<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4439: skyes pa'i rabs kyi rgyud<br><table><tr><td>
<input type="button" onclick="location.href='tcompletep.php?id=N4439&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4439&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4439&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">rgya gar skad du/ dzA ta ka mA la/ bod skad du/ skyes pa'i rabs kyi rgyud/ bam po dang po/ /bcom ldan
 'das ngag gi dbang po la phyag 'tshal lo/ /dpal ldan yon tan dam pas yongs gzung bkra shis pa/ /grags pa'i
 gzhir gyur ma smad shin tu yid du 'ong/ /thub pa'i sku tshe snga ma'i spyod pa rmad byung rnams/ /bdag gis snyan dngags
 me tog snyim pas gus pas mchod/ /grags pa'i mtshan mar gyur pa bzang po 'di rnams kyis/ /bde bar gshegs
 'gyur lam rnams gang yin bstan par 'gyur/ /yid la dad pa med pa rnams kyang dad par 'gyur/ /chos dang ldan
 pa'i gtam gyis rab tu dga' bar 'gyur/ /'jig rten mchog gi spyod pa dam pa'i phyogs tsam gyis/ /bdag gi snyan dngags
 mnyan du rung bar bya ba'i phyir/ /lung dang gtsug lag rigs pas mi 'gal lam dag gis/ /de ltar 'jig rten don 'gyur snyam
 nas 'di brtsams so/ /rang don brtson pas gzhan don brtson pa gang yin pa'i/ /yon tan sgrub pa bzang po'i rjes su mthun ma
 gyur/ /thams cad mkhyen ces brjod pa ma nor gsal bar grags/ /mnyam med de dang chos dang dge 'dun spyi bos 'dud/ /bcom ldan 'das de sku tshe snga ma la yang   
 sems can thams cad la rgyu med par rab tu byams pa'i ngo bo nyid yin pas sangs rgyas bcom ldan 'das la sems rab tu dang bar bya'o/ /de yang 'di
 skad thos so/ /bdag cag gi bla ma dkon mchog gsum bla mar byed pa/ sgrub pa'i yon tan rnams kyis bla ma mgu bar byas pa/ yon tan gyi tshogs kyis
 bla mar gyur pa rnams kyis bcom ldan 'das kyi sku tshe snga ma'i rtogs pa brjod pa 'di yongs su bsgrags pa rjes su thos te/ byang chub sems dpa' yi dam
 bcas pa khyad par can dang mthun par gyur pa/ sbyin pa dang/ tshig snyan pa dang/ don spyod pa la sogs pa shes rab kyi yongs su zin pas skyo ba med cing
 snying rje'i rgyu mthun pa rnams kyis 'jig rten yongs su 'dzin pa na rang gi chos la mngon par dga' ba las gyur pa'i gtsang sgra dang/ spyod pa dang ldan pa'i bram
 ze'i rigs chen po je mtho ji mthor gyur pa zhig tu skye ba yongs su bzung bar gyur to zhes grag go /de skyes pa'i las bya ba la sogs pas spyad pa rim pa bzhin du byas
 shing rim pa bzhin du mngon par mtho bar skyes pa na rang bzhin gyis yid gzhungs pa dang/ mgon skyabs kyi khyad par dang/ shes pa ches cher 'dzin pa dang/ le lo med
 pas ring po ma thogs par rig pa'i gnas bco brgyad dang/ bdag gi rigs dang mi 'gal ba'i sgyu rtsal rnams la slob dpon gyi go 'phang thob par gyur to/ /rig byed shes
 la de ni tshangs pa bzhin/ /rgyal po rnams kyis bkur ba rgyal po bzhin/ /skye dgu rnams la brgya byin mngon sum bzhin/ /shes 'dod rnams la don spyod pa dang 'dra/ /de
 skal pa dang ldan zhing yon tan khyad par can du gyur pas rnyed pa dang/ bkur sti dang grags pa'i khyad par rnams rab tu byung bar gyur to/ /byang chub sems dpa' de blo chos la goms par bsgoms pa
 dang/ rab tu byung ba la 'dris par byas pas de la mngon par dga' bar ma gyur to/ /sngon gyi spyod pas de blo yongs su dag /'dod pa rnams la skyon mang mthong nas ni/ /khyim na gnas pa nang bzhin
 yongs spangs nas/ /nags tshal gnas shig rab tu brgyan par gyur/ /de ni der yang chags med de yis su/ /shes rab yongs su sbyangs shing zhi ba yis/ /mi yi 'jig rten dam pa'i spyod bral ba//
 ngan par spyod la chags pa bzlog pa bzhin/ /de yi rang bzhin byams pa'i bdag nyid kyis/ /rnam par brlan pa bzhin du sems mthun zhing/ /phan tshun gnod pa med pa'i sems gyur
 nas/ /dka' thub can bzhin gcan gzan khro bo'ang spyod/ /spyod pa dag cing dbang po dul ba dang/ /chog shes ldan zhing snying rje'i yon tan gyis/ /'jig rten dag na skye bo ma 'dris pa'ang//  
 gzhan la de byams bzhin du de la byams/ /'dod pa chung la ngan g.yo mi shes shing/ /rnyed dang grags dang bde la ma chags pas/ /de ni lha rnams yid kyang mgu gyur nas/ /dang zhing gus
 la rab tu gzhol bar byed/ /de ni rab tu byung bar mi thos te/ /de yi yon tan rnams kyis sems drangs te/ /gnyen dang yongs su gzung ba rnam spangs te/ /dgongs grub bzhin
 du de yi slob mar gyur/ /tshul khrims gtsang sbra dbang po dul ba dang/ /dran pa ma nyams rab tu dben pa dang/ /byams la sogs dang yid ni ting 'dzin la/ /de ni slob ma rnams la ci nus ston/ /de
 nas bdag nyid chen po de re zhig cig na slob ma'i tshogs rnams ni phal cher yongs su rdzogs shing rgya cher gyur/ /dge ba'i lam la ni rab tu bkod/ /'jig rten pa rnams ni nges pa'i lam
 dam pa la btsud/ ngan song gi sgo ni bcad pa bzhin du byas/ bde 'gro'i lam ni lam po che bzhin du byas nas/ tshe 'di la bde ba spyad pa'i phyir de'i tshe rjes su mthun pa'i slob ma ma pham
 pa dang 'grogs te/ rnal 'byor dang mthun pa'i gnas ri'i sul sman ljongs shig tu gnas shing spyod do/ /de nas ri khrod de na ni/ /stag mo phrug gu 'brangs pa zhig /phrug gu 'brangs pa'i sdug bsngal gyis/
 spyod pa nyams par gyur pa mthong/ /mig gnyis lta bzhan par gyur/ /bkres pas lto ba rab tu rnyong/ /phrug gu bdag gi bu yin yang/ /kha zas bzhin du lta bar gyur/ /ma la yid bcugs 'jigs med cing/ /nu zho
 'dod phyir lhags pa las/ /stag skad nyer nyer sgra 'byin cing/ /gzhan gyi bu bzhin spong bar 'gyur/ /byang chub sems dpas de mthong nas/ /brtan yang snying rje'i dbang gyur pas/ /sa g.yos pa mi ljon shing bzhin/ /gzhan gyi sdug bsngal gdungs pas 'dar/ /bdag gi
 sdug bsngal chen pos kyang/ /snying rje'i bdag nyid brtan pa gsal/ /gzhan gyi sdug bsngal chung ngus kyang/ /'dar bar gyur pa de rmad do/ /de nas byang chub sems dpa' brtabs shing rings rings skad du smra ba'i tshig rang bzhin khyad par can la gsal
 bar ston pa snying rje'i dbang gis tshig 'bru gsal bar slob ma la smras pa/ bu bu 'khor ba yon tan med la ltos/ /gcan zan mo ni ltogs nas su/ /byams par mtshams las 'das nas ni/ /bdag gi bu yang za bar 'dod/ /
 kye ma'o bdag la byams pa 'di/ /ha cang ma 'os mi bzod do/ /ha cang ma yang bdag gi bu/ /za bar 'dod pa ga la srid/ /gang phyir 'di 'dra'i las dag kyang/ /byed par rtsol ba de lta bu'i/ /bdag la byams pa'i dgra bo de/ /'phel
 bar byed pa su zhig yod/ /de bas na stag mo bdag dang phrug gu rnams ma rungs par ma gyur par 'di bkres pa'i sdug bsngal bsal ba'i rgyug zhig nas myur du tshol cig /bdag kyang 'di'i thub chos 'di las bzlog pa'i phyir 'bad do/ /
 des kyang de mnyan te de bzhin du bgyi'o zhes nas/ de'i zas 'tshol ba la 'bad par gyur to/ /de nas byang chub sems dpas slob ma de snyad btags te btang nas bsams pa/ bdag gi lus 'di tshang bar yod bzhin du/ /ci phyir gzhan
 las sha ni btsal bar bya/ /des kyang rnyed dam mi rnyed gtol med la/ /bdag gis dgos pa 'di yang mi 'grub srid/ /gnyis su na/ bdag med 'jig la snying po med pa'i lus/ /sdug bsngal dri med rtag tu mi gtsang pa'i/ /lus kyis 
 gzhan la phan 'dogs gyur pa la/ /dga' bar mi 'gyur de ni mkhas pa yin/ /bdag gi bde la chags nas gzhan dag gi/ sdug bsngal yal bar dor ba mthu med dam/ /gzhan dag sdug bsngal dag la bde
 ba med/ /nus pa yod bzhin ci ste yal bar dor/ /nus pa yod bzhin bdag gis yal bor nas/ /gsod pa'i sgra yang sdug bsngal bying ba la/ /yal bar bor na sdig pa byas pa bzhin/ /bdag gi sems ni 'dam bu mes tshig
 bzhin/ /de bas lus kyis bsrung ba bya ba ni/ /g.yang sar ltung la thug pa'i srog yod pas/ /phrug gu gsad las gcan mo bsrung ba dang/ /gcan mo las kyang de'i phrug gu bsrung/ /gzhan yang/ 'jig rten phan brtson rnams la bstan
 pa dang/ /brtson 'grus zhan pa spro ba bskyed pa dang/ /gtong phod rnams ni dga' ba bskyed pa dang/ /skye bo dam pa'i yid ni drang ba dang/ /bdud kyi sde chen spa ni bkong ba dang/ /sangs rgyas yon tan dga' ba dang ba dang/ /bdag gi
 don brtson ngo tsha bskyed pa dang/ /'jungs dang 'dod chen can yang ngo tsha bskyed/ /theg pa mchog la brten pa dad bskyed cing/ /gtong ba snyems pa ngo mtshar bskyed pa dang/ /gtong ba dga' ba rjes su yi rang rnams/ /mtho ris lam
 chen rnam par sbyang phyir ro/ /lus tsam gyis kyang gzhan la phan thogs par/ /nam zhig 'gyur zhes bdag gis gang bsams pa/ /smon lam de ni 'bras bu yod par bya/ /byang chub mchog kyang rab tu nye bar bya'o/ /'dun phyir
 ma yin grags pa 'dod phyir min/ /mtho ris 'dod dang rgyal srid bsgrub phyir min/ /bdag gi bde ba mchog thob phyir min gyi/ /gzhan don bsgrub phyir bdag ni 'di rtsom mo/ /de bas bdag ni 'di yi lus gcig tu/ /'jig
 rten dag la sdug bsngal bde 'byung ba/ /bsal zhing bsgrub pa rtag tu nus gyur cig /nyi mas mun bsal snang byung nus bzhin no/ /mthong zhing thos sam rjes su dran yang rung/ /reg gam gtam du brjod par gyur kyang rung/ /rnam pa kun tu 'gro
 la phan pa ni/ /bde ba ldan pa rtag tu byed gyur cig /de ltar gzhan don bsgrub phyir nges byas nas/ /srog dang bral yang rab tu dgar 'gyur te/ /brtan pa'i lha rnams ngo mtshar skye 'gyur bar/ /bdag gi lus ni de nas bor bar 'gyur/ /
 de nas stag mo des byang chub sems dpas lus bor ba'i sgra des khros shing ngo mtshar skyes nas bdag gi phrug gu bca' ba btang ste/ de nas mig gnyis kyis bltas na/ byang chub sems dpa' de'i lus srog dang bral ba mthong
 nas/ de ma thag tu nye bar 'ongs te bza' bar brtsams so/ /de'i 'og tu de'i slob ma de sha ma rnyed pas slar 'ongs te/ mkhan po gang na bzhugs snyam nas bltas na/ byang chub sems dpa' de'i lus srog dang bral ba
 stag mo de za zhing 'dug pa mthong ba dang/ des de'i spyod pa khyad par can ngo mtshar che bar bzung nas mya ngan dang sdug bsngal gyi shugs btang ste/ de'i yon tan gyi gzhi la smon pa tshig tu smra ba bzhin du yid la bsams pa tshig tu
 smras na legs te/ e ma'o/ /sdug bsngal can la 'di snying rje/ /bdag nyid che ba bdag nyid bde ma chags/ /dam pa rnams kyi spyod pa mchog tu byas/ /gzhan gyi dpal dang grags pa zil gyis mnan/ /e ma'o rab tu
 dpa' ba 'jig pa med/ /yon tan gzhi ldan byams mchog rnam par bstan/ /e ma'o yon tan chen po bdag gi lus/ /phyag gi gnas kyi khyad par can du byas/ /rang bzhin zhi ba sa gzhi bzhin du bstan/ /e ma'o/ /
 gzhan gyi sdug bsngal mi bzod pa/ /e ma'o/ dpa' ba phun sum tshogs pa 'dis/ /bdag gi skyon ni rab tu grags par gyur/ /mgon po 'dis ni mgon dang bcas byas pa/ /da ni 'gro ba mya ngan bya mi dgos//
 gzhan gyis pham du dogs pa'i bdud dag kyang/ /da ni nges par shugs kyang nar zhes 'byin/ /yong ye skal pa chen po sems can thams cad kyi skyabs su gyur pa/ /thugs rje shin tu rlabs che ba/ /snying stobs dpag tu med
 pa/ byang chub sems dpa' don ji lta ba nyid la phyag 'tshal lo zhes smras nas/ de nas don de tshangs pa mtshungs par spyod pa rnams la sbran to/ /de nas de'i spyod pa ngo mtshar gyur pa'i slob ma dang/ /dri za gnod sbyin klu dang
 sum cu rtsa gsum bdag po rnams/ /phreng ba na bza' rgyan dang tsan dan phye ma char 'bab bas/ /de yi sku gdung rin chen 'dzin pa'i sa gzhi khebs par byas/ /de bas na de ltar bcom ldan 'das sku tshe snga ma la yang
 sems can thams cad la rgyu med par rab tu byams pa'i rang bzhin can/ /sems can thams cad bdag gir gyur pa yin pas sangs rgyas bcom ldan 'das la rab tu dad par bya'o/ /dad pa bskyed pa rnams kyis
 sangs rgyas bcom ldan 'das la dga' ba bskyed par bya'o/ /de lta bas na de ni bdag cag gis dad par bya ba'i gnas yin no zhes de ltar yang sbyar bar bya'o/ /de ltar chos kyang bya dka' ba mang pos bsgrubs pa
 yin pa'i phyir rim gro bskyed de chos mnyan par bya'o/ /de lta snying rje ni gzhan la phan 'dogs pa'i rgyu yin zhing ngo bo nyid khyad par can sgrub pa yin pa'i phyir snying rje'i yon tan bsngags pa la yang brjod par bya'o/ /byang
 chub sems dpa' i rtogs pa brjod pa'i rgyud las rtogs pa brjod pa dang po'o// //bcom ldan 'das des bya dka' ba brgya phrag mang pos bdag cag gi don du dam pa'i chos 'di yang dag par bsgrub pa'i phyir rim gro bskyed de chos mnyan
 par bya'o/ /de yang 'di skad thos te/ bcom ldan 'das 'di byang chub sems dpar gyur pa'i tshe dpag tu med pa'i dus nas goms par bya ba bsod nams kyi las byas shing bsag shing 'dris par byas pa de re zhig cig yul shi bi rnams kyi
 rgyal por gyur to zhes grag go/ de byis ba nas rgan pa la bsnyen bkur byed par dga' ba/ /dul ba la rjes su dga' ba/ /rje blon byams pa/ rang bzhin gyis yid gzhungs pas rig pa du ma rtogs pa'i blo rgya che ba/ spro ba dang gsang tshig dang/
 gzi byin gyi mthu dang/ skal pa phun sum tshogs pas skye dgu rnams bdag gi bu bzhin du skyong bar gyur te/ /de la 'khor gsum rjes mthun yon tan tshogs/ /phan tshun 'gran pa bzhin du gnas par gyur/ /dngos po thams cad yongs su
 rdzogs gyur cing/ /'gal zhing 'khrugs pas mdzes pa med ma gyur/ /ma dul 'phyar ba rnams la dpyas gyur pa/ /blun po rnams ni rab tu phung byed pa/ /bdag nyid chung ngu rnams ni myos 'gyur gang/ /dpal de de la ming ni don bzhin
 gyur/ /rang bzhin rgya che snying rje'i yon tan ldan/ /rgyal po de ni nor la dbang byed phyir/ /phongs pa rnams ni 'dod pa'i don grub pas/ /ngo 'dzum mi gnag bzhin bzangs mthong bas dga' / /de nas rgyal po de sbyin pa la dga' bas grong
 khyer gyi khor khor yug tu sbyin pa'i khang pa nor dang 'bru dang yo byad thams cad phun sum tshogs pa rtsig tu bcug nas/ bdag gi bdag nyid che ba dang rjes su mthun pa/ re ba ji lta ba bzhin du skong pa/ gus pa bcas pas yid dga' bar
 byed pa/ dus bzhin du 'byor pas yid du 'ong ba'i sbyin pa'i char rdzogs ldan gyi dus kyi sprin bzhin du phab par gyur te/ zas 'dod pa rnams la ni zas/ btung ba 'dod pa rnams la ni btung ba/ mal cha dang stan
 dang gos dang bza' ba dang/ byug spos dang/ phreng ba dang gser dang/ dngul la sogs pa 'dod pa rnams la char bzhin du phab bo/ /de nas rgyal po de yis sbyin pa rlabs po che thos nas/ phyogs tha dad pa'i yul na gnas pa'i mi
 rnams ya mtshan che zhing snying dga' bar gyur te/ yul der lhags so/ /mi yul kun du yid kyi rtags na yang/ /gzhan du bslang ba'i skabs ni ma rnyed na/ /phongs pa rnams ni dga' bzhin der lhags pa/ /nags tshal
 glang po mtsho chen ngogs lhags bzhin/ /de nas rgyal po de skye bo slong ba thob tu re bas yid dga' bar gyur pa mgron po'i chas su zhugs pas mi sdug par gyur pa rnams so so nas lhags pa dang/ skye bo mdza' bshes
 byas nas 'ong ba dag/ mthong bar gyur nas dga' ba'i mig bgrad bzhin/ /slong ba'i tshig ni gtam snyan thos bzhin dga' / /byin nas dga' ba slong bas kyang lhags te/ /sbyin pa las byung de yi grags pa'i dri/ /
 phongs pa'i tshig gi rlung gis bsgrags pa dag /rgyal po gzhan gyi dregs pa med byas pa/ /spos kyi glang pos glang po gzhan gyi bzhin/ /de nas re zhig cig rgyal po de sbyin gtong gi khang pa rnams nyul du song song ba dang//
 phongs pa rnams re ba skong bas slong ba'i skye bo 'drul ba nyung bar mthong nas/ sbyin pa'i bsod nams kyi 'phel bar gyur pas mgu bar ma gyur to/ /de la brten nas 'phongs pa tshim par gyur/ /sbyin la dpa' ba de ni
 snying ma tshim/ /'das pa rnams kyis slong ba'i tshad dag gis/ /de yi sbyin pa'i tshad la thub ma gyur/ /des bsams pa/ phongs pa rnams 'dzem pa med cing bag brkyang ste/ bdag gi lus slong ba'i skyes bu dam pa ya rabs de dag re skyid//
 nga nyon mongs phongs pa rnams tshig rtsub pos te bsdigs te bskrad ba bzhin du nor tsam la yar bag brkyang ste slong mi phod par gyur to snyam mo/ /de nas rgyal po sbyin pa rlabs po che/ /bdag gi lus la'ang rab tu ma chags par//
 sbyin par bya ba rnam rtog de rig nas/ /bud med khyo la gdung bzhin sa g.yos so/ /de nas lha'i dbang po brgya byin sa gzhi g.yos pas ri'i rgyal po ri rab rin po che'i 'od gsal ba g.yos par gyur pa dang/ 'di ci zhig snyam
 du rtog pa skyes so/ /rgyal po de'i rnam par rtog pa khyad par can 'di las sa g.yos par gyur par rig nas/ sems la ya mtshan che bar gyur te bsams pa/ sbyin pa rab tu dga' ba'i yid kyis su/ /'di ni rgyal po gyi na
 mda' rnams brtags sam/ /bdag gi lus 'di nges par sbyin byas nas/ /'on te snying nas 'bad de bsams pa yin/ /de bas na 'di re zhig brtags par bya'o snyam mo/ /de nas rgyal po de blon po'i tshogs kyis bskor
 te 'khor gyi nang na 'dug cing/ phongs pa rnams la 'os 'os su gang ci 'dod ces bos te/ nor bu rin po che dang/ gser dang dngul dang nor gyi tshogs rnams ni phyung ste/ dkor gyi bla rnams kyis sbyin byas/ gos rnam pa sna
 tshogs kyis bkang ba'i gos kyi snod rnams ni kha phye/ bzhon pa dul ba rnam pa sna tshogs kyis drang ba'i shing rta'i khyad par bzang po rnams ni sogs/ skye bo phongs pa rnams ni so so nas lhags pa dang/ lha rnams kyi dbang po brgya
 byin bram ze rgan po long ba zhig gi gzugs su bsgyur nas/ rgyal po'i spyan sngar 'ongs par gyur to/ /de nas rgyal po des snying rje dang byams pas bsgom pa'i lta bas brtan zhing gsal la zhibs bsu zhing/ 'khyud
 pa bzhin du bltas pa dang/ rgyal po'i 'khor rnams kyis ci 'dod ces dris pa dang/ mi'i bdag po dang nye bar 'ongs nas/ rgyal bar gyur cig ces bya ba'i tshig gis shis pa brjod de/ rgyal po la 'di skad ces smras so/ /sa bdag
 dam pa khyod kyi spyan 'tshal phyir/ /rgan po ring nas mi mthong bzhin du mchis/ /pad+ma'i spyan mnga' spyan ni gcig pus kyang/ /'jig rten bdag pos 'jig rten bgyi ba 'grub/ /de nas byang chub sems dpa' yid la bsams shing smon
 pa rab tu 'grub pas rab tu dga' zhing spro bar gyur te/ /ci bram ze 'di bden par smras sam/ 'on te 'di lta bu'i rtog pa la goms par bdag nyid kyis 'di ltar zin snyam du rtog pa skyes nas yid la mig slong ba'i tshig snyan pa nyan par
 'dod de/ mig slong ba de la smras pa/ bram ze'i gtso bo nga la mig slong bar/ /su yi bstan nas khyod ni 'di ru 'ongs/ /mig ni rab tu btang dka' zhes grags pa'i/ /srid pa su zhig nga la med par gyur/ /de nas bram ze'i cha lugs su
 gyur pa'i brgya byin des rgyal po de'i bsam pa rig nas/ smras pa/ brgya byin 'dra ba brgya byin gyis bstan nas/ khyod la spyan slong slad du 'dir mchis so/ /de yi srid dang bdag gi re ba dag /spyan stsal bas ni 'bras bu mchis
 bar mdzod/ /de nas rgyal po de brgya byin gyis smos pas/ lha'i mthus bram ze 'di gdon mi za bar cho ga 'dis mig dang ldan par 'gyur ro snyam du bsams nas/ rab tu dga' ba'i tshig gsal bas de yi 'di skad ces smras so//
 yid la re ba gang gis 'dir 'ongs pa'i/ /bram ze khyod kyi re ba de ngas bskang/ nga yi mig ni ya gcig 'dod pa la/ khyod la mig ni gnyis ka ngas sbyin gyis/ /des khyod utpal rgyas pa'i mig gi gdong brgyan nas/ /ci dga' de 'di yin nam
 'on te ma yin zhes/ /rnam rtog g.yeng ba de 'di yin zhes ngo mtshar gyur/ /ji ltar 'dod pa'i gnas su 'gro bas mthong bas song/ /de nas rgyal po de'i blon po rnams mig sbyin par stsol bar rig nas/ /brtabs pa dang bcas pa'i
 shugs kyis skrag par gdungs pa'i yid du gyur nas/ rgyal po la smras pa/ sbyin pa la dgyes ches nas mi rigs pa dang/ gnod par 'gyur ba mi rtag par/ lha de ltar mi mdzad du gsol/ /spyan stsal ba mi rigs so/ /bram ze 'di
 ni gcig pu'i phyir/ /bdag cag thams cad mi dor gsol/ /skye dgu bde ba skyed pa rnams/ /mya ngan zhugs kyis mi bsreg gsol/ /dpal chen bskyed par gyur pa'i nor rnams dang/ /dpal dang ldan pa'i nor chen ba bzhon dang
 dul ba'i rta dang sbyar ba'i shing rta stsol/ /glang po dregs pa gzi ldan 'gying ba stsol/ /rkang gdub khrol ba'i sgra rnams grags pa yi/ /khang pa dus rnams kun tu bde ldan pa/ /ston ka'i sprin pas rab tu dkang ba stsol/ /'gro ba'i mig
 gcig nyid kyi spyan ma stsal/ /gzhan yang rgyal po chen po re zhig dgongs su gsol/ /gzhan gyi mig gzhan la ji ltar sbyar du rung/ de ste 'di lta'i mthu zhig lags na khyod kyi spyan la bltos ci 'tshal/ /lha gzhan yang/
 gzhan gyi 'byor la dbang byed pa/ /mig gi dngul la ci zhig bgyi/ /de bas dkor las stsal du gsol/ /lha cig thub tshod mi mdzad gsol/ /de nas rgyal po des blon po de rnams la byams pa'i tshig 'jam pos smras pa/
 gang zhig sbyin zhes smras nas ni/ /mig sbyin pa yi blo skyed pa/ /de ni 'dod ba'i zhags pa yis/ /bdag nyid slar ni 'chid bar byed/ /sbyin no zhes ni khas blangs nas/ /gang zhig yid la gzhan sems pa/ /ser snas
 ma nges blo tan te/ /de las sdig che gang zhig yod/ /sbyin no zhes ni khas blangs pas/ /phongs pa'i re ba brtan byas nas/ /bslu ba'i tshig ni rtsub po des/ /sbyin pa bsams pa ci yang med/ /gang yang khyed na re lha'i mthu nyid kyis
 'di'i mig yod par ci'i phyir mig gyur zhes zer ba de yang nyon cig /rgyu gcig gis ni 'grub pa yi/ /'bras bu gang yang yod ma yin/ /lha rnams kyis ni byas pa yang/ /rgyu rkyen gzhan la bltos pa yod/ /de bas na nga sbyin pa chen
 po byed pa la khyed kyi 'gegs byed pa mi rigs so/ /blon po rnams kyis smras pa/ lha nor dang 'bru dang rin po che la sogs pa stsal ba'i rigs kyi/ nyid kyis spyan ni stsal ba'i mi rigs so zhes bdag cag gis sngar gsol ba btab pa lags
 te/ de bas na bdag cag lha shul ma lags par gshegs su mi gsol lo/ /rgyal pos smras pa/ gang zhig slong ba de nyid sbyin par bya/ /mi 'dod pa ni byin yang dgar mi 'gyur/ /chus khyer ba la chu yis ci zhig bya/ /de bas bslangs
 pa'i don ni 'di la sbyin/ /de nas rgyal po de'i blon po chen po rab tu yid gcugs shing 'dris pa zhig byams pa'i shugs kyis zhes btang ste rgyal po de la smras pa/ kye cung zhig gzhes shing/ /la las dka' thub ting 'dzin cho ga chen
 pos gang zhig thob 'gyur zhing/ /gang la brten nas mchod sbyin chen po mang po grags dang mtho ris 'thob/ /brgya byin longs spyod la yang 'gran pa'i rgyal srid thob pa de spangs nas/ /ci zhig mthong na khyod kyis mig sbyin cho ga 'di ni su
 las lobs/ /mchod sbyin byas pas sum cu rtsa gsum nye/ /grags pas kun tu rab tu gsal gyur cing/ /mi dbang gtsug gi 'od kyis rkang brgyan pa/ /ci zhig 'dod phyir mig ni sbyin par byed/ /de nas rgyal po des blon po de la byams pa dang
 bcas pa'i tshig gis smras pa/ nga 'bad 'di ni sa kun thob phyir min/ /mtho ris dang ni grags pa 'thob phyir min/ /slong ba 'di ni don med mi 'gyur zhing/ /'jig rten bskyab phyir nga ni 'di ltar 'bad/ /de nas rgyal po des me tog
 utpal mthing ka'i 'dab ma ltar mdzes shing yid du 'ong ba'i mig ya gcig sman dpyad las 'byung ba bzhin du dal bus ma snang bar byung ste/ rab tu dga' bzhin du mig slong ba la byin no/ /de nas lha'i dbang po brgya byin gyis ci nas
 kyang mig de de'i mig tu gnas par gyur pa rgyal po 'khor dang bcas pa des mthong bar 'gyur ba de lta bu'i rdzu 'phrul mngon par 'du byas so/ /de nas mig ya gcig phye ste slong ba la bltas pa dang/ rgyal po de snying rab tu dga' bar 'gyur
 nas mig ya gcig kyang de la sbyin no/ /de nas rgyal po de yis mig byin nas/ /pad+ma med pa'i pad+ma'i mtsho 'dra gdong/ /gzhan la med pa'i rab tu dga' bar gyur/ /bram ze'ang mig dang ldan par 'khor gyis mthong/ /rgyal po'i btsun mo'i
 'khor dang pho brang 'khor rnams kyang/ /mya ngan mchi mas sa gzhi thams cad chag chag btab/ /rgyal po rdzogs pa'i byang chub blo brtan mthong nas ni/ /brgya byin de yang ngo mtshar che zhing rab tu dga' / /de nas brgya byin ngo mtshar chen pos
 sems rab tu dad bar gyur nas 'di snyam du sems so/ /kye ma'o brtan zhing snying stobs che/ /kye ma'o sems can phan 'dogs pa/ /las 'di mngon su ma gsal gyur kyang/ /the tshom za bar 'gyur ba 'dra/ /de bas na ngo mtshar che ba'i sems
 can 'di yun ring du 'di ltar nyon mongs su gzhug pa'i mi rigs kyi/ /thabs kyis 'di'i mig slar skye bar 'gyur bar bya'o snyam mo/ /de nas rgyal po de rim gyis mig gi rma ni sos/ /btsun mo'i 'khor dang pho
 brang 'khor gyi mi rnams kyi mya ngan ni bsrabs shing bsangs nas/ rab tu dben pa 'dod pa'i phyir rdzing bu'i 'bram nas me tog gi ljid kyis non pa'i shing bzang po stug po yod pa/ ser bu bsil zhing bde la bsung zhim po'i ngad ldang ba/
 bung ba mang po sgra 'byin pa zhig tu skyil mo krung bcas te 'dug pa dang/ lha'i dbang po brgya byin mdun du 'ongs so/ /de nas rgyal pos 'dis su zhes dris pa dang/ nga ni lha'i dbang po brgya byin yin te khyod kyi drung du 'ongs so/ /gshegs pa
 legs so/ /ci zhes bka' stsal du gsol zhes zhes dang bcas par smras pa dang/ rgyal po la yang smras pa/ rgyal po drang srong ci 'dod pa'i mchog de slongs shig /de nas rgyal po de sbyin pa la goms shing/ 'jungs shing slong ba la ma
 goms pa'i phyir brtan pas ngo mtshar mi che zhing rlabs can du smras pa/ brgya byin bdag la nor mang zhing dmag tshogs cha la mthu dang ldan/ /nga ni long bar gyur pas bdag/ 'chi ba 'ba' zhig mngon par 'dod/ /gzhan yang slong
 ba rnams ni yid la re ba kun/ /yongs su bskang yang rab tu dgar gyur cing/ /legs par lta ba'i bzhin rnams mi mthong bas/ /de phyir dbang po bdag ni 'chi bar dga' / /brgya byin gyis smras pa/ skyes bu dam pa rnams 'di lta bu
 myong bar 'gyur gyis de snyam ma sems shig/ 'on kyang re zhig ngas khyod la dri'o/ /slong ba rnams kyis 'di lta'i gnas skabs gyur byas na/ da ni de la khyod kyis yid ni ji snyam sems/ ci nas yid ni rab tu ches par 'gyur
 ba ru/ /de ni gsang ba med par rab tu smra bar gyis/ /rgyal pos smras pa/ /bdag dom du gzhug par de tsam du khyod la ci ched che/ /'on kyang lha'i dbang po gsan du gsol/ /de tshe dang ni da lta'ang slong rnams kyi/ bslang zhes nges par smra ba'i tshig
 rnams la/ shis pa brjod pa bzhin du bdag dga' na/ bdag gi mig ni ya gcig mthong bar shog/ de nas rgyal po de'i bden pa'i byin gyis brlabs kyis mthu dang bsod nams spel ba'i khyad par gyis tshig de skad smras ma thag tu me tog
 utpal mthing ka'i dbus rin po che an+ta rnyil gyis spras pa 'dra pa'i mig ya gcig mthong par gyur to/ /ya mtshan che ba'i mig de mthong bar gyur nas rgyal po de'i sems rab tu dga' bas yang brgya byin la smras pa/ gang yang
 bdag la ya gcig mig bslangs na/ /de la bdag gi mig gcig dga' bzhin byin/ /dga' zhing spro la rtse gcig sems 'gyur na/ /ya gcig mig kyang bdag la yong bar shog/ de nas de skad smras ma thag tu rgyal po de'i mig
 ya gcig kyang snga ma dang 'gran pa bzhin du yod par gyur to/ /de nas ri dang bcas pa'i sa chen g.yos/ /rgya mtsho'i rlabs kyang dus las 'das te byung/ /lha rnams kyis ni rnga bo che dag kyang/ /zab cing snyan pa'i sgra chen sgrogs par gyur//
 phyogs rnams kun kyang dang zhing gsal bar snang/ /ston ka'i dus bzhin nyi ma gsal bar snang/ /tsan dan bye mas bsgos pa'i me tog rnams/ /nam mkha' i nang nas lding zhing 'bab par gyur/ /lha'i bu mo'i 'khor bcas lha rnams
 kyang/ /ya mtshan che ba'i mig bgrad der lhags gyur/ /ser bu yid du 'ong ba bde ba ldang/ /'gro ba rnams kyi yid kyang dga' bar gyur/ /'byung po mthu chen ngo mtshar gyur pa rnams/ /yid ni rab tu dga' bas khyab gyur nas//
 rgyal po'i spyod mchog bstod pa'i gzhi brjod pa/ /snyan pa'i tshig rnams kun tu grags par gyur/ /e ma'o rlabs che e ma'o snying rje che/ /'di yi sems ni ji ltar rnam dag pos/ /e ma'o bdag gi bde la sems
 ma chags/ /dpa' zhing brtan mchog khyod la phyag 'tshal lo/ /pad+ma'i spyan ni dpal ldan slar rgyas pas/ /khyod kyis 'gro ba mgon bcas bgyid pa legs/ /e ma'o bsod nams tshogs ni don yod pa/ /ring zhing lon nas khyod kyi byin??
 gyis rgyal/ /de nas brgya byin gyis legs so legs so zhes bya bas de mgu bar byas nas yang smras pa/ rgyal po khyod kyis bsam pa dag pa ni/ /nga yi snga nas mi shes ma yin te/ /rgyal po khyod kyi mig 'di gnyis/ /de ltar khyod la ??
 pas na/ /dpag tshad brgya ni khor yug tu/ /brag ri rnams kyi bar bcad kyang/ /khyod kyi mig gi 'di gnyis kyis/ /thog ma med par mthong bar gyur zhes smras nas/ /brgya byin de nyid du mi snang bar gyur to/ /de nas byang chub sems dpa' 
 blon po chen po rnams dang/ rjes su 'brang ba rnams dang/ pho brang 'khor gyi mi rnams ya mtshan che zhing rab tu dga' bar gyur pa'i mig gis lta zhing/ bram ze rnams kyis kyang rgyal bar gyur cig ces bya ba'i shis pa brjod pa'i tshig smras?
 pas mngon par dga' bar byas te/ pho brang dam pa rgyal mtshan dang ba dan sna tshogs btsugs pa mngon par mtho ba'i rgyan rnams kyis brgyan par phyin nas 'khor gyi nang du 'dug ste dga' ba lta eba'i phyir lhags pa'i blon po chen
 po la sogs pa bram ze dang/ pho brang 'khor gyi mi ya rabs rnams la de ltar bdag gis nyams su myong ba'i chos bshad do/ /rab tu byung ba'i bsod nams las gyur pa'i/ /lha yi mthu ldan nga yi mig mthong na/ /phongs pa rnams
 ni nor gyi mgu byas la/ 'jig rten na ni su zhig sgrim pa lhod/ /dpag tshad brgya ni tshun chad du/ /brag ri mang pos bar bcad kyang/ /shin tu ring na gnas pa yi/ /blta bar bya ba gsal bar mthong/ /gang phyir mi yi mig ni 'dir byin nas/ /mi las
 'das pa'i lha'i mig bdag gis thong/ /gzhan la brtse zhing dul pa las byung ba'i/ /sbyin las gzhan pa mngon mtho'i thabs gang yod/ /shi bi ba rnams de ltar rig byas nas/ /sbyin dang spyad pas nor rnams don yod byos/ /'jig rten 'di dang gzhan
 la'ang 'di nyid ni/ /grags pa che zhing bde ba 'byung ba'i lam/ /'jig rten phan phyir byin pa gang yin pa/ /snying po med pa'i nor yang snying po yod/ /sbyin pa byas na gter dang 'dra bar yod/ /ma byin na ni shin tu chud zos 'gyur/ /de ltar bcom ldan
 'das des bdag cag gi phyir bya dka' ba mang pos dam pa'i chos 'di bsgrubs pa yin pas rim gro bskyed de chos nyan par bya'o/ /de bzhin gshegs pa'i che ba nyid dang/ snga ma bzhin du snying rje'i yon tan bsngags pa dang/ tshe 'di nyid la bsod
 nams kyi 'bras bu mthong bar 'byung ba la yang brjod par bya'o/ /de ltar rim gro bskyed de bsod nams bsags pa ni bdag gi mthu chen po thob par 'gyur ba'i me tog grags pa rgyun chags pa yid du 'ong ba tshe 'di nyid la bstan pa yin no//
 yul shi bi ba'i skyes pa'i babs te gnyis pa'o/ //sems rab tu dad ba las byung ba dang/ snod khyad par can la byin pa'i sbyin pa ni rnam par sbyin pa che ba'i phyir chung zhes bya ba gang yang med do/ /de yang 'di skad thos te/ bcom ldan 'das
 'di byang chub sems dpar gyur pa'i tshe yul kos la'i bdag por gyur to zhes grag go /de yang spro ba dang gsang tshig dang mthu dang nus pa phun sum tshogs pa la sogs pa rgyal po'i yon tan rnams mchog tu byung ba zin kyang skal ba phun sum tshogs
 pa'i yon tan bzang pos 'byor ba lhag par gyur to/ /skal ba phun sum tshogs brgyan pas/ /de yi yon tan lhag par gsal/ /ston ka'i dpal ni gsal gyur pa'i/ /zla ba'i 'od zer gsal ba bzhin/ /de'i dgra dregs pa rnams
 kyang btang/ /de la brten pa rnams la chags/ /khros dang byams pa'i rjes 'brangs dpal/ /rgyal po gzhan la de ltar gyur/ /de ni chos kyi bdag nyid gyur pas na/ /gzhan la gnod pa'i sems gdug med par gyur/ /de yi dpa' ni dgra
 la mi 'go bas/ /'bangs kyang de la glo ba gnyer bar gyur/ /de bdag gi tshe snga ma 'das pa rjes su dran par gyur to/ /de rjes su dran par gyur pas rab tu skyo bar gyur nas/ /dge sbyong dang bram ze dang/ phongs pa dang slong ba rnams la bde
 ba'i rgyu dang/ /gzhir gyur pa'i sbyin pa khyad par can byin par gyur to/ /tshul khrims kyi sdom pa ma yin pa dang/ gso sbyong dang nges par gnas pa dag kyang dus mtshams kyi nyin par yang dag par len to/ /rgyal po'i 'khor dang 'das?
 gi btsun mo'i 'khor gyi nang du bsod nams kyi mthu bsgrags pa dang/ 'jig rten pa rnams legs par dgod par 'dod pas dang ba'i sems kyi don nges pa'i tshigs su bcad pa 'di gnyis yang dang yang du smra'o/ /bde bar gshegs
 pa bkur sti byas pa chung du yang/ /'bras bu 'byor dang chung ngu med ces sngon thos kyi/ /zan dron khengs pa rtsub po lan tshwa med pa yi/ /'bras bu 'byor ba chen po 'di ltar gyur la ltos/ /shing rta sna tshogs rta dang glang pos
 'gying ba dang/ /bdag gi dmag tshogs chen po 'di dang sa chen 'di/ /nor mang dpal yang rjes chags btsun mo rgya chen ldan/ /zan dron chang gcig 'bras bu grub pa bzang po ltos/ /blon po chen po rnams dang bram ze
 rgan po rnams dang/ pho brang 'khor gyi mi stong rims rnams yid la ngo mtshar gyur kyang/ rgyal po chen po ci la dgongs te tshigs su bcad pa 'di gnyis rtag tu gsung zhes de la slar zhu ma nus so/ /de nas rgyal po de'i btsun
 mo gnang chen spobs pa thogs pa med zhig ngo mtshar skyed nas gtam slang ba'i skabs su bab ste/ 'khor gyi nang du de la zhus pa/ mi yi dbang po nges par gsung pa ni/ /thugs la dgongs pa'i dgyes pa zhal du
 byung khyod kyis de skad gsungs pas bdag gi sems/ /ngo mtshar che bas rab tu g.yeng bar gyur/ /skye bo 'di yis de ni thos rung na/ /rgyal po ci phyir gsung ba bka' stsal gsol/ /gsang na de skad gar
 yang mi bsgrags te/ /de bas bdag gis grags par zhus pa lags/ /de nas rgyal po de rab tu dga' zhing byams pa'i lta bas btsun mo la ltas te/ 'dzum pa'i bzhin mdangs dang ldan pas smras pa/ don dang rgyu
 mtshan ma phye bar/ /nga yis smras pa 'di thos nas/ /'di ni khyod nyid 'ba' zhig tu/ /ngo mtshar cher gyur yid g.yos min/ /blon po chen po tshogs pa 'di dag thams cad kyang/ /yid ni ngo mtshar chen pos
 rab tu g.yos par gyur/ /nga yi pho brang 'khor dang btsun mor bcas pa yang/ /gang phyir nga yis de skad smras pa mnyan par gyis/ /gnyid las sad pa bzhin du skye ba ngas dran pa/ /tshul dang ldan kyang nor tsam
 gyis ni thob pa la/ /las kyis mgu bar byas nas dman tshis 'tsho ba yi/ /gla mi zhig tu grong khyer 'dir ni nga gyur to/ /gzhan gyis brnyas zhing dal la dman pa'i gla de yang/ /skyabs su re zhing mi 'tshor dogs nas de la
 zhugs/ /dge sbyong bzhi zhig bsod snyoms phyir lhags mthong bar gyur/ /dbang po dul zhing dge slong dpal gyi rjes 'brang bzhin/ /dang zhing 'jam pa'i yid kyis de la phyag byas nas/ /zan dron tsam zhig bdag gi khyim du gus par
 sbyin/ /de yi myu gus mi zhig byung ste 'di yin te/ /rgyal po gzhan gyi gtsug gis nga yi zhabs la gtugs/ /nga yi de las bsams nas ni/ /lha mo khyod la smras pa yin/ bsod nams kyis ni ngoms mi myong/ /dgra bcom mthong ba mi ngoms
 so/ /de nas lha mo de dga' zhing ya mtshan che ba'i mig bgrad nas rgyal po la rab tu gus par lta zhing smras pa/ mngon par mtho ba'i khyad par 'di lta bu ni bsod nams kyi rnam par smin pa lags par gda' o/ /rgyal po chen po 'di ltar bsod
 nams mdzad pa la gus pa ni bsod nams kyi 'bras bu mngon sum du gyur pa'i slad du'o/ /de bas na 'di ltar dngos sdig mi mdzad pa dang/ skye dgu rnams la pha bzhin du yongs su skyong ba legs par mdzad pa dang/ bsod nams kyi yon
 tan sgrub pa la mngon par phyogs pa lags so/ /grags pa dpal dang sbyin pa phun sum tshogs pas 'bad/ /bka' lung mnyan po rgyal po gzhan gyi spyi bos mnod/ /ser ma langs pa'i rlabs bskyod rgya mtsho gos gyon pa'i/ /chos kyi tshul bzhin
 sa chen yun ring skyong bar gyur/ /rgyal pos smras pa/ lha mo de de ltar ga la zhig ma yin/ /mtshan ma bzang pos mngon par mtshon pa'i legs pa'i lam/ /de nyid la ni bdag gis da cung bsten par bya/ /'jig rten par ni sbyin pa'i 'bras bu
 thob nas ster/ /nga bdag nyams su myong na ci phyir sbyin mi bya/ /de nas rgyal po des lha mo bzhin du dpal 'bar ba'i lha mo la rab tu byams pas bltas nas/ dpal phun sum tshogs pa la sems zhen pas yang smras pa/ skar mo nang na blab
 bzhin/ /bud med dang na rnam par mdzes/ /shin tu yid 'ong 'byung ba'i las/ /dge ldan khyod kyis ci zhig byas/ /lha mos smras pa/ lha bdag gis kyang ste snga ma la cung zad cig bgyis pa rjes su dran no/ /nga smos shig smros shig ces rgyal po
 dris pa dang smras pa/ byis pa'i chon myong ba de ni rjes dran zhing/ /bdag gi bran mo bgyid pa'i tshe na zan chang gcig /thub pa zag pa zad pa gus par phul ba yis/ /de'i tshe gnyid kyi log las 'dir ni sad pa bzhin/ /mi rje lhas mdzad dge
 ba de ni bdag gis dran/ /de yis bdag ni sa dang bcas pa'i mgon khyod gyur/ /zag pa zad la byas pa chung ba gang yang med/ /ji ltar thub pas bka' stsal bzhin du khyod kyis gsungs/ /de nas rgyal po des bsod nams kyi 'bras bu
 mthong bas de bsod nams gus pa skyes pa sems rab tu dang bar gyur pa'i 'khor ya mtshan la rtse gcig tu gyur rig nas nges pa 'di 'dra ba cung zad cig rjes su bstan to/ /dge ba mi che bas kyang rnam smin rgya chen dpal 'di mthong nas
 su/ /sbyin dang tshul khrims spyad pas bsod nams bya ba mi 'bad su zhig yod/ /nor gyi tshogs par yod kyang ser sna'i mun pas gang zhig blo bsgribs nas/ sbyin pas grags pa thob par mi byed mi de ltar mi rung/ /dbang med par
 ni gang zhig btang dgos de bzhin su la'ang phan mi thogs/ /nor de'i rigs par btang na gal te yon tan gang zhig thob gyur na/ /yon tan nyams ni yod bzhin de la su zhig ser sna'i lam la brten/ /sbyin pa las byung yon tan
 dga' ba sogs pa sna tshogs grags dang ldan/ /sbyin pa zhes bya gter chen rjes 'gro rkun po la sogs thun mongs min/ /sbyin pa'i dod dang ser sna'i skyon gyi rdul can sems ni sbyong bar byed/ /sbyin pa 'khor ba'i lam bgrod ngal
 ba med pa bzhon pa bde ba yin/ /sbyin pa bde ba mang po 'grub cing grogs po bzang po mchog yin no/ /'byor pa phun sum tshogs pa'am bka' lung gnyan po'i yon tan nam/ /sum cu rtsa gsum pho brang gnas sam
 gzugs bzang yon tan nam/ /gang zhig 'dod pa de dag thams cad sbyin pas thob par 'gyur/ /de ltar des don gtan la phab na sbyin pa su mi byed/ /sbyin pa nor gyi snying po len par gsungs/ sbyin pa dbang phyug rnams kyi chu zhes
 gsungs/ /sbyin pa dpal ldan skye bo mchog gi tshul/ /shes rab chung ngus rdul tsam sbyin mi nus/ /de nas 'khor de dag gis rgyal po de'i tshig gzung du rung ba la rab tu gus shing dga' bar byas nas sbyin pa la sogs pa'i
 yon tan sgrub pa la mngon du phyogs par gyur to/ /de lta bas na de ltar sems rab tu dad pa las byung ba dang/ snod khyad par can la byin pa rnam par smin pa che ba'i phyir chung zhes bya ba gang yang med do/ /de bas na sems rab
 tu dad pas bla na med pa'i bsod nams kyi zhing 'phags pa'i dge 'dun la sbyin pa byin na/ bdag kyang de lta bu'i phun sum tshogs pa 'am/ de bas kyang khyad par du 'phags pa thob par 'gyur ba ring po mi thogs so snyam du bsams
 te dga' ba bskyed par bya'o/ /zan dron chang gcig byin pa'i skyes pa'i rabs te gsum pa'o/ /skyes pa'i rabs kyi rgyud// //bam po gnyis pa/ /skyes pa dam pa rnams ni bdag rlag par 'gyur ba la yang
 mi 'dzem par sbyin pa byed na bde bar 'dug pa ltas su zhig sbyin pa mi byed/ de yang 'di skad thos te/ bcom ldan 'das 'di sngon byang chub sems dpar gyur pa'i tshe skal ba khyad par can dang ldan pa/ yon tan dang spro ba phun
 sum tshogs pas nor phun sum tshogs pa dang ni ldan/ spyod tshul mi mthun pa med pa'i ngang tshul can yin pas 'jig rten pa rnams kyis bkur sti bya ba'i gnas su ni gyur/ tshe rigs btsun pa dang ni ldan/ rigs pa dang sgyu rtsal gyi khyad par
 rnam pa du ma khong du chud pas glo bur du dri ma med par ni gyur/ yon tan che bas rgyal pos ni bkur sti byas/ rab tu phye ba'i ngang tshul can yin pas 'byor ba rnams ni 'jig rten pa rnams dang thun mong du spyod pa'i tshong dpon zhig tu gyur to zhes
 grag go /phongs pa rnams ni dgar gyur pas/ /phan tshun kun tu bsgrags pa ni/ /de'i ming sbyin la dpa' ba zhes/ /phyogs bcu kun tu khyab par gyur/ /sbyin na ma mi sbyin snyam pa'i rnam rtog pa/ /yid la sems pa phongs pa
 rnams la med/ /de yi sbyin pa'i mthu chen grags par gyur/ /yongs pa rnams ni yid ches spobs shing slong/ /de ni bdag gi bde phyir nor mi sbed/ /'gran pa dang ni chags pa'i zil non min/ /de ni phangs pa'i sdug bsngal
 bzod mi nus/ /de bas med ces smra ba sbas par gyur/ /de nas re zhig cig sems can chen po zan gyi dus la bab pa'i tshe khrus byas byug spobs kyis byug ba dang/ g.yos mkhan mkhas pas g.yos pa'i bza' ba dang bca' ba bsung
 ba dang ro dang 'jam pa la sogs pa'i yon tan dang ldan pa rnam pa sna tshogs bshams pa dang/ rang sangs rgyas nyon mongs pa'i bud shing thams cad bsreg pa/ de'i bsod nams gyi tshogs rnam par 'phel bar 'dod pa zhig de'i khyim
 du bsod snyoms kyi phyir 'ongs so/ /'ongs nas kyang sgo khang na sdod cing 'dug go /dogs med mi g.yo brtan zhing zhi ba yi/ /mig gis sa la gnya' zhing gang du lta/ /rab tu zhi bar gyur cing de na sdod/ /de'i lag pad+ma'i mchog ni lhung
 bzed sogs/ /de nas bdud sdig can byang chub sems dpa' i sbyin pa phun sum tshogs pa de mi bzod pas de la bgegs bya ba'i phyir btsun pa de dang bar sgo gnyis kyi bar du sems can dmyal ba nad na me chen po 'bar ba
 zabs su mi 'greng du ma yod pa rab tu zab pa/ mthong na rab tu 'jigs pa 'jigs su rung ba'i sgra grags pa/ skye bo mang po rnam par g.yo bas gang zhig /mngon par sprul te/ /de nas byang chub sems dpas rang sangs rgyas bsod snyoms
 la gshegs pa mthong nas/ chung ma la bdag nyid kyi 'phags pa la bsod snyoms phul cig ces smras so/ /de nas de'i ltar mnyan te/ de bzhin bgyi'o zhes smras nas/ bza' ba dang bca' ba bzang po khyer te song song ba las/ sems can
 dmyal ba mthong ba dang/ 'jigs skrag pa'i mig rig rig por gyur te/ sgo drung na slar log pa dang/ 'di ci nyes zhes khyim thabs kyis dris so/ /des brtabs pas skad 'gags nas/ de la smra yang de'u ma nus te smras so/ /de nas
 byang chub sems dpas bsams pa/ e ma'o 'phags pa 'di bdag gi khyim nas bsod snyoms ma bzhes par slar bzhud na ga la rung snyam ste/ des smras pa ma mnyam par rings rings ltar bza' ba dang bca' ba bzang po dgra
 nyid kyis khyer te mthu chen po de la bsod snyoms dbul ba'i phyir sgo khang gi drung du phyin pa dang/ bar de sems can dmyal ba chen po rab tu 'jigs pa de mthong bar gyur to/ /de nas 'di ci zhig min snyam du rnam par rtog pa skye
 ba dang/ bdud sdig can khang pa'i ngos kyi rtsig pa'i nang nas byung ste/ lha'i lus ya mtshan che ba mngon du bstan nas/ bar snang la gnas te/ phan par 'dod pa bzhin tu gsal ba smras pa/ kye khyim bdag sems can dmyal
 ba chen po 'di ni 'khor sgrogs chen po zhes bya ba yin no/ /phongs pas bsngags pa'i tshig gis bslus nas ni/ /sbyin la zhugs pas gang gi nor chud gsan/ /de dag lo ni stong phrag du mar yang/ /'di na gnas 'gyur 'byung bar
 rab tu dka' / /nor ni 'khor gsum khyad par rgyu yin te/ /de med byas na su mis chos ma brlag/ nor chud gsan pas chos ni brlag 'gyur na/ /ci phyir sems can dmyal bar gnas mi 'gyur/ /sbyin pa'i phyir ni chos kyi
 car gyur pa'i/ /nor ni khyod kyis chung gsan sdig byas pas/ /dmyal ba'i gsheng po mi bzad 'bar ba'i lce/ /de phyir khyod ni za phyir 'dir 'ongs so/ /de bas blo ni sbyin las bzlog na legs/ /'on tang phral du lhung bar khyod
 mi 'gyur/ /snying rje du zhing 'gro ldog byed pa yi/ /gtong ba 'di dang lhan cig khyod mi 'gro/ sbyin pa tshul min mi byed len pa po'i/ /skye bo rnams ni lha yul 'gro bar 'gyur/ /de bas mtho ris lam sgrib btang nas ni/ /sbyin
 la brtson las ldog la gnas par bgyis/ /de nas byang chub sems dpas bsams pa/ 'di skad zer ba'i bdag nyid ngan pa 'di ni bdag sbyin pa byed pa la nges par bgegs byed pa yin no snyam nas/ bdag gi snying stobs kyis
 khar bor ti brtan par byas nas tshig 'jam po rgyun mi 'chad par de la 'dis skad smras par des so/ /bdag cag 'dra la phan par dgongs nas ni/ /khyod kyi 'phags pas lam ni rnam bstan pa/ /gzhan la phan 'dogs
 mkhas pa'i myong ba can/ /lha rnams kyi ni de ltar bgyi ba'i rigs/ /nyes pa byung ba'i sngon nam 'og tu yang/ /zhi ba'i lam der 'chi ba'i rab tu rigs/ /nad la cho ga spyad pa nongs pa yi/ /tshabs cher gyur pa spyad kyis sman mi
 thogs/ /sbyin la zhugs pa bdag gi sdug bsngal 'di/ /spyad kyis glon par rab tu mi 'gyur dwogs/ /khyod kyis phan pa bstan pa'ang mi nyan par/ /bdag gi sems ni sbyin las slar mi ldog /sbyin pa sdig par
 'gyur zhes gang smras shing/ /nor yang chos kyi rgyu yin zhes bgyi ba/ /sbyin pa ma gtogs chos lam gzhan yod pa 'am/ /de ni gter sbas chos kyi rgyur 'gyur ba 'am/ /'on te rkun pos ngo mthon phrogs gyur tam/ /'dod pas khyer te
 me snang gyur ba'am/ /me mis tshig na bsod nams thob 'gyur bar/ /mi yi blos ni rtogs par mi nus so/ /nor sbyin ba ni dmyal bar 'gro ba dang/ /len pa lha yul 'gro zhes bya ba yang/ /khyod kyis sbyin las ldog par byas
 mod kyi/ /de yi bdag ni sbyin la brtsor par 'gyur/ /khyod kyi tshig de gzhan du ma gyur cig /bdag la slong ba de dag mtho ris dang/ /'jig rten phan phyir bdag ni sbyin pa byed/ /bdag gi bde ba bsgrub phyir 'di mi byed/ /de nas
 yang bdud pham par 'dod bzhin brtan par bya ba'i lag pa brkyang ste/ byang chub sems dpa' la smras pa/ /'di ni nga yis phan pa 'am rdzun smras pa/ /legs par rtogs la gang du dga' bar song/ /bde dang ldan na gus bcas dran
 par bgyi/ /yang na 'gyod bzhin nga ni dran par byos/ /byang chub sems dpas grogs po khyod bzod par mdzod cig ces smras nas/ phongs pa rnams kyis bdag bag phab spobs te blangs pa la/ /sbyin pa'i dus su brnyas te mi
 byin dga' ba las/ /mi bzad me lce 'bar ba'i sems can dmyal ba der/ /me lce 'bar bas phag nas spyi'u tshugs lhung yang rung/ /de skad smras nas byang chub sems dpa' bdag gi sgal ba'i mthu la brten nas/ sbyin pa la nyes
 dmigs med par yang shes te/ bu smad dang g.yog 'khor 'gror mi ster ba rnams por nas/ blo la tsham tshom med cing sbyin pa byed par 'dod pa skyes te dmyal ba'i nang nas phar song ngo/ /de nas de yi bsod nams mthu yis der/ /'dam rdzab
 med par 'dam las skyes pa byung/ /ze'u 'bru dkar po so yi phreng ba dag/ bdud la 'phya ba bzhin du dgod par gyur/ /de nas byang chub sems dpa' bdag gi bsod nams khyad par can las byung ba'i pad+ma'i stegs las song ste/ rang sangs
 rgyas kyi drung du phyin nas sems rab tu dang zhing dga' bas de la bsod snyoms phul lo/ /de'i yid ni rab tu dang bya'i phyir/ /de nas dge slong de ni mkha' la ldings/ /de ni de la char 'bebs 'bar bar byed/ /glog dang bcas pa'i sprin ni dpal
 bzhin mdzes/ /bdud ni yid la bsams pa ma grub nas/ /yid chad nas ni mdangs kyang nyams par gyur/ /de la phyogs te lta yang ma nus nas/ /dmyal dang bcas par de nas mi snang gyur/ /'di ci'i phyir bshad ce na/ de ltar skyes
 bu dam pa rnams ni bdag brlag par 'gyur ba la yang mi 'dzem par sbyin par byed na bde bar 'dug pa lta bu zhig sbyin pa mi byed/ de bas na snying stobs can ni bsdigs kyang mi rig pa byed du gzhug mi nus so zhes kyang bshad par bya'o/ /tshong
 dpon gyi skyes pa'i rabs te bzhi pa'o// //skyes bu dam pa rnams ni 'byor pa zad du sogs nas sbyin pa byed pa la zhum par mi 'gyur ro/ /de yang 'di skad thos te/ byang chub sems dpa' gtong ba dang tshul khrims dang
 cha rigs dang dul ba dang/ mang du thos pa dang shes pa dang/ dregs pa med pa la sogs pa'i yon tan dang ni ldan/ 'byor ba phun sum tshogs pas mi nor sbyin pa po dang 'dra/ glo bur ba thams cad la sbyin pa byed pas sbyin pa'i
 sbyor ba ni rgyun mi 'chad/ 'jig rten la phan pa'i don byed pa'i phyir sbyin pa po'i gtso bo tshong dpon zhig tu gyur ces grag go /ser sna la sogs pa'i nyes pas zil gyis mnon pa'i phyir ming yang zil gyi sa ma non pa zhes
 btags so/ /'dod pa'i don 'byor the tshom med gyur pa/ /dga' ba skye pa'i khyad par rgyur gyur pa/ /phongs pa rnams kyis de ni mthong ba bzhin/ /des kyang phongs pa rnams ni mthong na dga' / /slong bas bslang zhes nges par smras pa la/ /de ni med
 ces smra yang mi nus so/ /de yi sems ni nor la chags pa'i skabs/ /snying rje chen pos rab tu med pa byas/ /phongs pa rnams kyis de yi khyim nas ni/ /nor gyi snying po chung yang rab tu dga' / /rgyu rkyen med par myur du chud za ba'i/ /
 nor ni shin tu mi bzad nor min rig /'jig rten dag na nor ni phal cher yang/ /chags pa'i gzhi dang ngan 'gro'i grogs su 'gyur/ /de yi nor ni bdag dang gzhan drag gi /'byor pa thob pas don dang mthun par 'gyur/ /de nas
 sems can chen po des kun tu slong ba rnams ji ltar 'dod pa bzhin du nyon ma mongs par gus pa khyad par can gyis brgyan cing/ nor sbyin pa rlabs po ches rab tu tshim par byas pa dang/ lha rnams kyi dbang po brgya byin gyi sbyin pa
 rlabs po che thos nas yid la ma mtshan che bar gyur te/ 'di sbyin pa la brtan nam mi brtan nyams sad pa dang/ /'di nor zad du dgos pas ser sna byed du gzhug pa'i phyir nyin re zhing rim gyis nor dang 'bru dang rin? po? che dang
 yo byad gyi rnam pa de dang de dag mi snang bar byas so/ /sems dpa' chen po de ni sbyin pa la mos pas chu yi thigs pa nyi mas phog pa bzhin/ de yi nor ni ji tsam zad 'gyur ba/ /de tsam du ni sbyin pa chen po yi/ /e ?? tshig? par
 bzhin du khyim nas 'byin/ /de nas lha'i dbang po brgya byin gyis sems dpa' chen po de'i nor gyi mchog zad par gyur kyang sbyin pa la rab tu gzhol bar gyur par rig nas blo la shin tu ngo mtshar du gyur te/ de'i nor gces pa thams cad nub
 gcig tu mi snang bar byas nas thag pa gcig dang zor ba gcig cig bzhag go /de nas byang chub sems dpa' nam langs nas dus bzhin du langs te bltas na/ bdag gi khyim nor dang 'bru dang yo byad dang mi rnams ni med sgra ca co ci yang med
 pa sdug bsngal ltar bdug cing srin pos phung bar byas pa bzhin du lta na/ nyams mi dga' bar gyur pa mthong nas/ 'di ci nyes snyam du rtog pa skyes te kun tu byul ba dang/ thag pa bsdogs pa gcig dang zor ba gcig cig de na 'dug pa
 mthong nas nges bsams pa/ gal te 'ga' zhig gis slong ba'i tshig smra ba ma phod de bdag gi zho shas 'tsho bas bdag gi khyim du spobs pa de lta bu bstan na ni bdag gi nor legs par spyad pa nyid du gyur to/ /de ste bdag skal ba
 chung ba'i skyon gyis mtho bar gyur pa ma bzod nas sus kyang ma spyad par med par gyur na ni ma rungs par gyur to snyam mo/ /nor rnams ngo ni mi rtag par/ /bdag gis snga nas shes zin na/ phongs pa rnams kyis sdug bsngal gyis
 bdag gi yid ni 'dir bsregs so/ /sbyin dang bkur stis yud ring bde byas pa/ /bdag gi khyim ni nor dang bral mthong na/ /mtsho skam drung du skyom pa lhags pa bzhin/ /bdag gis phongs pa de dag ji ltar 'gyur/ /de
 nas byang chub sems dpa' bdag gi brtan pa la brten pas zhum pa dang sro shi bar ma gyur te/ de'i gnas skabs na 'ang slong ba lam goms pas ngo shes kyang gzhan la slong na yod pa dang/ bslang pa ni de ltar dka' ba lta
 zhig snyam nas de slong ba rnams la de bas kyang rjes su brtse bar gyur to/ /de nas bdag nyid chen po de slong ba rnams la 'ong ba legs so zhes bya ba tsam la bltos nas/ bdag nyid kyis thag pa de dang zor ba blangs te nyin re
 zhing rtswa btsongs pa de'i rin rnyed pa tsam gyis skye bo phongs pa rnams slong ba la mgu bar byed do/ /de nas lha'i dbang po brgya byin gyis de rab tu dbul bar gyur kyang 'di ltar zhum pa med cing sbyin pa la rab tu gzhol bar mthong nas ya
 mtshan che zhing gus par gyur te/ lha'i lus mngon sum du bstan nas bar snang la gnas te sbyin pa las bzlog pa'i phyir sems dpa' chen po la smras pa khyim bdag byams kyis 'gyod pa'i gnas skabs 'di lta bu/ sbyin pa drags
 pas khyod kyis myong ba 'di/ /rkun pos ma khyer chu dang mes ma tshig /rgyal po rnams kyi nor yang ma phrogs so/ /de bas khyod la phan phyir da smra yis/ /sbyin la zhugs pa'i chags pa btang bar gyis/ /'di ltar gyur kyang gal
 te ma byin na/ /sngon gyi 'byor pa bzang po thob par gyur/ /chung ngu gong kyang rtag tu spyad na ni/ /yun ring spyad na mig sman zad la ltos/ /bsags na grogs mkhar mthon por gyur la ltos/ /dar bar 'dod pas bsdams
 pa byas na legs/ /de nas byang chub sems dpas sbyin pa'i yon tan bstan pa'i phyir brgya byin la smras pa/ spyan stong mnga' ba rab tu phongs gyur kyang/ /'phags pas ma rabs chos bya rab tu dka' / /gang zhig thob phyir ser
 sna'i sems 'byung ba/ /brgya byin nor de bdag la med kyang rung/ /slong ba'i sdug bsngal shi dang 'dra ba yi/ /gnyen po'i lam du 'gro bar 'dod pa la/ /de yis yongs la ya rabs gzi byin can/ /su zhig
 med ces zer ba'i ser bas brdeg /slong bas gdungs nas ngo zum gnag gyur pa/ /phongs pa rnams ni mgu bar mi 'gyur ba'i/ /nor ram rin chen lha'i rgyal srid kyang/ /de lta bu dag bdag ni stsogs sam ci/ /gang zhig ser sna'i skyon ni 'phel
 'gyur zhing/ /gtong ba'i sems kyang skye bar mi 'gyur ba/ /bdag lta bu yis de ni gtang ba'i rigs/ /yongs su bzung bar snyad btags phongs pa yin/ /glog ni 'gyu ba bzhin du mi brtan no/ /kun dang thun mong phongs pa du ma'i rgyu/ /
 bde ba'i byung ba'i rgyu ni sbyin yin na/ /ya rabs su zhig ser sna'i lam la brten/ /brgya byin khyod kyis bdag la gnyen pa bstan/ /phan pa smras pas bdag la brtse bar gyis/ /sbyin pas yid ni dga' ba goms par gyur/ /de
 bas lam min su zhig dga' bar 'gyur/ /khyod kyi thugs ni dga' bar gyur ba yi/ /lam du 'jug par bgyi ba'i mi rigs so/ /ngo bo nyid ni mi mthun phyogs kyi lam/ /bgrod dkar zhugs pa sla ba ma yin no/ /
 brgya byin gyis smras pa/ khyim bdag 'byor ba phun sum tshogs shing/ bang mdzod yongs su gang ba dang/ /zhing gi snams legs par byed cing/ /rlabs che la rnam pa sna tshogs byed pa dang/ /dbang phyug dbang du gyur pa la
 rim pa 'di 'jig rten na dar bar 'gyur gyi/ /gnas skabs 'di lta bur gyur pa la ni mi rung ngo/ /ltos shig/ /bdag gi blo yis lcogs shing ma g.yengs pa 'am/ /grags pa'i rjes mthun rigs dang mthun pa'am/
 las kyi yon tan gyis ni 'byor thob nas/ /nyi ma bzhin du 'gran zla zil mnan te/ /skye bo rnams ni zhar la grogs btsal nas/ /mdza' bor bcas pa'i gnyen rnams mgu byas te/ /rgyal po las kyang bkur sti
 thob gyur nas/ /mngon par chags bzhin dpal gyis 'khyud gyur na/ /de nas sbyin pa 'am bde ba'i rim pa la/ /rab tu zhugs na skye bos phyas gdags med/ /'dab gshog ma rdzogs mkha' la 'phur 'dod
 bzhin/ /sbyin pa 'ba' zhig 'dod pas brlag par 'gyur/ /de bas sdom zhing mi g.yeng gnas byas la/ /sbyin pa thong la re zhig nor sogs shig /'byor pa med par gang zhig mi sbyin pa/ /de la mi rabs 'gyur ba ci zhig
 yod/ /byang chub sems dpas smras pa/ khyod de ltar ha cang dus mche bar thong zhig /gzhan gyi don pas gang zhig bdag don cher 'dzin pa/ /des kyang 'byor pa khyad du bsad nas sbyin dgos so/ /gang dag chags pa spangs
 nas sbyin pas dgrar gyur pa/ /'byor pa chen po des kyang dga' ba de mi myong/ /'byor ba 'ba' zhig gis kyang mtho ris thob mi 'gyur/ /sbyin pa yis ni grags pa snyan pa thob par 'gyur/ /ser sna la sogs skyon yang zil gyis
 non par 'gyur/ /de bas 'byor pa de'i phyir sbyin pa su mi byed/ /gang zhig skye shis nyin pa'i 'jig rten skyong 'dod pa/ /snying rje'i dbang gis bdag kyang rab tu gtong byed cing/ /gzhan sdug bsngal bas bdag gi bde ba mi myong ba/ /de
 la khyod kyi dpal ldan nor yang ci zhig bya/ /lha'i dbang po gzhan yang/ nor rnams phun sum tshogs pa bzhin/ /tshe yi gnas pa mi brtan te/ /de bas slong ba mthong nas ni/ /phun sum tshogs la mi blta'o/ /shing rta
 gcig gis sa la gang du ma drangs pa/ /de bzhin gzhan dang gzhan yang lam der brtul te 'dod/ /de ltar thog ma'i lam ni bde ba 'di bor nas/ /yang dag ma yin lam du 'jug par bdag mi dga' / /gal te bdag ni
 phyis kyang nor dang ldan gyur na/ /slong ba rnams kyi sems ni nges par mgu bar bya/ /'di ltar gyur kyang ci 'byor ba ni sbyin par bya/ /brgya byin bdag ni sbyin las ldog par ma gyur cig/ de skad smras pa dang/ lha'i dbang po
 brgya byin yid rab tu dga' bar gyur nas legs so legs so/ zhes bya bas de mgu bar byas te/ rab tu gus shing byams pa'i lta bas bltas nas smras pa/ skye bo rnams ni grags dang 'gal bar 'gyur ba'i las/ /mi bzang ngan
 pa rnams kyis 'byor ba thob par 'dod/ /bdag gi bde la chags pas nyes dmigs mang mthong nas/ /shin tu g.yengs pa'i sems kyi rab tu 'jug /khyod kyi nor ni zad par gyur pa'ang ma bsams shing/ /bdag gi bde nyams
 nga yis bslus pa 'ang ma bsams par/ /gzhan gyi don sgrub pa la sems ni brtan gyur pas/ /bdag nyid phun sum tshogs pa rab tu che ba bstan/ /e ma'o rlabs chen khyad par 'phags pa gsal ba yis/ /snying gi
 ser sna'i mun pa rab tu bsal bar gyur/ /nor ni med par gyur kyang de la chags pa yis/ /rab tu sbyin las zhum pa'i skyon du yod ma gyur/ /gzhan sdug pa yi sdug la ngo mtshar mi che ste/ /snying rje'i dbang gis khyod ni 'jig
 rten phan par 'dod/ /gangs kyi ri bo rlung gis bskyod par mi nus bzhin/ /rab tu sbyin la bdag gis bskyod par mi nus so/ /grags pa kun tu bsgrags phyir yongs su brtags pa 'dis/ /khyod kyi nor 'di rnams ni bdag
 gis spas par gyur/ /de ltar ma byas na ni nor bu bzang po yang/ /nor bu de ni grags dang rin cher mi ldom mo/ /de bas slong ba rnams la sbyin pa char bzhin phob/ /sprin chen gyis ni mtsho rnams bkang pa bzhin du byos/
 ngas ni rjes su bzung bas nor yang zad mi 'gyur/ /bdag gis gces pa 'di yang khyod kyis bzod par byos zhes bya bas de mgu bar byas nas/ brgya byin gyis de'i nor gyi rnam pa de dag kyang slar byin te bzod par byas
 nas de nyid du mi snang bar gyur to/ /de lta bas na skyes bu dam pa rnams ni bdog pa zad du dwogs pa 'am/ 'byor ba la chags pa'i phyir sbyin pa dang 'gal bar mi byed do/ /tshong dpon zil gyis mnon pa'i skyes pa'i rabs te lnga pa'o// //
 sems dpa' chen po rnams ni dud 'gror gyur kyang/ sbyin pa ci nus su byed pa yod na mir gyur pa dag su zhig sbyin pa mi byed/ de yang 'di skad thos te/ dgon pa'i gnas ldum bu dang rtswa dang shing ljon pa yid du 'ong ba yod pa me tog
 dang 'bras bur ldan pa/ chu gtsang ma bai rdurya mthing ga 'dra ba 'bab pa'i mtshos mdza' bskor ba/ /sa gzhi'i ne'u bsid sngon po 'jam pa dang ldan pa skye bo dka' thub can dag gnas gnas pa zhig na byang chub sems dpa' ri bong zhig tu gyur
 te gnas so zhes grag go /de ni lus bzangs snyings stobs che ba dang/ /stobs kyang che zhing gzi mdangs che bas na/ /gcan gzan ngan pas klags ltar bag mi tsha/ /ri dwags rgyal po'i tshul gyis de na gnas/ /bdag gi pags
 pa a dzi na gyon/ /bdag gi spu yis shun bags byas/ /rtsa yi myu gus sems mgu zhing/ /thub pa bzhin du de na mdzes/ /de yi lus dang ngag yid las/ /byams pas yongs su dkar ba yis/ /ri dwags slob ma bder
 gnas shing/ /bdag nyid ngan pa spangs par gyur/ /de'i yon tan khyad par can gyis byams pa dang gus pa skyes pas sems rab tu chags pa'i grogs gsum zhig yod par gyur te/ sram dang/ ce spyang dang/ spre'u rnams
 so/ /de dag kyang phan tshun mnyen du 'brel pa bzhin du gcig la gcig byams zhing chags par gyur/ /gcig la gcig slobs shing bkur sti byed pas rab tu mdza' bar gyur pa'i grogs po bzhin du dga' zhing de na gnas te/ dud
 'gro'i rang bzhin la ni mi phyogs/ srog chags rnams la snying rje che ba dang/ brkam pa med pa dang/ rku ba mi dran pa dang/ chos dang mthun pa'i 'tsho ba la gnas pa dang/ rnam par shes pa la gsal bas dul ba dang/ sdom pa dang/
 spyod pa brtan pa'i phyir lha rnams kyang ya mtshan du gyur te/ /bde dang mthun zhing yon? tan mi mthun tshul/ /mi yang yon tan phyogs la brten nas ni/ /rnam par mdzes na dud 'gro smos ci dgos/ /ri bong gzugs can mkhas
 de de rnams kyi/ /gzhan la snying rje che ba'i bla mar gyur/ /yon tan rjes 'gro rang bzhin phun sum tshogs/ /de rnams grags pa lha yul du yang grag/ de nas re zhig cig bdag nyid chen po des phyi dro'i dus su grogs de
 rnams chos mnyan pa'i phyir lhags te rab tu gus pas bkur sti byas pa dang/ zla ba yar gyi ngo tshes bcu bzhi la dkyil 'khor yongs su rdzogs su nye ba/ nyi ma dang thag ring bas rnam par dkar zhing mdzes pa dngul gyi me long
 lung med pa 'dra ba/ /ngos gcig cung zad sngo ba shar ba la bltas nas grogs rnams la smras pa/ dkyil 'khor cung zad ma rdzogs pa/ /bzang po 'di ni dgos pa bzhin/ /dge ba rnams la gso sbyong gis/ /spro ba zla ba 'di
 ston to/ /de bas na nges par sang ni tshes bco lnga ste/ khyed cag gis kyang gso sbyong bsdam par bya ba brtsam zhing/ rigs par rnyed pa'i kha zas kyis dus su lhags pa'i glo bur ba la mgron gyis la srog gzung bar bya ba'i rigs so/
 khyed rnams ltos shig/ 'du ba gang yod mdza' ni 'bral bar 'gyur/ /dar ba yod na ngan pa rgud pa'i mdza' / /tshe yang glog bzhin 'gyur zhing mi brtan no/ /de phyir bag yod pa la brtan par gyis/ /de bas sbyin pa
 tshul khrims brgyan pa yin/ /bsod nams dag ni khyed kyis spel bar gyis/ /skye bo ngan 'gro'i nang na 'khor ba'i tshe/ /'jig rten rnams la bsod nams rten gyi mchog/ skar ma rnams kyi dpal ni zil mnan nas/ /gzi mdangs
 yon tan gyis ni zla ba mdzes/ /'od zer can rnams nyi mas zil mnan nas/ /mdzes par gang gyur de ni bsod nams mthu/ /sa yi dbang phyug rnams kyi bsod nams mthus/ /rgyal po rnams dang blon po dregs pa rnams/ /
 dregs pa kun spangs rta mchog tshul dag gis/ /dga' ba bzhin du bka' lung nyan par byed/ /so tshis bya ba'i tshul la 'bad gyur kyang/ /bsod nams mi ldan dpal min rjes su 'brang/ /bsod nams che bas de ni bskrad pa bzhin//
 de dang mi mthun drung du khros bzhin 'gro/ /sdug bsngal gzhir gyur gtam ngan brjod 'brang ba'i/ /sdig pa'i lam las de bas slar log la/ /de bas bsod nams spyad pas dpal ldan pa/ /bde ba rab 'byung sgrub la blo
 byos shig/ de dag gis de bzhin bgyi'o zhes nas des rjes su bstan pa mnyan te/ phyag 'tshal bskor ba byas nas bdag bdag gis gnas su dong ngo/ /grogs de dag dod nas ring po ma lon par bdag nyid chen po des bsams
 pa/ mgron zhig 'ongs na'ang de dag gis/ ci yang rung bas mgron byar yod/ /bdag gis ci yang sbyin du med/ /bdag gis so rtses bcad pa yi/ /rtswa yi myu gu kha bo 'di/ /mgon la sbyin du yod mi rung//
 mi nus pa ni yod ye smad/ /de bas ci yang mi nus pa/ /bdag ni gson yang ci la phan/ /bdag ni mgron zhig 'ong gyur na/ /dga' zhing mya ngan skye bar 'gyur snyam mo/ /da 'gron byar mi rung ba snying po med pa'i lus 'di
 gar bor? na 'ga' zhig la phan thogs par 'gyur snyam du bsams pa dang/ bdag nyid chen po de dran pa rnyed pa/ e ma'o bdag la yod cing rnyed sla ba bdag gi lus 'di nyid mgron rnams la sbyin tu rung ba'i nor kha na ma tho ba
 med pa bdag la yod bzhin du ci'i phyir mya ngan bya/ /bdag gi mgron byar rung ba 'di rnyed kyis/ /snying khyod da ni mi dgar ma byed cig/ bdag gis da ni 'gron rnams spobs pa la/ /rdzogs par yod pa'i lus 'dis
 bkur sti bya'o snyam du nges par bsams nas/ sems dpa' chen po de rnyed pa mchog rnyed pa bzhin du yid rab tu dga' bar gyur cing de na 'dug go/ de yi snying la rnam rtog pa/ /khyad par can ni skyes gyur bas/ /
 mthu dang rab tu dang ba dag/ lha rnams la ni bstan par gyur/ /de nas sa gzhi ri dang bcas pa g.yos pa ni/ /rgya mtsho 'khrug pa'i gos gyon dga' ba bzhin/ /mkha' las lha yi rnga sgra rgyas par grags/ /phyogs
 kyang rab tu dang ba'i gos gyon gsal/ /sprin kyang glog dang ldan pa'i 'brug gi sgra/ /rgyun chags dal bus sgrog cing dgod pa bzhin/ /phan tshun bdos pas rdul rnams lhags pa yi/ /me tog rgyun chags
 rnams kyis de la 'thor/ /ser bu dal bus ldang ba'i rlung gis kyang/ /shing ljon sna tshogs me tog dri zhim rdul/ /rab tu dkrigs pa srab mo'i gos bkram zhing/ /rab tu dga' bas de la mchod byed
 'dra/ /de'i rnam par rtog pa rmad du byung ba de la rab tu dga' zhing yid la ngo mtshar skyes pa'i lha rnams kyis kun tu bsgrags pa/ /lha'i dbang po brgya byin gyis thos nas yid la ya mtshan dang ngo mtshar che
 bar gyur te/ de'i bsam pa nyams sad pa'i phyir/ phyi de nyin nyi ma phyed kyi dus na nyi zer gyi 'od ni rab tu gsal bar gyur/ phyogs rnams kyang smig rgyu 'khrigs pa'i gos ni gyon/ /nyi ma tsha ba'i 'od kyis ni mgo na
 g.yogs/ mig gis bltar yang mi bzod par gyur pa'i tshe na/ nags tshal rnams kyi grib ma ni 'dus par gyur/ tsha ba'i sbrang bu rnams kyi sgra ni cher grag/ bya rnams lding zhing rgyu ba'i rgyun ni chad/ /mgron
 po rnams ni tsha bas gdungs shing ngal bar gyur pa na lha rnams kyi bdag po brgya byin bram ze'i gzugs su bsgyur nas lam nor ba 'dra bar byas te/ bkres pa dang/ skom pa dang ngal bas gdungs shing mgrin pa
 'gags pa bzhin du/ de dag dang nye ba zhig tu sgra phyung ste du zhing bos la/ grogs dang bral bas gcig pur gyur/ /nags tshal stug po'i nang du 'khyams/ /bkres shing ngal bas bdag lus dub//
 dge ba rnams kyis bskyab pa'i rigs/ /bdag ni lam dang lam min sems mi shes/ /gcig pu phyogs bslad gar 'gro gtol kyang med/ /dgon pa 'di na che zhing skom pas gdungs/ /ma 'jigs
 sgra yi su zhig bdag tshim byed/ /de nas sems can chen po de dag de'i sgra snying rje rje skad zer ba des snying 'dar bar gyur nas rings rings ltar mgyogs su dod ste phyogs der phyin pa dang/ mgron po lam nor te
 nyam thag pa de mthong nas/ nye bar lhags te gus pa dang bcas par dbubs 'byin cing smras pa/ bdag ni dgon par 'khyams snyam du/ /khyod kyis brtags pa de thong zhig/ bdag gi slob ma'i 'khor bzhin
 du/ /bdag cag gang phyir nye bar 'khod/ /de bas de ring bdag cag gis/ /bkur sti bya bas yongs bzung zhing/ /zhi ba rjes su bzung nas su/ /sang ni ji ltar 'dod par song/ /de nas de cang mi zer
 bas 'gron du 'os pa khas blangs pa sam gyis rig nas dga' bas rtab rtab por gyur cing mgyogs par song ste/ nya mo bdun khyer te 'ongs nas de la smras pa/ nya pa rnams kyis brjed nas bor ba 'am/ /sdangs te
 brgal bas thang la 'gres pa dag/ mi dga' gnyid kyis log bzhin nya bdun po/ /bdag gis rnyed pa 'di dag zo la 'dug/ de nas ce spyang yang ci rnyed pa'i zas dag khyer te 'ongs nas/ de la phyag byas te gus
 par smras pa/ skyin kor gcig dang zho ni rje 'u gang zhig /la la zhig gis bor ba rnyed pa 'di/ /bdag la phan pa'i phyir ni de rnams la/ /yon tan gnas khyod nags tshal 'dir bzhugs shig ces smras
 nas yid dga' bzhin du de la byin no/ /de nas spre'us shing tog a 'bra'i 'bras bu rab tu smin pa 'jam po ldong ros kyi phye mas kha dog bsgyur ba 'dra ba rtsa ser ba/ rtsa ba dmar ba'i snye ma dag cig khyer te
 'ongs nas thal mo sbyar te/ de la smras pa/ a 'bra smin cing yid du 'ong ba'i chu/ grib ma bsil ba dam pa rnams dang 'grogs/ /bdag la mchis kyis tshangs pa rig pa'i mchog/ 'di dag bsnoms
 la khyod ni 'dir bzhugs shig/ de nas ri bong gis zhes byas nas de'i drung du 'ongs te/ gus par lta zhing bdag gis lus kyis mgron byed pa ni/ nags kyi ri bong la ni ci yang med/
 mutka dang ni til dang 'bras kyang med/ bdag gis lus ni me la bsregs pa 'di/ /bsnoms la de ring dka' thub nags na bzhugs/ /gang gi don sgrub nor ni ci yod pa/ /phongs pa 'ongs na de ni de la
 dbul/ /bdag la lus las lhag pa'i nor yang med/ /de bas bdag gi nor dbyig 'di khyer cig/ brgya byin gyis smras pa/ bdag cag lta bu gzhan dag gi/ srog kyang gcod par mi byed na/ /de ltar rab tu byams
 bstan pa/ /khyod lta bu la smos ci dgos/ /ri bong gis smras pa/ bram ze'i chos la 'di lta bu'i snying rje nye bar gnas pa ni rigs kyi/ /de bas na bdag la phan pa'i thabs 'ga' zhig gud na btsal te 'od gi bar du bdag
 la phan gdags pa'i slad du khyed re zhig 'di na bzhugs shig /de nas lha'i dbang po brgya byin gyis de'i bsam pa shes nas mdag ma'i phung po gser btso ma'i kha dog 'dra ba cung zad 'bar ba me stag rnam par 'phro ba du pa med pa zhig
 mngon par sprul to/ /de nas ri bong gi phyogs kun tu bltas pa dang me'i phung po de mthong ngo/ /mthong nas kyang yi dga' nas brgya byin la smras pa/ bdag la phan pa'i thabs 'di bdag gi rnyed de de bas na bdag gi
 lus longs spyod du byas pas phan gdags pa'i bsam pa 'bras bu dang bcas par bdag la dbang pa'i rigs so/ /bram ze chen po gzigs su gsol/ /sbyin par bya dang sbyin 'dod gzhol sems dang/ khyod lta
 bu yi 'gron deng ldan gyur pa/ /'di lta bu ni rnyed par rab tu dka' / /khyod la brten nas bdag ni don yod gyur ces mgron la dga' ba'i phyir gus shing rim gro bskyed de/ /de la de skad smras te/ de nas de ni me 'bar
 de'i nang du/ /nor 'dod pa dag gter ni mthong ba bzhin/ /rab tu dga' bas me yi nang du zhugs/ /pad+ma rgyas pa'i chu nang ngang pa bzhin/ /lha rnams kyi bdag pos de mthong nas yid la ngo mtshar skyes te/ bdag
 nyid kyi lus su gnas nas lha'i me tog char bzhin 'bab pa dang bcas pa'i tshig rnar snyan cing yid du 'ong bas mngon par bstod de/ bdag nyid kyi lag pa pad+ma'i 'dab ma 'dra ba dpal phun sum tshogs pa/ sor gdub
 kyi rgyan bzang pos brgyan pa gnyis kyis de blangs nas sum cu rtsa gsum gyi gnas su khyer te bstan to/ /sum cu rtsa gsum gyi ris na gnas pa'i lha khyed rnams ltos shig/ /skyes bu chen po 'di'i lus rab tu ya
 mtshan che ba 'di la rjes su yi rang bgyis shig/ mgron la byams pas de ring chags med par/ /e ma'o 'di yis ji ltar lus btang ba/ /sems can mi brtan rnams kyi dman nam yang/ /de ltar the tshom med
 par gtong mi nus/ /'di lta'i rigs dang de dang 'gal ba yi/ /gtong ba rgya chen sems kyang gsal ba 'di/ /lha mi bsod nams mi byed pa rnams la/ /dpe bstan bzhin du 'di ni rnam par gsal/ /e ma'o
 yon tan goms byas pa/ /'di yi blo la bsgos pa dang/ /e ma'o dam pa'i spyod gzhol ba/ /spyod pa rgya chen 'di yis bstan/ /de nas brgya byin gyis de'i las khyad par can bstan pa'i phyir 'jig rten la phan
 par bsams nas khang bzangs mchog rnam par rgyal ba dang/ lha'i 'dun sa chos bzangs kyi khang pa brtsegs pa dang/ zla ba'i dkyil 'khor la ri bong gi gzugs brnyan gyis brgyan te bzhag go/ zla ba'i dkyil
 'khor gang ba la/ /deng sang du yang ri bong gzugs/ /me long dkyil gyi gzugs brnyan bzhin/ /rab tu mngon par mdzes par snang/ /de dag phyin chad 'jig rten pas/ /ku mu da ni kha 'byed pa/ /mtshan mo'i mtshan
 ma zla ba la/ /ri bong mtshan ma can zhes bsgrags/ /de bas na de ltar sems can chen po dud 'gror gyur pa rnams kyang ci nus par sbyin par byin pa mthong na mir gyur pa su zhig sbyin pa mi byed/ de bzhin du dud 'gror gyur
 pa yon tan la dga' na/ dam pa rnams kyis mchod par gyur pa'i phyir yon tan la gus par bya'o zhes kyang bshad par bya'o/ /ri bong gi skyes pa'i rabs te drug pa'o// //dka' thub kyi nags
 tshal na gnas pa rnams la yang gtong ba dang dpa' ba gnyis brgyan du 'gyur na gnas gnas pa rnams la lta smos kyang ci dgos/ /de yang 'di skad thos te/ bcom ldan 'das 'di byang chub sems dpar gyur pa'i tshe/ /
 'jig rten la phan pa'i phyir 'khor ba na gnas pa'i tshe/ spyod pa dang yon tan rnam par dag pas mngon par mtshon pas sa'i steng na rgyan du gyur pa zla ba'i dkyil 'khor yongs su rdzogs pa nam mkha' la shar ba bzhin du bram
 ze'i rigs shig tu skyes par gyur to zhes grag go/ de rim pa bzhin du thos pa dang dran pa las byung ba'i cho ga bzhin skyes pa'i las la sogs pa bya ba rnams ni byas/ rig byed yan lag dang bcas pa'i bslabs/ /mkhas
 pa'i grags pas ni mi'i 'jig rten ma lus par khyab par byas/ sbyin pa po yon tan la dga' ba rnams kyis gsol ba btab ste phul ba rnams blangs pas 'byor pa'i phyir nor rab tu phun sum tshogs par gyur to/ /gnyen dang mdza' 
 bshes rten dang phongs rnams dang/ /'gron dang bla ma bkur sti bya ba rnams/ /'byor pa de ni rab tu tshim byas pas/ /yul du sprin gyis char chen phab pa bzhin/ /mkhas pa'i phyir ni de yi grags pa ste/ /gtong ba dang ni dpa' 
 bas lhag gyur pa/ /ston ka'i zla? ba rnam par dag pa dang/ /yongs su rdzogs pas lhag par gsal ba bzhin/ /de nas bdag nyid chen po de khyim na gnas pa bya ba ngan pas 'brel ba'i nyes pas rlag pa/ bag med pa'i gnas
 su gyur pa/ nor bsgrub cing bsrung ba'i zhar gyis rnam par dkrugs pa/ nye bar zhi ba dang dgal ba/ /sdug bsngal mang po'i mda'i 'ben du gyur pa/ so tshis kyi las sgrub pa mdza' yas pas dub par gyur pa/ chog mi
 shes pa dang/ bde ba myong ba chung bar rigs nas/ rab tu byung ba ni de'i nyes pa med cing bde la/ chos sgrub pa dang rjes su mthun pa/ thar ba'i chos brtsam pa'i gnas su gyur par mthong bas/ nyon mongs par rnyed pa'i
 nor phun sum tshogs pa 'jig rten gyis bkur sti byas pa yid bde ba dag kyang rtswa bzhin spangs nas rab tu byung ba dka' thub can gyis dul ba dang bsdams pa rab tu 'bad par gyur to/ /sems dpa' chen po der rab
 tu byung bar gyur kyang grags pa che ba dang/ sngon bshes pa rjes su dran pa dang/ srid pa'i yon tan dang/ rab tu zhi bas mtshan pa'i phyir legs pa 'dod pa'i skye bo rnams de'i yon tan mang pos yid mgu bas
 de bzhin du 'du zhing 'od bar gyur to/ /de skye bo khyim pa'i 'du 'dzis rab tu dben pa'i bde ba med par byed pa/ 'khrug pa dang g.yeng ba dang bar chad du 'gyur ba de la mi dga' nas/ rab tu dben pa la
 dga' ba'i phyir kA ra zhes bya ba'i gling lho phyogs kyi rgya mtsho'i nang na 'dug pa rgya mtsho'i rlabs rlung gis bskyong pas an+d+ra rnyil gyi bcag 'phro ltar sngo ba mthor bas mdza' ma gtor pa/ sa gzhi bye ma skya bos khebs pa/ shing
 ljon pa rnam pa sna tshogs me tog dang 'bras bu dang 'dab mas brgyan pa rnams kyis mdzes par byas pa/ chu gtsang ma btung du rung ba yod pa zhig tu gnas nas dka' thub kyi gnas dpal dang ldan par byas so/ /lus
 bzang de ni dka' thub kyis/ /ring par gyur cing de na mdzes/ /mkha' la zla ba mdzes pa bzhin/ /gzi mdangs che ba'ang mkha' la snang/ /spyod dang dbang po rab tu zhi zhing dul/ /brtul zhugs bsdams la nges
 byas nags tshal gnas/ /blo yi mthu chung rnams kyis thub pa zhes/ /bya dang ri dwags rnams kyang de la 'khor/ /de nas bdag nyid chen po de dka' thub kyi nags tshal na gnas kyang sbyin pa la rab tu goms
 pas glo bur ba rnams dus su 'ongs nas/ rtsa ba dang 'bras bu ci rnyed pa dang/ chu gtsang ma dang/ 'dir 'ongs pa legs so zhes bya ba'i tshig shis pa brjod pa yid du 'ong ba skye bo dka' thub can la 'os pa rnams kyis ma?
