<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4383: chos mngon pa'i mdzod kyi 'grel bshad mtshan nyid kyi rjes su 'brang ba zhes bya ba<br><table><tr><td>
<input type="button" onclick="location.href='tcompletep.php?id=N4383&coll=TN&volcur=1';" value="show page break" />
<td width=150><td>
<input type="button" onclick="location.href='tcompletel.php?id=N4383&coll=TN&volcur=1';" value="show line break" />

<td width=150><td>
<a href="tcompleteu.php?coll=TN&id=N4383&volcur=1" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">text in 2 volumes<br><br><a href="tcomplete.php?id=N4383&coll=TN&volcur=0">volume 1 </a>- <span style="color:red;border: 2px solid red;border-radius: 5px;padding:3px;">volume 2</span> - <br><br>'jig rten gyi mgon po thugs rje'i bdud rtsi'i rgyun gyis gson pa'i 'jig rten ma lus pa tshim par mdzad
 pa'i gsung rab kyi zla ba/ srid pa'i dkyil 'khor mdza' dag snang bar mdzad pa la/ rang gi rtog pas sbyar ba'i skyon gyi
 rdul dag stor bar byed pa'i skye bo sdig pa can slu bar byed pa rnams ni gang nang dang phyi rol gyi dngos po sna tshogs pa 'di ni shing
 tog dang/ rdo dang cher ma'i rnon po la sogs pa ltar rgyu med pa nyid dam/ mthong ba'i rgyu can nam/ ma mthong
 ba'i rgyu can yin na yang blo sngon du btang ba yin no snyam ste/ de'i phyir yang sems can dang snod kyi 'jig
 rten zhes bya ba rgyas par dris so/ /rgyu sna tshogs pa'i phyir shing tog dang rdo ba la sogs pa rnams ni sna tshogs pa yin no/ /rgyu med pa ni
 ma yin te/ shing gcig las skyes pa'i shing tog rnams la yang rgyu dang rkyen sna tshogs pa yod pa nyid de/ me tog la sogs pa
 tha dad pa'i phyir ro/ /shing tog dang rdo la sogs pa'i sna tshogs rgyu med pa nyid yin na ni/ khyad par gyi rgyu med pas thams cad
 rgyu med pa nyid du 'gyur na/ rung ba yang ma yin no/ /ci'i phyir zhe na/ dbang po dang/ don dang/ sa bon dang/ 'o ma dang/ me dang/ du ba dang/ brdabs pa la
 sogs pa yod pa dang/ med pa na blo dang myu gu dang zho dang/ tshos byed las skye ba dang/ sgra la sogs pa yod pa dang/ med pa tha dad pa'i phyir ro/ /de'i rgyu khu chu
 dang/ khrag la sogs pa mthong ba kho na yang ma yin te/ khu chu dang/ khrag la sogs pa khyad par med bzhin du/ pha dang ma'i nang gi dang po'i bya ba mtshungs pa'i
 spun rnams la lus dang/ dbang po dang/ nad med pa dang/ stobs dang/ yid gzhungs pa dang/ blo dang/ bzod pa dang/ brtson 'grus dang/ brtan pa dang/ gtong ba
 dang/ lhag par med pa dang/ 'dod chags dang/ zhe sdang dang/ nga rgyal dang/ nor 'byor pa dang/ rgud pa'i bye brag mthong ba'i phyir ro/ /bya ba bdag la
 mnyam por 'jug pa na kha cig gis bya ba'i 'bras bu thob la/ kha cig ni ngal ba 'ba' zhig tu 'gyur na/ de ni ma mthong ba'i rgyu med par mi rung ngo/ /
 'ga' zhig gis blo sngon du btang ste/ byas pa yang ma yin te/ de ni dbang phyug sogs min rim sogs phyir zhes bya ba des bkag pa'i phyir ro/ /de la sems can gyi
