snying rje dang ldan zhing zhes bya ba la/ bdag
 nyid kyi che ba ni bdag gi che ba'o/ /de gang yin zhe na/ rigs kyis shes rab che ba'o/ /rigs de gang yin zhe na/ ming dang/ rgyu dang/ sa bon dang/ byed pa dang/ khams zhes bya ba ni don gzhan ma yin no/ /gang rgyu yod pa las ni theg pa gsum gyis mya
 ngan las 'da' bar 'gyur/ bdag nyid kyi che ba dang snying rje rnam pa gnyis yod pa ni ldan pa ste/ mngon par grub pa dang/ rab tu thob pa zhes bya ba ni don gzhan ma yin no/ /'gro ba yongs su skyob bar byed pas 'gro ba yongs su skyob pa'o/ /shes
 che ba'i bsam pa ste/ sa la 'jug pa'i dus su bsam pa nges 'gro ba yongs su bskyab ba'i lhag pa'i bsam pa can te/ mngon par 'phel bar byed pa lta bu'o/ /sbyin pa dang/ dul ba dang/ nges pa la sogs pa gang yin pa'i yon tan ni
 sbyin pa dang/ dul ba dang/ nges pa dang/ yang dag bar sdom pa la sogs pa'o/ /dul ba dang sdom pa gnyis ni tshul khrims kyi pha rol tu phyin pa ste/ dul ba ni dbang po'i sgo bsdams pa yin te/ tshul khrims kyi 'khor zhes bya bas tshul  
 khrims kyi pha rol tu phyin pa'i nang du 'dus pa nyid do/ /sdom pa yang tshul khrims nyid de/ lus dang ngag gi yang dag par sdom pa'i mtshan nyid yin pa'i phyir ro/ /nges pa dang bzod pa'i pha rol tu phyin pa ste/ 'grogs na bde ba'i dngos po ni
 nges pa ste/ bzod pa dang ldan pa ni nges par 'gyur ro/ /sogs pa smos pas ni brtson 'grus kyi pha rol tu phyin pa dang/ bsdu ba'i dngos po la sogs pa gzung ngo/ /'jig rten la phan 'dogs pa dang mthun pa zhes bya ba ni gzhan la
 phan zhing bde ba dang rjes su mthun pa'o/ /yon tan khyad par can zhes bya ba ni theg pa chen po'i mdo sdes bcu pa la sogs pa dag tu gsungs pa'o/ /de byams pa'i stobs zhes bya ba'i ming ni sa bcu pa nyid du bstan pa'i phyir/ sems
 can thams cad la byams pa'i yid du gyur pa zhes smos so/ /de bzhin du gyur zhes bya ba ni bde ba 'am sdug bsngal de bzhin du gyur pa ste/ ji ltar skye dgu rnams la gnod pa dang phan 'dogs par
 byed pa de bzhin du de yang gnod pa dang phan 'dogs par byed do/ /mtshon cha dang ni gtsug lag rnams la goms zhes bstan la/ ji ltar goms pa yin zhe na/ de sgrub pa'i phyir/ mi'i dbang po zhes bya ba'i tshigs bcad smos so/ /de'i
 mtshon cha rgyan dang 'dra bar gyur zhes bya ba ni chang bar sgrub pa yin pa nyid du bstan to/ /ci'i phyir zhe na/ mi'i dbang pos bka' khrims spyi bos mnos pa'i phyir/ skal ba khyad par can nyid kyis rgyal phran rnams rang nyid 'du bar
 'gyur ro zhes bya ba'i don to/ /ci'i phyir zhe na/ 'jig rten phan 'byung bstan dag tshul rnams kyi/ /gtsug lag rnams kyang rnam par gsal bar snang zhes smos te/ 'jig rten la gnod par mi 'jug pa'o/ /bstan dag tshul rnams
 kyi zhes bya ba la 'jig rten la gnod par mi 'jug pa'i tshul ni bstan dag tshul lo/ /phan par sems pa'i phyir zhes bya ba ni snying rje'i bsam pa dang ldan pa'i phyir te/ 'dis ni tshul phun sum tshogs pa bstan to/ /tshul mkhas
 zhes bya ba 'dis ni shes rab phun sum tshogs pa dang/ sbyor ba phun sum tshogs pa bstan to/ /rtog mkhas zhes bya ba ni sbyor ba phun sum tshogs pa dang shes rab phun sum tshogs pa bstan to/ /pha dang 'dra zhes bya ba 'dis
 ni bsam pa phun sum tshogs pa dang/ byed pa phun sum tshogs pa bstan te/ dper na bu dag la tshar gcod pa dang/ phan 'dogs par byed pa dang/ chos dang 'gal par mi byed pa'i pha bzhin du skye dgu rnams la yang de ji ltar sbyar
 bar bya'o/ /bden pa dang/ gtong ba dang/ nye bar zhi ba dang/ shes rab la sogs pa byin gyis brlabs pa 'di bzhis ni bsod nams dang ye shes kyi tshogs bstan te/ de las dang po gsum gyis ni bsod nams kyi tshogs bstan to/ /shes rab
 kyis ni ye shes kyi tshogs bstan to/ /gzhan la phan par yongs su bsngo ba'i phyir zhes bya ba yin te/ gzhan du na byin gyis brlabs pa bzhi ni rang gi don du yongs su bsdos par 'gyur zhing/ nyan thos dang rang sangs rgyas kyi rgyur 'gyur
 bas bsngo ba bye brag med par 'gyur ro/ /khyad par can du gyur la rlabs che ba'i rim pa zhes bya ba ni khyad par dang bcas pa yin par khyad par du gyur pa ste/ sra chung ba'i phyir ro/ /snga ma myos pa spyod pa'i sa las khyad par gyur pas khyad
 par du gyur pa'o/ /rlabs che ba ni khyad par du gzhan la phan pa sgrub par byed pa'o/ /rim pa zhes smos pa ni sa dang sa dag tu khyad par du byed pa'i phyir dang/ rlabs che ba'i phyir ro/ /byang chub kyi tshogs bsags shing zhes bya ba la/ byang chub
 dag gi tshogs kyi bya ba yin pas byang chub kyi tshogs te/ pha rol tu phyin pa dang/ yon tan gzhan yang sa bcu pa'i mdo las gsungs pa'o/ /gnod pa med pa zhes bya ba ni me dang/ chu dang/ nad dang/ mu ge dang/ byi ba dang/ srog
 chags gdug pa sbrul dang/ bdag gi dmag tshogs dang/ gzhan gyi dmag tshogs dang/ rkun ma la sogs pa dang bral ba'i phyir gnod pa thams cad med pa'o/ /phun sum tshogs pa mchog dang ldan pas zhes bya ba ni lo legs pa
 la sogs pa'i phun sum tshogs pa dang ldan pa'o/ /mgu zhing dar ba zhes bya ba la/ mgu ba ni yid bde zhing tshim par phun sum tshogs pa ste/ 'dod pa shes che ba yod pa'o/ dar ba ni lus 'phel ba'o/ /de'i yul na ni zhes bya ba'i yul
 te/ de dag na gnas pa gang yin pa de ni de na gnas pa'o/ /mthu khyad che bas na zhes bya ba ni khyad par yin te/ khyad par ni thun mong ma yin pa'i phyir te/ dpag tu med pa'i bsod nams dang ye shes kyi
 tshogs nye bar bsags pa'i phyir ro/ /gang gi zhes bya ba ni mdangs 'phrog pa'i gnas su phyin par gyur kyang ngo/ /rigs sngags dang dka' thub ni rigs sngags dang dka' thub bo/ /de gnyis grub pa ni rigs sngags dang dka' thub grub
 pa'i rang bzhin te/ rigs sngags dka' thub grub pa'i ngo bo nyid ces bya ba'i don to/ /ming ni don dang mthun par ma gyur ces bya ba la/ don med pa'i ming gang yin pa de ni don dang mi mthun pa'i ming ste/ gang gi phyir mdangs 'phrog
 pa zhes bya ba de'i ming don med par 'gyur ba ste/ 'di ltar mdangs 'phrog par mi nus pa'i phyir ro/ /nags na rab tu rgyu ba zhes bya ba la/ 'dir rab zhes bya ba'i sgra ni de dang ldan pa ste/ nags dang ldan pa na rgyu ba zhes bya ba'i don to//
 grib ma dang ldan pa'i shing mi grib shing ste de'i rtsa ba de ni grib shing gi drung na'o/ /srad bu 'khal zhes bya ba la/ srad bu 'khal ba la zhugs pa ni srad bu 'khal ba ste de byed pa'o/ /'di lta bu'i dgon pa zhes bya ba ni de na skye bo gnas pa  
 dang bral ba'i phyir ro/ /'gro ba med pa ni zhes bya ba ni skye bo lam du 'gro ba dang bral ba'i phyir ro/ /gcig pu ni grogs po med pa'o/ /bltas pas ni gyen kun tu bltas par bya ba ste/ srin po dang sha za de dag la'o/ /de bas nags na'ang
 khyim bzhin du zhes bya ba ni gang sngar bstan pa 'di lta bu dgon pa dben pa 'gro ba med pa na zhes bya ba de'i gnyen por bstan to/ /mtshan mo dag kyang nyin par bzhin zhes bya ba ni gang gi tshe srin po dang sha za ba rnams kyis gzhan zil
 gyis gnon pa'i nus pa med pa de'i tshe zhes bya ba'i don to/ /gang gi phyir srin po dang sha za de dag ni rang bzhin gyi gtum zhing ma rung pa yin no zhes bstan pa de'i gnyen por bstan to/ /gcig pur grogs kyi nad dug 'dra zhes bya ba ni gang sngar
 bstan pa'i gcig pu ji ltar mi 'jigs zhes bya ba de'i gnyen por bstan to/ /khyed cag gang nas lhags pa'i yul de'i zhes bya ba'i tshigs bcad 'di'i bsdus pa'i don ni rgyu gsum gyis yul ji lta ba bzhin du yongs su shes pa'i phyir
 te/ nyams sad pa'i dngos po yod pa'i phyir dang/ yul gsal ba'i rnam pa yin pa'i phyir dang/ yon tan 'tshol ba yongs su shes pas mkhas pa'ang yin no zhes bstan pa yin te/ yon tan 'tshol ba ched cher mi 'dzin pa zhes
 bya ba 'dis ni nyams sad pa'i dngos po bstan to/ /thos par mi 'dod pa des/ mi dbang grags pa rnam par spangs pa 'am/ skal ba cung zad cig yod do zhes bya ba 'dis yul gsal ba'i rnam pa'o/ /de bas na zhes bya ba ni gang yul de las
 'dir lhags pa'o/ /mdza' khob ces bya ba ni yul gyi yang dgon pa nyid do/ /yon tan shes pa'i skyes bu med pa'i phyir ro/ /gang gi dpung byams pa ste/ 'di'i don ni mthun pa la sogs pa'i thabs kyis sa srung bar byed pa'o/ /de lta mod
 kyi byams pa la sogs pas bsrungs pa ni chad pa byams pa gang yin pa'i dpung gis so zhes bya ba'i tshig ste/ gang de tha mal dpung ni cho ga tsam mo/ /cho ga tsam zhes bya ba ni rgyal po la sogs pa'i spyod pa'o/ /'di ni ru mtshon khra
 bo'i dpung yongs su bzung ste/ gzhan la gnod pa'i phyir ni ma yin no/ /mi rigs ces pa ni dbye ba las brtsams pa'o/ /khro ba ni zhe sdang ba ste de'i tshig gis smra ba'o/ /rtsub pa ni spyod pa'o/ /'di gnyis kyi dbye bas ni bsam pa
 dang sbyor ba med par bstan to/ /bka' khrims chos yin sgyu med nor yang zhes bya ba ni mthun pa las brtsams pa'o/ /chos ni bden pa'o/ /bka' khrims ni gzhung lugs so/ /sgyu med ces bya
 ba ni bya ba sgrub pa'i phyir bden pa dang tshig bstan pa'o/ /nor yang dam pa mchod ces bya ba ni sbyin pa las brtsams pa ste/ /dam pa mchod pa'i phyir yin gyi/ rang gi don sgrub pa'i phyir ni ma yin te/ dper na lugs kyi
 bstan bcos kyi don la mkhas pa ni rang gi don sgrub pa'i phyir nor nye bar sgrub par byed do/ /de ltar yang rmad du byung yang zhes bya ba ni 'di ltar ngo mtshar gyi yon tan mchog tu gyur pa gang yin pa de ni de ltar rmad du byung
 ba'o/ /dregs pa ni mtho bar sems pa'o/ /ya rabs kyi tshul la gnas pa gang yin pa'i skye bo de ni ya rabs kyi gzhung lugs la rnam par gnas pa'i skye bo'o/ /yang na 'phags pa'i gzhung lugs la gnas pa'i skye bo
 gang yin pa de'o/ /rtag tu bde zhing lo legs pas rab tu dga' ba phun sum tshogs zhes bya ba ni rtag tu bde zhing dga' ba'o/ /rtag tu lo legs pa'i phyir phun sum tshogs pa'o/ /yon tan mang po brjod pas de la'o/ /
 snying nas brjod cing zhes bya ba ni brtse ba dang ldan pa ste/ rigs pa dang mi rigs pa'o/ /bden pa zhes bya ba ni snyan pa dang phan pa ni bden pa'o zhes bstan pa'o/ /gsum po 'dis ni go rims bzhin du sems can
 gti mug gi rang bzhin dngos po gang la mi bzod pa'o/ /de grags pa zhes bya ba ni de'i grags pa yin pas de grags pa'o/ /de yis de lhag par gdung bar 'gyur zhes bya ba la/ de yis zhes bya ba ni mi bzod pas
 yid gdungs bas lhag par gdung zhing tshig par 'gyur ro/ /mthong ba nyid kyi dus ni mthong ba'i tshe nye bar gnas pa de'i dbang du byas pa'o/ /bza' ba bslabs pa ni zas blangs pa byas pa'o/ /zhim po ni shin tu g.yos legs pa dang
 zhim pa zhes bya ba'i don to/ /phyir te 'ongs na yang zhes bya ba ni gus pa dang bcas pas mdun du 'ongs pa'o/ /stag gzigs rtswa sngon mi 'dod pa bzhin du zhes bya ba ni dper na ri dwags rnams la rtswa sngon po shin tu zhim po yin yang stag la
 sogs pa mngon par mi 'dod pa yin te/ /rgyal po la 'os pa'i rtswa sngon po lta bur de gnod sbyin rnams la mngon par mi 'dod pa'i phyir ro/ /'o na ji lta bu zhes bya ba ni rjes su mthun pa sgrogs shig pa'o/ /btsal lo zhes bya ba ni btsal bar bya'o
 zhes so/ /ma shi ba'i sha dang khrag yongs su gzung ba'i phyir te/ gzhan du na kha zas dang khrag btung ba med do/ /brtul zhugs nyams pa zhes bya ba ni dam bca' ba'i rjes su 'gro ba ste/ nges par yang dag par sbyin du gzhug pa'i phyir ro/ /mche ba
 yongs su gtsigs shing kha mchu yongs su bskyod pa gang yin pa de dag ni kha nas mche ba gtsigs pa'o/ /mi sdug la 'jigs pa zhes bya ba la/ mi sdug pa ni mi rnams la'o/ /'jigs pa ni 'jigs pa skyed pa'o/ /ji ltar zhe na/ de'i rnam pa bstan te/
 mche ba gtsigs pa zhes bya ba la sogs pa'i rtags kyis so/ /'bar zhing ser ba zhes bya ba ni mdog rnam par bsgyur cing 'jigs su rung ba nyid du bstan to/ /yo zhing zhes bya ba ni dbyigs rnam par gyur pa'o/ /sna leb cing mi sdug pa dang
 zhes bya ba ni gang mthong na blta bar mi sdug pa ba lang gi sna lta bu gang yin pa'o/ /sna leb ces smos pas rnam par 'gyur ba'i mi sdug pa'i 'jigs su rung ba'o/ /me 'bar ba lta bu'i ster ba'i skra dang kha sbu gang yin pa ni de'o/ /mdog 
 mun pa ltar gnag pa de ni char sprin ltar gnag pa'o/ /'ba' zhig sems zhes bya ba ni de dag 'chi bar 'gyur ro snyam du sems pas slong ba las gzhan yid la mi byed par de 'ba' zhig sems
 pa'i phyir ro/ /snying rje can la 'di lta bu zhes bya ba la sogs pa'i tshigs bcad gsum ste/ gsum po 'di ni bsdus pa'i don ni bkres pa'i sdug bsngal gso ba'i kha zas rnyed dka' ba des gnod pa'i sdug bsngal dang/ yang na bkres pa'i
 sdug bsngal bzlog pa'i kha zas rnyed kyang mi dge ba bsags pa'i sdug bsngal ba ste/ rnam pa thams cad du sdug bsngal zhing de'i 'bras bu yang sdug bsngal ba'i dbang du byas nas bsam pa dag pas de dag la snying rje de bas cher
 yang gyur ces bya ba bstan to/ /'on te snying rje dang ldan zhing nus pa dang ldan pa de med pa 'am/ nus pa med pa 'di gnyis kyis ni re zhig rnam pa thams cad du rnyed dka' 'o/ nyin re zhing yang de btsal bas zhes bya ba ni dus gcig gi tshe
 rnyed nas bya ba byas par gyur pa de lta bu ma yin no zhes bya ba'i don to/ /'dod pa'i don ni med par 'gyur zhes bya ba ni bkres pa'i sdug bsngal gso ba'i kha zas rnyed pa'o/ /de lta bu'i kha zas za ba rnams kyi zas ni rnyed par dka' 'o/ /snying
 rje med cing yid ni ma zhi ba zhes bya ba ni snying rjes stong pa'i phyir ma zhi zhing mi dge ba'i yid gang yin pa de dag ste/ 'dis ni mi nus kyang rtag tu de'i kha zas kyi rnam pa la gnas pa'o/ tshe 'di dang pha rol rang don sreg ces bya ba
 ni snying rje'i sdug bsngal ba ste/ mthong pa'i chos dang 'jig rten pha rol gyi sdug bsngal lo/ /yang na tshigs bcad gsum pas ni sngar bshad pa'i rnam pa bzhi'i dbang du byas pa ste/ snying rje dang ldan zhing nus pa dang/ mi nus
 pa'i snying rje dang ldan pa dang/ mi nus shing snying rje dang bral ba dang/ snying rje dang mi ldan zhing nus pa ste bzhi po de dag gi dbang du byas pa'o/ /de lta bu'i kha zas za ba rnams zhes bya ba ni snying rje dang ldan zhing nus pa'i dbang du byas pa'o/ /snying rje med cing yid
 ni ma zhi ba zhes bya ba ni snying rje med cing nus pa'i dbang du byas pa'o/ /tshe 'di dang ni pha rol rang don sreg ces bya ba ni snying rje dang bral zhing mi nus pa'i dbang du byas pa'o/ /'di dag sdug bsngal nam zhig med 'gyur zhes bya ba ni mthong ba'i chos sam
 phyi ma la'o/ /gzhan gsod pa la zhugs pa 'di las ji ltar bzlog par bya zhes bya ba ni gzhan gyi srog gcod par byed pa las bzlog pa'o/ /re bzlog pa ngo 'dzum gnag gyur pa zhes bya ba ni re ba byin ci log tu gyur zhing gzhan du 'gyur ba ste/ 'dod
 pa'i gegs su gyur pa zhes bya ba'i don to/ /re ba phyin ci log tu gyur pas bzhin gyi mdog nyams par byas pa gang yin pa de ni re bzlog pas ngo 'dzum gnag par gyur pa'o/ /bu yug gis kun tu 'dres pa'i rlung ni bu yug rlung ngo/ /bu yug
 rlung gis rnyis par byas pa ni bu yug rlung gis rnyings pa ste/ de lta bu'i pad+ma ni bu yug rlung gis rnyings pa'i pad+ma'o/ /brtan zhing rgyas pa zhes bya ba la brtan pa dang rgyas pa ni brtan zhing rgyas pa'o/ /brtan pa'i khyad par ni rgyas pa ste/ rnam
 pa gnyis so/ /nad la sogs pas rgyas par gyur pa ni de lta bu ma yin no/ /bdag rang shi ba zhes bya ba ni mngon par 'dod pa'i sbyin pa ma yin pa'o/ /gson po'i sha yang zhes bya ba la sogs pas ni mngon par 'dod pa'i sbyin pa'i
 dngos po gzhan la med pa'o/ /'di dag bdag gi tha dad du zhes bya ba la sogs pas ni mi sbyin pa ni rjes su mthun pas yin pa ste/ skyon gsum po 'di spang ba'i thabs bstan par 'dod pas so/ /de bas na 'di ni zhes bya ba la sogs
 pa brtsams so/ /gdungs pa'i rma 'dra ba zhes bya ba ni 'di lta bu'i mtshan nyid de rtag tu na ba 'di lta bu'i lus te/ rtag tu na ba ni lus nad dang bral ba med pa'i phyir ro/ /rtag tu na ba'o zhes bstan pa la/ /ji
 ltar rtag tu na ba nyid yin zhe na/ nad kyi 'byung khung zhes smos te/ nad ni gnod pa byed pa ste/ de ni tshor bar byed pa'i phyir gdungs pa'i rma la sogs pa'i nad kyi yang 'byung gnas yin pa'i phyir ro/ /yang na nad kyi 'byung khung zhes bya ba ni
 nad kyi tshor ba ste/ de'i byung gnas yin pa'i phyir te/ gang cung zad tshor ba de ni sdug bsngal ba yin no zhes bya ba'i tshig gis so/ /dgos pa'i khyad par can du spyad pa yis zhes bya ba ni 'bras bu dang bral ba'i sdug bsngal nye bar zhi ba ste/
 de nyid kyi khyad par ni sngar bstan pa'i rnam pa ste/ sdug bsngal gyi sdug bsngal la sdug bsngal gyis nye bar spyad pa ni dgos pa khyad par can du spyad pa'o/ /shin tu bzang por bya ba zhes bya ba ni gcig tu nad gtan du nye bar zhi bar byed
 pa'i rgyu yin pa'i phyir dang/ shin tu bzang po ni gzhan la phan 'dogs pa mchog tu byed pa'i phyir te/ nyan thos la sogs pa yang rtsa 'bigs shing gso bston par byed do/ /'dir bcos pa gnyis kyi khyad par ni gdungs pa'i rma'i rtsa
 bkros par te/ 'di dag la ni dogs pa khyad par can du spyad pa med de/ de bas na 'di ni shin tu bzang po ma yin no/ /de rab tu gyur pas mig rtsa dang/ gdong gi mdangs bzang po gang yin pa de ni/ rab tu dga' bar gyur pas mig
 rtsa dang gdong gi mdangs bzang po'o/ /bdag gi sha ni khrag dang bcas pa 'di zhes bya ba 'dis ni sbyin pa'i dngos po don du gnyer ba'i mtshan nyid dang ldan pa nyid bstan to/ /'jig rten rnams la phan pa'i phyir zhes bya ba 'dis ni khyed
 cag gi don du 'di gzung ba yin no zhes bya ba'i tshig gis yongs su gtong bas te/ yongs su gtong ba ni sngar yongs su btang ba'o zhes gzhan gyi ngor byed pa bzhin te/ len par mi 'gyur ba'i rgyu med par bstan pa yin no/ /mgron du
 byar rung ba zhes bya ba ni mgron nyid du rung ba ni mgron byar rung ba'o/ /chen po 'byung bar 'gyur ba ni 'bras bu chen po ste/ 'jig rten thams cad la phan pa'i phyir ro/ /mngon par mtho ba 'byung ba ni 'jig rten pha rol gyi 'bras bu yin pa'i phyir te/ khyad par can gyi
 mngon par mtho ba sangs rgyas nyid la mngon par mtho ba zhes brjod do/ /yid ma ches nas zhes bya ba ni gal te yid ches na ni brtan pa yin te/ cung zad de la mi brtan pa yod pas gang gi phyir byin cig ces bya ba la sogs pa smra bas
 mi brjod de/ de bas na yid mi ches pa'o zhes rtogs pa yin no/ /bdag gi sdug bsngal dag ces bya ba ni bkres pa'i sdug bsngal lo/ /slong ba nyid dman pa yin pas slong zhing dman pa'o/ /de las dus la bab pa zhes bya ba ni sbyin
 par bya ba btung bar bya ba ste/ rang gi khrag dang sha'o/ /sbyin pa la rtsol ba ni sbyin par rtsol ba ste/ rang gi sha khrag ste sbyin par rtsol ba'o/ /rtab rtab por gyur ste mi bzod cing sems 'khrugs nas zhes bya ba la/ rtab rtab por gyur pa
 ni rang gi sha dang khrag sbyin par byed pas so/ /de'i sdug bsngal des mi bzod cing sbyin par bya ba ma yin pa sbyin pa ste/ de gnyis kyis sems 'khrugs par gyur pa'o/ /sbyin pa la ha cang dges ches pas zhes bya ba ni sbyin pa byas
 pa'i dgyes pa ni sbyin pa la dgyes pa'o/ /de la ha cang zhes bya ba ni shin tu ro tshor ba ste/ sbyin pa la ha cang dgyes pa'o/ /de bas na phan pa dang gnod pa zhes bya ba la/ phan pa dang gnod pa'i rim pa ni phan pa dang gnod par gyur pa
 ste/ rim pa dang gang gis phan pa dang gnod pa'o/ /de nyid ni 'og nas 'byung ba bzhin du rtogs par bya'o/ /mi mkhyen pa yang ma lags te/ zhes bya ba ni mkhyen pa nyid de/ skye dgu rnams la
 gnod par 'byung ba ni skye dgu rnams la gnod pa ste/ phan pa ma yin pa skyed pa'o/ de la phan pa ma yin pa 'byung ba la ci'i phyir de dga' ba yin zhe na/ gzhan la gnod pas 'tsho zhing dga' ba skye ba'i phyir ro/ /gzhan la gnod par byed
 pa ni gzhan la gnod pa ste/ des 'tsho zhing dga' ba gang yin pa de dag ni gzhan la gnod pas 'tsho zhing dga' ba skye pa'o/ /de bas na de dag ni des dga' ba yin no zhes bstan pa'i phyir rang bzhin de ltar lags zhes bya ba smos te//
 'dis ni chos nyid kyi rigs pas rigs pa nyid du bstan to/ /da ni phan pa'i rim pa la mi gzigs pa'i dbang du byas te/ 'di skad ston te/ sbyin pa la ni rnam pa 'di gsum bsam par bya ste/ len pa po dang/ sbyin pa po dang/ sbyin
 par bya ba ste/ gsum po 'di phun sum tshogs pa yin na ni sbyin pa phun sum tshogs par gyur te/ de la len pa po yon tan med pa'i dbang du byas nas/ skye dgu rnams la gnod pa gang dang gang zhes bya ba'i tshigs bcad
 smos so/ /sbyin pa po dang/ sbyin pa'i dbang du byas nas/ rgyal srid dpal 'di zhes bya ba'i tshigs bcad yin no/ /de las/ skye dgu la phan pa'i dbang du byas nas/ /rgyal srid dpal 'di zhes bya ba'i tshigs bcad phyed dang po'o//
 de bas bdag gi sha sbyin stsol ba'i zhes bya ba ni sbyin pa'i dngos po'i dbang du byas pa ste/ bdag gi sha sbyin par stsol ba thong zhig ces bya ba ni rang gi sha sbyin pa la sogs pa ni rang gi sha sbyin pa la sogs pa'o//
 bdag sha sbyin par stsol ba nyid ni bdag gi sha sbyin par stsol ba ste/ nges par gzung ba ni stsol ba dang btung ba sbyin pa rab tu dgag pa ste/ rang gi sha sbyin pa ni nges par gzung ba'o/ /gzhan gyi sha sbyin pa ni dgag pa ma yin no/ /'dis ni
 'di ltar ston pa yin te/ gal te 'di ltar sbyin par bya ba yin na ni dgra la sogs pa sbyin par bya ba ste/ gal te nges par sha nyid sbyin par bya'o zhe na/ gzhan dag gi sha nyid sbyin par bya ste/ 'di nyid nges par gzung ba'o/ /smras pa/ log pa'i
 lam du yid ma bcas pa zhes smos te/ lam ma yin pa la nges par byas pa zhes bya ba'i don du zhes bya ba ni rgyu'i don to/ /log pa'i lam du yi dam? bca' ba nyid sgrub pa'i phyir skyes bu dpa' bo khyod kyi zhes bya ba'i tshigs bcad smos
 so/ /mi bzod pa ni dang du len par mi nus pa ste/ ci'i phyir zhe na/ khyod kyi mthus bskyab zhes bya ba ste/ khyod kyi mthus bskyab pa'i phyir mi bzod do/ /'jig rten zhes bya ba 'di ga las zhe na/ de sgrub pa'i phyir gnyis pa'i don to/ /phung
 par byed pa la mkhas pa ni mkhas pa ste/ 'jig rten phung zhing gnod par byed pa la'o/ /de yang gnod par ni skye ba gzhan du dus mdza' med par ngan song gnod pa'o/ /phung par byed pa la mkhas pa des tshul gyis zhes smos so/ /khyod kyi
 sha dang khrag slong ba'i tshul gyis so/ /tshul min skye dgu zhes bya ba ni des phung ba ni gang gi phyir skye dgu rnams rgud par 'gyur ba'o/ /yang na tshul min skye dgu ni khyod kyi mthus bskyabs pa'i 'jig rten mi bzod cing khyod dang bral bar
 mi bzod pa'o/ /de ltar thabs 'dis skye dgu tshul ma yin par phung par 'dod pa'o/ /da ni rang nyid kyi sha nyid gtang bar bya'o zhes 'dis nges par gzung ba skabs dang bcas pas sha ni gzhan gyi sbyin par bya'o zhes 'dis 'dod pa yin
 */ 4 /te/ nges na blon po la sogs pas nges par bzung ba don med par mthong ba ste/ mchod sbyin tshe na zhes bya ba la sogs pa'i tshigs bcad gsum smos so/ /tshil dang zhag la sogs pa'i bza' ba gang
 yin pa de ni tshil dang zhag la sogs pa'o/ /'dis ni sbyin pa'i dngos po gya nom pa bstan to/ /sum cu rtsa gsum zhes bya ba 'dis ni len pa po bstan to/ /bsreg pa zhes bya ba ni me la bsregs pa'i phyir te gus pa med par bstan
 to/ /mgu zhes bya ba 'dis ni len pa rjes su 'dzin pa nyid du ston to/ /gus par byin yang zhes bya ba ni me la mngon par bsregs pa gus pa med pa de'i gnyen po yin no/ /khyod kyi zhes bya ba 'dis ni sbyin pa po'i phun sum tshogs pa bstan
 to/ /phun sum tshogs pa zhes bya ba 'dis ni tshil dang zhag la sogs pa zhes bya ba bstan pa de'i gnyen po sbyin pa'i dngos po phun sum tshogs pa bstan to/ /'dod mi 'gyur zhes bya ba 'dis ni mgu ba'i mi mthun pa'i phyogs bstan
 to/ /mod kyi zhes bya ba ni 'on kyang zhes bya ba'i don to lha'i thugs ni bdag cag lta bu'i skye bo'i bcom pa ma lags zhes bya ba ni 'di ni sbyin par mi bya zhes so/ /gal te de lta na ci'i phyir bdag gi sha sbyin stsol ba thong zhes ston
 ce na/ de'i lan bstan pa'i phyir/ bdag gi don du gces pa'i slad du zhes bya ba la sogs pa yin no/ /rko long gsos par gyur zhes bya ba ni 'di la sbyin par mi bya'o zhes bya ba'i rko long gsos par gyur ba'o/ /de ltar 'das
 pa'i tshig des ni don med pa nyid du bstan pa ste/ rang gi sha sbyin pa'i dbye ba dang ldan pa'o/ /da ni rang gi sha sbyin pa ma yin pa nyid las rtsams te/ gnod sbyin lnga po zhes bya ba la sogs pa smos so/ /lnga po zhes bya ba ni
 nyung ba nyid do/ /thams cad ces bya ba ni de'i gnyen po de mang po'o/ /'di rnams kyi zhes bya ba ni sngar bstan pa'i mtshan nyid kyi skye dgu la phan par 'jug pa'i mtshan nyid de/ de'i gnyen pos 'bangs zhes smos te/ khyad par med pas
 bzang po dang/ bar ma dang/ tha ma'i 'gro ga dag go /'di lta bu chos gang gi lam byas zhes bya ba ni sngon ma thos pa'i chos kyi lam mo/ /bdag cag la zhes bya ba ni bdag gi don te drug pa'o/ /de la sha dang khrag ces bya ba de la ni 'di
 dag la sha dang khrag yod bzhin du zhes bya ba'i tshigs bcad brtsams so/ /bdag gi sha sbyin par stsol ba 'di thong zhes bstan pa la ji ltar mi gtong ba yin zhe na/ nged cag lta bu zhes bya ba smos te/ 'phags pa rnams la ni med ces
 bya ba yin te/ brdzun gyi tshig med pa'i phyir dang/ tshogs par mi dbyung ba dang/ rtsub pa'i tshig med pa'i phyir ro/ /gsal bar bslangs pa la zhes bya ba ni nged cag lta bus ni ma bslangs kyang yod par gyur na mtshan ma las shes
 par bya ste/ sbyin par bya'o zhes bya ba'i don to/ /da ni lnga po 'di dag ces bya ba la sogs pa'i tshig rkyang gi lam nyid du bstan pa'i phyir/ chos kyi bka' khrims zhes bya ba la sogs pa'o/ /mdun du 'gro ba yin pas thog mar 'gro
 ba'o/ /ngan pa'i lam du zhes bya ba ni rdzun du smra ba dang/ tshig rtsub po'i mtshan nyid kyis so/ /nga'i yang yin la spyod pa'i lam yin pas nga'i lam mo/ /de'i rjes su 'gro ba ni nga'i spyod pa'i lam gyi rjes su 'jug pa de dag
 go /nga'i 'bangs rnams gnas skabs ji ltar gyur zhes bya ba ni shin tu nyams par 'gyur ro zhes bya ba'i don to/ /de ltar 'dir sbyin pas ni chos kyi lam nyid du bstan la/ sbyin pa ma yin pas ni chos ma yin pa'i lam du
 bstan nas/ nga ni gang sngar bstan pa'i 'bangs thams cad mgon ma mchis par bgyis pa 'am zhes bya ba de'i dbang du byas pa ste/ 'di yang skye dgu rnams kyi don gyi phyir zhes smos te/ 'bangs
 thams cad mgon ma mchis par bgyis pa nyid 'gro ba'i don bzang po ste/ 'gro ba'i don nus pa zhes bya ba'i don to/ /ser snas phrogs pa nyid ni ser snas phrogs par gyur pa ste/ ser snas phrogs pa'i snying gang yin pa de ni sems
 ser snas phrogs par gyur pa'o/ /dga' ba dang gus pa ni dga' ba dang gus pa ste/ nga la dga' ba dang gus pa ni nga la dga' ba dang gus pa dang bcas pa'o/ /byams pa dang/ bag phab pa ni byams pas bag phab pa ste/ de gnyis kyis snying po
 gang yin pa de ni byams pa dang bag phab pa'i snying po nyid do/ /'di ltar bdag cag las mi byams ba ci las gyur ces bya ba 'dis ni bag phab pa'i snying po bstan to/ /rje'i ched du 'chad pa la zhes bya ba la sogs pa'o/ /'di ltar bdag
 cag la mi byams pa ci las gyur ces bya ba'i lan ni/ nga khyed la mi 'jar zhing mi byams pa yang ma yin la zhes bya ba yin te/ 'jar ba ni bag 'bebs par byed pa'i don to/ /'jar ba med pa ni mi 'jar ba'o/ /mi 'jar ba yang yin la
 mi byams pa yang yin pas mi 'jar zhing mi byams pa'o/ /sha dang khrag bdag cag la mchis bzhin du zhes bya ba la sogs pa'i lan ni/ ma byin du dogs pa yang med mod kyi zhes bya ba la sogs pa'o/ /yongs su dogs shing brgal
 dka' ba gang yin pa de ni dogs shing brgal dka' ba ste/ dka' bas rtogs pa gang yin pa'i byams pa'i lam gang yin pa de ni rtogs par dka' ba'i dogs pa'o/ /rtogs par dka' ba yang yin pa rgal dka' ba yang yin pas dwogs
 ?? dang rgal dka' zhing rtogs par dka' ba ste/ bskal pa'i tshul 'di chungs pa dang zad par gyur pa dang zhes bya bar sbyar ro/ /slong ba rnam par mdzes pa gang yin pa de ni slong ba mdzes pa ste/ slong ba 'phel ba zhes bya ba'i don to/ /dbul ba zhes
 ? bya ba'i tshig gis ni 'byor pa dang ldan pa nor gyis rgud par gyur pa la ste/ dbul zhing phongs par gyur pa la'o/ /yang na dbul ba nyid slong ba 'phel ba yin no/ /yang na nor rim gyis nyung ngur gyur pa ni mdza' o nor dang ldan pa rnams la slong ba 'phel
 po mdzes pa yin te/ de zad cing dbul por gyur pa mdza' o dag la slong ba 'phel ba mdzes pa yin no/ /'di ji ltar shes par bya ste/ nor dang ldan pa ni dbul po la mi mdzes te/ de bas na nga la ni nor zang pa yang med la/ gang lta bus bstan pa de ji ltar
 nor dang ldan pa la sbyar te/ 'byor pa nyung du gyur pa la yang mi rigs na/ 'byor pa chud pa'i mdza' bo la nor dang ldan pas bslang ba lta ci smos te/ de bas na khyad par bstan par 'gyur te/ shin tu bskal pas gyur pa'i phyir ro/ /skye bo phongs
 pa rnams kyi phyir bskyed pa'i/ lus ni de bdag nyid la yod bzhin du zhes bya ba 'dis ni sbyin pa'i dngos po tha dad pa med par bstan to/ /lus ni chen po sha rgyas zhes bya ba 'dis ni nyung du gyur pa med par bstan to/ /khyed la zhes bya ba 'dis ni
 mi 'bar zhing mi byams pa'i skyon med cing lus ring ba dag la slong ba ni rigs pa ma yin no zhes smos te/ brgya la 'byor pa zad par ma gyur na yang byams shing yid bcug par bstan pa'i phyir dbul ba la yang slong bar mi rigs so/ /nam
 yang nang gi dngos po ni slong bar rigs pa med de/ gzhan la gnod pa dang 'brel ba'i phyir ro zhes bstan pa'i phyir/ mi shes gzhan gyi gnod pa'ang mi bzod na zhes bya ba'i tshigs bcad brtsams so/ /mi shes pa zhes bya ba ni sngon ma
 mthong zhing ma 'dres pa'o/ /khyed kyi gnod pa bdag gis ga la gzod ces bya ba ni 'di ltar byams shing yid bcugs pa'i dngos po dag la ste/ des na khyed la yang gnod pa btang snyoms su bya zhing/
 gang 'di dag khyed la slong na da la sbyin pa'i rjes su yid rang bar byas te/ 'di ltar nga'i sbyin pa la khyed cag gis rjes su yi rang ba de ltar bya ba'o/ /ji ltar 'og nas brjod pa zhes bya ba ni mdun nas so/ /de ltar re zhig sbyin pa'i bya ba rigs pa nyid du
 bstan nas/ sngar bshad pa'i dbye bas dbye ba bstan pa'i phyir/ de bas na nga? las rab tu byams pas zhes bya ba la sogs pa smos so/ /chos kyi bgegs la 'dzem pa med pa zhes bya ba 'di dag chos ma yin pa nyid du bstan pas 'dzem pa
 bskyed pa'i mtshan nyid kyi dbye ba bstan to/ /ji ltar dbye ba de yang chos ma yin pa nyid du bstan to/ /nga ni log pa nyid du bstan par 'dod pas/ nga'i don du khyod ci spyod pa 'di lta bu bya ba mi rigs te zhes bya ba 'di brtsams so/ nged cag
 gi don ni nga'i don te nged cag gi don du'o/ /khyed cag gis nam yang nga'i don du sbyin pa'i bgegs ni bya ba ma yin no zhes bya ba'i don to/ /bdag gi don du bza' ba la sogs pa zhes bya ba ni bdag nyid kyi yin pas bdag ste/ mngon par
 mtho ba dang nges par legs pa 'thob pa'i phyir ro/ /phyi rol gyi dngos po ni bza' ba dang btung ba la sogs pa'o/ /sogs pa smos pas ni sems can dang sems can ma yin pa nyid do/ /de ltar byed pa ci 'drar 'gyur zhes bya ba ni sems
 can thams cad kyi don du nang gi sbyin pa ni sngon gang gis ma byin te byang chub sems dpa' de dag gis so/ /legs sam gal te ma legs kyang zhes bya ba ni ji ltar legs pa nyid ma yin no zhes brjod par bya ste/ 'dis? ?
 chos ma yin pa dang bden pa ma yin pa nyid bstan te sbyin pa'i bgegs so/ /de zhes bya ba ni nang gi dngos po gtong ba 'gog par byed pa ste/ 'di ltar legs pa ma yin par 'gyur zhing chos ma yin pa dang ldan pa ste/ khyed cag nam yang
 de lta bu ma byed cig pa'o/ /nang gi dngos po gtong ba'i dgag pa gang yin pa da ni legs pa ma yin la/ dgag pa ma yin pa de ni legs pa nyid do/ /khyed kyi ni srog gcod pa la rjes su yi rang bar bya'o zhes bya ba lta bu yin te/ des na nga'i rjes su
 'gro bar bya ba rigs pas dpyad par bya'o zhes bya ba 'di brtsams so/ /nga'i grogs rjes su mthun pa zhes bya ba bstan pa la/ grogs kyi ngo bo ni grogs te bka' la gtogs te zhes bya ba'i don to/ /nged cag byang chub sems dpa' i grogs
 de dang mthun pa ni nga'i grogs mthun pa ste/ 'dis ni gzhan mi mthun pa'i zhes bstan pa'i tshul du 'gyur te/ de gang yin zhe na/ lam log par 'gro ba las bzlog pa'i ste/ lam log pa las bzlog pa yin pas log par 'gro ba de las
 bzlog pa'o/ /de gang zhe na yid do/ /rigs pas dpyad par bya'o zhes bya ba ni gang la la sems can rnams kyi don du bdag nyid yongs su gtong bar byed pa ste/ gzhan gang zhig rjes su yi rang bar mi byed pa de ni rjes su yi rang ba srog
 gcod pa'i kha na ma tho ba dang ldan par 'gyur ro zhes 'dir yang kha cig zhugs par 'gyur zhes 'dir yang kha cig zhugs pa'o/ /ci ste rigs sam mi rigs zhe na/ skyes pa'i rabs thos pas kyang bsod nams med par 'gyur
 te/ don ni byang chub sems dpa' i nang gi dngos po yongs su gtong ba yod pa'i phyir ro/ /de la rjes su yi rang bar byed pa dang/ rjes su yi rang ba yang bsod nams ma yin par 'gyur te/ gal te 'das ma thag pa de ltar rigs
 pas dpyad par byas pa de bas na bsod nams ma yin pa gang yin pa de nyid log pa'i lam de las bzlog par byas pa de la rjes su yi rang ba dang mthun pa'i tshig gang yin pa de ni rjes su yi
 rang ba dang mthun pa'i tshig go /bzang ngo zhes bya ba ni bzang ba nyid de/ de ltar byed pa 'dra bar 'gyur ba lta ci smos/ de ltar bya ba'i khyad par bstan pa'i phyir/ /nor ni gcig pus spyad pa zhes bya ba'i tshigs bcad gnyis smos so/ /?
 ba de'i khyad par rnam pa gnyis su bstan te/ slong ba nyid du rnyed dka' ba'i phyir dang/ sbyin pa'i dngos po shes pas ma rung ba yongs su btang ba legs pa'i phyir ro/ /de las nang gi dngos po gtong ba rnyed dka' ba'i dbang du byas nas/ nor
 ni gcig pus spyad pa ma yin la zhes bya ba'i tshigs bcad smos so/ /gcig pus ma yin la zhes bya ba ni nor 'di dag gcig pus sbyang pa gang yin pa de ni de ste/ nor gcig pus spyad par bya ba zhes bya ba'i don to/ /nor zhes smos pas
 ni bza' ba dang/ btung ba dang/ gos la sogs pa bye brag med par gzung ngo/ /nyin re ma yin la zhes bya ba ni/ nyi ma re re zhing ma yin pa ste/ dus ma yin pa zhes bya ba'i don to/ /mi 'gyur ro zhes bya ba ni rnyed dka' ba nyid du bstan
 to/ /slong ba 'di lta bu dang zhes bya ba ni nang gi dngos po longs spyod cing slong ba'i skye bo ni nyung bas so/ /lha dag mnyes par byas kyang mi 'grub na zhes bya ba 'dis ni shin tu rnyed dka' ba nyid du brtan to/ /slong ba 'di lta bu yang
 zhes bya ba'i tshigs bcad kyis ni sbyin pa'i dngos po nyes par ma rung bar gyur pa'i sbyin pa dang/ sbyin pa btang ba sla ba nyid du ston par 'dod pas brtsams pa yin no/ /cung zad ces bya ba ni 'chi ba'i chos can yin? ??
 ji srid du 'jug pa de srid du yang mi bde ba'i gnas su gyur cing mi bde ba'i gzhir gyur pa ste/ rga ba dang nad la sogs pa'i sdug bsngal gyi gzhir gyur pa'i phyir ro/ the tshom za ba'ang zhes bya ba ni sbyin par bya ba'am/ sbyin par mi bya zhes so rgya?
 cher mi 'gyur na zhes bya ba ni slong ba'i skye bo nyid do/ /'jungs shing zhum pa zhes bya ba ni sbyin par mi 'dod pa nyid do/ /mun pa'i mchog yin no zhes bya ba ni gti mug gi rab mchog ste/ de bas the tshom za ba yang mi rigs pa nyid na/ mi sbyin
 pa lta smos kyang ci dgos/ rang gi lus la rtsa bkros te/ gnod sbyin de rnams la zhes bya ba ni dang po nyid du rjes su 'dod pa ni 'di nyid yin pas so/ /chos kyi grogs bya ba dang zhes bya ba ni slong ba rnams ni byang chub sems dpa' i dag?
 ba'i bshes gnyen yin no zhes bya ba'i tshig gis so/ /'di ni re zhig 'jig rten pha rol gyi phan yon no/ /de yang rab tu dga' bar 'gyur ba zhes bya ba ni mthong ba'i chos kyi phan yon no/ /chos dga' ba de gnyis kyi dngos pos ni 'dzin pa'i
 'jigs pa las ldog pa ste/ de'i phan yon rnam pa gnyis bstan to/ /snyim pa bzed de zhes bya ba smos pas ni snod dang 'drim pas dus las 'das kyis dogs pa'o/ /'dir khyad par bstan pa'i phyir/ /tsan dan dmar po'i khu ba 'dra ba zhes
 smos te/ /dmar ba'i khyad par ni rgyal po'i de'i mtshan nyid ldan pa'o/ /khrag gi mtshan nyid kyi khyad par bsnyan pa'i phyir ro/ /mtshams dus kyi char sprin lta bu ni khrag go khrag dang 'brel ba de ni gnod sbyin no/ /dga' ba mchog dang
 ldan pas lus kyang ma nyams pa ni bstan pa dang ldan pa'o/ /sems kyang brgyal ba med pa ni lus kyi yon tan dang ldan pa ste/ khrag gi rgyun kyang zad par ma gyur to/ /da ni 'dis 'tshal te zhes bya ba ni khrag de dgag pa ste/
 gang gzhan sngar bslangs par gyur pa de ni byin par gyur to zhes bstan pa yin no/ /sdug bsngal mang po 'byung ba'i gnas zhes bya ba 'dis ni sdug bsngal ba nyid du bstan to/ /byas pa mi gzo zhes bya ba
 'dis ni mi gtsang ba nyid de/ gtsang ba'i rdzas kyis bskyed kyang yang mi gtsang ba nyid yongs su mi 'dor bas so/ /yang na sdug bsngal mang po 'byung ba'i gnas de nyid kyi khyad par gyi don to/ /sdug bsngal gso ba'i gzhi'i don to/ /slong
 ba rnams kyi bsnyen bkur ni slong ba rnams la sbyin pa'o/ /de'i 'grub pa ni slong ba dag la sbyin pa'i don grub ste/ slong ba dag la sbyin pa'i don grub pa'o/ /rab tu dga' dang rjes su mthun zhes bya ba ni sdug bsngal mang po'i 'byung
 gnas yin yang bzung bar gyur pa bde ba'i rgyur gyur pa ste/ sbyin pa po rang gi bde ba'i rgyur gyur pas so/ /bde ba zhes smos pa ni/ byas pa mi gzo ba nyid yin no zhes gzhan dag tu bstan pa ni lan du phan 'dogs par
 gzung ba'i phyir ro/ /rab tu dga' ba dang/ rab tu tshim pa zhes bya ba ni rab tu dga' ba dang rjes su mthun par gyur pa zhes bya ba bstan ma thag pa 'di'i rgyus so/ /utpa la'i 'dab ma ltar mdog sngo zhing mthing ka gang yin
 pa de ni utpal mthing ka ltar mdog sngo ba'o/ /rdo rje rin po ches spras pa'i ral gyi sngon po'i 'od kyi mdzes pa gang yin pa de ni ral gyi rnon po rdo rje rin po ches spras pa'i 'od kyis mdzes pa'o/ /skabs ni med par byas pas
 na zhes bya ba ni sran thub pa med pa'i skabs med par byas pa'o/ /ci'i phyir zhe na/ sbyin pa la dga' bas so/ /drangs pas na zhes bya ba ni 'dren par byed pa ste/ ci ltar 'di bstan ma thag pas drangs pa ste/ de bas na de ni tshig
 bcad kyis so/ /de ltar byas pas zhes bya ba ni grags pa'i sems kyis tshig gis so/ /chos la dga' zhing zhes bya ba ni mngon par mtho ba 'dod pa'i phyir ram/ bdag thar pa 'dod pa'i phyir ro/ /snying rje'i dbang du gyur te zhes bya ba ni sems can
 gzhan la phan pa'i don to/ /mdog gsal bar byas pa ni mdog gsal bar byas pa'o/ /bzhin mdangs ma 'gyur cing rab tu dang ba zhes bya ba ni bzhin mdangs gsal ba bzung ste/ dga' ba yin pas rjes su dpag go /mi g.yo bar de
 bzhin 'dug pa zhes bya ba ni lus kyi tshor ba la sogs pas so/ /rab tu dang ba cher gyur to zhes bya ba ni/ bzhin mdangs ma 'gyur cing gsal ba'i phyir ro/ /ngo mtshar cher gyur to zhes bya ba ni mi g.yo zhing de bzhin du 'dug pa'i
 phyir te/ sha gcod pa dang bcas pa'i sdug bsngal gyis so/ /ngo mtshar ni snying rjes gzhan la bde bar 'dod pa ste/ sems can la dga' ba shas che ba'i phyir ro/ /rmad du byung ba ni mi g.yo bar de bzhin 'dug pa ste/ sha chod pa dang ?
 bcad pa'i tshor ba'i sdug bsngal zil gyis gnon pa'i phyir ro/ /bden nam brdzun zhes dpyod cing ngo mtshar skyes zhes bya ba ni ngo mtshar dang rmad du byung ba skyes pas so/ /de la bstod cing phyag kyang 'tshal bar gyur zhes bya ba ni de la bstod
 pa dang phyag 'tshal bar gyur pa ste/ /de la bstod pa dang 'dud pa ni/ khrag dang sha sbyin pas phyag 'tshal ba'o/ /gus pa'i dbang gis zhes bya ba'i tshigs bcad 'di'i bsdus pa'i don ni gsang tshig dang/ gtso bo dang/ spro ba'i nus pa
 bstan to/ /dang po'i rkang pas ni gsang tshig gi nus pa bstan to/ /gus pa dang grags pas ni gsang tshig gi nus pa bskyed pas so/ /tshigs rkang gnyis pas ni bdag po'i nus pa bstan te/ dpal zhes smos pa'i phyir ro//
 khyed kyi mthus skyabs zhes bya ba 'dis ni spro ba'i nus pa bstan to/ /brgya byin mgon du gyur la zhes bya ba la/ nus pa yin pas brgya byin te/ spro ba'i yon tan ston par byed pa'i ming smos
 pas/ spros ba'i nus pa'i rjes su bstan pa'i don to/ /de las byang chub sems dpa' i spro ba 'di khyad par du bstan pa'i phyir/ khyod lta bu'o rgyal bar bgyis ba de bas na'o/ /thams cad sa'i bdag po 'am zhes bya ba'i tshigs bcad
 'di'i bsdus pa'i don ni/ gcig tu mngon par mtho ba'i spyod pa las kyang brtsams pa ma yin la/ nges par legs pa las kyang brtsams pa ma yin no/ /rnam par grol ba 'am zhes smos pa la/ rnam par grol ba ni 'dir nyan thos
 dang rang sangs rgyas te rnam pa gnyis so/ /mngon par mtho ba ni 'dod chags dang bral ba dang 'dod chags dang ma bral ba'i dbye bas so/ /'dod chags dang bral ba'i dbang du byas nas/ tshangs pa'am zhes smos so/ /'dod pa spyod pa'i mngon
 par mtho ba yang rnam pa gnyis te/ lha dang mi'i dbang du byas pa'o/ /nor gyis phyug pa'am zhes bya ba la/ lha'i mngon par mtho ba yang rnam pa gnyis te/ rgyal chen ris bzhi dang sum cu rtsa gsum pa'i dbye bas so/ /de la rgyal chen
 ris bzhi dang mngon par mtho ba'i dbang du byas nas/ nor gyis phyug pa 'am zhes bya ba yin no/ /sum cu rtsa gsum pa'i dbang du byas nas dbang po 'am zhes bstan to/ /mi'i mngon par mtho ba'i khyad par gyi dbang du byas nas/
 thams cad sa'i bdag po'am zhes bya ba yin te/ 'khor los sgyur ba'i rgyal srid ces bya ba'i don to/ /bzheng pa'i don ni mi ring ste/ rtsol phong pa'i gang yin pas thams cad 'thob par nus pa'o/ /rnyed par bya dka' ba zhes
 bya ba'i tshigs bcad 'di'i bsdus pa'i don ni srid pa'i longs spyod la mi gnas pa ste/ nyes pa gsum gyis ma rung bar byas par ston te/ de la nyes pa gsum ni rgyu dang/ ngo bo dang 'bras bu'i nyes pas so/ /rgyu'i nyes pa'i dbang du byas nas rnyed
 par dka' la zhes bya ba ste/ gal te 'bad pa phun sum tshogs pas thob par 'gyur ba yin yang rtag par med pas so/ /'di la gang gi phyir mi rtag pa yin zhe na/ rang bzhin gyi skyon gyi dbang du byas nas/ 'jig par sla ba dang zhes bya ba yin
 te/ rang gi ngang gis 'jigs pa'o/ /'jig par slang ba yin yang/ rang gi bya ba byed par nus par gyur na/ de lta na yang 'dod par bya ba yin na/ de med par bstan pa'i phyir/ chog pa'i bde med ces smos te/ de la de nye bar longs spyod pas phyis
 kyang spyad mi dgos par mi 'gyur bas so/ /de ci'i phyir zhe na/ rab tu zhi med pa zhes smos te/ gang phun sum tshogs pa don du gnyer ba de dag la chags pa las zhi bar mi nus so/ /ci'i phyir zhe na/ srid pa'i longs spyod bde ba zhes bya ba yin
 te/ 'dis na 'dod pa'i khams kyi 'dod par gtogs par bya'o/ /ji ltar 'di rtogs par bya zhe na/ lha dbang dpal zhes smos so/ /de las gzhan pa zhes bya ba 'dis ni thams cad sa'i bdag po dang/ nor gyis phyug pa gnyis ni tha mal
 pa nyid du bstan to/ /bdag gi sdug bsngal zad pa tsam gyi phyir zhes bya ba'i tshigs bcad 'dis ni/ mya ngan las 'das pa don du mi gnyer ba nyid kyi dbang du byas te/ de mi bzhed pa'i phyir dang/ tshangs pa yang yongs su dgag pa byas pa
 yin no/ /bdag gi sdug bsngal zad pa tsam gyi phyir zhes bya ba ni/ nyan thos dang rang sangs rgyas kyi mya ngan las 'das pa thob pa'o/ /sdug bsngal mi bzad nad kyis nyen pa'i zhes bya ba 'di la/ rab tu nyen pa ni rtag tu'o/ /mi bzad pa ni shas che
 ba'o/ /sdug bsngal mi bzad pa des byas pa'i ngal ba ni sdug bsngal mi bzad pa'i ngal ba ste/ de'i nang kyis nyen pa'o/ /gal te 'di thams cad don du mi gnyer na gzhan gang don du gnyer ba yin zhe na/
 bsod nams 'di yis thams cad ces bya ba'i tshogs bcad smos so/ /thams cad gzigs pa'i go 'phang thob cing zhes bya ba 'dis ni shes bya'i sgrib pa spangs pa bstan to/ /skyon gyi dgra btul nas zhes bya ba 'dis ni/ nyon mongs pa'i sgrib pa thams
 cad spangs so/ /bsod nams 'di yis zhes bya ba 'dis ni tshogs phun sum tshogs pa bstan to/ /thams cad gzigs pa'i go 'phang thob cing skyon gyi dgra btul nas zhes bya ba 'dis ni 'bras bu phun sum tshogs pa bstan to/ /rga ba dang na ba
 zhes bya ba'i tshigs su bcad pa 'og ma phyed kyis ni don thams cad kyi bya ba phun sum tshogs pa bstan te/ rga nad che ba'i rlabs chen po dang chos mthun pa ste/ chen po yin pa'i phyir dang/ yang dang yang du rgyun mi 'chad par 'jug pa'o/ /'di
 lta bu'i rtsol ba zhes bya ba ni/ sangs rgyas nyid don du gnyer ba'i rtsol ba gang yin pa ste/ byang chub kyi sems zhes bya ba'i don to/ /las 'di zhes bya ba ni/ rang gi sha dang khrag sbyin pa'i las so/ /khyod lta bu zhes bya ba byang chub sems dpa' 
 rnams so/ /'jig rten phan pa'i phyir lags kyang zhes bya ba ni 'gro ba mdza' dag yongs su bskyab pa'i phyir te/ thams cad kyi nor bur khyod gyur pas bdag kyang 'gro ba'i khongs su gtogs par gyur pa ste/ de bas na ji ltar yang don du
 gnyer bar bya'o/ /bdag cag rang la phan 'tshal ba zhes smos te/ yang 'byor pa don du gnyer ba'o/ /zhes bya ba sangs rgyas nyid thob pa'o/ /ma 'tshal ba ni zhes bya ba ni/ 'di'i don dam pa la 'jug pa'o/ /bdag gi don yang zhes bya ba ni/
 ma 'ongs pa'i mdza' i dus kyi ngan song gi sdug bsngal gyi rgyur gyur pa'i lam kyang ngo/ /rjes su gzung ba'i rgyur gyur ba zhes bya ba ni rjes su gzung bar byed pa'i lam du gyur pa ste/ mi shes pa de'i rjes su gzung bar 'gro ba ste/ de bas na rjes su gzung
 ba'i rgyur gyur pa zhes brjod de/ mi shes pas bdag rjes su gzung bar 'gyur ba'o zhes bya ba'i don to/ /rnam par thar pa'i chos kyi bdud rtsi las/ thog mar bgo bar bya ba zhes bya ba la/ rnam par grol ba ni rnam par thar pa ste/ nyon mongs pa
 spangs pa'o/ /rnam par thar pa nyid chos yin pas rnam par thar pa'i chos so/ /'dis ni nyan thos kyi theg pas mya ngan las 'das pa'i rnam par grol ba'o/ /rnam par thar pa'i chos nyid bdud rtsi yin pas rnam par thar pa'i chos kyi bdud rtsi'o/ /de
 yang dag par 'god pa ni rnam par thar pa'i chos kyi bdud rtsi bgo bar bya ba'o/ /kun tu shes pa sbyin pa'i dbang du byas nas/ da ni de la dga' ba zhes bya ba la sogs pa'i tshigs bcad smos te/ gzhan nor chung ma dag la chags pa dang zhes bya
 ba la/ gzhan nor zhes bya ba smos pas ni ma byin par len pa las ldog pa dang/ chung ma dag ces bya bas ni gzhan gyi yongs su gzung ba'i chung ma ste/ 'dod pa log par g.yem pa ba las ldog pa'o/ /brdzun du smra ba zhes bya ba ni smad pa'i dag
 las ldog pa ste/ de ltar yang bslab pa'i bzhi lnga ngag 'dzin du bcug pa'o/ /de dag ces bya ba ni me tog go /rdzis bskyod ces bya ba'i sgras ni 'dir shing dang me tog dang sbyar bar bya'o/ 'gul bar gyur ces bya ba ni sa 'gul ba'o/ rgya mtsho
 chen po shin tu bdo ba zhes bya ba'i tshigs su bcad pa yang sa 'gul bas zhes bya ba'i dbang du bya ba rjes su 'brang ngo/ /yang na rgya mtsho chen po shin tu bdo ba/ zhes bya ba 'di ni don byas pa nyid du blta bar bya'o/ /rang bzhin las ni lhag
 pa'i shugs dang sgras zhes bya ba'i rang bzhin de las lhag pa'i shugs dang ldan pa'i sgra dang skad gang la yod pa'i chu de ni rang bzhin las lhag pa'i shugs dang sgra'o/ swa yi kram zhes bya ba'i tshigs bcad
 'di ni rgyu phun sum tshogs pa dang/ 'bras bu phun sum tshogs pa dang/ sems can gyi don bya ba'i phun sum tshogs pa'i dbang du byas pa'o/ /rgyu phun sum tshogs pa'i dbang du byas pa ni/ skye bo dam pa'i chos re bzang zhes bya ba ste/ skye bo bzang po
 ni byang chub sems dpa' ste/ rang gi srog la chags pa med pas so/ /chos ni gnas pa'o/ /yang na 'dug pa yin pas gnas pa ste/ /rang gi srog la bltos pa med pa ni/ byang chub sems dpa' i spyod pa la gnas pa'o/ /yang na chos ni sems
 bskyed pa'o/ /nges khyad par du gyur pa ni sa'i phyogs la sogs pa ste/ lhag pa'i bsam pa'i sa la gnas pa'i byang chub sems dpa' rnams so/ /rang gi sbyin pa ni mos pa spyod pa'i sa gnas pa med do/ /'dis ni rgyu phun sum tshogs
 pa bstan to/ /yon tan bsgoms pa zhes bya ba ni yon dag la goms pa yin pas yon tan goms pa'o/ /yon tan goms pa nyid de'i bya bas ni de yi yon tan goms par bya'o/ /de la 'dis ni sbyin pa'i pha rol tu phyin pa'i yon tan byas
 pa ste/ gang gi phyir ston gyi phyi rol gyi dngos po yongs su gtong ba la goms pa de'i dbang gis nang gi dngos po yongs su gtong ba yin no zhes bstan te/ ci rigs par sngon gyi dus su gos dang bza' ba dang btung ba dang/ mal
 stan sbyin pa ste/ phongs pa'i lus dang mthun bzhin du byang chub sems dpa' gang du yon tan la goms pas gtong ba nyid do/ /'dis ni sbyor ba khyad par can thob pa ste/ sbyor ba la goms pas 'bras bu phun sum tshogs pa
 nyid de/ sbyor ba khyad par can gyis te/ sangs rgyas nyid du 'dir dgongs so/ /gzhan yang phan pa'i blo re des zhes bya ba 'dis ni sems can gyi don bya ba phun sum tshogs pa'o/ /mthun pa dang gus pa dang yo byad kyis zhes bya ba la/ mthun pa zhes
 bya ba ni nges pa'o/ /yang na dman pa'i tshul nyid do/ /yang na byas pa gzo ba nyid do/ /gus pa ni dul pa'o/ /mthun pa dang gus pa'i yo byad ni mthun zhing gus pa'i yo byad do/ /de mnyen par gyur pa ni mthun pa dang gus pa'i yo byad kyis mnyen par gyur
 pa'o/ /gzengs bstod pa las brtsams nas mngon par 'phel ba'o/ /snying rje'i sdug bsngal ba yang brjod par bya ste/ 'di ltar snying rje'i dbang gis rang gi sha dang/ khrag kyang yongs su gtong bar byed pas so/ /slob dpon dpa' bos mdzad
 pa'i skyes pa'i rabs rgya cher bshad pa las byams pa'i stobs kyi skyes pa'i rabs so// //dbang po thul ba goms par gyur pa zhes bya ba'i so sor brtags pa byas pa yin pa'i phyir dbang po sbas
 pa ste/ dbang po thul ba la goms par gyur pa nyid do/ /ci'i phyir dbang po thul ba la goms par gyur pa 'dir lugs kyi bstan bcos kyi rim pa dang 'gal bar dang por brjod ce na/ lugs kyi bstan bcos de ni gzhon nu'i rim
 pa bstan pa dang/ rig pa dang/ rgan pa la rten pa'i rim pa yin la/ 'dir ni rgyal po dang/ rgyal bu rnams kyi gtso bor gyur pa'i yon tan dbang po thul ba nyid yin te/ rig pa dang rgan pa la brten pa la sogs pa'i 'bras bur gyur
 pa ni dbang po thul ba yin te/ de bas na 'di bstan to/ /dpa' ba dang tshul phun sum tshogs pa ni spro ba dang gsang tshig gi nus pa bstan no/ /rnam par rgyal ba'i dbang thob pa zhe sbyar ba ni gtso bo'i nus pa bstan to/ /rnam par rgyal
 ba nyid dpal yin pas rnam par rgyal ba'i dpal lo/ /rnam par rgyal ba'i dpal thob ba gang yin pa de ni/ rnam par rgyal ba'i dpal thob pa'o/ /yang na pha rol gnon pa bstan to/ /gang gi tshul dang
 dul ba phun sum tshogs pas brten pa rgyal sras so/ /rgan pa la bsnyen bkur nges par byas pas zhes bya ba ni rigs pas zhes bya ba ni rigs pas rgan pa la brtan pa'i phyir ro/ /rgan pa la bsnyen bkur nyid des pa yin te/ de bas
 na rgan pa la bsnyen bkur byed pa nges pa'o/ /rig byed gsum pa zhes bya ba la/ gsum pa ni nges brjod dang/ snyan tshig dang/ mchod sbyin gyi rig byed yang na srid srung gi rig byed dang/ yang de lta bu 'byung ba yang rig byed do/ /brtag pa ni
 grangs can dang/ rnal 'byor pa dang/ 'jig rten rgyang 'phan pa brtag pa'o/ /don gyi de kho na nyid khong du chud pa zhes bya ba ni de'i grub pa'i mdza' mngon par rtogs pa'o/ /'di ni mchod sbyin la sogs pa'i bya ba mi byed par bstan to/ /rang
 gi chos nang las la 'bad pa zhes bya ba ni gnas dang/ las dang/ rigs kyi'o/ /yang na thams cad kyi las kyi 'tsho ba'o/ /chos ni 'jig rten pha rol tu phyin pa'i bya ba'o/ /yid ma byung zhing bde bar 'tsho ba zhes bya ba ni sdug bsngal
 med pas yid skyo ba med pa ni 'tsho ba med pa'i phyir ro/ /bde ba 'tsho ba ni lo legs pa'i yon tan dang ldan pas so/ /snying nye ba ni rgyal po'i yon tan phun sum tshogs pas so/ /bka' khrims ni don gyi chos so/ /'tsho chos kyi bya ba
 legs par 'byor pa ni zhing las dang/ bsrung ba dang/ tshong la sogs pa 'tsho tshis zhes brjod do/ /dpa' ba phun sum tshogs pa'i rnam par rgyal ba'i dpal thob pa dang zhes bya ba 'dis ma thob pa thob par bstan to/ /rang gi chos dang
 las dang 'bad pa dang/ yid ma byung zhing bde bar 'tsho ba dang/ 'tsho tshis byas pa legs par 'byor pa zhes bya ba dag gis ni rnam par 'phel ba bstan no/ /yon tan ldan pas zhes bya bas ni thob pa rnam par spel ba dang/ /yongs su bsrung
 dbang du byas pa'o/ /yon tan ldan nas zhes bya ba'i phyed kyis yon tan dang ldan pa des rang bzhin gyis nyams pa med pa bstan te/ des na yang bsrung bar 'gyur ba yin te/ 'di ni gsang tshig gi nus pa bstan to/ /rang gi yul 'khor la
 ni ri phug seng ge bsrungs pa zhes bya ba'i 'og ma 'dis stobs dang ldan pas rgyal phran rnams zil gyis gnon pa nyid du bstan te/ 'dis ni spro ba'i nus pa bstan to/ /mi'i bdag po dpal zhes bya ba'i gtso bo'i nus pa ste/ mi'i bdag po ni
 dpal gyi sgras brjod do/ /ci'i phyir rim pas yongs su srung ba'i 'di ltar smos shing/ gang gi phyir 'di nyid kyi rim pa ni yongs su spel ba dang/ bsrung ba yin pa'i phyir rigs pa'i tshul yin no/ /gzhan du lugs kyi bstan bcos ltar na ni
 rnam par spel ba dang yongs su bsrung ba bshad pa med par 'gyur ro/ /dka' thub rnams dang rig dang sgyu rtsal zhes bya ba'i tshig bcad 'dis ni mu stegs kyi rab tu bsgrubs pa'i dbang du byas na dka' thub la sogs pa 'dis gsum
 smos pa ni lus dang/ ngag dang/ yid kyi las khyad par can gzung ba'i phyir ro/ /'ongs na rim gro lhag par che ba zhes bya ba ni dka' thub la sogs pa gsum che bar gyur pas rim gro lhag pa ste/ khyad par ji ltar 'os pa
 bzhin du byed par gyur pa'o/ /bkur sti byas nas zhes bya bas ni sbyin pa la sogs pas so/ /gtso bor snang ngo zhes bya ba la mchod pas phan pa khyad du gyur pa ste/ dka' thub la sogs pa'i phan pa khyad du gyur pa'i snang ba yin no//
 rim gro dang bkur sti zhes bya ba gnyis kyis ni rnyed pa dang bkur sti go rims bzhin du bstan to/ /rgyal srid thog ma thag tu zhes bya ba ni rgyal po'i srid de/ de thob ma thag ni rgyal po'i
 srid thob pa yin te/ rgyal po dang mnyam zhing rgyal po'i srid byed par 'os pa'i phyir ro/ /yon tan mang po rtag tu grags pa zhes bya ba na yon tan gyi grags pas thams cad du khyab pa zhes bya ba'i don to/ /gzhon yang
 rgan pa'i zhes bya ba'i tshigs bcad 'di'i bsdus pa'i don ni bsod nams dang ye shes kyi tshogs kyi 'bras bu la gnas kyang bsod nams dang ye shes kyi tshogs la bag yod pa yin no zhes bstan to/ /gzhon yang zhes bya ba
 'dis ni tshul khrims kyis bsod nams kyi tshogs kyi 'bras bu la gnas pa bstan to/ /gzhon pa zhes bya ba 'dis ni bdag gi phun sum tshogs pa'i tshig gis tshul khrims kyi 'bras bu bstan pa yin no zhes rtogs te//
 bdag gi phun sum tshogs pa ni tshul khrims yin pa'i phyir ro/ /rgan pa rnams kyi nye bar zhi ba yin pas rgan pa'i nye bar zhi ba'o/ /yang na rgan pa bzhin du nye bar zhi bas rgan pa'i nye bar zhi ba'o/ /de la mngon par dga' ba
 ni rgan pa'i nye bar zhi ba la mngon par dga' ba ste/ 'dis ni tshul khrims las byung ba'i bsod nams kyi tshogs bsags pa la bag yod pa nyid du bstan to/ gzi brjid che yang zhes bya ba 'dis ni bzod pa'i pha rol tu
 phyin pa'i bsod nams kyi tshogs kyi 'bras bu la gnas pa ste/ bzod pa'i pha rol tu phyin pas ni skye bo mang po'i g.yog 'khor gyi 'bras bu yin te/ de la gnas pa'i gzi brjid che ba ste/ gang gi mthu che ba'i gzi brjid
 che ba yin no/ /bzod cing bde ba'i dang zhes bya ba 'dis ni bzod pa'i bsod nams kyi tshogs la bag yod pa nyid du bstan to/ /shes par gyur kyang zhes bya bas ni ye shes kyi tshogs kyi 'bras bu la gnas pa bstan to/ /shes pa'i nga rgyal med
 ces bya ba 'dis ni ye shes kyi tshogs bsags pa la bag yod pa nyid bstan to/ /gang gi phyir shes pas nga rgyal skye bar gyur na ni bdag nyid la bstod cing gzhan la smod par byed de/ bdag la bstod cing gzhan la smod pas ni bcom ldan
 'das kyis theg pa chen po dag tu shes rab nyams par gsungs te/ ye shes kyi tshogs la bag yod par bstan to/ /yang na mkhas par gyur kyang shes pa'i nga rgyal med ces bya bas ni shes pas ngoms pa med pa bstan te/ ye shes kyi
 tshogs la yang dang yang du sbyor bar byed pa yin no/ /dpal dang ldan zhing 'byor yang zhes bya ba ni sbyin pa'i bsod nams kyi tshogs kyi 'bras bu la gnas pa nyid do/ /dregs pa med ces bya ba la dregs pa ni dpal gyi dregs pas dregs
 pa nyid de/ de bas na dregs pa des 'jug na ni sbyin pa'i bsod nams kyi tshogs sogs pa la 'jug par mi 'gyur ro/ /dregs pa med pa la yang 'jug pa yin te/ rgya che mthong gyur ces bya ba 'di dang sbyar bar bya'o/ /gzhon yang
 zhes bya ba'i tshigs su bcad pa 'di la ni pha rol tu phyin pa drug dang/ 'jig rten gsum rab tu ldan pa rgyu dang 'bras bu'i gnas skabs su bstan pa de gnyi ga'i yon tan ldan pa des grags pa'i khyad par gyis khyab pa yin
 no/ /mthong bar 'gyur ba ni rig pa'o/ /rgya che ba ni spangs pa'i phyogs gang yin pa mthong ba ste rgya chen mthong gyur pa'o/ /khyab pa ni mdza' yas par grags pas khyab par bstan to/ /'jig rten gsum ni sa'i steng dang nam mkha' dang
 mtho ris te/ steng du grags pa 'jug par bstan to/ /de'i grags pas 'jig rten gsum khyab pas zhes bya ba 'dis ni grags pa cung zad yod pa zhes smos te/ shin tu chung ba mngon
 par gzung ba'i phyir te/ de las gzhan pa'i yon tan ni cung zad nyid de/ sbyin pa'i mda' rnams char bzhin 'bebs pa zhes bya ba ni sbyin pa'i mda' nyid de/ dbul ba'i sdug bsngal 'byung ba rnam par 'jig pa'o/ /snying rje'i gzhu drugs
 pa nyid kyis ni sbyin pa 'phen par byed pa'i phyir ro/ /de yang zhes bya ba ni 'gro ba rnams kyi dbul ba'i sdug bsngal 'byung ba dang/ /bslangs pa bas lhag pa ni 'dod pa bas lhag pa ste 'dis ni sbyin pa'i dngos po mang du gtong  bar bstan to/ /nyon mongs par zhes bya ba 'dis ni bsam pa phun sum tshogs par bstan te/ bdag gi 'khor ba'i phun sum tshogs pa'i bdag nyid mya ngan las 'das par yongs su bsngo bas so/ /tshig 'jam po dang/ gus pa dang
 yid du 'ong ba zhes bya ba 'dis ni sbyor ba phun sum tshogs pa bstan te/ lus dang ngag gi las kyis slong ba rnams kyi yid du 'ong ba'i phyir ro/ /'dis ni 'das pa'i dus su sbyin pa'i pha rol tu phyin pa bsags pa bstan to/ /da ni dus
 mtshams kyi nyi ma dag nas zhes bya ba nas brtsams pa ni tshul khrims kyi pha rol tu phyin pa dang ldan par bstan to/ /gangs ri 'dra ba zhes smos pas ni mdog dang tshad kyi yon tan bstan to/ /dregs pa'i rdul gyis zhes bya ba
 'dis ni dregs pa'i gnas skabs so/ /dul ba zhes smos pas ni legs par bslabs pa gzung ngo/ /ci'i phyir 'bras bu ma smos zhe na/ tshad dang mtshan nyid smos pa nyid kyis ma bstan kyang grub pa'i phyir ro/ /sbyin gtong gi khang
 pa zhes bya ba ni sbyin pa byed pa'i gnas so/ /des nyul du song ste dga' ba'i khyad par zhes bya ba sbyin gtong gi khyad pa ma mthong ba yin yang sngon bcas pa'i phyir dga' ba yod pa yin la/ mthong bas kyang khyad par du dga' bar gyur pa'o//
 de tsam du zhes bya ba ni 'byor ba'o/ /bsu bar nus so zhes bya ba ni ster bar byed nus pa'o/ /btang ngo zhes bya ba ni brdzangs pa'o/ /khyod ni sbyin la dpa' ba dang zhes bya ba'i tshig bcad 'di'i bsdus pa'i don ni rnam pa gnyis kyis slong ba'i 'dod
 pa 'grub par 'gyur ba ste/ bslang ba'i dngos po dang sbyin pa po phun sum tshogs pa ste/ de gnyis gang yang rung bas ma tshang ba ni slong ba'i don grub par mi 'gyur ro/ /rlabs che ba'i slong ba des phod pa ni rlabs cher slong phod pa'o/ /yang na
 rlabs che ba yang yin la slong ba yang yin pas rlabs cher slong ba ste des phod pa'o/ /brkam pa dang phrag dog gi skyon gyis yid dkrugs pa zhes bya ba la/ brkam pa ni glang po che la'o/ /phrag dog ni byang chub sems dpa' i phun sum tshogs
 pa mi bzod cing zhe sdang ba ste/ rang bzhin gyis sa gzhan du gyur pas dgra bor gyur pa'i phyir ro/ /'dod chen gyis sbyar te zhes bya ba ni ngan pa'i sbyor bas grags pa ma yin pa dang/ 'dod chen gyi sbyor bar 'gyur zhing legs pa'i spyod
 pa nyid kyis ni grags par 'gyur ro/ /chos ma yin pa ni brkam pa dang/ phrag dog dang/ zhe sdang gis yid dkrugs pa nyid kyis grub pa nyid de/ de bas na grags pa'i rgyur gyur pa dang/ byang chub sems dpa' dang ldan pas
 'ga' zhig 'dod chen gyis sbyar ba yin no zhes sems pa'o/ /ci'i phyir dang po'i de zhe na/ nor grub nor ni zhes bya ba'i tshigs bcad brtsams te/ rgyal po'i gtsug lag dag la mkhas gyur kyang/ /tshul dang 'gal bas de ni
 g.yos ma gyur ces bya ba yin no/ /ci'i phyir zhe na/ nor grub nor ni chos lam mi mthun pa'i phyir dang/ glang po che byin pa ni chos kyi lam yin pa'i phyir ro zhes bya ba 'di nyid bstan pa ni chos la
 dga' ba zhes smos so/ /g.yos ma gyur ces bya ba ni sbyin pa las zhes bya ba'i don te/ de gnyis sbyin pa zhes nges par gzung bas rnyed pa yin te/ nges par gzung ba tha mal pa'i don sgrub pa'i phyir/ g.yos ma gyur ces bstan pa
 yin no/ /gzhan du na khyod ces bya ba'i sgra bstan to/ /kun tu 'khrugs cing khro ba dang rtab rtab po gang yin pa de ni kun tu 'khrug cing khro ba'i rtab rtab po'o/ /khro ba ni da ltar byung ba'i gnod pa la rtog pa'i sems kyis khong nas 'khrung
 pa'o/ /rtab rtab por gyur pa ni skyob pa ste/ gnod par byed pa de la mi sdug par 'dod pas so/ /rtab rtab por gyur pa dang mi bzod pa ni rtab rtab por gyur cing mi bzod pa dang rngam pa'o/ /rtab rtab por gyur pa ni lus kyi 'gyur ba'i rnam
 par g.yo ba'o/ /mi bzod pa ni gnod pa byed pa la mi bzod pa ste/ de nyid kyis rngam pa gang yin pa de ni rtab rtab por gyur nas rngam pas de bas na'o/ /zhe sa'i tshul ni zhes bya ba'i rim pas so/ /zhe sa btang nas ko long gyur
 pa gang yin pa de ni zhes btang nas ko longs su smras pa'o/ /za ba dag ces bya ba ni de lta bu'i rnam pa gzhan yang de'i rang bzhin no/ /tshul dang 'gal ba'i lam zhes bya ba la/ tshul ni snyan ngag gi bstan btsos te/ de las
 'das pa'i lam ni tshul dang 'gal ba'i lam mo/ /ji ltar 'go bar 'gyur zhes bya ba ni yun ring du de na gnas pa ma yin no zhes bya ba'i don to/ /khyod kyi dgra ni mdun nas dga' bar byed cing bya ba 'dis ni lha ring
 po mi thogs par phyi rgol bar byed do zhes bya ba'i don to/ /don dgos pa'i dbang gis zhes bya ba'i dgos pa la rjes su dga' ba'o/ /sbyin pa la dga' ba nyid zhugs pa yin te/ zhen pa nyid ni zhugs pa ste/ gtang bar dka' ba des
 sems zil gyis gnon pa la gnas pas sbyin pa la chags shing zhugs pa 'di ltar shes pa'o/ /gang gi 'gram pa bung ba zhes bya ba la sogs pa'i tshigs bcad gsum gyi lan ni tshul gyi rim pa la mi lta ba zhes bya ba 'di yin no//
 tshul dang 'gal ba'i lam du song ba 'di so zhes bya ba'i lan ni/ rgyal srid la dbang byed du bcug pa ni de ltar bya ba yang mi rigs so zhes bya ba yin no/ /rgyal po dpal ni ji ltar 'gro bar 'gyur zhes bya ba'i lan ni/ 'dis kyang rang
 gi glang po che byin zin pas skyugs pa 'dra ba lta su zhig 'phrog par byed ces bya ba yin no/ /'di ni yal bar bor na khyod la gnod ces bya ba'i lan ni su zhig slar 'phrog ces bya ba ste/ 'di la rang gi glang po che byin pa ni skyugs pa
 dang 'dra bar ltos pa med par btang ba de la gzhan su zhig 'phrog par byed ces bya ba'i don to/ /'on kyang zhes bya ba la sogs pa ni bcor med pa nyid du brtags shing bzung nas bya ba gzhan gyis bstan pa'i phyir brtsams so/
 rgyal po chen po thams cad sgrol 'di ni don 'di lta bu dag la gtams pa tsam gyis mchis su 'tshal ba ma la sogs zhes bya ba 'dis ni glang po che slar phrogs na de rigs pa nyid du mngon par khas len pa yin no/ /skyon ma
 yin pa skyon du gzung ba'i skyon gang yin pa de nyid ni yon tan la smod pa'o/ /yang na khyed cag gis las skyon du gzung ba byas pa'o/ /bdag gi bu zhes bya ba ni gzhan dag la yang 'di lta bu'i bya ba ste/ bsang ba dang/ bcing ba
 dang/ rdeg pa mi byed pa yin na/ ji ltar bdag gi bu la byed ces bya ba'i don to/ /bcing ngam rdeg par zhes bya ba ni rdeg pa ma bstan pa'i tshig gis 'khrug pa bskul ba de'i tshig bstan to//
 khyod kyi sras zhes bya ba ni 'khrugs pa'i tshigs nyid do/ /gzi che zhes bya bas ni spro ba phun sum tshogs pa bstan pa zhes bya ba'i don to/ /'khor gsum bsten la mkhas shing zhes bya ba 'dis ni gsang tshig gi nus pa bstan
 pa ste/ chos dang/ don dang/ 'dod pa ni gcig la gcig 'gal bar bsten par 'khor gsum bsten pa la mkhas par 'gyur ro/ /chos la rab tu dga' bas zhes bya ba ni spro ba'i nus pa med pa nyid du bstan to/ /tshul la mi
 lta zhes bya bas ni gsang tshig gi nus pa nyams par bstan to/ /gang gi phyir chos dang don dang 'dod pa lhag par bsten pas ni rang bzhin gyis gzhan 'gog par byed do zhes bya ba'i bstan bcos kyi tshig gis de'i tshig dang
 'gal lo/ /tshul la bltos pa med pa des/ 'di ni dka' thub nags na gnas par 'os zhes bya ba 'dis ni gtso bor nus pa med par bstan te/ tshul la bltos pa med pa'i phyir ro/ /'di la ci'i phyir smyug pa'i rgyu bstan pa
 'di'i dbang du byas pa ni/ sa'i bdag po rnams kyi tshul nyes skyon zhes bya ba'o/ /mod kyi zhes bya ba ni de lta yang zhes bya ba'i don to/ /tshul nyes skyon zhes bya ba la/ tshul ngan pa'i skyon gang yin pa de ni tshul nyes skyon no//
 de la brten pa rnams la zhes bya ba ni rang bzhin gyis so/ /bcos su rung ba mchis pa ni bcos su bzod pa zhes bya ba'i don to/ /bzod pa gang dag gis yin zhe na/ de dag de la brten pa rnams zhes bya ba ste/ tshul nyes pa'i
 skyon de dag go /de la brten pa la lta ba gang dag yin zhe na/ sa bdag rnams so/ /ci'i phyir zhe na/ gtso bo nyams na nyams pa'i phyir ro/ gang gi phyir rtsa bar gyur pa'i rgyal po de nyams na'o/ /'di skad ston pa yin te/ /rgyal po'i tshul
 nyes pa'i skyon ni de la brten pa rnams la 'byung mod kyi/ 'on kyang bcos su rung bar snang ngo/ /gang gi phyir gtso bo nyams na ni de'i tshul nyes pa de'i skyon bcos par mi nus zhes ston te/ gtso bo nyams na de la brten pa rnams
 kyang nyams par 'gyur ro/ /des na 'di nyid tshul nyes pa'i skyon rgyal po la byung na de la brten pa rnams kyis bcos pas mi nus par snang ste/ ci'i phyir zhe na/ 'di ltar rtsa bar gyur pa'i gtso bo nyams par gyur pa'i phyir ro/ /de'i phyir
 de dag gi ni gso ba nyid du 'gyur gyi/ gang gi phyir de nyams na ni gang gis gso bar 'gyur zhes bya'o/ /srid nyams mi bzod ces bya ba ni khyod kyis srid nyams pa 'am 'jig par mi bzod pa gang yin pa de ni mi bzod pa'o/ /yang na mi
 bzod pa gang la yod pa de mi bzod pa ste/ khyod kyi srid nyams mi bzod pa'o/ /ci'i phyir btang ba yin zhe na/ smras pa dka' thub 'phel ba zhes smos so/ /ci'i phyir de nyid du dka' thub 'phel bar 'gyur na grub pas bsten pa'i phyir ro/ /byams
 shing spobs pa dang yid bcugs pa'i dbang gis zhes bya ba la/ byams pa ni dga' ba dang bdag po dang 'brel ba med pas byams pa'i bdag gir byed pa'o/ /yid bcugs pa ni nyes par dogs pas so/ /tshul ma yin pas zhes bya ba ni snyan
 ngag gi bstan bcos lam log pa yin pa'i phyir tshul ma yin pas so/ /de'i rgyu can gyi phan pa ma yin par 'gyur ba ni nyams par dwogs pa zhes smos pa ste/ phan pa mchog tu byed pa de la'o/ /lha rgyal srid kyi dpal 'di ltar chab 
 btsal kyang zhes bya ba la sogs pas ni byams pa'i dbang gis bstan to/ /lha ci mi mkhyen tam zhes bya ba la sogs pas ni spobs pa'i dbang du byas pa'o/ /tshul dang 'gal ba'i lam zhes bya
 ba 'di dang/ rgyal po chen po thams cad sgrol 'di ni don 'di lta bu dag la zhes bya ba 'di ni yid bcugs pa'i dbang nyid du bstan to/ /grags pa thob pa seng ge'i khri la 'os zhes bya ba'i tshigs bcad 'di ni 'dir mthong ba'i 'bras bu
 skyed pa'o/ /sa'i bdag po rnams kyi tshul nyes skyon zhes bya ba 'dis ni tshul ma yin pa bstan to/ 'di la mang du gsol kyang ci 'tshal te/ zhes bya ba 'dis ni nyams par dogs pa bstan to/ /do zlog phod pa ni de thams cad la brtsams
 pa med pa nyid du rgyal po de mi 'dod pa yin pa'i phyir ro/ /rang bzhin gyi khong ngas shing ngo tsha bzhin du mgo smad de zhes bya ba la/ rang bzhin gyi khong ngas ba rgyu dang bcas par mngon par gyur ba'i phyir de la spyugs pa las khong nges pa ste/ de
 skyon gyis spyugs par gyur kyang bu dang bral bas sems yongs su gdungs par gyur pa'o/ /khyed de ltar gal gyis mchu na zhes bya ba 'dis ni bu dang bral ba'i sdug bsngal gyis kyang khong ngas pa'i sdug bsngal du bstan to/ /de la re
 zhig nyin zhag gcig tsam zhig ces bya ba 'dis ni bu la byams par dmigs pa dang bcas par te/ de la rjes su dpag pa'i rgyu ni bab col du bstan par mi nus pa'i phyir ro/ /de ltar bgyi'o zhes bya ba ni de ltar byed pa dang rjes
 su mthun pa de'o/ /mya ngan gyi sdug bsngal gyi shugs kyis zhes bya ba la/ mya ngan gyi sdug bsngal dang bral bas smre ba'i rgyu'i rnam par rtog pa mya ngan no/ /sdug bsngal ni sdug pa dang bral ba ste/ lus kyis mi 'dod par rig par
 bya'o/ /de nyid kyi shugs ni mya ngan gyi sdug bsngal gyi shugs so/ /de bas na shin tu yang skyo bas mi dga' bar gyur pa'o/ /mi dga' ba dang tshig mi gsal ba gang yin pa de ni tshig mi gsal ba ste/ mi dga' ba dang tshig mi gsal ba ni mi
 dga' bas tshig mi gsal ba'o/ /mchi mas brnangs shing skad 'dzer ba gang yin pa de ni de ste/ mchi mas brnangs pa'i phyir skad 'dzer ba'o zhes bstan pa yin no/ /dbugs kyi brnangs pa ni gnas las nyams pa'o/ /mi gsal ba'i
 tshig ni 'khrugs pa'i tshig ste/ tshig 'bru mi gsal ba'i tshig gang yin pa de ni tshig mi gsal ba'o/ /'jam por stsal pa zhes bya ba ni de ltar bya'o zhes bya ba la sogs pas bstan to/ /nyes pa spyod pa ma mthong na zhes bya ba la sogs pas ni
 rgyal po'i bka' zhes bya ba la sogs pas bstan to/ /yul nas 'byin zhes bya ba la sogs 'di la mang du gsol te zhes bya ba la sogs pas bstan to/ /'dul ba dang 'gal ba'i lam mi 'gro zhes bya ba 'dis ni mi dge ba las ldog
 pa bstan to/ /bag med pa'ang mi dga' zhes bya ba 'dis ni dge ba la 'jug ba bstan te/ bag yod pa gang zhe na/ dge ba'i chos rnams sgom pa'o zhes bya ba'i tshig gis so/ /nyes par byas pa ma mthong na zhes bya ba ni de la nga 'khrugs
 pa zhes bya ba'i don to/ /khyod ni chags pa med pa la dga' bar gyur ces bya ba la chags pa med pa'i sems dang lhan cig skyes pas so/ /chags pa la dga' ba zhes bya ba ni lhag par chags pa'i sems dang lhan cig skyes pa'o//
 rang gi chos zhes bya ba ni rang gi gzhung lugs te/ mi 'da' ba dang yongs su mi gtong ba ni rang gi gzhung lugs las mi 'da' ba zhes gnyis pa'i phyed kyis bstan to/ /byang chub sems dpa' snying brtse ba la goms pa'i shas
 che ba dang/ skye bo slong ba la byams pa dang/ rang gi bstan pa phun sum tshogs pa bstan pa'i phyir dang/ yul shi bi ba rnams ni zhes bya ba'i tshig kyang ni/ 'jig rten don tu nga'i lus 'dzin zhes bya ba
 la sogs pa'i tshigs bcad gnyis kyis bstan to/ /rang gi mig dang mgo yang ngas sbyin na zhes bya ba 'di sgrub pa ni 'jig rten don tu nga'i lus 'dzin na zhes bya ba'i tshigs bcad 'dis bstan pa yin no/ /mig dang mgo smos pa ni gtso bo yin pa'i
 phyir ro/ /gnyis po de ni yul gyi byed dam/ yang na gdon thams cad yin no zhes brjod de/ de yang sna ni mchog tu gyur pa yin la/ de bas kyang mchog tu gyur pa ni mig go zhes bya ba'i tshig gis so/ /yang na mgo smos pa ni rang gi srog
 gtong ba bstan to/ /mig ces bya ba 'dis ni lus kyi sbyin pa'o/ /phyi rol nor lta smos kyang ci zhig dgos zhes bya ba 'dis sgrub pa ni/ phyi rol sbyin smos kyang ci zhig dgos zhes bya ba 'dis bstan to/ /rang gi lus kyang zhes bya ba ni bstan
 ma thag par bshad pa ston to/ /rang gi mig dang mgo yang ngas sbyin na zhes bya ba 'dis ni/ skrag par byas nas mi sbyin zhes smos te/ phyi rol gyi dngos po zhes bya ba'i don to/ /gang sngar bstan pa'i rang gi bstan pa phun sum tshogs pa/
 bstan pa'i phyir zhes bya ba de'i dbang du byas pa ni/ shi bi ba rnams thams cad kyi zhes bya ba 'di smos so/ /nges pa ni bskrad par 'dod par nges par byas pa'o/ /ci thob dang zhes bya ba ni de nyid nges par byas pa'i phyir nga las thob ba'i nor
 ci yod pa'o/ /pha'i nor rnams zhes bya ba ni gnyi ga gzung ste/ gyos po'i nor bzung ngo/ /tshul khrims ldan pa zhes bya ba ni lon pa po phun sum tshogs pa'o/ /rtag par sbyin pa zhes bya ba ni rtag tu sbyin par byed pa'o/ /bkur stis brgyan
 pa sbyin zhes bya ba ni gus par sbyin pa'o/ /sbyin par byed pa yin pas sbyin pa ste/ sbyin pa'i dngos po'o/ /dbrog tu med ces bya ba ni snga dang thun mong du gyur pa'i nor las khyad par du gyur pa bstan to/ /rjes su 'gro zhes bya ba ni gzhan gyi rnam pa ni bor
 nas 'gro ba yin pas de'i mi mthun pa'i phyogs bstan to/ /gyos sgyug gnyis zhes bya ba ni gyos po dang sgyug mo ni gyos sgyug gnyis so/ /bu dang bu mo bus pa gnyis so/ /gyos sgyug gnyis zhes bya ba'i tshigs bcad 'di'i bsdus pa'i don gyi
 nor gyi sgrub pa dang/ chos kyi sgrub pa bstan to/ /dang po phyed kyis ni nor gyi bsgrub pa ste/ de nyid ni 'jig rten 'di sgrub pa'o/ /chos la gcig tu bag yod byos zhes bya ba ni chos kyi sgrub pa ste/ /de nyid ni 'jig rten pha rol gyi bsgrub pa'o/
 'di ni 'bral ba dang 'du ba las brtsams te/ nga med mya ngan ma byed ces smos so/ /de thos nas zhes bya ba ni 'bral bar bya ba bstan pa'o/ /yid rab tu gdungs kyang zhes bya ba ni thos pas yid rab tu gdungs bar gyur kyang ngo/ /chos ma
 mchis zhes bya ba ni chung ma bor nas dka' thub kyi nags su gshegs pa'o/ /de bas zhes bya ba ni gcig pu gshegs pa'i chos med pas so/ /nges par nags su gnas pa nyid ni sdug bsngal ba yin no zhes shes shing chos ma yin pa
 nyid de/ gcig pu nags su 'gro zhing bdag spangs nas gang du 'gro bar byed pa'i zhes rtog pa'o/ /mi srun mi byed shing dang zhes bya ba 'di'i bsdus pa'i don ni skyed mos tshal bas kyang lhag par dka' thub kyi nags bde ba ste/ yon tan
 gang gis skyed mos tshal bas dka' thub kyi nags lhag pa yin zhe na/ skyed mos tshal ni mi srun pa'i skye bo'i gnod pa yod la dka' thub kyi nags ni de med de shing dang chu la spyod pa'i phyir ro/ /skyed mos tshal ni mi gtsang ba yin la
 de med pas na gtsang ba'o/ /skyed mos tshal ni skye bo'i sgra dang ldan la/ dka' thub kyi nags na ni bya rnams skad sna tshogs 'byin pa yin no/ /skyed mos tshal ni mi la sogs pa'i gnod pa yod pa yin la/
 dka' thub kyi nags na ni ri dwags mang pa yin no/ /skye bo rgyu bas rdzis pa'i ne'u sing ni reg na sdug bsngal ba yin la/ dka' thub kyi nags na ni sa gzhi baiDUrya lta bu'i rang bzhin ne'u sing sngon po yid du 'ong ba dang skye bo rgyu ba med pa'i phyir ro//
 'dis ni bdag nyid sdug bsngal med pa bstan nas/ da ni byang chub sems dpa' nags na gnas pa la sdug bsngal med pa nyid du bstan pa'i tshigs bcad drug gis spro ba bskyed pa yin no/ /nags tshal khrod dag na zhes bya ba 'dis ni
 g.yog 'khor phun sum tshogs pa las brtsams te/ rgyal srid yongs su spangs kyang sdug bsngal med cing rgyal srid dran par mi 'gyur ba yin te/ rgyal srid ni g.yog 'khor gyi rnam pa'i phyir te/ g.yog 'khor phun sum tshogs pa
 des dran par mi 'gyur ba'o/ /gzhon nu ma dang gzhon nu gnyis so/ /nags la sdug bsngal med pa'i dbang du byas nas/ dus kyi dbang gis zhes bya ba'i tshigs bcad smos so/ /glu dang gar dang rol mo'i dbang du byas te gsum yongs su
 spangs kyang khyad par du gyur pa gsum yod do zhes bstan pa'i phyir/ dga' ba tshal ba'i bya ba rnams zhes bya ba smos so/ /gang gis gnas mal yongs su spangs kyang khyad par du gyur pa'i gnas mal yod do zhes bstan pa'i
 dbang du byas nas/ nags tshal dag na mtshan mo'i zla 'od ni zhes bya ba la sogs pa smos te/ dreg pa dang dri zhim pa phun sum tshogs pa'i gnas su tshigs bcad 'di gnyis kyis go rims bzhin du bstan to/ /mya ngan gyis gdungs
 pa'i shugs zhes bya ba la/ mya ngan dang gdungs pa gnyis ni gong du bshad pa'i don gyi rjes su rtog par bya'o/ /brgyal ba bzhin du gyur ces bya ba ni brgyal bar gyur pa dang 'dra ba ste/ dran pa med par gyur pa las phyis yang dran pa dang ldan
 pa'o/ /smyo blo can du gyur pa bzhin zhes bya ba ni sems rnam par 'khrugs pa thob pa'o/ /grib shing lta bu ni byang chub sems dpa' ste/ phongs pa'i tsha bas mngon par gdungs shing 'khor ba'i 'brog dgon par yun ring pos yongs su dub
 ba'i sems can rnams kyi sdug bsngal sel ba'i phyir ste/ bzhin khro gnyer med pa dang tshig lan la sogs pas so/ /'bras bu zhim po yod pa zhes bya ba ni gus par byed pas ji ltar bsams pa'i 'dod pa'i don ster bar byed pa'i
 phyir ro/ /shing lta bu ni gzhan gyi don byed pa dang/ de'i 'bras bu la 'jug pa'o/ /sta ris bzas pa rnams 'dzin pa ni zhes bya ba ni 'dzin par byed pa'i 'bras bu sems pa'o/ /chu gtsang zhim po bsil ba'i rdzing bu zhes bya ba ni mtsho la
 sogs pa gang 'thungs na bsil ba dang/ dri med pa dang/ chu zhim pa'i chus gang ba yin pa ste/ bsil ba ni dbul ba'i sdug bsngal sel ba'i phyir ro/ /dri ma med pa ni nyon mongs pa med pa'i phyir ro/ /zhi ba ni gus par byed pa'i sbyor
 pa la sogs pa'i sbyor ba khyad par can gyis yid du 'ong ba'i phyir ro/ /'bral ba dag ces bya ba ni 'jig pa 'dod cing dbul ba ldog pa'o/ /ming la ni don med gyur ces bya ba ni 'di dag don dang ldan pa ma yin te/ 'dod dga' i ming ngo/ /yang
 na don dang ldan pa yin zin kyang 'on kyang gud du song ba zhes smos te/ yul phyogs gzhan du song zhing nye ba dag ni mi gnas pa'o/ /yang na grags pa zad ces smos te med ces bya ba'i don to/ /grib shing 'bras bu zhim po yod
 pa dag dang dri ma med pa dang/ gtsang zhing zhim pa'i chus gang ba'i rdzing bu zhes smos pas ni ngal sos pa'i gnas dang/ bza' ba dang btung ba'i sdug bsngal gso ba'i thun mong gi rgyur
