<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4394: so sor thar pa'i mdo'i gzhung 'grel<br><table><tr><td>
<input type="button" onclick="location.href='tcompletep.php?id=N4394&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4394&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4394&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">text in 2 volumes<br><br><span style="color:red;border: 2px solid red;border-radius: 5px;padding:3px;">volume 1 ('dul ba (pu）)</span> - <a href="tcomplete.php?id=N4394&coll=TN&volcur=1">volume 2  ('dul ba (phu）)</a> - <br><br>rgya gar skad du/ pra ti mok+Sha sU tra pa dwa ti/ bod skad du/ so sor thar pa'i mdo'i gzhung 'grel/ bam
 po dang po/ dkon mchog gsum la phyag 'tshal lo/ /sangs rgyas chos dang dge 'dun la/ /'khor gsum dang bas
 phyag 'tshal te/ /nges 'byung tshul khrims snying po'i mdo/ /gzhung 'grel gzhung bzhin bshad par bya/ /'phags
 pa gzhi thams cad yod par smra ba'i 'dul ba'i sde snod 'di ni sangs rgyas bcom ldan 'das yongs su mya ngan las
 'das pa'i 'og tu/ 'phags pa 'od srung chen po la sogs pa dgra bcom pa lnga brgya 'dus nas/ tshangs
 par spyod pa yun ring du gnas par bya ba'i phyir dang/ skye bo mang po la phan gdags pa'i phyir/ 'dul ba 'dzin pa'i mchog
 'phags pa nye bar 'khor la yang dag par bsdu bar gsol nas/ 'phags pa nye bar 'khor gyis yang dag par bsdus so/ /gzhi
 thams cad yod par smra ba'i 'dul ba'i sde snod ni dum bu bzhi ste/ 'dul ba rnam par 'byed pa dang/ 'dul ba gzhi dang/ 'dul ba
 gzhung bla ma dang/ 'dul ba phran tshigs so/ /de dag gi gnas pa'i snying dang snying po ni so sor thar pa'i mdo 'di yin no/ /de dag yang dag par bsdus pa yang ma 'ongs pa'i
 skye bo lung dang rtogs pa'i bdag nyid med pa dag yan lag la sgro 'dogs pa dang/ skur pa 'debs pa'i mdza' spang bar bya ba dang/ nyan pa po brjod pa nyung ngus
 don gyi spyi rtogs par 'dod pa dag la phan gdags pa'i phyir/ sdom rnam pa gsum du bsdus te/ spyi sdom dang/ sdom dang/ bar sdom du'o/ /de la spyi sdom ni/
 spyi'i don tshigs su bcad par bsdus pa'o/ /sdom ni dngos kyi don tshigs su bcad par bsdus pa'o/ /bar sdom ni/ yan lag gi don tshigs su bcad par
 bsdus pa'o/ /de dag kyang lung gi skabs dang sbyar te/ ci rigs par bzung bar bya'o/ /de la so sor thar pa'i mdo zhes bya ba ni/ don la bstan bcos kyi ming du
 btags pa ste/ de la rnam grangs gcig tu na dang por thar pa zhes bya bar ston te/ so sor zhes bya ba ni dang po ste/ dang po sdom pa yang dag par len
 pa'i tshe na/ gsum la skyabs su 'gro ba'i tshig bzlas nas/ sdom pa yang dag par blang ba'i tshig brjod pa gsum pa'i tha ma la/ sdom pa thob pa ni/ thog ma sdom pa
 thob pa'i gnas skabs yin pas dang po zhes bya'o/ /thar pa zhes bya ba ni grol ba ste/ de ltar sdom pa dang po thob pa de nyid kyi tshe na sdom pa ma yin pa'i mtshan nyid las
 grol te/ sdom pa'i mtshan nyid kyis bsdus pa'i rnam par rig byed ma yin pa'i gzugs thob pa ni thar pa zhes bya'o/ /de ltar dang po thar pa'i don de las bstan bcos
 'di byung ba 'am/ don de bstan bcos 'dir bsdus pas bstan bcos 'di'i ming yang dang por thar pa zhes bya bar sbyar ro/ /yang rnam grangs gzhan du na so sor thar pa
 zhes bya bar ston te/ so sor zhes bya ba ni rgyud tha dad pa'o/ /thar pa zhes bya ba ni rnam par grol ba ste/ gang zag rgyud tha dad pa gang zhig gis sdom pa yang dag par blangs te/ bslab pa'i gzhi
 rjes su sgrub par byed pa de nyid ngan 'gro dang 'khor ba las rnam par grol bar 'gyur gyi/ gzhan gyis sdom pa yang dag par blangs te/ bslab pa'i gzhi rjes su bsgrubs pas gzhan rnam par
 grol bar mi 'gyur bas so sor thar pa zhes bya'o/ /de ltar so sor thar pa'i don de las bstan bcos 'di byung ba 'am/ don de bstan bcos 'dir bsdus pas bstan bcos 'di'i ming yang so sor
 thar pa zhes bya'o/ /yang rnam grangs gzhan du na thar pa'i thabs zhes bya bar ston te/ so sor zhes bya ba ni phyir zhes bya ste/ thabs kyi don to/ /thar pa zhes bya ba ni nges par 'byung ba ste/ mya ngan las 'das
 pa'o/ /des na so sor thar pa'i mdo 'di ni nges par 'byung ba thob pa'i thabs kyi phyir gsungs pa ste/ lhag pa'i tshul khrims la brten nas lhag pa'i sems skye la/ lhag pa'i sems la brten nas lhag
 pa'i shes rab skye ba'i rim gyis nges par 'byung ba thob pa'i thabs su gyur pa'i phyir/ so sor thar pa'i mdo 'di ni nges par 'byung ba'i tshul khrims yin pas thar pa'i thabs zhes bya'o/ da ltar thar pa'i thabs kyi
 don de las bstan bcos 'di byung ba 'am/ don de bstan bcos 'dir bsdus pas bstan bcos 'di'i ming yang thar pa'i thabs zhes bya ba'o/ /mdo zhes bya ba ni/ don tsam zhig ston
 pas mdo zhes bya ste/ de ltar na bstan bcos 'di ni dang por thar pa'i mdo zhes bya ba dang/ so sor thar pa'i mdo zhes bya ba dang/ thar pa'i thabs kyi mdo zhes bya ba dag tu ston to/ /de la so sor thar pa'i mdo
 'di'i bsdus pa'i don ni/ mtshan nyid rnam pa lngas ston te/ mchod pa dang/ gleng bslang ba dang/ yang dag par brtsam pa dang/ gzhung rgyas pa dang/ bsdu ba'i mtshan nyid kyis so/ /de la mchod pa'i mtshan nyid ni
 snyan pa'i ba dan 'jig rten gsum du grags zhes bya ba la sogs pa'i tshigs su bcad pa gnyis kyis bstan to/ /gleng bslang ba'i mtshan nyid ni/ sangs rgyas 'dul ba gangs chen mtsho zhes bya ba la sogs pa
 tshigs su bcad pa bcu gcig gis bstan to/ yang dag par brtsam pa'i mtshan nyid ni/ bskal pa bye ba rnams su yang zhes bya ba la sogs pa tshigs su bcad pa drug gis bstan to/ /gzhung rgyas pa'i mtshan
 nyid ni/ tshe dang ldan pa dag so ga rnams kyi 'das pa dang/ lhag ma rnams ji tsam pa de tsam mo zhes bya ba nas/ dran pa dang bag yod pas rnal 'byor du bya'o/ /zhes bya ba'i bar gyis
 gzhung thams cad kyis bstan pa'o/ /bsdu ba'i mtshan nyid ni/ bzod pa dka' thub dam pa bzod pa ni zhes bya ba la sogs pa'i gzhungs lhag ma thams cad kyis bstan to/ /de la re zhig mchod pa'i mtshan nyid bshad par bya ste/ /mchod pa'i mtshan nyid
 ces bya ba ni so sor thar pa'i mdo yang dag par brtsam pa/ gleng bslang ba'i dang por/ ston pa sangs rgyas bcom ldan 'das la bstod pa dang/ phyag 'tshal ba'i sgo nas mchod par bya ba'o/ /de yang dam pa rnams ni/ yang dag par brtsams pa thams cad la rang
 gi ston pa la bstod pa dang/ phyag 'tshal ba'i sgo nas mchod pa sngar byed pas de'i phyir yang dag par sdud par byed pa so sor thar pa'i mdo yang dag par sdud par 'dod pas kyang/ 'gro ba mdza' dag gi gtso bo sangs rgyas bcom ldan 'das la bstod ba dang/
 phyag 'tshal pa'i sgo nas mchod pa bya ba'i phyir/ dang por/ snyan pa'i ba dan 'jig rten gsum du grags zhes bya ba la sogs pa tshigs su bcad pa gnyis po gsungs so/ /de la re zhig dang po kho nar tshigs su bcad pa gnyis po 'di'i brjod par
 bya ba dang/ dgos pa dang/ 'brel pa dang/ dgos pa'i yang dgos pa brjod par bya ste/ gzhan du na brjod par bya ba la sogs pa dang bral ba'i tshigs su bcad pa gnyis po 'di so sor thar pa gdon pa'i dang por smos pa don dang ldan pa na yin pa kho
 nar 'gyur ro/ /gang gi phyir rtog pa dang ldan pa dag 'gro?  bar bya ba la sogs pa dang bral ba bas len par mi byed pa de'i phyir/ nyan pa'i skye bo spro bar bya ba'i don du brjod par bya ba la sogs pa nges par brjod par bya'o/ /de la brjod par bya ba
 ni tshigs su bcad pa gnyis po 'di las tshigs su bcad pa byed dang gnyis kyis bcom ldan 'das kyi yon tan gzhan gyis don phun sum tshogs pa dang/ bdag gis don phun sum tshogs pa mchog brjod pa'o/ /dgos pa ni de bstan pa ste/
 de la yang tshigs su bcad pa phyed dang gnyis kyis sgrub par byed pas tshigs su bcad pa'i thabs 'dis brjod par bya ba thabs las byung ba ston pa ni dgos pa yin no/ /'brel ba ni tshigs su bcad pa phyed dang gnyis po'i thabs dang/
 dgos pa thabs las byung ba'i mtshan nyid gnyis 'brel pa'o/ /dgos pa'i dgos pa ni bstod pa 'di brtsams na/ bstan bcos yongs su rdzogs par bya ba la bgegs dang log 'dren rnam par ldog pa 'am/ dam pa rnams kyis cho ga'i rjes su 'jug pa'o/
 tshigs su bcad pa 'og ma phyed kyis ni so sor thar pa brtsam par dam bca' bar ston te/ de yang rtogs pa sngon du gtong ba dag gi 'jug pa'i yan lag yin no/ /de la tshigs su bcad pa phyed dang gnyis po 'di'i bsdus pa'i don ni rnam pa gnyis te/
 ston pa la bstod pa'i sgo nas mchod pa dang/ phyag 'tshal ba'i sgo nas mchod pa'o/ /de la bstod pa'i sgo nas mchod pa yang rnam pa gnyis te/ 'gro ba'i gtso bo sangs rgyas bcom ldan 'das kyi yon tan gzhan gyi don phun sum tshogs pa dang/ bdag gis don phun
 sum tshogs pa'i sgo nas so/ /de las gzhan gyi don phun sum tshogs pa ni/ tshigs su bcad pa dang po gcig gis bstan to/ /des kyang 'gro ba'i gtso bo sangs rgyas bcom ldan 'das kyi yon tan gzhan gyis don phun sum tshogs pa'i thabs su gyur pa'i
 phun sum tshogs pa rnam pa lnga bstan te/ /rgyu phun sum tshogs pa dang/ phan 'dogs pa phun sum tshogs pa dang/ shes rab phun sum tshogs pa dang/ thugs rje phun sum tshogs pa dang/ 'bras bu'i khyad par phun sum tshogs pa'o/ /de la/ snyan
 pa'i ba dan 'jig rten gsum du grags zhes bya bas ni rgyu phun sum tshogs pa bstan to/ /dam pa'i chos sgra seng ge'i sgra bsgrags pa zhes bya bas ni phan 'dogs pa phun sum tshogs pa bstan to/ /thams cad mkhyen pa zhes bya bas ni/ shes
 rab phun sum tshogs pa bstan to/ /dkon mchog mdzod brnyes pa zhes bya bas ni thugs rje phun sum tshogs pa bstan to/ /zhabs la tshangs dbang gtsug gi nor bus gtugs zhes bya bas ni 'bras bu'i khyad par phun sum tshogs pa bstan
 no/ /bdag gi don phun sum tshogs pa ni tshigs su bcad pa 'og ma'i phyed dang pos bstan to/ /des kyang 'gro ba'i gtso bo sangs rgyas bcom ldan 'das kyi yon tan bdag gi don phun sum tshogs pa'i che ba nyid kyi khyad par phun sum tshogs pa rnam pa
 gnyis bstan te/ /spangs pa phun sum tshogs pa dang/ ye shes phun sum tshogs pa'o/ /de la sdug bsngal rgya mtsho gting mdza' med brgal ba zhes bya bas ni spangs pa phun sum tshogs pa bstan to/ /'gro ba'i gtso zhes bya bas ni/ ye shes
 phun sum tshogs pa bstan to/ /de ltar 'gro ba'i gtso bo sangs rgyas bcom ldan 'das kyi yon tan gzhan gyis don phun sum tshogs pa dang bdag gi don phun sum tshogs pa smos pa des ni ston pa la bstod pa'i sgo nas mchod par bstan to/ /phyag
 'tshal ba'i sgo nas mchod pa ni/ lus dang ngag dang yid kyi/ sgo nas phyag 'tshal ba ste/ /de la ni spyi bos phyag 'tshal te zhes bya bas bstan to/ /de ltar phyag 'tshal te ci zhig bya zhe na/ so sor thar pa brtsam par dam bca' bar bya ste/ /de ni tshigs
 su bcad pa 'og ma'i phyed kyis bstan to/ /des kyang gang gis bstan pa dang/ ci zhig bstan pa dang/ su la bstan pas so sor thar pa'i che ba nyid brjod nas/ gang gis ci zhig bstan pa de nyid su la bstan pa'i tshogs kyi dbus su dbye bar bya'o/ /
 zhes bya ba bstan to/ /de la gang gis bstan ce na/ ston pa ste/ de ni thams cad mkhyen pa'i zhes bya bas bstan to/ /ci zhig bstan ce na/ so sor thar pa ste/ de ni bslab gzhi dkon mchog snod ces bya bas bstan to/ /su la bstan ce na/
 nyan thos kyi dge 'dun la ste/ de ni 'phags pa'i tshogs zhes bya bas bstan to/ /gang gis ci zhig bstan pa de nyid su la bstan pa'i tshogs kyis dbus su dbye bar bya ba ni/ /ston pas so sor thar pa bstan pa de
 nyid nyan thos kyi dge 'dun gyis dbus su dbye bar bya ba ste/ /de ni dbus su dbye bar bya zhes bya bas bstan to/ /de ni re zhig spyi'i don yin no/ /nga ni yan lag gi don bshad par bya ste/ de la 'gro ba'i gtso bo sangs rgyas bcom ldan 'das kyi yon tan
 gzhan gyi don phun sum tshogs pa'i thabs su gyur pa/ rgyu phun sum tshogs pa'i dbang du mdzad nas/ snyan pa'i ba dan 'jig rten gsum du grags zhes bya ba gsungs te/ /snyan pa zhes bya ba ni de bzhin gshegs pas bskal pa grangs
 med pa nas/ /bsod nams dang ye shes kyi tshogs dpag tu med pa bsags pa'i rgyu phun sum tshogs pa'i 'bras bu spangs pa dang/ ye shes bla na med pas bsdus pa'i yon tan dpag tu med pa'o/ /ba dan zhes bya ba ni snyan pa de nyid ba dan
 dang 'dra bas ba dan zhes bya ste/ yon tan mngon par 'phags pa kun la gsal ba dang/ de la dmigs nas mngon par mtho ba dang/ nges par legs pa'i lam mi nor ba'i phyir ro/ /'jig rten gsum zhes bya ba ni/ 'jig tshogs
 kyi phung po 'jig pa tsam la brten pas bsdus pa'i khams gsum po/ /'dod pa dang/ gzugs dang/ gzugs med pa dag go /grags zhes bya ba ni/ de dag tu snyan pa'i sgras khyab pa ste/ bcom ldan 'das dang po mngon par rdzogs
 par sangs rgyas pa'i tshe/ dang por sa bla ba la grags so/ /de nas bar snang ba la grags so/ /de nas rgyal chen bzhi pa'i ris la grags so/ /zhes bya ba nas/ 'og min gyi bar du grags so zhes bya ba la sogs pa'i rim gyis
 so/ /gzugs med par ji ltar grags she na/ gzugs can gyis khams na gnas pa'i tshe grags pa'i bag chags rgyud la yod pas/ rgyu la 'bras bus btags te grags par rjod do/ /des ni sbyin pa la sogs pa'i rgyu phun sum tshogs
 pa las so byung ba'i yon tan gzhan la ston par mdzad pa'i sgo nas/ gzhan gyi don phun sum tshogs pa'i thabs su gyur pa rgyu phun sum tshogs pa bstan to/ /phan 'dogs pa phun sum tshogs pa'i dbang du mdzad nas/ dam pa'i chos sgra seng ge'i
 sgra bsgrags pa zhes bya ba gsungs te/ dam pa zhes bya ba ni/ sangs rgyas bcom ldan 'das te/ nyon mongs pa bag chags dang bcas pa ma lus pa spangs pa'i phyir ro/ /chos sgra zhes bya ba ni/ dam pa nges gsungs pa'i chos te/ /'phags
 pa'i bden pa bzhi po dag dpal gyis mgur nas gsungs pa'i sgra'o/ /seng ge'i sgra zhes bya ba ni/ dam pa'i chos kyis sgra de nyid seng ge'i sgra dang 'dra ba'i phyir/ /seng ge'i sgra zhes bya ste/ mu stegs can glang po che lta bu skrag par byed cing/
 rigs kyi bu/ mi seng ge'i phrug gu lta bu dag sdud par byed pa'i phyir ro/ /bsgrags pa zhes bya ba ni bstan pa ste/ bden pa bzhi la lan gsum du bzlas te/ chos kyi 'khor lo rnam pa bcu gnyis su bskor ba'i phyir ro/ /des ni ston pa'i
 mdzad pa phun sum tshogs pas gzhan la chos ston pa'i sgo nas gzhan gyi don phun sum tshogs pa'i thabs su gyur pa/ phan 'dogs pa phun sum tshogs pa bstan to/ /shes rab phun sum tshogs pa'i dbang du mdzad nas/ thams cad mkhyen
 pa zhes bya ba gsungs te/ thams cad mkhyen pa zhes bya ba ni bcom ldan 'das te/ /dang por dngos po'i ngo bo nyid ma lus pa dang/ thun mong ma yin pa dang/ tshad? med pa dang/ phyin ci ma log par bstan pa'i phyir ro/ /des ni thams cad
 mkhyen pa/ lung shin tu rnam par dag pa gtan la phab par bstan pa'i sgo nas/ gzhan gyi don phun sum tshogs pa'i thabs su gyur pa/ shes rab phun sum tshogs pa bstan to/ /thugs rje phun sum tshogs pa'i
 dbang du mdzad nas/ /dkon mchog mdzod brnyes pa zhes bya ba gsungs te/ /dkon mchog ces bya ba ni/ bshad pa dang bsgrub pa'i chos dkon mchog ste/ /rin po che dang 'dra bar dgon pa dang rin che ba dang/ dga' bar byed pa dang/ phan 'dogs pa dang/ mi ma
 yin pa la sogs pa gnod pa byed pa'i gnyen por gyur pa yin pa'i phyir ro/ /mdzod ces bya ba ni/ rin po che'i mdzod dang 'dra bar chos dkon mchog /de'i mdzod 'phags pa'i dge 'dun te/ lung dang rtogs pa'i sgo nas de'i snod du gyur pa
 yin pa'i phyir ro/ /brnyes pa zhes bya ba ni/ slob ma nyid du brnyes pa ste/ ston pa'i lam gyi rjes su zhugs pa'i phyir ro/ /des ni 'khor yongs su smin par mdzad pa'i sgo nas/ gzhan gyi don phun sum tshogs pa'i thabs su gyur pa/
 thugs rje phun sum tshogs pa bstan to/ /'bras bu'i khyad par phun sum tshogs pa'i dbang du mdzad nas/ zhabs la tshangs dbang gtsug gi nor bus gtugs zhes bya ba gsungs te/ zhabs la zhes bya ba ni/ de bzhin gshed pa'i
 zhabs 'khor lo'i mtshan dang ldan pa la'o/ /tshangs dbang zhes bya ba la/ tshangs pa zhes bya ba ni/ bsam gtan dang po'i bsam gtan khyad par can bsgrubs te/ tshangs pa'i rgyal po thob pa stong gi 'jig rten la dbang sgyur ba'i tshangs pa
 chen po'o/ /dbang po zhes bya ba ni/ sum cu rtsa gsum pa'i lha rnams kyi dbang po brgya byin te/ de gnyis sa bla ba'i gtso bo dang/ stong gi khams na gtso bor grags pas 'dir smos par zad kyi/ gzhan yang de bzhin du gzungs bar
 bya'o/ /gtsug gi nor bu zhes bya ba ni spyi bos te/ nor bu gdags pa'i gnas yin pa'i phyir ro/ /gtugs zhes bya ba ni/ nges btung des phyag byas pa'o/ /des ni 'jig rten na 'bras bu thob pa'i mchog dag gis spyi bos gtugs pa'i sgo
 nas/ gzhan gyi don phun sum tshogs pa'i thabs su gyur pa/ 'bras bu'i khyad par phun sum tshogs pa bstan to/ /de ltar de dag gis ni/ 'gro ba'i gtso bo sangs rgyas bcom ldan 'das kyi yon tan/ gzhan gyi don phun sum tshogs pa'i sgo
 nas/ ston pa la bstod pas mchod pa bstan to/ /de'i 'og tu 'gro ba'i gtso bo sangs rgyas bcom ldan 'das kyi yon tan bdag gi don du phun sum tshogs pa'i che ba nyid kyi khyad par spangs pa phun sum tshogs pa'i dbang du mdzad nas/ sdug bsngal rgya
 mtsho gting mdza' med brgal ba zhes bya ba gsungs te/ /sdug bsngal zhes bya ba ni/ skye ba dang/ rga ba dang/ na ba dang/ 'chi bas bsdus pa nye bar len pa'i phung po lnga po dag go /rgya mtsho zhes bya ba ni/ sdug bsngal de nyid rgya mtsho dang 'dra bas rgya mtsho
 zhes bya ste/ shin tu rgya che ba'i phyir ro/ /gting med pa zhes bya ba ni/ gzhi gting med pa ste/ 'dis ni rgya mtsho bzhin du sdug bsngal mang ba nyid bstan to/ /mdza' med pa zhes bya ba ni pha rol gyi mdza' med pa ste/ 'dis ni rgya mtsho bzhin du 'khor
 ba'i rgyun mi 'chad par bstan to/ /brgal ba zhes bya ba ni 'das pa ste/ las dang nyon mongs pa spangs pas sdug bsngal zad pa'i phyir ro/ /des ni las dang nyon mongs pa dang/ skye ba'i mtshan nyid kyis kun nas nyon mongs pa spangs pa'i sgo nas/
 bdag gi don phun sum tshogs pa'i che ba nyid kyi khyad par spangs pa phun sum tshogs pa bstan to/ /ye shes phun sum tshogs pa'i dbang du mdzad nas/ 'gro ba'i gtso zhes bya ba gsungs te/ 'gro ba zhes bya ba ni/ 'jig rten de rtag tu 'khor
 ba'i phyir ro/ /gtso bo zhes bya ba ni zla med pa ste/ mchog yin pa'i phyir ro/ /de ni 'gro ba'i gtso bo sangs rgyas bcom ldan 'das te/ shes bya thams cad la chags pa med pa dang/ thogs pa med pa'i ye shes brnyes
 pas 'gro ba/ thams cad kyi gtso bor gyur pa'i phyir ro/ /'dis ni dngos po ji snyed yod pa nyid dang/ ji ltar ba bzhin du yod pa nyid thugs su chud pas/ 'gro ba'i gtso bor gyur pa'i sgo nas/ bdag gi don phun sum tshogs pa'i che ba nyid kyi khyad
 par/ ye shes phun sum tshogs pa bstan to/ /de ltar de dag gis ni/ 'gro ba'i gtso bo sangs rgyas bcom ldan 'das kyi yon tan/ bdag gis don phun sum tshogs pa'i sgo nas ston pa la bstod pas mchod pa bstan to/ /de'i 'og tu phyag
 'tshal ba'i so? ras? mchod pa bstan pa'i phyir/ spyi bos phyag 'tshal te zhes bya ba gsungs te/ spyi bo zhes bya ba ni/ lus kyi phyag 'tshal ba dngos su bstan la/ phyag 'tshal te zhes bya bas ni/ lus dang/ ngag dang/ yid gsum tshar gyis phyag
 'tshal ba yang bsdu bar blta'o/ /'dis ni lus dang/ ngag dang/ yid kyi sgo nas phyag 'tshal ba'i sgo nas ston pa la mchod pa bstan to/ /de ltar phyag 'tshal te ci zhig bya zhe na/ so sor thar pa brtsam par dam bca' bar bya ba bstan pa'i
 phyir/ thams cad mkhyen pa bslab gzhi dkon mchog snod/ /'phags pa'i tshogs kyi dbus su dbye bar bya/ /zhes bya ba gsungs te/ 'dis ni gang gis bstan pa dang/ ci zhig bstan pa dang/ su la bstan pas so sor thar pa'i che ba nyid
 brjod nas/ gang gis ci zhig bstan pa de nyid/ su la bstan pa'i tshogs kyi dbus su dbye bar bya'o/ /zhes bya ba ston to/ /de la gang gis bstan ce na/ ston pa ste/ de ni thams cad mkhyen pa zhes bya bas bstan te/ tshig gi don ni snga ma
 bzhin no/ /ci zhig bstan ce na/ so sor thar pa ste/ de ni bslab gzhi dkon mchog snod ces bya bas bstan te/ bslab pa zhes bya ba ni/ srog gcod pa spong pa la sogs pa'i mtshan nyid do/ /gzhi zhes bya ba ni tshig ste/ de la don gnas pa'i
 phyir ro/ /dkon mchog ces bya ba ni/ bslab pa'i gzhi de nyid de/ chen po rnams kyi rkyen yin pa'i phyir dang/ dkon pa'i phyir rin po che dang 'dra bas dkon mchog go /de yang gang zhe na/ rnam par 'byed pa dang/ gzhi dang/ phran tshogs dang/
 gzhung bla ma dag go /snod ces bya ba ni/ de dag gi snod de/ so sor thar pa'i mdo nyid do/ /de ni ston pa thams cad mkhyen pas gsungs pas na thams cad mkhyen pa'i bslab gzhi dkon mchog snod ces bya'o/ /su la bstan ce na/ nyan thos
 kyi dge 'dun la ste/ de ni 'phags pa'i tshogs zhes bya bas bstan te/ 'phags pa zhes bya ba ni/ sdig pa mi dge ba'i chos rnams las ring du gyur pa'o/ /tshogs zhes bya ba ni bzhi yan chad do/ /gang gis ci zhig bstan pa de nyid su la bstan
 pa'i tshogs kyi dbus su dbye bar bya ba ni/ ston pas so sor thar ba bstan pa de nyid nyan thos kyi dge 'dun gyi dbus su dbye bar bya ba ste/ de'i dbus su dbye bar bya zhes bya bas bstan te/ dbus su zhes bya ba ni nang du'o/ /dbye bar bya zhes
 bya ba ni gdon bar bya ba'o/ /'phags pa'i tshogs kyi dbus su dbye zhing gdon par bya'o/ /zhes bya ba'i tha tshig go /mchod pa'i mtshan nyid bshad zin to/ /su dag gi dbus su zhe na/ 'phags pa'i tshogs kyi ste/ /dper na rin po
 che'i snod dbye ba yang rin po che rtog shes pa dag gi tshogs kyi dbus su dbye ba bzhin du/ thams cad mkhyen pa'i bslab gzhi dkon mchog snod/ 'di yang bslab pa rin po che lta bu rtog shes pa'i/ 'phags pa'i tshogs
 kyi dbus su dpyad? zhing gdon par bya ba'i tha tshig go /mchod pa'i mtshan nyid bshad zin to/ /de'i 'og tu gleng bslang ba'i mtshan nyid bshad par bya ste/ gleng bslang ba'i mtshan nyid ces bya ba ni/ so sor thar pa'i mdo yang
 dag par brtsam pa gleng bslang ba'o/ /de yang so sor thar pa'i che ba nyid thos nas/ tshogs kyi lam 'bras bu dang bcas par 'dod pas/ so sor thar pa bsgrub par bya'o/ /zhes gleng bslang dgos pas de'i phyir/ sangs rgyas 'dul ba gang chen mtsho zhes
 bya ba la sogs pa tshigs su bcad pa bcu gcig gsungs so/ /de la 'dir yang tshigs su bcad pa bcu gcig po de dag gi brjod par bya ba dang/ dgos pa dang/ 'brel pa dang/ dgos pa'i dgos pa brjod par bya ste/ de la brjod par
 bya ba ni so sor thar pa'i che ba nyid do/ /dgos pa ni de rtogs pa'o/ /'brel pa ni/ rtogs pa de yang gleng bslang ba 'dis byed pas/ gleng bslang ba'i tshigs su bcad pa'i thabs 'di dang/ dgos pa thabs las byung ba'i mtshan nyid gnyis 'brel
 pa'o/ /dgos pa'i dgos pa ni/ so sor thar pa'i che ba nyid thob nas/ tshogs kyi lam 'bras bu dang bcas par 'dod pas/ so sor thar bsgrub par byed pa'o/ /de la tshigs su bcad pa bcu gcig po 'di dag gis bsdus pa'i don ni
 rnam pa gsum ste/ so sor thar pa'i che ba nyid brjod pa dang/ tshogs kyi lam 'bras bu dang bcas par bya ba dang/ sor sor thar pa bsgrub par bya ba'o/ /de la so sor thar pa'i che ba nyid brjod pa yang rnam pa gsum ste/ tshe 'di'i 'bras
 bu dang/ tshe phyi ma'i 'bras bu dang/ so sor thar pa la ston pa dang 'dra bar bstod pa'o/ /de la sangs rgyas 'dul ba gang chen mtsho/ /zhes bya ba la sogs pa tshigs su bcad pa gsum gyis ni/ tshe 'di'i 'bras bu bstan to/ /'tsho
 bas zab pa'i 'khor ba las zhes pa la sogs pa tshigs su bcad pa gnyis kyis ni/ /tshe phyi ma'i 'bras bu bstan to/ /nga ni mya ngan 'das gyur na/ /zhes bya ba la sogs pa tshigs su bcad pa gcig gis ni so sor thar pa la ston pa
 dang 'dra bar bstod pa bstan to/ /tshogs kyi lam 'bras bu dang bcas par bya ba yang rnam pa gsum ste/ /tshogs kyi lam dkon pa dang/ tshogs kyi lam rnyed pa dang/ tshogs kyi lam rnyed nas nan tan du bya ba'o/ /de la sangs rgyas
 zhes bya ba'i sgra 'di yang zhes bya ba la sogs pa tshigs su bcad pa gnyis kyis ni/ tshogs kyi lam dkon pa bstan te/ /'jig rten sangs rgyas 'byung ba dang/ /zhes bya ba la sogs pa tshigs su bcad pa gcig gis ni/ tshogs
 kyi lam rnyed pa bstan to/ /mkhas pas bdag la legs 'dod cing/ /zhes bya ba la sogs pa'i tshigs su bcad pa gcig gis ni/ tshogs kyi lam rnyed pas nan tan bya ba bstan to/ /so sor thar pa bsgrub par bya ba ni rnam pa bzhi ste/
 bdag gi dbang du byas pa dang/ gzhan gyi dbang du byas pa dang/ chos kyis dbang du byas pa dang bsgrub pa'i mtshan nyid do/ /de la/ dge slong dbang 'dul kun dbang po/ /zhes bya bas ni/ bdag gis dbang du bya ba bstan to/ /
 sangs rgyas mi 'gyur rab byung ba zhes bya bas ni gzhan gyis dbang du bya ba bstan to/ /nges par thar pa 'dod rnams kyis zhes bya bas ni chos nyid dbang du bya ba bstan to/ /so sor thar pa rtag tu srungs zhes bya bas ni bsgrub pa'i
 mtshan nyid bstan te/ /de ni re zhig spyi'i don yin no/ /da ni yan lag gi don bshad par bya ste/ /de la tshe 'di'i 'bras bu'i sgo nas so sor thar pa'i che ba nyid brjod pa'i dbang du mdzad nas/ sangs rgyas 'dul ba gang chen mtsho/
 gting mdza' med pa thams cad kyi/ /gnas pa'i snying dang snying po ni/ /so sor thar pa 'di yin no/ /zhes bya ba la sogs pa'i tshigs su bcad pa gsum gsungs te/ /sangs rgyas 'dul ba zhes bya ba ni/ sangs
 rgyas kyis gsungs pa'i 'dul ba'o/ /sangs rgyas zhes bya ba ni sangs rgyas bcom ldan 'das te/ /don thams cad nges par thugs su chud pa'i phyir ram/ nyon mongs pa bag chags dang bcas pa'i gnyid thams cad dang bral ba'i phyir
 ro/ 'dul ba zhes bya ba ni 'dul ba'i sde snod de 'dul ba rnam par 'byed pa dang/ 'dul ba gzhi dang/ 'dul ba phran tshegs dang/ 'dul ba gzhung bla ma ste/ slob ma rnams dngos po thams cad kyi mchog mya ngan las 'das
 par 'khrid par byed pa'i phyir ram/ /rgyud la kun tu spyod pa'i dri ma dang/ rnam par smin pa'i dri mas skyon chags par byed pa'i nyes pa thams cad rnam par 'dul bar byed pa'i phyir ro/ /gang chen mtsho zhes bya ba ni rgya mtsho ste/ /
 sangs rgyas kyis gsungs pa'i 'dul ba de nyid rgya mtsho dang 'dra ba'i phyir ro/ /ji ltar 'dra zhe na/ gting mdza' med pa zhes bya ba gsungs te/ /rgya mtsho la gzhi'i gting dpag tu med pa bzhin du/ 'dul ba la yang kun nas
 slong ba'i gting dpag tu med pa'i phyir dang/ /rgya mtsho la pha rol gyi mdza' dpag tu med pa bzhin du/ /'dul ba la yang 'bras bu'i mdza' dpag tu med pa'i phyir ro/ /'dul ba de dag thams cad kyi gnas pa'i snying dang snying po
 ni so sor thar pa 'di yin no/ /zhes bya bar sbyar te/ gnas pa'i zhes bya ba ni/ ltung ba sde lnga dang/ gzhi bcu bdun la sogs pa'i mtshan nyid rnam par bzhag pa'o/ /de'i snying zhes bya ba ni mtshan nyid rnam par bzhag pa de'i
 rgyur gyur pa ste/ /'phen pa dang/ sa bon dang/ kun nas slong ba gang yin pa'o/ /snying po zhes bya ba ni/ bstan pa rnam par mi g.yo ba ste/ mtshan nyid gzhan du mi 'gyur ba'o/ /des ni sangs rgyas kyis gsungs pa'i 'dul ba'i rgya mtsho
 lta bu gting dang mdza' med pa thams cad kyi mtshan nyid rnam par bzhag pa'i snying dang snying po ni so sor thar pa 'di yin no zhes bya ba'i sgo nas/ so sor thar pa'i che ba nyid brjod pa bstan to/ /'di ni dam chos rgyal po yi/ /chos kun
 gyi ni 'dren pa mchog /'di ni dge slong tshong tshogs kyi/ /bslab zong tshong khang chen po yin zhes bya ba la/ 'di ni zhes bya ba ni so sor thar pa'o/ /dam chos rgyal po zhes bya ba ni sangs rgyas bcom ldan 'das te/ thugs su chud pa dang
 ston par mdzad pa'i phyir ro/ /dam chos rgyal po de'i chos kun zhes bya ba ni/ /mdo'i sde la sogs pa bstan pa'i chos thams cad do/ /chos de dag gi 'dren pa'i mchog ces bya ba ni/ rgyal po'i slon po rin po che dang 'dra'o zhes bya ba'i
 tha tshig ste/ 'di la brten te de dag 'byung ba'i phyir ro/ /yang de nyid bye brag tu bya ba'i phyir/ 'di nyid zhes bya ba la sogs pa gsungs te/ 'di ni zhes bya ba ni so sor thar pa'o/ /dge slong tshong tshogs zhes bya ba ni/ dge slong mya
 ngan las 'das pa'i nor bu rin po che 'dod pa tshong pa lta bu'i tshogs don mthun pa dag go /de dag gi bslab zong zhes bya ba ni/ mya ngan las 'das pa'i nor bu rin po che sgrub pa'i zong tshul khrims kyi nor ro/ /de'i tshong khang zhes bya ba
 ni/ /bslab pa'i zong gcer ba'i gnas te/ so sor thar pa'i nang du bslab pa thams cad 'dus pa'i phyir ro/ /chen po zhes bya ba ni/ bslab pa rin po che'i gnas yin pa'i phyir dang/ chen po rnams la 'os pa yin pa'i phyir ro//
 de dag gis ni chos kun gyi 'dren pa mchog yin pa dang/ bslab pa'i zod gi tshong khang chen po yin pa'i sgo nas/ so sor thar pa'i che ba nyid brjod pa bstan to/ /tshul khrims 'chal bas zin rnams kyi/ /
 gdug pa rnam sel sman 'di yin/ /'di ni lang tsho rnam 'khrul ba'i/ /rkang gnyis gzhon nu'i lcags kyo yin/ /zhes bya ba la/ tshul khrims 'chal ba zhes bya ba ni/ bslab pa nyams pa lhag ma dang bcas te/ bdag dang
 gzhan la gnod pa nyid kyis sbrul chen po dug myur du khyab par byed pa dang 'dra ba'i phyir ro/ /des zin pa zhes bya ba ni nyams par byas pa'o/ /des zin pa'i gang zag rnams kyis gdug pa zhes bya ba ni ltung ba ste/ sbrul gyi dug
 dag dang 'dra ba'i phyir ro/ /rnam sel zhes bya ba ni rnam par gnon pa ste/ /kun tu spyod pa sel ba'i phyir ro/ /sman zhes bya ba ni/ gnod pa sel ba ste/ 'dis sbyong bar ston pa'i phyir ro/ /de yang so sor thar pa 'di
 yin te/ /des ni ltung ba rnam par sel ba'i rgyu nyid du bstan to/ /yang de nyid bye brag tu bstan pa'i phyir/ 'di ni zhes bya ba la sogs pa gsungs so/ /'di ni zhes bya ba ni so sor thar pa'o/ /lang tsho zhes bya ba ni gzhon
 ba nyid do/ /rnam 'phrul ba'i zhes bya ba ni/ bag med pa la sogs pas rnam par rmongs pa'o/ /rkang gnyis zhes bya ba ni mi'o/ /gzhon nu zhes bya ba ni/ bya ba dang bya ba ma yin pa ni mi shes pa'o/ /lcags kyo zhes
 bya ba ni/ glang po che'i lcags kyo dang 'dra ba ste/ /bsnyil ba dang spo ba la sogs pa'i nyes dmigs ston pas kun tu skrag par byed pa yin pa'i phyir ro/ /nges ni gdul dka' ba rnams yang dag par sdom pa'i rgyu nyid du
 bstan to/ /de ltar tshigs su bcad pa gsum po de dag gis ni/ so sor thar pa las rtsol byas na/ tshe 'di la 'bras bu 'di lta bu 'thob pas tshe 'di'i 'bras bu'i sgo nas/ so sor thar pa'i che ba nyid brjod pa bstan to/ /tshe phyi ma'i
 'bras bu'i sgo nas so sor thar pa'i che ba nyid brjod pa'i dbang du mdzad nas/ mtsho bas zag pa'i 'khor ba las/ /sgrol ba'i brgal thabs 'di yin te/ /'di ni bzang 'gror 'gro ba yi/ /nges pa'i chu lon zam pa yin/ /zhes
 bya ba la sogs pa'i tshigs su bcad pa gnyis gsungs te/ /mtsho bas zab pa'i 'khor ba zhes bya ba ni/ rgya mtsho dug can pas kyang ches zab cing gting slebs par dka' ba'i 'khor ba 'gro ba lnga'i 'jig rten no/ /'khor ba de
 las skrol ba'i brgal thabs zhes bya ba ni/ rnam par grol bar 'gyur ba'i lam ste/ zam pa dang/ gru dang/ gzings dang/ rkyal ba la sogs pa lta bu'o/ /de yang so sor thar pa 'di yin te/ /tshul khrims rnams par
 dag na lam skye ba'i phyir ro/ /des ni 'khor ba las sgrol zhing nges par legs pa'i lam 'thob pa'i thabs yin par bstan to/ /'di ni zhes bya ba ni so sor thar pa'o/ /bzang 'gro zhes bya ba ni bde 'gro mtho ris te/ /lha dang mi'i
 'gro ba'o/ /der 'gro ba zhes bya ba ni/ /der 'jug cing 'thob pa'o/ /nges pa zhes bya ba ni bstan pa gcig tu gyur pa ste/ gdon mi za ba'o/ /chu lon zam pa zhes bya ba ni/ chu yang 'gog la rgyun sa'i zam bar gyur pa ste/ ngan
 song gi chu bo yang 'gog la/ /mtho ris su 'gro ba'i zam pa yang yin pa'i phyir ro/ /de ni sor sor thar pa 'di yin te/ /tshul khrims ni bde 'gro'i rgyu yin pa'i phyir ro/ /des ni ngan 'gro las sgrol zhing mngon par mtho ba'i lam thob
 pa'i thabs yin par bstan to/ /'di ni nyon mongs pham byed lam/ /rgyal po yin ni 'dren pa mchog /'di ni thar pa'i grong 'jug pa'i/ /them skas gzhi dang 'dra bar gnas/ /zhes bya la/ 'di ni zhes bya ba ni so sor thar
 pa'o/ /nyon mongs zhes bya ba ni/ 'dod chags dang khong khro ba la sogs pa nyon mongs pa dag go /pham byed ces bya ba ni spong bar byed pa'o/ /de yang gang zhe na/ lam ste 'phags pa'i lam yan lag brgyad pa'o/ /rgyal po zhes bya
 ba ni/ nyon mongs pa pham par byed pa'i lam de nyid rgyal po dang 'dra bas rgyal po zhes bya ste/ nyon mongs pa'i dgra pham par byed pa'i phyir ro/ /'dren pa mchog ces bya ba ni/ rgyal po'i snying tshoms lta bu ste/ 'dis 'phags pa'i lam
 'dren par byed pa'i phyir ro/ /nges ni 'khor ba'i rgyu nyon mongs pa spong zhing/ mya ngan las 'das pa'i rgyu 'phags pa'i lam 'dren pa yin par bstan to/ /'di ni zhes bya ba ni so sor thar pa'o/ /thar pa zhes bya ba ni mya ngan las 'das
 pa'o/ /grong zhes bya ba ni/ thar pa de nyid grong khyer dang 'dra bas grong zhes bya ste/ 'tshe ba thams cad dang bral ba'i phyir ro/ /'jug pa zhes bya ba ni 'gro ba'o/ /them skas gzhi zhes bya ba ni/ them skas kyi rten ma'o/ /so sor thar
 pa 'di ni de dang 'dra bar gnas pa yin te/ lam gyis gzhi ni tshul khrims yin pa'i phyir ro/ /nges ni mya ngan las 'das pa'i 'bras bu 'thob pa'i rgyu 'phags pa'i lam gyi gzhi nyid yin par bstan to/ /de ltar tshigs su bcad pa
 gnyis po de dag gis ni/ /so sor thar pa la rtsol ba byas na/ tshe phyi ma la 'bras bu 'thob pas/ /tshe phyi ma'i 'bras bu'i sgo nas/ so sor thar pa'i che ba nyid brjod pa bstan to/ /so sor thar pa la ston pa dang 'dra bar bstod
 ba'i sgo nas/ so sor thar pa'i che ba nyid brjod pa'i dbang du mdzad nas/ /nga ni mya ngan 'das gyur na/ /'di ni khyed kyi ston pa zhes/ /rang byung nyid kyis gus byas pas/ /nan tan dge 'dun tshogs mdun bstod/ /ces bya ba
 tshigs su bcad pa gcig gsungs te/ /nga ni zhes bya ba ni bcom ldan 'das nyid do/ /mya ngan 'das gyur na/ zhes bya ba ni phung po'i lhag ma ma lus pa'i mya ngan las 'das pa'i dbyings su'o/ /'di ni zhes bya ba ni so sor thar pa'o/ /
 khyed kyi zhes bya ba ni/ nyan thos kyi dge slong rnams kyi'o/ /ston pa zhes bya ba ni ston pa dang 'dra'o zhes so/ /rang byung zhes bya ba ni bcom ldan 'das te/ gzhan gyi lung med par bla na med pa'i mkhyen pa brnyes pa'i phyir ro/ /nyid
 kyis zhes bya ba ni rang gi zhal nyid kyis so/ /gus bcas pa zhes bya ba ni dgongs pa gtad de'o/ /nan tan zhes bya ba ni lhur ba zhes nas so/ /dge slong zhes bya ba ni gsol ba dang bzhi'i las kyis bsnyen par rdzogs pa'i dge slong ngo/ /tshogs zhes
 bya ba ni mang po 'dus pa'o/ /mdun zhes bya ba ni mngon sum du'o/ /bstong ces bya ba ni ston pa dang 'dra'o zhes so/ /nga ni ston pa bcom ldan 'das yongs su mya ngan las 'da' ba' i tshe na/ dge slong dag de phyin chad bdag cag la ston pa
 med par 'gyur ro snyam du dogs pa bzlog pa'i phyir/ bcom ldan 'das kyis 'di skad ces yongs su mya ngan las 'das par gyur pa na/ so sor thar pa 'di khyed la ston par byed par 'gyur ro/ /zhes bstod pa mdzad pas/ so sor thar pa
 la ston pa dang 'dra bar bstod pa'i sgo nas/ sor sor thar pa'i che ba nye bar brjod pa bstan to// //tshogs kyi lam dkon pas/ tshogs kyi lam 'bras bu dang bcas par bya ba'i dbang du mdzad nas/ sangs rgyas zhes bya'i
 sgra 'di yang/ /'jig rten dag na rab tu dkon/ /mi nyid rnyed pa shin tu dka' / /rab tu byung ba'ang shin tu dkon/ /zhes bya ba la sogs pa'i tshigs su bcad pa gnyis gsungs so/ /tshogs kyi
 lam zhes bya ba mi/ sbyor ba'i lam dang/ rnam par dge ba'i lam 'thob pa'i tshogs dang gzhir gyur pa'i lam rnam pa bcu gsum ste/ gzhan gyi 'byor pa dang/ bdag gi 'byor pa dang/ dge ba'i chos la 'dun pa
 dang/ /tshul khrims kyi sdom pa dang/ dbang po sdom pa dang/ zas kyis tshod rig pa nyid dang/ nam gyi tsha stong dang/ nam gyi cha smad la mi nyal bar sbyor ba'i rjes su rtson pa nyid dang/ shes bzhin du spyod pa nyid
 dang/ /dge ba'i bshes gnyen dang/ dam pa'i chos nyan cing sems pa dang/ bar chad med pa dang/ gtod ba spel ba dang/ dge sbyor gi rgyan gang yin pa'o/ /de la sangs rgyas zhes bya'i sgra 'di yang/ /'jig rten
 dag na rab tu dkon/ /zhes bya ba ni gzhan gyi 'byor ba dkon pa bstan te/ gzhan gyis 'byor ba gar zhe na/ de ni rnam pa lnga ste/ sangs rgyas rnams 'byung ba dang/ dam pa'i chos ston pa dang/ chos bstan pa rnams gnas
 pa dang/ chos bstan pa rnams kyi rjes su 'jug pa dang/ gzhan gyi phyir rjes su snying brtse bar bya'o/ /des ni tha na sangs rgyas zhes bya ba'i sgra yang 'jig rten dag na rab tu dkon na/ /sangs rgyas rnams 'byung ba lta smos kyang
 ci dgos/ sangs rgyas rnams 'byung ba dkon na/ dam pa'i chos ston pa la sogs pa lta yod smos ci dgos zhes bstan to/ /mi nyid rnyed pa shin tu dka' / zhes bya ba ni bdag gi 'byor ba dkon par bstan te/ bdag
 gi 'byor ba gang zhe na/ de yang rnam pa lnga ste/ mir gyur pa dang/ yul dbus su skyes pa dang/ dbang po tshang ba dang/ gnas la dad pa dang/ las kyi mdza' ma log pa'o/ /nges ni mir gyur pa nyid kyang rnyed pa shin tu dka' 
 na/ /yul dbus su skyes pa la sogs pa lta smos kyang ci dgos zhes bstan to/ /rab tu byung ba shin tu dkon/ /zhes bya bas ni dge ba'i chos la 'dun pa dkon par bstan te/ dge ba'i chos la 'dun pa gang zhe na/ de bzhin
 gshegs pa 'am de'i nyan thos dag las chos thos shing/ dad pa thob nas khyim nas khyim med par rab tu byung zhing nan tan gyis bsgrub par bya'o zhes de ltar yang dag par slob pa gang yin pa'o/ /des ni chos thos shing dad pa thob
 pa yang shin tu dkon na/ /rab tu byung zhing nan tan gyis bsgrubs par byed pa lta smos kyang ci dgos zhes bstan to/ /de bzhin rab tu byung rnams kyi/ /tshul khrims phun sum tshogs rab dkon/ /zhes bya ba'i ni tshul khrims
 kyi sdom pa dang/ dbang po sdom pa dang/ zas kyi tshod rig pa nyid dang/ nam gyi cha stong cha smad la mi nyal bar sbyor ba rjes su brtson pa nyid dang/ shes bzhin du spyod pa nyid dkon par bstan to/ /tshul khrims kyi sdom
 pa gang zhe na/ rnam par drug ste/ rnam par dbye ba dang/ bsdu ba dang/ phun sum tshogs pa dang/ rnam grangs dang/ rnam par dag pa dang/ phan yon no/ de la rnam par dbye ba ni rnam pa drug ste/ tshul khrims dang ldan
 par gnas pa dang/ so sor thar pa'i sdom pas bsdams pa dang/ cho ga phun sum tshogs pa dang/ spyod yul phun sum tshogs pa dang/ kha na ma tho ba phra rab tsam dag la yang 'jigs par lta ba dang/ bslab pa'i gzhi rnams yang
 dag par blangs te slob pa'o/ /bsdu ba ni rnam pa gsum du bsdu ba ste/ /tshul khrims yang dag par blangs pa dang/ nges par 'byin pa'i tshul khrims dang/ tshul khrims bsgom pa'o/ /phun sum tshogs
 pa ni rnam pa bcus phun sum tshogs par 'gyur ba ste/ /dang po nyid na legs par blangs pa dang/ /ha cang zhum pa ma yin pa dang/ ha cang thal ches pa ma yin pa dang/ bag yod pa dang brtson 'grus kyis yongs su zin pa dang/
 yang dag par smin pa dang/ cho ga ma nyams pas yongs su zin pa dang/ 'tsho ba ma nyams pas yongs su zin pa dang/ mdza' gnyis su ma ltung ba dang/ nges par 'byung ba dang/ yang dag par blangs pa yongs su ma nyams pa'o/ /
 rnam grangs ni rnam pa drug ste/ la lar tshul khrims rtsa ba'i don du gsungs pa dang/ la lar rgyan dang/ la lar byug pa dang/ la lar spos dang/ la lar legs par spyad pa dang/ la lar sdom pa'i sgrar gsungs pa'o//
 rnam par dag pa ni rnam pa gsum ste/ tshul khrims kyi sdom pa de yongs su dag par bya ba'i phyir/ lus kyi las la so sor rtog par byed pa dang/ ngag gi las la so sor rtog par byed pa dang/ yid kyi las la so sor
 rtog par byed pa'o/ /phan yon ni/ tshul khrims kyi phan yon rnam pa bcu ste/ 'gyod pa med pa'i rim gyis mchog tu dga' ba sngon du 'gro ba'i chos thob par 'gyur ba dang/ 'gyod pa med par 'chi ba'i dus byed par 'gyur ba dang/
 phyogs bcur snyan pa'i sgra grags par 'gyur ba dang/ bde bar gnyid kyis log cing bde bar sang par 'gyur ba dang/ gnyid log pa na lha rnams bsrung bar gyur ba dang/ gzhan la bsdigs pa'i bag tsha ba dang/ 'jigs pa
 dang/ dbang med par mi 'gyur ba dang/ dgra bco rnams kyis glags shig rnyed na yang/ tshul khrims rnam par dag pa'i dbang gis de dag bsrungs pa la sogs pas phan 'dogs par 'gyur ba dang/ gnod sbyin dang/ mi ma yin pa dang/
 gdug pa gnyug mar gnas pa rnams kyis glags shig rnyed na yang/ tshul khrims rnam par dag pa'i dbang gis de dag bsrungs ba la sogs pas phan 'dogs par 'gyur ba dang/ gzhan las chos gos la sogs pa dag chos kyis tshogs
 chung dus thob par 'gyur ba dang/ gang du skye bar 'dod pa la sogs pa smon lam thams cad yang dag par gyur ba'o/ /dbang po sdom pa gang zhe na/ tshul khrims kyi sdom pa de nyid la brten nas/ dran pa kun tu bsrung ba dang/
 dran pa la rtag 'grus byed pa dang/ dran pas yid kun tu bsrungs pa dang/ gnas skabs mnyam pa la 'jog par byed cing/ mig dang/ rna ba dang/ sna dang/ lce dang/ lus dang/ yid kyis/ gzugs dang/ sgra dang/
 dri dang/ ro dang/ reg bya dang/ chos rnams rnam par shes pa na yang mtshan mar mi 'dzin cing/ mngon rtags su mi 'dzin la/ /gzhi gang kho na las de'i sems kyi rjes su sdig pa mi dge ba'i chos rnams zad par 'gyur ba'i
 phyir sgrub par byed cing/ dbang po rnams kyang srung bar byed la/ dbang po rnams kyis kyang sdom pa sgrub par byed pas/ /dbang po rnams kyi sgo bsdams pa yin no/ /zas kyi tshod rig pa nyid gang zhe na/ de ltar dbang po bsdams pa
 de so sor brtags shing zas za bar byed pa rnam par rtogs pa'i phyir ma yin/ /rgyags pa'i phyir ma yin/ sgeg pa'i phyir ma yin/ brgyan pa'i phyir ma yin gyi/ lus 'di gnas par bya ba dang/ 'tsho bar bya ba dang/
 bkres pa bsal bar bya ba dang/ tshangs par spyod pa la phan par bya ba dang/ tshor ba rnying pa rnams spang par bya ba dang/ gsar pa rnams mi skye bar bya ba'i phyir dang/ bdag 'tsho zhing stobs dang bde ba dang/ /
 na ma tho ba med pa dang/ bde ba la reg par gnas par yang 'gyur ro/ /snyam du sems shing zas za ba yin no/ /nam gyi cha stod dang nam gyi cha smad la mi nyal bar sbyor ba'i rjes su brtson pa nyid gang zhe na/ de ltar zas kyi
 tshod rig pa de nyin mo 'chag pa dang 'dug pa dag gis sgrib par 'gyur ba'i chos rnams las sems yongs su spyod par byed cing/ /mtshan mo'i thun dang po la yang 'chags pa dang/ 'dug pa dag gis sgrib par 'gyur ba'i chos
 rnams las sems yongs su spyod par byed la/ mtshan mo'i gung thun la gtsugs lag khang nas phyir byung ste/ gtsug lag khang gi phyi rol tu rkang pa brkus nas/ gtsug lag khang gi nang du zhugs te/ glo g.yas pa phab
 nas rkang pa'i steng du rkang pa bzhag ste/ snang ba'i 'du shes dang/ dran pa dang/ shes bzhin dang ldan pa kho na'i 'du shes yid la byed bzhin du nyal bar byed pa dang/ mtshan mo'i thun tha ma la myur ba myur ba kho nar
 sad par byas nas 'chag pa dang/ 'dug pa dag gis sgrib par 'gyur ba'i chos rnams las sems yongs su sbyong bar byed pa yin no/ /shes bzhin du spyod pa nyid gang zhe na/ de ltar mi nyal bar sbyor ba'i rjes su brtson
 par gyur pa de 'gro ba dang ldog pa la shes bzhin du sbyor bar byed pa dang/ cung zad bltas pa dang/ rnam par bltas pa dang/ bskum pa dang/ brkyang ba dang/ snam sbyar dang/ chos gos dang/ lhung bzed bcang ba dang/
 zos pa dang/ 'thungs pa dang/ 'chos pa dang/ myangs pa dang/ song ba dang/ sdod pa dang/ 'dug pa dang/ nyal ba dang/ mi nyal ba dang/ smra ba dang/ mi smra ba dang/ gnyid kyi snyom pa bsang ba la yang/ shes bzhin
 du spyod pa yin no/ /des ni tshul khrims kyi sdom pa yang rab tu dkon na/ /dbang po sdom pa la sogs pa lta smos kyang ci dgos zhes bstan to/ /tshul khrims yongs su dag gyur kyang/ /grogs bzang shin tu rnyed par dka' / /
 zhes bya bas ni/ dge ba'i bshes gnyen dang/ dam pa'i chos nyan cing sems pa dang/ bar chad med pa dang/ gtong ba spel ba dang/ dge sbyong gi rgyan dkon par bstan to/ /dge ba'i bshes gnyen gang zhe na/ rgyu rnams pa brgyad
 kyis na rnam pa thams cad yongs su rdzogs pa'i dge ba'i bshes gnyen yin par rig par bya ste/ brgyad gang zhe na/ tshul khrims la gnas pa dang/ mang du thos pa dang/ rtogs pa dang ldan pa dang/ rjes su snying brten ba dang ldan
 pa dang/ yid yongs su mi skyo ba dang/ bzod pa dang ldan pa dang/ mi 'jigs pa dang ldan pa dang/ tshig gi bya ba dang ldan pa yin no/ /dam pa'i chos nyan cing sems pa gang zhe na/ dam pa sangs rgyas dang/ sangs rgyas kyi
 nyan thos rnams kyis bstan pa'i chos gsung rab tu gtogs pa yan lag bcu gnyis sde snod gsum gyis bsdus pa dag 'dzin cing/ tshig 'bru dang don nyan pa gcig pu dpen bar stong ste/ bsam gyis mi khyab pa'i gnas rnams
 spangs pas ji skad thos pa'i chos de dag nyid rang dang spyi'i mtshan nyid kyi sgo nas bgrang ba'i rnam pas chos rnams la bgrang ba'i tshul gyis sems par byed pa dang/ gzhal ba'i rnam pas rigs pas yon tan dang skyon nye bar brtag pa'i
 tshul gyis sems par byed pa yin no/ /bar chad med pa gang zhe na/ nang las brten pa'i bar chad dang/ phyi rol las brten pa'i bar chad med pa ste/ de la nang la brten pa'i bar chad ni/ sngon bsod nams
 ma byas pa'i phyir/ /'tsho ba'i yo byad rkyen du bab pa dag dus su rnyed par mi 'gyur ba dang/ 'dod chags dang/ zhe sdang dang/ gti mug shas che zhing yun ring ba dang/ sngon nang mang bar 'gyur ba'i las byas pas nad
 mang ba dang/ tshe 'di la mi mthun par spyod pas/ /de'i lus la rlung dang/ mkhris pa dang/ bad bkan 'khrug cing gsung pa la sogs par 'gyur ba dang/ zas la gdub dang/ ngo? mang ba dang/ bya ba mang ba dang/
 tshogs 'du ba mang ba dang/ las la dga' ba dang/ smra ba la dga' ba dang/ gnyid la dga' ba dang/ bre mo gtam la dga' ba dang/ 'du 'dzil dga' dang/ bdag nyid rab tu 'dzin pa dang/ mi brtan pa dang/ bag med pa dang/
 yul ngan par skyes pa dang/ de lta bu dag dang mthun pa dag go /phyi rol las brten pa'i bar chad ni/ skyes bu dam pa ma yin pa la brten cing/ de la rjes su mthun pa'i gdams ngag dang/ rjes su bstan pa dus su mi 'thob pa
 dang/ /yul ngan par gnas pas nyin mo mi sdug pa mang ba dang/ mtshan mi skye bo mang po rtag tu sgra 'byin cing/ ca tshe mang la klag cor che ba dang/ rlung dang nyi ma'i reg pa grang zhing tsha ba dang/ mi dang mi ma yin pas 'jigs pa
 dang/ de lta bu dag dang mthun pa dag go /gzhan yang bar chad rnams pa gsum ste/ sbyor ba'i bar chad dang/ rab tu dben pa'i bar chad dang/ nang du yang dag 'jog pa'i bar chad dag med pa ni bar chad med pa yin no/ /
 gtong pa spel ba gang zhe na/ sems kyi rgyan dang/ sems kyi yo byad dang/ rnal 'byor gyi tshogs dang/ don gyi mchog thob par bya ba'i kha na ma tho ba med pa'i sbyin par byed par ste/ de yang sus sbyin par byed/ su la sbyin par byed/ ci cig sbyin
 par byed/ cis sbyin par byed/ ji ltar sbyin par byed/ ci'i phyir sbyin par byed cing/ gang gis de'i sbyin pa kha na ma tho ba med par 'gyur ba yin zhe na/ sbyin pa po dang sbyin bdag gis sbyin par byed do/ /su la sbyin byed ce na/ bzhi
 la ste/ sdug bsngal ba dang/ phan 'dogs pa dang/ sdug pa dang/ khyad par can la sbyin par byed do/ /ci zhig sbyin par byed ce na/ sems can du bgrang ba dang/ sems can du bgrang ba ma yin pa'i dngos po sbyin par byed do/ /
 cis sbyin par byed ce na/ sems mngon par 'du byed pa yin gyi las chags pa med pa dang ldan pa'i sems pa gang yin pa dang/ sbyin pa bya ba'i dngos po yongs su btang bar bya ba'i phyir/ rang gi rgyud dang gzhan gyi rgyud la des kun nas
 bslang ba'i lus dang/ ngag gi las gang yin pa des sbyin par byed do/ /ji ltar sbyin par byed ce na/ ma 'ongs ba la blta ba dang/ 'bras bu mthong ba'i dad pas sbyin par byed pa dang dad pa'i sems kyis gus par sbyin par byed pa
 dang/ /brnyas pa med par rang gi lag nas sbyin par byed pa dang/ gzhan la mkho bo'i dus su sbyin par byed pa dang/ chos dang mthun par dang gzu lums ma yin par legs par bsgrubs te/ gzhan la mi gnod par sbyin par byed
 pa dang/ /tsang ba dang/ bzang bo dang/ dam pa dang/ rung ba sbyin par byed pa dang/ ser sna'i dri ma dang/ gsog 'jog gi dri ma bsal te/ /sbyin par byed pa dang/ sbyin pa'i snga rol du yang yid dga' la/ sbyin
 pa'i tshe na yang rab tu dad par byed cing/ byin nas kyang 'gyod pa med par 'gyur ba de ltar sbyin par byed do/ /ci'i phyir sbyin par byed ce na/ sdug bsngal ba rnams la snying rje ba'i phyir dang/ phan 'dogs pa rnams la
 byas pa gzo ba'i phyir dang/ sdug pa rnams la byams pa dang gus pa dang bcugs pa'i phyir dang/ khyad par rnams la 'jig rten dang/ 'jig rten las 'das pa'i khyad par 'dod pa'i phyir sbyin par byed do/ /gang gis de'i sbyin pa
 kha na ma tho ba med par 'gyur pa yin zhe na/ de sems kyi rgyan dang/ sems kyi yo byad dang/ rnal 'byor gyi tshogs dang/ don gyi mchog thob par bya ba'i phyir/ rnam pa de dag gi khyim pa 'am/ rab tu byung ba dag la sbyin
 pa sbyin par byed na/ sbyin pa de ni kha na ma tho ba med par 'gyur ba yin te/ de ni gtod pa spel ba zhes bya ba'o/ /dge sbyong gi rgyan gang zhe na/ mdor bsdu na rnam pa bcu bdun te/ dad pa dang ldan pa dang/ g.yo med pa dang/ nad
 nyung ba dang/ brtson 'grus brtsams pa'i rang bzhin can dang/ shes rab rno ba dang/ 'dod pa chung ba dang/ chog shes pa dang/ gso sla ba dang/ dgang sla ba dang/ sbyangs pa'i yon tan dang ldan pa dang/ mdzes pa dang/
 drod rig pa dang/ skyes bu dam pa'i chos dang ldan pa dang/ mkhas pa'i rtags dang ldan pa dang/ bzod pa che ba dang/ nges pa dang/ gya nom pa yin no/ /des ni dge ba'i bshes gnyen yang rnyed pa shin tu dka' 
 na/ /dam chos nyan cing sems pa la sogs pa lta smos kyang ci dgos zhes bstan to/ /de ltar tshigs su bcad pa gnyis po de dag gis ni tshogs kyi lam dkon pas de 'bras bu dang bcas par bya dgos pa'i sgo nas/ tshogs
 gyi lam 'bras bu dang bcas par bya ba bstan to/ /tshogs kyi lam rnyed pas tshogs kyi lam 'bras bu dang bcas par bya ba'i dbang du mdzad nas/ 'jig rten sangs rgyas 'byung ba dang/ /mi dang rab tu 'byung ba dang/ /tshul khrims phun
 sum tshogs pa dang/ /grogs bzang rnyed dka' rnyed gyur nas/ /zhes bya ba'i tshigs su bcad pa gcig gsungs te/ /'jig rten sangs rgyas 'byung ba dang/ /zhes bya ba ni gzhan gyi 'byor ba rnyed pa bstan to/ /mi dang zhes bya
 bas ni bdag gi 'byor ba rnyed pa bstan to/ /rab tu byung ba dang zhes bya bas ni dge ba'i chos la 'dun pa rnyed pa bstan to/ /tshul khrims phun sum tshogs pa dang/ zhes bya bas ni tshul khrims kyi sdom pa dang/ dbang po sdom pa dang zas
 kyi tshod rig pa nyid dang/ nam gyi cha stod dang/ nam gyi cha smad la mi nyal bar sbyor pa'i rjes su brtson pa nyid dang/ shes bzhin du spyod pa nyid bstan to/ /grogs bzang rnyed dka' rnyed gyur nas/ /zhes bya bas ni dge ba'i bshes
 gnyen dang/ /dam pa'i chos nyan cing sems pa dang/ bar chad med pa dang/ gtong ba spel ba dang/ dge sbyong gi rgyan rnyed pa bstan to/ /de ltar tshigs su bcad pa gcig po des ni tshogs kyi lam rnyed pas de 'bras bu dang
 bcas par bya dgos pa'i sgo nas/ /tshogs kyi lam 'bras bu dang bcas par bya ba bstan to/ /tshogs kyi lam rnyed pas nan tan du bya ba'i sgo nas/ tshogs kyi lam 'bras bu dang bcas par bya ba'i dbang du mdzad nas/ mkhas
 pa bdag la legs 'dod cing/ /de dag 'bras bcas byed 'dod pas/ /sdom brtson rnams kyis so sor thar/ /mnyan pa'i phyir ni 'bad par bya/ /zhes bya ba tshigs su cad gcig gsungs te/ mkhas pa zhes bya ba
 ni mkhas pa'i rtags dang ldan pa ste/ lus kyis legs par bya ba byed pa dang/ ngag gis legs par smra ba brjod pa dang/ yid kyis legs par bsam pa sems pa'o/ /bdag la legs 'dod cing zhes bya bas
 ni/ /bdag nyid shes pa zhes bya ba'i tha tshig go /de dag 'bras bcas byed 'dod pas/ /zhes bya ba ni/ tshogs kyi lam de dag 'bras bu dang bcas par byed 'dod pa ste/ sbyor ba'i lam dang rnam par dag pa'i lam thob par
 'dod pa zhes bya ba'i tha tshig go/ /sdom brtson rnams kyis zhes bya ba ni/ rab tu byung ba rnams kyis so/ /de rnams kyis so sor thar pa nyan pa'i phyir ni 'bad par bya'o/ /zhes bya bar sbyar te/ thos pa dang/ gzung ba
 dang/ 'dzin pa dang/ bsgrub pa la 'bad par bya'o/ /zhes bya ba'i tha tshig go /de ltar tshigs su bcad pa gcig po des ni/ tshogs kyi lam rnyed pas nan tan bya ba'i sgo nas/ tshogs kyi lam 'bras bu dang bcas par
 bya ba bstan to/ /bdag gi dbang du byas nas so sor thar pa bsgrub pa bstan pa'i phyir/ /dge slong dbang dul kun dbang po/ /zhes bya ba gsungs te/ dbang dul zhes bya ba ni/ mig la sogs pa dbang po lnga po dag bsrungs
 pa ste/ mig gis gzugs mthong na mtshan mar mi 'dzin/ mngon rtags su mi 'dzin cing/ rjes su chags pa dang khong khro par mi 'gyur ba la sogs pa'o/ /kun dbang po zhes bya ba ni gnas skabs mnyam pa la 'jog pa
 ste/ dbang po dang/ dmigs pa dang/ yul dang dus dang/ gang zag la sogs pa'i gnas skabs thams cad la dbang po dul bar byed pa'o/ /des ni bdag nyid kyis bsam pa shin tu rnam par dag pa'i phyir/
 dge slong tshul khrims rnams las bslab pa nyams par byed pa na/ bdag nyid la brten te/ ngo tsha shes pa skye ba'i sgo nas bdag gi dbang du byas te/ so sor thar pa bsgrub par bya ba bstan to/ /gzhan gyi dbang du byas nas so
 sor thar ba bsgrubs pa bstan pa'i phyir/ sangs rgyas mi 'gyur rab byung ba/ /zhes bya ba gsung te/ sangs rgyas zhes smos pa ni/ sangs rgyas las sam/ sangs rgyas kyi phyir rab tu byung ba zhes bya bar sbyar ro/ /mi 'gyur zhes
 bya ba ni nges shing 'khrul ba med pa ste/ bu lon gyis 'jigs pa 'am 'tsho ba med pas 'jigs pa 'am/ rgyal pos 'jigs pa la sogs pas rab tu byung ba ma yin gyi/ tshul khrims dang po nyid nas yang dag par blangs pa'i yon
 tan dang ldan pa'o/ /rab byung ba zhes bya ba ni/ pha rol las legs par yang dag par blangs te/ mgo bregs pa'o/ /des ni pha rol las legs par yang dag par blangs pa'i phyir/ dge slong tshul khrims rnams las
 bslab pa nyams par byed pa na/ pha rol la brten te khrel yod pa skye bar bya ba'i sgo nas gzhan gyi dbang du byas te/ so sor thar pa bsgrub par bya ba bstan to/ /chos kyi dbang du byas nas so sor thar pa bsgrub pa bstan
 par bya ba'i phyir/ nges par thar pa 'dod rnams kyis/ /zhes bya ba gsungs te/ nges par thar pa zhes bya ba ni/ mya ngan las 'das pa ste/ sdug bsngal gtan spangs pa'i phyir ro/ /'dod rnams kyis zhes bya ba ni don
 du gnyer ba rnams kyis so/ /des ni nyams par gyur na/ phyis gso bar byed pa'i phyir/ dge slong tshul khrims rnams las bslab pa nyams pa na/ 'gyod par byed pa'i sgo nas chos kyi dbang du byas te/ so sor thar pa
 bsgrub par bya ba bstan to/ /bsgrub pa'i mtshan nyid kyis so sor thar pa bstan pa'i phyir/ so sor thar pa rtag tu srungs zhes bya ba gsungs te/ rtag tu srungs zhes bya ba ni/ thog ma nyid nas nyams par mi
 'gyur par gus pa skyed cig ces bya ba'i tha tshig go /des ni nyams par mi 'gyur ba'i phyir/ /gus pa bskyed nas dran pa nye bar gnas pa'i phyir/ dge slong tshul khrims yang dag par blangs pa bsrungs pa'i sgo nas/ /
 bsrung ba'i mtshan nyid kyis so sor thar pa bsgrub pa bstan to/ /gleng bslang ba'i mtshan nyid bshad zin to// //de'i 'og tu yang dag par brtsam pa'i mtshan nyid bshad par bya ste/ yang dag par/ brtsam pa'i mtshan nyid zhes?
 bya ba ni/ so sor thar pa'i gzhung rgyas pa yang dag par brtsam pa'o/ /de yang so sor thar pa rnyed dka' ba dang/ dkon mchog gsum 'byung ba bde ba la sogs pa'i sgo nas yang dag par brtsam dgos pas de'i phyir/ bskal pa
 bye ba rnams su yang zhes bya ba la sogs pa tshigs su bcad pa drug gsungs so/ /'dir yang tshigs su bcad pa drug po/ /de dag gi brjod par bya ba dang/ dgos pa dang/ 'brel pa dang/ dgos pa'i dgos pa brjod par
 bya'o/ /de la brjod par bya ba ni/ so sor thar pa la gus par bya'o/ /dgos pa ni gus par byed pa'o/ /'brel pa ni/ gus par byed pa de yang yang dag par brtsam pa 'dis byed pas/ yang dag par brtsam pa'i tshigs su
 bcad pa'i thabs 'di dang/ dgos pa thabs las byung ba'i mtshan nyid gnyis 'brel pa'o/ /dgos pa'i dgos pa ni/ so sor thar pa la gus par gyur nas/ so sor thar pa yang dag par brtsam par 'dod pas/ so sor thar
 ba'i gzhung rgyas pa nyan pa la sogs pa byed pa'o/ /de la tshigs su bcad pa drug po 'di dag gis bsdus pa'i don ni rnam pa bdun te/ so sor thar pa rnyed dka' ba dang/ dkon mchog gsum 'byung ba bde ba dang/ dge ba'i bshes gnyen
 la brten pa bde ba dang/ sdig pa'i grogs po spangs pa bde ba dang/ dge ba'i bshes gnyen gyi khyad par la brten pa bde ba dang/ thob par bya ba dang de bsgrub pa bde ba dang/ sgrub par byed pa sbyangs pa'i yon tan dang ldan pa bde ba'o/ /
 de la bskal pa bye ba rnams su yang zhes bya ba la sogs pa la tshigs su bcad pa gcig gis ni/ so sor thar pa rnyed dka' ba bstan to/ /sangs rgyas rnams ni 'byung ba bde zhes bya ba la sogs pa tshigs su bcad pa gcig gis ni
 dkon mchog gsum 'byung ba bde ba bstan to/ /'phags pa rnams ni mthong ba bde/ /dam pa ngag dang 'grogs pa bde/ /zhes bya bas ni dge ba'i bshes gnyen la brten pa bde ba bstan to/ /byis pa rnams ni ma mthong na/ /
 rtag tu bde ba nyid du 'gyur/ /zhes bya bas ni/ sdig pa'i grogs po spangs pa bde ba bstan to/ /tshul khrims ldan pa mthong ba bde/ zhes bya ba la sogs pa tshigs su bcad pa gcig gis ni/ dge ba'i bshes gnyen gyi khyad
 par la brten pa bde ba bstan to/ /'jug ngogs bde ba'i chu klung bde zhes bya ba la sogs pa tshigs su bcad pa gcig gis ni thob par bya ba dang/ de bsgrubs pa bde ba bstan to/ /nges par byas shing dbang po thul ba dag ces bya
 ba la sogs pa tshigs su bcad pa gcig gis ni/ sgrub par byed pa sbyangs pa'i yon tan dang ldan pa bde bar bstan te/ de ni re zhig spyi'i don yin no/ /nga ni yan lag gi don bshad par bya ste/ /de la so sor thar pa rnyed
 dka' ba'i sgo nas/ so sor thar pa yang dag par brtsam pa'i dbang du mdzad nas/ bskal pa bye ba rnams su yang/ /so sor thar pa thos pa dang/ /gzung dang 'dzin pa rnyed dka' ste/ /sgrub pa'ang
 shin tu rnyed par dka' / /zhes bya ba tshigs su bcad pa gcig gsungs te/ /bskal pa zhes bya ba ni dus kyi bye brag bskal pa chen po ste/ bskal pa med pas bskal pa'o/ /bye ba zhes bya ba ni grangs kyi bye brag ste/
 gnas brgyad pa'o/ /rnams su yang zhes bya ba ni bye ba phrag bgrangs pa dag gis kyang brgya la rnyed par dka' bas mang po'i tshigs tu bstan to/ /so sor thar pa zhes bya ba ni lung dang rtogs pa'i bdag nyid do/ thos pa zhes
 bya ba ni/ rna ba'i rnam par shes pas tshig gi bdag nyid thos pa'o/ /gzung zhes bya ba ni/ de'i rjes las thob pa yid kyi rnam par shes pas tshig gi bdag nyid dang don gyi bdag nyid yongs su spyod pa'o/ /'dzin pa zhes
 bya ba ni tshig dang don gyi bdag nyid gzung ba de mi brjed pa'o/ /rnyed dka' ste zhes bya ba ni de gsum char yang rnyed par dka' ste/ rgya mtsho chen por gnya' shing gi mig tu ru sbal zhar ba'i mgrin pa chud pa'i tshul gyis gzhan gyi
 'byor pa dang/ bdag gi 'byor pa la sogs pa rnyed par dka' bas/ bskal pa chen po bye ba phrag bgrangs pa 'dis pas kyang de dag rnyed par dka' ba'i phyir ro/ /bsgrub pa zhes bya ba ni so sor thar par gtogs pa'i don/ /
 lus dang/ ngag dang/ yid ngag gis yang dag par bsgrub cing nan tan du bya ba'o/ /de'ang snga ma gsum pas kyang shin tu rnyed par dka' ste/ yang dag par bsgrub pa ni mngon par brtson pa la rag las pa'i phyir ro/ /de
 lta bas na so sor thar pa brjod par byas/ /gus par nyon cig /thos nas kyang drang srong chen pos ji skad gsungs pa de bzhin du/ rjes su bsgrub cing nan tan du bya'o zhes bya ba'i tha tshig go /de ltar tshigs su bcad pa des ni lung
 dang rtogs pa'i sgo nas/ so sor thar pa rnyed par dka' bas so sor thar pa yang dag par brtsam par bya'o zhes bstan te/ thos pa dang/ gzung ba dang/ 'dzin pa rnyed dka' ba ni lung gi sgo nas rnyed dka' ba yin la bsgrub pa'ang rnyed pa shin tu dka' ba ni/
 rtogs pa'i sgo nas rnyed dka' ba yin no/ /dkon mchog gsum 'byung ba bde ba'i sgo nas/ so sor thar pa yang dag par brtsam pa'i dbang du mdzad nas/ sangs rgyas rnams ni 'byung ba bde/ /chos bstan pa yang bde ba yin//
 dge 'dun 'thun pa bde ba ste/ /mthun pa rnams kyi dka' thub bde/ /zhes bya ba tshigs su bcad pa gcig gsungs te/ sangs rgyas rnams ni 'byung ba bde/ /zhes bya ba la sangs rgyas 'byung ba zhes bya ba ni/ rdzogs
 par byang chub pa'i tshe na'ang/ phyis 'byung ba'i tshul gyis bsdams pa'i tshe'o/ /de bde ba zhes bya ba ni/ rnam par grol ba'i bde ba 'thob pa'i rgyu yin pa'i phyir dang/ 'bras bu bde bar 'gyur ba'i phyir te/ dper na bde'o
 zhes bya ba dang 'dra bar sangs rgyas rnams 'byung ba bde ba yin no/ /chos bstan pa yang bde ba yin zhes bya ba ni/ mdo sde la sogs pa gsung rab tu gtogs pa yan lag bcu gnyis po dag bstan pa yang bde ba'i rgyu yin pa dang/
 'bras bu bde bar gyur pas bde ba yin no/ /dge 'dun mthun pa bde ba ste/ zhes bya ba ni skyes bu gang zag brgyad kyi bdag nyid kyi dge 'dun tshul khrims dang/ lta ba dang/ cho ga dang/ 'tshe ba mthun pas ro gcig
 cing bya ba gcig tu gyur pa yang bde ba'i rgyu yin pa dang/ 'bras bu bde ba 'gyur bas bde ba yin no/ /mthun pa rnams kyi dka' thub bde/ /zhes bya ba ni/ lhag pa'i tshul khrims la sogs pa bslab pa
 gsum po dag rjes su sgrub pa'i dka' thub nyon mongs pa dang/ nyes par spyod pa gdung bar byed par yang bde ba'i rgyu yin pa dang/ 'bras bu bde bar 'gyur bas bde ba yin no/ /de ltar tshigs su bcad pa des ni/ /dkon
 mchog gsum 'byung ba dang/ de dag gi 'bras bu bde ba nyid yin pas so sor thar pa yang dag par brtsam par bya'o zhes bstan to/ /dge ba'i bshes gnyen la brten pa bde ba'i sgo nas/ so sor thar pa yang dag par brtsams
 pa'i dbang du mdzad du nas/ 'phags pa rnams ni mthong ba bde/ /dam pa dag dang 'grogs pa bde/ /zhes bya ba gsungs te/ 'phags pa rnams zhes bya ba ni/ dgra bcom pa la sogs pa dag ste/ sdig pa dag las
 rang du song ba'i phyir 'phags pa zhes bya'o/ /mthong ba bde zhes bya ba ni de dge ba'i bshes gnyen nyid du mthong na bde ba'i rgyur 'gyur ba'o/ /dam pa dag dang zhes bya ba ni/ so so skye bo'i nang na skyes bu dam pa byang chub sems
 dpa' la sogs pa dag ste/ /gzhan la phan 'dogs shing des pa'i phyir dam pa zhes bya'o/ /'grogs pa bde zhes bya ba ni/ lhan cig mtshungs par gnas na bde ba'i rgyur 'gyur ba'o/ /de ltar tshigs su bcad pa
 phyed po des ni 'phags pa mthong ba dang/ dam pa dang 'grogs pa ni tshe 'di dang phyi ma'i bde ba phun sum tshogs par sngon du 'grol yin pa dge ba'i bshes gnyen la brten pa bde ba'i sgo nas/ so sor thar pa yang dag par
 brtsam par bya'o zhes bstan to/ /sdig pa'i grogs po spangs pa bde ba'i sgo nas/ so sor thar pa yang dag par brtsam pa'i dbang du mdzad nas/ byis pa dag ni ma mthong na/ /rtag tu bde ba nyid du 'gyur/ /zhes bya ba gsungs
 te/ /byis pa rnams zhes bya ba ni/ shes rab 'chal pa log par sgrub pa rnams te/ byis pa'i rtags dang ldan pa'i phyir ro/ /ma mthong na rtag tu bde ba nyid du 'gyur zhes bya ba ni/ sdig pa'i grogs po dang ma 'grogs
 na rnam pa thams cad du bde bar 'gyur ro/ /de ltar tshigs su bcad pa phyed po des ni sdig pa'i grogs po spangs pa bde ba'i sgo nas/ so sor thar pa yang dag par brtsam par bya'o zhes bstan to/ /dge ba'i bshes gnyen gyi
 khyad par la brten pa'i sgo nas/ so sor thar pa yang dag par brtsam pa'i dbang du mdzad nas/ tshul khrims ldan pa mthong ba bde/ /mang du thos pa mthong ba bde/ /yang srid rnam par grol ba yi/ /dgra bcom pa dag mthong ba
 bde/ /zhes bya ba'i tshigs su bcad pa gcig gsungs te/ dge ba'i bshes gnyen gyi khyad par ni rnam pa gnyis te/ /nye bar brtags pa dang/ don dam pa'o/ nye bar brtags pa la yang rnam pa gnyis te/ zhi gnas
 kyi yan lag la gnas pa dang/ lhag mthong gi yan lag la gnas pa'o/ /de la zhi gnas kyi yan lag la gnas pa ni/ tshul khrims ldan pa zhes bya bas bstan te/ tshul khrims la gnas na sems mnyam par 'jog
 pa'i phyir ro/ /de mthong ba bde ba ni tshul khrims dang ldan pa ni/ /gzhan la gnod pa'i bsam pa las log pas bde ba'i rgyu yin pa'i phyir ro/ /lhag mthong gi yan lag la gnas pa ni/ mang du thos pa zhes bya bas
 bstan te/ mang du thos na shes rab skye ba'i phyir ro/ /de mthong ba bde ba ni/ thos pa dang ldan pa ni thos pa'i stobs kyis lta ba dang/ 'gyod pa dang/ the tshom sel bas bde ba'i rgyu yin pa'i phyir
 ro/ /don dam pa ni/ yang srid rnam par grol ba yi/ /dgra bcom pa zhes bya bas bstan te/ yang srid rnam par grol ba zhes bya bas ni 'khor bas yang mi skye ba'i chos nyid kyis rnam par grol ba bstan to/ /dgra
 bcom pa zhes bya bas ni/ nyon mongs pa'i dgra rnams bcom pa bstan te/ dgra bcom pa zhes bya ba'i sgra mchod par 'os pa la sogs pa'i don gzhan du yang 'dren pas/ dgra bcom pa'i 'bras bu dang ldan pa nyid kyi bye brag bstan pa'i
 phyir/ yang srid rnam par grol ba zhes bya ba smos so/ /de mthong ba bde ba ni dgra bcom pa 'thob pa ni/ dge legs kyi bsam pa mchog dang ldan pa yin pas bde ba'i rgyu yin pa'i phyir ro/ /de ltar tshigs su bcad pa des
 ni/ dge ba'i bshes gnyen gyi khyad par bsten na bde ba'i sgo nas/ so sor thar pa yang dag par brtsam par bya'o zhes bstan to/ /thob par bya ba dang/ de bsgrub pa'i sgo nas so sor thar pa yang dag par brtsam pa'i dbang
 du mdzad nas/ 'jug ngogs bde ba'i chu klung bde/ /chos la goms pa'i skye bo bde/ /shes rab thob par gyur pa bde/ /nga'o nga rgyal zad pa bde/ /zhes bya ba tshigs su bcad pa gcig gsungs te/ thob par bya ba
 ni rnam par grol ba'o/ /de bsgrub pa ni gang zag rnal 'byor pa'o/ /de la thob par bya ba bde ba ni/ 'jug ngogs bde ba'i chu klung bde/ /zhes bya bas bstan te/ dper na chu klung 'jug ngogs kyis chu kha bde ba chu blangs sla
 ba bzhin du/ rnam par grol ba'i chu klung gi 'jug ngogs kyi lam 'dod pa'i bsod nyams kyi mdza' dang/ bdag nyid dal ba'i mdza' gnyis rnam par spangs pas bde ba yang rnam par grol ba'i chu blang sla ste/ des ni thob par bya ba bde ba'i sgo nas/ so
 sor thar pa yang dag par brtsam par bya'o zhes bstan to/ /de sgrub pa bde ba ni/ chos la goms pa'i skye bo bde/ /zhes bya ba la sogs pa tshig lhag ma gsum gyis bstan te/ /chos la goms pa zhes bya ba ni/ dge ba'i chos la
 goms pa ste/ /des ni tshogs kyi lam dang/ sbyor ba'i lam sgrub par byed pa bstan to/ /de bde ba ni rnam par grol ba'i bde ba thob pa'i rgyu yin pa'i phyir ro/ /shes rab thob par gyur pa bde/ /zhes bya ba ni zag pa med pa'i shes
 rab thob par gyur pa ste/ des ni rnam par dag pa'i lam sgrub par bya ba bstan te/ /de bde ba ni mthong ba dang bsgom pa'i lam gyi rnam par grol ba'i bde ba nyid 'thob pa'i phyir phyir ro/ /nga'o nga rgyal zad pa bde/ /zhes bya ba ni khams
 gsum pa'i 'dod chags dang bral ba ste/ /des ni mi slob pa'i lam sgrub par byed pa bstan to/ /de bde ba ni/ rnam par grol ba'i bde ba mngon sum du bya ba'i phyir ro/ /de ltar tshigs su bcad pa des ni thob par bya
 ba dang/ de bsgrub pa bde ba'i sgo nas/ so sor thar pa yang dag par brtsam par bya'o zhes bstan to/ /sgrub par byed pa sbyangs pa'i yon tan dang ldan par byed pa'i sgo nas/ so sor thar pa yang dag par brtsam par bya ba'i dbang
 du mdzad nas/ nges par byas shing dbang po thul ba dag /dgon pa zhi ba rnams su rgas gyur dang/ mang du thos pa nags kyi nang dag tu/ /lang tsho yol ba rnams kyis gnas pa bde/ /zhes bya ba ni tshigs su bcad
 pa gsungs te/ sgrub par byed pa zhes bya ba ni/ gang zag rnal 'byor pa ste/ de ni nges par byas shing dbang po dul ba dag ces bya ba dang/ mang du thos pa zhes pas bstan to/ /sbyangs pa'i yon tan dang ldan
 pa'i dgon pa dang/ shing drung pa la sogs pa bcu gnyis te/ de ni dgon pa zhi ba rnams su rgas gyur dang zhes bya ba dang/ nags kyi nang dag tu lang tsho yol ba rnams zhes bya bas bstan to/ /de la nges par byas shing zhes bya bas ni//
 sbyangs pa'i yon tan rnam par dag pa bstan te/ /bsam pa nges par blangs shing mngon par brtson par byas pa'i phyir ro/ /dbang po thug bdag ces bya bas ni yongs su dag pa bstan te/ /dbang po sdom pa dang ldan pa'i phyir ro/ /
 da ltar nges par byas shing dbang po thul ba dag dgon pa zhi ba rnams su rgas par gyur pa'i gnas pa bde ba'o zhes bya bar sbyar te/ dgon pa zhi ba rnams su zhes bya bas ni skye ba med pa nyid kyis gnas phun sum tshogs pa bstan to/ /
 rgas gyur zhes bya ba ni rab tu dben pa dang/ sems rtse gcig pa nyid la nges par sbyor ba'i rim gyis so/ /mang du thos pa zhe bya bas ni sde snod gsum gyi bstan bcos dag thos pa ste/ /des ni dgon pa zhi ba rnams su gyur
 rgas par gyur pa de 'bras bu dang bcas par bstan te/ /mang du thos par dgon par gnas nas 'bras bu dang bcas par 'gyur gyi/ gzhan gyis mi 'gyur ba'i phyir ro/ /nags kyi nang dag tu zhes bya bas ni gnas mal
 shing drung ba bstan to/ /lang tsho yol pa rnams zhes bya ba ni/ gzhon pa nyid zad par byas par rnams so/ /de rnams kyis gnas pa bde zhes bya ba ni gson pa bde ba ste/ /tshe 'di dang phyi ma la bde ba dang/ bdag dang
 gzhan la bde ba dang/ tshangs par spyod pa'i mdza' bde ba'i rgyu yin pa'i phyir ro/ /'dir dgon par dang nags kyi nang zhes smos pa ni/ mtshon pa tsam ste/ sbyangs pa'i yon tan bcu gnyis po thams cad kyang bsdu'o/ /
 de ltar tshigs su bcad pa des ni sgrub par byed pa gang dag gis mngon par brtson par byas nas/ /dbang po dag thul ba na dgon pa zhi ba grong las thag ring ba'i phyogs dag tu rgas par gyur pa rnams dang/ gang dag mang du thos
 pa ni nags kyis nang dag tu lang tsho yol zhing/ zad par byas la de rnams kyi gnas pa zhes bya ba gson pa nyid ni bde bar byed pa sbyangs pa'i yon tan dang ldan pa bde ba'i sgo nas/ so sor thar pa yang dag par brtsal bar bya'o
 zhes bstan to/ /yang dag par brtsam pa'i mtshan nyid bshad zin to// //bam pa gnyis pa/ /de'i 'og tu gzhung rgyas pa'i mtshan nyid bshad par bya ste/ gzhung rgyas pa'i mtshan nyid ces bya
 ba ni so sor thar pa'i gzhung rgyas pa'i mtshan nyid bstan pa'o/ /de yang dus dang por bya ba dang/ mdo gdon pa bstan dgos pas de'i phyir/ tshe dang ldan pa dag so ga rnams kyi 'das pa dang/ lhag ma ji tsam pa de tsam
 mo zhes bya ba nas/ dran pa dang bag yod pas rnal 'byor du bya'o zhes bya ba'i bar gyi gzhung thams cad gsungs so/ /de la 'dir yang gzhung rgyas pa de dag gi brjod par bya ba dang/ dgos pa dang/ 'brel pa dang/
 dgos pa'i dgos pa brjod par bya ste/ de la brjod par bya ba ni gzhung rgyas pa'i mtshan nyid dag go /dgos pa ni de dag rtogs pa'o/ /'brel pa ni rtogs pa de yang gzhung rgyas pa 'dis byed pas gzhung rgyas
 pa'i thabs 'di dang/ dgos pa thabs las byung ba'i mtshan nyid gnyis 'brel pa'o/ /dgos pa'i dgos pa ni/ so sor thar pa'i gzhung rgyas pa'i mtshan nyid yongs su shes pas/ tshul khrims rnam
 par dag na/ /'phags pa'i lam bsgoms pas mya ngan las 'das pa 'thob pa'o/ /de la gzhung rgyas pa'i mtshan nyid 'di'i bsdus pa'i don ni/ /rnam pa gnyis te/ dus dang por bya ba dang/ mdo gdon pa'o/ /
 de la dus dang por bya ba ni/ /mdo gdon pa'i snga rol tu bya ba ste cho ga'o/ /de la bsdus pa'i don ni rnam pa drug ste/ so sor thar pa mnyan pa la rna mi gtong pa'i nyes dmigs dang/ mi 'du ba dgag pa dang/ mchod
 cing lung dpog pa dang/ yang dag par bsgrub tu gzhug pa dang/ de'i phan yon dang/ yang dag par mi sgrub pa'i nyes dmigs bstan pa'o/ /mdo gdon pa ni/ gsol ba bya ba nas so sor thar pa'i mdo gdon pa rnam
 pa lnga po dag gdon pa ste las so/ /de'i bsdus pa'i don kyang rnam pa drug ste/ gsol ba dang/ gleng gzhi gdon pa dang/ pham par 'gyur ba gdon pa dang/ dge 'dun lhag ma gon pa dang/ ma nges pa gdon
 pa dang/ ril gyis gdon pa'i mtshan nyid bstan pa'o/ /de la tshe dang ldan pa dag sog rnams kyis 'das pa dang lhag ma ji tsam pa de tsam mo zhes bya ba nas/ bag yod pas 'thob po zhes bya ba'i bar gyis ni so sor thar pa
 mnyan pa la rna mi gtong pa'i nyes dmigs bstan to/ /bcom ldan 'das kyi nyan thos kyi dge 'dun ni don nyung ba byang nyung ba yin pas zhes bya ba nas/ dris nas kyang brjod par bya'o zhes bya ba'i bar gyis ni mi 'jug pa dgag pa
 bstan to/ /shAkya seng ge de la ni zhes bya ba la sogs pa tshigs su bcad pa gcig gis ni mchod cing lung 'bogs pa bstan to/ /thos nas drang srong chen po yis/ /zhes bya ba la sogs pa tshigs su bcad pa gnyis kyis
 ni yang dag par sgrub tu gzhug pa bstan to/ /tsha ba gang dag dag tsam gyis zhes bya ba la sogs pa tshigs su bcad pa gcig gis ni de'i phan yon bstan to/ /su la srab 'di med pa dang/ /zhes bya ba la sogs pa tshigs su bcad
 pa gcig gis ni/ yang dag par mi sgrub pa'i nyes dmigs bstan to/ /dge 'dun btsun pa rnams gsan du gsol/ zhes bya ba la sogs pa 'ba' zhig gis las kyis ni gsol ba bstan to/ /tshe dang ldan pa dag /
 bdag cag gso sbyong bya ste/ zhes bya ba la sogs pa gzhung lhag ma rnams kyis ni gleng gzhi gdon pa la sogs pa rim pa bzhin du bstan to/ /de ni re zhig spyi'i don yin no/ /da ni yan lag gi don bshad par bya
 ste/ /so sor thar pa mnyan pa la rna mi gtod pa'i nyes dmigs bstan pa'i dbang du mdzad nas tshe dang ldan pa dag sog rnams kyi 'das pa dang/ lhag ma ji tsam pa de tsam mo zhes bya ba la sogs pa gsungs te/ tshe
 dang ldan pa dag ces bya ba ni rgan pa dang/ gzhon pa dag la snyan pa'i tshig gis bod pa'o/ /rnams kyi zhes bya ba ni/ gso sbyong gdon pa'i dus tshigs mtshon pa ste /so ga dang/ dbyar dang/ ston pa dang
 dgun dang/ dgun smad dang/ dpyid kyi dus tshigs drug po gang dag gi tshe/ so sor thar pa'i mdo gdon pa'i dus tshigs de nyid kyi ming smos pa bya ba yin no/ /de la dus tshigs drag po re re la bsdu ba zla
 ba gnyis gnyis yod pas mang po'i tshigs tu byas te/ so ga'i dus tshigs ni dpyid zla tha chung nya nas/ dbyar zla ra ba nya'i bar dang/ dbyar zla ra ba nya nas dbyar zla 'bring po nya'i bar gyi zla ba gnyis
 so/ /dbyar gyis dus tshigs ni dbyar zla 'bring po nya nas dbyar zla tha chung nya'i bar dang/ dbyar zla tha chung nya nas ston zla ra ba nya'i bar gyis zla ba gnyis so/ /ston gyi dus tshigs ni ston zla ra ba nya nas/ ston zla 'bring po nya'i
 bar dang/ ston zla 'bring po nya nas ston zla tha chung nya'i bar gyi zla ba gnyis so/ /dgun gyi dus tshig ni/ ston zla tha chung nya nas/ dgun zla ra ba nya'i bar dang/ dgun zla ra ba nya nas dgun zla 'bring po nya'i bar gyi zla ba
 gnyis so/ /dgun smad kyis dus tshigs ni/ dgun zla 'bring po nya nas/ dgun zla tha chung nya'i bar dang/ dgun zla tha chung nya nas/ dpyid zla ra ba nya'i bar gyi zla ba gnyis so/ /dpyid kyis dus tshigs ni/
 dpyid zla ra ba nya nas dpyid zla 'bring po nya'i bar dang/ dpyid zla 'bring po nya nas dpyid zla tha chung nya'i bar gyi zla ba gnyis so/ /de la so ga'i dus tshigs la/ so sor thar pa 'don na ni so ga rnams kyi zhes brjod par
 bya'o/ /de bzhin du dbyar dang/ ston dang/ dgun dang/ dgun smad dang/ dpyid kyi dus tshigs la so sor thar pa 'don na yang/ dbyar rnams kyi zhes bya ba la sogs pa brjod par bya'o/ /'das pa
 dang lhag ma ji tsam pa de tsam mo/ /zhes bya ba ni zla ba brjod par bya'o zhes bya bar sbyar te/ 'das pa ji tsam pa de tsam brjod par bya ba dang/ lhag ma ji tsam pa de tsam brjod par bya'o/ /de la so ga'i dus tshigs la ni/ /
 gso sbyong gdon ba'i dus bzhi yod de/ dpyid zla tha chung gnam stong dang/ dbyar zla ra ba nya dang/ dbyar zla ra ba gnam stong dang/ dbyar zla 'bring po nya'o/ /de la dpyid zla tha chungs gnam stong la 'don na ni/ 'di skad ces/ tshe
 dang ldan pa dag so ga rnams kyi zla ba phyed ni 'das so/ /zla ba phyed dang gnyis ni lus so zhes brjod par bya'o/ /dbyar zla ra ba nya la 'don na ni/ 'di skad ces tshe dang ldan pa dag so ga rnams kyi zla ba gcig ni 'das so/ /zla
 ba gcig ni lus so/ /zhes brjod par bya'o/ /dbyar zla ra ba gnam stong la 'don na ni/ 'di skad ces/ tshe dang ldan pa dag so ga rnams kyi zla ba phyed dang gnyis ni 'das so/ /zla ba phyed ni lus so zhes brjod par bya'o/ /
 dbyar zla 'bring po nya la 'don na ni/ 'di skad ces/ tshe dang ldan pa dag so ga rnams kyi zla ba gnyis bzlas te/ lhag ma ma lus so zhes brjod par bya'o/ /de bzhin du dbyar gyis dus tshigs la yang gso sbyong gdon pa'i
 dus gzhi yod de/ /dbyar zla 'bring po gnam stong dang/ dbyar zla tha chung nya dang/ dbyar zla tha chung gnam stong dang/ ston zla ra ba nya'o/ de la dbyar zla 'bring po gnam stong la 'don na ni/ 'di skad ces/ tshe
 dang ldan pa dag dbyar rnams kyi zla ba phyed ni 'das so/ /zla ba phyed dang gnyis ni lus so zhes brjod par bya'o/ /dbyar zla tha chung nya la 'don na ni/ 'di skad ces/ tshe dang ldan pa dag dbyar rnams kyi zla ba gcig
 ni 'das so/ /zla ba gcig ni lus so/ /zhes brjod par bya'o/ /dbyar zla tha chung gnam stong la 'don na ni/ 'di skad ces tshe dang ldan pa dag dbyar rnams kyi zla ba phyed dang gnyis 'das so/ /zla ba phyed ni
 lus so zhes brjod par bya'o/ /ston zla ra ba nya la 'don na ni/ 'di skad ces tshe dang ldan pa dag /dbyar rnams kyi zla ba gnyis ni 'das te/ lhag ma ma lus so zhes brjod par bya'o/ /de bzhin du
 ston gyi dus tshigs la yang gso sbyong 'don pa'i dus gzhi yod de/ /ston zla ra ba gnam stong dang/ ston zla 'bring po nya dang/ ston zla 'bring po gnam stong dang/ ston zla tha chung nya'o/ /de la ston zla ra ba gnam stong la 'don na
 ni/ 'di skad ces/ tshe dang ldan pa dag ston rnams kyi zla ba phyed ni 'das so/ /zla ba phyed dang gnyis ni lus so zhes brjod par bya'o/ /ston zla 'bring po nya la 'don na ni/ 'di skad ces tshe dang ldan pa dag /ston rnams kyi zla ba
 gcig ni 'das so/ /zla ba gcig ni lus so zhes brjod par bya'o/ /ston zla 'bring po gnam stong la 'don na ni/ 'di skad ces/ tshe dang ldan pa dag ston rnams kyi zla ba phyed dang gnyis ni 'das so/ /zla ba phyed ni lus so
 zhes brjod par bya'o/ /ston zla tha chung nya la 'don na ni/ 'di skad ces/ tshe dang ldan pa dag /ston rnams kyi zla ba gnyis ni 'das te/ lhag ma ma lus so zhes brjod par bya'o/ /de bzhin du dgun gyi dus tshigs la
 yang gso sbyong 'don pa'i dus tshigs bzhi yod de/ /ston zla tha chung gnam stong dang/ dgun zla ra ba nya dang dgun zla ra ba gnam stong dang/ dgun zla 'bring po nya'o de la ston zla tha chung gnam stong la 'don na ni/ 'di skad ces/
 tshe dang ldan pa dag /dgun rnams kyi zla ba phyed ni 'das so/ /zla ba phyed dang gnyis ni lus so zhes brjod par bya'o/ /dgun zla ra ba nya la 'don na ni/ 'di skad ces/ tshe dang ldan pa dag /dgun rnams kyi
 zla ba gcig ni 'das so/ /zla gcig ni lus so zhes brjod par bya'o/ /dgun zla ra ba gnam stong la 'don na ni/ 'di skad ces/ tshe dang ldan pa dag dgun rnams kyi zla ba phyed dang gnyis ni 'das so/ /zla ba phyed ni lus so zhes
 brjod par bya'o/ /dgun zla 'bring po nya la 'don na ni/ 'di skad ces/ tshe dang ldan pa dag dgun rnams kyi zla ba gnyis ni 'das te/ /lhag ma ma lus so zhes brjod par bya'o/ /de bzhin du dgun smad kyi dus tshigs la yang
 gso sbyong 'don pa'i dus bzhi yod de/ dgun zla 'bring po gnam stong dang/ dgun zla tha chung nya dang/ dgun zla tha chung gnam stong dang/ dpyid zla ra ba nya'o/ /de la dgun zla 'bring po gnam stong la 'don na ni/ 'di skad
 ces/ tshe dang ldan pa dag dgun smad rnams kyi zla ba phyed ni 'das so/ /zla ba phyed dang gnyis ni lus so zhes brjod par bya'o/ /dgun zla tha chung nya la 'don na ni/ 'di skad ces/ tshe dang ldan pa dag /dgun smad rnams
 kyi zla ba gcig pa ni 'das so/ /zla ba gcig ni lus so zhes brjod par bya'o/ /dgun zla tha chung gnam stong la 'don na ni/ 'di skad ces/ tshe dang ldan pa dag dgun smad rnams kyi zla ba phyed dang gnyis ni 'das so/ /zla ba
 phyed ni lus so zhes brjod par bya'o/ /dpyid zla ra ba nya la 'don na ni/ 'di skad ces/ tshe dang ldan pa dag /dgun smad rnams kyi zla ba gnyis ni 'das te/ lhag ma ma lus so zhes brjod par bya'o/ /de bzhin du dpyid kyi
 dus tshigs la yang gso sbyong 'don pa'i dus bzhi yod de/ /dpyid zla ra ba gnam stong dang/ dpyid zla 'bring po nya dang/ dpyid zla 'bring po gnam stong dang/ dpyid zla tha chung nya'o/ /de la dpyid zla ra ba gnam stong la
 'don na ni/ 'di skad ces/ tshe dang ldan pa dag dpyid rnams kyi zla ba phyed ni 'das so/ /zla ba phyed dang gnyis ni lus so zhes brjod par bya'o/ /dpyid zla 'bring po nya la 'don na ni/ 'di skad ces/
 tshe dang ldan pa dag dpyid rnams kyi zla ba gcig ni 'das so/ /zla ba gcig ni lus so zhes brjod par bya'o/ /dpyid zla 'bring po gnam stong la 'don na ni/ 'di skad ces/ tshe dang ldan pa dag dpyid rnams kyi zla ba
 phyed dang gnyis ni 'das so/ /zla ba phyed ni lus so zhes brjod par bya'o/ /dpyid zla tha chung nya la 'don na ni/ 'di skad ces/ tshe dang ldan pa dag dpyid rnams kyi zla ba gnyis ni 'das te lhag ma ma lus so zhes
 brjod par bya'o/ /de dag ni gso sbyong bcu bzhi pa 'am bco lnga pa dag gi skabs su zla ba phyed phyed cing/ so sor thar pa'i mdo gdon par brjod pa'i skabs yin no/ bkra shis kyi gso sbyong dang/ gnod pa byung ba'i
 don du gso sbyong la sogs pa nya shi'i dus dang mi sbyor ba'i skabs su/ /sngar smos pa'i sngags de dag gi steng du zla ba dang po dang/ gnyis pa'i yar ram/ mar gyi ngo'i tshes grangs kyang 'das pa dang/ lhag
 ma ji tsam pa de tsam zhes brjod par bya ste/ dper na tshe dang ldan pa dag so ga rnams kyi zla ba dang po'i mar gyi ngo'i tshes? gcig ni 'das so/ /zla ba gcig dang zhag nyi shu rtsa dgu ni lus so zhes brjod par bya ba la
 sogs pa lta bu'o/ /de dag brjod par bya ba ni/ 'jig rten pa'i tha snyad la mkhas par bya ba dang/ tshe'i dus 'das pa sems la bzhag par bya ba dang/ 'khor bar skyo bar bya zhing dge ba la brtson par bya ba dang/
 gso sbyong gi nyi ma yongs su shes par bya ba'i phyir ro/ /de dag brtsi ba ni dge 'dun gyi gnas brtan gyis/ zla ba ngo re zhing smyig ma'i thur ma bco lnga skud pa la brgyus pa nyin re re grangs bgrang zhing/ dge skos kyis gnas brten la brtags
 la/ dge 'dun la nyi ma re re zhing brjod par bya'o/ /zla ba shol 'dor ba ni/ rgyal ba'i rjes su 'brang bas dor ro/ /rgyu skar ni skar mkhan gyi rjes su 'brang bas shes par bya'o/ /tshe dang ldan pa dag rga ba dang 'chi ba mngon
 par 'ong zhing/ ston pa'i bsten pa yang 'jig par 'gyur bas/ tshe dang ldan pa dag gis bag yod pas rnal 'byor du bya'o zhes bya ba 'dis kyang 'khor bas skyo bar bya zhing/ dge ba la brtson par bya ba ste/ de la 'dir
 'khor bas skyo bar bya zhing/ dge ba la brtson par bya ba'i rgyur ci'i phyir rga ba dang/ 'chi ba mngon par 'ong ba dang/ ston pa'i bstan pa yang 'jig par 'gyur ba smos she na/ tshangs par spyod pa'i rgyu'i gtso bo yongs su nyams
 par bstan pa'i phyir te/ 'di ltar tshangs par spyod pa'i rnam pa gnyis kyis 'grub ste/ lus dang gnas kyis so/ /de la lus kyis ni lus sbyor bzod pa dang/ rgyun ma chad pas tshangs par spyod pa 'grub ste/ de yongs su
 nyams par bstan pa'i phyir/ rga ba dang 'chi ba mngon par 'ong zhing/ zhes bya ba gsungs te/ lus sbyor mi bzod pa dang/ rgyun chad pas tshangs par spyod pa yongs su nyams par 'gyur bar go rim bzhin no/ /srid pa'i
 yan lag gzhan dag dang mya ngan la sogs pa nyes dmigs dag ci'i phyir ma smos par rga shi nyi tshe smos she na/ lang tsho dang gson pas tshangs par spyod pa 'grub cing/ rga ba dang 'chi bas de yongs su nyams par 'gyur ba'i
 phyir/ rgyu'i gtso bo smos pas gzhan yang zhar la rigs par bya'o/ /gnas kyi ji ltar zhe na/ gnas zhes bya ba ni tshangs par spyod pa skye ba'i gnas su gyur pa sangs rgyas kyi bstan pa ste/ de yongs su nyams
 pa bstan pa'i phyir/ ston pa'i bstan pa yang 'jig par 'gyur bas zhes bya ba gsungs te/ ston pa'i bstan pa zhig na tshangs par spyod pa skye ba'i gnas med pa'i phyir ro/ /ston pa zhes bya ba ni sangs rgyas bcom ldan 'das te/
 phyin ci ma log par ston pa'i phyir ro/ /de'i bstan pa zhes bya ba ni/ gsungs rab tu gtogs pa yan lag bcu gnyis te/ des slob ma la ston par byed pa'i phyir ro/ /de 'jigs pa zhes bya ba ni bsgrubs pa yongs su nyams pas so/ /
 bdag gi phyir de ltar yin pa de'i phyir/ /tshe dang ldan pa dag gis bag yod pas rnal 'byor du bya'o zhes bya ba gsungs so/ /bag yod pas zhes smos pa ni/ rgyu'i dngos pos dge ba'i chos thams cad sdud par byed pa'i phyir ro/ /rnal 'byor
 du bya'o zhes bya ba ni bdag nyid kyis brtson par bya'o zhes bya ba'i tha tshig go /de nyid bstan pa'i phyir/ de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub dang/ gzhan yang gang dag de lta bu dang
 mthun pa dge ba'i chos byang chub kyi phyogs dang mthun pa rnams kyang bag yod pas 'thob bo zhes bya ba gsungs te/ de bzhin gshegs pa zhes bya ba ni/ don ji lta ba bzhin du gnas pa thugs su chud pa'o/ /dgra bcom pa zhes bya
 ba ni nyon mongs pa'i dgra rnams bcom pa'am/ mchod par 'os pa'o/ /nyan thos dang rang sangs rgyas dag la yang yod pas de las khyad par du bstan pa'i phyir/ yang dag par rdzogs pa'i sangs rgyas zhes bya ba gsungs te/
 ye shes phyin ci ma log pa yang dag pas shes bya ma lus pa rdzogs par thugs su chud cing sangs rgyas ba gang la yod pa'o/ /de rnams kyi byang chub ces bya ba ni thugs su chud pa'o/ /gzhan yang zhes bya ba ni rnam pa gzhan du brtags pa'o/
 gang dag ces bya ba ni/ dge ba'i chos zhes bya ba dang sbyar ro/ /de lta bu dang mthun pa zhes bya ba ni byang chub dang mthun pa'o/ /dge ba'i chos su byang chub kyi phyogs dang mthun pa rnams kyang zhes bya ba ni zad pa dang mi skye ba shes pa'i mtshan nyid kyi
 byang chub skyed par byed pa'i chos dran pa nye bar bzhag pa la sogs pa dag ste/ de dag bag yod pas 'thob po zhes bya ba'i tha tshig go/ de ltar skabs de dag nyid ni/ so sor thar pa mnyan pa la rna ba mi gtod na/ tshe'i dus 'das pa dang rga shi
 mngon par 'ong ba dang/ ston pa'i bstan pa 'jig par 'gyur ba'i nyes dmigs yod pas so sor thar pa mnyan pa la rna gtong cing/ bag yod pas dge ba'i chos la brtson par bya'o zhes bya ba'i sgo nas/ so sor thar pa mnyan pa la rna mi
 gtod pa'i nyes dmigs bstan to/ /mi 'dug? dgag pa'i dbang du mdzad nas/ bcom ldan 'das kyi nyan thos kyi dge 'dun ni don nyung ba byung? nyung ba yin pas/ dge 'dun gyi thog mar bya ba ci yod ces bya ba la sogs pa gsungs
 te/ bcom ldan 'das zhes bya ba ni bdud bzhi bcom pa dang legs pa drug dang ldan pa'o/ /nyan thos zhes bya ba ni/ 'bras bu ji ltar 'thob pa sgrogs par byed pa'o/ /dge 'dun zhes bya ba ni de dag gis tshogs te mi phyed pa nyid
 kyi phyir ro/ /don nyung ba zhes bya ba ni yid kyis so/ /bya ba nyung ba zhes bya ba ni/ lus dang ngag gnyis kyis so/ /dge 'dun gyis thog mar bya ba ci yod ces bya ba ni 'gag pa ste/ gang gis phyir bcom ldan 'das kyi nyan thos kyi
 dge? 'dun don nyung ba bya ba nyung ba yin pa de'i phyir de dge 'dun la gso sbyong gi dus su 'du zhing 'dun pa dang/ yongs su dag pa brjod par bya ba las gzhan pa'i thog mar bya ba ci yod de/ ci yang med kyis thams cad 'dus
 shig ces bya ba med par dgag pa'i sgo nas mi 'du ba dgag pa bstan to/ /yang na dge 'dun gyi thogs mar bya ba ci yod ces bya ba ni dri ba ste/ /gang gi phyir bcom ldan 'das kyi nyan thos kyi dge 'dun don nyung ba bya ba nyung ba yin pas/
 de'i phyir dge 'dun la gso sbyong gi dus su 'du ba'i tshe/ gang byas na mi mthun pa nyid kyi 'du bar mi 'gyur ba'i thogs mar bya ba ci yod ces bya ba dri ba'o/ /de'i lan gdab pa'i tshigs tu tshe dang ldan pa dag ma lhags pa rnams la/
 'dun pa dang yongs su dag pa dris shig /dris nas kyang brjod par bya'o zhes bya ba gsungs te/ ma lhags pa rnams la zhes bya ba ni/ mthun pa'i gso sbyong rnam pa lnga po bcu bzhi pa dang bco lnga pa dang/ bkra shis kyi
 gso sbyong dang/ gnod pa byung ba'i gso sbyong dang/ bstun pa'i gso sbyong dag las gang byed kyang rung ste/ de'i dus su tshams kyi nang na dge slong gi dge 'dun gyi kha skong par 'os pa ji snyed 'khod pa thams cad gso sbong gi gnas
 su 'du bar bya ba yin pa las de dag gi nang nas mi 'du bar gnang ba/ na ba dang/ dbang med pa dang/ srog gi bar chad dang/ tshangs par spyod pa'i bar chad kyis 'jigs pa gang dag gso sbyong gi gnas su ma lhags pa rnams
 so/ /mi 'du bar gnang ba de dag las ma gtogs pa gzhan ni mtshams kyi nang na 'dug na/ gso sbyong gi gnas su mi 'dur mi rung ste/ mi 'dun thams cad du rang la nyes byas dang/ dge 'dun gyi las mi 'chags
 par 'gyur ro/ 'dun pa dang yongs su dag pa dris shig ces bya ba las/ 'dun pa dri ba ni las la mi mthun pa dag mi bya ba'i phyir te/ mi mthun pa ni rnam pa gnyis te/ 'dus par rjes su ma zhugs pa nyid dang/ phyir ldog par byed pa'o/ /de
 la 'dus par rjes su ma zhugs pa ni/ dge slong las de'i mtshams kyi khongs su gtogs pa tshogs kyi kha skong bar 'os pa lus sam/ /'dun pas dge 'dun 'dus pa'i nang du rjes su ma zhugs pa nyid kyis mi mthun pa nyid yin no/
 phyir ldog par byed pa ni/ dge slong las de'i mtshams kyi khongs su gtogs pa rang bzhin du gnas pa/ spyod lam las ma nyams pa dag yang dag par bsdams pa/ 'dul ba'i bya ba mngon par shes pa/ zhe 'gras pa med pas las gzhan
 la byed pa chos dang mi ldan pa'i phyir zlog par byed na/ mi mthun pa nyid yin pa'o/ /de bas na mi mthun pa de gnyis rab tu bsal ba'i phyir ni/ /mi lhags pa rnams la 'dun pa dri bar bya'o/ /yongs su dag pa dri ba ni/ ma
 lhags pa gang dag gis 'dun pa phul ba de dag snod 'gyur bar bya ba'i phyir ro/ /de la cho ga ni/ dge bskos kyis gso sbyong gi tshe/ tshul shing bri ma pas dge slong rnams bgrang zhing/ ma lhags pa dngos su yod dam/ glo bur
 du 'ongs pa la sogs pa yod par 'phrigs na/ gso sbyong de nyid la dge 'dun thams cad las kyi gnas su tshogs pas dge slong 'dun pa dang/ yongs su dag pa len pa dge slong chos lnga dang ldan pa gcig gam/ gnyis sam/
 gsum tshigs gis bskor bar bya zhing des btsal ba dang/ bod pa dang mthon por 'dug ste/ phyogs su blta ba la sogs pa dag gis bsam pa thag pa nas mtshams kyi nang btsal te/ ma lhags pa rnams la/ deng dge
 'dun gso sbyong mdzad nas/ tshe dang ldan pa dag /'dun 'bul lam/ bar chad kyi chos rnams yongs su dag gam zhes dri bar bya'o/ /ma lhags pa rnams kyis de la 'dun pa dang/ yongs su dag pa dbul bar bya'o/ /
 dge slong 'dun pa yar yongs su dag pa 'bul bar byed ba'i kun tu spyad pa'i chos 'di lta ste/ dge slong 'dun pa dang yongs su dag pa 'bul bar byed pas/ mchil lhan gnyis phung nas/ bla gos phrag pa gcig tu byas te/ rgan ba la phyag 'tshal nas tsog
 cig par 'dug ste/ thal mo sbyar nas 'di skad ces brjod par bya'o/ /tshe dang ldan pa dgongs su gsol/ deng dge 'dun gyi gso sbyong bco lnga pa lags la/ bdag dge slong bro 'tshal ba sdug bsngal ba bro tshabs che ba ming 'di zhes bgyi ba'i gso  
 sbyong yang bco lnga pa lags te/ bdag dge slong blo 'tshal ba sdug bsngal pa bro tshabs che ba/ ming 'di zhes bgyi ba bar chad kyi chos rnams yongs su dag go zhes bdag mchi'o/ /dge 'dun ches bzhin mdzad pa la 'dun pa 'bul lo/ /
 bdag gi gso sbyong yang yongs su dag go 'dun pa dang yongs su dag pa yang brjod do/ /brjod pa yang rig par bgyid do/ /zhes lan gsum bzlas shing/ de'i rjes la len pa pos thabs yin no/ /zhes brjod par bya/ 'bul bas ni legs so zhes
 brjod par bya'o/ /'dun pa yongs su dag pa snga phyir blangs shing dbul du yang rung ste/ sngags kyi bye brag ni/ 'dun pa dang yongs su dag pa gang 'bul ba de nyi tshe'i ming smos te/ lan gsum bzlas par bya'o/ /dge slong 'dun pa dang yongs su dag pa 'dul
 bar byed pos gal te brjod mi nus na/ lus sam dag gam lus dang ngag gi rnam par rig byed kyis 'dun pa dang/ yongs su dag pa 'bul bar byed na/ 'dun pa dang yongs su dag pa phul bar brjod par bya'o/ /lus sam dag gi rnams par rig
 ? ? bya ba dang yongs su dag pa 'bul bar byed mi nus na/ dge 'dun thams cad der dong zhing gso sbyong bya ba 'am/ yang na dge slong de dge 'dun gyi nang du blangs te gso sbyong bya'o/ /dge slong 'dun pa dang yongs su dag pa len pa'i kun tu spang
 par? chos ni 'di ltar bya ste/ dge slong 'dun pa dang yongs su dag pa len las 'dun pa dang yongs su dag pa blangs nas/ brgyug par mi bya mgyogs par mi bya/ mchod par mi bya/ phyi rol la mchod par mi bya/ 'obs la mchod par mi bya/ bang rim la mchod
 par mi bya/ steng gi nam mkha' la mchod par mi bya/ mtshams kyi phyi rol tu 'gro bar mi bya/ gom pa gcig gis skas kyi rim pa gnyis thod rgal du 'dzag par mi bya/ gom pa gcig gis them skas kyi them pa gnyis la thod rgal du 'dzeg par mi bya/ chu lkog ma nub
 tsam la ? par mi bya/ gnyid log par mi bya/ snyoms par 'jug par mi bya bar dge 'dun gyi nang du 'jug par bya'o/ /dris nas kyang brjod par bya zhes bya ba ni de ltar 'dun pa dang yongs su dag pa len pa des de blangs te/ dge sbyong gis gnas su byin nas/
 dge slong ngam dge 'dun la brjod par bya'o/ /de brjod pa'i cho ga dang sngags ni/ so sor thar pa'i mdo 'don pa seng ge'i khri la ma 'dug pa'i mdun rol du dge 'dun thams cad gso sbyong gi gnas su 'dug pa na/ gang gi tshe dge 'dun gyi gnas brtan gyis/
 tshe dang ldan pa dag ma lhags pa rnams kyi 'dun pa dang/ yongs du dag pa brjod cig /brjod par yang rig par gyis shig ces smras pa'i tshe/ des dge slong dam/ yang na dge 'dun la de'i 'dun pa dang/ yongs su dag pa cig car dbul bar bya'o/ /dge
 slong la dbul ba ni/ des dge slong drung na 'dug pa'i mdun du 'dug ste/ 'di skad ces brjod par bya'o/ /tshe dang ldan pa dag dgongs su gsol dang dge 'dun gyi gso sbyong bco lnga pa lags la/ gnas ga ge mo zhig na dge slong bro 'tshal ba sdug bsngal
 ba bro tshabs che ba/ ming 'di zhes bgyi ba'i gso sbyong yang bco lnga pa lags te/ gnas ga ge mo zhig na dge slong bri 'tshal ba sdug bsngal ba bro tshabs che ba/ ming 'di zhes bgyi ba de bar chad kyi chos rnams yongs su dag go zhes kho na nyid
 mchi'o/ /dge 'dun chos bzhin du mdzad pa la 'dun pa 'bul lo/ /de'i gso sbong yang yongs su dag go /'dun pa dang yongs su dag pa yang brjod do/ /brjod pa yang rig par bgyid do zhes lan gsum du bzlas par bya'o/ /dge 'dun la 'bul na ni/ des dge
 'dun gyis dbus su rgan pa'i mthar 'greng ste/ 'dun pa dang bcas pas 'di skad ces brjod par bya'o/ /dge 'dun btsun pa rnams dgongs su gsol/ deng dge 'dun gyis gso sbyong bco lnga pa lags la/ gnas ga ge mo zhig na dge slong bro 'tshal ba sdug bsngal
 ba bro tshabs che ba/ ming 'di zhes bgyi ba'i gso sbyong yang bco lnga pa lags te/ gnas ga ge mo zhig na dge slong bro 'tshal ba sdug bsngal ba bro tshabs che ba/ ming 'di zhes bgyi ba da bar chad kyi chos rnams yongs su dag go zhes kho na nyid mchi'o/ /
 dge 'dun chos bzhin du mdzad pa la 'dun pa 'bul lo/ /'di'i gso sbyong yang yongs su dag go /'dun pa dang yongs su dge ba yang brjod do/ /brjod par yang rig par bgyid do/ /zhes lan gcig brjod par bya'o/ /dge 'dun gyis kyang de dang du blang
 bar bya ste/ des na 'dun pa phul bas ni/ dge 'dun gyi las mi mthun par mi 'gyur la/ yongs su dag pa phul bas ni gang zag ma lhags pa bdag nyid snod du 'gyur ro/ /len pa de dge 'dun gyis nang du ma phyin par shi 'am/ khyim par babs
 pa la sogs par gyur na/ ma blangs pa nyid yin pas yang blang bar bya'o/ /phyin na ma brjod kyang blangs pa nyid yin pas yang blang mi dgos so/ mi 'du ba dgag pa bshad zin to/ /mchod cing lung 'bog pa'i dbang du mdzad nas/ shAkya seng ge
 de la ni/ /sen mo bcu yi thal sbyar te/ /so sor thar pa gdon par bya/ gdul ba'i phyir ni nga la nyon/ /zhes bya ba gsungs te/ shAkya zhes bya ba ni gdung rgyud de/ des ni khyim pa'i phyogs kyi rigs rnam par dag pa bstan to/ /seng ge zhes bya ba ni yon tan te/ des
 ni rab tu byung ba'i phyogs kyi mkhyen pa rnam par dag pa bstan te/ mi bsnyengs pa dag gis mu stegs can gyi ri dags skrag par mdzad pa'i phyir ro/ /sen mo bcu zhes bya bas ni sor mo bcu mtshon par byed do/ /thal sbyar te zhes bya ba ni lag thil gnyis kyi sor mo
 bcu thal mo sbyar te'o/ /de dag gis mchod pa bstan to/ /thal mo sbyar te ci zhig bya zhe na/ so sor thar pa gdon par bya zhes bya ba gsungs te/ so sor thar pa'i mdo gdon pa rnam pa lnga po gleng gzhi gdon pa dang/ pham par 'gyur ba gdon pa dang/ dge
 'dun lhag ma gdon pa dang/ ma nges pa gdon pa dang/ ril gyi gdon pa dag gdon par bya'o zhes bya ba'i tha tshig go /gdul ba'i don du nga la nyon/ /zhes bya ba ni/ slob ma rnams 'dul ba'i don du ste/ yang dag par sdud par byed pa 'am/ so sor thar
 pa gdon pa nga la nyon cig ces bya bar sbyar ro/ /de dag gis ni lung 'bog pa bstan to/ mchod cing lung 'bog pa bshad zin to/ /yang dag par sgrub tu bzhug pa'i dbang du mdzad nas/ thos nas drang srong chen po yis/ /ji skad gsungs bzhin bsgrub bya zhing//
 kha na ma tho phra rnams la/ /brtul cing byed pa nyid du gyis/ /zhes bya ba la sogs pa tshigs su bcad pa gnyis gsungs te/ thos nas zhes bya ba ni so sor thar pa'i mdo gdon pa rnam pa lnga po de dag gi lung phog pa thos nas so/ /drang srong chen po zhes bya ba ni
 ston pa bcom ldan 'das te/ tshul khrims kyi dang can yin pa'i phyir ro/ /ji skad gsungs pa bzhin zhes bya ba ni/ 'dul ba dang mi 'gal ba dang/ 'jig rten dang mi 'gal bar bya'o zhes gsungs pa bzhin du'o/ /bsgrub bya zhing zhes bya ba ni sbyor
 ba dang dngos dang/ mjug gi sgo nas nan tan du bya ba'o/ /kha na ma tho ba zhes bya ba ni sdig pa ste/ dam pa rnams kyis smad pa'i phyir ro/ /phra rnams la zhes bya ba ni/ bca' ba'i kha na ma tho ba bcas pas phra mo rnams la'o/ /brtul cing
 byed pa nyid du gyis zhes bya ba ni bsrungs pa dag la sogs pa dag la 'bad pa dang/ lhur blang bar gyis shig ces bya ba'i tha tshig ste/ phra mo rnams la yang brtul cing byed pa nyid du bya na/ rang bzhin gyi kha na ma tho ba dang bcas pa chen po rnams lta smos kyang
 ci dgos zhes gsungs par shes par bya'o/ /rtag tu 'bad pas bda' ba yi/ /sems rta kha blan dka' ba la/ /mthun pa'i gzer rnon brgya pa yi/ /srab ni so sor thar 'di yin/ /zhes bya ba la rtag tu 'bad pas bda' ba zhes bya ba ni/ sems rta dmu rgod
 dang 'dra ba 'di ni lam bde ba dang 'dra ba'i dge ba'i phyogs la gzhug pa'i dus na/ rtag tu brungs bzhin du 'then cing brtson 'grus kyi lcags gis bda' zhing bskyod dgos pa'o/ /sems nyid rta dmu rgod dang 'dra'o/ /kha blan dga' ba zhes bya ba ni lam
 gol ba dang 'dra ba'i mi dge ba'i phyogs la 'jug pa'i dus na/ rlung bzhin 'phyo zhing chu lon gyi dgug srab kyi phyir kha blan zhing dgug dka' ba'o/ /mthun pa zhes pa ni 'tsham zhing/ rkyen du 'bab pa ste/ rta dmu rgod rtag tu lcag gis 'bad pas
 bda' zhing 'gug srab kyi kha lcags kyis blan dka' ba la ni gzer bu rnon po brgya ba'i srab kyis 'brab pa 'tsham zhing rkyen du 'bab la/ sems dmu rgod rtag tu brtson 'grus kyi 'bad pas bda' zhing/ tshul khrims kyi chu lon gyi kha blan dka' ba la ni
 bslab pa'i gzhi gzer bu gdung ba rnon po brgya pa'i so sor thar pa bca' ba 'di tsam zhig rkyen du 'bab pa'o/ /gzer rnan brgya ba zhes bya ba ni/ 'gugs srab kyi kha lcags gzer bu rnon po mang po dang ldan pa dang 'bra bar so sor thar pa 'di yang bslab
 ba'i gzhi gdung bar byed pa mang po dang ldan pa ste/ brgya ba zhes bya ba ni mang po mtshon pa'i tshig yin te/ grangs brgyar nges pa ni ma yin no/ /srab ni so sor thar 'di yin zhes bya ba ni/ srab dang 'dra ba yin no zhes bya ba'i tha tshig go /de dag gis ni drang srong chen pos ji
 skad gsungs pa bzhin bsgrub pa dang/ kha na ma tho ba phra mo rnams la yang brtun cing 'bad par bya ba dang/ sems kyi rta dmu rgod la so sor thar pa'i 'gug srab kyis 'brab dgos pa'i sgo nas/ so sor thar pa yang dag par bsgrub tu gzhug pa bstan to/ /yang dag
 par sgrub tu gzhug pa bshad zin to// //de'i phan yon bstan pa'i dbang du mdzad nas/ che ba gang dag dag tsam gyis/ /ldog cing mtshams las mi 'da' ba/ /de dag mi rta bzang po ste/ nyon mongs g.yul las des rgyal 'gyur/ /zhes
 bya ba gsungs te/ che ba zhes bya ba ni che ba'i bdag nyid can te bslab pa 'dod dpe phyir ro/ /ngag tsam gyis zhes bya ba ni/ chad pa la sogs pa rnam par bsal bas so/ /ldog cing zhes bya ba ni bya ba ma yin pa las so/ /mtshams las zhes bya ba ni bslab pa
 las so/ /mi 'da' ba zhes bya ba ni mi 'bral ba'o/ /de dag mi rta bzang po ste/ zhes bya ba ni mi de dag ni cang shes dang 'dra ba'o/ /nyon mongs g.yul las zhes bya ba ni/ nyon mongs pa'i ngo bo nyid ni/ bdag dang gzhan la gnod pa nyid kyis g.yul dang 'dra ste
 de las so/ /des rgyal 'gyur zhes bya ba ni nyon mongs pa thar byed cing mya ngan las 'das pa'i 'bras bu 'thob par 'gyur ba'o/ /de dag gis ni de ltar so sor thar pa yang dag par bsgrubs nas/ nyon mongs pa'i g.yul las nges par rgyal bar 'gyur
 ba'i sgo nas/ yang dag par sgrub pa de'i phan yon bstan te/ /de'i phan yon bshad zin to/ /yang dag par mi sgrub pa'i nyes dmigs bstan pa'i dbang du mdzad nas/ su la srab 'di med pa dang/ nam duAng 'dod par mi 'gyur ba/ /de dag nyon mongs 
 g.yul gyis dkrugs/ /'jog bral rnam par 'khyam par 'gyur/ /zhes bya ba gsungs te/ su la srab 'di med pa zhes bya ba ni/ mu stegs can dag la med pa ste/ yang dag par ma blangs pa'i phyir ro/ /nam duAng 'dod par
 mi 'gyur ba zhes bya ba ni/ 'dod pa la longs spyod pa dag lan 'ga' 'dod bar mi 'gyur ba ste/ tshul khrims la mngon par mi phyogs pa'i phyir ro/ /dkrugs zhes bya ba ni pham par byas pa'o/ /'jog bral zhes bya ba ni lhag pa'i tshul khrims kyi 'dul
 bas lhag pa'i sems kyis zhi ba la 'jog par byed pas/ /'jog pa ni 'dul ba nyid de de dang bral ba'o/ /rnam par 'khyam par 'gyur zhes bya ba ni/ /lan mi nyung bar ngan song la sogs pa'i 'khor ba'i 'khor bar 'gyur ba'o/ /de dag gis bslab
 pa med pa dang/ mi 'dod pas yang dag par mi sgrub pa dag dul ba nyid dang bral bas zhi ba mi 'thob cing 'khor bar 'gyur ba'i sgo nas/ /yang dag par mi sgrub pa'i nyes dmigs bstan to/ /yang dag par mi sgrub pa'i nyes dmigs bshad zin to//
 de dag ni dus dang por bya ba ste cho ga'o/ /da ni mdo gdon pa'i las bshad par bya ste/ de la gsol ba'i dbang du mdzad nas/ dge 'dun btsun pa rnams gsan du gsol/ deng dge 'dun gyi gso sbyong bcu bzhi pa'am/ bcwo lnga pa ste/ /gal te dge
 'dun gyis dus la bab cing bzod na/ /dge 'dun gyis gnang bar mdzod cig dang/ deng dge 'dun gso sbyong mdzad de/ /so sor thar pa'i mdo gdon pa gdon to/ /'di ni gsol ba'o zhes bya ba gsungs te/ 'di ni mdo gdon pa'i gsol ba ston te/ gsol bar