 'jig rten sna tshogs ni khams dang 'gro ba dang/ skye gnas dang tshad dang tshe la sogs pa'i bye brag gis bshad do/ /snod kyi 'jig rten gyi sna tshogs pa ni gzhal med
 khang dang/ gling dang ri dang rlung gi dkyil 'khor la sogs pa'i bye brag gis bshad do/ /sus kyang blo sngon du btang ste byas pa ni med do zhes bya ba ni sprul pa po las sdrul
 pa ltar ro/ /gal te rgyu med pa 'am mthong ba'i rgyu can nam/ blo sngon du btang ste ma yin na/ des sus byas she na/ de'i phyir 'o na ci lta bu zhe na/ sems can rnams kyi las
 las 'jig rten sna tshogs skyes zhes bya ba smos te/ gang ci rigs par 'bras bu bzhi'i sgo nas las kyi 'bras bu ma yin pa'i dngos po gzhan skye ba de ni 'ga' yang yod pa ma yin no/ /'di ga
 las zhe na/ las rnams kyi nus pa mthong ba'i phyir ro/ /'bras bu yid du 'ong ba dang yid du mi 'ong ba bskyed pa la las rnams kyi nus pa mngon sum nyid du snang ste/ dper na zhing pa'i 'bad pa las
 zhing rmo ba la sogs pa'i 'bras bu 'byung ba dang/ gzhan gyi chung ma la 'gro ba las 'bras bu mi 'dod pa gsod pa la sogs pa 'byung ba mthong ngo/ /kha cig ni 'bad pa med par mngal na 'thon pa
 bkrus pa man chad du bde bar mthong la/ kha cig ni sdug par mthong ngo/ /'dir 'bras bu yid du 'ong ba dang/ yid du mi 'ong ba thob pa ni las sngon du 'gro ba can yin pas bde ba dang sdug bsngal thob pa
 de yang sngon du 'gro bar 'gyur ro/ /gal te las las skyes na zhes bya ba la sogs pa ni nang gi lus kyi 'bras bu can gyi las ni stobs dang ldan pa'i phyir ro snyam du bsams pa'o/ /gang dag las rma
 lta bur gyur pa'i lus dag dang/ de'i gnyen por gyur pa'i longs spyod dga' dga' lta bu dag 'byung ba las de dag ni de lta bu'i rang bzhin can dag yin no/ /yang las de dag gang gi yin zhe na/ de'i phyir
 sems can 'dren mar byed pa rnams kyis zhes bya ba smos te/ dge ba dang mi dge ba byed pa rnams kyi zhes bya ba'i tha tshig go/ de ltar na rma lta bur gyur pa'i lus kyis yul dga' dga' lta bur nye bar longs
 spyod pa'i phyir las gnyi ga 'bras bu dang bcas par 'gyur gyi gzhan du ni ma yin te/ 'di ltar lus dga' dga' lta bu dag gis yul dga' dga' lta bu ma yin pa longs spyod pa ni mi nus so/ /de'i phyir las de lta bu dag kho nas
 zhes bya ba 'di rigs te/ thun mong dang thun mong ma yin pa'i las kyi 'bras bu yin pa'i phyir ro/ /sems can thams cad kyi dge ba'i las kyi dbang gis ni pad+ma dang/ sutpa? la la sogs pa skye la/ mi dge ba'i las kyi dbang gis
 ni dug dang tsher ma la sogs pa skye'o/ /so sor nges pa'i sems can gyi las kyi 'bras bu dag ni sems can gyis lus rnams yin la/ de dag kyang sems pa 'dren pas skyed par byed do/ /de ni de ltar yin te/ gang gi phyir lha
 'dren mar byed pa ma yin pa rnams kyi lus dang longs spyod dga' dga' lta bu dag skye'o/ /de ni sems pa dang des byas zhes bya ba ni las thams cad mdor bsdus te bstan pa'o/ /de nyid la lung ston pa ni sems pa dang bsam