 mchod par byed do/ /glo bur du lhags pa rnams la 'gron du byas pa'i lhag ma nags tshal nas byung bas 'tsho ba'i phyir za zhing gnas so/ /de'i dka' thub mchog tu gyur pa'i grags pa 'phros pas lha rnams kyi dang?
 po brgya byin sems mgu bar gyur nas/ sems dpa' chen po de brtan nam mi brtan nyams sad pa'i phyir dgon pa'i gnas de na rtsa ba dang 'bras bu dka' thub can rnams kyi bzar rung ba thams cad mthar gyis mi snang bar byas so//
 byang chub sems dpa' yang yid bsam gtan la zhugs pa dang/ chog shes pa la goms pa dang/ zas la zhen pa med pa dang/ lus la ma chags pa'i phyir de dag mi snang bar gyur pa'i rgyu yid la mi byed do/ /de shing gi
 lo ma gzhon nu dag btsos te des zas kyi dgos pa byas te/ zhen pa med cing zas khyad par can mi 'tshol bar blo bde bar byas te de bzhin du gnas so/ /chog shes nges pa'i bdag nyid can/ /'tsho ba gang na'ang btsal
 med dka' / /rtsa dang lo ma chu yi gnas/ /gang na 'ang med pa ma yin no/ /de de ltar gnas pas lha'i dbang po brgya byin yid la ngo mtshar che bar gyur nas yon tan rab tu brtan par gyur pa de brtag par phyir nags tshal
 dgon pa de ni shing ljon pa dang ldum bu thams cad dpyid kyi rlung gis btab pa bzhin du lo ma med par byas so/ /de nas byang chub sems dpas lo ma lhags shing rnyings pa cung zad rlon pa rnams btus te/ chu'i nang du
 btsos pa de dag za zhing mi dga' ba med par bsam gtan gyi bde bas yid tshim par byas te bdud rtsis ngoms pa bzhin du de na gnas so/ /mang du thos pa snyems pa med/ /'byor pa rnams ni ser sna med/ /
 nags tshal gnas rnams chog shes pa/ /yon tan rgyan gyi mchog yin no/ /de nas de'i chog shes pa brtan pa ngo mtshar du gyur pa des brgya byin ngo mtshar cher gyur nas/ khros pa bzhin du sems dpa' chen po
 de dro la bab pa'i tshe me la sbyin sreg bya ba ni zin/ bzlas brjod ni rdzogs nas skye bo glo bur du 'ongs pa lta ba'i phyir phyogs su bltas pa dang/ lha'i dbang po brgya byin bram ze'i lus su bsgyur nas glo bur du 'ongs pa
 'dra bar mdun du 'ongs so/ /byang chub sems dpa' yid dga' nas/ de'i drung du 'ongs te/ 'dir 'ongs pa legs so zhes bya ba la sogs pa'i tshig snyan pa brjod de/ zas kyi dus la bab pa bstan nas mgron du bos
 so/ /de cang mi smra bas khas blangs par bdag nyid chen po des shes nas/ sbyin par 'dod pas mig bgrad bzhin ni 'dzum pas mdzes/ /yid 'ongs rnar snyan tshig gis dga' bar byas nas ni/ /dga' bas rnyed
 de btsos pa de dag thams cad kyang/ /de la byin nas bdag nyid dga' bas tshim par gyur/ /de de bzhin du bsam gtan gyi gnas su zhugs nas dga' zhing mgu ba de nyid kyis nyin mtshan 'das so/ /de nas
 brgya byin de'i phyi de nyin dang nyi ma gsum pa la yang de bzhin du brtul zhugs kyi tshe de'i mdun du 'ongs so/ /de yang yid rab tu dga' nas de bzhin du de la mchod pa byas so/ /sbyin par 'dod pa'i dge ba rnams/ /snying
 rje goms pa las skyes pas/ /sdug bsngal srog la bab na yang/ /dman zhing zhum par yod mi 'gyur/ /de nas brgya byin sems pa ngo mtshar rab tu che bar gyur te/ 'di ni dka' thub che bas sum cu rtsa gsum
 pa'i bdag po'i dpal thob par bya ba yang 'dod pa tsam gyis 'grub par rig nas dogs pa dang 'jigs pa skyes te/ bdag gi lus lha'i cha lugs ngo mtshar che ba bzang po dang ldan pa mngon par bstan nas de la ??
 thub kyi dgos pa dris so/ /gnyen dang mdza' bshes mchi mas 'ju ba dang/ bde ba'i rgyur gyur yongs su bzung bor te/ /bsam pa'i lcags kyu gang du dmigs nas ni/ /dka' thub sdug bsngal 'di la gnas par 'gyur/ /bde
 bar 'byor ba'i longs spyod yongs por zhing/ /gnyen pa rnams kyang mya ngan bslangs nas su/ /rgyu rkyen chung ngu dag gis bstan pa rnams/ /bde dang 'gal ba'i dka' thub nags mi 'gro/ /gang gi yon tan thos nas khyod lta bu'i/ /
 blo yang de ltar dbang du byas pa de/ /bdag la gal te smra bar byar rung na/ /de bas bdag gi rtog pa bsal ba'i rigs/ /byang chub sems dpas smras pa/ gang gi phyir bdag 'di ltar 'bad pa grogs po khyod nyon cig /yang dang
 yang du skye ba'i sdug bsngal dang/ /rga dang rgud dang na ba'i sdug bsngal dang/ /'chi bar 'gyur snyam sems dpa' i 'jig rten rnams/ /bskyab pa'i phyir ni bdag ni de ltar gnas/ /de nas brgya byin gyis bsam pa/ 'di ni bdag
 gi dpal 'dod pa ma yin no snyam nas dbugs phyin te/ legs par smras pa des dga' bar gyur nas de'i tshig de rigs so zhes bya bas dga' ba bskyed de/ byang chub sems dpa' la mchog sbyin par byas so/ /'dir khyod kyis
 dka' thub can dang mthun pa'i tshig legs par smras pa'i phyir 'od srungs khyod la mchog sbyin gyis gang 'dod pa de slongs shig /de nas byang chub sems dpa' bde ba la ma chags pa dang/ slong ba nyid sdug bsngal du rig
 cing chog shes pa la goms pas brgya byin la smras pa/ rjes su phan par 'gyur ba'i mchog /gal te bdag la sbyin 'dod na/ /lha yi mchog la dam pa 'di/ /bdag gis nga ni bslang bar bya'o/ /chung ma yid du
 'od dang bu dang dbang byed dang/ /mngon par 'dod pa'i nor rnams rgya chen thob gyur kyang/ /gang gis yid gdungs nam yang chog mi shes pa yi/ /brkam pa'i rlung de bdag gi snying la med par byos/ /de
 nas de'i chog shes pa la gzhol ba legs par smras pas gsal par byas pa des brgya byin yid rab tu dad par gyur nas/ byang chub sems dpa' la legs so zhes bya bas bstod de yang mchog sbyin pas 'dun par byas so/ /
 'dir yang skye bo thub pa dang mthun pa'i tshig khyod kyis legs par smras pa la dga' bas skyes lan dang 'dra bar mchog gzhan yang sbyin par bya'o/ /de nas byang chub sems dpa' mchog bslang ba la snyad btags te/ nyon
 mongs pa dang bral ba thob dka' ba nyid de la bstan pa'i phyir yang de la chos bshad do/ /yon tan mchog gnas brgya byin khyod/ /nga la gal te mchog sbyin na/ /lha yi dbang po dam pa'i mchog /de bas gzhan yang 'di
 blang ngo/ /sems can gang gis zil gnon dgra bo bzhin/ /nor yang nyams shing mdog bzang grags pa dang/ /bde ba las kyang nyams par 'gyur ba yi/ /zhe sdang me des bdag las ring du byas/ /lha'i dbang po brgya
 byin gyis/ de thos nas ngo mtshar du gyur te legs so zhes bya bas de la gus pas bstod de/ yang smras pa/ rab tu byung la grags pa de/ /rjes su chags bzhin bsten par 'os/ de bas legs par smras pa yi/ /mchog
 de bdag las bzhes su gsol/ /de nas byang chub sems dpa' nyon mongs pa dang mi mthun pa'i phyir mchog nod pa la snyad btags nas sems can nyon mongs pa can dang 'grogs pa smad pa'i phyir 'di skad ces
 smras so/ /byis pa rnams ni nams kyang mi thos shing/ /mthong bar mi 'gyur nams kyang mi smra zhing/ /de dag 'grogs pas skyo ba'i sdug bsngal yang/ /mi myong mchog de bdag ni khyod la slong/ /brgya byin gyis smras pa/ /
 phongs par gyur la khyad par du/ /dam pas phan gdags ma yin nam/ /phongs pa'i gnas su gyur pa'i phyir/ /byis pa tha ma yin par 'dod/ /byis pa 'di dag khyad par du/ /snying rje'i gnas su gyur pa na/ /ci phyir
 snying rje can yin yang/ /mthong ba tsam du 'ang khyod mi 'dod/ /byang chub sems dpas smras pa/ grogs po mi nus mod/ /'di la khyod ltos shig /ji ltar byas kyang byis pa la/ /phan gdags par ni mi nus te/ /bdag cag
 lta bu ji lta na/ /de la phan par brtson mi byed/ /de lta bas na 'di dag phan gdags par bya ba'i snod ma yin par zung shig /'di dag tshul min pa la yang tshul bzhin byed/ /gzhan yang 'di la rab tu sbyor bar 'dod/ /'dul dang
 drang po'i rim par mi mthun pa/ /phan pa bstan kyang rab tu 'khrug par 'gyur/ /mkhas pa'i nga rgyal gti mug mes bsregs shing/ /phan par smra ba la'ang khro bas rtsub 'gyur ba/ /'dul la brtson 'grus chung ba gzu
 lums can/ /de la ji ltar phan gdags rung ba smros/ /lha'i gtso bo de bas na/ snying rje che bar gyur ba yang/ /byis pa rdzas su mi rung ba/ /mthong ba tsam du 'ang mi 'dod do/ /brgya byin gyis de thos nas legs so legs
 so zhes de la bstod de/ legs par smras pas sems rab tu dang bar gyur nas yang smras pa/ legs par smras pa rin chen la/ /rin ni ci yang yod ma yin/ /dga' bas me tog snyim bkang bzhin/ /'dir yang khyod la
 mchog sbyin no/ /de nas byang chub sems dpas skyes bu gnas skabs thams cad du bde ba bstan pa'i phyir brgya byin la smras pa/ brtan pa mthong zhing brtan pa thos pa dang/ /de dag nyid dang brgya byin bdag 'grogs
 'gyur/ /de dang smra zhing spobs pa'i bde ldan 'gyur/ /lha yi dam pa mchog de bdag la stsol/ /brgya byin gyis smras pa/ khyod ni brtan pa la rab tu dga' ba 'dra na de smros shig /brtan pa khyod la ci zhig bya/ /'od srungs
 de yi rgyu smros shig /brtan pa mthong bar 'dod pa yi/ /gang phyir mi brtan bzhin du gyur/ /de nas byang chub sems dpas de la skyes bu dam pa'i yon tan bstan pa'i phyir smras pa/ bdag gang gi phyir brtan pa 'ba' zhig
 mthong bar 'dod pa de grogs po nyon cig /yon tan lam du bdag nyid 'gro bar byed/ /gzhan yang lam de nyid du 'dzud par byed/ /rtsub po'i tshig kyang mi bzod skyed mi 'gyur/ /de yi tshig ni phan dang ldan pa yin/ /
 g.yo sgyu med pa'i 'dul bas rtag tu brgyan/ /de ltar phan pa dag kyang bstan par nus/ /de bas bdag blo yon tan dga' ba la/ /yon tan dga' phyir rab tu gzhol bar gyur/ /de nas de la brgya byin gyis legs so 'di
 ni rigs so zhes bstod de sems rab tu dad par gyur nas yang mchog sbyin par byas so/ /chog shes pa la goms gyur pas/ /khyod kyis kun tu bzlog gyur kyang/ /bdag la phan gdags blo yis su/ /mchog
 ni blang bar bya ba'i rigs/ /gus la phan pa'i bsam pa dang/ /mthu yang ci yod thams cad kyis/ /mchog ni sbyin par byas pa las/ /ma blangs pa ni sdug bsngal che/ /de nas byang chub sems dpa' de rab tu phan
 gdags par 'dod pa rtogs nas/ de las dga' ba dang phan par 'dod pas sbyin pa la rab tu dga' bas de la bstan pa'i phyir smras pa/ khyod kyis kha zas zad pa'i nyes pa spangs/ /yid kyang sbyin par dga' dang mthun gyur zhing/ /
 slong ba rnams kyang tshul khrims rnam dag brgyan/ /'di dag bdag la yod 'gyur mchog slong ngo/ /brgya byin gyis smras pa/ 'di yang khyod ni legs par smra ba rin po che'i 'byung khungs su gyur to/ /gzhan yang khyod kyis
 gang bslangs pa de dag thams cad de bzhin du 'gyur ro/ /legs par smras pa 'di la yang/ /khyod la mchog ni sbyin par bya/ /byang chub sems dpas smras pa/ lha rnams kun gyi mchog tu gyur pa khyod/ /bdag la phan
 'dogs rgyur gyur mchog sbyin na/ /gsal ba bdag drung slan chad mi byon pa'i/ /mchog 'di lha min 'joms par khyod la slong/ /de nas brgya byin ngo mtshar du gyur nas mi bzod pa bzhin du slar de la
 smras pa/ khyod re zhig sdod cig dang/ bzlas brjod brtul zhugs mchod sbyin dka' thub spyad pa yi/ /skye bo 'di dag kho bo rjes su mthong 'dod na/ /kho bo mchog sbyin 'dod phyir 'di ltar 'ongs pa la/ /khyod ni de
 ltar mthong bar mi 'dod ci'i phyir/ /byang chub sems dpas smras pa/ 'di la bdag gis khyod mnyes par bgyi yis lha'i rgyal po khyod ma bkyon cig /'di ni mi srun pa'i tshul yang ma lags/ ma gus par
 bgyis pa yang ma lags/ khyod dang phrad par mi 'tshal ba yang ma lags na/ lha'i gzugs mchog rmad du byung ba mthong ba dang/ gzi byin gsal zhing mdangs dang ldan pa mthong gyur na/ /khyod ni rab tu dang 
 zhing zhi bar gyur pa yang/ /bdag gi dka' thub nyams par 'gyur du dogs lags mod/ /de nas brgya byin gyis de la phyag 'tshal te bskor ba byas nas de nyid du mi snang bar gyur to/ /de nas nam langs pa
 dang lha'i bza' ba dang btung ba brgya byin gyis sbyar ba rnams dang/ rang sangs rgyas brgya phrag du ma brgya byin gyis spyan drangs pa rnams dang/ lha'i bu gzhon nu bshos 'drim par chas shing bsdogs pa du ma tsam lhags
 par byang chub sems dpas mthong bar gyur to/ /bza' ba dang ni btung ba sbyar ba de dag gis/ /drang srong chen po de dag mchod pa byas pa dang/ /thub pa de ni dga' ba chen po thob par gyur/ /skye bo dka' thub can
 dang mthun pa'i tshul dag dang/ /bsam gtan tshad med sdom dang zhi ba'i tshul gyis gnas/ /de bas na de ltar dka' thub kyi nags tshal na gnas pa la yang gtong phod pa dang dpa' ba brgyan du 'gyur na khyim na gnas
 pa rnams la lta smos kyang ci dgos te/ de bas na mi rnams kyis gtong phod pas bdag brgyan par bya'o zhes sbyin bdag gzengs bstod pa'i phyir de ltar bcom ldan 'das des sku tshe snga ma la yang legs par gsungs
 pa khyad par can rin po che'i 'byung gnas su gyur pa yin na mngon par rdzogs par sangs rgyas pa na lta smos kyang ci dgos zhes de bzhin gshegs pa'i che ba nyid bstan pa la yang sbyar bar bya'o/ /a ka ha'i skyes
 pa'i rabs te bdun pa'o// //skyes pa'i rabs kyi rgyud bam po gsum pa/ snying rje chen po gzhan gyi sdug bsngal gyis gdungs pa rnams ni bdag gi bde ba la mi lta ste/ de yang 'di skad thos
 so/ /byang chub sems dpa' bdag gi che ba nyid gyis snying rje dang ldan zhing/ 'gro ba yongs su bskyab pa'i lhag pa'i bsam pa can/ sbyin pa dang/ dul ba dang/ sdom pa dang/ nges pa la sogs pa 'jig rten la phan 'dogs pa dang
 mthun pa'i yon tan khyad par can mngon par 'phel ba/ sems can thams cad la byams pa'i yid du gyur pa byams pa'i stobs zhes bya ba'i rgyal por gyur to zhes grag go /skye dgu rnams kyi bde dang sdug bsngal gang/ /rgyal
 po de yang de dag de bzhin gyur/ /de bas de bzhin skye dgu bsrung la mkhas/ /mtshon cha dang ni gtsug lag rnams la goms/ /mi yi dbang po'i bka' khrims spyi bos mnos/ /de yi mtshon cha rgyan dang 'dra bar gyur/ /'jig rten
 phan 'byung bstan dag tshul rnams kyis/ /gtsug lag dag kyang rnam par gsal bar snang/ /tshar bcad pa dang phan gdags bya ba la/ /chos dang 'gal ba de ni yong mi byed/ /tshul la mkhas shing phan par sems pa'i phyir/
 skye dgu rnams la rtog mkhas pha dang 'dra/ /de de ltar chos kyis skye dgu skyong ba na/ bden pa dang/ gtong ba dang/ nye bar zhi ba dang/ shes rab la sogs pa gzhan la phan par yongs su bsngos pa'i phyir khyad par can du gyur
 la rlabs che ba'i rim pas byang chub kyi tshogs bsags shing mngon par dar ba las/ re zhig cig nyes pa 'ga' zhig byung ba'i phyir gnod sbyin gzhan gsod pa la mkhas pa mdangs 'phrog pa lnga zhig gnod
 sbyin gyi bdag pos rang gi yul nas spyugs pa de'i yul du lhags so/ /de'i yul na gnod pa thams cad med pa dang/ rtag tu dga' ba sna tshogs yod pa dang/ phun sum tshogs pa mchog dang ldan pas mi rnams
 rab tu dga' mgu zhing dang ba mthong nas/ de dag yul de na gnas pa'i mi rnams kyi mdangs 'phrog 'dod bar gyur to/ /de dag rab tu bsgrims nas ni/ /rang gi las la 'jug byas kyang/ /de na gnas pa
 rnams kyi mdangs/ /'phrog par bya bar mi nus so/ /rgyal po de yi mthu khyad par che bas na/ bdag gi yin pa'i blo ni gar bzhag pa/ /de nyid de yi bsrung ba mchog yin pas/ /de dag gis ni mdangs 'phrog nus
 ma gyur/ /de ltar rab tu 'bad kyang yul de na gnas pa gang zhig mdangs kyang 'phrog par ma nus pa de'i tshe/ /de dag gcig la gcig bltas nas grogs po dag 'di ci zhig yin snyam du sems par gyur to/ /
 bdag cag mthu la gnod par nus pa yi/ /rig sngags dka' thub dngos grub khyad pa yang/ /de dag la ni yod pa ma yin na/ /'on kyang de ring bdag cag thams cad kyi/ /ming ni don dang mthun par ma gyur to/ /
 de nas gnod sbyin de dag bram ze'i gzugs su bsgyur te dong dong pa dang/ grib shing sngon po zhig gi drung na nags na rgyu ba'i ba lang rdzi gcig cig lham dang bcas par 'dug cing/ nags tshal gyi shing gi me tog lo ma dang
 bcas pa'i phreng ba ni thogs/ /dbyug pa dang dgra sta ni g.yas rol tu bzhag /gcig pu srad bu ni 'khal/ sbyugs glu ni len cing 'dug pa mthong nas de'i drung du lhags te smras pa/ kye ba lang rdzi 'di lta bu'i
 dgon pa dben pa 'gro ba med pa na gcig pu ji ltar mi 'jigs/ des de dag la bltas nas su la 'jigs zhes smras so/ /gnod sbyin rnams kyis smras pa/ srin po rnams dang 'dre rnams rang bzhin
 gyis gtum zhing ma rungs pa yin bar khyod kyis sngon ma thos sam rig sngags dka' thub bde legs ldan pa dag /grogs kyis bskor ba'i nang na 'dug gyur cing/ /dpa' la 'jigs pa med pa'i mi dag kyang/ /gang la thar bar
 'gyur ba rab dka' ba/ /nags tshal rab tu dben zhing zab pa la/ /'jigs pa'i sa na grogs kyang yong med par/ /mi yi sha dang tshil dag za ba yi/ /srin po de dag ci phyir khyod mi 'jigs/ /de skad ces smras pa dang ba lang
 rdzings? dgad nas de dag la smras pa/ bde legs chen pos 'gro ba 'di/ /yongs su bskyangs par gyur pas na/ /lha yi dbang po dag gis kyang/ /'di dag gtse bar mi nus na/ /sha za ba rnams kyis ga la nus/ /de bas
 nags na'ang khyim bzhin du/ /mtshan mo dag kyang nyin par bzhin/ /gcig puAng grogs kyi nang 'dug 'dra/ /bdag ni 'jigs pa med par 'dug /de nas gnod sbyin de dag ngo mtshar cher gyur nas/ de la zil gyis gnon
 pa bzhin du ched cher byas? nas smras pa/ kye bzang po khyod kyi bde legs kyi bye brag de ci 'dra ba zhig re zhig smros shig smros shig/ /de dgod cing de dag la smras pa/ bdag cag gi bde legs kyi bye brag rmad du byung ba ci 'dra
 ba nyon cig /gser gyi ri bo'i brag ltar yangs pa'i srang/ /ston ka'i zla ba dri med mdzes pa'i zhal/ /dpung pa gser gyi sdong po lta bur rgyas/ /mi dbang khyu mchog spyan 'dra rnam par gnon/ /bdag cag gi
 bde legs kyi khyad par ni 'di 'dra'o zhes smras nas/ ngo mtshar che zhing khro ba dang bcas pas gnod sbyin de dag la bltas te yang smras pa/ e ma'o 'di ngo mtshar che'o/ /mi dbang mthu chen 'di ltar grags pa yang/
 khyod kyi rna lam ji ltar ma grags kyi/ /'on te bros kyang shin tu rmad byung bas/ /khyed cag yid mi ches phyir ma gzung grang/ /khyed cag gang nas lhags pa'i yul de yi/ /mi rnams yon tan tshol la
 mi mkhas sam/ /ched cher mi 'dzin skal ba med pa'i phyir/ /mi dbang grags pas rnam par spangs su dogs/ /de bas na de lta bu yul mdza' khob nas 'dir lhags pa ni khyed cag la skal ba cung zad cig yod
 do/ /gnod sbyin rnams kyis smras pa/ bzang po de'i yul na gnas pa'i skye bo rnams la ni mi ma yin pa rnams kyis gnod pa bya bar mi nus pa rgyal po de'i mthu de lta bu ci las gyur/ /ba lang rdzis smras pa/ nged
 kyi rgyal po chen po'i mthu 'di lta bu ni rang gi che ba nyid kyis thob pa'o/ /bram ze dag ltos shig/ de'i dpung byams pa ru mtshon khra bo'i dpung ni cho ga tsam/ /bde ni mi khro tshig rtsub mi smra sa yang legs par bsrung/ /de'i bka' 
 khrims chos yin rgyu med nor yang dam pa mchod/ /de ltar rmad du byung yang ngan pa'i chos nyid dregs pa med/ /kho bo cag gi rje 'di ni de lta bu la sogs pa'i yon tan mang po dang ldan te/ de bas na de'i yul na gnas pa'i
 skye bo rnams la gnod pa byed mi nus so/ /de lta bas na kho bos khyed la ji snyed cig smra bar nus kyis/ mi'i bdag po'i yon tan thos par 'dod na khyed grong khyer nyid du 'dod pa'i rigs so/ /khyed der dong na skye bo rnams rang
 gi chos la dga' bas ya rabs kyi tshul la gnas pa dang/ rtag tu bde zhing lo legs pas rab tu dga' ba phun sum tshogs shing cha lugs bzang la mi 'phyar ba dang/ skye bo blo bur du lhags pa rnams la khyad par du byams
 pa dang/ mi'i bdag po'i yon tan snying la dran pa dang/ de'i grags pa'i gzhi bstod pa bkra shis dang/ bde legs bzhin du rab tu dga' zhing goms par byed pa dag mthong nas rgyal po'i yon tan rgya cher shes par 'gyur ro/ /de ltar
 yon tan mang po brjod pas de mthong bar 'dod pa la nges par de'i yon tan mngon sum du 'gyur ro/ /de nas gnod sbyin de dag rang gi mthus ma tshugs pas rgyal po de la sems mi bzod pa dang bcas pas yon tan snying nas brjod
 cing rigs pa dang bden par smras pa des kyang sems 'jam por ma gyur to/ /dman pa rnams ni phal cher yang/ /mi bzod pas ni yid gdungs nas/ /dngos po gang la de grags pa/ /de yi lhags par gdungs par 'gyur//
 rgyal po sbyin pa la dga' bar shes nas de la gnod pa byed par 'dod pa'i gnod sbyin de dag gis rgyal po mthong nas mthong ba'i tshe bza' ba bslangs so/ /de nas rgyal po de rab tu dga' nas de'i las su bskos pa'i mi rnams la
 kha zas zhim po bram ze rnams la myur du byin cig ces bka' stsal to/ /de nas rgyal po la 'os pa'i kha zas rnams khyer te 'ongs na yang gnod sbyin de dag na re kha zas de lta bu dag ni bdag cag ni mi za'o zhes nas stag gzig rtsa
 sngon po mi 'dod pa bzhin du len du ma btub po/ /de rgyal po des thos nas de dag gi drung du song ste/ 'o na khyed cag kha zas ji lta bu 'dod/ /de 'dra ba btsal lo zhes smras so/ /gnod sbyin rnams kyis smras pa/ mi sha shin tu dron
 po dang/ mi'i khrag ni dron po dag /brtul zhugs ma nyams pad+ma'i spyan/ /gnod sbyin rnams kyi bza' btung lags zhes smras nas/ rang gi lus kha nas mche ba gtsigs pa/ mig dmar zhing ser la yo zhing mi sdug
 pa dang/ sna leb cing mi sdug pa dang/ skra dang kha spu me 'bar ba ltar ser ba dang/ lus char sprin ltar dmas gnag cing mi sdug la 'jigs pa bstan pa dang/ de dag mthong nas rgyal po des bsams pa/ 'di dag ni sha
 za yin te mi ma yin no/ /de bas na bdag cag gi bza' ba dang btung ba mi 'dod do snyam du nges par gyur to/ /de nas mi'i dbang po de/ /snying rje can gyi rang bzhin pas/ /bsam pa dag pas de dag la/ /snying rje de bas kyang cher
 gyur/ /snying la snying rje 'ba' zhig sems pas gnod sbyin de dag la mya ngan byed cing don 'di ltar bu sems par nges so/ /snying rje can la 'di lta bu'i/ /bza' dang bcas pa rab tu dkon/ /nyin re zhing yang de btsal ba/ de
 las sdug bsngal che ba med/ /snying rje med cing mi nus na'ang/ /'bad pa'i don ni med par 'gyur/ /nus na'ang phan byed goms pa la/ /de las dka' ba ci zhig yod/ /snying rje med cing yid ni ma zhi ba/ /de lta bu yi
 kha zas za ba rnams/ /tshe 'di dang ni pha rol rang don sreg /'di dag sdug bsngal nam zhig med par 'gyur/ /da 'di dag gi kha zas sbyar bas nyin 'ga' zhig tsam yang gzhan/ /gsod pa la zhugs pa 'di las ji ltar bzlog
 par bya/ /phongs te slong du 'ongs pa rnams kyi gdong/ /re ba bzlog pas ngo 'dzum gnag gyur pa/ /bu yug rlung gis pad+ma rnying pa bzhin/ /mi dgar byas pa nam yang bdag mi dran/ /gdon mi za bar bdag gi lus 'di
 brtan zhing rgyas pa las/ /khrag dang bcas pa'i sha rnams sbyin par bya/ /phongs pa 'ongs na de ni rig pa snyam/ /de las gzhan pa bdag gis gang du btsal/ /bdag rang shi ba'i sha rnams drod med la/ /khrag ??
 la yod pa ma yin zhing/ /bla ba tsha bas sems ni gdungs pa la/ /de yis legs par mgu bar 'gyur ma yin/ /gson pa'i sha yang ma gud nas bdag gis ji ltar btsal bar bya/ 'di dag bdag gi thad du 'ongs nas bkres pa dang skom
 pas mig dang gdong gi mdangs nyams shing bslangs pa dang re ba'i 'bras bu med pas lhag par yid la sdug bsngal zhing phongs bzhin du slar dong na yang ji ltar bya/ /de bas na 'di ni da dus la bab kyi/ /rtag tu na zhing gdugs pa'i rma
 'dra ba/ /nad kyi 'byung khung ngan pa'i lus 'di las/ /dgos pa khyad par can du spyad pa yis/ /bcos pa'i sdug bsngal shin tu bzang por bya/ /de ltar nges par byas nas rgyal po de rab tu dga' bar gyur pas mig rtsa dang gdong
 gi mdangs bzang pos rang gi lus bstan nas gnod sbyin de dag la smras pa/ bdag gi sha ni khrag dang bcas pa 'di/ /'jig rten rnams la phan pa'i phyir bzung ste/ /gal te de ring mgron du byar rung na/ /de ni bdag gi mngon par
 mtho bar 'gyur/ /de nas gnod sbyin de dag rgyal po 'di lhag pa'i bsam pa shes bzhin du ngo mtshar rab tu che bas yid ma ches nas rgyal po la smras pa/ phongs pas bdag gi sdug bsngal dag /slong zhing dman pas bstan pa lags/
 de las sbyin pa po nyid kyis/ /dus la bab par mkhyen par mdzod/ /de nas rgyal po des bsams pa/ de ni 'di dag 'ong ngo snyam nas snying rab tu dga' ste rtsa bkro ba'i phyir sman pa rnams bos shig ces bka' stsal to/ /de nas
 rgyal po de'i blon po rnams rgyal po'i sha dang khrag rnams gnod sbyin la sbyin par stsol bar rig nas rtab rtab por gyur te/ mi bzod cing sems 'khrugs nas/ byams pa'i dbang gis don 'di lta bu cung zad cig gsal
 par smras so/ /lhas byin pa la ha cang dgyes ches pas 'bangs glo ba nye ba rnams la phan pa dang gnod par 'gyur ba mi gzigs pa'i mi rigs so/ /lhas 'di dag mi mkhyen pa yang ma lags te/ 'di ltar skye dgu
 rnams la gnod pa gang dang gang/ /de dang de dag gnod sbyin rnams la dga' / /gzhan la gnod pas 'tsho zhing dga' bskye/ /'di dag rigs dad? rang bzhin de ltar lags/ /rgyal srid dpal ni 'jig rten phan pa'i phyir/ /bde
 la ma chags lha yis gzung bar mdzod/ /de bas bdag gi sha byin stsol pa yi/ /log pa'i lam du yi dam bcas pa thong/ /skyes bu dpa' bo khyod kyis mthus bskyabs pa'i/ /'jig rten gdon mi za bar 'di mi bzod/ /gus?
 par byed la mkhas pa 'di dag ni/ /tshul gyis tshul min skye dgu phung bar 'dod/ /mchod sbyin tshe na sum cu rtsa gsum pa'ang/ /tshil dang zhag la sogs pa sregs pas mgu/ /khyod kyi zhal zas phun sum tshogs pa dag /gus
 par byin yang 'di dag 'dod mi 'gyur/ /lha'i thugs ni bdag cag lta bu'i skye bos bcos pa ma lags mod kyis/ /'on kyang 'di ni bdag cag gi don du gces pa'i slad du bdag cag 'di ltar rko long gsol bar gyur to/ /
 gnod sbyin lnga po 'di rnams kyi slad du 'bangs thams cad mgon ma mchis par bgyi ba'am/ lha 'di lta bu chos gang gi lam lags/ /gzhan yang 'di ltar bdag cag lam byams pa ci las gyur/ /rje'i ched du 'tshal
 pa la sha dang khrag yongs su rdzogs par mchis pa 'di dag sngon bdag cag gi spas te ma phul na lha nyid gyis stsal par bzhed/ /de nas rgyal po des blon po de dag la smras pa/ yod bzhin du ni med ces su/ /ded? cag lta bu'i
 ltar smra/ /brtul te gsal bar bslangs pa la/ /mi sbyin zhes kyang ji skad smra/ /chos kyi bka' khrims dag la thog mar 'gro ba dag/ /gal te ngan pa'i lam du bdag song na/ /nga yis spyod pa'i rjes su 'jug pa yi/ /nga yi 'bangs rnams
 gnas skabs ji ltar 'gyur/ /'di yang skye dgu rnams kyi don gyi phyir/ /ngas ni lus las snying por dbyung bar bya/ /de yi sems ni ser smas? phrogs gyur na/ /skye bo'i don la dge ba'i gzi ci 'dra/ /khyed kyis nga la gus pa dang bcas
 par byams pa dang bag beb? ste gang smras pa/ /'di ltar bdag cag la mi byams pa ci las gyur/ sha dang khrag bdag cag la yongs su rdzogs par mchis bzhin du lha nyid kyis stsal par bzhed ces zer ba de yang khyed la bshad do/ /
 de khyed la mi 'dzer zhing me byams pa yang ma yin la/ ma byin du dogs pa yang med mod kyi/ rim gyis nor ni nyung bar gyur ba'am/ /skal ba chung bas zad par gyur na ni/ /mdza' bo rnams la slong ba mdzes par gyur/ /nor ldan
 dbul la slong ba yod mi mdzes/ /skye bo phongs pa rnams kyi phyir bskyed pa'i/ /lus ni sha rgyas shin tu mtho ba dag /nga bdag nyid la chen po yod bzhin du/ khyed la slong ba legs pa ma yin no/ /mi bshes gzhan gyis gnod pa
 mi bzod na/ /khyed kyi gnod pa bdag gis ga la bzod/ /'di dag khyed la mi slong nga la slong/ /de bas nga bdag sha ni sbyin par bya/ /de bas na nga la rab tu byams pas chos kyi/ 'gegs la 'dzem pa med pa 'di thong zhig /nga'i
 don du khyod spyod pa 'di lta bu bya ba'i mi rigs so/ /'di ni re zhig spyad dgos te/ /bza' la sogs pa yod bzhin du/ /sbyin la 'gog pa ji ltar 'gyur/ /legs sam gal te ma legs kyang/ /de ltar byed pa ci 'drar
 'gyur/ /de ltar 'dir gal gyis 'chu ba de thong la nga'i rjes su mthun par bya na rigs pas spyad par bya'o/ /lam log par 'gro ba las bzlog pa'i yid can du byas la rjes su yi rang ba dang mthun par 'di la khyed
 kyis byas na bzang gi/ de ltar mi brtan par bya ba'i mi rigs so/ /ci'i phyir zhe na/ nor ni gcig bus spyad pa ma yin la/ /slong ba'ang nyin re rtag tu 'ong ma yin/ /slong ba 'di lta bu dang phrad pa ni/ /lha dag mnyes par byas
 kyang mi grub na/ slong pa 'di lta bu yang 'ongs gyur cing/ /lus kyang chud za mi bde'i gnas gyur la/ /the tsom za na'ang rgya cher mi 'gyur na/ /'jungs shing zhum pa mun pa'i mchog yin no/ /de ltar rgyal po des rang gi 'khor rnams la
 khyed kyis de ltar ngal dgag pa'i mi rigs so zhes tshig 'jam pos bsgo nas/ sman pa rnams pos nas rang gi lus la rtsa lnga bkros te gnod sbyin de dag la smras pa/ nga yi lus 'di khyer nas ni/ /chos kyi grogs kyang bya ba dang/
 nga yang rab tu dgar 'gyur ba/ /khyed kyis da ni bya ba'i rigs/ /de dag gis de ltar bgyi'o zhes smras nas/ rgyal po'i khrag tsan dan dmar po'i khu ba 'dra ba snyim pa bzed de btung bar chas so/ /rgyal po de'i lus gser
 mdog 'dra ba la/ /mtshan mo spyod pa rnams ni khrag mthung ba/ /ri rab lhun po'i ri la mtshams dus kyi/ /char sprin smug pos nye bar bskor ba bzhin/ /dga' ba mchog ldan brtan dang ldan pa dang/ /lus kyi yon tan
 ldan pas rgyal po de/ /lus kyang ma nyams sems kyang brgyal ba med/ khrag gi rgyun kyang zad par yod ma gyur/ /gnod sbyin de dag skom gyis gdungs pa zhi nas da ni 'dis 'tshal to zhes rgyal po la smras so/ /sdug
 bsngal mang po 'byung ba'i gnas kyi lus/ /rtag tu byas mi gzo yang rgyal po de/ /slong ba dag la sbyin pa'i don grub pas/ /rab tu dga' dang rjes mthun bzung bar gyur/ /de nas rgyal po rab tu dga' bas bskul bas mig dang bzhin
 gyi mdangs lhag par gsal bar gyur nas/ utpal mthing ka'i 'dab ma ltar mdog sngo ba'i ral gyi rnon po rdo rin po ches spras pa'i 'od kyis mdzes pa blangs te bdag gi sha bcad cing bcad cing de dag la byin no/ /sbyin la dga' bas
 yang dang yang/ /skabs ni med par byas pas na/ /bcad pa'i sdug bsngal de yid la/ /dmigs par byed de ni mi nus so/ /ral gyi rnon po bcad pas drangs pa dang/ /dga' bas phyir yang ring du bskrad pa dang/ /de yi sdug bsngal
 skyo zhing ngal ba bzhin/ /yid la 'jug par byed pa chung bar gyur/ /rang gi sha yis gnod sbyin de dag ni/ /tshim par byas pas de ni de bzhin dga' / /de dag sems ni khro ba'i rang bzhin yang/ /de ltar byas pas 'jam zhing nges par
 gyur/ /chos las dga' zhing snying rje'i dbang gyur te/ /gzhan gyi don du bdag lus gces btang bas/ /zhe sdang me yis bsregs pa'i yid rnams kyang/ /rab tu dang zhing mdog kyang gsal bar byas/ /de nas gnod sbyin de dag
 rgyal po rang gi sha gcod pa la 'bad cing sha bcad pa'i sdug bsngal gyis bzhin mdangs ma gyur pa dang/ mi g.yo bar de bzhin du 'dug pa mthong nas rab tu dang zhing ngo mtshar cher gyur to/ /e ma'o ngo mtshar rmad byung 'di dag ci/ /
 bden nam brdzun zhes spyod cing dga' ba skyes/ /rgyal la mi bzod zhi nas yid kyang dang/ /de la bstod cing phyag kyang 'tshal bar gyur/ /lha nyid kyi sku'o rgyal bar mdzad pa gtad du gsol/ /bdag cag kyang tshim par bgyis?
 lags kyis/ /skye bo slong ba yid dga' bar bgyid pa shin tu rmad du byung ba khyod kyi spyod pa 'dis da 'tshal gyis gtad du gsol zhes rgyal po la gus pa dang bcas phyag 'tshal ba dang bcas par rab tu dang zhing gdong
 mchi ma can gyis bltas nas yang smras pa/ gus pa'i dbang gi skye bo khyod kyi grags pa sgrogs pa thog tu bab/ /dpal yang pad+ma'i nags tshal btang ste khyod la brten pa thog tu bab/ /brgya byin mgon du gyur kyang khyod kyi mthus
 bskyabs pa yi lha mo 'di/ /mtho ris kyi mthong smon par nges te gal te mi smon bslus su zad/ /mang du smos kyang ci dgos te/ skye bo 'di lta bus mngon par bzung ba'i mi'i 'jig rten 'di dag ni skal ba dang ldan pa'o/ /khyed de
 lta bu'o rgyal bar bgyis pa 'dis ni bdag cag bsregs kyis ma mchis so/ /da 'di ltar gyur pa las kyang skye bo khyod lta bu la brten nas bdag cag thar par nus grang/ /bdag cag gis nongs pa bgyis pa gso ba'i slad
 du zhu bar 'tshal lo/ /bde ba brnyes par gyur pa dang/ /rgyal po'i dpal yang bor nas ni/ /'di lta bu yi spyod pa yis/ /rmad du byung ba'i gnas ci bzhed/ /thams cad sa yi bdag po 'am/ /nor gyi phyug pa 'am
 dbang po 'am/ /tshangs pa 'am rnam par grol ba dag/ dka' thub 'di yis bzhed lags sam/ /'di lta bu yi stsol phod pas/ /bzhed pa'i don ni mi ring ste/ /gal te bdag cag thos rung na/ /bdag cag la ni bka' 
 stsal rigs/ /rgyal pos smras pa/ /ci'i phyir nga 'di ltar byed pa nyon cig/ rnyed bar dka' la 'jig par sla ba dang/ /chog pa'i bde med rab tu zhi med pa'i/ /srid pa'i longs spyod bde bar mi 'dod/ /lha dbang dpal/
 yang 'dod pa ma yin na/ /de las gzhan pa smos kyang ci zhig dgos/ /bdag gi sdug bsngal zad pa tsam gyi phyir/ /nga yi yid ni mgu bar 'gyur ma yin/ /sdug bsngal mi bzad nad kyis nyen pa yi/ /lus can mgon med 'di
 rnams ngas bltas nas/ /bsod nams 'dis ni thams cad gzigs pa yi/ /go 'phang 'thob cing skyon gyi dgra btul nas/ /rga dang na dang 'chi ba'i rlabs 'khrugs pa'i/ /srid pa'i mtsho las skye bo 'don par 'dod/ /de nas
 gnod sbyin de dag rab tu dga' zhing ba spu langs nas rgyal po la phyag btsal te smras pa/ 'di lta bu'i rtsol ba khyad par can gyi las 'di ni rigs te/ de bas na khyed lta bu'i dgongs pa 'grub pa 'di ni ring po mi thogs so snyam
 du yid la nges par bsams nas gsol ba btab pa/ khyod kyi mdzad pa 'di kun ni/ /'jig rten phan pa'i phyir lags? kyang/ /bdag cag rang la phan 'tshal bas/ /de tshe bdag cag dgongs su gsol/ /ma 'tshal bas na bdag cag
 gis/ /bdag gi don mang na mthong bas/ /de ltar khyod ni'o rgyal ba/ /de yang bzod pa mdzad du gsol/ /khyod kyi dka' yang bdag cag la/ /rjes su gzung ba'i rgyur gyur pa/ /blon po dag la bgyi ba bzhin/ /'dzem pa med par
 stsal ba'i rigs/ /de nas rgyal po des de dag gi sems rab tu dang zhing 'jam par gyur par rigs nas smras pa/ 'di ni nga la phan pa yin gyi gnod pa ma yin pas mi bzod du dwogs pa ma skyed cig/ gzhan yang chos kyi lam
 la 'di ltar grogs byed pa/ /byang chub thob nas brjed par ga la 'gyur/ /rnam par thar pa'i chos kyi bdud rtsi las/ /khyed cag nyid la thog mar bgo bar bya/ /nga ni de la dga' bar shes byas nas/ /srog gcod khyod kyis
 dug bzhin spang bar byos/ /gzhan nor chung ma dag la chags pa dang/ brdzun du smra dang chang gi sdig pa spongs/ /de nas gnod sbyin de dag de bzhin du bgyi'o zhes de la mnyan nas de ltar skor ba byas te phyag 'tshal nas de nyid du mi
 snang bar gyur to/ /sems dpa' chen po nges pa la na bdag gi sha dang khrag nges par sbyin par byed pa de nyid kyi tshe/ sa ni rnam pa mang por g.yos par gyur/ /gser gyi ri bo rnam par 'gul bar gyur/ /de na gnas pa'i
 rnga rnams sgra yang 'byin/ /shing rnams 'gul bas me tog lhags par gyur/ /de dag rdzis bskyod mkha' la sprin ltar chags/ /la lar bla re bres shing bya ba rgyus bzhin/ /kha cig tu ni phreng ba brgyus pa bzhin/ /mi yi
 bdag po'i 'khor yug mnyam par lhags/ /rgya mtsho chen po shin tu bdo pa'i rlabs/ /rang bzhin lhas ni lhags pa'i shugs dang sgros/ /'gro la brtun pa'i lus ni gzi mdangs can/ /sa yi bdag pos bzlog pa bzhin
 du byung/ /de nas lha yi bdag po 'di ci zhes/ /brtad par gyur nas de yi rgyu rtog cing/ /rgyal po nyes par dogs te rab myur bar/ /rgyal po'i pho brang mya ngan 'khrugs par 'ongs/ /sa yi bdag po de ltar gyur na yang/ /gzi
 ma dog gsal bas lhag par ya mtshan skyes/ /thad du 'ongs nas snyan pa'i tshig rnams kyis/ /dang zhing dga' bas de yi spyod pa bstod/ /e ma ho skyes bu dam pa'i chos re bzang/ /e ma ho yon tan bsgos pa rgya re?
 che/ /e ma 'o gzhan la phan pa'i blo re des/ /sa 'di khyed la gtad pas mgon dang bcas zhes bstod nas/ /lha'i dbang po brgya byin gyis lha dang mi'i sman gyi khyad par rmas rab sos par byed nus pa rnams kyis ??
 lus sngon bzhin du sdug bsngal med par byas nas/ /rgyal po des kyang mthun pa dang gus pa'i yo byad kyis slar mchod pa byas nas de nyid kyi gnas su slar dong ngo/ /de ltar snying rje chen po rnams ni gzhan gyi sdug bsngal gyi sdug bsngal
 zhing bdag gi bde ba la mi lta ba yin na/ nor tsam la'ang chags nas gtong mi phod pa lha bu zhig yod pas skye bo sbyin pa byed pa dag gzeng bstod pa dang/ snying rje'i yon tan bsngags pa dang/ de bzhin gshegs pa che ba bstan pa dang/
 bsti stang du byas te chos mnyan pa la yang brjod par bya'o/ /bcom ldan 'das kyis dge slong lnga po 'di dag ni mang du byed pa'o zhes gang gsungs pa de yang 'di las dgongs so/ /de'i tshe na gnod sbyin lnga bor gyur pa de dag la bcom
 ldan 'das kyis ji ltar zhal gyis bzhes pa de bzhin du chos kyi bdud rtsi byin pa yin no/ /byams pa'i stobs kyi skyes pa'i rabs te brgyad pa'o// //byang chub sems dpa' i spyod pa ni sems can phal pa rnams
 kyis rjes su yi rang ba tsam yang legs par mi nus na kun tu spyad pa lta ga la nus/ /de yang 'di skad thos te/ dbang po thul ba goms par gyur pa/ dpa' ba dang tshul dang dul ba phun sum tshogs pas rnam par rgyal ba'i dpal thob
 pa/ rgan pa la bsnyen bkur nges par byas pas rig byed gsum dang brtag pa'i don gyi de kho na nyid thugs su chud pa/ nang gi 'khor rang gi chos dang las la 'bad pa/ yid 'byung zhing bde bar 'tsho ba/ snying nye ba rnams kyi ??
 khrims bzang po bsgrags pa/ 'tsho tshis bya ba legs par 'byor ba/ yul shi bi ba rnams kyi rgyal po kun tu rgyal ba zhes bya ba zhig byung ngo/ /yon tan ldan pas mi yi bdag po'i dpal/ /rigs ldan chung ma ba?? ?
 nye ba/ /ri phug seng ges bsrungs pa'i ri dwags bzhin/ /sa yi bdag po gzhan rnams glags mi lta/ /dka' thub rnams dang rigs dang sgyu rtsal la/ /gang gi 'khor gyis goms par byas pa rnams/ /'ongs na rim gro
 lhag par che bar gyur/ /bkur sti byas pas gtso bo yin par snang/ /de rgyal srid thob ma thag tu de'i bu thams cad sgrol ba zhes bya ba yon tan mang po rtag tu grags pa zhig rgyal tshab tu gyur te/ de'i tshe'i rgyal tshab de bcom ldan 'das 'di
 nyid yin no/ /gzhon yang rgan pa'i nye bar zhi la dga' / /gzi brjid che yang bzod cing nges pa'i dang/ /mkhas par gyur kyang shes pa'i nga rgyal med/ /dpal dang ldan zhing 'byor kyang dregs pa med/ /de yi grags pas 'jig rten gsum
 khyab pas/ /phyogs rnams rab tu rgya chen mthong gyur kyang/ /gzhan gyi grags pa cung zad yod pa rnams/ /'phro ba'i skabs kyang med pa bzhin du gyur/ /skye bo rnams la sdug bsngal dbang byed pa/ /de yi ma bzod snying rje'i
 gzhu drag dang/ /sbyin pa'i mda' rnams char bzhin 'bebs pa yis/ /de dang lhan cig g.yul chen 'gyed pa 'dra/ /de nyin re zhing slong ba lhags pa rnams la bslangs pa bas kyang lhag par nyon mongs par nor gtong zhing/ tshig
 'jam po dang gus pa dang yid du 'ong bas rab tu tshim par byed par gyur to/ /dus mtshams kyi nyi ma dag la yang gso sbyong la nges par gnas pa dang rab tu zhi bas brgyan te/ mgo khrus byas shing gos dkar po bgos nas glang po
 che'i mchog gangs ri 'dra ba/ dregs pa'i rdul gyis gdongs brgyan pa/ mtshan nyid dang/ dul ba dang/ mgyogs pa dang/ snying stobs che ba phun sum tshogs pa/ grags pa/ bzhon par 'os pa'i spos kyi sa glang po che mchog
 zhon nas grong khyer gyi kho ra khor yug na bdag gi sbyin gtong gi khang ba skye bo phongs pa rnams kyi rdzing bu dang 'dra ba bshams te/ bzhag pa rnams nyul du song ngo/ /dga' ba'i khyad par 'di lta bu dag kyang thob par gyur te/ phongs pa rnams
 la sbyin 'dod pa'i/ /dga' ba gang dag skye ba ni/ /khyim na gnas pa'i longs spyod la/ /de tsam du ni dga' ba med/ /de nas re zhig cig de de ltar sbyin pa byed pa la snying rab tu dga' ba'i slong mo rnams kyis kun tu bsgrags pa thos nas
 de'i tshe nyi 'og gi rgyal po gzhan zhig gis bsams pa/ 'di ni sbyin pa la dga' ba'i dbang du gyur pas bslu bar nus so snyam nas/ glang po che'i mchog bslang ba'i phyir bram ze dag cig btang ngo/ /de nas thams cad sgrol rang gi
 sbyin gtong gi khang pa nyul zhing rab tu dga' bas bzhin gyis mdangs bzang po la bram ze de dag gis rgyal ba dang shis pa brjod nas lag pa g.yas pa bsgreng ste bstod nas mdun du bsdad pa dang/ des glang po che'i mchog
 de kha bzung nas zhes dang bcas par ci bzheng gsungs shig ces ci'i phyir lhags pa dris so/ /bram ze rnams kyis smras pa/ khyod ni sbyin la dpa' ba dang/ khyod kyi glang po chen po 'di/ /'gros bzang 'gyid zhing 'gro ba yi/ /
 yon tan 'tshal phyir bdag cag mchis/ /ti se'i gangs dang 'dra ba yi/ /glang chen 'di ni stsal ba yis/ /'jig rten 'di dag ya mtshan gyis/ /yid ni rab tu ngom par mdzod ces smras pa dang/ /byang chub sems/
 dpa' snying dga' bas kun tu rgyas par gyur nas yun ring mo zhig na gdong slongs mo pa'i skye bo rlabs cher slong phod pa mthong bar gyur to snyam du bsams so/ /bram ze 'di dag la ni glang po che'i rgyal po 'di lta bu dag cang mi
 dgos kyi/ gdon mi za bar 'di ni brkam pa dang phrag dog gi skyon gyis yid dkrugs pa'i rgyal po 'ga' zhig gi 'dod chen gyis sbyar te btang ngo snyam du nges so/ /grags dang chos la'ang ma bltas par/ /nga la phan bzhin
 gang byed pa/ /rgyal po de yi bsams pa dag /re thag chad par mi bya'o/ /de ltar nges par byas nas bdag nyid chen po de glang po che'i mchog de las myur du 'babs te/ bzhes su gsol zhes nas gser gyi ril ba btud de de dag
 gi mdun du 'dug go /nor sgrub ngor ni chos lam mi mthun pa'i/ /rgyal po'i gtsug lag dag la mkhas gyur kyang/ /chos la dga' bas de nas glang chen byin/ /tshul dang 'gal bas de ni g.yos ma gyur/ /glang chen gser
 gyi dra ba mdzes pas legs brgyan pa/ /ston ka'i sprin tshogs glog gyu 'dra ba de byin nas/ /mi yi dbang po'i sras te rab tu dga' bar gyur/ /tshul gyi phyogs la dga' bas grong khyer pa rnams 'khrugs/ /de nas glang po che'i rgyal
 po de byin pa thos nas yul shi bi'i bram ze rgan po dang/ /blon po bka' la gtogs pa dang/ dmag mi dang/ grong khyer gyi gtso bo rnams ca co'i sgra phyung nas/ rgyal po kun tu rgyal ba de'i drung du lhags te/ rtab rtab por gyur
 nas mi bzod cing rngam ste zhes btang nas rko long du smras pa/ lha rgyal srid dpal 'di ltar tshab stsal kyang yal bar dor ba 'di ci lags/ lha nyid kyi rgyal srid 'di ltar nyams par gyur pa bzod par mdzad pa'i mi rigs so/ /rgyal
 pos rings rings skad du 'di ci nyes zhes smras pa dang/ yang smras pa/ ci lha mi mkhyen tam/ gang gi 'gram pa bung ba sgra sgrogs pa/ /rdul gyi dri zhim rlung gis regs pa yis/ /gzhan gyi glang po myos shing regs pa rnams/ /
 rtsol ba'i sdug bsngal med par zil gnon pa/ /gang gi gzi yis khyod kyi dgra bo rnams/ /mthu stobs mnan cing dregs pa med byas pa/ /thams cad sgrol gyis glang po de byin nas/ /khyod kyi rgyal ba gzugs can gzhan yul
 song/ /ba dang gser dang gos dang bza' ba dag /rgyal po bram ze rnams la sbyin par 'os/ /gang la dpal dang rgyal ba nges yod pa'i/ /glang chen btang ba sbyin la dpa' ches so/ /tshul dang 'gal ba'i lam du song ba 'di/ /rgyal
 po'i dpal ni ji ltar 'go bar 'gyur/ /'di ni yal bar bor na khyod la gnod/ /khyod kyi dgra ni mdun nas dga' bar byed/ /de skad thos nas rgyal po de bu la byams pas de dag nyid la cung zad yid mi dga' bar gyur nas//
 dgos pa'i dbang gis mi dga' ba bzhin du da ltar bya'o zhes smras nas/ yul shi bi pa rnams la yid bzhos te smras pa/ thams cad sgrol 'di sbyin pa la zhugs shing tshul gyi rim pa la mi lta ba ngas shes te/ rgyal srid la
 dbang byed du bcug pa ni de ltar bya ba'i yang mi rigs mod kyi/ 'dis kyang rang gi glang po che byin zin pas skyugs pa dang 'dra bar bor ba lta la su zhig sla 'phrog /'on kyang ngas 'di ci nas kyang sbyin pa la tshod shes par byas//
 khyed 'di ltar 'khrugs par ma byed cig /shi bi pa rnams kyis smras pa/ rgyal po chen po thams cad sgrol 'di ni don 'di lta bu dag la gtams pa tsam gyis mchis su btub pa ma lags so/ /kun tu rgyal bas smras pa/
 'o na de la gzhan ngas ci zhig bya/ /nyes pa spyod la gang zhig mi dga' zhing/ /yon tan bstan la skyon du bzung ngam ci/ /glang po de yi phyir ni bdag gi bu/ /bsad dam bzung ngam 'on te ci zhig bya/ /de bas na khyed 'di la rngam zhing
 'khrug pa ma byed cig dang/ ngas thams cad sgrol 'di lta bu dag byed du mi gzhug go /de nas yul shi bi pa rnams khros nas rgyal po la smras pa/ mi'i dbang po khyod kyi sras de la/ /bsad dam bcing ngam brdeg par su zhig
 'tshal chos la zhen la snying rje'i bdag nyid pas/ /'dis ni rgyal srid gzung bar yong mi nus/ /'khor gsum bsten la mkhas shing gzi che la/ /grags pa thob pas seng ge'i khri la 'os/ /tshul la mi lta chos la rab dga' 
 bas/ /'di ni dka' thub nags na gnas par 'os/ /sa yi bdag po rnams kyi tshul nyes skyon/ /de la brten pa rnams la 'byung mod kyi/ /'on kyang de dag bcos su rung ba mchis/ /sa bdag gtso bo nyams na bcos su yod
 mi rung/ /'di la mang du gsol yang ci 'tshal te/ /khyod kyi srid nyams mi bzod shi bi pa/ /'di rnams kyis ni 'di ltar nges par bcad/ /mi rje sras 'di dka' thub 'phel ba'i phyir/ /grub pas bstan pa'i ri bo bad kar
 btang/ /tshul ma yin pas nyams su dogs shing phan par dga' ba'i skye bo de dag gis ngo zlog ma phod par smras pa dang/ de nas rgyal po de bu dang bral bas sems gdungs pas khong dngangs shing ngo tsha bzhin du mgo smad de
 nyam nga nga ltar shugs nar zhes phyung nas byams shing spobs pa dang yid gcugs pa'i dbang gis yul shi bi pa rnams la smras pa/ khyed de ltar 'di la gal gyis 'chu na re zhig nyin zhag gcig tsam zhig spro srings shig
 dang/ ngas sang nad par khyed kyis bsams pa bzhin du thams cad sgrol byed du gzhug go /yul shi bi pa rnams kyis de ltar bgyi'o zhes nas bsgo ba mnyan pa dang/ rgyal po des gsol ka ba la khyod song la 'di ltar gyur?