 ma brjod na ma bskos par byed pa nyid yin pas mi mthun pa nyid du 'gyur ba'i phyir/ /'dir so sor thar pa'i mdo gdon pa lnga po dag gdon pa'i mdun rol du/ gsol ba 'ba' zhig gis las 'di bya'o/ /'don par byed pas so sor thar pa'i mdo
 gdon pa'i gsol ba ni 'di ltar bya ste mdo 'don ba ? dge'i? khri la 'dug nas/ so sor thar pa'i mdo bstod ra dang dus dang por bya ba'i tshig dag rje bton nas/ /de'i 'og tu gsol ba 'ba' zhig gi las 'di bya'o/ /dge 'dun btsun pa rnams zhes bya ba ni mchod pa'i tshig gis
 'bod pa ste/ btsun pa rnams kyi tshogs zhes bya ba'i tha tshig go /gsan du gsol zhes bya ba ni/ gzhan la sems pa dag nyan pa la rna gtod cing gus par gyis shig ces bya ba'i don to/ /deng dge 'dun gyi gso sbyong bcu bzhi pa 'am/ /bco lnga pa ste/ zhes bya ba la/ gso
 sbyong zhes bya ba ni bslab pa gsum po dag gso zhing sbyong bar byed pa ste/ de yang rnams pa gnyis te/ mthun pa'i gso sbyong dang zhi gnas kyi gso sbyong ngo/ /de la mthun pa'i gso sbyong ni/ lhag pa'i tshul khrims kyi dbang du byas te/ gnas dang tshogs dang cho gas mthun par
 bya ba'o/ /zhi gnas kyi gso sbyong ni lhags pa'i sems dang lhag pa'i shes rab kyi dbang du byas te/ spong ba'i yan lag bsgom pa'o/ /de yang las phyi ma rnams ni mi bya ba'i chu lon gyis bsdams pa yin pas de ni mthun pa'i gso sbyong gis bsdoms par byed do/ /las
 snga ma rnams ni sgom pa'i rnam pas sbyad pa yin pas de ni zhi gnas kyi gso sbyong gis spyod par byed de/ des ni lhag pa'i tshul khrims la brten te/ lhag pa'i sems bskyed la/ lhag pa'i sems la brten te/ lhag pa'i shes rab skye bas bslab pa gsum po dag gso
 zhing sbyong ba ni/ mthun pa'i gso sbyong dang zhi gnas kyi gso sbyong yin par shes par bya'o/ /skabs 'dir ni mthun pa'i gso sbyong gzung bar bya ste/ mthun pa'i gso sbyong ni rnam pa lnga ste/ bcu bzhi pa dang/ bco lnga pa dang/ bkra shis kyi gso sbyong dang/ gnod pa
 byung ba'i gso sbyong dang/ bsdum pa'i gso sbyong ngo/ /de dag thams cad la yang gsol ba dang/ gleng gzhi rnam par bzhag pa lngar byas te/ so sor thar pa'i mdo gdon pa gdon dgos so/ /mthun pa'i gso sbyong rnam pa lnga po de dag lus 'dir ni bcu bzhi pa
 dang/ bco lnga pa'i skabs yin par bstan pa'i phyir/ bcu bzhi pa 'am bcwo lnga pa ste zhes bya ba gsungs te/ de la dus tshigs drug la zla ba gnyis gnyis yod pa dag gi nya shi gnyis gnyis la/ gso sbyong nyi shu rtsa bzhi yod pa de dag tshes grangs
 kyi yang dag pa la bltos na ni thams cad gso sbyong bco lnga pa yin no/ /'jig rten pa'i tha snyad kyi dus la bltos na ni/ gso sbyong bcu bzhi pa yin te/ dus tshigs drug po dag gi zla ba phyed phyed las 'das pa'i gso sbyong drug po dag go /'di skad bstan te/
 dbyar zla gsum dang dgun zla gsum gyi ni ra ba dang/ tha chung mar gyi ngos bco lnga ma thubs pas ra ba dang/ tha chung gi gnam stong gso sbyong bcu bzhi pa yin no/ /ston zla gsum dang dpyid zla gsum gyis ni 'bring po mar gyis ngos bco lnga mi thub pas 'bring po'i
 gnam stong gnyis gso sbyong bcu bzhi pa yin no/ /lhag ma bco brgyad ni/ gso sbyong bco lnga pa yin no/ /bkra shis kyis gso sbyong dang/ /gnod pa byung ba'i gso sbyong dang/ bsdum pa'i gso sbyong dag byed na ni/ /de'i tshe deng dge 'dun gyis bkra shis kyi gso sbyong
 ste zhe 'am/ /deng dge 'dun gyi gnod pa byung ba'i gso sbyong ste zhe 'am/ deng dge 'dun sdum pa'i gso sbyong ste zhes dmigs kyis smos par bya ste/ de dag ni gang gi tshe bya dgos pa'i tshe bya bar zad kyi/ /dus nges pa ni med do/ /bcu bzhi pa dang/ bco lnga pa ni dus nges
 pa yin pas/ de las snga phyir byar mi rung ngo/ /gal te dge 'dun gyi dus la bab cing bzod na zhes bya ba la/ dus la bab cing zhes bya ba ni las bya ba'i dus la bab pa ste/ /'dir ni gso sbyong gi dus dang sbyar ro/ /bzod na zhes bya ba ni las de bzhag par mi 'os
 shing bya bar bzod pa ste/ 'dir yang gso sbyong gi las dang sbyar ro/ /dge 'dun gyis gnang bar mdzod cig dang/ zhes bya ba ni cang mi smra bas so/ /deng dge 'dun gso sbyong mdzad de zhes bya ba ni las de bzhag par mi 'os pa yin pas bya'o zhes bya ba'i tha tshig go /so
 sor thar pa'i mdo gdon pa gdon to zhes bya ba ni/ so sor thar pa'i mdo gdon pa rnam pa lnga po gleng gzhi gdon pa dang/ pham par 'gyur ba gdon pa dang/ dge 'dun lhag ma gdon pa dang/ ma nges pa gdon pa dang/ ril gyis gdon pa dag go /'di ni gsol ba'o zhes bya
 ba ni go bar bya ste/ /las brgya rtsa gcig ni las gsum gyis bsdu ste/ gsol ba'i las dang/ gsol ba dang gnyis kyi las dang/ gsol ba dang bzhi'i las so/ /de la gsol ba'i las ni nyi shu rtsa bzhi'o/ /gsol ba dang gnyis kyi las ni bzhi bcu rtsa bdun no/ /
 gsol ba dang bzhi'i las ni sum cu zhes gsungs pa las/ 'di ni gsol ba'i las nyi shu rtsa bzhi po dag gi nang nas gcig yin no/ /gsol ba bshad zin to/ /da ni gleng gzhi gdon pa bshad par bya ste/ de la gleng bzhi rnam par bzhag pa'i dbang du mdzad nas/ /tshe dang
 ldan pa dag bdag cag gso sbyong bya ste/ zhes bya ba la sogs pa dag gsungs so gleng bzhi rnam par bzhag pa'i zhes bya ba ni de ltar so sor thar pa'i mdo gdon pa'i gsol ba byas nas/ so sor thar pa'i mdo gdon pa rnam pa 'di la 'khor yongs su dag cing/ /snod du rung bar bya ba'i phyir ltung ba yod na
 mthol du gzhug pa dang/ med na cang mi smra bar bya ba dang/ cang mi smra na yongs su dag par rig par bya ba'i cho gas gleng gzhi rnam par bzhag pa'o/ /gleng gzhi rnams par bzhag pa 'di'i bsdus pa'i don ni rnam pa drug ste/ gleng gzhi rnam par bzhag pa'i
 lung dbog pa dang/ gleng gzhi rnam par bzhag pa'i thabs bstan pa dang/ ma dag pa'i nyes dmigs dang/ dag pa'i phan yon dang/ gdon pa'i mjug bsdu ba dang/ gleng gzhi rnam par bzhag pa bsgrag par bya ba'o/ /tshe dang ldan pa dag bdag cag gso
 sbyong bya ste/ so sor thar pa'i mdo gdon gyis/ /khyed cag su la ltung ba yod pa des mthol zhig /ltung ba med na cang ma smra zhig /cang mi smra na/ bdag gis tshe dang ldan pa dag yongs su dag par rig par bya'o zhes bya bas ni/ gleng gzhi rnam par bzhag pa'i
 lung 'bog pa bstan to/ /ji ltar so sor dris nas dge slong gis lan btab pa de bzhin du/ dge slong gis 'khor 'di lta bur yang lan gsum gyi bar du bsgrag par bya ba yin no zhes bya bas ni gleng gzhi rnam par bzhag pa'i thabs bstan te/ /yang
 dge slong gang dge slong gi 'khor 'di lta bur lan gsum gyis bar bsgrag pa na ltung ba yod la/ /dran bzhin du mi mthol na/ de shes bzhin du brdzun du smra ba yin no/ /tshe dang ldan pa dag shes bzhin du brdzun du smra ba ni/ bcom ldan 'das kyis bar du gcod pa'i chos su
 gsungs so zhes bya bas ni ma dag pa'i nyes dmigs bstan to/ /de bas na dge slong ltung ba yod pa rnam par dag par 'dod pas/ ltung ba yod la dran zhing mthong ba mthol bar bya'o/ /mthol na bde ba la reg par gnas pa 'gyur ro/ /ma mthol ba bshags na ni mi
 'gyur ro zhes bya bas ni dag pa'i phan yon bstan to/ /tshe dang ldan pa dag bdag gis so sor thar pa'i mdo'i gleng gzhi bton zin to/ /zhes bya bas ni gdon pa'i mjug bsdu ba bstan to/ /de la bdag gis tshe dang ldan pa dag la ci 'di la khyed yongs su dag gam zhes
 dri'o ci 'di la khyed yongs su dag gam zhes lan gnyis lan gsum du dri'o/ /'di la tshe dang ldan pa dag yongs su dag na 'di ltar cang mi smra bas de de bzhin du 'dzin to/ /zhes bya bas ni/ gleng gzhi rnam par bzhag pa bsgrag par bya ba bstan to/ /de la re
 zhig gleng gzhi rnam par bzhag pa'i lung dbog pa'i yan lag gi don bshad par bya ste/ /tshe dang ldan pa dag bdag cag gso sbyong bya ste/ /zhes bya ba ni de'i gnas dang/ tshogs pa dang/ tshogs mthun pa'i gso sbyong bya ste zhes bya bar sbyar ro/ /
 rnam pa gang gis gso sbyong bya zhe na/ de'i phyir so sor thar pa'i mdo gdon pa gdon gyis zhes bya ba gsungs te/ sems drang por bsgrub pa dang/ 'gal ba bzlog pa la sogs pa rnam pa gzhan gyis kyang tshul khrims gso bar byed pa yod pas/ de dag
 bsal ba'i phyir so sor thar pa'i mdo gdon pa gdon gyis zhes bya ba gsungs te/ /so sor thar pa'i mdo gdon pa rnam pa lnga po dag gdon gyis zhes bya bar sbyar ro/ /so sor thar pa gdon pa ni dge 'dun gyi gnas brtan gyis las yin no/ /des mi nus pa
 nyid yin na gnyis pa'i las yin no/ /des kyang mi nus pa nyid yin na gsum pa'i las yin no/ /des kyang mi nus pa nyid yin na thams cad kyis res kyis gdon par bya'o/ /res bab pa'i tshe des gdon mi nus na gzhan la bcol bar bya'o/ /des ma btubs
 na dge 'dun gyis de la bcol bar bya'o/ /gdon pa de dag gis na tshig phyed kyang ma 'khrul bar legs par thon pa nyid yin na gdon gyis gzhan du na mi 'chags so/ /'don pa yis rdugs na/ lhag ma gzhan gyi gdon par bya'o/ /dum bu 'dzin pa yin
 na ji snyed kyis gzhung srongs ba de nyid kyis pheg? tu bcad de gdon par bya'o/ /gdon par byed pas so sor thar pa'i mdo gdon pa rnam pa lnga po gleng gzhi gdon pa dang/ pham par 'gyur ba gdon pa dang/ dge 'dun lhag ma gdon pa dang/ ma nges pa gdon pa
 dang/ ril gyis gdon pa dag las gleng gzhi gdon pa ni/ rdzogs pa kho nar mi gdon du mi rung ngo/ /gleng gzhi bton nas lhag ma rnams ni thos pa bsgrag pas bsgrub tu rung ngo/ /de yang gleng gzhi bton nas pham par 'gyur ba gdon pa brtsams nas pham
 par 'gyur ba'i sde tshan rdzogs par gdon dgos so/ /pham par 'gyur ba bton nas dge 'dun lhag ma gdon pa brtsams na/ /dge 'dun lhag ma'i sde tshan yang rdzogs par gdon dgos so/ /dge 'dun lhag ma bton nas ma nges pa gdon pa
 brtsams na/ /ma nges pa'i sde tshan yang rdzogs par gdon dgos te/ pham par 'gyur ba dang/ dge 'dun lhag ma dang/ ma nges pa yan chad kyi sde tshan ni gdon pa mgo brtsams na/ gang brtsams pa'i sde tshan de nyid rdzogs par bya dgos so//
 spang ba'i ltung byed man chad kyi sde tshan ni gdon par mgo brtsams na/ /lhag ma so sor thar pa'i gzhung thams cad rdzogs par gdon dgos te/ ril gyis gdon pa zhes bya ba yang de nyid yin no/ /mgo brtsams pa'i sde tshan
 rdzogs par bya dgos pa de dag ma rdzogs na mi 'chags so/ /'jigs pa dang bcas pa nyid du 'gron po don mthun dang lhan cig tu 'gro la/ 'gron po don mthun pa dag sngon du mi btub na/ 'gro bzhin du gdon par bya ste/ 'di'i las ni 'dug pa nyid kyis
 bya'o zhes gsungs pa'i dmigs kyis bsal ba yin no/ /sgra mi 'dod na mdor bsdus te gdon to/ /de tsam yang mi 'dod na byin gyis brlab par bya'o/ /chos ma yin pas gdon pa mi 'chags te/ gdon par bya ba dang/ de'i tshad dang/ dus dang/ /
 gdon par byed pa rnams de kho na bzhin du nye bar ma bzung ba ni/ /'dir chos ma yin pa'o/ /gdon par bya ba de kho na bzhin nye bar ma bzung ba ni/ so sor thar pa'i mdo las gzhan pa phran tshegs la sogs pa gdon pa'o/ /de'i tshad de kho na bzhin nye
 bar ma bzung ba ni/ gleng gzhi mi 'don cing lhag ma rnams kyang thos pa bsgrags pas mi byed pa'o/ /de'i dus de kho na bzhin nye bar ma bzung ba ni/ /gso sbyong gi dus las gzhan pa'i dus su 'don pa'o/ /'don par byed pa de kho na bzhin nye bar ma
 bzung ba ni/ gang zag bsnyen par rdzogs pa dang/ mtshan dang lta ba dang/ tshul khrims mthun pa dag las gzhan pas 'don pa'o/ /dge slong gcig pu gnas na des gtsug lag khang chag chag gdab par bya/ phyag dar bya/ ba lang gi
 lci ba sar pa'i byug pas byug par bya/ seng ge'i khri bsham par bya/ stan bsham par bya/ mar me gzugs par bya'o/ /chos nyan du gzhug pa dag bya'o/ /de'i 'og tu phyogs chas mthon por 'drug ste/ phyogs bzhir blta bar bya'o//
 der dge slong yongs su dag pa lta ba mthun pa dag 'ong na/ /'di skad ces kye tshe dang ldan pa dag myur ba myur bar shog cig /deng dge 'dun gyi gso sbyong bco lnga pa yin no zhes bya ba brjod par bya zhing/ /de dag dang lhan cig 'dug ste gso sbyong bya'o/ /gal te
 grub na de lta na legs/ ci ste mi 'grub na dge slong des byin gyis brlab par bya'o/ /'di ltar bya ste/ des rang gi stan la 'dug ste/ /'di ltar sems bskyed par bya zhing tshig tu yang brjod par bya'o/ /deng dge 'dun gyis gso sbyong
 bco lnga pa yin/ bdag dge slong ming 'di zhes bya ba'i gso sbyong yang bco lnga pa yin te/ /bdag dge slong ming 'di zhes bya ba bar chad kyi chos rnams yongs su dag go zhes kyang bdag mchis/ bdag yongs su dag par lha rnams kyis gzung du gsol/ /bdag
 dge slong ming 'di zhes bya bas tshul khrims kyis phung po yongs su rdzogs par bya ba'i phyir/ /deng gso sbyong byin gyis brlab bo/ /gang gi tshe dge 'dun tshogs pa rnyed pa de'i tshe dge 'dun dang lhan tu gso sbyong rgya cher nyams su myong bar bya zhing/ so sor thar
 pa'i mdo gdon pa gdon par bya'o/ /de bzhin du lan gnyis lan gsum du bzlas/ /gang na dge slong gnyis 'khod pa der ni rim pa bzhin du bya zhing/ dus kyi bar du bsdad de ma grub na/ mdun du tsog por 'dug ste/ /gcig la gcig 'di skad ces
 brjod par bya'o/ /btsun pa 'am/ tshe dang ldan pa dgongs su gsol/ deng dge 'dun gyi gso sbyong bco lnga pa lags la/ /bdag dge slong ming 'di zhes bgyi ba'i gso sbyong yang bco lnga pa lags te/ /bdag dge slong ming 'di zhes bgyi ba'i bar
 chad kyi chos rnams yongs su dag go zhes kyang bdag mchis/ bdag yongs su dag par btsun pa 'am/ tshe dang ldan pas gzung du gsol/ /bdag dge slong ming 'di zhes bgyi bas tshul khrims kyi phung po yongs su rdzogs par bgyi ba'i slad du/
 dang gso sbyong byin gyis brlab bo/ /gang gi tshe dge 'dun tshogs pa rnyed pa de'i tshe dge 'dun dang lhan cig tu gso sbyong rgya cher nyams su myong bar bgyi zhing/ so sor thar pa'i mdo gdon pa gdon par bgyi'o/ /de bzhin du lan gnyis
 lan gsum du bzlas/ /gang na dge slong gsum 'khod pa der ni rim pa bzhin du bya zhing/ dus kyi bar du bsdad de ma grub na/ rgan rim bzhin gral du 'khod de/ rim gyis byin gyis brlab pa'i sngags snga ma nyid brjod par bya'o/ /gang na dge slong bzhi 'khod pa
 der ni de rnams kyis gsol ba byas te/ /gso sbyong bya zhing der nad pa'i yongs su dag pa ni blang bar mi bya'o/ /gang na dge slong lnga 'am lhag pa 'khod pa der ni de rnams kyis gsol ba byas te/ /gso sbyong bya zhing der ni dad pa'i yongs su dag pa yang blang bar
 bya'o/ /khyed cag su la ltung ba yod pa des mthol zhig ces bya ba ni bshags par bya ba yod na yang bshags par bya bsdams par bya ba yod na yang bsdams par bya/ byin gyis brlab par bya ba yod na yang byin gyis brlab par bya'o/ /'di la gleng gzhi rnam
 par bzhag pa'i tshul ji lta bu zhe na/ gso sbyong gnas su 'du ba'i mdun rol kho nar gso sbyong snga ma 'das pa'i mdza' tshun chad kyi zla ba phyed kyi ltung ba la so sor brtag par bya ste ltung ba shes pa bshags pa 'am bsdams pa 'am/ byin gyis brlab pas
 phyir bcos te/ /las kyi gnas su 'dug par bya'o/ /de'i chog dang sngags ni 'di ltar bya ste/ ltung byed 'ba' zhig gam/ so sor bshags par bya ba 'am/ bshags par bya ba'i nyes byas las gang yang rung ba zhig /shes na de mchil lham gnyis
 phud nas dge slong bsnyen par rdzogs par rang bzhin du gnas pa lta ba dang mtshan nyid mthun pa tshams kyi nad na 'dug pa ltung ba ming dang rigs las mi mthun pa gcig gi mdun du tsog pur 'dug ste/ thal mo sbyar ba btung nas ltung ba'i sde tshan gyis
 ming dang rigs gang byung ba'i ris smos te/ /cig car mthol ba dang/ bshags par byar rung ngo/ /de'i skabs ni 'di skad ces brjod par bya'o/ tshe dang ldan pa dgongs su gsol bdag ming 'di zhes bgyi ba ltung ba ming dang rigs 'di lta bu 'di byung ste/ bdag dge slong
 ming 'di zhes bgyi ba ltung ba de dge ba'i mdza' tshun chad nas bzung ste/ /tshe dang ldan pa'i mdun du mthol lo/ /mi 'chag go 'chags so/ /mthol zhing bshags nas bdag bde ba la reg par gnas par 'gyur gyi ma mthol ma bshags na mi 'gyur ro/ /de bzhin du lan gnyis lan
 gsum du bzlas/ /nyan pas ltung ba mthong ngam zhes smra zhing 'chags pas mthong ngo zhes brjod par bya'o/ /nyan pas phyin chad sdom mam zhes smra zhing 'chags pas sdom mo zhes brjod par bya ste/ /de bzhin du lan gnyis lan gsum du bzlas/ /de'i rjes la nyan pas thabs
 yin no zhes brjod par bya zhing 'chags pas legs so/ /zhes brjod par bya'o/ de'i tshe dge slong ltung ba la dogs pa dang yid gnyis za bar gyur na/ /dge slong des dge slong mdo sde 'dzin pa dang/ /'dul ba 'dzin pa dang/ ma mo 'dzin pa dag la dris te ltung ba la dogs
 pa dang yid gnyis bsal nas dge slong gi mdun du chos bzhin du phyir bcos so/ /bsdom par bya ba'i nyes byas gang yang rung ba zhes shes na rang gi sems kyi bsdams par bya'o/ /dge 'dun lhag ma dang nyes pa sbom po dang spang ba'i ltung byed kyi ltung ba gang yang rung
 ba zhig shes na byin gyis brlab par bya'o/ /'di ltar bya ste/ des snga ma bzhin du mchi la lham gnyis phud nas/ dge slong bsnyen par rdzogs pa rang bzhin du gnas pa lta ba dang/ mtshan mthun pa mtshams kyi nang na 'dug pa ltung ba ming dang rigs las mi mthun pa gcig
 gi mdun du tsog pur 'dug ste thal mo sbyar ba btung nas ltung ba'i sde tshan gyi ming dang gang byung ba'i rigs smos te 'di skad ces brjod par bya'o/ /tshe dang ldan pa dgongs su gsol bdag dge slong ming 'di zhes bgyi ba la ltung ba ming dang rigs 'di lta bu 'di byung ste
 bdag dge slong ming 'di zhes bgyi pas der? ltung ba de tshe dang ldan pa'i mdun du byin gyis brlabs te gso sbyong bgyi'o/ /sang nang par ltung ba de chos bzhin du slar bgyi'o/ /de bzhin du lan gnyis lan gsum du bzlas gso sbyong bco lnga pa
 de nyid la dge slong gis dge 'dun gyi nang du ltung ba dran na des ltung ba de dge slong drung na mo de la byin gyis brlab par bya'o/ /'di ltar bya ste/ des dge slong drung na 'dug pa'i mdun du tsog pur 'dug ste thal mo sbyar ba btung nas 'di skad ces brjod par bya'o/ /
 tshe dang ldan pa dgongs su gsol der dge 'dun gyi gso sbyong bco lnga pa lags la bdag dge slong ming 'di zhes bgyi ba'i gso sbyong yang bco lnga pa lags te/ bdag dge slong ming 'di zhes bgyi ba dge 'dun gyi nang du ltung ba ming dang rigs 'di lta bu 'di dran? te bdag
 dge slong ming 'di zhes bgyi bas deng ltung ba de tshe dang ldan pa'i mdun du byin gyis brlabs te gso sbyong bgyi'o/ /sang nang par ltung ba de slar chos bzhin du bgyi'o/ /zhes lan gsum du bzlas par bya'o/ /gso sbyong bco lnga pa de nyid la dge slong dge 'dun
 gyi nang du ltung ba la yid gnyis dang bcas par gyur na nges ltung ba de dge slong drung na mo la byin gyis brlab par bya'o/ /'di ltar bya ste des dge slong drung na 'dug pa'i mdun du tsog pur 'dug ste thal mo sbyar ba btung nas 'di skad ces brjod par bya'o/ /
 tshe dang ldan pa dgongs su gsol/ deng dge 'dun gyi gso sbyong bco lnga pa lags la/ /bdag dge slong ming 'di zhes bgyi ba'i gso sbyong yang bco lnga pa lags te/ /bdag dge slong ming 'di zhes bgyi ba dge 'dun gyi nang du ltung ba ming dang rigs
 'di lta bu 'di la yid gnyis su gyur na bdag gis deng ltung ba de tshe dang ldan pa'i mdun du byin gyis brlabs te gso sbyong bgyi'o/ /sang nang par dge slong mdo sde 'dzin pa dang 'dul ba 'dzin pa dang ma mo 'dzin pa rnams la bris te/ dogs pa
 dang yid nyid bsal la/ ltung ba de chos bzhin du slar bgyi'o/ /zhes lan gcig bzlas par bya'o/ /gso sbyong bco lnga pa de nyid la dge slong las byed pas dge 'dun gyi nang du ltung ba dran na des ltung ba de rang gi sems kyis byin gyis brlabs par bya'o/ /'di ltar bya
 ste/ des 'dug bzhin du sems kyis 'di skad ces brjod par bya'o/ /deng dge 'dun gyi gso sbyong bco lnga pa yin la bdag dge slong las byed pa ming 'di zhes bgyi ba'i gso sbyong yang bco lnga pa yin te/ bdag dge slong las byed pa ming 'di zhes bya ba dge 'dun
 gyi nang du ltung ba ming dang rigs 'di lta bu 'di dran te bdag dge slong las byed pa ming 'di zhes bya bas deng ltung ba der rang gi sems kyis byin gyis brlabs te gso sbyong bya'o/ /sang nang par ltung ba de chos bzhin du phyir bya'o zhes lan cig brjod par bya'o/ /gso
 sbyong bco lnga pa de nyid la dge slong las byed pas dge 'dun gyi nang du ltung ba la yid gnyis dang bcas par gyur na des ltung ba de rang gi sems kyis byin gyis brlab par bya'o/ /'di ltar byas te des 'dun bzhin du sems kyis 'di skad ces brjod par bya'o/ /deng
 dge 'dun gyis gso sbyong bco lnga pa yin la bdag dge slong las byed pa ming 'di zhes bgyi ba'i gso sbyong yang bco lnga pa yin te/ bdag dge slong las byed pa ming 'di zhes bya ba dge 'dun gyis nang du ltung ba ming dang rigs 'di lta bu 'di la yid gnyis su gyur na/
 bdag dge slong las byed pa ming 'di zhes bya bas deng ltung ba de rang gi sems kyis byin gyis brlabs te gso sbyong bya'o/ /sang nang bar dge slong mdo sde 'dzin pa dang/ 'dul ba 'dzin pa dang ma mo 'dzin pa rnams la dris te dogs? pa dang yid ge gnyis bsal la ltung ba de
 chos bzhin du phyir bya'o/ /zhes lan cig brjod par bya'o/ /gso sbyong bco lnga pa de nyid la dge 'dun thams cad ltung ba mthun pa dang bcas par 'gyur na dge slong de rnams kyis gang gi mdun du ltung ba de chos bzhin du phyir bya ba'i phyir dge slong dga' zhig gnas
 gzhan du song la dge slong gi 'dun du ltung ba de chos bzhin du phyir byed pa de ltar bur spro bar bya'o/ /gal te grub na de lta na legs/ ci ste mi 'grub na dge slong de rnams kyis gsol ba 'ba' zhig gi las kyis byin gyis brlab par bya'o/ /'di ltar
 bya lte gal te gso sbyong gi dus su dge 'dun thams cad kyis ltung ba mthun pa dang bcas par shes par gyur na dge slong cig mtshams gzhan gyi dge slong gi drung du btang ste des der ltung ba phyir bcos te/ /phyir 'ongs nas de'i mdun du thams cad kyi ltung ba shes pa
 phyir bcos te gso sbyong bya'o/ /gal te chog de ma grub na dge slong gcig gis gsol ba 'ba' zhig gi las kyis byin gyis brlab par bya'o/ /'di ltar byas de 'dug la 'di skad ces brjod par bya'o/ /dge 'dun btsun pa rnams gsan du gsol deng dge 'dun
 gyis gso sbyong bco lnga pa lags la/ bdag cag dge 'dun thams cad ni ltung ba dang bcas par gyur na gang gis mdun du bdag cag ltung ba de chos bzhin du slar bgyi ba bdag cag las dge slong gnas gzhan du mchis la dge slong gi mdun du ltung ba de chos
 bzhin du slar bgyid par spro ba su yang ma mchis na gal te dge 'dun gyis dus la bab cing bzod na/ dge 'dun gyis gnang bar mdzod cig dang dge 'dun gyis ltung ba de byin gyis brlabs te gso sbyongs mdzad la slar kyis dge slong gi mdun du ltung ba de
 chos bzhin du slar mdzad do/ /'di ni gsol ba'o/ /gso sbyong bco lnga pa de nyid la dge 'dun thams cad ltung ba la yid gnyis dang bcas par gyur na de rnams kyi gang gis mdun du ltung ba de chos bzhin du phyir bya ba'i dge slong 'ga' zhig gnas gzhan
 du song la dge slong mdo sde dang 'dul ba dang ma mo 'dzin pa rnams la dris te ltung ba yid gnyis bsal te/ /chos bzhin du phyir byed pa de lta bur spro bar bya'o/ /gal te grub na legs/ ci ste ma grub na dge slong de rnams gsol ba 'ba' zhig gi las kyis byin
 gyis brlab par bya'o/ /'di ltar bya ste gal te gso sbyong gi dus su dge 'dun thams cad ltung ba la yid gnyis dang bcas par gyur na dge slong gcig mtshams gzhan gyi dge slong mdo sde dang 'dul ba dang ma mo 'dzin pa rnams kyi drung du btang ste/ des der ltung ba la
 dogs pa dang yid gnyis bsal te phyir 'ongs nas de'i mdun du thams cad kyis ltung ba la yid gnyis dang bcas par gyur pa bsal te gso sbyong bya'o/ /gal te cho ga de ma grub na dge slong gcig gis gsol ba 'ba' zhig gi las kyis byin gyis brlab par bya'o
 'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ /deng dge 'dun gyi gso sbyong bco lnga pa lags la bdag cag dge 'dun thams cad ltung ba la dogs pa dang yid gnyis dang bcas par gyur na gang gi
 mdun du bdag cag ltung ba de chos bzhin du slar bgyi ba bdag cag las dge slong gnas gzhan du mchis la dge slong mdo sde 'dzin pa dang 'dul ba 'dzin pa dang ma mo 'dzin pa rnams la dris te dogs pa dang yid gnyis bsal la ltung ba de chos bzhin du slar bgyid
 par spro ba su yang ma mchis na gal te dge 'dun gyi dus la bab cing brjod na dge 'dun gyis gnang bar mdzod cig dang dge 'dun gyis deng ltung ba de byin gyis brlabs te gso sbyong mdzad la slad kyis dge slong mdo sde 'dzin pa dang 'dul ba 'dzin pa dang ma mo 'dzin
 pa rnams la dris te dogs pa dang yid gnyis bsal la ltung ba de chos bzhin du slar mdzad do/ /'di ni gsol ba'o/ /gso sbyong bco lnga pa de nyid la dge 'dun thams cad ltung ba'i phyir rtsod par gyur na gsol ba 'ba' zhig gis las kyis byin gyis
 brlabs te gso sbyong bya'o/ /'di ltar bya ste/ gso sbyong bco lnga pa de nyid la dge slong gnyug mar gnas pa gcig pu ma gtogs pa dge 'dun thams cad ltung ba dang bcas par gyur na dge slong de dge slong gtam 'dre ba dang phebs par smra ba dang smos
 'drin dang 'grogs bshes gang yin pa de'i drung du song ste ci nas kyang dge slong gzhan dag kyang ltung ba 'chags par 'gyur ba der ltar gleng ba dang dran par bya'o/ /gal te grub na de lta na legs/ ci ste mi 'grub cing dge 'dun thams cad ltung
 ba'i phyir rtsod par gyur na dge slong gcig gi gsol ba 'ba' zhig gis las kyis byin gyis brlab par bya'o 'di ltar bya ste 'dug la 'di skad ces brjod par bya'o/ /dge 'dun btsun pa rnams gsan du gsol/ /deng dge 'dun gyis gso sbyong bco lnga pa
 lags la bdag cag dge 'dun thams cad ni ltung ba'i slad du rtsod par gyur na gal te dge 'dun gyi dus la bab cing bzod na dge 'dun gyis gnang bar mdzod cig dang dge 'dun gyis deng ltung ba'i slad du rtsod pa de byin gyis brlabs la gso sbyong mdzad
 la slad kyis dge slong mdo sde 'dzin pa dang 'dul ba 'dzin pa dang ma mo 'dzin pa rnams la dris te rtsod pa'i bar bgyis la ltung ba de chos bzhin du slar mdzad do/ /'di ni gsol ba'o/ /gso sbyong bco lnga pa de nyid la dge 'dun thams cad ltung ba la nges
 pa nyid ma yin par gyur na/ /gso sbyong 'ba' zhig gi las kyis byin gyis brlabs te gso sbyong bya'o 'di ltar byas te/ gso sbyong bco lnga pa de nyid la/ dge slong glo bur du 'ongs pa gcig pu ma gtogs pa dge 'dun thams cad ltung ba dang bcas par gyur
 na dge slong de dge slong gtam 'dres pa dang phebs par smra ba dang smos 'drin dang 'grogs bshes glang yin pa de'i drung du song ste ci nas kyang dge slong gzhan dag kyang ltung ba 'chags par 'gyur ba de ltar gleng ba dang dran par bya'o gal te grub na de lta na legs/
 ci ste mi 'grub cing dge 'dun thams cad ltung ba de ni gang yin ltung ba de las ji ltar ni ldang bar 'gyur zhes nges pa nyid ma yin par gyur na dge slong gcig gis gsol ba 'ba' zhig gi las kyis byin gyis brlabs par bya'o/ /'di ltar bya ste 'dug la 'di skad ces brjod
 par bya'o/ /dge 'dun btsun pa rnams gsan du gsol deng dge 'dun gyi gso sbyong bco lnga pa lags la bdag cag dge 'dun thams cad ni ltung ba la nges pa nyid ma lags par gyur na gal te dge 'dun gyi dus la bab cing bzod na dge 'dun gyis gnang bar
 mdzod cig dang/ dge 'dun gyis deng ltung ba de nges pa nyid ma lags pa de byin gyis brlabs te gso sbyong mdzad la slad kyis dge slong mdo sde 'dzin pa dang 'dul ba 'dzin pa dang ma mo 'dzin pa rnams la dris te/ nges pa ma lags pa bsal la ltung
 ba de chos bzhin du slar mdzad do/ /'di ni gsol ba'o/ /ltung ba med na cang ma smra zhig ces bya ba ni bshad par bya ba dang bsdams par bya ba dang byin gyis brlab par bya ba'i ltung ba med na de dag phyir bcos pa'i phyir ma byed cig ces bya ba'i tha tshig go /cang mi
 smra na bdag gis tshe dang ldan pa dag yongs su dag par rig par bya'o/ /zhes bya ba ni de ltar na 'khor rnam par dag pa yin pas bdag gis khyed cag gso sbyong gi snod du gyur pa yin par rig par bya'o zhes bya ba'i tha tshig go /de ltar gleng gzhi rnam par
 bzhag pa'i lung dbog pa ji skad bstan pa de las tshe dang ldan pa dag bdag cag gso sbyong bya ste so sor thar pa'i mdo gdon pa gdon gyis khyed cag su la ltung ba yod pa des mthol zhig bya ba'i lung dbog pa 'di'i gleng bzhi rnam par bzhag pa bsgrag
 par bya ba ni 'og nas 'di la tshe dang ldan pa dag ci? 'di la khyed yongs su dag gam zhes lan gnyis lan gsum du 'dri'o zhes 'byung ba yin no/ /ltung ba med na cang ma smra zhig ces bya ba'i lung dbog pa 'di'i gleng gzhi rnam par bzhag pa bsgrag par bya ba ni 'og nas 'di
 la tshe dang ldan pa dag yongs su dag na zhes 'byung ba yin no/ /cang mi smra na/ bdag gi tshe dang ldan pa dag yongs su dag par rigs par bya'o zhes bya ba'i lang dbog pa 'di'i gleng gzhi rnam par bzhag pa bsgrags par bya ba ni/ 'og nas 'di ltar cang mi smra
 bas de de bzhin du 'dzin to zhes 'byung ba yin par rig par bya'o/ /de'i 'og tu gleng gzhi rnam par gzhag pa'i thabs bstan pa'i yan lag gi don bshad par bya ste ji ltar so sor dris nas dge slong gis lan btab pa zhes bya ba ni gleng
 gzhi rnam par bzhag pa'i thabs bstan pa'i dpe ste dper na gso sbyong gi tshe dge slong dag gso sbyong gi gnas su 'du ba'i mdun rol kho nar gso sbyong sngar 'das pa'i mdza' tshun chad kyi zla ba phyed kyi ltung ba so sor rtog par byed cing thung ba shes
 shing mthong na dge slong gcig gi mdun du skabs dbye bar gsol te/ ltung ba mthol nas dag pa sbyin pa'i dge slong des ltung ba mthong ngam zhes dris pa na mthong ngo zhes lan gdab pa dang phyin chad sdom mam zhes dris pa na sdom mo zhes lan
 btab pa lan gsum dris nas dge slong gis kyang lan gsum gdab pa'o/ /de bzhin du dge slong gi 'khor 'di lta bur yang lan gsum gyis bar du bsgrags par bya ba yin no zhes ba ni gleng gzhi rnam par bzhag pa'i thabs bstan pa'i don? nyid yin te dge slong gi
 'khor 'di lta bur yang zhes bya ba ni so sor thar ba'i mdo gdon pa'i 'khor 'dir lan gsum gyi bar du bsgrags par bya ba yin no zhes bya ba 'og nas gleng gzhi rnam par bzhag pa bsgrag par bya ba tshig 'di skad ces de la bdag gis tshe dang ldan pa dag la ci 'di la
 khyod yongs su dag gam zhes lan gnyis lan gsum gyis dri'o/ /'di la tshe dang ldan pa dag yongs su dag na 'di ltar cang ni smra bas de de bzhin du 'dzin to zhes 'byung ba de nyid so sor thar ba'i gzhung las ji ltar 'byung ba kho na bzhin go rim dang tshig ma 'khrul
 bar lan cig gdon par bya ba yin te/ de lan cig bton pa nyid na dri'o/ /zhes bya ba dang lan gnyis lan gsum du dri'o zhes smos pa de nyid kyis lan gsum bsgrags pa yin no tshigs de skabs 'dir gong du spar te/ sbrag par bya ba yang ma yin la/ sngar
 gleng gzhi rnam par bzhag pa'i lung dbog pa'i tshig ji skad bstan pa de skabs 'dir lan gsum bsgrags par bya ba yang ma yin no/ /de'i 'og tu ma dag pa'i nyes dmigs kyi yan lag gi don bshad par bya ste/ yang dge slong gang zhes bya ba ni byung ba'i dbang
 gis bcas pa ma yin gyi gang yang rung ba spyir bstan pa'o/ /dge slong gis 'khor 'di lta bur lan gsum gyi bar du bsgrags pa na zhes bya ba ni so sor thar bas gdon pa'i nang du gleng gzhi rnam par bzhag pa bsgrags par bya ba'i tshig 'og nas 'byung ba lan cig
 bton pa na ste de lan cig bton pa na dri'o zhes bya ba dang lan gnyis lan gsum du dri'o zhes smros pa nyid lan gnyis lan gsum bsgrags pa yin gyis gleng gzhi rnam par bzhag pa bsgrags par bya ba de tshig de lan gsum bsgrag par ni mi bya'o
 ltung ba des la zhes bya bas ni sngar chos bzhin du phyir ma bcos pa'o/ /dran bzhin du mi 'thol na zhes bya ba ni 'dir 'du shes gtso cher byed pa po yin pas mi dran pa la ltung ba med kyi dran bzhin du mthol na ltung bar 'gyur ro/ /yid gnyis ni 'du shes dang 'dra
 bas yid gnyis za ba byin gyis mi brlob na yang ltung ba 'dir 'gyur ro/ /de shes bzhin du rdzun smra ba yin no zhes bya ba ni brdzun la rnam pa lnga ste pham par 'gyur ba dang dge 'dun lhag mar 'gyur ba dang nyes pa sdom por 'gyur ba dang ltung byed du 'gyur ba dang/
 nyes byas su 'gyur ba'o de la pham par 'gyur ba'i rdzun ni 'du shes bsgyur te mi chos bla mar smra ba'o/ /dge 'dun lhag mar 'gyur ba'i brdzun ni 'du shes bsgyur te gzhi med pa dang bag tsam gyis skur pa 'debs pa'o/ /nyes pa spom por 'gyur ba'i brdzun
 ni dge 'dun gyi dbyen byed pa'i tshe dge 'dun 'dus pa shes bzhin du chos ma yin pa chos su ston pa dang chos chos ma yin par ston pa ste brdzun du smra ba'i pham par 'gyur ba'i skabs kyi nyes pa ston pa'o/ /ltung byed du 'gyur ba'i brdzun ni snga ma gsum
 dang nyes byas su 'gyur ba'i brdzun dang bzhi las gzhan pa'i brdzun du smra ba don shes pa'i yul la 'du shes gzhan du bsgyur ba ste brdzun du smra ba ni 'du shes kyi dbang gi rnam par bzhag gi dngos po'i dbang gis ni ma yin pa'i phyir ro/ /nyes
 byas su 'gyur ba'i rdzun ni skabs 'di nyid kyis bstan te/ gso sbyong la ci 'di la khyed yongs su dag gam zhes lan gsum gyi bar du dris pa las ma dag par shes bzhin du cang mi smra bas 'da' bar byed na nyes byas so zhes gsungs pa'i phyir ro/ /de yang nyes
 byas yongs su rdzogs pa yin gyis yid kyi ni ma yin te/ kha rnam par 'gyur ba la sogs pa'i rnam par rig byed de la yod pa'i phyir ro de ltar shes bzhin du brdzun smra ba de ni ma dag pa yin na/ ma dag pa'i nyes dmigs gang zhe na de'i phyir tshe dang ldan pa dag
 shes bzhin du brdzun du smra ba ni bcom ldan 'das kyis bar du gcod pa'i chos su gsungs so zhes bya ba gsungs te/ brdzun du smra ba ni rang bzhin gyi kha na ma tho ba dang bcas pa yin pas bsnyen par ma rdzogs pa dang nyams pa dang mtshams med pa byas pa dang sdig
 pa'i lta ba can dang sa gzhan la gnas pa dang tha dad par gnas pa rnams kyis smra na yang mngon par mtho ba dang nges par legs pa'i bar du gcod pa yin la dge slong rang bzhin du gnas pas smras na ni rang bzhin gyi kha na ma tho ba dang bcas pa'i kha na ma tho ba
 gnyis ka lhag par spyad pa yin pas lhag par yang mngon par mtho ba dang nges par legs pa'i bar du gcod par gsungs so/ /skabs 'dir ni cho ga las 'das na las mi 'chags so zhes gsungs te/ las ni gsol ba dang brjod pa dang so sor thar pa
 sdom pa dang dgags dbye ba'i las te/ las brgya rtsa gcig gis bsdus pa'o/ /cho ga ni dge 'dun tshad ba dang las brjod pa dang las byed pa nyid kyi chos ma yin pas mi bya ba dang mi thun pa dag mi bya ba dang tshogs kyi mi bya ba yin pas 'dir so sor thar
 ba? don? bzhi gso sbyong gis las yin la de chos ma yin pas mi bya'o zhes bya ba ni 'khrul pa dang bcas pa dag gis las mi bya ba la sogs pa yin no/ /'dir ltung ba yod pa ni 'khrul ba dang bcas pa yin la/ de dran bzhin du mi mthol ba shes bzhin du rdzun smra
 ba yang rang bzhin las nyams pa yin pas de ma bshags sam byin gyis ma brlabs pa dag gis gso sbyong gi las byas na las de mi 'chags pa'i nyes dmigs gzhan yang yod do/ /de'i 'og tu dag pa'i phan yon gyi don bshad par bya ste/ de bas na dge slong
 ltung ba byung ba rnam par dag par 'dod pas zhes bya ba ni shes bzhin du brdzun smra ba'i nyes pa tsam yang rnam par dag par 'dod pas so ltung ba yod pa dran zhing mthong ba mthol bar bya'o/ /zhes bya ba ni bshags pa dang bsdam pa dang byin gyis brlab pa gang
 bya bar 'os pa de bya'o de ltar mthol ba de ni dag pa yin na dge pa'i phan yon gang yin zhe na/ /de'i phyi mthol na bde ba la reg par gnas par 'gyur ro zhes bya ba gsungs te mthol na tshul khrims kyis phan yon bcu 'thob cing mngon par mtho ba dang/ nges
 par legs pa'i bde ba la reg par gnas par 'gyur ba'o/ /tshul khrims kyi phan yon bcu ni 'gyod pa med pa'i rim gyis mchog tu dga' ba sngon du 'gro ba'i chos 'thob par 'gyur ba la sogs pa sngar bstan pa dag go /mngon par mtho ni mtho ris so/ /
 nges par legs pa ni mya ngan las 'das pa'o/ /skabs 'dir 'phral du cho ga las ma 'das pas las 'chags pa'i phan yon gzhan yang yod do/ /ma mthol ma bshags na ni mi 'gyur ro/ /zhes bya bas ni rjes su 'gro ba sngar bstan pa de nyid ldog
 pa'i sgo nas bstan to/ /de'i 'og tu gdon pa'i mjug bsdu ba'i yan lag gi don bshad par bya ste tshe dang ldan pa dag bdag gis so sor thar pa'i mdo gdon pa'i gleng gzhi bton zin to zhes bya ba la gleng gzhi zhes bya ba ni mdo gdon pa'i 'byung ba'i rgyu'o//
 bton zin to zhes bya ba ni dam bcas pa'i don gyi mjug bsdu ba'i phyir dang nyan pa po rnams spro bar bya ba'i phyir smos so/ /de'i 'og tu gleng gzhi rnam par gzhag pa bsgrag par bya ba'i yan lag gi don bshad par bya ste/ de la zhes bya ba ni
 gleng gzhi bton pa de la'o/ /ci zhes bya ba ni yongs su dris pa'o 'di la zhes bya ba ni gso sbyong la'o/ /khyed ces bya ba ni khyed cag go /yongs su dag gam zhes bya ba ni ltung ba ma byung ngam zhes bya'o/ /zhes zhes bya ba ni dri ba spyi la snyegs so/ /dri'o zhes bya ba ni
 dri ba dang po'o/ /lan gnyis lan gsum du dri'o zhes bya ba ni lan gsum kho na dri dgos pas lan gnyis lan gsum du zhes bya ba smos te/ /nyungs na yang la las mi thos la mangs na yang dus yol ba la sogs pa'i nyes dmigs yod pas de'i phyir lan
 gsum ni ran par dgongs te bshags pa dang byin gyis brlabs pa gnyis kyis ltung ba ma bcabs pa sha stag tshogs pa yin nam zhes bya ba'i tha tshig go /cang mi smra bas brda byas pas gleng gzhi rnam par bzhag pa bsgrags par bya ba'i mjug bsdu
 ba bstan pa'i phyir/ /'di la/ tshe dang ldan pa dag yongs su dag na 'di ltar cang mi smra bas de de bzhin du 'dzin to zhes bya ba gsungs te/ bshags par bya ba dang/ byin gyis brlabs pa gnyis kyis ltung ba ma bcabs pa sha stag tshogs pa yin
 no zhes bya ba'i tha tshig go /gleng gzhi gon pa bshad zin to// //bam bo gsum pa/ /da ni pham par 'gyur ba gdon pa bshad par bya ste/ de'i phyir/ sdom la/ mi tshangs spyod dang rku ba dang/ /mi la bsad par mi bya/ /brdzun
 du smra dang bcas pa yi/ /chos bzhi 'dir ni gsungs pa yin/ /zhes bya ba gsungs so/ /sdom la/ zhes bya ba ni/ yang dag par sdud par byed pas 'dul ba'i sde snod yang dag par bsdu ba'i tshe/ ma 'ongs pa'i skye bo lung dang rtogs pa'i bdag nyid med pa
 dag yan lag la sgro 'dogs pa dang/ skur ba 'debs pa'i mdza' spang bar bya ba dang/ nyan pa pos brjod pa nyung ngus don gyi spyi rtogs par 'dod pa dag la phan gdags pa'i phyir/ sdom rnams pa gsum du bsdus te/ spyi sdom dang/ sdom dang/ bar sdom du'o
 de la spyi sdom ni/ spyi'i don tshigs su bcad par bsdus pa ste/ de dper na ltung byed kyi sde tshan bstan pa'i skabs su/ sdom gyi tshigs bcad rim gyis 'byung ba thams cad kyi mgor?/ /spyid sdom la zhes bya ba'i tshigs su bcad pa gcig gis sdom rnams kyi spyi'i
 don bsdus pa la sogs pa lta bu'o/ /sdom ni/ dngos kyi don tshigs su bcad par bsdus pa ste/ dper na pham par 'gyur ba'i chos bzhi po dag gi dngos kyi don sdom la zhes bya ba'i tshigs su bcad pas bsdus pa dang/ dge 'dun lhag ma'i chos bcu gsum po dag
 gi dngos kyi don sdom la zhes bya ba'i tshigs su bcad pas bsdus pa la sogs pa lta bu'o/ /bar sdom ni/ yan lag gi don tshigs su bcad par bsdus pa ste/ dper na spang ba'i ltung byed sum cu po dag gi dngos kyi don sdom gyi tshigs su bcad pa gcig bsdus
 pa las/ /de dag so so'i ltung ba rnam par bzhag pa'i skabs skabs su tshig yan lag du ma 'phros pa dag gi don par sdom la zhes bya ba'i tshigs su bcad pas bsdus pa la sogs pa lta bu'o/ /de bas na/ skabs 'dir sdom la/ zhes bya ba/ smos pa ni/
 pham par 'gyur ba'i chos bzhi'i dngos kyi don bsdus pa yin no/ /ming tshangs spyod dang rku ba dang/ mi la bsad par mi bya/ /brdzun du smra dang bcas pa yi/ chos bzhi 'dir ni gsungs pa yin/ /zhes bya ba la/ mi bya ba zhes bya ba'i tshigs dbus na 'dug
 pa 'di la gong 'og gnyis kar sbyar te/ mi tshangs par spyad par mi bya ba dang/ rku bar ni bya ba dang/ mi la bsad par mi bya ba dang/ mi bya ba de brdzun du smra bar mi bya ba dang/ chos bzhi po de dag pham par 'gyur ba gdon pa'i skabs 'dir bcom ldan 'das kyis
 gsungs pa yin no zhes bya bar sbyar ro/ /tshe dang ldan pa dag pham par 'gyur ba'i chos bzhi po 'di dag ni zla ba phyed phyed cing so sor thar ba'i mdo gdon pa las 'byung ngo zhes bya bas ni phan par 'gyur ba gdon pa 'di'i lung dbog pa bstan to/ /
 phan par 'gyur ba'i chos zhes bya ba ni gzhan rgyal bar byed du 'jug pa'i nyes pa ni pham pa'o/ /de byed par 'gyur ba'i phyir pham par 'gyur pa ste ltung ba'o/ /de nyid kha na mtho ba'i mtshan nyid 'dzin pas chos zhes bya'o/ /bzhi po 'di dag ni zhes bya ba ni mi tshangs
 par spyod pa'i pham par 'gyur ba dang/ ma byin par len pa'i pham par 'gyur ba dang/ gsod pa'i pham par 'gyur ba dang/ smra ba'i pham par 'gyur ba'o/ /zla ba phyed phyed cing so sor thar pa'i mdo gdon pa las 'byung ngo zhes bya ba ni/ sde snod gsum las 'dul ba'i
 sde snod ni yi ger mi 'dri ba yin pas thams cad mngon sum du ma gyur ba'i phyir/ /gso sbyong gdon pas pham par 'gyur ba gdon pa 'di ga las shes snyam pa la/ zla ba phyed phyed cing gso sbyong gdon pa'i tshe/ 'dul ba 'dzin pa'i kha ton las 'byung ngo zhes bstan
 pa yin no/ /de ltar 'dul ba'i sde snod yang dag par bsdus pa'i gzhung 'di ni ma 'ongs pa'i skye bo dbang po rtul tshig dang don gyi bdag nyid 'dzin mi nus pa rnams la phan gdags pa'i phyir/ /bcom ldan 'das kyis yang dag par sdu bar gnang ba yin te/
 de bas na 'dul ba'i sde snod kyi las gsad ba 'di ni bsnyen par ma rdzogs pa rnams kyis thos par mi bya'o/ /de la bcom ldan 'das mngon par rdzogs par sangs rgyas te/ /nyan thos kyis 'khor brnyes nas lo bcu gnyis kyi bar du ni bcom ldan 'das kyi
 nyan thos kyi dge 'dun la skyon med cing chu bur med de/ bcom ldan 'das kyi nyan thos dge 'dun rnams kyis so sor thar ba'i mdo gdon pa yang mdor bsdus te/ 'di skad ces/ sdig pa thams cad mi bya ste/ dge ba phun sum tshogs par bya/ /rang gi
 sems ni yongs su gdul/ /'di ni sangs rgyas bstan pa yin/ /lus kyi sdom pa legs pa yin/ /ngag gis sdom pa'ang legs pa yin/ yid kyi sdom pa 'ang legs pa ste/ /thams cad du ni sdom pa legs/ /kun tu bsdams pa'i dge slong ni/ /sdug bsngal kun las rab
 tu 'gro ba/ /dag rnams bsrungs zhing yid kyis rab bsdams te/ /lus kyis mi dge ba dag mi byed cing/ /las lan gsum po 'di dag rab sbyangs na/ /drang srong gsungs pa'i lam ni thob par 'gyur/ /zhes bton par gyur pas/ 'dul ba la nyan thos rnams kyi bslab pa'i
 gzhi bcas pa med do/ /lo bcu gsum pa la bab pa na/ sangs rgyas bcom ldan 'das yul spong byed dag na/ /ka lan+ta ka'i grong na bzhugs pa'i tshe ka lan+ta ka'i bu bzang byin bcom ldan 'das kyis legs par gsungs pa'i chos 'dul ba la/ skra dang kha spu bregs te/
 gos ngur smrig dag bgos nas/ yang dag par kho nar ngang pas khyim nas khyim med par rab tu byung ste/ dgon pa'i spyil bu na 'dug pa rang gi mas bslus pa nas/ des sngon gyi chung ma dang lhan cig mi tshangs par spyod pa 'khrig pa'i chos bsten te/ /zag pa'i gnas lta bu'i
 chos mang po rnams kyi dang po ka lan+ta ka'i bu bzang byin gyis mi tshangs par spyad pa'i rkyen gyis byas par gyur nas/ bcom ldan 'das kyis byung ba 'di dang/ gleng gzhi 'di dang/ skabs 'di la dge slong gi dge 'dun bsdu ba mdzad de/ /bslab pa bca' ba'i phan yon
 bcu yang dag par gzigs pas/ 'dul ba la nyan thos rnams kyi bslab pa'i gzhi bca' pa mdzad nas/ de phyin chad gleng gzhi re re'i rgyu las bslab pa'i gzhi re re bcas pa'i sgo nas/ ltung ba sde lnga rnam par bzhag pa mdzad nas/ nga de dag ji ltar bcas pa bzhin du
 bshad par bya'o/ /de la gdon par gtogs pa bslab pa'i gzhi thams cad kyi mtshan nyid ni/ gleng gzhi dang/ bslab pa bcas pa dang/ ltung ba rnam par bzhag pas rgyas par bston te/ de la gleng gzhi ni/ yul dang/ gang zag dang/ nyon mongs pa dang/ nyes
 pa'i gzhi'i bye brag gis rnam pa bzhi'o/ /bslab pa bcas pa ni/ 'jig rten dang/ 'gal ba dang/ 'dul ba dang 'gal ba bzlog pa'i dbang gis rang bzhin gyi kha na ma tho ba dang bcas pa dang/ bcas pa'i kha na ma tho ba dang bcas pa dgag pa'i
 ltung ba sde lnga'o/ /ltung ba rnam par bzhag pa ni/ bsam pa dang/ sbyor ba'i sgo nas dngos gzhi dang/ sbyor ba dang/ sbyor ba'i sbyor ba ci rigs par rnam par bzhag pa'o/ /de la re zhig /mi tshangs spyod dang rku ba dang/ /mi la bsad par mi bya ba/ /brdzun du smra dang bcas pa
 yi/ /chos bzhi 'dir ni gsungs pa yin/ /zhes gsungs pa'i rim gyis/ pham par 'gyur ba'i chos bzhi po dag go rim bzhin du je bshad par bya'o/ /de la mi tshangs par spyod pa'i pham par 'gyur ba'i gleng gzhi ni bcas pa dang/ rjes su bcas pa'i dbang
 gis rnam pa gnyis te/ bcas pa'i gleng gzhi ni/ sangs rgyas bcom ldan 'das yul spong byed dag na/ ka lan+ta ka'i grong na bzhugs pa'i tshe/ ka lan+ta ka'i bu bzang byin/ bcom ldan 'das kyis legs par gsungs pa'i chos 'dul ba la skra dang kha spu bregs
 te/ gos ngur smig dag bgos nas yang dag kho nar dad pas khyim nas khyim med par rab tu byung ste/ dgon pa'i spyil bu na 'dug pa rang gi mas bslus nas/ des sngon gyi chung ma dang lhan cig mi tshangs par spyod pa 'khrig pa'i chos bsten te/ sa bon gyi
 chos bzhag pa'i skabs de dge slong rnams kyis/ bcom ldan 'das la gsol nas/ bcom ldan 'das kyis byung ba 'di dang/ gleng gzhi 'di dang/ skabs 'di la dge slong gi dge 'dun bsdu ba mdzad de/ bslab pa bca' ba'i phan yon bcu yang dag
 par gzigs pas/ nga'i nyan thos rnams kyis 'dul pa la bslab pa'i gzhi 'di ltar gdon par bya ste/ yang dge slong gang dge slong rnams dang lhan cig bslab pa mtshungs par gyur pas/ bslab pa ma phul bslab pa nyams par ma byas par mi tshangs
 par spyod pa'i 'khrig pa'i chos bsten na/ dge slong de pham par 'gyur ba yin gyis gnas par mi bya'o zhes bca' ba mdzad de/ yul ni spong byed/ gang zag ni bzang byin/ nyon mongs pa ni 'dod chags/ nyes pa ni mi tshangs par spyod pa'o/ /rjes su bcas pa'i gleng
 gzhi ni/ sangs rgyas bcom ldan 'das rgyal po'i khab na/ /'ong ma'i tshal bya ka lan+ta ka'i gnas na bzhugs pa'i tshe/ dge slong zhig dgon pa'i spyil bu na 'dugs pas/ spra mo zhig zas kyis rdod? brdod nas de dang lhan cig mi tshangs par spyod pa'i 'khrig
 pa'i chos bsten nas/ bcom ldan 'das kyis byung ba 'di dang/ gleng gzhi 'di dang/ skabs 'di la dge slong gi dge 'dun bsdu ba mdzad de/ bslab pa bca' ba'i phan yon bcu yang dag par gzigs pas/ de'i nyan thos rnams kyis 'dul ba la bslab pa'i
 gzhi 'di ltar gdon par bya ste/ yang dge slong gang dge slong rnams dang lhan cig bslab pa mtshungs par gyur pas/ bslab pa ma phul/ bslab pa nyams par ma byas par mi tshangs par spyod pa 'khrig pa'i chos bsten na/ tha na dud 'gro'i skye gnas su
 skyes pa dang/ lhan cig kyang rung ste/ dge slong de pham par 'gyur ba yin gyis gnas par mi bya'o zhes bca' ba mdzad de/ /yul ni rgyal po'i khab/ gang zag ni dge slong dgon pa pa/ nyon mongs pa ni 'dod chags/ nyes pa ni dud 'gro dang mi tshangs par spyod
 pa'o/ /de la bslab pa bca' ba'i phan yon bcu ni 'di lta ste/ dge 'dun bsdu ba'i phyir dang/ dge 'dun legs par bya ba'i phyir dang/ dge 'dun bde bar gnas par bya ba'i phyir dang/ gnod mi bkur ba'i gang zag rnams tshar bcad par bya ba'i phyir dang/ ngo tsha
 shes pa rnams bde bar gnas par bya ba'i phyir dang/ mngon par ma dad pa rnams dad par bya ba'i phyir dang/ mngon par dad pa rnams phyir zhing 'byung bar bya ba'i phyir dang/ tshe 'di'i zag pa rnams bsdams par bya ba'i phyir dang/ tshe rabs phyi ma'i zag pa
 rnams bzlog par bya ba'i phyir dang/ nga'i tshangs par spyod pa skye bo mang po la phan par gyur pa/ yangs par gyur pa/ lha dang mi'i bar dag la yang dag par rab tu bstan pa yun ring du gnas par 'gyur ba'o zhes gsungs pa'o/ /de la dge 'dun
 bsdu ba'i phyir zhes bya ba ni/ mdor bstan pa'i tshig yin te/ /rigs bzhi po rgyal rigs dang/ bram ze dang/ rje'u rigs dang/ dmangs rigs dag dad pas legs pa kho nar khyim nas khyim med par rab tu byung ba rnams bsdu ba las brtsams pa yin no/ /dge 'dun legs par
 bya ba'i phyir zhes bya ba ni/ de ltar rab tu byung ba rnams la 'dod pa'i bsod nyams kyi rjes su brtson pa'i mdza' rnam par spang zhing/ gzhi dang bcas/ nges par 'byung ba dang bcas/ pha rol gnon pa dang bcas/ cho 'phrul dang bcas pa'i chos bstan pa'i rjes su 'jug pas
 dge 'dun legs par 'gyur bar rigs par bya'o/ /dge 'dun bde bar gnas par bya ba'i phyir zhes bya ba ni/ bdag nyid dang ngal ba'i rjes su brtson pa'i mdza' rnam par spang ba'i phyir ro/ /de ni rnam pa lngas bde bar gnas par 'gyur te/ chos dang mi mthun pa'i gang zag
 rnams bskrad pa dang/ 'gyod pa skyes pa sel ba dang/ yo byad rkyen du 'bab pa dag yod pa dang/ nyon mongs pa'i kun nas dkris pa rnam par gnon pa dang/ nyon mongs pa'i bag la nyal spong bas so/ /de la chos dang mi mthun pa'i gang zag rnam par bskrad pa
 ni/ gnod mi bkur ba'i gang zag rnams tshar bcad pa'i phyir zhes bya bas bstan te/ tshul khrims 'chal ba rnams la nan tur bya ba'i phyir ro/ /'gyod pa skyes pa sel ba ni/ ngo tsha shes pa rnams bde bar gnas par bya ba'i phyir zhes bya bas bstan te/ /tshul
 khrims dang ldan pa rnams 'gyod pa med par bya ba'i phyir ro/ /yo byad rkyen du 'bab pa dag yod pa ni/ mngon par ma dad pa rnams dad par bya ba'i phyir dang/ mngon par dad pa rnams phyir zhing 'byung bar bya ba'i phyir zhes bya ba'i tshigs gnyis kyis bstan te/
 ma zhugs pa rnams gzhug par bya ba'i phyir dang/ zhugs pa rnams yongs su smin par bya ba'i phyir ro/ /nyon mongs pa'i kun nas dkris pa rnam par gnon pa ni/ tshe 'di'i zag pa rnams bsdam pa'i phyir zhes bya bas bstan te/ nyon mongs pa'i kun nas dkris pa rnam par gnon
 pa dang rjes su mthun pa'i phyir ro/ /nyon mongs pa'i bag la nyal spong ba ni/ tshe rabs phyi ma'i zag pa rnams bzlog pa'i phyir zhes bya bas bstan te/ smon nas tshangs par spyod pa la gnas pa btsal bar bya ba'i phyir te/ nyon mongs pa'i bag la nyal spong ba dang rjes su
 mthun pa'i phyir ro/ /de ltar rnam pa de dag gis dge 'dun bde bar gnas par 'gyur te/ dka' thub drag pos gdung ba rjes su bsrung ba'i phyir dang/ phan tshun gnod pa rjes su bsrung ba'i phyir dang/ sems la 'gyod pa rjes su bsrung ba'i phyir dang/ yo byad kyis bongs pa
 rjes su bsrung ba'i phyir dang/ nyon mongs pa'i kun nas dkris pa rjes su bsrung pa'i phyir dang/ log par smon pa rjes su bsrung ba'i phyir te/ go rim bzhin no/ nga'i tshangs par spyod pa skye ro mang po la than pa/ yangs par gyur pa/ lha dang mi'i bar ngag la yang dag par
 rab tu bstan pa yun ring du gnas par 'gyur ba zhes bya ba ni/ bstan pa rgyun mi 'chad par 'gyur ba ste/ thob pa rnams bde bar gnas par 'gyur pa dang/ ma thob pa ma zhugs pa rnams bde bar 'jug par 'gyur ba'i phyir ro/ /de la nga'i tshangs par spyod pa zhes bya ba
 ni/ bcom ldan 'das kyi chos 'dul ba mya ngan las 'das pa'i phyir spyod pa'o/ /skye bo mang po la phan pa zhes bya ba ni/ rgyal rigs la sogs pa'i rigs dang rus rnams la phan pa'i phyir ro/ /yangs par gyur pa zhes bya ba ni sems can gyi rigs de dag nyid
 gong nas gong du 'phel bar 'gyur ba las brtsams so/ /lha dang mi rnams kyi bar la zhes bya ba ni de dag nyid la mthu yod pa'i phyir yin gyis/ bcom ldan 'das kyi thugs rje nyi tshe bar gyur pa ni ma yin no/ /yang dag par rab tu bstan pa zhes bya ba ni/ ji lta
 ba bzhin du yod pa dang/ ji snyed yod pa nyid kyis so/ /phan yon bcu po de dag mdor bsdu na rnam pa bzhi ste/ dang po bsdu ba dang/ legs par bsdu ba dang/ bsdus pa rnams bde bar gnas par 'gyur ba dang/ ma 'ongs pa ma bsdus pa rnams bde
 bar 'jug par 'gyur ba'i thabs yongs su bstan pa yin te/ phan yon dang po dang/ gnyis pa dang/ bar ma bdun dang/ tha ma dang/ go rim bzhin du sbyar ro/ /bslab pa bca' ba'i phan yon bcu po mdo dang rgyas par bshad pa de ni/ bslab pa'i bzhi 'di dang 'og
 ma dag bcas pa'i gnas skabs thams cad du re re la de bzhin du rgyas par sbyar bar shes par bya'o/ /da ni bslab pa bcas pa'i yan lag gi don bshad par bya ste/ de la yang dge slong gang zhes bya ba la/ yang zhes bya ba ni las dang po ba la ltung ba med par
 bstan pa ste/ phyin chad gzhan gyis spyad na ltung bar 'gyur ba'o/ /de ltar yang las dang po pa dang/ smyos pa dang/ sems 'khrugs pa dang/ tshor ba dag gis nyen pa la ltung ba med do zhes gsungs pa'i phyir ro/ /dge slong zhes bya ba ni dge slong rnam bzhi po//
 ming gi dge slong dang/ khas 'che ba'i dge slong dang/ slong ba'i phyir dge slong dang/ nyon mongs pa bcom pa'i phyir dge slong dag ma gtogs pa gsol ba dang bzhi'i las kyis bsnyen par rdzogs pa'i dge slong dag go /gang zhes bya ba ni bzang byin dang/ dgon pa lta bu
 gzhan gang yang rung ba'o/ /dge slong rnams dang lhan cig ces bya ba ni/ de las gzhan pa chos mthun pa tshangs pa mtshungs par spyod pa rnams dang ngo/ /bslab pa mtshungs par gyur pa zhes bya ba ni/ bya ba dang mi bya ba 'dra ba nyid kyis te/ bslab pa gang la bsnyen
 par rdzogs nas lo brgya lon pa'i dge slong gis bslab par bya ba de la deng bsnyen par rdzogs pas kyang bslab par bya la/ de bsnyen par rdzogs pas bslab ba gang la bslab par bya ba de la bsnyen par rdzogs nas lo brgya lon pas kyang bslab par bya'o zhes
 de la tshul khrims nyid kyis mnyam pa dang/ bslab pa nyid kyis mnyam pa dang/ so sor thar pa'i mdo gdon pa nyid kyis mnyam pa dag yin pa'o/ /bslab pa ma phul zhes bya ba ni/ bslab pa ma phul bas bsten na ltung bar 'gyur gyi/ bslab pa phul ba la ni sdom pa med pas
 des bsten pa la ni ltung ba rnam par mi bzhag go /de bas na dge slong gis bslab pa 'dul ba'i chog gzhung las ji skad 'byung ba rnams gang yang rung bas bslab pa phul nas/ de'i 'og tu mi tshangs par spyod pa 'khrig pa'i chos bsten te/ yang rab tu 'byung ba dang/ bsnyen par
 rdzogs pa dge slong gi dngos po gsol na/ /de'i sdom pa'i zhing nyid yin pas rab tu 'byung ba dang/ /bsnyen par rdzogs par bya'o/ /gang gis bslab pa nyams pa ma phul bar mi tshangs par spyod pa 'khrig pa'i chos bsten na/ de ni nyams pa yin pas chos 'dul ba 'di
 las bsnyil bar bya zhing/ dge slong rnams kyis kyang de dang lhan cig chos dang zang zing gis longs spyod kyis gnas par mi bya la/ de ni phyir chos 'dul ba 'di la mi skye ba'i chos can yin pas yang rab tu 'byung ba dang/ bsnyen par rdzogs pa dge slong gi dngos po gsol na
 yang rab tu dbyung ba dang bsnyen par rdzogs par mi bya'o/ /bslab pa nyams par ma byas par zhes bya ba ni bslab pa nyams par ma byas pas bsten na ltung bar 'gyur gyi/ /bslab pa nyams par byas pa la ni sdom pa med pas/ des bsten pa la yang ltung ba rnam
 par mi bzhag go /de bas na dge slong gis bslab pa nyams par byas pa'i cho ga gzhung las ji skad 'byung ba'i rnam pa gang yang rung bas bslab pa nyams par byas nas/ de'i 'og tu mi tshangs par spyod pa phrig pa'i chos bsten te/ yang rab tu 'byung ba dang/ bsnyen par
 rdzogs pa dge slong gi dngos po gsol na/ de'i sdom pa'i zhing nyid yin pas rab tu dbyung ba dang bsnyen par rdzogs par bya'o/ /gang gis bslab pa ma nyams pas phul ba ma byas par/ /mi tshangs par spyod pa 'khrig pa'i chos bsten na/ de ni nyams pa yin
 pas chos 'dul ba 'di las bsnyil bar bya zhing/ dge slong rnams kyis kyang de dang lhan cig chos dang zang zing gi longs spyod kyis gnas par mi bya la/ de ni phyis chos 'dul ba 'di la mi skye ba'i chos can yin pas/ yang rab tu 'byung ba dang/ bsnyen par
 rdzogs pa dge slong gi dngos po gsol na/ /yang rab tu dbyung ba dang/ bsnyen par rdzogs par mi bya'o/ /de ltar na bslab pa phul ba dang/ bslab pa nyams pa byas pa gnyi gas ni sdom pa med pa nyid du 'dra ste/ bslab pa phul bas ni bslab pa btang ba'i sgo nas sdom pa
 med par byas la/ bslab pa nyams par byas pas ni/ bslab pa'i yul mthu med par byas pa'i sgo nas sdom pa med par byas pa yin no/ /de la bslab pa phul ba bslab pa nyams par ma byas pa yang yod/ /bslab pa nyams par byas la bslab pa ma phul ba yang
 yod/ /bslab pa nyams pa yang byas la/ bslab pa phul ba yang yod/ bslab pa ma phul zhing bslab pa nyams par ma byas pa yang yod do/ /de la mu dang po ni/ bslab pa 'bul ba bslab pa nyams par bya ba med par byed pa ste/ rgyu ma bstan pa'i phyir/ yongs
 su rdzogs pa ma yin pas/ bslab pa phul la/ bslab pa nyams par ma byas pa zhes mu dang por bzhag par zad kyi/ bslab pa phul na/ bslab pa nyams par ma byas su zin gyis kyang/ de la dge slong gi dngos po nyid med do/ /mu gnyis pa bslab pa nyams
 par bya ba bslab pa dbul ba med par byed pa ste/ de ni 'bras bu ma bstan pa'i phyir yongs su rdzogs pa ma yin pas bslab pa nyams par byas la/ bslab pa ma phul ba zhes mu gnyis par bzhag par ma zad kyi/ bslab pa nyams par byas na/ bslab pa
 ma phul du zin gyis kyang/ de yang dge slong gi dngos po nyid med do/ /mu gsum pa ni dge slong gis dngos po med pa nyid gang yin pa de'i rgyu yang bstan la/ 'bras bu yang bstan pa'i phyir yongs su rdzogs pa yin pas/ bslab pa nyams par yang byas
 la/ bslab pa phul ba/ zhes mu gsum pa bzhag ste/ de la yang dge slong gi dngos po nyid med do/ /mu bzhi pa'i dge slong gi dngos po nyid med par 'gyur ba'i rgyu de gnyis gang yang ma byas pas/ de la ni dge slong gi dngos po nyid yod pa yin pas/ bslab pa
 ma phul zhing/ bslab pa nyams par ma byas pa zhes mu bzhi par rnam par bzhag go /mu bzhi po de dag las dang po gsum pa ni dge slong gi dngos po nyid med la/ mu bzhi pa la ni dge slong gi dngos po nyid yod pas/ de'i phyir 'dir bslab pa ma phul/
 bslab pa nyams par ma byas par zhes bya ba'i mu bzhi pa nyid smos so/ /mi tshangs par spyod pa zhes bya ba ni gnyis kyis gnyis sprod pa ste/ tshangs pa ni mya ngan las 'das pa yin la/ de'i don du bsod nams byed pa gang yin pa/ de dang 'gal thams cad
 bsod nams ma yin pa ste/ de mi tshangs par spyod pa zhes bya ba yin no/ /'khrig pa zhes bya ba ni mi tshangs par spyod pa gang yin pa de 'khrigs pa yang yin te/ /gnyis kyis spyod pa las mi tshangs par spyod pa zhes bya ba'i chos de 'byung ba'i phyir ro//
 chos zhes bya ba ni chos ma yin pa de chos kyi sgrang gsungs pa ste/ rang gi mtshan nyid 'dzin pa'i phyir ro/ /'dir mi tshangs par spyod pa'i bye brag 'khrig pa'i sgras bstan pa 'dis 'khrig pa bdun po dag bkag pa yin no bsten na zhes bya ba ni nyams su
 myong bar byas na'o/ /tha na dud 'gro'i skye gnas su skyes pa dang lhan cig kyang rung ste zhes bya ba ni spra mo 'am/ gzhan yang de lta bu gang yin pa dang lhan cig mi tshangs par spyod pa 'khrig pa'i chos bsten kyang rung ste'o/ /dud 'gro'i skye gnas su skyes pa ni mi la
 sogs pa'i bud med dag pas tha chad du 'gyur ba'i phyir/ tha na zhes gsungs te/ 'dir gtsug lag las spra mo zhes smos pa ni/ mo mtshan can dang bsten pa las rjes su bcas par zad kyi/ sgo gsum yod pa bcug reg nyams su myong bar bya ba'i
 yul pho 'am mo 'am/ ma ning gang yang rung ba spyir gzung ngo/ /dge slong zhes bya ba ni/ /gang la dge slong gi dngos po yod pa'o/ /dge slong gi dngos po gang zhe na/ gsol ba dang bzhi'i las mi g.yo ba bzhag par mi 'os pas bsnyen par
 rdzogs pa'i sdom pa'o/ /de zhes bya ba ni nye bar bsten pa dang/ kun tu bsten pa'i tshig bla dags de'o/ /pham par 'gyur ba yin gyis zhes bya ba ni/ de mthar gyur pa dang/ ltung ba dang/ dman pa dang/ 'jug na 'dug pa dang/ tha chad pa dang/ yid dang
 mi mthun pa yin pa'o/ /yang gang gis ltung ba de byas na byas ma thag tu/ 'di lta ste/ dper na shing tA la'i mgo bcad na/ sngon por 'gyur du mi rung la/ 'phel zhing rgyas pa dang yang par 'gyur du mi rung ba de bzhin du/ dge slong gis gnas de lta bu byas na/
 byas ma thag tu dge slong du mi rung bar 'gyur/ dge sbyong du mi rung/ shAkya'i sras su mi rung/ dge slong gi dngos po las nyams par 'gyur te/ de'i dge sbyong gi tshul zhig par 'gyur zhing/ nyams pa bcom pa ltung ba pham par 'gyur ba ste/ de'i dge sbyong gi
 tshul phyir bslang du med par 'gyur bas/ des na pham par 'gyur ba yin gyis zhes gsungs te/ ltung bas nyams pa dang/ pham par byas zhes bya ba'i tha tshig go /gnas par mi bya'o zhes bya ba ni/ dge slong rnams kyis de dang/ gso sbyong dang/ dgag  
 dbye dang/ gsol ba dang/ gsol ba gnyis dang/ gsol ba dang bzhi'i las la gnas par mi bya ba dang/ de gang zag bcu gnyis kyi las dag tu bskor bar mi bya ba ste/ des na gnas par mi bya'o zhes gsungs so/ /phyogs 'dis bslab pa'i gzhi
 lhag ma 'og nas 'byung ba dag gi tshig gi don bshad pa yang ci rigs par khong du chud par bya'o/ /des na bslab pa byin pa yang pham par 'gyur ba yin mod kyi/ 'chab pa'i sems med pa dang/ nan tur gyis las drag pos bslab pa sbyin tu
 rung bar shes par bya'o/ /kha cig na re/ bslab pa byin pa la nyes pa sbom po 'byung ngo zhes zer ba 'di ni rung ste/ pham par 'gyur ba'i mtshan nyid ji skad bstan pa dang ldan pa'i phyir ro/ /'dir ltung ba rnam par bzhag pa'i mtshan nyid gzhung las 'byung ba dag ni/ yi ge mdzas?
 kyis dogs pas ma bris so/ /'dir dngos gzhi'i ltung ba rnam par bzhag pa ni/ bcug reg nyams su myong bar byas pas pham par 'gyur ro/ /de'i bye brag ni/ dge slong gis rang gi ston par byed pa zag byed ma nyams pa bsten par bya ba rang gi dang/ gzhan gyi dang/
 mi'i dang/ 'gro'i ba gzhan du gtogs pa'i dang/ pho'i dang/ mo'i dang/ ma ning gi dang/ ro'i zag byed dam/ kha 'am/ bshad pa'i lam ci rigs pa ma nyams par bcug pa dang/ rang gi bsten par bya ba ma nyams par de dag ci rigs pa'i sten par byed pa ma nyams
 pa bcug pa'i reg pa nyams su myong bar byas na pham par 'gyur ro/ /'di'i byed pa po ni/ mi dang/ 'gro ba gzhan dang/ dud 'gro pho dang/ mo dang/ ma ning dang/ gson po dang/ shi ba'i zag byed dang/ kha dang gshang ba'i lam ma nyams pa mi tshangs par spyod pa/
 'khrig pa'i chos bsten du rung ba'o/ /'di la yan lag bzhis dngos gzhi'i ltung bar 'gyur te/ /bsten du rung ba dang/ ma nyams pa dang/ dang po'i phyogs su nor bu 'das pa dang/ regs pa nyams su myong ba'o/ /de dag las yan lag ma tshang na ci rigs par
 na smad do/ /mi tshangs par spyod pa'i pham pa'i 'gyur ba ste dang po'o// //ma byin par len pa'i pham par 'gyur ba'i gleng gzhi ni/ sangs rgyas bcom ldan 'das rgyal po'i kha na 'od ma'i tshal bya ka lan+ta ka'i gnas na bzhugs pa'i tshe/ sngon rdza mkhan
 dge slong nor can rgyal po'i khab na/ dgon pa'i spyil bu na 'dug pa'i spyil bu rgyal po'i khab kyi ba lang rdzi la sogs pas bcom zhing rnam par dkrugs te/ shing thams cad kyang khyer nas/ des rdza ma so btang ba'i khang pa me tog band+hu dzi ba ka ltar dmar ba zhig
 brtsigs pa/ bcom ldan 'das kyis ma gnang nas/ dge slong dag gis ston pa'i bka' lung gis bshig cing rnam par dkrugs pa dang/ des lus 'phags mo chi? bu ga ma ga b+ha'i rgyal po ma skyes dga' i shing gang dag grong khyer rgyal po'i
 khab ral ba dang/ nyams pa bcos pa'i phyir brel ba'i don du bzhag pa byas shing/ sbas pa shin tu sbas pa/ bsrungs shing shin tu bsrungs pa/ su la yang ster bar sla ba ma yin pa de dag las/ shing kha cig ma byin par blangs pa'i skabs de dge slong
 rnams kyis/ bcom ldan 'das la gsol pa dang/ bcom ldan 'das kyis byung ba 'di dang/ gleng gzhi dang/ skabs 'di la dge slong gi dge 'dun bsdu ba mdzad de/ /bslab pa bca' ba'i phan yon bcu yang dag par gzigs pas/ nga'i nyan thos rnams kyis/ 'dul
 ba la bslab pa'i gzhi 'di ltar gdon par bya ste/ yang dge slong gang gzhin ngag gi grong na 'dug pa 'am/ dgon pa na 'dug pham byin pa brku ba'i grangs su gtogs pa blangs na/ ci tsam ma byin par blangs pas de rgyal po 'am/ blon po chen pos bzung nas de la
 'di skad ces/ kye mi khyod ni rkun ma'o/ /byis ba'o/ /blun pa'o/ /rku ba'o zhes zer zhing/ gsong dam 'ching ngam/ sbyug kyang rung ste/ dge slong de ltar ma byin par len na/ dge slong de pham par 'gyur ba yin gyis gnas par mi bya'o zhes bca' ba mdzad de/ yul
 ni rgyal po'i khab/ gang zag na nor can/ nyon mongs pa ni 'dod pa/ nyes pa ni ma byin par len pa'o/ /de la yang dge slong gang zhes bya ba ni snga ma bzhin no/ /gzhan dag gi zhes bya ba ni/ skyes pa dang/ bud med dang/ ma ning gi'o/ /de yang bdag rnam par
 bcad pa'i phyir te/ bdag gi la sngon por gsungs pa'i phyir ro/ /grong na 'dug pa 'am zhes bya ba ni/ ra ba'i nang na 'dug pa'o/ /dgon pa na 'dug pa 'am zhes bya ba nar? ba'i phyi rol na 'dug pa'o/ /ma byin pa zhes bya ba ni de la skyes pa 'am/ bud med dam/
 ma ning gis kyang ma byin pa'o/ /rku ba'i grangs su gtogs pa zhes bya ba ni/ ma byin pa gang yin pa de rku ba'i grangs su gtogs pa yang yin no/ /blangs ma zhes bya ba ni/ mthu 'am 'jab? bus rang gir len na'o/ /ci tsam ma byin par blangs pas zhes bya bas ni/ yul dang dus
 la bltos pas ma sha ka lnga 'am/ ma sha ka lnga las lhag pas so/ /de zhes bya ba ni dge slong de'o/ /rgyal po 'am zhes bya ba ni bud med rgyal srid la dbang bskur bas dbang bskur bar gyur na/ de yang rgyal po rgyal rigs spyi bor dbang bskur ba yin la/ rgyal rigs
 dang/ /bram ze dang/ rje'u rigs dang/ dmangs rigs rgyal srid la dbang bskur bas dbang bskur bar gyur na/ de la yang rgyal po rgyal rigs spyi bor dbang bskur ba yin no/ /blon po chen pos zhes bya ba ni/ /rgyal po las gzhan pa'i blon po dang/ rtsis mkhan dang/ sna chen po
 la gtogs pa rgyal srid byed pa/ gsang la mthun pas 'tsho ba gang dag rgyal po la bsten nas 'tshe bar byed pa dag gis so/ /bzung nas zhes bya ba ni dge slong de'o/ /'di skad ces/ kye mi khyod ni zhes bya ba ni/ brnyas pa'i tshig gis bod pa ste/ de dag dad pa yod
 la drag shul che na/ 'di skad ces zer ro zhes bya bar sbyar ro/ /rkun ma'i zhes bya ba ni 'jab bus rku ba ste/ de ni mdong bstan pa'i tshig yin no/ /byis pa'o zhes bya ba ni rang gis mi shes pa 'am/ tshe 'di'i nyes dmigs ma mthong ba'i phyir ro/ /blun pa'o
 zhes bya ba ni lung phog pa mi shes pa 'am/ /tshe phyi ma'i nyes dmigs ma mthong ba'i phyir ro/ /rku ba'o zhes bya ba ni mthus rku ba ste/ rku ba de'i gleng gzhi ni byis pa'o zhes bya ba dang/ glen pa'o zhes gnyis yin te/ de ltar na rku ba'o zhes bya ba dang/ gleng gzhi
 dang bcas pa de ni rgyas par bshad pa'i tshig yin no zhes zer cing zhes bya bas ni brjod cing ngo/ /gsod dam zhes bya ba i srog dang bral bar byed pa ste/ de dag dad pa med la drag shul che na 'di ltar byed do zhes sbyar ro/ /'ching ngam zhes bya ba ni/ chings
 ma gsum po lcags las byas pa dang/ shing las byas pa dang/ rtswa las byas ba dag gis so/ /spyug kyang rung ste zhes bya ba ni yul med par byed kyang rung ste'o/ /dge slong zhes bya ba ni gang la dge slong gi dngos po yod pa'o/ /dge slong gi
 dngos po gang zhe na/ gsol ba dang bzhi'i las mi g.yo ba bzhag par mi 'os pas bsnyen par rdzogs pa'i sdom pa'o/ /de zhes bya ba ni nye bar bstan pa dang/ kun tu bstan pa'i tshig bla dags de'o/ /yang zhes bya ba'i sgra ni snga ma'i rjes su bsnyeg pa'i phyir te/ snga ma 'ba' 
 zhig pham par 'gyur bar ma zad kyi/ 'di yang pham par 'gyur ba yin no/ /zhes bya ba'i tha tshig go /pham par 'gyur ba yin gyis gnas par mi bya'o zhes bya ba ni snga ma bzhin no/ /'dir yang dge slong gang dge slong rnams dang lhan cig bslab pa mtshungs par gyur pas
 bslab pa ma phul bslab pa nyams par ma byas par zhes bya ba'i tshig kyang snga ma bzhin du sbyar ro/ /'dis dngos gzhi'i ltung ba rnam par bzhag pa ni/ rku 'am rkur bcug pa dag gis pham par 'gyur ro/ /de'i bye brag ni/ dge slong gis rku sems kyis mi
 gzhan gyis rdzas der 'du shes pas karSha pa na bzhi cha gcig yan chad gnas nas spos na pham par 'gyur ro/ /'di'i byed pa po ni rku sems dang/ mi gzhan gyi nor la der 'du shes pas/ rin thang tshang ba gnas nas spos pa'o/ /'di la yan lag drug gis
 dngos gzhi ltung bar 'gyur te/ rku sems dang/ ma byin pa dang/ mi'i rgyud kyis yongs su bzung ba dang/ der 'du shes pa dang/ rin thang tshang ba dang/ gnas nas spos pa'o/ /de dag las yan lag ma tshang na ci rigs par na smad do/ /ma byin par len
 pa'i pham par 'gyur ba ste gnyis pa'o// //gsod pa'i pham par 'gyur ba'i gleng gzhi ni/ sangs rgyas bcom ldan 'das yul spong byed dag na/ chu klung yid 'ong ldan gyi 'gram sgron shing gi tshal gseb na bzhugs pa'i tshe/ de na bcom
 ldan 'das kyis dge slong gi dge 'dun la/ dge slong dag mi sdug pa sgoms shig /mi sdug pa bsten cing goms par byas/ lan mang du byas na/ 'bras bu chen po dang phan yon chen por 'gyur ro/ /zhes mi sdug pa ston par mdzad cing/ mi sdug pa bsgom pa'i
 bsngags pa brjod pa yang mdzad pa na/ dge slong dag mi sdug pa sgom pa sgom par byed pa'i tshe/ rnag gi lus 'dis sgyid lug pa dang/ mus byung ba dang/ the tshom za ba dang/ smod par byed pa na/ mtshon yang 'byin par byed/ dug kyang za bar byed/ thag pas bcings
 pas kyang bcing bar byed/ /g.yar sar yang mchod par byed cing/ 'di ltar dge slong gis kyang dge slong la rtsol bar byed pa'i skabs de/ dge slong rnams kyis/ bcom ldan 'das la gsol nas/ bcom ldan 'das kyis byung ba 'di dang/ gleng gzhi 'di dang/
 skabs 'di la dge slong gi dge 'dun bsdu ba mdzad de/ bslab pa bca' ? phan yon bcu yang dag par gzigs pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang mi 'am/ mir chags pa la bsams
 bzhin du/ rang gis lag dang te srog bcad dam/ de la mtshon byin nam/ de la mtshon thogs pa gnyer tam/ de 'chir bcug gam/ de la 'chi ba'i bsngags pa brjod kyang rung ste/ de la 'di skad ces/ kye mi khyod 'tsho ba sdig pa mi gtsang ba ngan pa 'dis ci zhig
 bya/ kye mi khyod gson pa bas shi bla'o zhe zer zhing/ sems kyi 'dod pa dang/ sems kyi kun tu rtog pa ngag gis rnam grangs du mas de 'chir bcug gam/ de la 'chi ba'i bsngags pa brjod de/ de yang rtsom pa des dus byas na/ dge slong de yang
 pham par gyur pa yin gyis gnas par mi bya'o zhes bslab pa bca' ba mdzad de/ yul ni spong byed/ gang zag ni dge slong rab tu mang po/ nyon mongs pa ni mi bzod pa/ nyes pa ni gsod pa'o/ /de la yang dge slong gang zhes bya ba ni snga ma bzhin no/ /mi
 'am? zhes bya ba ni/ gang gis ma'i ltor dbang po drug pa 'di lta ste/ mig dang/ rna ba dang/ sna dang/ lce dang/ lus dang/ yid kyi dbang po thob par gyur pa'o/ /mir chags pa la zhes bya ba ni/ gang gis ma'i ltor dbang po gsum po 'di
 lta ste/ lus dang/ srog dang/ yid kyi dbang po thob par gyur pa la'o/ /bsams bzhin du zhes bya ba ni rnam par rtags nas so/ /rang gis lag bdar te zhes bya ba ni/ lags pas lag bdar te'o/ /srog bcad dam zhes bya ba ni/ srog bcad par gyur na'o//
 de la mtshon byin nam zhes bya ba ni/ ral gri 'am/ spu gri 'am/ chu gri la sogs pa phul pa'o/ /de la mtshon thogs pa gnyer tam/ zhes bya ba ni/ skyes pa 'am/ bud med dam/ ma ning ngo/ de'i 'chir bcug gam/ zhes bya ba ni/ 'chir gzhug pa rnam pa gsum ste/
 tshul khrims 'chal pa dang/ nad pa'o/ /de dag 'chi bar mi 'dod pa la/ lhung bzed la sogs pa thob tu re bas 'chir bcug ste/ shin pham par 'gyur ro/ /de la 'chi ba'i bsngags pa brjod kyang rung ste zhes bya ba ni/ 'chi bar mngon par mi dga' ba'i mdud du
 'chi ba'i bsngags pa brjod pa'o/ /de la 'di skad ces/ kye mi khyod ces bya ba ni/ bod pa'i tshig bla dags so/ /'tsho ba zhes bya ba ni gson pa'o/ /sdig pa zhes bya ba ni/ sdig pa'i 'bras bu 'am sdig pa'i rgyu'o/ /mi gtsang ba zhes bya ba ni/ lus kyi gzhi ni
 gtsang ba ste mi gtsang ba dang/ lhan cig skyes pa'i phyir ro/ /ngan pa zhes bya ba ni smad pa'o/ /'dis ci zhig bya zhes bya ba ni/ 'tsho ba sdig pa mi gtsang ba ngan pa 'dis ci bya thong zhig ces bya ba'o/ /gson pa bas shi bla'o zhes bya ba ni/ gson pa smad cing 'chi ba'i
 bsngags pa brjod pa'o zhes zer zhing zhes bya ba ni brjod cing ngo/ /rgyu gang gis zhe na/ de'i phyir sems kyis 'dod pa dang/ sems kyi kun tu rtogs pa dag gis zhes bya ba gsungs te/ sems kyi 'dod pa zhes bya ba ni/ gsod sems kyis mi de
 'chi bar mngon par 'dod pa'o sems kyi kun tu rtog pa dag gis zhes bya ba ni/ de'i lhung bzed dang/ chos gos dang/ dra ba dang/ phur bu dang/ ske rags la sogs pa 'tsho ba'i yo byad thob tu re pa'i rnam par rtog pa dag gis so/ /rnam grangs du mas zhes bya ba ni rnam pa
 mang pos so/ /de 'chir bcug gam/ de la 'chi ba'i bsngags pa brjod de zhes yang smos pa ni/ 'chi ba la mngon par mi dga' ba'i mdun du/ rnam grangs du mas 'chi ba'i bsngags pa brjod de bzlas pa'i phyir bsnan pa'o/ /de yang rtsom pa des dus byas na zhes bya ba ni/ mi de
 yang sbyor ba'i rtsom pa yang de nyid kyis shi zhing/ gzhan gyis ma yin na'o/ /dge slong de yang pham par 'gyur ba yin gyis gnas par mi bya'o zhes bya ba ni snga ma bzhin no/ /'dir yang dge slong gang dge slong rnams dang lhan cig bslab pa mtshungs par gyur pas/ bslab
 pa ma phul/ bslab pa nyams par ma byas par zhes bya ba'i tshig kyang snga ma bzhin du sbyar ro/ /'dir ltung ba rnam par bzhag pa ni/ gzhi dang gsod sems dang/ sbyor ba dang/ mjug gis rnam par bzhag ste/ de la gzhi ni mi 'am mir chags pa zhes gsungs pas bstan to//
 gsod sems ni bsams bzhin du zhes gsungs pas bstan to/ /sbyor ba ni rnam pa gnyis te/ lus dang/ ngag gis so/ /de la lus kyi sbyor ba ni/ rang gi lag bdar te srog gcad dam/ de la mtshon byin nam/ de la mtshon thogs pa gnyer tam/ zhes gsungs pas
 bstan to/ /ngag gi sbyor ba ni de 'chir bcug gam/ de la 'chi ba'i bsngags pa brjod kyang rung ste/ de la 'di skad ces/ kye mi khyod 'tsho ba sdig pa mi gtsang ba ngan pa 'dis ci zhig bya/ kye mi khyod gson pa bas shi bla'o zhes zer zhing sems kyi 'dod pa dang/ sems kyi kun
 tu rtog pa dag gis zhes gsungs pas bstan to/ mjug ni rnam grangs du mas de 'chir bcug gam/ de la 'chi pa'i bsngags pa brjod de/ /de yang rtsom pa des dus byas na zhes gsungs pas bstan to/ /'dir dngos gzhi ltung ba rnam par bzhag pa ni/ mi srog 
 bcad na pham par 'gyur ro/ /de'i bye brag ni/ gsong sems kyis mi'i 'gro bar gtogs pa gzhan la der 'du shes pas rnam pa gang yang rung bas gsor dam gsod du bcug ste/ shi na pham par 'gyur ro/ /'di'i byed pa po ni gsod sems
 dang/ mi'i 'gro ba gzhan la der 'du shes pas srog gcod pa'o/ /'di yan lag lngas dngos gzhi'i ltung par 'gyur te/ gsod sems dang/ mi'i 'gro ba pa dang/ gzhan dang/ der 'du shes pa dang/ srog gcod pa'o/ /de dag las yan lag ma tshang na ci rigs
 par na smad do/ /gsod pa'i pham par 'gyur ba ste gsum pa'o// //smra ba'i pham par 'gyur ba'i gleng gzhi ni/ sangs rgyas bcom ldan 'das yangs pa can na/ spre'u rdzing gi 'gram khang pa brtsegs pa'i khang bzangs na bzhugs pa'i tshe/ de na nya pa
 lnga brgya chu klung yid 'ong ldan la brten cing 'khor ba dag /bcom ldan 'das kyis rab tu byung zhing bsnyen par rdzogs par mdzad nas/ bcom ldan 'das 'ong ma can gyi grong na grong gi byang phyogs shing sha pa'i tshal na bzhugs so/ /de'i tshe na/ mu ge'i nyam
 nga ba dgon pa slongs mo bas zas rnyed par dka' zhing/ pha ma dag kyang rang gi bu nga ga la zas sbyin pa dang/ bya bar sems par dka' na/ slongs mo pa dag lta smos kyang ci dgos pa byung ngo/ /de nas bcom ldan 'das kyis dge slong rnams la/ dge slong dag
 da lta mu ge byung gis khyed cag smos 'drin ji ltar ba dang/ phebs par smra ba ji lta ba dang/ 'grogs bshes ji lta bas yangs pa can gyi nyen kor spong byed kyi grong du dbyar gnas par khas long zhig /nga yang 'od na can gyi grong 'di nyid du bsnyen bkur ba
 dge slong kun dga' ba dang/ dbyar gnas par khas len to zhes bka' stsal nas/ nya pa las rab tu byung ba'i dge slong lnga brgya bo dag nya ba'i grong gi nyen kor du lo ma dang 'dab ma'i spyil bu dag byas te/ dbyar gnas par khas blangs so/ /de dag thos
 pa nyung ba dang ldan pa yin pas/ nye du 'ongs pa dag la chos ston mi nus nas/ de dag gis nye du dag la/ nye du dag khyed cag gang dag gi grong gi tshigs na/ dge slong gi dge 'dun 'di ltar dbyar gnas par khas blangs par gyur pa/ nye du de dag gis ni rnyed pa legs par rnyed
 pa yin te/ dge slong ni 'du shes dang/ bsam gtan dang/ tshad med pa dang/ gzugs med pa'i snyoms par 'jug pa dang/ dge sbyong gi 'bras bu thob pa dang/ rnam par thar pa brgyad la bsam gtan pa dang/ gnyi ga'i cha las rnam par grol ba yin no zhes gcig
 gis gcig la mi'i chas bla ma'i yon tan yang dag pa ma yin pa bsgrags pa'i skabs de/ /dge slong rnams kyis bcom ldan 'das la gsol nas/ bcom ldan 'das kyis byung ba dang/ gleng gzhi dang/ skabs 'di la/ dge slong gi dge 'dun bsdus
 pa mdzad de/ bslab ba bca' ba'i phan yon bcu yang dag par gzigs pas/ de'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang mngon par mi shes shing yongs su mi shes la/ mi'i chos bla ma mdza' dang/
 'phags pa dang/ bye brag thob pa dang/ shes pa dang/ mthong ba dang/ reg par spyod pa med la med bzhin du 'di shes so/ /'di mthong ngo zhes khas 'ches pa las/ de ltung ba byung ba rnam par dag par 'dod nas/ dus gzhan zhig na dris kyang rung/ ma
 dris kyang rung/ 'di skad ces/ tshe dang ldan pa dag bdag gis ni mi shes par shes so/ zhes smras ma mthong bar mthong ngo zhes smras te/ gsog gsog brdzun du smras so zhe na/ mngon pa'i nga rgyal ma gtogs so/ /dge slong de yang pham par 'gyur ba yin gyis
 gnas par ni bya'o zhes bca' ba mdzad de/ yul ni yangs pa can/ gang zag ni nya ba las rab tu byung ba'i dge slong lnga brgya/ nyon mongs pa ni grags pa 'dod pa/ nyes pa ni mi chos bla ma yang dag pa ma yin pa smras pa'o/ /de la yang dge
 slong gang zhes bya ba ni snga ma bzhin no/ /mngon par mi shes shing zhes bya ba ni 'jig rten pa'i lam gyis te/ bsam gtan dang/ gzugs med pa'i sa pa'i shes pa zag pa dang bcas pas gzugs mngon par mi shes pa dang/ tshor ba
 dang/ 'du shes dang/ 'du byed rnams dang/ rnam par shes pa mngon par mi shes shing ngo/ /yongs su shes la zhes bya ba ni 'jig rten pa'i lam 'das pa'i lam gyis te/ bsam gtan dang/ gzugs med pa'i sa pa'i shes pa dag pa med pas/ /
 gzugs yongs su mi shes pa dang/ tshor ba dang/ 'du shes dang/ 'du byed rnams dang/ rnam par shes pa yongs su mi shes pa'o/ /yang na bar chad med pa dang/ rnam par grol ba'i lam mngon par mi shes pa dang/ yongs su mi shes par
 go rims bzhin no/ /yang na shes bya de dag ji ltar gnas pa de ltar rjes su 'gro ba'i sgo nas mi shes pa ni mngon par mi shes pa yin la/ ldog pa'i sgo nas mi shes pa ni yongs su mi shes pa yin no/ /mi'i chos bla ma zhes bya ba la/ mi'i chos
 zhes bya ba ni/ mi rnams kyi chos mya ngan las 'das pa ste/ de rnams kyis de thob kyi/ za ma dang/ ma ning dang/ mtshan gnyis pa dag gis kyang mi 'thob na/ sems can dmyal ba dang/ dud 'gro dang/ yi dags rnams kyis lta smos kyang ci dgos pa'i
 phyir ro/ /bla ma zhes bya ba ni/ 'dod pa'i khams pas gzugs kyi khams bla ma yin la/ gzugs kyi khams pas gzugs med pa'i khams bla ma yin pa'o/ /yang na mi'i chos zhes bya ba'i sgrib pa lnga po 'dod pa la 'dun pa dang/ gnod sems
 dang/ rmugs pa dang/ gnyid dang/ rgod pa dang/ 'gyod pa dang/ the tshom dag go /bla ma zhes bya ba ni/ de dag spangs pa gang yin pa'o/ /mi'i chos bla ma de nyid kyi bye brag bstan pa'i phyir ro/ /mdza' dang 'phags pa dang/ bye brag thob pa dang/
 shes pa dang/ mthong ba dang/ reg par spyod pa zhes bya ba dag gsungs so/ /mdza' zhes bya ba ni mya ngan las 'das pa ste/ mthar thugs pa yin pa'i phyir ro/ /'phags pa dang bye brag thob pa zhes bya ba ni/ zag pa med pa thob pa ste/ 'phags pa zhes bya ba
 ni sangs rgyas kyi nyan thos rnams te/ sdig pa dag las ring du gyur pa'i phyir ro/ /bye brag thob pa zhes bya ba ni/ dge sbyong gi 'bras bu bzhi po dag ste/ rgyun du zhugs pa'i 'bras bu dang/ lan cig phyir 'ong ba'i 'bras bu dang/ phyir mi 'ong ba'i 'bras bu dang/ dgra
 bcom pa nyid do/ /shes pa zhes bya ba ni shes pa bzhi po dag ste/ sdug bsngal shes pa dang/ kun 'byung shes pa dang/ 'gog pa shes pa dang/ lam shes pa ste/ rjes su mi tshol ba'i shes rab chos shes pa'o/ /mthong ba zhes bya ba ni/ mthong ba bzhi po dag ste/
 sdug bsngal mthong ba dang/ kun 'byung mthong ba dang/ 'gog pa mthong ba dang/ lam mthong ba ste/ rjes su tshol ba'i shes rab bzod pa mthong ba'o/ /reg par spyod pa zhes bya ba ni/ bsam gtan bzhi po dag la bde bar gnas te/ snyoms par 'jug pa las yin gyi skye ba las ni ma
 yin no/ med la zhes bya ba ni/ dngos po med la ste/ mngon sum du ma gyur pa 'am/ mi srid pa'o/ /med bzhin du zhes bya ba ni/ bdag nyid la med bzhin du ste ma thob pa'o/ /yang na med la zhes bya ba ni rang gi mtshan nyid kyis med pa yin la/ med bzhin du zhes bya
 ba ni spyi'i mtshan nyid kyis med bzhin du'o/ /'di shes so zhes bya ba la ci zhig shes so zhe na/ shes bya'i don ngo bo nyid de/ sdug bsngal dang/ kun 'byung dang/ 'gog pa dang/ lam shes so zhes so/ 'di mthong ngo zhes zhes bya ba la/ ci zhig mthong zhe na/
 lha la sogs pa mthong zhes zer ba dang/ de rnams kyi sgra thos so zhes zer ba dang/ bdag de rnams blta ba'i phyir 'gro'o zhes zer ba dang/ de rnams bdag la bltar 'ong ngo zhes zer ba dang/ bdag de rnams dang lhan cig gtam 'dre bar byed/ phebs par smra
 bar byed/ so sor kun dga' bar byed/ rtag tu yang lhan cig gnas par byed do zhes zer ba dang/ de rnams bdag dang lhan cig gtam 'dre bar byed/ phebs par smra bar byed/ so sor kun tu dga' bar byed/ rtag tu yang lhan cig gnas par
 byed do zhes zer ba dang/ bdag gis 'du shes nyi shu dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ dge sbyong gi 'bras bu bzhi dang/ mngon par shes pa drug dang/ rnam par thar pa brgyad la bsam gtan pa
 dang/ gnyi ga'i cha las rnam par grol ba mtho ba bzhin du thob bo zhes zer ba ste/ de dag kyang mngon sum du gyur pa nyid kyis mthong ba dang 'dra ba'i phyir 'dir mthong ba'i sgras bsdus so/ /khas 'ches pa las zhes bya ba ni khas blangs pa'o/ /de zhes bya ba ni dge slong
 de'o/ /ltung ba byung ba zhes bya ba ni gzhi de'o/ /rnam par dag par 'dod nas zhes bya ba ni/ rnam par lta bar 'dod nas so/ /dus gzhan zhig na zhes bya ba ni smras pa'i dus las te gzhan na ste/ 'di dag ni ltung ba 'byung ba dang/ ltung ba las ldang ba'i yan lag ni
 ma yin no/ /dris kyang rung zhes bya ba ni/ gzhan dag gis glengs kyang rung ngo/ /ma dris kyang rung zhes bya ba ni/ gzhan dag gis ma glengs par de dag nyid 'gyod pa dang/ cung zad 'gyod pa dang/ rnam par 'gyod pa dang/ rab tu 'gyod pa skyes kyang rung ngo/ /'di
 skad ces/ tshe dang ldan pa dag /bdag gis ni mi shes par shes so zhes smras zhes bya ba ni yid kyis rnam par shes pas so/ /ma mthong bar mthong ngo zhes smras te zhes bya ba ni mig gi rnam par shes pas so/ /gso ba gsog brdzun du smras so zhes bya ba
 de dag ni smra ba'i rnam grangs kyis tshig yin te/ gso ba ces bya ba ni don des stong pa ste/ bsgrub pa'i don gyis ngo bo nyid med pa'i phyir ro/ /gsog ces bya ba ni de'i sa bon gyis stong pa ste/ grib ma tsam dang yang bral ba 'am/ zang zing snying po med
 pa cung zad 'dod pa'i phyir ro/ /brdzun zhes bya ba ni der 'du shes pa dang bral ba ste/ 'du shes bden pa bsgyur ba'i phyir ro/ /zer na zhes bya ba ni brjod na'o/ /mngon pa'i nga rgyal ma gtogs te zhes bya ba ni/ gnang ba'i gleng gzhi'i dbang gis mngon pa'i nga rgyal bzhag ste'o//
 mngon pa'i nga rgyal zhes bya ba ni/ dben par gnas pa la sogs pas nyon mongs pa kun tu mi 'byung ba'i 'grib ma mthong ba las yon tan ma thob bzhin du thob par nges par 'dzin pa'o/ /ma gtogs te zhes bya ba ni/ mngon pa'i nga rgyal can gyis don brdzun pa yang dag
 pa'i ye shes kyi brjod pa la ltung ba med pa'i phyir ro/ /dge slong de yang pham par 'gyur ba yin gyis/ gnas par mi bya'o zhes bya ba ni snga ma bzhin no/ /'dir yang/ yang dge slong gang dge slong rnams dang lhan cig bslab pa mtshungs par gyur pas/ bslab pa ma
 phul bslab pa nyams par ma byas par zhes bya ba dag kyang snga ma bzhin du sbyar ro/ /'dir dngos gzhi'i ltung ba rnam par bzhag pa ni 'du shes bsgyur te/ bdag nyid mi'i chos bla ma dang ldan pa nyid du smra na pham par 'gyur ro/ /de'i bye brag ni 'du shes bsgyur
 te/ bdag nyid mi'i chos bla ma dang ldan pa nyid du smras te/ gzhan gyis don gon pham par 'gyur ro/ /'di'i byad? pa po ni 'du shes bsgyur ba dang/ mi'i chos bla ma bdag nyid kyi phyir/ rang gi tshig gis smras te gzhan gyis don go ba'o/ /'di la yan lag lngas
 dngos gzhi'i ltung bar 'gyur te/ 'du shes bsgyur ba dang/ mi'i chos bla ma dang/ bdag nyid kyi phyir dang/ rang gi tshig dang/ gzhan gyi go ba'o/ /de dag las yan lag ma tshang na ci rig par na smad do/ /smra ba'i pham par 'gyur ba ste bzhi pa'o// //
 tshe dang ldan pa dag bdag gis pham par 'gyur ba'i chos bzhi po dag bton zin to zhes bya ba ni gdon pa'i mjug bsdu ba yin no/ /dge slong gis de dag las ltung ba gang yang rung ba zhig byas na zhes bya ba ni/ pham par 'gyur ba bzhi po dag las so//
 thog ma ji lta bar phyis kyang de bzhin zhes bya ba ni/ /dang po khyim pa'i gnas skabs na sdom pa med pa ji lta bar/ ltung ba byung ba'i gnas skabs na yang de bzhin pa ste/ 'di ni sdom pa nyams chung ba la bya'i/ sdom pa gtan med pa ni ma
 yin te/ 'phags pa gzhi thams cad yod par smra ba'i 'dul ba'i sde snod kyi lung nyid las/ bu lon nor bzhin kha che dag /byung ba la ni gnyis su 'dod/ ces gsungs pas/ sdom pa ni sems bskyed pa'i bya ba yin la/ bslab pa'i gzhi ni lus dang ngag gis
 bslab pa'i rnam par rig byed gzugs can yin te/ /de yang sems kyis phyir bcos na/ mdza' i ltung ba las ldang ba'i thabs kyang yod pa'i phyir ro/ /pham par gyur pa yin te/ zhes bya ba ni/ ltung ba'i sde tshan gyi ming bstan pa yin te/ tshig gi don ni sngar
 bshad zin to/ /dge slong rnams dang de dag lhan cig gnas pa dang/ longs spyod du mi dbang gis gnas par mi bya'o zhes bya ba ni ma dag pa'i nyes dmigs bstan pa ste/ de yang bslab pa sbyin pas phyir bcos pa rnams kyi dbang du mdzad de gsungs pa yin gyi/
 bslab pa sbyin pas phyir bcos pa'i bya ba byas na ni ma yin no/ /lhan cig gnas pa zhes bya ba ni gnas gcig na'o/ /longs spyod ces bya ba ni chos dang zang zing gis so/ /mi dbang gis zhes bya ba de'i 'os ma yin pas so/ /gnas par mi bya zhes
 bya ba ni dge slong rnams kyis de dang lhan cig gso sbyong dang/ dgag dbye dang/ gsol ba dang/ gsol ba dang gnyis dang/ gsol ba dang bzhi'i las la gnas par mi bya ba dang/ de gang zag bcu gnyis su bsko bar mi bya ba'o/ /de la bdag
 gis tshe dang ldan pa dag la/ ci 'di khyed yongs su dag gam zhes dri'o/ /ci 'di la khyed yongs su dag gam zhes lan gsum du dri'o/ /'di la tshe dang ldan pa dag yongs su dag na 'di ltar cang mi smra bas de de bzhin du 'dzin to/ zhes bya ba pham par
 'gyur ba gdon pa rnam par bzhag la bsgrag par bya ba yin te/ de la zhes bya ba ni pham par 'gyur pa'i chos bzhi po bton pa de la'o/ /lhag ma ni snga ma bzhin no/ /pham par 'gyur ba gdon pa bshad zin to// //bam po bzhi pa/ /de ni gdon pa gsum
 pa ste/ dge 'dun lhag ma gdon pa'i dbang du mdzad nas/ sdom la/ khu ba 'byin pa 'khrig tshig bsnyen bkur smyan/ /khang pa khang chen dang ni gzhi med pa/ /bag tsam dge 'dun dbyen dang de rjes phyogs/ /khyim sun 'byin dang bka' blo mi bde ba'o/ /zhes bya ba
 gsungs so/ /sdom la zhes bya ba'i dgos pa dang/ tshig gi don ni snga ma bzhin no/ /dge 'dun lhag ma ni bcu gsum ste/ khu ba 'byin pa dang/ lus kyi reg pa dang/ 'khrig pa dang ldan pa smra ba dang/ bsnyen bkur bsngags pa dang/ smyan byed pa dang/
 khang pa dang/ gtsug lag khang dang/ gzhi med par skur pa 'debs pa dang/ gzhan gyi cha ma yin pa dang mthun pa dang/ dge 'dun gyi dbyen byed pa dang/ de'i rjes su phyogs pa dang/ khyim sun 'byin pa dang/ bka' blo mi bde ba'o/ /tshe dang ldan pa dag
 dge 'dun lhag ma'i chos bcu gsum po 'di dag ni zla ba phyed phyed cing/ so sor thar pa'i mdo gdon pa las 'byung ngo zhes bya ba ni/ dge 'dun lhag ma gdon pa 'di'i lung dbog pa bstan to/ /dge 'dun lhag ma'i chos zhes bya ba ni/ ltung ba de dge 'dun la rag
 lus pa dang/ dge 'dun dang 'brel pa dang/ dge 'dun la bsten pa yin te/ ltung ba de dge 'dun las rnam par ldang bar 'gyur gyi gang zag las ni ma yin pa'o/ /gzhan yang pham par 'gyur ba'i chos bzhi po dag ni lhag ma med pa yin gyi/ 'di lhag
 ma dang bcas pa yin pa ste/ des na dge 'dun lhag ma zhes gsungs so/ /de nyid kha na ma tho ba'i mtshan nyid 'dzin pas chos zhes bya'o/ /bcu gsum po 'di dag ni zhes bya ba ni/ khu ba 'byin pa la sogs pa gong du bstan pa dag go /zla ba phyed phyed so sor
 thar? pa'i mdo gdon pa las 'byung ngo zhes bya ba ni snga ma bzhin no/ /de la khu ba 'byin pa'i dge 'dun lhag ma'i gleng gzhi ni/ sangs rgyas bcom ldan 'das mnyan yod na/ rgyal byed tshal mgon med zas sbyin gyi kun dga' ra ba na bzhugs
 pa'i tshe/ tshe dang ldan pa 'char ka lus ma srungs/ /dbang po rnams kyis ma bsdams/ dran pa nye bar ma gzhag par grong dang grong rdal dag tu bsod snyoms la zhugs te/ phyir log nas de'i sems 'dod pa la 'dod chags kyis kun nas dkris par gyur nas/ nges rang gi yan
 lag gi rnam pa las su rung bar byas te/ lag pa gnyis kyis bzung nas brtsom par byed cing/ khu ba 'byin par byed pa'i skabs de dge slong rnams kyis/ /bcom ldan 'das la gsol to/ /bcom ldan 'das kyis byung ba 'di dang/ gleng gzhi 'di dang/ skabs
 'di la dge slong gi dge 'dun bsdu ba mdzad de/ bslab pa bca' ba'i phan yon bcu yang dag par gzigs pas/ de'i nyan thos rnams kyis 'dul ba la bslab pa'i gzhi 'di ltar gdon par bya ste/ bsam bzhin du khu ba phyung na/ rmi lam gyi ma gtogs te dge
 'dun lhag ma'o zhes bca' ba mdzad de/ yul ni mnyan yod/ gang zag ni 'char ka/ nyon mongs pa ni 'dod chags/ nyes pa ni khu ba 'byin pa'o/ /de la bsam bzhin du zhes bya ba ni/ rnam par brtags nas so/ /khu ba zhes bya ba ni khu ba rnam pa lnga ste/ sngon
 po dang/ ser po dang/ dmar po dang/ ska ba dang/ sla ba'o/ /phyung na zhes bya ba ni de ma thag tu phyung ba ste/ bde ba dang/ rig sngags dang/ sa bon dang/ sman dang/ brtag pa'i phyir phyung na'o/ /rmi lam gyi ma gtogs te zhes bya ba ni gnang ba'i gleng gzhi'i dbang gis rmi
 lam gyi bzhag ste'o/ /de ni tha snyad du byar rung ba ma yin pas de la ltung ba rnam par mi bzhag go /dge 'dun lhag ma'o zhes bya ba ni ltung ba de dge 'dun la rag lus pa dang/ dge 'dun dang 'brel pa dang/ dge 'dun la brten pa yin te/ ltung ba de dge 'dun
 las rnam par ldang bar 'gyur gyi/ gang zag las ni ma yin pa'o/ /gzhan yang pham par 'gyur ba'i chos bzhi po dag ni lhag ma med pa yin gyi/ 'di ni lhag ma dang bcas pa ste/ des na dge 'dun lhag ma'o zhes gsungs so/ /de la 'dir dngos gzhi'i ltung ba rnam par bzhag pa
 ni/ bsam bzhin du khu ba phyung na dge 'dun lhag mar 'gyur ro/ /de'i bye brag ni der 'dun pa dang/ rang gi yan lag gi rnam pa la phyi nang gi reg pa sems can du bgrang ba de'i rnam par gnas pas btsal te/ rang gi khu ba dang po phyung na dngos gzhir 'gyur ro/ /'di'i byed pa po
 ni 'byin pa'i bsam pa dang/ rang gi khu ba phyung ba'o/ /'di la yan lag bcus dngos gzhi'i ltung bar 'gyur te/ phyung ba dang der 'dun pa dang/ rang gi khu ba dang/ dang po dang/ reg pa dang/ phyi rol gyis dang/ sems can du bgrangs pa dang/ de'i rnam par gnas pas dang/
 brtsal ba dang/ yan lag gi rnam pa la'o/ /de dag las yan lag ma tshang? na ci rigs par na smad do/ /khu ba 'byin pa'i dge 'dun lhag ma ste dang pa'o// //lus kyis reg pa'i dge 'dun lhag ma'i gleng gzhi ni/ sangs rgyas bcom ldan 'das mnyan
 yod na rgyal bu rgyal byed kyi tshal mgon med zas sbyin gyi kun dga' ra ba na bzhugs pa'i tshe/ drug sde dag gi kun tu spyod pa ni 'dir bdag cag gis bram ze dang khyim bdag 'ongs shing lhags pa rnams la yang chos bstan par bya/ rgol ba dag kyang tshar bcad par
 bya/ rang gi grags pa yang bstan par bya'o snyam pas/ drug sde las gang yang rung ba cig gis rgyal byed kyi tshal gyis stong par mi 'jog pas/ tshe dang ldan pa 'char ka nang par sngar langs te/ so shing bor nas snam sbyar dmar ser gyon te/ rgyal byed kyi tshal gyi sgo
 na 'chag cing 'dug go /mnyan yod na gnas pa'i bram ze dang khyim bdag rnams chung ma dag gi kun tu spyod pa ni bskyed mos tshal du song ste/ rgyal byed kyi tshal du 'jug pa dang/ gtsug lag khang blta ba dang/ bcom ldan 'das dang/ dge slong gnas
 brtan rnam kyis zhabs la phyag 'tshal du 'gro ba yin pas/ bram ze dang khyim bdag gi chung ma rab tu mang po dag rgyal byed kyi tshal du 'ongs pa rnams/ tshe dang ldan pa 'char kas/ bcom ldan 'das dang/ dge slong gnas brtan
 rnams kyi gtsug lag khang du rim gyis khrid de/ yon tan brjod cing phyag 'tshal du bcug nas/ rang gi gtsug lag khang du 'ongs pa na/ des de dag la chos bstan par brtsams so/ /ji lta ji ltar chos bstan pa de lta de ltar kun tu chags so/ /ji lta ji ltar
 kun tu chags pa de lta de ltar dral to/ /ji lta ji ltar dral ba de lta de ltar de dag gi yan lag dang nying lag dag la nyug par brtsams so/ /de dag las gang dag bdag gir byed pa de dag ni de dang lhan cig gzhog steg dang/ 'phyar g.yeng dang/ mtho 'tsham
 pa dang/ kun tu rtse ba dang/ kun tu ca co 'don pa dang/ lus la brdeg par byed do/ /gang dag bdag gir mi byed pa de dag ni de nas phyir byung ste/ 'chags dang/ dag ra dang/ sgo gang dag na bdag cag gi yan lag dang/ nying lag khyim thab kyis kyang ma
 byugs pa gang dag yin pa de dag 'phags pa 'char kas byugs so/ /gal te bdag cag gi pha ma dang phu nu mo dag gis thos par gyur na/ rgyal byed kyi tshal ga la ba der bltar yang mi ster na/ 'gror lta smos kyang ci dgos zhes smos par
 byed/ phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol nas/ bcom ldan 'das kyis byung ba 'di dang/ gleng gzhi 'di dang/ skabs 'di la dge slong gi dge 'dun bsdu ba mdzad de/
 bslab pa bca' ba'i phan yon bcu yang yang dag par gzigs pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dral cing gyur pa'i sems kyis bud med dang lhan cig lus reg par
 byed dam/ lag pas bzung ngam/ dpung pa nas bzung ngam/ lan bu nas bzung ngam/ yan lag dang nying lag gang yang rung ba nom pa dang/ nyug pa bdag gir byed na/ dge 'dun lhag ma'o zhes bca' ba mdzad de/ yul ni mnyan yod/ /gang zag ni 'char ka/ nyon mongs pa ni
 'dod chags/ nyes pa ni lus kyis reg pa'o/ /de la yang dge slong gang zhes bya ba ni snga ma bzhin no/ /dral cing gyur pa'i sems kyis zhes bya ba la/ sems dral cing ma gyur pa yang yod/ gyur cing ma dral ba yang yod/ /ma dral cing ma gyur pa yang yod do/ /de la re
 zhig dral cing ma gyur pa ni sems chags pa dang/ kun tu chags pa dang/ kun nas dkris pa gang yin pa'o/ /gyur cing ma dral ba ni sems bltos pa dang ldan zhing /sems 'brel pa gang yin pa'o/ /dral cing gyur pa ni sems chags pa dang/ kun tu dkris shing sems
 bltos pa dang ldan pa dang/ sems 'brel pa gang yin pa'o/ /ma dral cing ma gyur pa ni/ rnam pa de dag ma gtogs pa'o/ /de la dral ces bya ba ni 'dod chags kyis ngo tsha shes pa'i chos dral ba ste/ sems chags pa dang/ kun tu chags pa dang/ kun nas dkris
 pa gang yin pa ste/ de dag ni chung ngu dang 'bring dang chen po gnas skabs su zhes par bya'o/ /gyur ces bya ba ni rnam par gyur pa ste/ yul de dang 'brel par 'dod par gyur cing/ yul la bltos ba dang ldan pa dang 'brel pa gang yin pa'o/ /bud med dang lhan cig
 ces bya ba ni bud med dam/ gzhon nu ma mi tshangs par spyod pa 'khrig pa'i chos bstan nus pa dang ngo/ /lus reg par zhes bya ba ni lus gzhol ba'o/ /de byed dam zhes bya ba ni byed par gyur tam mo/ /lag pa nas bzung ngam zhes bya ba ni mkhrig pa man chad kyi
 lag pa nas so/ /dpung pa nas bzung ngam zhes bya ba ni mkhrig ma yan chad nas so/ /lan bu nas bzung ngam zhes bya ba la/ lan bu zhes bya ba ni skra dag dang de dang 'brel pa'i gos so/ /yan lag dang nying lag gang yang rung ba la zhes bya ba ni lag pa nas
 bzung ba dang dpung pa nas bzung ba ma gtogs pa de las gzhan pa'i yan lag gi rnam pa gang yin pa ste/ yan lag ces bya ba ni lus so/ /nying lag ces bya ba ni rkang lag la sogs pa'o/ /nom pa dang nyug pa bdag gir byed na zhes bya ba
 ni ro myang bar byed na ste/ nom pa zhes bya ba ni cung zhig reg pa'o/ /nyug pa zhes bya ba ni phyogs thams cad kyis reg pa'o/ /dge 'dun lhag ma'o zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ lus kyis reg pa bdag
 gir byed na dge 'dun lhag mar 'gyur ro/ /de'i bye brag ni/ bud med dam/ gzhon nu ma mi tshangs par spyod pa 'khrig pa'i chos bstan nus pa'i lus dang skra dang de dang 'brel pa'i gos la reg pa'i bde ba nyams su myong bar bya ba'i 'dun pas kun tu 'dod
 chags dang ldan pas reg pa bdag gir byed na dngos gzhir 'gyur ro/ /'di la byed pa po lus kyis reg pa'i bde ba nyams su myong bar bya ba'i 'dun pa kun tu 'dod chags dang ldan pa dang/ mi'i 'gro bar gtogs pa'i bud med dam/ gzhon nu ma ni
 tshangs par spyod pa 'khrig pa bsten par bya ba'i mthu yod pa nyid do/ /'di la yan lag drug gis dngos gzhi'i ltung bar 'gyur te/ reg pa'i bde ba nyams su myong bar bya ba'i 'dun pa kun tu 'dod chags dang ldan pa dang/ bud med nyid dang/ bsten
 nus pa dang/ bar du mchod pa dang/ ma nyams pa dang/ rag pa bdag gir byas pa'o/ /de dag las yan lag ma tshangs na ci rigs par na smad do/ /lus kyis reg pa'i dge 'dun lhag ma ste gnyis pa'o// //'khrig pa dang ldan pa
 smra ba'i dge 'dun lhag ma'i gleng gzhi ni/ lus kyis reg pa'i dge 'dun lhag ma'i gleng gzhi dang 'dra'o?/ /bye brag tu 'char kas bram ze dang khyim bdag gi chung ba de dag la chos bstan par brtsams nas/ de ji lta ji ltar dral ba de lta de ltar
 de dag la gnas ngan len gyi tshig sdig pa can tshogs par mi dbyung ba 'khrig pha dang ldan pas/ skyes bus na chung la ji lta ba bzhin dus bar brtsams so/ /de dag las gang dag bdag gir byed pa de dag ni de dang lhan cig gzhog steg dang/ 'phyar g.yeng dang/ mtho 'tsham pa
 dang/ kun tu rtse ba dang/ kun tu ca co 'don pa dang/ lus la reg pa dag byed do/ /gang dag bdag gir mi byed pa de dag ni de nas phyir byung ste/ 'chags dang dag ra dang/ sgo gang dag nwa bdag cag gis dwa rnams dang/ rgyan po pa rnams dang/ nal gyi bu rnams kyang tshig
 gang dag dang sngon ma thos pa de dag 'phags pa 'char ka las thos so/ /gal te bdag cag gi pha ma dang phu nu mo dag gis thos par gyur na/ rgyal byed kyi chal ga la ba der bltar yang mi ster na/ 'gror lta smos kyang ci dgos zhes smod par byed/ byar ka gtong bar byed/
 kha zer bar byed pa'i skabs de/ dge slong rnams kyis/ bcom ldan 'das la gsol nas/ bcom ldan 'das kyis byung ba 'di dang/ gleng gzhi 'di dang/ skabs 'di la dge slong gi dge 'dun bsdu ba mdzad de/ bslab pa bca' ba'i phan yon bcu yang dag par gzigs
 bas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dral? ci gyur pa'i sems kyis/ bud med la gnas ngan len gyi tshig sdig pa can/ tshogs par mi dbyung ba 'khrig pa dang ldan pa dag skyes bus na chung la ji lta ba
 bzhin du smras na dge 'dun lhag ma'o zhes bca' ba mdzad de/ /yul ni mnyan yod/ /gang zag ni 'char ka/ nyon mongs pa ni 'dod chags/ nyes pa ni 'khrig pa smras pa'o/ /yang dge slong gang zhes bya ba ni snga ma bzhin no/ /dril cing gyur pa'i sems zhes bya ba yang snga ma
 bzhin no/ /bud med la zhes bya ba ni/ bud med dam gzhon nu ma legs par smras pa dang/ nyes par smras pa'i chas rnams kyi don kun shes par nus pa gang yin pa'o/ /gnas ngan len ces bya ba ni/ /gnas ngan len gnyis te/ phan par 'gyur ba kun nas slong ba dang/ dge
 'dun lhag ma kun nas slong ba'o/ /ci'i phyir de dag gnas ngan len ces bya zhe na/ ngo bo nyid las dang/ kun nas slong ba las so/ /ngo bo nyid las gnas ngan len ces bya ba ni nyes pa de len pa ni nyes pa skyes pa ste/ skyon chags pa'o/ /kun nas
 slong ba las gnas ngan len ces bya ba ni/ pham par 'gyur ba kun nas slong ba mi'i chos bla ma smra ba dang/ dge 'dun lhag ma kun nas slong ba/ 'khrig pa dang ldan pa smra ba ste/ don 'dir ni dge 'dun lhag ma kun nas slong ba yin par dgongs so/ /tshig ces bya ba ni brjod pa'o//
 sdig pa can zhes bya ba la sdig pa zhes bya ba ni kha na ma tho ba'o/ /can zhes bya ni sdig pa'i chos dang ldan pa'o/ /tshogs par mi dbyung zhes bya ba ni/ dbus ma'i mtshams las 'das pa ste/ tshul dang mi mthun pa'o/ /'khrig pa'i tshig dang ldan pa dag ces bya ba mi tshangs
 par spyod pa dang ldan pa ste/ gnyis kyis gnyis sprod pa las byung ba'i chos kyis ming dang ldan pa'i tshig go /skyes bus na chung la ji lta ba bzhin du zhes bya ba la/ skyes bu zhes bya ba ni skyes pa'o/ /na chung zhes bya ba ni bud med do/ /smra na zhes bya ba ni bud med kyis ma smras
 pa la smras pa dang/ bud med kyis smras pa la phyir smras pa'o/ /dge 'dun lhag ma'o zhes bya ba ni snga ma bzhin no/ /'dir gnas ngan len ni skyon dang spyi'i mtshan nyid dang/ rang gi mtshan nyid dang/ /tshig gis bstan par bya ste/ de la skyon ni gnas ngan len gyi tshig
 sdig pa can zhes gsungs pas bstan to/ /spyi'i mtshan nyid ni tshogs par mi dbyung ba zhes gsungs pas bstan to/ /rang gi mtshan nyid ni 'khrig pa dang ldan pa dag ces gsungs pas bstan to/ /dpe ni skyes bus na chung la ji lta ba bzhin du zhes gsungs pas
 bstan to/ de la 'dir dngos gzhi'i ltung ba rnam par bzhag pa ni 'khrig pa dang ldan pa'i tshig smras na dge 'dun lhag mar 'gyur ro/ /de'i bye brag ni bud med dam gzhon nu ma/ la? ngas?  par smras pa dang/ nyes par smras pa'i chos rnams kyi don kun shes par
 nus pa la smra ba'i bde ba nyams su myong bar bya ba'i 'dun pa kun tu 'dod chags pa dang ldan pas mi tshangs par spyod pa 'khrig pa dang ldan pa'i tshig smras na dngos gzhir 'gyur ro/ /'di'i byed pa po ni 'khrig pa dang ldan pa smra ba'i bde ba nyams su myong bar bya ba'i 'dun pa kun
 tu 'dod chags dang ldan pa dang/ mi'i 'gro ba par gtogs pa'i bud med dam/ gzhon nu ma/ legs par smras pa dang/ nyes par smras pa'i chos rnams kyi don kun shes par nus pa'o/ /'di la yan lag ? dngos gzhi'i ltung bar 'gyur te/ smra ba'i bde ba nyams su myong
 bar bya ba'i 'dun pa kun tu 'dod chags dang ldan pa dang/ bud med nyid dang/ legs par smras pa dang/ nyes par smras pa'i chos rnams kyi don kun shes par nus pa dang/ don go ba dang/ 'khrig pa dang ldan pa'i tshig smras pa'o/ /de dag pas yan lag ma tshang na ci
 rigs par na smad do/ /'khrig pa dang ldan pa smra ba'i dge 'dun lhag ma ste gsum pa'o// //bsnyen bkur bsngags pa'i dge 'dun lhag ma'i gleng gzhi yang lus kyis reg pa'i dge 'dun lhag ma'i gleng gzhi dang 'dra'o/ /bye brag tu na 'chad?