 gyur pa de bzhin du byang chub sems dpa' yang sems can thams cad kyi thun mong gis dgos pa yin te/ grib shing dang rdzing bu lta bu yin pa'i phyir ro/ /de ltar re zhig 'bras bu zhim po yod pa zhes bya ba dang/ chu gtsang zhim po zhes
 bya ba'i tshigs bcad 'di gnyis kyis ni byang chub sems dpa' i bskrad pa'i sgo nas bdag gis sdug bsngal las brtsams te/ smre sngags 'don pa bstan to/ /gang na rgyal po thams cad sgrol zhes bya ba 'dis na byang chub
 sems dpa' spyugs pa'i dbang du byas nas smre sngags 'don pa bstan to/ /bdag cag phongs pa zhes bya ba'i tshigs bcad 'dis ni bdag nyid sdug bsngal las brtsams so/ nor bu rin po che dang zhes bya ba la sogs pas
 ni tha snyad kyi dngos po'i dbang du byas pa'o/ /nor dang 'bru mang po zhes bya ba la sogs pas ni nye bar dogs pa'i dngos po bzung ba'o/ /nye 'khor skyed mos tshal bzang po yid du 'ong ba gang yin pa de ni nye 'khor/ skyed mos tshal bzang
 po yid du 'ong ba'o/ /mthar gyis zhes bya ba ni grong khyer mchog las so/ /'das pa ni rim gyis zhes bya ba'i don to/ /grong dang grong khyer las 'das pa'o/ /grib shing bar mtshams med pa'i dgon pa gang yin pa de ni grib shing par
 mtshams med pa'o/ /rab tu rgyu ba phyogs gsal ba gang yin pa de ni rab tu rgyu bas phyogs gsal bar snang pa'o/ /shing rta 'dren pa'i rta ni gzhan ma yin pa zhes bya ba'i don to/ /dpag tshad du ma'i lam du zhes bya ba'i tshigs bcad
 'di'i don rta byin pa ste/ ci'i phyir zhe na/ sbyin pa la dga' ba ste/ de bas na sgrub pa'i khyad par mdza' dag 'dir dpag tshad du ma zhes bya ba la sogs pa'i tshigs bcad smos so/ /'di dag las gzhan med pas de bsgrub par mi 'gyur ro/ /lam
 du de lus la zhes bya ba ni rta de byin pa'i slong bas de nyid du bstan to/ /dpag tshad du ma ni dus mang po'i dbang du bstan to/ /grogs ni med gyur kyang zhes bya ba ni gzhan de na byed pa med pas so/ /bu smad bcas shing zhes bya ba ni de don gnyer
 ba'i gzhan gyi don nyid de/ de yang rang gi skyo ba bzod pa'o/ /phyi rjes mi lta bar zhes bya ba sdug bsngal de bcos pa'i rgyu thob pa dag gsal ba'o/ /rta bzhin ni thams cad lus pa med par byin pa'o/ /tshig rkang de dag thams cad kyis ni
 sbyin pa la dga' ba'i rgyu nyid du bstan pa yin no/ /nags zhes bya ba ni dka' thub kyi gnas so/ /goms kyang zhes bya ba ni yun ring por shin tu goms pa ste yun ring du rtag tu byed pa dang/ gus par sbyor ba dang ldan pa nges so//
 dam pa ni byang chub sems dpa' rnams te/ yon tan la goms pa ni gzhan la phan pa dang bde ba byed pa la goms pa ste/ gang la gang zhig byed pa de nyid de'i bsod nams kyi stobs yin gyi byed pa po'i yon tan ni ma yin no/ /ci'i
 phyir zhe na/ sems can thams cad la phan zhing bde ba la 'jug par ni mi 'grub par snang bas so/ /dper na byang chub sems dpa' ni gzhan la phan zhing bde bar 'jug par 'gyur na yang/ yi dwags dang dmyal ba la sogs par
 skyes pa'i sems can bde bar 'jug pa 'grub pa med pas so/ /ku mu da'i kha 'byed pa'i zla ba yang gal te zla ba kha 'byed pa yin na ni/ ci'i phyir pad+ma kha 'byed par mi byed de/ khyad par med par bltos shing kha 'byed rgyur gyur pas so//
 rang gi nus pa'i khyad par nyid ma yin no zhes bstan pa'i phyir mtsho'i nang na zhes bya ba'i tshigs bcad yin no/ /skar ma rnams kyi gzugs brnyan ni skar ma'i gzugs brnyan no/ /nges mdzes
 pa'i skar ma'i gzugs brnyan rnams lhag par mdzes pa ste/ ku mu da rgyas pa dang 'dra ba'i mtsho'i nad na skar ma'i gzugs brnyan de dag la'o/ /ku mu da rnam par dag pas ni lhag par skar ma'i gzugs brnyan mdzes pa
 yin gyi gzhan du ni ma yin te/ 'dis ni ku mu da kha 'byed pa dag tsam 'dir brjod la gzhan ni rgyan gyi don tu bstan to/ /zla ba'i 'od zer ltad mo lta ba bzhin zhes bya ba 'dis ni mtsho'i nang na ska rma'i gzugs brnyan rnams ku mu
 da rgyas pa mthong na lhag par ltad mo lta bar byed pa yin no/ /rgyur gyur zhes bya ba ni mtshan ma tsam du gyur pa ste/ zla bas kha 'byed par/ byed pa ni zla ba 'char ba'i dus su de kha 'byed par snang ba'i phyir te/ gal te kha 'byed pa'i nus pa yod
 par gyur na ni/ pad+ma la sogs pa ci'i phyir kha 'byed bar mi byed/ de bzhin du bdag gis bsams na rgyal po khyod kyi mthu stobs yin pa snyam gyi/ ri dwags kyi mchog ni thams cad du ma nyams par rab tu gnas pa dang bcas pa yin
 pa'i phyir khyed nyid kyi'o/ /gcig la gcig snyan par smra zhing zhes bya ba la/ re zhig rigs pa ni mad? dris byang chub sems dpa' la rigs kyi byang chub sems dpa' ni de la snyan par smra ba ma yin no/ /glo bur 'ongs pa la byams pa zhes bya ba 'dis ni glo bur du 'ongs pa
 yid la byed pa bstan te/ gcig la gcig snyan par smra ba'o/ /bu smad ces bya ba ni mad? dri dang gzhon nu gnyis so/ /phab nas na babs su bcug pa'o/ /rgyab tu zhes bya ba 'dis ni 'gro ba la skyob pa nyid du bstan to/ /ci'i phyir zhe na/
 'di ni 'di ltar kha zas kyi dbang du byas pa'o/ /mngon du lta byed cing zhes bya ba ni don tu gnyer ba nyid ces bya ba'i don to/ /ze ba rnams kyi drul de ste de lhags par khyab cing gsal bar gyur pa'i ser po gang yin pa de ni ze ba lhags pas ser
 por gsal bar gyur pa'o/ /nyi ma'i 'od zer gyis gdungs pa'i sdug bsngal gyis 'jigs pa med pa'i dbang du byas nas/ sprin rnams kyis kyang zhes bya ba'i tshigs bcad smos te/ de 'phyed kyis ni lam gyis yongs su dub pa'i sdug bsngal
 med pa'i dbang du byas pa'o/ /ngal ba'i sdug bsngal zhes bya ba'i tshigs bcad phyed kyis ni 'chag pa'i 'jig pa med cing bde ba'o/ /'chag pa nyid rnam par 'jig pa yin pas 'chag pa rnam par 'jig pa'o/ /de nyid bde ba yin pas 'chag
 pa rnam par 'jig pa'i bde ba'o/ /lam gyis dub pa de'i sdug bsngal gyi tshor ba ni lam du 'gro ba'i sdug bsngal gyi tshor ba ste nges so/ /me tog dang/ 'bras bu dang/ lo mas brgyan pa'i shing ljon pa ni shing ljon pa'o/ /snum pa yang yin la
 rnam pa sna tshogs pa yin pas snum snum ltar 'dug pa rnam pa du ma'i shing ljon pa ste/ me tog dang/ 'bras bu dang/ lo ma rnams kyis brgyan pa'i shing ljon pa snum snum ltar 'dug pa rnam pa du ma'o/ /gang ba ni me tog dang/ 'bras bu
 dang/ lo ma rnams kyis brgyan pa'i shing ljon pa snum snum ltar 'dug pa du mas gang ba ste/ sems med pa'i dga' ba'o/ /'dod pas myos pa'i dga' ba yang yin la bya yang yin pas 'dod pas dga' ba'i bya'o/ /du ma'i sgra ni du mang
 po'i sgra'o/ /de dag gi sgrogs pa ni mang po'i sgra 'byin par ro/ 'dod pas myos shing rab tu dga' ba mang po sgra 'byin pa'i dka' thub kyi nags tshal gang ba yod pa de ni bya mang po 'dod pas myos shing dga' bas sgra 'byin pa'i dka' thub
 kyi nags tshal lo/ /gang du ri dwags kyi rnam pa du ma rgyu ba de ni ri dwags kyi rigs rnam pa du ma rgyu ba'o/ /gar byed pa gang yin pa de ni gar byed pa nyid do/ /gar byed pa nyid rma bya yin pas rma bya mang po gar byed pa ste des
 mdzes pa'o/ /me tog gi dris bsgos pas ni me tog gi dris bsgos pa'o/ /dka' thub kyi nags tshal gang du me tog gi dris bsgos pa'i ser bu ldang ba dang ldan pa de ni lam gyi rdul gyis rkang pa dang byin pa rtsub rtsub ltar 'dug pa'o/ /ngal
 bas nyams pa'i mdog dang mig rtsa gang yin pa de ni ngal bas bzhin mdog dang mig rtsa nyams pa'o/ /dbyug pa la brtags shing phrag pa la thogs pa'i spyi blugs gang yin pa de ni spyi blugs dbyug pa la btags pa phrag pa la thogs pa'o
 blo bur du 'ongs pa la bkur sti'i bya ba byas pa gang yin pa de ni blo bur du 'ongs pa la bkur sti'i bya ba byas pa'o/ /'gro ba 'di dag ni zhes bya ba ni mi bzad pa ste/ mi bzad pa'i sems yod pa'i phyir ro/ /ser sna'i mun pa yin pas ser snas bsgribs
 pa'i 'gro ba'o/ /'di gnyis ni sems mi bzang pa'i phyir 'jig rten snang ba med pa nyid du bstan to/ /gzhan du zhes bya ba ni khyed las gzhan du zhes bya ba'i don to/ /slong ba nyid ni slong ba'o/ /slong ba nyid kyi tshig yin pas slong ba'i
 tshig ste/ don du gnyer ba'i tshig ces bya ba'i don to/ /ma phyin pa ni nus pa zhes bya ba'i don to/ /snang ba med pa dang/ mi mnyam pa'i 'jig rten pa'o/ /gang las zhe na/ mi mnyam pa'i lam las 'jig rten 'gro
 ba nyid du snang ba'i phyir te/ gzhan ni mi 'gro ba yin no zhes don gyis rtogs so/ /de bas na bstan pa'i skyon gnyis med de/ mthong bzhin du lam mnyam pa nas 'gro bar snang ba'i phyir khyod nyid la phyin pa yin la gzhan pa ni
 bslang ba'i tshig phyin pa ma yin no zhes sbyar ro/ /de'i rgyu skyon gnyis dang bral ba med na ni de ji ltar slong ba'i dbang du byas nas/ /sbyin pa la dpa' ba' i zhes bya ba'i tshigs bcad yin no/ /de'i phyir zhes bya ba ni grags pa thos pa'i
 phyir ro/ /stsol zhes bya ba ni slongs mo ba nyid du khas len pa'i phyir ro/ /ci'i phyir khyod la slong zhes de ltar rtog pa la g.yog tu zhes pas bstan to/ /tsham tshom med par sbyin zhes bya ba ni dpyad pa med pa'i phyir ro zhes bya ba ste/ des na smras
 pa/ sbyin pa la dga' ba goms par byas pas rab tu sdug pa'i bu bas kyang sbyin pa la dga' ba ste/ ches gces pa'i phyir ji ltar sbyin pa la dga' ba goms par byas pa de lta bu la dga' ba ni ma yin te/ bu la dga' ba ni res dga' byas pa'i
 phyir dang/ sbyin pa la dga' ba ni rgyun tu goms pa'i phyir ro/ /de yang bu ni mi rtag pa la sogs par so sor brtags pa des lhag par dga' ba med la/ sbyin pa ni yon tan thams cad dang ldan par snang bas so/ /yang na thams cad pas sbyin pa
 ni che ba nyid do/ /sbyin pa la dga' bas bu gnyis kyang tsham tshom med pa sbyin zhes bya ba ma sbyin pa'i dngos po nyid du bstan no/ /bu gnyis kyang zhes bya ba'i sgras gcig tu de ltar ci'i phyir smras zhe na/ slar zlog pa ni ma bslabs pas zhes bya ba smras
 te/ sbyin pa'i bya ba ma yin pas kyang bya ba ma yin pa mchog tu gyur pa'i phyir ro/ /slar zlog pa zhes bya ba 'dis ni dka' ba'i sbyin pa nyid du bstan to/ /sbyin pa yon tan gnyis dang ldan pa'o/ /da 'di na mchis te ci zhig bgyi zhes
 bya ba gal te byin na zhes bya ba'i don to/ /byin pa'i gtam thos nas mi dga' ba skyes pa'i mig rig rig po gang yin pa de ni/ sbyin pa'i gtam thos nas skrag pa'i mig rig rig por gyur pa de'o/ /de gnyis kyis snying gdungs par gyur
 pa gang yin pa de ni snying gdungs par gyur pa'o/ /'di ni zhes bya ba des smras pa de'i lan ni/ khyod la 'di gnyis ngas byin na zhes bya ba yin no/ /da ni mchis te ci bgyi zhes bya ba 'di'i lan ni/
 'di gnyis ma ni song zhes bya ba'o/ /gang du ci'i phyir song zhes bya ba 'dri ba'i tshig gis skabs rtog pa la nags tshal du rtsa ba 'bras bu 'tshol du song zhes bya ba yin no/ /de yang de ring 'dir 'ong gis zhes bya ba 'dis ni ring po mi
 thogs par 'ong bar bstan to/ /de 'ongs nas ci zhig byed pa yin zhes rtog pa la de dang phrad nas 'o? byas zhes bya ba ste/ 'dis ni mad? dri la phan 'dogs pa nyid du bstan to/ /rgyan gyis brgyan cing phreng ba can zhes bya ba ni gzhon
 nu gnyis so/ /'dir ni zhag gcig ngal so la zhes bya ba 'di ni bram ze de la phan 'dogs pa bstan te/ lam gyi dub pa sel bar snang ba'i phyir ro/ /bud med rnams ni mi drang bas zhes bya ba 'dis ni ma ni bu sbyin pa de la 'gyod
 par 'gyur ba rjes su shes te/ de bas na khyod kyi sbyin pa la gegs byas par 'gyur bas chos ma yin pa dang ldan par 'gyur ba yin pas zhag gcig 'dug pa'i skyon bstan pa'o/ /khyod kyi sbyin la gegs byed kyis zhes bya ba
 'dis kyang byang chub sems dpa' i skyon bstan to/ /bdag nyid kyi ni ma bstan kyang grub pa'i phyir te/ sbyin pa ma byin pa'i nyes dmigs bstan pas gang rnyed pa'i bar chad kyi mtshan nyid do/ /sbyin pa'i gegs su 'gyur du ma dogs
 shig ces bya ba ni bdag nyid kyi sbyin pa'i bgegs med pa'o/ /ci'i phyir zhe na/ de ni nga'i chos spyod pa'i grogs yin mod kyi zhes bya ba smos te/ gang sngar bstan pa'i ming ni g.yon can zhes su btags zhes bya ba de'i lan
 btab? pa yin no/ /de ni nga'i chos spyod grogs yin mod ces bya ba ni ji ltar de sbyin pa la dga' ba de ltar de yang dga' ba yin te/ chos spyod pa'i grogs yin pa'i phyir ro/ /'on kyang 'di la khyod ci dgar zad do zhes bya ba ni gal te khyod 'khyer
 bar 'dod na de ring khyod khyer cig ces bya ba'i don to/ /rab tu gzhon zhing zhes bya ba'i tshigs bcad 'di'i don gyi yon tan rnam pa gsum dang ldan na ni bran gyi las su 'os pa yin te/ las ci 'dod pa bsgrubs pas bdag po dga' ba skyed pa
 dang/ sdug bsngal bzod cing las byed pa nus pa dang mkhas pa'o/ /gsum po de dag las gang zhig dang yang mi ldan pa med na ni jo bo las byed pa byed pas dga' ba skyed pa yin na/ tshigs su bcad pa 'dis ni yon tan de dag dang mi  
 ldan par bstan to/ /de la nyes pa bstan pa dang/ btang ba'i yon tan bstan pa'i phyir shi bi pa'i rgyal po nga'i yab ces bya ba la sogs pa tshigs su bcad pa gnyis so/ /'di ltar gyur pa ni bran nyid kyi dngos por gyur pa'o/ /nges pa
 ?? gdon mi za ba'o/ /de'i yul ni zhes bya ba ni shi bi pa'i rgyal po'i yul lo/ /de ltar byas na nor chen dang zhes bya ba ni bu'i blud kyi phyir thob par 'gyur ba'o/ /chos rnams dang yang ldan bar 'gyur zhes bya ba ni nor chen po de nyid kyis
 chos byed nus pa'i phyir dang/ byis pa'i nyon mongs pa med pa'i yang phyir ro/ /sbrul gdug pa dang 'dra ba'i drung du zhes bya ba ni sbrul gdug pa lta bur bsnyen par dka' bas so/ /mi dga' ba nyid kyi skyes pa yin pas mi dga' ba'i
 skyes so/ /de lta bu'i mtshan nyid dang ldan pa'i rgyal po'i drung du 'gro ba'i nyes dmigs bstan pa'i phyir rgyal pos bdag la 'di gnyis zhes bya ba'i tshigs bcad smos so/ /bram ze mo'i g.yog tu bdag ni khrid de mchi zhes bya
 ba ni rgyal po'i gan du mi 'gro ba zhes bya ba'i don to/ /don yongs su ma rdzogs par zhes bya ba ni da khyod kyis ji ltar dga' ba de bzhin du gyis shig pa ste/ de ltar don yongs su ma rdzogs pa'o/
 g.yog legs par byos zhes bya ba ni bag yod par yongs su spyad par bya'o zhes bya ba la sogs pa'o/ /de'i bsgrims pa'i mthu zhes bya bas ni 'bad par rjes su 'jug pa ste/ des na 'bad pa zhes bya ba'i don to/ /mdor smras nas zhes
 bya ba ni rgyal bar gyur cig ces so/ /bral ba'i sdug bsngal nyid khur chen po yin pas bral ba'i sdug bsngal gyi khur ro/ /des gdungs pa'i snying gang yin pa de ni bral ba'i sdug bsngal gyis gdungs pa'o/ /yab gcig yum yang
 slad rol 'byung/ /khyod kyang bdag cag gtong bar bzhed ces bya ba ni gang gi tshe ma slad rol tu 'byung ba de'i tshe sbyin par bzhed zhes bya ba'i don to/ /sdug bsngal gyi myong ba ni sdug bsngal myong ba'o/ /de nyid dang por sdug bsngal myong
 ba gang yin pa de ni sdug bsngal dang myong ba'o/ /de bas na skad phyung ste zhes bya ba ni sgra dang bcas pa'o/ /bram ze zhes bstan pa la/ gal te bram ze yin na ni gang gi phyir 'di ni brtse ba med pa ste/ de bas na 'di ni bram ze ma yin te/
 bram ze'i mtshan nyid ni chos dang ldan pa nyid de de med pas so/ /de lta na 'di gang zhig yin zhe na/ gnod sbyin zhes smos so/ /ci'i phyir zhe na/ brtse ba med pa'i phyir ro/ /bram zer bsgyur nas ni zhes bya ba ni cha byad do/ /gnod sbyin gyis
 ci'i phyir khrid pa yin zhe na/ bza' ba'i phyir ro/ /bram ze bdag la brdeg pa 'di zhes bya ba'i tshigs bcad kyis ni bdag nyid de dang bral ba'i sdug bsngal gyi dbang du byas pa'o/ /dka' thub nags tshal stong pa na zhes bya ba la
 sogs pa'i tshigs bcad gnyis kyis ni bdag nyid dang bral ba'i sdug bsngal gyi mi'i dbang du byas pa'o/ /glang po che lta bu yin pas glang chen te/ glang po che byas pa zhes bya ba'i don to/ /de bzhin du shing rta dang/ rta pa dang/ rkang thang yang ngo//
 phyed tsam yum la phul na ni zhes bya ba ni phyed ni khyod nyid la zhes bya ba yin no/ /ci'i phyir 'di sbyin zhe na/ mya ngan gsal ba'i phyir ro/ /'phrin gyis yum la phyag 'tshal zhing zhes bya ba ci zhe na/ zhal ni mthong ba rab tu dka' ba nyid de/ thugs
 ngan mdzad las bzlog tu gsol/ nga yang zhal mthong dka' ba'i phyir te/ zhal mthong ba mi srid pa la mya ngan don med pa'i phyir ro/ /bram ze ngan po ngo mi tsha zhes bya ba ni ma bstan pa rjes su bstan pa ste/ gzhan du na bram ze kho na zhes mi brjod
 cing tshig de yang rtsal ba med pas so/ /lha ma yang med par rkang gis gdod zhes bya ba 'di ni lam gyi sdug bsngal gyi dbang du byas pa'o/ /lam de'i sdug bsngal yang rgyu gsum gyis 'byung ba yin te/ lam gyis dub pa so ba med pa
 dang/ gnas kyi khyad par dang gzhan gyi dbang du gyur pas so/ /lha ma yang med par rkang gis 'dod zhes bya ba 'dis ni lam gyi ngal so ba med pa nyid du bstan to/ /rab tu gzhon pas ngal mi bzod ces bya ba 'dis ni gnas kyi khyad
 par bstan to/ /de'i gran? g.yog byed pa zhes bya ba 'dis ni rang dbang med pa nyid du bstan te/ de ltar yongs su ngal sor med pa'i dbang du byas nas/ lam gyis ngal zhing dub pa la zhes bya ba'i tshigs bcad smos so/ /dang po'i phyed
 kyis ni lam gyis dub pa'i ngal so ba med pa las brtsams so/ /phyed gnyis pas ni lhan cig skyes pa'i bkres pa dang skom pa'i sdug bsngal so ba med pa nyid du bstan to/ /bdag ni brtan par byed 'dod kyang zhes bya ba'i tshigs bcad
 'di'i don ni so sor rtog pa'i stobs yod kyang ngo/ /bu ni byis pa ste so sor rtog pa med pas so/ /re zhig bdag 'di lta bur ni sdug bsngal zhes bya ba bstan pa la de'i sdug bsngal bstan pa'i
 phyir/ kye ma'o zhes bya ba'i tshigs bcad phyed 'dis smos so/ /brtan par byed 'dod kyang zhes bya ba bstan pa la/ ji ltar brtan par byed pas 'dod pa yin zhes pa de las brtsams te/ /dam pa rnams kyis chos zhes bya ba'i tshigs
 bcad kyi phyed 'og ma'o/ /mi dga' ba 'byung ba ni mi dga' ba dag 'byung ba'o/ /de brtan pa'i ngang tshul gang yin pa de ni mi dga' ba 'byung ba'i tshul lo/ /yang dang yang bos te de gnyis lan med pas zhes bya ba'i ma thos pa ste bod
 pas de gnyis gcig gis kyang ma thos pa'o/ /de gnyis ni de dag ces bya ba'i don to/ /rtse rtse ngal nas zhes bya ba'i tshigs bcad ni 'tsho ba'i gnas skabs na yang ma mthong bas bral ba'i sdug bsngal gyi dbang du byas pa'o/ /rtse rtse
 ba las byung ba'i ngal ba ni rtse rtse ngal ba'o/ /de las skyes pa'i gnyid gang yin pa de ni rtse rtse ngal nas skyes pa'i gnyid do/ /bdag 'ongs 'phyis pas zhes bya ba'i tshigs bcad 'di ni 'chi ba'i skabs la rnam par rtog pa'i dbang du byas pa'o//
 gang gi phyir de gnyis shi ba ni ma yin te/ de bsad mthong na 'di ltar sgra mi 'byin pa'o/ /bya'i sgra med par yang 'chi ba srid do zhes rnam par rtog pa las brtsams nas/ 'bab chu drag po zhes bya ba'i tshigs bcad phyed ma 'og ma'o/ /'di
 la ltas bzang po yod pa ma yin pa ni ltas ngan pa'o/ /ltas ngan pas bzlog pa'i dga' ba'i sems gang yin pa de ni snying 'di yang ltas ngan pas dga' ba na bzlog pa'o/ /gas pa na zags pa zhes bya ba'i don to/ /dga' bar bya rigs zhes
 bya ba ni dga' ba thos par rigs pa'o/ /ched dkar zhes bya ba ni mngon par gnod pa'i phyir ro/ /kyi hud bdag ni bsad kyis med ces bya ba ni shi ba'i don te/ zad pa 'am shi bas bdag nyid kyang nges par 'chi ba'i phyir bsad ces bstan to/ /bstan pa
 med du dogs pas na zhes bya ba ni gal te bstan pa med du dogs pas 'chi bar 'gyur ro zhes dogs pa'i don to/ /rgas pa dang dbul ba ni rgas shing dbul ba'o/ /de nyid kyi sdug bsngal ni rgas shing dbul ba'i sdug bsngal te/ des sdug
 bsngal pa zhes bya ba'i don to/ /'dis ni snying rje'i zhing bstan to/ /bram ze zhes bya ba 'dis ni yon tan gyi zhing du bstan to/ /yang na rgas shing dbul ba'i sdug bsngal gyis nyen pa zhes bya ba ni sdug bsngal ba nyid do/ /bram ze zhes bya ba
 ni slong ba nyid du bstan to/ /slong bas 'tsho ba de bas bram ze zhes brjod do/ /nga gan 'ongs zhes bya ba ni rten med pa nyid de/ gang gzhan du mi rnyed par byed pa'i gnas 'di na 'ongs shing spyod pa ste/ gang gi phyir bdag la slong ba de bas na de
 rten med pas des rtogs par bya'o/ /bu la ma bltas na ji ltar khyod la blta bar bya zhe na/ smras pa mya ngan gdung bar ma byed la zhes bya ba smos so/ /de lta na ci zhig bya ba yin zhe na/ bu'i ma mya ngan gdung snying la/ mtshon gyis 'debs
 pa zhes smos te mtshan dang 'dra ba'i phyir ro/ /de la mya ngan gyis yongs su gdungs na ci'i phyir bu byin zhes bya ba yin zhe na/ tshig gi skabs shes par byas nas/ bslangs par gyur na zhes bya ba'i tshigs bcad smos so/ /bu shing
 dogs de snying btsos pa las zhes bya ba ni bu shing dogs pa'i snying gi gdung ba zhes bya ba'i don to/ /'di ltar zhes bya ba ni gang gi phyir te/ gang gis skabs ma rnyed pa de ni skabs ma rnyed pa'o/ /de gang zhe na 'jungs pa'o/ /brag cha'i sgra'i
 khyab pa'i sgra gang yin pa'i rnga sgra chen po'i sgra de ni khyab pa'i brag cha dang sgra brnyan zhes bya ba'i don to/ /gsal ba'i tshig dang 'bru gang yin pa'i nam mkha' de ni tshig 'bru gsal ba'i nam mkha' la'o/ /g.yo ba gang
 la yod pa de ni g.yo ba can te rab tu g.yo ba can no/ /ri'i nu ma g.yo ba can gang yin pa de ni ri'i nu ma g.yo ba can no/ /nam mkha' ni mtho ris so/ /glog gi gsal ba dang bcas pa ni glog 'gyu ba'i 'od kyis gsal ba'o/ /des bsal ba dang
 bcas pa de la ni glog 'gyu ba'i 'od kyis gsal zhing mthong ba'o/ /yang na brtsams pa'o/ /yang na 'od dang ldan pa ste/ des gsal bar gyur pa'o/ /gsal ba'i thugs ni dgyes par mdzod ces bya ba ni 'di ltar 'jug gi las sgrub pa
 yin no/ /de ltar sems dad pa'i phan yon gang yin zhe na/ 'jig rten rnams la btung chu bzhin zhes smos so/ /ji ltar btung chu bzhin du gyur pa yin zhe na/ slan chad kyang ni sbyin bdag mdzod ces smos te/ ci nas kyang sbyin pa las
 btung chu bzhin du gyur pa zhes bya ba'i don to/ /sbyin pa nyid chos yin pas sbyin pa'i chos so/ /zad pa skoms so/ /'dod lha'i sems ni mya ngan me yis tshig ces bya ba ni sbyin pa'i pha rol tu phyin pa rdzogs pa'i phyir te/ de bas na yang
 sangs rgyas nyid thob pa la ni thams cad kyi thams cad du sbyin pa las snying rje khyad par du gyur pa yin no zhes bya ba'i tshig gis so/ /'o na mad dri skyes bu gzhan la byin pas 'khrugs par ma gyur tam zhe na/ ma yin te/ khyim
 thag dang bral ba'i mya ngan gyi khur gyis non par gyur pa'i phyir te/ slong ba la mi zlogs pa'i rang bzhin yin pas so/ /de la mig tshugs lta zhing bris pa bzhin 'dug ces bya ba ci'i phyir zhe na/ sngon med pa'i sdug bsngal gyi khur
 gyis non pa'i phyir ro/ /bris pa bzhin zhes bya ba ni ba yo ba med pa dang/ mig 'byed pa dang 'dzum pa med pa'i phyir ro/ /ya rabs ma rabs chos nyid ni zhes bya ba la/ dam pa dang dam pa ma yin pa ni ya rabs dang ma rabs so/ /de gnyis kyi chos ni
 ya rabs ma rabs kyi chos gnyis so/ /ma rabs kyi chos ni gzhan gyi bud med la 'gro ba'o/ /'di ni ya rabs kyi chos te/ rang gi chung ma gzhan gyi la sbyin pa'o/ /dam pa dang dam pa ma yin pa ni ya rabs ma rabs te/ ji ltar khyad par re
 che snyam na/ bdag nyid ma sbyangs pa rnams ni sus kyang yid chos mi nus so zhes smos te/ 'di ltar dam pa yin pas ni ngas pa yin pa'i phyir ro/ /de ltar ya rabs kyi chos kyi rang gi ngo bo bstan nas/ ya rabs kyi chos kyi smra ba las
 brtsams pa/ 'dod chags bral bar ma gyur pas zhes bya ba'i tshigs bcad smos te/ rgyu gsum gyis ni nyon mongs pa skye bar 'gyur te/ /phra rgyas spangs par ma gyur dang/ /yul ni nye bar gnas pa dang/ tshul bzhin ma yin yid byed
 las/ /nyon mongs rgyu ni tshang ba yin zhes bya ba'i tshig gis so/ /dam pa rnams ni sems rgya che bas yul mngon du gyur kyang nyon mongs pa 'gog cing nyon mongs pa kun tu mi spyod pa yin te/ de bas na rgyu ma tshang bas nyon mongs pa mi
 spyod pa yin no zhes bstan to/ /'dod chags dang ma bral ba ni 'jig rten pa'i lam gyis nyon mongs pa 'gog pa'o/ /cig shos ni 'dod chags kyi phra rgyas spangs pa yin te/ de bu dang chung ma la dga' ba nyid kyang med de/ de bas na nyon
 mongs pa 'gog pa med pa bstan to/ /'dod chags dang bral bar ma gyur ba zhes smos pa 'dis ni 'dod chags skye ba bstan pa'o/ /bu smad rab tu sdug pa dag ces bya ba 'dis ni rgya che ba'i yul dang nye ba nyid du bstan to/ /de ltar
 ma chags sbyin byed pa zhes bya ba la/ 'dod chags pa ni sred pa'i 'dod chags sam chags pa'o/ /chags pa dang bral ba ni gang gis phyir ma chags pa'o/ /de ltar zhes bya ba ni 'di ltar mngon sum nyid du bsgoms
 pa bstan te/ 'dis ni tshul bzhin ma yin pa yid la byed pa med pa nyid de/ de ltar ya rabs kyi chos gnyis shin tu khyad par che ba nyid du bstan to/ /nyi ma'i 'od kyis zhes bya ba la nyi ma'i gzi brjid do/ /gzhan gyi 'od ni zla ba la sogs pa'i
 'od do/ /nyi ma'i 'od kyi zhes bya ba dang/ bsgrags pa zhes bya bar sbyar ro/ /khyod kyi yon tan chags pa'i gtam dag gis zhes bya ba la chags pa'i gtam gang yin zhe na/ de bstan pa'i phyir/ khyod kyi spyod pa zhes tshigs bcad brtsams so//
 ji ltar chags pa'i gtam yin zhe na/ chags pa'i gtam nyid du tshigs bcad phyed 'og mas bstan to/ /khyod kyi spyod pa mi las 'ang 'das zhes bya ba gang yin zhe na/ tshigs bcad phyed 'og mas bstan to/ /gnod sbyin dri za zhes bya ba
 la sogs pas ni gshol mda''dzin la sogs pa'i ri dwag gi bar na gnas pa'o/ /ltos 'gro zhes bya ba smos pas ni sa'i 'og na gnas pa dang/ rgya mtsho na gnas pa gzung ngo/ /sum cu gsum pa brgya byin zhes bya ba 'dis ni ri rab
 la gnas pa ste/ 'di ltar lho phyogs su zhes bya ba gang sngar bstan pa ston pa yin no/ /bu dang bral bar ma sems shig ces bya ba ci'i phyir zhe na/ pha ni bu dang ldan pa'i phyir ro/ /rgyal srid nyams pa'i mya ngan ma byed cig ces bya ba ni
 gang gi phyir/ khyod kyis mgon byas dgos bcas rgyal srid ces bya'o/ /'dir kha cig rgol te/ bram ze la ni byang chub sems dpa' snying brtse bar byed la/ dman pas du zhing sdug pa'i bu gnyis ci'i phyir gtong zhes grub pa'i mdza' 
 yongs su ma shes pa nyid rgol lo/ /des mchod pa ni bdag nyid sngon byang chub sems dpa' i dus su byang chub sems dpas dus gcig tu tshogs bsags par bya'o zhes de 'di ltar dgongs pa yin te/ bdag nyid btang ba ma yin par ji
 ltar tshogs yongs su rdzogs par 'gyur/ de ltar byang chub sems dpa' ni tshogs chen po de dag las skyes pa'o/ /de ltar na ci'i phyir du bar byed ce na chos ni gnyis te/ don dam par bstan pa dang/ kun rdzob tu bstan pa'o/ /'di ni kun
 rdzob tu bstan pa ste/ nyam nga ba dag yid dad pa skyed par bya ba'i phyir ro/ /skyes pa'i rabs 'di nyid du yang slob dpon gyis bshad pa sbyin bgegs su 'gyur du ma dogs shig /'di ni nga'i chos spyod grogs yin no zhes bya ba dang/
 sbyin la dga' ba goms byas shing zhes bya ba'i tshigs bcad 'dis mi sbyin par mi bya ba nyid du bstan pa'i phyir rtsod pa med pa nyid do/ /spyod pa de la phyogs pa zhes bya ba ni byang chub sems dpa' i spyod pa de la sogs pa'i sems can la ste/
 smon lam la btab pa zhes bya ba'i don to/ /brnyas pa mi bya zhes bya ba ni zil gyis gnon par mi bya ba ste/ mos par spyod pa la gnas pa'o/ /gnod pa mi bya ba ni sar chud pa'i sems can gyi khyad par gyi yon tan dang ldan
 par thos pas de mi mos par mi bya'o/ /slob dpon dpa' bos mdzad pa'i skyes pa'i rabs rgya cher bshad pa las thams cad sgrol gyi skyes pa'i rabs so// //rang gi
 bsod nams kyi mthu thob pa zhes bya ba 'dis ni skal ba phun sum tshogs pa'o/ /rgyal phran thams cad phyag 'tshal ba zhes bya ba 'dis ni spro ba phun sum tshogs pa bstan to/ /bdag dang gzhan gyi 'khor la sogs
 pa'i gnod pa rab tu zhi bas 'tsho ba med pa zhes bya ba 'dis ni gsang tshig gi nus pa bstan to/ /gdugs zla med pa bgo skal gyi rim pas thob pa zhes bya ba 'dis ni gtso bo'i nus pa
 bstan to/ /chos kyi don gcig tu sbyangs par gyur te/ ji lta bur zhe na/ thub pa bzhin du zhes smos so/ /ji ltar chos don gcig tu spyod pa yin zhe na/ dngos po kun gyis 'gro la phan byed pa zhes smos te/ dngos po thams cad kyi
 phan pa'i phyir ro/ /ci'i phyir de ltar gyur pa yin zhe na/ dbang po thul ba'i phyir dang 'bras bu smad pa spyad pa la ma chags pa'i phyir ro/ /yang na dngos po kun gyis phan par byed bar 'gyur te/ ci'i phyir zhe na/ dbang po thul ba'i phyir dang/
 chos don gcig pu byed pas 'bras bu smad pa spyad pa la ma chags pa'i phyir te/ 'dis ni don gyi 'dod pa la chags pa med pa bstan te/ 'bras bu zhes smos pas so/ /ji lta bu zhe na/ thub pa bzhin no/ /chos don gcig tu byed
 ces bya ba de'i rgyu yang bstan pa yin te/ rang gi don las brtsams pa'o/ /da ni don gyi rgyu las kyang smras pa yin te/ gzhan gyi mtshan nyid las brtsams nas/ skye dgu rnams zhes bya ba'i tshigs bcad smos so/ /gtso bo rnams
 kyi spyod pa ni gtso bo'i spyod pa'o/ /de'i rjes ni gtso bo'i spyod pa'i rjes te/ sgrub pa gang la yod pa'i rang bzhin ni gtso bo'i rjes spyod rang bzhin no/ /gtso bo ni khyad par du gyur ba'o/ /sngar bstan pa'i chos don gcig tu spyod
 pa dang/ dngos bo kun gyi 'gro la phan byed pa zhes pa la de gnyi ga bstan pa'i phyir/ nor yang byin zhes bya ba'i tshigs bcad smos so/ /tshigs bcad 'dis ni bdag dang gzhan gyis don las brtsams te pha rol tu phyin pa
 drug bstan to/ /sbyin pa dang/ tshul khrims dang/ bzod pas ni bdag gi don phun sum tshogs pa ste/ sbyin pa la sogs pa pha rol tu phyin pa gsum ni longs spyod kyi bdag nyid srid pa'i g.yog 'khor phun sum tshogs pa'i rgyud
 gyur pa'i phyir ro/ /'gro ba'i don yang spyod ces bya ba 'dis ni brtson 'grus kyi pha rol tu phyin pa bstan to/ /'gro la phan sems mthong na zhi bar snang zhes bya ba ni skye dgu rnams la phan pas na 'gro la phan pa'o/ /'gro ba'i don la
 phan pa'i lhag pa'i bsam pa yod pa ni 'gro la phan pa'i sems so/ /de mthong na zhi bar snang ba gang yin pa de ni 'gro la phan sems mthong na zhi bar snang ba ste/ 'dis na bsam gtan dang shes rab kyi pha rol tu phyin pa bstan
 to/ /sems zhes bya ba smos pas ni thabs mkhas pa'i rnam pa ste/ mkhas pa'i rnam pa ni shes rab ste/ de yang sems rtse gcig pas byas par bstan pa'i phyir gnyi ga smos so/ /don yang spyod ces bya ba 'dis ni sbyor ba phun
 sum tshogs pa brtson 'grus kyi pha rol tu phyin pa'o/ /'gro la phan sems zhes bya ba 'di ni bsam pa phun sum tshogs pa bstan te/ bsam gtan dang shes rab kyi pha rol tu phyin pa 'di gnyis kyis so/ /bag med pa'i
 dbang gis kha cig tu than pa 'byung bas 'khrug cing gnod par gyur to zhes bya ba la/ char 'bab mi mkhas pas kha cig tu than pa 'byung ba des 'khrug pa'o/ /gang dag ce na/ sems can rnams so/ /chos legs par ma
 sbyangs pa zhes bya ba la/ ngan par spyad pa ni legs par ma spyad pa ste/ de bas na ma rungs par gyur pa ni goms par gyur pa'o/ /de'i sdug bsngal na 'gro ba'i sdug bsngal lo/ /de las thar par bya ba'i thabs ni skye
 dgu rnams sdug bsngal las 'don pa'i thabs so/ /rnam pa du ma'i srog chags dag ni srog chags du ma'o/ /de dag gsod cing 'jigs 'jigs skad zer ba'i srog chags du ma gsod par rtsom pa de
 gang du gnod sbyin no/ /yid la 'bab pa zhes bya ba ni bsam pa'o/ /ngo zlog phod pa nyid tshig rtsub pa yin pas ngo zlog phod pa'i tshig rtsub bo/ /yang na ngo zlog phod pa 'am tshig rtsub po ni ngo zlog phod pa'i tshig rtsub pa'o/ /sel bar byed pa ni
 gcod par byed pa'o/ /chos kyi gtam nyid ni chos gtam mo/ /chos kyi gtam gyi skabs ni chos kyi gtam bya ba'i skabs te/ de'i skabs kyi go skabs rnyed pa gang yin pa de ni chos kyi gtam bya ba'i skabs rnyed pa'o/ /bsam pa ni
 mngon par sems pa'o/ /gang du dus las mi 'da' ba' i gang gi tshe dmigs pa yongs su srung bar byed pa de'i tshe snying rje bas so/ /de dag sa gzhi legs par yongs su skyong ba'i bya ba gang yin pa de dag ni bgyi ba ste/ bgyi ba las
 mi 'da' ba' o/ /rim pa gang gis bya ba de ni dus las mi 'da' ba' o/ /chos dang bde ba bzhin zhes bya ba ni dus las kyang mi 'da' ba ste/ de dag gi chos dang bde ba rnams las mi 'da' ba de bzhin no/ /'khor gsum bsten
 la mkhas par gyur pa dang zhes bya ba bstan ma thag pa'i tshigs bcad du ji skad du bshad pa'o/ /de bzhin du 'bangs la phan phyir gnam du bsnams bde zhes bya ba ni lta ba ngan pas nyams pa'i skye dgu dag ci'i phyir yal bar
 dor zhes bya ba dang sbyar bar bya'o/ /mtho ris 'dod pas 'di skad ston te/ mtho ris them skas zhes bya ba ni mtho ris kyi lam mo/ /bag med pa nyid lam yin pas bag med pa'i dbang ngo/ /mtho ris kyi them skas de la bag
 med pa'i dbang gis yun ring por lhan cig tu bag med pa'i dbang gyur pa'o/ /bag med pa'i dbang gis ni mchod sbyin bya ba'i dus las 'das pa nyid du ston to/ /khyod kyi bka' ni drang srong zhes bya ba'i tshigs bcad 'di brtsams pa ni
 gal te 'di ltar yang 'gyur te/ ma thob pa thob par 'dod pa dang lhag ma yod do zhes pa med pa bstan pa'i phyir ro/ /yang na stobs dang ldan pa kun nas rnam par 'gal ba de med pa ston/ mchod sbyin dang 'gal bar brtsams par mi 'gyur ro
 zhes bstan to/ /yang na yongs su srung ba rnam par sel ba'i skabs thob pa'i ngo bo bstan te/ gang gi phyir rgyal phran dag bka' bzhin du byed pa de dang las gang thob pa la sogs pa rnyed pa'o/ /yongs su srung ba las byung ba yang bstan
 to/ /nga ni stegs mang po la sgrub pa tsam gyis de'i lhag ma de'i skabs 'di zhes bstan to/ /legs pa dag ces bya ba ni bsod nams te/ mngon par mtho ba'i rgyur gyur pas stegs la rab tu sgrub pa ni legs pa zhes brjod de/ 'dis ni
 'jig rten pha rol gyi 'bras bu chen po nyid do/ /grags 'bar zhes bya ba ni mthong ba'i chos kyi 'bras bu nyid do/ /dus la bab ces bya ba ni gang sngar bstan pa'i bag med dbang gyur ces bya ba de'i gnyen pos dus de las mi 'da' bas
 las la gzung pa yin no/ /sbyin pa mdzad cing zhes bya ba'i tshigs bcad 'di ni 'di ltar 'gyur te rtag tu dbang bskur zhing rgyun du dbang bskur ba nyid de sbyin pa dang tshul khrims dang ldan pa'i phyir ro/ /'on kyang zhes bya ba ni bya ba gzhan dag
 bstan pa'i phyir ro/ /dbang bskur kyang zhes bya ba ni ji ltar dbang bkur bar byed gyur kyang ngo/ /lha'i bu lon bral bar mdzad pa'i rigs so zhes bya ba 'dis ni rang gi don phun sum tshogs pa 'grub pa'i dbang du byas nas brtsams
 pa'i khyad par bstan to/ /da ni skye dgu rnams kyi phun sum tshogs pa 'grub pa'i dbang du byas nas/ mchod sbyin legs par bgyis pas zhes bya ba tshigs bcad do/ /de bas 'bangs la phan pa'i phyir
 zhes bya ba ni mchod sbyin legs par byas pas lha ma gnyis par gyur te char grub pa'i phyir ro/ /bdag la phan pa'i phyir zhes bya ba ni dgra las rnam par grol ba'o/ /grags par 'gyur ba'i zhes bya ba ni gnyis kar grags par
 'gyur ba nyid kyi mchod sbyin gyi cho ga'o/ /gzhan gyi dring la 'jog pa ni gzhan gyi dring 'jog pa'o/ /yang na gzhan gyi bkrir rung ba ni gzhan gyi dring la 'jog pa ste/ dad pa skye ba la rag lus pa'o/ /glo chung ba'i 'gro ba gang yin pa de ni gzhan
 gyi dring la 'jog cing blo chung ba'i 'gro ba'o/ /spyod mi nus pa ni rigs pa la nye bar gnas pa'i med pas so/ /chos tsam la dga' ba zhes bya ba ni bsod nams 'dod pa'o/ /chos ni 'dir chos kyi 'bras bu la rigs par bya'o/ /'jig rten dag na
 zhes bya ba'i tshigs bcad 'dis ni tshad mar byas na skye bo mang po la phan pa dang mi mthun pa yin te/ long bas bstan pa'i long ba'i skye bo bzhin no/ /ngan song mi bde dogs pa'i nang na 'khod ces bya ba ni gsod pa ni chos su sbyor ba'i
 byed pa po de nyid kyang ngan song mi bde ba dogs pa'i nang na 'khod par bstan to/ /da ni de nyid sgrub pa'i phyir/ phyugs rnams bsad pas zhes bya ba la sogs pa'i tshigs su bcad pa lnga smos te/ de las phyugs rnams bsad
 pas zhes bya ba'i tshigs bcad 'di ni dam bcas pa'i tshigs bcad de/ sgrub pa'i rjes su bstan pas so/ /'di'i bsdus pa'i rgyu dang 'bras bu'i mtshan ma'i rtags kyi dbang du byas pa ste/ chos kyi rgyu ni phyugs rnams gsod
 pa'o/ /de ni mi rigs pa khas len pa ste 'dis ni lha'i 'jig rten du skye ba zhes bya ba ni skye ba'i 'bras bu de yang mi rigs pa nyid du dam bcas pa yin no/ /lha ma nyes pa'i ched du zhes bya ba de yang mi rigs pa nyid du dam bcas pa yin te/ phyugs
 rnams bsad pas zhes bya ba'i tshigs bcad 'di ni ji ltar mchod pa de dag phyugs rnams bsad pa chos nyid du rigs par ston par byed de/ de mi rigs pa'i dbang du byas nas phyugs rnams bsad pas zhes bya ba'i tshigs bcad smras so//
 sngags kyi mthus zhes bya ba ni gang gi phyir mchod sbyin pa de dag phyugs bsad pa nyi tshes ni chos nyid du mi ston te 'on kyang sngags kyi mthu dang ldan pas bsad na ni mtho ris su 'gro ba yin te/ ci'i phyir zhe na/ sngags kyi mthus bsad na
 de yang rgyu sbyor ba dang mngon par mtho ba la sbyor ba'i byed pa po dang/ bsad par bya ba nyid kyi mtho ris kyi rgyu yin pas gzhan gyi kha na ma tho ba med cing bde ba dang phan pa la 'jug pa'i chos te/ chos de ni lha'i 'jig rten du skye ba'i rgyu'o/ /sngags
 kyi mthus bsad pa'i phyugs mtho ris su 'gro ba la ga las zhe na/ gzhan gyis byas pa'i las kyis gzhan gyi 'bras bur smin cing ster ba mi rigs pa yin te/ gzhan gyi rgyud kyi sems kyis byas pa ni byed pa po de nyid la dge ba dang mi dge
 bar 'gyur ba yin gyi/ gzhan la ni ma yin te/ ci'i phyir zhe na/ bsad pa dang de nyid du 'brel ba med pa'i phyir ro/ /bsad pa de chos dang mthun pa yin pa la/ bsad pa 'bras bu dang ldan par gyur na yang bdag nyid kyi lha'i 'jig rten
 du skye ba de med pas yang med do/ /don 'di nyid sgrub pa'i phyir log par spyod pas zhes bya ba'i tshigs bcad smos so/ /gzhan gyis gsad pa'i phyugs mtho ris su mi 'gro ste/ bsam pa dang sbyor ba gnyis kyis dge ba dang mi dge
 ba'i rtags med pa'i phyir ro/ /log par spyod pas yid ni mi zlog cing zhes bya ba 'dis ni sdig pa med pa las ldog pa med pa bsten pa ste bsam pas so/ /dge ba'i las la nges par ma byas pa zhes bya
 ba 'dis ni bsam pa dang sbyor ba gnyis kyi dge ba la 'jug pa med par bstan to/ /sems pa ni rnam pa gsum ste/ kun tu sbyor ba dang/ nges par sems pa dang tshol ba'o/ /kun tu sbyor ba dang/ nges par sems pas bskyod pa'i
 sems kyis las nges par byed pa nyid na/ 'dis ni de dag med pas sbyor ba med par bstan te/ dge ba'i mtshams sbyor ba med par bstan pa'i tshul lo/ /yang na phyugs ni mtho ris su mi 'gro ste/ rang gi byas pa'i dge ba med pa'i
 phyir ro/ /dge ba la yang rnam pa gnyis te/ ldog pa dang/ 'jug pa'i mtshan nyid do/ /mi dge ba las ldog pa ni bsam pa dang sbyor ba gnyis kyis so/ /dge ba dag la 'jug pa la yang bsam pa dang sbyor bar gnyis kyis so/ /yid
 nges pas zhes bya bas ni mi dge ba las bsam pa log pa med pa dang/ dge ba la 'jug pa'i bsam pa med par bstan to/ /de med pas mi dge ba las ldog pa'i sbyor ba med pa dang/ dge ba la 'jug pa'i sbyor ba med par bstan
 to/ /bsam pa sngon du 'gro bas dge ba dang mi dge ba la 'jug pa dang ldog pa yin no/ /phyugs mtho ris su 'gro ba de mi rigs pa nyid du sgrub pa'i phyir/ /mchod sbyin pa bsad ces bya ba'i tshigs bcad smos so/ /phyugs  
 su zhes bya ba ni ji ltar phyugs dang mchod sbyin du bsad pa de bzhin du khyed bdag nyid gsod par byed pa'o/ /mchod sbyin la ni tshul 'di yin te/ bdag nyid gsod pa'i tshul lo/ /de'i phyir de dag tshig ni su zhig nyan ces
 bya ba ni ji skad smra ba de bzhin du mi byed pa ni tshig btsun par mi 'gyur ro zhes bya ba'i don to/ /de ltar lha'i 'jig rten du skye ba mi rigs par bstan nas/ bstan ma thag pa'i tshigs bcad gnyis kyis lha mnyes par 'gyur ba nyid du mi
 rigs par bstan pa'i phyir/ mtshungs med mthu gsung zhes bya ba'i tshigs bcad smos so/ /gsung nyid mthu yin pas mthu gsung ngo/ /mthu gsung dang/ ro dang/ gzi ni mthu mtshungs med mthu gsung ldan pa'o/ /mtshungs pa'i mthu gsung
 dang ro dang/ gzi ldan pa'i bdud rtsi gang yin pa de ni mtshungs pa med pa'i mthu gsung dang/ ro dang/ gzi ldan pa'i bdud rtsi'o/ /zas mchog ni gtsang ba'o/ /lha mos phul ba zhes bya ba ni lha mo mchog gis phul ba'i yid du 'ong ba nyid du bstan
 te/ de ltar gsum gyis mi mthun pa'i phyogs gsum gyis bstan to/ /mtshungs med mthu gsung ro dang gzi ldan pa zhes bya ba ni khyad par med pa'o/ /phyugs bsad sha khrag ces bya ba bstan pa la mchod sbyin la phyugs kyi shas rung
 ba ma yin no/ /sogs pa smos pa ni gang der sbyin pa gzhan dag kyang gzung ngo/ /de lta bu'i rnam pa'i zas 'di'i gnyen po phyugs bsad sha khrag ces bya ba bstan pa dang/ lha rnams mgu bar 'gyur ba zhes bya bas ni gang sngar bstan pa'i
 mchod sbyin legs par bgyis las lha mnyes na zhes bya ba de mi rigs par bstan to/ /phan 'dogs pa dang ldan par 'gyur ro zhes bya ba gang gi phyir khyed cag gi nga la rjes su gzung ba dang ldan pa ste/ des rjes su gzung ba
 yin pas phan 'dogs pa dang ldan par 'gyur ba'o/ /bag med pa'i gnyid kyis log pa gang yin pa de ni bag med pa'i gnyid kyis ma log pa ste/ bag med pa'i gnyid kyis ma log cing dri ma med pa nges so/ /rtog chen nyid mig yin
 pas rtog chen mig go /rang gi yul kho na la mthun pa'i chos kyis thob pa'i rjes su dpag pa'i tshul lo/ /ga la bgyid ces bya ba ni rjes su dpag pa'i tshul 'di'i don ni bdag gis mi shes so zhes bya
 ba'i don to/ /dam pa rnams kyi tshad ma'i mchog ni legs pa'i tshad ma'i nang na tshad ma'i mchog go /skye bo mang pos mthong bar gyur pa zhes bya ba ni skye bo la bstan par gyur pa'o/ /sdig pa byed pa'i mi rnams 'dzin pa'i phyir zhes bya ba ni sdig
 pa byed pa'i skye bo gzung ba'i phyir ro/ /bstan zhing gtsang ma tshul khrims nor ldan zhes bya ba la/ brtan pa'i tshul khrims rgyun tu srung ba'i phyir ro/ /gtsang ma ni gus par byed pa'i phyir ro/ /de nyid nor yin te/ 'dod pa'i don sgrub pa'i phyir
 ro/ /gang de lta bu de nyid ni mi mchog ces brjod do/ /stong gis zhes bya ba ni stong phrag du ma'o/ /tshul ma yin pa'i rjes su spyod pa nges brnyes pa ni tshul min rjes brnyes pa'o/ /de bas na sdig pa byed pa'i mi gzung ba'i phyir ro/ /zhes bya ba
 ni gzung ba mchog tu byed pa'o/ /tshul khrims dang sdom pa yang dag par blang ba la ni 'bad ces bya ba ni tshul khrims nyid sdom pa yin pas tshul khrims kyi sdom pa'o/ /tshul khrims yod pa'i phyir tshul khrims ldan pa ste/ 'gyod pa la
 sogs pa sems kyi gdung ba med pa'i phyir ro/ /tshul khrims kho na sdom pa ste/ mi dge ba'i las spangs pa'i mtshan nyid yin pas so/ /tshul khrims kyi sdom pa yang dag par blang ba ni tshul khrims dang sdom pa yang dag par blang
 pa'o/ /de la 'bad cing mchog tu byed pa de dag ni tshul khrims kyi sdom pa yang dag par blang pa la 'bad pa ste/ de ltar tshul khrims kyi sdom pa la yang dag par 'bad pa'i phyir ro/ /tshul ma yin pa la byed par dga' ba ni btang zhes
 bstan pa yin te/ 'dis ni dge ba'i las kyi lam bdun po lus dang ngag gi mtshan nyid kyi ldog pa bstan to/ /dgrar 'dzin pa las ni phyir phyogs pa zhes bya ba ni yid kyis zhe 'dras pa las ldog pa bstan to/ /gcig la gcig dga' ba dang
 gus par byed ces bya ba 'dis ni zhe sdang gi mi mthun pa'i phyogs yon tan yang dag par bsten pa bstan to/ /'thab pa dang rtsod pa zhes bya ba 'dis ni mi dge ba'i lam dag gis bsdus pa las ldog pa bstan to/ /bla ma'i ngag nyan cing
 rjes su mthun par ni byed ces bya ba 'dis ni gang tshul khrims kyi sdom pa blangs shing spong ba las skyes pa'i dbang du byas pa ste/ bla mas ni mi dge ba las ldog pa dang/ dga' ba la 'jug pa bstan to/ /bgo bsha' byed pa la ni/ bag
 tsha ba med ces bya ba ni nang mi pha ma la sogs pa'o/ /glo bur du 'ongs pa la ni dga' zhes bya ba ni mgron la mnyes gshin pa'o/ /dul ba dang gus par bya ba la ni 'bad par gyur ces bya ba la/ dul ba ni nyon mongs pa nye bar zhi ba'o/ /
 gus par bya ba ni lus ngag gi yang dag par 'jug pa'o/ /tshul zhes bya ba'i tshigs bcad 'di'i bsdus pa'i don ni tha ma dang/ bar ma dang/ dam pa'i tshul khrims la 'jug pa'i rgyu bstan te/ shi bas 'jigs shing zhes bya ba
 la/ /gang tha ma ni phyugs ltar bsad pas 'jigs pa ste/ gang tha ma ni des tshul khrims srung bar byed do/ /'jig rten pha rol sems zhes bya ba ni ngan 'gros 'jigs pa dang/ bde 'gror 'gro ba la sred pas so/ /rigs
 kyis nga rgyal zhes bya ba ni bdag gi rigs mtho bas snyems pa'i tshul lo/ /grags pa srung ba dang zhes bya ba ni khrel yod pas spyod pa ste/ gsum las bar ma'i tshul khrims la 'jug pa'i rgyu bstan pa'o/ /bsam pa dag cing
 zhes bya ba ni sngon dge ba rgyud la bsten pa nges so/ /ngo tshar shes pa yis zhes bya ba ni bdag gi dbang du byas nas kha na ma tho ba la 'jigs par lta ba'o/ /de gnyis kyis ni dam pa dag tshul khrims kyi
 rjes su 'jug pa bstan to/ /tshul khrims de'i sems kyi rjes su 'jug pa'i rgyu bstan pa'i phyir/ ji lta ji ltar skye bo chos 'bad pa zhes bya ba'i tshigs bcad yin no/ /ji ltar chos la 'bad pa ni bstan ma thag pa nyid kyi rgyus so//
 g.yos ma gyur zhes bya ba ni tshul khrims la brtan par gyur pa bstan to/ /grogs dang ldan zhing phun sum tshogs pa'i yo byad gang la yod pa de ni grogs ldan yo byad phun sum tshogs pa ste de la'o/ /phongs pa yang yin
 la rab tu mgu ba yang yin pas phongs pa rab tu mgu ba'o/ /de'i bstod pa rab tu 'phel ba'i tshig ni phongs pas rab tu dga' bas bstod pa'i tshig go /sna tshogs pa ni rnam pa du ma'o/ /gos dang brgyan rnams ni gos dang rgyan no/ /gos
 rnam pa sna tshogs pa mang po dang/ rgyan rnam pa sna tshogs pa ste/ gos dang rgyan rnam pa sna tshogs pas brgyan pa gang yin pa de ni rnam mang gos dang sna tshogs rgyan gyis brgyan pa'o/ /skye bo nges par chos ces bya ba ni
 ldog pa'i tshul dang 'jug pa'i tshul gyis tshul khrims la 'bad pa'o/ /skye bo rab tu dga' ba mang pos gang zhing zhes bya ba 'dis ni sems can gyi grangs phun sum tshogs pa bstan to/ /mngon par mtho ba nyams dga' bar
 snang ba zhes bya ba 'dis ni skye bo mang po'i 'byor pa phun sum tshogs pa bstan to/ /brgya byin ni mchod sbyin brgya pa'o/ /bsod cing ces bya ba ni de la phyugs du ma gsod pa'i phyir te/ dman pa 'bras bu 'dod pa des 'tshe
 bal zhen pa'o/ /dman pa de'i mi mthun pa'i phyogs tshul khrims yin te/ dman pa'i mi mthun pa'i phyogs grags pa'i rgyan gyis brgyan pa ni 'bras bu la 'dod pa med pas grags pa mngon par 'phel ba'o/ /skye dgu bu bzhin du skyob
 pa srung ba'o/ /de'i dbang du gyur pa zhes bya ba ni 'jig rten 'dir dbang du gyur pa dang/ 'jig rten pha rol gyi longs spyod kyi dbang du gyur pa'o/ /'jig rten bde la phyogs shing zhes bya ba ni 'jig rten gyi bde ba la mngon du phyogs pa ni ji
 ltar yang bdag la dad pa'i 'jig rten tshul khrims dang ldan par byas pa'o/ /de gnyis zhes bya ba ni sbyin pa dang tshul khrims te/ mkhas pa ma lags pa ni sbyin pa dang tshul khrims la 'jug pa yod ma mchis pa'o/ /gzhan la phan
 zhing bde ba la 'jug pa yon tan yongs su shes pas ni gzhan gyi don du de gnyis la 'jug pa yin te/ mkhas shing yongs su shes pas snying stobs dang ldan na ni bdag la chags pa med par sbyin pa dang tshul khrims de gnyis la 'jug
 ste/ snying stobs ma tshang ba med pa'i phyir ro/ /legs par thob pa ni tshe 'dir yang 'phel bar 'gyur la/ 'jig rten pha rol du yang bde 'gro thob pa'o/ /grags pa dang bde ba thob pa ni tshe 'dir yang bde ba thob cing 'jig rten pha rol
 tu yang bde ba thob pa'o// //slob dpon dpa' bos mdzad pa'i skyes pa'i rabs rgya cher bshad pa las mchod sbyin gyi skyes pa'i rabs te bcu pa'o// //bdag
 gis ni 'di tsam zhig go bar zad de/ lhag ma ni gzhan dag tu blta bar bya'o/ /sdom la/ stag mo shi bi ko sal bdag /tshong dpon gnyis dang ri bong dang/ a ka sta dang sha byin dang/ /thams cad sgrol dang mchog sbyin byed/ /skyes ?
 pa'i rabs kyi rgyud kyi go rims rnam par bzhag pa'i rgyu ni rim pa gang gis bkod pa'i skyes pa'i rabs bcu po 'di dag gi go rim ltar ni bdag gis mthong gi 'di ni slob dpon dpa' bos bkod
 pa'i rim pa yin te/ ci'i phyir zhe na/ de'i go rims kyi byed pa'i sbyor bas so/ /bdag gis go rims kyi tshul 'di ltar rigs par mthong ste/ stag mo ri bong shi bi dang/ /sham sbyin tshong dpon ko sal bdag /thams cad sgrol dang
 zil mi non/ /a ka sta dang mchod sbyin byed/ /sbyin pa'i pha rol tu phyin pa'i dbang du byas nas bcu tshan dang po 'di yin te/ sbyin pa rnam pa gsum la/ byang chub sems dpa' rnams kyi sbyin pa'i pha rol tu phyin pa yis brjod de/
 zang zing gi sbyin pa dang/ chos kyi sbyin pa dang/ mi 'jigs pa'i sbyin pa'o/ /de la zang zing gi sbyin pa'i dbang du byas nas skyes pa'i rabs brgyad yin no/ /gzhan gnyis kyis ni chos kyi sbyin pa dang/ mi 'jigs pa'i sbyin pa po bstan
 to/ /zang zing gi sbyin pa la yang rnam pa gnyis te/ nang gi sbyin pa dang phyi'i sbyin pa'o/ /nang gi sbyin pa las brtsams nas dang po bzhi'o/ /phyi rol gyi sbyin pa las brtsams nas 'og ma bzhi'o/ /de la nang gi sbyin pa'i dngos po yang
 gnyis te/ /lus dang srog go /sbyin pa de yang gnyis kyi don du yin te/ yongs su longs spyod pa dang yongs su bsgrub pa'i phyir ro/ /dang po stag mo'i skyes pa'i rabs la ni bzhi po 'di dag dang ldan pa yin te/ de bas na skyes pa'i
 rabs de thog mar bstan to/ /srog sbyin pa yang bdag nyid 'chi ba ma gtogs par de'i longs spyod pa dang lus kyi sbyin pa mi nus pa'i phyir ro/ /lus kyi sbyin ba yod pa nyid kyis rang gi lus sbyin pa des stag mo longs spyod pa yod par rab tu rigs
 pas so/ /yongs su skyab pa yang yod de de bas na skyes pa'i rabs de nyid du bshad pa ste/ de bas lus kyi sbyin par bya ba ni/ g.yang sar lhung la thug pa'i srog yod pas/ phrug gu bsad las gcan mo bsrung ba dang/ gcan mo las kyang de'i phrug gu bsrung
 zhes bya ba yin te/ de bas lus kyis bsrung bar bya ba ni zhes bya ba 'dis ni lus kyi sbyin pa yin no/ /g.yang sar lhung la thug pa'i srog yod pas zhes bya ba 'dis ni srog gi sbyin pa yin no/ /phrug gu bsad pas gcan mo bsrung ba dang zhes bya ba 'dis
 ni yongs su longs spyod pa'i sbyin pa yin no/ /gcan mo las kyang de'i phrug gu bsrung zhes bya ba 'dis ni yongs su bskyab pa'i sbyin pa yin te/ nang gi rnam pa 'di bzhi yod pas skyes pa'i rabs 'di dang por smos pa yin no/ /gnyis pa ri bong gi
 skyes pa'i rabs kyis ni nang gi lus dang srog gnyis kyi sbyin pas yongs su longs spyod pa yin te/ yongs su skyob pa ni ma yin no/ /gang bdag gi lus ni me la bsregs pa 'di snoms la de ring dka' thub nags na bzhugs zhes bya ba'i tshigs
 gis nang gi lus kyi sbyin pa'o/ /bdag la lus las lhag pa'i nor yang med ces bya ba'i tshig gis ni srog sbyin pa'o/ /bdag cag lta bus gzhan dag gi srog kyang gcod par mi byed na/ de ltar rab tu byams brtan pa/ khyod lta bu la smos ci dgos zhes
 bya ba'i tshig /de thos nas me'i nang du bdag nyid zhugs so/ /des na srog gi sbyin pa des yongs su longs spyod pa'i sbyin pa de nyid du bshad pa yin no/ /bdag gi lus ni me la bsregs pa 'di/ /snoms la de ring dka' thub nags su zhugs zhes bya ba
 tshig gis ni der yongs su bskyab pa ni med de/ bdag nyid 'chi ba de las gzhan ma rnyed pas so/ /sram dang lce sbyang dang/ spre'u rnams kyis ni zas rnyed pa yin te/ de bas na de dag gis dang por zas byin pa yin no// //
 da ni shi bi pa dang/ byams pa'i stobs bskyed pa'i skyes pa'i rabs gnyis kyis ni lus kyi sbyin pa nyid bstan pa yin te/ srog ni ma yin no/ /yongs su longs spyod pa'i sbyin pa nyid do/ /yongs su bskyab
 pa'i sbyin pa ni ma yin no/ /lus kyi sbyin pa la yang rnam pa gnyis te/ dbang po'i dbye bas sbyin pa dang/ dbang po'i dbye ba med pas sbyin pa'o/ /de la dbang po'i dbye bas sbyin pa'i dbang du byas nas shi bi'i skyes pa'i rabs la mig gi sbyin
 pa yin no/ /ji ltar de yongs su longs spyod par 'gyur zhe na/ de'i mig yongs su longs spyod pa ni yul la dmigs pa des yul la dmigs shing yongs su longs spyod pa yin te/ de de nyid du bstan pa/ pad+ma'i spyan mnga' spyan ni
 gcig pus kyang/ 'jig rten bdag po 'jig rten bgyi ba 'grub ces bya ba dang/ ci nas kyang mig de'i mig tu gnas par gyur pa dang/ de nas mig ya gcig phye ste zhes bya ba'i tshig gis so/ /dbang pos ni longs spyod cing za bar
 byed pa ma yin gyi/ dbang po de la brten nas yongs su longs spyod pa yin te/ gzhan du na longs spyod par mi nus te/ des na yul dmigs pa de nyid kyis longs spyod pa'o/ /byams pa'i stobs bskyed pa la yang nang gi sbyin pa dbang
 po'i dbye ba sha dang khrag gi sbyin pa yin te/ srog gi sbyin pa ni ma yin par de nyid las bstan pa de/ lha dang mi'i sman gyi khyad par rma sar pa bsos par byed nus pa rnams kyis de'i lus sngon bzhin du sdug bsngal med par byas
 zhes pa'i tshig gis so/ /yongs su longs spyod pa nyid du bshad pa'i phyir lha nyid kyi sku'o rgyal bar mdzad pa btang du gsol/ /bdag cag kyang tshim par bgyis lags kyis zhes bya bas so/ /skyob pa ma yin te/ gang de las
 gzhan yongs su skyob par bya ba med pa'i phyir ro/ /de ltar re zhig nang gi sbyin pa rnam pa bzhi'i dbye ba yin te/ de bas na de ltar skyes pa'i rabs cig shos bzhi bstan rgyud rnam pa bzhi bkod pa yin no/ /bzhi po de'i nang du de'i rang bzhin gzhan yang chud pa yin te/ de'i rigs
 des skyes pa'i rabs gzhan yang rab tu 'grub po/ /de go bar 'dod pa rnams la mdza' dag gi thabs bstan pa yin no/ /da ni phyi rol gyi dngos po'i sbyin pa'i dbang du byas nas skyes pa'i rabs cig shos bzhi bstan pa yin te/ ji ltar phyi rol gyi
 sbyin pa yin zhe na/ rnam pa gsum du brtsams pa yin te/ sbyin pa po phun sum tshogs pa dang/ len pa po phun sum tshogs pa dang/ sbyin pa'i dngos po phun sum tshogs pa'o/ /phun sum tshogs pa 'di gsum gyi dbang du byas na tshong dpon gyi skyes
 pa'i rabs su len pa po phun sum tshogs pa ni de nyid du/ rang sangs rgyas nyon mongs pa'i bud shing thams cad bsregs pa de'i bsod nams kyi tshigs rnam par 'phel bar 'dod pa zhig de'i khyim du bsod snyoms kyi phyir 'ongs so zhes pas so
 sbyin pa'i dngos po phun sum tshogs pa yang de nyid du bstan te/ des de ltar mnyan te de bzhin du bgyi'o zhes smras nas bza' ba dang bca' ba bzang po khyer te zhes bya ba'i tshig gis so/ /sbyin pa po phun sum tshogs pa yang de nyid du bstan te/ byang
 chub sems dpa' bdag gi skal ba dang bsod nams kyi mthu la brten nas sbyin pa la nyes dmigs med par yang shes te/ bu smad dang g.yog 'khor 'gror mi ster bar 'then pa rnams bor nas blo la tsham tshom med cing sbyin pa
 byed par 'dod pa skyes te dmyal ba'i nang nas phar song ngo zhes bya ba'i tshig gis so/ da ni ko sa la'i bdag po'i skyes pa'i rabs la ni phun sum tshogs pa gnyis yod de sbyin pa po phun sum tshogs pa dang/ len pa po phun
 sum tshogs pa ste/ ko sa la'i bdag po la ni sbyin pa'i dngos po phun sum tshogs pa med do/ /de la sbyin pa po'i phun sum tshogs pa yang de nyid du bstan te/ tshul dang ldan yang nor tsam gyis ni mtho
 ba la/ las kyi mgu bar byas nas dman tshis 'tsho ba'i zhes bya ba dang/ gzhan yang yang zhing 'jam pa'i yid kyis de la phyag 'tshal nas zhes pa'i tshig gis so/ /len pa po phun sum tshogs pa yang de nyid du bshad de/ dge sbyong
 bzhi zhig bsod snyoms phyir ni lhags pa mthong/ dbang po dul zhing dge sbyong dpal gyi rjes su 'brang ba zhes bya ba yin te/ bzhi smos pa ni sbyin pa'i gnas dge 'dun du bstan pa'i phyir te/ de bas na len pa po phun sum tshogs par
 bstan to/ /sbyin pa'i dngos po phun sum tshogs pa ni med de/ de yang de nyid du bstan pa/ zan dron khengs pa rtsub bo/ /lan tshwa med pa'i 'bras bu 'byor ba chen po 'di ltar 'gyur la bltos zhes bya ba dang/ skyes pa'i rabs de nyid du gcig gi
 bar du byas pa ste/ gang gi tshe len pa po phun sum tshogs pa nyid du bstan pa yin te/ thub pa zag pa zad la gus par phul ba yis zhes bya ba'i tshig gis so/ /sbyin par bya ba'i dngos po phun sum tshogs pa ni med de/ zas las bgo
 skal bgos pa'o/ /sbyin pa po phun sum tshogs pa yang med de/ bran mo bgyid pa'i tshe na zhes pa'i tshig gis so/ /gus par phul ba ni dus tshod de tsam na gus pa yod pa'o/ /de'i phyir 'bras bu chung ba ste bud med du gyur pa'o/ /da ni sbyin pa'i
 dngos po phun sum tshogs pa dang/ sbyin pa po phun sum tshogs pa ni thams cad sgrol gyi skyes pa'i rabs yin te/ sbyin pa'i dngos po phun sum tshogs pa ni phyi rol gyi dngos po sems can dang sems can ma yin pa'i grangs su
 'gro ba'i rnam pa thams cad de/ phyi rol gyi sbyin pa'i dngos po'o/ /sems can gyi grangs su 'gro ba'i phyi rol gyi sbyin pa ni glang po rin po che dang/ rta chas dang bcas pa la sogs pa mdza' dag sbyin pa'o/ /sems can ma yin pa ni bud smad dang
 bcas pa yin yang de la ma bltos par shing rta sbyin pa'o/ /bu sbyin pa dang/ chung ma sbyin pa ni bdag nyid kyi phyi rol gyi sbyin pa'i dngos po khyad par du gyur pa'o/ /sbyin pa po phun sum tshogs pa'i khyad par du gyur pa de nyid du bstan te/ 'jig
 rten don du nga'i lus 'dzin na/ /phyi rol nor lta smos kyang ci zhig dgos/ /shi bi pa rnams thams cad kyis/ /nga ni bsad dam phyugs kyang rung/ mi sbyin par ni nga mi byed/ /dka' thub tshal du 'gror zad mod ces bya ba'i tshig gis so/ /gzhan
 yang sbyin la dga' ba goms byas shing/ /slar zlog pa ni ma bslabs pas/ /rab tu sdug pa'i bus gnyis kyang/ /tsham tshom med par sbyin zhes bya ba dang/ /gzhan yang phyi rol gyi dngos po sbyin pa po phun sum tshogs pa'i dbang du byas
 nas bshad pa de thams cad kyang sbyar bar bya'o/ /de ni tshong dpon zil gyis mnon pa'i skyes pa'i rabs kyis sbyin pa po phun sum tshogs pa de'i dbang du byas nas bstan pa yin no/ /phun sum tshogs pa de yang de nyid du bstan te/ 'byor
 pa zad par gyur kyang sbyin pa las mi ldog pa yin te/ brgya byin gyis nor rnams mi snang bar byas kyang bltos pa med pas so/ /de ltar re shig gsum gyi phun sum tshogs pa yin te/ sbyin pa po dang/ sbyin pa'i dngos po
 dang/ len pa po'o/ /sbyin pa po dang len pa po gnyis kyi phun sum tshogs pa yang len pa po'i yin gyi/ sbyin pa po'i ma yin no/ /sbyin pa'i dngos pos ni khyad par du mi byed do/ /sbyin pa po sbyin pa po'i yin gyi/ len pa po'i ni ma yin no
 rnam pa 'di'i nang du thams cad 'dus pa'i phyir gzhan gyi phyi rol gyi zang zing sbyin par gzung ba yang grub par 'gyur ro/ /sbyin pa po'i sbyin pa'i pha rol tu phyin pa yongs su rdzogs par bstan pa'i phyir de
 ltar bstan to/ /nga ni chos kyi sbyin pa'i dbang du byas nas a ka sta'i skyes pa'i rabs su brgya byin gyis mchog sbyin par byas pa las phyir legs par gsungs pa bstan pa yin te/ de yang de nyid du bshad pa ste/ legs par smras pa rin
 chen la/ /rin ni ci yang yod ma yin zhes bya ba la sogs pa nges pa brjod pa thams cad kyis so/ /mi 'jigs pa'i sbyin pa ni mi'i mchog yin te/ brtan zhing gtsang la tshul khrims nor ldan mi mchog la zhes bya ba la sogs pa tshigs bcad
 gnyis kyis der bstan te de ni mi 'jigs pa'i sbyin pa'o/ /de bas skyes pa'i rabs 'di dag ni go rims su rigs pa yin te/ go rims 'di'i rim pa ni gsum po bstan par 'gyur ro/ /slob dpon dpa' bos ni skyes pa'i rabs go rims
 tshul bzhin ma bkod par yi ger bris shing bzhag pa yin te/ de yang ji ltar zhe na/ 'jig rten las grags pa'i go rims kyis te/ 'jig rten brjod pa bzhin du'o/ /'di ni zang zing gi sbyin pa la sogs pa'i go rims yin te/ zang zing gi
 sbyin pas ni gzugs dang rjes su gzung ba yin no/ /chos dang mi 'jigs pa'i sbyin pa gnyis ni ming dang lus kyi go rims so/ /yang na zang zing gi sbyin pa dang por gzung ngo/ /de'i 'og tu chos dang mi 'jigs pa'i sbyin pa rnam gnyis so/ /chos
 kyi sbyin pa dang por smos pa ni mi 'jigs pa'i sbyin pa las gtso bo yin pa'i phyir ro/ /yang na 'di ltar go rims yin te/ dang po ni mi 'jigs pa'i sbyin pa la/ de'i 'og tu chos kyi sbyin pa yin te/ thog mar 'jigs pa bsal nas
 de'i 'og tu sems bde ba dang/ chos kyi sbyin pas 'dod pa'i don 'grub par bstan pa yin no// //bcu tshan dang bo'o/ /dbang phyug phun sum tshogs pa zhes bya ba ni mthu dang nus pa phun sum tshogs pa zhes bya ba yin te/
 mtho bar gyur pa des gzhan dag la snying brtse ba lhod par mi 'gyur ste bdag nyid chen po de'o/ /yun ring mo nas bsod nams spyod pa la rab tu goms shing zhes bya ba ni yun ring mo nas bsod nams la rab tu goms pa ste/ bdag dang gzhan la phan
 pa sgrub pa'i mtshan nyid kyi las gang yin pa de ni bsod nams te/ yun ring ? nas bsod nams spyod pa la rab tu goms pa'o/ /'dis ni 'das pa'i dus kyi bsod nams kyi tshogs bstan to/ /sbyin pa dang/ dul ba dang/ sdom pa dang/ snying rje la 'dris pa
 gang yin pa de ni sbyin pa dang/ dul ba dang sdom pa dang snying rje la 'dris par gyur pa ste/ 'dis ni da ltar byung ba'i dus su bdag dang gzhan la phan pa sgrub pa'i mtshan nyid bstan to/ /gzhan la phan par spyod pa khyad par can la nges par byed pa gang yin
 pa de ni gzhan la phan par spyod pa khyad par can la nges par spyod pa'o/ /'dis ni rtag tu gus pa dang sbyor ba gnyis kyis gzhan la phan pa sgrub pa bstan to/ /de la brten bcas pa zhes bya ba ni mtshon pa ste/ bdag dang gzhan gyi sgrub pa khyad par
 can yang dag par brten pa'o/ /yang tog rdo thal gsar du bskus pa zhes bya ba lta bu ni sngar bshad pa'i byang chub sems dpa' o/ /zla ba 'od zer lta bu ni lha'i dbang po'i dpal lo/ /de gnyis dang 'dra bar gyur pa yin no/ /rten dang brten par gyur
 pa nyid do/ /tshig rkyang tshigs bcad de dag gis ni byang chub sems dpa' bdag nyid kyi rgyu bstan pa'o/ /de ni gang gong du bstan pa'i dbang phyug phun sum tshogs pa dang rjes su mthun pa yin yang snying rje lhod par mi 'gyur ro/ /zhes bya ba de nyid sgrub
 pa'i phyir/ gang phyir lha ma yin rnams zhes bya ba la sogs pa'i tshigs bcad brtsams pa yin no/ /skal pa chen po ni bsod nams kyi tshogs kyi khyad par ro/ /des bde ba thob pa ni 'bad pa med par
 rnyed pa ste/ skal ba che bas bde ba thob pa'o/ /gang gi phyir gang las de'i snying dregs pa'i dri ma can byed par gyur pa ni de'i phyir dbang phyug phun sum tshogs par gyur kyang snying brtse ba lhod par mi 'gyur ro/ /bshams pa nyid chas pa yin pa'i phyir bshams
 pa chas pa'o/ /de rab tu 'jigs pa yin pas 'jigs 'jigs ltar snang ba ste/ glang po che dang/ shing rta dang/ rta dang/ rkang thang la sogs pa gang gi dpung gi tshogs gang yin pa de ni glang po che dang/ shing rta dang/ rkang than gi dmag bshams
 ba rab tu 'jigs 'jigs ltar snang ba'o/ /chos kyi bdag nyid yin yang zhes bya ba la sogs pa'i don 'di yin te/ chos la bdag nyid sems pa gang yin pa de ni chos kyi bdag nyid do/ /de lta yin yang gzhan sngo ba ni gzhan dag la mngon par ma
 nges pa'o/ /rol pa'i bgegs su gyur pa ni rol pa la gnod par gyur pa ste/ rol pa'i bgegs su gyur pa las yid byung ba'o/ /rol pa'i bgegs gyur yid 'byung 'gro ba 'jigs par 'gyur zhes bya ba la 'gro ba ni rang la brten pa'i skye bo'o/ /tshul
 bzhin bya ba'i rigs zhes bya ba la tshul ni lugs te/ lugs nyid rigs pa yin pas 'dod pa'i don thob par byed pa ni 'dir tshul bzhin bya ba'i rigs pa'o/ /'dod pa'i don thob bar byed pa'i rim pa ni 'dum par bya ba dang/ dbye ba dang/ chad
 pas sgrub pa'o/ /lha ma yin de dag ni de dag las chad pas bsgrub par bya ba yin par mthong ba ste/ thabs gzhan gyis ni de dag bsgrub par ma mthong bar zhes bya ba'i don to/ /dmag drang ba la g.yengs pa na dmag drang g.yengs pa'o/
 yang na dmag drang ba nyid g.yengs pa yin pas dmag drang g.yengs pa'o/ /de la mngon par phyogs pa ni dmag drang g.yengs la mngon par phyogs pa ste/ de la mngon par phyogs par gyur pa'o/ /de'i don ni 'di yin te/ ci'i phyir byang chub sems
 dpa' chos ma yin pa dmag drang ba la mngon par phyogs par gyur ce na/ de ltar gyur pa de'i rgyu bstan pa/ dmag drang ba la mngon par phyogs pa'i rgyu ni gsum ste/ gzhan gyi tshul ma yin pa zhi bar bya ba'i phyir dang/ bdag nyid la brten pa
 rnams kyi tshul ma yin pa zhi bar bya ba'i phyir dang/ bdag gis de gnyi ga'i zhi bar byed nus par bdag nyid la shes pa'o/ /nus pa de yang rnam pa gnyis te/ gtso bo'i nus pa dang/ spro ba'i nus pa dang ldan pa'o/ /'os pa yang yin la bsgreng
 ba yang yin pas 'os pa bsgreng ba'o/ /yang na zla med pa'i gos bzang po gang la yod pa de ni gos bzang po 'os pa'o/ /bsgreng ba yang yin la gos bzang po phyar ba yang yin pas bsgreng ba'i gos bzang po 'os pa phyar ba'o/ /ba dan yang yin la mdzes
 pa yang yin pas ba dan mdzes pa'o/ /gos bzang po 'os pas ba dan mdzes par phyar ba'i rgyal mtshan bsgreng ba gang yin pa de ni gos bzang po 'os pas ba dan mdzes par phyar ba'i rgyal mtshan bsgreng ba'o/ /rin po che sna tshogs pa nyid ni rin po
 che rnam pa sna tshogs pa'o/ /yang na nor dang 'dra ba'i rin po che ni nor bu rin po che'o/ /rin po che sna tshogs pa ni rin po che sna tshogs pa ste/ de rnams kyi 'od ni nor bu rin po che sna sogs kyi 'od do/ /des gsal bar gyur pa ni gsal bar
 snang ba'o/ /rgyan gdags pa'i go rims su gyur pa ni rgyan gdangs pa'i go rims so/ /rgyan gdags pa'i go rims dang/ nges par byas pa dang/ ngos gnyis mtshon cha rnon po rnam pa sna tshogs 'bar bas mdzes pa gang yin pa de ni lha'i
 gos dkar po can no/ /yongs su bskor ba ni shing rta gos dkar po can te/ rgya mtsho'i 'gram du thug par zhes bya ba de ni gang gi phyir de rnams kyi rgya mtsho'i 'gram na gnas te/ des na 'gram du yod pa
 yin no/ /lha ma yin rnams kyi snga ma ltar 'ong ba de shes pa ste/ rol pa'i bgegs gyur 'gro ba 'jigs par 'gyur ba ste/ lha'i 'gro ba'o/ /des na rgya mtsho'i 'gram la thug par sngon su bar byed pa yin no/ /'dug bzhin du zhes bya ba ste mtshon
 rdeg par byed do/ /da ni 'di na zhes smras nas kyang rab tu rdeg par byed do/ /mthong bzhin zhes bya ba nas kyang gzhan dag la rdeg par byed do/ /da ni thar par ga la 'gyur zhes byas shing yang bdag la rab tu bsnun par byed do/ /de ltar smras nas gzhan
 dag la thob cig ces smras te phyir log pa dang/ de las gzhan dag gis kyang mtshon 'debs par byed cing/ da ni med zin gyis zhes smras te/ mtshon 'debs par byed do/ /mtshon cha 'khrug pa ni g.yul du'o/ /glog bzhin du 'gyur
 pa'i ba dan can gang dag ni shing rta ste/ de ni glog ltar 'gyu ba'i ba dan can no/ /gdugs dang/ rgyal mtshan dang/ go cha dang/ mtshon cha dang/ de dag lhung bar gyur pa ni 'gyel bar gyur pa'o/ /phog par gyur pa ni lam du ste/ phog par gyur
 pa'i steng du'o/ /der bab pa ni phog par gyur pa'i steng du bab pa'o/ /kha lo ba ni/ kha lo sgyur ba'o/ /phrug gu ma tshar ba zhes bya ba ni gshog pa ma skyes pa'o/ /ma tshar ba nyid yin pas bya'i phrug gu ste/ bya phrug ma tshar ba de'i tshang bcas
 pa'o/ /lha ma yin 'di dag da cung slar mi ldog go zhes bya ba dang/ ci zhes bya ba ni skyon ci yod ces bya ba'i don to/ /shing rta ma bzlog par nam mkha' lding gi tshang las bzur bar mi nus pa'i phyir ro/ /shing rta zlog pa de la nyes pa de'i dbang du byas na
 shing rta 'di ni slad du zlog na gdod ces bya ba'i tshigs bcad brtsams pa yin te/ nam mkha' lding gi tshang 'di las zur cig ces bya ba'i lan ni/ shing rta 'di ni slad du bzlog na gdod ces bya ba'i tshigs bcad phyed yin no/ /'o na ci zhes bya ba'i lan ni lha
 rnams la ni zhes bya ba ste/ tshigs bcad kyi phyed 'og ma'o/ /de bas zhes bya ba ni shing rta bzlog pa la ni nyes pa yod do zhes gong du ma ta lis smras pa'i tshig go /lha rnams la ni gnas nas skabs rnyed pa zhes bya ba 'di'i lan ni/ mtshon gyis
 phog ste shi ba slas zhes bya ba yin te/ rang gi lhag pa'i bsam pa khyad par can bstan pa'i phyir smras pa'o/ /shi yang slas zhes bya ba la sogs pa ni snying rje'i dbang gis smras pa ni/ de ltar spyod pa'i sems can 'jigs pas nyen pa 'di'i ched du'o//
 'jigs pas brtabs shing rab tu mgyogs par gyur pa gang yin pa de ni skrag nas brtabs shing rab tu mgyogs par byed pa'o/ /ji lta bu zhe na/ char sprin nag po rlung gi gtor ba bzhin bdag gi dam tshogs pha ma yang zhes bya ba'i tshigs gcad
 yin no/ /dga' ba dang ngo tsha ba ni dga' zhing ngo tsha ba'o/ /dga' ba dang ngo tsha ba dang bcas pa ni dga' zhing ngo tsha ba bzhin du'o/ /phongs na zhes bya ba'i sgra ni ngan pa dang blo 'bring po gnyi ga la sbyar bar bya'o/ /ngan pa dang blo 'bring po ni sdig pa spyod pa'i tshe na
 mi mnyam pa ste/ snying rje dang bcas pas so/ /skye bo dam pa rnams kyi khyad par ni 'di yin te/ rnam pa thams cad du sdig pa mi byed de/ snying rje dang bcas par grub pa yin pas yang mi brjod do// //slob
 dpon dpa' bos mjad pa'i skyes pa'i rabs rgya cher bshad pa las brgya byin gyis skyes pa'i rabs so// //bdag ngo tsha ba nyid kyis zhes bya ba ni ngo tsha ba nyid khrel yod pa zhes bya ba'i don to/ /bdag dang chos kyi dbang
 du byas te kha na ma tho ba zhes bya ba'i tshigs gis so/ /spyod yul gyi dus zhes bya ba ni tshul dang spyod pa ste gang bya ba'o/ /rang gi chos zhes bya ba ni 'don pa dang/ 'don du 'jug pa dang/ mchod sbyin
 byed pa dang/ byed du 'jug pa dang/ sbyin pa dang/ len pa ste/ de dag rang gi chos so/ /rang gi chos de dag gi rjes su spyod pa'i grags pa gang yin pa de ni rang gi chos la spyod pa'i grags pa'o/ /'dul ba ni bya ba ma yin pa'i las la
 sogs las ldog pa ste/ ji ltar rigs pa'i sgrub pa'o/ /btsas pa'i cho ga bya ba la sogs pas zhes smos pas ni lhag ma cho ga bcu gnyis kyang gzung ngo/ /ldob pa dang/ 'dzin pa ni ldob pa dang 'dzin pa dag ste/ thos pa ldob
 cing 'dzin pa de gnyis la gsal bar gyur pa ni thos pa ldob cing 'dzin pa gsal ba'o/ /'di dag ni bya ba shes pa dang/ slob pa'i yan lag yin no/ /rgyud nyid gus pa yin pas rgyud gus te/ gus pa'i rgyud ces bya ba'i don to/ /dul
 ba ni bya ba rnams la bla ma'i rjes su 'jug pa yin te/ 'dis ni bslab pa'i yan lag dang ldan pa bstan to/ /zhi zhing chos bzang po gang la yod pa de ni zhi zhing chos bzang ba'o/ /'dis kyang tshul khrims kyi yan lag bstan to/ /byams
 pa ni chags ba'o/ /dga' ba ni dad pa 'am dad pa'o/ /byams zhing dga' ba gnyis su gyur pa ni de gnyis kyis yin te/ byams par gyur pa ni zhi bas so/ /chos bzang bar gyur pas ni bla ma dga' bar gyur pa'o/ /dbang du byed pa ni
 sngags kyi don gyis so/ /yon tan dbang du byed pa'i sngags rtag tu zhes bya ba la/ sngags yon tan dbang du byed pa las gzhan dag las yon tan gyi mtshan nyid kyis dbang du byed pa'i sngags 'di ni khyad par du bstan pa yin
 te/ yon tan ni rtag tu yod pa yin pas sngags gzhan ltar mi rtag cing nyams pa ni ma yin te/ yon tan dbang du byed pa'i sngags 'di las gzhan pa'i dbang du byed pa'i sngags ni/ zhe sdang gis 'khrugs pa ste/ dbang du byed pa'i nus pa
 med do/ /sngags 'dis ni de lta bu 'ang dbang du byed pa yin no/ /sngags tha mal pas na bdag nyid kyi sems dbang du byed pa yin no/ /gzhan dag ni ma yin no/ /gsang dus dag tu zhes bya ba ni mi 'dod pa'i dus dag tu'o/ /dbul ba 'bras bu re ba
 med ces bya ba'i tshigs bcad kyi don ni 'di yin te/ bdag dang gzhan gyi phan pa dang/ 'jig rten 'di dang pha rol tu phan pa med pa ste/ bdag gi mi la'ang smrar med cing zhes bya ba 'dis ni gzhan la phan pa mi nus pa nyid do/ /dga' ston tshe na'ang dga' 
 mi myong zhes bya ba 'dis ni bdag gi don mi nus pa nyid do/ /kyi hud sbyin pa'i gtam yang gzhan zhes bya ba 'dis ni 'jig rten pha rol gyi phan pa mi nus pa nyid de/ gang gi phyir sbyin pa yod na ni 'jig rten pha rol tu mngon par mtho ba thob par 'gyur
 ro/ /dbul ba 'bras bu re ba med ces bya ba 'dis ni 'jig rten 'di la phan pa'i bya ba mi nus pa nyid do/ /re ba ni mngon par 'dod pa ste/ 'di dang 'di bya'o zhes bya ba de dang de'i 'bras bu med pa yin te/ 'byor pa ma yin par ni bsam pa 'bras bu
 dang bcas par mi 'gyur ro/ /smra 'bab gnas gyur zhes bya ba'i tshigs bcad kyi don ni 'di yin te/ bdag dang gzhan gyi sgrub pa'i rgyu med pa dang/ bdag nyid kyi sdug bsngal gyi rgyu dang bde ba mi thob pa'i rgyu dang/ gzhan la yang dag par sgrub pa
 mi thob pa'i rgyu dang bzhi po 'di go rims bzhin sbyar bar bya'o/ /nyam nyes bzhin du rtag tu mya ngan byed ces bya ba ni bzhi po de dag gi rgyus so/ /bkres skom zan dang zhes bya ba 'di'i ni lus ni rnam pa gsum ste/ sdug bsngal rnam
 pa gsum ste/ gso bar bstan pa yin te/ bkres pa la ni zan no/ /skom pa la ni chu'o/ /'di gnyis ni lhan cig skyes pa'i sdug bsngal gyi gso bar bstan to/ /sman bcas sngags kyis nad sos 'gyur zhes
 bya ba 'dis ni glo bur gyi sdug bsngal gso bar bstan to/ /rgyun gnas nor gyis dbul por 'gyur zhes bya ba 'dis ni sngon byas pa'i rgyu'i dbul ba'i sdug bsngal las gso bar bstan te/ gang gi phyir dbul po ni skye ba snga ma la rang gi ser sna byas
 pa'i rgyus yin te/ de gso ba ni nor ro/ /blang ba'i thabs rab tu chung ba gang yin pa de ni blang ba'i thabs rab tu chung ba'o/ /bram ze rgud tshe rku ba chos su bshad ces bya ba'i tshigs su bcad pa 'dis ni bram ze rgud par gyur pa'i tshe na ni bram ze rgud pa
 nyid la nyes pa med pa nyid du bstan to/ /gal te bram ze rnams kyi rang nyid kyi nor yin na ci'i phyir ma mthong bar blang zhe na/ de'i lan bstan pa'i phyir/ ngo mthon du ni nor phrog nus gyur kyang zhes bya ba'i tshigs bcad brtsams pa yin no/ /yang na
 'di'i bsdus pa'i don ni mngon sum du yang blang bar bya ba yin na/ ci'i phyir ma mthong bar blang zhe na/ rku ba la nyes pa med pa yin te/ des na ngo mthon du ni nor 'phrog nus gyur kyang zhes bya ba la sogs pa'i tshigs bcad brtsams pa yin no//
 rjes su yi rang ba yang mi byed de/ rang bzhin gyi dge ba yin pas so/ /cho ga bstan pa ni rku ba'o/ /dga' bar ma gyur ces bya ba ni rab tu mi sgrub pa dang/ bdag gir mi byed pa'o/ /slar zlog par ma gyur pa ni slar mi smra ba'o/ /yon tan zhig
 yod par bsams nas zhes bya ba ni srid pa gang yin pa de ni yon tan zhig yod par bsams pa'o/ /rtsol mi phod dam zhes bya ba ni bdag nyid kyi rtsol ba dang bral ba ste/ snying stobs med pa zhes bya ba'i don to/ /da rgud pa
 zhes bya ba de la mi bzod par gyur pa de ni nga rgud mi bzod pas so/ /mi rnams dpa' bo'i lam zhes bya ba ni dpa' bo'i 'gron pa'o/ /spro ba dang bral ba ni spro ba med cing le lo ste des blun pa'o/ /yang na 'di la spro ba med pa'o/ /spro ba med pa/
 gang yin pa de ni blun pa yin pas spro ba med cing blun pa'o/ /rab bsgrags shing zhes bya ba ni skye bo mang po la'o/ /ma bcabs rgya cher zhes bya ba ni 'di mi mngon par yin zhing rgya cher ro/ /bstan pa ni thams cad la zhes bya ba'i don to/ /tshig
 dang zur la sogs kyang ste/ rgyu 'di gsum gyi sdug bsngal rab tu bsgrags pa ste/ shin tu dka' bar bstan pa des na yang shin tu sdug bsngal chen po nyid do/ /bsgrims pa dang bral ba gang yin pa de ni mi sgrim pa'o/ /mi sgrim pa yang yin
 brtan pa yang yin pas mi sgrim brtan gyur pa'o/ /mi sgrim brtan par gyur pa'i yid gang yin pa de ni mi sgrim brtan par gyur pa'o/ /de ltar tha mal bzhin du zhes bya ba ni ci ltar sdug bsngal thos pa'i dus de bzhin du gdug ces bya ba'i
 don to/ /byams pa dang bral ba ni 'di ltar mi byams pa'o/ /mi byams pa yang yin la sra ba yang yin pas mi byams shing sra ba'o/ /mi byams shing sra ba gang la yod pa de ni mi byams shing sra ba nyid de/ de yod pa de'i phyir ro/ /de ltar gang
 gong du bstan pa de mi sgrim brtan par gyur pa'i yid dang tha mal bzhin du gnas gyur pa zhes bya ba dag de lta bu'i don to/ /mkhan pos bstan pa'i rim pa zhes bya ba ni ma mthong blang bar gyis zhes bya ba yin te de'i rim pa'o/ /sdig
 pa'i las rnams byed pa na zhes bya ba'i tshigs bcad 'dis bdag gi mi rigs pa lha'i mig gi spyod yul du bstan to/ /bdag nyid sbyangs pa lha'i spyan zhes bya ba 'dis ni mngon par shes pa'i rang bzhin gyi lha'i mig gi rang bzhin
 bstan to/ /nyes byas gzhan gyis mthong ba dang/ gang yang bdag gis mthong ba zhes bya ba ni gnyi gas mthong ba las so/ /legs par mthong ba zhes bya ba ni de ltar dpyad na gang de bdag gis mthong ba de ni
 legs par mthong ba yin te/ bdag gis mthong ba'i phyir ro/ /legs par mthong ba de nyid bsgrub pa'i phyir/ /bdag gi dgos pas zhes bya ba'i tshigs bcad smos pa yin te/ legs par mthong ba de ni mthong ba nges par bstan pas so//
 chags pa la zhen pa ni chags pa la zhen pa'o/ /rtse gcig tu dmigs pa ni rtse gcig pa'o/ chags zhen pa yang yin la rtse gcig pa yang yin pas chags pas rtse gcig pa'o/ /chags pas rtse gcig pa'i yid gang la yod pa de ni chags
 pas rtse gcig yid gyur pa ste/ bdag gi dgos pa la chags pas rtse gcig pa'i yid du gyur pa zhes bya ba'i don to/ /de ltar nor gyi phyir zhugs zhes bya ba ni rku ba la zhugs pa'o/ /skyon dang yon tan ni yon tan dang yon tan ma yin pa'i
 khyad par ro/ /nor phyir yon tan zhes bya ba ni nor la btsong ba zhes bya ba'i don to/ /lha'i dbang por gyur pa'i phyir ni lha'i dbang phyir te/ lha'i rgyal por skye ba'i phyir zhes bya ba'i don to/ /chos dang 'gal ba zhes bya ba ni chos nyams pa'o/ /gos ngan
 pa gyon pa ni gos ngan pa 'chang ba'o/ /dgra bo'i khyim na 'byor ba mthong ba zhes bya ba ni de'i gan du bslang ba'i don du 'gro ba zhes bya ba'i don to/ /bu legs so legs so bram ze chen po legs so zhes bya ba ni gang gong du bstan pa'i rgyud dgus
 dus ba zhes bya ba dang/ rang rigs grags pa zhes bya ba ste/ de dang rjes su mthun pa'i phyir ro/ /rab tu zhi bas brgyan pa zhes bya ba ni gang gong du bstan pa'i lang tsho'i tshe yang zhi zhing chos bzang bas zhes bya ba de dang rjes su mthun pa'i tshig?