 pa thams cad sgrol la spron cig ces bka' stsal to/ /des kyang de bzhin du bgyi'o zhes mnyan nas/ mya ngan gyi mchi mas gdong khebs shing thams cad sgrol rang gi khang ba na 'dug pa'i drung du song ste/ mya ngan gyi sdug bsngal gyi
 shugs kyis skad phyung ste dus nas de'i rkang pa gnyis la phyag 'tshal te/ thams cad sgrol gyis brtabs brtabs ltar/ e ma'o rgyal po thugs bde 'am zhes dris pa dang/ mi dga' bar tshig mi gsal bar de la rgyal
 po ni thugs bde'o zhes smras so/ /'o na ci'i phyir de ltar mi brtan par gyur ces thams cad sgrol gyis yang dris pa dang/ gsol ka ba mchi mas brnangs shing skad mdzer la dbugs kyis brnangs pa'i tshig mi gsal
 bas gcom chung ngus smras pa/ shi bi pa rnams mi srun pa/ /'khrug par gyur nas rgyal po'i bka' / /'jam por stsal ba'i ma mi nyan par/ /rgyal po khyod ni yul nas 'byin/ /thams cad sgrol gyis smras pa/ /yul
 shi bi pa rnams ci'i phyir 'khrugs nas nga skrod/ /'dul dang 'gal ba'i lam mi 'gro /bag med pa la'ang nga mi dga' / /nyes pa byas pa ma mthong na/ /shi bi pa rnams ci'i phyir 'khrugs/ /gsol ka pas smras pa/
 ha cang rlabs ches pas lan no/ /khyod ni chags pa med la dga' bar 'gyur/ /slong ba rnams kyi yid ni chags la dga' / /glang po'i rgyal po khyod kyis byin pa'i phyir/ /shi bi pa rnams 'khrugs nas bstan pa nyams//
 de bas rang gi chos bor te/ /khyod la tsham tshom med par ni/ /gang du spyugs sar mi dong pa'i/ /lam der khyod kyang song zhes zer/ /de nas byang chub sems dpa' snying brtse la goms pa'i shas che ba dang/ skye bo slong ba
 la byams pa dang/ rang gi bstan pa phun sum tshogs pa'i phyir smras pa/ yul shi bi pa rnams ni mi brtan pa'i rang bzhin can te/ nga'i rang bzhin mi shes pa ltar byed mod/ 'jig rten don du nga'i lus 'di 'dzin na/
 phyi rol nor lta smos kyang ci zhig dgos/ /rang gi mig dang mgo yang ngas sbyin na/ /phyi rol nor sbyin smos kyang ci zhig dgos/ /slong ba rnams kyis bslang ba'i tshig rnams la/ /rang gi lus kyang gtong bar sems pa la/ /skrag par byas
 na mi sbyin snyam sems pa/ /byis pa rnams kyi mi brtan ston du zad/ /shi bi pa rnams thams cad kyis/ /nga ni bsad dam spyugs kyang rung/ /mi sbyin par ni nga mi byed/ /dka' thub tshal du 'gror zad mod/ /de nas byang chub sems
 dpas btsun mo gtam ngan thos te bzhin gyur pa la/ shi bi pa rnams kyis 'dir ji ltar nges par byas pa khyod kyis thos sam/ nga las khyod kyi ci thob dang/ /gang yang khyod kyi pha ma yin/ nor rnams cung zad ci yod pa/ /de dag khyod kyis
 gter du spos/ /mad dris smras pa/ lha 'di dag gar gter du spa bar bgyi/ /thams cad sgrol gyis smras pa/ /brtag par tshul khrims ldan pa la/ /sbyin pa bkur stis brgyan pa byin/ /nor rnams de ltar gter bcug pa/ /rjes su
 'gro zhing dbrog tu med/ /gyos sgyug gnyis ni dga' bar byos/ /bus pa gnyis kyang yongs su spyod/ /chos la gcig tu bag yod byos/ /nga med mya ngan ma byed cig /med dris de thos nas snying rab tu gdungs kyang khyim thab mi dga' 
 pa spang ba'i phyir mya ngan dang mi 'da' ba btang ste smras pa/ rgyal po chen po nyag gcig pu/ /nags su gshegs pa chos ma mchis/ /rgyal rigs gang du gshegs pa der/ /bdag kyang de bas mchi bar 'tshal/ /lha bdag
 gis ni nags tshal na gnas pa mi bde bar ma mthong lags so/ /ci'i slad du zhe na/ mi srun mi med shing dang chu mang sbyar/ /bya rnams sna tshogs sgra 'byin ri dwags mang/ /ne'u sing sngon po yid 'ong baiDUr 'dra/ /skyed mos tshal bas dka' thub
 nags tshal dgyes/ /lha gzhon nags tshal lcug ma'i khrod dag na/ /gzhon nu 'di gnyis phreng ba yis/ /brgyan cing rtse ba gzigs na ni/ /rgyal srid dag kyang dgongs mi 'gyur/ /dus kyi dbang gis gyur pa yis/ /nags tshal mdzes
 pa sar pa dang/ /sman ljongs 'bab chur bcas pa yi/ /nags tshal dag na dgyes par gyur/ /dga' ba tshal ba'i bya rnams ni/ /sna tshogs sgra 'byin sil snyan bzhin/ /'dod chags bdo ba'i slob dpon gyis/ /bstan pa'i rma bya
 gar yang bgyid/ /bud pa'i na chung glu len pa/ /rab tu snyan cing ma smad pa'ang/ /nags tshal dag na glu gar gyis/ /khyod kyi thugs ni dgyes par bgyid/ /nags tshal dag na mtshan mo'i zla 'od ni/ /ras dkar bzang pos g.yogs
 ba'i rdo leb dang/ /me tog shing gi dri zhim bsgos pa yi/ /nags tshal ser bus bsil yab g.yog par bgyid/ /'bab chu'i na chungs gor mas bskyod pa yis/ /chab sgra snyan pa lhung lhung sgra sgrogs pa/ /rgyan gyi sgra rnams sil
 khrol mchi ba bzhin/ /khyod kyi thugs ni rab tu dgyes par bgyid/ /de de ltar btsun mo gnang chen gyi yid bzhos pa dang/ nags tshal du 'gro ba la sems spro bar gyur nas skye bo slong mo pa rnams la bltas te/ sbyin pa chen po sbyin pa
 la zhugs so/ /de nas thams cad sgrol de ltar btang bar gyur pa thos nas rgyal po'i pho brang na dud mo'i sgra chen po byung bar gyur to/ /skye bo slongs mo pa rnams kyang mya ngan gyis gdungs pa'i shugs kyis brgyal ba bzhin du gyur cing/
 smyo bla can du gyur pa bzhin du smre sngags rnam pa mang po 'don par gyur to/ /'bras bu zhim po yod pa'i grib shing dag /bcad pa'i phyir ni sta res gzas pa rnams/ /'dzin pa'i sa ni ngo mtshar ma gyur pa/ /'di ni sems
 pa med par gsal bar mngon/ /chu gtsang zhing po bsil bas gang ba yi/ /rdzing bu 'dral pa bdag kyang mi 'gog na/ 'jig rten skyong rnams ming ni don med 'gyur/ /grags pa zad dam gal te gud du dong/ /gang na rgyal po thams
 cad sgrol/ /rang gi srid las byung ba na/ /kye ma'o chos min gnyid ma log /chos ni gnyid log yang na shi/ bdag cag phongs pa slong mo pa/ /nyes pa cung zad med pa la/ /srog la sgol ba mi srun pa/ de las phud byed mkhas
 pa med/ /de nas byang chub sems dpa' nor bu rin po che dang/ gser dang dngul gyis gang ba'i mdzod 'bum phrag du ma dang/ nor dang 'bru mang po dang ldan pa'i bang mdzod rnams dang/ bran po dang bran mo dang theg pa dang
 bzhon pa dang gos dang yo byad la sogs pa thams cad phongs pa'i rnams la ji ltar rigs par byin te/ pha ma mya ngan gyi sdug bsngal gyis brtan pa zil gyis non pa gnyis kyi rkang pa gnyis la phyag 'tshal nas/ /bu dang chung
 mar bcas te shing rta'i mchog la zhon nas bsod nams kyi nyin par gyi sgra bzhin du skye bo mang po cho des 'don pa'i sgra sgrogs shing grong khyer gyi mchog gi nang nas phyir byung ste/ rjes su chags pa'i dbang gis rjes su
 'brang ba'i skye bo mya ngan gyis gdungs pa'i mchi mas gdong g.yogs pa rnams nan gyis slar bzlog ste bkye nas/ bdag nyid kyis srab skyogs bzung ste ri 'bad ka gang na ba der song ngo/ /grong khyer gyi mchog gi nyen kor
 skyed mos tshal bzang po yid du 'ong ba dang ra ba 'das nas kyang/ yid la 'khrugs pa med par mthar gyis grib shing nyung zhing skye bo 'drul ba'i rgyun chad pa/ ri dwags mang po rab tu rgyu ba/ /phyogs gsal bar snang ba/ tshang byi'u tsa ca'i sgra
 grags pa'i dgon pa zhig tu phyin to/ /de nas bram ze 'khyams pa dag cig gis de la shing rta 'dren pa'i rta bslangs so/ /dpag tshad du ma'i lam du de lus la/ /bu smad bcas shing grogs ni med gyur kyang/ /sbyin la dga' bas
 phyi rjes mi lta bar/ /bram ze rnams la rta bzhi byin par gyur/ /de nas byang chub sems dpa' bdag nyid kyis shing rta drang bar bsams nas legs par chas pa dang/ gnod sbyin gzhon nu bzhi zhig ri dwags dmar po'i gzugs su
 bsgyur nas/ rta bzang po rab tu dul ba bzhin du bdag cag nyid kyis shing rta'i gnya' shing gnya' bar thogs par gyur to/ /de mthong ba dang mang dri dga' zhing ngo mtshar du gyur pas mig /dgrad pa la byang chub sems dpas smras pa/ gang
 na 'di ltar glo bur 'ongs pa la/ byams pa'i rtsa zug ri dwags mchog 'khod nags/ /dka' thub can gyis gnas bcas bkur ba yi/ /mthu chen khyad par 'phags pa 'di la ltos/ /mad dris smras pa/ dam pa rnams kyi yon tan
 dag/ rab tu goms kyang mi 'dra bas/ /bdag gis bsams na mthu chen 'di/ /rgyal po khyod kyi lags pa snyam/ /mtsho'i nang na skar ma'i gzugs brnyan rnams/ /kun mud rgyas pas lhag par mdzes gyur pa/ /zla ba'i 'od zer
 ltad mo lta ba bzhin/ /'dir mchis pa rnams rgyur gyur lags pa snyam/ /de ltar de dag phan tshun rjes su mthun pas gcig la gcig snyan par smra zhing lam du zhugs te dong ba las/ bram ze zhig 'ongs nas byang chub sems dpa' 
 la shing rta bslangs so/ /slong ba dga' ba'i gnyen gyur pa/ /bdag gi bde la ma chags des/ /shing rta byin pas bram ze de'i/ /re ba yongs su rdzogs par byas/ /de nas byang chub sems dpa' yid dga' bzhin du bdag
 gi bu smad shing rta las phab ste/ shing rta'i mchog bram ze la byin nas/ /gzhon nu dra ba can pang du thogs te rkang pas lam du zhugs so/ /mad dri yang yid la mi dga' ba med par gzhon nu ma kri sna 'dzin pang du thogs te de dang 'grogs
 te song ngo/ /ljon pa'i shing rnams 'bras bu bzang po yis/ /rtse mo btud nas mgron du gnyer ba bzhin/ /bsod nams mthu yis mngon du lta byed cing/ /slob ma dul ba phyag kyang 'tshal ba 'dra/ /gang du chu 'dod gyur pa de dag
 tu/ /rang mo'i dpung mgos pad+ma skyong ba yi/ /ze ba lhags pas ser por gsal gyur pa'i/ /mtsho rnams de la rab tu byung bar gyur/ /sprin rnams kyis kyang bla re bzang po bris/ /ser ba bde ba dri zhim ngad kyang ldang/ /ngal
 ba'i sdug bsngal myong ba mi bzod pas/ /gnod sbyin rnams kyis de'i lam yang bstungs/ /de ltar byang chub sems dpa' i skyed mos tshal gyi nang nas 'gro ba bzhin du 'chag na dga' ba'i bde ba rjes su myong zhing lam
 gyis dub pa'i sdug bsngal ma myong bar bu smad dang bcas te phyin nas 'bang ka'i ri mthong bar gyur to/ /de nas yang me tog dang 'bras bu dang/ lo mas brgyan pa'i shing ljon pa snum snum ltar 'dug pa rnam pa du mas gang ba/
 bya mang po 'dod pas myos shing dga' ba'i sgra 'byin pa/ rma bya mang po gar byed pas mdzes par gyur pa/ ri dwags kyi rigs du ma rgyu ba/ mtsho chu sngon po gtsang mas ched du bskor ba ltar 'dug pa/ me tog gi dris bsgos pa'i
 ser bu'i ngad ldang ba'i dka' thub kyi nags tshal du nags tshal na rgyu ba rnams kyis lam mtshon te zhugs pa dang/ de nas yang brgya byin gyis bka' stsal te/ las sna tshogs byed pa nyid kyis byas pa shing lo'i khang pa mthong na yid du 'ong ba dus thams cad du bde ba de lta
 bu zhig tu gnas bcas te 'dug go /nags tshal de na chung ma sdug pas bkur sti byas/ /bdag gi byis pa'i snyan dngags ma bsgribs snyan pa nyan/ /skyed mos tshal na 'dug bzhin rgyal srid bsam pa med/ /lo phyed lhag tsam de na dka' thub spyod par gyur/ de nas
 re zhig rgyal po'i btsun mo rtsa ba dang 'bras bu tshol du song ba'i 'og tu byis pa gnyis bskyang ba'i phyir rgyal po'i bu gnas bsrung zhing 'dug pa na/ /bram ze lam gyi rdul gyis rkang pa dang byin pa rtsub rtsub ltar 'dug pa/ ngal bzhin mdog dang mig rtsa nyams pa/ ril ba spyi blug
 dbyug pa la btags pa phrag pa la thogs pa/ chung mas g.yog khrid de shog cig par ched cher spring ba zhig phyogs der 'ongs par gyur to/ /de nas byang chub sems dpas yun ring mo zhig na gdod phongs pa 'ongs par mthong nas yid rab tu dang bas mig dang bzhin gyi
 mdangs rab tu gsal bar gyur nas/ bsu ste 'ongs pa legs so zhes bya ba la sogs pa tshig snyan pa brjod de/ dka' thub kyi nags kyi nang na bzhag nas glo bur du 'ongs pa la bkur sti bya ba byas te ci'i phyir 'ongs pa dris so/ /de nas bram ze de chung ma la byams pas brtan
 pa dang ngo tsha ba bor zhing bslang ba 'ba' zhig tu chas pas don 'di lta bu smras so/ /gang na gnang zhing nyams pa'i lam yod pa/ /'jig rten 'di dag der 'dod nyam par min/ /'gro ba 'di dag phal cher ser snas bsgribs/ /bdag gis gzhan du bslang ba'i tshig mi
 byin/ /sbyin la dbang ba'i grags dang dpal dag gis/ /mthar dbyung ma lus khyod kyis mthar phyin pas/ /de phyir bdag ni slong mo bgyid par gyur/ /de bas sras gnyis g.yog tu bdag la stsol/ /de skad ces smras pa dang/ byang chub sems
 dpa' sems dpa' chen po/ sbyin pa la dga' ba goms byas shing/ /slar bzlog pa ni ma bslabs pas/ /rab tu sdug pa'i bu gnyis kyang/ /tsham tshom med par sbyin zhes smras/ /bde legs su gyur cig/ da 'di na mchis te ci bgyi
 zhes bram zes smras pa dang/ bu gnyis kyis byin pa'i gtam thos pas skrag pa'i mig rig rig por gyur pa la byang chub sems dpa' sems dpa' chen po byams pa'i shugs kyis snying gdungs par gyur pas smras pa/ khyod la 'di gnyis ngas byin na/
 'di gnyis ma ni nags tshal du/ rtsa ba 'bras bu 'tshol du song/ /de yang de ring 'dir 'ong gi/ 'dir ni zhag gcig ngal so la/ /de dang phrad nas 'o byas pas/ /rgyan gyis brgyan cing phreng ba can/ /nga yi bu gnyis sang khrid cig/ bram zes smras pa/ khyod
 'di la dus kyis 'chu ba 'di thong zhig/ bud med rnams ni mi drang bas/ /ming ni g.yon can zhes su btags/ /khyod kyi sbyin pa'i bgegs byed kyi/ /de bas bdag ni 'dug mi 'dod/ /byang chub sems dpas smras pa/ sbyin pa'i bgegs su gyur par ma
 dwogs shig /de ni nga'i chos spyod pa'i grogs yin mod kyi/ 'on kyang 'di la khyod ci dgar zad do/ /gzhan yang bram ze chen po/ /rab tu gzhon zhing byis pa la/ /g.yog gi bya ba mi mkhas pas/ /'di gnyis khyod kyi bran byed kyang/ /ji lta bur na mgu bar
 'gyur/ /shi ba'i rgyal po nga yi yab/ /'di gnyis 'di ltar gyur mthong na/ 'di gnyis bslu ba'i nor dag ni/ /ci 'dod khyod la nges par ster/ /de bas de'i yul du ni/ /'di gnyis khrid na legs par gyur/ /de ltar byas na nor chen dang/ /chos rnams dang
 yang ldan par gyur/ /bram zes smras pa/ bdag ni rgyal po sbrul gdug pa dang 'dra ba'i drung du mi dga' ba'i skyes 'tshal te mchi ba'i rdo mi thog go /rgyal pos bdag la 'di gnyis 'phrog/ /yang na chad pas gcod kyang srid/ /de bas 'di gnyis bram ze mo'i//
 g.yog tu bdag ni khrid de mchi/ /de nas byang chub sems dpas don yongs su ma rdzogs par 'o na da ci dgar zad ces smras nas bu gnyis la rjes su chags pa dang bcas par g.yog legs par byas shig ces rjes su gtams nas len du gzhug pa'i phyir bram
 ze'i lag pa brkyang ba la ril ba spyi blugs btud do/ /de yis bsgrims pa'i mthu dag gis/ /ril ba las ni chu byung na/ /mig ni pad+ma dmar 'dra la/ /ma bsgrims par yang mchi ma byung/ /de nas bram ze de brkam pas ha cang yang dga' ches nas brtabs pa
 dang bcas pa'i yid kyis byang chub sems dpa' i bu dbrog par rings pas shis par brjod pa'i tshig mdor smras nas/ tshig drag po rtsub pos phyir byung zhes smras nas/ gzhon nu gnyis dka' thub kyi nags nas phyir phyung ngo/ /de nas gzhon nu gnyis bral
 ba'i sdug bsngal gyis snying gdungs pas pha la phyag 'tshal nas mig mchi mas gang bzhin du smras pa/ yab cig yum dang slang rol byung/ /khyod kyang bdag cag btang bar bzhed/ /de nas bdag cag khyod kyis stsol/ /de nas bram ze des bsams pa/ 'di gnyis
 kyis ma yang de'u re 'di na tshur 'ong la 'di yang bu la byams pas 'gyod pa skye yang srid snyam nas pad+ma'i bam po bcings pa bzhin du de gnyis kyi lag pa lcug mas bcings pa dang/ de gnyis gcig la gcig 'khri zhing pha la bzhin slar phyogs te lta ba/
 rab tu gzhon pa'i gzhon nu gzhon sha can gnyis bsdigs shing khrid do/ /de nas gzhon nu ma kri sna 'dzin sdug bsngal mang po myong ba des skad phyung ste ngu zhing pha la smras pa/ yab gcig bdag la bram ze 'di/ /brtse ba med par lcug mas 'ju/ /bram
 ze chos dang ldan zhes gda' / /'di ni bram ze ma lags des/ /gnod sbyin bram zer bsgyur nas ni/ /nges par bza' ba'i phyir khrid do/ /sha zas bdag cag khrid gyur na/ /yab kyis ci'i phyir yal bar dor/ /de nas gzhon nu dra ba can ma'i smre sngags
 'don cing smras pa/ bram ze bdag la brdeg pa 'di/ /de tsam sdug bsngal mi che yi/ /de ring yum dang ma mjal ba/ /de yis bdag ni bkas pa bzhin/ /dka' thub nags tshal stong pa na/ /yum ni nges par yun ring bshums/ nyon
 mongs bu yi sdug bsngal gyis/ /bye'u phrug bsad pa'i ma mo bzhin/ /bdag cag phyir ni nags tshal nas/ /rtsa ba shing tog mang po rnams/ /bsnams te byon nas gnas stod 'di/ /gzigs nas yum ni ji ltar 'gyur/ /yab gcig chib rta 'di
 rnams dang/ glang chen shing rta gang mchis las/ /phyed tsam yum la phul na ni/ /de yis thugs ngan chung yang srid/ /phrin gyis yum la phyag 'tshal zhing/ /thugs ngan mdzad las bzlog tu gsol/ /yab gcig khyod dang yum de yi/ /zhal ni mthong bar rab
 tu dka' / /kri sna tshur shog bdag cag 'dong/ /bram ze bran g.yog 'dod pa la/ yab kyis bdag cag byin zin gyis/ /bdag cag gson yang ci zhig rung/ /de nas byang chub sems dpa' bu smre sngags 'don pa snying rje rje skad zer ba des blo rab tu bskyod
 kyang byin zin pas da 'gyod kyang ci phan snyam nas mya ngan gyi me bzlog dka' bas snying btsos te/ dug langs pas brgyal ba bzhin du sems blong blong por gyur nas de nyid du 'dug go /ser bu bsil ba'i rlung yab kyis 'du shes slar rnyed pa dang/ sgra ci
 yang mi grag cing bu mi 'khod pa'i gnas mthong nas mgrin pa dbugs kyis brnangs bzhin du rang la rang gis smras pa/ nga'i snying bu zhes btags pa la/ /'dzem dogs med par mngon sum du/ /mtshan gyis 'debs pa ji ltar na/ /bram ze ngan
 pa ngo mi tsha/ /lham yang med par rkang gis dong/ /rab tu gzhon pas dal mi bzod/ /ji ltar lam du zhugs te dang/ /de ltar de yi bran g.yog byed/ /lam gyi ral zhing dub pa la/ /su zhig de ring ngal sor 'jug /bkres skom sdug bsngal nyen
 pa gnyis/ /bslang ba'i gnas kyang su zhig yod/ /bdag ni brtan par byed 'dod kyang/ /'di lta bur ni sdug bsngal na/ /nga'i bu bde bar bskyed pa gnyis/ /gnas skabs ji ltar gyur cing 'khod/ /e ma'o bu dang bral ba yi/ /sdug bsngal mes ni bdag sems
 bsregs/ /dam pa rnams ni chos dran nas/ /su zhig rjes su 'gyod par byed/ /de nas mad dri mi dga' ba 'byung ba'i ltas ngan pa rnams kyis yid mi dga' bar gyur bzhin du rtsa ba dang 'bras bu khyer te rab tu myur bar 'od 'dod kyang gcan gzan
 khro bo rnams kyis la mchod pas ring zhig lon nas dka' thub kyi nags su ni phyin nas/ /sur 'od ran pa'i sa dang rtsed mo rtse ba'i sa dag na yang bu gnyis mi snang ba dang rab tu mi dga' ba'i dbang du gyur to/ /ltas ngan byung bas dogs pa skyes par
 gyur/ /de nas bu btsal phyir ni mig kyang lta/ /yang yang ngos te de gnyis lan med pas/ /mya ngan gdungs nas smre sngags 'don par gyur/ /bus pa smra ba'i sgra grags nags tshal 'di/ /sngon ni bdag la mang po tshogs bzhin snang/ /de gnyis mi snang
 de nyid de ring ni/ bdag la mgon pa bzhin du skyabs med snang/ /kye ma'o gzhon nu 'di nyes ci nyes kyi/ /rtse rtse ngal nas gnyid kyis log gyur tam/ /nags tshal stug por brlag gam 'on te nyal/ /bdag 'ongs 'phyis pas ma mgu 'chus gyur tam/ /byis
 par gyur pas gang zhig gab cing 'khod/ /gal te de bsad mthong nas 'khrugs nas ni/ /bya 'di kun kyang ci ste sgra mi 'byin/ /'bab chu drag po rlabs chen 'khrugs pa yi/ /chu yi gal te de gnyis khyer gyur tam/ /'on kyang da ni bdag gi log par rtog pa
 'di ltar ma gyur cig /rgyal po yab sras bde legs su gyur cig /ltas ngan mtshan ma ngan pa ston pa yang bdag gi lus la smin par gyur cig /bdag gi snying 'di yang ltas ngan pas dga' ba ni bzlog mi dga' ba ni mun pas khebs nas gas pa bzhin
 gyur tam ci/ bdag gi lus kyang lhu tshigs 'bral ba snyam byed/ phyogs rnams kyang 'khrugs pa snyam byed/ nags tshal 'di yang dpal nyams shing g.yo ba snyam byed par gyur to/ /de nas dka' thub kyi nags kyi nang du 'ongs nas rtsa ba
 dang 'bras bu rnams phyogs gcig tu bzhag ste zhes dang bcas par khyim thab la bu gnyis gar mchis zhes dris so/ /de nas byang chub sems dpa' ma ni bu la byams pas snying stobs chung ba dang/ mi dga' ba'i tshig brjod dka' bar shes
 nas de la cung zad kyang smra ma nus so/ /dga' bar bya rigs skye bo la/ /mi dga' smra ba'i me dag gis/ /chad kar yid ni gdung bya ba/ /snying rje can gyis rab tu dka' / /de nas mad dris bsam pa/ 'di 'di ltar mya ngan gyis gdungs nas cang mi smra ba dang sbyar na/
 bdag gi bu gnyis gdon mi za bar ma rungs par gyur to snyam nas/ dka' thub kyi nags kun tu brtags na bu gnyis mi snang bas mchi mas brnangs nas yang smras pa/ byis pa gnyis kyang yong mi snang/ /khyod kyang bdag la cang mi gsung/ /mi dgar
 'gyur ba mi gsung bas/ kyi hud bdag gi bsad kyis med/ /de skad ces smras nas/ mya ngan gyi mes snying bsregs pas lcug ma rtsa ba nas bcad pa bzhin du 'gyel to/ /de 'gyel ma thag tu byang chub sems dpas bslang nas rtswa'i stan la bzhag
 ste chu grang mos btab nas slar sad pa dang/ dbugs dbyung ba'i phyir smras pa/ byams pa'i yid kyis mi bzod la/ /brtan pa med du dogs pas na/ /mad dri khyod la nga yis ni/ /sdug bsngal myur du ma smras so/ /rgas shing dbul ba'i sdug bsngal gyis
 nyen pa'i bram zed gan 'ongs/ /de la nga yis bu gnyis byin/ /mya ngan ma byed spro srings la/ /bu la ma sems nga la ltos/ /bu yi mya ngan gdungs snying la/ /mtshon gyis 'debs pa bzhin ma byed/ /bslangs par gyur na srog dag kyang/ /mi sbyin par ni ji ltar
 nus/ /de bas nga yi sbyin pa la/ /bzang mo rjes su yi rang byos/ /mang dris de thos nas bu shing dwogs te snying bcos pa las/ /bu gnyis gson pa'i gtam thos pas mya ngan chung du gyur nas khyim thab mya ngan bsang ba'i phyir mig gnyis mchi ma phyis te ya mtshan
 che bar bltas nas khyim thab la smras pa/ mang du gsol yang ci 'tshal te ngo mtshar che'o/ /'di ltar khyod kyis thugs la ni/ /'jungs pa'i skabs kyang ma rnyed pa/ /lha yi sems kyang nges par ni/ /ya mtshan che ba'i dbang du gyur/ /khyod kyi grags pa'i tshig bsdebs
 sgra grags pa/ /lha'i rnga chen brdungs pa'i sgra rnams kyis/ /brag che'i sgra yis phyogs rnams thams cad du/ /tshig 'bru gsal bas nam mkha' khyab par gyur/ /sa gzhi ri yi nu ma g.yo ba can/ /'dod chags langs pa bzhin du rab tu g.yos/ /gser gyi me tog
 rnams kyang mkha' la lhags/ /glogs gyu'i 'od kyis nam mkha' gsal gyur bzhin/ /de bas thugs ngan ma mdzad par/ /stsal bas thugs ni dgyes par mdzod/ 'jig rten rnams la btung chu bzhin/ /slan chad kyang ni sbyin bdag mdzod/ /de nas lha'i dbang po
 brgya byin sa gzhi g.yos par ri'i rgyal po ri rab 'gul ba dang/ 'di ci zhig ces rtog pa skyes pa dang/ 'jig rten skyod pa ya mtshan skyes pas mig dgrad pa rnams sa g.yos pa'i rgyu thams cad sgrol gyi sbyin pa yin par rtogs nas sems rab tu dga' 
 bar gyur te/ de'i mtshan mo nam nangs pa dang/ brgya byin bram ze'i gzugs su bsgyur nas slongs mo pa 'dra bar byas te thams cad sgrol gyi drung du 'ongs so/ /byang chub sems dpas blo bur 'ongs pa la bkur sti byas nas ci 'dod ces skabs phye ba dang/ de
 la chung ma slangs so/ /mtsho chen dag la chu ni mi zad bzhin/ /pad+ma rnams la sbyin pa'i chos mi zad/ /de bas lha 'dra khyod la 'phags ma slong/ /btsun mo 'di ni bdag la stsal ba'i rigs/ /byang chub sems dpa' yid mi dga' ba med pa nyid du de bzhin du
 bya'o zhes byas nas sbyin par byas so/ /de nas des ni lag g.yon mad dri bzung/ g.yas pas ril pa gzung nas ni/ /de yi lag g.yas rtse la chu sbreng na/ /'dod lha'i sems ni mya ngan me yi tshig/ de yi rang bzhin phan sems shes
 nas ni/ /sems kyang ma 'khrugs dus kyang ma dus na/ /sngon med sdug bsngal khur gyis non gyur nas/ /de la mi tshugs lta zhing bris bzhin 'dug/ lha'i dbang po brgya byin gyis de mthong nas snying la ngo mtshar rab tu che bar gyur te sems dpa' chen po de la
 bstod nas smras pa/ ya rabs ma rabs chos gnyis ni/ /e ma khyad par re che ge /bdag nyid ma sbyangs pa rnams ni/ /sus kyang yid ches mi nus so/ /'dod chags bral bar ma gyur bar/ /bu smad rab tu sdug pa dag/ //de ltar ma chags
 sbyin byed pa/ /'di 'dra'i rlabs chen su la yod/ khyod kyi yon tan chags pa'i gtam dag gis/ /khyod kyi grags pa phyogs su bsgrags bar des/ /nyi ma'i 'od kyis 'od gzhan zil mnan bzhin/ /gzhan gyi dpal grags zil gyis non par
 gyur/ /khyod kyi spyod pa mi las 'das/ /'di la gnod sbyin dri za dang/ /ltos 'gro sum cu rtsa gsum la/ /brgya byin bcas pa yi rang 'gyur/ /brgya byin gyis de skad smras te/ bdag gi lus 'od gsal bar 'dug pa bstan nas bdag ni brgya byin lags so
 zhes smras te byang chub sems dpa' la smras pa/ zla ba btang ste zla 'od rnams/ /gzhan du 'gro ba'i mi rigs kyis/ /khyod kyi btsun mo mad dri 'di/ /khyod bdag nyid la bdag dbul lo/ /brtan pa rnams ni bslangs na ster/ /seng ge'i chung ma lce sbyang
 la/ /byin yang de yis ci zhig bya/ /de ni seng ge nyid la 'os/ /mthon po rnams dang dman pa la/ /rgyal ba'i myu gu 'dra bar sems/ /de bas de yi spyod pa des/ /'jig rten rnams ni dga' bar 'gyur/ /de bas bu dang 'bral bar ma sems shig/ /rgyal srid
 nyams pa'i mya ngan ma byed cig/ khyod kyi yab ni tsha byug gnyis dang 'grogs/ /khyod kyi mgon byas mgon bcas rgyal srid byed/ /de skad ces smras nas/ /brgya byin de nyid du mi snang bar gyur to/ /brgya byin gyi mthus bram ze de yang byang chub sems dpa' i bu gnyis
 yul shi bir khrid de song ngo/ /de nas yul shi bi ba rnams dang/ yul shi bi'i rgyal po kun tu rgyal bas byang chub sems dpa' i spyod pa rab tu snying rje ba shin tu bya dka' ba thos nas snying brlan par gyur te/ /bram ze las byang chub sems dpa' i bu gnyis blus nas
 thams cad sgrol mgu bar byas te bos nas rgyal srid byed du bcug go/ /de ltar byang chub sems dpa' i spyod pa ni shin tu rmad du byung ba yin pas de la phyogs pa'i sems can khyad par can rnams la brnyas pa 'am gnod pa mi bya'o/ /de bzhin gshegs pa'i yon tan
 bsngags pa dang bkur sti bskyed de dam pa'i chos mnyan pa la yang sbyar bar bya'o/ /thams cad sgrol gyi skyes pa'i rabs te dgu pa'o// //skyes pa'i rabs kyi rgyud bam po bzhi pa/ /bsam pa dge ba rnams ni sdig pa byed du gzhug par bslur
 mi tshugs te/ de bas na bsam pa dag par bya ba la 'bad par bya'o/ /de yang 'di ltar byang chub sems dpa' rang gi bsod nams kyi mthu thob pa/ rgyal phran thams cad la phyag 'tshal ba/ bdag dang gzhan gyi 'khor la sogs pa'i gnod pa rab tu zhi bas 'tshe ba
 med pa/ gdugs zla med pa/ bgo skal gyi rim pas thob pa'i sa skyong zhing 'dug go zhes grag go/ dbang po'i sgra thul de ni sa yi mgon/ /'bras bu smin pa spyod la ma chags shing/ /dngos po kun gyis 'gro la phan byed pa/ /thub pa bzhin du chos don gcig tu byed//
 skye dgu rnams ni gtso bo'i rjes spyod par/ /'jig rten rang bzhin de yis shes gyur nas/ /skye bo rnams ni dge la gzung ba'i phyir/ /khyad par du ni chos la spyod par 'gyur/ /nor yang byin zhing tshul khrims spyod pa mnos/ /bzod pa bsten cing 'gro ba'i
 don yang byed/ /'gro la phan sems mthong na zhi bar snang/ /gzugs can chos sbyin de ni rnam par mdzes/ /de nas re zhig cig de'i mthus de'i yul bskyabs kyang ma phan te/ sems can rnams kyi las kyi nyes pa dang/ lha'i bu char 'bebs pa'i
 las su bskos pa rnams bag med par gyur ba'i dbang gis/ kha cig tu than pa byung bas 'khrug cing gnod par gyur to/ /de nas rgyal po des bsams pa/ 'di ni bdag gam skye dgu rnams kyis chos legs par ma spyod pa'i lan gyis ma rung par gyur to
 snyam du slong nges par gyur to/ /skye dgu rnams la phan pa'i bsam pa che ba dang/ de'i sdug bsngal mi bzod pas chos kyi de kho na nyid la mkhas par bkur ba mdun na 'don pa'i gtso bo bram ze rgan po rnams dang/ blon po rnams la de las thar par bya ba'i
 thabs dris so/ /de nas de dag gis mchod sbyin gyi cho ga rig byed las 'byung ba/ srog chags du ma gsod pa/ 'jigs 'jigs skad zer byas na char legs par 'bab par 'gyur bar bsams nas cho ga de de la gsol to/ /rgyal po des mchod sbyin las
 'byung ba'i cho ga srog chags gsod pa'i rgyur shes nas snying rje'i bdag nyid yin pa'i phyir de dag gi tshig de yid la 'bab par 'gyur te/ 'dul ba'i rjes su mthun par de dag la ngo zlog phod pa'i tshig rtsub po ma smras par skabs gzhan gyi de dag gi gtam de
 khyad du bsad do/ /de dag yang rgyal po de la chos kyi gtam bya ba'i skabs rnyed nas/ de'i bsam pa zab cing brtag dka' ba ma shes nas/ mchod sbyin bya ba'i gros 'debs so/ /rgyal pos bgyi ba nges pa gang lags pa/ /sa gzhi thob dang yongs su bskyab
 ba ste/ /de dag khyod ni dus las 'da' mi mdzad/ /de dag go rims chos dang bde ba bzhin/ /'khor gsum ston la mkhas par gyur pa dang/ /'bangs la phan phyir snam ru bsnams pa ste/ /mchod sbyin chog mtho ris them skas la/ /ji ltar khyod thugs 
 bag med dbang du gyur/ /khyod kyi bka' ni rgyal po gzhan rnams kyis/ /'di ni dngos grub mngon du grub yin zhes/ /'bangs dang 'dra bar rab tu gus mnod na/ /mchod sbyin dag gis grags 'bar legs pa dag/ da ni khyod kyis mdzad pa'i dus la bab/ /sbyin pa
 mdzad cing sdom la gnas pa yis/ /rtag par khyod ni dbang bskur lags gyur kyang/ /'on kyang rig byed grags pa'i mchod sbyin gyis/ /lha yi bu lon bral bar mdzad pa'i rigs/ /mchod sbyin lags par bgyis pas lha mnyes na/ /char pa 'bab pas
 'byung po mgu bar bgyid/ /de bas 'bangs dang bdag la phan pa'i phyir/ /grags par 'gyur ba'i mchod sbyin cho ga mdzod/ /des bsams pa/ kye ma'o gzhan gyi dring la 'jog cing blo chung la spyod mi nus pa/ chos tsam la dga' zhing dad pa skye ba'i 'gro ba 'di dag
 ni shin tu ma legs par bstan to/ /gang na 'di ltar/ 'jig rten dag la gang la skyabs bcol ba/ /de dag gsad pas chos su 'gyur ba ni/ /de yis bstan pa'i skye bo lam ngan song/ /ngan song mi bde dog pa'i nang na 'khod/ /phyugs rnams bsad pa'i chos
 'gyur zhing/ /lha yi 'jig rten skye ba dang/ lha yang mnyes par 'gyur ba dag/ ji lta bur na stang? par 'gyur/ /phyugs rnams bsad pa'i bsngags kyi mthu yis ni/ /mtho ris 'gro phyir de bas de bsad na/ /chos su 'gyur zhes zer ba de yang brdzun/ /gzhan
 gyis byas pas pha rol su zhig 'thob/ /log par spyod las yid ni ma zlog cing/ /dge ba'i las la nges par ma byas pa'i/ /phyugs rnams mchod cing bdag las bsad gyur kyang/ /bdag byas gzhi med ji ltar mtho ris skye/ mchod sbyin la bsad mtho
 ris 'gro na ni/ /bram ze bdag nyid phyugs su sgyur la rag/ gang phyir tshul 'di gang na'ang mi gnang bas/ /de'i phyir de dag tshig ni su zhig nyan/ /mtshungs med mthu bsrung ro dang gzir ldan pa'i/ /bdud rtsi zas mchog lha mos phul ba dag /bor nas phyugs
 bsad sha khrag la sogs pas/ /lha rnams mgu bar 'gyur ba ga la srid/ /rgyal po des da ni 'dir 'di ltar bya dgos so snyam du bsams nas mchod sbyin bya ba la mos pa 'dra bar byas te/ /de dag gi tshig de mnyan nas de dag la smras
 pa/ khyed cag 'di la de ltar bdag la phan par sems pa ni bdag mgon dang bcas shing phan dogs pa dang ldan par gyur to/ /de bas na bdag ni ma stong gi mchod sbyin byed 'dod kyis ji ltar bskos pa'i blon po rnams de yi yo byad sbyor du chug shig
 bkang sa brtsig tu rung ba'i sa phyogs dang/ de dang mthun pa'i tshes grangs dang/ byed pa dang/ yud tsam dang/ rgyu skar dang/ sbyor ba yang rtogs shig/ de nas de'i mdun na 'don gyis smras pa/ 'dod pa'i don grub par bgyi ba'i slad du rgyal po chen po re shig
 khrus mdzod cig dang/ mchod sbyin gcig bgyis lags nas slad ma rnams rim gyis tsam mo/ /cig car mi stong bzung na khyod kyi 'bangs rnams gdon mi 'tshal bar yid 'byung bar 'gyur ro/ /bram ze rnams kyis kyang de mang ngo zhes smras so//
 rgyal po des de dag la smras pa/ khyed 'bangs rnams 'khrugs par 'gyur du ma dogs shig dang/ bdag gis ci nas kyang 'bangs rnams yid 'byung bar mi 'gyur ba de ltar bya'o/ /de nas rgyal po des grong khyer gyi mi rnams bsdus nas smras pa/ da
 ni mi stong gi mchod sbyin byed 'dod na/ nyes pa med par mi 'dod bzhin du su yang phyugs su byar ngas mi nus kyis/ de bas na deng phan chad khyed cag las gang dang gang tshul dang bka' khrims las 'gal bar byed cing nga'i bka' gcog po de
 dang de dag ba'i rtog chen gyi mig bag med pa'i gnyid kyang ma log cing dri ma med pas brtag par bya'o/ /rang gi rigs la gnod pa dang/ yul na gnod pa byed pa dag yod na ngas phyugs kyi gor gzung bar khyed kyis shes par gyis shing/ /de
 nas de dag gi nang na gtso bo rnams kyis thal mo sbyar te/ de la smras pa/ khyed kyi spyod pa thams cad 'bangs la phan par gzhol/ /mi rje lhas mdzad de la 'gal ba ga la bgyid/ /khyod kyi spyod la tshangs pa'ang rjes su yid rang 'os/ /khyod ni legs par tshad ma'i nang
 na tshad ma'i mchog/ lha cig dgyes pa gang lags pa/ /bdag cag kun kyang de la dga' / /'o skol dgyes shing sman pa las/ /dgyes pa gud na gzhan ma mchis/ /de ltar grong khyer gyi 'bangs rnams kyis bka' stsal ba mnyan pa dang/ rgyal ba des blon po thugs
 ches pa rnams skye bo mang pos mthong bar 'gyur ba'i yo lang chen po dang bcas par ljongs dang grong khyer rnams su sdig byed pa'i mi rnams 'dzin du bkye'o/ /khor khor yug tu yang nyin de zhing 'di skad bsgo'o/ /brtan zhing gtsang la tshul khrims nor ldan
 mi mchog la/ /rgyal po mi 'jigs sbyin pa mi 'jigs sbyin par mdzad/ /'bangs la phan phyir tshul min byed pa'i mi rnams ni/ /phyugs su bsgyur ba stong gis mchod sbyin mdzad par bzhed/ /de bas de ring phyin chad gang zhig tshul min rjes spyod cing/ /rgyal
 bo'i bka' lung sa skyong blon pos bkur dang 'gal byed pa/ /de ni rang gi las kyi mchod sbyin phyugs su byas gyur nas/ /mchod sdong lus btags gram zhing skams pa skye bos mthong bar 'gyur/ /de nas yul de na gnas pa'i mi rnams kyis mchod sbyin
 gyi phyugs su bya ba'i phyir rgyal po tshul bzhin mi byed pa'i mi tshol du bcug pa dang/ nyin re zhing 'jigs 'jigs skad bsgo ba de thos pa dang/ rgyal po'i mi rnams sdig byed pa'i mi gzung ba'i phyir thams cad du tshol zhing 'ong ba mthong nas tshul bzhin ma
 yin par byed pa la dga' ba ni btang/ tshul khrims dang sdom pa yang dag par blang ba la ni 'bad/ dgrar 'dzin pa la ni phyir phyogs/ /gcig la gcig dga' ba dang gus par ni byed/ /'thab pa dang rtsod pa ni rab tu zhi/ bla ma'i ngag nyan cing rjes su 
 mthun par ni byed/ mgo bsha' byed pa la ni bag tsha ba med/ /glo bur du 'ongs pa la ni dga' / /dul ba dang gus par bya ba la ni 'bad par gyur te rdzogs ldan gyis dus bzhin du gyur to/ /shi bas 'jigs shing 'jig rten pha rol sems//
 rigs kyis nga rgyal dregs pa srung ba dang/ /bsam pa dag cing ngo mtshar shes pa yis/ /skye bo rang gi tshul khrims dri med brgyan/ /ji lta ji ltar skye bo chos 'bad pa/ /de lta de ltar srungs ma khyad par du/ /tshul bzhin mi byed skye bo 'tshol bar gyur/ /de nas
 chos las su yang g.yos ma gyur/ /rang gi yul ni de ltar gyur thos nas/ /rgyal po dga' ba'i khyad par brgyan pa ni/ /dga' ba'i gtam snyan rgya cher bsgrags pa yis/ /blon po mgu bar byas nas bka' stsal pa/ /nga ni 'bangs rnams bsrungs
 par rab tu sems/ /de rnams kun kyang de ni sbyin gnas gyur/ /nga ni mchod sbyin byad 'dod ces bsams nas/ /mchod sbyin phyir ni nor rdzas bsags pa 'di/ /gang zhig bde ba bskyed pa'i nor gang yod/ /nga yi drung nas de dag ci bder khyer/ /'di
 ltar nga yi yul na g.yen sbyo ba'i/ /dbul ba phul nas nor ni med par gyur/ /'bangs rnams bsrung bar sems dpa' da 'dug cing/ /grogs ldan yo byad phun sum tshogs bzhin du/ /skye bo phongs byed nga ni mi bzod pas/ /nga yi sems ni yang
 yang bsregs pa bzhin/ /de nas rgyal po de'i blon po rnams legs so snyam nas de'i tshig mnyan te/ grong dang ljongs dang/ grong khyer thams cad dang/ /lam gyi ngal so ba'i phyogs thams cad du sbyin gtong gi khang pa brtsigs nas rgyal pos ji
 skad bka' stsal pa bzhin du nyin re zhing phongs pa rnams ci 'dod pa'i nor gyis mgu bar byas so/ /de nas skye bo de dag dbul por te/ sa bdag las ni mthun par nor thub nas/ /rnam mang gos dang sna tshogs rgyan gyis brgyan/ /dga' ston bzhin
 du bzang pos brgyan par gyur/ /phongs po rab tu dga' bas bstod pa'i tshig /rgyal po'i grags pa phyogs su rgyas gyur pa/ /mtshon pad+ma'i ge sar phye ma dag /rlabs kyis bskyod de kun tu khyab pa bzhin/ /de ltar rgyal po'i tshul bzang yon tan gzhis/ /skye bo ma lus
 legs par spyod gyur par/ /dge ba chen pos gnod pa rnams kyi mthus/ /zil gyis mnan nas chags med zad par gyur/ /dus tshigs rnams kyang dus bzhin mthun par bde/ /rgyal po bzhin du chos la gzhol bar gyur/ /sa gzhi 'bru rnams sna tshogs skye
 bar 'gyur/ /chu gzhi chu gtsang sngon po pad+ma bcas/ /'gro ba nad chen dag gis mi 'debs gyur/ /sman rnams yon tan rab tu che bar gyur/ /dus tshigs dbang gis sar bu'i ngad kyang ldang/ /gza' rnams lam ni bzang por rgyur bar gyur/ /gzhan gyi dmag gi 'jigs
 pa med par gyur/ /phan tshun gnod dang gnam gyi 'jigs pa'ang med/ /skye bo nges par chos spyod dul gyur pas/ /rdzogs ldan dus bzhin phun sum tshogs par gyur/ /de nas rgyal pos chos kyi mchod sbyin de ltar byas pa dang/ skye bo phongs pa rnams
 kyi sdug bsngal dang gnod pa ni rab tu zhi bar gyur/ sa gzhi ni skye bo rab tu dga' ba mang pos gang zhig mngon par mtho bar nyams dga' bar ni snang/ 'jig rten pa rnams ni rgyal po'i shis par brjod pa 'ba' zhig kha ton du byed/ /rgyal po'i grags pa
 ni thams cad du rgyas par gyur pa dang/ blon po'i gtso bo gcig rab tu dga' bar gyur nas rgyal po la 'di skad ces gsol to/ /mchog dang 'bring dang tha ma yi/ /dgos pa rtag tu gzigs pas na/ /dbang phyug rnams kyi blo dag ni/ /gong nas gong du spyod
 par 'gyur zhes bya ba 'di ni shin tu legs par smras pa lags so/ /'di ltar lha'i zhal snga nas phyugs dgum pa'i skyon ma mchis par chos kyi mchod sbyin gyis 'bangs rnams 'jig rten gnyi ga la phan par bgyis so/ /gnod pa dang dbul ba'i
 sdug bsngal yang rab tu zhi bar gyur to/ /mang du gsol yang ci 'tshal te/ 'bangs de dag ni skal ba dang ldan pa lags so/ /zla ba bzhin du sku la kri sna 'dzin ma gsol zhing/ /dbang bskur bsdams pas rang bzhin mdzes pa'i spyod
 pa yod ma zhum/ /spyi bo gdugs dang 'dra ba'i dbu mdzes bskyil ba de bzhin gnas/ /khyod kyi gtong bas brgya byin grags pa rmad byung zil gyis non/ /'jig rten mchod sbyin phal cher gsod cing dman/ /'bras bu 'tshal bas mchod sbyin ma lags kyi
 khyod kyi mchod sbyin grags pa'i rgyan gyis brgyan/ /tshul khrims skyon med yid du 'ong dang mthun/ /gang na skyab pa khyod bzhugs pa'i/ /skye dgu de rnams skal dang ldan/ /bu rnams la yang bdag ni/ /nges par de ltar skyob mi 'gyur/ /gzhan zhig gis
 smras pa/ sbyin zhes bya ba nor yod ster ba'i skye bo de'i dbang du gyur/ /tshul khrims bsrung ba'ang 'jig rten bde la chags shing mtho ris 'dod la chags/ /gzhan gyi don grub phyir na de gnyis de bzhin spyod pa gang lags pa/ /mkhas pa ma lags
 sems stobs mi ldan pa la de dag yod ma mchis/ /de lta bas na bsam pa dag pa rnams ni sdig pa byed du gzhug par bslu mi tshugs pas bsam pa dag par bya ba la 'bad par bya'o/ /de bas 'bangs la phan brtson pa/ /legs dang grags dang
 bde ba 'thob/ /de bas rgyal po'i tshul de las/ /'gal bar bya ba'i yod mi rigs/ /de bzhin du rgyal po'i gdams ngag la yang brjod par bya'o/ /chos la goms par byas pa ni skye dgu rnams longs spyod che bar 'gyur bas na/ longs spyod che bar
 'dod las chos kyi rjes su 'brang bar bya'o zhes de ltar yang sbyar bar bya'o/ /mngon par mtho ba ni sbyin pa dang dul ba dang sdom pa la gnas pas thob par 'gyur gyi/ phyugs bsad pas ni nam yang mngon par mtho bar mi 'gyur ro/ /de bas na de 'dod
 pas sbyin pa la sogs pa la 'bad par bya'o zhes de yang sbyar bar bya'o/ /bcom ldan 'das de ni sku tshe snga ma la yang 'jig rten gyi don spyod pa la thugs gzhol ba yin no zhes de bzhin gshegs pa'i yon tan bsngags pa la yang brjod par bya'o/ /mchod
 sbyin gyi skyes pa'i rabs te bcu pa'o// //sdom la stag mo shi bi ko sa la bdag /tshong dpon gnyis dang ri bong dang/ a ka ta dang sha byin dang/ thams cad sgrol dang mchod sbyin byin/ /bdag nyid chen po rnams ni rgyud par gyur tam/
 dbang phyug phun sum tshogs par gyur kyang rung ste sems can rnams la snying rje brtse ba lhod par mi 'gyur ro/ /de yang 'di ltar byang chub sems dpa' yun ring po nas bsod nams spyod pa la rab tu goms shing/ sbyin pa dang dul ba dang/ sdom pa dang snying
 rje la 'dris par gyur pa/ gzhan la phan par spyod pa khyad par spyan la nges par spyod pa de re zhig cig lha rnams kyi dbang po brgya byin du gyur to zhes grag go /lha dbang dpal ni de la brten bcas pas/ /gzi byin chen pos lhag par mdzes gyur pa/ /yang thog rdo thal gsal
 du bskus pa la/ /zla ba'i 'od zer byung bas gsal ba bzhin/ /gang phyir lha ma yin rnams tsham tshom med par ni/ /phyogs kyi glang chen mche ba lto las zed 'ongs pa/ /skal pa che bas bde ba thob pa'i dpal de ni/ /de'i snying dregs pa'i dri ma can du byed par gyur/ /de'i
 lha'i yul dang mi'i yul legs par bskyangs pa las gyur pa'i grags pa phun sum tshogs pa 'jig rten thams cad kyi mdza' klas pa rmad du byung ba'i dpal de lha ma yin rnams kyis ma bzod nas/ glang po che dang shing rta dang/ rta ba dang/ rkang thang gi dmag
 bshams pa chas pa rab tu 'jigs 'jigs ltar snang ba/ sgra 'jigs 'jigs skad sgrogs pas rgya mtsho 'khrugs par byed pa/ mtshon cha dang go cha dri med par phyis pa 'bar 'bar ltar 'dug pa/ mig mi bzod pa'i dpung gi tshogs chen po dang bcas te/ de
 la dmag rgol du lhags so/ /chos kyi bdag nyid yin yang de la gzhan bsngo ba/ /rol pa'i bgegs 'gyur yid 'byung 'gro ba 'jigs par 'gyur/ /gzi brjid can gyis tshul bzhin bya ba'i rigs pas na/ /snying ni dmag drang g.yeng la mngon par
 phyogs par gyur/ /de nas sems dpa' chen po de gser gyi shing rta dam pa rta bzang po stong dang sbyar ba/ /gos bzang po 'os pas ba dan mdzes par phyar ba'i rgyal mtshan sgreng ba/ rin po che sna tshogs kyi 'od gsal bar snang ba/ lus 'bar brgyan gdags pa'i go rims
 nges par byas pa/ /ngos gnyis mtshon cha rnon po rnam pa sna tshogs 'bar bas mdzes par byas pa/ lha'i gos dkar po can gyi steng du 'dug nas/ rta dang/ glang po che dang/ shing rta dang/ rkang thang rnam pa sna tshogs dang ldan pa'i lha'i dmag gi dpung chen pos yongs
 su bskor nas lha ma yin gyi dmag gi tshogs de rgya mtsho'i 'gram du thug par bsu'o/ /de nas der ni g.yul bsres pa/ /snga ma rnams ni skrag par byed/ /phan tshun mtshon 'debs che bar lhags/ /go cha rnams ni ral par gyur/ /nga ni 'di na 'dug bzhin du//
 mthong bzhin thar bar ga la 'gyur/ /thong zhig 'di ni med zin to/ /de ltar phan tshun dmyal sngor gyur/ /de nas mtshon cha 'khrugs pa yis/ /sgra chen g.yul ni bsres pa dang/ /rnga brdungs sgra ni grags pa yi/ /nam mkha' i ngos ni ral pa bzhin/ /brag ltar 'jigs
 pa'i glang chen dang/ /phan tshun thab mo 'gyed pa yi/ /rdul gyi dri ni mi bzod pas/ /dus mdza' i rlung gis g.yos pa bzhin/ /glog ltar 'gyu ba'i ba dan can/ /shing rta'i sgra chen grags pa ni/ /phyogs rnams kun tu khyab gyur pa/ /sprin chen glo bur langs pa bzhin
 phan tshun mda' rnams 'phangs pa yis/ /lha dang lha min dpa' bo dang/ /gdugs dang rgyal mtshan go cha dang/ /cod pan dag ni 'gyel bar gyur/ /de nas lha min mdas 'phangs bdas pa dang/ /lha dbang dpung ni 'jigs pas byer bar gyur/ /dgra yi dpung
 ni shing rtas rnam bcil nas/ /lha dbang gcig pu g.yul ngor 'then par gyur/ /de nas lha ma yin gyi dpung rab tu dga' bas shin tu bdo bar gyur te ca co'i sgra chen po seng ge'i sgra chen po bzhin du sgrog pa mthong ba dang/ lha'i dbang po'i kha lo pa ma ta lis
 bdag cag gi dpung bros par gyur pa mthong nas/ /da ni slar ldog pa'i dus la bab po snyam nas lha'i dbang po'i shing rta'i slar ldog go /de nas lha'i dbang po brgya byin gyis shing shal ma li la nam mkha' lding gi tshang bcas pa dag cig shing rta drangs pa'i gnya'
 shing gi rtse mos phyogs par 'gyur ba'i lam du bab par mthong ngo/ /mthong ma thag tu sems snying rje la dmigs pas kha lo pa ma ta li la 'di skad ces smras so/ /shal ma li yi shing la bya tshang dag /babs pa'i nang na bya phrug mtshar ba/ /'khor ba 'di
 dag shing rta'i gnya' shing gis/ /thog nas mi ltung bar ni shing rta drongs/ /ma ta lis smras pa/ 'phags pa lha ma yin gyi dmag 'di dag nga cung slar mi ldog go /brgya byin gyis smras pa/ 'o na ci nyes nam mkha' lding gi tshang 'di dag las legs par zur cig legs
 par zur cig /ma ta lis yang smras pa/ shing rta 'di ni slad du bzlog na gdong/ /bya rnams la ni rab tu phan 'gyur na/ lta rnams la ni gna' nas skabs brnyed pa'i/ /dgra yi dmag tshogs 'di dag mngon phyogs mchi/ /de nas lha'i dbang po brgya byin snying rje'i
 dbang gis rang gi lhag pa'i bsam pa khyad par can dang snying stobs kyi khyad par bstan pa'i phyir smras pa/ sems can 'jigs pas nyen pa 'di bstan phyir/ /smad pa'i gtam ngan phog cing gson pa bas/ /lha min mtshon gyis phog ste shi yang blas/ /de bas
 shing rta slad du bzlog par byos/ /de nas ma ta lis de ltar bgyi'o zhes mnyan nas/ de'i shing rta rta stod dang ldan pa slar ldog go /dgra rnams kyis ni de'i mthu sngar mthong zhing/ /shing rta g.yul dor slar log mthong ba dang/ /char sprin nag po rlung gis gtor ba bzhin/
 skrag nas rtabs bzhin rab tu mgyogs par byed/ /bdag gi dmag tshogs pham yang slar log cing/ /dgra yi dmag tshogs lam ni bkag ste 'then/ /gcig pur gyur kyang rab tu dpa' srid pas/ /dgra rnams dpa' ni rab tu gong bar
 gyur/ /lha min dpung ste pham par gyur mthong nas/ /lha dbang dpung yang de nas slar log gyur/ /lha yi dgra rnams 'jigs nas byer gyur pa/ /de dag slar ldog phod par yod ma gyur/ /lha rnams dga' zhing ngo yang tsha bzhin du/ /lha yi bdag po la ni gsag kyang
 byed/ /rgyal ba'i dpal gyis lus mdzes mdangs gsal zhing/ /slas rnams dga' ba'i mkhar gyi nang du dong/ /de ltar de nyid de'i g.yul las rnam par rgyal bar gyur to/ /de bas na gsungs pa/ ngan pa rnams ni snying rje med par sdig pa spyod/ /blo 'bring rnams ni
 'phongs na snying rjer bcas shing spyod/ /skye bo dge ba rnams ni srog dang bral gyur kyang/ /rgya mtsho'i dus bzhin rang gi tshul dang 'gal mi byed/ /de ltar lha'i rgyal srid dang srog kyang bor te/ bcom ldan 'das kyi yun ring po nas sems can yongs su bskyangs
 pas na shes rab can gyi de dag la 'dir ngan sems bskyed pa'i yang mi rigs na/ /gnod par bya ba lta smos kyang ci dgos/ /de bas na 'phags pa rnams kyis ni srog chags rnams la snying rje dang ldan par bya ba'i rigs so/ /de lta bas na chos spyod pa rnams
 ni chos nyid srung bar byed do zhes gsungs pa dang yang sbyar bar bya'o/ /de bzhin gshegs pa'i yon tan bsngags pa dang rim gro bskyed de chos mnyan pa la yang sbyar bar bya'o/ /brgya byin gyi skyes pa'i rabs te bcu gcig pa'o// //skyes
 bu dam pa rnams ni bdag ngo tsha ba nyid kyi spyod tshul gyis dus las mi 'da' o/ /de yang 'di ltar byang chub sems dpa' bram ze'i rigs chen po rus dang spyod pa ma smad pa/ rang gi chos spyod pa'i sgra grags pa/ 'dul ba dang spyod tshul bzang po zhig tu skye ba
 yongs su bzung bar gyur to zhes grag go /de go rims bzhin du skyes bu'i khrus bya ba dang/ skra mtshams dbye ba dang/ btsas pa'i cho ga bya ba la sogs pas yongs su sbyangs nas/ rig byed bslab pa'i phyir bla ma thos pa dang/ rigs btsun pa dang/ spyod tshul
 phun sum tshogs pa zhig la bcar te gnas par gyur to/ /de ni thos pa lob cing 'dzin gsal dang/ rang rig grags dang gus dang dul ba dang/ /lang tsho'i che yang zhi zhing chos bzang bas/ /de la bla ma byams shing dga' bar 'gyur/ /yon tan dbang du byed pa'i sngags//
 rtag tu mi nyams mthu dang ldan/ /zhe sdang 'khrugs pa'ang dbang byed na/ /tha mal sems lta smos ci dgos/ /de nas de'i mkhan po slob ma thams cad kyi ngang tshul brtag pa'i phyir gsang dus dag tu bdag nyid dbul ba'i sdug bsngal rtag tu sgrogs so/ /dbul
 ba 'bras bu re ba med/ /bdag gi mi la'ang smrar med cing/ /dga' ston tshe yang dga' mi myong/ /kyi hud sbyin pa'i gtam yang gzhan/ /sma 'bab gnas gyur nyon mongs dal ba'i gzhi/ /bde ba yongs spangs shin tu mi brjid pa/ /nyam nyes bzhin du rtag tu mya
 ngan byed/ /nor med gyur ba shin tu 'jigs su rung/ /de nas de'i slob ma de dag rta bzang po lcag gis bskul ba bzhin du bla ma la byams pas mi dga' bar gyur te/ /bsod snyoms rab tu bzang zhing shin tu mang du blangs so/ /des de dag la smras pa/ bsod
 snyoms kyis su'i dbul phongs pa yang phyed par mi 'gyur gyis/ /khyed cag nyon mongs par byed pa 'di thong shig /nga nyon mongs pa mi bzod na khyed kyis nor brku ba la 'bad par bya ba 'di ni rigs so/ /ci'i phyir zhe na/ bkres skom zan dang chu yis phyir/ /
 sman bcas sngags kyis nang sos 'gyur/ /rgyun gnas nor gyis dbul por 'gyur/ /thabs kyis nor btsal dbul ba dong/ /slob ma rnams kyis smras pa/ bdag cag skal pa chung bas 'di tsam lhag par rdo mi thog na ji ltar bgyi/ gzhan yang mkhan
 po nor yang bsod snyoms bzhin/ /gal te rnyed par 'gyur na ni/ /khyed kyi dbul ba'i sdug bsngal 'di/ /de ltar bdag cag ga la bzod/ /bram ze rnams kyi nor bsgrub tu/ /sla ba'i thabs ni rab tu chung/ /skye bo 'di yang sbyin mi
 phod/ /de bas thabs med bdag cag phung/ /mkhan pos smras pa/ /bram ze rnams la ni nor sgrub pa'i thabs gtsug lag las byung ba gzhan dag kyang yod na/ bdag ni rgas pas mthu med par gyur te de bsgrub mi nus so/ /slob ma rnams kyis smras pa/
 slob dpon bdag cag ni ma rgas pas mthu nyams par ma gyur na/ gal te gtsug lag las 'byung ba'i thabs de dag bdag cag gis bsgrub tu rung bar dgongs nas gsungs shig dang/ bdag cag la chos 'chad pa'i drin la lan glan par bgyi'o/ /mkhan
 pos smras pa/ gzhan yang snying la rtsol mo phod pa rnams kyis ni 'di lta bu'i nor bsgrub par dka' mod kyi/ 'on kyang de ltar khyed dus kyi mchu na legs kyis nyon cig /nor bsgrub pa'i rim pa gcig cig yod pa de yang gang zhe na/ bram ze rgud tshe rku ba tshes
 su bshad/ /'jig rten na yang nar med rgud pa'i mchog /de bas gzhan nor ma mthong blang par gyis/ /'di dag kun kyang bram ze'i nor yin no/ /do 'thon du ni nor 'phrog nus gyur kyang/ /bdag gi grags pa bsrung bar bya dgos pas/ /khyed cag lta bus
 'di ltar byar mi rung/ /de bas de ltar ma mthong bsgrub par bya/ /de ltar des bsdams pa glong ba dang/ slob ma de dag gis de'i tshig de mi rigs pa bzhin du de ltar bgyi'o zhes nyan te/ byang chub sems dpa' 'ba' zhig ni ma gtogs so/ /de ni rang bzhin
 dge bas na/ /de la rjes su yi mi dang/ /de dag gis ni ma brtags par/ /byar rung bzhin du khas blangs so/ /byang chub sems dpa' ni ngo tsha bas mgo smad de cung zad cig shugs nar gyis phyung nas cang mi smra bar 'dug go /de nas de dag gi mkhan
 po de byang chub sems dpa' cho ga bstan pa de la dga' bar yang ma gyur/ /slar ldog par yang ma gyur pa mthong pas sems dpa' chen po de la yon tan zhig yod par bsams nas/ 'di ci rtsol mi phod dam/ de la mi byams sam/ 'on te chos kyi 'du shes kyis rkun
 po byed du mi btub bam snyam nas de'i rang bzhin brtag pa'i phyir byang chub sems dpa' la smras pa/ kye bram ze chen po/ bram ze 'di rnams nga rgud mi bzod pas/ mi rnams dpa' bo'i lam la brten par gyur/ /khyod ni spro ba med cing blun par mngon/ /nga rgud pas ni
 nges par ma gdungs so/ /nga yi sdug bsngal rgya cher rab bsgrags shing/ /tshig tu 'ang smras pas ma bcabs bstan gyur kyang/ /khyod ni ji ltar mi sgrim bstan gyur nas/ /de ltar tha mal bzhin du smras par gyur/ /de nas byang chub sems dpas gus pa dang bcas par  
 phyag byas te/ mkhan po la smras pa/ sdig pa zhi bar gyur cig bdag ni mi byams shing snying sra ba'i phyir bla ma'i sdug bsngal gyis ma gdungs te 'di ltar mchis pa ma lags kyi/ /mkhan pos bstan pa'i rim pa 'di mi srid pa'i phyir 'di ltar mchis so/ /sus
 kyang ma mthong bar sdig pa spyad du rung ba ni gang yang ma mchis so/ /de ci'i slad du zhe na/ dben pa ni mi srid pa'i slad du'o/ /sdig pa'i las rnams byed pa na/ 'jig rten na ni dben pa med/ /mi snang bar ni 'byung po rnams/ /mi rnams la ni lta bar byed/ /lha yi spyan
 ni phye ba yi/ /thub ba bdag nyid sbyangs pa rnams/ /de yis ma mthong dben snyam nas/ /byis pa sdig pa spyod la 'jug /bdag gis gang na'ang stong ba ni/ /cung zad mchis par ma mthong ste/ /gang na gzhan dag mi snang ba/ /de na bdag gis stong ma lags/ /nyes
 byas gzhan gyis mthong ba dang/ /gang yang bdag gis mthong ba dag /bdag gis mthong ba gang yin pa/ /de ni legs par mthong ba yin/ /bdag gi dgos pas yid ni g.yengs gyur phyir/ /pha rol spyod pa gzhan gyis mi mthong srid/ /bdag ni chags? pas rtse gcig?
 yid gyur phyir/ /sdig pa byed pa nges par rig par 'gyur/ /de'i slad du bdag de ltar mchis par gyur to/ /de nas byang chub sems dpas mkhan po yid dga' bar gyur par rig nas yang smras pa/ khyod ni de ltar nor gyi phyir zhugs par/ /bdag gi
 yid la nges par mi 'dzin to/ /skyon yang yon tan bye brag shes gyur pa/ /su zhig nor phyir yon tan chud gzon byed/ /lha dbang phyir yang ngo tsha bor nas ni/ /yid la chos dang 'gal bar byed pa bas/ /gyo mo'i snod thogs gos ngan gyon nas ni/ /dgra yi khyim du 'byor
 ba mthong yang bla/ /de nas de'i mkhan po de'i snying rab tu dga' zhing ya mtshan du gyur nas stan las langs te de la lag pas 'khyud nas smras pa/ bu legs so legs so bram ze chen po legs so/ /khyod kyi shes rab rab tu zhi bas brgyan pa 'di la ni de rigs so/ /
 byis pa rnams ni mtshan ma cung zad la/ /brten nas rang gi chos lam 'dor bar byed/ /dka' thub thos dang shes pa'i nor ldan pa/ /dge ba rnams ni phongs kyang mi 'gyur ro/ /khyod kyi rang rig dri med brgyan pa ni/ /ston zla shar bas nam mkha' brgyan pa bzhin/ /khyod kyi thos
 pa rnams grags don dang ldan/ /nga yi 'bad pa don yod legs pa byung/ /de bas skyes bu dam pa rnams ni de ltar bdag /ngo tsha ba nyid kyi spyod tshul gyi dus las 'da' bar mi byed do/ /de bzhin du 'phags pa nyan thos rnams kyis kyang ngo tsha shes pa'i stobs dang ldan
 par bya ba'i rigs so/ /de bzhin du 'phags pa nyan thos rnams ni ngo tsha shes pa'i 'bos kyis bskor bas mi dge ba rab tu spong bar 'gyur ro zhes bya ba la sogs pa ngo tsha shes pa bsngags pa dang ldan pa'i mdo sde dang/ 'jig rten la dbang byed pa'i mdo sde dag
 la yang sbyar bar bya'o/ /bram zer skyes pa'i rabs te bcu gnyis pa'o// //skyes bu dam pa rnams ni bdag rang sran thub pas bstan pa'i phyir sdug bsngal mi bzod pas gdungs kyang lam ngan par 'jug par mi 'gyur ro/ /de yang 'di ltar byang
 chub sems dpa' bden pa dang/ gtong ba dang/ nye bar zhi ba dang/ shes rab la sogs pa'i yon tan khyad par can rnams kyis 'jig rten la phan par brtson pa de re zhig cig yul shi bi pa rnams kyi rgyal por gyur to zhes grag go /chos dang 'dul ba mngon sum du gyur
 pa bzhin du skye dgu rnams la pha dang 'dra bar phan 'dogs nus par gyur to/ /nyes par spyod las rnam par zlog pa dang/ /yon tan 'phel la rab tu 'god pa'i phyir/ /rgyal po des ni pha yi bu dga' bzhin/ /'jig rten gnyis dkar mi rnams dga' bar gyur/ /nang
 gi mi dang phyi mi 'dra bar snyoms/ /de yi bka' khrims chos dang rjes su mthun/ /skye bo'i chos min lam ni bsgribs nas su/ /mtho ris lam ni them skas rim pa bzhin/ /'jig rten phan pas chos ldan des mthong nas/ /mi rnams skyong ba chos nyid 'ba' zhig
 spyod/ /rnam pa kun tu chos kyi lam la dga' / /gzhan gyi chos la gnod byas yod mi bzod/ /rgyal po de'i blon po chen po'i bu mo dpal mo gzugs dang ldan pa bzhin/ /dga' bo mngon sum du gyur pa bzhin/ /lha'i bu mo bzhin gzugs dang gzi mdangs
 mchog dang ldan pa/ blta na rab tu sdug pa bud med rin po cher bkur ba zhig yod par gyur to/ /'dod chags ma bral ba yis de yi lus/ /ji srid mthong bar gyur pa de srid du/ /de'i gzugs dang yon tan rnams la chags/ /de yi lta ba bzlog par yod mi
 nus/ /de bas na gnyen rnams kyis kyang de'i ming myos byed ma zhes btags so/ /de nas de'i phas rgyal po la bdas par gsol ba/ /lha khyod kyi yul du bud med rin po che zhig byung bar gyur na phyag tu bzhes sam mi bzhes pa ni lha nyid mkhyen te zhes gsol to//
 de nas rgyal po des bud med kyi mtshan nyid la mkhas pa'i bram ze rnams la 'di cing la 'os pa yin nam ma yin khyed kyis rtogs shig ces bka' stsal to/ /de nas bu mo de'i phas bram ze de dag rang gi khyim du khrid nas myos byed ma la bzang mo khyod rang gi
 bram ze rnams la kha zas brims shig ces smras pa dang/ bu mo des de bzhin du bgyi'o zhes mnyan nas/ bram ze rnams la go rims bzhin du kha zas brims so/ /de nas bram ze de dag /de'i gdong du mig mi 'dzum par lta/ /'dod chags kyis nas?