 kas bram ze dang khyim bdag gi chung ma de dag la chos bstan par brtsams nas/ de ji lta ji ltar dral ba de lta de ltar de dag gi mdun du bdag nyid kyi lus kyis bsnyen bkur gyi phyir/ 'di lta ste/ da lta bu'i dge slong tshul khrims dang ldan pa dge ba'i chos can tshangs
 par spyod pa la/ 'di ltar 'khrig pa dang ldan pa'i chos 'dis bsnyen bkur byas na/ sra 'di ni bsnyen bkur rnams kyi mchog yin no zhes bsngags pa brjod par brtsams so/ /de dag las gang dag bdag gir byed pa dag ni/ de dang? lhan cig gzhog stegs dang/
 'phyar g.yeng dang/ mtho 'chams pa dang/ kun tu rtse ba dang/ kun tu ca co 'don pa dang/ lus la rdeg pa dag byed do/ /gang dag bdag gir mi byed pa de dag ni/ de nas phyir byung ste/ 'chags dang/ dag ra dang/ sgo gang dag na/ bdag cag gis rang gi
 khyim thab dag las kyang/ tshig gang dag sngon ma thos pa de dag 'phags pa 'chang ka las thos so/ /gal te bdag cag gis ma dang bu nu mo dag gis thos par gyur na/ rgyal byed kyi tshal ga la ba deng bltar yang mi ster na/ 'gror lta smos
 kyang ngo/ dgos zhes smod par byed/ /phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol nas/ bcom ldan 'das kyis byung ba 'di dang/ gleng gzhi 'di dang/ skabs 'di la dge slong gi dge 'dun bsdu ba
 mdzad de/ bslab pa bca' ba'i phan yon bcu yang dag par gzigs pas/ de'i nyan thos rnams kyis 'dul ba la bstan pa'i gzhi 'di ltar gdon par bya ste/ yang dge slong gang brag ci gyur pa'i sems kyis/ bud med kyi mdun du bdag nyid kyi lus kyi bsnyen
 bkur bya ba'i phyir/ 'di lta ste/ da lta bu'i dge slong tshul khrims dang ldan pa/ dge ba'i chos dang ldan pa/ tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na/ sra 'di ni bsnyen bkur rnams kyi mchog yin no zhes bsngags
 pa brjod na/ dge 'dun lhag ma'o zhes bca' ba mdzad de/ yul ni mnyan yod/ gang zag ni 'chad ga /nyon mongs pa ni 'dod chags/ nyes pa ni bsnyen bkur bsngags pa'o/ /de la yang dge slong gang zhes bya ba snga ma bzhin no/ /dral cing gyur pa'i sems
 kyis zhes bya ba ni snga ma bzhin no/ /bud med kyis zhes bya ba ni bud med dam gzhon nu ma/ legs par smra ba dang/ nyes par smras pa'i chos rnams kyi don kun shes par nus pa'o/ /mdun du zhes bya ba ni snga ma bzhin du'o/ /bdag nyid kyi lus kyi
 bsnyen bkur gyi phyir zhes bya ba ni bdag nyid kyi bsnyen bkur gyi phyir ro/ /'di lta ste/ de lta bu zhes bya ba ni nye bar bstan pa dang/ kun tu bstan pa'i tshig bla dags yin no/ /dge slong zhes bya ba ni dge slong gi dngos po ji skad bstan pa dang ldan pa'o//
 tshul khrims dang ldan pa zhes bya ba ni/ tshul khrims kyi phung po ji skad bstan pa dang ldan pa'o/ /dge ba'i chos dang ldan pa zhes bya ba ni/ ting nge 'dzin gyi phung po ji skad bstan pa dang ldan pa'o/ /tshangs par spyod pa la zhes bya ba ni/ shes rab kyi phung po ji skad
 bstan pa dang ldan pa'o/ /'di ltar 'khrig pa dang ldan pa'i zhes bya ba ni mi tshangs par spyad pa dang ldan pa'i'o/ /chos 'dis zhes bya ba ni/ chos ma yin pa chos kyi smrang bstan pa 'dis yin gyi gzhan gyis ni ma yin no/ /bsnyen bkur byas na zhes bya bas ni bkur sti
 byas na'o/ /sru zhes bya ba ni/ dga' ba'i tshig bla dags kyis bod pa'o/ /'di ni bsnyen bkur rnams kyi mchog yin no zhes bya ba la/ mchog yin no zhes bya ba ni gtso bo yin no/ /bsngags pa brjod na zhes bya ba ni bstod pa byas na'o/ /dge 'dun lhag ma'o zhes bya ba ni snga ma bzhin
 no/ /de la 'dir dngos gzhi'i ltung ba rnam par bzhag pa ni/ bdag nyid la 'khrig pa'i bsnyen bkur bsngags na/ dge 'dun lhag mar 'gyur ro/ /de'i bye brag ni bud med gzhon nu ma/ legs par smras pa dang/ nyes par smras pa'i chos rnams kyi don kun shes par nus pa
 la bsnyen bkur bsngags pa'i bde ba nyams su myong bar bya ba'i 'dun pa kun tu 'dod chags dang ldan pa dang/ da lta bu la 'khrig pa dang ldan pa'i chos 'dis bsnyen bkur byas na/ de'i mchog yin no zhes bsngags na dngos gzhir 'gyur ro/ /'di'i byed pa po ni bsnyen bkur
 bsngags pa'i bde ba nyams su myong bar bya ba'i bdun pa kun tu 'dod chags dang ldan pa dang/ mi'i 'gro bar gtogs pa'i bud med dam/ gzhon nu ma legs par smras pa dang/ nyes par smras pa'i chos rnams kyi don kun shes par nus pa'o/ /'di la yan lag drug
 gis dngos gzhi'i ltung bar 'gyur te/ bsnyen bkur bsdigs pa'i bde ba nyams su myong bar bya ba'i 'dun pa kun tu 'dod chags dang ldan ma dang/ bud med nyid dang/ legs par smras pa dang/ nyes par smras pa'i chos rnams kyi don kun shes par nus pa dang
 don go ba dang/ bdag gi phyir dang/ rgyal sogs pa'i don gyi bsnyen bkur bsngags pa'o/ /de las yan lag 'ched na ci rig par na smad do/ /bsnyen bkur bsngags pa'i dge 'dun lhag ma ste bzhi pa'o// //smyan
 byed pa'i dge 'dun lhag ma'i gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zad sbyin gyi kun dga' rab na bzhugs pa'i tshe/ drug sde dag bud med la skyes pa'i tshig dang/ skyes pa la bud med kyi tshig gis chung ma nyid dam/
 mdza' na mo nyid du smyon byed nas/ mu stegs can dag shes ldan dang/ shAkya'i bu'i dge sbyong 'di dag ni/ bud med la skyes pa'i tshig dang/ skyes pa la bud med kyi tshig gis chung ma nyid dam/ mdza' na mo nyid du smyon byed de/ /bram ze dang khyim bdag bslab pa'i
 bzhi yang dag par ma blangs pa gzhan dag kyang skyes pa la bud med kyi tshig dang/ bud med la skyes pa'i tshig gis chung ma nyid dam/ mdza' na mo nyid du smyan byed na/ shAkya'i bu'i dge sbyong rnams dang/ bram ze dang khyim bdag bslab pa'i gzhi yang dag par ma
 blangs pa rnams la ni bye brag ci yod/ bsam pa ni ci yod/ tha dad du bya ba ni ci yod dge sbyong mgo reg 'di dag la sus bsod snyoms sbyin pa dang/ bya bar sems shes smod par byed/ phyar ka gtong bar byed/ /bzer bar byed pa'i skabs de dge slong rnams
 kyis bcom ldan 'das la gsol nas/ bcom ldan 'das kyis tung ba 'di dang/ gleng gzhi 'di dang/ skabs 'di dang/ dge slong gi dge 'dun bsdu ba mdzad de/ bslab pa bca' ba'i phan yon bcu yang dag par gzigs pas/ nga'i nyan thos rnams kyis
 'dul ba la bslab pa'i gzhi 'di ltar gdon par bya ste/ yang dge slong gang bud med la skyes pa'i tshig dang/ skyes pa la bud med kyi tshig gis chung ma nyid dam/ mdza' na mo nyid du smyan byed na/ tha na thad 'ga' phrad pa la yang rung ste/ dge 'dun lhag ma'o zhes
 bca' ba mdzad de/ yul ni mnyan yod/ gang zag ni drug sde/ nyon mongs pa ni 'dod chags/ nyes pa ni smyan byed pa'o/ /de la yang dge slong gang zhes bya ba ni snga ma bzhin no/ /bud med la skyes pa'i tshig gis dang/ zhes bya ba ni/ skyes pa'i kun tu spyod pa'i bsam pa'i tshig
 gang yin pa de bud med la brjod pa'o/ /skyes pa la bud med kyi tshig gis/ zhes bya ba ni/ bud med kyi kun tu spyad pa'i bsam pa'i tshig gang yin pa de skyes pa la brjod pas so/ /chung ma nyid dam mdza' na mo nyid du zhes bya ba ni chung ma bdun dang/ mdza' na mo bcu nyid du'o//
 chung ma bdun gang zhe na/ chu tshigs kyis byin pa dang/ rin ches nyos pa dang/ btsan phrogs su thob pa dang/ dad sam du 'dus pa dang/ gos zas kyis 'tsho ba dang/ kha dum pa dang/ thang 'ga' 'phrad pa'o/ /mdza' na mo bcu gang zhe na/ mas bsrungs pa dang/ phas
 bsrungs pa dang/ ming pos bsrungs pa dang/ nu mos bsrungs pa dang/ smyug mos bsrungs pa dang/ gyos pos bsrungs pa dang/ nye dus bsrungs pa dang/ rigs kyis bsrungs pa dang/ rus chags kyis bsrungs pa dang/ rnam par 'khrug pa med pa'o/ /smyan zhes
 bya ba ni/ sprad par bya ba las phrin nod pa dang/ phar bskyal ba dang/ phyir bskyal ba'i rim gyis gnyis phrad par byed pa'o/ /phrad na zhes bya ba ni/ mthar gyur pa gzung na'o/ /tha na zhes bya ba ni/ mthar gyur pa gzung na ro/ /thad 'ga' phrad pa la yang rung ste/ zhes bya ba ni/
 smrad 'ching ma yod pa la yang rung ste/ tshogs can ma dang/ 'dzud mthun ma dang/ gzugs 'tshong ma la yang rung ste zhes bya ba'i tha tshig go /dge 'dun lhag ma'o zhes bya ba ni snga ma bzhin no/ /'dir smyan byed pa'i ltung ba ni bdag po dang/ gzhi po dang/ dus
 nges pa las rig par bya ste/ de la bdag po ni bud med la skyes pa'i tshig dang/ skyes pa la bud med kyi tshig gis zhes gsungs pas bstan to/ /gzhi ni chung ma nyid dang/ mdza' na mo nyid du smyan byed na/ zhes gsungs pas bstan to/ /dus ni thang thang 'ga' 
 phrad pa la yang rung ste zhes gsungs pas bstan to/ /de la 'dir dngos gzhi'i ltung ba rnam par bzhag pa ni/ smyan bya ba'i thabs kyis skyes pa dang bu med gzhan dang/ gzhan snga na mi mthun pa mthun par bsgrubs te/ /de gnyis mi tshangs par spyod pa'i
 don la phrad na dge 'dun lhag mar 'gyur ro/ /de'i bye brag ni skyes pa dang bud med snga na mi mthun pa sprang po'i don mthun par bsgrub pa'i phyir/ sprad par bya ba skyes pa dang bud med gang yang rung ba las 'phrin mnos pa dang/ phar bskyal ba dang/ phyir bskyal ba de gsum rjes
 su sgrub cing/ de gnyis mi tshangs spyod pa'i dngos po phrad par gyur na/ dge 'dun lhag ma'i dngos gzhir 'gyur ro/ /'di'i byed pa po ni mi'i 'gro bar gtogs pa'i skyes pa dang bud med mi tshangs par spyod pa 'khrig pa bsten nus pa dang/ legs par smras pa dang/ nyes
 par smras pa rnams kyis don kun shes pa'o/ /'di la yan lag bdun gyis dngos gzhi'i ltung bar 'gyur te/ mi yin pa dang/ gzhan yin pa dang/ mi mthun pa dang/ 'phrin mnos pa dang/ 'phrin par bskyal ba dang/ 'phrin phyir bskyal ba dang/ gnyis kyis
 gnyis phrad pa'o/ /de dag las yan lag ma tshang na ci rigs par na smad do/ /smyan byed pa'i dge 'dun lhag ma ste lnga pa'o// //khang pa'i dge 'dun lhag ma'i gleng gzhi ni/ sangs rgyas bcom ldan 'das mnyan yod na/ rgyal bu rgyal byed kyi
 tshal mngon med zas sbyin gyi kun dga' ba na bzhugs pa'i tshe/ dge slong rnams la khang pa 'di lta bur mang ba nyid du gyur te/ kha cig ni khang pa 'di ha cang rings so zhes por nas gzhan byed du mdzud do/ /kha cig ni khang pa 'di ha cang thungs so/ /'di ha cang
 yangs so/ /'di ha cang dog go /'di ha cang rnyings so/ /'di ha cang stobs chung ngo/ /'di ha cang rtsig nyes so zhes de por nas gzhan byed du 'jud do/ /de dag khang pa byed pa dang/ byed du 'jug pas bya ba dang/ byed pa mang bar gyur nas/ lung mnod pa
 dang/ klag pa dang/ kha ton dang/ rnal 'byor dang/ yid la bya ba gtong zhing/ yang dang yang du rtswa dang/ shing dang/ mi blas dang/ shing rta'i las sbyor bar byed pas/ bram ze dang khyim bdag rnams kyis kha 'phya bar 'gyur pa/ tshe dang ldan pa 'od srungs chen pos thos nas
 bcom ldan 'das la gsol to/ /de nas bcom ldan 'das kyis byung ba 'di dang/ gleng gzhi 'di dang/ skabs 'di la/ dge slong gi dge 'dun bsdu ba mdzad do/ 'dod pa che ba dang/ chog mi shes pa dang/ gos dka' ba dang/ dgang dka' ba rnam par snang cing/ 'dod pa chung ba
 dang/ chog shes pa dang/ gso sla ba dang/ dgang sla ba dang/ phri ba dang/ yo byad bsnyungs pa dang/ sbyangs pa'i yon tan dang/ mdzes pa dang/ tshod shes pa nyid kyi bsngags pa brjod nas/ bslab pa'i bca' ba'i phan yon bcu yang dag par gzigs pas/ nga'i nyan thos
 rnams kyis 'dul ba la bslab pa'i gzhi 'di ltar gdon par bya ste/ dge slong gis bdag gis bslangs pa bdag po med pa bdag gi phyir khang ba rtsig tu 'jug na/ dge slong des khang ba tshad bzhin du rtsig tu chug cig /de la khang pa'i tshad ni 'di yin te/ nang du srid du bde bar
 gshegs pa'i mtho'i mtho bcu gnyis dang/ zhang du mtho bdun no/ /bzhi blta ba'i phyir dge slong des dge slong bkri bar bya'o/ /khrid pa'i dge slong dag gis kyang/ gzhi rung ba dang/ rtsod pa med pa dang/ brtsam du rung bar blta bar bya'o/ /gal te dge slong gis gzhi mi
 rung ba 'am/ rtsod pa dang bcas pa'am/ brtsam du mi rung bar bdag gis bslangs pa bdag gis phyir de khang pa rtsig tu 'jug gam/ gzhi blta ba'i phyir dge slong dag kyang mi khrid dam/ dge slong khrid pa dag la gzhi mi ston tam/ tshad las 'das na dge 'dun lhag
 ma'o zhes bca' ba mdzad de/ yul ni mnyan yod/ gang zag ni dge slong rab tu mang po/ /nyon mongs pa ni 'dod chags che ba/ nyes pa ni khang ba rtsig pa'o/ /de la dge slong gis zhes bya ba ni chos 'di pas so/ /bdag gis bslangs pa zhes bya ba ni/ 'dun pa
 las byung ba'i slongs mos/ la la las ni shing/ la la las ni rtswa/ la la las ni mi blas/ la la las ni shing rta'i las blangs pa'o/ /bdag po med pa zhes bya ba ni/ gang bdag po skyes pa 'am/ bud med dam/ ma ning med pa'o/ /bdag gi
 phyir zhes bya ba ni bdag nyid la bsngos te'o/ /khang pa zhes bya ba ni gang du spyod lam bzhi po 'chag pa dang/ 'greg ba dang/ 'dug pa dang/ nyal ba dag shod pa'o/ /rtsib tu 'jug na zhes bya ba ni/ bdag nyid kyis sam gzhan gyis so/ /dge slong des khang pa tshad bzhin du rtsig
 tu chug cig/ de la khang pa'i tshad ni 'di yin te/ nang srid du bde bar gshegs pa'i mtho bcu gnyis/ /zheng du mtho bdun no zhes bya ba ni/ sa ngan pa la bka' stsal pa'i tshad nges par bstan pa ste/ de la bde bar gshegs pa zhes bya ba'i ston pa ste/ de'i mtho gang la ni tshad dang ldan
 pa'i khru phyed dang nga'o/ /de bas na bde bar gshegs pa'i mtho bcu gnyis/ gang dag yin pa de dag la ni tshad dang ldan pa'i khru'i khru bco brgyad de/ nang srid du tshad dang ldan pa'i khru bco brgyad do/ /bde bar gshegs pa'i mtho bdud gang yin pa de dag la ni tshad dang ldan pa'i khru'i
 khru phyed dang bcu gcig ste/ nang gi zheng du khru phyed dang bcu gcig go /gzhi blta ba'i phyir dge slong des dge slong dag bkri bar bya'o zhes bya ba la/ gzhi blta ba'i phyir zhes bya ba ni/ sa gzhi rung ba dang/ rtsod pa med pa dang/ brtsam du rung ba nyid blta ba'i phyir ro/ /dge slong
 zhes bya ba ni dge slong yin pa des so/ /dge slong dag bkri bar bya'o zhes bya ba ni/ des na dge slong gang dag yod pa dag yin gyis/ ji tsam gyis gzhi de mig gis bltas par 'gyur ba'i dge slong de tsam bkri bar bya ba ni ma yin no/ /gal te gzhi mi rung ba dang/ rtsod
 pa dang bcas pa dang/ brtsam du mi rung ba yin na bstan par mi bya'o/ /gal te gzhi de rung ba dang/ rtsod pa med pa dang/ brtsam du rung ba yin na/ dge slong des gtsug lag khang du dge 'dun las khang pa'i gzhi bstan pa gsol ba'i cho ga dang/ sngags lan
 gsung bzlas pas khang pa'i gzhi bstan pa gsol ba bya'o/ /de'i 'og tu dge slong de dag gis kyang dge slong de la dad pas sam/ yid ches pas 'gro bar mi bya bar 'di ltar dge 'dun thams cad der 'gro bar bya ba 'am/ dge 'dun gyis bskos pa'i dge slong btang bar bya'o//
 de dag gis gzhi de mig gis blta bar bya'o/ /gal te gzhi de mi rung ba dang/ rtsod pa dang bcas pa dang/ brtsam du mi rung ba yin na bstan par mi bya'o/ /gal te gzhi de rung ba dang/ rtsod pa med pa dang brtsam du rung ba yin na/ dge 'dun la bstan par bya'o/ /de'i 'og tu dge
 'dun gyis kyang dge slong gcig gis gsol ba dang gnyis kyi las byas te/ dge slong de la khang pa'i gzhi bstan pa sbyin par bya'o/ /khrid pa'i dge slong gis kyang zhes bya ba ni des dge slong gang dag khrid pa dag gis kyang ngo/ /gzhi rung ba zhes bya ba ni/ sprul gyi gnas
 sam/ sdig pa'i gnas sam/ srid gyi gnas sam/ grog ma'i gnas med pa'o/ /rtsod pa med pa zhes bya ba ni/ rgyal po'i gzhi 'am/ mchod rten gyi gzhi'am/ khyim bdag gi gzhi 'am/ mu stegs can gyi gzhi'am/ dge slong ma'i dbyar khang ngam/ shing ljon
 pa gcad par bya ba med pa'o/ /brtsam du rung bar zhes bya ba ni/ de'i nyen 'khor 'dom gang kho ra khor yug na/ chu klung ngam/ khron pa'am/ lam mam/ dam grog med par ro/ /blta bar bya'o zhes bya ba la ni so sor brtag par bya ba'o/ /gal te dge slong gis
 gzhi mi rung ba 'am/ rtsod pa dang bcas pa 'am/ brtsam du mi rung bar bdag gis bslangs pa bdag po med par bdag gi phyir khan pa rtsig tu 'jug gam/ gzhi blta ba'i phyir dge slong dag kyang ma khrid dam/ dge slong khrid pa dag la gzhi mi ston tam/ tshad las
 'das na zhes bya ba ni/ ji skad smos pa de dag las 'gal zhing/ tshar ji skad bstan pa de las lhag par rtsig tu 'jug na'o/ /dge 'dun lhag ma'o zhes bya ba ni snga ma bzhi no/ /de la 'dir dngos gzhi'i ltung ba rnam par bzhag pa ni/ dge slong gis sa gzhi
 dang yo byad gzhan las btsal bas/ gzhi ma dag pa dang/ ma bstan par gcig gi don du khang pa tshad las lhag par byed dam byed tu bcug ste zin na mthar dge 'dun lhag mar 'gyur ro/ /de'i bye brag ni dge slong ltung ba 'byin pa pos
 khang pa'i sa gzhi ma'i 'gro ba su yang rung ba/ tha na chos 'di pa rab tu byung ba las kyang btsal ba dang/ khang pa'i yo byad shing dang/ rtswa dang/ mi blas dang/ shing rta dang/ so phag dang/ gla rngan la sogs pa yang gzhan las btsal bas/ sa gzhi ma dag pa mi rung ba
 dang/ rtsod pa dang bcas pa dang/ brtsam du mi rung ba dang/ dge 'dun la ma bstan par bdag nyid gcig pu 'am/ dge slong gzhan gcig gam/ khyim pa gcig kyang rung ba'i don du/ khang pa'i nang gi rgya'i srid du tshad dang ldan pa'i khru bco brgyad/ zheng du tshad dang
 ldan pa'i khru byed dang bcu gcig gi tshad las lhag pa bdag nyid kyis byed dam/ gzhan gyi bdag byed du bcug gam/ bdag gis gzhan byed du bcug ste/ zin na mthar dge 'dun lhag ma'i dngos gzhir 'gyur ro/ /'di'i byed pa po ni sa gzhi dang yo byad mi
 brtags pa'i khang pa rtsig pa'o/ /'di la yan lag lngas dngos gzhi'i ltung bar 'gyur te/ sa gzhi dang/ yo byad gzhan las btsal ba dang/ gzhi ma dag cing ma bstan pa dang/ gcig gi don dang/ tshad las lhag pa dang/ zin pa'o/ /de dag las
 yan lag ma tshang na ci rigs par na smad do/ /khang pa'i dge 'dun lhag ma ste drug pa'o// //gtsug lag khang gi dge 'dun lhag ma'i gleng gzhi ni/ sangs rgyas bcom ldan 'das kau shaM bi na gdangs can gyi kun dga' ra ba na bzhugs
 pa'i tshe/ drug sde dag gzhan gyis byed du bcug pa'i gtsug lag khang na gnas shing/ 'phyas 'dags pa dge slong rnams kyis smad pa dang/ tshe dang ldan pa 'dun pa nga rgyal skyed nas/ de kau shaM bi na/ bram ze phyug pa nor mang ba/ longs spyod che ba yongs
 su gzung ba yangs shing rgya che ba/ ser sna can mig phra ba/ bya rog la yang gtor ma mi ster ba/ yo byad kun 'dzin pa zhig 'dug pa de/ ngad pa bskyed nas/ rdzas las byung ba'i bsod nams bya ba'i gzhi bdun po dag gi bsngags pa brjod pa dang/ des gtsug
 lag khang brtsig par khas blangs te/ karSha pa na dag sbyar ba dang/ tshe dang ldan pa 'dun pas kyang/ ko sa la'i rgyal po gsal rgyal las sa gzhi blangs nas/ gang dga' bar brtsig tu gnang ba dang/ 'dun pas kau shaM bi dang gdangs can gyis kun dga' ra ba'i bar na/
 gnas kyi shing ljon pa gcig yod pa de'i drung na/ bram ze'i khye'u lnga brgya bram ze'i gsang tshig klog tu 'jug pa de'i bram ze'i khye'u lnga brgya po de dag drug sde dag /bsod snyoms la 'jug pa dang 'byung ba na/ yang nas yang du co 'dri ba la snying na bas/ drug sde
 dag gis mtshan mo bram ze'i khyi'u lnga brgya po de dag gis gnas kyi shing ljon pa de rtsa ba nas bcad de bor nas/ rjes shul yang mi mngon par byas te/ der gtsug lag khang rtsig par brtsams pa dang/ de dag shAkya'i bu'i dge sbyong gi tshul ni tshig go /
 bram ze'i tshul ni tshig ste/ 'di ltar gnas kyi shing ljon pa yang bcad par gyur to/ /zhes 'phya bar byed kha zer bar byed do/ /thos pa gcig nas gcig tu brgyud pas/ kau shaM bi na gnas pa'i skye bo'i tshogs dang/ yul tha dad pa na gnas pa dar lhags pa
 dag gis kyang thos nas/ de dag kyang lam bo che dang/ lam srad dang/ bzhi mdo dag na 'phya bar byed/ phyar ka gtong bar byed/ kha zer bar byed cing/ gang dag ma ngad pa de dag gis ni bsod snyoms la zhugs pa dag la yang bsod snyoms sbyin par mi byed
 pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang/ gleng gzhi 'di dang/ skabs 'di la/ dge slong gi dge 'dun bsdu ba mdzad de/ bslab pa bca' ba'i phan yon bcu yang dag par
 gzigs pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis bdag po yod pa dge 'dun gyi phyir gtsug lag khang chen po rtsig tu 'jug na/ gzhi blta ba'i phyir dge slong
 des dge slong dag bkri bar bya'o/ /khrid pa'i dge slong gis kyang gzhi rung ba dang/ rtsod pa med pa dang/ brtsam du rung ba blta bar bya'o/ /gal te dge slong gis gzhi mi rung ba 'am/ rtsod pa dang bcas pa 'am/ brtsam du mi rung bar bdag po yod pa/ dge 'dun
 gyis phyir gtsug lag khang chen po rtsig tu 'jug gam/ gzhi blta ba'i phyir dge slong dag kyang mi khrid dam/ dge slong khrid pa dag la gzhi mi ston na dge 'dun lhag ma'o zhes bca' ba mdzad de/ yul ni kau shaM bi/ gang zag ni drug sde/ nyon mongs pa ni brnyas
 pa mi bzod pa/ nyes pa ni gtsug lag khang chen po brtsig pa'o/ /de la dge slong gis zhes bya ba ni/ drug sde 'am gzhan yang chos 'di bas so/ /bdag po yod pa zhes bya ba ni/ gang la bdag po skyes pa 'am bud med dam ma ning yod pa'o/ /dge
 'dun gyi phyir zhes bya ba ni de bzhin gshegs pa'i nyan thos kyi dge 'dun gyi phyir ro/ /gtsug lag khang zhes bya ba ni/ gang du spyod lam bzhi po 'chag pa dang/ 'greng ba dang/ 'dug pa dang/ nyal ba dag shod pa'o/ /chen po zhes bya ba ni/ chen po
 gnyis pos sbyin par bya ba dang/ tshad kyis te/ de la 'dir sbyin par bya bas chen por dgongs pa yin gyi tshad kyis ni ma yin no/ /rtsig tu 'jug na zhes bya ba ni bdag nyid kyis sam gzhan gyis so/ /gzhi blta ba'i phyir dge slong nges dge slong dag bkri
 bar bya'o zhes bya ba la/ gzhi lta ba'i phyir zhes bya ba ni/ sa gzhi rung ba dang rtsod pa med pa dang/ brtsam du rung ba nyid blta ba'i phyir ro/ /dge slong des zhes bya ba ni/ chos 'di pas so/ dge slong dag bkri bar bya'o zhes bya ba ni/ de na dge slong gang dag
 yod pa dag yin gyi/ ji tsam gyis gzhi de mig gis bltas pa gyur pa'i dge slong de tsam bkri bar bya ba ni ma yin no/ /gal te gzhi de mi rung ba dang/ rtsod pa dang bcas pa dang/ brtsam du mi rung pa yin na bstan par mi bya'o/ /gal te gzhi de rung ba dang/ rtsod pa med
 pa dang/ brtsam du rung ba yin na/ dge slong des gtsug lag khang du dge 'dun las gtsug lag khang gi gzhi bstan pa gsol ba'i cho ga dang sngags lan gsum bzlas pas/ gtsug lag khang gi gzhi bstan pa gsol bar bya'o/ /de'i 'og tu dge slong dag gis
 kyang dge slong de la dad pas yid ches pas 'gro bar mi bya bas/ 'di ltar dge 'dun thams cad der 'gro bar bya ba 'am/ dge 'dun gyis bskos pa dge slong dag la gtang bar bya'o/ /de dag gis gzhi de mig gis blta bar bya zhing/ gal te gzhi de mi rung ba dang/ rtsod
 pa dang bcas pa dang/ brtsam du mi rung ba yin na bstan par mi bya'o/ /de'i 'og tu dge 'dun gyis kyang dge slong cig gis gsol ba dang gnyis kyis las byas te/ dge slong de la gtsug lag khang gi gzhi bstan pa sbyin par bya'o/ /khrid pa'i dge slong dag gis
 kyang zhes bya ba ni/ der dge slong gang dag khrid pa dag gis kyang ngo/ /gzhi zhes bya ba ni/ gtsug lag khang gi dbang du byas pa'i gzhi gang yin pa'o/ /rung ba zhes bya ba ni sprul gyi gnas sam/ sdig pa'i gnas sam/ sril gyi gnas sam/ grog ma'i gnas
 med pa'o/ /rtsad pa med pa zhes bya ba ni/ rgyal po'i gzhi 'am/ mchod rten gyi gzhi 'am/ mu stegs can gyi gzhi 'am/ dge slong ma'i dbyar khang ngam/ shing ljon pa bcad par bya ba med pa'o/ /brtsam du rung ba zhes bya ba ni de'i nyen kor 'dom gang kho ra khor
 yug na/ chu klung ngam/ khron pa 'am/ lam mam/ ngam grog med par ro/ /blta bar bya'o/ /zhes bya ba ni so sor brtag par bya'o/ /dge slong gis gzhi mi rung ba 'am/ rtsod pa dang bcas pa ngam/ brtsam du mi rung bar bdag po yod pa dge 'dun gyi phyir/ /gtsug
 lag khang chen po rtsig tu 'jug gam/ gzhi blta ba'i phyir dge slong dag kyang mi khrid dam/ dge slong khrid pa rnams la gzhi mi ston na/ zhes bya ba ni ji skad smos pa de dag las 'das na'o/ /dge 'dun lhag ma'o zhes bya ba ni snga ma bzhin no/ /de la
 'dir dngos gzhi'i ltung ba rnam par bzhag pa la sogs pa gzhan thams cad ni khang pa'i skabs dang 'dra'o/ /bye brag tu na sa gzhi dang yo byad gzhan las btsal ba zhes bya ba ni/ yan lag nges pa med de/ btsal kyang rung ma btsal kyang rung ba dang/ gcig
 gi don du zhes bya ba tshogs kyi don du zhes bya bar bsgyur te/ khyim pa yan chad rab tu byung ba dang/ ma byung ba yang rung ste/ gang zag bzhi yan chad kyi don dang chad nges pa med do/ /des na 'dir 'gyur te/ dge slong gi sa gzhi dang yo byad gzhan las btsal kyang rung
 ma btsal kyang rung bas gzhi ma dag pa dang/ ma bstan par tshogs kyi don du/ gtsug lag khang tshad/ spyod lam bzhi shong ba yan chad nges pa med pa byed dam/ byed du bcug ste/ zin na mthar dge 'dun lhag mar 'gyur ro/ /'di'i byed pa po ni/ sa gzhi dang yo byad ma
 brtags pa'i gtsug lag khang rtsig pa'o/ /'di la yan lag lngas dngos gzhi'i ltung bar 'gyur te/ sa gzhi dang yo byad gzhan las btsal kyang rung ma btsal kyang rung ba dang/ gzhi ma dag pa dang/ ma bstan pa dang/ tshogs kyi don dang/ zin pa'o/ /de dag las
 yan lag ma tshang na ci rigs par na smad do/ /gtsug lag khang gi dge 'dun lhag ma ste bdun pa'o// //gzhi med par skur pa 'debs pa'i dge 'dun lhag ma'i gleng gzhi ni/ sangs rgyas bcom ldan 'das rgyal po'i khab na/ 'od ma'i tshal bya ka lan+ta
 ka'i gnas na bzhugs pa'i tshe/ grong khyer sdig byung na gyad kyi sna chen po la gtogs pa rgyal sde zhes bya ba/ phyug pa nor mang ba/ longs spyod che ba/ yongs su bzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis
 'gran pa/ gyad rnams la cod pan med pa'i rgyal srid byed du 'jug pa zhig 'dug pa de la/ bu gyad nor zhes bya ba srid pa tham pa zhig yod pa de/ rig pa'i gnas thams cad kyi pha rol tu son cing/ sems can la snying rje skyes nas dge ba gang yin pa zhes tshol bas/
 nges pa 'byung ba'i mngon par dga' ba btsal bar brtsam pa na/ mu stegs can gyi ston pa drug po dag la mthar gyis chos kyi tshul dang/ slob ma la gdams pa dang/ tshangs par spyod pa'i 'bras bu dang/ phan yon gang yin zhes dris na/ de dag lam gol bar zhugs pa
 'am/ lam ngan pa legs par mi bsgrub pa/ lam 'jigs pa dang bcas pa ji lta ba bzhin du mkhas pa rnams kyis slang bar bya ba yin par rig nas/ snod stong pa bzhin du brdabs te bor nas/ rang gi gnas su song ste/ steng gi khang bzangs kyi gzhir gtogs pa na/ 'di
 snyam du/ ma la 'jig rten lha dang bcas pa/ bdud dang bcas pa/ tshangs pa dang bcas pa dang/ dge sbyong dang bram zer bcas pa'i skye dgu dang/ lha dang mir bcas pa'i nang na/ gang na gang gis bdag 'khor ba dgon pa 'di nas rab tu thar bar byed pa'i dge sbyong ngam bram ze
 sman dang sngags dang/ rig sngags tshig gcig gam gnyis sam gsum mam bzhi tsam 'chang ba su yod snyam du sems ga tshe dang ldan pa rta thul kyis thul zhig ces bka' stsal pa dang/ tshe dang ldan pa rta thul bsod snyoms la zhugs pa'i spyod lam gyi btul te/ legs
 par gsungs pa'i chos 'dul ba la rab tu byung zhing/ bsnyen par rdzogs par bya ba'i rim gyis de dgra bcom pa nyid kyis 'bras bu mngon du byas so/ /de nas tshe dang ldan pa gyad bu nor/ rgyal po'i khab tu bcom ldan 'das kyi spyan sngar song ba dang/ bcom ldan 'das
 kyis gyad bu nor tshur shog 'ongs pa legs so zhes bya ba'i tshig gis kun tu spyad nas/ de dge 'dun gyi gnas mal 'bog pa dang/ zas la bsgo bar bskos so/ /de nas tshe dang ldan pa gyad bu nor/ dge 'dun gyi gnas mal 'bog pa dang/ zas la bsko ba byed pa'i
 tshe/ dge slong mdza' bo dang sa las skyes gnyis/ tshe dang ldan pa gyad bu nor dang tshe rabs tshe rabs nas kho na yod pas/ de gnyis kyis rang gi sring mo dge slong ma mdza' mo bslus te/ de tshe dang ldan pa gyad bu nor dang lhan cig mi tshangs par spyad de
 pham par gyur to zhes skur pa 'debs su bcug nas/ de nas bcom ldan 'das kyis dge slong rnams la bka' stsal pa/ dge slong dag khyed kyis dge slong gyad bu nor ni dran pa dang ldan par zung shig /dge slong ma mdza' mo ni rang gis khas blangs pas brnyil bar
 bya'o/ /dge slong dag gis de bzhin byas pa'i skabs de bcom ldan 'das la gsol to/ /de nas bcom ldan 'das kyis byung ba 'di dang/ gleng gzhi 'di dang/ skabs 'di la dge slong gi dge 'dun bsdu ba mdzad de/ bslab pa ba bca' ba'i phan yon bcu yang
 dag par gzigs pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khros shing zhe sdang bar gyur nas/ ci nas kyang 'di tshangs par spyod pa dang dbral lo snyam nas dge slong dag pa ltung ba med pa la gzhi med par
 pham par 'gyur ba'i chos kyis skur ba las/ de dus gzhan zhig na dris kyang rung ma dris kyang rung/ rtsod pa de yang gzhi med pa yin la/ dge slong yang zhe sdang la gnas pas zhe sdang gis smras so zhe na/ dge 'dun lhag ma'o zhes bca' ba mdzad de/ yul
 ni rgyal po'i khab/ gang zag ni mdza' bo dang sa la skyes gnyis/ nyon mongs pa ni mi bzod pa/ nyes pa ni gzhi med par skur ba 'debs pa'o/ /de la yang dge slong gang zhes bya ba ni/ dge slong mdza' bo dang sa las skyes sam/ gzhan yang de lta bu gang
 yin pa'o/ /khros shing zhes bya ba ni 'khrugs shing ste/ zhe sdang ma spangs pa'i phyir ro/ /zhe sdang bar gyur nas shes bya ba ni/ yid ma dga' bar gyur nas te/ zhe sdang gis kun nas dkris pa'i 'khrug pa ma bsal ba'i phyir ro/ /'dir khros shing zhe sdang
 bar gyur nas/ shes bya ba'i tshig gnyis ni/ gleng gzhi'i dbang gis gsungs par zad kyi/ de gnyis 'dir yan lag ni ma yin no/ /ci nas kyang 'di tshangs par spyod pa dang dbral lo snyam nas zhes bya ba ni/ ci nas kyang 'di dge sbyong gi tshul dang dbral lo snyam pa
 ste/ ci nas kyang zhes bya ba'i sgra ni srid pa'o/ /'di zhes bya ba'i sgra ni nges pa'o/ /tshangs par spyod pa/ zhes bya ba la/ tshangs pa zhes bya ba ni/ dka' thub ste tshul khrims so/ /spyod pa zhes bya ba ni/ de'i don du 'khrig pa'i chos spangs pa rnams kyi spyod
 pa'o/ de dang dbral lo snyam nas zhes bya ba ni/ de las nyams par bya ba'i bsam pa ste/ de dang dbral bar 'dod pa nyid kyis ltung ba 'byung gi /gang yang rung bas ni ma yin te/ 'dis de skad bstan pa yin no/ /dge slong dag pa zhes bya ba ni gyad bu
 nor ram/ gzhan yang de lta bu gang yin pa'o/ /'dir dge slong smos pas dge slong ma yang gzung bar bya ste/ 'dir dge slong yang rung dge slong ma yang rung pham par gyur pa byung yang rung ma byung yang rung ba'i yul la ltung ba 'di rnam par bzhag pa'i
 phyir ro/ /dag pa zhes bya ba ni/ gang gis skur bar gyur pa'i ngo bo de med pa'i phyir dag pa yin te/ de yang byung ba'i mdza' i dbang gis smos par zad kyi/ yan lag ni ma yin te/ 'dir ma dag pa la skur na yang ltung bar 'gyur te/ brdzun du smra
 ba gtso bo yin pa'i phyir ro/ /ltung ba bde ba la zhes bya ba ni gzhi de'i ltung ba med pa la ste/ de yang byung ba'i mdza' i dbang gis smos par zad kyi/ yan lag ni ma yin te/ ltung ba yod pa la yang rung med pa la yang rung zhes bya bar bsdu'o/ /
 gzhi med par zhes bya ba ni/ gzhi gsum po mthong ba'i gzhi dang/ thos pa'i gzhi dang/ dogs pa'i gzhi med par te/ brdzun gyi tshigs gis zhes bya ba'i tha tshig go /gzhi med par pham par 'gyur pa'i chos kyis zhes bya ba ni/ chos
 bzhi po gang yang rung ba ste/ de ni chos ma yin pa chos kyi sgrar gsungs pa yin no/ /dge slong ma'i yul la yang chos brgyad po gang yang rung bas zhes bya bar sbyar ro/ /skur ba las zhes bya ba ni/ skur ba btab pa la ste/ de nyid dang
 mi'i 'gro ba khyim pa 'am/ rab tu byung ba skyes pa dang bud med dang/ ma ning la sogs pa gang yang rung ba la/ mngon sum mam brgyud pa la sogs pa'i thabs gang yang rung bas brda sprad cing go bar byas pa las ltung ba 'di rnam par bzhag go /de dus gzhan zhig
 na zhes bya ba ni de dus gzhan na'o/ /dris kyang rung zhes bya ba ni gzhan dag gis so/ /ma dris kyang rung zhes bya ba ni/ de rang nyid 'gyod pa dang/ cung zad 'gyod pa dang/ rnam par 'gyod pa dang/ rab tu 'gyod par gyur nas so/ /rung zhes bya ba'i sgra gnyi gar
 smos pa ni/ gang yang dad ba bzung ba ste yan lag ni ma yin no/ /rtsod pa de yang zhes bya ba ni rtsod pa bzhi po 'thab pa'i phyir rtsod pa dang/ mi gdams pa'i phyir rtsod pa dang/ ltung ba'i phyir rtsod pa dang/ bya ba'i phyir rtsod pa dag ste/ 'dir ni ltung ba'i phyir rtsod pa
 gzung ngo/ gzhi med pa yin la zhes bya ba ni/ gzhi gsum po dag med pa yin la'o/ /dge slong yang zhe sdang la gnas pas zhes bya ba ni skur pa 'debs par 'dod pas so/ /zhe sdang gi smras so zhe na/ zhes bya ba ni skur ba btab par gyur to zhes zer
 na ste/ de dag kyang byung ba'i mdza' i dbang gis smos par zad kyi yan lag ni ma yin no/ /dge 'dun lhag ma'o zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ nyams par 'dun pas mthong ba dang/ thos pa dang/
 dogs pa'i gzhi med par brdzun du smra bas dge slong dang/ dge slong ma ma nyams pa dang/ nyams pa la pham par 'gyur ba'i chos kyis skur pa mi'i 'gro ba pa gang yang rung ba la/ thabs gang yang rung bas go bar byas na/ dge 'dun lhag mar
 'gyur ro/ /de'i bye brag ni ltung ba 'byin par byed pas pha rol po nyams par bya ba bskyed pa'i bsams pas mthong ba dang/ thos pa dang/ dogs pa dang/ gzhi gang yang rung bar brdzun pa'i tshig gis/ dge slong yang rung/ dge slong ma yang rung/ pham par 'gyur ba byung yang
 rung/ ma byung yang rung ba la pham par 'gyur ba'i chos gzhi 'am brgyad gang yang rung bas skur pa de nyid dang/ mi'i 'gro ba khyim pa 'am/ rab tu byung ba skyes pa dang/ bud med dang/ ma ning la sogs pa gang yang rung ba la mngon sum mam/ brgyad pa la sogs pa thabs
 gang yang rung bas brda sprad cing go bar byas na dngos gzhir 'gyur ro/ /'di'i byed pa po ni nyams par 'dun pas gzhi med par/ dge slong la pham par 'gyur ba'i chos kyis skur pa 'debs pa'o/ /'di la yan lag lngas dngos gzhi'i ltung bar 'gyur te/ nyams par
 'dun pa dang/ gzhi med par skur pa dang/ bsnyen par rdzogs pa dang/ pham par 'gyur ba'i chos dang/ don go ba'o/ de dag las yan lag ma tshang na ci rigs par na smad do/ /gzhi med par skur pa 'debs pa'i dge 'dun lhag ma ste brgyad pa'o// //
 gzhan gyi cha ma yin pa dang mthun pa'i dge 'dun lhag ma'i gleng gzhi ni/ sangs rgyas bcom ldan 'das rgyal po'i khab 'od ma'i tshal bya ka lan+ta ka'i gnas na bzhugs pa'i tshe/ tshe dang ldan pa gyad? bu nor rgyal po'i khab bya rgod phung po'i ri la/ rdzing bu rdo rtsigs can
 zhes bya ba'i 'gram na/ nyin mo gnas par byed do/ /de'i tshe dge slong ma utpa la'i mdog /tshe dang ldan pa gyad bu nor la phyag 'tshal du 'ongs pa dang/ dge slong mdza' bo dang sa la skyes gnyis kyang phyag dang khrod kyi gos shig 'khrur rdzing bu de'i 'gram du 'ongs so/ /de'i
 tshe na ri dags kyi khyu dag rdzing bu rdo rtsigs can du lhags nas chu 'thungs nas 'dod pa'i tshe/ /ri dags zhig ri dags mo zhig gi rgyab tu brgal te/ mi tshangs par spyod pa'i 'khrig pa'i chos bstan par brtsams pa dang/ mdza' bo dang sa la skyes
 gnyis kyis smras pa/ gyad bu nor 'di dge slong ma utpa la'i mdog la mi tshangs par spyod pa 'khrig pa'i chos bsten gyis/ 'dod la/ dge 'dun rnams la brjod par bya'o zhes bag tsam gyi cha las blangs te/ skur pa btab pa'i skabs te/
 dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang/ gleng gzhi 'di dang/ skabs 'di la dge slong gi dge 'dun bsdu ba mdzad de/ bslab pa bca' ba'i phan yon bcu yang dag par gzigs pas/ nga'i nyan thos
 rnams kyis 'dul ba la bslab pa'i gzhi 'di ltar gdon par bya ste/ yang dge slong gang khros shing zhe sdang bar gyur nas/ ci nas kyang 'di tshangs par spyod pa dang dbral lo snyam nas/ dge slong dag pa ltung ba med pa la gzhan gyi cha ma yin pa dang mthun pa pham par 'gyur
 ba'i chos kyis skur ba las de dus gzhan zhig na dris kyang rung ma dris kyang rung/ rtsod pa de yang gzhan gyi cha ma yin pa dang mthun pa yin la/ rtsod pa gzhan gyi cha ma yin pa dang mthun pas/ bag tsam las brtsams pa tsam gyi chos 'ga' zhig blangs par gyur la/
 dge slong de yang zhe sdang la gnas pas zhe sdang gis smras so zhes na/ dge 'dun lhag ma'o zhes bca' ba mdzad de/ yul ni rgyal po'i khab/ gang zag ni mdza' bo dang sa la skyes gnyis/ nyon mongs pa ni mi bzod pa/ nyes pa ni gzhan gyi cha ma yin pa dang mthun
 pas skur pa 'debs pa'o/ /de la yang dge slong khros shing zhe sdang bar gyur nas/ ci nas kyang 'di tshangs par spyod pa dang dbral lo snyam nas dge slong dag pa ltung ba med pa la zhes bya ba ni snga ma bzhin no/ /gzhan gyi cha ma yin pa dang mthun pa zhes bya ba la/
 gzhan zhes bya ba ni mya ngan las 'das pa'o/ /de'i cha ma yin pa dang mthun pa ni phan par 'gyur ba'i chos bzhi po dag go /pham par 'gyur ba'i zhes bya ba ni bzhi po gang yang rung ba'o/ /chos kyis zhes bya ba ni/ chos ma yin pa chos kyi sgrar gsungs pas so/
 de dus gzhan zhig na dris kyang rung ma dris kyang rung/ rtsod pa de yang gzhan gyi cha ma yin pa dang mthun pa yin la/ rtsod pa de gzhan gyi cha ma yin pa dang mthun pas zhes bya ba dag kyang snga ma bzhin no/ /bag tsam las bsams pa'i chos 'ga' zhig blangs par
 gyur la zhes bya ba la/ bag tsam las bsams pa tsam gyi zhes bya ba ni/ ri dags dang ri dags mo dang/ gzhan yang de lta bu gang yin pa'i 'o/ /chos zhes bya ba ni chos ma yin pa de chos kyi sgrar gsungs pa'o/ /blangs par gyur la zhes bya ba ni gzung bar
 gyur la'o/ /dge slong yang zhe sdang la gnas pas zhe sdang gis smras so zhe na/ dge 'dun lhag ma'o zhes bya ba dag kyang snga ma bzhin no/ /de la 'di'i dngos gzhi'i ltung ba rnam par bzhag pa la sogs pa gzhan thams cad ni gzhi med par skur ba 'debs
 pa'i skabs dang 'dra'o/ /bye brag tu na sngar brdzun du smra bas shes smos pa de'i bye brag 'ga' zhig 'dir brjod par bya ste/ 'dir ni brjod par bya ba gzhan la gnas pa'i tshig gis brdzun du smras na dngos gzhir 'gyur ro/ /zhes bya bar sbyar ro/ /de la
 brjod par bya ba gzhan zhes bya ba 'dis gang zag 'dis pham par 'gyur ba lhag par spyad par byas so zhes bya ba'i brjod par bya ba don gsal ba de la gzhan pa'i brjod bar bya ba don mi gsal ba'o/ /de la gnas pa'i tshig ces bya ba ni brjod
 par bya ba don mi gsal ba de la gnas pa'i tshig ste/ tshig des dge slong de nyams pa dang ma nyams pa gang yang rung ba la brdzun gyis pham par 'gyur ba'i skur ba 'debs pa/ mi'i 'gro ba pa gang yang rung ba la/ thabs gang yang rung bas go bar byed na
 dge 'dun lhag mar 'gyur ro/ /des ni 'di ltar 'gyur te/ nyams par 'dun pas brjod pa gzhan la gnas pa'i tshig brdzun pas/ dge slong dang dge slong ma/ nyams pa dang ma nyams pa la pham par 'gyur ba'i chos kyis skur pa mi'i 'gro ba gang yang rung ba
 la thabs gang yang rung bas go bar byas na/ dge 'dun lhag mar 'gyur ro/ /'di'i byed pa po nyams par 'dun pas brjod par bya ba gzhan la gnas pa'i tshig brdzun pas/ dge slong la pham pa'i chos kyis skur ba 'debs pa'o/ /
 'di la yan lag lngas dang? sa gzhi'i ltung bar gyur te/ nyams par 'dun pa dang/ brjod par bya ba gzhan la gnas pa'i tshig brdzun pas skur ba dang/ bsnyen par rdzogs pa dang/ pham par 'gyur ba'i chos dang/ don go ba'o/ de dag las yan lag ma
 tshang na ci rigs par na smad do/ /gzhan gyi cha ma yin pa dang mthun pa'i dge 'dun lha ma ste dgu pa'o// //dge 'dun gyi dbyen byed pa'i dge 'dun lhag ma'i gleng gzhi ni/ sangs rgyas bcom ldan 'das rgyal po'i khab na/ 'od ma'i
 tshal bya ka lan+ta ka'i gnas na bzhugs ba'i che mu ge nyam nga ba dgon pa slong mos pas bsod snyoms rnyed dka' ba byung ngo/ /de na dge slong gang dag rdzu 'phrul thob pa de dag ni/ shing 'dzam bu'i 'bras bu dang/ skyu ru ra dang/ pi pa dang/ ka bit+ta'i 'bras bu
 dang/ shing gzhan gyi 'bras bu dang/ sA lu'i 'bru dang/ lha yul gyi bdud rtsi dang/ yul gang dag 'byor ba rgyas pa/ bde ba lo legs pa/ skye bo dang mi mang pos gang ba de dag nas/ bca' ba dang bza' ba gtsang ba bsod pa dag blangs nas/ bdag nyid yongs
 su longs spyod par byed/ dge slong rnams la yang bgo bsha' byed do/ /de nas dge slong lhas byin 'di snyam du sems te/ bdag gis kyang gal te rdzu 'phrul thob par 'gyur na/ de lta de lta bu bya zhing/ bcom ldan 'das kyi 'khor dbye bar bya na/ de'i phyir bdag la
 rdzu 'phrul gyi lam ston par nus pa su yod snyam mo/ /de nas lhas byin bcom ldan 'das dang/ dge slong gnas brtan gnas brtan rnams kyi gan du song ste/ rdzu 'phrul gyi lam bstan par gsol ba dang/ lhas byin la sdig pa can gyi 'dod pa'i rnam pa de
 lta bu byung bar thugs su chud nas/ gang gis kyang ma bstan to/ /de nas lhas byin tshe dang ldan pa 'od srungs stobs bcu pa'i gan du song ste/ rdzu 'phrul gyi lam bstan par gsol ba dang/ des lhas byin la sdig pa can gyi 'dod pa'i rnam pa de lta bu de byung ba la rnam
 par ma bltas par rdzu 'phrul gyi lam bstan to/ /de nas lhas byin gyis bsam gtan dang po la brtan nas/ /'jig rten pa'i lam gyis rdzu 'phrul mngon par bsgrubs te thob nas/ des glang po mthu dang ldan pa phrug gu rigs btsun pa zhig tu bdag nyid sprul nas/ rgyal
 bu gzhon nu ma skyes dgra'i khyim du zhugs shing phyir byung nas/ yang skyes phran gzhon nu gser gyi 'og pag can zhig tu bdag nyid bsgyur nas gzhon nu ma skyes dgra'i pang pa na 'dre bar byed/ ldog par byed cing/ gzhon nu ma skyes dgra yang de la 'byung? bar byed/ kha
 sbyor bar byed/ kun tu 'khyud par byed cing/ de'i khar mchil ma yang ldugs par byed do/ /gzhon nu ma skyes dgras kyang de lhas byin yin par shes nas/ kye ma 'phags pa lhas byin/ ston pa bas kyang ches rdzu 'phrul che ba yin no snyam pa'i sdig pa can gyi
 lta ba rgya chen po thob par gyur cing/ de la dad par gyur nas/ dad pa'i ched du bya ba byed par gyur te/ nang? par dang rgongs kar shing rta lnga brgya tsam gyi 'khor dang lhan cig byung zhing de la bsnyen bkur byed do/ /de la zas g.yos su byas shing snod du btsos pa sna lnga
 brgya tsam gyi tshom bu tshom bu dag kyang 'bul bar byed do/ /lhas byin yang dge slong lnga brgya tsam dang lhan cig zas kyi gral du bkad par byed do/ /de nas dge slong rab tu mang po dag gis de thos nas/ bcom ldan 'das la gsol pa dang/ bcom ldan 'das kyis
 kyang smad pa mdzad do/ /de nas lhas byin rnyed pa dang bkur stis nan cing sems yongs su gtugs pa la/ sdig pa can gyis 'dod pa'i rnam pa 'di lta bu 'di byung ste/ de ltar bcom ldan 'das ni/ rgan pa rgas pa dgog tu gyur pas 'khor bzhi po la/ 'doms
 pas ngal bar 'gyur bas/ kye ma bcom ldan 'das kyis dge slong gi dge 'dun bdag la btang bar gyur na/ bdag gis kyang dge slong gi dge 'dun yongs su drang par bya zhing/ bcom ldan 'das kyang tshe 'di la bde bar gnas pa la sbyor
 ba'i rjes su brtson pas thugs las chung ngur gnas par 'gyur snyam mo/ /des sems de lta bu skyed ma thag tu/ de'i rdzu 'phrul yongs su nyams par gyur cing/ yongs su nyams kyang bdag yongs su nyams so snyam du mi shes par gyur to/ /de nas tshangs pa
 nog can gyis de tshor nas/ tshe dang ldan pa maung+gal gyi bu chen po la sbran pa dang/ tshe dang ldan pa maung+gal gyi bu chen pos/ bcom ldan 'das la gsol to/ /de'i skabs su lhas byin gyis grogs dge slong bzhi po/ ko ka li ka dang/ khan da drab bya dang/ ka ta mo ra ka
 tis sh+ya dang/ rgya mtshos byin dang/ lhan cig bcom ldan 'das ga la ba der song ste/ dge 'dun gyi dbyen bya bar brtsams nas/ bcom ldan 'das kyis dge slong rnams la bka' stsal pa/ dge slong dag khyod kyis lhas byin dang/ gzhan yang de lta bu gang yin
 pa la dang por bzhams te bsgo bar bya'o/ /de'i 'og tu gsol ba dang bzhi'i las kyis bsgo bar bya'o/ /dge slong rnams kyis da ltar bsgo yang de gzhi de nyid la nan tan gyis mchag tu bzung zhing mngon par zhen nas/ 'di nyid bden gyi gzhan ni brdzun pa'o zhes
 rjes su tha snyad 'dogs par byed do/ /de'i grogs byed pa dge slong bzhi po dag kyang mi mthun par smra ba'i rjes su phyogs par byed nas/ bcom ldan 'das kyis dge slong rnams la bka' stsal pa dge slong dag khyed kyis de dag dang gzhan yang de lta bu
 gang dag yin pa de dag la yang dang por bzhams te bsgo bar bya'o/ /de'i 'og tu gsol ba dang bzhi'i las kyis bsgo bar bya'o/ /dge slong rnams kyis de dag la de ltar bsgo yang/ de dag gzhi de nyid la/ nan tan gyis mchog tu bzung
 zhing mngon par zhen nas/ 'di nyid bden gyi gzhan ni brdzun pa'o zhes rjes su tha snyad 'dogs par byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis dge slong rnams la bka' stsal pa/ dge slong dag lhas
 byin gyis ni/ de'i nyan thos kyi dge 'dun dbye ba dang/ 'khor lo yang 'byed par nus te/ 'di ltar de'i grogs byed pa'i dge slong mi mthun par smra ba nyid kyi rjes su phyogs pa bzhi po dag yod pa'i phyir ro/ /lhas byin gyis de thos nas/ rjes su phyogs pa'i
 dge slong bzhi po dag la sbran te/ rgya cher dge 'dun mthun pa dbye ba'i phyir brtul bar brtsams te/ dge 'dun gyi dbyen ni rgyu nyid kyis 'gyur te/ chos las tha dad pa'i dngos por gsol bar dbyen byed pa dang/ don des tshul shing len du 'jug par dbyen byed pa'o/ /
 gnas lhas byin gyis gsol ba byas te/ tshul shing brims nas de'i grogs byed pa'i dge slong bzhi po dag gis kyang chos ma yin pa'i tshul shing blangs te/ 'khor lo bya'o/ /chos nyid kyis na de bzhin gshegs pa'i 'khor lo bye ba ni nyi ma de nyid kyi skya rengs ma
 shar bar slar mthun par 'gyur bar yin gyi/ skya rengs 'char ba las 'da' ba ni mi srid pas/ des rgya cher dge 'dun mthun pa dbye ba'i phyir brtul ba brtsams pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba
 'di dang/ gleng gzhi 'di dang/ skabs 'di la dge slong gi dge 'dun bsdu ba mdzad de/ lhas byin la rmas nas rnam grangs du mas smad de/ bslab pa bca' ba'i phan yon bcu yang dag par gzigs pas/ de'i nyan thos rnams kyis 'dul ba la bslab pa'i
 gzhi/ 'di ltar gdon par bya ste/ yang dge slong gang dge 'dun mthun pa dbye ba'i phyir/ brtul par byed cing dbyen byed par 'gyur ba'i rtsod pa yang dag par blangs nas/ rab tu bzung ste 'dug na/ dge slong de la dge slong rnams kyis 'di skad ces/ tshe dang
 ldan pa khyod/ /dge 'dun mthun pa dbye ba'i phyir brtul bar ma byed cig dbyen byed par 'gyur ba'i rtsod pa yang dag par blangs nas/ rab tu bzung ste ma 'dug shig /tshe dang ldan pa dge 'dun dang mthun par gyis shig /dge 'dun
 mthun mi phyed kun tu dga' mi rtsod mchog gcig 'don pa gcig cing/ chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par 'gyur gyis/ tshe dang ldan pa khyod dge 'dun 'byed par byed pa'i gzhi 'di lta bu 'di
 thong zhig ces bsgo bar bya'o/ /dge slong de la dge slong rnams kyis de skad bsgo ba na/ gal te gzhi de gtong na de lta na legs/ gal te mi gtong na gzhi de gtong bar bya ba'i phyir/ lan gnyis lan gsum du yang dag par bsgo bar bya/ yang dag par bstan par
 bya'o/ /lan gnyis lan gsum du yang dag par bsgo/ yang dag par bstan pa na/ gzhi de gtong na de lta na legs/ gal te mi gtong na dge 'dun lhag ma'o zhes bca' ba mdzad de/ yul ni rgyal po'i khab/ gang zag ni lhas byin/ nyon mongs pa ni rnyed pa dang
 bkur sti 'dod pa/ nyes pa ni dge 'dun gyi dbyen byed pa'o/ /de la yang dge slong gang zhes bya ba ni lha sbyin nam/ gzhan yang de lta bu gang yin pa'o/ /dge 'dun zhes bya ba ni/ de bzhin gshegs pa'i nyan thos kyi dge 'dun no/ /mthun pa zhes bya ba
 ni/ rtags dang/ las dang/ tshul khrims dang/ lta ba dang/ spyod pa dang/ 'tsho bas ro gcig pa dang/ bya ba gcig pa ste/ lam gcig tu zhugs pa'i phyir ro/ /dbye ba'i phyir zhes bya ba ni/ dbyen bya ba'i phyir te/ gnyis su bya ba'i phyir ro/ /
 gzhan yang ston pa gzhan du tshol ba dang/ lam gzhan du tshol ba ste/ ston pa gzhan du tshol ba ni/ bcom ldan 'das las lhas sbyin gyi phyogs su ston pa tshol ba'o/ /lam gzhan du tshol ba ni/ 'phags pa'i lam brgyad las/ lhas
 sbyin gyi brtul zhugs gyi gnas lnga po/ sham za ba dang/ 'o ma mi btung ba dang/ lan tsha mi za ba dang/ gos dras pa mi gyon pa dang/ grong du gnas par bya ba yang dag par len pa'o/ /brtul bar byed cing zhes bya ba ni rtsol par byed cing ngo/ /dbyen byed
 par 'gyur pa'i rtsod ba yang dag par blangs nas rab tu bzung ste/ 'dug na zhes bya ba ni/ ko ka li ka dang/ khan nga drab bya dang/ ka ta mor ka ti sh+ya dang/ rgya mtshos byin yang dag par blangs nas rab tu bzung ste 'dug na'o/ /dbyen byed par 'gyur ba zhes bya ba ni/ rgyu
 gnyis kyis dbyen byed de/ 'grogs pa dang/ longs spyod kyis so/ /ji ltar 'grogs pas shes na/ ko ka li ka la sogs pa dang/ 'grogs pas so/ /ji ltar longs spyod pas shes na/ ma skyes dgra las zas g.yos byas pa/ snod lnga brgyas dge slong kha 'dren
 cing longs spyod pas so/ /rtsod pa zhes bya ba ni 'khrug long gi rgyu ste/ 'dir ni 'thab pa'i phyir rtsod pa bzung ngo/ /yang dag par blangs nas zhes bya ba ni/ de la dmigs nas so/ /rab tu bzung ste 'dug na zhes bya ba ni/ ngam du bzung ste 'dug na'o/ /dge slong de la
 zhes bya ba ni/ lhas byin nam gzhan yang de lta bu gang yin pa'o/ /dge slong rnams kyis zhes bya ba ni/ chos 'di ba rnams kyis so/ /'di skad ces zhes bya ba ni bzhams te bsgo par bya ba'o/ /tshe dang ldan pa khyod dge 'dun mthun pa dbye ba'i phyir brtul bar ma byed
 ces bya ba ni/ rtsol bar ma byed ces pa ste/ chos las tha dad pa'i dngos por gsol bas/ dbyen byed pa dang/ don des tshul shing len du 'jug pas dbyen byed pa thong zhig ces bya ba'i tha tshig go /dbyen byed par 'gyur ba'i rtsod pa yang dag par blangs pas
 rab tu bzung ste ma 'dug cig ces bya ba na/ 'grogs pa dang/ longs spyod pas dbyen byed par 'gyur ba'i rtsod pa de la dmigs nas/ dam du bzung ste ma 'dug zhig ces pa'o/ /tshe dang ldan pa dge 'dun mthun par gyis shig ces bya ba ni tshul khrims na thun
 pa dang/ lta ba mthun pa dang/ 'tsho ba mthun pa dang/ spyod pa mthun par gyis shig ces pa'o/ /dge 'dun mthun mi phyed kun tu dga' mi rtsod mchog gcig 'don pa gcig cing zhes bya ba la/ mthun zhes bya ba ni bya ba gcig pa ste/
 lam gcig tu zhugs pa'i phyir ro/ /mi phyed ces bya ba ni 'dres pa ste/ chos dang zang zing gi longs spyod dang/ phan tshun 'dun pa 'bul bas bar du chod pa med pa'o/ /kun tu dga' zhes bya ba ni/ phan tshun yon tan brjod pa dang/ dge ba'i phyogs
 la 'phel bas kun tu dga' ba'o/ /mi rtsod pa zhes bya ba ni rtsod pa ma byung ba ste/ phan tshun lta ba dang 'dod pa log par smra ba spangs te'o/ /mchog cig ces bya ba ni/ 'bras bu gcig pa ste/ mya ngan las 'das pa'i 'bras bu mchog gcig dang ldan pa'i
 phyir ro/ /yang na dmigs pa gcig pa ste/ mnyam par bzhag pa'i sems ni mnyam par 'jog la/ mnyam par bzhag pa ni so sor bsrung ba'i phyir ro/ /'don pa gcig cing zhes bya ba ni/ gso sbyong mthun pa ste/ phan tshun brjod du rung ba de so sor thar pa
 'don pa tha dad pa med pa'i phyir ro/ /chu dang 'o ma gcig tu 'dres pa lta bur gyur la zhes bya ba ni/ gzhan gyis kha drang du mi rung ba des mthun pa'i dpe ste/ dgag dbye la sogs pa las mthun pa'i phyir ro/ /ston pa'i bstan pa gsal bar byed na zhes
 bya ba la/ ston pa ni bcom ldan 'das so/ /bstan pa ni sde snod gsum ste/ 'dod chags dang zhe sdang dang gti mug 'dul bar byed pa'o/ /gsal bar byed na zhes bya ba ni/ lung nod pa dang/ klog pa dang/ kha ton byed pa la sogs pas rab tu ston par byed
 na'o/ /bde ba la reg par gnas par 'gyur gyis zhes bya ba ni/ mya ngan las 'das pa thob par 'gyur ba ste/ bde ba ni tshe 'di la bde bar gnas pa bsam gtan bzhi po rnams so/ /de dag la reg pa ni 'phags pa'i rigs bzhi la brten pa'i rim gyis bsam
 gtan bzhi po dag la brten nas/ 'phags pa'i bden pa bzhi mngon par rtogs shing/ dge sbyong gi 'bras bu bzhi po la reg pa'o/ /yang na lus dang mthun pa ni bde ba yin la/ bde ba dang mthun pa ba ni reg pa yin no/ gnas par gyur gyis zhes bya ba ni 'thob par 'gyur
 zhes bya ba'o/ /tshe dang ldan pa khyod dge 'dun 'byed par byed pa'i gzhi 'di lta bu 'di thong zhig ces bsgo bar bya'o zhes bya ba ni/ 'byed par byed pa'i rgyu yin pa'i phyir 'byed pa'i gzhi ste/ de thong zhig ces bsgo bar bya ba ni bzhams te bsgo bar bya'o/ /dge slong de la dge slong rnams
 kyis de skad bsgo ba na/ zhes bya ba ni bzhams te bsgo ba na'o/ /gal te gzhi de gtong na zhes bya ba ni/ gal de lta ba de yongs su gtong na'o/ /de lta na legs zhes bya ba ni de lta na bzang ste/ rtsom pa'i nyes byas gcig byung bar zad kyi/ nyes pa sbom po yang ma byung ba'i phyir ro//
 gal te mi gtong na zhes bya ba ni/ gzhi de yongs su mi gtong na ste/ de ltar bzhams te bsgo ba ni mi gtong na/ rtsom pa la nyes byas gcig dang/ bzhams te bsgo ba ma btang ba'i mthar nyes pa sbom po gcig kyang 'byung ngo/ /gzhi de gtong bar bya ba'i phyir lan gnyis
 lan gsum du yang dag par bsgo bar bya yang dag par bstan par bya'o zhes bya ba ni/ /gsol ba dang bzhi'i las kyis bsgo bar bya ste/ lan gnyis lan gsum du zhes bya ba ni/ gsol ba gcig dang las brjod pa gsum bya ba'o/ /yang dag par bsgo bar bya ba ni kun tu dri ba 'am/
 dge ba la gzhug par bya ba'o/ /yang dag par bstan par bya ba ni/ dbyen las bzlog par bya ba'am mi dge ba las bzlog par bya ba'o/ /lan gnyis lan gsum du yang dag par bsgo/ yang dag par bstan par gzhi de gtong na de lta na legs zhes bya ba ni/ de lta na bzang
 ba ste/ dge 'dun lhag ma'i dngos gzhi'i ltung ba ma byung ba'i phyir ro/ /sngar ni sbyor ba brtsams pa la nyes byas gcig go /bzhams te bsgo ba ma btang ba'i mthar yang nyes pa sbom po gcig go /gsol ba byas pa rdzogs pa'i mthar yang nyes pa sbom po gcig go /
 las brjod pa dang po byas pa rdzogs pa'i mthar yang nyes pa sgom po gcig go /las brjod pa gnyis pa byas pa rdzogs pa'i mthar yang nyes pa sbom po gcig go /gal te mi gtong na dge 'dun lhag ma'o zhes bya ba ni/ las brjod pa gsum dang/
 mjug sdud pa rdzogs pa'i mthar dge 'dun lhag ma'i dngos gzhi gcig 'byung ba'o/ /dge 'dun lhag ma zhes bya ba ni snga ma bzhin te/ des na dge 'dun lhag ma'o zhes gsungs so/ de la 'dir dngos gzhi'i ltung ba rnam par bzhag pa ni/ dge 'dun gyi dbyen byed pa rtul
 bar byed pa nyid mi gtong na/ dge 'dun lhag mar 'gyur ro/ /de'i bye brag ni ston pa bzhugs pa'i tshe/ de bzhin gshegs pa'i nyan thos kyis dge 'dun mthun pa'i tshogs las/ dge 'dun bzhi yan chad logs shig tu bkar te/ chos dang zang zing gi longs spyod tha dad
 par byed pa la dge 'dun gyis bzhams te bsgo ba dang/ gsol ba dang bzhi'i las kyis bzlog pa na/ las brjod pa gsum pa mjug sdud pa dang bcas pa'i mthar mi gtong na/ dge 'dun lhag ma'i dngos gzhir 'gyur ro/ /'di'i byed pa po ni/ ston pa bzhugs bzhin
 du dbyen byed pa'o/ /'di la yan lag lngas dngos gzhi'i ltung bar 'gyur te/ ston pa bzhugs pa dang/ dge 'dun du longs pa dang/ dge 'dun gyi dbyen la brtun par byed pa nyid dang/ chos dang mthun pas bzlog pa dang/ las brjod pa gsum pa'i mthar mi gtong
 pa'o/ /de dag las yan lag ma tshang na ci rigs par na smad do/ /dge 'dun gyi dbyen byed pa'i dge 'dun lhag ma ste bcu pa'o// //bam po lnga pa/ /de'i rjes su phyogs pa'i dge 'dun lhag ma'i gleng gzhi ni/ dge 'dun gyi dbyen byed pa'i dge 'dun lhag
 ma'i gleng gzhi dang gcig go /khyad par du na de ltar bcom ldan 'das kyis dge 'dun gyi dbyen byed pa'i gleng gzhi dang/ bslab pa bca' ba dang/ ltung ba rnams par bzhag pa'i mjug thogs su/ de nas bcom ldan 'das kyis gang na de nyid la bzhugs bzhin du
 'dul ba la nyan thos rnams kyi bslab pa'i gzhi'i gnyis pa bca' bar bzhed nas/ dge slong rnams la bka' stsal pa/ dge slong dag dge 'dun gyi bya ba cung zhig yid kyis/ re shig stan las ma ldang zhig /sangs rgyas bcom ldan 'das rnams ni mkhyen bzhin du
 rmed par mdzad pas/ bcom ldan 'das kyis ko ka li ka dang/ kha nad drab bya dang/ kata mor ka ti sh+ya dang/ rgya mtshos byin rnams la/ khyed shes bzhin du dge slong gang dge 'dun mthun pa dbye ba'i phyir brtul bar byed cing/ dbyen byed par 'gyur ba'i rtsod pa yang dag
 par blangs nas/ rab tu bzung ste 'dug pa de'i grogs byed cing mi mthun pas smra ba'i rjes su phyogs pa bden nam/ btsun pa med do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang
 mthun pa ma yin pa/ de ni rab tu byung bas bya ba ma yin no/ /zhes bya ba la sogs pa rnam grangs du mas smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/
 dge slong de'i grogs byed pa'i dge slong mi mthun par smra ba nyid kyi rjes su phyogs pa gcig gam/ gnyis sam mang po dag yod cing/ gal te de dag dge slong rnams la 'di skad ces/ tshe dang ldan pa khyed cag dge yang rung sdig kyang rung/ dge slong 'di la ci
 yang ma smra zhig de ci'i phyir zhe na/ tshe dang ldan pa dag /dge slong 'di ni chos smra ba/ 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong 'di ni shes bzhin du smra'i/ mi shes
 par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes smra na/ dge slong de dag la dge slong rnams kyis/ 'di skad ces tshe dang ldan pa dag /khyed cag de skad ces tshe dang ldan pa khyed cag dge yang rung/ sdig kyang
 rung/ dge slong 'di la ci yang ma smra zhig /de ci'i phyir zhe na/ tshe dang ldan pa dag /dge slong 'di ni chos smra ba 'dul ba smras ba/ dge slong 'di ni chos dang 'dul ba yang dag par blangs nas rab tu bzung ste/ rjes su tha snyad 'dogs par byed
 pa/ dge slong 'di ni shes bzhin du smra'i/ mi shes par ma yin pa'i phyir te/ dge slong 'di gang la 'dod cing bzod pa de la/ bdag cag kyang 'dod cing bzod do zhes ma zer zhig /de ci'i phyir zhe na/ tshe dang ldan pa dag /dge slong 'di ni chos smra ba ma yin/
 'dul ba smra ba ma yin gyi/ tshe dang ldan pa dag dge slong 'di ni chos ma yin pa smra ba/ 'dul ba ma yin pa smra ba/ dge slong 'di ni chos dang 'dul ba ma yin pa yang dag par blangs nas/ rab tu bzung ste rjes su tha snyad 'dogs par byed pa/ dge slong 'di ni mi
 shes bzhin du smra'i/ shes par ma yin pa'i phyir te/ dge slong 'di gang la 'dod cing bzod pa de la/ tshe dang ldan pa dag 'dod cing bzod par ma byed cig /tshe dang ldan pa dag /khyed dge 'dun 'byed par 'dod par ma byed par/ tshe dang ldan pa dag dge 'dun mthun pa
 nyid du 'dod par gyis shig /tshe dang ldan dag dge 'dun dang mthun par gyis shig /dge 'dun mthun mi phyed/ kun tu dga' / mi rtsod/ mchog gcig 'dod pa gcig cing/ chu dang 'o ma gcig tu 'dres pa ltar gyur la/ ston pa'i bstan pa bsal bar byed na/ bde
 ba la reg par gnas par 'gyur gyis tshe dang ldan pa dag /dge 'dun 'byed pa'i rjes su phyogs shing mi mthun par smra ba 'di lta bu 'di thong zhig ces bsgo bar bya'o/ /dge slong de dag la dge slong rnam kyis de skad ces bsgo ba na/ gal te gzhi de gtong na
 de lta na legs/ gal te mi gtong na gzhi de nyid gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de
 gtong na de lta na legs/ gal te mi gtong na dge 'dun lhag ma'o zhes bca' ba mdzad de/ yul ni rgyal po'i khab/ gang zag ni ko ka li ka dang/ khan da drab bya dang/ ka ta mo ra ka ti sh+ya dang/ rgya mtshos byin/ nyon mongs pa ni dbyen byed par 'dod pa/ nyes pa ni de'i rjes su phyogs
 pa'o/ /de la dge slong de'i zhes bya ba ni/ lhas byin gyi'o/ /grogs byed pa'i dge slong zhes bya ba ni/ ko ka li ka dang/ khan da drab bya dang/ ka ta mor ka ti sh+ya dang/ rgya mtshos byin dag go /mi mthun par smra ba nyid kyi rjes su phyogs pa zhes bya ba ni/ lta ba de dag dang/ 'dod pa de
 dag dang/ bsam pa de dag dang ldan pa'o/ /gcig gam gnyis sam mang po dag yod cing/ zhes bya ba ni grangs su rung ba ste/ gnyis las lhag pa na mang po'o/ /gal te de dag ces bya ba ni/ rjes su phyogs pa de dag go /dge slong rnams la zhes bya ba ni/ chos 'di pa
 rnams la'o/ /'di skad ces zhes bya ba ni/ rjes su phyogs pa'i tshig 'di skad ces zer na'o/ /tshe dang ldan pa dag khyed cag dge yang rung zhes bya ba ni/ dge ba la sbyor bar yang ma byed cig ces pa'o/ /sdig kyang rung zhes bya ba ni/ sdig pa las zlog par yang ma byed cig
 ces pa'o/ /dge slong 'di la zhes bya ba ni lhas byin la'o/ /ci yang ma smra zhig ces bya ba ni/ cung zad ma smra zhig pa'o/ /de ci'i phyir zhe na/ tshe dang ldan pa dge slong 'di ni chos smra ba 'dul ba smra ba'o zhes bya ba la/ chos smra ba zhes bya ba ni rigs pa smra ba'o/ /'dul
 ba smra ba zhes bya ba ni lung gi rjes su 'brang ba'o/ /gzhan yang chos ni 'phags pa'i lam yan lag brgyad pa las/ yang dag pa'i lta ba dang/ yang dag pa'i rtogs pa dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge
 'dzin to/ /'dul ba ni yang dag pa'i dag dang/ yang dag pa'i las kyi mdza' dang/ yang dag pa'i 'tsho ba'o/ /gzhan yang chos smra ba ni don dang ldan par smra ba'o/ /'dul ba ni 'jam zhing mdza' pa ltar ro/ /de yang rjes su phyogs pa rnams kyis bsngags
 bar zad kyi/ lhas byin de dang ldan pa ni ma yin no/ /dge slong 'di ni chos dang 'dul ba yang dag par rab tu blangs te bzung ste/ rjes su tha snyad 'dogs par byed pa'o zhes bya ba ni/ chos ji lta ba dang/ 'dul ba ji lta ba dang/ ston pa'i
 bstan pa ji lta ba de ltar rjes su tha snyad 'dogs par byed pa ste/ yang dag par blangs nas zhes bya ba ni de la dmigs nas so/ /rab tu bzung ste zhes bya ba ni/ dam du bzung ste zhes bya ba'i tha tshig go /dge slong 'di ni shes bzhin du smra'i/ mi shes par ma yin pa'i phyir
 te zhes bya ba ni/ don rtogs pa yin gyi don ma rtogs pa ma yin pa'i phyir ro/ /dge slong 'di gang la 'dod cing bzod pa de la bdag cag kyang 'dod cing bzod do zhes smra na zhes bya ba ni/ dge slong lhas sbyin 'di ga ni gang la 'dod cing bzod pa de la bdag cag
 kyang 'dod cing bzod do/ /zhes zer na ste/ 'dod cing zhes bya ba ni/ yid dang mthun pa'i sgo nas so/ /bzod pa zhes bya ba ni rigs pas rtogs pa'i sgo nas te/ /re zhig de dag ni rjes su phyogs pa'i tshig yin no/ /dge slong de dag la zhes bya ba ni/ ko
 ka li ka dang/ khan da drab bya dang/ ka ta mo ra ka ti sh+ya dang/ rgya mtshos byin dag la'o/ /dge slong rnams kyis zhes bya ba ni chos 'di pa rnams kyis so/ /'di skad ces tshe dang ldan pa dag khyed cag de skad ces/ tshe dang ldan pa dag khyed cag dge yang
 rung sdig kyang rung/ dge slong 'di la ci yang ma smra zhig /ces bya ba la sogs par bzhams te bsgo bar bya'o/ /dge slong de dag la dge slong rnams kyis de skad bsgo ba na zhes bya ba ni bzhams te bsgo ba de skad ces bsgo ba na'o/ /gal te gzhi de gtong na zhes
 bya ba ni/ gal te lta ba de yongs su gtong na'o/ /de lta na legs zhes bya ba ni/ de ltar ni bzang ba ste/ rtsom pa'i nyes byas gcig byung bar zad kyi/ nyes pa sbom po yang na? byung ba'i phyir ro/ /gal te mi gtong na zhes bya ba ni gzhi de yongs su mi
 gtong na ste/ de ltar bzhams te bsgo ba mi gtong na rtsom pa la nyes byas gcig dang/ bzhams te bsgo ba ma btang ba'i mthar nyes pa sbom po gcig kyang 'byung ngo/ /gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par
 bstan par bya'o zhes bya ba ni/ gsol ba dang bzhi'i las kyis bsgo bar bya ba'o/ /lan gnyis lan gsum du zhes bya ba ni/ gsol ba gcig dang las brjod pa gsum du bya ba'o/ /yang dag par bsgo /yang dag par bstan par ni snga ma bzhin no/ /lan gnyis lan
 gsum du yang dag par bsgo yang dag par bstan pa na gzhi de gtong na de lta na legs zhes bya ba ni de lta na bzang ba ste/ dge 'dun lhag ma'i dngos gzhi'i ltung ba ma byung ba'i phyir ro/ /sngar ni sbyor ba brtsams pa la nyes byas gcig go /bzhams te bsgo
 ba ma btang ba'i mthar nyes pa sbom po gcig go /gsol ba byas pa rdzogs pa'i mthar yang nyes pa sbom pa gcig go /las brjod pa dang po byas pa rdzogs pa'i mthar yang nyes pa sbom po gcig go /las brjod pa gnyis pa byas pa rdzogs pa'i mthar yang
 nyes pa sbom po gcig go /gal te mi gtong na dge 'dun lhag ma'o zhes bya ba ni brjod pa gsum pa dang/ mjug sdud pa rdzogs pa'i mthar dge 'dun lhag ma'i dngos gzhi'i gcig 'byung ba'o/ /dge 'dun lhag ma zhes bya ba ni snga ma bzhin te/ des na dge 'dun
 lhag ma'o zhes gsungs so/ /de la 'dir dngos gzhi'i ltung ba rnam par bzhag pa ni/ dge 'dun gyi dbyen byed pa de'i grogs nyid rjes su sgrub pa byed pa mi gtong na dge 'dun lhag mar 'gyur ro/ /de'i bye brag ni ston pa bzhugs pa'i tshe/ gang zag gang
 de bzhin gshegs pa'i nyan thos kyi dge 'dun mthun pa'i tshogs las dge slong bzhi yan chad logs shig tu dkar te/ chos dang zang zing gi longs spyod tha dad par byed pa de'i rjes su phyogs shing grogs nyid du rjes su sgrub par byed pa la dge 'dun gyis
 bzhams te bsgo ba dang/ gsol ba dang bzhi'i las kyis bzlog pa na/ brjod pa gsum pa'i mjug sdud pa dang bcas pa'i mthar mi gtong na dge 'dun lhag ma'i dngos gzhir 'gyur ro/ /'di'i byed pa po ni ston pa bzhugs bzhin dge
 'dun gyi dbyen byed pa'i rjes su phyogs pa'o/ /'di la yan lag lngas gzhi'i ltung bar 'gyur te/ ston pa bzhugs pa dang/ dge 'dun du longs pa dang/ dge 'dun gyi dbyen pa'i rjes su phyogs pa dang/ chos dang mthun pas bzlog pa dang/ las
 brjod pa gsum pa'i mthar mi gtong ba'o/ /de dag las yan lag ma tshang na ci rigs par na smad do/ /de'i rjes su phyogs pa'i dge 'dun lhag ma ste bcu gcig pa'o// //khyim sun 'byin pa'i dge 'dun lhag ma'i gleng gzhi ni/ sangs
 rgyas bcom ldan 'das mnyan yod na/ /rgyal byed kyi tshal mgon med zas sbyin gyi kun dga' ra ba na bzhugs pa'i tshe/ re lde ri la dge slong 'gro mgyogs dang/ nab so gnyis dang/ dge slong dmar ser can dag khyim sun 'byin pa sdig pa'i
 chos kun tu spyod pa dag 'khod de/ de dag dge sbyong gi las ma yin pa dag byed cing/ byed du 'jug pa'i spyod tshul dang/ spyod pa dang/ log par sgrub pa des/ re lde ri la dge slong ma 'ongs pa dag kyang mi 'ong la/ 'ongs pa dag kyang mngon par mi
 dga' zhing/ re lde'i ri'i gnas spong bar byed do/ /re lde'i ri la gnas pa'i bram ze dang/ khyim bdag dag kyang yid mi dga' zhing zhe bcil bar gyur nas/ dge slong gnyug mar gnas pa dag la yang bsod snyoms 'bul ba dang/ bya bar sems
 pa dka' na glo bur du lhags pa rnams la lta smos kyang dgos par gyur to/ /ji tsam dus gzhan zhig na/ tshe dang ldan pa kun dga' bo/ yul ka shi ka dag tu ljongs rgyu zhing 'gro ba na re lde rir phyin nas/ snga dro sham thabs dgos/ lhung bzed dang
 chos gos thogs te/ re lde ri la bsod snyoms la zhugs pa na/ ji ltar lhung bzed bkrus pa kho nas bsod snyoms la zhugs pa de ltar lhung bzed bkrus pa kho nas tha na slongs mo cig sbyin pa yang ma thob/ phyir gtong ba yang ma thob par phyir byung ngo/ /de nas
 tshe dang ldan pa kun dga' bo 'di snyam du sems te/ sngon ni re lde ri 'di 'byor pa dang/ rgyas pa dang/ bde ba dang/ lo legs pa dang/ skye bo dang/ mi mang pos gang bar gyur la/ 'dir slongs mo pas kyang bsod snyoms rnyed sla bar gyur na/ da de lta ba
 yin pa las na/ 'dir bcom ldan 'das kyi nyan thos byis pa/ blun pa mi gsal ba/ mi mkhas pa 'ga' zhig gis nyon mongs pa'i dbang du gyur pas/ spyod yul lam spyod yul gyi spyod lam mam/ rigs kyi bud med dam/ rigs kyi gzhon nu ma dag la
 kun tu smras pa 'am/ nom pa 'am/ nyug pa byas par ma gyur tam snyam nas/ re lde ri ba'i bram ze dang/ khyim bdag rnams kyi dpong sa'i gnas na/ bram ze dang khyim bdag lnga brgya tsam bya ba zhig gi phyir 'dus te mthun par gyur pa la dris na/ de rnams
 dbang po phyir blan te 'khod do/ /de'i tshe na dge bsnyen chu rgyun can 'khor de nyid du 'dug cing mthun pa gyur pas/ tshe dang ldan pa kun dga' bo'i lag pa gnyis nas bzung ste/ mdza' gcig tu khrid nas/ ji ltar gyur pa de brjod de/ don 'di bcom ldan
 'das la rgyas par gsol zhig ces smras nas/ tshe dang ldan pa kun dga' bo rang gi sdum par bsod snyoms gsol te/ tshe dang ldan pa kun dga' bos kyang de la chos bstan nas/ mnyan yod du song ste/ ji ltar gyur pa bcom ldan 'das la gsol
 pa dang/ bcom ldan 'das kyis bka' stsal pa/ kun dga' bo khyod dge slong gnas brtan gnas brtan rnams dang/ lhan cig re lde ri la song la/ lam gyi bar du 'dug ste/ dge slong 'gro mgyogs dang/ nab so gnyis bskrad pa'i gleng ba po
 dge slong chos lnga dang ldan pa spro bar bya ste/ gsol ba dang gnyis kyi las kyis bsgo bar bya zhing/ des glengs la/ ltung ba ma mthong ngo zhes zer na gsol ba dang/ bzhi'i las kyis de nyid skrod cig /tshe dang ldan pa kun dga' 
 bos bcom ldan 'das kyis bka' mnyan nas/ de ltar bya bar brtsams pa dang/ re lde ri la gnas pa'i dge slong dmar ser can dag gis bcom tshor nas/ bdag cag kyang dge slong 'gro mgyogs dang/ nab so gnyis kun tu spyod pa mthun pas
 bskrad par 'gyur ro snyam nas/ sgo gcig tu byung ba ste/ mnyan yod du bros nas dge 'dun gyi nang du ltung ba bshags te tshul bzhin du 'khod do/ /de nas tshe dang ldan pa kun dga' bo dang/ dge slong gnas brtan gnas brtan rnams kyi dge slong 'gro mgyogs
 dang/ nab so gnyis la bskrad pa'i las byas nas/ mnyan yod du dong ba dang/ 'gro mgyogs dang/ nab so gnyis kyang mthar gyis mnyan yod du phyin te bltas na/ dge slong dmar ser can dag ma bskrad par tshul bzhin du 'khod pa mthong nas/ de gnyis
 tshe dang ldan pa kun dga' bo dang/ dge slong gnas brtan dag gis bdag cag bskrad pa'i las byas pa de dag la/ 'di skad ces tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba gti mug gis 'gro ba/ 'jigs pas 'gro ba
 yin te/ 'di ltar ltung ba 'dra ba kho na las/ dge slong kha cig ni skrod par byed/ kha cig ni skrod par mi byed do/ /zhes zer ba'i skabs de/ dge slong rnams kyis bcom ldan 'das la gsol pa dang/ bcom ldan 'das kyis bka' stsal pa/ dge slong dag
 khyed kyis/ dge slong 'gro mgyogs dang/ nab so gnyis la de skad ma zer cig ces bzlog pa'i phyir/ dang po bzhams te bsgo bar bya'o/ /'on kyang gzhi de mi gtong na/ de'i 'og tu gsol ba dang bzhi'i las kyis bsgo bar bya'o/ /dge slong rnams
 kyis bcom ldan 'das kyi bka' mnyan nas/ dge slong 'gro mgyogs dang nab so gnyis la dang por bzhams te bsgo zhing/ de'i 'og tu gsol ba dang bzhi'i las kyis bsgo yang/ de gnyis gzhi de nyid la nan gyis mchog tu bzung zhing/ mngon par zhen nas/
 'di nyid bden? gyi/ gzhan ni brdzun pa'o zhes rjes su tha snyad 'dogs par byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang/ gleng gzhi 'di dang/ skabs 'di la dge slong gi dge 'dun bsdu ba mdzad de/
 mkhyen bzhin du rmed pas 'gro mgyogs dang/ nab so gnyis la rnam grangs du mas smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong rab tu mang po dag grong
 ngam/ /grong rdal zhig na nye bar rten cing gnas par gyur la/ de dag kyang khyim sun 'byin ba sdig pa'i chos kun tu spyod par gyur cing/ de dag gis khyim sun phyung ba mthong ngam/ thos sam/ rab tu shes sam/ de dag sdig pa kun tu spyod par mthong ngam/ thos sam/ rab
 tu shes na/ dge slong de dag la dge slong rnams kyis 'di skad ces/ tshe dang ldan pa dag khyim sun 'byin pa sdig pa'i chos kun tu spyod pa dag yin te/ khyed kyi khyim bdag sun phyung bar yang mthong zhing thos la rab tu shes/ khyed sdig pa kun tu spyod par yang mthong zhing thos
 la rab tu shes kyi/ tshe dang ldan pa dag khyed cag 'di na gnas pas chog gis/ gnas 'di nas deng shig ces bsgo bar bya'o/ /gal te de dag dge slong rnams la 'di skad ces/ tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba /
 gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba khon las dge slong kha cig ni skrad par byed/ kha cig ni skrod par mi byed do zhes zer na/ dge slong de dag la dge slong rnams kyis 'di skad ces/ tshe dang ldan pa dag khyed de skad ces/
 tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las/ dge slong kha cig ni skrod par byed/ kha cig ni skrod par
 mi byed do zhes ma zer cig /de ci'i phyir zhe na/ dge slong de dag ni 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar tshe dang ldan pa dag nyid khyim sun 'byin pa sdig pa'i chos kun tu spyod
 dag yin te/ khyod nyid kyis khyim dag sun phyung ba yang mthong zhing thos la rab tu shes/ khyod sdig pa kun tu spyod pa yang mthong zhing thos la rab tu shes pa'i phyir te/ tshe dang ldan pa dag 'dun pas 'gro ba zhes bya ba'i tshig gi lam dang/ zhe sdang gis 'gro ba dang/ gti mug
 gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong zhig ces bsgo bar bya'o/ /dge slong de dag la dge slong rnams kyi de skad bsgo ba na/ gal te gzhi de gtong na de lta na legs/ gal te mi gtong na gzhi de gtong bar bya ba'i phyir/ lan
 gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo /yang dag par bstan pa na gzhi de gtong na de lta na legs/ gal te mi gtong na dge 'dun lhag ma'o zhes bca' ba mdzad de/ yul
 ni mnyan yod/ gang zag ni 'gro mgyogs dang/ nab so gnyis/ nyon mongs pa ni rang skrod par byed pa'i dge 'dun la log pa'i bsam pas 'dun pas 'gro'o zhes bya ba la sogs pas brdzun du smra ba/ nyes pa ni khyim sun 'byin pa'o/ /de la dge slong zhes bya ba
 ni/ 'gro mgyogs dang nab so dag gam gzhan yang de lta bu gang yin pa'o/ /rab tu mang po dag ces bya ba ni grangs du yang rung ba ste/ gnyis las lhag pa'i rab tu mang po dag go /grong ngam grong rdal zhig na zhes bya ba na/ re lde ri 'am gzhan yang de lta
 bu gang? yin pa na'o/ /nye bar rten cing gnas par gyur la/ zhes bya ba ni chos dang zang zing gi longs spyod pa dag gis so/ /de dag kyang khyim sun 'byin pa zhes bya ba la/ khyim zhes bya ba ni bram ze 'am khyim bdag gi khyim dag go /sun 'byin pa zhes bya ba ni de dag rgyu gnyis
 kyis khyim sun 'byin par byed de/ 'grogs pa dang/ longs spyod pas so/ /ji ltar 'grogs pas she na/ bud med dang lhan cig 'dug par byed/ snod gcig tu za bar byed/ yor? bu gcig tu myos par 'gyur ba'i btung ba sna tshogs dag 'thung byed pa ste/ de ltar
 'grogs pas so/ /ji ltar longs spyod pas she na/ zas kyis dang/ skom gyis dang/ gos kyis dang/ me tog gis dang/ 'bras bus dang/ so shing gis te/ de ltar longs spyod pas so/ /sdig pa'i chos kun tu spyod par gyur cing zhes bya ba ni gnas ngan len
 kun tu spyod par gyur cing ngo/ /de dag gi khyim dag ces bya ba ni/ bram ze dang khyim bdag gi khyim dag go /sun phyung bar mthong ngam zhes bya ba ni mig gi rnam par shes pas so/ /thos sam zhes bya ba ni/ rna ba'i rnam par shes pas so/ /rab tu shes sam zhes
 bya ba ni de las gzhan pa'i rnam par shes pa'i tshogs dag gis so/ /de dag sdig pa kun tu spyod par zhes bya ba ni/ gnas ngan len kun tu spyod par ro/ /mthong ngam thos sam rab tu shes zhes bya ba ni snga ma bzhin no/ /dge slong de dag la zhes bya ba ni/ 'gro
 mgyogs dang/ nab so gnyis dang/ gzhan yang de lta bu gang yin pa de dag la'o/ /dge slong rnams kyis zhes bya ba ni chos 'di pa rnams kyis so/ /'di skad ces tshe dang ldan pa dag khyim sun 'byin pa sdig pa'i chos kun tu spyod pa dag yin te/ khyed kyis khyim
 dag sun phyung bar yang mthong zhing thos la rab tu shes/ khyod sdig pa kun tu spyod par yang mthong zhing thos la rab tu shes kyis/ tshe dang ldan pa dag khyed cag 'di na gnas pas chog gis/ gnas 'di nas dengs shig ces bsgo bar bya'o zhes bya ba ni
 glengs nas ltung ba mthong ba'i 'og tu bskrad pa'i las bya ba'o/ /gal te de dag dge slong rnams la 'di skad ces/ tshe dang ldan pa dag 'di na/ dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba 'jig pas 'gro ba dag yin te/ 'di
 ltar ltung ba 'dra ba kho na las/ dge slong kha cig ni skrod par byed/ /kha cig ni sprod par mi byed do zhes zer na zhes bya ba ni/ nyon mongs pa'i dbang gis skrod par byed ba'i dge 'dun la log pa'i bsam pas 'dun pas 'gro'o/ zhes bya ba la sogs pas/ rdzun
 du smra ba de skad zer na'o/ /dge slong de dag la zhes bya ba ni 'gro mgyogs dang/ nab so gnyis dang/ gzhan yang de lta bu gang yin pa de dag la'o/ /dge slong rnams kyis zhes bya ba ni chos 'di ba rnams kyis so/ /'di skad ces tshe dang ldan pa dag khyed 'di skad
 ces/ dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas gro ba dag yin te/ 'di ltar ltung ba 'dra ba kho na las/ dge slong kha cig ni skrod par byed kha cig ni skrod par mi byed do/ /zhes ma zer cig ces bya ba la
 sogs pa ni bzhams te bsgo bas bsko bar bya ba'o/ /dge slong de dag la dge slong rnams kyis de skad bsgo ba na zhes bya ba ni bzhams te bsgo ba na'o/ /gal te gzhi de gtong na zhes bya ba ni lta ba de yongs su gtong na'o/ /de lta na legs zhes bya ba ni de lta na
 bzang ba ste/ rtsom pa'i nyes byas gcig byung bar zad kyi/ nyes pa sbom po yang ma byung ba'i phyir ro/ /gal te mi gtong na zhes bya ba ni/ yongs su mi gtong na ste/ de ltar bzhams te bsgo ba mi gtong na/ rtsom pa la nyes byas gcig dang/ bzhams
 te bsgo ba ma btang ba'i mthar nyes pa sbom po gcig kyang 'byung ngo/ /gzhi de gtong bar bya ba'i phyir/ lan gnyis lan gsum du yang dag par bsgo bar bya/ yang dag par bsan par bya'o zhes bya ba ni/ gsol ba dang bzhi'i las kyis bsgo bar
 bya ste/ lan gnyis lan gsum du zhe bya ba ni/ gsel ba gcig dang/ las brjod pa gsum bya ba'o/ /yang dag par bsgo ba dang/ yang dag par bstan pa ni snga ma bzhin no/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na
 legs zhes bya ba ni/ de lta na bzang ba ste/ dge 'dun lhag ma'i dngos gzhi'i ltung ba ma byung ba'i phyir ro/ /sngar ni sbyar ba brtsams pa la nyes byas gcig go /bzhams te bsgo ba ma btong ba'i mthar nyes pa sbom po gcig go /gsol ba rdzogs pa'i mthar yang nyes pa
 sbom po gcig go /las brjod pa dang po byas pa rdzogs pa'i mthar yang nyes pa sbom po gcig go /las brjod pa gnyis pa byas pa rdzogs pa'i mthar yang nyes pa sbom po gcig go /gal te mi gtong na dge 'dun lhag ma'o zhes bya ba ni las brjod pa gsum pa  
 dang/ mjug sdud pa rdzogs pa'i mthar yang dge 'dun lhag ma'i dngos gzhi gcig 'byung ba'i/ /dge 'dun lhag ma'o zhes bya ba ni snga ma bzhin no/ /des na dge 'dun lhag ma'o zhes gsungs so/ /de la 'dir dngos gzhi'i ltung ba rnam par bzhag pa ni/ rang skrod par
 byed pa'i dge 'dun la logs pa'i bsam pas/ de de la de ltar zhugs pas so zhes brdzun du smra ba nyid mi gtong na dge 'dun lhag mar 'gyur ro/ /de'i bye brag ni/ khyim sun 'byin par byed pa'i dge slong la/ gleng ba bos mthong ngo zhes zer ba la/ bskrad pa'i las
 byas nas/ /khyim sun 'byin par byed pa'i dge slong rang skrod par byed pa'i dge 'dun la lag pa'i bsam pas 'dun pa dang/ zhe sdang dang/ gti mug dang/ 'jigs pa'i dbang gis/ dge 'dun de dag bskrad pa'i las gang yin pa de la 'dun pas 'gro ba la sogs
 pas/ 'di ltar ltung ba 'dra ba kho na la/ dge slong kha cig ni skrod par byed/ kha cig ni skrod par mi byed pa de ltar zhugs so zhes brdzun du smra ba nyid la dge 'dun gyis bzhams te bsgo ba dang/ gsol ba dang bzhi'i las kyis bzlog pa na/ las brjod pa gsum
 pa mjug sdud pa dang bcas pa'i mthar mi gtong na dge 'dun lhag ma'i dngos gzhir 'gyur ro/ /'di'i byed pa po ni/ khyim sun 'byin pa dang/ bskrad pa'i las byas pa'o/ /'di la yan lag drug gis dngos gzhi'i ltung bar
 'gyur te khyim sun 'byin pa dang/ glengs pa dang/ bskrad pa dang/ rang skrod pa'i dge 'dun la log pa'i bsam pas/ de de la de ltar zhugs so zhes brdzun du smra ba nyid dang/ chos dang mthun pas bzlog pa dang/ las brjod pa gsum pa'i mthar mi gtong ba'o/ /
 de dag las yan lag ma tshang ni ci rigs par na smad do/ /khyim sun 'byin pa'i dge 'dun lhag ma ste bcu gnyis pa'o// //bka' blo mi bde ba'i dge 'dun lhag ma'i gleng gzhi ni/ sangs rgyas bcom ldan 'das kau shaM bi'i gdangs
 can gyi kun dga' ra ba na bzhugs pa'i tshe/ tshe dang ldan pa 'dun pa ltung ba byung ba tshor bzhin du phyir mi byed nas/ de la dge slong don 'dod pa/ phan pa 'dod pa/ bde ba 'dod pa/ bde ba la reg par 'dod pa/ grub pa dang bde ba 'dod pa rnams kyis/ tshe dang
 ldan pa 'dun pa khyod ltung ba byung ba de/ chos bzhin du phyir gyis shig ces gleng bar byed/ dran par byed pa na/ des smras pa/ su la ltung ba byung ba de phyir byed grang/ su 'gyod pa de la lhung ba byung grang/ khyed cag ni rigs sna tshogs dang/ rus sna tshogs dang/
 khyim sna tshogs nas rab tu byung ba dag yin gyi/ kho bo'i 'phags pa sangs rgyas bcom ldan 'das kyis ni byang chub thugs su chud pa yin te/ khyed dang kho bo mi 'dras/ kho bo la ci yang ma zer cig ce zer ba na/ dge slong don nyung du dag ci'i phyir/
 dge slong dag dge slong rnams kyis gdon par gtogs pa bslab pa'i gzhi rnams dang/ bde bar gshegs pa'i mdor gtogs pa rnams kyis chos dang mthun pa dang/ 'dul ba dang mthun par smras pa na/ bdag nyid brjod par bya ba ma yin par byed ces
 'phya bar byed/ phyar ka gtong bar byed/ kha zer bar byed pa'i skabs de dge slong rnams kyis/ bcom ldan 'das la gsol ba dang/ bcom ldan 'das kyis bka' stsal ba/ dge slong dag khyed kyis dge slong 'dun pa la de skad ma zer cig ces bzlog pa'i phyir dang por
 bzhams te bsgo bar bya'o/ /'on kyang gzhi de mi gtong na de'i 'og tu gsol ba dang bzhi'i las kyis bsgo bar bya'o/ /dge slong rnams kyis/ bcom ldan 'das kyi bka' mnyan nas/ dge slong 'dun pa la dang por bzhams te bsgo zhing/ de'i 'og tu gsol ba dang
 bzhi'i las kyis bsgo yang/ de gzhi de nyid la nan gyis mchog tu bzung zhing/ mngon par zhen nas 'di nyid bden gyis gzhan ni brdzun pa'o zhes rjes su tha snyad 'dogs par byed pa'i skabs de/ dge slong rnams kyis bcom ldan 'das la gsol to/ /de nas bcom ldan
 'das kyis byung ba 'di dang/ gleng bzhi 'di dang/ skabs 'di la dge slong gi dge 'dun bsdu ba mdzad de/ mkhyen bzhin du rmed pas/ 'dun pa la rmas nas/ rnam grangs du mar smad de/ bslab pa bca' ba'i phan yon bcu yang dag par gzigs pas/ nga'i nyan thos
 rnams kyis 'dul ba la bslab pa'i gzhi 'di ltar gdon par bya ste/ 'di nas dge slong 'ga' zhig bka' blo mi bde ba'i rang bzhin can du gyur la/ de la dge slong rnams kyi gdon par gtogs pa bslab pa'i gzhi rnams dang/ bde bar gshegs pa'i mdor gtogs pa
 rnams kyis chos dang mthun pa dang/ 'dul ba dang mthun par smras pa na/ tshe dang ldan pa dag khyed cag dge yang rung/ sdig kyang rung/ bdag la ci yang ma smra zhig /bdag kyang dge yang rung sdig kyang rung/ tshe dang ldan pa dag la ci yang mi smra ba'o/ /tshe dang ldan pa
 dag khyed kyis bdag la smras pas chog gis/ tshig gi lam thong shig/ khyed la yang bdag gis smras pas ci zhig bya/ zhes bdag nyid brjod par bya ba ma yin par byed na/ dge slong de la dge slong rnams kyis/ 'di skad ces/ tshe dang ldan pa khyod dge slong
 rnams kyis gdod par gtogs pa bslab pa'i gzhi rnams dang/ bde bar gshegs pa'i mdor gtogs pa rnams kyis chos dang mthun pa dang/ 'dul ba dang mthun par smras pa na/ bdag nyid brjod par bya ba ma yin par ma byed par/ tshe dang
 ldan pas bdag nyid brjod par bya ba kho nar gyis shig /dge slong rnams tshe dang ldan pa la chos dang mthun pa dang/ 'dul ba dang mthun par smra ba na/ tshe dang ldan pa yang dge slong rnams la chos dang mthun pa dang/ 'dul ba dang mthun par smras shig /
 'di lta ste/ gcig la gcig brjod par bya ba nyid du byed pa dang/ gcig la gcig 'doms shing rjes su ston pa dang/ gcig gis gcig ltung ba las slong ba nyid dang/ de lta bus bcom ldan 'das de bzhin gshegs pa dgra bcom pa yang dag par
 rdzogs pa'i sangs rgyas de'i 'khor 'phel ba 'gyur gyis/ tshe dang ldan pa khyod bdag nyid brjod par bya ba ma yin par byed pa'i las kyi mdza' 'di lta bu 'di thod zhig ces bsgo bar bya'o/ /dge slong de la dge slong rnams kyis de skad bsgo ba na/ gal te/
 gzhed gtong na de lta na legs/ gal te mi gtong na gzhi de gtong bar bya ba'i phyir/ lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ /yang dag par bstan pa na gzhi
 de gtong na de lta na legs/ gal te mi gtang na dge 'dun lhag ma'o zhes bca' ba mdzad de/ yul ni kau shi bi/ gang zag ni 'dun pa/ nyon mongs pa ni gleng bar mi 'dod pa/ nyes pa ni bka' blo mi bde ba'o/ /de la 'di na dge slong 'ga' zhig ces
 bya ba ni 'dun pa 'am/ gzhan yang de lta bu gang yin pa'o/ /bka' blo mi bde ba'i rang bzhin du gyur la zhes bya ba la/ bka' blo mi bde ba zhes bya ba ni/ tshig gi lam rjes su mthun pa/ rjes su mnyams pa bya ba/ tshul dang mthun pa drang por 'jug pa/
 'grus skyong gi yan lag gi tshogs dag kun tu 'gog pa dang mi 'dzin pa dang/ mi bya ba dang/ mi byed pa dang/ mi mthun par 'dzin pa'o/ /de la zhes bya ba ni/ 'dun pa 'am gzhan yang de lta bu gang yin pa la'o/ /dge slong rnams zhes bya ba ni chos 'di pa rnams kyis
 so/ /gdon par gtogs pa bslab pa'i gzhi rnams shes bya ba ni/ so sor thar pa'i mdo gdon pa rnam pa bzhi po dag tu gtogs pa ste/ pham par 'gyur ba gdon pa dang/ dge 'dun lhag ma gdon pa dang/ t+ma nges pa gdon pa dang/ ril gyis gdon par gtogs
 pa'i bslab pa'i gzhi pham par 'gyur ba'i chos bzhi dang/ dge 'dun lhag mar 'gyur ba'i chos bcu gsum dang/ ma nges pa'i chos gnyis dang/ spang ba'i ltung byed kyi chos sum cu dang/ ltung byed kyi chos dgu bcu dang/ so sor bshegs par bya ba'i chos bzhi
 dang/ bslab pa'i chos mang po dang/ rtsod pa zhi bar bya ba'i chos bdun po dag go /bde bar gshegs pa'i mdor gtogs pa rnams kyis zhes bya ba ni/ so sor thar pa'i mdo ril gyis gdon bar gtogs pa rnams kyi ste/ bde bar gshegs pa zhes bya ba
 ni ston pa'o/ /mdo zhes bya ba ni nges nye bar sbyar ba'i mdo 'am/ yang na mdo yang dag par sbyor ba'o/ /chos dang mthun gzhes bya ba ni chos kyi rjes su 'gro ba ste/ mdo sde dang ma mo dang mthun pa'o/ /'dul ba dang mthun par zhes bya ba ni 'dul ba'i rjes su 'gro
 ba ste/ 'dul ba gnyis dang mthun par ro/ /smras pa zhes bya ba ni bzlog pa na ste/ chos ji lta ba dang/ 'dul ba ji lta ba dang/ ston pa'i bstan pa ji lta ba de ltar bsgo ba na'o/ /tshe dang ldan pa dag khyed cag dge yang rung/ sdig kyang rung/ bdag la ci
 yang ma smra zhig ces bya ba ni/ dge ba la sbyor bar yang ma byed la/ sdig pa las bzlog par yang ma byed cig ces pa'o/ /bdag kyang dge yang rung sdig kyang rung/ tshe dang ldan pa dag la ci yang mi smra'o/ /zhes bya ba ni/ dge ba la sbyor bar yang mi byed la/
 sdig pa las bzlog mar yang mi byed do zhes pa'o/ tshe dang ldan pa dag khyed kyis bdag la smras pas chog gi lam thong zhig/ khyed la yang bdag gis smras pas ci zhig bya zhes bya ba ni/ rgya cher bdag nyid brjod par bya ba ma
 yin pa nyid du rjod par byed pa'o/ /bdag nyid brjod par bya ba ma yin pa nyid du byed na/ zhes bya ba ni/ bdag nyid gleng bar bya ba ma yin pa nyid du 'jog par byed na'o/ /de dag ni re zhig ltung ba 'byin pa la dge slong rnams kyis glengs pa dang/ dran
 bar bya ba la na bka' blo mi bde ba'i rang bzhin ston pa yin no/ /de la gleng ba ni phyogs gcig tu gyur pa gleng ba yin na/ /dran par bya ba ni yongs su rdzogs par dran pa ste/ de'i rim pa ni gleng bar bya ba de la gleng ba pa'i dge slong bskos te/ des kyang
 dus su skabs 'byed du bcug nas/ dran pa dang shes bzhin nye bar bzhag ste/ dben pa'i mthar gzhi dang bcas pas gleng zhing/ yul dang dus la sogs kyang dran par bya'o/ /de ltar byas pa na skabs 'byed par mi byed na/ de la brjod pa dang bcas
 pa nyid dang/ mi gdams pa nyid dang/ gtam 'dre bar mi bya ba dang/ gso sbyong bzhag pa dang/ dgag dbye bzhag pa dang/ phur pa dang bcas pa nyid dag kyang bya'o/ /de dag byas kyang bka' blo mi bde ba'i rang bzhin mi gtong na/ de la dge 'dun gyis
 bzhams te bsgo bar bya'o/ /de'i phyir dge slong de la dge slong rnams kyis zhes bya ba la sogs pa gsungs te/ dge slong de la zhes bya ba ni 'dun ba 'am/ gzhan yang de lta bu gang yin pa la'o/ /dge slong rnams kyis zhes bya ba ni/ chos 'di pa rnams kyis
 so/ /'di skad ces tshe dang ldan pa khyod/ /dge slong rnams kyis gdon par gtogs pa bslab pa'i gzhi rnams dang/ bde bar gshegs pa'i mdor gtogs pa rnams kyis chos dang mthun pa dang 'dul ba dang mthun par smras pa na/ bdag nyid brjod
 par bya ba ma yin pa ma byed par/ tshe dang ldan pas bdag nyid brjod par bya ba kho nar gyis shig /dge slong rnams tshe dang ldan pa la chos dang mthun pa dang 'dul ba dang mthun par smra ba na/ tshe dang ldan pa yang dge slong rnams la chos dang mthun pa dang/ 'dul ba dang mthun par
 smros shig ces bya ba la sogs pa ni zhams te bsgobs bsgo bar bya'o/ /brjod par bya ba nyid du byed pa'i phan yon gang zhe na/ 'di lta ste/ zhes bya ba la sogs pa gsungs so/ /gcig la gcig brjod par bya ba zhig tu byed na zhes bya ba ni/ gcig la gcig gleng ba nyid
 du byed pa'o/ /gcig la gcig 'doms shing rdzas su ston par byed pa zhes bya ba ni gcig la gcig slob pa'o/ /gcig gis ltung ba las smos pa nyid ces bya ba ni/ gcig gis gcig gi ltung ba spyod pa'o/ /de lta bus bcom ldan 'das de bzhin gshegs pa dgra
 bcom pa yang dag par rdzogs pa'i sangs rgyas de'i zhes bya ba ni ston pa de'i'o/ /'khor ni zhes bya ba ni dge 'dun no/ /'phel bar gyur gyis zhes bya ba ni sngon chad de/ /tshe dang ldan pa khyod bdag nyid brjod par bya ba ma yin par byed pa'i las kyis mdza' 'di
 lta bu 'di thong zhig ces bsgo bar bya'o zhes bya ba ni bzhams te bsgo bas bsgo bar bya ba'o/ /brjod par bya ba ma yin par byed pa'i la kyi mdza' zhes bya ba ni brjod par bya ba ma yin par byed pa'i bya ba'o/ /dge slong de la dge slong rnams kyis de skad bsgo ba
 na zhes bya ba ni bzhams te bsgo bas bzlog pa na'o/ /gal te gzhi de zhes bya ba ni bka' blo mi bde ba nyid do/ /gtong na zhes bya ba ni yongs su gtong na'o/ /de lta na legs zhes bya ba ni de lta na bzang ba ste/ rtsom pa'i nyes byas gcig byung bar zad kyi/ nyes pa
 snyom pa yang ma byung ba'i phyir ro/ /gal te mi gteng na zhes bya ba ni yongs su mi gtong na ste/ de ltar bzhams te bsgo ba mi gtong na/ rtsom pa la nyes byas gcig dang/ bzhams te bsgo ba ma btang ba'i mthar nyes pa sbom po gcig kyang 'byung ngo/ /gzhi
 de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o zhes bya ba ni gsol ba dang bzhi'i las kyis bsgo ba ji skad sngar bstan pa ltar bsgo bar bya ba ste/ lan gnyis lan gsum du zhes
 bya ba ni/ gsol ba gcig byas pa'i 'og tu las brjod pa gsum bya ba'o/ /yang dag par bsgo ba dang/ yang dag par bstan par ni snga ma bzhin no/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs zhes
 bya ba ni/ de ltar na bzang ba ste/ dge 'dun lhag ma'i dngos gzhi'i ltung ba ma byung ba'i phyir ro/ /sngar ni sbyor ba brtsams pa la nyes byas gcig go /bzhams te bsgo ba ma gtang ba'i mthar nyes pa sbom po gcig go /gsol ba byas pa rdzogs pa'i
 mthar yang nyes pa sbom po gcig go /las brjod pa dang po byas pa rdzogs pa'i mthar yang nyes pa sbom po gcig go /las brjod pa gnyis pa rdzogs par byas pa'i mthar yang nyes pa sbom po gcig go /gal te mi gtong na dge 'dun lhag ma'o zhes
 bya ba ni/ las brjod pa gsum pa dang/ mjug sdud pa rdzogs pa'i mthar dge 'dun lhag ma'i dngos gzhi gcig 'byung ba'o/ /dge 'dun lhag ma zhes bya ba ni snga ma bzhin te/ des na dge 'dun lhag ma'o zhes gsungs so/ /de la 'dir dngos gzhi'i
 ltung ba rnam par bzhag pa ni/ dge slong gis lhag pa'i tshul khrims kyis glengs pa nyid na/ bdag nyid kyis de la dge slong dag gis brjod par bya ba ma yin pa nyid du byed pa mi gtong na dge 'dun lhag mar 'gyur ro/ /de'i bye brag ni bka' blo mi bde
 ba'i dge slong la dge slong rnams kyis gleng ba dang/ dran par byas pa na bdag nyid la phyogs bcu na gnas pa/ de bzhin gshegs pa'i dge slong gi dge 'dun thams cad kyis lhag pa'i tshul khrims su gtogs pa'i bslab pa'i gzhi thams cad kyis
 gleng bar mi bya'o zhes zer ba la/ dge 'dun gyis bzhams te bsgo ba dang/ gsol ba dang bzhi'i las kyi bzlog pa na/ las brjod pa gsum pa mjug sdud pa dang bcas pa'i mthang mi gtong na/ dge 'dun lhag ma'i dngos gzhir 'gyur ro/ /'di'i byed pa po ni/ bka' 
 blo mi bde ba dang/ gleng ba la sogs pa'i las byas pa'o/ /'di la yan lag drug gis dngos gzhi'i ltung bar 'gyur te/ /bka' blo mi bde ba dang/ glangs pa dang/ dran par byas pa dang/ bdag nyid brjod par bya ba ma yin pa nyid du byed pa dang/ chos dang mthun par bzlog pa
 dang/ las brjod pa gsum pa'i mthar mi gtong ba'o/ /de dag las yan lag ma chad na ci rigs par na smad do/ /bka' blo mi bde ba'i dge 'dun lhag ma ste bcu gsum pa'o// //nga 'di man chad ni dge 'dun lhag ma gdon pa'i mjug bsdu ba dang/ de dag
 gi rnam par bzhag pa dang/ phyir bcos pa dang/ rnam par bzhag pa bsgrag par bya ba rnams ston to/ /de la dge 'dun lhag ma gdon pa'i mjug bsdu ba ni/ /tshe dang ldan pa bdag gis dge 'dun lhag ma'i chos bcu gsum po dag bton zin to/ /zhes bya bas bstan te/
 tshe dang ldan pa dag ces bya ba ni bong pa'o/ /bdag gis zhes bya ba ni 'don pas so/ /dge 'dun lhag ma zhes bya ba ni snga ma bzhin no/ /chos shes bya ba ni rang gi mtshan nyid 'dzin pa'i phyir ro/ /bcu gsum po drag ces bya ba ni/ grongs sngar smos pa rnams kyi byung
 bas gang ba pa'o/ /bton zin to zhes bya ba ni/ dam bcas pa'i don gyi mjug bsdu ba'i phyir dang/ nyan pa po rnams spro bar bya ba'i phyir ro/ /de dag gi rnam par bzhag pa ni/ de dag las dgu ni ltung ba dang po nyid kyis so/ /bzhi ni lan gsum gyi bar gyis so/ /zhes bya
 ba bstan te/ de dag las zhes bya ba ni dge 'dun lhag ma'i chos bcu gsum po bton pa de dag las so/ /dgu ni zhes bya ba ni/ khu ba 'byin pa dang/ lus kyi reg pa dang/ 'khrig pa dang ldan pa smra ba dang/ bsnyen bkur bsngags pa dang/ spran? byed pa dang/
 khang pa dang/ gtsug lag khang dang/ gzhi med par bskur pa 'debs pa dang/ gzhan gyi cha ma yin pa dang/ mthun pa rnams so/ /ltung ba dang po dag nyid kyis so zhes bya ba ni/ dang po sbyor ba rtsom pa dang nyes pa sbom po dang/ dngos gzhi'i rim gyis
 dang pos ltung bar 'gyur la/ 'byung ba dang bcas pa ste/ 'di dag la dge 'dun gyis dang por bzhams te bsgo ba dang gsol ba dang bzhi'i las kyis bzlog pa'i tshul gyis mi gtong bar rjes su sgrub pa las dngos gzhir bzhag pa med pa'i phyir ro/ /bzhi ni zhes bya
 ba ni dge 'dun 'byed pa dang/ de'i rjes su phyogs pa dang/ khyim sun 'byin pa dang/ bka' blo mi bde ba rnams so/ /lan gsum gyi bar gyis so zhes bya ba ni/ las brjod pa lan gsum gyi bar gyis dngos gzhir 'gyur ba ste/ dang po sbyor ba rtsom pa dang/
 dge 'dun gyis bzhams te bsgo ba dang/ gsol ba dang bzhi'i las kyis bzlog pa'i tshul gyis mi gtong bar rjes su sgrub pa na/ gsol ba byas pa'i 'og tu las brjod pa lan gsum gyi bar gyis mi gtong na/ las brjod pa gsum pa rdzogs pa'i
 mthar dngos gzhir 'gyur la 'byung ba dang bcas pa ste/ 'di dag ni bsgo ba las gyur pa'i dge 'dun lhag ma zhes bya'o/ /'di la 'dir dge 'dun gyi dbyen byed pa dang/ de'i rjes su phyogs pa dang/ khyim sun 'byin pa dang/ bka' blo mi bde ba zhes bya ba'i
 dge 'dun lhag ma tha ma bzhi po rnams kyi spyi'i mthun mong gi mtshan nyid bshad par bya ste/ de'i phyir bzlog pa'i tshul gyis mi gtong par rjes su sgrub pa'i rang bzhin ni rjes su mthun no zhes bya ba smras te/ dge 'dun gyi dbyen byed pa dang/ de'i rjes
 su phyogs pa dang/ khyim sun 'byin pa dang/ bka' blo mi bde ba zhes bya ba dge 'dun lhag ma bzhi po 'di dag la/ dang po rtsom pa sbyor ba na sbyor ba zhes bya ba'i nyes byas gcig 'byung ngo/ /de'i 'og tu de dag la dge 'dun gyis bzhams te bsgo bas
 bzlog pa'i cho ga bya'o/ /de'i 'og tu gsol ba dang bzhi'i las kyis bsgo bas bzlog pa'i cho ga dang las bya ste/ de la rim pa ni/ dge 'dun lhag ma bzhi po 'di dag la dang po rtsom pa sbyor ba na/ sbyor ba'i sbyor ba zhes bya ba'i nyes byas gcig byung ba
 de la/ dge 'dun gyis dang por bzhams te bsgo bar bya ba dang/ de'i 'og tu gsol ba bya ba dang/ de'i 'og tu las brjod pa dang po bya ba dang/ de'i 'og tu las brjod pa gnyis pa bya ba dang/ de'i 'og tu las brjod pa gsum pa dag gis bzlog pa'i
 tshul gyis bzlog pa'i cho ga dang/ las byed pa na bzhams te bsgo ba dang/ gsol ba dang/ las brjod pa dang po dang/ las brjod pa gnyis po dag la mi gtong bar rjes su sgrub pa'i rang bzhin ni/ nyes pa sbom po re re 'gyur bar rjes su mthun te
 'dra'o/ /las brjod pa gsum pa mjug sdud pa dang bcas pa rdzogs na ni dge 'dun lhag ma'i dngos gzhir 'gyur ro/ /de ltar na dang por sbyor ba na nyes byas so/ /de'i 'og tu bzhams te bsgo ba mi gtong na de'i mthar nyes pa sbom po gcig
 go /de'i 'og tu gsol ba dang bzhi'i las byed pa na/ gsol ba byas pa na mi gtong na/ gsol ba rdzogs pa'i mthar yang nyes pa sbom po gcig go /de'i 'og tu las brjod pa dang po byas pa na mi gtong na/ las brjod pa dang po rdzogs
 pa'i mthar yang nyes pa sbom po gcig go /de'i 'og tu las brjod pa gnyis pa byas pa na mi gtong na/ las brjod pa gnyis pa rdzogs pa'i mthar yang nyes pa sbom po gcig go /de'i 'og tu las brjod pa gsum pa mjug bsdu ba dang
 bcas pa rdzogs pa'i mthar dge 'dun lhag ma'i dngos gzhi gcig tu 'gyur ro/ /de ltar na dge 'dun lhag ma 'di bzhi la dang po rtsom par sbyor ba na nyes byas byed pa yin/ bzhams te bsgo ba dang/ gsol ba dang/ las brjod pa dang po
 dang gnyis pa ni nyes pa sbom po re rer byed pa yin/ las brjod pa gsum pa mjug sdud pa dang bcas pa rdzogs pa ni/ dge 'dun lhag ma'i dngos gzhi byed pa yin no/ /de dag gi tshig skad cig pa rnams ni gcig nyid de/ tshig gang
 la skad gcig ma gcig la ltung ba 'byung bar 'gyur ba'i skad cig ma de'i khongs su tshig mdza' dag 'dus so/ /des na de dag gi tshig shin tu rgyun ring zin na yang tshig gcig tu zad de/ ltung ba yang gcig kho na 'byung ba yin gyi/ cha shas re re la yang
 ma yin no/ /mjug sdud pa ni tha dad pa ma yin te/ las brjod pa tha ma'i nang du 'dus so/ /phyir bcos pa ni/ dge slong gi de dag la ltung ba gang yang rung ba zhig byas la/ ji srid du shes bzhin du 'chab par byed pa de srid du/ des mi 'dod bzhin du spo
 ba bya'o/ /dge slong gis mi 'dod bzhin du spo ba byas nas de'i 'og tu zhag drug gi bar du dge 'dun mgu bar bya ba spyad par bya'o/ /dge slong gis mgu bar bya ba spyad nas dbyung bar bya ba la thogs te/ chos dang mthun par byas la dge slong gi dge 'dun gyi
 sems can mgu bar byas na/ gang dge slong nyi shu'i tshogs kyi dge 'dun yod pa der dge slong de dbyung bar bya'o/ /gal te dge slong nyi shur gcig gis ma tshang ba'i tshogs kyis dge 'dun gyi dge slong de 'byin par byed na/ dge slong de yang ma phyin la dge
 slong de dag kyang slad par bya ba yin te/ de la de ni cho ga yin no zhes bya bas bstan te/ 'dis ni dge 'dun lhag ma'i ltung ba phyir bcos pa'i cho ga dang las spyir bstan to/ /de la dge slong gis zhes bya ba'i ni ltung ba 'byin par byed pas so/ /de dag las
 ltung ba gang yang rung ba zhig byas la zhes bya ba ni/ dge 'dun lhag ma'i chos bcu gsum po de dag las dngos gzhi'i ltung ba gang yang rung ba zhig byas la'o/ /ji srid du shes bzhin du 'chab par byed pa zhes bya ba ni/ bdag la dge 'dun lhag ma'i
 dngos gzhi'i ltung ba byung bar shes bzhin du bcab pa'i sems kyis 'chab cing/ gzhan la mthol bar mi byed pa'o/ /de srid du nges mi 'dod bzhin du spo bar bya'o zhes bya ba ni ji srid du shes bzhin du 'chab par byed pa'i dus de srid du/ dge slong des bdag nyid mi 'dod
 cing ma dang bzhin du yang spo ba'i las bya dgos pa ste/ spo ba zhes bya ba ni dge 'dun lhag ma'i ltung ba bcabs pa spyad pa'i chad? pa'i las kyi ming ste/ dge slong rang bzhin du gnas pa yongs su dag pa'i sa nas/ yongs su ma dag pa'i sa gzhan du spo ba'o/ /dge slong
 gis mi 'dod bzhin nu spo ba byas pas 'og tu zhag drug gi bar du dge 'dun mgu bar bya ba spyad par bya'o zhes bya ba ni da ltar ji srid du shes bzhin du 'chab par byed pa de srid du des mi 'dod bzhin du spo ba byas nas/ de'i 'og tu des bdag nyid dge 'dun lhag ma'i ltung ba las
 byung ba'i ched du mtshams gcig gis dge 'dun la mgu bar bya ba spyad par bya ste/ mgu bar spyad pa zhes bya ba ni/ bsnyen bkur dang chos dang zang zing longs spyod kyis/ dge 'dun thams cad thugs mnyes par bya ba'i bsnyen bkur gyi las kyi ming ngo/ /dge slong gis mgu bar
 bya ba spyad nas dbyung ba la thogs te zhes bya ba ni/ de ltar dge slong gis zhag drug gi bar du dge 'dun mgu bar bya ba spyad nas de'i 'og tu dge 'dun gyis dge 'dun lhag ma'i ltung ba las dbyung ba'i las bya ba 'ba' zhig la thogs shing rag las pa ste dbyung ba
 zhes bya ba ni dge 'dun lhag ma'i ltung ba las bslang ba'i las kyi ming ngo/ /chos dang mthun par byas la/ zhes bya ba ni des bdag nyid dge 'dun lhag ma'i ltung ba las dbyung ba'i don du/ gnas mal bsham pa byas nas/ gaN+Di brdungs te/ dris pa'i tshig
 gis dge slong rnams yang dag par bsgo nas/ dge 'dun thams cad 'dug cing mthun par bya ba la sogs pa chos dang mthun pa'i las byas pa'o/ /dge slong gi dge 'dun gyi sems mgu bar byas na zhes bya ba ni/ des dge 'dun thams cad 'dug cing
 mthun par gyur pa la/ mchil lham gnyis phud de/ bla gos phrag pa gcig tu byas nas rgan pa'i mdza' logs su phyag 'tshal nas/ tsog pur 'dug nas thal mo sbyar ba btud de/ bdag nyid dge 'dun lhag ma'i ltung ba las
 dbyung ba'i chog gsol ba'i sngags lam gsum brjod pas dge slong gi dge 'dun gyis sems mgu bar byas na'o/ /gang na dge slong nyi shu'i tshogs kyi dge 'dun yod pa der dge slong de dbyung bar bya'o zhes bya ba ni/ dge 'dun gyi mtshams gang na dge
 slong nyi shu yan chad kyi tshogs kyi dge 'dun yod pa der dge slong dge 'dun lhag ma'i ltung ba las dbyung ba'i cho ga dang las bya'o/ /dbyung ba zhes bya ba ni dge 'dun gyis dge slong de dge 'dun lhag ma'i ltung ba las dbyung ba'i cho ga dang las kyi ming ngo/ /
 gal te dge slong nyi shur gcig gis ma tshang ba'i tshogs kyi dge 'dun gyis dge slong de 'byin par byed na/ dge slong de yang ma phyin la dge slong de dag kyang smad par bya ba yin te/ de la de ni chog yin no zhes bya ba ni cho ga las 'das na las mi 'chags so
 zhes bya ba ni gzhung bstan pa yin te/ 'dir dge 'dun lhag ma las dbyung ba'i cho ga ni/ bcabs na spo ba byed du gzhug pa dang zhag drug mgu bar bya ba spyad pa dang/ dge 'dun la dbyung bar bya ba gsol ba dang/ dge slong nyi shu man chad kyi tshogs kyis
 chos bzhin du bya ba'o/ /las ni dge 'dun gyi gsol ba dang bzhi'i las mi g.yo ba bzhag par mi 'os pas de dbyung ba'i las bya ba'o/ /de dag ni re zhig dge 'dun la phyir bcos pa phyogs tsam bstan pa yin no/ /rnam par bzhag pa bsgrag par bya
 ba ni/ de la bdag gis tshe dang ldan pa dag la/ ci 'di la khyod yongs su dag gam zhes dri'o/ /ci 'di la byed yongs su dag gam zhes lan gnyis lan gsum du dri'o/ /'di la tshe dang ldan pa dag yongs su dag na 'di ltar cang mi smra bas de de
 bzhin du 'dzin to zhes bya bas bstan te/ de la zhes bya bas ni dge 'dun lhag ma bton pa de la'o/ /ci zhes bya ba ni/ yongs su dri ba'o/ /'di la zhes bya ba ni gso sbyong la'o/ /khyed ces bya ba ni khyed cag go /yongs su dag gam zhes bya ba ni ltung ba ma byung ngam
 zhes bya ba'o/ /zhes zhes bya ba ni dri ba spyi la snyegs so/ /dri'o zhes bya ba ni dri ba dang po'o/ /lan gnyis lan gsum du dri'o zhes bya ba ni/ lan gsum kho na dri bar bya dgos pas/ len gnyis lan gsum du zhes bya ba smos te/ nyungs na yang la las mi thos la/
 mangs na yang dus yol ba la sogs pa'i nyes dmigs yod pas/ de'i phyir lan gsum ni ran par dgongs te/ bshags pa dang byin gyis brlabs pa gnyis kyis ltung ba ma bcabs pas sha stag 'tshogs pa yin nam zhes bya ba'i tha tshig go /cang mi smra bas
 brda byas pas/ dge 'dun lhag ma rnam par bzhag pa bsgrag par bya ba'i mjug bsdu ba bstan pa'i phyir/ 'di la tshe dang ldan pa dag yongs su dag na 'di ltar cang ma smra bas de de bzhin du 'dzin to zhes gsungs to/ /bshags pa dang byin gyis brlabs pa gnyis
 kyis ltung ba ma bcabs pa sha stag tshogs pa yin no zhes bya ba'i tha tshig go /dge 'dun lhag ma gdon pa bshad zin to// //da ni gdon pa bzhi pa ste/ ma nges pa gdon pa bshad par bya ste/ de'i phyir sdom la/ dben pa skyabs yod 'dug pa'o zhes
 gsungs so/ /sdom la zhes bya ba'i dgos pa dang/ tshig gi don ni snga ma bzhin no/ /ma nges pa ni rnam pa gnyis te/ pham par 'gyur pa dang/ dge 'dun lhag ma dang/ ltung byed kyi chos gsum las gang yin ma nges pa dang/ dge 'dun lhag ma dang ltung byed
 kyi chos gnyis las gang yin ma nges pa'o/ /de gnyis ka yang sdom las/ dben pa skyabs yod 'dug pa'o zhes gsungs pa 'di'i khongs su 'dus te/ dben pa skyabs yod pa na 'dod pa byar rung bar stan la 'dug pa las ni/ ma nges pa dang por 'gyur
 dben pa skyabs yod pa na 'dod pa byar mi rung/ stan la 'dug pa las ni ma nges pa gnyis par 'gyur ro/ /'di nyid ni gleng gzhi'i dbang gis/ dge slong gis ma nges pa'i chos 'di lta bur 'gyur ba'i gnas su 'dug par mi bya'o
 zhes bca' bar mdzad par zad kyi/ ltung ba rnam par bzhag pa la ni yang na pham par 'gyur/ yang na dge 'dun lhag mar 'gyur/ yang na ltung byed du 'gyur bar ci rigs par sbyar te/ ltung ba sde lngar bzhag pa la ni ma gtogs so/ /tshe dang ldan pa dag ma
 nges pa'i chos gnyis po 'di dag ni zla ba phyed phyed cing so sor thar pa'i mdo gdon pa las 'byung ngo zhes bya ba ni ma nges pa gdon pa 'di'i lung dbog pa bstan to/ /ma nges pa'i chos zhes bya ba ni/ gang yin gtol med pas ma nges pa'o/ /'di nyid kha
 na ma tho ba'i mtshan nyid 'dzin pas chos zhes bya'o/ /gnyis po 'di dag ni zhes bya ba ni pham par 'gyur ba dang/ dge 'dun lhag ma dang/ ltung byed kyi chos gsum las gang yin pa ma nges pa dang/ dge 'dun lhag ma dang ltung byed kyis chos gnyis las
 gang yin pa ma nges pa'o/ /zla ba phyed phyed cing so sor thar pa'i mdo gdon pa las 'byung ngo zhes bya ba ni/ zla ba phyed phyed cing gso sbyong 'don pa'i tshe/ 'dul ba 'dzin pa'i kha don las 'byung ngo zhes bstan pa yin no/ /de la ma nges pa'i chos dang po'i gleng
 gzhi ni/ sangs rgyas bcom ldan 'das mnyan yod na/ rgyal bu rgyal byed kyi tshal mgon med zas sbyin gyis kun dga' ra ba na bzhugs pa'i tshe/ tshe dang ldan pa 'char ka snga dro sham thabs bgos lhung bzed dang/ chos gos thogs te mnyan yod du bsod
 snyoms la zhugs nas mthar gyis rgyu ba na/ khyim bdag gi chung ma sbed ma'i khyim ga la ba der song nas/ khyim bdag gi chung ma sbed mas/ tshe dang ldan pa 'char ka'i rkang pa gnyis la mgo bos phyag 'tshal te/ pus mo gnyis la pus mo gnyis
 gtad de/ chos mnyan pa'i phyir 'dug cing nges de la chos snyan pa snyan pa dag bstan par brtsams pa/ ri dags 'dzin gyi ma sa gas mthong nas/ bcom ldan 'das la gsol to/ /de nas bcom ldan 'das kyis byung ba 'di dang/ gleng gzhi 'di dang/ skabs
 'di la dge slong gi dge 'dun bsdu ba mdzad de/ tshe dang ldan pa 'char ka la rmas nas rnam grangs du mar smad de/ bslab pa bca' ba'i phan yon bcu yang dag par gzigs pas/ nga'i nyan thos rnams kyis 'dul ba la bslab pa'i gzhi/ 'di ltar gdon
 par bya ste/ yang dge slong gang bud med dang lhan gcig pu gcig dang/ dben pa skyabs yod pa na 'dod pa byar rung bar stan la 'dug par byed cing/ de la gal te dge bsnyen ma yid ches pa'i tshig dang ldan pas/ chos gsum po pham par 'gyur ba
 'am/ dge 'dun lhag ma 'am/ ltung byed las chos gang yang rung bas smras par gyur la/ dge slong gis 'dug par khas blangs na chos gsum po pham par 'gyur ba 'am/ dge 'dun lhag ma 'am/ ltung byed las chos gang yang rung bas byed du gzhug
 cing/ dge slong de la dge bsnyen ma yid ches pa'i tshig dang ldan pas/ chos gang dang gang gis smras par gyur pa'i chos de dang des dge slong de byed du gzhug ste/ de ni ma nges pa'i chos so zhes bca' ba mdzad de/ yul ni mnyan yod/ gang zag
 ni 'char ka/ nyon mongs pa ni 'dod chags/ nyes pa ni ma nges pa'o/ /de la yang dge slong gang zhes bya ba ni/ 'char ka 'am/ gzhan yang de lta bu gang yin pa'o/ /bud med dang zhes bya ba ni/ bud med dang gzhon nu ma mi tshangs par spyod pa 'khrig
 pa'i chos bsten nus pa dang ngo/ /lhan cig ces bya ba ni de dang lhan cig go /gcig pu gcig dang zhes bya ba ni de dang ngo/ /dben pa zhes bya ba ni/ gang na bud med der skyes pa dang ma ning gzhan 'ga' yang med pa'o/ /skyabs yod pa ni zhes bya
 ba ni/ lngas bskyabs pa ste/ rtsig pas bskyabs pa dang/ rib mas bskyabs pa dang/ yol bas bskyabs pa dang/ thibs pos bskyabs pa dang/ mtshan mos bskyabs pa na'o/ /'dod pa byar rung bar zhes bya ba ni mi tshangs
 par spyod pa byar rung bar thag nye bar ro/ /stan pa zhes bya ba ni khrid dang khri'u la sogs pa la'o/ /'dug par byed cing zhes bya ba ni 'doms gang gi nang du rkub bcos 'jog par byed cing ngo/ /de la gal te dge bsnyen ma yid ches pa'i tshig dang ldan pas
 zhes bya ba la/ de la zhes bya ba ni 'char ka la'o/ /dge bsnyen ma zhes bya ba ni/ ri dags 'dzin gyi ma sa ga'o/ /yid ches ba zhes bya ba ni sangs rgyas la mngon par dang/ chos dang dge 'dun la mngon par dang ba dang/ sangs rgyas la skyabs su
 song chos dang dge 'dun la skyabs su song ba dang/ sangs rgyas la gcig tu gyur/ chos dang dge 'dun la gcig tu gyur pa dang sangs rgyas la nem nur med cing the tshom med/ chos dang dge 'dun la nem nur med cing the tshom med pa dang/ sdug
 bsngal dang/ kun 'byung ba dang/ 'gog pa dang/ lam la nem nur med cing the tshom med pa dang/ bden pa mthong ba dang/ 'bras bu thob pa dang/ mngon par rtogs pa dang ldan pa dang/ gang gis srog gi phyir yang shes bzhin du bstan? tshig smra
 bar mi nus pa'o/ /tshig dang ldan pa ma zhes bya ba ni/ de lta bu'i tshig bya ba dang ldan pas so/ /chos gsum po zhes bya ba ni grangs bstan pa'o/ /pham par 'gyur ba 'am/ dge 'dun lhag ma 'am/ ltung byed las chos gang yang rung bas zhes bya
 ba la/ pham par 'gyur ba zhes bya ba ni bzhi po dag las gang yang rung ba'o/ /dge 'dun lhag ma zhes bya ba ni bcu gsum po dag las gang yang rung ba'o/ /ltung byed ces bya ba ni dgu bcu po dag las gang yang rung ba'o/ /smras par gyur la zhes bya ba ni/ brtal
 bar gyur pa'o/ /dge slong gis 'dug par khas blangs na/ zhes bya ba ni drang por khas blangs na'o/ /chos gsum po pham par 'gyur ba 'am/ dge 'dun lhag ma 'am/ ltung byed las chos gang yang rung bas byed du gzhug cing zhes bya ba ni de dang gang khas blangs pa 'chags su gzhug
 pa'o/ /dge slong de la dge bsnyen ma yid ches pa'i tshig dang ldan pas chos gang dang gang gis smras par gyur pa'i chos de dang des dge slong de byed du gzhug ste/ zhes bya ba ni 'di ltar dge bsnyen ma yid ches pa'i tshig dang ldan par ni ltung ba la mi mkhas pa dang/ ltung ba'i
 gleng gzhi la mi mkhas pa dang/ ltung ba kun nas slong ba la mi mkhas pa yin pas 'di ltar des dge slong mi'i chos bla ma smra ba 'am/ bud med dang lhan cig stan gcig la lus kyis reg par byed pa 'am/ snod gcig tu za bar byed pa 'am/ phor bu gcig tu myos par
 'gyur ba'i btung ba 'am/ sa brko ba 'am/ rtswa sngon po bcod pa 'am/ dus ma yin par za ba 'am/ gzhon yang rang bzhin dang bcas pa'i kha na ma tho ba dang bcas pa'i las gang byed par mthong ba de dag las gang khas blangs pa de byed du gzhug pa'o/ /byed du gzhug
 ste zhes bya ba ni/ 'chags su gzhug pa'o/ /de ni ma nges pa'i chos so zhes bya ba ni de ni rnam par ma bzhag pa'i chos yin pa'o/ /de la 'dir dngos gzhi'i ltung ba rnam par bzhag pa ni/ dge bsnyen ma yid ches pa'i tshig dang ldan pa'i tshig gis dge slong
 la 'gro ba 'am/ 'greng ba 'am/ 'dug pa 'am/ nyal ba'i spyod lam rnam bzhi gang yang rung ba'i sgo nas pham par 'gyur ba'i chos kyis smras la/ dge slong gis kyang khas blangs na/ pham par 'gyur ba'i dngos gzhir 'gyur ro/ /dge bsnyen ma yid ches pa'i
 tshig dang ldan pa'i tshig gis/ dge slong la 'gro 'am/ 'greng ba 'am/ 'dug ba 'am/ nyal ba'i spyod lam rnam bzhi gang yang rung ba'i sgo nas/ dge 'dun lhag ma'i chos kyis smras la/ dge slong gis kyang khas blangs na dge 'dun lhag ma'i dngos
 gzhir 'gyur ro/ /dge bsnyen ma yid ches pa'i tshig dang ldan pa'i tshig gis dge slong la 'gro 'am/ 'greng ba 'am/ 'dug pa 'am/ nyal pa'i spyod lam rnam bzhi gang yang rung ba'i sgo nas/ ltung byed kyi chos kyis smras la/ dge slong
 gis khas blangs na ltung byed kyi dngos gzhir 'gyur ro/ /'di'i byed pa po ni mi'i 'gro bar gtogs pa'i bud med dam/ gzhon nu ma mi tshangs par spyod pa 'khrig pa'i chos bstan du rung ba dang/ legs par smras pa dang nyes par smras pa'i chos rnams kyi don kun