 khyod kyi shes rab ces bya ba ni gang gong du bstan pa'i/ thos pa ldob cing 'dzin gsal dang zhes bya ba yin te/ de dang rjes su mthun pa'i tshig go /rang gi chos nyid lam yin pas rang gi chos lam ste/ rang gi chos kyis bde 'gro thob par byed
 pa ni chos yin no/ /dka' thub ces smos pas ni ngo tsha shes pa dang khrel yod pa gnyis gzung ngo/ /thos pa dang shes pa smos pas ni sems las byung ba lhan cig skyes pa'i shes rab gzung ste/ 'di dag gis ni bdag la phan phan pa'i
 thabs bstan to/ /dge ba rnams zhes bya ba 'dis ni gzhan la phan pa bsgrub pa rnams ni phongs par gyur kyang 'gyur ba med par bstan to/ /yang na khrel yod pa zhes bya ba bstan pa las ngo tsha shes pa dang khrel yod pa'i dbang du byas pa nyid
 pas/ des khrel yod pa yang mi brjod de grub zin pa'i phyir ro/ /rnam par grags pa ni mdzes par spyod pa dang/ legs par sbyor ba ste/ thos pa don dang ldan pa'o/ /legs par spyod pa spyad pa'i phyir thos pa gzung ste/ de la legs par
 spyod pa yin pas thos pa don dang ldan pa ste/ de 'bras bu dang bcas pa'o/ /thos pa de yang nga'i 'bad pas legs par 'byung ba ste/ de gang las zhe na/ don yod pa las te/ des na 'di las 'byung ba'o/ /bde ba 'byung ba ni legs par 'byung
 bcas pa nyid pas ngal ba don yod pa nyid de/ /bdag nyid ngo bcas pa nyid pas ngal ba don yod pa nyid de/ /bdag nyid ngo tsha ba nyid kyis zhes bya ba gang gi phyir mdzes pa zhes bya ba'i don de nyid 'jig rten gyi dbang du byas pa nyid kyis
 khrel yod pa nyid yin te/ khrel yod pa bstan pa ni 'di ltar sdig pa'i las rnams byed pa na zhes bya ba la sogs pa'i tshigs bcad gnyis kyis bstan to/ /bdag nyid kyi ngo tsha shes pa nyid smras pa/ bdag gis gang na stong pa ni
 zhes bya ba la sogs pa tshigs bcad gsum gyis kyang de bstan pa yin no/ /slob dpon dpa' bos mdzad pa'i skyes pa'i rabs rgya cher bshad pa las bram ze'i skyes pa'i rabs so// //
 sdug bsngal mi bzad pas gdungs pa zhes bya ba la/ 'dir sdug bsngal ni rnam par 'gyur ba'i sdug bsngal la gsungs par dgongs pa yin te/ rnam par 'gyur ba'i sdug bsngal yang 'dod chags las skyes pa ste/ 'dod pa'i 'dod
 chags kyis rnam par 'gyur ba'i sems so zhes bya ba'i tshig gis so/ /ngan pa rnams kyi lam yin pas ngan pa'i lam ste/ de 'jug par mi 'gyur ba'o/ /bden pa dang/ gtong ba dang/ nye bar zhi ba dang/ shes rab ces smos pa ni byin gyis
 brlabs bzhi gzung ngo/ /de dag smos pas ni pha rol tu phyin pa drug gzung ste/ ci ltar zhe na/ bden pa smos pas ni tshul khrims kyi pha rol tu phyin pa gzung ste/ bden pa gtso bo'i phyir ro/ /tshul khrims gzung yang tshul khrims la dran pa
 nyams par gyur na de'i nyes pas ltung bar 'gyur te/ bden pa med npas chos bzhin du gso bar mi nus te/ tshul khrims kyis phongs par 'gyur ro/ /des na de gtso bo yin no/ /gtong ba smos pas ni sbyin pa'i pha rol tu phyin pa gzung ngo/ /nye
 bar zhi ba smos pas ni bzod pa dang bsam gtan gyi pha rol tu phyin pa gzung ngo/ /shes rab smos pas ni shes rab kyi pha rol tu phyin pa gzung ngo/ /brtson 'grus kyi pha rol tu phyin pa ni thams cad kyi rjes su 'brang ba'i phyir ma smos
 kyang gzung bar bya'o// //sogs pa'i sgras ni bsdu ba'i dngos po la sogs pa theg pa chen po las bshad pa gzhan dag gang ma lus par gzung ngo/ /yon tan khyad par can zhes byang chub sems
 dpa' i yon tan khyad par can gzhan dag kyang bstan to/ /mngon gsum gyi sgra ni chos dang 'dul ba gnyis dang sbyar ro/ /skye dgu rnams la pha dang 'dra bar phan 'dogs par byed do zhes bya ba de yang ji ltar skye dgu rnams la phan 'dogs par gyur ce na/ de
 nyid bstan pa'i phyir/ nyes par spyod las rnam par bzlog pa dang zhes bya ba'i tshigs bcad brtsams pa yin no/ /rnam par bzlog pa ni rnam par 'dul ba'o/ /'jig rten gar zhes bya ba ni 'jig rten 'di dang 'jig rten pha rol tu yon tan dang
 skyon la 'jug pa dang ldog pa'i rgyur gyur pa ste/ gcig yin na yang pha dang 'dra ba ste/ chos mngon sum du gyur pa bzhin du'o/ /skye dgu rnams la pha dang 'dra bar phan 'dogs par gyur te zhes bya ba'i dbang du byas nas/ nang gi mi dang 'dra
 bar snyoms zhes bya ba'i tshigs bcad yin te/ nang gi mi dang phyi'i mi la chos dang rjes su mthun pa'i phyir ro/ /bka' khrims ni chos ma yin pa'i lam gcod par byed pa yin te/ mngon sum du chos bzhin du gyur pa yin no/ /them skas
 rim pa bzhin zhes bya ba ni/ mngon par mtho ba yang dag par thob pa yin no/ /tshig snga ma ni mthong ba'i chos kyi yon tan dang nyes pa la 'jug pa dang/ ldog pa'i rgyus pha dang 'dra bar ston pa yin no/ /'dis ni 'jig rten pha rol gyi chos dang
 chos ma yin pa la 'jug pa dang/ ldog pa'i rgyus mngon sum chos dang 'dra bar bstan pa yin no/ /mngon sum 'dul ba bzhin du skye dgu rnams la phan 'dogs par gyur to/ /zhes bstan pa de'i dbang du byas nas/ 'jig rten phan pa chos
 ldan de mthong nas zhes bya ba'i tshigs bcad yin te/ ldan pa ni de dang ldan pas na ldan pa'o/ /chos dang ldan pa'i phan pa gang yin pa de ni 'jig rten pa'o/ /chos dang ldan pa ni rtse gcig tu spyod pa ste/ chos nyid 'ba' zhig spyod
 ces pa'o/ /chos kyi lam ni chos kyi lam nyid de/ chos kyi lam 'dul ba ste/ des skyed pa'i chos kyi lam gang thob pa'o/ /chos de la gnod pa byas pa ni 'dul ba la gnod pa byas pas na chos la gnod
 pa byas pa'o/ /ji ltar bstan pa'i rim pa bzhin du nges par bstan pa ste/ gsum po 'di dag gis ni 'jig rten 'di dang pha rol gnyi ga la phan par 'jug pa'i dbang du byas pa ste/ sngar bstan pa bzhin du rim pas dgod do/ /dpal
 mo gzugs dang ldan pa bzhin zhes bya ba ni gzugs gzi mdangs mchog dang ldan pas so/ /dga' ba mngon sum du gyur ba bzhin zhes bya ba ni blta na rab tu sdug pas so/ /lha mo bzhin du zhes bya ba ni bud med rin po cher gyur pas so//
 rgyu 'di gsum gyis ni gzugs mdzes shing bzad bar blta'o/ /mthong na yid ni 'phrog pa mi'i rigs las yang dag par 'das pa ste/ bud med rin po cher bkur ba bzhin du gyur bar bshad do/ /ji srid ces bya ba 'dis dus dang yul gzung
 ste/ khyad par du sems dang 'brel bar ston pa nyid de/ de'i lus dus dang yul gang la mthong bar gyur ba de srid kyi dus dang/ de srid kyi yul lta bzlog par nus pa med pa'o/ /de bas na zhes bya ba ni gang mthong ba rnams kyi lta ba lhag par
 mi nus pa'i rgyur gyur pas so/ /myos par byed pas na myos byed ma zhes bya bar btags te ming gi yon tan bstan pa'o/ /'das pa ni rigs par gsol ba'o/ /ji ltar gsol zhe na/ de nyid bsten pa'i phyir lha khyod kyi yul zhes bya ba
 la sogs pa yin no/ /na zhes bya ba ni bud med rin po che yin pa'i phyir ro/ /mig dang yid la dbang yang med par gyur ces bya ba ni de'i gdod du mig mi 'dzum par lta bas mig la dbang med pa'o/ /yid la dbang yang med par gyur
 pa ni chos kyi rjes su 'brang ba'i bag chags phrog pa yin te/ mi brten par gyur ba yin pa'i phyir ro/ /ji lta bu zhe na/ mig la dbang byed pas lus mthong bar gyur ba de srid kyi dus dang yul yid la dbang byed par gyur pa ste/ 'dod pas myos nas 'du
 shes nyams par gyur ba'o/ /mig lam du mi snang bar gyur pa zhes bya ba ni sngar bshad pa dang rjes su mthun pa yin te/ 'dod chags ma bral ba yis zhes bya ba de'i tshigs bcad kyis so/ /chos dang srid ni chos dang srid do/ /srid kyi don yang yin la
 sgrub pa yang yin pas sred kyi don sgrub pa'o/ /chos dang srid de gnyis kyi don sgrub pa zhes bya ba la/ srid kyi don sgrub pa ni nor bsgrub pa zhes bya ba'i don te/ nor sgrub pa ni ma thob pa thob par bya ba dang/ thob pa yongs su bsrung ba dang/ bsrungs pa
 rab tu 'phel bar bya'o/ /chos kyi don sgrub pa ni stegs lam rab tu bsgrub pa'o/ /rgyal po'i don sgrub pa rnams zhes bya ba ni rgyal pos sgrub pa'i don te/ bzhi po de dag ni rgyal po'i sgrub pa'o/ /sgrub pa de'i dus las yol ba ni 'das pa'o//
 phan pa dang bde ba ni phan pa dang bde ba'o/ /'byung ba ni skye ba'o/ /de ni lam ni skye ba'i lam yin pas phan pa dang bde ba 'byung ba'i lam mo/ /rgyal po'i don sgrub pa las yol ba de ni 'bangs rnams la phan pa dang bde ba'i lam chad de
 phung par 'gyur zhes bsams pa'o/ /'di ni mthong ba tsam gyis ni zhes bya ba ni gang yul mngon sum du gyur pas kyang ste/ 'dis ni dbang po'i sgo bsdams pa bstan to/ /drang srong rnams kyang zhes bya ba ni nyon mongs pa thub pa'o/ /nyon
 mongs pa'i bags chags ma spangs pa dang/ tshul bzhin ma yin pa yid la byed pa la sogs pa rgyu gsum po tshang bas ni nyon mongs pa rnams dus res 'ga' skye bar 'gyur te/ yul rgya cher mngon sum du gyur pa dang/ tshul bzhin ma
 yin pa yid la byed pa dang/ bags chags spangs pa ste/ de'i phyir bshad pa/ phra rgyas spangs pa ma yin dang/ yul ni nye bar gnas pa dang/ tshul bzhin ma yin yid byed pas/ nyon mongs rgyu ni tshang ba
 yin zhes gsungs so/ /'dod chags can gyi mig lta zhes bya ba'i tshigs bcad phyed kyis ni gong ma las bzlog pa bstan te/ 'dod chags can gyi mig ces bya bas ni dbang po'i sgom bsdams pa dang/ bags chags yang dag par ma spangs pa
 nyid do/ /rgyal po zhes bya ba 'dis tshul bzhin yid la byed pa yin te/ rang dbang du gyur pas tshul yid la mi byed pa mi ldog pa'o/ /bde bar gnas pa zhes bya ba 'dis ni yul nye bar gnas pa yin te/ de ltar nyon mongs pa'i rgyu tshang bar
 gyur bas so/ /nyon mongs pa rnams ni sems rang dbang du gyur pa las kyang 'byung ste/ sngar bstan pa thams cad 'di las 'byung bar bstan to/ /yang na don gzhan du na nyon mongs pa rnams ni rgyu bzhis skye bar 'gyur ste/ dbang po'i
 sgom bsdams pa dang/ de'i yul mngon du gyur pa dang/ yid la byed pas de la lta ba dang/ rgas pas mi nus pa ste/ de la nus pa ma tshang bas so/ /nad yang bzung ste de'i rang bzhin nyid do/ /gzhan dbang yang rang la nus pa med pa'i phyir ro
 de la 'dod chags can gyi mig gis lta zhes bya ba'i skabs kyis ni de las bzlog pa la yang mi 'byung ba'i phyir ro/ /skabs zhig tu zhes bya ba ni gnas skabs kyi dbang du byas pa'o/ /grags pa med par byed pa dang/ rang gi dge ba la
 log par spyod pa'i skyon gyis 'byor ba med pa'i phyir ro/ /de la 'dod chags can gyi khyim thabs kyi dge mtshan ngan pas phun sum tshogs pa'i bgegs su gyur pas so/ /smad pa ni mtshan dang bral pa'o/ /mdzes pa med par
 byed pa ni zla ba sprin rum du nub pas gnam sa'i bye brag mi mdzes par byed pa yin te/ gnam dang sa gnyis kyi bye brag med par byed pa'o/ /nga'i rigs dang mthun pa ma yin no zhes bya ba ni de mtshan ngan pa'i phyir ro/ /re zhig rigs dang mthun
 par 'gyur ro zhes bsams te de nyid kyi khyad par bstan pa'i phyir/ rim gyis zhes bya ba ni dus phyis zhig na zhes bya ba ni don te/ blon po de la phyi ma thag pa ni ma yin te/ de bas na 'di ltar ston pa ste/ de'i tshe ni rgyal pos mthong ba'i lam
 gyi gnas skabs kyang med de bag ma sar gyur pa'i phyir ro/ /bdag rang gi grong khyer mchog ces bya ba ni rgyal po de'i ku mu da'i dga' ston lta ba ni skyon med pa yin te/ de lta ba'i phyir ro ku mu da'i dga' ston ma yin pa gzhan du na brkam
 chags can du 'gyur te yongs su bcad pa'i phyir mchog ces smos so/ /bltar rung ba'i phyir ni ku mu da'i dga' ston bstan to/ /phyag dar byas shing chag chag btab pa zhes bya ba la sogs pa'i tshig rkyang bas ni mig dang/ rna ba dang
 sna'i dbang po'i yul phun sum tshogs pa bstan te/ grong khyer gyi mchog de'i me tog ku mu da dga' ston byed pa las te/ ji ltar rigs pa bzhin du sbyar bar bya'o/ /mtshan ngan pa mthong ba ni mtshan ngan pa mthong ba'o/ /des na dran
 pa rnam par g.yo ba gang yin pa de ni mtshan ngan pa mthong na 'dis dran pa rnam par g.yo ba'o/ /pho brang blas kyi nang na na chung bzad mo zhes bya ba dang/ brtan pa'i yon tan che la ngo tsha shes zhes byas pa'i tshigs bcad 'di gnyis kyi bsdus
 pa'i don ni byang chub sems dpa' de bdag gi phun sum tshogs pa dang ldan pa yin yang phun sum tshogs pa de dag 'jig pa'i rgyu nyid du de gzugs phun sum tshogs pa bstan to/ /tshim pa zhes bya ba ni ji ltar 'dod pa'o/ /pho brang blos
 nad na na chung bzang mo'i zhes bya ba 'dis ni 'jig rten pa rnams las bud med de khyad par du bstan to/ /lus bzang ba dang cha ba ni lus bzang chas so/ /lus bzang zhes smos pas ni mdog dang dbyibs
 phun sum tshogs pa gzung ngo/ /chas pa zhes smos pas spyod pa dang nye bar spyod pa gzung ngo/ /chags pa ni rnam pa bzhi ste kha dog gi chags pa dang dbyibs kyi chags pa dang nye bar spyod pa'i chags pa dang/ reg pa'i chags pa ste/ 'dir reg
 pa'i 'dod chags ma smos pa ni der yul du ma gyur pas so/ /kha dog dang dbyibs dang/ spyod yul du gyur pa'i phyir mthong gyur cing zhes bya ba yin te/ mthong bar gyur kyang zhes bya ba'i tshigs bcad phyed po des ni bud med kyi longs spyod
 'jig rten pa las khyad du gyur pa dang ldan pa yin yang brtan pa nyams par mi nus pa ste/ de dang rjes su mthun par bstan pa yin no/ /ma 'phyar ba ni mi g.yo ba ste/ ma 'phyar ba'i sems kyis yul du gyur pa'i phyir ma 'phyar ba ste/ 'phyar
 ba med pa ni ma 'phyar ba'o/ /chos kyi lam ni chos lam mo/ /'dir chos ni mngon par mtho ba ste/ de'i lam mo/ /dbang po thul ba ni 'jig rten pa ste/ 'dis ni chos gtso bor bstan to/ /brtson gyur zhing zhes bya ba ni 'bad pa dang ldan pa ste/ bag
 yod pa zhes bya ba'i don to/ /dbang po thul bar gyur ba zhes bya ba 'dis ni lugs kyi bstan bcos kyi rjes su 'jug pa'i tshul gtso bor bstan pa yin te/ gang gi phyir bstan bcos thams cad kyi nang na dbang po thul bar byed pa zhes bya ba'i
 tshig 'dis so/ /bstan pa'i yon tan che la ngo tsha shes zhes bya ba 'dis ni bdag gi dbang du byas te/ ngo tsha shes pa dang ldan pa dang/ /gzhan gyi dbang du byas nas khrel yod pa ste/ de gnyis kyis ni 'jig rten skyong ba'i chos dang ldan
 pa yin te/ sngar bstan pa'i 'khor gsum las mi 'da' ba dang/ them skas su gyur pa ni chos 'di gnyis so/ /gzhan gyi bud med lta la ma smos kyang/ zhes bya ba ni skye ba snga ma la tshul khrims la goms par bstan te/ 'dis ni rgyu phun sum tshogs
 par bstan to/ /'dod chags langs shing ya mtshan che bar gyur pa gang yin pa de ni 'dod chags langs shing ya mtshan che ba ste/ 'dis ni ngo tsha nyams par bstan to/ /bud med de la zhes bya ba ni pho brang blas kyi na chung zhes bya ba dag kyang yod cing
 gzhan gyi bud med lta ya ma mos kyang zhes bya ba la sogs pa yin yang mig gis ring du bltas pa ste/ 'dis ni khrel yod pa nyams par bstan to/ /'di ci ku mu da yin nam zhes bya ba'i tshigs bcad 'dis bstan pa ni 'dod chags kyi gnas skabs bcu las 'dod chags kyi gnas
 skabs dang po bstan pa yin te/ mi lus las 'das pa'i gzugs yod pa'i phyir ro/ /de la gnas pa'i rnam pa ni de ltar gyur pa'o/ /sems rtse gcig tu dmigs pa ni rtse gcig pa'o/ /de la rtse gcig tu gyur pa'i sems gang yin pa de ni de la
 sems rtse gcig pa'o/ /re thog chad pa'i yid gang yin pa de ni re thag bcad pa'i sems so/ /de la sems chags bzhin du zhes bya ba ni rnam par chags pa ldog par ma gyur te 'dod bzhin du gzhan gyi chung ma yin no zhes pas so/ /don gyi
 rjes su 'gro ba ni don dang rjes su mthun pa'o/ /snyan ba de dag ni tshig ste tshig kyang stan pa'o/ /don dang rjes su mthun pa yang yin la tshig snyan pa yang yin pas don dang rjes su mthun zhing tshig snyan pa yang yin pas don dang rjes su mthun zhing tshig snyan pa'o/ /don dang rjes su mthun pa'i
 tshig gis 'di ltar btags pa'i ming gang yin pa'i de ni don rjes su mthun pa'i tshig snyan ming du btags pa'o/ /ming de gang yin zhe na/ myos byed ma zhes pa'o/ /don dang rjes su mthun pa'i tshig nyid bstan pa'i phyir smras pa/ bdag
 ni myos pa bzhin du byed ces bya ba yin no/ /de ni brjed par bdag 'dod na zhes bya ba ni gzhan gyi chung ma yin pa'i phyir ro/ /sems kyis mthong ba bzhin du gyur ces bya ba ni de'i gzugs phun sum
 tshogs pa dang 'dod pas de ni brjed par bdag 'dod na ma brjed pas so/ /bdag gi sems ni de la gnas zhes bya ba ni sems kyis mthong ba bzhin du gyur ces bya ba yin te/ gang gi phyir zhe na/ sems de de'i dbang du gyur pas so/ de'i
 dbang du gyur zhes bya ba ni sems de'i dbang du gyur pa ste/ de ltar brjed par 'dod kyang mi brjed pa'i rgyu dang mi mthong bar 'dod kyang mthong ba'i rgyus shes tshigs bcad 'og ma phyed nyid bstan to/ /chung ma yin pa la zhes bya ba ni chung ma'i
 phyir ro/ /bdag kyang zhes bya ba ni sngar bshad pa'i yon tan gyi mtshan nyid dang ldan bar bstan pa'o/ /de ltar mi brtan pa zhes bya ba ni de'i rjod par 'dod pa la sems kyis mthong ba bzhin du gyur ces bya ba de nyid ston par byed pa yin no
 de bas na gong du bshad pa'i rgyu de dag gis/ ngo tsha ba dang bral bzhin du zhes bya ba ni de mi brtan pa nyid yin te/ bag chags zhen pa nyid du ston to/ /gnyid dang bral ba zhes bya ba ni de'i mi brtan pa yin te/ shas cher ston pa'o/ /sems
 kyis mthong ba bzhin du zhes bya ba ni gang gong du bstan pa yin te/ ji ltar mthong ba yin zhe na/ de nyid bstan pa'i phyir/ de'i lus bzang chas shing zhes bya ba'i tshigs bcad yin no/ /lus bzang zhes bya ba smos pas ni snga ma
 bzhin du mdog dang dbyings gnyis gzung ngo/ /chas shing 'greng dang lta ba la zhes bya ba ni sngar bshad pa'i nye bar spyod pa'i dbye ba bstan pa'i phyir ro/ /chags pas ma g.yos pa'i yid gang yin pa de ni chags pas rtse gcig
 pa'i yid du gyur pa'o/ /de bas na gzhan don bsgrub pa de'i go rims ni rim gyis yin te/ de'i sbron pa ni don sgrub rims sbron pa ste/ de la sgra grags pa gang yin pa de'o/ /zhe sdang ni khro ba'o/ /sems la ldang zhes bya ba ni rab tu bsad par byed
 pa ste/ rab tu nyal te zhan pa las sad par byed pa'o/ /mnags te bor yang zhes bya ba ni 'dod pas myos pa'i mthu yin pa'i phyir te/ mnags kyang brtan pa nyams par gyur to/ /mdangs ni ser skyar gyur cing lus kyang sha bri ste srab
 mor gyur ces bya ba ni 'dod chags kyis myos par gyur pa'i rnam pa rab tu mngon par gyur pa'o/ /sems khong du chud cing shugs nar zhes 'byung la/ glal yang dang yang du 'byung ba zhes bya ba ni bya ba'i tshul las 'dod chags
 kyis myos par gyur pa rab tu mngon pa'o/ /spyod yul gyi mtshan nyid yin pa'i phyir shin tu gsal ba'i don te/ /spyod pa'i tshul 'di'i rnam pa yin pa ste/ 'dod pas myos pas gyur pa'i rnam pa'o/ /'dod chags kyis myos par gyur pa'i
 rnam pa rab tu mngon par gyur pa gang yin pa de ni 'dod pas myos par gyur pa'i rnam pa rab tu mngon pa ste/ rnam pa lam spyod tshul rab tu gsal zhing mngon par gyur pa zhes bya ba'i don to/ /'dod chags kyis myos par gyur pa'i
 rnam pa rab tu mngon pa zhes bya ba 'di'i don ni brtan pa chen pos zhes bya ba'i tshigs bcad 'dis ston pa yin te/ 'di'i don ni mnags shing bsgrims pa ni rab tu bkag pa bzhin du'o/ /yid gyur pa ni lus kyi bya ba dang/ spyod pa gyur
 pa'i rnam pa snang ba las mngon par gyur pa yin te/ tshigs bcad 'dis ni bshad pa'i don de nyid bstan to/ /yid gyur pa ni 'dod chags kyis myos par gyur pa'o/ /sems khong du chud pa'i mig dang/ bzhin dang mdangs zhes
 bya ba ni gang gong du bstan pa'i sems khong du chud cing shugs nar zhes 'byung la glal yang dang yang du 'byung zhes bya ba de nyid stan to/ /sha bri srab mor gyur ces bya ba 'dis ni ser skyar gyur
 cing sha bri ste srab mor gyur ces bya ba de nyid bstan pa yin no/ /nges brda dang mtshan ma la mkhas pa zhes bya ba la brda ni gang gong du bstan pa'i sems khong du chud cing shugs nar zhes 'byung la/ glal yang dang yang du 'byung zhes bya
 ba de nyid kyis bstan pa yin no/ /mtshan ma ni gang gong du bstan pa'i ser skyar gyur cing lus kyang sha bri ste srab mor gyur ces pa dang/ 'dod chags kyis myos par gyur pa'i rnam pa mngon par gyur ba zhes gang bstan pa'o/ /brda dang mtshan
 ma zhes bya ba bsdus pa ni rnam zhes smos pa ste de nyid yin te/ spyod tshul 'di'i rnam pa spyi'i mtshan nyid du byas nas brda dang mtshan ma la mkhas pa'i blo gang la yod pa des ni brda dang mtshan ma la mkhas pa'i blo'o/ /rgyal po de de ltar
 gyur ces bya ba ni ser skyar gyur cing lus kyang sha bri srab mor gyur ba dang/ sems ni khong du chud cing shugs nar ces 'byung la/ glal yang dang yang du 'byung ba ste/ de'i rgyu ni myos byed ma mthong ba'i rgyus de rgyu dang bcas par ro/ /de ma rung
 du gyur ba ni ma rung bar gyur pa de shi bar ro/ /de la dogs pa yid pa gang yin pa de ni ma rung du dogs pa'o/ /de ma rung du dogs pa'i rgyu bstan pa'i phyir smras pa/ 'dod chags kyang mthu che bar zhes bya ba yin no/ /nang du mchi bar gnang ba ni
 zhu ba'i don yod do zhes smras nas gnang ba'o/ /rtog pa skyes pa ni ci bden pa nyid dam brdzun pa zhes so/ /de ltar med na zhes bya ba ni de ji ltar smra ba bzhin du ste/ myos byed ma de la rgyal po'i thugs chags pa'o/ /bka' stsal bar bya ba de
 mi gsung ba da mi gsung ba ni bka' stsal pa'o/ /bu mo 'di phyag tu bzhes zhes bya ba ni ci nas kyang bsnams pa'i rigs so zhes pa'o/ /yang na bka' stsal pa'i phyir ro/ /ltas kyis bsal bas zhes bya ba ni gab ba yin na'ang 'di'i don gsal bar bstan
 pas so/ /mi 'dod pa'i tshig 'bru gsal ba ste/ gang gi tshig de'o/ /de ni mi rigs so zhes bya ba ni bu mo phyag tu bzhes shig ces gang smras pa'i tshig de mi rigs par bshad pa'o/ /mi 'dod pa'i rgyu bstan pa'i phyir bsod nams nyams 'gyur zhes bya ba ni la
 sogs pa'i dbang po'i tshigs bcad gnyis yin te/ bsod nams nyams 'gyur zhes bya ba ni bgrod pa ma yin par bgrod pas so/ /des cir 'gyur zhe na/ des smras pa/ bdag kyang mi mchi min zhes bya ba ste/ 'dis ni shi bar 'gyur na bsod nams
 nyams par 'gyur bas bdag gis bgrod pa'i nyes dmigs bstan pa'o/ /bdag gi sdig pa 'di yang gzhan gyis shes par 'gyur zhes bya ba ni grags pa ma yin pa 'thob pa'i nyes dmigs yin no/ /de dang bral bar gyur pas zhes bya ba 'di
 ni 'jig rten 'di dang pha rol gnyi ga la gnod pa yin te/ 'jig rten 'dir ni shi bar gyur pas gnod pa'o/ /yang 'gyod cing shi bar 'jig rten pha rol tu ngan 'gror 'gro ba yin no/ /'jig rten 'di dang zhes bya ba'i tshigs bcad 'di ni bsod nams
 nyams par zhes bya ba de'i rjes su 'gro ba'i tshig yin te/ gnyi ga la gnod par 'gyur ba ni bdag dang/ pha rol gnyi ga la ste/ 'jig rten 'dir bdag ni 'gro ba ma yin par 'jug pa'i rgyus ngan 'gror 'gro bar 'gyur zhes bya ba yin la/ pha
 rol ni 'gyod cing 'chi bar gyur pas ngan 'gror 'gro bar ro/ /de gcig tu ma zad de/ bdag nyid la ni mi snyan pa yang yin la/ pha rol ni 'chi bar 'gyur ba ste/ de ltar bzhi po des gnod pa yin no/ /de mi 'dod pa ni tshe 'di dang pha rol gnyi
 ga la gnod pa'i las so/ /gang phyir zhes bya ba ni bdag gi rgyu de nyid de'i rgyu zhes bya ba yin te/ bdag gi rgyu nyid la mkhas pa ste/ de ltar gnod par gyur pa'i las de la rtog par byed pa la mkhas pa'o
 bsod nams nyams zhes bya ba'i tshig gi lan ni/ sbyin pa bgyid pa'i grogs bgyis pas zhes bya ba'i tshigs bcad 'di yin te/ sbyin pa bkag pas chos kyis bgegs su 'gyur zhe na/ de nyid smras pa/ de ma bzhes pa ste/ bdag las sbyin pa ma
 bzhes des na de ltar sbyin pa'i bgegs su 'gyur ba yin no/ /bdag gi sdig pa 'di yang gzhan gyis shes par 'gyur zhes bya ba 'di'i lan ni/ 'o skol gnyis las ma gtogs pa zhes bya ba'i tshigs bcad yin no/ /de dang bral bar gyur
 pas 'gyod pa'i me zhes bya ba de'i lan ni/ de ltar bgyis na bdag la sman yon btags par gyur zhes bya bas grangs pa'i tshigs bcad kyis bstan te bdag la sman yon btags par 'gyur gyis/ de dang bral bas 'gyod pa ni med do
 zhes pa'o/ /de med pas 'chi ba yang med de/ de'i rgyur gyur ba'i 'chi ba de med pas ngan song du 'gro ba med pa'o/ /tshigs bcad 'di gsum gyis ni sngar bstan pa'i nyes pa bzhi po'i lan bstan pa yin no/ /sbyin pa bgyid pa'i grogs bgyis
 pas zhes bya ba'i tshigs bcad gang bstan pa de'i lan ni/ nga la rab tu byams pa'i phyir zhes bya ba'i tshigs bcad yin te/ sngar gyi sbyin pa zhes bya ba ni sems can gyi sbyin pa ni rnam pa bzhi ste/ phan pa yin la bde ba ma yin pa dang/ bde
 yin la phan pa ma yin pa dang/ bde ba yang ma yin la phan pa yang ma yin pa'o/ /bzhi po de las phan pa med par 'gyur ba ni rnam pa thams cad du sbyin par bya ba yin pas gang phan pa ma yin la bde ba yin pa de
 yang sbyin par bya ba yin no/ /phan pa yang ma yin la bde ba yang ma yin pa de sbyin par bya ba ma yin no/ /gang la phan pa dang bde ba de ni sbyin pa yin no/ /gang mi bden yang phan pa de ni sbyin pa yin no/ /de bas na 'di ni bde ba nyid yin gyis
 phan pa ni ma yin te/ 'di lta bu'i mtshan nyid kyi sbyin pa ni rnam pa thams cad du chos sgrub pa'i grogs ma yin no/ /bdag la sman btags par 'gyur zhes bya ba la sogs pa'i tshigs bcad gang gong du bstan pa de'i lan ni/ rab tu byams pas nga'i
 phyir zhes bya ba'i tshigs bcad yin te grogs po las khyad par du gyur pa ni gnyen pas lhag pa ste/ rgyu des na rab tu byams pas de'i phyir/ rang gi srog kyang phangs par mi lta bas so/ /'o skol gnyis las ma btogs par zhes bya ba gang gong
 du bstan pa'i tshigs bcad de'i lan ni/ ma mthong bar ni sdig pa byas pa zhes bya ba yin te/ lkog tu sdig pa byas pa la yang bde ba med de/ lkog tu sdig pa spyod pa de'i dbang du byas nas/ rnam dag mig gis mi mthong mi srid do/ /zhes bya
 pa la sogs pa yin te/ lha zhes smos pas ni las las gyur ba'i lha'i mig gzung ngo/ /rnal 'byor can zhes smos pa ni mngon par shes pa las byung ba'i lha'i mig gzung ngo/ /bdag la sman yon btags par 'gyur zhes bya ba'i lan ni
 de ni khyod la mi phangs zhe 'am zhes bya ba'i tshigs bcad yin te/ de ni bdag nyid kyis de'i lus la sogs pa'i yon tan dang ldan par mthong bar ston pa yin no/ /de ni btang ba zhes bya ba da de lta bu'i mtshan nyid dang ldan pa'o/ /sdug bsngal
 zhes bya ba ni 'gyod pa'o/ /nga la rab tu byams pa'i phyir zhes bya ba la sogs pa'i tshigs bcad gsum gyi lan ni/ bdag gi bu smad ces bya ba'i tshigs bcad 'di smras pa yin te/ bran mo 'di sbyin pa ni chos sbyin pa'i grog pa nyid yin
 gyi /grogs po nyid du ni ma yin te/ rjes gyur pa dang lhan cig yin pa'i phyir ro/ /ma mthong bar ni sdig pa byas pa zhes bstan pa de yang sdig pa min te rgyu gnyis phyir ro/ /de ltar tshigs bcad gsum
 brjod pa las gcig gi lan ni ma bstan to/ /de ni khyod la mi phangs zhe 'am zhes bya ba'i tshigs bcad de'i lan ni 'di brtsams pa yin te/ de ni bdag la phangs pa lags mod kyis zhes bya ba la sogs pa'i tshigs bcad 'di yin no/ /chos
 spyod pa las dpal ni zhes bya ba'i tshigs bzod 'di ni rang gi nges pa nges par gzung ba dang/ bdag nyid kyi ngo tsha nyid gzung ba'i phyir smras pa ste/ ngo tsha yang gang zhe na/ bdag dang chos kyi dbang du byas nas kha na ma tho ba la 'dzem pa'o zhes tshig
 gis so/ /mtshon gyis btab pa'am/ me'i nang du zhugs pa zhes bya ba 'di gnyis smos pas ni lus kyi dbang po bde ba'i mi mthun pa nyid yin te/ tshig pa dang bcas pa'i rgyu gnyis kyis so/ /me dang mtshon gyis tshig pa dang chad pas ni 'jig
 rten pha rol du ngan 'gror 'gro ba med de/ de nyid kyis btab pa dang zhugs pas ni khas len pa'o/ /chos ma yin pa spyod pas ni 'jig rten pha rol du nges par ngan song du 'gro ba'i phyir ro/ /skyon med chung ma bor na ni zhes bya ba ni chos dang
 'gal bar bstan to/ des na chos dang 'gal ba yin pas/ nga yis chad pas bcad da re zhes pa'o/ /smad pa'i gnas su khyod gyur na zhes bya ba ni grags pa ma yin pa thob par bstan to/ /pha rol bsregs par 'gyur zhes bya ba ni skyon med chung
 na? bor ba'i phyir ro/ /da yis chad bas bcad pa dang smad pa'i gnas su gyur pa zhes bya ba ni 'dir bsregs pa'o/ /chos dang 'gal bar gyur pa zhes bya ba ni skyon med chung ma bor bas so/ /skye bos smad pa ni smad pa'i gnas su khyod gyur na zhes
 bya bas so/ /bde ba nyams kyang rung zhes bya ba ni rgyal po'i chad pas bcad kyang rung ba'o/ /bzod par bgyi zhes bya ba ni rab tu 'dod pa'o/ /rnam pa 'di gsum bzod par bya ba'i rgyu smras pa/ khyod la bde bas bdag nyid bder gyur zhes bya ba yin te/ sngar
 bshad pa'i nyes pa rnam pa gsum gyis nyes pa med pa de rab tu bsgrub pa'i phyir sa bdag chen po 'jig rten 'di na ni zhes bya ba'i tshigs bcad brtsams pa yin te/ ji ltar mchod sbyin la sbyin par bya ba'i gnas kyi sbyin gnas dam pa la byin pas ni
 chos ma yin pa med pa ltar 'dis na yang khyod kyis chad pas bcad par yang mi 'gyur la de nyid kyi phyir grags pa ma yin pa yang 'byung bar mi 'gyur bas de bas na nyes pa gsum yang med de/ bdag la brtse ba'i phyir yang de bzhes su gsol zhes
 bstan pa yin no/ /gal te chos dang 'gal bar gyur kyang de lta bas bcad par bgyi zhes bya ba'i lan ni de la rab tu byams pa'i phyir bdag la phan pa dang zhes bya ba la sogs pa yin no/ /skye bos smad cing zhes bya ba la sogs pa yin no/ /skye bos
 smad cing zhes bya ba de'i lan ni 'jig rten pas smad pa la 'dzem pa med par bya ba mi rigs so zhes bya ba yin no/ /de bas na 'jig rten pas smad par bya ba la yang mi 'dzem bar bya ba mi rigs te/ de yang 'jig rten smod pas 'dzem pa med pa dang
 zhes bya ba'i tshigs bcad 'dis sgrub pa ste/ smod pas 'dzem pa med pa ni chos la mi lta ba'i phyir ro/ /phyi ma ni 'jig rten pha rol gyi chos kyi 'bras bu la mi 'dzem pa ste/ chos la mi lta ba'i phyir ro/ /de bzhin du lhag ma 'jig rten 'di'i
 mchog tu 'dzin pa yin no zhe na/ yang 'di'i don mi 'grub par bstan pa'i phyir smras pa/ gang yin skye bo de la yid mi ches zhes smos te/ de la zhes bya ba ni smad cing chos dang phyi ma'i 'bras bu la mi lta ba ste/ ci nas kyang bsam
 pa chos dang 'jig rten pha rol gyi 'bras bu rnam par spangs pa'o/ /de bzhin du mthong ba'i chos la yang dpal gyi 'bras bu spangs par 'gyur te/ dpal ni skye ba yid ches pa rtsa bar gyur pa nyid las so/ /bde
 ba nyams kyang rung zhes bya ba sngar bstan pa de'i lan ni 'dis bstan te/ bde ba ma yin pa ni chos ma yin par spyod pa gtso bor bstan pa'i phyir/ khyod la nga smra'o zhes bya ba yin te/ srog gi phyir yang zhes bya ba'i tshigs bcad yin no/ /chos dang
 'gal ba la ni dga' bar ma byed cig pa ste/ ci'i phyir zhe na/ nyes pa che bar 'gyur bar gdon mi za ba'i phyir ro/ /ngan song du 'gro ba'i rgyu yin pas srog gi phyir yang zhes bya ba yin no/ /ci'i phyir zhe na/ legs 'byung chung la dogs pa dang
 bcas pa'i phyir ro/ /dogs dang bcas pa ni de'i srog kyang yid brtan du mi rung bas so/ /legs 'byung chung yang zhes bya ba ni yun ring du 'tsho ba gyur kyang mthob pa'i chos la bde ba shin tu chung ba'i phyir ro/ /de ltar de la rang gi chung ma yongs
 su gtong ba mi rigs par bstan nas/ da ni bdag nyid kyi blang ba nyid du mi rigs par bstan pa'i phyir smras pa/ dam pa rnams ni pha rol smad la sogs zhes bya ba'i tshigs bcad smos so/ /smad pa la sogs pa'i sdug bsngal gang
 yin pa de ni smad pa la sogs pa'i sdug bsngal byas pa ste/ gang sngar bstan pa'i chos dang 'gal ba dang/ skye bos smad pa dang/ bde ba nyams pa'i mtshan nyid ni smad pa la sogs pa'i sdug bsngal smos pa 'dis gzung ngo// //
 mi gnod par zhes bya ba ni smad pa la sogs pa'i sdug bsngal blangs nas so/ /bdag gi don sgrub ces bya ba ni byang chub sems dpa' i sgrub po ste/ bdag dang gzhan gyi chos su bshad pa'o/ /gnyi ga'i chos ma yin pa med par bstan
 pa'i phyir rje'i don du zhes bya ba la sogs pa'i tshigs bcad 'di yin te/ de'i slad du ljongs kyis mi dang bcas pas zhes bya ba 'dis ni gnyi ga la yang chos ma yin pa dang grags pa ma yin pa med par bstan to/ /rgan pa bsnyen bkur bya ba
 byas pa dang/ zhes bya ba'i tshigs bcad 'di'i bsdus pa'i don ni dge ba'i bshes gnyen bsten pa dang/ chos nyan pa dang tshul bzhin yid la byed pa bstan to/ /yang na bla ma dang dam pa'i tshogs pa bsnyen bkur byas pa dang shes rab phun sum  
 tshogs pa bstan to/ /'khor gsum gyi rig pa ni 'khor gsum rig pa'o/ /don gyi de kho na nyid ni don gyi de nyid do/ /lhag pa'i don gyi de kho na nyid ni lhag pa'i de kho na nyid de/ 'khor gsum rig pa'i lhag pa'i don gyi de kho na nyid do/ /'jig rten pa
 la phan dang gnod pa ni zhes bya ba la sogs pa'i tshigs bcad gnyis ni skye dgu rnams chos dang 'gal bar 'gyur ba'i dbang du byas pa'o/ /gal te rgyal po rnams legs par spyod na ni 'bangs rnams la phan pa yin la/ ci ste legs pa ma yin
 pa spyod na ni gnod pa yin no/ /'bangs rnams snying nye bsams nas ni zhes bya ba ni gzhan gyi skye bo bas lhag par bdag la snying nye ba yin te/ khyad par des na bdag gis legs pa dang legs pa ma yin pa spyad pa de gnyis kyis 'jig rten pa'i phan
 ba dang/ gnod pa'i rgyur gyur pa yin par bstan to/ /gtam snyan pa ni grags pa'o/ /lam gyi mchog nyid ni chos kyi lam mo/ /rgyal po rnams kyi spyod pa la 'bangs rnams rag lus pa yin te/ phan pa dang gnod par 'gyur ba de nyid bsgrub pa'i
 phyir dpes bstan pa ste/ khyu mchog 'gro ba drad ngam yo ba bzhin zhes bya ba'i tshigs bcad yin no/ /rgyal po'i legs pa dang legs pa ma yin pa'i spyod pa la skye dgu'i phan pa dang gnod pa rag lus pa bdag nyid kyang mi rigs pa las ldog
 par mi nus na gzhan dag ji ltar zlog par nus zhes pa ste/ 'khrul pa med par rjes su 'brang ba'i skye dgu'o/ /de ltar 'bangs la phan pa'i zhes bya ba'i tshigs bcad ni 'bangs la phan par lta ba'i tshigs
 bcad yin te/ 'bangs la phan pa 'og tu bshad pa ni mi rigs te/ sngar smos pa ni skye dgu la phan pa gtso bo yin pa'i phyir de ltar gong du bstan to/ /de'i 'og tu smos pa'i chos dang gags pa las ni 'gal bar gyur kyang phan pa las mi 'da' bar
 bstan pa'i phyir gtso bo yin te/ 'bangs la phan par lta ba ni gces pa'i phyir ro/ /de ltar phan pa de la zhugs pa dang de'i 'og tu chos dang/ de'i 'og tu grags pa'o/ /de bas na rim pa 'di ni bdag gis de ltar bstan to/ /e ma'o 'bangs rnams skal
 ba phun sum tshogs zhes bya ba ni ci'i phyir zhe na/ dpe med pa'i chos la rjes su dga' ba dang/ bde ba la ma chags pa de lta bus bsrungs pa thob pas so/ /dpe med pa ni dka' thub kyi nags na gnas pa la yang chos la dga' zhing bde ba la ma chags pa de
 lta bu dkon te/ dka' thub nags na gnas pa'i yon tan dag las shin tu lhag pa'i phyir ro/ /rgyal po chen po zhes bya ba ni tha mal pa ma yin te/ don ji lta ba bzhin gyi ming bstan pa'o/ /chen po'i sgra ni sngar smos pa de nyid bsgrub pa'i phyir smos pa yin
 te/ gang rnams bsrung ba'i rgyal po khyod ces bya ba'i las kyis so/ /de la ngo tshar che ba nyid med par bstan pa'i phyir/ rgya mtsho rin chen 'byung gnas bzhin zhes bya ba'i tshigs bcad yin te/ 'dis ni gzhan la med pa'i yon tan ston to// //
 slob dpon dpa' bos mdzad pa'i skyes pa'i rabs rgya cher bshad pa las myos byed ma'i skyes pa'i rabs so// //chos la gnas na zhes bya ba ni bden pa'i tshig gang gi gnas chos yin pa de ni/ bden pa'i
 cig gi chos la gnas pa'o/ /'dir chos zhes smos pas ni srog gcod pa las ldeg pa yin te/ de la gnas pa'i gang bden pa'i tshig de ni chos la gnas pa'i bden pa'i tshig yin no/ /'bras bu ni de'i 'bras bu lta smos kyang ci dgos zhes bya ba
 yin te/ de zhes bya ba ni gang bden pa'i tshig gi gnas srog chags la phan 'dogs par 'jug pa dang/ srog gcod pa las ldog pa'o/ /yang na bden pa'i tshig /de'i 'bras bu de ni de'i 'bras bu ste/ srog chags la phan gdags pa dang/ rnam par 'tshe ba las
 bzlog pa'o/ /chos kyi rjes su 'jug pa zhes bya ba ni bden pa'i tshig gis/ 'bras bur gyur pa'i chos kyi rjes su 'jug pa'o/ /yang na chos kyi srog gcod pa las slar ldog pa'o/ /de la gnas pa'i bden pa'i tshig gang yin pa de ni chos la gnas pa'i
 bden pa'i tshig ste/ de'i 'bras bu gang srog gcod pa las ldog pa nyid do/ /de bas na chos kyi rjes su 'jug par bya'o zhes bya ba yin te/ srog gcod pa las ldog pa'i mtshan nyid kyi chos kyi rjes su 'jug par bya'o zhes pa'o/ /rang bzhin gyis shes
 rab rno bas zhes bya ba ni shes rab dang snying rje rab tu bsgoms pa'i phyir byang chub sems dpa' ni rigs kyis shes rab shas che ba yin pas shes rab rno ba zhes smos so/ /rang bzhin dang rigs dang rgyu dang/ sa bon zhes bya ba rnam grangs so/ /rang
 bzhin gyis shes rab rno ba ni rigs kyis grub pa'i shes rab rno ba'o/ /gtsug lag khyad par can gang dang gang/ sgyu rtsal khyad par can gang dang gang zhes bya ba la/ khyad par can smos pa ni gtsug lag dang sgyu rtsal gyis sems can rjes su
 gzung bar byed pa yin te/ slob par 'dod pa de yang dag par bstan pa'i phyir/ de dang de dag la zhes bya ba yin te/ skye bo gzhan pas lhag par 'gyur zhes bya ba ni skye bo dra ma'i shes rab las kyang lhag par 'gyur ro zhes bya ba'i don te/
 shes rab rno ba gzhan pas zhes bya bas ni lhan cig skyes pa'i shes rab kyis kyang lhag par 'gyur ba yin te/ gzhan dag gi shes rab ni 'bad pa las byung ba'i zhes bya ba'i don to/ /nar ma dang glo bur ni
 nar ma dang glo bur ro/ /'byung bar 'gyur ba'i ltas ni 'byung bar 'gyur ba'i ltas so/ /'byung ba'i ltas dang mtshan ma ni 'byung ba'i ltas dang mtshan ma ste/ nar ma dang glo bur du 'byung ba'i ltas dang mtshan ma gang gis shes pa ni nar ma dang glo bur
 du 'byung ba'i ltas dang mtshan ma shes pa'o/ /bdag nyid chen po de skar ma rgyu ba la mkhas zhes bya ba nas brtsams te/ ji srid du rgya mtsho'i phyogs ni legs par rtogs zhes bya bas ni shes rab kyi khyad par bstan to/ /dran pa dang ldan zhing le lo
 dang gnyid ni chung zhes bya bas ni bsam gtan gyi pha rol tu phyin pa'i rtags bstan to/ /grang ba dang tsha ba dang char la sogs pa la ji mi snyam zhes bya ba 'dis ni bzod pa'i pha rol tu phyin pa'i rtags bstan to/ /sogs pa'i zhes smos pas ni
 bkres pa dang skom pa la sogs pa la ji mi snyam par gzung ngo/ /bag che la zhes bya bas ni brtson 'grus kyi pha rol tu phyin pa'i rtags bstan to/ /brtan pa dang ldan pa'i zhes bya bas ni tshul khrims kyi pha rol tu phyin pa'i rtags bstan to/ /sbyin
 pa'i pha rol tu phyin pa ni ci yang mi byed pa'i phyir rtags su ma smos so/ /drang ba la mkhas pa ni sngon du 'gro ba la mkhas pa'o/ /ldog pa la mkhas pa ni phyir nur ba la mkhas pa'o/ /sogs pa smos pas ni thang kar 'gro ba la sogs pa la
 mkhas pa'o/ /yang dag par pha rol tu phyin pa yin pas legs par pha rol tu phyin par byed pa ste/ 'dod pa'i yul du phyin par byed pa zhes bya ba'i don to/ /yang na don rab tu 'grub par byed pa'o/ /'dod pa zhes bya ba ni gang chas par
 brtsams pa'o/ /rgas pa'i dbang gis lta ba nyams gyur cing zhes bya ba 'dis ni gang gong du bstan pa'i bdag nyid chen po de skar ma dang rgyu skar la mkhas pa zhes bya ba nas/ rgya mtsho'i phyogs ni legs par rtogs zhes bya ba de'i nus pa med par
 bstan to/ /dran pa rab tu nyams zhes bya ba 'dis ni gang bstan pa'i dran pa dang ldan zhes bya ba de med par bstan pa'o/ /bdag gi lus kyi bya ba'ang nyam chung na zhes bya ba 'dis ni sngar bstan pa'i le lo dang gnyid ni chung zhes bya ba la sogs pa de
 med par bstan to/ /khyod kyi lus kyi gnas skabs de lta bu'o/ 'tshal te zhes bya ba'i tshig gis ni dran pa dang blo de'i gnas skabs nyid bstan pa'i phyir ro/ /bgrod dka' zhes bya ba ni ji lta bu'i mtshan nyid can gyi rgya mtsho ste/ rab tu zhes bya ba ni ji
 snyed kyi mtshan nyid can ston to/ /mtsho'i rdzings nang du zhugs zhes bya ba la ji lta bur zhe na/ rnam pa gsum pa'i mtshan nyid can te/ mdog dang/ 'gram pa ltar mi snang ba dang/ gting dpag dka' ba ste/ de gsum yang anda rnyil zhes bya
 ba'i tshigs bcad 'dis bstan pa yin no/ /nyi ma'i dkyil 'khor ni nyi ma'i dkyil 'khor ro/ /de'i 'od ni nyi ma'i dkyil 'khor gyi 'ong ngo/ /chung du gyur pa ni nyi ma'i dkyil 'khor gyi 'od de/ gang de chung du gyur pa de ni nyi ma'i dkyil 'khor gyi
 'od chung du gyur pa'o/ /de la ltas ngan chen po zhes bya ba ni ltas 'byung ba ste/ shin tu che ba nyid du bstan pa'i phyir/ rlabs ni rnam par 'khrug cing zhes bya ba'i tshigs bcad smos te/ rgyu gsum gyi ltas ngan chen po nyid du ston to/ mdog
 dang/ /sgra dang/ dbyibs so/ /de yang dbyibs ni chu kun tha mal 'dug las rab tu g.yos zhes bya ba'i tshigs bcad phyed kyis bstan to/ /chu kun tha mal 'dug na las rab tu g.yos zhes bya ba nyid bstan pa'i phyir/ ltas ngan glo bur
 langs pa'i rlung gis zhes bya ba'i smos te/ chu tha mal par 'dug pa las rab tu bskyod pa nyid ni sgra sgrogs pa dang/ tshad dang/ shugs dang/ 'gros kyis bstan pa yin te/ dkrugs pa dang ni 'gros te/ sna tshogs
 su 'gro ba'i phyir ro/ /'jing pa ni rab tu 'jigs su rung ba ste de'i rab tu 'jigs su rung ba ni/ glog phran 'gyu ba'i 'od 'bar lce g.yo ba zhes bya ba'i tshig gis bcad gsum gyis bstan te/ de'i rab tu 'jigs su rung ba ni sprin dang ba dang/ snang ba nub pa dang/ de'i mi mthun pa'i phyogs
 kyi ltas ngan 'byung ba ston pas so/ /glog phran 'gyu ba zhes bya ba 'di'i bsdus pa'i don ni mdog dang tshad dang/ sgra ste/ sprin gyi khyad par te/ glog phran 'gyu ba 'od 'bar lce g.yo ba zhes bya ba dang/ sngo ba zhes bya bas ni mdog bstan to/ /sprin gyis nyi ma'i lam
 yang bsgribs par 'gyur zhes bya ba 'dis ni tshad bstan to/ /sems stobs yon tan bsam pa bstan to zhes bya ba ni snying stobs nyid kyi yon tan gang yin pa de ni sems stobs yon tan te/ sems stobs kyi yon tan ji lta ba bzhin du bsam
 pa ni 'dod pa ste ston cing smra ba'o/ /de dag skrag cing dpa' gong mi smra zhum zhes bya ba ni sems can dman pa'i dbang du byas pa'o/ /brtan po dag ni thar pa'i thabs la 'bad ces bya ba ni sems can dam pa'i dbang du byas pa'o/ /kha cig rang gi lha la
 gsol ba 'debs zhes bya ba ni bar ma'i dbang du byas pa'o/ /'jigs pa dang bag tsha ba ni 'jigs shing bag tsha ba ste/ sems dang lus la go rims bzhin du'o/ /de gnyis kyis ci bya gtol med pa ni 'jigs shing bag tsha bas ci bya gtol med
 pa'o/ /ltas ngan blo bur du byung ba ltas ngan blo bur du gyur par byung ba'o/ /ltas ngan blo bur du byung ba yin la 'khrugs pa yang yin pas ltas ngan blo bur byung bas 'khrugs pa'o/ /de ni rgyus nyon mongs par gyur ba ni ltas ngan blo bur du byung bas
 'khrugs shing nyon mongs par gyur pa'o/ /'di lta bus zhes bya ba ni ngo mtshar mi che ba'i phyir ro/ /zhum pas phongs las thar la mi phan gyis zhes bya ba ni gang sngar bstan pa de dag skrag cing mi smra bas dpa' gong zhum zhes bya ba de'i dbang du byas pa'o/ /mya
 ngan gdung bar ma byed par zhes bya ba ni gang sngar bstan pa'i rang gi lha la gsol ba 'debs zhes bya ba de'i dbang du byas pa ste/ gang gi phyir mya ngan dang gdung bas ni rang gi skyes bu byed pa nyams par 'gyur zhing lha la gsol ba mchog tu 'dzin pas
 kyang ngo/ /brtan byas na zhes bya ba ni gang sngar bstan pa'i/ brtan po dag ni thar pa'i thabs la 'bad ces bya ba de'i dbang du byas pa'o/ /'jigs pa dang mi dga' ba ni 'jigs shing mi dga' ba'o/ /mkhas pa ni thabs shes pa'o/ /gzi brjid brtan
 pas zhes bya ba ni skyes bu byed pa'i gzi brjid kyis te gzengs bstod pa'o/ /don thams cad grub pa lag pa'i rtse la yod pa de ni don rnams grub pa lag na yod pa'o/ /steng du 'byung ba na gyen du 'byung ba'o/ /'jug pa ni nang du 'jug pa'o/ /g.yo ba ni
 thad kar 'gro ba ste/ de dag gi zhar ni zhar yin te steng du 'byung zhing nang du 'jug pa'i zhar la'o/ /de bas na bdag cag yul ni gnyi ga las zhes bya ba ni 'di ltar bdag cag yul gang las byung ba dang/ gang du 'gro bar 'dod pa'i yul lo//
 'bab pa'i chu ni rgyun no/ /nub phyogs nas zhes bya ba ni nub kyi phyogs nas so/ /dngul gyi mdog ni dngul gyi kha dog ste/ de dang 'dra ba'i chu dkar po gang yin pa de ni dngul gyi mdog 'dra ba'i chu dkar po'o/ /dbu ba mang po 'khrigs shing skya ba
 de ni dbu ba mang po 'khrigs shing skya ba'o/ /'o ma'i rgya mtsho zhes bya ba de ni 'jig rten pa rnams kyis de ltar ming du brjod pa ste/ zho'i phreng ba zhes brjod do/ /mi mthun pa'i rlung gis zhes bya ba ni 'dod pa'i yul dang mi mthun par gyur pa zhes
 bya ba'i don to/ /gser gyi mdog 'dra ba rlabs kyi phreng ba rab tu 'khrugs pa gang yin pa de ni rlabs kyi phreng ba rab tu 'khrug pa'i gser gyi mdog 'dra ba'o/ /me 'bar ba nyid ser skya yin pas chu'i mdog
 me 'bar ba ser skya de chu de'o/ /sngo ba ma yin te zhes bya ba ni rang bzhin gyis dmar ba yin pas sngon po dgag pa ste/ gnas skabs kyi dbang gis de dmar bar rtogs par bya'o/ /spur len dang anda rnyil ni/ spur len dang anda rnyil lo/ /de gnyis
 kyi mdog gang la yod pa de ni spur len dang anda rnyil gyi mdog go /de gnyis dang 'dra ba'i chu gang yin pa de ni spur len dang anda rnyil gyi mdog 'dra ba'o/ /chu de yongs su smin pa'i ku shu dang 'dra ba'i kha dog kyang yod pas so/ /smyig ma'i mdog
 dang/ beDUrya'i 'od ni smyig ma'i mdog dang beDU rya'i 'od do/ /de dang 'dra ba ni mthun par snang ba ste/ sngo ba'i chu gang yin pa'o/ /rgya mtsho yang bla 'og bzlog pa 'dra'o/ /zhing zhes bya ba ni khas bub tu'o/ /ser ba drag po 'bab pa 'dra zhing zhes bya ba
 ni shin tu 'jigs su rung ba'o/ /smyig ma'i tshal mes tshig ste tog yar 'gengs pa dang 'dra bar thos nas kyang rab tu skrag cing 'dar ba'o/ /g.yangs bzhin du zhes bya ba ni myur du ltung ba'i phyir ro/ /gcong rong bzhin du zhes bya ba ni bsdus nas ltung
 ba'i phyir ro/ /bdag cag rna ba gas shing zhes bya ba'i tshig rkang 'dis ni gang gong du bstan pa'i 'jigs pa byed pa thos par 'gyur ces bya ba de nyid bstan pa yin no/ /chu'i bdag po khros pa 'dra ba'i zhes bya ba'i tshigs rkang 'dis ni gang de sngar bstan pa'i
 me tog yar gyis 'gengs pa 'dra ba'i sgra che zhing zhes bya ba yin no/ /'jigs su rung ba ni de'i sgra shin tu che bas 'jigs su rung ba nyid du bstan pa ste/ de nyid 'dis bstan pa'i phyir/ chu 'di thams cad gcong rong 'jigs pa'i zhes bya ba yin te
 'di ni gang de sngar bstan pa'i 'dzings chen po de g.yang sa dang gcong rong gi nang du bab pa zhes bya ba de nyid ston to/ /mngon song zhes bya ba ni nye bar gyur pa yin te/ nye bar phyogs shing mngon du bltas pa 'am mngon du phyogs pa ni mngon song ngo/ /lha
 dbang gus pas phyag 'tshal zhes bya ba la/ nyi ma zhes smos pas lha thams cad grub mod kyi/ so sor smos pa ni lha'i bdag po yin pa'i phyir ro/ /phongs par gyur la 'jigs pa med pa zhes bya ba ni sbyor ba phun sum tshogs pa'o/ /gzhan la phan
 'dogs yon tan bsags pa'i zhes bya ba ni bsam pa phun sum tshogs pa'o/ /yang na tshig rkang dang pos ni yongs su skyob pa'i nus pa bstan to/ /gnyis pas ni byed par 'dod pa nyid bstan to/ /khyod kyi mthu chen po khyad par can zhes bya ba des
 ni rnam pa gnyis te/ sbyor mtshan nyid kyi nus pa 'am/ byed par 'dod pa'i mtshan nyid do/ /nyam thag pa'i sdug bsngal nyid do/ /mgon med skyabs med par gyur pa'o/ /skyabs su mchis zhes bya ba ni yongs su skyabs pa'i don du ste/ rgyu 'di gsum
 gyis ni bdag nyid snying rje'i gnas su ston pa yin no/ /da ni bcos pa'i ched nyid las brtsams nas/ skye bo chab kyi nang du 'gum pa 'di zhes bya ba'i tshigs bcad yin te/ de bas zhes bya ba ni khyod kyi bka' las mi 'da' bas na'o/ /bsad par bdag
 ni yong mi dran zhes bya ba ni dus de yan chad du'o/ /bdag ni sheng bye tshun chad du zhes bya ba ni sheng bye zhing go ba nas brtsams pa'o/ /bdag gi bsod nams mthu dag gis zhes bya ba ni srog gcod pa las ldog pa'i rgyu de'i bsod nams kyi stobs so//
 yang na skye ba du ma nas bsags pa'i bsod nams de'i mthus so/ /gang sngar bstan pa'i chos la gnas na bden pa'i tshig tsam gyis kyang ma rung par 'gyur ba las thar par 'gyur na de 'bras bu lta ci smos zhes bya ba de yang gsal bar byed
 pa yin no/ /gzhal med khang mdzes pa'i tshul du zhes bya ba ni mthun pa'i rlung gis 'gro ba dang chos mthun pas so/ /yang na drang dgar zhes bya ba ni rlung gi dbang ma yin par de'i bden pa'i byin gyi bsod nams kyis yongs
 su bzung bas so/ /nyi ma nub pa'i lam zhes bya ba ni nam mkha' o/ /slob dpon dpa' bos mdzad pa'i skyes pa'i rabs rgya cher bshad pa las legs par pha rol tu phyin pa'i skyes pa'i rabs so// //tshul khrims dang ldan pa zhes bya
 ba ni nyar skyes pa 'di nyid du de'i tshul khrims bzung ba yin te/ zas su gyur pa'i ni nang gi nya dag las so/ /mir gyur pa gzhan dag la ni dge ba dge ba dang mi dge ba dang mi dge ba'i las la goms pa 'di lta bu med pa yin te/ tshe rabs gzhan dang gzhan du goms
 par byas pa'i phyir ro/ /de lta bu dag ces bya ba ni dge ba dang mi dge ba'i las rnams so/ /ma bsgribs kyang zhes bya ba ni goms par byas pa'i phyir te/ rmi lam gyi nang bzhin du ston pa'i phyir ro/ /byams pa zhes bya ba 'dis ni bsam pa phun sum tshogs pa bstan
 to/ /sbyin pa dang/ tshig 'jam po dang/ don spyod pa la sogs pa'i rim pas rab tu phan 'dogs par 'gyur ro zhes bya ba 'dis ni sbyor ba phun sum tshogs pa bstan to/ /'dir ji ltar sdu ba'i dngos po bzhis phan 'dogs pa'i don yin zhe na/ mthun par
 bdag dang gzhan la phan 'dogs par 'jug pa ni 'di dag gi bsdus pa'i don te/ 'dir ni gzhan la phan 'dogs par rang 'jug pa 'ba' zhig gi dbang du byas pa'o/ /rim pa zhes smos pa ni 'dul ba'i skye bo la sngon du sbyin par bya ba yin no/ /de
 nas tshig 'jam pos yang dag par gzengs bstod par bya'o/ /de'i 'og tu rab tu zhugs par gyur pa rnams la don spyod pas gang du de 'dzin du bcug cing de'i grogs byed pa yin te bsdu ba'i dngos po de'i rim pa ni 'di yin no/ /de nas byang chub
 sems dpa' i phan 'dogs pa khyad par du gyur pa'o/ /thabs la mkhas pa ni shes rab kyis so/ /rigs pas zhes bya ba ni brtson 'grus kyis so/ /de gnyis kyis ni rtag tu byed pa dang gus par byed pa bstan to/ /nya rnams kyi chos kyi tshul ni nya za bar byed
 pa'o/ /nya'i rigs de la legs par bskyangs pas rab tu dar zhing rgyas pa yin te/ ci'i phyir zhe na/ gnod pa med pa'i phyir ro/ /ji lta bur zhe na/ mi'i bdag pos tshul bzhin spyod pas yongs su bskyangs pa na 'bangs rnams gnod pa bzhin no/ /skal ba
 med par gyur pa zhes bya bas ni rgyu ma tshang bar ston to/ /char 'bebs pa'i lha'i bu bag med pa zhes bya bas ni rkyen ma tshang bar ston te/ rgyu dang rkyen rnam pa gnyis las ni dngos po thams cad 'byung ba yin te gzhan du ni ma yin no/ /dal zhing le lo'i
 dbang gis bul bar gyur pa 'dra ba'i zhes bya ba ni nyi ma ring zhing so ga'i dus su 'gros bul ba'i phyir ro/ /ji ltar 'jig rten pa rnams dal ba dang le lo'i dbang du gyur na myur du 'da' bar byed mi nus so/ /de bzhin du nyi ma'i dkyil 'khor yang de lta
 bus 'jug pa'i phyir ro/ /des na yang skom pa'i dbang gis nyin re bzhin 'thungs pa bzhin du zhes bya ba ni sa dang klung gnyis la nyi ma'i 'od kyis gdungs pa'i drod kyis so/ /tsha ba dang skom pa'i dbang gis bsal ba 'dod pas nyi re zhing 'thungs
 pa bzhin zhes bya ba de nyid bsgrubs pa'i phyir/ dpyid kyi dus kyi nyi ma 'bar ba dang zhes bya ba'i tshigs bcad de sngar smos pa'i tshig rkang gi don 'dis te/ rgyu 'di gsum gyis chu skam par 'gyur gyi gzhan du ni ma yin no/ /khra rnams kyang zhes
 bya ba ni chu las ring du spyod pa'o/ /chu yang nyi re zhing zhes bya ba dang/ bros te 'gro ba'i lam yang med ces bya ba'i tshigs bcad kyis ni nya rnams rnam par 'jig pa'i rgyu ma lus par bstan te/ rgyu gsum gyis dgra las thar bar mi 'gyur
 pa yin te/ dgra rnams stobs che zhing gnas na 'dug pas skyabs med pa'i dbang du byas nas/ chu yang nyi re bri bar gyur ces bya ba'i tshigs bcad yin te/ sngar gnas pa'i chu zad pa dang/ chu phyi ma ma
 byung bas so/ /tshigs bcad gnyis pas ni de yul gzhan du 'gro mi nus pa dang/ dgra dang nye bar gnas par bstan to/ /yul gzhan du 'gro bar mi nus pa'i rgyu ni gnyis te/ rang gi skyes bu'i byed pa 'am/ gzhan gyi dpung ste gnyis ga med pa'o//
 bdag cag brlag par dga' ba'i zhes bya ba'i tshigs bcad phyed kyis na dgra dang nye bar gnas pa ston to/ /nag po'i sprin rnams ri bo'i grib ma bzhin zhes bya ba la sogs pa'i tshigs bcad lnga ni char 'bab ba'i rtags kyi dbang du byas pa dang
 char 'bab pa'i dbang du byas pa ste/ char bab pa'i rtags kyi dbang du byas nas/ nag po'i sprin rnams ri bo'i grib ma bzhin zhes bya ba'i tshigs bcad dang/ 'bru'i rnga sgras rab tu dga' 'gyur nas zhes bya ba dang/ de yis char phab mu tig
 gtor ba zhes bya ba 'di dag ni char phab pa'i rtags bstan to/ /'brug gi rnga sgra bzhin du zhes bya ba'i tshigs bcad 'di ni go rims bzhin du gnas pa yin te/ de'i go rims ni rma bya rab dga' ze ba 'brel pa zhes bya ba'i 'og tu 'od bri bar
 bya'o/ /char 'bab pa'i dus kyi rtags ni rnam pa lnga ste/ sprin langs pa dang/ 'brug zer ba dang/ glog dang/ char dang/ rlung ste/ go rims ji lta ba bzhin sbyar bar bya'o/ /dbab pa'i dbang du byas na ni dpyid kyi dus la bab par rnam par spel kyang
 dpyid kyi dus kyi tsha ba nye bar zhi ba ste/ char bab pas so/ /dpyid kyi dus la bab pas zhes bya ba 'dis ni char bab par byed pa bstan to/ /'di ltar sngar bstan pa'i rtags nyid la 'jug par 'dod pa yin te/ de bstan pa'i phyir/ char sprin
 'brug sgra zab cing bstan zhes smos te/ char sprin 'brug sgra zhes bya ba 'dis ni sprin dang 'brug sgra nyid bstan to/ /char pa'i rgyu rnams zhes bya ba 'dis ni char bstan to/ /glog 'gyur ba 'bar ba zhes bya ba 'dis ni glog bstan to/ /ci'i phyir rlung 'dir
 ma smos zhe na/ rlung med par yang 'bab pa'i phyir te/ de ni de la 'jigs pa med pa'i phyir ro/ /slob dpon dpa' bos mdzad pa'i skyes pa'i rabs rgya cher bshad pa las nya'i skyes pa'i rabs so// //brtson
 par bya ba ni goms par bya ba'o/ /mi nus pa ni spro ba med pa'o/ /sgo nga'i spubs nas byung nas zhag grangs mang po ma lon pa gang yin pa ste/ 'dis na tshod bstan to/ /spu sar pa gdong skye ba gang yin pa des ni 'gro ba'i bya ba mi nus pa bstan to/ /rab
 tu ring bas zhes bya ba yang 'gro mi nus pa'i rgyu nyid de/ 'dab gshog rnams kyang rgyas zhes bya ba ni 'phur du rung ba'i gshog pa yod pas so/ /thams cad za zhing zhes bya ba ni/ kha zas ci yang rung ba za ba ste/ des na mi 'chi zhing rtas par 'gyur
 te/ bcom ldan 'das kyis kyang gsungs pa/ bkram zhing bya rog ltar dpa' ba/ /ngo tsha med pa legs par 'tsho/ /brnab cing spyi brtol che ba yi/ /'tsho ba shin tu nyon mongs ldan zhes bya ba ni chos ma yin pa byed pa'o/ /rtag tu skyon med tshol
 ba dang/ zhum zhing bag dang chas pa dang/ 'tsho ba skyon med lta ba dang/ ngo tsha shes pa'i 'tsho mi bde/ chos dang ldan pas chos shes pa'i phyir ro/ /gar gyi khyad par mdzes pa yin pas gar mdzes pa'o/ /ming don med pa gang yin pa de ni ming
 don med pa'o/ /ming don med pa'i rkang pa gang yin pa de ni rkang pa ming don med pa'o/ /rkang pa ni 'gro bar byed pas na rkang pa ste/ de'i nus ba med pa'i phyir ming don med pa nyid de/ 'dis ni 'gro bar mi nus pa'o/ /bdag gi rkang pa ming don med pa
 dang/ 'dab ma med pa 'di gnyis kyis 'gro bar mi nus par bstan to/ /pha ma gnyis kyang zhes bya ba ni/ pha dang ma gnyis so/ /byer zhes bya ba ni yul gzhan du song ba ste/ 'dis ni bral bar ston to/ /bdag
 kyang re zhig 'di lta bu'i gnas su gyur pa ste/ khyod la 'gron byar rung ba ci 'ang med ces bya ba 'dis ni khyod la 'ong ba yang rgyu med pa yin no zhes bstan te/ de bas na zhes bya ba rgyu de gnyis na'o/ /rgya mtsho zhes bya ba dang/ bdag la phan par 'dod
 pa zhes bya ba gnyis kyis ni dpe smos pa yin te/ sems can dang sems can ma yin pa'i dpe rnam pa gnyis bstan te/ de dang rigs mi mthun pa dper rab tu grags pas chos mthun pa'i dpe bstan pa'i phyir ro/ /slob dpon dpa' bos mdzad pa'i
 skyes pa'i rabs rgya cher bshad pa las bya sreg pa'i phrug gu'i skyes pa'i rabs so// //nyes pa du ma 'byung ba zhes bya ba ni nyes pa du ma bskyed pa'i phyir zhes bya ba'i don to/ /shin tu ma rung bar 'gyur ba'i
 phyir zhes bya ba ni gnod pa ste/ gzhan dag pas shin tu sdig par byung ba'i phyir ro/ /dge ba rnams zhes bya ba ni byang chub sems dpa' o/ /snying rje chen pos yongs su bsgos pa'i blo zhes bya ba ni snying rje chen pos spags pa ste/ 'dis ni bsam pa phun
 sum tshogs pa bstan to/ /gzhan la phan zhing bde ba byed pa la dga' ba zhes bya ba 'dis ni sbyor ba phun sum tshogs pa bstan to/ /bsod nams spel ba nyams su len pa zhes bya ba ni bsod nams kyi tshogs spel zhing sgrogs pa'o/ /sbyin pa dang dul
 ba dang zhi ba zhes bya bas ni pha rol tu phyin pa gsum bstan to/ /sbyin pas ni sbyin pa'i pha rol tu phyin pa bstan to/ /dul bas ni tshul khrims kyi pha rol tu phyin pa bstan to/ /zhi ba ni khro ba nye bar zhi ba'i mtshan nyid de/ bzod pa'i pha rol
 tu phyin pa bstan to/ /sogs pa smos pas ni brtson 'grus kyi pha rol tu phyin pa bstan to/ bsod nams dang ye shes kyi tshogs gnyi ga la 'jug pa'i phyir ro/ /phun sum tshogs kyang zhes bya ba ni lha'i dbang po'i go 'phang thob ste longs spyod ci 'dod
 pa dang ldan par gyur kyang ngo/ /snying rje'i dbang du gyur pas zhes bya ba ni sngar bstan pa'i bsam pa phum sum tshogs pa bstan to/ /'jig rten gyi don la brtson pa lhod par ma 'gyur to/ /zhes bya bas ni sngar bstan pa'i sbyor ba phun sum tshogs pa bstan
 to/ /dpal dang ldan pa nyid chang yin pas dpal ldan chang gis zhes pa'o/ /des myos pa ni dpal ldan chang gis myos bzhin no/ /dpal dang ldan pa chang gis sems su yongs su dkrugs te bdag gi don yang 'dor ba ni bag med pa'o/ /bag yod rnams ni
 zhes bya ba ni bag dang ldan pa yin te/ tshul khrims dang gzhan gyi don du'o/ /bag yod pa nyid du bstan pa'i phyir/ sdug bsngal mang pos gdungs pa'i sems can la zhes smos te/ 'di'i bsdus pa'i don ni snying rje dang/ brtan pa dang shes rab
 kyi yon tan dang ldan pa'i phyir gzhan gyi don spyod pa yongs su mi brjod pa'o/ /sems can la brtse zhing rang gi bde ba la ma chags pa dang/ brtan pa la gnas pa'i spyod pa dang/ shes rab kyi rang bzhin shes pas so/ /snying rje ba ni mi dge
 ba'i lam las bzlog pa'i don du gnyer ba'o/ /byams pa ni phan pa dang bde ba la 'jog pa'o/ /mthu che ba'i mig gis zhes bya ba ni lha'i mig gis so/ /mi dge ba'i bshes gnyen la brten pa'i skyon gyis zhes bya ba ni rkyen las 'byung ba'i phyir
 rang nyid kyis ni ldog par mi nus pa nyid de/ de bas na skyon zhes bstan to/ /blon po dang 'bangs su bcas par zhes bya ba ni skye bo mang po la gnod pa yin te/ de'i skyon gyis so/ /de la zhes bya ba ni chang 'thung ba la'o/ /skyon du yang mi lta bar
 gyur pa zhes bya ba ni skyon du lta ba'i nus pa las nyams par ston to/ /skyon che ba zhes bya ba 'dis ni de nyid ston par byed pa yin no/ /'di dag thams cad ni bsam pa'i don gyi rgyu yin te/ 'thungs na thog
 mar rab tu zhim zhes bya ba 'di dgar smras so/ /thog mar zhim pa ni skyon du lta ba la rmongs pa yin/ phyi nas rjes su 'brel ba'i nyes pa la ni rmongs par gyur pas so/ /legs par 'gyur ba zhes bya ba ni mngon par mtho ba dang/ nges par
 legs pa gnyis la gzung ngo/ /yang na log pa'i lam bzhin zhes bya ba ni lam ngan pa bzhin du'o/ /cung zad rtsub pa zhes bya ba ni cung zad rtsub pa'o/ /ral pa'i thor tshugs yin pas na skra'i thor tshugs so/ /gyen du 'dud pa'i phyir 'khyil
 ba'o/ /cung zad rtsub pa yang yin la 'khyil ba yin pas cung zad rtsub la 'khyil ba'o/ /skra'i thor tshugs cung zad rtsub la 'khyil ba ga la yod pa de ni skra'i thor tshugs cung zad rtsub pa 'khyil ba can no/ /shing gi shun lpags
 dang/ ri dwags a dzi na'i lpags pa gnyis gyon pa'o/ /chang gis gang ba ni chang gis gang ba ste/ bum pa yang mngon par sprul lo/ /rim gro bskyed pa zhes bya ba ni 'dra ba'i rim gro bskyed pa ste/ rjes su mthun pa'i rim gro zhes bya ba'i don
 to/ me tog gi phreng ba mgul na bkod pa gang yin pa de ni me tog gi phreng ba 'gul na bkod pa'o/ /rgyan gyis brgyan pa yin te/ gang gi zhe na/ bum pa'i rgyan gyis te/ bum pa'i rgyan ni rna ba la brgyan pa'o/ /khyod kyi sku zhes bya ba ni cha byad do/ /de bas
 na zhes bya ba ni 'og nas bstan pa'i rgyus so/ /khyed cag 'jig rten gzhan la gang mi 'jigs shing zhes bya ba la sogs pa yin pa'i phyir ro/ /nged la zhes bya ba ni mi rnams la'o/ /khyod lta bu zhes bya ba ni lha'o/ /'di ni chu dang zhes bya ba la
 sogs pa'i tshigs bcad de ni chang 'thung ba'i phyir gzhan btung bar bya ba la zho la sogs pa mi 'dod pa yin pas de dag gis dga' ba ma yin pa bstan pa'i phyir dang/ chu la sogs pa na 'jig rten pa dag la rab tu bsngags pa yin te de nas 'di
 dag smos so/ /gang gong du bstan pa de la skyon du yang mi lta bar 'gyur la/ chang 'thung ba yang skyon che bar mthong nas zhes bya ba ni chang gi skyon che ba yang dag par bstan pa'i phyir tshigs bcad bcu bdun gyis bstan pa ste/ de la chang gi skyon yang rnam
 pa gnyis te/ mthong ba'i chos kyi dang/ de las skye ba gzhan pa'o/ /de las mthong ba'i chos kyi nyes dmigs kyi dbang du byas nas tshigs bcad bcu gsum yin te/ mthong ba'i chos kyi skyon la yang rnam pa gnyis te/ bya ba mi 'phel ba'i skyon shi ba ltar
 gyur pa dang/ bya ba ma yin pa la 'jug pa myos pa ltar gyur pa'o/ /de la bya ba mi 'phel ba'i skyon gyi dbang du byas pa'i go rims mdor bstan pa ni tshigs bcad gcig go/ 'jig rten pha rol gyi nyes dmigs kyi dbang du byas pa'i go rims mdor
 bstan pa yang tshigs bcad gcig go/ de la bya ba mi 'phel ba'i dbang du byas pa'i tshigs bcad bdun po rnams bsdus pa'i don ni 'di yin te/ slob dpon btsun pa gzhan la phan pa dbyangs kyis mdo sde rgyan gyi nang du chang 'thung ba'i nyes pa'i dbang du
 byas nas gsungs te/ de ni tshigs bcad 'di dag bsdus pa'i don yin te/ ji skad du/ gang gi 'thungs pas lus rnyog dran phrogs tshul las 'da' ba dang/ /blo rmongs ngo tsha'i chos gcod 'du shes nyams shing rigs bslad 'gyur/ /dga' mchog nyams
 zhing zhe sdang skyed par byed pa gang zhig gis/ /'thungs na myos par 'gyur zhing dran nyams de ni 'chi bzhin gnas zhes bshad do/ /de bas na tshigs bcad 'di'i go rims kyis mtshon pa 'dis ni/ gang zhig 'thungs na ra ro blong nas zhes bya ba la sogs
 pa'i tshigs bcad dag gi don bstan pa yin no/ /lus rnyogs zhes bya ba dang/ dran pa 'phrog pa dang/ tshul las 'da' ba zhes bya ba ni gang gi phyir 'chi bar 'gyur na yon tan 'di dag nyams pa yin te/ de bzhin du chang
 'di 'thung na yang ra ro blong nas gom pa dbang med 'dor zhing 'gro ba dang/ yul phyogs ma 'dris par yang 'khyam zhing rdeg 'chos zhes bya ba yin te/ 'dir ni sngar bstan pa'i lus rnyogs zhes bya ba de bstan pa yin no/ /dran pa nyams pa zhes bya ba 'dis
 ni gong du bstan pa'i dran pa 'phrog cing zhes bya ba de nyid ston to/ /bza' dang mi bza' dpyad pa med par de dang de dag zar 'gyur ba zhes bya ba 'dis ni gang gong du bstan pa'i tshul las 'da' ba zhes bya ba de ston to/ /tshigs bcad kyi don gang sngar bstan
 pa'i ngo tsha'i chos gcod zhes bya ba de'i dbang du byas nas tshigs bcad gnyis yin te/ gang gis bdag gi sems la dbang med ces bya ba dang/ 'thungs na gang gis bdag gi tshe ngo tsha 'os pa'ang 'dor zhes bya ba'i tshigs bcad gnyis te/ ngo tsha'i chos
 zhes bya ba ni khrel yod pa yang 'di yin no/ /sngar bstan pa'i blo rmongs par byed ces bya ba 'di ni khrel med pa'i dbang du byas nas gsungs pa ste/ gang gis bdag gi sems la dbang med blo nyams rnam par 'khyam zhes bya ba'i tshigs bcad
 yin no/ /gang gi phyir shi na ni blo la khrel yod pa med de/ des na bdag gi sems la dbang med blo nyams rnam par 'khyam zhes te/ 'dis ni gang sngar bstan pa'i blo rmongs par byed ces bya ba de nyid bstan to/ /phyugs dang 'dra bar blun zhing dgra
 bos 'phyas kyang byas par 'gyur/ gang gis 'dun sar gar byed 'gyur zhing rang gi khar rnga brdung zhes bya ba'i tshig 'di gnyis kyis ni khrel yod pa gcod par bstan to/ /ngo tsha'i chos gcod pa'i dbang du byas nas 'thungs na gang gis bdag
 gi ngo tsha 'dor zhes bya ba'i tshigs bcad yin te/ bdag gi ngo tsha ba ni 'dzem pa yin te/ bdag nyid la bltos nas 'dzem pa la bdag gi ngo tsha ba zhes brjod de bdag gi dbang du byas nas kha na ma tho ba la 'dzem pa zhes bya ba'i tshig gis so/ /gang 'thungs na
 ni zhes bya ba'i tshigs bcad 'di ni gang gong du bstan pa'i 'du shes nyams par 'gyur zhes bya ba de'i dbang du byas pa ste/ 'du shes nyams par gyur pa ni dran pa med par zhes bya ba'i tshig gis so/ /gang zhig 'thungs na myos te zhes bya ba'i tshigs bcad
 kyis ni gang gong du bshad pa'i rigs bslad ces bya ba de'i dbang du byas pa ste/ 'di ltar bud med la 'phyos par gyur pas rigs bslad par 'gyur ro/ /gang zhig 'thungs na myos pa dran brlag ste zhes bya ba'i tshigs bcad 'dis ni dga' mchog
 nyams zhes bya ba de'i dbang du byas pa ste/ dme byung nas zhes bya ba'i tshig gis so/ /gang la chags na dpal gyi gzhir gyur rigs zhes bya ba'i tshigs bcad 'dis ni zhe sdang skyed par byed pa de'i dbang du byas pa ste/ gang gi phyir zhe sdang las rigs gcod
 par byed pas so/ /blo bur du du zhing bya ba la sogs pa'i tshigs bcad drug gis ni/ gang zhig 'thungs nas bya ba nyams zhing bag tsha ba med chos mi spyod/ don med phung khrol shes shing 'dul dang mi ldan brnyas la gnas min rdeg /du la rmongs shing smra dang 'don
 zlos rgod byed spyo 'gyur yon tan dag /ma lus 'phrog byed ya rabs ngo tsha can dag su zhig 'thungs par byed ces bya ba'i tshigs bcad 'di ni bsdus pa'i don yin te/ de las blo bur du zhing 'dug la zhes bya ba'i tshigs bcad 'di ni brnyas pa la sogs
 pa de'i dbang du byas pa yin no/ /rgas par gyur kyang gang gis /sems nyams shing zhes bya ba'i tshigs bcad 'di ni 'dul dang mi ldan zhes bya ba de'i dbang du byas pa'o/ /gang gi nyes pas sngon gyi lha rnams zhes bya ba'i tshigs bcad 'di ni bya ba nyams
 zhes bya ba de'i dbang du byas pa'o/ /mi bden pa yang bden pa bzhin du ngo 'thon smra zhes bya ba'i tshigs bcad 'dis ni chos mi spyod ces bya ba dang/ phung khrol don med shes shing zhes bya ba de'i dbang du byas pa'o/ /de la
 mi bden pa yang bden pa bzhin du ngo 'thon smra zhes bya ba dang/ mi bya ba yang bya bzhin dga' bzhin byed ces bya ba'i tshigs bcad 'dis ni chos mi spyod ces gang bstan pa de nyid bstan pa yin no/ /gang gi lan gyis yon med phyin ci log tu shis zhes
 bya ba 'dis ni phung khrol don med ces bya ba sngar bstan pa de nyid bstan to/ /myos 'gyur rig sngags zhes bya ba'i tshigs bcad 'dis ni gang sngar bstan pa'i gnas min rdeg cing myos 'gyur yon tan 'phrog byed ya rabs su zhig 'thung bar byed ces bya bar
 de dag gi dbang du byas pa'o/ /gang gis blo ni rab tu nyams gyur nas zhes bya ba'i tshigs bcad 'di ni bag tsha ba med ces bya ba gang sngar bstan pa de'i dbang du byas pa'o/ /'dir bag tsha ba med pa ni mi 'jigs pa ste/ mtshams med pa lnga'i las
 kyis ngan 'gror 'gro bas zhes bya ba'i don te/ tshigs bcad 'di gnyis kyi don mdo sde rgyan las blangs pa yin te/ gzhung rab tu mangs kyis dogs nas bskabs ma yin pa mang po ni 'dir ma dris so/ /'di dag gi go rims kyi rgyu ni dang por
 lus dang zungs ni gzhi yin pa'i phyir lus dri ma can du byed pa zhes bstan pa de nyid do/ /de'i 'og tu ni dran pa gtso bo yin pa'i phyir ro/ /lus dang dran pa nyams pa'i 'og tu ni tshul khrims dang mthun pa'i rigs ba zhes bya ba'i dbang du byas
 nas smras pa'o/ /de'i 'og tu khrel yod pa dang ngo tsha shes pa ni 'jig rten bsrung ba'i phyir ro/ /gnyis pa de'i 'og tu ni 'du shes nyams pa'o/ /de nas rigs bslad par gyur pa ni sems can thams cad kyi nyes pa'i rgyu yin pa'i phyir ro/ /da ni
 dga' mchog nyams zhes bya ba dang/ zhe sdang skyed pa zhes bya ba de gnyis smos pa yin te/ skye bo nye du dang nye du ma yin pa rnams kyang gcig rnam par 'jig pa'i rgyu yin pa'i phyir ro/ /de ltar re zhig tshigs bcad bdun gyi go rims kyi rgyu bstan nas/ da ni
 tshigs bcad drug gi go rims kyi rgyu bstan par bya ste/ gzhan dag la brnyas pa yin pas yongs su brnyas pa ste/ de brnyas pa 'byung ba'i rgyu'o/ /de'i 'og tu 'dul dang mi ldan pa yin no/ /de'i 'og tu ni bya ba nyams pa'o/ /de'i 'og tu ni chos mi spyod par
 ro/ /de'i 'og tu ni tshul khrims mi shes pa ste/ mi'i 'jig rten du skal ba nyams pa yin na yang ngan par gyur pa dang/ 'jig rten pha rol tu yang mtshams med pa'i las kyi rgyu 'di 'byung ba'o/ /de ltar tshigs bcad drug gi go rims kyi rgyu 'di dag go/
 de ltar tshigs bcad bcu gsum po 'di rnams kyis don bsdus pa'i tshigs bcad gcig ste/ mi'i bdag po chang 'di de 'dra yang zhes bya ba yin no/ /da ni 'jig rten pha rol gyi nyes dmigs kyi dbang du byas nas gang zhig brten na ngan pa spyod par
 'gyur zhes bya ba dang/ chad de nyung ngu 'thungs kyang/ zhes bya ba'i tshigs bcad gnyis te/ gang zhig bsten na rab tu 'jigs par ltung zhes bya ba ni sngar bsten ma thag pa'i gang zhig blo ni nyams rab tu gyur nas zhes bya ba'i tshigs bcad de'i mtshams
 med pa'i las kyis ngan song gi 'gro bar 'jug pa yin te/ las de byas nas dmyal ba la sogs pa'i ngan song rnam pa gsum du 'gro bar 'gyur ste/ de ltar 'gro ba'i las kyang chung ngu dang 'bring dang chen po'i dbye bas so/ /bsten pa zhes
 bya ba ni chang bsten pa'o/ /ngan pa spyod par 'gyur zhes bya ba ni lus kyi las la sogs pa rnam pa gsum ngan par spyod par 'gyur ba'o/ /yang na gang zhig bsten na ngan pa spyod par 'gyur zhes bya ba ni chang 'thung ba nyid ni ngan pa spyod par 'gyur pa
 nyid de/ de nyid shas che ba la sogs pa bsten pa 'dis na chang 'thung ba nyid kyis ngan song gsum du 'gro ba yin no/ /yi dwags dbul bar 'gyur zhes bya ba la/ dbul ba zhes smos pa ni yi dwags rdzu 'phrul che
 bdag ma yin pa'i don te gang gi phyir de ni lha'i 'byor pa lta bu rjes su myong ba yin te/ chang 'thung ba ni nyes pa che ba yin pas gcig tu mi 'dod pa'i 'bras bu bskyed pa yin pa'i phyir yi dwags rdzu 'phrul che ba dag tu skye ba ni mi rigs so/ /ji ltar chang
 'thung ba ngan pa la spyod pa yin zhe na/ de'i phyir slob dpon btsun pa gzhan la phan pa'i dbyangs kyis bshad pa/ mi 'tshe mi rku 'khrig pa mi spyod pa/ /lus kyi dge ba bya ba gsum yin no/ /'brel med phra ma rdzun dang tshig rtsub spong/ /ngag gi dge ba rnam pa
 bzhi yin no/ /chang 'thung spong ba 'di ni sdom pa brgyad ba ste/ /gang tshe kun du 'tsho ba dge ba ldan gyur pa/ /de tshe tshul khrims chog gnas par gyur pa yin/ /de las gzhan pa tshul khrims 'chal par mkhas pas bshad/ /de bas na chang 'thungs
 pa ni ngan par spyod pa nyid do/ /de ltar re zhig 'thungs pas ni ngan song gsum du 'gro ba'i rnam par smin pa'i 'bras bu bshad nas/ da ni rgyu 'thun pa'i 'bras bu'i dbang du byas nas/ chang de nyung du 'thungs kyang zhes bya ba'i tshigs bcad yin te/
 nyung ngu zhes bya ba ni chung ngu dang 'bring dang shes? che bas chang 'thung ba gsum gyi las kyi rnam par smin pa ste/ shas ches 'thungs pa'i rnam par smin pas ni sems can dmyal bar skye bar 'gyur ro/ /'bring du 'thungs pas ni dud 'gro'o/ /chung ngu
 'thungs pas ni yi dwags su skye bar 'gyur ro/ /de nyung ngu 'thungs pa'i rnam par smin pas mi'i nang du skyes kyang zhes bya bas ni chung ngu 'thungs pa'i rnam par smin pas yi dwags kyi 'bras bu rjes su myong na gal te mi rnams kyi nang du skal
 pa nyams par skyes na yang tshul khrims lta ba nyams zhes smos pa yin te/ tshul khrims kyis phongs pa dang lta bas phongs par 'gyur ba yin no/ /rgyu mthun rgyu dang 'dra ba'o zhes bya ba'i tshig gis chang 'thungs pa na'o/ /tshul khrims nyams par 'gyur
 pa dang/ blo yang rnam par rmongs pa yin te/ de bas na mir skyes na yang tshul khrims dang lta ba gnyis kyis phongs pa yin te/ rgyu dang 'dra ba'i phyir 'bras bu yang tshul khrims dang lta ba nyams par 'gyur ba yin te/ phyis kyang gsum po gang yang
 rung ba dag tu skye bar 'gyur ro/ /da ni thams cad kyis bsdus pa'i don gyi tshigs bcad tshul khrims nyams par 'gyur zhing zhes bya ba'i tshigs bcad bstan pa yin te/ tshul khrims nyams pas ni ngan 'gro dag tu shin tu yun ring por sdug bsngal
 par 'gyur pa yin te/ 'dis ni 'jig rten pha rol gyi nyes dmigs bstan to/ /gtam ngan zhes bya ba 'dis mthong ba'i chos kyi nyes dmigs yin te/ gang gi phyir grags pa ni mthong ba'i chos kyi phun sum tshogs pa yin te/ gzhan dang 'brel ba'i
 phyir ro/ /'jig rten 'di'i phun sum tshogs pa thams cad kyi rgyu ni grags pa yin te/ med na ni rgyu med pa'i phyir ro/ /ngo tsha med cing blo gros dri ma can du 'gyur zhes bya ba la/ ngo tsha zhes smos pas ni ngo tsha shes pa dang/ khrel yod pa gnyis gzung ngo/ /blo
 gros dri ma can du 'gyur zhes bya ba ni lta bas ni phongs par 'gyur ba'i phyir ro/ /'di gnyis kyis kyang tshul khrims grags pa nyams par byed pa yin no/ /rgyu bzhi po 'di dag gis ni 'jig rten pha rol gyi phun sum tshogs pa'i rgyu nyams par
 bstan te/ bzhi po 'di'i nang du nyes pa thams cad 'dus pa'i phyir yon tan thams cad nyams par bstan te/ de nyid kyi phyir smras pa yon tan de dang de dag nyams zhes smos so/ /de bas zhes bya ba ni chang 'thung ba nyid skyon chen po yin pa'i
 phyir ro/ /chang 'thung ba'i nyes pa khong du chud par byas pa zhes bya ba ni gang sngar bstan pa'i de la skyon du mi lta bar gyur la zhes bya ba de nyid bstan pa yin te/ skyon du mi lta ba zhes bya ba ni chang 'thung ba la chags pa'i
 skyon yongs su ma shes pa'i phyir ro/ /zhen pa med par gyur ces bya ba ni de la zhen pa med pa'i rgyu yin pa byas nas de'i nyes pa bstan pa'i phyir brtsams pa ni nyes pa de bsgrub pa yin no/ /byams pa'i pha ma zhes bya ba 'di'i bsdus pa'i don ni mi'i 'jig
 rten gnyen bshes phan par ston pa ni gsum zhig yod de/ bde bar 'dod pa dang/ phan par 'dod pa dang/ thabs ston pa'o/ /gang de gsum gyi yon tan dang ldan par ston pa yin te/ bde bar 'dod pa ni pha ma'o/ /phan par 'dod pa ni bla ma'o/ /thabs
 ston pa ni thabs dang bsam pa dang bag la nyal shes pa ste thub pa'o/ /gsum po de dang 'dra bar ston pa'i phyir gsum po de dang mnyam pa'o/ /yul gru mchog la sogs pa'i nor ni nga mi 'dod de/ de ci'i phyir zhe na/ lha'i dbang po yin pa'i phyir ro//
 rgyu gong ma gnyis kyi lan ni 'di yin te/ phan par smra la mchod pa byed/ ces bya ba'i tshigs bcad phyed des grags dang dpal ces bya ba'i tshigs bcad 'di gnyis kyis ni mthong ba'i chos kyi phan yon bstan to/ /dpal zhes bya ba ni rnyed pa yin
 te de'i bde ba'o/ /de yang zhes bya ba ni mthong ba'i chos dang/ 'jig rten pha rol gyi bde ba yin no/ /de nyid smras pa/ nga'i lus la zhes bya ni mtho ris su 'gro bar byed pa ste/ 'jig rten pha rol gyi bde ba thob par byed pa'o/ /yang na bde ba de yang
 'thob ces bya ba ni mthong ba'i chos nyid kyi yin no/ /nga'i lung la brten zhes bya ba 'di ni 'jig rten pha rol la bde ba 'thob pa'i tshig go slob dpon dpa' bos mdzad pa'i skyes pa'i rabs rgya cher bshad pa las bum pa'i skyes pa'i
 rabs so// //tshul khrims kyi gnyen por 'gyur zhing gnod pa zhes bya ba la 'dir gnyen por smos pa ni tshul khrims kyi mi mthun pa'i phyogs su gzung ste/ tshul khrims kyi mi mthun pa yin pas des na gnod
 pa yang yin no/ /phyug po'i rigs 'tsho ba'i tshul dang spyod pa phun sum tshogs pa zhes bya ba 'dis ni bdag gi skye ba cho rigs phun sum tshogs par bstan to/ cho rigs mthon po la dga' ba rnams kyis gnyen bya bar gsol ba btab pa zhes bya ba 'dis ni
 'das pa'i dus kyi tshul khrims kyi pha rol tu phyin pa'i 'bras bu'o/ /dge sbyong dang bram ze rnams kyi re ba'i nas su gyur pa zhes bya ba la sogs pa bzhis ni ma 'ongs pa'i longs spyod chen po'i 'bras bu'i rgyur gyur ba ste/ sbyin pa'i pha rol tu phyin pa bstan to/
 ma 'ongs pa'i skye bar g.yog 'khor mang ba'i 'bras bur gyur pa ste/ slong ba rnams kyis bzod pa'i pha rol tu phyin pa bstan to/ /dpal gyi gzhir gyur pa zhes bya bas ni 'das pa'i tshe rabs kyi sbyin pa'i pha rol tu phyin pa'o/ /rgyal pos bkur sti bya zhing phan
 'dogs pa'i 'os su gyur pa zhes bya ba la/ phan btags pa zhes bya ba ni g.yog 'khor gyi sbyin pa la sogs pa'o/ /bkur sti ni gdugs la sogs pa sbyin pa'o/ 'jig rten pas mngon par bkur ba zhes bya ba dang de gnyis kyis ni 'das pa'i skye ba'i bzod
 pa'i pha rol tu phyin pa'i 'bras bu bstan to/ /de bzhin sbyin pa dang/ /tshul khrims dang/ bzod pa'i mtshan nyid do/ /bsod nams kyi tshogs kyi 'bras bu yang rnam pa gsum las/ longs spyod chen po'i bdag nyid dang/ 'khor bar g.yog 'khor phun sum
 tshogs pa'i mtshan nyid ni rgyal po'i rigs dang/ phyug po'i rigs zhes bya bas bstan to/ 'jig rten pa'i bsngags pa'i rig pa'i gnas rnams lan bslabs/ sgyu rtsal gyi thabs rnam pa sna tshogs la ni blo gsal bar gyur ces bya ba 'dis ni ye shes
 kyi tshogs kyi 'bras bu bstan to/ lus byad bzang po skye bo'i mig tu sdug ces bya ba 'dis ni tshul khrims kyi pha rol tu phyin pa'i 'bras bu bstan to/ /chos dang mi 'gal bar 'jig rten gyi tshul la mkhas
 pa zhes bya ba 'dis ni sbyin pa dang/ bzod pa'i pha rol tu phyin pa la 'jug pa'o/ /'jig rten pa rnams kyi nang mi bzhin snying la chags par gyur to zhes bya ba 'dis ni bzod pa'i pha rol tu phyin pa'i 'bras bu'o/ /gzhan bsod nams kyi tshogs thams cad ni
 cho rigs mtho pa'i khyad par nyid kyis bstan te yang mi brjod/ skyon dang yon tan gnyis brtag pa ni skyon dang yon tan la brtags pa ste/ skyon dang yon tan la brten pa dang/ skyon dang yon tan la smra ba'o/ /skyon dang yon tan la brtags nas
 nang mi'am phyi mi rnams kyis bkur sti'am smad par bya ba yin te/ skyon la brtags nas ni nang mi'am phyi mi gang yang rung bas bkur ba ma yin pa'i gnas su 'gyur ro/ de sngon rab tu byung ba la goms par byas pas zhes bya ba ni tshe rabs snga ma
 la 'dris par bya ba'i phyir ro/ /rab tu byung ba la goms par byas pas shes bya ba 'dis ni 'bras bu ston to/ /tshol ba zhes bya ba 'dis ni rkyen gyi 'bras bu las brtsams pa yin te/ tshul bzhin yid la byed pa'i rkyen gyis te/ gtso gzhan gyi sgra'i
 rkyen gyis bdag nyid tshul bzhin yid la byed pa zhes bya ba'i tshig gis so/ tshol ba'i sdug bsngal zhes bya ba 'dis ni mthong ba'i chos kyi nyes dmigs kyi dbang du byas pa'o/ /chos dang 'gal ba ni 'jig rten pha rol gyi yin te/ log pa'i 'tsho ba ste
 khyim na gnas shing mi dge ba'i las kyis bskyed pa'i phyir ro/ /bde 'byung gnas zhes bya ba ni/ 'jig rten gnyi gar bde ba 'byung ba nyid yin te/ dka' thub kyi nags tshal na ni tshol ba dang 'gal ba'i sgrub pa med pa'i phyir ro/ khyim rdzas dang
 dbyig brgya stong du ma yod pa de yang bshes gnyen dang/ dge sbyong dang bram ze dang/ phongs pa dang/ slong ba rnams la ji ltar rigs pa zhes bya ba ni ji ltar 'os par btang zhing rab tu byung ba ste/ tshig 'dis ni ci zhig ston pa yin zhe na/ theg pa chen po'i yan
 lag nyid du bstan pa ste/ gang gi phyir byang chub sems dpa' log par spyod pa rnams la chags pa med pa'i phyir te/ de bas na sbyin pa ni byang chub sems dpa' rnams kyi theg pa chen po nyid do/ /pha rol tu phyin pa rnams kyang ci rigs par theg pa chen por brjod
 do/ /don rnam pa gzhan du na yul rnams la chags pa med pa'i lam ni sbyin pa ste/ gtong ba la goms pas chags pa dang bral ba'i phyir ro/ /de ltar sbyin pa ni byang chub sems dpa' rnams kyi lam mo/ /de bzhin du pha rol tu phyin pa gzhan yang ci rigs
 par brjod par bya'o/ /bsam gtan gyi yon tan la goms pa zhes bya ba ni bsam gtan nyid yon tan yin te/ yon tan gzhan thams cad kyi rgyur gyur pa'i phyir ro/ /de bas na de la goms pa'o/ /rna ba dang snying tshim par byed pa'i tshig yin te/ tshig 'di'i
 don ni chos ston pa na grong khyer pa'i skad dang/ snyan cing 'jebs pa dang/ rnam par gsal ba dang/ rnam par rig par bya ba dang/ mnyan par 'os pa dang/ mi gnas pa dang/ mi mthun pa med pa dang/ mi gsal ba med pa ste/ gang mdo'i de ni de nyid
 'dir yang rna ba dang snying tshim par byed pa yin te/ /de yang gsung rgya che bas snyan pas rnar yongs su tshim par byed pa yin no/ /rna ba dang snying tshim par byed pa zhes bya ba 'dis ni snyan par ston pa yin te/ skad snyan cing 'khor yongs su tshim par byed pas
 grong khyer ba'i snyan pa'i tshig gis brjod do/ /de bas na rna ba dang snying tshim par byed pas zhes bya ba 'dis ni 'jebs par ston to/ /snyan cing 'jebs pa'o/ /des na snying tshim par byed pa'i tshig la mkhas pa mngon par smra ba yin te/ des rnam par rig par
 bya ba yin par de bstan te/ gang gi phyir rnam par rig par bya ba yin par de bstan te/ gang gi phyir rnam par rig par bya ba ni bshad pa'i don rnam par shes pa'i bya ba yin pas mkhas pa yin par mngon no/ /ma
 khengs pa zhes bya bas ni mnyan par 'os pa bstan te/ mnyan pa'i don nyid yin pa'i phyir ro/ /ma khengs pa dang/ rnyed pa la re ba'i brkam pa dang zhum pa med pa zhes bya ba 'dis ni mi gnas pa bstan te/ rnyed pa la sogs pa'i 'dod pa dang bral bas de mi gnas
 pa'o/ /des de nyid rnyed pa la sogs pa med pa'o/ /dul zhing gzi byin che ba dang/ ji ltar rigs par 'jam por smra zhing gsal ba zhes bya ba 'di gnyis kyis ni mthun pa med par bstan te/ ji ltar g.yog 'khor 'jug pa des dul zhing gzi byin che ba yang des
 'jug ste/ ji ltar rigs par 'jam por smra zhing gsal ba'i phyir snyan pa'i skye bo rnams la mi mthun pa med pa yin no/ /de bas na ji ltar g.yog 'khor gyi 'jug pa des chos dang chos ma yin pa rab tu 'byed pa mkhas pa zhes bya ba yin te/ 'dis ni
 mi gsal ba med par bstan te/ dpag tu med pa'i spobs pa dang ldan pa'i phyir mi gsal ba med pa yin te/ des na yang chos dang chos ma yin pa rab tu 'byed pa la mkhas pa nyid do/ /de ltar mdo'i tshig gi rjes su 'brang ba yin te/ tshig brgyad po
 'di'i go rims kyis yang dag par bstan te/ 'dis ni dag gi las phun sum tshogs pa bstan to/ /rab tu byung ba'i spyod tshul bzang po dang/ ya rabs rnams dga' ba'i spyod pa zhes bya ba 'di lus kyi las phun sum tshogs pa bstan to/ /cho
 rigs btsun ba las rab tu byung bar shes nas zhes bya ba ni ji ltar sngar bstan pa'i rgyal rigs phyugs po'i rigs zhes bya ba la sogs pa'i rigs kyi khyad par gyis so/ /rab tu byung bar shes nas zhes bya ba de yang sngar bstan pa yin te/
 de'i pha ma gnyis tshe 'das zhes bya ba la sogs pa'i rim pas rab tu byung bar shes par bya'o/ /rigs dang gzugs kyi yon tan las shes bya ba la/ rigs kyi yon tan rnams ni sngar bshad pa dag go /gzugs kyi yon tan yang sngar bzhin bshad
 pa yin te/ lus byad bzang po skye bo 'di mig tu sdug ces bya ba'i tshig gis so/ /sa gzhi bzang po zhes bya ba ni yang thog gi rtsig pa dkar gyis bskus pa la zla ba'i 'od zer bab pa bzhin no/ /na tshod 'di tsam la cho rigs la yang mi lta bar 'di ltar rab tu ?