 ni brtan pa nyams par gyur/ /mig dang yid la dbang yang med par gyur/ /'dod chos myos nas 'du shes nyams par gyur/ /gang gi tshe brtan zhing mi g.yo bar 'khod pa yang mnags ma nus par gyur pa de'i tshe kha zas bza' bar lta ga la nus te/ de nas
 khyim bdag des rang gi bu mo de dag gi mig lam du mi snang bar byas nas bdag nyid kyi bram ze rnams la kha zas brims te slar bkye'o/ /de nas de dag gi bsams pa/ 'di ni bcos ma'i gzugs bzhin te/ bu mo 'di'i byad gzugs ni yid 'phrog par
 byed pa zhig go snyam nas/ 'di ni rgyal pos gzigs par yang bya ba'i mi rigs na btsun mor dbul du lta ga la rung/ 'di byad bzhin bzang ches pas gdon mi za bar rgyal po de sems myos nas chos dang srid kyi don sgrub pa la g.yel bar 'gyur zhing/ rgyal
 po'i don sgrub pa dus las yol bas 'bangs rnams la phan pa dang/ bde ba 'byung ba'i lam chad de 'di phung bar 'gyur ro/ /'di ni mthong bar gyur pa tsam gyis kyang/ /drang srong rnams la'ang dngos grub bgegs gyur na/ /'dod chags can gyi mig
 lta lang tsher ldan/ rgyal po bde bar gnas pa smos ci dgos/ /de bas na da ni dus la bab po snyam nas skabs shig tu rgyal po'i spyan sngar dong ste/ rgyal po chen po bu mo de bdag cag gis mthong ste/ de'i byad gzugs ni rab tu bzang na mtshan ngan
 te dpal dang ma ldan pa zhig lags pas rgyal po chen po 'di gzigs su yang mi rung na khab tu bgyir lta ga la rung/ smad pa'i bud med khyim ni gnyis kar yang/ /grags pa dang ni 'byor pa med par byed/ /mtshan mo'i zla ba sprin rum mun pa ni/
 gnam sa'i bye brag mdzes pa med pa bzhin/ /rgyal po des de'i don thos nas bu mo de mtshan ngan ces grags pas nga'i rigs dang mthun pa ma yin no snyam nas de nas de la chags pa med par gyur to/ /rgyal po mi bzhed par shes nas khyim bdag des bu mo
 de nyid kyi blon po zhig la sbyin no/ /de nas re zhig cig rgyal po de mthar gyi bdag rang gi grong khyer na me tog ku mu da'i dga' ston bzang po byung ba lta bar 'dod nas shing rta mchog la zhon te/ lam po che grong khyer gyi srang dang tshong khang phyag dar byas shing
 chag chag btab pa/ gdugs dang/ rgyal mtshan dang/ ba dan bsgreng ba/ sa'i steng thog dag me tog sil ma bkram pa/ glu gar dang/ bzhad gad dang/ rtsed mo dang/ sil snyan sgrogs pa/ /me tog dang/ bdug spos dang/ phye ma dang/ gos dang/ phreng ba dang/ khrus
 dang/ byug spos kyi ngad bsung zhim po'i ngad ldang ba/ tshong zong rnam pa mang po bkram pa/ grong khyer gyi mi dar cing dga' la chas rab tu bzang ba rnams kyis gang ba'i grong khyer mchog gi nang nas song song ba las/ /blon po de'i khyim dang nye ba zhig tu phyin
 pa dang/ de nas myos byed mas bsams pa/ bdag ni rgyal po 'dis mtshan ngan ces btags nas spangs so snyam ste snying na bzhin du rgyal po lta 'dod pa 'dra bar byas nas lus byad mdzes pa bstan nas sprin gyi steng na glog 'gyu ba bzhin du yang thog gi
 steng na rab tu gsal bar snang bar byas te 'dug go /da bdag lta bu mtshan ngan pa mthong na 'dis dran pa rnam par g.yo ba ngag rang gis 'dzin nus sam mi nus blta'o snyam nas/ de nas rgyal po de grong khyer gyi mchog brgyan pa lta lta ba las/ bu mo de
 mig snga? na snang bar 'dug 'dug pa mthong bar gyur to/ /de nas rgyal po de/ pho brang gnas kyi na chung bzang mo yi/ /lus bzang chas pa tshim par mthong gyur cing/ /chos lam rjes su dga' bas ma 'phyar na/ dbang po thul bar byed la brtson gyur cing
 brtan pa'i yon tan che la ngo tsha shes/ /gzhan gyi bud med lta la ma mos kyang/ /'dod chags langs shing ya mtshan cher gyur nas/ /bud med de la mig gis ring zhig bltas/ /'di ci ku mu da yin nam/ 'on te khyim 'di yi lha yin
 nam/ /lha 'am lha min chung ma yin/ /'di ni mi lus ma yin no snyam nas rgyal po des de ltar dpyod dpyod nas de la lta bas tshim par ma gyur bzhin du shing rta de phyogs de nas thal du byed pa dang yid la mi 'bab par gyur to/ /de nas rgyal po de'i snying
 stor ba bzhin du de la sems rtse gcig tu gyur cing bdag gi gnas su phyin pa dang/ 'dod chags kyi brtan pa med par gyur pa dang/ kha lo sgyur pa rab tu dga' ba zhes bya ba la gsang ste smras pa/ phyir dkar pos bskor ba yi/ /khyim de su'i yin khyod shes sam/
 sprin dka' steng na glog bzhin du/ /de nas mdzes pa su zhig yin/ /kha lo sgyur pas smras pa/ lha nyid kyi blon po a b+hi pA ra ka zhes bgyi ba zhig mchis te/ khyim de ni de'i lags so/ /bu mo de yang de nyid kyis mchis brang lags te/ ki rI ta bad sa zhes bgyi ba'i
 bu mo myos byed ma zhes bgyi ba lags so/ /rgyal po des de skad ces thos nas gzhan gyi chung ma yin no snyam ste/ re thag bcad nas sems khong du chud cing mig rtsa dang mdangs nyams shing shugs nar zhes phyung nas/ de la sems chags bzhin du dal bus
 bdag rang la smras pa/ e ma'o 'di ming 'di ltar btags pa 'di/ /don dang rjes su mthun zhing tshig kyang snyan/ /'dzum pa'i mdangs dkar myos byed ma zhes pa/ 'di ltar bdag ni myos pa bzhin du byed/ /de ni brjed par bdag 'dod na/ /sems kyis mthong ba
 bzhin du gyur/ /bdag gi sems ni de la gnas/ /sems de de yi dbang du gyur/ /gzhan gyi chung ma yin pa la/ /bdag kyang de ltar mi brtan pa/ /de ni myos te ngo tsha dang/ /bral ba bzhin du gnyid dang bral/ /de yi lus bzangs chas shing 'greng dang lta ba la/ /chags
 pas rtse gcig yid du gyur cing 'dug pa'i tshe/ /don sgrub go rims spron pa'i chab tshod sgra grags pa'i/ /chab tshod de ni nga yi sems la zhe sdang ldang/ /de ltar rgyal po de 'dod pas myos pa'i mthus brtan pa ni nyams/ /bdag rang gis mnags te bor yang mdangs ni
 ser skyar gyur cing lus kyang sha bri srab mor gyur/ /sems khong du chud cing shugs nar zhes 'byung la/ glal yang dang yang du ni 'byung/ /'dod chags kyis myos par gyur pa'i rnam pa ni rab tu mngon par gyur to/ /brtan pa chen pos mnags shing bsgrims byas kyang
 rgyal po de yi yid ni gyur pa de/ /sems khong chud pa'i mig dang bzhin mdangs dang/ /sha bri srab mor gyur pas rab tu mngon par gyur/ /de nas blon po a b+hi pA ra ka bad+ha dang mtshan ma la mkhas pa de rgyal po de de ltar gyur par shes nas/ snying nye bas rgyal po de ma rung
 par gyur ngogs pa dang/ /'dod chags kyang mthu che bar shes nas rgyal po la zhus te nang du mchi bar gnang ba dang/ dben par gsang ste gsol pa/ da nang bdag ni lha mchod bgyid pa'i tshe/ gnod sbyin gcig cig mngon sum mchis nas ni/ /myos byed ma la rgyal po'i
 thugs chags pa/ /khyod kyis mi shes sam zhes bdag la mchi/ /de skad sbran nas mod la mi snang gyur/ /bdag ni rtog pa skyes nas 'dir mchi lags/ /de ltar mad na lha cig 'di lta bus/ /ci yi slad du bdag la bka' mi stsal/ /de bas na lha bdag la thugs
 brtse ba'i slad du bu mo 'di phyag tu bzhes pa'i rigs so/ /de nas rgyal po de ltas kyi bskul bas ngo tsha ste/ /mgo smad nas 'dod chags kyi dbang du gyur kyang chos la sems rab tu goms pa'i phyir brtan pa nyams par mi 'dod pa'i tshigs gsal bas de
 la smras pa/ de mi rigs so/ /ci'i phyir zhe na/ bsod nams nyams gyur bdag kyang mi 'chi min/ /bdag gi sdig 'di 'ang gzhan gyis shes par 'gyur/ /de dang bral bas 'dod par gyur pa'i mes/ /khyod kyi sems kyang rtswa bzhin bsregs par 'gyur/ /'jig
 rten 'di dang pha rol gnyis ka la/ /bdag cag gnyis la de ltar gnod pa'i las/ /gang phyir mi mkhas ston par byed 'gyur pa/ /de phyir mkhas pa bsten par yod mi byed/ /a b+hi pA ra kas smras pa/ lha chos dang 'gal bar dogs pa mi
 mdzad du gsol/ /sbyin pa bgyid pa'i grogs bgyid pas/ /khyod la bsod nams nyid du 'gyur/ /de ni bdag las ma bzhes na/ /sbyin pa bgegs pas chos min 'gyur/ /lha la dka' mchid ngan pa'i skabs kyang ma mthong ngo/ /ci'i slad du zhe na/ 'o skol gnyis las
 ma gtogs pa/ /gzhan ni su zhig 'di shes 'gyur/ /de bas mi yi khrel 'gyur bas thugs la dogs pa ma mdzad cig /de ltar bgyis nas bdag la sman yon btags par 'gyur gyi gnod par ni mi 'gyur ro/ /rje'i don du spyad pas mgu ba yis/ /sems la khyab par
 gyur na ga la gnod/ /de bas thugs la bzhed pa don bcas mdzod/ /bdag la gnod par dwogs pa khyod ma mdzad/ /rgyal pos smras pa/ sdig pa zhi bar gyur cig/ nga la rab tu byams pa'i phyir/ /khyod kyis 'di ni ma brtags so/ /'di ltar sbyin pa thams cad du/ /chos sgrub
 pa'i grogs ma yin/ /rab tu byams pas nga yi phyir/ /srog kyang phangs par mi lta bas/ /gnyen pas lhag pa de lta bu'i/ /grogs po'i chung ma grogs mo yin/ /de bas na nga 'di ltar byed du gzhug pa mi rigs so/ /gang yang 'di gzhan sus kyang shes par mi 'gyur ro zhes
 zer ba de yang 'di ci sdig tu mi 'gyur ram/ /ma mthong bar ni sdig pa byas pa dag/ dug zos bzhin du bde bar ji ltar 'gyur/ /lha dang rnal 'byor can gyi mi dag ni/ /rnam dag mig gis mi mthong mi srid do/ /gzhan yang/ de ni khyod la mi phangs zhe 'am/ /de ni btang ma thag
 tu yang/ /sdug bsngal 'byung bar mi 'gyur zhes/ /su zhig de la yid ches 'gyur/ /a b+hi pA ra kas smras pa/ bdag ni bu smad bcas par 'bangs/ /khyod ni bdag gi rje dang lha/ /de bas bran mo 'di lta la/ /chos dang 'gal ba ci zhig mchis/ /'di bdag la phangs zhes bgyi ba
 de yang phangs nas phangs su bas? so/ /'di ni bdag la phangs pa lags mod kyi/ /de'i slad du 'di ni khyod la 'bul/ /phangs pa byin na tshe rabs phyi ma la/ /rab tu dga' zhing phangs pa thob par 'gyur/ /lha de bas na 'di bzhes su gsol/ /rgyal pos smras pa/ de ltar byar mi rung
 gis de skad ma zer cig /ci'i phyir zhe na/ chos spyod pa las dpal ni thob gyur na/ /de nyid la yang gnod pa byed pa bas/ /bdag ni mtshon cha rnon pos btab pa'am/ /me stag 'pho ba'i me nang zhugs kyang bla/ /a b+hi pA ra kas smras pa/ gal te 'di gzhan gyi mchis brang lags
 pa'i slad du lha mi bzhed na yang/ 'di bdag gis skye bo thams cad kyi btus su rung bar smad 'tshong ma'i tshul 'dzin du stsal bar 'tshal lo/ /de nas lha 'di bzhes su gsol/ /rgyal pos smras pa/ khyod smyos sam ci/ /skyon med chung ma bor na ni/ /nga yis chad pa bcad
 da re/ /smad pa'i gnas su khyod gyur na/ /'di dang pha rol bsreg par 'gyur/ /de bas na byar mi rung pa la dus ma che bar rig pa la dga' bar gyis shig/ a b+hi pA ra kas smras pa/ khyod la bde bas bdag nyid ba der gyur na/ /gal te chos dang 'gal bar gyur kyang rung//
 skye bos smad cing bde bar nyams kyang rung/ /de dag thams cad lto bas bzed par bgyid/ /sa bdag chen po 'jig rten 'di na ni/ /khyod las lhag pa'i mgron mchog gzhan ma mthong/ /bdag gi bsod nams phyir ni myos byed ma/ /dus tshigs mchod pa'i phyir
 yod bzhin bzhes gsol/ /rgyal pos smras pa/ nga la rab tu byams pa'i phyir bdag la phan pa dang gnod par 'gyur ba la yang mi lta bar khyod 'di ltar 'bad pa ni nga yi don du spyod pa yin pas de'i phyir yang khyod lhag par yal bar dor du mi rung ngo/ /'jig rten
 pas smad pa la yang 'dzem pa med par bya ba'i mi rigs so/ /ltos shig/ 'jig rten smod pas 'dzem pa med pa dang/ /chos dang phyi ma'i 'bras bu mi lta ba/ /gang yin de la skye bo yid mi ches/ /lha dang dpal gyis rab tu spangs par 'gyur/ /de bas na nga khyod
 lang? smra'o/ /srog gi phyir yang chos dang ni/ /'gal bar 'gyur bar dga' ma byed/ /nyes pa cher 'gyur gdon mi za/ /legs 'byung chos la rogs dang bcas/ /gzhan yang/ dam pa rnams ni pha rol smad la sogs/ /sdug bsngal byas nas pha rol bde mi
 sgrub/ /de bas ngas ni gcig la'ang mi gnod par/ /chos la gnas nas bdag gi don sgrub bo/ /a b+hi pA ra kas smras pa/ rje'i don du gus pa'i dbang gis spyad pa 'di la bdag la chos ma lags pa'i skabs ci zhig mchis/ /'di bdag gi phul ba lhas bzhes pa la yang
 nongs pa ci mchis/ /de'i slad du yul shi bi pa'i mi ljongs kyi mi dang bcas pas kyang 'di la chos ma lags par snyad gdags su ci zhig mchis/ /de bas na lha 'di bzhes su gsol/ /rgyal pos smras pa/ khyod ni nga'i don du spyad pa la rab tu gzhol bar des mod kyi 'di la
 'u bu cag gnyis dang/ yul shi bi pa'i mi ljongs kyi mi dang bcas pa'i nang na su chos shes pa'i mchog yin pa 'di ni dpyad dgos so/ /de nas a b+hi pa ra kas gus pa dang bcas par rgyal po la smras pa/ rgan pa bsnyen bkur bya ba byas pa dang/ /thos pa mang zhing blo yang rno ba
 dang/ /'khor gsum don gyi de nyid rig pa ni/ /lha cig khyod dang bdag po che la mchis/ /rgyal pos smras pa/ de bas na 'di la nga bslu ba'i mi rigs so/ /ci'i phyir zhe na/ 'jig rten pa la phan dang gnod pa ni/ /rgyal po rnams kyi spyod la rag lus te/ /de bas 'bangs rnams
 snying nye bsams nas ni/ /gtam snyan 'byung ba'i lam gyi mchog la dga' / /khyu mchog 'gro ba drang ngam yo ba bzhin/ /rjes su 'gro ba'i ba rnams dogs med cing/ /'khrul pa med par rjes su 'brang ba bzhin/ /'bangs kyang de bzhin rgyal po'i rjes su 'brang//
 gzhan yang khyod ltos shig/ nga bdag rang yang bsrung bar ni/ /gang tshe nus par ma gyur na/ /de'i tshe nga yi bsrung 'dod pa'i/ /skye bo rnams ni ji ltar 'gyur/ /de ltar 'bangs la phan par lta ba dang/ /bdag gi chos dang grags pa dri med la/ /bltas na sems kyi dbang
 du nga mi 'gro/ /khyu mchog bzhin du nga ni 'bangs kyi mgon/ /de nas blon po a b+hi pA ra ka rgyal pos sran btsugs pa des mgu nas rgyal po la phyag 'tshal te thal mo sbyar nas smras pa/ gang rnams srung ba rgyal po khyod bzhugs pa/ /e ma'o 'bangs rnams phun sum tshogs
 chos la dgyes shing bde la ma chags pa/ /de lta bu ni dka' thub nags na'ang dkon/ /rgyal po chen po chen po'i sgra/ /'di ni rgyal po khyod la mdzes/ /yon tan med la yon tan brjod/ /smad cing rtsub pa'i tshig tu gyur/ /rgya mtsho rin chen 'byung gnas bzhin/ /yon tan
 'byung gnas khyod lags pas/ /khyod ni de ltar zhir gyur pa/ /de la ngo mtshar cher mi 'dzin/ /de ltar skyes bu dam pa rnams/ /bdag rang sran thub pas brtan pa dang/ /chos kyi 'du shes rab tu goms par byas pa'i phyir sdug bsngal mi bzad pas gdungs kyang lam
 ngan par 'jug par mi 'gyur ro/ /de bas na sran thub par bya ba dang/ /chos la goms par bya ba la brtson par bya'o/ /myos byed ma'i skyes pa'i rabs te bcu gsum pa'o// //skyes pa'i rabs kyi rgyud bam po lnga pa/ /chos la gnas na bden
 pa'i tshig tsam gyis kyang ma rung bar 'gyur pa las thar par 'gyur na de'i 'bras bu lta smos kyang ci dgos/ /de bas na chos kyi rjes su 'jug par bya'o/ de yang 'di ltar byang chub sems dpa' sems dpa' chen po blo rab tu rno ba gru'i kha lo sgyur ba zhig tu
 gyur to zhes grag go /'di ltar byang chub sems dpa' rnams ni rang bzhin gyi shes rab rno bas gtsug lag khyad par can gang dang gang slob par 'dod pa dang/ sgyu rtsal khyad par can gang dang gang slob par 'dod pa de dang/ de dag la shes rab rno zhing skye bo gnas
 pas lhag par gyur to/ /bdag nyid chen po de skar ma rgyu ba la mkhas pas phyogs kyis bye brag la blo ma rmongs shing/ nar ma dang glo bur du 'gyur ba'i ltas shes la/ /mtshan ma la mkhas shing dus la dang ma yin pa'i go rims la mkhas pas nya dang
 dang chu'i kha dog dang/ sa'i bye brag dang/ bya dang ri dwags la sogs pa'i mtshan mas rgya mtsho'i phyogs ni legs par rtogs/ dran pa dang ldan zhing le lo dang gnyid ni chung grang ba dang tsha ba dang char 'bab pa la sogs pa'i sdug bsngal la ni ci
 mi snyam/ bag che la brtan pa dang ni ldan/ drang ba dang bzlog pa la sogs pa mkhas pa'i phyir tshong pa rnams 'dod pa'i yul du phyin par byed pa zhig tu gyur to/ /de 'gro ba'i don rab tu sgrub par 'gyur pa'i phyir ming yang legs par pha rol tu phyin par byed pa
 zhes bya'o/ /de gnas pa'i yul gyi ming yang legs par pha rol tu phyin pa zhes grags so/ /deng sang ni sU pa ra zhes bya'o/ /de la rab tu bkra shis pa phun sum tshogs pa'i phyir rgas par gyur kyang rgya mtshor 'dod pa'i tshong pa don grub par 'dod pa rnams kyis
 gsol ba btab pa dang bkur sti cher byas te gru bo che'i nang du 'jog par byed do/ /de nas re zhig cig yul b+ha ru kang tshe nas tshong pa gser gling du 'dod pa don grub par 'dod pa dag cig yul legs par pha rol tu phyin par lhag nas sems dpa' chen po
 de gru bo che'i nang du gzhug pa'i phyir gsol ba btab bo/ /des de dag la smras pa/ rgas pa'i dbang gis lta ba nyams gyur cing/ zho sha chung bas dran pa rab tu nyams/ /bdag gi lus kyi bya ba'ang nyam chung na/ /bdag la grogs byar re ba ga la srid/ /tshong
 pa rnams kyis smras pa/ khyod kyi lus kyi gnas skabs ci 'dra ba bdag cag gis 'tshal te/ khyod la drag shul spyod pa'i mthu mchis su lags kyang bdag cag ni khyod la phrin las bgyi bar mi gsol gyi/ gzhan du na/ khyod kyi zhabs ni pad+ma la brten
 pa'i/ /rdul gyi gru 'di bkra shis ldan gyur na/ /mtsho yi nang nas rab tu bgrod dka' yang/ /bde bar thar 'gyur slad du bdag cag mchis/ /de nas bdag nyid chen po de de dag la snying brtse ba'i phyir rgas pas lus shig shig por gyur du zin kyang gru bo che de'i
 nang du zhugs so/ /de gru'i nang du zhugs pa dang tshong pa de dag thams cad kyis bsams pa/ da ni gdon mi za bar bdag cag don gyi mchog 'grub par 'gyur ro snyam nas sems rab tu dga' bar gyur to/ /de nas mthar gyi rgya mtsho chen po nya'i rigs rnam pa
 sna tshogs rnam par rgyu ba/ chu rlabs kyi sgra chen po grag pa/ rlung gi bskyod pa'i chu rlabs mang po gnyer ba/ /rin po che rnam pa sna tshogs dang/ sa'i kha dog gi khyad par mang pos mdog bsgyur ba/ dbu ba sbrengs pas me tog gi phreng ba bzhin du mdzes par byas
 pa/ lha ma yin dang klu mchog rnams kyi gnas su gyur pa/ gting dpag dka' ba chu tshad med pa'i nang du zhugs so/ /de nas anda rnyil gyi 'od ltar sngo/ /nyi ma'i 'od kyis gnam sngon bzhu ba bzhin/ /kho ra khor yug chu 'gram ltar mi snang/ /gting dpag
 dka' ba'i mtsho 'dzings nang du zhugs/ /de nas de dag der phyin pa dang/ phyi dro'i dus su nyi ma'i 'od kyi dkyil 'khor ni chung du gyur/ /glo bur du ltas ngan chen po rab tu 'jigs su rung ba zhig byung ba dang/ rlabs ni rnam par 'khrug cing dbu ba 'thor/ /drag po'i
 rlung gis skyod pa'i 'jigs sgra 'byin/ /chu kun tha mal 'dug las rab tu g.yos/ /rgya mtsho de ma thag tu 'khrugs par gyur/ /ltas ngan glo bur langs pa'i rlung gis bskyod/ /rlabs chen 'jigs su rung ba'i shugs kyis dkrugs/ /dus mdza' i rlung gis ri
 g.yos sa gzhi bzhin/ /rgya mtsho'i 'jings ni rab tu 'khrugs par gyur/ /glog phran 'gyu ba'i 'od 'bar lce g.yo ba/ /sbrul nag mgo mangs bzhin du mdog sngo ba'i/ /sprin gyis nyi ma'i lam yang bsgribs par gyur/ /'brug sgra 'jigs su rung ba rgyud mar
 grags/ /sprin chen stug pos 'od kyi dra ba bsgribs/ /nyi ma mthar gyis nub tu nye bar gyur/ /nyi ma nub pa'i skabs ni rnyed pa dang/ /mun pa'ang rim gyis gnag tu nye bar gyur/ /char rgyun mda' yis rlabs la phog pa dang/ /rgya mtsho'i 'jings ni gnam du
 rgal ba 'dra/ gru yang 'jigs pa bzhin du rab g.yos nas/ /de dag snying la 'jigs pa skyed par byed/ /de dag skrag cing spa gong mi smra zhum/ /brtan po dag na thar pa'i thabs la 'bad/ /kha cig rang gi lha la gsol ba 'debs/ /sems
 stobs yon tan bsams pa rnam par ston/ /de nas tshong pa de dag rlung dang chu'i shugs kyis bdas pa'i gru bo ches g.yengs nas nyin zhag du mar yang chu'i 'gram ma mthong zhing/ rgya mtsho'i mtshan ma ji ltar 'dod pa yang ma mthong la/ rgya mtsho'i
 mtshams sngon ma mthong ba sha stag mthong bas phyi phyir zhing sems mi dga' la/ 'jigs shing bag tsha bas ci bya gtol med par gyur to/ /de nas byang chub sems dpa' legs par pha rol tu phyin pas de dag spro bsring ba'i phyir smras pa/ rgya mtsho'i
 nang du zhugs pa rnams la ltas ngan glo bur du byung bas 'khrugs shing nyon mongs par gyur pa 'di lta bu ngo mtshar mi ches/ /khyed cag bag tsha bar ma byed cig/ zhum pas phangs las thar la mi phan gyis/ /de nas mya ngan gdung bar ma byed par/ /dgos
 pa'i don sgrub mkhas la brtan byas na/ /rab tu dka' ba'ang sla bas thar bar 'gyur/ /de bas 'jigs shing mi dga' ma byed par/ /ji ltar bya ba'i thabs kyis dgos pa sgrub/ mkhas pa'i gzi brjid brtan pas gzeng bstod nas/ /don rnams thams
 cad 'grub pa lag na yod/ /de ltar bdag nyid chen po des tshong ba de dag sems brtan par byas pa dang/ rgya mtsho'i 'gram mthong du re nas rgya mtsho la bltas na mi'i gzugs 'dra ba dngul gyi ya lad gyon pa dag cig chu'i nang du yang bying steng du
 yang 'byung ba mthong ngo/ /de dag gi byad gzugs dang mtshan ma legs par brtags nas ya mtshan cher gyur te/ legs par pha rol tu phyin pa la smras pa/ rgya mtsho 'di'i nang na sngon ma mthong ba'i mtshan ma dag cig snang ste/ de dag ni lha min
 dmag mi bzhin du dngul gyi go cha bgos/ /mig mi sdug la sna yang spu gri 'dra bar snang/ /de dag steng du 'byung zhing rkyal pa'i zhar la ni/ /rgya mtsho'i chu la rtsed mo byed par su zhig lags/ /legs par pha rol tu phyin pas smras pa/ /'di dag ni ma yin gyi/ /'di dag ni nya
 mi 'dra bar snang ba dag cig yin gyis 'di dag gis ma 'jigs shig /'on kyang/ bdag cag yul ni gnyis ka las/ /rab tu ring du dong bar gyur/ /rgya mtsho 'di ni spu gri'i phreng/ /de bas bzlog la 'bad par gyis/ /chu rab tu drag por 'bab pa dang nub phyogs nas langs
 pa'i rlung rab tu drag pos gru mgyogs por song bas tshong pa de dag gis slar bzlog ma nus so/ /de nas chus khyer ba las mthar gyis dngul gyi mdog 'dra ba'i chu dkar ba dbu ba mang po 'khrigs pa'i rgya mtsho gzhan zhig mthong nas ya mtshan cher gyur te legs par pha
 rol tu phyin ba la smras pa/ chu rnams rang gi dbu bas g.yogs pa bzhin/ /rgya mtsho chen po gos dkar gyon pa bzhin/ /zla ba'i 'od zer zhu ba 'bab pa bzhin/ /ngang pa bzhin du 'bab pa 'di ci lags/ /legs par pha rol tu phyin pas smras pa/ rab tu ring du chus khyer bas
 shin tu dka' o/ /'o ma'i rgya mtsho zhes bya ste/ /'di ni zho phreng rgya mtsho yin/ /gal te bzlog par nus na ni/ /'di las thal te 'gror mi rung/ /tshong pa rnams kyis smras pa/ /gru bo che rab tu mgyogs pa dang/ rlung yang drag tu langs pas gru dal bus gtang bar yang mi nus na/ /slar
 bzlog pa ltag la nus/ /de nas rgya mtsho de yang 'das pa dang/ yang rgya mtsho gzhan zhig rlabs kyi phreng ba rab tu 'khrug pa gser gyi mdog 'dra ba/ chu'i mdog me 'bar ba 'dra ba mthong nas/ tshong pa de dag ya mtshan dang ngo mtshar cher gyur te legs par pha rol tu phyin pa la
 dris pa/ nyi ma 'char ka'i kha dog 'dra ba la/ /sngon po ma yin chu rlabs gnam du brgal/ /me chen rab tu 'bar ba 'dra ba yi/ /mtsho 'di'i ming ci 'di ltar ci las gyur/ /legs par pha rol tu phyin pas smras pa/ 'di ltar snang ba'i rgya mtsho 'di/ /me yi phreng ba zhes grags
 te/ /de bas 'di las bzlog nus na/ /khyed la rab tu legs par 'gyur/ /de ltar bdag nyid chen po des ming tsam zhig bstan nas rgyang ring du lta bas chu'i kha dog gyur pa'i gtan tshigs ni ma bstan no/ /de nas yang tshong pa de dag rgya mtsho de
 las kyang thal ba dang/ yang rgya mtsho gzhan chu'i kha dog rin po che sbur len dang/ anda rnyil gyi mdog kyang 'dra la/ /rtswa ku sha smin pa'i kha dog kyang 'dra ba mthong nas ngo mtshar du gyur te legs par pha rol tu phyin pa la dris pa/ ku sha smin pa'i 'dab ma 'dra
 ba'i mdog/ drag tu langs pa'i rlung gis bskyod pa'i rlabs/ /dbu ba bkram pa me tog bcas pa bzhin/ /'di ltar gda' ba' i rgya mtsho gang zhig lags/ /legs par pha rol tu phyin pas smras pa/ kye ded dpon dag slar zlog pa'i phyir 'bad par gyis shig/ 'di
 las 'das na ni mi rung ngo/ /ku shi'i phreng can rgya mtsho 'di/ /glang po lcags kyu med pa bzhin/ /bzod par dka' ba'i chu 'bab pa/ /bdag cag dga' ba 'phrogs par byed/ /de nas tshong pa de dag gis rab tu 'bad kyang gru bo che bzlog ma nus nas/ /rgya mtsho de
 las thal te/ /chu mdog sngon po smyig ma'i mdog dang baiDUrya'i 'od 'dra ba'i rgya mtsho gzhan zhig mthong nas legs par pha rol tu phyin pa la dris pa/ rin chen ma rgad mdog ltar sngo ba'i chu/ /ne'u sing sngon po mdzes pa bzhin du 'bab/ /ku mu da dang 'dra ba'i
 dbu bas brgyan/ /de ltar gda' ba' i rgya mtsho 'di gang lags/ /de nas bdag nyid chen po de tshong pa de dag sdug bsngal du gyur pa des sems gdungs nas mi dga' zhing shugs ring du nar zhes phyung ste dal bus smras pa/ da ni rab tu ring du thal/ /'di
 las bzlog par rab tu dga' / /'jig rten tha mar byed pa bzhin/ /rgya mtsho 'di ni 'dam bu'i phreng/ /tshong pa de dag gis de skad thos nas mi dga' zhing sems ni zhum/ /lus kyi tshigs ni shig shig por gyur shugs nar zhes 'byin pa tsam la brten
 cing de nyid du chems shes 'khod do/ /rgya mtsho de las kyang thal nas phyi dro'i dus la bab cing nyi ma'i 'od zer je chung je chung du gyur te/ nyi ma yang rgya mtsho'i nang du nub par 'gyur ba 'dra/ rgya mtsho yang bla 'og bzlog pa 'dra zhing/ rgya mtsho'i chu yang ser ba drag po 'bab pa
 dang/ smyig ma'i tshal mes tshig te tog yar gyis 'gengs pa dang 'dra bar sgra che zhing rab tu 'jigs par byed pa thos par gyur to/ /de thos nas kyang rab tu skrag cing snying 'dar bzhin du la gor du langs nas kun tu bltas nas chu'i 'jings chen po de dag g.yang sa dang
 gcong rong gi nang du 'bab pa 'dra bar ma mthong ngo/ de lta bu mthong nas rab tu blong blong por gyur te/ legs par pha rol tu phyin pa'i drung du lhags nas smras pa/ bdag cag rna ba gas shing snying yang 'jigs pas dkrugs pa bzhin du gyur/ /chu yi bdag po khros pa 'dra
 ba'i sgra 'di rgyang ring nas kyang grag /chu 'di thams cad gcong rong 'jigs pa'i nang du mdun na 'bab pa 'dra/ /rgya mtsho 'di 'dra ci lags khyod kyang 'di la ci ltar bgyi bar dgongs/ /de nas bdag nyid chen po de rtab rtab por gyur nas/ e ma'o mtshar byas mtshar
 byas zhes smras te/ rgya mtsho la bltas nas yang smras pa/ gang du phyin nas slar mi ldog/ 'chi bdag khar ni mngon song bzhin/ /bdag cag ma rungs gyur gyis med/ /rgya mtsho'i klong ni 'di yin no/ /tshong pa de rnams kyis de skad thos pa dang/ bdag cag ni rgya mtsho'i
 glong gi khar song snyam nas gson du re ba med cing 'chi bas 'jigs pas mas blong blong por gyur te/ kha cig skad phyung ste dus par gyur/ kha cig smre sngags 'don cing 'bod/ /kha cig ci yang byed ma nus/ /kha cig skrag nas sems kyang stor/ /phongs par
 gyur ba'i yid kyis rab bskul nas/ kha cig lha dbang gus par phyag kyang 'tshal/ /kha cig nyi ma tha skar drag po dang/ /nor lha rgya mtsho nyid la skyabs su dod/ /la la dag ni gsang sngags bzlas brjod byed/ /gzhan dag lha mo nyid la phyag 'tshal gyur/ /legs
 par pha rol phyin la kha cig gis/ drung du 'ongs nas bskor te smre sngags bton/ /phongs par gyur la 'jigs pa med byed pa/ /gzhan la phan 'dogs yon tan bsngags pa yi/ /khyod kyi mthu chen khyad par can de ni/ /da ni sbyar ba'i dus
 la bab cing mchis/ /bdag cag mgon med phongs nas skabs su mchis/ /de bas brtan por bskyab par thugs la dgongs/ /rgya mtsho 'di ni khros bzhin bdag cag rnams/ /rgya mtsho'i glong gis cig car ril mid bgyid/ /skye bo chab kyi nang du 'gum
 pa 'di/ /khyod kyis yal bar dor bar mi rigs so/ /rgya mtsho 'di yang khyod kyi bka' mi gcog /de bas 'khrugs par gyur pa 'di las zlog /de nas bdag nyid chen po de snying rje chen pos sems gdungs nas tshong pa de dag spro bsring ba'i phyir smras pa/
 'di la yang bdag la bcos su rung ba'i thabs 'ga' zhig yod par mthong ste de re zhig je sbyar bar byas/ /de'i phyir khyed cag re zhig spro bsrings shig ces smras pas/ de nas tshong pa de dag 'di la yang bcos su rung ba'i thabs yod ces zer ro snyam
 nas re thag chad de/ brtan pa rtas bar gyur nas de la yid brton cing kha rog ste 'khod par gyur to/ /de nas byang chub sems dpa' legs par pha rol tu phyin pas bla gos phrag pa gcig tu gzar te pus mo g.yas pa'i lha nga gru bo che la btsugs
 nas lus thams cad kyi btud de/ de bzhin gshegs pa rnams la phyag byas te/ tshong pa de dag la smras pa/ tshong pa khyed rnams dang/ rgya mtsho dang/ nam mkha' la gnas pa'i lha khyad par can rnams gson cig/ bdag ni shes byed tshun chad du/ nam
 yang ched du bsad nas ni/ /srog chags rnams ni gang du yang/ /bsad par bdag ni yod mi dran/ /bden pa'i tshig ni 'di dag dang/ /bdag gi bsod nams mthu dag gis/ /rgya mtsho'i glong du ma song bar/ /gru 'di bde bar slar log shig/ de nas
 bdag nyid chen po de'i bden pa'i byin gyis rlabs kyis mthu dang/ /bsod nams kyi mthus rlung de'i chu'i shugs dang bcas par slar logs pa dang gru de yang slar logs par gyur to/ /gru de de ltar slar log pa mthong nas tshong pa de dag rab tu ya mtshan che zhing yid rab tu
 dga' bar gyur nas legs par pha rol tu phyin pa la phyag 'tshal zhing zhes bskyed de/ gru slar log go slar log go zhes smras so/ /de nas bdag nyid chen po des tshong pa de dag la smras pa/ ba dan myur du tshugs shig ces bsgo ba dang/ de'i las su bskos pa de dang
 rab tu dga' zhing stobs dang spro ba skyes te bsgo ba bzhin du byas so/ /de nas skye bo dga' ba'i sgra 'byin pa/ /ba dan dkar po phyar ba'i 'dab ma mdzes/ /rgya mtsho'i nang du 'dug pa'i gru mdzes pa/ /sprin med mkha' la ngang mo mdzes pa bzhin/ gru de de ltar slar 'og
 ste chu dang rlung mthun par 'bab cing langs pas gzhal med khang mdzes pa'i tshul du rang dgar ni 'gro/ nam sros su nye ba'i mtshams kyi dus ni khad kyis sngo zhing phyogs rnams mun nag gi bla res khebs shing skar ma'i rgyan gyis ni brgyan par snang/ nyi ma nub
 pa'i lam gyi 'od ni cung zad snang/ nam sros pa'i dus la bab pa dang legs par pha rol tu phyin pas tshong pa de dag la smras pa/ kye ded dpon dag 'dam bu'i phreng ba tshun chad kyi rgya mtsho la bye ma dang rdo ba ci mthong ba rnams long la grus ci theg pa/ gru'i nang du
 rdzongs shig/ de ltar byas na gru 'di ljid kyis rnon nas ldog par yang mi 'gyur ro/ /bye ma dang rdo ba 'di dag kyang bkris par bkur ba sha stag yin pas khyed gdon mi za bar rnyed pa grub par 'gyur ro/ /legs par pha rol tu phyin pa la yid dga' zhing gus
 par gyur pa'i lha rnams kyis bstan pa'i gling rnams las/ /de dag gi bye ma dang rdo ba yin snyam pa'i blos baiDUrya la sogs pa rin po che rnams blangs nas gru bo che'i nang du brdzangs so/ /de nyid kyi mtshan mo la gru de yul b+ha ru kad tshar phyin to/ /de nas nang par
 dngul dang inda rnyil/ baiDUrya dang gser gyi gru bkang ste/ /de dag bdag yul chu 'gram phyin gyur nas/ /rab dga' byams pas de la mchod pa byas/ /de bas na de ltar chos la gnas na bden pa'i tshig tsam gyis kyang ma rungs par
 'gyur ba las thar bar 'gyur na/ de'i 'bras bu lta smos kyang ci dgos/ /de bas na chos kyi rjes su 'jug par bya'o/ /dge ba'i bshes gnyen brten na de ltar bde ba thob par 'gyur bas na dge ba'i bshes gnyen la brten pa'i yon tan bsngags pa
 yang brjod par bya'o/ /legs par pha rol tu phyin pa'i skyes pa'i rabs te bcu bzhi pa'o// //tshul khrims dang ldan pa rnams ni tshe 'di nyid la yang dge ba'i bsam pa grub par 'gyur na tshe rabs gzhan la lta smos kyang ci
 dgos/ de bas na tshul khrims rnam par dag pa la 'bad par bya'o/ de yang 'di ltar byang chub sems dpa' i re zhig cig mtsho mi che ba me tog ka la ltar dang/ pad+ma dmar po dang/ pad+ma dkar po dang/ utpal rnams kyis chu bzang pos brgyan pa/ ngang
 pa dang/ bya ka lan+ta ka dang/ dur pa shugs tu 'grogs pa rnams kyis mdzes par byas pa/ chu 'gram na shing ljon pa dang/ me tog mang po yod pa zhig na nya'i rgyal po zhig tu gyur to zhes grag go /tshe rabs mang por gzhan gyi don spyod pa la goms
 par byas pas de na gnas pa'i tshe yang gzhan la phan pa dang bde ba byed pa 'ba' zhig tu gyur to/ /dge dang mi dge'i las rnams goms byas na/ /mi rnams la ni 'dris pa nyid du gyur/ /de lta bu dang ched du ma bsgribs kyang/ tshe rabs gzhan la rmi
 lam bzhin du spyod/ /sems dpa' chen po de nyid rnams la bdag gi bu sdug pa bu rnams la byams pa bzhin du sbyin pa dang tshig 'jam po dang/ don spyod pa la sogs pa'i rim pas rab tu phan 'dogs par gyur to/ /phan tshun gnod pa byed
 las rab tu zlog/ gcig la gcig ni byams pa rab tu bskyed/ /thabs la mkhas shing rim pas de dag la/ /nya yi chos tshul rab tu rjod par byed/ /de yis de dag legs par bskyangs pas na/ /nya rigs de dag rab tu dar bar gyur/ /mi yi bdag po tshul
 bzhin spyod ba yis/ /'bangs rnams bskyangs pas gnod pa med pa bzhin/ /de nas re zhig cig sems can rnams skal ba med par gyur pa dang/ char 'bebs pa'i lha'i bu rnams bag med par gyur pas char legs par ma bab par gyur to/ /de ltar
 char legs par ma bab pa dang mtsho de me tog rgyas pa dkar po dang ldan pa'i chu gtsang mas sngon bzhin du gang bar ma gyur to/ /de nas rim gyis dpyid kyi dus la bab pa dang/ ngal zhing le lo'i dbang gis dbul bar gyur pa 'dra ba'i nyi ma'i 'od zer rno
 zhing tshabs sa gzhi mngon par gdungs zhing 'bar bar gyur pa'i rjes su 'brang ba'i rlung skom pa'i dbang gis bsil bar 'dod pas nyin re zhing 'thungs pa bzhin du mtsho de lteng ka bzhin du gyur te/ /dpyid kyi dus kyi nyi ma 'bar ba dang/ 'bar ba'i rjes
 'brang rlung ni drag po dang/ /rims nad gdungs 'dra'i sa gzhi tsha ba yis/ /khros pa bzhin du chu ni bskams par byas/ /de nas byang chub sems dpas nya mang po rnams khwa rnams kyis kyang glags lta bar gyur na chu 'gram rgyu ba'i bya rnams kyis lta smos kyang
 ci dgos te/ dpa' gong zhing mi dga' ba'i dbang du mi gyur/ /cung zad 'gul nus pa tsam la bltas nas snying rje bzhin du bsams pa/ kye hud kye nya 'di rnams ni ma rungs par gyur gyis med do snyam nas/ /chu yang nyin re bri par 'gyur/ /tshe zad pa dang 'gran
 pa bzhin/ char sprin 'du bar gyur pa yang/ /da cung rab tu dka' ba 'dra/ /bros te 'dod pa'i lam yang med/ /gzhan du khyer ba 'ang su yang med/ /bdag cag brlag par dga' ba yi/ /nged kyi dgra yang de'u re 'ong/ /chu yi lhag ma 'di bskams na/ /gdon
 mi za bar g.yo bzhin yang/ /bdag gi mngon sum mthong bzhin du/ /dgra rnams kyis ni zos yang dag/ de la 'dir ji ltar byas na rung snyam du bdag nyid chen po des rnam par brtags na/ bden pa'i byin gyis rlabs 'ba' zhig gis
 phongs pa la phan thogs par mthong ngo/ /snying rjes kyang sems gdungs pas shugs nar zhes phyung ste gnam du bltas nas smras pa/ rab tu phongs par gyur kyang bdag gis ni/ /bsams bzhin srog chags bsad pa mi dran te/ /bden pa 'dis ni
 lha yi rgyal po rnams/ /char pa 'bengs shing mtsho ni gang bar gyur/ /de nas bdag nyid chen po de yis bsod nams bsags pa'i yon tan dang/ bden pa'i byin gyi rlabs kyi mthu dang/ de la dga' bar gyur pa'i lha dang klu dang gnod sbyin rnams kyi
 mthus dus ma yin pa'i sprin chus gang ba'i gzugs can rnams sgra snyan pa zab mo ni sgrog/ glog 'gyu bas ni brgyan/ sprin mgo sngon po rgya chen po rab tu phro ba ni kha glal ba bzhin/ /sprin gyis rtse mo phan tshun du 'dus pa ni lag pas 'khyud pa
 'dra ba sprin nag po rnams byung bar gyur to/ /nag po'i sprin rnams ri bo'i grib ma bzhin/ /phyogs kyi thag gu'i tshad ni 'jal ba 'dra/ /sprin mgo nag pos mun nag spel ba bzhin/ /me long nang bzhin nam mkha' i dkyil na mdzes/ /rma bya rab dga' ze ba
 'brel pa rnams/ /glu gar mdzes pas rab tu bstod pa bzhin/ /sprin tshogs de dag dpa' bo dgod pa bzhin/ /rgyun chags zab mo'i sgra 'byin rnam par mdzes/ /de yis char phab ma tig gtor ba bzhin/ /chu rgyun bab pas rdul rnams rab tu zhi/ /char
 sprin las pa'i rlung gis rnams bskyod pas/ sa gzhi dri zhim dang kyis khyab par gyur/ /dpyid kyi dus la bab pas rnam spel kyang/ /nyi ma'i 'od zer snang ba med par gyur/ /dbu ba'i phreng ba 'khrigs pas bskor ba yi/ /chu rnams shong bu dma' bar
 'bab par gyur/ /'brug gi rnga sgras rab tu dgar gyur nas/ /glog phran 'gyu ba bro gar byed pa bzhin/ /yang dang yang du gser 'od gsal ba yi/ /'od zer phreng bas phyogs rnams khyab par gyur/ /de nas char pa'i rgyun mdog skya bo kun tu khyab par bab pas mtsho
 gang bar gyur te/ char gyi rgyun bab ma thag tu bya ba la sogs pa bya mang po rnams ni byer/ /nya mang po rnams ni gson du re ba'i bsam pa grub cing rab tu dga' bar gyur pa dang/ byang chub sems dpa' snying rab tu dga' bar gyur kyang char chang du dogs nas yang
 chang sprin la smras pa/ char sprin 'brug sgra zab cing brtan pa sgrogs/ /khwa rnams rab tu dga' ba med par mdzod/ /glog rgyun 'bar ba rgyu ba'i 'od zer bzhin/ /char pa'i rgyun rnams rin chen 'dra ba phob/ /lha'i dbang po brgya byin gyis tshig de thos nas yid la ya
 mtshan rab tu che bar gyur te/ de'i drung du mngon sum du 'ongs nas mgu bar byas te smras pa/ char sprin 'brug sgra snyan pa rab sgrog cing/ /bum pa btud pa bzhin du gang 'babs pa/ /'di ni nya dbang mthu chen khyod nyid kyi/ /bden pa khyad par can gyi mthu yin te//
 'jig rten don la brtson par gyur pa'i yid/ /skyes bu khyod lta bu yi spyod pa la/ /dam grogs bya ba bdag gis ma byas pas/ /bdag gis bag med 'khrul pa mtshar cig byas/ /sgyes bu dam pa'i grogs ni bdag bgyid kyis/ /de ring slan chad de ltar khyod
 ma dgongs/ /yul phyogs 'di yang khyod kyi yon tan gzhis/ /slan chad 'di ltar phongs par yang mi 'gyur/ /de ltar tshig snyan pas mgu bar byas nas de nyid du mi snang bar gyur to/ /mtsho de yang chus gang zhing rab tu 'byor bar 'gyur to/ /de ltar na tshul
 khrims dang ldan pa rnams ni tshe 'di nyid la yang dge ba'i bsam pa 'grub par gyur na tshe rabs gzhan la lta smos kyang ci dgos/ /de bas na tshul khrims rnam par dag pa la 'bad par bya'o/ /nya'i skyes pa'i rabs te bco lnga pa'o// //
 bden pa'i tshig bsgom na me yang 'da' bar byed mi nus so/ /de bas na bden pa'i tshig la brtson par bya'o/ /de yang 'di ltar byang chub sems dpa' dgon pa'i gnas shig na/ bya sreg pa'i phrug gu zhig tu gyur to zhes grag go/ de yang
 sgo nga'i spubs nas byung bas zhag grangs mang po ni ma lon/ /spu gsar pa ni gdong skye/ /rab tu ring bas yan lag dang/ nying lag gi phyogs rnams ni gsal bar mngon/ pha ma gnyis kyi rtswa dang ldum bu sdug po'i nang du tshang bcas pa'i nang na phrug
 gu mang bo'i spun dang lhan cig tu 'khod do/ /de lta bu'i gnas skabs na yang chos kyi 'du shes ma nyams pa'i phyir pha ma gnyis kyis nyod par srog chags khyer te 'ongs pa ni zar mi btub kyi/ /gang rtswa'i sa bon dang shing n+ya gro d+ha'i 'bras bu khyer te
 'ongs pa de 'ba' zhig za ste/ pha ma gnyis kyis kyang de 'ba' zhig gis gsos so/ /de kha zas rtsub cing chung ba des lus rtas par ma gyur cing 'dab shog kyang ma rdzogs so/ /bya sreg pa'i phrug gu gzhan rnams ni kha zas ci 'ongs pa zos pas mthu
 che shing 'dab shog rnams kyang rgyas par gyur to/ /'di ni chos nyid yin te/ 'di ltar chos dang chos min mi 'dzem zhing/ /thams cad za ba bde bar gnas/ /chos dang ldan pa'i tshul 'dod na/ /cho ga'i zas za bzhin du sdug/ bcom ldan 'das kyis
 kyang/ /ngo tsha mi shes pa ni bde bar 'tsho'i zhes tshigs su bcad pa gnyis gsungs te/ de yang 'phags pa gnas bstan pa'i gzhung las 'byung ba/ brkam zhing bya rog ltar dpa' ba/ ngo tsha med pa legs par 'tsho/ /brnab cing spyi brtol che ba yi
 'tsho ba shin tu nyon mongs ldan/ /rtag tu skyon med tshol ba dang/ /zhum zhing bag dang bcas pa dang/ /'tsho ba skyon med lta ba dang/ /ngo tsha shes pa'i 'tsho mi bde/ /de dag gi gnas dang mi ring ba zhig na nags tshal me chen pos tshig ste/ 'jigs su
 rung ba'i sgra ni 'ur 'ur zer/ /dud pa'i tshogs ni 'khyil me lce g.yo ba khrigs shing me stag ni rnam par 'phro/ /nags tshal na rgyu ba rnams ni skrag par byed pa/ nags tshal stug po rnams ni 'jig par byed pa zhig byung bar gyur to/ /de ni rlung gis bskyod pas rnam par
 'phro/ /me lce 'khrug pa'i lag pa gar mdzes byed/ /dud pa 'khrigs pa'i skra ni gsig pa bzhin/ /sgra dang bcas pas de dag 'jigs pa bskyed/ /drag po'i rlung gis bskyod pas rab tu g.yos/ /nags tshal rtswa rnams 'jigs pa nyen pa 'dra/ /me de rngam pa bzhin du
 mngon par 'ongs/ /me stag 'phro ba mang pos khyab par sreg /bya tshogs mang po sgrag nas rab tu 'byer/ /ri dwags 'jigs pas dkyu zhing kun tu 'bros/ /dud pa'i nang na me sgra drag po grag/ nga yis skrag nas nags tshal du ba 'dra/ /me de rlung drag pos 'das pas gnod pa
 bzhin du rtswa stug po la mched nas de dag gi tshang dang nye bar 'ongs so/ /de nas sreg pa'i phrug gu 'jigs shing skrag pa'i 'khrug pa'i sgra mi snyen pa 'byin cing gcig la gcig mi lta bar rtabs bzhin du 'phur ste dong ngo/ /byang chub sems dpa' ni nyam chung ba dang 'dab
 shog ma rdzogs pas 'phur bar ma stsal to/ /byang chub sems dpa' chen po de dag gi mthu stobs shes bas ma 'khrul pa nyid du me de brtsan thabs su 'ongs pa 'dra ba la tshig 'jam pos smras pa/ bdag gi rkang pa ming don med cing 'dab ma med/ /bdag gi
 pha ma gnyis kyang khyod kyis skrag nas byer/ /khyod la 'gron byar rung ba'ang 'di na ci yang med/ /de bas me khyod 'di nas slar ni ldog pa'i rigs/ /sems dpa' chen po des bden pa yongs su bsgoms pa'i tshig gis de skad smras pa dang/ rtswa rnams tshang tshing skam po
 'dab chags la/ /me de rlung gi rab tu sbar gyur kyang/ /'bab chu klung chen 'brug dang phrad ba bzhin/ /de yi tshig de thos ma thag tu zhi/ /deng sang du yang gangs ri khrod nas sa phyogs der/ /dgon pa'i me lce rlung gis bskyod de dgod pa yang/ /mgo mangs sbrul ni sngags
 kyis btab ste bzlog pa bzhin/ /me lce g.yo ba ngan zhing zhi bar 'gyur zhes grag/ de ci'i phyir 'di bstan ce na smras pa/ rgya mtsho'i dus rlabs rab tu g.yo ba'i gdengs can dang/ /bdag la phan 'dod thub dbang bstan pa'i bslab pa bzhin/ /bden pa'i
 bdag nyid can gyis gang dag bsgo ba na/ /me yang mi 'da' de bas bden pa mi btang ngo/ /de ltar bden pa yongs su bsgoms pa'i tshig ni mes kyang 'da' bar mi nus te/ de bas na bden pa'i tshig la brtson par bya'o/ /de bzhin gshegs pa'i yon tan bsngags pa la
 yang brjod par bya'o/ /bya sreg pa'i skyes pa'i rabs te bcu drug pa'o// //chang 'thung ba ni nyes pa du ma 'byung zhing shin du ma rungs par 'gyur ba'i phyir dge ba rnams ni gzhan dag kyang 'di las zlog par byed na bdag nyid lta smos kyang ci dgos/ /de yang
 'di ltar byang chub sems dpa' snying rje chen po yongs su bsgoms pa'i blo can/ gzhan la phan zhing bde ba byed pa la dga' ba/ sbyin pa dang dul ba dang zhi ba la sogs pas bsod nams spel ba nyams su len pa de re zhig cig lha rnams kyi dbang po brgya byin du gyur
 to zhes grag go/ de lha'i longs spyod kyi bde ba rnams phun sum tshogs kyang snying rje'i dbang du gyur kyang 'jig rten gyi don bya ba la brtson pa lhod par ma gyur to/ /'jig rten yongs kyis phal cher dpal ldan na/ /chang gis myos bzhin bdag gi don kyang 'dor/ /bag yod
 rnams ni gzhan gyi don la yang/ /lha dbang dpal dang ldan yang des mi myos/ /sdug bsngal mang bos gdungs pa'i sems can la/ /gnyen bshes sdug pa rnams la byams pa bzhin/ /brtan zhing dpal gyis rang bzhin shes pa na/ /de ni gzhan gyi don spyod yod mi
 brjed/ /de nas re zhig bdag nyid chen po de mi yi 'jig rten nyul ba'i tshe snying brtse ba dang byams shing mthu che ba'i mig gis mthong ba ni thams cad kyi mdza' bo zhes bya ba'i rgyal po zhig mi dge pa'i bshes gnyen la brten pa'i skyon gyis blon po dang 'bangs su bcas
 par chang 'thung ba la dga' bar gyur te/ de la skyon du yang mi lta bar gyur pa la/ chang 'thung ba yang skyon che bar mthong nas bdag nyid chen po de snying rje chen pos snying mi dga' bar gyur te bsams pa/ kye ma'o 'jig rten 'di dag ni rab tu ma rungs par gyur cing 'khod do/ snyam
 nas/ 'thungs na thog mar rab tu zhim/ /skyon du lta ba rmongs par 'gyur/ /legs par 'gyur ba med par byas/ /log pa'i lam ni bzang po bzhin/ /de la 'dir ji ltar byas na rung snyam pa dang/ mthong ba yod do snyam nas/ gtso bor gyur pa rnam pa gang spyod pa/ /skye bo
 rnams kyang de yi rjes su 'jug/ de bas 'dir ni rgyal po nyid bcos na/ /'jig rten dag na dge sdig de las 'byung de ltar rnam par nges par phyes nas sems dpa' chen po de gser btso ma'i mdog ltar yid du 'ong ba/ skra'i thor tshugs cung zad rtsub pa khyil ba can/ /shing
 gi shun pags dang/ ri dwags a dzi na'i pags pa gyon pa/ tshangs pa'i lus gzi byin dang ldan pa zhig tu mngon par sprul nas/ chang gis gang ba'i bum pa ha cang mi che ba zhig ni lag pa g.yon pa na thogs te 'ongs pa dang/ de nas thams cad kyi mdza' bo'i rgyal po
 'khor gyi nang du 'dus te/ chang dang sbrang chang dang/ bu ram shing gi chang dang/ chang bcos ma dang/ rgun chang gi gtam gyi skabs gleng bslang ba'i tshe mdun gyi nam mkha' la byung ste 'dug par gyur to/ /de nas skye bo de dag ngo mtshar che zhing rab tu gus pas langs te
 thal mo sbyar nas rim gro skyed pa dang/ char sprin 'brug sgra zab mo'i sgra 'byin pa bzhin du gsang bstod de smras pa/ me tog phreng ba mgul na bkod/ /mgrin pa man chad rab tu gang/ /bum pa rgyan gyis brgyan pa yi/ /bum pa 'di ni su nyo 'dod/ /me tog phreng
 bas gdu bu btags pa bzhin/ /bum pa'i kha rgyan ldum bus brgyan pa dag/ rlung gis bskyod pas rab tu g.yo ba yi/ /bum pa 'di ni rim gyis su nyo 'dod/ de nas de la rgyal po de ya mtshan dang ngo mtshar cher gyur te rab tu gus par lta zhing thal mo
 sbyar nas smras pa/ gzi chen nyi ma 'char 'dra mdzes pa zla ba bzhin/ /khyod kyi sku tshe thub pa 'ga' zhig lags pas gda' / /de nas 'jig rten kun gyis 'tshal bar gsung ba yi/ khyod kyi yon tan mtshar cig mchis par bdag cag re/ /brgya byin
 gyis smras pa/ nga ni su yin phyis kyang shes 'gyur gyis/ /khyed cag 'jig rten gzhan la mi 'jigs shing/ /tshe 'di la yang brlag pas mi 'jigs na/ /bum pa 'di ni nga las nyo bar gyis/ /rgyal pos smras pa/ e ma'o khyod kyi tshong zod btsong ba 'di ni sngon ma byung
 ba zhig go/ 'jig rten na ni tshong zod rnams/ /ga la na yang yon tan brjod/ /nyes pa'i skyon ni bcab pa yin/ /tshong zod btsong ba de ltar grags/ /brdzun du smra bas 'jigs pa rnams/ /khyod lta bu yi tshul 'dzin te/ dge ba rnams ni bden pa dag/ phongs par gyur  
 kyang mi gtong na/ /bum pa 'di ni ci yis gang/ /khe spogs chen po ci yod na/ /khyod lta bu yang nged la tshong/ /bdag nyid chen po de smos shig/ brgya byin gyis smras pa/ rgyal po chen po gson cig/ 'di ni chu dang zho dang ngar ba 'am mu stegs chu yi gang ba min/
 ge sar dri zhim khu ba'i chang dang mar gyis gang ba'ang ma yin la/ /ku mu da dang sprin med zla 'od 'dra ba'i 'o mas gang ba 'ang min/ sdig pa'i rang bzhin can gyis gang ba'i bum pa 'di yi yon tan nyon/ /gang zhig 'thungs na ra ro song nas gom pa dbang med
 'dor zhing 'gro/ yul phyogs ma 'bris par yang 'khyam zhing rtog 'chos dran pa nyams par gyur/ /bza' dang mi bza' dpyad pa med par de dang de dag zar 'gyur ba/ /de dang de yis rab tu gang ba'i bum pa thang shal 'di nyos shig/ gang gis bdag gi sems
 la dbang med blo nyams rnam par 'khyam/ /phyugs dang 'dra bar blun cing dgra bos 'phyangs kyang byas par 'gyur/ /gang gis mdun sar gar byed 'gyur zhing rang gi 'khar rnga brdung/ /dge ba med pa bum pa'i chang 'di khyed kyi nyo ba'i rigs/ /'thungs na gang gis
 bdag gi ngo tsha 'os par 'dor/ /gos dang bral zhing gcer bur byung yang mi dgar med/ /grong khyer skye bo mang po'i lam du yid rton 'gro/ bum pa 'dir ni btsong par 'os pa 'dir blugs so/ /gang 'thungs na ni skyugs pa'i zas kyis gos 'gyur zhing/ /khyi yis kha yang  
 dwogs pa med par bldags par 'gyur/ /dran pa med par lam po che na'ang nyal bar 'gyur/ /btsong na brim pa de ni bum pa 'dir blugs so/ /gang zhig 'thungs na myos te dbang med par/ /pha ma dag kyang shing la 'ching bar byed/ /nor gyi bdag po dag kyang khyad du
 gsod/ /phan rlag de ni bum pa 'dir blugs so/ /gang zhig 'thungs na myos pa dran rlag ste/ /'dri na anda dag kyang dam byung nas/ /dbyug chen thogs te phan tshun thal mar phyung/ /myos 'gyur 'di ni bum pa 'dir blugs so/ /gang la chags na dpal gyi gzhir
 gyur rigs/ /je mtho je mthor 'gyur ba 'ang brlag par 'gyur/ /nor gyi dbyig ldan rigs kyang phyung 'gyur ba/ /btsong rgyu 'di ni bum pa 'di ni 'dug/ /glo bur du zhing 'dug la dgong cing ma nges smra/ /gdon gyis zin pa bzhin du mig ni mchi mas gang/ /smad cing brnyas
 par 'gyur ba'i gnas su nges par 'gyur/ /blo nyams 'gyur pa de ni dum pa 'di na yod/ /rgas par gyur kyang gang gis sems nyams shing/ /bdag la phan pa'i lam du mi 'jug la/ /ma brtags mang du smra bar nges 'gyur ba/ /btsong rgyu 'di ni bum pa
 'di na yod/ /gang gi nyes pas sngon gyi lha rnams myos/ /lha'i rgyal pos dpal ni mnyams byas nas/ /skyabs 'dod phyir ni rgya mtsho'i nang du gab/ /de yis gang ba'i bum pa 'di nyos shig/ mi bden pa yang mi bden bzhin du ngo 'thon smra/ /mi bya ba yang bya ba
 bzhin du dga' bzhin byed/ /gang gi lan gyis yod med phyin ci log tu shes/ /de ni dmod pa'i lus bzhin bum pa 'di na 'dug/ myos 'gyur rig sngags sdug bsngal rgyur 'gyur ba/ /sdig pa'i ma mo byung ngan mngon sum bzhin/ /rtsod pa'i lam dang tha
 dad ma yin pa/ /snying gi mun pa mi bzad de nyos shig/ gang gis blo ni rab tu nyams gyur nas/ /pha ma nyes pa med pa'ang gsod 'gyur zhing/ /bde la ma chags dka' thub can yang gsod/ /gtsong ba'i cho gas rgyal la phul ba zhes/ /mi
 yi bdag po chang 'di de 'dra yang/ /'jig rten na ni lha zhes rab tu grags/ /yon tan la ni gang dag mi dga' ba/ /de dag chang 'di nyol 'bad par gyis/ /gang zhig bstan na ngan pa spyod par 'gyur/ /rab tu 'jigs pa'i sems can dmyal bar ltung/ /dud 'gro'i
 gnas dang yi dwags dbul 'gyur ba/ /mthong bar 'dod pa'ang de ni su zhig yod/ /chang de nyung du 'thungs kyang rnam par smin pa ni/ /mi yi gnas su skyes kyang tshul khrims lta ba nyams/ /gang gis phyis kyang mnar me 'bar bas sreg par 'gro/ yi dwags yul
 dang dud 'gro dman par 'gyur/ /tshul khrims nyams bar 'gyur zhing gtam ngan mngon du 'byung/ /ngo tsha med cing blo gros dri ma can du 'gyur/ /gang zhig 'thungs na yon tan de dang de dag nyams/ /de bas rgyal po khyod kyi chang btung ga la rigs/ /de nas rgyal po de
 snying la 'bab pa'i tshig rnams kyis chang 'thung ba'i nyes pa khong du chud par byas pa dang/ /chang 'thungs pa la ma chags shing zhen pa med par gyur nas/ brgya byin la 'di skad ces smras so/ /byams pa'i pha ma'am dul bas nyes byas bla ma bzhin/ /tshul dang
 tshul min mkhas pa'i thub pas smras pa bzhin/ /khyod kyis bdag la phan phyir legs par gdams pa de/ /spyod pas nyams su blangs te tshul bzhin mnyes par bgyi'o/ /legs par smras pa'i lam du mchod pa 'di dag las khyod kyis bzhes
 pa'i rigs so/ /yul gru chen po lnga yang khyod la dbul/ /bran mo brgya dang ba bzhon lnga brgya dbul/ /rta mchog sbyar ba'i shing rta 'di bcu bzhes/ /bdag gi bla ma phan pa ston bar gyur/ /gzhan yang bdag gis gang dang gang bgyi ba 'dir spring zhing
 slan chad kyang bdag la spyan ras kyis btsar gsol/ /brgya byin gyis smras pa/ yul gru mchog la sogs pa nga mi 'dod/ /lha dbang yin na rgyal pos shes par byos/ /lha dbang dpal yang nga la dgos pa med/ /phan par smra la mchod par bya ba ni/ /bsgo ba'i tshig
 bzhi nyams su len pa yin/ /grags dang dpal gyi lam ni 'di yin te/ /tshe rabs gzhan la bde ba de yang 'thob/ /de bas chang la chags pa rab spongs la/ /chos la gnas pas de yi yul la bsten/ /de skad ces smras nas/ brgya byin de nyid du mi snang bar gyur
 to/ /rgyal po de yang blon po dang 'bangs su bcas par chang mi 'thung bar gyur to/ /de ltar na chang 'thung ba ni nyes ba du ma 'byung zhing shin tu ma rung bar 'gyur ba'i phyir dge ba rnams ni gzhan dag kyang 'di las zlog par byed na bdag nyid lta smos kyang ci dgos
 bcom ldan 'das de tshe rabs snga ma la yang 'jig rten la phan pa 'ba' zhig mdzad pa'o zhes de bzhin gshegs pa'i yon tan bsngags pa la yang brjod par bya'o/ /bum pa'i skyes pa'i rabs te bcu bdun pa'o// //khyim na
 gnas pa ni tshul khrims kyi gnyen por 'gyur zhing gnod pa'i phyir bdag la phan par 'dod pa rnams khyim na gnas pa yongs su gtong ngo/ /de yang 'di ltar byang chub sems dpa' re zhig cig rgyal rigs phyug po'i rigs 'tsho ba'i tshul dang spyod pa phun 
 sum tshogs pa/ cho rigs mthon po la dga' ba rnams kyis gnyen bya bar gsol ba btab pa/ dge sbyong dang bram ze rnams kyi re ba'i gnas su gyur pa/ bang mdzod rnams ni gnyen bshes dang thun mong du spyod pa/ phongs shing slong ba rnams ni mngon par
 'khor ba/ lag bzo rnams kyi 'tsho ba'i gnas su gyur pa/ dpal gyi gzhir gyur pa/ rgyal pos bkur sti bya zhing phan gdags par gyur pa 'jig rten pas mngon par bkur ba'i khyim zhig tu skyes par gyur to zhes grag go/ de'i rim gyis nar son par gyur 
 pa dang 'ji rten pas bsngags pa'i rig pa'i gnas rnams ni bslabs/ /sgyu rtsal gyi thabs rnam pa sna tshogs la ni blo gsal bar gyur/ lus byad bzang po skye bo'i mig tu sdug pa dang chos dang mi 'gal bar 'jig rten gyi tshul la mkhas
 pas 'jig rten pa rnams kyi nang mi bzhin du snying la chags par gyur to/ /nang mi rnams ni nang mi zhes/ /lhag par dga' bar 'gyur ba med/ /phyi mi rnams kyang phyi mi zhes/ /nang mi dag kyang gzhan du min/ /skyon dang yon tan la brtags nas/ /nang mi'am
 yang ni phyi mi 'ang rung/ /'jig rten na ni bkur sti dang/ /smad par bya ba'i las su 'gyur/ /sems dpa' chen po de sngon rab tu byung ba la goms par byas pas/ khyim na gnas pa tshol ba'i sdug bsngal dang/ /chos dang 'gal bar rab tu shes gyur cing/ /dka' 
 thub nags tshal bde 'byung gnas rig nas/ /khyim gyi bde la yid ni chags ma gyur/ /de pha ma gnyis tshe 'das pas snying mi dga' bar gyur te/ khyim rdzas dang dbyig brgya stong du ma yod pa la yang gnyen bshes dang/ dge sbyong dang/ bram ze dang/ phongs pa dang/
 slong pa rnams la ji ltar rigs par byin nas rab tu byung bar gyur te/ /de rim gyis grong dang ljongs dang pho brang 'khor du rgyu zhing song song ba las/ grong khyer zhig tu brten te nags tshal gyi gnas shig tu gnas par gyur te/ /de bsam gtan gyi yon tan la
 goms pas tshul bcos pa ma yin par dbang po rang bzhin gyis dang ba dang/ ma khengs pa dang/ rnyed pa la re ba'i brkam pa dang zhum pa med pa dang/ dul zhing gzi byin che ba dang/ ji ltar rigs par 'jam por smra zhing gsal ba dang/ chos dang chos ma yin
 pa rab tu 'byed pa la mkhas pa dang/ rna ba dang snying tshim par byed pa'i tshig mkhas pa dang yin par mngon par smra ba dang/ rab tu byung ba'i spyod tshul bzang po dang/ ya rabs rnams dga' ba'i spyod pas de na yang rab tu grags par gyur to/ /skye bo rtog spyod
 can rnams kyis kyang de tshe rigs btsun pa las rab tu byung bar shes nas/ de na 'jig rten pa rnams kyis bkur sti cher byas par gyur to/ /rigs dang gzugs kyi yon tan las/ /yon tan rab tu brjid par 'gyur/ /sa gzhi rab tu bzang po la/ /zla ba'i 'od
 zer shar ba bzhin/ /de nas der 'ongs par de'i pha'i mdza' bos shes nas de'i drung du 'ongs te yon tan brjod cing gus par nad dris nas/ de la bdag de'i pha'i mdza' bo yin par yang shes par byas te gtam gyi gleng bslangs nas de la tshig 'jam por smras
 pa/ na tshod 'di tsam la cho rigs la yang mi lta bar 'di ltar rab tu byung ba ni btsun pa khyod kyis mi brtan pa bzhin du byas so/ /khyim na 'dug gam dgon par song yang rung/ /legs par sgrub pas chos ni mnyes 'gyur na/ khyim bzang dpal dang ldan pa
 bor nas ni/ /ci phyir khyod blo dgon par dga' bar gyur/ /gzhan gyi drid la bltos shing slong mo spyod/ /ngan pa bzhin du skye bo rnams kyis smad/ /ngan pa'i gos gyon gnyen bshes rnams dang bral/ /bas mdza' i la na lus ni bsgyur te bor/ /dbul po'i lus
 ni nye bar blangs pa bzhin/ /khyod kyi gnas skabs 'di la bltas na ni/ /dgra yi mig kyang mchi mas gang 'gyur na/ mya ngan dbang du ji ltar ma gyur gyi/ /de bas khyod kyi pha yi khyim du song/ /thos pa'i don ni khyod kyis yod par byas/ /bu mchog khyod kyis der
 ni gnas bcas nas/ /chos dang yid la bsams pa grub par gyis/ /'jig rten na yang 'di skad du grags te/ gzhan gyi las byed pa dag kyang/ /bdag gi khyim ni ro gnas bde/ /'byor ba'i dpal ni 'bar 'gyur pa/ /bde ba thob pa smos ci
 dgos/ /de nas byang chub sems dpa' dben pa na gnas pa bde ba'i bdud rtsis blo goms par byas pas snying de la gzhol bar gyur pa/ khyim na gnas pa dang nags tshal na gnas pa'i bye brag shes par gyur pa/ lto 'drangs zin pa la kha zas kyi
 gtam zer ba yid du mi 'ong ba bzhin du 'dod pa la stobs pa yid du mi 'ongs par gyur nas smras pa/ khyod kyi tshig 'di byams pa yis/ /smras pas nyes pa chung mod kyis/ /btson ra 'dra ba'i khyim la ni/ /nams kyang bde bar ma sems shig /
 phyugs gam yang na dbul yang rung/ /khyim na gnas pa nang du che/ /gcig ni bsrung bas nyon mongs la/ /gnyis pa tshol bas sha thang ngo/ phyug gam yang na dbul yang rung/ /gang yang bde ba med gyur pa/ /de la dga' bar rmongs pa ni/ /sdig pa'i 'bras bu
 smin pa nyid/ /khyim na gnas pas kyang chos 'di brnyes par byar rung ngo zhes gang zer ba de yang khyim ni chos kyi snying po dang 'dom pa dang/ las su bya ba mang ches pas rab tu dka' o/ /khyod ltos shig khyim gyi so nam bya na ni/ /brdzun du mi smrar mi rung zhing/ /pha
 rol nyes pa byed pa la/ /nan tur mi byar mi rung ngo/ /de lta bas na skye bo 'di dag khyim gyi bde ba la snying chags nas de sgrub pa la 'bad pa ni/ /gal te chos spyad khyim gyi so nam 'chor/ /khyim la phyogs na chos kyang ga la 'grub/ /chos kyi lam ni rab tu zhi ba
 yin/ /khyim gyi don ni drag shul can gyis 'grub/ /de bas chos dang 'gal ba'i skyon yod phyir/ /bdag la phan 'dod su zhig khyim na gnas/ /chos ni bde la chags pa spong ba yin/ /bde ba 'grub pa'ang nges par yod ma yin/ /gdon mi za bar grags pa med
 par 'gyur/ /yid la gdung ba skye zhing ngan 'gror ltung/ /de bas chos dang 'gal ba bde ba'i thabs/ /tshul la mkhas pa rnams ni mi sgrub bo/ /gzhan yang khyim na gnas pa bde'o zhes bya ba 'di yang dad pas yid ches par bya ba yin par bdag gis ma mthong
 ngo/ /bsgrub cing bsrung la sogs par sdug bsngal des/ /bcing zhing bsad pa'i sdug bsngal gzhir gyur pa/ /rgyal po dag kyang 'byor bas chog mi shes/ /'bab chu 'bab pas rgya mtsho mi gang bzhin/ /yongs su rtog pa'i dbang du ma gyur na/ /'di la ji
 ltar nam zhig ga la bde/ /rmongs pas 'dod chags nye bar spyod pa yang/ /rma g.ya' phrugs pa'i bde ba bzhin du zad/ /gzhan yang phal cher ni 'di lta bu yin no/ /khyim ni 'byor na phal cher rgyags par 'gyur/ /rigs btsun nga rgyal che zhing stobs kyis snyems/
 sdug pa khro zhing rgud na zhum par 'gyur/ /de na nam zhig rab tu zhi bar 'gyur/ /de bas na 'dir btsun pa khyod la gdams ngag tu bya ba ni/ /dregs dang nga rgyal gti mug sprul gyi tshang/ /rab tu zhi la dga' ba'i bde 'jig pa/ /sdug bsngal mi bzad mang po'i gnas
 gyur khyim/ /khung dang 'dra bar su zhig gnas par byed/ /skye bo cho ga shes rnams kyi khyim/ /rab tu bde ba dben pa'i tshal/ /ji ltar sems ni dgar 'gyur ba/ /de 'dra lha mi yul na'ang med/ /de bas tshal na ngan pa'i gos gyon te/ /gzhan gyi dring la 'jog cing 'tsho
 yang rung/ /bdag la phan 'dod dug can mi za bzhin/ /chos min 'dres pa'i bde ba mi 'dod do/ /de ltar ngas yid du 'ong ba'i tshig gis pha'i mdza' bo yid ches par byas pa dang/ sems dpa' chen po de la rab tu gus shing bkur sti bya ba khyad par can gyis rab
 tu mgu bar byas so/ /de lta bas na khyim na gnas pa'i tshul khrims dang rab tu zhi ba'i gnyen por gyur pa la gnod pa yin pas bdag la phan par 'dod pa yongs su gtong ngo/ /rab tu dben pa'i ro myong na 'dod pa las slar ldog go zhes rab tu dben pa'i
 gtam bya ba la yang sbyar bar bya'o/ /rgyal rigs phyug po'i skyes pa'i rabs te bco brgyad pa'o// //skyes pa'i rabs kyi rgyud bam po drug pa/ /rab tu dben pa'i bde ba'i ro myong ba rnams ni 'dod pa la 'phyas kyi gnas dang gnod
 ba lta bur mi mthun par sems so/ /de yang 'di ltar byang chub sems dpa' re zhig cig bram ze'i rigs chen po yon tan gyi grags pa rgyas pa/ 'phyas su bya ba'i skyon med pa zhig tu skyes par gyur to zhes grag go /de la nu bo drug cig yod pa de yang de'i
 gzugs dang yon tan dang mthun pa dang/ byams shing gus pa'i yon tan dang ldan pa rtag tu rjes su 'brang ba dag cig dang sring mo dang bdun 'khod pa las/ de ni rig byed yan lag dang bcas pa dang nye ba'i rig byed dang bcas pa ni lobs/ /mkhas
 pa'i grags pa ni thob/ /skye bo rnams kyis ni bkur sti byas/ /pha ma gnyis la ni lha bzhin du rab tu gus par bsnyen bkur byed/ /nu bo de rnams la ni slob dpon dang pha bzhin du rig pa slob cing sbyod/ /tshul dang 'dul ba la mkhas par byas nas khyim na
 gnas so/ /de yun ring zhig na pha ma gnyis dus byas pa'i mya ngan gyis gdungs pa las/ pha ma gnyis kyi shing byas zin te mya ngan byed pa'i nyin zhag 'das pa dang/ nu bo de dag bsogs nas/ yun ring lhan cig 'khod 'khod kyang/ /'chi bas so sor 'bral
 'gyur zhing/ /mya ngan chen pos gdungs 'gyur ba/ /de ni 'jig rten 'di na des/ /bdag ni khyim la chags bzhin du/ /'chi ba'i dgra yis de'u res bsad/ /de bas phan pa'i lam bzang pos/ /bdag ni rab tu 'byung bar 'dod/ /de bas na khyed thams cad shes par
 gyis shig /bram ze'i khyim 'di na chos kyi lam gyi rnyed pa'i longs spyod tsam yod de/ 'dis 'tsho ba 'byor gyis/ de bas na khyed kun phan tshun byams pa dang bkur sti ni byed/ tshul khrims dang gtsang sbra spyad pa la ni 'bad/ rig byed slob pa la ni 'grus/ mdza' 
 bo dang mgron dang gnyen bshes dang slong ba rnams ni re thag mi gcod/ chos la ni gzhol bar byas la khyim na legs par 'khod cig /'dul ba la ni rtag tu 'bad/ /kha ton slob pa dag la 'grus/ /sbyin pa legs par rab sbyin zhing/ /khyim gyi dka' thub
 spyad par gyis/ /de ltar spyad na khyed la grags pa 'phel/ /chos dang srid dang bde ba'ang rab tu 'phel/ /'jig rten phyi ma la yang phan par 'gyur/ /de bas bag yod khyim na gnas par gyis/ /de nas de'i nu bo rnams kyis de rab tu 'byung zhes zer ba thos
 nas bral du dogs pa'i mya ngan gyis sems gdungs te/ mya ngan gyi mchi mas gdong khebs bzhin du phyag 'tshal te de la 'di skad ces smras so/ /bdag cag pha ma dang bral ba'i mya ngan gyi zug rngu'i rma ma sos par sdug bsngal gzhan gyis bsnan te/ khyod kyis
 'dir rma dkrug pa'i mi rigs so/ /pha ma'i mya ngan zug rngu nga chung ngu/ /bdag cag yid la rma ni ma sos bzhin/ /de bas brtan pa'i blo can 'di btang legs/ /bdag cag rma ni 'jig par ma mdzad cig /'on te khyim na gnas par mi bzhed la/ /nags tshal gnas
 pa bde ba'i lam lags na/ /bdag cag mgon med khyim du bor nas su/ /ji ltar gcig pu nags su bzhud par dgyes/ /de bas na khyod gang du bzhud pa der bdag cag kyang mchi ste bdag cag kyang rab tu 'byung ngo zhes smras pa dang/ /byang chub sems dpas
 smras pa/ dben par gnas la ma goms shing/ /'dod la chags pa'i rjes 'brang ba'i/ /skye bo phal cher rab 'byung la/ /g.yang sar lhung ba bzhin du lta/ /de bas na khyim na gnas pa dang nags tshal na gnas pa'i bye brag shes bzhin du rab tu 'byung ba la
 gnas par bdag gi ched du ma smras so/ /de ltar khyed rab tu 'byung 'dod na 'u bu cag rab tu 'byung gis 'deng ngo/ /de nas spun bdun po de dag dang sring mo brgyad car gyis khyim gyis longs spyod chen po bzang po dang/ mdza' bo dang/ nang mi dang/ nye du'i 'khor
 gdong mchi mas gang ba rnams bor te dka' thub can du rab tu byung ngo/ /de dag gi grogs po gcig dang bran pho dang bran mo snying nye ba zhig kyang de'i phyi bzhin du rab tu byung ngo/ /de dag dgon pa'i gnas chen po zhig na mtsho chen po me tog pad+ma mang po kha bye
 ba mdzes pa ni 'bar ba bzhin/ me tog ku mu da mang po kha 'bus pa ni dgod pa bzhin/ bung ba mang po ni dir dir zer/ /chu gtsang ma sngon pos ni gang ba zhig gi 'gram du brten nas shing lo spyil bo rab tu gtsang zhing yid du 'ong ba/ grib shing gis bsgribs
 pa/ so so so sor bar mi nye bar byas pa rnams su brtul zhugs dang sdom pa la 'bad cing yid bsam btan la sbyor bas gnas par gyur to/ /zhag lnga zhing lnga zhing byang chub sems dpa' i drung du chos nyan pa'i phyir 'du'o/ /byang chub sems
 dpa' de yang de dag la bsam gtan gyi man ngag la 'jug par 'dod pa'i nyes dmigs ston pa skyo zhing yid 'byung bar 'gyur pa/ /rab tu dben pa dang chog shes pa'i bsngags pa mang du 'byung ba/ tshul 'chos pa dang gcam sgyu dang le lo la sogs pa'i
 skyon la smod pa/ nye bar zhi ba dang rab tu dang ba'i lam du gyur ba'i chos kyi gtam de dang de dag zer to/ /de dag gi bran mo de yang rab tu gus shing snying nye bas de bzhin du g.yog byed do/ /des mtsho de'i nad nas pad+ma'i rtsa ba bton te pad+ma'i lo ma chen po la mtsho
 'gram gcod mar cha mnyam par bkod nas tog brdungs pa'i sgras dus bstan te slar song ngo/ /de nas drang srong de dag bzlas brjod dang sbyin sreg gi cho ga byas zin nas rgan rim gyis re re nas song ste/ pad+ma'i rtsa ba char bgos te bzhag pa de las go
 rims bzhin du re re nas blangs nas rang rang gi shing lo'i spyil por cho ga bzhin du zos te bsam gtan la brtson pa'i blos gnas so/ /de dag de ltar 'khod pa na chos nyan pa'i dus ma gtogs par gcig la gcig ltar mi 'dod do/ /de dag de ltar
 tshul khrims dang spyod tshul de lta bu dang/ rab tu dben pa la dga' ba dang/ bsam gtan la gzhol bas grags pa cher gyur to/ /lha'i dbang po brgya byin gyis de thos nas de brtag pa'i phyir der song ngo/ /des kyang de dag bsam gtan la mngon
 par phyogs pa dang/ bya ba ngan pa dang ma 'drel zhing gdung ba med la rab tu zhi ba mngon par dga' zhing 'khod par mthong nas yon tan rab tu brtan pa yod par re zhing brtag pa la yid gzhol bar gyur to/ /rtsol ba med par bas mdza' na/ /zhi la rab
 tu gzhol zhing 'khod/ /dge ba rnams ni yon tan la/ /re ba snying la 'jog par byed/ /de nas pad+ma'i rtsa ba glang po che'i phrug gu'i mche ba ltar dkar la 'jam pa rnam pa bton te bkrus nas pad+ma'i lo ma sngon po rin po che mar gang 'dra ba gtsang ma pad+ma'i me tog
 'dab ma dang ze ba'i rgyan gyis brgyan pa la cha mnyam par bkod nas tog brdungs pa'i sgras drang srong de dag la dus bstan te/ bran mo de slar song ba dang/ byang chub sems dpa' de brtag pa'i phyir lha'i dbang po brgya byin gyis pad+ma'i rtsa ba'i cha dang po mi snang
 bar byas so/ /sdug bsngal byung bar gyur pa dang/ /bde ba med par gyur kyang rung/ /dge ba rnams kyi brtan pa'i rgyu/ /rnam par 'phro ba bzhin du mngon/ /de nas byang chub sems dpa' song song na cha dang po'i gnas na pad+ma'i rtsa ba ni med/ /pad+ma'i lo ma ni rgyan 'khrugs
 shing 'dug pa mthong nas bdag gi pad+ma'i rtsa ba'i skal pa gcig gis khyer ro snyam ste/ sems 'khrug pa dang khro bo med par de slar log nas shing lo'i spyil por zhugs te/ bsam gtan gyi cho ga tshul bzhin du rtsom mo/ /drang srong gzhan rnams snying
 mi dga' bar mi 'gyur bar bya ba'i phyir don de ma smras so/ /de'i nu bo gzhan gyi snying lam na 'dis rang gi skal ba nges par blangs grang snyam nas/ rang rang gi pad+ma'i rtsa ba'i skal ba blangs nas rang rang gi lo ma'i spyil bor zos te bsam gtan byed cing
 'khod do/ /de bzhin du zhag gnyis pa dang/ /gsum pa dang/ bzhi pa dang/ zhag lnga pa'i bar du yang de'i pad+ma'i rtsa ba'i skal ba brgya byin gyis mi snang bar byas so/ /byang chub sems dpa' sems dpa' chen po de yang de bzhin du sems 'khrug pa
 med cing rab tu zhi bar gyur to/ /dam pa rnams ni sems 'khrugs pas tshe zad nas ni shi yang bla/ /de bas mkhas pa srog phyi yang/ yid ni 'khrug par mi 'gyur ro/ /de nas phyi dro'i dus la bab ste drang srong de dag chos nyan pa'i phyir byang chub sems 
 dpa' i shing lo'i spyi la por go rims bzhin du lhags pa dang/ de lus ni rab tu rid/ 'gram pa dang mig ni gong/ bzhin gyi mdangs ni ngan/ /skad kyi gdangs zab mo ni chung/ nyams dmas? kyang brtan pa dang rab tu zhi ba'i yon tan zla ba tshes
 pa mthong na dga' ba dang 'dra ba mthong ba dang/ nye bar bsnyen nas zhes bskyed de brtabs bzhin du 'di ci nongs zhes rid par gyur bar rgyu de la dris so/ /de nas byang chub sems dpa' de dag la de'i don ji ltar gyur pa smras so/ /de nas dka' thub can de dag
 'di lta bu chos ma yin pa mi srid do/ /snyam nas/ de nyam thag pas kyang mi dga' bar gyur te mtshar byas so zhes gcig la gcig smras nas ngo tsha zhing mgo smad de 'khod do/ /shes pa 'jug pa'i yul yang brgya byin gyi mthus bsgribs pas 'di ci las
 gyur pa yang nges par ma gyur to/ /de nas byang chub sems dpa' i nu bo 'og mas rang gi yid la gcags pa dang/ bdag nyid gtsang bar bstan pa'i phyir mna' khyad par can bor ba/ bram ze khyod kyis rtsa ba sus khyer ba/ /'byor ba'i mtshan mas brgyan pa'i khyim
 dag dang/ chung ma yid du 'ong ba'ang rnyed par shog /bu dang tsha bo rnams dang ldan par shog/ /de'i 'og mas smras pa/ bram ze khyod kyi rtsa ba sras khyer ba/ /phreng ba do shal tsandan gos bzang dang/ /bu yis reg pa'i rgyan rnams thogs pa yi/ /'dod pa mi zad pa la
 spyod par shog/ yang gcig gis smras pa/ khyed kyi rtsa ba gang gis khyer ba de/ /zhing rmos pa las nor dang gos rnyed cing/ /bu dang smra bas rab tu dga' bar gyur/ /tshe la'ang mi lta khyim na dga' bar gyur/ /yang gcig gis smras pa/ khyod kyi rtsa ba bskam pas
 gang khyer ba/ /rgyal po bran bzhin dul bar spyod pa yi/ /gtsug tor btud pas rab tu phyag byas shing/ rgyal po'i tshul gyi ma lus sa skyong gyur/ /yang gcig gis smras pa/ khyed lta bu yi rtsa ba gang khyer ba/ /de ni rgyal po'i mdun na gdon gyur te/ /sngags
 la sogs pas bde legs byed gyur cing/ /de bzhin rgyal pos bkur sti bya bar shog /yang gcig gis smras pa/ rtsa ba 'dod cing yon tan mi 'dod pa/ /rig byed legs par lobs nas ston par byed/ /dka' thub can du re ba chen po yis/ /yul mi kun gyis
 de la mchod par shog/ grogs pos smras pa/ khyod lta bu yi rtsa ba la chags gang/ /yul 'gru dam pa 'byor pa bzhi brgya tsam/ /rgyal po dag las thos nas spyod gyur cing/ /'dod chags ma bral bar ni shi bar gyur/ /bran gyis smras pa/ rtsa ba'i phyir ni bdag
 don chud gson pa/ grogs po'i na ngan de ni grong dpon gyur/ /rgyal po'i chad pa dag gis mi chod par/ /bud med glu gar dag gis dga' bar 'gyur/ /sring mos smras pa/ khyod lta bu yi rtsa ba gang khyer ba/ /de ni rgyal po'i btsun mor gyur nas su/ /gzugs
 dang dpal gyis gzi byin 'bar gyur cing/ /btsun mo dam pa stong gis mchog tu gyur/ /bran mos smras pa/ gang gis rtsa ba mthong la chos ma mthong/ /de ni gcig bu dge ba rnams dang bral/ /bkur sti byas pas myos par gyur nas su/ /kha zas zhim
 po dag la dga' bar 'gyur/ /de nas nags tshal de na 'khod pa'i gnod sbyin dang glang po che dang spre'u dag cig der chos nyan du lhags pas gtam de thos nas/ rab tu ngo tsha zhing mi dga' bar gyur te/ de nas gnod sbyin gyis bdag gtsang bar bstan
 pa'i phyir de dag gi mdun du mna' bor ba/ khyod kyi rtsa ba'i phyir ni gang 'khrul ba/ /gtsug lag khang chen dag gis skyen par gyur/ /bkru ba shal stor khung dag gi zhig ral 'chos/ /nyi ma'i 'od kyis snang ba byed par gyur/ /glang po ches smras pa/ thub mchog
 khyod kyi rtsa ba gang rku ba/ /de ni zhags pa dam po drug brgyas bcings/ /lcags kyu rnon pos bkug pa'i rma na zhing/ /nags tshal nyams dga' bor nas grong 'dab song/ spre'us smras pa/ khyod kyi rtsa ba bskams pas gang rku ba/ /de ni me tog phreng can zha nye
 thogs/ /dbyug pas brdeg cing sprul gyi khar gtong shog/ se ral khar bcings khyim na gnas par shog /de nas byang chub sems dpa' de dag thams cad la 'jam zhing ngul ba dang bzod pa dang zab pa ston pa'i tshig 'di skad ces
 smras so/ /gang zhig ma rlag par ni brlag ce 'am/ /gang zhig 'di 'dra khyed la dogs gyur pa/ /'dod pa yid 'ong ci bder spyad nas su/ /khyim na gnas bzhin 'chi ba'i dus byed gyur/ /de nas lha'i dbang po brgya byin de dag 'dod pa la nye bar spyod pa mi mthun
 par smod pa zhig gnas khyad par can du gyur par smra ba des gus pa dang ya mtshan skyes par gyur te/ bdag rang gi gzugs 'bar ba drang song de rnams kyi drung du bstan nas mi bzod pa bzhin du smras pa/ /khyed re zhig sdod cig /gang dag thob phyir yid la rtsol
 byed cing/ /bde ba 'dod phyir yid la gnyis kyang med/ /dka' thub 'bad pas gang dag thob 'dod pa'i/ /'dod pa de dag ci phyir smod par byed/ /byang chub sems dpas smras pa/ grogs po 'dod pa ni nyes dmigs mdza' yas te/ gang la brtags nas thub pa
 rnams 'dod pa la mi spyod pa de mdo tsam zhig nyon cig/ 'dod pa'i phyir ni 'jig rten bcing zhing gsod par 'gyur/ /mya ngan gdungs shing 'jigs pa mang po'i sdug bsngal myong/ /rgyal po rnams kyang 'dod pa'i phyir ni brlag par 'gyur/ /phyi ma la yang chos
 nyams sems can dmyal bar ltung/ /gang gis mdza' bo rnams dang myur du kho na 'byung 'gyur/ /gang gis g.yo sgyu dri ma can gyi lam du 'gro/ /grags pa nyams shing phyi ma la yang sdug bsngal myong/ /de dag thob par 'gyur ba'i rgyu ni 'dod pa yin/ /
 de bas rab dang 'bring dang tha ma rnams/ /'di dang pha rol du yang 'dod pas gsod par byed/ /bdag la phan 'dod sprul gdug khros pa bzhin/ /thub pa rnams ni de la mi ston to/ /de nas lha'i dbang po brgya byin tshig de bden no snyam nas mngon par bstod do//
 drang srong de dag gi mthu des yid dga' bar gyur nas/ de dag la bdag gi nyes pa khas blangs so/ /gang dag brtags na yon tan rnams/ /re ba bzhin du rtogs par 'gyur/ /brtag pa'i phyir ni bdag gi 'dir/ /pad+ma'i rtsa ba spas pa yin/ /pad+ma'i rtsa ba 'di dag gis//
 khyed cag rnam dag spyod pa bstan/ /thub pa bden par smra ba yis/ /'gro ba mgon dang bcas par mthong/ /de skad ces smras nas/ /pad+ma'i rtsa ba de dag byang chub sems dpa' la phul lo/ /de nas byang chub sems dpas de'i spyod pa glang po de la gzi byin gyis non
 pa'i tshig drag pos spyos pa/ /nged cag khyod kyi gnyen dang grogs ma yin/ /gar mkhan khyad? min ded cag 'phyas bdag min/ /lha dbang ci phyir khyad du bsad nas su/ /rang srong rnams la rtsed mo'i lam bzhin bya/ /de skad ces smras pa dang/ lha'i dbang po brgya
 byin rab tu gus pas sna cha dang cod pan 'gul ba'i 'od kyis gdongs gsal bar gyur te rab tu gus pas phyag 'tshal nas de la bzod par gsol ba/ bdag gi 'di ltar mi brtan pa/ /bgyis pa'i dogs pa sngar smras lags/ /pha dang slob dpon 'dra ba
 ru/ /bdag la khyod kyis bzod par mdzod/ /shes pa'i mig ni btsums par gyur pa rnams/ /rang bzhin gyis ni mnyam la'ang 'khrul par 'gyur/ /bdag la phan pas de la bzod par mdzod/ /de bas bdag la thugs la mi bcang gsol/ /de ltar bzod pa
 gsol nas de nyid mi snang bar gyur to/ /de lta bas na rab tu bden pa'i ro myong ba rnams ni 'dod pa la 'phyas kyi gnas dang gnod pa lta bur mi mthun par sems so/ /de la skyes pa'i rabs 'di yang bcom ldan 'das kyis lung bstan te/ nga dang sha radwA ti'i
 bu dang/ 'od bsrungs dang/ gang po ma 'gags kun dga' bo/ /de yi tshe na spun du gyur/ /sring mo utpal mdog yin no/ /bran mo ku? dza ut+ta ra bran po khyim bdag mdzes pa yin/ /gnod sbyin ri bo bde ba yin/ /glang po ba ri le ya yin/ /spre'u ni sbrang rtsi 'bul
 ba yin/ /brgya byin nag po 'char ka yin/ /skyes pa'i rabs ni de ltar gzung/ /pad+ma'i rtsa ba'i skyes pa'i rabs te bcu dgu pa'o// //yon tan med pa la yod par grags pa ni skyes bu dge ba rnams la bskul ma btab pa dang
 'dra bar 'gyur te/ de bas na yon tan sgrub pa la 'bad par bya'o/ /de la yang 'di ltar byang chub sems dpa' thos pa dang/ dul ba dang/ tsho rigs btsun pa ma 'jungs shing khong bzo ba/ 'jig rten gyi tha snyad du bya ba la 'gal ba med pa/ gtsug lag mang po la
 goms pas tshig la mkhas par grags pa/ /snying rje dang ldan zhing sbyin gtong che bas nor gyi 'byor pas thams cad du khyab pa/ rab tu phyugs pas khyim bdag rin po che ltar bkur ba rgyal po zhig gi tshong dpon du gyur to zhes grag go/ /de ni rang bzhin chos kyi
 bdag/ thos la sogs pa'i yon tan brgyan/ /'jig rten dag gis phal cher ni/ /bkur sti bya ba'i gnas su gyur/ /de nas re zhig cig /sems dpa' chen po de rgyal po'i pho brang du song ba'i 'og tu de'i sgyug mo don zhig gnyer zhing bu mo dang phrad de'i phyir
 de'i khyim du song ngo/ /'gro na 'ongs pa'i bkur sti bya ba byas pas gtam glengs langs pa las/ /rang gi bu mo byang chub sems dpa' i chung ma la bde 'am mi bde dri ba'i skabs su/ bu mo khyod kyi khyim thab khyod la byams sam mi byams/ /khyod kyi
 bkur sti byas pa'i yon tan drin du gzo 'am mi gzo/ mi bde ba lta yod dam med ces dris pa dang/ /de ngo tsha bas mgo smad de mi spobs pa bzhin du bcom bskyungs te smras pa/ de lta bu'i tshul khrims dang yon tan dang spyod tshul ni rab tu byung ba la yang
 ma mchis so zhes byas pa dang/ de nas de'i ma na so rgas pas rna ba mi gsang zhing sems mi gsal ba dang/ bu mos de skad smras pa'i tshig kyang ngo tsha zhing bcom bskyungs? las legs par ma thos la/ rab tu byung ba'i sgra zhig kyang thos pas bdag gi
 mag pa rab tu byung ba lta zhig snyam nas/ bu mo'i mya ngan dang de'i sdug bsngal gyi dbang du gyur nas smre sngags 'don cing des skad phyung ste dus so/ /'di ltar snying nye ba'i bdag gi mi yang bor te rab tu byung ba de'i tshul khrims kyi yon tan dang spyod tshul yang ci 'dra ba
