<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4433: rnam par grol ba'i lam las sbyangs pa'i yon tan bstan pa zhes bya ba<br><table><tr><td>
<input type="button" onclick="location.href='tcompletep.php?id=N4433&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4433&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4433&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">rnam par grol ba'i lam las sbyangs pa'i yon tan bstan pa zhes bya'o/ rgya gar skad du/ bi muk+ti mArge d+hu ta gu Na ni rde sha na ma/ bod skad du/ rnam par grol ba'i lam las sbyangs pa'i yon tan bstan pa zhes bya ba/ 'phags pa 'jam dpal gzhon nur gyur pa la
 phyag 'tshal lo/ /de nas de ltar tshul khrims rnam par dag pa'i rnal 'byor ba spyod pa sgrub par 'dod pa/ yon tan don du gnyer bas sbyangs pa'i yon tan yang dag par blangs te/ 'jug par bya'o/ /rnal 'byor spyod pa sbyangs pa'i yon
 tan yang dag par blangs pa ni rnam grangs du mas yangs su rtogs pa'i rang bzhin can de 'di snyam du gang dag byis pa blun po mi gsal ba/ mi mkhas pa de yang dngos po 'di dag shes na 'dod chags kyi sems mi bskyed na/ shes
 rab dang ldan pa rang bzhin can lta smros kyang ci dgos snyam du sems so zhes ji skad gang ngas bshad pa lta bu'o/ /don rnam par nges pa'i mdo las kyang 'byung ste/ dge slong dag 'di la dge slong dag dgon pa na 'dug
 kyang rung/ shing drung na 'dug kyang rung/ khang stong na 'dug kyang rung ste/ lus 'di nyid la 'og gi rkang mthil yan chad skra dang/ klad pa la thug gi bar du mi gtsang ba rnam pa sna tshogs kyis gang bar yang dag pa ji lta ba bzhin du so sor
 rtog ste/ lus 'di la yod pa skra dang/ spu dang/ sen mo dang/ so dang/ rdul dang/ dri ma dang/ pags pa dang/ sha dang/ rus pa dang/ rgyus pa dang/ rtsa dang/ mkhal ma dang/ snying dang/ glo ba dang/ mchin pa dang/ pho ba dang/ long kha dang/ rgyu ma dang/
 gnye ma dang/ lgang ba dang/ sul mang dang/ mtsher ba dang/ phyis dang/ mchil ma dang/ rdul dang/ ngar rnabs dang/ mchi ma dang/ zhag dang/ chu ser dang/ rkang dang/ tshil dang/ rnag dang/ bad kan dang/ mkhris pa dang/ khrag dang/ glad pa dang/ klad
 rgyas dang/ gcin dang/ mig rdul ngas rna spabs dang/ sen mo'i dri ma dang/ lce'i dri ma dag yod de/ mi gtsang ba rnam pa sna tshogs kyi gang bar yang dag pa ji lta ba bzhin du so so rtog go /dge slong dag 'di lta ste dper na 'bras sA lu dang/
 'bru dang/ nas dang/ gro dang/ mo sran gre'u dang/ mo sran sde'u dang/ rgya sran dang/ 'bras ni spang ba dang/ sran rgung dang/ mon sran ne'u dang/ yungs kar dang/ 'bru rnam pa sna tshogs kyis gang ba'i rdzang ba zhig khe phye ba de la mig dang
 ldan pa'i mi zhig gis blug nas so sor rtog ste/ so sor brtags na 'di dag ni 'bras sa lu'o/ /'di dag ni 'bru'o/ /'di dag ni nas so/ /'di dag ni gro'o/ /'di dag ni mo sran gre'u'o/ /'di dag ni mon sran sde'u'o/ /'di dag ni rgya sran no//
 'di dag ni 'bras ni spa ba'o/ /'di dag ni sran chung so/ /'di dag ni mon sran ne'u'o/ /'di dag ni til lo/ /'di dag ni 'bras drus pa'o/ /'di dag ni yungs kar ro zhes bya bar shes so/ /dge slong dag de bzhin du dgon pa na 'dug kyang rung/ shing drung na
 'drug kyang rung/ khang stong na 'dug kyang rung ste/ lus 'di nyid la 'og gi rkang mthil yan chad na skra dang/ klad pa la thug gi bar du mi gtsang pa rnam pa sna tshogs kyis gang bar yang dag pa'i lta ba bzhin du so sor rtog ces gsungs so/ /dpal
 byin gyis zhus pa'i mdo las kyang/ 'di la byang chub sems dpa' lus 'di thog ma'i dang tha ma'i rgyu la so sor brtag par bya'o/ /pha ma'i khu chu dang khrag 'dus pa las byung ste/ lus 'di la khu chu dang/ khrag ni lus kyi thog ma'i rgyu yin no/ /tha ma'i rgyu
 ni zas 'du ba la sogs pa ste/ kham gyis bza' ba zos ma thag tu bad kan gyi gnas su 'gro'o/ /bad kan gyi gnas su phyin nas/ bad kan gyis rkyang rkyang por byas te/ shin tu mi gtsang bar 'gyur ro/ /de'i 'og tu mkhris pa'i gnas su 'gro ste/ mkhris
 pa'i gnas su phyin nas zhu zhing skyur por gyur to/ /rlung gi gnas su 'gro'o/ /zhu ste rlung gi gnas su phyin nas rlung gis tshigs ma logs shig /dangs ma logs shig tu rnam par byed de tshigs ma las ni gcin dang/ ngan skyugs la sogs te/ dri
 ma rnams 'byung/ dangs ma las ni khrag tu 'gyur te/ khrag las sha'o/ /sha las tshil lo/ /tshil las rus pa'o/ /rus las rkang ngo/ /rkang las khu chu'o/ /khu chu las 'di lta ste/ de ltar thog ma dang tha ma'i rgyu mi gtsang pa'i phyir lus mi gtsang
 bar byang chub sems dpas bsam par bya'o zhes gsungs so/ /yang de nyid las 'byung ba 'di ltar mi gtsang ba'i phung po'i lus la ni/ gzugs mngon nga rgyal can gang gus byed pa/ byis pa'i blo can de ni sngon bzhin du/ /mi shes ngan skyugs
 bum pa thogs shing 'gro /de'i sna nas rnag gi rnam par 'dzag /kha nas dri mi zhim pa rtag tu 'byung/ mig rdul chags shing skye bo'i srin bu can/ de la su zhig chags shing gus par byed/ dper na byis pa sol
 ba thogs nas su/ /'dir ni dkar po bya zhes bdar kyang ni/ /dkar po'i dngos por mi 'gyur zad par 'gyur/ /byis blo phyin ci log gi nga rgyal can/ /de ltar mi gtsang gtsang sbra'i blo gros can/ /nga yang lus 'di gtsang bar bya zhes
 te/ bskus phyis 'bab stegs brgyar ni khrus byas kyang/ /'chi bdag dbang gis zad 'gyur gtsang mi 'gyur zhes gsungs so/ /'phags pa dri ma med par grags pas bstan pa las kyang/ de nas li tsa ba'i dri ma med par
 grags pa tshad med pa'i thabs la mkhas pa'i ye shes dang ldan te/ yangs pa'i grong khyer chen po na gnas shing 'dug go /de thabs la mkhas pas bdag nyid na ba lta bur gyur nas/ de la nad dri ba'i phyir yangs pa'i grong khyer
 chen po nas/ rgyal po dang blon po chen po dang/ gzhon nu dang/ 'khor dang/ bram ze dang/ khyim bdag dang/ tshong dpon dang/ grong pa dang/ yul gyi mi dang/ de ma yin pa'i srog chags stong phrag mang po nad 'drir 'ong ste/ de lhags