 zhes bya ba ni bu bskyed nas na tshod rgud pa la rab tu 'byung bar bya ba yin no/ /zhes bya ba'i don to/ /song zhes bya ba ni 'gro bas 'gyur ba ste/ des na 'di nyid las chos brnyed par 'gyur ba'i phyir ro/ /ci'i phyir zhes bya ba ni rgyu gzhan gyi phyir ro/ /gzhan gyi dring
 la bltos shing slong mo spyod ces bya ba dang/ gos ngan pa gyon pa dang/ bas mdza' i sa na lus ni bsgyur te bor zhes bya ba 'di dag gis zas bsod snyoms dang gnas mal dang bral par ston te/ 'dis ni sbyin pa'i pha rol tu phyin pa'i 'bras bu med
 par byas pa'i phyir ro/ /dbul po'i lus zhes bya ba dang/ ngan pa bzhin du skye bo kun gyi smad ces bya ba 'dis ni tshul khrims kyi pha rol tu phyin pa'i 'bras bu'i rigs la sogs pa phun sum tshogs par 'byor kyang smad pa nyid du gyur pa ste/ gsum
 po 'di dang bral ba dang/ gnyen bshes rnams dang bral ba zhes bya ba 'dis ni bzod pa'i pha rol tu phyin pa'i 'bras bu g.yog 'khor dang bral ba'i phyir ro/ /bu mchog yid la bsams pa grub par gyis zhes bya ba ni de'i su'i yid la bsam pa grub
 pa yin zhe na/ dbul po'i lus su gyur pa nyid kyis te/ re gnas bzhin du bde ba nyid de/ re gnas ni stegs so/ /dben bas byas pa ni dben pa'i bde pa'o/ /dben pa ni rnam pa gnyis te lus dben pa dang/ sems dben pa'o/ /de la lus dben pa ni gnyis
 su med par gnas pa'o/ /sems dben pa ni sems kyi g.yeng ba spangs pa'o/ /dben pa ni gnas pa'i bde ba nyid bdud rtsi'i ro yin te/ des yongs su bsgom pa'i byas pa gang la yod pa de ni dben
 pa na gnas pa'i bde ba'i bdud rtsi'i ros blo goms par byas pa ste/ de'i de bas lus dang sems tshim par byed pa'i phyir ro/ /snying de la gzhol bar gyur pa ni dben pa na gnas pa'i bde ba la gzhol bar gyur pa'o/ /khyim na gnas pa dang/ nags
 na gnas pa'i bye brag shes par gyur pa zhes bya bas ni khyim na gnas pa'i bdag nyid kyis mngon sum du skyon mthong ba'i phyir ro/ /nags na gnas pa yang bdag nyid kyis mngon sum du yon tan mthong ba'i phyir ro/ /de bas na nags dang
 khyim gyi khyad mi shes pa bdag ni smra bar mi rigs kyi/ de ni 'dir mnyan par yang rigs pa ma yin te/ gnyi ga yang ngo shes pa'i phyir ro/ /btson ra 'dra ba'i khyim zhes bya ba ni khyim btson rar gyur pa yin te/ ngan song du 'gro bar byed pa'i
 phyir ro/ /phyug po ni phal cher gcig tu sdug bsngal ba yin no/ /cig shos dbul ba yang ngo/ /dga' ba nyid du kun tu rmongs pa ni dga' bas rmongs pa ste/ sdug bsngal la bde ba phyin ci log pa zhes bya ba'i don to/ /sdig pa'i 'bras bu
 smin pa nyid ces bya ba ni skye ba snga ma dag la rang gi goms pas sdug bsngal la bde bar phyin ci log pa'i 'bras bu smin pa'o/ /'dir byar rung ngo zhes bya ba gal te de ltar chos brnyes par rung ba zhes bya ba ni ma yin no/ /chos kyi
 gnyen po dang 'dom pa'i phyir te chos dang 'gal ba dang/ phyogs rnam par 'jig pa'i phyir ro/ /las su bya ba mang ches pas zhes bya ba ni khyim gyi bde ba yin no snyam nas khyim ma btang bas ni chos bya bar 'dod kyang khyim ma
 btang bar ni gzhan du 'gyur bas ji ltar chos bya bar mi rung ste/ 'di ni khyim gyi bde ba de dang de la mngon par zhen pa de la sdug bsngal yin par bstan par bya ba'i phyir/ las su bya ba mang ches pas zhes bya ba 'di bstan pa yin no/ /chos kyi gnyen
 po dang 'dom pa zhes bya ba'i dbang du mdzad nas/ khyim gyi so nam bya ni na zhes bya ba la sogs pa'i tshigs bcad bzhi yin te/ chos kyi gnyen po'i chos gang yin zhe na/ de dang mi mthun par grags pa zhes bya ba'i don te/ khyim gyi so nam bya na ni zhes
 bya ba'i tshigs bcad yin no/ /khyim na nor med na ni so nam bya ba yin no/ /so nam gyi bya ba byas par 'gyur na ni chos kyi don nyams pa yin no/ /de ltar lung du ma bstan pa'i las kyang chos kyi gnyen po yin par bstan to/ brdzun du mi smrar
 mi rung zhing zhes bya ba ni mi dge ba de la 'jug pa'i dbang du byas nas brdzun du smra ba zhes bya ba smos te/ ngag gi las kyi lam gyi mi dge ba bzhi gzung ste/ smra ba zhes smos pas de la gzhan dag kyang 'grub bo/ /nyes pa byed pa la nan tur ni zhes
 bya ba ni srog gcod par mi byed par nan tur bya ba yin te/ mi dge ba'i las kyi lam las srog gcod pa thog mar smos pa yin te/ de dang por smos pas lus kyi mi dge ba'i las dag kyang 'grub pa'o/ /de bas na gzhan la nan tur zhes bya
 bas mi dge ba'i lam las zlog ste/ ral gri dang thal lcag la sogs pa'i mtshan nyid kyis bcad cing nan tur bya ba yin te/ gzhan bslu ba'i sgrub pa la sogs pa des gzhan dag la gnod par 'gyur ba yin te/ de la nan tan du
 bya'o/ /'di dag gis ni 'di ltar ston te/ lung du ma bstan pa'i las kyi so nam gyis kyang mi dge ba'i las kyi lam yang dag par 'dzin pa ste/ lus dang ngag gi las kyi nan tur bya ba ste/ las kyi lam rnam par spangs pa'i mi dge ba'i
 byed pa la nan tur bya'o/ /yid mi dge ba gnod sems la sogs pa yang khyim na med pa ma yin no/ /so nam bya ba la sogs pa la 'jug pa'i rgyu'i dbang du byas nas/ de lta bas na skye bo 'di dag ces pa la sogs
 pa'i tshig go de lta bas na zhes bya ba ni gang gi phyir khyim gyi so nam ma byas par khyim med do/ /khyim med na bde ba med do/ /de bsgrub pa la 'bad pa zhes bya ba ni khyim gyi bde ba bsgrub pa la 'bad pa ste/ khyim gyi bde ba sgrub pa'i so nam la sogs
 pa'o/ /da ni khyim na gnas pas ni chos dang chos ma yin pa phan tshun 'gal bas rab tu dka' ba yin pa'i phyir de sgrub pa'i dbang du byas nas/ gal te chos spyod khyim gyi so nam 'tshor zhes bya ba 'di yin no/ /gal te chos spyod par gyur te
 so nam 'tshor ba'i phyir ji ltar bstan ma thag pa'i tshigs su bcad pa bstan pa'o/ /gal te khyim la mngon par phyogs na ni zhes bya ba ni so nam la sogs pa byas na'o/ /de sgrub pa'i phyir smras pa/ chos kyi lam ni rab tu zhi ba zhes bya ba'i
 tshigs bcad phyed kyis bstan te/ rab tu zhi ba ni nyon mongs pa nye bar zhi ba'o/ /yang na rab tu zhi ba ni sems can gyi rtsom pa las ldog pa ste/ thar pa ni don thams cad las ldog pa yin no zhes bya ba'i tha tshig gis so/ /drag shul can
 zhes bya ba ni sngar bshad pa'i so nam la sogs pa'i rim pa'o/ /de bas chos dang 'gal ba'i skyon yod phyir zhes bya ba'i tshigs bcad kyi don rnam par bzhag pa ni sngar bshad pa'i don khyim na gnas pa'i bde ba dang gcig pa ma yin
 no zhes pa'o/ /gnyis su na khyim ni bde ba phyogs gcig tu ma nges par bstan pa'i phyir nges pa yod pa ma yin zhes smos te/ gcig tu bde ba nyid ma nges so/ /de sgrub pa'i phyir gdon mi za bar grags pa med par 'gyur zhes bya ba'i
 tshigs bcad yin te/ grags pa med par 'gyur zhes bya ba ni bde ba'i rgyu 'jig rten pa rnams dga' ba la sogs pa med par bde ba 'grub pa med do/ /gdung ba skye ba zhes bya ba ni 'chi ba'i dus su yid la gcags bzhin du 'chi ba'i phyir ro/ /yid la gdung
 ba skye bo las ni ngan 'gror skye bar 'gyur te/ 'jig rten pha rol tu ngan song gi sdug bsngal 'byung ba'i phyir bde ba 'grub pa med do/ /bde ba'i thabs zhes bya ba ni gang gi phyir khyim dang khyim la gnas pa bde ba'i rgyu'o zhes mngon par zhen pa'i dbang du byas
 pa ni khyim la bde ba'i thabs zhes brjod do/ /ngan 'gro bzhin du zhes bya ba ni ngan 'gro bzhin du'o/ /khyim na gnas pa bde bar gang las bshad de/ de bas na dad pas yid ches par bya ba yin par bdag gis ma mthong ngo zhes bshad pa ni gzhan gyi las
 byed pa dag kyang zhes bya ba'i tshigs bcad kyis so/ /bcing ba dang bsad pa dang sdug bsngal bcing zhing gsad ba'i sdug bsngal lo/ /de dag nyid kyi gzhir gyur pa yin te/ yod par gyur na bcing pa dang/ bsad pa'i sdug bsngal gyi gzhir gyur pa'o/ /'dod
 pa de dag gal te doms par gyur na mi rung na de yang med de/ de bstan pa'i phyir rgyal po dag kyang zhes bya ba'i tshigs bcad phyed yin no/ /yongs su rtogs pa'i dbang du byas pa'i tshigs bcad ni/ bsgrub cing bsrung ba la sogs pa zhes bya ba'i tshigs
 bcad de'i don rnam par 'grel te 'di gal bde zhes bya ba ni bcing ba dang bsad ba'i sdug bsngal gyi gzhir gyur pas ga la bde ste/ de bas na ga la bde'o/ /ji ltar bde zhes bya ba ni rgyal po/ /dag kyang 'byor pas chog pa med de/ des na ji ltar
 bde ba'o/ /nam zhig bde zhes bya ba ni sgrub cing bsrung ba lags pa'i tshe na sdug bsngal ba'i phyir nam zhig bde ba yin te/ des na yang rnam pa gsum gyis bde ba med do/ /ji ltar de la 'jig rten pa rnams bde ba'i blo 'byung zhe na/ smras pa/
 yongs su rtog pa'i dbang gis bde ba 'byung ba yin gyi/ ngo bo nyid kyis ni ma yin no/ /de ltar re zhig bde ba yid kyi yongs su rtog pa'i mthu yin par bstan nas/ yul rnams la rmongs pas nye bar spyod pa
 zhes bya ba yin te/ dbang po lnga'i yul gyi nye bar spyod pa'i bde ba ni de la rnam par rtog pa med par ji ltar bde bar 'gyur te de la bde ba'i rnam par rtog pa med pas so/ /rnam par rtog pa tsam yang rnam par shes pa lnga dang ldan pas na de nyid smras pa/ rma g.ya'
 phrugs pa'i bde ba bzhin du zad ces bya ba yin te/ rma g.ya' ba la phrugs pa'i bde ba 'byung ba de bzhin du yul rnams la yang brten pas bde ba bzhin no/ /chos kyi lam ni rab tu zhi ba yin zhes bya ba gang sngar bshad pa'i rab tu zhi ba yang gnyis pa
 bshad pa la/ 'dir khyim na gnas na nyon mongs pa rab tu zhi bar mi 'gyur zhing mi zlogs par bstan pa'i phyir/ gzhan yang phal cher zhes bya ba'i tshigs bcad 'di brtsams pa yin no/ /'di'i bsdus pa'i don ni phun sum tshogs pa'i gnas skabs
 dang rgud pa'i gnas skabs gnyi ga na yang nyon mongs pa nye bar zhi ba med par bstan to/ /tshigs bcad phyed dang pos ni phun sum tshogs pa'i gnas skabs su nyon mongs pa nye bar ma zhi bar bstan to/ /gnyis pa'i phyed kyi tshig rkang dang pos ni rgud
 pa'i gnas skabs bstan to/ /de na zhes bya ba ni khyim de na ste phun sum tshogs pa dang/ rgud pa'i gnas skabs gnyi ga na yang nye bar zhi ba med de/ de gnyis ma gtogs pa'i gnas skabs gsum pa ni med pa'i phyir/ nam zhig rab tu zhi bar 'gyur
 ces bstan to/ /dregs dang nga rgyal zhes bya ba'i tshigs bcad 'dis ni sngar bshad pa thams cad kyi don 'jug bsdu ba yin te/ dregs dang nga rgyal gti mug sbrul gyi tshang zhes bya ba ni phal cher khyim ni 'byor na zhes bya ba'i tshigs bcad bstan pa
 de'i nam zhig rab tu zhi bar 'gyur zhes pa'i mjug bsdu ba yin no/ /dregs dang nga rgyal gti mug sbrul gyi tshang bzhin du gnas dang gzhir gyur pa ste/ des na rab tu zhi la dga' ba'i bde ba 'jigs pa zhes bya ba yin te/ dga' ba'i bde ba 'jig pa ste/ tshang
 dang gnas bzhin du sdug bsngal drag po'i gzhir gyur pa'i phyir ro/ /'dis ni gang sngar bstan pa'i bsgrub cing bsrung la sogs pa'i sdug bsngal zhes bya ba de'i mjug bsdu ba yin no/ /rab tu zhi la dga' ba'i bde 'jig pa zhes bya ba ni ji ltar rab tu zhi ba bde
 ba yin zhe na/ bde ba bstan pa'i phyir skye bo chog shes zhes bya ba'i tshigs bcad yin te/ bde ba yang rnam pa gnyis te/ lus dang sems kyi dbang du byas na'o/ /sems kyi bde ba'i dbang du byas nas/ skye bo chog shes zhes bya ba'i tshigs bcad yin no/ /
 yo byad rnams kyi chog shes pa'i 'tsho ba ni chos gos la sogs pa ngan don tsam gyis chog shes pa'i phyir ro/ /chog shes pa'i skye bo na dka' thub can gyi skye ba'o/ /chog shes pa'i skye bo rnams ni khyim bzhin du nags na de bzhin no/ /rab
 tu dben pa'i bde ba ni lus dang sems kyi rab tu dben pa'i bde ba yin te/ sems dben pa'i bde bas sems dga' bar gyur pa yin te/ 'dis ni yid dga' ba de bstan to/ /de nyid kyi phyir yid bde ba'i dbang du byas te/ de 'dra lha'i yul
 na'ang med ces bya ba ni mi'i 'jig rten na lta ga la yod ces bya ba yin no/ /lus kyi bde ba'i dbang du byas nas/ de bas tshal na zhes bya ba'i tshigs bcad yin te/ tshigs bcad 'di'i dang po'i phyed kyis ni zas dang/ gnas mal dang/ chos
 gos dman par bstan pa yin no/ /'tsho ba sgrub pa nyid kyang 'di ltar mi sgrub ste/ chos min 'dres pa zhes bya ba ste/ sngar bstan pa'i bya ba byas so/ /bde ba ni khyim gyi bde ba'o/ /mi 'dod pa ni/ dug dang 'dres pa'i bza' ba 'dra ba ste/ zas dang
 btung ba dang khyim gyi 'tsho bas bsgrubs shing bskyed pa'i khyim gyi bde ba dug chen po dang 'dres pa'i zas dang 'dra ba'i chos ma yin pa dang 'dres pa'i phyir ro/ /bdag la phan par 'dod pa ni blo dang ldan
 pa'o/ /bkur sti'i bya ba khyad par can gyis zhes bya ba ni mngon du smra ba dang/ /phyag la sogs pa'o/ /'dod pa las slar ldog go zhes bya ba ni phyis yang 'dod pa la 'jug par mi byed pa'o/ slob dpon dpa' bos mdzad pa'i skyes pa'i rabs
 rgya cher bshad pa las rgyal rigs phyug po'i skyes pa'i rabs so// //'phyas kyi gnas zhes bya ba ni rjes su byed pa lta bu'o/ /gnod pa lta bur zhes bya ba ni nye bar 'tsho ba lta bu'o/ /de'i gzugs dang yon
 tan dang mthun pa zhes bya ba ni de dang mnyam pa ste/ rtag tu rjes su 'brang ba zhes bya ba'i don to/ /rig byed kyi yan lag ces bya ba ni som ni bshad ces bya ba'i rig byed do/ /bdag ni rab tu 'byung bar 'dod ces bya ba 'gro bar 'gyur ro/ /lam
 gang gis zhe na/ de nyid smras pa/ de bas phan pa'i lam bzang pos zhes bya ba yin te/ dge ba dang legs pa'i lam bzang po ste/ lam 'dis thams cad du 'byung ngo zhes bya ba'o/ /rig byed slob pa la ni 'grus zhes bya ba ni rig byed slob pa ni
 bram ze'i las su bshad do/ /mdza' bo dang 'gron dang gnyen bshes dang/ slong ba rnams ni re thag mi gcod ces bya ba ni sbyin pa'i las kyis so/ /chos la gzhol po zhes bya ba ni 'tshe ba spangs pa'i mchod sbyin gyi las so/ 'dul ba la ni
 rtag tu 'bad ces bya ba 'dis ni chos la gzhol bar bya ba nyid bstan te/ 'di dag ni sla'o/ /'di ltar zhes bya ba ni 'dul ba la ni rtag tu 'bad ces bya ba la sogs pa gsum la legs par 'jug pas so/ /rang gi chos la 'bad pas ni grags
 pa dang/ srid dang bde ba 'grub ste/ gsum gyi don la legs par zhugs na ni dga' bar byed pa'i rgyu yin pa'i phyir ro/ /de ltar re zhig tshe 'di'i phan yon bstan nas/ /nga ni 'jig rten pha rol gyi phan yon bstan te/ 'jig rten phyi ma la yang bde bar
 'gyur zhes bya ba 'dis so/ /pha ma gnyis dang bral ba ni pha ma dang bral ba'o/ /pha ma dang bral bas byas pa'i mya ngan ni/ pha ma dang bral ba'i mya ngan no/ /pha ma dang bral ba'i mya ngan nyid zug rngu'i rma yin te/ zug rngu de'i rma gang yin pa de la/ sdug bsngal
 gzhan gyis bstan te zhes bya ba ni pha ma dang bral ba'i sdug bsngal gyi steng du bsnan pa'o/ yang na pha dang ma dang bral ba'i mya ngan nyid zug rngu yin pas pha ma dang bral ba'i mya ngan gyi zug rngu'o/ /des byas pa'i yid kyis rma gang yin pa de ni pha ma dang bral
 ba'i mya ngan gyi zug rngu'i rma ste/ de la yid ces bya ba ni tshig lhag ma'o/ /de bas bstan pa'i blo can 'di btang legs zhes bya ba ni rab tu byung ba'i blo'o/ /'dir rma zhes bya ba la yid ces bya ba yang tshig gi lhag ma'o/ /de ltar khyed 'dod na zhes bya
 ba ni rab tu 'byung bar ro/ /ku mu da mang po kha 'bus pa yod pa'i mtsho gang yin pa de ni ku mu da mang po kha 'bus pa'i mtsho'o/ /brtul zhugs dang sdom pa la 'bad ces bya bas ni lus dang ngag gi lam bstan to/ /yid bsam gtan la sbyor zhes
 bya bas ni yid kyi lam bstan to/ /bsam gtan gyi man ngag ni bsam gtan man ngag go /de'i phyir 'jug pa ni bsam gtan gyi man ngag la 'jug pa'o/ /ji ltar bsam gtan gyi man ngag la 'jug pa'i rnam pas bsam gtan du bstan pa/
 yin zhe na/ 'dod pa'i nyes dmigs zhes bya ba la sogs pa yin te/ dben pa rnam par sgom pa'i bsam gtan dang po'i nyes dmigs bstan pa ste/ ji ltar mdo sde nyid las rig par bya ste/ gsog dang/ brdzun dang/ bslu ba'i chos can
 dang/ byis pa 'drid par byed pa zhes bya ba dang/ shing gi 'bras bu zhes bya ba la sogs pa'o/ /ci'i phyir 'dod pa'i nyes dmigs ston ces smras pa/ 'dod khams la skyo zhing yid 'byung bar 'gyur
 ba dang/ rab tu dben pa dang/ chog shes pa'i bsngags pa mang du 'byung zhes bya ba yin te/ 'dod pa las dben pa dang/ chog shes pa'i bsngags pa'i yon tan mang po brjod pa'o/ /de'i gtam mang po gang yin pa de ni rab tu dben pa dang
 chog shes pa'i gtam mang po 'byung ba'o/ /de ltar 'dod pa las rab tu dben pa'i phan yon bstan nas tshul 'chos pa dang gcam rgyu la sogs pas ni sdig pa mi dge ba'i chos rnams las dben pa'i thabs bstan pa yin te/ tshul 'chos
 pa la sogs pa'i nyes pa bstan pa de dag las rab tu dben par gyur pa'o/ /de ltar re zhig bsam gtan dang po'i man ngag la 'jug pa'i gtam bstan to/ /nye bar zhi ba dang rab tu zhi ba ni nye bar zhi ba dang rab tu zhi ba'o/ /de gnyis lam du gyur pa ni nye
 bar zhi ba dang/ rab tu dang ba'i lam du gyur pa'o/ /de la nye bar zhi ba ni nyon mongs pa nye bar zhi ba'o/ /rab tu dang ni sems kyi dang pa'o/ /nyon mongs pa dang nye bar zhi ba mngon sum du bstan pa des ni bsam gtan gnyis pa la sogs pa'i man
 ngag la 'jug pa'i gtam bstan pa yin no/ /chos kyi gtam de dang de zhes bya ba ni 'dir ma bstan pa'i lhag ma'i chos kyi gtam ma lus par bstan to/ /de bzhin du g.yog byed ces bya ba ni ji ltar khyim na gnas pa'i dus lta bu'o//
 pad+ma'i lo ma chen po la zhes bya ba smos pa ni bsam gtan gyi sbyor ba dang mthun pa'i zas tsam bstan pa'i phyir ro/ /slar song ngo zhes bya ba'i tshig gis ni sngar bstan pa'i zhag lnga zhing lnga zhing byang chub sems dpa' i drung du chos
 mnyan pa'i phyir 'du'o/ /zhes bya ba 'di'i gnas skabs yongs su mi nyams par bya ba'i phyir ro/ /de nyid kyi phyir yang ring bar yang yongs su shes nas zhes bya ba ste/ nyi ma lngas bar du mchod pa'i phyir ro/ /tshul khrims dang spyod tshul de ltar
 zhes bya ba ni gang sngar bstan pa'i dka' thub dang/ bzlas brjod dang/ sbyin sreg gi cho ga de nyid bstan pa yin te/ 'dir yang tshul khrims dang brtul zhugs ni don gzhan ma yin te/ bzlas brjod dang/ sbyin sreg la sogs pa byas nas dus bstan
 te/ slar dong ba la sogs pa'o/ /rab tu dben pa la dga' ba zhes bya ba ni zhag lnga zhing lnga zhing byang chub sems dpa' i gan du 'ong ba'i phyir ro/ /bsam gtan la gzhol bas zhes bya ba ni gang sngar bstan pa'i yid bsam gtan la spyod pas gnas zhes
 bya ba de nyid bstan pa'o/ /bya ba ngan pa dang ma 'brel zhing zhes bya ba ni gang sngar bstan pa'i brtul zhugs dang/ bzlas brjod dang sbyin sreg gi cho ga byed kyi las gzhan mi byed pas so/ /gdung ba med la zhes bya ba ni bstan pa'i lam la dga' bar
 ston to/ /rab tu zhi ba la mngon par dgang zhing 'khor bar zhes bya ba ni spyod yul la sogs pa'i gnas pa'o/ /rtsol ba med par zhes bya ba 'dis ni bya ba ngan pa dang ma 'brel zhing gdung ba med pa rab tu zhi ba nyid du bstan to/ /yon tan re ba
 snying la zhes bya ba ni phyi rol gyi 'jug pa ston pa'i phyir te/ snying gi yon tan la re ba zhes bya ba'i don to/ /pad+ma'i rtsa ba'i cha dang po mi snang bar byas so zhes bya ba la/ ci'i phyir zhe na/ de mi snang bar byas pa bstan pa'i phyir/ sdug bsngal
 byung bar gyur pa la zhes bya ba'i tshigs bcad smos pa yin te/ bde ba sdug bsngal gnyis yod pa dang med par gyur kyang byang chub sems dpa' la ni blo dang ldan pa'i phyir mi snang bar byas kyang mi g.yo zhing de ltar shes par 'gyur bas
 so/ /de ltar mi snang bar byas pas de la sems 'khrugs pas shi yang bla zhes bya ba ni skye ba du mar mi sdug pa'i rnam par smin pa'i rgyur gyur pa'i phyir ro/ /sems 'khrugs pa ni tshe zad pa yin
 te/ tshe zad pa de'i rgyu yin pa'i phyir ro/ /srog gi phyir yang zhes bya ba ni srog gi ched du yang ngo/ /gal te 'khrugs shing gson pa rung ngo zhes 'ga' zhig smra na ni/ de'i tshe 'khrugs par gyur na de ma thag 'chi ba lta bu ste/ 'chi bar nye bar 'gro ba
 yin te/ nges sems 'khrugs pa yin pa'i phyir ro/ /des na sems 'khrugs pa bzhin du 'tsho ba ni ma yin no zhes bya ba'i don to/ /'gram pa dang mig ni kong zhes bya bas dbyibs 'gyur ba nyid do/ /bzhin gyi mdangs ni ngan zhes bya ba ni mdog 'gyur
 ba'o/ /skad kyi gdangs zab mo ni tshur zhes bya bas ni sgra 'gyur ba'o/ /nyam dams kyang bstan pa dang rab tu zhi ba'i yon tan zhes bya ba 'dis ni rnam par rig byed ma 'gyur bar bstan to/ /de ltar phyi rol gyi mthong ba ste/ mig dang rna ba'i dbang
 po gnyis kyis mdog dang dbyibs rnam par rig pa yin no/ /rim par gyur pa'i rgyu de la dris so zhes bya ba ni ci'i phyir ring pa'i rgyu de la dris zhe na/ ring ba dang 'brel par gyur pa'i phyir ro/ /'gyur ba gzhan dag ni mi rigs pa'i phyir te/ srid
 gzhan dag ni ma brjod kyang grub pa nyid de/ de las gzhan du 'gyur ba'i rgyu'o/ /ji ltar gyur pa zhes bya ba ni dang po'i gnas na pad+ma'i rtsa ba ni med/ pad+ma'i lo ma ni rgyan 'khrugs shing 'dug par mthong zhes bya ba de dag bstan par gyur pa'o
 chos ma yin pa zhes bya ba ni pad+ma rtsa ba khyer ba'o/ /shes pa 'jug pa'i yul yang bsgribs zhes bya ba ni shes pa 'jug pa yin pas shes pa 'jug pa'o/ /shes pa 'jug par byed ba'i yul ni shes pa 'jug pa'i yul lo/ /shes pa 'jug pa'i yul
 bsgribs pa gang yin pa de ni shes pa 'jug pa'i yul bsgribs pa ste/ mngon par shes pa nas byung ba'i lha'i mig gis mthong ba'i yul de bsgribs pa'i phyir ro/ /ci'i phyir zhe na/ brgya byin gyi mthu las byung ba'i rdzu 'phrul gyis khyad par gyis mngon
 par shes pa las byung ba'i mig gi yul yang mi snang bar byed nus pas so/ /ci las gyur ces bya ba ni gang gis 'di ltar byas zhes pa'o/ /'di zhes bya ba ni pad+ma'i rtsa ba med pa'o/ /rang gi yid la gcags pa zhes bya ba ni byang chub sems dpa' de nyam
 thag pa'i rgyus so/ /bdag nyid gtsang ba zhes bya ba ni bdag nyid pad+ma'i rtsa ba mi khyer ba'o/ /'dir tshigs bcad bcu gcig gis mna' khyad par can bor ba ste/ rab dang/ 'bring dang/ tha ma rnams kyi 'dod pa'i nyes dmigs bstan pa'i phyir ji ltar rigs
 par sbyar te/ dang po gsum gyi mna' khyad par can bor ba ni tha ma'i dbang du byas pa'o/ /khyod kyi rtsa ba brkam pas gang khyer ba zhes bya ba'i tshigs bcad ni rab kyis dbang du byas pa'o/ /khyod lta'i rtsa ba gang khyer ba zhes bya ba nas/ khyod lta bu'i rtsa ba la
 chags gang zhes bya ba'i tshigs bcad gsum ni 'bring gi dbang du byas pa'o/ /rtsa ba'i phyir ni bdag nyid chung gson pa zhes bya ba dang/ gang gis rtsa ba mthong la chos ma mthong zhes bya ba'i tshigs bcad gnyis ni tha ma'i dbang du byas pa'o/ /dam pa'i mchog
 tu gyur zhes bya ba'i tshigs bcad ni rab kyi gnas skabs kyi dbang du byas pa'o/ /gnod sbyin dang/ glang po cher dang spre'u rnams kyis kyang 'dod pa'i nyes dmigs bstan pa'i phyir te/ de dag ni 'dod chags dang ma bral ba'i phyir gnas skabs dang
 rjes su mthun pa'i mna' gsum bor ba yin no/ /gang zhig ma brlag par ni rlag ce 'am zhes bya ba'i tshigs bcad 'di ni bar ma'i dbang du byas pa'o/ /gang dag thob phyir yid la rtsol byed cing zhes bya ba'i tshigs bcad phyed ni mthong ba'i chos
 kyi bde ba 'dod pa'i dbang du byas pa'o/ /dka' thub 'bad pas gang dag thob 'dod pa'i zhes bya ba'i phyed 'og mas ni 'jig rten pha rol gyi bde ba 'dod pa'i dbang du byas pa'o/ /'dod pa'i phyir ni 'jig rten bcings
 shing gsod par 'gyur zhes bya ba dang/ gang gis mdza' bo rnams dang myur du kho na 'byung 'gyur zhes bya ba'i tshigs bcad 'di gnyis dang/ de bas rab dang 'bring dang tha ma rnams zhes bya ba'i tshigs bcad phyed kyis ni rnam pa gsum gyi 'dod pa'i nyes
 dmigs mdor bsdus nas bstan pa ste/ tha ma'i 'dod pa'i nyes dmigs kyi dbang du byas pa ni/ 'dod pa'i phyir ni 'jig rten bcings shing gsod par 'gyur zhes bya ba phyed do/ /rab kyi dbang du byas pa ni/ rgyal po rnams kyang 'dod pa'i phyir zhes
 bya ba phyed 'og ma'o/ /'bring gi dbang du byas pa ni gang gis mdza' bo rnams dang myur du kho na 'byung 'gyur zhes bya ba'i tshigs bcad phyed 'og ma yin no/ 'di dang pha rol tu yang 'dod pas gsod par byed ces bya ba ni/ grags pa nyams
 shing phyi ma la yang sdug bsngal myong zhes bya ba tshigs bcad de'i dbang du byas pa ste/ grags pa nyams pa zhes bya ba ni mthong ba'i chos kyi nyes dmigs so/ /sdug bsngal myong zhes bya ba ni 'jig rten pha rol gyi nyes dmigs so/ /bdag
 la phan 'dod sbrul gdug khros pa bzhin zhes bya ba ni dus rtag tu phung khrol gyi rgyur gyur pa'i phyir ro/ /bdag gis 'dir pad+ma'i rtsa ba sbas pa zhes bya ba ci'i phyir zhes smras pa brtags pa'i phyir ro/ /ci'i phyir brtag ce na/ smras pa/ yon
 tan rnams re ba bzhin brtog par 'gyur ba'o/ /spyod pa rnam par dag pa ni gang gi yid 'khrug pa ma yin zhing don gzhan du ma gyur pa'i phyir ro/ /brtan pa'i spyod pa ni bde ba dang sdug bsngal ldog pa dang 'jug pa gnyis la yang
 brtan pa'i khyad par gyis gzhan du mi 'gyur ba'i phyir ro/ /nged cag khyod kyi gnyen dang grogs ma yin zhes bya ba'i tshigs bcad 'di'i bsdus pa'i don ni rtsed mo'i lam 'byung ba'i rgyu ni rnam pa bzhi ste/ de'i dbang du byas nas/ nged cag khyed kyi gnyen dang zhes bya
 ba ni gang gis lhan cig skyes ba'i spun zla'o/ /grogs ne'u ldangs te 'di gnyis kyis ni rang gi skye bo yin pa'i phyir dang/ na tshod mnyam pa'i phyir rtsed mo'i lam bzhin du bya bar rigs pa yin no/ /gar mkhan ni 'dra bar byed pa yin te/ gar mkhan dang
 'phyas gdags pa ni gcig la gcig rtsed mo'i lam rigs pa yin te/ des kun tu 'tsho ba'i phyir ro/ /ci'i phyir khyad du bsad nas zhes bya ba ni gzi byin gyis non pa'i tshig ste/ rtsed mo'i las zhes bya ba'i tshig gis ni spyod pa glang pos spyod
 pa zhes bya'o/ /slob dpon dpa' bos mdzad pa'i skyes pa'i rabs rgya cher bshad pa las pad+ma'i rtsa ba'i skyes pa'i rabs so// //thos pa dang/ dul ba dang/ cho rigs btsun ba zhes bya ba la thos pa ni da ltar byung ba'i shes rab kyi
 tshogs so/ /dul ba dang cho rigs btsun pa ni 'das pa'i skye ba'i tshul khrims kyi pha rol tu phyin pa'i 'bras bu ste/ rnam par smin pa dang/ rgyu mthun pa'i 'bras bu'o/ /ma 'jungs shing khong bzo ba zhes bya ba ni 'das pa'i skye ba'i shes rab kyi tshogs
 de'i 'bras bu'o/ /'jig rten gyi tha snyad du bya ba la 'gal ba med pa zhes bya ba ni da ltar byung ba'i dus kyi tshul khrims kyi pha rol tu phyin pa'o/ /gtsug lag mang po la goms pas tshig la mkhas par grags pa zhes bya ba ni sngar bstan pa'i
 thos pa gsal bar byed pa yin no/ /snying rje dang ldan zhes bya ba la sogs pa tshig gis ni da ltar byung ba'i skye ba'i sbyin pa'i pha rol tu phyin pa'o/ /rab tu phyugs pas zhes bya ba ni tshe snga ma'i sbyin pa'i pha rol tu phyin pa'i 'bras bu'o/ /de ltar 'di
 dag thams cad kyis bsod nams dang ye shes kyi tshogs kyi rgyu dang 'bras bu la 'jug pa bstan pa'o/ /de ni rang bzhin chos kyi bdag ces bya ba ni sbyin pa dang/ tshul khrims kyi pha rol tu phyin pa la gnas
 pa nyid du bstan to/ /thos la sogs pa'i yon tan brgyan ces bya ba 'dis ni ye shes kyi tshogs kyi pha rol tu phyin pa la gnas pa nyid du bstan to/ /tshogs gnyis kyi gnas nyid du gyur pas bkur sti bya ba'i gzhir gyur pa yin no/ /phrad pa'i
 phyir zhes bya ba ni blta ba'i phyir ro/ /de'i khyim du zhes bya ba ni sems dpa' chen po'o/ mgron 'ongs pa'i bkur sti'i bya ba byas pa gang yin pa de ni mgron 'ongs pa'i bkur sti'i bya ba byas pa'o/ /gtam smra ba'i skabs la bab pa'i gtam gleng
 ba'o/ /de las 'phros pa'i gleng langs pa'o/ /khyod la byams sam zhes bya ba ni rjes su brtse 'am zhes dri ba yin te/ bud med gzhan la chags pa med dam zhes dri ba'o/ /khyod kyis bkur sti byas pa'i yon tan drin tu gzo 'am mi gzo zhes bya ba ni gtso zhing bskyed
 pa la sogs pa ste/ gnod pa ma byas pa nyid dang/ bkur sti byas pa'i yon tan yongs su shes par gyur pa'o/ /mi bde ba lta yod dam med ces bya ba'i tshigs bcad la sogs pa rnam pa gnyis te/ 'di gsum gyis ni bdag nyid dang/
 mnyam par longs spyod dang nye bar spyod pas rjes su 'dzin pa yin te/ mi bde ba med pa ni nye bar 'tshe ba med par bstan to/ /de ltar re zhig bud med rnams gzhan la rag lus pa'i tshul yin pas 'dri bar byed pa'o/ /de ngo tsha bas
 mgo smad de mi spobs bzhin du zhes bya bas ni gnas ma yin par dris pas de ngo tsha ste mgo smad pa'o/ /spobs pa ni de'i lan de mi spo sba bzhin du'o/ /dar la bab cing byad gzugs bzang zhes bya ba'i don ni bdag gi dbang ngam
 gzhan gyi dbang gis rab tu byung bar byed pa'i rgyu yin na rab tu byung ba'i rgyu de gnyi ga med par ston te/ bdag gi dbang yang rnam pa gnyis kyis rab tu byung ba yin te/ longs spyod spyod par mi nus pa dang/ dka' thub kyi nags su gnas par
 'os pa ste gnyis so/ /de gnyi ga yang med par bstan pa'i phyir dang po'i phyed kyis bstan pa yin te/ dar la bab cing byad gzugs bzang zhes bya ba 'di gnyis kyis ni nye bar longs spyod par rigs par bstan te/ dar la bab pas ni rang nyid kyis
 longs spyod par nus pa nges so/ /byad gzugs bzang zhes bya bas na bud med rnams kyis kyang 'dod par bya ba des so/ /gzhon sha can dang bde bar gsos zhes bya ba 'dis gnyis ni nags su gnas pa mi rigs par bshad de/ lus gzhon sha
 can yin pa'i phyir dang/ bde ba dang rjes su mthun pa'i rkyen thob pa'i phyir ro/ /de ltar bzhi po 'dis bdag gi dbang gis rab tu byung ba mi rigs par ston to/ /gzhan gyi dbang gis kyang rab tu 'byung ba mi rigs par ston te/ de ni rgyal po'i gnang
 chen yin zhes pa ste/ gal te rgyal pos gzhan du spyugs na ni rab tu 'byung gi /de ni gnang chen yin zhes bya ba'i tshig gis de med par ston to/ /de ltar nags su rig nas khyim yongs su gtong ba'i rgyu med do/ /des na khyim yongs su gtong
 ba'i rgyu med par bstan pa'i phyir/ nang mi dag dang zhes bya ba'i tshigs bcad brtsams pa yin te/ rgyu gsum gyis ni khyim yongs su btang bar bya ba yin te/ rnam pa gsum pa'o/ /yang bsod nams kyi 'bras bus phongs par bstan
 pa'o/ /de med na ji ltar bab col du yongs su gtong zhes bya ba ni tshigs bcad 'di'i bsdus pa'i don to/ /nang mi dag dang kho na ma byung zhes bya ba 'dis ni bzod pa'i pha rol tu phyin pas phongs pa med par bstan to/ /rgas pas mi sdug ma gyur
 cing zhes bya ba dang/ nad med ces bya ba 'di gnyis kyis ni bdag nyid tshul khrims kyi bsod nams kyi tshogs kyi 'bras bu yod par bstan to/ /khyim gyi longs spyod spyod pa zhes bya ba 'di ni sbyin pa las byung
 ba'i bsod nams kyi tshogs kyi 'bras bu phongs pa med par bstan to/ /tshig gcig ces bya ba ni gsum po de dag ma tshang ba med kyang bab col du gtong bar nus zhes pa'o/ /de mchog tu gsal ba'i phyir/ 'dzangs shing dul ba'i rgyan gyis brgyan
 ces bya ba'i tshigs bcad yin te/ rang gi chung ma bor ba mi rigs pa la brtsams pa'o/ /'di lta bu zhes bya ba ni 'dod pa'i don dang ldan pa'o/ /nang mi ni rang gi chung ma'o/ /mi brtan nang mi snying rje med pa ni mi brtan snying rje med pas so/ /ji ltar 'don?
 pa dang 'gal ba yin zhe na/ smras pa/ dul ba'i rgyan gyis brgyan ces bya ba smos te/ brgya la 'dod pa'i don du rang gi chung ma yongs su btang ste/ bud med gzhan dag la chags na des ni de la snying nye ba med na 'di ni de lta ma yin te/ ci'i phyir zhe na//
 dul ba'i rgyan gyis brgyan pa'i phyir te/ gang gi phyir ma dul ba ni bud med gzhan la yang chags par 'gyur na/ de med pas rang gi chung ma yang yongs su gtong ba 'di ni 'dod pa'i don dang 'gal ba'o/ /'dzangs shing zhes bya ba 'dis ni nor
 dang 'gal bar bstan to/ /gang gi phyir 'dzangs na ni rigs la sogs pa'i yon tan dang yon tan ma yin pa'i bye brag mthong ba yin te/ de'i nus pa dang ldan pa'i phyir ro/ /rigs la sogs pa'i yon tan gyi khyad par du 'phags pa
 dang? ldan pa gzhan ni ma mthong la/ de dag ma mthong yang rang gi chung ma yongs su gtong bas ni nor dang 'gal bar 'gyur ba'o/ /mnyes kyang gshin ces bya ba 'dis ni chos de lta bu dang ldan yang rang gi chung ma yongs su gtong ba nyid de
 de ltar re zhig bdag la bltos pa nang mi longs su gtong bar mi rigs par bstan to/ /da ni nang mi la bltos nas nang mi yongs su gtang bar mi rigs par ston te/ gzhan la snying brtse ba zhes pas so/ /gzhan gyi sdug bsngal la ltos pas kyang
 gzhan la snying brtse ba'i phyir nang mi yongs su gtang bar mi rigs pa nyid du bstan to/ /mnyes kyang gshin ces bya bar bshad pas mnyes gshin pas ni mchog tu nang mi yongs su btang bar rigs te/ ci'i phyir zhe na/ rab tu byung ba'i chos
 dang mthun par 'dod pas so zhes gang dag yongs su rtog pa la/ de'i lan rtsam pa'i phyir/ dge sbyong bram ze mdza' bo'i rten zhes bya ba dang/ rjes su mthun zhing chos grogs byed ces bya ba'i tshig gnyis yin te/ dge sbyong bram ze zhes bya ba'i
 tshigs bcad kyi don ni rab tu byung nas nags su gang rnyed pa'i chos de ni khyim du yang rnyed pa dang/ khyad par gyi chos kyang rnyed pa nyid du bstan pa'i phyir smras pa/ dge sbyong dang bram ze zhes bya ba'i tshigs bcad phyed kyis ni sbyin pa'i zhing rnyed par
 dka' bar bstan te/ dge sbyong bram ze zhes bya ba smos pas ni yon tan gyi zhing ngo/ /mdza' bo'i rten dang nang mi zhes smos pas ni phan 'dogs pa'i zhing nyid do/ /phongs pa zhes smos pas ni snying rje'i zhing nyid do/ /'di ni re zhig nags
 na gnas pa las khyad par du bya ba'i chos so/ /gtsang sbra tshul khrims nor zhes bya ba 'dis ni nags dang khyim gnyis kyi thun mong gi thob pa'i chos bstan to/ /nags tshal dgon par gang btsal ba zhes bya ba ni gang nags kyi phyogs
 su 'dod cing btsal ba de ci khyim 'dir mi rnyed dam zhes pa'o/ /de ltar yang nags su 'jug pa la ni skyon dang 'brel pa'o zhes bstan pa'i phyir/ rjes su mthun zhing chos grogs byed cing bya ba'i tshigs bcad brtsams so/ /rgyu gsum
 gyis bud med yongs su spang bar bya ba yin te/ rgyu gsum ma gtogs par rang gi chung ma yongs su gtong ba las ni chos ma yin par 'gyur te/ ci chos ma yin pa la mi lta/ zhes bya ba ni bsdus
 pa'i don to/ /nyes pa 'am/ rjes su mi mthun pa 'am/ rang dgar byed pa'i g.yog 'khor ni yongs su spangs kyang chos ma yin pa thob par mi 'gyur ro/ /yon tan gsum dang ldan na ni chos ma yin pa 'thob par 'gyur ro/ /nyes pa ma byas
 pa ni gus pa'i skye bo spangs pa nyid yin te/ 'khrul ba'i skyon med pas so/ /rjes su mthun zhes bya ba ni khyim thab las mi 'phyo ba'o/ /chos grogs byed ces bya ba ni bden pa'i chung ma'o/ /bud med spangs pa'i rgyu gzhan yang yod de/ sngon
 las ngan pa byas pa'i rgyu dang ldan pa yin te/ des na yid la snying rje cung zad med ces bya ba'i tshigs bcad brtsams so/ /de yongs su btang ba dang mthun pa nyid ni btang zhing snying rje spangs pa'i phyir te/ 'di ni chos dang mi ldan par
 ston te/ snying rje cung zad med ces bya bas so/ /kye ma'o chos ni cung zad 'grub ri skan zhes bya ba ni skye bo snying nye ba spangs pa'i phyir ro/ /khyim thab rab tu byung ba'i smre sngags 'don pa gang yin pa de ni des smre sngags 'don pa'o/ /bde ba dang
 sdug bsngal mtshungs zhes bya ba'i tshigs bcad kyi bde ba spyod pa ni bde ba'i rim pa'o/ /sdug bsngal spyod pa ni sdug bsngal gyi rim pa'o/ /thos nas ni skye bo 'di dag gang zhig nas zhes bya ba ni gang las rab tu 'byung ngo zhes de thos pa'o
 de thos nas byams pa'i dbang gis der lhags te zhes bya ba ni tshe des 'debs par gyur pa'o/ /ngo tsha zhing mi dga' bar gyur pa gang yin pa de ni ngo tsha zhing mi dga' bar gyur pa'o/ /ngo tsha ni yon tan dam pa ste/ /dam pa de yod pa dang/
 mi dga' ba ni rang gi khyim yongs su spang bar 'dod pa ste/ de gnyis ka bsgrub pa'i phyir/ skye bo rnams kyi yon tan du zhes bya ba dang/ de ltar bdag ni skyon la dang gyur cing zhes bya ba'i tshigs bcad gnyis kyis bstan to/ /de la skye bo rnams
 kyis yon tan du zhes bya ba'i tshigs bcad kyis ni ngo tsha zhing zhes bya ba de nyid bsgrub pa yin te/ bdag lta mir yang ga la rung zhes bya ba'i tshig gis so/ /de ltar bdag ni skyon la dang gyur cing zhes bya ba'i tshigs bcad kyis ni mi dga' bar gyur
 pa de nyid bsgrub pa yin te/ de ltar bdag ni zhes bya ba ni khyim la mngon par phyogs pa nyid du ste/ yon tan khyad du gsod la tshul ngan pas yon tan gyi bsngags pa brjod pa las 'jug pa'i bya bas legs par ma bskyed pa'i phyir/ brtsi bar
 'gyur zhes bya ba yin te/ skyon la dad par gyur cing yon tan la ni khyad du gsod la tshul ngan par gyur pa 'di gnyis kyis so/ /de ltar gyur na zhes bya ba ni skye bo dge ba yang brtsi bar gyur na gson yang ci zhig rung zhes bya ba 'dis ni mi dga' 
 ba nyi du bstan to/ /de bas skye bo de bar gyur pa zhes bya ba'i tshigs bcad ni khyim la mngon par phyogs pa'i nyes dmigs bstan pa dang/ de dang mi mthun nags na gnas pa'i dbang du byas pa ste/ re ba ni yon tan la re bar gyur pa'o/ /de bas
 na zhes bya ba ni khyim la mngon par phyogs na ni mir mi rung ba'i phyir ro/ /skye bo dge bas yang dag par brtsi bar 'gyur te/ de'i 'tsho ba ni dgos pa ci yang med pa'i phyir ro/ /yon tan nyams su blangs te bskang zhes bya ba ni bsgrub cing 'bad
 pas re ba yongs su bskang bar bya ste nyams su blangs pas so/ /phan yon gyi dbang du byas nas spyod pa ngan pas nyon mongs khyim spangs nas/ dka' thub nags na dga' ba'i yon tan gyis zhes bya ba yin no/ /nor dang thabs zhes bya ba
 'dis ni gzhung lugs bstan te/ nor gyis bsdu ba'am dbye ba gnyis kyis so/ /mthu rtsal gang dag gis zhes bya ba ni bka' khrims kyi tshul gyis so/ /re zhig tshigs bcad des ni rgyal po gzhan las skye
 ba'i sdug bsngal gyi dbang du byas pa'o/ /da ni rang gi yul 'khor gyi dbang du byas nas/ gal te nor ces bya ba'i tshigs bcad yin te/ nor ma tshang ba 'am/ gnod pa thab pas rang gi yul las mthar 'gro zhes bya ba de'i dbang du byas nas/ ci
 zhig 'dod phyir zhes bya ba yin te rgyu gzhan gang gis so/ /gal te nor 'dod ces bya ba des ni sdug bsngal lam gnod pa ste/ sngar bstan pa'i sdug bsngal gang gis khyod ni bas mthar 'gro zhes bya ba de gsal ba yin te/ skye bo'i tshig bsrungs
 pa tsam gyis zhes bya ba ni gang de 'jig rten gyi gtam la zhen pa'o/ /de las zhes bya ba ni dge ba'i chos las nyams par mi bgyi ba ste/ chos zhes bya ba ni bdag la phan par 'dod pa ste/ de ltar bdag nyid kyi chos la bltos par bstan pa'o/ /ngo tsha'i
 phyir yang zhes bya ba ni bltos pas kyang ste/ ngo tsha'i yang rab tu 'bad pa'i rigs zhes bya ba yin te/ ngo tsha'i phyir yang chos dang ldan pa la 'bad par bya ba'o/ /de'i phan yon bstan pa'i phyir/ yon tan yod ces grags shing rab dag ces bya
 ba'i tshigs bcad yin te yon tan 'byung ba yin pas yon tan yod ces pa'o/ /ji ltar gyur kyang rung ste zhes bya ba ni ngo tsha ba'i phyir yang gtam snyan 'phel bar 'gyur te/ ci'i phyir zhe na/ grags pa rab tu 'grub pas ngo tsha'i phyir yang de
 rab tu 'bad pa'i rigs te/ 'di ltar grags pas rab tu 'grub par 'gyur bas so/ /gzhan du bgyis na zhes bya ba ni bdag nyid kyi phun sum tshogs pa'i yon tan chos thams cad med par byas pa ste/ re ba'i tshul gyis lta ba na chu mig
 skam po la skom zhing chu 'dod pa rnams kyis chu don du gnyer cing re ba dang bcas pa las bsgams par gyur na de dag gi re ba nyams par 'gyur te/ de bzhin du 'dir yang yon tan yod par re ba dang bcas pa rnams te/ yon tan la skom pa'i
 skye bo dga' ba rnams kyi re ba dang bcas pa las ma mthong na ni 'jig pa yin te/ yon tan gnyer ba rnams kyi khron pa skam po bzhin du mthong bar 'gyur ro/ /gzhan du bgyis na zhes bya bas yon tan yod ces grags shing re ba dag las
 mthong na mi mdzes par 'gyur ro/ /ji ltar mi mdzes par 'gyur zhe na/ de nyid bsgrub pa'i phyir don bzhin ma yin zhes bya ba'i tshigs bcad smos so/ /don bzhin ma yin yon tan grags pa 'phel zhes bya ba ni yon tan gyi gnas skabs ma
 yin pa yon tan gyi 'phel ba ste/ gang mi rnams kyi grags pa mdun na brjod pa ma yin te/ don bzhin ma yin pa yun ring du 'phel ba'o/ /rnam par rtog pa'i rlung gis bskyod pa ni rtog pa'i rlung gis nyams par byas pa'o/ /mi rnams kyis
 grags pa nyams par gyur na ni de phyis yang grags par 'gyur ba zhes bya ba ni 'phel bar 'gyur ba'o/ /sbrul nag ces bya ba 'di ni mjug bsdu ba'i tshigs bcad yin te/ lhan cig bdag ni bzlog par mi rigs so zhes bya ba ni bzlog
 par rigs pa yang yin mod kyi 'on kyang bdag ni bzlog par ma mdzad cig ces pa ste/ nges par gzung bar ma yin pa dang nges par gzung ba'i rgyu ste/ gus par mkhyen nas zhes bya ba'i tshigs bcad smros te/ gus par mkhyen zhes
 bya ba'i tshigs bcad phyed kyis ni nges par gzung ba ma yin pa'i rgyu bstan to/ /nges par gzung ba ni bdag ni sems kyis rab tu byung zhes bya ba phyed 'og mas bstan to/ /byams pa yis zhes bya ba ni rje bo'i yon tan no/ /gus par
 mkhyen nas zhes bya ba ni 'bangs kyang yon tan gus pa dang ldan par khyod kyis de mi shes pa yang ma yin te/ khyod kyi 'bangs kyi skye bo la de ltar bgyi ba rigs te/ de bas na khyod kyis bzlog
 pa'i rigs so/ /bdag ni re zhig bzlog par bya ba ma yin te/ ci'i phyir zhe na/ sems kyi rab tu byung zin pa'i phyir ro/ /des na rab tu byung ba ni 'du 'dzi'i nyon mongs pa can 'dzin pa mi rigs pa'i phyir ro/ /des na de'i mdza' bo dang zhes bya ba
 la sogs pa'i tshig gis ni mdza' bo la sogs pa dman pa dang/ bar ma dang/ gong ma dag gis bzlog pa'i lus dang ngag gi las kyi bya ba rnams bstan to/ /de la rkang pa la 'jus te zhes bya bas ni dman pa rnams kyi lus kyi las kyi
 bya ba bstan to/ /kha cig thal mo sbyar te zhes bya bas ni rab dang mnyam pa bar ma'i bstan to/ /mgul nas 'jus te zhes bya bas ni gong ma rnams kyis dbang du byas pa'o/ /'di gsum ni lus kyi las las brtsams pa'o/ /bzlog par rtsom
 pa bshad pa'o/ /kha cig ni spobs pa'i tshul gyis zhes bya ba la sogs pa'i ngag gi las las brtsams te bzlog pa'i dbang du byas pa ste/ kha cig ni spobs pa'i tshul gyis zhes bya ba ni bar ma'i dbang du byas pa'o/ /kha cig ni mdza' 
 bo dang nang mi zhes bya ba ni dman pa'i dbang du byas pa'o/ /la la ni khyim na gnas pa'i tshul gyis zhes bya ba la sogs pas ni gong ma'i dbang du byas pa'o/ /mdza' bor 'thams par zhes bya ba la sogs pa'i tshigs bcad gnyis
 kyis byang chub sems dpa' phan par 'dod pa des nags su 'gro ba mi rigs so zhes 'gog pa'i dbang du byas pa'o mdza' bor 'thams pa zhes bya ba'i tshigs bcad 'di'i don ni mdza' bo rnams kyis phan pa'i tshig smras pa ste/
 yun ring por 'jug pa'i phyir ro/ /phan pa'i lam 'di la ni legs pa dang phan pa gnyis lhan cig mi 'thob ste/ rtsub pa yin na yang phan par 'gyur ba sbyar ba'i rigs te/ de la ma sbyar bar gyur na mi dge bar 'gyur te/ dge ba dang mi dge
 ba rnams las dge ba'i chos mi sgom zhing/ mi dge ba'i chos la 'jug par 'gyur te/ mi phan par sgrub pa'i phyir ro/ /nags pas khyim dga' zhes bya ba'i tshigs bcad 'di'i don ni nags na gnas pa la bdag la zlog par byed de/ ji ltar
 ldog par byed ce na/ sdig pas gos pa bzhin du ste/ dogs shing 'jigs pa med par ro/ /ji ltar sdig pas gos pa ni dogs shing 'jigs pa med pa'i rtsub pa yin na yang zlog cing 'gog par byed pa de bzhin du 'di dag sems zhes bya ba yin
 te mdza' bo la sogs pa rnams so/ /tha ma la gnas pa'i sems zhes bya ba ni nad med pa ste/ nags pas khyim dga' snyam du ji ltar sems pa'o/ /ji ltar sems dpa' de nyid sgrub pa'i phyir smras pa/ nags na gnas pa dogs shing zhes
 bya ba dang/ sdig pas gos bzhin du zhes bya ba gnyis kyis bstan to/ /da ni byang chub sems dpa' la phan par 'dod pa'i dbang du byas nas du ba la nags tshal gnas pa la zhes bya ba ni chos bsgrub par 'dod pa'o/ /gson bzhin du
 zhes bya ba ni shi ba yang ma yin/ shi bar 'gyur ba yang ma yin pa'i don to/ /nga bdag nyid dang bral ba'i mya ngan gyi rgyu la yang/ nga dang bral bas de ltar mi dga' na zhes bya ba'i tshigs bcad yin te/ rab tu mi 'byung ba'i rgyu ni khyim yongs
 su gtang bar dga' ba'i phyir nga dang mi 'bral na ni zhes bya ba'i dbang du byas nas tshigs bcad kyis phyed 'og ma bstan to/ /nang ni yongs su gtong ba shin tu dka' ba yin yang rab tu mi 'byung ba ni mi rigs so zhes bstan pa'i
 phyir/ de ste bdag gi mi la chags pa'i phyir zhes bya ba'i tshigs bcad smos so/ /de ltar cis mi byed ces bya ba ni ji ltar nga'i rjes su rab tu 'byung ba'i rang mi la 'chags pas ni gegs su byed pa yin
 na de ltar dgra dang dmag 'byed cing 'jug pa na yang rang mi'i skye bo mang po la chags pas bgegs su ci'i phyir mi byed ces pas so/ /phongs par gyur pa'i tshe na mthong bar gyur pa'i mdza' bo'i rang bzhin gang yin pa de ni phongs par gyur
 pa'i tshe mthong ba'o/ /mdza' bo'i rang bzhin ni yongs pa'i tshe rjes su 'brang ba dang du ba'o/ /de la phongs pa'i tshe mthong ba ni sngar dus gzhan gyi tshe na yin te/ sngar mthong ba'i phyir phongs pa'i rjes su 'brang ba'o/ /mdza' bstan par 'gyur kyang zhes bya
 ba ni yun ring po nas 'dris par gyur kyang ngo/ /g.yo nyid g.yo yin pas g.yo phyi bzhin mi 'brang ba zhes bya ba ni rjes su 'gro ba med pa ste/ mchi mas 'ju zhing 'ong ba nyi tsher zad pa'o/ /mdza' bo'i rang bzhin ni ngu ba dang phongs pa na rjes su 'brang
 ba yin te/ de la de gnyis las phongs pa'i rjes su 'brang ba med do/ /rab tu 'byung ba'i mtshan nyid ni rab tu byung ba de phongs pa nyid yin te/ ngu bar 'os pa'i phyir ro/ /gal te phongs pa ma yin na ni rab tu byung ba la mi ngu ba yin te/ des na de phongs
 pa yin pas phongs pa de'i rjes su 'brang bar bya ste rjes su rab tu 'byung bar bya'o/ /ji ltar mdza' bo mya ngan gyis gdungs shing ngu ba la/ mdza' bos mya ngan bya ba dang ngu ba yin te/ de bzhin du 'dir yang 'jigs pa med par bya ba yin te/ rgyu
 gcig las ni mdza' bo'i rang bzhin g.yo nyid du 'gro ba ste/ /ji ltar shes zhe na/ rjes su 'gro ba ni med de/ 'chi mas 'ju ba nyi tshe'o/ /de nyid bstan pa'i phyir slad du bzlog pa'i phyir ni skad 'dzer cing zhes bya ba'i tshigs bcad smos so/ /ji
 ltar skad mdzer ba dang bcas pa dang/ mchi ma dang bcas pa'i mig dang mgo bo btud de mtshungs pa la yang bla ma 'dra bar phyag 'tshal zhing zhes bya ba yin te/ ci'i phyir byed ce na/ bzlog pa de'i phyir te/ de ltar 'di dag thams cad ni bzlog pa'i
 phyir byed pa yin gyi/ rjes su 'gro ba'i phyir ni ma yin no/ /gal te rjes su 'gro ba yin na ni ci'i phyir de dag nyi tshe byed pa yin te/ /rjes su 'gro ba mi byed pa'o/ /gang gi phyir rjes su 'gro bar mi byed kyi/ bzlog pa'i phyir byed pa yin pas/ de bas na
 mdza' bo'i rang bzhin te/ g.yo dang thabs su 'gyur ba'o/ /de ltar re zhig tshigs bcad 'dis ni gang sngar bshad pa'i mchi mas 'ju zhing ngu ba zhes bya ba de nyid bsgrub pa yin no/ phyi bzhin mi 'brang ba de bstan par bya ba'i phyir/ rab tu byung ba'i
 rjes su zhes bya ba'i tshigs bcad yin te/ 'di dag ces bya ba ni mchi mas 'ju ba'o/ /ji ltar byams pas mchi ma 'byung bar byed pa de bzhin du rab tu 'byung ba la yang bya ba'i rigs she na/ smras pa/ ngo mtshar bar 'gyur ba 'di bzhin du
 mi 'gyur ram zhes ba ste/ dam pa'i sems la spyod pa de'o/ /nags su bdag nyid gcig pu 'gro yang grogs shin tu rnyed par dka' la/ gzhan dag gis ni rnyed par sla'o zhes bya ba de'i dbang du byas nas/ yon tan med pa zhes bya ba de'i
 tshigs bcad smos so/ /phongs par gyur pa'i tshe zhes bya ba ni gsod pa dang/ bcing ba dang brdeg pa'i phongs par gyur pa'o/ /yon tan yod bzhin zhes bya ba phongs pa nyid bstan pa'i phyir/ yon tan yod bzhin zhes bya ba yin te/ nags
 su 'gro zhing rab tu byung ba de ni phongs pa bzhin du phongs par gyur pa yin no/ /thams cad du grogs yod kyang de dag nyid nags su 'gro ba med pa nyid kyi dbang du byas nas/ glang chen smyon pa zhes bya ba'i tshigs bcad yin te/ gang la rjes su mi 'gro ba dang
 gang gi phyir rjes su mi 'gro ba zhes bya ba'i don to/ /de dag min nam nga yang de ma yin zhes bya ba ni the tshom gyi tshig go /de lta mod kyi bdag gi byams pa med par 'gyur ba'i rgyu cung zad cig byas
 na ni/ de las rjes su mi 'brang ba yin te de med par bstan pa'i phyir/ de ltar byams pa nyams par 'gyur ba'i rgyu zhes bya ba'i tshigs bcad smos so/ /'di ltar 'khod bzhin du zhes bya ba ni rgyab kyis bltas par gnas pa'o/ /'di ltar
 gyur pa zhes bya ba ni tshigs bcad sngar bstan pa de nyid bdag gi yon tan gang gis sngon du 'gro bar bstod pa dag rung bar 'ong ngam kye zhes bya'o/ /bdag ni nags su 'gro phyir zhes bya ba ni bdag nyid kyi nyes pa ston pa yin no//
 ci'i phyir de ltar rtog ce na/ de'i rgyu bstan pa'i phyir/ gang dag khyim gyi nyes pa zhes bya ba'i tshigs bcad smos so/ /de gang yin zhe na/ khyim gyi nyes pa gsal bar mngon pa dang/ dka' thub kyi nags kyi yon tan gsal bar
 mngon pa'o/ /de gsal bar bstan pa'i phyir phyi ma'i tshe dang tshe 'di'i sdug bsngal rgyu zhes bya ba smos so/ /phyi ma'i sdug bsngal gyi rgyu ni 'dod pa de'i ched du nyes par spyod pa de nyes par spyad pa de'i rgyus ngan 'gror 'gro ba'i phyir ro//
 tshe 'di'i sdug bsngal gyi rgyu ni/ bsad pa dang/ bcing ba dang/ brdeg pa la sogs pa sdug bsngal du mi'i rgyur gyur pa'i phyir ro/ /dka' thub kyi nags ni de ltar bzlog pa ste/ 'jig rten 'di dang pha rol gyi bde ba'i rgyur gyur
 pa'i phyir ro/ /'jig rten 'dir bde ba'i rgyu ni 'dod pa rnams la ched cher mi 'dzin pa ste/ rang gi don mthong ba'i phyir ro/ /'jig rten pha rol tu ni bde 'gro dang mya ngan las 'das pa thob pa'i phyir ro/ /gang gi rgyu 'dod pa spong
 par mi 'dod pa de ni sdug bsngal gyi rgyu yin no/ /dka' thub kyi nags na ni de rnams kyis bzlog pa yin te/ 'di dag spong ba yin no/ /de'i rgyu nyes pa dag la bdag nyid kyi bsgrub pa bstan pa'i phyir/ bdag gi mdza' bo 'di rnams zhes bya ba'i
 tshigs bcad smos so/ /bslus shes bya ba ni phyin ci log la zhen pa'o/ /zhi ba ma gyur pa ni mya ngan las 'das par ma gyur pa'o/ /nyes pa de dag ces bya ba ni khams gsum gyi nyon mongs pa thams cad do/ /mngon du gzhom par bya ba zhes byas
 pa ni bag chags dang bcas pa gzhom par bya'o zhes pa'o/ /de ltar gyur pa ni dam pa rnams su de dge slong dang dge bsnyen rnams su gyur pas so/ /slob dpon dpa' bos mdzad pa'i skyes pa'i rabs rgya cher bshad pa las tshong dpon gyi
 skyes pa'i rabs so// //sdom la/ brgya byin bram ze myos byed ma/ /legs par pha rol phyin dang nya/ /bya dang bum pa phyug po'i bu/ /dka' thub can dang tshong dpon no zhes pa la/ 'dir yang skyes pa'i rabs
 bcu po 'di dag gi go rims bdag gis 'di ltar mthong ste/ brgya byin bram ze myos byed ma/ /legs par pha rol phyin dang nya/ bya dang bum pa tshong dpon dang/ /phyug po'i bu dang dka' thub chen/ skyes pa'i rabs bcu po 'di dag gi bsdus pa'i
 don ni tshul khrims kyi pha rol tu phyin pa'i dbang du byas pa'o/ /tshul khrims kyang rnam pa gnyis te/ khyim pa'i phyogs la brten pa dang/ rab tu byung ba'i phyogs la brten pa'o/ /de la khyim pa'i phyogs la brten pa'i tshul khrims kyi
 dbang du byas pa ni bdun no/ /rab tu byung ba'i phyogs la brten pa ni gsum mo/ /de la khyim pa'i phyogs la brten pa'i tshul khrims ni/ srog gcod pa dang/ ma byin par len pa dang/ /'dod pas log par g.yem pa dang/ brdzun du smra
 ba dang/ 'bru'i chang dang/ bcos pa'i chang myos par 'gyur ba mthung ba las ldog pa ste/ 'di dag ni bslab pa'i bzhi lnga'o/ /de las brgya byin gyi skyes pa'i rabs su ni srog gcod pa las ldog pa'i
 dbang du byas nas/ lha'i dbang po de rang gi srog la mi lta bas dud 'gro'i skye gnas su gyur ba'i srog gcod par 'jug pa las ldog pa ste/ de ni srog gcod pa spangs pa yin no/ /bram ze'i skyes pa'i rabs su rang gi bla ma la sogs pas sbyor
 ba byas shing thos pa'i rjes su dpag pas yang dag par bstan kyang skye bo gzhan dag las nye bar rtogs pa dang/ bdag gi dbang du byas nas/ ngo tsha ba nyid kyis ma byin par len pa las log pa de ni ma byin par len pa spangs pa'o/ /bdag nyid
 la rang dbang du byin par gyur te/ /smad 'tshong ma'i gnas skabs su bya'o zhes pas byin na yang bgrod pa ma yin par 'jug pa ste/ 'dod pa las log par g.yem pa spong ba ni myos byed ma'i skyes pa'i rabs su bstan to/ /brdzun rnam pa
 gsum gyi dbang du byas nas skyes pa'i rabs gsum yin te/ gnod pa bzlog pa'i phyir dang/ gnod pa bdag gis thob pa la 'dod pa'i don rnyed pa'i phyir dang/ brdzun smra ba la goms par byas pa'o/ /gnod pa bzlog pa ni bden pa'i tshig
 nyid kyis 'gyur bar bstan pa'i phyir/ legs par pha rol tu phyin pa'i skyes pa'i rabs so/ /bdag nyid kyis phongs pa'i gnas skabs dang phrad par gyur kyang/ bden pa'i tshig nyid thar par gyur pa bstan pa ni nya'i skyes pa'i rabs kyis so//
 bden pa'i tshig la goms pas ni me'i 'jigs pa las kyang thar par byed nus na/ gzhan lta smos kyang ci dgos shes bstan pa'i phyir/ sreg pa phrug gu'i skyes pa'i rabs bstan to/ /bum pa'i skyes pa'i rabs su ni chang las ldog
 pa ste/ gzhan yang ldog par byed na bdag nyid lta smos kyang ci dgos zhes bya ba'i tshig gis so/ /da ni rab tu byung ba'i phyogs la brten pa las brtsams te/ skyes pa'i rabs gsum mo/ /de la dang por re zhig tshong dpon gyi skyes pa'i rabs su rgyu
 chung dus kyang snying stobs dang ldan pa dag khyim yongs su gtong ba yin te/ phun sum tshogs pa thams cad bor zhing nags su gnas pa ste/ nges par 'byung bar 'dod pas nang mi dang/ nye du'i skye bo dang/ mdza' bshes la sogs pa'i
 tshogs kyi bzlog par gyur kyang mi 'dod na/ gzhan dag gis lta smos kyang ci dgos zhes bstan pas so/ /rgyal rigs phyug po'i skyes pa'i rabs su ni mdza' bshes kyi longs spyod la sogs pa bstabs kyang/ de la chags pa med pa des
 rab tu byung ba la mngon par dga' bar gyur ba'i phyir ro/ /dka' thub can gyi skyes pa'i rabs su ni/ smon lam dang/ tshangs par spyod pa la dga' zhing chog shes pa dang/ sems 'khrugs pa med pa la mngon du phyogs pa'i dbang du byas nas
 brtsams pa'i phyir ro/ /de ltar skyes pa'i rabs 'di dag gi go rims kyi rgyu ni rigs par 'gyur ba ste/ gzhan la yang phan pa'i phyir bstan pa'o/ /sde tshan gnyis pa ste/ bcu tshan gnyis pa rdzogs so// //bram
 ze'i rigs chen po yon tan la goms pa'i mthus grags pa rgyas pa zhes bya ba 'di ni/ tshul khrims kyi pha rol tu phyin pa'i 'bras bu dang/ rgyu la goms pa yang bstan to/ /'byor pa'i yon tan des pa zhes bya ba 'dis ni/ snga ma'i sbyin
 pa'i pha rol tu phyin pa'i 'bras bu bstan to/ /rgyal pos bkur sti byas pa dang/ 'jig rten pas lha bzhin du bkur ba zhes bya ba 'dis ni/ bzod pa'i pha rol tu phyin pa'i 'bras bu bstan to/ /de ltar 'di dag gis bsod nams kyi
 tshogs bsags ba nyid du bstan pa yin te/ 'di ltar der skyes pa yin pas/ de bas na de yang de'i bsod nams kyi tshogs nyid du bstan to/ /de ltar mang du thos pa'i yon tan la goms pa zhes bya
 ba la sogs pa ni shes rab kyi pha rol tu phyin pa'i sbyor ba bstan to/ /mkhas pa rnams kyi grags pa ni/ mkhas pa nyid kyi nang du 'phel zhes bya ba la/ de'i nang du grags pa ci'i phyir 'phel zhe na/ mkhas pa ni yon tan rtog pa la mkhas pa'i phyir te/
 rin chen shes la rin chen zhes bya ba yin te/ mkhas pa nyid mkhas pa'i nang du grags pa 'phel ba'o/ /ci'i phyir zhe na/ de ni rang gi yon tan ston par nus pa'i phyir ro/ /ji lta bu dag ce na/ g.yul ngo dag tu dpa' bo bzhin zhes bya ba yin no/ /tshe
 rabs snga ma la rab tu byung ba la goms pa zhes bya ba la 'dis ni rgyu mthun pa bstan to/ /chos la sems pa zhes bya ba ni chos dang lhan cig pa'i dran pa yod pa'i phyir/ chos dang bcas pa'i sems so/ /der gyur pa'i chos la sems pa nyid
 de/ de bas na chos dang 'gal ba'i phyir/ khyim spangs zhes bya ba'i don to/ /blo dang shes rab rab tu gsal ba'i phyir zhes bya bas ni khyim gyi nyes dmigs yongs su shes ba'i phyir ro/ /rgyu 'di gsum gyis khyim la dga' ba med par
 'gyur zhing/ de dang mi mthun pa'i phyogs na gsal ni mngon par dga' ba yin te/ khyim na gnas pa zhes bya ba la sogs ba'o/ /gang sngar bstan pa'i chos la sems pa zhes bya ba de bstan pa'i phyir/ khyim yongs su ma btang zhing/
 'dod pa rnams la nye bar longs spyod pa las ni chos dang 'gal ba yin te/ thab mo la sogs pa mang ba'i phyir ro/ /de ltar chos la sems pa ni khyim na gnas pa na dga' bar ma gyur pa'o/ /shes rab dang ldan pa'i phyir khyim na
 gnas pa la dga' bar ma gyur pa de bstan pa'i phyir/ rgyal po dang/ rkun po la sogs pa lnga dang thun mong du gyur par shes pa'i dang/ chog mi shes par yongs su shes pa'i phyir dang/ nyes pa du ma'i gnas su gyur bar shes pa'i phyir te/ blo dang
 shes rab rab tu gsal ba'i phyir/ khyim na gnas pa la dga' bar ma gyur to/ khyim ba'i cha lugs bor nas zhes bya ba la/ ji ltar khyim pa'i cha lugs bor zhe na/ /skra dang kha spu bzang po breg pa'i phyir/ gos kha dog bsgyur ba dur smrig bgos
 ba'i phyir ro/ /ji ltar rab tu byung ba'i cha lugs blangs she na/ rab tu byung ba'i sdom pa'i dpal la gnas par gyur ba'i phyir ro/ /de yang dka' thub kyi nags tshal na gnas pa'i nus par shes nas so/ /rab tu dka' o zhes bya ba ni bgrod par dka' 
 ba yin pa'i phyir ro/ /dur khrod dang/ khang stong smos pas ni/ gnas mal grong dang nye bar ston pa yin no/ /de yang gnyis te/ byams pa dang/ mi byams pa'i bye brag gis so/ /ri bo dag ni gcan gzhan khro bos gang ba'o/ /de gnyis pa ni
 grong las thag ring bar ston to/ /de lta bu'i gnas mal gyi bye brag mthun pa dang/ mi mthun pa dag tu bsam gtan byed cing zhes bya ba'i tshigs bcad smos so/ /grogs med pa des rab tu dka' bas bsam gtan byed par bstan
 pa'i phyir te/ 'dis ni skyes bu gcig gnyis su med par gnas par bstan to/ /bud med dag ni ltar yang med par byed ces pa 'dis ni/ bsam gtan mi byed kyang bud med dang reg par gnas pa dang lhan cig tu grogs par mi rung
 ba nyid du bstan to/ /'chi ba la phyogs pa'i gnas de lta bu gnyi ga 'gro ba'i 'jigs su rung ba dang/ grogs byed pa bstan pa'i sdug bsngal des ni bdag sdug cing des khyod kyang mi dgyes ba zhes bya ba'i don to/ /mchis par
 nus pa zhes bya ba ni 'tsho bar ro/ /spyod kyi dus la bab pa'i zhes bya ba la sogs pa ni/ mig dang rna ba dang/ sna dang/ lce dang/ lus kyis dbang pos spyod pa spyad du rung ba'i nags tshal bstan to/ /shing lo
 lhag par mdzes pa dang ni ldan zhes bya ba 'dis ni mig gi dbang pos nye bar longs spyad du rung ba'o/ /bung ba mang po sgra di ri ri zer zhes pa la sogs pas ni rna ba'i dbang pos longs spyad du rung bar bstan to/ /pad+ma dang/ utpal kha bye
 ba zhes bya ba 'dis ni lce dang/ lus kyi dbang pos longs spyad du rung ba bstan to/ /me tog dri zhim po sna tshogs kyi bsung gis zhes bya ba la sogs pa ni sna'i dbang po dang/ lus kyi dbang pos spyad du rung ba bstan to/ /me tog sna tshogs
 tshom bu rab tu mdzes zhes bya ba la sogs pa'i tshigs bcad gnyis kyis ni tshig rkang gong ma ngag gi don nyid bstan to/ /g.yon can dang thub chod can rab tu mang na zhes bya ba la/ g.yon can ni mdul bas bud med la sogs pa yang
 dul ba med do/ /thub chod ni 'phrog par 'dod pa'o/ /dben pa 'di na zhes bya ba ni ra mnga' bzlog tu med par bstan to/ /dka' thub chung ba zhes bya ba 'dis ni rang nyid nus pa med par bstan to/ /chos dang bcas te zhes bya ba ni khyod dang khyod
 kyi chos la rnyes pa ste/ 'di dag gis ni 'jig rten pha rol la 'jigs pa med pa'i rgyu nyid du bstan to/ /dben pa 'di na dka' thub ces bya ba'i tshigs bcad 'dis ni nags na gnas pas bud med de la ston to/ /khro ba skyed na zhes
 bya ba'i tshigs bcad 'dis ni khyod nyid la yang phan pa med par bstan pa'i phyir te/ 'jig rten gnyis ka la yang phan pa med par khro ba skyed pa mi rigs so/ /ci'i phyir zhe na/ yid 'khrug pa nyid kyi phyir 'dis ni chos dang 'gal
 bar bstan te/ chos dang 'gal bar gyur pas ni 'jig rten pha rol tu phan pa med pa nyid do/ /chos dang 'gal ba las ni grags pa'ang med par 'gyur te/ 'dis ni 'jig rten 'di nyid la phan pa med pa nyid do/ des na de dang khyod gnyis ga la
 phan pa med pa'i phyir/ grong du zhes bya ba ni skye bo'i nang nyid du zhes bya ba'i don to/ /ci ste skyon de gnyi ga med kyang dka' thub can la bud med bsnyan ci dgos zhes bya ba smos te/ 'di ni bdag nyid dang rjes su mthun par ston pa'o/ /rgyags pas
 bsnyems sam/ gal te ma brtags par zhes bya ba 'di gnyis kyis ni zhe sdang gi shas che ba dang/ dman par ston to/ /rgyags pas bsnyems pas zhes bya ba ni brtags par byas kyang spyod pa zil gyis mnon pa'o/ /ma brtags par zhes
 bya ba ni dran pa nyams pa la sogs pas so/ /mi mthun pa'i phyogs mi brten pa'i phyir dgra zhe sdang la yang rgyags pas snyems pa dang/ ma brtags pa ci rigs par brjod par bya'o/ /des gnod pa byas su yang mi dgos la zhes bya ba
 ni de'i rgyus gnod pas na des gnod pa ni des gnod pa'o/ /de la dogs pa dang bral ba gang yin pa de ni des gnod pa byas su mi dwogs pa'o/ /'dis ni 'jig rten 'di'i 'jigs pa med par bstan to/ /'dod pa'i 'dod chags kyi dbang du
 yang gyur pas zhes bya ba ni 'jig rten pha rol gyi 'jigs pa med par ston to/ /'dod pa'i 'dod chags kyis zil gyis mnan pa des chos la mi lta bas so/ /'jigs pa dang/ bag tsha ba ni 'jigs pa dang bag tsha ba ste/ de gnyis
 kyis bzhin gyur pa gang yin pa de ni 'jigs shing bag tsha bas ngo 'dzum 'gyur ba'o/ /rgyal po'i mthus pho brang gi nang du khrod ces thos pas ni/ gcan gzan ma rungs bas dgo ba mo gtses par bzhin du 'jigs shing bag tsha bas
 ngo 'dzum 'gyur ba'o/ /'dir skyob pa ni gzhan med pa'i phyir/ skye dgu skyong ba'i rgyal pos khyer bar gyur na/ gzhan su zhig skyob par 'gyur te/ nags kyi dgo ba mo bzhin no/ /de bas na de nyid kyi phyir
 nags shes smos pa yin te/ gang gi phyir gzhan du na ni dgo ba mo zhes bya ba nyid ston par 'gyur ro/ /de nyid kyi phyir 'jigs shing bag tsha bas ngo 'dzum 'gyur ba nyid kyi rgyu stan pa'i phyir/ 'jig rten phongs shing zhes bya ba'i tshigs bcad brtsams
 pa yin no/ /de nyid gang la mi rigs byed gyur na zhes bya ba 'dis ni 'jigs pa dang/ bag tsha ba'i rgyu bstan to/ /yang na de nyid gang la mi rigs byed gyur na zhes bya ba 'dis ni 'jigs pa'i rgyu bstan te/ de yis su la pha skyabs btsal bar bya
 zhes bya ba 'dis ni bag tsha ba'i bstan te/ pha skyabs de med kyang gang dag 'jig rten skyong ba dang/ gzhan yang skye bos byed pa dag skyabs byed pa med ces bstan pa'i phyir/ kye ma 'jigs rten skyong bar zhes bya ba'i tshigs bcad brtsams
 pa yin te/ tshul las nyams zhes bya ba ni 'jig rten skyong ba nyid nyams pa 'am/ 'jig rten skyong ba'i med nyid nyams nas med pa ste/ gzhan gyi don mi byed pa'i phyir ro/ /de 'jig rten skyong ba de las nyams pa 'am med pa'o de ci'i phyir zhe
 na legs par mi skyong bas so/ /shi bar gyur tam ci zhes bya bas ni lha'i 'gro ba de las nyams pa'o/ /de nas gal te yod kyang tshul las nyams pa des mi nus pa 'am/ shi bas gang dag yongs pa legs par skyob par mi byed pa'o//
 rang bzhin gyis kyang yongs su bsrung ba'ang nus mod kyi/ bdag la mi srung ba yin no zhes bstan pa'i phyir/ jo bo bzhugs bzhin lha yis ci zhig bgyi zhes bya ba'i tshigs bcad smos so/ /gzhan zhig yin na'ang rjes su bsrung
 bar rigs na bdag ni chos spyod pa'i grogs yin pa'i phyir ro/ /snying rje'i snod du ma 'gyur ces bya ba ni snying rje'i dngos po dang bdag nyid bskal par 'gyur ba'i phyir gso ba'i dngos por ma gyur ba ston to/ /byang chub sems dpa' de ni phongs bgrang?