 zhig go/ bu de'i rab tu byung ba yang ji lta bu zhig go /dar la bab cing byad gzugs bzang/ /bzhon sha can la bde bar gsos/ /de ni rgyal po'i gnang chen yin/ /dgon par gnas blo ji ltar skyes/ /nang mi dag dang khon ma byung/ /rgas pas mi sdug ma gyur cing/ /nang
 med ji ltar tshig gcig gis/ /khyim gyi longs spyod de yis btang/ /'dzangs shing dul ba'i rgyan gyis brgyan/ /gzhan la snying brtse mnyes kyang gshin/ /mi brtan dang mi snying rje med/ /'di lta bu ni ji ltar lobs?/ /dge sbyong bram ze mdza' ba'i rten/ /nang mi dag
 dang phongs pa gso/ /nags tshal dgon par gang gtsal ba/ /gtsang sbra tshul khrims nor ldan pa'i/ /khyim na rnyed par mi 'gyur ram/ rjes su mthun zhing chos grogs byed/ /nyes pa med pa bor nas ni/ /ha cang chos la dang ches nas/ /chos dang 'gal ba 'dir
 mi lta/ /'di ltar gus pa'i skye bo spangs/ /yid la snying rje cung zad med/ /chos ni cung zad 'grub re skan/ /kye ma'o gnam gyis mnar ba ltar/ /de nas byang chub sems dpa' i chung ma bdag gi khyim thab rab tu byung ba'i phyir bdag gi ma snying rje zhing nas smre
 sngags 'don pa des bud med rang bzhin yin pa'i phyir snying mi dga' bas 'khyams shing blong blong bor ni 'gyur/ mya ngan gyi sdug bsngal gyi sems dkrugs nas gtam gleng langs pa'i 'phro yang brjod/ /bdag gi khyim thab rab tu byung ba'i gtam
 ngan thos nas bdag gi ma bdag mya ngan bsad pa'i phyir khyim 'dir 'ongs so snyam nas/ bu mo de smre sngags 'don cing skad phyung ste du ba las brgyal bar gyur to/ /khyim mi dang g.yog 'khor rnams kyis kyang de thos nas mya ngan gyi sdug bsngal gyi
 shugs kyis cho nges btab bo/ /khyim chos dang/ mdza' bo dang/ gnyen bshes dang/ de la brten pa'i skye bo bram ze dang khyim bdag rnams kyis kyang de thos nas khyim bdag de la rjes su chags pa'i dbang du gyur pa rnams dang/ /pho brang gi 'khor
 gyi mi las kyang phal cher khyim der dong ngo/ /gang phyir 'jig rten dag na srid pa ni/ /bde dang sdug bsngal dag la mtshungs par spyod/ /de bas 'di la'ang 'jig rten slob ma bzhin/ /bde dang sdug bsngal dag la mtshungs spyod gyur/ /de nas byang chub sems
 dpa' rgyal po'i pho brang nas slar log ste bdag gi khyim dang nye ba zhig tu phyin pa dang/ bdag gi khyim na cho nges 'debs pa dang mi mang po 'dus pa mthong nas bdag gi g.yog la 'di gyur pa ci nyes rtogs te shog cig ces bsgo'o/ /des de ltar gyur brtags
 nas de'i drung du phyin te de la bzlas pa/ /jo bos 'byor ba'i khab spangs nas/ /rab tu byung zhes thos nas ni/ /skye bo 'di dag gi zhig nas/ /byams pa'i dbang gis 'dus par gyur/ /de nas byang chub sems dpa' rang bzhin gyis bsam pa dag pas tshig des bskul
 ma btab pa bzhin du ngo tsha zhing mi dga' bar gyur nas bsams pa/ /e ma'o skye bo rnams bdag la de ltar re legs so snyam mo/ /skye bo rnams kyi yon tan du/ /brjod cing grags pa thob gyur la/ /gal te khyim la phyogs na ni/ /bdag lta mir yang ga
 la rung/ /de ltar bdag ni skyon la dang gyur cing/ /yon tan khyad du gsod la tshul ngan na/ /skye bo dge bas yang gar brtsi bar gyur/ /de ltar gyur na gson yang ci zhig rung de bas skye bo re bar gyur pa 'di/ /spyod pa ngan pas nyon mongs khyim spangs nas/
 dka' thub nags na dga' ba'i yon tan gyis/ /nyams su blangs te rab tu bskang bar bya/ /bdag nyid chen po des de ltar nges par byas nas/ de nas slar log ste rgyal po'i gsol ka ba la tshong dpon spyan sngar mchis 'tshal lo zhes gsol cig
 ces smras so/ /spyan sngar mchir gnang nas kyang tshul bzhin du rgyal po'i spyan sngar 'ongs ba dang/ rgyal pos ci'i phyir 'ongs zhes smras na/ lha bdag ni rab tu 'byung bar 'tshal na gnang ba'i rigs so/ /de nas de la rgyal po des ri mgro bskyed de byams pa'i tshig
 gis 'di skad ces smras so/ /nga 'dra'i gnyen dang mdza' mchog yod bzhin du/ /nor dang thabs dang mthu rtsal gang dag gis/ /nga yis thub par 'gyur ba ma yin pa'i/ /sdug bsngal gang gis khyod ni bas mthar 'gro/ /gal te nor 'dod nga las nor khyer cig/
 gnod pa yod na de las bzlog par bya/ /nga dang gnyen bshes gsol ba 'debs bor nas/ /ci zhig 'dod pa'i phyir ni bas mthar 'gro/ de ltar bdag nyid chen po de la rgyal pos byams pa dang gus pa bsgo ba dang/ de la tshig 'jam pos smras pa/ khyod la brten
 pas gnod pa ga la mchis/ /nor gyis phongs pa'ang mchis par ga la 'gyur/ /de bas phongs te bas mthar bdag mi mchi/ /gang gi slad du mchi ba gsan du gsol/ /skye bo mya ngan gdungs pa'i mchi ma can dag gis/ /bdag ni rab tu byung bar gyur ces rab
 tu bsgrags/ bdag ni yon tan ldan zhes dad pa'i gnas su gyur/ /de bas bdag ni bas mdza' dben par gnas par 'tshal/ /rgyal pos smras pa/ khyod skye bo rnams kyi tshig tsam gyis de dor bar mi rigs so/ /khyod lta bu'i yon tan phun sum tshogs pa
 ni skye bo'i tshig bsrungs pa tsam gyis chog pa yang ma yin la/ /de ma byas na mi rung ba yang ma yin no/ /'jig rten mu cor smra ba'i gtam rnams ni/ /rang dgar rtogs pa dag las rnam par 'gro/ /gang gzhig de ltar snying la sems na yang/ /'phyas su gyur na
 byed pa ci zhig smos/ /byang chub sems dpas smras pa/ rgyal po chen po de skad bka' mi stsal du gsol/ /skye bo'i bka' mchid dge ba grags pa rnams ltar mi bgyi ba yang ma lags so/ /lha gzigs su gsol/ /mi yi bdag po gang tshe dge ba yi/ /chos dang
 ldan zhes grags par gyur pa las/ /mi yis de la nyams par mi bgyi zhing/ /ngo tsha'i phyir yang rab tu 'bad pa'i rigs/ /yon tan yod ces grags shing re ba dag/ ji ltar gyur kyang rung ste snang na ni/ /grags pa dag las gtam snyan
 'phel bar 'gyur/ /gzhan du bgyis na khron pa skam po bzhin/ /bzhon bzhin ma yin yon tan grags pa 'phel/ /rnam par rtog pa'i rlung gis skyod pa la/ /mi rnams grags pa nyams par gyur na ni/ /snga yang grags par 'gyur bar rab tu dka' / /sbrul
 nag khros nas gdengs ka bteg 'dra ba'i/ /yongs su bzung brtsod pa'i rgyur gyur pa/ /spang rigs de ni spong bar bgyid pa la/ /lha cig bdag ni bzlog pa'i mi rigs so/ /gus par mkhyen nas 'bangs la byams pa yis/ /khyod kyis de ltar bgyi ba'i rigs mod
 kyi/ /bdag ni sems kyis rab tu byung lags na/ /'du 'dzi nyon mongs can gyis ci zhig bgyi/ /de ltar gsol ba btab nas bdag nyid chen po de rgyal po des gnang ste dka' thub kyi nags tshal du 'gro bar chas so/ /de nas de'i mdza' bo dang nye du dang de la brten
 pa rnams lhags nas mya ngan gyis mig mchi mas gang zhing rkang pa la 'jus te 'gror mi ster par gyur pa ni kha cig gis thal mo sbyar te gsol ba 'debs shing de'i lam bkag ste 'khod/ /kha cig gis ni mgul nas 'jus te tshig 'jam pos brid cing khyim
 logs su khrid par byed/ kha cig ni spobs pa'i tshul gyis tshig rtsub pos ci bya gtol med pa sha stag byed ces zer zhing gshe/ kha cig ni mdza' bo dang nang mi rnams la yang snying mi rje 'am zhes zer zhing 'gror mi ster/ la la ni khyim na gnas pa'i dka' thub
 nyid bsod nams che mod zer zhing rnar 'ong ba dang rigs pa'i tshig gis rtog pa skyed/ /gzhan dag gi dka' thub kyi nags tshal dag na gnas pa sdug bsngal che ba dang/ da cung bya ba ma zin pa kha cig yod pa skad du gsol ba 'debs/ kha cig ni tshe phyi ma la bsod
 nams kyi 'bras bu yod dam med btol med ces the tshom skyed de/ gzhung lugs kyi khyad par de dang de dag smos shing de slar phyin ci log tu 'bad par gyur to/ /de de ltar rab tu 'byung du mi ster bar nags tshal du 'gro ba la 'grog cing 'then pa gtod mchi mas gang ba'i
 mdza' bo de dag la bltas nas 'di ltar sems par mngon no/ /mdza' bor 'thams pas mdza' bo bag med la/ /phan par 'gyur na rtsub po 'ang sbyar ba'i rigs/ /phan zhing 'jam na smos kyang ci zhig dgos/ /dam pa rnams kyi chos tshul de lta yin/ /nags pas khyim
 dga' snyam du 'di dag sems/ /nags na gnas pa dogs shing 'jigs med par/ /tha mal gnas pa ji ltar mi sems kyi/ /sdig pas gos pa bzhin du 'gog par byed/ /mi dag shi 'am shi bar 'gyur ba 'am/ /chos la nyams na du bar 'gyur ba bzhin/ /nags
 tshal gnas 'dod nga ni gson bzhin du/ /ji zhig sems shing 'di dag ngu bar gyur/ /nga dang bral bas de ltar mi dga' na/ /nga dang lhan cig nags na cis mi 'khod/ /gal te nga bas khyim na 'khod dga' na/ /mchi ma zad par du ba ci ched che/ /de lta bdag gi mi la chags
 pa'i phyir/ /dka' thub byed du 'gro bar mi ster na/ /dgra dang dmag 'gyed de dang de dag tu/ /'gro ba na yang de ltar cis mi byed/ /phongs par gyur pa'i tshe na mdza' bo rnams/ /mchi mas 'ju zhing 'ong ba'i mthu yang mthong/ /mdza' bo'i rang bzhin rab tu brten gyur kyang/
 phyi bzhin mi 'brang g.yo dang thabs byed bzhin/ /slad du bzlog pa'i phyir ni skad 'dzer cing/ /mig ni mchi mas gang bzhin smra ba dang/ /mtshungs pa la yang bla ma 'dra bar ni/ /mgo bo btud de 'di dag phyag 'tshal ba/ /rab tu byung ba'i rjes su rab 'byung bar/ /
 'di dag byams na de bzhin bya ba'i rigs/ /dam pa'i sems ni ngo mtshar gyur pa yi/ /gar mkhan spyod pa bzhin du mi 'gyur ma/ /yon tan med la phongs par gyur tshe yang/ /grogs po gnyis gsum nges par yod par 'gyur/ /yon tan yod bzhin
 nags su 'gro ba na/ /grogs po gcig kyang med pa ngo mtshar che/ /glang chen myos pa'i g.yul ngo dogs pa na/ /nga yi sngon du 'gro bar gtod pa dag/ nags su nga 'gro phyir na mi 'brang ba/ /de dag min nam nga yang de ma yin/ /de ltar byams pa
 med par 'gyur ba'i rgyu/ /nyes pa byas par bdag ni mi dran na/ /bdag gi mdza' bo 'di ltar 'khod bzhin du/ /'di ltar gyur pa rung bar 'ong ngam ge/ bdag ni nags su 'gro phyir mi 'brang ba/ /bdag la yon tan med pas de ltar grang/ /yon tan dag la rjes
 su chags pa rnams/ /de ltar 'brang bar nus pa su zhig yod/ /gang dag khyim gyi nyes pa bsal bar mngon/ /dka' thub nags tshal yon tan mi mthong ba/ /shes pa'i mig ni btsums gyur de dag la/ /bdag gi da dung brtag tu ci yang med/ /phyi ma'i tshe
 dang tshe 'di'i sdug bsngal rgyu/ /'dod pa dag ni spong bar mi 'dod pa/ /dka' thub nags dang 'gal bar byed pa de/ /de ring bdag 'dor ba ni gti mug yin/ /bdag gi mdza' bo 'di rnams gang gis bslus/ /'jig rten ma lus zhi bar ma gyur pa/ /dka' thub
 nags tshal rnyed pa'i mthu chen gyis/ /nyes pa de dag mngon du gzhom par bya/ /de ltar nges pa'i bdag nyid can gyis yongs brtags nas/ mdza' bshes spobs pa rnams kyis rnam par spyod pa dag/ 'jam zhing rab tu mnyen par smra ba'i tshig rnams
 kyis/ /bags kyis brid de bong nas dka' thub nags su song/ /de lta bas na yon tan med pa la yod par grags pa ni skyes bu dge ba rnams la bskul ma btab pa dang 'dra bar 'gyur te/ de lta bas na yon tan sgrub pa la 'dod par bya'o/ /'di ltar
 dge slong ngo zhe'am/ dge bsnyen no zhes yon tan brjod par gyur na dge ba rnams kyis dngos po de sgrub pa'i phyir bdag yon tan gyis brgyan par bya'o/ /de bzhin du chos sgrub pa'i grogs byed pa rab tu dkon no zhes de ltar yang sbyar bar bya'o/ /tshong dpon
 gyi skyes pa'i rabs te nyi shu pa'o// //sdom la/ brgya byin bram ze myos byed ma/ /legs par pha rol phyin dang nya/ /bya dang bum pa phyug po'i bu/ /dka' thub can dang tshong dpon no/ /bcu tshan gnyis pa'o/ /khro ba thul na dgra zhi bar 'gyur gyi gzhan du byas
 na dgra 'phel lo/ /de yang 'di ltar byang chub sems dpa' sems dpa' chen po bram ze'i rigs chen po yon tan la goms pa'i mthus grags pa rgyas pa/ 'byor pa'i yon tan nges pa/ rgyal pos bkur sti byas pa/ 'jig rten pa lha bzhin du bkur ba zhig tu skyes
 par gyur to zhes grag go/ de yun ring du gyur nas cho ga'i las su bya ba rnams ni byas pa dang/ mang du thos pa'i yon tan goms par byas pas mkhas pa rnams kyi nang du ming grags par gyur to/ /mkhas pa rnams kyis grags pa ni/ /mkhas pa nyid kyi nang du
 'phel/ /rin chen shes la rin chen dang/ /g.yul ngo dag tu dpa' bo bzhin/ /de nas bdag nyid chen po de tshe rabs snga ma la byung ba la goms shing chos la sems pa goms par byas pa dang/ blo dang shes rab rab tu gsal ba'i phyir khyim na gnas pa la dga' 
 bar ma gyur to/ /de 'dod pa rnams thab mo dang/ rtsod pa dang/ dregs pa dang kho na dang/ mi mthun pa med pa dang/ rgyal po dang/ rkun mo dang/ me dang/ chu dang/ dgra dang/ bgos bskal la dbang ba rnams dang thun mong ma yin pa dang/ chog ni shes par 'gyur ba
 dang/ nyes pa mang po'i gnas su gyur pa'i phyir bdag la phan par 'dod pa rnams zas dug can spong ba bzhin du yongs su spangs nas skra dang khas spu bzang po bregs te gos kha dog bsgyur ba ngur smrig ni gyon/ khyim pa'i cha lugs ni bor nas/ rab tu byung
 ba'i 'dul ba dang sdom pa'i dpal la gnas par gyur pa dang/ de'i chung ma de la snying nye ba'i dbang du gyur pa yang skra bregs te lus la rgyan dang lhab lhub ni med par byas/ /rang bzhin gyi yon tan bzang pos ni brgyan/ gos ngur smrig ni gyon nas de'i
 phyi bzhin du rab tu byung bar gyur to/ /de nas byang chub sems dpas de dka' thub kyi nags tshal du 'gro ba'i rjes su 'brang bar shes nas/ bud med sdug ma myong ba dka' thub kyi nags tshal na gnas mi nus pa'i phyir de la smras pa/ bzang mo khyod nga la byams
 pa'i rang bzhin 'di bstan zin gyis/ khyod nga'i phyi bzhin du 'gro bar chas pa thong shig/ bud med rab tu byung ba gzhan dag gang na 'khod pa der khyod kyang de dag dang lhan cig tu 'dug pa'i rigs so/ /dgon pa'i gnas na 'dug pa ni rab tu dka' o/ /ltos shig/ dur khrod dang ni
 kha stong ri bo dang/ /nags tshal gcan gzan khro bos gang ba na/ /nyi ma gang du nub par gyur pa der/ /dka' thub can rnams gnas med 'khod par 'gyur/ /bsam gtan byed cing rtag par gcig pu gnas/ /bud med dag ni bltar yang med par byed/ /khyod kyi
 'bad pa 'di ni ci zhig dgos/ de bas khyod blo slad du ldog par gyis/ /de yang de'i phyi bzhin du 'gro bar yi dam bcas pas mig mchi mas gang bzhin du cung zad cig 'di skad slar smras so/ /khyod kyi phyi bzhin 'gro ba la/ /bdag ni gal te nyon mongs na//
 bdag sdug khyod kyang mi dgyes bzhin/ /ci yi slad du de ltar bgyid/ /bdag ni khyod dang bral bzhin du/ /mchis par nus pa ma lags kyis/ /de ltar dka' dang 'gal ba 'di/ /bdag la bzod pa mdzad du gsol/ /de ltar de lan gnyis lan gsum du bsgo yang
 slar log tu ma rung ba dang/ de nas byang chub sems dpas de la cang ma smras pa dang/ bya dur pa'i phyi bzhin du dur ba mi 'brang ba dang 'dra ba de yang de'i phyi bzhin 'brengs te grong dang ljongs rgyu zhing song song ba las/ /zas kyi bya ba byas nas re zhig nags tshal rab
 tu dben pa nyams dga' ba shing ljon pa sna tshogs kyis brgyan pa/ grib ma sdug pa/ la la dag na nyi ma'i 'od zer tig tig po dag gis me tog sil ma bkram pa ltar 'dug pa/ me tog sna tshogs kyi phye mas khebs pa'i sa gzhi gtsang ma zhig tu bsam
 gtan gyi chog byas nas phyi dro'i dus su ting nge 'dzin las langs te phyag dar khrod kyi tshem bu 'drub cing 'dug go/ bud med rab tu byung ba de yang de dang mi ring ba zhig na rang gi lus kyi gzi mdangs lha mo dang 'dra bar mdzes pas shing drung brgyan pa bzhin du 'dug cing yid la bya ba'i
 man ngag des bstan pa'i tshul bzhin du bsam gtan byed cing 'dug go /de nas yul de'i rgyal po phyogs de dang nye ba'i nags tshal dpyid kyi dus la bab pa'i shing lo lhag par mdzes pa dang ni ldan/ bung ba che phra mang po sgra dir dir zer/ bya ko ki la mang po ni snyan pa 'byin/ /
 mtsho'i gnas rab tu nyams dga' ba me tog pad+ma dang utpa la kha bye ba ni dgod pa bzhin du 'dug pa/ me tog dri zhim po sna tshogs kyi bsung gis bsgos pa'i ser bu'i ngad nyams su bde ba ldang ba yod pa nas mthar gyis rgyu zhing song song ba las sa phyogs der phyin to/ /me
 tog sna tshogs tshom bu rab tu mdzes/ /dpyid kyi dpal gyis ched du bshams pa bzhin/ /ko ki la dang rma bya sgra snyan 'byin/ /mtsho gnas bzang mo me tog chu skyes ldan/ /ne'u sing sngon po mdzes pa'i rtswa 'jam yod/ /bung ba myos pa'i sgra 'byin nags tshal dag /'dod pa'i
 lha yi rtsad mo'i gnas gyur 'dra/ /yid la lta bar rab tu 'dod par gyur/ /de nas rgyal po de dul zhing zhe sa skyed de/ byang chub sems dpa' la dga' ba'i gtam byas nas de dang de nye ba'i phyogs gcig tu 'dug go/ des bud med rab tu byung ba mthong na yid rab tu 'phrog
 par 'gyur ba de mthong nas/ de'i gzugs bzang ba de la snying chags par gyur to/ /de ni 'di'i chung ma yin yang dag go snyam nas/ 'dod pa'i rang bzhin can yin pa'i phyir de 'phrog pa'i thabs bshams so/ /dka' thub can gyi dmod pa'i me 'bar ba'i/ /mthu ni khro bo'i mer
 'drar des shes nas/ /yid la 'dod pas brtan pa g.yengs gyur kyang/ /de la 'phral du brnyas thabs ma byas so/ /des bsam pa/ de'i dka' thub kyi mthu shes par byas la nus na ni de bya bar rigs kyi de lta ma yin na mi rung ngo snyam nas/ gal te de 'di la sems chags
 pa'i dbang du gyur na ni de la dka' thub kyi mthu med gor ma chag go/ de ste 'dod chags dang bral ba zhig yin na ni de lta mi lta ba'i rigs so/ /de bas na de'i dka' thub kyi mthu che 'am chung brtag go snyam nas rgyal po des dka' thub kyi
 mthu brtag pa'i phyir byang chub sems dpa' la phan par dga' ba bzhin du smras pa/ kye rab tu byung ba khyod 'jig rten na mi g.yo can dang thub chod can rab tu mang na nags tshal rab tu dben par mnga' bzlog tu yang med pa 'di lta bu na chung ma 'di lta bu dang
 lhan cig 'khong du rung ngam/ khyod kyi chung ma 'di la 'ga' zhig gis gtses na ni nga la yang gshe bar 'gyur ro/ /ltos shig/ dben pa 'di la dka' thub chung ma khyed/ /'ga' zhig chos dang bcas te brnyas byas nas/ /chung ma 'di ni mngon sum phrogs
 gyur na/ /mya ngan byed las gzhan ni ci byar yod/ /khro ba skye na'ang yid ni 'khrugs 'gyur zhing/ /chos dang 'gal la grags pa'ang med par 'gyur/ /de bas 'di ni grong du bzhag pa'i rigs/ /dka' thub can la bud med bsnyen ci dgos/ /byang chub sems
 dpas smras pa/ rgyal po chen po gsung ba yang mang na/ /gal te de ltar gyur na bdag gis ji ltar bgyi ba gsan du gsol/ /rgyags pas snyems sam gal te ma brtags par/ /bdag la gnod pa byed pa 'dir byung na/ sa rdul stug po char pas mnan pa bzhin
 bdag nyid gson bzhin de ni yod? mi btang/ /de nas rgyal po des bsams pa/ 'di ni chung ma 'di la rab tu chags pas dka' thub kyi mthu yang med do snyam nas sems dpa' chen po de la brnyas par gyur te/ des gnod pa byas su yang mi dogs la//
 'dod pa'i 'dod chags kyi dbang du yang gyur pas bud med mthong ba'i mi rnams la bsgo ba/ khyed deng la bud med rab tu byung ba de pho brang gi nang du khrid cig ces bsgo'o/ /bud med rab tu byung ba des de skad zer ba thos nas nags tshal gyi dgo ba mo gcan
 gzan ma rungs pas gtses pa bzhin du 'jigs shing bag tsha bas 'dzum ni gyur/ mig ni mchi mas gang/ /skad ni 'dzer cing phongs nas smre sngags 'di skad 'don to/ /'jig rten phongs shing sgra yis gtses gyur na/ /rgyal po dag la pha bzhin skyabs 'tshol na/ /de nyid
 gang la mi rigs byed gyur na/ de yi su la pha skyabs btsal bar bya/ /kye ma'o 'jig rten skyong ba'ang tshul las nyams/ /gang dag phongs pa legs par mi skyong ba/ /'on te med tam shi bar gyur tam ci/ /chos kyang grags pa tsam du zad pa lta/ /ja bo bzhugs bzhin lha
 yis ci zhig bya/ /gzhan zhig yin na'ang rjes su bsrung rigs na/ /sdig can rnams kyis bdag ni khrid bzhin du/ /bdag la skal ba med pas cang mi gsung/ /gang gi smod pa'i ser ba bab gyur na/ /ri'i gzugs kyang mi snang dran gyur ba/ /bdag ni 'di ltar gyur kyang de mi smra//
 'on kyang byur ngan ma ni da? cung gson/ /bdag ni 'di ltar rab tu phongs gyur kyang/ /snying rje'i snod du ma gyur sdig re che/ /phongs la snying rje can gyis skyabs bya ba/ /'di ni dka' thub can gyi tshul min nam/ /bdag ni slad du bzlog kyang ma log pa/ /de nyid ni cung thugs la
 bcangs pa 'dra/ /khyod ni mi dgyes bzhin du bdag mchis pa/ /kye ma'o bdag dgar gyis pa ga la srid/ /de ltar bud med rab tu byung ba de snying rje rje skad smra zhing smre sngags 'don la du ba tsam la brten pa rgyal pos bsgo ba'i mi de rnams kyis sems dpa' chen po des
 mthong bzhin du shing rta'i steng du bzhag ste pho brang gi nang du khrid par gyur to/ /byang chub sems dpas kyang so sor rtog pa'i mthus khro ba'i stobs btsal te/ de bzhin du sems 'khrug pa med cing rab tu zhi bar phyag dar khrod kyi tshem bu 'drub cing 'dug go/ de nas
 de la rgyal pos smras pa/ mi bzang khros pa'i dbang du gyur ba'i tshig khyod kyis snyems shing gsang bstong smras zin na/ nyon mongs ma de mthong bzhin phrogs gyur kyang/ /mthu med zhum nas rab tu zhi bar 'dug/ de bas rang gi mthu rtsal brtan par gyis/ /dka' 
 thub gnas pa'i gzi brjid bsags pa'ang ston/ /bdag gi tshod kyang gzung ba ma shes nas khas 'chos don med lhag pa ma mthong ngo/ /byang chub sems dpas smras pa/ rgyal po chen po bdag gis yi dam bcas pa de ni don ma mchis
 pa ma lags kyis mkhyen par mdzad du gsol/ /gang zhig bdag la gnod pa byed pa de/ /g.yo bzhin du yang bdag gis yongs ma btad/ /bdag gis mngon sum du yang zhi bar bgyis/ /de bas bdag gi yi dam bcas bzhin gyur/ /byang chub sems
 dpa' i tshig rab tu brtan pa dang rab tu zhi ba'i tshul ston pa des dka' thub can gyi yon tan yod par yid ches par gyur nas bsams pa/ bram ze 'dis ni gzhan zhig la bsams nas smras pa lta zhig na/ bdag gis de ma shes par 'di lta
 bu mi brtan par byas so snyam ste rtog pa skyes nas byang chub sems dpa' la smras pa/ rnam par g.yo bzhin khyod kyis ma btang ba/ /khyod la gnod byed de ni su zhig yin/ /char pa bab pa rdul phran dka' ba bzhin/ /khyod kyi gang zhig rab tu zhi bar byas/
 byang chub sems dpas smras pa/ rgyal po chen po gsan du gsol/ /skyes na'ang gang zhig mi mngon la/ /ma skyes na ni dge bar mngon/ /bdag la gnod pa'i khro ba de/ /bdag gi shor bar ma gyur to/ /mi phan 'dod pa'i mi rnams ni/ /gang zhig skyes
 na dgar 'gyur ba/ /dgra rnams dgar 'gyur khro ba de/ /bdag gis shor bar ma gyur to/ /gang zhig skyes par gyur na ni/ /dam pa'i don la spyod mi 'gyur/ /rgyal po long bar byed pa yi/ /khro ba de la bdag mi gnas/ /gang gis zil non dge ba
 gtong 'gyur ba/ /don rnams grub kyang nyams par 'gyur ba yi/ /khro ba ma rungs gdon gyis bsgyur 'dra ba/ /tshul min byed pa gdon gyis zin par 'ong/ /gtsub shing gtsub pa las ni me byung na/ /de nyid rab tu tshim par 'gyur 'dra ba/ /log
 par rtog las 'bar bar gyur pa yi/ /khro ba'ang de bzhin bdag nyid phung bar byed/ /rab tu 'bar zhing 'tshig pa'i me 'dra ba/ /snying la gdud pa'i kho ba ma bcil na/ /yang bar gyur bas de la gtam ngan 'byung/ /nad par nam langs zla ba'i 'od nyams bzhin/ /gzhan la gnod
 pa byed par mi sems par/ /khro ba la ni dgra bzhin gang lta ba/ /de yi grags pa nges par rgyas par 'gyur/ /zla ba yar gyi 'od zer gsal ba bzhin/ /khro ba la nyes dmigs chen po 'di ltar gzhan dag kyang yod de/ /khro ba'i me yis bzhin mdog nyams gyur na/ /rgyan
 gyis brgyan kyang bzang por yod mi snang/ /mal stan bzang po dag la nyal gyur kyang/ /khro ba'i zug rngus? sems ni sdug bsngal 'gyur/ /bdag la phan pa'i don sgrub brjed gyur te/ /khro bas gdungs nas lam ngan 'gro bar byed/ /grags dang don grub pa las nyams
 'gyur te/ zla ba mar gyi ngo bzhin dpal las nyams/ /mdza' bshes dag gis rab tu bcugs gyur kyang/ /khro bas mi rigs g.yang sar ltung bar 'gyur/ /phan dang gnod par sems la blo nyams nas/ /phal cher 'gal zhing sems ni rmongs par 'gyur//
 khro ba'i sdig pa'i las ni goms byas pas/ /ngan song dag tu lo brgyar sdug bsngal myong/ /gnod pa chen po byas pas shar gnyer ba'i/ /dgras kyang de las lhag par ci bya yod/ /khro ba 'di ni nang gi dgra /bdag gis de ltar shes nas ni/ /de yi mthu ni 'phro ba
 dag/ skyes bu su zhig bzod par byed/ /de bas bdag ni gson bzhin du/ /khro ba g.yos kyang ma shor to/ /phung bar byed pa'i dgra bo de/ /su zhig yal bar 'dor bar byed/ /de nas de'i rab tu zhi ba'i yon tan rmad du byung ba dang tshig snying la 'bab pa des rgyal po
 yid rab tu mgu bar gyur nas smras pa/ khyod kyi smra ba'i rim 'di dang/ zhi ba'i rjes su mthun pa 'di/ /mang du smos kyang ci dgos te/ /khyod dang ma phrad brlag par 'gyur/ /de skad ces bstong nas drung du bsnyen te de'i rkang pa gnyis la phyag 'tshal nas
 sdig pa byas pa yang bshags so/ /bud med rab tu byung ba de la yang bzod pa gsol nas slar btang ngo/ /bdag nyid kyang byang chub sems dpa' i g.yog tu khas blangs so/ /de lta bas na khro ba thul bar gyur na dgra zhi bar 'gyur gyi
 gzhan du byas na dgra 'phel lo/ /de bas na khro ba thul bar bya ba la 'bad par bya'o/ /de ltar kho na du 'dzin pa med na dgra zhi bar 'gyur la dul bar byas na dgra 'phel lo/ /de bzhin du mi khro ba ni gnyis ka'i don spyod par 'gyur ro zhes bya ba la sogs pa bzod pa'i
 phan yon 'byung ba'i mdo sde dag la yang brjod par bya'o/ /khro ba'i nyes dmigs kyi gtam bya ba dang/ de bzhin gshegs pa'i che ba nyid la yang brjod par bya'o/ /gtsug pud byang chub kyi skyes pa'i rabs te/ /nyi shu gcig pa'o// //skyes
 pa'i rabs kyi rgyud bam po bdun pa/ /dam pa rnams dud 'gror lhung ba'i spyod pa la yang skyes bu dam pa ma yin pa rnams kyi rjes su mthun par bya ba tsam yang mi nus so/ /de yang 'di ltar byang chub sems dpa' yid bzhin gyi mtsho chen po'i nang gi
 ngang pa'i khyu chen po brgya stong phrag du ma grangs mang po'i bdag po ngang pa'i rgyal po yul 'khor srung zhes bya bar gyur to zhes grag go/ de'i blon po ngang pa'i sde dpon rigs pa dang mi rigs pa yongs su shes par bya ba la mkhas pa/ yun ring
 por yang dran pa'i mthu dang ldan pa/ rigs mthon po'i nang na gtso bor gyur pa/ mkhas pa dang nges pa dang dul bas brgyan pa/ brtan pa dang/ gtsang ba dang/ tshul khrims dang/ spyod tshul dang/ spyod lam phun sum tshogs pa/ dpal la sdug
 bsngal bzod cing bag yod la/ /g.yul ngor 'gyed pa'i dgra thabs la mkhas shing mi 'jigs pa/ jo bo la snying nye zhing legs par lta ba bzhin bzangs zhes bya ba zhig kyang yod par gyur te/ /de'i tshe de ltar gyur pa de yang gnas brtan 'phags
 pa kun dga' bo yin no/ /de gnyis gcig la gcig byams shing mdza' ba'i yon tan gyi gzhis yon tan gyi mthu rab tu che bar gyur te/ 'jig rten gnyis ka la phan pa 'byung bar bya ba'i don du legs par 'jog pa ni slob dpon dang slob ma'i gtso bo bzhin//
 gzhan ni slob ma phal ba bzhin/ /rnam pa gcig tu na pha dang bu rab thu bo bzhin/ /gzhan ni bu phal pa bzhin no/ /lha dang/ klu dang/ gnod sbyin dang/ grub pa dang/ rig sngags 'chad dang/ dka' thub can de mngon sum du mthong ba rnams rab tu ngo mtshar che bar gyur to//
 de gnyis ngang pa'i tshogs rnams 'khod pa de'i/ /bde ba'i lus ldeg spyod pa gcig tu gyur/ /mkha' la rgyu ba'i bya yi 'dab ma gnyis/ /lus 'degs phyir ni spyod pa gcig pa bzhin/ /de ltar de gnyis kyis ngang pa'i tshogs de dag rjes su bskyangs pa'i ni chos dang
 srid dar ba gnyis kyis mi rnams rjes su bskyad ba bzhin du rab tu dar bar gyur to/ /des mtsho de rab tu mdzes par gyur to/ /ngang pa mang po tshogs pa yi/ /sgra snyan yid du 'ong ba des/ /pad+ma dkar po rgyu ba bzhin/ /mtsho de rab tu mdzes par byas/ /la lar ngang pa so
 sor gyes/ /kha cig tu ni phang phud 'chas/ /mkha' la sprin rnams gyes? 'phung ba'i/ /mdzes pa'i dpal yang zil gyis gnon/ /de nas ngang pa'i bdag po sems can thams cad la phan par dga' ba de dang/ blon po'i ngang pa'i sde dpon bzhin bzangs de'i yon
 tan khyad par can gyi mthu chen pos yid la ya mtshan cher gyur pa'i grub pa dang/ drang srong dang/ rig sngags 'chang dang/ lha mang po rnams de gnyis kyis grags pa'i gzhi las gyur pa'i gtam 'ba' zhig 'dzer cing de dang de dag na 'khod do/ /gser mchog
 btso ma'i kha dog 'dra ba'i mdog/ dpal ldan lus can tshig 'bru gsal bar smra/ /dul zhing rigs pa chos kyi tshul las byung/ /dad pa'i tshul can 'di gnyis nges par gzhan/ /phrag dog med pas yon tan bsgrags pa dang/ de gnyis grags pa phyogs su
 rgyas par gyur/ /rgyal po rnams kyang de la dad pa skyes/ /dam pa 'tshogs sar skyes dang 'dra bar 'gyur/ /de'i tshe na yul ba ra NA se'i rgyal po tshangs byin zhes bya ba zhig yod de/ des ngang pa'i bdag po de dang/ ngang pa'i sde dpon de'i yon tan khyad par
 can gyi gtam blon po yid ches pa dang/ bram ze rgan po rnams kyis tshogs kyi nang du gleng bslang ba lan du ma zhig thos nas de gnyis lta 'dod par gyur te/ blon po bka' la gtogs pa gtsug lag du ma la goms shing mkhas pa'i blo dang ldan pa rnams la
 smras pa/ kye ngang pa mchog de gnyis ci nas kyang nga'i spyan sngar brim du rung ba'i thabs bzang po 'ga' zhig tshol zhig/ de nas blon po de dag rang rang gi blo la ci dran pa dang/ gzhung lugs dag dang yang sbyar te rgyal po la gsol pa/ sems can rnams ni bde
 ba 'tshal/ /bde bar 'gyur ba'i yon tan mchog/ de dang de nas 'gug par bgyid/ /de bas de thos de gnyis mchi/ /de bas na mtsho gang na de gnyis mngon par dga' bar gyur pa'i bka' mchid gda' ba de bas kyang yon tan khyad par du 'phags shing bzang ba'i
 mtsho zhig yul 'dir yang dgon pa'i sa phyogs zhig tu bgyid du stsal la/ gdugs re zhing yang bya thams cad la mi 'jigs pa sbyin pa'i sgra bsgrags shing ci nas kyang ngo mtshar cher 'gyur ba'i yo byad kyi yon tan khyad par can thos nas de gnyis
 'dir mchi bar 'gyur ba de ltar bgyi ba'i rigs so/ /lha gzigs su gsol/ /lha gcig sems can phal cher ni/ /bde ba rnyed pa khyad du gsod/ /thos na dga' ba'i bde ba dag/ gud na 'dug kyang yid 'phrog 'gyur/ /de nas rgyal po des bsams pa/
 de bden no snyam nas ring po ma lon par grong khyer gyi skyed mos tshal dang ha cang yang mi ring ba zhig tu yid bzhin gyi mtsho'i longs spyod kyi yon tan la 'gran du me tog pad+ma dang/ utpal dang/ ku mu da dang/ pad+ma dkar po dang/ so'u gand+hi ka dang/ pad+ma
 dkar po dang/ ku mu da dmar pos khebs shing chu gtsang mas gang ba rab tu yid du 'ong ba'i mtsho chen po zhig byed du bcug go/ ljon shing me tog bzang ldan zhing/ /lo ma bzang po 'od gsal rnams/ /de la ltad mo ltar lhag bzhin/ /mtsho'i mdza' ma yongs su
 bskor/ /pad+ma rnams ni dgong pa bzhin/ /chu rlabs 'khrugs pas g.yo bar gyur/ /de la chags pa'i bung ba rnams/ /g.yo zhing 'phur ba mang pos gang/ /kha cig na ni zla 'od kyis/ /kha bye ku mu da dag mdzes/ /shing gi grib mas bar bcad pas/ /kha cig zla
 ba'i dum bu 'dra/ /pad+ma utpal phye ma rnams/ /rlabs kyis sor mos bris pa bzhin/ /mtsho'i 'gram dag rab tu brgyan/ /kha cig gser phye'i ri mo bzhin/ /pad+ma utpal 'dab ma dag/ ge sar bcas pas de dang der/ /me tog sil ma bkram pa bzhin/ /rab tu
 nyams dga' rnam par mdzes/ /chu ni rab gsal mi g.yo bas/ /lus kyi yon tan gsal mdzes pa'i/ /nya yi tshogs ni mang po dag /mkha' la rgyu ba 'dra bas brgyan/ /la lar mu tig phreng chad bzhin/ /glang chen sna nas bus pa dang/ /brag la phog pa'i chu
 'bros pas/ /rlabs kyis phye ma rab tu 'phro/ /rig 'dzin na chung khrus byas shing/ /glang chen rgyal ba'i bsung dag dang/ /me tog rnams kyi phye ma yis/ /kha cig tu ni bsung bsgos bzhin/ /zla ba'i chung ma skar ma rnams/ /phyi'i gdong lta me long bzhin/ /bya
 rnams dga' ba? mang pos gang/ /de yi sgra snyan rab tu grags/ /mtsho de lta bu bya mang po'i thams cad kyi bde ba'i yo byad dgag pa med pa de lta bu byed du bcug nas/ de dag la byin te bya rnams yid ches par bya ba'i phyir nyin re zhing yang mi 'jigs pa
 sbyin pa'i sgra sgrog tu bcug go /mtsho 'di me tog pad+ma dang/ /utpal 'dab mas gang ba'i chu/ /rgyal pos bya rnams kun la byin/ /dga' zhing mi 'jigs yon dang bcas/ /de nas re zhig cig ston gyi dus la bab pa'i tshe sprin gyi mun pa yol ba ltar
 sgrib pa ni med/ /ston gyi dus kyi yon tan bzang po ni byung/ phyogs rnams ni gsal ba de ltar snang/ /me tog pad+ma mang po kha bye ba ni mdzes par gyur/ /mtsho'i chu rnams ni rab tu dang zhing yid du 'ong bar gyur/ /zla ba ni gzi mdangs
 kyi mchog dang ldan zhing 'od zer rab tu 'phel ba bzhin du gyur/ /sa gzhi ni lo tog rnam pa mang po phun sum tshogs pas brgyan pa dang ldan par gyur/ bya ngang pa gzhon nu mang po ni rgyu bar gyur pa'i tshe/ /yid bzhin gyi mtsho'i nang na ngang pa mang
 po 'khod pa de'i nang nas ngang pa shug gnyis shig ston gyi dus nyams dga' ba'i tshe yul rgyu zhing mthar gyis dong dong pa las rgyal po de'i yul du phyin to/ /de na yang bya mang po ni sgra 'byin/ /bung ba mang po ni sgra ngi ri ngi ri zer/ /ser
 bu bsil ba langs pas rlabs kyi phreng ba 'khrigs par byas shing/ /kho ra khor yug tu me tog pad+ma dang/ u tpa la'i dri zhim po'i ngang ni ldang/ /pad+ma kha bye ba rnams ni 'bar ba bzhin/ /me tog ku mu da dkar po rnams ni dgong pa bzhin du 'dug
 pa'i mtsho de mthong bar gyur to/ /ngang pa shug gnyis po de yid bzhin gyi mtsho na 'khod 'khod kyang mtsho de'i dpal rab tu yid du 'ong ba mthong nas rab tu ya mtshan che zhing rang gi ngang pa'i tshogs rnams kyang rjes su dran par gyur te/ e ma'o ngang
 pa'i tshogs de dag kyang 'dir lhags kyang ci ma rung snyam du sems par gyur to/ /'jig rten pa ni phal cher du/ /spyi yi bde ba myong nas ni/ /byams shing rjes su chags pa yis/ /mdza' bshes thog mar dran par 'gyur/ /de nas ngang pa shug
 gnyis po de de na ji srid 'dod par 'khod 'khod nas dbyar gyi dus la bab pa dang/ grog 'gyu ba ni mtshon cha 'debs pa 'dra/ /sprin gyis khebs pa'i mun pa ni ha cang yang mi gnag/ sprin gyi tshogs mang po 'du ba ni lha ma yin gyis dmag
 tshogs 'du ba bzhin/ /rma bya'i mdongs yongs su rgyas pa ni mdzes par gyur/ /rma bya'i sgra cong cong po 'byin pa ni dbyar sprin rnams rgyal bar gyur pa bzhin du mgu bar byed/ /rma bya mang po ni gar sna tshogs byed/ /bya bran mang po ni sgra sna tshogs 'byin cing rnam
 par rgyu/ /me tog ka? dam pa dang/ sardza dang/ ardzu na dang/ ke ta ka'i dri zhim pos bsgos pa'i ser bu bsil ba'i ngang ldang pa ni nags tshal dbugs 'byin pa bzhin/ /bya dkar mo'i phreng ba rgyu ba ni sprin gyi so'i phreng ba gtams pa bzhin/ /ngang pa'i tshogs
 rnams ni gud du 'dod 'dod pas sgra cher mi 'byin cing 'gro chas byed pa de bzhin du ngang pa shug gnyis po de yang yid bzhin gyi mtsho de nyid du slar dong ngo/ /ngang pa'i bdag po'i drung du lhags nas yul dang phyogs rnams kyi gtam gleng langs pa'i tshe mtsho
 de'i yon tan khyad par can de glengs so/ /lha gangs ri'i lho phyogs na yul ba ra NA se zhes bgyi ba na rgyal po tshangs phyin zhes bgyi ba zhig mchis te/ /des mtsho chen po rmad du byung ba bzang ba yon tan che ba brjod kyi mi lang ba zhig bya rnams la rang dgar
 spyod cing bde ba'i longs spyod du stsal te/ nyi re zhing yang mi 'jigs pa sbyin pa'i sgra yang sgrogs/ bya rnams kyang de ni rang gi khyim na mchis pa bzhin du 'jigs shing bag tshab ma mchis par spyod cing mchis so/ /de bas na lha yang dgung lo slang ma la
 der gshegs pa'i rigs so/ /de skad ces zer ba thos nas ngang pa de dag thams cad kyang de lta 'dod par gyur to/ /de nas byang chub sems dpa' ngang pa'i sde dpon bzhin bzangs la gros 'dri ba'i tshig dang yi ge gsal ba rgya cher bstan nas ji ltar
 bya ba'i rigs zhes smras so/ /de nas bzhin bzangs kyis phyag 'tshal nas de la smras pa/ lha der gshegs pa'i mi rigs so/ /ci'i slad du zhe na/ 'o skol gyi lus 'di dag ni sha bzar rung ste chags pa'i gnas lags shing yid du 'ong ba sha stag lags
 la/ /bdag cag 'di na cis kyang phongs pa ma mchis so/ /mi rnams kyi snying yang tshig 'jam po bcos ma phyi bzhag can du smra la/ gnod par sems pa'i rang bzhin ngan pa ni mi mngon par bgyid la phal cher snying rje chung
 la g.yo ngan lags so/ /rje gcig gzigs su gsol/ /phal cher bya dang ri dwags rnams/ /smra dang sems pa mthun par bgyid/ /mi yi nad na kha cig ni/ /de las bzlog pa'i tshul la mkhas/ /'jam zhing snyan par tshig smra yang/ /don dang mthun pa
 ma mchis so/ /tshong pa rnams kyang khe 'tshal phyir/ /bdag gi nor yang 'god pa bgyid/ /skyon dang bcas shing mi rigs pa/ /dgos pa mchis kyang mi sman te/ /de bas lha gcig de tsam gyis thugs ches mdzad pa'i mi rigs so/ /gal te der mi
 gshegs su mi rung na yang der gshegs la/ /mtsho de'i longs spyod bor te slar myur du gshegs pa'i rigs kyi/ /de na yun ring du bzhugs par yang mi rigs la/ /gtan du bzhugs par yang dgongs par mi rigs so/ /de nas byang chub sems dpa' 
 ston gyi dus la bab cing zla ba dang skar ma dang rgyu skar dri ma med pas brgyan pa'i tshe/ ngang pa'i tshogs mang po yul ba ra NA se'i mtsho lta bar 'dod pa rnams kyis der 'dod pa'i phyir yang dang yang du gsol ba btab pa dang/ /ngang pa de dag gis ngo zlog ma
 phod nas bzhin bzangs la sogs pa ngang pa mang pos yongs su bskor te zla ba ston gyi sprin gyis bskor ba bzhin du der song ngo/ /mtsho chen de ni nyams dga' dpal mthong nas/ /yid du 'ong dgu bkod pa sna tshogs rnams/ /rab tu dga' bar sems
 dpa' de rnams kyis/ /gnas su rung bar yon tan mtshungs par gyur/ /mtsho de gnas skabs de dang de dag gis/ /yid bzhin mtsho bas gang dag lhag gyur pa/ /de'i phyir de na ring du gnas par sems/ /yid bzhin mtsho la de dag mi dmigs so//
 de dag gis mi 'jigs pa sbyin pa'i sgra de yang thos la de na bya mang po rnams kyang bde bar 'khod/ /mtsho de'i longs spyod kyis sems rab tu dga' zhing/ de na skyed mos tshal du rtser dong dong ba bzhin du longs spyod rjes su myong zhing rab tu dga' bar gyur to/ /de nas
 mtsho de bsrung bar bskos pa'i mi rnams kyis ngang pa de dag der lhags par rgyal po la bdas par gsol pa/ lha sngon ngang pa'i mchog gnyis shig yon tan dang gzugs bka' mchid du gda' ba de kho na 'dra ba'i ngang pa mchog gnyis shig 'dab ma ni
 gser gyi 'dab ma ltar mdzes/ /gdong dang rkang pa gnyis ni gser btso ma bas kyang lhag par mdog bzang zhing mdzes/ /lus kyi tshad ni lhag par che zhing legs pa dag cig ngang pa'i g.yog 'khor brgya phrag du mas bskor te lha'i mtsho brgyan pa'i phyir
 mchis pa bzhin du 'dir mchis so zhes gsol to/ /de nas rgyal po des bya shor ba'i mi bya shor ba'i las la mkhas par grags shing grub pa cig btsal nas bya de gzung ba'i phyir rim gro bskyed de bka' stsal to/ /des kyang de bzhin du bgyi'o zhes rgyal
 po'i bka' mnyan nas ngang pa de gnyis kyi gnas dang spyod yul legs par brtags te/ de dang de dag tu rnyi dam po rnams mi mngon par byas te gtsugs so/ /de nas ngang pa de dag yid brtan cing ma rung du dogs pa med pas rab tu dga' nas yid
 g.yengs bzhin du rgyu zhing 'khod 'khod pa las ngang pa'i bdag po'i rkang pa gnyis rnyis zin par gyur to/ /brid pa'i thabs ni mkhas pa yis/ /nyis su dogs pa med pa rnams/ /bag phab pa ni log par 'gyur/ /bag med brlag pa'i 'byung
 khung yin/ /de nas byang chub sems dpas bsams pa/ gzhan dag las kyang kha cig 'di lta bu yi nyam nyes par gyur na mi rung ngo snyam nas sgra 'byin pa'i bye brag gi mtsho 'di 'jigs pa dang bcas pa yin no zhes bsgrags so/ /de nas ngang pa
 de dag ngang pa'i bdag po rnyis zin pas snying 'khams nas 'jigs shing skrag la brtag pa'i skad mi snyan pa phyung ste/ gcig la gcig mi lta bar dmag mi g.yul ngor phan pa bzhin du phyogs phyogs su 'phur nas byer ro/ /ngang
 pa'i sde dpon bzhin bzangs ni ngang pa'i bdag po'i drung nas ma g.yos so/ /byams pa'i bcing bas yid ni bcing ba rnams/ /rang gi srog dang bral ba 'ang mi sems so/ /mdza' bshes nyam nyes gyur pa'i mya ngan ni/ /srog dang bral ba bas kyang sdug
 bsngal che/ /de nas byang chub sems dpas bzhin bzangs la smras pa/ song zhig song zhig bzhin bzangs khyod/ /'di na 'dug par mi rigs so/ /da ni 'di ltar gyur pa la/ khyod kyi grogs byar ga la yod/ bzhin bzangs kyis smras pa/ 'di na mchis
 pa'ang gum pa des ma mchis/ /gud du mchis kyang dga' shi med mi 'gyur/ /bde ba'i tshe na rtag tu khyod bkur la/ /nyam nyes tshe na dor du ga la rung/ /rang gi srog gzung tsam gyis phyir/ /bya yi rgyal po khyod bor na/ /gtam ngan char bzhin 'bab pa yi//
 skyabs ni bdag la ci zhig mchis/ /rgyal po chen po nyams nyes pa/ /bor te mchi ba chos mchis sam/ /bya rgyal khyod ni cir gyur pa/ /de ltar bdag nyid gyur kyang rung/ /de ltar byang chub sems dpas smras pa/ rnyis ni zin par gyur pa lta/ /tshang bang min
 pa gang du 'gro/ /khyod ni ma zin bde bar gnas/ /ci phyir de ltar 'gyur bar 'dod/ /de ltar byas na cir 'gyur ltos/ /gnyis ka srog dang bral gyur na/ /gnyen bshes phyi na 'khod pa dang/ khyod dang nga la ci zhig phan/ /bde dang mi bde mun khung bzhin/ /phan
 pa'i don ni mi mngon pa/ /de lta bu la srog bor na/ /khyod kyis don ni ci zhig bstan/ /bzhin bzangs kyis smras pa/ 'dab chags rnams kyi gtso bo khyod/ /chos kyi don kyang mi gzigs sam/ /chos don legs par bgyis na ni/ /srid kyi don mchog
 thob par 'gyur/ /bdag ni chos kyi don la lta/ /chos las srid kyang thob par 'gyur/ /khyod la glo ba nye ba'i phyir/ /bdag ni gson par mi 'tshal lo/ /byang chub sems dpas smras pa/ mdza' bo nyam nyes gyur pa la/ /grogs po gang dag chos dran zhing/ /srog gi
 phyir yang mi gtong la/ /dam pa rnams kyi chos yin bden/ /de bas khyod kyis chos bzhin byas/ /nga la gus pa'ang bstan zin gyis/ /ngas ni gsol ba btab pa bzhin/ /nga bdag 'dod pa bzhin du song/ /de ltar byas na rung ba ni/ /mdza' bshes nga dang bral ba rnams//
 blo gros phun sum tshogs pa khyod/ /song na 'byor ba mchog tu 'gyur/ /de ltar de gnyis gcig la gcig /byams pa'i yon tan smra pa la/ /'chi bdag mngon du 'ongs pa bzhin/ /rngon pa de yang 'ongs pa mthong/ /de nas ngang pa'i mchog de gnyis kyis rngon pa de 'ong
 ba mthong ba dang cang mi smra bar 'khod do/ /des kyang ngang ba mang po de dag byer te med par gyur pa mthong nas/ 'dir 'ga' zhig ni rnyis zin yang dag go snyam nas blo la nges par bskyed de/ rnyi btsugs pa'i gnas rnams nyul du song song dang ngang pa'i mchog de gnyis
 mthong ngo/ /de de'i gzugs bzang po des yid la ngo mtshar cher gyur te gnyis ka rnyis zin to snyam nas/ der btsugs pa'i rnyi gnyis bsgul ba dang/ de nas gcig ni rnyis zin/ /gcig ni rnyis ma zin par bde bar 'dug bzhin du rim gro byed cing 'dug pa mthong
 nas snying la ya mtshan cher gyur te bzhin bzangs la ched du smras pa/ /bya 'di rnyi yis zin pas na/ /'phur te 'gro pa'i mthu rtsal med/ /nga yang drung du 'ongs bzhin du/ /mkha' la phur te mi 'gro 'am/ /khyod ni ma zin bde bar 'dug/ /'dab gshog rdzogs shing
 mthu dang ldan/ /nga ni 'di ru 'ongs gyur kyang/ /ci phyir mkha' la myur mi 'gro/ /bzhin bzabs kyis de skad zer ba thos nas/ /tshig 'bru rab tu gsal zhing spel legs la rang bzhin gyis yid du 'ong zhing brtan pa'i yon tan gyi gzi byin dang ldan pa'i sgra phyung ste//
 mi'i skad du smras pa/ nus bzhin du ni mi 'gro ba/ /bya 'di rnyi yis zin gyur te/ /sdug bsngal chen po myong bar gyur/ /de phyir nga ni mi 'gro bo/ /khyod kyis 'di yi rkang pa gnyis/ /rnyi yis zhags pa chen pos bzung/ /bdag kyang 'di yi
 yon tan gyi/ /rnyi ni de bas dam du zin/ /de nas rngon pa de rab tu ya mtshan cher gyur te spu zing zhes byed par gyur nas bzhin bzangs la yang smras pa/ nga yis 'jigs nas ngang pa gzhan/ /'di bor nas ni gud du dong/ /khyod ni 'di ltar mi 'di gtong/ /bya 'di khyod
 kyi cir 'ong ge /bzhin bzangs kyis smras pa/ nga'i rgyal po srog dang 'dra ba'i grogs/ /bde ba'i sbyin pa de ni nyam nyes gyur/ de bas bdag gi srog ni yal gyur kyang/ /'di ni gtong bar bdag gis mi nus so/ /de nas bzhin bzangs kyi rngon pa de yid
 mgu zhing ya mtshan cher byed par shes nas yang smras pa/ /bzang po bdag cag smras pa 'dis/ /gal te bde ba 'byung 'gyur zhing/ /de ring bdag cag btang na ni/ /chos dang ldan pa'i grags pa 'thob/ /rngon pas smras pa/ da ni khyod la gnod mi byed/ /khyod ni nga
 yis bzung ba med/ /de bas khyod ni ci bder song/ /gnyen dang phrad cing dga' bar gyis/ /bzhin bzangs kyis smras pa/ /bdag ni sdug bsngal mi bzhed na/ /bdag gis gsol pa bzhin du mdzod/ /gal te gcig gis mnyes gyur na/ /'di ni thong la bdag
 zung zhig /bdag cag mthu dang zheng yang mnyam/ /na tshod la yang rgan gzhon med/ /'di ltas blus par gyur pa la/ /khyod dang bdag gnyis pha ma rgyal med/ /bdag la thugs ches mi 'gyur na/ /khyod kyis bdag ni sngar bzung la/ /bya'i rgyal po phyi nas
 thob/ /khyod kyi rnyed ba'ang de bzhin la/ /bdag gis gsol pa'ang gnang bar mdzod/ /ngang pa mang po 'ang dga' bar gyis/ /de bas mdza' ba'ang de bzhin 'gyur/ /khyod kyis btang na ji ltar 'gyur ba gzigs/ /ngang pa mang po grags pa'i bdag po de/ /
 nam mkha' dang ba'i nang na rnam mdzes pa/ /lha min rgyal pos zla ba btang ba bzhin/ /de nas rngon pa de snying sra zhing rtsub pa la goms kyang de rang gi srog la yang mi lta bar jo bo la snying nye zhing byams pa dang chu gang dang khres ltas che ba'i yon tan gyi byin dang ldan pa dang/
 brtan zhing 'jam por smra ba'i rgyan pa'i tshig des sems dul bar gyur nas/ /ngo mtshar che zhing rab tu gus pa'i dbang gis thal mo sbyar te bzhin bzangs la smras pa/ /skal pa chen po legs so legs/ /jo bo'i don du srog btang ba/ /khyod kyi 'dir ni gang
 bstan pa/ /de lta bu yi chos bzang ba/ /mi 'am lha yi nang na dkon/ /de bas khyod kyis rgyal po de/ /mgu bar byas nas btang bar bya'o/ /khyod kyis srog pas phangs de la/ /gnod par byed pa su zhig yod/ /de skad ces smras nas rngon pa des rgyal po de'i bka' 
 ma mnyan par ngang pa'i rgyal po snying rje can de la rim gro byas nas rnyi bkrol te btang ngo/ /de nas ngang pa'i sde dpon bzhin bzangs de ngang pa'i rgyal po de btang bas snying rab tu dga' bar gyur te/ rngon pa la dga' zhing byams pa'i dga' bas bltas nas
 smras pa/ /ngang pa'i rgyal po khyod kyi dang btang bas/ /bdag ni mdza' bos ji ltar dgar gyur pa/ /bzang po khyod kyang gnyen dpe lhan cig tu/ /ston brgya mang po dag tu dga' bar shog /khyod kyis las byas don med mi 'gyur phyir/ /nga dang ngang pa mang po'i bdag
 po gnyis/ /bde bar zung la khur gyi dor bsngos te/ /pho brang nang du rgyal po'i spyan sngar brims/ /ngang pa'i rgyal po g.yog dang bcas gzigs nas/ rgyal po de ni nges par dgyes par 'gyur/ /khyod la mgu bar gyur pa'i nor chen rnams/ /re yang mi re ba dag
 stsol par 'gyur/ /de nas des gal gyis gcus pa dang/ /rngon pa des bsams pa/ 'di lta bu'i ngang pa ngo mtshar rmad du byung ba 'di gnyis re zhig rgyal po'i spyan sngar brim mo snyam nas/ ngang pa'i mchog de gnyis khur gyi dor bsngos te bde zhing ma bcings
 par khyer te song song nas rgyal po'i spyan sngar brims so/ /bdag gis ngang pa'i rgyal po 'di/ /sde dpon dang bcas 'tshal te mchis/ /rmad du byung ba'i spyan gzigs 'di/ /rgyal po'i spyan sngar brim du gsol/ /de nas rgyal po de ya mtshan
 che zhing snying rab tu dga' bar gyur nas/ ngang pa'i mchog gser gyi pha 'ong ltar gzi mdangs dang ldan pa'i gzugs yid du 'ong ba de gnyis bltas nas/ /rngon pa de la smras pa/ bya 'di gnyis ni ma bcings la/ /snad cing smras pa'ang yod med par/ /khyod
 ni sa la 'gro ba yis/ /ji ltar zin pa bzhin du smros/ /de skad ces smras pa dang/ rngon pa des rgyal po la phyag 'tshal nas smras pa/ mtsho dang lu ma'i 'gram dag na/ /bya rnams rgyu ba'i sa phyogs su/ /bya rnyi rab tu mi bzad pa/ /bdag gis shin tu mang
 po btsugs/ /de nas ngang pa'i mchog 'di ni/ /bag phab dogs pa med par rgyu/ /rnyi rnams btsugs pa de dag gis/ /rkang pa gnyis ni zin par gyur/ /gcig ni ma zin de la 'khor/ /bdag la de yis gsol ba btab/ /ngang pa'i rgyal po'i srog
 blud du/ /bdag nyid mchid kyis 'tshal bar gyur/ /mi'i skad du tshig smra ba/ /rnam par gsal la tshig 'bru 'jam/ /bdag gi srog kyang yongs gtong zhing/ /gsol ba 'debs kyang gzi byin che/ /de bas 'di tshig rab tu 'jam pa dang/ /rje la snying
 nye spyod tshul brtan pa des/ /bdag ni mgu bar gyur nas 'di yi rje/ /bdag gis khro ba btang nas 'di yang btang/ /de ltar bya rgyal 'di ni btang ba yi/ /dga' bar gyur nas snyan pa mang du smras/ /bdag gi sug las don med mi 'gyur phyir//
 khrod kyi spyan sngar khrid ces bdag la mchi/ /de bas 'di ni bya'i gzugs can chos dang ldan pa gzhan zhig lags/ /gang gi bdag gi sems kyang de ma thag tu 'jam zhing mnyen par gyur/ /de bas bdag gis bya yi rgyal po rnyi las bkrol te
 btang ba dag /bdag gi drin gzo phyir ni rje khol bcas te khyod kyi spyan sngar mchis/ /rgyal po des de skad ces thos nas rab tu dga' zhing yid la ya mtshan cher gyur te/ gser gyi stan khri rgyal po'i gdan du 'os pa'i khri'i rkang pa rin po che sna tshogs kyis
 spras pa'i 'od zer 'phro zhing sdug pa/ lha'i ba dan rim pa du mar bshams shing bzang ba/ rgyab rten bde zhing nyams dga' bas brgyan pa/ /rkang brten btsugs pa zhig ngang pa'i rgyal po'i stan du thing shig ces bka' stsal to/ /blon po chen po'i stan du 'os
 pa spa'i khri zhig ni bzhin bzangs kyi stan du thing shig ces bsgo'o/ /de nas byang chub sems dpas bsams pa/ de ni dga' bar gyur pa'i gtam bya ba'i skabs su bab po snyam nas dril du ltar snyan pa'i skad chung ste rgyal po la smras pa/ gzi byin che
 zhing mdangs dang ldan pa'i sku/ /bde ba'i gnas khyod de ltar thugs bde'am/ /khyod kyi chos kyi sku la rma med dam/ /dka' lung snyan pas rgya cher dbugs phyung ngam/ /phan gdags nan tur bgyi ba'i bka' khrims kyis/ /'bangs kyi skye dgu srung ba'i dbang
 bskur tam/ /bdag gi grags pa'i gtam snyan rgyas gyur tam/ /'bangs rnams glo ba nye zhing phan btags sam/ /blon po 'dzangs shing glo ba nye ba rnams/ /brtags pa'i thabs kyis legs par brtags lags sam/ 'bangs la sman pa rtag tu
 dgongs lags sam/ /de dag mi mkhyen par ni mi bzhugs grang/ /dpa' zhing thabs la mkhas pa'i bka' nan gyis/ /rgyal phran de dag bka' ni nyan lags sam/ /thugs rje chen po'i mdzes pa mchis lags sam/ /thug ches bag med pa
 ni mi nam nal grangs/ /chos dang bde dang srid rnams mthun lags sam/ /khyod kyi spyod pa dam pa dga' ba yi/ /grags pa phyogs su rgyas par gyur pa yis/ /dgra rnams shugs 'byin smod par 'gyur lags sam/ /de nas rgyal po de
 sems rab tu dga' zhing dbang po rnams kyang dang la gsal bar gyur nas de la slar smras pa/ ngang pa di ring bdag kyang bde/ /thams cad du yang bde bar gyur/ /dam pa dag dang phrad pa 'di/ /yun rings bsams pa grub par gyur/
 khyod ni rnyi yis zin pa na/ /dga' bas sems ni g.yengs gyur nas/ /khyod la dbyig bas brdegs nas ni/ /'di yis snang bar ma byas sam/ /de ltar rngon pa 'di dag ni/ /bya rnams zin cing snang 'gyur na/ /dga' ba sems ni g.yengs gyur nas/ /ngan pa
 dag kyang spyod par 'gyur/ /byang chub sems dpas smras pa/ /'di lta bur ni nyam nyes kyang/ /rgyal po chen po bde zhing mchis/ /'dis kyang bdag la dag bzhin du/ /gnod pa ci yang ma bgyis so/ /bzhin bzangs 'di yang ma zin par/ /bdag la byams
 pas zin bzhin 'dug/ 'jam por smra ba mthong ba dang/ /ngo mtshar ya mtshan che bar gyur/ /'di yi tshig ni 'jam po yis/ /de nas yid ni mgu gyur nas/ /dul zhing rim gro cher bskyed de/ /bdag ni 'di yis rnyi las bkrol/ /de bas 'di ltar bzhin bzangs
 kyis/ /'di la phan yon gdags pa dang/ /bde ba chen po 'byung ba'i phyir/ /bdag cag gnyis ni 'dir mchis so/ /rgyal pos smras pa/ bsam pa gnyis ni 'dir byon te/ khyed gnyis byon pa rab tu legs/ khyed gnyis mthong bar gyur pas na/ /bdag ni rab
 tu dga' bar gyur/ /rngon pa 'di yang di ring ni/ /don chen grub par gzigs su gsol/ /'o skol gnyis ka dgyes bgyis pas/ /'di ni mgu bar bgyi ba'i rigs/ /de skad ces smras nas/ rgyal po des rngon pa de la nor rab tu mang zhing rgya cher byin te mgu bar
 byas nas dad pa'i rgyal po la smras pa/ khyed gnyis ched du bdag gi khyim du byon/ /de bas bdag la 'dzem dogs ma mchis par/ /ci dang ci bzhed de dag bdag la gsungs/ /bdag gi bdog pa khyed dang thun mong lags/ /mdza' bos spobs te dog med
 tshig gsal bar/ /longs spyod bdog la bslang na mgur 'gyur ba/ /de lta bur ni nor gyis mgu mi 'gyur/ /de bas mdza' bos spobs na phan yon che/ /de nas rgyal po de bzhin bzangs smrar gzhug par 'dod nas 'dzum dmul te bzhin bzangs la bltas nas smras pa/
 skye bo gsar du bshes pa ma 'dris pa/ /rab tu spobs shing bag dbab mi rung yang/ /nges shing mnyam par bzhag pa'i tshig bdag ni/ /zhes sar bcas shing snyan pa mi smra min/ /de bas tshig tsam smra ba yis/ /bdag ni spobs par re ba dang/ /phyi phyir mdza' bar
 'dod pa yi/ /bsam pa don yod bgyi ba'i rigs/ /de skad ces smras pa dang/ ngang pa'i sde dpon bzhin bzangs kyis de la tshul bzhin du phyag 'tshal te smras pa/ dbang chen 'dra ba khyod dang gnyis/ /de ltar bka' mchid gsungs pa ni/ /rab tu dgyes pa'i tshul
 bstan na/ /su zhig yid la bsam mi rdzogs/ /mi yi bdag po bka' mchid gsung bzhin la/ /bya yi bdag po'ang rab tu dga' bzhin du/ /bka' mchid de lta'i nang du 'bangs dag gis/ /spyi brtol bskyed de smra ba'i ga la rigs/ /ya rabs dul ba'i tshig
 ni de ma lags/ /de ltar 'tshal bzhin rab tu ji ltar 'jug/ rgyal po chen po de bas bdag mi smra/ bzod pa'i mdzad pa'i rigs ni bzod par gsol/ /de skad ces smras pa dang/ rgyal po de rab tu dga' zhing bzhin gyi mdangs phyung nas bzhin bzangs la
 'di skad ces smras so/ /lha khyod kyi yon tan gtam snyan mi rnams zer ba'i rigs/ /ngang pa'i bdag po dang yang grogs por 'tham pa'i rigs/ /dul ba dang ni tshul la mkhas pa 'di lta bu/ /rang gi sems ni ma sbyangs pa la ga la yod/ /de bas bdag
 cag mdza' ba 'di/ /ci nas rgyun mi bcad pa dang/ de bzhin bdag la spobs par bgyis/ /ya rabs phrad pa nyams ma gyur/ /de nas byang chub sems dpas rgyal po de rab tu mdza' bar 'dod pa dang byams par gyur par shes nas de la mgu
 bar byed cing 'di skad smras so/ /dang po bshes par gyur na yang/ /bdag nyid chen po'i tshul 'dzin pas/ /mdza' bo dam pas bya ba gang/ /de ni khyod kyis bdag la byas/ /bkur sti bgyi ba'i cho ga 'dis/ /khyod kyis bdag la gang
 bstan pa/ /rgyal po chen po su yi sems/ /dran zhing dmigs par mi 'gyur mchis/ /dgos pa lta zhig ched ci zhig mchis/ /rgyal po chen po khyod la brten cing lta/ /khyod ni 'gron la dga' zhing yon tan 'dod/ /'di ltar gyur ba des par goms pa'i yon//
 'bangs la phan phyir rgyal po'i tshul 'dzin pa/ /drang srong mnyam bzhag dka' thub 'bad pa bzhin/ /khyod kyi yon tan rang gis gnas/ /rang bzhin dul ba khyod lta lags kyang mod/ /de bas bstod par 'os pa'i yon tan bde/ /'byung po nyes pa'i gcong
 rong mi 'dod do/ /yon tan skyon gyi chos nyid 'di shes nas/ /sems yod su zhig lam ngan 'gro/ /dpa' bas 'khor yul thob par mi 'gyur la/ /nor dang stsol phod thabs kyis de mi 'thab/ /yon tan med na nor bgod 'bad mi phan/ /rgyal po
 yon tan gyis ni thob par 'gyur/ /lha'i rgyal po'i dpal yang yon tan ltos/ /yon tan yod na rgyud kyang rab tu 'phel/ /grags pa rnams kyang yon tan nyid las 'phro/ /bdag nyid che ba'i mthu yang yon tan gnas/ /zla ba'i 'od pas gsal
 ba'i yon tan ni/ /dgra bo mi bzang dregs pas sdang ba dang/ /kho na rnying yod cing phrag dog che ba yang/ /yid ni rab tu dang zhing mgu byed do/ /rgyal po de ltar dul la sogs pa yi/ /yon tan bzang zhing che ba ma nyams par/ /rgyal phran dreg pa mthu
 yis btul nas ni/ /sa 'di skyongs la 'bangs kyang bslab tu gsol/ /'bangs la phan gdags rgyal po'i don gyi mchog /rgyal po chos la dga' bar gyur na ni/ /tshe rabs gnyis kar bde ba'i lam 'di yin/ /rgyal po spyod pa bzhin du
 'bangs kyang spyod/ /de bas chos bzhin sa la gnas pa slobs/ /sum cu rtsa gsum lha yang khyod la srung/ /khyod kyi drung na bde bar gnas gyur kyang/ /bdag gi grogs mang sdug bsngal 'bod pa bzhin/ /de nas rgyal po des 'khor dang bcas par de'i tshig de la mngon
 par dga' bar gyur nas bkur sti dang tshig snyan par smras te ngang pa'i gtso bo de gnyis slar skye'o/ /de nas byang chub sems dpa' ston gyi nam mkha' i dkyil ral gyi dri ma med pa ltar sngo zhing dang la mdzes pa la 'phur nas bzhin bzang phyi bzhin du 'brang ba
 ni gzugs brnyan drung du 'dug par 'dra bar byas te ngang pa'i tshogs mang po de'i drung du 'ongs pa dang/ /mthong ma thag tu rab tu dga' ba dang ldan par byas so/ /dus dus dag tu dang pa'i rgyal po de/ /gzhan la snying brtse'i phyir ni rgyal po'i der/ /ched du song nas chos kyang
 'chad par byed/ /rgyal po des kyang mchod pa gus par byas/ /de bas na dam pa rnams dud 'gror lhung ba'i spyod pa la yang skyes bu dam pa ma yin pa rnams kyis rjes su mthun par bya ba tsam yang mi nus na de 'gro na gnas pa rnams la lta smos kyang ci dgos/ /
 de ltar tshig snyan pa ni gnyis ka la phan par 'gyur pa yin no zhes tshig snyan par smra ba'i yon tan bsngags pa la yang sbyor bar bya'o/ /de ltar dge ba'i bshes gnyen dang ldan na don sgrub dka' ba yang grub par 'gyur ro zhes dag pa'i gshes gnyen gyi yon tan
 bsngags pa la yang brjod par bya'o/ /gnas brtan kun dga' bo'i sngon gyi ris mthun pa brtan pa la yang brjod par bya ste/ /gnas brtan 'di ni de ltar byang chub sems dpa' dang lhan cig tu 'grogs 'grogs te yun ring por byams pa dang rab tu gus pa 'ba' 
 zhig byed pa yin no zhes rjod par bya'o/ /ngang pa'i skyes pa'i rabs te nyi shu gnyis pa'o// //skyes pa'i rabs kyi rgyud 'am po brgyad pa/ /skyes bu dam pa rnams ni phan btags pa drin du gzo ba dang bzod pa la goms pas rim gro ma byas kyang
 sngon phan 'dogs pa la snying brtse ba lhod par mi 'gyur ro/ /de yang 'di ltar bcom ldan 'das 'di sngon byang chub sems dpar gyur pa'i tshe kun tu rgyu byang chub sems ces bya bar gyur to zhes grag go /de khyim na gnas bzhin du 'jig rten pas
 bsngags pa'i rigs pa'i gnas rnams kyi go rim 'di rgya cher shes/ /sgyu rtsal rnam pa sna tshogs la ni mkhas par byas/ /rab tu byung nas kyang 'jig rten la phan 'degs par brtson pas chos kyi gtsug lag rnams la lhag par yang blo zhen par gyur te/ de dag la
 slob dpon gyi go 'phang thob par gyur to/ /des bsod nams dang ldan zhing shes rgya che ba dang/ 'jig rten gyi spyod tshul la mkhas pa dang/ nan tan che ba'i yon tan dang ldan pas gang dang gang du song ba de dang der mkhas pa rnams dang/ mkhas pa la dga' ba rnams
 dang/ rgyal po rnams dang/ rgyal po'i blon po rnams dang/ bram ze dang/ khyim bdag rnams dang/ gzhan mu stegs can rnams dang/ rab tu byung ba rnams kyis bkur sti bya zhing dran par bya bar gyur to/ /bsod nams gzhi las 'bar ba'i yon tan rnams/ /nan tan
 sgrub pa'i byin gyis dga' bar 'gyur/ /dgra yang rang gi grags pa bsrung ba'i phyir/ /lhag par bkur sti byed pa nyid du gyur/ de nas bdag nyid chen po de 'jig rten la phan gdags pa'i phyir grong dang grong khyer dang ljongs dang grong rdal dang rgyal po'i pho brang 'khor rgyu zhing
 song song ba las/ /rgyal po zhig gi yul gyi mdab tu phyin par gyur to/ /de'i yon tan gyi mthu chen po rgyal po des thos shing de rgyang ring po nas yid rab tu dga' ste/ rang gi skyed mos tshal nyams dga' ba'i sa phyogs shig tu de'i gnas byed du bcug go /bsu
 ba la sogs pa bkur sti cher byas te rang gi yul du bzhag nas/ slob dpon la slob mas bya ba bzhin du rim gro bkur sti tshul bzhin du byas te mchod cing bkur to/ /longs spyod yon tan phun sum tshogs/ /khyim du re ba'i 'gron 'ongs nas/ /yon tan
 can la dga' ba rnams/ /rab tu dga' zhing spro bar 'gyur/ byang chub sems dpas kyang de la chos kyi gtam yid du 'ong zhing rnar snyan pa rnams kyis phan par 'gyur pa'i lam bstan pas nyi ma re re zhing phan 'dogs par gyur to/ /gus pa med la'ang chos la dga' ba rnams
 gzhan la snying brtse phan pa'i tshig smra na/ /phan par 'dod cing yon tan dga' ba yi/ /skye bo snod gtsang 'dra la smos ci dgos/ /de nas rgyal po de'i blon po rnams dang/ mkhas pa'i thabs thob pa rnams 'khor tshogs pa'i nang du byang chub sems dpa' la rim gro cher byas
 pa dang/ yon tan phun sum tshogs pa la phrag dog gi sems bskyed nas mi bzod par gyur to/ rang gi yon tan grags pa khyad par can/ /'gro ba mgu bar nus pa'i mthu can la/ /yon tan bcos mas bkur sti thob pa rnams/ /phrag dog me ni gor ma chag par
 'bar/ /de la gtsug lag gi gtam gyis mngon sum du zil gyis mnon ma nus shing/ rgyal po chos la brton pa yang ma bzod nas thabs de dang de dag gis rgyal po byang chub sems dpa' la mi dga' bar bya ba'i phyir 'di skad ces so/ /lha kun tu rgyu byang chub la thugs
 ches par mdzad pa'i mi rigs so/ /gdon mi 'tshal bar 'di ni lha yon tan la dgyes pa dang/ /chos la phyogs par 'tshal nas/ /brlag par bgyi ba'i slad du g.yo dang bcas pa'i tshig 'jam pos smra zhing spyod pa'i nyams drod 'dzin pa lags te/ nyi 'og gi
 rgyal po gzhan zhig gis bya ma rta btang ba las gor ma bkum mo/ /de ltar ci mngon zhe na/ 'di ltar chos kyi bdag nyid can du bgyis nas lha'i zhal snga nas gcig kho nar thugs rje che ba dang/ ngo tsha mkhyen cing 'jam nges can du bslabs te/ srid dang 'dod pa
 dang mi mthun pa/ rgyal rigs kyi chos ma yin pa/ snyan ngag dang mi mthun pa/ chos la skul ma 'debs shing snying rje dang ldan par bgyi ba'i don du sgrub cing ched cher bgyis nas thabs kyis bag 'bebs so/ /nyi 'og gi rgyal po'i pho nya dag dang yang bshes
 shing 'bral la/ 'di ni nyid kyang rgyal po'i gtsug lag gi rgyu la mi mkhas pa yang ma lags te/ de bas na bdag cag 'di la glo ba mi ches so/ /de nas rgyal po de la dbyen gyi thabs yang dang yang du lan du mar phan par 'dod pa bzhin du
 mi mang pos smras pa dang/ byang chub sems dpa' la yid mi ches par gyur te byams pa bkur sti chung zhing sems sngon dang mi 'dra bar gyur to/ /'brug sgra drag po'i ser ba 'dra ba yi/ /dbyen gyi ser ba rdo rje bab na ni/ /mi tsam chod kyi mdza' ba brtan pa
 dag/ nyams shing zhig par mi 'gyur su zhig yod/ /de nas rgyal po de byang chub sems dpa' de la bag mi 'bebs shing dga' dga' ltar mi byed la bkur sti chung bar gyur nas sngon bzhin du rim gro mi byed par gyur to/ /byang chub sems dpa' yang
 sems gtsang bas rgyal po rnams ni bya ba mang pos brel to snyam nas/ de ltar gyur ba yid la yang mi byed na/ de'i 'khor ba 'khod 'khod pa rnams gus pa rnams dang rim gro byed pa la g.yel bar gyur pa mthong ba dang/ rgyal po thugs mi dgyes
 par gyur pa shes nas/ kun tu rgyu'i yo byad dbyig pa gsum dang/ ril ba spyi blugs la sogs pa khyer te 'gro bar chas so/ /de ltar gyur pa rgyal po des thos nas da dung kho na byung ba nyid du yang ma gyur pas des shing dul ba'i tshul bstan te/ de'i drung
 du song nas rtab rtab por gyur ba 'dra bar byas te/ slar bzlog par 'dod pa bzhin du smras pa/ ci'i phyir 'di ltar 'bral la bdag por te/ /khyod ni 'gro bar chas pa bzhin du sems/ /nongs par dogs pa 'ga' zhig byung ba'i gzhi/ /bdag gis
 nongs pa khyod kyis mthong dam ci/ /de nas byang chub sems dpas de la smras pa/ bdag ni 'phral la 'di ltar mi mchi zhing/ /bkur sti chung ba tsam gyi khros ma lags/ /khyod ni chos kyi snod du ma gyur cing/ /g.yo dang bcas pas bdag ni 'di nas
 mchi/ /de nas rgyal po de'i khyi gnang chen zhig khros shing zugs te so gtsigs nas der zar 'ongs pa bstan nas yang smras pa/ rgyal po chen po mi ma lags pas 'dis che gzhi bgyis pa gzigs su gsol/ /khyi 'di sngon gyis rjes 'brang zhing/ /bdag la rab
 tu 'dris par bgyis pa las/ /mdzad stangs gsang ba shes par ma gyur nas/ /gzugs shing za bas khyod kyi dgongs pa bstan/ /bdag la mgus rtsub pa cung zad cig /khyod la nges par 'di yis thos lags grang/ /de bas 'dis kyang rjes su 'brangs par
 gyur/ /'khor rnams spyod pa khyod ni dgyes par bgyis/ /de nas rgyal po de brtags la bab pa dang ngo tsha bas mgo smad de/ /'di blo rno ba des sems dul nas mi dga' bar gyur te de na g.yo bya ba'i dus la ma bab po snyam nas byang chub sems dpa' la phyag
 'tshal te smras pa/ khyod la glengs nas bka' mchid 'di lta bu/ /bdag tshogs pa'i nang du bgyid kyang mang/ /dgos pa'i dbang gis bdag gis yal bar bor/ /de bas bzod par mdzod la ma bzhud bzhugs/ /byang chub sems dpas smras pa/ bdag ni bkur
 sti chung ba'i phyir mi bzod de mchi ba ma lags kyi/ rgyal po chen po da ni mchis pa'i dus ma lags pa'i slad du mi mchis so/ /khyod gzigs su gsol/ /bkur sti cung zad bri bar gyur pa'i tshe/ /bdag rang langs te song bar ma gyur na/ /phongs bzhin 'dug
 ba ngan cing byis pa'i chos/ /ma stes na ni slad kyis bskang par 'gyur/ /de bas nga ni mchi ba'i dus la bab/ /mi dga' bzhin du mchis su ga la rung/ /lan cig tsam zhig rma bab gyur pa yis/ /sngon cad phan btags pa dang ga la mnyam/ /byams
 pa'i rlan med bstan du mi rung ste/ /khron pa skam po chu 'dod mi bsten bzhin/ /de la rab tu bsgrims te don sgrubs kyang/ /de don cung zhing rnyog pa can du 'gyur/ /bde ba 'dod cing nyon mongs mi 'dod pas/ /mtsho chen ston ka'i chu gtsang 'dra ba ni//
 rab tu dad pa nyid la brten pa'i rigs/ /tshul 'di 'jig rten dag na gsal bar grags/ /gus par byed kyang gzhan du phyogs pa dang/ /gzhan du phyogs kyang zhum pas de la lta/ /sngon chad phan btags drin du mi bzo ba/ /mi yi gzugs
 te ?? lags gtol ma mchis/ /ma bsten pa dang rab tu bsten drags dang/ bslang ba drags na byams pa med par gyur/ /de bas gnas pa'i skyon las mdza' ba'i mjug 'di ni/ /bsrung bar 'tshol gyis bdag ni re zhig mchi/ /rgyal pos smras pa/ khyod
 gal te mi 'gror mi rung yang dag par sems na/ /da cung slar yang 'dir byon cing bdag la spyan ras kyis btsa' ba' i rigs so/ /ha cang ma bsten pa las kyang khon byung bar bgyi ba'i mi rigs so/ /byang chub sems dpas smras pa/ rgyal po chen po 'jig
 rten gnas pa 'di dag ni bar chad mang la gnod pa dang dgra mang bas gdon mi 'tshal bar mchi'o zhes mchid kyis 'tshal du mi rung ngo/ /gal te mchi ba'i skabs dang ldan na khyod kyi zhal lta'o zhes bdag nyid chen po des rgyal po de tshig 'jam pos
 dga' bar byas nas/ /rgyal po des gnang zhing bkur sti byas te de'i yul nas byung ste song ngo/ /de'i khyim pa dang bsten pa des sems mi bde bar gyur nas dgon pa'i gnas gcig tu gnas te/ blo bsam gtan la brtson zhing de na gnas gnas
 pa las ring po ma lon par bsam gtan bzhi dang mngon par shes pa lnga thob par gyur to/ /rab tu zhi ba'i bde ba'i ro myong ba de rgyal po de la snying brtse ba'i dran par byung bar gyur pa ni rgyal po de da? tsam ji lta zhig 'dug snyam pa dang/ de nas de 'di
 ltar blon po de dag gis lta ba gang la chags pa de la ltar bcug pa mthong ngo/ /de la blon po la las ni rgyu rtags mi bzod pa'i dpe rnams kyis rgyu med pa'i lta ba la drangs so/ /pad+ma'i sdong bu lo ma ze ba snying po dang/ kha dog dbyibs dang 'jam la
 sogs pa'i rgyu ni gang/ /bya yi mdab ma sna tshogs ri mo 'drib su/ /'gro ba 'di dag ngo bo nyid kyis de bzhin nges/ /kha cig ni dbang phyug gi blos sbyar ba rgyu yin par ston te/ 'di dag thams cad rgyu med 'byung ba'i mi rigs te/ /'di la kun gyi bdag po mdza' yas
 gcig cig yod/ /sna tshogs 'di dag rang dgar byed pa nges pa yod/ /'jig rten byas nas phyis kyang mnyam du med par byed/ /yang la la ni bde ba dang mi bde ba 'di dag thams cad sngon gyi las kyi byas kyi/ /'bad pa'i mthus byas pa ni ma yin no zhes de la
 de ltar 'dzin du bcug go /dngos po mdza' las so sor gnas pa mang po rnams/ /gcig pus dus gcig du ni ji ltar bya bar nus/ /bde bar byed la mkhas pa'ang sdug bsngal myong bar 'gyur/ /de bas 'di dag thams cad sngon gyi las las gyur//
 gzhan dag ni chad par lta ba'i gtam gyis de 'dod pa'i longs spyod byed du gzhug pa'i phyir smras pa/ rnam pa sna tshogs kha dog yon tan ldan pa'i shing/ /las kyis byas pa ma yin 'on kyang 'byung bar 'gyur/ /chud gsan rnams kyang slar ni de bzhin
 skye mi 'gyur/ /'jig rten de dang 'dra bas bde la gzhol bar mdzod/ /kha cig ni de la rgyal rigs kyi gtsug lag las byung ba g.yo dang dgra thabs dang 'brel pa/ snying rje med cing skyon dang bcas pa/ chos dang 'gal ba la 'di ni rgyal po'i chos lags
 so zhes gsol te/ brten pa'i mi rnams la ni grib ma'i ljon shing bzhin/ /de dag ji srid dgos pa'i dus la ma bab pa/ /de srid byas pa gzo bas rang gi grags pa bsrung/ /dgos pa byung na mchod sbyin phyug bzhin de dag spyad/ /de ltar blon po de dag
 gis rgyal po de lta ba ngan pa'i lam de dang de dag tu drangs par gyur to/ /de nas byang chub sems dpa' rgyal po de skye bo sdig pa can rnams dang bsten cing blo gzhan gyi dring la 'jog pas lta ba ngan pa'i g.yang sar lhung du nye bar rtogs nas de la snying
 brtse bar gyur te de las bzlog pa'i thabs bsams pa/ yon tan goms pas dge ba rnams/ /legs par byas pa sems la gnas/ /pad+ma'i 'dab mas chu bo bzhin/ /nyes pa byas pa mi chags so/ /de nas byang chub sems dpas
 bsams pa/ da ni de'i dus la bab po snyam nas rang gi dka' thub kyi gnas su spre'u chen po zhig mngon par sprul nas rdzu 'phrul gyi mthus de'i pags pa bshus te gzhan mi snang bar byas nas/ /de spre'u yi pags pa chen po sprul pa de gyon te rgyal po de'i
 pho brang gis sgor? phyin pa dang chag sgo bas kyang sbran nas rgyal po'i 'khor tshogs pa go rims bzhin du mi 'khrug par 'khod pa mdza' ni mtshon cha thogs pa rnams kyis bskor/ blon po dang/ bram ze dang/ pho nya dang/ nang mi'i gtso bo rnams kyis ni gang/ skye
 bo rnams ni tshogs ni dul zhing? brtan la rgya che/ /chab sgo chen po ni chab sgo pa ral gri dang dbyug pa thogs pa rnams kyi bsrungs/ /mi'i bdag po ni seng ge'i khri la 'dug par 'ongs so/ /rgyal po des kyang bsu ba la sogs pa dang/ 'gron 'ongs pa'i bkur sti bya
 ba dang/ snyan par smra ba dang/ stan gi dang ba byas nas spre'u yi bags pa gyon pa ngo mtshar cher bzung nas dris pa/ 'phags pa la spre'u yi pags pa 'di phul bas bdag nyid chen po la phan yon chen po brtags pa su zhig lags/ byang chub sems dpas smras
 pa/ rgyal po chen po 'di ni bdag nyid kyi gzhan sus kyang ma stsal to/ /sa gzhi rang bzhin gyi mkhang ba la rtswa kun sha dang rtswa tsam bting ba la mchis shing nyal bas gdungs na chos kyi chog bde blag tu bgyi ba rdo mi thog la/ /spre'u chen po 'di yang dka' thub kyi gnas
 na mchis pa bdag gis mthong nas/ de las bdag gis bsams pa/ bdag gis chos spyad pa'i yo byad spre'u 'di yi pags pa rnyed do snyam mo/ /'di la 'dug gam nyal na chos kyang bsgrub nus la/ rgyal po'i mal stan bzang po la ma chags par yang rang
 chos kyi chog bsgrub tu rung ngo snyam nas bdag gis de'i pags pa 'di bcangs te/ de yang ma mchis par bgyis so/ /de skad zer ba thos nas rgyal po des dul zhing nges pa'i tshul bzung ste byang chub sems dpa' la ci yang slar ma smras so/ /de ngo tsha bar gyur nas cung
 zhig mgo smad de 'dug go /de nas blon po de dag sngon yang sems dpa' chen po de la sems mi bzod cing smra ba'i skabs rnyed pas 'dzum dmul mdangs gyur nas rgyal po la ltas nas byang chub sems dpa' bstan te smras pa/ e ma'o khyod kyi rjes su dga' ba'i blo la
 ltos/ /e ma'o rtsod phod pa'i mthu che zhing brtan pa khyod kyi dka' thub kyi gnas na 'dug bzhin du gcig pu dka' thub spyod pas lus nyam chung yang spre'u chen po 'di lta bu gsod pa ngo mtshar che'o/ /dka' thub grub par gyur cing/ de nas byang chub sems dpa' ma khros
 par smras pa/ khyed rang gi lta ba bzang po la mi lta bar 'di ltar bdag la smad pa'i mi rigs so/ /'dis ni mkhas pa'i grags pa 'dzin par mi 'gyur ro/ /tshe dang ldan pa dag gzigs su gsol/ /bdag gi lta gnod pa'i tshig/ gang gis gzhan la smod byed pa/ /de ni
 bdag la gnod pa yis/ /gzhan gyi mi snyan sgrogs par 'dod/ /de ltar bdag nyid chen po des blon po de dag la? phyir smras te/ so sor smra bar 'dod nas blon po rgyu med par smra ba de la smras pa/ 'gro ba ngo bo nyid kyis de bzhin khyod zer na/ /gal te de ltar bden na bdag
 la ci phyir smad/ /spre'u de ngo bo nyid kyis shi bar gyur pa la/ /bdag la ci phyir sdig 'gyur bsad du ma bzad dam/ /de ste bsad pa dag la sdig 'gyur na ni/ /'o na 'di ni rgyu las 'gyur ba grub par 'gyur/ /de bas rgyu med smra ba 'di ni dor ba'i rigs/ /'di ni de skad smra ba
 khyod la mi rigs 'gyur/ /gal te pad+ma'i sdong bu skye la sogs 'dra na/ /'o na rtag tu rgyu med par yang cir mi 'byung/ /chu la sogs dang sa bon dag gis de byas des/ /de dag yod ni skye la med na mi skye'o/ /gzhan yang tshe dang ldan pa dag re zhig legs par rtogs shig
 */ 5 /gtan tshigs bcas pa rgyu med zer ba ni/ /bdag nyid kyis ni khas 'ches sun phyung ngo/ /de ste gtan tshigs bstan par mi 'dod na/ /khas 'ches tsam gyis 'di la ci zhig phan/ /gang zhig kha cig tu ni rgyu rkyen ma mthong bas/ /de nyid kyis
 ni thams cad rgyu med smran ni/ /de dag rgyu dang bcas par mngon du mthong bzhin du/ de la sdang bas 'gal ba'i tshig ngan smras par 'gyur/ /gal te gang na'ang rgyu ni yod par ma mthong na/ /de ni med ces nges par ji ltar smra bar 'gyur/ /nyi ma nub tshe nyi ma'i
 dkyil 'khor dri med bzhan/ /yong bzhin du yang rgyu rkyen gzhan gyis mi snang mod/ /gzhan yang khyed cag yid du 'ong ba'i yul ni bde ba 'dod phyir bsten/ /de dang 'gal ba dag ni sten par yong mi 'dod/ /de'i phyir yang rgyal po dag la sten par byed/ /rgyu yang
 yod pa ma yin zhes ni rtag tu smra/ /gal te dngos rnams de lta yin/ /rgyu yang yod par ma mthong la/ /rgyu med grub na spre'u bsad la/ /bdag la smad du ci zhig yod/ /de ltar bdag nyid chen po des rgyu med par smra ba de rgyu gsal ba rnams kyis spobs pa med par
 byas nas/ /dbang phyug rgyur? smra ba de la bos te smras pa/ tshe dang ldan pa bdag gis kyang bdag de ltar smad pa'i mi rigs so/ /thams cad kyi rgyu dbang phyug yin par khyod 'dor na ltos shig/ gal te thams cad dbang phyug byed na ni/ /'o na spre'u de de nyid kyis ??
 pas/ /khyod ni bdag la ci? phyir sems mi dga' / /gzhan gyi nyes pa'ang bdag la ci phyir dgod/ /de ste spro chen dpa' bo de shi ba/ /de yis snying rjes bstas te ma bsad na/ /'gro ba'i rgyu ni dbang phyug yin zhes su/ /khyod cag ci phyir rgya cher sgrogs par byed ??
 bzang po gzhan yang thams cad dbang phyug gis byas par bstan/ dbang phyug la ni re ba yis/ /ci phyir phyag la sogs pa 'tshal/ /khyed kyi de ni rang byung ste/ /gang gis byas pa de'i las yin/ /mchod sbyin khyod kyis gang byas pa/ /de ni ma byed ma yin te/ /bdag?
 nyid 'byor ba 'thob pa'i phyir/ /gang byed de nyid byed pa po/ /sdig pa chen po ma lus pa/ /gal te dbang phyug byed na ni/ /de la gus par byed ma dag/ yon tan ci zhig mthong nas byed/ /sdig pas 'jigs nas 'di dag kun/ /gal te de ni mi byed na/ /thams cad dbang phyug
 gis byas shes/ /de bas smra ba'i mi rigs so/ /de yang dbang phyug 'gyur ba ni/ /chos sam gzhan las 'gyur grang na/ /gal te chos las 'gyur na ni/ /de yi snga rol dbang phyug min/ /gang dag gzhan gyis byas gyur pa/ /de ni bran du gyur pa nyid/ /dbang
 phyug de ni ci'i phyir/ /rgyu yis byas par mi 'gyur ge/ de ltar gyur kyang gus shing chags pas rigs pa dang mi rigs pa 'dod na/ /gal te 'gro ba ma lus pa'i rgyur/ /dbang phyug chen po nyid ni khyod 'dod na/ /dbang pos spre'u yi rgyal po bsad pa'i skyon/ /bdag la
 skur ba gdab pa'i mi rigs so/ /de ltar bdag nyid chen po des dbang phyug rgyu yin par smra ba de la gtan tshigs bzang po rnams kyis shags med par byas nas/ /sngon gyi las kyis byas par smra ba de la bos te mngon du ltar btsug nas smras pa/ /khyed rnams
 kyang bdag la smod pa legs pa ma yin no/ /'di dag thams cad sngon gyi las kyis byas so zhes nga rgyal skye ba de'i phyir khyed la smra'o/ /gal te thams cad sngon gyi las kyis byas na ni/ /de bas spre'u 'di dag gis bsad pa nyes pa med/ /sngon gyi las kyis dgon
 pa'i mes tshig gyur pa la/ /gang phyir bdag la smad pa'i sdig pa ci zhig yod/ /de ste bdag gis spre'u bsad sdig yod na/ /bdag gis bsad gyi sngon gyi las ma yin/ /gal te las dang las kyi rgyu 'dod na/ /de lta yin na su yang grol mi 'gyur/ /sdug bsngal rgyu
 la'ang gal te bde bar 'gyur/ /bde bar bsgrub la'ang sdug bsngal gnas par 'gyur/ /de ltar gyur dang bde dang sdug bsngal dag/ sngon gyi las kyis byas par nges par mngon/ /bde dang sdug bsngal de ltar gyur pa'ang med/ /de bas sngon gyi las ni rgyu ma yin//
 */ 5 /gsar du byas pa'i las kyang med par 'gyur/ /de ma grub na snga ma'ang ji ltar 'grub/ /sngon gyi las kyis kun byas zhes/ /'on kyang de ltar sems na ni/ /ci yi phyir na spre'u bsad pa/ /bdag gis byas par yongs su brtag/ de? ltar?
 bdag nyid chen po des slar bzlog tu med pa'i gtan tshigs rnams kyis de mi smra ba'i dka' thub blangs pa bzhin du byas nas/ chad par smra ba de la 'dzum dmul te smras pa/ tshe dang ldan pa dag ci'i phyir bdag la smod pa la 'di ltar dga' bar ?
 te chad pa lta ba de kho na nyid yin par sems na/ 'jig rten pha rol med na sus kyang ci zhig spang/ /sdig dang dge ba dag la'ang ci zhig 'bad du yod/ /mkhas pa dag kyang rang dgar ci bder spyod pa'i rigs/ /de ltar gyur na spre'u de bsad kyang nyes pa med??