 pa de dag la li tsa ba'i dri ma med par grags pas 'byung ba chen po bzhi'i las 'di nyid lus brtsams nas chos ston te/ grogs po rnams lus 'di ni 'di ltar mi rtag pa/ 'di ltar mi brtan pa/ 'di ltar yid brtan du mi rung
 ba/ 'di ltar nyams chung ba/ 'di ltar snying po med pa/ 'di ltar yun thung ba/ 'di ltar sdug bsngal ba 'di ltar nad mang ba/ 'di ltar 'gyur ba'i chos can no/ /grogs po dag 'di ltar lus 'di ni nad mang po'i snod de/ mkhas pas
 de la gnas par mi bya'o/ /grogs po dag lus 'di ni cang mi gzod pa ste/ dbu ba rdos pa lta bu'o/ /lus 'di ni ring du mi gnas pa ste/ chu'i chu bur lta bu'o/ /lus 'di ni nyon mongs pa'i sred pas/ byung ba ste smig rgyu lta bu'o/ /lus 'di ni snying po
 med pa ste chu shing gi phung po lta bu'o/ /kye mi lus 'di ni rus pa la rgyus pas 'brel pa ste 'khrul 'khor lta bu'o/ /lus 'di ni phyin ci log las byung ba ste/ sgyu ma lta bu'o/ /lus 'di ni yang dag pa ma yin pa mthong ba ste/ rmi lam lta bu'o/
 lus 'di ni sngon gyi las kyi gzugs brnyan snang ba ste/ gzugs brnyan lta bu'o/ /lus 'di ni rkyen la rag las pa'i phyir brag ca lta bu'o/ /lus 'di ni sems 'khrug cing 'gyes pa'i mtshan ma ste sprin lta bu'o/ /lus 'di ni skad cig du 'jig
 pa dang ldan zhing mi gnas pa ste/ glog dang mtshungs pa'o/ /lus 'di ni rkyen sna tshogs las byung ba ste/ bdag po med pa'o/ /lus 'di ni sa dang 'dra ste/ byed pa med pa'o/ /lus 'di ni chu dang 'dra ste/ bdag med pa'o/ /lus 'di ni me dang 'dra
 ste srog med pa'o/ /lus 'di ni rlung dang 'dra ste gang zag med pa'o/ /lus 'di ni nam mkha' dang 'dra ste rang bzhin med pa'o/ /lus 'di ni 'byung ba chen po rnams kyi gnas te/ yang dag pa ma yin pa'o/ /lus 'di ni bdag dang bdag gi med pa
 ste/ stong pa'o/ /lus 'di ni rtswa dang/ shing dang/ rtsig pa dang/ bong ba dang/ mig yor lta bu ste bems pa'o/ /lus 'di ni rlung gi 'khrul 'khor dang ldan pa 'byung ste tshor ba med pa'o/ /lus 'di ni rnag dang mi gtsang ba bsags pa ste gsog
 ???
 ni 'chi ba'i mthar thug pa ste/ mthar mi gnas pa'o/ /lus 'di ni phung po dang khams dang skye mched kyis yongs su zin pa ste/ shed ma dang dug drag po dang/ grong stong lta bu'o/ /khyed kyis de lta bu'i lus de la
 sun pa dang/ skyo ba bskyed cing de bzhin gshegs pa'i sku la mos pa bskyed par bya'o/ /grogs po rnams te de bzhin gshegs pa'i sku ni chos kyi sku ste/ bsod nams las skyes pa'o/ /de bzhin gshegs pa'i sku ni sbyin pa las
 skyes pa/ tshul khrims las skyes pa/ ting nge 'dzin las skyes pa/ shes rab las skyes pa/ rnam par grol ba las skyes pa/ rnam par grol ba'i ye shes mthong ba las skyes pa/ byams pa dang/ snying rje dang/ dga' ba dang/
 btang snyoms las skyes pa/ sbyin pa dang/ dul ba dang/ yang dag par sdom pa las skyes pa/ dge ba bcu las kyi lam las skyes pa/ bzod pa dang nges pa las skyes pa/ brtson 'grus brten pa'i dge ba'i rtsa ba las skyes pa/
 bsam gtan dang/ rnam par thar pa dang/ ting nge 'dzin dang/ snyoms par 'jug pa las skyes pa/ thos pa dang/ shes rab dang/ thabs las skyes pa/ byang chub kyi phyogs kyi chos sum cu rtsa bdun las skyes pa/ zhi gnas dang/
 lhags mthong las skyes pa/ stobs bcu las skyes pa/ mi 'jigs pa bzhi las skyes pa/ sangs rgyas kyi chos ma 'dres pa bco brgyad las skyes pa/ pha rol tu phyin pa thams cad las skyes pa/ mngon par shes pa dang/
 rigs pa las skyes pa/ mi dge ba'i chos thams cad spong ba las skyes pa/ dge ba'i chos thams cad yang dag pa bsdus pa/ bden pa las skyes pa/ yang dag pa nyid las skyes pa/ bag yod pa las skyes pa'o/ /grogs po
 dag de bzhin gshegs pa'i sku ni dge ba'i las tshad med pa las skyes pa ste/ khyod kyi de lta bur sku la mos pa bskyed par bya'o/ /zhes gsungs so/ /dbang phyug gi gnas rnyed na yang sus kyang log par sgrub par mi bya ste/ yang dag par sgrub
 pa la nan tan du bya'o/ /de la yang dag par sgrub pa ni bden pa'i le'u las 'byung ba/ skye dgu brkyangs pa la brtson pa'i chos kyi rgyal pos 'du shes la gnas pa brgyad kyis mang du gnas par bya'o/ /brgyad gang zhe na/ skye dgu'i rigs
 su gtogs pa'i sems can rnams la bu'i 'du shes dang/ mi srun pa rnams la nad pa'i 'du shes dang/ sdug bsngal ba rnams la snying rje'i 'du shes dang/ bde ba rnams la dga' ba'i 'du shes dang/ mdza' i ba rnams la de'i gzhi la
 nyes par lta ba'i 'du shes dang/ mdza' ba rnams la rjes su bsrung ba'i 'du shes dang/ longs spyod rnams la sman gyi 'du shes dang/ bdag la bdag med pa'i 'du shes so/ /rgyal po chen po de la skye dgu'i rigs su gtogs pa'i sems
 can rnams la bu'i 'du shes kyis gnas pa ni rgyal po de phas bu bcos pa ltar ma srun pa tshar gcod pa la 'dug kyang snying rje'i bsam pa mi gtong ba'o/ /mi srun pa rnams la nad pa'i 'du shes kyis gnas pa ni sman pa ltar gnod pa
 byed pa la mi khro zhing/ skyon rab tu bsal ba'i phyir sbyor ba'o/ /sdug bsngal ba rnams la snying rje'i 'du shes kyi gnas pa ni gnod pa thams cad yongs su spong zhing phan pa sgrub pa'i phyir 'jug pa'o/ /bde ba rnams la dga' ba'i 'du shes
 kyi gnas pa ni gzhan gyi nor dang yo byad la brnab sems dang/ phrag dog gi sems mi bskyed pa'o/ /mi mdza' ba rnams la de'i gzhi la nyes par lta ba'i 'du shes kyis gnas pa ni gzhi yongs su spong ba ste/ des skye bo gzhan lta ci smos
 kyi dgra rnams dang yang mdza' bar byed do/ /mdza' ba rnams la rjes su bsrung ba'i 'du shes kyis gnas pa ni mdza' ba brtan pa dang thams cad dang mdza' ba'o/ /longs spyod rnams la sman gyi 'du shes kyis gnas
 pa ni 'dod pa la log par g.yem pa la yongs su mi spyod cing longs spyod rnams la ma chags par yongs su spyod pa'o/ /bdag la bdag med pa'i 'du shes kyis gnas pa ni chos don du gnyer zhing dge sbyong dang bram ze rnams kyi drung
 du song ste/ rjes su mthun pa'i chos sgrub pa la 'jug pa ste/ rgyal po chen po 'du shes la gnas pa brgyad po de dag gis gnas pa'i chos dang ldan pa'i rgyal po ni skyes phul ba tsam gyis kyang longs spyod rnams shin tu mang du 'phel