 pa rnams la bsgrub pa dang/ rjes su mthun par bstan pa'i phyir/ phongs la snying rje can gyis zhes bya ba'i tshigs bcad 'og ma yin te/ bdag ni snying rje'i don du ma gyur ba nyid do/ /rab tu byung ba rnams ni phongs pa rnams sgrub pa dang mi 'gal
 bar byed mod kyi/ 'on kyang mi sgrub pa'i rgyu gzhan bstan pa'i phyir/ bdag ni slad du bzlog kyang ma log pa zhes bya ba'i tshigs bcad smos so/ /so sor brtags pa'i stobs kyis khro ba'i stobs bcil zhes bya ba ni gang sngar bstan pa'i rgyags
 pas bsnyems sam/ gal te ma brtags par zhes bya ba de 'dis bstan pa yin no/ /de 'khrugs pa dang bral ba gang yin pa de ni 'khrugs pa med pa'o/ /sems rab tu zhi ba gang yin pa de ni sems rab tu zhi ba'o/ /'khrug pa med pa dang/
 sems rab tu zhi ba ni sems 'khrug pa med cing rab tu zhi ba'o/ /'khrug pa med pa ni khro ba'i stobs kyis zil gyis mnon pa'i phyir ro/ /sems rab tu zhi ba ni so sor brtags pa'i stobs kyis so/ /bsnyems shing gsang stod ces
 bya ba ni gang sngar bstan ba'i rgyags pas bsnyems pas zhes bya ba'i tshigs bcad do/ /mthu med pas zhum zhing zhi bar gyur pa gang yin pa de ni mthu med pas zhum nas rab tu zhi ste/ /gang sngar bstan pa'i sems 'khrugs pa med
 cing rab tu zhi ba zhes bya ba de bstan pa'o/ /mthu rtsal zhes bya ba de lus kyi stobs so/ /dka' thub gnas pa'i gzi brjid bsags pa'ang zhes bya ba ni dka' thub bsten pa'i stobs zhes bya ba'i don to/ /bdag gi tshe de bzung ba ni bdag gi tshod bzung ba'o/ /de mi rig pa ni bdag gi tshod kyang bzung bar shes pa ste/ bdag nyid mi
 shes pa zhes bya ba'i don to/ /g.yo bzhin du yang bdag gis yongs su ma btang ba zhes bya ba ni gang sngar bstan pa'i rgyags pas bsnyems sam zhes bya ba ste khro ba'i dbang du byas pa'o/ /mngon sum du yang zhi bar bgyis zhes bya ba ni gang sngar bstan pa'i ma brtags
 pa zhes bya ba yin te/ khro ba'i stobs ma brtags pa de nyid bstan pa yin no/ /rtog pa skyes nas zhes bya ba mi dpyod pa skyes pa'o/ /skye na 'ang gang zhig mi mngon la zhes bya ba'i tshigs bcad kyi bsdus pa'i don ni khro ba'i mtshan nyid kyi ngo bo nyid dag las bstan te skyes
 na gang zhig ces bya ba ni khro ba skyes pa des so/ /khro ba gang zhig skyes na mi mngon pa ni khro ba'i lam ma yin zhing bzang ba ste dge ba nyid do/ /yang na skyes par snang ba de gang yin zhe na/ dge ba ste mkhas pa'o/ /des na skyes bu yang mi mngon pa
 de ni dge ba yin te/ mkhas pa'ang bdag nyid la phan pa'o/ /'di ni khro ba'i rang gi ngo bo'o/ /ma gyur to zhes bya ba ni shor bar ma gyur pa'o/ /ji ltar ma shor ba yin zhe na/ 'dod pa na spyod pa'i nyon mongs pa spangs pa'i phyir/ nan gyis ma btang
 ba ste nang nyid du de 'gag pa'o/ /bdag la gnod pa zhes bya ba ni lus la gnas shing bdag la gnod pa ste/ khro ba'i rang bzhin dang las la tshigs bcad bdun gyis bstan pa la/ skyes na gang zhig mi mngon la zhes bya ba'i phyed 'og
 mas ni bdag la gnod pa'i las bstan to/ /tshigs bcad gnyis pas ni dgra dga' bar gyur pa'i las bstan to/ /gang zhig skyes par gyur na ni zhes bya ba'i tshigs bcad 'dis ni dge ba snga na med pa mi bsgrub bar bstan to//
 gang gis zil non dge ba stong par 'gyur ba zhes bya ba'i tshigs bcad 'dis sngar bskyed pa'i dge ba rnams khro bas 'jigs par bstan to/ /gtsub shing gtsubs pas zhes bya ba'i tshigs bcad 'dis ni gtsub shing gtsubs
 pa bzhin du log par rtogs pas bdag nyid bcom par gyur pa yin no/ /gal te gzhan dag la gnod pa byed par nus pa yin na yang de'i grags pa nyams par 'gyur ro zhes bstan pa ni/ bdag nyid 'bar zhing tshig pa'i me 'dra ba zhes bya ba'i tshigs
 bcad gnyis kyis so/ /khro ba'i las ni 'di dag tu bstan te/ bdag la gnod pa dang/ skyes par gyur na dgra rnams dga' bar 'gyur ba dang/ skyes pa nyid kyi dge ba ma skyes pa rnams kyi bar du gcod par byed pa dang/ de rab tu 'phel bas dge ba
 sgrub pa rnams yongs su nyams par byed pa dang/ de'i 'og tu log par rtogs pa las 'bar bar gyur pas bdag nyid phung bar 'gyur ba dang/ gzhan dag la gnod par byed par nus kyang re zhig grags pa nyams pa'i rgyur 'gyur ba yang
 yin te/ 'di dag gis mthong ba'i chos kyi nyes dmigs bstan no/ /khro ba la nyes dmigs chen po 'di lta bu gzhan dag kyang yod de zhes bya ba las brtsams nas mthong ba'i chos dang/ 'jig rten pha rol gyi nyes dmigs bstan
 pa'i phyir tshigs bcad bzhi smos te/ khro ba'i me yis bzhin mdog ces bya ba'i tshigs bcad 'di'i ming dang/ gzugs gnyis 'gyur ba'i sdug bsngal bskyed pa yin te/ gnyis ka'i rgud pa'i sdug bsngal bstan pa'i dbang du byas
 pa'o/ /mdzes par byed pa'i rgyu rgyan gyis brgyan par byas kyang lus kyi gzugs mi mdzes pa'i rgyur gyur pa'i phyir dang/ bde ba'i rgyu mal stan bzang po la nyal yang sdug bsngal gyi rgyur gyur pa'i phyir ro/ /bdag la phan pa'i don
 sgrub ces bya ba'i tshigs bcad 'di ni bdag nyid kyi dge ba spangs shing mi dge ba'i rgyu rtsom pa las brtsams pa ste/ bdag gi phan pa ni bdag la phan pa'o/ /bdag la phan pa sgrub pa ni bdag la phan pa'i sgrub pa'o/ /'di'i don ni 
 bdag la phan pa sgrub pa'i don no/ /mi dge ba'i las ni lam ngan pa ste/ bdag la phan pa sgrub pa'i don rjed pa las lam ngan par 'gro ba'o/ /bdag la phan pa sgrub pa'i don rjed cing lam ngan par
 'gro bas na nyams par 'gyur te log pa'i lam gyis so/ /grags pa nyid don grub pa yin pas grags pa don grub pa dang/ yang na grags pas grub pa don grub pa de gnyis ni grags pa don grub pa'o/ /grags pa dang don grub pa las
 nyams pa des na mi dge ba'i las kyi lam rab tu 'jug pa nyid do/ /gzhan gyis bzlog bzhin du yang de la brten cing grogs shes dang/ khon dang bcas par 'gyur ba las brtsams nas/ mdza' bshes dag gis rab tu bcugs kyang zhes
 bya ba yin te/ 'dis ni re shig mthong ba'i chos kyi nyes dmigs bstan to/ /da ni 'jig rten pha rol gyi nyes dmigs kyi dbang du byas nas/ khro bas sdig pa'i las ni goms byas pas shes bya ba'i tshigs bcad smos te/ sdig pa'i las
 ni goms byas pas zhes bya ba 'dis ni sdig pa'i las byas shing bsags par bstan to/ /gnod pa drag pos shar gnyer gang yin pa de ni/ gnod pa chen po byas pas shar gnyer ba'o/ /'dis ni gang sngar bstan pa'i dgra rnams dga' 
 bar 'gyur zhes bya ba de sgrub pa yin no/ /khro ba 'di ni nang gi dgra zhes bya ba'i tshigs bcad 'dis ni gang sngar bstan pa'i gang zhig skyes na mi mngon pa zhes bya ba la sogs pa'i tshigs bcad gnyis kyi bsdus pa'i don yin te/ nang
 gi dgra gyur pa ni sngar bshad pa'i bdag la gnod pa zhes bya ba'i rgyur gyur pas so/ /de'i mthu ni 'phro ba dag ces bya ba ni phyi rol du mi 'khro bar byas pa ste/ des na mas btang ba zhes bya ba'i tshigs bcad do/ /khro ba'i me yis bzhin
 mdog nyams gyur na zhes bya ba'i tshigs bcad bzhi'i bsdus pa'i don ni/ phung par byed pa'i dgra bo de zhes bya ba'o/ /'di ni 'di'i tshig gis ni nyes dmigs chen po'i phyir tshigs bcad lnga yang yin no/ /yang na tshigs bcad bcu gcig po
 thams cad la bsdus pa'i don gyi tshigs bcad gnyis te/ dang po'i tshigs bcad kyi khro ba 'di ni nang gi dgra zhes bya ba ni de ltar shes nas bstan pa'o/ /khro ba de'i mthu ni 'phro ba zhes bya ba ni 'phel bar mi gzhug cing nang nyid du gnas par
 bya ba ste/ de bas na khro ba g.yos kyang ma shor to zhes bya ba ni phyi rol tu ma shor to/ /de bas na nang gi dgrar shes pa'i phyir/ phung bar byed pa'i dgra bo de zhes bya ba smos te/ mthong ba'i chos dang/ 'jig rten pha rol gyi phung bar byed pa'i
 rgyu yin pa'i phyir te/ gang sngar bshad pa dag go /yal bar dor zhes bya bas ni de'i rang bzhin gyi rgyu bstan pa yin no/ /ma phrad pas ni khyod kyi yon tan mi shes pa'i phyir ro/ /slob dpon dpa' bos mdzad pa'i skyes pa'i rabs rgya
 cher bshad pa las gtsug phud byang chub kyi skyes pa'i rabs so// //brgya stong phrag du ma grangs mang po'i zhes bya ba ni/ stong phrag du mas rgya che ba'i grangs gang yin pa de ni de'i brgya phrag du
 mas grangs mang po'o/ /de bas na ngang pa'i khyu chen po yin no/ /rigs pa dang mi rigs pa zhes bya ba la sogs pa'i tshig rkang gis ni snyan ngag gi gtsug lag tu bstan pa'i blon po'i rang bzhin gyi yon tan nyi shu rtsa lnga dang ldan pa ste/
 bdag nyid kyi phun sum tshogs pa yin par ci rigs par gzung ngo/ /de dag las kyang khyad par du gyur pa ste/ de rnams dpon por gyur pa'i phyir ro/ /rigs pa dang mi rigs pa yongs su shes par bya ba la mkhas pa zhes bya ba
 'dis ni shes rab can du bstan to/ /yun ring po yang dran pa'i mthu dang ldan pa zhes bya ba ni yun ring por byas pa dang/ yun ring por smras pa dang/ yun ring du bsams pa dang/ yun ring du thob pa rnams
 dran pa'o/ /gzhan dag yun ring du dran pa'i mthu zhes smros pas ni dran pa kun tu dag pa nyid do/ /rigs mthon po'i nang na gtso bor gyur pa zhes bya ba 'dis ni rigs mtho ba snga na med pa khyad par can nyid du bstan pa'o/ /mkhas pa ni le lo med
 pa'o/ /nges pa ni legs par byed pa nyid do/ /dul ba ni lus dang ngag gi las dag pa'o/ /mkhas pa dang/ nges pa dang/ dul ba nyid kyi rgyan gang la yod pa de mkhas pa dang/ nges pa dang/ dul bas brgyan pa'o/ /brtan pa ni rtag tu mi 'gyur ba'i
 phyir te/ bdag dang gzhan gyi phyogs la khro ba spangs par gyur pa'o/ /tshul khrims la brten nas spyod pa dang/ mi spyod pa'i tshul gang dang gang dag la ji lta ba bzhin du 'jug par bya ba de dang de dag la de bzhin du 'jug par bya'o/ /spyod
 lam phun sum tshogs pa zhes bya ba ni rigs byas pa'i rgyu'o/ /tshul khrims dang spyod tshul dang/ spyod lam phun sum tshogs pa ni tshul khrims dang/ spyod lam phun sum tshogs pa'o/ /brtan pa dang/ gtsang ba dang/ tshul khrims dang/ spyod
 tshul dang/ spyod lam phun sum tshogs pa gang yod pa de ni bstan pa dang/ gtsang ba dang/ tshul khrims dang/ spyod tshul dang/ spyod lam phun sum tshogs pa'o/ /sdug bsngal cing zhes bya ba ni lus kyi phun sum tshogs pa'o/ /bag yod
 pa zhes bya ba ni bya ba dang bya ba ma yin pa la rjes su 'bad pa'o/ /g.yul ngor bgyed pa'i dgra thabs la mkhas pa zhes bya ba ni dmag gi dgod pa'i rigs pa dang/ yul dang dus dang/ mdun du bsnur ba dang/ phyir 'gyed pa la
 sogs pa la mkhas pa'o/ /rje bo la snying nye zhing legs par lta ba zhes bya ba ni rje bo la rjes su chags shing brtan pa'i gus pa nyid de/ de nyid kyi phyir/ bzhin bzangs zhes bya ba'i ming du byas pa'o/ /slob dpon slob ma'i gtso bo bzhin
 zhes bya bas ni 'jig rten pha rol la phan pa'o/ /pha dang bu rab thu bo bzhin zhes bya bas ni 'jig rten 'di la phan pa nyid de/ de ltar 'jig rten gnyi ga la phan pa'o/ /lha zhes bya ba la sogs pa smos pas ni yang bzhin gyi mtsho ste/ brten
 pa'i yul du byas pa'i phyir ro/ /dkar thub can zhes smos pas ni mngon par shes pa'i mthu khyad par can bzung ba'i phyir ro/ /bde ba nyid lus yin pas bde ba'i lus so/ /de'i 'degs pa ni bde ba'i lus la 'degs pa nyid do/ /de
 gnyis spyod pa gcig tu gyur ba gang yin pa de ni/ bde ba'i lus 'degs spyod pa gcig tu gyur pa'o/ /grub pa gang yin pa de drang srong yin pas grub pa drang srong dag ste/ gang gi rdzu 'phrul gyis mi snang ba dag go /grub pa'i drang
 srong dang/ rig 'dzin dang/ lha rnams ni grub pa'i drang srong dang/ rig sngags 'chang dang/ lha'o/ de rnams kyi tshogs ni grub pa dang/ drang srong dang/ rig sngags 'chang dang/ lha mang po'i/ /'dir ci'i phyir sngar bshad pa'i klu ma smos
 she na/ de ni nges par gnas pa yin pa'i phyir ro/ /gser mchog btso ma'i kha dog 'dra ba'i mdog ces bya ba'i tshigs bcad 'di'i bsdus pa'i don ni lus dang/ ngag dang yid la brten nas de'i grags pa khyad par du ston pa yin
 te/ gser ma mchog btso ma'i kha dog 'dra ba'i mdog /dpal ldan lus zhes bya bas ni lus khyad par du bstan to/ /dul zhing rigs pa chos kyi tshul las byung zhes bya bas ni yid kyi las khyad par du bstan to/ /nges par gzhan zhes
 bya ba ni lha la sogs pa khyad par can zhig ste/ ngang pa'i tshul zhes bya ba ni ngang pa'i cha lugs can no/ /des na ngang pa'i tshul can 'di gnyis nges par gzhan zhes bya bar ston to/ /yon tan bsgrags pa zhes
 bya ba ni yon tan can bstan pa dang/ yon tan gsal bar byed pa zhes bya ba'i don te/ de dang bral ba de ni phrag dog ste/ phrag dog med pas so/ /rgyas par gyur ces bya ba ni gzhan de dag gis grags pa rgya cher byas shing yon tan bstan
 pa ste/ gang gi phyir grags pa rgyas par gyur pa bas na dad pa skyes par 'gyur pa ste/ yon tan dang ldan pa'i tshig ni gzung bar 'os pa'i phyir ro/ /'di dag ni sngar bstan pa rnams te/ grub pa drang srong la sogs pa dang/ gang yang gzhan dag las
 de'i grags pa thob par gyur ba des gcig la gcig brgyud de rgyas par 'gyur zhes bya ba'i don to/ /skyes dang 'dra bar gyur ces bya ba ni gang las thos pa'i grags pa de yang gzhan dag la ston te/ des kyang gzhan dag la bstan
 pa yin pas nye bar brgyud pa des na skyes dang mnyam par gyur pa'o/ /blon po dang bram ze rgan pa smos pa ni tshogs pa'i nang du smra bar 'os pa dang/ yon tan sgrog pa'i phyir dang/ shes rab bkur ba'i phyir ro/ /gtsug lag du ma la
 goms shing mkhas pa'i blo gang la yod pa de ni gtsug lag du ma la goms shing blo dang ldan pa rnams so/ /de la 'dis ni lhan cig skyes pa'i dul ba dang shes rab dang ldan pa yin no zhes bshad do/ /blon po bka' la
 gtogs pa zhes bya ba ni blo la grogs byed pa'o/ /spyan sngar brim du rung ba zhes bya ba ni lhan cig smra ba dang/ rab tu dag par bya ba'i gtam byar rung ba'o/ /bde ba'i rgyu ni bde bar 'gyur ba'o/ /bde ba'i rgyu nyid yon tan yin pas bde
 bar 'gyur ba'i yon tan to/ /bde ba'i rgyu lam khyad par du gyur pa'i bde ba skyed pa'i rkyen ni mchog go /de bas na sngar gyi bde bar 'gyur ba'i yon tan nyid khyad par du gyur pa de thos na bde bar 'gyur ba'i yon tan mchog thos pa yin te/ de bas
 ni de gnyis mchi ba lags te/ bde gzhir gyur pas 'gugs par byed pa'i phyir ro/ /bde ba la gnas par 'dod pa'i dbang gis ni gang gi phyir/ tshangs pa'i 'jig rten du skyes pa las kyang rigs par mthong ba'o/ /bka' mchid gda' ba zhes
 bya ba ni bde bar 'gyur ba'i yon tan ston pa yin no/ /yon tan khyad par du 'phags shing bzang ba'i zhes bya ba ni de las mchog tu gyur pa'o/ mi 'jigs pa na sbyin pa'i sgra sgrags pa zhes bya ba yang ci nas kyang bya ba'i rigs pa yin no/ /bde ba'i
 yo byad kyi yon tan khyad par can thos nas zhes bya ba ni sngar bstan pa bzhin du shes par bya'o/ /lhan cig sems can phal cher ni zhes bya ba ni tshigs bcad 'di ni bde bar 'gyur ba'i yon tan gyi mchog la gcig tu chags pa yin yang
 bde ba'i rgyus 'gugs pa yin par bstan te/ de las 'dren pa'i phyir ro/ /bdag nyid kyi bde ba'i rgyur gyur pa'i yid bzhin gyi mtsho de yongs su spangs nas ji ltar mtsho der 'ong zhes bya ba'i tshig gi skabs de'i lan bstan pa'i phyir/ yid
 bzhin mtsho'i yon tan la 'gran du rung ba zhes bya ba yin te/ yon tan rgya che ba zhes bya ba'i don to/ yon tan rgya che ba de yang me tog pad+ma zhes bya ba la sogs pa'i tshig gis bstan pa yin no/ /ljon shing me tog bzang ldan zhes bya ba la sogs
 pa'i tshigs bcad dgus ni mtsho de kun nas dga' ba nyid du bstan pa'i phyir ro/ /ljon shing me tog bzang ldan zhes bya ba'i tshigs bcad 'dis ni mtsho'i mdza' ma mdzes pa'i dbang du byas pa ste/ mdza' ma yongs su bskor ba gang yin
 pa de mdza' ma yongs su bskor ba'o/ /chu'i rlabs rnams 'khrugs pa ni chu'i rlabs 'khrugs pa'o/ /des g.yo bar gyur pa de gang yin pa de ni chu'i rlabs 'khrugs pas g.yo bar 'gyur pa'o/ /zla ba'i
 'od kyis kha phye ba zhes bya ba ni zla 'od kyi kha dbye ba'o/ /kha bye ba ni bskul ba lta bu yin te/ ji ltar gang gis gnyid kyis log pa la/ bskul bar 'gyur ba de bzhin du ku mu da dag kyang kha 'byed pa'i rgyur gyur pa'i phyir/ kha 'byed pa zhes brjod de/ zla
 ba'i 'od kyis kha phye ba ni ji ltar gnyid log pa las bslang ba lta bu yin te/ rab tu sad par byed pa zhes bya ba'i don to/ /pad+ma rnams ni dgod pa bzhin zhes bya ba dang/ kha cig na ni zla 'od kyis zhes bya ba'i tshigs bcad gnyis kyis ni chu'i nang
 du me tog la sogs pas mtsho mdzes par bstan to/ /pad+ma utpal phye ba rnams zhes bya ba'i tshigs bcad 'dis ni mtsho'i mdza' mar gyur pa mdzes par ldan pa'i phyir ro/ /rlabs nyid sor mo yin pa ste/ des bris pa ni bkod pa'i zhes bya ba'i
 don te/ rlabs kyi sor mos bris pa'o/ /thams cad du khyad par mdzes pa'i dbang du byas nas/ pad+ma utpal 'dab ma dag ces bya ba'i tshigs bcad smos so/ /chu'i nang du mdzes pa'i dbang du byas nas/ chu ni rab gsal mi g.yo bas zhes
 bya ba'i tshigs bcad yin no/ /mtsho'i lhan cig skyes pa'i mi zad pas mdzes pa'i dbang du byas nas/ la lang mu tig phreng chad bzhin zhes bya ba dang/ rig 'dzin na chung zhes bya ba dang/ zla ba'i chung ma rnams zhes bya ba'i tshigs
 bcad gsum yin te/ des na gnas su rung zhing mdzes par byas pa'i dbang du byas pa'o/ /zla ba'i chung ma'i skar ma rnams zhes bya ba'i tshigs bcad kyi phyed kyis ni mtho ris su skyes pa'i sems can gyi yang nye bar longs spyod du rung ba lta
 bur yongs su brtags shing rjes su mthun pa'o/ /bde ba'i yo byad dgag pa med pa zhes bya ba la/ dgag pa med pa ni bya ba thams cad kyi thun mong du gyur pa'i phyir te/ bde ba'i yo byad dang/ mi 'jigs pa byin pas so/ /rgyal pos bya rnams kun la
 byin zhes bya ba 'dis ni dgag pa med pa nyid bstan to/ /mi 'jigs yon dang bcas pa'i yid bzhin gyi mtsho gang yin pa de ni mi 'jigs yon dang bcas pa ste/ 'dis ni bde ba'i yo byad nyid bstan to/ /sprin gyis byas pa'i mun pa ni sprin
 gyi mun pa'o/ /sprin gyis bsgribs pa nyid yol bas sprin gyi mun pa yol ba dag go /sprin gyi mun pa yol ba lta bus bsgribs pa gang yin pa des ni phyogs rnams te/ mun pa yol ba ltar bsgribs pa med pa'i phyogs rnams so/ /kha bye bar
 gyur pa'i me tog pad+ma ni me tog pad+ma mang po kha bye ba'o/ /des mdzes par byas pa gang yin pa'i mtsho de ni me tog pad+ma mang po kha bye bas mdzes par gyur pa'o/ /chu rnams rab tu dang zhing yid du 'ong bar gyur pa ni chu rnams rab tu dang zhing yid du
 'ong ba'o/ /rab tu 'phel bar nus pa dang/ rab tu tshogs pa dang/ rgyas par gyur pa'i 'od zer rab tu 'phel ba'o/ /rnam pa sna tshogs pa'i me tog ni me tog rnam pa mang po'o/ /me tog dang rnam pa sna tshogs gnyis kyi phun sum tshogs pa ni
 me tog rnam pa mang po phun sum tshogs pa'o/ /me tog rnam pa mang po phun sum tshogs pa nyid rgyan yin pas me tog rnam pa mang po phun sum tshogs pas brgyan pa dang ldan pa'o/ /bya'i tshogs kyi ca co mang po'i sgra'o/ /bya mang po'i sgra sgrogs
 pa ni sgra 'byin pa'o/ /rlabs rnams kyi phreng ba bkod pa ni rlabs kyi phreng ba 'khrigs pa'o/ /des byas pa gang yin pa de ni rlabs kyi phreng bas bsil bar byas pa ste/ ser bu bsil zhing grang ba ldan pa gang yin pa des so/ /dri zhim po dang ngad ldang
 ba gang yin pa de ni dri zhim po'i ngad ldang ba'o/ /me tog pad+ma dang utpal rnams kyi dri zhim po'i ngad ldang ba ni me tog pad+ma dang utpa la'i dri zhim po'i ngad ldang ba'o/ /kho ra khor yug tu 'phro ba'i me tog pad+ma dang/
 utpa la'i dri zhim po'i ngad ldang ba de ni kho ra khor yug tu me tog pad+ma dang/ utpa la'i dri zhim po'i ngad ldang ba'o/ /rang gi ngang pa'i tshogs rnams kyi rjes su dran pa 'am/ rang gi ngang pa'i tshogs la rjes su dran pa ni rang gi ngang pa'i tshogs rnams
 rjes su dran pa'o/ /ji ltar na rang gi ngang pa'i tshogs rnams rjes su dran par gyur ce na/ smras pa/ e ma'o zhes bya ba la sogs pa dang/ 'jig rten pa ni phal cher zhes bya ba yin no/ /nam yang phyi'i bde bar ni mi 'gyur mod kyi/ rgyu'i mig
 'bras bu la brtags nas bde ba'i rgyu ni thun mong yin te/ gang skye bo thams cad kyi thun mong du longs spyod pa'o/ /gal te skye bo kun gyi thun mong gi bde ba'i rgyu ma yin na ni ser sna 'byung bar 'gyur te/ dngos po 'di kun tu 'dzin pa yin no//
 de bas na thog mar mdza' bshes dran par 'gyur ba yin te/ de'i rgyu bstan pa'i phyir smras pa/ byams shing rjes su chags pa'i phyir te/ byams shing rjes su chags pa'i rgyu des so/ /spyi'i bde ba myong nas ni zhes bya ba ni rkyen las skyes par
 gyur pa'i bde ba ni spyi'i zhes brjod do/ /yang na bde ba'i rgyu las 'bras bu btags pa ste/ /rgyu la 'bras bu bde ba btags nas spyi zhes smos pas ni bye brag med pa ste/ thams cad kyi thun mong du longs spyad pa'i phyir gang gcig nyid
 kyi bde ba'i rgyur gyur pa bzhin du de las gzhan dag gi yang ngo/ /byams pa'i rjes su chags pa'o/ /des na byams pa ste/ gang la rjes su chags pa des byams shing rjes su chags pa'i rgyus so/ /de na zhes bya ba ni yid bzhin gyi mtsho na'o//
 ji srid 'dod pa zhes bya ba ni ji tsam 'dod pa'o/ /'khod nas zhes bya ba ni longs spyad nas so/ /dbyar kyi dus la bab pa zhes bya ba las brtsams te/ glog rnams g.yo ba ni glog 'gyu ba'o/ /glog 'gyu ba'i mtshon cha 'debs pa 'dra ba gang yin pa de ni
 glog 'gyu ba mtshon cha 'debs pa 'dra ba'o/ /de la yongs su rdzogs pa rma bya'i mdongs rgyas pa'o/ /des mdzes pa gang yin pa de ni rma bya'i mdongs mdzes par gyur pa'o/ /de dag gi co cong gi sgra 'byin pa ni rma bya'i sgra cong cong du 'byin pa'o/ /des mgu bar
 byed pa ni sgra bsgrags pas zhes bya ba'i don to/ /gang gyi byed pa ni gar byed pa ste/ de dag byed pa'o/ /phra mo nyid bya yin pas dran no/ /yang na bya dang bran mang po ni bya bran mang po'o/ /me tog ka tam pa dang/ sardza dang/ ardzun dang/ ke ta ka'i dri zhim
 pos bsgos pa gang yin pa de ni me tog ka tampa dang/ sardza dang/ ardzun dang/ ke ta ka'i dri zhim pos bsgos pa'o/ /gleng langs pa ni brtsams pa'o/ /yul dang phyogs ni yul dang phyogs so/ /de rnams gtam ni yul dang phyogs
 rnams kyi gtam mo/ /des zhes bya ba ni ngang pa shug gnyis kyis so/ /bsngags pa rmad du byung bar bzang po'i mtsho gang yin pa de ni rmad du byung bar bzang ba'i yon tan rnams so/ /yon tan che ba brjod par mi nus pa ste/ brjod kyi mi lang
 ba'i yon tan gang la yod pa de ni yon tan brjod kyi mi lang ba'o/ /'jigs pa dang bag tsha ba ni 'jigs shing bag tsha ba'o/ /'jigs pa dang bag tsha ba ma mchis pa gang yin pa de 'jigs pa dang/ bag tsha ba ma mchis pa'o/ /gros 'dri ba'i tshig dang
 yi ge gsal ba gang yin pa de ni gros 'dri ba'i tshig dang yi ge gsal ba'o/ /ji ltar chags pa'i gnas yin zhe na smras pa/ sha bzar rung ba dang/ bltan sdug pa'i phyir te/ blta na bsdug pa ni yid du 'ong ba'o/ /sha bzar rung ba ni bza' bar bya ba
 yin pa'i phyir ro/ /'di gnyis kyi rgyus bdag cag gzung ba dang bsad par 'os pa nyid yin te/ 'dis ni bdag cag nyid kyi rang bzhin bstan to/ /'dis ni cis kyang phongs pa ma mchis so zhes bya ba ni ci ste
 bdag nyid kyi gnas chags par bya ba med na ni gnas ngan pa'i phyir de yongs su gtang bar bya ba yin na de yang ma yin no/ /gnas der 'gro ba'i nyes dmigs bstan pa'i phyir tshig 'jam po bcos ma zhes bya ba la sogs pa yin te/ phyi bzhag
 can du smra ba'o/ /tshig 'jam pos bcos ma nyid phyi bzhag can du smra ba ni tshig 'jam po bcos ma phyi bzhag can du smra ba'o/ /rang bzhin ngan pa'i dngos pa nyid gnod par sems pa nyid yin pas gnod par sems pa'i rang bzhin ngan pa'o/
 tshig 'jam por bcos ma phyi bzhag can du smra ba gnyis kyis mi mngon par byas pa'i gnod par sems pa'i rang bzhin gang yin pa de ni tshig 'jam por bcos ma phyi bzhag tu smra ba gnod par sems pa'i rang bzhin mi mngon par byed
 pa'o/ /chung mdangs dman pa'i snying rje gang la yod pa de ni snying rje chung ba'o/ /don gyi rjes su 'gro ba ni don mthun par byed pa'o/ /smra ba dang sems mthun par byed pa gang yin pa de ni smra ba dang sems pa mthun pa'o/ /phal cher zhes bya
 ba ni bya dang ri dwags thams cad ni ma yin pa ste/ de yang de dag las mi rnams kyis bslabs pa kha cig ni smra ba dang/ sems pa mthun par byed pa ma yin pas so/ /mi'i nang na kha cig ces bya ba ni dam pa rnams ma gtogs pa ste/
 de ni smra ba dang/ sems pa mthun par byed pa nyid do/ /de dag las bzlog pa ni de las bzlog pa'i tshul te/ de las mkhas pa de ni de las bzlog pa'i tshul la mkhas pa ste/ smra ba dang sems pa mthun par byed pa 'am/ smra ba dang sems pa ni mthun
 pa med pa las so/ /de las bzlog pa mkhas pa nyid bstan pa'i phyir/ 'jam zhing snyan pa'i tshig smra yang zhes bya ba'i tshigs bcad yin no da ltar ni snyan la ma 'ongs pa na ni don dang mthun pa med cing skyon dang bcas pas gnod pa yin te/ 'dir snyan pa smra ba yin
 na yang skyon dang bcas so zhes bya bar bstan to/ /ci'i phyir de ltar smra zhe na/ de nyid smras pa/ khe 'tshal phyir zhes bya ba yin te/ spobs 'grub pa de ni khe 'dod pa ste/ de ni tshong ba rnams kyang rang gi nor 'ged par byed de/ khe 'dod pa'i phyir ro/ /de bas lhan cig
 de tsam zhes bya ba ni phyi bzhag can du smra ba tsam gyis so/ /yang na tshig 'jam pa la sogs pa'o/ /dgos pa mchis kyang zhes bya ba ni der song zhing gnas pas ci zhig 'grub par gyur kyang ma smin na/ de med pa lta smos kyang ci dgos te/ skyon dang bcas shing
 mi rigs pa nyid kyi phyir ro/ /skyon dang bcas shing tshul ma yin pa gang yin pa de ni skyon dang bcas shing mi rigs pa'o zla ba dang rgyu skar dang skar ma ni zla ba dang rgyu skar dang skar ma ste/ ston gyi dus la bab cing dri ma med pa'i skar ma dang rgyu skar gyi rgyan gang la
 yod pa nyid de de bas na'o/ /ngang pa'i tshogs mang po zhes bya ba ni ngang pa'i khyu mang po mtsho der 'dong bar bya ba'i gtam brjod de 'dong ba ni mtsho der 'gro ba'i phyir ro/ /yid du 'ong ba'i bkod pa yin pas yid 'ong bkod pa'o/ /yon tan mnyam pa med
 pa ni yon tan mtshungs pa med par gyur pa'o/ /gser gyi 'dab ma ltar mdzes pa'i 'dab ma gang la yod pa de ni gser gyi 'dab ma ltar mdzes pa'i 'dab ma'o/ /gdong dang rkang pa gnyis mdzes pa ni gdong dang rkang pa gnyis mdzes pa ste/ gser btsom
 pas kyang lhag par mdzes so/ /de yang tshad lhag pa dang legs pa'i lus can gang yin pa de gnyis so/ /mkhas par grags pa gang yin pa de ni de gnyis gzung ba'i phyir ro/ /ngang pa'i mchog de gnas dang spyod yul zhes bya ba ni gnas pa'i phyogs so/ /nyes su
 dogs pa med pa yin te/ ci'i phyir zhe na/ brid pa'i thabs mkhas pa'i phyir ro/ /bag med pa nyid brlag pa yin pas bag med rlag pa'o/ /de ni bag med pa brlag pa'i 'byung gnas yin pas na 'byung khung ngo/ /de lta
 bur zhes bya ba ni bcing ba'i rnam par ro/ /'jigs pa dang bcas pa yin no zhes bya ba ni bdag nyid bcings so zhes brjod pa'i tshig des gzhan mi bde bar 'gyur bas de ltar smras pa'o/ /yang na nyam nyes par gyur pa'i tshul te/ bdag nyid bcings so//
 zhes bsgrags na yang 'dir nyes pa med do/ /'jigs pas skrag la brtabs pa gang yin pa de ni 'jigs shing skrag la rtabs pa'o/ /byams pas bcings pa'i yid ni rang gi srog dang bral ba yang mi sems so/ /gang gi phyir zhe na/ rang gi srog
 dang bral ba'i sdug bsngal ni shin tu che ba yin mod kyi/ de bas kyang shin tu shas che ba'i sdug bsngal gyis shes sbyar te/ mya ngan dang sdug bsngal ni mya ngan dang sdug bsngal lo/ /sdug bsngal ni lus kyi'o/ /mya ngan sems kyi ste/ de dag ni 
 gang gi phyir nyam nyes pas byas pa'o/ /song shig song shig ces bya ba'i tshigs bcad kyi bsdus pa'i don ni de la gnod par 'gyur ba'i phyir dang/ bdag gi nyam nyes pa'i grogs ma nus pa'i phyir ro/ /ji ltar bshad pa'i rgyu de gnyi ga'i
 gnas skabs kyang mi rigs par bstan pa'i phyir/ 'di ni mchis kyang 'gum par nges ma mchis zhes bya ba'i tshigs bcad smos so/ /song shig song zhig ces bya ba'i tshigs bcad der gang bstan pa/ de gnyis kyi lan bstan pa'i
 phyir/ 'di na mchis kyang zhes bya ba'i tshigs bcad phyed kyis bstan te/ 'di na 'dug pa'i mi rigs so zhes bya ba'i lan ni 'di na mchis pa las/ gal te gud du mchis kyang rga shi med par 'gyur na 'di na 'dug pa'i mi rigs na de med pas so/ /song zhig
 ces bya ba'i lan ni nges ma mchis zhes bya ba yin te/ gal te 'gro bar mi 'gyur na gdon mi za bar gsod pa yin no zhe na/ de lta na ni song zhig ces smra ba'i rigs na de yang med do/ /grogs byar ga la yod ces bya ba de'i lan ni bde ba'i tshe na rtag tu khyod
 bkur ba zhes bya ba'i tshig gis so/ /nga ni 'di ltar gyur pa la zhes bya ba de'i lan ni nyam nyes tshe na dor du ga la rung zhes bya ba'i tshig gis te/ tha mal pa'i tshe yang ma btang na 'di ltar gyur pa na lta ci'i phyir dor zhes pa'o/ /gal te 'di na ma mchis kyang
 'gum par nges pa ma mchis pa dang/ de ltar yongs su bor zhing btang na yang gcig tu 'chi ba dang/ rga ba med pa ni ma yin pas 'gro bar ni mi rigs pas 'dug pa ni rigs pa nyid de de'i phyir smras pa/ bdag gi srog gzung tsam gyi phyir zhes bya ba'i tshigs
 bcad smos so/ /bdag nyid kyi srog yin pas bdag gi srog go bdag gi srog nyid gzung ba yin pas bdag gi srog gzung ba'o/ /de tsam nyid yin pas na bdag gi srog gzung ba tsam mo/ /des na bdag gi srog bzung ba tsam gyi phyir te/ rang gi srog
 nyid kyi phyir zhes bya ba'i don to/ /gtam ngan pa yin pa'i phyir gtam ngan no/ /gtam ngan pa nyid char yin pas gtam ngan pa char bzhin du 'bab pa'o/ /de'i skyabs ni gtam ngan char bzhin 'bab pa'i skyabs so/ /'dir sgrib par byed pa yin pas skyabs
 te/ 'dis ni bdag nyid khrel yod par bstan to/ /rgyal po chen po nyam nyes pa bor te 'chi ba'i chos ma mchis zhes bya ba ni ngo tsha shes pa'i dbang du byas pa ste/ bdag dang chos kyi dbang du byas nas kha na ma tho ba la 'dzem pa zhes bya ba'i tshig gis so//
 bde ba'i tshe na rtag tu khyod bkur la/ nyam nyes tshe na zhes bya ba ste/ phongs par gyur pa na bdag gis bor na ga la zhig rung ste/ smras pa/ khyod ni cir gyur pa zhes bya ba yin te/ dang po khyod ji ltar gyur pa de ltar bdag nyid kyang 'gyur bar 'tshal lo zhes bya ba'o/ /de'i
 lan byang chub sems dpas smras pa/ tshang mang zhes bya bas ni nges par gsod par 'gyur ba'i don to/ /bde bar gnas zhes bya bas ni sems bde bar gnas pa'o/ /gal te sems bde bar mi gnas kyang gzung ba yin
 na ni der 'gro ba'i rigs na gzung ba ma yin pa'i phyir ro/ /de lta mod kyi gal te ma bzung zhing bde bar gnas kyang bdag gi 'gro ba'i rjes su 'gro ba ni don gzhan dag las bltos pa yin na gzhan yang med do zhes bstan pa'i phyir/ de ltar byas na cir 'gyur ltos
 zhes bya ba'i tshigs bcad smos so/ /'di'i 'gro ba ni bdag dang/ khyod 'chi ba dang/ gnyen bshes rnams dang 'di gsum gyi don med par tshigs bcad 'dis bstan pa yin no/ /gsum po 'di med pas 'chi ba dmigs pa nyid du bstan pa'i phyir/ bde
 ba mi bde mun khung bzhin zhes bya ba'i tshigs bcad smos so/ /phan pa'i don zhes bya ba ni sngar bshad pa gsum po'i 'o/ /chos don legs par bgyis na ni zhes bya ba'i phyed 'og mas ni chos dang/ don gnyis bdag gi 'dod pas nges par bsgrubs
 pa ste/ bdag nyid kyi don nyid du bstan to/ /rje bo yongs su ma btang bar spyod cing khyod la glo ba nye ba'i phyi zhes bya ba 'dis ni/ rje bo'i don tu bdag nyid snying nye bar ston te/ des ni gnyi ga yang bstan pa yin no/ /de ltar byas na zhes bya ba'i tshig
 bcad 'di smos pa 'tsho bar gyur na ni don gzhan 'di dag yod de zhes bstan pa ste/ don gzhan de yongs su bstan pa'i phyir/ mdza' bshes dang bral ba rnams zhes bya ba smos te/ bdag gis bsrung zhing sba bar bya ba de bral bar gyur kyang khyod
 kyis mchog tu 'byor bar byed par 'gyur te/ ji lta ba bzhin du gsol ba gdab kyang mi dgos par blo gros phun sum tshogs pa'i phyir ro/ /de gnyis gcig la gcig byams pa nyid yon tan yin pas de bas na gcig la gcig byams pa'i yon tan no//
 de gzugs bzang ba yin pas/ de'i gzugs bzang ba ste/ de'i gzugs bzang ba des so/ /bde bar 'dug bzhin du zhes bya ba ni bag tsha ba med par ro/ /khyod ni ma zin bde bar 'dug ces bya ba'i tshigs bcad kyi bsdus pa'i don ni rgyu rnam pa lngas bya rnams
 nam mkha' la 'gro bar mi nus pa yin te/ de med kyang ci'i phyir nam mkha' la mi 'gro zhes bya bar ston pa yin no/ /de dag kyang yang zhe na/ rnyis zin pa dang/ rang gi dbang med pas mi bde bar 'dug pa dang/ spu ma skyes shing gshog pa med pa dang/ rtsol ba yod
 kyang stobs chung ba dang/ 'jigs pa'i rgyu ma mthong bas 'gro bar mi 'gyur ba ste/ nyes pa 'di dag med kyang 'phur bar ma gyur pa'i rgyu 'dri ba yin no/ /tshig dang/ 'bru dang/ sprel legs pa ni tshig 'bru sbrel legs pa'o/ /tshig 'bru sprel legs
 pa'i sgra gang yin pa de ni tshig 'bru rab tu gsal zhing sprel legs pa'o/ /de la 'bru smos pas ni a la sogs pa'i yi ge gzung ngo/ /tshig smos pas ni ngo bo nyid kyi tshig bla dwags su gzung ngo/ /tshig sbrel legs pa zhes bya ba smos pas ni
 khyad par gyi tshig bla dwags su gzung ngo/ /yid du 'ong ba zhes bya ba ni mnyan par 'os pa'o/ /gang gis gzi byin gang la yod pa ni gzi byin dang ldan pa'o/ /brtan pa'i yon tan gyis gzi byin dang ldan pa ni brtan pa'i yon tan gyis gzi byin dang
 ldan pa ste/ des sgra sgrogs shing skad cher phyung ba yin no/ /dam du zin zhes bya ba ni phyi rol gyi rnyi ni mtshon la sogs pas bcad par nus la/ brtse ba'i zhags pa ni gcad par mi nus pa'i phyir te/ ji lta bu zhe na/ smras pa/ rnyis ni de bas zhes bya
 ba yin te/ lus kyi 'chi ba dang/ rjes su mthun pa'i rtse ba'i zhags pa gang yin pa des bcings pa dang/ 'dod chags dang bral ba ma gtogs pas gcod par mi nus pa'i phyir ro/ /nga'i rgyal po srog dang 'dra ba'i grogs zhes bya ba'i tshigs bcad kyi
 bsdus pa'i don ni gang yongs su mi 'dor ba dang/ ci'i phyir yongs su mi 'dor ba ste/ de gnyis tshigs bcad 'dis ston pa yin no/ /gang yongs su mi 'dor zhe na/ rje bo'o ci'i phyir yongs su mi 'dor zhe na/ bde bar sbyin par
 byed pa'i phyir ro/ /grogs po ci'i phyir yongs su mi 'dor zhe na/ nyam nyes par gyur pa'i phyir ro/ /'di gnyis kyis ni phan 'dogs pa dang/ snying rje'i zhing nyid du ston te/ yon tan re re tsam yod kyang yongs su gtang bar bya ba ma yin no/ /yon tan
 bzhi dang ldan pa lta smos kyang ci dgos zhes ston to/ /bzang po bdag cag smras pa 'dis shes bya ba la/ gal te bde ba zhes bya ba'i sgra ni dge shis so/ /bdag cag btang na ni zhes bya ba yang 'dir dge shis so/ /sngar bshad pa'i smras pa
 'dis/ gal te bde ba 'byung zhing zhes su bya ba'i lan ni/ nga ni khyod la gnod mi byed ces bya ba yin no/ /btang na ni zhes bya ba de'i lan ni/ khyod ni nga yis gzung ba med ces bya ba yin no/ /chos dang ldan pa'i grags pa 'thob ces bya ba'i lan ni/ de bas
 khyod ni ci bder song zhes bya ba'i tshigs bcad phyed 'og ma yin no/ /nga ni khyod la gnod mi byed ces bya ba de'i lan ni/ bdag ni sdug bsngal mi bzhed na zhes bya ba'i tshigs bcad kyi phyed do/ /de bas khyod ni ci bder song zhes bya ba'i lan ni/ gal
 te gcig gis mnyes gyur na zhes bya ba byed 'og ma yin no/ /gal te gcig gis mnyes gyur na zhes bya ba la/ 'di glo dang na tshod la sogs pa mi mnyam pa de khyad par yod do zhes rtog pa la/ de khyad par med par bstan pa'i phyir/ bdag
 cag chu dang zheng yang mnyam zhes bya ba smos so/ /chu dang zheng rnam pa gnyis kyis ni bye brag med pa ston to/ /de khyad par med pas sems kyang khyad par med do/ /gal te na tshod la khyad par yod na ni sha la khyad par yod par 'gyur te/ de khyad
 par med par bstan pa'i phyir/ na tshod la yang rgan gzhon med ces bya ba 'dis so/ /bdag la thugs ches mi 'gyur ni zhes bya bar bshad pa ni ci zhig ltar dogs na de yang nyes pa med do/ gal te sngar bya'i rgyal po btang ste/ bdag kyang ma bzung
 bar btang na ni gnyi ga las nyams par 'gyur na/ de'i nyes pa med par bya ba'i phyir/ khyod kyis bdag ni sngar zung la zhes bya ba'i tshigs bcad phyed 'og ma'o/ /bdag bzung zhing bya'i rgyal po btang na ni phan yon 'di dag yin te/ de bstan pa'i phyir/ khyod kyis
 rnyed pa'ang de bzhin la zhes bya ba'i tshigs bcad smos te/ khyod kyis rnyed pa'ang de bzhin la/ de bas mdza' ba 'ang de bzhin 'gyur zhes bya ba 'di gnyis kyis rngon pa'i phan yon bston to/ /bdag gis gsol ba zhes bya ba dag dang/ khyod kyis btang na ji ltar 'gyur
 ba gzigs zhes bya ba 'dis ngang pa'i rgyal po'i phan yon bstan pa'o/ /de rang gi srog la yang mi lta bar zhes bya bas ni gang sngar bshad pa'i/ de bas bdag gi srog ni yal gyur kyang/ /'di ni gtong bar bdag gis mi nus so zhes bya ba de bstan pa
 yin no/ /jo bo la snying nye zhing byams pa zhes bya ba 'dis ni gang sngar bstan pa'i/ ngang pa'i rgyal po srog dang 'dra ba'i grogs/ 'di ni nyam nyes gyur ces bya ba de ston pa yin no/ /chu gang dang khrel ltas che ba'i yon tan gyi byin dang ldan pa dang zhes
 bya ba 'dis ni bde ba sbyin pa de ni nyam nyes gyur ces bya ba de ston to/ /brtan pa'i brgyan ces bya ba 'dis ni gang sngar bshad pa'i/ bdag ni sdug bsngal mi bzhed na zhes bya ba la sogs pa de dag ston pa yin no/ /'jam pa'i rgyan gyis brgyan ces
 bya ba 'dis ni/ bzang po bdag cag smras pa 'dis zhes bya ba'i tshigs bcad kyi don de ston to/ /ngo mtshar che zhing rab tu gus pa'i dbang gis zhes bya ba ni dud 'gro'i skye gnas su gyur pa yin du zin kyang/ de'i yon tan la ngo mtshar che bas gus
 pa yin te/ yon tan khyad par du gyur pa dang ldan pa'i phyir ro/ /ngo mtshar dang gus pa gnyis bstan pa'i phyir/ jo bo'i don du srog btang ba zhes bya ba'i tshigs bcad 'di smos so/ /snying rje can zhes bya ba snying rje dang ldan pa
 yin pas snying rje can te/ sdug bsngal dang bral ba de des don du gnyer ba'i snying rje'i yon tan ston pa'o/ /khyod kyis las byas don med mi 'gyur phyir zhes bya bas ni/ ji ltar bdag dga' bar 'gyur bar las byas pa ni ngang pa'i rgyal po
 khyod kyis btang ba ste/ de'i 'bras bu med par mi 'gyur ba'o/ /bde bar zhes bya ba ni bag tsha ba med par ro/ /pho brang nang du rgyal po'i spyan sngar brims zhes bya ba ni dben par bstan pa mi 'dod cing pho brang nang du 'ong ba ste/ bdag nyid skye bo
 mang po'i mngon du bstan pa ni rang gi rigs pa dang mthun pa'i phyir ro/ /mi g.yog bzhin du g.yog dang bcas pa'i mtshan nyid do/ /mi re bdag gang yin pa de ni/ re yang mi re bdag ste che zhing rgya che ba dag go/ /mgu bar 'gyur ba zhes
 bya ba 'dis ni yid la ci 'dod pa nyid ston to/ /bde zhing zhes bya ba 'dis ni 'jigs pa med par ro/ /bya 'di gnyis ni zhes bya bas ni sa la 'gro ba'i spyod yul ma yin pa nyid du bstan to/ /rab tu dga' zhing ngo mtshar che ba zhes bya ba ni dga' 
 ba dang/ ngo mtshar du gyur pa gnyis ni dga' ba dang/ ngo mtshar ro/ /de la rab tu dga' ba ni 'dod pa'i don grub pas so/ /ngo mtshar cher gyur pa gnyis ni shin tu rnyed par dka' ba rnyed pa'i phyir ro/ /sna tshogs pa'i rin po che ni rin po che sna
 tshogs pas so/ /rin po che sna tshogs pa'i 'od ni 'od zer ro/ /'od zer 'phro zhing sdug pa'i rkang pa gang yin pa'i stan ni stan de'o/ /sras pa ni gsal bar byas pa'o/ /'od zer 'gro zhing sdug pa zhes bya ba ni dbyibs so/ /lha'i gdan yang
 yin pas lha'i gdan rim pa du ma'o/ /de bshams pa ni lha'i gdan rim pa du mar bshams pa ste/ ngas mngon par dga' bar bya ba gang yin pa de ni lha'i gdan rim pa du mar bshams shing bzang ba'o/ /rgyab rten dang bde zhing nyams dga' ba ni rgyab rten bde
 zhing nyams dga' ba'o/ /brgyan pa dang bcas pa ni rgyab rten bde zhing nyams dga' bas brgyan pa'o/ /btsugs pa'i rkang rten gang yin pa de ni rkang rten btsugs pa'o/ /dril bu bzhin du snyan pa ni dril bu ltar snyam pa ste des so/ /gzi byin che zhing mdangs dang
 ldan pa'i sku zhes bya ba la sogs pa'i tshigs bcad dang po lngas ni dga' bar 'gyur ba'i gtam las brtsams pa ste/ 'di'i bsdus pa'i don ni lus la rnam pa gnyis kyis bde 'am mi bde zhes dri ba bstan te/ gzugs kyi lus la bsnyun gsol ba
 las brtsams te/ gzi byin che zhing zhes bya ba'i tshigs bcad phyed kyis bstan to/ /gzi byin dang mdangs ni/ gzi byin dang mdangs so/ /gzi byin dang mdangs kyi gnas su gyur pa ni gzi byin dang mdangs kyis gnas so/ /mdangs smos pas ni kha dog gzung ngo//
 gzi byin smos pas ni dbyibs gzung ngo/ /gnyis pa ni gang gi phyir/ mig gi yul gyis bde 'am zhes dris pa yin te/ nad med pa ni bde ba'i gnas te/ sngon dge ba bsags pa'i phyir bde ba'i gnas so/ /chos kyi sku la zhes bya ba la/ chos kyi sku ni bsod
 nams kyi tshogs bsags pa ste/ pha rol tu phyin pa bzhi ni chos kyi sku'o/ /'dis ni rgyal po'i chos kyi lus skye dgu srung zhing skyob par bstan to/ /rma med zhes bya ba ni tshul las ma nyams sam zhes bya ba'i don to/ /dka' lung snyan pas rgya cher
 dbugs phyung ngam zhes bya bas ni sbyin pa'i pha rol tu phyin pa bstan to/ /nga ni rgyal po'i chos kyi dbang du byas pa ste/ phan gdags nan tur zhes bya ba la sogs pa'i tshigs su bcad pa gsum mo/ /de la phan gdags nan tur zhes bya ba dang/ blon po
 'dzangs shing glo ba nye ba zhes bya ba'i tshigs bcad gnyis ni rang gi yul 'khor gyi dbang du byas pa'i rgyal po'i chos so/ /skye dgu srung ba de yang tshul yin te/ phan gdags nan tur bgyi ba'i bka' khrims
 kyis zhes bya ba ni mngon sum du btags nas bstan pa dang/ dang bas ji ltar rigs par chad pas bcad pa dang/ glo ba nye ba la phan gdags par bya ba nyid do/ /nan tur gyis ni phan pa 'byung ba yin te/ bsrung ba'i dbang bkur ba'i phyir ro/ /bdag gi
 grags pa'i gtam snyan rgyas gyur tam zhes bya ba 'di dag gis ni mngon sum nyid du rgyal po'i chos ston te/ rgyal po'i tshul ni mngon sum dang/ lkog tu gyur pa rjes su dpag pa yin pa'i phyir ro/ /de la bdag gi mthong ba ni mngon sum mo//
 blon po 'dzangs shing glo ba nye ba rnams/ brtag pa'i thabs kyis zhes bya ba ni/ lkog tu gyur pa rjes su dpag pa'i tshul lo/ /legs par zhes bya ba ni rang bzhin mi dga' ba'i phyir brtag pa'i thabs ni rnam pa lnga'o/ /nye bar rtsogs pa dang thabs
 mthar ma phyin pa ni brtag pa'i thabs shes brjod do/ /glo ba nye ba zhes bya ba ni bsam pa phun sum tshogs pa'o/ /'dzangs pa ni sbyor ba phun sum tshogs pa'o/ /'grangs la sman pa rtag tu dgongs lags sam/ zhes bya ba ni gsum po de lkog
 tu gyur pa'i rgyal po'i tshul ston pa yin no/ /de dag mi mkhyen par ni mi zhugs grang zhes bya bas ni rjes su dpag pa nyid ston to/ /de ltar re zhig bya ba ma yin pa byed pa las ldog pa'i tshul bstan te/ chos kyi sku la zhes bya ba ni bya ba ma yin
 pa las ldog pa'i tshul lo/ /phan gdags nan tur zhes bya ba dang/ blon po mdzangs shing zhes bya ba gnyis kyi ni skye dgu skyong ba las 'jug pa'i tshul lo/ /dpa' zhing thabs mkhas zhes bya ba'i tshigs su bcad pa ni rgyal po'i chos kyi dbang du
 byas pa ste/ yul phyogs gzhan gyi dbang du byas nas thabs mkhas pa zhes smos te/ sdum pa dang/ dbye ba'i thabs kyis bya ba yin pas thabs mkhas zhes brjod do/ /dpa' bas zhes bya ba ni bka' i bka' khrims bstan to/ /thugs rje chen po'i mdzes pa
 mchis lags sam zhes bya ba ni brjod pa'i pha rol tu phyin pa'o/ /thugs rjes bag med par ni mi mnal grang zhes bya ba ni brtson 'grus kyi pha rol tu phyin pa ste chags pa'i dbang du mi gtang bar ston pa yin no/ /chos dang bde dang srid rnams mthun lags
 sam zhes bya ba 'di yang brtson 'grus kyi pha rol tu phyin pa'i dbang du byas pa ste/ chos dang bde dang srid rnams mthun lags sam zhes bya ba ni rgyal po'i 'khor gsum gtso bo yin pa'i phyir/ brtson 'grus kyi pha rol tu phyin pa dang mthun par gyur pa'i spyod
 pa ston pa yin no/ /shugs 'byin smod par 'gyur lags sam zhes bya ba ni de de'i yon tan thos na mkhas pa'i phyir mi bzod pa yin pas/ shugs 'byin pa yin pas smod par 'gyur ro zhes ston to/ /de ring bdag kyang bde zhes bya ba ni ci'i phyir zhe na/
 phrad pas yun ring por bsams pa 'byor cing thob pa'i phyir ro/ /thams cad du yang bde zhes bya ba yang de dang phrad pas grub pa'i phyir ro/ /ngang pa de ring bdag kyang bde zhes bya ba'i tshigs bcad 'di ni sngar bshad pa'i dri ba mdza' dag gi lan yin no//
 khyod ni rnyi yis zin pa na zhes bya ba dang/ de ltar rngon pa 'di dag ni zhes bya ba'i tshigs bcad gnyis ni dga' bar gyur pa'i gtam las brtsams pa'o/ /'di yis snang bar ma byas sam zhes bya ba smos pa la/ snang bar byed pa'i rgyu de nyid sgrub pa'i phyir
 smras pa/ khyod ni rnyi yis zin pa na zhes bya ba'i tshigs bcad kyis phye ste/ dga' bas sems g.yengs par gyur pa'i phyir ro/ /dga' bas sems g.yengs pa nyid kyi rgyu yang bstan pa'i phyir de ltar rngon pa 'di dag gis zhes bya ba'i tshigs bcad kyi
 phyed do/ /bya rnams zin cing snang gyur na zhes bya ba ni bya rnams dbang du gyur cing thob na gnod pa nyid du dga' ba yin no/ /dga' bas sems ni g.yengs gyur nas zhes bya ba ni dga' ba snyems pas de la ngan
 pa dag kyang spyod par 'gyur te/ snyems pa'i dbang gis so/ /'di lta bur ni nyam nyes kyang zhes bya ba ni rnyi'i dbang du gyur kyang ngo/ /dgra bzhin du ni gnod pa ma bgyis so zhes bya ba ni dbyug pa la sogs pas ma brdegs pas so/ /'o skol gnyis ka dgyes
 bgyis pas zhes bya ba ni sngar dad pa'i rgyal po btang bas bzhin bzangs ngang pa'i rgyal po khyod kyang dga' bar byas la/ 'dir khyer te 'ongs pas bdag cag kyang dga' bar byas ste/ des na bdag ngang pa'i rgyal po bzhin bzangs kyang dga' bar byas pa ste
 de ltar gnyi ga dga' bar byas pa gang yin pa'o/ /mang po ni yangs pa'o/ /nor rgya cher byin te zhes bya ba ni re re'i rnam pa yang mang po yin par ston to/ /ci bzhed de dag ces bya ba ni dngos su smos pa bzung ste/ nor de'i dmigs kyis dbye ba'i tshul med
 par ro/ /ci dang zhes bya ba ni de dang 'tshams pa'i thabs ston pa yin no/ /de zhes bya ba ni longs spyod bdog pa'o/ /de bas na mdza' bo'i phan yon che ba'i spobs pa gang yin pa de ni spobs pa phan yon che ba'o/ /bzhin bzangs smrar gzhug par 'dod pa
 gang yin pa de ni bzhin bzangs smrar gzhug par 'dod pa'o/ /gsar du bshes pa gang yin pa de ni gsar du bshes pa'o/ /su dang gsar du bshes zhe na/ skye bo ma 'dris pas zhes bya ba yin te/ ma 'dris pa de la rab tu spobs shing smra ba dang bag
 dbab pa ni mi rung ba yin pas so/ /bka' mchid nyid gsung yin pas bka' mchid gsung ba'o/ /chu ni de ma lags zhes bya ba ni bka' mchid de lta bu'i nang du 'jug cing spyi gtol bskyed pa'i tshul dang/ lam ma yin te/ tshul ma yin pa'i
 lam des so/ /bzod par gsol ba ni mi smra bar 'jug pa de la'o/ /khyod kyi yon tan gtam snyan mi rnams zer ba'i rigs zhes bya ba la/ ci'i phyir rigs she na/ smras pa/ 'di lta bur khyod dul ba'i phyir ro/ /ngang pa'i bdag po dang yang grogs por 'thams pa'i
 rigs te/ grogs por 'thams pa'i ci'i phyir rigs she na/ 'di lta bur khyod dul ba dang tshul mkhas pas so/ /rab tu mdza' bar 'dod pa zhes bya ba ni rab tu bcugs par 'dod pa zhes bya ba'i don te/ ji ltar de bas bdag cag mdza' ba 'di zhes bya ba'i
 tshigs bcad 'dis bstan pa de bzhin du gzung ngo/ /byams pa'i 'jug pa ni byams par gyur pa'o/ /ji ltar byams par gyur pa yin zhe na/ ji skad du sngar bshad pa'i khyod gnyis ched du bdag gi khyim du byon zhes bya ba'i tshigs bcad kyis bstan to/ /dang po
 bshes par gyur pa na'ang zhes bya ba'i tshigs bcad gyis ni byams pa 'gyur bar shes nas de la mgu bar byed pa de bstan to/ /rab tu mdza' bar 'dod pa zhes bya ba de sgrub pa'i phyir/ bkur sti bya ba'i cho ga 'dis zhes bya bas bstan to/ /ci dang ci bzhad? de
 dag bdag la gsungs zhes bya ba de'i lan ni/ bdag nyid don du mi gnyer bar bstan pa'i phyir/ dgos pa lta zhig ched che ci zhig mchis zhes bya ba'i tshigs bcad yin no/ /ched che mchis zhes bya ba ni bdag nyid kyi srog cung zad tsam gyi phyir ro/ /ci zhig mchis
 zhes? bya ba ni gzhan gang don du mi gnyer bar 'dod pa'o/ /khyod la bdag brten pa gang yin pa de lta yin pas so/ /ci dang ci bzhed de dag bdag la gsungs zhes bya ba yang goms pa'i yon tan yin te/ gzhan dag tu mgron dag la spyad pa nyid yin
 pa'i phyir/ mgron la dga' ba'i phyir zhes bya ba bdag la 'di ltar gyur pa'o/ /yon tan la dga' ba ni yon tan 'dod pa ste de yon tan 'dod pa gnyis kyis yon tan la dga' ba zhes bya ba'i don to gang gi phyir yon tan 'dod pa de bas na mgron la dga' ba
 yin te/ yon tan dang mgron la dga' ba'o/ /yon tan la dga' ba nyid bstan pa'i phyir/ 'bangs la phan phyir zhes bya ba ni tshigs bcad yin te/ khyod lta lags kyang med ces bya ba ni mgron la dga' ba'i phyir ro/ /rang bzhin
 dul ba zhes bya ba ni ngang gis sems sbyangs pa gang yin pa de ni rang bzhin dul ba ste/ mi bzod pa spangs pas rang bzhin dul bar gyur pa'o/ /gal te mi bzod pa spangs so zhes bstan na ci'i phyir sa'i bdag po byed par 'gyur zhe na/ smras pa/ 'bangs la ?
 phyir rgyal po'i tshul 'dzin pa zhes smos te/ 'dis ni bdag nyid kyi nye bar longs spyod pa'i phyir ma yin pa ston to/ /rang gi ngang gis zhes bya ba ni 'bad pa med par goms pa ste/ de la yon tan rnams gnas pa bstan to/ /de bas zhes bya ba ni rgyun mi
 'chad pa'i tshul gyis yin te des ni bdag nyid kyi tshul bstan to/ yon tan bstod par 'os pa zhes bya ba la/ 'os pa ni rigs pa zhes bya ba'i don te/ bde ba'i rgyu yon tan dang phan yon rnam pa gnyis bstan te/ 'jig rten 'dir stong ba'i 'os su byung
 pa dang/ 'jig rten pha rol tu bde ba'i rgyur gyur pa'i phyir ro/ /bstod par 'os pa zhes bya ba dang/ 'byung po nyes pa'i gcong rong mi 'dod do zhes bya bas ni 'di gnyis med par ston te/ 'jig rten 'dir grags pa ma yin pa dang/ pha rol tu yang ngan
 song du 'gro ba'i sdug bsngal med pa yin te/ yon tan gyi chos kyi phan yon rnam pa gnyis bstan nas skyon gyi chos nyid ni de'i mi mthun phyogs nyes dmigs nyid du bstan te/ de yang sems yongs su zhig mi phan lam ngan 'gro zhes bya ba ni
 nyes pa'i lam yin te/ 'byung po'i nyes pa'i gcong rong mi 'dod do zhes bya ba de nyid ston pa yin no/ /ci'i phyir/ 'byung bo'o gcong rong du mi 'dod zhe na/ de'i rgyu bstan pa'i phyir/ dpa' bas yul 'khor zhes bya ba la sogs pa'i tshigs bcad
 gsum yin no/ /yul zhes bya ba ni gnas zhes bya ba'i don te yul der dpa' bas so/ /nor gyi rtsol phod pa yin pas nor gyi rtsol phod pa ste/ nor gyi mthu zhes bya ba'i don to/ /'dis ni bdag po'i nus pa bstan te/ nor dang/ bka' khrims dang/ stobs ni
 bdag po'i nus pa zhes bya ba'i tshig gis so/ /yang na nor dang/ rtsol phod pa ni nor rtsol yod pas so/ rtsol phod pa smos pas ni bka' khrims gzung ngo/ /thams kyis de mi 'thob ces bya ba ni nges pa med pa'o/ /nor bkod pa dang 'bad pa zhes bya ba ni lus kyi yongs su
 ngal ba dang/ nor zad pa gnyis te/ 'dis ni mthong ba'i chos kyi phan yon bstan to/ /rgyal po'i srid thob ces bya ba ni sbyin pa'i pha rol tu phyin pa'i 'bras bu yon tan nyid kyi thob pa yin no zhes bstan to/ /lha'i rgyal po dpal yang zhes bya ba ni mi las khyad par
 du gyur pa'i rgyal srid 'thob pa'i dbang du byas pa ste/ 'di yang phan yon nyid de/ sbyin pa'i pha rol tu phyin pa'i 'bras bu'o/ /yon tan yod na rgyud kyang rab tu 'phel zhes bya ba yin te/ gzhan rag lus pa ni phan yon te lus kyis 'dud pa'o/ /grags
 pa rnams kyang yon tan nyid las 'phro zhes bya ba 'dis ni grags pa 'phel ba ste/ gzhan rag lus pa'i phan yon yin no/ /zla ba'i 'od las gsal ba'i yon tan ni zhes bya ba'i tshigs bcad 'di ni gzhan pha dang ma dang 'brel ba nyid dang bar byed pa'i
 rgyu yin no/ /yid kyi las kyi dbang du byas nas mi bzod pa zhes bya ba ni gzhan gyi phun sum tshogs pa la mi bzod pa'o/ /dregs pa zhes bya ba ni skyes bu'i stobs la sogs pas snyems pa'o/ /mi bzod pa dang dregs pa ni mi bzod dregs pa'o//
 de gnyis kyi sdang ba ni rtsub pa ste mi bzod dregs pas sdang ba'o/ 'di dag gis ni sems la khro ba'i kun nas dkris pa nyid du bstan to/ /khro ba'i mtshan nyid ni gnod par byas pa dang/ brnyas pa la sems kun nas mnar sems pa yin no//
 khon snying gang yin pa de ni khon snying yod pa ste/ khon snying yod pa de gang yin pa des phrag dog che ba'o/ /khon snying yod pa dang phrag dog che ba ni khon snying yod cing phrag dog che ba'o/ /'dis ni khon du 'dzin pa
 bstan te khon dang rjes su 'brel pa zhes bya ba'i don to/ /dgra ni rnam pa gnyis te/ lhan cig skyes pa dang/ kun tu brtags pa'o/ /dgra bo mi bzad ces bya ba 'di ni kun tu brtags pa'i dbang du byas pa'o/ /khon snying yod ces bya ba 'di ni
 lhan cig skyes pa'i dbang du byas pa'o/ /de ltar zhes bya ba ni de bas 'jig rten gnyi ga la phan pa'i phyir ram/ yang na bstod par 'os pa'i phyir dang/ bde bar 'gyur ba'i phyir ro/ /yon tan gyi rgyan gyis dregs pa btul ba'i phyir pha rol
 gyi tshogs sbyong ba yin te/ dul ba la sogs pa'i yon tan gyi tshogs yongs su spyod pa'o/ /dul ba la sogs pa zhes bya ba la sogs pa smos pas ni tshul khrims dang/ sbyin pa dang/ bzod pa dang/ brtson 'grus te bsod nams kyi tshogs
 yongs su bzung ngo/ yon tan bzang zhing zhes bya ba ni yon tan gyi lam la rjes su dga' ba ste/ de'i yon tan la rjes su dga' bar 'bangs kyang bslab pa'o/ /des na rgyal po ci zhig tu 'gyur zhe na/ de'i phan yon 'bangs la phan gdags
 zhes bya ba'i tshigs bcad smos so/ /'bangs la phan gdags pa ni rgyal po'i don gyi mchog yin te/ ci'i phyir zhe na/ tshe rabs gnyi ga'i bde ba'i phyir ro/ /'jig rten 'dir ni grags pa la sogs pa 'thob par 'gyur ro/ /'jig
 rten pha rol tu ni bde 'gro 'gro bas phan pa'o/ /'di yin zhes bya ba ni chos la dga' ba ste/ rgyal po'i chos la dga' ba des skye dgu la phan par 'gyur te/ ci'i phyir zhe na/ rgyal po'i rjes su 'bangs kyang spyod pa'i phyir ro/ /de bas chos
 bzhin sa la zhes bya ba ni skye dgu la phan pa des ni 'jig rten gnyi ga la phan pa'i phyir ro/ /gnas par byed pa yin pas gnas par gyur pa ste/ de bas na 'di dag gis ni de'i drung na gnas pa'i phan yon bstan to/ /bkur sti dang tshig snyan pa ni bkur
 sti dang tshig snyan pa dag go /de'i sbyor ba ni bkur sti dang tshig snyan pa'i sbyor ba'o/ /ral gri dang dri ma med pa ni ral gri dri ma med pa'o/ /de ltar sngo ba ni ral gri dri ma med pa ltar sngo ba'o/ /yang na ral gri dri ma med pas sngo ba ni ral gri dri ma med pa ltar sngo
 ba'o/ /ston kha mdzes pa ni ston gyi mdzes pa'o/ /slob dpon dpa' bos mdzad pa'i skyes pa'i rabs rgya cher bshad pa las ngang pa'i skyes pa'i rabs so// //skyes bu dam pa rnams ni rim gro ma byas kyang snying brtse ba lhod
 par mi 'gyur te/ ci'i phyir zhe na/ bzod pa la goms pa'i phyir ro/ /phan btags pa la yang snying brtse ba lhod par mi 'gyur te/ drin du gzo ba'i phyir ro/ /'dir de gnyis kyang ji ltar rigs pa bzhin du sbyar ro/ /rig pa'i gnas rnams kyi go rims
 gang yin pa de ni rig pa'i gnas rnams kyi go rims te/ rgyun mi 'chad par pha rol du 'gro ba yin pa'i phyir rigs pa'i gnas kyi rim pa'o/ /mkhas par bya ba rnams la de mkhas pas byas pa ste/ sgyu rtsal rnams la mi mkhas par bya ba nyi tsher zad
 kyi/ las kyi sgrub pa ni ma yin no/ /rab tu byung nas kyang zhes bya ba ni rab tu byung ba la brten pa yin pas rab tu byung ba'o/ /rab tu byung ba dang 'jig rten la phan 'dogs pa gnyis kyis ni bdag dang gzhan la phan pa sgrub pa'i yon tan dang mthun pa nyid de/
 des chos kyi gtsug lag lhag ma rnams 'dzin pa'o/ /slob dpon gyi go 'phang ni gzhan gyis nye bar 'tsho ba nyid du bstan to/ /de bsod nams dang ldan cing zhes bya ba 'dis ni sbyin pa dang/ tshul khrims dang/ bzod pa'i pha rol tu phyin pa rab tu bsgom pa nyid du ston te
 'di ltar sbyin pas ni gzugs bzang ba la sogs pa'i yon tan du 'gyur ro/ /tshul khrims kyis ni mngon du bsdu ba la sogs pa'i bkur sti'i bde ba 'byung ngo/ /bzod pas ni skye bo mang po'i 'khor snying nye ba nyid
 du 'gyur ro/ /shes rgya che bas zhes bya ba ni ye shes kyi tshogs yongs su bsags pa'i phyir ro/ /'di gnyis kyis ni rgyu dang 'bras bu bstan to/ /'jig rten gyi spyod tshul la mkhas pa dang yon tan dang ldan pas zhes bya bas ni bdag dang gzhan
 la phan pa'i yon tan phun sum tshogs pa dang ldan par bstan to/ /yang gang gis sna tshogs pa nyid kyi rnam pa'i rgyu bstan te/ bsod nams dang ldan pa'i phyir ro/ /bsod nams chen po dang ldan pa la ni rgyal po dang rgyal po'i blon po rnams
 bkur sti byed pa yin no/ /shes pa rgya che ba'i phyir ni mkhas pa rnams kyis bkur sti bya ba yin no/ /'jig rten gyi spyod tshul la mkhas pas ni bram ze dang/ khyim pa rnams kyis bkur sti bya ba yin no/ nan tan che ba'i yon tan dang ldan pas ni
 gzhan mu stegs can rnams dang rab tu byung ba rnams kyis bkur sti bya ba yin no/ /las su dran par byed pa yin te yid kyi las kyis so/ /yon tan zhes bya ba ni blo khyad par du 'phags pa las gyur pa'i yon tan no/ /bsod nams nyid gzhi
 yin pas bsod nams gzhi'o/ /bsod nams kyi gzhi las thob cing 'bar ba gang yin pa de ni bsod nams kyi gzhi las 'bar ba'o/ /bsod nams zhes smos pas ni gang sngar bstan pa'i bsod nams dang ldan pa'i zhes bya ba de nyid brtan
 to/ /nan tan sgrub pa'i byin gyis zhes bya ba ni gang sngar bstan pa'i bdag gi sgrub pa ste/ nan tan che ba'i yon tan zhes bya ba dang/ gzhan gyi sgrub pa ste/ 'jig rten gyi tshul la mkhas pa zhes bya ba de gnyi ga ni yon tan sgrub pa'i byin gyis
 zhes bya ba yin no/ /yang na yon tan zhes smos pas ni 'jig rten gyi spyod yul la mkhas pa zhes bya ba de bzung ngo/ /yon tan sgrub pa'i byin gyis zhes bya ni sngar bstan pa'i nan tan che ba yin par ston to/ /dgra yang rang gi grags pa srung ba'i phyir zhes
 bya ba ni yon tan dang ldan pa la bsnyen bkur byed pas so/ /yon tan can la sdang ba de zhes pa ni rang gi grags pa 'jig par byed pa'i phyir/ yon tan can la bsnyen bkur byed ces bya ba'i don to/ /rgya che ba dang mthu ni rgya che mthu'o/ /yon tan rnams kyi
 mthu che ba thos pa ni yon tan gyi mthu che ba des thos pa'o/ /yon tan 'di rnams ji srid du ldan pa dang/ ji ltar ldan pa bstan te/ bsu ba la sogs pa'i bkur sti cher byas te/ zhes bya ba la sogs pa smos pas ni mngon par smra ba la sogs pa gzung ngo//
 rim gro ni mnye ba'i las la sogs pa'o/ /bkur sti ni nye bar 'gro ba la sogs pa'o/ /nye bar longs spyod par bya ba yin pas na longs spyod do/ /longs spyod nyid yon tan yin pas na longs spyod yon tan no/ /yon tan can la dga' ba nyid kyis phan
 'dogs par byed pa'i rgyu rab tu nus pa ste bsam pa'i cho ga bstan to/ /gus pa med pa gang yin pa de dag ni gus pa med pa rnams so/ /gang la zhe na/ chos dang chos smra ba rnams la'o/ /chos la gus pa med pa ci'i phyir chos ston par byed ce na/ chos
 la dga' ba'i phyir ro/ /chos ston pa la mi gus pa la yang ci'i phyir bstan par 'dod ce na/ gzhan la snying brtse ba'i phyir ro/ /phan par 'dod cing yon tan dga' ba yin/ skye bo snod gtsang 'dra la smos ci dgos/ zhes smos te/ 'di gsum gyis ni phyi rol
 gyi snod dang 'dra bar chos nyan pa rnams kyi nyes pa gsum med par ston te/ gang gi phyir snod 'di gsum la char bab kyang don med pa nyid de/ bsil ba dang phan pa yin yang chu mi 'jug pa dang/ gang du 'jug kyang mi gtsang bas ma rung par 'gyur
 ba dang/ gang du chu zhugs kyang snod rdol ba mi gnas pa ste/ de ltar nyan pa'i skye bo rnam pa gsum la ni chos bstan kyang don med cing chung zos pa nyid yin te/ gang du thos pa bya ba g.yeng ba dang/ rmugs pa rnam
 pa gnyis kyis mi 'jug pa dang/ gang du 'jug tu zin kyang tshul bzhin du yid la mi byed pas ma rung par 'gyur pa dang/ gang du yang dran pa med pas mi gnas pa'o/ /gang yon tan 'dod pa'i skye bo zhes smos te/ 'dis ni gang du thos pa mi 'jug ste/
 g.yeng ba dang/ rmugs pa rnam pa gnyis kyi skyon med par ston to/ /yon tan dga' ba zhes bya ba la/ yon tan la dga' zhing gzengs bstod pa de ni yon tan dga' zhing gzengs bstod pa'o/ /gang zag gang gis yon tan la dga' ba de ni g.yeng
 ba med pa yin no/ /chos kyi yon tan la dga' ba de ni gnyid dang rmugs pa med pa yin no/ /mkhas pa rnams kyi go 'phang yin pas na mkhas pa'i thabs te/ mkhas pa'i thabs thob pa de dag nges so/ /phrag dog gi sems bskyed pa zhes bya ba
 ni gzhan gyi phun sum tshogs pa la phrag dog gis sems bskyed pa'i phyir ro/ /yon tan gyi khyad par yin pas na yon tan khyad par ro/ /yang na yon tan nyid khyad par yin pas yon tan khyad par ro/ /bdag nyid kyi yon tan gyi khyad
 par yin pas rang gi yon tan khyad par ro/ /yang na bdag gi yon tan nyid khyad par yin pas rang gi yon tan khyad par ro/ /de dang ldan pa yin pas rang gi yon tan khyad par can no/ /des 'gro ba mgu bar nus pa'i mthu sbyor ba gang yin
 pa de ni 'gro ba mgu bar nus pa'i mthu can no/ /yon tan bcos mas zhes bya ba ni yon tan bcos ma nyid kyis te/ des bkur sti thob pa'o/ /de la shin tu 'bar ba nyid yin te 'phel ba nyid do/ /phrag dog gi mi zhes bya ba la/ phrag dog nyid
 ma yin pas phrag dog me'o/ /phrag dog gi me des ni bzhin du rang gi gnas sreg pa'i phyir ro/ /rgyal po chos la brten pa zhes bya ba ni rgyal po'i chos dang mi mthun pa'i phyir chos la brten pa de'o/ /yon tan la dgyes pa zhes bya ba ni chos kyi gtam gyis so//
 chos la mngon 'tshal nas zhes bya ba ni chos la mngon par phyogs ste rjes su dga' zhing 'dod pa zhes bya ba'i don to/ /brlag par bgyi ba'i slad du g.yo dang bcas pa'i tshig 'jam por smra zhing spyod pa gang yin pa de ni brlag par bgyi ba'i slad du g.yo
 dang bcas pa'i tshig 'jam por smra zhing spyod pa'o/ /brlag pa zhes bya ba ni dpal gang yin pa de nyams par byed pa ste/ chos nan tan du byed kyang rgyal po ni brlag par byed pa nyid yin te/ rgyal po'i chos dang 'gal ba'i phyir brlag pa zhes brjod do//
 nyam drod ni spyod pa la 'jug pa zhes bya ba'i don to/ /de'i rten du gyur pas na nyam drod 'dzin pa lags te/ sa bya ba'o/ /bya ma rta zhes bya ba ni nyan rna ba'o/ /bya ma rta nying? btad pa yin pas bya ma rta btang ba'o/ /thugs rje che ba zhes bya ba la thugs rje ni gzhan
 sdug bsngal dang bral ba'i don du gnyer ba'o/ /ngo tsha mkhyen pa nyid kyis 'jam des can du gyur te/ des las la sogs pa spangs pa'i phyir ro/ /srid dang 'dod pa dang mi mthun pa'i tshul gang la yod pa de ni srid pa dang 'dod pa dang mi mthun pa'o/ /de yang
 snying rje dang ldan par bgyi ba'i ched du bgyid ste/ de gzhan gyi bran bzhin du byed pas don du sgrub cing gang gzhan gyis brnyas par 'os pa de byed pa ni don sgrub pa nyid yin no/ /ched cher bgyis nas thabs kyis bag 'bebs so zhes bya ba ni sdug bsngal
 ba dang/ yid mi bde ba med pa'i thabs kyis so/ /bshes shing 'drul la zhes bya ba ni mdza' bar 'brel pa'o/ /yid mi ches pa dang/ brtse ba chung ba gnyis kyis sems sngon dang mi 'dra bas gyur pa gang yin pa de ni yid mi ches par gyur te/ / 
 byams pa dang bkur sti chung zhing sems sngon dang ming dra bar gyur pa'o/ /dbyen gyi rdo rje nyid ser ba yin te/ de ltung ba ni dbyen gyi ser ba rdo rje 'bab pa'o/ /mdzes pa bstan pa zhes bya ba ni brtan par
 gyur pa'i mdza' ba de la phan pa mi 'dod pas smras pa'i dbyen gyi tshig yin te/ sems kyi longs spyod med pa'i phyir ro/ /nyams shing zhig par mi 'gyur su zhig yod ces bya ba ni gcig kyang med pas thams cad kyang nyams shing zhig par 'gyur
 ba nyid do/ /yang na mdza' ba brtan pa ni yid ches pa'o/ /nyams shing zhig pa ni sngon ji lta ba bzhin du mdza' ba brten pa'i yid ches pa med par 'gyur pa'i phyir ro/ /bkur sti chung bar gyur pa zhes bya ba ni brtse ba dang gus pa chung ba'i phyir ro/ /bya
 ba mang po la brel ba gang yin pa de ni bya ba mang pos brel ba'o/ /de ltar gyur pa yid la'ang mi byed na zhes bya ba ni rim gro mi byed par gyur ba'o/ /de'i drung na gnas pa ni drung na 'khod pa'o/ /de'i drung na 'khod cing 'khor ba'i tshul gang la yod pa de ni
 de'i 'khor na 'khod pa rnams so/ /gus pa dang rim gro ni gus pa dang rim gro'o/ /de gnyis kyis lhod par gyur pa mi g.yeng ba'o/ /de'i phyir bshad pa/ ston pa dang byed pa gnyis tha dad do zhes bya ba nyid yin pa'i phyir ro/ /dogs pa 'byung ba'i
 gnas yin pas dogs pa 'byung ba'i gzhi'o/ /nongs par dgos pa 'byung ba'i gzhi zhes bya ba'i don to/ /bag med pa nyid nyes pa yin pas bag med nongs pa'o/ /yang na bag med pas nongs pa'o/ /'phral la 'di ltar mi mchi ba zhes bya ba'i
 rgyu dang bcas pa nyid do/ /bkur sti chung zhing khros pa'i yid gang yin pa de ni bkur sti chungs pa'i sems te de med pa'o/ /'o na rgyu de gang yin zhe na/ smras pa/ khyod ni chos kyi snod du zhes bya ba la sogs pa yin no/ /de nas rgyal po
 de'i khyi gnang chen zhes bya ba la sogs pa'i tshig gis ni mi ma yin pa khyi yang zugs pa'i tshul gyis rgyu yod pa yin te/ dbyen gyi tshul des bstan pa'i phyir ro/ /bri bar gyur pa ni yal bar bor ba'o/ /gsum po 'di ni bdag gi 'gro ba'i rgyu yin te/ gnas
 la lhag par zhen pa dang/ gzhan du 'gro ba'i gnas ma mthong ba dang/ bsnyen bkur chung bar yongs su shes pa'o/ /phyir bskrad par 'gyur ba gang yin pa de ni slad kyis bskrad par 'gyur ba ste/ rjes su rgyal pos bskrad pa dang/ smyugs? par 'gyur zhes
 pa'o/ /mi dga' ba ni brtse ba gcod pa'o/ /mi dga' bas gdungs pa'i sems gang ba de ni mi dga' ba bzhin du'o/ /lan cig tsam zhig rma bab gyur pa yis zhes bya ba ni brnyas par gyur pa'o/ /sngon chad phan btags zhes bya ba ni phan btags pa mang
 du byas pa ste/ ga la mnyam par mi bya'o zhes bya ba'i don to/ /des ni de'i phyir/ mi dga' bzhin du mchis su ga la rung zhes bya ba yin no/ /de ltar bas na 'gro bar bya'o zhes bya ba'i tshig gi skabs shes par byas nas de'i lan btab pa'i phyir/ byams
 pa'i rlan med ces bya ba'i tshigs bcad smos te/ byams pa'i rlan med pa gang yin pa de ni byams pa'i rlan med pa'o/ /bsten du mi rung ba ni gnas par bya ba ma yin pa'o/ /ci'i phyir zhe na/ rab tu bsgrims te de'i don bsgrubs kyang rnyog pa can du gyur
 pa'i phyir ro/ /rnyog pa can du gyur pas na don chung ba nyid de/ byams pa'i rlan med pa des na'o/ /ji lta bu zhe na/ khron pa skam po bzhin du bstan par mi bya'o/ /ji ltar khron pa skam po la ni chu 'dod pa nges rab tu bsgrims te bsgrubs kyang chung zhing rnyog pa can
 de dang der 'gyur ro/ /rab tu dang ba nyid la bsten pa'i rigs te/ ci'i phyir zhe na/ de las ni don grub pa nyid de/ 'bad par bsgrub mi dgos pa dang/ dad pa nyid yin te/ ji lta bu zhe na/ ston kha'i mtsho chen po'i chu gtsang blta bu ste/ de ni bsten
 pa'i rigs so/ /bde ba 'dod cing nyon mongs mi 'dod pas zhes bya ba ni sems kyis sngar myong ba zhes bya ba'i don to/ /'dis kyang blo phyin ci log par bstan te/ gang sngar bstan pa'i ngan cing byis pa'i chos zhes bya
 ba'i tshigs bcad de'i gnyen po 'dis bstan to/ /gus par byed kyang gzhan du phyogs zhes bya ba'i tshigs bcad 'dis ni sngar bstan ma thag pa'i tshigs bcad gsum gyi gnyen po bstan pa'i phyir ro/ /gus par byed pa gang yin pa de ni gus
 par byed pa'o/ /de bas na gzhan du phyogs pa ni rgyab kyis bltas pa'o/ /'di ni rab tu bde ba 'dod cing nyon mongs mi 'dod pas zhes bya ba'i tshigs bcad de'i gnyen por bstan to/ /gzhan du phyogs kyang zhum pas de lta zhes bya ba 'dis
 ni byams pa'i rlan med ces bya ba'i tshigs bcad de'i gnyen po bstan to/ /sngon chad phan btags drin du mi bzo ba zhes bya ba 'dis ni lan cig tsam zhig rma bab 'gyur ba'i zhes bya ba'i tshigs bcad phyed kyi gnyen por bstan to/ /bslangs
 ba dregs na zhes bya ba ni bslad pa nyid dregs pa ni bslang dregs pa ste/ nges ni byams pa med par byed do zhes gzung bar bya'o/ /gnas pa'i skyon zhes bya ba ni lhan cig tu 'dug pa la sogs pa'i skyon yin te/ des na des nyes pa yin
 pa'i phyir da ni re zhig 'gro'o zhes bya ba'i don to/ /bar chad mang la gnod pa dang dgra mang bas shes bya ba ni sems can dang sems can ma yin pa'i bar chad gang yin pa'i rgyu bstan to/ /nga mchi ba'i skabs dang ldan na zhes bya ba
 ni rkyen tshogs na'o/ /gal te zhes bya ba ni dge shes so/ /mngon par shes pa lnga ni mngon par shes pa drug las zag pa zad pa'i mngon par shes pa ma gtogs pa'o/ /snying brtse bas rjes su 'brang ba'i tshul gang la yon pa de ni snying
 brtsei ba'i dran pa byung bar gyur pa ste/ snying brts ba ni snying rje ste/ mi dge ba'i rgyu las bzlog par 'dod pa nyid ni snying rje'o/ /rgyu brtag mi bzod pa zhes bya ba las rgyu bstan par mi nus pa'i lta ba gang yin pa de ni rgyu brtag pa mi bzod pa'i lta ba'o/ /'dir
 rgyu ni gang yang med par 'dod pa ste/ med par 'dod pa'i nyi tshe tsam du zad par lta ba'o/ /pad+ma'i sdong bu ni 'jam pa'o/ /lo ma ni 'jam pa'o/ /kha dog ni sngon po la sogs pa'o/ /ze ba ni 'jam pa'o/ /snying po ni dbyibs so/ /de bzhin du sems can la rgyu med
 par lta ba ni bya'i 'dab ma zhes bya bas bstan pa yin no/ /'gro ba 'di dag ni ngo bo nyid kyis nges te/ ci'i phyir zhe na/ phyi dang nang gi dngos po rnams la byed pa po med par yang sna tshogs par snang ba'i phyir ro/ /rgyu med par 'byung ba'i mi rigs zhes bya ba ni
 ngo bo nyid kyis med par zhes bya ba'i don to/ /gcig cig yod ces bya ba ni rang dags spros par byed pa ste/ 'jig rten sna tshogs so/ /phyis kyang mnyam du med par byed ces bya ba ni/ ci'i phyir zhe na/ byed pa po rang dga' i khyad par gyis shing rta la sogs
 pa rnam pa sna tshogs pa'i dngos po 'byin par snang ba'i phyir dang/ de'i yang rang dga' i dbang gis mi snang bar byed pa lta bu'o/ /'di dag thams cad ces bya ba ni sems can dang sems can ma yin pa dag go/ /sngon gyi las kyis byas zhes bya ba la/ sngon
 gyi las kyis byas pa yin pas ni sngon gyi las kyis byas pa ste/ sngon gyi las las byas pa'i rgyus zhes bya ba'i don to/ /bde ba dang mi bde ba zhes bya ba ni bde ba dang bya ba dang sdug bsngal yin te/ sngon las byas pas zhes bstan nas de'i 'og
 tu bde ba dang mi bde ba gzung ngo/ /skye ba snga mar byas pa'i las nyid kyis ni sangs rgyas pa dang yang 'dra ba nyid du ston kyang gang byas pa de nges par snga ma'i las kyang byas pa nyid du ston pa yin pas de bstan pa'i phyir/ 'bad pa'i mthus byas pa
 ni ma yin no zhes bya ba smos pa yin te/ 'dis ni da ltar byung ba'i skyes bu byed pa'i rkyen 'gog pa yin no/ /bde ba dang sdug bsngal gyi byed pa'i 'gro ba rnams kyi byed pa po gcig tu mi rigs pa nyid de/ ci'i phyir zhe na
 dus gcig tu gnas pa mang po du ma ste/ mdza' yas pa'i dngos po byed par mi rigs pa'i phyir ro/ /bde bar byed pa la mkhas pa ni bde bar byed pa la mkhas pa ste/ de yang sdug bsngal bar mthong ba'i phyir te/ de bas thams cad sngon gyi las
 las gyur pa nyid du gzung ngo/ /sngar bstan pa'i skyon dang/ dbang phyug rgyur byed pa'i skyon bstan pa yin te/ sna tshogs pa'i phyir las kyi byed pa po las dngos po skye ba'i rgyu nyid du ni rung ste/ dus gcig tu so sor gnas pa mang po dpag tu med
 pa'i dngos po skye ba ni rigs pa nyid do/ /kha dog ni sngon po la sogs pa'o/ /yon tan ni dri dang/ ro dang/ reg bya la sogs pa'i mtshan nyid do/ /ldan pa ni dbyibs kyi khyad par dang/ kha dog dang/ yon tan dang ldan pa'o/ /rnams pa sna tshogs pa'i kha
 dog dang/ yon tan dang ldan pa gang yin pa de ni rnam pa sna tshogs kha dog yon tan dang ldan pa'o/ /'gro ba rnams kyi las kyi rgyu med par bstan te/ dus gcig tu 'byung zhes pas bstan pa ni dus gcig tu so sor gnas pa mdza' yas pa
 mang po rnams dpag tu med pa'i dngos por skye bar mthong ba'i phyir las gang yin pa de ni med de/ de la dus gcig tu dngos po mdza' yas pa dpag tu med pa'i dngos po skye ba med par 'gyur na ni shing rnam pa sna tshogs pa'i kha dog dang
 ldan pa snang bas de rnams kyi las ni med do/ /de bas na rgyu med pas nyid de rang gi sa bon gyi rgyus so/ /rkyen yang med de dbang phyug byed pa pos 'dod pa de'i nyes par thal ba'i phyir ro/ /sngon gyi las rgyur 'dod pa yang ma yin te/ las med par
 kha dog dang yon tan la sogs pa rnam pa sna tshogs pa'i dngos po skye ba'i phyir ro/ /'jig rten pha rol yang med do/ /shing de dag nyid zhig par gyur na phyis yang skye bar ma mthong ba'i phyir te/ de bas na de bzhin du 'gro ba 'di dag thams cad gnas
 par 'dod do/ /rgyal rigs kyi gtsug lag las 'byung ba zhes bya ba ni/ lugs kyi bstan bcos las 'byung ba'o/ /lugs kyi bstan bcos nyid g.yo ba dang dgra thabs yin pas/ lugs kyi bstan bcos kyi g.yo ba dang dgra thabs yin no/ /g.yo
 ba dang dgra thabs bsten pa ni g.yo ba dang dgra thabs 'brel pa'o/ /snying rje med cing skyon dang bcas pa/ chos dang 'gal ba la zhes bya ba ni srog gcod pa la sogs pa dang bcas pa'o/ /grib ma rnams kyi shing yin pas grib ma'i ljon shing ngo/ /grib
 ma'i ljon shing dag la brten pa gang yin pa de ni grib ma'i ljon shing la brten pa'o/ /byas pa gzo ba'i sbyor ba gang yin pa de byas pa gzo ba'o/ /des bsrung ba ni 'thob par 'dod pa'o/ /bsrung ba de nyid smras pa/ de dag ji srid dgos pa'i dus la ma
 bab pa de srid du rang gi grags pa bsrung pa'o/ /dgos pa byung na zhes bya ba ni dgos pa'i dus la bab na zhes bya ba'i don to/ /de ltar lnga po 'di dag byas pa 'di'i bsdus pa'i don ni rang bzhin gyi dbang du byas nas lta ba rnam pa gnyis te/ rgyu
 med par smra ba dang/ mi mthun pa'i rgyur smra ba'o/ /rgyu med par smra ba'i dbang du byas pa ni lta ba'i rnam pa dang po'o/ /dbang phyug rgyur smra ba ni mi mthun pa rgyur smra ba'o/ /thams cad sngon gyi las kyis byas so zhes bya ba ni da ltar byung ba'i las rnam
 par gcod pa'o/ /de bzhin du mthong ba'i chos la mya ngan las 'das par 'dod pa chad par lta ba ste/ 'jig rten pha rol rnam par gcod pa'o/ /rgyal rigs kyi chos gtsug lag las 'byung bar smra ba ni mngon par mtho ba'i rgyu mi mthun par smra ba'o//
 lta ba'i rnam pa 'di dag las brtsams pa ni gnyis so/ /bar ma las brtsams pa de ni gcig pa'o/ /de las gzhan pa las brtsams pa ni gnyis te/ de lta bas na lta ba 'di dag gi go rims ni 'di yin no/ /skye bo
 sdig pa can rnams dang brtan pa zhes bya ba 'dis ni rkyen bstan to/ /blo gzhan gyi dring la 'jog pas zhes bya ba 'dis ni rgyu bstan to/ /lta bas byas pa nyid g.yang sar lhung ba nyid yin pas lta ba ngan pa'i g.yang sar lhung ba zhes brjod de/ ngan song gi
 rgyur gyur pa'i phyir ro/ /de la brtse bar gyur te zhes bya ba'i rgyu'i dbang du byas nas/ yon tan goms pas zhes bya ba'i tshigs bcad smos so/ /de las bzlog pa'i thabs zhes bya ba ni bzlog pa'i ched du'o/ /dul zhing brtan pa dang rgya che ba'i cha
 byad yod pa'i skye bo gang yin pa de ni dul zhing brtan la rgya che ba'i cha byad kyi skye bo te phyogs na 'khod pa'o/ /snyan par smra ba dang/ bsnyen bkur ba dang/ stan gding ba byas pa ni snyan par smra ba dang/ bsnyen bkur ba dang/ stan gding ba byas pa'o/ /snyan
 par smra ba dang/ bsnyen bkur ba dang/ stan gding ba gang yin pa de nyid ni/ snyan par smra ba dang/ bsnyen bkur ba dang/ stan gding ba byas pa'o/ /e ma'o khyod kyi chos la dga' ba la ltos bya ba yin te/ dga' ba ni ci'i phyir zhe na/ dka' thub kyi
 nags na 'dug bzhin du spre'u chen po med par byas pa'o/ /e ma'o rtsol phod ces bya ba ni spre'u chen po bsad pas so/ /mthu che ba zhes bya ba ni nus pa ste/ gcig tu dka' thub spyang pas lus nyam chung yang sod pa'i phyir ro/ /'gro ba'i ngo bo nyid
 kyi de bzhin khyod zer na zhes bya ba'i tshigs bcad ni 'gro ba 'di dag ngo bo nyid kyis yin na/ spre'u bsad pa yang ngo bo nyid kyis yin no zhes bya ba'i dbang du byas nas/ nges te sdig pa yod na zhes bya ba'i tshigs bcad smos te/ gal te sdig
 pa yod na ni 'gro ba 'di dag la rgyu yod pa nyid du bstan te/ grub pa nyid kyi dbang du byas na'o/ /de la re zhig dam bcas pa dang/ sdig pa yod do zhes zer ba ni phan tshun dgal ba nyid du bstan nas/ da ni dpe ma grub pa nyid du bstan pa'i phyir/ gal te pad+ma'i sdong
 bu skye la sogs ces bya ba'i tshigs bcad smos so/ /pad+ma'i sdong bu skye ba la sogs pa de rgyu med pa nyid yin na/ ci'i phyir rtag tu mi 'byung/ pad+ma'i lo ma skye ba la sogs pa'i rgyu ni ci zhig yin zhe na/ chu la sogs pa'i rkyen yod pa dang/ sa bon gyi rgyus
 byas pa yin te/ ji ltar shes she na/ med pa las byung ba'i phyir te/ chu la sogs pa yod pa dang/ pad+ma'i sdong po la sogs pa yod par 'gyur la/ chu dang/ sa bon la sogs pa med na ni mi 'byung ba yin te/ de ni gang gi phyir/ rgyu dang/ rgyu can gyi mtshan
 nyid gtan tshigs kyis mkhas pa dag de ltar 'dod do/ /gang la rgyu med par 'byung ba dang/ gang 'byung ba dang/ gang du mi 'byung ba de ni rgyu dang bcas pa dang/ rgyu med pa yin te/ gang zhig kha cig tu ni zhes bya ba la sogs pa'i tshigs bcad gsum
 yin te/ de la re zhig kha cig tu ni zhes bya ba'i tshigs bcad 'dis ni/ phyogs snga ma dang 'gal bar bstan to/ /tshigs bcad gnyis pas ni grub pa'i mdza' dang 'gal bar bstan to/ /gsum pas ni dpe ma grub pa bstan te/ rgyu yang yod pa
 ma yin zhes na rtag tu smra zhes bya ba'i tshigs bcad kyis ni dam bcas pa dang/ rgyu dang ldan pa gnyi ga la gnod pa'i phyir dam bcas pa'i nyes pa de ltar gzhan gyi rnam pas bstan te/ gang zhig kha cig tu ni rgyu med ma mthong bas zhes bya ba'i
 tshigs bcad gsum gyis ni/ rang gi gnas skabs kyi dbang du byas pa ste/ ma mthong bas zhes bya ba ni ma shes pas so/ /de nyid kyis zhes bya ba ni rgyu ma mthong pa nyid kyis so/ /thams cad rgyu med smra na ni zhes bya ba ni gang dag rgyu mthong ba de dag
 la yang rgyu med par ston pa ste/ rgyu dang bcas par mngon du mthong bzhin du zhes bya ba yin te/ gang dag rgyu yod pa de dag ni rgyu yod pa nyid du mngon sum du dmigs pa yin no/ /de sdang bas 'gal ba'i tshig ngan smras par 'gyur
 zhes bya ba ni 'gal bas tshig ngan smra bar 'gyur ba gang yin pa de ni 'gal ba'i tshig ngan smra bar 'gyur ba'o/ /tshig ngan pa ni 'dir bdag gi dam bcas pa la gzung ste/ bdag nyid kyi dam bcas pa'i tshig dang 'gal zhes bya ba'i don te/ mngon sum dang
 'gal ba'o/ /dam bcas pa ngan pa snga ma'i don rnam par bcad pa'i phyir/ 'gal zhing ngan pa nyid du bstan to/ /da ni mngon sum dang 'gal ba dam bcas pa ngan par bstan to/ /gang zhig kha cig tu ni rgyu rkyen ma mthong bas zhes bya ba la bstan pa la ji
 ltar rgyu yod bzhin du ma rtogs pa zhes bya ba yin te/ rgyu yod bzhin du ma rtogs pa bstan pa'i phyir/ gal te gang na'ang rgyu ni yod par ma mthong na zhes bya ba'i tshigs bcad smos te/ gang gi rgyu ma mthong ba de la 'dir rgyu med ces smra bar mi rigs te/ ci'i
 phyir zhe na/ yod bzhin du yang rkyen gzhan gyis ma mthong bar snang ste/ ji ltar mtshan mo nyi ma'i dkyil 'khor yod kyang shin tu bskal pa gnas pa'i phyir/ rkyen gzhan gyis ma mthong ba yin te/ mi dmigs pa'i rgyu yin no/ /de dag rgyu dang bcas par
 mngon du mthong bzhin du zhes bya ba bstan pa la/ ji ltar mngon sum du rgyud dang bcas pa mthong zhes pa de bstan pa'i phyir/ yid du 'ong ba'i yul ni bde ba 'dod pa'i phyir te/ rten zhes bya ba'i tshigs bcad smos so/ /de dang 'gal ba ni bde ba
 dang 'gal ba ste/ yid du mi 'ong ba'i yul zhes bya ba'i don to/ /de'i phyir yang rgyal po dag la rten par byed ces bya ba ni yid du 'ong ba'i yul la brten pa'o/ /yang na bde ba 'dod pa'i phyir ro/ /de'i phyir de la sdang bas 'gal ba'i tshig ngan smras
 par gyur pa'o/ /de bstan pa'i phyir dang/ gal te dngos po rnams de lta yin zhes bya ba'i tshigs bcad smos te/ de lta yin na zhes bya ba ni rgyu dang ldan pa yin na phyogs ma grub pa yang yin pas/ dngos po rnams kyi rgyu khas mi len pa ste/
 spre'u bsad pa la nyes pa med pa'i 'jug bsdu ba'i phyir/ gal te zhes bya ba ni sngar bston pa'i rgyu ston pa yin no/ /gal te zhes bya ba ni dngos po rnams rgyu dang ldan pa nyid du grub kyang/ ji ltar dngos po gzhan rgyu med pa de bzhin du spre'u bsad pa la yang
 rgyu med pa yin te/ de lta yin na ci'i phyir bdag la smod pa byed ces pa'o/ /khyod ni ji ltar bdag la sems mi dga' zhing bya ba la/ sems mi dga' ba de nyid bstan pa'i phyir/ gzhan gyi nyes pas bdag la ci'i phyir rgod ces bya ba yin te/ gzhan
 gyi nyes pa ni dbang phyug gi nyes pas so/ /sdig pa chen po ma lus pa zhes bya ba'i tshigs bcad 'dis ni/ spre'u bsad pas ni sdig pa nyid du khas len pa'i phyogs snga ma dang 'gal ba'i nyes pa 'di bstan to/ /de ste spre chen dpa' bo de shi ba
 zhes bya ba 'dis ni grub pa'i mdza' i skyon bstan to/ /yang na gnyis gcig la gcig 'gal ba'i skyon bstan to/ /dbang phyug 'gro ba thams cad kyi byed pa po nyid yin na ni skyes bu byed pa'i rtsol ba thams cad don med pa yin no zhes bya ba
 las brtsams te/ dbang phyug la ni re ba yis zhes bya ba'i tshigs bcad smos so// thams cad kyi byed pa po dbang phyug ni byed pa'i rgyu ma yin te/ dbang phyug gis byed pa'i skyon bstan pa'i phyir ro/ /sdig pa chen po ma lus pa zhes
 bya ba'i tshigs bcad smos so/ /skyon de nyid kyis dbang phyug nyid med par tshigs bcad 'dis ston to/ /yang na nges ltung bas mi byed na ni grub pa mdza' dang 'gal bar bstan pa'i phyir/ /sdig pas 'jigs nas de dag kun zhes bya ba'i
 tshigs bcad smos so/ /dbang phyug chen po nyid du 'dod pa de la/ dbang phyug chen po med par bstan pa'i phyir/ /de yang dbang phyug 'gyur ba ni zhes bya ba'i tshigs bcad smos so/ /dbang phyug nyid du ni rgyu dang bcas pa 'am
 rgyu med pa nyid yin grang na rgyu dang bcas pa ni chos kyi rgyu nyid du 'gyur ba 'am de las rgyu gzhan pa'i rgyu nyid yin pa yin pa zhig go/ de la chos kyi rgyu nyid yin na ni chos las snga rol du dbang phyug med do/ /de ste dbang phyug gis dbang phyug gzhan nyid
 phyung na ni dbang phyug kyang nyams pa yin te/ nges na dbang phyug ma yin pa'i phyir ro/ /gzhan du na dbang phyug nyid kyi rgyu yin na ni/ bdag gis spre'u'i rgyal po bsad pa la sdig pa yin no zhes khas blangs pa'i phyogs snga ma dang 'gal ba'i nyes pa med do//
 gal te thams cad sngon gyi las kyis zhes bya ba'i tshigs bcad na spre'u bsad pa las sdig pa nyid du khas len pa'i phyogs snga ma dang 'gal ba bstan pa'i phyir/ gal te thams cad sngon gyi las kyis byas na ni zhes bya ba'i tshigs bcad smos
 te/ gang gi phyir bdag la smad ces bya ba ni bdag gi phyir sdig pas so/ /de sde bdag gis spre'u bsad sdig yod na zhes bya ba'i tshigs bcad phyed kyis ni grub pa'i mdza' nyams pa ston pa'i phyir ro/ /ci ste las dang las kyi rgyu nyid yod par ston te/ sngar
 bshad pa'i las kyis byas pa ste/ las gang gis spre'u de bsad pa'i las byas pa yin no zhes de ltar 'dod na ni thar pa med pa'i skyon du thal bar 'gyur ro zhes bstan pa'i phyir /gal te las dang las kyi rgyu yod na zhes bya ba'i tshigs bcad phyed
 yin no/ /spre'u bsad pa'i las byas pa de yang spre'u bsad pa'i las gzhan gyi rgyus yin no/ /de yang gzhan dang gzhan gyi yin pas thar pa med par thal bar 'gyur te/ las rjes su ma spyad pa'i phyir ro/ /sngon gyi las kyis byas par nges par mngon
 zhes bya ba yin na ni/ rgyu dang rkyen gzhan bde ba dang sdug bsngal gnyis 'gog par 'gyur te/ de rgyu dang rkyen gzhan gyis kyang/ sdug bsngal rgyu yang gal te bde bar 'gyur zhes bya ba dang/ bde ba dang sdug bsngal de ltar gyur pa yang med ces bya
 ba'i tshigs bcad yin te/ 'dis kyang 'gag pa yin te/ nye bar gyur ba'i rkyen dang da ltar byung ba'i skyes bu'i byed pa ste/ yul nye bar gyur pa'i yul gyi rkyen dang/ da ltar byung ba'i skyes bu'i byed pa'o/ /de la yul nye bar gyur pa nyid kyi bde ba dang/
 sdug bsngal gnyis bstan pa'i phyir/ sdug bsngal rgyu yang gal te bde bar 'gyur zhes bya ba'i tshigs bcad smos so/ /sdug bsngal gyi rgyu ni yid du mi 'ong ba ste/ des na bde ba dang sdug bsngal gnyis ni yid du 'ong ba dang yid du mi 'ong ba las skyes pa'i phyir ro//
 nges pa zhes bya ba ni gdon mi za bar zhes pa'i don no/ /sngon gyi las kyis byas pa zhes bya ba ni/ sngon gyi las nyid kyis byas pa gang yin pa ste/ rgyu gzhan ma yin pa zhes bya ba'i don to/ /bde ba dang sdug bsngal de ltar gyur ba'ang med ces bya
 ba dang po'i byed kyis ni bstan ma thag pa'i don mjug bsdu ba'i phyir ro/ /tshigs bcad phyed 'og mas ni da ltar byung ba'i skyes bu byed pa'i rkyen gyis dngos po'i skyon bstan pa'i phyir te/ de ltar zhes bya ba ni bde ba dang sdug bsngal ba dag la
 yid du 'ong ba dang yid du mi 'ong ba'i yul mngon sum du gyur pas yin gyi/ sngon gyi las kyis bde ba dang sdug bsngal byas pa ma yin no zhes brgya la de smra na/ de lta mod kyi/ bde ba dang sdug bsngal yul gyi rkyen las byung ba yin no zhes de ltar
 byung ba'i skyes bu byed pa'i las bsal ba yin te/ de med pa'i skyon bstan pa'i phyir smras pa/ gsar du byas pa'i las kyang ji ltar 'gyur zhes bya ba'i don te/ gsar du byas pa'i las ma grub na skyon ci yod ce na/ de'i skyon bstan pa'i phyir smras
 pa de ma grub na snga ma 'ang ji ltar 'grub ces bya ba yin te/ de ma grub na zhes bya ba ni/ gsar du byas pa'i las ma grub na'o/ /kun zhes bya ba ni spre'u bsad pa la sogs pa'o/ /bdag gis byas par zhes bya ba ni
 sngon gyi las kyis byas pa 'di dag la bdag gis byas par yongs su brtag pa ni mi rigs zhes bya ba'i don to/ /phyogs snga ma spre'u bsad pa la sdigs yod do zhes smras ba de dang 'gal bar bstan pa'i phyir smras pa/ gal te chad par
 lta ba de kho na nyid yin par sems na zhes bya ba'i tshigs bcad smos so/ /ci zhig spang zhes bya ba ni ci'i phyir spang ba'o/ /ci zhig 'bad du yod ces bya ba ni ci'i phyir 'bad du yod pa'o/ /yang na ci zhig ces bya ba'i sgra ni dri ba'i tshig go /rang
 dgar ci bder spyod par rig pa gang yin pa de ni rang dgar ci bder spyad par rigs te/ sdig pa dang dge ba dag la spang ba dang/ bsten pa'i nyes pa dang yon tan med pas so/ /de lta mod kyi 'jig rten pa rnams kyi kha na ma tho bas 'jigs
 pas byed do zhes de ltar rtog na yang smras pa/ 'gro ba 'phya ba dag gis 'jigs nas su /zhes bya ba smos te/ 'jig rten gyi mi snyan par smra bas 'jigs so/ /bdag gi tshig dang mi mthun spyod pa yin zhes bya ba ni sdig pa bsten pa dang dge ba
 sgrub pa la skyon dang yon tan med do zhes smra na sdig pa bsten pa dang/ dge ba bsten par byed pa yin pas na bdag gi tshig dang mi mthun par spyod pa yin te/ 'gro ba 'phya ba'i nyes pas 'jigs pas na rang gi tshig dang mi 'gal bar
 spyod pa'o/ /de yod na ni de dag kyang yod kyi chad par smra ba 'di la ni 'gro ba 'phya ba'i nyes pa med do/ /'gro ba 'phya ba'i skyon gcig bu ma zad de/ 'di ltar rang gi grub pa'i mdza' las bstan pa'i bde ba'ang mi 'thob pa yin no zhes bstan
 pa'i phyir/ 'jig rten tshul la gnas par gyur na ni zhes bya ba'i tshigs bcad smos te/ rang gi gzhung lugs zhes bya ba ni rang gi grub pa'i mdza' o/ /rang gi grub pa'i mdza' smra ba 'khrul pas don med par 'gyur ba ni bde ba 'thob pa ste/ de bas na
 'gro ba 'phya bas 'jigs na rang gi grub pa'i mdza' i 'bras bu mi 'thob pas smra ba don med pa ni 'khrul pa yin pas smra ba 'khrul pa'o/ /smra ba'i 'khrul pa nyid ni phyin ci log pa yin te/ de'i smra ba 'khrul pas don med pa gang yin pa de ni smra ba
 'khrul pas don med pa ste/ mchog tu 'bras bu med pa'i phyir ro/ /de'i tshig ni byis pa'i nang na tha ma nyid yin te/ lta ba thams cad kyi nang na tha chad bzung zhing 'jug pa'i phyir ro/ /rnam pa sna tshogs yon tan dang ldan pa'i shing zhes bya ba la/
 bdag gi las kyis bya ba ma yin par 'byung ba dang/ 'jigs pa rnams kyang phyis yang mi skye ba zhes khas len cing ji ltar yang shing gi mtshan nyid 'di lta bur 'jig rten yang rgyu gang zhig yod/ de lta na yang 'jig rten na ni shi dang 'dra ba yin
 pas dngos po rnams kyi rgyu 'grub pa'i dngos po yin yang dngos po med pa'o zhes smra ba ste/ chad par smra ba la ni 'jig rten pha rol med pas 'bras bu yid du 'ong ba med do/ /des na sdig pa thams cad kyi nang na khyad par du gyur pa yin no/ /byas nas
 su zhig bya ba ni gzhung lugs kyi bstan bcos la'o/ /de gang yin zhe na/ dge ba 'am mi dge ba'o/ /ci'i phyir zhe na/ srid kyi phyir ro/ /rjes su 'gro ba ni dus phyi ma ste/ phyi nas gang zhig ces bya ba la dgos pa dag ni byung bar gyur pa'i cho zhes bya ba'i
 tshigs bcad yin te/ phyogs kyi chos dang 'gal bar bstan pa'i don to/ /'on te snying rje med phyir smad 'gyur ram zhes bya ba'i tshigs bcad bstan pa la/ grub pa'i mdza' i skyon bstan pa'i phyir/ smad 'gyur zhes bya ba smos pa yin te/ mthong
 ba'i chos las mi snyan por bstan pa yin no/ /'bras bu sdug bsngal zhes bya ba ni pha rol tu ngan song du 'gro ba'i rgyur gyur ba'i phyir ro/ /gzhung lugs zhes bya ba ni gzhung lugs kyi bstan bcos so/ /gang na rigs
 pa'i gzhung ldan 'dra ba zhes bya ba ni tshe 'dir smad par byas pa dang/ 'jig rten pha rol tu yang sdug bsngal gyi 'bras bu yin te/ gang na las 'di yod pa der gnod bzhin du byed cing rigs pa'i gzhung lugs 'di'o/ /'di lta bu 'khrul pa gang yin
 pa de ni 'khrul pa ci 'dra ba'o/ /'khrul pa ni phongs pa'o/ /gtsug lag gi lam gyi zhes bya ba ni gtsug lag gi tshul gyis te/ gtsug lag ces bya ba ni brda tsam du sbyar ba yin te/ gtsug lag nyid ni ma yin bstan bcos kyi tshul tsam nyid do//
 gtsug lag nyid lam yin pas na gtsug lag lam ste/ chos ma yin pa sgrub pa la brten pa'i phyir ro/ /lam yang yin la gsal ba yang yin pas lam ni gsal ba'o/ /des bstan pa ni lam gsal bar bstan pa'o/ /de 'khor gyi nang
 na rgyal bar gyur pa gang yin pa de dag ni 'khor gyi nang na rgyal bar gyur pa'o/ /spobs pa che bar goms pa gang yin pa de dag ni spobs pa che ba goms pa'o/ /srog dang bcas pa'i spre'u bkum pa ni ma lags kyi zhes bya ba 'dis ni/ spre'u'i
 pags pa yod pa ni spre'u sprul pa yin gyi srog dang bcas pa ni ma yin no/ /de srog med pa nyid kyis bsad pa yang med de/ de bas na bkum pa'ang ma lags zhes bya ba'i don to/ /rgyu las grub par mthong la zhes bya ba 'dis ni rgyu med par smra
 ba dgag pa yin no/ /rang dbang zhes bya ba 'dis ni/ dbang phyug rgyur smra ba 'gog pa yin te/ gang gi phyir dbang phyug rgyur smra ba gzhan dbang yin te/ dbang phyugs la rag las pa'i tshul yin pa'i phyir ro/ /'jig rten pha rol zhes bya ba 'dis
 ni chad par smra ba dgag pa yin te/ gang gi phyir chad par smra ba ni 'jig rten pha rol shes pa ma yin te/ 'jig rten pha rol khas mi len pa'i phyir ro/ /dge bar khas len snying rje can zhes bya ba 'dis ni lus kyi bstan bcos kyi rjes su 'jug pa 'gog par
 byed pa yin te/ gang gi phyir de ni dge bar dam bca' ba ma yin te/ gzhan la khro ba dang bcas pa'i phyir ro/ /de snying rje can yang ma yin no/ /bzhi po 'di dag ni srog gcod pa'i nyes pa med par bstan pa'i phyir ro/ /thams cad sngon gyi las kyis byas
 par lta ba de ci'i phyir ma bstan ce na/ gang gi phyir de ni las kyi rgyu nyid du sgrub ba yin te/ 'gro ba rnams de ltar sgrub pa na srogs chags gsod par byed de/ de ni da ltar byung ba'i skyes bu byed pa'i rkyen nyi tsher 'gyur ro/ /gzhung byed pa zhes bya ba ni ma yin pa'i
 sdig pa'o/ /ci'i phyir zhe na/ grags pa cung zad tsam gyi phyir ro/ /gzhan du na gzhung mi byed de/ sdig pa nyid yin pas so/ /ji ltar khas blang bar bya ba zhes bya ba ni khas len par byed pa'o/ /sdig pa la sdig pa ma yin pa'i lta bas gang de grags pa cung zad
 tsam gyi phyir sdig pa mi byed de/ ji ltar rigs pas smra ba khas len par byed ces pa ste/ grags pa cung zad tsam gyi phyir/ gzhung mi byed ces bya ba'i tshigs gis so/ /gzhan du byed pa de ni don gyis mi 'grub pa'o/ /des na de'i rgyu bstan pa'i phyir/ mi'i
 bdag po lta ba bzad dam zhes bya ba'i tshigs bcad smos so/ /skal pa mnyam pa ni rigs mthun par pa'o/ /las nyid sgrub pa yin pas las ni sgrub pa'o/ /rigs mthun pa'i las kyi sgrub pa ni rigs mthun las ni sgrub pa'o/ /de dag gi rgyu ni rigs
 mthun pa'i las sgrub pa'i rgyu'o/ /gal te lta ba bzang na ni dge ba'i las sgrub pa'i rgyu yin la/ gal te lta ba ngan na ni mi dge ba'i las sgrub pa'i rgyu yin no/ /ci'i phyir zhe na/ brtags na dge ba dang/ mi dge ba'i 'jug pa'i tshig dang spyod pa rnams kyis
 ston pa'i phyir ro/ /lta ba de yang gang las thob pa yin zhe na/ de'i phyir smras pa/ dam pa rnams la brten na 'di shes 'gyur zhes smos pa yin te/ 'di ni lta ba bzang po'i tshul lo/ /'di skye bo ngan pa rnams
 ring du spang bar bya ba ni thag ring du bya ba'o/ /dam pa ma yin pa la brten pas ni tshul 'di ltar thob pa yin te/ des na de nyid smras pa/ mi sdom par yang sdom pa'i tshul 'dzin pa zhes bya ba'i tshigs bcad smos te/ mi sdom par yang zhes bya ba ni sdom pa'i
 rgyu med kyang mthong ba'i yul du byed pa'i phyir/ mi sdom par yang sdom pa'i tshul 'dzin pa zhes bya ba'o/ /sdom brtson dag gi cha byad yin pas sdom pa'i tshul lo/ /de 'chang ba'i tshul gang la yod pa de ni sdom pa'i tshul 'dzin pa'o/ /dge slong srin
 po de rnams kyi mtshan nyid ni ji lta ni ni de dag shes par bya zhe na/ de smra ba po la sogs pa zhes bya ba'i tshigs bcad 'di smos te/ sogs pa'i sgras ni dbang phyug rgyur smra ba dang/ thams cad sngon gyi las kyis byas bar smra ba dang/ chad par smra ba dang/
 rgyal po'i gtsug lag khang gi gzhung smra ba rnams kyang gzung ngo/ /de dag gi khyad par gyi mtshan nyid ni ji ltar rtsub pos bsgos ba zhes bya ba lce spyang bzhin du lce spyang gi khyad par gyi mtshan nyid can des na rlag par byed pa yin te/ gang gi
 phyir/ skye bo byis pa de rnams dge slong srin po sa'i steng na rgyas par byed bas so/ /de'i phyir don nus pa spyad ces bya ba ni dgos pa'i don te /de'i lta ba las bzlog pa de ni don du nus par gyur na'o/ /de bas mkhas pas de dag bsten
 mi rigs zhes bya bas bstan to/ /de ltar yang khyad par du skye bo mi mthun pa dag grags pa che bar gyur na yang mdza' bar na mi bya ba nyid de/ khyad par gyi bya ba bstan pa'i phyir ro/ /skye bo mi mthun pa dag grags pa cher gyur zhes
 bya ba'i tshigs bcad smos so/ /dgos pa yod par gyur kyang zhes bya ba ni dgos pa'i dbang gis zhes bya ba'i don to/ /rgyu las grub par mthong ba bzhin la zhes bya ba la sogs pa'i tshigs bcad bdun gyis ni lta ba bzang ngan bstan pa'i phyir te/
 de las grub par ma 'ong bzhin la zhes bya ba'i tshigs bcad 'dis ni phan yon gyi dbang du byas pa ste/ sngar bshad pa'i lta ba ngan pa rnam pa lnga'i mi mthun pa'i phyogs bstan pas srog gcod pa la sogs pa bya ba ma yin pa mi byed pa'i phan yon no//
 rgyu med sgra dang zhes bya ba'i tshigs bcad 'dis ni/ lta ba ngan pa'i bya ba ma yin pa byed pa'i rgyu'i nyes dmigs bstan pa'i dbang du byas pa ste/ gal te bya ba ma yin pa mi byed kyang grags pa cung zad kyi phyir byed do/ /gzhan du na bya ba byed pa nyid
 snang ba'i phyir ro/ /mi'i bdag po lta ba bzang ngam zhes bya ba'i tshigs bcad 'di ni lta ba bzang po 'am/ ngan pa yin te/ dge ba dang/ mi dge ba'i las kyi rgyu nyid rab tu sgrub pa'i phyir ro/ /de bas na lta ba bzang po bstan pa'i rigs zhes bya ba'i
 phyed dang pos ni sngar bstan pa'i don mjug bsdu ba yin no/ /lta ba bzang po dang ngan pa gnyis spang ba dang/ /bsten par bya ba bstan pa'i phyir/ skye bo ngan pa ring du spang zhes bya ba phyed 'og ma yin te/ lta ba bzang po ste dam pa la brten pas
 ni dam pa yongs su shes par 'gyur ba de bstan pa ni dge ba'i bshes gnyen gang la brten pa'o/ /gang yongs su spang ba ni dge ba'i bshes gnyen ni mi sdom par yang sdom pa'i tshul 'dzin pa zhes bya ba'i tshigs bcad 'di yin te/
 mi dge ba'i bshes gnyen gang yin pa de nyid bstan pa'i phyir /sa'i steng na dge slong srin po rnams zhes bya ba yin no/ /rgyu med smra la sogs pa'i tshigs bcad phyed kyis ni mi dge ba'i bshes gnyen de'i mtshan nyid bstan pa'i don no/ /de
 bas mkhas pas zhes bya ba 'og ma phyed kyis ni de la mi dge ba mi sgrub pa'i khyad par bstan pa'i phyir ro/ /mi sgrub pa yang rnam pa gnyis te/ yongs su spang ba dang/ lta ba ngan pa las bzlog pa'o/ /skye bo mi
 mthun pa dag grags pa cher gyur ba zhes bya ba smos pa la/ rnam pa thams cad du yang bsten par bya ba ma yin pa'o/ /dpe bsten par bya ba'i phyir/ dgun gyi dus kyi zhes bya ba la sogs pa ste/ rnam pa thams cad du skye bo mi mthun pa dag grags
 pa thob bar gyur kyang de dang mdza' bar mi bya ba yin na gzhan dag de bzhin du dgos pa med par gyur pa lta smos kyang ci dgos pa'o/ /de dpe dang bcas pa'i nyes dmigs bstan nas/ skye bo yon tan spong ba de dag spang ba dang/ zhes bya ba la
 sogs pa'i tshigs bcad bcus ni yang dag par 'dzin du gzhug pa'i dbang du byas pa ste/ gang la 'dzin du 'jug par byed ce na/ bdag nyid kyi phun sum tshogs pa'i rang bzhin bsgrub pa 'dzin du 'jug par byed de/ de la bdag gi rang bzhin skye
 bo yon tan spong ba zhes bya ba la sogs pa'i tshigs su bcad pa gsum gyis bstan te/ de dag ces bya ba ni lta ba bzang po ni dam pa la brten pa dang/ dam pa ma yin pa yun ring du spangs pa las/ 'thob pa'i phyir dang dam pa ma yin
 pa bsten pa dang/ spang ba gnyis kyis lta ba bzang ngan yongs su ma bskyangs pa'i phyir/ sman rnams kun dang 'bral bar 'gyur ro/ /zhing rmed pa ni dpya dbul ba'i rtsa ba'i rgyu yin pa'i phyir ro/ /de dag la tshong zong sna tshogs zhes bya ba 'di
 smos te/ mkhar dang/ nor gyi rang bzhin las brtsams pa ste/ sna tshogs pa'i tshong zong gang yin pa de dag go/ de dag gi nyo ba dang/ 'tshong ba ni nyo tshong ngo/ /rnam pa sna tshogs pa'i nyo tshong byed pa ni tshong zod? sna tshogs byed pa ste/ de ni
 tshong ba rnams yin te/ yul gzhan dang/ chu dang/ thang dang/ len du 'gro ba'i dbang du byas pa'o/ /pho brang 'khor gyi mi zhes bya ba ni/ grong na gnas pa'i dbang du byas pa'o/ /sho gam gcod cing dpya dbul ba zhes bya ba ni skye bo yang rnam pa gnyis te
 sho gam gcod cing dpya dbul ba'i tha mal pa'i grong gi mi ste/ 'dis ni rdzong gi rang bzhin bstan to/ /tshong pa rnams sho gam gcod cing dpya dbul ba zhes bya ba 'dis nor gyi rang bzhin bstan te/ tshong pa'i skye bo yin pa'i phyir de bsrung na nor yang
 bsrung bar 'gyur te/ nor gyi tshong pa rnam pa la rag lus pa'i phyir ro/ /de gnyis ga'i phyogs gcig tu byas te nor gi phun sum tshogs par bstan to/ /skyon med ces bya ba la sogs pa ni bka' khrims kyi rang bzhin gyi dbang du byas pa'o/ /ma
 bkur na zhes bya ba ni bka' khrims kyi ma bkur ba ste/ ma bsten pa'i skyon bstan to/ /yongs su bskyangs pa dag des yongs su ma bskyangs pa'i phyir/ gzhan gyi rang bzhin yul mi sngar bskyangs pa'i sgrub pa nyid du bstan to/ /da ni rjes su bzung
 ba dang/ dpya dbab ba'i bsgrub pa'i dbang du byas nas/ de bzhin tshul ldan mkhas pa dge ba dang/ zhes bya ba'i tshigs bcad gsum smos so/ /de la phan gdags pa bsgrub pa'i dbang du byas nas/ de bzhin tshul ldan mkhas pa dge ba dang
 zhes bya ba'i tshigs bcad yin te/ rang gi skye bo gnas pa yang rnam pa gnyis te gnas pa dang/ rigs so/ /de la gnas pa'i dbang du byas pa ni tshigs bcad dang po nyid yin no/ /tshul khrims dang/ thos pa dang/ rnal 'byor ni tshul khrims dang
 thos pa dang/ rnal 'byor te des dge ba rnams so/ /rnal 'byor zhes smos pa ni zhi gnas dang/ lhag mthong gzung ngo/ /tshul khrims kyi zhi gnas kyi steng du ni bshad ces bya ba'i thos pa'i lhag mthong des te/ de ltar na so ma ni bshad ces
 bya bas zhi gnas dang lhag mthong nyid du bstan te des dge ba rnams so/ /dge ba de dag rab tu mthong ba 'dis ni rang gi don sgrub phun sum tshogs par bstan to/ /yon tan che bar grags pas dge ba rnams
 zhes bya ba ni gzhan gyi don sgrub pa phun sum tshogs pa bstan to/ /che bar grags pa nyid ni che bar grags pa'o/ /che bar grags pa de nyid yon tan yin pas de nyid kyi yon tan sgrogs pa gang yin pa de dag ni yon tan che bar grags pa'o//
 smad cing yal bar bor na zhes bya ba 'dis ni mngon du ldang ba dang/ phyag 'tshal ba dang/ bsnyen bkur ba dang/ rjes su bstan pa dang/ mnyen pa la sogs pa spangs zhes bya ba'i don to/ /mtho ris 'gro ba'i sgo dang 'gal bar 'gyur zhes
 bya ba 'dis ni mngon par mtho ba dang nges par legs pa'i rgyu de skyes bu dam pa la brnyas shing smad pa dang/ ma bskyang pa des mtho ris kyi sgo'i mtshan nyid mngon par mtho ba dang 'gal ba nyid do/ /dpya dbab pa zhes bya ba de sgrub pa'i dbang
 du byas nas/ 'bras bu ma smin shing las gang 'thog pa zhes bya ba'i tshigs bcad gnyis smos te/ dus la ma bab par dpya phab cing blangs pa'i skyon bstan pa'i phyir/ 'bras bu ma yin shing las gang 'thog pa zhes bya ba lta bu ni chos ma
 yin pas dpya phab pa'o/ /sa bon chud gson ces bya ba lta bu ni yul yang phung la zhes bya ba yin no/ /ro yang des ma myong zhes bya ba lta bu ni des chos ma yin pas dpya phab pas phan mi thogs pa nyid do/ /sngar bstan pa'i skyon mi mthun
 pa'i phyogs chos kyis bsrungs pa'i yon tan bstan pa'i phyir/ de ltar ljon shing yon tan phun sum tshogs zhes bya ba'i tshigs bcad smos so/ /smin pa'i bar du yongs su bskyangs na te/ shing lta bu ni rgyal pos bsrungs pa'i
 phul? lo/ /yon tan phun sum tshogs pa'i 'bras bu ster ba lta bu ni chos dang/ srid dang/ bde ba 'byor bar byed pa lta bur sbyar ro/ /blon po 'dzangs pa glo ba nye ba zhes bya ba'i tshigs bcad 'di ni blon po dang/ mdza' bo'i skye bo'i dbang du byas pa ste/ glo ba
 nye ba zhes bya ba ni de'i blo dang mthun par 'dod pa'o/ /'dzangs pa zhes bya ba ni lhan cig skyes pa dang/ sbyor ba las byung ba'i shes rab dang ldan pa'o/ /glo ba nye ba zhes bya ba 'dis ni nus pa bstan to/ /grogs po skyon med ces bya ba ni 'khrul pa med
 par spyod pa'o/ bdag gi nang mi rnams zhes bya ba ni mi skyon med pa ste/ 'khrul pa med pa'o spyod pa'o/ /dga' bar smra bas zhes bya bas ni tshig snyan pa bstan te/ rim gror bcas pa'i bya dka' rtsal zhes bya ba 'dis ni rim gro dang bya dga' gnyis so/ /des
 ni rim gro dang 'di gsum gyis ni sdu ba'i dngos po bstan te/ sbyin pa dang/ snyen par smra ba dang/ don mthun pa dang/ don spyod pa las don spyod pa ni rgyal po la med pa'i phyir ma smos te/ sdu ba'i dngos po bzhi ba med do/ /de bas zhes bya ba ni/ gang sngar
 bstan ba'i sa la 'khod pa chos kyis skyong la bag med spongs/ de ltar byas na grags pa dang ni mtho ris 'thob ces bya ba te/ de ltar bstan pa dang/ spang ba'i phan yon ni gang yin zhe na/ de'i phan yon bstan pa'i phyir/ 'bangs rnams skyong la mi dka' 
 zhes bya ba phyed 'og ma'o/ /phan yon rnam pa sna tshogs pa ni bdag nyid kyi grags pa 'thob pa dang/ 'bangs rnams yon tan dang/ skyon gnyis la dga' ba dang/ mi 'gal bar 'gyur ba ste/ dang po bdag nyid kyi phun sum tshogs pas ni bdag gi
 grags pa 'thob pa'o/ /ji ltar 'bangs rnams kyi yon tan dang/ skyon la thob pa dang mi 'gal ba yin zhe na/ de sgrub pa'i phyir/ khyod kyis chos spyad gyur na mi'i 'jig rten phal cher ni zhes bya ba smos te/ phal cher zhes bya ba ni mang por ston pa yin te/ 'dis
 ni gtan du spyod pa de ma gtogs pa'o/ /legs par spyod pa phyogs shing zhes bya ba ni mthong ba'i chos kyi sgrub pa'i phan yon no/ /skye dgu rnams mtho ris lam la gnas bar 'gyur zhes bya ba ni 'jig rten pha
 rol gyi phan yon no/ /de ltar 'bangs rnams bskyangs pa'i phan yon yin te/ khyod kyis brtson 'grus bskyed de 'gro ba 'di dag ces bya ba'i phyed 'og ma'o/ /de bas na de'i phan yon bstan pa'i phyir/ khyod kyis brtson 'grus bskyed de 'gro ba 'di
 dag ces bya ba'i phyed 'og ma'o/ /'gro ba 'di dag yongs su skyong ba ni mthong ba'i chos kyi phan yon no/ /de yongs su bskyang bar dam bcas pa'i phyir/ dam bcas pas chos la brten ces bya ba ni 'jig rten pha rol gyi phan yon no/ /chos shes smos
 pas ni legs par spyad pa'i 'bras bu bzung ngo/ /yang na legs par spyod pa 'di nyid chos yin pas de la brten cig ces bstan pa yin no/ /chos de gang yin zhe na/ de bstan pa'i phyir tshul khrims rnam par spyod la zhes bya ba'i tshigs
 bcad 'di'i bsdus pa'i don no/ /bsod nams kyi tshogs yongs su 'byung ste/ pha rol tu phyin pa drug po brtson 'grus kyi pha rol tu phyin pa'i bar du bstan to/ /tshul khrims rnam par spyod la zhes bya ba ni tshul khrims kyi pha rol tu phyin
 pa bstan te/ tshul khrims rnam par spyod ba zhes bya bas skyon med pa dang mnyam pa zhes bya ba la sogs pa gang bcom ldan 'das kyis gsungs pa'i rim pas sbyong ba'o/ /sbyin pa'i grags pa spel zhes bya ba ni 'dra ba med pa'i sbyin
 pas srags par 'gyur ba zhes bya ba'i don to/ /byams par gyis zhes bya ba ni skye bo gzhan dag gnod pa med pa la yang nang mi ji lta ba bzhin du zhes bya ba yin te/ ji ltar nye du'i skye bo bzhin du'o/ /sa la 'khod pa chos kyis skyod la
 bag med spongs zhes bya bas ni/ brtson 'grus kyi pha rol tu phyin pa bstan te/ brtson 'grus la yang rnam pa bzhi ste/ dge ba'i chos ma skyes pa skyed pa dang/ dge ba'i chos skyes zin pa rnam par spel bar bya ba'i phyir/ de nyid ni sa la 'khod pa chos
 kyis skyong shes bya ba 'di bstan pa yin no/ /sdig pa mi dge ba'i chos ma skyes pa rnams mi skyed pa dang/ skyes zin pa rnams spang ba'i phyir te/ de gnyi ga ni bag med spongs zhes bya ba 'dis bstan pa yin no/ /'di ni bsod nams kyi tshogs
 kyi chos dang/ rjes su mthun pa'i phan yon gyi dbang du byas pa ste/ de ltar byas na zhes bya ba'i tshig rkang gcig go /grag pa 'thob ces bya ba ni mthong ba'i chos kyi phan yon no/ /mtho ris 'thob ces bya ba ni 'jig rten pha rol gyi phan yon no/ /de ltar
 re zhig rgyal pos spang ba dang/ blang ba la sogs pa'i sgrub pas 'dzin du bcug nas yul gyi mi'i rang bzhin bsgrub pa'i dbang du byas nas/ chun pa rnams dang phyugs lug 'tsho ba rnams zhes bya ba'i tshigs bcad smos so/ /ci'i phyir lugs kyi
 bstan btsas bshad ba'i rim pa las 'da' bar bya ste/ yang yul gyi mi'i chos smos shing blon po'i rang bzhin ma bstan/ rje bo dang/ blon po dang/ yul mi dang/ mkhar dang/ dkor dang/ bka' khrims dang/ grogs po rnams kyi rang bzhin
 rnams te/ 'di ltar bstan bcos las brjod ba'i rim pa 'di nyid ni rigs pa'i tshul nyid du 'gyur te/ lugs kyi bstan bcos las bshad pa'i rim pa'o/ /'dir ci zhig byas she na/ bdag pos gang bsrung ba dang/ gang dang lhan cig bsrung
 ba zhes bya ba yin te/ gang bsrung ba ni yul mi dang/ rdzong udang/ nor ro/ /gang dang lhan cig bsrung zhe na/ bka' khrims dang/ blon po dang/ grogs po rnams yin te/ de bas na rim pa 'di ni rigs pa nyid do/ /de la yul mi'i rang bzhin gyi sgrub
 pa rnam pa gnyis te/ srung ba'i bsgrub pa dang/ rjes su phan gdags pa dang/ dpya dbul ba'i sgrub pa'o/ /de las bsrung ba'i sgrub pa'i dbang du byas nas/ chun pa rnams dang zhes bya ba'i tshigs bcad 'di'o
 chun pa zhes bya ba ni zhing las gtso bor byed pa yin no/ /phyugs lug 'tsho ba rnams zhes bya ba ni ba lang la sogs pa skyed ba la 'bad pa ste/ 'tsho tshis la 'jug pa'o/ /yul mi yongs su bskyang ba la ci'i phyir tshong la 'jug pa smos she na/ 'og tu
 nor gyi sgo nas rjod par byed pas so/ /dang po gnyis kyi go rims ni chun pa ni me tog dang ldan pa'i ljon shing lta bu ste/ rim gyis 'bras bu ster ba'i phyir ro/ /phyugs lug 'tsho ba rnams zhes bya ba ni 'bras bu ldan pa'i ljon shing lta bu ste
 de ma thag tu 'bras bu steng ba'i phyir ro/ /sman rnams kun dang zhes bya ba ni 'bras sa lu la sogs pa dang phyugs lug la sogs pa chos kyi 'bras bu chen po yin zhes bya ba 'di'i don to/ /bde ba 'dod phyir 'bangs rnams sems par mdzod
 ces bya bas ni gang sngar bstan pa'i khyod kyi chos spyad gyur na mi'i 'jig rten pha rol ni zhes bya ba'i tshigs bcad 'dir yang sbyar bar bya'o/ /chags dang zhe sdang med pa'i nan thur gyis zhes bya ba ni gang sngar bstan pa'i rang bzhin dag la ji ltar
 sbyar ba bzhin du thams cad la yang brjod do/ /'jig rten bsrungs zhes bya ba ni bdag gi rang bzhin bsrung ba dang/ 'jig rten gyi mtho ris kyi 'dod pa thob pa'i ched du spyod do/ /slob dpon dpa' bos mdzad pa'i skyes pa'i rabs rgya cher bshad
 pa las/ byang chub chen po'i skyes pa'i rabs so// //rnam pa sna tshogs pa'i 'byung khungs ni/ rnam pa sna tshogs pa'i 'byung khung ngo/ /rnam pa sna tshogs pa'i 'byung khung gi rdzas gang yin pa'i ri'i ngos
 de ni 'byung khung gi rdzas rnam pa sna tshogs pa'i gangs ri'i ngos te de na'o/ /kau shaM ba'i dar sngon pos stod g.yogs su gang gis byas pa de ni kau shaM ba'i dir sngon pos stod g.yogs byas pa de'o/ rnam pa du ma dag gi dbyibs kyi rnam pa'i dbyibs mang po'o/ /
 kha dog rnam pa du ma dang/ dbyibs rnam pa mang po gang yin pa'i thel sdings dang shang shong de'i rnam pa du ma'i kha dog dang/ dbyibs rnam pa mang po de'o/ /bang rim rnam pa du ma ni bang rim rnam pa sna tshogs pa ste/ thel sdings dang/ shang shong gi bang rim rnam
 pa sna tshogs pa de'o/ /gcong rong gi nad ni gcong rong ngo/ /gcong rong yang yin la zab mo yang yin pas na gcong rong zab mo'o/ /gcong rong zab mo g.yang za ba ni gcong rong zab mo g.yang zab ste/ de mang po yod pa ni gcong rong zab mo dag de na yod pa'o
 chos kyi 'du shes ni ma nyams/ byas pa gzo ba ma 'jungs pa'i rang bzhin can bzhin du rab tu bstan pa dang ldan pa zhes bya ba 'di bzhi smos pa ni/ rgyu 'di bzhis ni snying rje gtong ba yin/ 'di ltar chos kyi 'du shes nyams na ste/ chos ni mi 'tshe ba'i mtshan
 nyid de/ de'i 'du shes ma nyams par gyur pa'o/ /chos de bsten na ni yun ring por 'dod pa'i 'bras bu 'thob par 'gyur ro/ /mi bsten pa des ni mi 'dod pa'i 'bras bu 'thob par 'gyur te/ gang 'di'i 'du shes yongs su nyams par gyur pa'i tshe ni
 snying rje med pa yin no/ /bdag la chags pa dang bcas pas byas pa mi tshor ba 'am/ 'khor ba'i lam dag tu da ltar byung ba dang/ 'das pa'i dus su sems can re re la yang mdza' yas pa'i mi 'dod bar sbyar bar byas pa dang/ mdza' yas pa'i
 mi 'dod pa la nye bar sbyor ba byas pa yin te/ de bas na de byas pas bdag nyid kyis kyang snying rje gtong bar 'gyur ro/ /mthong ba'i chos la 'jungs pa'i rang bzhin can yin pa'i phyir/ bde ba cung zad tsam 'thob pa'i ched du 'jungs pa'i phyir snying rje gtong
 ba yin no/ /mthong ba'i chos nyid la sems can rnams dang bdag nyid kyi mi 'dod pa'i rgyus mi brten pa'i phyir/ snying rje yongs su gtong ba yin no/ /bzhi po de dag med par bstan pa'i phyir/ de la zhes bya
 ba yin te/ yon tan bzhi po 'di dang ldan par snying rjes ma btang ngo zhes bstan par gyur pa yin no/ /nags tshal zhes bya bas sa ni phyogs nye ba dang mi nye bar gzung ngo/ /dri mchog ces bya bas ni phyogs mthon po gzung ngo/ /rgya mtshor
 bcas pa'i zhes bya bas ni bag kyis gzhol ba'i phyogs gzung ngo/ /mes ni bsam gtan dang po'i bar du 'jig par 'gyur ro/ /chus bsam gtan gnyis pa'i bar du'o/ /rlung gi bsam gtan gsum pa'i bar du'o/ /nags kyi
 shing gi lo ma dang 'bras bu zhes smos pas ni gzhan gyis ma gzung ba dang/ srog chags la gnod pa spangs pa'i tshul nyid du bstan pa'i phyir te/ 'di ni srog gcod pa dang/ ma byin par len pa las ldog pa bstan to/ /sa phyogs der
 'ongs zhes bya ba ni gang byang chub sems dpa' gnas pa der ro/ /bkres pa dang/ skom pa dang/ tsha ba dang/ ngal bas lus ni rmya zhes bya ba la/ bkres pa dang/ skom pa gnyis smos pas ni/ lhan cig skyes pa'i sdug bsngal bsten pa'i phyir/
 tsha ba smos pa yang de bzhin du sdug bsngal ba'o/ /ngal ba ni spyod yul las gyur pa'i lus kyi sdug bsngal ba'o/ /yid dga' ba'i me zhes bya ba ni sems kyi sdug bsngal lo/ /bkres pas nyen pa des rab tu zhim par ltogs
 te/ zhes bya ba ni gang gi phyir ltogs pa'i zhim par byed pa yin gyi/ 'bras bu de ni zhim po ma yin no zhes pa'i don to/ /'di las byung ba yin pas de las byung ba ste/ de las byung ba de tshol ba'o/ /de 'dod pa zhes bya ba ni tindu'i 'bras bu 'dod
 pa'o/ /de'i zhes bya ba ni de'i yal ga'o/ /ljon pa'i shing zhes bya ba ni tindu ka zhes bya ba de'i ming can te/ rang bzhin nyid kyis shing tandu ka ni rab tu phra ba'i ngo bo nyid dang/ shun phrag med pa'i phyir te/ de bas na smras pa/ lci ba'i lcid kyis non pa dang/ de 'dzegs
 pa'i phyir dang phra ba'i phyir dang thor to la song ba'i phyir dang/ sta res ched du rtsa ba nas bcad pa bzhin zhes bya ba yin te/ ma lus par chad pa nyid du ston to/ /sgra dang bcas par chags nas zhes bya ba ni shing tindu ka sra ba nyid du ston to/ /de nas lhan cig tu ltung bar gyur
 to zhes bya ba 'dis bar du 'chi ba med pa'i rgyu bsten to/ /'chi'o snyam ste gson du re ba ni med ces bya ba ni 'tsho ba'i re ba btang bar gyur pa'o/ /nags khung 'grod dka' zhes bya ba'i tshigs bcad 'dis ni skye bo dang 'brel ba med pa ste/ yongs su skyob pa med
 par bstan to/ /gnyen bshes kun dang bral nas zhes bya ba 'dis ni skye bo 'dres pa dang bral ba nyid kyi phyir te/ des na yongs su skyob pa med pa'o/ gcig pur gyur pa dang/ sha sprang mang po mdun ma 'du ba'i sa zhes bya ba 'dis ni/ 'chi ba dang/ nye ba nyid du
 ston pa'o/ /ri dwags 'dra ba zhes bya ni bskye bo med pa'i phyir ro/ /bkra ba nor bu ni nor bu bkra ba'o/ /bkra ba ni nor bu nyid skar ma yin pas/ /bkra ba'i nor bu rin chen skar ma'o/ /des mdzes pa'i sprin gang yin pa de ni nor bu rin chen skar ma bkra ba mdzes
 pa'o/ /'dir 'ongs zhes bya ba glo bur du'o/ /ci'i phyir zhes bya ba ni gang gi rgyus so/ /lta zhing zhes bya ba ni gyen du lta ba'o/ /su zhig yin zhes bya ba'i lan ni bdag ni mi zhig lags zhes bya ba yin no/ /'dir 'ongs zhes bya ba'i lan ni shing 'di'i 'bras bu
 tshol zhes bya ba yin no/ /ci'i phyir zhes bya ba'i lan 'di ni nyam nyes dbyung zhes pa'o/ /de bas gnyen bshes dang yang bral zhes bya ba 'dis ni rjes su 'brang ba med pas snying rje'i gnas su ston to/ /nyam nyes chen po zhes bya ba 'dis ni sdug bsngal nyid du bstan to/ spre'u
 tshogs mang po'i mgon po khyod/ /bdag gis skyabs kyang mdzad du gsol zhes bya ba 'dis ni skyabs su 'gro bar gsol ba 'debs pa'o/ /rgyu gsum po 'di thams cad kyis kyang snying rje'i gnas nyid du ston to/
 phongs pa dang/ sdug bsngal ba dang/ rjes su 'brang ba med pas so/ /snying rje chen po zhes bya ba ni sngar bstan pa'i snying rje'i gnas thams cad kyis so/ /nyam nyes gyur cing zhes bya ba'i tshigs bcad 'dis kyang sngar bstan pa'i snying rje'i
 gnas kyi rgyu gsum bstan pa yin no/ /nyam nyes gyur ces bya ba ni sdug bsngal dang ldan pa nyid du gyur pa'o/ /gnyen bshes rnams dang bral zhes bya ba 'dis ni rjes su 'brang ba med pa nyid do/ /thal mo sbyar nas dman pas gsol na ni zhes
 bya bas ni skyabs su 'gro bar gsol ba don du bsnyen pa'o/ /brtse ba g.yel bar gyur ces bya ba ni brtan par nyams par gyur ces bya ba'i don to/ /de lta bu'i dus na dkon pa zhes bya ba ni rjes su 'brang bar thams cad kyang 'chi ba'i dus
 na gnad du 'ong ba ni dkon pa'o/ /tshig 'jam pos zhes bya ba ni bdag nyid kyis yongs su bskyab pa'i yon tan zhes bya ba'i don to/ /g.yang sar lhung bas zhes bya ba'i tshigs bcad 'dis kyang sngar bstan pa'i snying rje'i rgyu gsum ston te/
 de yongs su bskyab cing bde bar 'gyur ro zhes shes par bya ba'i phyir ro/ /g.yang sar lhung bas bdag ni mthu med ce 'am zhes bya ba 'dis ni sdug bsngal can du bstan to/ /gnyen bshes med ces bya ba 'dis ni rjes su 'brang pa med
 pa nyid do/ /m? rigs? shig zhes bya ba ni skyabs 'dod pa ste skyabs sgrub par bstan to/ /rang gi lus las snying po dag ces bya ba ni snying po med pa'i lus las gzhan gyi don sgrub pa'i snying po'o/ /de bstan pa'i phyir/ sgrub par byed pa'i
 snying po dag ces bya ba smos so/ /snying po med pa zhes bya ba ni chu shing gi phung po bzhin du'o/ /yang na rtag pa dang/ bde ba dang/ bdag dang/ gcang ba med pa'o/ /rab tu lci ba'i khung gyis non bzhin yang zhes bya ba ni sdug bsngal par gyur kyang snying stobs
 che ba ma nyams pa'i phyir steng du phyin to/ /rab tu dga' bar gyur ces bya ba ni sems kyi mi dga' ba med par ston to/ /'di ltar snying stobs che bas brtan pa ma nyams par zhes bya ba yin te/ de bas na de'o/ ngal zhing chang pas gom pa 'khyod? zhing
 'dor zhes bya ba ni lus kyi yongs su ngal ba yod pa yin te/ gang gi phyir yang rab tu lci ba'i khur gyis non bzhin zhes bya ba ste lci ba'i rgyu nges so/ /ngal ba sos par bya phyir zhes bya ba ni lus kyi ngal bar med par bya ba'i phyir/ rang bzhin yongs su
 dgang zhes bya ba ni bdag gi rang bzhin yongs su dag pas/ gzhan gyi bsam pa yongs su dag par 'dzin pa'i phyir ro/ /des zhes bya ba ni phan gdags pa'i phyir/ dogs pa med pa'i rgyu bstan to/ /mi zhes bya ba 'dis ni skal ba cha mnyam pa yin pas/
 dogs pa'i gnas nyid du bstan to/ /yang na rang bzhin yongs su dag pa des/ nyes pa byas su dogs pa med pa ste/ phan gdags pa'i phyir yang bag phab pa'o/ /gcan gzan khro bo thags thogs med par 'ong zhes bya ba la/ gcan gzan khro bo'ang?