 'gro ba 'phya ba dag gis 'jigs nas su/ /sdig pa spong zhing dge la gnas na ni/ /bdag gis tshig dang mi mthun spyod pa yis/ /'gro ba 'phya ba 'di yang med mi 'gyur/ /'jig rten tshul la gnas par gyur na ni/ /rang gi gzhung lugs bde ba mi ??
 ste/ /bde bas smra ba 'khrul pas don med 'gyur/ /'di ni byis pa'i nang na tha ma yin/ /gang yang khyed kyis smras pa/ rnam pa sna tshogs kha dog yon tan ldan pa'i shing/ /las kyis byas pa ma yin 'on kyang 'byung bar 'gyur/ /chu gnas rnams kyang slad?
 ni de bzhin skye mi 'gyur/ /'jig rten de dang 'dra bas rgyu ni gang zhig yin/ /de ltar gyur kyang khyed cag ni/ /chad par lta la dgar gyur na/ /spre'u 'am yang na mi yang rung/ /gsod la smad du ci zhig yod/ /de ltar sems dpa' chen po des chad par lta ba smra
 ba de la lan gdab pa'i rim pa legs shing gsal bas cang mi smra bar byas nas/ /rgyal rigs kyi gzhung lugs la mkhas pa de la bos te smras pa/ khyed cig kyang bdag la ci'i phyir smod/ /gal te srid gzugs pa'i gtsug lag las 'byung ba'o??
 chog rigs par sems na/ srid phyir dge ba 'am mi dge 'ang rung/ /ci yang rung ba byas nas su/ /de nas bdag nyid thar nas ni/ /nor gyis chos ni bsgrub par bya/ zhes zer ba de'i phyir khyod la smra'o/ /dgos pa dag ni byung bar gyur pa'i tshe/ /mdza' dang gnyen la'ang dge tshul mi?
 lta na/ /spre'u 'di pags pa'i phyir ni ngas bsad na/ /gtsug lag gzhung lugs kyis kyang smad du med/ /'on te snying rje med cing smad 'gyur ba'am/ /'di 'dra'i las dag 'bras bu sdug bsngal mthong/ /gzhung las snang ba bzhin du mi byed par/ /gang gi sgo nas khyod ni 'di
 ltar byed/ /gang na rigs pa'i gzhung ldan 'di 'dra ba/ /de na mi rigs 'khrul pa ci 'dra ge/ e ma'o spyi brtol can gyis zil mnan nas/ /gtsug lag lam gyis chos min dar bar byas/ /khyed cag dga' ba de ni yod ma mthong/ /gtsug lag las ni gsal
 bar bstan ces grags/ /gzhung las 'byung ba'i tshul gyis 'gro ba la/ /spre'u bsad pas ni smad par mi rigs so/ /de ltar 'khor gyi nang na rgyal bar gyur pa spobs pa che bar goms pa'i blon po de rnams kyang mngon sum du zil gyis mnan te/ rgyal po 'khor
 dang bcas pa sems rab tu mgu bar gyur bar shes nas de dag spre'u bsad pas snying la bcag pa med par bya ba'i phyir rgyal po la smras pa/ rgyal po chen po bdag gis srog dang bcad pa'i spre'u bkum pa ni ma lags kyi/ 'di ni sprul pas lags te/ bka' 
 mchid kyi go rims 'di lta bu gleng bslang ba'i slad du spre'u sprul ba'i pags pa 'di bdag gis 'tshal to/ /de bas na bdag la gzhan du mi dgongs su gsol/ zhes smras nas/ rdzu 'phrul mngon par 'dus byas pa ste btang ste/ rgyal po 'khor dang bcas
 pa sems rab tu mgu bar shes nas smras pa/ rgyu las grub par mthong bzhin la/ rang dbang 'jig rten pha rol shes/ /dge bar khas len snying rje can/ /srog chags gsod par su zhig byed/ /rgyal po chen po gzigs su gsol/ /rgyu med smra dang rang dbang?
 lta ba dang/ /yod par mi lta rgyal rigs gzhung lugs can/ /grags pa cung zad phyir ni gzhung byed pa/ /rigs par smra de ji ltar khas blang bya/ /mi yi bdag po lta ba bzang ngam ngan/ /rigs mthun las ni grub pa'i rgyu dag gis/ /de
 dang de dag khyod kyis brtag na ni/ /tshig dang spyod pa dag gis nges par ston/ /de bas lta ba bzang po bsten par rigs/ /lta ba ngan pa phung par 'gyur bas spang/ /skye bo ngan pa ring du spangs nas ni/ /dam pa rnams la bsten na 'di shes 'gyur/ /mi
 sdom par yang sdom pa'i tshul 'dzin pa/ /sa yi steng na dge slong srin po rnams/ /lta ba ngan pas skye bo byis pa rnams/ /gdug pa'i sbrul bzhin brlag par byed cing rgyu/ /rgyu med smra la sogs pa rtsub pos bsgos/ /de na khyad par mngon pa ce spyad
 bzhin/ /de bas mkhas pas de dag bsten mi rigs/ /de dag don ni nus na spyad par rigs/ /skye bo mi mthun pa dag grags pa cher gyur kyang/ /dgos pa yod par gyur kyang mdza' bar mi bya ste/ /dgun gyi dus su yul ngan byung bas bsgribs na ni//
 mtshan mo gsal byed zla ba'i 'od kyang mi gsal 'gyur/ /skye bo yon tan spong ba de dag spang ba dang/ /yon tan don la mkhas pa rnams dang bsten pa yis/ /'bangs rnams skyon la mi dga' yon tan dgar 'jug cing/ /bdag gis grags pa
 rab tu gsal zhing rgyas par mdzod/ /khyod kyi chos spyad gyur na mi'i 'jig rten phal cher ni/ /legs par spyod la phyogs shig mtho ris lam la gnas par 'gyur/ /khyod kyis brtson 'grus bskyed de 'gro ba 'di dag rjes su skyongs/ /de bas 'dul ba
 bzang po'i lam dang ldan pa'i chos la brten/ /tshul khrims rnam par sbyongs la sbyin pa'i grags pa spel/ /nang mi bzhin du phyi mi la yang byams par gyis/ /sa la 'khod pa chos kyis skyod la bag med spongs/ /de ltar byas na grags pa dang ni mtho ris
 'thob/ /chun pa rnams dang phyugs lug 'tsho ba rnams/ /me tog 'bras bur ldan pa'i ljon shing bzhin/ /rgyu dpya 'bul ba'i 'bangs rnams ma bskyangs na/ /sman rnams kun dang rgyal po 'bral bar 'gyur/ /tshong zong sna tshogs nyo tshong bgyid pa yi/ /tshong pa rnams dang
 pho brang 'khor gyi mi/ /de bzhin sho gam gcod cing dpya 'bul ba/ /rgyal pos ma bskyangs dkor gyis brel bar 'gyur/ /skyon med g.yul dor rab tu dpa' ba dang/ /mtshon cha'i dgra thabs mkhas pa de lta bu/ /rgyal pos yal bar bor zhing ma bkur na/ /dgra
 las rgyal ba'i dbu rmog btsan mi 'gyur/ /de bzhin tshul ldan mkhas pa dge ba dang/ /yon tan che bar grags pa dge ba rnams/ /rgyal po smad cing yal bar bor na ni/ /mtho ris 'gro ba'i sgo dang 'gal bar 'gyur/ /'bras bu ma smin shing las gang
 'thob pa/ /sa bon chung gson ro yang des mi myong/ /de bzhin rgyal pos chos min dpya phab na/ /yul yang phung la des kyang phan mi thogs/ /ji ltar ljon shing yon tan phun sum tshogs/ /'bras bu smin pa mnabs tog cher 'bul ba/ /rgyal pos bsrung
 ba'i yul yang de bzhin du/ chos dang srid dang bde ba 'byor bar byed/ /blon po 'dzangs la glo ba nye ba dang/ /grogs po skyon med bdag gi nang mi rnams/ /rim gror bcas pa'i bya dga' stsal ba dang/ /dga' bar smra bas sems ni chags par mdzod/ /de bas
 khyod kyis chos ni lhur blangs te/ /bde ba 'thob phyir 'bangs rnams sems par mdzod/ /chags dang zhe sdang med pa'i nan tur gyis/ /'bangs rnams skyong la bdag gi 'jig rten bsrungs/ /de ltar bdag nyid chen po des rgyal po 'khor dang bcas pa de lta ba
 las gyur pa'i lam ngan pa de dang phral nas yang dag pa'i lam la btsud de/ de nyid nas nam mkha' la lding ba dang skye bo de dag gis thal mo sbyar te gus pas phyag 'tshal zhing mchod pa byas nas dgon pa'i gnas de nyid du slar song ngo/ /de lta bas na skyes
 */ 5 /bu dam pa rnams ni phan btags pa drin du gzo ba dang bzod pa la goms pas rim gro ma byas kyang/ sngon phan 'dogs 'dogs pa rnams la snying brtse ba lhod par mi 'gyur ro/ /de bas na rim gro ma byas pa tsam gyis sam/ /sngon
 phan btags pas brjod par bya ba'i mi rigs so/ /de bzhin du bcom ldan 'das de mngon par rdzogs par sangs ma rgyas pa'i tshe na yang phas kyi rgol ba rnams zil gyis mnan nas sems can 'dul ba mdzad do zhes sangs rgyas kyi yon tan
 bsngags pa la yang brjod par bya'o/ /de bzhin du lta ba log pa la rjes su chags par byar mi rung zhing sdig pa'i gzhir 'gyur bas bsten du mi rung ba'i phyir/ /lta ba log par smad pa la sbyar bar bya'o/ /de las bzlog nas yang dag par lta ba'i yon tan
 bsngags ba la yang sbyar bar bya'o/ /byang chub chen po'i skyes pa'i rabs te nyi shu gsum pa'o// //skyes bu dam pa rnams ni gnod pa byed pa rnams dge ba'i phyogs las nyams na ji ltar sems gdungs par gyur pa de
 tsam du bdag gi sdug bsngal gyis sems gdungs par mi 'gyur ro/ /de yang 'di ltar byang chub sems dpa' re zhig cig gangs ri dpal dang ldan pa'i ngos 'byung khung gi rdzas rnam pa sna tshogs kyis brgyan pa/ nags stug po bzang pos ni ko'u
 sham bi'i dar sngon pos stod g.yog byas pa bzhin/ thel sdings dang shang shong rnams mang po kha dog dang dbyibs rnam pa du ma dag ni ched du bshams pa bzhin/ /ri drung gi gang ba bang rim rnam pa sna tshogs kyis ni brgyan/ /'bab chu mang
 po dag ni kha du ma nas 'bang/ /gcong rong zab mo g.yang zab mang po dag ni yod/ bung ba mang po ni sgra di ri ri zer/ shing sngon pa me tog dang/ 'bras bu sna tshogs dang ldan pa dag ni ser bu bsil ba yid du 'ong ba langs pas bsil yab byed pa
 bzhin/ /rig sngags 'chang rnams kyi rtsed mo'i sar rung ba zhig na spre'u chen po gcig pu rgyu ba zhig tu gyur to zhes grag go/ de de lta bu'i gnas skabs su gyur pa'i tshe yang chos kyi 'du shes ni ma nyams/ /byas pa gzo la ma 'jungs pa'i rang bzhin can
 rab tu brtan pa dang ldan pa de la rjes su chags pa bzhin du snying rjes ma gtang ngo/ /nags tshal ri mchog rgya mtshor bcas pa'i sa/ /dus mdza' chu dang me dang rlung dag gis/ /brgya phrag du mar rnam par zhig par gyur/ /byang chub sems dpa' i snying rje yod
 ma nyams/ /bdag nyid chen po de dka' thub can bzhin du nags kyi shing gi lo ma dang 'bras bu tsam gyis 'tsho zhing/ /dus mdza' i tshul de dang de dag gis spyod yul du bab pa'i srog chags rnams la snying brtse bar byed cing dgon pa'i phyogs de na gnas
 par gyur to/ /de nas mi zhig bstor ba 'tshol ba'i phyir kun tu rgyu zhing song song ba las lam stor cing phyogs slad de 'khyams nas sa phyogs der 'ongs so/ /de bkres pa dang/ skom pa dang tsha ba dang ngal bas lus ni rmya/ yid mi dga' ba'i mes ni khod pa'i
 nad gdungs/ /mya ngan gyi khur lcibs non pa bzhin du shing zhig gi drung du 'dug pa dang/ shing tin tu'i 'bras bu smin nas lhags pa kha dog ser por gyur ba cung zad cig mthong ngo/ /des de dag myangs nas bkres pas rab tu zhim par rtogs te/ de
 dag gang las byung ba'i shing btsal ba'i phyir spro ba skyes nas kun tu bltas pa dang/ shing tin+tu zhig gang pa g.yang za ba'i kha na 'dug pa'i yal ga 'bras bu smin pa'i ljid kyis dung cing ser por gyur pa zhig mthong ngo/ /de 'bras bu de 'dod pa'i phyir
 gdab g.yang za ba de la 'dzegs te/ shing tin tu'i yal ga 'bras bu g.yang sa logs su dud par gyur pa de la 'dzegs pa dang/ 'bras bu 'dod pa'i phyir shing de'i thor to la thug par phyin to/ /de nas ljon pa'i shing gi yal ga de/ lci ba'i ljid kyis non
 */ 5 /cing phra ba yis/ /sta res ched du rtsa nas bcad pa bzhin/ /sgra dang bcas par chag nas lhung bar 'gyur/ /de yang de dang bcas te lhung nas ri'i gcong rong kho ra khor yug brag gis bskor ba khron pa dang 'dra ba zhig tu lhung ba dang/ shing lo stug
 po dang/ de na chu gting zab mo zhig kyang yod pas lus kyi yan lag la chag grugs su ni cung zad kyang ma gyur to/ /de chu'i nang nas byung ste khor khor yug tu bskor na gang nas kyang thal bar 'gyur ba'i lam ma mthong ba dang/ des bsams pa/ thabs ci yang med pas
 bdag ni de'u re 'di nyid du 'chi'o snyam nas gson du re ba ni med/ mya ngan gyis gdungs pa'i mchi mas ni gdod g.yog gis/ yid rab tu mi bde ba'i zug rdus ni gtsugs/ /sems dpa' gong nas smre sngags de dang de dag 'don par gyur to/ /nags khung dgon
 pa bgrod dka' ba/ /skye bo 'drul ba yod med pa/ /'di lta bur ni bdag lhung ste/ /gang du brtags kyang mchi sa med/ /gnyen bshes kun dang bral nas gcig pur gyur/ /sha sbrang mang po'i 'dun ma 'du ba'i sa/ /gcong rong zab mo'i kha yi nang du song/ /ri dwags 'dra pa
 bdag la su zhig 'byin/ /skyed mos tshal dang nags tshal lding khang sna tshogs mtsho/ /nor bu rin chen skar bkra sprin mdzes 'gro ba dag/ nag po'i phyogs kyi mun nag 'dra ba'i gshin rje yis/ /kyi hud bdag la de dag snang ba med par byed/ /de ltar mi de smre
 sngags de dang de dag 'don cing chu de dang bdag dang lhan cig tu lhung ba'i shing tin+tu ka'i 'bras bu des 'tsho zhing re zhig de na 'dug 'dug pa las/ /de nas spre'u bdag nyid chen po de zas 'tshol zhing nags de'i nang na song song ba dang/ shing tin+tu'i yal ga'i rtse mo
 rlung gis bskyod pas g.yabs te bos pa bzhin du der 'ongs nas gad pa de'i khar 'dzegs te bltas na/ mi de ltogs pas mig rtsa ngan zhing bzhin mdog ni nyams/ /lus ni ring la skya bo bseng bseng por gyur/ /de na 'gre ldog cing rtsol ba mthong
 nas/ /mi de bongs shing nyam thag pa la spre'u chen po de snying brtse bar gyur te zas btsal ba btang nas mi de la yun ring du brtags te mi'i skad du smras pa/ mi yis thar pa ma yin pa'i/ /g.yang sa 'di na 'dug pa khyod/ /ci phyir 'dir 'ongs su zhig yin/ /de ni
 legs par smra bar rigs/ /de nas spre'u chen po de la mi des rab tu phongs nas phyag 'tshal te thal mo sbyar nas lta zhing 'di skad ces smras so/ /lha dpal bdag ni mi zhig lags/ /'khyams nas nags na rgyu ba las/ /shing 'di'i 'bras bu 'tshol 'tshol
 nas/ /'di lta bu yi nyams nyes byung/ /de bas gnyen bshes dang yang bral/ /nyam nyes chen po byung ba la/ /spre'u tshogs mang po'i mgon po khyod/ /bdag gi skyabs kyang mdzad du gsol/ /de skad ces zer ba thos nas sems dpa' chen po de snying rje chen
 po skyes par gyur to/ /nyams nyes gyur cing gnyen bshes rnams dang bral/ /thal mo sbyar nas dman pas gsol na ni/ /dgra bo rnams kyang snying rje skye bar 'gyur/ /snying rje can rnams brtse ba g.yo bar 'gyur/ /de nas byang chub sems dpas de la snying rjes
 bltas te/ de lta bu'i dus ni dkon pa'i tshig 'jam pos dbugs phyung pa/ g.yang sar lhung bas bdag ni mthu med ce 'am/ /gnyen bshes med snyam mya ngan ma byed cig /khyod la gnyan gyis bya ba ci yod pa/ /thams cad des byas 'jigs par ma gyur cig /de
 ltar sems dpa' chen po des mi de dbugs phyung nas de'i 'og tu de la tin+tu'i 'bras bu gzhan dag cig kyang byin te/ de dbyung du rung ba'i thabs su rdo ba ljid ma'i khur tshad tsam zhig la goms par byas so/ /de nas bdag gi mthu stobs nyams sad pa dang/
 bdag gis 'di dbyung nus so snyam du nges par bsams nas g.yang sa de'i nang du zhugs te snying rjes bskul te mi de la smras pa/ tshur shog nga yi rgyab tu zhon/ /khyod ni steng du phyin pa dang/ /rang gi lus las snying po dag/ byin gyi bar du legs par 'jus
 */ 5 /mkhas pa gzhan la phan pa'i phyir/ /sgrub par byed pa gang yin pa/ /snying po med pa'i lus las ni/ /dam pas snying po blang bar 'dod/ /des de ltar bgyi'o zhes mnyan nas phyag 'tshal te de la zhon no/ /de nas mi des mngon par zhon pa de/ /rab tu
 lci ba'i khur gyis non bzhin yang/ /snying stobs che bas brtan pa ma nyams par/ /sdug bsngal chen pos de ni steng du phyin/ /de ni phyin nas rab tu dga' bar gyur/ /ngal zhing chad pas gom pa 'khyor zhing 'dor/ /char sprin sngon po 'dra ba'i rdo leb la/ /ngal ba sos pa
 bya phyir nyal bar gyur/ /de nas byang chub sems dpa' rang bzhin yongs su dag pa dang phan btags pa'i phyir mi des nyes pa byas su dogs pa med de bag phab nas de la smras pa/ kun nas thar pa'i nags kyis sa phyogs 'dir/ /gcan gzan khro bo thag thogs me?
 par 'ong/ /la la nga dang rang la phan pa yang/ /ngal bas gnyid kyis log pas gsod kyang srid/ /da ni dal zhing lus kyang rab tu rmya/ /de bas cung zhig nga ni nyal bar 'dod/ /de phyir khyod ni phyogs su mig ltos la/ /nga dang khyod bdag gnyis ka bsrung bar gyis/ /de nas
 dul ba ltar tshul 'chos pa la mkhas pa de na re slar yang bde bar sad par 'gyur ba'i slad du khyod ci bder mnol cig dang/ /khyod bsrung ba'i phyir bdag 'di ltar mchis so zhes de la bsgo'o/ /de nas sems dpa' chen po de ngal bar gyur ba'i mthus gnyid kyis
 dbang du gyur pa dang/ mi des sems ngan par bsams pa/ rab tu 'bad pas rnyed pa'i rtsa ba dang/ /nags kyi 'bras bu ci dgar rnyed pas kyang/ /'di ltar yongs su rmya bar gyur pa'i lus/ /'tshe ba tsam yang dka' na ji ltar rtas/ /dgon pa 'di yang thar par bya bar?
 dka' / /mthu stobs med par ji ltar thal bar 'gyur/ /dgon pa bgrod dka' 'di las thar bya na/ /'di yi sha 'di bdag ni rtas par 'gyur/ /phan par byas kyang bzar ni rung ba nyid/ /bza' ba 'di yi rang bzhin de 'dra ste/ /phongs par gyur na chos 'di grub ba yin//
 de bas 'di ni lam gyi rgyags su rung/ /ji srid bag phab bde bar gnyid log pa/ /de yi bar du bdag gis bsad par nus/ /'di dad thab mo mngon du sprad gyur na/ /seng ge dag kyang pham du dogs pa skye/ /de bas na 'di ni bdag gis bshol pa'i mi rigs so snyam nas
 nges par byas te/ bdag nyid ngan pa de chags pa'i skyon gyis blo ni rmongs/ /byams pa'i drin ni med/ /chos kyi 'du shes nyams/ /snying rje dang nges pa'i ngo bo nyid ni rab tu spangs/ /nyam chung yang mi dgos pa byed pa la rab tu chags pas rdo ba chen po zhig bteg
 ste spre'u chen po de'i mgo bo'i steng du 'phangs so/ /de nas de ni nyam chung mi brtan zhing/ /dgos pa rab tu che bas rings pa des/ /rdo des gnyid las sangs par bya ba'i phyir/ /'phangs pa bzhin du spre'u de gnyid sangs gyur/ /rdo de ril gyis phog par ma gyur pas//
 de yi mgo bo phye mar ma gyur te/ /mdza' ma'i zur gyis de la rma phyud nas/ /rdo leb steng du ser ba bzhin du bab/ /rdo ba 'phangs pas mgo bo ma zhom ste/ /byang chub sems dpa' myur du mchongs nas ni/ /bdag la gsod pa su yin snyam nas bltas//
 de nyid skyengs pa bzhin du 'dug pa mthong/ /skyengs pas gzi nyams spobs pa med par gyur/ /mi dga' dpa' gong mdog kyang nyams par gyur/ /skrag par gyur pas skad 'gags kha yang skams/ /rdul gyis gsher zhing lta yang yong ma nus/ /de nas
 spre'u chen po des bsams pa/ /'di nyid kyis 'di ltar byas so snyam du blo la nges par byas nas/ /bdag snad pa'i sdug bsngal mi sems par de bdag la phan pa yang mi lta bar mi bzad pa'i las byed pa des yi chad cing/ /snying rje skyes nas/ khro ba dang
 'khrug pa'i skyon med par mig mchi mas gang bzhin du de la bltas te mya ngan byed cing smras pa/ bzang por khyod ni mir gyur kyang/ /'di 'dra bdag la khyod kyis byas/ /bya bar ji ltar bsams nas ni/ /ji lta bur yang brtsams par gyur/ /nga la gnod
 pa byed pa ni/ /gzhan dag 'ongs na'ang khyod nyid kyis/ /brtson 'grus rab tu bskyed nas su/ /mthu rtsal chen pos bzlog pa'i rigs/ /bdag gis dka' ba spyod do snyam/ /da ni nga rgyal skyes par gyur/ /ha cang dka' ba spyod khyod kyis/ /de
 yang ring du slangs par gyur/ /'chi bdag kha yi nang 'dra ba/ /'jig rten gzhan nas blangs pa bzhin/ /g.yang sa 'di nas ngas phyung na/ /khyod ni gzhan du lhung bar gyur/ /spyod pa ngan pa khyod kyi rung/ /mi shes shin tu mi bzad pa/ /'gro ba bde ba 'dod pa
 rnams/ /gang gis sdug bsngal rnams su ltung/ /bdag nyid ngan 'gro rnams su ltung/ /nga la'ang mya ngan mi yi gtor/ /grags pa'i dpal ni med par byas/ /yon tan dga' bas 'gal bar 'gyur/ /ngan par smra ba'i gzhir yang gyur/ /yid kyang
 brtan du mi rung ngo/ /khyod kyis de ltar byas pa yis/ /don ni ci zhig grub par 'gyur/ /ji ltar 'di nyid nga yi yid la gnod gyur pa/ /de ltar nga la rma 'di gnod par mi 'gyur ro/ /khyod kyi khyim ni nga yang sdig pa can du gyur/ /gang phyir 'di na nges kyang med
 par bya mi nus/ /nags khung stug po 'jigs pa mang po 'di nas khyod/ /grong mdab lam du skyal te phyin par ma gyur pa/ /de yi bar du nga yi drung nas sna bzhin 'dod/ /khyod la gnod nang yang brtan du ma rungs dogs par gyur kyang legs par bskyal//
 khyod ni gcig pu lus kyang nyam chung la/ /lam yang mi shes nags na ni/ /'ga' zhig 'ongs nas gnod pa byas par 'gyur/ /khyod la gnod na nga yang don med 'gyur/ /spre'u chen po des mi de la de ltar byas te sbyos nas grong mdab tu phyin par byas
 te/ /de la lam yang bstan nas yang smras pa/ /nags mdab nyam nga 'di nas grong mdab khyod phyin gyis/ /dgon pa bgrod dka' 'jigs pa 'or la bde bar song/ /sdig pa'i las kyang yongs su spang bar gyis/ /de yi rnam par smin pa nges par sdug
 bsngal 'gyur/ /de ltar spre'u chen po des mi de la snying brtse bas slob ma bzhin du rjes su gdams nas slar nags kyi nang du song ngo/ /de nas mi de de lta bu'i sdig pa'i las mi bzad pa byas pas 'gyod pa'i mes sems gdungs nas/ de ma thag tu mdze nad chen
 pos btab ste gzugs ni gzhan du gyur/ lus kyi pags pa ni shu bas khra bor song/ rma zhig pa'i chu ser gyis ni lus gsher bar gyur/ /lus kyi dri ni rab tu mi zhim pa mnam par gyur to/ /de phyogs gang dang gang du song ba de dang der rab tu 'jigs par
 snang bas mi'i gzugs yin par yid ches su mi rung ba/ skad 'dzer cing dman pa smra ba mthong nas/ mi rnams 'di ni sdig pa mngon sum du 'ongs so snyam nas/ rdo 'phen cing dbyug pa gdengs te skrod pa'i tshig rtsub pos rab tu skrod par gyur to/ /de nas
 rgyal po zhig ri dwags shor du song song ba las/ dgon pa zhig na yi dwags bzhin du 'khyam pa nyam rab tu chung zhing gos dri ma can gyon la/ pa char gyis mdoms dkris pa/ blta na rab tu mi sdug pa zhig mthong nas dngangs shing ngo mtshar du gyur
 te smras pa/ mdze yis khyod ni mi sdug gyur/ /shu bas lus kyi pags pa bkra/ /skya bseng lus ring rab tu dman/ /skra ni rdul gyis gang zhig yengs/ /khyod ni su zhig yi dwags 'dre 'am/ /sdig gi gzugs sam srul po 'am/ /nad rnams mang po tshogs
 pa'am/ /nad kyi nang na gang zhig yin/ /des de la phyag 'tshal nas skad dman pas smras pa/ rgyal po chen po bdag ni mi lags te/ mi ma lags pa ma lags so/ /rgyal pos 'o na ci'i phyir 'di lta bur gyur ces dris pa dang/ de la bdag rang gis nyes
 pa spyad pa rnams bsten te smras pa/ byams pa snying ring byas pa yi/ /me tog 'di ni re zhig myong/ /de bas rab tu mi bzad pa'i/ /'bras bu gzhan ni slad kyis mchi/ /de bas byams la snying ring ba/ /dgra bo bzhin du lta ba'i rigs/ /rang bzhin byams
 */ ?5 /pa'i mdza' bshes la/ /rang bzhin byams pas blta bar mdzod/ /byams pa rnams la sdang bar spyod pa'i tshul bzung nas/ /tshe 'di nyid la 'di 'dra'i gnas skabs myong bar 'gyur/ /chags la sogs pa'i skyon gyi yid ni
 rnyog pa rnams/ /byams la snying ring 'gro ba gzhan du 'di las dpags/ /mdza' bo rnams la sems zhi byams pa 'thob/ /yid brtan rim gro byed pa'i bde ba'ang de las 'thob/ /ngan grogs byed pa'i yon tan 'thob cing yid kyang dga' / /dgra
 rnams kun gyis mi tshugs mtho ris 'thob par 'gyur/ /byams pa'i phyogs la legs nongs ci bgyis pa'i/ /mthu rnams grub pa rgyal pos mkhyen nas su/ /skye bo dam pa 'dod pa'i lam la stan/ /lam der song na 'byor pa rjes su 'brang/ /de lta
 pas na skyes bu dam pa rnams ni gnod pa byed pa rnams deg pa'i phyogs las nyams na/ /ji lta sems gdungs par gyur pa de tsam du bdag gi sdug bsngal gyis sems gdungs par mi 'gyur/ zhes de bzhin gshegs pa'i bdag nyid chen po de
 la brjod par bya'o/ /rim gro skyed de dam pa'i chos nyan pa dang/ bzod pa'i gtam bya ba dang/ byams pa la snying nye bar bya ba dang/ sdig pa'i las kyi nyes dmigs bstan pa la yang brjod par bya'o// //spre'u chen po skyes
 pa'i rabs te nyi shu bzhi pa'o// //skyes pa'i rabs kyi rgyud bam po dgu pa/ /snying rje chen po dang ldan pa rnams ni bdag gsod pa byed pa rnams kyang nyams nyes par gyur na snying brtse bar byed kyi yal bar mi 'dor ro/ /de yang 'di ltar
 byang chub sems dpa' re zhig cig 'brog dgon pa mi'i rgyun lugs med cing dgra mi grags pa/ /ri dwags kyi rigs mang po gnas pa/ shing gi rtsa ba dang ldum bu mang po rtsa stug po'i nang du nub pa/ /'gron pa rnams kyi shing rta dang zhon pa'i
 rkang pas lam gyi srol ma gtod pa/ /'bab chu 'bab pa dang/ grogs mkhar dang/ gad pa dag gis sa gzhi'i phyogs mi bde ba zhig na/ ri dwags sha ra b+ha stobs dang mgyogs pa dang sems stobs phun sum tshogs shing lus sra ba dang ldan
 ba zhig tu gyur to zhes grag go /de snying rje la goms pas sems can rnams la gnod pa mi byed cing/ rtsa dang lo ma dang chu gtsang gyis 'tsho ba/ /chog shes pa'i yon tan gyi dgon pa na gnas pa la dga' ba'i blo dang ldan pa ni/ rnal 'byor pa
 rab tu dben pa la dga' ba bzhin du 'brog dgon pa de ni brgyan te gnas par gyur to/ /ri dwags gzugs la mi ltar brtan pa'i sems/ /dka' thub can bzhin srog chags rnams la brtse/ /nags tshal dben pa de na de gnas pa/ /rnal
 'byor can bzhin cho ga dag gis mgu /de nas re zhig cig yul de la dbang ba'i rgyal po zhig rta bzang po la ni zhon/ /lag na mda' gzhu thogs te/ bdag nyid ri dwags la 'phongs skyen nam mi skyen bsad pa'i phyir chags pa'i dbang gis ri dwags
 bsnyags pa dang/ rta rab tu mgyogs pas rta dang glang po che dang shing rta dang/ rkang thang gi tshogs rnams rgyang ring por lus bzhin dus phyogs der 'ongs pa dang/ rgyang ring po nas sems dpa' chen po mthong nas bsad par bsams te mda'
 mde'u rnon po can phyung nas/ bdag nyid chen po de gang na 'dug pa legs su rta mgyogs po de rgyugs pa dang/ de nas byang chub sems dpa' rgyal po de rta mgyogs pa la zhon nas mda' gzhu thogs nas snyegs pa mthong ba dang/ slar
 brgal nus su zin kyang gya tsom du rgol ba spangs pa'i phyir rab tu mgyogs pa'i shugs kyis rgyugs song ngo/ /de rta bzang po des bsnyags pa dang/ lam kha na grog po chen po zhig yod pa la ba lang gi rjes la bya bzhin du chos nas bros te song ngo
 */ ?5 /de nas rta de ri dwags sha ra b+ha bros pa'i lam de nyid nas rab tu mgyogs par bsnyags pa dang/ grog po de la thug nas mchod ma nus te 'then to/ /de nas rta'i thog nas ni/ /rgyal po mtshon char bcas pa de/ /grog po chen po'i nang du
 lhung/ /lha min dmag mi mtshor lhungs bzhin/ /de yi mig ni ri dwags de la yang/ /grog po de yang mthong bar ma gyur cing/ /yid brtan skyon gyis rta yi gong nas g.yos/ /rta mgyogs shugs kyis rgyal po lhung par gyur/ /de nas byang chub sems
 dpa' rta'i rmig sgra mi grag pa dang/ ci rgyal po de slar log gam snyam du rnam par rtog pa skyes te slar bltas pa dang/ rta de zhon pa med par grog po'i kha na 'dug pa mthong ngo/ /des bsams pa/ rgyal po grog po de'i nang du lhung gor ma chag go
 snyam mo/ /'di la ngal sor rung ba'i rten tam/ /shing drung grib ma stug po can nam/ /utpa la'i mdab ma sngon po 'dra ba'i mtsho yang med/ /'di lta bu'i 'brog dgon gcan gzan khro ba rnams rgyu ba na/ rta bzhag ste ngal bso zhing 'dus pa'i gnas kyang
 med/ /ri dwags shor du yang med/ /gab tu rung ba'i rtsa stug po cung zad kyang med de/ /de bas na rgyal po de ni gdon mi za bar grog po 'di'i nang du lhung bar gyur to snyam mo/ /bdag nyid chen po de de ltar nges par gyur nas/ de bdag la gsod pa
 yin yang de la snying rje chen po skyes par gyur to/ /de nyid rgyal mtshan bzang po'i rgyan rnams dang/ phub dang mtshon cha mang pos rnam par mdzes/ /rta dang glang chen shing rta rkang thang dang/ /sil snyan sna tshogs sgra sgrogs dpung dag gis/ /phyi bzhin bskyal
 cing mdzes pa'i gdugs kyis bskyabs/ /g.yag rnga'i bsil yab g.yob pas mdzes par byas/ /skye bo mang pos lha yi dbang po bzhin/ /mchod pa'i rgyal srid bde ba myong gyur nas/ /di ring kho na g.yang sa chen por lhung/ /lhung ba'i
 shugs kyis yan lag grub par gyur/ /brgyal bar gyur tam yang na mya ngan byed/ /kye ma'o mtshar byas nyon mongs rang bzhin gyur/ /sdug bsngal ma myong rab tu gzhon sha can/ /ya rabs rnams la nyam nyes gnod pa bzhin/ /ma rabs rnams la rma
 rnying sos 'dra bar/ /sdug bsngal rnams kyis de ltar gnod mi 'gyur ro/ /de bas 'di ni nges nas bdag rang thar bar mi nus te/ srog gi lhag ma tsam zhig lus su zin kyang 'di yal bar 'dor bar mi rigs so snyam nas bdag nyid chen po de snying rjes
 sems drangs nas g.yang sa de'i 'gram du phyin pa dang/ de de nas mthab ber ni rdul gyis yog /thod bcings pa ni zhig /g.yang sa nas lhung ste snad pa'i tshor ba myong ba ni sems la khyab par gyur te 'gre zhing 'dug pa mthong ngo/ /grog po'i nang na 'gre zhing
 'dug pa yi/ /rgyal po mthong nas mig ni mchi mas gang/ /snying rje'i dbang gis dgra bo'i 'du shes brjed/ /de yi sdug bsngal thun mong nyid du gyur/ /skye bo dge ba'i rang bzhin ston byed cing/ /dbugs 'byin 'gyur ba 'jam zhing gsal ba'i tshig /zhe sar
 bcas shing yid du 'ong ba yi/ /ya rabs tshul bzhin de la 'di skad smras/ /rgyal po chen po snad par ma gyur tam/ /g.yang sa zab mo 'dir ni lhung ba yi/ /lus la chag grugs byung bar ma gyur tam/ /khyod kyi nad rnams rgyas par ma gyur tam/ /mi yi rgyal
 po bdag ni gzhan ma lags/ /khyod kyi yul na gnas pa'i ri dwags lags/ /khyod kyi rtswa dang chu yis bdag bskyed bskyed/ /de bas bdag la bag ni dbab pa'i rigs/ /g.yang sar lhung bas mi dgyes ma mdzad cig /khyod ni 'di nas bdag gis
 dbyung bar nus/ /bdag la thugs ches rung bar dgongs na ni/ /'o na ri bdag mtsha myur du bka' stsol cig /de nas rgyal po des de de skad smra ba rab tu ngo mtshar che bas de ya mtshan du gyur cing/ sems mgu yang ngo tsha skyes de bden nam brdzun
 */ ?5 /snyam nas bsams pa/ /dgra la brgal bar nus bzhin du/ /bdag la ji ltar snying rje skyes/ /bdag gis gnod pa byas pa'ang shes/ /skyon med 'di ni su zhig yin/ /e ma'o 'jam zhing rno ba yi/ /las kyis bdag ni bskul bar 'gyur/ /
 bdag nyid phyugs sam ri dwags yin/ /ri dwags gzugs can 'di ni gzhan/ /de bas na 'dis bag phab te smras pa 'di bzhin du bya ba'i rigs so snyam nas de la smras pa/ mthab ber stug po bgos pas na/ /bdag gi lus ni cher ma snad/ /g.yang
 sa nas ni lhung ba yis/ /cung zad snad pa bdag gis bzod/ /khyod ltar dge bar sems pa la/ /nongs pa gyis pa'i sdug bsngal tsam/ /g.yang sa nas ni lhung ba yi/ /sdug bsngal bdag la ga la mchis/ /gzugs kyi rkyen gyis ri dwags ltar/ /bdag
 gis khyod ni mthong bar gyur/ /khyod kyis rang bzhin ma 'tshal ba/ /de ni thugs la ma bcang zhig /de nas rgyal po de'i tshig dga' bar ston pa smras pa des/ /grog po nas dbyung bar 'dod pa sha ra b+has rig nas/ /rdo ba mi'i ljid tsam du lji ba zhig la sad
 de/ /de dbyung nus par goms par byas nas/ /bdag gi stobs kyi nyams drod rigs pa dang/ /rgyal po de dbyung bar chas te grog po de'i nang du zhugs nas de'i drung du 'ongs nas gus par smras pa/ /bdag la phan par gyur pa gzigs nas ni/ /dgyes
 shing dang ba'i zhal gyis mngon phyogs pa/ /de'i bar du bdag gi lus reg 'di/ /dgos pa'i dbang gis re zhig bzod par mdzod/ /rgyal po chen po de bas na bdag gi rgyab tu bcibs la bdag la legs par 'jus cig ces smras pa dang/ /des kyang
 de bzhin du bgyi'o zhes mnyan nas rta la zhon pa bzhin du zhon no/ /de nas ro stod gyen du mngon bstod nas/ /me yi bdag pos legs par zhon pa de/ /snying stobs chen pos drag po'i shugs kyis mchongs/ /de rta babs rgyan bzhin steng du byung bar
 gyur/ /de nas rgyal po rong nas phyung ba dang/ /dga' bar gyur nas rta yang blangs te byin/ /rang gi khyim du 'gro ba'i lam bstan nas/ /nags tshal nang du 'gro bar chas par gyur/ /de nas rgyal po de byas pa drin du gzo bas de'i phan btags pa dul zhing 'jam pa des rab
 tu mgu bar gyur nas sha ra b+ha la mgul nas 'khyud de smras pa/ bdag gi srog kyang ri dwags khyod dbang na/ /bdag la bdogs pa bzhan lta ci zhig smos/ /de bas bdag gi khyim 'di gzigs pa'i rigs/ /bzhugs su gnad na der ni gzhugs su gsol/ /
 nags tshal rngon pas gang zhig 'jigs dang bcas/ /grang dang tsha dang char 'bab sdug bsngal can/ /'di lta bur na bdag gis khyod bor nas/ /bdag ni gcig pu khyim du 'gror mi rigs/ /de bas na 'o skol 'grogs te bzhud kyis tshur sbyon zhes smras pa dang
 de nas byang chub sems dpa' dul zhing 'jam pa'i tshig gis mgu bar byas nas de la slar smras pa/ mi mchog yon tan dga' ba khyod lta bu/ /nyid la goms pa 'di ni rigs pa lags/ /goms par byas pas skye bo dam pa rnams/ /yon tan mang po rang
 gi ngang du 'gyur/ /gal te bdag la phan btags bzhed na ni/ /bdag cag khyim na mig nas nags na goms/ /de bas mi rnams bde ba'ang gzhan lags la/ /ri dwags rigs dang mthun pa'i bde ba'ang gzhan/ /gal te bdag ni dga' bar khyod bzhed na/ /dpa' 
 bo khyod kyis rngon pa'i phrin las thong/ /dud 'gro'i rang bzhin sems ni blun pa can/ /ri dwags nyon mongs can la snying rje mdzod/ /bde la gnas dang sdug bsngal 'bral 'dod pa/ /sems can thams cad mtshungs par sems dpar dgongs/ /de bas bdag
 nyid mi 'dod gang yin pa/ /de dag gzhan la bgyi ba'i mi rigs so/ /grags pa med cing dam pas smad par 'gyur/ /sdug bsngal sdig las 'byung bar rig nas ni/ /dgra'i phyogs bzhin sdig pa spang bar dor ba'i rigs/ /gang la brten nas dpal 
 gyis gnas gyur pa/ /'jig rten bsngags pa'i rgyal srid thob gyur pa'i/ /bsod nams de nyid rnam par 'phel bar mdzod/ /phan 'dogs phyogs ni spangs pa'i yod mi rigs/ /dus su rim gro byas pa'i sbyin pa rgya chen dang/ /skye bo
 dge dang mthun pa'i tshul khrims brtan pa dang/ /bdag dang 'dra bar gzhan la phan pa sgrub pa'i blos/ /bde ba sgrub dang grags dang bsod nams tshogs/ /de ltar bdag nyid chen po des rgyal po de la tshe 'di dang phyi ma'i don du bya ba la phan ni
 btags/ rgyal po des kyang bsko ba'i tshig mnyan te/ rab tu gus par blta bzhin du nags tshal de nyid kyi nang du zhugs te song ngo/ /de lta bas na snying rje chen po rnams ni bdag la gnod pa byed pa rnams kyang nyam nyes par gyur na snying brtse bar byed kyis yal bar
 mi 'dor ro/ /de bzhin du snying rje chen po'i yon tan bsngags pa la yang brjod par bya'o/ /de bzhin gshegs pa'i yon tan bsngags pa dang/ /rim gro bskyed de dam pa'i chos mnyan pa dang/ kho na med par byas na dgra zhi bar 'gyur ba'i dpe dang/ bzod
 pa'i gtam bya ba yang sbyar bar bya ste/ dud 'gror gyur pa rnams kyang 'di ltar bdag gsod pa la snying rje byed pa yod na/ /mir gyur pa lta 'am/ rab tu byung bar khas 'ches pa lta sems can rnams la snying rje med na ga la rung zhes srog chags rnams
 la snying rje dang ldan par bya'o zhes kyang brjod par bya'o// //ri dwags sha ra b+he'i skyes pa'i rabs te nyi shu lnga pa'o// //dge ba rnams ni gzhan sdug bsngal ba nyid kyis bdag sdug bsngal ba de mi bzod kyi bdag
 gi sdug bsngal mi bzod pa ma yin no/ /de yang 'di ltar byang chub sems dpa' re zhig cig dgon pa'i nags tshal chen po shing sa la dang/ ba ku la dang/ /pi ya la dang/ hi na ta la dang/ mu le brum shing dang/ ta ma la dang/ na k+ta
 mA la dang/ pi du la dang/ ni tsu la mang po dang/ shing sha ba dang/ a ti ni sha dang/ sha mi dang/ pa la sha dang/ rtswa kla sha dang/ ku sha dang/ 'o ma dang/ smyig ma'i nags tshal stug po can/ /shing ka dampa dang/ sardza dang/ ardzu na dang/ d+ha ba dang/ seng ldeng dang/ ku ta
 dza stug po yod pa/ shing ljon pa'i ldum bu mang po 'khri shing sna tshogs kyis dkris pa/ ri dwags ru ru dang/ sri shi ta dang/ sri mar dang/ g.yag rgod dang/ glang po che dang/ ba men dang/ ma he dang/ dgo ba dang/ med ku dang/ pha rgod dang/ stag dang/ gzig dang/
 seng ge dang/ spyang ki dang/ dom dang/ dred la sogs pa rgyu ba/ mi'i rgyun lugs med pa'i sa phyogs shig na/ ri dwags gser btso ma'i kha dog gsal ba 'dra ba/ spu rab tu 'jam pa/ lus kyi mdog rin po che anda rnyil dang/ ma rkad dang/ bEeDUrya'i mdog 'dra ba'i
 tshon sna tshogs kyi thig les brgyan pa/ mig dkyus ring zhing bkrag bzang ba/ rwa dang rmig pa nor bu rin po ltar 'jam zhing 'od dang ldan pa gzugs blta na rab tu sdug pa/ rin po che'i 'byung gnas 'gro shes pa 'dra ba zhig tu gyur to zhes grag go /de yang rang gi
 lus chags su rung ba dang/ skye bo rnams snying rje chung bar shes nas/ nags tshal stug po skye bo med pa dag nyams dga' bar 'dug go /de sems rno bas phyogs gang dang gang na rngon pa rnams rgyu ba dang/ 'khrul 'khor dang/ gtong ba dang/ rgya mo dang/ rnyi btsugs
 pa dang/ rnyid dang/ shing gi wa 'dzol rnams legs par spangs nas/ ri dwags mang po rjes su 'brang ba rnams la yang slob dpon dang pha bzhin du slob pa ri dwags rnams kyi bdag po byed cing 'dug go /gzugs dang shes pa phun sum tshogs/ /bya ba
 rnams la mkhas pas brgyan/ bdag la phan 'dogs skye bo la/ /mchod pa mi byed su zhig yod/ /de nas re zhig cig na bdag nyid chen po de nags tshal stug po de na gnas bcas shing 'dug pa las/ de dang nye ba zhig na 'bab pa'i chu gsar du brug pas
 gang ba rab tu dbugs drag pos mi zhig khyer nas du zhing 'bod pa'i sgra thos par gyur to/ /chu chen 'brub pa rab tu drag po yis/ /khyer nas mgon med gzings kyang yod ma yin/ /bdag lta phongs shing nyam thag bsgral ba'i
 phyir/ /sdug la byams pas myur du brgyugs te gzung/ /da ni shol du rung ba ma yin te/ /ngal zhing dub pas dpung pa'ang gyur mi nus/ /zug cing 'bog tu rung ba'ang cung zad med/ /de bas brgyugs te 'ong ba'i dus la bab/ /de nas byang chub
 sems dpa' de snying rje rje skad du ngu zhing 'bod pa'i sgra des snying la rdegs pa bzhin du gyur nas ma 'jigs ma 'jigs zhes zer ba'i tshig /'jigs pa dang/ mi dga' ba dang/ ngal ba dang/ dub pa med par byed pa lo brgyar goms par byas pa
 gsal bar gsang bstod de/ snying rjes gdungs nas mi'i skad du phyung ste nags tshal stug po de nas byung ba dang/ thag ring po nas mi de chus khyer ba yid du 'ong ba'i skyes bkur te btang ba bzhin du 'ong ba ma mthong ngo/ /de nas de bsgral phyir ni nges
 byas pa/ /bdag gi srog ni yal yang mi sems par/ /de ni 'bab chu drag po'i 'jings der zhugs/ /dgra'i dpung rnams 'joms pa'i dpa' bo bzhin/ /de nas lus kyis de yi lam bkag ste/ /nga la 'jus shes de la tshig tu smras/ /skrag pas nyen
 la ngal bas yan lag 'khums/ /de ni de'i rgyab tu zhon par 'gyur/ /mi de'i ljid kyis rab tu non gyur cing/ /'bab chu drag po'i shugs kyis bdas gyur kyang/ /dpa' snying brtsan la rtsol ba drag po yis/ /yid du 'ong ba'i 'gram du ma nyams phyin//
 de nas mi de 'gram du phyin par byas nas ni/ /rab tu dga' bas ngal ba'i sdug bsngal med par gyur/ /bdag gis drod kyis de yi grang ba med par byas/ /lam yang bstan nas de la song zhes smras nas btang/ /de nas mi de de nas grogs byas
 shing phan btags pa de lta bu nye du dang grogs po mdza' bo su la yang med pa rab tu ngo mtshar che ba des sems ni rab tu mgu bar gyur/ de'i gzugs bzang po des kyang ya mtshan dang zhes skyes par gyur nas phyag 'tshal te/ de la tshig snyan pa de dang de dag smras pa/
 khyod kyis bdag la bgyis pa ni/ /gnyen bshes byis pa tshun chad nas/ /byams par gyur ba bdag gis kyang/ /'di lta bu dag bya mi nus/ /bdag gi srog 'di khyod kyi lags/ /khyod kyi don du cung zad tsam/ /dgos pa zhig tu spyad na ni/ /bdag la bka' khrims rab
 tu che/ /de bas ci bgyi'i bka' stsal pas/ /bdag la rjes su bzung ba'i rigs/ /khyod la gang du ci 'tshal ba/ /der ni bdag nyid spyad du gsol/ /de nas byang chub sems dpas de la mgu bar byas te/ smras pa/ skye bo dam pa drin gzo rmad mi che/ /de yi
 chos nyid rang bzhin grub pa yin/ /'gro ba rnams ni 'gyur ba mang du mthong/ /byas pa drin gzo deng sang yon tan che/ /de bas na khyod la gdams pa ni phan btags pa 'di rjes su dran par bya na/ sems can 'di lta bu zhig gis bdag chu'i nang nas phyu?
 zhes khyod su la yang ma zer cig /de'i lus 'di yang sha zar rung bas rab tu chags par 'gyur ba zhig yin la/ mi rnams kyis snying yang 'dod chen che la bag med pa mang ste/ de bas bdag gis yon tan dang/ /nga yang legs par bsrung bar rigs/ /mdza' 
 bo dag la snying ring ba/ /gang na'ang bde ba yod ma yin/ /nged cag ni ri dwags yin pas mi'i g.yo sgyu dang phyi bzhag la ma goms pa'i phyir ngas de skad smras pa la khon du 'dzin pa 'am/ snying mi dga' bar ma sems shig /gzhan yang log pa'i tshul 'chos
 mkhas pa yis/ /de lta'i g.yo dag byas pa'i phyir/ /rang bzhin gyis ni dul ba yi/ /skye bo rnams kyang dogs pa skyes/ /de skad smras pa yang khyod la phan par 'dod pa'i phyir ro/ /des kyang de bzhin bgyi'o zhes mnyan nas phyag 'tshal te/ sems dpa' 
 chen po de la bskor ba byas nas rang gi khyim du song ngo/ /de'i tshe yul de'i rgyal po zhig gi btsun mo rmi lam rno ba zhig yod de/ de yang rmi lam ngo mtshar che ba gang dang gang mthong ba de dag de bzhin du 'gyur ro/ /de re zhig nyid kyis log pa
 las tho rangs kyi rmi lam du ri dwags ru ru zhig rin po che thams cad bsogs pa'i tshogs bzhin du dpal rab tu 'bar ba/ seng ge'i khri'i kha na 'dug cing rgyal po dang bcas pa'i 'khor gyis yongs su bskor te/ tshig gsal zhing bsdeb legs pas chos
 'chad cing 'dug pa mthong ngo/ /de nas sems la ngo mtshar cher bzung ba las/ /rgyal po bzhengs su gsol ba'i rnga sgra thos te sad pa dang/ spobs shing gnas skabs shig tu rgyal po'i spyan sngar song ngo/ /de mtshar che bas mig bgrad dpal ldan de'i/ /dga' bas
 mkhur tshos mdzes pa g.yo bzhin du/ /rmi lam ngo mtshar mthong ba bzlas pa des/ /skyes dbul bzhin du mi yi bdag po bltas/ /rmi lam bzang po de rgyal po la gsol nas zhes bskyed de yang smras pa/ /kha cig de bas ri dwags bzang po de brnyed pa'i slad du nan tan bskyed
 du gsol/ ri dwags rin chen de yi pho brang nang mkha' la skar ma bzhin du mdzes par mdzod/ /de rgyal po de btsun mo'i rmi lam rno bar yid ches pas de'i tshig mnyan te/ de dga' bar bya ba dang/ ri dwags rin po che de rnyed par 'dod pas ri dwags de btsal ba'i phyir rngon
 pa de thams cad la bsgo ste/ /nyin re yang pho brang dam pa'i 'khor du 'di skad sgrogs su bcug go /ri dwags gser gyi mdog can rin chen sna tshogs kyis lus rgyan grags pa thos sam gang gis mthong yang rung/ de ni rab tu ston pa rgyal pos yul gru mchog
 bca' cu tsam dang bud med sdug gu sbyin/ /de nas mi des de skad du bsgrags pa yang dang yang du thos nas/ dbul ba'i sdug bsngal bsams nas sems ni yongs su skyo/ /ri dwags ru rus phan pa chen po byas pa'ang dran/ /brkam pa dang ni phan gtags
 te yid drangs pas na/ /snying ni bar ma dor gyur de dang de dag sems/ /ji ltar bya ge yon tan la lta 'am/ 'on te nor 'byor ba la blta/ /phan btags pa rjes su bskyangs ngam/ /'on te khyim gyi so nam skyangs/ /'jig rten pha rol srid bya 'am/ 'on te 'jig rten 'di'i srid bya/ dam
 pa'i tshul bzung ngam/ /'on te 'dod chen gyi tshul bzung/ dpal che ba nyams su myong bar bya 'am/ 'on te dge ba rnams dga' ba'i ngo tsha lta/ da lta 'phrul gyi don ched cher lta 'am/ 'on te yun ring po'i don ched cher blta/ skye bo dam pa'i phyogs bzung ngam/ 'on te skye bo
 ngan pa'i phyogs bzung snyam pa las/ de nas 'dod chen gyis g.yen spyos pa'i blo can des 'di snyam du bsams so/ /nor mang po rnyed de phun sum tshogs par gyur na/ mdzad bshes dang/ nang mi dang/ 'gron dang/ phongs pa rnams mgu bar byed cing bde ba nyams su
 myong bar byas na/ 'jig rten pha rol kyang sgrub nus so snyam du nges par bsams nas/ ri dwags ru rus phan pa chen po byas pa ni brjed de/ rgyal po'i drung du song nas smras pa/ lha ri dwags mchog de gang na gnas pa bdag gis 'tshal na/ 'di su la bstan par bgyi bde
 bka' stsal du gsol/ rgyal po des de skad zer ba thos pa dang yid rab tu dga' bar gyur te/ bzang po de nyid la de ston cig ces smras nas/ ri dwags bshor du 'gro ba'i cha lugs su chas te/ /dmag gi tshogs chen pos yongs su bskor nas pho brang dam pa'i
 nang nas byung ste/ mi des lam drangs nas 'bab chu dogs su song ngo/ /nags tshal stug po de yang dmag gi tshogs thams cad kyis yongs su bskor te/ lag na mda' gzhu ni thogs/ /yid ches pa'i mi rnams kyis ni bskor nas/ rgyal po de mi de nyid kyis lam
 drangs te nags tshal stug po de'i nang du zhugs so/ /de nas mi des ri dwags ru ru de bag phab cing 'dug pa mthong nas rgyal po la bstan pa/ lha ri dwags kyi mchog de ni 'di lags te/ de bas nan tan cher mdzad du gsol zhes smras so/ /ri dwags legs
 par bstan pa'i phyir/ /de yi lag pa bsgrengs pa dang/ /ral gris rnon pos bcad pa bzhin/ /lag pa'i khrig mchad de lhung/ /dngos po de lta bu la brten pa dang/ /bya ba khyad par dag gis btangs nas ni/ /gnyen po chung na rab tu rgyas gyur
 nas/ /las rnams 'bras bu 'phral du smin par gyur/ /de nas rgyal po de mi des bstan pa'i lam phyogs su ri dwags lta 'dod pa'i mig gis bltas pa dang/ char sprin 'dra ba'i nags tshal sngon po ni/ /rin chen gser 'dra lus kyi dpal gyis 'bar/ /ri
 dwags ru ru yon tan mchog de mthong/ /sprin gyi nang na glog 'gyur me 'bar bzhin/ /de nas de'i gzugs bzang pos yid phrogs nas/ rgyal po de ni de gzung 'dod pa yi/ /gzhu brdungs mda' ni ltong du bcugs nas su/ /de la 'phang ba'i phyir ni gzhu bkang ngo/
 de nas byang chub sems dpas bsams pa/ kho ra khor yug na ni mang po ku co 'don pa grag pa dang sbyar na/ bdag ni kun nas bskor zin gor ma chag snyam nas/ rgyal pos bdag la mda''phen par chas ba shes te/ da ni bros kyang mi phan no snyam nas mi'i
 skad du phyung ste tshig 'bru gsal bas rgyal po la smras pa/ rgyal po chen po re zhig bzhes/ /mi mchog bdag la ma 'phen par/ /re zhig ngo mtshar chen po yi/ /the tshom 'di ni bsal du gsol/ /nags tshal stug po 'di lta bu/ /skye bo rgyun lugs med pa na/ /ri dwags
 'di 'dra gnas so zhes/ /khyod la su yis bdag mchis gsal/ /de nas rgyal po des ri dwags mi'i skad du smra ba rab tu ngo mtshar che ba des sems rab tu dul bar gyur nas/ de la 'di lta bu'i ngo mtshar chen po bdag la ston pa ni 'di lags so zhes mi de mda'i
 rtse mos bstan to/ /de nas byang chub sems dpas mi de ngo shes nas smad pa'i phyir smras pa/ kyi hud kye khyod lta bu ngan pa/ /khrel med mi dag phyung ba bas/ /chu yi shugs kyis khyer ba yi/ /shing dag phyung yang bla'o zhes/ /gtam du grags pa de re bden/ /de ltar
 'bad pa de yi lan/ /'di lta bu yi phan gdags sam/ /bdag la phan pa'ang ma mthong na/ /tshul min mthong bar ga la 'gyur/ /de nas rgyal po des 'di/ /'di ltar su la smod snyam nas ngo mtshar cher gyur te mi dga' bzhin du ri dwags ru ru de la smras pa/ dmigs kyis
 ma phyed don zab pa/ /spyi la rnam par smad pa 'di/ /bdag gis thos par gyur nas ni/ /bdag gi yid kyang 'dar ba 'dra/ /de bas ri dwags dam pa khyod/ /su las brtsams te skyon pa gsungs/ /mi 'am 'on te mi ma yin/ /bya 'am 'on te ri dwags lags/ /byang chub
 sems dpas smras pa/ rgyal po 'di ni gzhan la smad ma lags/ /las 'di smad par 'os pa'i phyir smras so/ /'di 'dra phyin chad bya ba'i mi rigs snyam/ /bdag gis bsams nas de phyir de skad smras/ /snad pa'i rma la su zhig zhig par bgyid/ /'khyam pa
 dag la su zhig rtsub por smra/ /sdug pa'i bu la'ang phan par 'dod pa'i phyir/ /nad kyi dbang gis sman dpyad byed pa'ang yod/ /'bab chu drag pos khyer te song ba las/ /snying rje'i dbang gis bdag gis phyung ba la/ /de las bdag la 'jigs pa 'di 'dra
 byung/ /ma rabs bsten na rung bar ga la 'gyur/ /de nas rgyal po des mi de la sdang mig tu bltas te spyo ba'i tshig smras pa/ kwa'e khyod de ltar nyam nyes pa las ri dwags 'di phyung ba la bden nam/ de nas mi de 'jigs shing skrag la ril gyis mdog
 nyams shing ngo tsha bas bcom bskyungs te mang ngo zhes smras so/ /de nas rgyal po des khyod lta bu ngan pa med do zhes spyos nas mda' khrod du bcug nas smras pa/ kwa'e khyod sdod cig /de ltar 'bad de phan par cher byas kyang/ /gang gi sems ni dul bar
 ma gyur la/ /tshungs pa'i nang na gtam ngan rgyal mtshan thogs/ /mi ngan de 'dra gson te ci zhig rung/ /de skad ces smras nas/ mda' krod du bcug ste de bsad pa'i phyir gzhu bkang ngo/ /de nas byang chub sems dpa' snying rje chen pos snying gdungs
 */ 5 /nas/ de gnyis kyi bar du 'dug ste rgyal po la smras pa/ rgyal po chen po gum lags pa bkum ste cir rung ma mdzad ma mdzad/ gang gi tshe na 'dod chen dgras bskul te/ /smrad pa'i gnas su nye bar 'di song ba/ /grags pa bas pas
 de tshe bkum bar gyur/ /bsod nams bas pas slad ma'i tshe la'ang bkum/ /sdug bsngal bzod par dka' bas yid gdungs nas/ /mi rnams 'di lta bur ni brlag par 'gyur/ /'bras bu phun sum tshogs pa 'dod pas bslus/ /mar me'i 'od kyis phye ma
 leb bslus bzhin/ /de bas snying rje mdzod la ma bkyon par/ /'di nyid cung zad ci dang ci 'tshal ba/ /de dag stsol la thub chod don yod mdzod/ /bdag ni khyod kyis bka' stsal spyi bos nod/ /de nas rgyal po de de ltar gnod pa byed pa de la yang snying rje
 dang bcas shing g.yo med par de la slar phan 'dogs par byed pa des rab tu ngo mtshar che bar gyur nas/ sems dang pa skyes te gus pa dang bcas par bltas nas/ ri dwags kyi mchog de la smras pa/ skal pa chen po legs so legs so/ /'phral
 du mi bzad gnod byed la'ang/ /gang gi snying rje 'di 'dra ba/ /khyod ni yon tan nyid kyis ni/ /bdag cag mi yi gzugs su bas/ /blun po 'di la khyod kyis brtse bar mdzad/ /skyes bu mchog dang bdag mjal rgyu lags pas/ /'di nyid 'tshal
 ba'i nor rnams stsal bar bgyi/ /rgyal srid 'di la'ang khyod ni ci bder spyod/ /ru rus smras pa/ rgyal po khyod kyis gnang ba 'di don mchis par bgyis te bdag gis blangs kyis/ de bas na khyod 'di byon pa'i dgos pa de bdag gis sgyur bar 'tshal
 na bka' stsal du gsol/ /de nas rgyal po des ri dwags ru ru de shing rta mchog gi steng du bzhag nas bkur sti chen po byas te pho brang dam pa'i nang du bcug nas 'gron du bya ba'i bkur sti byas te/ seng ge'i khri chen po la bzhag nas/ btsun mo'i
 'khor dang blon po mang pos bskor te dga' zhing zhe sa skyed nas zhi bar lta zhing chos dris ba/ mi rnams chos la lta ba'i phyir/ /blo ni rnam pa mang po bgyis/ /khyod kyi chos rnams gtan la 'bebs/ /ji ltar lags pa bshad du gsol/ /de nas byang chub
 sems dpas rgyal po de 'khor dang bcas pa la tshig 'bru gsal zhing mnyen pa bzang pos chos bshad pa/ rgyal po chos ni mdor bshad pa/ /sems can rnams la snying rje bskyed/ /gsod dang rku la sogs pa spong/ /rnam pa gsum du dgyes par byed/
 rgyal po chen po gzigs su gsol/ /bdag rang nyid dam nang mi la/ /brtse ba bzhin du gzhan la'ang brtse/ /de yi sems ni chos min la/ /'jug pa mi dge ga la 'byung/ /skye bo snying rje med pas na/ /dag lus yid kyi spyod pa rnams/ /nang mi la yang phyi mi
 bzhin/ /mi rigs spyod pa mchog tu 'gyur/ /de bas chos la dad pa yis/ /snying rje btang bar mi bya ste/ /char 'bab lo tog 'phel ba bzhin/ /de las yon tan 'phel bar 'gyur/ /snying rjes non pa'i sems ni gzhan la gnod pa byed mi 'gyur/ /gtsang ma
 de la lus dang ngag kyang gzhan du 'gyur ba med/ /de ltar byed pa gzhan la phan 'dod de ni dga' bas ngar/ /sbyin dang bzod la sogs pa'i yon tan grags dang mthun pa 'phel/ /snying rje can ni nye bar zhi bas gzhan gyi yid mi 'byung/ /snying rjer ldan pa skye
 bo rnams kyis gnyen bzhin yid brtan 'gyur/ /snying rje'i dbang gyur snying la 'thab mo'i 'khrug pa yod mi 'gyur/ /snying rje'i chus brlan sems la 'khrug pa'i me 'bar yod mi 'gyur/ /de bas mdor na snying rje brtan pa'i mkhas pa chos la lta//
 dge ba dga' ba'i yon tan brtse la mi brtan gang zhig yod/ /de bas bdag dang bu bzhin skye bo dag la snying rje bskyed/ /dam pa'i tshul gyis 'gro ba'i yid 'ong rgyal po'i tshul ston cig /de nas rgyal po de de'i tshig de la mngon par dga' bar gyur
 nas/ pho brang 'khor gyi mi dang bcas par chos nyams su len par gyur te/ ri dwags dang bya thams cad la yang mi 'jigs pa byin no/ /ri dwags ru ru'i skyes pa'i rabs te nyi shu drug pa'o// //dam
 pa'i tshul gyis rjes su 'brang ba rnams kyi dgra rnams kyi yid kyang mgu bar byed do/ /de yang 'di ltar byang chub sems dpa' re zhig cig gang ri'i dpal dang ldan pa'i khrod sman gyi khyad par ro dang mthu dang rnam par smin pa'i yon tan rnam pa mang po
 dang ldan pa yod pa'i sa phyogs me tog dang 'bras bu dang lo ma dang 'dab ma dang dum bu sna tshogs kyis brgyan pa'i shing ljon pa brgya phrag mang po gang ba/ 'bab chu shel sgong ltar dang zhing gtsang ba 'bab pa/ bya mang po'i sgra snyan pa grag pa zhig na/ spre'u
 mang po'i bdag po zhig tu gyur to zhes grag go /de de lta bu'i gnas skabs su gyur kyang gtong ba dang snying rje la goms pa'i phyir/ /gnyen po la brten nas mi dga' bar gyur pa bzhin du phrag dog dang 'jungs pa dang khro ba rnams nye bar 'ongs par ma
 gyur to/ /de de na shing n+ya gro d+ha chen po zhig yod pa ri'i rtse mo mthon pa zhig yod pa ri'i rtse mo mthon po bzhin du nam mkha' la reg la thug pa nags tshal de'i bdag po 'dra ba lo ma dang ldum bu rgyas pas khebs pa'i grib ma ni sprin stug pos g.yogs
 pa bzhin/ /de'i 'bras bu'i khyad par ro mchog tu zhim pa kha dog dang dri zhim po yid du 'ong ba mu le drum shing gi 'bras bu bas kyang che ba rnams kyi ljid kyis yal gnon pa zhig gi drung na gnas shing 'dug go /dam pa rnams ni dud 'gror skyes
 gyur kyang/ /dbang thang lhag pas bde ba'i gnas su 'gyur/ /phan dwags mjel ba'i mdza' bshes skye bo rnams/ /byes yul dong ba'i nor gyi lhag ma bzhin nags tshal gyi bdag po de'i yal ga gcig cig de'i drung nas 'bab pa'i chu la gzhol bar
 'gyur to/ /de nas byang chub sems dpa' phyi rjes su rgyang ring du bltas pas/ spre'u mang po de dag la rjes su gdams pa/ shing n+ya gro d+ha'i yal ga 'di yi 'bras bu rnams zad par ma byas kyi bar du/ khyed cag su yang yal ga gzhan las
 'bras bu btogs te ma za zhig ces bsgo ba dang/ de dag kyang de bzhin du byed par gyur to/ /de nas re shig cig yal ga de'i 'bras bu ma smin pa ha cang mi che ba gcig cig grog ma rnams kyis shing gi lo ma bsdus pas g.yog pas/ spre'u de rnams kyis mthong
 ngo/ /de mthar gyis skyes pa dang/ /kha dog dang dri dang ro phun sum tshogs shing 'jam por gyur nas yongs su smin pa'i dbang gis rtsa ba snyi bar gyur te/ 'bab chu de'i nang du lhung nas 'bab chu'i rgyun gyis khyer te song ba las rgyal po zhig btsun mo'i 'khor
 dang bcas te/ chu de'i nang na rtse ba'i mdza' rgya mos bskor ba'i ngos gcig la chags par gyur to/ /na chung khrus byed phreng ba dri zhim dang/ /khrus rtsis bsgos pa'i bsung zhim pa sogs pa'i dri/ /de yi dri zhim yon tan snar mnam pa/ /khyab par
 gyur pas de dag zil gyis mnan/ /na chung de dag de yi dri yis myos/ /sna snom dbugs ni bsrings pas mig kyang brtsems/ ngo mtshar che zhing de nas g.yo bar gyur/ /phyogs rnams kun tu mig kyang rnam par blta/ /bud med de dag ngo mtshar che ba'i
 mig g.yo zhing rig rig por lta bar gyur nas/ shing n+ya grod+ha'i 'bras bu mu le drum shing gi 'bras bu smin pa pas kyang che ba de rgya mo bres pa'i ngos la chags shing 'dug pa mthong ba dang/ 'di ci zhig snyam nas/ de la mig chags bzhin du rgyal
 po dang bcas te 'dus nas sdod par gyur to/ /de nas rgyal po des 'bras bu de blangs nas sman pa yid ches pa rnams kyis brtags te/ /bdag rang gis ro myangs so/ /de nas rmad du byung ba'i ros/ /rgyal po la mtshan che bar gyur/ /ched du
 sbyar ba'i yon tan mchog /rmad du byung ba'i ro mchog bzhin/ /sngon med kha dog dri dag gis/ /de la ya mtshan che bar gyur/ /de yi ro la chags pa yis/ /ya mtshan che bas rnam par gyur/ /de nas rgyal po de'i kha zas ro
 zhim po phun sum tshogs kyang/ /de'i ro la chags pa'i dbang gis 'di snyam du bsams so/ /gang zhig 'bras bu 'di dag ma zos pa/ /de yi rgyal srid 'bras bu ci zhig zos/ /rgyal srid sgrub pa'i nyon mongs med par yang/ /'di 'dra za bar de nyid rgyal po
 yin/ /de nas de 'bras bu de dag las byung ba btsal bar bsams te rang gis blos brtags pa/ /gang las 'bras bu 'di lta bu 'byung ba'i shing ljon pa bzang po de ni 'di nas mi ring ba zhig na yod la 'bab chu'i 'gram zhig na yang gor ma chag go//
 de ltar ci mngon zhe na/ 'di ltar kha dog dang dri dang ro yang ma nyams la/ /rma med cing snad pa la ltas na chu'i nang du lhung kyang ring po ma lon pa 'dra ste/ /de bas na 'di ga las byung ba'i gnas shes par nus yang dag go snyam nas/ de'i ro la chags pa'i
 dbang gis chu'i nang na rtse ba btang ste/ bdag rang gi pho brang dam pa srung ba'i srungs ma legs par bskos nas/ dmag drang du rung ba'i dpung gi tshogs chen pos yongs su bskor te/ 'bab chu de'i 'gram thog thag mthar gyis nags tshal stug
 po gcan gzan dang bcas pa ni dmyal/ bde ba'i ro rnam pa sna tshogs ni rjes su myong bar byed/ /nags tshal gyis khyad par mdzes shing nyams dga' ba ched du ma byas pa gzhan dag la ni blta/ /rnga sgra drag pos nags tshal gyi ri dwags rnams ni
 skrag par byed cing/ shing ljon pa nags tshal gyi bdag po mi rnams kyis bgros dka' ba de dang nye ba zhig tu phyin to/ /char sprin chu'i ljid kyis non pa 'dra ba de/ ri dang nye yang ri rtse mthon po 'dra bar snang/ /ljon shing gzhan gyis rgyal po bzhin
 du gyen du lta/ /nags tshal dbang po de ni rgyal pos ring nas mthong/ /shing a mra'i 'bras bu sa ha kA ra smin pa'i dri bas kyang lhag par dri zhim pa yid du 'ong ba'i ngad ldang bas mdun nas bsu ba bzhin du bsung tshor ba dang/ 'bras bu de'i shing ni 'di yin gor ma chag go
 snyam nas de'i drung du 'ongs pa dang/ spre'u brgya phrag du ma shing de'i 'bras bu za ba rnams kyis yal ga khebs par gyur pa mthong nas/ rgyal po de bdag 'dod pa'i don med par byed pa'i spre'u de rnams la sems khros nas/ spre'u ngan pa 'di dag thams cad rgyob rgyob chom kha
 thog ces tshig rtsub por smra zhing rang gi mi rnams la bsgo'o/ /de nas rgyal po'i mi de rnams kyis spre'u skrod pa'i skrad drag po phyung ste/ lag na mda' gzhu thogs nas 'phen pas gzas/ kha cig gis ni rdo ba dang dbyug pa dang mtshon cha gzas te/ dgra'i mkhar sgo gnon
 pa bzhin du shing de'i drung du lhags pa dang/ de nas byang chub sems dpas rgyal po'i dpung gi tshogs mang po rgya mtsho'i chu rlabs rlung gis shugs drag pos phul ba 'dra ba ca co'i sgra chen po 'byin pa mngon du phyogs te lhags pa/ shing ljon pa mchog de'i kho ra khor yug
 nas mda' dang rdo ba dang dbyug pa 'phen pa ni ser ba bab pa bzhin du gyur pa ni mthong/ /spre'u mang po rnams kyang 'jigs shing mi dga' ba'i skad ngan 'byin pa tsam la rtan cing ngo zum gnag la dpa' gong ste mig gyen du lta zhing 'khod pa mthong nas/ sems ni snying rje chen
 pos non/ /'jigs shing skrag pa dang mya ngan ni btang nas/ /spre'u mang po de dag dbugs phyung ste/ de dag yongs su bskyab pa'i blo bskyed nas shing chen po de'i rtse mor 'dzeg ste/ de dag nye ba 'dug pa'i re zhig gi khar mchod par chas so/ /ri de yang mchongs pa
 gcig gis mchongs te phyin ba'i sa ma yin yang/ sems dpa' chen po de rang gi mthu khyad par du 'phags pas bya 'phur ba bzhin du ider mchongs te phyin to/ /spre'u rnams gzhan gyis mchongs pa gnyis kyis kyang/ /mchod bar mi nus sa khyon chen po de/ /mchongs
 */ 5 /pa'i mthu rtsal can des bya 'phur bzhin/ /mchongs pa gcig gis legs par mchongs par gyur/ /de ni snying rjes rnam par bskyod pa dang/ /dpa' ba' i shugs kyis rtsol ba drag par gyur/ /de yi 'bad pa'i khyad par drag po des yid la bsams
 pa bzhin du phyin par gyur/ /ri de'i rtse mo mthon po'i 'gram du phyin nas kyang sba thag sa khyon de'i bar bas kyang ring ba smin par skyes shing rtsa ba brtan pa sra ba zhig gis bdag gi rkang pa gnyis bcings nas slar yang shing chen po de'i khar mchongs pa dang
 de gnyis kyi bar thag ring zhing rkang pa gnyis bcings pas zo bdog mi bde ba'i phyir/ sems dpa' chen po de shing chen po de'i yal ga'i rtse mo de'i ma slebs te slebs so/ /de nas yal ga de la dam du 'jus/ /spa thag de yang rab tu bsgrims te brgyangs//
 shing 'di'i kha nas 'di las myur du deng/ /spre'u yi tshogs rnams bdag gi skad kyis sbran/ /de nas spre'u de dag 'jigs pas nyen cing 'bros pa'i lam rnyed nas/ /rab tu brtabs pa'i gros kyis de'i lus brdzi ba la tsham tshom med par spa thag de la brgyus te
 bde bar bros te dang ngo/ /spre'u tshogs de dag 'jigs pas nyen pa yi/ /rkang lag rnams kyis de'i lus brdzis pas/ /bdag gi lus kyi sha dang bral gyur kyang/ /rab tu brtan pas sems ni yod ma bral/ /de lta bu rgyal po de dang rgyal po'i mi de dag gis mthong
 nas rab tu ya mtshan che bar gyur to/ /'di ltar dpa' zhing blo yang phun sum tshogs/ /bdag la mi lta gzhan la snying brtse ba/ /thos par gyur na'ang ngo mtshar cher gyur na/ /mngon sum mthong ba smos kyang ci zhig dgos/ /de nas rgyal po des mi de la bsgo ba/ spre'u
 yi bdag po spre'u mang po 'jigs te bros pa'i rkang lag gis rdzis pas/ lus snang la yun ring du zob po byed cing 'dug 'dug pas dub pa'i phyir gdon mi za bar bdag rang ldang mi nus kyis/ /de bas na myur du 'di'i 'og tu ras brgyangs ba zed la/ sba thag
 'di dang shing n+ya gro d+ha'i yal ga 'di yang mda' gnyis kyis dus gcig tu chod ces bsga'o/ /de nas mi de dag gis kyang de bzhin du byas so/ /de nas rgyal po des ras brgyangs te bzed pa las phab nas lus rma byung ba'i sdug bsngal gyis brgyal bar gyur te/ sems
 mi dran pa de mal stan 'jam po zhig la bzhag nas/ /rma sar pa sos par 'gyur pa'i sman mar la sogs pa'i de'i lus kyi rma bskus te/ cung zad thig par gyur cing dbugs byung bar gyur pa dang/ rgyal po de ngo mtshar dang ya mtshan che zhing gus par gyur nas nad
 dris te smras pa/ snying rje bskyed de bdag gi srog por nas/ gang rnams phyir ni bdag gi zam pa byas/ /khyod kyis bsgral ba spre tshogs mang po 'di/ khyod kyi ci 'ong khyod kyang khong gi ci/ /gal te 'di ni nged kyis mnyan rung na/ /spre rgyal gtso bo de ni je smos shig /rab
 tu mdza' ba'i rgyu 'brel chung ngu dag/ de lta bu ni yid la byed mi 'gyur/ /de nas byang chub sems dpas rgyal po de de ltar gus shing legs par smra ba'i lan legs par glan pa'i phyir mi ngom pa'i tshul gyis bdag nyid su yin bstan pa/ bdag gi dag nyan gus
 pa 'di dag gis/ /bdag la rgyal po'i khur ni bkur bar gyur/ /de bas 'di dag bu dang 'dra bar sdug/ khur te bkur pa'i phyir ni de ltar bgyi/ /rgyal po chen po bdag dang 'di rnams ni/ /yun ring dus nas 'di ltar 'brel bar gyur/ /rigs gcig skyes pas
 'di ltar mdzad gyur cing/ /lhan cig gnas pas gnyen dang 'dra bar gyur/ /de skad zer ba de rgyal po des thos nas rab tu ya mtshan cher gyur te yang smras pa/ blon po la sogs rgyal po'i phyir/ /de dag phyir na rgyal po min/ /de bas bdag gi bran gyi phyir/
 ci phyis? khyod kyis bdag lus bor/ /byang chub sems dpas smras pa/ rgyal po chen po de ltar bgyid pa ni med na/ rgyal po'i gzhung lugs de lta bu ni bdag gis gzhung lugs ngan par mthong ngo/ /ma 'dris pa yang sdug bsngal mi bzod pa/ /yal bar bor na
 sdug bsngal cher 'gyur na/ /sems ni rab tu gus pa'i skye bo rnams/ /gnyen dang mdza' bor gyur pa smos ci dgos/ /spre'u rnams nyams nyes rab tu cher byung zhing/ /phongs nas mya ngan byed pa 'di mthong nas/ /bdag gis don sgrub sems
 dbang mi 'gyur ba'i/ /sdug bsngal chen po bdag la byung bar gyur/ /de bas gzhu rnams rab tu bkang nas su/ /mde'u rnon po drag tu 'phen pa yi/ /gzhu rgyud sgra 'jigs sems la ma bsams par/ /shing de'i kha nas ri kha 'dir mchis mod/ bdag gi 'khor
 ni rab tu skag pa'i sems/ /du zhing 'bod pas bdag ni rab bskul nas/ /sa khyon tshad ni legs par brtags nas su/ /sba thag rtsa bcas bdag gi rkang pa bcings/ /ri bo de las slar yang 'dir 'chongs te/ ljon shing 'di las bdag gi 'khor bsgral
 phyir/ /de yi yal ga lag pa brkyang 'dra la/ /bdag gi lag pa gnyis kyis zin par gyur/ /sba thag de ni rab tu brgyangs pa dang/ ljon shing de yi yal gas btud pa las/ /bdag gi lus brdzis tsham tshom ma mchis par/ /bdag la brten nas 'khor
 rnams bde bar thar/ /de nas rgyal po de sems dpa' chen po de de lta bu'i gnas skabs na yang de ltar byed pa mthong nas rab tu dga' bar gyur te/ rab tu ya mtshan che bar gyur nas yang 'di skad ces smras so/ /bdag gi bde ba khyad du bsad//
 gzhan la nyams nyes byung ba dag/ de ltar bdag gis nyams su blangs/ /khyod kyis yon tan ci zhig 'thob/ /byang chub sems dpas smras pa/ gang rnams rgyal po bdag gis yun rings byas/ /de dag sdug bsngal bdag gis rnam par bzlog/
 de? bas sems ni rab tu dga' bar gyur/ /bdag gi lus lta snad par gyur kyang rung/ /dregs pa'i dgra rnams g.yul ngor 'pham byas nas/ /lus la rmad byung rgyan gyis brgyan pa bzhin/ /dpa' bo rnams ni dpa' bo'i mtshan gyis brgyan/ /de
 bzhin rma 'di bdag ni dga' bzhin bzod/ /rigs mthun rnams kyis rab tu gus byas nas/ /gus par bya 'tshal bkur sti cher byas pa'i/ /dbang phyug bde ba thob par gyur pa yi/ /bu lon di ring bdag gis khor bar gyur/ /de bas bdag gi mdza' dang bral ba 'am/ bde
 ba med pa'i sdug bsngal ma mchis kyi/ /'di ltar bgyis pas bdag ni 'gum 'gyur ba/ /'di ni dga' bar phrad par gyur pa bzhin/ /sngon du phan btags bu lon khor bas mgu/ /mya ngan gdung zhing grags pa dri med thob/ /rgyal pos mchod byas 'tshal 'jigs?