 shes par nus pa dang/ /gcig pu dben pa na skyabs yod par 'dod pa byar rung bar 'dug pa'o/ /'di la yan lag lngas dngos gzhi dang/ sbyor ba dang/ sbyor ba'i sbyor ba'i ltung ba ci rigs par 'gyur te/ dngos po dang/ phyogs dang/ bsam pa dang/ che bzhi
 dang/ khas blangs pa'o/ /de la dngos po ni dge slong bud med dang lhan cig ces bya ba'o/ /phyogs ni gcig pu gcig dang dben pa skyabs yod pa na zhes bya ba'o/ /bsam pa ni 'dod pa byar rung bar bstan la 'dug cing zhes bya ba'o/ /che bzhi ni dge bsnyen ma
 yid ches pa'i tshig dang ldan pas chos gsum po pham par 'gyur ba 'am/ dge 'dun lhag ma 'am/ ltung byed la chos gang yang rung bas smras par gyur la zhes bya ba'o/ /khas blangs pa ni dge slong gis 'dug par khas blangs na zhes bya ba'o/ /de dag
 las yan lag ma tshang na ci rigs par na smad do/ /ma nges pa dang po'o// //ma nges pa gnyis pa'i gleng gzhi ni/ sangs rgyas bcom ldan 'das rgyal po'i khab na 'od ma'i tshal bya ka lan+ta ka'i gnas na bzhugs pa'i tshe/ dge slong
 shi ri ka snga dro sham thabs bgos/ lhung bzed dang chos gos thogs te/ rgyal po'i khab tu bsod snyoms la zhugs nas mthar gyis rgyu ba na/ khyim bdag gi chung ma gso sbyong 'phags kyi khyim ga la ba der song nas/ khyim bdag gi chung ma gso sbyong 'phags
 kyis dge slong shi ri ka'i rkang pa gnyis la mgo bos phyag 'tshal te/ pus mo gnyis la pus mo gnyis ma reg par chos mnyan pa'i phyir 'dug cing/ des de la chos snyan pa snyan pa dag bstan par brtsams pa/ dge bsnyen ma legs skyes kyis thos nas/ bcom
 ldan 'das la gsol to/ /de nas bcom ldan 'das kyis byung ba 'di dang/ gleng gzhi 'di dang/ skabs 'di la dge slong gi dge 'dun bsdu ba mdzad de/ dge slong shi ri ka la rmas nas rnam grangs du mas smad de/ bslab pa bca' ba'i phan yon bcu yang dag par gzigs
 pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bud med dang lhan cig gcig pu gcig dang/ dben pa skyabs yod pa na 'dod pa byar mi rung bar stan la 'dug par byed cing/ gal te de la dge bsnyen ma yid
 ches pa'i tshig dang ldan pas/ chos gnyis po dge 'dun lhag ma 'am/ ltung byed las chos gang yang rung bas smras par gyur la/ dge slong gis 'dug par khas blangs na/ chos gnyis po dge 'dun lhag ma 'am/ ltung byed las chos gang yang rung bas byed du gzhug cing
 dge slong nges dge bsnyen ma yid ches pa'i tshig dang ldan pas/ chos gang dang gang gis smras par gyur pa'i chos de dang des dge slong de byed du gzhug ste/ de yang ma nges pa'i chos so/ /zhes bca' ba mdzad de/ yul ni rgyal po'i khab gang zag ni dge slong shi
 ri ka /nyon mongs pa ni shes bzhin ma yin pa/ nyes pa ni ma nges pa'o/ /de la yang dge slong gang zhes bya ba ni/ shi ri ka 'am/ gzhan yang de lta bu gang yin pa'o/ /bud med dang zhes bya ba ni/ bud med dam gzhon nu ma mi tshangs par spyod pa 'khrig pa'i chos bsten
 nus pa dang ngo/ /lhan cig ces bya ba ni de dang lhan cig go /gcig pu gcig dang zhes bya ba ni de dang ngo/ /dben pa zhes bya ba ni gang na bud med dang skyes pa dang ma ning gzhan 'ga' yang med pa'o/ /skyabs yod pa na zhes bya ba ni/ lngas bskyabs pa ste/ rtsig
 pas bskyabs pa dang/ rib mas bskyabs pa dang/ yol bas bskyabs pa dang/ thib pos bskyabs pa dang/ mtshan mos bskyabs pa na'o/ /'dod pa byar mi rung bar zhes bya ba ni/ mi tshangs par spyod pa byar mi rung bar thag ring bar ro/ /
 stan la zhes bya ba ni khri dang khri'u la sogs pa la'o/ /'dug par byed cing zhes bya ba ni 'dom gang gi nang ma yin par rkub btsos 'jog par byed cing ngo/ /de la gal te dge bsnyen ma yid ches pa'i tshig dang ldan pa zhes bya ba la/ de la zhes bya ba ni shi ri
 ka la'o/ /dge bsnyen ma zhes bya ba ni legs skyes so/ /yid ches pa zhes bya ba ni/ sangs rgyas la mngon par dang pa dang/ chos dang dge 'dun la mngon par dang pa dang/ sangs rgyas la skyabs su song/ chos dang dge 'dun la skyabs su song ba dang/
 sangs rgyas la gcig tu gyur/ chos dang dge 'dun la gcig tu gyur pa dang/ sangs rgyas la nem nur med cing the tshom med pa dang/ chos dang dge 'dun la nem nur med cing the tshom med pa dang/ sdug bsngal dang/ kun 'byung dang/ 'gog pa dang/
 lam la nem nur med cing the tshom med pa dang/ bden pa mthong ba dang/ 'bras bu thob pa dang/ mngon par rtogs pa dang ldan pa dang/ ngag gis rang gis phyir yang shes bzhin du brdzun gyis tshig smra bar mi nus pa'o/ /tshig dang ldan pa zhes bya ba ni/
 de lta bu'i tshig gi bya ba dang ldan pas so/ /chos gnyis po zhes bya ba ni grangs bstan pa'o/ /dge 'dun lhag ma 'am ltung byed las chos gang yang rung bas zhes bya ba la/ dge 'dun lhag ma zhes bya ba ni chos bcu gsum po dag las gang yang rung ba'o/ /
 ltung byed ces bya ba ni dgu bcu po dag las gang yang rung ba'o smras par gyur la zhes bya ba ni brtal bar gyur pa la'o/ /dge slong gis 'dug par khas blangs na zhes bya ba ni drang por blangs na'o/ /chos gnyis po dge 'dun lhag ma 'am ltung byed las chos
 gang yang rung bas byed du gzhug cing zhes bya ba ni/ de dag khas blangs pas 'chags su gzhug pa'o/ /dge slong la dge bsnyen ma yid ches pa'i tshig dang ldan pas chos gang dang gang gis smras par gyur pa'i chos de dang des dge slong de byed du gzhug ste zhes bya ba ni/ 'di ltar dge
 bsnyen ma yid ches pa'i tshig dang ldan pa ni ltung ba la mi mkhas pa dang/ ltung ba'i gleng gzhi la mi mkhas pa dang/ ltung ba kun nas slong ba la mi mkhas pa yin pas 'di ltar des/ dge slong mi'i chos bla ma smra ba 'am/ bud med kyi yul dang lhan cig stan cig la
 lus kyi reg par bya ba 'am/ snod gcig tu za bar byed pa 'am/ phor bu gcig tu myos par 'gyur ba'i btung pa sna tshogs btung ba 'am/ sa brko ba 'am/ rtswa sngon po gcod pa 'am/ dus ma yin par za ba 'am/ gzhan yang rung bzhin dang bcas pa'i kha na ma tho ba dang
 bcas pa'i las gang byed par mthong ba de dag las gang khas blangs pa de byed du gzhug pa'o/ /byed du gzhug ste zhes bya ba ni 'chags su gzhug pa'o/ /de yang ma nges pa'i chos so zhes bya ba ni/ de yang rnam par ma bzhag pa'i chos yin pa'o/ /de la 'di dngos gzhi'i
 ltung ba rnam par bzhag pa dang/ de'i bye brag dang/ byed pa po dang/ yan lag gzhan thams cad ni ma nges pa'i chos dang po'i skabs su bstan pa kho na bzhin no/ /khyad par du na 'dir dge slong ni shi ri ka /bud med ni khyim bdag gi chung ma gso sbyong 'phags/ dge
 bsnyen ma ni legs skyes/ bsam pa ni 'dod pa byar mi rung bar stan la 'dug pa/ ltung ba ni pham par 'gyur ba ma gtogs pa dge 'dun lhag ma dang/ /ltung byed kyi chos gnyis gang yin ma nges pa'o/ /ma nges pa gnyis pa'o// //tshe dang ldan pa
 dag bdag gis ma nges pa'i chos gnyis po dag bton zin to zhes bya ba ni/ ma nges pa bton pa'i mjug bsdu ba ste/ ma nges pa'i chos gnyis po dag ces bya ba ni sngar bstan pa gnyis so/ /bton zin to zhes bya ba ni/ dam bca' ba'i mjug bsdu ba'i phyir nyan pa
 po rnams spro bar bya ba'i phyir smos so/ /yang de la bdag gis tshe dang ldan pa dag ci 'di la/ khyed yongs su dag gam zhes dri'o/ /ci 'di la khyed yongs su dag gam zhes lan gnyis lan gsum du dri'o/ /'di la tshe dang ldan pa dag yongs su
 dag na 'di ltar cang mi smra bas de de bzhin du 'dzin to zhes bya ba ni/ ma nges pa rnam par gzhag pa bsgrags par bya ba yin te/ de la zhes bya ba ni/ ma nges pa'i chos gnyis po bton pa de la'o/ /lhag ma ni snga ma bzhin no/ /ma nges pa gdon pa bshad zin
 to/ /so sor thar pa'i mdo'i gzhung 'grel// //bam po drug pa/ /nga ni gdon pa lnga pa ste/ ril gyis gdon pa zhes bya ba bshad par bya ste/ de ni spang ba'i ltung byed dang/ ltung byed 'ba' zhig dang/ so sor bshags par bya ba dang/
 bslab pa'i chos mang po dang/ rtsod pa zhi bar bya ba'i chos bdun po rnams sde tshan cig tu sdus te/ so sor thar pa'i mdo ril gyis gdon pa'o/ /de la dang por spang pa'i ltung byed gdon pa bshad par bya ste/ de'i phyir sdom la/ 'chang dang 'bral ba 'jog
 pa dang/ /'khrur 'jug pa dang len pa dang/ /slong dang stod g.yogs smad g.yogs bcas/ /rin thang so sor bskur ba'o/ /zhes bya ba la sogs pa bcu phrag gsum gsungs so/ /sdom la zhes bya ba'i dgos pa dang/ tshig gi don ni snga ma bzhin no//
 bcu pa dang po 'dis ni/ spang ba'i ltung byed kyi chos bcu bstan te/ 'chang ba dang/ 'bral ba dang/ 'jog pa dang/ 'khrur 'jug pa dang/ len pa dang/ slong ba dang/ slong bar rig pa dang/ spags pa slong ba dang/ so so nas slong ba dang/ bskur ba'o/ /
 bcu pa gnyis pas kyang/ spang ba'i ltung byed kyi chos bcu ston la/ bcu pa gsum pas kyang bcu ston te/ spyir spang ba'i ltung byed kyis chos sum cu'o/ /tshe dang ldan pa dag spang ba'i 'du byed kyi chos sum cu po 'di dag zla ba phyed phyed cing so sor thar pa'i mdo
 gdon pa las 'byung ngo zhes bya bas ni/ spang ba'i ltung byed gdon pa'i lung dbog pa bstan to/ /spang ba'i ltung byed kyi chos zhes bya ba ni/ dge slong gi yo byad spang bar 'gyur na de sems kyis spangs shing/ zhag gcig yan chad bdag nyid dang bral bar byas nas ltung ba bshags
 par bya dgos pas spangs pa'i ltung byed do/ /de nyid kha na ma tho ba'i mtshan nyid 'dzin pas chos zhes bya'o/ /sum cu pa 'di dag ni zhes bya ba ni bcu pa dang po dang/ gnyis pa dang/ gsum pa las 'byung ba dag go /zla ba phyed phyed cing so sor thar pa'i mdo gdon pa las
 'byung ngo zhes bya ba ni zla ba phyed phyed cing gso sbyong 'don pa'i tshe 'dul ba 'dzin pa'i kha ton las 'byung ngo zhes bstan pa yin no/ /'chang ba'i spang ba'i gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' 
 rab na bzhugs so/ /de'i tshe na dge slong rnams chos gos mangs ches pa'i yan lag gis lung mnod pa dang/ klag pa dang/ kha ton dang/ rnal 'byor dang/ yid la bya ba dang/ nang gi sems kyi zhi gnas gtong bar byed nas dge slong don nyung du dag smod par byed/ phyar kha
 gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ dge slong chos gos zin pas sra brkyang? phyung na zhag bcu'i bar du gos lhag pa rung bar ma byas pa bcad
 bar bya'o/ /de las 'das par 'chad na spang ba'i ltung byed do zhes bca' ba mdzad de/ yul ni mnyan yod/ gang zag ni dge slong rab tu mang po/ /nyon mongs pa ni zang zing la gdu ba/ nyes pa ni bya ba shor ba'o/ /de la dge slong zhes bya ba ni chos 'di pa'o//
 chos gos zin zhes bya ba ni/ dge slong gis chos gos bkru ba dang dra ba dang/ drub pa dang/ kha bsgyur bas so/ /sra brkyang phyung na zhes bya ba la/ sra brkyang zhes bya ba ni/ dge 'dun dbyar snga ma 'am/ phyi mar gnas par khas blangs nas/ dgag dbye byas pa'i
 'og tu/ dge slong thams cad kyi dbyar gyi rnyed pa dang/ phan yon gyi gtan pa bca' ba'i chos gos gtan pa lta bu byin gyis brlabs pa'o/ /phyung na zhes bya ba la sra brkyang dbyung ba'i dus ni rnam pa gnyis te/ dbyar snga mar gnas par khas blangs
 pas ston zla 'bring po nya la dgag dbye byas te/ tshes bcu drug la sra brkyang brting na ni de dbyung ba'i dus dpyid zla ra ba nya la'o/ /dbyar phyi mar gnas par khas blangs pas ston zla tha chung nya la dgag dbye byas ste/ tshes bcu drug la sra brkyang bting na ni/ dbyung ba'i dus dpyid
 zla 'bring po nya'o/ /zhag bcu'i bar du zhes bya ba ni mtshan mo bcu'i mthar ro/ /gos lhag pa zhes bya ba ni/ byin gyis brlab par bya ba las lhag pa'o/ /rung bar ma byas pa zhes bya ba ni brtag par ma byas pa'o/ /bcad par bya'o zhes bya ba'i ni bdag gir bya ba'o/ /de
 las 'das par 'chang na zhes bya ba ni de las thal bar 'chad pa'o/ /spang ba'i ltung byed do zhes bya ba ni/ dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la 'dir dngos gzhi'i ltung ba rnam par bzhag pa ni/
 dge slong gos rang gi 'khor gsum khebs pa'i mdza' i tshad dang ldan pa yod la byin gyis ma brlabs par zhag bcur rjes su zhugs pa nyid yin na/ zhag bcu gcig pa'i skya reng dang po shar nas 'chang ba'i spang ba'i ltung byed kyi dngos gzhir 'gyur ro/ /'di'i byed pa
 po ni rang gi gos dang byin gyis ma brlabs pa'o/ /'di la yan lag bdun gyis dngos gzhi'i ltung bar 'gyur te/ rang gi dang/ gos dang/ 'khor gsum khebs pa'i mdza' tshad dang/ yod pa dang/ byin gyis ma brlabs pa dang/ zhag bcur rjes su zhugs
 pa dang/ zhag bcu gcig pa'i skya reng shar pa'o/ /de dag la yan lag ma tshang na ci rigs par na smad do/ /'chad ba'i spang ba ste dang po'o// //'bral ba'i spang ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal
 mgon med zas sbyin gyi kun dga' ra ba na bzhugs so/ /de'i tshe na dge slong rnams chos gos mangs ches pa'i rkyen gyis chos gos kyi gtur bu'i bam po gzhan la 'doms shing/ bdag nyid chos gos stod g.yogs smad g.yogs dang bcas pas ljongs rgyur 'dod zhing lus ma
 sbas pa dang/ sbed du ma bcug par gyur la/ dge slong gzhan dag kyang de'i sba brtul dang byi dor gyi las kyis lung nod ba dang/ klag pa dang/ kha ton dang/ rnal 'byor dang/ yid la bya ba dang/ nang gi sems kyi zhi gnas gtong bar byed nas/ dge slong don nyung du dag smod par byed/
 phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /bcom ldan 'das kyis snga ma bzhin du dge slong chos gos zin pas sra brkyang phyung na/ gal te nub gcig kyang chos gos gsum las chos gos gang yang
 rung ba dang/ mtshams kyi phyi rol du 'bral bar byed na dge 'dun gyis gnang ba ma gtogs te/ spang ba'i ltung byed do zhes bca' ba mdzad de/ yul ni mnyan yod/ gang zag ni dge slong rab tu mang ngo/ nyon mongs pa ni chos gos stod g.yogs smad g.yogs dang bcas pas
 ljongs rgyu ba nyes pa ni rang gi lus ma sbas pa dang/ gzhan gyi bya ba shor ba'o/ /de la dge slong chos gos zin pas sra brkyang phyung na zhes bya ba ni snga ma bzhin no/ /nub gcig kyang zhes bya ba ni nub gcig gi mthar yang ngo/ /chos gos gsum las chos gos gang
 yang rung ba dang/ zhes bya ba ni/ snam sbyar dang/ bla gos dang/ mthang gos las gang yang rung ba dang ngo/ /mtshams kyi phyi rol tu 'bral bar byed na zhes bya ba ni/ gzhan du skya reng 'char bar byed na'o/ /dge 'dun gyis gnang ba ma gtogs te zhes bya ba ni dge 'dun
 gyis gnang ba bzhag ste'o/ /spang ba'i ltung byed do zhes bya ba ni/ dngos po de spangs nas ltung byed kyi ltung ba bshags par bya ba des na spang ba'i ltung byed do/ zhes gsungs so/ /de la 'dir dngos gzhir ltung ba rnam par bzhag pa ni/ gnang ba ma thob pas chos gos
 byin gyis brlabs pa dang/ gnas nyen kor dang bcas pa nas zhag gcig bral na/ 'bral ba'i spang ba'i ltung byed kyi dngos gzhir 'gyur ro/ /'di'i byed pa po ni byin gyis brlabs pa dang/ gnang ba ma thob pa'o/ /'di la yan lag lngas dngos gzhir
 'gyur te/ gnang ba ma thob pa dang/ byin gyis brlabs pa dang/ gos rung ba dang/ gnas nyen kor dang bcas pa dang/ zhag gcig bral ba'o/ /de dag las yan lag ma tshang na ci rigs par na smad do/ /'bral ba'i spang ba ste gnyis pa'o// //'jog pa'i spang
 pa'i gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong rnams gos ha cang mang ba nyid kyi rkyen gyis gos sngon po dang/ ser po dang/ dmar po dang/ stug po dang/
 srab mo dag rnyed na des de byed du mi 'jug par gang gi tshe 'di dang 'dra ba rnyed par gyur pa de'i tshe chos gos byed du gzhug go snyam du re bas de 'jog par byed na/ dge slong don nyung ngu dag smod par byed/ phyar ka gtong bar byed/ kha zer bar byed pa'i skabs de dge slong rnams
 kyis bcom ldan 'das la gsol to/ /de nas bcom ldan 'das kyis snga ma bzhin du/ dge slong chos gos zin pas sra brkyang phyung nas dus ma yin pa'i gos shig rnyed la/ 'dod na dge slong des gos de blang bar bya/ blangs nas gal te langs na myur ba kho nas
 gos su byas te bcad par bya'o gal te mi langs la kha ma longs pa kha skong ba'i gos la re ba yod na dge slong des gos de zla ba gcig gi mthar bzhag par bya'o/ /de las 'das par 'jog na spang ba'i ltung byed do zhes bca' ba mdzad de/ yul ni mnyan yod/
 gang zag ni dge slong rab tu mang po/ nyon mongs pa ni zang zing la gdu ba/ nyes pa ni gos kyis kha sogs 'jog pa'o/ /de la dge slong chos gos zin pas sra brkyang phyung na zhes bya ba ni snga ma bzhin no/ /dus ma yin pa'i gos shig ces bya ba la/ dge slong gi
 gos kyi dus ni gang yin/ dus ma yin pa ni gang yin zhe na/ sra brkyang bting ba'i gnas na ni/ ston zla 'bring po nya nas dpyid zla ra ba nya'i bar gyi zla ba de dag ni gos kyis dus yin la/ de phan chad du ni dus ma yin no/ /sra brkyang ma bting ba'i gnas na ni thams cad dus ma yin
 no/ /rnyed la zhes bya ba ni gzhan las so/ /'dod na zhes bya ba ni gal te don du gnyer na'o/ /dge slong des gos de blang bar bya zhes bya ba ni bdag gir bya ba'o/ /gal te longs na zhes bya ba ni gal te chog na'o/ /chos gos su byas te bcang bar bya'o zhes bya ba ni mi brkyang
 pa kho nar byin gyi brlab tu rung bar byas te'o/ /gal te zhes bya ba ni gal te mi chog na'o/ /kha ma longs pa kha skong ba'i zhes bya ba ni snam sbyar ram/ bla gos sam/ mthang gos kha ma longs pa kha skong ba'i'o/ /gos la re pa yod na zhes bya ba ni dge slong la/ mas bdag la
 gos sbyin pa'i re ba 'am/ pha 'am/ phu nu 'am/ sring mo 'am/ slob dpon nam/ mkhan pos bdag la gos sbyin pa'i re ba 'am/ lo lnga'i dus ston gyi tshe 'am/ lo drug gi dus ston gyi tshe 'am/ gtsug pud 'dreg pa'i dus ston gyi tshe 'am/ gnas khang gi dus ston gyi tshe 'am/
 dus ston chen po'i tshe rnyed du re ba yod na'o/ /dge slong des gos de zla ba gcig gi mthar bzhag par bya'o zhes bya ba ni zla ba gcig gi mdza' tshun tshad du'o/ /de las 'das par 'jog na zhes bya ba ni/ de las thal bar ro/ /spang ba'i ltung byed do zhes bya ba ni/ dngos po de spangs
 nas ltung byed kyis ltung ba bshags par bya ba ste/ nges na spang ba'i ltung byed do zhes gsungs so/ /de la 'dir dngos gzhi'i ltung ba rnam par bzhag pa ni/ dge slong gos kha bskang ba la re ba yod pa dang/ byin gyis brlab par bya ba'i chos gos gsum med pas
 gos chud pa khru gang yan chad pa zhag sum cu 'das par 'jog na/ 'jog pa'i spang ba'i ltung byed kyi dngos gzhir 'gyur ro/ /'di'i byed pa po ni/ gos kha bskang ba la re ba yod pa dang/ byin gyis brlab par bya ba'i chos gos gsum med pa'o/ /'di la yan lag
 lngas dngos gzhi'i ltung bar 'gyur te/ gos kha bskang ba la re ba yod pa dang/ byin gyis brlab par bya ba'i chos gos gsum med pa dang/ gos dang/ tshad khru gang yan chad pa dang/ zhag sum cu 'das pa'o/ /de dag las yan lag ma chang na
 ci rigs par na smad do/ /'jog pa'i spang ba ste gsum pa'o// //'khrur 'jug pa'i spang ba'i gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyis kun dga' ra ba na bzhugs so/ /de'i tshe na/ tshe dang ldan pa 'char
 kas sngon gyi chung ma dge slong ma sbed ma rang gi gnas su 'ongs pa la/ chos bstan par brtsams nas/ sngon gyis bgad pa dang/ dga' bar byas pa dang/ rtses pa dang/ dga' mgur spyad pa dran te/ kun tu chags par gyur nas brtsal bar btsams pa dang/ sped ma bros pa'i
 phyi bzhin bsnyags pa de'i tshe de la brla'i reg pas khu ba phyung nas sham thabs ma rungs par gyur pa/ sped mas blangs te bkru bar brtsams pa'i tshe/ sbed ma de kun tu chags par gyur nas/ khu ba de rang gi mngal gyi sgor blugs ba las/ bu gzhon nu zhes bya ba chags par
 gyur pa'i skabs de dge slong rnams kyis bcom ldan 'das la gsol to/ /des nas bcom ldan 'das kyis dgongs pa/ dge slong rnams kyi nyes dmigs gang yin pa de ni dge slong ma nye du ma yin pa la gos rnying pa 'khrur 'jug pa las gyur pa yin no snyam
 nas snga ma bzhin no/ /yang dge slong gang dge slong ma nye du ma yin pa la gos rnying ba 'khrur 'jud dam/ 'tshed du 'jug gam/ 'chag tu 'jug na spang ba'i ltung byed do zhes bca' ba mdzad de/ yul ni mnyan yod/ gang zag ni 'char ka /nyon mongs pa ni 'dod
 chags/ nyes pa ni dge slong ma nye du ma yin pa la gos rnying pa 'khrur 'jug pa'o/ /de la yang dge slong gang zhes bya ba ni/ 'char ka 'am/ gzhan yang de lta bu gang yin pa'o/ /dge slong ma zhes bya ba ni chos 'di pa'o/ /nye du ma yin pa la zhes bya ba ni phyi mo
 dang mes po dang/ phrugs las brten pa'i bdun pa tshun chad ni nye du yin la/ de phan chad ni nye du ma yin no/ /gos zhes bya ba ni bdun po bal gos dang/ sha na'i gos dang/ zar ma'i gos dang/ du gu la'i gos dang/ ras bal gyi gos dang/ ko tam pa'i gos dang/ nyi 'og
 gi gos dag las gang yang rung ba'o/ /rnying la zhes bya ba ni dus tshigs su gsum po dag las dus tshigs gang yang rung bar spyad pa gang yin pa'o/ /'khrur 'jug gam zhes bya ba ni/ tha na chur snyug par byed du 'jug na'o/ /'tshed du 'jug gam zhes bya ba ni tha na tshon du snyug par
 byed du 'jug na'o/ /'chag tu 'jug na zhes bya ba ni tha na thal mos rdeb ba byed du 'jug na'o/ /spang ba'i ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gis byin gyis brlabs pa rang gi rnying pa 'khrur gzhug par 'os par/ chos
 gos dang/ gding ba dag las 'ga' zhig dge slong ma nye du ma yin pa la bsgo bas/ 'khrur bcug gam 'tshed du bcug gam/ 'chag tu bcug pa dag byas pa nyid na 'khrur 'jug pa'i spang ba'i ltung byed kyi dngos gzhir 'gyur ro/ /'di'i byed pa po ni/ gos dang dge slong
 ma nye du ma yin pa'i yul la 'du shes gtso cher byed pa po nyid yin no/ /'di la yan lag brgyad kyis dngos gzhi'i ltung bar 'gyur te/ byin gyis brlabs pa dang/ rang gi dang/ rnying ba dang/ 'khrur gzhug par 'os pa dang/ gos dang/ dge slong ma nye du ma yin pa dang/
 bsgo ba dang byas pa'o/ /de dag las yan lag ma tshang na ci rigs par na smad do/ /'khrur 'jug pa'i spang ba ste bzhi pa'o// //len pa'i spang ba'i gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun
 dga' ra ba na bzhugs so/ /gang gi tshe bcom ldan 'das kyis/ dge slong ma rnams kyis dgon par gnas pa ma bkag pa de'i tshe na dge slong ma utpa la'i mdog 'khor lnga brgya dang/ nags mun pa can du 'gog pa la snyoms par 'jug pa la/ chom rkun pa 
 g.yon can lnga brgya tsam gyis ras yug chen po la 'os pa gcig dang/ bsod snyoms kyi phud cig phul ba dge slong ma utpa la'i mdog gis/ rgyal byed kyi tshal du bsod snyoms kyi phud ni dge slong rnams la phul/ ras yug chen po ni nye
 dga' la phul nas/ bcom ldan 'das kyi spyan sngar song ba'i utpa la'i mdog gi chos gos ngan cing/ snam sbyar kyang rnyings par gyur pa bcom ldan 'das kyis gzigs nas/ kun dga' bo la ji ltar gyur pa rmas pa dang/ kun dga' bos gsol ba/
 btsun pa srid mo 'di ni dad pa dang ldan zhing bzang la dge ba'i bsam pa can lags te/ 'dis sangs rgyas sam chos sam/ dge 'dun nam/ dge slong yid du 'thad pa dag la ma phul ba 'am/ yongs su ma btang ba ci yang ma mchis/ 'dis deng ras yug chen po
 rnyed nas de yang nye dga' la stsal te/ de nas bcom ldan 'das kyis/ dge slong ma utpa la'i mdog la gtsug lag khang chen po nas/ chos gos lnga brtsal bar gtad de/ dge slong dag dge slong ma nye du ma yin pa las gos lhag pa len par dgongs na snga
 ma bzhin du/ yang dge slong gang dag slong ma nye du ma yin pa las gos len na brjes pa ma gtogs te spang ba'i ltung byed do zhes bca' ba mdzad de/ yul ni mnyan yod/ gang zag ni nyer dga' / nyon mongs pa ni 'dod zhe na/ nyes pa ni dge slong ma nye du ma
 yin pa las gos len pa'o/ /de la dge slong gang zhes bya ba ni nye dga' 'am/ gzhan yang de lta bu gang yin pa'o/ /dge slong ma zhes bya ba ni chos 'di pa'o/ /nye du ma yin pa las zhes bya ba ni phyi mo dang mes po dang phrugs kyi bdun pa tshun chad ni nye du
 yin la de phan chad ni nye du ma yin no/ /gos zhes bya ba ni gos bdun po bal gos dang/ sha na'i gos dang/ gso ma'i gos dang/ du gu la'i gos dang/ ras bal gyi gos dang/ ko tam pa'i gos dang/ nyi 'og gi gos las gang yang rung ba'o/ /len na zhes
 bya ba ni bdag gir byed na'o/ /brjes pa ma gtogs te zhes bya ba ni brjes pa bzhag ste'o/ /spang pa'i ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gis dge slong ma nye du ma yin pa la der 'du shes pas gos dag gi rnam
 par rig byed kyis len na lag tu 'ongs pa las/ lta ba'i nyen 'khor du gyur pa na len pa'i spang pa'i ltung byed kyi dngos gzhir 'gyur ro/ /'di'i byed pa po ni/ yang dge slong ma nye du ma yin pa'i yul la 'du shes gtso cher byed pa po nyid yin no/ /'di la yan lag lngas dngos
 gzhi'i ltung bar 'gyur te/ dge slong ma nye du ma yin pa dang/ gos dang/ rung ba dang/ ngag gi rnam par rig byed dang/ len pa po'o/ /de dag las yan lag ma tshang na ci rigs par na smad do/ /len pa'i spang ba ste lnga pa'o// //slong pa'i spang ba'i gleng gzhi ni/ sangs
 rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa de la/ rang gi chung mas ras zung bzang po gcig byin nas/ khyim bdag de dang pa dang ldan zhing dge ba'i bsam pa can
 yin pas/ bcom ldan 'das kyi zhabs la phyag 'tshal du rgyal byed kyi tshal du song ba dang/ nye dags chos bstan nas/ dang na dus kyi phyir/ nan gyis de'i bla gos blangs nas/ dor thung gyon te phyir bstan nas smod bar byed/ phyar ka gtong bar byed/ kha zer bar byed pa/
 khyim bdag mgon med zas sbyin gyis thos nas/ bcom ldan 'das la gsol ba dang/ de nas bcom ldan 'das kyis dge slong dag khyim bdag gam/ khyim bdag gi chung ma nye du ma yin pa las/ gos slong ba dgag par dgongs nas snga ma bzhin du/ yang dge slong
 gang khyim bdag gam/ khyim bdag gi chung ma nye du ma yin pa'i gan du song ste/ gos slong na dus ma gtogs te/ spang ba'i ltung byed do/ /de la dus ni 'di yin te/ dge slong gos phrogs sam/ gos rlag gam/ gos tshig gam/ gos rlung gis khyer ram/ gos chus
 khyer na de la de ni dus yin no zhes bca' ba mdzad de/ yul ni mnyan yod/ gang zag ni nye dga' / nyon mongs pa ni 'dod zhe na/ nyes pa ni khyim bdag gam/ khyim bdag gi chung ma nye du ma yin pa la gos slong pa'o/ /de la yang dge slong gang zhes bya ba
 ni nye dga' 'am/ gzhan yang de lta bu gang yin pa'o/ /khyim bdag gam zhes bya ba ni skyes pa'o/ /khyim bdag gi chung ma zhes bya ba ni bud med do/ /nye du ma yin pa'i zhes bya ba ni/ phyi mo dang/ mes po dang/ phrugs kyi bdun pa tshun chad ni nye du yin la/ de phan chad ni nye du ma
 yin no/ /gan du song ste zhes bya ba ni drung du song ste'o/ /gos zhes bya ba ni/ bdun po bal gos dang/ sha na'i gos dang/ zar ma'i gos dang/ ras bal gyi gos dang/ du gu la'i gos dang/ ko tam pa'i gos dang/ nyi 'og gi gos las gang yang rung ba'o/ /slong na
 zhes bya ba ni slongs mo byed na'o/ /dus ma gtogs te zhes bya ba ni dus bzhag ste'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba'o/ /de la dus ni 'di yin te/ dge slong gos phrogs sam zhes bya ba ni 'di lta
 ste/ dge slong gi gos dag chom rkun pa dag gam g.yon can dag gis phrogs par gyur pa'o/ /gos rlag gam zhes bya ba ni 'di lta ste/ dge slong gi gos dag rlag par gyur pa 'am/ 'khyams par gyur pa'o/ /gos tshig gam zhes bya ba ni 'di lta ste/ dge slong gi
 gos dag mes tshig par gyur pa'o/ /gos rlung gis khyer ram zhes bya ba ni 'di lta ste/ dge slong gi gos dag rlung gis khyer par gyur pa'o/ /gos chus khyer na zhes bya ba ni 'di lta ste/ dge slong gi gos dag chus khyer bar gyur na'o/ /de la de ni dus yin no
 zhes bya ba ni bslab pa'i gzhi de la de ni gnang ba'i dus yin pa'o/ /de la 'dir dngos gzhi'i ltung ba rnam par gzhag pa ni/ dge slong gos phrogs pa dang/ rlag pa dang tshig pa dang/ rlung gis khyer ba dang/ chus khyer bar ma gyur pa slong bar mi rigs
 pas mi'i 'gro bar gtogs pa/ khyim par gyur pa srog dang ldan pa nye du ma yin pa las/ gos rung ba tshad dang ldan pa las mi chud ba/ rin thang dang kha dog dang khru tshad las rnam pa gang bslangs pa de nyid thob na/ slong ba'i spang ba'i ltung byed kyi dngos gzhir 'gyur
 ro/ /'di'i byed pa po ni mi'i 'gro bar gtogs pa khyim par gyur pa/ srog dang ldan pa nye du ma yin pa'o/ /'di la yan lag? lngas dngos gzhi'i ltung bar 'gyur te/ dge slong gos phrogs pa dang/ rlag pa dang/ tshig pa dang/ rlung gis khyer ba dang/ chus khyer
 bar ma gyur ba slong bar mi rigs pa dang/ sbyin bdag mi'i 'gro bar gtogs pa khyim par gyur pa srog dang ldan pa nye du ma yin pa dang/ gos rung ba dang tshad dang ldan pa las mi chud pa dang/ rin thang dang kha dog dang/ khru tshad las rnam pa gang bslangs pa dang/ de nyid
 thob pa'o/ /de dag las yan lag ma tshang na ci rigs par na smad do/ /slong ba'i spang ba ste drug pa'o// //slong bar rig pa'i spang ba'i gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' 
 rab na bzhugs so/ /nye dga' la blo skyes pa 'di dag thams cad/ khyim bdag mgon med zas sbyin gyis bslab pa'i gzhi dag gis bsdams/ phyin chad gang nas kyang bca' ba'i rin tsam yang bslang bar mi nus na/ 'di ltar bcom ldan 'das kyis grong phreng ba
 can pa'i dge slong bzhi bcu chom rkun pa dag gis bcom pa la brten nas bslab pa'i gzhi bag yangs su mdzad pa yod pas bdag gis de dag sngon du btang ste/ rnyed pa bsgrub par bya'o snyam nas/ des grong phreng ba can pa'i dge slong bzhi bcu po dag khrid de/ dbul
 po dang/ phyug po'i srang dang/ ko sa la'i rgyal po gsal rgyal gyi pho brang dang/ btsun mo rgyal rigs dbyar tshul ma dang/ btsun mo phreng ldan ma dang/ khyim bdag mgon med zas sbyin dang/ btsun mo 'khor gyi zhal ta ba drang srong byin dang/ rnying pa gnyis dang
 dge bsnyen ri dags 'dzin gyi ma gas? dang/ dge bsnyen ma khyim bdag gi chud ma legs skyes kyi khyim dag nas gos mang po bslangs te/ drug sde 'khor dang bcas pa dag gis bsnams nas/ grong phreng ba can pa'i dge slong bzhi bcu po dag la?/
 rnyed rnying nyung shas zhig byin te btang ba'i skabs te/ dge slong rnams kyis bcom ldan 'das la gsol to/ /de nas bcom ldan 'das kyis dge slong gos slong bar rigs pas kyang/ stod g.yogs smad g.yogs dang bcas pa'i mthar thugs pa las lhag pa
 len pa dgag par dgongs nas snga ma bzhin du/ dge slong gos phrogs sam/ gos rlag gam/ gos tshig gam/ gos rlung gis phyer ram/ gos chus khyer na khyim bdag gam khyim bdag gi chud ma nye du ma yin pa'i gan du song la gos bslang bar bya'o/ /gal
 te de na bram ze 'am khyim bdag dad pa zhig gis dus kyis gos mang po stobs la 'dod na dge slong des de las stod g.yogs smad g.yogs dang bcas pa'i mthar thug par blang bar bya'o/ /de las lhag par len na spang ba'i ltung byed do zhes bca' ba
 mdzad de/ yul ni mnyan yod/ gang zag ni grong phreng ba can ba'i dge slong bzhi bcu dang drug sde rnams/ nyon mongs pa ni ma rtags par spyod pa dang 'dod zhen/ nyes pa ni len pa'i drod mi shes pa'o/ /de la dge slong zhes bya ba ni chos 'di pa'o/ /gos phrogs
 sam zhes bya ba ni 'di lta ste/ dge slong gi gos dag chom rkun pa dag gam/ g.yon can dag gis phrogs par gyur pa'o/ /gos rlag gam zhes bya ba ni 'di lta ste/ dge slong gis gos rlag par gyur pa 'am 'khyams par gyur pa'o/ /gos
 tshig gam zhes bya ba ni 'di lta ste/ dge slong gi gos dag mes tshig par gyur pa'o/ /gos rlung gis khyar ram zhes bya ba ni 'di lta ste/ dge slong gi gos dag rlung gis khyer bar gyur pa'o/ /gos chus khyed na zhes bya ba ni 'di lta ste/ dge slong gi
 gos dag chus khyer na'o/ /khyim bdag gam zhes bya ba ni skyes pa'o/ /khyim bdag gi chung ma zhes bya ba ni 'di lta ste/ bud med do/ /nye du ma yin pa'i zhes bya ba ni/ phyi mo dang mes po dang/ phrugs kyi bdun pa tshun chad ni nye du yin la/ de phan chad ni nye du ma yin no//
 gan du song la zhes bya ba ni/ drung du song la'o/ /gos zhes bya ba ni bdun po bal gos dang/ sha na'i gos dang/ zar ma'i gos dang/ ras bal gyi gos dang/ du gu la'i gos dang/ go taM ba'i gos dang/ nyi 'og gi gos las gang yang rung ba'o/ /bslang bar bya'o zhes
 bya ba ni slongs mo bya ba'o/ /gal te de la bram ze 'am khyim bdag dang pa zhig gi dus kyis gos mang po stobs la zhes bya ba ni 'bul ba'o/ /'dod na zhes bya ba ni don du gnyer na'o/ /dge slong des de la gos stod g.yogs smad g.yogs dang bcas pa'i mthar thug pa
 blang bar bya'o zhes bya ba ni stod g.yogs smad g.yogs dang bcas pa ni gnyis te/ dge slong gi stod g.yogs smad g.yogs dang bcas pa dang/ khyim pa'i stod g.yogs smad g.yogs dang bcas pa'o/ /dge slong gi stod g.yogs smad g.yogs dang bcas pa ni/
 sar pa las snam sbyar nyi rim dang/ ras yug phran khru lnga pa dang do pa'o/ /khyim ba'i stod g.yogs smad g.yogs dang bcas pa ni/ /ras yug chen khru bcu gnyis dang/ ras yug phran khru bdun pa dang do pa'o/ /de las lhag par len na zhes bya ba ni/ de las gong
 ma'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la 'dir dngos gzhi'i ltung ba rnam par bzhag pa ni/ dge slong gos phrogs pa dang/ rlag pa dang/
 tshig pa dang/ rlung gis khyer ba dang/ chus khyer ba slong bar rigs pas mi'i 'gro bar gtogs pa/ khyim par gyur pa/ srog dang ngan pa/ nye du ma yin pa las/ stod g.yogs smad g.yogs dang bcas pa/ rung ba tshad las mi chung ba phrugs
 phrugs gcig las lhag par len na/ slong bar rigs pa'i spang ba'i ltung byed kyi dngos gzhir 'gyur ro/ /'di'i byed pa po yang mi'i 'gro bar gtogs pa khyim par gyur pa srog dang ldan pa nye du ma yin pa'o/ /'di la yan lag lngas dngos gzhi'i ltung bar
 'gyur te/ dge slong gos gso ba dang/ rlag pa dang/ tshig pa dang/ rlung gis khyer ba dang/ chus khyer bar gyur pa slong bar rigs pa dang/ sbyin bdag mi'i 'gro bar gtogs pa khyim par gyur pa/ srog dang ldan pa nye du ma yin pa dang/ stod g.yogs
 smad g.yogs dang bcas pa/ rung ba tshad dang ldan pa las mi chung ba dang/ stod g.yogs smad g.yogs dang bcas pa phrugs gcig gi mthar thugs pa las lhag pa dang/ len pa'o/ /de dag las yan lag ma tshang na ci rigs par na smad do/ /slong
 bar rigs pa'i spang ba ste bdun pa'o// //sngags pa slong ba'i spang ba'i gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyis kun dga' ra ba na bzhugs so/ /mnyan yod na khyim bdag gza' bran
 gnyis shig 'dod pa la logs par spyod pas/ bu mo mdag gzhug ma zhig yod pa rtag tu brdegs nas/ nye dags de tshor nas khyim bdag gza' bran gnyis ci nas kyang skyabs su 'gro ba dang/ bslab pa'i gzhi dag la gnas par gyur pa de lta de ltar tshul khrims kyi
 bsngags pa brjod cing/ tshul khrims 'chal ba'i bsngags pa ma yin pa yang brjod nas/ des de gnyis skyabs su 'gro ba dang bslab pa'i gzhi dag la gnas par byas so/ /de phyin chad de gnyis bu mo de la yang mi rdeg cing nye dga' la yang ras
 yug chen po cig dbul bar glengs pa bu mo des thos nas nyes dga' la sbran pa dang/ nye dga' der 'ongs te ras yug chen ?bdas nas phul ba dang des ma mgu ste/ tshod 'dus nas ras yug chen bzang po nyos te dbul du bcug pa'i rin dus su ma khor
 nas/ bu lon pas khyim bdag bzung ste/ nyi ma la btags nas smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis spags pa slong ba dgag par dgongs nas
 snga ma bzhin du/ dge slong gi phyir khyim bdag gam khyim bdag gi chud ma nyi du ma yin pas gos kyi rin dag spags nas/ bdag gis gos rin 'di dag gis gos 'di dang/ 'di lta bu zhig nyos la/ dge slong ming 'di zhes bya ba 'ongs pa dang/ de la gos rung ba dus su bskon
 no snyam pa las/ de na gal te dge slong de la sngar ma bstabs par rnam par rtogs pa 'ga' zhig byung ste/ /bzang po 'dod pa'i phyir khyim bdag gam khyim bdag gi chung ma nye du ma yin pa de'i gan du song nas 'di skad ces/ tshe dang ldan pas bdag gi phyir gos kyi rin gang dag
 spags pa'i gos kyi rin de dag gis/ tshe dang ldan pa gos 'di dang 'di lta bu zhig nyos la/ bdag la gos rung ba dus su legs par bskon zhig ces smras te/ /gos grub na spang ba'i ltung byed do zhes bca' ba mdzad de/ yul ni mnyan yod/ /gang zag ni nye dga' / nyon mongs pa ni 'dod
 zhen/ nyes pa ni spags pa spong ba'o/ /de la dge slong gis phyir zhes bya ba ni/ shAkya'i bu nye dga' 'am/ gzhan yang de lta bu gang yin pa'i phyir ro/ /khyim bdag gam zhes bya ba ni skyes pa'o/ /khyim bdag gi chud ma zhes bya ba ni bud med do/ /nye du ma yin pas zhes bya ba ni/
 phyi mo dang/ mes po dang/ phrugs kyi bdun pa tshun chad ni nye du yin la de phan chad ni nye du ma yin no/ /gos kyi rin dag ces bya ba ni gser ram dngul lo/ /spags nas zhes bya ba ni sta? gon byas nas so/ /bdag gi gos kyi rin 'di dag gis zhes bya ba ni gser ram dngul la
 sogs pa gang dag spags pa dag gis so/ /gos 'di dang 'di lta bu zhig ces bya ba na bdun pa bal gos dang/ sha na'i gos dang/ zar ma'i gos dang/ du gu la'i gos dang/ ras bal gyi gos dang/ ko ta pa'i gos dang/ nyi 'og gi gos las gang yang rung ba'o/ /
 nyos la zhes bya ba ni nyos te'o/ /dge slong 'di dang 'di zhes bya ba 'ongs dang zhes bya ba ni shAkya'i bu nye dga' 'am/ gzhan yang de lta bu gang yin pa'o/ /de la gos rung ba dus su bskon no snyam pa las zhes bya ba ni longs spyod par bzod pa'o/ /de na gal
 te dge slong de la sngar ma bstabs par zhes bya ba ni sngar mgron du ma bos bar ro/ /rnam par rtogs pa 'ga' zhig byung ste zhes bya ba ni bsnyen bkur byed pa 'ga' zhig byung ste'o/ /bzang po 'dod pa'i phyir zhes bya ba ni/ rab dang mchog 'dod pa'i phyir ro/ /khyim bdag
 gam khyim bdag gi chung ma nye du ma yin pa de'i gan du song nas zhes bya ba ni drung du song nas so/ /'di skad ces tshe dang ldan pas bdag gi phyir gos kyi rin gang dag spags pa'i/ gos kyi rin bdag gis tshe dang ldan pa gos 'di dang 'di lta bu zhig nyos la zhes bya ba
 ni cig nyis te'o/ /bdag la gos su rung ba dus su legs par bskon cig ces smras te zhes bya ba ni spags pa slong ba'i tshig de skad ces smras te'o/ /gos grub na zhes bya ba ni gos thob na'o/ /spang ba'i ltung byed do zhes bya ba ni snga ma bzhin no/ /de la spags pa
 spang ba'i spang ba'? bi? ni/ sngar slong ba'i spang pa bshad pa'i rab tu dbye bar gyur pa yin pas mtshan nyid gzhan thams cad ni sngar slong ba'i spang ba'i skabs su bstan pa kho na bzhin no/ /bye brag tu na sbyin bdag gang yang rung bas stags gyang rung ma/ spags gyang rung ba dge
 slong gis mi shes pa slong ba ni slong ba'i spang pa sngar bstan pa'i yul yin la/ sbyin bdag spungs chung ngus spyil spags pa dge slong la ma phul ba dge slong ngas shes pa slong ba ni spags pa slong ba'i spang ba 'di'i yul yin no/ /de la 'dir dngos bzhi'i
 ltung ba rnam par bzhag pa ni/ dge slong gos phrogs pa dang/ rlag pa dang/ tshig pa dang/ rlung gis khyer ba dang/ chus khyer bar ma gyur pa slong bar mi rigs pas mi'i 'gro bar gtogs pa khyim par gyur pa srog dang ldan pa nye du ma yin pa las gos rung ba tshang ba ldan
 pa las mi chud pa spags pa ma phul bar shes pa rin zang dang/ kha dog dang/ khru tshang las rnam pa gang bslangs pa de nyid thob na/ spags pa slong ba'i spang ba'i ltung byed kyi dngos gzhir 'gyur ro/ /'di'i byed pa po yang ni'i 'gro bar gtogs pa khyim par gyur pa/ srog dang ldan
 pa nye du ma yin pa'o/ /'di la yan lag lngas dngos gzhi'i ltung bar 'gyur te/ /dge slong gos phrogs pa dang/ rlag pa dang/ tshig pa dang/ rlung gis khyer ba dang/ chus khyer bar ma gyur pa slong bar mi rigs pa dang/ sbyin bdag mi'i 'gro bar gtogs pa khyim par gyur pa/ srog
 dang ldan pa nye du ma yin pa dang/ gos rung ba tshad dang ldan pa las mi chung ba spags pa ma phul bar shes pa dang/ rin thang dang kha dog dang khru tshang las spags pa ma phul bar shes pa rnam pa gang bslangs pa dang/ de nyid thob pa'o/ /de dag las yan lag ma tshang na ci rigs
 par na smad do/ /spags pa slong ba'i spang ba ste brgyad pa'o// //so so nas spags pa slong ba'i spang ba'i gleng gzhi ni/ sangs rgyas bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na
 khyim bdag gza' bran gnyis shig 'dod pa la log par spyod pa/ bu mo mngag gzhug ma zhig yod brtag tu brdegs nas/ nye dags de tshor nas khyim bdag gza' bran gnyis ci nas kyang skyabs su 'gro ba dang/ bslab pa'i gzhi dag la gnas par 'gyur ba da lta de
 ltar tshul khrims kyi bsngags pa brjod cing/ tshul khrims 'chal ba'i bsngags pa ma yin pa yang brjod nas/ nges de gnyis skyabs su 'gro ba dang/ bslab pa'i gzhi dag la gnas par byas so/ /de phyin chad de gnyis bu mo de la yang mi rdeg cing/ nye dga' 
 la yang so so nas ras yug chen re re dbul bar glengs pa bu mo nges thos nas/ nye dga' la sbran pa dang/ nye dga' der 'ongs te/ so so nas ras yug chen re re dbul bar byas pa bdas pa phul ba dang/ des ma mgu ste tshong 'dus nas so so nas ras yug chen
 bzang po re re nyos te 'bul du bcug pa'i rin dus su ma khor nas/ bu lon pas khyim bdag de bzung ste/ nyi ma la btags nas smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das
 la gsol to/ de nas bcom ldan 'das kyis so so nas spags pa slong ba dgag par dgongs nas snga ma bzhin du/ dge slong gi phyir khyim bdag dang khyim bdag gi chung ma nye du ma yin pas gos kyis rin so so bdag spags nas/ bdag cag gnyis kyis
 gos kyi rin so so ba 'di dag gis gos 'di dang 'di lta bu so so bdag nyos la/ dge slong ming 'di zhes bya ba 'ongs dang bdag cag gnyis kyis so so nas/ de la gos rung ba dus su bskon no snyam pa las/ de nas gal te dge slong de la sngar ma bstabs par
 rnam par rtogs pa 'ga' zhig byung ste/ bzang po 'dod pa'i phyir khyim bdag dang/ khyim bdag gis chung ma nye du ma yin pa de dag gi gan du song nas/ 'di skad ces tshe dang ldan pa dag gis bdag gi phyir gos kyi rin so so ba gang dag spags pa'i gos kyi
 rin so so ba de dag gis/ tshe dang ldan pa dag gos 'di dang 'di lta bu so so ba dag nyos la gnyi ga 'dus te/ bdag la gos rung ba cig dus su legs par bskon cig ces smras te/ gos grub na spang ba'i ltung byed do zhes bca' ba mdzad de/ yul ni mnyan
 yod/ gang zag ni nye dga' / nyon mongs pa ni 'dod zhe na/ nyes pa ni so so nas spags pa slong ba'o/ /de la dge slong gi phyir zhes bya ba ni/ shAkya'i bu nye dga' 'am/ gzhan yang de lta bu gang yin pa'i phyir ro/ /khyim bdag dang zhes bya ba ni skyes pa'o/ /khyim
 bdag gi chung ma zhes bya ba ni bud med do/ /nye du ma yin pas zhes bya ba ni/ phyi mo dang mes po dang/ phrugs kyi bdun pa tshun chad ni nye du yin la/ de phan chad ni nye du ma yin no/ /gos kyi rin zhes bya ba ni gser ram dngul lo/ /so so bdag ces bya ba ni tha
 dad pa dag go /spags nas zhes bya ba ni sta gon byas nas so/ /bdag cag gnyis kyis gos kyi rin so so ba 'di dag gis zhes bya ba ni gser ram dngul la sogs pa so so ba gang dag spags pa dag gis so/ /gos 'di dang 'di lta bu zhes bya ba ni bdun pa po la gos
 dang/ sha na'i gos dang/ zar ma'i gos dang/ du gu la'i gos dang/ ras bal gyi gos dang/ ko taM pa'i gos dang/ nyi 'og gi gos las gang yang rung ba'o/ /so so ba dag ces bya ba ni tha dad pa'o/ /nyos la zhes bya ba ni nyos te'o/ /dge slong ming 'di zhes bgyi ba 'ongs dang zhes
 bya ba ni/ shAkya'i bu nye dga' 'am gzhan yang de lta bu gang yin pa'o/ /bdag cag gnyis kyis so so nas de la gos rung ba dus su bskon no snyam pa las zhes bya ba ni longs spyod par bzod pa'o/ /de na gal te dge slong de la slar ma bstabs par zhes bya ba ni shAkya'i
 bu nye dga' 'am/ gzhan yang de lta bu gang yin pa'o/ /rnam par rtog pa 'ga' zhig byung ste zhes bya ba ni bsnyen bkur byed pa 'ga' zhig byung ste'o/ /bzang po 'dod pa'i phyir zhes bya ba ni rab dang mchog 'dod pa'i phyir ro/ /khyim bdag dang khyim bdag gi chud ma nye
 du ma yin pa de dag gi gan du song nas zhes bya ba ni drung du song nas so/ /'di skad ces tshe dang ldan pa dag gis bdag gi phyir gos kyi rin so so ba gang dag spags pa'i gos kyi rin so so ba de dag gis tshe dang ldan pa dag gos 'di dang 'di lta bu so so ba dag
 nyos la zhes bya ba ni/ tha dad pa dag nyos te'o/ /gnyi ga 'dus te zhes bya ba ni gnyi ga tshogs te'o/ /bdag la gos rung ba cig dus su legs par bskon cig ces smras te/ zhes bya ba ni so so nas spags pa slong ba'i tshig de skad ces smras te'o/ /gos grub
 na zhes bya ba ni gos thob na'o/ /spang pa'i ltung byed do zhes bya ba snga ma bzhin no/ /de la so so nas spags pa slong ba'i spang pa 'di ni sngar spags pa slong ba'i spang ba bshad pa'i rnam pa yin pas/ mtshan nyid gzhan thams cad ni sngar spags pa slong ba'i
 skabs su bstan pa kho na bzhin no/ /bye brag tu na sbyin par byed pa'i spungs kyi bye brag las ltung ba tha dad par rnam par bzhag par bya ste/ sngar spags pa slong ba'i spang ba ni sbyin par byed pa khyim bdag dang khyim bdag gi chung ma gnyi
 gas spyi la gos kyi rin cig spags pa spungs chung ngu'i bye brag las rnams par bzhag go /'dir so so nas spags pa slong ba'i spang pa ni sbyin par byed pa khyim bdag dang khyim bdag gi chung ma gnyis kas so so nas kyi rin spags pa spungs chen
 po'i bye brag las rnam par bzhag ste/ de ltar na slong ba'i spang ba dang/ spags pa slong ba'i spang ba dang/ so so nas spags pa slong ba'i spang ba la bye brag 'di yod de sbyin bdag gang yang rung bas spags kyang rung/ ma spags kyang rung ba de dge slong gis
 mi shes pa slong ba ni slong ba'i spang ba'i yul yin la/ sbyin bdag spungs chung ngus spyi la spags pa dge slong la ma phul ba dge slong des shes pa slong ba ni spags pa slong ba'i spang ba'i yul yin la/ sbyin bdag spungs chen po so so nas spags pa dge slong la ma
 phul ba dge slong nges shes pa slong ba ni so so nas spags pa slong ba'i spang ba'i yul yin no/ /de la 'dir ni dngos gzhi'i ltung ba rnam par bzhag pa ni/ dge slong gos phrogs pa dang/ rlag pa dang/ tshig pa dang/ rlung gis khyer ba dang/ chus khyer bar ma
 gyur pa slong bar mi rigs pas sbyin par byed pa spungs che ba mi'i 'gro bar gtogs pa/ khyim par gyur pa srog dang ldan pa nye du ma yin pa las/ gos rung ba tshad dang ldan pa las mi chung ba so so nas spags pa ma phul bar shes pa dag rin thang dang/ kha dog dang khru chad las
 rnam pa gang dag bslangs pa de dag nyid thob na/ so so nas spags pa slong ba'i ltung byed kyi dngos gzhir 'gyur ro/ /'di'i byed pa po ni sbyin par byed pa spungs che ba mi'i 'gro bar gtogs pa khyim par gyur pa srog dang ldan pa nye du ma yin pa'o/ /'di la yan lag lngas
 dngos gzhi'i ltung bar 'gyur te/ dge slong gos phrogs pa dang/ rlag pa dang/ tshig pa dang/ rlung gis khyer ba dang/ chus khyer bar ma gyur pa slong bar mi rigs pa dang/ sbyin bdag spungs che ba mi'i 'gro bar gtogs pa khyim par gyur pa/ srog dang ldan pa nye du ma yin pa dang/
 gos rung ba tshad dang ldan pa las mi chung ba/ so so nas spags pa ma phul bar shes pa dang/ rin thang dang/ kha dog dang/ khru tshad las so so nas spags pa ma phul bar shes pa rnam pa gang bslangs pa dang/ de nyid thob pa'o/ /de dag las yan lag ma tshang na ci rigs par
 na smad do/ /so so nas spags pa'i spang ba ste dgu pa'o// //bskur ba'i spang ba'i gleng gzhi ni/ sangs rgyas bcom ldan 'das rgyal po'i khab na/ 'od ma'i tshal bya ka lan+ta ka'i gnas na bzhugs so/ /nye dga' ba blo skyes pa 'di dag thams cad mgon med zas sbyin
 gyis bslab pa'i gzhi dag gis bsdoms pa byas pas phyin chad ras yug phran sgre bo yangs su la yang bslang bar mi nus kyis/ 'di na bdag dang lhan cig yi ge grwa na yig 'bru'i yi ge dag slob slob pa bram ze dbyar tshul yod kyis de'i gan du song ste bltas na/ de las cung
 zad thob po snyam nas de'i khyim du song ba dang/ bram ze dbyar tshul gyis nye dga' dbyar gnas pa la/ karSha pa na drug cu dbul bar khas blangs so/ /de'i tshe na bcom ldan 'das dge slong gi dge 'dun gyi 'khor dang bcas pa/ ko sa la dag tu ljongs rgyur gshegs par chas
 nas/ nye dga' bram ze dbyar tshul gyi gan du song ba dang/ bram ze dbyar tshul gyis/ nye dga' gang dang gang du gnas par/ karSha pa ni drug cu bskur bar byas nas/ nye dga' yang bcom ldan 'das ko sa la dag tu ljongs rgyur gshegs pa'i zham 'bring du song ste/ de
 nas bcom ldan 'das mnyan yod du byon nas/ mnyan yod na rgyal byed kyi tshal mgon med zas sbyin gyis kun dga' ra ba na bzhugs so/ /de'i tshe na bram ze dbyar tshul gyis/ mnyan yod pa'i tshong ba rgyal po'i khab tu tshong la 'ongs pa'i phyir/ /mnyan yod du 'gro ba zhig la/
 karSha pa ni drug cu bskur te/ nye dga' la phul zhig ces bsgo'o/ /de nas tshod pa des de khyer te/ mnyan yod du nye dga' la phul nas/ nye dags de srang nas gtsug lag khang du khyer ba'i khye'u dag brnyas te/ mthar gyis spos 'tshong gi khye'u dad pa
 can zhig gis khyim du btams te bzhag go /phyi de nang par nye dga' de lan du 'ongs na tshong pa rnams kyis kyang bdag cag las gang nang par sngar mi 'du bar nyi ma shar na 'ong ba de karSha pa ni drug cus bcad pa'i khrims su bya ba bcas te/ de nas nye dags spos
 'tshong gi khye'u de la btams pa'i karSha pa ni drug cu bdas te/ spos 'tshong gi khye'u de/ nye dga' la de 'bul ba'i tshe/ nye dags rgya lta ba la sogs pa'i tha snyad kyis brgyangs pa na nyi ma shar bar gyur nas/ spos 'tshong gi khye'u de chags kyi nang du 'du 'phyis pas/
 karSha' pa na drug cus bcad de smod par byed/ phyar ka gtong bar byed kha zer byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis nor dad? dang mi mdzes pa dgag par dgongs nas snga ma bzhin du/ dge slong gi
 phyir rgyal po 'am/ blon po chen po 'am/ bram ze 'am/ khyim bdag gam/ khyim bdag gi chung ma 'am/ grong rdal gyi mi 'am/ yul mi 'am/ nor can nam/ tshong dpon gyis pho nya'i lag tu gos kyi rin dag bskur bar gyur la/ de nas pho nya de gos kyi rin
 de khyer nas dge slong de gal ba der song ste/ phyin nas/ dge slong de la 'di skad ces 'phags pa mkhyen par mdzod cig /khyod la rgyal po 'am/ blon po chen po 'am/ bram ze 'am/ khyim bdag gam/ khyim bdag gi chung ma 'am/ grong rdal gyi mi
 'am/ yul mi 'am/ nor can nam/ tshong dpon nam/ ded dpon che go mos gos kyi rin 'di dag bskur gyis/ 'phags pas thugs brtse ba'i slad du 'di dag bzhes shig ces zer na/ dge slong des pho nya de la 'di skad ces tshe dang ldan pa pho nya dge
 slong dag ni gos kyi rin dag len du mi rung ste/ bdag cag gos rung ba dus su rnyed na ni len to zhes brjod par bya'o/ /gal te pho nya de dge slong de la 'di skad ces/ 'phags pa rnams kyis zhal ta bgyid pa/ 'phags pa rnams kyis zhal ta nyams su len pa gang lags
 pa 'ga' mchis sam zhes zer na/ dge slong gos 'dod pas pho nya 'di ni/ dge slong rnams kyi zhal ta byed pa ste/ 'di ni dge slong rnams kyi zhal ta nyams su len pa'o zhes kun dga' ra ba 'am/ dge bsnyen zhal ta byed pa bstan par bya'o/ /de nas pho nya nges gos kyi
 rin de dag khyer nas zhal ta byed pa ga la ba der 'gro bar bya zhing/ phyin nas zhal ta byed pa de la 'di skad ces/ tshe dang ldan pa zhal ta byed pa shes par gyis shig /khyod kyis gos kyi rin 'di dag gis gos 'di dang 'di lta bu zhig nyos la/ dge slong ming 'di zhes bya ba
 'ongs dang/ de la gos rung ba dus su skon cig ces brjod par bya'o/ /de nas pho nya de zhal ta byed pa de la shin tu legs par yang dag par bsgo zhing yang dag par bstan nas/ dge slong de ga la ba der 'gro bar bya zhing phyin nas dge slong de la 'di skad ces 'phags pas
 zhal ta bgyid pa bstan pa gang lags pa de las bdag gis yang dag par bstan lags kyis/ de'i gan du bzhud cig dang des khyed la gos rung ba dus su skon par 'gyur ro zhes brjod par bya'o/ /dge slong gos 'dod pas zhal ta byed pa'i gan du song la/ tshe dang ldan
 pa zhal ta byed pa bdag gos 'dod do/ /tshe dang ldan pa zhal ta byed pa bdag gos 'dod do zhes lan gnyis lan gsum du bskul bar bya dran par bya'o/ /lan gnyis lan gsum du bskul zhing dran par byas pa na gal te gos de grub na de lta na legs/ gal te ma
 grub na lan bzhi lan lnga lan drug gi bar du phyogs su chang mi smra bar bsdad par bya'o/ /lan bzhi lan lnga lan drug gi bar du phyogs su cad mi smra bar bsdad pa na/ gal te gos de grub na de lta legs/ gal te ma grub na de'i 'og tu gos bsgrub pa'i phyir btsal
 te/ gos grub na spang pa'i ltung byed do/ /gal te ma grub na phyogs gang nas gos kyi rin de dag 'ongs pa der bdag 'gro bar bya'o/ /yang na yid bstan pa'i pho nya las tshe dang ldan pa dag gis dge slong che ge mo'i phyir gos
 kyi rin gang dag bskur pa de dag ni dge slong de'i don cir yang ma grub kyis shes par gyis shig /tshe dang ldan pa dag gi rang gi nor chud ma gsan cig ces spring bar bya ste/ de la de ni cho ga yin no zhes bca' ba mdzad de/ yul ni mnyan yod/ gang
 zag ni nye dga' / nyon mongs pa ni nor dang/ nyes pa ni mi mdzes pa'o/ /de la dge slong gi phyir zhes bya ba ni shAkya'i bu nye dga' 'am/ gzhan yang de lta bu gang yin pa'i phyir ro/ /rgyal po 'am zhes bya ba ni 'di lta bu ste/ bud med rgyal srid
 la dbang bskur bas/ dbang bskur bar gyur pa de yang rgyal po rgyal rigs spyi bor dbang bskur ba yin la rgyal rigs dang/ bram ze dang/ rje'u rigs dang/ dmangs rigs rgyal srid la dbang bskur bas dbang bskur bar gyur na/ de yang rgyal
 po rgyal rigs spyi bor dbang bskur ba yin no/ /blon po chen po 'am zhes bya ba ni rgyal po las gzhan pa blon po dang/ rtsis mkhan dang/ sna chen po la gtogs pa rgyal srid byed pa gsang tshig mthun pas 'tsho ba gang dag rgyal po la brten
 nas 'tsho bar byed pa dag go /bram ze 'am zhes bya ba ni/ bram ze 'am gtsang sbra can no/ /khyim bdag gam zhes bya ba ni khyim bdag phyug po'o/ /grong rdal gyi mi 'am zhes bya ba ni grong khyer gyi mi'o/ /yul mi 'am zhes bya ba ni yul gyi mi'o/ /nor can nam
 zhes bya ba ni bye bas phyug pa'o/ /tshong dpon nam zhes bya ba ni/ cod pan bcings pa'o/ /ded dpon gyis zhes bya ba ni gang gis len gnyis lan gsum 'gron pa don mthun pa ngas par gyur pas so/ /pho nya'i lag tu zhes bya ba ni skyes pa dang bud
 med dang/ ma ning gi lag tu'o/ /gos kyi rin dag ces bya ba ni gser ram dngul dag bskul bar gyur la zhes bya ba ni bsrod par gyur pa la'o/ /de nas pho nya de gos kyi rin de dag khyer nas/ dge slong ga la ba der song ste phyin nas/ dge slong de la 'di
 skad ces 'phags pa mkhyen par mdzod cig /khyod la rgyal po 'am/ blon po chen po 'am/ bram ze 'am/ khyim bdag gam/ khyim bdag gi chung ma 'am/ grong rdal gyi mi 'am/ yul mi 'am/ nor can nam/ tshong dpon nam/ ded dpon che ge mos
 gos kyi rin 'di dag bskur gyis/ 'phags pas thugs brtse ba'i slad du 'di dag bzhes shig ces zer na/ zhes bya ba ni pho nyas dge slong dag la sbyin bdag gis gos kyis rin bskur ba dag phul nas phrin de skad ces smras na'o/ /dge slong des pho
 nya de la 'di skad ces tshe dang ldan pa pho nya dge slong dag gi ni gos kyi rin dag len du mi rung ste/ bdag cag gos rung ba dus su rnyed na ni len to zhes brjod par bya'o zhes bya ba ni dge slong dag dngos po mi rung ba rung bar ma byas pa dag mi len pa
 dang/ gos rung ba dus su rnyed pa len du rung ba'i tshul go bar byas te gos kyi rin dag ni gser dang dngul la sogs pa mi rung ba rung bar ma byas pa dag go /gos rung ba ni spyad bzod pa dag go /dus su rnyed pa ni gos bgod? pa'i dus dang/ slong bar
 rigs pa'i dus dang/ bstabs pa'i dus su rnyed pa'o/ /len to zhes bya ba ni bdag gir byed do zhes bya ba ste/ de skad ces brjod par bya'o/ /gal te pho nya de dge slong de la 'di skad ces 'phags pa rnams kyi zhal ta bgyid pa 'phags pa rnams kyi zhal ta
 nyams su len pa gang lags pa 'ga' mchis sam zhes zer na zhes bya ba ni pho nyas dge slong rnams kyi rung bar byed pa su yod ces brtag pa ste/ zhal ta bgyid pa zhes bya ba dag la zhal ta nyams su len pa zhes bya ba ni bsnan pa'i tshig ste/ gzhi
 cig tu bsdu'o/ /dge slong gos 'dod pas pho nya 'di ni dge slong rnams kyi zhal ta byed pa ste/ 'di ni dge slong rnams kyi zhal ta nyams su len pa'o/ /zhes kun dga' ra ba ba 'am/ dge bsnyen zhal ta byed pa bstan par bya'o zhes
 bya ba ni dge slong gis dge slong rnams kyi rung bar byed pa bstan pa ste/ dge slong gos 'dod pa zhes bya ba ni/ gal te gos don du gnyer bas so/ /kun dga' ra ba pa zhes bya ba dang/ dge bsnyen zhal ta byed pa zhes bya ba ni/ gzhi tha dad de/ gnyi
 ga yang zhal ta byed pa dang/ zhal ta nyams su len pa yin par sbyar ro/ /de la kun dga' ra ba zhes bya ba ni/ rung ba byed pa ste/ lha 'bangs dang rtse rgod la sogs pa'o/ /dge bsnyen zhes bya ba ni gsum la skyabs su song ba bslab pa'i gzhi lnga
 blangs pa ste/ dge slong gi 'khor du gtogs pa'o/ /de nas pho nya des gos kyi rin de dag khyer nas/ zhal ta byed pa de ga la ba der 'gro bar bya zhing phyin nas zhal ta byed pa de la/ 'di skad ces tshe dang ldan pa zhal ta byed pa shes par gyis shig
 khyod kyis gos kyi rin 'di dag gis gos 'di dang 'di lta bu zhig nyos la/ dge slong ming 'di zhes bya ba 'ongs dang de la gos rung ba dus su bskon cig ces brjod par bya'o zhes bya ba ni/ pho nyas gos kyi rin dag zhal ta byed pa la gtad cing/
 de dag gos rung bar sgyur la dge slong de la dus su phul zhig ces gtams shing rjes su brtan pa'i tshig yin no/ /de nas pho nya des zhal ta byed pa de la/ shin tu legs par yang dag par bsgo zhing yang dag par bstan nas dge slong de ga la ba
 der 'gro bar bya zhing phyin nas/ dge slong de la 'di skad ces 'phags pas zhal ta bgyid pa bstan pa gang lags pa de la bdag gis yang dag par bstan lags kyis de'i gan du bzhud cig dang/ des khyod la gos rung ba dus su bskon par
 'gyur ro zhes brjod par bya'o zhes bya ba ni/ yid bcugs pa'i tshig gis sngar mngon sum gtugs pa'i don gyis phyir rjes su go bar bya ba'i tshig yin no/ /dge slong gos 'dod pas zhal ta byed pa'i gnas su song la/ tshe dang ldan pa zhal ta byed pa
 bdag gos 'dod do/ /tshe dang ldan pa zhal ta byed pa bdag gos 'dod do/ /zhes lan gnyis lan gsum du bskul bar bya/ dran par bya'o zhes bya ba ni dge slong gis 'jig rten dang mi 'gal ba dang/ 'dul ba dang mi 'gal bar bya ba'i tshul bstan
 pa ste/ lan cig gis grub na gnyis bya mi dgos/ gnyis pas grub na gsum bya mi dgos/ gnyis pas ma grub na gsum pa yang bya ste/ re zhig de dag ni dus dang por bya ba yin no/ /lan gnyis lan gsum du bskul zhing dran par byas pa
 na/ gal te gos nga grub na de lta na lags zhes bya ba ni de lta na bzang ba ste/ sbyin bdag dang pho nya dang zhal ta byed pa la yang btang ba las byung ba dang/ yongs su longs spyad pa las byung ba'i bsod nams bya ba'i gzhi 'phel bar 'gyur la/ dge
 slong la yang 'jig rten dang 'gal ba dang/ 'dul ba dang 'gal ba'i nyes pa med pa'i phyir ro/ /gal te ma grub na lan bzhi lan lnga lan drug gi bar du phyogs su cang mi smra bar bsdad par bya'o zhes bya ba ni dge slong gis 'jig rten dang mi 'gal
 ba dang/ 'dul ba dang mi 'gal bar spyad pa'i cho ga yin no/ /phyogs su zhes bya ba ni phyogs bzhi po dag ste/ phyogs bzhi po dag gang zhe na/ 'bod gnas dang/ khyim gnas dang/ las kyi mdza' dang/ las kyi gnas dag go /de la 'bod gnas
 ni/ rdza mkhan gyi gnas dang 'dreg mkhan gyi gnas so/ /khyim gnas ni khyim gyi gnas sam chu'i gnas so/ /las kyi mdza' ni bu ram shing gi las kyi mdza' dang 'bras sA lu'i las kyi mdza' dang/ lan tsha'i las kyi mdza' dag go /las kyi
 gnas ni tshong khang dang/ tshong rdal lo/ /cang mi smra bar bsdad par bya'o zhes bya ba ni bskul ba'i sgo drug po dag gis te/ bskul ba'i sgo drug po dag gang zhe na khyod 'ongs sam zhes zer ba la de'i phyir ro/ /zer ba dang/ 'ongs pa
 legs so zhes zer ba la de'i phyir ro zhes bya ba dang/ stan 'di la 'dug cig ces zer ba la/ de'i phyir ro zhes bya ba dang/ rkang pa khrus shig ces zer ba la de'i phyir ro zhes zer ba dang/ bca' ba dang/ bza' ba zo zhig ces zer ba la de'i
 phyir ro zhes zer ba la dang/ btung ba 'thung zhig ces zer ba la/ de'i phyir ro zhes bya ba'o/ /bskul pa'i sgo drug po dag ha cang myur ba dang/ thogs pa med par rjod cing de la gzhan gyi tshig gi skabs med par byed na bskul ba'i sgo drug po
 dag yongs su ma rdzogs pa yin par rig par bya'o/ /bskul ba'i sgo drug po de dag ha cang mi myur ba dang/ thogs pa dang bcas par brjod cing de la gzhan gyi tshig gi skabs yod par byed na/ bskul ba'i sgo drug po dag yongs su rdzogs pa
 yin par rig par bya'o/ /lan bzhi lan lnga lan drug gi bar du phyogs su cang mi smra bar bsdad pa na/ gal te gos de grub na de lta na legs zhes bya ba ni/ dge slong la 'dul ba dang 'gal ba'i kha na ma tho ba'i dngos gzhi dang/ sbyor ba dang/
 sbyor ba'i sbyor ba'i ltung ba yang med la/ sbyin bdag dang/ pho nya dang/ zhal ta pa dag la yang btang ba las byung ba dang/ yongs su longs spyad pa las byung ba'i bsod nams bya ba'i gzhi 'phel bar 'gyur ba'i phyir ro/ /gal te ma grub na de'i 'og
 tu bsgrub pa'i phyir brtsal te gos grub na spang ba'i ltung byed do zhes bya ba ni ltung ba 'di'i byed pa po yin te/ de'i 'og tu zhes bya ba ni de'i 'og rol du'o/ /gos bsgrub pa'i phyir brtsal te zhes bya ba ni 'jig rten dang 'gal ba dang/ 'dul ba dang
 'gal ba'i 'dzem pa spangs nas so/ /gos grub na zhes bya ba ni thob na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ de na spang ba'i ltung byed do zhes gsungs so/ /nga ni dus dang por
 bya ba dang/ ltung ba med par bya ba'i cho ga sngar? bstan pa de dag la tshul bzhin du gnas pa'i dge slong bslab pa'i gzhi 'di'i ltung ba ma byung bas sbyin bdag dang/ pho nya dang/ dge slong rang bzhin nyid kyi 'dod pa bzhin ma grub par zhal ta byed pas
 'jig rten 'di ngad? pha rol gyi don la ma gzems par spyi thun gyi rdzas dang/ bsod nams bar du brnogs pa la dge slong gis chos bzhin du bsgrub pa'i cho ga bstan par bya ste/ gal te ma grub na/ gang nas gos kyi rin de dag 'ongs pa der
 bdag 'gro bar bya'o zhes bya ba ni/ dge slong bdag nyid sbyin bdag gi drung du brda sprad du 'gro bar bya'o/ /yang na yid brtan pa'i pho nya las tshe dang ldan pa dag gis/ dge slong che ge mo'i phyir gos kyi rin gang dag bskur ba de dag ni dge slong
 de'i don cir yang ma grub kyis shes par gyis shig /tshe dang ldan pa dag gis rang gi nor chud ma gsan zhig ces spring bar bya ste/ zhes bya ba ni yang na lhan cig gnas pa 'am/ nye gnas las de skad spring bar bya ste/ de la de ni cho ga yin no
 zhes bya ba ni skabs de la thabs de ltar bya ba de ni 'jig rten dang mi 'gal ba dang/ 'dul ba dang mi 'gal ba'i rjes su mthun pa'i chos yin pa'o/ /de la 'dir dngos gzhi'i ltung ba rnam par bzhag pa ni/ dge slong gis sbyin bdag mi'i 'gro
 bar gtogs pa phyim par gyur pas gos kyi rin gser dngul la sogs pa rung ba ma yin pa pho nya'i mi'i 'gro bar gtogs pa khyim par gyur pa las bskur ba spangs nas/ pho nyas dge slong gi zhal ta byed pa mi'i 'gro bar gtogs pa khyim
 par gyur pa dris shing/ dge slong gis bstan pa la pho nyas bsgo zhing smras te/ dge slong la yang brjod pa'i zhal ta byed pa de la bskul ba lan gsum dang bsdad pa lan gsum las lhag gam/ sbyin bdag gi sems bsru
 bar rjes su bsgrub par khas ma blangs pa las gos blangs na bskur ba'i spang ba'i ltung byed kyis dngos gzhir 'gyur ro/ /'di'i byed pa po ni sbyin bdag dang/ pho nya dang/ zhal ta byed pa gsum char mi nyid dang/ khyim pa nyid yin pa dang/
 bskul pa dang/ bsdad pa lhag pa dang/ sbyin pa byed pa'i sems bsdu bar rjes su bsgrub pa khas ma blangs pa'o/ /'di la yan lag lngas dngos gzhi'i ltung bar 'gyur te/ sbyin bdag dang pho nya dang/ zhal ta byed pa gsum char mi nyid dang
 khyim pa nyid yin pa dang/ gos kyi rin rung ba ma yin pa spangs pa dang/ bskul ba dang sdad pa lhag pa dang/ sbyin par byed pa'i sems bsdu bar rjes su bsgrub par khas ma blangs pa dang/ gos blangs pa'o/ /de dag la yan lag ma tshang na ci
 rigs par na smad do/ /bskur ba'i spang pa ste bcu pa'o// //sdom la srin bal 'ba' zhig cha gnyis dang/ /drug dang mtho gang lam dang ni/ /'khru ba dang ni gser dngul dang/ /mngon mtshan can dang nyo tshong ngo/ /zhes bya ba ni bcu pa
 gnyis pa yin te/ sdom la zhes bya ba'i dgos pa dang tshig gi don ni snga ma bzhin no/ /bcu pa gnyis pa 'dis kyang spang ba'i ltung byed kyi chos bcu bstan te/ srin bal dang/ bal nag po 'ba' zhig dang/ cha gnyis bsre ba dang/ lo drug tu
 bcang ba dang/ mtho gang dang/ bal thogs pa dang/ bal rmal du 'jug pa dang/ gser dngul la reg pa dang/ mngon mtshan can gyis spyod pa dang/ nyo tshong byed pa'o/ /de dag kyang bstan dang/ de'i rgyu dang/ nyo tshong byed pa la shin tu chags
 pa'i nyon mongs pa'i bzhi'i dbang du byas nas gleng gzhi lnga dang/ gsum dang/ gnyis rim bzhin du spyad par bya'o/ /de la srin bal gyi spang ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun
 dga' ra ba ni bzhugs so/ /de'i tshe na dge slong dag srin bal gyi stan sar pa byed pa dang/ byed du 'jug ste/ srin bal dkon zhing rin che bas bya ba med pa dang/ byed pa med par gyur cing lung mnod pa dang/ klag pa dang/ kha ton dang/ rnal 'byor dang/ yid
 la bya ba dang/ nang gi sems kyi zhi gnas kyang gtong bar byed/ srin bal 'dod pa dang/ srin bal gyi don nyid du 'ongs pa dag /bram ze dang khyim bdag rnams la yang dang yang du rig par byed nas/ gzhan du mu stegs can dag shes ldan dag /shAkya'i
 bu'i dge sbyong 'di dag ni srog gcod par byed pa dag ste/ srog gcod pa las ma log /ma spangs so sor ma spangs pas/ des na srin bal gyi stan sar pa byed pa dang/ byed du 'jug ste/ de dag srin bal gyi stan sar pa byed pa dang/ byed du 'jug
 pas srin bal 'byung ba'i srin bu srog chags mang po'i tshogs bsgrubs shing srog gcod par byed de su zhig dge sbyong mgo reg 'di dag la bsod snyoms sbyin pa dang/ bya bar sems zhes smod dang byed/ phyar ka gtong bar byed/ kha zer bar
 byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang srin bal gyi stan sar pa byed na spang ba'i ltung byed do zhes bca' ba mdzad de/ yul ni mnyan yod/ gang zag
 ni dge slong rab tu mang po/ /nyon mongs pa ni 'dod zhe na/ nyes pa ni srin bal gyi stan sar pa byed pa'o/ /de la yang dge slong gang zhes bya ba ni chos 'di pa'o/ /srin bal gyi zhes bya ba ni/ dar gyi srin bu las byung ba'i srin bal gyi'o/ /stan zhes bya ba ni
 stan gnyis te/ nang tshangs can dang/ blings pa'o/ /don 'dir ni gnyis ka yin par dgongs so/ /sar pa zhes bya ba ni sar pa gnyis te/ gsar pas sar pa dang/ rnyed pas sar pa'o/ /don 'dir ni gsar bas sar pa yin par
 dgongs so/ /byed na zhes bya ba ni bdag nyid kyis byed dam gzhan byed du 'jug na'o/ /spang pa'i ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gis srin bal sar pa'i chun po dang/ 'da' 
 ba dang/ phung po las stan nang tshangs can nam/ blings pa rang gis byas sam/ gzhan byed du bcug pa dang/ dang po bkram pa nyid kyi tshe srin bal gyi spang ba'i ltung byed kyi dngos gzhir 'gyur ro/ /'di'i byed pa po ni srin bal sar pa'i stan nang
 tshangs can dang/ blings pa tshad dang ldan pa dang de bas lhag pa byed pa nyid do/ /'di la yan lag lngas dngos gzhi'i ltung bar 'gyur te/ srin bal dang/ sar pa dang/ stan dang/ byas pa dang/ byed pa mthar thug pa'i dang po bkram pa nyid do//
 de dag las yan lag ma tshang na ci rigs par na smad do/ /srin bal gyi spang pa ste bcu gcig pa'o// //bal nag po 'ba' zhig gi spang ba'i gleng bzhi ni/ sangs rgyas bcom ldan 'das mnyan yod na/ rgyal byed kyi tshal mgon
 med zas sbyin gyi kun dga' ra ba na bzhugs so/ /de'i tshe na dge slong dag bal nag po 'ba' zhig gi stan sar pa byed pa dang/ byed du 'jud de/ bal nag po 'ba' zhig ni dkon zhing rin che bas bya ba mang ba dang/ byed pa mang bar gyur cing/ lung
 mnod pa dang/ klag pa dang/ kha ton dang/ rnal 'byor dang/ yid la bya ba dang/ nang gi sems kyi zhi gnas kyang gtong bar byed/ bal nag po 'ba' zhig gi don du 'ongs pa dang/ bram ze dang khyim bdag rnams la yang dang yang du rig par byed
 nas/ dge slong don nyung du dag smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang lug bal nag po 'ba' zhig
 gi stan sar pa byed na spang pa'i ltung byed do zhes bca' ba mdzad do/ yul ni mnyan yod/ gang zag ni dge slong rab tu mang po/ /nyon mongs pa ni 'dod zhe na/ nyes pa ni lug bal nag po 'ba' zhig gi stan sar pa byed pa'o/ /de la yang dge slong gang zhes
 bya ba ni chos 'di pa'o/ /lug bal zhes bya ba ni lug gi bal lo/ /nag po 'ba' zhig gi zhes bya ba ni nag po bzhi ste/ rang bzhin gyis gnag pa dang sngo? bas gnag pa dang/ 'dam kha dang/ kham pa'o/ /stan zhes bya ba ni stan gnyis te/ nang tshangs can dang
 blings pa'o/ /don 'dir ni blings pa yin par dgongs so/ /sar ba zhes bya ba ni sar ba gnyis te/ gsar pas sar pa dang/ rnyed pas sar pa'o/ /don 'dir ni gsar pas sar pa yin par dgongs so/ /byed na zhes bya ba ni/ bdag nyid kyis byed dam/ gzhan
 byed du 'jug na'o/ /spang ba'i ltung byed do zhes bya ba ni snga ma bzhin no/ /de la bal nag po 'ba' zhig gi spang pa 'di dang/ sngar srin bal gyi spang pa'i rnam pa bstan pa'i gnas skabs thams cad 'dra ste/ khyad par du na sngar srin bal zhes bya ba de'i gnas
 su/ 'dir bal nag po 'ba' zhig ces bya ba'i ming gzhan brjod par bya ste/ de'i phyir lug bal nag po 'ba' zhig ces bya ba gsungs so/ /de la 'dir dngos gzhi'i ltung ba rnam par bzhag pa ni/ dge slong gi lug bal nag po sar pa 'ba' zhig gi chun
 po dang 'ong ba dang/ phung po las stan blings par rang gis byas sam/ gzhan byed du bcug na dang po bkram pa nyid kyi tshe na/ bal nag po 'ba' zhig gi spang pa'i ltung byed kyi dngos gzhir 'gyur ro/ /'di'i byed pa po ni/ lug bal nag po sar pa/
 'ba' zhig gi stan blings pa tshad dang ldan pa dang/ de bas lhag pa byed pa nyid do/ /'di la yan lag lngas dngos gzhi'i ltung bar 'gyur te/ lug bal nag po 'ba' zhig dang/ sar pa dang bstan dang/ byas pa
 dang/ byed pa mthar thug pa'i dngos po bkram pa nyid do/ /de dag las yan lag ma tshang na ci rigs par na smad do/ /bal nag po 'ba' zhig gi spang ba ste bcu gnyis pa'o// //so sor thar pa'i mdo'i gdung 'grel/ /
 bam po bdun pa// //cha gnyis bsre ba'i spang ba'i gleng gzhi ni/ sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyi dge slong gis
 lug bal nag po 'ba' zhig gi stan sar pa mi bya'o zhes bka' stsal pas/ de dag bal dkar po dang 'khob bal cung zhig bcug nas/ lug bal nag po 'ba' zhig gi stan sar pa byed pa dang/ byed du 'dzud de/ des de dag kyang bya ba
 mang po dang/ byed pa mang bar gyur cing/ lung mnod pa dang/ klag pa dang/ kha ton dang/ rnal 'byor dang/ yid la bya ba dang/ nang gi sems zhi gnas kyang gtong bar byed/ de 'dod pa dang de'i don nyid du 'ongs pa dag bram ze dang khyim bdag
 rnams la/ yang dang yang du rig par byed nas/ dge slong don nyung du dag smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma
 bzhin du/ dge slong gis stan sar pa byed na cha gnyis ni lug bal nag po 'ba' zhig las gzhug par bya/ gsum pa ni dkar po las/ bzhi pa ni 'khob bal gzhug par bya'o/ /gal te dge slong gis cha gnyis lug bal nag po
 'ba' zhig las ma bcug gam/ gsum pa dkar po las/ bzhi pa 'khob bal las ma bcug par stan sar pa byed na spang ba'i ltung byed do zhes bca' ba mdzad de/ yul ni mnyan yod gang zag ni dge slong rab tu mang po/ /nyon mongs pa ni 'dod zhen/ nyes
 pa ni bal dkar po dang 'khob bal cung zhig bcug nas lug bal nag po 'ba' zhig gi stan sar pa byed pa'o/ /de la dge slong gis zhes bya ba ni chos 'di pas so/ /stan zhes bya ba ni stan gnyis te/ nang tshangs can dang/ /blings pa'o/
 don 'dir ni blings pa yin par dgongs so/ /sar pa zhes bya ba ni sar pa gnyis te/ gsar pas sar pa dang rnyed pas gsar pa'o/ /don 'dir ni gsar pas sar pa yin par dgongs so/ /byed na zhes bya ba ni bdag nyid kyis byed dam gzhan byed
 du 'jud na'o/ /cha gnyis ni lug bal nag po 'ba' zhig las gzhug par bya zhes bya ba la/ cha gnyis zhes bya ba ni rangs pa gcig la bzhi cha bzhir bshags pa'i bzhi cha gnyis te phyed do/ /lug bal zhes bya ba ni lug gi bal lo/ /nag po 'ba' 
 zhig las zhes bya ba ni nag po bzhi ste/ rang bzhin gyis gnag pa dang/ sngo bas gnag pa'o/ /'dam kha dang/ kham pa ste de las so/ /gzhug par bya zhes bya ba ni bsre bar bya ba'o/ /gsum pa ni dkar po las zhes bya ba la/ gsum pa zhes bya ba ni
 rangs pa gcig la bzhi cha bzhir bsres pa'i bzhi cha gsum pa ste/ bzhi cha gcig go /dkar po zhes bya ba ni glo'i bal dang/ rgyab kyi bal dang/ gnya' ba' i bal te de las so/ /bzhi pa ni 'khob bal las gzhug par bya'o zhes bya ba la/ bzhi po
 zhes bya ba ni/ rangs pa gcig la bzhi cha bzhir bsres pa'i bzhi cha bzhi pa ste bzhi cha gcig go /'khob bal zhes bya ba ni/ rkang pa'i bal dang/ mgo'i bal dang/ lto ba'i bal te de las so/ /gzhug par bya'o zhes bya ba ni bsre bar bya ba'o/ /de ltar
 na stan rangs pa gcig gi rgyu'i phyed ni lug bal nag po/ bzhi cha ni dkar po/ /bzhi cha ni 'khob bal las spyir bsres te blings par bya'i/ stan phyed nag po/ /bzhi cha dkar po/ /bzhi cha 'khob bal gyi kha dog las khra por bya ba ni ma
 yin no/ /gal te dge slong gi cha gnyis lug bal nag po 'ba' zhig las ma bcug gam/ gsum pa dkar po las bzhi pa 'khob bal ma bcug par zhes bya ba ni ma bsres par ro/ /stan sar pa byed na zhes bya ba ni stan blings pa gsar pas sar
 pa bdag nyid kyis byed dam gzhan byed du 'dzud na'o/ /spang ba'i ltung byed do zhes bya ba ni snga ma bzhin no/ /cha gnyis bsre ba'i spang ba 'di dang/ sngar srin bal gyi spang ba dang/ bal nag po 'ba' zhig gi spang ba'i rnam pa bstan pa'i gnas skabs dang 'dra ste/
 khyad par du ni sngar srin bal zhes bya ba dang/ bal nag po 'ba' zhig ces bya ba de'i gnas su 'dir cha gnyis bsras zhes bya ba'i ming gzhan brjod par bya ste/ de'i phyir lug bal nag po de dag phyed pas lhag pa nyid na'o zhes bya ba gsungs so/ /de
 la 'dir dngos gzhi'i ltung ba rnam par gzhag pa ni/ dge slong gis stan sar ba byed na phyed ni lug bal nag po/ /bzhi cha gcig ni dkar po/ /bzhi cha cig ni 'khob bal las gzhug par gsungs pa'i srang tshad las lug bal nag po dag phyed las lhag
 pa nyid las stan blings pa gsar pas sar pa rang gis byas sam/ gzhan byed du bcug na/ dang po bkram pa nyid kyi tshe na cha gnyis bsre ba'i spang ba'i ltung byed kyi dngos gzhir 'gyur ro/ /'di'i byed pa po ni/ yul gang na lug bal nag po dkon
 zhing rin chen lug bal nag po sar pa phyed pas lhag pa nyid kyi stan tshad dang ldan pa dang/ de las lhag pa byed pa nyid do/ /'di la yan lag lngas dngos gzhi'i ltung bar 'gyur te/ lug bal nag po dag phyed pas lhag pa nyid dang/ sar pa dang/ stan dang/
 byas pa dang byed pa mthar thug pa'i dang po bkram pa nyid do/ /de dag las yan lag ma tshang na ci rigs par na smad do/ /cha gnyis bsre ba'i spang pa ste bcu gsum pa'o// //lo drug tu bcad pa'i spang pa'i gleng gzhi ni/ sangs rgyas bcom ldan
 'das mnyan yod na/ rgyal bu rgyal byed kyi tshil mgon mgon med zas sbyin gyi kun dga' ra ba na bzhugs so/ /de'i tshe na dge slong rnams la stan mang ba nyid 'di lta bu 'di byung bar gyur to/ /de dag stan 'di ni ha cang rings so/ /'di ni ha cang thungs
 so/ /'di ni ha cang dog go /'di ni ha cang yangs so/ /'di ni thams cad kyi thams cad du bug rdol dang/ sha zad pa dang/ bcos pa dka' ba nyid yin no zhes de bor nas gzhan byed du 'jud pas dge slong de dag stan byas shing 'dor ba na bya ba mang ba dang/
 byed pa mang bar gyur cing/ lung mnod pa dang/ klag pa dang/ kha ton dang/ rnal 'byor dang/ yid la bya ba dang/ nang gi sems kyi zhi gnas gtong bar byed nas/ dge slong don nyung du dag smod par byed/ phyar ka gtong par byed kha zed par byed pa'i
 skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ dge slong gis stan sar pa byed na mi 'dod bzhin du lo drug tu bcad par bya'o/ /gal te dge slong gis lo drug tshun chad stan rnying pa de spangs
 kyang rung/ ma spangs kyang rung/ stan sar pa gzhan byed na dge 'dun gyis gnang ba ma gtogs te/ spang pa'i ltung byed do zhes bca' ba mdzad do/ /yul ni mnyan yod/ gang zag ni dge slong rab tu mang po/ /nyon mongs pa ni 'dod zhe na/ nyes pa ni stan lo drug
 ma lon par stan sar pa gzhan byed pa'o/ /de la dge slong gis zhes bya ba ni chos 'di pas so/ /stan zhes bya ba ni stan gnyis te/ nang tshangs can dang blings pa'o/ /don 'dir ni blings pa yin par dgongs so/ /sar pa zhes bya ba ni sar pa gnyis te/ gsar pas
 sar pa dang/ rnyed pas sar pa'o/ /don 'dir ni gsar pas sar pa yin par dgongs so/ /byed na zhes bya ba ni bdag nyid kyis byed la/ gzhan byed du 'dzud na'o/ /mi 'dod bzhin du zhes bya ba ni ma dad bzhin du'o/ /lo drug tu bcang
 bar bya'o zhes bya ba ni lo drug tshun chad du bcang bar bya'o/ /gal te dge slong gis lo drug tshun chad du zhes bya ba ni de tshun chad du'o/ /stan rnying ba de zhes bya ba ni stan gang yod pa de'o/ /spangs kyang rung ma spangs kyang rung zhes bya ba ni yod kyang rung med kyang
 rung ste'o/ /stan sar pa gzhan byed na zhes bya ba ni gnyis pa'o/ /dge 'dun gyis gnang ba ma gtogs te zhes bya ba ni dge 'dun gyis gnang ba bzhag ste'o/ /spang ba'i ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par
 bzhag pa ni/ dge slong lo drug tshun chad du stan bya ba'i phyir/ dge 'dun la gnang ba ma thob pas stan snga ma gzhan yod pa 'am rang dgar btang bas/ lo drug ma lon par stan blings pa'i phyi ma gzhan byed na zin pa'i mthar lo drug gi bcad pa'i
 spang pa'i ltung byed kyi dngos gzhir 'gyur ro/ /'di'i byed pa po ni gnang ba ma thob pas lo drug tshun chad du/ stan blings pa tshad dang ldan pa de bas lhag pa byed pa nyid do/ /'di la yan lag drug gis dngos gzhi'i ltung bar 'gyur te/ gnang ba
 ma thob pa dang lo drug ma lon pa dang/ sar pa dang/ stan dang/ byas pa dang/ byed pa mthar thug pa'i dang po bkram pa nyid do/ /de dag las yan lag ma tshang na ci rigs pas na smad do/ /lo drug bcad pa'i spang pa ste bcu bzhi pa'o// //
 mtho gang gi spang ba'i gleng gzhi ni/ sangs rgyas bcom ldan 'das mnyan yod na/ rgyal byed kyi tshil mgon med zas zin gyi kun dga' ra ba na bzhugs so/ /gang gi tshe bcom ldan 'das kyis bla na med pa'i mkhyen pa thugs su chud pa de'i tshe na
 thams cad du yul dbus su sangs rgyas 'jig rten du byung zhes grag go zhes sgra grags so/ /byang phyogs pa'i tshong pa dag gis kyang yul dbus su sangs rgyas 'jig rten du byung ste/ gang dag de la mchod pa byed pa de dag gi mchod pa byas pa de dag ni
 shin tu 'bras bu che ba dang/ phan yon che ba dang/ gsal ba che ba dang/ rgya chen por 'gyur ro zhes thos so/ /thos nas kyang de dag 'di snyam du sems te/ bdag cag zod dag thogs te mnyan yod du 'dong zhing/ der bdag cag gis khe spogs kyang bsgrub
 par bya/ bcom ldan 'das la yang bsnyen bkur bya'o snyam du rig nas/ tshong pa lnga brgya byang phyogs nas mnyan yod du lhags pa rnams kyis/ khyim bdag mgon med zas sbyin dang skad sbyar te/ bcom ldan 'das dang dge slong gnas brtan gnas brtan
 rnams kyi zhabs la phyag 'tshal nas chos mnyan pa dang/ de dag gis dge slong gnas brtan gnas brtan rnams mtshan mo skyil krung gis 'da' bar byed pa dag gis gding ba dbus rdol pa dag mthong nas/ dge slong rnams la ras lug chen lnga
 brgya phul lo/ /dge slong rnams kyis gding ba rnying ba de dag khang pa chen po'i gtsug lag khang chen po bla khab med pa zhig tu rdul gyi phye ma dag dang 'dres par sa la bkram ste bzhag pa bcom ldan 'das kyis gzigs nas 'di snyam du dgongs te/
 bram ze dang khyim bdag dad pa can dag gis/ pags pa dang/ sha dang khrag dag btsir cing btsir cing sbyin pa dag sbyin/ bsod nams ngag byed pa gang yin pa de la/ dge slong dag drod mi shes pa dang/ so sor mi rtog par yongs su longs spyod par byed
 do snyam du dgongs nas snga ma bzhin du/ dge slong gis gding ba sar pa byed na sar pa kha dog mi sdug par bya ba'i phyir/ gding ba rnying pa bde bar gshegs pa'i mtho gang 'khor bas ma glan bar gding ba sar pa spyod na spang ba'i ltung byed do zhes bca' 
 pa mdzad do/ yul ni mnyan yod gang zag ni dge slong rab tu mang po/ /nyon mongs pa ni drod mi shes pa dang/ so sor ni rtog par yongs su longs spyod par byed pa/ nyes pa ni gding ba sar pa la rnying pas ma glan par rnying pa bor pa'o//
 de la dge slong gis zhes bya ba ni chos 'di bas so/ /gding pa zhes bya ba ni so sor gding ba'o/ /sar pa zhes bya ba ni sar pa gnyis te/ gsar pas sar ba dang rnyed pas sar pa'o/ /don 'dir ni gsar pas sar pa yin par dgongs so/ /byed na zhes
 bya ba ni/ bdag nyid kyis byed dam gzhan byed du 'dzud na'o/ /sar pa kha dog mi sdug par bya ba'i phyir zhes bya ba ni sar pa sra bar bya ba'i phyir ro/ /gding ba rnying pa bde bar gshegs pa'i mtho gang glan par bya'o zhes bya ba ni/ gal te gding ba bde bar
 gshegs pa'i mtho gang 'khor ba gzhan yod na'o/ /bde bar gshegs pa zhes bya ba ni ston pa'o/ /bde bar gshegs pa'i mtho gang la ni tshad dang ldan pa'i khru'i khru phyed dang ngo yod do/ /'khor ba zhes bya ba ni kun nas mtho re yod pas so/
 glan par bya'o zhes bya ba ni sbyar bar bya'o/ /gal te dge slong gis sar pa kha dog mi sdug par bya ba'i phyir/ gding ba rnying ba bde bar gshegs pa'i mtho gang 'khor bas ma glan par zhes bya ba ni ma sbyar bar ro/ /gding ba sar pa spyod na zhes
 bya ba ni gding ba'i dgos par spyod na'o/ /spang ba'i ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gis gding ba las bde bar gshegs pa'i mtho gang gis ma glan pa'i gding bsar
 pa spyod na spyad pa ma brtsams pa'i tshe nyid na mtho gang gis spang ba'i ltung byed kyi dngos gzhir 'gyur ro/ /'di'i byed pa po ni gding ba sar bas sar pa byas pa dang/ gding ba rnying pa nyid yod pa yin no/ /'di la yan lag lngas dngos
 gzhi'i ltung bar 'gyur te/ gding gsar pas sar pa dang/ byas pa dang/ gding ba rnying pa yod pa dang/ bde bar gshegs pa'i mtho gang gis ma glan pa dang/ spyod pa nyid do/ /de dag las yan lag ma tshang na ci rigs par na smad do/ /mtho gang gis
 spang pa ste bco lnga pa'o// //bal thogs pa'i spang ba'i gleng gzhi ni/ sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag gis smras pa/ kye dga' bo nye dga' 
 lhung bzed nag po can 'di dag rkang pa spre'u zhig gis bskus te/ 'gro na yang 'gro bar chas pa'i rnyed pa sgrub par byed/ 'ong na yang glo bur du 'ongs pa'i rnyed pa sgrub par byed cing skye bo mang po dga' ba dang yid du 'ong bar yang 'gyur ro/ /'u bu cag ni
 khron pa'i rus sbal dang 'dra bar gar yang mi 'dod/ gang nas kyang mi 'ong bas rnyed pa thob pa dang/ skye bo mang po dga' ba dang/ yid du 'ong bar ga la 'gyur gyis 'u bu cag kyang 'gron po don mthun pa dag dang 'grogs te/ bal yul du 'dod do zhes
 de dag las 'char ka gzhis srungs su bzhag ste/ lnga bal yul du 'dod do/ /bal yul ni rnga mo'i rgyab 'dra ba yin pas de dag nyi ma gang kho na la bal yul du phyin pa'i nyi ma la de la mngon par mi dga' bar gyur nas/ de dag tshong ba bal yul nas
 yul dbus su 'dod pa dag dang 'grogs te/ yul dbus su phyir 'phangs so/ /bal yul na bal dang ldong ros gnyis mod pas/ tshong pa de dag gis bal gyis shing rta bkang ste chas pa'i lam kar shing rta'i srog shing chags nas bcos shing/
 sgra dbyung du chom rkun po dag gis 'jigs nas bor te dong ba na/ drug sde mi lnga las gcig gis lnga char gyi yo byad khur te/ bzhis bal khur po che re re drags khur nas ri brags shig na mar dong ba na/ de na chom rkun pa bcad pa'i phyir yang rgod kyi
 mi mang po 'khod pa dag gis mthong nas/ glang po che dang bcas pa'i dmag gam rnga mo 'am/ glang ngam/ khur thogs pa dag gcig yin par mthong nas/ de dag thams cad skrag ste nags khrod du byer ro/ /de nas de dag
 lam grol? ba nas sho gam 'dral ba rgugs pa dag la tho 'tsham ste/ rgyal byed kyi tshal gyi sge'u chung nas nang du zhugs te/ bal gyi khur de dag bshig pa dang/ ri rab kyi rnam pa 'dra ba'i phung po chen po 'dra bar rnam par gnas shing/ de nyid
 kyis ngo tsha bar mi byed par khengs par byed pa la/ dge slong don nyung ngu dag smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma
 bzhin du/ dge slong rnams lam du zhugs pas lug bal dag rnyed la/ 'dod na dge slong des blang bar bya'o/ /blangs nas khyer ba med na dpag tshad gsum gyi mdza' i bar du bdag nyid kyis bkur bar bya'o/ /de las 'das par khyer na/ spang
 ba'i ltung byed do zhes bca' ba mdzad de/ yul ni mnyan yod gang zag ni drug sde/ nyon mongs pa ni 'dod zhen dang ngo tsha med pa/ nyes pa ni rgyang grags kyi mthar bal khur ba'o/ /de la dge slong zhes bya ba ni/ drug sde 'am/ gzhan yang/ de lta
 bu gang yin pa'o/ /lam du zhugs pas zhes bya ba ni/ dgon pa'i lam du zhugs pas so/ /lug bal dag ces bya ba ni lug gi bal dag go /rnyed pa zhes bya ba ni gzhan las so/ /'dod na zhes bya ba ni gal te don du gnyer na'o/ /dge slong
 des blangs par bya'o zhes bya ba ni mnod par bya ba'o/ /blangs pa khyer ba med na zhes bya ba ni rung bar byed pa med na'o/ /dpag tshad gsum gyi mdza' i bar du zhes bya ba ni dpag tshad gsum gyi mthar phyin par thug pa'i bar tshun chad du'o/ /bdag nyid
 kyis bkur bar bya'o zhes bya ba ni bdag rang gis bkur bar bya ba'o/ /de dag las 'das par khyer na zhes bya ba ni de las thal bar khyer na'o/ /spang pa'i ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/
 dge slong lam du zhugs pas lug bal dag rnyed la 'dod cing blangs nas khyer ba med na/ dpag tshad las rgyang grags gcig gi mdza' las 'das par khyer na/ bal thogs pa'i spang ba'i ltung byed kyi dngos gzhir 'gyur ro/ /'di'i byed pa po ni lug
 bal rung ba dang/ rgyang grags kyi mthar khyer ba nyid yin no/ /'di la yan lag lngas dngos gzhi'i ltung bar 'gyur te/ lug bal dang/ rung ba dang/ zhwa rgyu la sogs pa'i tshang las lhag pa dang/ rang gi khyer ba dang/ rgyang grags kyi mthar phyin pa'o//
 de dag las yan lag ma tshang na ci rigs par na smad do/ /bal thogs pa'i spang pa ste bcu drug pa'o// //bal rmel du 'jug pa'i spang pa'i gleng gzhi ni/ sangs rgyas bcom ldan 'das mnyan yod na/ rgyal bu rgyal byed kyi tshal mgon med
 zas sbyin gyi kun dga' ra ba na bzhugs so/ /drug sde dag gis bal de dag cha drug du bgos nas 'char kas rang gi skal pa'i bal de dag skye dgu'i bdag mo chen mo gau ta ma la rmal du bcol nas/ des slob ma gnyis len du btang ste/ dbyar khang du bshig
 nas phung po chen por rnam par gnas par gyur pa/ skye dgu'i bdag mo chen po gau ta ma'i 'khor dang bcas pas/ yun ring mo zhig tu rmel bas/ de dag gi lag pa gnyis 'di lta ste/ dper na btso blag mkhan gyi lag pa dmar ba ltar dmar ba/ shin tu
 dmar bar gyur pa/ bcom ldan 'das kyi spyan sngar bab nas/ tshe dang ldan pa kun dga' bo dge slong dag /dge slong ma nye du ma yin pa la lug bal dag rmel du 'dzud dam zhes bkas smad nas/ snga ma bzhin du/ dge slong gang dge slong ma nye du ma yin pa
 la lug bal 'khrur 'jug gam/ 'tshed du 'dzud dam/ rmel du 'dzud na spang pa'i ltung byed do zhes bca' ba mdzad de/ yul ni mnyan yod/ gang zag ni 'chang ka/ nyon mongs pa ni dge slong gi tshul ma yin pa 'dod pa/ nyes pa ni
 dge slong ma nye du ma yin pa la/ lug bal dag rmel du 'dzud pa'o/ /de la yang dge slong gang zhes bya ba ni/ 'char ka 'am gzhan yang de lta bu gang yin pa'o/ /dge slong ma zhes bya ba ni chos 'di pa'o/ /nye du ma yin pa la zhes bya ba ni phyi mo dang
 mes po dang/ phrug las brten pa'i bdun pa tshun chad ni nye du yin la/ de phan chad ni nye du ma yin no/ /lug bal zhes bya ba ni lug gi bal lo/ /'khrur mdzud dam zhes bya ba ni tha na chung snyug par byed du 'dzud na'o/ /rmel du 'dzud na zhes bya ba ni/ tha
 na 'da' bar byed du 'dzud na'o/ /'tshed du 'dzud dam zhes bya ba ni tha na tshon du snyug par byed du 'dzud na'o/ /spang pa'i ltung byed do zhes bya ni snga ma bzhin no/ /bal rmel du 'dzud pa'i spang pa 'di ni/ sngar 'khrur 'jug pa'i spang pa bstan pa dang
 mtshan nyid thams cad 'dra ste/ bye brag tu sngar gos rnyed pa zhes smos pa'i gnas su 'dir lug gi bal dag go /sngar 'chag pa zhes smos pa'i gnas su 'dir rmel ba zhes brjod par bya'o/ /de la 'dir dngos gzhi'i ltung ba rnam par
 bzhag pa ni/ dge slong gis lug bal dag dge slong ma nye du ma yin pa la bsgo bas 'khrur bcug gam/ 'tshed du bcug gam/ rmel du bcug pa dag byas pa nyid ni bal rmel du 'dzud pa'i spang ba'i ltung byed kyi dngos gzhir 'gyur ro/ /'di'i
 byed pa po ni lug bal dang dge slong ma nye du ma yin pa'i yul la 'du shes gtso cher byed pa po yin no/ /'di la yan lag lngas dngos gzhi'i ltung bar 'gyur te/ lug bal dang/ rung ba dang/ dge slong ma nye du ma yin pa dang/ bsgo ba dang byas
 ba'o/ /de dag las yan lag ma tshad na ci rigs par na smad do/ /bal rmel du 'jug pa'i spang ba ste bcu bdun pa'o// //gser dngul la rag pa'i spang ba'i gleng gzhi ni/ sangs rgyas bcom ldan 'das mnyan yod na/ rgyal byed kyi tshol mgon
 med zas sbyin gyi kun dga' ra ba na bzhugs so/ /de'i tshe na dge slong drug sde dag /rang gi lag gis gser dang dngul len par byed/ lan du 'dzud par byed/ phung po gcig tu byed/ phung po gnyis su byed/ khri dang khri'u dang khri'u chung dag tu 'jog par
 byed nas/ gzhan mu stegs can dag shes ldan dag shAkya'i bu'i dge spyod dag ni ma log ma spangs pa so sor ma spangs pa yin te/ 'di ltar rang gi lag gis gser dang dngul len par byed/ phung po gcig tu byed phung po gnyis su byed/ khri dang khri'u dang
 khri'u chung ngu dag tu 'jog par byed do/ /bram ze dang khyim bdag kyang rang gi lag gis gser dang dngul len par byed/ len du 'jug par byed/ phung po gcig tu byed/ phung po gnyis su byed/ khri dang/ khri'u dang/ khri'u chung ngur 'jog par byed na/ shes ldan
 dag shAkya'i bu dge sbyong rnams dang/ bram ze dang khyim bdag rnams kyi bya ba 'di la bye brag ci yod/ bsam pa ni ci yod/ tha dad du bya ba ni ci yod su zhig dge sbyong mgo rag 'di dag la bsod snyoms sbyin pa bya bar sems zhes smod par byed/ phyar ka
 gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang rang gi lag gis gser dang dngul len tam/ len du 'dzud na spang ba'i ltung byed
 do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni dge sbyong gi tshul ma yin pa byed 'dod pa/ nyes pa ni rang gi lag gis gser dang dngul len pa dang len du 'dzud pa'o/ /de la yang dge slong gang zhes bya ba ni drug sde
 'am/ gzhan yang de lta bu gang yin pa'o/ /rang gi lag gis zhes bya ba ni rang gi lag pas so/ /gser dngul zhes bya ba ni gser dang dbyig go /len tam zhes bya ba ni bdag nyid kyis so/ /len du 'dzud na zhes bya ba ni gzhan
 no/ /spang ba'i ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gis rin po che nor bu dang/ mu tig dang/ baidUrya dang/ shangka shi la dang/ byu ru dang/ dngul dang/ gser dang/ rdo'i snying po dang/
 sdug dang/ dmar po dang/ g.yas su 'khyil pa la sogs pa rung bar ma byas pa thob par lcogs pa nyid kyi phyogs na 'dug pa bdag gir byas pa dang/ rang gi rin po che rung bar ma byas pa la rnam pa gang yang rung bas reg gam reg tu
 bcug na/ gser dngul la reg pa'i spang pa'i ltung byed kyi dngos gzhir 'gyur ro/ /'di'i byed pa po ni rin po che nor bu la sogs pa rung bar ma byas pa nyid yin no/ /'di la yan lag lngas dngos gzhi'i ltung bar 'gyur te/ rin po che
 dang/ 'thob par lcogs pa nyid kyi phyogs na 'dug pa dang/ bdag gir byas pa dang/ rung bar ma byas pa dang/ reg gam reg tu bcug pa'o/ /de dag las yan lag ma tshang na ci rigs par na smad do/ /gser dang dngul la reg pa'i
 spang pa ste bco brgyad pa'o// //mngon mtshan can gyi spyod pa'i spang pa'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong
 drug sde dag mngon mtshan can gyi spyod pa rnam pa sna tshogs byed de/ kun tu sbyor bar byed/ rab tu sbyor bar byed/ bun 'gyed par byed/ skyed 'gyed par byed/ byas pa'i phyir byas pa dang/ byas pa'i phyir ma byas pa dang/ ma byas pa'i
 phyir byas ba dang/ ma byas pa'i phyir ma byas pa gtong bar byed nas/ gzhan mu stegs can dag snga ma bzhin du smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas
 bcom ldan 'das kyis snga ma bzhin du/ yang dge slong gang mngon mtshan can gyis spyod pa rnam pa sna tshogs byed na spang pa'i ltung byed do zhes bca' ba mdzad de/ yul ni mnyan yod gang zag ni drug sde/ nyon mongs pa ni dge sbyong gi tshul ma yin
 pa byed 'dod pa/ nyes pa ni mngon mtshan can gyi spyod pa rnam pa sna tshogs byed pa'o/ /de la yang dge slong gang zhes bya ba ni drug sde dag gam/ gzhan yang de lta bu gang yin pa dag go /mngon mtshan can gyi spyod pa zhes bya ba ni/ khe spogs
 'dod pa nyid kyis pa na dang rin po che la sogs pa mngon mtshan can gyis spyod pa'o/ /rnam pa sna tshogs zhes bya ba ni rnam pa bu ma'o/ /byed na zhes bya ba ni kun tu sbyor bar byed pa dang/ rab tu sbyor bar byed pa dang/ bun 'gyed par byed pa dang/ skyed
 'gyed par byed pa dang/ byas pa'i phyir byas pa dang/ byas pa'i phyir ma byas pa dang/ ma byas pa'i phyir byas pa dang/ ma byas pa'i phyir ma byas pa gtong pa lhag par spyod par byed na'o/ /spang pa'i ltung byed do zhes bya ba ni snga ma bzhin no/ /de la
 spang ba snga ma dang/ 'di dang 'og ma gsum gyis yul la bye brag ni 'di yin par rig par bya ste/ snga ma ni rin po che la sogs pa la reg pas so/ /'di ni khe sbogs 'dod pa nyid kyis pa na dang rin po che la sogs pa spyod pa las so//
 'og ma ni gang yang rung bas rnyed pa 'dod cing nyo tshong la sogs pas spyod pa las skyed phyin na'o/ /de ltar bye brag bstan nas de la 'dir dngos gzhi'i ltung ba rnam par bzhag pa ni/ dge slong gis rnyed pa bas pha rol po khyim pa nyid dang/ nye du ma
 yin pa nyid las na dang rin po ches spyod pa las skyed phyin na/ skyed de las mngon mtshan can gyis spyod pa'i spang ba'i ltung byed kyi dngos gzhir 'gyur ro/ /'di'i byed pa po ni rnyed pa 'dod pa dang/ pha rol po khyim pa nyid dang/ nye du ma yin pa
 nyid dang/ pa na dang rin po ches spyod pa dang/ skyed phyin pa nyid yin no/ /'di la yan lag lngas dngos gzhi'i ltung bar 'gyur te/ rnyed pa 'dod pa dang/ pha rol gyi khyim pa nyid dang/ nye du ma yin pa nyid dang/ pa na dang rin po ches spyod pa dang/ skyed phyin
 pa'o/ /de dag las yan lag ma tshang na ci rigs par na smad do/ /mngon mtshan can gyis spyod pa'i spang pa ste bcu dgu pa'o// //nyo tshong byed pa'i spang pa'i gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas
 sbyin gyi kun dga' ra ba na bzhugs so/ /de'i tshe na dge slong drug sde dag nyo tshong rnam pa sna tshogs byed de/ len par byed/ gtong bar byed nyo bar byed/ 'tshong bar byed pas gzhan mu stegs can dag snga ma bzhin du smod par byed/ phyar ka gtong bar byed/
 kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang nyo tshong rnam pa sna tshogs byed na spang ba'i ltung byed do zhes bca' ba mdzad de/ yul ni mnyan yod/
 gang zag ni drug sde/ nyon mongs pa ni dge slong gi tshul ma yin pa byed 'dod pa/ nyes pa ni nyo tshong rnam pa sna tshogs byed pa'o/ /de la yang dge slong gang zhes bya ba ni/ drug sde dag gam gzhan yang de lta bu gang yin pa'o/ /nyo tshong zhes bya ba ni gang
 yang rung bas rnyed pa 'dod cing nyo tshong byed pa'o/ /rnam pa sna tshogs zhes bya ba ni rnam pa du ma'o/ /byed na zhes bya ba ni len par byed pa dang/ gtong bar byed pa dang/ nyo bar byed pa dang/ 'tshong bar byed pa dag lhag par spyod par byed na'o/ /spang ba'i ltung byed
 do zhes bya ba ni snga ma bzhin no/ /nyo tshong byed pa'i spang ba 'di ni sngar mngon mtshan can gyis spyod pa'i spang ba bstan pa'i bye brag yin te/ mtshan nyid gzhan thams cad ni 'dra'o/ /bye brag tu na spang ba snga ma gnyis dang/ 'di dang gsum gyi yul la khyad par ni
 'di yod de/ gser dngul la reg pa'i spang pa ni/ rin po che la sogs pa la reg pa las so/ /mngon mtshan can gyis spyod pa'i spang ba ni/ khe spogs 'dod pa nyid kyis pa na dang/ rin po che la sogs pa las so/ /nyo tshong byed pa'i spang ba ni/ gang yang
 rung bas rnyed pa 'dod cing nyo tshong la sogs pas spyod pa las skyed phyin na'o/ /de la 'dir dngos gzhi'i ltung ba rnam par bzhag pa ni/ dge slong gis rnyed pa 'dod pas/ pha rol po khyim pa nyid dang/ nye du ma yin pa nyid la nyo tshong la sogs pas spyod pa
 las skyed phyin na skyed de las nyo tshong byed pa'i spang pa'i ltung byed kyi dngos gzhir 'gyur ro/ /'di'i byed pa po ni rnyed pa 'dod pa dang/ pha rol po khyim pa nyid dang nye du ma yin pa nyid dang/ nyo tshong gis spyad pa dang/ skyed phyin pa nyid yin no/ /'di la
 yan lag lngas dngos gzhi'i ltung bar 'gyur ro/ /rnyed pa 'dod pa dang/ pha rol po khyim pa nyid dang/ nye du ma yin pa nyid dang/ nyo tshong gis spyad pa dang/ skyed phyin pa'o/ /de dag las yan lag ma tshang na ci rigs par ma smad do/ /nyo tshong byed pa'i
 spang ba ste nyi shu pa'o// //sdom la ltung bzed gnyis dang tha ga gnyis/ /byin phrogs ston zla tha chung dang/ dgan pa po dang ras chen dang/ bsngos pa dang ni gsog 'jog go /zhes bya ba ni bcu pa gsum pa yin te/ sdom la/ zhes bya ba'i
 dgos pa dang/ tshig gi don ni snga ma bzhin no/ /bcu pa gsum pa 'dis kyang spang ba'i ltung byed kyi chos bcu bstan te/ ltung bzed 'chang ba dang/ lhung bzed tshol? ba dang/ 'thag tu 'dzur ba dang/ 'thag pa skyed pa dang/ 'phrog pa dang/ brtad pa las
 byung ba dang/ zhag bdun gyi 'bral ba dang/ dbyar gyi ras chen dang/ bsngos pa las bsgyur ba dang/ gsog 'jog go /de la lhung bzed 'chang ba'i gleng gzhi ni/ sangs rgyas bcom ldan 'das mnyan yod na/ rgyal bu rgyal byed kyi
 tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag lhung bzed rnyed do chog? sogs par byed cing/ bdag nyid kyang spyod par mi byed dge slong gzhan dag la yang sbyin par mi byed nas/ dge slong don nyung ngu
 dag ci'i phyir dge slong dag lhung bzed rnyed do cog stsogs par byed cing bdag nyid kyang spyod par mi byed/ dge slong gzhan dag la yang sbyin par mi byed ces smad par byed/ phyar ka gtong bar byed/ kha zer bar byed pa'i skabs de/ dge slong rnams kyis
 bcom ldan 'das la gsol to/ /de nas bcom ldan 'das kyis snga ma bzhin du/ dge slong gis lhung bzed lhag pa zhag bcu'i bar du bcang bar bya'o/ /de las 'das par 'chang na spang pa'i ltung byed do zhes bca' ba mdzad de/ yul ni mnyan yod/
 gang zag ni drug ste/ nyon mongs pa ni dge sbyong gi tshul dang mthun pa ma yin par byed 'dod pa/ nyes pa ni lhung bzed lhag pa zhag bcu las 'das par bcangs pa'o/ /de la dge slong gis zhes bya ba ni chos 'di pas so/ /lhung bzed lhag pa
 zhes bya ba ni byin gyis brlab par byas pa las lhag pa'o/ /zhag bcu'i bar du zhes bya ba ni/ nyin mtshan bcu'i mdza' i bar du'o/ /bcad par bya'o zhes bya ba ni bdag gir bya ba'o/ /de las 'das par 'chang na zhes bya ba ni de las thal bar 'chang na'o//
 spang ba'i ltung byed do zhes bya ba ni snga ma bzhin no/ /de la lhung bzed 'chang ba spang ba 'di'i mtshan nyid ni/ sngar gos 'chang ba'i spang ba'i mtshan nyid bstan pa dang thams cad 'dra ste/ bye brag tu na sngar gos zhes smos pa'i gnas su 'dir lhung bzed
 ces bya ba'i ming gzhug par bya ba dang/ sngar 'khor gsum khebs pa'i mtshan nyid dang ldan pa zhes smos pa'i gnas su/ 'dir byin gyis brlab tu rung ba chung ngu dang/ 'bring dang/ chen po'i mdza' i tshad dang ldan pa zhes brjod par bya'o/ /de la 'dir dngos
 gzhi'i ltung ba rnam par bzhag pa ni/ dge slong gis rang gis lhung bzed byin gyis brlab tu rung ba chung ngu 'am/ 'bring ngam/ chen po'i mdza' i tshad dang ldan pa yod la/ byin gyis ma brlabs par zhag bcur rjes su zhugs pa nyid yin pa/ zhag bcu gcig
 pa'i skya reng dang po shar na lhung bzed bcang pa'i spang pa'i ltung byed kyi dngos gzhir 'gyur ro/ /'di'i byed pa po ni/ rang gi lhung bzed byin gyis ma brlabs pa'o/ /'di la yan lag bdun gyis dngos gzhi'i ltung bar 'gyur te/ rang gi dang/ lhung bzed dang/
 byin gyis brlab tu rung pa gsum gyis mdza' i tshad dang/ yod pa dang/ byin gyis ma brlabs pa dang/ zhag bcur rjes su zhugs pa dang/ zhag bcu gcig pa'i skya reng shar ba'o/ /de las yan lag ma tshang na ci rigs par na smad do/ /lhung bzed bcang ba'i
 spang pa ste nyi shu gcig pa'o// //lhung bzed tshol ba'i spang pa'i gleng gzhi ni/ sangs rgyas bcom ldan 'das mnyan yod na/ rgyal byed kyi tshal kun dga' ra ba na bzhugs so/ /de'i tshe na mnyan yod na spos 'tshong gi khye'u zhig 'dug pa des lhung bzed
 shin tu gsal ba dbyibs legs pa longs spyad par bzod pa zhig rnyed nas/ dge slong bsod snyoms pa zhig la byin pa dang/ des ma 'dod pa nye dags thos nas des de bslang bar brtsams pa dang/ spos 'tshong gi khyi'u des rin med par ma byin nas/
 nye dags khyim bdag gcig rin 'jal du bcug ste/ lhung bzed khyer te gtsug lag khang du song nas/ dge slong rnams la ngom spyom dang/ rlom par byed pa na/ dge slong don nyung ngu dag ci'i phyir dge slong dag lhung bzed yod cing bdog bzhin du
 lhung bzed gzhan 'tshol bar byed ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis/ bcom ldan 'das la gsol to/ /de nas bcom ldan 'das kyis snga ma bzhin du/ yang dge
 slong gang lhung bzed lhan pa lnga med pa/ spyad bzod pa yod bzhin du/ bzang po 'dod pa'i phyir/ lhung bzed sar pa gzhan tshel zhing lhung bzed grub na spang pa'i ltung byed do/ /dge slong des lhung bzed de dge slong gis 'khor la dbul bar bya'o//
 dge slong gi 'khor de'i lhung bzed tha mar gyur pa gang yin pa de dge slong de la/ dge slong khyod kyis lhung bzed 'di byin gyis brlab par mi bya/ btang bar mi bya/ gzhan la sbyin par mi bya bar chag pa'i mthar thug gi bar du khang kyi dal bu dal bus
 spyad par bya'o zhes sbyin par bya ste/ de la de ni cho ga yin no zhes bca' ba mdzad de/ yul ni mnyan yod/ gang zag ni nye dga' / nyon mongs las 'dod zhen/ nyes pa ni lhung bzed yod cing bdog bzhin du lhung bzed gzhan tshol bar byed pa'o/ /de
 la yang dge slong gang zhes bya ba ni chos 'di pa'o/ /lhung bzed lhan pa lnga med pa zhes bya ba ni lhung bzed lhan pa lngar ma tshang ba'o/ /spyad bzod pa yang bzhin du zhes bya ba ni yongs su longs spyad par bzod pa yod bzhin no/ /bzang po 'dod pa'i
 phyir zhes bya ba ni mchog 'dod pa'i phyir ram/ yang dang yang 'dod pa'i phyir ro/ /lhung bzed sar ba zhes bya ba ni/ sar pa gnyis te/ gsar pas sar pa dang/ rnyed pas sar ba ste/ don 'dir ni gnyi ga yin par dgongs so/ /gzhan zhes bya ba
 ni gnyis pa'o/ /tshol zhing zhes bya ba ni tshol bar byed cing ngo/ /lhung bzed grub na zhes bya ba ni/ lhung bzed thob na'o/ /spang ba'i ltung byed do zhes bya ba ni snga ma bzhin no/ /'di man chad ni lhung bzed 'brel pa med pa brim pa dang spyad pa la
 sogs pa'i chos ston to/ /dge slong nges zhes bya ba ni dge slong gang yin pa nges so/ /lhung bzed de zhes bya ba ni lhung bzed 'brel pa med pa de'o/ /dge slong gi 'khor la 'bul bar bya'o zhes bya ba de na dge slong gang dag 'khod pa la'o/ /dge slong gi 'khor
 de'i lhung bzed tha mar gyur pa gang yin pa dge slong khyod kyis lhung bzed 'di byin gyis brlab par mi bya/ btang bar mi bya/ gzhan la sbyin par mi bya bar chag pa'i mthar thug gi bar du khang kyis dal bu dal bus spyad par bya'o/ /zhes sbyin par bya ste zhes
 bya ba la de'i rnam par bzhag pa ni/ dge slong gi dge 'dun gyis lhung bzed 'brel pa med pa 'drim pa'i dge slong chos lnga dang ldan pa spro bar bya ste/ gsol pa dang/ gnyis kyi las sgo zhing/ des kyang kun tu spyad pa'i chos ji ltar bcas pa bzhin du
 dge 'dun la zhag gcig gi mdun rol nas bsgo zhing/ dge 'dun tshogs pa'i dus su brims te/ dge slong gi 'khor de'i lhung bzed tha mar gyur pa gang yin pa de/ dge slong de la dge slong khyod kyis lhung bzed 'di byin gyis brlab par mi bya/
 gtang bar mi bya/ gzhan la sbyin par mi bya bar chag pa'i mthar thug gi bar du khang kyi dal bu dal bus spyad par bya'o zhes sbyin par bya'o/ /lhung bzed 'brel pa med pa 'chang ba'i dge slong gis kyang de snod bzang por gzhug par bya ba dang/ des
 'bras chan skom po blang ba dang/ de dkyil 'khor gyi steng du bzhag pa dang/ de byi dor sngar bya ba dang/ de ngos khung bzang por gzhug pa dang/ de bsreg pa la sogs pa'i byi dor gces par bya ba dang/ de snod bzang por gzhug pa dang/ de dag gis
 bkur ba dang/ phrag pa g.yas pas bkur ba dang/ de ji srid 'tsho'i bar du bcang ba la sogs pa/ gzhung las ji skad gsungs pa bzhin du bya'o/ /de la de ni cho ga yin no zhes bya ba ni/ de la de'i rjes su mthun pa'i chos yin pa'o/ /de la 'dir
 dngos gzhi'i lhung ba rnam par bzhag pa ni/ dge slong de la lhung bzed lhan pa bzhi man chad nas de dag rung zhing/ yongs su spyad bzod pa de yod bzhin du bzang po 'dod pa'i phyir/ lhung bzed sar ba gzhan khyim pa nye du ma yin pa las
 ngag gi rnam par rig byed kyi blangs yongs su btsal te/ grub na lhung bzed tshol ba'i spang ba'i ltung byed kyi dngos gzhir 'gyur ro/ /'di'i byed pa po ni lhung bzed lhan pa lnga med pa spyad bzod pa yod pa dang/ bzang po 'dod pa'i phyir/ lhung bzed
 sar pa gzhan tshol ba'o/ /'di la yan lag lngas dngos gzhi'i ltung bar 'gyur te/ lhung bzed yod pa nyid dang/ bzang po 'dod pa dang/ khyim pa nye du ma yin pa las tshol ba dang/ ngag gi rnam par rig byed kyis bslangs pas tshol ba dang
 lhung bzed thob pa'o/ /de dag las yan lag ma tshang na ci rigs par na smad do/ /lhung bzed 'tshol ba'i spang pa ste nyi shu gnyis pa'o// //'thag tu 'dzud pa'i spang ba'i gleng gzhi ni/ sangs rgyas bcom ldan 'das mnyan yod na/
 rgyal byed kyi tshal mgon med zas sbyin gyi kun dga' ra ba na bzhugs so/ /nye dags bsams pa/ 'di dag thams cad khyim bdag mgon med zas sbyin gyis bslab pa'i gzhi dag gis bsdams pas phyin chad ras yug phran tsam po gcig
 gi rin yang gang las kyi blang bar mi nus kyis song ste bltas na/ gal te la la las bslang par nus so snyam nas/ de snga dro sham thabs bgos lhung bzed dang chos gos thogs te/ mnyan yod du bsod snyoms la zhugs nas/ yug sa mo
 lnga brgya dog pa 'khal zhing 'dug pa dag las dog pa shas shas kyis bslangs nas bu mo bde gnas ma zhig dang lag brjes te/ dog pa phra mo blangs nas ko sa la'i rgyal po gsal rgyal gyi yid brtan pa'i mi che ba zhes bya ba dang bsdod
 te/ 'thag pa'i sna po spyi cher nan khugs kyis 'thag tu bcug nas/ de smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang
 dge slong gang rang gis blangs pa'i dog pas tha ga pa nye du ma yin pa la gos 'thag tu 'dzud na/ gos grub na spang pa'i ltung byed do zhes bca' ba mdzad de/ yul ni mnyan yod/ gang zag ni nye dga' / nyon mongs pa ni 'dod zhen/ nyes pa ni tha
 ga pa nye du ma yin pa la gos 'thag tu 'dzud pa'o/ /de la yang dge slong gang zhes bya ba ni/ shAkya'i bu nye dga' 'am/ gzhan yang de lta bu gang yin pa'o/ /rang gis bslangs pa'i dog pas zhes bya ba ni/ 'dun pas la la las srang gcig la la
 las srang phyed/ la la las zho gnyis/ la la las zho gcig bslangs pa'i dog pas so/ /tha ga pa zhes bya ba ni thags mkhan no/ /nye du ma yin pa la zhes bya ba ni phyi mo dang/ mes po dang/ phrugs las brten pa'i bdun pa'i tshun chad ni nye du
 yin la/ de phan chad ni nye du ma yin no/ /gos 'thag tu bcug na zhes bya ba ni/ bdun po bal gos dang/ she na'i gos dang/ zar ma'i gos dang/ du gu la'i gos dang/ ras bal gyi gos dang/ ko tam pa'i gos dang/ nyi 'og gi gos las gang
 yang rung ba'o/ /gos grub na zhes bya ba ni gos thob na'o/ /spang ba'i ltung byed do zhes bya ba ni snga ma bzhin no/ /de la 'di'i dngos gzhi'i ltung ba rnam par bzhag pa ni/ tha ga pa khyim pa nye du ma yin pa la rin med par dag gis bsgo bas sam/ pho
 nya la sogs pa gzhan gyis kyang gos 'thag tu bcug na/ 'thag tu 'jug pa'i spang pa'i ltung byed kyi dngos gzhir 'gyur ro/ /'di'i byed pa po ni tha ga pa khyim pa nye du ma yin pa dang/ rin med par bsgo bas sam gzhan gyis kyang 'thag tu 'jug
 pa'o/ /'di la yan lag lngas dngos gzhi'i ltung bar 'gyur te/ thag pa khyim pa nye du ma yin pa dang/ rin med pa dang dag gi rnam par rig byed dam/ gzhan gyis bsgo ba dang/ gos rung ba tshad dang ldan pa 'thag tu bcug pa dang/ gos
 grub pa'o/ /de dag las yan lag ma tshang na ci rigs par na smad do/ /'thag tu bcug pa'i spang ba ste nyi shu gsum pa'o// //'thag pa skyed pa'i spang pa'i gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med
 zas sbyin gyi kun dga' ra ba na bzhugs so/ /mnyan yod na khyim bdag gza' bran gnyis shig 'dod pa la log par spyod pas/ bu mo ma dag gzhug ma zhig yod pa rtag tu brdegs nas/ nye dags de tshor nas/ khyim bdag gza' bran gnyis ji nas
 kyang skyabs su 'gro ba dang/ bslab pa'i gzhi dag la gnas par 'gyur ba de lta de ltar tshul khrims kyi bsngags pa brjod cing/ tshul khrims 'chal pa'i bsngags pa ma yin pa yang brjod nas/ des de gnyis skyabs su 'gro ba dang/ bslab
 pa'i gzhi dag la gnas par byas so/ /de phyin chad de gnyis bu mo de la yang mi rdeg /nye dga' la yang dog pa 'jam po dag gcig 'thag pa/ che ge mo zhig la ras yug chen 'thag tu bcug ste bskon par glengs pa/ bu mo des thos nas nye
 dga' la sbran pa/ nye dga' snga dro bsod snyoms la rgyu ba na/ btsun mo phreng ldan ma'i khyim nas/ hwags kyi la du dag thob pa khyer de/ tha ga pa de'i gan du song nas smras pa/ bzhin bzang la du 'di dag zol/ kho bo'i ras yug chen 'di zheng che ba
 dang khrun ring ba dang/ thar gyis zhag pa dang/ thag ran bzang par legs par gyis shig ces 'thag pa skyed du bcug nas/ khyim bdag gza' bran gnyis kyi dog pa yang khrun pa skyed/ tha ga pas kyang khyim bdag gza' bran gnyis las gla ma
 thob nas/ nye dga' la bangs? pa dang/ nye dags thag pa de nyi tshan la btags te btang nas de smod par byed phyar gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis
 snga ma bzhin du/ dge slong gi phyir khyim bdag gam/ khyim bdag gi chung ma nye du ma yin pas/ thag pa nye du ma yin pa la gos 'thag tu bcug pa las/ de na gal te dge slong de la sngar ma btabs par/ rnam par rtog pa 'ga' zhig byung nas tha
 ga pa nye du ma yin pa'i gan du song ste/ 'di skad ces tshe dang ldan pa tha ga pa shes par gyis shig /gos 'di kho bo'i phyir 'thag gis tshe dang ldan pa tha ga pa gos 'di zheng che ba dang/ khrun ring ba dang/ thar gyis zhag pa dang/ thag ran bzad par legs
 par gyis shig /tshe dang ldan pa tha ga pa 'di ltar kho bos gla rngan 'di lta ste/ bza' ba 'am/ bca' ba tsam mam/ bza' rgyu cung zad cig sbyin no zhes smras nas/ de la gal te dge slong des gos bsgrub pa'i phyir gla rngan 'di lta ste/ bza ba 'am/ bca' 
 ba tsam mam/ bza' rgyu cung zad cig sbyin zhing/ gos grub na spang ba'i ltung byed do/ /zhes bca' ba mdzad de/ yul ni mnyan yod/ gang zag ni nye dga' / nyon mongs pa ni 'dod zhen/ nyes pa ni gos 'thag pa bskyed pa'o/ /de la dge slong gi phyir
 zhes bya ba ni/ shAkya'i bu nye dga' 'am/ gzhan yang de lta bu gang yin pa'i phyir ro/ /khyim bdag gam zhes bya b ni skyes pa'o/ /khyim bdag gi chung ma zhes bya ba ni bud med do/ /thag pa zhes bya ba ni thag mkhan no/ /nye du ma yin pa la zhes bya ba ni
 phyi mo dang/ mes po dang/ phrugs kyi bdun pa tshun chad ni nye du yin la/ de phan chad ni nye du ma yin no/ /gos 'thag tu bcug pa las zhes bya ba ni/ bdun po bal gos dang/ sha na'i gos dang/ zar ma'i gos dang/ du gu la'i gos dang/ ras bal gyi
 gos dang/ go tam ba'i gos dang/ nyi 'og gi gos dag las gang yang rung ba'o/ /de mgal te dge slong de la zhes bya ba ni shAkya'i bu nye dga' la'o/ /sngar ma bstabs par zhes bya ba ni sngar 'gron du ma bos par ro/ /rnam par rtog
 pa 'ga' zhig byung nas zhes bya ba ni/ bsnyen bkur byed pa 'ga' zhig byung nas so/ /tha ga pa nye du ma yin pa'i gan du song ste nas bya ba ni drung du song ste'o/ /'di skad ces tshe dang ldan pa tha ga pa shes par gyis shig /gos 'di kho bo'i phyir 'thag?
 gis zhes bya ba ni bdag nyid nye bar ston par byed pa'o/ /tshe dang ldan pa tha ga pa/ gos 'di zhes bya ba ni 'thag tu bcug pa'i phyir ro/ /zheng che ba zhes bya ba ni rgya che ba'o/ /khrun ring ba zhes bya ba ni chu ring pa'o/ /thar gyis zhag pa zhes bya ba ni/ mjur?