 ba ni 'byung ba ste/ nags kyi phyogs su 'jug pa'i phyir ro/ /thags thogs med pa ni kun nas thar pa'i phyir ro/ /ngal las gnyid kyis log pa zhes bya ba ni/ bdag nyid ngal ba dang ?? gnyid kyis log pa gnyis kyis/ gcan gzan khro bo bzlog par mi nus
 pa bstan pa yin no/ /nga la phan pa'i byung ba yin pas ngal phan pa'o/ /mi de lam mtshon pa gzhan med pas/ nga shi bar gyur na ni grogs med pa'i phyir/ 'gro ba la nyam nyas par 'gyur? te/ de bas na mi de rang? la phan par 'gyur ba yin no/ /de'i ??
 zhes bya ba ni kun nas thar pa'i nags kyis phyogs der/ gcan gzan khro bo thags thogs med par 'ong zhes bya ba yin te/ thags thogs med par 'ong ba'i phyir/ mig ltos la srung bar gyis zhes bya ba ni gcan
 gzan khro bo dag las so/ /nga dang khyod bdag nyid zhes bya ba ni bdag la phan pa dang/ khyod bdag nyid la phan pa'i phyir ro/ /nga ni ngal zhing lus kyang rab tu rmya zhes bya bar ni sngar bstan pa'i ngal ba nyid do/ /nga ni nyal bar 'dod ces bya ba ni sngar bstan pa'i
 gnyid log par ro/ /dul ba ltar tshul 'chos pa la mkhas pa de na re zhes bya ba la sogs pa'i tshig rkyang pas ni de'i phyin ci log pa nyid bstan te/ rab tu 'bad pas rnyed pa'i rtsa ba dang zhes bya ba'i tshigs bcad bzhis bstan pa'o/ /rab tu 'bad pas
 rnyed pa zhes bya ba ni brko ba la sogs pa'i rab tu 'bad pas so/ /ci dgar rnyed pas zhes bya ba ni 'bras bu rnyed pa de gcig ma yin pa nyid du bstan te/ rtsa ba dang/ 'bras bu gnyis kyis ni 'tsho? ba tsam yang mi nus par bstan to/ /phan par byas kyang
 bza' ba nyid du bsten to/ 'di'i rang bzhin ni de 'dra ba'i phyir ro/ /phongs par gyur na chos ni grub pa yin zhes bya ba ni/ de'i phyir 'jig rten pa rnams kyi chos chos smra ba/ drag po dang po 'jam pa ste/ /gang yang rung ba'i las kyis ni/ /bdag
 nyid 'phongs pa'i tshe na spyad/ /de 'og chos ni spyad par bya zhes bya ba yin te/ rgyu de'i phyir ro/ /chags pa nyid skyon yin pas chags skyon no/ des rmongs pa'i blo gang yin pa de ni chags pa'i skyon gyis blo rmongs pa'o/ /bdag nyid ngan pa zhes bya ba
 ni gang sngar bstan pa'i snying rje mi gtong ba'i rgyu bzhi med par bstan te/ bdag nyid ngan pa zhes bya ba smos te/ 'jungs pa med pa'i rang bzhin med par bstan pa ni/ chags pa'i skyon gyis blo rmongs pa zhes bya ba 'dis so/ /rab tu brtan pa dang
 ldan pa zhes bya ba gang sngar bstan pa ste/ snying rje mi gtong ba'i rgyu de'i mi mthun pa'i phyogs snying rje dang/ des pa'i ngo bo spangs zhes bya bas brtan pa med par ston to/ /byas pa'i drin ni brjed ces bya ba 'dir/ sngar bstan pa'i byas pa'i byas gzo ba
 de'i mi mthun pa'i phyogs bstan to/ /chos kyi 'du shes ni nyams zhes bya ba ni sngar bstan pa'i chos kyi 'du shes ni ma nyams shes bya ba de'i mi mthun pa'i phyogs bstan to/ bzhi po 'di dag sngar bstan pa ltar ma yin par ci'i phyir go rims
 'di ltar bkod ce na/ da ltar 'di ni skyon gyi rgyu las skyes pa'i phyir/ byas pa mi gzo ba dang/ chos kyi 'du shes la nyams pa gnyis kyi dang por/ bdag nyid ngan pa chags pa'i skyon gyis blo rmongs zhes bya ba smos so/ /gzhan ni snga ma bzhin no/ /rgyu
 bzhi po 'dis kyang snying rje dang/ des pa'i ngo bo nyid bar du spangs pa yin no/ /nyam chung ba yang yin la mi brtan pa yang yin pas nyam chung bas mi brtan no/ /yang na nyam chung bas mi brtan zhes bya ba'i don to/ /gnyid las sangs par bya
 ba'i phyir zhes bya ba'i ched du ste/ de bsangs par bya ba'i ched lta bur ro/ /gnyid sangs par bya ba ni/ sad par gyur pa'o/ /mgo la ril gyi sa phogs par ma gyur te zhes bya ba ni/ de bas na mgo bo phye mar ma gyur to/ /gzhan du brjod pa ni mgo
 po lo phogs pa ste/ de bas na phye mar ni ma gyur te rma chung pa'o/ /mgo bo ma zhom ste zhes bya ba ni/ mgo cung zad zhom pa'o/ /skyengs bzhin can du zhes bya ba ma yin pa byas pas so/ /skyengs par gyur pa ni skyengs pa ste/ brtsams pa'i gong
 mtho ba'i bya ba ma yin pa ma grub pas so/ /des gzi nyams pa gang yin pa de ni skyengs pas gzi nyams so/ /spobs pa med pa zhes bya ba ni 'jigs pa med pa ma yin pa'o/ /de bas na mi dga' bas zhum par gyur pa ni mi dga' spa go bo?/
 mi dga' ba ni gzhan skyobs pa med pa'i phyir te/ de spa gong ba'o/ /skrag pa ni byang chub sems dpas skad cher phyung zhing mchongs pas/ rgyu des 'jigs pa dang/ skrag pa skyes pa ste/ de bas na skrag pa'o//
 dug 'byin pa'i mtshan ma gang yin pa lugs kyi bstan bcos las brjod pa 'dir yang nges par 'byung bar bshad de/ dug 'byin pas kha skam pa dang/ skad 'gags pa dang/ rdul 'byung ba ste/ mtshan ma 'di dag gzung ba yin no/ /skyengs pas
 gzi nyams spobs pa med par gyur ces bya ba 'dis ni/ /bskam pa bstan to/ /mdog kyang nyams zhes bya ba 'dis ni/ bzhin mdog sngo bar bstan to/ /skad 'gags pa zhes bya ba 'dis ni skad 'gags pa nyid bstan te/ gang gi phyir gre ba
 'gags na ni/ skad 'gags par 'gyur ro/ /rdul gyis gsher zhing zhes bya ba 'dis ni/ rdul nyid bstan to/ /de gang gi phyir lta yang yong ma nus zhes bya ba 'dis ni rang gi las thal bar bstan te/ gang gi phyir de'i tshe ni lta ba la gnas par yang
 mi nus pa ste/ 'dir ni 'di'i khyad par ro/ /de dag gis ni lugs kyi bstan bcos las bshad pa'i rtags dag gi mtshan ma dang bcas pa yin te/ 'di dag ni mtshan ma dang bcas pa ni sngar bstan pa'i rgyu dag go /blo la nges par byas nas
 zhes bya ba ni 'khrul pa med pa'i rtags mthong bas so/ bdag la phan pa la yang mi lta ba ni/ ngan pa des yin pas na/ bdag la phan pa'i mi lta ba ngan pa'o/ /de bas na bdag la phan pa la mi lta ba des/ yi chad pa ni ngan pa yin pa'i phyir
 dang/ ngan 'gro 'gro ba'i phyir snying rje skyes pa'o/ /'khrug pa ni sems kyi rnam par 'khrug pa'o/ /khro ba ni lus dang/ ngag gi 'gyur ba'o/ /khro ba dang/ 'khrug pa las byung ba'i skyon ni/ /khro ba 'khrug pa'i skyon ni/ med pa ni khro ba dang/ 'khrug
 pa'i skyon gang gis med pa de na khro ba dang/ 'khrug pa'i skyon med pa ste/ yi chad pa'i phyir khro ba dang/ 'khrug pa'i skyon yongs su spangs pa'o/ /snying rje skyes pa'i phyir mig mchi mas gang ba'o/ /'di 'dra ba dag ces bya ba ni las 'di 'dra bar byas
 pa'o/ /ji ltar zhes bya ba ni sems kyi bskul bar ston pa yin no/ /bya ba ji ltar zhes bya ba 'dis ni/ sems kyi nges par byas pa'o/ /ji lta bur yang brtsams par gyur ces bya ba ni yang dag byed pa'o/ /de la re zhig dang po ni sems spyod pa la 'jug par
 bya ba yin te/ bya 'am mi bya zhes bya ba dang/ 'di ni de bzhin du bya'o zhes pa dang/ de'i 'og tu 'di ni nges pa 'di ltar bya'o zhes sems pa la 'jug pa yin no/ /de'i 'og tu sems pas lus dang/ ngag gi las la 'jug par byed do/ /'di ni
 ring ba ma yin pa'i tshul du bstan te/ ji ltar zhe na/ 'di 'dra bdag la khyod kyis byas zhes bya ba de'i las mthong bas ngo mtshar rtogs nas dris pa yin te/ rgyu ni re zhig bzhag gi bsam pa nyid kyang dka' ba na/ de byed pa lta smos kyang ci
 dgos/ bsam pa lta re zhig bzhag na dpyad cing bya'o zhes bya ba de nyid kyang shin tu dka' ba yin pas ngo mtshar du rtogs nas dris pa yin te/ de bas na 'di dag gi rim pa ni go rims bzhin du bstan pa'o/ /ji lta bur yang brtsams par gyur
 ces bya ba de'i dka' ba'i rgyu bstan pa'i phyir/ nga la gnod par byed pa ni zhes bya ba smos te/ nga la gnod pa byed pa de dang 'grel pa gzhan dag go /brtson 'grus rab tu skyed nas kyang des/ mthu rtsal gang yin pa de ni/ brtson 'grus rab tu bskyed
 pa'i mthu rtsal chen po'o/ /bzlog pa ni dgag par rigs pa'o/ /de bas na khyod kyis khyad par du che ba'i dka' ba byas so zhes bya ba ston pa yin no/ /bdag gis dka' ba spyad do zhes bya ba'i tshigs bcad do/ /bzang po khyod na mir gyur kyang zhes bya
 ba'i tshigs bcad gnyis kyi don yang/ ngo mtshar che bar rtogs pa de bstan pa dang/ de bsgrub pa'i phyir ro/ /bdag gis dka' ba spyad do snyam zhes bya ba'i tshigs bcad de sgrub pa'i phyir/ 'chi bdag kha'i nang 'dra
 ba'i zhes bya ba'i tshigs bcad smos so/ bdag gi dka' ba spyad do snyam/ /nga ni nga rgyal skyes par gyur ces bya ba ci'i phyir zhe na/ 'di ltar 'chi bdag kha yi nang 'dra ba/ /'jig rten gzhan nas blangs pa bzhin/ zhes bya ba ste/ de bas na nga rgyal skyes
 par gyur ba'o/ /ha cang dka' bo khyod spyod kyis/ /de yang ring du spangs par 'gyur/ ces bya ba ni/ ci'i phyir zhe na/ 'di ltar/ g.yang sa 'di nas ngas phyung na/ /khyod ni gzhan du lhung bar gyur/ ces bya ba smos pa'o/ /g.yang sa 'di nas byung ba ni/ 'di'i
 rtsa ba'i g.yangs nas phyung ba'o/ /gzhan yang lhung ba ni ngan song gi skye ba'i dogs kyi g.yang sar ro/ /de lta bu'i dka' ba spyad pa 'di'i rgyu gang yin zhe na/ de'i rgyu bstan pa'i phyir/ spyod pa ngan pa khyod ci rung zhes bya ba'i tshigs bcad smos so/ /spyod pa
 ngan pa ni/ 'jug pa ngan pa'i rgyur gyur pa'i phyir ro/ /spyod pa ngan pa'i mtshan nyid ji lta bu zhe na/ de smras pa/ shin tu mi zad pa'i spyod pa ngan pa'o/ /ji lta bu zhe na/ de sgrub pa'i phyir/ gang gis sdug bsngal rnams su lhung zhes bya ba yin no/ /'gro ba
 gang lhung zhe na/ smras pa/ bde ba 'dod rnams yin te/ mthong ba'i chos la bde ba 'dod pas/ sdig pa rnams byed de/ de ni mi shes pa zhes bya bas bstan to/ /gang gis sdug bsngal rnams su ltung zhes bstan pa/ de'i sdug bsngal gyi rnam
 pa du zhe na/ de'i sdug bsngal gyi rnam pa bstan pa'i phyir/ bdag nyid ngan 'gro rnams su ltung zhes bya ba'i tshigs bcad smos so/ /sdug bsngal yang rnam pa gnyis te/ 'jig rten pha rol gyi ngan 'gro'i sdug bsngal dang/ mthong ba'i chos
 kyi sdug bsngal lo/ /ngan 'gro rnams su lhung zhes bya ba ni/ bdag nyid kyi 'jig rten pha rol gyi sdug bsngal lo/ /da ni mthong ba'i chos kyi bdag gis nyes par byas pa'i sdug bsngal yin te/ nga la 'ang mya ngan me yis gtong zhes bya ba ste/
 mthong ba'i chos la byas pa'i sdug bsngal lo/ /bdag nyid kyi mthong ba'i chos kyi sdug bsngal yang rnam pa gnyis te/ grags pa'i dpal ni med par byas zhes bya ba 'dis ni/ sngar bshad pa'i grags pa nyams pa'i sdug bsngal bstan to/ /yon
 tan dga' ba ni yon tan la dga' ba'o/ /'gal bar gyur pa mi nyams par byas pa'o/ /ji ltar grags pa'i dpal nyams par byas she na/ de smras pa/ ngan par smra ba'i gzhir yang gyur ces bya ba yin te/ ngan pa smra ba'i gzhir 'gro ba'i rgyu'o/ /ji ltar
 yon tan la dga' ba 'gal bar gyur ce na/ smras pa/ yid kyang brtan du ma rung ngo zhes bya ba yin te/ yid brtan pa nyams pa'i rgyus so/ /don ni ci zhig 'grub par 'gyur zhes bya ba ni/ de ltar 'jig rten gnyi ga la mi phan pa'i las byas pas
 don ci zhig 'grub par 'gyur ba'o/ /ji ltar 'di nyid nga'i yid la gnad gyur pa zhes bya ba de nyid bstan pa'i phyir/ smras pa/ sdig pa can du gyur pa zhes bya ba yin te/ 'dir ngan par spyod pa'o/ /ngan par spyod pa 'di ni ngas med par bya bar mi nus te/ 'di
 med par zhes smos so/ /ngan par spyod pa 'di ji ltar med par gyur te/ de'i 'bras bu rjes su ma myong bas de'i 'bras bu myong ba bsal bar mi nus so/ /brtan du mi rung dogs par gyur kyang zhes bya ba de bshad pa'i phyir/ khyod ni gcig pu lus kyang nyam chung la
 zhes bya ba'i tshigs bcad 'di'i phyed dang pos bstan to/ /rgyu bzhis dogs par 'gyur ba yin to/ /grogs med pa'i phyir dang/ bdag nyid nyam chung ba'i phyir dang/ lam mi shes pa'i phyir dang/ 'jigs pa dang bcas pa'i gnas su 'khyam pa'o/ /gang dang lhan
 cig 'gro ba dang/ gang 'gro zhing stobs dang ldan pa dang/ gang gnas su 'gro ba shes pa dang/ gang gnas su 'gro ba ste/ skyon bzhi po 'di dag dang ldan pa'i phyir/ dogs par 'gyur ba yin te/ gang dogs pa de la bstan to/ /gang las dogs pa de las
 brtsams te/ 'ga' zhig 'ongs nas zhes bya ba smos so/ /'ga' zhig ces bya ba gcan gzan khro bo rnams la'o/ /dgon pa 'grod dka' 'jigs pa bor la zhes bya ba ni grong gi gan du phyin pa'o/ /ji ltar grong gi gan du phyin par shes par bya zhe na/
 dgon pa dang/ nags kyi mdza' yin pa'i phyir ro/ /bde bar song zhes bya ba 'jigs pa med par ci bder dengs shig pa'o/ /sdig pa'i las kyang yongs su spang bar 'bad par gyis zhes bya ba ni/ ci'i phyir zhe na/ sdug bsngal gyi rnam par smin pa ni
 nges pa'i phyir ro/ /'gyod pa'i sems zhes bya ba dang/ mdze'i nad ces bya ba 'di gnyis kyis ni ming dang/ gzugs lus kyi sdug bsngal bstan te/ de'i las dang/ sdig pa mthong ba'i chos nyid la de ltar sdug bsngal bar 'gyur ba las brtsams
 te/ de'i las lus 'jigs pa la ni mi spyod pas so/ /rma'i zhigs pa ni rma zhigs pa'o/ /rma'i chu 'dzag pa ni rma zhigs pa'i chu ser ro/ /des gsher ba'i lus gang yin pa de ni rma zhigs pa'i chu ser gyi lus gsher bar gyur pa'o/ sdangs shing ngo mtshar
 du gyur te zhes bya ba ni de'i 'jigs su rung bas so/ /ngo mtshar cher bzung ste zhes bya ba ni mi ma yin par yid ches su mi rung ba'i gzugs yod pas so/ /skya bseng ni phyogs gang na mdze dang/ sha bkra'i nang med pa'i phyogs de na'o/ /skra ni rdul gyis
 gang zhing g.yengs zhes bya ba ni glo bur gyi dri mas gos pa nyid du bstan to/ /cig shos ni lhan cig skyes pa las gyur pa'o/ /yang na sdangs shing ngo mtshar du bzung ste/ dris pa zhes bya ba ni sdangs pas tshul dang bral ba'i phyir/ mi yin par yid
 ma ches pas/ ngo mtshar cher bzung ste/ gnas skabs 'di lta bu rtogs par bya ba'i phyir/ dri ba'i sbyor ba'o/ /'bras bu gzhan ni slad kyis mchi/ /zhes bya ba ni ngan 'gror 'gro ba'i 'bras bu ste/ byams la snying ring byas pa zhes bya ba'i tshigs bcad yin no/ /byams
 la snying ring bas ni 'jig rten gnyi gar mi bzad pa'i 'bras bu bstan pa'i phyir/ de bas byams la zhes bya ba'i tshigs bcad smos so/ /yang dag par 'dzin du gzhug pa'i phyir/ grogs po gsum du sgrub pa'i bye brag ni/ /'dzin du gzhug pa yin no/ /mdza' 
 bo dag la log par sgrub pa'i nyes dmigs bstan pa'i phyir/ byams pa rnams la sdang bar spyod pa'i tshul bzung na zhes bya ba'i tshigs bcad smos so/ /'jig rten gnyi ga la phan pa nyid du bstan pa'i phyir/ mdza' bo rnams la sems zhi byams pa
 grags pa 'thob ces bya ba'i tshigs bcad smos te/ mdza' bo rnams la legs pa sgrub pa'i phan yon bstan pa'i phyir te/ phan yon yang rnam pa gnyis ste/ tshe 'di'i dang/ tshe phyi ma'i 'o/ /tshe phyi ma'i mtho ris 'thob par 'gyur zhes bya ba yin te/ 'di
 ni phyi ma'i phan yon no/ /dang po tshe 'dis phan yon la ni bdag dang/ gzhan gyi rnam pa gnyis te/ mthong ba'i chos la yid dga' ba ni bdag gi phan yon te/ 'chi ba'i dus su yid la gcags pa med pas/ bdag nyid yid dga' bar 'gyur ro/ /gzhan dang
 'brel pa'i phan yon ni rnam pa gsum ste/ tha mal pa dang/ mdza' bshes dang/ dgra'o/ /de la tha mal pa'i phan yon gyi dbang du byas nas grags pa 'thob pa dang/ yid brtan pa ste/ tha mal pa dag las ma btang ba ni/ yid kyi las kyi phan yon no/ /rim
 gro byed pa'i bde ba dang/ ngan grogs byed pa'i yon tan ni mdza' bshes las 'thob pa ste/ lus kyi las kyi phan yon no/ /rim gro byed cing bde ba 'dod pa bstan pa la sogs pas ngan grogs byed pa'i yon tan ni grogs po dman pa dag las/ /rim gro?
 shas cher 'thob pa'i phan yon no/ /dgra rnams kun gyis mi tshugs pa ni dgra'i phan yon/ byam pa'i phyogs la legs nongs ci bgyis pa'i zhes bya ba'i tshigs bcad 'di ni/ sngar bshad pa'i don gyi mjug
 bsdus pa yin te/ byams pa'i phyogs zhes bya ba'i tshigs bcad kyi dang po phyed kyis ni/ yid kyis mkhyen cing rigs par bya ba ste/ yid kyi las kyis sten cig pa'o/ /skye bo dam pa 'dod pa'i lam la zhes bya ba ni/ lus dang/ ngag gi sgrub pa yin no//
 lam der song na 'byor pa rjes su 'brang zhes bya ba ni lus dang/ ngag dang/ yid kyi phan yin no/ /legs nongs ci bgyis pa'i mthu rnams grub pa zhes bya ba la/ nongs pa bgyis pa'i mthu rnams grub pa zhes bya ba ni byams pa rnams la sdang bar spyod
 pa'i tshul bzung na zhes bya ba'i tshigs bcad der nyes dmigs bstan pa'o/ /legs pa bgyis pa'i mthu rnams grub pa ni/ mdza' bo rnams la sems zhi byams pa grags pa 'thob ces bya ba des phan yon bstan to/ /slob dpon dpa' bos mdzad
 pa'i skyes pa'i rabs rgya cher bshad pa las spre'u chen po'i skyes pa'i rabs so// //gang na mi dang bral zhing rgyun lugs med pa'i 'brog dgon pa'i phyogs ni mi'i rgyun lugs med pa'o/ /gang gi phyir sgra med pa de ni sgra mi grag pa ste/ mi'i
 rgyun lugs med pa'ang yin pas/ mi'i rgyun lugs med cing sgra mi sgrag pa'o/ /rtswa stug po'i nang du shing gi rtsa ba ldam ldum nub pa gang yin pa de dag ni shing gi rtsa ba dang/ ldum?  bu mang po rtswa stug po'i nang du nub pa'o/ /gang du de mang ba ni shing gi rtsa ba
 dang/ ldum bu nub pa de na'o/ /'gron po rnams dang/ shing rta dang/ bzhon pa ni 'gron po rnams kyi shing rta dang bzhon pa'o/ /de rnams kyi rkang pa ni 'gron po rnams kyi shing rta dang bzhon pa'i rkang pa ste nges so/ /srol gyi mtshams btod pa ni srol btod
 pa ste/ lam srol btod pa ni lam gyi srol btod pa'o/ /ma btod pa'i lam gyi srol gang yin pa sa phyogs ni sa phyogs de ste/ sa gzhi'i phyogs de lam gyi srol ma btod de na'o/ /'bab chu 'bab pa dang/ grog mkhar dang/ gang pa rnams ni 'bab chu dang
 grog mkhar dang/ gang ba dag go /de dag gis phyogs mi bde ba gang yin pa'i dgon pa'i phyogs de ni 'bab chu 'bab pa dang/ grog mkhar dang/ gang pa dag gis sa phyogs mi bde ba yod pa de na'o/ /lus dang ldan pa zhig tu gyur to zhes bya ba ni lus dang
 bcas par skyes so zhes bya ba'i don to/ /ri dwags gzugs can zhes bya ba ni sngar bstan pa'i ri dwags shar b+har gyur to zhes bya ba ni yin no/ /ri dwags gcig pur gyur pa ma zad de/ de gsal bar bya ba'i phyir/ sngar bstan pa'i sems can rnams la gnod
 pa mi byed ces bya ba ste/ ji ltar mi byed ce na/ dka' thug can bzhin srogs chags rnams la brtse zhes bya ba yin te/ gzhan ni snga ma bzhin no/ /yul de la dbang ba'i rgyal po zhes bya ba ni/ dgon pa'i phyogs gang na byang chub sems dpa' gnas pa'o//
 rta dang/ glang po che dang/ shing rta dang/ rkang thang gi tshogs rgyang ring por lus bzhin du zhes bya ba ni glang po che la sogs pa thag ring du bor zhes bya ba'i don to/ /phyung nas zhes bya ba ni ral nas blangs pa'i/ gang gis mda' mde'u rnon po can de phyung ba ni
 mda' mde'u rnon po can phyung ba'o/ /gya tshom du rgol ba spong ba gang yin pa de ni gya tshom du rgol ba spangs pa ste/ rgol ba spangs pa ni bdag la ltos pa med pa'i phyir/ rgol ba spangs pa'o/ /lam gan zhes bya ba ni nye ba na yod pa'o/ /thog nas lhung ba ni bskyur
 ba'o/ /ci'i phyir rta las lhung zhe na/ de ma mthong ba yin na/ ma mthong ba yin pa de'i rgyu bstan pa'i phyir/ mig ni ri dwags de la yengs shes bya ba'i tshigs bcad kyi byed dang pos bstan to/ /shin tu bstan par rta la chags kyang ci'i phyir lhung zhe na/ /de'i rgyu bstan pa'i phyir
 tshigs bcad phyed 'og ma'o/ /slar bltas pa dang zhes bya ba ni/ gdod phyir bsgyur te bltas na zhes bya ba'i don to/ /ngal bso ba'i phyed du rta las 'babs zhes brtags pa ste/ 'dir yang babs pa brtags pa'i phyir/ 'di na gab tu rung
 ba'i zhes bya ba la sogs pa'i tshig rkang smod de/ 'di na rtswa stug po zhes bya ba la sogs pa 'dis ni gzhan gyi dgos pas babs so zhes bya ba de'i dgos pa yang med de/ ma mthong bas so/ /de ltar nges par byas nas snying rje skyes par gyur to/ /de nyid rgyal
 mtshan bzang po'i zhes bya ba la sogs pa'i tshigs bcad bzhis ni phun sum tshogs pa dang bral ba dang/ sdug bsngal dang phrad pa'i dbang du byas pa ste/ de las tshigs bcad gnyis kyis ni phun sum tshogs pa dang bral ba'i dbang du byas pa'o//
 phun sum tshogs pa yang bsod nams kyi 'bras bu'i dbye bas gsum du sbyar te/ bzod pa las byung ba'i bsod nams kyi tshogs kyi 'bras bu dang bral ba'i dbang du byas nas/ de nyid rgyal mtshan bzang po zhes bya ba'i tshigs bcad 'di yin te/ phyi bzhin
 bskyal zhing zhes bya ba 'dis ni/ g.yog 'khor phun sum tshogs par gzung ngo/ /mdzes pa'i gdugs kyis skyabs zhes bya ba dang/ g.yag rnga bsil yab g.yob pas mdzes par byas shes bya bas ni/ sbyin pa las byung ba'i bsod nams tshogs
 kyi 'bras bu dang bral ba'i dbang du byas pa'o/ /skye bo mang pos bkur pa'i lha'i dbang po bzhin zhes bya ba'i tshigs bcad phyed kyis ni/ tshul khrims las byung ba'i bsod nams kyi 'bras bu dang bral ba'i dbang du byas pa'o/ /di ring kho na g.yang sa chen
 por lhung zhes bya ba ni/ sdug bsngal dang phrad pa'i dbang du byas pa'o/ /yan lag grugs bar gyur ces bya ba ni/ yan lag grugs pa de med kyang brgyal bar gyur pa 'am/ de med kyang mya ngan byed pa ste/ de bas na g.yang sa 'di las bdag nyid kyis thar par mi nus
 pa'i phyir ro/ /mya ngan byed do zhes bstan pa la/ ji ltar de mya ngan byed par 'gyur zhe na/ de bstan pa'i phyir/ sdug bsngal ma myong rab tu gzhon sha can zhes bya ba'i tshigs bcad smos so/ /ma rabs rnams la rma rnying sos 'dra bar zhes bya bas ni sdug bsngal skyed pa yin no//
 srog gi lhag ma tsam zhig lus su zin kyang zhes bya ba ni nges par 'chi ba nyid de/ g.yang sa zab pa'i phyir ro/ /snying rjes sems drangs nas zhes bya ba ni phun sum tshogs pa dang bral ba dang/ sdug bsngal gyi rgyus ni snying rje ba'o/ /de ni 'thab ber ni rdul gyis
 g.yog thod bcings ba ni zhig ces bya ba 'dis ni/ lus la gyon pa'i gos dag 'gyur bar bstan to/ /g.yang sa nas lhung ste snad pa'i tshor ba myong ba ni sems las khyab par gyur ces bya ba 'dis ni/ lus kyi sdug bsngal des byas pa'i sems
 kyi sdug bsngal lo/ /'dug pa zhes bya ba ni de ltar gyur pas 'gro ba'i skabs med do zhes bya ba'i don to/ /'gro ba ni 'gyur ldog nye bar byed pa'o/ /de'i sdug bsngal yin pas de'i sdug bsngal te/ rgyal po de'i sdug bsngal zhes bya ba'i don to/ /de'i sdug
 bsngal thun mong nyid du gyur pa ni de'i sdug bsngal gyi rgyus thun mong du gyur pa'o/ /ya rabs kyi tshul bzhin du skye bo dge ba'i rang bzhin ston par byed pa'i tshig de sgrub pa'i phyir/ rgyal po chen po snang par gyur tam zhes tshigs bcad smos so/ /de la ya
 rabs tshul bzhin zhes bya ba nyid ni rgyal po chen po zhes bya ba'i tshig gis so/ /skye bo dge ba'i rang bzhin ston byed cing zhes bya ba'i tshig gis ni snang par ma gyur tam zhes bya ba la sogs pa'i tshig gis so/ /'di ni skye bo dge ba'i rang bzhin te/ gzhan sdug
 bsngal ba la rang bzhin gyis brtse ba yin te/ snang bar ma gyur tam zhes bya ba ni lus snang bar ma gyur tam zhes bya ba'i dbang du byas pa'o/ /lus la chag drugs byung bar ma gyur tam zhes bya ba ni yan lag rnams chag par ma gyur tam zhes bya
 ba'i dbang du byas pa'o/ /khyod kyi nad rnams rgyas par ma gyur tam zhes bya ba ni/ de gnyi ga la gnod par ma gyur tam zhes bya ba'i dbang du byas pa'o/ /dbugs 'byin 'gyur ba 'jam pa zhes bya ba'i dbang
 du byas nas mi'i rgyal po bdag ni gzhan ma lags zhes bya ba'i tshigs bcad smos so/ /yid ches par mi 'gyur ba ni rnam pa gnyis te/ ri dwags mi'i tshig tu smra ba thos shing mi ma yin par shes pa dang/ bdag nyid kyis gnod pa byas pas so//
 des ni yid mi ches par 'gyur ba'i rgyu gnyis pa de med par ston te/ tshigs bcad gnyis kyi phyed phyed kyi go rims bzhin du gcig la gcig phan par byed par ston pa'i mtshan nyid 'jam pa ni gnyen du 'brel ba lta bu'i tshig gi mtshan nyid
 yin pa'o/ /yang na zhes sar bcas shing yid du 'ong ba zhes bya ba 'jam pa'i dbang du byas pa ste/ g.yang sar ltung bas mi dges ma mdzad cig ces bya ba'i tshigs bcad smos te/ phan pa byed pa'i mtshan nyid ni 'jam par ston pa yin no/
 bdag la thugs ches rung bar dgongs nas ni zhes bya ba ni zhes sar bcas pa nyid do/ /bdag ni 'chi yis myur du bka' stsol cig ces bya ba ni yid du 'ong ba ste 'jam pa'o/ /ngo mtshar che ba des zhes bya ba ni/ smras pa'i mtshan nyid dag
 gis so/ /ya mtshan du gyur cing sems mgu zhes bya ba la/ de'i rgyu bstan pa'i phyir/ dgra la brgal bar nus bzhin du zhes bya ba'i tshigs bcad kyi phyed kyis bstan to/ /bdag la ji ltar snying rje skyes zhes bya ba de bsgrub ba'i phyir/
 bdag gis gnod pa byas ba'ang shes zhes bya ba phyed 'og ma yin no tshigs bcad 'di bsgrub pa'i phyir/ e ma'o 'jam zhing rno ba'i zhes bya ba'i tshigs bcad 'di smos te/ sngar bshad pa ni bsgrub par bya ba yin te/ sngar bshad
 pa'i tshigs bcad kyi phyed dang po ni 'di'i dang po phyed kyis sgrub pa yin no/ /de'i gnyis pa ni gnyis pa yi'o/ /'jam zhing rno ba zhes bya ba ni 'jam pa'i las ni snying rjes sgrub pa'o/ /rno ba'i las ni dgra la brgal bar nus bzhin du zhes bya ba ste/ bdag
 la yang dag par ldan pa'i phyir ram/ bdag gi snying la phyi nas 'gyod pa'i phyir ro/ /bdag nyid ni phyugs sam ri dwags yin te/ ci'i phyir zhe na/ skyon med pa la gnod pa byas pas so/ /ri dwags gzugs can 'di ni gzhan zhes bya ba ni dgra la brgal
 bar nus bzhin du snying rjes sgrub pa ste/ de ni dgra la brgal bar nus bzhin du bdag la snying rje sgrub pas so/ /'thab por stug po dgos pas na zhes bya ba'i tshigs bcad 'di ni rgyal po chen po ni rnam par ma gyur tam zhes bya ba de'i lan yin no//
 g.yang sa nas lhung ba yis zhes bya ba ni 'di lhag par mi che'o zhes bya ba'i don to/ /sdug bsngal gzhan dag ni bzod pa nyid du bstan pa'i phyir/ g.yang sa nas lhung ba yis shes bya ba'i tshigs bcad smos so/ /khyod de ltar dge bar sems ba zhes
 bya ba ni brgal bar nus kyang/ snying rje dang ldan pa'i phyir dge bar sems pa'o/ /nyes pa'i rgyu bstan pa'i phyir/ gzugs kyi rkyen gyis ri dwags ltar zhes bya ba'i tshigs bcad smos so/ /gzugs kyi rkyen gyis zhes bya ba ni gzugs nyid kyi rkyen no/ /de'i drung
 du 'ongs te bya ba ni thad du lhags pa'o/ /de bas na rang bzhin gyis de ltar dge ba'i blo dang/ bsam pa khyad par can nyid yin no/ /dgyes pa zhes bya ba ni mngon par 'dod pa'i don sgrub pa'o/ /dang ba ni de'i tshe bdag gis phyung bar ro/ /dges pa dang/ dang pa
 dag ni/ dges ba dang dang ba dag go/ de gnyis kyis zhal mngon du phyogs pa ni/ dgyes shing dang ba'i zhal gyis mngon du phyogs pa'o/ /yang na dgyes shing dga' bas zhal mngon du phyogs pa ni/ dgyes shing dga' bas zhal mngon du phyogs pa'o/ /bdag
 gi srog kyang ri dwags khyod dbang na zhes bya ba'i tshigs bcad ni gang du 'gro bar byed pa de'i phan yon bstan pa'i phyir ro/ /nags tshal rngon pas gang zhing zhes bya ba ni 'di dag tu/ gnas pa de'i nyes dmigs bstan pa'i
 phyir ro/ /nyes dmigs kyang rnam pa gnyis te/ lus dang sems kyi'o/ /de la sems kyi nyes dmigs ni 'jigs pa dang bcas pa ste/ ci'i phyir 'jigs pa dang bcas pa yin no zhe na/ nags tshal de dag rngon pas gang ba'i phyir ro/ /lus kyi nyes
 dmigs ni grang ba dang/ tsha ba dang/ char 'bab pa'i sdug bsngal dang ldan pa'i phyir te/ grang ba dang/ tsha ba dang/ char smos pas ni dus las byung ba'i nyes dmigs so/ /sogs pa smos pa ni bkres pa dang/ skom pa yin te/ lhan cig skyes pa'i sdug
 bsngal bzung ngo/ /bdag gis khyod bor nas zhes bya ba ni phan gdags par byas pas/ khyim gyi gnas yin pas khyim na gnas pas/ khyim des mi gnas pa'o/ /ci'i phyir mi gnas zhe na/ de bstan pa'i phyir/ de bas mi rnams bde ba'ang gzhan
 lags la zhes bya ba smos te/ gzhan ni ris mi mthun pa ste/ ri dwags dang mthun pa'i bde ba'ang gzhan zhes bya ba'o/ /dud 'gro la snying rje bya ba bstan pa ste/ dud 'gro'i rang bzhin zhes bya ba 'dis ni/ dud 'gro'i nye tshe la snying rje bya bar bstan to//
 thams cad la snying rje bya bar bstan pa'i phyir/ bde ba la gnas dang sdug bsngal 'bral 'dod pa zhes bya ba'i tshigs bcad bzhi smos so/ /bde ba'i gnas yin pas de la gnas pa ste/ de la sdug bsngal dang mi ldan pa ni bde ba la gnas
 pa'o/ /med par bya ba'i blo ni 'bral bar 'dod pa ste/ sdug bsngal dang 'bral bar 'dod pa nyid sdug bsngal bsal bar 'dod pa zhes bya ba'i don to/ /des na de'i phyir gang la bdag nyid gnas pa dang/ sdug bsngal dang/ 'bral bar 'dod pa
 de la blo mtshungs pa'i phyir ro/ /ci'i phyir sdug bsngal dang 'bral bar 'dod pa phyis bshad cing sngar ma bstan/ sdug bsngal bsal ba yang dag par 'dzin du 'jug pa sngar bstan nas phyis bde ba la gnas pa la yang dag par 'dzin du 'jug par rigs so//
 zhe na/ tshul des rjes su bstan pa ni ma yin te/ 'di ltar bstan pa ni dang po don du gnyer ba'i dus su ni bde ba thog mar don du gnyer ba yin te/ de'i 'og tu sdug bsngal med pa yin pas bde ba la gnas ba zhes bya ba sngar bstan te/ sdug bsngal dang bral ba
 zhes bya ba 'og tu bstan to/ /tshigs bcad 'di'i dang po phyed kyis ni yang dag par bstan pa'i phyir ro/ /phyed 'og mas ni yang dag par 'dzin du gzhug pa'i phyir ro/ /bde ba la gnas pa zhes bya ba 'di bstan pa'i phyir/ grags pa med cing zhes bya ba'i tshigs bcad
 smos so/ /gzhan dag mi 'dod par byed pa'i nyes dmigs dang/ de spang bar bsgrub pa'i dbang du byas nas tshigs bcad 'di gnyis kyi go rims bzhin du sbyar ro/ /nyes dmigs kyang rnam pa gnyis te/ grags pa med pa dang/ skye bo dam pas smad pa
 ste/ 'di ni mthong ba'i chos kyi nyes dmigs so/ /sdug bsngal sdig las 'byung bar zhes bya bas 'jig rten pha rol gyi nyes dmigs bstan te/ /sdig pa de'i rgyus ngan song gi sdug bsngal 'byung ba'i/ /dgra'i phyogs bzhin sdig pa spang bar mdzod ces
 bya ba ni de spang bar bsgrub pa'i dbang du byas pa ste/ de yang dgra dang 'grogs pa'o/ /dgra dag la bsgrub pa yang rnam pa gnyis te/ bsam pa dang/ gzhom par bya ba'o/ /gzhom pa ni gnod ba'i nang du 'dus pa yin no/ /grogs po la yang rnam pa gnyis
 te/ gzhag pa'o/ /de las sdig pa la ji ltar bsgrub par bya zhe na/ smras pa/ ji ltar dgra chen po las thar cing de spang bar bya zhes bya ba'i don to/ /de ni nang bzhin yal bar dor mi rigs zhes bya ba ni grogs po ngan pa la sgrub pa yin te/ de yang sdig
 pa byed du mi gzhug ste/ de gang yin zhe na/ bzhag par bya'o/ /yal bar mi dor ba ni gnas la bzhag pa'i don to/ /'di skad ston pa yin te/ gsad bar ma nus kyang gzhom par bya ba dang/ ji ltar 'phags pa rnams
 kyis grogs po la bzhag bar bya ba bzhin zhes bya ba'i don to/ /gang sngar bstan pa'i bde ba la gnas dang sdug bsngal 'bral 'dod pa/ sems can thams cad mtshungs pa med par 'dod ces bya ba de la/ /bsgrub bar bya ba/ de bas bdag nyid mi 'dod pa gang yin pa/
 de dag gzhan la'ang bgyi bar mi rigs so zhes bya ba yin te/ de bas na don la 'jug par 'gyur ba yin no/ /de bas na bdag nyid mi 'dod gang yin pa/ de dag gzhan la'ang bgyi bar mi rigs so zhes bya ba de la/ de mi 'dod pa ni ci/ ji ltar ni bsgrub
 par bya zhe na/ de bstan pa'i phyir/ gang la brten nas dpal gyi gnas gyur pa zhes bya ba'i tshigs bcad smos te/ dpal gyi gnas su gyur ces bya ba 'dis ni sbyin pa'i 'bras bu bstan te/ gang gi phyir sbyin pas ni 'bras bu longs spyod chen
 po 'thob par 'gyur te/ gzhan dag gi dbul ba bsal bas bdag la yang dbul ba'i gnyen po longs spyod 'byung ba yin te/ de bas na bdag nyid 'dod pa gzhan la spyad pa yin no/ /gang la brten pa zhes bya ba ni sbyin pa gang la brten
 nas so/ /'jig rten bsngags pa zhes bya ba 'dis ni bzod pa'i pha rol tu phyin pa'i 'bras bu bstan pa yin te/ gang gi phyir 'jig rten pa rnams la bzod pa byas nas ni skye bo mang po dag dga' bar 'gyur te/ g.yog 'khor mang bar yang
 'gyur ro/ /gang la brten nas zhes bya ba ni bzod pa gang la brten nas so/ /rgyal srid 'thob 'gyur zhes bya bas ni/ tshul khrims kyi 'bras bu bstan te/ gang gi phyir rigs la sogs pa khyad par du gyur pa la ni srid ces brjod de/ rgyal
 srid thob pa de yang tshul khrims kyi 'bras bu'o/ /gang la rten nas zhes bya ba ni tshul khrims gang la brten nas so/ /bsod nams nyid ces bya ba ni sbyin pa dang/ bzod pa dang/ tshul khrims rnams ni bsod nams te/ bsod nams kyi tshogs yongs su
 bzung ba'i phyir/ gsum po 'di thob pa yin no/ /de bas na mang po'i tshig tu bstan te/ rgyal srid 'thob par 'gyur ba'i bsod nams de 'phel bar mdzod cig pa'o/ /grogs po rab la gang byas pa ni/ des sbyar ba yin te/ spang ba'i yang mi rigs pa'o//
 gnod pa chung du byed pa yin na yang grogs po la ji ltar bya ba de ltar ni bsgrub par bya'i/ gzhom par ni mi bya zhes bya ba'i don to/ /'dir yang phan 'dogs phyogs ni zhes bya ba la/ phan 'dogs pa'i tshul gang la yod pa de ni phan 'dogs phyogs so//
 grogs po'i phyogs ni phan 'dogs pa'i phyogs te/ grogs po'i don nyid du bstan par 'gyur ro/ /don ma nus kyang bzhag par bya ba ni yin te/ ji ltar grogs po dman pa la bsgrub par bya ba de ltar ro/ /bsod nams kyi tshogs rnam pa gsum bya ba de'i
 dbang du byas nas/ dus su rim gro byas pa'i sbyin pa rgya chen dang zhes bya ba'i tshigs bcad smos so/ /dus su rim gro byas pa'i sbyin pa rgya chen dang zhes bya ba la gang rab tu sbyin pa de ni sbyin pa'o/ /rgyu 'di gsum gyis te/ dus su sbyin pa dang
 rim gro byas te/ sbyin pa dang/ rgya chen po'i sbyin pa bstan to/ /dus su sbyin pas ni longs spyod dus su 'thob par 'gyur ro/ /rim gro byas te sbyin pas ni gus pa'i sbyin pa 'thob bo/ /rgya chen po byin pas ni longs spyod rgya chen po 'thob pa
 yin no/ /skye bo dam pa dang 'brel ba ni skye bo dge ba dang mthun pa'o/ /skye bo dge ba dang mthun pa'i brtan pa ni dus rtag tu nyams par mi 'gyur zhes bya ba'i don to/ /skyo med pa la sogs pa'i yon tan dang ldan pa'i phyir ro/ /bdag
 dang 'dra bar gzhan la phan pa bsgrub pa'i blos zhes bya ba la phan pa'i blo ni phan pa bsgrub pa nges so/ /'dis ni bsam pa dang sbyor ba phun sum tshogs pa bstan te/ blo zhes smos pas ni bsam pa phun sum
 tshogs pa'o/ /sgrub pa smos pas ni sbyor ba phun sum tshogs pa'o/ /sogs shes smos pas ni bsod nams kyi tshogs 'di gsum bzung bar bya'o zhes pa'i don to/ /grags dang bde ba bsgrub pa zhes bya ba ni mthong ba'i chos dang/ 'jig rten
 pha rol gyi phan yon bstan te/ mthong ba'i chos dang 'jig rten pha rol la ji ltar sngar bshad pa bzhin du sbyar ro/ /slob dpon dpa' bos mdzad pa'i skyes pa'i rabs rgya cher bshad pa las ri dwags sha ra b+ha'i skyes pa'i rabs so//
 de mi bzod kyi zhes bya ba ni gzhan gyi sdug bsngal yin gyi/ bdag gi sdug bsngal mi bzod pa ni ma yin te/ de bas na mi bzod ces bya ba'i don to/ /gang na shing sa la sogs pa mang po yod pa'i dgon pa'i phyogs de ni shing sa la la sogs pa yod
 ba'i dgon pa'i phyogs de na'o/ /rnam pa sna tshogs pa'i shing ljon pa'i ldum bu'i khri shing gis dkris pa gang na yod pa de ni shing ljon pa'i ldum bu mang po'i khri shing sna tshogs kyis dkris pa'o/ /gser btso ma'i kha dog gsal ba 'dra ba'i spu
 rab tu 'jam pa gang yin pa ni/ gser btso ma'i kha dog gsal ba 'dra ba spu rab tu 'jam pa'o/ /lus kyi mdog rin po che anda rnyil dang/ baiDUrya'i kha dog 'dra ba'i tshon sna tshogs kyi thig les brgyan pa gang yin pa de ni lus kyi mdog /rin po che
 anda rnyil dang/ markang dang/ baiDUrya'i kha dog 'dra ba'i tshon sna tshogs kyi thig les brgyan pa'o/ /slob pa zhes bya ba ni 'khrul 'khor la sogs pa'o/ /ri dwags rnams kyi bdag po byed cing zhes bya ba ci'i phyir bdag po byed ce na/ /sngar bstan pa'i
 don mdor bsdus te bstan pa'i phyir/ gzugs dang/ shes pa phun sum tshogs zhes bya ba'i tshigs bcad smos te/ tshigs bcad 'di'i bsdus pa'i don ni bdag nyid phun sum tshogs pa dang/ gzhan la phan pa sgrub pa'i phun sum tshogs pa
 bstan te/ tshigs bcad dang po phyed kyis bdag gi phan pa phun sum tshogs pa'o/ /bdag la phan 'dogs zhes bya ba ni gzhan la phan pa sgrub pa phun sum tshogs pa'o/ /bdag gi phun sum tshogs pa yang rnam pa gsum ste/ gzugs kyi lus phun
 sum tshogs pa dang/ ming gi lus shes pa phun sum tshogs pa dang/ bya ba phun sum tshogs pa'o/ /gser btso ma'i kha dog gsal ba 'dra ba zhes bya ba la sogs pas ni gzugs phun sum tshogs pa bstan to/ /de sems rno ba zhes bya ba ni shes pa
 phun sum tshogs pa bstan to/ /'khrul 'khor dang gtor zhes bya bdag gis ni bya ba phun sum tshogs pa bstan to/ /ri dwags mang po rjes su 'brang ba rnams la yang slob ces bya ba la sogs pas ni bdag la phan 'dogs zhes bya ba bstan to/ /ri
 dwags kyi bdag po zhes bya bas ni mchod pa zhes bya ba bstan to/ /chu chen brug pa rab tu drag po yis zhes bya ba 'di'i bsdus pa'i don ni/ bdag nyid kyi snying rje'i gnas su gyur pa thams cad bsgrags pa yin/ snying rje'i zhing ni gsum ste/ phongs pa dang/ sdug
 bsngal ba nyid dang rjes su 'brang ba med pa'o/ /chu chen brug pa rab tu drag po yis khyer nas zhes bya ba 'dis ni sdug bsngal ba nyid bstan to/ /mgon med gzings kyang yod ma yin zhes bya bas ni sems can dang/ sems can ma yin pa'i bar du 'grang
 ba'o/ /phongs shing nyam thag ces bya ba dang/ myur du brgyugs ste/ zung zhes bya bas ni bdag nyid phongs pa nyid do/ /sdug bsngal byams pa zhes bya ba ni thugs rje can no/ /myur ba ni mgyogs pa'o/ /myur du rgyugs pa'i rgyu bstan pa'i phyir/ da ni bshol du rung
 pa ma yin te zhes bya ba'i tshigs bcad smos so/ /myur bas rgyugs pa ci'i phyir zhe na/ stong bar mi tshugs pa'i phyir ro/ /ci'i phyir bshol du mi rung zhe na/ dpung ba dang rkang pa dag gis bshol du mi rung ba'i phyir te/ de gnyi gas sdong bar mi
 nus pa'i phyir ro/ /ci'i phyir dpung pas bshol du mi rung bar 'gyur zhe na/ dal zhing dub pas dpung ba yang 'gyur bar mi nus shes pas so/ /ci'i phyir rkang pas bshol du mi rung bar 'gyur zhe na/ zug cing 'bog tu rung ba'ang cung zad med ces pas so//
 dus la bab ces bya bas ni dus las 'das na rgal bar mi nus par bstan to/ /'jigs pa dang/ mi dga' ba dang/ ngal ba dang/ nub pa med par byed pa zhes bya ba la/ 'jigs pa 'chi bas so/ /mi dga' ba ni rjes su 'brang ba med pas so/ /ngal ba ni ngal zhing
 dub pas dpung pa 'gyur mi nus pa dang/ zug cing 'bog tu rung ba cung zad med pas so/ /snying rje zhes bya ba ni lhag par snying rje bar gyur pa'o/ /des gdungs pa'i gsal ba'i tshig gang yin pa de ni gsal ba'i tshig snying rjes gdungs pa'o/ /'bab chu drag po
 'jings der zhugs zhes bya ba ci'i phyir zhe na/ bsgral bar nges par byas pa'i phyir te/ 'dis ni gzhan la snying rje che bar bstan to/ /bdag gi srog yal ba yang mi sems par zhes bya ba 'dis ni bdag la chags pa med par bstan to/ /gzhan ma tshang
 bas ni chu drag po der zhugs par mi nus pa'i phyir ro/ /ji lta bur zhugs zhe na/ dgra dang dpung lta bur ro/ /ji ltar zhe na/ dgra'i dpung rnam par 'joms pa'i dpa' bo bzhin no/ /de'i rgyab tu zhon par gyur ces bya ba ni ci'i phyir zhe na/ skrag pas nyen pa yin
 te/ 'chi bas skrag pa'i phyir dang/ yan lag 'khums pa'i phyir ro/ /yid du 'ong ba'i 'gram du ma nyams phyin pa ni ljid kyis rab tu non pa dang/ 'bab chu drag po'i shugs kyis bdas par gyur kyang dpa' snying brtson la rtsol ba drag po'i phyir ro/ /nye du dang
 grogs po dag ni nye du dang 'grogs pa'o/ /de dag nyid mdza' bo yin nye du dang grogs po mdza' bo'o/ /grogs bya zhing phan 'dogs pa yang yin la/ nye du dang/ grogs po dang/ mdza' bo yang yin pas/ grogs byas shing phan btags pa'i nye du dang grogs po mdza' 
 bo'o/ /de dag la'ang rnyed par dka' ba yin pas/ grogs bya zhing phan btags pa de lta bu nye du dang grogs po dang mdza' bo su la'ang med pa nyid do/ /ngo mtshar che ba de mgu bar gyur pa ni ngo mtshar che ba des sems mgu bar gyur pa'o/ /nges phyag 'tshal te zhes bya
 ba la/ phyag 'tshal ba'i rgyu bstan pa'i phyir ngo mtshar che bar gyur pa des sems rab tu mgu bar gyur pa dang/ de'i gzugs bzang po des kyang ya mtshan dang zhes skyes par gyur pas de la phyag 'tshal ba'o/ /'di lta bu dag bya mi nus zhes bya ba ni gnyen bshes
 dang/ byams par gyur pa dag gis kyang bdag la skyob par mi nus pa'i phyir ro/ /de bas ci bgyi'i bka' stsal pas zhes bya bas ni shin tu rjes su bzung ba'i phyir ro/ /gang du zhes bya ba ni las so/ /rang bzhin grub pa zhes bya ba ni de'i chos nyid rang bzhin gyis grub
 pa'i phyir ro/ /'gyur ba zhes bya ba ni drin gzo ba zhes bya ba ni skye bo dam pa 'di'i don te/ don 'di gang yin zhe na/ sems can 'di lta bu zhig gis zhes bya ba la sogs pa gang bstan pa'o/ /sha bza' bar rung bas ni bzar rung ba'o/ /rab tu chags par 'gyur
 ba zhes bya ba ni sngar bstan pa'i gzugs kyi yon tan dang ldan pa'i phyir ro/ /de gnyi gas nyams par 'gyur ba ni/ snying rje chung ba yin te/ de'i lus ni sha bzar rung ba dang rab tu chags par 'gyur ba yin la/ mi rnams kyi snying ni rab tu chags par byed
 pa'i gzugs yod pas so/ /de bas zhes bya ba ni lus dang/ mi rnams kyi snying shes par byas nas so/ /bdag gi yon tan zhes bya ba ni drin gzo ba la sogs pa'o/ /'dir de ltar gnod pa byed na de'i nyes dmigs bstan pa'i dbang du byas nas/ mdza' 
 bo dag la snying ring ba zhes bya ba'i dang po tshigs bcad kyi phyed de/ de ltar byas na khyod kyi yon tan dang/ nga yang ma bsrungs pa de'i nyes dmigs so/ /khyod kyi bdag ma bsrungs so zhes brjod pa na khon du bzung bas ni mi dga' 
 bar sems pa'i snying gang yin pa de ni khon du 'dzin pa 'am snying mi dga' bar sems pa'o/ /g.yo sgyu nyid kyi phyi bzhag yin pas/ g.yo sgyu dang phyi bzhag ste/ mi rnams kyi la goms pa med pas so/ /mi rnams kyi g.yo sgyu'i phyi bzhag la ma goms
 pa gang yin pa de ni mi'i g.yo sgyu dang phyi bzhag la ma goms pa'o/ /gang na g.yo sgyu dang/ phyi bzhag ni g.yo sgyu dang phyi bzhag go /phyi bzhag ni lus dang/ ngag gi las kyi mtshan nyid do/ /g.yo sgyu ni sems gya gyu ba'o/ /tshul 'chos mkhas pa zhes
 bya ba dang/ de lta'i g.yo dag byas pa'i phyir zhes bya ba ni phyi bzhag bcos ma la mkhas pa ste/ gang gi bsam pa ma dag pa'o/ /rang bzhin gyis ni dul ba'i skye bo rnams zhes bya ba ni bsam pa dag pa'i spyod pa dang ldan pa yin yang zhes bya ba'i don
 to/ /rang bzhin ni bsam pa'o/ /dul ba ni lus dang ngag gi las dul ba'i spyod pa nyid de/ bsam pa dul bar gyur pa ni bsam pa dul ba'o/ /dogs pa skye zhes bya ba ni tshul 'chos dang/ phyi bzhag spyod pa des dogs pa skye ba'o/ /yang na g.yo sgyu dang phyi
 bzhag spyod pa des so/ /tho rangs kyi rmi lam zhes bya ba smos pas ni de'i tshe rmi lam nges par mthong ba'i phyir ro/ /tshig gsal zhing sdeb pa legs pa'o/ /mig nyid dpal dang ldan pa yin pas mig dpal ldan no/ /ngo mtshar che bas dgrad pa'i mig
 gi dpal dang ldan pa gang yin pa de ni ngo mtshar che bas mig dgrad dpal ldan no/ /'khur tshos mdzes pa'i g.yo ba gang yin pa de ni 'khur tshos mdzes pa g.yo bzhin pa'o/ /des zhes bya ba ni rmi lam mthong ba'i phyir ro/ /de'i zhes bya ba ni de'i snying dga' 
 bar bya ba dang/ bdag kyang ri dwags rin po che rnyed par 'dod pa'o/ /mthong zhes bya ba ni don mthong ba'o/ /brkam pa dang ni de yis phan btags pa zhes bya ba ni dbul ba'i sdug bsngal gyis yongs su skyo ba dang/ brkam pa de yis drangs pas so/ /yon tan la lta
 zhes bya ba ni byas pa gzo ba la sogs pa ste ri dwags mi bstan pa'o/ /'on te 'byor pa lta zhes bya ba ni ri dwags bstan pas so/ /dpung thams cad kyis zhes bya ba ni dmag gi tshogs pa thams cad kyis so/ /nags tshal stug po de'i nang du zhugs so zhes bya ba
 ni gnod pa dang bcas pa'i ched du'o/ /de'i gnod pa de med pa'i dbang du byas nas/ nags tshal stug po de yang dmag gi dpung thams cad kyis zhes bya ba la sogs pa smos pa yin no/ /dngos po de lta bu la brten pa zhes bya ba ni de 'dra ba la ste/ 'dis ni yon tan
 gyi zhing du bstan to/ /bya ba'i khyad par dag gis bstangs na ni zhes bya ba ni phan 'dogs pa nyid du bstan to/ /gnyen po chung na zhes bya ba ni gal te dge ba'i las yin na de'i gnyen po ni nyon mongs pa yin te de chung ba'o/ /gal te mi dge ba'i las yin na ni
 de'i gnyen po dge ba yin no/ /'dir gnyen po zhes dgongs pa ni dge ba'i las nyam chung ba la bya'o/ /dge ba dang mi dge ba 'phral du 'bras bu smin pa zhes bya ba ni/ de nyid du smin par 'gyur zhing lus 'jigs pa la mi sdod de/ de rab tu rgyas par gyur pa'i
 phyir ro/ /gnyen po chung bas na 'brus de tsam du myong bar zad de/ de ni me tog tsam du zad de/ 'bras bu gzhan yang 'byung bar 'gyur ro/ /char sprin 'dra ba'i sngon po ni chad sprin sngon po 'dra ba'o/ /drod du bcug cing gzhu bkang pa ni 'phen par 'dod pa ste/ da cung 'phangs
 pa nyid ni ma yin no/ /de gzung 'dod pa yis zhes bya ba ni ri dwags ru ru dang nye bar gnas pa zhes bya ba'i don to/ /re zhig gzhes zhes bya ba ni nye bar bsnyen nas smras pa yin te/ 'di gnyi ga ci'i phyir thob par 'gyur ces pa ste/ de nyid smras pa/ ngo mtshar chen po bsal ba'i phyir te/
 phyi nas smra'o zhes bya ba'i don to/ /skye bo rgyun lugs med pa na zhes bya ba ni 'dir gang yang 'od ba ma mthong ngo zhes bya ba'i don to/ /nags tshal stug po 'di lta bu zhes bya ba ni bdag kyang gzhan du ma song ste/ des na yang bdag
 mthong ba med do zhes bya ba yin no/ /de ltar rnam pa gnyis gas kyang mthong ba med na su yis bdag mchis par gsol ba zhes bya ba yin te/ 'di ltar sngar chu'i rgyun las bsgral ba'i mi des gsol ba yin no zhes dogs pa skyes pa ste/ ci'i phyir zhe na byas pa
 gzo ba mi srid pa'i tshul yin te/ de bas na smras pa/ su yis bdag mchis gsol zhes bya ba yin no/ /sngar rmi lam du thos pa bas kyang lhag par dul bar gyur pa de bas na rab tu zhes bya'o/ /ngan pa zhes bya ba ni 'jig rten gyis smad pa'o/ /bdag la phan
 gdags pa dang/ khyod la phan pa de gnyi ga la bltos pa med pa'i dbang du byas nas/ de ltar 'bad pa de'i lan zhes bya ba'i tshigs bcad smos so/ /de gnyi ga la bltos pa med pa nyid ni khrel med mi dag ces bya ba bsgrubs pa yin no/ /dmigs kyis ma phye
 ba'i don gang yin pa de ni dmigs kyis ma phye ba'i don to/ /dmigs kyis ma phye ba'i don yang yin la zab pa yang yin pas dmigs kyis ma phye ba'i don zab pa'o/ /smad pa zhes bya ba ni bshung ba'o/ /mi ma yin zhes bya ba ni sha za zhes bya ba'i don to/
 mi 'am 'on te mi ma yin zhes bya ba la sogs pa smos pas ni de dag de na yod pa'i phyir ro/ /'di ni gzhan la smad pa la sogs zhes bya ba ni dgos pa med par smad pa ma yin te/ 'on kyang dgos pa dang bcas pa ma yin no/ /dgos pa de gang yin zhe na/
 smras pa/ las 'di smad pa'i 'os pa zhes bya ba la sogs pa ste/ las 'di smad par 'os pa'i rgyu nyid do/ /'khyams pa la tshig rtsub po zhes bya ba de'i dpe'i dbang du byas nas/ smad pa'i rma la su zhig zhigs par bgyid ces bya ba'i tshigs bcad smos so/ /'di'i
 tshigs bcad phyed kyis go rims bzhin du ni bzhan la smad pa ma lags zhes bya ba dang sbyar ro/ /ci'i phyir zhe na/ 'khyams pa dag la tshig rtsub po bya ba mi rigs pa'i phyir ro/ /tshig de'i dgos pa yod pa'i phyir dpe'i dbang du byas nas/ sdug pa'i bu la sman dpyad la
 'jug pa bzhin du'o/ /'bab chu drag pos khyer te song ba zhes bya ba ni/ snying rje'i dbang du byas pa'o/ /snying rje'i dbang gis zhes bya ba ni bsam pa dag pa'i dbang du byas pa'o/ /dbang gis phyung ba zhes bya ba ni sbyor ba phun sum tshogs pa la 'jug pa'i rgyu yin gyi
 gzhan gyi rgyu ma yin par shes par bya'o/ /mi de 'jigs shing skrag la rdul gyis mdog nyams shing bcom bskyungs te zhes bya ba ni/ de ltar bya ba ma yin pa byas pa'i mtshan ma'o/ /mtshungs pa'i nang zhes bya ba ni/ dam pa ni rnams dang 'dra ba'i don to/ /de gnyis kyi
 bar zhes bya ba ni mi dang mtshams su'o/ /mthong ba'i chos la ji ltar bsod nams zad pa yin zhe na/ bsod nams zad pa'i nyes pa bstan pa'i phyir/ sdug bsngal bzod par dka' bas zhes bya ba'i tshigs bcad smos so/ /'di lta bur ni brlag par 'gyur zhes bya
 ba ni bya ba ma yin pa byed pas ltung ba ste/ bya ba ma yin pa byas pas brlag pa ni ngan song gi sdug bsngal yin te/ brlag pa'i rgyur gyur pa'i phyir ro/ /'bras bu phun sum tshogs pa 'dod pas bslus zhes bya ba ni/ ngan 'gror 'gro ba'i las nges 'bras bu phun
 sum tshogs pa 'dod pa la bslus pa'i phyir ro/ /phye ma leb brid pa dang 'dra ba'i ngan 'gror 'gro zhing brlag pa'i rgyur gyur pa'i las kyi ltung ba'o/ /de bas snying rje zhes bya ba la 'dir de bas zhes bya ba ni/ 'jig rten gnyis ga la phan pa'i phyir ro/ /'dir grags pa dang/ pha rol
 du yang snying rje ni phan pa yin te/ bkyon par ma mdzad cig pa'o/ /'di ni cung zad ci dang/ ci 'tshal ba zhes bya ba ni rnyed pa la sogs pa'o/ /de dag ces bya ba ni bya ba ma yin pa byas pa de'i ci 'tshal ba de dang/ de rnyed pa la sogs pas so/ /thub chod don yod ces bya ba ni 'bras bu yod 
 par ro/ /da ni khyod kyis bka' stsol spyi bos nod ces bya ba 'dis ni gang sngar bstan pa'i rgyal po chen po re zhig gzhes shig /bdag la ma 'phen par zhes bya ba de'i mi mthun pa'i phyogs/ bdag gi shugs khas len par ston pa
 yin no/ /snying rje dang bcas par ston zhes bya ba ni/ gang sngar bstan pa'i rgyal po chen po gum lags pa bkum ste/ ci bgyi zhes pa dang/ de bas snying rje mdzod la ma bkyon par zhes bya ba de dag gis bstan pa yin no/ /g.yo med par de la phan 'dogs par
 byed pa de zhes bya ba ni/ gang sngar bstan pa 'di ni cung zad ci 'tshal ba zhes bya ba la sogs pa bstan to/ /gsod dang rku la sogs pa spongs zhes bya ba la sogs pa smos pas ni log par g.yem pa dang/ brdzun du smra ba dang/ phra ma dang/ tshig rtsub po dang/
 ngag 'khyal pa dang brnab sems dang/ gnod sems dang/ log par lta ba las ldog pa'o/ /rnam pa gsum du dbye ba gang yin pa de ni/ rnam pa gsum du gyes pa'i byed pa'o/ /rnam pa gsum du byed pa ni/ lus kyi las dang/ ngag gi las dang/ yid kyi
 las dang/ rnam pa gsum mo/ /gsum dang/ bzhi dang/ gsum ni las kyi lam mo/ /ji ltar snying rje bskyed pa yin zhe na/ gang gi phyir snying rje yod na ni/ gsod pa la sogs pa las sdig pa'i mtshan nyid kyi chos su 'gyur ba'i phyir ro/ /rnam pa gsum
 du gyes pa byed pa de bstan pa'i phyir/ bdag rang nyid dam/ nad mi la zhes bya ba'i tshigs bcad smos te/ ji ltar bdag dang nad mi dag la brtse ba de bzhin du gzhan la yang ngo/ /de yi sems ni chos min la/ /'jug pa'i mi dge ga la 'byung
 zhes bya ba ste/ 'dis na mi dge ba bcu'i las kyi lam las log par bstan to/ /skye bo snying rje med par gyur na ni/ mi dge ba bcu'i lam la 'jug par 'gyur ba de'i dbang du byas nas/ skye bo snying rje med pas na zhes bya ba'i tshigs bcad smos so//
 de bas chos la dad pa yis zhes bya ba'i tshigs bcad ni bsdus pa yin te/ de las yon tan 'phel bar 'gyur zhes bya ba la/ yon tan gang yin pa de dag bstan pa'i phyir/ snying rjes non pa'i sems ni gzhan la zhes bya ba'i tshigs bcad smos so/ /gzhan la
 gnod par byed mi 'gyur zhes bya ba ni yid kyi mi dge ba'i las kyi lam med par bstan to/ /ngag kyang gzhan du 'gyur ba med zhes bya ba ni ngag gi mi dge ba'i las kyi lam med par bstan to/ /lus kyang gzhan du 'gyur ba med ces bya ba 'dis ni lus kyi mi dge
 ba'i las kyi lam med par bstan to/ /de ltar mi dge ba las ldog pa'i tshul bstan nas/ da ni dge ba las 'jug pa'i tshul gyi dbang du byas nas/ sbyin dang bzod la sogs zhes bya ba smos te/ sogs pa'i sgras ni brtson 'grus dang/ bsam gtan dang/
 shes rab dang/ sdu ba'i dngos po rnams gzung ngo/ /tshul khrims ma smos pa ni/ sdom pa'i tshul khrims ni sngar bshad pa'i phyir ro/ /dge ba'i chos sdud pa dang/ sems can gyi don byed pa ni sogs pa'i sgras grub pa'o/ /gzhan dag kyang sogs pa'i sgras
 bzung bar bya ste/ yon tan rnams bstan pa'i phyir/ snying rje can ni nye bar zhi bas zhes bya ba'i tshig rkang 'di bstan pa yin te/ 'dis ni bdag dang gzhan la yid 'byung bar mi byed pas yon tan no/ /yid 'byung ba med pa ni nyi tsher ma zad de/ de bzhin
 du yid brtan par yang byed pa yin no/ /yon tan 'di gnyis ni gzhan dang 'brel pa'o/ /'thab mo'i 'khrug pa mi 'byung zhes bya ba 'dis ni lus dang/ ngag gi las kyi sbyor bas bdag dang/ gzhan la gnod pa med par ston to/ /'khrug pa'i me 'bar
 yod mi 'gyur zhes bya ba 'dis ni/ bdag gi bsam pa la gnod pa med par bstan to/ /mdor na zhes bya ba ni/ sngar bstan pa'i don bsdu ba'i tshigs su bcad pa yin te/ mkhas pa'i chos la lta zhes bya ba 'dis ni/ sems rnams la snying rje skyed ces
 skyed ces bya ba'i tshigs bcad sngar bstan pa de ston pa yin no/ /dga' ba'i yon tan rtse ba mi brten gang zhig yod ces bya ba 'dis ni gsod dang rku la sogs pa spongs shes gang bstan pa de dag nyid bstan to/ /de bas bdag dang bu bzhin
 zhes bya ba'i tshigs bcad 'dis ni/ bdag rang nyid dam nang mi la zhes bya ba'i tshigs bcad du gang bstan pa de nyid bstan to/ /dam pa'i tshul zhes bya ba 'jug pa dang/ ldog pa'i tshul gyis so/ /slob dpon dpa' bos mdzad pa'i skyes pa'i rabs rgya
 cher bshad pa las/ /ri dwags ru ru'i skyes pa'i rabs so// //dam pa rnams kyi tshul ni dam pa'i tshul lo/ /yang na dam pa nyid tshul yin pas dam pa'i tshul lo/ /dam pa'i rjes su 'brang ba'i tshul gang la yod pa de dag ni dam pa'i
 tshul gyis rjes su 'brang ba rnams so/ /ro dang/ mthu dang/ rnam par smin pa'i yon tan ni ro dang/ mthu dang/ rnam par smin pa'i yon tan rnams te/ yon tan rnam pa mang po gang yin pa de dag ni/ ro dang/ mthu dang/ rnam par smin pa'i yon tan rnam pa
 mang po dang ldan pa'o/ /ro ni mngar ba la sogs pa drug go /mthu ni rnam pa gnyis te/ dro ba'i nus pa dang/ bsil ba'i nus pa'o/ /rnam par smin pa yang rnam pa gnyis so/ /gzhan yang rnam pa sna tshogs ba'i me tog dang/ 'bras bu dang/ lo ma dang
 'dab ma dang/ ldum bu de dag gis brgyan pa'o/ /gzhan ni snga ma bzhin no/ /gang du 'bab chu shel gong ltar dang zhing gsal ba 'bab pa gang yin pa de ni 'bab chu shel gong ltar dang zhing gsal ba 'bab pa'o/ /gtong ba dang/ snying rje ni/ gtong ba dang
 snying rje'o/ /de gnyis la goms pa ni/ /gtong ba dang/ snying rje la goms pa ste de bas na'o/ /gtong bas ni sbyin pa'i pha rol tu phyin pa gzung ngo/ /snying rjes ni tshul khrims dang/ bzod pa'i pha rol tu phyin pa gnyis gzung ngo/ /gtong ba la goms pa ni/
 phrag dog dang 'jungs pa nye bar 'ong bar ma gyur te/ gzhan gyi phun sum tshogs pa la sems 'khrug pa'i mtshan nyid ni phrag dog go /ser sna ni sbyin pa dang mi mthun pa'i yid kyis kun tu 'dzin pa ste/ de gnyi ga'i mi mthun pa'i phyogs ni gtong ba la goms pa'o//
 gang gi phyir snying rje bsgoms pas ni/ khro ba nye bar ma gyur te/ khro ba bzlog pas ni tshul khrims dang/ bzod pa'i pha rol tu phyin pa skye bar 'gyur ba'i phyir de ltar bsod nams kyi tshogs rnam pa gsum bstan to/ /dud 'gror skyes gyur kyang zhes bya ba ni bsams
 bzhin du dud 'gro'i skye gnas yongs su bzung ba yin no/ /dbang thang lhag mas zhes bya ba ni/ gang bde 'gro dag tu spyod pa'i lhag ma ste/ las la dbang ba des drangs pa'o/ /dam pa rnams shes bya ba ni dbang thob pa'i byang chub sems dpa' rnams so/ /phan gdags
 'brel ba'i mdza' bshes kyi skye bo gang yin pa de dag ni phan gdags 'brel ba'i mdza' bshes kyi skye bo rnams so/ /'dis ni 'di skad ston pa yin te/ 'brel ba'i mdza' bshes skye bo de dang bral ba rnams shes sbyar ro/ /byes yul du dong ba lta bu ni dud 'gro'i skye
 gnas su byang chub sems dpa' skyes pa'o/ /phan gdags 'brel ba'i mdza' bshes kyi skye bo dang bral ba lta bu ni bde 'gro las nyams te/ dud 'gro'i skye gnas su skyes pa'o/ /nor gyi lhag ma lta bu ni dbang thang gi lhag ma'o/ /de'i drung nas shes bya ba ni nags tshal
 kyi bdag po de'i drung nas so/ /chu'i nang na rtse ba'i mdza' rgya mos bskor ba'i ngos shig la chags so zhes bya ba'i tshig gis ni chu bo brgal ba nyid de/ lugs kyi bstan bcos las 'byung ba'i tshul du bdag nyid bsrung ba bstan pa'i phyir ro/ /khrus rtsis bsgos
 pa yin te/ de gang yin zhe na/ na chung ngo/ /rmad du byung ba zhes bya ba ni 'bras bu de sngar ma spyad pa'i phyir ro/ /de ga las byung ba ste/ gang las byung ba'o/ /de btsal bar bsams pa gang yin pa de ni/ de gang las byung ba bsam pa'o/ /rang gi blos brtags te zhes bya
 ba ni bka' la gtogs pa dang bcas pas zhes bya ba'i don to/ /ci'i phyir zhe na/ gal te de la gnod pa mthong bar gyur na ni/ ro la sred pa dang/ stobs dang ldan pa nyid du gyur kyang ngo/ /mi ring ba ni nye ba'o/ /ci'i phyir zhe na/
 kha dog dang/ dri ma nyams pa'i phyir te/ de yang 'bab chu'i 'gram mi ring ba zhig na yod pa nyid du nges te/ ci'i phyir zhe na/ rma med cing ma snang ba'i phyir ro/ /gal te yun ring por chu'i nang du lhung na ni/ 'di ga las byung ba'i gnas shes par mi nus pa ste
 'di ltar 'bab chu'i 'gram mi ring ba zhig na/ zhes smos pas nye bar gyur pa'i phyir dang mi ring ba'i phyir shes par nus te/ 'bab chu'i 'gram na 'dug par nges pa'i phyir/ 'bab chu'i 'gram thog thag tu song na de ga las byung ba shes par nus pa
 nyid do/ /ring nas mthong ba yin te/ ji ltar mthong ba yin zhe na/ chu'i ljid kyis non pa zhes bya ba dang/ ri dang nye yang zhes bya ba ste/ sprin gyi mdog 'dra ba'i phyir dang/ ri ltar mtho ba'i phyir ro/ /shing a mra'i 'bras bus ha ka ra smin pa'i dri bas kyang
 lhag pa de ni a mra'i 'bras bus ha ka ra smin pa'i dri bas kyang lhag pa'o/ /gang gi 'jigs shing skrag pa dang/ mya ngan yongs su spangs ba de ni 'jigs shing skrag pa dang/ mya ngan yongs su btang ba'o/ /'jigs pa spangs pa ni bzlog pa'i thabs sgrub
 pas so/ /mya ngan spangs pa de ni skyabs su 'gro bar mi byed pa'i phyir ro/ /skrag pa spang ba ni mi 'bros pa 'am/ mi byed pas so/ /yang na spre'u 'khor de dag dbugs dbyung ba'i phyir 'jigs pa med pa'o/ /yongs su bskyab pa'i blo bskyed pa'i phyir/ skrag
 pa dang/ mya ngan spangs pa'o/ /bya 'phur ba bzhin du 'chongs pa cig gis legs par 'chongs par gyur te/ ci'i phyir zhe na/ mchongs pa'i mthu rtsal che ba'i phyir ro/ /de ni snying rje rnam par bskyed pa dang zhes bya ba'i tshigs bcad 'di ni mchongs pa'i mthu
 rtsal can no zhes bstan pa de ni mthu rtsal gyi rgyu bstan pa'i phyir te/ snying rje dang/ dpa' ba' i shugs kyi rtsol ba gang yin pa'i rgyus so/ /rtsol ba drag po ni 'bad pa'i khyad par nges te/ de'i phyir yid la bsams pa bzhin du phyin par gyur to/ /de gnyis kyi bar ni de'i
 bar de shing dang ri gnyis kyi'o/ /mtho ba'i 'gram ni de'o/ /sa khyon de'i bar bas kyang dkyus ring ba gang yin pa'i spa thag de ni sa khyon de bas ring ba ste/ de smin par skres la rtsa ba brtan zhing/ phra ba gang yin pa de'o/ /de gnyis ni bar thag ring zhing zhes bya ba ni shing
 chen po de dang/ ri'i rtse mo mthon po de'i 'gram mo/ /rkang pa gnyis kyi bcings pa ni/ rkang pa gnyis bcings pa ste/ des zo mdog mi bde ba'i phyir ro/ /rgyangs zhes bya ba ni drangs pa'o/ /bdag gi lus kyi sha dang bral ba/ ci'i phyir zhe na/ spre'u'i tshogs de dag 'jigs
 pas lus brdzis pa'i phyir ro/ /de lta na yang brtan pa nyid ni ma nyams par ston to/ /'di ltar dpa' ba phun sum tshogs pas ni sngar bstan pa'i 'bad pa'i khyad par bstan to/ /blo phun sum tshogs pa ni rkang pa gnyis spa thag gis bcings pa'i phyir ro/ /
 bdag la'ang mi lta zhes bya ba ni spre'u'i tshogs rnams 'di las myur du ded zhes bya ba'i tshig gis so/ /gzhan la snying brtse zhes bya ba ni bdag gi skad kyis spran zhes bya ba'i tshig gis so/ /spre'u yi bdag po 'di spre'u mang po 'jigs te bros pa'i rkang lag gis
 snang pa'i lus gang yin pa de ni spre'u'i bdag po 'di spre'u mang po 'jigs te bros pa'i rkang lag gis snang ba'i lus so/ /rmas byas pa'i sdug bsngal dang/ sems mi dran pa ni lus kyi rma'i sdug bsngal gyis brgyal bar gyur te sems mi dran pa'o/ /de
 gnyis las byung ba na rma byung ba'i sdug bsngal gyis brgyal bar gyur te/ sems ni mi dran pa nyid do/ /rma'i sdug bsngal de yang spre'u mang po 'jigs te bros pa'i rkang lag gis brdzis pas lus snang ba'i phyir ro/ /dub pa yang spre'u'i tshogs kyis rkang pas brdzis
 pa'i phyir te/ gnas skabs de lta bur yun ring du dub bas so/ /ya mtshan che ba zhes bya ba ni ltad mor che ba'i phyir ro/ /khyod kyi cir 'od khyod kyang khong gi ci zhes dris pa yin te/ ngo mtshar che ba ni rang gi srog gtong ba dang/ snying
 rje dang/ gus pas spre'u'i tshogs bsgral ba'i phyir te/ de nyid kyi phyir de gtso bo yin pas ya mtshan che ba dang por brjod pa yin no/ /tshigs bcad 'og ma smos pa yang de'i khyad par de 'dis 'brel pa yin pas rgyu 'brel lo/ /rab tu 'brel ba'i rgyu 'brel
 chung gang yin pa de ni rab tu mdza' ba'i rgyu 'brel chung ngu'o/ /khur de bkur ba zhes bya ba ni bdag po nyid kyi dngos po'o/ /nye du yin pas gnyen no/ /de dang 'dra ba yin pas/ gnyen dang 'dra bar gyur pa'o/ /blon po la sogs pa gang yin pa de dag ni blon po la
 sogs pa'o/ /gnyen dang mdza' bo zhes bya ba 'dis ni byams pa bstan to/ /nyam nyes rab tu che ba dang phongs nas mya ngan byed pa zhes bya ba la nyam nyes par rab tu che ba ni rgyal po'i dpung gi tshogs kyis zil gyis mnan pas so/ /des byas pa'i phongs
 pa ni nyam nyes pa rab tu cher byung bas phongs pa'o/ /nyam nyes rab tu cher byung zhing phongs pas byas pa'i mya ngan ni nyam nyes rab tu cher byung zhing/ phongs nas mya ngan byed pa'o/ /nyam nyes rab tu cher byung zhing phongs nas mya ngan byed pa de nyid kyi rgyu bstan pa'i
 phyir/ de bas gzhu rnams bkang nas zhes bya ba'i tshigs bcad smos te/ de bas zhes bya ba ni gang gi phyir/ sdug bsngal rab tu byung ba nyid de/ de'i phyir/ mde'u rtse mo rnon po dag 'phen pa rnams kyis 'jigs pa gang yin pa de dag las 'jigs pa'i
 sgra gang yin pa de ni sgra 'jigs pa'o/ /sgra'i 'jigs pa'i gzhu rgyud gang yin pa de ni/ gzhu rgyud sgra 'jigs so/ /phongs pa dang/ mya ngan byed pa de bstan pa'i phyir/ bdag gi 'khor ni zhes bya ba la sogs pa'i tshigs bcad smos so/ /rab tu skrag pa'i sems
 yin pas phongs pa'o/ /du zhing 'bod pas zhes bya ba 'dis ni mya ngan byed pa'o/ /sa gyon legs par brtags pa gang yin pa de ni tshad ni legs par brtags pa'o/ /rtsa bcas shes bya bas ni sngar bshad pa'i rtsa ba dang ldan pa'o/ /bdag gi bde ba khyad du bsad ba de la
 khyod kyi yon tan ci zhig 'thob ces bshad pa la/ de'i yon tan bstan pa'i phyir/ gang rnams rgyal po bdag gis yun ring byas zhes bya ba'i tshigs bcad smos so/ /bdag gi lus lta snad bar gyur kyang rung zhes bya ba ni bdag gi lus 'di la rma yod bar gyur kyang
 rung zhes bya ba yin te/ 'dis ni bde ba khyad du gsod par bstan to/ /de bas sems ni rab tu dga' bar gyur ces bya ba ni/ yid kyi bde ba 'thob pa ste/ yon tan 'di thob pa yin no/ /de bas na yid dga' ba thob pa de'i rgyu bstan pa'i phyir/ smras pa/ bdag gis
 de dag sdug bsngal rnam par bzlog ces bya ba nyid kyis so/ /de bas na de'i phyir dregs pa'i dgra rnams g.yul ngor zhes bya ba'i tshigs bcad smos pa yin te/ 'dis ni lus kyi sdug bsngal ba yang med par bstan to/ /rma tsam nyi tshe 'am/ rma las 'byung
 ba'i sdug bsngal tsam yin te/ ci'i phyir zhe na/ ji ltar dpa' bo rnams kyis rma byung ba yang/ dgra pham par byas pa'i phyir bzod pa yin te/ mngon par 'dod pa'i don bsgrub pa'i phyir/ dga' bzhin du rma la bzod pa'i phyir ro/ /de bas na rma las byung
 ba'i sdug bsngal ba yang med de/ bde ba 'ba' zhig yin no/ /lus snang pa de'i sdug bsngal med de/ bde ba nyid du bstan na/ dpa' bo rnams rma'i sdug bsngal dga' bzhin du bzod pa ltar bdag nyid rma de la ji ltar dga' bzhin du bzod ce na/ de'i rgyu bstan pa'i