 bar 'gyur gyi chos dang mi ldan pa ni g.yo'i sbyor ba dang/ 'dun pa rnam pa thams cad kyis bsgrubs kyang de ltar 'phel bar mi 'gyur ro zhes gsungs so/ /yid gnyis legs par 'joms pa'i mdo las kyang chos bzhi dang ldan na rgyal
 po rgyal rigs spyi bo nas dbang bskur ba log par mi ltung ba'i chos can du 'gyur te/ de bzhin gshegs pa dgra bcom pa yang dag par rdzogs pa'i sangs rgyas myur du mnyes par byed cing/ longs spyod chen po phun sum tshogs pa
 yang yongs su 'dzin to/ /bzhi gang zhe na 'di lta ste de bzhin gshegs pa'i bstan pa bsrung ba'i phyir gnas pa yin/ sdig pa mi dge ba'i chos la smod pa dang/ stong pa nyid dang/ mtshan ma med pa dang/ smon pa med pa'i chos yongs
 su 'dzin pa dang/ bla na med pa yang dag par rdzogs pa'i byang chub tu sems bskyed pa'o zhes gsungs so/ /mi dge ba yongs su spang bar bya ba gang zhe na/ nyi ma'i snying po'i le'u las 'byung ba ma 'ongs pa'i dus na rgyal rigs dang/
 bram ze'i rigs dang/ rje'u rigs dang/ dmangs rigs dang/ chos kyis gnas pa'i dge slong rnams la byin pa'i khyim gyi gzhi dang/ zhing gi gzhi dang/ kun dga' ra ba'i gzhi dang/ skyed mos tsham dang/ bran mo dang/ bran pho dang/ las byed pa
 dang/ mal cha dang/ stan dang/ na pa'i gsos sman dang/ yo byad rnams rkang 'gros kyis bar du byin pa la rku ba dang ril gyis 'phrog pa dag 'byung bar 'gyur te/ rgyal rigs nas dmangs rigs kyi bar du de dag tshe 'di la mi 'dod cha'i chos
 nyi shu dang myur du ldan par 'gyur ro/ /nyi shu gang zhe na/ lha 'phang par 'gyur ba dang/ phyogs dang phyogs mtshams su de'i mi snyan pa grags par 'gyur ba dang/ de'i mdza' ba dang/ nye du dang/ snag gi gnyen mtshams kyi bor bar
 'gyur ba dang/ de la dgra mang bar 'gyur ba dang/ nor dang 'bru yo byad 'grib par 'gyur pa dang/ g.yeng ba mang bar 'gyur ba dang yan lag ma tshang bar 'gyur ba dang/ de gnyid med par 'gyur ba dang/ de rtag tu skom pas nyen par 'gyur
 ba dang/ de la btung ba yang dug tu 'gyur ba dang/ mdza' ba yid du 'thad pa dang yang myur du 'bral bar 'gyur ba dang/ rtag tu gzhan dang 'thab par 'gyur ba dang/ pha ma dang/ chung ma dang/ bu pho dang/ bu mo dang/ bran mo dang/ bran pho dang/
 bran dag bsgo ba'i rjes su mthun par mi byed par 'gyur ba dang/ de'i tshig gsang ba dang/ nor gsang ba dang/ btsun mo'i 'khor gsang ba dang/ de gsang ba'i dngos po thams cad snang zhing mngon par 'gyur ba dang/ bgo skal la
 spyod pa mi sdug pa dag gi longs spyod rnams chud gson par 'gyur ba dang/ myur du nad drag pos btab par 'gyur ba dang/ sman dang nad g.yog med cing sha dang khrag skams pa sdug bsngal myong bar 'gyur ba dang/ bdag gi
 gcin gyis kyang reg ste 'chi ba'i dus byed par 'gyur te/ rgyal po chen po mi 'dod pa'i chos nyi shu po 'di dag dang myur du phrad par 'gyur ro/ /gang chos kyis gnas pa'i dge slong rnams la sbyin pa longs spyod dang/ yongs
 su spyod pa dang nor dang yo byad phrogs sam/ bdag spyod dam/ gzhan spyod du 'jug na/ de 'chi ba'i dus byas nas mnar med pa'i sems can dmyal ba chen por skye ste/ des na tsho bskal pa'i bar du zangs bzhu ba'i khu ba 'thung zhing/ lcags
 kyi thu lum za la/ me'i gos gyon cing shin tu mi bzad pa'i sdug bsngal sna tshogs myong bar 'gyur ro/ /bskal bar 'dug pa'i tshe zang nas mya ngan dgon chu med pa nas lam gol ba'i yi dwags dang skal ba mnyam par skyes na yang rkang
 pa dang/ lag pa dang/ mig med par skye'o/ /de ni phyogs bzhi'i rlung tsha bas sreg cing spu gri 'dra ba'i sog las 'dra ste/ lo brgya stong du ma'i bar du de na 'di 'dra bar sdug bsngal myong bar 'gyur ro/ /de rgya la ci ste de nas shi 'phos na yang rgya
 mtsho chen por sha sna khu'i lus dpag tshad brgya bar skye ste/ de'i sngon gyi las kyi rgyus dpag chad brgya khor khor yug du chu zangs bzhu ba'i khu ba 'dra ba 'byung nas/ des chu'i nang du lo brgya stong du ma'i bar du sems can dmyal ba'i
 gnod pa myong bar 'gyur ro/ /de nas shi 'phos nas kyang mya ngan dgon par brdzus te skyes nas/ shi sna khug chen po ri tsam du 'gyur te/ de phyogs gzhan nas rlung shin tu tsha bas sreg cing der phyogs bzhi nas gcan gzan dang bya
 kun lhags te za'o/ /de brgya la ci ste yun ring mo zhig na/ de nas shi 'phos nas kyang sems can dmyal ba chen por skye'o/ /de nas shi 'phos nas kyang rnam pa 'di lta bu'i sdug bsngal chen po myong bar 'gyur ro/ /yongs su brtag pa
 bzung ste/ de brgya la ci ste mi rnams dang skal pa mnyam par skyes na yang/ sangs rgyas med pa'i sangs rgyas kyi zhing snyigs ma lnga can du skye shing mig med la mi sdug par 'gyur te/ rgyal po chen po chos kyis gnas pa'i dge slong rnams kyi
 longs spyod pa dang/ yongs su spong ba dang/ nor dang yo byad phrogs na de lta bur sdug bsngal bar 'gyur ro zhes gsungs so/ /nam mkha' i snying po'i le'u las kyang/ rigs kyi bu rgyal po rgyal rigs spyi bo nas dbang bskur ba'i rtsa ba'i ltung ba
 lnga ste/ ltung ba'i rtsa ba de dag gis rgyal rigs spyi bo nas dbang bskur ba dge ba'i rtsa ba sngon bskyed pa thams cad chud gsan te/ pham zhing lha dang mi'i bde ba'i gnas thams cad nas lhung nas ngan song du 'gro bar 'gyur ro/ /lnga gang zhe na/
 rigs kyi bu rgyal rigs spyi bo nas dbang bskur ba mchod rten gyi rdzas phrogs sam/ dge 'dun gyi dang phyogs bzhi'i dge 'dun la phul ba 'phrog tu 'jug pa 'di ni ltung ba'i rtsa ba dang po'o/ /gang yang chos spong zhing 'gog tu 'jug ste/
 nyan thos nges par 'byung ba bshad pa 'am/ theg pa chen po nges par 'byung ba bra shad pa spong zhing 'gog tu 'jug pa 'di ni rtsa ba'i ltung ba gnyis pa'o/ /gang yang ba'i phyir rab tu byung ste/ skra dang kha spu bregs nas gos dur smrig gyon pa
 bslab pa bzung yang rung bslab pa ma bzung yang rung/ /tshul khrims 'chal ba yang rung/ tshul khrims ldan pa yang rung/ de'i ges ngur smrig phrogs sam/ khyim na gnas par byed du 'jug gam/ lus kyi chad pa bzhi rdeg byed dam/ chad