 mdung med pa'o/ /thags ran bzang ba zhes bya ba ni/ byer? zug snyoms pa dang/ shas bzang ba dang/ sang seng med par ro/ /legs par gyis shig ces bya ba ni lag byad bzang por ro/ /tshe dang ldan pa tha ga pa 'di ltar kho bos gla rngan 'di lta ste zhes
 bya ba ni 'og ma lta bu dag sbyin no zhes dam bcas pa'o/ /bza' ba 'am zhes bya ba ni bza' ba lnga po dag go /bca' pa tsam mam zhes bya ba ni bca' ba lnga po dag go /bza' rgyu zhes bya ba ni bza' ba'i rgyu'o/ /cung zad cig sbyin no zhes smras
 nas zhes bya ba ni/ shAkya'i bu nye dags so/ /gos bsgrub pa'i phyir zhes bya ba ni gos thob par bya ba'i phyir ro/ /gla rngan 'di lta ste bza' ba'am/ bca' ba tsam mam bza' rgyu cung zad cig sbyin zhing zhes bya ba ni/ btsun mo phreng ldan ma'i
 khyim nas thob pa'i hwags kyi la du la sogs pa lta bu'o/ /gos grub na zhes bya ba ni gos thob na'o/ /spang pa'i ltung byed do zhes bya ba ni/ snga ma bzhin no/ /de la 'dir dngos gzhi'i ltung ba rnam par gzhag pa ni/ sbyin bdag dang/ tha ga pa khyim pa nye du
 ma yin pas dge slong gi phyir gos btag par bsams pa'i 'thag pa bskyed nas/ gal te sbyin pa dag gi dog pa la sogs pa zad pa dang/ tha ga pa la gla rngan ma sbyin par gos grub na/ 'thag pa skyed pa'i spang pa'i ltung byed kyi dngos gzhir 'gyur
 ro/ /'di'i byed pa po ni/ dge slong de'i phyir btag par bya ba bsam pa las byung ba nyid dang/ kho lag che ba nyid dam/ 'bras bzang ba nyid la tha ga pa nges par sbyar ba dang/ sbyin par byed pas de'i don du rjes su ma gnang ba lta bu ni/ byed pa po dag
 yin no/ /'di la yan lag drug gis dngos gzhi'i ltung bar 'gyur te/ sbyin bdag dang tha ga pa khyim pa nye du ma yin pa nyid dang/ dge slong de'i phyir gos 'thag tu bcug pa dang/ dge slong gis 'thag pa skyed pa dang/ gal te sbyin bdag gi dogs
 pa la sogs pa zad pa dang/ tha ga pa la gla rngan ma byin pa dang/ gos grub pa'o/ /de dag las yan lag ma tshang na ci rigs par na smad do/ /'thag pa skyed pa'i spang ba ste nyi shu bzhi pa'o// //'phrog pa'i spang pa'i gleng gzhi ni/ sangs
 rgyas bcom ldan 'das ma can yod na/ rgyal byed kyi tshal mgon med zas sbyin gyi kun dga' ra ba na bzhugs so/ /dga' bo la lhan cig gnas pa dge slong chos shes bya ba/ ngo tsha shes pa 'gyod pa dang ldan pa bsngams? pa 'dod pa zhig yod
 pa des ji srid du/ dga' bo gnas ngan len kun spyod par mi shes pa de srid du de dang lhan cig gnas so/ /gang gi tshe des de gnas ngan len kun tu spyod par shes pa/ de'i tshe na de rang bzhin du gnas pa'i dge slong rnams dang lhan cig gnas
 par brtsams te/ bcom ldan 'das kyis bka' lung gis dus gsum du rkang pa la phyag 'tshal du 'gro ba 'ba' zhig byed do/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo la song la/ dge slong
 rnams la/ de bzhin gshegs pa ko sa la dag tu ljongs rgyur gshegs kyis/ khyed cag las gang de bzhin gshegs pa dang thabs cig /ko sa la dag tu ljongs rgyur 'gro bar sgro ba des/ chos gos kyi las gyis shig
 ces bsgo shig /tshe dang ldan pa kun dga' bos/ dge slong rnams la de skad ces bsgo ba/ dga' bos thos nas nye dga' la smras pa/ gal te bdag cag 'di nyid du 'dug na ni/ sgo 'phar brgya dag 'das te/ ji nas kyang lto dgang ba bsgrub
 par bya dgos so/ /ji ste bcom ldan 'das kyi zham 'bring du 'dod na ni/ sangs rgyas gshegs pa la phan yon bco brgyad yod par gsungs pa'i srog chags brgya stong phrag du ma dag kyang 'gro bar 'gyur bas/ bdag cag gis re zhig /
 chu yang rnyog pa can dag 'thung dgos par 'gyur la/ shing ljon pa'i drung bu yang go thob par mi 'gyur gyis/ bdag cag dge slong rab tu shes pa 'ga' zhig khrid de sna la dong na/ rnyed pa 'grub par 'gyur na su bkri/ nye dags smras pa/ khyod
 kyi lhan cig /gnas pa dge slong chos de zang zing gis bring de khrid cig /de nas dga' bos dge slong chos rang gi drung du/ chos gos snam sbyar 'drub par zhu bar 'ongs pa'i tshe smras pa/ khyod la ngas chos gos snam sbyar zhig sbyin gyis
 khyod rang gis drub mi dgos so/ /de nas chos kyis/ dga' bos byin pa'i/ snam sbyar gyon te/ rang gi ras yug chen dge 'dun la phul nas/ snam sbyar rnying ba lnga bsod snyoms pa cig la byin no/ /de nas dga' bos chos la khyod rang nga'i phyi
 bzhin 'dod do zhes smras pa dag /chos ma gtub nas/ dga' bos chos gos snam sbyar byin pa de phyir phrogs so/ /de nas dge slong chos gos rnam sbyar med par bcom ldan 'das kyi zham 'bring du ljongs rgyur song pa/ bcom ldan 'das
 kyis gzigs nas/ tshe dang ldan pa kun dga' bo la smras so/ /tshe dang ldan pa kun dga' bos/ de'i lo rgyus bcom ldan 'das la rgyas par gsol to/ /de nas bcom ldan 'das kyis snga ma bzhin du/ yang dge slong gang dge slong la gos byin nas/
 de'i 'og tu khros 'khrugs rngam par gyur te/ yid ma rangs nas 'phrog gam 'grog tu gzhug cing/ de la 'di skad ces dge slong khyod la gos mi sbyin gyis phyir byin cig ces zer na/ dge slong des lhag ma yod pa'i phyir sbyin par bya zhing gtang na/
 spang pa'i ltung byed do zhes bca' ba mdzad de/ yul ni mnyan yod/ gang zag ni dga' bo/ /nyon mongs pa ni mi bzod pa/ nyes pa ni byin grogs? byed pa'o/ /de la yang dge slong zhes bya ba ni/ shAkya'i bu dga' bo'am/ gzhan yang de lta bu gang
 yin pa'o/ /dge slong la zhes bya ba ni chos 'di ba la'o/ /gos zhes bya ba ni/ bdun po bal gos dang/ sha na'i gos dang/ zar ma'i gos dang/ du gu la'i gos dang/ ras bal gyi gos dang/ ko tam pa'i gos dang/ nyi 'og gi gos las gang yang
 rung ba'o/ /byin nas zhes bya ba ni phyir byin mi dgos par ro/ /de'i 'og tu zhes bya ba ni dus gzhan no/ /khros 'khrugs rngam par gyur te yid ma rangs nas zhes bya ba ni khro ba ma rangs par ro/ /'phrog gam zhes bya ba ni bdag nyid kyis so/ /'phrog tu
 'dug cing zhes bya ba ni gzhan no/ /de la 'di skad ces dge slong khyod la gos mi sbyin gyis phyir byin cig ces zer na/ zhes bya ba ni dbrog pa'i bsam pas tshig de skad zer na'o/ /dge slong des zhes bya ba ni/ dge slong gang yin pa des so/ /lhag ma yod
 pa zhes bya ba ni de'i lhag ma gang yin pa'o/ /phyir sbyin par bya zhing zhes bya ba ni gtang bar bya zhing ngo/ /btang na zhes bya ba ni lus dang bral bar byas na'o/ /spang ba'i ltung byed do zhes bya ba snga ma bzhin no/ /de la 'dir dngos gzhi'i ltung ba rnam par bzhag
 pa ni/ dbral bar bya ba dge slong nyid las dbrog par bya ba rang gi nyid ma yin pa'i gos la sogs pa yo byad gang yang rung ba de'i 'am des bskos pa'i lus dang/ ngag bsdus pa 'am/ tha dad pa dag gis dbrog
 pa'i don du zhugs shing/ lus la tha dad pa'i dngos por gyur pa mthar thug pa na dbrog pa'i spang pa'i ltung byed kyi dngos gzhir 'gyur ro/ /'di'i byed pa po ni/ dpral bar bya ba dge slong nyid dang/ dbrog par bya ba rang gi nyid ma
 yin pa gos la sogs pa dang/ de'i 'am des bskos pa'i lus dang ngag bsdus pa 'am/ tha dad pa dag gis dbrog pa'i don du zhugs pa lta bu ni byed pa po dag yin no/ /'di la yan lag lngas dngos gzhi'i ltung bar 'gyur te
 dbral bar bya ba dge slong nyid dang/ dbrog par bya ba rang gi nyid ma yin pa gos la sogs pa yo byad gang yang rung ba dang/ de'i 'am des bskos pa'i lus dang ngag bsdus pa 'am/ tha dad pa gang yang rung ba dang/ dbrog pa'i don du
 zhugs pa dang/ lus las tha dad pa'i dngos por gyur pa mthar thug pa'o/ /de dag las yan lag ma tshang na ci rigs par na smad do/ /'phrog pa'i spang pa ste nyi shu lnga pa'o// //bam po brgyad pa/ brtad pa las byung ba'i spang
 ba'i gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /ri brags shig na khyim bdag dang pa dang ldan zhing bzang la dge ba'i bsam pa can zhig
 'dug pa des dgon par dge 'dun gyi gtsug lag khang rta babs mtho bo dang ldan pa/ skar khung dang/ skar khung dra ba can dang/ lan kan gyis brgyan pa/ snying dang mig 'phrog par byed pa/ mtho ris kyis them skas su gyur pa/ khri dang/
 khri'u dang/ yo byad phun sum tshogs pa zhig byed du bcug ste/ de na dge slong drug cu gnas pa de dag la/ khyim bdag des chos gos dang bsod snyoms la sogs pas mkho ba stobs par byed do/ /de nas dus gzhan zhig na khyim/
 bdag de dus kyis chos dang ldan par gyur nas/ de'i bus yo byad ma sbyar bar gyur nas dge slong drug cu po dag ni gzhan du dong ngo/ /rgan zhugs gnyis shig de na 'khod pa'i tshe/ byang phyogs nas tshong pa don mthun pa dag der lhags
 nas dge slong drug cu dbyar zla ba gsum gnas par khas len pa'i bsod snyoms dang/ brgyad ston dang/ bcu bzhi ston dang/ na ba'i rkyen dang/ sman gyi yo byad dang/ rnyed pa dang/ chos gos kyi zod dag phul te/ dge slong bzang po dag
 pos la dbyar 'dir gnas par khas long zhig dang/ bdag cag kyang dbyar gnas 'dir mchis te/ dge slong brgya la mkho ba bstabs par bgyi'o zhes rgan zhugs gnyis la smras te dong ngo/ de nas rgan zhugs /gcig gis
 rnyed pa sbas te/ gcig gis mnyan yod nas/ drug sde dag sbran pa dang/ drug sde dag gis rgan zhugs gnyis las las phyung ste/ dge slong lto bdun can zhig bskos nas/ nyi ma re re zhing bca' ba rnam pa bco brgyad dang/ tshong ma snum
 bag can mang po sna tshogs dang/ legs par sbyar ba'i btung ba sha stag brims pas/ dbyar zla ba gsum gyi bsod snyoms thams cad zos te/ gos kyi rnyed pa yang bgos nas/ mnyan yod du dong nas dbyar phyi mar gnas par khas
 blangs te 'khod do/ /dbyar snga ma 'das pa dang/ byang phyogs pa'i tshong pa don mthun pa dag der lhags te bltas na drug sde dag gis de ltar byas pa mthong nas/ de dag shAkya'i bu'i dge sbyong rnams kyi dge sbyong gi tshul ni tshig go /
 bram ze'i tshul ni tshig ste/ 'di ltar bdag cag gi dad pa'i myu gu skyes ma thag tu bcom mo zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis/ bcom ldan 'das la gsol to/
 de nas bcom ldan 'das kyis snga ma bzhin du/ dge slong gis ston zla tha chungs nyer zhag bcus ma tshang ba tshun chad du brtad pa las byung ba'i gos shig rnyed la/ 'dod na dge slong des gos de blang bar bya'o/ /blangs nas gos sbyin par
 dus kyi bar du bcad par bya'o/ /de las 'das par 'tshang na spang ba'i ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni rnyed pa la gdu ba/ nyes pa ni dbyar gyi nang du 'gog par byed pa'o/ /de
 la dge slong gis zhes bya ba ni chos 'di pas so/ /ston zla tha chungs nyar zhag bcus ma tshang ba tshun chad du zhes bya ba ni/ zhag bcu na dgag dbye 'byung ba tshun chad du'o/ /brtad pa las byung ba'i gos shig ces bya ba ni/ brtad pa las byung
 ba'i gos lnga po dag ste/ lnga gang zhe na/ nang pa la sbyin pa dang/ nang pa'i phyir sbyin pa dang/ 'chi ba la sbyin pa dang/ shi ba'i phyir sbyin pa dang/ 'gro bar chas pa la sbyin pa'o/ /de dag kyang dpe tsam du zad de/ rgyal po dang/ chom rkun
 dang/ rigs rgyud dang/ tshul sogs pas khyer du dogs pa dang/ mchod gnas bgo skal la gtogs pa'i tshar dogs pa la sogs pa dag kyang yongs su bsdu'o/ /rnyed la zhes bya ba ni gzhan gyis so/ /'dod na zhes bya ba ni don du
 gnyer na'o/ /dge slong des zhes bya ba ni/ dge slong gang yin pa des so/ /gos de zhes bya ba ni bdun po bal gos dang/ sha na'i gos dang/ zad ma'i gos dang/ du gu la'i gos dang/ ras bal gyi gos dang/ ko tam pa'i gos dang/ nyi 'og
 gi gos las gang yang rung ba'o/ /blang bar bya'o zhes bya ba ni bdag gir bya ba'o/ /blangs nas gos sbyin pa'i dus kyis bar du bcad par bya'o zhes bya ba ni sba bar bya ba'o/ /dge slong gi gos sbyin pa'i dus ni gang yin/ dus ma yin pa ni gang
 yin zhe na/ sra brkyang ma bting ba'i gnas na ni/ ston zla tha chungs nya tshun chad ni gos sbyin pa'i dus ma yin la/ lhag ma ni dus yin no/ /sra brkyang bting ba'i gnas na ni ston zla tha chungs nya phan chad nas/ dpyid zla 'bring po'i nya tshun chad ni dus
 yin la/ lhag ma ni dus ma yin no/ /de las 'das par 'chang na zhes bya ba ni/ de las thal bar 'chang na'o/ /spang ba'i ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par gzhag pa ni/ dge slong gis dbyar gyi
 rnyed pa dbyar gyi nang logs su bdag gir byed dam/ de bgos sam/ de sbed pa ma bskes pa rnams kyis dgag dbye'i nyin mo'i phyi de nyin par/ ma bgos na brtad pa las byung ba'i ltung byed kyi dngos gzhir 'gyur ro/ /'di'i
 byed pa po ni dbyar gyi rnyed pa dang/ dbyar gyi nang logs su bdag gis byed pa dang/ dbyar gyi nang logs su bgos pa dang/ de sbed pa ma bskos pa rnams kyis dgag dbye'i nyin mo'i de'i phyi de nyin par ma bgos pa dag ni byed pa po nyid yin
 no/ /'di la yan lag lngas dngos gzhi'i ltung bar 'gyur te/ dbyar gyi rnyed pa dang/ rung ba nyid dang/ brtad pa'i dbang gis mdza' i zhag bcu la rnyed pa ma gtogs pa/ dbyar gyi nang logs su bdag gir byed pa dang/ de dbyar gyi nang logs
 su bgos pa dang/ de sbed pa ma bskes pa rnams kyis dgag dbye'i nyin mo'i phyi de nyin par ma bgos pa'o/ /de dag las yan lag ma tshang na ci rigs par na smad do/ /brtad pa las byung ba'i spang ba ste nyi shu drug pa'o// //zhag bdun
 na 'bral ba'i spang pa'i gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod nas ha cang thag mi ring ba na/ ri brags shig
 yod pa de na khyim bdag phyug pa nor mang ba/ longs spyod che ba zhig 'dug ste/ de yang dad pa dang ldan zhing bzhag la dge ba'i bsam pa can yin pas/ de dag 'dun la bsngos te/ gtsug lag khang rta babs mthon po dang ldan pa
 skar khung dang/ skar khung dra ba can dang/ lan kan gyis brgyan pa/ snying dang mig 'phrog par byed pa/ mtho ris kyi them skas su gyur pa/ khri dang/ khri'u dang/ yo byad phun sum tshogs pa zhig byed du bcug ste/ der dge slong drug
 cus dbyar gnas te dong nas ji tsam na dus gzhan zhig na dge slong gzhan drug cu ljongs rgyu zhing 'gro ba na/ der lhags nas/ khyim bdag des yo byad sna tshogs bstabs te/ der dbyar gnas par khas blangs so/ /khyim bdag de
 dang/ ri brags de dang/ ri brags de'i nyen 'khor na yang gtsug lag khang gzhan med pas de dag sbyin pa dang bya bar sems pa yang yin pa de thams cad gtsug lag khang de nyid du sbyin zhing byed pas/ de dbyar gnas par khas
 blangs pa'i dge slong rnams la rnyed pa mang po byung ngo/ /ston zla tha chung gi g.yon can dag gis de thos nas dge 'dun tshes bcu bzhi la mtshan mo chos sgrogs pa'i chos nang du brtul nas/ dge slong dag bcom nas gos phrogs te dong
 ba dang/ dge slong de dag kyang mtshan mo sgren mor mnyan yod du dong nas/ dge slong rnams kyis de dag las chos gos kyi bgo bsha' byas pa'i skabs de/ dge slong rnams kyis bcom ldan 'das la gsol ba dang/ bcom ldan
 'das kyis bka' stsal pa/ de lta bas na dge slong dgon pa pas chos gos gsum las chos gos gang yang rung ba khyim gzhan du bzhag par bya'o/ /der nyal bar mi bya'o/ /skya reng 'char bar mi bya'o/ /gtsug lag khang nyid dus kya reng 'char bar
 bya'o/ /dge slong dgon pa bas zhag drug gi mdza' tshun chad du chos gos de dang mtshams kyi phyi rol du 'bral bar bya'o zhes rjes su gnang ba dang/ dge slong drug sde dag bsams bzhin du zhag bdun 'bral bar byed pa'i skabs de/ dge slong rnams
 kyis bcom ldan 'das la gsol to/ /de nas bcom ldan 'das kyis snga ma bzhin du/ dge slong rab tu mang po dag gnas mal dgon pa dgos pa dang bcas par grags pa/ 'jigs pa dang bcas par grags pa/ 'jigs pa tha dad pas
 'jigs su rung ba dang bcas par grags pa dag tu dbyar phyi mar gyur la/ dge slong dgon pa pas 'dod na/ chos gos gsum las chos gos gang yang rung ba khyim gzhan du bzhag par bya'o/ /dge slong dgon pa gal mtshams kyi phyi rol
 tu 'gro dgos pa de lta bu'i rkyen cig byung na/ dge slong dgon pa pa des zhag drug gi mdza' tshun chad du chos gos de dang mtshams kyi phyi rol du 'bral bar bya'o/ /de las 'das par 'bral na spang ba'i ltung byed do/ /zhes bca' ba mdzad de/ yul
 ni mnyan yod/ gang zag ni drug sde/ nyon mongs pa ni rang nyam byed pa/ nyes pa ni dgon par chos gos khyim gzhan du bzhag pa dang/ zhag bdun du 'bral bar byed pa'o/ /de la dge slong zhes bya ba ni chos 'di pa'o/ /rab tu mang po dag ces bya
 ba ni chos 'di gnyis yan chad ni rab tu mang po dag yin no/ /gnas mal zhes bya ba ni gtsug lag khang ngo/ /dgon pa zhes bya ba ni rdul phra rab dang/ rdul phra mo dang/ chu rdul dang/ lcags rdul dang/ ri bor rdul dang/ lug rdul dang/ blang rdul dang/
 nyi zer gyi rdul dang/ sro ma dang/ shig dang/ nas dang/ sor rnams snga ma drug la phyi ma gcig tu bsgres te/ sor mo nyi shu bzhi la ni khru gang ngo/ /khru phyed dang bzhi la mi'i srid do/ /khru bzhi la gzhu gang ngo/ /gzhu lnga brgya
 la rgyang grags te/ de phan chad dgon pa'o/ /dogs pa dang bcas par grags pa zhes bya ba ni chom rkun pas 'jigs par grags pa'o/ /'jigs pa dang bcas par grags pa zhes bya ba ni seng ge dang/ stag gis 'jigs par grags
 pa'o/ /'jigs pa tha dad pas 'jigs su rung ba dang bcas par grags pa dag tu zhes bya ba ni/ sha sbrang dang/ sbrang bu mchu ring dang/ rlung dang/ nyi ma dang/ sdig sbrul gyis 'jigs pa tha dad pas 'jigs su rung ba dang bcas par grags
 pa dag tu'o/ /dbyar phyi mar gyur la zhes bya ba'i ni dbyar phyi mar gnas par khas blangs par gyur la ste/ de ni gleng gzhi'i dbang gis gsungs par zad kyi/ ltung ba bstan pa la ni yan lag ma yin no/ /dge slong dgon pa pas zhes bya ba
 ni dge slong gang yin pa des so/ /'dod na zhes bya ba ni gal te don du gnyer na'o/ /chos gos gsum las chos gos gang yang rung ba zhes bya ba ni/ snam sbyar dang/ bla gos dang/ thang gos las gang 'dod pa'o/ /khyim gzhan du zhes
 bya ba ni gang lam po che dang/ srang dang/ bzhi mdo dang/ sum mdo dag yod par ro/ /bzhag par bya'o zhes bya ba ni gdams par bya ba'o/ /dge slong dgon pas mtshams kyi phyi rol tu dgos pa de lta bu'i rkyen zhig byung na zhes bya ba ni
 dge 'dun gyi 'am/ mchod rten gyi 'am/ gang zag gi bya ba'i phyir/ mtshams kyi phyi rol du 'gro dgos pa de lta bu'i rkyen zhig byung na'o/ /dge slong dgon pa pa des zhes bya ba ni dge slong gang yin pas nges so/ /zhag drug gis mdza' tshun
 chad du zhes bya ba ni nyin mtshan drug gi mdza' tshun chad du ste/ zhag bdun pa'i skya reng ma shar tshun chad du'o/ /chos gos de dang mtshams kyi phyi rol tu 'bral bar bya'o zhes bya ba ni/ chos gos bzhag pa gang yin pa de dang ngo/ /de las 'das par
 bral na zhes bya ba ni de las lhag par skya reng 'char bar byed na'o/ /spang ba'i ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong dgon pa pas chos gos gsum las gang yang rung ba khyim
 gzhan du bzhag pa las don gyi dbang gis mtshams kyi phyi rol du song ba zhag bdun pa'i skya reng shar na/ zhag bdun na 'bral ba'i spang ba'i ltung byed kyi dngos gzhir 'gyur ro/ /'di'i byed pa po ni/ dge slong dgon pa pa'i chos gos dang/ mtshams
 gzhan dang zhag bdun pa'i skye rengs shar ba'o/ /'di la yan lag lngas dngos gzhi'i ltung bar 'gyur te/ dge slong dgon pa pa'i chos gos gsum las gang yang rung ba dang/ grong gzhan du bzhag pa dang/ mtshams kyi phyi rol tu song ba dang/
 bar chad kyi dbang ma gtogs pa dang/ zhag bdun pa'i skya reng shar ba'o/ /de dag las yan lag mtshang na ci rigs par na smad do/ /zhag bdun na 'bral ba'i spang ba ste nyi shu bdun pa'o// //dbyar gyi ras chen gyis spang ba'i gleng
 gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong gis/ dbyar gyi gos ras chen bcad par bya'o zhes bka' stsal nas/ de
 nas dge slong gang dag dbyar gnas pa snga mar khas len pa de dag ni rang gi dus yin no/ /zhes tshol bar byed cing/ bdag gis ci'i phyir mi bcang zhes 'chang bar byed do/ /dbyar phyi mar gnas pa khas len pa de dag kyang rang gi dus yin
 no zhes tshol bar byed cing/ bdag cag gis ci'i phyir/ mi bcang zhes 'chang bar byed/ de dag ha cang myur bar tshol ba dang/ ha cang yun ring du bcang bar byed pas bya ba mang ba dang/ byed pa mang bar gyur te/ lung mnod pa dang/ klag pa
 dang/ kha ton dang/ rnal 'byor dang/ yid la bya ba dang/ nang gi sems kyi zhi gnas gtong bar byed nas/ dge slong don thung du dag slong par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la
 gsol to/ /de bzhin nas bcom ldan 'das kyis snga ma bzhin du/ dge slong gis so ga rnams kyi zla ba gcig lus na/ dbyar gyi gos ras chen btsal bar bya'o/ /dbyar zad nas 'og tu zla ba phyed kyi bar du bcad par bya'o/ /gal te dge slong gis
 so ga rnams kyi zla ba gcig lus pa'i sngon rol du/ dbyar gyi gos ras chen tshol bar byed dam/ dbyar zad nas 'og tu zla ba phyed las 'das par 'chang na spang ba'i ltung byed do zhes bca' ba mdzad de/ yul ni mnyen yod gang zag ni dge
 slong rab tu mang po/ /nyon mongs pa ni 'dod zhe na/ nyes pa ni dbyar gyi gos ras chen ha cang sngar tshol ba dang/ ha cang yun ring du 'chang bar byed pa'o/ /de la dge slong gis zhes bya ba ni chos 'di pas so/ /so ga rnams kyi zla ba gcig lus na zhes bya ba ni
 zla ba gcig na dbyar nye bar bsgrub pa 'byung bar 'gyur na'o/ /dbyar gyi gos ras chen zhes bya ba ni char 'bab pa'i gos so/ /btsal bar bya'o zhes bya ba ni gzhan las so/ /dbyar zas nas 'og tu zla ba phyed kyi bar du bcad par bya'o zhes bya ba ni dgag dbye
 byas nas zla ba phyed kyi bar du'o/ /gal te dge slong gis so ga rnams kyi zla ba gcig lus pa'i sngon rol du dbyar gyi gos ras chen tshol bar byed dam zhes bya ba ni de'i mdun rol du'o/ /dbyar zas nas 'og tu zla ba phyed las 'das par 'chang na zhes bya ba
 ni de las 'das par ro/ /spang ba'i ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong bdag nyid dbyar gnas pa snga ma 'am phyi ma gang du khas blangs pa'i de'i mdun rol gyi zla ba gcig pas
 snga rol tu/ dbyar gyi gos ras chen rung 'tshol lam/ dgag dbye byas nas zla ba phyed las 'das par/ dbyar gyi ras chen gyis spang pa'i ltung byed kyi dngos gzhir 'gyur ro/ /'di'i byed pa po ni/ dbyar gnas par khas
 blangs pa'i zla ba gcig gi sngon rol du tshol ba dang/ dgag dbye byas pa'i 'og tu zla ba phyed 'das par 'chang ba dang/ dbyar gyi gos ras chen rung ba nyid do/ /'di la tshol ba dang 'chang ba'i dus gnyi ga la yan lag gsum gsum gyis dngos gzhi'i
 ltung bar 'gyur te/ dbyar gnas par khas len pa'i zla ba gcig gi sngon rol gyi dus dang/ de btsal bgrub pa dang/ dbyar gyi gos ras chen rung ba nyid dang/ dgag dbye byas pa'i 'og rol gyi zla ba phyed kyi dus dang/ de las 'das par 'chad
 ba dang/ dbyar gos ras chen rung ba nyid do/ /de dag las yan lag ma tshang na ci rigs par na smad do/ /dbyar gyi gos ras chen gyi spang ba ste nyi shu brgyad pa'o// //bsngos pa las bsgyur ba'i spang ba'i gleng gzhi ni/ sangs rgyas bcom ldan
 'das mnyan yod na/ rgyal byed kyi tshal/ mgon med zas sbyin gyi kun dga' ra ba na bzhugs so/ /bsod snyoms pa zhig gis khyim bdag cig skyabs su 'gro ba dang bslab pa'i gzhi dag la bzhag ste/ rdzas las gyur ba'i bsod nams bya ba'i
 gzhi bdun dag gi bsngags pa brjod pa dang/ khyim bdag des sangs rgyas la sogs pa dge slong gi dge 'dun gdugs tshong la spyan dran zhing/ ras zung zhig yon dbul bar bsngos te/ nye dags thos nas des rang la sgyur du bcug ste/ de'i
 'og tu khyim bdag des sangs rgyas la sogs pa dge slong gi dge 'dun rang gi khyim du chos ston gsol nas/ ras zung de rgan pa'i mdza' logs su rjes su yid rang par mdzod cig ces/ rjes su yid rang bar byed du bcug
 nas/ nye dga' la byin nas/ dge slong don nyung ngu dag ci'i phyir dge slong dag dge 'dun la bsngos pa'i rnyed pa shes bzhin du gang zag bdag la sgyur du 'dzud ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis
 bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang dge 'dun la bsngos pa'i rnyed pa/ shes bzhin du gang zag bdag la sgyur du 'dzud na/ spang ba'i ltung byed do zhes bca' ba mdzad de/ yul ni mnyan
 yod/ gang zag ni nye dga' / nyon mongs pa ni brnab sems/ nyes pa ni gzhan la bsngos pa'i gos gang zag bdag la sgyur du 'dzud pa'o/ /de la yang dge slong gang zhes bya ba ni shAkya'i bu nye dga' 'am/ gzhan yang de lta bu gang
 yin pa'o/ /dge 'dun la zhes bya ba ni de bzhin gshegs pa'i nyan thos kyi dge 'dun la'o/ /bsngos pa'i zhes bya ba ni gang zag pa'i 'o/ /rnyed pa zhes bya ba ni rnyed pa gnyis te/ gos kyi rnyed pa dang/ zas kyi rnyed pa ste/ don 'dir ni gos kyi rnyed
 pa yin par dgongs so/ /shes bzhin du zhes bya ba ni/ bdag nyid kyis de shes par gyur pa 'am/ gzhan dag gis brjod pas so/ /gang zag bdag la sgyur du 'dzud na zhes bya ba ni bdag nyid la dbul du 'dzud na'o/ /spang ba'i ltung byed do zhes
 bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gis yon bdag gzhan gyis gang zag dge slong gzhan nam/ dge 'dun la bsngos pa'i gos rnyed pa shin tu bdag nyid la bsgyur te thob na/ bsngos pa
 las bsgyur ba'i spang ba'i ltung byed kyi dngos gzhir 'gyur ro/ /'di'i byed pa po ni/ gzhan gyis gzhan la bsngos pa'i gos kyis rnyed pa dang/ shes bzhin du bdag nyid la bsgyur te thob pa'o/ /'di la yan lag lngas dngos gzhi'i ltung bar
 'gyur te/ yon bdag gzhan gang yang rung ba dang gang zag dge slong gzhan nam/ dge 'dun la bsngos pa dang/ gos kyi rnyed pa dang/ shes bzhin du bdag nyid la bsgyur ba dang/ thob pa'o/ /de dag las yan lag ma tshang na ci rigs par na smad
 do/ /bsngos pa las bsgyur ba'i spang ba ste nyi shu dgu pa'o// //gsog 'jog gi spang ba'i gleng gzhi ni/ sangs rgyas bcom ldan 'das rgyal po'i khab na 'od ma'i tshal ka lan+ta ka'i gnas na bzhugs so/ /de'i tshe na tshe dang ldan pa pi li na da'i
 bu'i lhan cig gnas pa'i nye gnas dge slong dag sman gang dag de nas lag nyar blangs pa dang/ de las byin len byas pa dang/ zas kyi phyed dang 'dres pa dang/ phan tshun 'dres pa dag gi rgyud kyi myags pa gang dag rnam par dbyer mi mngon/
 de dag dus su yang za bar byed/ dus ma yin par yang za bar byed cing/ de dag la bza' bar rnam par dbye bar yang mi mthong nas dge slong don nyung ngu dag smod par byed/ phyar ka gtong bar byed/ kha zer bar byed pa'i skabs de/ dge slong rnams
 kyis/ bcom ldan 'das la gsol to/ /de nas bcom ldan 'das kyis snga ma bzhin du/ bcom ldan 'das kyis dge slong na ba rnams la/ phan pa so sor bsten par bya ba'i sman gang dag bka' stsal pa 'di lta ste/ zhun mar dang/ 'bru mar dang
 spang rtsi dang/ bu ram gyi dbu ba de dag las dge slong na bas 'dod na/ rang gis zhag bdun par byin gyis brlabs te/ gsog 'jog gi yongs su longs spyod pas yongs su longs spyad par bya'o/ /de las 'das par yongs su longs spyod
 par byed na/ spang ba'i ltung byed do zhes bca' ba mdzad de/ yul ni rgyal po'i khab/ gang zag ni tshe dang ldan pa pi li na da'i bu'i lhan cig gnas pa dang nye gnas dge slong dag /nyon mongs pa ni lto mdun che ba/ nyes pa ni gso
 'jog? byed pa'o/ /de la bcom ldan 'das kyis zhes bya ba ni/ de bzhin gshegs pa dgra bcom pa yang dag par rdzogs pa'i sangs rgyas kyis so/ /dge slong zhes bya ba ni chos 'di pa'o/ /nab rnams la zhes bya ba ni nad pa rnams la'o/ /phan
 pa zhes bya ba ni rjes su mthun pa'o/ /so sor brten par bya ba'i phyir zhes bya ba ni rung pa'o/ /sman gang dag bka' stsal pa 'di lta ste zhes bya ba ni rab tu bstan pa'o/ /zhun mar zhes bya ba ni mar bzhus pa'o/ /'bru mar zhes bya ba ni 'bru mar
 nyid do/ /sbrang rtsi zhes bya ba sbrang rtsi'o/ /bu ram gyi dbu ba zhes bya ba ni bu ram mo/ /de dag las zhes bya ba ni bka' stsal pa de dag las so/ /dge slong zhes bya ba ni dge slong gang yin pa de'o/ /na ba zhes phya ba ni nad pas so/ /'dod na zhes
 bya ba ni gal te don tu gnyer ba'o/ /rang gis zhes bya ba ni bdag nyid kyis so/ /zhag bdun par byin gyis brlabs te zhes bya ba ni nyin mtshan bdun par ro/ /gsog 'jog gi yongs su longs spyad pas yongs su longs spyad par bya'o zhes bya ba
 ni rang gis blangs te bza' bar bya ba'o/ /de las 'das par yongs su longs spyod par byed na zhes bya ba ni zhag bdun pa las 'das par ro/ /spang pa'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ de na
 spang pa'i ltung byed do zhes gsungs so/ /de la 'dir dngos gzhi'i ltung ba rnam par bzhag pa ni/ dge slong gis sman zhag bdun par byin gyis brlabs pa bza' ba'i phyir 'chang ba skya reng brgyad shad na/ gsog 'jog gi spang ba'i ltung byed kyi dngos
 bzhir 'gyur ro/ /'di'i byed pa po ni sman zhag bdun par byin gyis brlabs pa bza' ba'i phyir 'chang ba dang/ de dag skya reng brgyad shar te sogs 'jog tu gyur pa nyid do/ /'di la yan lag bzhis dngos gzhi'i ltung bar 'gyur te/ sman zhag bdun
 par byin gyis brlabs pa nyid dang/ rang nyid bza' ba'i phyir dang/ 'chang ba dang/ skya reng brgyad pa shar te srogs 'jog tu gyur pa'o/ /de dag las yan lag ma tshang na ci rigs par na smad do/ /srogs 'jog gi spang ba ste sum cu'o// //tshe dang ldan
 pa dag bdag gis spang ba'i ltung byed kyi chos sum cu po dag bton zin to zhes bya ba ni spang ba'i ltung byed gdon pa'i mjug bsdu ba ste/ spang pa'i ltung byed kyi chos sum cu po dag ces bya ba ni sngar bstan pa'i sum cu po dag go /bdag gis bton zin
 to zhes bya ba ni dam bcas pa'i don gyis mjug bsru pa'i phyir ro/ /nyan pa po rnams sgro bar bya ba'i phyir smos so/ /de la bdag gi tshe dang ldan pa dag la/ ci 'di la khyed yongs su dag gam zhes dri'o/ /ci 'di la khyod yongs su dag gam zhes lan
 gnyis lan gsum du dri'o/ /'di la tshe dang ldan pa dag yongs su dag na 'di ltar cang mi smra bas de de bzhin du dzin te zhes bya ba ni spang ba'i ltung byed rnam par bzhag pa bsgrags par bya ba yin te/ de la zhes bya ba ni/ /spang pa'i ltung byed kyi chos
 sum cu po dag bton pa de la'o/ /lhag ma ni snga ma bzhin no/ /spang ba'i ltung byed gdon pa bshad zin to// //nga ni ltung byed 'ba' zhig tu 'gyur pa gdon pa bshad par bya ste/ de'i phyir/ phyir sdom la/ shes gzhin dang ni sa bon dang/ /ma
 bskos pa dang yang dang yang/ chu dang khyim dang bsams bzhin dang/ /'gron mang rkun ma mchod ston no/ /zhes pa la so kal pa gsungs so/ /phyi sdom la zhes bya ni/ ltung byed dgu bcu la/ bcu pa phrag dgu 'og nas 'byung ba rnams kyi spyi'i
 don tshigs su bcad pa gcig gis bsdus pa yin no/ /de la shes bzhin dang ni zhes bya ba ni 'og nas sdoms/ /brdzun skyon dge slong phra ma dang/ /skyo sdogs byed dang ston pa dang/ /'don dang gnas ngan len dang chos/ /bshes
 ngor byed dang khyad du gsod/ /ces 'byung ba'i spyi sdom yin no/ /sa bon dang zhes bya ba ni/ /'og nas sngo ma la/ sa bon 'phya ba bsgo ba dang/ /khri dang gding dang skrod pa dang/ /phyis gnon 'byung ba 'debs pa dang/ /rim pa gnyis su brtsig
 pa'o zhes 'byung ba'i spyi sdom yin no/ /ma bskos pa dang zhes bya ba ni/ 'og nas sdom la/ ma bskos nyi ma nub pa dang/ /zas dang chos gos gnyis dag dang/ don mthun grub? dben pa gnyis/ /dge slong ma yis sbyor btsug pa'o/ /zhes
 'byung ba'i spyi sdom yin no/ /yang dang yang zhes bya ba ni/ 'og nas sdom la/ yang rang yang ni 'dug gnas gcig /phye dang bca' dang stobs pa dang/ /'dus ngang dus min sogs 'jog dang/ /kha nas ming dang bsod pa nyid/ /ces 'byung
 ba'i spyi'i sdom yin no/ /chu dang zhes bya ba ni/ 'og nas sdom la/ srog chags bcas dang nya la sar 'dug /'greng dang gcer bu mag dang ni/ /zhag gnyis bshams dkrug 'gro ba dang/ /brdog dang gzas dang gnas ngan len/ /ces 'byung
 ba'i spyi sdom yin no/ /khyim dang zhes bya ba ni/ 'og nas sdom la/ bde dang me dang 'dun pa dang/ /bsnyen par ma rdzogs chos dang smra/ /dge tshul kha dog bsgyur ba dang/ /rin po che dang tsha ba'i dus/ /zhes 'byung ba'i spyi sdom yin no/ /bsams
 bzhin dang zhes bya ba ni/ 'og nas sdom la/ dud 'gro 'gyod pa sor mo dang/ /rtse dang lhan cig sdengs byed dang/ /spong dang gdeng med gzhi med dang/ /skyes pa med par lam 'gro ba'o/ /zhes 'byung ba'i spyi sdom yin no/ /'gron mang
 rkun? ma zhes bya ba ni 'og nas sdom la/ rku dang nyi shu ma lon dang/ /brko dang 'gron dang bslab pa dang/ /'thab dang mi smra 'gro ba dang/ /mi gus chang 'thung ngus min pa'o/ /zhes 'byung ba'i spyi sdom yin no/ /mchod ston no zhes bya ba ni/ 'og nas
 sdom la/ zas bcas skya reng nga gdong dang/ /khab ral dang ni khri rkang dang/ /bdal dang gding dang g.yan pa dang/ /ras chen bde gshegs chos gos so zhes 'byung ba'i spyi'i sdom yin no/ /nga ni spyi sdom gyis bsdus pa'i sdom gyi bcu pa phrag dgu
 go rim bzhin du bshad par bya ste/ de'i phyir sdom la/ brdzun skyon dag slong phra ma dang/ /skyo sdogs byed dang ston pa dang/ /'don dang gnas ngan len dang chos/ /bshes dor byed dang khyed du gsod/ /ces bya ba gsungs te/ sdom la zhes bya ba'i tshig
 gi don dang dgos pa ni snga ma bzhin no/ /bcu pa dang po'i sdom 'dis ltung byed kyi chos bcu ston de/ brdzun du smra ba dang/ skyon nas smra ba dang/ phra ma byed pa dang/ skyo sdogs byed pa dang/ ston pa dang/ /'don pa dang/ gnas ngan len brjod pa dang/
 mi'i chos bla ma brjod pa dang/ skur pa 'debs pa dang/ khyad du gsod pa'o/ /tshe dang ldan pa dag ltung byed kyi chos dgu bcu po 'di dag ni zla ba phyed phyed cing so sor thar pa'i mdo gdon pa las 'byung ngo zhes bya ba ni ltung byed gdon pa 'di'i lung
 dpog pa bstan to/ /ltung byed kyi chos zhes bya ba ni spang ba'i ltung byed dag ltar dngos po de spangs nas ltung byed kyi ltung ba bshags par bya ba lte bu ma yin te/ spang bar bya ba'i dngos po med pa'i phyir/ des na ltung byed 'ba' zhig ces bya ba'i ming 'thob
 po/ /de dag nyid kha na ma tho ba'i mtshan nyid 'dzin pas chos zhes bya ba'o/ /dgu bcu po 'di dag ni zhes bya ba ni grangs dgu bcu chad pa'i bcu pa phrag dgu 'og nas 'byung ba dag go /zla ba phyed phyed cing so sor thar pa'i mdo 'don pa las 'byung
 ngo zhes bya ba ni/ zla ba phyed phyed cing gso sbyong 'don pa'i tshe/ 'dul ba 'dzin pa'i kha ton las 'byung ngo zhes bstan pa yin no/ /de la brdzun du smra ba'i ltung byed kyi gleng gzhi ni/ sangs rgyas bcom ldan 'das mnyan
 yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na mnyan yod na/ shAkya'i bu'i dge slong lag brgyud ces bya ba gcig 'dug pa de shin tu smra ba dang/ gzhan gyi smra ba'i rjes su brtson par
 gnas so/ /lho phyogs nas bram ze rig byed dang/ rig byed kyi yan lag pha rol tu son pa dang/ yul tha dang pa na gnas pa'i bram ze rnams kyi ston par gyur pa zhig kyang bram ze'i khyi'u mang po'i 'khor dang lhan cig tu mnyan yod du phyin to//
 mnyan yod na gnas pa'i bram ze 'khor shin tu mang po dang ldan pa zhig gis de dang brtsad par brtsams pa ni/ rig pa'i gnas gang dang gang la gtam de 'dre bar byed pa de dang de la lho phyogs pa des mnyan yod pa 'khor dang bcas pa
 de dag spobs pa med par byas so/ /de'i tshe shAkya'i bu dge slong lag brgyud der 'ongs pa dang/ lho phyogs pa'i bram ze des smras pa kye dge slong khyod slob dpon gyi mtshan yod pas khyod ni smra ba'i khyu ga chog? cig yin pa 'dra na/ bdag la
 yang bla ma las yi ge cung zad blangs pa cig yod de/ bdag khyod dang lhan cig cung zad gtam rnam par gtan la dbab pa byed par 'dod do/ /lag brgyud kyis smras pa/ bram ze ma nyes te kho bo la yang/ gang du bdag gi rgol ba'i bstan
 bcos rnon po bya snyam pa'i blo skyes nas khyod kyang 'dir 'ongs kyis/ de bzhin du bya'o zhes phyi? nyin par bskyed mos tshal/ ga ge mo zhig tu 'byed par dus btab po/ /de'i nub mo lag brgyud kyis bsams pa/ gal te bdag gis re
 zhig bram ze tshar bcad na ni/ de lta na yang bdag gi sgo 'phar brgya dag 'das te/ ji ltar lto dgang ba bsgrub par bya dgos so/ /gal te bram zes bdag chad bcad na ni/ de lta na bdag gi grags pa'i phreng ba med par 'gyur ro snyam nas/ de'i phyi de
 nang par rgol ba'i sar ma sod do/ /de lta bu lan gnyis lan gsum tsam du 'dus pa las kyang/ shAkya'i bu lag brgyud kyis de thob tsam pa'i phyir yul phyogs dang/ brda' dang/ mtshan ma byas nas ched du bsams te mi 'gro nas/ gzhan
 mu stegs can dag shes ldan dag /shAkya'i bu'i dge sbyong 'di dag ni brdzun smra ba/ brdzun smra ba las ma log /ma spangs/ so sor ma spangs pa dag yin te/ snga btus pa las yul phyogs dang/ brda' dang/ mtshan ma byas nas ched du bsams
 te 'gro bar mi byed do zhes smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ shes bzhin du brdzun smra na ltung byed do zhes bca' 
 ba mdzad de/ yul ni mnyan yod/ gang zag ni shAkya'i bu dge slong lag brgyud/ nyon mongs pa ni gzhan la tho 'cham pa/ nyes pa ni shes bzhin du brdzun smra ba'o/ /de la shes bzhin du zhes bya ba ni/ rnam par dpyad nas so/ /brdzun smra na zhes bya ba
 la? brdzun smra ba ni rnam pa dgu yang yod/ rnam pa brgyad kyang yod/ rnam pa bdun yang yod/ rnam pa drug kyang yod/ rnam pa lnga yang yod/ rnam pa bzhi yang yod/ rnam pa gsum yang yod/ rnam pa gnyis kyang yod/ /de las brdzun du smra
 ba rnam pa dgu gang zhe na/ gzhi med par pham par 'gyur ba dang/ dge 'dun lhag ma dang ltung byed dang/ so sor bshags par bya ba dang/ nyes byas dang/ tshul khrims nyams pa dang/ lta ba nyams pa dang/ cho ga nyams pa dang/ 'tsho ba nyams
 pas gleng ba'o/ /rnam pa brgyad gang zhe na/ gzhi med par pham par 'gyur pa dang/ dge 'dun lhag ma dang/ ltung byed dang/ so sor bshags par bya ba dang/ nyes byas dang/ mthong ba dang/ thos pa dang/ dogs pas gleng
 pa'o/ /rnam pa bdun gang zhe na/ gzhi med par tshul khrims nyams pa dang/ lta ba nyams pa dang/ cho ga nyams pa dang/ 'tsho ba nyams pa dang/ mthong ba dang/ thos pa dang/ dogs pas gleng ba'o/ /rnam pa drug gang zhe na/ dge slong brdzun
 du smra bar 'dod pa ni 'di snyam du brdzun smra bar bya'o snyam pa dang/ brdzun smra ba na 'di snyam du 'di brdzun smra'o snyam pa dang/ brdzun smras pa na 'di snyam du brdzun smras so snyam pa dang/ gzhi med par mthong ba dang/ thos pa dang/ dogs pa dang
 brdzun du smra ba'o/ /rnam pa lnga gang zhe na/ gzhi med par pham par 'gyur ba dang/ dge 'dun lhag ma dang/ ltung byed dang/ so sor bshags par bya ba dang/ nyes byas kyis gleng ba'o/ /rnam pa bzhi gang zhe na/ gzhi med par tshul khrims
 nyams pa dang/ lta ba nyams pa dang/ cho ga nyams pa dang/ 'tsho ba nyams pas gleng ba'o/ /rnam pa gsum gang zhe na/ gzhi med par mthong ba dang/ thos pa dang/ dogs pas gleng ba'o/ /gzhan yang rnam pa gsum gang zhe na/ brdzun smra bar
 'dod pa na 'di snyam du smra bar bya'o snyam pa dang/ brdzun smra ba na 'di snyam du brdzun smra'o snyam pa dang/ brdzun smras pa na 'di snyam du brdzun smras so snyam pa'o/ /rnam pa gnyis gang zhe na/ brdzun smras pa ni 'di snyam du brdzun smra'o snyam
 pa dang/ brdzun smras pa na 'di snyam du brdzun smras so snyam pa'o/ /brdzun smra ba la rnam pa gcig pu 'ba' shig ni med do/ /brdzun smra ba ni pham par 'gyur ba yang yod/ dge 'dun lhag mar 'gyur ba yang yod/ nyes pa sbom por
 'gyur ba yang yod/ ltung byed du 'gyur ba yang yod/ nyes byas su 'gyur ba yang yod do/ /de la brdzun du smra ba pham par 'gyur ba gang zhe na/ 'di lta ste/ dge slong la med la med bzhin du mi'i chos bla ma smra ba'o/ /dge 'dun lhag mar 'gyur ba
 gang zhe na/ 'di lta ste/ dge slong khros shing zhe sdang par gyur nas/ ji nas kyang 'di tshangs par spyod pa dang dbral lo snyam nas/ dge slong dag pa ltung ba med pa la gzhi med par pham par 'gyur ba'i chos kyis skur ba 'debs pa'o/ /nyes pa
 spom por 'gyur ba gang zhe na/ 'di lta ste/ dge slong dge 'dun gyi nang du ched du bsams te/ chos ma yin pa chos su ston pa dang/ chos chos ma yin par ston pa dang/ 'dul ba ma yin pa 'dul bar ston pa dang/ 'dul ba 'dul ba ma yin par
 ston pa'o/ /nyes byas su 'gyur ba gang zhe na/ 'di lta ste/ dge slong zla ba phyed phyed cing so sor thar pa'i mdo gdon pa 'don pa ni/ ci 'di la khyod yongs su dag gam zhes dris pa na/ yongs su ma dag bzhin du cang mi smra bar sdod pa'o/ /ltung
 byed du 'gyur ba gang zhe na/ 'di lta ste/ brdzun du smra ba rnam bzhi po de dag ma gtogs par brdzun du smra ba gzhan gang dag yin pa de dag thams cad ni ltung byed du 'gyur ba yin no/ /ltung byed do zhes bya ba ni sems can dmyal ba dang/ dud 'gro
 dang/ yi dags dang/ ngan song dang/ ngan 'gro dang/ log par ltung ba dag tu sreg par byed/ 'tshed par byed/ ltung bar byed pa'o/ /gzhan yang ltung ba de ma bshags shing so sor ma bshags na dge ba'i chos rnams la sgrib par byed pa ste/ des
 na ltung byed do zhes gsungs so/ /de la 'dir dngos bzhi'i ltung ba rnam par bzhag pa ni/ pham par 'gyur ba dang/ dge 'dun lhag mar 'gyur ba dang/ nyes pa sbom por 'gyur ba dang/ nyes byas su 'gyur ba las gzhan pa'i brdzun du smra ba
 don shes pa'i yul la 'du shes gzhan du bsgyur te brdzun smra ba na 'di snyam du brdzun smra'o snyam pa dang/ brdzun smras pa na 'di snyam du brdzun smras so snyam na/ brdzun du smra ba'i ltung byed kyi dngos gzhir 'gyur ro/ /'di'i
 byed pa po ni don shes pa'i yul la 'du shes gzhan du bsgyur ba'o/ /'di la yan lag lngas dngos gzhi'i ltung bar 'gyur te/ 'du shes bsgyur ba nyid dang/ bdag nyid kyis smras pa nyid dang/ nyan pa po mi'i 'gro bar gtogs pa rang bzhin
 du gnas pa nyid dang/ ltung byed du 'gyur ba'i brdzun nyid dang/ gzhan gyis don go ba'o/ /de dag las yan lag ma tshang na ci rigs par na smad do/ /brdzun du smra ba'i ltung byed de dang po'o// //skyon nas smra ba'i ltung byed kyi gleng gzhi ni/ sangs
 rgyas bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag dge slong rnams la 'di lta ste/ zhar ba dag /thang po dag /smad 'tshal dag /lag sor
 rtul po dag /sgur po dag /mi'u thung dag /lpa ba can dag /lkug pa dag /'on pa dag /rten 'phye dag /gyol po dag /mtshu'i phyangs dag /mgo bo tshe dag ces mi'i skyon nas smra bas kun tu spyod par byed do/ /des dge slong dag dpa' gon
 pa dang/ gzengs dams pa dang/ zhum par gyur nas lung mnod pa dang/ klag pa dang/ kha ton dang/ rnal 'byor dang/ yid la bya? ba dang/ nang gi sems kyi zhi gnas gtong zhing sdug bsngal te yid mi bde ba mang bar gnas nas/ dge slong
 don nyung ngu dag smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du mi'i skyon nas smra na ltung byed do zhes bca' ba
 mdzad do/ yul ni mnyan yod/ gang zag ni drug sde/ nyon mongs pa ni dag yang dag par ma bsdoms pa/ nyes pa ni mi'i skyon nas smra ba'o/ /de la mi'i skyon nas smra na zhes bya ba ni/ mi'i skyon nas smra ba'i bsam pas/ ngag dang/ tshig gi sgra dang
 ngag gi las dang/ ngag gi rnam par rig byed smra ba'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gis dge slong gi skyon nyid rjod par 'dod pas/ tshig 'jam pos kyang rung/ rtsub
 bos kyang rung ste/ skyon gyi rnam pa rung ba ma yin pa bsam pa gang yang rung bas smras na/ mi dga' ba nyid du ma gyur na yang/ skyon nas smra ba'i ltung byed kyi dngos gzhir 'gyur te/ 'di'i byed pa po ni skyon nyid rjod par 'dod pa dang/ pha rol po
 dge slong nyid do/ /'di la yan lag lngas dngos gzhi'i ltung bar 'gyur te/ pha rol po dge slong nyid dang/ skyon nyid rjod par 'dod pa dang rang gi tshig gang yang rung ba dang/ skyon rung ba ma yin par bsam pa gang yang rung bas smras pa dang/ pha rol
 pos don go ba nyid do/ /de dag las yan lag ma tshang na ci rigs par na smad do/ /skyon nas smra ba'i ltung byed de gnyis pa'o/ /phra ma byed pa'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal bu rgyal byed kyi tshal
 mgon mang zas sbyin gyi kun dga' ra ba na bzhugs so/ /de'i tshe na dge slong drug sde dge slong rnams la phra mas kun tu spyod par byed do/ des dge slong dag dpa' ?? pa dang/ gzengs dams pa dang/ zhum par gyur nas lung mnod pa dang/ klag
 ba dang/ kha ton dang/ rnal 'byor dang/ yid la bya ba dang/ nang gi sems kyi zhi gnas kyang gtong bar bya'o/ 'di ltar dus yun ring po nas nye bar bsams pa chos dang ldan pa'i gtsugs pa'i rgyun yang gtsang bar byed nas/ dge slong don nyung
 ngu dag smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ dge slong la phra ma byed na ltung byed do zhes
 bca' ba mdzad de/ yul ni mnyan yod/ gang zag ni drug sde/ nyon mongs pa'i dben gyi bsam pa/ nyes pa ni dge slong la phra ma byed pa'o/ /de la dge slong phra ma byed na zhes bya ba ni/ dge slong la phra ma bya ba'i bsam pas dag dang/ tshig dang/ tha
 snyad dang/ skad brjod pa dang/ nges pa'i tshig dang/ tshig gi lam dang/ tshig gi sgra dang/ ngag gi las dang/ dag gi rnam par rig byed smra na'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge
 slong phra ma byed 'dod pa/ dge slong gzhan la dge slong che ge mo zhig /'di skad zer ro zhes phra ma'i tshig gang yang rung ba smras na/ phra ma byed pa'i ltung byed kyi dngos gzhir 'gyur ro/ /'di'i byed pa po ni/ dbye ba'i bsam pa nyid dang/ dbye bar
 bya ba gnyis ga dge slong nyid yin pa'o 'di la yan lag lngas dngos gzhi'i ltung bar 'gyur te/ dbye ba'i bsam pa nyid dang/ dbye bar bya ba gnyi ga dge slong nyid dang/ rang gi tshig gang yang rung ba nyid dang/ don smras pa dang/ pha rol pos don
 go ba'o/ /de dag las yan lag ma tshang na ci rigs par na smad do/ /phra ma byed pa'i ltung byed de gsum pa'o// //skyo sdogs byed pa'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal bu rgyal byed kyi tshal
 mgon med zas sbyin gyi kun dga' ra ba na bzhugs so/ /de'i tshe na dge slong drug sde dag dge 'dun mthun pas chos bzhin du rtsod pa sbyangs par shes bzhin du/ rtsod pa 'di ni shad kyis ma byad? pa dang/ legs par shad kyis ma byad pa yin
 gyis/ /yang shad kyis spyad bar bya'o/ /rtsod pa 'di ni nges par ma brtags pa dang/ legs par nges par ma brtags pa yin gyis/ yang nges par brtag par bya'o/ /rtsod pa 'di ni nye bar ma zhi ba dang/ legs par nye bar ma zhi ba yin gyis/ yang nye
 bar zhi bar bya'o/ /zhes yang las kyis skyo sdogs byed de/ dge slong dag yang dang yang du rtsod pa nye bar zhi bar byed pa ni/ bya ba mang ba dang/ byed pa mang bar gyur nas/ lung mnod pa dang/ klag pa dang/ kha ton dang/ rnal 'byor dang/ yid la byang med
 nang gi sems kyi zhi gnas gtong par byed nas/ dge slong don nyung ngu dag smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin
 du/ yang dge slong gang dge 'dun mthun pas chos bzhin du rtsod pa sbyangs par shes bzhin du yang las kyi skyo sdogs byed na ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni rtsod pa la dga' ba/
 nyes pa ni skyo sdogs byed pa'o/ /de la yang dge slong gang zhes bya ba ni drug sde 'am/ gzhan yang de lta bu gang yin pa'o/ /dge 'dun zhes bya ba ni de bzhin gshegs pa'i nyan thos kyi dge 'dun no/ /mthun pas zhes bya ba ni blo mthun pas so//
 chos bzhin du zhes bya ba ni chos ji lta ba dang/ 'dul ba ji lta ba dang/ ston pa'i bstan pa ji lta ba bzhin du'o/ /rtsod pa zhes bya ba ni rtsod pa bzhi po 'gyed pa'i phyir rtsod pa dang/ mi gdams pa'i phyir rtsod pa dang/ ltung ba'i phyir rtsod pa dang/ bya ba'i
 phyir rtsod pa'o/ /sbyangs par zhes bya ba ni nye bar zhi bar byas par ro/ /shes bzhin du zhes bya ba ni/ rang nyid kyis yongs su rig pa 'am/ gzhan dag gis brjod pas so/ /yang las kyi skyo sdogs byed na zhes bya ba ni yang byed na'o/ /ltung byed
 do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gnyug mar gnas pa dang/ las byed pa dang/ 'dun pa 'bul ba dag gis dge slong gnyis kyis rtsod pa gang yang rung ba de
 dge 'dun gyis legs par zhi bar byas par shes bzhin du/ yang las kyi skye sdogs byed na ltung byed kyi dngos gzhir 'gyur ro/ /'di'i byed pa po ni dge slong gnyis kyi rtsod pa nyid dge 'dun gyis legs par zhi bar byas par shes bzhin du/
 yang las kyi skyo sdogs byed na ltung byed kyi dngos gzhir 'gyur ro/ 'di'i byed pa po ni dge slong gnyis kyi rtsod pa nyid dge 'dun gyis legs par zhi bar byas pa nyid la/ 'du shes gtso cher byed pa po nyid yin no/ /'di la yan lag lngas
 dngos gzhi'i ltung bar 'gyur te/ rgol pa dang/ phyir rgol ba gnyis ka dge slong nyid yin pa dang/ rtsod pa bzhi po gang yang rung ba dang/ dge 'dun gyis legs par zhi bar byas pa dang/ ltung ba 'byin pa pos de ltar shes pa dang/ yang las
 kyi skyo sdogs byed pa'o/ /de dag las yan lag ma tshang na ci rigs par na smad do/ /skyo sdogs byed pa'i ltung byed de bzhi pa'o// //stong pa'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal bu rgyal byed kyi tshal
 mgon med zas sbyin gyi kun dga' ra ba na bzhugs so/ /tshe dang ldan pa 'char ka sha mtshan gyi rig pa shes te/ snga dro sham thabs bogs/ lhung bzed dang chos gos thogs te/ mnyan yod bu bsod snyoms la zhugs shing/ bram ze dang khyim
 bdag dag la chos bstan nas/ mna' mal dris pa/ sru mo khyod kyi sgyug mo ci 'dra/ des smras pa/ 'phags pa ri bong mo mangs phog pa ci 'dra ba de 'dra'o/ /'char kas smras pa/ sru mo ci de de'i nyes pa yin snyam mam/ de ltar de la gtum
 pa'i mtshan nu ma'i bar dang/ mdoms kyi bar dang/ rked pa'i bar dag na sha smen dang/ 'dzer bu dang/ sme ba dang/ sme ba dmar po dang/ spu 'khyil ba dag yod pas de ni de'i nyes pa yin no/ /de'i 'og tu sgyug mo'i gan du song ste dris pa/ sru mo khyod kyi
 mna' ma ci 'dra/ des smras pa/ 'phags pa de'i skyon ni se gdar gyis bdar te 'tshal te/ le lo can sgrub mi phong pa/ gtum pa gshe ba sbyo bar bgyid pa lags so/ /'char kas smras pa/ sru mo ci de de'i nyes pa yin snyam 'am/ 'di ltar de la gtum
 pa'i mtshan nu ma'i bar dang/ mdoms kyi bar dang/ rked pa'i bar dag na sha rmen dang/ 'dzer bu dang/ sme ba dang/ sme ba dmar po dang/ spu 'khyil pa dag yod pas/ de ni de'i nyes pa yin no/ /des bram ze dang khyim bdag gzhan dag la chos bstan
 nas/ sgyug mo la dris pa/ sru mo khyod kyi mna' ma ci 'dra/ des smras pa/ 'phags pa bu mo 'am nu mo ci 'dra ba de 'dra'o/ /'char kas smras pa/ sru mo de ni de'i yon tan ma yin te/ 'di ltar de la des pa'i mtshan nu ma'i bar dang/ mdoms
 kyi bar dang/ rked pa'i bar dag na dpal be'u dang/ bum pa gang ba dang/ bkra shis dang/ g.yung drung dag yod pas de ni de'i yon tan yin no/ /de'i 'og tu mna' nas gan du song ste dris pa/ sru mo khyod kyi sgyug mo ci 'dra/ des smras pa/ 'phags
 pa ma 'am phu mo ci 'dra ba de 'dra'o/ /'char kas smras pa/ bu mo de ni 'di'i yon tan ma yin te/ 'di ltar de la nges pa'i mtshan/ nu ma'i bar dang/ mdoms kyi bar dang/ rked pa'i bar dag na/ dpal be'u dang/ bum pa gang ba dang/ bkra shis dang/
 g.yung drung dag yod pas de ni de'i yon tan yin no/ /de nas dus gzhan zhig na bud med de dag brku mnye dang/ dril phyi dang/ khrus byed pa'i tshe gcig la gcig gsang ba'i gnas kyi mtshan ma rtog par byed pa na/ tshe dang ldan pa 'char kas
 ji skad bstan pa de kho na lta bu'i mtshan ma bzang po dang/ ngan pa dag mthong zhing gang gi tshe de dag 'thab pa'i tshe/ gcig la gcig skur pa yang 'debs shing 'dums pa'i tshe phebs par yang smra ste/ tshe dang ldan pa 'char
 ka la smod par byed/ phyar ka gtong par byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis 'di snyam du dgongs te/ gang gi phyir nyes dmigs cung zad cig
 byung ba de dag thams cad ni/ dge slong bud med la chos ston pa las gyur pa yin par dgongs nas/ dge slong gis bud med la chos bstan par mi bya ba dang/ tshig lngas chos bstan par bya ba dang/ tshig drug gis chos bstan par bya ba
 dang/ skyes pa bzhag ste ci tsam 'dod par chos bstan par bya'o zhes bka' stsal pa dang/ drug sde dag gis khyed dang/ spre'u dang/ be'u dang/ phyi gan du nyal ba dang/ gog pa dang/ khye'u dag drung du bzhag ste/ ji tsam 'dod par bud med
 la chos ston cing/ des slob ma dang khengs par byed nas/ dge slong don nyung ngu dag smod par byed/ phyar ka gtong bar byed/ kha zer bar byed pa'i skabs de/ dge slong rnams kyis/ bcom ldan 'das la gsol to/ /de nas bcom ldan 'das
 kyis snga ma bzhin du/ yang dge slong gang bud med kyi yul la tshig lnga 'am/ drug las lhag par chos ston na/ rig pa'i skyes pa na gtogs te ltung byed do zhes bca' ba mdzad de/ yul ni mnyan yod/ gang zag ni 'char ka/ nyon mongs
 pa ni sred pa/ nyes pa ni bud med la rig pa'i skyes pa med par tshig lnga 'am/ drug las lhag par chos ston pa'o/ /de la yang dge slong gang zhes bya ba ni/ drug sde 'am gzhan yang de lta bu gang yin pa'o/ /bud med la zhes bya ba ni bud
 med gzhon nu ma legs par smras pa dang/ nyes par smra ba'i chos rnams kyi don kun shes par nas pa la'o/ /tshig lnga 'am drug las lhag par par zhes bya ba ni/ tshig lngas chos ston pa na bsams bzhin du tshig drug pa la thal bar byed pa dang/
 tshig drug gis chos ston pa na yang bsams bzhin du tshig bdun pa la thal bar byed pa'o/ /chos zhes bya ba ni sangs rgyas kyis gsungs pa 'am/ sangs rgyas kyi nyan thos kyis bshad pa'o/ /ston na zhes bya ba ni 'chang na'o/ /rig pa'i skyes pa ma
 gtogs te zhes bya ba ni/ rig pa'i skyes pa bzhag ste'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gis khyim pa mo bud med dam/ gzhon nu ma legs par smras pa dang/ nyes par
 smra ba'i chos rnams kyi don kun shes par nus pa la gnas gcig tu sangs rgyas sam/ sangs rgyas kyi nyan thos kyis gsungs pa'i chos tshig drug las lhag pa shes bzhin du rig pa'i skyes pa med par ston na/ ston pa'i ltung byed kyi dngos
 gzhir 'gyur ro/ /'di'i byed pa po ni/ /bud med dam gzhon nu ma legs par smras pa dang/ nyes par smras pa'i chos rnams kyi don kun shes par nus pa la/ chos tshig drug las lhag par ston pa la 'du shes gtso cher byed pa po nyid yin no//
 'di la yan lag drug gis dngos gzhi'i ltung bar 'gyur te/ bud med khyim pa mo legs par smras pa dang/ nyes par smras pa'i chos rnams kyi don kun shes par nus pa dang/ gnas gcig tu bstan pa dang/ sangs rgyas kyi chos dang/ tshig drug
 las lhag pa dang/ rig pa'i skyes pa'i med pa dang/ shes bzhin du ston pa'o/ /de dag las yan lag ma tshang na ci rigs par na smad do/ /ston pa'i ltung byed de lnga pa'o// //'don pa'i ltung byed kyi gleng gzhi ni/ sangs rgyas bcom ldan
 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag gang zag bsnyen par ma rdzogs pa dag dang/ tshig gis 'don par byed do/ /des kun dga' ra
 ba'i mthar sgra mthon po dang/ sgra chen po skye bo phal po che'i tshogs kyi sgra lta bu 'di lta ste/ dper na bram ze rnams bram ze'i gsang tshig 'don pa lta bu dang/ rtsis mkhan rnams kyis rtsis kyi gnas na smra ba lta bu grag par gyur pa bcom ldan
 'das kyis gsan te/ tshe dang ldan pa kun dga' bo la smras nas/ kun dga' bos ji ltar gyur pa rgya cher gsol to/ /de nas bcom ldan 'das kyis snga ma bzhin du/ yang dge slong dag? gang zag bsnyen par ma rdzogs pa dang/ tshig gis chos
 'don na ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni ma zhi ba/ nyes pa ni gang zag bsnyen par ma rdzogs pa dang tshig gis chos 'don pa'o/ /de la yang dge slong gang zhes bya ba ni drug
 sde 'am/ /gzhan yang de lta bu gang yin pa'o/ /gang zag bsnyen par ma rdzogs pa dang zhes bya ba la/ bsnyen par rdzogs pa ni gnyis te/ dge slong dang/ dge slong ma'o/ /de las gzhan pa ni bsnyen par ma rdzogs pa'o/ /tshig gis zhes
 bya ba ni/ tshig mnyam pa dang/ tshig snga bas dang/ yi ge mnyam pa dang/ yi ge snga bas so/ /ji ltar tshig mnyam pas she na/ slob dpon 'di skad ces sdig pa thams cad mi bya ste zhes 'don pa na/ nye gnas kyang dus gcig tu sdig
 pa thams cad mi bya ste zhes 'don pa ste/ de ltar tshig mnyam pas so/ /ji ltar tshig snga bas she na/ slob dpon gyis re zhig sdig pa thams cad mi bya ste zhes ma bton par nye gnas dge ba phun sum tshogs par bya zhes 'don pa ste/
 de ltar tshig snga bas so/ /ji ltar yi ge mnyam pas she na/ slob dpon a zhes 'don pa na/ nye gnas kyang dus gcig tu a zhes 'don pa ste/ de ltar yi ge mnyam pas so/ /ji ltar yi ge snga bas she na/ slob dpon gyis re zhig a zhes ma bton par/
 nye gnas a zhes 'don pa ste/ de ltar yi ge snga bas so/ /chos zhes bya ba ni sangs rgyas kyis gsungs pa'am/ sangs rgyas kyi nyan thos kyis bshad pa'o/ /'don na zhes bya ba ni 'dzin du 'dzud na'o/ /ltung byed do zhes bya ba ni snga ma bzhin no/ /de la 'dir
 dngos gzhi'i ltung ba rnam par bzhag pa ni/ dge slong gang zag bsnyen par ma rdzogs pa dang/ gcig char ram/ de'i 'jug thogs su de lung gi chos sam yi ge bklag pa'i phyir 'don pa ni 'don pa'i ltung byed kyi dngos gzhir 'gyur ro/ /'di'i byed pa po
 ni gang zag bsnyen par ma rdzogs pa dang/ lung gi chos dang/ yi ge'o/ /'di la yan lag lngas dngos gzhi'i ltung bar 'gyur te/ gang zag bsnyen par ma rdzogs pa dang/ lung gi chos sam/ yi ge dang/ gcig car ram/ de'i mjug thogs dang/ /
 klag pa'i ched dang/ 'don pa'o/ /de dag las yan lag ma tshang na ci rigs par na smad do/ /'don pa'i ltung byed de drug pa'o// //gnas ngan len brjod pa'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal byed tshal
 mgon med zas sbyin gyi kun dga' ra ba na bzhugs so/ /'dod chags dang bral ba med pa na/ nyon mongs pa rnams ma spangs pa'i phyir dge slong dag dge 'dun lhag ma'i ltung ba 'byin par byed pa dang/ kha cig ni lam gol bar rgas pas de dag gang gi
 tshe dge slong mdo sde 'dzin pa dang/ 'dul ba 'dzin pa dang/ ma mo 'dzin pa rnams las thos pa/ de'i tshe ni de dag ltung ba chos bzhin du phyir byed cing spo ba dang mgu bar bya ba spyod pa na/ dge 'dun la chu 'drim pa'i tshe bram ze dang/ khyim bdag dad pa can ngag gis
 smras pa/ gang dag rin po che rtog pas kyang de las nye bar brtags shing rin po che dag sdud par byed do/ /dge slong gnas brtan gnas brtan bsod nams 'dod pa 'di dag kyang/ dge 'dun la chu 'dri ma zhing bsod nams gsog
 par byed do/ /drug sde chen po 'di dag ni za zhing 'khod par byed do zhes zer ba drug sde dag gis thos nas/ /de dag gis smras pa/ shes ldan dag ci 'di dag chos kyis dge 'dun la chu 'drim par byed snyam 'am/ 'di ltar 'di dag ni chad pa'i
 las byed pa yin no/ /de dag gis smras pa/ 'di dag gis ci byas/ drug sde dag gis las bya ba ma yin pa byas te/ 'di lta 'di ltar byas so zhes smras pa dang/ de dag dge slong gnas brtan gnas brtan gang dag yin pa de dag gis gnas
 skabs kyang/ re zhig 'di 'dra na/ dge slong bar ma dang/ gsar bu gang dag yin pa de dag gi gnas skabs ci 'dra bar 'gyur zhes smod par byed/ phyar ka gtong bar byed/ kha zer bar byed do/ /dge slong spo ba byed pa de dag phyi dro dbu skra dang sen mo'i
 mchod rten dag la lci ba 'jam po'i byug pas nyug par byed pa dag gi lhan cig gnas pa dang/ nye gnas ngag la yang drug sde dag gis gnas ngan len brjod nas/ gang gi tshe de dag ltung ba de las langs par gyur pa de'i tshe na/ de dag gis
 rang rang gi dge tshul dag la las kyis shig ces bsgo ba ni dge tshul dag 'di skad ces las 'di ni khyed cag gnas ngan len kun tu spyod pa dag gis byas pa yin gyis/ /kho bo cag mi byed do zhes zer ba na/ dge slong don nyung ngu dag ci'i
 phyir dge slong dag /gang zag bsnyen par ma rdzogs pa la/ gnas ngan len gyi ltung brjod par byed ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ de nas
 bcom ldan 'das kyis snga ma bzhin du du yang dge slong gang zag bsnyen par ma rdzogs pa la gnas ngan len gyis ltung ba brjod na/ dge 'dun gyis gnang ba ma gtogs te ltung byed do zhes bca' ba mdzad de/ yul ni mnyan yod/ gang zag ni drug sde/
 nyon mongs pa ni gzhan gyis bsngags pa la phrag dog byed pa/ nyes pa ni gang zag bsnyen par ma rdzogs pa la dge slong gi gnas ngan len brjod pa'o/ /de la yang dge slong yang zhes bya ba ni/ drug sde 'am gzhan yang de lta bu gang yin pa'o/ /gang zag
 bsnyen par ma rdzogs pa la zhes bya ba la/ bsnyen par rdzogs pa ni gnyis te/ dge slong dang dge slong ma'o/ /de las gzhan pa ni bsnyen par ma rdzogs pa'o/ /gnas ngan len zhes bya ba la/ gnas ngan len ni gnyis te/ pham par 'gyur ba kun nas
 slong ba dang/ dge 'dun lhag ma kun nas slong ba'o/ /ci'i phyir de dag gnas ngan len ces bya zhe na/ ngo bo nyid las dang kun nas slong bas so/ /ltung pas brjod na zhes bya ba ni smra na'o/ /dge 'dun gyis gnang ba ma gtogs te/ zhes bya ba ni dge 'dun
 gyis gnang ba bzhag ste'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gis dge 'dun gyi gnas ngan len brjod par ma bskos pas nyan pa po bsnyen par ma rdzogs pa la pham par
 'gyur ba dang/ dge 'dun lhag ma dag so so yang rung bsdus pa yang rung ba smras na/ gnas ngan len brjod pa'i ltung byed kyis dngos gzhir 'gyur ro/ /'di'i byed pa po ni/ nyan pa po bsnyen par rdzogs pa pham par 'gyur ba dang/ dge 'dun lhag ma'i
 ltung ba mi shes pa nyid la 'du shes gtso cher byed pa po nyid yin no/ /'di la yan lag lngas dngos gzhi'i ltung bar 'gyur te/ dge slong dge 'dun gyis gnas ngan len brjod par ma bskos pa dang/ nges nyan pa po bsnyen par ma rdzogs pa gnas
 ngan len mi shes pa nyid du shes pa dang nyan pa po mi'i 'gro ba bsnyen par ma rdzogs pa nyid dang/ gnas ngan len pham par 'gyur ba dang/ dge 'dun lhag ma dag so so lam bsdus pa gang yang rung ba smras pa dang/ pha rol
 pos don go ba'o/ /de dag las yan lag ma tshang na ci rigs par na smad do/ /gnas ngan len brjod pa'i ltung byed de bdun pa'o// //mi'i chos bla ma brjod pa'i ltung byed kyi gleng gzhi ni/ sangs rgyas bcom ldan 'das yangs pa can
 spre'u rdzing gi 'gram khang pa brtsegs pa'i khang bzangs na bzhugs so/ /gang gi tshe sangs rgyas bcom ldan 'das kyis/ nya pa lnga brgya chu klung yid 'ong ldan la brten cing 'khod pa dag gis chu srin nya'i rigs bzung ba'i gleng gzhi las/ de
 dag legs par gsungs pa'i chos 'dul ba la rab tu byung zhing bsnyen par rdzogs par mdzad nas/ de dag gis dgra bcom pa nyid mngon sum du byas te/ de dag mu ge byung ba'i tshe/ nya pa'i grong gi nye 'khor du dbyar gnas par khas blangs
 pa dag gis mi'i chos bla ma ji ltar thos pa nye du dag la brjod nas/ 'jig rten ni yon tan la dga' ba yin pas/ nye du dag gis re zhig rang gi bu las kyang phrogs te/ de dag las bsod snyoms legs par bstobs par gyur to/ /gang
 gi tshe tshe dbyar 'das nas 'dus pa chen po'i tshe/ dge slong rnams bcom ldan 'das kyi zhabs la phyag 'tshal du 'dod ba'i tshe/ tshe dang ldan pa kun dga' bos dge slong gang dag sdod byed kyi grong du dbyar gnas par khas blangs pa de dag ni bsod
 snyoms kyis brel bas ring? pa dang/ nyam chung ba dang/ rke ba dang/ rkam pa dang/ lus ma thob pa dang/ pags pa dang/ sha dang khrag bri ba mthong/ dge slong gang dag nya pa'i grong gi nyen kor du dbyar gnas par khas blangs pa de dag ni bsod
 snyoms kyis bral ba med pas che ba dang/ pags pa dang/ sha dang khrag rgyas pa mthong nas/ de ci las gyur pa'i rgyu dris pa dang/ de dag gis kyang rgyas par smras so/ /tshe dang ldan pa kun dga' bos de dag las khyed cag gang zag bsnyen par ma rdzogs
 pa la/ mi'i chos bla ma bden pa brjod du rung ngam zhes dris pa dang/ de dag gis smras pa/ rung yang srid mi rung yang srid de/ 'di ltar bdag cag gis ni smras zhes zer ba na/ dge slong don nyung ngu dag ci'i phyir dge slong dag /gang zag bsnyen
 par ma rdzogs pa la mi'i chos bla ma bden pa brjod ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du yang dge
 slong gang zag bsnyen par ma rdzogs pa la mi'i chos bla ma bden pa smran ltung byed do zhes bca' ba mdzad de/ gang zag ni nya pa las rab tu byung pa'i dge slong dgra bcom pa lnga brgya/ nyon mongs pa ni bag chags ma byad pas ma brtags pa
 nyes pa ni gang zag bsnyen par ma rdzogs pa la mi'i chos bla ma bden par smras pa'o/ /de la yang dge slong gang zhes bya ba ni chos 'di pa'o/ /gang zag bsnyen par ma rdzogs pa zhes bya ba la/ bsnyen par rdzogs pa ni gnyis te/ dge slong dang/
 dge slong ma'o/ /de dag las gzhan pa ni bsnyen par ma rdzogs pa'o/ /mi'i chos zhes bya ba ni mi rnams kyi chos mya ngan las 'das pa ste/ de ni mi rnams kyis 'thob kyi/ za ma dang/ ma ning dang/ mtshan gnyis pa dag gis kyang mi 'thob kyi/ sems
 can dmyal ba dang/ dud 'gro dang/ yi dags rnams kyis lta smos kyang ci dgos pa'i phyir ro/ /bla ma zhes bya ba ni/ 'dod pa'i khams pas gzugs kyi khams bla ma yin la/ gzugs kyi khams pas gzugs med pa'i khams bla na
 yin pa'o/ /yang na mi'i chos zhes bya ba ni sgrib pa lnga po dag go /bla ma zhes bya ba ni de dag spangs pa gang yin pa'o/ /bden pa zhes bya ba ni de'i dngos po bden pa kho na yin pa'o/ smra na zhes bya ba ni brjod na'o/ /ltung byed do zhes bya ba
 ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gis 'du shes ma bsgyur par bdag nyid mi'i chos bla ma dang ldan pa bden pa nyid gang dag bden pa ma mthong ba bsnyen par ma rdzogs pa la brjod na mi'i
 chos bla ma brjod pa'i ltung byed kyi dngos gzhir 'gyur ro/ /'di'i byed pa po ni mi'i 'gro ba'i gang zag bden pa ma mthong ba bsnyen par ma rdzogs pa dang/ mi'i chos bla ma bden pa nyid do/ /'di la yan lag lngas dngos gzhi'i ltung ba
 'gyur te/ mi'i chos bla ma dang/ bden pa nyid dang/ nyan pa po mi'i 'gro ba pa bden pa ma mthong ba bsnyen par ma rdzogs pa dang/ rang gis brjod pa dang/ pha rol po'i don go ba'o/ /de dag las yan lag ma tshang na ci rigs par na
 smad do/ /mi'i chos bla ma brjod pa'i ltung byed de brgyad pa'o// //so so thar pa'i mdo'i gzhung 'grol/ /bam po dgu pa/ /skur pa 'debs pa'i ltung byed kyi gleng gzhi ni/ sangs rgyas bcom ldan 'das rgyal po'i khab
 na 'od ma'i tshal bya ka lan+ta ka'i gnas na bzhugs so/ /gang gi tshe/ tshe dang ldan pa gyang bu nor/ gnas mal 'bog pa dang/ zas la bsko bar bskos pa'i de'i tshe na/ de dad pa dang ldan zhing bzang la dge ba'i bsam pa can yin pas
 dge 'dun la chos dang ldan pas zhal ta byed pa'i las la brtson pa yin la/ des sangs rgyas sam chos sam dge 'dun nam/ yid du 'thad pa'i dge slong rnams la ma phul lam/ yongs su ma btang ba ci yang med de/ de de ltar
 phul zhing yongs su btang bas chos gos ngan cing rnam sbyar yang yongs su rnyings nas/ dge slong rnams kyis/ bcom ldan ldan 'das la gsol te/ de dag la gsol ba'i las kyis ras yug chen byin pa dang/ dge slong mdza' bo dang sa
 las skyes gnyis tshe dang ldan pa gyang bu nor dang/ tshe rabs tshe rabs nas rjes su 'brel ba'i kho na yod pas de gnyis dge slong rnams kyi mdun na/ tshe dang ldan pa dag 'di ltar dge 'dun gyi rnyed pa rnyed de chog gcig gis gang zag la yongs su
 sngo bar byed na/ dge 'dun gyis rnyed pa 'grub par ga la 'gyur zhes smod par byed nas/ dge slong rnams kyis de gnyis la smras pa/ tshe dang ldan pa dag byed der ma 'dus sam/ 'dus so/ /ci'i phyir smod par byed/ de gnyis kyis smras pa/ ci kho bo
 cag gnyis 'dur yang ma gnang ngam zhes zer na dge slong don nyung ngu dag ci'i phyir/ dge slong dag la sngar legs par rung bar byas nas/ de'i 'og tu 'di skad ces tshe dang ldan pa dag gis 'di ltar bshes dor byas te/ dge 'dun gyis rnyed
 par bsngos pa dag gis gang zag la bsngos so zhes zer zhing smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang
 dge slong gang sngar legs par rung par byas nas/ de'i 'og tu 'di skad ces tshe dang ldan pa dag gis 'di ltar bshes dor byas te/ dge 'dun gyis rnyed par bsngos te/ gang zag la bdag gis bsngos so zhes zer na ltung byed do zhes bca' 
 ba mdzad do/ /yul ni rgyal po'i khab gang zag ni mdza' bo dang sa la skyes gnyis/ nyon mongs pa ni mi bzod pa/ nyes pa ni skur pa 'debs pa'o/ /re la yang dge slong gang zhes bya ba ni/ mdza' bo dang sa las skyes gnyis sam/ gzhan yang
 de lta bu gang yin pa'o/ /legs par rung par byas nas zhes bya ba ni sngar dad pa phul nas so/ /de'i 'og tu zhes bya ba ni dus gzhan na'o/ /'di skad ces bya ba ni 'di skad ces zer na'o/ /tshe dang ldan pa dag gis 'di ltar
 bshes dor byas te zhes bya ba la/ dge slong gi bshes pa gang zhe na/ mkhan po'i ni lhan cig gnas pa'o/ /lhan cig gnas pa'i ni mkhan po'o/ /slob dpon gyi ni nye gnas so/ /nye gnas kyi ni slob dpon no/ /mkhan po gcig
 pa'i ni mkhan po gcig pa'o/ /slob dpon gcig pa'i ni slob dpon gcig pa'o/ /mdza' bo'i ni mdza' bo'o/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o rnyed pa zhes bya ba la rnyed pa ni gnyis te/ gos
 kyi rnyed pa dang/ zas kyi rnyed pa'o/ /don 'dir ni gos kyi rnyed pa yin par dgongs pa'o/ /bsngos pa zhes bya ba ni dge 'dun gyi nang du grub pa'o/ /gang zag la bdag gi bsngos so zhes zer na zhes bya ba ni bdag gi don du'o/ /ltung byed
 do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ ltung ba 'byin pa po bdag nyid kyang dge 'dun gyis las de'i nang du gtogs pa'i dge 'dun gyis dge 'dun gyi gos kyi rnyed pa gang
 zag gzhan la byin pa'i 'og tu'o/ /'di skad ces dge slong 'dis dge slong gi dge 'dun gyi zas kyis rnyed pa ma yin pa gos kyi rnyed pa gang dag la log par bsngos so zhes/ yang dag pa ma yin pa'i don nyid de nyid dam/ gzhan
 gyi mdun du ming nas smos kyang rung ma smos kyang rung ste/ smras na skur ba 'debs pa'i ltung byed kyi dngos gzhir 'gyur ro/ /'di'i byed pa po ni dge 'dun gyis gos kyi rnyed pa dang/ gang la bsngos pa'i gang zag mi'i 'gro bar gtog
 pa rab tu byung ba 'am/ khyim pa yang rung ba'o/ /'di la yan lag lngas dngos gzhi'i ltung bar 'gyur te/ sngar dad pas phul ba dang/ dge 'dun gyis gos kyi rnyed pa dang/ gang la bsngos pa mi'i 'gro ba gang yang rung ba dang/ brdzun smras pa dang/ pha rol
 pos thabs gang yang rung bas don go ba'o/ /de dag las yan lag ma tshang na ci rigs par na smad do/ /skur pa 'debs pa'i ltung byed de dgu pa'o// //khyad du gsod pa'i ltung byed kyi gleng gzhi ni/ sangs rgyas bcom ldan 'das mnyan yod na
 rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis zla ba phyed phyed cing so sor thar pa'i mdo gdon pa gdon par bya'o zhes bka' stsal nas/ dge slong rnams zla ba phyed phyed cing so sor thar pa'i
 mdo gdon pa gdon par byed na/ drug sde dag pham par 'gyur ba bzhi po dag 'don pa'i tshe na cang mi smra bar 'khod do/ /dge 'dun lhag ma'i chos bcu gsum dang/ ma nges pa'i chos gnyis dang/ spang pa'i ltung byed kyis chos sum cu dang/ ltung
 phyed kyi chos dgu bcu dang/ so sor bshags par bya ba'i chos bzhi dang/ bslab pa'i chos mang po dang/ rtsod pa zhi bar bya ba'i chos bdun po dag 'don pa'i tshe na ni/ 'di skad ces tshe dang ldan pa dag gang la gzhi nges pa dang/ gang zag nges par rab
 tu shes pa yod bzhin du/ bdag cag gi rma sos pa dag ci'i phyir 'dral bar byed/ gang dag gis dge slong rnams la 'gyod pa dang/ yid la gcags pa dang/ gnod par 'gyur ba bslab pa'i gzhi phran tshegs rab tu phra ba 'di dag gis zla ba
 phyed phyed cing/ so sor thar pa'i mdo gdon pa bton pa dag gis ci bya zhes zer nas dge slong rnams kyis smras pa/ tshe dang ldan pa dag gi phyir kho bo cag zla ba phyed phyed cing/ so sor thar pa'i mdo gdon pa 'don pa ma yin gyi/ 'di ltar kho bo
 cag ni ston pa'i bka' lung gis 'don to/ /gal te khyed cag sdug bsngal ba dang/ yid mi bde ba skye na ci'i phyir lhag par spyod par ches cher bcad cing/ dge slong don nyung ngu dag kyang drug sde la smod par byed/ phyar ka gtong bar byed/ kha zer bar byed
 pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang yang zla ba phyed phyed cing/ so sor thar ba'i mdo gdon pa 'don pa na/ 'di skad ces tshe dang ldan pa dag /gang gis
 dge slong rnams 'gyod pa dang/ yid la gcags pa dang/ gdon par 'gyur pa bslab pa'i gzhi phran tshogs rab tu phra ba 'di dag gis zla ba phyed phyed cing so sor thar pa'i mdo gdon pa bton pa dag gis ci bya zhes zer zhing bslab pa khyad du gsod na
 ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni bag med pa/ nyes pa ni bslab pa khyad du gsod pa'o/ /de la yang dge slong gang zhes bya ba ni drug sde 'am/ gzhan yang de lta bu gang yin pa'o/ /zla ba phyed phyed cing
 zhes bya ba ni/ gso sbyong gi dus kyi zla ba phyed phyed cing ngo/ /so sor thar pa'i zhes bya ba ni pham par 'gyur ba'i chos gzhi dang/ dge 'dun lhag ma'i chos bcu gsum dang/ ma nges pa'i chos gnyis dang/ spang ba'i ltung byed kyis chos sum cu dang/ ltung byed
 kyi chos dgu bcu dang/ so sor bshags par bya ba'i chos dang/ bslab pa'i chos mang po dang/ rtsod pa zhi bar bya ba'i chos bdun po dag gi'o/ /mdo zhes bya ba ni des nyes par sbyar bas mdo 'am/ yang na mdo yang dag par sbyor ba'o/ /gdon pa
 gdon pa na zhes bya ba ni/ so sor thar pa'i mdo gdon pa lnga po dag rab tu bton pa na'o/ /'di skad ces tshe dang ldan pa dag /gang gis dge slong rnams 'gyod pa dang/ yid la gcags pa dang/ gnod par 'gyur ba bslab pa'i bzhi phran tshegs
 rab tu phra ba dag gis zla ba phyed phyed cing so sor thar pa'i mdo gdon pa bton pa dag gis ci bya zhes zer zhing/ bslab pa khyad du gsod na zhes bya ba ni/ khyad du gsod pa'i bsam pas dag dang tshig dang/ tha snyad dang/ skad dang/ brjod pa dang/ des pa'i tshig
 dang/ tshig gi lam dang/ tshig gi sgra dang/ ngag gi las dang/ ngag gis rnam par rig byed brjod na'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gi sde snod gsum las/ mdo sde ma gtogs
 pa 'dul ba nyid dang/ chos mngon pa las 'dul bar gtogs pa gang yang rung ba la brnyas thabs su gyur pa brjod na khyad du gsod pa'i ltung byed kyi dngos gzhir 'gyur ro/ /'di'i byed pa po ni sde snod gsum las 'dul bar gtogs pa thams cad dang/ /
 khyad du gsod pa'o/ /'di la yan lag lngas dngos gzhi'i ltung bar 'gyur te/ khyad du gsod pa'i bsam pa dang/ tshig tu smra ba dang/ 'dul bar gtogs pa nyid dang/ rang gi tshig dang/ gzhan gyis don go ba'o/ /de dag las yan lag ma tshang na ci rigs
 par na smad do/ /khyad du gsod pa'i ltung byed de bcu pa'o// //sdom la/ sa bon 'phya ba bsgo ba dang/ khri dang gding ba skrod pa dang/ /phyis gnon 'byung ba 'debs pa dang/ /rim pa gnyis su brtsig pa'o/ /zhes bya ba ni/ bcu pa gnyis pa ste/ sdom la
 zhes bya ba'i tshig gi don dang/ dgos pa ni snga ma bzhin no/ /bcu pa gnyis pa 'dis kyang ltung byed kyi chos bcu bstan te/ sa bon dang skye ba 'jig pa dang/ 'phya ba dang/ bsgo ba rna la gzon pa dang/ gnas mal dang gding ba dang/ skrod pa dang/ phyis gnon
 pa dang/ rtsa ba 'byung ba la 'dug pa dang/ srog chags dang bcas pa la spyod pa dang/ gtsug lag khang gi ltung byed do/ /de la sa bon dang skye ba 'jig pa'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal bu rgyal byed kyi
 tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag la rang gi lag gis shing ljon pa gcod du 'jug par yang byed/ rtswa sngon po sngar 'jug par yang byed/ me tog dag 'thog cing
 'thog tu 'jug par yang byed nas/ gzhan mu stegs can dag /shes ldan dag shAkya'i bu'i dge sbyong 'di dag ni 'di ltar byed de/ bram ze dang khyim bdag 'di dag kyang de ltar byed pas/ shAkya'i bu'i dge sbyong dang/ bram ze dang/ khyim bdag
 'di dag la bye brag ni ci yod/ bsam pa ni ci yod pa tha dad du bya ba ni ci yod/ su zhig dge sbyong mgo reg 'di dag la bsod snyoms sbyin pa dag bya bar sems zhes smod par byed/ phyar ka gtong bar byed kha zer bar byed pa'i skabs de
 dge slong rnams kyis/ bcom ldan 'das la gsol to/ /de nas bcom ldan 'das kyis snga ma bzhin du/ sa bon gyi tshogs dang/ 'byung po'i gnas 'jig gam 'jig tu 'dzud na ltung byed do zhes bca' ba mdzad de/ yul ni mnyan
 yod/ gang zag ni drug sde/ nyon mongs pa ni 'dod zhe na/ nyes pa ni sa bon gyi tshogs dang/ 'byung po'i gnas 'jig pa'o/ /de la sa bon gyi tshogs zhes bya ba ni sa bon lnga ste/ rtsa ba'i sa bon dang sdong bu'i sa bon dang/ thog gu'i sa
 bon dang/ 'gas pa'i sa bon dang/ sa bon gyi sa bon nyid ni lnga pa'o/ /rtsa ba'i sa bon gang zhe na/ bla sgang dang/ shu dag dang/ yung ba dang/ sge'u gsher dang/ bong nga dkar po dang/ gzhan yang rtsa ba btab pa las rtsa ba nyid skye ba gang
 yin pa'o/ /sdong bu'i sa bon gang zhe na/ shing kan tsa na dang/ ka pi la ha dang/ a shwa dag dang/ u dum+ba ra nga?  dang/ n+ya gro dang/ gzhan yang sdong bu btab pa las sdong bu nyid skye ba gang yin pa'o/ /thog gu'i sa bon gang zhe na/ bu ram
 shing dang/ 'dam bu dang/ smyig ma dang/ rgya mtsho nas 'byung ba dang/ gzhan yang thog gu btab pa las thog gu nyid skye ba nyid gang yin pa'o/ /'gas pa'i sa bon gang zhe na/ ardza ka dang/ sardza ka dang/ pha ni nardza ka dang/ b+husti na da da/ dzaM bi ra dang/ gzhan
 yang 'gas pa btab pa las 'gas pa nyid skye ba gang yin pa'o/ /sa bon gyi sa bon gang zhe na/ sa lu dang/ nas dang/ gro dang/ mon sran rde'u dang/ mon sran gre'u dang/ yungs kar dang/ gzhan yang sa bon nyid btab pa las sa bon nyid skye ba gang yin
 pa'o/ /'byung po'i gnas zhes bya ba la/ 'byung po zhes bya ba ni grog spur dag dang/ phye ma leb dag dang/ sbrang bu dag dang/ til dang phub ma za ba dag dang/ sbrul dang sdig pa dag dang/ sprang bu trai ma bu ga dang/ trai la ta ka dag go /de dag gi gnas zhes
 bya ba ni shing ljon pa'o/ /de dag 'jig gam 'jig tu 'dzud na zhes bya ba ni/ 'byin pa dang/ snyol ba dang/ gcod pa dang/ 'bigs pa dang/ 'chag pa dag bdag nyid kyis byed dam/ gzhan byed du 'dzud na'o/ /ltung byed do zhes bya ba ni sems can dmyal
 ba dang/ dud 'gro dang/ yi dags dang/ ngan song dang/ ngan 'gro dang/ log par ltung ba dag tu sreg par byed/ 'chod par byed/ ltung bar byed pa'o/ /gzhan yang ji srid du ltung ba de ma bshags shing/ so sor ma bshags na dge ba'i chos rnams la
 sgrib par byed de/ des na ltung byed do zhes gsungs so/ /de la 'dir dngos gzhi'i ltung ba rnam par bzhag pa ni/ dge slong gis sa bon gyi tshogs dang/ 'byung po'i gnas dang/ sa bon dang/ khye'u kha 'thon ba rung bar ma byas pa ma nyams pa nyid
 du shes bzhin du/ tha na rtswa rgyun yan chad thabs ji ltar yang rung bas nyams par mdun par rang ngam/ gzhan gyis kyang nyams par byas/ nyams par bya ba'i sdong bu dang/ 'bru la sogs pa'i grangs ji snyed pa de snyed kyis sa bon gyi chos dang/ 'byung po'i
 gnas 'jig pa'i ltung byed kyi dngos gzhir 'gyur ro/ /'di'i byed pa po ni/ sa bon dang/ khye'u ka mthon pa rung bar ma byas pa dag gis ma nyams pa nyid la 'du shes gtso cher byed pa po nyid yin no/ /'di la yan lag lngas
 dngos gzhi'i ltung bar 'gyur te/ sa bon dang khye'u ka 'thon pa rung bar ma byas pa dang/ ma nyams pa nyid dang/ rang dang gzhan gang yang rung ba dang/ thabs gang yang rung ba dang/ nyams par byas pa nyid do/ /de dag las yan lag ma tshang
 na ci rigs par na smad do/ /sa bon dang skye ba 'jig pa'i ltung byed de bcu gcig pa'o// //'phya bar ltung byed kyis gleng gzhi ni/ sangs rgyas bcom ldan 'das rgyal po'i khab na/ 'od ma'i tshal bya ka lan+ta ka'i gnas na bzhugs so//
 gang gi tshe tshe dang ldan pa gyang bu nor/ dge 'dun gyi gnas mal 'bog pa dang/ zas la bsko bar bskos pa'i tshe na/ dge slong mdza' bo dang/ sa la skyes gnyis/ tshe dang ldan pa gyang bu nor dang/ tshe rabs tshe rabs nas rjes su 'brel pa'i
 kho na yod pas/ dge slong mdzad bo dang sa la skyes gnyis/ tshe dang ldan pa nye dga' dang lhan cig 'du 'dzi'i gtam gyis 'khod pa ni/ tshe dang ldan pa gyang bu nor phyogs der 'ongs pa dang/ de gnyis kyis nye dga' la smras pa/ tshe dang ldan
 pa nye dga' gal te khyod kyang/ dge 'dun gyis gnas mal 'bog pa dang/ zas la bsko ba bskos par gyur na/ kho bo cag la 'di lta ste/ dper na tshe dang ldan pa gyang bu nor ram/ kha cig bzhin du tho 'tsham par 'gyur ro/ /nye dags te
 gnyis la smras pa/ tshe dang ldan pa dag khyed gnyis dge 'dun mthun pas dge slong gang gnas mal 'bog pa dang/ zas la bsko bar bskos par shes bzhin du de la dor 'phya ba dang/ gzhog 'phyas byed dam/ de gnyis kyis smras
 pa/ kho bo cag gnyis 'dur yang mi dbang dam/ ci kho bo cag gnyis kyis 'ga' zhig gi ming ngam/ rus nas smos sam zhes zer ba'i skabs de/ dge slong rnams kyis bcom ldan 'das la gsol pa dang/ bcom ldan 'das kyis bka' 
 stsal pa/ dge slong dag khyod kyis dge slong mdza' bo dang/ sa la skyes gnyis sam/ gzhan yang de lta bu gang yin pa de gsol ba 'ba' zhig gi las kyis nor 'phya ba dang/ gzhog 'phyas byed pa'i grangs su chug cig /dge slong
 rnams kyis de gnyis gsol ba 'ba' zhig gi las kyis dor 'phya ba dang/ gzhog 'phyas byed pa'i grangs su bcug kyang/ de gnyis tshe dang ldan pa gyang bu nor la/ ngor 'phya ba dang/ gzhog 'phyas byed nas/ dge slong don nyung ngu dag ci'i phyir
 dag dge 'dun mthun pas/ dge slong gang gnas mal 'bog pa dang/ zas la bsko bar bskos par shes bzhin du/ de la dor 'phya ba dang/ gzhog 'phyas byed ces smod par byed/ phyar ka gtong bar byed/ kha zer bar byed pa'i skabs de/ dge
 slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ 'phya 'am gzhog 'phyas byed na ltung byed do zhes bca' ba mdzad de/ yul ni rgyal po'i khab/ gang zag ni mdza' bo dang sa las skyes
 gnyis/ nyon mongs pa ni mi bzod pa/ nyes pa ni dge 'dun gyi las byed pa'i dge slong la 'phya ba dang gzhog 'phyas byed pa'o/ /de la 'phya 'am gzhog 'phyas byed na zhes bya ba ni/ 'phya ba dang/ gzhog 'phyas bya ba'i bsam pas ngag dang
 tshig dang/ tha snyad dang/ skad dang brjod pa dang/ res pa'i tshig dang/ tshig gi lam dang/ tshig gi sgra dang/ ngag gi las dang/ ngag gi rnam par rig byed brjod na'o/ /ltung byed do zhes bya ba ni snga ma bzhin no/ /de la 'dir dngos gzhi'i
 ltung ba rnam par bzhag pa ni/ dge slong gang dge 'dun gyis gang zag bcu gnyis kyi las su bskos pa las kyi sbyor ba bag yongs su byas pa yang rung/ ma bskos pa las kyi sbyor ba bag yangs su ma byas pa yang rung ba la/
 bdag dang 'brel pa'i don gyis skur bas ngor 'phya yang rung/ gzhog 'phyas byed kyang rung ba dge 'dun gyis de'i grangs su bcug nas yang byed na/ 'phya ba'i ltung byed kyi dngos gzhir 'gyur ro/ /'di'i byed pa po ni/ dge slong gang zag bcu gnyis
 kyi las su bskos pa las kyis sbyor ba bag yangs su byed pa dang/ ma bskos pa las kyi sbyor ba bag yangs su ma byas pa dang/ skur pas 'phya ba dang/ gzhog 'phyas byed pa'o/ /'di la yan lag lngas dngos gzhi'i ltung bar 'gyur te/ dge
 slong dge 'dun gyis gang zag bcu gnyis kyi las su bskos pa sbyor ba bag yangs su byas pa 'am ma bskos pa sbyor ba bag yangs su ma byas pa dang/ skur pa nyid dang/ 'phya ba 'am/ gzhog 'phyas sam/ gnyi ga byed pa dang bdag dang 'brel
 ba'i don dang/ dge 'dun gyis de'i grangs su bcug pa'o/ /de dag las yan lag ma tshang na ci rigs par na smad do/ /'phya ba'i ltung byed de bcu gnyis pa'o// //bsgo ba rna la gzon pa'i ltung byed kyi gleng gzhi ni/ sangs rgyas bcom ldan
 'das kau shaM bi na/ gdangs can gyi kun dga' ra ba na bzhugs so/ /de'i tshe na tshe dang ldan pa 'dun pa ltung ba byung ba chos bzhin du phyir mi byed nas/ de la dge slong don 'dod pa/ phan pa 'dod pa/ bde ba 'dod pa/ bde ba la reg par 'dod
 pa/ grub pa dang bde ba 'dod pa rnams kyis smras pa/ tshe dang ldan pa 'dun pa ltung ba byung ba chos bzhin du phyir gyis shig des smras pa/ su la ltung ba byung ba dang/ su gyod pa'i phyir byed par 'gyur ro/ /gal te tshe dang ldan pa khyed cag
 la ltung ba byung na/ kho bo'i mdun du ma 'chags par gzhan gyi mdun du shog cig /tshe dang ldan pa khyed cag ni/ 'di lta ste dpar na/ shing ljon pa dag gi lo ma sna tshogs rlung gis blags pa dag gcig tu ltung zhing/ gcig tu 'dug pa bzhin du
 rigs sna tshogs dang/ rus sna tshogs dang/ khyim sna tshogs nas rab tu byung ba dag yin gyis/ /kho bo'i 'phags pas ni byang chub thugs su chung pa yin no zhes de dge slong rnams kyis bsgo ba rna la gzon pa dang/ cang mi smra bar rna la gzon
 par byed pa'i skabs de/ dge slong rnams kyis bcom ldan 'das la gsol ba dang/ bcom ldan 'das kyis bka' stsal pa/ dge slong dag khyed kyis dge slong 'dun pa dang/ gzhan yang de lta bu gang yin pa de gsol ba 'ba' zhig gi las
 kyis bsgo ba rna la gzon pa dang/ cang mi smra bas rna la gzon pa'i grangs su chug cig /dge 'dun gyis de gsol ba 'ba' zhig gi las kyis bsgo ba rna la gzon pa dang/ cang mi smra bas rna la gzon pa'i grangs su bcug kyang/ de dge slong
 rnams kyi bsgo ba rna la gzon pa dang/ cang mi smra bas rna la gzon par byed nas/ dge slong don nyung ngu dag ci'i phyir dge slong dag /dge slong rnams kyis bsgo ba rna la gzon pa dang/ cang mi smra bas rna la gzon par byed ces smod par byed
 phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ bsgo ba rna la gzon na ltung byed do zhes bca' ba mdzad de/ yul ni kau shaM bi/
 gang ka ni 'dun pa/ nyon mongs pa ni log thabs su byed pa/ nyes pa ni dge slong gi bsgo ba rna la gzon na zhes bya ba ni/ bsgo ba rna la gzon pa'i bsam pas ngag dang/ tshig dang/ tha snyad dang/ skad dang/ brjod pa dang/ nges pa'i
 tshig dang/ tshig gi lam dang/ tshig gi sgra dang/ ngag gi las dang/ dag gis rnam par rig byed brjod pa na'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gi
 gleng bar gtogs pa'i bsgo ga tshig gis rna la gzon par 'dun pas gzhan brjod pas rna la gzon na/ bsgo ba rna la gzon pa'i ltung byed kyi dngos gzhir 'gyur ro/ /'di'i byed pa po ni/ dge slong gis gleng bar gtogs pa'i bsgo ba
 tshig gis rna la gzon pa'o/ /'di la yan lag lngas dngos gzhi'i ltung bar 'gyur te/ dge slong gi dang/ gleng bar gtog pa'i bsgo ba dang/ de'i tshig gis rna la gzon pa dang/ dge 'dun gyis de'i grangs su bcug pa'o/ /de dag las  
 yan lag ma tshang na ci rigs par na smad do/ /bsgo ba rna la gzon pa'i ltung byed de bcu gsum pa'o// //gnas mal gyi ltung byed kyi gleng gzhi ni/ sangs rgyas bcom ldan 'das mnyan yod na/ rgyal bu rgyal byed kyi tshal mgon med
 zas sbyin gyi kun dga' ra ba na bzhugs so/ /de'i tshe na khyim bdag cig gis sangs rgyas bcom ldan 'das la sogs pa dge slong gi dge 'dun khyim gzhan du gdugs tshod la spyan drangs pa dang/ dge slong gi dge 'dun ni zhugs
 so/ /bcom ldan 'das ni rdzas las byung ba na bzhugs shing bsod snyoms mngon par bsgrubs so/ /sangs rgyas bcom ldan 'das rnams ni rgyu lngas rdzas las byung ba na bzhugs shing bsod snyoms mngon par sgrub par mdzad de/
 lnga gang zhe na/ nang du yang dag 'jog bzhed pa dang/ lha rnams la chos ston par bzhed pa dang/ nad pa lta bar bzhed pa dang/ gnas mal la rtog par byed pa dang/ 'dul ba la nyan thos rnams yis bslab pa'i gzhi bca' bar
 bzhed pa'o/ /don 'dir ni bcom ldan 'das gnas mal la rtog par bzhed pa dang/ 'dul ba la nyan thos rnams kyi bslab pa'i gzhi bca' bar bzhed pas/ rdzas las byung ba na bzhugs shing bsod snyoms mngon par sgrub par mdzad do/ /de
 nas bcom ldan 'das kyis dge slong gi dge 'dun song nas ring po ma lon par thugs su chud nas/ lde mig bsnams te kun dga' ra ba nas kun dga' ra bar/ gtsug lag khang nas gtsug lag khang du/ khang khyim nas khang khyim du/ 'chag
 sa nas 'chag sar dang/ gol bar gshegs shing mthar gyis gshegs pa na/ khang pa chen po'i gtsug lag khang zhig ga la ba der gshegs so/ /de'i tshe na khang pa chen po'i gtsug lag khang de nas gnas mal rab tu mang po dag /bla gab
 med par bzhag cing dus ma yin pa'i sprin chen po yang 'dus par gzigs nas/ e ma zhes gsung zhing smad nas 'di snyam du dgongs te bram ze dang khyim bdag dad pa can dag gis/ pags pa dang sha dang khrag btsir cing sbyin pa dag sbyin/
 bsod nams dag byed pa gang yin pa de la/ dge slong dag drod mi shes pa dang/ so sor mi rtog par yongs su longs spyod par byed do snyam du dgongs nas rdzu 'phrul gyis dus ma yin pa'i sprin chen po de phyir dgag pa mdzad de/ gnas mal
 rab tu mang po de dag skyabs yod par grubs nas/ dbyar gyis na bza' ras chen bsnams te/ sku bsil bar bzhed nas/ bang rim na bzhugs shing sku bsil nas dge slong dag slar 'khor nas snga ma bzhin du/ yang dge slong gang dge 'dun
 gyis khri 'am/ khri'u 'am/ stan nang tshangs can nam/ la ba 'am/ sngas sam/ gor bu bla gab med par bting ngam/ 'ding du bcug nas ma bsdus sam sdud du ma bcug gam/ dge slong 'khod pa la ma bcol bar de nas song na de 'dra ba'i
 rkyen ma gtogs te ltung byed do zhes bca' ba mdzad de/ yul ni mnyan yod/ gang zag ni dge slong rab tu mang po/ /nyon mongs pa ni drod mi shes pa dang/ so sor mi rtog par yongs su longs spyod par byed pa/ nyes pa ni gnas
 mal rab tu mang po dag bla khab med par bzhag pa'o/ /de la yang dge slong gang zhes bya ba ni chos 'dri pa'o/ /dge 'dun gyi zhes bya ba ni de bzhin gshegs pa'i nyan thos ni dge 'dun gyi'o/ /khri 'am zhes bya ba ni khri nyid do/ /khri'u 'am zhes
 bya ba yang khri'u nyid do/ /stan nang tshangs can nam zhes bya ba ni shing bal can no/ /la ba 'am zhes bya ba ni la ba nyid do/ /sngas sam zhes bya ba ni sngas su gzhug pa'o/ /gor? bu zhes bya ba ni grub bzhi'o/ /bla gab med par zhes bya ba ni ma g.yogs
 par ro/ /gting ngam zhes bya ba ni rang gis so/ /'ding du bcug nas zhes bya ba ni gzhan no/ /ma bsdus sam zhes bya ba ni rang gis so/ /sdud du ma bcug gam zhes bya ba ni gzhan no/ /dge slong 'khod ba la zhes bya ba ni de na dge slong gang
 'dug pa la'o/ /ma bcol par zhes bya ba ni/ bcol ba ni rnam pa lnga ste/ gtsug lag khang 'di re? zhes bya ba dang/ gtsug lag khang ltos shig ces bya ba dang/ gnas mal 'di re zhes bya ba dang/ gnas mal sdus shig ces bya ba dang/ sgo
 lcags chug cig ces bya ba nyid ni lnga pa'o/ /gal te dge slong med na dge tshul la bcol bar bya'o/ /gal te dge tshul med na khyim bdag la bcol bar bya'o/ /gal te khyim bdag med na phyogs bzhir rnam par bltas te lde mig spas te 'gro
 bar bya'o/ /gal te lam kar dge slong mthong na kho bos phyogs che ge mo zhig tu lde mig sbas kyis long zhig ces brjod par bya'o/ /de nas song na zhes bya ba ni nyen kor spangs pa'o/ /de'i nyen kor ni 'dom bzhi bcu rtsa dgu tshun chad gang na yang
 rtsig pa la sogs pas ma bskor ba la ni drung nyid nas so/ /bskor ba la ni sgo khang nas so/ /de 'dra ba'i rkyen ma gtogs te zhes bya ba ni/ de 'dra ba'i rkyen gzhag ste'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge
 slong gi dge 'dun gyi gnas mal khri dang khri'u dang/ stan nang tshangs can dang/ la ba dang/ sngas dang/ gor bu la sogs pa gnas kyi yan lag tu gtogs pa gang yang rung ba rang ngam bskos pas bla gab med par bzhag pa ma bsdus sam/ sdud du ma bcug gam/ dge
 slong 'khod pa la ma bcol bar 'dom bzhi bcu rtsa dgu'i mdza' las 'das par song na gnas mal phan phun du ma gyur kyang rung/ de nyid gnyid log gam snyoms par zhugs te/ gnas mal phan phun du gyur na nyen kor las ma 'das kyang rung ste/ gnas mal
 gyi ltung byed kyi dngos gzhir 'gyur ro/ /'di'i byed pa po ni dge 'dun gyi gnas mal nyid dang/ rang ngam bskos pas bla gab med par bzhag pa byas pa lta bu ni byed pa po dag yin no/ /'di la yan lag lngas dngos gzhi'i ltung bar 'gyur te/ dge 'dun gyi gnas  
 mal nyid dang rang ngam bskos pas bla gab med par bzhag pa dang/ ma bsdus sam sdud du ma bcug gam dge slong 'khod pa la ma bcol ba dang/ nye 'khor las 'das sam/ de nyid du gnyid log gam/ snyoms par zhugs pa la sogs pa dang/ phan sun
 gsum po rlung gis bzlog gam/ char pas rim pa gzhan slebs sam/ sril la sogs pas rim pa bzhin slebs pa/ gang byung yang rung ba'o/ /de dag las yan lag ma tshang na ci rigs par na smad do/ /gnas mal gyi ltung byed de bcu bzhi pa'o// //
 gding ba'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /lho phyogs nas dge slong rgan pa dang gzhon pa gnyis shig bcom ldan 'das kyi 
 zhabs la phyag 'tshal du mnyan yod du 'ongs nas/ rgan pa shos kyi gtsug lag khang ni gnas mal dang bcas pa zhig bskos/ gzhon pa shos kyi gtsug lag khang ni gnas mal med pa zhig tu bskos pa dang/ gzhon pa shos
 de sgrub yod pa zhig yin pas/ des rtswa mang po dag blangs nas bus mo nub tsam gyi gding ba bshams so/ /rgan pa des bsams pa gzhon nu de'i gtsug lag khang ji lta bu zhig bskos pa je bltas 'gro'o snyam nas de der song ba dang/ ji tsam na gding
 ba bzang po bshams pa mthong nas/ des bsams pa/ bdag ji srid du gnas mal phyir gtod par byed pa de srid du sang 'gro ba 'phyis par 'gyur gyis 'di nyid du 'dug go snyam nas/ des gnas mal dang bcas pa'i gtsug lag khang de dge slong
 gnas mal 'bog pa la phyir gtad nas/ de gnyi ga gtsug lag khang der mtshan gnas nas nang par sngar langs te dong ngo/ /phyogs de sa snum zhing dang ra ba yin pas rtswa gting ba dag la sril dag chags nas gtsug lag khang de'i phyi nang bcas
 pa thams cad sril gyis khyab par gyur pa bcom ldan 'das kyis gzigs nas/ e ma zhes gsung zhing smad nas 'di snyam du dgongs te/ bram ze dang khyim bdag dad pa can dag gis pags pa dang/ sha dang khrag dag btsir zhing btsir zhing sbyin
 pa dag sbyin/ bsod nams dag byed pa gang yin pa de la dge slong dag drod mi shes pa dang/ so sor mi rtag par yongs su longs spyod do snyam du dgongs nas snga ma bzhin du/ yang dge slong gang dge 'dun gyi gtsug lag khang du rtsa'i gding ba'am/ lo
 ma'i gding pa gting ngam 'ding du bcug nas ma bsdus sam/ sdud du ma bcug gam/ dge slong 'khod pa la ma bcol bar de nas song na de 'dra ba'i rkyen ma gtogs ltung byed do zhes bca' ba mdzad de/ yul ni mnyan yod/ gang zag ni lho phyogs pa'i
 dge slong gnyis/ nyon mongs pa ni drong mi shes pa dang/ so sor mi rtog par yongs su longs spyod par byed pa/ nyes pa ni dge 'dun gyi gtsug lag khang du gding ba mang po dag bting nas ma bsdus par de nas song ba'o/ /de la yang dge slong gang zhes bya
 ba ni chos 'di pa'o/ /dge 'dun gyi zhes bya ba ni/ de bzhin gshegs pa'i nyan thos kyi dge 'dun gyi'o/ /gtsug lag khang du zhes bya ba ni/ gang du spyod lam bzhi po 'gro ba dang/ 'greng ba dang/ 'dug pa dang/ nyal ba dag byar rung ba'o/ /rtswa'i gding ba
 'am zhes bya ba ni rtswa dag go /lo ma'i gding ba zhes bya ba ni lo ma dag go /bting ngam zhes bya ba ni bdag nyid kyis so/ /'ding du bcug nas zhes bya ba ni gzhan no/ /ma bsdus sam zhes bya ba ni bdag nyid kyis so/ /sdud du ma bcug gam zhes bya ba ni gzhan
 no/ /dge slong 'khod pa la zhes bya ba ni/ de na dge slong gang yod pa la'o/ /ma bcol bar zhes bya ba ni ma gtang par ro/ /de nas song na zhes bya ba ni nyen kor spongs nas so/ /de'i nyen kor 'dom bzhi bcu rtsa dgu tshun chad de/ de yang rtsig pa la sogs pas ma
 bskor ba la ni drung nyid nas so/ /bskor ba la ni sgo khang nas so/ /de 'dra ba'i rkyen ma gtogs te zhes bya ba ni/ de 'dra ba'i rkyen gzhag ste'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gis dge
 'dun gyi gtsug lag khang rdo ba dang/ bye ma'i gzhi nyid la sogs pa'i bdag nyid ma yin pas snum zhing dngar ba sril la sogs pa'i srog chags skye ba de lta bu'i nyes dmigs yang pa nyid kyis gzhir rang ngam bskos pas rtswa 'am lo ma'i gding ba
 bting ba ma bsdus sam/ sdud du ma bcug gam/ dge slong 'khod ba la ma bcol bar 'ong ma bzhi bcu rtsa dgu'i mdza' las 'das par sang na gtsug lag khang du nyes dmigs su ma gyur kyang rung/ de nyid du gnyid log gam snyoms par zhugs te/ /
 gtsug lag khang du nyes dmigs su gyur na/ nyen kor las ma 'das kyang rung ste/ gding ba'i ltung byed kyi dngos gzhir 'gyur ro/ /'di'i byed pa po ni dge 'dun gyi gtsug lag khang nyid dang/ rdo ba dang bye ma'i gzhi nyid la sogs pa'i
 bdag nyid ma yin pa dang/ sril la sogs pa skye ba de lta bu'i nyes dmigs yod pa nyid kyi gzhir rang ngam bskos pas rtswa dang lo ma la sogs pa'i gding ba byas pa nyid lta bu ni byed pa po dag yin no/ /'di la yan lag lngas dngos gzhi'i
 ltung bar 'gyur te/ dge 'dun gyi gtsug lag khang nyid dang/ rang ngam bskos pas de lta bu'i nyes dmigs yod pa nyid kyis gzhir bting ba dang/ ma bsdus sam/ sdud du ma bcug gam/ dge slong 'khod pa lam bcol ba dang nye 'khor las
 'das sam/ de nyid du gnyid log gam/ snyoms par zhugs pa dang/ nyes dmigs sril la sogs pa gang byung yang rung ba'o/ /de dag las yan lag ma tshang na ci rigs par na smad do/ /gding ba'i ltung byed de bcwo lnga pa'o// //skrad pa'i
 ltung byed kyi gleng gzhi ni/ sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na/ tshe dang ldan pa 'char kas dge slong gsar bu gsar bu dag la/ tshe dang ldan pa
 dag tshur shog /ljongs rgyur 'dod dang/ der bdag cag gis rgol ba dag kyang tshar gcad par bya/ rang gi grags pa yang bsgrags par bya/ rnyed pa yang bsgrub par bya zhing/ khyed cag kyang lhung bzed dang/ chos gos dra ba dang/ phor bu dang/
 ska rags dang/ lung dpog pa dang/ klag pa dang/ kha ton dang/ rnal 'byor dang/ yid la bya bas brel ba med par bya'o zhes spro bar byas nas/ 'char kas de dag rang la gnas 'char bcug ste ri brags kyi gtsug lag khang dag gi 'dab tu
 phyin pa na/ gtsug lag khang der dge 'dun gyis gnas mal gyi gaN+Di brdungs nas/ 'char ka'i nye gnas rnams ni nang du song ste/ 'char ka dang rang rang gi gnas mal mnos te bsdang na 'char ka phyi rol na 'du 'dzi'i gtam la yengs pa nam sros kyi bar
 du ma 'ongs nas/ de dag gis 'char ka'i gnas mal sdug gu bshams te/ gcig la gcig zhus nas nyal ba dang/ ci tsam mig la mchod pa'i dus kyi tshe/ 'char ka 'ongs nas sgo bsdungs te/ nye gnas de dag phyi rol du bskrad do/ /de dag de na mtshan
 thog thag bla gab med par lhags pas nyen cing na bar gyur nas/ nang par sngar langs te mnyan yod du dong nas/ de dag cig ji ltar gyur pa dge slong rnams la rgyas par brjod pa dang/ dge slong don nyung ngu dag ci'i phyir dge slong dag dge 'dun gyi gtsug
 lag khang nas dge slong skrong par byed ces smad par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang khros 'khrugs
 rngam? bar gyur te/ yid ma rangs nas dge 'dun gyi gtsug lag khang nas dge slong skrong ngam/ skrad du 'jug na de 'dra ba'i rkyen ma gtogs te ltung byed do zhes bca' ba mdzad de/ yul ni mnyan yod/ gang zag ni 'char ka/ nyon mongs pa ni gnod
 sems/ nyes pa ni dge 'dun gyi gtsug lag khang nas dge slong skrod pa'o/ /de la yang dge slong gang zhes bya ba ni 'char ka 'am gzhan yang de lta bu gang yin pa'o/ /khros 'khrugs rngam par gyur te yid ma rangs nas zhes bya ba ni/ khro zhing khro ba'i zil
 gyis gnon nas so/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /gtsug lag khang nas zhes bya ba ni/ gang du spyod lam bzhi po 'gro ba dang/ 'greng ba dang/ 'dug pa dang/ nyal ba dag byar rung ba nas so/ /dge slong
 zhes bya ba ni chos 'di pa'o/ /skrod dam zhes bya ba ni bdag nyid kyis so/ /skrod du 'dzud na zhes bya ba ni gzhan no/ /de 'dra ba'i rkyen ma gtogs te zhes bya ba ni de 'dra ba'i rkyen bzhag ste'o/ /ltung byed do zhes bya ba ni snga ma bzhin
 no/ /de la 'dir dngos gzhi'i ltung ba rnam par bzhag pa ni dge slong gis dge 'dun gyi gtsug lag khang nas rang ngam/ dge slong gzhan nam/ dge slong ma'am/ bsnyen par ma rdzogs par dge slong bskrad par bya ba de la gnod pa srog gi bar chad la sogs
 pa skye bar dogs pa yod dam/ skyes pa nye bar zhi bar mi 'gyur bar dogs pa yod pa dang/ dge 'dun 'khrug pa skye bar dogs pa yod dam/ skyes pa nye bar zhi bar mi 'gyur bar dogs pa yod pa'i gnyen por 'dod pa ma yin pa'i bsam
 pa gang yang rung bas skrod? na/ skrod pa'i ltung byed kyi dngos gzhir 'gyur ro/ /'di'i byed pa po ni bskrad par bya ba dge slong nyid dang/ gang nas bskrad par bya ba dge 'dun gyi gtsug lag khang nyid dag ni byed pa po nyid do/ /'di la yan
 lag lngas dngos gzhi'i ltung bar 'gyur te/ bskrad par bya ba dge slong nyid dang/ gang nas bskrad par bya ba dge 'dun gyi gtsug lag khang nyid dang/ rang ngam dge slong gzhan nam/ dge slong ma 'am/ bsnyen par ma rdzogs pa gang yang
 rung bas skrod pa dang/ gal te de la gnod pa dang/ dge 'dun 'khrug pa skye ba dang/ nye bar zhi bar mi 'gyur ba'i gnyen po 'dod pa ma yin pa'i bsam pa gang yang rung bas skrod pa dang/ bskrad pa mthar thug pa'o/ /de dag las yan lag
 ma tshang na ci rigs par na smad do/ /skrod pa'i ltung byed de bcu drug pa'o// //phyis gnon gyi ltung byed kyi gleng gzhi ni/ sangs rgyas bcom ldan 'das mnyan yod na/ rgyal bu rgyal byed kyi tshal/ mgon med zas sbyin gyi kun dga' ra ba
 na bzhugs so/ /de'i tshe na tshe dang ldan pa 'char kas/ dge slong gsar bu gsar bu dag la/ tshe dang ldan pa dag tshur sheg /ljongs rgyur 'dod dang/ der bdag cag gis rgol ba dag kyang tshar bcad par bya/ rang gi grags pa yang bsgrag par bya/ rnyed pa yang
 bsgrub par bya zhing khyed cag kyang lhung bzed dang/ chos gos dang/ dra ba dang/ phar bu dang/ ska rags dang/ lung dpog pa dang/ klag pa dang/ kha ron dang/ rnal 'byor dang/ yid la bya bas brel ba med par bya'o zhes spro bar byas nas 'char kas de dag
 rang la gnas 'chang bcug ste/ ri brags kyi gtsug lag khang zhig gi 'dab tu phyin pa na/ gtsug lag khang der dge 'dun gyis gnas mal gyi gaN+Di brdungs nas 'char ka'i nye gnas rnams ni/ drung du dong ste/ 'char ka dang rang gi gnas mal
 mnos te bsdad nas/ 'char ka phyi rol na 'du 'dzi'i gtam la yengs pa nam sros kyi bar du ma 'ongs nas/ de dag gis 'char ka'i gnas mal sdug gu bshams te/ gcig la gcig zhus nas nyal ba dang/ ji tsam mig lam chad pa'i dus kyi
 tshe 'char ka 'ongs nas sgo brdungs te nang du zhugs nas/ des de dag kha cig la gru mos bsnun/ des de dag kha cig la ni pus mos bsnun nas/ su la gnod pa de 'dro bar 'gyur ba de nyid rkyen du byas te/ phyis gnon byas nas nye gnas de dag
 phyi rol du byung ngo/ /de dag de na mtshan thog thag bla gab med par lhags pas nyen cing na bar gyur nas/ nad par sngar langs te mnyan yod du dong nas/ bdag cag ji ltar gyur pa dge slong rnams la rgyas par brjod pa dang/ dge slong don nyung ngu
 dag ci'i phyir/ dge slong dge 'dun gyi gtsug lag khang nas dge slong dag snga na 'khod pa/ shes bzhin du phyis 'ongs nas su la gnod pa de 'gro bar 'gyur ba/ de nyid rkyen du byas te/ phyis gnon byed cing stan la nyal ba dang 'dug par byed ces
 smod par byed/ phyar ka gtong bar byed kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang dge 'dun gyis gtsug
 lag khang na/ dge slong dag snga na 'khod par shes bzhin du phyis 'ongs nas/ su la gnod pa de 'gro bar 'gyur pa de nyid rkyen du byas te/ phyis gnon byas nas stan la nyal lam 'dug na ltung byed do zhes bca' ba mdzad de/ yul ni mnyan
 yod/ gang zag ni 'char ka/ nyon mongs pa ni tho 'tsham pa/ nyes pa ni dge slong la phyis gnon byed pa'o/ /de la yang dge slong gang zhes bya ba ni 'char ka 'am/ gzhan yang de lta bu gang yin pa'o/ /dge 'dun gyi zhes bya ba ni/ de bzhin gshegs
 pa'i nyan thos kyis dge 'dun gyi'o/ /gtsug lag khang na zhes bya ba ni/ gang du spyod lam bzhi po 'gro ba dang/ 'greng ba dang/ 'dug pa dang/ nyal ba dag byar rung ba na'o/ /dge slong dag ces bya ba ni chos 'di pa dag go /snga na 'khod par zhes
 bya ba ni snga na gnas par ro/ /shes bzhin du zhes bya ba ni de rang gis rig par gyur pa 'am/ /gzhan dag gis bstan pas so/ /phyis 'ongs nas zhes bya ba na de'i 'og tu 'ongs nas so/ /su la gnod pa zhes bya ba ni su la bde ba la reg par
 mi 'gyur ba'o/ /de 'gro bar 'gyur ba zhes bya ba ni/ de de nas gzhan du 'gro bar 'gyur ba'o/ /de nyid rkyen du byas te zhes bya ba ni/ gzhan ma yin pa'o/ /phyis gnon byas nas zhes bya ba ni gnod pas zil gyis mnan nas so/ /stan la zhes
 bya ba ni gnas mal lo/ /nyal lam zhes bya ba ni lus bsnyal na'o/ /'dug na zhes bya ba ni rkub btsos bzhag na'o/ /ltung byed do zhes bya ba ni snga ma bzhin no de la 'dir dngos gzhi'i ltung ba rnam par bzhag pa ni/ dge slong na ba dang 'jigs
 pa'i dbang ma gtogs par tho btsam pa'i bsam pas dge 'dun gyi gtsug lag khang gi gnas su dge slong gzhan sngar zhugs pa nyid du shes bzhin du phyis 'ongs nas su la gnod pa de 'gro bar 'gyur pa de nyid rkyen du byas te/ phyis gnon byas
 nas bstan la nyal lam 'dug na phyis gnon gyi ltung byed kyis dngos gzhir 'gyur ro/ /'di'i byed pa po ni dge slong na ba dang 'jigs pa'i dbang ma gtogs par dge 'dun gyi gtsug lag khang gi gnas su dge slong gzhan sngar zhugs pa nyid la 'du shes
 gtso cher byed pa po nyid yin no/ /'di la yan lag lngas dngos gzhi'i ltung bar 'gyur te/ gang la phyis gnon bya ba dge slong nyid dang gang du phyis gnon bya ba dge 'dun gyi gtsug lag khang nyid dang/ ded 'du shes pa dang/ tho 'tsham pa'i bsam pa dang/
 ? ba dang 'jigs pa'i dbang ma gtogs par phyis gnon byed pa'o/ /de dag las yan lag ma tshang na ci rigs par na smad do/ /phyis gnon gyi ltung byed de bcu bdun pa'o// //rtsa ba 'byung ba la 'jug pa'i ltung byed kyi gleng gzhi ni/ sangs
 rgyas bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa nye dags dge slong gsar bu gsar bu dag la/ tshe dang ldan pa dag tshur shog /ljongs rgyur
 'dod dang/ der bdag cag gis rgol ba dag kyang tshar bcad par bya/ rang gi grags pa yang bsgrag par bya/ rnyed pa yang bsgrub par bya zhing/ khyed cag kyang lhung bzed dang/ chos gos dang/ dra ba dang/ phur bu dang/ ska rags dang/ lud dpog pa
 dang/ kha ton dang/ klag pa dang/ rnal 'byor dang/ yid la bya ba dang/ nad g.yog gis brel ba med par bya'o/ /zhes spro bar bya ba dang/ de gang gi tshe dge slong rnams kyis 'di gnas ngan len kun tu spyod pa yin no zhes bya bar shes par gyur pa
 de'i tshe na/ 'ga' yang de dag lhan cig ljongs rgyur 'gro bar spro ba med do/ /bsod snyoms pa zhig gis smras pa/ btsun pa nye dga' kho bo khyod dang lhan cig ljongs rgyur 'gro'o/ /dge slong rnams kyis bsod snyoms pa de la smras pa/
 bsod snyoms pa de ni gnas ngan len kun tu spyod pa yin pas khyod la tho 'tsham par 'gyur ro/ /bsod snyoms pas smras pas/ kho bo ni lo 'das pa yin pas kho bo de la gnas bca' ba dang/ lung mnod pa dang/ klag pa dang/ kha don dang/
 rnal 'byor dang/ yid la bya ba'i las lus pa cung zad kyang med pas/ des kho bo la ci byar yod ces res dge slong de dag gis tshig tshig ma yin par byas te/ de dang lhan cig ljongs rgyur song ngo/ /nye dags gang gi tshe phyi rol gyi mtshams
 'das pa de'i tshe na smras pa/ bsod snyoms pa gtur bu 'di re zhig khyer cig /btsun pa nye dga' ci khyod kyis sangs rgyas dang chos dang dge 'dun ma mthong ngam/ yo byad don med pa 'dis ci bya/ nye dags smras pa/ bsod snyoms pa khyod re
 zhig mi 'khyer ba ni yus na/ ci khyod kho bo bas kyang mkhas pa yin snyam 'am/ ci na khyod khol de skad zer/ bsod snyoms pas smras pa/ mkhas pa ma yin pa yang rigs pa tsam smra'o/ /nye dags bsams pa/ bsod snyoms pa 'di ni
 dga' bar bya'o snyam nas/ de gnyis mthar gyis ljongs rgyu zhing 'gro ba na/ ri brags kyi gtsug lag khang zhig gi 'dab tu phyin pa na/ gtsug lag khang der dge 'dun gyi gnas mal gyi gaN+Di brdungs nas bsod snyoms pa ni nang du song ste/
 nye dga' dang rang gi gnas mal mnos te bsdad na/ nye dga' phyi rol na 'du 'dzi'i gtam la yengs pa nam sros kyi bar du ma 'ongs nas/ bsod snyoms pa des khang thog tu nye dga' i mal bshams nas rkang pa'i chu dang/ rkang pa bsku ba
 mdza' gcig tu bzhag ste/ bdag nyid gtsug lag khang gi phyi rol du rkang pa gnyis bkrus nas/ 'og khang du mal bshams par zhugs te nyal ba dang/ ji tsam mig lam chad pa'i dus kyi tshe nye dga' 'ongs nas sgo brdungs pa dang/ bsod snyoms pas sgo
 ma phye bar steng du mal bshams par nyol cig ces smras so/ /nye dga' khang thog tu 'dzegs nas rkang pa gnyis bkrus te gnas khang du zhugs nas bsod snyoms pa zhes bos pa dang/ bsod snyoms pas btsun pa nye dga' ci zer zhes byas so/ /nye dga' 
 sgra la mkhas pas des bsod snyoms pa'i 'brel ba'i thang kar khri rkang gtad de/ ci nas kyang khri rkang gis khang thog brtol nas bsod snyoms pa de'i dbral bar 'bab par 'gyur ba de ltar shugs drag pas mnan pa dang/ des bsod snyoms pa de'i dbral bar
 phog pas dbral bzhom mo/ /bsod snyoms pas smras pa/ btsun pa nye dga' kho bo gnad do kho bo gnad do/ /nye dags smras pa/ kwe bsod snyoms pa ci zer/ bsod snyoms pas bsams pa/ gal te skad phyung na 'dis rgan rims kyis bdag gis khri yang
 phrogs par 'gyur ro snyam nas/ de cang mi smra bar 'dug 'dug nas nang par sngar langs nas mnyan yod du song nas/ bdag ji ltar gyur pa dge slong rnams la rgyas par brjod pa dang/ dge slong don nyung ngu dag ci'i phyir dge slong dge 'dun gyi gtsug lag khang gi
 steng gi nam mkha' la thog bor bar khri 'am khri'u rtsa ba 'byung ba la shes bzhin lcid kyis phab ste/ 'dug pa dang nyal bar byed ces smod par byed/ phyar ka gtong bar byed/ kha zer byed pa'i skabs de/ dge slong rnams kyis bcom ldan 'das la gsol to/ /de nas bcom
 ldan 'das kyis snga ma bzhin du/ yang dge slong gang dge 'dun gyi gtsug lag khang gi steng gi nam mkha' la thog bor bar khri 'o ma khri'u rtsa ba 'byung pa la shes bzhin du lcid kyis phab ste 'dug gam nyal na ltung byed do zhes bca' ba mdzad de/ yul ni
 mnyan yod/ gang zag ni nye dga' / nyon mongs pa ni tho 'tsham pa/ nyes pa ni dge 'dun gyi gtsug lag khang gi yang thog tu rtsa ba 'byung ba la 'dug pa'o/ /de la yang dge slong gang zhes bya ba ni/ shAkya'i bu nye dga' 'am gzhan yang de lta bu gang yin
 pa'o/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /gtsug lag khang gi zhes bya ba ni/ gang du spyod lam bzhi po 'gro pa dang/ 'greng ba dang/ 'dug pa dang/ nyal ba dag byar rung ba'i 'o/ /steng gi nam mkha' la zhes bya ni/
 khang steng gi nam mkha' la'o/ /thog por ba zhes bya ba ni/ rtsa'i thog gam lo ma'i thog por ba'o/ /khri 'am zhes bya ba ni khri nyid do/ /khri'u 'am zhes bya ba yang khri'u nyid do/ /rtsa ba 'byung ba la zhes bya ba ni rkang pa 'byung ba la'o/ /shes bzhin du zhes bya ba ni de rang
 nyid kyis rig par gyur pa 'am/ gzhan dag gis brjod pas so/ /lcid kyis phab ste zhes bya ba ni mthus mnan te'o/ /'dug gam zhes bya ba ni rku ba btsos 'jog par byed na'o/ /nyal na zhes bya ba ni lus bsnyal na'o/ /ltung byed do zhes bya ba ni snga ma bzhin
 no/ /dal 'dir dngos gzhi'i ltung ba rnam par bzhag pa ni/ dge slong gis dge 'dun gyis gtsug lag khang gi steng gi thog byin gyis gzhol ba nyid dam/ spang leb nyid dam/ de dang 'dra bas g.yogs pa nyid ma yin par gnan par 'os pa khri la sogs
 pa'i rtsa ba phur bu ltar dbyung ba dang/ gzhug tu rung ba/ bkan pa nyid dang/ rkang rten bcug pa nyid ma yin par shes bzhin du lcid kyis phab ste gnon par byed na rtsa ba 'byung ba la 'dug pa'i ltung byed kyi dngos gzhir 'gyur ro/ /'di'i byed pa po ni dge 'dun
 gyi gtsug lag khang gi steng gi thog nyid dang/ mnan par 'os pa khri la sogs pa'i rtsa ba'i 'byung ba nyid gnon pa la 'du shes gtso cher byed pa po nyid yin no/ /'di la yan lag lngas dngos gzhi'i ltung bar 'gyur te/ dge 'dun gyi gtsug lag khang
 gi steng gi thog byin gyis gzhol ba nyid dam/ spang leb nyid dam/ de dang 'dra bas g.yogs pa nyid ma yin pa dang/ mnan par 'os pa khri la sogs pa'i rtsa ba'i 'byung ba bkan pa nyid dam/ rkang brten bcug pa nyid ma yin pa dang/ der 'du shes pa dang
 ljid kyis phab pa dang/ gnon pa'o/ /de dag las yan lag ma tshang na ci rigs par na smad do/ /rtsa ba 'byung ba la 'dug pa'i ltung byed de bco brgyad pa'o// //srog chags dang bcas pa'i chu la spyod pa'i ltung byed kyi gleng gzhi ni/ sangs rgyas bcom ldan 'das
 kau sham bi na gdangs can gyi kun dga' ra ba na bzhugs so/ /de'i tshe na/ tshe dang ldan pa 'dun pa shes bzhin du srog chags dang bcas pa'i chus rtswa dang lci ba dang/ sa la 'debs par byed/ 'debs su 'dzud par byed nas/ dge slong rnams kyis de la smras par
 tshe dang ldan pa 'dun pa khyod shes bzhin du/ srog chags dang bcas pa'i chus rtswa dang/ lci ba dang/ sa la ma 'debs shig /'debs su ma 'dzud cig /'dun pas smras pa/ kho bo la 'ga' zhig gis bgrangs te gtod dam/ ci shar gyi rgya mtsho chen por
 ci nyes/ lho dang/ nub dang/ byang gi rgya mtsho chen por 'dod na ci nyes/ 'bab chu dang/ mtsho dang/ ltang ka dag tu 'dug na ci nyes zhes zer nas/ dge slong don nyung ngu dag ci'i phyir dge slong dag shes bzhin du srog chags dang bcas pa'i chus rtswa dang lci ba
 dang sa la 'debs pa dang/ 'debs su 'dzud par byed ces smod par byed/ phya kar gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong
 gang shes bzhin du/ srog chags dang bcas pa'i chus rtswa 'am/ lci ba 'am/ sa la 'debs sam/ 'debs su 'dzud na ltung byed do zhes bca' ba mdzad de/ yul ni kau shaM bi/ gang zag ni 'dun pa/ nyon mongs pa ni bag med pa/ nyes pa ni shes bzhin
 du srog chags dang bcas pa'i chu rang spyod pa'i don las gzhan du spyod pa'o/ /de la yang dge slong gang zhes bya ba ni/ 'dun pa 'am gzhan yang de lta bu gang yin pa'o/ /shes bzhin du zhes bya ba ni/ de rang nyid kyis rig par gyur pa 'am/
 gzhan dag gis brjod pas so/ /srog chags dang bcas pa zhes bya ba la/ srog chags dang bcas pa ni gnyis te/ gang dag mig gis mthong bar gyur pa dang/ gang dag chu tshags kyis zin par gyur pa'o/ /chus zhes bya ba ni chu nyid kyis so/ /rtswa 'am
 zhes bya ba ni rtswa nyid do/ /lci ba 'am zhes bya ba ni lci ba nyid do/ /sa la zhes bya ba yang sa nyid la'o/ /'debs sam zhes bya ba ni gang gis so/ /'debs su 'dzud na zhes bya ba ni gzhan no/ /ltung byed do zhes bya ba ni snga ma bzhin no/ /'dir srog chags dang
 bcas pa la spyod pa'i ltung byed dang/ 'og nas srog chags dang bcas pa'o chu la spyod pa'i ltung byed ces 'byung ba de gnyis spyi'i mtshan nyid ni 'dra'o/ /bye brag tu na 'di ni rang spyod pa ma yin pa'i don nyid la 'jug pa dang/ 'jug tu 'dzud pa de gnyis
 kyi yul la rnam par bzhag go /'og ma ni rang spyod pa'i don nyid la 'jug pa dang/ 'jug tu 'dzud pa de gnyis kyi yul la rnam par bzhag go /de la 'dir dngos gzhi'i ltung ba rnam par gzhag pa ni/ dge slong gis shes bzhin du srog chags dang
 bcas pa'i chus rtswa 'am lci ba 'am/ sa la sogs pa rang spyod pa ma yin pa'i yul la 'debs sam/ 'debs su 'dzud na dud 'gro'i skye gnas su skyes pa'i srog chags re re shi ba'i mthar srog chags dang bcas pa la spyod pa'i ltung byed kyi dngos
 gzhir 'gyur ro/ 'di'i byed pa po ni rang spyod pa ma yin pa'i don du/ srog chags dang bcas pa'i chu la 'du shes gtso cher byed pa po nyid yin no/ /'di la yan lag lngas dngos gzhi'i ltung bar 'gyur te/ rang spyod ma yin pa'i don gang yang rung ba dang/
 dud 'gro'i skye gnas su gtogs pa'i srog chags gang yang rung ba dang bcas pa dang/ der 'du shes pa dang/ spyod pa dang/ srog chags ji snyed shi pa'o/ /de dag las yan lag ma tshang na ci rigs par na smad do/ /srog chags dang bcas pa la spyod pa'i ltung
 byed de bcu dgu pa'o// //gtsug lag khang gi ltung byed kyi gleng gzhi ni/ sangs rgyas bcom ldan 'das kau shi bi na gdangs can gyi kun dga' ra ba na bzhugs so/ /de'i tshe na tshe dang ldan pa drug sde dag gzhan gyis byed du bcug pa'i gtsug lag khang na
 gnas shing 'phyas 'dogs pa dang/ dge slong rnams kyis smad pa dang/ tshe dang ldan pa 'dun pa nga rgyal skyes nas/ des kau shaM bi na bram ze phyug pa nor mang ba/ longs spyod che ba/ yongs su bzung ba yangs shing rgya che ba/ ser sna can mig phra ba/ bya rog la yang gtor
 ma mi ster ba/ yo byad kun 'dzin pa zhig 'dug pa de dad pa bskyed nas rdzas las byung ba'i bsod nams bya ba gzhi bdun po dag gis bsngags pa brjod pa dang/ des gtsug lag khang brtsig par khas blangs te/ karSha pa na dag sbyar te smras pa/ btsun pa bdag la
 karSha pa na dag ni mchis na/ bsod nams kyi grogs bgyid pa ma mchis so/ /'dun pas smras pa/ kho bos khyod kyi bsod nams kyi grogs byas/ 'di ltar khyed kyis kho bo dge 'dun gyi lag gis blar bskor chug cig /bram ze de gtsug lag khang du seng nas dge
 'dun la gsol ba dang/ de na dge 'dun gyi nang na tshe dang ldan pa shA ri'i bu dge 'dun gyi gnas brtan byed pas so/? /'dun pa la smras pa/ tshe dang ldan pa 'dun pa gang gi tshe kho bos rgyal byed kyis tshal tshig tu bcug pa de'i tshe yang kho bo sus kyang lag gi blar ma bskos
 so/ /gang gi tshe tshe dang ldan pa skul byed chen pos/ gdangs can gyi kun dga' ra ba rtsig tu bcug pa de'i tshe yang kho bo sus kyang lag gi blar ma bskos so/ /khyod kyang gal te gtsug lag khang byed du 'dzud par 'dod na ma bskos pa nyid du byed du chu gcig /
 tshe dang ldan pa 'dud pas bsams pa/ lhung bzed nag po can dag bdag cag mthong bar yang mi dga' na/ lag gi blar bskos te dad par ga la 'gyur snyam nas/ bram ze de'i gan du song ste/ karSha pa na dag blangs nas so phag mkhan dang
 phywa mkhan dang/ shing mkhan dang/ zhal mkhan dang/ ri mo mkhan dang/ gla mi'i gnas su song ste/ karSha pa na dag byin nas de'i nyi ma gcig kho nas gtsug lag khang chen po sum rtsegs sgo'i spugs kyis gnas dang/ gtan pa'i gnas dang/ skar bud dang/
 chu klung gi gnas dag kyang ma bzhag par de bzhin kho nar sbyang 'dra bar brtsigs te/ de bram ze'i gan du song nas smras pa/ bram ze khyod kyi gtsug lag khang zin gyis tshur shog /dge 'dun la phul zhig /bram zes smras pa/ 'phags pa deng bdag
 gis zhal zas sta gon ma bgyis kyis/ sang bdag gis zhal zas sta gon bgyis te mchi'o/ /bcom ldan 'das kyis dgongs pa/ gtsug lag khang 'di deng nyid du rdib? par gyur te/ gal te yongs su ma spyad pa kho nar rdib par gyur na bram ze 'di
 khrag tsha ba skyugs te dus byed par 'gyur ba gang yin pa de lta bu'i gnas yod par 'gyur ro snyam du dgongs nas/ de nas bcom ldan 'das kyis dge slong snyoms par 'jug pa'i gnas pa thob pa dag mtshan mo'i thun dang po la/ gtsug lag khang
 der bzhag nas/ bcom ldan 'das nyid brgya byin dang tshangs pa la sogs pa lha rnams kyi 'khor dang bcas pas kyang/ mtshan mo'i gung thun la der chos bstan pa mdzad nas slar gshegs so/ /mtshan mo'i thun tha ma la sprin kha dog lnga pa 'dus nas nges
 gtsug lag khang de/ dper na spyad chus gang bar gyur pa bzhin du/ chus gang bar gyur nas rdib par gyur to/ /drug sde dag gis de thos nas skrag ste bros so/ /bram ze des kyang phyis de nyin par bca' ba dang bza' ba gtsang zhing bsod pas/ shing rta bkang ste 'ongs
 nas rang gi gtsug lag khang rdib pa mthong nas brgyal te sa la 'gyel te/ /de nas bcom ldan 'das kyis tshe dang ldan pa kun dga' bo las/ bram ze la bka' stsal te/ mang po de dag gis de bzhin gshegs pa la bsngos te/ gtsug lag khang dag byed du
 bcug pa de dag ni de bzhin gshegs pas yongs su longs ma spyad kyi/ khyod kyi gtsug lag khang gang yin pa 'di ni mdang mtshan mo'i thun dang po la/ dge slong gnas brtan gnas brtan dag gi yongs su longs spyod cing/ mtshan mi'i gung thun
 la yang bcom ldan 'das brgya byin dang tshangs pa dang bcas pa lha rnams kyi 'khor dang bcas pas yongs su longs spyad pas khyod kyis ni rnyed pa legs par rnyed do zhes bsgo'o/ /de nas bram ze de btsun pa kun dga' bo gal te de lta na bdag gdugs
 re re zhing gtsug lag khang 'di lta bu sha stag bgyid du stsol par yang spro'o zhes zer ba drug sde dag gis thes nas der lhags pa dang/ bram ze des de dag la ras yug chen sar pa re re bskon cing/ /yo byad thams cad kyis kyang bstabs pa dang/ drug sde
 dag kho bo cag gis de ltar bram ze de'i nor de snyed chung gsan du zin kyang/ 'on kyang des kho bo cag la ras yug chen sar pa re re bskon cing yo byad thams cad kyis kyang bstabs par gyur pa de ltar kho bo cag gi bram ze de mngon par dad par byas so zhes
 rlom par byed nas/ dge slong don nyung ngu dag ci'i phyir/ dge slong dag yan lag gis ngo tsha bar bya ba'i yan lag de nyid kyis rlom par byed ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das
 la gsol to/ /de nas bcom ldan 'das kyis snga ma bzhin du/ /dge slong gis gtsug lag khang chen po rtsig tu 'dzud na sgo'i sbabs? dang/ gtan pa dang/ snang ba'i gnas ji tsam pa'i 'du shes kyis brtag pa nas bzung ste/ pha gu'i rim pa 'dzim pa dang/
 bcas pa gnyis sam gsum brtsig par bya'o/ /de las lhag pa rtsig na ltung byed do zhes bca' ba mdzad de/ yul ni ko sham bi/ gang zag ni drug ste/ nyon mongs pa ni las ngan pa la dga' ba/ nyes pa ni gtsug lag khang pa
 gu'i rim pa 'jim pa dang bcas pa gnyis sam gsum las lhag par brtsig pa'o/ /de la dge slong gis zhes bya ba ni drug sde 'am gzhan yang de lta bu gang yin pa'o/ /gtsug lag khang zhes bya ba ni gang du spyod lam bzhi po 'gro ba dang/ 'greng
 ba dang/ 'dug pa dang/ nyal ba dag byar rung ba'o/ /chen po zhes bya ba ni chen po gnyis te/ sbyin par bya ba las dang/ chad las te/ don 'dir ni gnyis ka yin par dgongs so/ /rtsig tu 'dzud na zhes bya ba ni bdag nyid kyis sam gzhan na/ /sgo'i sbubs
 dang gtam pa zhes bya ba ni sgo'i sbubs dang/ gtan pa gzhug par bya'o/ /snang ba'i gnas ji tsam pa'i 'du shes pas zhes bya ba ni skar khung dag dang/ chu khung gi gnas ji tsam gtod bar bya ba'i 'du shes kyis so/ /sa brtag pa nas bzung ste pha gu'i
 rim pa 'jim pa dang bcas pa gnyis sam gsum zhes bya ba la/ pha gu'i rim pa zhes bya ba ni pha gu rtseg ma'o/ /'jim pa dang bcas pa zhes bya ba ni sa 'jim pa dang bcas pa'o/ /brtsig par bya'o zhes bya ba ni bzhag par bya ba'o/ /de las lhag
 par rtsig na zhes bya ba ni de las lhag par 'jog na'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gis gtsug lag khang spyod lam bzhi shod pa yan chad thams cad rde 'am/ so phag gam
 shing las byas pa ma yin pa char chu bskyab pa'i g.yog pa ma byas pa/ dge 'dun gyi 'am/ gang zag gi 'am/ khyim pa dbang ba yang rung ba yon bdag gis byas sam zin nas blta'o zhes ma smas pa chu khung dag ma gtong pa 'am/ bskos te rmang gi rtsa ba
 pa ma gtsugs pa 'am/ sgo cha gong ma ma bcug pa yang rung ba la/ rang dam gzhan gyi nyi ma de nyid la pha gu'i rim pa 'jim pa dang bcas pa gsum las lhag par rtsig gam/ nyi ma gzhan la yang pha gu 'jim pa med par rim pa gsum las lhag
 par rtsig pa na/ gtsug lag khang gi ltung byed kyi dngos gzhir 'gyur ro/ /'di'i byed pa po ni gtsug lag khang spyod lam bzhi shong ba yan chad rda 'am/ so phag gam/ shing las byas pa ma yin pa char chu bskyab pa'i g.yog pa ma byas pa/ dge 'dun gyi
 'am/ gang zag gi 'am/ khyim pa dbang pa'o/ /'di la yan lag lngas dngos gzhi'i ltung bar 'gyur te/ gtsug lag khang spyod lam bzhi shong ba yan chad rde? 'am/ so phag gam/ shing las byas pa ma yin pa char chu bskyab pa'i g.yog pa ma byas pa/ dge
 'dun gyi 'am/ gang zag gi 'am/ khyim pa yang rung ba dang/ yon bdag gis byas nas blta'o zhe 'am/ zin nas lta'o zhes dge slong rnams la ma smras pa dang/ chu khung dag ma btong pa 'am/ bskos te rmang gi rtsa ba ma btsugs pa 'am/ sgo cha gong ma ma
 bcug pa yang rung ba dang/ rang dam gzhan gang yang rung bas rtsig pa dang/ nyi ma de nyid la pha gu'i rim pa 'jim pa dang bcas pa gsum las lhag par rtsig gam/ nyi ma gzhan la yang pha gu 'jim pa med par rim pa gsum las lhag par rtsig
 pa'o/ /de dag las yan lag ma tshang na ci rigs par na smad de/ /gtsug lag khang gi ltung byed de nyi shu pa'o// //so sor thar mdo gzhung 'grel// //bam po bcu pa/ /sdom la/ ma bskos nyi ma nub pa dang/ /zas dang chos gos gnyis dag
 dang/ /don mthun grub dang dben pa gnyis/ /dge slong ma yis sbyor bcug pa'o/ /zhes bya ba ni bcu pa gsum pa yin te/ sdom la zhes bya ba'i tshig gi don dang/ dgos pa ni snga ma bzhin no/ /bcu pa gsum pa 'dis kyang ltung byed kyi chos bcu bstan
 te/ ma bskos par ston pa dang/ nyi ma nub kyi bar du ston pa dang/ zas cung zad tsam gyi phyir ston pa dang/ gos sbyin pa dang/ gos byed pa dang/ dge slong ma dang lhan cig 'gron lam du 'jug pa dang/ dge slong ma dang lhan cig grur
 'jug pa dang/ gcig pu 'jug pa dang/ gcig pu 'greng ba dang/ dge slong mas sbyor du bcug pa za ba'i ltung byed do/ /de la ma bskos par ston pa'i ltung byed kyi gleng gzhi ni/ sangs rgyas bcom ldan 'das mnyan yod na rgyal bu rgyal byed kyi
 tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong gnas brtan gnas brtan dag gis res kyis dge slong ma la bstan par bya'o zhes bka' stsal nas/ dge slong drug sde dag la dge slong ma la ston
 pa'i res bab pa na/ de dag ci tsam pa de tsam bstan nas/ de dag dang lhan cig tho 'tsham par byed/ kun tu rtse bar byed/ kun tu ca co 'don par byed/ gzhag steg dang 'phyang g.yeng dang/ lus la reg pa dag byed de/ de na gang dag bdag gir
 byed pa/ de dag ni de dag dang lhan cig tho 'tsham par byed/ kun tu rtse bar byed/ kun tu ca co 'don par byed/ gzhog steg dang/ 'phyur g.yeng dang/ lus la rdeg pa dag byed do/ /gang dag bdag gir mi byed pa de dag ni 'chag sa dang/ dag ra dang
 sgo khang dag na gnas ngan len kun tu spyod pa 'di lta bu dag bdag cag la ston par byed do smod par byed/ phyar ka gtong ba byed/ kha zer bar byed pa'i skabs de/ dge slong rnams kyis bcom ldan 'das la gsol pa dang/ bcom ldan 'das
 kyis bka' stsal pa dang/ dge slong drug sde dag dge slong ma'i ston par bsko bar mi bya'o/ /de ltar bcom ldan 'das kyis drug sde dge slong ma'i ston par bsko bar mi bya'o zhes bka' stsal nas/ de dag gcig gis gcig bskos pa dang/ mtshams
 kyi phyi rol tu deng ste/ gcig gis gcig bskos pa dang/ mtshams kyi nang ngu dge slong nad pa rnams kyis 'dun pa blangs te/ lhag ma rnams dang mi mthun par byas nas/ gcig gis gcig bskos te dge slong ma la ston par byed pa na/ nyes dmigs de
 nyid du gyur pa'i skabs de/ dge slong rnams kyis bcom ldan 'das la gsol pa dang/ bcom ldan 'das kyis bka' stsal pa/ ma bskos pa dang/ mtshams kyi phyi rol tu bskos pa dang/ mtshams kyi nang ngu dge slong nad pa rnams kyis 'dun pa blangs
 te/ lhag ma rnams dang mi mthun par byas nas/ gcig gis gcig bskos te dge slong ma la bstan par mi bya bar/ 'di ltar gso sbyong bco lnga pa de nyid kyi tshe dge 'dun thams cad 'dug cing thun par gyur pa na dge slong chos lnga dang ldan pa bsko ste/ lnga
 gang zhe na/ tshul khrims dang ldan pa dang/ mang du thos pa dang/ gnas brtan rgyal tshab lta bu dang/ grong khyer pa'i skad dang ldan pa dang/ dge slong ma la/ lus kyis reg pas sun ma phyung ba dang/ gal te sun phyung na yang des ltung ba de chos bzhin du phyir byas pa
 'am/ yang na dge slong ma'i ston pa phyi ma ni sring mo dag khyed cag dge slong ma'i dge 'dun tshogs sam/ yongs su dag gam/ mthun nam/ kha na ma tho ba med dam/ khyed cag la dge 'dun gyis ma bskos pa'i gang zag 'ga' zhig /ston par mi byed dam/ khyed
 cag la ston pa'i gang zag 'ga' zhig dge 'dun las 'ong ngo/ /khyed cag la dge slong 'ga' yang ston par mi spro'o/ /khyed cag gi gdams ngag dang/ rjes su bstan pa ni dge 'dun las so/ /srid mo dag gis bag yod par bsgrubs shig ces bya ba
 de ston nus pa ste/ de lta bu spro bar bya zhing gsol ba dang gnyis kyis bsko bar bya'o/ /bcom ldan 'das kyis de skad bka' stsal nas/ drug sde dag ma bskos pa kho nar dge slong ma ston par byed ces smod par byed/ phyar ka gtong bar byed/ kha zer bar byed pa'i skabs
 de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang dge 'dun gyis ma bskos par dge slong ma la ston na/ chos 'di lta bu dang ldan pa ma gtogs te ltung byed do zhes
 bca' ba mdzad de/ yul ni mnyan yod/ gang zag ni drug ste/ nyon mongs pa ni gtogs 'dod/ nyes pa ni ma bskos par dge slong ma la ston pa'o/ /de la yang dge slong gang zhes bya ba ni/ drug sde 'am gzhan yang de lta bu gang yin pa'o/ /dge 'dun
 gyis zhes bya ba ni/ de bzhin gshegs pa'i nyan thos kyi dge 'dun gyis so/ /ma bskos par zhes bya ba ni gsol ba dang gnyis kyi las kyis so/ /dge slong ma la zhes bya ba ni chos 'di pa la'o/ /ston na zhes bya ba ni/ lhag pa'i tshul khrims dang/ lhag
 pa'i sems dang/ lhag pa'i shes rab bo/ /chos 'di lta bu dang ldan pa ma gtogs te zhes bya ba ni tshe dang ldan pa lam pa'i chos 'di lta bu dang ldan pa bzhag ste'o/ /ltung byed do zhes bya ba ni sems can dmyal ba dang/ dud 'gro dang/ yi dags ngan
 song dang/ ngan 'gro dang/ log par ltung ba dag tu sreg par byed/ 'tshed par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do
 zhes gsungs so/ /de la 'dir dngos gzhi'i ltung ba rnam par bzhag pa ni/ dge slong dge 'dun gyis gso sbyong bco lnga pa la 'tshoms kyi nang du spro bar bya ste/ gsol ba dang gnyis kyi las kyis ma bskos dang/ bskos pa chos lnga dang ston pa
 phyi ma'i yon tan de dag las gcig dang yang mi ldan pa dang/ ma bskos pa yon tan de dag dang ldan yang rung ba/ dge slong ma la ston na ma bskos par ston pa'i ltung byed kyis dngos gzhir 'gyur ro/ /'di'i byed pa po ni ma bskos par dge
 slong ma la ston pa'o/ /'di la yan lag lngas dngos gzhi'i ltung bar 'gyur te/ gso sbyong bco lnga pa de nyid la mtshams kyi nang du dge 'dun gyis spro bar byas te/ gsol pa dang gnyis kyis ma bskos pa dang/ bskos pa chos lnga dang/ ston pa phyi ma'i yon tan de dag las
 gcig dang yang mi ldan pa dang/ ma bskos pa yon tan de dag dang ldan yang rung/ mi ldan yang rung ba dang/ dge slong ma rang bzhin du gnas pa gcig la sogs pa dang/ sde snod gsum gyi chos gang yang rung ba ston pa'o/ /de dag las yan lag ma tshang na ci rigs par
 na smad do/ /ma bskos par ston pa'i ltung byed do nyi shu rtsa gcig pa'o// //nyi ma nub kyi bar du ston pa'i ltung byed kyi gling gzhi ni/ sangs rgyas bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs
 so/ /bcom ldan 'das kyis tshe dang ldan pa dga' byed la/ dga' byed khyod kyis dge slong ma la thoms shig /dge slong ma la rjes su ston cig /dge slong ma la chos dang ldan pa'i gtam gyis shig ces bka' stsal nas/ dge slong ma utpa la'i mdog
 'khor lnga brgya dang/ tshe dang ldan pa dga' byed ga la ba der song ste phyin nas/ tshe dang ldan pa dga' byed kyi rkang pa gnyis la mgo bos phyag 'tshal te mdza' gcig tu 'dug go /tshe dang ldan pa dga' byed kyis bsams pa/ bud med ni shes rab chung ba yin
 no snyam nas des de la don dang tshig dang yi ge mdor bsdus pa 'dus pa dag gis chos bstan to/ /de shes rab can yin pas gong nas gong du 'dri bar byed nas/ tshe dang ldan pa dga' byed kyi lan btab cing/ des de la ci tsam na nyi ma nub pa'i dus la bab pa
 de tsam gyi bar du chos bstan nas/ de dag gis de'i rkang pa gnyis la mgo bos phyag 'tshal te/ stan las langs te dong ba dang/ ji tsam na mnyan yod kyi sgo dag bcad par gyur nas/ dge slong ma rnams kyis sgo ba la sgo phye zhig ces bos pa dang/ lde mig
 rgyal po'i pho brang du khyer zin to zhes zer ro/ /de dag gis bsam pa/ 'di nyid du 'khod do snyam nas/ mnyan yod dang ha cang mi ring ba kun dga' ra ba zhig yod pa der de dag dong ngo/ /bcom ldan 'das kyis shing ljon pa yang rgan rim
 gyis bskor bar bya'o zhes bka' stsal pas/ de dag shing ljon pa dag rgan rim gyis bsko ba na/ gcig la gcig 'bod pa'i sgra 'thon po dang/ sgra chen po 'byung ba mnyan yod 'joms par 'dod pa'i g.yon can lnga brgya tsam de na bskungs pa dag gis
 thos nas/ de dag gis dge slong ma rnams btsun mo'i 'khor yin snyam nas gzhom par brtsams pa dang/ utpa la'i mdog gis rgyal bu 'phags skyes po'i dpung sprul te rda brdungs pa dang de dag skrag ste byer ro/ /dge slong ma dag nad par sngar
 langs te mnyan yod du zhugs pa dang/ bram ze dang/ khyim bdag bag gis mthong nas/ shAkya'i bu'i dge sbyong rnams kyis chos 'dre ba dang/ lhag par 'dre zhing tshangs par spyad pa spyod par byed pa bzang po zhes tho 'tsham par byed nas/ dge slong don
 nyung ngu dag ci'i phyir dge slong dag nyi ma nub pa'i dus kyi bar du/ dge slong ma la ston par byed ces smod par byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/
 dge slong gang dge 'dun gyis bskos kyang nyi ma nub pa'i dus kyi bar du dge slong ma la ston na ltung byed do zhes bca' ba mdzad de/ yul ni mnyan yod/ gang zag ni tshe dang ldan pa dga' byed/ nyon mongs pa ni bag chags ma byang bas so sor ma brtags
 pa nyes pa ni nyi ma nub kyi bar du dge slong ma la ston pa'o/ /de la dge slong gang zhes bya ba ni chos 'di pa'o/ /dge 'dun gyis zhes bya ba ni de bzhin gshegs pa'i nyan thos kyi dge 'dun gyis so/ /bskos kyang zhes bya ba ni gsol ba dang gnyis
 kyi las kyis so/ /nyi ma nub pa'i dus kyi bar du zhes bya ba ni/ nyi ma nub pa'i dus la bab par ro/ /dge slong ma la zhes bya ba ni chos 'di pa la'o/ /ston na zhes bya ba ni lhag pa'i tshul khrims dang/ lhag pa'i sems dang/ lhag pa'i shes rab bo/ /ltung byed do zhes
 bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong mtshan thog thag tu chos ston pa ma gtogs pas dge slong gi gtsug lag khang sgo phye ba'i mdun na dge slong ma'i dbyar khang 'dug pa la sogs pa ma yin par nyi ma
 nub pa nyid la nub par 'du shes bzhin du/ dge slong ma la ston na/ nyi ma nub pa'i bar du ston pa'i ltung byed kyi dngos gzhir 'gyur ro/ /'di'i byed pa po ni nyi ma nub pa nyid la/ 'du shes gtso cher byed pa po nyid yin no/ /'di la yan lag lngas dngos gzhi'i
 ltung bar 'gyur te/ dge slong mtshan thog thag tu chos ston pa ma yin pa dang/ dge slong gi gtsug lag khang sgo phye ba'i mdun na/ dge slong ma'i dbyar khang 'dug pa la sogs pa ma yin pa dang/ nyi ma nub pa nyid dang/ der 'du shes pa dang/ dge slong
 ma la ston pa'o/ /de dag las yan lag ma tshang na ci rigs pa na smad do/ /nyi ma nub kyi bar du ston pa'i ltung byed de nyi shu gnyis pa'o// //zas cung zad tsam gyi phyir ston pa'i ltung byed kyi gleng gzhi ni/ sangs rgyas bcom ldan 'das mnyan yod
 na/ rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis tshe dang ldan pa dga' byed la/ dga' byed khyed kyis dge slong ma la thoms shig /dge slong ma la rjes su ston cig dge slong ma la chos dang ldan pa'i
 gtam gyis shig ces bka' stsal nas/ dge slong ma skye dgu'i bdag mo chen mo gau ta ma'i 'khor lnga brgya dang/ tshe dang ldan pa dga' byed ga la ba der song ste phyin nas/ tshe dang ldan pa dga' byed kyi rkang pa gnyis la mgo bos phyag 'tshal te mdza' 
 gcig tu 'dug go /tshe dang ldan pa dga' byed kyis/ de la don dang tshig dang yi ge zab pa zab pa dag gis chos bstan to/ /bud med ni shes rab 'chal pa'i phyir brda mi phrad cing 'jigs pa'i phyir 'dri mi nus so/ /skye dgu'i bdag
 mo chen mo gau ta ma ni/ bcom ldan 'das kyi spyan sngar song ste/ de skad ces gsol pa dang/ bcom ldan 'das kyis sbyin pas mi 'jigs pa'i rgyu yin pas/ dge slong ma rnams kyis dge slong rnams la bca' ba lnga po rtsa ba dang snod bu dang/ mdab
 ma dang/ me tog dang/ 'bras bu dag dang/ bza' ba lnga po 'bras chan dang/ zan dron dang/ 'da' gu dang/ sha dang/ snum khur dag dang/ lhung bzed dang/ chos gos dang/ dra ba dang/ phor bu dang/ shur bu dang/ lcag pod dang/ shor bu phre'u dang/ rgya chang?