 pa'i las so zhes bya ba ste/ 'di ni 'di lta bu dang 'di lta bu zhig tu byed par 'gyur ro/ /'di lta bu dang 'di lta bur bya'o snyam du'o/ /mdo las bsams par bshad pa gang yin pa de ni 'dir bstan bcos las sems par byas pa zhes
 bshad de/ sems pas kun nas bslang bar zhes bya ba'i don to/ /gsum zhes bya ba ni sems pas byas pa'i las la rnam pa gnyis su phye ba'i phyir ro/ /thams cad lus la brten pa'i phyir zhes bya ba ni lus la rag las te 'jug pa'i phyir te/ de ltar na lus la
 brten pa'i las ni lus kyi las yin pas ngag dang yid kyi las kyang lus kyi lam nyid du thal bar 'gyur ro/ /ngag gi las gcig pur 'gyur ba ni ngag gi rang bzhin gyi lam ni ngag gi las so zhes rnam par bzhag pa'i phyir ro/ /lus dang yid kyi las gnyis
 ni da ltar lus dang yid kyi rang bzhin ma yin pas de gnyis las nyid du mi 'gyur ro/ /gal te kun nas slong ba las yin na ni zhes bya ba la/ yid kyi las bzhin du lus dang ngag gi las gnyis kyang yid kyi rab tu bcug pa'i phyir yid kyi yin pa nyid pas
 yid kyi las gcig pur 'gyur ro/ /rgyu gsum gyi go rim bzhin du zhes bya ba la/ lus kyi las ni rten las yin te/ de ni yid kyi kun nas bslangs pa nyid yin yang lus la brten pa'i phyir ro/ /ngag gi las ni ngo bo nyid las yin te/ de ni ngag gi rang bzhin
 yin pa'i phyir ro/ /yid kyi las ni kun nas slong ba las yin te/ de ni yid kyis kun nas bslang ba'i phyir dang/ de las brten pa'i phyir ro/ /de ltar na gsum char la yang phan chun khyad par bstan par 'gyur ro/ /sems pa yid kyi las yin no zhes
 yid kyi las kyi ngo bo bshad kyi/ lus dang ngag gi las dag gi ni ma yin pas/ /de'i phyir de dag rnam rig rnam rig min zhes bya ba smos so/ /de skad du mdo las lus kyi las gang zhe na/ lus kyi rnam par rig byed dang/ rnam par rig byed ma yin pa'o/ /ngag
 gi las gang zhe na/ ngag gi rnam par rig byed dang/ rnam par rig byed ma yin pa'o zhes gsungs so/ /ni'i sgra ni de dag kho na rnam par rig byed dang rnam par rig byed ma yin pa dag yin gyi/ yid kyi las ni ma yin no zhes nges par gzung ba'i don du'o/ /
 yang ci'i phyir yid kyi las kyang rnam par rig byed dang/ rnar rig byed ma yin pa'i bdag nyid du mi 'dod ce na/ de'i mtshan nyid can ma yin pa'i phyir ro/ /rang kun nas slong bar byed pa'i sems rig par byed pas na rnam par rig byed ces bya na/
 sems pa la ni mtshan nyid de yod pa ma yin pas sems pa rnam par rig byed ma yin no/ /rnam par rig byed ma yin pa de ni skyed par byed pa'i 'byung ba log na 'byung ba gzhan la rten nas 'jug na/ dge ba'i sems ni de ltar kun nas slong par byed pa'i
 sems log na nyon mongs pa can dang lung du ma bstan pa'i sems la brten nas 'jug par mi bzod do/ /de'i phyir sems pa ni rnam par rig byed ma yin par yang mi rigs so/ /rnam par smin pa'i rlung gi dbang gis lus kyi dbyibs de dang de ltar