 bas gcod du 'jug gam/ btson rar 'jug gam/ srog dang bral bar byed du 'jug pa 'di ni ltung ba'i rtsa ba gsum pa'o/ /rgyal rigs gang yang ched du bsams te mi'i srog gcod pa dang/ pha dang bcom ldan 'das kyis nyan thos
 dgra bcom pa'i srog gcod pa dang/ dge 'dun 'dum pa 'byed pa dang/ ched du bsams te yang dag par rdzogs pa'i sangs rgyas la ngan sems kyi khrag 'byin pa dang/ mtshams med pa'i las lnga po 'di dag las
 gang yang rung ba'i las byed pa ni rtsa ba'i ltung ba bzhi ba'o/ /rgyal rigs gang yang rgyu med par smra bar 'gyur la/ 'jig rten pha rol la g.yel te/ mi dge ba bcu'i las kyi lam yang dag par bzung nas gnas/ sems can gzhan mang
 bo dag kyang/ mi dge ba bcu'i las kyi lam yang dag par 'dzin tu 'jug ste/ 'dul zhing 'dzud la 'god pa de ni ltung ba'i rtsa ba lnga pa'o/ /yang blon po'i rtsa ba'i ltung ba lnga ste/ lnga gang zhe na/ blon po gang mchod rten gyi rdzas sam/ dge 'dun
 gyi dang/ phyogs bzhi'i dge 'dun gyi rdzas 'phrog pa 'di ni rtsa ba'i ltung ba dang po'o/ /gang yang grong 'joms pa dang/ ljongs 'joms pa dang/ grong khyer 'joms pa dang/ yul 'khor 'joms par byed pa ni ltung ba'i rtsa ba gnyis
 pa'o/ /yang blon po gang chos spong te/ nyan thos nges par 'byung ba 'dod pa chung ba nyid dang/ chog shes pa nyid dang/ yo byad bsnyungs pa rgyas pa dang/ brtson 'grus rtsom pa dang/ dgang sla ba nyid dang/ reg par gnas pa nyid dang/
 yongs su zhen pa rab tu gcod par 'gyur zhing/ 'di ni tshul khrims legs par bsrung ba dang/ ting nge 'dzin gyi tshogs dang/ 'phags pa rigs snang bar yang 'gyur la/ yon tan gyi mchog dag la yang snang bar 'gyur ro/ /de la spyod
 pa'i yon tan bcu gsum la gos dang ldan pa gnyis te/ phyag dar khrod pa nyid dang/ chos gos gsum pa nyid do/ /zas dang ldan pa lnga ste/ bsod snyoms pa nyid dang/ mthar chags su rgyu ba nyid dang/ bstan gcig pa nyid dang/
 zas chog pa nyid dang/ zas phyis mi len pa nyid do/ /gnas mal dang ldan pa la lnga ste/ dgon pa pa nyid dang/ shing drung pa nyid dang/ bla gab med pa nyid dang/ dur khrod ba nyid dang/ gzhi ji bzhin pa nyid do/ /brtson 'grus dang ldan
 pa gcig te/ tsog pu pa nyid do/ /de la phyag dar khrod pa'i yan lag gi ngo bo nyid ni phyag dar khrod pa nyid do/ /lhag ma rnams kyi tshig gi don yang de bzhin du brjod par bya'o/ /de la phyag dar khrod pa nyid ni khyim bdag gi gos
 spong ba yin no/ /chos gos gsum pa nyid ni gos bzhi pa spong ba yin no/ /bsod snyoms pa nyid ni mgron du 'gro ba spong ba yin no/ /mthar chags su rgyu ba nyid ni brnyogs par rgyu ba spong ba yin no/ /stan gcig pa
 nyid ni lan gnyis su 'dug pa spong ba yin no/ /zas chog pa nyid ni zas mang po spong ba yin no/ /zas phyis mi len pa nyid ni zas lhag pa spong ba yin no/ /dgon pa pa nyid ni grong mdza' bar gnas pa spong ba yin no/ /shing drung pa nyid ni
 g.yogs par gnas pa spong ba yin no/ /bla gab med pa nyid ni g.yogs pa dang/ shing drung du gnas pa spong ba yin no/ /dur khrod pa nyid ni gzhan du gnas pa spong ba yin no/ /gzhi ji bzhin pa nyid ni bskams chags kyi gnas mal spong?
 ba yin no/ /tsog pu pa nyid ni nyal ba spong ba yin no/ /de la phyag dar khrod pa nyid ji ltar yang dag par len zhen/ khyim bdag gi gis tshol ba dang/ yongs su 'dzin pa dang/ gzhan la gsol ba byed pa'i nyes dmigs kyang mthong/ phyag dar
 khrod pa nyid kyi yon tan kyang mthong nas gos nar ma la gnas pa 'di skad du/ de slan chad khyim bdag gis spong te/ phyag dar khrod pa nyid ni yang dag par len to zhes yang dag par len to/ /de la phyag dar khrod pa nyid kyi yon tan ni 'di
 dag yin te/ gnas dam bcas pa nyid dang mthun pa nyid dang/ gzhan la rag ma las pa nyid dang/ ma rung ba mi byed pa nyid dang/ yongs su spyod pa na lhag par ma chags pa nyid dang/ bskam chags med pa nyid dang/
 chom rkun gyis mi 'phrogs pa nyid dang/ dus ma lags pa nyid dang/ 'phags pa chung ba nyid dang/ yo byad bsnyungs pa'i tshul can dang/ skyes bu dam pa'i spyod pa nyid dang/ dang bar byed pa'i yon tan dang ldan pa nyid dang/ skyes bu phyi mas
 mthong nas rjes su 'jug pa nyid dang/ yang dag pa'i sgrub pa snang ba nyid dang rgyal bas bsngags pa ste/ de lta bu la sogs pa ni phyag dar khrod pa nyid kyi yon tan dag yin no/ /phyag dar khrod pa nyid ni rnam pa du zhig/ phyag dar khrod pa
 ni gang zhig yin/ gang gis ni phyag dar khrod pa nyid 'jig ce na/ phyag dar khrod pa ni rnam pa gnyis te/ bdag po med pa dang/ rang bzhin gyis mi rnams kyis bslad par grags pa'o/ /de la dur khrod dam/ phyag dar gyi phung po 'am
 tshong dus sam/ lam po che nas dam du ma dag btus nas snam sbyar byas te 'chang ba 'di ni bdag po med pa'i phyag dar khrod pa yin no/ /kha tshar bcad pa dang/ phun tshar bcad pa dang/ ba lang gis zos pa dang/ byi bas zos
 pa dang/ mes tshig pa dang/ ya btags dang/ ro bag gi gos dang/ mu stegs can gyi mtshan ma 'di dag ni rang bzhin gyis mi rnams kyi smad par grags pa'i phyag dar khrod pa yin no/ /phyag dar khrod pa ni khyim bdag gi gos
 spong ba yin no/ /khyim bdag gi gos blangs pas ni phyag dar khrod pa nyid 'jig go/ chos gos gsum pa nyid ji ltar yang dag par len zhes na/ chos gos lhag pa tshol ba dang/ spong ba dang/ rung bar bya ba dang/ 'bags pa'i nyes
 dmigs kyang mthong/ chos gos gsum pa nyid kyi yon tan kyang mthong nas/ 'di skad du des slan chad gos bzhi pa spong ste/ chos gos gsum pa nyid yang dag par len to/ /zhes yang dag par len to/ /de la chos gos gsum pa nyid kyi yon tan
 ni 'di dag yin te/ 'gor yang ba'i tshul can nyid dang/ gsog 'jog yongs su spangs pa nyid dang/ khur chung ba nyid dang/ lus 'tsho ba tsam gyis chog shes pa nyid dang/ bya bzhin du gang dga' bar 'gro ba nyid dang/ skyes bu dam pa'i spyod pa dang
 yo byad bsnyungs pa'i tshul can te/ de lta bu la sogs pa ni chos gos gsum pa nyid kyi yon tan dag yin no/ /chos gos gsum pa nyid ni ci zhig yin chos gos gsum pa nyid ni gang zhig gang gis ni chos gos gsum pa nyid 'jig ce na/