 dag gis kun dga' bar 'gyur ba dag bya'o zhes bka' stsal nas/ dge slong ma dag /kha cig gis ni'o thug /kha cig gis ni zho thug /kha cig gis ni hwags kyi la? thu khyer te/ rgyal byed kyi tshal du tshe dang ldan pa dga' byed la 'bul du 'ongs pa de/
 nye dags mthong nas smras pa/ nye dags kyang gal te 'di lta bu dag rnyed par 'gyur na/ rtag pa kho nar dge slong ma la ston par 'gyur ro/ /kho bo tshe dang ldan pa dga' byed chos bzang po'i chos kyis dge slong ma la ston snyam gyi/ kho bo tshe dang ldan pa
 dga' byed zas cung zad tsam gyi phyir/ dge slong ma la ston snyam mi sems so zhes zer nas/ dge slong don nyung ngu dag ci'i phyir dge slong dag dge slong rnams la 'di skad ces/ dge slong dag zas cung zad tsam gyi phyir dge slong ma rnams la ston par
 byed ces zer zhing smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du yang dge slong gang dge slong rnams la 'di skad ces
 dge slong dag zas cung zad tsam gyi phyir dge slong ma la ston no zhes zer na ltung byed do zhes bca' ba mdzad de/ yul ni mnyan yod/ gang zag ni nye dga' nyon mongs pa ni phrag dog /nyes pa ni phyar ka gtong ba'o/ /de la yang dge slong gang zhes bya ba ni shAkya'i
 bu nye dga' 'am/ gzhan yang de lta bu gang yin pa'o/ /dge slong rnams la zhes bya ba ni chos 'di pa rnams la'o/ /'di skad ces zhes bya ba ni 'di skad ces zer na'o/ /dge slong dag ces bya ba ni chos 'di pa dag go /zas cung zad tsam gyi phyir zhes bya ba
 ni bca' ba lnga dang/ bza' ba lnga'i phyir ro/ /dge slong ma la zhes bya ba ni chos 'di pa la'o/ /ston to zhes zer na zhes bya ba ni lhag pa'i tshul khrims dang/ lhag pa'i sems dang/ lhag pa'i shes rab bo/ /ltung byed do zhes bya ba ni snga ma bzhin no/ /de la 'dir
 dngos gzhi'i ltung ba rnam par bzhag pa ni/ dge slong gis dge slong zas cung zad tsam gyi phyir ston pa ma yin pa la dge slong 'di zas cung zad kyi phyir dge slong ma la ston to zhes de nyid dam gzhan la smra na/ zas cung zad tsam gyi phyir ston pa'i ltung byed kyi dngos
 gzhir 'gyur ro/ /'di'i byed pa po ni/ dge slong ma la ston pa'i dge slong zas cung zad tsam gyi phyir ston pa ma yin pa'o/ /'di la yan lag lngas dngos gzhi'i ltung bar 'gyur te/ dge slong ma la ston pa'i dge slong zas cung zad tsam gyi phyir ston pa ma yin pa dang/
 de la dge slong 'di zas cung zad tsam gyi phyir ston pa ma yin par 'du shes pa dang/ de la dge slong 'di zas cung zad tsam gyi phyir/ dge slong ma la ston to zhes phyir ka gtong ba dang/ de nyid dam gzhan la smras pa dang/ pha rol pos don go ba'o/ /de dag las
 yan lag ma tshang na ci rig par na smod/ zas cung zad tsam gyi phyir ston pa'i ltung byed de nyi shu gsum pa'o// //gos sbyin pa'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun
 dga' ra ba na bzhugs so/ /mnyan yod na tshong dpon zhig 'dug pa des/ rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /de rgas pa'i gnas skabs su
 nye du zad par gyur cing nor zad pa dang longs spyod zad par gyur nas/ des chung ma la smras pa/ bzang mo kho bos de? nor bsgrub par mi nus kyis/ kho bo rab tu 'byung du 'gro'o/ /chung mas smras pa/ rje'i sras bdag kyang rab tu 'byung ngo/ /des chung
 ma de skye dgu'i bdag mo chen mo gau ta ma la gsol te/ rab tu phyung zhing bsnyen par rdzogs par byas so/ /rang yang rgyal byed kyi tshal du song ste/ dge slong gi dge 'dun la gsol nas rab tu byung zhing bsnyen par rdzogs par byas so/ /mnyan yod
 na de grags shing bsod nams che bas thams cad kyis mnyan yod pa'i tshong dpon rab tu phyung ngo zhes thos nas/ de la chos gos dang/ bsod snyoms dang/ gnas mal dang/ na ba'i rkyen sman dang/ sman gyi yo byad dag dbul bas des de
 dag grub bo/ /de dus gzhan zhig na snam sbyar dmar ser gyon te/ dge slong ma de'i dbyar khang du song ba dang/ dge slong ma des de'i rkang pa gnyis la mgo bos phyag 'tshal te/ mdun du 'dug nas de'i snam sbyar de la yang dang yang du rtog nas/ dge
 slong des smras pa/ sring mo snam sbyar 'di 'dod dam/ des smras pa/ lha'i gnas kyi lhag ma bzhin du'o/ /des bsams pa/ bdag gis 'di la snam sbyar 'di sbyin par bya zhing/ bdag gis snam sbyar gzhan btsem par bya'o snyam nas des de
 la rnam sbyar byin te song ngo/ /de nas bcom ldan 'das dge slong gi dge 'dun gyi 'khor dang bcas pa ko sa la dag tu ljongs rgyur gshegs pas/ dge slong de snam sbyar med par chos gos stod g.yogs smad g.yogs dang bcas pas ljongs
 rgyur 'gro ba gzigs nas/ tshe dang ldan pa kun dga' bo la smras pa dang/ tshe dang ldan pa kun dga' bos de ji ltar gyur pa rgyas par gsol to/ /bcom ldan 'das kyis bka' stsal pa/ kun dga' bo dge slong dag dge slong ma nye du ma yin pa la gos dag
 sbyin nas/ btsun pa la stsol to/ /bcom ldan 'das kyis bka' stsal pa/ kun dga' bo dge slong ma nye du ma yin pa ni 'di snyam du 'di'i chos gos gsum tshang ngam/ 'on te ma ched snyam du mi sems par 'di ltar thob po chog len par byed kyi/ nye dul
 ni byin yang len par mi byed do zhes bka' stsal nas snga ma bzhin du/ yang dge slong gang dge slong ma nye du ma yin pa la gos sbyin na ltung byed do zhes bca' ba mdzad de/ yul ni mnyan yod/ gang zag ni mnyan yod pa'i tshong dpon las rab tu byung ba/
 nyon mongs pa ni sngon gyi chung ma la sred pa/ nyes pa ni dge slong ma nye du ma yin pa la gos sbyin pa'o/ /de la yang dge slong gang zhes bya ba ni chos 'di pa'o/ /dge slong ma zhes bya ba yang ches 'di pa'o/ /nye du ma yin pa la zhes bya ba ni phyi mo dang mos
 po dang/ phrugs pa la brten pa'i bdun pa tshun chad ni nye du yin la/ de phan chad ni nye du ma yin no/ /gos zhes bya ba ni bdun po bal gos dang/ sha na'i gos dang/ zar ma'i gos dang/ du gu la'i gos dang/ ras bal gyi gos dang/ ko taM pa'i gos dang
 nyi 'og gi gos dag las gang yang rung ba'o/ /sbyin na zhes bya ba ni bsab mi dgos par ro/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gis dge slong ma'i dge 'dun la gos dbul ba
 ma gtogs par dge slong ma nye du ma yin pa/ bor rlag 'byung ba dang/ legs par smras pa dang/ bsnyen par rdzogs par byed pa dang/ brje par 'dod pa ma yin pa la der 'du shes pas gos rung ba 'khor gsum khebs pa'i tshad dang ldan pa byin
 na gos sbyin pa'i ltung byed kyi dngos gzhir 'gyur ro/ /'di'i byed pa po ni dge slong ma nye du ma yin pa nyid la 'du shes gtso cher byed pa po nyid yin no/ /'di la yan lag drug gis dngos gzhi'i ltung bar 'gyur te/ dge slong dge
 slong ma'i/ dge 'dun la gos 'bul ba ma yin pa dang/ dge slong ma nye du ma yin pa dang/ de bong rlag byung ba 'am/ legs par smra ba 'am/ bsnyen par rdzogs par byed pa 'am/ brje bar 'dod pa yin pa dang/ der 'du shes pa dang/ gos rung
 ba 'khor gsum khebs pa'i tshad yan chad dang/ byin pa'o/ /de dag las yan lag ma tshang na ci rigs par na smad do/ /gos byin pa'i ltung byed de nyi shu bzhi pa'o// //gos byed pa'i ltung byed kyi gleng gzhi ni/ sangs rgyas bcom ldan 'das
 mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong ma sred? ma'i chos gos lnga dan cing snam sbyar yang rnyings nas/ des ras yug chen zhig rnyed pa/ tshe dang ldan pa 'char ka la snam sbyar
 du btsem du bcol nas drug sde dag log ste ras yug chen de brgyangs nas drangs shing drubs te/ 'char kas snam sbyar de dang tshon sna lnga'i skud pa khyer te 'chag tu song nas/ snam sbyar de la tshon sna lnga'i skud pas/ bdag nyid sped ma'i mgul
 nas 'khyud de 'dug pa zhig skud ris su btsems nas blta ba ste sped ma la byin nas/ re zhig ji tsam du tshon gyis ma bca' ba de srid du ma dbye shig /ltung ba dang bcas par gyur ta re zhes smras so/ /sped mas snam sbyar de de bzhin kho nar dbyar
 khang du 'phags pa dang/ dge slong ma grogs mo dag gis 'phags pa 'char kas rnam sbyar ji ltar btsems pa bltas/ 'o na cig ces byas pa na sped mas ma ster nas/ de dag gis snam sbyar hur ces phrogs nas phye ste bltas pa dang/ de la
 tshom sna lnga'i skud pas 'char ka sped ma'i mgul nas 'khyud de 'dug pa skud ris su btsems pa mthong nas/ de dag gis rta gang kyis btab te smras pa/ sped ma khyod la 'phags pa 'char kas yun ring mo zhig gis bzod 'khyud do/ /de skye dgu'i bdag
 mo chen mo gau ta mis thos nas/ nu mo dag drug ste gnas ngan len kun tu spyod pa dag gis 'dums pa ltung bas/ bcom ldan 'das kyi bstan pa 'jig par byed do zhes zer ba'i skabs de/ dge slong ma rnams kyis dge slong rnams la brjod nas/ dge slong
 rnams kyis bcom ldan 'das la gsol to/ /de nas bcom ldan 'das kyis 'char ka la/ khyod dge slong ma nye du ma yin pa'i gos byed pa bden nam zhes rmas nas snga ma bzhin du/ yang dge slong gang dge slong ma nye du ma yin pa'i gos byed na ltung byed do zhes
 bca' ba mdzad de/ yul ni mnyan yod gang zag ni 'char ka/ nyon mongs pa ni 'dod chags/ nyes pa ni dge slong ma nye du ma yin pa'i gos byed pa'o/ /de la yang dge slong gang zhes bya ba ni 'char ka 'am/ gzhan yang de lta bu gang yin pa'o/ /dge slong ma
 zhes bya ba ni chos 'di pa'o/ /nye du ma yin pa'o/ /zhes bya ba ni phyi mo dang mes po dang/ phrugs kyi bdun pa tshun chad ni nye du yin la/ de phan ched ni nye du ma yin no/ /gos zhes bya ba ni bdun po bal gos dang/ sha na'i gos dang/ zor ma'i gos dang/ du gu
 la'i gos dang/ ras bal gyi gos dang/ kau? tam pa'i gos dang/ nyi 'og gi gos dag las gang yang rung ba dag go /byed na zhes bya ba ni 'tshem na'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge
 slong gis dge slong ma nye du ma yin pa la der 'du shes pas gos rung ba 'khor gsum khebs pa'i tshad dang ldan pa byed na/ gos byed pa'i ltung byed kyis dngos gzhir 'gyur ro/ /'di'i byed pa po ni/ dge slong ma nye du ma yin pa nyid la der 'du shes gtso
 cher byed pa po nyid yin no/ /'di la yan lag lngas dngos gzhi'i ltung bar 'gyur te/ dge slong ma nye du ma yin pa dang/ der 'du shes pa dang/ gos rung ba 'khor gsum khebs pa'i ched yan chad dang ldan pa dang/ byed pa dang/ zin pa'i
 de dag las yan lag ma tshang na ci rigs par na smad do/ /gos byed pa'i ltung byed de nyi shu lnga pa'o// //dge slong ma dang lhan cig 'gron lam du 'jug pa'i ltung byed kyi gleng gzhi ni/ sangs rgyas bcom ldan 'das mnyan yod na rgyal byed kyi
 tshal mgon med zas sbyin gyi kun dga' ra ba na bzhugs so/ /drug sde dag gis smras pa/ dga' bo nye dga' lhung bzed nag po can 'di dag ni rkang pa spre'u zhag gis bskus te/ 'gro na yang 'gro bar chos pa'i rnyed pa bsgrub par byed/ 'od na
 yang glo bur du 'ongs pa'i rnyed pa sgrub par byed cing/ skye bo mang po dga' ba dang yid du 'ong bar yang 'gyur ro/ /yu bu cag ni khron pa'i rus spal dang 'dra bar gang yang mi 'dong/ gang nas kyang mi 'ong bas rnyed pa thob pa dang/ skye bo mang po dga' 
 pa dang/ yid du 'ong bar ga la 'gyur gyis yu bu cag kyang ljongs rgyur 'dod do zhes de dag dge slong ma'i dbyar khang du dong ste/ dge slong ma bcu gnyis sde dag lam rgyags sbyor du bcug nas de dag kyang khrid cing/ dge slong bsod snyoms pa
 zhig kyang khrid de ljongs rgyur 'phags so/ /de dag gis gang gis tshe mtshams kyi phyi rol tu son pa de'i tshe na smras pa/ dga' bo nye dga' bdag cag gis yun ji srid du gzhan gyi spyod lam gyis 'khod par byas tshur sheg /bdag cag rang
 rang gi spyod lam gyis 'khod par bya'o zhes dang por dga' bo 'dug nas de'i 'og tu dga' mo 'dug /de'i 'og tu dga' bo'i lhan cig gnas pa 'dug /de'i 'og tu dga' mo'i lhan cig gnas pa 'dug /de'i 'og tu dga' bo'i dge tshul 'dug de'i
 'og tu dga' mo'i dge tshul 'dug go /de bzhin du nye dga' dang/ gtsug dga' mo la sogs pa'i yang spel mar bkod de song ngo/ /don mthun de dang bram ze zhig lhan cig 'gro ba des de dag mthong nas smras pa/ 'di ni dge sbyong yin/ de'i chung ma ni 'di yin/ de'i bu ni 'di yin
 de'i mna' ma ni 'di yin/ de'i tsha bo ni 'di yin/ de'i tsha bo'i chung ma ni 'di yin par shes par bya'o/ /nye dags thos nas smras pa/ bkren pa khyod kyis gnya' ba rdog pas mnan nas de lta yin no/ /bsod snyoms pa des bsams pa/ bdag shi ba ni bla'i gnas
 ngan len kun tu spyod pa 'di dag dang lhan cig ljongs rgyur 'gro ba ni mi rung ngo snyam nas phyir log ste/ rgyal byed kyi tshal du song nas des skabs de dag dge slong rnams la rgyas par brjod pa dang/ dge slong don nyung ngu dag ci'i phyir dge slong dag dge slong ma'i don
 mthun dang lhan cig 'thams nas 'gron lam du 'jug par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong
 gang dge slong ma'i don mthun dang lhan cig 'thams nas/ 'gron lam du 'jug na dus ma gtogs te ltung byed do/ /de la dus ni 'di yin te/ lam don mthun gyis bgrod par bya ba/ dogs pa dang bcas par grags pa/ 'jigs pa dang bcas par grags
 pa/ 'jigs pa tha dad par 'jigs su rung ba dang bcas par grags pa zhig na de la de ni dus yin no zhes bca' ba mdzad de/ yul ni mnyan yod/ gang zag ni drug sde/ nyon mongs pa ni 'dod zhe na/ nyes pa ni dge slong ma'i don mthun dang lhan cig 'thams nas 'dron
 lam du 'jug pa'o/ /de la yang dge slong gang zhes bya ba ni drug sde 'am/ gzhan yang de lta bu gang yin pa'o/ /dge slong ma'i don mthun dang lhan cig ces bya ba ni ches 'di pa'o/ /'thams nas zhes bya ba ni brda' byas nas so/ /'gron lam du zhes bya ba ni dgon
 pa'i lam du'o/ /'jug na zhes bya ba ni 'gro na'o/ /dus ma gtogs te zhes bya ba ni dus bzhag ste'o/ /ltung byed do zhes bya ba ni snga ma bzhin no/ /de la dus 'di yin te/ lam don mthun gyis bgrod par bya ba zhes bya ba ni don mthun
 med par bgrod mi nus pa'o/ /dogs pa dang bcas par grags pa zhes bya ba ni/ chom rkun pa dang g.yon can gyis 'jigs par grags pa'o/ /'jigs pa dang bcas par grags pa zhes bya ba ni/ seng+ge dang stag dang gung gis 'jigs par grags
 pa'o/ /'jigs pa tha dad pas 'jigs su rung ba dang bcas par grags pa zhig na zhes bya ba ni sha spang? dang/ sbrang bu mchu ring dang/ rlung dang/ nyi ma dang/ sdig sprul gyis 'jigs pa tha dad pas 'jigs su rung pa dang bcas par grags pa zhig na'o/
 de la de ni dus yin no zhes bya ba ni/ bslab pa'i bcas pa de la de ni gnang ba'i dus yin no/ /de la 'dir dngos gzhi'i ltung ba rnam par bzhag pa ni/ 'jigs pa dang bcas pa'i lam nyid du sngar 'thams par dge slong ma dang 'gron thabs gcig
 tu zhugs shing tha mi dad par 'gro ba nyid ma gtogs par dge slong ma gcig dang yang lam las 'da' zhing/ 'gro na rgyang grags re rer dge slong ma dang lhan cig 'gron lam du 'jug pa'i ltung byed kyi dngos gzhir 'gyur ro/ /'di'i byed pa po ni/ laM
 'jigs pa med pa dang/ dge slong ma'i 'gron pa dang 'thams pa'o/ /'di la yan lag lngas dngos gzhi'i ltung bar 'gyur te/ lam 'jigs pa med pa nyid dang/ dge slong ma gcig yan chad kyi 'gron pa dang/ 'thams pa dang/ lam du zhugs pa dang/
 rgyang grags gcig gis mkha' ? las 'das pa'o/ /de dag las yan lag ma tshang na ci rigs par na smad do/ /dge slong ma dang lhan cig 'gron lam du 'jug pa'i ltung byed de nyi shu drug pa'o// //dge slong ma dang lhan cig grur 'jug pa'i ltung
 byed kyi gleng gzhi ni/ sangs rgyas bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag gis smras pa/ dga' bo nye dga' lhung bzed nag po can 'di dag ni/ rkang pa spre'u zhag gis
 bskus te 'gro na yang 'gro bar chas pa'i rnyed pa sgrub par byed/ 'od? na yang glo bur du 'ongs pa'i rnyed pa sgrub par byed cing/ skye bo mang po dang/ dga' ba dang yid du 'ong bar yang 'gyur ro/ /yu bu cag ni khron pa'i rus sbal dang 'dra bar gar yang mi 'dod/ gang
 nas kyang mi 'ong bas rnyed pa 'thob pa dang/ skye bo mang po dga' ba dang/ yid du 'ong bar ga la 'gyur gyis/ yu bu cag kyang grur zhugs te 'dod pa nas de dag/ dge slong ma'i dbyar khang du dong ste/ dge slong ma bcu gnyis sde dag lam rgyags spyod du bcug
 nas de dag kyang khrid cing/ bsod snyoms pa zhig kyang khrid de -grur 'jug tu 'phags so/ /de dag gang gi tshe mtshams kyi phyi rol du grur zhugs pa de'i tshe na smras pa/ dga' bo nye dga' bdag cag gis yun ji srid du gzhan gyis spyod lam gyis 'khod par bya/
 tshur shog? /bdag cag rang rang gis spyod lam gyi 'khod par bya'o zhes dang por dga' bo 'dug nas de'i 'og tu dga' mo 'dug /de'i 'og tu dga' bo'i lhan cig gnas pa 'dug /de'i 'og tu dga' mo'i lhan cig gnas pa 'dug de'i 'og tu dga' bo'i
 dge tshul 'dug /de'i 'og tu dga' mo'i dge tshul 'dug go /de bzhin du nye dga' dang/ gtsug dga' mo la sogs pa yang sprel mar bkod de dong ngo/ /don mthun da? dang bram ze gcig lhan cig 'gro ba des/ de dag mthong nas smras pa/ 'di ni dge
 sbyong yin/ de'i chung ma ni 'di yin/ de'i bu ni 'di yin/ de'i mna' ma ni 'di yin/ de'i tsha bo ni 'di yin/ de'i tsha bo'i chung ma ni 'di yin par shes so/ /nye dags thos nas smras pa/ bkren pa khyod kyis gnya' bar rdog pas mnan nas de lta yin no//
 bsod snyoms pa des bsam pa/ bdag shi ba ni bla'i/ gnas ngan len kun tu spyod pa 'di dag dang lhan cig ljongs rgyur 'gro ba ni mi rung ngo snyam nas de phyir log ste/ rgyal byed kyi tshal du song nas/ des skabs de dge slong rnams la
 rgyas par brjod pa dang/ dge slong don nyung ngu dag ci'i phyir dge slong dag /dge slong ma'i don mthun dang lhan cig 'thams nas grur 'jug par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis
 bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang dge slong ma'i don mthun dang lhan cig 'thams nas gru gcig tu 'jug cing/ gyen du 'gro 'am/ thur du 'gro na/ thang kar pha rol tu 'gro ba
 ma gtogs te ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni 'dod zhen/ nyes pa ni dge slong ma'i don mthun dang 'thams nas gru gcig tu 'jug pa'o/ /de la yang dge slong gang zhes bya ba ni
 drug sde 'am/ gzhan yang de lta bu gang yin pa'o/ /dge slong ma'i don mthun dang lhan cig ces bya ba ni chos 'di pa'o/ /'thams nas zhes bya ba ni bca' byas nas so/ /gru gcig tu zhes bya ba ni/ sho gam gcig pa dang/ la gtson gcig pa
 pa dang/ gru btsas gcig par ro/ /'jug cing zhes bya ba ni zhon cing ngo/ /gyen du 'gro 'am zhes bya ba ni rgyun las bzlog phyogs su 'gro ba'o/ /thur ngu 'gro na zhes bya ba ni rgyun phyogs su 'gro na'o/ /thang kar pha rol tu 'gro ba ma gtogs te zhes
 bya ba ni/ thang kar pha rol tu 'gro bar shag ste'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ 'gram gnyis 'jigs pa dang bcas pa nyid ma gtogs par 'thams nas dge slong ma gcig
 dang yang cig char gru gcig gis lam las 'da' zhing 'gron thad kar pha rol tu 'gro ba ma gtogs te/ rgyang grags re rer dge slong ma dang lhan cig grur 'jug pa'i ltung byed kyi dngos gzhir 'gyur ro/ /'di'i byed pa po? ni/ 'gram gnyis 'jigs pa med pa
 dang/ dge slong ma'i 'gron pa dang 'thams pa'o/ /'di la yan lag lngas dngos gzhi'i ltung bar 'gyur te/ 'gram gnyis 'jigs pa med pa nyid dang/ dge slong ma gcig yan chad kyis 'gron pa dang 'thams pa dang/ grur zhugs pa dang/ rgyang grags
 gcig gi mdza' las 'das pa'o/ /de dag las yan lag ma tshang na ci rigs par na smad do/ /dge slong ma dang lhan cig grur 'dzud pa'i ltung byed de nyi shu bdun pa'o// //gcig pu 'dug pa'i ltung byed kyi gleng gzhi ni sangs rgyas bcom ldan
 'das mnyan yod na rgyas bu rgyal byed kyi tshal mgon med zas sbyin gyi kun dga' ra ba na bzhugs so/ /de nas tshe dang ldan pa 'char ka snga dro sham thabs bgos/ lhung bzed dang chos gos thogs te/ mnyan yod du bsod snyoms la zhugs nas mthar gyis
 mnyan yod du bsod snyoms la rgyu ba na khyim bdag gi chung ma sped ma'i khyim ga la ba der song ngo/ /khyim bdag gi chung ma sped mas tshe dang ldan pa 'char ka thag ring po kho ra nas mthong ste/ mthong nas kyang tshe dang ldan pa 'char ka'i phyir stan shom par byed cing
 'di skad ces kyang smras so/ /btsun pa 'char ka tshur spyon/ btsun pa 'char ka byon pa legs so/ /btsun pa 'char ka gdan bshams pa 'di la bzhugs shig /tshe dang ldan pa 'char ka nang du bltas te 'dug go /khyim bdag gi chung ma sped ma yang/ tshe dang
 ldan pa 'char ka'i rkang pa gnyis la phyag 'tshal te kha phyi bltas te 'dug go /'char kas de la ji tsam pa de tsam gyi chos bstan nas/ sngon bgad pa dang/ rtsis pa dang/ dga' ba byas pa dang/ dga' mgur spyad pa dag dran par bya bar brtsams te
 sped ma khyed kyis bdag cag gnyis skyed mos tshal dang/ 'dun sa dang/ lha'i gnas ga ge mo zhig tu bca' pa 'di dang 'di lta bu 'chos pa dang/ bza' ba 'di dang 'di lta bu zos pa dang/ btung ba 'di dang 'di lta bu 'thungs
 ba dang/ gnas mal 'di dang 'di lta bu bshams pa dang/ 'bru mar gyi mar me 'di dang 'di lta bu btsugs shing/ der bdag cag gnyis kyis 'di dang 'di lta bu byas pa dran nam/ sped mas smras pa/ dran no/ /bsod snyoms pa zhig der
 'ongs pa dang/ sped mas mthong nas bsams pa/ gal te langs te bsod snyoms phul bar gyur na/ btsun pa 'char ka'i gtam spangs par 'gyur ro snyam nas/ des lag pas song shig ces brda' byas so/ /'char kas smras pa/ sped
 ma khyed kyis snying lam na kho bos khyad la 'phags pa'i bden pa bzhi'i gtam byas snyam mam ci/ 'di ltar kho bos lag pas gca' ba brgya dag gis longs spyod dag bsgrubs na khyod kyis sbyin pa dag sbyin zhing/ bsod nams dag byed
 kyang mi nus sam zhes 'char kas sped ma bsod snyoms 'bul du bcug nas/ gtsug lag khang du song ba dang/ bsod snyoms pa des don gyis 'char ka la de don gyis na bdag gis khyod kyis bsod snyoms zos so zhes smras pa dang/ 'char
 kas smras pa/ bsod snyoms pa shes te/ des dang po khyod thos snyam mam ci/ des khyod song zhig ces lag brda' byas nas/ kho bos de'i 'og tu de phyir 'bod du bcug go /bsod snyoms pas smras pa/ de'i tshe na btsun pa 'char ka de nyid na 'dug par
 gyur tam/ 'dug go /bud med dang lhan cig gcig pu gcig dang/ dben pa skyab pa yod pa na stan la 'dug tu rung ngam/ rung yang srid mi rung yang srid de kho bo de ltar 'dug go zhes zer nas/ dge slong don nyung ngu dag ci'i phyir dge slong dag /bud
 med dang lhan cig gcig pu gcig dang dben pa skyabs yod pa na stan la 'dug par byed ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis
 snga ma bzhin du yang dge slong gang bud med dang lhan cig /gcig pu gcig dang dben pa skyabs yod pa na stan la 'dug na ltung byed do zhes bca' ba mdzad de/ yul ni mnyan yod/ gang zag ni 'char ka/ nyon mongs pa ni 'dod chags/ nyes pa ni
 bud med dang lhan cig gcig pu gcig dang/ dben pa skyabs yod pa na stan la 'dug pa'o/ /de la yang dge slong gang zhes bya ba ni/ 'char ka 'am gzhan yang de lta bu gang yin pa'o/ /bud med dang zhes bya ba ni bud med dam gzhon nu ma mi tshangs par
 spyod pa 'khrig pa'i chos bsten nus pa dong/ /lhan cig ces bya ba ni de dang lhan cig go /de cig pu gcig dang zhes bya ba ni de dang ngo/ /dben pa zhes bya ba ni gang na bud med dang/ skyes pa dang/ ma ning gzhan 'ga' yang med pa'o/ /skyabs yod
 pa na zhes bya ba ni/ lngas bskyabs yod pa na ste/ rtsig pas bskyabs pa dang/ rib mas bskyabs pa dang/ de yol bas skyabs pa dang/ thibs pos bskyabs pa dang/ mtshan mos bskyabs pa'o/ /stan la zhes bya ba ni gzhi la'o/ /'dug na zhes bya
 ba ni 'dom gang gi nang du rkub btsos 'jog par byed pa'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong ma'i 'brog pa'i bud med dam/ gzhon nu ma mi tshangs par spyod pa 'khrig pa'i chos sten
 nus pa gcig dang/ skye bo rgyun lugs med pa nyid kyis phyogs dben pa nyid dang/ skyabs dang bcas pa nyid dang/ par 'dom gang gi nang du gnyi ga rkub btsos 'jog par bzhag ste 'dug na/ gcig pu 'dug pa'i ltung byed kyi dngos gzhir 'gyur ro/ /
 'di'i byed pa po ni/ rkub btsos bzhag ste 'dug pa la bud med gcig pu nyid dang/ skye bo'i rgyun lugs med pa nyid kyis phyogs dben pa nyid dang/ skyabs dang bcas pa nyid dang/ bar 'dom gang nyid ni byed pa po nyid yin no/
 'di la yan lag lngas dngos gzhi'i ltung bar 'gyur te/ ma'i 'gro ba pa'i bud med dam/ gzhan nu ma mi tshangs par spyod pa 'khrig pa'i chos sten nus pa gcig pu nyid dang/ skye bo'i rgyun lugs med pa nyid kyis phyogs dben pa nyid dang/ skyabs
 dang bcas pa nyid dang/ bar 'dom gang nyid dang/ gnyi ga rkub btsos bzhag ste 'dug pa'o/ /de dag las yan lag ma tshang na ci rig par na smad do/ /gcig pu 'dug pa'i ltung byed de nyi shu brgyad pa'o// //gcig pu 'greng ba'i ltung byed kyi gleng
 gzhi ni/ sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe sped ma rab tu byung nas de khang skyong byed pa na/ dge slong ma rnams snga dro sham thabs bgos nas/ lhung
 bzed dang chos gos thogs te/ bsod snyoms la dong ba na/ sped ma gtsug lag khang na phyag der byed cing 'dug go /tshe dang ldan pa 'char ka yang snga dro sham thabs bgos/ lhung bzed dang chos gos thogs te/ mnyan yod du bsod snyoms la zhugs nas
 mnyan yang du bsod snyoms la rgyu ba na/ dge slong ma'i dbyar khang gang la ba der song ngo/ /sped mas tshe ldan pa 'char ka thag ring pa kho na nas mthong ste/ mthong nas kyang 'di skad ces smras so/ /'phags pa 'char ka byon pa legs so byon pa legs
 so/ /zhes de phyags ma phyogs gcig tu bzhag nas/ tshe dang ldan pa 'char ka'i rkang pa gnyis la phyag 'tshal te mdun du 'greng ngo/ /'char kas de la ji tsam gyis chos bstan nas/ sngon bgad? pa dang/ rtses pa dang/ dga' bar byas pa dang/ dga' 
 mgur spyod pa dag dran par bya bar brtsams te/ sped ma khyod kyis bdag cag gnyis skyed mos tshal dang/ 'dun sa dang/ lha'i gnas ga ge mo zhig tu/ bca' ba 'di dang 'di lta bu 'chos pa dang/ bza' ba 'di dang 'di lta bu zos pa dang/ btung ba 'di
 dang 'di lta bu 'thungs pa dang gnas mal 'di dang 'di lta bu bshams pa dang/ 'bru mar gyi mar me 'di dang 'di lta bu gtsugs shing/ der bdag cag gnyis kyis 'di dang 'di lta bu byas pa dran nam/ sped mas smras pa don? no/ /de na dge slong ma rgan mo nad ma
 zhig 'dug nas des bsams pa/ 'di gnyis ci'i phyir bag mar blangs pa yan chad kyang gcig la gcig rjod par byed snyam mo/ /de nas 'char ka song ba na/ sped mas gtsug lag khang phyag dar bya bar brtsams pa dang/ dge slong ma de dag kyang lhags
 nas/ de dag gis smras pa/ sped ma khyod kyis ci byas na/ dbyar khang 'di de kho na bzhin du phyag dar dang bcas par 'dug /sped mas smras pa/ phu nu mo dag gang tshun chad nas khyed cag bsod snyoms la dong ba/ de tshun chad nas kho mo ma 'dug go /dge slong
 ma rgan mo nad ma des thos nas/ dge slong ma rnams la ji ltar gyur pa brjod pa dang/ dge slong ma de dag ci'i phyir/ dge slong dag dge slong ma dang lhan cig gcig pu gcig dang/ dben pa skyabs yod pa na 'greng bar byed ces smod par byed/ phyar ka gtong
 bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang dge slong ma dang lhan cig gcig pu gcig dang dben pa skyabs yod par 'greng na
 ltung byed do/ /zhes bca' ba mdzad de/ yul ni mnyan yod/ gang zag ni 'char ka /nyon mongs pa ni 'dod chags/ nyes pa ni dge slong ma dang lhan cig gcig pu gcig dang/ dben pa bskyabs yod pa na 'greng ba'o/ /de la yang dge slong gang zhes bya
 pa ni/ 'char ka 'am gzhan yang de lta bu gang yin pa'o/ /dge slong ma dang/ zhes bya ba ni chos 'di pa dang ngo/ /lhan cig ces bya ba ni de dang lhan cig go /gcig pu gcig dang zhes bya ba ni de dang ngo/ /dben pa zhes bya ba ni gang na
 skyes pa dang/ bud med dang/ ma ning gzhan 'ga' yang med pa'o/ /skyabs yod pa na zhes bya ba ni lngas bskyabs pa na ste/ rtsig pas bskyabs pa dang/ rib mas bskyabs pa dang/ yol bas bskyabs pa dang/ thibs pos bskyabs pa dang/
 mtshan mos bskyabs pa na'o/ /'greng na zhes bya ba ni 'dom gang gi nang du 'greng na'o/ /ltung byed do zhes bya ba ni snga ma bzhin no/ /gcig pu 'dug pa'i ltung byed de sngar bstan pa dang/ gcig pu 'greng ba'i ltung byed 'di gnyis kyi mtshan nyid
 gzhan thams cad ni 'dra'o/ /bye brag tu na sngar bud med ces smos pa'i gnas su/ 'dir dge slong ma zhes brjod par bya ba dang/ sngar 'dug pa zhes smod pa'i gnas su 'dir 'greng ba zhes brjod par bya'o/ /de la 'dir dngos gzhi'i ltung
 ba rnam par bzhag pa ni/ dge slong dge slong ma khyim so bzung ba 'am/ ma bzung ba mi tshangs par spyod pa 'khrig pa'i chos bsten nus pa gcig dang/ skye bo'i rgyun lugs med pa nyid kyis phyogs dben pa nyid dang/ skyabs dang bcas pa nyid
 dang/ bar 'dom gang gis bar du gnyis ga 'greng ste sdod na gcig pu 'greng ba'i ltung byed kyi dngos gzhir 'gyur ro/ /'di'i byed pa po ni 'greng ste sdod pa la dge slong ma gcig pu nyid dang/ skye bo'i rgyun lugs med pa nyid kyis phyogs dben
 pa nyid dang/ skyabs dang bcas pa nyid dang/ bar 'dom gang nyid ni byed pa po dag yin no/ /'di la yan lag lngas dngos gzhi'i ltung bar 'gyur te/ dge slong ma khyim so bzung ba'am ma bzung ba mi tshangs par spyod pa 'khrig pa'i chos sten nus pa
 gcig pu nyid dang/ skye bo'i rgyun lugs med pa nyid kyis phyogs dben pa nyid dang/ skyabs dang bcas pa nyid dang/ bar 'dom gang nyid dang/ gnyi ga 'greng ste sdod pa'o/ /de dag las yan lag ma tshang na ci rigs par na smad do/ /gcig pu 'greng ba'i ltung byed
 de nyi shu dgu pa'o// //dge slong mas sbyor du bcug pa za ba'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /phongs pa dang bcas pa'i dus byung nas/ /
 bram ze dang khyim bdag dad pa can dag gis/ dge slong gnas brtan gnas brtan rnams kyi bsod snyoms sbyar to/ /drug sde dag snga dro sham thabs bgos/ lhung bzed dang/ chos gos thogs te/ mnyan yod du bsod snyoms la zhugs nas/ de dag dge slong
 ma bcu gnyis sde dag gi gan du dong ba dang/ de dag gis smras pa/ 'phags pa dag bzhugs pa la zhal tshus gsol cig /sus sbyin par 'gyur/ bdag cag gis gsol lo/ /drug sde dag gis smras pa/ srid mo dag de tsam gyis kho bo cag 'tsho bar
 mi nus kyi/ de ltar bram ze dang khyim bdag dang pa can gang dag gis dge slong gnas brtan gnas brtan dag gis bsod snyoms sbyar ba de dag gal te khyod kyis kho bo cag gi phyir sbyor du bcug pa na de lta na kho bo cag 'tsho bar nus so/ /de nas dge slong ma
 spom dga' mos snga dro sham thabs bgos/ lhung bzed dang chos gos thogs te/ mnyan yod du bsod snyoms la zhugs nas/ de khyim gang dag tu tshe dang ldan pa kun shes kauN+Di n+ya dang/ dge slong gnas brtan gnas brtan dag gis bsod snyoms sbyar ba'i
 khyim de dag tu song ste/ 'di skad ces smras so/ /khyed kyis su'i bsod snyoms sbyar/ de dag gis smras pa/ 'phags pa kun shes kauN+Di n+ya dang/ dge slong gnas brtan gnas brtan dag gi'o/ /spom dga' mos smras pa/ khyod kyis shAkya'i rigs las rab
 tu byung ba sde snod gsum dang ldan pa chos sgrogs pa/ rigs pa grel ba'i spobs pa can gang dag yin pa de dag gi bsod snyoms sbyar na/ de lta na khyed la bsod nams che bar 'gyur ro/ /de dag gis smras pa/ de dag gang lags/ sbom
 dga' mos smras pa 'phags pa dga' bo dang/ nye dga' dang/ 'dun pa dang/ 'char ka dang/ 'gro mgyogs dang/ nam so dag go /de dag gis smras pa/ de ltar bgyi'o zhes de dag gis/ 'phags pa kun shas kauN+Di n+ya dang/ dge slong gnas brtan gnas
 brtan dag gi bsod snyoms sbyar ba gang dag yin pa de dag drug sde dag gi phyir sbyor du bcug go /drug sde dag snga dro sham thabs bgos/ lhung bzed dang chos gos thegs te/ mnyan yod du bsod snyoms la dong ba dang/ de dag lhung bzed khas btags
 pa'i bsod snyoms dag gis 'ongs pa/ dge slong rnams kyis mthong nas smras pa/ e ma'o/ /drug sde dag gis lhung bzed khas brtags so/ /drug sde dag gis smras pa/ gang dag gis bdag cag gi phyir bsod snyoms dag sbyor du bcug pa'i sring mo dag nad med
 par gyur cig /dge slong rnams kyis smras pa/ khyed cag shes bzhin du dge slong mas sbyor du bcug pa'i zas zar rung ngam/ drug sde dag gis smras pa/ rung yang srid mi rung yang srid de/ kho bo cag ltogs te 'chi bar bya 'am/ dge slong don nyung ngu dag ci'i phyir
 dge slong dag dge slong mas sbyor du bcug pa'i zas za bar byed ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge
 slong gang shes bzhin du dge slong mas sbyor du bcug pa'i zas za na/ sngar khyim du bos pa ma gtogs te ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa'i ni lto mthun/ nyes pa ni dge slong mas sbyor du bcug
 pa'i zas za ba'o/ /de la yang dge slong gang zhes bya ba ni/ drug sde 'am/ gzhan yang de lta bu gang yin pa'o/ /shes bzhin du zhes bya ba ni de bdag nyid kyis rigs pa 'am gzhan gyis brjod pa'o/ /dge slong mas zhes bya ba ni chos 'di pas so/ /sbyor du
 bcug pa'i zhes bya ba ni/ sbyor du bcug pa gnyis te/ tshul khrims kyis sbyar du bcug pa dang/ thos pas sbyor du bcug pa'o/ /zas zhes bya ba ni bca' ba lnga dang/ bza' ba lnga'o/ /za na zhes bya ba ni mgul du ming pa na'o/ /sngar khyim du bas pa ma gtogs
 te zhes bya ba ni/ sngar khyim du 'gron du bos pa bzhag ste'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ sbyin bdag gis dge slong mgron du ma bos pa la/ dge slong mas yon tan yang dag pa ma yin
 pa dag gis dag gi rnam par rig byed kyis zas sbyor du bcug pa dang/ bos pa la yang dge slong mas yon tan yang dag pa ma yin pa dag gis dag gi rnam par rig byed kyis zas lhag pa sbyor du bcug pa dge slong gis der 'du shes pas zos na/ dge
 slong mas sbyor du bcug pa za ba'i ltung byed kyis dngos gzhir 'gyur ro/ /'di'i byed pa po ni dge slong ma sbyor du bcug pa nyid la 'du shes gtso cher byed pa po yin no/ /'di la dge slong 'gron du ma bos pa dang/ bos pa gnyis ka la yan lag drug
 gis dngos gzhi'i ltung bar 'gyur te/ 'gron du ma bos pa la ni 'gron du ma bos pa nyid dang/ dge slong mas yang dag pa ma yin pa'i yon tan dang dag gi rnam par rig byed dang/ zas dang/ dge slong gis der 'du shes pa dang/ zos pa'o/ /'gron du bos pa
 la ni 'gron du bos pa nyid dang/ dge slong mas yang dag pa ma yin pa'i yon tan dang/ dag gi rnam par rig byed dang/ zas lhag pa sbyor du bcug pa dang/ dge slong gis der 'du shes pa dang/ zos pa'o/ /de dag las yan lag ma tshang na ci rigs
 par na smad do/ /dge slong mas sbyor du bcug pa'i ltung byed de sum cu pa'o// //so sor thar pa'i mdo'i gzhung 'grel// //bam po bcu gcig pa/ /sdom la/ yang yang dang ni 'dug gnas gcig /phye dang bca' dang stobs pa dang/
 'dus dang dus min gsog 'jog dang/ /kha nas ming dang bsod pa nyid/ /ces bya ba ni/ bcu pa bzhi pa yin te/ sdom la zhes bya ba'i tshig gi dan? dang dgongs pa ni snga ma bzhin no/ /bcu pa bzhi pa 'dis kyang ltung byed kyi chos bcu bstan te/ yang yang za pa
 dang/ 'dug gnas su za ba dang/ lhung bzed do gsum tsam las lhag par len pa dang/ stan gcig pa'i zas dang/ spangs pa la stobs pa dang/ 'dus shing za ba dang/ dus ma yin par za ba dang/ sogs 'jog dang/ byin len ma byas pa za ba dang/
 bsod pa slong ba'i ltung byed do/ /de la yang yang za ba'i ltung byed kyi gleng gzhi ni/ sangs rgyas bcom ldan 'das rgyal po'i khab nas/ yangs pa can ga la ba de logs su ljongs rgyu zhing gshegs nas/ yangs pa can na spre'u rdzing gi 'gram khang pa brtsegs
 pa'i khang bzangs na bzhugs so/ /khyim bdag drag shul can gyis de thos nas/ bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mdza' gcig tu 'dug nas/ bcom ldan 'das kyis
 khyim bdag drag shul can la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad do/ /rnam grangs du mar chos dang
 ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo/ /de nas khyim bdag drag shul can gyis bcom ldan 'das kyis dge slong
 gi dge 'dun dang bcas pa sang bdag gi sdu ma bar gdugs tshod gsol bar ci gnang/ zhes spyan drangs so/ /phyi de nyin par gdugs tshong la bab pa dang/ spyan 'dren gyis spyan drangs pa'i tshe dge slong gi dge 'dun ni zhugs so/ /bcom ldan 'das ni rdzas
 las byung ba na bzhugs shing bsod snyoms mngon par bsgrubs so/ /drug sde dag gis smras pa/ dga' bo nye dga' sbyin bdag gi khyim dag tu 'dong ngo/ /zhes de dag gis bsod snyoms pa zhig kyang khrid nas/ ches sngar yangs pa can du zhugs nas/ khyim
 bdag gi khyim dag tu dong ba dang/ de dag gis bslus pa dang/ 'phags pa dag zhal tshus gsol cig /drug sde dag gis smras pa/ kho bo cag 'gron du bos so sus/ khyim bdag drag shul can gyis so/ /de dag gis smras pa/ 'phags pa dag 'o na a
 mra'i khur ba dag gsol zhig /de ltar bya'o zhes de dag gis a mra'i khur ba dag zos so/ /bsod snyoms pa de mi za nas/ de dag gis smras pa 'phags pa khyod kyang a mra'i khur ba dag gsol zhig /des smras pa/ kho bo stan gcig pa yin no/ /de dag gis
 smras pa/ 'o na snoms te bzhud la de nyid du gsol cig /des lhung bzed chung ngu bkang ste der song ngo/ /de nas khyim bdag drag shul can gyis dge slong gi dge 'dun bde bar 'khod par rig nas/ bca' ba dang bza' ba gtsang zhing bsod pas rang gis lag
 nas tshim par byed cing/ bsod snyoms pa de'i mdun du 'dug pa dang/ bsod snyoms pa des bsams pa/ khyim bdag 'dis bdag la 'di ltar 'dis a mra'i khur ba dag zos so/ /zhes bya bar de ltar rig par 'gyur gyis/ ji srid 'dis bdag la klan ka
 ma rnyed pa de srid du bdag gis 'di la brjod par bya'o snyam nas smras pa/ khyim bdag bdag 'ba' zhig gis a mra'i khur ba dag zos par ma zad kyi/ drug sde 'di dag gis kyang a mra'i khur ba dag zos so/ /khyim bdag gis/ 'phags pa ci'i phyir de skad
 zer/ zhes sbyos te smras pa/ 'phags pa ci kho bo la a mra'i khur ba dag med snyam mam/ des zho shas 'tsho ba dag a mra'i khur pa dag gi sprog ma dag byed du bcug go /de nas dge slong bcom ldan 'das kyi bsod snyoms sgrub pa
 des/ skabs de bcom ldan 'das la rgyas par gsol ba dang/ bcom ldan 'das kyis snga ma bzhin du/ yang yang za na dus ma gtogs te lhur byed do/ /de la dus ni 'di yin te/ na ba dus so/ /las dus so/ /lam dus so/ /gos sbyin pa'i tshe
 dus te/ de la de ni dus yin no zhes bca' ba mdzad de/ yul ni spong byed/ gang zag ni drug sde/ nyon mongs pa ni zas la gdu ba/ nyes pa ni yang yang za ba'o/ /de la yang yang za na/ zhes bya ba ni yang yang du za na'o/ /dus ma gtogs te zhes bya ba ni
 dus bzhag ste/ ltung byed do zhes bya ba ni sems can dmyal ba dang/ dud 'gro dang/ yi dags ngan song dang/ ngan 'gro dang/ log par ltung ba dag tu sreg par byed/ 'tshed par byed/ ltung bar byed pa'o/ /gzhan yang ltung ba de ji srid du ma bshags
 shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la dus ni 'di yin te/ na ba dus so zhes bya ba ni 'di lta ste/ dge slong zas gcig gis 'tsho bar mi nus na'o/ /las dus so zhes bya ba ni
 'di lta ste/ dge slong gis dge 'dun gyi 'am/ mchod rten gyi las phyag dang re lde tsam byas sam/ dkyil 'khor ba mal tsam byas na'o/ /lam dus so zhes bya ba ni 'di lta ste/ dge slong dpag tshad phyed du song ngam/ de'i phyed du song ste phyir log na'o/ /gos
 sbyin pa'i tshe dus te zhes bya ba ni ras yug phran nam/ yug chen thob na'o/ /de la de ni dus yin no zhes bya ba ni bslab pa'i gzhi bca' ba mdzad pa de la de ni gnad pa'i dus yin pa'o/ /de la 'dir dngos gzhi'i ltung ba rnam par bzhag pa ni/ dge slong na ba
 ma yin pa dang/ las ma byas pa dang/ lam du ma song bas nyi ma gcig sbyin bdag tha dad pas cig car yang rung/ phyis kyang rung ste/ gos sam gos kyi rin gyis rnyed pa med pa'i zas bza' ba rnam lnga'i 'gron du bos pa gnyis pa rnyed pa zos na/ yang yang za
 ba'i ltung byed kyi dngos gzhir 'gyur ro/ /'di'i byed pa po ni/ 'gron du bos pa gnyis ka yang nyi ma gcig pa dang/ sbyin bdag tha dad pa dang/ zas za ba lta bu'i dus su ma gtogs pa'i rnyed pa nyid yin pa dang/ dge slong na ba dang/ las byas pa dang/ lam du
 song ba ma yin pa nyid dang/ 'gron du bos pa phyi ma la gos sam/ gos kyi rin gyi rnyed pa med pa nyid dang des zos pa'o/ /'di la yan lag lngas dngos gzhi'i ltung bar 'gyur te/ dge slong na ba 'am/ las byas pa 'am/ lam du song ba ma yin pa nyid dang/ 'gron
 du bos pa gnyis ka yan nyi ma gcig la sbyin bdag tha dad par zas bza' ba lnga'i khongs su gtegs pa'i zas kyi rnyed pa nyid yin pa dang/ snga ma zos pa dang/ 'gron du bas pa phyi ma la gos sam gos kyi rin gyi rnyed pa med pa nyid dang de zos pa'o/ /de dag las
 yan lag ma tshang na ci rigs par na smad do/ /yang yang za ba'i ltung byed de sum cu gcig pa'o/ /'dug nas su za ba ltung byed kyi gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs
 so/ /ri brags gcig na khyim bdag gcig 'dug go pa des/ phyogs bzhi'i dge sbyong dang/ bram ze rnams kyi don du 'dug gnas byed du bcug ste/ de 'dug nas de na phyogs bzhi'i dge sbyong dang/ bram ze gang 'dug pa de la bsod snyoms kyi mkho ba stobs
 par byed do/ /gang gi tshe bcom ldan 'das kyis mnyan yod? su? cho 'phrul chen po rnam par bstan te/ gzhan mu stegs can dag tshar bcad cing/ lha dang mi rnams kun tu dga' bar mdzad pa dang/ skye bo mdzangs pa dag gi snying rangs par mdzad pa de'i tshe na gzhan
 mu stegs can dag mdza' khob dag na rten cing gnas so/ /dus gzhan zhig na gcer bu pa drug cu re brags der lha gnas/ khyim bdag nges de dag la mkho ba stobs par byed pa/ de'i tshe na mnyan yod nas tshong pa dad pa can
 zhig zor thogs te ri brags der 'ongs pa de yang khyim bdag des der bos pa na/ tshong pa res 'di dag bcom ldan 'das kyi nyan thos dag yin gor ma chag gis seng la blta snyam nas der ngo tsha ba dang/ ji tsam na gcer bu pa ngo tsha rang khrel bong
 ba sha stag yin par mthong ngo/ /khyim bdag des de la smras pa/ grogs po sa bon bzod zhing/ zhing bang ngam/ des smras pa/ grogs po sa bon ni bzang na/ zhing ni gcer bu dang/ ngo tsha dang khrel bor ba sdig pa'i lta ba can dgon dud tshwa rgo can/ tha chad
 sdig pa can gyis gzhi sha stag yin no/ /khyim bdag gis smras pa/ grogs po zhing bzang po gzhan 'ga' yod dam/ des smras pa/ yod de/ bcom ldan 'das kyi nyan thos dag go /khyim bdag gis smras pa/ gal te de dag 'dir byon na/ bdag
 gis de dag la bsod snyoms kyis mkho ba bstabs par bgyi'o/ /tshong ba des zod bsgyur te/ rin blangs nas mnyan yod du song ste/ nye dga' la sbran ba dang/ drug sde dag ri brags der dod nas khyim bdag des de la mkho ba bstabs so/ /gcer pu ba de
 dag gis gcig gzhi srung du bzhag nas/ gzhan gshed du dod pa'i tshe/ drug sde dag gis gzhi srung de bskred nas/ de ni yun ring mo zhig tu za zhing 'dug nas/ re zhig na khyim bdag de ri brags gzhan zhig tu bya ba zhig la song ba'i phyir na drug sde dag
 gis/ de'i chung ma zas 'dril bal lus kyi skyon brjod cing/ 'phyas btags nas/ khyim bdag gza' bran ma dad par gyur te/ 'tsho ba rang gnas mal yang khang kyis phri ba na/ gcer bu pa'i gzhi bsrung bskrad pa des kyang/ rang gi dpung drug cu po
 dag ldan te/ drug sde dag dang gdol thabs kyi g.yul sprang nas drug sde dag gis rang rang gis kha mig dang khrims kyi rtsa ba tsam bsrungs te/ gcer bu pa drug cu po dang/ rgya lcag dag dang/ khu tshur dag dang/ rdog pa dag dang/ lcug ma dag gis shin tu
 btal cing brims nas/ de dag gis gcer bu pa rdeg bzhin du 'dug gnas kyis nang nas pha rol tu 'jigs te byung ba dang/ bram ze dang khyim bdag dag gis/ de dag thos nas smras pa/ shes ldan dag /ltos shig ltos shig /dge sbyong g.yul
 gyed pas char 'bab par ro zhes zer ro/ drug sde dag gis smras pa/ dga' bo nya dga' spyod yul tshig cing ma bdag zhi bar ma gyur gyis tshur shig gnyan yod du 'dod do/ zhes de dag mnyan yang du dod pa na/ lho phyogs nas 'jig rten rgyang
 ban pa'i rgol ba 'char ka zhes bya ba zhig mnyan yod du 'ongs pa tshe dang ldan pa shA ri'i bus brtul te/ legs par gsungs pa'i chos 'dul ba la rab tu byung zhing bsnyen par rdzogs par byas nas dgra bcom pa nyid kyi 'bras bu mngon sum du byas
 shing de la rten nas skye bo phal pa tshogs 'bum phrag du ma dag gis kyang 'phags pa'i 'bras bu thob par gyur pa'i tshe/ drug sde dag mnyan yod du lhags nas dge slong rnams kyis de dag la smras pa/ tshe dang ldan pa dag 'ongs pa legs so/ /'ongs
 pa legs so/ /khyed cag ga las 'ongs/ tshe dang ldan pa shA ri'i bus/ lho phyogs nas 'jig rten rgyang ban pa'i rgol ba bram ze kun tu rgyu 'char ka zhes bya ba 'gyed 'dod cing 'gyed pa'i yo byad kyi phyir 'ongs pa tshar bcad de/ g.yul las rnam par
 rgyal lo/ /drug sde dag gis smras pa/ tshe dang ldan pa dag 'di ltar tshe dang ldan pa shA ri'i bu tshogs can gnyis pa chos kyi dmag dpon chos kyi 'khor lo rjes su bskor bas rgol ba gcig tshar bcad pa 'di'i ngo mtshar ci che/ gal te tshe dang ldan
 pa shA ri'i bus tshar bcad par ma gyur na yang/ bcom ldan 'das klad na bzhugs pas de ngo mtshar mi che'i/ kho bo cag mi drug gis gcer bu pa drug cu tshar bcad pa ngo mtshar che'o/ /rigs pa'i gnas gang la/ dbyug pa'i regs pas
 lus la chos bshad pas so/ /ci 'tsho 'am 'on te 'chi/ de'i tshe na ni 'tsho na da tsam 'tsho 'am/ shi gtong la med do/ /zhes zer nas dge slong don nyung du dag ci'i phyir/ dge slong dag yan lag gis ngo tsha bar bya ba'i yan lag de nyid kyis rlom par
 byed ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ 'dug nas gcig tu zhag lon pa'i dge slong min pas bsod
 snyoms gcig bza' bar bya'o/ /de las lhag par za na ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni 'dod chen dang thab krol byed pa/ nyes pa ni 'dug gnas gcig tu zhag lon pas bsod
 snyoms gcig las lhag par za ba'o/ /'dug gnas gcig tu zhag lon pa'i zhes bya ba ni mu stegs can gyis 'dug gnas su zhag lon pa'o/ /dge slong zhes bya ba ni chos 'di pa'o/ /min pas zhes bya ba ni na ba ma gtogs pas so/ /bsod snyoms
 gcig bza' bar bya'o/ /zhes bya ba ni zan lan gcig go /de las lhag par za na/ zhes bya ba ni/ de las lan mang du za na'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong min pas chos
 'di pa'i ma yin pa bdag po khyim ba dang bcas pa mu stegs can gyi 'dug gnas su zhag gcig lon pa la sbyin bdag gis ma bstabs par nyi ma gnyis pa'i bsod snyoms zos na/ 'dug gnas su za ba'i ltung byed kyi dngos gzhir 'gyur ro/  
 'di'i byed pa po ni/ dge slong mi na ba sbyin bdag gis ma bstabs pa la/ chos 'di pa'i ma yin mu stegs can gyi 'dug gnas bdag po khyim pa dang bcas pa byed pa po nyid yin no/ /'di la yan lag drug gis dngos gzhi'i ltung bar 'gyur te/ dge slong mi
 na ba dang/ sbyin bdag gis ma bstabs pa dang/ 'dug gnas chos 'di pa'i ma yin pa gzhan mu stegs can gyi yin pa dang/ bdag po khyim pa dang bcas pa dang/ dge slong der zas zos nas zhag gcig lon pa'i nyi ma gnyis pa'i bsod snyoms zos
 pa'o/ /de dag las yan lag ma ching na ci rigs par na smad do/ /'dug gnas su za ba'i ltung byed de sum cu gnyis pa'o// //lhung bzed ngo gsum ces las lhag par len pa'i ltung byed kyi gleng gzhi ni/ sangs rgyas bcom ldan 'das mnyan
 yod na rgyal bu rgyal byed kyi tshal mgon med zas sbyin gyi kun dga' rab na bzhugs so/ /mnyan yod na khyim bdag gcig 'dug pa rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do//
 de la bu mo g.yas zhar ma cig byung nas/ de bsrings shing bskyed de chen mor gyur to/ /bu mo de'i na zla gzhan thams cad bag mar gtad na/ bu mo de g.yas zhar ma yin pa'i phyir slong ba 'ga' yang ma 'ongs so/ /mnyan yod na khyim bdag gzhan zhig 'dug pa
 des rigs mnyam pa las chung ma blangs nas/ de'i chung ma de rang gi las dag gis dus la bab po/ /des chung ma gnyis pa dang/ gsum pa nas bdun pa'i bar du blangs pa dang/ de dag kyang de bzhin du dus la bab bo/ /khyim bdag de yang skur pa btab par gyur
 pa'i las dag gis chung ma gsod pa zhes bya ba'i ming du gyur te/ de yang gzhan gyi bu mo dang/ yugs sa mo yan chad bslangs na sus kyang ma ster nas/ de rang nyid son ma byed cing 'dug go /de'i chung po grogs shig gis smras pa/ gal te de lta na g.yas zhar
 ma slongs shig ces zer nas des g.yas zhar ma'i pha ma dag las g.yas zhar ma blangs te/ bag mar blang ba'i dus btab bo/ /de'i chung po grogs po de yang 'gyod pa skyes te/ bdag gis grogs po la g.yas zhar ma slongs shig ces
 bskul ba de ni ma legs pa zhig byas te/ de mtshan ngan pa yin pas des grogs po gsod par gyur na mi rung gis/ de bor la bdag gi srid mo yugs sa mo zhig yod pa sbyin na snyam nas/ des de la de skad ces smras pa dang/ khyim bdag des
 smras pa/ grogs po de de bzhin dor bar mi nus te/ 'on kyang 'di la thabs kyi rnam pa zhig bya'o/ /g.yas zhar ma'i ma des kyang bag rdzongs sta gon bya bar brtsams so/ /drug sde dag gi sbyin bdag yin pas/ drug sde dag snga dro sham thabs bgos
 lhung bzed dang chos gos thogs te/ mnyan yod du bsod snyoms la zhugs nas mthar gyis bsod snyoms la rgyu ba na/ khyim der zhugs pa dang/ ji tsam na g.yas zhar ma brdzang ba dang/ gnyen ston gyi khur bdag sreg pa mthong nas/ de dag gis
 smras pa/ sring mo dus ston la bab du nye 'am ci/ des smras pa/ 'phags pa dag khyod kyi lcam mo bag mar mchi ba la thugs nas de'i bag rdzangs sta gon bgyid do/ /drug sde dag gis smras pa/ sring mo kho bo cag gis kha zas dag cung zad mi 'thob
 bam/ 'phags pa dag khyed cag la su zhig gis dbul 'tshal 'di nyid khyed kyi lags so zhes de lag brkyang ste/ de dag gis lhung bzed thams cad khur ba dag gis bkang nas drug sde dag gis de'i kha zas thams cad bsdus te song ngo/ /de nas
 g.yas zhar ma'i phas chung ma gsod pa la bu bdag cag gis kha zas dag sta gon byas par gyur pa gang yin pa de sbyin gnas dag gis bzhes kyis/ de nye du dag gis phyir kho zas sta gon byed kyi bar du sdod cig ces smras pa dang/ chung ma gsod
 pas smras pa/ kho bo mi sdong de gal te nyi ma de nyid la bag ma rdzong zhing sbyin na ni bag mar blang ngo/ /gal te mi sbyin na kho bo chung ma gzhan len gyis/ khyod kyis bu mo dor bar bya'o zhes zer nas/ g.yas zhar ma'i pha mas dus su ma rdzongs pa'i skabs su chung ma
 gsod pas g.yas zhar mi blang byas pa na g.yar zhar ma'i phas/ chung ma gser pa bzung ste/ rgyal po'i pho brang du 'dod pos nas shags la bkug pa dang/ chung ma gsang bas g.yas zhar ma'i pha pham bar byas so/ /g.yas zhar ma'i ma de bdag gi bu mo ma
 lom mo/ /zhes du zhing 'dug pa dang/ de'i dngos kyi khyim tshes odag/ shAkya'i bu'i dge sbyong rnams kyi dge sbyong gi tshul ni tshig go /bram ze'i tshul ni tshig ste/ 'di ltar bu mo byin zin pa'i bar chad byed do zhes smod par byed/ phyar ka gtod par byed/ kha zer bar byad
 pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ dge slong rab tu mang po dag khyim rnams su dong ba las/ gal te de dag la bram ze dang/ khyim bdag dang nga can dag gis phye dag dang khur
 ba dag dus kyis stobs par gyur la/ 'dod ni dge slong de dag gis lhung bzed gang ba gnyis sam gsum blang bar bya'o/ /de las lhag par len na ltung byed do/ /lhung bzed gang ba gnyis sam gsum blangs nas phyi rol kun dga' ra bar dong la/ dge slong
 'khod pa rnams la yang bgo bsha' bya/ bdag cag kyang bza' bar bya ste/ de la de ni cho ga yin no zhes bca' ba mdzad de/ yul ni mnyan yod/ gang zag ni drug sde/ nyon mongs pa ni lo bdun/ nyes pa ni sbyin bdag khyim pas yongs su ma spags
 pa ci bder ma byas pa'i ka zas bstabs pa la lhung bzed 'bring tshad gsum las lhag par len pa'o/ /de la dge slong zhes bya ba ni drug sde dag go /rab tu mang po dag ces bya ba ni nyis las lhag pa ni rab tu mang po dag go /khyim rnams su
 zhes bya ba ni bram ze dang khyim bdag dag gi khyim rnams so'o/ /dong ba las zhes bya ba ni song ba las so/ /gal te de dag la zhes bya ba ni/ dge slong de dag la'o/ /bram ze dang khyim bdag dad pa can dag gis zhes bya la/ dad pa zhes bya ba ni
 sangs rgyas la mngon par dad pa dang/ chos dang dge 'dun la mngon par dad pa dang/ sangs rgyas la skyabs su song ba dang/ chos dang dge 'dun la skyabs su song bdag go /phyi dag ces bya ba ni/ phyed dang 'deg gu dag go /khur ba dag ces bya ba ni bag btsos
 dag go /dus kyis stobs par gyur la zhes bya ba ni/ yang dang yang du stobs par gyur la'o/ /'dod na zhes bya ba ni gal te don du gnyer na'o/ /dge slong dag gis zhes bya ba ni dge slong gang yin pa dag gis so/ /lhung bzed gang ba gnyis sam gsum blang
 bar bya'o zhes bya ba la/ lhung bzed ni gsum ste/ chen po dang 'bring dang chung ngu'o/ /de la chen po ni gang du 'bras thug po che drus pa skam po/ /ma ga d+ha'i bre'u chung ngo btsos pa sran tshod dang bcas/ tshod ma dang bcas pa blugs na kha'i cha'i mdza' kho nas mthe
 po'i lto gang gis mi reg pa'o/ /'bring ni bre'u chung phye dang do btsos pa de lta bu'o/ /chung ngu ni bre'u chung gag bcos pa de lta bu'o/ /ma ga d+ha'i bre'u chung gang la ni 'bras thug po che drus pa skam/ ma ga d+ha'i srang bcu drug ste/ ma ga d+ha pa'i srang gcig la bod kyi
 srang gnyis yod do/ /'bras thug po che drus pa skam/ ma ga d+ha'i bre'u chung gang la bod kyi srang ni sum cu rtsa gnyis yod do/ /phul tshad du brtsis na ni bdun phul do dang khyor gang yod do/ /ma ga d+ha'i bre'u chung phyed dang dol ni/ bod kyi bdun phul phyed dang bzhi
 yod do/ /mi ga d+ha'i bre'u chung do la ni bod kyi bdun phul bzhi dang khyor do yod do/ /'bras drus pa skam ni chan du btsos na su ma 'gyur du brtsi'o/ /de ltar na lhung bzed chen po ni 'bras thug po che drus pa skam/ bod kyi bdun phul bzhi dang/ khyor do btsos pa'i chan
 bre do de'i rkyen gyi tshod ma dang bcas pa blugs na 'theb sor gcig gis ma gang ba'o/ /lhung bzed 'bring ni 'bras thug po che drus pa skam bod kyi phul phyed dang bzhi/ btsos pa'i tshon bre phyed dang do/ /de'i rkyen gyi tshod ma dang bcas pa blugs na 'theb sor
 gcig gis ma gang ba'o/ /lhung bzed chung ngu ni/ 'bras thug po tshe dus pa skam bod kyi bdun phul do dang/ khyor gang btsos pa'i chan bre gang de'i rkyen gyi tshod ma dang bcas pa blugs na/ 'theb sor gcig gis ma gang ba'o/ /lhung bzed kyi kha'i cha'i mdza' o
 zhes bya ba'i ni kha'i zur gang du mchus rdub pa'o/ /mthe bo'i lto gang zhes bya ba ni 'theb ser gcig ste/ mthe bo'i tshigs dang po zur ya gcig nas lto rol du bkris te/ zur ya gcig la thug pa'o/ /'dir lhung bzed gang ba gnyis sam gsum
 blang bar bya'o zhes gnang ba ni/ gsum man chad ci 'dod pa blang bar bya'o/ /ltung ba rnam par bzhag pa la ni/ lhung bzed 'bring po'i tshad dang sbyar te/ lhung bzed 'bring po'i tshad kyi 'bras chan bre phyed dang do la ni/ 'bras thug po che drus pa skam/ ma ga d+ha'i
 bre'u chung phyed dang do yod/ lhung bzed 'bring po gsum gyi tshad kyi 'bras chan bre phyed dang lnga la ni/ 'bras thug po che drus pa skam/ ma ga d+ha'i bre'u chung phyed dang do yod/ lhung bzed 'bring po gsum gyi tshad kyi 'bras chan phyed dang lnga la ni/ 'bras thug
 po che drus pa skam/ ma ga d+ha'i bre'u chung phyed dang lnga yod do/ de man chad ci 'dod pa blang bar bya'i/ de las lhag par len na ltung byed du 'gyur te/ 'dir gzhung ni dge slong gis ji tsam du bre'u chung phyed dang lnga las lhag pa'i bsod snyoms len na
 thams cad du ltung byed do zhes gsungs pa yin te/ de ni 'bras skam po'i tshad las dgongs te gsungs pa yin no/ /de la chan du btsos na sum 'gyur du brtsi bas/ 'bras drus pa skam bre'u chung phyed dang lnga la 'bras chan bre'u chung phyed dang bcu bzhi?
 yod/ /su la brtsin 'bras drus ba skam bre'u chung phyed dang lnga la bod kyi bre phyed dang ngo yod do/ /de'i chen? ni sum 'gyur te bre phyed dang lnga yod do/ /de ni lhung bzed gnyis sam gsum la 'bras skam ni bre phyed dang ngo/ /'bras chen ni
 bre? phyed dang lnga yod do/ /de lta na lhung bzed gnyis sam gsum las 'bras skam ni bre phye dang ngo/ /'bras chan ni bre phyed dang lnga yod de/ /'bras chan bre phyed dang lnga de'i rkyen gyi bya na dang/ tshong ma dang bcas pa man chad blugs par bya'i/ de'i las
 lhag na ltung byed du 'gyur ro/ /phye dang khur ba la sogs pa bza' ba dang/ bca' ba'i bsod snyoms gzhan dag la yang bdag dgag pa'i tshad ni/ 'bras chen bre phyed dang lnga de'i rkyen gyis bya na dang/ tshong ma dang bcas pa 'dis ci rigs par bsgre zhing
 brtsi'o/ /dge slong ma rnams kyi lhung bzed chen po/ /dge slong rnams kyi lhung bzed chung ngu dang tshang pa cig ste/ 'bri ba dang chung ngu yang de bzhin du na smad do/ /chung tshang ni 'grangs ba tsam shod pa yin no/ /de las lhag par len na zhes bya ba ni lhung bzed
 'brid gsum gyi tshang 'bras chan bre phyed dang lnga/ de'i rkyen gyi bya na dang/ tshong ma dang bcas pa de las lhag par len na'o/ /phye dang khur ba la sogs pa bza' ba dang/ bca' ba'i bsod snyoms gzhan dag la yang tshang 'di ci'i rigs par bsgre zhing
 brtsis pa las lhag par len na'o/ /ltung byed do zhes bya ba ni snga ma bzhin no/ /lhung bzed gang ba gnyis sam gsum blangs nas/ phyi rol kun dga' ra bar dong la/ dge slong bsod snyoms pa rnams la yang bgod shA bya ba ni/ blang bar bya ba 'bras
 thug po che drus pa skam/ ma ga b+ha'i bre'u chung phyed dang btsos pa'i chan/ bod kyi bre phyed dang lnga/ de'i rkyen gyi bya na dang/ tshong ma dang bcas pa tsam ste/ gal te bdag nyid grogs dang bcas pas bza' ba las lhag cing mang pa nyid len na/ khyim gyi phyi
 rol tu gtsug lag khang du dong la/ de na dge slong gang dag 'khod pa rnams la yang sbyin par bya'o/ /bdag cag kyang bza' bar bya ste/ zhes bya ba ni blang bar bya ba la gal te mang ba nyid yin na/ dge slong dag la yang bgo bsha' bya/ bdag
 cag kyang bza' bar bya'o/ /gal te mang ba nyid ma yin na/ dge slong dag la bgo bsha' bya ba gdon mi za bar bya ba ma yin te/ bdag cag kyang bza' bar bya ba kho na yin no/ /de la de ni cho ga yin no/ /zhes bya ba ni bslab pa'i gzhi bca' 
 ba mdzad pa de la de ni nges pa yin pa'o/ /de la 'dir dngos gzhi'i ltung ba rnam par bzhag pa ni/ dge slong gcig gam/ gnyis sam/ rab tu mang po dag kyang rung/ bdag khyim rnams su dong ba la/ sbyin bdag khyim pa stobs pa'i bsod
 snyoms yongs su ma spags pa/ ji bder ma byas pa/ lhung bzed 'bring po gsum gyi tshad/ 'bras thug po che drus pa skam/ ma ga d+ha'i bre'u chung phyed dang lnga la/ bod kyi bre phyed dang ngo yod pa/ btsos na bre phyed dang lnga de'i rkyen gyis bya na/ tshod
 ma dang bcas pa tsam las lhag pa mnos te zos na/ lhung bzed do gsum tsam las lhag par len pa'i ltung byed kyi dngos gzhir 'gyur ro/ /'di'i byed pa po ni/ sbyin bdag khyim pa stobs pa'i bsod snyoms yongs su ma spags pa/ ji bder
 ma byas pa/ dge slong gi lhung bzed 'bring po gsum gyi tshad las lhag ma mnos te/ za ba'o 'di la yan lag lngas dngos gzhi'i ltung bar 'gyur te/ sbyin bdag ma'i 'gro ba bar gtogs pa khyim pa skyes pa 'am/ bud med gang yang rung ba
 dang/ stabs pa'i bsod snyoms ma spags pa ji bder ma byas pa nyid dang/ lhung bzed 'bring po gsum gyi tshad las lhag pa nyid dang/ khyim nas mnos te khyer ba dang/ zos pha'o de dag las yan lag ma tshang na ci rig par na smad do//
 lhung bzed do gsum tsam las lhag par len pa'i ltung byed de sum cu rtsa gsum pa'o// //stan gcig pa'i zas kyi ltung byed kyi gleng gzhi ni/ sangs rgyas bcom ldan 'das mnyan yod na/ rgyal bu rgyal byed kyi tshal mgon med zas
 sbyin gyi kun dga' ra ba na bzhugs so/ /de nas bcom ldan 'das kyis dge slong rnams la bka' stsal pa/ dge slong dag pa ni stan gcig pa'i zas za ste/ de? stan gcig pa'i zas za ba ni snying las chung ngur tshor zhing gnod pa nyung ba dang/ nyam nga ba chung ba dang/
 bskyod pa yang ba dang/ 'tsho ba dang stobs dang ldan pa dang/ bde ba dang kha na ma tho ba med pa dang/ bde ba la reg par gnas par tshor ro/ /dge slong dag khyed kyang tshur shag la stan gcig pa'i zas zo zhig dang/ khyed kyang stan gcig pa'i zas za ba na/ snying las
 chung ngur tshor zhing gnod pa nyung ba dang/ nyam nga ba chung ba dang/ bskyod pa yang ba dang/ 'tsho ba dang stobs dang ldan pa dang/ bde ba dang/ kha na ma tho ba med pa dang/ bde ba la reg par gnas par tshor bar 'gyur ro/ /zas ma spangs pas ji tsam gyis chog pa
 bza' bar bya zhing/ zas brtsams pas slob dpon dang/ mkhan po dang/ bla ma dang/ bla ma lta bu mthong na yang ldang bar mi bya'o/ /bca' ba lnga po rtsa ba dang/ sdong bu dang/ 'dab ma dang/ me tog dang/ 'bras bu dag gis ni spangs par mi 'gyur la/ bza' 
 ba lnga po 'bras chan dang/ zan dron dang/ sha dang/ snum khur dang/ 'de gu dag gis ni spangs par 'gyur ro/ /rgyu lnga po zas yod pa dang/ zas stobs pa yod pa dang/ zas brtsams pa mod pa dang/ zas spangs pa yod pa dang/ spyod lam nyams pa
 dag gis ni spangs par brjod par bya la/ rgyu lnga po zas med pa dang/ zas stobs pa med pa dang/ zas brtsams pa med pa dang/ zas spangs pa med pa dang/ spyod lam las ma nyams pa dag gis na/ ma spangs par brjod par bya'o/ /gzhan
 yang? tshig lhag ma med pa lnga po thong zhig ces bya ba dang/ gzhan la byin cig ces bya ba dang/ song zhig ces bya ba dang/ zos zin to zhes bya ba dang/ tshog go zhes bya ba dag gis ni spangs par brjod par bya la/ tshig lhag ma dang bcas pa lnga po re zhig thong zhig
 ces bya ba dang/ re zhig gzhan la byin cig ces bya ba dang/ re zhig song zhig ces bya ba dang/ re zhig zos zin to zhes bya ba dang/ re zhig tshog go zhes bya ba dag gis ni ma spangs par brjod par bya'o/ /bcom ldan 'das kyis dge slong gis spangs pas
 bza' bar mi bya'o zhes bka' stsal nas/ drug sde dag spangs pas kyang za bar byed/ ma spangs pas kyang za bar byed nas/ dge slong don nyung ngu dag /bcom ldan 'das kyis dge slong gis spangs bas bza' bar mi bya'o zhes bka' stsal nas/ ci'i phyir
 dge slong spangs pas kyang za bar byed/ ma spangs pas kyang za bar byed/ ces smod par byed/ phyar ka gtong bar byed/ kha zem par byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin
 du/ yang dge slong gang zas zos zin cing spangs pa las lhag por ma byas par bca' ba 'am/ bza' ba 'cha''am za na ltung byed do zhes bca' ba mdzad do/ /yul ni mnyan yod/ gang zag ni drug sde/ nyon mongs pa ni bslab pa la g.yel ba
 dang bka' la ma gus pa/ nyes pa ni zas spangs pa za bar byed pa'o/ /de la yang dge slong gang zhes bya ba ni/ drug sde 'am/ gzhan yang de lta bu gang yin pa'o/ /zas zos zin cing spangs pa 'am/ zhes bya ba ni yongs su rdzogs shing mthar thug par
 byas pa las so/ /lhag por ma byas par zhes bya ba ni lhag mar ma byas shing ma bor yongs su ma gtad bar ro/ /bcom ldan 'das kyis lhag por byas te bza' bar rjes su gnang ngo zhes bka' stsal nas/ dge slong rnams kyis lhag por ji ltar bya ba
 mi shes nas/ bcom ldan 'das kyis bka' stsal pa/ dge slong zas zos zin cing spangs te yongs su rdzogs shing mthar thug par byas pa gang yang rung ba zhig gis bca' ba 'am/ bza' ba rnyed cing za bar 'dod na/ dge slong der
 lag pa gnyis pa snyal te byin len byas la/ dge slong zas zos zin cing ma spangs la/ spyod lam las ma nyams pa gang yin pa 'am/ dge slong zas zos zin cing spangs la spyod lam las ma nyams pa gang yin pa de'i mdun du tsog pur 'dug
 ste/ 'di skad ces brjod par bya'o/ /tshe dang ldan pa dgongs su gsol ba dag dge slong ming 'di zhes bgyi ba 'tshal ma 'tshal lags shing spangs te/ yongs su rdzogs shing mthar thug par bgyis pa 'am/ bca' ba dang bza' ba rnyed cing 'tshal
 bar 'tshal na/ lhag por bgyis te bdag la stsal du gsol/ des kham gnyis sam gsum zos nas 'di skad ces khyod kyir gyur gyis bzhud cig ces brjod par bya'o/ /de la dge slong zas zos zin cing ma spangs la spyod lam las ma nyams
 pa gang yin pa des ni bdag nyid kyi kham gnyis kham gsum zos nas lhag por bya'o/ /dge slong zas zos zin cing spangs la spyod lam las ma nyams pa gang yin pa des ni bza' bar mi bya bar lag par byin nas lhag par bya'o/ /rgyu lngas
 lhag por ma byas par brjod par bya'o/ /lnga gang zhe na/ mtshams kyi phyi rol du dang/ mi 'thob pa'i phyogs su dang/ rgyab nas dang/ glo nas dang/ spyod lam las nyams pa byed du 'jug pa'o/ /rgyu lngas ni lhag por byas par brjod par bya ste/
 lnga gang zhe na/ snga ma las bzlog pa dag go /gzhan yang rgyu lnga ma lhag por ma byas par brjod par bya ste/ lnga gang zhe na/ mtshams kyi phyi rol tu dang/ mi 'thob pa'i phyogs su dang/ lhung bzed kyi gzhir dang/ thu bar dang/ spyod lam las nyams
 ba byed du 'dzud pa'o/ /rgyu lngas ni lhag por byas par brjod par bya ste/ lnga gang zhe na/ snga ma las bzlog pa dag go /gcig gis lhag por byas pa mang po dag gis bza' bar bya ste/ 'di la 'gyod par mi bya'o/ /bca' ba 'am/ bza' ba zhes bya ba ni/
 bca' ba lnga pa dang/ bza' ba lnga po dag go /'cha''am za na zhes bya ba ni mgul du ming na'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par gzhag pa ni/ dge slong zas spangs pa nyid dang lhag por ma byas pa
 nyid kyis dus su rung ba'i zas gang yang rung ba zos na stan gcig pa'i zas kyi ltung byed kyi dngos gzhir 'gyur ro/ /'di'i byed pa po ni zas spangs pa nyid dang/ lhag por ma byas pa nyid dag la 'du shes gtso cher byed pa po nyid yin no 'di la yan lag
 lngas dngos gzhir ltung bar 'gyur te/ zas spangs pa nyid dang/ lhag por ma byas pa nyid dang/ der 'du shes pa dang/ dus su rung ba'i zas dang zos pa'o/ /de dag las yan lag ma tshang na ci rigs par na smad do/ /stan gcig pa'i zas kyi ltung byed
 de sum cu bzhi pa'o// //spangs pa la stobs pa'i ltung byed kyi gleng gzhi ni/ sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag gcig
 'dug pa des rigs mnyam pa las chung ma blangs nas de dang lhan cig rtse bar byed/ dga' bar byed/ dga' mgur spyod par byed do/ /de rgas pa'i gnas skabs su nye du zad pa dang/ nor zad pa dang/ longs spyod zad par gyur nas/ des chung ma la
 smras pa/ bzang mo kho bos rgas pa'i gnas skabs su nor sgrub mi nus kyis rab tu 'byung du 'gro'o/ /rje'i sras de bzhin du mdzod cig /de rgyal byed kyi tshal du song ste/ dge slong la rab tu 'byung bar gsol ba dang/ des de mkhan po spongs pa
 dgon pa na bsam gtan byed pa zhig yod pa'i gnas su khrid de/ de legs par gsungs pa'i chos 'dul ba la rab tu phyung zhing bsnyen par rdzogs par byas nas dge slong de la gted? btang ngo/ /dge slong des rgan zhugs de klog pa dang/
 slob tu 'jug pa na rgan zhugs de brjod ngas pas/ yang dang yang du ltung ba 'byin nas/ des de mdun du tsog pur 'dug tu bcug ste/ ltung ba 'chags su 'dzud par byed do/ /rgan zhugs nges bsams pa/ bdag slob dpon 'dis rtag tu mdun du
 tsog pur 'dug tu bcug ste/ ltung ba 'chags su 'jug pas/ bdag gis kyang 'di mdun du tsog pur 'dug tu btsug la/ ltung ba 'chags su gzhug pa'i thabs ji ltar yod snyam mo/ /khyim bdag gcig gis sangs rgyas la sogs pa dge
 slong gi dge 'dun khyim gzhan du gdugs tshod la spyan drangs nas/ sangs rgyas la sogs pa dge slong gi dge 'dun gshegs te/ sangs rgyas bcom ldan 'das kyis gdugs tshod gsol nas/ khyim bdag de la chos bstan par brtsams so
 dge slong des rgan zhugs de khrid do/ sbyin bdag gi khyim du song ngo/ /sbyin bdag gis de gnyis la zas bstabs nas/ de gnyis kyi kho bo cag zas zos zin to zhes spangs pa dang/ sbyin bdag gis smras pa/ snoms te bzhud la lhag por mdzod de gsol
 cig /gnyis kyi byin len byas te dong nas rgyal byed kyi tshal du phyin pa dang/ dge slong ni chu 'chag /rgan zhugs ni lhag por byed du bcugs pa na rgan zhugs kyis rang gi skal ba ni lhag por byas la/ dge slong de'i skal ba de ni lhag por
 ma byas so zhes de zar bcug nas/ de'i 'og tu khyod kyis lhag por ma byas pa'i bca' ba dang bza' ba zos kyis ltung ba de shogs shig ces byas pa dang/ dge slong des smras pa/ rgan zhugs kho bos ltung ba mi 'chags kyis/ 'di ltar khyod nyid
 ltung ba dang bcas par 'gyur ba gang yin pa de lta bu'i gnas yod par 'gyur ro/ /zhes des dge slong rnams la skabs de brjod pa dang/ dge slong don nyung ngu dag ci'i phyir dge slong dag shes bzhin dge slong dge slong zas zos zin cing/ spangs pa la skabs tshol
 zhing ji nas kyang dge slong 'di nyes pa byung bar bya'o snyam pa de nyid rkyen du byas nas/ tshe dang ldan pa 'di 'tsho zhig /'di zo zhig ces lhag por ma byas pa'i bca' ba dang bza' ba dus kyis stobs par byed/ /sa smod par byed/ phyar ka gtong bar byed/ kha zer
 bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang shes bzhin du dge slong zas zos zin cing spangs pa la skabs tshol zhing ci nas kyang dge slong 'di nyes pa byung
 bar bya'i snyem pa de nyid rkyen du byas nas/ tshe dang ldan pa 'di 'tsho zhig /'di zo zhig ces lhag por ma byas pa'i bca' ba dang bza' ba dus kyis stobs par byed na ltung byed do zhes bca' ba mdzad de/ yul ni mnyan yod gang zag ni dge slong rgan zhugs/
 nyon mongs pa ni nyes rtsom/ nyes pa ni shes bzhin du dge slong zas zos zin cing spangs pa la lhag por ma byas pa'i bza' ba dang btung ba dus kyis stobs pa'o/ /de la yang dge slong gang zhes bya ba ni chos 'di pa'o/ /shes bzhin du zhes bya ba ni de rang
 nyid kyis rig pa 'am/ gzhan dag gis brjod pas so/ /dge slong zhes bya ba ni chos 'di pa'o/ /zas zos zin cing spangs pa la zhes bya ba na yongs su rdzogs shing mthar thug par byas pa la'o/ /skabs tshol zhing zhes bya ba ni klan ka tshol zhing ngo//
 ci nas kyang dge slong 'di nyes pa 'byung bar bya'o snyam pa zhes bya ba ni ji nas kyang dge slong 'di ltung ba dang bcas par byas par 'gyur ro snyam pa po de nyid rkyen du byas nas zhes bya ba ni gzhan ma yin pa'o/ /tshe dang ldan pa 'di 'tsho zhig /'di zo zhig ces
 bya ba ni bca' ba dang bza' ba'o/ /lhag por ma byas pa zhes bya ba ni lhag mar ma byas shing ma bor yongs su ma btang ba'i'o/ /bca' ba dang bza' ba zhes bya ba ni bca' ba lnga po dang/ bza' ba lnga po dag go /dus kyis stobs na
 zhes bya ba ni yang yang du stobs na'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gis shes bzhin du dge slong zas zos zin cing spangs pa la lhag por ma byas pa'i zas rung ba dus kyi
 stobs na/ spangs pa la stobs pa'i ltung byed kyis dngos gzhir 'gyur ro/ /'di'i byed pa po ni/ zas spangs pa nyid dang/ lhag ma byas pa nyid dag la 'du shes gtso cher byed pa po nyid yin no/ /'di la yan lag lngas dngos gzhi'i ltung bar
 'gyur te/ dge slong zas spangs pa nyid dang/ lhag par ma byas pa nyid dang/ der 'du shes pa dang/ dus su rung ba'i zas dang/ bstabs pa'o/ /de dag las yan lag ma tshang na ci rigs par na smad do/ /spangs pa la stobs pa'i ltung byed de sum
 bcu lnga pa'o// //'dus shing za ba'i ltung byed kyi gleng gzhi ni/ sangs rgyas bcom ldan 'das rgyal po'i khab na 'od ma'i tshal bya ka lan ta ka'i gnas na bzhugs so/ /de'i tshe na lhas byin dge slong rab tu mang po dag dang/ lhan cig kun
 dang sa ra ba'i nang na 'dus shing zas za nas/ dge slong don nyung ngu dag ci'i phyir/ dge slong kun dga' ra ba'i nang na 'dus shing za bar byed ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom
 ldan 'das la gsol to/ /de nas bcom ldan 'das kyi snga ma bzhin du/ 'dus shing za na dus ma gtogs te ltung byed do/ /de la dus ni 'di yin te/ na ba dus so/ las dus so/ /lam dus so/ /grur zhugs pa dus so/ /'dus pa chen po
 dus so/ /dge slong gi zas dus te/ de la de ni dus yin no zhes bca' ba mdzad de/ yul ni rgyal po'i khab/ gang zag ni lhas sbyin 'khor dang bcas pa/ nyon mongs pa ni mi mthun pa 'dod pa/ nyes pa ni 'dus shing za ba'o/ /de la 'dus shing zhes bya
 ba ni mi mthun par za na'o/ /dus ma gtogs te zhes bya ba ni dus bzhag ste'o/ /ltung byed do zhes bya ba ni snga ma bzhin no/ /de la dus ni 'di yin te/ na ba dus so zhes bya ba ni 'di lta ste/ dge slong na ba zas gcig gis 'tsho bar mi nus pa'o/ /las
 dus so zhes bya ba ni 'di lta ste dge 'dun gyi 'am/ mchod rten gyi las tha na phyag dar re lde tsam 'am/ dkyil 'khor ba ma la tsam byas pa'o/ /lam dus so zhes bya ba ni 'di lta ste dge slong dpag tshad phyed du song ba 'am/ de'i phyed du song ste phyir 'ongs
 pa'o/ /grur zhugs pa dus so zhes bya ba ni 'di lta ste dge slong grur zhugs pa dpag tshad phyed du song ba 'am de'i phyed du song ste phyir 'ongs pa'o/ /'dus pa chen po dus so zhes bya ba ni spags pa'o/ /dge slong gi zas dus te zhes bya ba ni 'di las phyi
 rol pa'i rab tu byung ba dag 'khod pa de yang dge sbyong zhes bya ba'i grangs su 'gro'o/ /de la de ni dus yin no zhes bya ba ni/ bslab pa'i gzhi bca' ba mdzad pa de la de ni gnang ba dang mthun pa'i chos yin pa'o/ /de la 'dir dngos gzhi'i ltung ba
 rnam par bzhag pa ni/ dge slong na ba ma yin pa dang/ las ma byas pa dang/ lam du ma song ba dang/ grur ma zhugs pa so sor nges pa'i zas kyi gnas can dag las gzhan pa dge 'dun du longs pa'i dge slong cig car du za bas mtshams kyi nang
 du dge 'dun gzhi'i 'dug gnas su za ba las logs shig tu 'dus te/ dus ston chen po ma yin pa dang/ dge sbyong gis zas ma yin pa gang yang rung ba cung zad kyi gzhi'i 'dug gnas su za 'am/ 'dus shing za ba gang yang rung ba gcig la
 ma bsrul bar der 'du shes pas dus rung ba'i zas zos na 'du zhing za ba'i ltung byed kyis dngos gzhir 'gyur ro/ /'di'i byed pa po ni/ so sor nges pa'i zas kyis gnas can dag las gzhan pa'i dge slong gi dge 'dun du
 gyur pa mtshams kyi nang na gnas pa dag gi zan lhan cig ma yin pa nyid la 'du shes gtso cher byed pa po nyid yin no/ /'di la yan lag bcus dngos gzhi'i ltung bar 'gyur te/ dge slong na ba 'am/ las byas pa 'am/ lam du ma song ba
 'am/ grur zhugs pa ma yin pa nyid dang/ so sor nges pa'i zas kyi gnas can dag las gzhan pa nyid dang/ dge 'dun du longs pa'i dge slong cig car za ba dang/ mtshams kyi nang nyid dang/ dge 'dun gzhi'i 'dug gnas su za ba las
 logs shig tu 'dug pa dang/ dus ston chen po ma yin pa dang/ dge sbyong gi zas ma yin pa dang/ zas gang yang rung ba cung zad kyis gzhi'i 'dug gnas su za ba 'am 'dus shing za ba gang yang rung ba gcig la ma bsrul ba dang/ der
 'dus pa dang/ dus su rung ba'i zas zos pa'o/ /de dag las yan lag ma tshang na ci rigs par na smad do/ /'dus shing za ba'i ltung byed de sum cu drug pa'o// //dus ma yin par za ba'i ltung byed kyi gleng gzhi ni/ sangs rgyas bcom
 ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa maung+gal gyi bu chen pos nye bar 'khor la sogs pa sar pa skyes phran gzhon nu bcu bdun sde'i tshogs
 rab tu phyung zhing bsnyen par rdzogs par byas pa de'i tshe de dag snga dro sham thabs bgos lhung bzed dang chos gos thogs te/ mnyan yod du bsod snyoms la zhugs so/ /bud med ni sred pa spyad pa yin pas bud med kyis de dag mthong nas zad
 rdungs te smras pa/ 'di dag skyes pa na gang dag gis 'di dag skyes ma thag gi lce lan tshwas 'gengs par ma nus pa dang/ brla phrag tu khron pa bcug ste 'phreng bar ma nus pa de dag gis ji thob/ bcu bdun sde dag nyam nga bar gyur nas smras pa/
 bdag cag gis zan bcad par gyur pa ni bla'i/ tshig ngan rnam pa 'di lta bu dag thos par gyur pa ni mi rung ngo/ /zhes de dag nyid nas phyir log ste/ zan bcad par byas nas/ de dag gis ji srid du lus las mdangs ma yal ba de srid du dge ba'i
 phyogs la byas nas/ gang gi tshe lus las mdangs yal ba de'i tshe na glos phab ste nyal lo/ /grong khyer ba skyed mos tshal ba dga' ba dag /bza' ba dang btung ba khyer te/ mnyan yod kyi phyi rol rgyal byed kyi tshal du dong nas 'cha' bar byed za bar byed/ 'thung
 bar byed pa na/ bcu bdun sde dag gis de dag mthong nas lto ba la nyug par byed pa na/ de dag gis smras pa/ 'phags pa dag gsol bzhed dam 'dod do/ /de dag gis bcu bdun sde dag la bca' ba dang btung ba byin pa dang/ de dag gis longs
 spyad nas zung bsdebs te 'chag /kha ton bya bar brtsams pa dang/ nye dags de dag kha ton byed pa mthong nas smras pa/ kye ma'o bcu bdun sde dag gis shin tu brtson 'grus brtsams so/ /btsun pa nye dga' bcom ldan 'das kyis bde na chos mngon
 par rjod par byed do/ /sbyin pa po dang/ sbyin bdag gis len pa po la zas byin pa ni gnas lngar sbyin par byed de/ tshe sbyin pa dang/ kha dog sbyin pa dang/ stobs sbyin pa dang/ spobs pa sbyin pa dang/ brtson 'grus sbyin pa ni bde bar 'gyur ro zhes
 bka' stsal pa legs par gsungs pa yin te/ zos na stobs dang ldan par 'gyur gyi/ ma zos na mi 'gyur ro/ /khyor? gyis zos sam zos so/ /khyed dus ma yin par bzar rung ngam/ gal te dus su ma rnyed na kho bo cag gis ltogs te 'chi
 bar bya 'am ci zhes zer nas/ dge slong don nyung ngu dag ci'i phyir dge slong dag dus ma yin par bca' ba dang/ bza' ba za bar byed ces smod par byed/ phyar ka gtong bar byed/ kha zer bar byed pa'i skabs de/ dge slong rnams
 kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang dus ma yin par bca' ba 'am/ bza' ba 'cha' ba 'am/ za na ltung byed do zhes bca' ba mdzad de/ yul ni mnyan yod/ gang zag
 ni bcu bdun sde/ nyon mongs pa ni sbyor mi bzod pa/ nyes pa ni dus ma yin par za ba'o/ /de la yang dge slong gang zhes bya ba ni bcu bdun sde 'am/ gzhan yang de lta bu gang yin pa'o/ /dus ma yin par zhes bya ba ni/ dus ma yin pa
 gnyis te/ skya reng ma shar ba dang/ phyed yol ba'o/ /bca' ba 'am bza' ba zhes bya ba ni/ bca' ba lnga po dang/ bza' ba lnga po dag go /'cha''am za na zhes bya ba ni mgul du ming na'o/ /ltung byed do/ /zhes bya ba ni snga ma gzhin no/
 de la 'dir dngos gzhi'i ltung ba rnam par bzhag pa ni/ dge slong mi na bas 'dzam bu'i gling la sogs pa gnas gang na bdag nyid gnas pa'i rang gi nyi ma phyed yol phan chad nas phyi de nyin par gyi skya rengs dang po ma shar bar/ shes
 bzhin du bca' ba dang bza' ba 'tshes? sam/ zos na dus ma yin par za ba'i ltung byed kyi dngos gzhir 'gyur ro/ /'di'i byed pa po ni/ dus ma yin pa de nyid la 'du shes gtso cher byed pa po nyid yin no/ /de la yan lag lnga dngos
 gzhi'i ltung bar 'gyur te/ dge slong mi na ba dang/ dus ma yin pa nyid dang/ der 'du shes pa dang/ dus su rung ba'i zas dang/ zos pa'o/ de dag las yan lag ma tshang na ci rigs par na smad do/ /dus ma yin pa za ba'i ltung byed de/
 sum cu bdun pa'o// //gsog 'jog gi ltung byed kyi gleng gzhi ni/ sangs rgyas bcom ldan 'das gnyan yod na/ rgyal bu rgya byed kyi tshal mgon med zas sbyin gyi kun dga' ra ba na bzhug so/ /tshe dang ldan pa nag po'i kun tu spyod pa
 ni/ grong ngam grong rdal gang na nye bar bsten cing gnas pa na/ de snga dro sham thabs bgos/ lhung bzed dang chos gos thogs te/ grong ngam grong rdal de nyid du lus shin tu bsrungs pa dang/ dbang po rnams kyis shin tu bsdams pa dang/ dran pa
 shin tu nye bar gzhag pas bsod snyoms la 'jug cing/ gal te 'bras chan gsher ba rnyed na ni/ lhung bzed kyis len par byed/ gal te 'bras chan skam po rnyed na ni/ lhung bzed kyi snod kyis len par byed de/ de grong ngam grong rdal der bsod
 snyoms brgyus nas gtsug lag khang du song ste/ /'bras chan gsher ba ni za bar byed/ 'bras chan skam po ni skams nas/ rdza ma so btang ba bkang ste 'jog par byed cing/ de rlung ngam/ yul ngan byung ba 'am/ char pa 'bab pa 'am/ lhags
 pa byung bar gyur pa na/ 'bras chan skam po chu dron pos spangs te? zos? nas/ bsam gtan dang/ rnam par thar pa dang/ ting nge 'dzin la snyoms par 'jug pa'i bde ba dag nyams su myong bar byed do/ /de nas bcom ldan 'das dge slong gi tshogs
 kyis yongs su bskor cing/ dge slong gi dge 'dun gyis bdun? du bdar te/ gtsug lag khang du rgyu zhing gshegs pa ni/ tshe dang ldan pa nag po'i gtsug lag khang ga la ba der gshegs so/ /de'i tshe na/ tshe dang ldan pa nag po'i gtsug lag khang ga na
 'bras chan skam po rab tu mang po dag bting zhing 'dug pa/ bcom ldan 'das kyis gzigs nas/ tshe dang ldan pa kun dga' bo la rmas pa dang/ tshe dang ldan pa kun dga' bos rgyas par gsol to/ /bcom ldan 'das kyis bka' stsal pa/ kun
 dga' bo dge slong dag gsog 'jog byas pa za'am/ btsun pa 'tshal lo/ /de nas bcom ldan 'das kyis snga ma bzhin du/ yang dge slong gang bca' ba dang bza' ba gsog 'jog byas pa 'cha''am za na ltung byed do/ /zhes
 bca' ba mdzad de/ yul ni mnyan yod/ gang zag ni tshe dang ldan pa nag po/ /nyon mongs pa ni bag chags ma byang bas/ so sor ma brtags pa/ nyes pa ni zas gsog 'jog byas pa za ba'o/ /de la yang dge slong gang zhes bya ba ni/ tshe dang ldan
 pa nag po 'am/ gzhan yang de lta bu gang yin pa'o/ /bca' ba dang bza' ba zhes bya ba ni/ bca' ba lnga po dang/ bza' ba lnga po dag go /gsog 'jog byas pa zhes bya ba ni gsog 'jog byas pa rnam pa gnyis te/ snga dro byin len byas pa phyi dro'i
 bar du gsog 'jog byas pa dang/ phyi ro byin len byas pa thun tshod las yol bar gsog 'jog byas pa'o/ /'cha''am za na zhes bya ba ni mgul du mid na'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam
 par bzhag pa ni/ dge slong gis dus su rung ba'i zas bca' ba lnga dang/ bza' ba lnga las gang yang rung ba byin len byas pa ma zhig pa bca' ba'i phyir 'chang ba phyed yol las 'das pa sogs 'jog tu gyur ba la der 'du shes pa zos
 na gsog 'jog gi ltung byed kyi dngos gzhir 'gyur ro 'di'i byed pa po ni/ dus su rung ba'i zas bca' ba lnga dang/ bza' ba lnga po dag nyid gsog 'jog tu gyur pa de nyid la 'du shes gtso cher byed pa po nyid yid yin no/ /'di la yan lag bzhis
 dngos gzhi'i ltung bar 'gyur te/ dus su rung ba'i zas bca' ba 'am bza' bar gtogs pa dang gsog 'jog tu gyur ba dang/ der 'du shes pa dang zos pa'o/ /de dag las yan lag ma tshang na ci rigs par na smad do/ /gsog 'jog gi ltung
 byed de sum cu brgyad pa'o// //so sor thar pa'i mdo'i gzhung 'grel// //bam po bcu gnyis pa/ /byin len ma byas par za ba'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal bu rgyal byed kyi tshal
 mgon med zas sbyin gyi kun dga' ra ba na bzhugs so/ /tshe dang ldan pa nag po chen po ni thams cad dur khrod pa dang ldan pa yin te/ de'i lhung bzed kyang dur khrod pa yin/ chos gos kyang dur khrod pa yin/ bsod snyoms kyang dur khrod pa yin
 gnas mal yang dur khrod pa yin te/ gang gi tshe skye bo phal po che la mi ngas byung ba/ de'i tshe na/ tshe dang ldan pa nag po chen po tsho ba dang/ pags pa dang/ sha dang/ khrag rgyas par gyur pa dang/ de yang dang yang du grong du bsod snyoms la 'jug
 par mi byed la gang gi tshe skye bo phal po che la mi ngas ma byung ba de'i che na/ tshe dang ldan pa nag po chen po ring pa dang/ nyam chung ba dang/ rke ba dang/ sam pa dang/ lus ma thob par gyur cing/ de yang dang yang du bsod snyoms la 'jug par byed
 de/ sgo bas de mtshan mar bzung nas 'phags pa nag po chen po 'dir? sha za 'am snyam zhing thams cad du yang 'phags pa nag po chen po mi sha za'o zhes sgra grags so/ /mnyan yod na bram ze izhig 'dug pa des/ rigs mnyam pa las
 chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /de'i bu mo zhig byung nas ba sring zhing bskyed de chen por gyur to/ /dus gzhan zhig na bram ze de dus la bab nas nye du rnams kyis gos
 sngon po dang/ ser po dang/ dmar po dang/ dkar po dag gis khyogs spyil brgyan nas dur khrod du khyer te bsregs shing dong nas/ de'i chung ma dang bu mo gnyis mdza' gcig tu dong ste bsdad pa dang/ tshe dang ldan pa nag po chen po de'i gdong
 du lta zhing/ sdong pa mthong nas/ bu mos smras pa/ yum 'phags pa nag po chen po 'di bya rog mo zhar ma bzhin du nges par rtog cing sdod po zhes/ dag gi las rtsub mo yang smras par gyur to/ /mnyan yod na bram ze'i khye'u dag
 gis/ 'phags pa nag po chen po mi sha za'o zhes thos nas/ de dag gis de bag ma ba'i phyir gcig shi ba'i cha lugs su byas nas/ yungs dang 'bru mar gyis bskus te/ khyogs spyil bu bzhag nas/ mnyan yod nas phyir byung bar brtsams
 pa dang/ tshe dang ldan pa nag po chen po yang mnyan yod du bsod snyoms la zhugs te/ des de mthong nas bsams pa/ bdag dgang dka' ba 'di'i don du gong du bsod snyoms la zhugs te ci rung/ phyir log la zas lnga po 'di dag
 nyid bza' bar bya'o snyam nas de phyir log go /de dag gis de dur khrod du bor te/ mdza' gcig tu dong nas tshang tshing dang lhab lhub dag gi nang du mgo dkris te bsngad do/ /der wa? zhig gis bgrong par brtsams pa dang/ tshe dang ldan pa
 nag po chen pos bsam pa was zas lnga po dag zos shing bdag zan chad par gyur na mi rung ngo snyam du rig nas/ des myur pa myur bar 'gro bar brtsams pa dang/ bram ze'i khye'u de skrag ste/ khau zos so khau zos so zhes du bar brtsams
 so/ /bram ze'i khye'u de dag dbyug pa thogs te myur ba myur bar dong nas de dag gis smras pa/ 'phags pa drang srong gi rgyal mtshan thogs shing/ sdig pa'i las rtsub po 'di dag dang/ 'di lta bu dag lhag par spyod dam des smras
 pa ji byas mi sha za'o/ /bzhin bzangs dag ci khyed kyis khau mtshon thogs te/ sha gcod cing za ba mthong ngam/ /de dag gis smras pa/ 'o na ci'i slong du myur pa myur bar byon/ bzhin bzangs dag /kho bo la blo skyes pa/ wa 'dis
 za lnga po 'di dag zos shing bdag gis zan chad par gyur na mi rung ngo snyam du rig nas myur ba myur bar 'ongs so/ /'phags pa zas lnga po dag gsol lam/ mi sha gsol ni ma 'tshal gyi 'di ltar thams cad 'phags pa nag po chen po mi sha gsol
 zhes ni grags par gyur to/ /zhes zer pa'i skabs de/ dge slong rnams kyis bcom ldan 'das la gsol to/ /de nas bcom ldan 'das 'di snyam du dgongs te/ nyes dmigs gang cung zad cig byung ba de ni/ dge slong dag byin len byed du ma bcug
 par za par gyur pa yin pas/ de lta bas na dge slong rnams kyi byin len byed du bcug ste/ tha na de nyid dbang por 'gyur ro snyam du dgongs nas bka' stsal pa/ de lta bas na dge slong rnams kyis byin len byed du bcug ste bza' bar bya'o/ /byin
 len ni rnam pa lnga ste/ lnga gang zhe na/ lus kyis lus su dang/ lus dang 'brel pas lus su dang/ lus kyis lus dang 'brel par dang/ lus dang 'brel pas lug dang 'brel par dang/ gzhag pa'i cho ga dag ni lnga pa'o/ /rung ba ni rnam pa lnga ste/ lnga gang zhe na/ ma
 rung ba dang/ mtshon gyis rung ba dang/ sen mos rung ba dang/ rnyis pas rung ba dang/ ne tshos rma byung bas rung bas rung ba nyid ni lnga pa'o/ /gzhan yang rung ba rnam pa lnga ste/ lnga gang zhe na byung ba dang/ gshegs pa dang/ bcad pa dang/ phug pa dang/ sa bon gyi chos
 nyid med pa nyid ni lnga pa'o/ /lag pa bkan par byin len rnam pa lnga ste/ lnga gang zhe na/ man shel dang/ khri dang/ khri'u dang/ thu ba dang/ lhung bzed gzhi nyid lnga pa'o/ /mes rung bar bya ba ni phung por byas te/ mos gnas pa gnyis sam/ gsum du reg par bya
 na thams cad rung bar 'gyur ro/ /mtshon dang sen mos ni re re nas so/ /khyim pa rnams mi snyoms par 'drim nas/ dge slong rnams kyi dge tshul dag 'drim du gzhug par bya'o/ /de dag kyang mi snyoms nas/ dge slong dag gis lag pa dag bsnyal te/ byin
 len byas nas brim par bya'o/ /'on kyang ma snyoms na brim par bya ba gces pa dang/ bar ma dang/ tha ma dag so sor bya'o/ /'drim par byed pa'i skal pa ni/ mkhan po dang slob dpon nam/ drung na 'dug pa de dag gis mnod par bya'o/ /
 stan nas ma 'phags pas ji tsam nus pa de tsam dag byin len byed du gzhug go/ 'gril ba dag stan las ma 'phags pas len nus pa dag ni byin len byed du gzhug mi dgos la/ mi nus pa dag ni yang byin len byed du gzhug par bya'o/ /khyim pa
 dag kyang 'drim du gzhug par bya zhing dge slong gis dang por gzung zhing khyim pas phyis gzung bar bya'o/ /dge slong dag las blangs pa gang yin pa de dag gi byin len ni de nyid yin no/ /khyim bdag las bslangs pa gang dag yin pa de dag ni/ byin len
 byed du gzhug go /dang por dge slong dag gis btang bar bya zhing/ phyis khyim pa dag gis btang bar bya ste/ phyi de nyin par dge 'dun la brim par bya'o/ /bram ze dang khyim bdag dad pa can dge 'dun la zhun mar gyi bum pa la sogs pa dag 'bul na
 blang bar bya zhing/ blangs nas dge 'dun la brim par bya'o/ /de dag gis chos gos dag bsnums par gyur pa lta na bar du rtswa 'am/ lo ma dag bcug ste brim par bya'o/ /de dag bzung ste 'greng pa na ngal bar 'gyur ba lta na bzhag par bya'o/ /gzhag
 pa na 'gril ba lta na 'og gzhi la bzhag par bya'o/ /snod phul ba dag kyang blangs shing chu'i rdzing bu zab mo'i nang du zhag bdun nam brgyad gzhug par bya zhing/ gang nya 'am rus sbal lam/ sbal pa 'am chu srin byis pa gsod pa 'am/ nya khyi ba
 dag gis ma lus par ldogs par gyur pa/ de'i tshe rung ba'i khang par bcug ste spyad par bya'o/ /rnam pa lngas ni byin len byed du ma bcug par brjod par bya ste/ lnga gang zhe na/ mtshams kyi phyi rol na 'dug pas dang mi 'thob pa'i phyogs nas
 dang/ blo nas dang/ rgyab nas dang/ lag pa khas phub pas byin len byed du 'dzud pa'o/ /rnam pa lngas ni/ byin len byed du bcug par brjod par bya'o/ /lnga gang zhe na/ snga ma las bzlog pa dag gis so/ /bcom ldan 'das kyis byin len byed du bcug
 ste bza' bar bya'o zhes bka' stsal nas/ drug sde dag byin len byed du bcug pa dang/ byin len byed du ma bcug pa yang za bar byed nas/ dge slong don nyung ngu dag bcom ldan 'das kyis byin len byed du bcug ste bza' bar bya'o zhes bka' stsal
 nas/ drug sde dag byin len byed du bcug pa dang/ byin len byed du ma bcug pa yang za bar byed nas/ dge slong don nyung du dag bcom ldan 'das kyis byin len byed du bcug ste bza' bar bya'o zhes bka' stsal nas/ ci'i phyir dge slong dag byin
 len byed du bcug pa dang/ byin len byed du ma bcug pa yang za bar byed ces smod par byed/ phyad ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin
 du/ yang dge slong gang ma byin par kha nas ming pa'i zas za na chu dang so shing ma gtogs te ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni bka' dang bslab pa la g.yel ba/ nyes pa ni byin len
 byed du ma bcug par za ba'o/ /de la yang dge slong gang zhes bya ba ni drug sde 'am/ gzhan yang de lta bu gang yang de lta bu gang yin pa'o/ /ma byin par zhes bya ba ni de la skyes pa 'am/ bud med dam/ ma ning gang gis kyang ma byin par ro/ /kha nas
 ming pa'i zas zhes bya ba ni/ bca' ba lnga po dang/ bza' ba lnga po dag gi /za na zhes bya ba ni mgul du mid na'o/ /chu dang so shing ma gtogs te zhes bya ba ni chu dang so shing bzhag ste'o/ /ltung byed do zhes bya ba ni snga ma bzhin no/ /de la 'dir
 dngos gzhi'i ltung ba rnam par bzhag pa ni/ dge slong gis byang gi sgra mi snyan pa'i dus dang/ chu dang so shing ma gtogs pa'i bza' bar bya ba byin len ma btabs pa nyid la 'du shes pas khar zos na byin len ma byas par za
 ba'i ltung byed kyi dngos gzhir 'gyur ro/ /'di'i byed pa po ni byang gi sgra mi snyan pa'i dus dang/ chu dang so shing ma gtogs pa'i bza' bar bya ba byin len ma bstabs pa nyid la 'du shes gtso cher byed pa po nyid yin no/ /'di la yan lag drug
 gis dngos gzhi'i ltung bar 'gyur te/ byang gi sgra mi snyan pa'i dus ma gtogs pa dang/ chu dang so shing ma gtogs pa'i bza' bar bya ba dang/ byin len gyi mtshan nyid mngon sum du mtshams kyi nang du 'thob pa'i phyogs na 'dug pas/ lag pa
 bkan pas lus sam de dang 'brel par gyen du 'brel par 'dog nus pa/ bsnyen par ma rdzogs pa ma yin pa las kyang sbyin par 'dod pas yan lag gis sam/ de dang 'brel pas byin pa mnos pa'i byin len ma bstabs pa nyid dang/
 der 'du shes pa dang/ khar bcug pa dang/ zos pa'o/ /de dag las yan lag ma tshang na ci rigs par na smad do/ /byin len ma byas par za ba'i ltung byed de sum cu dgu pa'o// //bsod pa slong ba'i ltung byed kyi gleng gzhi ni/ sangs rgyas
 bcom ldan 'das/ shAkya rnams kyi nang du ljongs rgyu zhing gshegs pa na/ ser skya'i gnas su byon nas/ ser skya'i gnas na n+ya gro d+ha'i kun dga' ra ba na bzhugs so/ /shAkya ming chen gyis de thos nas bcom ldan 'das ga la ba der song ste phyin
 nas/ bcom ldan 'das kyi zhabs gnyis la mgo bos phyag 'tshal te/ mdza' gcig tu 'dug go mdza' gcig tu 'dug nas bcom ldan 'das kyis shAkya ming chen la chos dang ldan pa'i bka' mching kyis yang dag par ston par mdzad/
 yang dag par 'dzin du 'dzud par mdzad/ yang dag par gzeng bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang
 dag par gzengs bstod/ yang dag par rab tu dga' bar mdzad nas cad mi gsung ngo/ /de nas shAkya ming chen gyis/ bcom ldan 'das dge slong gi dge 'dun dang bcas pa sang bdag gi sdum par/ gdugs tshong gsol bar ci gnang zhes
 spyan drangs nas gshegs te gdugs tshod gsol nas/ shAkya ming? chen la chos bstan nas gdan las bzhengs te gshegs so/ de'i nang par drug sde dag sngar langs te sbyin bdag gi khyim du song ba dang/ de dag gis smras pa/ 'phags pa
 gang 'di nyid du gdugs chod gsol cig /drug sde dag gis smras pa/ kho bo cag 'gron du bos so/ /sus shAkya ming chen gyis so/ /'o na sang gdugs tshod? gsol cig /de ltar bya'o zhes drug sde dag gis sbyin bdag de dag phyi de nyin par gyi
 zan drug cu sbyor du bcug nas/ shAkya ming chen gyi khyim du dong ba dang/ ci tsam na de na kha zas sta gon byas pa yang med gnas mal bshams pa yang med par mthong nas/ drug sde dag gis/ shAkya ming chen gyi zho shas 'tsho ba dag la smras pa/ shas
 ldan dag /khyod kyis sangs rgyas la sogs pa dge slong gi dge 'dun spyan drangs nas/ snying las chung ngur 'khong? cing gdugs tshod kyang sta gon mi byed/ gnas mal yang shom par mi byed na/ ci sangs rgyas la sogs pa dge slong gi dge 'dun
 gyi gdugs tshod gcod par byed dam/ de dag gis smras pa/ 'phags pa dag khyed cag brnal bar gyur tam ci/ sangs rgyas la sogs pa dge slong gi dge 'dun gdugs tshod? gsol te gshegs lags so/ /drug sde dag gis smras pa ci kho bo
 cig gzan bcad par bya 'am/ de dag gi smras pa/ 'phags pa dag bdag cag gis/ shAkya ming chen la spran? gyi bar du re zhig yud tsam zhig bzhes shig ces de dag dong ste/ shAkya ming chen la smras pa/ 'phags pa drug sde dag nga
 bzod mchis te 'tshal ma slong ngo/ /shAkya ming chen gyis smras pa/ ded la lhag rol cung zad cig yod pa de phyin cig /de dag dong ste smras pa/ 'phags pa dag bzhugs la gsol cig ces de dag gis brim par brtsams pa dang/ drug sde dag
 gis smras pa/ shAkya ming chen gyis kha shin tu chen pos/ bcom ldan 'das kyis seng bdag gi sdum par dge slong gi dge 'dun dang thabs gcig tu gdugs tshod gsol bar ci gnang zhes spyan drangs nas/ gal te zan 'di 'dru bas sangs
 rgyas la sogs pa dge slong gi dge 'dun spyan drang du rung na ni/ /nye dags kyang de nyi ma re re zhing sangs rgyas la sogs pa dge slong gi dge 'dun spyan 'dren par 'gyur ro/ /'di ltar bkren pa 'di la ci bdag gis deng la khyim bdag che ge mo'i khyim
 nas 'o ma long zhig /che ge mo'i khyim nas zhe long zhig /che ge mo'i khyim nas mar long zhig /che ge ro'i khyim nas nya long zhig /che ge mo'i khyim na sha long zhig /che ge mo'i khyim nas sha skam dag long zhig ces do dag gis bdag nyid
 kyi phyir/ zas bsod pa de lta bu dag gzhan gyis khyim dag nas blangs te zos nas gtsug lag khang du dong ba dang/ dge slong rnams kyis de dag la smras pa/ tshe dang ldan pa dag khyed kyis zan gang zos/ de nyid du'o/ /khyed cag de nam
 mthong ngo/ /kho bo cag phyis lhags so/ /khyed cag gis zan ji lta bu zos/ 'o ma dang zho dang mar dang/ nya dang sha dang sha skam dag mos so/ /dge slong dag gis smras pa/ kho bo dag gis zas de lta bu ma thob po/ /drug sde dag gis smras pa/
 bkren pa de la bras de lta bu ga la yod/ kho bo cag gis khyim du 'gro ba'i khyim dag nas blangs te der zos so/ /khyed cag bdag nyid kyi phyir zas bsod pa de lta bu dag /gzhan gyi khyim dag nas blangs zad rung ngam/ rung yang srid mi rung yang srid
 de/ kho bo cag gis ltogs te 'chi bar bya 'am zhes zer nas/ dge slong don nyung ngu dag ci'i phyir dge slong dag bdag nyid kyi phyir/ zas bsod pa de lta bu dag gzhan gyi khyim dag nas blangs te 'cha' ba dang/ za bar byed ces smod par
 byed/ /phyar ka gtong par byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ bcom ldan 'das kyis dge slong rnams kyis zas bsod pa gang dag
 gsungs pa 'di lta ste/ 'o ma dang zho dang mar dang/ nya sha dang/ sha dang/ sha skam dag ste/ yang dge slong gang min par bdag nyid kyi phyir/ zas bsod pa de lta bu dag gzhan gyi khyim dag nas blangs te 'cha''am za na ltung byed do zhes
 bca' ba mdzad de/ yul ni ser skya'i gnas/ /gang zag ni drug sde/ nyon mongs pa ni rang nyam dang lto mdun/ nyes pa ni min par bdag nyid kyi phyir zas bsod pa dag /gzhan gyi khyim dag nas blangs te za pa'o/ /de la bcom ldan 'das
 kyis zhes bya ba ni/ de bzhin gshegs pa dgra bcom pa yang dag par rdzogs pa'i sangs rgyas so/ /dge slong rnams kyis zhes bya ba ni/ chos 'di pa rnams kyi'o/ /zas bsod pa gang dag gsungs pa zhes bya ba ni rab tu bstan pa'o/ /'di lta
 ste/ 'o ma dang zho dang/ mar dang/ nya sha dang/ sha dang/ sha skam dag ste/ zhes bya ba ni zas bsod pa dag go /dge slong gang zhes bya ba ni/ drug sde 'am/ gzhan yang de lta bu gang yin pa'o/ /min par zhes bya ba ni na ba ma gtogs par ro/ /bdag
 nyid kyi phyir zhes bya ba ni bdag nyid la bsngos
 te'o/ /zas bsod pa de lta bu dag ces bya ba ni/ 'o ma dang/ zho dang mar dang/ nya sha dang/ sha skam dag go /gzhan gyi khyim dag nas zhes bya ba ni bram ze dang khyim bdag gi khyim dag
 nas so/ /blangs te zhes bya ba ni slongs mo byas pa'o/ /'cha''am za na zhes bya ba ni mgul du mid na'o/ /ltung byed do zhes bya ba ni snga ma bzhin no/ /de la dngos gzhi'i ltung ba rnam par bzhag pa ni/ dge slong min pa ji bder bstabs
 pa ma byas sam sbyin par byed pa nye du ma yin pa khyim pa nyid las zas bsod pa 'o ma 'am/ zho 'am/ mar ram/ nya sha 'am/ sha 'am/ sha skam lta bu rang gis bslangs te zos pa dang/ ngan pa 'am/ bsod pa 'am/ tha mal pa'am/
 bzang po thob pa na zas bsod pa snga ma dag lta bu rang gis bslangs te zos na/ bsod pa/ slong ba'i ltung byed kyi dngos gzhir 'gyur ro/ /'di'i byed pa po ni/ dge slong min pa ji bder bstabs par ma byas pa nyid dang/ sbyin par byed pa
 nye du ma yin pa'i khyim pa nyid dang/ zas bsod pa dag ni byed pa po nyid yin no/ /'di la yan lag lngas dngos gzhi'i ltung bar 'gyur te/ dge slong min pa nyid dang/ ji bder bstabs pa ma byas pa nyid dang/ zas bsod pa nyid dang/
 sbyin par byed pa nye du ma yin pa khyim bdag nyid dang bzlangs te zos pa'o/ /de dag las yan lag ma tshang na ci rigs par na smad do/ /bsod pa slong ba'i ltung byed de bzhi bcu pa'o// //sdom la/ srog chags bcas dang nyal sar 'dug
 'greng dang gcer bu dmag dang ni/ zhag gnyis bsham dkrug 'gro ba dang/ /rdeg dang gzas dang gnas ngan len/ zhes bya ba ni bcu pa lnga ma? yin te/ sdom la zhes bya ba'i tshig gi don dang dgos pa ni snga ma bzhin no/ /bcu pa lnga pa 'dis
 kyang ltung byed kyi chos bcu bstan te/ srog chags dang bcas pa'i chu la spyod pa dang/ nyal po byed par shom pa'i khyim na 'dug pa dang nyal po byed par shom pa'i khyim na 'greng ba dang/ gcer bu la sbyin pa dang/ dmag la lta ba dang/ dmag gi
 nang na gnas pa dang/ dpung gi yan lag nyams su myong ba dang/ rdeg pa dang/ bzas pa dang/ gnas ngan len 'tshab pa'i ltung byed do/ /de la srog chags dang bcas pa'i chu la spyod pa'i ltung byed kyi gleng gzhi ni/ sangs rgyas bcom ldan
 'das kau sham bi na gdangs can gyi kun dga' ra ba na bzhugs so/ /tshe dang ldan pa 'dun pa shes bzhin du srog chags dang bcas pa'i chu la spyod nas/ dge slong rnams kyis smras pa/ tshe dang ldan pa 'dun pa khyod shes bzhin du/ srog chag
 dang bcas pa'i chu la ma spyod cig /des smras pa/ kho bol 'ga' zhig gis bgrangs te gtad dam ci/ shar gyi rgya mtsho chen por 'dod na ci nyes/ lho dang/ nub dang/ byang gi rgya mtsho chen por 'dod na ci nyes/ 'bab chu dang/ mtsho dang/ lteng ka
 dag tu 'jug na ci nyes zhes zer nas/ dge slong don nyung du dag ci'i phyir dge slong dag shes bzhin du/ srog chags dang bcas pa'i chu la spyod ces smod par byed/ phyar ka gtong bar byed/ kha zer bar byed pa'i skabs de/ dge slong rnams
 kyis/ bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang shes bzhin du srog chags dang bcas pa'i chu la spyod na ltung byed do zhes bca' ba mdzad de/ yul ni kau sham bita gang zag
 ni 'dun pa/ nyon mongs pa ni bag med pa/ nyes pa ni shes bzhin du srog chags dang bcas pa'i chu la spyod pa'o/ /de la yang dge slong gang zhes bya ba ni 'dun pa'am/ gzhan yang de lta bu gang yin pa'o/ /shes bzhin du zhes bya ba ni
 de rang nyid kyis rig par gyur pa 'am/ gzhan dag gis brjod pas so/ /srog chags dang bcas pa zhes bya ba ni/ srog chags dang bcas pa rnam pa gnyis te/ gang dag mig lngar snang bar gyur pa dang/ gang dag chu tshogs?