 'gyur bas/ sems kyi dbang gi zhes bya ba rgyas par smos so/ /lus kyi rnam par rig byed dbyibs kho na yin gyi/ lus kyi rnam par rig byed kho na ni dbyibs ma yin te/ de nyid kyi phyir sems kyi dbang gi zhes bya ba bshad do/ /yang ci'i phyir kha dog dang
 'byung ba dag rnam par rig byed ma yin zhe na/ de dag gi gcig tu lung du ma bstan pa yin pa'i phyir ro/ /gzhan dag na re 'gro ba yin zhes bya ba ni lus kyi rnam par rig byed do/ /lus kyi las ni lus kyi bya ba yin la/ de ni lus g.ye ba yin/ 'gul pa'i
 lus kho na la rigs kyi mi g.yo ba la ni ma yin pas lus kyi rnam par rig byed 'gro ba kho na yin gyi dbyibs ni ma yin no zhe na/ 'gro min gang phyir 'dus byas ni zhes bya ba 'byung ngo/ /skad cig ma'i sgra don du ma'i brjed par byed pa yin pa'i phyir dri ba ni/
 skad cig ba zhes bya ba ni 'di ci zhes bya ba ste/ 'di ltar skad cig gi sgra ni stong pa la yang 'jug pa ni snod skad cig pa zhes bya ba ste/ stong ngo zhes bya bar rtogs so/ /bya ba med pa la ni lhas byin skad cig ma zhes bya ba ste/ bya ba dang bral zhes bya bar rtogs so
 dus kyi mdza' la ni skad cig cam byas zhes bya'o/ /bdag nyid du red ma thag tu 'jig pa zhes bya ba la/ /'di la bar med pas na red ma thag go/ red ma thag pa yang yin la 'jig pa yang yin pas na red ma thag tu 'jig pa ste/ de dbyug pa can gyi tshul du 'di la yod pas na
 red ma thag tu 'jig pa'o/ /skyes pa'i 'og tu mi gnas zhes bya ba'i don to/ /dus gzhan du gnas par smra ba'i ltar na bdag nyid du red pa'i 'og rol tu 'jig pa yod pas khyad par du bya ba'i phyir red ma thag tu zhes bya ba smos so/ /skad cig ma'i sgras brjod par bya ba
 de lta bu'i rigs can bdag nyid du red pa de 'di la yod pas na 'dus byas na/ skad cig ma'o/ /gzhan nyid ma yin na brjod pa med do zhe na/ mthong pa'i phyir ma yin te/ dper na mchi gu'i lus bzhin no/ /gal te zhes bya ba rgyas par 'byung ngo/ /'dus byas thams
 cad ni skad cig nar khas mi len gyi/ 'on ci zhe na/ sems dang sems las byung ba rnams dang/ gzugs 'ga' zhig dang ldan pa ma yin pa kha cig dang skad cig ma yin gyi/ gzugs 'ga' zhig dang ldan pa ma yin pa kha cig dag ni skad cig ma ma yin la/
 lus kyang skad cig ma ma yin pas de bdag nyid du red pa'i 'og tu med pa ma yin te/ de'i phyir/ lus ni yul gzhan du 'pho bar mi 'ga' lo snyam du bsams pa'o/ /'dus byas ni gdon mi za bar 'jig phyir ro zhes bya ba ni/ skye ba dang ldan pa ni 'jig pa
 la mi 'khrul pa'i phyir ro snyam du dgongs so/ /gal te yang 'dus byas gdon mi za bar 'jig mod kyi/ skyes ma thag tu ni ma yin no zhes smra'o/ /'jig pa 'dod na ni gdon mi za bar skyes ma thag khas blang bar bya'o/ /ci'i phyir zhe na/ gang gi phyir dngos po
 'jig pa ni rgyu med pa yin no/ /rgyu dang bcas pa nyid yin na ni rgyu la rag las pa'i phyir skyes ma thag tu mi 'gyur bzhig na/ de ni rgyu med pa yang yin no/ /gal te skyes ma thag tu mi 'dod na ni phyis kyang mi 'gyur bas 'dus byas 'jig pa med par 'gyur na