 snam sbyar dang bla gos dang mthong gos te/ 'di dag ni chos gos gsum pa dag yin te/ chos gos gsum ni gos bzhi pa spong pa yin no/ /gos bzhi pa 'chang bas ni chos gos gsum pa nyid 'jig go /bsod snyoms pa nyid ji ltar yang dag par
 len ce na/ mgron du song nas rang gi las nyams pa dang/ gzhan gyi dbang du gyur pa dang/ mi mthun pa dang/ phrad pa dang/ 'dug na nyam nga ba'i nyes dmigs kyang mthong/ /bsod snyoms pa nyid kyi yon tan dag kyang mthong nas 'di skad dong? slan
 chad mgron du 'gro ba spong ste/ bsod snyoms pa nyid yang dag par lon to zhes yang dag pa len to/ /de la bsod snyoms pa nyid kyi yon tan ni 'di dag yin te/ gnas bcas pa dang mthun pa nyid dang/ rang dbang yod pa nyid dang/ gzhan gyi
 gse ba nyid dang/ le lo med pa nyid dang/ nga rgyal bcom pa nyid dang/ sems can la phan 'dogs pas zhugs pa nyid dang/ ro'i sred pa las ldog pa nyid dang/ phyogs rnams su thogs pa med pa nyid dang/ skyes bu dam pa'i spyod pa nyid dang/
 yo byad bsnyungs pa'i tshul can te/ de lta bu la sogs pa ni bsod snyoms pa nyid kyi yon tan dag yin no/ /mgron yan lag du ba yin/ bsod snyoms pa gang yin/ gang gis ni bsod snyoms pa 'di 'jig ce na mgron ni yan
 lag gsum pa ste/ zas rnam pa lnga gang za yang rung ba zhig la de ring ngam sang ngam nam dga' ba la mgron du bos pas ni mgron yin no/ /bsod snyoms pa ni mgron du 'gro ba spong ba yin no/ /mgron khas len pas ni bsod snyoms pa nyid
 'jig go /mthar chags su rgyu ba nyid ji ltar yang dag par len ce na/ nar mar ster ba la gang dang gang du mang po dang gya nom pa nar ma rnyed pa de dang de kho nar 'gro na zan nar ma dang 'dra bas yo byad bsnyungs pa ma yin pa'i nyes dmigs kyang mthong
 mthar chags su rgyu ba nyid kyi yon tan dag kyang mthong nas 'di skad du deng slan chad na mar ster ba spong ba ste/ mthar chags su rgyu ba nyid yang dag par len to/ /zhes yang dag par len te de mthar chags su rgyu ba'i yon tan ni 'di dag yin te/
 bsod snyoms pa nyid dang/ sems can snying brtse ba nyid dang/ khyim la ser sna spong ba nyid dang/ khyim du 'gro ba'i nyes dmigs med pa dag 'bod pa la mngon par mi dga' ba nyid dang/ zas bzang po mi 'dam pa nyid dang/ mi'i 'dzin pas
 yongs su grol ba dang/ lhan cig spyod pa rnam par spang ba nyid dang/ yo byad bsnyungs pa'i tshul can te/ de lta bu la sogs pa ni mthar chags su rgyu ba nyid kyi yon tan dag yin no/ /mthar chags su rgyu ba ni gang zhig yin/ brnyogs par rgyu ba ni
 gang gis spong/ gang gis ni mthar chags su rgyu ba nyid 'jig ce na/ mthar gyis rgyu ba ni bsod snyoms spyod pa na khyim dang po nas bzung ste/ khyim mthar chags su rgyu ba yin no/ /mthar chags rgyu ba ni brnyogs par rgyu ba spong ba yin no/ /
 brnyogs par rgyu bas ni mthar chags su rgyu ba nyid 'jig go /stan gcig pa nyid ji ltar yang dag par len ce na/ lan gnyis su 'dug ste zan yang dang yang du 'dug nas byin len bya ba dang/ yongs su longs spyod pa'i bza' bas yo byad bsnyungs
 pa ma yin pa'i nyes dmigs kyang mthong nas kyang 'di skad du deng slan chad lan gnyis su 'dug ste/ stan gcig pa nyid yang dag par len te de la stan gcig pa nyid kyi yon tan 'di dag yin te/ zos pa 'ju ba nyid dang/ brkam chags med pa
 nyid dang/ zas lhag par mi za ba nyid dang/ 'dod pa chung ba nyid dang/ zo mdog bde ba nyid dang/ rang gi las mi nyams pa nyid dang/ reg par gnas pa nyid dang/ skyes bu dam pa'i spyod pa nyid dang/ yo byad bsnyungs pa'i tshul can te/ de lta bu la
 sogs pa ni stan gcig pa nyid kyi yon tan dag yin no/ stan gcig pa ni du zhig/ stan gcig pa ni gang zhig yin/ zas kyi mdza' ni gang yin/ gang gis ni stan gcig pa 'jig ce na/ stan gcig pa gsum ste stan gyi mdza' ba dang/ chu'i
 mdza' ba dang/ zas kyi mdza' pa'o/ /de la stan gyi mdza' ba zhes bya ba ni mos nas stan las langs te yang mi za ba yin no/ /rgyu'i? mdza' pa zhes bya ba ni zas nas stan la 'dug kyang lhung bzed du chu blangs nas yang mi za ba yin no/ /zas kyi
 mdza' pa zhes bya ba ni za ba na kham gyi tha ma med nas yang mi za ba yin no/ /stan gcig pa ni lan gnyis su 'dug ste/ za ba spang ba yin no/ /zas kyi mdza' ni chu dang sman ma gtogs pa med par bya ba gang cung zad ci yang rung ba yin no/ /lan
 gnyis su 'dug ste za bas stan gcig pa nyid 'jig go /zas cheg? ba ji ltar yang dag par len ce na/ zas mang du zas na lus lci bar byed pa dang/ phul sgye ba dang/ 'dod chen che ba nyid dang/ yo byad bsnyungs pa ma yin pa'i nyes dmigs 
 kyang mthong/ zas chog pa pa nyid kyi yon tan dag kyang mthong nas 'di skad du deng slan chad zas mang po spong ste/ zas chog pa pa nyid yang dag par len to zhes yang dag par len to/ /de la zas chog pa pa nyid kyi yon tan
 ni 'di dag yin te/ phul mi skye ba nyid dang/ zas kyi tshod zas kyi tshod zin pa nyid dang/ zas mang du za ba'i gnad shes ba nyid dang/ lus kyi gnas ngan bslab pa dang/ de la chags pa spong ba dang/ gnod pa chung ba shes pa dang/ kun nas ldang
 ba yang dag par spong ba dang/ skyes bu dam pa'i spyod pa nyid dang/ yo byad bsnyungs pa'i tshul can te/ de lta bu la sogs pa ni zas chog pa pa'i yon tan dag yin no/ /zas kyi tshad ni ji ltar 'dzin/ zas chog pa pa ni gang yin/ gang gis ni
 zas chog pa pa 'jig ce na/ 'bras bre'u chung gang gis 'bras chang lhung bzed du blangs nas chog pa'i mtshan ma la nye bar rtog cing/ de'i 'og tu mi blang ba'i mtshan ma la mkhas pa yin te/ goms pa na lto'i chad kyang shes par 'gyur
 ro/ /zas chog pa pa ni zas mang po spong pa yin no/ /zas tshad las lhag pas ni zas chog pa pa nyid 'jig go /zas phyis mi len pa nyid ji ltar yang dag par len ce na zas lhag par zos na phul skye ba dang/ gzhan la rag las pa nyid dang/