 kyi zin par 'gyur ba'o/ /tshul spyod na zhes bya ba ni/ chu'i spyod pa gnyis su ste/ nang gi dang phyi rol gyi'o/ /nang gir spyod pa ni khrus byed pa dang/ 'thung ba dang/ so shing 'dor ba dang/ lag pa dang rkang pa dag 'khru ba'o/ /phyi rol gyi spyod
 pa ni lhung bzed bkru ba dang/ lhung bzed chung ngu bkru ba dang/ chos gos dag bkru ba dang/ tshon gyi las byed pa dang/ gtsug lag khang du chag chag 'debs pa dang/ zhal zhal skud pa dang/ lci ba sar pa'i byug pas nyug pa'o/ /ltung byed
 do zhes bya ba ni/ sems can dmyal ba dang/ dud 'gro dang/ yi dags ngan song dang/ ngan 'gro dang/ log par ltung ba dag tu sreg par byed/ 'tshed bar byed/ ltung bar byed pa'o/ /gzhan yang ji srid du ltung ba de ma bshags shing so sor ma
 bshags na dge ba'i chos rnams la sgrib par byed pa ste/ de bas na ltung byed do zhes gsungs so/ /sngar srog chags dang bcas pa las spyod pa'i ltung byed bstan pa dang/ 'dir srog chags dang bcas pa'i chu la spyod pa'i ltung byed bstan pa
 de gnyis kyi spyi'i mtshan nyid ni 'dra'o/ /bye brag tu ni/ snga ma ni rang spyod pa ma yin/ gzhan spyod pa'i don nyid la 'jug pa dang/ 'jug tu 'dzud pa de gnyis kyi yul la rnam par bzhag go /'di ni rang spyod pa'i don nyid la 'jug pa dang/
 'jug tu 'dzud pa de gnyis kyi yul la rnam par bzhag go /de la 'dir dngos gzhi'i ltung ba rnam par bzhag pa ni/ dge sbyong rang spyod pa'i don du lus kyi nye bar spyod pa'i mtshan nyid dang/ de'i ngo bo nyid khrus dang btung ba dang/ so
 shing dor ba dang/ lag pa dang rkang pa bkru ba dang/ lus kyi yo byad bza bar bya ba dang/ lhung bzed dang/ chos gos dang/ gnas dang/ so bkru ba dang/ me la sogs pa dang/ yo byad de dag tu nye bar spyad bas dang/ lci ba dang/ tshon dang/ rtswa dang/ shing la
 sogs pa dang/ nye bar sbyar ba de dag las chu la sogs pa 'di lta ste/ byi dor bya ba dang/ bkru ba dang/ kha bsgyur ba dang/ chag chag gdab pa dang/ phyag dar bya ba dang/ zhal zhal bya ba dang/ 'u sha dang/ thad? dang/ thug pa dag tu bya ba'i chu dang/ zhun mar
 dang/ 'bru mar dang/ sbrang rtsi dang/ bu ram gyi dbu ba dang/ 'o ma dang/ mar dang/ tshwa dang/ 'bru'i tshwa dang/ zho ga chu dang/ rtsa ba mo dang/ shing thog dang/ bca' bar bya ba la sogs pa/ dud 'gro'i skye gnas su skyes pa'i srog chags ltar nus pas snang ba
 dag gis srog chags dang bcas pa dang/ chu'i srol dgag pa dang/ bsal ba dag dang/ shing dang/ g.yeng ba dag chur gzhug pa dang/ drang? ba dang/ bshal ba dag dang/ gos rim pa gcig pa las gzhan pa spu can la sogs pa bkru ba dang/ gos
 rim pa gcig pa de yang srog chags kyi khams lhag par mang ba'i chur 'khru ba lta bu'i sbyor ba dag la yang srog chags dang bcas pa nyid du 'du shes pas rang nyid 'jug gam/ gzhan 'jug tu 'jug na/ dud 'gro'i skye gnas su skyes pa'i srog
 chags re re shi ba'i mthar/ srog chags dang bcas pa'i chu la spyod pa'i ltung byed kyi dngos gzhir 'gyur ro/ /'di'i byed pa po ni/ rang spyod pa'i don du chu la sogs pa srog chags dang bcas pa la 'du shes gtso cher byed pa po nyid yin no/ /'di
 la yan lag lngas dngos gzhi'i ltung bar 'gyur te/ rang spyod pa'i don gang yang rung ba dang/ dud 'gro'i skyes gnas su gtogs pa'i srog chags gang yang rung ba dang bcas pa'i chu la sogs pa dang/ der 'du shes pa dang/ rang dang gzhan gyis
 spyad pa dang/ srog chags ji snyed shi ba'o/ /de dag las yan lag ma tshang na ci rigs par na smad do/ /srog chags dang bcas pa'i tshul spyod pa'i ltung byed de bzhi bcu gcig pa'o// //nyal po byed par shom pa'i khyim na 'dug
 pa'i ltung byed kyi slong gzhi ni/ sangs rgyas bcom ldan 'das pa nyan yod na/ rgyal bu rgyal byed kyi tshal mgon nad zas sbyin gyi kun dga' ra ba na bzhugs so/ /tshe dang ldan pa 'char ka bsam pa'i nor bu'i rig pa shes te/ de snga dro sham thabs
 bgos/ lhung bzed dang chos gos thogs te/ mnyan yod du bsod snyoms la zhugs so/ /mnyan yod na spos tshong gi khye'u chung ma blangs nas ring po ma lon pa zhig 'dug pa des/ zong bkram phan bdag chung ma dang lhan cig dga' mgur
 spyod du 'gro'o snyam pa'i tshul bzhin ma yin pa yid la byed pa skyes nas nges zong phyir bsdu bar brtsams pa dang/ tshe dang ldan pa 'char kas de'i bsam pa shes nas/ bdag song la re ba med par bya'o snyam nas/ de dang por de'i khyim du song
 ste stan la 'dug nas/ bu mo de la chos bstan par brtsams so/ /ji tsam na spos 'tshong gi khye'u de 'ongs nas/ des chung ma la smras pa/ 'phags pa 'char ka la bsod snyoms phul la bzhud du gsol cig /tshe dang ldan pa 'char kas smras pa/
 bzhin bzangs kho bos bdag nyid kyi dge ba'i phyogs yongs su nyams par byas te/ 'ongs nas chos ston par byed na/ khyod chos nyan mi 'dod dam/ 'dug la chos nyon cig ces des nan gyis 'dug tu bcug ste/ des ci tsam gyis de'i kun nas dkris
 pa dang bral ba de tsam du chos dang ldan pa dang de shAkya'i bu'i dge slong rnams kyi dge sbyong gi tshul ni tshig go /bram ze'i tshul ni chig ste/ 'di ltar rang gi chung ma la yang dbang med do zhes smod par byed/ phyar ka gtong bar byed/ kha zer bar byed nas
 dge slong don nyung ngu dag ci'i phyir dge slong dag shes bzhin du nyal po byed par shom pa'i khyim du phyis gnon byas te stan la 'dug par byed ces smos par byed/ phyar ka gtong bar byas/ kha zer bar byed pa'i skabs de dge slong rnams kyis bcom ldan
 'das la gsol to/ /de nas bcom ldan 'das kyis snga ma bzhin du yang dge slong gang shes bzhin du nyal po byed par shom pa'i khyim du phyis gnon byas te stan la 'dug na ltung byed do zhes bcal ba mdzad de/ yul ni mnyan yod/ gang
 zag ni 'char ka/ nyon mongs pa ni 'dod chags kyi kun tu sbyor ba nyes pa ni shes bzhin du nyal po byed par shom pa'i khyim du phyis gnon byas te stan la 'dug pa'o/ /de la yang dge slong gang zhes bya ba ni 'char ka 'am/ gzhan yang da lta bu
 gang yin pa'o/ /shes bzhin du zhes bya ba ni de rang nyid kyis rig par gyur pa 'am/ gzhan dag gis brjod pas so/ /nyal po byed par shom pa'i zhes bya ba ni/ bud med ni skyes pa'i nyal po bya ba yin la/ skyes pa ni bud med la nyal po byed pa
 yin no/ /khyim du zhes bya ba ni/ bram ze dang khyim bdag gi khyim du'o/ /phyis gnon byas te zhes bya ba ni phyis zhugs te'o/ /stan pa zhes bya ba ni gzhi la'o/ /'dug na zhes bya ba ni 'dom gang gis nang du rkub btsos bzhag na'o/ /ltung byed do zhes bya
 ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong 'jigs pa'i dbang dang gnas gzhan la sems gtad pa ma yin pas/ khyim pa'i skyes pa dang bud med gnas gzhan mthong bas spyod yul gyi mdza' tshun chad
 kyi gza' tha dad pa ma yin pa nyid dang/ mi gzhan med pa'i nyid kyis sprad du rung ba nyid dang/ 'khrig pa spyad pa la zhugs pa 'am/ phyogs par shes bzhin du mngon sum du brnags pa 'dug na nyal po byed par shom pa'i khyim na 'dug pa'i
 ltung byed kyi dngos gzhir 'gyur ro/ /'di'i byed pa po ni khyim pa'i skyes pa dang/ bud med dge slong rang gi gnas las gzhan nyid dang mi gzhan med pa nyid kyis sprad du rung ba nyid na/ 'khrig pa spyod pa la zhugs pa'am/
 phyogs pa la 'du shes gtso cher byed pa po nyid yin no/ /'di la yan lag bdun gyis dngos gzhi'i ltung bar 'gyur te/ dge slong 'jigs pa'i dbang dang/ gnas gzhan la sems gtong ba ma yin pa nyid dang/ khyim pa skyes pa dang
 bud med nyid dang/ gnas gzhan mthong ba'i spyod yul gyi mdza' tshun chad kyi gza' tha dad pa ma yin pa nyid dang/ mi gzhan med pa nyid kyis sprad du rung ba nyid dang/ 'khrig pa spyod pa la zhugs pa 'am/ phyogs pa nyid dang/ der 'du shes pa nyid
 dang/ mngon sum du brnags pas 'dug pa'o/ /de dag las yan lag ma tshang na ci rigs par na smad do/ /nyal po byed par shom pa'i khyim na 'dug pa'i ltung byed de bzhi bcu gnyis pa'o// //nyal po byed par shom pa'i khyim na 'greng
 ba'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal bu rgyal byed kyi tshal mgon med pas sbyin gyi kun dga' ra ba na bzhugs so/ /tshe dang ldan pa 'char ka bsam pa'i nor bu'i rigs pa shes te/ de snga dro sham
 thabs bgos lhung bzed dang chos gos thogs te/ mnyan yod du bsod snyoms la zhugs so/ /mnyan yod na spos 'tshong gi khye'u chung ma blangs nas ring por ma lon pa zhig 'dug pa des/ zong bkram pa na/ bdag chung ma dang lhan cig
 dga' mgur spyod du 'gro'o snyam pa'i tshul bzhin ma yin pa yid la byed pa skyes nas/ des zong phyir bsdu bar brtsams pa dang/ tshe dang ldan pa 'char kas de'i bsam pa shes nas/ bdag song la lta'o snyam nas/ de dang por de'i
 khyim du song ste/ /sgo glegs kyi rgyab na mgo bsring 'gro ngo/ /de'i 'og tu spos 'tshong gi khye'u de 'ongs nas des chung ma khrid de gnas khang du zhugs pa dang/ bu mo des/ 'char ka dben pa na 'greng ba mthong nas/ des khyo la smras pa/ rje'i
 sras 'phags pa 'char ka sge glogs kyi rgyab na 'gred do/ /spos 'tshong gi khye'us smras pa/ 'phags pa 'char ka gtsug lag khang na bsam gtan dang/ rnam par thar pa dang/ ting nge 'dzin la snyoms par 'jug pa'i bde ba dag nyams
 su myong zhing 'greng ngo zhes des chung ma la dga' mgur spyad nas/ de gang gi tshe kun nas dkris pa dang bral bar gyur pa de'i tshe na/ des 'char ka mthong ba dang/ de shAkya'i bu'i dge sbyong rnams kyi dge sbyong gi tshul ni tshig go /bram ze'i
 tshul ni tshig ste/ 'di ltar rang gis chung ma la yang dbang med do/ /zhes smod par byed/ phyar ka gtong bar byed/ kha zer bar byed nas/ dge slong don nyung du dag ci'i phyir/ dge slong dag shes bzhin du nyal po byed par shom par khyim du
 dben pa skyabs yod par 'greng bar byed ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge
 slong gang shes bzhin du nyal po byed par shom pa'i khyim du dben pa skyabs yod pa na 'greng na ltung byed do/ /zhes bca' ba mdzad de/ yul ni mnyan yod/ gang zag ni 'char ka/ nyon mongs pa ni 'dod chags kyi kun tu sbyor ba/
 nyes pa ni shes bzhin du nyal po byed par shom pa'i khyim du dben pa skyabs yod par 'gred pa'o/ /de la yang dge slong gang zhes bya ba ni 'char ka 'am gzhan yang de lta bu gang yin pa'o/ /shes bzhin du zhes bya ba ni/ de rang nyid kyis
 rig par gyur pa 'am/ gzhan dag gis brjod pas so/ /nyal po byed par shom pa'i zhes bya ba ni/ bud med ni skyes pa'i nyal po bya ba yin la/ skyes pa ni bud med la nyal po byed pa yin no/ /khyim du zhes bya ba ni
 bram ze dang khyim bdag gi khyim du'o/ /dben pa zhes bya ba ni/ gang na bud med dang/ skyes pa dang/ ma ning gzhan 'ga' yang med pa'o/ /skyabs yod par zhes bya ba ni lngas bskyabs par te/ rtsig pas bskyabs pa dang/ rib mas
 bskyabs pa dang/ yol bas bskyabs pa dang/ thibs pos bskyabs pa dang/ mtshan mos bskyabs par ro/ /bgreng na zhes bya ba ni 'dom gang gi nang du 'greng na'o/ /ltung byed do zhes bya ba ni snga ma bzhin no/ /sngar nyal po byed par shom
 pa'i khyim du 'dug pa'i ltung byed bstan pa dang/ 'dir nyal po byed par shom pa'i khyim du 'greng ba'i ltung byed bstan pa de gnyis kyi spyi'i mtshan nyid ni 'dra'o/ /bye brag tu na/ snga ma ni mngon sum du brnags pas 'dug pa'i yul la
 rnam par bzhag go /'di ni dben pa skyabs yod da ra brnags pas 'greng ba'i yul la rnam par bzhag go /de la 'dir dngos gzhi'i ltung ba rnam par gzhag pa ni/ dge slong 'jigs pa'i dbang dang/ gnas gzhan la sems gtod
 pa ma yin pas khyim pa'i skyes pa dang/ bud med gnas gzhan mthong ba'i spyod yul gyi mdza' tshun chad kyi gza' tha dad pa ma yin pa nyid dang/ mi gzhan med pa nyid kyis sprad du rung ba nyid dang/ 'khrig pa spyod pa la zhugs pa
 'am/ phyogs par shes bzhin du dben pa skyabs yod par brnag pas 'greng zhing spyod par byed pa tshor bya gnyis dang/ ltung ba 'byin pa tshor byed nyid kyis tshor ba na nyal po byed par shom pa'i khyim na 'greng ba'i ltung byed kyi
 dngos gzhir 'gyur ro/ /'di'i byed pa po ni/ khyim pa'i skyes pa dang/ bud med dge slong rang gis gnas las gzhan pa nyid dang/ mi gzhan pa med pa nyid kyis sprad du rung ba nyid ni/ 'khrig pa spyod pa la zhugs pa 'am/ phyogs pa la 'du shes
 gtso cher byed pa po nyid yin no/ /'di la yan lag brgyad kyis dngos gzhi'i ltung bar 'gyur te/ dge slong 'jigs pa'i dbang gis gnas gzhan la sems gtod pa ma yin pa nyid dang/ khyim pa'i skyes pa nyid dang/ bud med nyid dang/ /
 gnas gzhan mthong ba'i spyod yul gyi mdza' tshun chad kyis gza' tha dad pa nyid dang/ mi gzhan med pa nyid kyi sprad du rung ba nyid dang/ 'khrig pa spyod pa la zhugs pa 'am phyogs pa nyid dang/ der 'du shes pa nyid dang/ dben pa skyabs
 yod bar brnags pas 'greng ba nyid dang/ sprod par byed pa tshor bya nyid dang/ ltung ba 'byin pas tshor ba'o/ /de dag las yan lag ma tshang na ci rigs par na smad do/ /nyal po byed par shom pa'i khyim na 'greng ba'i ltung byed de bzhi bcu gsum
 pa'o// //gcer bu pa la sbyin pa'i ltung byed kyi gleng gzhi ni/ sangs rgyas bcom ldan 'das ko sa la dag tu ljongs rgyu zhing gshegs pa na mnyan yod du byon to/ /mnyan yod na skyes mos tshal zhig na/ yugs mo la brgya ce? ma dog pa
 'khal zhing 'khod pa de dag gis/ sangs rgyas bcom ldan 'das skyes bu chen po'i mtshan sum cu rtsa gnyis kyis gzugs can brgyan cing gsol ba la sogs pa mthong ngo mthong nas kyang 'di lta ste/ dge ba'i rtsa ba bsabs pa'i rgyu las byung
 ba'i sems kyis dang por sangs rgyas mthong ba na sems nyams bde ba skyed par byed pa de ltar ni lo bcu gnyis su/ zhi gnas kyi sems goms par byas pa dang/ dbul pos gter mthong ba dang/ bud med kyis bu thob pa dang/ rgyal srid la
 mngon par dga' ba dang/ rgyal srid la dbang bskur ba yang sems nyams bde ba skyed par mi byed pas/ de dag bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ mdza' 
 gcig tu 'khod do/ /mdza' gcig tu 'khod nas/ bcom ldan 'das kyis de dag gis bsam pa dang/ bag la nyal dang/ khams dang rang bzhin thugs su chud nas/ ji nas kyang de dag gis 'jig tshogs la lta ba'i ri'i rtse mo nyi shu mtho ba
 ye shes kyi rdo rjes bcom ste/ rgyun tu zhugs pa'i 'bras bu mngon sum du byas par 'gyur ba de ltar chos bstan pa mdzad pas de dag gis rgyun tu zhugs pa'i 'bras bu thob po/ /de dag gis bcom ldan 'das dge slong gi dge 'dun dang
 bcas pa/ sang bdag gi gdugs tshod gsol bar ci gnang zhes spyan drangs nas gnang ba dang/ karSha pa na dag khyer te tshe dang ldan pa kun dga' bo'i gan du song nas smras pa/ btsun pa kun dga' bo bdag cag la snod spyad dang/ mi slas
 dang gnas mal gyi 'byor pa ma mchis kyis/ khyed kyis kyang karSha 'di dag gis zhal zas sta gon bgyid du rtsol cig dang/ bdag cag mchis te brim par bgyi'o/ /tshe dang ldan pa kun dga' bos khyim bdag mgon med zas sbyin la/
 khyim/ bdag khyod kyis 'di dag dang bdag nyid kyi karSha pa Na gzhan dag bsres te/ zhal zas bsod ba sta gon gyis la 'dir bskur cig ces smras so/ /de ltar byas nas rgyal byed kyi tshal du bskur ro/ /tshe dang ldan pa kun dga' bos/ rigs
 kyi bu mo de dag la zhal zas sta gon byas kyis tshur sheg la/ sangs rgyas la sogs pa dge slong gis dge 'dun la brims shig ces springs pa dang/ de dag lhags te smras pa/ btsun pa kun dga' bo khyod bdag cag gi dge ba'i bshes
 gnyen lags kyis/ tshur spyon khyod kyis kyang brim du gsol/ tshe dang ldan pa kun dga' bos brim par brtsams pa dang/ der gcer bu rgan gzhon gnyis shig 'ongs te/ de gnyis kyis khyim bdag mo de dag la zan blangs pa dang/ de dag gi smras pa/
 zas 'di ni rgyal bu 'di'i yin no/ /gcer bu ma de gnyis kyis tshe dang ldan pa kun dga' bo la bslangs pa dang/ tshe dang ldan pa kun dga' bos ma bsams par brims pa na/ rgan mo la ni khur ba gcig byin/ gzhon nu ma la ni khur ba gnyis byin nas
 rgan mos smras pa/ gzhon nu ma rgyal bu 'dis khyod don du gnyer gyis/ sta gon gyis shig ces zer nas/ dge slong don nyung ngu dag ci'i phyir dge slong dag /gcer? bu pa dang gcer bu ma kun tu rgyu dang kun tu rgyu ma la rang gi lag nas/ bca' ba dang/
 bza' ba sbyin par byed ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang gcer bu pa 'am/ gcer bu ma
 kun tu rgyu 'am/ kun tu rgyu mo la/ rang gi lag nas bca' ba dang bza' ba sbyin par byed na ltung byed do zhes bca' ba mdzad de/ yul ni mnyan yod/ gang zag ni tshe dang ldan pa kun dga' bo/ /nyon mongs pa ni ma brtags par spyod pa/ nyes pa na gcer bu
 ma la rang gi lag nas zan sbyin pa'o/ /de la yang dge slong gang zhes bya ba ni chos 'di pa'o/ /gcer bu pa 'am gcer bu ma kun tu rgyu 'am kun tu rgyu mo la zhes bya ba ni rtags 'di dang rab tu byung ba 'di med pa la'o/ /rang gi lag nas zhes bya ba ni/ lag
 pas lag? par ro/ /bca' ba dang bza' ba zhes bya ba ni bca' ba lnga po dang bza' ba lnga po dag go sbyin na zhes bya ba ni bsam mi dgos par ro/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par gzhag pa ni/ dge
 slong gis gzhan mu stegs can gyi rab tu byung ba gcer bu pho yang rung/ mo yang rung ba/ rtags 'di dang rab tu byung ba 'di med pa nye du dang? rab tu byung ba la bltos pa dang/ 'di'i byed pa dang nad pa dang/ sdig pa can gyi lta ba'i
 rnam pa de dag la ba nyid ma gtogs pa rang gi lag nas bca' ba dang bza' ba zas de la rung ba dang/? de'i lus sam/ lus dang 'brel par sbyin na/ gcer bu ba la sbyin pa'i ltung byed kyi dngos gzhir 'gyur ro/ /'di'i byed pa po ni/ gzhan mu
 stegs can gyi rab tu byung ba dang/ rang gi sbyin pa dang/ zas rung ba dag go /'di la yan lag lngas dngos gzhi'i ltung bar 'gyur te/ gzhan mu stegs can gyi rab tu byung ba gcer bu pho yang rung/ mo yang rung ba rtags 'di dang rab tu byung ba 'di
 med pa/ nye du rab tu byung ba la bltos pa dang/ nad pa dang/ sdig pa can gyi lta ba'i rnam pa dang bral ba nyid ma gtogs pa dang/ rang gis sbyin pa dang/ zas dang/ gnyi ga la rung ba nyid dang/ de'i lus sam lus dang 'brel bar sbyin pa'o//
 de dag las yan lag la tshang na ci rigs par na smad do/ /gcer bu la sbyin pa'i ltung byed de bzhi bcu bzhi pa'o// //dmag la lta ba'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal bu rgyal byed kyi tshal
 mgon med zas sbyin gyi kun dga' ra ba na bzhugs so/ /ko sa la'i rgyal po gsal rgyal gyi ri brags pa zhig log nas/ der ru pa gcig btang ba dang/ bcom zhing rab tu bcom ste phyir 'ongs so/ /du? ba gnyis pa dang gsum pa btang
 ba dang/ de yang bcos zhing rab tu bcom ste phyir 'ongs nas/ ko sa la'i rgyal po gsal rgyal gyis de'i yul na/ mtshon gyis 'tsho ba gang dag 'khod pa de dag thams cad 'dod par bya'o zhes dril bsgrags pa byed du bcug ste/ rgyal po dpung
 gis tshogs yan lag bzhi pa dang bcas te 'phags pa dang/ drug sde dag gis smras pa/ dga' bo nye dga' gsus po che'i dpung gi tshogs yan lag bzhi pa ci 'dra ba bltar 'dod/ zhes de dag lam kar dong? ste 'khod pa dang/ ci tsam na ko sa la'i rgyal
 po gsal rgyal gyi dpung gi tshogs yan lag bzhi pa dag 'ongs nas/ drug sde dag gis de dag la smras pa/ shes ldan dag gar 'dod/ 'phags pa dag ko sa la'i rgyal po gsal rgyal gyi ri brags pa zhig log pa de 'bebs su mchi'o/ /drug sde
 dag gis smras pa/ bkren pa dag dpung gi tshogs 'di lta bu dag gis/ ri brags pa phebs par 'gyur ram/ khyed kyi glang po che 'di dag ni phag 'dra la/ ri brags pa'i glang po che ni ri be bcags pa 'dra'o/ /khyed kyi rta 'di dag ni bung bu 'dra la/ ri brags
 pa'i rta dag ni glang po che'i phru gu 'dra'o/ /khyed kyi shing rta 'di dag ni shing rta zhig pa 'dra la/ ri brags pa'i shing rta dag ni gzhal med khang 'dra'o khyod kyi mi 'di dag ni rtsa mi 'dra la/ ri brags pa'i mi de dag ni gnod sbyin gdug pa 'dra bas khyed cag par
 'gro ba yod kyang tshur ldog pa med kyis/ phyir deng la pha ma dgal? til gyi chu byin la gzod deng zhig /de dag mdza' gcig tu rdong ste/ sems khongs su chud cing 'khod do/ /ci tsam na ko sa la'i rgyal po gsal rgyal 'ongs? nas? smras pa/ khyed cag ci'i phyir
 mi 'dod bar mdza' gcig tu dong ste/ sems khong du chud cing 'khod/ de dag gis smras pa/ lha bdag cag rgyal bar ga la 'gyur/ 'di ltar dag spyod mgo reg ras yug chen glegs ba 'tshal ba 'di dag ni mi mchi dag? mchi'o/ /gong dag 'phags pa drug sde
 dag go /shes ldan dag de dag ni/ dge sbyong tral? po dag yin pas/ de dag gis smras pa/ khyed la ci gnod dengs shig /ko sa la'i rgyal so gsal rgyal gyis bsams pa/ 'di dag yang dang yang du bdag la tho 'tsham par 'gyur ro snyam du rig nas/
 bcom ldan 'das kyi spyan sngar mi zhig las 'phrin gyis bsnyun gsol to/ /btsun pa 'phags pa 'di dag dmag chas pa la ltar mchi na/ kye ma bcom ldan 'das kyis gang dag gis 'phags pa dag dmag chas pa la ltar mchi par
 mi 'gyur bar dran par bgyi ba cung zhig bca' ba mdzad na legs so zhes gsol to/ /de nas bcom ldan 'das kyi snga ma bzhin du/ yang dge slong dmag chas pa la ltar 'gro na ltung byed do zhes bca' ba mdzad de/ yul ni mnyan yod gang zag ni drug
 sde/ nyon mongs pa ni mdul ba/ nyes pa ni dmag chas pa la ltar 'gro ba'o/ /de la yang dge slong gang zhes bya ba ni drug sde 'am gzhan yang de lta bu gang yin pa'o/ /dmag ces bya ba la/ dmag ni yan lag gcig pa yang yod/ yan lag gnyis pa yang yod/
 yan lag gsum pa yang yod/ yan lag bzhi pa yang yod do/ /dmag yan lag gcig pa gang zhe na/ glang po che'i tshogs so/ /dmag yan lag gnyis pa gang zhe na/ glang po che'i tshogs dang rta'i tshogs so/ /dmag yan lag gsum pa gang zhe na/
 glang po che'i tshogs dang/ rta'i tshogs dang/ shing rta'i tshogs so/ /dmag yan lag bzhi pa gang zhe na/ glang po che'i tshogs dang/ rta'i tshogs dang/ shing rta'i tshogs dang/ dpung bu chung gi tshogs so/ /chas pa la zhes bya ba ni g.yul 'gyed pa la mngon
 par dga' ba la'o/ bltar 'gro na zhes bya ba ni ltang mo ltar 'gro na'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong rgyal po dang/ btsun mo dang/ gzhon nu dang/ zhang blon khrom gyis ru
 sna dang/ grong rdal gyi mi dang/ ljongs kyi mis bkug pa dang/ bar chad byung ba'i dbang nyid ma gtogs pas yul la mngon par dga' ba'i dmag la blta ba'i don nyid kyis 'phags pa'i nyen kor gyi mdza' las 'das te mthong na/ dmag
 la lta ba'i ltung byed kyis dngos gzhir 'gyur ro/ /'di'i byed pa po ni g.yul la mngon par dga' ba'i dpag dang blta ba'i don nyid kyis/ 'phags pa'i nyen kong gyis mdza' las 'das te mthong ba'o/ /'di la yan lag lngas dngos gzhi'i ltung
 bar 'gyur te/ dge slong rgyal po dang/ btsun mo dang/ gzhon nu dang/ zhang blon dang/ khrom byi ru snon dang/ grong rdal gyi mi dang/ ljongs kyi mis bkug pa dang/ bar chad byung ba'i dbang nyid ma gtogs pa dang/ g.yul las mngon par dga' ba'i
 dmag nyid dang/ lta ba'i don nyid dang 'phags pa'i nyen kor gyi mdza' las 'das pa dang/ mthong ba'o/ /'di dag las yan lag ma tshang na ci rig par na smad do/ /dmag la lta ba'i ltung byed de bzhi bcu lnga pa'o// //so sor thar pa'i
 mdo'i gzhung 'grel// //bam po bcu gsum pa/ /dmag gis nang na gnas pa'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /ri
 brags pa de de ltar na yang ma phebs nas/ rgyal po de nyid du phru ma btab ste 'dug pa dang/ blon po rnams kyis smras pa/ lha khyim bdag mgon med zas sbyin ni bsod nams kyi rnam par smin pa can dbang che bar grags pa lags pas/
 gal te de mchis par gyur na de'i mthus ri brags pa 'di phebs par 'gyur ba gang lags pa de lta bu'i gnas mchis par 'gyur gda' o/ /rgyal pos khyim bdag mgon med zas sbyin la khyim bdag mthong bar 'dod do zhes yi ge spring ba dang
 khyim bdag mgon med zas sbyin der 'ongs so/ /de ltar na yang ri brags pa de ma phebs nas/ ko sa la'i rgyal po gsal rgyal gyis/ khyim bdag mgon med zas sbyin la smras pa/ khyim bdag khye'u dag mi dran nam/ lha khye'u dag mi dran te/ 'di ltar
 'phags pa dag mthong bar 'tshal lo/ /ko sa la'i rgyal po gsal rgyal gyis/ dge 'dun la 'phags pa dag mthong bar 'tshal lo zhes yi ge springs pa dang/ dge bskos kyis dge 'dun gyi dbus su yi ge blags te//
 gang der 'gro bar spro ba des tshul zhing long zhig ces/ tshul shing brims pa dang/ dge slong gnas brtan gnas brtan dag gis smras pa/ kho bo cag ni sbyor mi bzod pa dag yin pas der 'gro mi nus so/ /dge slong gsar bu dag gis smras
 pa/ der chos bstan par bya dgos na/ bdag cag ni thos pa nyung ba yin pas chos bstan par mi nus na/ der tshul zhing brims? par bya 'am ci/ bdag cag kyang der 'gro mi nus so/ /drug sde dag gis smras pa/ dga' bo nye dga' ji srid du
 bcom ldan 'das bzhugs shing bdag cag son pa de srid du bstan pa gnas la/ bcom ldan 'das yongs su mya ngan las 'das shing/ bdag cag dus la bab pa na/ bstan pa nub par brjod par bya ste/ ji srid du bdag cag gson
 pa de srid du bstan pa la gces pa bskyed par byas/ tshul shing blang ngo zhes de dag gis tshul shing blangs te der dong nas rgyal po la chos bstan pas/ rgyal po mngon par dad par byas so/ /btsun mo dang/ gzhon nu dag dang/ zhar blon dang/ khrom
 gyi ru sna dag la yang chos bstan pas skye bo phal po che'i tshogs mngon par dad par byas so/ /ko sa la'i rgyal po gsal rgyal gyis blon po rnams la smras pa/ ri brags pa skor du 'dod do zhes de dag 'phags pa dang/ drug sde dag gis
 smras pa/ dga' bo nye dga' bdag cag gis yun ji srid du gzhan gyi spyod lam gyi gnas par bya 'am/ gsus po che'i dmag ci 'dra ba ltar 'dod do zhes de dag lam kar dong ste 'khod pa dang/ ci tsam na dpung gi tshogs yan lag
 bzhi 'ongs nas/ de dag gis smras pa/ 'phags pa dag shul phye shig ci bya/ dpung gi tshogs yan lag bzhi pa mchi'o/ /bkren pa dag 'di 'dra ba dag glang po che yin nam/ phag 'dra'o zhes de dag gis de dag gi mche ba drag nas bzung ste/
 mdza' gcig tu bor ro/ /'di 'dra ba dag rta yin nam bong bu 'dra'o zhes de dag gis de dag gi mjug ma dag nas bzung ste mdza' gcig tu bor ro/ /'di 'dra ba dag shing rta yin nam/ shing rta zhig pa dag 'dra'o zhes de dag gis de dag gi srog
 shing dag nas bzung ste mdza' gcig tu bor ro/ /'di 'dra ba dag mi yin nam rtswa mi dag 'dra'o zhes de dag gis de dag gi gnya' bar gnas bzung ste/ mdza' gcig tu bor nas de dag sems khongs su chud nas 'khod do/ /ji tsam na ko sa la'i rgyal
 po gsal rgyal 'ongs nas des smras pa/ shes ldan dag ci'i phyir khyed cag mi 'dod bar sems khong du chud cing 'khod/ lha bdag cag rgyal bar ga la 'gyur/ 'di ltar dge sbyong mgo reg ras yug chen glegs pa 'tshal ba 'di dag mi mchi dgu
 mchi'o/ /gang dag 'phags pa drug sde dag go /shes ldan dag /de nas dge sbyong h+ral po dag yin pas de dag gis smras pas khyed la ci gnod deng shing/ ko sa la'i rgyal po gsal rgyal gyis ba sems pa/ 'di dag yang dang yang du bdag la
 'tho 'tsham par 'gyur ro snyam du rig nas/ bcom ldan 'das kyi spyan sngar mi zhig la 'phrin gyis bsnyun gsol nas/ btsun pa 'phags pa 'di dag dmag chas pa la ltar mchis nas/ shin tu yun ring por dmag gi nang na gnas na/
 kye bcom ldan 'das kyis thugs brtse ba'i slad du/ gang gis 'phags pa dag dmag chas pa la bltar mchis nas/ shin tu yun ring por dmag gi nang na gnas par mi 'gyur bar/ bcom ldan 'das kyis 'phags pa rnams la dran par bgyi
 pa cung zhig bca' ba mdzad na legs so zhes gsol lo/ /de nas bcom ldan 'das kyis snga ma bzhin du/ dge slong la dmag chas pa la bltar 'gro ba de lta bu'i rkyen zhig byung na/ dge slong des dmag de'i nang du zhag gnyis
 tshun chad gnas par bya'o/ /de las lhag par gnas na ltung byed do zhes bca' ba mdzad de/ tshul? ni mnyan yod/ gang zag ni drug sde/ nyon mongs pa ni ma dul ba/ nyes pa ni shin tu yun ring por dmag gi nang na gnas pa'o/ /de la dge
 slong gang la zhes bya ba ni drug sde 'am/ gzhan yang de lta bu gang yin pa'o/ /dmag ces bya ba la/ dmag ni yan lag gcig pa yang yod/ yan lag gnyis pa yang yod/ yan lag gsum pa yang yod/ yan lag bzhi pa yang yod
 dmag yan lag gcig pa gang zhe na/ glang po che'i tshogs so/ /dmag yan lag /gnyis pa gang zhe na/ glang po che'i tshogs dang/ rta'i tshogs so/ /dmag yan lag gsum pa gang zhe na/ glang po che'i tshogs dang/ rta'i tshogs dang/ shing
 rta'i tshogs so/ /dmag yan lag bzhi pa gang zhe na/ glang po che'i tshogs dang/ rta'i tshogs dang/ shing rta'i tshogs dang/ dpung bu chung gi tshogs so/ /chas pa la zhes bya ba ni g.yul 'gyed par mngon par dga' ba la'o/ /bltar 'gro ba zhes
 bya ba ni rgyu gang gis so/ /de lta bu'i rkyen zhig byung na zhes bya ba ni/ rgyal po dang/ btsun mo dang/ gzhon nu dang/ zhang blon dang/ khrom gyi ru sna dang/ grong rdal gyi mi dang/ ljongs kyi mis bkug na'o/ /dge slong nges zhes bya ba ni/ dge slong
 gang yin pa des so/ /dmag de'i nang du zhes bya ba ni dmag chas pa de'i nang du'o/ /zhag gnyis tshun chad gnas par bya'o zhes bya ba ni/ zhag gnyis kyi mdza' tshun chad gnas par bya ba'o/ /de las lhag par gnas na zhes bya ba ni/ de las
 'bas? gang gnas na'o/ /ltung byed pa zhes bya ba ni snga ? bzhin no/ /de la 'dir dngos gzhi'i ltung ba rnam par bzhag pa ni/ dge slong rgyal po dang/ btsun mo dang/ gzhon nu dang/ zhang blon dang/ khrom gyi ru sna dang?/ /grong rdal gyi mi dang/ ljongs
 kyi mis bkug pa dang/ bar chad kyi dbang nyid byung na g.yul las mngon par dga' ba dmag de'i nang du nyin mtshan gnyis las lhag par nyin mtshan gsum pa'i skya rengs dang po shar bar gnas sam/ rgyal po la sogs pas bkug
 pa dang/ bar chad kyi dbang de dag med par blta ba'i don nyid kyi g.yul la mngon par dga' ba'i dmag de'i nang du nyin mtshan gsum pa'i snga ma nyin mtshan gcig dang/ gnyis kyi mthar gnas na yang dmag gi nang na gnas pa'i ltung
 byed kyi dngos gzhir 'gyur ro/ /'di'i byed pa po ni/ rgyal po la sogs pas bkug pa dang/ bar chad kyi dbang de dag yod na g.yul mngon par dga' ba'i dmag gi nang du/ skya reng gsum pa shar ba dang/ de dag med par zhag gcig dang
 gnyis kyi skya rengs shar ba'o/ /'di la yan lag lngas dngos gzhi'i rnam par 'gyur ro/ /dge slong rgyal po la sogs pas bkur pa dang/ bar chad kyi dbang gis dgos pa yod pa dang/ g.yul la mngon par dga' ba'i dmag nyid dang
 der skya rengs gsum shar ba dang/ dgos pa de dag med par de bzhag gcig gi skya rengs shar ba dang/ dgos pa de dag med par der zhag gnyis pa'i skya rengs shar ba'o/ /de dag las yan lag ma tshang na ci rig par na smad do/ /dmag
 gi nang na gnas pa'i ltung byed de bzhi bcu drug pa'o// //dpung gi yan lag nyams su myong ba na byed pa'i ltung byed kyi gleng gzhi ni/ sangs rgyas bcom ldan 'das mnyan yod na rgyal bu rgyal byed kyi tshal/ mgon med zas
 sbyin gyi kun dga' ra ba na bzhugs so/ /ri brags pa de de lta na yang ma phebs nas/ ko sa la'i rgyal po gsal rgyal gyis/ khyim bdag mgon med zab sbyin la smras pa/ khyim bdag khye'u dag ming na nam/ lha khye'u dag ni
 mi dran te/ 'di ltar 'phags pa dag mthong bar 'tshal lo/ /ko sa la'i rgyal po gsal rgyal gyis/ dge 'dun la 'phags pa dag mthong bar 'tshal lo zhes yi ge spring ba dang/ dge bskos kyis dge 'dun gyi nang du yi ge blags te/
 gang der 'gro bar spro bar 'tshal ba des tshul shing long zhig ces tshul shing brims pa dang/ dge slong gnas brtan gnas brtan dag gis smras pa/ kho cag ni rgan po sbyor mi bzod pa dag yin pas der 'gro mi nus so/ /dge slong gsar
 bu gsar bu dag gis smras pa/ der chos bstan par bya dgos na/ bdag cag ni thos pa nyung ba yin pas chos ston par mi nus na/ der chu brim par bya'am ci/ bdag cag kyang der 'gro mi nus so/ /drug sde dag gis smras pa/ dga' 
 bo nye dga' ji srid du bcom ldan 'das bzhugs shing/ bdag cag gson pa de srid du bstan pa gnas la/ bcom ldan 'das yongs su mya ngan las 'das shing/ bdag cag dus la bab na bstan pa nub par brjod par bya ste/ ji
 srid du bdag cag gson pa de srid du bstan pa la gces pa bskyed par byas/ tshul shing blang ngo zhes de dag gis tshul shing blangs te/ der dong nas rgyal po la chos bstan pas rgyal po mngon par dad par byas so/ /btsun mo
 dag dang/ gzhon nu dag dang/ zhang blon dag dang/ khrom gyi ru sna dag la yang chos bstan pas skye bo phal po che'i tshogs mngon par dad par byas so/ /ko sa la'i rgyal po gsal rgyal gyis blon po rnams la smras pa/ ded la g.yul
 shoms shig ri brags pa bskor bar bya'o/ /de dag gis g.yul bsham par brtsams pa dang/ drug sde dag gis smras pa/ dga' bo nye dga' bdag cag gis yun ji srid du gzhan gyis spyod lam gyis gnas par bya/ rang gi spyod lam gyis
 gnas par byas/ gsus po che'i rgyal mtshan gyi mchog dang/ dpung gi mchog dang/ g.yul bkod cing bshams pa'i dmag la lta ba nyams su myong bar byas/ 'dod do zhes de dag g.yul shom pa'i nang du dong ste dris pa/ shes ldan
 dag ji byed/ de dag gis smras pa/ 'phags pa dag bkod ba shom mo/ /drug sde dag gis smras pa/ bkren pa dag glang po che bcos ma 'di lta bu dag phyogs 'dir 'jog gam/ 'dir rtsol cig ces de dag gis de dag gi mche ba dag nas bzung
 ste mdza' gcig tu bor ro/ /rta theng po 'di lta bu dag phyogs 'dir 'jog gam/ 'di rtsol cig ces de dag gis mjug ma dag nas bzung ste mdza' gcig tu bor ro/ /shing rta zhig pa 'di lta bu dag phyogs 'dir 'jog gam/ 'dir rtsol cig
 cas de dag gis srog shing dag nas bzung ste mdza' gcig tu bor ro/ /mi zhar ba 'di lta bu dag phyogs 'dir 'jog gam/ /'dir rtsol cig ces de dag gis de dag gi gnya' ba dag nas bzung ste/ mdza' gcig tu bor ro/ /drug sde dag gi
 mdun logs su ri brags pa dang ha cang thag mi ring bar 'khod de blag cor gyi sgra phyung ba dang/ de dag gis bsams pa/ ri brags pa dag rdzong nas rlugs te phyung ngo snyam du rig nas/ skrag cing sdangs te bros par brtsams pa dang/ drug sde
 dag myur bar myur bar der dong ste/ khrom gyi ru sna'i mdun du 'khong nas smras pa/ shes ldan dag ci'i phyir bros/ de dag gis smras pa/ 'phags pa dag ri brags pa dag rdzong nas rlugs te phyung ngo/ /drug sde dag gis smras pa/ bkren pa
 dag de ni kho bo cag gis ku re cung zhig byas pa yin te/ gal te ri brags pa dag gis khyed cag de ltar bred dangs par shes shing rig par gyur na/ nang par snga ba kho nar yang khyed cag gnyis ka gnya' ba dag nas
 btags te ri brags su khrid par gyur gyis/ ma 'jigs par phyir log cig /de dag gis phyogs gcig tu dong ste/ sems khongs su chud cing 'khod do/ /de tsam na ko sa la'i rgyal po gsal rgyal 'ongs nas des smras pa/ shes
 ldan dag khyed kyis da dung yang g.yul gyi bkod pa ma bshams sam/ de dag gis smras pa/ lha bdag cag rgyal bar ga la 'gyur/ 'di lta ste/ dge sbyong ras yug chen glegs pa 'tshal ba 'di dag mchis nas bdag cag la 'tho
 'tsham zhing mi mchi dgu mchi'o/ /gang dag /'phags pa drug sde dag go /shes ldan dag de dag ni dge sbyong h+ral po dag yin pas/ de dag gis smras pas khyed la ci gnod/ deng la g.yul gyi bkod pa shoms shig /ko sa la'i
 rgyal po gsal rgyal gyis bsams pa/ 'di dag yang dang yang du bdag la tho 'tsham par 'gyur ro snyam du rig nas/ bcom ldan 'das kyi spyan sngar mi zhig la 'phrin gyis bsnyun gsol te/ btsun pa 'phags pa 'di dag shin tu
 yun ring por dmag gi nang na gnas pa'i tshe yang bshams pa 'khrug tu mi mchi shing/ rgyal mtshan gyi mchog dang/ dpung gi mchog dang/ g.yul bshams pa'i dmag pa lta ba nyams su myong bar bgyid par mi 'gyur ba/ bcom
 ldan 'das kyis 'phags pa rnams la dran par bgyi ba cung zhig bca' ba mdzad na legs so zhes gsol to/ /de nas bcom ldan 'das kyis snga mi bzhin du/ dge slong zhag gnyis dmag gi nang na gnas pa'i tshe yang gal te
 bshams pa 'khrug tu 'gro 'am/ rgyal mtshan gyi mchog gam/ dpung gi mchog gam/ g.yul bshams pa'i dmag la lta ba nyams su myong bar byed na ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni
 ma dul ba/ nyes pa ni zhag gnyis dmag de'i nang na gnas pa'i tshe yang dpung gi yan lag nyams su myong bar byed pa'o/ /de la dge slong zhes bya ba ni drug sde'am gzhan yang de lta bu gang yin pa'o/ /zhag gnyis zhes bya ba ni zhag gnyis tshun chad
 do/ /dmag ces bya ba la/ dmag ni yan lag gcig pa yang yod/ yan lag gnyis pa yang yod/ yan lag gsum pa yang yod/ dmag yan lag bzhi pa yang yod do/ /dmag yan lag gcig pa gang zhe na/ glang po che'i tshogs so/ /dmag
 yan lag gnyis pa gang zhe na/ glang po che'i tshogs dang/ rta'i tshogs so/ /yan lag gsum pa gang zhe na/ glang po che'i tshogs dang/ rta'i tshogs dang/ shing rta'i tshogs so/ /dmag yan lag bzhi pa gang zhe na/ glang po che'i tshogs dang/ rta'i
 tshogs dang/ shing rta'i tshogs dang/ dpung bu chung gi tshogs so/ /de'i nang na gnas pa'i tshe yang zhes bya ba ni 'dug pa'i tshe yang ngo/ /gal te bshams pa 'khrug tu 'gro 'am/ zhes bya ba ni g.yul la chas pa 'khrug tu 'gro ba'o/ /rgyal mtshan
 gyi mchog ces bya ba ni/ rgyal mtshan rnam pa bzhi ste/ khyu mchog gi rgyal mtshan dang/ chu srin gyi rgyal mtshan dag seng+ge'i rgyal mtshan dang/ klu'i rgyal mtshan no/ /dpung gi mchog ces bya ba ni/ dpung gi tshogs yan lag bzhi pa ste/ glang po
 che'i tshogs dang/ rta'i tshogs dang/ shing rta'i tshogs dang/ dpung bu chung gi tshogs so/ /g.yul bshams pa'i dmag la blta ba nyams su myong bar byed na/ zhes bya ba la/ bshams pa rnam pa bzhi ste 'bru'i kha lta bu dang/ shing rta'i dbyibs
 lta bu dang/ zla gam gyi rnam pa lta bu dang/ nam mkha' lding gi 'dab ma lta bu'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong bar chad kyi dbang gis 'gro ba ma yin pas
 dpung gi yan lag bsdus pa'am/ so so ba sta gon byas pa rnams kyis dngos po reg pa dang/ bshams pa bkrug pa dang/ blta ba'i phyir 'phags shing nyen kor gyi mdza' las 'das te/ mthong ba lta bu nyams su myong na/ dpung gi yan lag
 nyams su myong bar byed pa'i ltung byed kyi dngos gzhir 'gyur ro/ /'di'i byed pa po ni/ dge slong bar chad kyi dbang gis 'gro ba ma yin pa la dpung gi yan lag bsdus pa'am/ so so sta gon byas pa rnams kyis dngos po byed pa po nyid yin
 no/ /'di la yan lag lngas dngos gzhi'i ltung bar 'gyur ro/ /dge slong bar chad kyi dbang gis 'gro ba ma yin pa dang/ dpung gi yan lag bzhi po rnams dang/ bsdus pa 'am so so ba gang yang rung ba dang/ sta gon byas pa rnams kyi
 dngos po reg pa dang/ bshams pa dkrugs pa dang/ lta ba'i phyir 'phags shing nyen kor gyis mdza' las 'das te mthong ba lta bu gang yang rung ba dang de dag nyams su myong ba'o/ /de dag las yan lag ma tshang na ci rigs par na smad
 do/ /dpung gi yan lag nyams su myong bar byed pa'i ltung byed de bzhi bcu bdun pa'o// //rdeg pa'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal bu rgyal byed kyi tshal/ mgon med zas sbyin gyi kun
 dga' ra ba na bzhugs so/ /gang gi tshe/ tshe dang ldan pa maung+gal gyi bu chen pos nye bar 'khor la sogs pa sar pa skyes phran gzhon nu bcu bdun sde'i tshogs dag rab tu phyung zhing bsnyen par rdzogs par byas pa de'i tshe na/ de dag drug ste dag la
 sten par byed/ bsnyen par byed/ bsnyen bkur byed de/ /de nas 'char kas smras pa/ bcu bdun sde dag tshur shog/ 'di dang 'di gyis shig /de dag gis smras pa/ ci khyod kho bo cag gi slob dpon yin nam mkha' po yin mi byed do/ /des gleng pa dag
 khyed las ci zhig byed ces de dag las gcig brdegs pa dang/ de dag thams cad kyi bdag cag brdegs so/ /bdag cag brdegs so zhes phyir rgan du bskyel te du bar brtsams so/ /dge slong rnams kyis smras pa/ tshe dang ldan pa 'char ka
 ci'i phyir gzhon nu rnams la rdeg par byed/ 'char kas smras pa/ tshe dang ldan pa bdag kho bos gcig brdegs pa dang/ thams cad sa la bskyel te du'o/ /dge slong rnams kyis bcu bdun sde dag la smras pa/ tshe dang ldan pa dag khyed cag
 las gcig brdegs na/ ci'i phyir thams cad sa la bsgyel te du/ de dag gis smras pa/ gal te ma dus ni thams cad la rdegs par 'gyur ro zhes zer nas/ dge slong don nyung ngu dag ci'i phyir dge slong dag khros 'khrug rngam par gyur te/ yid ma rangs
 nas/ dge slong la rdeg par byed ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang khros 'khrugs
 rngam bar gyur te/ yid ma rangs nas/ dge slong la rdeg na ltung byed do zhes bca' ba mdzad de/ yul ni mnyan yod/ gang zag ni 'char ka/ nyon mongs pa na zhe sdang gi kun tu sbyor ba/ nyes pa ni dge slong la rdeg pa'o/ /de la yang dge slong gang zhes
 bya ba ni 'char ka 'am gzhan yang de lta bu gang yin pa'o/ /khros 'khrugs rngam par gyur te yid ma rangs nas zhes bya ba ni/ khros shing khro ba'i zil gyis non nas so/ /dge slong la zhes bya ba ni chos 'di pa la'o/ /rdeg na zhes bya ba ni rdeg par byed
 pa'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gis rnyog ma can gyis sems nyid kyis dge slong pha rol la lus sam des 'phangs pa 'am/ de dag 'brel ba
 dag gang yang rung ba tha na rkang pa'i mthe bo 'am/ yungs kar ram/ rtswa dag gis rdeg na reg pa tsam gyis rdeg spyad re re la rdeg pa'i ltung byed kyi dngos gzhir 'gyur ro/ /'di'i byed pa po ni/ pha rol po brdeg par bya ba dge slong dang/ rdeg spyad gang  
 yang rung ba ji snyed pa'o/ /'di la yan lag lngas dngos gzhi'i ltung par 'gyur te/ rnyog pa can gyi sems nyid dang/ pha rol pa brdeg par bya ba dge slong nyid dang/ rdeg pa lus sam des 'phangs pa'i 'am/ de dang 'brel ba gang yang rung ba dang/
 rdeg spyad tha na rkang pa'i mthe bo 'am yungs kar ram/ rtsa bas chung ba gang yang rung ba dang/ tha na lus la reg pa'o/ /de dag las yan lag ma tshang na ci rigs par na smad do/ /rdeg pa'i ltung byed de bzhi bcu brgyad pa'o// //gzas pa'i ltung
 byed kyi gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe/ tshe dang ldan pa maung+gal gyi bu chen pos/ nye bar 'khor la sogs pa gsar pa skyes phran
 gzhon nu bcu bdun sde'i tshogs dag rab tu phyung zhing bsnyan par rdzogs par byas pa de'i tshe na de dag drug sde dag la sten par byed/ bsnyen par byed/ bsnyen bkur byed do/ /de nas 'char kas smras pa/ bcu bdun sde dag tshur shog /'di dang 'di gyis
 shig /de dag gis smras pa/ ci khyod kho bo cag gi slob dpon yin nam mkhan pa yin mi byed do/ /des glen pa dag khyed ci zhig byed ces/ de dag las gcig la rdeg par gzas pa dang/ de dag thams cad kyis bdag cag la rdeg par gzas so/ /bdag
 cag la rdeg par gzas so zhes phyi gan du bsgyel te du bar brtsams so/ /dge slong rnams kyis smras pa/ tshe dang ldan pa 'char ka ci'i phyir gzhon nu dag la rdeg par gzas/ 'char kas smras pa/ tshe dang ldan pa kho bos gcig la rdeg par gzas pa dang/ thams
 cad la 'gyel te du'o/ /dge slong rnams kyis bcu bdun sde dag la smras pa/ khyed cag la gcig la rdeg par gzas pa ni/ ci'i phyir thams cad sa la bsgyel te du/ de dag gis smras pa/ gal te ma dus na gang la cis rdeg gtol med do zhes zer nas/
 dge slong don nyung du dag ci'i phyir dge slong dag khros 'khrugs rngam par gyur te yid ma rangs nas/ dge slong la rdeg par gzas par byed ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis/ bcom ldan
 'das la gsol to/ /de nas bcom ldan 'das kyis snga ma bzhin du/ yang dge slong gang khros 'khrugs rngam par gyur te/ yid ma rangs nas dge slong la rdeg par gzas na/ tha na thal mos kyang rung ste/ ltung byed do zhes bca' ba mdzad de/ yul ni mnyan
 yod/ gang zag ni 'char ka/ nyon mongs pa ni zhe sdang gi kun tu sbyor ba/ nyes pa ni dge slong la rdeg par gzas pa'o/ /de la yang dge slong gang zhes bya ba ni 'char ka 'am/ gzhan yang de lta bu gang yin pa'o/ /khros 'khrugs rngam par gyur te yid ma
 rangs nas zhes bya ba ni/ khros shing khro ba'i zil gyis gnon nas so/ /dge slong la zhes bya ba ni chos 'di pa la'o/ /rdeg par gzas na zhes bya ba ni/ brdeg par bshams na'o/ /tha na thal mas kyang rung ste zhes bya ba ni/ tha na thal lhag kyang gzas kyang
 rung sta'i/ /ltung byed de zhes bya ba ni snga ma bzhin no/ /sngar rdeg pa'i ltung byed bstan pa dang/ 'dir gzas pa'i ltung byed bstan pa de gnyis kyi spyi'i mtshan nyid ni 'dra'o/ /bye brag tu ni/ snga ma ni brdeg pa'i yul la rnam par bzhag go /'di ni rdeg
 par gzas pa'i yul la rnam par bzhag go /de la 'dir ni dngos gzhi'i ltung ba rnam par bzhag pa ni/ dge slong gis rnyog pa can gyi sems nyid kyis dge slong pha rol la lus sam/ des 'phangs pa 'am/ de dang 'brel ba
 dag gang yang rung ba tha na rkang pa'i mthe bo 'am/ yungs kar ras/ rtswa dag gis rdeg par gzas na/ gzas pa tsam gyis rdzas re re la gzas pa'i ltung byed kyi dngos gzhir 'gyur ro/ /'di'i byed pa po ni pha rol po la rdeg par gzas pa dge slong
 nyid dang/ gzo ba'i rdzas gang yang rung ba ji snyed pa'o/ /'di la yan lag lngas dngos gzhi'i ltung bar 'gyur te/ rnyog pa can gyi sems nyid dang/ pha rol po rdeg par gzas pa dge slong nyid dang/ gzas pa lus sam/ des 'phangs pa'am
 de dang 'bral pa gang yang rung ba dang/ gze ba'i rdzas tha na rkang pa'i mthe bo dang/ yungs kar ram/ rtswa bas chung ba gang yang rung ba dang/ tha na gzas par brtsams pa'o/ /de dag las yan lag ma tshang na ci rig par na smad do/ /gzas pa'i
 ltung byed de bzhi bcu dgu pa'o// //gnas ngan len 'chab pa'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /dga' bo la lhan cig
 gnas pa dge slong chos zhes bya ba ngo tsha shes pa 'gyod pa dang ldan pa bsdams pa bslab pa 'dod pa zhig yod pa des/ ji srid du de gnas ngan len kun tu spyod par mi shes pa de srid du de dang lhan cig gnas so/ /gang gi tshe des de
 gnas ngan len kun tu spyod par shes pa de'i tshe na de rang bzhin du gnas pa'i dge slong rnams dang lhan cig gnas par brtsams te/ bcom ldan 'das kyi bka' lung gis dus gsum du rkang pa la phyag 'tshal du 'gro ba 'ba' zhig
 byed do/ /de dga' bo'i gan du song ste/ mkhan po gdugs la spyod du mchi'o zhus pa dang/ nye dags thos nas smras pa/ bu chos kho bo'i stan yang khyer la song zhig /des de'i stan khyer te nyin mo spyad du song nas/ des de'i stan de shing ljon pa zhig gi drung
 du bzhag ste/ dben pa'i phyogs su 'dug nas/ yid la byed pa skyed par brtsams so/ /de'i 'og tu nye dga' 'ongs nas/ chos kyis smras pa/ slob dpon gdan shing ljon pa'i drung du bzhag gis/ der bzhud pa la bzugs shig/ nye dga' der seng
 nas mgo g.yogs te 'dug pa dang/ des der mors pa ma rnyed nas stan las langs te phyogs bzhir rnam par blta bar blta bar bsams pa dang/ ji tsam bu mo zhig rgyal byed kyi tshal gyis rib ma 'dral ba mthong nas/ nye dga' song ste smras
 pa/ bu mo khyod ci'i phyir rgyal byad tshal gyis rib ma 'dral bar byed/ bu mo des 'dzum phyung ba dang/ nye dags de'i yan lag dang nying lag dag nas brtsams te'o byas nas/ de chos kyi gan du song ste dris pa/ bu chos khyod kyi cung zad mthong
 dam/ slob dpon gzhug pa 'dzud pa 'ba' shig ma gtogs pa gzhan thams cad mthong ngo/ /bu chos su la yang ma zer cig /slob dpon ji srid du rang bzhin du gnas pa'i dge slong ma mthong ba de srid kyi bar du su la yang mi mchi'o/ /nye dags
 smras pa/ kho bo khyod kyis mkhan po'i gnas ngan len gyis ltung ba 'chab par byed na/ khyod kho bo'i 'chab par mi byed dam/ slob dpon khyed 'chab par mdzad kyang bdag ni 'chab par mi bgyid do/ /zhes zer ba'i skabs de dag slong rnams la brjod
 pa dang/ dge slong don nyung du dag ci'i phyir/ dge slong gi gnas ngan len gyis ltung ba 'chab par byed ces smod par byed/ phyar ga gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas
 bcom ldan 'das kyis snga ma bzhin du/ yang dge slong gang shes bzhin du dge slong gi gnas ngan len gyi ltung ba 'chab na ltung byed do/ /zhes bca' ba mdzad de/ yul ni mnyan yod/ gang zag ni nye dga' / nyon mongs pa ni nyes
 rtsom/ nyes pa ni shes bzhin du dge slong gi gnas ngan len 'chab pa'o/ /de la yang dge slong gang zhes bya ba ni/ shAkya'i bu nye dga' 'am/ gzhan yang de lta bu gang yin pa'o/ /shes bzhin du zhes bya ba ni/ de rang nyid kyis rig par gyur pa 'am
 gzhan dag gis brjod pa'o/ /dge slong gi zhes bya ba ni chos 'di ba'o/ /gnas ngan len gyi ltung ba zhes bya ba ni gnas ngan len gnyis te/ pham par 'gyur pa kun nas slong ba dang/ dge 'dun lhag ma kun nas slong ba'o/ /ci'i phyir de dag
 gnas ngan len ces bya zhes na/ ngo bo nyid las dang/ kun nas slong ba las so/ /'chab na zhes bya ba ni mkhyud na'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gis shes
 bzhin du dge slong gis pham par 'gyur ba dang/ dge 'dun lhag ma'i ltung ba 'chab na bde ba la mi reg pa dang/ dge sbyong gi tshul dang/ tshangs par spyod pa'i bar chad dang/ dge 'dun 'khrug tu dogs pa'i dbang nyid ma gtogs par
 nyin mtshan gcig gi skya rengs dang po shar ba'i mthar gnas ngan len 'chab pa'i ltung byed kyi dngos gzhir 'gyur ro/ /'di'i byed pa po ni dge slong gzhan gyis pham par 'gyur ba dang/ dge 'dun lhag ma'i ltung ba byung ba nyid la 'du
 shes gtso cher byed pa po nyid yin no/ /'di la yan lag lngas dngos gzhi'i ltung bar 'gyur te/ dge slong gzhan gyis pham par 'gyur ba 'am/ dge 'dun lhag ma kun nas slong ba'i gnas ngan len 'byung ba nyid dang/ der 'du shes pa
 dang/ 'chab pa dang bdag la gzhi des bde ba la mi reg pa dang/ dge sbyong gi tshul dang/ tshangs par spyod pa'i bar chad dang/ dge 'dun 'khrug tu dogs pa'i dbang nyid ma gtogs pa dang/ nyin mtshan gyi mdza' thug pa'o/ /de dag las yan
 lag ma tshang na ci rigs par na smad do/ /gnas ngan len 'chab pa'i ltung byed de lnga bcu pa'o// //sdom la/ bde dang ma dang 'dun pa dang/ bsnyen par ma rdzogs chos dang smra/ /dge tshul kha dog sgyur ba dang/ /rin po che dang tsha ba'i dus/
 zhes bya ba ni bcu pa drug pa yin te/ sdom la zhes bya ba'i tshig gi don dang dogs pa ni snga ma bzhin no/ /bcu pa drug pa 'dis kyang ltung byed kyi chos bcu bstan te/ zan gcod du 'dzud pa dang/ me la reg pa dang/ 'dun pa phyir bsgyur ba dang
 bsnyen par ma rdzogs pa dang/ lhan cig nyal ba dang/ lta ba'i rnam pa mi gtong ba dang/ spangs pa'i rjes su phyogs pa dang/ bsnyil ba bsdus pa dang/ kha ma bsgyur ba'i gos gyon pa dang/ longs pa'i gzhir gtogs pa dang/ lus
 byed pa'i ltung byed do/ /de la zan gcod du 'dzud pa'i ltung byed kyi gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dga' bo'i lhan cig gnas pa dge
 slong chos zhes bya ba ngo tsha shes pa 'gyod pa dang ldan pa bsdams pa/ bslab pa 'dod pa zhig yod pa nges ji srid du de gnas ngan len kun tu spyod par mi shes pa de srid du de dang ldan cig gnas so/ /gang gi tshe de gnas ngan len kun tu
 spyod par shes pa de'i tshe na de rang bzhin du gnas pa'i dge slong rnams dang lhan cig gnas par brtsams te/ bcom ldan 'das kyi bka' lung gis dus gsum du rkang pa la phyag 'tshal du 'gro ba 'ba' zhig byed de/ nye dags dga' bo la
 smras pa/ slob dpon chos 'das kho bo/ /sangs rgyas la sogs pa dge slong gi dge 'dun gyi mdun du tho btsams pa la ltos/ kho bos kyang 'di la nges par gnod pa cung zhig bya'o/ /dga' bos smras pa/ dge slong chos
 'di ni ngo tsha shes pa/ 'gyod pa dang ldan pa bsdams pa/ bslab pa 'dod pa yin pas/ khyod kyi 'di la gnod pa ci zhig byar yod/ nges par 'di zan bcad par bya'o/ /de ni nus so/ /khyim bdag gcig gis dga' bo dang nye dga' gnyis
 zan la 'gron du bos pa dang/ nye dags bsams pa/ dang chos 'di'i zan bcad par bya'o snyam nas/ chos dga' bo'i gan du bsod snyoms la 'gro bar zhur 'ongs pa'i tshe/ dga' bos chos la smras pa/ chos kho bo cag dong khyim bdag
 gcig gis zan la 'gron du bos kyis tshur shog la de nyid du zan zo zhig /des smras pa/ lhung bzed dang chu tshags blangs te mchi'o/ /nye dags smras pa/ der lhung bzed dang chu tshags kyis ci bya/ der snod bkrus pa dang/ chu tshags dag
 'bogs kyis tshur shog 'dod do/ /de de gnyis dang lhan cig mnyan yod du zhugs pa dang/ de gnyis srad du dong ste/ tshong khang du 'khong nas/ nye dags khyim bdag de'i khyim du song ste/ zas zos nas phyir 'ongs so/ /de'i 'og tu
 dga' bo yang khyim bdag de'i khyim du dong ste zan za zhing 'dug go /chos kyis nye dga' la smras pa/ slob dpon gdugs tshod bab kyis bzhud do/ /nye dags smras pa/ der thams cad sta gon byas zin pas der song ste/ bza' 
 ba las gzhan pa'i bya ba ci yang med kyis/ gdugs tshod kyi kha kho nar 'dod do/ /chos la nges te rkang pa gnyis kyis grib chod gzhal bar brtsams pa dang nye dags smras pa/ glen pa kho bo cag gi bslab pa la cung zad yid
 mi ches sam/ ci khyod kyi rmi lam na kho bo cag dus ma yin par za bar 'gyur snyam mam/ kho bo khyod dang lhan cig smra 'am/ 'dug pa bde ba ma yin gyis/ 'di ltar kho bo gcig pu kho na smra 'dug na bdes khyod song zhig /chos kyis bsams pa/ blta
 bdag gis lhung bzed dang chu tshags khyer te 'ongs par gyur na/ bdag bsod snyoms pha rgyu bar 'gyur ba zhig na/ de ni ci byar yang med do snyam nas/ de gtsug lag khang du song ste/ ji srid du de'i lus las mdangs ma yal ba de srid du dge ba'i phyogs
 la ton byas nas/ gang gi tshe de'i lus las mdangs yal ba de'i tshe na glos phab ste nyal ba dang/ dge slong rnams kyis de la smras pa/ tshe dang ldan pa chos gal te zan gzhan gyi yin zhes lto yang gzhan gyi yin nam ci na/ ji tsam gyis dge ba'i
 phyogs la ton byed kyang mi nus pa/ de tsam gyis zan zos so/ /sus zos/ khyod kyis ma zos sam ma zos so/ /de ci'i phyir des skabs de rgyas par brjod pa dang/ dge slong don nyung ngu dag ci'i phyir dge slong dag ched du bsams te/ dge slong gi zan
 gcod du 'jug ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang glan ka tshol zhing ci nas kyang
 dge slong 'di la glan ka btsal bar 'gyur snyam pa de nyid rkyen du byas te/ dge slong la 'di skad dag tshe dang ldan pa tshur shog /khyim bdag can du 'dor dang/ der khyod la bca' ba dang bza' ba bsod pa ji tsam 'dod pa sbyin du gzhug go zhes smras nas/
 des de la sbyin du ma bcug par de'i 'og tu 'di skad ces tshe dang ldan pa kho bo khyod dang lhan cig smra ba 'am 'dug pa bde ma ma yin gyi/ 'di ltar kho bo gcig pu kho na smra'am/ 'dug na bdes khyod song zhig ces zer na/ ltung byed do zhes bca' ba
 mdzad de/ yul ni mnyan yod/ gang zag ni nye dga' / nyon mongs pa ni zhe gdug /nyes pa ni ched du bsams te dge slong gi zan gcod du 'dzud pa'o/ /de la yang dge slong gang zhes bya ba ni shAkya'i bu nye dga' 'am/ gzhan yang de
 lta bu gang yin pa'o/ /klan ka tshol zhing ci nas kyang dge slong 'di la klan ka btsal bar 'gyur ro/ /snyam pa zhes bya ba ni/ ci nas kyang dge slong 'di'i zan gcod du bcug par 'gyur snyam pa'o/ /de nyid rkyen du byas te zhes bya ba ni gzhan ma yin pa'o/
 dge slong la zhes bya ba ni chos 'di pa la'o/ /'di skad ces bya ba ni 'di skad smras nas so/ /tshe dang ldan pa tshur shog /khyim bdag du 'dod dang zhes bya ba ni/ bram ze dang khyim bdag gi khyim dag tu'o/ /der khyod la bca' ba dang bza' ba bsod pa zhes bya
 ba ni bza' ba lnga po dang bca' ba lnga po dag go /ji tsam 'dod pa sbyin du gzhug go zhes smras nas zhes bya ba ni ji tsam gyi chog pa'o/ /des de la sbyin du ma bcug par/ de'i 'og tu 'di skad ces/ tshe dang ldan pa kho bo khyod dang lhan cig smra'am 'dug pa bde
 ba ma yin gyi/ 'di ltar kho bo gcig pu smra 'am 'dug na bdes khyod song zhig ces zer na zhes bya ba ni de skad ces zer na'o/ /ltung byed do zhes bya ba ni sems can dmyal ba dang/ dud 'gro dang/ yi dags ngan song dang/ ngan 'gro dang/ log par
 ltung ba dag tu sreg par byed/ 'tshed par byed ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la 'dir dngos gzhi'i ltung
 ba rnam par gzhag pa ni/ dge slong dag gis dge slong pha rol po'i nang kyi gnyen po'i don nyid ma gtogs par ched du bsams te/ khyim pa sbyin pa po'i tshig gis bsgo bas zan gcod du bcug na/ zan gcod du 'jug pa'i ltung byed kyi dngos gzhir 'gyur ro/
 'di'i byed pa po ni/ zan bcad par bya ba dge slong nyid dang/ sbyin bdag khyim pa dang/ zas nyid do/ /'di la yan lag lngas dngos gzhi'i ltung bar 'gyur te/ ched du bsams pa dang/ zan bcad par bya ba dge slong nyid dang/ nad kyi gnyen po'i don nyid ma gtogs pa dang/
 sbyin pa po khyim pa dang/ tshig gis bsgo bas zan gcod du 'jug pa'o/ /de bdag las yan lag ma tshang na ci rigs par na smad do/ /zan gcod du 'jug pa'i ltung byed de lnga bcu gcig pa'o// //me la reg pa'i ltung byed kyi glang gzhi ni/ sangs rgyas bcom
 ldan 'das ma garha? dag tu ljongs rgyu zhing gshegs pa na rgyal po'i khab tu byon nas/ rgyal po'i khab na 'od ma'i tshal bya ka lan ta ka'i gnas na bzhugs so/ /de'i tshe na drug sde dag /mes gzhan la gtod pas rtse bar byed cing zla ba yang byed/ nyi ma yang
 yang byed/ mgal me'i 'khor lo yang byed nas mu stegs can dag shes ldan dag /shAkya'i bu'i dge sbyong 'di dag mes gzhan la gtong bas rtse bar byed/ zla ba yang byed/ nyi ma yang byed/ mgal me'i 'khor lo yang byed de/ byis pa khye'u dag kyang de ltar
 byed na/ shes ldan dag byis pa bye'u dag dang/ shAkya'i bu'i dge sbyong 'di dag la bye brag ni ci yod/ bsam pa ni ci yod/ tha dad du bya ba ni ci yod/ su zhig dge sbyong mgo rig? 'di dag la bsod snyoms sbyin pa dang bya bar sems zhes smod par byed/ phyar ka gtong bar byed
 kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang min par bdag nyid kyi phyir me la reg gam reg tu 'dzud na ltung byed do zhes bca' ba mdzad de/ yul ni rgyal
 po'i khab gang zag ni drug sde/ nyon mongs pa ni 'gran gtor la dga' ba/ nyes pa ni min par bdag nyid kyi phyir mel reg par byed pa'o/ /de la yang dge slong gang zhes bya ba ni/ drug sde 'am gzhan de lta bu gang yin pa'o/ /min par zhes bya ba ni na ba bzhag
 ste'o/ /bdag nyid kyi phyir zhes bya ba ni bdag nyid kyi ched du'o/ /mel reg gam zhes bya ba ni bdag nyid kyis so/ /reg tu 'dzud na zhes bya ba ni gzhan no/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par gzhag
 par ni/ dge slong gi mes rtse ba nyid kyis gzhan la gtong bas zla ba dang/ nyi ma dang/ mgal me'i 'khor lo la sogs pa byed pa dang/ ston pa dang/ chos dang/ dge 'dun dang/ tshangs pa mtshungs par spyod pa rnams kyis chos dang ldan pa'i bya ba'i don
 nyid dang/ lhung bzed dam mtshon gyi las la brtag pa lta bus dus byin gyis ma brlabs pa'i dge slong na ba'i dbang nyid du gnas pa ma yin pas/ spang ba dang/ gsod pa pa dang/ mes reg pa dang/ ma reg pa'i bud shing bskul ba dang/ me dang bcas pa
 'dren pa dang/ bskul ba dang/ mdab ma spung ba dang/ 'dru ba dag dang/ me ma mur dang/ me lcer bud shing 'dzud pa dang/ 'byin pa rang ngam bsgo bas byed na me la reg pa'i ltung byed kyi dngos gzhir 'gyur ro/ /'di'i byed pa po ni me ma mur dang/ me lce ma
 gtogs pa'i me nyid dang/ mes rtse ba nyid dang/ dus byin gyis ma brlab pa dang/ na ba'i dbang nyid du gnas pa ma yin pa'o/ /'di la yan lag lngas dngos gzhi'i ltung bar 'gyur te/ me nyid dang/ mes rtse ba nyid dang/ dus byin gyis ma brlabs
 pa dang/ na ba'i dbang nyid du gnas pa ma yin pa dang/ rang ngam bsgo bas reg pa'o/ /de dag las yan lag ma tshang na ci rigs par na smad do/ /me la reg pa'i ltung byed lnga bcu gnyis pa'o// //bdun pa phyir bsgyur ba'i ltung byed kyi gleng gzhi ni
 sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa 'char kas nyon mongs pa thams cad spangs pas/ dgra bcom pa nyid mngon sum du byas pa dang/ /
 tshe dang ldan pa 'dun pa ni kau shaM bir song ste/ yid dal du 'dug pa dang/ 'gro mgyogs dang nab so gnyis ni dus la bab pa dang dga' bo dang nye dga' gnyis ni dge 'dun gyi nang du gnas pa de'i tshe na bcu bdun sde dag 'dug pa dang/ pha rol gnon par
 gyur cing mdo sde 'dzin pa dang/ 'dul ba 'dzin pa dang/ ma mo 'dzin pa yang yin pas/ de dag gis smras pa/ tshe dang ldan pa dag bdag cag la yun ring po nas drug sde dag gis tho brtsams te/ ji ltar dga' bo dang nye dga' gnyis kyis tho btsams pa
 ltar yang gzhan dag gis tho btsams la/ ji ltar nye dags tho btsams pa ltar yang/ dga' bos tho ma btsams kyis tshur shog /de gnas nas dbyung ba'i las bya'o/ /de nas gcig gis smras pa/ phu nu pho dag de'i phu bo dga' bo rtsod pa la mkhas pas
 bdag cag gis nye dga' gnas nas dbyung ba'i las bya bar mi nus so/ /de brel ba bskyed par bya'o/ /zhes de dag dga' bo'i gan du song ste smras pa/ gnas brtan phyag 'tshal lo/ /tshe dang ldan pa dag a rok+Sha/ gnas brtan gyi chos gos dag dri ma can du
 gyur to/ /bu dag kho bo rgas par gyur pas/ dge slong lhan cig gnas pa dag gis kyang rgas pa'i phyir brnyas te/ phyin chad chos gos kyi las byed du mi btub bo/ /bdag cag gis gnas brtan gyi chos gos dag bkru bar bgyis/ chos gos dag tshur stsol/
 zhig ces bcu bdun sde dag gis/ dga' bo la rnyang rnying dag brkon te/ de'i chos gos thams cad blangs nas 'gyur byed kyis bstsal te gnas mal bshams nas gaN+Di brdungs te/ dga' bo'i gan du song ste smras pa/ gnas brtan dge 'dun gyi bya ba cung zhig
 mchis te/ gaN+Di brdungs kyis tshur sbyon/ dga' bos smras pa/ bu dag kho bo 'di 'dra ba'i gnas skabs kyis/ dge 'dun gyi nang du ji ltar 'gro bar bya/ dge 'dun gyi bya ba chos dang ldan pa la 'dun pa 'bul lo/ /de nas dge slong thams cad 'dug
 cing mthun par gyur pa na/ dge slong gleng ba po rgan po'i mdza' logs su 'dug ste/ nyes dga' la smras pa/ btsun pa nye dga' khyod kyis bcu bdun sde dag gi lto dral te rgyu ma dag gis rgyal byed kyi tshal bskor bar bya'o zhes bya ba de
 lta bu'i tshig smras pa gang yin pa de dran nam/ tshe dang ldan pa rma sos pa dag dral te ci bya/ de ni 'das pa'i don yin no/ /de dag gis smras pa/ bcom ldan 'das kyis 'das pa'i dus kho na la brtsams te/ 'dul ba las nyan thos kyis bslab
 pa'i gzhi bca' ba mdzad do zhes de dag la nye dga' la gya tshom gyi nan gyis gnan nas dbyung ba'i las bya'o/ /nye dga' gnas nas dbyung ba'i las byas nas/ phu bo dga' bo'i gan du song ste/ ngu bar brtsams pa dang/ dga' bos smras pa/ nye dga' 
 ci'i phyir du/ nye dags smras pa/ lhung bzed nag po can dag gis/ kho bo gnas nas dbyung ba'i las byas so/ /dga' bos smras pa/ gang dag gis kho bo'i nu bo gnas nas dbyung ba'i las byas pa de dag grong dang grong khyer dang/ ljongs dang/ khams gsum
 nas phyung bar gyur cig /kho bos bdag gi nu bo gnas nas dbyung bar ma shes kyis/ dge slong 'dun pa phyir byin cig /khyed la 'dun pa mi sbyin no zhes zer nas/ dge slong don nyung ngu dag ci'i phyir dge slong gang dge 'dun gyis bya ba chos dang ldan pa la/
 dge slong la 'dun pa phul nas/ de'i 'og tu khros 'khrugs rngam par gyur te/ yid ma rangs nas spong ba'i chos su byed cing/ 'di skad ces dge slong 'dun pa phyir byin cig /khyod la mi sbyin no zhes smod par byed/ phyar ka gtong bar byed/ kha zed bar
 byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang dge 'dun gyis bya ba chos dang ldan pa la dge slong la 'dun pa phul nas/ de'i 'og tu khros 'khrugs rngam
 par gyur te yid ma rangs nas spong ba'i chos su byed cing/ 'di skad ces dge slong 'dun pa phyir byin cig /khyod la mi sbyin no/ /zhes zer na ltung byed do zhes bca' ba mdzad de/ yul ni mnyan yod/ gang zag ni dga' bo/ /nyon mongs pa ni spong ba'i chos su byed pa
 nyes pa ni 'dun pa phyir bsgyur ba'o/ /de la yang dge slong gang zhes bya ba ni/ shAkya'i bu dga' bo 'am/ gzhan yang de lta bu gang yin pa'o/ /dge 'dun gyi zhes bya ba ni/ de bzhin gshegs pa'i nyan thos kyi dge 'dun gyi'o/ /bya ba chos dang ldan pa la zhes bya
 ba'i las chos 'di dang ldan pa la'o/ /dge slong la zhes bya ba ni chos 'di pa la'o/ /'dun par phul nas zhes bya ba ni 'dun pa byin nas so/ /de'i 'og tu zhes bya ba ni dus gzhan no/ /khros 'khrugs rngam par gyur te yid ma rangs nas zhes bya ba ni khro ba'i zil
 gyis non nas so/ /spong ba'i chos su byed cing zhes bya ba ni bsnyon pa'i chos su byed cing ngo/ /'di skad ces bya ba ni 'di skad ces zer na'o/ /dge slong la 'dun pa phyir byin cig khyod la mi sbyin no zhes bya ba ni 'di skad ces zer na'o/ /ltung byed do zhes bya ba
 ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gis las brgya rtsa gcig gi gnas nas nan tur gyi las lnga dang/ gang zag bcu gnyis bsko ba dang/ grangs su gzhug pa'i gzhi la sogs pa lta bu dge slong gi don gyi
 ched kyi las dge 'dun gyis chos bzhin du byas pa las 'dun pa phul ba phyir bsgyur ba'i phyir dge slong 'dun pa phyir byin cig /khyod la mi sbyin no zhes smra na/ 'dun pa phyir sgyur ba'i ltung byed kyi dngos gzhir 'gyur ro/ /'di'i byed pa po ni/ dge slong gi don
 gyi ched kyi las byas ba la 'dun pa phul ba'o/ /'di la yan lag lngas dngos gzhi'i ltung bar 'gyur te/ dge slong gi don gyi tshed dang las dang/ de la 'dun pa phul ba dang dge 'dun gyi chos bzhin du byas pa dang/ de phyir bsgyur ba'i phyir smras pa'o//
 de dag las yan lag ma tshang na ci rigs par na smad do/ /'dun pa phyir bsgyur ba'i ltung byed de lnga bcu gsum pa'o// //so sor thar pa'i mdo'i gzhung 'grel// //bam po bcu bzhi pa/ /bsnyen par ma rdzogs pa dang lhan cig
 nyal ba'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong gis/ gang zag bsnyen par ma rdzogs pa dang lhan cig
 nyal bar mi bya zhing/ snang ba la yang nyal bar mi bya'o zhes bka' stsal nas/ nye dga' la dge tshul tsher ma dang/ chen po pa zhes bya ba gnyis yod do/ /de de gnyis dang lhan cig nub gnyis las lhag par gnas gcig tu nyal bar byed nas/ dge slong
 rnams kyis des smras pa/ tshe dang ldan pa nye dga' / bcom ldan 'das kyis/ dge slong gis gang zag bsnyen par ma rdzogs pa dang lhan cig nub gnyis las lhag par gnas gcig tu nyal bar mi bya'o zhes bka' stsal gyis khyod gang zag bsnyen par
 ma rdzogs pa dang/ lhan cig nub gnyis las lhag par gnas gcig tu ma nyal cig nye dags smras pa/ gang la nub gnyis rung ba de la nub gsum pa yang rung mod/ nub gsum pas chang 'thungs sam/ kun 'dong zos sam/ ci nyes zhes zer nas
 dge slong don nyung ngu dag bcom ldan 'das kyis/ dge slong gis gang zag bsnyen par ma rdzogs pa dang lhan cig nub gnyis las lhag par gnas gcig tu nyal bar mi bya'o zhes bka' stsal na/ ci'i phyir dge slong dag ched du bsams te/ nub
 gnyis las 'da' bar byed ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang zag bsnyen par ma rdzogs
 pa dang lhan cig /nub gnyis las lhag par gnas gcig tu nyal na ltung byed do zhes bca' ba mdzad do/ /yul ni mnyan yod/ gang zag ni nye dga' / nyon mongs pa ni 'dod chags kyi cha la brten pa/ nyes pa ni gang zag bsnyen par ma rdzogs pa dang/ lhan
 cig nub gnyis las lhag par gnas gcig tu nyal ba'o/ /de la yang dge slong gang zhes bya ba ni/ shAkya'i bu nye dga' 'am/ gzhan yang de lta bu gang yin pa'o/ /gang zag bsnyen par ma rdzogs pa dang lhan cig ces bya ba la/ bsnyen par rdzogs ma ni gnyis
 te/ dge slong dang/ dge slong ma'o/ /de las gzhan bya ba ni bsnyen par ma rdzogs pa'o/ /nub gnyis las lhag par zhes bya ba ni/ nub gnyis las 'das par ro/ /gnas cig tu nyal na zhes bya ba ni gnas bzhi po thams cad g.yogs shing thams cad bskor ba
 dang/ thams cad g.yogs shing phal cher bskor ba dang/ phal cher g.yogs shing thams cad bskor ba dang/ phal cher g.yogs shing phal cher bskor ba dag tu nyal bas kyang skya reng 'char bar byed na'o/ /de la gnas thams cad g.yogs shing thams cad
 bskor ba ni gnas khang dang/ 'khor gyi khyams dang/ khang pa brtsegs pa dag go /thams cad g.yogs shing phal cher bskor ba ni sgo bcu pa dang sgo bcu gnyis pa dag go /phal cher g.yogs shar thams cad bskor ba ni/ khyams ngos bzhi pa dag? phal
 cher g.yogs shing phal cher bskor ba ni khyams ngos gsum pa dang/ 'khor gyi khyams dag go /ltung byed do zhes bya ba ni snga ma bzhin no/ /de la 'dir dngos bzhi ni ltung ba rnam par bzhag pa ni/ dge slong lam gyis dub pa rmya ba dang/ dge slong gis
 byar mi rung ba sgrub par byed pa bsnyen par ma rdzogs pa dang lhan cig pa'i nad pa dang/ nad g.yog dang/ 'khor lor? pa'i dge slong sdig pa can rang gi dge tshul la 'tsho ba gnas der 'ongs pa ma gtogs pas khyim pa 'am/ rab tu byung ba'i gang zag bsnyen
 par ma rdzogs pa mchin dang lta ba gang yang rung ba dang lhan cig gnyi ga nyal ba'i spyod lam gyis gnyid log pas gnas phal cher ba sogs pa dang/ bskor ba la sogs pa gcig tu mtshan mo gsum pa'i skya reng 'char pa'i mthar nyal na
 bsnyen par ma rdzogs pa dang/ /lhan cig nyal ba'i ltung byed kyi dngos gzhir 'gyur ro/ /'di'i byed pa po ni khyim pa'am/ rab tu byung ba'i gang zag bsnyen par ma rdzogs pa mtshan dang lta ba gang yang rung ba dang/ gnas gcig pa nyid do/ /'di la yan lag
 lngas dngos gzhi'i ltung bar 'gyur te/ dge slong lam gyis dub pa rmya ba la sogs pa ma yin pa nyid dang/ khyim pa 'am rab tu byung ba'i gang zag bsnyen par ma rdzogs pa mtshan dang lta ba gang yang rung ba dang/ gnas gcig pa nyid dang/ gnyi ga nyal
 ba'i spyod lam gyis gnyid log pa nyid dang/ mtshan mo gsum pa'i skya reng shar pa'o/ /de dag las yan lag ma tshang na ci rigs par na smad do/ /bsnyen par ma rdzogs pa dang lhan cig nyal ba'i ltung byed de lnga bcu bzhi pa'o// //lta ba'i rnam
 pa mi gtong ba'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na sngon pod rdzi dge slong 'chi ltas la sdig pa can gyi lta bar rnam
 pa 'di lta bu 'di byung ste/ 'di ltar bcom ldan 'das kyis par du gcod pa'i chos su gsungs pa gang dag yin pa de dag bstan kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer ro/ /dge
 slong rab tu mang po dag gis de thos nas skabs de bcom ldan 'das la gsol pa dang/ /bcom ldan 'das kyis bka' stsal pa/ dge slong dag khyod kyis sngon pod rdzi dge slong 'chi ltas dang/ gzhan yang de lta bu gang yin pa la gzhi de gtong du gzhug pa'i
 phyir/ dang por bzhams te bsgo bar bya'o/ /de lta na yang mi gtong na/ gsol ba dang bzhi'i las kyis bsgo bar bya'o/ /dge slong dag gis de bzhin byas kyang nga? sdig pa can gyi lta ba'i rnam pa/ de nyid lan na gyis mchog tu bzung zhing mngon par zhen nas/ 'di nyid bdag?
 gyi/ gzhan ni brdzun pa'o zhes rjes su tha snyad 'dogs pa'i skabs de/ dge slong rnams kyis bcom ldan 'das la gsol to/ de nas bcom ldan 'das kyis snga ma bzhin du/ yang dge slong gang 'di skad ces/ ji ltar bcom ldan 'das kyis/ bar du gcod pa'i
 chos su gsungs pa gang dag yin pa de dag bsten kyang bar du gcod par mi 'gyur ro/ /de ltar bcom ldan 'das kyis chos bstan pa bdag gis shes so zhes zer na/ de dge slong de la dge slong rnams kyis 'di skad ces tshe dang ldan pa khyod ji ltar bcom ldan
 'das kyis bar du gcod pa'i chos su gsungs pa gang dag yin pa'i dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la skur ba ma 'debs
 shig /bcom ldan 'das la skur pas legs par mi 'gyur ro/ /bcom ldan 'das na de skad mi gsung ngo/ /tshe dang ldan bar du gcod pa'i chos rnams ni/ bar du gcod pa nyid do zhes bcom ldan 'das kyis rnam grangs du mar gsungs te/ de dag
 bston na bar du gcod par 'gyur gyis/ tshe dang ldan pa khyod sdig pa can gyi lta ba'i rnam pa 'di lta bu 'di mthong zhig ces bsgo bar bya'o/ /de dge slong de la dge slong rnams kyis de skad bsgo ba na/ gal te gzhi de gtong na de lta na legs/ gal te mi
 gtong na bzhi de gtong bar bya ba'i phyir/ lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na lags/ gal te mi
 gtong na ltung byed do zhes bca' ba mdzad de/ yul ni mnyan yod/ gang zag ni sngon pod rdzi dge slong 'chi ltas/ nyon mongs pa ni lta ba'i kun tu sbyor ba/ nyes pa ni sdig pa can gyi lta ba ni rnam pa mi gtong ba'o/ /de la yang dge
 slong gang zhes bya ba ni/ 'chi ltas sam/ gzhan yang de lta bu gang yin pa'o/ /'di skad ces zhes bya ba ni 'di skad ces zer na'o/ /ji ltar bcom ldan 'das kyis bar du gcod pa'i chos su gsungs pa gang dag yin pa zhes bya ba la bar du gcod
 pa'i chos zhes bya ba ni/ pham par 'gyur ba'i chos bzhi dang/ dge 'dun lhag ma'i chos bcu gsum dang/ ma nges pa'i chos gnyis dang/ spang ba'i ltung byed kyi chos sum cu dang/ ltung byed kyi chos dgu bcu dang so sor bshags par bya ba'i chos
 bzhi dang/ bslab pa'i chos mang po dang/ rtsod pa zhi bar bya ba'i chos bdun po gang dag bcom ldan 'das kyis gsungs pa dag go /de dag bsten kyang zhes bya ba ni de la lhag par spyad kyang ngo/ /bar du gcod par mi 'gyur te/ zhes bya ba ni des dge sbyong
 gi tshul gyis bar du gcod par mi 'gyur te zhes zer ba'o/ /de ltar bcom ldan 'das kyis zhes bya ba ni de bzhin gshegs pa dgra bcom pa yang dag par rdzogs pa'i sangs rgyas kyi'o/ /chos zhes bya ba ni sangs rgyas kyis gsungs pa dang/ nyan thos kyis
 bshad pa'o/ /bstan pa zhes bya ba ni rab tu bstan pa'o/ /bdag gis shes so zhes zer na/ zhes bya ba ni bdag gis kun shes so zhes zer na'o/ /dge slong de la zhes bya ba ni 'chi ltas sam/ gzhan yang de lta bu gang yin pa'o/ /dge slong rnams kyis
 zhes bya ba ni chos 'di ba rnams kyis so/ /'di skad ces zhes bya ba ni/ bzhams te bsgo ba bsgo bar bya ba'o/ /dge slong de la dge slong rnams kyis de skad bsgo ba na zhes bya ba ni bzhams te bsgo na'o/ /gal te gzhi de gtong na zhes bya ba ni/ lta ba'i rnam
 pa de yongs su gtong na'o/ /de lta na legs zhes bya ba ni de lta na bzangs ba'o/ /gal te mi gtong na zhes bya ba ni yongs su mi gtong na'o/ /lan gnyis lan gsum du yang dag par bsgo bar bya/ yang dag par bstan par bya'o/ /zhes bya ba ni gsol ba dang bzhi'i las kyis
 bsgo bar bya ste/ yang dag par bsgo ba dang/ yang dag par bstan pa ni/ sngar bsgo ba las 'gyur ba'i dge 'dun lhag ma bzhi'i skabs su bzhi bstan pa bzhin no/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par gzhag pa ni/ dge
 slong ji ltar bcom ldan 'das kyi bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes bya ba la sogs par 'jug pa la/ dge 'dun gyis bzhams te
 bsgo ba dang/ gsol ba dang bzhi'i las kyis bzlog pa na las brjod pa gsum pa mjug sdud pa dang bcas pa'i mthar mi gtong na lta ba'i rnam pa mi gtong ba'i ltung byed kyi dngos gzhir 'gyur ro/ /'di'i byed pa po ni/ sdig pa can gyi lta ba'i rnam pa nyid dang/ dge 'dun
 gyis bzhams pa dang/ gsol ba dang bzhi'i las kyis bzlog pa nyid do/ /'di la lan lag lngas dngos gzhi'i ltung? bar 'gyur te/ bar du gcod pa'i chos nyid dang/ de dag bsten kyang bar du gcod par mi 'gyur ro zhes zer ba dang/ dge 'dun gyis bzhams
 pa dang/ gsol ba dang bzhi'i las chos dang mthun pas bzlog pa dang/ las brjod pa gsum pa mjug sdud pa dang bcas pa rdzogs pa dang/ der mi btong ba'o/ /de dag las yan lag ma tshang na ci rigs par na smad do/ /lta ba'i rnam pa mi gtong ba'i ltung
 byed de lnga bcu lnga pa'o// //spangs pa'i rjes su phyogs pa'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal bu rgyal byed kyi mgon med zas sbyin gyi kun dga' ra ba na bzhugs so/ /'chi ltas de gnas nas dbyung ba'i las
 byas pa na du zhing/ nye dga' i gan du song ba dang/ nye dags smras pa/ 'chi ltas khyod ci'i phyir du 'chi ltas kyis smras pa/ /lhung bzed nag po can dag gis bdag gnas nas dbyung ba'i las byas so/ /nye dags smras pa/ gang dag gis 'chi ltas
 gnas nas dbyung ba'i las byas pa de dag grong dang/ grong khyer dang/ ljongs dang/ khams gsum nas gnas nas dbyung bar gyur cig 'on kyang gnas nas dbyung ba'i las byas pa dag la/ grong ngam/ grong rdal dag med dam ci sdod la bzod pa gsol zhig ces/ nye
 dga' 'chi ltas dang lhan cig gtam 'dre bar byed/ phebs par smra bar byed/ kun tu gnas par byed/ kun tu longs spyod par byed cing/ de dang lhan cig gnas gcig tu nyal bar byed nas/ dge slong don nyung ngu dag ci'i phyir dge slong dag shes bzhin du de skad
 zer ba'i gang zag chos bzhin ma byas pa/ sdig pa can gyi lta ba'i rnam pa de ma spangs pa dang gtam 'dre bar byed/ phebs par smra bar byed/ kun tu gnas par byed kun tu longs spyod par byed cing/ de dang lhan cig gnas gcig tu nyal bar byed ces smos?
 par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang shes bzhin du de skad zer ba'i gang zag chos bzhin du ma byas
 pa sdig pa can gyi lta ba'i rnam pa de ma spangs pa dang gtam 'dre bar byed/ phebs par smra bar byed kun tu gnas par byed/ kun tu longs spyod par byed cing de dang lhan cig gnas gcig tu nyal na ltung byed do zhes bca' ba mdzad de/ yul ni mnyan yod
 gang zag ni nye dga' / nyon mongs pa ni sdig pa 'dod pa/ nyes pa ni spangs pa'i rjes su phyogs pa'o/ /de la yang dge slong gang zhes bya ba ni shAkya'i bu nye dga' 'am/ gzhan yang de lta bu gang yin pa'o/ /shes bzhin du zhes bya ba ni de dang nyid kyi rig
 bar gyur pa 'am/ gzhan dag gis brjod pas so/ /de skad zer ba'i gang zag ces bya ba ni 'chi ltas sam/ gzhan yang de lta bu gang yin pa'o/ /chos bzhin du ma byas bzhes bya ba ni chos dang mthun par ma byas pa'o/ /sdig pa can gyi lta ba'i rnam pa de ma spangs
 zhes bya ba ni lta ba'i rnam pa gang yin pa de'o/ /gtam 'dre bar byed ces bya ba ni lung dbog pa sbyin par byed pa'o/ /phebs par smra bar byed ces bya ba ni/ dmigs kyis 'dri ba sbyin par byed pa'o/ /kun tu gnas par byed ces bya ba ni gnas par byed pa'o//
 kun tu longs spyod par byed cing zhes bya ba ni/ de la bsnyen bkur bdag gir byed cing ngo/ /de dang lhan cig gnas gcig tu nyal na zhes bya ba ni gnas bzhi po thams cad g.yogs shing thams cad bskor ba dang/ thams cad g.yogs shing phal cher bskor ba
 dang/ phal cher g.yogs shing thams cad bskor ba dang/ phal cher g.yogs shing phal cher bskor ba dag tu nyal bas/ skya rengs 'char bar byed na'o/ /de la gnas thams cad g.yogs shing thams cad bskor ba ni/ gnas khang dang/ 'khor gyi khyams dang/
 khang pa brtsegs pa dag go /thams cad g.yogs shing phal cher bskor ba ni/ sgo bcu pa dang sgo gnyis pa dag go /phal cher g.yogs shing thams cad bskor ba ni/ khyams ngos bzhi pa dag go /phal cher g.yogs shing phal cher bskor ba ni khyams
 ngos gsum pa dang/ 'khor gyi khyams dag go /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten
 kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so/ /zhes bya ba la sob par 'jug pa'i tshig de skad smras pas/ dge 'dun gyis gnas nas dbyung ba dang/ smad pa'i las byas shing/ spangs pa phyir
 bcos pa nyid ma byas pa'i dge slong la nad? pa dang/ lta ba dang dbral bar gtogs pa'i don gyis dbang ma gtogs par/ shes bzhin du lung dpog pa dang/ dmigs kyis 'dri ba dang/ gnas 'chab dang/ rjes su bstan pa dang gdan sa?
 dag sbyin pa dang/ lta ba smra ba dang/ zang zing gi longs spyod byed pa dang/ bsnyen bkur bdag gir byed pa dang/ gnas gcig tu gnyi ga nyal ba'i spyod lam gyis gnyid log pas skya reng 'char bar byed pa dang/ tha na 'dag? rdzas tsam yan chad gzhan
 gyis srul? na yang spangs pa'i rjes su phyogs pa'i ltung byed kyi dngos gzhir 'gyur ro/ /'di'i byed pa po ni de skad smras pas/ spangs pa phyir bcos pa nyid ma byas pa'i dge slong la 'du shes gtso cher byed pa po nyid yin no/ /'di la yan lag
 lngas dngos gzhi'i ltung bar 'gyur te/ dge 'dun gyi sa gnas nas dbyung ba'i las byas pa dang/ de'i phyir bcos pa nyid ma byas pa dang/ der 'du shes pa dang/ nang pa dang lta ba dang/ dbral bar gtogs pa'i don gyi dbang ma gtogs pa
 dang/ lung dpog pa nas gzhan gyis srul ba zhes smos pa'i bar gang yang rung ba byas pa'o/ /de dag las yan lag ma tshang na ci rigs par na smad do/ /spangs pa'i rjes su phyogs pa'i ltung byed de lnga bcu drug pa'o// //bsnyil ba
 sdud pa'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /nye dga' la/ dge tshul tsher ma dang/ chen po pa zhes bya ba gnyis shig yod de/ 'dod chags
 dang bral ba med pa na/ dge slong rnams de gnyis dang lhan cig gzhog steg byed/ 'phyar g.yang byed/ tho 'tsham par byed/ kun tu rtse bar byed/ ca co 'don par byed/ rgod pa dang dregs pa dang/ lus la rdeg par byed do/ /phyis de dag gis bsdam par
 bya ba'i ltung ba gang dag yin pa de dag kyang bsdam pa byas/ bshags par bya ba'i ltung ba gang dag yin pa de dag kyang bshags par byas te/ spro bar byed/ 'bad par byed/ rtsol bar byed pa dag gis nyon mongs pa thams cad spangs pas dgra bcom
 pa nyid mngon du byas shing/ rdzu 'phrul yang mngon par bsgrubs so/ /dus gzhan zhig na dge tshul tsher ma dang/ chen po pa gnyis me tog dang thu zhing 'khod pa na/ nam mkha' las dge slong dag gcig rdzu 'phrul gyis 'dod pa mthong nas/ de
 gnyis kyis smras pa/ khyed cag su dag yin/ de dag gis smras pa/ kho bo cag ming 'di zhes bya ba dag yin no/ /de gnyis kyis smras pa/ khyed cag gis kho bo cag gnyis dang lhan cig 'di lta bu dag byas so/ /de dag gis smras pa/ de lta bu yin
 mod kyi/ 'on kyang kho bo cag gis bsdams par bya ba'i ltung ba gang dag yin pa de dag kyang bsdam pa byas/ bshags par bya ba'i ltung ba gang dag yin pa de dag kyang bshags par byas te/ spro bar byed/ 'bad par byed/ rtsol bar byed pa dag gis
 nyon mongs pa thams cad spangs nas dgra bcom pa nyid mngon sum du byas shing rdzu 'phrul yang mngon par bsgrubs so/ /de na dge tshul tsher ma dang/ chen po pa gnyis la sdig pa can gyi lta ba'i rnam pa 'di lta bu 'di byung ste/ ji ltar bcom
 ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer ro/ /dge slong rab tu mang po dag
 gis de thos nas skabs de bcom ldan 'das la gsol pa dang/ bcom ldan 'das kyis bka' stsal pa/ dge slong dag khyod kyis dge tshul tsher ma dang/ chen po ba dang/ gzhan yang de lta bu gang yin pa la gzhi de gtod du gzhug pa'i phyir/ dang
 por bzhams te bsgo bar bya'o/ /de lta na yang mi gtong na gsol ba dang bzhi'i las kyis bsgo bar bya'o/ /de lta na yang mi gtong na/ gsol ba dang/ bzhi'i las kyis bsnyil ba'i las bya'o/ /dge slong dag gis de bzhin byas kyang de sdig pa
 can gyis lta ba'i rnam pa de nyid la nan gyis mchog tu bzung zhing/ mngon par zhen nas 'di nyid bden gyi/ gzhan ni brdzun pa'o zhes rjes su tha snyad 'dogs par byed nas/ dge slong rnams kyis de gnyis bsnyil ba'i las byas so/ /de gnyis bsnyil ba'i las
 byas pa na du zhing/ nye dga' i gan du song ba dang/ nye dags smras pa/ tsher ma dang/ chen po pa khyed gnyis ci'i phyir du/ de gnyis kyis smras pa/ lhung bzed nag po can dag gis bdag cag gnyis bsnyil ba'i las byas so/ /nye dags smras pa/ gang dag gis
 khyed gnyis bsnyil ba'i las byas pa de dag /grong dang/ grong khyer dang/ ljongs dang/ khams gsum nas bsnyil bar gyur cig /'on kyang bsnyil ba'i las byas pa dag la/ grong dang grong khyer dag med dam ci/ sdod la bzod pa gsol zhig ces des de
 gnyis nye bar 'jog par byed/ nye bar gtong bar byed cing/ de gnyis dang lhan cig gnas gcig tu nyal bar byed nas/ dge slong don nyung ngu dag ci'i phyir dge slong dag shes bzhin du de ltar snyil ba'i dge tshul dag nye bar 'jog par byed/ nye bar gtong bar
 byed cing/ de dang lhan cig gnas gcig tu nyal bar byed ces smod par byed/ phyar ka gtong par byed/ kha zer par byed pa'i skabs te/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du dag tshul bzhin
 kyang de skad ces ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag yi?  kyang? bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer na/ /dge tshul
 de la/ dge slong rnams kyis 'di skad ces dge tshul khyod ji ltar bcom ldan 'das kyis 'dod pa dag ni bar du gcod par bya'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa
 bdag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo/ /tshe dang ldan pa dge tshul 'dod pa bar du gcod pa dag
 ni bar du gcod pa nyid do zhes bcom ldan 'das kyis rnam pa du mar gsungs so/ /de dag bsten na bar du gcod par 'gyur gyis/ dge tshul khyod sdig pa can gyi lta ba'i rnam pa 'di lta bu 'di thod zhig ces bsgo bar bya'o/ /dge tshul de la dge slong rnams
 kyis de skad bsgo ba na/ gal te gzhi de gtong na de lta na legs/ gal te mi gtong na gzhi de gtong bar bya ba'i phyir/ lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par
 bsgo/ yang dag par bstan pa na gzhi de gtong na de lta na legs/ gal te mi gtong na dge tshul de la/ dge slong rnams kyis/ deng phyin chad dge tshul khyod/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas
 de la ston pa'o zhes ma zer cig /tshangs pa mtshungs par spyod pa mkhas pa bla ma'i gnas lta bu gang yang rung ba'i phyi bzhin du yang ma 'gro zhig /dge slong rnams dang/ dge tshul lhan cig nub gnyis tshun chad gnas gcig tu nyal du dbang ba gang yin pa de
 yang deng phyin chad khyod la med de/ mi gti mug can khyod bsnyil gyis gzhan du song shig ces bsgo bar bya'o/ /yang dge slong gang shes bzhin du de ltar bsnyil ba'i dge tshul nye bar 'jog par byed dam/ nye bar gtong bar byed dam/ de dang lhan cig gnas gcig
 tu nyal na ltung byed do zhes bca' ba mdzad de/ yul ni mnyan yod/ gang zag ni nye dga' nyon mongs pa ni sdig pa 'dod pa/ nyes pa ni dge tshul bsnyil ba sdud pa'o/ /de la dge tshul zhig kyang zhes bya ba ni tsher ma dang/ chen po pa 'am/
 gzhan yang de lta bu gang yin pa'o/ /'di skad ces zhes bya ni 'di skad ces zer na'o/ /ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa zhes bya ba la/ 'dod pa dag ces bya ba ni 'dod pa'i yon tan
 lnga po dag gi /de dag bsten kyang zhes bya ba ni de dag lhag par spyad kyang ngo/ /bar du gcod par mi 'gyur te zhes bya ba ni des dge sbyong gi tshul gyis bar du gcod par mi 'gyur te zhes zer na'o/ /de ltar bcom ldan 'das kyi zhes bya ba ni de bzhin gshegs pa
 dgra bcom pa yang dag par rdzogs pa'i sangs rgyas kyi'o/ /chos zhes bya ba ni sangs rgyas kyis gsungs pa 'am/ nyan thos kyis bshad pa'o/ /bstan pa zhes bya ba ni rab tu bstan pa'o/ /bdag gis shes so zhes zer na/ zhes bya ba ni bdag gis
 kun shes so zhes zer na'o/ /dge tshul de la zhes bya ba ni/ tsher ma dang chen po pa'am/ gzhan yang de lta bu gang yin pa'o/ /dge slong rnams kyis zhes bya ba ni chos 'di pa rnams kyi'o/ /'di skad ces bya ba ni bzhams te bsgo bas bsgo bar bya'o/ /dge tshul
 de la dge slong rnams kyis de skad bsgo ba na zhes bya ba ni/ bzhams te bsgo ba na gal te gzhi de gtong na de lta na zhes bya ba ni lta ba'i rnam pa de yongs su gtong na'o/ /de lta na legs zhes bya ba ni de lta na bzang po'o/ /gal te mi gtong na zhes bya ba ni
 yongs su mi gtong na'o/ /lan gnyis lan gsum du yang dag par bsgo bar bya/ yang dag par bstan par bya'o/ /zhes bya ba ni gsol pa dang bzhi'i las kyis bsgo bar bya ste/ yang dag par bsgo ba dang/ yang dag par bstan pa ni sngar bsgo ba las
 'gyur ba'i dge 'dun lhag ma bzhi'i skabs su bstan pa bzhin no/ /dge tshul de la zhes bya ba ni tsher ma dang chen po pa 'am/ gzhan yang de lta bu gang yin pa la'o/ /dge slong rnams kyis zhes bya ba ni chos 'di pa rnams kyis so/ /ded phyin chad dge tshul khyod
 bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston pa'o zhes ma zer zhig /tshangs pa tshungs par spyod pa mkhas pa bla ma'i gnas lta bu gang yang rung ba'i phyi bzhin du yang ma 'gro zhig /dge slong rnams
 dang dge tshul lhan cig nub gnyis tshun chad gnas gcig tu nyal du dbang ba gang yin pa de yang deng phyin chad khyod la med de/ mi gti mug can khyod bsnyil gyis gzhan du song zhig ces bsgo bar bya'o/ /zhes bya ba ni gsol ba dang bzhi'i las kyi bsnyil pa
 bsgo bar bya'o/ /yang dge slong gang zhes bya ba ni/ shAkya'i bu nye dga' 'am/ gzhan yang de lta bu gang yin pa'o/ /shes bzhin du zhes bya ba ni de rang nyid kyis rig par gyur pa 'am/ gzhan dag gis rjod pas so/ /de ltar bsnyil ba'i dge tshul zhes bya ba ni tsher ma
 dang/ chen po pa ji lta bar ro/ /nye bar 'jog par byed ces bya ba ni gnas sbyin par byed pa'o/ /nye bar gtong bar byed ces bya ba ni/ lhung bzed dang/ chos gos dang dra pa dang/ phur bu dang/ ska rags dang/ lung dbog pa dang/ klag pa dang/ kha ton dang/ dmigs
 kyis 'dri ba sbyin pas so/ /de dang lhan cig gnas gcig tu nyal na zhes bya ba ni gnas bzhi po thams cad g.yogs shing thams cad bskor ba dang/ thams cad g.yogs shing phal cher bskor ba dang/ phal cher g.yogs shing thams cad bskor ba dang
 phal cher g.yogs shing phal cher bskor ba dag tu nyal bas skya rengs 'chad par byed na'o/ /de la gnas thams cad g.yogs shing thams cad bskor ba ni gnas khang dang/ 'khor gyi khyams dang/ khang pa rtsegs pa dag go /thams cad g.yogs shing
 phal cher bskor ba ni/ sgo bcu pa dang/ sgo bcu gnyis pa dag go /phal cher g.yogs shing phal cher bskor ba ni khyams ngos gsum pa dang 'khor gyi khyams dag go /ltung byed do zhes bya ba ni snga ma bzhin no/ /de la 'dir dngos gzhi'i ltung
 ba rnam par bzhag pa ni/ dge tshul ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes
 so zhes bya ba la sogs par 'jug pa'i tshig de skad smra bas dge 'dun gyis bsnyil ba'i las byas shing spangs pa phyir spyos pa nyid ma byas pa'i dge tshul la/ nad pa dang lta ba dang bral bar gtogs pa'i don gyi dbang ma gtogs par dge slong gis shes
 bzhin du lung dbog pa dang/ dmigs kyis 'dri ba dang/ gnas 'cha' ba dang/ rjes su bstan pa dang/ gdams ngag sbyin pa dang/ lta ba smra ba dang/ zang zing gi longs spyod byed pa dang/ bsnyen bkur bdag gir byed pa dang/ gnas gcig tu nyal ba'i spyod
 lam gyis gnyid log pas skya rengs 'char par byed pa dang/ tha na 'dag rdzas tsam yan chad gzhan gyis sprul na yang/ bsnyil ba sdud pa'i ltung byed kyi dngos gzhir 'gyur ro/ /'dir byed pa po ni de skad smra bas bsnyil ba'i dge tshul phyir bcos
 pa ma byas pa nyid la 'du shes gtso cher byed pa po nyid yin no/ /'di la yan lag lnga dngos gzhi'i ltung bar 'gyur te/ de skad smra ba'i dge tshul dge 'dun gyis bsnyil ba'i las byas pa dang/ de phyir bcos pa nyid ma byas pa dang/ dge slong der 'du
 shes pa dang/ nang pa dang lta ba dang bral bar gtogs pa'i don gyi dbang ma gtogs pa dang/ de la lung dpog pa nas gzhan gyis sul ba zhes smod pa'i bar gang yang rung bas bsdu ba byas pa'o/ /de dag las yan lag ma tshang na ci rig par na smad do/
 bsnyil bsdud? pa'i ltung byed de lnga bcu bdun pa'o// //kha ma sgyur ba'i gos gon pa'i ltung byed kyi gleng gzhi ni/ sangs rgyas bcom ldan 'das rgyal po'i khab na 'od ma'i tshal bya ka lan ta ka'i gnas na bzhugs so/ /ma ga d+ha'i rgyal po bzo sbyangs gzugs
 can snying pos rgyal po'i khab tu klu'i rgyal po ri bo dang/ yid 'ong gnyis kyi rten 'dzugs su bcug ste/ dus ston byed pa'i tshe lho phyogs nas gar mkhan zhig der 'ongs pas dge slong ma sbom dga' mos gang gi tshe/ bcom ldan 'das byang chub sems dpa' 
 dga' ldan gyi gnas na bzhugs pa nas bla na med pa yang dag par rdzogs pa'i byang chub ji ltar mngon par rdzogs par sangs rgyas pa'i bar dag mngon par 'byung ba'i mdo las rgya cher ji skad gsungs pa bzhin thams cad rgyas par mnyan te/ gar thabs su sbyar
 nas/ de'i 'og tu yang drug sde dag zan zos zin cing spangs pas bca' ba dang bza' ba bsod pa rnyed pa'i lhag por byed pa mthong nas/ de yang smyon thabs su sbyar nas bla re bres te/ rdza rnga chen po brdungs pa dang/ skye bo phal po che'i tshogs der lhags te 'dug
 cing/ mthun par gyur pa'i tshe des mngon par 'byung ba'i mdo las rgya cher ji skad gsungs pa dang 'dra bar de ltar bcos pa thams cad gar thabs su rgya ched sbyar te gar byas shing/ de'i 'og tu gar mkhan gcig gis 'char ka'i cha lugs su byas shing/ gang mkhan
 gzhan gcig gis 'dun pa'i cha lugs su byas te/ kham phor thal bas bkad nas steng du bu ram gyi dum bu gnyis sam gsum bzhag ste/ 'char ka dang 'dun pa lhag por byed pa ltar bcos pa thams cad skyon thabs su rgya cher sbyar te bzhad gang byas pa dang/ skye bo
 phal po che'i tshogs dad pa dang ldan pa dag ni/ dad pa mngon par 'phel bar gyur cing/ ma der? pa dag dad par gyur nas/ gar mkhan des kyar rnyed pa mang po grub par gyur to/ /ji tsam na mthar gyis drug sde dag gis gar mkhan des bdag cag ltar bcos zhes grag
 go zhes thos nas de dag gis smras pa/ bdag cag gi gar mkhan de mi dga' bar byas/ sring mo dag gi gan du bros byed du 'dod do zhes de dag dge slong ma bcu gnyis sde dag gi gan du song nas smras pa/ sring mo dag bdag cag gis bcom
 ldan 'das byang chub sems dpa' i spyod pa la 'jug pa ni sgra mi snyan zhes bya ba'i gar thabs su byas pa gang yin pa de las cung nad ci dran pa 'gro'o zhes de rnams de dag dang lhan cig bskyed mos tshal du dong ste/ 'gro bar brtsams pa dang/ ji tsam na cung zad
 kyang ma brjed nas/ de dag gis rgyal po'i pho brang nas rgyan dang cha lugs blangs te/ gar mkhan de dang ha cang thag mi ring bar bla re bres nas/ nye dags mgo ngas kyis dkris te/ rdza rnga chen po brdungs pa dang/ gar la lta ba de'i nang nas/ skye bo phal po che'i tshogs
 phyir byung ste/ der lhags so/ /gar mkhan de yang der song ba dang/ ji tsam na lha'i gar thabs lta bur mthong nas/ des bsams pa/ 'di dag lha gar byed pa yin nam/ 'on te klu dag gam/ gnod sbyin dag gam/ dri za dag gam/ mi'am ci dag gam/ lto 'phye
 chen po dag gar byed pa yin snyam du rig nas ya mtshan skyes par gyur to/ /drug sde dag gis kyang gar byas nas cha spyad brtul te dong ba dang/ gang mkhan des bsams pa/ 'di dag su zhig yin snyam nas/ de dag gi phyi bzhin phyi bzhin 'brang zhing song ba
 dang/ de tsam de dag 'ong ma'i tshal du zhug snas/ gang mkhan des sgor bsdad pa dang/ ci tsam na 'char ka rna ba bab las bskus bzhin du sgor byung nas/ gang mkhan des de la smras pa/ 'phags pa gang re khyed kyis bgyis sam/ 'char kas smras pa/ kho bo
 cag gis khyod de ltar mi dga' bar bya'o/ /bkren pa khyod kho bo cag kho na'i sgyu rtsal gyis nye bar 'tsho la/ kho bos cig nyid ltar 'chos pas/ khyod gang dang gang du gar byed pa de dang der kho bo cag dong la/ khyod la tho btsam par bya ste/ kho bo cag gis rdza rnga chen po dang
 cha spyad gzhan ci yang bkur mi dgos par 'ong ngo/ /gang mkhan des smras pa/ 'phags pa de ni bdag cag gi 'tsho ba lags kyis bzod pa mdzod cig /'char kas smras pa/ gal te khyod kyis rnyed pa de dag thams cad kho bo cag la byin ma bzod par
 bya'o/ /des bsams pa/ de dag yang dang yang du tho 'tsham bar 'gyur gyis sbyin no snyam nas/ des rnyed pa thams cad de dag la byin nas sems khong du chud cing 'dug go /ji tsam na de'i chung? po grogs 'ongs nas/ des de la dris pa/ grogs po
 khyod ci'i phyir sems khong du chud cig 'dug des smras pa/ kho bo chad pas bcad do/ /sus shAkya'i bu'i dge sbyong dag gis so/ /ci'i phyir/ des skabs de rgyas par brjod pa dang/ des shAkya'i bu'i dge sbyong rnams kyi/ dge sbyong gi tshul ni tshig go /
 bram ze'i tshul ni tshig ste/ 'di ltar gang mkhan dag la yang chad pas gcod par byed do zhes smod par byed/ phyar ka gtong bar byed/ kha zer bar byed nas/ dge slong don nyung ngu dag ci'i phyir/ dge slong dag mi mdzes pa de lta bu byed ces smod par byed/
 phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das 'di snyam du dgongs te/ nyes dmigs gang cung zad ci byung ba de ni/ dge slong dag khyim pa'i gos gyon pa las
 gyur pa yin pas de'i phyir dge slong gis khyim pa'i gos bsgo bar mi bya'o snyam du dgongs nas snga ma bzhin du/ dge slong gis gos sar pa zhig rnyed na/ kha bsgyur ba gsum po sngon po 'am/ dmar po 'am/ ngur smrig las gang yang rung bar kha
 bsgyur bar bya'o/ /gal te dge slong gis gos sar pa kha bsgyur ba gsum so sngon po 'am/ dmar po 'am/ ngur smrig las gang yang rung bar kham bsgyur bar gyon na ltung byed do zhes bca' ba mdzed de/ yul ni rgyal po'i khab/ gang zag ni drug sde/ nyon
 mongs pa ni mi bzod pa dang rnyed pa 'dod pa/ nyes pa ni gos kha ba bsgyur bar gon pa'o/ /de la dge slong gis shes bya ba ni drug sde 'am/ gzhan yang de lta bu gang yin pa'o/ /gos zhes bya ba ni bdun po bal gos dang/ sha na'i gos
 dang/ zar? ma'i gos dang/ du gu la'i gos dang/ ko tam pa'i gos dang/ ras bal gyi go sa dang/ nyi 'og gi gos gang yang rung ba'o/ /sar pa zhig zhes bya ba ni sar pa gnyis te/ gsar pas sar pa dang/ rnyed pas sar pa ste/ don 'dir ni rnyed pas sar
 pa yin par dgongs so/ /rnyed na zhes bya ba ni gzhan las so/ /kha bsgyur ba gsum po sngon po 'am/ dmar po 'am/ ngur smrig las gang yang rung ba zhes bya ba la/ sngon po zhes bya ba ni rams nyid do/ /dmar po zhes bya ba ni btsag go /ngur smrig ces bya/
 ba ni shing shun no/ /kha bsgyur bar bya'o/ /zhes bya ba ni kha dog ngan par bya'o/ /gal te dge slong gis gos sar pa kha bsgyur ba gsum po sngon po 'am/ dmar po 'am/ ngur smrig las gang yang rung ba kha ma bsgyur bar spyod na zhes bya ba ni gyon na'o/ /ltung
 byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gis gos sar pa 'am/ dus tshigs su spyad pa rnying pa yang rung ste/ gsar du rnyed pas sar pa zhig rnyed na sde pa gzhan las 'ongs pa dang/ khyim pa
 gzhan las brkus pa'i gos rung bar byas zin pa ma gtogs pa rang gi gos dang/ tha na lhung bzed kyi kha g.yogs dang/ lhung bzed kyi snod dang/ rkang pa'i 'bob dang/ ska rags dang/ bsgo ba la sogs pa kha dog chen po brgyad ma gtogs pa sngon
 po 'am/ dmar po 'am/ ngur smrig las gang yang rung bar kha ma bsgyur ba la yongs su longs spyad na/ kha ma bsgyur ba'i gos gyon pa'i ltung byed kyis dngos gzhir 'gyur ro/ /'di'i byed pa po ni rang gi gos tha na lhung bzed kyi kha g.yogs la sogs
 brnyed pas sar pa nyid yin no/ /'di la yan lag lngas dngos gzhi'i ltung bar 'gyur te/ gsar du rnyed pa dang/ rang gis dang/ gos dang/ kha dog chen po brkyang ma gtogs pa sngon po 'am/ dmar po 'am/ ngur smrig las gang yang rung bar kha ma bsgyur
 ba dang/ spyod pa'o/ /de dag las yan lag ma tshang na ci rigs na smad do/ /kha ma bsgyur ba'i gos gyon pa'i ltung byed de lnga bcu brgyad pa'o/ /longs pa'i gzhir gtogs pa'i ltung byed kyi gleng gzhi ni sangs rgyas bcom ldan 'das yangs pa can
 na/ spre'u rdzing gi 'gram khang pa brtsigs pa'i khang bzangs na bzhugs so/ /drug sde dge snga dro sham thabs bgos/ lhung bzed rang chos gos thogs te/ yangs pa can du bsod snyoms la zhugs so/ /lam gyi bdan? yangs pa can gyi li tsa byi rnams skyed
 mos tshal dag yod nas/ de dag de ltar zhugs pa dang/ ji ci ma na don yo byad rnam pa sna tshogs dang/ khrus kyi chal dag dang/ so phag dag dang/ bska ba dag dang/ phrugs spyad dag dang/ sa gar dag dang/ skyu ru ra dag dang/ mgo bkru bdag dang/ pi
 bang dang/ 'ong ma dang/ ma ha ti dang/ ba la ri dang/ su go sha ka dag bzhag pa dag mthong nas de dag gis glu blangs shing bro brdung bar bya'o zhes/ de dag gi glu blangs shing bro brdung bar brtsams so/ /rgyal po zas gcing gis bskyed mos tshal du spyad pa'i
 rol mo'i sgra gang yin pa de ni lus 'phags ma'i bu ma ga d+ha'i rgyal po ma skyes dgra'i g.yul ngo la spyod pa'i rol mo'i sgra yin pas/ yangs pa can gyi li ca byi dag gis rol mo'i sgra de thos nas de dag sdangs te smras pa/ shes ldan dag pha gsod
 pas ma sgran par dmag drangs te/ 'ongs so zhes de dag gzho bgos te/ phyir 'byung bar brtsams pa dang drug sde dag gis smras pa/ shes ldan dag de ni kho bo cag gis bzhad gang byas pa yin na/ khyed cag de ltar bred dangs sam/ 'phags pa dag khyed
 kyis rol mo'i sgra'i yo byad de dag sgra phyung dam/ kho bo cag gis sgra phyung ngo/ /de dag gis smras pa/ 'phags pa dag yangs pa can gyi li tsa byi dag sangs pas/ khyed la gnod pa byed na mi rung gis slar log cig /de dag phyir log pa
 dang/ dge slong rnams kyis de dag la smras pa/ tshe dang ldan pa dag byed cag ji ste phyir log drug sde dag gis smras pa/ tshe dang ldan pa dag /kho bo cag de'u bsad do/ /sus yangs pa can gyi li tsa byi dag gis so/ /ci'i phyir de dag gis skabs de
 rgyas par brjod pa dang/ dge slong don nyung ngu dag ci'i phyir/ dge slong dag mi mdzes pa de lta bu byed ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom
 ldan 'das kyis snga ma bzhin du/ yang dge slong gang rin po che 'am/ rin po cher smos pa rang gi lag gis len tam lan du 'jug na/ kun dga' ra bar gtogs pa na 'dug pa'am/ gnas khang du gtogs pa na 'dug pa ma gtogs te ltung byed
 do/ /dge slong gis kun dga' ra bar gtogs pa 'am/ gnas khang du gtogs pa na rin po che 'am/ rin po cher smos pa 'dug pa la/ 'di su'i yin pa de len par 'gyur grang snyam pa/ de lta bu'i sems kyis blang bar bya ste/ de la de ni cho ga yin
 rna zhes bca' ba mdzad de/ yul ni yangs pa can gang zag ni drug sde/ nyon mongs pa ni longs pa'i gzhir gtogs pa/ nyes pa ni rin po che 'am/ rin po cher smos pa rang gis lag gis len pa'o/ /de la yang dge slong gang zhes bya ba ni/ drug
 sde 'am gzhan yang de lta bu gang yin pa'o/ /rin po che 'am zhes bya ba la/ rin po che zhes bya ba ni/ nor bu dang/ mu tig dang/ bai DUrya dang/ shangka shi la dang/ byu ru dang/ gser dang/ dngul dang/ rdo'i snying po dang/ spug dang/ dmar po dang/ g.yas
 su 'khyil to/ /rin po cher smos pa zhes bya ba la/ rin po cher smos pa zhes bya ba ni/ g.yul ngor spyad pa'i mtshon cha thams cad dang/ rol mo spyad pa'i yo byad thams cad do/ /rang gi lag gis zhes bya ba ni/ lag pas lag par ro/ /len tam zhes bya
 ba ni bdag nyid kyis so/ /len du 'jug na zhes bya ba ni gzhan no/ /kun dga' ra bar gtogs pa na 'dug pa zhes bya ba ni kun dga' ra ba'i phyi rol na'o/ /gnas khang du gtogs pa na 'dug pa zhes bya ba ni kun dga' ra ba'i nang na'o/ /ma gtogs
 te zhes bya ba ni kun dga' ra bar gtogs pa na 'dug pa 'am/ gnas khang du gtogs pa na 'dug pa bzhag ste'o/ /ltung byed do zhes bya ba ni snga ma bzhin no/ /dge slong gis zhes bya ba ni chos 'di ba'o/ /kun dga' ra bar gtogs pa'am/ gnas khang
 du gtogs pa na/ rin po che 'am/ rin po cher smos pa 'dug pa la/ 'di su'i yin pa de len par 'gyur grang snyam pa de lta bu'i sems kyis blang bar bya ste/ de la de ni cho ga yin no zhes bya ba la/ de la de ni cho ga yin no zhes bya ba ni/ bslab pa'i
 gzhi bca' ba mdzad pa/ de la de ni gnang ba'i rjes su mthun pa'i chos yin pa'o/ /de la 'dir dngos gzhi'i ltung ba rnam par bzhag pa ni dge slong gis rin po che rang gi ma yin pa nor bu dang/ mu tig dang/ bai DUrya dang/ shi ka shi la dang/ byu ru dang/
 gser dang/ dngul dang/ rdo'i snying po dang/ spug dang/ dmar po dang/ g.yas su 'khyil ba la sogs pa bdar ba dang/ phug pa nyid dang mgul rgyan dang/ gdu bu rgyan can dang/ dpung rgyan dang/ do shal dang/ se mo do la sogs pa de dag nyid
 du gnas pa dang/ rin po cher smos pa su'i yang rung ba/ g.yul dor spyad pa'i mtshon cha gzhu rgyud dang bcas pa nyid dang/ ral gri dang/ ral gri 'khyog po dang/ ral gi so gcig pa dang/ mdung dang/ 'phang mdung dang/ lcags kyu la sogs pa
 de nyid yin pa dang/ mda' dang/ lcags mda' dang/ mda' phyed lcags las byas pa la sogs pa mde'u dang bcas pa nyid dang rol mor spyad pa'i yo byad pi bang dang/ 'ong ma dang/ ba la la ri dang/ ma ha ti dang/ su ma go sha ka la
 sogs pa rgyud dang bcas pa nyid dang/ dung dang/ rnga bo che dang/ rnga ba tra ha dang/ rdza rnga la sogs pa sgra 'byin pa nyid dang/ sku gzugs sku gdung dang bcas pa nyid gtsug lag khang dang/ de'i nyen kor na 'dug pa ma yin pa la bdag gir
 bya ba dang ma 'brel par/ rdzas chung mi za bar bya ba'i sems ma gtogs par reg gam/ reg tu bcug na/ longs pa'i gzhir gtogs pa'i ltung byed kyi dngos gzhir 'gyur ro/ /'di'i byed pa po ni rin po che dang/ rin po cher smos pa dgos
 pa'i rung ba nyid du gyur pa dang/ bdag gir bya ba dang ma 'brel par/ rdzas chur mi za bar bya ba'i sems ma gtogs pa'o/ /'di la yan lag lngas dngos gzhi'i ltung bar 'gyur te/ rin po che rang gi ma yin pa 'am/ rin po cher smos pa'i gang
 yang rung ba nyid dang/ de dag dgos pa'i phyir rung ba nyid du gyur pa nyid dang/ gtsug lag khang dang de'i nyen kor na 'dug pa ma yin pa nyid dang/ bdag gi bya ba dang ma 'brel par rdzas chung mi za bar bya ba'i sems ma gtogs pa nyid dang/
 reg gam reg tu bcug pa nyid do/ /de dag las yan lag ma tshang na ci rigs par na smad do/ /longs pa'i gzhir gtogs pa'i ltung byed de lnga bcu dgu pa'o// //khrus byed pa'i ltung byed kyi gleng gzhi ni/ sangs rgyas bcom ldan 'das
 rgyal po'i khab dang/ 'ong ma'i tshal bya ka lan+ta ka'i gnas na bzhugs so/ /rgyal po'i khab na chu dron gsum yod pa gcig ni/ ma ga d+ha'i rgyal po bzo sbyangs gzugs can snying po khrus byed/ gnyis par ni btsun mo'i 'khor khrus byed/ gsum
 par ni glong rdal gyi mi dang yul mi dag khrus byed do/ /ma ga d+ha'i rgyal po bzo sbyangs gzugs can snying pos bsams pa/ bdag gis bcom ldan 'das nyan thos kyi dge 'dun dang bcas pa la/ rnam pa du ma'i sgo nas yo byad thams cad kyis bstabs na/
 khrus kyis ma bstabs kyis/ des bstabs par bya'o snyam du rig nas/ bcom ldan 'das la gsol pa/ btsun pa rgyal po'i khab 'di ni/ chab dron gsum mchis pa gang du bdag khrus bgyid pa der/ 'phags pa dag kyang khrus mdzod cig /gang
 du mchis brang gi 'khor khrus bgyid pa der yang/ 'phags ma dag khrus mdzad par gsol/ drug sde dag la blo skyes pa/ dga' bo nye dga' ma ga d+ha'i rgyal po bzo sbyangs gzugs can snying po dad pa dang ldan pa ni yin na/ dad pa ji lta bu dang ldan pa
 bltas khrus byed du 'dod do zhes de dag der khrus byed du dong nas/ de dag gis smras pa/ dga' ba nye dga' gal te bdag cag thams cad cig car khrus byas na myur du zin par 'gyur gyis/ /gnyis kyis bya zhing bzhis grogs bya'o/ /de'i 'og tu yang
 gnyis kyis khrus bya zhing bzhis grogs bya'o/ /de'i 'og tu yang gnyis kyis khrus bya zhing bzhis grogs bya'o/ /de ltar bya'o zhes de dag las gnyis kyis khrus bya bar brtsams te/ bzhis grogs byed cing 'dug go /de'i tshe ma ga d+ha'i rgyal po bzo
 sbyangs gzugs can snying po yang der khrus byed du 'phags nas/ des mi gsang la gtogs pa zhig da ltar sus khrus byed pa rtog tu gtang ba dang/ des drug sde dag khrus byed par mthong nas rgyal pos der khre'u btsugs nas bsdad do/ /ji tsam
 na yun ring zhig lon nas yang rtog tu gtang na yang de bzhin/ yang yun ring zhig lon nas rtog tu btang na yang de de bzhin 'dug nas/ rgyal pos smras pa/ shes ldan dag /'o ni dag yun ring por dal tho 'tsham par byed/ dbang sgyur ba'i khrus kyis
 khrus bya'o/ /de dag gis chu blangs nas/ rgyal pos de nyid du dbang bskur ba'i khrus kyis khrus byas nas/ bcom ldan 'das ga la ba der song nas/ bcom ldan 'das kyi zhabs gnyis la mgo bos phyag 'tshal te/ chos mnyan
 pa ma mnyan pa kho nar bcom ldan 'das kyi spyan snga nas dong ngo/ /de nas bcom ldan 'das kyis tshe dang ldan pa kun dag 'bol smras pa dang/ des rgyal po gzugs can snying po la drug sde dag gis 'tho tsham pa de rgyas par gsol to/ /de nas
 bcom ldan 'das 'di snyam du dgongs te/ nyes dmigs gang cung zad gcig byung ba de ni/ dge spyod dang khrus byed pa las gyur pa yin pas de'i phyir/ dge slong rnams kyis khrus mi bya ba dang/ zla ba phyed phyed cing khrus bya bar gnang ngo zhes snga
 ma bzhin du/ bcom ldan 'das kyis zla ba phyed phyed cing khrus bya bar gsungs pa de la 'dums par byed na/ dus ma gtogs te ltung byed do/ /de la dus ni 'di yin te/ so ga rnams kyi zla ba lhag ma phyed dang gnyis dang/ dbyar rnams kyi
 dang po dang zla ba phyed dang gsum po 'di dag ni tsha ba'i dus so/ /lhag ma ni na ba'i dus so/ /las dus so/ /lam dus so/ /rlung dus so/ /char dus so/ /rdzi char dus so/ /de las de ni dus yin no zhes bca' ba mdzad de/ yul ni rgyal po'i
 khab/ gang zag ni drug sde/ nyon mongs pa ni tho 'tshams pa/ nyes pa ni rgyal po'i chu kar khrus byed pa'o/ /de la bcom ldan 'das kyis zhes bya ba ni de bzhin gshegs pa dgra bcom pa yang dag par rdzogs pa'i sangs rgyas kyis
 so/ /zla ba phyed phyed cing khrus bya bar gsungs pa zhes bya ba ni/ zla ba phyed phyed cing ngo/ /de las 'dums par byed na zhes bya ba ni/ zla ba phyed las 'dums par byed na'o/ /dus ma gtogs te/ zhes bya ba ni dus bzhag ste'o/ /ltung byed do
 zhes bya ba ni snga ma bzhin no/ /de la dus ni 'di yin te/ sog rnams kyi zla ba phyed dang gnyis dang/ dpyad rnams kyi dang po dang zla ba phyed dang gsum po 'di dag ni tsha ba'i dus so zhes bya ba la/ so ga rnams kyi zla ba lhag ma phyed dang gnyis zhes
 bya ba na/ zla ba phyed dang gnyis na dbyar nye bar bsgrub pa 'byung bar 'gyur pa ste/ dbyar zla ba chos nas dbyar zla 'brang po nya'i bar gyi zla ba phyed rang gnyis so/ /dbyar rnams kyis dang po zhes bya ba ni gnas par khas blangs pa'i dang po zla ba gcig
 ste/ dbyar zla 'brang po ches bcu drug nas dbyar zla tha chungs nya'i bar gyi zla ba gcig go /zla ba phyed dang gsum po 'di dag ni che ba'i dus so zhes bya ba ni de ltar dbyar zla ra ba tshes nas/ dbyar zla 'bring po nya'i bar gyi zla ba phyed dang gnyis dang/
 dbyar zla 'bring po tshes bcu drug nas dbyar zla tha chungs nya'i bar gyi zla ba gcig po de rnams sbyir bsdoms pa la phyed dang gsum yod pa de dag ni/ tsha ba'i dus yin pas de dag tu zla ba phyed las 'dums par khrus byed pa la ltung byed do/
 lhag ma ni na ba'i dus so zhes bya ba ni 'di lta ste/ dge slong na ba khrus ma byas par 'tsho bar mi nus so/ /lus dus so zhes bya ba ni 'di lta ste/ dge slong gis dge 'dun gyi 'am/ mchod rten gyi las tha na phyag dang re lde tsam ma/ byug
 pa tha mal tsam byas nas so/ /lam dus so zhes bya ba ni 'di lta ste/ dge slong dpag tshang gcig tu song ngam/ dpag tshad phyed du song ste phyir 'das na'o/ /rlung dus so zhes bya ba ni 'di lta ste/ tha na rlung gis gos kyi grwa bsgul bar gyur na'o//
 char dus so zhes bya ba ni/ 'di lta ste/ tha na lus la char gyis thags pa gnyis sam gsum bab par gyur na'o/ /rdzi char dus so zhes bya ba ni 'di lta ste/ than rdza pas gos kyi mdza' bsgul bar gyur cing lus la char pa'i thigs pa gnyis
 sam gsum bab par gyur na'o/ /de la de ni dus yin no zhes bya ba ni bslab pa'i gzhi'i bca' ba mdzad pa de la de ni gnang ba'i rjes su mthun pa'i chos yin pa'o/ /de la 'dir dngos gzhi'i ltung ba rnam par bzhag pa ni/ dge slong na pa ma
 yin pa dang/ las ma byas pa dang/ lam du ma zhugs pa dang/ rlung gis gos kyi grwa ma bsgul ba dang/ char thigs pa gnyis kyis lus nyid la ma phyogs pa dang/ rdzi char gyis kyang de ltar ma gyur pa dang/ yul as ma pa ran ta na gnas pa ma gtogs
 pas dbyar zlar tshes nas/ dbyar zla tha chungs nya'i bar gyi zla ba phyed dang gsum las gzhan pa'i dus su nyi ma ga las khrus byas pa'i nyi ma de nyid nas/ zhag bco lnga pa'i mdun rol nas/ don gzhan la gzhol bas chu nyams su myong ba dang/ de'i phyir ma bsams
 par brgal ba dang/ brkyal ba la gdab pa dag ma gtogs par chu ma yin pa 'bru mar dang/ mang dang/ phrum khu dang/ 'o ma la sogs pa ma yin pa cha nyid kyis dbang bskur bas sam/ 'jug pas khrus lte bar son par byed na/ byed pa'i ltung byed
 kyi dngos gzhir 'gyur ro/ /'di'i byed pa po ni zla ba phyed kyi nang rol dang/ chu nyid kyis khrus byed pa'o/ /'di la yan lag lngas dngos gzhi'i ltung bar 'gyur te/ zla ba phyed la 'dums pa nyid dang/ dus ma gtogs pa nyid dang/ chu nyid dang/ khrus
 nyid dang/ mgo'am/ rkang ngam g.yas g.yon gang nas kyang rung ste/ lte bar son pa'o/ /de dag las yan lag ma tshang na ci rigs par na smad do// //khrus byed pa'i ltung byed de drug bcu pa'o// //so sor thar pa'i mdo'i gzhung 'grel/
 bam po bco lnga pa/ /sdom la /dud 'gro 'gyod pa ser mo dang/ rtsa dang lhan cig sdangs byed dang/ /sped dang rdeng med gzhi med dang/ /skyes pa med par lam 'gro ba'o/ /zhes bya ba ni bcu pa bdun pa yin te/ sdom la zhes bya ba'i tshig gi don
 dang dgos pa ni snga ma zhing no/ /bcu pa bdun pa 'dis kyang ltung byed kyi chos bcu bstan te/ dud 'gro gsod pa dang/ 'gyod pa skyed pa dang/ gag tshil byed pa dang/ chu la rtse ba dang/ bud med dang lhan cig nyal ba dang/ sdangs par byed pa dang/
 sbed pa dang/ byin nas nye bar 'tsho ba dang/ skur pa 'deb pa dang/ bud med dang lhan cig 'gro ba'i ltung byed do/ /de la dud 'gro gsod pa'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas
 sgrin gyi kun dga' ra ba na bzhugs so/ /tshe dang ldan pa 'char ka snga dro sham thabs bgos lhung bzed dang chos gos thogs te mnyan yod bu bsod snyoms la zhugs nas/ des der bsod snyoms brgyus te/ 'pho ra'i 'phongs sar zhugs pa dang
 'phang gi slob dpon ni med/ khye'u dag 'khod nas dris pa/ khye'u dag ci byed/ de dag gis smras pa/ 'phags pa 'phong slob po 'char kas smras pa/ bu dag legs te/ khyed kyi sgyu rtsal mchog las brgol to/ /bltas g.yon 'phong dang/ g.yas
 'god dang/ mnga' lnga 'phang bar byos shig /de dag gis bya bar brtsams pa dang/ de lag pa gnyis 'dril bar byed bzhin sgyur bar byed do/ /de dag gis smras pa/ 'phags pa ci nongs 'char kas smras pa/ da dung khyed cag gi slob dpon
 gyis kyang mi shes na/ khyed cag gis lta shes par 'gyur re skan/ de dag gis smras pa/ 'phags pa 'di la mkhyen pa cung zad mnga' 'am/ 'char kas smras pa/ /sa'i steng na kho bos mi shes pa'i bzo'i gnas dang/ las kyi gnas gang
 yod/ de dag gis smras pa/ 'phags pa g.yar rnga brim gyis mdzad du gsol/ 'char kas smras pa/ gzhu 'on cig de dag gis gzhu 'phul ba dang/ 'char kas smras pa/ bzhu 'di ni ras bal gyi gzhu 'dra bas/ gzhu gzhan 'on cig /de dag
 gis gzhu gnyis pa dang gsum pa phul ba dang/ 'char kas smras pa/ gzhu 'di dag kyang ras bal gyi gzhu 'dra bas/ khyed kyi slob dpon gyi gzhu 'o na cig /de dag gis slob dpon gyi gzhu phul ba dang/ 'char kas smras pa/
 'di yang tshed yod pa zhig go zhes des gzhu de ras bal gyi gzhu bzhin du brdungs te rgyud sbrengs pa dang/ steng gi nam mkha' la bya rog gi tshogs rgyu bar bsams nas/ 'char kas smras pa/ ji ltar je bya rog 'di'i rkub tu bsnun la khar dbyung
 bar bya 'am/ 'on te khar bsnun la rkub tu 'byung bar bya/ de dag gis smras pa/ 'phags pa rkub tu bsnun la khang dbyung du gsol 'char kas shar phyogs kyi steng gi nam mkha' la mda' cig 'phangs shing/ lho dang nub dang byang phyogs kyi steng
 gi nam mkha' la yang/ mda' re re 'phangs pa dang/ bya rog des kha gyen du phyogs te 'gro bar brtsams nas/ 'char kas/ de phyi bzhin mda' cig 'phangs pas rkub tu bsnun te khar phyung nas/ bya rog de sa la ltung ba dang/ de dag ya mtshan
 skyes nas/ sems khongs su chud cing 'khod do/ /'char kas smras pa/ bu dag bzo 'di ltar bslab par bya'am/ yang na slob dpon gzhan btsal bar bya/ 'bras med pa'i spun pa 'phyar zhing 'khod de ci rung zhes smras te song ngo/ /de gang sems
 khong du chud cing 'khod pa dang/ ji tsam na de dag gi slob dpon 'ongs nas/ des smras pa/ khye'u dag ci'i phyir sems khod du chud cing 'khor/ de dag gis skabs de rgyas par smras pa dang/ des bsams pa/ de yang dang yang du bdag la
 tho 'tshams par 'gyur pas/ bdag gis de mi dga' bar bya'o snyam nas/ phyi de nyin bar tshe dang ldan pa 'char ka snga dro sham thabs bgos/ lhung bzed dang chos gos thogs te/ mnyan yod du bsod snyoms la zhugs pa dang/ khye'u de dag bya
 rog gi ra de smig ma ring po'i rtse mo la btags te bskur nas/ tshe dang ldan pa 'char ka'i phyi bzhin rjes su btang ste/ mi 'o cog la 'di skad ces/ 'phags pa/ 'char kas mda' lnga 'phangs pa 'di lta bu byas pas bya rog 'di'i rkub tu bsnun
 nas khar byung ba la ltos zhes sgrogs su 'jug pa dang/ 'char kas de dag mthong nas des smras pa/ khye'u dag ci'i phyir kho bo la tho 'tsham par byed/ phyir log cig /'on kyang de dag phyir ma log par de skad sgrogs par byed nas/ bram ze dang khyim
 bdag dang/ shes ldan dag /shAkya'i bu'i dge slong 'di dag srog gcod par byed pa ste/ srog gcod pa las ma log ma spangs/ so sor ma spangs pa yin no/ /shes ldan dag /shAkya'i bu'i dge sbyong sems can gang dag gi pags pa yang
 dgos par mi rung/ sha dang/ rgyus pa dang rus pa yang dgos par mi rung ba/ 'di lta bu yang gsod par byed pa la ltos/ su zhig dge sbyong mgo reg 'di dag la bsod snyoms sbyin pa dang bya bar sems zhes smos par byed/ phyar ka gtong bar byed/
 kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang de dge slong gang bsams bzhin du/ dud 'gro'i skye gnas su gtogs pa'i srog chags gso
 na ltung byed do zhes bca' ba mdzad de/ yul ni mnyan yod/ gang zag ni 'char ka/ nyon mongs pa ni ngan sems/ nyes pa ni dud 'gro gsod pa'o/ /de la yang dge slong gang zhes bya ba ni/ 'char ka'am/ gzhan yang de lta bu gang yin pa'o//
 bsams bzhin du zhes bya ba ni rnam par brtags nas so/ /dud 'gro'i skye gnas su gtogs pa'i ro chags zhes bya ba ni bya rog gam/ gzhan yang de lta bu gang yin pa'o/ /gsod na zhes bya ba ni de'i srog chags gsod par byed na'o/ /ltung
 byed do zhes bya ba ni sems can dmyal ba dang/ dud 'gro dang/ yi dags ngan song dang/ ngan 'gro dang/ log par ltung ba dag tu sreg par byed/ 'tshed par byed ltung bar byed do/ /gzhan yang ji srid du ltung ba dam ba bshags shing
 so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la 'dir dngos gzhi'i ltung ba rnam par bzhag pa ni dge slong gis gsod pa'i sems kyis dud 'gro gang yang rung ba la mtshon
 la sogs pa lus dang/ des 'phangs pa dang/ gnyi ga dang ldan pa gang yang rung bas bsnun te/ gzhi des de'i tshe 'am gzhan gyi tshe shi ba sbyor ba gcig gis bsad par bya ba ji snyed pa re re las dud 'gro gsod pa'i ltung byed kyi dngos gzhi
 'gyur ro/ /'di'i byed pa po ni gsor sems dang/ dud 'gro'i skye gnas su gtogs pa'i srog chags nyid do/ /'di la yan lag lngas dngos gzhi'i ltung bar 'gyur te/ gsod sems dang/ dud 'gro'i 'gro ba pa dang/ der 'du shes pa
 dang/ bsnun pa dang/ shi ba'o/ /de la yan lag ma tshang na ci rigs par na smad do/ /dud 'gro gsod pa'i ltung byed de drug cu gcig pa'o// //'gyod pa skyed pa'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal
 byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa maung+gal gyi bu chen pos/ nye bar 'khor la sogs pa sar pa skyes phran gzhon nu bcu bdun sde'i tshogs dag rab tu phyung zhing/ bsnyen par rdzogs
 par byas pa de'i tshe na/ de dag drug sde dag la sten par byed/ bsnyen par byed bsnyen bkur byed do/ /de nas tshe dang ldan pa 'char kas/ bcu bdun sde dag la smras pa/ bcu bdun sde dag tshur sheg /'di dang 'di kyis shig /de dag gis smras
 pa/ khyod kho bo cag gi slob dpon yin nam/ mkhan po yin nam ci mi byed do/ /'char kas smras pa/ glen pa dag /'o na gzhan ci zhig byed ces/ des de dag gnya' ba dag nas bzung ste/ phyi rol tu bskrad do/ /de dag gis smras pa/ tshe dang
 ldan pa dag /bdag cag drug sde dag gis gang cung zad brnyas par gyur pa de dag thams cad ni/ bdag cag thos pa nyung ba las gyur pa yin gyis/ der thos pa 'dzin du 'dod dang/ des na phyin chad drug sde dag la cung zad kyang dri mi dgos par
 'gyur ro zhes/ de dag dge slong zhig gi gar du song ste smras pa/ btsun pa bdag cag klog tu stsol cig /des de dag la thabs yin no zhes smras nas/ de dag gis de'i gan du klag par brtsams so/ /nye dags smras pa/ btsun pa 'char ka bcu
 bdun sde dag /der bdag cag la sten par mi byed bsnyen par mi byed/ bsnyen bkur mi byed do/ /'char kas smras pa/ kho bos de dag bskrad nas da lta thos pa 'dzin par brtsams so/ /btsun pa 'char ka khyod kyis bdag cag gi sbrul nyal ba lcag gi
 gzhugs so/ /ji srid du glen pa de dag thos pa nyung ba de srid du de dang de bdag cag la sten par byed/ bsnyen bkur byed kyi/ gang gi tshe de dag thos pa mang por gyur cing/ mdo sde 'dzin pa dang/ 'dul ba 'dzin pa dang/ ma mo 'dzin pa dang/
 gdug cing pha rol gnon par gyur pa de'i tshe de dag bdag cag la gnon par bya bar sems par 'gyur ro/ /'char kas smras pa/ kho bos de dag ci nas kyang thos pa 'dzin par me 'gyur ba dang/ thos pas bzung ba las kyang yongs su nyams
 par 'gyur ba de ltar bya'o zhes/ de dag gi gan du song ste 'di skad ces smras so/ /kye bcu bdun sde dag shin tu brtson 'grus brtsams sam/ de dag gis smras pa/ brtsams so/ /brtson 'grus kyis ci bya/ thos pa bzung ngo/ /thos pa bzung bas cing
 'gyur/ mang du thos par 'gyur/ mang du thos pas cir 'gyur/ dbang po yongs su smin par 'gyur ro/ /dbang po yongs su smin pas cir 'gyur/ nges pa la 'jug pa dang zag pa zad par 'gyur ro/ /khyed des pa la 'jug pa
 dang zag pa zad par 'gyur re skan/ btsun pa 'char ka kho bo cag mtshams med pa'i las dag byas pa 'am/ dge ba'i rtsa ba chad pa yin nam/ khyed cag mtshams med pa'i las dag byas pa yang ma yin/ dge ba'i rtsa ba chad pa yang ma
 yin mod kyi/ 'on kyang khyed kyis bcom ldan 'das kyis yang dge slong gang zag lo nyi shu ma lon pa/ dge slong gi dngos por bsnyen par rdzogs par byed na/ gang zag de yang bsnyen par rdzogs par mi 'gyur la/ dge slong de dag kyang smad
 par 'gyur ba? zhes gsungs pa ma thos sam/ khyod cag lo nyi shu ma lon par bsnyen par rdzogs pas/ khyed cag des pa la 'jug pa dang/ zag pa zad par 'gyur re skan/ de dag gis de thos nas sems khong du chud cing 'khod pa dang/ de dag
 gi slob dpon de 'ongs nas/ des smras pa/ gzhon nu dag ci'i phyir sems khong du chud cing 'khod/ de dag gis skabs de rgyas par rjod pa dang/ des smras pa/ khyed kyis de ni thos na bcom ldan 'das kyis las dang po pa la ltung ba med do zhes
 gsungs pa de ma thos sam/ khyed cag las dang po pa yin pas/ bsnyen par rdzogs par gyur gyis/ tshur sheg la lung nos shig /gzhan yang 'di ltar khyed sus 'gyod pa bskyed/ btsun pa 'char kas so zhes zer nas/ dge slong don nyung ngu
 dag ci'i phyir/ dge slong dag bsams bzhin du/ dge slong dag 'gyod par byed ces smad par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das
 kyis snga ma bzhin du/ yang dge slong gang bsams bzhin du ci nas kyang dge slong 'di yud tsam zhig kyang bde ba la reg par mi bya'o snyam pa de nyid rkyen du byas te/ dge slong la 'gyod pa skyed na ltung byed do zhes bca' ba mdzad de/ yul ni mnyan yod/
 gang zag ni 'char ka/ nyon mongs pa ni phrag dog /nyes pa ni dge slong la 'gyod pa skyed pa'o/ /de la yang dge slong gang zhes bya ba ni 'char ka'am/ gzhan yang de lta bu gang yin pa'o/ /bsams bzhin du zhes bya ba ni rnam par brtags nas so//
 ji nas kyang dge slong 'di yud tsam zhig kyang bde ba la mi reg par bya'o/ /snyam pa zhes bya ba ni thams cad yud tsam zhig kyang yid mi dga' bar bya'o snyam pa'o/ /de nyid rkyen du byas te zhes bya ba ni gzhan ma yin pa'o/ /dge slong la zhes bya
 ba ni chos 'di pa la'o/ /'gyod pa skyed na zhes bya ba ni sems la cung zad 'gyod pa dang/ rnam par 'gyod pa dang/ rab tu 'gyod pa skyed na'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge
 slong gis dge slong la bde ba la mi reg pa bskyed pa'i sems kyis/ tha na bzhang gang kyis khyod bsnyen par rdzogs pa ma yin zhing/ pham par 'gyur ba byung ngo zhes bya ba la sogs pa/ dge slong ma yin pa'i don gyis 'gyod pa skyes na 'gyod
 pa ma skyed na yang/ 'gyod pa skyes pa'i ltung byed kyi dngos gzhir 'gyur ro/ /'di'i byed pa po ni pha rol po dge slong nyid dang/ dge slong ma yin pa'i don gyis 'gyod pa skyed pa'o/ /'di la yan lag lngas dngos gzhi'i ltung bar 'gyur te/ pha
 rol po dge slong nyid dang/ bde ba la mi reg pa bskyed pa'i sems nyid dang/ dge slong ma yin pa'i don nyid kyis dang/ tha na gzhad gang yan chad kyis 'gyod pa bskyed pa dang/ 'gyod pa skyes kyang rung/ ma skyes kyang rung/ de dag las yan lag ma
 tshang na ci rigs par na smad do/ /'gyod pa skyed pa'i ltung byed de drug cu gnyis pa'o// //ga ga tshil byed pa'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin
 gyi kun dga' ra ba na bzhugs so/ /gang gi tshe tshe dang ldan pa maung+gal gyi bu chen pos/ nye bar 'khor las sogs pa sar pa skyed phran gzhon nu bcu bdun sde'i tshogs dag rab tu byung zhing/ bsnyen par rdzogs par byas pa'i tshe na/ bcu bdun
 sde dag la gal te gcig la las su bskor ba bab na yang/ de dag thams cad bsdongs te byed do/ /ci tsam dus gzhan zhig na/ gtsug lag khang 'dir mtshan thog thag tu chos mnyan pa byung nas der de dag thams cad kyis bsdongs te
 tron byas so/ /phyi de nyin par dge 'dun gyi bsro gang byung nas/ der yang de dag thams cad kyis sdongs te tron byas so/ /de'i phyi de nyin par bcu bdun sde las gcig la dge bskos bab nas/ de'i nyin mo yang thams cad kyis gtsug
 lag khang brgyan te 'khod do/ /de na dge bskos tran byed pa'i tshe/ bcu bdun sde las gcig la blo byung ba/ bdag ni chad kyis nyal lo mi bcu drug gis ci'i phyir tron mi nus snyam mo/ /de bzhin du re re la yang blo de lta bu byung nas gzhan
 bcu drug po thams cad so sor nyal du 'dod do/ /dge bskos 'ba' zhig gcig pu mtshan thog thag las byas te/ mtshan mo nam ma nangs par mar me'i kong bu dag bsdu bas sgo dag phye/ gtsug lag khang chag chag btab/ byug pas byugs te/ dus
 shes par byas nas/ stan bshams shing mchod rten gyi 'khor sar bdug spos brims te gtsug lag khang gi steng du 'greng nas gaN+Di brdung bar brtsams so/ /de nas bcu drug po de dag gaN+Di'i sgras sad nas/ rang rang gi gnas khang dag nas
 lhung bzed thogs te byung ba dang/ de dag gis dge skos de gcig pu phar rgyug tshur rgyug cing 'dug pa mthong nas/ de dag gis phan tshun smras pa/ tshe dang ldan pa dag 'di gcig pu phar rgyug tshur rgyug cing 'dug na/ 'u bu cag las sus kyang 'di'i
 grogs ma byas sam/ gcig gis smras pa/ kho bo la blo byung ba/ bdag ni chad kyis nyal lo/ /mi bcu drug gis ci'i phyir tron mi nus snyam mo/ /de bzhin du gzhan yang de skad zer/ gzhan dag kyang de skad zer te/ thams cad kyis de skad smras so/ /de
 nas bcu drug po dag gis smras pa/ tshe dang ldan pa dag 'di bdag cag gi 'phral gyi bya ba thams cad la thog mar 'gro ba yin na/ bdag cag gis 'di'i grogs ma byas pa ni/ 'u bu cag gis ma legs pa byas te/ 'di bdag cag la bshe bar
 'gyur gyis/ zan zos ma thag tu bzod pa gsol bar bya'o zhes de dag gis zan zos nas/ bzod pa gsol bar brtsams te/ gzhon pa rnams kyis ni de'i rkang pa gnyis la gtugs/ rgan pa rnams kyis ni mgul nas mkhyung te/ tshe dang ldan pa
 bzod par gsol zhes byas nas/ de cang mi smra bar 'dug go /de dang ches bshes pa cig yod pa des/ ga ga tshil byas pa dang/ des bgang par brtsams te bzod do zhes kyang zer ro/ /de dag gis bsams pa/ de'i thabs legs pa yin no snyam nas gzhan
 gyis ga ga tshil byas shing/ de bzhin du thams cad kyi bar gyis ga ga tshil byas pa dang/ de rlung gyen du 'tshubs te dus la bab po/ /de dag brtad cing mya ngan bya bar brtsams te/ sems khong du chud cing 'khod do/ /dge slong rnams dang/ char kas smras pa
 khyed cag ci'i phyir sems khong du chud cing 'khod/ de dag gis skabs de rgyas par brjod pa dang/ dge slong don nyung ngu dag ci'i phyir dge slong dag /dge slong la sor mos ga ga tshil byed ces smod par byed/ phyar ka gtong bar byed/ kha zer bar byed pa'i skabs
 de dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ sor mos ga ga tshil byed na ltung byed do zhes bca' ba mdzad de/ yul ni mnyan yod/ gang zag ni bcu bdun sde ste/ nyon
 mongs pa ni ma bul ba/ nyes pa ni ga ga tshil byed pa'o/ /de la sor mos ga ga tshil byed na zhes bya ba ni ga ga tshil bya ba'i bsam pas lus kyi las dang/ lus kyi spyod pa dang/ lus kyis g.yo ba gang yin pa byed na'o/ /ltung byed zhes bya
 ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong lus kyi dbang po ma nyams pas/ dge slong lus kyis dbang po ma nyams pa la skyi g.ya' bar bya ba'i sems kyis sor mo 'am/ khu chur ram/ gru mo
 bam/ phrag pa 'am/ mgo 'am/ glo 'am/ rgyab bam/ rked pa 'am/ brla'am/ pus mo 'am/ byin pa 'am/ rkang pa'i mthe bong la sogs pa/ rang rang gi lus kyi yan lag gos ma gtogs pa gang yang rung ba dag gis ga ga tshil byed
 pas pha rol po'i gos ma gtags pa lus kyi yan lag gang yang rung ba la reg na/ reg byed gcig gam du ma nyid la/ spyir ga ga tshil byed pa'i ltung byed kyi dngos bzhi gcig tu 'gyur ro/ /'di'i byed pa po ni gnyi ga'i lus kyi dbang po
 mnyams pa nyid dang/ skyi g.ya' bar bya ba'i sems nyid do/ /'di la yan lag lngas dngos gzhi'i ltung bar 'gyur te/ pha rol po dge slong nyid dang/ gnyi ga'i lus kyi dbang po ma nyams pa nyid dang/ kun tu chags pa dang zhe sdang med
 pa'i sems sam da gnyis kyi kyi sems ma yin pa skyi g.ya' bar bya ba'i sems nyid dang/ sor mo la sogs pa lus kyi yan lag gang yang rung ba nyid dang/ reg pa nyid do/ /de dag las yan lag ma tshang na ci rigs par na smad do/ /ga ga
 tshil byed pa'i ltung byed de drug cu gsum pa'o// //chu la rtse ba'i ltung byed kyi gleng bzhi ni sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe bcu bdun sde dag las/
 tshe dang ldan pa nye bar 'khor gyis nyon mongs pa thams cad spangs pas dgra bcom pa nyid mngon sum du byas pa'i tshe na/ des bsams pa/ bdag gis tshangs pa mtshungs par spyod pa 'di dag la dge ba'i rtsa ba cung zad yod dam/ snyam na/ des
 yod par mthong ngo/ /sul reg las snyam na/ bdag nyid la rag las par mthong nas/ des bcu drug po gzhan dag la gdul ba ltos pas/ de dag gis phyi bzhin rjes su 'brangs na/ de dag gis smras pa/ tshe dang ldan pa dag chu klung gnas can gyis
 dogs su chu'i don du 'dod zhing/ deng? brus kyang bya'o zhes de dag chu tsha gas? dang/ chu bum thogs te/ chu klung gnas can ga la ba de 'dod nas/ de dag gis smras pa/ tshe dang ldan pa dag ji ltar je khrus bya 'am/ 'on te chu btsags par bya/ de dag gis smras
 pa/ je chu btsag par bya ste de'i 'og tu khrus bya'o zhes de dag gi chu btsags nas/ gos dag mdza' gcig tu phung de khrus bya bar brtsams nas/ chung zhugs te de dag steng du 'byung bar byed/ 'og tu nub par yang byed/ tshu rol gyi 'gram nas pha rol
 gyi 'gram du 'gra bar yang byed/ pha rol gyi 'gram nas tshu rol gyi 'gram du 'ong bar yang byed/ rgyun phyogs su 'gro bar yang byed/ rgyun las bzlog phyogs su 'gro bar yang byed/ chu la rnga bo che'i sgra 'byin par yang byed/ rdza rnga kha gcig pa'i sgra
 'byin par yang byed/ chu la gseg ma 'khrab pa dang 'phen par yang byed/ chu la khor yug dang rdo rje lta bur yang byed/ chu la khron pa dang/ dpa' grong dang chu srubs 'dren par yang byed/ chu la rgod bag dang 'phyar g.yeng dang/ lus la rdeg pa dag
 kyang byed do/ /tshe dang ldan pa nye bar 'khor yang shes bzhin du khrus byas te/ chu klung gnas can brgal nas chos gos dag bgos te sdad do/ /de'i tshes?/ ko sa la'i rgyal po gsal rgyal steng gi khang bzangs kyi gzhir gtogs pa na/
 btsun ma phred ldan ma dang lhan cig 'dug pas/ ji tsam na bcu bdun sde dge tshul rtse bas rtse bar mthong ngo/ /mthong nas kyang des btsun mo phreng ldan ma la smras pa/ phreng ldan ma yon gnas dag gi mdzes pa la ltos shig /phreng ldan mas smras
 pa/ lha de ni ngo mtshar? mi che ste/ lang tsho gsar du gyur nas/ tshangs pa mtshungs par spyod pa lags kyi/ lha bgres pa'i gnas skabs su gyur kyang/ de dung thugs ma byung ba ngo mtshar che lags so/ /rgyal po skyengs nas cad mi smra bar 'dug go /tshe
 dang ldan pa nye bar 'khor gyis ko sa la'i rgyal po gsal rgyal steng gi khang? bzangs kyi gzhir gtogs pa na mi dga' bar sems pa mthong nas/ des de dag la smras pa/ tshe dang ldan pa dag ko sa la'i rgyal po gsal rgyal ma dga' par sems
 kyis byung zhig dang/ de dga' bar bya'o/ /de nas de dag byung ste/ gis dag gyon pa na/ tshe dang ldan pa nye bar 'khor mos pa las byung ba'i ting nge 'dzin la snyoms par zhugs nas/ 'di ltar de dag thams cad chu chags dang chu bum dang bcas te
 steng gi nam mkha' la dad pa'i rgyal po 'dab ma brkyang ba ltar 'phags te dong ngo/ /de dag steng gi nam mkha' la dong ba'i grib ma ko sa la'i rgyal po gsal rgyal gyi steng gi khang bzangs kyi gzhir bab nas/ btsun mo phreng ldan mas de dag steng gi
 nam mkha' la ngang pa'i rgyal po 'dab ma brgyad pa ltar 'phags te dong ba mthong nas/ des ko sa la'i rgyal po gsal rgyal la smras pa/ lha yon gnas dag gi mdzes pa la gzigs shig gzigs shig /rgyal pos smras pa/ phreng ldan ma
 dgra bcom pa zag pa zad pa dag chu la 'phyar g.yeng gis rtse bar 'gyur ba de ni gnas ma yin/ skabs ma yin te/ da ni gnas med do/ /phreng ldan mas smras pa/ lhas de ni gsan na/ bcom ldan 'das kyis 'di na dge slong 'dug pa na 'dod chags dang
 bcas/ zhe sdang dang bcas/ gti mug dang bcas par mthong la/ de nyid langs pa na 'dod chags dang bral zhe sdang dang bral/ gti mug dang bral bar yang mthong ste/ dge slong dag de lta bas na/ sems ni gleg 'dra la/ ting nge 'dzin ni rdo rje dang 'dra bas/
 nyon mongs pa rnams ni ye shes kyis 'joms so zhes gsungs pa de ma gsan tam/ rgyal po thos pa nyung bas de cang mi smra bar 'dug go /phreng ldan mas kyang bsams pa/ dgra bcom pa zag pa zad pa dag /chu la 'phyar g.yeng gi rtse ba de ni gnas
 ma yin skabs ma yin te/ de ni gnas med do snyam nas/ de nas btsun mo phreng ldan mas/ bcom ldan 'das kyis spyan sngar mi zhig las phrin gyis bsnyun gsol te/ btsun pa 'phags pa 'di dag chab la 'phyar g.yeng gis rtse bar bgyid pa/
 rgyal po'i glo ba mi dga' bar sems na kye ma bcom ldan 'das kyis thugs brtse ba'i slad du/ gang gis 'phags pa dag chab la 'phyar g.yeng gis rtse bar mi 'gyur par dran par bgyi ba cung zhig bca' ba mdzad na legs so zhes gsol te/
 de nas bcom ldan 'das kyis snga ma bzhin du/ chu la rtse na ltung byed do zhes bca' ba bzad de/ yul ni mnyan yod gang zag ni bcu bdun sde/ nyon mongs pa ni ma dul ba/ nyes pa ni chu la rtse ba'o/ /de la chu la rtse na zhes bya ba ni chu la rtse ba'i bsam
 pas lus kyi las dang/ lus kyi spyod pa dang/ lus kyis g.yo ba gang yin pa byed na'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni dge slong gis sim par 'dod pas brgal ba la sogs
 pa dang/ rgyal slob pa thar pa'am/ lhag 'og du rtsol ba dang/ grang bar 'god pas tsha ba dag /la ri mo 'dod pa ma gtogs pa rgod par dga' ba nyams su myong bar bya ba'i 'dun pas/ chu ma yin pa ma gtogs pa chu'i yul