 pa med/ /dam pas phan btags dran kyang drin par gyur/ /yon tan mchog gnas yon tan 'di dag ni/ /sdug bsngal 'di myong bdag gis thob par 'gyur/ /bdag po snying rje med la rten bcas na/ /de dang mi mthun phyogs rnams thob par gyur/ /yon tan
 med cing grags pa med gyur pa/ /nyes pa 'byung ba'i gnas su gyur pa rnams/ dmyal ba'i me 'bar rab tu 'khrugs pa las/ /gzhan du 'gro ba'i gnas ni ci zhig yod/ /de bas khyod la yon tan skyon gyi mthu/ /bdag gis legs par bstan par
 'di lags kyis/ /lha dpal 'gro ba'ang bud med rang bzhin can/ /de bas chos kyis rgyal srid bskyangs par mdzod/ /bzhon pa'i dpung dang ljongs dang blon po dang/ /mgon med 'bangs dang dge slong bram ze la/ /rgyal pos pha bzhin phan pa'i rjes mthun par
 thams cad bde dang ldan par mdzad pa'i rigs/ /de ltar byas na chos srid grags pa 'phel/ /'di dang gzhan la'ang khyod ni bde bar 'gyur/ /de bas khyod ni 'bangs la thugs brtse bas/ /rgyal po drang srong dpal gyis brjid par mdzod/ /de ltar rgyal po
 slob ma bzhin du bstan/ /rab tu stad pa'i tshig gis de bstan nas/ /snad pa'i sdug bsngal rab tu zil mnan te/ /lus de bor nas mtho ris song bar gyur/ /de bas na dam pa'i tshul gyis rjes su 'brang ba rnams ni dgra rnams kyang mgu bar byed do//
 */ 5 /zhes 'jig rten pa rnams mgu bar byed 'dod pas/ dam pa rnams kyis tshul gyi rjes su 'brang bar bya'o/ /bcom ldan 'das de gzhan gyi don ji ltar sgrub pa de ltar sems can rnams bdag gis don kyang sgrub mi nus so/ /zhes de
 bzhin gshegs pa'i yon tan bsngags pa la yang brjod par bya'o/ /rim gro bskyed de dam pa'i chos mnyan pa dang/ snying rje che ba'i yon tan bsngags pa dang/ rgyal pos 'bangs la de ltar snying rje dang ldan par bya'o zhes rgyal po la gdams pa dang/
 skyes pu dam pa rnams ni de ltar chu gang che'o zhes chu gang bya ba'i gtam bya ba la yang sbyar bar bya'o/ /spre'u yi rgyal po'i skyes pa'i rabs te nyi shu bdun pa'o// //skyes pa'i rabs kyi rgyud bam po bcu pa/ /bzod pa la goms
 shing so sor brtags te mnags pa'i shas che ba rnams ni mnags mi thub ces bya ba med do/ /de yang 'di ltar byang chub sems dpa' khyim na gnas pa de ni nyes pa mang po'i sdug bsngal dang ldan pa/ /srid pa dang 'dod pa lhur len pas nye bar ma
 zhi ba/ 'dod chags dang zhe sdang dang mi bzod pa dang 'thab pa dang dregs pa dang nga rgyal dang ser sna la sogs pa'i skyon rnams kyi gnas/ /ngo tsha ba'i chos med par byed pa/ 'dod chen che ba'i skye gnas/ bya ba ngan pas bskal pas chos spyod pa'i go
 skabs med par shes la/ rab tu byung ba ni 'du 'dzi'i dug spong zhing nyes pa de lta bu med pa'i bde ba can du mthong nas tshul khrims dang mang du thos pa dang rab tu zhi ba dang dul ba la yid nges par byas pa'i dka' thub can zhig tu gyur to zhes grag go/
 de bzod par bya bar yi dam bcas pa ma nyams shing bzod pa'i bsngags pa rjod par byed la/ de dang rjes su mthun pa'i chos go rims bzhin du 'chad pas/ bdag rang gi ming rus nas su yang mi 'bod par/ bzod par smra ba zhes 'jig rten pa
 rnams kyis yang dag pa'i blo skyed de ming du grags so/ /dbang phyug rig pa dka' thub phun sum tshogs/ /sgyu rtsal rnams la goms pa rgya che ba/ /lus dang ngag gi spyod pa mthu rtsal can/ /mi rnams ming ni gzhan du 'dogs par byed/ de ni bzod pa'i yon tan mthu shes
 nas/ /de yis bdag bzhin 'jig rten rab tu brgyan/ /bzod pa'i gtam yang rgyun du byed par 'gyur/ /de bas de ni bzod pa smra zhes grags/ /bzod pa chen po rang gi ngang du gyur/ /gzhan la gnod pa mi byed rab tu brtan/ /de yi don dang mthun pa'i gtam dag
 gis/ /thub pa de yi grags pa rgyas par gyur/ /de nas bdag nyid chen po de nags tshal gyi sa phyogs rab tu dben zhing nyams dga' ba/ me tog dang 'bras bu dus thams cad du rnyed sla ba/ /mtsho'i chu gtsang ma pad+ma dang utpa las brgyan pa/ /skyed mos tshal
 nyams dga' ba shin tu mdzes pa zhig tu gnas bcas pas dka' thub kyi nags tshal shin tu bkra shis par byas so/ /dam pa yon tan mchog ldan pa/ /gang na gnas pa de dag nyid/ /bkra shis yid du 'ong ba dang/ /de nyid rten dang dka' thub tshal/ /de na gnas
 pa'i lha rnams ni de la dad pa skyes/ /skye ba phan par 'dod cing yon tan la dga' ba rnams ni bkur sti byed cing 'ong bar 'ong bar gyur te/ skye bo mang po de rnams la chos kyi gtam bzod pa dang ldan pa rnar 'ong zhing sems la 'bab pa rnams kyis phan btags so//
 de nas re zhig gcig yul de'i rgyal po dpyid kyi dus la bab pas chu'i nang du rtser 'gro 'dod par gyur te/ skyed mos tshal kyi yon tan pas kyang lhag pa'i gnas su gyur pa'i nags tshal gyis phyogs der btsun mo'i 'khor dang bcas te song ngo/ /dga' 
 ba'i tshal ltar nyams dga' mdzes pa'i tshal/ /de yi btsun mo'i 'khor gyis gang bar gyur/ /longs spyod can gyi spyod tshul mdzes pa yi/ /na chung chas pa rnams kyis brgyan pa bzhin/ /'khri shing 'khyil bas gtibs pa lding khang bzhin/ /me tog rgyas pa'i
 */ 5 /ljon shing dgod pa bzhin/ /pad+ma rab tu rgyas pa'i mtsho 'gram na/ /btsun mo rnams ni rab tu dga' zhing rtse/ /me tog phreng dang khrus kyi byug spos kyis/ /bsung zhim ngad kyi phung ba 'dus rnams la/ /btsun mo kha cig ltad mo
 cher lta ba/ /ya mtshan cher gyur sdangs shing 'dzum pas mdzes/ /me tog rna cha gsar pa rab tu mdzes pa dang/ /skra yi rgyan du btags pa'i phreng ba mdzes yod kyang/ /de dag me tog 'dod pas tshim par ma gyur pa/ /de bzhin rgyal po btsun mo rtse ba snying ma
 tshim/ /me tog shing la bud med mig lta zhing/ /gzhal med khang la lta bas chags gyur pa/ /pad+ma'i mtsho na bung ba dang rab bzhin/ /rab tu mdzes pa rgyal pos mthong ma gyur/ /ko ki la dag myos pa'i sgra rnams dang/ /rma bya gar byed bung ba glu len pa/ /na chung
 tshig smra glu len gar byed pas/ /de dag de na rab tu mdzes par snang/ /'brug sgra zab mo rnga sgra brdungs pa bzhin/ /rma bya mang po lhung lhung sgra 'byin cing/ /rang gi sgyu rtsal thabs kyis gar byed pa/ /rgyal po de la rma bya gsag byed 'dra/ /de de na btsun mo'i 'khor
 dang bcas par nags tshal skyed mos tshal 'dra ba na spyod pa'i bde ba nyams su myong nas rtse rtse bas chad cing 'dod pa la chags pa'i dbang gis shing grib dpal dang ldan pa gzhal med khang 'dra ba'i drung du mal cha bzang po bting ba la nyal te gnyid kyis
 log par gyur to/ /de nas btsun mo de dag rgyal po mnal bas skabs su bab par shes nas/ /nags tshal mdzes pa la snying chags shing de lta bas ma ngoms pas/ /dga' sde dga' sder chad de/ /rgyan rnams sil sil zer ba'i sgra dang 'dres pa'i
 skad snyan po 'byin cing kun tu 'khyam du dong ngo/ /de dag gdugs dang rnga yab stan la sogs/ /gser gyis brgyan pa rnams ni bran mos thogs/ /dbang phyug rtags dang ldan pa rjes su 'brangs/ /bud med rang bzhin 'phyar bas rnam par rgyu/ /de dag
 ljon shing bzang po'i me tog dang/ /lo ma sdug gu brnyab du sleb pa rnams/ /bran mos btogs te 'bul du mi sleb pa/ /chags pa'i dbang gis bdag cag nyid kyis btogs/ /shing lo g.yo ba'i shing dang gel pa rnams/ /lam dang nye ba me tog rgyal ba kun//
 me tog phreng ba'i rgyan gyis klubs zin kyang/ /chags pa'i dbang gis ma gtogs de ma dong/ /de nas rgyal po'i btsun mo de dag nags tshal nyams dga' ba la sems g.yengs bzhin du nags tshal de'i nang nas mthar gyis rgyu zhing/ /dong dong ba las/ /bzod
 pa smra ba'i dka' thub kyi gnas su phyin to/ /bud med srung ba'i nyung rum pa rnams kyis thub pa de'i dka' thub kyis mthu che bar shes shing btsun mo de rnams kyang rgyal po'i gnad chen yin la bcos dka' ba'i phyir der mi 'dong bar bzlog ma nus so/ /dka' thub
 kyi gnas de byi dor legs par byas pas nyams dga' zhing yid du 'ong bas btsun mo de dag drangs pa bzhin du der lhags pa dang/ de na thub pa'i mchog de rab tu zhi zhing dul bar snang yang/ /rab tu zab pas dka' thub kyi dpal me 'bar bzhin du bsnyen par
 ni dka' / /bsam gtan goms par byas pas 'dod chags kyi yul bzang po nye bar gyur kyang/ dbang po thul cing ma 'khrugs pas na mdzes/ /chos mngon sum du mthong ba bzhin du bkra shis bsod nams dang ldan par shing drung du stan bting ba la 'dug
 pa mthong bar gyur to/ /de nas rgyal po'i btsun mo de dag de'i dka' thub kyi gzi byin gyis sems zil gyis non pas mthong ma thag tu g.yeng ba dang 'dzum pa dang 'phyar ba btang ste/ /dul zhing gus par byas te de'i drung du lhags nas bsnyen bkur byas so/ /des
 kyang de dag la 'dir 'ongs legs so zhes bya ba la sogs pa'i tshig snyen pa brjod nas/ /'gron 'ongs pa dga' bar 'gyur ba'i rim gro byas te/ de dag la nad dri ba'i skabs nas gleng bslangs te/ chos kyi gtam bud med kyis go sla ba dpe dang bcas pa rnams
 */ 5 /kyis de dag la mgron byas so/ /mi yi lus su skyes pa ma smad thob par gyur/ /de bzhin dbang po rnams kyang ma nyams rno dang ldan/ /'on kyang 'chi bdag de ni legs par mi byed des/ /bag med gyur pa de dag nyin re bslus
 par 'gyur/ /rab tu sbyin dang tshul khrims la sogs ma sbyangs na/ /rigs dang gzugs dang lang tsho'i yon tan rnams dang ni/ /stobs ni rab tu che zhing nor gyis phyugs gyur kyang/ /phyi ma'i tshe la su yang bde ba thob mi 'gyur/ /rigs la sogs
 pa dman yang sdig la ma chags shing/ /rab tu sbyin dang tshul khrims la sogs yon tan ldan/ /dbyar gyi dus la 'bab chus rgya mtsho gang ba bzhin/ /phyi ma'i tshe la nges par bde bas rgyas par 'gyur/ /rigs dang gzugs dang lus kyi yon tan
 rnams kyang rung/ /stobs ni rab tu che zhing nor gyis phyug kyang rung/ /yon tan yod na tshe 'di la yang rgyan du 'gyur/ /gser gyi phreng bas phyug po'i mtshan ma bstan pa bzhin/ /me tog rnams ni ljon pa'i shing gi rgyan du 'gyur/ /klog phran 'gyu
 ba char sprin rnams kyi rgyan du 'gyur/ /bung ba myos pa 'du ba'i pad+ma rgya mtsho'i rgyan/ /yon tan khyad par 'phags pa lus can rnams kyi rgyan/ /nad med tshe ring nor dang gzugs dang rigs rnams ni/ /rab dang 'bring dang tha ma'i bye brag sna tshogs
 pa'i/ /skye bo 'di dag ngo bo nyid las gyur ma yin/ /gzhan gyis bskyed min las ni rnam pa gsum las gyur/ /'gro ba'i chos nyid 'di ltar nges par gnas pa dang/ /srog kyang mi brtan 'chi dang nye bar shes nas ni/ /dge ba'i phyogs
 la brten nas sdig pa spang bar gyis/ /grags dang bde ba thob pa'i lam ni 'di yin no/ /yid la zhe sdang yod na bdag dang gzhan dag la/ /phan par 'gyur ba me bzhin rab tu sred par byed/ /de bas skye bo sdig la 'dzem pa de dag gis/ /gnyen
 po rnams la brten nas sdig pa spang bar bya/ /dgon pa'i me ni rab tu 'bar bar gyur pa gang/ /chu klung chen po mdza' klas 'bab dang phrad gyur na/ /ji ltar rab tu zhi bar 'gyur ba de bzhin du/ /yid kyi gdung pa'ang bzod la brten na zhi bar 'gyur/ /de bas de'i rgyu zil gyis
 mnan pas bzod pa sdig pa spong/ /de phyir byams la brten pa'i stobs kyis dgra yang 'phel mi 'gyur/ /de la dga' zhing mchod 'os bde ba'i skal dang ldan par 'gyur/ /bsod nams byas pa'i yon gyi tha mar mtho ris 'gro bar 'gyur/ /gzhan yang kye btsun
 mo dag bzod pa zhes bya ba 'di ni/ dge ba'i bzhin can du rab tu grags/ bsod nams grags pa dag kyang rab tu 'phel/ /chu yis ma bkrus par yang dag par 'gyur/ /yon tan de dang de dag phun sum tshogs/ /gzhan la gnod pa rtag tu yod mi shes/ /snying stobs can
 gyi chos nyid yid du 'ong/ /yon tan mngon bsgrubs bzod pa mdzes pa'i ming/ /snying rjes bka' stsal 'jig rten don byed pa'o/ /mthu dang ldan pa rnams kyi rgyan yang yin/ /dka' thub can kyi stobs mchog phun sum tshogs/ /gnod sems dgon pa'i me
 la chu rgyun 'bebs/ /gnyis ka'i tshe la don med zhi bar byed/ /dam pa rnams kyi go cha bzod pa yin/ skye bo ngan pa'i tshig ngan mnga' yang rdugs/ /phal cher yon tan bsngags pa'i me tog 'gyur/ /de ni grags pa'i yan lag can du 'gyur/ /chos kyi mi mthun
 phyogs rnams bzod par 'joms/ /rnam par thar pa'i bde ba bzod pas 'thob/ /rab tu 'bad na bzod pa phan par 'gyur/ /bzod pa de ni mi byed su zhig yod/ /de ltar bdag nyid chen po des btsun mo rnams la chos kyi mgron byas so/ /de nas rgyal
 po de gnyid kyis log pa las sad pa dang/ 'dod chags kyi lhag ma lus pas mig lci bar gyur nas chags pa'i dbang gis btsun mo rnams gar dong zhes gzims mal ba rnams la smin ma bsgyur te dris so/ /lha btsun mo de rnams ni nags
 tshal bzang po rnams blta zhing longs spyod bgyid du mchis so zhes gzims mal ba rnams kyis gsol pa thos pa dang/ rgyal po de btsun mo rnams spobs pas bag yongs su dgod cing smra ba dang/ rtse ba lta 'dod pa'i phyir mal
 nas langs te/ gdugs dang rnga yab dang bsil yab dang bla gos dang ral gyi rnams ni na chung rnams kyis bzung/ /btsun mo'i 'khor gyi nyud rum lag na spa mkhar thogs pa rnams kyis bskor te/ nags tshal de'i nang nas mthar gyis song ngo/ /de de na bud
 med rnams nyam dangs su rgyu zhing dong dong pa'i lam me tog dang lo ma sna tshogs kyis gtor ba/ so rtsi ba'i khu ba'i tshon gyis khra bor gyur pa'i rjes bzhin du song song nas/ dka' thub kyi gnas der phyin to/ /rgyal po des drang srong gi mchog bzod pa
 smra ba de btsun mo'i 'khor gyis bskor zhing 'dug pa mthong nas/ sngon gyi khon rnying yod pa dang/ 'dod chags kyis dran pa nyams par gyur pa dang/ phrag dog gis zil gyis non pa'i phyir sems rab tu 'khrugs par gyur te/ /so sor brtags
 te mnags pa'i mthu chung bas dul ba dang nges par spyod pa ni nyams/ /thab mo rgol 'dod pa'i shugs kyis rdul ni byung/ /lus 'dar zhing smin ma bcum ste mig rtsa dmar po ni bgrad/ /gzi mdangs bzang po ni nyams/ /gser gyi gdu bu dang sor
 gdub kyis brgyan pa'i lag pa gnyis ni gnyis te/ drang srong gi mchog de la skur pa 'debs pa'i tshig de dang de dag smras pa/ ngan pa de nga'i gzi byin zil mnan nas/ /thub pa'i cha lugs gos bgos te/ /nga yi btsun mo'i 'khor lta ba/ /tshul 'chos
 'di ni su zhig yin/ /de skad zer ba nyung rum rnams kyis thos nas rtabs shing skrag pa'i shugs kyis rgyal po la smras pa/ lha de ltar ma mdzad cig/ thub pa 'di ni yun ring mo nas brtul zhugs dang sdom pa dang dka' thub bsgom pa'i bdag nyid can
 lags te/ ming yang bzod pa smra ba zhes bgyi'o/ /rgyal po de nang gi bsam pa ngan pas de dag gi tshig mi mnyan par smras pa/ e ma'o khyod cag ci zer ba zhig /'jig rten 'di dag yun ring nas/ /'di yis de ltar bslus par 'gyur/ /tshul 'chos g.yo sgyu'i rang
 bzhin can/ /dka' thub tshul ston 'di ltar byed/ /de 'di ltar dka' thub can gyi tshul du bsgyur nas/ g.yo dang rgyu byed pa la goms pa tshul 'chos pa'i rang bzhin de/ /de ngas bstan par bya'o zhes smras nas/ /gsol ka ba'i lag na ral gri 'dug pa blangs
 te/ /drang srong gi mchog dgra bzhin du nges par bsad par bsams nas song ba dang/ de nas btsun mo de dag la 'khor rnams kyis rgyal po gshegs par sbran pa dang/ rgyal po la bltas na khros pas zhi ba'i mdangs med par mthong nas/ /snying mi dga' 
 bas rtab rtab por gyur pa'i shugs kyis mig rig rig por lta zhing langs te/ drang srong mchog de la thal mo sbyar te phyag byas nas ston ka'i pad+ma kha 'bus pa 'dra ba'i bzhin cung zad 'dzum par byas te/ rgyal po'i drung du dong ngo/ /de yid la khros pa'i me 'bar
 bas btsun mo de dag gi spyod tshul mdzes pa dang dul zhing gus par 'os pa mkhas pa des kyang de'i yid zhi bar ma gyur to/ /btsun mo de dag rab tu spobs shing bag phebs pas/ rgyal po de rab tu khros shing bzhin 'gyur la spyod pa nyams shing
 tsub par mngon pa lag na mtshon cha thogs te/ drang srong mchog de la sdang mig tu lta ba mthong nas bcugs pa'i phyir smras pa/ 'di ni bcom ldan 'das bzod par smra ba lags kyis/ lha de lha bu'i thub chod chen po ma mdzad cig ces byas pa dang/
 rgyal po sems rab tu 'dug pas 'di dag ni nges mgu bar byas zin to snyam nas rab tu khros bar gyur te/ mi bzod pa'i shugs drag pos smin ma rab tu g.yo zhing mig zur gyi lta bas/ btsun mo de dag gis spobs pa dang 'jar bas smras pa'i
 tshig mi nyan par/ btsun mo'i 'khor bsrung ba'i nyud rum la khro ba dang bcas pas lta zhing mgo bsgyur bas rna cha dang cod pan gyi zar bu g.yo bzhin du btsun mo de dag la bltas nas smras pa/ 'di ni bzod pa smra zhes zer/ /de yang
 nyams su yongs mi len?/ /'di ltar bud med bsten pa yi/ /sped pa 'dis ni bzod ma gyur/ /tshig tu gzhan smra lus kyi spyod pa gzhan/ /bsam pa gdugs cing yid la gzhan du sems/ /dka' thub nags na ma zhi 'di su zhig /'drid pa'i tshul can
 phyi tshul bcos shing 'dug /de nas btsun mo de dag rgyal po de khros shing rngam pas snying rtsub par gyur pa la bcugs ma nus te/ rgyal po de rab tu gtum zhing bcos dka' bar yang shes nas yid mi dga' zhing mya ngan gyis ni gdungs nyud ru ma rnams
 kyang 'jigs shing skrag pas 'khrugs pa'i lag brdas ni skrad/ /ngo tsha bas mgo ni smad/ drang srong mchog de'i mya ngan byed cing de nas byer de dong ngo/ /dka' thub chen po dul la yon tan grags pa 'di/ /bdag cag rnams kyi phyir ni nyes pa yod med
 par/ /rgyal po'i khro ba 'di ni ji zhig gyur nas su/ /gang gis lam du zhugs nas ci byed su shes kyi/ /rgyal po'i rgyal srid grags pa thob pa dang/ /thub pa 'di lus dka' thub lus 'di dang/ /bdag cag yid 'di nyes pa med 'di dag /rgyal pos
 cig char bsad par mi 'gyur ram/ /de ltar btsun mo de dag mya ngan byed pa'i shugs ring po 'byin pa rnams byer te dong ba'i 'og tu/ rgyal po de drang srong mchog de la bsdigs shing khro bo'i shugs kyis ral gri phyung ste/ bdag rang 'debs su
 song ngo/ /sems dpa' chen po de de ltar sma phab kyang ma gyur cing bstan pa ma nyams la rang bzhin du spyod pa de mthong nas/ rab tu rngam zhing de la smras pa/ a dzi dang dbyig pa thogs/ g.yo sgyu'i brjid bag 'chos pa ni/ /bden pa bzhin du mthar phyin
 kyang/ /thub pa bzhin du nga la lta/ /de nas byang chub sems dpas bzod pa la goms pas smad cing spyos pa des kyang brtan pa ma nyams par /rgyal po des khros shing rngam pas spyos? pa'i tshul ni mi sdug par gyur/ dul bar spyod pa'i dpal ni nyams/ bdag?
 la phan pa dang gnod pa'i lam ni brjed par gyur pa la ya mtshan cher gyur nas cung zad cig bltas te snying rje bzhin du tshig 'jam pos bzhams te/ 'di ltar cung zad cig smras par nges so/ /'di ltar smad pa skal pa med las gyur bar ni/ /'gro ba dag
 la srid pas de phyir bdag mi sems/ /khyod la 'os pa'i bkur sti bdag gis bya ba las/ /tshig tsam gyis kyang ci legs ma byas sems la gcags/ /rgyal po chen po gzhan yang/ /'gro ba'i don byed khyed lta bu dag ni/ /dam pa ma yin spyod pa'i
 lam 'jug pa/ /thub chod byas te spyad pa'i mi rigs kyis/ /de bas na rnam par brtags pa'i lam 'jug rigs/ /rigs pa dag kyang cung zad mi rigs mthong/ /kha cig nyes kyang legs pa 'dra bar snang/ /gtan tshigs khyad par can dag ma brtags
 par/ /dgos pa'i don nyid tshong du mi rtags so/ /dgos pa'i don ni legs par brtags nas su/ /bstan dag lam du legs par zhugs nas ni/ /chos dang srid dang bod pa'i don bsgrubs na/ /de bdag nyid kyi skye bo nyams mi 'gyur/ /de bas rab
 tu rgod pa'i blo btul nas/ /grags par gyur pa'i lam nyid brtsam par rigs/ /sngon chad ma byung nyes pa spyad na ni/ /mngon pa'i bdag nyid can rnams gtam ngan 'phel/ /khyod kyi mthu yis bsrungs pa'i nags tshal na/ /gzhan gyi gnod pa byas
 na'ang bskyab par rigs/ /phan pa'i tshul med dam pas smad pa dag /rgyal po chen po rang gis ji ltar spyad/ bsrungs ma nyung rum bcas par bud med rnams/ /bdag gi gnas su rang dgar lhags pa la/ /bdag gi nongs pa cung zad ji ltar bgyi
 de ltar bkyon par gyur pa ga la srid/ /de ste bdag gis nongs par gyur na yang/ /'on kyang rgyal pos bzod na mdzes par 'gyur/ /nus pa dag la bzod pa brgyan gyis mchog /yon tan rjes su bsrung la mkhas par ston/ /bzod
 pas brgyan na ji ltar mdzes pa bzhin/ /gdong la 'od zer snang ba'i rna cha dang/ /rin chen sna tshogs 'od 'bar cod pan rnams/ /de ltar rgyan du mdzes pa mang lags dgongs/ /rtag tu bsten du mi rung mi bzod thong/ /phan par 'gyur ba'i bzod pa bzang ba'i
 rigs/ /dka' thub tshal du rgyal po 'ongs nas ni/ /nges shing gus pa'i tshul du spyad par rigs/ /thub pa'i mchog des de lta bu'i tshig 'jam po gdams kyang/ rgyal po de mi bsrun par blo nyams pa'i phyir/ /de la rnam pa gzhan du dogs nas yang smras pa/
 dka' thub can ltar khyod kyi ma bcos la/ /rang gi sdom la gal te gnas na ni/ /bzod pa'i man ngag bstan par snyad btags nas/ /ci'i phyir ngal mi 'jigs sbyin par gsol/ /byang chub sems dpas smras pa/ /rgyal po chen po ci'i phyir bdag 'di ltar
 bgyid pa gsan du gsol/ /bram ze las rab tu byung ba nyes pa med par rgyal pos bsad do zhes bdag gi slad du khyod kyi grags pa 'phyas bya bar 'gyur du dgos so/ /sems can rnams ni 'chir 'gyur ba'i/ /tshul 'di nges pa nyid du gnas/ /bdag gi
 tshul la'ang rjes bltas nas/ /bdag ni de bas shes mi 'jigs/ /phyi nas chos kyi bde ba la/ /de ltar byas na gnod du dogs/ /bde ba 'thob la phan pa yi/ /bzod pa de phyir khyod la smras/ /bzod pa yon tan 'byung gnas yin/ /nyes pa rnams kyang zlog
 par byed/ /rab tu bzang po'i skyes bzhin du/ /dga' bas bdag ni bzod pa smra/ /de nas rgyal po de tshig de dag rab tu bden par smras kyang mi nyan pas thub pa de'i tshig me tog dang 'dra ba la khros bzhin du drang srong mchog de la smras pa/ /khyod bzod pa la
 dga' ba dangs blta'o zhes smras nas/ thub pa 'di'i lag pa g.yas pa cung zad bsgrengs te dgag pa'i phyir sor mo phra zhing zlum la ring bkram pa dang/ ral gri rnon pos pad+ma'i rtsa ba bcad pa bzhin du 'khrig ma bcad do/ /de'i lag pa 'khrig mar bcad
 pa na/ /gcod pa la ni bde bar gnas pa las/ /phyi nas sdug bsngal mi bzod myong 'gyur ba'i/ /sdug bsngal ji ltar mi bzod sdug bsngal ba/ /de ltar bdag gi sdug bsngal ma gyur to/ /de nas byang chub sems dpas bsams pa/ e ma'o ngo mtshar byas
 kyis med/ /'di da bdag la phan pa'i mtshams las ni 'das/ /rjes su gdams pa'i snod du yang ma gyur gyis med do snyam nas nad pa sman pas bor ba bzhin du de la mya ngan byas te cang mi zer bar 'dug go /de nas yang rgyal po des de la bsdigs nas smras
 pa/ de ltar mthar gyis bcad na ni/ /khyod kyi lus ni med par 'gyur/ /ma rungs pa'i blos rnyed pa/ /tshul 'chos? brtul zhugs 'di thong zhig /de nas byang chub sems dpas de rjes su gdams su mi rung zhing/ /'di ltar rngan dus byed par rig nas de la ci yang
 ma smras so/ /de nas rgyal po des bdag nyid chen po de'i lag pa ya cig dang/ /dpung pa gnyis dang/ /rna ba dang/ sna dang/ rkang pa gnyis kyang de bzhin du bcad do/ /de'i lus bcad 'gyel bar gyur na yang/ /lus kyi khog pa gnas pa'i mdza' shes shing/ /skye bo
 rnams la bzod pa gsol gyur pas/ /thub pa'i mchog ste ma bzhugs mya ngan med/ /lus ni bcad par gyur kyang de yi sems/ /dge ba'i tshul bltas bzod pa brtan ma nyams/ /dga' ba'i tshul gyis sdug bsngal yongs ma gyur/ /rgyal po chos nyams
 mthong nas mi dgar gyur/ /so sor brtags bzod snying rje can/ /gzhan gyi sdug bsngal mi bzod pa/ /bdag gi sdug bsngal chen po yang/ /de tsam du ni gnod mi 'gyur/ /rgyal po de yis mi bzad las byas nas/ /de ma thag tu rims nad me bzhin
 'bar/ /nags tshal nye ba'i nang nas mthar ma byung/ /sa gas nang du de ma thag tu song/ /rgyal po de sa gas pa 'jigs pa'i sgra byung ba me 'bar ba 'khrugs pa de'i nang du song bar gyur nas/ /kho ra khor yug tu ku co 'don
 pa'i sgra chen po ni 'byin/ /rgyal po'i 'khor ni rab tu 'khrugs par gyur pa dang/ /rgyal po de'i blon po rnams kyis thub pa de'i dka' thub kyi mthu che ba dang/ rgyal po sa'i 'og tu song ba yang de las gyur par shes nas/ /rgyal po des nyes pas drang srong
 'dis ni mkhar dang yul ni thams cad sreg go /snyam nas 'jigs shing dogs pa skyes te/ drang srong de'i drung du lhags nas phyag byas te bzod par gsol zhing thal mo sbyar nas gsol ba btab pa/ /rgyal po blun zhing rab tu mi brtan pas/ /khyod ni
 'di ltar ma rung bgyis par gyur/ /de ni khyod kyi dmod pa'i me shing song/ /mkhar 'di zhugs kyis sreg par mi mdzad gsol/ /bud med byis pa rgan po nad pa dman/ /bram ze nyes pa med pa sreg mi rigs/ /de bas rgyal po de yis yul 'di kun//
 yon tan phyogs kyis rang gi phyogs bzhin bsrungs/ /de nas de rnams la byang chub sems dpas dbugs phyung ste smras pa/ tshe dang ldan pa dag ma 'jigs shig/ bdag ni nags na gnas pa la/ /nyes pa med par ral gri yis/ /lag pa dang ni rkang
 pa dang/ /sna dang rna ba bcad gyur kyang/ /bdag lta bu yis ji ltar na/ /de la gnod par bsam par bya/ /rgyal po de ni tshe ring gyur/ /de la sdig tu ma gyur cig /'chi dang na ba'i sdug bsngal can/ /'dod chags zhe sdang dbang du gyur/ /nyes par spyod pas tshig
 pa la/ /mya ngan byed mod ga la khro/ /gal te bcos su rung ba de yi sdig /bdag la rnam par smin par gyur kyang rung/ /bde ba can la sdug bsngal rjes 'brang ba/ /yun rings min yang mi bzad mnag mi nus/ /bdag la phan par mi shes rgyal po de//
 de ltar tshig la bskyab par mi nus pa/ /bdag gis ma nus nyes pa de bor te/ /rgyal po la ni ci'i phyir khon du 'dzin/ /rgyal po grongs na'ang 'chi la sogs pa yi/ /sdug bsngal skyes nas kun gyis myong bar 'gyur/ /de bas skye la khon du gzung ba'i rigs/ /de med sdug
 bsngal ci zhig ci las 'gyur/ /nags na gnas shing rab tu 'byung bar shes/ /bzod pa sgra la ring po mi thogs 'chi/ /ci phyir mi bzod skabs ni 'byed par byed/ /de bas ma 'jigs khyed cag bde bar dong/ /de ltar thub pa mchog gi rjes bstan bas/ /slob ma nyid du
 legs par gyur par byas/ /bzod pa gnas pas brtan pa mi nyams par/ /bzod pa'i mthu yis mtho rigs song bar gyur/ /de ltar thub pa la glengs nas bzod pa'i yon tan bsngags pa la yang brjod par bya'o/ /rgyal po'i dpes mi brtan cing mi bzod pa'i
 skyon bstan pa la yang brjod par bya'o/ /de yang 'dod pa'i nyes dmigs kyi phyir nyes par spyad pas ngan song du lhung bar gyur to zhes 'dod pa'i nyes dmigs kyi gtam bya ba la yang brjod par bya'o/ /'byor pa mi rtag pa bstan pa yang brjod par bya'o/ /bzod
 par smra ba'i skyes pa'i rabs te nyi shu brgyad pa'o// //log par lta ba ni kha na ma tho ba rab tu tshe ba'i phyir log par lta ba la zhen pa rnams la dam pa rnams kyis lhags par rjes su brtse bar bya ba'i rigs so/ /de ltar 'di ltar
 bcom ldan 'das 'di ltar byang chub sems dpar gyur pa'i tshe/ /bsam gtan la legs par byas pa'i dge ba'i las kyi rnam par smin pa'i mthus/ tshangs pa'i 'jig rten du skyes so zhes grag go/ /de tshangs pa'i bde ba chen po bsam gtan gyi khyad par
 gyis thob kyang/ tshe rabs snga ma la snying rje bya ba goms par byas pas/ gzhan la phan pa'i byed pa'i yid la byed pa rtsol ba med par ma gyur to/ /yul gyi bde ba tsam gyis tshod kyis kyang/ /'jigs rten rnams ni bag med dbang du 'gyur/ /dam pa
 rnams ni bsam gtan bde bas kyang/ /gzhan la phan par 'dod pa yod mi nyams/ /de nas re zhig cig bdag nyid chen po de 'dod pa'i khams snying rje'i gnas su gyur pa/ sdug bsngal dang mi bde ba rnam pa sna tshogs brgya dang
 ldan pa dang/ gnod sems dang 'tshe ba mang ba la bltas na/ yul lus 'phags po'i yan lag byin zhes bya ba bshes gnyen ngan pa dang bsten pa'i skyon dang/ yang dag pa ma yin pa yid la byed pa la 'dris pas log par lta ba stug po'i nang na 'khyam zhing
 'jig rten pha rol med pas dge ba dang mi dge ba'i las kyi rnam par smin pa lta ga la yod ces zer zhing des de ltar nges par byas nas chos spyad pa'i spro ba ni med/ sbyin pa dang tshul khrims la sogs pa legs par spyad pa la ni rgyab kyis phyogs/ chos
 spyod pa rnams la ni brnyas par sems/ chos kyi gtsug lag rnams la ni dad pa med cing blo rtsub/ 'jig rten pha rol gyi gtam la ni 'phyas su 'dzin/ /dge sbyong dang bram ze rnams la ni dul ba dang bkur sti dang gus par bya ba ni lhod par gyur te/ 'dod
 pa'i bde ba la gzhol bar gyur ba mthong ngo/ /dge dang mi dge'i las las 'jig rten pha rol du/ /bde dang sdug bsngal 'byung bar rab tu nges byas nas/ /sdig pa spangs te dge ba'i gnas la rab tu 'bad/ /dad pa med pa dag ni ji ltar 'dod pa spyod/ /de
 nas bdag nyid chen po lha'i drang srong de/ rgyal po de lta ba ngan pa la zhen pa/ ngan song du lhung bar 'gyur ba 'jig rten rnams don med par byed pa des snying rje skyes par gyur nas yul gyi bde ba la sems chags par gyur pa'i rgyal po de gzhal med
 khang gtsang ma bzang po zhig na 'dug pa de'i mdun du tshangs pa'i 'jig rten nas 'od 'bar zhing babs te 'ongs par gyur to/ /de nas rgyal po des de me'i phung po bzhin du 'bar/ glog phran mang po 'gyu ba bzhin du ni 'od gsal/ nyi ma'i 'od zer mang po ltar gzi
 byin che zhing mdzes pa mthong nas/ /de'i gzi byin gyis sems zil gyis non te rtab rtab por gyur nas/ /de la thal mo sbyar te langs nas gus par lta zhing 'di skad ces smras so/ /khyod kyi zhabs dang phyag mdzes pad+ma bzhin/ /nam mkha' 'das bzhin yongs su 'dzin par bgyid
 'od zer 'bar ba nyi ma bzhin du gsal/ /blta na mdzes pa'i gzugs can khyod su zhig/ /byang chub sems dpas smras pa/ mnyam par bzhag pa'i sems kyis 'dod chags zhe sdang gnyis/ /sregs pa'i dgra rnams g.yul ngor pham byas bzhin du bcom/ /gang dag
 tshangs pa'i 'jig rten skyes par gyur pa yi/ /lha'i drang srong nang nas gcig ni bdag legs so zhes de skad smras pa dang/ rgyal po des gshegs pa legs so zhes bya ba la sogs pa smras so/ /de la mchod yon dbul ba dang/ rkang pa bkru bas bkur sti byas
 nas/ /de la ya mtshan can du bltas te smras pa/ 'phags pa khyod kyi rdzu 'phrul gyi mthu 'di lta bu ni ngo mtshar che'o/ /khang bzang rtsig pa dag la'ang thag thogs med/ /sa la 'gro ba bzhin du mkha' la'ang 'chag /glog gi 'od bzhin gzi brjid phun sum tshogs/ /khyod kyi
 'phrul 'di ci yis thob pa smos/ /byang chub sems dpas smras pa/ bsam gtan tshul khrims dri ma med pa dang/ /dbang po rnams ni rab tu bsdams pa dag /srid pa gzhan la goms par byas pa yis/ /de'i 'bras bu grub pa 'di 'dra'o/ /rgyal pos smras pa/ /'jig
 rten pha rol yod ces zer ba 'di bden nam/ /tshangs pas smras pa/ rgyal po chen po med de 'jig rten pha rol mchis so/ /rgyal pos smras pa/ 'phags pa 'di bdag cag gis ji ltar yid ches par bgyi/ byang chub sems dpas smras pa/ rgyal po chen po 'di?
 ni rab tu gsal/ mngon sum la sogs pa'i rigs pa'i tshad las gzung du rung la/ yid bcugs pa'i tshig gis bstan pa dang/ brtag pa'i rim pas kyang yid ches byar rung ngo/ /khyod gzigs su gsol/ nyi zla skar mas brgyan pa'i nam mkha' i dang/
 dud 'gror btags pa rnam pa mang po 'di/ /'jig rten pha rol mngon sum bzhin du snang/ /'di la the tshom blo ngan khyod ma bskyed/ /bsam gtan goms byas dran pa gsal ba yis/ /tshe rabs dran pa'ang de dang de na yod/ /'jig rten pha rol
 de la rjes su dpogs/ /nga bdag las kyang mngon par mi 'gyur ram/ /snga ma'i blo las phyi ma'i blo 'grub na/ /'jig rten pha rol yod par de las mngon/ /mngal na 'dug pa'i sngon rol blo de ni/ /de ma thag pa'i tshe rabs snga ma'i blo/ /shes bya rtogs par byed pa
 blo yin zer/ /de bas skye sogs blo ni yul yod gyur/ /mig sogs med pas de ni tshe 'di'i min/ /de'i yul ni 'jig rten pha rol yin/ /skye dgu'i tshul khrims la sogs bye brag rnams/ /pha ma'i rang bzhin dag dang mi mthun snang/ /blo bur gyur pa gang yang
 grub pa med/ /de bas tshe rabs gzhan la goms de yin/ /blo yi mthu stobs gsal ba med pa dang/ /dbang po rnams kyang blun pa'i rang bzhin can/ /btsas ma thag tu sus kyang ma bstan par/ /nu zho 'thung bar rtsol bar byed pa dang/ /kha zas za bar rtsol
 bar byed pa yang/ /srid pa gzhan la? goms par byas par mngon/ /de dang de'i las la bslab ldog pa/ /goms par byas pas mkhas par gyur par grub/ /de la 'jig rten pha rol yod par yid ches pa la ma 'dris pas khyed cag 'di ltar dog pa skye yang
 srid de/ /pad+ma rnams ni kha 'bye 'dzums pa dag /srid pa gzhan la spyad pa goms las 'gyur/ /de ltar mi 'dod nu zho 'thung ba dag /tshe rabs snga ma'i goms las ci phyir 'dod ces zer ba'i dogs pa de yang bskyed par mi rigs so/ /dus nges pa
 dang ma nges? pa las 'gyur bar snang ba dang/ /'bad pa rigs pa dang mi rigs pa'i phyir te/ /pad+ma kha 'byed 'dzum la dus nges yod/ /nu zho 'thung bar rtsol la dus nges med/ /pad+ma mi rtsol nu zho 'thung bar rtsol/ /de bas pad+ma kha 'bye nyi ma'i mthu/ /de bas na rgyal
 po chen po legs par brtags na 'jig rten rol pha rol yod par yid ches par rung ngo/ /de nas rgyal po de log par lta ba la blo zhen cing sdig che bas 'jig rten pha rol yod par smra ba'i gtam de nyams su mi bde nas smras pa/ kye drang srong chen po 'jig rten pha
 rol gal te byis pa bsdigs tshul ma yin la/ 'di ni bdag gis yid ches bya bar khyod sems na/ 'o na de'u re 'di ni gser srang lnga brgya nga la byin/ /de'i skyin pa srid pa gzhan la gser srang stong sbyin no/ /de nas byang chub sems dpas de spyi brtol che ba la
 goms shing 'dzem dog med la/ /log par lta ba'i dug gis sgregs pa dang 'dra bar mi rigs pa'i tshig de'i lan du rigs pa'i tshul gyis smras pa/ 'di la 'ang re zhig nor ni 'byor par 'dod pa yis/ /bdag nyid ngan pa bdag la nor ni yod mi gtong//
 brkam dang mi mkhas le lo can la'ang/ nor mi gtong de dag la ni btang na de nyid zad pa'i mdza' / /gang dag ngo tsha shes par mngon pa dang/ /cho rigs btsun zhing nor spel mkhas pa dang/ /rab tu dbul yang bu lon 'jal byed pa/ /de la byin na nor ni 'phel
 bar 'gyur/ /nor btang tshul ni de ltar mkhyen par mdzod/ /'jig rten gzhan la bu lon gcal bya ba/ /lta ba ngan par spyod pa khyod la ni/ /nor rnams byin yang don ni med par 'gyur/ /lta ba ngan pa'i skyon 'gyur mi zad pa'i/ /bdag gis las kyis khyod ni dmyal
 bar ltung/ /sems nyams nad kyis gdungs par gyur pa la/ /gser srang stong gi phyir ni su zhig bskul/ /de nas nyi zla'i 'od zer rnams kyis kyang/ /phyogs kyi na chung mun gyis g.yogs mi snang/ /skar ma mang pos brgyan pa'i nam mkha' yang/ /ku mud rgyas
 pa'i mtsho 'dra yod mi snang/ /med par lta ba tshe rabs phyi ma la/ /gnas pa de na mun nag rlung grang ldang/ /des ni rus pa'ang 'jig pa'i nad slong na/ /bdag la phan 'dod su zhig de ru 'jug /mun nag 'thib po du ba sku ba yi/ /dmyal ba'i nang na kha cig yun ring gnas//
 rang gi pags pa'i 'breng bas drangs pas na/ /phan tshun brdos te snang bas 'o dod 'bod/ /me mur 'bar ba'i nang na gzhan dag ni/ /yang dang yang du rkang lag tshig bzhin du/ /de las thar par 'dod phyir phyogs su rgyug /mi dge
 ma byang bar du tshe mi 'da' / /la la gshin rje'i gshed po ma rungs pas/ /shing mkhan bzhin du yan lag gshegs pa ni/ /ljon shing rlon pa dag la skabs rnyed bzhin/ /mtshon bya rnon pos rab tu gtugs shing bshags/ /de bzhin gzhan dag dum bur
 rab tu gtubs/ /pags pa bshus pa'i sdug bsngal mi bzad myong/ /sha rnams btogs pas kha cig rus pa tsam/ /rang gi sdig gis srog ni chad ma 'gyur/ /kha cig 'bar ba'i sras kyis kha bsrabs nas/ /lcags kyi sa gzhi rab tu 'bar ba la//
 glang lcags me ltar 'bar bas dbang med byas/ /rab tu 'bar ba'i shing rta 'dren cing 'khod/ /bsdus 'joms dri yis kha cig lus kyang gzir/ /de yis brdzis pas phye mar lhags gyur kyang/ /sdig pa'i las rnams ma zad bar du ni/ /sdug bsngal
 rgyun chags che yang yod mi 'chi/ /lcags gtun rab tu 'bar ba'i nang dag tu/ /lcags kyi bla gtun rab tu 'bar ba yi/ /lo grangs lnga brgya tshang gi bar du ni/ /phye mar btags kyang da cung srog mi 'dor/ /byi ru bzhin du rab 'bar shing dag gi /lcags
 kyi tsher ma 'bar shing rtsub pa la/ /gshin rje gshed po khro pas khon med par/ /steng dang 'og tu rab tu drangs shing rdul/ /la la me mdag phung po chen po ni/ /btso ma'i gser ltar rab tu 'bar ba na/ /bdag gi las ngan spyad pa'i 'bras bu myong/ /'gre
 ldog? du 'bod tsam gyi mthu la brten/ /kha cig sa gzhi rab tu 'bar ba la/ /phur pa brgyas ni lce yang rab tu brgyangs/ /mi bzad nad kyis lus gzir sgra yang 'byin/ /de dag de tshe 'jig rten pha rol shes/ /lcags kyi leb ma 'bar bas kha cig dkris/ /gzhan
 dag lcags kyi rdza chen nang du bskol/ /la la mtshon rnon char 'bab lus kyang dmyal/ /gcan gzan khro bos sha lpags zad par btogs/ /kha cig me 'bar tsha bas gdungs gyur nas/ /chu bo brgal dka' rtsub pa'i nang du 'jug /de na de rnams sha ni myags par
 gyur/ /ngan spyod mthus bzung srog ni chad mi 'gyur/ /gzhan dag rab tu tsha bas gdungs gyur nas/ /mi gtsang ro myags khungs la mtsho snyam te/ /zhugs nas sdug bsngal mtshungs med de na myong/ /srin bu mang pos lus dang rus pa zhigs/ /kha cig me'i nang na
 lus 'bar zhing/ /rab tu tsha ba'i sdug bsngal yun rings myong/ /me 'bar nang na lcags bsregs 'drar gyur kyang/ /rang gi las kyis thal bar lhags mi 'gyur/ /gzhan dag sog le 'bar bas 'dra zhing kha cig spu gri rnon pos gtubs/ /la la lcags kyi tho bas
 mgo bcom mya ngan gdung zhing 'o dod 'bod/ /kha cig gsal shing chen pos lus brgyangs du ba med pa'i me la bsreg /gzhan dag lcags kyi khu ba me ltar 'bar ba blud nas 'khun sgra 'byin/ /la la sna tshogs khyi rnams stobs chen gyis/ /mche ba rnon
 po'i so yis rab tu dbrang/ /lus kyi sha rnams btogs pas srab mor gyur/ /dman pa'i sgra 'byin gco ma? chung du zhing 'gyel/ /dmyal ba mi bzad de lta bu na mi bde ba/ /bdag gi las kyis 'phangs nas myong ba de'i tshe/ /mya ngan sems gdungs 'jigs
 shing nyam thag gyur pa la/ /de tshe khyod la bu lon su zhig 'ded du 'gro/ /lcags kyi rdza chen rab tu me 'bar bsnyen dka' ba/ /mi bzad nang na 'gro ngan lus rnams slong gyur cing/ /rab tu bskol ba'i shugs kyis dbang med rnam par 'gyur/ /de tshe su zhig
 khyod la bu lon 'ded du 'gro/ /sa gzhi me 'bar du ba med pa ser po la/ /lcags kyi phur ba me 'bar lnga yis lus brgyangs nas/ /rab tu lus bsregs snying rjer rung bar du ba na/ /de tshe su zhig khyod la bu lon 'ded du 'gro/ /rab tu mnar ba'i gnas
 na 'dug pa na/ /de tshe sdug bsngal chen po myong gyur pas/ /tshig gi lan kyang smra bar mi nus na/ /de tshe khyod la su zhig bu lon 'ded/ /bu yug rlung gis rab tu bdas gyur cing/ /'khun pa'i sgra yang 'byin par mi nus pa/ /rus pa brgyar
 zhig 'phongs pa'i sgra 'byin pa/ /phyi ma'i tshe la su zhig nor 'ded yod/ /gshin rje gshed pos bsad par gyur pa 'am/ /rab tu 'bar ba'i me yis tshig pa 'am/ /sha dang khrag rnams bya yis khyer ba na/ /su zhig khyer la nor slong sdug bsngal myong/ /
 bsad dang bcad dang gsheg dang rdeb pa dang/ /bsreg dang bzhog dang brdung dang gzhig pa dang/ /gnod pa mang pos rtag tu sdug bsngal na/ /de tshe ji ltar nga la bu lon bcal/ /de nas rgyal po de sems can dmyal ba'i gtam rab tu 'jigs su rung ba de
 thos nas mi dga' bar gyur te/ /log par lta ba la rjes su chags pa ni btang/ /'jig rten pha rol yod par yid ches par gyur nas/ /drang srong chen po de la phyag 'tshal te smras pa/ dmyal ba'i sdug bsngal bdag gis thos nas su/ /bdag gi
 yid ni 'jigs pas rnam par bskrad/ /de bas bdag gis ji ltar myong 'gyur snyam/ /rnam rtog me yis bdag ni bsregs pa bzhin/ /bdag gi sems ni lta ngan lhung gyur cing/ /yun ring ma mthong ngan pa'i lam du song/ /'di la dge ba'i gnas su
 khyod kyis thong/ /thub pa khyod ni bdag gi mgon dang skyabs/ /bdag gi lta ngan mun pa khyod kyis bsal/ /nyi ma shar bas mun nag bsal ba bzhin/ /gang gis bdag ni ngan 'gror mi ltung ba/ /de 'dra'i lam ni bdag la bshad du gsol/ /de nas
 byang chub sems dpa' de yid mi dga' bar gyur te/ lta ba drang por gyur nas chos sgrub pa'i snod du gyur par mthong nas/ pha bu la snying brtse ba dang/ slob dpon slob ma la snying brtse ba bzhin du 'di ltar rjes su bstan to/ /sngon gyi rgyal po yon
 tan dga' ba rnams/ /slob ma mchog tshul dge sbyong bram ze dang/ /'bangs la rang tshul snying rje ldan bstan pa/ /grags ldan de ni mtho ris 'gro ba'i lam/ /de bas chos min thub dka' thub byed cing/ /ser sna dor ka ring du bor nas su/ /lha dbang pho brang gser gyi
 rta babs can/ /rin chen mchog 'bar der? ni 'bar bzhin song/ /yang dag lta la khyod yid 'dres par gyis/ /skye bo mchog sems lta la blo gnas te/ /byis pa dga' byed skye bo'i lta ba spongs/ /chos nyid nges pa gang dag bstan la rtogs/ /da ni khyod kyis yang
 dag lta dge zhing/ /rgyal po'i tshul gyis 'gro bar 'dod par gyis/ /yon tan mi dga' i sems de med par byos/ /de nyid khyod kyi go 'phangs lam du gyur/ /de bas yon tan bsgrub pa dbyig du byos/ /bdag dang gzhan la phan 'dogs snying rje bskyed/ /tshul khrims
 bsten zhing dbang po rab tu sdoms/ /de yis phyi ma'i tshe la khyod mi sdug /rang gi bsod nams rgyal po'i dpal gyi gzi/ /mdza' bshes rnams la rab gsal yid 'ong dkar/ /grags pa snyan pas 'gro ba'i sdug bsngal bsal/ /bdag gi don dang ldan pa phan
 pa brjod/ /khyod 'dir bkur sti sbyin pa'i shing rta bdag /rang lus yon tan 'byung ba'i shing rta nyid/ /mi rtsub mig ldan sbyin 'dul 'khor lo can/ /bsod nams 'dod pa'i shing rta'i mda' dang ldan/ /dbang po thul rta dran pa'i srab skyogs can/ /blo gros lcag
 ldan thos pa rgya chen mtshon/ /ngo tsha yo byad ngan 'gro mdzes pas bcings/ /bzod pa'i gnya' shing des 'gro brtan pas brten/ /tshig ngan bsdams pas mi snyan sgra mi 'byin/ /yid 'ong tshig tsam smra bas zab pa'i sgra/ /bsdams pa ma zhig pas na mtshams
 ma byed/ /yod pa ngan pa'i gya gyu spangs pas drang/ /theg pa 'di dang grags pa'i ru mtshon dang/ /snying rje bskyal cing zhi ba'i rgyal mtshan mtho/ /bdag dang gzhan don ma rmongs gsal spyod pas/ /rgyal po nam yang dmyal bar yod mi ltung/ /de ltar bdag nyid
 chen po des/ rgyal po de'i lta ba log pa'i mun nag de'i tshig gsal ba'i nyi ma shar bas bsal nas/ /de la bde 'gro'i lam yang bstan te de nyid du mi snang bar gyur to/ /de nas rgyal po de 'jig rten pha rol yod pa'i don yang dag
 pa ni rtogs/ /yang dag pa'i lta ba'i sems ni rnyed nas/ /blon po dang pho brang 'khor gyi mi dang bcas par sbyin pa dang dul ba dang sdom pa la gzhol bar gyur to/ /de lta bas na log par lta ba ni kha na ma mtho ba rab tu che ba'i phyir log par lta ba la zhen pa
 rnams la dam pa rnams kyis lhag par rjes su brtse bar bya ba'i rigs so/ /de bzhin du dam pa'i chos yongs su rdzogs par mnyan pa ni dad pa yongs su rdzogs par byed par 'gyur ro zhes kyang sbyar bar bya'o/ /de bzhin du gzhan las chos mnyan na
 yang dag pa'i lta ba skye ba'i rkyen du 'gyur ro zhes kyang sbyar bar bya'o/ /de ltar skyes bu dam pa rnams ni brnyas thabs byas kyang bzod pa la goms pas de la phan pa'i man ngag ston par byed kyis tshig rtsub mo ni mi smra'o zhes dam pa rnams kyi yon
 tan bsngags pa dang/ bzod pa'i yon tan bsngags pa la yang brjod par bya'o/ /skyo zhing yid byung bar byas na myur tu legs pa'i lam la phyogs par 'gyur ba'i phyir skyo zhing yid 'byung ba'i gtam bya ba la yang brjod par bya'o/ /tshangs pa'i skyes  pa'i rabs te nyi shu dgu pa'o// //skyes pa'i rabs kyi rgyud bam po bcu gcig pa/ /dge ba rnams ni phyis gzhan la phan par 'gyur na sdug bsngal yang khe rnyed pa dang 'dra bar sems so/ /de yang 'di ltar byang
 chub sems dpa' glang po che'i nags tshal gyi shing ljon pa gzhon nu bzang po'i rtse mo me tog dang 'bras bu dang shing lor ldan pa rnams kyis de dang de dag tu brgyan pa bzhin du 'dug pa/ /ldum bu dang shing gal pa dang/ rtswa rnam pa sna tshogs kyis
 khebs pa'i sa phyogs na/ /dri'i sdings rnams ni nags tshal nyams dga' ba la snying chags nas gzhan du g.yeng ba med par gnas bcas pa bzhin du 'dug pa nags na rgyu ba rnams kyi gnas ni gyur/ /mtsho zab mo rgya chen pos ni mgon dang bcas par byas
 shing dang rtswa dang chu med pa'i mya ngam dgon pa chen pos ni/ kho ra khor yug tu bskor bas yul dang ljongs thag ring du gyur pa zhig na/ /glang po che lus chen po gcig pu rgyu ba zhig tu gyur to zhes grag go /de de na gnas shing lo ma dang pad+ma'i rtsa ba dang chu tsam gyis
 'tsho zhing chog shes pa dang/ zhi bas dka' thub can bzhin du dga' bar gnas so/ /de nas re zhig cig sems dpa' chen po des nags tshal de'i mdza' nas rgyu zhing song song ba las/ /mya ngam dgon pa de na mi'i sgra dag cig thos par 'gyur ba dang/ des bsams
 pa 'di ci zhig phyogs 'di na yul rgyu ba'i lam ni ci yang med/ /mya ngam dgon pa chen po 'di lta bu gal te ri dwags shor ba yang mi rigs na/ tshegs chen po phyung ste sha thang zhing bdag cag glang po che'i khyu nas 'dzin pa lta smos kyang ci dgos te 'ong bar
 mi rigs na/ gor ma chag par 'di dag ni phyogs slad nas lam nor bdag cig yin nam/ /de dag gis mi rigs pa dag cig byas nas/ rgyal po khros te spyugs pa dag cig yin pa 'dra ste/ 'di ltar 'di dag bcom chung zhing/ /dga' ba'i skad gsang
 mthon po nyams/ /rab tu nyam thag phongs pa'i sgra/ /'ba' zhig du ba bzhin du grag /de bas na 'di ci yin re zhig brtag par bya'o snyam nas/ bdag nyid chen po de snying rjes drangs nas mi'i sgra gang na grags pa de logs su song ste/ smre sngags 'don pa'i
 tshig dag mi dga' zhing mya ngan byed pa'i tshig gis du ba'i sgra nyan cing snying rjes sems bskul nas/ sems dpa' chen po de der rings par song ste/ nags tshal stug po de nas byung ba dang/ sa phyogs de na shing dang tshang tshing med pas rgyang ring po nas
 bltas na/ mi bdun brgya tsam zhig bkres pa dang skom pa dang ngal bas nyen pa dag cig nags tshal de logs su 'ong ba mthong ngo/ /mi de dag gis kyang sems dpa' chen po de gangs ri'i rtse mo 'gro shes pa 'am/ ston ka'i
 sprin tam/ /na bun gyi tshogs rlung gis bskyod pa bzhin du tshur 'ong ba mthong ngo/ /mthong nas kyang skrag cing mi dga' ste/ /da ni bdag cag bsad do snyam nas yid skrag par gyur kyang/ bkres pa dang skom pa dang ngal bas bsgyid lugs pa'i phyir 'bros par
 rtsol ni ma nus so/ /de dag rab tu 'jigs gyur kyang/ /bkres skom ngal bas nyams smad cing/ /mi dga' 'jigs pa dpa' gong bas/ /'bros par rtsol ni mi nus so/ /de nas byang chub sems dpa' de dag skrag par rig nas/ nga las khyod 'jigs pa mi
 'byung gis/ /ma 'jigs shig /ma 'jigs shig ces glang po che'i sna mdog cung zad dmar zhing snum pa bsgreng pas/ dbugs phyung ste drung du bsnyen nas snying rje bzhin du dris pa/ khyed cag su zhig ci'i phyir 'di ltar gyur cing 'di na 'khod/ rdul dang nyi
 ma'i 'od zer gyis/ /kha dog nyams shing ring par gyur/ /mya ngan sdug 'phongs khyod su zhig /khyed cag gang nas 'dir lhags gyur/ /de nas mi de dag mi'i skad du smra zhing mi 'jigs pa sbyin par khas blangs pas dga' bar byed pa de sems rtas par
 gyur te/ /de la phyag 'tshal nas smras pa/ glang chen rgyal po bdag cag ni/ /rgyal po khros pa'i rlung langs pas/ /gnyen bshes mya ngan gdungs bzhin du/ /'dir ni bskrad de bkye ba lags/ /gnyen bshes pas kyang lhag gyur pa/ /khyod kyis bdag
 cag gzigs pas na/ /bdag cag skal pa lhag ma mchis/ /lha dbang mngon du gyur par nges/ /khyod kyi spyan sngar bab pas na/ /phongs pa 'di las thar par 'gyur/ /rmi lam du yang khyod mthong na/ /phongs las mi thar su zhig mchis/ /de nas
 glang po che des/ mi de rnams la 'di na khyed cag du yod ces smras pa dang/ mi de rnams kyis smras pa/ yid 'ong sku ldan bdag cag stod tsam zhig /sa yi bdag pos 'dir ni spyugs pa lags/ /de la phal cher sdug bsngal myong ba na/ /bkres dang skom pas gdungs
 nas gum par gyur/ /glang chen gtso bo bdag cag 'di na ni/ /mi yi lhag ma bdun brgya tsam zhig mchis/ /'chi bdag kha'i nang du mchis pa las/ /khyod ni dbugs 'byin lus dang 'dra bar gshegs/ /de skad thos nas sems dpa' chen po de snying rje la goms
 pas mya ngan byed cing mchi ma phyung ste/ de dag la 'di skad du smra bar nges so/ /kye ma'o khyed cag nyon mongs mtshar byas kyis med na/ /snying rje med cing kyi hud mdzes pa med/ /rgyal po'i blo ni phyi tshe mi sems shing/ /rgyal po'i dpal yang glog ltar mi brtan
 pas/ /bdag la phan sems med pas dbang po phrogs/ /'chi bdag de'u re 'ong bar de la mi sems/ /sdig pa'i mdza' yang ring bar ma thos sam/ /rnam rtog zhan pas tshig gis gdams su med/ /rgyal po nyon mongs rab tu mgon med gyur/ /nad kyi gzhir
 gyur chud za ba'i/ /'di ltar lus 'di gcig pu'i phyir/ /sems can rnams la snying mi brtse/ /kyi hud gti mug 'di ci rung/ /de nas glang po che'i bdag po de mi de rnams la snying brtse zhing byams pa'i sems kyis bsams pa/ 'di rnams 'di ltar
 bkres pa dang skom pa dang ngal bas nyam thag par ni gyur/ lus ni ring cing nyam chung bas/ mya ngam dgon pa dpag tshad du ma yod pa/ chu med cing dri ma med pa 'di las lam rgyags kyang med par ji ltar thar bar 'gyur/ glang po che'i nags tshal na yang
 'di dag nyin cig tsam nyon ma mongs par gnas su rung ba yang ci yang med na ji ltar bya/ /nga'i shas 'di rnams kyi lam rgyags byas te/ /nga'i rgyu mas kyang rkyal pa bzhin du chu snod byas na gdong mya ngam dgon pa 'di las thar par 'gyur gyi/ thabs gzhan
 ni med do snyam nas/ de bas nad mang brgya yi gnas/ /lus 'dis sdug bsngal nyam thag pa/ /'di rnams 'phongs la bsgral ba yi/ /gzings su gyur par bdag gis bya/ /mi yis lus su skyes pa yis/ /mtho ris thar pa'i bde
 ba 'thob/ /'di dag de ltar gyur pa la/ /phan 'dogs nus pa'ang shin tu dkon/ /bdag gi spyod yul gnas su lhags par gyur/ /'di 'dra'i 'gron kyang bsod nams byas pas 'thob/ /gnyen dang bral la 'phongs shing nyam thag gyur/ /de bas
 bdag gis lhag par bskyab pa'i rigs/ /lus zhes bya ba 'di ni don med mang/ /yun ring dag du sdug bsngal mang po'i gnas/ /rtag tu na bas nyon mongs mang po'i gzhi/ /gzhan gyi don du phan na spyad pa'i rigs/ /de nas de dag las kha cig ni
 bkres pa dang skom pa dang/ dal ba dang tsha ba'i sdug bsngal gyis lus nyam thag nas thal mo sbyar te/ mig mchi mas gang bzhin du phyag 'tshal zhing 'phongs nas lag brdas chu slong ba ni/ /bdag cag mgon med khyod mgon lags/ /khyod ni
 bdag cag skyabs dang rten/ skal pa chen po ci rigs par/ /bdag cag rab tu bskyab pa'i rigs shes kha cig de la snying rje rje skad du smra'o/ /gzhan dag ni sems rab tu brtan pas chu gang na yod pa'i sa phyogs dang/ mya ngam dgon pa bgrod
 dka' ba rgal ba'i lam 'dri ste/ mtsho'i gnas sam chu bsil klung yang rung/ /g.ya' chu bsil ma gang na yod kyang rung/ /grib shing zlum po'ang gsid ma sngon po'ang rung/ /glang chen bdag po bdag cag bstan du gsol/ /dgon pa 'di las gang
 dag gnas/ /thar par nus par 'gyur ba de/ /thugs ni brtse bar mdzad nas su/ /phyogs de bstan na rab tu legs/ /mya ngam dgon par yun ring du/ /bdag cag 'khyam zhing mchis pa las/ /jo bo khyod kyis bsgral bar gsol zhes smras pa dang//
 de nas bdag nyid chen po de mi de dag gis snying rje rje skad du gsol ba btab pa dang/ de dag gi sems rab tu brlan par gyur nas/ mya ngam dgon pa de las gang nas thar par 'gyur ba'i re zhig yod pa de/ de dag la bstan pa'i phyir glang po che'i sna
 sprul chen po'i mgo'i gdengs ka 'dra ba brkyang ste smras pa/ ri 'di'i drung na mtsho chen po me tog pad+ma dang/ utpa las brgyan pas/ /chu gtsang mas gang ba yod kyis/ de bas na lam 'di nas ded la/ /der yang tsha ba dang skom pa ngoms shing ngal sos
 par gyis te/ de dang mi ring ba zhig na ri de'i kha nas lhung ba'i glang po che'i ro zhig yod kyis/ de'i shas lam rgyags gyis la/ /de'i rgyu mas rgyal ba bzhin du chu snod byas te/ chu long las phyogs 'di nyid nas ded shig dang/ mya ngam dgon pa 'di las
 thar par 'gyur gyis/ khyod lam 'di nas phar? ded zhig ces smras nas/ bdag nyid chen po des mi de rnams phyung ste/ de nas bkye ste lam gzhan zhig nas song ste ri de'i khar 'dzegs nas/ skye bo de rnams bsgral ba'i phyir/ de nas rang gi lus 'dor
 ba na/ smon lam 'di ltar btab par nges so/ /bdag gis 'di byas bde 'gro 'thob phyir min/ /mi dbang rgyal srid gdugs gcig dpal phyir min/ /mtho ris bde mchog myong ba'i phyir ma yin/ /tshangs pa'i dpal dang thar pa'i bde phyir min/ /mya ngam
 dgon par 'khyams pa'i skye bo 'di/ /bdag gis bsgral ba'i bsod nams yod na ni/ /de yis 'khor ba'i dgon par 'khyams pa yi/ /'jig rten rnams ni sgrol bar nus par shog /bdag nyid chen po des de ltar nges par byas nas rab tu dga' 
 ba'i shugs kyis rang gi lus g.yangs nas lhung ste zhig nas 'chi ba'i sdug bsngal la mi blta bar/ /ri de'i kha nas rang gi lus sa phyogs der bor ro/ /de nas de lhung ston ka'i sprin bzhin mdzes par gyur/ /zla ba'i dkyil 'khor nub kyis ri khar
 nub pa bzhin/ /khyung gi 'dab ma bskyod pa'i rlung gis bskyod pa yis/ /gangs ri'i rtse mo'i stod g.yogs lhung bar gyur pa bzhin/ /de nas sa dang ri rnams g.yos par gyur/ /bdag por snyems pa'i bdud kyi sems kyang 'dran
 gnam grum sgra bzhin sa la lhung bar gyur/ /nags tshal 'khro zhing lha rnams 'dud par gyur/ /nags tshal de na gnas pa'i lha rnams ni/ /de tshe nges par ya mtshan skyes par gyur/ /rab tu dga' nas spu yang nam mkha' la/ /lag pa bsgrengs nas mdzub
 mos bstan par gyur/ /kha cig tsan dan phye mas bsgos pa yi/ /me tog dri zhim rnams kyis rtag tu 'thor/ /la la ma btags stod g.yogs gser gyis brgyan/ /rgyan rnams kyis ni de la mchod pa byed/ /de bzhin gzhan dag dad pas bstod pa dang/
 thal mo sbyar ba pad+ma kha 'bus 'dra/ /cod pan mdzes ldan spyi bo btud pa yis/ /de la phyag 'tshal mchod pa byed par 'gyur/ /kha cig mtsho rlabs 'khrugs par byed pa'i rlung/ /me tog dri zhim dad dang ldan pa yis/ /de la bsil yab byed cing
 gzhan dag ni/ /sprin gyi bla re stug po 'bre bar byed/ /la la dad pas de la mchod pa'i phyir/ /lha yi rnga sgras nam mkha' dgod par byed/ /gzhan dag der ni ljon shing me tog dang/ /'bras bu lo mar ldan pas brgyan par byed/ /phyogs rnams ston
 ka'i mdangs bzangs mdzes par gyur/ /nyi ma'i zer kyang sngon pas gsal ba 'dra/ /rgya mtsho de yang ltad mos rlabs bskyod nas/ /dga' bas de'i drung du 'ong ba 'dra/ /de nas mi de dag mthar gyis dong dong ba las mtsho de'i drung du phyin nas
 der tsha ba dang skom pa dang ngal ba zhi bar gyur pa dang/ /bdag nyid chen po des ji skad bstan pa bzhin du de dang mi ring ba zhig na/ /glang po che shi nas ring po ma lon pa'i ro zhig 'dug par mthong ngo/ /de nas de dag gis bsams pa/ /e ma'o ?