 yo byad bsnyungs pa ma yin pa'i nyes dmigs kyang mthong/ zas phyis mi len pa nyid kyi yon tan dag kyang mthong nas 'di skad du dang slan chad zas lhags pa spong te/ zas phyis mi len pa nyid yang dag par len to zhes yang dag
 par len to/ /de la zas phyis ma len pa nyid kyi yon tan ni 'di dag yin te/ rab rab tu chad pa dang/ dgang sla ba dang/ gzhan la rag ma las pa nyid dang/ gsag 'jog yongs su spong ba dang/ ya mi tshal ba nyid dang/ brkam chags
 med pa nyid dang/ phul mi skye ba dang/ skyes bu dam pa'i spyod pa nyid dang/ yo byad bsnyungs pa'i tshul can te/ de lta bu la sogs pa ni zas phyis mi len pa'i yon tan dag yin no/ /zas phyis mi len pa ni du zhig/ zas phyis mi len pa ni gang
 zhig yin/ gang gis ni zas phyis mi len pa nyid 'jig ce na/ zas phyis ma blang ba ni gnyis te/ lhag pa'i mdza' ba nyid dang/ bzung ba'i mdza' ba'o/ /de la lhag pa'i mdza' pa zhes bya ba ni zos te spangs nas yang mi za ba'o/ /bzung ba'i mdza' 
 pa zhes bya ba ni bdag nyid kyi rang bzhin gyi skal pa zhig /zas phyis ma len pa ni zas lhag par spong ba yin no/ /zas lhag pa za bas ni zas phyis mi len pa nyid 'jig go/ dgon pa ba nyid ji ltar yang dag bar len ce na/ grong mthar gnas na
 mi 'dod pa'i yul gyis 'khrug pa dang/ chags pa skye ba dang 'dzin par gnas pa nyid kyi nyes dmigs kyang mthong/ dgon pa pa nyid kyis yon tan dag kyang mthong nas 'di skad du deng slan chad grong mthar gnas pa spong ste/ dgon par gnas
 pa nyid yang dag par len to zhes yang dag par len to/ /de la dgon pa pa nyid kyi yon tan ni 'di dag yin te/ mi 'dod pa'i yul yongs su spong ba nyid dang/ gtam gyi gzhi bcu yang dag par ston pa dang/ shin tu mdzes pa nyid dang/ lhas
 lta bu la sogs pa ni dgon pa pa nyid kyi yon tan dag yin no/ /dgon pa pa'i gnas mal gyi mdza' ni gang yin/ dgon pa pa ni gang yin/ gang gis ni dgon pa pa nyid 'jig ce na/ grong dang/ grong gi nye 'khor dang/ kun dga' ra ba dang
 kun dga' ra ba'i nye 'khor ma gtogs pa mi 'bring gi khru bzhi la gzhu ste/ gzhu de lta bu'i gzhu lnga brgya 'di ni dgon pa'i gnas lam gyi mdza' yin no/ /dgon pa pa ni grong mthar gnas pa spong ba yin no/ /shing drung pa
 nyid ji ltar yang dag par len ce na/ g.yogs par gnas pa yongs su bzung ba dang/ btsas legs bya ba dang/ gzhan la gsal ba dang/ longs spyod kyi nyes dmigs dag kyang mthong/ shing drung ba nyid kyi yon tan dag kyang mthong nas
 'di skad du/ deng slan chad g.yogs par gnas pa spong ste/ shing drung pa nyid yang dag par len te zhes yang dag par len to/ /de la shing drung pa nyid kyi yon tan ni 'di dag yin te/ gnas dam bcas pa dang/ mthun pa nyid dang/ yo byad
 bsnyungs pa nyid dang/ las la dga' ba yongs su spong ba nyid dang/ lhas bskul ba nyid dang/ gnas la ser sna spong ba nyid dang/ chags pa rab tu spong ba nyid dang/ skyes bu dam pa'i spyod pa nyid dang/ yo byad bsnyungs pa ste de lta bu
 la sogs pa ni shing drung pa nyid kyi yon tan dag yin no/ /shing drung gi tshod ci tsam zhig yin/ shing ji lta bu ni spang par bya/ shing drung pa ni gang yin/ gang gis ni shing drung pa nyid 'jig ce na/ nyi ma gung gi dus su grib mas ji
 srid khyab pa dang/ rlung med par lo ma dag ji srid du lhags pa de srid ni shing drung gi tshad yin no/ /shing drung pas sdong rgan dang/ shing khong stong dang/ shin nyen can spang bar bya'o/ /shing drung pa ni g.yogs par gnas pa spong
 ba yin no/ /g.yogs par gnas pas ni shing drung pa nyid 'jig go /bla gab med pa nyid ji ltar yang dag bar len ce na/ g.yogs pa dang/ shing drung gi gnas tshol ba dang/ yongs su bzung bas yo byad bsnyungs ba
 ma yin pa'i nyes dmigs kyang mthong nas 'di skad du deng slan chad g.yogs pa dang/ shing drung du gnas pa spong ste/ bla gab med pa nyid yang dag par len to zhes yang dag pa len to/ /de la bla gab med pa'i yon tan ni 'di dag yin te/
 brtson pa mi gtong ba nyid dang/ rmugs pa dang/ gnyid spang ba dang/ ri dags lta bu dang/ phyogs bzhi phyang ba dang/ brten pa med pa dang/ skyes bu dam pa'i spyod pa nyid dang/ yo byad bsnyung pa'i tshul can te de lta bu la sogs pa ni bla gab med
 pa nyid kyi yon tan de dag yin no/ /bla gab med pa ni gang zhig yin/ gang gis bla gab med pa nyid 'di 'jig ce na/ bla gab med pas ni g.yogs pa dang/ shing drung du gnas pa spong ba yin no/ /g.yogs pa dang shing drung na gnas pas ni bla gab med
 pa nyid 'di 'jig go/ dur khrod pa nyid ji ltar yang dag par len ce na/ gzhan du gnas na sems yod mi 'byung ba nyid dang/ bag med pa mang ba nyid kyi nyes dmigs kyang mthong/ dur khrod pa nyid kyi yon tan dag kyang mthong nas 'di skad du de slan
 tshad gzhan du gnas pa spong ste/ dur khrod pa nyid yang dag par len to/ /zhes yang dag par len to/ /de la dur khrod pa'i yon tan ni 'di dag yin no/ /'chi ba rjes su dran pa 'thob pa dang/ mi sdug pa'i mtshan ma 'thob pa dang/ mis bla mar bkur ba
 dang/ mi ma yin pas bla nar bkur ba dang/ bag yod pa'i rgyu skye ba dang/ 'dod pa'i 'dod chags rnam par spong ba nyid dang/ yid 'byung ba mang ba nyid dang/ 'jigs par dang skrag pa bzod pa nyid dang/ gson pas rgyags pa spong ba nyid dang/ lus kyi rang
 bzhin la yang dang yang du so sor rtogs pa nyid dang/ skyes bu dam pa'i spyod pa nyid dang/ yo byad bsnyungs pa'i tshul can te/ de lta bu la sogs pa ni dur khrod pa nyid kyi yon tan dag yin no/ /dur khrod ji lta bur ni gnas par bya/ dur khrod pa ni gang yin/
 gang gis ni dur khrod pa nyid 'jig ce na/ dang por ni rtag tu sreg pa dang/ du ba dang/ 'bar ba dang/ du ba yod pa de lta bu'i dur khrod du gnas par bya la/ de nas ni dur khrod gzhan gang yang rung bar gnas par bya'o/ /dur khrod
 pas dur khrod du spyil bu dang/ khang pa mi bya/ rlung yas ldang ba dang mas ldang bar gnas par mi bya/ khong 'phrig can du gnas par mi bya/ nya sha dang sha dang/ 'o ma dang/ til gyi chur seng dang/ mo sran gre'u'i bza' ba bsten par mi bya/ lhung