 phyir/ ris mthun rnams kyis rab tu gus byas na zhes bya ba'i tshigs bcad smos so/ /bde ba dbang phyug bde ba thob par gyur pa bu lon khor bar gyur pa'i phyir te/ des na de'i phyir dga' bzhin bzod par bya ba'o/ /de bas na bdag nyid mdza' ba dang bral ba'am/ zhes bya ba'i tshig
 bcad 'di ni sngar bshad pa'i don gyi mjug bsdud pa yin te/ de bas na zhes bya bas ni bu lon khor ba'i phyir ro/ /de tsam nyi tsher yang ma zad de/ 'di ltar yon tan khyad par can 'thob ba'i phyir ro/ /de yon tan de gang yin zhe na
 de nyid smras pa/ sngon du phan btags bu lon khor bas mgu zhes bya ba'i tshigs bcad smos te/ 'khor gyis sngon du phan btags pa la yang dag sgrub pa'i phan yon te/ bdag nyid mgu ba dang/ mya ngan zhi ba ni bdag dang 'brel ba'i phan yon no/ /da ltar
 byung ba'i grags pa dri ma med pa 'thob pa dang/ rgyal pos mchod pa byas zhes bya ba 'di gnyis ni/ gzhan dang 'brel ba'i lus dang/ ngag gi phan yon no/ /'chi la 'jigs pa med ces bya ba ni/ dus gzhan gyi phan yon no/ /de dang mi mthun pa'i phyogs zhes
 bya ba ni/ bu lon khor ba la sogs pa med pa/ dam pas phan btags drin yang dran par gyur zhes bya ba ni/ de dag gzhan dang 'brel ba'i yid kyi phan yon no/ /de dang mi mthun pa'i phyogs shes bya ba ni bu lon khor ba la sogs pa med pa nyid ni de dang
 mi mthun pa'i phyogs te skyon no/ /yon tan med pa ni bu lon 'khor ba la sogs pa'i yon tan med pa'o/ /grags pa med par gyur ba ni/ sngar thob pa'i grags pa rnams nyams pa'o/ /nyes pa 'byung ba'i gnas su gyur ba rnams shes bya ba ni yon
 tan gyi mi mthun pa'i phyogs sngar bshad pa dag ste/ yon tan med pa'o/ /brtan pa zhes bya ba ni sngon du phan btags bu lon zhes bya ba'i tshigs bcad kyis so/ /skyon gyi mthu zhes bya ba ni bdag po snying rje med la brten bcas nas zhes bya ba'i tshigs bcad
 phyed 'og ma dang/ yon tan med cing ces bya ba'i tshigs bcad 'dis so/ /bzhon pa'i dpung dang/ ljongs dang/ blon po dang/ zhes bya ba yin te/ bde ba dang ldan par don sgrubs shig pa'o/ /mgon med 'bangs dang/ dge sbyong bram ze rnams kyang bde ba dang ldan par mdzod
 cig pa'o/ /chos 'phel bar byas na ni/ bde ba gnyis dang ldan par 'gyur te/ grags pa 'phel ba dang/ srid 'phel ba'o/ /'di ni 'dir bde ba'o/ /yang na gnyis ga la yang bde bar 'gyur ba'o/ /slob dpon dpa' bos mdzad pa'i skyes pa'i rabs rgya cher bshad pa las/
 spre'u'i rgyal po'i skyes pa'i rabs so// //bzod pa la goms pa zhes bya ba ni/ sku tshe snga ma dag tu bzod ba'i rgyu bsgoms par bstan to/ /smras pa/ so sor brtags te zhes bya ba smos te/ so sor brtags pa'i rkyen gyis so/ /yang na bzod pa bsgoms pa zhes
 bya ba ni bsgoms pa las byung ba'i bzod pa nyid du bstan pa'i phyir smras pa'o/ /khyim na gnas pa ni nyes pa mang po zhes bya ba la sogs pa'i tshig rkang gis bstan to/ /khyim na gnas pa ni skye ba'i kun nas nyon mongs pa dang/ las kyi kun nas nyon mongs pa dang/ nyon
 mongs pa'i kun nas nyon mongs pa nyid dang ldan par bstan pa ste/ de las nyes pa mang po'i sdug bsngal dang ldan zhes bya ba 'dis ni/ mthong ba'i chos la skye ba'i kun nas nyon mongs pas nyon mongs pa nyid du bstan to/ /srid dang 'dod pa lhur len pas nye bar ma
 zhi ba zhes bya ba 'dis ni/ yun ring por yang skye ba'i kun nas nyon mongs pas nyon mongs pa nyid du bstan to/ /'dod chags dang/ zhe sdang la sogs pas ni nyon mongs pa'i kun nas nyon mongs pas nyon mongs pa nyid du bstan to/ /nyon mongs pa yang rnam
 pa gnyis te/ mthong bas spang bar bya ba dang/ sgom pas spang bar bya ba ste/ des kun nas nyon mongs pa nyid du bstan to/ /nyes pa de lta bu med pa'i bde ba can du zhes bya ba ni kun nas nyon mongs pa de lta bu med pa'i bar ro/ /tshul khrims zhes smos
 pas ni/ lhag pa'i tshul khrims kyi bslab pa bstan no/ /mang du thos pa zhes smos pas ni lhag pa'i shes rab bstan to/ /rab tu zhi ba smos pas lhag pa'i sems so/ /rgyu gsum gyis bzod pa smra ba zhes bya bar ming du btags te/ de bzod par bya ba'i yi
 dam ma nyams shing zhes bya ba la sogs pa smos te/ yi dam bcas pa yin pa'i phyir de bas na bzod pa smra ba zhes bya'o/ /de'i bsngags pa brjod pa dang/ gzhan dag la de dang mthun pa'i chos 'chad pa yang de nyid de/
 bzod pa smra bar bdag nyid kyis khas blangs pa dang/ bzod pa'i yon tan brjod pa dang/ gzhan la bzod pa smra ba zhes bya ba'i don to/ /de la dka' thub phun sum tshogs zhes bya ba'i ming ni bzod pa bya bar yi dam bcas pa ma nyams pa'i phyir ro/ /mthu rtsal
 can zhes bya ba ni bzod pa'i bsngags pa brjod pa dang/ gzhan dag la de dang mthun pa'i chos 'chad pa'i phyir ro/ /de la re shig bdag ni bzod pa'i yi dam bcas pa ma nyams pas bzod pa smra ba zhes bya ba ni rigs na/ ci'i phyir bzod pa'i bsngags pa
 rjod par byed pa dang/ de dang rjes su mthun pa'i chos 'chad pa yin zhe na/ de'i phyir smras pa/ de ni bzod pa'i yon tan mthu shes nas/ zhes bya ba'i tshigs bcad smos te/ da ni bzod pa'i yon tan mthu shes nas zhes bya ba ni bzod pa'i bsngags pa brjod ba'i
 rgyus so/ /de yis bdag bzhin 'jig rten rab tu rgyun zhes bya ba ni/ de dang rjes su mthun pa'i chos go rims bzhin du 'chang zhes bya ba'i rgyus so/ /bzod pa'i gtam yang rgyun du byed par gyur ces bya ba la gtam rgyun tu byed pa ni rnam pa gnyis so/ /bzod
 pa chen po rang gi dang du gyur ces bya ba'i tshigs bcad smos te/ sngar bstan pa'i don 'dis bsdu zhing rig par bstan pa'i phyir te/ bzod pa chen po rang gi dang du gyur ces bya ba 'dis ni/ gang sngar bstan pa'i bzod par bya ba'i yi dam ma nyams pa zhes
 bya ba de nyid bstan to/ /de'i don dang mthun pa'i gtam dag gis zhes bya ba ni sngar bstan pa'i bzod pa'i bsngags brjod par byed la/ de la mthun pa'i chos kyang rgyun tu 'chad ces bya ba de ston to/ /rab tu dben pa dang/ nyams dga' ba ni rab tu dben zhing nyams
 dga' ba'o/ /dus thams cad du rnyed par sla ba'i me tog dang/ 'bras bu gang na yod pa de ni/ me tog dang/ 'bras bu dus thams cad du rnyed bla ba'o/ /skyed mos tshal nyid dga' zhing mdzes pa gang yin pa de ni skyed mos tshal nyams dga' ba shin tu mdzes pa de'o
 bkra shis pa ni thos pa'i chos la 'dod pa'i 'bras bu ster ba'i phyir ro/ /yid du 'ong ba ni mthong ba'i chos kyi yid kyi dri ma sel ba'i phyir ro/ /rten ni 'jig rten pha rol gyi mi 'dod pa'i 'bras bu smin par byed pa'i sdig pa 'khru ba'i phyir ro/ /dka' thub gyi tshal ni 'jig rten
 pha rol gyi yid du 'ong ba'i 'bras bu'i rgyu dge ba skyes gzhi yin pa'i phyir ro/ /skyed mos tshal yon tan bas khyad par du gyur pa ni/ skyed mos tshal gyi yon tan pas lhag pa'o/ /de'i gnas su gyur ba ni skyed mos 'tshal gyi yon tan pas kyang lhag pa'i gnas
 su gyur ba'o/ /'khri shing 'khril bas gtibs pa zhes bya ba ni/ grang ba sel bar byed pa ste/ lding khang ni bsil ba'o/ /me tog rgyas pa'i ljon shing dgod pa bzhin/ pad+ma rab tu rgyas pa'i mtsho 'gram na zhes bya bas ni tsha ba bsal bas so/ /gzhal med khang la lta
 bas chags gyur pa zhes bya ba ni dus dro ba'i phyir dang/ gzhal med khang rab tu mdzes pa'i phyir ro/ /pad+ma'i mtsho zhes bya ba la pad+ma'i mtsho ni grang ba'i phyir te/ dus ni dro ba nyid kyis bung ba dang rang ba bzhin du me tog shing la zhes pa ni me tog la lhag par chags
 pa'i phyir ro/ /skabs ni mtshams te/ dus la bab par shes pa ste/ gnyid kyi dbang du gyur pa'i phyir ro/ /ji ltar dga' ba'i tshan tshan du chad pa de ni dga' ste/ dga' sder chad pa'o/ /des na dka' thub kyi gnas su phyin par gyur to/ /bsnyen dka' ba'i rgyus
 rab tu zab pa'o/ /dka' thub kyi dpal 'bar ba dang/ bsam gtan la goms par byas zhes bya ba ni nyon mongs pa bkag pa'i phyir ro/ /g.yeng ba dang 'dzem pa dang/ 'phyar ba gang gis btang ba de ni/ g.yeng ba dang/ 'jom pa dang/ 'phyar ba btang ba'o/ /dri ba ni de dag
 la nad dri ba'o/ /de dag la nad dri ba'i skabs nas gleng bslang ba gang yin pa'i gtam de ni de dag la nad dri ba'i skabs nas gleng bslang ba'o/ /go bar bla ba'i don gang yin pa de ni go bar bla ba'o/ /bud med kyi skye bo dag gis
 go bar bla ba'i don gang yin pa de ni/ bud med kyis go bar bla ba'o/ /yang na gzung bar bya ba yin pas gzung ba'o/ /bde bar gzung ba'i don gang yin pa de ni bde bar zin pa'o/ /lhag ma ni snga ma bzhin no/ /nang dri ba'i skabs nas gleng bslang ba zhes bya
 ba la sogs pa gsum gyis dam bca' dang/ gtan tshigs dang/ dpe ste/ go rims bzhin du sbyar ro/ /ma smad ces bya ba ni ya rabs nyid du skyes pa zhes bya ba'i don to/ /mi'i lus su skyes pa zhes bya ba ni mi nyid du zhes bya ba yin no/ /de bzhin
 dbang po rnams kyang ma nyams rno dang ldan zhes bya ba la dbang po thams cad ma nyams pa ni/ ma tshang ba med pa dang/ rno ba dang ldan pa'o/ /nges par 'chi bdag ces bya ba ni 'chi ba'i chos so/ /bag med par gyur pa zhes bya ba ni dge ba'i chos rnams mi
 bstan pa'o/ /dge ba'i chos de yang sbyin pa dang/ tshul khrims la sogs te/ de dag la ma brten cing/ ma bsgoms pas ni bslus par gyur pa yin te/ dge ba'i chos ma bsgoms na ni yang de'i 'bras bu 'thob par 'gyur ro/ /de yang tshe skad
 cig ma gcig gis zad pa dang/ tshe thung ba'i phyir dang/ 'das nas kyang ldog pa med pa'i phyir ro/ /'di ni re zhig dam bca' ba'o/ /ci'i phyir slu ba yin zhe na/ dge ba mi byed pas so/ /'di ni gtan tshigs so/ /de'i rgyu rab tu mi 'byung zhing bdag dang/
 de'i rgyu 'byung bar bstan pa'i phyir tshigs bcad gnyis smos te/ rab tu sbyin dang zhes bya ba dang/ rigs la sogs pa dman yang zhes bya ba'i tshigs bcad do/ /rigs ni tshul khrims kyi 'bras bu'o/ /gzugs dang/ lang tsho'i yon tan dang
 stobs rab tu che ba dang/ nor la sogs pa ni sbyin pa'i 'bras bu'o/ /de yang kha dog phun sum tshogs par byin pas ni/ gzugs bzang ba'o/ /yang na gos byin pas so/ /lang tsho'i yon tan rnams dang/ stobs rab tu che ba ni/ nyam brtas ba'i bca' ba dang/ btung
 ba byin pa'i 'bras bu'o/ /nor gyis phyug par gyur ba ni nor byin pa'i 'bras bu'o/ /phyi ma la yang bde ba 'thob mi 'gyur zhes bya ba ni 'jig rten pha rol tu ste/ 'jig rten 'di'i bde ba'i rgyus te/ bde ba ni dge ba la sogs pa yin pas so/ /rab tu sbyin dang tshul
 khrims la sogs zhes bya ba la sogs pa smos pas ni bzod pa dang/ brtson 'grus kyang gzung ngo/ /dge ba de ni thams cad kyi rgyu yin pa'i phyir/ 'di las byung zhes bya bas bstan pa yin no/ /da ni 'bras bu de med par yang sbyin pa la sogs pa
 dang ldan na 'bras bu skye ba'i dbang du byas nas/ de med kyang de'i dngos po'i rgyu mtshan nyid bstan pa'i phyir smras pa/ rigs la sogs pa dman yang zhes bya ba'i tshigs bcad smos so/ /sdig pa la ma chags shing zhes bya bas ni/ sdig pa las ldog
 par ston te/ mi dge ba'i las kyi lam las ldog pa zhes bya ba'i don to/ /rab tu sbyin dang tshul khrims la sogs yon tan ldan bya ba ni/ sbyin dang/ tshul khrims dang/ bzod pa dang/ brtson 'grus kyi pha rol tu phyin pa dang ldan pa'o/ /phyi ma'i tshe la'ang
 bde ba zhes bya ba ni/ 'jig rten pha rol tu yang bde ba'i rgyu dge ba la sogs pa'o/ /tshul khrims la sogs pa'i 'bras bu ji lta bu zhe na/ dbyar gyi dus na 'bab chus rgya mtsho gang ba bzhin zhes bya ba yin na/ 'jig rten pha rol du bde ba rgyas par 'gyur
 bar ma zad de/ mthong ba'i chos 'di la yang tshul khrims kyi phan yon rigs la sogs pa'i rgyan du yang 'gyur te/ tshul khrims la sogs pa dang ldan pa de bstan pa'i phyir/ rigs dang/ gzugs dang/ lus kyi yon tan rnams kyang rung zhes bya ba'i
 tshigs bcad smos so/ /'di'i bsdus pa'i don ni tshul khrims dang/ bzod pa dang/ sbyin pa'i 'bras bu bdag nyid che ba dang/ 'byor ba dang/ g.yog 'khor phun sum tshogs pa la gnas pa'o/ /de ltar byung ba'i bdag nyid che ba dang/
 g.yog 'khor 'byor pa'i rgyu de bas khyad par du gyur cing/ de dag gi rgyan du gyur pa yin te/ ji ltar shing dang/ char sprin dang/ mtsho dag la me tog dang/ glog phran 'gyu ba dang/ bung ba myos pa 'du ba'i pad+ma lta bu ste/ de la shing lta bu ni tshul khrims
 kyi 'bras bu ste/ da ltar byung ba'i bdag nyid chen po'i mtho ba nyid de la rgyan du gyur par byed de/ de las de las kyang khyad par du gyur pa'i mtho ba phun sum tshogs pa'i rgyu da ltar byung ba'i tshul khrims te/ ji ltar shing rnams mtho ba nyid la gzhan me tog
 gis rgyan pa'i rgyus so/ /char sprin lta bu ni da ltar byung ba'i sbyin pa'i 'bras bu longs spyod phun sum tshogs pa'o/ /char gyi rtags glog phran 'gyu ba lta bu ni sbyin pa po'i rtags ma 'ongs pa na khyad par du gyur pa'i bdag nyid kyi phun sum tshogs pa mthong ba
 sbyin pa'i 'bras bu da ltar byung ba la byas pa ni char gyi rtags glog phran 'gyu ba dang/ 'dra bar sbyin pa po'i rtags ma 'ongs pa nas/ de las khyad par du gyur pa'i longs spyod kyi rgyu bdag gis brgyan par gyur pa yin no/ /mtsho lta bu ni da ltar byung ba'i bzod
 pa'i 'bras bu bkur sti dang/ g.yog 'khor phun sum tshogs pa'o/ /bung ba myos pa'i pad+ma lta bu ni gzhan de las khyad par du gyur pa'i g.yog 'khor phun sum tshogs pa'i rgyu bzod pa da ltar byung ba'i rgyan du gyur pa yin no/ /yon tan khyad par du
 'phags pa lus can dag gi rgyan zhes bya ba la/ tshul khrims dang/ sbyin pa dang/ bzod pa rnams kyi khyad par du gyur pa'i dbang du byas pa ni de las khyad par du gyur pa rnams kyis so/ /tshul khrims la sogs pas rigs la sogs pa 'thob par
 'gyur zhing gzhan du mi 'gyur bar ji ltar shes par bya zhe na/ de bsgrub pa'i phyir nad med tshe ring nor dang zhes bya ba'i tshigs bcad smos so/ /nad med pa dang/ tshe ring ba dang/ rigs ni tshul khrims kyi'o/ /nor ni sbyin pa'i'o/ /gzugs ni bzod pa'i'o/ /rab dang
 'bring dang/ tha ma ni rab 'bring tha ma'o/ /de nyid kyi bye brag dag ni rab 'bring tha ma'i bye brag go/ de dag sna tshogs ni rab 'bring tha ma'i bye brag sna tshogs pa'o/ /yang na rab 'bring tha ma dag ni bye brag ste/ lhag ma ni snga ma bzhin no/ /ngo bo nyid las gyur pa ni ma yin te
 ci'i phyir zhe na/ rgyu med pa nyid kyi bye brag las byung ba'i dngos po med de/ 'dis ni rgyu med par smra ba bsal to/ /sems can sna tshogs pa ni gzhan gyi bskyed pa ma yin te/ dbang phyug la sogs pas so/ /gal te rgyu gcig gis bskyed pa yin na/ 'gro ba
 rnams bye brag med par 'gyur te/ 'dis mi mthun pa rgyur smra ba bsal to/ /de lta mod kyi rab la sogs pa'i bye brag ni sems las byung ba yin te/ de'i phyir smras pa/ las ni rnam pa gsum las gyur ces bya ba ste/ rnam pa gsum ni lus dang/ ngag
 dang/ yid rnam pa gsum gyi dbye ba'o/ /de ni so so'i dbang gis mdza' yas pa ste de ltar mdza' yas pas ni 'gro ba sna tshogs kyi dbye ba mdza' yas par rigs pa nyid do/ /'di dag las rnam pa gsum las gyur par shes pa yin pa'i phyir/ 'di
 ltar 'jug par bya ste/ mi brtan pa zhes bya ba ni skad cig gis 'jigs pa ste/ mi rtag pa nyid du ston to/ /'chi ba dang nye ba zhes bya ba skal ba mthun pa'i ris las mi rtag pa nyid du bstan to/ /sdig pa spang bar gyis zhes bya ba ni mi dge ba'i las kyi
 lam mo/ /dge ba'i phyogs la brten pa ni/ sbyin pa dang/ tshul khrims dang/ bzod pa dang/ brtson 'grus kyi pha rol tu phyin pa la brten pa'o/ /ci'i phyir ga las she na/ lam ni 'di yin no zhes bya ba ste/ dge ba'i phyogs la brten pa dang/ sdig pa spang ba'o/ /grags
 pa ni tshe 'di'i phan yon bstan pa yin no/ /bde ba thob pa ni 'jig rten pha rol gyi yin te/ bde ba 'dod pa dag tu bde ba 'thob pa'o/ /'gro ba dag la 'das pa'i dus kyi bzod pa ni ma bstan te/ bsod nams kyi tshogs kyi mtshan nyid
 dang/ bsod nams kyi tshogs kyi 'bras bu'i dbang du byas nas tha dad par rjes su bstan pa'o/ /des na nga ni bzod pa las brtsams nas/ yid la zhe sdang yod na yang zhes bya ba la sogs pa'i tshigs bcad brgyad kyis bstan te/ yid la zhe sdang yod na yang
 zhes bya ba ni/ bzod pa med na zhes bya ba'i don te/ gzhan la phan pa ma yin pas mi bzod par byed pa ste/ gzhan mi 'dod par byed pa'i phyir ro/ /bdag la yang skye ba gzhan la phan par 'gyur ba med cing/ rab tu sdig par byed de/ bdag dang gzhan gyi ngan song gi
 rgyur gyur pa'i phyir ro/ /de dag gis zhes bya ba ni yid zhe sdang yod pa'o/ /sdig la 'dzem pa ni mi 'dod pa'i 'bras bu la 'jigs pas so/ /gnyen po rnams brten nas zhes bya ba ni/ bzod pa la brten pa'o/ /yid la zhe sdang yod pa'i gnyen po nyid du bstan pa'i
 phyir/ dgon pa'i me ni zhes bya ba'i tshigs bcad smos so/ /me dang 'dra ba ni yid la zhe sdang yod pa ste/ bdag dang gzhan la gnod cing sreg pa'i phyir ro/ /chu rlung chen po dang 'dra ba ni bzod pa ste/ yid la yod pa'i zhe sdang gi me rab tu zhi bar byed pa'i phyir ro//
 bzod pa bsten na zhi bar 'gyur zhes bya ba la/ ji ltar bzod pa bsten na zhi bar 'gyur ba nyid bstan pa'i phyir/ de bas de'i rgyu zil gyis mnan pas bzod pa sdig pa spong zhes bya ba'i tshigs bcad yin te/ sdig pa zhes bya ba ni mi dge ba'i las so/ de'i rgyu
 zil gyis mnan pas zhes bya ba ni sdig pa de'i rgyu ste/ de'i rgyu ni yid la zhe sdang yod pa'o/ /de zil gyis gnon pa ni de'i gnyen po bzod pa la bsten pas so/ /de'i phyir zhes bya bas ni sdig pa yongs su spangs pas so/ /dgra yang 'phel mi 'gyur zhes bya ba ni sngar skyes
 pa zhi bar byed pa dang/ sngar ma skyes pa yid la gnas pa'i mi dge ba la 'jug pa med pa ste/ mi dge ba'i bdag nyid gnod pa nyid do/ /'ga' zhig zhes bya ba ni dgra ste/ mi mthun pa'i phyogs dgu pa bskyed pa ste/ bdag nyid la yid kyis so/ /mchod par 'os pa ni/
 lus dang/ ngag gi las kyis mchod pa thob par bstan to/ /bde ba'i skal ba dang ldan par 'gyur zhes bya ba ni/ mthong ba'i chos kyi gzhan yang 'brel ba'i bde ba ste/ mchod pa dang/ dga' ba gnyis kyis bde ba'i skal ba dang ldan par 'gyur ba'o/ /mtho
 ris su 'gro bar 'gyur zhes bya ba ni/ 'jig rten pha rol tu bde ba 'thob pa yin te/ de bas na skyon 'di med pa yin pas/ bzod pa bsten na de dag gis mthu nyid du 'gyur ro/ /gzhan yang kye btsun mo zhes bya ba ni bzod pa'i rnam pa gzhan bstan pa'i phyir
 dge ba'i rang bzhin can rab tu grags zhes bya ba'i tshigs bcad lnga smos te/ de la dge ba'i rang bzhin zhes bya ba'i tshigs bcad ni bzod pa'i 'bras bu'i rang bzhin gyi gnyen po dang rjes su mthun pa'i yon tan dbang du byas pa ste/ dge ba zhes bya ba la/
 dge ba'i rang gzhin ji lta bu yin/ ji ltar ma chags pa dang/ zhe sdang med pa dang/ gti mug med pa yin nam/ 'on te mtshungs par ldan pa ste/ ji ltar tshor ba la sogs pa thams cad du 'gro ba rnams dang bcas pa yin nam/ 'on te mtshungs par
 ldan pa ste/ ji ltar tshor ba la sogs pa thams cad du 'gro ba rnams dang bcas pa yin nam/ 'on te kun nas bslang ba ste/ ji ltar las rnams dang bcas pa yin nam/ 'on te don dam pa'i chos te/ ji ltar mya ngan las 'das pa yin nam snyam na/ ji ltar
 rang bzhin gyi dge ba ste/ zhe sdang med pa'i mtshan nyid kyi phyir ro/ /rang bzhin yang yin la khyad par yang yin pas rang bzhin khyad par can no/ /de'i rab tu grags pa ni rab tu grags pa khyad par can no/ /'dis ni rang bzhin gyi dge ba nyid du bstan ste/ 'di ni re zhig rang
 bzhin gyi bzod pa yin no/ /bsod nams grags pa dag kyang rab tu 'phel zhes bya ba bsod nams rab tu 'phel ba ni/ 'jig rten pha rol tu 'bras bu bde 'gror 'gro ba'o/ /grags pa rab tu 'phel ba ni/ mthong ba'i chos kyi
 'bras bu'o/ /chu yis ma bkrus par yang dag par 'gyur zhes bya ba 'dis ni/ mi dge ba thams cad kyi gnyen po nyid do/ /yon tan de dang de dag phun sum tshogs pa zhes bya ba 'dis ni yon tan thams cad dang rjes su mthun pa nyid do/ dge ba'i rang bzhin
 du rab tu grags zhes bya ba bstan pa la dge ba'i rang bzhin nyid du bstan par 'dod pa'i phyir/ gzhan la gnod pa rtag tu yong mi shes zhes bya ba'i tshigs bcad smos so/ /chos nyid ces bya ba ni rtag pa'o/ /yang na chos nyid kyi mtshan nyid ji lta bu nyid yin pa
 de nyid bstan pa'i phyir smas pa/ gzhan dag la nye bar gnod pa mi gnod pa ste/ srog gcod pa la sogs pa mi dge ba bcu'i las la mi 'jug pa'i mtshan nyid ces bya ba'i don to/ /gang dag gi chos nyid yin zhe na/ snying stobs can te byang chub sems dpa' 
 rnams kyi'o/ /chos nyid ji lta bu yin zhe na/ yid du 'ong zhes bya ba smos so/ /de'i phyir ming ji skad du btags she na/ bzod pa zhes bya ba'i ming yin te/ de'i ming yon tan dang ldan pa nyid du bstan pa'i phyir smras pa/ yon tan gyis mngon par bsgrub pa nyid du
 mdzes pa'i ming gang yin pa de ni yon tan mngon bsgrub bzod pa ste/ mdzes pa'i ming bdag dang/ gzhan gnyi ga la mdzes pa'i phyir bzod pa'o/ /'jig rten gyi don byed pa ni/ 'jig rten la phan par byed pa ste/ 'dis ni gzhan la phan pa'i rgyu nyid du bstan
 to/ /snying rjes bka' stsal ces bya ba ni/ snying rje can gyi bka' yin pas/ snying rjes bka' stsal pa'o/ /'dod chags med pa'i rang bzhin dang/ 'dod chags med pa'i mtshan nyid bzod pa gzhan gyi don byed par 'jug pa yin te/ de ltar bzod pa'i rgyu bstan to/ /bsod
 nams grags pa dag kyang rab tu 'phel zhes bya ba de'i don rjes su bstan pa ni ma bshad de/ de bas de'i rgyu zil gyis mnan pas bzod pas sdig pa spang ba zhes bya ba'i tshigs bcad der bstan zin pa'i phyir ro/ /chu yis ma bkrus par yang dag par 'gyur zhes bya ba de'i rjes su
 bstan pa ni/ mthu dang ldan pa rnams kyi rgyan yang yin zhes bya ba'i tshigs bcad 'di bstan te/ gnod sems kyis dgon pa'i me la chu'i rgyun dang 'dra bar de nye bar zhi ba ste/ de bas na gnod sems kyi dgon pa'i me la chu rgyun 'bebs zhes bya ba yin no/ /gang dag
 'di rnam par dag par byed pa yin zhe na/ de bstan pa'i phyir tshigs bcad 'di smos te/ khyim pa dang/ rab tu byung ba rnams kyi'o/ /khyim pa rnams kyi mthu dang ldan pa rnams kyi rgyan yang yin zhes bya ba yin te/ gnod sems kyi dgon pa'i me la chu rgyun 'bebs
 pa'o/ /dka' thub can gyi stobs mchog phun sum tshogs pa yod na ni/ gnod sems dgon pa'i me la chu rgyun 'bebs pa yin te/ gnod sems kyi dgon pa'i me la chu'i rgyun 'bebs zhes bya ba yin te/ gnod sems kyi dgon pa'i me la chu'i rgyun dang 'dra bar de nye
 bar zhi ba ste/ de bas na gnod sems dgon pa'i me la chu rgyun 'bebs zhes bya ba yin no/ /de'i phyir gnyi ga'i tshe la don med zhi bar byed ces bya ba smos te/ de bas na chu yis ma bkrus par yang dag par byed de/ don med par nye bar zhi bar byed pa'i phyir ro/ /yon tan de dang
 de dag phun sum tshogs zhes bya bar de'i rjes su bstan pa ni/ dam pa rnams kyis go cha bzod pa yin zhes bya ba'i tshigs bcad de bsngags pa me tog gi rgyur gyur pa'i phyir/ bzod pa'i yon tan gyi tshogs rjes su 'phel bar 'gyur ro/ /de lta bu la sbyar ba'i phyir/ chos kyi mi
 mthun pa'i phyogs rnams shes bya ba'i tshigs bcad 'di smos pa yin no/ /chos kyi bgegs mi mthun pa'i phyogs ni mi mthun pa'i phyogs so/ /chos kyi mi mthun pa'i phyogs kyang yin la/ bzod pa yang yin pas chos kyi mi mthun pa'i phyogs rnams bzod pa'o/ /des 'joms pa yin
 pas gang des smras pa'o/ /bzod pa phan par 'gyur zhes bya ba la bzod pa'i phan pa ni/ bzod pa phan par 'gyur ba ste/ phan pa dang mthun pa zhes bya ba'i don to/ /'dod chags kyang yin la/ lhag ma lus pa yang yin pas/ 'dod chags
 kyi lhag ma lus pa'o/ /des lci bar gyur pa'i mig gang yin pa de ni/ 'dod chags kyi lhag ma lus pas mig lci bar gyur pa'o/ /btsun mo rnams kyis spobs pas bsrung ba dang bral ba'i bag yongs su dgod cing/ rtse ba dang/ lta 'dod pa gang yin
 pa de ni btsun mo rnams kyi spobs pas bsrung ba dang bral ba'i bag yangs su dgod cing/ rtse ba dang/ lta 'dod pa'o/ /me tog dang/ lo ma sna tshogs kyis gtor ba gang yin pa de ni/ me tog dang/ lo ma rnams kyis gtor ba'o/ /me tog dang lo ma rnams
 kyis gtor ba'i nags kyi lam ni lam ste/ me tog dang lo ma sna tshogs kyis gtor ba'o/ /yang na lam me tog dang/ lo ma sna tshogs kyis gtor ba dang ldan pa'o/ /khon rnying yod pa zhes bya ba ni/ de'i khro ba'i rgyus byas pa nyid du ston to/ /'dod
 chags kyis dran pa nyams zhes bya ba ni da ltar byung ba'i dran pa 'jigs pa'i rgyu yin te/ 'dis ni khro ba'i gnyen po med par bstan to/ /phrag dog gis zil gyis non pa'i phyir zhes bya ba ni nyon mongs pa kun tu spyod pas da ltar byung ba'i rkyen du
 bstan to/ /dul ba dang/ nges pa ni dul ba dang nges pa'o/ /de gnyis kyi spyod pa ni dul ba dang/ nges par spyod pa'o/ /nyams pa'i dul ba dang/ nges pa spyod pa gang yin pa de ni/ dul ba dang/ nges par spyod pa'i nyams pa'o/ /thab mo dang/ rgol bar 'dod
 pa de'i shugs ni thab mo rgol bar 'dod pa'i shugs te de las so/ /rdul dang/ mdog 'gyur ba dang/ 'dar ba'i rdul dang/ mdog 'gyur ba dang/ 'dar ba dag go/ rdul dang/ mdog 'gyur ba dang/ lus 'dar ba 'byung ba gang yin pa de ni/ rdul dang/ mdog
 'gyur ba dang/ lus 'dar bar gyur pa'o/ /smin ma btsums pas mig rtsa dmar po dgrad pa gang yin pa de ni/ tshul 'chos zhes bya ba'i bya ba pa'o/ /tshul 'chos kyi g.yo sgyu'i rang bzhin gang yin pa de ni/ de dag gi spyod tshul dang/ mdzes pa dang/ dul ba'i spyod tshul
 mdzes pa dul ba'o/ /de dag gi gus pa dang/ mkhas pa'i spyod tshul mdzes pa dang/ dul ba ni gus shing 'os pa mkhas pa'o/ /rab tu khros shing bzhin du gyur la zhes bya ba 'dis ni/ so sor brtags te bdag pa'i mthu chung ba zhes bya ba la sogs pa ston pa yin no//
 yang na thab mo rgol 'dod pa'i shugs las rdul ni byung lus 'dar ba zhes bya ba de nyid ston to/ /spyod pa nyams shing rtsub par mngon la zhes bya ba ni gang sngar bstan pa'i nga'i gzi brjid zil mnan nas zhes bya ba de ston pa yin no/ /mtshon cha thogs te zhes
 bya ba ni gang sngar bstan pa'i gsol ka ba'i lag na ral gri 'dug pa blangs te zhes bya ba de nyid ston to/ /nges mgu bar byas zin to zhes bya ba ni sems dbang du byas pa'o/ /de yang nyams su mi len te/ de'i phyir zhe na/ bud med dang brten par snang ba las bzod pa med do//
 'chos pa'i tshul yin pas 'chos pa'i tshul lo/ /'chos pa'i tshul nyid 'drid pa yin pas tshul 'chos 'drid pa'o/ /des brtan pa 'dug pa'i tshul ni bzod pa smra ba yin no zhes bya ba'i sgra smra zhing 'dug pa'o/ /yid mi dga' ba zhes bya ba ni byang chub sems dpa' 
 nongs kyis dogs pa'o/ /mya ngan ni shugs par ma nus pa'o/ /de gnyis kyis gdungs pa'i yid gang yin pa de ni yid mi dga' zhing mya ngan gyis gdungs pa'o/ /'jigs pa ni rgyal po'i chad pas so/ /skrag pa ni de bcos pa'i thabs lam shes pas so/ /de gnyis kyis g.yen
 spyod pa ni/ 'jigs shing skrag pas 'khrugs pa'o/ /drang song mchog de'i mya ngan byed cing zhes bya ba la/ ci'i rgyus mya ngan byed pa yin zhe na/ de'i phyir smras pa/ bdag cag rnams kyi don ni/ bdag cag rnams kyi phyir ro/ /nyes pa yod med pa zhes bya ba ni gang la rgyal po nyes par
 byas par dogs pa'i nyes pa med cing ma yin pas so/ /dul ba zhes bya ba ni lus dang ngag gi dul ba dag go/ dka' thub chen po zhes bya ba ni rab tu byung ba'o/ /yon tan grags pa zhes bya ba ni/ yon tan 'jig rten gyis brjod pa'o//
 lam du zhugs zhes bya ba ni mngon par 'gro ba zhes bya ba'i don to/ /byed pa ni lus dang/ ngag gi 'gyur ba'o/ /ci zhig gyur nas su zhes bya ba ni brdeg pa dang/ bcings pa la sogs pa'i las kyi lam gyi zhes bya ba'i don to/ /grags pa thob pa zhes bya ba ni thub
 pa'i lus bcad pas/ rang gi chos kyi lus bcad cing 'chi ba la sogs pas so/ /a dzi na dang dbyug pa gang yin pa de ni a dzi na dang dbyug pa'o/ /de yod pa ni a dzi na dang dbyug pa thogs pa'o/ /g.yo sgyu ni bslu ba'o/ /g.yo sgyu nyid brjid bag tu 'chos pa yin
 pas g.yo sgyu brjid bag 'chos pa'o/ /khros pa dang rngam pa zhes bya ba la/ khros pa ni zhe sdang ngo/ /rngam pa ni de la mngon par 'jug pa'o/ /de gnyis kyi spyod pa'i tshul mi sdug par gyur pa de ni de'o/ /'dis ni mthong ba'i chos bdag nyid zla med pa nyid du bstan to/ /du
 bar spyod pa'i dpal ni nyams zhes bya ba 'dis ni/ byang chub sems dpa' la zla med pa'i 'jug pa bstan to/ de ltar de gnyis ni mthong ba'i chos la bdag dang/ byang chub sems dpa' la sgrub pa bstan to/ /bdag la phan pa dang/ gnod pa'i lam ni brjod
 par gyur ces bya ba 'dis ni skye ba gzhan gyi mi 'dod pa'i 'bras bu bstan to/ /skal ba med las gyur pa zhes bya ba 'dis ni/ sngar byas pa'i las ngan pa las gyur pa'o/ /sems las gcags pa ni tshigs tsam gyis kyang ma byas na gzhan lta ci smos zhes
 bya ba yin te/ 'dis ni sngar dris pa'i rgyu'o/ /dam pa ma yin pa'i spyod pa ni nyes pa'i lam ste/ /rang gi chos kyi lam ma yin pa'o/ /'gro ba'i don byed ces bya ba ni nyes par mi byed pa dag la phan 'dogs par 'jug pa'o/ /rnam par brtag pa'i lam zhes bya
 ba ni yang dag pa'i lam mo/ /ci'i phyir lam rnam par brtag ce na/ de'i phyir smras pa/ legs pa dag kyang cung zad mi rigs mthong zhes bya ba'i tshigs bcad smos te/ mi rigs pa nyes bya ba zhes pa zhes bya ba'i don to/ /legs pa dag kyang zhes bya ba ni nyes pa med pa'o/ /kha
 cig ni nyes kyang legs par mthong ba zhes bya ste/ des na de'i phyir/ ma brtags zhes bya ba yin no/ /yul ci zhig la ma brtags pa yin zhe na/ de'i phyir smras pa/ gtan tshigs khyad par can la ste/ khyad par gyi gtan tshigs dag ni gtan tshigs khyad par can dag ste
 de la'o/ /dgos pa'i don nyid ces bya ba ni/ de'i dngos po nyid yin pas dgos pa'i don nyid do/ /dgos pa'i don yod par brtags pa nyid/ gtan tshigs khyad par gyis te/ de ltar brtag pa byas na ni/ dgos pa'i don rtogs pa nyid du 'gyur zhing nyes pa yang nyes pa
 nyid du rtogs so/ /legs par zhugs nas ni zhes bya ba ni chos khrims las bshad pa bzhin du'o/ /snyan ngag lam du zhes bya ba ni lugs kyi bstan bcos kyi tshul gyis so/ /chos khrims dang lugs kyi bstan bcos kyi tshul gyi bka' khrims kyi bya bas nan tur bya ba dang
 phan gdags par bya ba la rjes su gzung bar byas na de dag nyid kyi chos dang/ srid dang/ bde bar 'gyur ro/ /btul nas zhes bya ba ni gang gi phyir/ de ltar bya ba dag legs par brtags pa'i rgyus chos dang/ srid dang/ bde ba'i don nyams par mi 'gyur bas de'i phyir ro/ /grags
 par gyur pa zhes bya ba ni/ nyes pa med pa'i rigs pa ste/ grags pa ma yin pa'i rgyus so/ /nyes pa cir 'gyur zhe na de'i phyir smras pa/ nags tshal na gtam ngan pa 'phel zhes bstan pa yin te/ rang gi skyes bu byed pa'i bsrung ba nyams par ston to/ /khyod kyi mthu yis bsrungs pa
 zhes bya ba ni/ bdag po gzhan ma yin pa nyid du ston to/ /phan pa'i tshul med ces bya ba ni/ 'jig rten pha rol la phan pa'o/ /dam pas smad pa ni 'jig rten 'di'i grags pa ma yin pa'o/ /de bas rnam par brtags pa'i lam du 'jug pa'i rigs zhes gang bshad pa la/ ji ltar rnam par brtags pa'i lam
 du 'jug par bya zhe na/ smras pa/ srungs ma nyung ru ma bcas pa zhes bya ba'i tshigs bcad yin te/ lhags pa la zhes bya ba 'dis ni/ bdag nyid du bud med la 'gro ba bsal to/ /bdag gi zhes bya ba ni rab tu byung ba'o/ /gnas zhes bya ba ni sems can thams cad
 kyi thun mong du ston to/ /sngon ma mthong bar yang 'ong bas so/ /srungs ma nyung rum zhes bya ba ni dben pa ma yin pa nyid du bstan to/ /bdag gis nongs pa cung zad ces bya ba 'dis ni/ bud med la 'gal bar gyur pa'o/ /de ni bdag la med pa nyid mod kyi/ de ste bud med rnams
 bdag gi gnas su 'ongs pa tsam gyis/ gal te nongs par gyur kyang rgyan gyi mchog ces bstan pa yin no/ /rgyan gyi mchog gi bzod pa de nyid bstan pa'i phyir/ smras pa/ bzod pas brgyan na ji ltar mdzes pa bzhin zhes bya ba'i tshigs bcad smos te/ bzod pa la brten
 cig pa'o/ /bzod pa'i man ngag bstan pa yin pas bzod pa'i man ngag go /bzod pa'i man ngag bstan pa nyid snyad btags pa yin pas/ bzod pa'i man ngag bstan par snyad btags pa'o/ nyes pa med pa ni skyon med pa'o/ /bram ze las rab tu byung ba ni yon tan
 gyi zhing nyid du ston to/ /gsod par byed pa rnams yongs su srung ba po ni/ rgyal po yin na 'di ltar/ ci'i phyir 'jug ces bya ba'o/ /bzod pa'i man ngag bstan pa'i rtsol pa de nyid/ bdag 'jigs nas gsol ba ni ma yin te/ ci'i phyir 'jigs nas mi gsol zhe na/ mi 'jigs
 pa'i rgyu bstan pa'i phyir/ sems can rnams ni 'chi bar 'gyur ba'i zhes bya ba smos te/ 'di gnyis kyi rgyus 'chi bas 'jigs pa yin te/ de gnyi ga yang med pa nyid du bstan pa'i phyir smras pa/ 'jig rten gyi rang bzhin yongs su ma shes nas bsod nams ma byas pa dang
 ngan 'gror 'gro ba'i dogs pa yod pa'o/ /de gnyi ga yang med pa ste/ sems can rnams ni 'chi bar gyur pa'i tshul 'dis nges pa nyid du gnas zhes bya ba yongs su shes pa'i phyir/ rgyu dang po med do/ /bdag gi tshul la'ang rjes ltas na zhes bya ba 'dis ni/ bsod nams byas pa'i phyir
 gnyis pa yang med pas so/ /ci ste de gnyi ga med na ci'i phyir/ de ltar bzod pa'i man ngag bstan par tha snyad btags she na/ phyi nas chos kyi bde ba la zhes bya ba'i tshigs bcad brtsams so/ /phyi nas chos kyi bde ba la gnod pa zhes bya ba la/ gnod du dogs pa ni chos ma yin par ma
 gyur cig pa'i don to/ /bde ba 'thob la phan pa'i zhes bya ba ni/ bde ba 'thob pa gcig pur ma zad de/ chos ma yin pa 'thob cing gnod pa'o/ /de lta mod kyi yon tan rnams kyi 'byung gnas su gyur pa dang/ nyes pa rnams kyang zlog par byed pa'i phyir/ rab tu bzang po'i skyes
 bzhin du/ dga' ba dag ni bzod pa smra zhes bya ba ste/ de nyid bstan pa ni bzod pa yon tan 'byung gnas zhes bya ba'i tshig go /tshul 'chos brtul zhugs ni g.yo'i brtul zhugs so/ /mya ngan mi byed de/ bdag nyid chen po'i nyams pa'i rgyu yin pa'i phyir ro/ /bdag la
 gnod pa byed pa'i rgyal po la yang 'khrugs par mi byed do/ /ci'i phyir mya ngan mi byed ce na/ lus kyi phung po gnas pa'i mdza' shes pa'i phyir ro/ /ci'i phyir 'khrugs par mi byed ce na/ skye bo rnams la bzod pa goms shing 'dris pa'i phyir ro/ /de'i sems zhes bya ba ni rang gi
 sems so/ /de'i phyir/ dge ba'i tshul gyis yongs su nyams par ma gyur to/ /so sor brtags pa ni/ bdag gi sdug bsngal chen po la'o/ /snying rje can ni gnod pa byed pa la'o/ /dka' thub kyi nags su bdag nyid la sdug bsngal chen po 'byung ba ni bzod pa'i chen po
 dang ldan pa'i phyir ro/ /de nyid kyi sdug bsngal gyis gnod par gyur pa ni/ snying rje'i bdag nyid yin pa'i phyir ro/ /de ma thag tu rims nad ces bya ba ni/ byang chub sems dpa' yan lag bcad ma thag nyid du'o/ /nags tshal nye ba'i nang nas tha mar byung zhes bya ba ni/ byang chub
 sems dpa' bdag nyid chen po de'i mngon sum nas/ /de ma thag tu song zhes bya ba'i don to/ /blun zhing zhes bya ba ni gti mug gi rgyus so/ /lhag par mi brtan pa gang yin pa de ni/ rab tu mi brtan pa ste des na mi brtan pa des so/ /bud med dang byis pa zhes bya ba la sogs
 pa smos pas ni snying rje'i gnas so/ /bram ze yon tan gyi zhing yin pa'i phyir ro/ /'chi ba dang/ na ba'i sdug bsngal can zhes bya ba 'di'i bsdus pa'i don ni skye ba'i kun nas nyon mongs pa dang/ las kyi kun nas nyon mongs pa dang/ nyon mongs
 pa'i kun nas nyon mongs pa la mya ngan byed mod/ ga la khro zhes bya ba yin te/ 'chi ba dang/ na ba'i sdug bsngal zhes bya bas ni/ skye ba'i kun nas nyon mongs pas nyon mongs pa nyid du bstan to/ /'dod chags zhe sdang dbang du gyur zhes bya bas ni nyon mongs pa'i kun nas
 nyon mongs pas nyon mongs pa nyid du bstan to/ /nyes par spyod pas tshig pa la zhes bya ba 'dis ni las kyi kun nas nyon mongs pas nyon mongs pa nyid du bstan to/ /bdag la rnam par smin par gyur kyang rung ste/ de la ni ma yin no/ /ci'i phyir zhe na/ de bsgrub pa'i phyir/
 bde ba can la sdug bsngal rjes 'brang ba zhes bya ba'i tshigs bcad 'og ma smos so/ /bskyab par ma nus pa zhes bya ba ni las bdag gir byas pa'i phyir ro/ /rgyal po grongs na'ang zhes bya ba ni rgyal po nyi tsher ma zad de zhes bya ba'i don to/ /skyes na zhes bya ba ni skye ba yod na
 zhes bya ba'o/ /de bas zhes bya ba ni skye ba yod na sdug bsngal yod pa'i phyir te/ skye ba ni sdug bsngal gyi rtsa ba yin pa'i phyir/ skye ba nyid la khon du gzung ba'i rigs te/ skye ba med na sdug bsngal med pa'i phyir ro/ /skye ba yod na ni sdug bsngal myong ba yin te/
 bzod pa mi byed pa ma yin pa'i rgyu'i dbang du byas nas/ nags na gnas shing zhes bya ba'i tshigs bcad smos te/ nags na gnas zhes bya bas ni yongs su bzung ba thams cad spangs par ston to/ /rab tu 'byung bar shes zhes bya ba 'dis ni bzod pa la dam bcas
 pa nyid du ston to/ /rab tu byung ba rnams ni bzod pa'i stobs yod pa'i phyir dang/ bzod pa smra ba zhes gzhan dag la bzod pa'i man ngag ston pa nyid de/ 'di gnyis kyis rab tu byung ba rnams ni bzod pa'o/ /ngo tsha shes pa dang/ khrel yod pas kyang mi bzod pa'i
 rnam pa med par ston to/ /ring por mi thogs 'chi zhes bya ba 'dis ni/ 'jig rten pha rol dang nye ba nyid pas mi bzod pa'i 'bras bu'i rkyen byung bar nye ba'i phyir ro/ /slob dpon dpa' bos mdzad pa'i skyes pa'i rabs rgyu cher bshad pa las bzod pa smra ba'i skyes pa'i rabs
 so// //kha na ma tho ba ni rab tu smad par bya ba'o/ /yul gyi bde ba tsam gyis kyang zhes bya bas ni/ ngan ngon tsam yin pa'i phyir ro/ /yul gyi bde ba ni bsag pa dang/ bsrung ba la sogs pa'i sdug bsngal mang po'i dbyen du gyur pa'i phyir/ yul gyi bde ba tsam zhes bya
 ba'o/ /'jig rten rnams ni bag med dbang du gyur zhes bya ba ni rang gi bde ba yang mi sgrub pas so/ /bsam gtan bde bas kyang zhes bya bas kyang bsam gtan gyi bde ba khyad par du 'phags pa des kyang ngo/ /de'i khyad par du 'phags pa des ni cig shos rnam par bcad pa yin
 te/ bsags pa la sogs pa'i nyes pa dang bral ba'i phyir dang/ mthar yang bde 'gror 'gro ba'i rgyur gyur pa'i phyir ro/ /gang na gnod sems mang ba'i khams dang/ rnam par 'tshe ba mang ba'i khams dang/ 'dod pa mang ba'i khams de ni/ gnod sems dang/ 'tshe ba mang ba 'dod
 pa'i khams te/ de la bltas na'o/ /bshes gnyen pa la bsten pa'i skyon gyis zhes bya bas ni/ gzhan gyi sgra'i dring la 'jog par bstan to/ /yang dag pa ma yin pa yid la byed pa la 'dris pas zhes bya bas ni/ skyon tshul bzhin ma yin pa yid la byed pa nyid ston to/ /log par lta ba sdug po'i
 zhes bya ba ni log par lta ba yongs su ma brtags pa'i phyir/ gnyi ga'i rkyen can nyid du bstan to/ /dge ba dang mi dge ba'i las kyi rnam par smin pa ni/ 'jig rten pha rol gyi bla na med pa'i phyir/ /dge ba dang/ mi dge ba'i 'bras bu rnam par smin pa ga la yod/ /'jig rten pha rol yang med pa'i phyir ro/ /chos
 la spyod pa'i spro ba med pa gang yin pa de ni de'o/ /'di ni lha khang dang/ gtsug lag khang dang/ kun dga' ra ba dang/ rdzing bu la sogs pa byed pa'i spro ba med pa'o/ /yang na sbyin pa la sogs pa nyid chos yin te/ de dag gis bsam pa las ldog pa nyid du ston to/ /sbyin pa dang/ tshul khrims la sogs pa'i legs
 par spyad pa gang yin pa de ni/ sbyin pa dang/ tshul khrims la sogs pa'i legs par spyad pa ste/ de sgrub pa la rgyab kyis phyogs pa'o/ /'dis ni sbyin pa la sogs par spyod pa'i byed pa dang bral ba nyid du bstan to/ /ci'i phyir de de ltar gnas she na/
 de'i rgyu bstan pa'i phyir/ dge ba dang/ mi dge'i las zhes bya ba'i tshigs bcad smos so/ /dge ba'i las las ni bde ba bcu 'byung ngo/ /mi dge ba'i las las ni/ sdug bsngal 'byung ba yin no/ /pha rol ro zhes bya ba 'dis ni 'jig rten pha rol nyid du bstan to/ /sdig
 pa spangs te zhes bya ba sdig pas ni sdug bsngal 'byung ba'i phyir te/ sdug bsngal 'byung ba ni mi 'dod pa nyid kyi phyir ro/ /dge ba'i gnas la rab tu 'bad pa ni bde ba 'byung ba'i phyir te/ bde ba ni 'dod pa nyid 'byung ba'i phyir ro/ /dad pa med pa dag ni zhes bya ba
 ni dge ba la sogs pa la'o/ /ngan song lhung bar 'gyur ba ni bdag nyid do/ /bdag nyid gcig pur ma zad de/ de bzhin du 'di ltar 'jig rten rnams don med par byed pa ste/ sbyin pa dang/ tshul khrims la sogs pa las bzlog pa'i phyir ro/ /bzang po zhes bya ba
 ni yid du 'ong ba'o/ /rab tu dben pa zhes smos pas ni bag yangs su de ston pa'i phyir ro/ /gzhal med khang zhes smos pas ni bdag nyid phyogs de na 'dug pa'o/ /gzhal med khang la yang thogs pa med par 'gro bas/ rdzu 'phrul dang ldan pa nyid du bstan pa'i phyir
 khyod kyi zhabs dang phyag mdzes zhes bya ba la sogs pa'i tshigs bcad smos te/ 'di'i bsdus pa'i don ni rdzu 'phrul gyi mthus bdag nyid kyi gzugs kyang thun mong ma yin pa nyid du ston to/ /'dod chags dang/ zhe sdang gnyi smos pas ni 'dod
 chags dang/ zhe sdang gnyis po 'dod pa na spyod pa'i bsgom pas spang bar bya ba gnyis gzung ste/ tshangs pa'i 'jig rten du skye bas so/ /khang bzangs rtsig pa dag la'ang thogs pa med ces bya ba ni/ rdzu 'phrul gyis thogs pa dang bcas pa la yang thogs pa
 med par 'gro pa'o/ /sa la 'gro ba bzhin du mkha' la 'chag ces bya ba ni sa'i 'og dang/ nam mkha' la 'phur ba ste/ 'di gnyis kyis ni 'gro ba'i rdzu 'phrul bstan to/ /glog gi 'od bzhin gzi brjid phun sum tshogs zhes bya ba 'dis ni/ rdzu 'phrul gyi cho 'phrul gyi
 sprul pa'o/ /bsam gtan zhes bya ba ni lhag pa'i sems so/ /tshul khrims ni sdom pa'i tshul khrims so/ /dbang po rnams ni rab tu bsdams zhes bya ba ni/ dbang pa'i sgo bsdams pa'o/ /goms par byas pa ni/ /bsgoms pa'o/ /'bras bu grub pa 'di 'dra ba zhes
 bya ba ni/ grub pa phun sum tshogs pa'o/ /'di ji ltar zhes bya ba ni 'jig rten pha rol yod pa nyid du'o/ /'di ni rab tu gsal te zhes bya ba ni 'jig rten pha rol yod pa nyid do/ /mngon sum la sogs pa'i tshad ma gang yin pa dang/ gang gi mngon sum la sogs pa'i tshad
 ma'o/ de nyid rigs pa yin pas mngon sum la sogs pa rigs pa'i tshad ma'o/ /des gzung du 'os pa'i phyir mngon sum la sogs pa rigs pa'i tshad mas gzung du rung ba ste/ 'jig rten pha rol lo/ /'jig rten pha rol yang rnam pa gnyis te/ mi'i 'jig rten
 'di las gzhan pa'i 'jig rten 'jig rten pha rol lo/ /de rab tu grub pa ni mngon sum la sogs pa'i rigs pa'i tshad ma dag gis so/ /skye ba 'di las gzhan pa'i skye ba de yang 'jig rten pha rol zhes brjod do/ /de yod par ni lung gi tshig gis bstan pa dang/ brtag
 pa'i rim pa ni rigs pas yid ches par bya'o zhes bya ba'i don to/ /de las mi'i 'jig rten las gzhan pa'i 'jig rten yod par bstan pa'i phyir/ nyi zla skar mas brgyan pa'i nam mkha' dang zhes bya ba'i tshigs bcad smros so/ /nyi zla skar mas brgyan pa'i nam mkha' 
 dang zhes bya ba 'dis ni mi'i 'jig rten 'di las gzhan pa'i 'jig rten nyid mngon sum gyi rigs pa'i tshad mas gzung du rung ba nyid du bstan to/ /dud 'gro'i brtag pa ni/ dud 'gro brtag pa ste/ glang po che dang/ rta dang/ bong bu rnga mo dang/ bya la sogs pa'i mtshan nyid do//
 rnam pa mang po zhes bya ba ni/ rigs gcig la rnam pa mang po mdza' yas pa'o/ /'di ltar 'bu srin la sogs pa gzhan dag kyang/ de bzhin du sbyar te/ 'dis ni mi'i 'jig rten las bzhin du dud 'gro mngon sum gyis yod pa nyid du ston to//
 mngon sum du gsal bar snang ba ni mngon sum bzhin du'o/ /'di la zhes bya ba ni 'jig rten pha rol lo/ /sogs pa smos pas gzung ba'i lung dang/ rjes su dpag pa ni 'dir mi gzung ngo/ /'dir da ltar byung ba skye ba la/ 'das pa'i skye ba yod pa nyid du rigs pas
 bstan pa nyid do/ /mi'i skye ba yod pa bsgrub pa yin no/ /lung gi tshig ni phyogs gnyi ga la yang grub pa'i phyir/ lung gi tshig gnyi gar yang ngo/ /bsam gtan goms byas zhes bya ba la sogs pa'i tshigs bcad drug smos te/ skye ba 'di las 'das pa'i skye ba
 rjes su dpag pas/ yod pa nyid du bsgrub pa'i phyir bsam gtan goms byas zhes bya ba tshigs bcad 'di smos te/ da ltar byung ba'i skye ba la 'das pa'i skye ba dmigs te/ dran par snang ba'i phyir ro/ /'jig rten pha rol yod do zhes bya ba la/ 'jig rten pha rol yod
 pa nyid du sgrub pa'i phyir/ 'jig rten pha rol yod pa ni 'das pa'i skye ba yod do zhes bya ba'i don to/ /bsam gtan la goms pa dang/ dran pa gsal ba nyid kyis ni skye bar snang ba'i phyir ro/ /de bdag las kyang mngon par mi 'gyur ram zhes bya ba ni/ bdag nyid
 dpe nyid du bya'o zhes bya ba'i don to/ /bsam gtan goms byas zhes bya ba ni bsam gtan la brten nas/ sngon gyi gnas rjes su dra pa'i shes pa'i mngon par shes pa ston to/ /dran pa gsal ba zhes bya ba ni bsam gtan thob na/ tshe rabs dran pa'i rgyu nyid du
 ston to/ /de las zhes bya ba ni tshe rabs dran par snang ba dang/ tshe rabs dran pa'i phyir ro/ /lhag ma thams cad kyang 'jig rten pha rol yod pa nyid du bstan pa'i phyir/ tshigs bcad lnga smos so/ /blo gzhan song ba las blo gzhan skye ba yin te/ de bas na 'jig rten pha
 rol yod do zhes sgrub pa'i phyir/ snga ma'i blo las phyi ma'i blo 'grub na zhes bya ba'i tshigs bcad smos te/ mngal na 'dug pa'i sngon rol blo zhes bya ba ni blo sngon du byas pa la thams cad 'gyur te/ blo sngon du 'gro bar snang bas/ dper na da ltar byung ba'i mngal gyi
 snga rol du blo 'byung ba ni snga ma'i blo yin te/ de ni 'jig rten pha rol lo/ /de bas 'jig rten pha rol yod pa nyid do/ /dang pI blo ni yul yod par gyur pa'i phyir/ 'jig rten pha rol yod pa yin no zhes sgrub pa'i phyir/ shes bya rtogs par byed pa blo yin zer zhes bya ba'i tshigs
 bcad smos so/ /dang po'i skye ba'i blo ni yul yod pa nyid de/ yul med par ni bdag nyid kyis rtogs par mi snang ba'i phyir te/ da ltar byung ba'i blo lta bur ro/ /dang por blo'i yul du gyur pa de ni 'jig rten pha rol te/ de bas na 'jig rten pha rol yod do/ /dang po'i blo ni 'das
 pa'i yul gyi yin te/ ci'i phyir zhe na/ mig la sogs pa'i dbang po lnga dag med cing yid kyi rnam par shes pa yang mig la sogs pa'i dbang po gang la brten nas/ skye ba yang med pa'i phyir ro/ /kha cig 'di skad brjod de/ ji ltar shing la sogs pa sems can ma yin
 pa ston pa rnams rang gi sa bon gyi bye brag gis sna tshogs pa'i ngo bo yang yod de/ de dag la 'jig rten pha rol med pa de bzhin du sems can du bstan pa'i dngos po rnams kyang pha ma'i khu khrag gi sa bon gyi bye brag gis de de dang mthun par sna tshogs pa'i
 ngo bo nyid yod de/ 'jig rten pha rol na ni med do zhes de ltar smras pa de'i dbang du byas nas/ skye dgu'i tshul khrims la sogs zhes bya ba'i tshigs bcad smos so/ /pha ma gnyis kyi yin pas pha ma gnyis kyi'o/ /de'i rang bzhin dag dang mi mthun pa ni 'das pa'am
 tha dad pa'o/ /tshul khrims la sogs zhes bya ba la sogs pa smos pas ni gzugs bzang ba dang/ gzungs ngan pa dang/ phyug po dang/ dbul po la sogs pa'i mtshan nyid kyi dbye ba'o/ /blo bur du gyur pa med de zhes bya bas ni/ rgyu med par smra ba'i rgyu med pa'i dbye ba'i sbyor bas so//
 yang na rgyu med pa'i gang yang 'byung ba med pa'i phyir ro/ /gal te de lta yin na ni pha ma la sogs pa'i sa bon gyi bye brag las sems can rnams kyi khyad par de ltar 'jug pa med dam zhe na/ me de ci'i phyir zhe na/ tshul khrims la sogs pa'i bye brag
 pha ma'i rang bzhin dag dang mi mthun par snang ba'i phyir ro/ /'jig rten rgyang 'phan pa la sogs pa kha cig 'di skad du blo bur du sgrub pa yin no zhes smras te blo bur 'byung ba ni mi snang ba'i phyir/ 'jig rten pha rol ni yod de/ thams cad kyang rgyu dang bcas pas snang ba'i phyir ro//
 'di ltar bum pa la sogs pa la blo bur gyi dbye ba ma mthong ba'i phyir/ ji ltar nam mkha' lta bu'o/ /'on kyang lhag ma ni skye ba gzhan la goms pa'i khyad par yin te/ de bas na 'jig rten pha rol yod do/ /skyes ma thag tu sems can gyi skye ba'i rgyu sred pas byas pa'i bya
 ba la 'jug par snang ba las brtsams te/ blo'i mthu stobs zhes bya ba'i tshigs bcad smos so/ /blo'i mthu stobs shes bya ba ni/ yid kyi rnam par shes pa'i dbang du byas pa'o/ /blun po'i dbang po rnams kyang zhes bya ba ni dbang po lnga'i rnam par shes pa'o/ /ma bstan par
 zhes bya ba ni gzhan gyis bstan pa med par ro/ /btsas ma thag tu zhes bya ba ni skyes ma thag tu'o/ /blo'i mthu stobs gsal ba med ces bya ba de bsgrub pa'i phyir/ kha zas za bar rtsol bar zhes bya ba'i tshigs bcad yin te/ dang po'i chos bsgrub par bya'o/ /srid pa gzhan la
 kha zas za bar rtsol bar byas pa yin te/ ci'i phyir zhe na/ gzhan gyi bstan pa med par skyes ma thag tu nu zho 'thung bar rtsol bar snang ba'i phyir te/ goms pa'i chos rnams la 'bad pa med par 'jug pa bzhin no/ /gal te rtsol ba med par bya ba la 'jug pa med de/ srid ba
 gzhan la goms pa'i bya ba med par mi 'byung ba yin no zhe na ni pad+ma rnams kyang kha bye ba dang/ zums pa dag srid pa gzhan la goms pa'i rgyu dang bcas par khyed kyi gzhung la grub par 'gyur ro/ /'on te de ltar mi 'dod na ni zhes bya ba ni de dag de lta ma yin pa lta na ni srid pa
 gzhan la goms par byas pa'i rtags kyis skyes ma thag tu yang nu zho 'thung brtsol ba mi 'grub bo/ /lan du dus nges pa dang/ ma nges pa las 'gyur bar snang ste/ nub mo kha 'bye ba ma yin te/ nub mo kha zums shing nyin par ni bye ba yin te/ de bas na pad+ma kha bye ba dang/ zums pa
 ni dus nges par snang la/ de ltar byis pa'i rtsol ba ni mi snang ngo/ /pad+ma la ni nyi ma'i 'od zer 'bab pa'i rgyus pad+ma kha 'bye ba yin gyi/ byis pa nu zho 'thung ba'i rtsol ba ni/ rang gis byas par snang ba yin te de bas na mi 'dra ba nyid do/ /log par lta ba la blo zhen cing zhes bya ba 'dis yi bsam 
 pa nyams pa nyid du ston to/ /sdig che bas zhes bya ba ni sbyor ba nyams pa nyid du ston to/ /spyi rtol che ba la goms shing 'dzem dog med la zhes bya ba ni sbyor pa nyams pa de nyid ston pa nyid yin no/ /log par lta ba'i dug gi sgregs pa dang 'dra bar zhes bya ba ni bsam pa nyams pa'i
 rgyu nyid do zhes bstan pa de nyid do/ /bzhi po 'di dag dang ldan pa'i bsam pa nyams pa la ni sbyin pa'i dngos po ma tshang ba nyid de/ bdag nyid pa zhes bya ba 'dis ni bsam pa nyams pa nyid du ston to/ /gang gi phyir bsam pa nyams na ni/ sbyin pa'i dngos po yod kyang bu lon sbyin
 par mi byed pa'o/ /rgyu gsum gyis kyang sbyin pa sbyin par mi byed de/ skyes shing nor za ba dang/ nor skyes pa la mkhas pa dang/ mkhas pa yin yang le lo dang ldan pa'o/ /de nyid zad pa'i mdza' zhes bya ba ni phyis mi 'thob ces bya ba'i don to/ /ngo tsha shes pa zhes bya ba ni khrel yod pa ste/
 'jig rten gyi kha na ma tho bas 'jigs pas bu lon 'jal bar byed pa'o/ /rigs btsun zhing yon tan dang ldan pa gang yin pa de ni rigs btsun zhing yon tan dang ldan pa'o/ /rigs btsun zhes smos pas ni brkam pa'i nyes pa med par bstan te/ che ba nyid dang mthun par spyod
 pa'i phyir ro/ /yon tan dang ldan pa zhes bya ba ni le lo'i gnyen po ste/ le lo med pa'o/ /mkhas pa la ni mi mkhas pa'i gnyen po'o/ /dben yang zhes bya ba ni mngon sum ma yin par yang de la 'jal bar byed de/ de la dbul ba yin pas 'jal ba ste/ gang gi nor gang yin pa de'i dbul
 po'o/ /lta ba ngan par spyod pa zhes bya ba 'dis ni bsam pa dang/ sbyor ba rgud pa nyid du ston te/ 'dis ni rang bzhin ngan pa zhes bya ba de bstan to/ /mi bzad pa'i bdag gi las zhes bya ba ni mi dge ba'i las kyi lam mo/ /sems nyams zhes
 bya ba ni yid sdug bsngal gyis nyen pa'o/ /nad kyis gdungs pa zhes bya ba ni lus kyi sdug bsngal gyis gdungs pa'o/ /de la nyi zla'i 'od zer zhes bya ba dang/ med par lta ba tshe de bas phyi ma la zhes bya ba'i tshigs bcad gnyis ni grang ba'i dmyal ba'i dbang
 du byas pa'o/ /mun nag ces bya ba ni mun nag 'khrigs pa nyid kyis g.yogs pas so/ /de nges par gzung ba'i phyir/ mun nags thibs po du ba dku ba'i zhes bya ba'i tshigs bcad smos te/ yang sos zhes bya ba tsha ba'i dmyal ba'i dbang du byas pa'o/ /me mur
 'bar ba dmyal ba'i nang na gzhan dag ni zhes bya ba'i tshigs bcad smos te/ me mar mur zhes bya ba ni nye 'khor ba yin te/ sngar gtso bo'i dmyal ba bshad nas/ phyis phyi rol gyi nye 'khor gyi dmyal ba bstan pa'o/ /nye 'khor bde yang rnam pa bzhi ste/ me mar
 mur dang/ ro myags? kyi 'dam dang/ spu gri'i lam dang/ chu bo rab med de bzhi po de las nye 'khor ba'i dmyal ba me mar mur zhes bya ba yin no/ /de las thar bar 'dod pa ni de 'dod pa'o/ /des na thig nag ces bya ba'i dmyal ba de'i dbang du byas nas la la gshin
 rje gshed po ma rungs pa las zhes bya ba la sogs pa'i tshigs bcad gsum smos so/ /'bar ba'i me 'dra ba'i glang dang/ lcags de gnyis kyis dbang med par byas pa ni/ glang lcags me ltar 'bar bas dbang med byas pa'o/ /bsdus 'joms ri yis zhes bya ba'i
 tshigs bcad 'dis ni dmyal ba bsdus 'joms zhes bya ba'i dbang du byas pa ste/ bsdus 'joms zhes bya ba ri gnyis phrad pa ni bsdus 'joms ri'o/ /der lus gzir ba gang yin pa de ni bsdus 'joms ri yis kha cig lus kyang gzir ba'o/ /de yis brdzis pa ste
 bsdus 'joms kyi ri bos brdzis pa'o/ /des lus phye mar byas pa gang yin pa de ni de yis brdzis pas phyi mar lus gyur pa'o/ /lcags gtun rab tu 'bar ba'i nang dag tu zhes bya ba'i tshigs bcad gnyis ni sems can dmyal ba du 'bod dag gi dbang du byas pa'o/ /rno ga yang
 yin la lcags kyang yin pas lcags rno ba'o/ /lcags rno zhing 'bar ba'i tshe lcags kyi tsher ma rno zhing 'bar ba'o/ /de brtsub pa ni lcags kyi tsher ma rno zhing rtsub pa'o/ /la la me ma dag phung po zhes bya ba'i tshigs bcad 'di ni sems can dmyal ba tshe ba zhes bya ba'i dbang du
 byas pa'o/ /'dre ldog pa'i du 'bod ni 'dre ldog tu ngu 'bod do/ /'dre ldog ngu 'bod nyid tsam ni 'dre ldog tu ngu 'bod tsam mo/ /de nyid kyi mthu la brten pa gang yin pa de ni 'dre ldog ngu 'bod tsam gyi mthu la brten pa'o/ /kha cig sa gzhi rab tu 'bar ba la zhes bya ba dang/ lcags kyi leb
 ma dag gis kha cig dkris zhes bya ba'i tshigs bcad gnyis ni/ rab tu tsha ba'i dbang du byas pa'o/ /brgyangs shing brkyang ba'i lce gang yin pa de ni lce yang rab tu brgyangs pa'o/ /gcan gzan khro bo zhes bya ba ni gcan gzan gdug pa dag gi tshogs so/ /kha cig me 'bar bas
 gdungs gyur nas zhes bya ba'i tshigs bcad 'dis ni/ nye 'khor ba chu bo rab med ces bya ba'i dbang du byas pa'o/ /mi gtsang ro myags khud la 'tsho snyam ste zhes bya ba'i tshigs bcad 'dis ni/ nye 'khor ba ro myags zhes bya ba'i dbang du byas pa'o/ /kha cig me'i nang na lus 'bar
 zhing zhes bya ba sogs pa'i tshigs bcad gsum ni sems can dmyal ba mnar med pa zhes bya ba'i dbang du byas pa'o/ /lcags kyi rnam par gyur te/ kun tu 'bar zhing tsha bar gyur pa de ni me 'bar lcags bsregs so/ /de dang mnyam pa ni me 'bar nang na lcags sregs 'drar gyur pa'o//
 rang gi las kyi gzung zhes bya ba ni mi dge ba'i las kyis bzung ba'o/ /sgra 'byin ces bya ba ni sgra sna tshogs 'byin pa'o/ /bu lon ded du mi rung ba nyid kyi dbang du byas nas/ dmyal ba mi bzad ces bya ba la sogs pa'i tshigs bcad lnga smos so/ /de la lugs kyi rdza chen zhes bya ba'i tshigs  
 bcad 'dis ni rdza ma chen por chud pa'i phyir rang dbang med pa nyid du bstan te/ de ji ltar khyod la bu lon ded du 'gro ba'o/ /sa gzhir me 'bar du ba med pa zhes bya ba'i tshigs bcad 'di ni lcags kyi phur ba me 'bar ba lnga brgyas lus brgyangs
 pa nges rang dbang med pa nyid du ston te/ der ji ltar bu lon ded du 'gro zhes pa'o/ /rab tu mnar ba ni yongs su gdungs pa'o/ /sdug bsngal chen po myong ba ni sdug bsngal gyi tshor ba nyams su myong ba ste/ 'dir yang khyod rang dbang med pa'o/ /grang ba'i dmyal ba las
 brtsams te/ bu? yug rlung gis zhes bya ba'i tshigs bcad smos te/ rus pa dum bur brgyar zhigs pa des phongs shing sgra 'byin pa ga la yod pa de ni rus pa brgyar zhigs phongs pa'i sgra 'byin pa'o/ /gshin rje gshed pos bsad par gyur ba zhes bya ba'i
 tshigs bcad 'di ni dmyal ba thams cad kyi sdug bsngal bsdun rnam pa bdun du 'gyur te/ de bstan pa'i phyir gshin rje gshed pos bsad par gyur pa zhes bya ba'i tshigs bcad yin te/ ji ltar bsad pa zhe na/ de bsad pa'i rnam pa bstan pa'i phyir/ bsad dang
 bcad dang rdeg pa dang zhes bya ba'i tshigs bcad smos so/ /bsad pa ni rdo la sogs pas so/ /gcad pa ni ral gri la sogs pas so/ /gshog pa ni sogs le la sogs pas so/ /bsregs pa ni me 'am/ rdza ma chen po'i nang du bcug ste/ gtso bo la sogs pas so/ /gzhog
 pa ni ste'u la sogs pas so/ /brdung ba ni ban glang la sogs pa dang/ bsdus 'joms ri bo la sogs pas so/ /gzhig pa ni mdung thung la sogs pas so/ /gnod pa mang pos sdug bsngal ba ste/ de ltar bshad pa dag las ma grol ba yin na/ ji ltar nga la bu lon gzhal ba'o
 de dag bdag gis zhes bya bas ni bsad pa la sogs pas so/ /dge ba dag gi gnas ni dge ba'i gnas so/ /yang na dge ba'i gnas gang yin pa de ni dge ba'i gnas so/ /de yid mi dga' bar 'gyur te zhes bya ba'i dmyal ba'i gtam thos pas so/ /lta ba
 drang por gyur nas zhes bya ba ni de smad par bya ba'i log pa'i lta ba yongs su btang bas so/ /chos bsgrub pa'i snod ces bya ba ni mya ngan las 'das pa'i lam bsgrub pa'i snod do/ /yang na chos ni bsod nams kyi tshogs te/ de sgrub pa'i snod do/ /sngon gyi rgyal po yon
 tan dga' ba rnams zhes bya ba phyed dang po 'di ni yon tan gyi zhing bsgrub pa nyid bstan to/ /'bangs la ngang tshul snying rje ldan brtan pa zhes bya ba 'dis ni snying rje'i zhing bsgrub pa nyid bstan to/ /grags ldan zhes bya bas ni mthong ba'i chos kyi phan yon yin no//
 mtho ris 'gro zhes bya ba 'di ni 'jig rten pha rol gyi yon tan no/ /de bas na chos min thub dka' thub byed cing/ zhes bya ba 'dis ni tshul khrims kyi bsod nams kyi tshogs bstan te/ chos ma yin pa'i mi mthun pa'i phyogs las chos kyi rgyal par byed do zhes bya
 ba'i tshig gis so/ /ser sna ni chags pa ste/ de med pa ni sbyin pa las byung bar bsod nams kyi tshogs te gnyen po yin no/ /de ring du spangs pa ni gnyen po yin pa'i phyir/ sbyin pa las byung ba'i bsod nams kyi tshogs nyid du bstan to/ /rin chen mchog 'bar zhes
 bya ba des 'gro bas so/ /yang dag pa'i lta ba la 'dris pa goms pa'o/ /gnas pa ni bstan pa'o/ /blo ni 'dod pa'o/ /byis pa dag chags par byed pa ni byis pa dga' bar byed pa ste/ byis pa dga' bar byed pa des so/ /chos nyid nges pa zhes bya ba chos la nges par
 yang dag pa'i lta ba yang yin la/ dge ba yang yin pas yang dag par dge ba'o/ /yang dag pa'i lta ba dge ba des/ da ni zhes bya ba ni phyin chad do/ /'gro bar spro ba ni 'gro bar 'dod pa'o/ /yon tan dag la rtsub pa ni/ yon tan dag la mi dga' ba ste/ mi dga' 
 ba ni skye ba'o/ /lam du gyur pa'i go 'phang des/ lam du byas pa yin pas/ lam du gyur pa'o/ /go 'phang ni lam du gyur pa'i rab tu gnas pa'o/ yon tan bsgrub pa dbyig tu byos zhes bya ba 'dis ni/ sbyin pa'i pha rol tu phyin pa bstan to/ /bdag dang gzhan
 la phan 'dogs zhes bya ba 'dis ni/ bzod pa'i pha rol tu phyin pa bstan to/ /tshul khrims brtan zhing dbang po rab tu sdoms zhes bya ba 'dis ni/ tshul khrims kyi pha rol tu phyin pa bstan to/ /rab gsal zhes bya ba ni nus pa che bas so/ /yid du 'ong
 bas ni yid kyi nus pa nyid do/ /grags pa ni snyan pa'i phan pa dang ldan pa'i 'gro ba'i sdug bsngal bsal ba'o/ /de yang shing rta yod pa de ni/ shing rta dag go /bkur sti nyid sbyin pa'i shing rta gang yin pa de ni bkur sti sbyin pa'i shing rta ste/ tshul bzhin yid la byed pa'i shing
 rta dag go/ yon tan 'byung ba zhes bya ba ni yon tan skye ba yin pas yon tan 'byung ba ste/ de ni shing rta nyid de rang gi lus so/ /mi rtsub pa'i mig dang ldan pa gang yin pa de ni mi rtsub mig ldan te/ mi rtsub pa'i byams pa'o/ /sbyin pa dang dul ba ni sbyin du'o/ /de gnyis
 kyi 'khor lo gang la yod pa de ni sbyin dul 'khor can no/ /sbyin pa dang/ tshul khrims kyi bsod nams nyid 'dod pa'i bsod nams 'dod pa zhes bya ba'i don to/ /dbang po dul ba ni dbang po bsdams pa'o/ /dran pa nyid srab skyogs yin pas dran pa'i srab skyogs can no/ /blo gros
 dang ldan pa nyid lcag yin pas shes rab kyi skul ma'o/ /thos pa rgya che ba nyid kyi mtshon gang la yod pa de ni/ thos pa rgya chen mtshon no/ /ngo tsha nyid yo byad yin pas/ ngo tsha yo byad do/ /bcings pa mdzes pa'i grogs gang yin pa de ni grogs mdzes pas bcings pa'o//
 bzod pa nyid kyi gnya' shing gang la yod pa de ni mnya' shing ngo/ /'gro ba bstan pa gang yin pa de ni 'gro bas bstan pa'o/ /tshig nyid ngan pa yin pas tshig ngan no/ /de bsdams pa ni tshig ngan bsdams pa'o/ /tshig ngan ba ni brdzun du smra ba la sogs pa gang gi skyon
 rnam pa bzhi'o/ /yid 'ong tshig tsam smra bas zab ba'i smra zhes bya ba ni tshig ngan pa'i mi mthun pa'i phyogs dge ba'i las kyi lam gzung ngo/ /bsdams pa zhig pas na mtshams ma bye zhes bya ba 'dis ni yang dag pa'i 'tsho ba bstan to/ spyod pa ngan pa'i gya gyu spangs
 pas drang zhes bya ba 'dis ni yang dag pa'i las kyi mdza' bstan te/ /rgyal mtshan mtho zhes bya ba ni nyon mongs pa nye bar zhi ba mtho ba'o/ /slob dpon dpa' bos mdzad pa'i skyes pa'i rabs rgya cher bshad pa las/ tshangs pa'i skyes pa'i rabs so// //gzhan dag
 la phan pa yin pa'i phyir gzhan la phan pa'o/ /de nyid shas che ba'i sdug bsngal gang yin pa de ni gzhan la phan par byed pa'i sdug bsngal lo/ /yul ljongs thag ring du gyur ba zhes bya ba ni grong gi skye bo dang thag bsrungs pa'o/ /zhi ba zhes bya ba ni tshul khrims yin te/ lus kyi
 las kyi mtshan nyid do/ /spyugs pa zhes bya ba ni yul gyi skye bo dang bral bar byas pa'o/ /khros pa zhes bya ba ni nyes pa yod pas shes pa'i don to/ /de dag gis mi rigs pa byas pa ni nyes pa yod pas rgyal pos spyugs pa'o/ /gcom chung ba ni gzi brjid
 chung ba'o/ /nyam thag cing phongs pa'i sgra 'ba' zhig gang yin pa de ni nyam thag 'phongs pa'i sgra 'ba' zhig go /nags tshal de logs su 'ong ba ni nags tshal der mngon du phyogs te 'ong ba'o/ /gangs ri'i rtse mo 'gro shes pa 'dra ba zhes bya ba ni mdog dang mtshan
 nyid bstan to/ /ston ka'i sprin nam/ na bun gyi tshogs rlung gis bskyod pa bzhin zhes bya ba ni/ 'gros dang/ mdog dang/ tshang mthun pa bstan to/ /mdog cung zad dmar zhing snum pa gang yin pa de ni/ sna mdog cung zad dmar zhing snum pa'o/ /rdul dang nyi ma'i 'od zer
 ni rdul dang nyi ma'i 'od zer ro/ /des reg ni rdul dang nyi ma'i 'od zer gyis reg pa ste de bas na'o/ /kha dog ma rung ba gang yin pa de ni kha dog nyams pa'o/ /rid pa ste/ ci'i phyir ring pa yin zhe na/ de nyid smras pa/ mya ngan gdungs phongs zhes bya ba la ni sems kyi sdug
 bsngal lo/ /gdungs 'phongs zhes bya ba ni lus kyi sdug bsngal te/ de gnyis kyis rid par gyur pa'o/ /mi'i skad du smra zhing zhes bya ba ni/ a la sogs pa'i yi ge khyad par gyis so/ /mi 'jigs pa'i sbyin par khas len pa zhes bya ba ni nga las khyed 'jig pa mi
 'byung gis ma 'jigs shig ces bya ba'i tshig gis so/ /dga' ba byed pa zhes bya ba ni khyed cag su zhig /ci'i phyir 'di ltar gyur cing 'di na 'khod ces bya ba la sogs pa gang bstan pa de nyid de/ tshig 'di gnyis kyis don bstan pa'o/ /khro
 pa'i rlung langs zhes bya ba bdag nyid la skyon med par rgyal pos spyugs pa nyid du bstan to/ /skal ba lhag ma zhes bya ba 'dis ni bdag nyid 'tsho ba nyid du re ba'o/ /lha dpal mngon du zhes bya ba ni de mthong bas bdag nyid de dga' ba nyid du ston te/ bshes pas kyang/
 lhag pa mthong ba'i phyir/ skal ba lhag ma yod pa'o/ /gnyen pas kyang lhag ma mthong ba'i phyir ni/ lha dpal mngon du gyur pa'o/ phongs pa 'di las zhes bya ba ni 'brog dgon pa sdug bsngal zhing 'phongs pa'o/ /snying rje med cing zhes bya ba ni snying dang mi ldan pa'o/ /'dzem?