 po che 'di glang po che'i bdag po de 'dra yang de 'dra zhig /'di ni glang chen mchog de'i spun zhig gam/ /gnyen zhig yin nam yang na bu yin no/ /'di ltar phye mar brlag kyang 'di yi gzugs/ /gangs ri dkar 'dra de dang 'dra bar snang/ /me tog ku mud spungs ltar
 mdzes/ /zla ba'i 'od zer spungs pa bzhin/ /'di ni de yi gzugs brnyan zhig /me long nang na 'dug pa 'dra/ /de nas mi de dag gi nang nas rab tu 'dzangs pa kha cig gis brtags nas bsams pa/ 'di ni phyogs kyi glang po che'i gzugs mchog dang 'dra ba'i  glang po che de nyid yin gor ma chag ste/ bdag cag gnyen bshes med pa 'phongs shing nyam thag pa rnams bsgral ba'i phyir ri 'di'i kha nas lus por bsnyam/ gnam grum sgra skad gang grag cing/ /sa yang g.yos pa bzhin gyur pa/ /bdag cag rnams
 kyis thos pa de/ /nges par 'di nyid ltung ba yin/ /lus 'di pad+ma'i rtsa ba dkar po de nyid 'dra/ /zla ba'i 'od ltar lus kyi spu dkar thig le mdzes/ /sen mo rus sbal dbyibs 'dra dkar zhing rkang lag dkar/ /rgyab shul gzhu ltar sgu zhing mdzes pa de nyid
 yin/ /myos pa'i 'bre can gdod 'di de nyid yin/ /ngo phel chen po dri zhim rab tu mdzes/ /mgo gtsug mtho mdzes lcags kyu'i rma yang med/ /'jing ba stug po de yang 'di nyid yin/ /snyems pas gad pa bsnyogs pa'i mtshan ma can/ /mche ba
 mdog dkar 'di nyid de nyid yin/ /gang gis bdag cag lam 'di bstan pa yang/ /sor mo ring ba'i sna lag 'di gnyis de nyid yin/ /kye ma'o 'di ni ngo mtshar rmad du che/ /bdag cag rnams kyi cho rigs dang tshul dang/ dad pa ci 'dra 'ang sngon chad ma thos
 par/ /skal nyams nged la'ang 'di ltar sems byams na/ /gnyen bshes rnams la 'di ni ci 'dra zhig /skal pa chen po de la rnam pa thams cad du phyag 'tshal lo/ /phongs shing nyam thag 'jigs la mya ngan gdungs/ /bdag cag rnams la 'di ltar 
 phan 'dogs pa/ /glang po ltar snang 'di ni su zhig yin/ /ya rabs spyod tshul nyams pa gsal bar byed/ /spyod bzang 'di 'dra gang du bslabs shig gu/ /bla ma gang la gnas nas bsnyen bkur byas/ /yon tan med par gzugs bzang
 mi 'gyur zhes/ /skye bo smra ba de ni 'di las mngon/ /e ma'o rang bzhin 'phags pa phun sum tshogs/ /don bzhin bsgrubs pa 'di yis bstan par gyur/ /'di ni shi bar gyur kyang bdag mgu bas/ /gangs ri 'dra ba'i lus mdzes dgod pa bzhin/ /de bas
 nad ni su zhig 'di ltar gnyen bshes byams pa bas kyang lhag par byams pa/ phan 'dogs 'dogs pa/ bdag cag la phan pa'i phyir rang gi srog gis btsal te rab tu legs par byed byed pa 'di'i sha za ga la phod/ /bdag cag gis ni 'di la
 mchod ba byas te/ mer bsregs pa'i zhal ta byas la drin la lan glan pa'i rigs so snyam nas mi de rnams nye du shi ba bzhin du sems kyang mya ngan gyis gdungs te/ mig ni mchi mas gang/ skad ni 'dzer ba la bltas nas/ sems brtan po kha cig
 gis ni don la brtags te smras pa/ de ltar byas pas glang po che mchog 'di la bdag cag gis mchod cing bkur sti byas par mi 'gyur gyi/ 'di'i bsam pa rdzogs par byas na/ 'di la bdag cag gis mchod pa byas par 'gyur ro snyam mo/ /bdag
 cag rnams ni bsgral ba'i phyir/ /sngan chad ma 'dris gnyen 'di yis/ /rab tu phangs pa'i lus btang nas/ /rab tu gces pa'i mgron byas pas/ /de bas de yi bsam rdzogs par/ /bdag cag rnams kyis bya ba'i rigs/ /gzhan du byas na 'di lta
 bur/ /'di yis byas pa don med 'gyur/ /de yis byams te ci bdog pa/ /thams cad mgron du byas pa 'di/ /bdag cag rnams kyis ma blangs na/ /de la ci zhig bkur sti byas/ /de bas de la bla ma bzhin/ /tshig ni mnyan par byas nas su/ /bkur sti
 chen po bya ba'i rigs/ /bdag cag rnams la phan par 'gyur/ /sdug bsngal 'di las thar nas tshogs pa 'am/ /so so nas ni glang po mchog 'di la/ /gnyen bshes 'das pa dag la mchod pa bzhin/ /bya ba thams cad bdag cag rnams kyis bya/ /de nas
 mi de rnams mya ngam dgon pa de nas thar bar bya ba'i phyir/ /glang po che'i bdag po de'i bsam pa yang dran par byas te/ de'i tshig mnyen nas sems dpa' chen po de'i sha rnams kyang blangs/ /de'i rgyu ma rnams kyis rkyal pa bzhin du chu snod byas nas
 chu yang blangs te/ /des bstan pa'i sa phyogs nas dong ste mya ngam dgon pa de nas thar te dong ngo/ /de lta bas dge ba rnams ni phyis gzhan la phan par 'gyur na/ sdug bsngal yang khe rnyed pa dang 'dra bar sems so zhes skye bo dge ba rnams kyis yon tan
 bsngags pa brjod par bya'o/ /de bzhin gshegs pa'i yon tan bsngags pa dang/ rim gro bskyed de dam pa'i chos mnyan pa dang/ de ltar rang bzhin bzang po la goms par byas na tshe rabs gzhan la yang rjes su 'brang bar 'gyur ro zhes rang
 bzhin bzang po bsgrub pa'i yon tan bsngags pa la yang brjod par bya'o/ /nor gtor ba la goms par byas na/ bdag gis lus las phangs pa med pa de yang thag thogs med par gtong ngo zhes gtong ba la goms pa'i yon tan bsngags
 pa la yang brjod par bya'o/ /bcom ldan 'das yongs su mya ngan las 'da' ba na/ lha'i me tog dang sil snyan la sogs pa'i mchod pa'i tshe/ bcom ldan 'das kyis gang 'di skad du/ kun dga' bo de tsam gyis ni/ de bzhin gshegs pa la
 bkur sti byas par mi chud do zhes gsungs pa de yang 'di ltar bstan par bya ste/ de ltar bsam pa rdzogs par byas na mchod pa byas par 'gyur gyi/ spos dang phreng ba la sogs pa phul bas mchod pa byas par mi 'gyur ro zhes bstan par bya'o//
 glang po che skyes pa'i rabs te sum cu pa'o// //sdom la byang chub dad pa byang chub che/ /spre'u dang ri dwags sha ra b+ha/ /ru ru spre'u rgyal bzod par smra/ /tshangs dang glang chen de dag bcu/ /skye bo dam pa rnams
 dang phrad na ji ltar phrad kyang rung ste legs par 'gyur ba'i phyir/ legs par 'dod pa rnams kyis skye bo dam pa la brten par bya'o/ /de yang 'di ltar bcom ldan 'das 'di byang chub sems dpar gyur ba'i tshe ku ru'i rgyud rab tu grags par rigs dang
 ldan pa/ yon tan yongs su 'dzin par byed pas 'bangs rnams ni rang bzhin gyis glo ba nye ba/ gzi byin che bas rgyal phran dregs pa rnams ni phyag 'tshal bar 'gyur ba'i rgyal po'i rigs dpal dang ldan pa zhig tu skyes par gyur to zhes
 grag go /zla ba dang 'dra bar mthong na dga' bar yon tan gyi 'od zer brgya dang ldan pa'i bu de pha mas ming yang bu zla ba zhes btags so/ /de zla ba yar gyi ngo bzhin du nyin re zhing gzi byin je che je cher gyur te/ rim gyis rig byed yan lag lnga dang
 ldan pa/ nye ba'i rig byed dang bcas pa la ni mkhas par gyur/ sgyu rtsal mchog dang bcas pa'i sgyu rtsal rnams kyi go rims ni mthong bar gyur/ 'jig rten pa rnams ni rab tu dga' nyid gus par byed pa'i gnas su gyur/ legs par phan 'dog
 shing nye bar sdud pa la mkhas pa dang/ gus pa je che je cher gyur pa dang/ yongs su bskyang ba la nges par byed pa'i phyir/ 'gro ba rnams kyis gnyen dang 'dra bar gyur to/ /tshul khrims thos dang gtong dang snying rje dul/ /gzi byin bzod dang shes
 rab brtan dang byams/ ma dregs ngo tsha byin che mdangs ldan grags/ /des la ldob skyen stobs chen dag pa rnams/ /yon tan de dang de dag yod pa ni/ /lang tshor gyur pa'i rgyan gyis brgyan pa bzhin/ /rnam par dag cing rgya che yid 'ong ba/ /zla ba'i
 'od zer 'dra ba'i gnas su gyur/ /de nas de 'bangs rnams skyod nus pa dang ma 'jungs shing rang bzhin gyis bzang ba'i phyir/ rgyal pos rgyal tshab kyis longs spyod byed du bcug go /rab tu mkhas pas chos ldan legs smras rnams/ /de yi gnad chen bzhin du
 sdug par gyur/ /gang dag de la legs par smra ba de/ /mchod par khyad par can gyis bkur sti byed/ /de nas bdag nyid chen po de de zhig cig grong khyer dang nye ba'i skyed mos tshal dpyid zla'i dus la bab pa'i mthus shing lo rnams ni mdzes shing 'jam
 par gyur/ me tog sdug gu'i kha 'bus pa rnams ni dgod pa bzhin/ /sa gzhi rnams ni ne'u sing sngon po sar pa rnams kyis ri mo bkram pa bzhin du mdzes par byas/ chu gtsang ma rnams ni me tog pad+ma dang utpa la'i 'dab mas khebs/ bung ba mang po
 rnams ni dga' ba'i sgra 'byin/ bya ko ka li dang rma bya mang po rnams kyi sgra ni cher 'byin/ ser bu bsil ba dri zhim po nyams su bde ba dag ni ngal bus ldang/ /yid rab tu dga' bar byed pa zhig nas/ /dmag gi dpung rab tu mi mang po zhig
 gis yongs su bskor te rtse phyir/ rgyu zhing song song ba las skyed mos tshal gzhan zhig du phyin to/ /de ni nags tshal ko ki sgra 'byin pa/ /lding khang rgyan can yid 'ong skyed mos tshal/ /ljon shing sna tshogs me tog g.yur gyis 'dud/ /dga' ba'i
 tshal na lha bzhin dga' bar spyod/ /bud med rnams kyi glu snyan rnga sgra snyan dang 'brel/ /'dzum la mkhas pa'i yan lag mdzes par bsgyur ba'i gar/ /bud med bzang mo mdzes par chas pa de dag la/ /skyed mos tshal bzang de na de ni dga' bar gnas
 de/ de na 'dug pa'i drung du bram ze legs par smra ba la mkhas pa zhig 'ongs te zhes dang phyag byas nas/ de'i gzugs bzang po la sems chags bzhin du der 'dug go /de ltar sems dpa' chen po de/ de na lang tshol bab cing bsod nams phun
 sum tshogs pa'i mthu las byung ba'i rol mo byed pa lta zhing 'dug 'dug pa las/ /bram ze de 'ong pas rab tu dga' bar ni gyur na/ des legs par smras pa thos pa dang/ der 'ongs pa'i don ma grub par glo bur du ca co
 chen po glu dang sil snyan gyi sgra'i bar chad du gyur pa/ rol mo'i dga' ba la gnod pa/ /bud med gzhon nu rnams 'jigs shing bag 'khums par byed pa zhig byung ba thos nas nyung rum dang/ nang pa rnams la 'di ci yin rtogs shig ces
 ched cher bsgo'o/ /de nas de'i chag sgo ba rnams rtab rtab por gyur nas/ 'jigs shing skrag pas ngo zum gnags te myur du lhags nas gsol ba/ lha su da? sa'i bu rkang bkra mi phan po de/ mi mang po za ba la goms pas gshin rje mngon sum du
 mchis pa bzhin/ srin po bas kyang sems rtsub pa/ stobs dang mthu la sogs pa mi bas lhags/ srin po bas kyang mi bzad par 'jigs pa/ mi rnams 'jigs par bgyid pa gzugs can bzhin du 'dir mchis te/ des skrag nas shing rta
 dang glang po che dang rta dang dmag mi mang po'i dpung yang brtan pa nyams te byer 'gyur cing mchis na/ lha de las ci legs par mdzad cing bka' gros mdzad pa'i dus la bab po zhes gsol to/ /de nas byang chub sems dpas su da sa'i bu'i
 dang tshul gyi skyon dang spyod pa snga nas shes pas snying rjes de gso bar bsams te/ de'i ngang tshul ngan pa zhi bar bya ba'i mthu bdag la yod pas/ su da sa'i bu 'dir 'ongs so zhes zer ba de gtam snyan thos pa bzhin du dga' bar gyur
 nas/ 'di skad smras par nges so/ /mi sha 'dod pas rgyal srid nyams par gyur/ /smyos par gyur pa bzhin du rang dbang med/ /rang gi chos btang bsod nams grags pa nyams/ /mya ngan bya ba'i gnas skabs gnas pa la/ /bdag gis brgal
 ba'i go skabs gal yod/ /de lta bu la 'jigs su 'ang gal rung/ /'di ni thab mo brgal ba med par yang/ /de yi sdig pa mngon du gzhom par bya/ /bdag gis song ste rjes su gzung dgos la/ /bdag gi drung du kho bdag 'ongs pa la/ /de bas de la bdag gis
 'gron bya dgos/ /dam pa rnams ni de ltar 'gron yang byed/ /de nas des pho brang nang gi mi rnams la khyed rnams las ji ltar bsgo ba bzhan du legs par gyis shig ces bsgo nas/ /btsun mo'i 'khor mi dga' zhing yid blong bas mig ni mchi mas gang
 skad mdzer zhing smra ba'i tshig ni 'khrul bzhin du lam 'gog pa rnams dbugs phyung ste slar bzlog nas/ ca co chen po gang na zer ba de logs su song ba dang/ su da sa'i bu gos dri ma med pa can ni bsrings te/ sked pa la bcings mgo bo'i skra yegs
 shing ring la rdul gyis gos pa ni shing shun gyi thod kyis bcings/ gdong ni kha spu ring po 'dzings pas kha gnag par gyur pa/ khros shing rdam pas mig ni dgrad cing 'jigs 'jigs ltar 'dug/ ral gri dang phub ni phyar nas/ rgyal po'i dpung byer ba'i
 phyi bzhin du snyags pa mthong nas 'jigs pa dang tsham tshom med par/ kwE bu zla ba ni nga yin te 'di na 'dug gis/ mi sha za ba la zhugs pa'i bkren chos ngan pa des ci zhig bya/ slar log la tshur shog /su da sa'i bu yang de skad 'bod pa sgra thos
 nas/ seng ge bzhin du snyems pa dang bcas par de nas slar log pa dang/ byang chub sems dpa' gcig pu phub dang mtshon cha yang med pa rang bzhin gyis zhi bar snang ba mthong nas/ nga yang khyod nyid tshol lo zhes smras te/ 'dzem dog dang
 tsham tshom med par snga ma bzhin du de'i drung du brgyugs te 'ongs nas phrag pa la bskyon te bros te song ngo/ /byang chub sems dpas kyang de'i sems rngam zhing dregs pas g.yengs la blo rtab rtab por gyur cing/ rgyal po'i dpung byer pas rab tu dga' 
 bar 'gyur la/ dwogs pa dang bcas par yang shes nas/ da cung 'di bcos pa'i dus la ma bab po snyam nas btang snyoms su bzhag go /su da sa'i bu yang 'dod pa'i don grub pa'i rnyed pa chen po rnyed pa bzhin du yid
 rab tu dga' nas rang gi gnas rdzong/ mi rnams bsad pa'i keng rus mang po gang/ /sa gzhi khrag gis char bas rtsub rtsub blta/ /ce spyad kha 'bar mi snyan sgra sgrogs pa/ /khro tshig rtsub pos rab tu skrad pa bzhin/ /bya rgod khwa gnas lo ma dmar
 pa'i shing/ /ro mang bsregs pas du bas mdog gyur mang/ /srin po yi dwags gar byed skra ngan 'dzings/ /'gron pos rgyang gis mthong na mig bsgyur ba/ /de lta bu'i nang du song ste/ der byang chub sems dpa' bzhag ste/ de'i byad gzugs bzang
 po phun sum tshogs pa la tshogs nas mig dgrad de lta zhing ngal bso zhing 'dug go /de nas byang chub sems dpa' bram ze legs par smra ba'i skyes khyer te 'ongs pa rim gro ma byas pa skyed mos tshal der slar 'ong du re zhing sdod pa de rjes su dran
 nas bsams pa/ kye ma ngo tshar byas kyis med/ legs par smra ba'i skyes 'bul ba/ /re ba'i sems kyis rings nas 'ongs/ /'di ltar bdag khrid thos nas su/ /bram ze de ni ci khyed cig/ re thag chad pa'i me yis sems bsregs te/ /mya
 ngan mi bzad chen pos gdungs gyur tam/ /bdag gi mya ngan byed cing shugs 'byin tam/ /rang gi skal ba chung zhes smod cing 'dug /byang chub sems dpa' de de snyam du sems shing bram ze de'i sdug bsngal gyis sems gdungs nas
 snying rje'i dbang gis mchi ma byung ngo/ /de nas su da sa'i byang chub sems dpa' i mig mchi mas gang ba la bltas nas dgod cing smras pa/ khyod cung zhig sdod cig /yon tan mang po de dag gis/ /khyod ni rab tu brtan zhes grags// 'on
 kyang nga yi dbang gyur na/ 'di ltar mchi ma byung ngam ci/ /nyams nyes brtan pa don med 'gyur/ /mya ngan byung na thos mi phan/ /brdegs na g.yo bar mi 'gyur ba'i/ /sems can de ni gang yang med ces zer ba de re bden kyi/ de bas na drang por smos shig/
 sreg gam sdug pa'am 'on te bde ba bsgrub pa'i nor/ /gnyen nam mi yi bdag po'i rgyal srid mya ngan byed/ /bu la byams pa'i pha ni du ba 'am bu yang rung/ /dran pas khyod kyi mig ni mchi mas gang bar gyur/ /byang chub sems dpas smras pa/ srog
 dang pha ma bu dang gnyen dang chung ma'i phyir yang ma yin la/ /bdag gi mchi ma byung ba 'di ni dbang phyug bde ba dran pa'ang min/ /bram ze legs pa smra ba re ba 'ongs pas bdag khrid thos nas ni/ /re thag chad pas nges par de gdungs dran nas bdag gi
 mig ni mchi ma byung/ /de bas bram ze re thag chad pas sems dkrugs de/ /bkur sti'i chus bkrus sar par byas nas de las kyang/ /legs par smras pa'i bdud rtsi myong bar byas nas su/ /slad du 'ong gi bar du bdag ni btang du gsol/ /bdag
 gis bram ze'i drin la lan glan nas/ /khyod kyi drin kyang de nas lan glon du/ /'dir ni 'ongs nas khyod kyi mig gnyis kyis/ /rab tu dga' ba'i skabs phye ltar yang gzhug/ 'di ni 'bros pa'i thabs shig yin snyam du/ sems shing yid la
 dogs pa ma bskyed cing/ rgyal po bdag lta bu yi lam yang gzhan/ /skye bo gzhan yang de lta min par spyod/ /su da sa'i bus smras pa/ de skad khyod kyis rab tu gus smras kyang/ /ji ltar byas kyang yid ches mi rung ngo/ /'chi bdag kha nas thar de
 bder gnas pa/ /su zhig der ni slad du 'ong ba yod/ /'chi bdag 'jigs pa thar bar dka' las thar/ /rang gi khyim na bde bar gnas gyur pa/ /gang phyir khyod ni nga yi drung 'ong ba/ /de yi rgyu ni ci zhig yod pa smros/ /byang chub sems pas smras
 pa/ bdag 'dir slad 'ong ba'i rgyu chen po zhig yod par yang khyod kyis yid ches su mi rung ba ci yod/ /ngas slar 'ong ngo zhes khas ma blangs sam/ de ltar mi ngan pa dang mgo bsnyams te dogs pa ma skyed cig /nga ni bu zla ba zhes
 bya ba yin no/ /kha cig 'dod pa 'am 'jigs pa 'am/ shir dogs pas/ bden par smra ba rtsa dang 'dra bar 'dor/ /ya rabs rnams ni bden pa srog dang 'dra/ /de bas rab tu 'phongs kyang de mi 'dor/ /bden pa med na tshe 'di'i bde ba'am/ /srog
 kyang ngan 'gro dag las bsrung ma nus/ /dga' dang grags dang bde ba'i 'byung gnas gang/ /bden pa su zhig de ltar spong bar byed/ /gya gyu'i tshul zhig gal te mthong gyur tam/ /legs par spyod pa gal te ma mthong ngam/ /de ltar bden pa yid ches mi
 'gyur ba/ /nga la ci zhig khyod mthong dogs pa skye/ /khyod kyis nga ni gal te 'jigs gyur tam/ /bde la chags sam snying rje med gyur na/ /dpa' bar sems shing gtum por spyod grags pa/ /phub zur mtshon gzas drung dung 'ong ngam/ /khyod dang
 bshes par nga yang 'dod pa nyid/ /'di nas bram ze de yi don byas nas/ /slar yang nga bdag khyod kyi gan du 'ong/ /nged lcag lta bu brdzun gyi tshig mi smra/ /de nas sud sa'i bu byang chub sems dpa' i tshig de rang la bstod pa 'dra bas bzod nas bsams pa
 'di ni bden par smra ba dang/ chos dang ldan par yang ngom na/ de bas re zhig 'di bden pa la dga' ba dang chos la dga' ba blta'o/ /gzhan yang 'di med du zin kyang rgyal rigs kyi bu brgya tsam rang gi mthus rnyed pa bdag la yod kyis ji ltar khas blangs pa
 bzhin du de dag gis 'byung po'i mchod sbyin bya'o snyam nas byang chub sems dpa' la smras pa/ 'o na song zhig khyod bden par smra bar khas 'ches pa dang/ chos dang ldan par khas 'ches pa blta'o/ /song la bram ze de ci dang ci 'dod pa byos pa slar
 myur tu shog cig dang/ nga yang khyod bsreg pa'i sta gon byed cing sdod do/ /de nas byang chub sems dpa' de bzhin du bya'o zhes de'i tshig mnyan nas rang gi khyim du song ngo/ /rang gi mi rnams kyang rab tu dga' bar gyur to/ bram ze de yang bkug ste de las tshigs
 su bcad pa bzhi thos so/ /de thos pas legs par smras pas yid mgu nas/ sems dpa' chen po des bram ze de la mgu bar bya ba dang tshig snyan pa dang/ bkur bsti byas nas tshigs su bcad pa re re la srad stong stong gi thang du brtsis te/ ci 'dod pa'i nor
 gyis mchod pa byas so/ /de nas de'i phas de la gnas ma yin par gong tshabs che ba dgag pa'i bsam pa/ skabs shig tu gleng bslangs te tshig 'jam por smras pa/ bu legs par smras pa la mchod pa yang dran par byas na legs par shes par bya ba'i
 rigs so/ /khyod kyis 'bangs mang po gso dgos la/ /rgyal po'i dpal la nor phun sum tshogs pa la ltos so/ /de bas na khyod la smra'o/ /legs par smras pa'i mchod pa mang na brgya/ /de las mangs na nus par mi 'gyur te/ sbyin pa drags na nor gyi dbang
 phyug gi /nor yang ji srid cig du thub par 'gyur/ /nor dang rab tu ldan na bsgrubs par nus/ /de dang mi ldan na ni bsgrub mi nus/ /nor med na ni rgyal po'i dpal de yang/ /dga' bar mi 'gyur smad 'tshong bud med bzhin/ /byang chub sems dpas smras pa/
 legs par smras pa rnams kyi rin thang zhig /gal te nges par bcad du rung na ni/ /de yi rin du rgyal srid nyid kyang sbyin/ /khyod kyis 'gyod kyang rma bar ga la 'gyur/ /gang zhig thos nas yid ni dad gyur nas/ /legs par dga' la brtan pa nyid du 'gyur
 shes rab skye zhing gti mug med par 'gyur/ /rang gis shas kyang de ni nye ba'i rigs/ /thos pa gti mug mun sel sgron ma yin/ /rkun po la sogs mi khyer nor gyi mchog /kun tu rmongs pa'i dgra 'joms mtshon cha yin/ /thabs tshul man ngag
 ston pa'i grogs kyi mchog /phongs par gyur kyang mi 'gyur mdza' bo yin/ gnod pa med pa'i mya ngan nad kyi smad/ /nyes pa chen po'i dpung 'joms dpung gi mchog /grags dang dpal gyi gter gyi mchog kyang yin/ /ya
 rabs rnams dang phrad na skyes kyi mchog /tshogs kyi nang na mkhas pa dga' bar 'gyur/ /phas kyi rgol ba nyi ma'i 'od dang 'dra/ /'gran pa rnams kyi grags dang dregs pa sel/ /mi bshes rnams kyang rab tu dga' gyur nas/ /mig dang bzhin mdangs
 rab tu gsal gyur cing/ /legs pa'i se gol mgu byed rdob pa yis/ /khyad par rab tu che ba rnam par sgrogs/ /gtan tshigs don rnams rab tu gsal bar ston/ /gtsug lag lung rnams sna tshogs ston dang mthun/ /mnyen zhing sbyangs pas yid
 du 'ong ba'i phyir/ /me tog phreng ba ma rnyings bkram pa bzhin/ /dul zhing rab tu gsal ba'i spobs pa skye/ /grags pa chen po 'phral du 'byung bar byed/ /smra lce bder 'gyur khyad par can gyi rgyu/ /thos pa'i dpal goms don gsal rtogs par 'gyur//
 thos dang ldan na 'gal ba med pa yi/ /'khor gsum lam la rab tu gnas par 'gyur/ /thos pa'i rjes 'jug bsgrub pas snying por len/ /skye ba'i rdzong las tshegs chung thar bar 'gyur/ /de ltar thos pas yon tan du ma can/ /thos pa bdag gis skyes
 dang 'dra rnyed na/ /nus bzhin du ni ji ltar mchod mi bgyi/ /khyod kyi bka' yang ci phyir bcag par 'gyur/ /skyon gyi lam du zhugs pas don med par/ yon tan nyams par 'gyur bas thob 'gyur bas/ /rgyal srid spyod pa bdag la dgos pa med/ /de
 bas su da sa'i bu drung 'gro/ /de nas de yi pha de la byams pa rtab rtab bor gyur te zhes sa bskyod nas de la smras pa/ bu khyod nyid la bdag phan ba'i phyir ngas de skad smras kyis/ de ltar mi dgar ma byed cig/ khyod kyi dgra rnams su da sa'i dbang du 'gro
 grang/ 'on te de'i drung du 'gro bar khyod kyis khas blangs te bden pa bsrung ba'i phyir kha 'og tu lus 'khrus par bya 'dod na de yang ngas mi snang ngo/ /ci'i phyir zhe na/ rang gi srog bsrung ba dang/ bla ma'i don du brdzun byas kyang sdig tu mi 'gyur bar rig byed la mkhas
 pa dag gis bshad pa'i phyir ro/ /de bas na brdzun pa spang ba la 'bad pas khyod la ci zhig bya/ /srid dang 'dod pa gnyis dang 'gal ba'i chos la brten pa yang thabs dang tshul ma yin la sdug bsngal yin par rgyal po thabs dang tshul la mkhas par smra'o/ /de bas
 na nged kyi sems gdungs par gyur pa dang/ /rang gi don la yang mi lta ba'i khyod kyi rngan du de de thong shig /de lta gzhung lugs kyi chos dang 'gal bas gtam ngan pa dang/ /yi dam bcas pa dang 'gal bas mi rigs so snyam nas khyod kyi yid la mi 'thad na yang
 khyod thar bar bya ba'i phyir nga'i dmag gi dpung rta dang glang po che dang shing rta dang rkang thang du ldan pa snying nye ba/ dgra thabs la mkhas shing dpa' ba/ /g.yul ngo du ma las rgyal bar gyur pa'i ming dang bcas pa'i ming chen po 'jigs 'jigs ltar 'dug pa/ bshams
 zin gyis/ de bas des yongs su bskor te song la/ /de'i dbang du gyur ba las thar pa dang/ /gshin rje'i dbang du gyur pa las kyang thar bar byas na/ khas blangs pa yang kha 'og tu lus 'khrus par yang 'gyur la/ bdag kyang bsrungs par 'gyur ro/ /byang
 chub sems dpas smras pa/ lha gzhan du khas blangs la gzhan du bgyid pa'i rdo ni mi thog go /rnam pa gcig tu na mya ngan bgyir rung ba/ sdug bsngal gyi 'dam du bying ba/ sems can dmyal ba la mngon du phyogs pa/ mdza' ba dang gnyen bshes kyis spas
 pa/ mgon ma mchis pa de lta bu la brgal ba'i gtol yang ma mchis so/ /gzhan yang mi sha 'tshal bas bdag la ni/ de lta bu yi yangs pa bgyis/ /bdag gis tshig gis yid ches nas/ /dbang du gyur ba btang bas dga' / /de'i drin gyi bdag gis
 ni/ /legs par smras pa 'di yang thos/ /de bas lhag par drin che ba/ /de bas de ni rjes su bzung/ /lha 'di la bdag bkum du dogs pa yang mi mdzad du gsol/ /bdag 'di ltar kho'i drung du mchis pa la 'gum pa'i rngo ga la?
 thog /de ltar bdag nyid chen po des/ /pha 'gror mi ster ba la tshig 'jam pos gsol ba ni btab/ spobs te gsol ba 'debs pa'i mi rnams dang/ dmag gi dpung snying nye ba rnams ni slar bzlog ste/ cig pu 'jigs pa dang mi dga' ba med par
 bden pa rjes su bsrung zhing 'jig rten la phan pa'i phyir su da sa'i bu sems shing de'i gnas su song ngo/ /su da sa'i bus sems dpa' chen po de rgyang ring po nas 'ong ba mthong nas ya mtshan cher bzung ste/ sems rtsub pa la yun ring du goms pa'i
 dri mas shas cher g.yogs kyang/ rab tu gus shing dang bar gyur nas 'di ltar sems par mngon no/ /e ma'o a la la a la la/ e ma'o ngo mtshar che bas che/ de bzhin rmad du byung bas rmad/ /rgyal po 'di yi sems rlabs ni/ /lha dang mi las
 rab tu 'phags/ /'chi bdag mi bzad bdag la yang/ /'jigs skrags cung zad tsam yang med/ /'di ltar bdag rang 'dir 'ongs ba/ /e ma'o bden smra ba rtan la dge/ 'di ltar bden pa bsrung ba'i phyir/ /srog dang rgyal srid gang gtong ba/ /bden par smra
 zhes grags pa de/ /thog tu bab par rnam par grags/ /de nas byang chub sems dpa' ya mtshan che zhing rab tu gus par gyur la sems rab tu dang bar gyur pa de'i drung du 'ongs te smras pa/ legs par smras pa'i nor rnyed phongs pa mchod pa byas/
 khyod kyi drin la yid kyi rab tu dga' bar gyur/ /bdag kyang da ni 'dir 'ongs ji ltar 'dod pa ro/ /yang na mchod sbyin phyir ni phyugs kyis brtul zhugs byin/ /su da sa'i bus smras pa/ nga yis khyod bza' ba'i dus ni da cung yod/ /sreg pa'i gnas
 kyang da cung dud ba 'thul/ /sha yang dud pa med par bsregs na zhim/ /legs par smras pa de dag re zhig mnyan/ /byang chub sems dpas smras pa/ khyod 'di ltar gyur pa la leg par smras pa mnyan pas ci zhig bya/ skye dgu rnams la snying rje med gyur
 pas/ /lto yi phyir ni gnas skabs 'di 'dra rnyed/ /tshigs bcad 'di rnams chos nyid 'ba' zhig smras/ /chos dang chos min de bas mi mthun no/ /srin po bas kyang spyod tshul ngan/ 'phags pa'i lam ni rab tu spangs/ /bden pa 'ang med na chos ci smos/
 thos pas khyod la ci zhig bya/ /de nas su da sa'i bu spyos pa de ma bzod nas slar smras pa/ khyod cung zhig sdod cig /rgyal po gang zhig mtshon cha gzas nas rtsed mo'i phyir/ /nags tshal ri dwags sdug gu ma bsang yod pa smos/ /de bzhin 'tsho ba'i phyir yang gal
 te mi bsad na/ /de ni chos 'gal zer la ri dwags gsod pa min/ /byang chub sems dpas smras pa/ gang dag ri dwags bros pa snyegs shing gzhu brdungs pa/ /de dag kun kyang chos la gnas pa ma yin te/ /mi sha za ba de dag pas kyang rab tu smad/ /mi rnams
 rigs kyis mtho ba yin pas bzar mi rung/ /de nas su da sa'i bu byang chub sems dpas tshig rtsub nas spyos kyang de'i byams pa'i yon tan gyi mthus khro ba'i rang bzhin zil gyis non nas/ /de'i tshig rnar 'ong ba bzhin du 'dzum dmul byas nas smras pa/
 nga yis khyod btang khyim du phyin nas ni/ /rgyal po'i longs spyod dga' ba thams cad myong/ /'on kyang nga'i drung du khyod 'ong pa/ /de bas khyod ni gzhung lugs tshul mi mkhas/ /byang chub sems dpas smras pa/ de la ma yin no/ /tshul de spyod par mi 'dod pa'i
 phyir de nyid gzhung lugs kyi tshul la mkhas so/ /de la spyod par gyur na ni/ /chos kyi gzi byin rab tu nyams/ /'phral gyi bde ba mi 'grub pa/ /de la mkhas su ci zhig yod/ /gzhan yang gzhung lugs tshul spyod brtan pa gang yin pa/ /de dag
 phal cher shi nas ngan song lhung/ /de bas gzhung lugs tshul ngan lam spangs na/ /bden pa'i tshigs gsung slar yang 'dir 'ongs so/ /brdzun smra btang nas bden par ngas smras te/ /de ba gzhung lugs mkhas pa nga nyid yin/
 grags dang bde ba'i don dang 'gal ba gang/ /de ni gzhung bzang min zhes de mkhas smras/ /su da sa'i bus smras pa/ phangs pa'i srog dang nang mi mchi mas 'ju ba dang/ /rgyal srid bde ba yid du 'ong ba bor nas ni/ /bden pa'i tshig la don du 'gyur ba
 cis mthong na/ /de bsrung phyir ni 'di ltar nga'i drung du 'ongs/ /byang chub sems dpas smras pa/ bden pa'i khyad par la gnas nas yon tan khyad par can mang du yod kyis mdo tsam zhig nyon cig /phreng ba mdzes pa'i rgyan pas khyad par 'phags//
 ro rnams kun las zhim pas khyad par 'phags/ /dka' thub spyod dang mu stegs 'gro ba yi/ /nyon mongs med par bsod nams yon tan 'grub/ /'gro ba mdza' dag khyab pa'i grags pa 'phel/ /bden pa 'jig rten gsum las 'da' ba' i lam/ /lha'i
 gnas su 'jug pa'i sgo yang yin/ /'khor ba'i rdzong bas thar pa'i zab pa yin/ /de nas su da sa'i bus de la legs so rigs so zhes bstod nas ya mtshan dang bcas par blta zhing yang smras pa/ mi rnams gzhan ni nga yi dbang gyur na/ /brtan pa
 nyams nas skrag cing spa yang gong/ /khyod ni dpa' brtan dpal gyis ma btang bas/ /mi dbang khyod ni 'chi ba'i 'jigs med 'dra/ /byang chub sems dpas smras pa/ rab tu bsgribs kyang gnas mi nus/ /gang la bcos su mi rung ba/ /'jigs shing
 dngangs par byas pa yis/ /de la ci zhig phan pa yod/ /de ltar 'jig rten gyi chos nyid la brtags na mi rnams/ /sdig pa byas na rjes su 'gyod bar 'gyur/ /dge ba'i las kyang legs par yod ma byas/ /phyi ma'i tshe la sdug bsngal byung du dgos//
 'chi bar 'gyur ba'i 'jigs pas rmongs par 'gyur/ /gang la bdag gi yid ni 'gyod 'gyur pa/ /de nyid bdag gis byas par yong mi dran/ /dkar po'i las kyang rab tu goms par bya/ /chos la gnas na 'chi bas su zhig 'jigs/ /phongs pa rnams ni
 slong du 'ong ba la/ /mgu bar ma byas bdag ni yong mi dran/ /de ltar sbyin pas mgu ba rnyed gyur la/ /chos la gnas pas 'chi bas su zhig 'jigs/ /ring du brtags te bsams kyang sdig bya bar/ /yid la bsams pa tsam yang yong mi dran/ /bdag gis de ltar
 mtho ris lam sbyangs na/ /'chi bas ci phyir bdag ni 'jigs par 'gyur/ /bram ze rnams dang gnyen dang mdza' bo bsten pa dang/ /gnas kyi rgyan gyur dka' thub can dang phongs pa la/ /ci rigs byin pas bdag gis nor yang mang du bzhag /gang gi bya ba ci
 yod de yang bdag gis byas/ /grags pa'i gzhir gyur dpald ang ldan pa brgya dag brtsigs/ /dka' thub gnas dang mdun sa btung ba'i gnas rnams byas/ /de byas dga' bar gyur pas 'chi bas nga mi 'jigs/ /de bas nga ni mchod sbyin byed pa 'am yang na zo/ de
 skad smras pa/ su da sa'i bus thos nas dad pa skyes te/ mig ni mchi mas gang/ lus kyi ba spu ni langs/ sdig pa can gyi rang bzhin mun nag ni brjod par gyur nas/ byang chub sems dpa' la gus par bltas te smras pa/ sdig pa zhi bar gyur cig rgyal
 mchog khyod lta bu la su zhig shes pa bzhin du/ sdig pa byed pa de ni mi bzad dug 'thung shig/ yang na myur ba'i dug 'thung lcags sregs 'bar ba zo/ /snying dang spyi bo tshal pa brgyad yang gas par gyur/ /legs par smras pa de dag kyang bdag la khyod kyis
 bshad du gsol/ /khyed kyi tshig snyan pa'i me tog char bzhin du phab pa des bdag gi sems rab tu dangs par gyur pas/ legs par smras pa de rab tu nyan 'tshal bar gyur to/ /kye gzhan yang bdag gi spyod pa ngan pa'i gzugs/ /chos kyi me long
 gsal mthong nas/ /yid la gdung ba rab skyes te/ /bdag ni chos la phyogs par gyur/ /de nas byang chub sems dpas de'i bsam pa snod du gyur cing chos nyan pa la yid rab tu 'dun par rig nas smras
 pa/ 'o na chos 'dod pas de dang rjes su mthun pa'i spyod pa la mkhas par byas te chos nyan pa'i rigs so/ /ltos shig rab tu dma' ba' i stan la 'dug /dul ba'i dpal ni rnam par bskyed/ /dga' dang ldan pa'i mig gis blta/ /tshig gi
 bdud rtsi 'thung ba bzhin/ /gus pa bskyed cing rtse gcig btung/ /rab tu dang la dri med yid/ /nad pas sman pa'i tshig mnyan bzhin/ /rim gro bskyed de chos nyon cig /de nas su da sa'i bus rdo leb mthon po zhig gi steng du bdag gi stod g.yogs
 bting ste de la byang chub sems dpa' bzhag nas/ /bdag rang yang bar gzhan gyis chod pa'i sa la byang chub sems dpa' i mdun du 'dug ste/ de'i gdong du bltas nas sems dpa' chen po de la 'phags pa da gsungs shig ces smras so//
 de nas byang chub sems dpas dbyar gyi 'brug sgra snyan cing zab pa 'dra ba'i tshig gis nags tshal de gang bar gyur pa bzhin du kun tu khyab par smras pa/ dam pa dag dang lan cig tsam/ /ji ltar 'dod par phrad gyur kyang/ /'dris par bya ba mi dogs
 par/ rab tu brtan pa nyid du 'gyur/ /su da sa'i bus de skad thos nas legs so legs so zhes smras te mgo bsgyur se gol gtogs nas mgu bar byas te/ byang chub sems dpa' la de nas yang gsungs shig ces smras so/ /de nas byang
 chub sems dpas tshigs su bcad pa gnyis pa smras pa/ dam pa rnams ni sus kyang mi bsring ngo/ /dul ba'i tshul gyis dge ba bsten par bya/ /de dang nye ba de yi yon tan dul/ /ched du ma bsgrubs par yang 'gos par 'gyur/ /su de sa'i bus
 smras pa dge ba rnams kyis legs smras pa/ khyod kyis rnam pa kun mchod pa/ /nor yang gnas su byin par btang/ /'bad de don sgrub thog tu bab/ /de nas yang cung zhig gsungs shig /byang chub sems dpas smras pa/ rgyal po'i shing rta rin chen gser gyis brgyan/
 lus kyang rgas pas mi sdug par yang 'gyur/ /dam pa rnams kyi chos ni rgas mi 'gyur/ dge ba rnams ni yon tan rjes chags brtan/ /su da sa'i bus smras pa/ e ma'o bdag ni bdud rtsi'i char phab pas ngoms par bgyis so/ /de nas yang cung zhig
 gsungs shig /byang chub sems dpas smras pa/ nam mkha' dang ni sa gzhi'i bar yang ring/ /rgya mtsho'i pha rol tshu rol 'gram yang ring/ /shar nub gnyis kyis ri bar de bas ring/ /phal dang dam pa'i chos kyang de bas ring/ /de nas su da sa'i bu ya mtshan che
 zhing dang pas gus par gyur nas byang chub sems dpa' la smras pa/ khyod kyi tshigs su bcad pa snyan pa dang/ /tshig dang don kyang gsal la rab tu 'phags/ /de thos dgar gyur de la mchod pa'i phyir/ /dam pa bzhi zhig khyod la 'bul bar 'tshal/ /de bas
 na ci bzhed pa bdag la bslad du gsol/ /de nas de la byang chub sems dpa' ya mtshan du gyur nas smras pa/ bdag la'ang rang dbang med par gyur pa khyod/ /mi rigs byed la dga' bas pham par gyur/ /dge ba spyod la rang bzhin phyin ci log /khyod kyis
 ji ltar gzhan la dam pa sbyin/ /bdag gis dam pa byin zhes gal te bslangs gyur na/ /khyod kyi yid kyang sbyin par spro mi 'gyur/ /skyon dang bcas par khrel yod su zhig smra/ /de skad re zhig nga la ma smra zhig /de nas su da sa'i bu cung zad ngo tsha bar
 gyur te mgo smad nas byang chub sems dpa' la smras pa/ khyod de ltar bdag la dogs pa ma skyes shig /bdag gi srog kyang yongs btang nas/ /dam pa de rnams bdag 'bul gyis/ /rgyal po ci dang ci bzhed pa/ /bag phab nas ni de slongs shig /
 byang chub sems dpas smras pa/ 'o na bden pa'i brtul zhugs long la sems can gsod pa spongs/ /skye bo btson du bzung ba 'di rnams ma lus thong/ /dpa' bo khyod kyis mi sha za ba rab tu spongs/ /dam pa'i nang
 na mchog gyur 'di bzhi sbyin par gyis/ /su da sa'i bus smras pa/ dam pa snga ma gsum ni khyod la 'bul/ dam pa bzhi pa gzhan zhig bslang du gsol/ /bdag ni mi sha mi za mi nus par/ /snga nas khyod nyid mkhyen par ma gyur tam/ /byang chub
 sems dpas smras pa/ khyod kyi dam pa sbyin par ga la nus shes ngas ma byams/ e ma'o/ /de ltar zer ba de kho na bzhin du gyur to/ /kye gzhan yang khyod nyon cig /mi sha za ba ma btang na/ /ji ltar bden par smra bar 'gyur/ /rgyal po khyod
 kyi srog chags rnams/ /mi gsod par yang ga la nus/ /bdag gi srog kyang yongs btang nas/ /dam pa 'di rnams sbyin no zhes/ thog ma de skad ma smras sam/ de bas 'di ltar gzhan du gyur/ /sha yi phyir ni mi bsad na/ /srog chags mi gsod
 ga la 'gyur/ /de ltar gyur na dam pa gsum/ /khyed kyi ji ltar byin par 'gyur/ /su da sa'i bu smras pa/ gang gi phyir ni rgyal srid nyams/ /nags tshal sdug bsngal bdag gi myong/ /chos las nyams shing gtam ngan thob/ /bdag gis de ni ji
 ltar btang/ byang chub sems dpas smras pa/ de bas khyod kyis de gtang bar rigs mod/ /gang phyir khyod ni chos dang srid/ /bde dang grags pa nyams par gyur/ /phung bar 'gyur ba'i 'byung gnas de/ /ji ltar btang bar mi rigs kyi/ /byin nas
 'gyod pa skye ba 'di/ /skye bo sems rgya chung ngu la/ /srid par 'gyur ba'i 'os yin no/ /de yis khyod kyang zil non tam/ /de bas na khyod sdig pa'i rjes su 'brang ba thong la bdag nyid shes par bya ba'i rigs so/ /khyod su da sa'i bu ma yin nam
 sman pa mkhas pas btags te legs par sbyar ba'i sha/ /grong dang dgon pa skam gsher chu dang thang las skyes/ /de lta'i sha rnams yid kyis de yis sems mgu byos/ /mi sha smad par 'gyur ba gtang na rab tu legs/ /rnga sgra snyan pa dbyar gyi 'brug
 sgra bzhin du sgrogs/ /glu sgra snyan dang rgyal srid bde ba de dang de/ /gnyen dang bu dang nang mi yid du 'ong ba rnams/ /bor nas nags tshal dben pa 'di na ci zhig dga' / /rgyal po sems kyi dbang du 'gro ba'i mi rigs kyis/ /chos dang srid la mi gnod lam
 du 'jug pa'i rigs/ /rgyal po gcig pus g.yul ngor dmag gi dpung las rgyal/ sems tsam tshar bcad phyir ni sngar ma ma byed cig /mi yi bdag po 'jig rten phyi ma 'ang blta ba'i rigs/ /de bas dga' yang phan pa ma yin brten mi rigs/ /lam
 gang yid du 'ong la grags dang mi 'gal ba/ de ni mi dga' 'ang sman btung bzhin du bsten pa'i rigs/ /de nas su da sa'i bu rab tu dad par gyur bas mig ni mchi mas gang/ /skad ni 'dzer bzhin du byang chub sems dpa' i drung du 'ongs te rkang pa
 gnyis la 'jus nas smras pa/ /yon tan me tog phye ma bsod nams dri zhim dang/ /khyod kyi grags pa'i rgyu yis 'gro ba 'di dag khyab/ /'di ltar sdig spyod 'chi bdag pho nyar bdag gyur la/ /khyod ltar thugs rje che ba gzhan na su zhig mchis/ /
 khyod ni bdag gi ston pa bla ma lha nyid legs/ /khyod kyis sgo ba 'di rnams bdag gis spyi bos nod de phyi slan chad bdag ni mi sha spong mi 'tshal/ /bdag la ji skad bka' stsal pa rnams de bzhin bgyi/ /mchod sbyin phyir ni rgyal po'i bu 'phrogs
 pa/ /bdag gis btson rar stsal bas mi dga' zhing/ /gzhin mdangs nyams la mya ngan gdungs pa'i yid/ /de dag kun kyang gtang gis lhan cig bzhung/ /de nas byang chub sems dpas de bzhin du bya'o zhes des smras pa bzhin du mnyan nas rgyal
 bu'i du? btson du bzung ba gang na 'khod pa der song ngo/ /rgyal po'i bu de rnams kyis bu zla ba mthong nas stes so/ /bdag cag ni da thar to snyam nas rab tu dga' bar gyur to/ /rgyal po de dag bu zla mthong nas ni/ /rab tu 'dzum dmus
 mdangs gsal rnam par mdzes/ /ston ka'i dus kyi zla ba'i 'od zer gyis/ /me tog ku mud kha bye mtsho gsal bzhin/ /de nas byang chub sems dpa' de dag gi drung du 'ongs nas dbugs phyung tshig snyan pas dga' bar byas te/ rgyal po de rnams
 kyis su da sa'i bu la gnod pa mi byed par mna' bsgags nas btson ra nas byung ste/ /su da sa'i bu dang de dag gis bskyal te/ /rang gi rgyal srid la gces nas rgyal bu de dag dang su da sa'i bu la ji ltar rigs par rim gro byas te so so'i rgyal srid la
 bkod do/ /de lta bas na skye bo dam pa rnams dang phrad na ji ltar phrad kyang rung ste legs par 'gyur ba'i phyir legs par 'dod pa rnams kyis skye bo dam pa rnams la brten par bya'o/ /sangs rgyas bcom ldan 'das ni tshe rabs snga ma la yang ma 'dris par
 yang byams shing phan 'dogs pa yin no zhes de bzhin gshegs pa'i yon tan bsngags pa la yang brjod par bya'o/ /de bzhin du dam pa'i chos mnyan na skyon med cing yon tan dang ldan par 'gyur ba'i phyir dam pa'i chos mnyan pa'i yon tan
 bsngags pa yang brjod par bya'o/ /chos thos na de ltar phan yon rnam pa du ma yod pa'i phyir mang du thos pa'i yon tan bsngags pa la yang brjod par bya'o/ /bden pa'i tshig bsrungs na de ltar skye bo dam pa rnams dga' zhing bsod nams dang grags
 pa'i 'byung gnas su 'gyur ba'i phyir bden pa'i tshig bsrung ba'i yon tan bsngags pa la yang brjod par bya'o/ /skyes bu dam pa de ltar bdag gi srog dang bde ba dang/ dbang phyug la yang mi lta bar bden pa'i tshig bsrung ngo zhes skyes bu dam pa'i yon
 tan bsngags pa la yang brjod par bya'o/ /snying rje che ba'i yon tan bsngags pa la yang brjod par bya'o/ /su da sa'i bu'i skyes pa'i rabs te sum cu rtsa gcig pa'o// //skyes pa'i rabs kyi rgyud bam po bcu gnyis pa ste tha ma'o/ /
 yid skyo bar gyur pa rnams la ni rgyal srid kyi dpal yang legs pa'i lam la sgrib par mi 'gyur ba'i phyir skyo ba la goms par bya'o/ /de yang 'di ltar bcom ldan 'das 'di byang chub sems dpar gyur pa'i tshe 'jig rten na na ba dang/ rga ba dang/ 'chi ba dang/
 sdug bsngal dang bral ba la sogs pa'i sdug bsngal mang po byung bas sdug bsngal pa/ /mgon med pa/ /skyabs med pa/ dpung gnyen med pa mthong nas snying rjes bskul te/ de dag bskyab par sems pa rab tu dge ba'i rang bzhin can de 'jig rten mi mthun
 pa dang/ ma shes pa la yang phan pa dang bde ba'i khyad par de dang de dag sgrub cing/ re zhig cig rgyal po'i rigs 'bangs glo ba nye ba'i bde ba dang/ 'khrul pa med pa'i dar ba phun sum tshogs pa dang/ rgyal phran dregs pa rnams ni phyag 'tshal bas mngon par
 grags par gyur cing/ dbang thang che ba/ dul ba la dga' ba'i rigs shig tu skyes par gyur to zhes grags so/ /de dang po skyes pa'i tshe nas kyang rgyal po'i rigs de dang/ pho brang 'khor gyi mi rnams kyang bde ba dang sdug bsngal dang bral ba dang mtshungs
 par gyur pas/ /mngon par mtho zhing dar ba'i dpal chen po dang ldan par gyur to/ /byin pa thos pas bram ze mgu zhing g.yengs/ /'bangs rnams dregs shing cha lugs bzang pos 'phyar/ /rnga sgra mang po'i brag chas ri klung gang/ /kun tu dga' ba'i gar ni
 rgyun mi 'chad/ /glu sgra snyan dang dgod sgra 'brel mar 'byung/ /gcig la gcig 'jus dga' ba rnam par 'phel/ /gtam snyan skyel ba bya dags mgu ba'i mis/ /rgyal po'i mngon par mtho ba'i shis pa brjod/ /sgo rnams phye zhing btson du bzung ba
 ba med/ /srang dang bzhi mdo rgyal mtshan btsugs pas mdzes/ /me tog phye ma khu ba sa bzhi brgyan/ /dga' ston bzang pos grong khyer nyams dgar gyur/ /khang pa chen po'i steng nas gser dang gos/ /rgyan la sogs pa
 char bzhin phab pa yis/ /'jig rten 'di dag dpal gyis khyab par rtsol/ /gang+ga smyon pa drag tu 'bab pa 'dra/ /de'i tshe yang rgyal po de'i bu btsas so cog shi bar gyur te/ de ltar gyur pa de yang mi ma yin pas byas pa yin par bsams nas/
 bu de bsrung ba'i phyir bu btsas pa'i khang pa lcags 'ba' zhig las byas pa bzang po nor bu dang gser dngul gyis rgyan gyis brgyan pa zhig tu bzhag ste/ 'byung po'i rig sngags kyi cho ga dang/ rig byed las 'byung ba'i rim pas bsrung pa'i cho
 ga dang/ bkra shis kyi spyad bzang pos bde legs ni byas/ /btsas pa'i cho ga la sogs pa sbyar ba'i cho ga dang/ bskyed pa'i cho ga yang byas so/ /sems dpa' chen po de nyid kyang snying stobs dang ldan pa dang/ bsod nams bsags pa'i mthu
 dang/ bsrung ba legs par byas bas gdon rnams kyis ma tshugs so/ /de rim gyis bskyed pa'i cho ga go rims bzhin du byas nas slob dpon bla ma mang du thos pa dang/ cho rigs btsun pa dang/ spyod tshul bzang ba dang mkhas par grags
 pa dang/ bkur sti thob pa dang/ rab tu zhi ba dang/ dul ba dang/ shes rab kyi yon tan dang ldan pa rnams las rig pa'i gnas du ma ni lobs/ lang tsho'i gzi mdangs ni nyin re zhing skye bas lus ni yongs su rdzogs par gyur/ rang bzhin gyi
 dul ba la dga' bas nang gi skye bo dang yongs kyi skye bo rnams ni rab tu dga' ba'i gnas su gyur to/ /dam pa ring nas gnas gyur kyang/ /ma 'dris gnyen du ma 'brel ba'i/ /skye bo dga' bas rjes 'brang ba/ /de yi rgyu ni yon tan dpal/
 'od zer rab tu gsal ba yi/ /gnam ni dgod pa ltar byed pa'i/ /ston ka'i zla ba de dang ni/ /'jig rten rnams dang ci zhig 'brel/ /de nas sems dpa' chen po de bsod nams kyi mthu las byung ba'i bde ba chen po lha'i longs spyod dang 'dra ba'i longs spyod la nye bar
 spyod cing phas kyang byams shing rab tu bkur sti byas te/ yid brtan cing bag phab ste rim gro cher byas pa las re zhig cig rang gi pho brang dam pa na me tog ku mu ta'i longs spyod kyi dus la bab ste/ rgyan bzang po dga' dga' ltar 'dug pa la ltar 'gro bas
 phas kyang gnang ste/ shing rta bzang po gser dang nor bu dang dngul gyi rgyan bzang po sna tshogs kyis brgyan pa/ /ba dan dang rgyal mtshan kha dog sna tshogs can rab tu g.yo ba rnams btsugs pa/ /gser gyi gyim bag gis g.yog pa/ /rta dul zhing bde bas
 drangs pa/ kha lo sgyur ba bzo zhing des la mkhas shing gtsang la dul zhing brtan pa dang ldan pa/ g.yog 'khor cha lugs bzang po sna tshogs su chas pas bskor ba/ rnga sgra snyan pa'i rnga brdungs pas mdun du drangs pa la zhon te pho brang mchog de nas rgyu
 zhing song song ba las pho brang 'khor gyi mi rgyal po de la lta bas sems ni g.yengs/ /ngo mtshar che bas mig ni rig rig por lta/ /bstod pas dga' bar byed cing thal mo sbyar te shis par brjod pa'i tshig ni 'don/ /dga' ston gyi dga' ba'i chas
 bzang por ni zhugs pa rnams kyis mdzes pa mang po rnams la brtags nas sems dga' bar 'gyur ba'i skabs su bab kyang tshe rabs snga ma la sems skyo ba la goms par byas pa'i phyir dran pa 'di lta bu rnyed par gyur to/ /kye ma'o 'jig rten
 nyon mongs dag /gnas pa mi brtan mi dgar 'gyur/ /ku mu da yi dpal 'di yang/ /dran par bya ba nyid du 'gyur/ /'gro ba 'di lta bur ni 'khod pa la/ /skye bo 'jigs pa med pa re mtshar kye/ /las rnams thams cad 'chi bdag nyid kyis dgag /dwogs
 pa med pa rab tu dga' bzhin sbyor/ /na dang rga dang 'chi bas gnod byed dgra/ /mthu chen dgag tu mi nus yod bzhin la/ /'jig rten pha rol nyams ngar nges 'gro na/ /sems shes su zhig 'di la dga' bar sems/ sprin chen glog
 'gyu gser phreng 'dra ba dag /rgya mtsho chen po dag gi sgra yang phyung/ /char chen dbab pa'i rtsom pa chen po byas/ /kun nas 'dus kyang de nas dengs par 'gyur/ /'bab chu drag po'i shugs kyis shing rnams kyis/ /rtsa ba'i gram na zab tu zug pa yang/ /rtsa
 nas bton te slar yang chu de nyid/ /'brengs shing bri nas mya ngan gdungs ba bzhin/ /rlung gi mthus kyang ri yi rtse mo brnyil/ /sprin gyi tshogs kyang drag po'i shugs kyis gtor/ /rgya mtsho'i chu yang rnam par dkrugs shing glongs/ /de lta'i rlung yang rab tu
 zhi bar 'gyur/ /me lce rab 'bar me stag 'gro ba yis/ /nags tshal mdzes dang rtsa rnams kun bsregs nas/ /de 'dra'i me yang rim gyis zhi bar 'gyur/ /rab tu 'bar yang de nas med par 'gyur/ /'dus pa gang zhig bral bar ma gyur yod/ /dar ba
 gang zhig rgud par ma gyur yod/ /'gro ba'i rgyud ni rab tu g.yo ba la/ /ma brtags par ni skye bo dga' bar gyur/ /bdag nyid chen po de sems skyo bas de ltar brtags nas rab tu dga' bas g.yengs pa'i yid ni slar bzlog/ pho brang dam pa rgyan
 gyis brgyan pa dga' dga' ltar 'dug pa dang/ mi mang po sna tshogs chas pa 'dug pa rnams la yang sems ma chags par slar log ste mthar gyis rang gi gnas su phyin nas bdag rang la 'di ltar rtog go /longs spyod kyi bde ba la sems
 rab tu skyo bar gyur te ma chags nas chos 'ba' zhig skyabs su rung ngo snyam nas/ de bsgrub par nges par bsams te skabs shig tu rgyal po'i drung du song nas dka' thub kyi nags tshal du 'gro bar thal mo sbyar te gsol ba btab pa/ rab tu
 byung la brten nas su/ /bdag la phan pa bgyi bar 'tshal/ /khyod kyi thugs dpag tshad nas su/ /gsol ba de yang gnang bar mdzod/ /rgyal po bu la byams pa des de skad zer ba thos nas/ /glang po che mda' dug can gyis cher phog pa dang/ rgya mtsho rab tu zab pa
 rlung? gis? glongs ba bzhin du de'i mya ngan gyis sems gdungs nas 'khyams te 'dar bar gyur to/ /de nas rgyal po de yis de bzlog phyir/ /byams pas mchi mas brnangs te mgul nas 'jus/ /bu cig ci phyir 'di ltar glo bur du/ /bdag cag 'dor ba'i
 blo? 'di skyes par gyur/ /bdag nyid phung bar byed pa su zhig gis/ /khyod ni mi dgar byas nas mchi bar gyur/ /su yis rang gi mi rnams mya ngan gyis/ gdungs nas mig ni mchi mas gang bar byas/ /'on te nga la cung zad dwogs pa 'am/ /'khrul bar gyur
 ba cung zad thos kyang rung/ /de dag smras na de las bzlog par bya'o/ /de lta bu ni bdag gis ma mthong ngo/ /byang chub sems dpas smras pa/ de ltar rab tu byams khyod la/ /'khrul pa lta zhig ga la 'byung/ /bdag la mi dgar bgyid pa yang/ /de ltar
 nus pa su zhig mchis/ /'o na ci phyir de 'dor bar sems shes mig mchi mas gang bzhin du rgyal pos smras pa dang/ des smras pa/ 'chi bas 'jigs pa'i phyir ro/ /lha gzigs su gsol/ /dang po mngal du zhugs pa'i nub mo nas/ /de nas
 brtsams te 'jig rten 'di rnams ni/ /lam du zhugs nas gzhan du ma gol bar/ /'chi bdag drung du de ni nye bar 'gro/ /thabs dang rab tu ldan zhing mthu yod kyang/ /'chi dang rga las su yang thar pa med/ /'di gnyis kyis ni 'di kun rab tu gces/ /de bas
 chos kyi don du dgon par mchi/ /mi rta glang chen shing rta mang po'i dmag tshogs rnams/ /rgyal po'i dpung dang ldan pas thags thogs med par thug /gshin rje'i dgra ni gcig bu 'dul kyang yod mi thub/ /de bas bdag gi sems ni chos don bsgrub
 par 'tshal/ /rta dang glang chen shing rta rkang thang shing rtas yongs bsrungs nas/ /rgyal po rnams ni dgra las rnam par thar bar 'gyur/ /shes can la sogs dpung dang bcas pa dbang med par/ /rab tu mthu chen 'chi bdag dgra yi dbang
 du gyur/ /glang chen smyos pa'i mche bas mkhar gyi rta babs dang/ /g.yul ngor mi dang shing rta glang po rnams kyang bcom/ /gad pa chen po'i ngos dral rgyal bar gyur ba yi/ /mche ba de yis gshin rjer khar song 'debs ma nus/ /go mtshon bzang pos
 bgos shing phub bzung nas/ /g.yul ngor rgyang gis mda' yang 'phen par nus/ /de ltar 'phongs skyen pas kyang khon rnying can/ /dgra bo gshin rje la ni 'phen mi nus/ /seng ge rnams kyang sen mo rnon pos glang chen gyi/ /gzi brjid zil mnan spyi bo
 sder mos dral cing dbang/ /sgra skad drag po grag pas gzhan gyi sems skrag byas/ /gshin rje 'ongs na mthu dang dregs pa nyams nas nyal/ /rgyal po rnams kyang gzhan gyis nyes byas na/ /nyes dang rjes su mthun par chad pas gcod/ /'chi bdag
 dgra bos nyes pa cher byas kyang/ /chad pas bcad pa'i thabs ni yod mi shom/ /rgyal po rnams ni mjal dum la sogs pa'i/ /thabs kyis nyes pa byas pa zhi bar byed/ /'chi bdag gtum po drags pa goms byas pa/ /mjal du ma la sogs
 pas ni bsdum mi nus/ /sprul chen khros pa'i rlung gis mche ba dug can gyi/ /rtse mo 'bar bas mi rnams mngon du rab tu 'bigs/ /sha chags gsad pa'i thabs la rab tu mkhas gyur kyang/ /'chi bdag 'ongs nas bza' bar brtsam pa nyams
 par 'gyur/ /sprul gdug khros nas 'khrug pas zin pa yang/ /sman pa rnams kyi sngags dang sman gyis dug zhi byed/ /gshin rje 'di ni myur ba'i dugs pas rab tu gdug/ sngags dang sman la sogs pas thub par yod mi nus/ /'dab
 bzangs khyung yang gshog pas rlung gi rgya mtsho'i chu/ /nya mang 'phyo ba 'brug sgra drag pos dkrugs pa yang/ /rnam par gtor nas gdengs ka 'phyar bas sprul rnams 'dzin/ /de bzhin 'chi bdag rab tu gzhom par yod mi nus/ /stag kyang nags tshal dag
 na ri dwags bros pa rnams/ /rab tu mgyogs pas bsnyegs nas sder mo'i rdo rje yis/ /thang cig btab pa tsam gyis bzung nas khrag 'thung na/ /'chi bdag 'ongs na de ltar rtul phod med par 'gyur/ /stag gi kha gdangs mche ba rab tu gtsigs pa yi/ /nang
 du song ba'i ri dwags rnams kyang thar pa srid/ /gshin rje'i kha gdangs na dang rga ba'i mche ba gtsigs/ /de yi nang du song ba su zhig thar pa yod/ /mi sdug 'jigs la dam du 'dzin pa'i gdon/ /gzi dang bcas par mi yi srog kyang 'phrog/ /'chi bdag dgra dang
 phrad pa'i dus dran na/ /rab tu snyems pa'i mthu rtsal nyams par 'gyur/ /mchod 'dod gnod 'ong ba'i gdon rnams kyang/ /rig sngags grub pa rnams kyi mthu dag dang/ /dka' thub bde legs sman gyis zhi bar nus/ /'chi bdag gdon ni bzlog par yod
 mi nus/ /mang po 'dus pa'i nang na sgyu ma mkhan/ /skye bo rnams kyi mig kyang bslu bar nus/ /gshin rje 'di la mtshar gyi mthu zhig yod/ /de dag gis kyang mig bslu yong mi nus/ /gsang sngags grub pa'i dka' thub mthu yis dug zhi nus/ /sman pa mchog gis
 mi yi nad kyang zhi bar nus/ /d+ha na nan ta ri la sogs pa'ang med par 'gyur/ /de bas chos phyir bdag blo bas mthar 'chi bar mos/ /rig sngags 'chang rnams gsang sngags mthu stobs sna tshogs kyis/ /mngon du byung nas bar bar slar yang mi snang 'gyur//
 bar bar mkha' la 'gro zhing bar bar sa 'og nub/ /'chi bdag byung na mthu stobs rab tu nyams par 'gyur/ /lha dbang dreg pa rnams kyang lha min dmag gis zlog /lha min dreg pa rnams kyang lha yi dmag gi zlog /nga rgyal bod pa'i blo can dmag tshogs
 chen po'i dpung/ /de dag kun bsdongs pas kyang 'chi bdag yongs mi thub/ /gshin rje dgra bo'i rlangs pa mi zlog pa/ /'di 'dra rigs nas khyim na bdag mi dga' / /khros pa 'am byams pa ma mchis phyir ma lags/ /chos kyi don du
 bdag ni nges par mchi/ /rgyal pos smras pa/ /'o na de ltar 'chi bdag gi 'jigs pa bcos su mi rung na/ /chos yongs su bzung ste nags tshal du song yang ci la phan/ /khyod kyi nags su 'chi bdag dgra de mi 'ong ngam/ /drang srong chos la gnas
 pa yang na gsum shi 'am/ /de ltar thams cad na yang chos kyis de bzhin na/ /khyim bdag por te gnas su song yang ci la phan/ /byang chub sems dpas smras pa/ nags dang khyim na 'dug kyang 'chi bdag 'ong 'gyur la/ /chos la gnas dang legs
 par spyod la mtshungs spyod kyang/ /chos kyi bdag nyid can rnams mya ngan gdung mi 'gyur/ /chos kyang nags tshal dag na bde bar bsgrub tu mchis/ /lha gzigs su gsol/ bag med dregs dang 'dod chags dang/ /brkam dang zhe sdang gzhir gyur khyim
 de yi gnyen por gyur pa'i chos/ /spyad pa'i skabs ltag la mchis/ /las rnams ngan pa mang pos rnam par g.yeng/ /yongs su gzung dang sgrub dang bsrung bas brel/ /sems ni ma zhi sdug bsngal 'byung ba'i gnas/ /khyim pas nam yang zhi
 ba'i lam mi 'grub/ /nags na bya ba ngan pa mang po btang/ /yongs su bzung pa'i sdug bsngal spang la gtsang/ /zhi ba 'ba' zhig byed cing yid kyang mgu/ /bde dang bsod nams grags pa'ang thob par 'gyur/ /mi rnams chos dang bsrungs kyis
 nor dang dpung gis min/ /chos kyi bde ba chen po 'thob kyi 'byor pas min/ /chos kyi bdag nyid can ni shi na dga' bar 'gyur/ /chos la 'bad pa ngan 'gro'i 'jigs pa med par 'gyur/ /las kyi khyab par dag kyang ji bzhin gnas/ /dge dang
 sdig pa'i mtshan nyid tha dad la/ /rnam par smin pa'ang mi dges ngan 'gror lhung/ /bsod nams bsags pas bde ba'i gnas su 'gro/ /de ltar bdag nyid chen po des pha la gsol ba btab nas/ /phas kyang gnang ste rgyal srid kyi dpal rtswa dang 'dra bar bor
 nas/ /dka' thub kyi nags tshal du gnas par gyur to/ /der yang bsam gtan rnams dang/ tshad med pa rnams bsgrubs nas 'jig rten pa rnams kyang de dag la bkod de/ tshangs pa'i 'jig rten du skyes par 'gyur to/ /de lta bas na yid skyo bar
 gyur ba rnams la ni rgyal srid kyi dpal yang legs pa'i lam la sgrib par mi 'gyur ba'i phyir sems skye ba la gom par bya'o/ /'chi ba'i 'du shes bskyed na myur du sems skye bar 'gyur ba'i phyir 'chi ba'i 'du shes bskyed pa'i yon tan bsngags
 pa la yang brjod par bya'o/ /'du byed rnams 'di ltar mi rtag go zhes de bzhin du 'chi ba rjes su dran pa'i yon tan bsngags pa dang/ mi rtag pa'i gtam bya ba las yang brjod par bya'o/ /'dus byas rnams ni 'di ltar dbugs ma phyin pa'o zhes 'jig rten
 thams cad la mngon par ma chags pa'i 'du shes bskyed pa dang/ de bzhin du 'jig rten 'di dag dpung gnyen med cing grogs byed pa med do zhes kyang brjod par bya'o/ /de bzhin du nags tshal dgon pa na chos bde bar bsgrub nus kyi/ khyim na de ltar
 mi nus so zhes kyang sbyar bya'o// //lcags kyi khyim nas bskyed pa'i rabs te sum cu gnyis pa'o// //bzod par bya ba yod na bzod pa yod par 'gyur gyi med na ma yin no/ /de bas na dge ba rnams ni gnod par byed pa la yang
 khe rnyed pa dang 'dra bar dga' bar 'gyur ro/ /de yang 'di ltar byang chub sems dpa' nags tshal dgon pa zhig na ma he rgod kyi khyu mchog lus 'dam rdzab kyis bskus pas rtsub par gyur pa/ sprin gyi phung po logs shig tu chad pa rkang gis 'gro
 shes pa 'dra ba zhig tu gyur to zhes grag go /de dud 'gro'i skye gnas chos kyi 'du shes dgon pa gti mug che ba'i gnas su skyes kyang rnam par shes pa gsal bas chos spyod pa la sems mi brtson par ma gyur to/ /de la snying rje yun
 ring 'dris pa bzhin/ /de ni snying rjes nams kyang yongs ma btang/ /las kyi dbang gis de ltar der gyur tam/ /de nyid mthu yis de ni de ltar gyur/ /de bas na bcom ldan 'das kyis 'di skad du/ las kyi rnam par smin pa bsam mi khyab/ /snying rje'i bdag
 nyid can yang dud 'gror skyes/ /de na'ang chos kyi 'du shes skye bar 'gyur/ /las med na ni skye ba'i mtshams mi sbyor/ /dge ba'i rnam par smin pas mi bde med/ /chos kyi 'du shes yod kyang las kyi bags chags kyis/ /de dang de brten de lta de ltar
 gyur/ /de nas spre'u mi srun pa zhig gis de'i rang bzhin nges shing snying rje che bas khro zhing 'khrug pa med par yun ring po nas mngon par gsal bar shes nas de la ni 'jigs pa med do snyam ste/ sems dpa' chen po de la 'tshe ba'i rnam pa de dang de
 dag gis rab tu gnod pa byed par gyur to/ /snying rje che zhing 'jam pa la/ /skye bo mi bsrun snyems shing dregs/ /de la 'jigs pa med mthong nas/ /rab tu rnam par 'gyur bar byed/ /gang gis cung zad 'jigs gyur na/ /rab tu dul ba bzhin byas te/ /snyims
 pa bor nas de la ni/ /dman pa'i tshul gyis spyod par 'gyur/ /sems dpa' chen po de re zhig cig gnyid kyis log nas bag phab te nyal zhing 'dug pa la spre'u des rab tu bskul nas glo bur du steng du mchongs te 'ong ngo/ /bar bar ni de la zhon
 nas rab rgyugs so/ /bar bar ni de bkres te zar 'gro ba'i lam bkag ste 'dug go /bar bar ni shing gis kyang de'i rna ba gnyis dkrugs so/ /bar bar ni de chu'i nang du rkyal du 'gro ba la mgo'i steng du zhon te lag pa gnyis kyis mig gnyis
 bkab bo/ /bar bar ni de la zhon te dbyug pa phyar nas brgyugs te gshin rje'i tshul 'chos so/ /'on kyang byang chub sems dpa' sems dpa' chen po ni des ma drangs pa'i rkyal ka byas pa de dag thams cad la 'khrug pa dang khro ba dang mi dga' ba med par
 phan btags pa bzhin du bzod par gyur to/ /sdig can rnams ni rang bzhin gyis/ /'dul dang 'gal ba'i lam la brten/ /dam pa rnams ni goms pa'i phyir/ /de la'ang phan gdags bzhin du bzod/ /de nas gnod sbyin gcig cig des gtses pa de mi
 bzod pa dang/ sems dpa' chen po de'i bsam pa brtag pa'i phyir ma he khyu mchog de/ /spre'u mi srun pa des zhon nas song ba'i lam du bsgugs nas smras pa/ /kye khyod cung zhig sdod cig/ khyod spre'u mi srun pa 'dis nyos sam ci/ /'on te brgyan pos
 pham 'am/ /'on te 'dis 'jigs pa cung zad cig yod dam/ /de ste bdag la mthu med par shes sam ci/ /'dis de ltar brnyas shing zhon/ /kye 'o na khyod kyi rwa rtse rdo rje'i shugs kyis kyang/ /rdo rje'i ri yang rdo rje bzhin du 'joms/ /rkang lag 'di yang khros te
 phrad na ni/ /brag gi rtse mo 'dam du bying ba bzhin/ /khyod kyi lus 'di 'ang brag bzhin mkhregs la brtan/ /mthu stobs phun sum tshogs pas kun tu mdzes/ /rang bzhin gzi che lta ba brjid pa 'di/ /seng ge dag kyang rab tu dpa' god 'gyur/ /de bas 'di ni
 rmig pas rgyob la tshom/ /yang na rwa rtses 'di yi dregs pa sol/ /mthu med 'dra ba spang na sdig can 'dis/ /kun tu gtses pa'i sdug bsngal bzod par byed/ /yon tan tshul spyod bde zhing bsil ba yis/ /skye bo ngan pas bcos su ga la rung/ /tsha zhing
 drod che rtsub pas bsgrubs pa yis/ /bad kan nad bzhin rab tu 'phel bar gyur/ /de nas byang chub sems dpas gnod sbyin de la bltas te bzod pa'i phyogs bzung nas tshig 'jam pos smras pa/ 'di ni mthu stobs chung ba dang/ rtag tu ma drang spyod
 pa'ang shes/ /de bas 'di la bdag gis ni/ /bzod pa bya ba'i mi rigs sam/ /mthu chen bcos su mi rung la/ /bzod pa ci zhig byar yang yod/ /dge ba dul ba'i tshul spyod la/ /bzod pa byar yang ci zhig yod/ /mthu chung 'khrul
 pa dag la ni/ /mthu yod bzhin du bzod na rung/ /de phyir yon tan nyams pa pas/ /rab tu brnyas par gyur kyang rung/ /mthu stobs chung bas brnyas thabs byas pa la/ /dang du len pa yon tan rnams kyi mchog /yon tan dga' bas khyad du de bsad
 nas/ /rang gi brtan pa nyams phyir ci zhig rgal/ /bzod pa rtag tu bde bar 'gyur ba yi/ /dus ni rab tu rnyed par dka' ba la/ /gzhan gyis de lta bu dag byas gyur na/ de la 'khrul par byed pa su zhig yod/ /gang zhig rang gis chos nyams mi sems
 par/ /bdag gi sdig sbyangs phyir ni zhugs 'dra la/ /'di la'ang bdag ni bzod par mi byed na/ /de las gzhan pa drin med ci 'dra zhig /gnod sbyin gyis smras pa/ de bas na khyod ni 'dis gnod pa bya ba las nam yang thar par mi 'gyur ro/ /yon
 tan rnams la mi dga' zhing/ /mi srun pa ni ma btul la/ /bzod pa sgom pa ma btang na/ /dpa' gong nus pa su zhig yod/ /byang chub sems dpas smras pa/ gzhan la gnod pa byas pa'i bde ba 'am/ /sdug bsngal byung ba dgag par 'dod
 pa de'i/ /rnam par smin pa bde ba mi 'grub pas/ /bde ba 'dod pas des ni bsgrubs mi nus/ /de bas bdag gis bzod la gnas nas ni/ /thabs kyis bsgo yang gal te mgon/ /bzod pa chung ba gzhan dag yod pas na/ /de dag 'di ni log
 pa'i lam las zlog skye bo de lta bu'i brnyas byas na/ /bdag lta bu 'ang de ltar de mi byed/ /nyes dmigs mthong nas de ltar phyis mi byed/ /'on kyang bdag ni de las thar par 'gyur/ /de nas gnod sbyin de sems rab tu dga' zhing ya mtshan
 che bar gyur te rab tu mgu nas/ /sems dpa' chen po de la mgo bo btud de se gol gtogs nas legs so legs so zhes smras te mgu bar byas nas tshig snyan pa de dang de dag smras so/ /dud 'gror rnams la chos 'di ga la yod/ /yon tan dga' ba 'di
 'dra ga la yod/ /mtshar gyis bsams pas 'di 'dra'i lus su gnas/ /dka' thub nags na khyod ni dka' ba spyod ces de ltar de la mngon par bstod nas spre'u mi srun pa de yang de'i rgyab nas bab ste de bsrung ba yang bskos nas de nyid du mi snang bar
 gyur to/ /de lta bas na bzod par bya ba yod na bzod pa yong bar 'gyur gyi/ /med na ma yin pa'i phyir dge ba rnams ni gnod pa byed pa la yang khe rnyed pa dang 'dra bar dga' bar 'gyur ro zhes bzod pa'i gtam bya ba la yang brjod par bya'o/ /rim 'gror
 gyur rnams la yang de ltar so sor brtags pa'i bzod pa'i mthu yod na mir gyur pa 'am rab tu byung bar khas 'ches pa la bzod pa de dang mi ldan na mdzes par ga la 'gyur zhes de skad kyang brjod par bya'o/ /de bzhin gshegs pa'i yon tan
 bsngags pa dang/ rim gro bskyed de dam pa'i chos mnyan pa la yang brjod par bya'o/ /ma he'i skyes pa'i rabs te sum cu rtsa gsum pa'o// //dge ba dag ni bskul ma btab kyang rab tu ma goms pa'i phyir sdig pa mi spyod do//
 de yang 'di ltar byang chub sems dpa' nags tshal zhig na bya shing rta mo 'dab gshog kha dog sdug gu rnam pa sna tshogs dang ldan pa zhig tu gyur cing gnas so zhes grag go /snying rje la goms pas de lta bu'i gnas skabs na yang bya shing rta
 mo'i 'tsho ba srog chags gsod pa'i skyon can mi byed do/ /ljon shing ldum bu'i myu gu rab tu gsar/ /me tog bsung zhim khu bas rab bskos pa/ /ro dang dri bsung kha dog sna tshogs pa'i/ /shing tog rnams kyis 'tsho ba chog par 'dzin/ /ji
 ltar rig par gzhan la chos kyang 'chad/ /phongs pa rnams la ci nus phan yang 'dogs/ /ngan pa rnams kyang mi rigs pa las zlog /gzhan gyi don spyod rab tu gsal bar ston/ /sems dpa' chen po des nags
 tshal de na 'khod pa'i sems can mang po rnams yongs su bskyangs pas de dag slob dpon dang bcas pa bzhin/ /gnyen bshes dang bcas pa bzhin/ sman pa dang bcas pa bzhin/ /rgyal po mnyes gshin pas bskyangs pa bzhin du bde bar
 byas so/ /de nas re zhig cig na byang chub sems dpa' chen po de sems can la snying brtse ba'i phyir nags tshal gyi nang nas rgyu zhing song ba las/ nags tshal gyis phyogs shig na seng ge zhig nad drag pos btab ste mda' dug can gyis phog
 pa bzhin du 'gro ldog cing ral pa rnams ni rdul gyis gos te dri ma can du gyur la 'dzings pa zhig mthong ba dang/ snying rjes bskul nas de'i drung du song ste dris pa/ ri dwags kyi rgyal po khyod kyi lus rab tu mi bde ba 'dra na 'di ci nyes/ /glang po
 dag la dregs pa brgal drags sam/ /rab tu mgyogs pas ri dwags bsnyags drags sam/ /mchongs pa drag pas 'di ltar khyod snad dam/ /rngon pa dag gis mda''phangs snad gyur tam/ /bstan du rung na khyod kyis 'dir smos shig /
 'di la ji ltar byas na rung ba'ang smos/ /bdag gi grogs byar rung ba'i mthu yod na/ /bden par de bsgrub khyod kyang sos par bya/ /seng ges smras pa/ bya'i nang na mchog tu gyur pa legs so/ /bdag 'di ltar mi bde bar gyur pa ni rtsal drags par
 gyur pa yang ma lags/ /rngon pa'i mda' phog ste snad pa yang ma lags te/ /rus pa'i tshal pa 'di 'dra ba zhig gre bar zug ste/ /nang du med du yang mi rung/ /phyir dbyung du yang mi rung ste/ /zug rngus zug pa bzhin du bdag /rab tu sdug bsngal
 zhing mchis na/ /de las ni da ji ltar bgyi ba grogs po dag gis bgyi ba'i dus la bab kyis ji ltar mkhyen par bdag bde bar mdzad du gsol/ /de nas byang chub sems dpa' sems rno ba'i zur rngu dbyung ba'i thabs bsams te/ /de'i kha dgag du rung
 ba'i shing zhig blangs nas seng ge de la khyod kyis ci nus su kha legs par gdongs shig ces smras pa dang/ des kyang de bzhin byas so/ /de nas byang chub sems dpas shing de de'i so'i bar du legs par bcug nas/ de'i gre bar zhugs te rus pa'i
 tshal ba gsegs khar zug pa de'i rtse mo cig mchus bskul te lhod par byas nas/ /rtse mo gcig nas bzung ste phyung nas phyir 'byung ba'i tshe yang de'i kha bkag pa'i shing de phyung ste bor ro/ /shes rab rnon po tshe rabs brgyar goms pas/ /ma bsgom
 par yang ji ltar des phyung ba/ /rab tu goms shing mkhas pa'i sman pas kyang/ /rab tu bsgrims kyang zug rngu de mi phyin/ /zug rngu phyung nas de ma thag tu ni/ /de yi sdug bsngal mya ngan med par gyur/ /zug rngu phyung bas ji ltar de dga' ba/ /zug rngu phyung nas
 de ltar de dgar gyur/ /skye bo dam pa rnams ni chos nyid kyis/ /de lta yin te/ skye bo dam pas gzhan gyi bde bsgrubs sam/ /sdug bsngal bzlog pa 'ang de dang mtshungs par ni/ /bde dang sdug bsngal rab tu myong bar 'gyur/ /rang gi bde ba grub kyang de
 lta min/ /sems dpa' chen po des de ltar de'i sdug bsngal de zhi bar byas nas sems rab tu dga' bar gyur te/ seng ge de la 'gro bar brda sprad nas/ /des kyang dga' bar byas te gar dga' bar song ngo/ /de nas re zhig cig na bya shing rta mo de
 'dab gshog sdug gu rab tu phyar nas 'phur te 'khyam du song song ba las/ /kha zas bzar rung ba de lta bu ma rnyed de bru ba tsha bas gdungs pa dang/ /seng ge de yang ri dwags gzhon nu song ma thag pa'i sha ni za/ /kha dang sder mo dang/ /ral pa'i rtse mo
 rnams ni de'i khrag gis spags pas ston ka'i sprin gyi dum bu mtshams kyi dus la bab pa'i mdog 'dra bar 'dug par mthong ngo/ /de yi phan pa byas kyang de la ni/ /bslang ba'i tshig 'bru ngan pa brjod mi nus/ 'jigs
 med yin yang de yi ngo tsha ni/ /de tshe mi smra'i brtul zhugs len du 'jug /'on kyang dgos pa'i dbang gis ngo tsha btang/ /de yi mig sngar bab par nye bar 'ongs/ /bdag nyid ngan pa des ni de mthong yang/ /'gron bya'i tshig kyang de la yod mi brjod/ /rdo leb
 b+hed? du sa bon btab ba bzhin/ /me med thal ba dag la bsregs pa bzhin/ /'bras bu smin pa'i dus na bye brag med/ /phan btags drin med bi dul me tog bzhin/ /de nas byang chub sems dpas bsams pa/ /'dis ni bdag gor ma chags par
 ngo ma shes so snyam nas dogs shing 'jom pa med par de'i drung du song nas mgron gsar du 'ongs pa'i tshul gyis shis pa brjod de slongs mo btab po/ /ri dwags rgyal po bdud rtsir gyur/ /mthu rtsal chen po brnyes pa las/ /phongs pa rtsal bcung
 zad 'tshal/ /khyod kyis bsod nams grags pa 'grub/ /de ltar shis pa brjod pa dang tshig 'jam pos bslangs kyang/ seng ge de khro ba dang ser sna la goms pas ya rabs kyi tshul ni med/ /mig gnyis khros pa'i me 'bar bas ser por gyur
 pa bzlog nas bsregs pa bzhin du byang chub sems dpa' la bltas te smras pa/ kwa'e khyod cung zhig sdod cig /snying rje'i rlan bag gang med pa/ /ri dwags rnam par g.yo ba za/ /nga yi kha ni der song nas/ /gson pa de ni gnad chen med/ /'on
 kyang nga la brnyas thabs su/ /de ltar slongs mo 'debs pa ni/ /srog gis skyo bar khyod gyur tam/ /'jig rten pha rol ltar bar 'dod/ /de nas byang chub sems dpa' de'i tshig rtsub mo slar zlog pa des ngo tsha bar gyur te/ /de nyid nas nam mkha' la
 'phur te 'dab ma brtabs pa'i gshog sgras nged cag ni bya yin pas ci byar yang med do zhes bya ba'i tshul gyis stan nas langs te song song ngo/ /de nas nags tshal gyi lha zhig des de la brnyas thabs byas pa de ma bzod pa dang/ ji tsam du spro ring ba brtag
 pa'i phyir sems dpa' chen po de'i drung du 'ongs te smras pa/ kye bya rnams kyi mchog bdag nyid ngan pa de la phan btags pa'i stong du/ /bdag la yang mthu yod bzhin du 'di ltar brnyas thabs byas pa ci'i phyir bzod par byed/ /khrel med pa de la de ltar
 bzod pa byas kyang ci phan/ /khyod kyi mchu yis 'di'i mig kyang dbyung bar nus/ /rnam par g.yo zhing stobs dang ldan yang gzhom par nus/ /mche ba'i bar na 'dug pa'i sha yang 'phrog nus na/ /ci'i phyir 'di yi stobs snyems dregs pa bzod par
 byed/ /de nas byang chub sems dpa' de ltar brnyas thabs byas pa'i phyir lha des bcugs byas te rab tu bskul kyang bdag rang gi rang bzhin bzang po bstan pa'i phyir smras pa/ bdag cag lta bu'i tshul de lta ma yin gyis de skad ma zer cig /phongs
 pa rnams la dge ba rnams/ /snying rjes spyod kyi khe phyir min/ /gzhan gyis shes sam ma shes na'ang/ /de 'khrugs pas su zhig byed/ /gzhan gyis phan btags drin med na/ /kho bdag rab tu bslus par zad/ /phan par byas pa'i lan 'dod
 phyir/ /su zhig de la phan 'dogs yod/ /phan 'dogs pa ni bsod nams thob/ /phyi ma'i tshe la'ang 'bras bu yod/ /tshe 'di la yang grags dang dpal/ /gdon mi za bar thob par 'gyur/ /de ltar bsod nams byas pa la/ /khon du 'dzin pa su zhig yod//
 de ste phan btags lan 'dod na/ /bu lon chags byas phan ma btags/ /bdag gis phan btags pha rol drin med ces/ /gang zhig de la gnod pa byed na ni/ /yon tan grags dang bcas pas lus bkrus nas/ /glang chen tshul du spyad par mi
 'gyur ram/ /pha rol phongs la phan btags drin du mi gzo na/ /yon tan byin can dpal dang ldan par mi 'gyur mod/ sems dang ldan pa su zhig phyin chang phan 'dogs byed/ /bdag gi grags pa med par bya phyir rtsol du zad//
 'di la ni bdag gis 'di ltar byas na rung ba snyam/ /dka' thub dge ba'i tshul spyad kyang/ /grogs po'i chos tshul mi rnams na/ /ma khros rngam par ma gyur par/ /de nas bags kyis gud du 'gro/ /de nas lha de legs par smras pa des yid mgu nas legs so
 zhes yang dang yang du bsngags te/ tshig snyan pa de dang de dag smras pa/ /thor tshugs shing shun gos ni med par yang/ /khyod ni drang srong mi mngon dka' thub can/ /cha lugs tsam gyis thub par 'grub mi 'gyur/ /yon tan dang ldan yang dag thub pa
 yin/ /de skad ces smras nas mngon par gyur te/ de la mchod pa byas nas de nyid du mi snang bar gyur to/ /de lta bas na dge ba dag ni bskul ma btab kyang ma goms pa'i phyir sdig pa mi spyod do zhes skye bo dam pa rnams kyis yon tan bsngags
 pa yang brjod par bya'o/ /de ltar bzod pa goms par byas na dgra mang bar mi 'gyur zhing kha na ma tho ba mang bar mi 'gyur ba dang/ skye bo mang po dga' zhing yid du 'ong bar 'gyur ba'i phyir bzod pa'i gtam bya ba la yang sbyar bar bya'o/ /de ltar sor sor
 brtags pa mang du byas na mkhas pa rnams rang gi yon tan bzang po rjes su bsrungs par 'gyur ba'i phyir sor sor brtags pa'i yon tan bsngags pa la yang brjod par bya'o/ /de bzhin gshegs pa'i bdag nyid che ba dang/ de ltar rang
 bzhin bzang po la goms par byas na/ /dud 'gror gyur kyang med par mi 'gyur ro zhes rang bzhin bzang po la goms par byas pa'i yon tan bsngags pa la yang brjod par bya'o/ /bya shing rta mo'i skyes pa'i rabs te sum cu rtsa bzhi pa'o//
 skyes pa'i rabs kyi rgyud slob dpon 'phags pa dpa' bos mdzad pa rdzogs so// //rgya gar gyi mkhan po bidyA ka ra sid+ha dang/ /zhu chen lo tsA ba bande many+dzu sh+rI barmmas bsgyur te zhus nas gtan la phab pa// //