 bzed sbyin par mi bya/ khyim du 'dug par mi bya/ skye bo mang po'i tshogs ldags na khye'u dang chos gos dang/ ril ba blangs te song na sreg pa nas ha cang yang mi ring ba/ rngo brgyang gis sleb tsam gyi nang du dur khrod du gnas par bya zhing/ skya ring shar
 nas khri'u dang/ chos gos dang ril ba bslangs nas slar 'gro bar bya ba 'di ni 'di'i spyod pa yin no/ /dur khrod pa ni gzhan du gnas pa spangs pa yin no/ /gzhan du gnas pa khas len pa ni dur khrod pa nyid 'jog go/ gzhi ji bzhin pa nyid ji ltar
 yang dag par len ce na/ brkam chags kyi gnas mal la phan tshun ldang ba pha rol la gnod pa byed pa'i nyes dmigs kyang mthong/ gzhi ji bzhin pa nyid kyi yon tan dag kyang mthong nas 'di skad ces deng slan chad brkam chags kyi gnas mal
 spong ste/ gzhi ji bzhin pa nyid yang dag par len to/ /zhes yang dag par len to/ /de la gzhi ji bzhin pa nyid kyi yon tan ni 'di dag yin te/ nang du yang dag 'jog la bla mar bkur ba dang/ de ltar rnyed pas cho ga shes pa dang/ de la chags pa
 spong ba dang/ byams pa'i sems dang/ gcig pu nyid la dga' ba dang dad bar bya ba nyid dang/ skyes bu dam pa'i spyod pa nyid dang/ yo byad bsnyungs pa'i tshul can te/ de lta bu la sogs pa ni gzhi ji bzhin pa nyid kyi yon tan dag yin no/ /gzhi
 ji bzhin pa ni gang yin/ gang gis ni gzhi ji bzhin pa nyid 'di 'jig ce na/ gzhi ji bzhin pa ni brkam chags kyi gnas mal spong ba yin te/ bkram chags kyi gnas mal son ba zhes bya ba ni snga na 'dug pa bslangs nas gnas mal lon par mi byed
 do/ /brkam chags kyi gnas mal len pas ni gzhi ji bzhin pa nyid 'jig go/ ji ltar cog pu pa nyid yang dag par len ces na/ nyal na rmugs pa dang gnyid dang/ le lo'i dbang du 'gro ba'i nyes dmigs kyang mthong/ cog pu pa nyid kyi yon tan dag kyang
 mthong nas 'di skad ces deng slan chad nyal ba spong ste/ cog pu pa nyid yang dag par ldan to zhes yang dag par len to/ /de la cog pu pa nyid kyi yon tan ni 'di dag yin te/ le lo'i gzhi yongs su spong ba dang/ lus la chags pa dang/ ser sna yongs
 su spong ba dang/ 'phres pa'i bde ba la mchags pa dang/ brtsal ba nyul ba dang/ gnyid chung ba dang/ rnal 'byor dang mthun pa dang/ lus kyi gnas rgya skye ba dang/ skyes bu dam pa'i spyod pa nyid dang/ yo byad bsnyungs pa'i tshul can de lta bu la sogs pa
 ni cog pu pa nyid kyi yon tan dag yin no/ /cog pu pa ni gang yin/ gang gis ni cog pu pa nyid 'di 'jig ce na/ cog pu pa ni nyal ba spong ba yin no/ /nyal ba khas len pas ni cog pu pa nyid 'jig go/ de la phyag dar khrod pa nyid kyi skabs phye ba ni phyag
 dar khrod pa nar mar spyod pa la gal te khyim bdag gis chos gos gsos sam/ ras bal gyi ras sam mon dar ram/ la bdag phyin bar gyur na skabs phye bas blang bar bya ste/ phyag dang khrod pa nyid nyams bas mi 'gyur ro/ /chos gos gsum
 pa nyid kyi skabs phye ba ni kha bskang ba'i re ba yang na gos lhag zhag bcur 'chang ba dang/ gnas mal bsrung ba'i phyir gding ba dang/ steng du gding ba dang/ nad kyi rkyen g.yan pa dgab pa dang/ gdong phyis kyi gos dang/ dbyar gyi ras chen dang/ gzhan
 gyi rung ba bcol ba skabs phye bas blang bar bya ste/ chos gos gsum pa nyid nyams par mi 'gyur ro/ /bsod snyoms pa nyid kyi skabs phye ba ni bskos pa'i zas dang/ tshul shing gi zas dang/ zla ba phyed pa'i zas dang gso skyong
 ba dang/ dge 'dun gyi zas dang/ gtsug lag khang gi zas skabs phye bas yongs su longs spyad par bya ste/ bsod snyoms 'jig par mi 'gyur ro/ /'on kyang nyes dmigs su lta bas ni yongs su longs spyad par bya'o/ /mthar chags
 su rgyu ba nyid kyi skabs phye ba ni khyim gyi sgo nas glang po che dang/ rta 'am/ khyu mchog gam/ khyi'am/ 'thab pa 'am/ ngo tsha bar 'gyur ba de lta bu gzhan mthong nas thod rgal du rgyu ba dang/ zas bzar mi rung ba'i khyim mam lhung bzed kha phub
 pa'am/ slob par grags pa'i khyim brgal nas rgyu ba dang/ slob dpon nam/ mkhan po 'am/ glo bur 'am/ lhan cig rgyu na skabs phye bas thad brgal du yang rgyu bar bye ste/ mthar chags su rgyu ba nyid nyams par mi 'gyur ro/ /stan
 gcig pa nyid kyi skabs phye ba ni zas za ba na glang bo che 'am/ rta 'am/ khyu mchog gam/ sbrul lam/ thog 'bab pa 'am/ mkhan po 'am/ slob dpon nam/ glo bur pa 'dos pa mthong nas/ gal te langs par 'gyur na skabs phye
 bas/ yang bza' bar bya ste/ stan gcig nyid 'jig par mi 'gyur ro/ /zas chog pa nyid dang/ zas phyis mi len pa nyid la ni skabs phye ba med do/ /dgon pa pa nyid kyi skabs phye ba ni bsnyen par rdzogs par las kyi ched dam/ ltung ba las
 bslang ba'i ched dam/ chos mnyan pa'i ched dam/ gso sbyong 'am/ dgag dbye 'am/ dbye 'am/ na ba 'am/ nad pa'i bya ba 'am/ mngon par mi shes pa'i mdo kun chub par bya ba 'am/ gzhan yang de lta bu'i rkyen yod na skabs phye bas grong mthar
 gnas par bya ste/ dgon pa pa nyid 'jig par mi 'gyur ro/ /shing drung pa nyid kyi skabs phye ba ni rkyen de lta buAm/ khyim du zhugs pa las char gyis non na/ de nyid du skya reng shar yang shing drung pa nyams par mi 'gyur ro/ /dgon pa pa'i skabs phye ba ji
 snyed pa ni shing drung ba nyid dang/ bla gab med pa nyid dang/ dur khrod pa nyid la yang blta bar bya'o/ /gzhi ji bzhin pa nyid kyi skabs phye ba ni rkyen de lta bu yod la gzhan gyi gnas mal rnyed na rjes su gnang ngo/ /cog pu pa la ni skabs phye ba med do/ /kha cig na
 re sna'i dpyad byed na/ skabs phye bar bya ste/ cog pu pa nyid nyams par mi 'gyur ro/ /zhes zer ro/ /sbyangs pa'i yon tan bcu gsum po de dag ni mdor bsdus na brgyad kho nar 'gyur te/ chos mngon pa las ji skad du sbyangs pa'i yon tan ni brgyad do zhes
 'byung bar lta bu'o?/ /gal te ji lta yin zhe na/ zas chog pa nyid dang/ stan cig pa nyid ni zas phyis mi len pa nyid kyi nang du 'du bar 'gyur ro/ /de ci'i phyir zhe na/ gzung ba'i mdza' pa'i bdag nyid kyi rang skal gcig len pa yin te/ de lta bas na zas
 chog pa pa nyid kyi nang du 'du bar 'gyur ro/ /yang lan gnyis su mi za ste/ de lta bas na stan gcig pa nyid du 'du bar 'gyur ro/ /shing drung pa nyid dang/ bla gab med pa nyid dang/ dur khrod pa nyid ni dgon pa pa nyid kyi nang du 'du bar 'gyur ro/ /de ci'i