 de ni de ltar yang ma yin te/ de'i phyir 'dus byas ni skyes ma thag tu 'jig pa nyid do zhes khas blang bar bya'o/ /'jig pa rgyu med pa nyid la rgyu 'dri ba ni ci'i phyir zhes bya ba yin la/ bya ba ma yin pa nyid ni rgyu med pa nyid kyis gtan tshigs su smos so/ /
 bya ba ma yin pa nyid ni brjod du med pa nyid kyi phyir yin la brjod du med pa nyid ni dngos po med pa yin te/ rang gi ngo bo log pa tsam yin pa'i phyir ro/ /dngos po skyes pa tsam yin na zhes bya ba rgyas par 'byung ngo/ /de nyid gzhan du 'gyur bar ni rig pa ma
 yin te zhes bya ba ni/ rang bzhin las mi nyams pa'i phyir te/ de nyid kyi phyir de nyid de dang mtshan nyid mi mthun par ni mi rung ngo/ /zhes bya ba smos te/ mtshan nyid mi mthun pa nyid ni gzhan nyid med na mi 'byung ba yin pa'i phyir ro/ /shing la sogs pa dag
 la me dang 'brel pa las zhes bya ba la sogs pa zhes bya ba'i sgras ni gzugs la sogs pa rnams bsdu'o/ /'jig pa mig la sogs pa'i yul ma yin pa'i phyir 'dri ba ni re zhig khyod shing la sogs pa dag ces bya ba rgyas par 'byung ba'o/ /
 de yod na de dag mi snang ba'i phyir ro zhes bya ba la/ gal te me dang 'brel ba las shing la sogs pa dag 'jigs pa ma yin na ni snga ma bzhin du mthong bar 'gyur ba na/ mthong ba yang ma yin te/ de'i phyir de dag me dang 'brel pa las 'jig go
 zhes bya bar des so/ /re zhig 'di dpyad par bya ste/ zhes bya ba rgyas par 'byung ste/ dpyad par bya ba yin pa'i phyir 'di ni mthong ba ma yin no snyam du dgongs so/ /gzhan dag ma skyes pas zhes bya ba ni me dang 'brel ba ni de dag skye ba ni 'gal ba'i
 phyir ro/ /dper na rlung dang phrad pa las zhes bya ba rgyas par 'byung ste/ 'di ni pha rol po la yang grub pa yin no/ /sgra dang mar me skad cig ma yin pas rang nyid zhig cing rlung dang lag pa dang 'phrad pas gegs byas pa dag yang ma skyes pas ma mthong
 ba yin gyi/ rlung dang lag pa dang phrad bas sgra dang mar me dang/ zhig pas ma mthong ba ni ma yin no/ /de ltar na re zhig mthong ba 'jug pa yang de dag gnas ba'i phyir ma yin te/ 'o na ci zhe na/ sngar skyes pa zhig na gzhan dag skyes pa'i phyir ro/ /shing la sogs
 pa dag gi mthong ba dang ma mthong pa yang de dang 'dra bar khong du chud par bya'o/ /de lta bas na 'jig pa rgyu dang bcas pa 'am rgyu med pa zhes bya ba'i don 'di ni rjes su dpag pas sgrub par bya ba ni ma yin no/ /bshad zin to zhes bya ba la/ ci bshad ce na/ rgyu med pa
 ma yin te/ bya ba ma yin pa'i phyir gtan med pa bzhin no zhes bya ba'o/ /skye ba bzhin du zhes bya ba la/ skye ba ni bdag nyid du red pa yin la de ni 'du byed skad cig ma 'am/ skad cig ma ma yin pa dag la rgyu dang bcas pa nyid du 'dod pa de bzhin du thams cad kyi
 'jig pa yang rgyu dang bcas pa nyid du 'gyur na/ 'dod pa yang ma yin te/ 'jig pa'i rgyu'i dus ma nges pa'i phyir blo dang sgra dang me lce skad cig ma rnams kyi 'jig pa'i dus ma nges par thal bar 'gyur ba'i phyir ro/ /de'i phyir blo la sogs pa dag ltar/ thams