 pa med par ni khrel med pa ste/ 'jig rten gyi brjod pa la mi lta ba'o/ /phyi tshe mi sems shing zhes bya ba 'dis ni/ bdag nyid la bltos pa nyid du ston to/ /ngan song du 'gro bar mi sems pa'i phyir/ rang la phan pa la mi lta ba ste/ 'dis ni mngon par mtho ba dang/ nges
 par legs pa yod pa'i mtshan nyid dag la phan pa la mi sems pa nyid du ston to/ /bdag la phan pa la mi lta zhing/ tshe phyi ma la mi sems pa'i rgyu'i dbang du byas nas/ smras pa/ rgyal po'i dpal glog ltar mi brtan pa dang/ /dbang po phrogs pa'i phyir ro/ /yang
 na snying rje med cing zhes bya ba la sogs bzhi'i rgyu bstan pa yin te/ rgyal po'i dpal mi brtan pa dang/ dbang po phrogs pa'i phyir ro/ /yang na rang la phan pa la bltos pa med pa'i rgyu ni rgyal po'i dpal mi bstan pas dbang po phrogs pa'i phyir ro//
 gzhan gsum ni snying rje med cing mi 'dzem pa dang/ tshe phyi ma mi sems pa la sogs pa'o/ /'chi bdag de'u re 'ong bar de mi sems zhes bya ba la sogs pa'i tshigs bcad gnyis kyis bstan te/ 'chi bdag de'u re 'ong bar de mi sems zhes bya ba'i
 tshigs su bcad kyi dang po phyed kyis ni/ tshe phyi ma la mi sems pa'i rgyu gnyis yin te/ tshe phyi ma mi sems pa'i blo yod par mi 'gyur ba ni/ 'chi ba nye bar gnas par mthong ba'i phyir dang/ 'chi ba yod kyang sdig pa yod par ma shes pa 'am/ thos pa'o/ /'dzem
 pa med pa'i rgyu bstan pa ni tshigs bcad phyed bstan pa yin te/ gnyi ga'i rgyus kyang 'dzem pa med pa ste/ phan par ston pa'i dge ba'i bshes gnyen med pa'i phyir/ rnam rtog zhen pas gdams su med pa'am/ mgon med pa 'gyur pas so/ /snying rje med pa'i rgyu
 bstan pa'i phyir/ nad kyi gzhi gyur ces bya ba smros te/ lus zhes bya ba'i des ni gtsang ba nyid du bstan to/ /gcig pu zhes bya ba 'dis ni bdag po dang bral ba'i phyir/ bdag med pa nyid du bstan to/ /nad ces bya ba ni sdug bsngal nyid du bstan to/ /chud za ba'i
 zhes bya ba 'dis ni mi rtag pa nyid du bstan to/ /kyi hud gti mug ces bya ba 'dis ni/ ma rigs pas nye bar bcom pa ste/ zil gyis gnon pa nyid du ston te/ sems can rnams ni phyin ci log rnam pa bzhis phyin ci log pa nyid du bstan to/ /nad mang
 brgya'i gnas shes pa ni gang gi sdug bsngal dang ldan pa bstan to/ /lus 'di sdug bsngal nyam thag pa zhes bya ba ni/ sdug bsngal gyis nyam thag pa gzhan dag go/ 'di rnams 'phongs las bsgral ba'i gzings gyur pa zhes bya ba ni sdug bsngal las
 bsgral ba'i gzings te/ sdug bsngal gyi lus kyi rgyus gzhan sdug bsngal las bsgral bas 'bras bu dang bcas pa nyid du bya'o zhes bya ste/ des na byang chub sems dpa' i lus sdug bsngal mang po'i gnas yin pa de bzhin du/ 'di dag lus kyang
 yin no/ /ci'i phyir lus 'di bsgral ba'i gzings su gyur pa zhes bya ba'o rgol ba'i skabs shes par byas nas/ rang dang gzhan gyi lus kyi khyad par rdzun pa'i phyir/ mi'i lus su skyes pa'i sa shes bya ba'i tshigs bcad smos so/ /mtho ris thar pa'i bde
 ba thob par nus pa zhes bya ba 'dis ni mi'i lus kyis mngon par mtho ba dang/ nges par legs pa thob par nus pa nyid du ston to/ /bdag gi mthong ba'i chos kyi lus kyis ni mi nus pa nyid du ston to/ /'di ltar gyur pa la phan 'dogs
 pa yang shin tu dkon zhes bya ba la 'di dag ces bya ba ni mi skye ba'o/ /'di ltar zhes bya ba ni da ltar byung ba'i dge ba des med pa nyid du ston to/ /bdag ni rnyed par sla ba ste/ mi'i skye ba la bsod nams kyi tshogs goms par byas pas skye ba gzhan gyi rgyu bstan pa'i
 phyir/ bdag gi spyod yul gnas su lhags par gyur ces bya ba'i tshigs bcad smos te/ 'di 'dra ba'i 'gron byas bsod nams byas pas 'thob ces bya ba'o/ /gal te bdag gis bos te/ 'dir 'ongs pa ma yin na yang bsod nams byas pas 'thob ces bya ba
 yin te/ ci'i phyir zhe na/ spyod yul gnas su lhags par gyur pa'i phyir te/ rang gis don du gnyer ba bstan to/ /phongs shing nyam thag gyur ces bya ba ni sdug bsngal ba nyid do/ /gnyen dang bral ba zhes bya ba ni rjes su 'brang ba med pa bstan to/ /rgyu 'di gsum
 gyis ni de snying rje'i gnas su bstan te/ don du gnyer ba dang/ sdug bsngal ba dang/ rjes su 'brang ba med pa ste/ de bas na bskyab pa'i rigs zhes bya ba'i don to/ /sdug bsngal mang po'i gnas zhes bya ba la ci'i phyir zhe na/ rtag tu na ba'i phyir te/ lhan cig
 skyes pa'i sdug bsngal gyis so/ /nyon mongs pa mang po'i gzhi zhes bya ba ni/ gnod pa sna tshogs skye ba'i nyon mongs pa'i gzhi yin pa'i phyir ro/ /de nas de dag la kha cig ni zhes bya ba'i tshig gis ni/ sems mi brtan pa'i dbang du byas pa'o/ /bdag
 cag mgon med rnams kyis mgon zhes bya ba'i tshigs bcad ni/ sems stobs bar ma'i dbang du byas pa'o/ gzhan ni sems rab tu brtan pas zhes bya ba la sogs pa ni sems brtan pa'i dbang du byas pa'o/ /bde 'gro thob phyir zhes bya ba ni mi
 nyid du skye ba'i phyir ro/ /mi dbang gdugs cig dpal phyir zhes bya ba ni/ rgyal srid kyi phyir yang ma yin zhes bya ba'i don to/ /mtho ris bde mchog myong ba'i phyir ma yin zhes bya ba ni/ 'dod pa na spyod pa'i mngon par mtho ba thob pa'i phyir yang ma yin no/ /tshangs pa'i gnas
 phyir ma yin zhes bya ba ni/ gzugs dang/ gzugs med pa na spyod pa'i mngon par mtho ba thob pa'i phyir yang ma yin pa'o/ /thar pa'i bde phyir min zhes bya ba ni/ nyan thos dang/ rang sangs rgyas kyi phyir yang ma yin pa'o/ /g.yang sar ltung ste zhig na ni 'chi ba'o/ /de
 gnyis kyis byas pa'i sdug bsngal ni g.yang sar ltung ste zhig nas 'chi ba'i sdug bsngal lo/ /de la mi lta ba gang yin pa de ni g.yang sar ltung ste zhig nas 'chi ba'i sdug bsngal la lta ba'o/ /sa phyogs de zhes bya ba ni de dag la sngar phyogs gang bstan pa'i phyogs der
 zhes bya ba'i don to/ /gangs ri'i rtse mo zhes bya ba ni gangs ri nas lhung ba de'i gangs ri'i rtse mo nyid do/ /gnam grum pa'i sgra gang la yod pa de ni/ gnam grum sgra bzhin no/ /ma btags zhes bya ba ni dpag bsam gyi shing las byung ba zhes bya ba'i don to/ /me tog
 ku mang spungs ltar mdzes/ /zla ba'i 'od zer spungs pa bzhin zhes bya ba de de gnyis kyis mdog bstan to/ /'di na de'i gzugs brnyan zhig ces bya ba 'dis ni/ kha dog dang/ dbyibs gnyis mnyam par bstan to/ /bdag cag rnams kyi cho rigs dang/ tshul dang/ dang
 ba ci 'dra zhes bya ba 'dis ni/ yon tan dang/ phan gdags pa'i zhing nyid ma yin zhes bya ba'i don to/ /yang na yon tan gyi zhing nyid ma yin pa'o/ /cho rigs shes smos pas ni bram ze'i rigs ni 'jig rten pa rnams kyis bkur ba'i gnas yin pa'i phyir/ de yang ma
 mthong ba'o/ /ngang tshul zhes bya ba ni yon tan gyi zhing nyid du bstan to/ /dad pa zhes bya ba ni phan 'dogs pa'i zhing nyid du bstan to/ /skal mnyam zhes bya ba ni snying rje'i zhing nyid du bstan to/ /ma thos par zhes bya ba ni ma 'dris par zhes bya ba'i don to/ /phongs shing nyam thag ces bya
 ba ni sdug bsngal ba nyid/ 'jigs pa mya ngan gdungs zhes bya ba ni rjes su 'breng ba med ba'o/ /spyod bzang 'di 'dra gang du bslabs shig gu zhes bya ba ni mkhan po gang yin pa'i don to/ /bla ma gang la gnas nas bsnyen bkur byas zhes
 bya ba ni dpon gang la bsnyen bkur byas pa'o/ /de ni 'di las mngon zhes bya ba ni gzugs dang rjes su mthun pa nyid kyis yon tan mngon pa'i don to/ /gzugs dang rjes su mthun pa'i yon tan gang yin pa smras pa/ de 'dir de nyid mngon sum du mthong ba yin
 te/ yon tan dang ldan pa de ni gang du bslabs zhes bya ba dang sbyar ro/ /rang bzhin yang yin la 'phags pa yang yin pas rang bzhin 'phags pa'o/ /de'i phun sum tshogs pa de ni rang bzhin du 'phags pa phun sum tshogs pa'o/ /yang na rang bzhin 'phags
 pa nyid phun sum tshogs pa yin pas rang bzhin 'phags pa phun sum tshogs pa'o/ /rang bzhin phun sum tshogs pa des don bzhin bsgrub pa'i mthun pa yin pas don bzhin no/ /de bsgrubs pa zhes bya ba ni bzang po zhes bya ba glang po che bdag nyid gang
 yin pa de ni don bzhin bsgrubs zhes bya ba 'dis bstan to/ /gang gi rang bzhin phun sum tshogs pa yin pa dang/ ji ltar rang bzhin phun sum tshogs pa yin par shes par bya zhe na/ de nyid kyi phyir smras pa/ 'di ltar shi bar gyur na ni dgon pa bzhin du shes
 pa'o/ /spyod bzang 'di 'dra gang du bslabs zhig gu zhes bya ba bstan pa de la de'i spyod pa bzang po bsgrub pa'i phyir/ kye ma'o rang bzhin 'phags pa phun sum tshogs zhes bya ba'i tshigs bcad smos pa yin no/ /gnyen dang gshes ni gnyen bshes so/ /de nyid byams
 pa yin pas gnyen bshes byams pa'o/ /de dag las khyad par du gnyen bshes pa gang yin pa de ni gnyen bshes byams pa bas kyang lhag pa ste/ 'dis ni bsam pa phun sum tshogs pa bstan to/ /phan 'dogs pa bdag cag la phan pa'i phyir zhes bya ba ni sngar
 bstan ba'i dbugs phyung zhes bya ba de nyid bstan to/ /rang gi srog gi bsal te rab tu legs pa byed byed pa zhes bya ba ni gang de bdag nyid yongs su btang ba de nyid bstan to/ /de ltar mchod par mi 'gyur ro zhes bya ba ni sngar bstan pa 'di la mchod par bya ste zhes bya ba de
 nyid yin no/ /bkur sti byas pas mi 'gyur gyi zhes bya ba ni gang sngar bstan pa'i mer bsreg pa'i zhal te byos zhes bya ba de nyid bstan pa yin no/ /'di'i bsam pa rdzogs par bsam zhes bya ba ni gang gi bsam pa yin zhe na/ bdag yongs su btang ba'i bsam pa rdzogs
 par bya ba'o/ /mchod pa byas par 'gyur zhes bya ba ni mchod pa bsgrubs par 'gyur ro zhes bya ba'i don to/ /'di'i bsam pa rdzogs par bya'o zhes bstan pa la/ bsam pa gang yin pa de bstan pa'i phyir/ bdag cag rnams ni
 bsgral pa'i phyir zhes bya ba'i tshigs bcad smos so/ /bdag cag rnams kyi bsgral ba ni bdag cag rnams bsgral ba'o/ /de'i ched du gtong ba'i tshul gang la yod pa ni bdag cag bsgral ba'i phyir ro/ /rab tu phangs pa'i lus btang ba zhes bya ba yin te/ ci'i phyir zhe na/ rab
 tu gces pa'i mgron bya ba'i phyir ro/ /de bas de'i bsam pa rdzogs par bya ba ni bdag bsgral ba'i bsam pa ste/ dgon pa las bsgral ba'i phyir ro/ /bdag cag rnams kyi bya ba'i rigs zhes bya ba ni rigs pa yin pa'i phyir/ de bas na bsam pa nyid bdag cag rnams
 kyi bya ba'i rigs te/ dgon pa 'di las brgal bar bya'o zhes bya ba'i don to/ /gzhan du byas na zhes bya ba ni gang sngar bstan pa'i mchod pa byas te/ mer sreg ba'i zhal ta byas la zhes bya ba de yin te/ 'di nas bsgral ba'i phyir lus btang ba yin no/ /ci'i phyir zhe na/
 ma 'dris pa'i phyir ro/ /'dris pa dag la ni 'dris pa la ltos pas phan 'dogs par byed pa yin te/ de bas na 'dris pa'ang med do/ /bdag cag rnams bsgral ba 'di la yon tan ci yod ce na/ smras pa/ des na las shin tu gces pa yin yang btang ba ni rab tu gces
 pa'i mgron yin pa'i phyir te/ lus pas kyang rab tu gces pa ni mgron yin pa'i phyir lus btang ba'o/ /bsam pa ni bdag cag bsgral ba'i bsam pa ste/ rab tu gces pa'i mgron yin pa'i phyir lus btang ba yin no/ /de bas na
 gzhan du na zhes bya ba ste/ de'i bsam pa ma byas par gyur na ni byas pa don med par 'gyur ro/ /rab tu gces pa'i mgron la rab tu 'phangs pa'i lus btang ba byas pa'i 'bad pa'o/ /de ltar re zhig byang chub sems dpa' las rjes su ma blangs na rigs pa ma yin pa
 nyid du bstan nas/ da ni bdag cag nyid kyis ma blangs pa mi mthun pa nyid du bstan pa'i phyir/ 'di yis byas te ci bdog pa zhes bya ba'i tshigs bcad smos te/ gzhan du byas na don med 'gyur zhes bya ba'i don med pa nyid sgrub pa'i phyir ro/ /byams pa zhes bya ba
 ni bsam pa phun sum tshogs pa'o gci bdog pa zhes bya ba ni sbyor ba phun sum tshogs pa'o/ /bdog pa thams cad ces bya ba ni sbyin par bya ba'i dngos po phun sum tshogs pa'o/ /bdag cag rnams kyis ma blangs na don med par 'gyur ba'i phyir/ bdag cag 
 rnams kyis ma blangs na'o/ /de gang yin zhe na/ de ni mgron no/ /de las ci zhig bkur sti bya zhes bya ba ni sngar bstan pa'i me la spyad ba des bu lon med pa ste/ des mes ma bsregs pa nyid du ston to/ /gal te ma blangs pa dang/ me la sbyangs pas ma sregs na/ de
 lta na bkur sti ci zhig byas pa yin zhe na/ de bstan pa'i phyir/ de bas de la bla ma bzhin zhes bya ba'i tshigs bcad smos so/ /de bas na zhes bya ba ni ma blangs shing don med pa des mgron gyi bsnyen bkur med pa'i phyir/ de las gzhan pa de'i tshig mnyan par
 byas na bkur sti nyid du bstan par 'gyur ro/ /bkur sti chen po bya ba tsam du ma zad de/ de bdag la phan par 'gyur ba'i phyir yang/ bkur sti chen po bya ba'i rigs te/ de'i tshig mnyan par bya bas so/ /gal te khyed cag gis de la byas pa gzo ba'i phyir/ de la
 mchod pa byas na yang de bzhin du bya zhing mngon par mchod pa'i cho ga'i thabs bstan pa'i phyir/ sdug bsngal 'di las thar nas zhes bya ba'i tshigs bcad smos te/ sdug bsngal 'di las thar pa zhes bya ba ni 'brog dgon pa 'di'i sdug bsngal thar pa'o/ /tshogs pa ni 'dus
 par 'gyur ba'o/ //de dag gi tshig ni de dag gi tshig go/ /slob dpon dpa' bos mdzad pa'i skyes pa'i rabs rgya cher bshad pa las/ glang po che'i skyes pa'i rabs so// //sdom la/ byang chub dad pa byang chub che/ /spre'u ri dwags sha ra b+ha/ /ru ru spre'u
 rgyal bzod pa smro/ /tshangs dang glang chen de dag bcu/ sdom 'di ni 'jig rten du grags pa yin te/ skyes pa'i rabs bcu po 'di dag gi go rims bdag gis ni 'di ltar mthong ngo/ /byang chub dad pa byang chub che/ /sha ra ru ru spre'u dang/ /bzod pa smra dang spre'u rgyal dang//
 glang chen tshangs pa de dag bcu/ 'dir skyes pa'i rabs bcu po 'di dag gi go rims kyi rgyu yang bzod pa'i pha rol tu phyin pa'i dbang du byas pa ste/ gzhan gyis gnod pa byas pa la mi brjed pa'i bzod pa dang/ sdug bsngal la ji mi snyam pa'i bzod pa dang/ chos la
 nges par sems pa'i yod pa'o/ /de la chos la nges par sems pa'i bzod pa'i dbang du byas nas/ tshangs pa'i skyes pa'i rabs yin te/ chos la nges par sems pa'i bzod pa ni/ zab cing rgya che ba'i chos dag la 'dod cing mi skrag pa'o/ /bzod pa de yang byang chub
 sems dpa' la yod pa yin no zhes ji ltar shes par bya zhe na/ bdag nyid mngon par 'dod pa'i lta ba de la gzhan yang rab tu 'god pa yin pa'i phyir/ chos la nges par sems pa'i bzod pa de ni tshangs pa'i skyes pa'i rabs kyis brjod pa yin no/ /gzhan du na
 ji ltar skyes pa'i rabs 'di bzod pa'i pha rol tu phyin pa'i skyes pa'i rabs su bshad/ gal te 'di ltar blo skye bar 'gyur te/ skyes pa'i rabs de nyid du bstan pa'i bzod pa'i pha rol tu phyin pa ste/ mtshan nyid du bshad pa'i skyes pa'i rabs 'di ni rigs pa yin
 no zhe na/ de yang mi rigs pa nyid de/ ci'i phyir zhe na/ bzod par gong nas gong du khyad par du bstan pa'i skyes pa'i rabs kyi go rims rnam par bzhag pa'i phyir te/ bzod pa'i tshig de ni zhar la byung ba'i phyir ro/ /gtso bor ni rang bzhin gyis
 lta ba ngan pa la zhen pa 'gyur pa la lhag par snying brtse ba yin te/ de bas na tshangs pa'i skyes pa'i rabs ni chos la nges par sems pa'i dbang du byas pa nyid do/ /spre'u'i rgyal po dang/ glang po che'i skyes pa'i rabs su ni sdug bsngal la ji mi snyam pa'i bzod pa'i
 dbang du byas pa'o/ /gnyis po de dag las kyang gnod par gyur pa'i sdug bsngal la ji mi snyam pa'i bzod pa'i pha rol tu phyin pa'i dbang du byas pa ni sbre'u'i rgyal po'i skyes pa'i rabs su bstan te/ mi bzod pa med pa'i phyir bzod pa'i dbang du byas pa ste/ gnod
 par byed pa'i rgyal po la bzod par bya ba ni/ 'brel pa med pa'i phyir dang/ rgyal po nyid kyang phan pa byed par 'jug pa'i phyir ro/ /glang po che'i skyes pa'i rabs su ni g.yangs nas ltung ba'i sdug bsngal dang/ 'chi ba'i sdug bsngal la ji mi snyam pa'i dbang du
 byas pa ste/ ma 'bris pa'i skye bo la rjes su brtse ba'i phyir ro/ /de las gzhan pa skyes pa'i rabs bdun gyis ni gnod pa byas pa mi brjed pa'i dbang du byas pa'o/ /gnod pa byed pa la yang rnam pa gnyis te/ bdag dang 'brel ba dang/ bdag la gnod pa byas
 pa'o/ /bdag dang 'brel pa la gnod pa byed pa'i dbang du byas nas/ gtsug phud byang chub kyi skyes pa'i rabs su rgyal po des rang gi chung ma 'phrog par byed pa'i gnod pas 'jug pa'i phyir ro/ /bdag la gnod pa byed pa la yang rnam pa gnyis te/ rnam par
 'tshe ba'i gnod pa dang/ gsod pa'i gnod pa byed pa'o/ /de las rnam par 'tsho ba'i gnod pa'i dbang du byas nas/ ngang pa dang/ byang chub chen po'i skyes pa'i rabs su bstan te/ lus dang/ sems la nye bar gnod pa'i rang bzhin yin pa'i phyir ro/ /ngang
 pa'i bskyes pa'i rabs su ni gnyis gzung bas lus kyi 'tshe ba la 'jug pa'i gnod pa las bzod pa'o/ /byang chub chen po'i skyes pa'i rabs su ni sems la gnod pa yin te/ brnyas pas nye bar gtses pas 'jug pa'i gnod pa la bzod pa'o/ /gsod pa'i gnod
 par byed pa'i dbang du byas nas skyes pa'i rabs lhag ma bzhi yin te/ gsod pa'i gnod pa la yang rnam pa gnyis te/ gsod pa'i gnod pa byed par sbyor ba dang/ gsod pa'i gnod pa byed par sbyor ba'o/ /de las gsod par sbyor ba'i gnod pa byed pa'i dbang du
 byas nas/ sha ra b+ha dang/ ru ru dang/ spre'u yis skyes pa'i rabs so/ /de la sha ra b+ha'i skyes pa'i rabs su ni bdag nyid kyis mda''phan pa dang/ gnod pa ma byas te/ phan btags shing rgyal po la bzod pa ste/ sbyor ba byed pa la bzod pa byed pa'i dbang du byas
 pa'o/ /ru ru dang/ spre'u yi skyes pa'i rabs su ni byang chub sems dpa' de gnyis la phan btags pa yin du zin kyang gnod pa byed par 'jug pa de gnyis la bzod pa'i phyir ro/ /'di gnyis la khyad par ni 'di yod de/ ru ru'i skyes pa'i rabs su ni rgyal
 po byang chub sems dpa' la gsod par sbyor bas sbyor du bcug par bstan te/ /bdag nyid kyis ni gsod par sbyor ba ma brtsams so/ /spre'u yi skyes pa'i rabs su ni byang chub sems dpas phan btags pa byas pa gang yin pa de la bdag nyid kyis gsod par
 sbyor ba rtsam pa'o/ /de nyid kyi phyir ru ru'i skyes pa'i rabs su mthong ba'i chos nyid la lag pa chad par ston pa yin no/ /de bzhin du spre'u yi skyes pa'i rabs su yang bdag nyid gsod par rtsom pa yin pas mdze'i nad kyis de ma thag tu zil gyis mnan
 to/ /da ni bzod pa smra ba'i skyes pa'i rabs su ni bdag nyid gsod par rtsom pa yin pa'i phyir/ de ma thag tu rims nad me bzhin 'bar zhes bya ba dang/ sa gas nang du zhugs zhes bya ba'o/ /gtsug phud byang chub kyi skyes pa'i rabs su ni/ byang chub sems
 dpa' la gnod pa byed pa'i rgyal po mthong ba'i chos nyid la mi sdug pa'i rnam par smin pa ma thob pa ste/ byang chub sems dpa' la zhe sdang ba med pa'i phyir dang/ khyim thabs dang chung ma phral ba med pa'i phyir ro/ /dad pa'i skyes
 pa'i rabs su yang sdig pa'i bsam pa med pa'i phyir dang/ byang chub sems dpa' i yon tan brjod pas phrad par 'dod pa des byang chub sems dpa' la gnod pa byas kyang mi 'dod pa'i 'bras bu ma thob pa'o/ /byang chub chen po'i skyes pa'i rabs su ni rgyal po la
 sdig pa ni bsam pa med pa de dang/ ma gus pa'i nyi tshe tsam du zad pa'i phyir mi 'dod pa'i 'bras bu med do/ /sha ra b+ha'i skyes pa'i rabs su yang rgyal po la sdig pa'i bsam pa med pa dang/ gnod pa'i sbyor ba nyi tshe tsam yod pa'i phyir dang/ byang chub sems dpa' la
 gnod pa byed par sbyor ba yang byang chub sems dpa' yin par sngar ma shes pa dang/ rgyal pos gnod pa ma byas pa'i phyir mi 'dod pa'i 'bras bu med do/ /de nyid kyis 'di dag ni bzod pa chung ba yin pa'i phyir dang por smos pa yin no/ /skyes pa'i rabs 'di dag
 las gzhan ru ru dang/ spre'u dang/ bzod pa smra bar skyes pa'i rabs phyis bkod pa ni go rims bzhin du khyad par du gyur pa'i phyir te/ byang chub sems dpas phan brtags pa la gnod pa la byed pa la phyi ma gsum yin te/ mi 'dod pa'i 'bras bu rnam par
 smin pa yin te/ sems go skabs med pa nyid do/ /byang chub sems dpa' la ni gnod pa med pa'i phyir dang/ bsam pa ngan pa med pa'i spre'u'i tshogs de dag gis byang chub sems dpa' la brdzis pa yin na yang byang chub sems dpas gnang ba nyid
 yin gyi/ gzhan du ma yin pas mi 'dod pa'i 'bras bu med pa nyid do/ /skyes pa'i rabs gzhan dag kyang sems kyi go skabs med pa nyid do/ /go rims de ltar bkod par gyur na ni bzod pa sgom pa la 'jug pa rnams kyi bzod pa'i rnam pa go rims
 bzhin du bstan par 'gyur te/ /de bsgrub pa'i thabs bstan par rigs pa yin no/ /skyes pa'i rabs 'di dag gi go rims 'di bzhin du rigs par bya ste/ gal te phyogs su mi 'dzin pa dag yang na yang 'di bzhin du glegs bam dag tu bri bar bya'o/ /bzod pa'i
 tshogs te sde tshan gsum pa rdzogs so// //ji ltar phrad kyang rung ste zhes bya ba ni mi dge ba mngon par 'dod pa 'am/ dge ba mngon par 'dod pa zhes bya ba'i don to/ /rab tu grags pa'i rigs dang dpal dang ldan pa zhes bya ba 'dis gnyis kyis ni
 gtso bo'i nus pa bstan to/ /yon tan yongs su 'dzin par byed pas 'bangs rnams ni glo ba nye ba zhes bya ba 'dis ni gsang tshig gi nus pa bstan to/ /gzi byin che bas rgyal phran dregs pa rnams phyag 'tshal bar gyur pa zhes bya bas ni spro ba'i nus pa bstan to/ /yon tan
 brgya'i 'od zer gyi phreng ba ni yon tan brgya'i 'od zer gyi phreng ba'o/ /'od zer brgya dang ldan pa gang la yod pa de ni yon tan gyi 'od zer brgya dang ldan pa'o/ /zla ba bzhin du mthong na dga' ba gang yin pa de ni/ zla ba dang 'dra bar mthong na dga' ba'o/ /de nyid kyi phyir/ bu zla ba zhes
 bya ba yin te/ zla ba dang 'dra ba'i phyir bu zla ba zhes btags te/ de'i ming yon tan dang ldan pa nyid du ston to/ /legs par phan 'dogs pa zhes bya bas ni/ mi dge ba'i chos ma skyes pa rnams mi skyed pa dang/ mi dge ba'i chos skyes rnams spang ba nyid du ston to/ /sdud
 pa la mkhas pa dang/ gus pa je che je cher gyur pa dang zhes bya bas ni dge ba'i chos bskyed pa dang/ skyes zin pa rnams phyir zhing bsgom pa nyid du bstan pa yin no/ /yongs su bskyangs pa la nges par byed pa'i phyir zhes bya ba ni dge ba'i chos rnams bsgom par bya'o zhes bstan
 to/ /de nyid kyi phyir skyes pa'i rabs 'di ni brtson 'grus kyi pha rol tu phyin par stan pa'i phyir yin te/ mi dge ba'i chos ma skyes pa rnams mi skyed pa dang/ skyes zin pa nams spangs pa nyid du ston te/ mi dge ba'i chos spangs pa med par ni dge ba'i chos skyes pa dang/ 'phel ba dang
 gnas pa med pa'i phyir ro/ /yon tan gnyen dang 'dra bar gyur to zhes bya ba bstan pa la 'gro ba rnams kyis gnyen de gang yin zhe na gnyen dang 'dra ba de nyid bstan pa'i phyir/ tshul khrims thos dang zhes bya ba'i tshigs bcad smos so//
 yang na gzhan dang mngon par 'brel pas yon tan gyi 'od zer brgya dang ldan pa zhes bshad pa'i yon tan gang dag yin zhe na/ tshul khrims thos dang gtong dang snying rje dul zhes bya ba'i tshigs bcad smos so/ /de dang de dag ces bya ba ni yon tan gzhan dag
 dang yang ldan pa nyid du ston to/ /yon tan yod pa ni zhes bya ba ni yon tan nyid yod pa yin te/ de'i yon tan mang po zhes bya ba'i don to/ /lang tshor gyur pa'i rgyun gyis brgyan pa bzhin zhes bya ba ni/ byang chub sems dpa' i rgyan gyis brgyan pa'i lang tsho bzhin
 du zhes bya ba'i don to/ /lang tsho ni da ltar byung ba'i yon tan gyis mdzes pa yin te/ de bas na yon tan lang tsho'i rgyan gyis brgyan pa nyid do/ /yang na lang tshor gyur pa'i rgyan gyis brgyan pa bzhin du yon tan gsar ba dag gis rab tu brgyan pa ste/ de bas
 na lang tshor gyur pa'i rgyan gyis brgyan pa zhes brjod do/ /rnam par dag pa yang yin la rgya che ba yang yin pas rnam par dag cing rgya che ba'o/ /rnam par dag pa dang/ rgya che ba gnyis kyi yid du 'ong ba de ni rnam par dag cing rgya che ba yid du 'ong ba ste/ de
 bzhin du de'i yon tan rnams so/ /gnas su gyur ces bya ba ni yon tan gyi 'od zer brgya dang ldan pa'i gnas su gyur pa'i phyir te/ 'dis ni gsang tshig gi nus pa bstan to/ /'bangs rnams skyod nus pa dang zhes bya ba 'dis ni spro ba'i nus pa bstan
 to/ /ma 'jungs shing rang bzhin bzang ba'i phyir zhes bya ba 'dis ni rgyu phun sum tshogs pa bstan to/ /rang bzhin dang rgyu dang sa bon zhes bya ba ni don gzhan ma yin te/ 'dis ni de nyid kyi phun sum tshogs pa bstan to/ /dang po 'di gnyis kyis ni
 skyes bu'i byed pa phun sum tshogs pa'o/ /rgyal tshab kyi longs spyod ces bya ba ni bdag po'i nus pa byed du bcug ces bya ba'i don to/ /rab tu mkhas pas zhes bya ba ni sngar bstan pa'i thos pa dang/ shes rab dang/ yid gzhungs shing mngon par brtson pa'i
 sbyor bas so/ /mkhas pas chos ldan zhes bya ba ni don dang 'dod pa dang yang ldan pa yin no/ /legs par smra ba la ji ltar byed ce na/ mchod pa khyad par can gyis zhes bya ba yin te/ des na de nyid kyi phyir te/ legs par bshad pa la dga' ba'i phyir ro//
 dpyid zla'i dus la bab pa zhes bya ba ni me tog 'byung ba'i dus kyi zla ba la bab pa'o/ /shing lo rnams mdzes shing 'jam por gyur pa gang yin pa de dag ni dpyid zla'i dus la bab pa'i mthus shing lo rnams mdzes shing 'jam por gyur pa'o/ /me tog nyid kha 'bus
 pas sdug cing/ dgod pa ltar gyur pa gang yin pa de ni me tog sdug gu kha 'bus pa rnam ni dgod pa bzhin no/ /ne'u sing sngon po ni ne'u sing sngon po'o/ /de nyid kyis ri mo bkram pa lta bu yin pas ne sing sngon po gsar pa rnams kyis ri mo bkram pa'o/ /des
 sa gzhi mdzes par byas pa gang yin pa de ni/ sa gzhi ne'u sing sngon po gsar pa rnams kyis ri mo bkram pa bzhin du mdzes par byas pa'o/ /yid dga' ba 'byung ba yin pas yid dga' ba skye ba'o/ /skyed mos tshal na lding khang yod pa de ni lding khang skyed mos
 tshal lo/ /yid du 'ong ba'i lding khang gi rgyan skyed mos tshal gang la yod pa de ni lding khang rgyan can skyed mos tshal lo/ /bud med rnams kyi glu sgra snyan dang 'brel zhes bya ba ni rna ba'i yul gyi longs spyod kyi dbang du byas pa'o/ /'dzum la mkhas pa zhes bya ba ni mig gi
 yul gyi longs spyod kyi dbang du byas pa'o/ /yan lag mdzes bsgyur ba'i zhes bya ba ni reg bya'i longs spyod kyi dbang du byas pa'o/ /bzang mo mdzes par zhes bya ba ni yid kyi longs spyod kyi dbang du byas pa ste/ de ltar 'di dag gis ni sems can gyi longs spyod
 kyi sems can bstan pa'o/ /da ni sems can ma yin pa'i longs spyod kyi dbang du byas nas skyed mos tshal bzang de na de ni dga' bar gnas zhes bya ba smos te/ mig dang/ rna ba dang/ sna'i longs spyod kyi dbang du byas pa'o//
 lang tsho la bab pa ni zhes bya ba ni 'di'i 'dod pa'i yul la chags pa nyid du ston to/ /bsod nams phun sum tshogs pa'i mthu las byung ba zhes bya ba ni sbyin pa dang/ tshul khrims la sogs pa'i bsod nams phun sum tshogs pa'i khyad par du gyur pa
 ste/ de'i mthu ni bsod nams phun sum tshogs pa'i mthu'o/ /de las byung ba ni bsod nams phun sum tshogs pa'i mthu las byung ba ste/ 'dis ni 'bad pa med par byung ba nyid de/ rgyu'i stobs las byung ba nyid du ston to/ /rol mo'i dga' ba la gnod pa zhes bya ba
 ni sngar skyes pa'i dga' ba nyams pa yin te/ bud med dang skyes pa rnams kyis bstan nas/ de ni bud med kyi dbang du byas nas/ bud med gzhon nu rnams 'jigs shing bag 'khums par byed pa zhes bya bas bstan to/ /mi'i stobs dang/ mthu rtsal la sogs
 pa las 'das pa gang la yod pa de ni stobs dang/ mthu rtsal la sogs pa mi bas lhag pa'o/ /srin po dag pas kyang lhag par mi bzad pa'i gzugs gang la yod pa de ni/ srin po bas kyang lhag par mi bzad pa'i gzugs can no/ /shing rta dang/ rta dang/ glang
 po che dang/ dmag mi brtan pa nyams par gyur pa gang yin pa de ni/ shing rta dang/ rta dang/ glang po che dang/ dmag mi brten pa nyams par gyur pa'o/ /ci legs mdzad pa ni go cha bgo ba la sogs pa'o/ /ngang tshul gyi skyon shes pa gang yin pa de ni de ste/ ngang
 tshul gyi skyon ni ma bsngags pa'i dngos po yin no/ /sngar chab sgo bas bstan pa'i ste/ lha de las ci legs par mdzad cing bka' gros mdzad pa'i dus la bab bo zhes gsol to zhes bya ba de gnyi ga dus la bab pa nyid du bstan pa/ de'i de ltar mi bya ba'i rgyu
 nyid du bstan pa'i phyir/ mi sha 'dod pa zhes bya ba dang/ bdag gis brgal ba'i go skabs zhes bya ba'i tshigs bcad gnyis smos so/ /mi sha 'dod pas rgyal srid nyams par gyur ces bya bas ni 'dod pa nyams pa nyid du ston te/ smyos pa lta bur gyur pa ni smyos
 pa bzhin du gyur pa ste/ smyos pa zhes bya ba ni 'dis ni don nyams pa nyid du ston to/ /rang gi chos btang zhes bya bas ni chos yongs su spangs pa nyid du ston to /rang gi chos btang ba nyid kyis bsod nams dang grags pa yang nyams pa nyid do/ /'dir bsod nams
 zhes smos pa ni bsod nams kyi tshogs kyi 'bras bu la dgongs te/ 'dis ni 'jig rten pha rol gyi mngon par mtho ba'i 'bras bu nyams pa nyid du bstan to/ /grags pa zhes smos pas ni mthong ba'i chos kyi 'bras bu nyams pa nyid du bstan to/ /mya ngan bya ba'i gnas
 skabs gnas pa la zhes bya ba'i rgyu bzhi po de dag nyid kyis so/ /bdag gi brgal ba'i go skabs ga la yod ces bya bas ni/ lha de dag legs par mdzad par gsol zhes bya ba de'i lan no/ /de lta bu la 'jigs su ga la rung zhes bya ba ni gang sngar bstan pa'i bka' gros
 mdzad pa'i dus la bab po zhes bya ba de'i lan bstan pa yin no/ /thab mo med pas na thab mo med pa'o/ /thab mo yang yin la brgal ba yang yin pas thab mo brgal ba ste des so/ /mngon du zhes bya ba ni rtsa ba las so/ /rjes su bzung zhes bya ba ni sdig pa gzhom pa la'o//
 de bas zhes bya ba ni bdag gi drung du kho dag 'ongs ba'i phyir ro/ /dam pa rnams ni de ltar mgon yang byed ces bya ba snying rje dang ldan pa rnams mgon byed pa'i ngang tshul can yin no/ /mi dga' zhing yid 'ong blong bas mig mchi mas gang ba de ni mi dga' zhing yid blong
 bas mig mchi mas gang ba'o/ /dri ma can gyi gos bsrings te/ rked pa bcings pa gang yin pa de ni gos dri ma can bsrings te rked pa bcings pa'o/ /rdul gyi gos shing ring la g.yengs pa de shing shun thod kyis bcings pa ste/ rdul gyis gos shing rtsub
 pas ring zhing g.yengs pa'i skra gang yin pa de shing shun gyi thod kyis bcings pa'o/ /kha spu ring po 'dzings te des gdod dam gnag par gyur pa gang yin pa de ni gdong gi kha spu ring pos dam gnag par gyur pa'o/ /khros pa dang
 rngam pa ni khros shing rngam pa'o/ /dgrad pa dang 'jigs 'jigs ltar 'dug pa ni dgrad pa dang 'jigs 'jigs ltar 'dug pa ste/ khros shing rngam pa gnyis kyi dgrad pa'i mig gang la yod pa de ni khros shing rngam pas mig dgrad pa'o/ /gcig pu phub dang mtshon
 med ces bya bas ni su da sa'i bu la sngar bstan pa'i rgal ba med pa nyid du bstan to/ /rang bzhin gyis zhi bar snang ba zhes bya bas ni sngar bstan pa 'di lta bu la 'jigs su ga la rung zhes bya ba de ston pa ste/ 'jigs pa med pa'i phyir ro/ /rngam pa dang dregs
 pa gnyis kyis g.yengs pa'i sems gang yin pa de ni sems rngam zhing dregs pas g.yengs pa'o/ /srin po dang yi dwags gar byed pa bzhin du 'jigs pa ni/ srin po dang yi dwags gar byed pa bzhin du 'jigs pa'o/ /'dod pa ni nor la sogs pa la chags
 pa'o/ /shir dogs pa ni srog la sogs pa la chags pa'o/ /ya rabs ni bden pa la srog dang 'dra ba zhes bya ba ni de bas na 'dod pa la sogs pa'i phyir yongs su mi gtong bas so/ /dam pa rnams ni bden pa srog gi phyir yang mi gtong ste/ ji ltar mi gtong zhe na  de'i phyir bden pa dang 'phyor ba'i don de bde ba'o/ /bden pa nyams na ni ngan 'gro dag las srun mi nus pa yin te/ ji ltar dam pa rnams kyi bden pa srog dang 'dra ba yin zhe na/ smras pa/ gson zhing bden pa nyams pa ni ngan 'gro las srun mi nus pa'i
 phyir te/ de'i phyir nor dang srog dag las mi nus shing/ 'chi ba'i dus su yid la gcags te 'chi ba'i phyir ro/ /grags pa ni mthong ba'i chos kyi bden pa'o/ bde ba ni mtho ris su 'gro ba'o/ /gya gyu tshul zhig pa mthong ba gang yin pa de ni gya gyur tshul zhig rgal
 te mthong gyur pa'o/ /snga ma dang phyi ma gnyis 'gal ba yin pas snga ma dang phyi ma gnyis 'khrul par snang ba'i phyir ro/ /gang du legs par spyod pa ma mthong ba de ni legs par spyod pa gal te ma mthong ba ste/ dge ba'i chos ma mthong ba zhes bya ba'i don to/ /rgyu gsum
 gyis ni slar zlog par mi 'gyur te/ khyod la 'jigs par 'gyur ba 'am/ bde ba la chags pa 'am khyod la snying rje med par gyur ba ste/ rgyu gsum po 'di dag ni yod par na ni phub dang/ mtshon cha med par khyod kyi gan du 'ongs pa yang ma yin te/ de bas na gang gi phyir
 sngar nyid mi 'ong ba nyid do de bas na de nyid du 'ong ba'i rgyu nyid du rtogs par bya'o/ /bram ze de'i don byas nas slar yang nga bdag khyod kyi drung du 'ong ngo/ /ci'i phyir zhe na/ khyod dang lhan cig bshes shing 'dris pa'i phyir dang/ gang gi phyir bdag cag lta bu ni de lta
 bu'i brdzun gyi tshig mi smra ba de'i phyir ro/ /de la mgu bar bya ba ni legs par smra ba de la legs par sbyin pa'o/ /tshig snyan pa ni legs par gsungs pa'i sbyin pa la gang gis mchod pa'o/ /bkur sti ni legs par bshad pa ston pa la lus kyis mchod
 pa'o/ /tshigs bcad gcig la srang stong du byas par ston to/ /de'i thad du rtsis pa zhes smos pa ni de dang tshad mnyam pa'i nor bzhag ste/ gser la sogs pa gal te 'dod pas de la mchod par byas so/ /de nyid bstan pa'i phyir/ gnas ma yin pa la lhag
 par god pa ni gnas ma yin pa god tshabs che ba'o/ /de las zlog pa ni gnas ma yin par god tshabs che ba de la dgag par rtsol ba'i sems te/ gnas ma yin par god tshabs che ba dgag pa'i bsam pa'o/ /legs par shes par bya ba'i rigs te/
 ci'i phyir zhe na/ 'bangs mang po gso dgos pa'i phyir ro/ /rgyal po'i dpal yang nor phun sum tshogs pa la ltos pa'i phyir god pa tshad dang ldan par bya ba yin te/ 'di ltar tshigs bcad gcig la srang stong du byas te byin pas nor gyi dbang phyug gi nor yang
 zad bar 'gyur ro/ /'bangs mang po gso dgos so zhes bstan pa la/ de ni mi nus pa nyid du bstan pa'i phyir/ sbyin pa grags na zhes bya ba'i phyed dang po smos te/ nor gyi dbang phyug gi nor yod pa yang ji srid gcig tu thub par 'gyur
 zhes bya ba bstan pa 'dis ni nor med pa nyid du bstan to/ /nor med na ni 'bangs mang po gso bar bya ba des mi nus pa nyid du ston to/ /rgyal po'i dpal yang nor phun sum tshogs pa la ltos so zhes bya ba de bsgrub pa'i phyir/ nor dang rab tu ldan na bsgrub par
 nus zhes bya ba'i tshigs bcad smros so/ /rgyal po'i dpal nor phun sum tshogs pa la ltos pa ci'i phyir zhe na/ nor dang rab tu ldan na bsgrub par nus pa'i phyir to/ gang la nor yod pa de la rgyal po'i dpal yod de/ de ltar na nor yod pa nyid kyis rgyal po'i
 dpal yod pa nyid du bstan to/ /nor med na ni rgyal po'i dpal med pa'i dbang du byas nas/ nor med na rgyal po'i dpal de yang zhes bya ba'i tshigs bcad phyed 'og ma'o/ /de ltar 'di gnyis kyis de yod na ni yod la med na med pa'i phyir/ rgyu dang rgyun can gyi mtshan
 nyid du bstan to/ /legs bar smras pa'i mchod pa mang na brgya/ de las mangs na nus par mi 'gyur te zhes bya ba rgyal pos smras pa de'i lan las brtsams te/ legs par smras pa rnams kyi rin thang zhig ces bya ba'i tshigs bcad smos so/ /rin thang gi tshad ni
 rin thang nges pa ste/ rin thang gi tshad ces bya ba'i don to/ /khyod kyang dma' bar ga la 'gyur zhes bya ba yin te/ ci'i phyir zhe na/ legs par bshad pa la mchod pa sbyin par bya ba'i don du ni rgyal srid kyang ring du mchod pa ma yin pa'i phyir ro/ /rin thang bcad par
 mi nus pa'i gtan tshigs bstan pa'i phyir/ gang zhig thos nas yid ni zhes bya ba'i tshigs bcad smos so/ /'di'i bsdus pa'i don ni thog ma dang/ bar dang/ tha ma dge ba'i phyir/ legs par bshad pa'i rin nges par bcad du mi rung ngo zhes ston to/ /thog mar
 dge ba gang zhe na/ thos shing nyan pa'i tshe na yid dga' bar 'gyur pa yin te/ de yang gang zhig thos nas yid ni dang 'gyur ba zhes bya ba 'dis bstan to/ /bar du dge ba gang zhe na/ bsam pa dang ldan zhing nye bar gnas pa ste/ bsam pas bsam pa de ni legs par dga' la
 brtan par 'gyur pa'o/ /tha mar dge ba gang zhe na/ bsgom pa des shes rab skye zhing gti mug med par 'gyur ba ste/ gti mug ni ma rig pa spangs pa ste/ de spangs pa'i phyir yang bya ba byas pa'i phyir ro/ /rang gi shes kyang de ni nyo ba'i rigs zhes bya ba ni nang gi lus kyis
 kyang nyo bar bya ba yin na/ phyi rol gyi dngos po lta smos kyang ci dgos zhes bya ba'i don to/ /thos pa gti mug ces bya ba'i tshigs bcad 'di ni 'jig rten las 'das pa'i yon tan dang rjes su mthun pa'i dbang du byas pa ste/ gti mug mun sel zhes bya bas ni mthong ba'i
 lam gyi rgyus mthong ba'i lam gyi mi mthun pa ma rig pa spong ba'i gnyen po thos pa yin pa'i phyir ro/ /thos pa ni sgron ma'o/ /thos pa ni nor gyi mchog ste/ 'jig rten las 'das pa'i nor gyi rgyus de'i tshe dang bshes pa'o/ /thos pa ni kun tu rmongs pa'i sgra 'joms
 pa'i mtshon cha yin te/ bsgom pa'i lam gang gi bag chags dang bcas ba spong bar byed pa'i phyir ro/ /thos pa ni thabs tshul man ngag ston pa'i grogs kyi mchog ces bya ba yin te/ de la lhag par bsgom pa spang bar bya ba'i nyon mongs pa spong bar sgrub pa ni
 gzhan gyis bstan pa med par thos pa'i 'bras bu nyid kyis bsgom pa'i lam bsgrub pa'i thabs ston pa'i phyir ro/ /da ni mthong ba'i chos nyid la phan 'dogs pa'i dbang du byas nas phongs par gyur kyang zhes bya ba'i tshigs bcad smos so/ /mthong ba'i chos la
 phan 'dogs pa yang rnam pa gnyis te/ phongs pa las bzlog pa'i phan 'dogs pa dang/ phan yon skyed par byed pa'i phan 'dogs pa'o/ /phongs par gyur kyang mi 'gyur mdza' bo yin zhes bya ba ni bcing pa la sogs pa'i phongs pa sel ba'i phyir ro/ /sems kyi
 nad mya ngan gyi mtshan nyid la thos pa ni sman yin te/ mya ngan sel bar byed pa'i phyir ro/ /thos pa ni dpung yin te so sor brtags te/ yang dag par blangs nas 'dod chags la sogs pa nyes pa rnams kyi dpung 'jig par byed
 pa'i rgyur gyur pa ste/ de yang 'dod chags la sogs pa'i nyes pa so sor rtags pa'i stobs kyis zil gyis mnan pa yin pa'i phyir nyes pa 'joms pas dpung gi mchog go/ thos pa ni grags pa dang dpal gyi gter gyi mchog kyang yin te/ thos pa
 la nye bar gnas pas na mi bzad pa'i grags pa dang dpal thob pa yin no/ /da ni thos pa smra bar byed pa rnams kyi phan gdags pa chen po nyid du bstan pa'i phyir/ ya rabs rnams dang phrad nas skyes kyi mchog ces bya ba la sogs pa'i tshigs bcad
 smos so/ /de la smra ba rnams la thos pa la phan 'dogs pa nyid du bstan pa'i phyir/ ya rabs rnams dang phrad na zhes bya ba la sogs pa'i tshigs bcad bzhi smos so/ /de la tshig bzang por gyur pa ni rnam pa bzhi ste/ rang gi phyogs gnas par byed
 pa nyid du smra ba'i tshig la mkhas par 'gyur ba dang/ legs par bshad pa'i snyan ngags byed pa'i tshig la mkhas par 'gyur ba dang/ chos ston pa'i tshig la mkhas par 'gyur ba dang/ bstan bcos kyi rim pa bzhin du shes pa ste/ tshigs
 bcad bzhi dang go rims bzhin du sbyar ro/ /ya rabs rnams dang phrad zhes bya ba'i tshigs bcad 'di ni rang gi phyogs gnas par byed pa smra ba'i tshig la mkhas par gyur pa'i dbang du byas pa ste/ gang gi phyir de'i tshig ni ya rabs rnams dang phrad na skyes
 bzhin du 'gyur te/ yan lag skyon med ba des 'dod pa'i don sgrub nus pa'i phyir ro/ /tshogs kyi nang na mkhas pa dga' bar 'gyur zhes bya ba ni brjod pa dang brjod par bya ba'i don rigs par ldan pa nges so/ /phas kyi rgol ba nyid 'od yin pas phas kyi rgol
 pa 'od do/ /de rnams kyi ji ltar nyi ma lta bu yin te/ nyi mas ni zla ba la sogs pa'i 'od zer zil gyis gnon pa bzhin du rang gi phyogs gnas par byed pa'i tshig la mkhas pa yin te/ rang gi phyogs pa nyid kyis rgol ba'i 'od zil gyis gnon par 'gyur ro/ /'gran
 pa rnams kyi zhes bya ba ni gang dag de la 'gran zhing rgol bar 'dod pa'o/ /de rnams kyi grags pa dang/ dregs pa sel ba yin te/ 'gran pa rnams kyis 'dod pa'i don sgrub par mi nus pa'i phyir ro/ /mig dang bzhin mdangs rab tu gsal gyur cing zhes bya ba'i tshigs
 bcad ni legs par bshad pa'i tshigs la mkhas par 'gyur ba'i dbang du byas pa ste/ mig dang bzhin ni mig dang bzhin no/ /mdangs dang rab tu gsal ba ni mdangs dang rab tu gsal bar gyur pa'o/ /mig dang bzhin mdangs rab tu gsal bar gyur pa gang yin pa de
 ni mig dang bzhin mdangs rab tu gsal bar gyur pa'o/ /mig dang bzhin mdangs rab tu gsal ba dang/ mdangs rab tu gsal bar gyur pa des rab tu dga' bar gyur nas so/ /yang na mig dang bzhin ni mig dang bzhin no/ /mdangs nyid rab tu gsal ba yin pas
 mdangs rab tu gsal ba ste/ mig dang bzhin mdangs rab tu gsal ba'o/ /mig dang bzhin mdangs kyang yin la rab tu gsal ba yang yin pas rab tu gsal bar gyur pa'o/ /lhag par tshim pa yin pas lhag par dga' ba ste/ rab tu dga' bar gyur pa'o/ /rab tu dga' 
 bar gyur pa de gang yin zhe na/ mig dang bzhin mdangs rab tu gsal bar gyur pa'o/ /mi bshes pa ni ma 'dris pa ste sngar ma mthong ba'o/ /lag pa'i se gol rdob pas mgu bar byed pa gang yin pa de ni lag pa'i se gol mgu byed rdob pa'o/ /chos bstan pa'i tshig la
 mkhas par 'gyur ba'i dbang du byas nas/ gtan tshigs dod rnams rab tu gsal bar ston zhes bya ba'i tshigs bcad smos so/ /gtan tshigs kyang yin la gsal ba yang yin pas gtan tshigs gsal ba'o/ /nges don ston pa zhes bya ba ni gtan tshigs
 rab tu gsal bas don rab tu ston pa'o/ /gtsug lag dang lung rnam pa sna tshogs pa ni gtsug lag lung rnams sna tshogs so/ /lung ni man ngag ste/ gtsug lag dang/ lung sna tshogs ston pa dang mthun pa'o//
 de ltar re zhig chos ston pas don phun sum tshogs pa ston to/ /mnyen zhing spyangs pas yid du 'ong ba'i phyir zhes bya ba la/ mnyen pa ni sgra snyan pa'o/ /sbyangs pa ni sgra'i mtshan nyid dang ldan pa ste/ sgra snyan dang/ legs par sbyar ba gnyis kyis yid du 'ong ba ni mnyen zhing sbyangs pa yid du 'ong ba nyid
 do/ /de bas na 'dis ni brjod pa phun sum tshogs pa bstan to/ /me tog phreng ba ma rnyes pa bkram pa bzhin zhes bya ba ni me tog ma rnyis phung po bzhin no/ /bstan bcos kyi rim pa bzhin du tshig la mkhas par gyur pa'i dbang du byas nas/ dul zhing rab tu gsal ba'i
 zhes bya ba'i tshigs bcad smos so/ /dul ba dang rab tu gsal ba ni dul zhing rab tu gsal ba'o/ /dul zhing rab tu gsal ba des spobs pa ni dul zhing rab tu gsal ba'i spobs pa'o/ /de gnyis 'bar ba de ni dul zhing rab tu gsal ba'i spobs pa skye ba'o/ /dul
 ba ni nyon mongs pa med pa'i phyir ro/ /rab tu gsal ba ni gnod pa med pa'i phyir ro/ /'phral du zhes bya ba ni zil gyis gnon pa'o/ /smra ba legs pa ni lce bde bar gyur pa ste/ ngag bzang po'o/ /de la goms pa ni ldan pa'o/ /thos pa nyid dpal yin pas thos pa'i
 dpal lo/ /don gsal bar rtogs par gyur pa gang la yod pa de ni don gsal ba rtogs par 'gyur pa'o/ /de nyid thos pa'i dpal yin pas don gsal rtogs 'gyur thos pa'i dpal lo/ /bslab pa'i rgyu'i dbang du byas nas/ thos dang ldan na 'gal ba med pa'i
 zhes bya ba'i tshigs bcad smos te/ 'gal ba'i dngos po yin pas 'gal lo/ /'gal ba yin la nyes pa yang yin pas 'gal ba'i nyes pa'o/ /de spangs pa ni 'gal ba'i nyes pa med pa'o/ /'khor gsum lam la zhes bya ba ni mngon par mtho ba
 bde 'gro'o/ /sgrub pa'i rgyu la rab tu gnas pa zhes bya ba'i don to/ /ji ltar rab tu gnas pa yin zhe na/ thos pa'i rjes su 'jug pas bsgrub pa yin pas thos pa'i rjes sgrub pa'o/ /de snying por byed pa gang yin pa de ni thos pa'i rjes 'jug sgrub pa snying por byed pa'o/ /skye ba'i rdzong
 las tshogs chung thar bar 'gyur zhes bya ba ni nges par legs pa'i dbang du byas pa ste/ thos pa'i rjes 'jug bsgrub pa'i snying por byed pa de nyid kyis thar pa'o/ /yon tan du ma can zhes bya ba ni gong du bstan pa'i yon tan las gzhan yang gzung ste bdag
 gis nus bzhin du ji ltar thob pa de la mchod pa mi bya ba'o/ /khyod kyi bka' yang ci phyir gcag par 'gyur zhes bya ba 'di yin te/ legs par smra ba ston pa la yang mchod pa bya ba mchog tu tshad ma yin te/ de las mchog tu gyur pa med pa'i phyir dgos pa
 med par yon tan nyams par 'gyur/ skyon gyi lam du zhugs pas 'thob 'gyur ba'i/ /rgyal srid spyod pa yin te/ de bas na rgyal srid spyod pa bdag la dgos pa med pa'o/ /su da sa'i bu'i drung du 'gro zhes bstan pa de rgyu gnyis kyis bstan pa yin te/ legs
 par bshad pa la mchod pa'i tshad kyi tshig dang/ bdag nyid 'byor ba'i don las ldog pa'o/ /mi dga' ba las btsal ba'i phyir/ ci ste bden pa bsrung ba'i phyir/ bdag nyid la mi dga' ba mi bya ba'i dbang du byas nas bu khyod nyid la phan pa'i phyir zhes bya ba
 la sogs pa smos so/ /bden pa srung ba'i dbang du byas nas/ 'on te'i drung du 'gro bar khyod kyis khas blangs te zhes bya ba la sogs pa'o/ /gzhung lugs kyi chos dang 'gal ba zhes bya ba'i drang srong gi chos yin pas gzhung lugs kyi chos so/ /de dang 'gal
 ba'i chos gang la yod pa de ni gzhung lugs kyi chos dang 'gal ba'o/ /sdug bsngal gyi 'dam du bying ba zhes bya ba ni/ mi'i sha za ba'i sdug bsngal nyid du bying ba'o/ /sems can dmyal ba la mngon du phyogs pa zhes bya ba ni/ dmyal bar skye ba la
 mngon du phyogs pa ste/ de bas na/ de nyid kyi sdug bsngal gyi 'dam du bying ba'i phyir te/ de ltar 'di nyid kyis sdug bsngal ba nyid du bstan to/ /mdza' bo dang gnyen bshes kyis yongs su spangs pa zhes bya ba ni/ bzod
 pa'i 'bras bu de g.yog 'khor gyi yongs su spangs pa'o/ /mgon ma mchis pa zhes bya ba ni gzhan yang ma mthong ba'i skye bo rnams kyis yongs su spangs pa ste/ don med pa'i phyir ro/ /de'i drin gyis zhes bya ba ni btang ba'i rgyus so/ /yul du goms pa des se?
 shin tu rtsub cing dri ma shas ches yog pa gang la yod pa de ni sems rtsub pa yun ring du goms pa'i dri mas cher yog pa'o/ /'jigs pa dang skrag pa cung zad kyang med pa'i phyir brtan pas bdag rang 'dir 'ongs pa yin te/ de bas na bden pa smra zhing
 dge ba'o/ /bden pa smra zhes grags pa ji lta bu'i bden pa la gnas pa yin zhe na/ de'i phyir smras pa/ 'di ltar bden pa bsrung ba'i phyir/ /srog dang rgyal srid gang gtong ba zhes bya ba smos te/ gzi byin rab tu nyams zhes bya ba 'dis ni 'jig rten pha rol
 gyi sdug bsngal gyi 'bras bu nyid du bstan to/ /'phral gyi bden pa mi 'grub pa zhes bya ba ni mthong ba'i chos kyi bden pa yang mi 'grub pa nyid du bstan to/ /'on kyang khyod ni 'jig rten gnyis ka la phan pa sgrub pa ma yin te/ gzhung lugs kyi tshul la ni
 nga? nyid mkhas so/ /chos kyi gzi byin rab tu nyams so zhes bya ba des ni ci zhig tu 'gyur zhe na/ de'i phyir smras pa/ spyod gzhung lugs tshul spyod ces pa'i tshigs bcad brtsams so/ /shi nas ni ngan song du ltung ba yin te/ ci'i phyir zhe na/ chos kyi gzi byin
 nyams pa'i phyir ro/ /brdzun smra btang nas bden pa nga smra ste zhes bya ba'i tshigs bcad ni sngar bstan pa'i don sdud pa yin te/ de bas shes zhes bya ba de la spyod par 'gyur na ni/ chos kyi gzi byin nyams pa dang/ 'phral gyi bde ba mi 'grub pa dang/
 shi nas ngan song du 'gro ba ste/ de bas na nyes pa dag gis mi rung ba'i tshul yin pa'i phyir/ yongs su dor bar bya'o/ /mkhas smra zhes bya ba ni lugs kyi bstan bcos la mkhas pa'o/ /grags pa bde ba'i don dang 'gal ba gang zhes bya ba la grags pa smos
 pas ni/ mkhas pa ni mchod par 'os pa'i phyir ro/ /bde ba smos pas ni 'dod pa rnams bzung ngo/ /re zhig 'dis ci dang 'gal ba yin zhe na/ mthun pa drug gang bstan pa de ston pa yin te/ 'gal ba'i don dang/ gnod pa dang/ mthun pa'i don dang/ 'gal
 ba'i gnod pa dang/ don dang mthun pa'i gnod pa dang/ 'di bzhi ni gzhung bzang po zhes mkhas pa mi smra ste/ de ltar don dang rjes su mthun pa dang/ gnod pa rjes su mthun par bya'o zhes bya ba dang dang du len par gyur pa yin te/ des na phangs pa'i srog dang zhes bya ba la sogs pa brtsams pa yin te/
 phangs pa'i srog ces bya ba 'dis ni tshul khrims kyi 'bras bu yongs su spangs pa nyid du bstan to/ /nang mi mchi mas 'ju ba zhes bya bas ni bzod pa'i 'bras bu spangs pa nyid du bstan to/ /rgyal srid bde ba yid du 'ong ba zhes bya ba 'dis ni/ sbyin pa'i 'bras bu
 spangs pa nyid du bstan te/ de ltar bsod nams kyi tshogs 'bras bu gsum po yongs su spangs pa yin no zhes bstan to/ /don 'di ji ltar don dang mthun par 'gyur zhes 'dri ba yin te/ don du 'gyur ba ci mthong na zhes bya ba 'dis ni ji ltar mkhas pas
 srog yongs su gtong ba'o/ /bden pa'i tshig ces bya ba de nyid bsgrub pa'i phyir/ de bsrung phyir ni zhes bya ba la sogs pa smos te/ de bsrung phyir ni zhes bya ba ni bden pa bsrung ba'i phyir ro/ /drung du 'ongs zhes bya ba ni/ de ltar gcig pu phub dang mtshon cha
 med par ro/ /de'i zhes bya ba ni bsad par bya ba btang ba las 'ongs pa'o/ /phreng ba mdzes pa zhes bya ba'i tshigs bcad kyi phyed ni longs spyod pa rnams kyi yid du 'ong ba'i dbang du byas pa'o/ /bsod nams nyid yon tan yin pas bsod nams yon
 tan no/ /de 'grub pa ni bsod nams yon tan 'grub pa ste/ bsod nams yon tan 'grub pa des khyad par du 'phags pa'o/ /nyon mongs pa med par zhes bya ba ni lus kyi ngal ba med par zhes bya ba'i don to/ /dka' thub ni
 gang gi phyir yon tan 'phel ba'i mtshan nyid do/ /mu stegs 'gro ba zhes bya ba ni stegs la brten nas bsod nams rab tu 'grub cing/ ngan par spyod pa dag la yin te/ stegs dag tu 'gro ba'i nyon mongs med par bsod nams thob pa yin pa'i phyir/ 'dis
 ni sngar bsags pa'i sdig pa bden pa nyid kyis dag par bstan te/ dka' thub spyod pa dang/ mu stegs su spyod pa 'dis gnyis kyis bsod nams dang yon tan 'grub pa nyid du bstan pa yin no/ /'gro ba mdza' dag khyab pa'i zhes bya ba'i tshigs bcad 'di
 ni mthong ba'i chos kyi 'bras bu dang/ mngon par mtho ba dang/ nges par legs pa'i dbang du byas pa'o/ /'gro ba mdza' dag khyad par 'phel ba ni/ 'gro ba mdza' dag khyad par 'phel ba'o/ /'jig rten gsum las 'da' ba' i zhes bya ba ni sa'i steng
 dang/ nam mkha' dang/ mtho ris ste/ de lta bu'i mtshan nyid kyi 'jig rten gsum las 'da' ba' i lam ni bde ba ste/ 'dis ni mthong ba'i chos kyi 'bras bu bstan to/ /lha'i gnas su 'jug pa'i sgo yang yin zhes bya ba 'dis ni/ bden pa mngon
 par mtho ba'i lam nyid du bstan to/ /'khor ba'i rdzod las thar pa'i zab pa yin zhes bya ba 'dis ni/ nges par legs pa'i lam nyid du bstan to/ /rab tu bsgrims kyang gnas mi nus zhes bya ba'i tshigs bcad ni bcos su mi nus pa'i phyir ro/ /'chi
 bas 'jigs pa med do zhes bya ba de nyid kyi dbang du byas pa'o/ /de ltar zhes bya ba ni 'chi ba bcos su med pa nyid kyis so/ /'jig rten gyi chos kyi chos nyid la brtags na zhes bya ba yin te/ sdig pa byas pa rjes su 'gyod par 'gyur zhes bya ba'i tshigs
 bcad 'dis ni ldog pa med pa dang 'jug pa'i tshul gyi dbang du byas pa'o/ /sdig pa byas na rjes su 'gyod par 'gyur zhes bya ba 'dis ni ldog pa'i tshul med pa nyid du bstan to/ /dge ba'i las kyang legs par yong ma byas zhes bya ba 'dis ni 'jug pa'i
 tshul med pa nyid du bstan to/ /phyi ma'i tshe la sdug bsngal 'byung du dogs zhes bya ba ni de gnyis ka'i tshul med pa'i phyir ro/ /gang la bdag gi yid ni 'gyod 'gyur pa zhes bya ba'i tshigs bcad kyis bdag ni de gnyi ga'i don gyi tshul med pa yin te/ des
 na 'chi ba'i 'jigs pa med do zhes pa'o/ /phongs pa rnams ni slong du 'ongs pa la zhes bya ba'i tshigs bcad 'dis ni bstan ma thag pa dkar po'i las kyang rab tu goms byas pa zhes bya ba ste/ dkar po'i chos byas pa'i phyir ro/ /chos la gnas pa zhes
 bya ba de bstan pa'i phyir/ mgu ba rnyed par 'gyur zhes bya ba ste/ slong du 'ongs pa la nor thob pas mgu ba yin te/ phongs pa rnams mi mgu bar byas pa ni med de/ ma dran pa'o/ /bdag gis byas par yang ma dran zhes bya ba de gang yin zhe na de nyid bstan
 pa'i phyir/ ring du brtags te bsams kyang zhes bya ba'i tshigs bcad smos so/ /sdig pa byas par yid mi dran zhes bya ba ni srog gcod pa la sogs pa'o/ /yid la bsams pa tsam yang zhes bya ba ni yod par bkod pa yin pas yid la bsams
 pa'o/ /yang na yid nyid bsams pa yin pas yid la bsams pa ste/ sems bskyed pa tsam yang ma dran no zhes bya ba'i don to/ /de ltar rnam pa gnyis kyis mtho ris kyi lam sbyangs pa gang yin pa de ni mtho ris lam sbyangs so/ /de ltar de gnyis
 chos la 'jug pa dang/ sdig pa las ldog pa'i tshul lo/ /phongs pa rnams ni slong du 'ongs pa la/ mgu bar ma byas pa ni/ yod mi dran zhes bstan pa la/ phongs pa de dag gang yin zhe na/ de'i phyir smras pa/ bram ze rnams dang/ gnyen dang
 zhes bya ba'i tshigs bcad smos so/ /de la bram ze zhes bya ba ni yon tan gyi zhing ngo/ /gnyen dang mdza' bo zhes bya ba ni phan 'dogs pa'i zhing ngo/ /brten pa dang 'phongs pa zhes bya ba ni phan 'dogs pa'i zhing ngo/ /ji ltar byang chub sems dpa' i phongs pa
 mgu bar byed pa yin zhe na/ de'i phyir smras pa/ de dag la nor mang po bzhag cing/ /ji ltar 'os pa'i sbyin pas phongs pa rnams mgu ba'i phyir ro/ /yang na nor shin tu mang po ci rig par sbyin pa yin te/ byang chub sems dpa' dang/ gnyi ga yang dga' ba'i phyir ro/ /gang gi
 bya ba ci yod de yang bdag gis byas pa zhes bya ba ni gzhan dag kyang rjes su bstan pa'o/ /nga mi 'jigs zhes bya ba ni chos la gnas pa'i phyir dang/ mtho ris kyi lam sbyangs pa'i phyir ro/ /de byas dga' bar gyur pas zhes bya ba ni chos la gnas pa dga' ba thob
 pa'i phyir dang/ mtho ris kyi lam sbyangs pa'i phyir ro/ yang na bram ze la sogs pa nor mang po bzhag pa'i phyir dga' bar 'gyur ba ste/ /rgyu rnam pa gnyis kyis dga' ba yin no/ /bdag gi spyod pa ni dga' ba'i spyod pa'o/ /bdag gi spyod pa nyid gzugs yin
 pas bdag gi spyod pa'i gzugs te ngan pa'o/ /de ni de lta bu'i chos kyi 'bras bu la'o/ /dga' ba dang ldan pa'i mig gis blta ba zhes bya ba 'di ni chos 'chad pa la gus pa dang ldan pa nyid du bstan to/ /tshig gi bdud rtsi 'thung ba bzhin zhes bya ba 'dir ni tshig
 la rna gtong ba nyid do/ /gus pa skyed cing rtse gcig btung rab tu dang? la dri med yid ces bya ba 'dis ni/ don la rna gtong ba nyid kyis dam pa'i chos mnyan par bya'o zhes bya ba yin te/ 'di dag gis ni dam pa'i chos mnyan par bya'o zhes bya ba'i don to/ /ji ltar
 'dod par phrad kyang rung zhes bya ba ni dam pa dag dang 'grogs pa la dgongs pa yin te/ bsnyen bkur byas pa nyid du ston to/ lan cig tsam zhes bya ba 'dis ni rtag tu byed pa nyid do/ /bsnyen bkur byas pa med kyang skye bo dam pa dang 'grogs pa brtag
 pa nyid du bstan to/ /rab tu brtan pa nyid du 'gyur zhes bya ba 'dis ni de la rtag tu byas pa med kyang dus yun ring du gnas pa thob pa nyid du ston to/ /'dris pa dang bya ba ni 'dris par bya'o/ /'dris par bya ba de la mi ltos pa ni 'dris par bya ba ni mi dgos par ro/ /bsnyen bkur
 byas pa'i bya ba yang mi dgos te/ ji ltar phrad kyang rung ba'i phyir ro/ /ji ltar phrad kyang rung ste/ dam pa dag dang 'grogs pa ni brtan par 'gyur te/ ci'i phyir zhe na/ bya ba mi dgos pa ste/ skye bo dam pa dag dang 'grogs par bya ba mi dgos pa'i phyir ro/ /'di ltar 'dris pa la
 ltos pa yin na lan cig phrad par gtan du mi 'gyur te/ ci'i phyir zhe na/ 'dris pa la ltos pa'i phyir ro/ /mgo bsgyur ba dang/ se gol gtog pa gnyis ni mgo bsgyur se gol gtog pa'o/ /dam pa rnams ni sus kyang mi srid do zhes bya ba la sogs pa'i tshigs
 bcad gsum ni dam pa dag dang lan cig tsam zhes bya ba'i tshigs bcad de'i rjes su bstan pa'o/ /sngar bstan pa'i ji ltar 'dod par phrad kyang rung ste zhes bya ba la/ gus par byed pa dang/ /rtag tu sbyor ba gnyis dang bral ba la yang dam pa dag dang 'grogs
 pa dang brtan pa dang/ gtan du ba nyid bstan to/ /da ni gus pa dang rtag tu bya ba'i sbyor bas dam pa dag dang 'grogs par 'dod pa dang/ dam pa rnams ni sus kyang zhes bya ba'i tshigs bcad 'di brtsams so/ /dam pa rnams ni sus kyang mi srid do zhes bya ba ni sngar
 bstan pa'i dam pa dag dang 'grogs na gtan du yin pa'i phyir ro/ /dul ba'i tshul gyi dge la brten par bya zhes bya ba ni sngar bstan pa'i ji ltar 'dod kyang rung ste zhes bya ba yin te/ dam pa dag dang 'grogs pa ni bstan pa'i phyir ro/ /dge ba dag la brtan pa ji
 ltar bya zhe na/ smras pa/ dul ba'i tshul du bya zhes bya ba yin te/ 'dis ni gus par byed pa'i sbyor ba nyid du sbyor ba yin no/ /dam pa dag dang 'grogs pa la de gnyi ga'i phan yon bstan pa'i phyir smras pa/ de dang nye na zhes bya ba'i tshigs bcad phyed 'og ma yin no/ /ched du ma bsgrubs
 par yang zhes bya ba ni bstan bcos nyan pa la sogs pa'i bya ba ma byas par yang ste/ ma bsrings pa de tsam ste/ ma bsrings pa dang dul ba'i tshul tsam gyis so/ /de dang nye na zhes bya ba ni dge ba de dang nye na'o/ /skye bo dam pa de'i yon tan no/ /de'i yon tan nyid
 me tog yin pas yon tan me tog go /de'i rdul ni yon tan gyi rdul te/ 'di'i dam pa dang 'grogs pa'i phan yon no/ /de ltar re zhig ji ltar 'dod par phrad kyang rung ste/ dam pa dag dang lan cig tsam zhes bya ba 'di ni rjes su bstan pa ste/ dam pa rnams kyi phan yon no/ /yang na skye
 bo dam pa ni bdag nyid la phan par zhugs pa yin te/ de bas na sus kyang mi srid do/ /dge ba la brten par bya zhes bya ba ni gzhan la phan par 'jug pa'o/ /de ni rab tu bstan pa nyid du 'gyur zhes bya ba de rjes su bstan pa las brtsams te/ rgyal po'i shing rta rin chen gser
 gyis brgyan zhes bya ba'i tshigs bcad yin te/ lus kyang rgas pas mi sdug par yang 'gyur zhes bya ba 'dis ni phyi rol gyi dngos por 'gyur pa nyid du bstan to/ /nor bu gser gyis brgyan zhes bya ba smos pa ni gzugs gnas pa nyid du rigs pa yin na yang
 phyis? rgas pas mi sdug par 'gyur ba yin na/ gzhan dag lta smos kyang ci dgos pa'o/ /rgyal po zhes smos pas ni mngon par sbyar ba'i khyad par dang ldan pa'i shes pa yin te/ de'i shing rta brtan pa'i phyir ro/ /rgyal po'i lus rin po che gser gyis brgyan pa yang
 rgas pas mi sdug par 'gyur ro zhes bya ba ni nang gi dngos po yang rnam par 'gyur ba nyid du ston to/ /dam pa rnams kyi chos ni rgas mi 'gyur zhes bya ba 'dis ni gang sngar bstan pa'i rab tu bstan pa nyid du 'gyur zhes bya ba de'i rgyu nyid du bstan to/ /ci'i phyir dam
 pa rnams kyi chos rgas par mi 'gyur zhe na/ de'i phyir smras pa dge ba rnams ni gang gi phyir yon tan la rjes su chags par brtan par 'gyur bas dam pa rnams kyi chos ni rgas par mi 'gyur ba ste/ yon tan la goms par byas pa'i phyir/ skye bo 'grogs pa de dag la
 yon tan gzhan du mi 'gyur te/ de goms par byas pas ji ltar gzhan du 'gyur zhes bya ba'i don to/ /'dris par bya ba ni dgos par zhes bya bar de rjes su bstan pa las brtsams te/ nam mkha' dang ni sa gzhi'i bar yang ring zhes bya ba'i tshigs bcad 'di yin te/
 nam mkha' bar rab ring ba yin te/ gang las shes na/ sa las so/ /sa yang rab tu ring ba yin te/ gang las shes na/ nam mkha' dang ngo/ /pha rol tshu rol 'gram yang ring ba yin te/ pha rol dang pha rol ma yin pa'o/ /yang na sa dang nam mkha' gcig ring ba yin no//
 de bzhin du pha rol dang tshu rol gyi 'gram yang pha rol gyi 'gram nyid do/ /shar nub gnyis kyi ri bar de las ring/ phal dang dam pa'i chos kyang de bas ring zhes bya ba ni phan tshun de bas ring ba'o/ /ci'i phyir nam mkha' dang sa'i bar du ring ba dang/ rgya mtsho'i pha rol dang
 tshu rol rab tu ring ba dang/ shar nub gnyis kyi ri rab tu ring ba ste/ ci'i phyir dpe gsum po 'di dag nyid gzung gi /gzhan ma yin zhe na/ chos 'di ni tshul khrims dang/ ting nge 'dzin dang/ shes rab kyi mtshan nyid yin te/ nam mkha' dang ring ba nyid kyis ni tshul
 khrims las brtsams pa yin te/ nam mkha' lta bu ni dam pa rnams kyi chos te/ tshul khrims kyi mtshan nyid do/ /mi dge ba thams cad kyis gos pa 'am/ spags pa des na sa lta bu ni dam pa ma yin pa'i chos te/ mi gtsang ba thams cad kyis gos
 pa des so/ /ting nge 'dzin ni rgya mtsho'i pha rol dang tshu rol lta bu yin te/ rgya mtsho'i pha rol lta bu ni dam pa rnams kyi ting nge 'dzin gyi mtshan nyid kyi chos te bsten pa dag la rjes su 'dzin pa dang sbyor ba ni chu dang 'dra ba nyid kyi phyir dang/ spyod pa'i tshad
 ting nge 'dzin ni spyod pa'i mthar thug pa yin pa'i phyir ro/ /tshu rol gyi 'gram lta bu ni dam pa ma yin pa'i chos te/ de gnyi ga med pa'i phyir ro/ /shes rab las brtsams te/ shar nub gnyis nkyi ri bar de bas ring zhes bya ba yin te/ shar gyi ri lta bu
 ni dam pa rnams kyi mtshan nyid kyi chos te/ ji ltar nyi ma shar ba la brten pa de bzhin du dam pa rnams kyi chos shes rab kyi nyi ma 'char ba'i gnas yin no/ /nub pa'i ri lta bu ni dam pa ma yin pa rnams kyi chos te/
 shes rab kyi nyi ma nub pa la brten pa'o/ /tshigs bcad 'di bzhi thos pas/ sung ta sa'i bu dul bar gyur te/ bdag nyid kyi gnas skabs dang/ rjes su mthun pa'i tshigs bcad yin te/ de dag gis so/ /ji ltar phrad kyang rung ste/ dge ba'i bshes gnyen
 dang phrad cing/ bsnyen bkur byas na sdug bsngal las thar pa dang/ dam pa dag dang 'grogs pa'i stobs yin pa'i phyir yang ngo/ /dam pa dang dam pa ma yin pa'i chos 'di gnyis ni rab tu bsal ba yang yin te/ nam mkha' dang ni sa gzhi'i bar
 yang ring zhes bya ba'i tshigs bcad 'di dang sbyar ro/ /'dris par bya ba mi dgos par zhes gong du bstan pa la 'di skad smra ste/ /dam pa ma yin pa dang 'grogs pa la yang 'dris par bya ba mi dgos pa nyid du ston te/ ci'i phyir dam pa yin pa dang
 'dris par bya ba mi dgos pas/ dam pa ma yin pa dang mi 'grogs pa yin zhe na/ des na dam pa ma yin pa'i chos ni rab tu ring ba yin no zhes bya ba brtsams te/ dam pa dang dam pa ma yin pa'i chos thag ring ba ni/ dam pa dang 'grogs pa
 yin yang bskal pa yin no zhes bstan pa'i phyir khyod kyis tshigs su bcad pa snyan pa dang zhes bya ba'i tshigs bcad smos so/ /rab tu gsal bar 'phags pa'i don gyi tshig gang yin pa de ni tshig dang/ don kyang rab tu gsal bar 'phags
 pa'o/ /tshig ces bya ba ni lus so/ /don rab tu gsal ba 'phags pa ni srog go /tshigs su bcad pa ni nga rgyal lo/ /snyan pa ni rgyan te/ de de ltar rnam pa bzhi dang ldan pa'i snyan ngag bstan pa yin no/ /gang las mnyan pa dang/ gang mnyan pa dang/ mnyan pa de'i
 'bras bu dang bcas pa de'i dbang du byas nas/ khyod kyi tshigs su bcad pa snyan pa zhes bya ba'i tshigs bcad smos so/ /gang las mnyan pa ni byang chub sems dpa' las so/ /gang mnyan pa yin zhe na/ yon tan bzhi dang ldan pa'i snyan ngag go /gang mnyan pa yin zhe na/ su da sa'i
 bu'o/ /mnyan pa de'i 'bras bu gang yin zhe na/ de thos dga' bar gyur pa'o/ /de'i 'bras bu dang bcas pa ni mchog sbyin pa ste/ mchog slongs shig pa'o/ /gang gi phyir bdag la dga' bar gyur ba de tsam gyis mchog sbyin par mi nus te/ ci'i phyir zhe na/ bdag la yang
 rang dbang med par gyur pa'i phyir ro/ /ji ltar rang dbang med pa yin zhe na/ mi rig pa la dga' bas pham pa'i phyir dang/ mi dge ba spyod pa la 'jug pa'i phyir ro/ /skyon ni nyes pa'o/ /de skad re zhig la ma smra shig ces bya ba gang bstan pa ni/ sbyin par bya ba nyid de
 zhig thong shig pa ste/ gang gi phyir skyon dang bcas pa'i phyir dang/ bden pa dang ldan pa'i brtul zhugs kyi mchog slong ba ste/ bden pa mngon du 'gro ba yin na ni/ mchog gzhan yang sbyin par nus pa yin te/ mchog gzhan yang sbyin par nges par
 gzung ba'i phyir ro/ /sems can rnams la gsod pa spongs zhes bya ba ni srog gcod pa las slar zlog pa'o/ /btson du bzung ba 'di rnams ma lus thong zhes bya ba 'dis ni ma sbyin par len pa las slar zlog pa ste/ gang gi phyir/ de dag ma byin par len pha ni nan gyis khyer ba ste
 de rnams thong shig pa'o/ /gzhan yang sbyin par nus pa'i mchog sbyin par bya ste/ mchog gzhan gsum po yang nges par sbyin par byas pa'i phyir ro/ /btson du gzung ba 'di thong zhig ces bya ba ni dgag pa der zad kyis/ dam pa snga ma gsum ni khyod la 'bul zhes sngar su
 da sa'i bus smras pa de dag las mchog gsum yang med pa nyid du bstan pa'i phyir smras pa/ mi sha za ba ma btang na zhes bya ba'i tshigs bcad smos so/ /bden pa smra ba ji ltar mi 'gyur zhe na/ /mi'i sha za ba yongs su ma btang na 'di ltar yang mchog gsum sbyin par bya'o zhes dam
 bcas pa ste/ de ltar mchog sbyin sbyin pa nyid du khas blangs pa ji ltar bden pa smra bar 'gyur zhes bya ba yin no/ /bden pa'i brtul zhugs shes smos pas ni snga ma nyid du bstan pas de bas na nyes pa med do/ /yang na dam
 pa snga ma gsum ni khyod la sbyin zhes bya ba yin ste/ mchog gsum nyid kyi don yin gyi/ 'di'i don ni ma yin te/ de ltar nyes pa med do zhe na/ de'i tshig gis ji ltar srog gcod pa spong bar 'gyur te/ srog gcod pa ma yin par ni/ mi'i sha med pa'i phyir ro/ /bdag
 gi srog kyang yongs su spangs nas zhes bya ba'i tshigs bcad 'dis kyang gang sngar bstan pa'i mchog sbyin par bya'o zhes bya ba de'i tshig log pa nyid du sgrub pa yin te/ bden pa'i brtul zhugs su ji ltar 'gyur zhes bya ba de'i rjes su bstan pa ste/ gal te de ltar
 sngar gyi nyes pa de yongs su spong bar ji ltar 'gyur zhes pa'o/ /rgyal po khyod kyis srog chags rnams/ /mi bsod par yang ga la zhus zhes bya ba de'i rjes su bstan pa 'di yin te/ sha'i phyir ni mi bsad na zhes bya ba'i tshigs bcad do/ /de ltar gyur na zhes bya
 ba ni brdzun smra ba las ldog pa dang/ srog gcod pa las ldog pa ste/ de bas na de gnyis kyang ma byin par ji ltar mchog gsum po de dag byin pa yin/ mchog gcig pa skye bo btson du bzung ba btang ba de nyid byin pa yin te/ mchog gzhan ni ma
 yin no zhes bya ba'i don to/ /rgyal srid nyams zhes bya ba 'di ni don las nyams pa nyid du bstan to/ /nags tshal zhes bya ba 'dis ni 'dod pa yongs su nyams pa bstan to/ /chos las nyams zhes bya ba 'dis ni yongs su spangs pa'o/ /mi bsad pa dang/ bza'  
 ba ma? zos pa'i phyir gtam ngan thob pa'o/ /de nyid kyis chos nyams pa yin te/ 'dis ni 'jig rten pha rol la gnod pa thob pa nyid du ston to/ /gtam ngan thob ces bya ba 'dis ni mthong ba ni chos kyi gnod pa thob pa nyid du bstan to/ /gang gi phyir ni rgyal srid
 nyams zhes bya ba'i tshigs bcad su ta sa'i bus smras pa/ de'i rjes su bstan pa ni tshigs bcad 'di yin no/ /chos las nyams par 'gyur ba zhes bya ba ni gang sngar bstan pa'i chos las nyams zhes bya ba de nyid bstan to/ /srid las nyams zhes bya ba ni gang sngar
 bstan pa'i rgyal srid las nyams zhes bya ba de nyid bstan to/ /bde las nyams par 'gyur zhes bya ba ni gang sngar bstan pa'i nags tshal sdug bsngal ba dag gis myong zhes bya ba de nyid bstan to/ /grags pa nyams par 'gyur ba zhes bya ba ni gang sngar bstan pa'i
 gtam ngan pa thob pa zhes bya ba de bstan to/ /phung bar 'gyur ba'i 'byung gnas de zhes bya ba'i rgyu bzhi bo de dag nyid du phung ba'i 'byung gnas so/ /byin nas 'gyod pa skye ba zhes bya ba ni/ 'gyod pa yod na ni 'gyod pa skye ba'o/ /gal te sha med na 'tsho bar mi nus na ni sha'i
 tshul bstan pa'i phyir/ sman mkhas pas brtags te zhes bya ba'i tshigs bcad smos so/ /sman pa btags pa ni phan pa'o/ /legs par sbyar ba'i sha zhes bya ba ni sman pas legs par btags pa ste/ 'dis ni g.yos kyi khyad par bstan to/ /gnas rnam bzhi las
 skyes pa'i sha bstan pa yin te/ dus ji lta ba dang/ nad ji lta ba bzhin du sman pas na ba nyid du sbyar ro/ /de ltar re zhig yid du 'ong zhing 'dod pa'i sha rnyed cing 'grub pa nyid du bstan nas/ gzhan yang bde ba thob pa yin no zhes bstan pa'i phyir/ /rnga sgra snyan pa dbyar gyi
 'brug sgra bzhin du sgrogs zhes bya ba'i tshigs bcad smos so/ /rnga sgra snyan pa zhes bya ba'i tshigs bcad dang pos ni/ sbyin pa'i 'bras bu longs spyod chen po'i phan yon yongs su btang ba nyid du bstan to/ /gnyen dang/ bu dang/ nang mir zhes bya ba
 byed 'og mas ni/ bzod pa'i 'bras bu g.yog 'khor mang po'i phan yon yongs su btang ba bstan to/ /dgag par bya ba dang/ dgag par la sbyar zhing dbang bya ba de gnyis kyi rgyu'i dbang du byas nas/ rgyal po'i sems kyi dbang du byas pa ste/ rgyal po'i
 sems kyi dbang du 'gro ba ni mi rigs te/ ci'i phyir zhe na/ phyi rol gyi stobs dang ldan pa las kyang rgyal bar nus pa yin pa'i phyir/ nang gi bde ba ni tshar bcad cing rgyal bar bya ba de la sdang bar bya mi rigs so/ /chos dang srid la
 mi gnod pa'i lam du 'jug par rigs te/ ci'i phyir zhe na/ de'i rgyu bstan pa'i phyir/ mi'i bdag po 'jig rten phyi ma'ang zhes bya ba'i tshigs bcad smos so/ /chos dang srid la mi gnod lam la 'jug pa zhes bya ba ci'i phyir zhe na/ 'jig rten pha rol la
 ltos pa'i phyir ro/ /chos dang/ srid la mi gnod pa de gang yin zhe na/ de'i phyir smras pa/ srid la gnod pa'i dbang du byas nas/ de bas 'ga' yang phan pa ma yin pa bsten mi rigs zhes bya ba yin no/ /gang chos dang/ srid la gnod pa ma yin pa'i
 lam de nyid smras pa/ lam gang yid du 'ong la zhes bya ba'i tshigs bcad phyed 'og ma'o/ /grags dang mi 'gal ba zhes bya ba'i grags pa dang/ mi 'gal ba'i mtshan nyid ji lta bu yin zhe na/ de nyid smras pa/ lam gang yid du 'ong la zhes bya ba ste/ dam
 pa rnams bzhed pa zhes bya ba'i don to/ /ji ltar mi dga' ba yin na yang/ phan pa'i sman ni nad pas btung bar bya ba de bzhin du bsten pa'i rigs so/ /rgyu'i skabs gnas pa ste/ ji ltar zhe na/ grags pa'i rgyu yis 'gro ba 'di dag khyab ces bya
 ba yin te/ de nyid bstan pa'o/ /'di ltar gang gis sdig pa spyod pa de ni 'di ltar sdig pa spyod pa de'o/ /sdig pa spyod pa'i 'chi bdag gi pho nya gang yin pa de ni 'chi bdag pho nyar gyur pa ste/ sdig pa spyod pa'i khyad par 'dis so/ /bdag
 la ji ltar bka' stsal pa/ de bzhin bgyi zhes bya ba ni bka' stsal pa gzhan yang de bzhin du bgyi'o zhes pa'o/ /btson rar stsal bas ma dga' zhing zhes bya ba ni sdug bsngal ba nyid do/ /bzhin mdangs nyams la zhes bya ba ni gzugs kyi ??
 kyi gzi mdangs nyams par bstan to/ /mya ngan gdungs pa'i yid ces bya ba ni/ ming gi lus sdug bsngal ba nyid du bstan to/ /slob dpon dpa' bos mdzad pa'i skyes pa'i rabs rgya cher bshad pa las/ bu zla ba'i skyes pa'i rabs so// //legs pa'i?
 lam ni thar pa'i lam mo/ /rga ba dang/ na ba dang/ 'chi ba dang/ sdug pa dang bral ba zhes bya ba la 'dir rtsogs pa smos pas ni/ mi sdug pa dang phrad pa gang 'dod pa btsal te/ ma rnyed pa de yang sdug bsngal lo zhes bya ba la sogs pa gzung ngo/ /mgon
 med pa rnams zhes bya ba ni bdag nyid sdug bsngal zhing 'dod pas 'jug pa ste/ de med pa'o/ /skyabs med pa zhes bya ba ni skyob par byed pa bdag nyid las med pa ste/ 'di ni skyabs med pa'o/ /dpung gnyen med pa zhes bya ba ni bde legs su yul dag
 phyin par byed pa/ byang chub sems las gzhan med pa ste/ rgyu de gsum med par bstan to/ /snying rjes bskul te zhes bya ba ni de ltar mgon med pa la bdag nyid mgon du khas len pa bstan to/ /de dag bskyab par sems pa zhes bya ba ni/ de ltar skyabs
 med pa dag la bdag nyid bskyab par sems pa nyid du ston to/ /rab tu dge ba'i rang bzhin can de sgrub par 'dod pa'i yid ces bya ba ni dpung gnyen med pa'i 'jig rten la bdag nyid dpung gnyen byed pa nyid du ston to/ /'dis ni gsum po de dag gi khyab
 par bstan pa yin te/ mgon med pa dang/ skyabs med pa dang/ dpung gnyen med pa dag gi khyad par du gtogs par bya ste/ snying rjes bskul ba'i phyir mgon no/ /de dag bskyab par sems pa'i phyir skyabs so/ /rab tu dge ba'i rang bzhin can de phan pa dang
 bde pa'i khyad par can zhes bya ba 'dis ni dpung gnyen no/ /rgyu 'di gsum dang ldan pa'i phyir/ sdug bsngal las skyob pa nyid kyi phan pa dang/ bde ba bsgrub pa nyid du ston to/ /de bzhin du gzhan 'das pa gang dang gang dag tu tshig gsum po 'di bstan/ de dang de dag tu yang
 bzhin du rtogs par bya'o/ /'bangs rnams glo ba nye ba'i bde ba dang 'khrugs pa med pa'i dar ba phun sum tshogs pa zhes bya ba 'dis ni rang gi yul gyi phun sum tshogs pa bstan to/ /rgyal phran thams cad kyi dregs pa gang yin pa de ni/ rgyal phran thams cad kyi
 dregs pa'o/ /de rnams phyag 'tshal ba ni rgyal phran dregs pa rnams phyag 'tshal ba'o/ /'dis ni yul gzhan du gyur pa'i phun sum tshogs pa bstan to/ /dul ba la dga' bas zhes bya bas ma 'ongs pa'i 'bras bu'i rgyu phun sum tshogs pa bstan to/ /rgyal po'i rigs
 de dang/ de dag bde ba dang sdug bsngal bar 'dra bar gyur pa ste/ de'i bde ba sdug bsngal mnyam pa'o/ /byin pa thob pas bram ze mgu zhing g.yeng zhes bya ba ni/ 'phongs pa'i skye po mgu ba phun sum tshogs pa'i dbang du byas pa'o/ /'bangs rnams dregs pas shes
 bya ba nas brtsams te/ glu sgra snyan pa dgod pas zhes bya ba'i bar gyis ni nye bar longs spyod pa phun sum tshogs pa bstan to/ /gcig la gcig 'jus dga' ba rnam par 'phel zhes bya ba ni/ sdug pa dang phrad pa'i bde ba phun sum tshogs pa'o/ /gtam snyan skyel ba zhes
 bya ba'i tshigs bcad 'og ma phyed 'dis ni gang 'dod pa btsal te/ ma rnyed pa de yang sdug bsngal ba'o/ /zhes bya ba de'i gnyen po bde ba'i phyogs kyi dbang du byas pa'o/ /sgo rnams phye zhing btson du bzung ba med ces bya bas ni bde ba nyid du bstan to/ /srang? gi bzhi mdo rgyal
 mtshan zhes bya ba la sogs pa smos pa ni grong khyer gyi rgyan phun sum tshogs pa'o/ /khang pa chen po'i stengs nas zhes bya ba'i tshigs bcad 'di ni skye bo sbyin pa po'i sgrub pa phun sum tshogs pa'i dbang du byas pa'o/ /snying stobs dang ldan pa dang/ bsod nams bsags
 pa'i khyad par 'di gnyis kyis ni/ rgyu phun sum tshogs pa bstan te/ ye shes dang/ bsod nams kyi tshogs kyi rgyu yongs su bzung ba'i phyir/ bsrung ba legs par byas pas zhes bya ba ni yin te/ yongs su bzung ba'i phyir ro/ /rab tu zhi ba zhes bya ba ni lus dang/ ngag gi rab
 tu zhi ba'o/ /dul ba ni bya ba ma yin pa las ldog pa'o/ /yid gzhung ba'i yon tan ni shes rab kyi yon tan te/ sri zhu che ba dang/ mnyan pa zin pa dang/ 'dzin pa dang/ rnam par shes pa dang/ rtog pa dang/ sel nus pas mngon par 'jug pa'i mtshan nyid do/ /rab tu zhi ba dang
 dul ba dang/ shes rab kyi yon tan de dag dang ldan pa ni rab tu zhi ba dang/ dul ba dang/ shes rab kyi yon tan dang ldan pa'o/ /ma dris pa ni ma shes pa'o/ gnyen du ma 'brel ba'i zhes bya ba ni gang de la rigs la sogs pa'i mtshan nyid kyis gnyen du 'brel ba ste
 gnyen du 'brel pa de med pa'i phyir ro/ /dam pa ring du gnas gyur kyang zhes bya ba ni/ rab tu bskal pa'o/ /rgyu gsum gyis ni byams par 'gyur te/ yongs su 'dris pa dang/ gnyen du 'brel ba dang/ nye ba na gnas pa ste/ gsum po 'di'i dbang du byas pa'o/ /sdug
 pa dang bral bas sdug bsngal nyid kyi phyir te/ dar ba zhes bya ba ni bdag gi yo byad phun sum tshogs pa'o/ /rgud pa zhes bya ba ni 'jig cing gzhan du 'gyur bas de mi rtag pa'o/ /bdag la phan pa bgyi bar 'tshal zhes bya ba ni der gnas na'o/ /thugs dpag mdzad
 du gsol zhes bya ba ni rjes su gzung bar gsol ba'o/ /glang po che mda' dug can gyis tshabs cher phog pa bzhin du de'i mya ngan gyi sems gdungs pa dag rgya mtsho rab tu zab pa rlung gis rlongs pa bzhin du 'khams te 'dar bar gyur pa zhes de ltar sbyar ro/ /bdag
 nyid phung por byed pa zhes bya ba'i tshigs bcad phyed dang po 'dis ni/ sus de ltar gnod pa byas shes pa'o/ /su yi nga yis mi zhes bya ba phyed 'og mas ni/ /su zhig gsad par bya zhes bstan pa'o/ /dang po mngal du zhugs pa'i nub mo nas zhes bya ba'i
 tshigs bcad 'dis ni/ skad cig mas 'jig cing mi rtag pa nyid du bstan to/ /yang na skye ba dang/ gnas pa bstan to/ /dang po mngal du zhugs pa'i nub mo zhes bya ba 'dis ni skye ba'o/ /de nas brtsams te gzhan du ma gol bar zhes bya ba 'dis ni gnas 
 pa bstan to/ /gnas pa zhes bya ba ni skye ba'i gnas te/ skad cig ma re res 'chi bdag gi drung du nye bar 'gro ba'o/ /thabs dang rab tu ldan pa zhes bya ba'i tshigs bcad 'dis ni/ rga ba dang/ mi rtag pa nyid bstan te/ thabs dang ldan yang
 su yang thar pa med ces bya bas ni 'dzangs pas kyang rga ba dang/ 'chi ba bzlog par mi nus pa nyid du bstan to/ /mthu yod kyang zhes bya ba 'dis ni gzugs kyi lus kyi stobs kyis bzlog par mi nus pa nyid du bstan to/ /de ltar tshigs bcad gnyis kyis ni 'dus
 byas kyi mtshan nyid bzhi dang ldan pa'i phyir/ 'dus byas rnams yongs su dor ba nyid du bston to/ /'dus byas kyi mtshan nyid bzhi ni skye ba dang/ gnas pa dang/ rga ba dang/ mi rtag pa'o/ /mi rta glang chen shing rta mang po zhes bya ba nas brtsams pa'i tshigs bcad thams cad kyis
 ni 'chi ba mi zlog pa nyid las brtsams nas so/ /tshigs bcad 'di dag gi don ni 'di yin te/ mi dang/ dud 'gro dang/ lha dang/ lha ma yin gyi 'gro ba la gnas pas kyang 'chi ba las mi zlogs pa nyid du bstan to/ /dmyal ba rnams su ni de'i bsam pa'i skabs med
 pa'i phyir/ dmyal ba 'dir ma smos so/ /de ltar re zhig tshigs bcad 'di dag gi khyad par ni 'di ltar snang ste/ khyad par gzhan ni gang yang med do/ /mi rta glang chen shing rta zhes bya ba'i tshigs bcad kyis ni dgra gzhan dag ni thub par nus kyi/ 'chi bdag gi dgra las ni rgyal
 bar mi nus so zhes pa'i don to/ /rta dang glang chen rkang thang zhes bya ba'i tshigs bcad kyis ni dmag gis yongs su bsrungs na/ dgra dag las ni thar par 'gyur gyi/ /'chi bdag gi dgra las ni dmag gis thar par mi 'gyur ro zhes pa'i don to/ /de bzhin du tshigs bcad
 gzhan dag la yang bye brag ji ltar brjod par bya'o/ /gad pa chen po'i ngos dral rgyal bar gyur ba'o zhes bya ba ni chu bo'i dogs kyi gad pa las rgyal ba'o/ /rtse mo nyid bar ba yin pas rtse mo 'bar ba'o/ /khros pa'i rlung gis rtse mo 'bar ba de ni khros pa'i rlung gis rtse mo 'bar ba'o//
 'brug sgra drag pos dkrags gang yin pa de ni 'brug sgra drag pos dkrags pa'o/ /nad dang rga ba'i mche ba gtsigs pa'i kha gdangs pa gang yin pa de ni kha gdangs nad dang rga ba'i mche ba gtsigs pa nyid do/ /mi sdug pa dang/ 'jigs pa'i gdon gang yin pa de ni mi sdug pa dang
 'jigs pa'i gdon no/ /dam du 'dzin pa gang yin pa de ni dam du 'dzin pa'o/ /snyems pa'i mthu la ni rab tu snyems pa'i mthu rtsal te/ rab tu snyems pa'i mthu rtsal gang yin pa de dag ni rab tu snyems pa'i mthu rtsal nyams par 'gyur ba'o/ /mchod par 'dod pa dang/ gnod
 pa ni mchod 'dod gnod pa'o/ /de dag mchod 'dod gnod byed ni/ mchod par bya ba dang/ /gnod pa byed pa'i ched du 'ongs shing lhags pa zhes bya ba'i don to/ /zhi bar nus pa ni de sel bar byed pa'o/ /dka' thub bde legs zhes bya ba la/ rang gi sgra ni rigs pa yang bsdu ba'o//
 sgyu ma mkhan zhes bya ba ni mig 'khrul la mkhas pa'o/ /mang po 'dus pa ni skye bo mang po'i tshogs so/ /bslu bar nus zhes bya ba ni gang gis rmongs par byed pa yin pas bslu bar nus pa ste/ rta dang glang po che la sogs pa skye bo rnams kyis mthong ba'i sgyu byas pa'o//
 dka' thub nyid mthu yin pas dka' thub mthu'o/ /grub pa rnams kyi gsang sngags ni gsang sngags grub pa'o/ /dka' thub kyi mthu dang gsang sngags grub pa ni bka' thub mthu'o/ /kha gcig tu gsang sngags grub pas shes kyang brjod de/ dka' thub kyi
 mthu grub pa ni/ dka' thub kyi mthu grub pa ste/ /dka' thub kyi mthus gsang sngags grub pa ni/ /dka' thub mthu'o/ /chos phyir bdag blo bas mthar zhes bya ba ni chos kyi blos so/ /mngon du byung nas zhes bya ba ni gsal bar ston pa'o/ /slar yang mi snang
 'gyur zhes bya ba ni mig lam du mi snang bar gyur pa'o/ /bar bar mkha' la 'gro zhes bya ba ni/ mi snang bar 'gro ba las kyang nam mkha' la 'gro ba'o/ /sa 'og nub pa zhes bya ba ni/ thogs pa dang bcas pa la thogs pa med par 'gro ba'o/ /mngon du byung nas slar
 yang mi snang 'gyur zhes bya ba 'dis ni/ sprul pa'i rdzu 'phrul bstan to/ /bar bar mkha' la 'gro zhing bar bar sa 'og nub ces bya ba 'dis ni 'gro ba'i rdzu 'phrul bstan to/ /gsang sngags kyi mthus byas pa'i stobs ni gsang
 sngags kyi mthu stobs so/ /rnam pa sna tshogs pa'i gsang sngags kyi mthu stobs gang yin pa de dag ni gsang sngags kyi mthu stobs rnams so/ /nga rgyal bod pa'i blo can zhes bya ba ni lha dang lha ma yin gyi dmag tshogs so/ /khros pa ma mchis zhes bya ba 'dis ni gang sngar
 bstan pa'i bdag nyid phung byed pa su zhig gis zhes bya ba'i tshigs bcad de'i don ma yin pa nyid du bstan to/ /byams pa ma mchis zhes bya ba 'dis ni gang sngar stan pa'i nga la cung zad dogs pa'am zhes bya ba'i tshigs bcad don de med pa nyid du ston to/ /de lta na
 ci'i phyir zhe na/ smras pa/ chos kyi don du 'gro zhes bya ba yin te/ gang du 'gro zhe na/ nags su'o/ /ji ltar 'gro zhe na/ nges pa'o/ /gal te 'chi bdag 'ong bar 'gyur na yang/ ji ltar log par spyor par ni/ chos ma yin pa'i bdag nyid de/ rjes su gdungs pa'i rgyu yin pa'i phyir ro/ /de lta mod kyi/
 ci'i phyir/ chos kyi don rtogs par bya ba'i phyir 'gyur zhe na/ smras pa/ chos kyi nags tshal dag na/ bde bar bsgrub du mchis zhes bya ba smos so/ /bag med dregs dang 'dod chags shis pa'i tshigs bcad 'dis ni/ khyim ni nyon mongs pa'i kun nas nyon mongs pa'i phyir/ nyon mongs pa'i kun nas nyon mongs
 pa ni/ chos kyi dgra yin pa'i phyir/ de dang mi mthun pa nyid du ston to/ /las rnams mang po zhes bya ba'i tshigs bcad ni/ las dang skye ba'i kun nas nyon mongs pas/ nyon mongs pa nyid du bstan te/ sdug bsngal 'byung ba'i gnas zhes bya ba 'dis ni skye ba'i kun nas nyon mongs pa nyid du bstan to//
 zhi ba'i lam ni/ thar pa'i lam mo/ /de ltar kun nas nyon mongs pa gsum gyis/ nyon mongs pa'i phyir chos dang 'gal ba nyid do/ /nags na ni kun nas nyon mongs pa gsum po de dag gi med pa'i phyir/ nags na bya ba ngan pa zhes bya ba'i tshigs bcad smos so/ nags na bya ba ngan pa mang po btang zhes bya ba 'dis
 ni/ las kyi kun nas nyon mongs pa nags na med pa nyid du bstan to/ /bsod nams 'thob cing yongs su bzung ba'i sdug bsngal spangs la/ gtsang zhes bya ba 'dis ni/ skye ba'i kun nas nyon mongs pa med par bstan to/ /de med pa nyid kyis gtsang la zhi ba 'ba' zhig ces bya ba 'dis ni/ bya ba ngan pa
 mang po btang ba de'i gnyen po nyon mongs pa nye bar zhi ba/ 'ba' zhig byed pa'i phyir/ yang chos yongs su bzung ba ni nyon mongs pa'i phyogs yongs su spangs pa'o/ /mgu ba dang/ grags pa de gnyis ni mthong ba'i chos nyid kyi'o/ /mi rnams kyis bsrungs kyi nor dang/ dpung gis min zhes bya ba 'dis ni don
 bzlog pa'i rgyu nyid du chos ston de/ nor dang dpung ni ma yin no zhes bya ba ste/ sems can dang/ sems can ma yin pas mi bsrung ngo zhes pa'o/ /chos kyi bde ba zhes bya ba ni/ chos nyid kyis 'dod pa'i don sgrub pa nyid du ston to/ /'thob ces bya ba ni sems can dang sems can ma yin pa'i dbang phyug go /chos kyi bdag nyid
 can ni shi na'ang dka' bar 'gyur zhes bya ba 'dis ni 'chi ba'i 'jigs pa med pa nyid du ston to/ /ngan 'gro'i 'jigs pa med par 'gyur zhes bya ba 'dis ni/ ngan song du 'gro ba'i 'jigs pa med par ston to/ 'chi ba'i dus su ngan song gi 'jigs pa med pa ni chos la gnas pa'i phyir ro/ /de ni de'i rgyu bstan pa'i phyir/ las kyi khyad
 par dag kyang zhes bya ba'i tshigs bcad smos so/ /dge ba'i mtshan nyid tha dad pa ni srog gcod pa la sogs pa las/ ldog pa'i mtshan nyid kyi las kyi khyad par ro/ /sdig pa'i las kyi mtshan nyid ni/ srog gcod pa la sogs pa'i mtshan nyid dang/ smin pa la sogs pa med pa'i mtshan nyid do/ /ji ltar dge
 ba dang mi dge ba'i las kyi khyad par tha dad pa de bzhin du rnam par smin pa yang tha dad pa yin te/ ji ltar zhe na smras pa/ mi dge bas ni ngan song du ltung ba yin la/ bsod nams bsags pa'i ni/ /bde ba'i gnas su 'gyur to/ bde ba'i gnas su 'gro ba gang yin pa de ni bde ba'i gnas
 su 'gro ba'o/ /rgyal srid kyi dpal yang rtswa dang 'dra bar bor zhes bya ba ni phun sum tshogs pa chen po la yang ma chags pa ste/ des ni bsam pa phun sum tshogs pa bstan to/ /dka' thub kyi nags tshal du gnas par 'gyur to/ /zhes bya bas ni sbyor
 ba phun sum tshogs pa bstan to/ /bsam gtan ni bsam gtan bzhi'o/ /tshad med pa ni byams pa la sogs pa bzhi'o/ /slob don dpa' 
 bos mdzad pa'i skyes pa'i rabs rgya cher bshad pa las/ lcags kyi khyim nas bskyed pa'i rabs so/ /skyes pa'i rabs rgya cher bshad pa/ slob dpon d+harma'i kIrtis mdzad pa rdzogs so//
 rgya gar gyi mkhan po paN+Di ta dza nA ra d+ha na dang/ zhu chen gyi lo tsa ba/ i bu dge slong shAkya blo gros kyis bsgyur pa'o/ /sh+rI manhA dzas kri tpri ts+tsha/ /dge zhing bkra shis so//