 phyir zhe na/ dgon pa pa ni dgon par spyil bu dang/ yang thog la sogs pa byed na las dga' ba nyid dang/ yongs su 'dzin pa dang/ chags pa ni bdag ni cha ma yin no snyam nas shing drung ngam/ bla gab med pa 'am/ dur khrod du gnas so/ /de lta bas
 na brgyab kho nar 'gyur la/ brgyad po de dag kyang dgon pa pa nyid dang/ phyag dar khrod pa nyid dang/ bsod snyoms pa nyid dang/ gsum gyis rdzogs par 'gyur ro/ /de ltar na sbyangs pa'i sgo gsum rdzogs par byed na/ spyangs pa'i yon tan thams cad rdzogs
 par 'gyur ro/ /de nyid kyi phyir bcom ldan 'das kyi tshe dang ldan pa mdzes dga' bo la brten nas dga' bo nam zhig dgon pa dang/ phyag dar khrod pa dang/ ngan ngan gyis 'tsho zhing 'dod pa rnams la ni/ lta ba med pa
 mthong zhig gu zhes gsungs so/ /de la sbyangs pa'i yan lag ni ci zhig yin/ sbyangs pa'i chos ni du zhig yod/ ci spyod pa'i gang zag dag ni sbyangs pa'i yon tan bstan par dga' / sbyangs pa'i yan lag ni du zhig /mthar thug pa ni du
 zhig/ ci sbyangs pa'i de nyid sbyangs pa smra ba yang de yin nam zhe na/ de la sbyangs pa'i yan lag ces bya ba ni bzhi bcu gsum po de dag gi spo ba gang yin pa de ni sbyangs pa'i yan lag yin no/ /sbyangs pa'i yon tan cir brjod par bya zhe
 na/ dge ba brjod par bya'o/ /sbyangs pa'i chos du zhe na/ sbyangs pa'i chos ni gnyis te ma chags pa dang/ gti mug med pa ste/ bcom ldan 'das kyis ji skad du phyag dar khrod pa gang yin pa de ni 'dod pa chung ba nyid la brten/ cho ga
 shes pa nyid la brten/ yo byad bsnyungs pa nyid la brten/ rab tu dben pa nyid la brten/ 'dis chog pa nyid la brten nas phyag dar khrod par 'gyur ro zhes gsungs pa lta bu'o/ /rnam pa gcig tu na ma chags pas rjes su gnang
 ba 'tsham par bsten pas 'dod pa'i bsod snyoms kyi rjes su brtson pa bslu ba sel la/ sbyangs pa'i yon tan gti mug med pa ni yo byad bsnyungs par 'tsham par bsten pas bdag nyid dub pa'i rjes su brtson pa'i bslu ba sel
 te/ de lta bas na sbyangs pa'i chos ni gnyis te/ ma chags pa dang/ gti mug med pa yin no/ /de la 'dod pa chung ba nyid dang/ cho ga shes pa nyid dang/ rab tu dben pa nyid ni ma chags pa yin no/ /yo byad bsnyungs pa nyid dang/ 'dis
 chog pa nyid ni gti mug med pa nyid yin no/ /de la ma chags pas ni spong ba'i gzhi bcu gsum la chags pa sel la/ gti mug med pas ni gzhi de dag nyid la nyes dmigs mi shes pa sel to/ /yang ci spyod pa'i gang zag rnams sbyangs pa'i yon/
 tan bstan par dga' zhe na/ 'dod chags spyod pa dang/ gti mug spyod pa sbyangs pa'i yon tan bsten par dga' i/ zhe sdang spyod pa ni ma yin no/ /ci'i phyir 'dod chags spyod pa dang/ gti mug spyod pa sbyangs pa'i yon tan bsten gyi/ zhe sdang spyod pa'i ma
 yin zhe na/ sbyangs pa'i yon tan bsten pa ni/ bsgrub dka' ba yin pas 'dod chags spyod pa bsgrub dka' ba la brten nas/ 'dod chags rnam par gnon par 'gyur la/ gti mug spyod pa yang sbyangs pa'i yon tan bsten pa yang dag par blangs pa yo
 byad bsnyungs pa la brten nas rtag tu bag yod par 'gyur zhing bag yod na gti mug rnam par gnon par 'gyur ro/ /de lta bas na 'dod chags spyod pa dang/ gti mug spyod pa spyangs pa'i yon tan bsten par dga' i/ zhe sdang spyod pa ni bsgrub dka' na
 mkhris pa'i nad la drod bag byin pa bzhin du/ phyir zhe sdang skye bar 'gyur te/ de lta bas na zhe sdang spyod pa ni sbyangs pa'i yon tan bsten par dka' ba yin no/ /gzhan dag na re zhe sdang spyod pa ni dgon pa pa nyid dang/ shing drung pa nyid dga' o/ /de ci'i phyir zhe na/
 dgon pa dang/ shing drung na gnas na de dag tu mi 'dod pas gtse ba'i nyes pa med pa'i phyir ro zhes zer ro/ /sbyangs pa'i yan lag ni dus kyi mdza' thug pa'i du zhig ces bya ba ni/ sbyangs pa'i yan lag gsum po shing drung pa nyid dang/ bla gab
 med pa nyid dang/ dur khrod pa nyid zla ba brgyad kyis mthar thug par bya ste/ dbyar ni g.yogs par gnas par bcom ldan 'das kyis gnang ngo// //ci sbyangs pa de nyid sbyangs pas smra ba yang/ de yin nam zhes bya ba ni sbyangs
 pa yin la/ sbyangs pa smra ba yin pa yang yod/ sbyangs pa ma yin la/ sbyangs pa smra ba ma yin pa yang yod/ sbyangs pa yang ma yin/ sbyangs pa smra ba ma yin pa yang yod/ de la sbyangs pa yang yin/ sbyangs pa smra ba yang yin pa
 yang yod ces bya ba ni dgra bcom pa sbyangs pa'i yon tan yang dag par blangs pa dang ldan pa'o// //sbyangs pa ma yin pa la/ sbyangs pa smra ba yin pa yang yod ces bya ba ni dgra bcom pa sbyangs pa'i yon tan/ yang dag par blangs pa
 dang mi ldan pa'o/ /sbyangs pa yin la/ sbyangs pa smra ba ma yin pa yang yod/ ces bya ba ni/ slob pa 'am/ so so'i skye bo sbyangs pa'i yon tan/ yang dag par blangs pa dang ldan pa'o/ /sbyangs pa yang ma yin/ sbyangs pa'i yon tan smra ba yang ma yin
 pa yod ces bya ba ni/ slob pa'am/ so so'i skye bo/ sbyangs pa'i yon tan yang dag par blangs pa dang mi ldan pa'o/ /sbyangs pa'i yon tan gyi mtshan nyid ci yin/ mnog ni ci yin/ nye bar gnas pa ni ci zhe na/ sbyangs pa'i yon tan gyi mtshan nyid ni/ 'dod pa chung
 ba nyid do/ /mnog ni chog shes pa nyid do/ /nye bar gnas pa ni/ yo byad bsnyungs pa'o/ /rnam pa gcig tu mtshan nyid ni/ ma 'bags pa'o/ /mnog ni nyes dmigs med pa'o/ /nye bar gnas pa ni brtson pa mi 'dor ba'o/ /sbyangs pa'i yon tan gyi thog ma ni
 gang yin/ bar ma ni gang yin/ tha ma ni gang yin zhe na/ sbyangs pa'i yon tan gyi thog ma ni/ yang dag par len pa'o/ /bar ma ni bsten pa'o/ /tha ma ni rab tu dga' ba'o/ /rnam par grol ba'i lam las/ sbyangs pa'i yon tan bstan pa/ zhes bya ba ste/ kun
 nas btus pa gsum pa rdzogs so// //rgya gar gyi mkhan po bidya ka ra pra b+ha dang/ zhu chen gyi lo tsA ba/ bande dpal brtsegs kyis bsgyur cing zhus te/ gtan la phab pa'o// //gser mdog gi rtogs brjod bzhugs so// //rgya gar skad du/ su wa raN+Na wa raN+Na