 cad rgyu med pa nyid du khas blang bar bya'o/ /blo gnyis phrad pa med pa'i phyir ro/ /zhes bya ba la blo snga ma'i dus na blo phyi ma yod pa ni ma yin pas ji ltar yod pa ma yin pa sngar gyi blo'i 'jig pa'i rgyur 'gyur/ blo phyi ma'i dus na yang blo snga ma zhig pas ji ltar zhig
 zin pa'i 'jig pa'i rgyur 'gyur/ ci ste yang blo phyi ma'i dus na blo snga ma gnas so snyam na de'i phyir the tshom dang nges pa'i shes pa dag ces bya ba smos te/ sgra la yang de bzhin du brjod par bya'o/ /gang gi tshe blo dang sgra gsal ba dag gis mjug thogs su zhes
 bya ba la sogs pa 'byung ngo/ /tha ma dag tu ji ltar yin te/ blo dang sgra gzhan med pa'i phyir ro/ /gang yang gnas pa rgyu med pa zhes bya ba rgyas par 'byung ste/ slob dpon dpal len ni skyes pa rnams la gnas pa'i rgyu med pas de'i phyir de nyid 'jig pa'i rgyu
 yin no snyam du sems so/ /de'i lan du med pa ni rgyu yin par 'os pa ma yin te zhes bya ba ste/ dngos po med pa'i phyir ro/ /de'i phyir 'di ni 'jig pa'i rgyu ma yin no/ /chos dang chos ma yin pa'i dbang gis zhes bya ba 'byung ste/ de la chos ni phan 'dogs
 pa la bltos te/ mar me'i me lce dag skye ba'i rgyu yin la chos ma yin pa ni gnod pa byed pa la bltos te 'jig pa'i rgyu yin no/ /skye ba dang 'jig pa'i rgyu chos dang chos ma yin pa dag kyang skad cig skad cig la 'jug pa thob pa dang gegs byed bar 'os
 pa ma yin no/ /zhes bya ba la skyes bu la phan gdags bar bya ba'i phyir chos ma yin pa la gegs byas nas chos kyi 'jug pa thob pa yin dang/ sgron ma'i me lce dag skye bar 'gyur la/ skyes bu la gnod pa bya ba'i phyir chos la gegs byas nas
 chos ma yin pas 'jug pa thob pa yin dang 'jug par 'gyur te/ de bzhin du chos ma yin pa la yang bzlog pa'i sgo nas brjod par bya'o/ /skye ba dang 'jig pa de gnyis kyang skad cig re re la yin zhing/ stobs dang ldan pas stobs chung ba la gegs
 byed pa yang yin na/ chos dang chos ma yin pa dag gis stobs dang ldan pa dang stobs chung ba'i rgyu ni skad cig re re la yod pa ma yin no/ /de la stobs chung ba'i phyir chos kyi chos ma yin pa la gegs byed na yang skad cig de nyid la chos ma yin
 pa stobs dang ldan pa nyid dam/ gang las slar chos ma yin bas chos la gegs byed bar 'gyur bas/ chos stobs chung ba nyid du ga la 'gyur/ de'i phyir 'di ni yongs su rtag par yang 'grigs dka' o/ /rgyu yongs su brtag pa chos dang chos
 ma yin pa 'jug pa thob ba dang gegs byed pa'i mtshan nyid can 'di yang 'dus byas thams cad la nus te/ de'i phyir 'dus byas thams cad skad cig ma yin no zhes bya bar grub ste/ chos dang chos ma yin pa las ma gtogs pa'i 'jig pa'i
 rgyu la mi bltos pa'i phyir ro/ /de'i phyir brtsad mi dgos so/ /rgyu yang 'jig pa bor 'gyur ro zhes bya ba la/ tshos par bya ba dang tshos par byed pa'i rdzas phrad pa las snga ma snga ma 'gags dang rim gyi tshos byed las skyes pa phyi ma phyi ma rnams la tshos pa dang ches