 la rtse ba rjes su sgrub pa dbang bskur bas nus pa la sogs pa ma gtogs par/ chu'i nang du lte ba man chad nub par zhugs shing 'og tu nub pa dang/ 'byung ba dang/ rogs gzhan du brgal ba dang/ rgyun phyogs dang/ /rgyun las bzlog phyogs su
 rtsol ba dang/ chu la ? bo che dang/ rdza rnga kha gcig pa'i sgra 'byin pa dang/ gseg ma 'brab pa dang/ 'ben pa dang/ khor yug dang/ rdo rje dang/ khron pa dang/ dba' klong dang/ chu srubs 'dren pa dag byed dam byed du bcug na chu la rtsa ba'i ltung
 byed kyis dngos gzhir 'gyur ro/ /'di'i byed pa po ni/ rgad pas dga' bar nyams su myong bar bya ba'i 'dun pa dang/ chu'i yul la rtse ba rjes su sgrub pa'o/ /'di la yan lag lngas dngos gzhi'i ltung bar 'gyur te/ rgod pas dga' ba nyams su
 myong bar bya ba'i 'dun pa nyid dang/ chu'i yul nyid dang lte ba nub pa nyid dang/ rtse ba rjes su sgrub pa nyid dang/ byed dam byed du gcug pa nyid do/ /de dag las yan lag ma tshang na ci rigs par na smad do/ /chu la rtse ba'i ltung byed de drug cu
 bzhi pa'o/ //bud med dang lhan cig nyal ba'i ltung byed kyi gleng gzhi ni sangs rgyas bcom ldan 'das mnyen yod na rgyal byed kyi tshal mnon med zas sbyin gyi kun dga' ra ba na bzhugs so/ /gang gi tshe che dang ldan pa ma 'gags pas /nyon
 mongs pa thams cad spangs pas dgra bcom pa nyid mngon sum du byas shing/ de rnam par grol ba'i bde ba nyams su myong ba'i tshe/ de 'di snyam du sems te/ bcom ldan 'das de ni bdag la phan pa mdzad pa/ legs pa mdzad pa yin te
 'di ltar bcom ldan 'das de ni bdag gis sdug bsngal gyi chos mang po sel bar mdzad pa/ bde ba'i chos mang po sgrub pa/ sdig pa mi dge ba'i chos mang po sel bar mdzad pa/ dge ba'i chos mang po sgrub par mdzad pa yin na/ bdag gis de la
 ci zhig byas na/ lan byes pa dang/ nye bar byas pa dang rab tu byas par 'gyur snyam nas/ yang de 'di snyam du sems te/ sangs rgyas bcom ldan 'das dka' ba mdzad pa brgya stong du ma dag gis bskal pa grangs med pa gsum gyis/ pha rol
 tu phyin pa drug yongs su rdzogs par mdzad nas/ bla na med pa'i mkhyen pa thugs su chud pa/ gang yin pa de dag thams cad ni sems can gyi don gyi phyir yin pas bdag gis kyang dul ba'i bya ba cung zhig bya'o snyam nas/ bcom ldan 'das
 la zhus nas ljongs rgyur song ngo/ /dri brags shig na/ khyim bdag gcig 'dug pa de la/ bu gnyis dang bu mo gcig yod nas/ des ba de gnyis kyi khyim phub cing/ bu mo de yang bag mang btang ngo/ /dus gzhan zhig na khyim bdag de yang dus la
 bab/ de'i bu mo'i yang khyo shi bar gyur nas/ ming po gnyis ni khyim na gnas pa'i tshe/ skyes pa gzhan dag dang lhan cig dga' mgur spyod pa las khye'u spyi brtol can zhes bya ba gcig byung na/ de'i ma yang spyi brtol can gyi ma zhes bya ba'i ming du
 gyur to/ /tshe dang ldan pa ma 'gags pa ljongs rgyu zhing 'gro ba na/ ri brags der phyin nas/ dgra bcom pa rnams chos nyid kyis mkhas mas par shes pa dang mthong ba mi 'jug pas de der song nas/ bsti gnas brnyas nas der 'dug pa dang/ des
 dar rkang pa bkru ba'i chu dang/ rkang pa bsku ba dang/ dus ma yin pa'i zas bstabs pa dag ni des ma blangs so/ /des de'i mal bshams pa dang/ tshe dang ldan pa ma 'gags pa/ mal der skyil mo krung bcas nas lus dang por bsrangs te dran pa
 phyogs par bzhag nas 'dug go /de de'i gan du mtshan mo'i thun dang po nas phyed na 'ongs dang/ bud med kyi g.yo dag nye bar bstan par brtsams pa dang/ tshe dang ldan pa ma 'gags pa dbang po dag 'bebs par byed do//
 des mkhyud par brtsams pa dang/ tshe dang ldan pa ma 'gags pa dad pa'i rgyal po 'dab ma brkyang ba ltar steng gi nam mkha' la mngon par 'phags nas/ 'bar ba dang/ gsal ba dang/ char 'bebs pa dang/ glog 'byin pa'i cho 'phrul dag
 bya bar brtsams nas/ bud med de la rjes su snying brtse ba'i phyir steng gi nam mkha' las shong du babs te/ de'i bsam pa dang/ bag la nyal dang/ khams dang/ rang bzhin khong du chud nas gang thos nas bud med des stan de nyid la 'dug bzhin
 du 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste/ rgyun tu zhugs pa'i 'bras bu mngon sum du byas pa de lta bur 'phags pa'i bden pa bzhi yang dag par so sor rig par byed pa'i chos bstan pa byas pas
 des bden pa mthong nas phyi de nyid par/ 'phags pa ma 'gags pa sgo bcad de gdugs tshor gsol nas chos bstan pa'i tshe de'i ming po gnyis/ mi zhig dang lhan cig thab mo byung ba na/ mi de na re khyod gnyis dang smra 'am/ khyed gnyis kyi
 sring mo ya mtshan can sna tshogs dang ldan pa'i mchod sbyin byed pas/ shAkya'i bu'i dge sbyong yang ma btang ste/ shAkya'i bu'i dge sbyong yang khar ched zhugs nas da dung yang ma byung ngo zhes zer ro/ /de gnyis kyis bsams pa/ bdag cag
 gnyis gang cung zad mi brnyas par gyur de thams cad de ni 'di'i le lan yin gyis/ de gsad du 'dod do snyam nas/ ral gri shugs nas phyung ste/ de'i khyim ga la ba de logs su phyogs te brgyugs pa dang/ srog chags brgya stong phrag du ma
 dag kyang/ kha cig ni ltang mo gyes pa na/ kha cig ni sngon gyi dge ba'i rtsa ba dag gis bskul ba na/ de gnyis kyi phyi bzhin phyi bzhin rjes su 'brang ngo/ /de nas tshe dang ldan pa ma 'gags pas smras pa/ sring mo kho bo phyir byung gis khyod kyi sgo chod cig /
 de phyir gyur ba dang des sgo bcad do/ /de nas tshe dang ldan pa ma 'gags pas/ ngang pa'i rgyal po mang ba ma brkyang ba ltar steng gi nam mkha' la 'phags nas/ cho 'phrul dag bya bar brtsams nas shod du babs te/ chos bstan pas srog chags
 nyi khris rgyun tu zhugs pa'i 'bras bu thob par byas so/ /ri brags de dang ha cang mi ring ba na bskyed mos tshal zhig yod pa der mtshan ma gnas par khas blangs pa'i tshe/ chom rkun pa lnga brgya tsam der lhags pa dag la yang chos bstan pas/
 rgyun du zhugs pa'i 'bras bu thob par byas pa yin no/ ri brags pa de dag la chos bstan pas srog chags khri gnyis stong gis kyang 'phags pa'i 'bras bu thob par byas so/ /de nas tshe dang ldan pa ma 'gags pas chom rkun pa las bden
 pa mthong ba'i rigs kyi bu rnga brgya bo de dag bcom ldan 'das la gdul ba'i skyes su khrid de/ bcom ldan 'das ga la ba der song nas/ bcom ldan 'das kyis kyang de dag dag slong tshur shog ces bya bas rab tu phyung zhing bsnyen par rdzogs par
 mdzad nas/ de dag gis dgra bcom pa nyid mngon sum du byas so/ /dge slong rnams kyis/ tshe dang ldan pa ma 'gags pa la dris pa/ tshe dang ldan pa ma 'gags pa ji ltar bde bar brgyus sam/ tshe rdang ldan pa dag cung zad ni bde bar brgyus/ cung
 zad ni sdug bsngal bar yang brgyus so/ /ji ltar 'di ltar re zhig gdul ba'i bya ba byas pa gang yin pa de ni bde bar brgyus pa yin no/ /had? por de'u gsang pa gang yin pa de ni sdug bsngal bar yang brgyus pa yin no/ /ci'i phyir des skabs de
 rgyas par brjod pa dang/ dge slong rnams kyis smras pa/ tshe dang ldan pa ma 'gags pa khyod bud med dang lhan cig gnas gcig tu nyal du rung ngam gang gis phyir mi rung ba de nyid kyi phyir/ nyes dmigs byung bar gyur to zhes zer
 nas/ dge slong don nyung du dag ci'i phyir/ dge slong gang dag bud med dang lhan cig gnas gcig tu nyal zhes sod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das
 kyis snga ma bzhin du yang dge slong gang bud med dang lhan cig gnas gcig tu nyal na ltung byed do/ /zhes bca' ba mdzad de/ yul ni mnyan yang gang zag ni tshe dang ldan pa ma 'gags pa/ nyon mongs pa ni bag chags ma byang bas ma
 bsams par shes pa dang mthong ba mi 'jug pa/ nyes pa ni bud med dang lhan cig gnas gcig tu nyal ba'o/ /de la yang dge slong gang zhes bya ba ni chos 'di pa'o/ /bud med dang zhes bya ba ni/ bud med dang gzhon nu ma mi tshangs
 par spyod la 'khrig pa'i chos brten nus pa dang ngo/ /ldan cig ces bya ba ni de dang de'o/ /gnas gcig tu zhes bya ba ni gnas bzhi po thams cad g.yogs shing thams cad bskor ba dang/ thams cad g.yogs shing phal cher bskor ba
 dang/ phal cher g.yogs shing thams cad bskor ba dang/ phal cher g.yogs shing phal cher bskor ba dag tu'o/ /de la gnas thams cad g.yogs shing thams cad bskor ba ni gnas khang dang/ 'khor gyi khyams dang khang pa brtsegs pa dag
 go /thams cad g.yogs shing phal cher bskor ba ni/ sgo bcu pa dang sgo bcu gnyis pa dag go/ phal cher g.yogs shing phal cher bskor ba ni/ khyams ngos gsum pa dang 'khor gyi khyams dag go /nyal na zhes bya ba ni mtshan mo glos phab
 ? nyal na'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong mi'i 'gro ba bud med dam/ gzhon du ma mi tshangs par spyod pa 'khrig pa'i chos bsten nus pa dang/ lhan cig gnas
 gcig tu mtshan mnyal na skya reng 'char ba'i mthar bud med dang lhan cig nyal ba'i ltung byed kyi dngos gzhir 'gyur ro/ /'di'i byed pa po ni/ mi'i 'gro ba pa'i bud med dam gzhon nu ma ma tshangs par spyod pa 'khrig pa'i chos bstan nus pa nyid
 do/ /'di la yan lag lngas dngos gzhi'i ltung byed tu 'gyur te/ mi'i 'gro ba pa'i bud med dang gzhon nu ma mi tshangs par spyod pa 'khrig pa'i chos bsten nus pa nyid dang/ lhan cig gnas gcig nyid dang/ mtshan mo nyid dang/ gnyid log
 pa nyid dang/ skya reng 'chad pa nyid do/ /de dag las yan lag ma tshang na ci rigs par na smad do/ /bud med dang lhan cig nyal ba'i ltung byed de drug cu lnga pa'o// //sdangs par byed pa'i ltung byed kyi yang gzhi ni/ sangs rgyas bcom ldan 'das
 mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa maung+gal gyi bu chen pos nye bar 'khor la sogs pa skyes phran gzhon nu bcu bdun sde'i tshogs dag rab tu phyung zhing bsnyen
 par rdzogs par byas pa de'i tsha de dag drug sde dag la bsten par byed/ bsnyen par byed/ bsnyen bkur byed do/ /de nas 'char kas de dag la smras pa/ bcu bdun sde dag tshur sheg /'di dang 'di gyis shig /de dag gis smras pa/ khyed kho bo cag
 ge slob dpon yin nam/ mkhan po yin nam/ ci mi byed do/ /'char kas smras pa glen pa dag 'o na gzhan ci byed ces des de dang/ gnya' ba nas bzung ste bskrad do/ /de dag gis smras pa/ tshe dang ldan pa dag bdag cag drug sde dag gis gang
 cung zad brnyas par gyur pa de dag thams cad ni bdag cag thos pa nyung ba las gyur pa yin gyis bdag cag thos pa 'dzin pa 'dod dang/ des na phyin chad drug sde dag la gang cung zad kyang dri bar mi bya'o zhes de dag dge slong zhig gi gan du dong ste
 smras pa/ btsun pa bdag cag glog tu stsol cig /des de dag la thabs yin no zhes smras nas/ de dag gis de las klag par brtsams so/ /nye dags smras pa/ btsun pa 'char ka bcu bdun sde dag de bar bdag cag la bsten par mi byed bsnyen par mi
 byed/ bsnyen bkur mi byed de/ /'char kas smras pa/ de dag kho bos bskang nas thos pa 'dzin bar brtsams so/ /btsun pa 'char ka khyod kyis/ bdag cag gis sbrul nyal ba lcags gis gzhugs so/ /ji srid du glen pa de dag thos pa nyung bar gyur pa de
 srid du de dag bdag cag la bsten par byed/ bsnyen par byed/ bsnyen bkur byed kyi gang gi tshe de dag mang du thos par gyur cing mdo sde 'dzin pa dang/ 'dul ba 'dzin pa dang/ ma mo 'dzin pa dang/ gdug cing pha rol gnon par gyur pa de'i tshe na de
 dag bdag cag la gnod pa bya bar sems par 'gyur ro/ /'char kas smras pa/ kho bos ci nas de dag gis ma rtogs pa yang rtogs par mi 'gyur zhing rtogs pa las kyang yongs su nyams par 'gyur ba de ltar bya'o/ /bcu bdun sde dag me
 khang du mar me btsugs te kha te na bya bar brtsams pa dang/ ji tsam na tshe dang ldan pa 'char ka la ba zhig spu phyir bstan te gyon nas me khang du zhugs te mar me bsad nas 'byung po'i 'byung po'o zhes smras pa dang/ de dag sdongs shing skrag nas
 me khang nas phyir byung ste/ mdza' gcig tu 'khod do/ /de dag slob dpon gyis mthong nas smras pa/ gzhon nu dag ci'i phyir kha ton mi byed par kha reg ste 'khod/ de dag gis smras pa/ slob dpon bdag cag mi ma lags pas gtses so/ /des
 bsams pa/ rgyal byed kyi tshal gnod sbyin gos sngon po gyon pa lnga brgyas rtag tu mi gtong bas 'di na mi ma yin pa yod re skan/ lhung bzed nag po can gnas ngan len kun tu spyod pa/ 'ga' zhig gis 'di dag bsdigs so snyam nas/ des
 smras pa/ gzhon nu dag mi ma yin pa de 'dzin par 'dod dam/ 'tshal lo/ /des smras pa/ gzhon nu dag me khang gi grwa bzhir mar me btsugs te rdza mas khob la/ dbus su mar me btsugs te/ kha ton gyis shig dang/ gal te der 'ongs pa
 dang/ dbus kyi mar me bsad nas 'byung po 'byung po zhes zer ba na sgo chod la/ me khang grwa bzhir mar me phye la zung zhig /de dag gis de ltar byas pa dang/ ji tsam na tshe dang ldan pa 'char ka/ la ba zhig spu phyir bstan te gyon nas me khang du
 zhugs te/ dbus kyi mar me bsad nas 'byung po'i 'byung po'o zhes smras pa dang/ de dag gis sgo bcad nas me khang gi grwa bzhir mar me phye ste/ bzung nas brdeg par brtsams pa dang/ des smras pa/ 'char ka'o 'char ka'o/ /de dag gis smras pa/
 khyed kyi rmi lam ni/ 'char ka kho bo cag gi grogs yin pas de yin no/ /zhes byas na btang bar 'gyur snyam ma/ sha drod kyis ma bzung gi bar du mi btang ngo/ /de dag gis yang smras pa/ tshe dang ldan pa dag mi ma yin pa ni shin tu chen po zhag bsad
 pas kyang nyes pa sbom por 'gyur bar zad pas bdag cag gis ltung ba 'thob zhing bshags par byas/ te por brdeg go zhes de dag gis de te por tal tal te btang nas/ 'char ka 'phye 'khrung de rang gi gnas su phyin nas/ de phyi de nyin par lus
 dag nyin 'bru mar gyis bsku mnye byas nas khri la nyal zhing 'dug pa dang/ dge slong rnams kyis de la smras pa/ tshe dang ldan pa 'char ka ci nyes/ 'char kas smras pa/ tshe dang ldan pa dag ku re cung zhig byas na nyes dmigs 'di lta bu byung bar gyur to
 ci byas des skabs de rgyas par brjod pa dang/ dge slong rnams kyis de la smras pa/ khyod dge slong la sdangs par byed du rung ngam/ gang gi phyir mi rung ba de nyid kyis phyir/ nyes dmigs 'di lta bu dag byung bar gyur to/ /zhes zer
 nas dge slong don nyung ngu dag ci'i phyir dge slong dag /dge slong la sdangs par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis
 snga ma bzhin du/ yang dge slong gang dge slong la sdangs par byed dam/ sdangs par byed du 'jug na tha na bzhad gang bya bar bsams kyang rung ste/ ltung byed do zhes gca' ba mdzad de/ yul ni mnyan yod/ gang zag ni 'char ka/ nyon mongs pa
 ni phrag dog /nyes pa ni dge slong la sdangs par byed pa'o/ /de la yang dge slong gang zhes bya ba ni/ 'char ka 'am gzhan yang de lta bu gang yin pa'o/ /dge slong la zhes bya ba ni chos 'di pa la'o/ /sdangs par byed dam zhes bya ba ni bdag nyid
 kyis so/ /sdangs par byed du 'jug na zhes bya ba ni gzhan no/ /tha na bzhad gang bya bar bsams kyang rung ste zhes bya ba ni tha na ku re bya bar bsams pas kyang rung ste'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung
 ba rnam par bzhag pa ni/ dge slong gis bzhad gang bya bar bsams kyang rung/ khro ba sngon du btang bas kyang rung ste sdangs par 'dod pas 'jigs pa'i rgyu nye bar sgrub pa sngon du btang ba 'jigs par byed pa yid du mi 'ong ba/ 'di lta ste dper
 na/ yi dags sam/ sha za 'am/ grul bum 'am/ lus srul po gzugs la pa nag po 'am/ sol pa 'am/ ka ba tshig pa lta bu sgra seng ge 'am/ stag gam gung ngam/ gzig gam 'tsha''am/ wa'i skad lta bu dri bshad pa 'am/ gci
 ba 'am/ ra 'am/ ra'i ze ba'i dri lta bu reg pa sreg gam/ re lde 'am/ phyar ba'i reg pa lta bu dag nyid 'di na yod do zhes/ dge slong la bdag nyid kyis go bar byed dam/ gzhan gyis kyang go bar byed du bcug na 'jigs pa skyed kyang rung/ ma skyes
 kyang rung/ skyo bar bya ba'i ched nyid ma gtogs te/ sdangs par byed pa'i ltung byed kyi dngos gzhir 'gyur ro/ /'di'i byed pa po ni sdangs par 'dod pa dang/ yid du mi 'ong ba nyid de/ 'di la yan lag drug gis dngos gzhi'i ltung bar 'gyur te/ gzhan
 gang bya bar bsams pa 'am/ khro ba sngon du btang ba'i bsam pa gang yang rung ba nyid dang/ sdangs par 'dod pa nyid dang/ 'jigs pa'i rgyu yid du mi 'ong ba gang yang rung ba nyid dang/ pha rol po sdangs par bya ba dge slong nyid dang/ bdag nyid dam
 gzhan gang yang rung bas go bar byed pa nyid dang/ pha rol po 'jigs pa skyes kyang rung/ ma skyes kyang rung ba'o/ /de dag las yan lag ma tshang na ci rigs par na smad de/ /sdangs par byed pa'i ltung byed de drug cu drug pa'o// //sped pa'i ltung
 byed kyi gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe/ tshe dang ldan pa maung+gal gyi bu chen pos nye bar 'khor la sogs pa sar pa skyes phran
 gzhon nu bcu bdun sde'i tshogs dag /rab tu phyung zhing bsnyen par rdzogs par byas pa de'i tshe na/ de dag drug sde dag la bsten par byed/ bsnyen par byed/ bsnyen bkur byed do/ /khyim bdag gcig gis sangs rgyas la sogs pa dge slong
 gi dge 'dun khyim gzhan du gdugs tshod la spyan drangs nas/ sangs rgyas la sogs pa dge slong gi dge 'dun ni gshegs so/ /drug sde dag dang/ bcu bdun sde dag phyi bzhin 'brang zhing dong ngo/ /de na lam na rdzing bu chus gang ba zhig 'dug
 nas drug sde dag gis/ bcu bdun sde dag la smras pa/ bcu bdun sde dag kye ma/ khyed cag dang kho bo cag lhan cig 'gran pa yin na/ chur sheg yu bu cag chu'i nang du gang yun ring du 'dug phod pa lta'o/ /de dag gis smras
 pa/ de ltar bya'o zhes de dag thams cad chur zhugs pa dang/ nye dga' chu nas byung ste/ bcu bdun sde dag gi gos dag /sa 'bus pa zhig gi 'og tu sbas pa dang/ drug sde dag myur ba myur bar rdzing bu'i nang nas byung ste/ gos dag gyon nas
 dong ngo/ /bcu bdun sde dag chu'i steng du byung ba dang/ drug sde dag mi snang nas/ de dag gis bdag cag pham par byas na mi rung ngo zhes de dag yang chu'i 'og tu zhugs so/ /de dag las yang dang yang du chu'i steng du byung ste bltas na/ drug
 sde dag mi snang nas/ de dag da dung chu'i 'og na 'dug go /snyam nas de dag gis smras pa/ tshe dang ldan pa dag /drug sde dag gis gos sbas te 'dod do zhes bgros pa dang/ ji tsam na gos dag mi snang nas/ de dag gis smras par tshe dang ldan
 pa dag de dag gis bdag cag tho brtsams so zhes de dag rdzing bu nas byung ste/ mdza' gcig tu 'khod do/ /de'i tshe tshe dang ldan pa shA ri'i bu dang/ maung+gal gyi bu chen po gnyis 'khor lnga brgya dang/ ko sa la dag tu ljongs rgyu zhing 'dor ba na
 phyogs der 'ongs nas/ tshe dang ldan pa maung+gal gyi bu chen pos de dag gi gos dag phyung ste de dag la byin no/ /de nas de dag dge slong dag gi nang du dong nas/ gos bshugs te smras pa/ tshe dang ldan pa dag gal te kho bo cag la mkhan pos
 ma dgongs su zin na/ kho bo cag gi zan bcad pa byas par 'gyur ro/ /ci'i phyir de dag gis de rgyas par brjod pa dang dge slong don nyung ngu dag ci'i phyir/ dge slong dag dge slong gis gos dag sped par byed ces smod par byed/ 'char ka
 gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang dge slong ngam/ dge slong ma 'am/ dge tshul lam/ dge tshul ma'i
 lhung bzed dam/ gos sam/ dra ba 'am/ phor bu 'am/ ske regs sam/ dge slong gi 'tsho ba'i yo byad gang yang rung ba sbed dam/ sbed du 'jug na/ de 'dra ba'i rkyen ma gtogs te ltung byed do/ /zhes bca' ba mdzad de/ yul ni mnyan yod/ gang
 zag ni drug sde/ nyon mongs pa ni tho 'tsham pa/ nyes pa ni rab tu byung ba'i yo byad sbed pa'o/ /de la yang dge slong gang zhes bya ba ni/ shAkya'i bu nye dga' 'am/ gzhan yang de lta bu gang yin pa'o/ /dge slong ngam/ dge slong ma 'am/ dge tshul
 lam/ dge tshul ma'i zhes bya ba ni dge slong 'di pa'i 'o/ /lhung bzed ces bya ba ni lhung bzed nyid do/ /gos zhes bya ba ni/ bdun po dag las gang yang rung ba'o/ /dra ba zhes bya ba ni lhung bzed kyi snod do/ /phor bu zhes bya ba ni kham por ro/ /
 ske rags shes bya ba ni shur bu dang/ lcag pod dang/ rgya chad dang/ shur phu phre'u'o/ /dge slong gi 'tsho ba'i yo byad gang yang rung ba zhes bya ba ni de dag las gzhan gang yang rung ba'o/ /sped dam zhes bya ba ni bdag nyid kyis so/ /sped du 'jug na zhes
 bya ba ni gzhan no/ /de 'dra ba'i rkyen ma gtegs te zhes bya ba ni phan par 'dod pas sped pa de 'dra ba'i rkyen bzhag ste'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni dge slong gis rab tu byung
 ba 'di ba dbang ba'i lhung bzed dang/ chos gos dang/ dra ba dang/ phur bu dang/ ske rags la sogs pa dge slong gi 'tsho ba'i yo byad gang yang rung ba sbed dam/ sbed du bcug na/ phan par 'dod pas sbed pa ma gtegs te/ sbed pa'i ltung byed kyi dngos
 gzhir 'gyur ro/ /'di'i byed pa po ni tho 'tsham pa'i bsams pa dang/ rab tu byung ba 'di pa gang yang rung ba yo byad gang yang rung ba'o/ /'di la yan lag lngas dngos gzhi'i ltung bar 'gyur te/ tho 'tsham pa'i bsam pa dang/
 rab tu byung ba 'di pa dang/ yo byad sbed dam/ sped du 'jug pa dang/ phan par 'dod pa ma gtogs pa'o/ /de dag las yan lag ma tshang na ci rigs par na smad do/ /sped pa'i ltung byed de drug cu bdun pa'o// //byin nas nye bar 'tsho ba'i ltung
 byed kyi gleng gzhi ni sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa 'char kas ni nyon mongs pa thams cad spangs pas/ dgra bcom pa nyid
 mngon sum du byas/ tshe dang ldan pa 'dun pa ni kau sham bir song ste/ snying las chung ngur 'dug /'gro mgyogs dang nab so gnyis ni dus la bab/ dga' bo dang nye dga' gnyis ni/ dge 'dun gyi nang na 'khod pa de'i tshe na/ tshe dang ldan pa
 nye dga' rgas par gyur nas/ de la lhan cig gnas pa dang/ nye gnas 'ga' yang mi nyan pas de'i tshe gos dag dri ma can du gyur kyang des 'khru ba dang/ kha bsgyur bar mi nus nas/ de la blo byung ba thabs gcig bya'o snyam nas/ des chos
 gos de dag lhan cig gnas pa dang/ nye gnas dag la bu dag kho bo rgas pas 'di dag khyod kyi yin no zhes/ la la la snam sbyar byin/ la la la bla gos byin/ la la la thang gos byin/ de dag gis rang gi sred pas/ chos gos de
 dag legs par bkrus shing/ legs par kha bsgyur bar byas so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la/ dge slong rnams la/ dge slong dag de bzhin gshegs pa ko sa
 la dag tu ljongs rgyur gshegs kyis/ khyed cag dang gang de bzhin gshegs pa dang thabs cig ko sa la dag tu ljongs rgyur 'gre bar spro ba des/ chos gos kyi las dag gyis shig ces bsgo shig /tshe dang ldan pa kun dga' bos de skad bsgo ba
 na/ dge slong de dag gis chos gos de dag nye dga' la btams te dong ngo/ /nye dags de dag sbyar nas/ phyir tur bur bcug go /ji tsam na dge slong de dag phyir 'ongs nas/ khyim bdag gcig gis/ sangs rgyas la sogs pa dge slong gi dge 'dun
 glo bur du gshegs pa'i gshegs ston la spyan drangs pa'i tshe/ de dag gis chos gos de dag blangs pa dang/ nye dags spyad par mthong nas bzhag ste/ chos gos rnyed pa dag gis zhugs so/ /dge slong rnams kyis de dag la smras pa/ tshe dang
 ldan pa dag khyed cag gis chos gos dag cig btam ste bzhag /ci'i phyir lam gyi chos gos dag cig gyon te 'ongs/ de dag gis smras pa/ btams te bzhag go /'o na ci'i phyir de dag mi gyon/ de dag gis skabs de rgyas par brjod
 pa dang/ dge slong don nyung ngu dag ci'i phyir/ dge slong dag dge slong la chos gos byin nas/ de'i 'og tu rded mad par spyod par byed ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan
 'das la gsol to/ /de nas bcom ldan 'das kyis snga ma bzhin du/ yang dge slong gang dge slong la gos byin nas/ de'i 'og tu rded med par spyod na ltung byed de zhes bca' ba mdzad de/ yul ni mnyan yod/ gang zag ni nye dga' / nyon mongs
 pa ni thugs thub/ nyes pa ni dge slong la gos byin pa rded drod med par spyod pa'o/ /de la yang dge slong gang zhes bya ba ni shAkya'i bu nye dga' 'am/ gzhan de lta bu gang yin pa'o/ /dge slong la zhes bya ba ni chos 'di pa la'o/ /gos zhes bya ba
 ni/ snam sbyar dang/ bla gos dang/ mthang gos gsum las gang yang rung ba'o/ /byin nas zhes bya ba ni blang ba med par byin nas so/ /de'i 'og tu zhes bya ba ni dus gzhan du'o/ /rded med par zhes bya ba ni mi blang bar ro/ /spyod
 na zhes bya ba ni gyon na'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gis dge slong la/ gos snam sbyar dang/ bla gos dang/ mthang gos gang yang rung ba gtan byin
 nas/ de'i 'og tu des gnang ba'i rdeng med par gzhi des de dga' bar mi 'gyur bar spyod na/ byin nas nye bar 'tsho ba'i ltung byed kyi dngos gzhir 'gyur ro/ /'di'i byed pa po ni/ dge slong gi gos dag rded med par spyod na'o/ /'di la yan lag lngas
 dngos gzhi'i ltung bar 'gyur te/ dge slong gi dang/ dge slong gi yo byad gzhan ma gtogs pa'i gos nyid dang/ rang gis phar byin pa dang/ pha rol bo'i rdeng med par rang gis blos nye bar 'tsho ba dang/ gzhi des de dga' bar mi 'gyur bar spyod
 pa'o/ /de dag las yan lag ma tshang na ci rigs par na smad do/ /byin nas nye bar 'tsho ba'i ltung byed drug cu brgyad pa'o// //so sor thar pa'i mdo'i gzhung 'grel// //bam po bcu drug pa/ /skur pa 'debs pa'i ltung byed kyi glang
 gzhi ni/ sangs rgyas bcom ldan 'das rgyal po'i khab/ 'od? ma'i tshal bya ka lan+ta ka'i gnas na bzhugs so/ /de'i tshe na/ tshe dang ldan pa gyang bu nor rgyal po'i khab bya rgod phung po'i ri la/ rdzing bu rdo brtsigs can zhes bya ba'i 'gram na 'dug
 go /dge slong ma utpa la'i mdog /bcom ldan 'das dang dge slong gnas brtan rnams kyi zhabs la phyag 'tshal nas tshe dang ldan pa gyang bu nor ga la ba der song ste phyin nas/ tshe dang ldan pa gyang bu nor gyi rkang pa gnyis la mgo bos phyag
 'tshal te/ chos mnyan pa'i phyir mdun du 'dug go /de'i tshe na/ dge slong mdza' bo dang sa las skyes gnyis/ phyag dar khrod cig rnyed cing/ de gnyis tshe dang ldan pa gyang bu nor dang/ tshe rabs tshe rabs nas rjes su 'brel pa kho na yod pas/ rtag
 tu klan ka tshol ba la brtson pa yin pas/ de gnyis phyag dar khrod kyi gos khyer te/ rdzing bu rdo rtsigs can du 'khrus bcug nas/ nyi ma la bting ste 'khod do/ /de'i tshe na/ tshe dang ldan pa gyang bu nor gyi gos kyi gra rlung gis ba skyod nas/ dge slong ma
 utpa la'i mdog gi mgo la reg go /de mdza' bos mthong nas/ sa la skyes la smras pa sa la skyes gyang bu nor 'di la/ dge slong ma utpa la'i mdog dang lhan cig lus kyis reg pa'i dge 'dun lhag ma byung gis 'dod la/ dge slong
 rnams la brjod par bya'o/ /zhes de gnyis dong ste/ dge slong rnams la de skad smras so/ /dge slong rnams kyis smras pa/ tshe dang ldan pa khyed cag gnyis/ lha dang mi rnams gcig tu yongs su btang zhing/ sems can dmyal ba dang/ yi
 dags dang/ dud 'gro rnams su gcig tu gnas sam ci na/ dge slong dgra bcom pa rnam par thar pa brgyad la bsam gtan pa/ mi'i chos bla ma'i rdzu 'phrul gyis rnam par ston pa de la/ khyed gnyis gzhi med pa'i dge 'dun lhag ma'i
 chos kyi skur pa 'debs par byed ces zer ba de'i skabs de/ dge slong rnams kyis bcom ldan 'das la gsol pa dang/ bcom ldan 'das kyis bka' stsal pa/ dge slong dag khyed kyis de gnyis las ci zhig mthong/ ji ltar mthong/ gang du
 mthong/ khyed gnyis ci'i phyir der son pa der mthong zhes legs par rab tu glengs shing rtogs shig /dge slong rab tu mang po dag gis legs par rab tu glengs shing brtags pa na/ de gnyis kyis smras pa/ tshe dang ldan pa dag tshe dang
 ldan pa gyang bu nor la/ dge slong ma ud pa la'i mdog dang lhan cig lus kyi reg pa'i dge 'dun lhag ma ma byung ste/ 'di ltar bdag cag gnyis kyis tshe dang ldan pa gyang? bu nor la/ 'dun pas smras/ zhe sdang dang/ gti mug dang/
 'jigs pas smras so zhes zer nas dge slong don nyung ngu dag ci'i phyir dge slong dang/ dge slong dag pa ltung ba med pa la gzhi med par dge 'dun lhag ma'i chos kyis skur pa 'debs par byed ces smod par byed/ phyar ka gtong bar byed/ kha zer
 bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang khros shing zhe sdang bar gyur nas/ dge slong dag pa ltung ba med pa la/ gzhi med par dge 'dun lhag
 ma'i chos kyis skur na ltung byed do zhes bca' ba mdzad de/ yul ni rgyal po'i khab/ gang zag ni mdza' bo dang sa la skyes gnyis nyon mongs pa ni kho na du 'dzin pa/ nyes pa ni gzhi med par dge slong la dge 'dun lhag ma'i chos kyis skur pa
 'debs pa'o/ /de la dge slong gang zhes bya ba ni mdza' bo dang sa la skyes sam/ gzhan yang de lta bu gang yin pa'o/ /khros shing zhes bya ba ni 'khrugs zhing ngo/ /zhe sdang bar gyur nas zhes bya ba ni yid mi dga' bar gyur nas de 'khrugs pa ma bsal
 bar ro/ /dge slong dag pa zhes bya ba ni tshe dang ldan pa gyang bu nor ram/ gzhan yang de lta bu gang yin pa'o/ /ltung ba med pa la zhes bya ba ni/ gzhi de'i ltung ba med par ro/ /gzhi med par zhes bya ba ni gzhi gsum po mthong ba'i gzhi dang/ thos pa'i gzhi dang
 dogs pa'i gzhi med par ro/ /dge 'dun lhag ma'i chos kyis zhes bya ba ni/ bcu gsum po gang yang rung ba ste/ de ni chos ma yin pa la chos kyi sgrar gsungs pa yin no/ /skur na zhes bya ba ni skur ba 'debs na'o/ /ltung byed do zhes bya ba ni snga ma bzhin
 no/ /de la 'dir dngos gzhi'i ltung ba rnam par bzhag pa ni/ dge slong gis skur pa 'debs par 'dod pas/ dge slong la 'du shes bsgyur te/ dge 'dun lhag mas skur pa gsal ba 'am/ bag tsam gyis kyang brjod na skur pa 'debs pa'i ltung
 byed pa dngos gzhir 'gyur ro/ /'di'i byed pa po ni skur pa 'debs par 'dod pa dang/ dge 'dun lhag ma'i chos so/ /'di la yan lag lngas dngos gzhi'i ltung bar 'gyur te/ skur pa 'debs par 'dod pa dang/ pha rol po dge slong nyid dang/
 'du shes bsgyur pa dang/ dge 'dun lhag ma'i chos dang/ gsal ba 'am/ bag tsam gyis kyang brjod pa'o/ /de dag las yan lag ma tshang na ci rigs par na smad do/ /skur pa 'debs pa'i ltung byed de drug cu dgu pa'o// //bud med dang lhan cig
 'gro ba'i ltung byed kyi gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /rgyal po'i khab na tha ga pa spyi tsher? zhes bya ba zhig 'dug pa des/ mnyan yod pa'i tha ga
 pa'i bu zhig gi bu mo bag mar blangs nas/ des bu mo de la yang dang yang du khu tshur dang/ thal lcag gis rdeg par byed nas/ dus gzhan zhig na tha ga pa spyi cher tshong khang du chang mthungs te/ ra ro nas rang gi khyim ga la ba der song ste phyin nas/
 des bu mo de shin tu brdegs te gnyid du song ba dang/ des tha ga pa de gnyid log par rig nas sgo dang po phye ba kho na nas byung ste bros so/ /dge slong zhig rgyal po'i khab du dbyar gnas par khas blangs nas/ mnyan yod du/ bcom ldan 'das kyi
 zhabs la phyag 'tshal du 'phags pa de yang sgo dang po che ba kho na na byung ste song ba dang/ bu mo des/ dge slong de mthong nas/ 'phags pa gar bzhud/ des smras pa/ srid mo mnyan yod du 'gro'o/ /bdag kyang mnyan yod du mchi yis/ 'phags
 pa dang lhan cig 'grogs te mchi'o/ /de ltar gyis shig/ sring mo de dge slong de dang lhan cig 'grogs te 'gro bar brtsams so/ /ji tsam na tha ga pa spyi cher ra ro ba sangs te sang ba na/ bu mo de mi snang nas des song ste/
 sgo ba la bris pa dang/ kye nang rje sgo 'di nas bu mo zhig phyir byung ngam/ sgo bas smras pa/ sgo dang po phye ba kho na nas byung ste song ngo/ /tha ga ba der ba la 'jegs te phyi bzhin bltas pa dang/ ji tsam na thag ring po kho na nas song ba
 mthong nas/ de myur ba myur bar babs te bsnyags pa dang/ ci tsam na dge slong zhig dang lhan cig 'gro bar mthong nas/ des bsams pa/ /bdag ni gcig pu yin la/ 'di gnyis ni gnyis yin pas/ gal te ngas bzung na 'di gnyis
 'ong te/ bdag brdegs par 'gyur ba gang yin pa de lta bu gnas yod par 'gyur gyis/ de mda' bzlog go snyam nas/ ri brags shig na tha ga pa lnga brgya tsam 'khod pa dag gi gan du song ste smras pa/ shes ldan dag /kho bo'i chung ma/ shAkya'i
 bu'i dge slong gis phrogs kyis de la grogs kyis shig ces ra mda' bzlog tu bcug go /tha ga pa dag ni yongs su mi rtog pa yin pas/ de dag gi thags zangs lnga brgya tsam thogs te/ ri brags nas phyir byung nas/ de dag gis dge
 slong de shin tu brdegs te/ lhung bzed kyang bcag/ phor bu dang khar ba dag kyang bcag /chos gos dag kyang dral nas shi'o snyam du bsams nas bor ro/ /bu mos dge slong de la smras pa/ 'phags pa dag khyed cag gis rgyal po la/ gzhon
 nu'i yongs su spang pa thob pa lags kyis/ rgyal po'i gan du bzhud de gsungs la/ 'di dag gis lag pa dang rkang pa dag gcod du stsol cig /de dag skrag nas/ dge slong de la bzod pa gsol ba dang/ dge slong gi snying ni mar dang
 'dra bas bzod par byas so/ /bu mo des smras pa/ gal te 'phags pas bzod kyang bdag gis mi bzod do/ /de dag gis bu mo de la yang bzod par gsol ba dang/ bu mo des smras pa/ khyed cag la ni bzod na/ tha ga pa spyi cher 'di la mi bzod de/ bdag
 gis 'di'i lag pa dang rkang pa bcad par bya'o/ /de dag gis smras pa/ 'di la yang bzod par gyis zhig /bu mo des smras pa/ gal te phyin chad bdag la mi rdeg na de lta na bzod par bya'o/ /dge slong mthar gyis mnyan yod du phyin nas/ dge
 slong rnams kyis de la smras pa/ tshe dang ldan pa 'ongs pa legs so/ /'ongs pa legs so/ /ji ltar bde bar brgyus sam/ tshe dang ldan pa dag ji ltar bde bar brgyus/ kho bo tha ga pa dag gis hang por srog dang de'u phral lo/ /des skabs de rgyas par
 brjod pa dang/ dge slong rnams kyis smras pa/ khyed skyes pa med par bud med dang lhan cig 'gron lam du 'gror rung ngam/ gang gi phyir mi rung ba de nyid kyi phyir nyes dmigs 'di lta bu byung ngo/ /dge slong don nyung ngu dag ci'i phyir/ dge slong
 dag skyes pa med par bud med dang lhan cig tu 'gron lam du 'gro'o zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la?  gsol to/ /de nas bcom ldan 'das kyis snga ma
 bzhin du/ yang dge slong gang skyes pa med par bud med dang lhan cig 'gron lam du 'gron/ tha na grong bar du yang rung ste ltung byed do zhes bca' ba mdzad de/ yul ni mnyan yod gang zag ni dge slong chos 'di pa/ nyon mongs pa ni shes
 bzhin ma yin pa/ nyes pa ni skyes pa med par bud med dang lhan cig 'gron lam du 'gro ba'o/ /de la yang dge slong gang zhes bya ba ni chos 'di pa 'am/ gzhan yang de lta bu gang yin pa'o/ /skyes pa med par zhes bya ba ni de dang de'o/ /bud med dang
 lhan cig ces bya ba ni/ bud med dam gzhon nu ma mi tshangs par spyod pa 'khrig pa'i chos bsten nus pa dang ngo/ /'gron lam du 'gro ba zhes bya ba ni/ dgon pa'i lam du 'gro na'o/ /tha na grong bar du yang rung ste zhes bya ba ni
 tha na rgyang grags kyi bar du rung ste'o/ /ltung byed do zhes bya ba ni snga ma bzhin no de la 'dir dngos gzhi'i ltung ba rnam par bzhag pa ni dge slong skyes pa gzhan med par mi'i 'gro ba pa'i bud med dam gzhon nu ma mi tshangs par spyod pa 'khrig pa'i
 chos bsten nus pa rang gi bsel byed pa dang/ lam du 'jug pa dang/ mi nus pa 'khrid pa ma gtogs pa dang/ lhan cig 'dod pas lam du 'gro na/ rgyang grags re re'i mdza' bud med dang lhan cig 'gro ba'i ltung byed kyi dngos gzhir
 'gyur ro/ /'di'i byed pa po ni/ mi'i 'gro ba pa'i bud med dam gzhon nu ma mi tshangs par spyod pa 'khrig pa'i chos bsten nus pa nyid dang/ lam rgyang grags kyi mdza' nyid do/ /'di la yan lag lngas dngos gzhi'i ltung bar 'gyur te/
 mi'i 'gro ba pa'i bud med dam/ gzhon nu ma mi tshangs par spyod pa 'khrig pa'i chos bsten nus pa nyid dang/ rang dgar 'dod pas lam du 'gro ba nyid dang/ bsel byed pa 'am/ lam du 'jug pa 'am/ mi nus pa khrid pa ma gtogs
 pa nyid dam/ rig pa'i skyes pa pa gtogs pa nyid dang/ lam rgyang grags kyi mdza' las 'das pa nyid do/ /de dag las yan lag ma tshang na ci rigs par na smad do/ /bud med dang lhan cig 'gro ba'i ltung byed de bdun cu pa'o// /
 sdom la/ brku dang nyi shu ma lon dang/ /rko dang 'gron dang bslab pa dang/ /'thab dang mi smra 'gro ba dang/ /ma gus chang mthung ngus min pa'o/ /zhes bya ba ni/ bcu pa brgyad pa yin te/ sdom la zhes bya ba'i tshig gi don dang/ dgos pa ni snga ma
 bzhin no/ /bcu pa brgyad pa 'das kyang ltung byed kyi chos bcu bstan te/ rkun ma dang lhan cig 'gro ba dang/ nyi shu ma lon par bsnyen par rdzogs par byed pa dang/ sa rko ba dang/ 'gron du gnyer ba las ring du 'dug pa dang/ bslab pa la nye bar
 'jog pa spong ba dang/ nyan rna las gyur pa dang/ mi smra par 'gro ba dang/ ma gus pa'i tshul dang/ myos par 'gyur ba 'thung ba dang/ dus ma yin par 'gro ba'i ltung byed do/ /de la rkun ma dang lhan cig 'gro ba'i ltung byed kyi gleng gzhi ni sangs
 rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /dge slong zhig rgyal po'i khab 'od ma'i tshal bya ka lan+ta ka'i gnas su gnas par khas blangs so/ /de nas dge slong de dbyar
 gyi zla ba gsum po dag 'das nas/ chos gos byas pa dang ldan/ chos gos zin pa dang zhing lhung bzed dang chos gos thogs te/ bcom ldan 'das kyi zhabs la mgo bos phyag 'tshal du 'phags nas mnyan yod du 'gro ba'i don mthun pa btsal
 ba dang/ des tshong? pa shog ma 'dral ba dang mthong nas/ des smras pa/ shes ldan dag gar 'dod/ 'phags pa mnyan yod du mchi'o/ /shes ldan dag kho bo yang khyed dang lhan cig mnyan yod du 'gro'o zhes de dag dang lhan cig 'phags sa/ /ji tsam
 na ri brags shig tu sho gam gyi gnas su phyin pa dang/ tshong pa sho gam 'dral ba de dag /sho gam gcod pa de dag gis 'jigs pas/ lam gol ba nas 'gro bar brtsams pa dang/ dge slong de yang mdun du song ngo/ /de dag sho gam gcod pa dag gis
 mthong nas/ de dag gis smras pa kwa ye tshong pa sho gam 'dral ba'i dag gar 'dong/ de dag gis dge slong de mdun du 'gro ba mthong nas/ de dag gis smras pa/ shes ldan dag tshong pa sho gam 'dral ba 'di dag gis ma nyes kyis/ shAkya'i bu'i dge
 slong mdun du 'gro ba 'dis nyes kyis/ 'di bsad par bya'o zhes/ de dag gis dge slong de shin tu brdegs te lhung bzed kyang bcag /phur bu dang khar ba dag kyang bcag/ chos gos dag kyang dral te shi'o snyam nas phor ro/ /cho
 pa sho ga ma 'dral ba de dag gis/ dge slong de la smras pa/ 'phags pa khyed kyis/ rgyal po las gzhon nu'i yongs su spang ba thob lags kyis/ rgyal po'i gan du bzhud de gsungs la/ sho gam pa 'di dag gi lag pa dang/ rkang pa dag
 gcad du stsol cig /de dag skrag nas/ dge slong de la bzod par gsol ba dang/ dge slong gi snying ni mar dang 'dra bas nges bzod par byas so/ /sho gam 'dra la bdag gis smras pa/ gal te 'phags pas bzod kyang/ bdag cag gis
 mi bzod do/ /de dag gis sho gam 'dral ba de dag la yang bzod par gsol ba dang/ sho gam 'dral ba de dag gis smras pa/ gal te khyer sho gam pa ji snyed pa de dag kho bo cag ci snyed pa de dag sho gam 'jal du mi 'jug na/ kho bo cag
 gis kyang bzod par bya'o/ /dge slong de mthar gyis mnyan yod du phyin pas/ dge slong rnams kyis de la smras pa/ tshe dang ldan pa 'ongs pa legs so/ /'ongs pa legs so/ /ji ltar bde bar brgyus sam/ tshe dang ldan pa dag ji ltar bde
 bar brgyus/ kho bo sho gam pa dag gis hang por srog dang de'u phral lo/ /ci'i phyir des skabs de rgyas par brjod pa/ dge slong rnams kyis smras pa/ khyod don mthun rkun ma dang lhan cig 'gron lam du 'gror rung ngam/ gang gi phyir mi rung
 ba de nyid kyi phyir/ nyes dmigs 'di lta bu dag byung bar gyur to zhes zer nas/ dge slong don nyung ngu dag ci'i phyir dge slong dag /don mthun rkun ma dang lhan cig 'gron lam du 'gro zhes smod par byed/ phyar ka gtong bar byed/ kha zer bar byed
 pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong don mthun rkun ma dang lhan cig 'gron lam du 'gro na/ grong bar du yang rung ste ltung byed do zhes bca' ba mdzad de/
 yul ni mnyan yod/ gang zag ni dge slong chos 'di pa zhig /nyon mongs pa ni shes bzhin ma yin pa/ nyes pa ni don mthun rkun ma dang lhan cig 'gron lam du 'gro ba'o/ /de la yang dge slong gang zhes bya ba ni chos 'di pa 'am/ gzhan yang
 de lta bu gang yin pa'o/ /don mthun rkun ma dang lhan cig ces bya ba la/ rkun ma zhes bya ba ni/ chom rkun pa greng 'joms par byed pa dag dang/ tshang pa sho gam 'dral ba dag go /'gron lam du 'gro na zhes bya ba ni dgon pa'i lam du 'gro na'o
 tha na grong bar du yang rung ste zhes bya ba ni/ tha na rgyang grags kyi bar du yang rung ste'o/ /ltung byed do zhes bya ba ni sems can dmyal ba dang/ dud 'gro dang yi dags ngan song dang/ log par ltung ba dag tu srog par byed/ 'tshang par byed/ ltung bar byed
 do/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do zhes gsungs so/ /de la 'dir dngos gzhi'i ltung ba rnam par bzhag pa ni/ dge slong grong 'joms pa'i
 chom rkun pa dag gam/ sho gam 'dral ba'i tshong pa rang gi bsel byed pa dang/ lam du 'dzud pa dang/ mi nus pa 'khrid pa mi gtogs pa dang lhan cig 'dod pas lam du 'gro na/ rgyang grags re re'i mthar rkun ma dang lhan cig 'gro ba'i ltung
 byed kyi dngos gzhir 'gyur ro/ /'di'i byed pa po ni/ mi'i 'gro ba pa grong 'jom pa'i chom rkun pa dag gam/ sho gam 'dral ba'i tshong pa dag dang/ lam rgyang grags kyi mdza' nyid do/ /'di la yan lag lngas dngos gzhi'i ltung bar 'gyur te/
 mi'i 'gro ba pa grong 'jom par byed pa'i chom rkun pa dag gam/ sho gam 'dral ba'i tshed pa dag dang/ rang dgar 'dod pas lam du 'khro ba nyid dang/ bsel byed pa 'am/ lam du 'jug pa 'am/ mi nus pa 'khrir pa ma gtog
 pa nyid dang/ zol pa dag dang/ rku thabs su rab tu byung ba ma gtogs pa nyid dang/ lam rgyang grags kyi mdza' las 'das pa nyid do/ /de dag las yan lag ma tshang na ci rigs par na smad do/ /rkun ma dang lhan cig 'gro ba'i ltung byed
 bdun cu gcig pa'o// //ma lon par bsnyen par rdzogs par byed pa'i lhung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhug so/ /gang gi tshe
 tshe dang ldan pa maung+gal gyi bya chen pos nye bar 'khor la sogs pa/ sar pa skyes phran gzhon nu bcu bdun sde'i tshogs dag rab tu phyung zhing/ bsnyen par rdzogs par byas pa de'i tshe na/ de dag mtshan mo'i tho rangs kyi dus kyi tshe/ bkres
 ba'i nyam chung bas yongs su zin nas du'o/ /bcom ldan 'das kyis de dag gsan nas/ tshe dang ldan pa kun dga' bo la rmras pa dang/ tshe dang ldan pa kun dga' bos skabs de rgyas par gsol to/ /bcom ldan 'das kyis bka' 
 stsal pa/ kun dga' bo dge slong dag gang zag lo nyi shu ma lon pa/ dge slong gi dngos por bsnyen par rdzogs bar byed dam/ btsun pa bgyid do/ /kun dga' bo gang zag lo nyi shu ma lon pas ni grang ba dang/ tsha ba dang/ bkres ba dang/ skom
 pa dang/ rlung dang/ nyi ma dang/ sha sbrang dang/ sbrang bu chu ring dang/ sdig sprul dag gis reg pa dang/ gzhan las tshig gi lam ngan pa smras pa dang/ ngan pa 'ongs pa dag dang/ lus kyis tshor ba sdug bsngal mi bzang pa rtsub pa dang/ tsha ba
 yid du mi 'ong ba srog 'phrog par byed pa byung ngo cog dag mi bzod cing zag pa dag la ji mi snyam par bya ba yang mi bzod cing dang du len mi nus pa'i rang bzhin can no/ /gang zag lo nyi shu lon pa ni de las bzlog pa yin no/ /de nas bcom ldan
 'das kyis snga ma bzhin du/ yang dge slong gang zag lo nyi shu ma lon pa/ dge slong gi dngos por bsnyen par rdzogs par byed na ltung byed do/ /gang zag de yang bsnyen par rdzogs par mi 'gyur la/ dge slong de dag kyang smad par 'gyur te/ de la de ni
 cho ga yin no zhes bca' ba mdzad de/ yul ni mnyan yod/ gang zag ni tshe dang ldan pa maung+gal gyi bu chen po/ /nyon mongs pa ni bag chags ma byad bas so sor ma brtags pa/ nyes pa ni gang zag lo nyi shu ma lon pa dge slong gi dngos por bsnyen
 par rdzogs pa'o/ /de la yang dge slong gang zhes bya ba ni chos 'di ba 'am/ gzhan yang de lta bu gang yin pa'o/ /gang zag ces bya ba ni dge slong du bya ba gang yin pa'o/ /lo nyi shu ma lon pa zhes bya ba ni lo nyi shu ma lon pa'o/ /dge slong gi dngos
 por bsnyen par rdzogs par byed na zhes bya ba ni/ gsol pa dang bzhi'i las kyis so/ /ltung byed do zhes bya ba ni snga ma bzhin no/ /gang zag de yang bsnyen par rdzogs par mi 'gyur la/ zhes bya ba ni gang zag gang yin pa de'o/ /dge slong de dag kyang
 smad par 'gyur te zhes bya ba ni de na dge slong gang 'khod pa de dag go /de la de ni cho ga yin no zhes bya ba ni/ bslab pa'i gzhi bca' ba mdzad pa de la/ de ni nges pa'i rjes su mthun pa'i chos yin pa'o/ /de la 'dir dngos gzhi'i ltung ba rnam par
 gzhag pa ni/ dge slong gis gang zag dge slong gi dngos por bsnyen par rdzogs par bya ba na lo nyi shu nyid kyang ma lon la/ dge slong gis de ltar shes bzhin du/ mkhan po nyid kyis bsnyen par rdzogs par byed na/ ma lon par bsnyen par rdzogs
 par byed pa'i ltung byed kyi dngos gzhir 'gyur ro/ /'di'i byed pa po ni bsnyen par bya ba/ lo nyi shu ma lon pa nyid la 'du shes gtso cher byed pa po nyid yin no/ /'di la yan lag bzhis dngos gzhi'i ltung bar 'gyur te/ bsnyen
 par rdzogs par bya ba de'i dus na/ lo nyi shu ma lon pa nyid dang/ der 'du shes pa dang/ mkhan po nyid byed pa dang/ dge slong gi dngos por bsnyen par rdzogs par byed pa'o/ /de dag las yan lag ma tshang na ci rigs par na smad do/ /ma lon par
 bsnyen par rdzogs par byed pa'i ltung byed de bdun cu gnyis pa'o/ //sa rko ba'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med pas sbyin gyi kun dga' ra ba na bzhugs so/ /de'i tshe na/ drug
 sde dag rang gi lag gis sa rko bar byed/ rkor 'jug par byed/ rnang sgal sbyur bar byed/ sbyur du 'jug par byed/ yur ba 'dren par byed/ 'dren du 'jug par byed de/ bram ze dang khyim bdag dag kyang de ltar byed na/ shes ldan dag /shAkya'i bu'i dge sbyong
 'di dag dang/ bram ze dang khyim bdag dag la bye brag ni ci yod/ bsam pa ni ci yod/ tha dad du bya ba ni ci yod/ su zhig dge sbyong mgo reg 'di dag la/ bsod snyoms sbyin pa dang/ bya bar sems shes smod par byed/ phyar ka gtong bar byed/ kha
 zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang/ rang gi lag gis sa rko 'am/ rkor 'jug na ltung byed do zhes bca' ba mdzad de/ yul
 ni mnyan yod/ gang zag ni drug sde/ nyon mongs pa ni dge sbyong gi tshul ma yin pa/ nyes pa ni sa rko ba'o/ /de la yang dge slong gang zhes bya ba ni drug sde 'am/ gzhan yang de lta bur gang yin pa'o/ /rang gi lag gis zhes bya ba ni/ lag nas lag pas
 so/ /sa zhes bya ba ni sa gnyis te/ rang bzhin can dang/ rang bzhin can ma yin pa'o/ /rang bzhin can zhes bya ba ni/ char chu zhod na zla ba gsum gyis sa 'thas par 'gyur ba'o/ /char chu ma zhod na zla ba drug gis sa 'thas par 'gyur ba'o/ /rang bzhin
 can ma yin pa ni de las gzhan pa'o/ /sa rko 'am zhes bya ba ni/ bdag nyid kyis so/ /rkor 'jug na zhes bya ba ni gzhan no/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong lag gi blas
 rgyu skar gyi sbyor bas rung bar byed pa med na thur ma sor bzhi tsam 'dzugs pa ma gtogs par sa tshig pa dang/ nyams pa dang/ sa zhag dang/ rdo thal rgyu dang/ bye ma la sogs pa ma gtogs pa/ sa'i rang bzhin can 'thas pa nyid dang/ rtsig pa nyid
 dang/ khang thog dang/ 'dus pa dag las sa'i shas che ba la sogs pa dag la de ltar 'du shes pas gzhig pa'i blos rko 'am rkor bcug na/ lan re btang pa'i sbyor ba re re las/ rko pa'i ltung byed kyi dngos gzhir 'gyur ro/ /'di'i byed pa po ni/ sa'i sa
 rang bzhin can 'thas pa nyid la sogs pa la/ 'du shes gtso cher byed pa po nyid yin no/ /'di la yan lag lngas dngos gzhi'i ltung bar 'gyur te/ dge slong lag gi blas rgyu skar gyi sbyor bas rang bar byed pa med na/ thur ma sor bzhi tsam 'dzugs
 pa ma gtogs de nyid dang/ sa'i rang bzhin can 'thas pa nyid dang/ der 'du shes pa nyid dang/ gzhig pa'i blo nyid dang/ rko 'am/ rkong bcug pa'o/ /de dag las yan lag ma tshang na ci rigs par na smad do/ /sa rko ba'i ltung byed de bdun cu
 gsum pa'o// //'gron du gnyer ba las ring du 'dug pa'i ltung byed kyi gleng gzhi ni/ sangs rgyas bcom ldan 'das shAkya rnams kyi nang na ljongs rgyu zhing gshegs pa ni/ ser skya'i gnas su khyon nas/ ser skya'i gnas
 na n+ya gro d+ha'i kun dga' ra ba na bzhugs so/ /shAkya ming chen gyis de thos nas bsams pa/ bdag gis bcom ldan 'das dge slong gi dge 'dun dang bcas pa lan mang du gdugs tshod la khyim gzhan du spyan drangs te/ bshes gsol
 la lan 'ga' yang yo byad thams cad kyis spyan ma drangs kyis/ bdag gis bcom ldan 'das dge slong gi dge 'dun dang bcas pa zla ba bzhi yo byad thams cad kyis spyan drang ngo snyam mo/ /de nas shAkya ming chen/ bcom ldan 'das ga la ba
 der song ste phyin nas bcom ldan 'das kyi zhabs gnyis la mgo bos phyag 'tshal te mdza' gcig tu 'dug go /mdza' gcig tu 'dug nas bcom ldan 'das shAkya ming chen la/ chos dang ldan pa'i bka' mchid kyi yang dag par ston par
 mdzad/ yang dag par 'dzin du 'jug par mdzad/ yang dag par gzer bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang
 dag par bzed bstod/ yang dag par rab tu dga' bar mdzad nas cang mi gsung ngo/ /de nas shAkya ming chen stan las langs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/
 bcom ldan 'das dge slong gi dge 'dun dang bcas pas/ dgung zla bzhir bdag gi na bza' dang/ bsod snyoms dang/ gnas mal dang/ bsnyung ba'i rkyen dang/ sman gyi byad dag bzhes par ci gnang/ bcom ldan 'das kyis shAkya ming
 chen la cang mi gsung bas gnang ngo/ /de nas shAkya ming chen gyis bcom ldan 'das kyis cang mi gsung bas gnang bar rig nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song nas
 des bsnyung bar rung ba'i khang pa brtsig tu bcug cing bsnyung ba'i sman yang 'jog tu bcug /bde ba'i sman dus su rung ba dang/ thun tshor du rung ba dang/ zhag bdun pa dang/ 'tsho ba'i bar du bcang pa dang/ rtsa ba'i sman dang/ sdeng bu'i sman dang/ lo
 ma'i sman dang/ me tog gi sman dang/ 'bras bu'i sman dag kyang 'jog tu bcug /zhun mar bskol du bcug pa dang/ ma bskol ba dag kyang 'jog tu bcug /'bru mar bskol ba dang ma bskol ba dag kyang 'jog tu bcug /ba dag dang/ ma he  
 dag dang/ ra bzhon dag kyang 'jog tu bcug /yo byad thams cad kyang 'jog tu bcug /sman dang bsnyung g.yog dag kyang 'jog tu bcug ste/ dge slong dag la yang yo byad thams cad kyis bstabs so/ /drug sde dag gis smras pa/ dga' bo nye
 dga' bca' ba dang bza' ba 'di lta bu rnyed kyis thabs shig bya'o zhes/ de dag gis sman pa la dris pa/ bzhin bzangs dag kho bo cag la nad ci yod pa de ltos shog /sman pas bsams pa/ 'di dag ni dge sbyong h+ral po dag yin pas zas
 'dod kyis 'di dag dang mthun par smra bar bya'o/ /snyam nas/ des de dag la smras pa/ 'phags pa dag khyed cag shul gyis dub pa dag logs pas ji skur sna ma bag gsol la/ de'i 'og tu bska ba gsol cig /de dag gis smras pa/
 dga' bo nye dga' 'di ni sman pa chen po dang/ nang kyi gzhi dang/ thabs la mkhan pa rgyal po lam po ba yin te/ gal te bdag cag thams cad kyis dus su'i cig tu de ltar bya bar brtsams na/ myur du zin par 'gyur gyis/ je dang por
 gnyis kyis bsnum bag bsten cing bzhis nad g.yog bya'o/ /de'i 'og tu yang gnyis kyis bsnum bag bsten cing bzhis nad g.yog bya'o/ /de'i 'og tu yang gnyis kyis bsnun bag bsten cing bzhis nad g.yog bya'o//
 de ltar bya'o zhes de dag las gnyis kyis bsnum bag bsten par brtsams shing/ bzhis nad g.yog byed pa na/ ci tsam na zla ba gcig 'das so/ /de'i 'og tu gzhan gnyis kyis bsnun bag bsten par brtsams shing bzhis nad g.yog byed
 ba ni zla ba gnyis 'das so/ /de'i 'og tu gzhan gnyis kyis bsnum bag bsten par brtsams shing bzhis nad g.yog byed pa ni zla ba gsum 'das so/ /zla ba bzhi po la thams cad 'dus te/ bza' bar brtsams nas zla ba bzhi
 'das pa dang/ shAkya ming chen gyis bcom ldan 'das gshegs ston la spyan drangs pa dang/ nye dags phyag tshad las 'phrin srings te/ bzhin bzang ded kho bo la khu sha dang/ khu ba dang sha tshog dag gyis shig ces spring ngo/ /
 phyag tshad gis smras pa/ 'phags pa dag dgu ba zla bzhi 'das te/ shAkya ming chen gyis/ bcom ldan 'das gshegs ston la spyan drangs na/ khyed kyi bya ba de dung yang ma rtogs sam/ nye dags smras pa/ bkren pa shAkya ming
 chen kha shin tu chen pos/ sangs rgyas la sogs pa dge slong gi dge 'dun zla ba bzhir yo byad thams cad kyi spyan 'dren na/ gal te spyan drang ba 'di lta bus/ sangs rgyas la sogs pa dge slong gi dge 'dun spyan
 drang du rung na ni/ nye dags kyang sangs rgyas la sogs pa dge slong gi dge 'dun/ ji srid 'tsho'i bar du spyan 'dren par spro'o/ /des smras pa/ khyed cag zla ba bzhir sha dang/ kha ba sha stag zos par gyur kyang/ 'on kyang khyed cag
 smod par byed na/ gnas brtan gnas brtan gang dag gis/ zla ba bzhir a ru ra 'brum bu gcig kyang ma gsol ba de dag ni shin tu dka' ba byed pa yin no zhes zer nas/ dge slong don nyung ngu dag ci'i phyir dge slong dag /ha cang slong bar byed
 ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol pa dang/ bcom ldan 'das kyis bka' stsal pa/ de lta bas na dge slong gis ha cang slong bar mi bya'o/ /ha cang
 slong na 'gal tshabs can du 'gyur ro/ /de nas bcom ldan 'das kyis snga ma bzhin du/ dge slong gis zla ba bzhir 'gron du bos pa bdag gir bya'o/ /de las lhag par bdag gir byed na de ni ltung byed do/ /so sor 'gron du bos pa dang/
 yang dang yang 'gron du bos pa dang/ dus kyis 'gron du bos pa dang/ rtag tu 'gron du bos pa ni ma gtogs te/ de la de ni dus yin no zhes bca' ba mdzad do/ /yul ni ser skya'i gnas/ gang zag ni drug sde/ nyon mongs pa ni lto bdun
 nyes pa ni 'gron du bos pa'i zas la ha cang slong ba'o/ /de la dge slong gis zhes bya ba ni chos 'di bas so/ /zla ba bzhir zhes bya ba ni zla ba bzhi tshun chad du'o/ /'gron du bos pa zhes bya ba ni bstabs pa'o/ /bdag gir bya'o zhes bya ba ni khas
 blang par bya'o/ /de las lhag par bdag gir byed na zhes bya ba ni de las 'das pa'o/ /ltung byed do zhes bya ba ni snga ma bzhin no/ /so sor 'gron du bos pa zhes bya ba ni 'di lta ste/ dge slongs so so so sor tha dad pas 'gron du bos pa'o/ /yang
 dang yang du 'gron du bos pa zhes bya ba ni 'di lta ste/ dge slong yang dang yang du 'gron du bos pa'o/ /dus kyis 'gron du bos pa zhes bya ba ni 'di lta ste/ dge slong nan gyis 'gron du bos pa dang/ rtag tu 'gron du bos pa zhes bya ba ni 'di lta 
 ste/ dge slong gtan du 'gron du bos pa'o/ /ma gtogs te zhes bya ba ni bzhag ste'o/ /de la de ni dus yin no/ /zhes bya ba ni bslab pa'i gzhi bca' ba mdzad pa de la de ni gnang ba'i rjes su mthun pa'i chos yin pa'o/ /de
 la 'dir dngos gzhi'i ltung ba rnam par bzhag pa ni/ dge slong min bdag nye du ma yin pas so sor 'gron du bos pa dang/ yang dang yang du 'gron du bos pa'o/ /dus kyis 'gron du bos pa dang/ rtag tu 'gron du bos pa ma gtogs
 pas so/ dus kyis tshigs rnam par bzhag pa med par 'gron du gnyer ba dang ldan pa'i sbyin bdag las phyis rnam pa gzhan nam yang dang yang du 'am/ dus kyis 'gron du gnyer ba ma byas par zla ba bzhi pa yongs su rdzogs pa'i
 'og tu/ sngar bshams pa'i zas bzang ngan gang yang rung ba blangs/ te zos na/ mgron du gnyer ba las ring du 'dug pa'i ltung byed kyi dngos gzhir 'gyur ro/ /'di'i byed pa po ni/ dge slong min pa dang/ sbyin bdag nyi du ma yin pa
 dang/ ha cang slong ba dang/ dus ma gtogs pa'o/ /'di la yan lag lngas dngos gzhi'i ltung bar 'gyur te/ dge slong mi na ba nyid dang/ sbyin bdag nye du ma yin pa nyid dang/ dus ma gtogs pa nyid dang/ sngar 'gron du bos pa las
 bslangs pa nyid dang zos pa nyid do/ /de dag las yan lag ma tshang na ci rigs par na smad do/ /mgron du gnyer ba las ring du 'dug pa'i ltung byed de bdun cu bzhi pa'o// //bslab pa la nye bar 'jog pa spong ba'i ltung byed kyi gleng
 gzhi ni/ sangs rgyas bcom ldan 'das rgyal po'i khab na/ 'od ma'i tshal ka lan+ta ka'i gnas na bzhugs so/ /gang gi tshe bcom ldan 'das kyis 'dul ba la nyan thos rnams kyi bslab pa'i gzhi thun mong bca' bar mdzad pa de'i
 tshe na gnyi ga'i dge 'dun sdud par mdzad pas 'di yang bcom ldan 'das kyis 'dul ba la/ nyan thos rnams kyi bslab pa'i gzhi thun mong bca' ba mdzad pa yin na/ 'di la gnyi ga'i dge 'dun bsdu bar mdzad pas/ de nas bcom ldan
 'das kyis tshe dang ldan pa kun dga' bo la bka' stsal pa/ kun dga' bo sor la dge slong rnams la/ dge slong zhig dge slong ma rnams kyi nang du thod la/ 'di bskad ces sring mo dag /bcom ldan 'das kyis 'dul ba la nyan thos rnams
 kyi bslab pa'i gzhi thun mong 'di ltar bca' ba mdzad de/ dge slong gis zla ba bzhir mgron du bos pa bdag gir bya'o/ /de dag las lhag par bdag gir byed na ltung byed do/ /so sor 'gron du bos pa dang/ yang dang yang du mgron du bos
 pa dang/ dus kyis mgron du bos pa dang/ rtag tu mgron du bos pa ni ma gtogs te/ de la de na dus yin no zhes bca' ba mdzad kyis/ khyed kyis bslab pa 'di la bslab par bya'o zhes bsgos shig ces gyis shig/ tshe dang ldan pa kun
 dga' bos btsun pa bka' bzhin du 'tshal zhes bcom ldan 'das kyis bka' mnyan nas/ tshe dang ldan pa lam pa ga la der song ste phyin nas/ tshe dang ldan pa lam pa la de skad ces bsgo'o/ /tshe dang ldan pa lam bas btsun pa bka' 
 bzhin 'tshal lo zhes tshe dang ldan pa kun dga' bo'i tshig mnyan nas/ dge slong ma'i dbyar khang ga la der song ba dang/ ji tsam na drug sde dag gis de mthong nas de dag gis dris pa/ tshe dang ldan pa lam pa khyod gar 'gro tshe dang ldan pa lam
 pas bsams pa/ 'di dag gis kyang mthong ba 'dris 'di dag la yang brjod par bya'o snyam nas/ des de dag la yang de skad bsgo ba dang/ de dag gis smras pa/ bdag cag dge slong mdo sde 'dzin pa dang/ 'dul ba 'dzin pa dang/
 ma mo 'dzin pa rnams la 'dri'i bar du/ byis pa rmongs pa/ mi gsal ba/ mi mkhas pa khyod kyi tshig gis bslab pa 'di la mi slob bo zhes de dag gis byis pa dang rmongs pa dang/ mi gsal ba dang/ mi mkhas pa
 zhes bya ba dag gis khur blangs so/ /tshe dang ldan pa lam pa de nas song ste 'gro ba na/ dge slong ma bcu gnyis de dag gis mthong nas/ de dag gis de la smras pa/ btsun pa lam pa gar bzhud des de dag la srid mo dag
 shes par gyis shig /bcom ldan 'das kyis 'dul ba la nyan thos rnams kyis bslab pa'i gzhi thun mong 'di ltar bca' ba mdzad de zhes bslab pa'i gzhi rgyas par brjod do/ /khyed kyis bslab pa 'di la bslab par
 bya'o zhes bsgo ba dang/ de dag gis smras pa/ bdag cag dge slong mdo sde 'dzin pa dang/ 'dul ba 'dzin pa dang/ ma mo 'dzin pa rnams la 'dri ba'i bar du/ byis pa rmongs pa mi gsal ba/ mi mkhas pa khyed kyi tshig gis
 bslab pa 'di la mi slob bo zhes byis pa dang/ rmongs pa dang/ mi gsal ba dang/ mi mkhas pa zhes bya ba dag gis khur blangs te dong ngo/ /tshe dang ldan pa lam pas bsams pa/ bdag la gnas ngan lan kun tu spyod
 pa 'di dag la brjod pas ci bya/ nga ni song la skye gu'i bdag mo chen mo gau ta mi ma gtogs pa gzhan dag la yang brjod par mi bya'o snyam nas/ skye dgu'i bdag mo chen mo gau ta mi ga la ba der song ste phyin nas/ skye dgu'i
 bdag mo chen mo la 'di skad ces smras so/ /gau ta mi shes par gyis shig /bcom ldan 'das kyi 'dul ba la nyan thos rnams kyis bslab pa'i gzhi thun mong 'di ltar bca' ba mdzad de/ zhes bslab pa'i gzhi des rgyas par
 brjod do/ /khyed kyis bslab pa 'di la/ bslab par bya'o zhes bsgo ba dang/ skye dgu'i bdag mo chen mo gau ta mis smras pa/ btsun pa lam pa/ bcom ldan 'das kyis 'dul ba la nyan thos rnams kyis bslab pa'i gzhi de ltar bca' ba  
 mdzad pa gang lags pa de/ bdag mgo dang/ ngag dang yid kyis kyang nod do/ /tshe dang ldan pa lam bas bsgo ste phyir 'ongs pa dang/ tshe dang ldan pa kun dga' bos de mthong nas des dris pa/ tshe dang ldan pa lam pa khyed kyis dge
 slong rnams la bsgo 'am/ des smras pa bsgo ste/ 'di ltar byis pa dang/ rmongs pa dang/ mi gsal ba dang/ mi mkhas pa zhes bya ba dag gis khur ba slong ngo/ /sus drug sde dag gis so/ /ci'i phyir/ des skabs de rgyas par brjod pa
 dang/ dge slong don nyung ngu dag ci'i phyir dge slong dag dge slong rnams kyis/ tshe dang ldan pa dag /khyed kyis bslab pa 'di la bslab par bya'o zhes bsgo ba ni/ de dag la 'di skad ces/ bdag cag dge slong mdo sde 'dzin pa dang/ 'dul
 ba 'dzin pa dang/ ma mo 'dzin pa rnams la 'dri ba'i bar du/ byis pa/ rmongs pa/ mi gsal ba/ mi mkhas pa khyed kyi tshig gis bslab pa 'di la mi slob po zhes zer smod par byed/ phyar ka gtong bar byed/ kha zer bar byed pa'i skabs
 de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong rnams kyis/ tshe dang ldan pa khyod kyis bslab pa 'di la bslab par bya'o zhes bsgo ba na/ de dag la 'di skad ces/ bdag
 dge slong mdo sde 'dzin pa dang 'dul ba 'dzin pa dang/ ma mo 'dzin pa rnams la 'dri ba'i bar du/ byis pa/ rmongs pa mi gsal ba/ khyed kyi tshig gis bslab pa 'di la mi slob po zhes zer na ltung byed do/ /dge slong kun shes pa 'dod
 pas kyang bslab pa de la bslab par bya'o/ /dge slong mdo sde 'dzin pa dang/ 'dul ba 'dzin pa dang/ ma mo 'dzin pa rnams la yang dri bar bya ste/ de la de ni cho ga yin no zhes bca' ba mdzad de/ yul ni rgyal po'i khab/
 gang zag ni drug sde/ nyon mongs pa ni bka' dang bslab pa la ma gus pa/ nyes pa ni bslab pa la nye bar 'jog pa'i spong ba'o/ /de la yang dge slong gang zhes bya ba ni drug sde 'am/ gzhan yang de lta bu gang yin pa'o/ /dge slong rnams
 kyis zhes bya ba ni chos 'di pa rnams kyis so/ /tshe dang ldan pa khyed kyis bslab pa 'di la bslab par bya'o zhes bsgo ba na zhes bya ba ni brlab pa gang yin pa de la'o/ /de dag la zhes bya ba ni/ dge slong de dag la'o/ /'di skad ces
 bya ba ni 'di skad zer na'o/ /dge slong mdo sde 'dzin pa zhes bya ba ni mdo sde mdza' dag 'dzin pa gang yin pa rnams so/ /'dul ba 'dzin pa zhes bya ba ni 'dul ba mdza' dag 'dzin pa gang yin pa rnams so/ /ma mo 'dzin pa rnams
 la 'dri ba'i bar du bya ba ni/ ma mo mdza' dag 'dzin pa gang yin pa rnams so/ /byis pa zhes bya ba la byis pa zhes bya ba ni/ nyes par bsam pa sems pa dang/ nyes par smra ba brjod pa dang/ nyes par bya ba'i las byed pa'o/ /rmongs
 pa zhes bya ba la rmongs pa zhes bya ba ni mdo sde 'dzin pa ma yin pa dang/ 'dul ba 'dzin pa ma yin pa dang/ ma mo 'dzin pa ma yin pa'o/ /mi gsal ba zhes bya ba la mi gsal ba zhes bya ba ni/ mdo sde mi gsal ba dang/
 'dul ba mi gsal ba dang/ ma mo mi gsal ba'o/ /mi mkhas pa zhes bya ba la mi mkhas pa zhes bya ba ni/ mdo sde la mi mkhas pa dang/ 'dul ba la mi mkhas pa dang/ ma mo la mi mkhas pa'o/ /khyed kyi tshig gis bslab
 ba 'di la mi bslob mo zhes bya ba ni de skad zer na'o/ /ltung byed do zhes bya ba ni lnga ma bzhin no/ /dge slong kun shes par 'dod pas kyang bslab pa de la bslab par bya'o/ /dge slong mdo sde 'dzin pa dang/ 'dul ba 'dzin pa dang/ ma mo 'dzin pa rnams la yang dri bar bya ste/
 de la de ni cho ga yin no/ /zhes bya ba ni bslab pa'i gzhi bca' ba mdzad pa de la/ de ni rjes su mthun pa'i chos yin pa'o/ /de la 'dir dngos gzhi'i ltung ba rnam par bzhag pa ni/ dge slong ltung ba 'byin pa pos rang nyid bslab pa la nye bar 'jog pa'i sde snod
 gsum las/ mdo sde dang/ 'dul ba dang/ ma mo las 'dul ba'i char gtogs pa'i bslab pa mngon par shes pa nyid kyi smra ba po byis pa dang/ rmongs pa dang/ mi gsal ba dang/ mi mkhas pa ma yin pas khyed kyis 'dul bar gtogs pa'i bslab pa
 'di la bslab par bya'o zhes brjod pa na 'am bsgo ba na/ bdag dge slong mdo sde 'dzin pa dang/ 'dul ba 'dzin pa dang/ ma mo 'dzin pa rnams la 'dri ba'i bar du mi slob po zhes rgyu'i dngos po des go bar byed pa'i dge slong 'dul ba dang ldan pa'i bslab pa'i yul
 la mngon par shes pa nyid dang ldan pa de la byis pa/ rmongs pa/ mi gsal ba/ mi mkhas pa/ khyed kyi tshig gis bslab pa 'di la mi slob po zhes mi shes pa nyid sgrogs par byed pa'i tshig de skad brjod na/ bslab pa la nye bar 'jog pa spong ba'i ltung
 byed kyi dngos gzhir 'gyur ro/ /'di'i byed pa po ni/ bslab pa la nye bar 'jog pa smra ba po'i dge slong 'dul ba dang ldan pa'i bslab pa'i yul la mngon par shes pa/ byis pa dang/ rmongs pa dang/ mi gsal ba dang/ mi mkhas pa ma yin pa nyid la/ 'du
 shes gtso cher byed pa po nyid yin no/ /'di la yan lag lngas dngos gzhi'i ltung bar 'gyur te/ bslab pa la nye bar 'jog pa'i dge slong smra ba po 'dul ba dang ldan pa'i bslab pa'i yul/ mngon par shes pa byis pa dang/ rmongs pa dang/ mi gsal
 ba dang/ mi mkhas pa ma yin pa nyid dang/ ltung ba 'byin pa pos de ltar rab tu 'du shes pa nyid dang/ 'dul ba dang ldan pa'i bslab pa'i gzhi 'di la bslab par bya'o/ /zhes brjod dam bsgo ba nyid dang/ mi slob pa'i rgyu'i dngos
 po/ /dge slong mdo sde 'dzin pa dang/ 'dul ba 'dzin pa dang/ me mo 'dzin pa rnams la 'dri ba'i bar du zhes zer ba nyid dang/ go bar byed pa la byis pa/ rmongs pa/ mi gsal ba/ mi mkhas pa khyod kyi tshig gis bslab pa 'di la mi slob bo zhes
 mi shes pa nyid sgrogs par byed pa'i tshig brjod pa'o/ /de dag las yan lag ma tshang na ci rigs par na smad do/ /bslab pa la nye bar 'jog pa spang ba'i ltung byed de bdun cu lnga pa'o// //bam po bcu bdun pa/ /nyan rna las gyur pa'i ltung
 byed kyi gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe/ tshe dang ldan pa 'char kas ni/ nyon mongs pa thams cad spangs pas dgra bcom nyid
 mngon sum du byas/ tshe dang ldan pa 'dun pa ni kau sham bir song ste/ snying las chung ngur 'dug /'gro mgyogs dang na ba so gnyis ni dus la bab/ dga' bo dang nye dga' gnyis ni/ dge 'dun gyi nang na 'dug pa de'i se/ bcu bdun sde'i tshogs dag
 gdug cing pha rol gnon pa dang/ mdo sde 'dzin pa dang/ 'dul ba 'dzin pa dang/ ma mo 'dzin par gyur nas/ de dag gis smras pa tshe dang ldan pa dag bdag cag yun ring po nas/ drug sde dag gis tho btsams po ji ltar/ dga' bo dang nye dga' 
 gnyis kyis tho btsams pa ltar yang gzhan gyis tho ma btsams la/ ji ltar nye dags tho btsams pa ltar yang dga' bos ma btsams kyis/ de gnas nas dbyung ba'i las bya'o/ /de dag gis smras pa/ 'di'i phu bo dga' bo tsod pa la mkhas
 pa yin gyis/ tshur shes je gros bya'o zhes/ de dag dpong sa'i khang par zhugs te/ sgo bcad nas gros bya bar brtsams pa dang/ nye dags skar khung nas mnyan cing/ des de dag bsdigs te/ kye ma bcu bdun sde dag ci'i phyir gros byed kho bo'i
 tshangs pa mtshungs par spyod pa la ni yongs su mya ngan las 'das/ la la ni snying las chung ngu kho car 'dug /kha cig ni dus la bab/ nga 'di gnas nas dbyung ba'i las bya'o snyam du sems sam ci/ khyed kyis da kho bo cag zil gyis
 nan te 'khod snyam ma/ kho bo cag gis kyang khyed la mtshams chen po gcad par bya'o/ /khyed kyis glang po thag pa nyi ma dang/ /rlung gis yongs su skams gyur cing/ /glang po'i gnya' nas lhung gyur kyang/ /lu ni lnga brgyas drang bar
 bya/ /zhes bya ba ma thos sam/ zhes bsdigs pa dang/ 'di yis bdag cag gros byed pa 'phrigs kyis gzhan du 'dod do zhes de dag ma khang du zhugs te gros bya bar brtsams pa dang/ nye dga' yang der 'jab cing 'ongs te/ nyan cing des
 der yang de bzhin du bsdigs so/ /de dag steng khang dang/ bar khang dang/ gnas khang dang/ khyams dang/ sgo khang dang/ bang rim dang/ 'chags dang/ span spun dag gi nang dgon pa dang/ tshang tshing dag gi nang dang/ lam na 'dod zhing gros bya
 bar brtsams pa dang/ nye dga' yang phyi bzhin song ste/ nyan cing de dag kyang de bzhin du bsdigs nas/ de dag gis smras pa/ tshe dang ldan pa dag bdag cag gis gnas nas dbang ba'i las bya bar mi nus kyis 'di la bzod pa gsol bar bya'o
 zhes/ de dag gis de la smras pa/ btsun pa nye dga' bdag cag la bzod par mdzod cig /nye dags smras pa/ bzod par bya'o/ /de dag gis de la dris pa/ khyed kyis kho bo cag gros byas pa ji ltar shes/ nye dags skabs de rgyas par brjod 
 pa dang/ de dag gis smras pa/ khyod nya na rnar 'dug du rung ngam/ nye dags smras pa/ gal te kho bo khyed cag gros byed pa'i tshe/ nyan rna 'dug par ma 'gyur du zin na/ khyed cag gis kho bo gnas nas dbyung ba'i las byed
 par 'gyur gyis zhes zer nas/ dge slong don nyung ngu dag ci'i phyir/ dge slong dag dge slong rnams 'thab par gyur/ 'tshang 'bru bar gyur/ mi mthun par gyur/ rtsod par gyur cing 'khod pa la/ dge slong 'di dag ji skad zer ba de bdag
 gis mnyan te/ de lta de ltar rjes su tha snyad gdags par bya'o snyam pa de nyid rkyen du byas te/ cang mi smra bar nyan rnas 'dug par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis/
 bcom ldan 'das la gsol to/ /de nas bcom ldan 'das kyis snga ma bzhin du yang dge slong gang dge slong rnams 'thab par gyur/ mtshang 'bru bar gyur/ mi mthun par gyur/ rtsod par gyur cing 'khod pa la/ dge slong 'di
 dag ji skad zer ba de bdag gis mnyan te/ de lta de ltar rjes su tha snyad gdags par bya'o/ snyam pa de nyid rkyen du byas te/ cang mi smra bar nyan rnas 'dug na ltung byed do zhes bca' ba mdzad de/ yul ni mnyan yod/ gang zag ni nye dga' 
 nyon mongs pa ni sha glan pa'i bsam pa/ nyes pa ni rtsod pa skrod pa'i gros la nyan rnas byed pa'o/ /de la yang dge slong gang zhes bya ba ni/ shAkya'i bu nye dga' 'am/ gzhan yang de lta bu gang yin pa'o/ /dge slong rnams zhes bya ba ni chos
 'di pa rnams so/ /'thab par gyur mtshang 'bru bar gyur/ mi mthun par gyur/ rtsod par gyur cing 'khod pa la zhes bya ba ni/ phyogs dang gzhan gyi phyogs su rnam par gnas pa la'o/ /dge slong 'di dag ji skad zer de bdag gis mnyan
 te/ de lta da ltar rjes su tha snyad dag gdags par bya'o snyam zhes bya ba ni/ de lta bu'i bsam pas gnyen pos de lta de ltar pha rol mnan par bya'o snyam pa'o/ /de nyid rkyen du byas te zhes bya ba ni gzhan ma yin pa'o/ /cang mi smra bar nyan rnas
 'dug na zhes bya ba ni sang mi smra bsrung gtang bas 'dug na'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gis dge slong dag rtsod par gyur pa/ dge slong dag gros byed
 pa na nye bar zhi ba 'dod pa ma gtogs par 'khrug long bya ba la gzhol bas/ mnyan pa'i phyir rna gtong cing sgra'i don go ba dang/ lam nor tam zhi bar 'dod pa ma gtogs pa don gzhan gyi dbang nyid kyis son cing shes pa'i 'og tu
 rkang pa dang/ se gol dang/ yud pa'i sgra dag gis go bar mi byed na nyan rna las gyur pa'i ltung byed kyi dngos gzhir 'gyur ro/ /'di'i byed pa po ni dge slong dag rtsod pa'i gros dang/ 'khrug long bya ba la gzhol ba'i bsam pa'o/ /'di la yan
 lag lngas dngos gzhi'i ltung bar 'gyur te/ phyogs gnyi ga dge slong nyid yin pa dang/ rtsod pa gang yang rung ba'i gros byed pa nyid dang/ 'khrug long bya ba la gzhol ba nyid dang/ nyan rnas 'dug pa nyid dang/ sgra dang bcas pa'i don
 go ba nyid do/ /de dag las yan lag ma tshang na ci rigs par na smad do/ /nyan rna las gyur pa'i ltung byed de bdun cu drug pa'o// //mi smra bar 'grong 'ob ltung byed kyi gleng gzhi ni/ sangs rgyas bcom ldan 'das mnyan yod na/ rgyal byed kyi
 tshal mgon med zas sbyin kyi skun dga' ra ba na bzhugs so/ /gang gi tshe/ tshe dang ldan pa 'char kas ni nyon mongs pa thams cad spangs pas dgra bcom pa mngon du byas/ tshe dang ldan pa 'dun ba ni kau sham bir song ste/ snying las chung
 ngur 'dug /'gro mgyogs dang na ba so gnyis ni dus la bab/ dga' bo dang nye dga' gnyis mi dge 'dun gyi nang na 'dug pa de'i tshe/ bcu bdun sde dag gdug cing pha rol gnon pa dang/ mdo sde 'dzin pa dang/ 'dul
 ba 'dzin pa dang/ ma mo 'dzin par gyur nas/ de dag gis smras pa/ tshe dang ldan pa dag bdag cig yun ring po nas/ drug sde dag gis tho btsams te/ ji ltar dga' bo dang nye dga' gnyis kyis tho btsams pa ltar yang gzhan
 gyis ma btsams la/ ji ltar nye dags tho btsams pa ltar yang dga' bos ma btsams kyis/ de gnas nas dbyung ba'i las bya'o/ /de nas kha cig gis smras pa/ 'di'i phu po rtsod pa la mkhas pa yin pas/ bdag cag gis 'di
 gnas nas dbyung ba'i las bya bar mi nus so/ /kha cig gis smras pa/ gcig mnyan smra ba na gnyis kyis mnyan par mi bya bar tshogs smra na/ tshogs ni rgyal po dang 'dra bas/ gal te cung zad smra bar gyur na/ de'i tshe gnas nas dbyung
 ba'i las bya'o zhes de dag gis gnas mal bshams nas/ gaN+Di brdungs pa'i tshig gis/ dge slong rnams la yang dag par bsgo nas/ dge 'dun thams cad 'dug cing mthun par gyur pa na/ gleng ba po rgan pa'i mdza' logs su
 'dug ste smras pa/ btsun pa nye dga' khyod kyis bcu bdun sde'i tshogs dag gi lto dral to/ /rgyu ma dag gis rgyal byed kyi tshal bskor bar bya'o zhes bya ba de lta bu'i tshig smras pa gang yin pa de dran nam/ nye dags smras pa/ tshe dang
 ldan pa dag de ni don 'das pa yin no/ rma sos pa glengs te ci bya/ de dag gis smras pa/ bcom ldan 'das ni 'das pa'i don kho na la brtan te/ 'dul ba la nyan thos kyi bslab pa'i gzhi 'cha' bar mdzad de/ dga' bo phyir bzlog
 par brtsams pa dang/ de dag gis smras pa/ gang gcig phyir zlog par byed pa de yang gnas nas dbyung ba'i las bya'o/ /dga' bos bsams pa/ 'di dag gi byed stangs las na/ bdag la yang gnas nas 'byin pa'i las byed
 par gyur na ma legs par 'gyur ro snyam nas/ de dgun gyi dus la bab pas la bzhig gyon te 'ongs pas/ des la bde rtsig drung du bslang ste bzhag nas/ cang mi smra bar langs te song ngo/ /de dag gis smras pa/ tshe dang ldan pa dag 'dod
 pa smos shig ces de dag gya tshom du/ nye dga' gnas nas dbyung ba'i las byas so/ /de gnas nas dbyung ba'i las byas pa na/ du? zhing phu bo'i gan du song ba dang/ dga' bos smras pa nye dga' ci'i phyir du/ lhung bzed nag po can dag gis
 bdag gnas nas dbyung ba'i las byas so/ /dga' bos smras pa/ gang dag gis kho bo'i nu'o gnas nas dbyung ba'i las byas pa de dag /grong dang/ grong khyer dang/ khams gsum nas gnas nas dbyung bar gyur cig /'on kyang gnas nas
 dbyung pa'i las byas pa dag grong dang grong khyer med dam ci/ sdod la phyis bzod par gsal cig/ 'di ltar de dag gis mi mthun pa kho nar las byas so/ /su zhig der ma 'ongs/ dga' bos smras pa kho bo'o bdag gis don rgan po'i mdza' 
 logs na slob dpon gyis sgra thos so/ /dga' bos bdag nyid ji ltar cang mi smra bar stan las langs te song ba'i skabs de rgyas par brjod pa dang/ dge slong don nyung ngu dag ci'i phyir/ dge slong dag dge 'dun gyi chos dang ldan pa'i
 gtam rnam par gtan la 'bebs pa 'byung ba na/ cang mi smra bar stan las langs te 'gro bar byed ces smod par byed/ phyar ka gtong par byed/ kha zer bar byed pa'i skabs de/ dge slong rnams kyis/ bcom ldan 'das la gsol to
 de nas bcom ldan 'das kyis snga ma bzhin du/ yang dge slong gang dge 'dun gyi chos dang ldan pa'i gtam rnam par gtan la 'bebs pa byung ba na/ cang mi smra bar stan las langs te 'gro zhing dge slong 'dug pa la mi smra na/
 de 'dra ba'i rkyen ma gtogs te ltung byed do zhes bca' ba mdzad de/ yul ni mnyan yod/ gang zag ni dga' bo/ /nyon mongs pa ni las la mi mthun par 'dod pa/ nyes pa ni dge 'dun gyi chos dang ldan pa'i gtam rnam par gtan
 la 'bebs pa byung ba na/ cang mi smra bar stan las langs te 'gro ba'o/ /de la yang dge slong gang zhes bya ba ni/ shAkya'i bu dga' bo 'am/ gzhan yang de lta bu gang yin pa'o/ /dge 'dun gyi zhes bya ba ni/ de bzhin gshegs pa'i nyan
 thos kyi dge 'dun gyi'o/ /chos dang ldan pa'i gtam rnam par gtan la 'bebs pa byung ba na zhes bya ba ni gsol ba dang/ gsol ba dang gnyis dang/ gsol ba dang gzhi'i las byung ba na'o/ /cang mi smra bar stan las langs te
 'gro zhing zhes bya ba ni thos pa'i nye 'khor las 'das te 'gro zhing ngo/ /dge slong 'dug pa la mi smra na/ zhes bya ba ni de ni dge slong gang 'dug pa la'o/ /de 'dra ba'i rkyen ma gtags te zhes bya ba ni gleng gzhi las dge slong 'dug pa
 la smra par byed pa de srid du de'i lhung bzed dang chos gos tshig par gyur pa de 'dra ba'i rkyen bzhag ste'o ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni/ dge slong gsol ba dang//
 gsol ba dang gnyis dang/ gsol ba dang bzhi'i las kyi bdag nyid gso sbyong dang/ dgag dbye la sogs pa las brgya rtsa gcig chos dang ldan pa nyid du byed pa la/ dge 'dun gyi nang du 'dus pa brtad pa'i bya ba ma byung ba/
 dge slong gcig la ma smras par 'gro na/ thos pa'i nye 'khor las 'das na mi smra bar 'gro ba'i ltung byed kyi dngos gzhir 'gyur ro/ /'di'i byed pa po ni/ dge 'dun gyis gsol ba la sogs pa'i las chos dang ldan pa nyid dang/ dge slong khong pa la
 lam smras pa nyid dang/ brtad pa'i bya ba ma byung ba'o/ /'di la yan lag drug gis dngos gzhi'i ltung bar 'gyur te/ dge 'dun gyi gsol ba la sogs pa'i las chos dang ldan pa nyid dang/ bdag nyid lus kyis der 'dus pa nyid dang/ dge
 slong 'khod ba la ma smras pa nyid dang/ brtad pa'i bya ba ma byung ba nyid dang/ thos pa'i nye 'khor las 'das pa nyid do/ /de dag las yan lag ma tshang na ci rigs par na smad do/ /mi smra bar 'gro ba'i ltung byed de bdun cu bdun pa'o// //ma
 gus pa'i tshul gyi ltung byed kyi gleng gzhi ni/ sangs rgyas bcom ldan 'das rgyal po'i khab 'ong ma'i tshal/ ka lan+ta ka'i gnas na bzhugs so/ /de'i tshe na glang chen snying po'i bu dge slong nag po glang chen lhas zhes bya ba dge slong rab tu mang
 po dag 'di lta ste 'di ni chos so/ /'di ni 'dul ba'o/ /'di ni stan pa'i bstan pa'i zhes rtsod pa nye bar zhi bar bya ba 'ga' zhig gi phyir/ dpong sa'o khang bar 'dug cing mthun par gyur pa na/ gcig pus dge 'dun zlog par byed/ gcig pu
 dge 'dun mi mthun par byed cing rtsod pa bzung ste rtsod cing 'dug la/ gtam gyi mjug sdod par mi byed/ gus par mi byed/ rje sar mi byed cing phyir smra bar bya'o snyam du sems nas/ dge slong don nyung ngu dag ci'i phyir dge slong rab tu mang po
 dag 'di lta ste/ 'di ni chos so/ /'di ni 'dul pa'o/ /'di ni ston pa'i bstan pa'o zhes rtsod pa nye bar zhi bar bya ba 'ga' zhig gi phyir dpong sa'i khang bar 'dug cing mthun par gyur pa na/ gcig pus dge 'dun zlog par byed/
 gcig pus dge 'dun mi mthun par byed cing rtsong pa bzung ste/ rtsod cing 'dug la/ gtam gyi mjug sdud par mi byed/ gus par mi byed/ rje sar mi byed cing phyir smra bar bya'o snyam du sems zhes smod par byed de/ phyar ka
 gtong par byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ gus par mi byed na ltung byed do zhes bca' ba mdzad do/ /yul ni rgyal po'i khab
 gang zag ni dge slong nag po glang chen has/ nyon mongs pa ni nga rgyal gyi klan tu sbyor ba/ nyes pa ni dge 'dun dang gang zag la ma gus pa'o/ /de la gus par mi byed na zhes bya ba ni gnyis la gus par mi byed na ste/ dge 'dun dang
 gang zag la'o/ /de la dge 'dun ni de bzhin gshegs pa'i nyan thos kyi dge 'dun dang/ dge 'dun gyi tha snyad pa'o/ /gang zag ni mkhan po dang/ slob dpon dag go /ltung byed do zhes bya ba ni snga ma bzhin no/ /de la 'dir dngos gzhi'i
 ltung ba rnam par bzhag pa ni/ dge slong sangs rgyas kyi bka' dang dge 'dun gyi tha snyad pa'i tshig las 'gal bar byed pa dang/ dge slong gi dge 'dun gyis 'dug pa dang/ 'gro ba dang/ gnas mal len pa dang/ gtsug lag
 khang len pa dang/ smra ba la sogs pa chos dang ldan pa nyid kyis bsgo ba'i don la ma gus par chos dang ldan par shad kyis sbyang ba med par de las bzlog ste 'gal bar byed pa dang/ gzhan dag chos dang ldan pa'i
 gtam rnam par gtan la 'bebs pa'i bar du/ glo bur du gtam zer na/ ma lus? pa'i tshul gyis ltung byed kyi dngos gzhir 'gyur ro/ /'di'i byed pa po ni/ sangs rgyas kyi bka' dang/ dge 'dun gyi tha snyad pa'i tshig dang/
 dge slong gi dge 'dun gyis chos dang ldan pa nyid du bsgo ba'i don dang/ gzhan dag chos dang ldan pa'i gtam rnam par gtan la 'bebs de nyid do/ /'di la yan lag lngas dngos gzhi'i ltung bar 'gyur te/ sangs rgyas kyi bka' 'am/ dge 'dun
 gyi tha snyad pa'i tshig gam/ dge slong gi dge 'dun gyis bsgo ba'i don gtam gzhan gyi gtam dag las gang yang rung ba nyid dang/ chos dang ldan pa nyid dang/ ma gus pas chos dang ldan par shad kyis spyad ba med pa nyid dang/ log thabs kyi bsam
 pa nyid dang/ 'gal bar byed pa nyid do/ /de las yang lag ma tshang na ci rigs par na smad do/ ma gus pa'i tshul gyis ltung byed de bdun cu brgyad pa'o/ /myos par 'gyur ba mthung ba'i ltung byed kyi gleng gzhi ni/ sangs rgyas bcom ldan 'das
 mnyan yod na/ rgyal byed kyi tshal mgon med zas sbyin gyis kun dga' ra ba na bzhugs so/ /yul ngan spang gi ? zhes bya ba na chu srin byis pa gsod kyi ri la/ khyim bdag rtogs ldan zhes bya ba phyug pa nor mang ba longs spyod che ba yongs su
 bzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor la 'gran pa zhig 'dug pa des/ rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do//
 de la bu mo gzugs bzang ba/ blta na sdug pa/ mdzes pa zhig btsas nas de bsrings bskyed de/ chen por gyur nas khyim bdag mgon med zas sbyin gyis dpal gyi 'byor pas bu'i chung mar blangs so/ /khyim bdag rtogs ldan de yang rtse bar byed
 dga' bar byed/ dga' mgur spyod par byed pa'i chud ma la sems can srid pa tha ma pa zhig zhugs nas/ de btsas pa las khye'u zhig byung nas/ de'i ming legs 'ongs zhes bya bar btags so/ /khye'u legs 'ongs de khang kyis mnyan yod du 
 bcom ldan 'das kyi spyan sngar song nas/ bcom ldan 'das kyis legs par gsungs pa'i chos 'dul ba la rab tu phyur zhing/ bsnyen par rdzogs par mdzad nas/ de la gdams ngag stsal te/ des gcig pu dben pa bag yod pa/ rtun
 pa dang ldan pa/ bdag nyid gtang bar gnas pa na/ dgra bcom pa mngon sum du byas so/ /de nas bcom ldan 'das dge slong gi dge 'dun gyi 'khor dang bcas pa/ yul ngan spong gi phu dag tu ljongs rgyu zhing gshegs pa na/ chu srin byis pa gsod kyi rir
 byon nas/ chu srin byis pa gsod kyi ri la 'jigs rung gi tshal/ ri dags kyi gnas na bzhugs pa'i tshe/ tshe dang ldan pa legs 'ongs kyis/ klu a mra'i chu dogs pa zhes bya ba/ gdug pa yun ring po nas chu srin byis pa gsod kyi ri la gnas pa'i
 skye bo kho na med pa rnams la khon du 'dzin pa/ mi 'gran pa rnams la 'gran tshol ba/ mi 'khu ba rnams la 'khu bar byed cing/ lo thog skyes so cog ma rung bar byed pa de btul nas/ bcom ldan 'das dge slong gi dge 'dun gyi 'khor dang bcas pa/
 slar ko sa la dag tu ljongs rgyu zhing gshegs pa na/ mthar gyis mnyan yod du byon nas/ mnyan yod na rgyal byed kyi tshol/ mgon med zas sbyin gyi kun dga' ra ba na bzhugs so/ /de'i tshe bcom ldan 'das dge slong gi dge 'dun gyi 'khor dang bcas
 pa gzhan ni/ khyim bdag mgon med zas sbyin gyis gdugs tshod la spyan drangs nas der gshegs so/ /tshe dang ldan pa legs 'ongs ni chu srin byis pa gsod kyi ri la khyim bdag rtogs ldan gyi chub po grogs bram ze sbrul khas bsdigs pa zhig
 'dug pa de/ klu a mra'i chu dogs pa'i 'jigs pas bros te/ mnyan yod du song ba/ ko sa la'i rgyal po gsal rgyal gyis glang po che'i bsgo ba'i blang bskos pa des/ tshe dang ldan pa legs 'ongs kyis klu de btul ba thos/ dga' ba'i dbang du byas
 pa'i zan la de'i khyim gzhan du bos so/ /de nas bram ze des/ tshe dang ldan pa legs 'ongs bde bar 'dug pa rig nas/ rang gi lag nas kha zas bsod pas tshim par byas so/ /bram ze des bsams pa/ btsun pa legs 'ongs kyis kha zas bsod pa zos pas
 'du bar mi nus so/ /snyam du shes nas/ tshe dang ldan pa legs 'ongs la 'di skad ces smras so/ /btsun pa legs 'ongs rtsad nan gsol 'am/ des smras pa/ 'thung ngo/ /bram zes glang po che'i chad gi nang du mdzub mo btsugs te skom gyi nang du krog krog
 bkrugs nas/ tshe dang ldan pa legs 'ongs la phul lo/ /dgra bcom pa dag ni ma bsams par shes pa dang mthong ba mi 'jug pas tshe dang ldan pa legs 'ongs kyis de 'thungs te/ yon bshad pa byas nas sten las langs nas song ngo/ /de mnyan yod
 kyi srad ro ldes g.yogs pa las thal nas/ nyi ma'i 'od zer dag gis lus la phog pa dang/ ra? ? chad gis myos pa'i shugs kyis sil 'gyel lo/ /sangs rgyas bcom ldan 'das rnams ni mnyel ba mi mnga' ba'i chos nyid mnga' ba yin pas/
 bcom ldan 'das kyis der lo ma ma yin pa'i spyil bu zhig sprul pa mdzad de bka' bo/ /de nas bcom ldan 'das dge slong gi dge 'dun gyi 'khor dang bcas pa/ khyim bdag mgon med zas sbyin gyi khyim dag tu gdugs tshong gsol nas yon bshad pa
 mdzad de/ gang na las bzhengs nas gshegs te phyogs der byon to/ /de nas bcom ldan 'das kyis rdzu 'phrul mngon par 'du mdzad pa de btul nas/ /dge slong rnams la bka' stsal pa/ dge slong dag 'di ni gang gis klu a mra'i chu dogs pa btul ba'i
 dge slong legs 'ongs zhes bya ba yin na/ dge slong dag 'di ji snyam dus mas/ dge slong legs 'ongs 'dis da ltar sprul phrug kyang thul bar nus sam/ btsun pa rdo mi thog go /dge slong dag de ltar na nyes dmigs 'di dang gzhan dag kyang myos par
 'gyur ba 'thungs pa las 'byung bas/ dge slong nga la ston pa'o zhes smra ba de dag gis myos par 'gyur ba/ tha na rtswa'i rtse mos btung bar mi bya zhing/ blung bar yang mi bya'o/ /de nas bcom ldan 'das kyis tshe dang ldan pa legs
 'ongs sad bar mdzad nas bka' stsal pa/ legs 'ongs ci'i phyir 'di ltar gyur/ bcom ldan 'das ma bsams so/ /bde bar gshegs pa ma bsams so/ /de nas bcom ldan 'das gtsug lag khang du gshegs te byon nas/ dge slong
 gi dge 'dun gyi gung la gdan bshams pa nyid la bzhugs nas snga ma bzhin du/ 'bru'i chad dang/ bcos pa'i chad myos par 'gyur ba 'thung na ltung byed do zhes bca' ba mdzad de/ yul ni mnyan yod/ gang zag ni tshe dang ldan pa legs 'ongs/
 nyon mongs pa ni bag chags ma byad bas ma bsams pa/ nyes pa ni myos par 'gyur ba 'thung ba'o/ /de la 'bru'i chang zhes bya ba ni chan gyis btung ba dang/ thabs kyi btung ba'o/ /bcos pa'i chang zhes bya ba ni/ rtsa ba'i btung ba dang/ sdong bu'i
 btung ba dang/ 'dab ma'i btung pa dang/ me tog gi btung ba dang/ 'bras bu'i btung ba'o/ /de gnyi ga bsres pa'i 'bru'i chang dang/ bcos pa'i chang zhes bya ba'o/ /myos par 'gyur ba zhes bya ba ni 'thungs na myos par 'gyur ba'o/ /'thungs na zhes
 bya ba ni mgul du ming na'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni dge slong 'bru'i chang dang/ bcos pa'i chang myos par 'gyur ba ma bskol ba dang/ 'bru'i chang gi spang ma dang/ bcos pa'i
 chang gi tshigs ma myos par 'gyur pa/ mgul du ming na myos par 'gyur ba 'thung ba'i ltung byed kyis dngos gzhir 'gyur ro/ /'di'i byed pa po ni myos par 'gyur bas thung ba nyid do/ /'di la yan lag bzhis dngos gzhi'i ltung bar 'gyur te/
 myos par 'gyur ba nyid dang/ de nyams par ma byas pa nyid dang/ 'thung ba nyid dang/ myos par 'gyur ba nyid do/ /de dag las yan lag ma tshang na ci rigs par na smad do/ /myos par 'gyur ba 'thung ba'i ltung byed de bdun bcu dgu pa'o// //dus ma yin par
 'gro ba'i ltung byed kyi gleng gzhi ni/ sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe/ tshe dang ldan pa 'char kas bram ze'i bu mo zhig /rgyal byed kyi tshal du gtsug lag
 khang bltar 'ongs pa la/ ku re byas pa'i gzhi la brten nas/ de phyin chad bdag 'khor bar 'khor ba na/ nyon mongs pa de lta bu dag kun tu spyod par mi 'gyur bar de ltar bya'o snyam nas/ tshe dang ldan pa shA ri'i bu'i gan du song ste/ chos bstan par gsol ba
 dang/ des de la 'di dang 'di ltar yid la gyis la/ bag yod par bsgrubs shig ces gdams ngag byin no/ /de nas tshe dang ldan pa 'char ka/ gcig pu dben pa bag yod par brtun pa dang ldan pa/ bdag nyid btang bar gnas pa na/ rigs kyi bu dag gang gi
 phyir/ skra dang kha spu bregs te gos ngur smrig dag bgos nas/ yang dag pa kho nar dad pas khyim nas khyim med par rab tu 'byung bar byed pa/ tshangs par spyod pa'i mdza' bla na med pa de/ tshe de nyid la rang gi mngon par shes pas mngon sum byas te/ bsgrubs nas
 bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing/ dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du
 mtshungs pa'i sems dang ldan pa/ tsan dan zhag lon par bzhag pa lta bur/ rig pas sgo nga'i spubs dral bar gyur cing rigs pa dang/ mngon par shes pa dang/ so so yang dag par rig pa thob pa/ srid pa dang 'dod pa'i rnyed pa dang/ bkur sti la rgyab kyis
 phyogs pa/ dbang po dang/ nye dbang dang bcas pa'i lha rnams kyis mchod par bya ba dang/ rjed par bya ba dang/ mngon du smra bar gyur to/ /de nas tshe dang ldan pa 'char ka dgra bcom pa nyid thob cing/ rnam par grol ba'i dga' ba dang/ bde
 ba nyams su myong ba na 'di snyam du sems te/ bcom ldan 'das ni bdag la phan pa mdzad pa/ legs par mdzad pa ste/ 'di ltar bcom ldan 'das de ni bdag gi sdug bsngal gyi chos mang po dag sel bar mdzad pa/ bde ba'i chos mang po
 dag bsgrub par mdzad pa/ sdig pa mi dge ba'i chos rnam pa du ma dag sel bar mdzad pa/ dge ba'i chos rnam pa du ma dag bsgrub par mdzad pa yin na/ bdag gi ci zhig byas na/ des bdag gis bcom ldan 'das la lan byas pa dang/
 nye bar byas pa dang/ rab tu byas par 'gyur snyam nas/ des yang bsams pa/ sangs rgyas bcom ldan 'das rnams dka' ba mdzad pa brgya stong du ma dag gis/ bskal pa grangs med gsum gyi pha rol tu phyin pa drug yongs su rdzogs
 par mdzad nas/ bla na med pa/ mkhyen pa thugs su chud pa gang yin pa de dag thams cad ni/ sems can la phan pa'i phyir yin pas/ bdag gis kyang sems can la phan par bya'o snyam mo/ /des bsams pa/ bcom ldan 'das kyis
 khyim pa dang par byed pa rnams kyi mchog tu bstan pa 'ga' yod snyam na/ des ci tsam na med par mthong ngo/ /su la ltos snyam na/ bdag nyid la ltos par mthong nas legs kyis/ bdag gis ston pa'i thugs la dgongs pa yongs su
 rdzogs par bya'o snyam nas/ de mthar gyis gdul ba'i don la mnyan yod du zhugs nas bram ze'i khyim dang po bcu pa nas lnga brgya lhag tsam gnyi ga nas btul cing bzhag go /de nas bcom ldan 'das kyis dge slong rnams la bka' stsal
 pa/ dge slong dag nga'i nyan thos kyi dge slong gi khyim pa dad par byed pa rnams kyi mchog ni 'di lta ste/ dge slong 'char ka nag po 'di yin no/ /de nas yang tshe dang ldan pa 'char kas/ mnyan yod na bram ze gsang sngags dag gis mi ma yin pa dbang du
 byas nas shing rta 'dren du 'jug pa zhig dang/ gyang stobs rlom pa zhig kyang btul te/ de gnyis dgra bcom pa nyid thob par byas nas/ khyim bdag gi chung ma gtum mo'i mna' ma/ chom rkun ma'i dmag dpon lus brtan pa mkhrang ba dam pa
 zhig dang/ 'dod pa la log par g.yem pa zhig la/ tshe dang ldan pa 'char kas bud med de 'dod chags spyad pa zhig yin par shes nas/ des de la 'dod chags kyi bsngags par ma yin pa brjod do/ /des bsams pa 'phags pa 'char
 ka mi/ gzhan gyi sems la mkhas pa yin pas des bdag 'khrigs kyis/ gal te de ma bsang na/ des bdag gi khyim thabs la byas shing/ des bdag la gnod pa byed par 'gyur du 'ong gis/ bdag gis bsad do snyam nas/ des chom
 rkun pa'i dmag dpon de la de song cig ces byas pa dang/ chom rkun pa'i dmag dpon gyis smras pa/ kho bo de mi gsod do/ /de ni ko sa la'i rgyal po gsal rgyal gyi chung po grogs/ btsun mo phreng ldan ma'i slob dpon yin pas/ kho
 bos de gsad par gyur na/ kho bo rgyal pos rgya skyegs kyi khang par bcug ste/ bsrog? pas 'chi bar bya dgos pa gang yin pa de lta bu'i gnas yod par 'gyur ro/ /des smras pa/ gal te khyod de gsod na de lta na legs/ gal te mi gsod na
 khyod phyin chad kho mo'i khyim du 'jug par mi bya'o/ /'dod pa sten pa dag ni sdig pa'i chos mi bya ba ci yang med pas/ chom rkun pa'i dmag dpon des smras pa/ gal te de gzhan gyi sems shes pa la mkhas pa yin na/ kho bos ji ltar gsad bar
 bya/ de smras pa/ thabs kyi rnam pa zhig bya'o zhes des dus ma yin pa'i tshe/ tshe dang ldan pa 'char ka'i gnas su mngags pa btang ste/ btsun pa 'char ka bdag bro 'tshal bar gyur na/ khyod kyis bdag gzigs par
 ci gnang zhes spring ngo/ /dgra bcom pa dag ni ma bsams par shes pa dang mthong ba mi 'jug pas/ tshe dang ldan pa 'char ka yang dus ma yin par zhugs te/ de la chos bstan pa byas nas/ de phyir dbyung bar brtsams pa dang/ des smras
 pa/ 'phags pa bdag khyod mthong na glo ba dags/ yud tsam zhig bzhugs su gsol zhes/ des tshe dang ldan pa 'char ka ji srid kyis/ shin tu nam sros par gyur pa de srid bzung nas/ chom rkun pa'i dmag dpon yang/ ral gri
 shubs nas phyung ste sgo na sdod do/ /de nas tshe dang ldan pa 'char ka phyir byung ba dang/ chom rkun pa'i dmag dpon snying rje med pa'i sems dang ldan pa/ 'jig rten pha rol btang ba des/ tshe dang ldan pa 'char ka'i mgo drung pa nas bcad
 de/ sa la bsgyel lo/ /snying rje med pa'i sems dang ldan pa/ 'jig rten pha rol btang ba de gnyis kyis/ tshe dang ldan pa 'char ka'i lus de phyag dar gyis phung po zhig tu sbas te bzhag go /de'i nyin mo gso sbyong gzhal? ta ba rgan
 pa'i mdza' logs su 'dug ste/ smras pa/ 'ga' zhig gis tshe dang ldan pa 'char ka'i 'dun pa blangs sam/ btsun pa 'char ka med do/ /de nas bcom ldan 'das kyis/ dge slong rnams la bka' stsal pa/ dge slong dag khyim pa
 dad par byed pa rnams kyi mchog de ni bsad kyis/ chos gos dag long zhig dang/ de'i lus la mchod pa bya'o/ /bcom ldan 'das la 'phags pa dang/ ji tsam na mnyan yod kyi sgo bcad nas/ bcom ldan 'das gser gyi kha dog lta bu'i
 'ong btang ba mdzad pa dang/ des mnyan yod thams cad gser btso ma'i kha dog lta bu'i 'od byis snang bar gyur to/ /ko sa la'i rgyal po gsal rgyal gyis de mthong nas/ ci las 'gyur snyam na/ bcom ldan 'das gshegs par bzhed gor
 ma chag snyam nas/ /de btsun mo'i 'khor dang bcas pas mnyan yod kyis lde mig khyer nas sgo phye ba dang/ bcom ldan 'das mnyan yod du gshegs so/ /sangs rgyas bcom ldan 'das rnams ni bsnyen par dka' ba dang/ bzod par dka' ba yin
 pas/ des sangs rgyas bcom ldan 'das la zhu bar ma nus so/ /bcom ldan 'das dge slong gi dge 'dun dang bcas pa mdun du gshegs pas/ ko sa la'i rgyal po gsal rgyal btsun mo'i 'khor dang bcas pa/ slad bzhin du rjes su 'brang
 zhing song ba dang/ ji tsam gyi na phyag dar gyi phung po de'i phyogs der byon no/ /de nas bcom ldan 'das kyis dge slong rnams la bka' stsal pa/ dge slong dag khyim pa dad par byed pa rnams kyi mchog de/ 'dir sbas kyis phyung shig /de phyung
 ba dang/ de na gang dag tshe dang ldan pa 'char ka la brten nas/ 'phags pa'i bden pa dag mthong ba de dag gis gsol pa/ 'di bdag cag gi dge ba'i bshes gnyen lags na/ bcom ldan 'das kyis bdag cag 'di'i lus la mchis
 ba bgyi bar ci gnang/ bcom ldan 'das kyis ma gnang ngo/ /ko sa la'i rgyal po gsal rgyal gyis gsol pa/ 'di dag gi chung po grogs lags na/ bcom ldan 'das kyis bdag 'di'i lus la mchod pa bgyi bar ci gnang/ bcom ldan 'das
 kyis ma gnang ngo/ /btsun mo 'phreng ldan mas gsol ba/ 'di bdag gi slob dpon lags na/ bcom ldan 'das kyis bdag 'di'i lus la mchod pa bgyi bar ci gnang/ bcom ldan 'das kyis gnang ngo/ /de nas btsun mo phreng ldan mas/ tshe dang
 ldan pa 'char ka'i lus des dkar gyis dril/ byi dor byed du bcug nas/ spos chus 'khrur bcug ste/ ras kha dog sna tshogs dag gis khyogs bcil bcas nas dor bcug te bzhag go /de nas bcom ldan 'das mnyam
 yod kyi dge 'dun dang bcas pa mdun du gshegs nas/ /rgyal po btsun mo'i 'khor dang bcas pa/ de'i phyi bzhin du rjes su 'brang zhing song ste/ sa phyogs go skabs yangs pa zhig tu bzhag nas/ btsun mo phreng ldan mas spos
 kyi shing thams cad kyis phung por bcer? te bsregs nas me'i phung po de 'o mas zhi bar byas te/ rus pa de dag gser gyi bum par bcug nas lam po che'i bzhi mdor lus kyi mchod rten rtsig du bcug ste/ gdugs dang/ rgyal
 mtshan dang/ ba dan dag sgreng zhing/ dri dang/ phreng ba rgyu dang/ gdugs spos dang/ phye ma dang/ sil snyan dag gis mchod pa byas te/ rkang pa gnyis la phyag 'tshal nas/ bcom ldan 'das kyis yon tan bshad pa mdzad de
 gshegs so/ /de nas bcom ldan 'das gtsug lag khang du byon nas/ dge slong gi dge 'dun gyi rgung la gdan bsham pa nyid la bzhugs nas/ dge slong rnams la bka' stsal pa/ dge slong dag nyes dmigs 'di dang gzhan dag
 kyang/ dge slong dag dus ma yin par grong du 'jug pa las gyur pas/ dge slong gis dus ma yin par grong du 'jug par mi bya'o/ /de nas bcom ldan 'das kyis snga ma bzhin du/ yang dge slong gang dus ma yin par grong du
 'jug cing/ dge slong 'dug pa la mi smra na/ de 'dra ba'i rkyen ma gtogs te ltung byed do zhes bca' ba mdzad de/ yul ni mnyan yod/ gang zag ni tshe dang ldan pa 'char ka /nyon mongs pa ni bag chags ma byad bas ma bsams
 pa/ nyes pa ni dus ma yin par grong du 'jug pa'o/ /de la yang dge slong gang zhes bya ba ni chos 'di pa 'am/ gzhan yang de lta bu gang yin pa'o/ /dus ma yin par zhes bya ba ni/ dus ma yin pa gnyis te/ skya reng ma shar ba dang/ phyed yol bar ro//
 grong du zhes bya ba ni gang na srang dang bzhi mdo dang/ sum mdo dag yod? par ro/ /'jug cing zhes bya ba ni 'gro zhing ngo/ /dge slong 'dug pa la mi smra na zhes bya ba ni de na dge slong gang 'dug pa la'o/ /de 'dra ba'i rkyen ma gtogs te zhes bya ba ni gleng gzhi las
 dge slong 'dug pa la smra bar bya ba de srid du de'i lhung bzed dang/ chos gos tshig par gyur pa de 'dra ba'i rkyen bzhag ste'o/ /ltung byed do zhes bya ba ni snga ma bzhin no/ /de la 'dir dngos gzhi'i ltung ba rnam par bzhag pa ni dge slong bstad pa'i bya ba ma byung ba
 dang/ rdzu 'phrul gyi 'gro ba ma gtogs pas/ dge slong ngam/ de med na dge slong ma 'am/ de med na dge tshul lam/ de med na dge slong ma 'am/ de med na dge tshul ma 'khod pa la ma smras par/ rang gi phyed yol nas/ skya reng ma shar pa'i bar gyi dus ma yin
 par khyim pa'i grong gzhan du zhugs na/ dus ma yin par 'gro ba'i ltung byed kyi dngos gzhir 'gyur ro/ /'di'i byed pa po ni dus ma yin pa'i nyid la/ dge slong 'khod pa la ma smras pa dang/ bstad pa'i bya ba ma byung ba dang/ rdzu 'phrul gyis 'gro ba ma gtogs
 pa'i 'du shes gtso cher byed pa po nyid yin no/ /'di la yan lag bdun gyis dngos gzhi'i ltung bar 'gyur te/ dus ma yin pa nyid dang/ der 'du shes pa nyid dang/ dge slong 'khod pa la ma smras pa nyid dang/ bstad pa'i bya ba ma byung ba nyid dang/ rdzu 'phrul gyis
 'gro ba ma gtogs pa nyid dang/ khyim pa'i grong nyid dang/ der zhugs pa nyid do/ /de dag las yan lag ma tshang na ci rigs par na smad do/ /dus ma yin par 'gro ba'i ltung byed de brgyad cu pa'o// //sdom la/ zas bcas skya rangs de dgod dang/ /khab ral dang ni
 khri rkang dang/ /brdal dang gding pa g.yan pa dang/ ras chen bde gshegs chos gos so/ /zhes bya ba ni/ bcu pa dgu pa yin te/ sdom la/ zhes bya ba ni tshig gis don dang dgongs pa ni snga ma bzhin no/ /bcu pa dgu pa 'dis kyang ltung byed kyi chos bstan te/ /
 grong du rgyu ba dang/ rgyal po'i pho brang du nub mo 'gro ba dang/ bslab pa'i gzhi'i dngos po khyad du gsod pa dang/ khab ngal 'chos pa dang/ khri rkang 'chos pa dang shing bal gyis gos par byas dang/ gding ba las gyur ba dang/ g.yan pa dgab pa las gyur ba dang/
 dbyar gyis ras chen las gyur pa dang/ bde bar gshegs pa'i chos gos kyi tshad las gyur pa'i ltung byed do/ /de la grong du rgyu ba'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na
 bzhugs so/ /mnyan yod na khyim bdag gcag 'dug pa/ de'i khyim du nye dga' dus dang dus su 'gro zhing/ des skyabs su 'gro ba dang/ bslab pa'i gzhi dag la bzhag go /dus gzhan zhig na des de la rdzas las byung ba'i bsod nams bya ba'i gzhi bdun po dag gi bsngags
 pa rgya cher brjod pa dang/ des sang rgyas la sogs pa dge slong gi dge 'dun gdugs tshod gsol bar brtsams nas/ des smras pa/ 'phags pa khyod kyis bdag gi ming gis sangs rgyas la sogs pa dge slong gi dge 'dun gang? bdag gi sdum par gdugs tshod
 la spyan drang pa'i rigs so/ /des dang du blangs nas de bzhin spyan drangs so/ /chos nyid kyis na gang gi dor dge slong gi dge 'dun spyan drangs pa de dug sngar 'gro ba yin pas/ tshe dang ldan pa nye dga' dus stan deng sang nas/ des khyim bdag de la smras pa/ khyim bdag kho bo
 spyan bdag gi khyim dag lta ba'i bar du/ khyed re zhig zas sta gon gyis shig /kho bo ma 'ongs pa'i bar du yang byed kyis re zhig khrim par mi bya'o zhes smras te song ngo/ /de nas bcom ldan 'das/ dge slong gi dge 'dun dang bcas pa yang/ des ma skul bar/ sngar
 khyim bdag de'i khyim ga la ba der gshegs te sgo drung na gzhes so/ /de nas bcom ldan 'das kyis/ tshe dang ldan pa kun dga' bo las khyim bdag de la ci bder gyis shig ces sgo ba dang/ khyim bdag des smras pa/ 'phags pa bdag gi khyed cag gi ci bder ci legs
 ma 'tshal gyis/ 'di ltar khyad cag kho na'i slad du gdan dag bshams kyis bzhugs su gsol/ tshe dang ldan pa kun dga' bos bcom ldan 'das la de skad ces gsol pa dang/ bcom ldan 'das kyis bka' stsal pa/ gal te de skad ces zer na/ khyed cag kho na'i phyir/ stan
 dag bshams pas ci bder byas par brjod par bya ste/ 'dug par bya zhing 'di la 'gyod par mi bya'o/ /sangs rgyas la sogs pa dge slong gi dge 'dun bzhugs pa dang/ ji tsam na gdugs tshod la bab tu nye na/ bcom ldan 'das kyis/ tshe dang ldan pa kun dga' bo las
 khyim bdag de la gdugs tshod la bab tu nye'i/ zhal zas brims shig /zas 'dis khyod la ci bya zhes bya ba sgo ba dang/ khyil bdag gis smras pa/ 'phags pa nye dga' mchi ba'i bar du/ yud tsam zhig gzhes su gsol/ /tshe dang ldan pa kun dga' bos/ bcom ldan 'das la
 de skad ces gsol pa dang/ bcom ldan 'das kyis yud tsam zhig gzhes nas/ yang tshe dang ldan pa kun dga' bos/ khyim bdag de la gdugs tshod la bab kyis zhal zas brims shig /zas rul bar gyur pa 'dis khyod la ci bya zhes bsgo pa dang/ khyim bdag gis smras pa/
 'phags pa nye dga' mchi ba'i bar du yud tsam zhig bzhes su gsol/ tshe dang ldan pa kun dga' bos/ bcom ldan 'das la de skad ces gsol ba dang/ bcom ldan 'das kyis/ tshe dang ldan pa kun dga' bo las/ khyim bdag de la/ nye dga' 'ongs par ma gyur na/ zan sbyin
 par mi byed dam zhes smras pa dang/ khyim bdag des smras pa/ 'phags pa mi gsol lo/ /tshe dang ldan pa kun dga' bos/ bcom ldan 'das la de skad ces gsol pa dang/ de nas bcom ldan 'das kyis de'i tshe tshigs su bcad pa bka' stsal pa gzhan dbang thams cad
 sdug bsngal te/ /bdag dbang thams cad bde ba yin/ /thun mong dag gis gnod byed de/ /'brel pa shin tu 'da' bar dka' / /ci tsam na gdugs chod kyi mdza' la bab pa na/ nye dga' 'ongs nas des smras pa/ khyim bdag mi brim bar ci gdong
 des smras pa/ 'phags pa khyod kyi zhal nas/ kho bo ma 'ongs kyi bar du re zhig brims par mi bya'o/ /zos phyung la? de 'di skad ces mi gsung ngam/ nye dga' shags med nas cad mi smra bar 'dug go /de nas khyim bdag des brim par rtsams pa dang/ ci tsam
 na gdugs tshod? yol nas/ dge slong kha cig gis ni zas thob na zan bcad pa byas/ kha cig gis ni zan ma thob pa kho nar zan bcad pa byas nas/ bcom ldan 'das kyis yon bshad pa mdzad de gshegs so/ /nye dga' ngo tsha bar gyur pa'i snying gis de nyid du 'dug
 go /de'i nyin mo gso sbyong gi zhal tab rgan pa'i mdza' logs su 'dug ste/ dge slong rnams la yang dag par sgo zhing smras pa/ btsun pa nye dga' ma mchis sam/ 'ga' zhig gis de'i 'dun pa blangs sam/ dge slong rnams kyis smras pa/ de ma 'ongs te sus
 kyang de'i 'dun pa yang ma blangs so/ /dge slong gzhan dag gis smras pa/ tshe dang ldan pa nye dga' / bdag cag snga dro zang zing gi ched la tho btsams la/ da ni chos kyi ched la tho btsams par byed do zhes zer nas/ dge slong don nyung du dag ci'i phyir dge slong dag zas
 dang bcas pa'i khyim du/ mgron du bos nas snga dro dang phyi dro khyim dag tu rgyu bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin
 du/ yang dge slong dag zas dang bcas pa'i khyim du mgron du bos nas/ snga dro dang phyi dro dag khyim du rgyu zhing/ khyim pa 'dug pa la mi bsgo na/ de 'dra ba'i rkyen ma gtogs te ltung byed do zhes bca' ba mdzad de/ yul ni mnyan yod gang zag ni nye dga' / nyon
 mongs pa ni rang nyam gyis kun tu spyod pa/ nyes pa ni zas dang bcas pa'i khyim du mgron du bos nas/ snga dro dang phyi dro dag khyim dag tu rgyu zhing/ dge 'dun gyi zang zing gi bar chad byas pa dang/ phyi dro khyim dag tu rgyu bas/ dge 'dun gyi chos kyi bar chad byas pa'o//
 de la yang dge slong gang zhes bya ba ni/ shAkya'i bu nye dga' 'am/ gzhan yang de lta bu gang yin pa'o/ /zas dang bcas pa'i zhes bya ba ni/ mgron du bos pa dang bcas pa'o/ /khyim du zhes bya ba ni bram ze dang khyim bdag gi khyim du'o/ /mgron du bos nas zhes
 bya ba ni bsod snyoms kyi phyir ro/ /snga dro zhes bya ba ni snga dro nyid do/ /khyim gnyis las lhag par rgyu na'o/ /phyi dro zhes bya ba ni phyi dro nyid do/ /khyim gsum las lhag pas rgyu na'o/ /khyim dag tu zhes bya ba ni bram ze dang khyim bdag gi khyim dag tu'o/ /rgyu
 zhing zhes bya ba ni 'gro zhing ngo/ /khyim pa la mi bsgo na zhes bya ba ni/ de na khyim pa gang 'dug pa la'o/ /de 'dra pa'i rkyen ma gtogs te zhes bya ba ni/ gleng gzhi las khyim pa 'dug pa la bsgo bar mi byed pa de srid du/ de'i lhung bzed dang chos gos tshig
 par gyur pa de 'dra ba'i rkyen bzhag te'o/ /ltung byed do zhes bya ba ni sems can dmyal ba dang/ dud 'gro dang/ yi dags ngan song dang/ ngan 'gro log par ltung ba dag tu sreg par byed/ 'tshed par byed ltung bar byed pa'o/ /gzhan yang ji srid du ltung ba de
 ma bshags shing so sor ma bshags na/ dge ba'i chos rnams sgrib par byed pa ste/ des na ltung byed do zhes gsungs so/ /de la 'dir dngos gzhi'i ltung ba rnam par bzhag pa ni/ dge slong de'i tshig gis dge 'dun zas dang bcas pa ni khyim du spyan drangs pa
 na sbyin bdag la kho bo ma 'ongs pa'i dbang gi brims pa yol bar ma bya zhig ces ma sgo ba dang/ brtad pa'i dbang ma gtogs par khyim gsum pa la sogs par rgyu pa dang/ gud tshigs las yol ba'i dus ma yin par dge slong 'khod pa la smras
 su zin kyang/ btad pa'i bya ba ma byung bar khyim bzhi la sogs par 'gron khyim gsum pa dang/ bzhi pa dang lnga pa las sogs pa dang/ khyim bzhi pa dang lnga pa dang/ drug pa la sogs par re rer phyin pa dang/ grong rgyu ba'i ltung byed kyi
 dngos gzhir 'gyur ro/ /'di'i byed pa po ni/ snga dro ni khyim gsum pa la sogs pa nyid dang/ khyim pa 'khod pa la ma bsgo ba dang/ brtad pa'i bya ba ma byung ba nyid do/ /'di la yan lag ni/ snga dro ni lngas dngos gzhi'i ltung bar 'gyur te/ snga dro
 nyid dang de'i tshig gis dge 'dun spyan drangs pa nyid dang/ sbyin bdag la kho bo ma 'ongs pa'i dbang gis brim pa yol bar ma byas shig ces ma bsgo ba nyid dang/ brtad pa'i bya ba ma byung ba nyid dang/ khyim gsum pa la sogs par son pa nyid do/ /phyi dro
 la ni yan lag gsum gyi dngos gzhi'i ltung bar 'gyur te/ phyi dro nyid dang/ brtad pa'i bya ba ma byung ba nyid dang/ khyim bzhi pa la sogs par son pa nyid do/ /de dag las yan lag ma tshang na ci rig par na smad do/ /grong rgyu ba'i ltung byed de brgyad cu gcig
 pa'o// //so sor thar pa'i mdo'i gzhung 'grel// //bam po bco brgyad pa/ /rgyal po'i pho brang du nub mo 'gro ba'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' 
 ra ba na bzhugs so/ /de nas bcom ldan 'das kyis tshe dang ldan pa maung+gal gyi bu chen po la bka' stsal pa/ klu'i rgyal po dga' bo dang/ nye dga' gnyis btul nas/ ko sa la'i rgyal po gsal rgyal gyis de la brten nas/ bcom ldan 'das dge
 slong gi dge 'dun dang bcas pa/ rgyal po'i pho brang du zhag bdun gyi bar du gdugs tshod gsol te/ de'i tsho na/ mnyan yod na khyim bdag ngan pa bzang byin dang/ khyim bdag bsdum byed dang/ khyim bdag tshul khrims tshod dpon dang/ rgyal bu nag po
 rnams kyis/ bcom ldan 'das la chos mngon pa dang/ 'dul ba dang/ mngon pa'i zhu ba zhus nas/ bcom ldan 'das kyis de dag la gong nas gong du bka' lan stsal pa dang/ ko sa la'i rgyal po gsal rgyal yang de dag gi gdong du lta zhing 'dug ste/ des
 yud tsam zhig chos dang ldan pa'i gtam mnyan nas/ bcom ldan 'das kyi zhabs gnyis la mgo bos phyag 'tshal te/ stan las langs te song ngo/ /de btsun mo'i 'khor gyi nang du zhugs nas/ btsun mo 'phreng ldan mal smras pa/ phreng ldan ma
 dang khyim bdag ngan pa bzang byin dang/ khyim bdag sdums byed dang/ khyim bdag tshul khrims tshong dpon dang/ rgyal bu nag po rnams kyis/ bcom ldan 'das la chos mngon pa dang/ 'dul ba/ mngon pa'i zhu bzhus nas/ bcom ldan 'das
 kyis kyang/ de dag la gong nas gong du bka' lan stsal pa dang/ de yang de dag gi gdong du lha zhing kha dog par 'dug 'dug nas langs te song ngo/ /phreng ldan mas smras pa/ lha khyod kyis kyang ci'i slad du/ bcom ldan 'das la ma zhus/ phreng ldan
 ma da ni thos pa nyung ba yin la/ de dag ni thos pa med pa yin pas/ nga ci zhig zhur yod/ lha khyod kyang ci'i slad du/ sangs rgyas kyi bka' klog par mi mdzad/ phreng ldan mang rgyal po'i bya ba dang/ rgyal po'i byed pa dag la rtag tu brel pas/ ji lta
 klag /gal te khyod 'ga' zhig las/ sangs rgyas kyis bka' klog na/ ngas mtshon mo khyod las klag par lha de ltar bgyi'o/ /rgyal pos btsun mo rgyal rigs dbyar tshul ma'i slob dpon du ni tshe dang ldan pa sha ri'i bu gnyer/ btsun mo phreng ldan
 ma'i slob dpon du ni/ tshe dang ldan pa 'char ka gnyer/ de gnyis kyis de dag klog tu 'jug pa na/ tshe dang ldan pa shA ri'i bu ni dus shes pa dang/ dus rig pa yin pas/ de dus su sod nas rgyal rigs dbyar tshul ma klog tu 'jug gi dus ma yin
 par mi 'gro'o/ /tshe dang ldan pa 'char ka ni dus mi shes pa dang/ dus mi rig pa yin pas/ dus su yang song ste/ phreng ldan ma klog tu 'jug la/ dus ma yin par yang 'gro'o/ /ji tsam na dus gzhan zhig na/ ko sa la'i rgyal po
 gsal rgyal ri brags gzhan zhig tu bya ba cung zhig byung nas/ de'i mtshan mo nyid du langs te nges 'phags pa dang/ tshe dang ldan pa 'char ka glang po che'i sgra dang/ rta'i sgra dang/ dud gi sgra dag gis sad nas des bsams pa/ btsun mo
 phreng ldan ma la bzlas pa sbyin du 'gro'o snyam nas/ rgyal po'i pho brang gi sgor song ste/ nang du zhugs pa na/ btsun mo phreng ldan ma gnyid log cing 'dug nas/ des se gol gyi sgras de bslang ba dang/ des de'i rkang pa la phyag 'tshal
 te/ btsun mo'i 'khong la 'os pa'i gos dag brjes nas gos stug po dag gyon te 'dug pa dang/ tshe dang ldan pa 'char kas de la bzlas pa byin nas/ lung gzhan yang phog pa dang/ btsun mo phreng ldan mas/ bza' ba dang/ bca' 
 ba bcad zhing bsod pas lhung bzed bkang te phul lo/ /tshe dang ldan pa 'char kas/ de blangs te phyir byung ba dang/ tshe dang ldan pa shA ri'i bu nang du 'jug pa dang phrad nas/ des smras pa/ /don nyung du khyod kyis brtson 'grus 'di lta bus/ zag pa zad par byas
 sam/ cin khyod nga gzod 'ongs/ kho bos ni bzlas pa byin nas/ lung gzhan yang phog ste/ kho bo bca' ba dang bza' ba gtsang zhing bsod pas lhung bzed bkang pa 'di yang thob po/ /tshe dang ldan pa shA ri'i bus smras pa/ de'i phyir khyod drug sde yin no zer
 nas/ dge slong don nyung ngu dag ci'i phyir/ dge slong dag nam ma langs skya rengs ma shar rin po che dag gam/ rin po cher smos pa dag ma sdus par/ rgyal po rgyal rigs spyi bor dbang bskur ba'i sgo gtan nam/ sgo gtan gyi nye 'khor las 'da' bar
 byad ces smad par byed phyar ka gtong bar byed/ kha zer bar byed pa'i skabs de/ dge slong rnams kyi bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gang nam ma langs/ skya rang ma shar/ rin po che dag gam/ rin po cher smos pa dag /ma
 bsdus par rgyal po rgyal rigs spyi bor dbang bskur ba'i sgo gtan nam/ sgo gtan gyi nye 'khor las 'da' na de 'dra ba'i rkyen ma gtogs te ltung byed do zhes bca' ba mdzad de/ yul ni mnyan yod/ gang zag ni 'char ka/ nyon mongs pa ni dus ma shes pa/ nyes pa ni rgyal po'i
 pho brang du nub mo 'gro ba'o/ /yang dge slong gang zhes bya ba ni 'char ka 'am/ gzhan yang de lta bu gang yin pa'o/ /nam ma langs zhes bya ba ni nam langs par ma gyur pa'o/ /skya rang ma shar zhes bya ba la/ skya reng ni gsum ste/ skya reng dang po dang/ skya reng bar ma dang/ skya reng tha ma'o/
 de la skya reng dang po ni sngon por snang ba'o/ /skya reng bar ma ni ser por snang ba'o/ /skya reng tha ma ni dmar por snang ba ste/ 'dir skya reng tha ma yin par dgongs so/ /ma shar zhes bya ba ni ma byung ba'o/ /rin po che dag ces bya ba la/ rin po che dag ces bya ba ni/ nor bu dag dang/ mu teg
 dag dang/ baidUrya dag dang/ shi ka shi la dag dang/ byu ru dag dang/ gser dag dang/ dngul dag dang/ rdo'i snying po dag dang/ sbug dag dang/ dmar po dag dang/ g.yas su 'khyil pa dag go /rin po cher smos pa dag ces bya ba ni/ g.yul dor spyad pa'i mtshon cha thams cad
 dang/ rol mor spyad pa'i cha byad thams cad do/ /ma bsdus par zhes bya ba ni ma brtul bar ro/ /rgyal po rgyal rigs spyi bo nas dbang bskur ba zhes bya ba ni 'di lta ste/ bud med rgyal rigs la dbang bskur bas dbang bskur bar gyur na/ de yang rgyal po rgyal rigs spyi bor dbang bskur ba yin
 la/ rgyal rigs dang/ bram ze'i rigs dang/ rje'u rigs dang/ dmangs rigs rgyal srid la dbang bskur bas dbang bskur bar gyur na/ de yang rgyal po rgyal rigs spyi bor dbang bskur ba yin no/ /sgo gtan nam zhes sgo gtan ni rnam pa gsum te/ grong khyer gyi sgo gtan dang/
 rgyal po'i pho brang gi sgo gtan dang/ btsun mo'i 'khor gyi sgo gtan no/ /sgo gtan gyi nye 'khor las zhes bya ba ni de'i drung las so/ /'da' na zhes bya ba ni 'gro na'o/ /de 'dra ba'i rkyen ma gtogs te zhes bya ba ni gleng gzhi las btsun mo dpal ldan ma gdul ba'i dbang
 du byas/ tshe dang ldan pa shA ri'i bus bsams pas/ 'di ltar bcom ldan 'das kyis ma gnang mod kyi 'di nyid rkyen du mdzad nas gnang bar 'gyur ba gang yin pa de lta bu'i gnas yod par 'gyur ro snyam nas/ de'i dul ba la bltos pas de nyid du 'dug go zhes bya
 ba de 'dra ba'i rkyen bzhi'o/ /ltung byed do zhes bya ba snga ma bzhin no/ /de la 'dir dngos gzhi'i ltung ba rnam par bzhag pa na/ dge slong rgyal po dang/ btsun mo dang/ gzhon nu dang/ zhang blon dang/ bar chad dang gdul ba'i dbang ma gtogs par btsun mo'i 'khor 'dug
 pa'i gnas sam/ rgyal po'i pho brang gi gnas dang/ bdag nyid 'gro bar 'brel pa'i gnas skabs der skya reng tha ma ma shar cing/ nam ma nangs bar shes bzhin du btsun mo de'i sgo bcad pa la ni phyi rol gyi nye 'khor 'obs la sogs pa'i nang rol gyi ngos las 'das
 pa dang/ sgo ma bcad pa la sgo 'phar nas nang rol du sgo gtan gyi srid kyis nyis 'gyur las 'das nas sbyor ba tha dad pas mtshan mo re re la mtshan mo'i skya reng 'char ba'i mdza' la bsdud mi dgos pa na ma son pa'i mos nyid la/ rgyal po'i pho brang du nub mo 'gro ba'i
 ltung byed kyi dngos gzhir 'gyur ro/ /'di'i byed pa po ni dge slong rgyal po dang/ btsun mo dang/ gzhon nu dang/ zhang blon dang/ bar chad dang/ 'dul ba'i dbang gis 'gro ba ma gtogs pa dang/ btsun mo'i 'khor 'dug pa'i gnas sam/ rgyal po 'pho brang gnas dang/ bdag
 nyid 'gro bar 'brel pa nyid kyis gnas skabs der nam ma nangs pa nyid la 'du shes gtso cher byed pa po nyid yin no/ /'di la yan lag lngas dngos gzhi'i ltung bar 'gyur te/ dge slong rgyal po'i dang/ btsun mo dang/ gzhon nu dang/ zhang blon dang/ bar chad dang
 'dul ba'i dbang gis 'gro ba ma gtogs pa nyid dang/ btsun mor 'khor 'dug pa'i gnas sam/ rgyal po'i pho brang gi gnas gang yang rung bar bdag nyid 'brel bar 'gro ba nyid dang/ de'i gnas skabs na skya reng tha ma ma shar cing nam ma nangs pa nyid dang/ der 'du
 shes pa nyid dang/ de'i sgo bcad pa 'am/ ma bcad pa'i gtan pa'i nye 'khor gyi phyir lta ba 'am nang du lta ba gang yang rung ba las 'das pa nyid do/ /de dag las yan lag ma tshang na ci rigs par na smad do/ /rgyal po'i pho brang du 'gro ba'i ltung byed de brgyad cu gnyis
 pa'o// //bslab pa'i gzhi'i dngos po la khyad du gsod pa'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis zla ba phyed phyed cing so sor thar
 pa'i mdo gdon pa gdon par bya'o zhes bka' stsal nas/ dge slong rnams zla ba phyed phyed cing so sor thar pa'i mdo gdon pa gdon pa'i tshe/ drug sde dag gus par byas te chos mnyan par mi byed/ bla mar byas te mi byed/ rus shing ltar byas te mi byed/ yid la
 byas te mi byed/ sems rtse gcig tu mi byed/ sna blags te mi byed/ sems thams cad kyis bsams te chos nyan par mi byed cing/ dge slong rnams la yang 'di skad ces/ tshe dang ldan pa dag 'di ltar chos 'di yang mdo'i nang du gtogs/ mdo'i nang du 'dus
 par nga? gdod bdag gis shes so zhes zer na/ dge slong rnams kyis de la smras pa/ tshe dang ldan pa dag so sor thar pa'i mdo gdon pa 'don pa'i tshe/ gus pa rang gdod thos sam ci na/ gang gi phyir de skad zer/ de dag gis smras pa/ tshe dang ldan pa dag ci kho bo cag
 la las de tsam 'ba' zhig tu zad dam/ 'dod pa ni rnam par rtogs pa la yang rnam par brtag dgos so/ /gnod sems kyis rnam par rtog pa dang/ rnam par 'tshe ba'i rnam par rtog pa la yang rnam par brtag dgos so zhes zer nas/ dge slong don nyung ngu
 dag ci'i phyir/ /dge slong dag zla ba phyed phyed cing so sor thar pa'i mdo gdon pa 'don pa'i tshe/ gus par byas te chos nyan par mi byed/ bla mar byas te mi byed/ ru shing ltar byas te mi byed/ yid la byas te mi byed/ sems rtse gcig tu mi byed/ sna blags
 te mi byed/ sems thams cad kyis bsams te/ chos nyan par mi byed cing/ dge slong rnams la yang 'di skad ces tshe dang ldan pa dag 'di ltar chos 'di yang mdo'i nang du gtogs so/ /mdo'i nang du 'dus par bdag cag gis da gdod shes so zhes zer zhes smod par
 byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ de nas bcom ldan 'das kyis snga ma bzhin du/ yang dge slong gang zla ba phyed phyed cing so mor thar pa'i mdo gdon pa 'don pa'i tshe/ 'di skad
 ces tshe dang ldan pa dag /'di ltar chos 'di yang mdo'i nang du gtogs mdo'i nang du 'dus par bdag gir gdong shes so zhes zer te/ de la gal te dge slong rnams kyis kyang tshe dang ldan pa 'di/ gso sbyong gi las gnyis sam gsum gyis tshe 'dug par shes shig
 lan mang du lta ci smos na/ tshe dang ldan pa de mi shes pas mi 'gro bas de ltung ba gang byung ba de bzhin du byed du gzhug gi steng du/ khyod zla ba phyed phyed cing so sor thar pa'i mdo gdon pa 'don pa'i tshe/ gus par byas te chos nyan par mi byed/ bla ma ltar byas te mi byed/
 ru shing ltar byas te mi byed/ yid la byas te mi byed/ sems rtse gcig tu mi byed/ sna blags te mi byed/ sems thams cad kyis bsams te chos nyan par mi byed pas/ tshe dang ldan pa khyed kyis ma rnyed de/ rnyed pa ma yin zhing nyes pa rnyed de/ legs par rnyed pa
 ma yin no zhes 'gyod par bya'o/ /tshe dang ldan pa de la 'gyod par bya ba ni de yin te ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni sgyu thabs kyi bsam pa/ nyes pa ni bslab pa'i gzhi'i dngos po la khyad du
 gsod pa'o/ /de la yang dge slong gang zhes bya ba ni drug sde 'am gzhan yang de lta bu gang yin pa'o/ /zla ba phyed phyed cing zhes bya ba ni zla ba phyed phyed cing ngo/ /so so thar pa zhes bya ba la so sor thar pa zhes bya ba ni pham par gyur pa'i chos bzhi dang/ dge 'dun lhag ma'i
 chos bcu gsum dang/ ma nges pa'i chos gnyis dang/ spang ba'i ltung byed kyi chos sum cu dang/ ltung byed kyi chos dgu bcu dang/ so sor bshags par bya ba'i chos bzhi dang bslab pa'i chos mang po dang/ rtsod pa zhi bar bya ba'i chos bdun pa dag go /mdo gdon pa zhes
 bya ba la/ mdo gdon pa zhes bya ba ni yang dag par sbyor ba'o/ /gdon pa'i tshe zhes bya ba rab tu ston pa'i tshe'o/ /'di skad ces bya ba 'di skad ces zer na'o/ /tshe dang ldan pa dag 'di chos 'di yang mdo'i nang du gtogs/ mdo'i nang du 'dus par bdag gis dag dor? shes so
 zhes bya ba ni/ bcom ldan 'das kyis gsungs pa'i chos 'di yang ngo/ /de la gal te dge slong rnams kyis kyang zhes bya ba ni/ de na dge slong gang dag 'khod pa rnams kyis kyang ngo/ /tshe dang ldan pa 'di zhes bya ba ni dge slong gang yin pa 'di'o/ /sngon gso sbyong gi las gnyis
 sam gsum gyi tshe 'dug pa shes shing zhes bya ba ni 'di so sor thar pa'i mdo lan gnyis sam gsum thos par shes shing ngo/ /lan mang du lta ci smos na zhes bya ba ni lan mang du 'dug par shes pa lta ci smos na'o/ /tshe dang ldan pa de mi shes pas mi grol bas
 zhes bya ba ni/ des de ltung ba las mi 'grol bas de ltung ba dang bcas pa nyid yin pa'o/ /de ltung ba gang byung ba zhes bya ba ni ltung byed do/ /de chos bzhin du byed du gzhug ces bya ba ni 'chags su gzhug pa'o/ /steng du khyod zla ba phyed phyed cing so sor thar pa'i mdo gdon
 pa 'don pa'i tshe/ gus par byas te chos nyan par mi byed/ bla mar byas te mi byed/ ru shing ltar byas te mi byed/ yid la byas te mi byed/ sems rtse gcig tu mi byed/ rna blags te mi byed/ sems thams cad kyis bsams te/ chos nyan par mi byed pas tshe dang
 ldan pa khyod kyis ma rnyed de/ rnyed pa ma yin zhing nyes pa rnyed de/ lags pa rnyed pa ma yin no zhes 'gyod par bya'o/ /zhes bya ba ni 'gyod du gzhug par bya'o/ /tshe dang ldan pa de la 'gyod par bya ba ni de yin te zhes bya ba ni de ltar 'gyod par bya ba'o/ /ltung
 byed do zhes bya ba ni snga ma bzhin no/ /de la 'dir dngos gzhi ltung ba rnam par bzhag pa ni/ dge slong dge 'dun zla ba phyed phyed cing gso sbyong la so sor thar pa'i mdo gdon pa'i tshe/ sngar yang de lan gnyis su myong zhing/ yid rmongs par ma yin pas gzhad gang tsam
 gyis kyang so sor thar pa'i mdo gdon pa 'di la/ bslab pa'i gzhi'i chos 'di yod par bdag gis bzod shes so zhes/ dngos su smra 'am brgyud pa de skad zer na mdo sde dang ldan pa ma gtogs te/ de la bslab pa'i gzhi'i dngos po la khyad du gsod pa'i ltung byed kyis
 dngos gzhir 'gyur ro/ /'di'i byed pa po ni/ dge slong sngar yang gso sbyong lan gnyis nyams su myong zhing/ yid rmongs pa ma yin pa yin pa dang/ mdo sde dang ldan pa'i ma gtogs pa'i bslab pa'i gzhi'i dngos po nyid do/ /'di la yan lag lngas dngos gzhi'i ltung
 bar 'gyur te/ dge slong slar gso sbyong lan gnyis nyams su myong ba nyid dang/ yid rmongs pa ma yin pa nyid dang/ gso sbyong 'don pa'i dus nyid dang/ 'dul bar gtogs pa'i bslab pa'i gzhi'i dngos po nyid dang/ dngos su 'am brgyud pas khyad du gsod pa nyid do/
 de dag las yan lag ma tshang na ci rigs par na smad do/ /bslab pa'i gzhi'i dngos po la khyad du gsod pa'i ltung byed de brgyad cu gsum pa'o// //khab ral 'chos pa'i ltung byed kyi gleng gzhi ni/ sangs rgyas bcom ldan 'das mnyan yod na rgyal byed
 kyi tshal/ mgon med zas sbyin gyi kun dga' ra ba na bzhugs so/ /mnyan yod na/ gcer bu pa'i nyan thos chos zhes bya ba/ ba so mkhan zhig 'dug pa de/ gcer bu pa dag la shin tu mngon lam ngan do/ /de dus gzhan zhig na dge slong bsod snyoms
 pa zhig gis chos bstan pa btul nas/ des kyang de las skyabs su 'gro ba dang/ bslab pa'i gzhi dag blangs so/ /yang bsod snyoms pa des/ de la rdzas las byung ba'i bsod nams bya ba'i gzhi bdun gyi bsngags pa rgya cher brjod pa dang/ de mngon par dad
 par gyur nas smras pa/ 'phags pa bdag gis kyang rdzas las byung ba'i bsod nams bya ba'i gzhi cung zhig yang dag par blangs te 'jug par bgyi yis/ bdag gis dge slong gi dge 'dun la rang gi bzos bsnyen bkur bgyi'o/ /bsod snyoms pa
 de gtsug lag khang du song ste/ dge slong rnams la smras pa/ tshe dang ldan pa dag bdag gis gcer bu pa'i nyan thos chos zhes bya ba/ ba so mkhan de skyabs su 'gro ba dang/ bslab pa'i gzhi dag la bzhag nas de dge slong gi dge 'dun la rang gi bzos
 bsnyen bkur byed kyis/ su ci 'dod pa'i byed du chug cig /ji tsam na dge slong zhig la khab ral med nas/ de'i gan du song nas smras pa/ bzhin bzangs kho bo la khab ral med kyis/ de gyis shig /'phags pa ji lta bu zhig bgyi/ gang
 bzang pa'o/ /'phags pa ba so las bgyis pa bzang po/ /bzhin bzangs/ ba so las byas pa gyis shig /des de'i khab ral byas te byin no/ /dge slong des dge slong rnams la bstan pa dang/ dge slong gzhan gyis kyang de lta bu byed du mi
 bcug cing/ gzhan gyis kyang byed du bcug pas de'i ba so zad par gyur to/ /dge slong gzhan zhig gis kyang 'ongs te smras pa/ bzhin bzangs/ kho bo'i khab ral gyis shig /'phags pa ji lta bu zhig bgyi/ gang bzang ba'o/ /'phags
 pa ba so las bgyis pa bzang na/ des ba so ni bas so/ /gal te bzhed na dus pa las bgyis pa bgyi'o/ /bzhin bzangs ma nyes kyis gyis shig /des de'i khab ral dus pa las byas te/ byin no/ /dge slong des dge slong rnams
 la bstan pa dang/ dge slong gzhan gyis kyang de lta bu byed du bcug cing/ gzhan gyis kyang byed du bcug ste/ gzhan gyis kyang byed du bcug pas/ des? de'i rus pa yang zad par gyur to/ /dge slong gzhan zhig gis kyang 'ongs te
 smras pa/ bzhin bzangs/ kha bo'i khab ral gyis shig /'phags pa ji lta bu zhag bgyi/ gang bzang ba'o/ /'phags pa ba so las bgyis pa bzang na/ de ni bas so/ /bzhin bzangs gal te de lta na rus bal las bgyis pa gyis shig
 'phags pa rus pa yang bas so/ /gal te bzhad na rwa las bgyis pa bgyi'o/ /bzhin bzangs ma nyes kyis gyis shig /ngas de'i khab ral rwa las byas te byin no/ /dge slong des dge slong rnams la bstan pa dang/ dge slong gzhan
 gyis kyang de lta bu byed du bcug cing/ gzhan gyis kyang da lta bu byed du bcug /gzhan gyis kyang de lta bu byad du bcug pas/ da'i rwa yang zad par gyur to/ /de rang gi zan dang rang gi yo byad dag gis dge slong rnams kyi las byed pa na dbul bar gyur
 to/ /bcer bu pa dag chos 'di gang gis kho bo cag la mngon par dad par 'gyur ba de'i che na/ 'di thams cad phun sum tshogs par gyur na/ 'di de ltar shAkya'i bu'i dge slong rnams la mngon par dad pas zan yang slong bar byed do zhes 'phya
 ba la zhugs pa'i skabs de/ dge slong rnams kyis bcom ldan 'das la gsol to/ de nas bcom ldan 'das kyis snga ma bzhin du/ yang dge slong gang/ ba so 'am/ rus ba 'am/ rwa'i khab ral byed du 'dug na bcag nas ltung byed do zhes
 bca' ba mdzad do yul ni mnyan yod/ gang zag ni chos 'di pa'i dge slong rab tu mang po/ /nyon mongs pa ni 'dod zhe na/ nyes pa ni khab ral 'chos pa'o/ /de la yang dge slong gang zhes bya ba ni chos 'di pa'o/ /ba so 'am zhes bya ba na ba so
 nyid do/ /rus pa 'am zhes bya ba ni rus pa nyid do/ /rwa'i zhes bya ba ni rwa nyid kyi'o/ /khab ral zhes bya ba ni khab ral gnyis te/ spu gu can dang chad ba lta bu'o/ /don 'dir ni gnyi ga yin par dgongs so/ /byed du 'jug na zhes bya ba ni rang gis sam gzhan
 ni/ /bcag nas ltung byed do zhes bya ba ni dngos po de bcag nas ltung byed kyi ltung ba bshags par bya ba'o/ /ltung byed do zhes bya ba ni snga ma yin no/ /de la 'dir dngos gzhi'i ltung ba rnam par bzhag pa ni/ dge slong gi rin po che ma gtogs pa ba so 'am
 rus pa 'am/ rwa 'am/ lcags la sogs pa'i khab ral byed dam/ byed du bcug na khab ral 'chos pa'i ltung byed kyi dngos gzhir 'gyur ro/ /'di'i byed pa po ni/ 'dod zhen gyi bsam pa dang/ rin po che ma gtogs pa'i khab ral nyid do/ /'di la
 yan lag lngas dngos gzhi'i ltung bar 'gyur te/ 'dod zhan gyi bsam pa nyid dang/ rin po che dang/ gnang ba nyid ma gtogs pa dang/ ba so 'am rus pa 'am/ rwa'am lcags las sogs pa'i khab ral nyid dang/ byas zin pa rnyed pa dang/
 byas zin pa la spyod pa ma gtogs pa nyid dang/ rang gis byed dam gzhan byed du bcug pa nyid do/ /de dag las yan lag ma tshang na ci rigs par na smad do// khab ral 'chos pa'i ltung byed de brgyad cu bzhi pa'o/ //khri
 rkang 'chos pa'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal byed tshal mgon med zas sbyin gyi kun dga' ra ba na bzhugs so/ /de'i tshe na dge slong zhig ljongs rgyu zhing 'gro ba ni/ mnyan yod du byin
 nas/ lam gyis dub pa'i ngal bsos te/ sgo khang du khri dma' ba zhig rnyed pa'i mdun du rkang pa gnyis bgrus nas dkyil ma krung bcas te 'dug pa gnyis kyis yur ba'i tsho/ lus mchog cing khri'i sgra tseg? tseg zer ba na/ 'og nas sprul dug
 myur du khyab par byed pa zhig byung bas dbral bar bzung ste dus la bab nas so/ sum cu rtsa gsum pa'i lha'i drang srong rnams kyi nang du skyes te/ bcom ldan 'das kyi spyan sngar 'ongs nas rgyun tu zhugs pa'i 'bras bu thob pa'i
 bzhi las/ bcom ldan 'das kyis dgongs pa/ nyes dmigs gang cung zad cig byung ba de thams cad dge slong dag khri dma' ba la mal 'cha' zhing de'i mdun du rkang pa gnyis 'khru ba las gyur pa yin no snyam du dgongs nas bka' stsal  
 pa/ de lta bas na dge slong gis khri dma' ba la mal bca' bar mi bya zhing/ khri'i mdun du rkang pa gnyis bkru bar mi bya'o zhes bka' stsal nas/ dge slong mchil lham mi bdog pa la gnod par gyur nas/ bcom ldan 'das kyis bka' 
 stsal pa/ gang dag mchil lham mi bdog pa de dag gis mgo logs dang/ rkang pa logs su rkang pa gnyis bkru bar bya ste/ 'di la 'gyod par mi bya'o/ /drug sde dag gis dge slong khri dma' ba la nyal ba sprul dug myur du khyab par byad
 pas zin te dus la bab nas bcom ldan 'das kyis/ dge slong gis khri dma' ba la mal bca' bar mi bya'o/ /zhes bkag pa thos nas/ de dag gis khri rkang pa khru bcu gnyis pa bcas te/ ya gang mthon po btsugs pa dang/ dge slong
 rnams kyis de dag la smras pa/ tshe dang ldan pa dag ci khyed bya ra byed dam/ de dag gis smras pa/ su zhig bya re byed/ khyed kyis dge slong khri dma' ba la nyal ba sprul dug myur du khyab par byed pas zin te/ dus la bab pa ma mthong ngam
 ci/ drug sde dag kyang sprul dug myur du khyab par byed pas bzung ste/ dus la bab cing kho bo cag shi ba'i yo byad dag 'gyed par 'dod dam zhes zer nas/ dge slong don nyung ngu dag ci'i phyir dge slong dag dge slong rnams kyis bzlog pa na/
 de dang de skad zer zhes smod par byed/ phyar ka gting bar byed kha zer bar byed pa'i skabs te/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dge slong gi dge 'dun gyi khri 'am khri'u
 byed du 'jug na/ rtsa ba bu gar gzhug pa ma gtogs par bde bar gshegs pa'i sor brgyad kyi tshad du byed du gzhug par bya'o/ /de las lhag par byed du 'jug na bcad nas ltung byed do zhes bca' ba mdzad de/ yul ni mnyan
 yod/ gang zag ni drug ste/ nyon mongs pa ni lhag 'tshol ba/ nyes pa ni khri rkang mthon po byed pa'o/ /de la dge slong gis zhes bya ba ni chos 'di pas so/ /dge 'dun gyi zhes bya ba ni de bzhin gshegs pa'i nyan thos kyi dge 'dun
 gyi'o/ /khri 'am zhes bya ba ni khri nyid do/ /khri'u zhes bya ba yang khri'u nyid do/ /byed du 'jug na zhes bya ba ni bdag nyid kyis sam gzhan no/ /rtsa ba bu gar gzhug pa ma gtogs par zhes bya ba ni/ gleng gzhi las/ tshe dang ldan pa
 'char ka'i lus ched las shin tu 'das pa yin pas de'i bus mos gnyis kos ko la reg nas/ bcom ldan 'das kyis bka' stsal pa/ de lta bas na rtsa ba bu gar gzhug pa ma gtogs so zhes gsungs pa de lta bu bzhag ste'o/ /bde
 bar gshegs pa'i sor brgyad kyi tshad du gzhug par bya'o zhes bya ba la/ bde bar gshegs pa zhes bya ba ni ston pa'o/ /de'i sor brgyad gang dag yin pa de dag la ni tshad dang ldan pa'i khru gang ngo/ /de las
 lhag par byed du 'jug na zhes bya ba ni de las gong ma'o/ /bcad nas ltung byed do zhes bya ba ni dngos po de bcad nas ltung byed kyi ltung ba bshags par bya ba'o/ /ltung byed do zhes bya ba ni snga ma bzhin no/ /de la 'dir dngos
 gzhi'i ltung ba rnam par bzhag pa ni/ dge slong gi dge 'dun gyi khri 'am khri'u rkang pa bzhi pa la sogs pa gang yang rung ba'i rkang pa bu gar gzhug pa'i phyogs ma gtogs par tshad dang ldan par khru gang las
 lhag par byed dam byed du 'jug na/ khri rkang 'chos pa'i ltung byed kyi dngos gzhir 'gyur ro/ /'di'i byed pa po ni/ dge 'dun gyi khri 'am/ khri'u rkang pa'i tshad nyid dang/ lhag tshol ba'i bsam pa nyid do/ /'di
 la yan lag bzhis dngos gzhi'i ltung bar 'gyur te/ dge 'dun gyi nyid dang/ khri 'am khri'u rung ba dag gis rkang pa nyid dang/ de dag gi tshad bu gar gzhug pa'i phyogs ma gtogs par khru gang las lhag pa
 nyid dang/ rang gi byed dam gzhan byed du 'jug pa nyid do/ /de dag las yan lag ma tshang na ci rigs par na smad do// //khri rkang 'chos pa'i ltung byed de brgyad cu lnga
 pa'o/ //shing bal gyi gos par byas pa'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas
 sbyin gyi kun dga' ra ba na bzhugs so/ /nye dga' gsar bu yin pas de'i khri thob po cog rgan pas phrogs shing/ gnas mal sko ba'i dus la yang bab nas/ des
 bsams pa/ gang gis bdag gis khri mi 'phrogs pa de lta bu'i thabs yod snyam pa dang/ de bya ba 'ga' zhig gi phyi/ shing bal dag kyang blangs nas/ de la blo skyes
 pa shing bal bdal te bzhag go snyam nas/ des khri'u'i stong du shing bal bdal te bzhag go /ji tsam na dge slong ches rgan pa zhig 'ongs nas/ des smras pa/ tshe dang ldan pa 'di
 su'i ?nye dags smras pa/ kho bo'i shing bal/ /de na dge slong zhig 'dug pa des smras pa/ nye dga' ji skad zer ba bzhin te/ shing bal ni nye dga' i yin no/ /'di ltar khri
 ni dge 'dun gyi yin no/ /des smras pa dang/ nye dga' khros nas shing bal khyer te/ khri de'i steng du shing bal cung zad bdal te bzhag go /dge slong des so sor ma brtags pa nyid du/ der nyal
 nas mtshan mo nam langs te/ langs pa dang/ gos thams cad shing bal gyis skya bor gyur nas/ dge slong rnams kyis de la smras pa/ ci khyed g.yul gyi gzhir nyal lam/ des ji
 ltar gyur pa brjod pa dang/ dge slong don nyung gu dag /ci'i phyir dge slong dag dge 'dun gyi khri 'am/ khri'ur shing bal bdal te 'jog par byed ces smod par byed/ phyar ka gtong
 bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis snga ma bzhin du/ yang dag slong gang dge 'dun gyi khri'u
 'am/ khri'u la shing bal bdal lam/ bdal du 'jug na bsdus nas ltung byed do zhes bca' ba mdzad de/ yul ni mnyan yod/ gang zag ni nye dga' / nyon mongs pa ni zhes dku ba/ nyes pa ni dge 'dun gyi shing
 bal la gnas mal la shing bal bdal ba'o/ /de la dge slong gang zhes bya ba ni/ shAkya'i bu nye dga' 'am/ gzhan yang de lta bu gang yin pa'o/ /dge
 'dun gyis zhes bya ba ni/ de bzhin gshegs pa'i nyan thos kyi dge 'dun no/ /khri 'am zhes bya ba ni khri nyid do/ /khri'u la zhes bya ba yang khri'u nyid la'o/ /shing
 bal zhes bya ba ni lnga po sha ma li'i dang/ arga'i dang/ ka shi'i dang/ spra ba'i dang/ e ra ka'i shing bal dag las gang yang rung ba'o/ /bdal lam
 zhes bya ba ni bdag nyid kyis so/ /bdal du 'jug na zhes bya ba ni gzhan no/ /bsdus nas ltung byed do zhes bya ba ni dngos po de bsdus nas ltung byed kyi ltung ba
 bshags par bya'o/ /ltung byed do zhes bya ba ni snga ma bzhin no/ /sarba mang+ga laM/