 chos ba dang/ ches cher tshos pa 'byung ba mthong ste/ de la ches tshos ba 'byung ba na me dang 'brel pa las tshos pa dag 'jig par 'dod na/ de ltan rgyu nyid 'jig pa bor 'gyur na/ gang kho na las tshos byed las skyes ba rnams 'byung ba de nyid las dngos
 po med pa yin na zhes bya ba 'di ni rags pa yang ma yin te/ dus tha dad pa dag rgyu gcig tu mi 'grub pa'i phyir ro/ /ci'i phyir zhe na/ cig car yod pa dang med par thal bar 'gyur ba'i phyir te/ ji skad du/ gcig las dus tha dad min dper/ /sa bon
 myu gu dang de bzhin/ /gsher dang gsher min drang dro bzhin/ /bu ram las sra gnas skabs gzhan zhes bshad do/ /gang zhig ma ni skad cig pa yin pa'i phyir skyed bar byed pa ni gzhan yin la/ 'jig bar byed pa ni gzhan yin no snyam du sems
 pa de la/ yang na rgyu med bye brag med par 'gyur ro zhes bya ba smos te/ 'bras bu 'dra ba gzhan skye ba'i rgyu yin pa'i phyir skyed par byed pa dang bye brag med pa ni 'jig par byed pa mi rung ngo/ /re shig me lce gzhan dag las zhes bya ba ni me lce rnams
 skad cig ma yin pa'i phyir gzhan ni skyed par byed pa yin la gzhan ni 'jig par byed pa'o snyam du bsams pa'o/ /brtag pa gang gis na skyed par byed pa nyid 'jig par byed pa mi 'gyur ba/ thal ba dang kha ba dang tsha ba dang nyi ma dang chu dang sa dang
 'brel pa las smin byed las skyes pa'i bye brag 'byung ba la gang brtag par bya ste thal ba la sogs pa dag ni skad cig ma ma yin no/ /der gdon mi za bar skyed par byed pa yang yin la 'jig par byed pa yin pa 'am 'jig pa la rgyu cung zad kyang
 med pa 'am/ tshwa la sogs pa 'di skad cig re re la gzhan nyid yin par 'dod par bya dgos so/ /de ltar 'dod na yang 'dus byas thams cad skad cig mar 'jig par grub ba nyid de/ gang dang 'brel pa las 'ga' zhig las tshos byed las
 skyes pa'i khyad par du mi 'gyur ba de ni yod pa ma yin no/ /'o na gang chu bskol ba zhes bya ba rgyas par 'byung ste/ gal te chu dag me dang 'brel pa mi 'jig na/ gang las bskol ba na zad par 'gyur ba me dang 'brel pa dag ci zhig byed na ni/ de dang tha mi dang par
 'jug pa'i me'i khams mthu'i sgo nas 'phel bar byed do/ /me'i mthus na zhes bya ba rgyas par 'byung ste/ me'i khams mthu'i sgo nas shas chebs chu dag gi skad cig ma dang po rang gi ngo bos skad cig gzhan nyam chung ba'i rgyur 'gyur la/ de yang de bzhin du
 yin pa nas/ shin tu nyam chung ba'i bar du gyur pas skad cig gzhan dang 'brel par mi byed de/ de shin tu nyam chung ba'i phyir ro/ /de ltar chu dag gi rgyun chad par 'gyur gyi/ me dang 'brel pa dag gi 'jig pa ni ma yin no/ /rang nyid 'jig pa'i dang can yin
 pa'i phyir zhes bya ba ni/ 'jig pa'i dang tshul can yin pa'i phyir zhes bya ba'i don to/ /ji ltar zhe na/ 'byung ba tsam gyis 'jig pa'i phyir zhes bya ba smos so/ /gtan tshig mi g.yo rtsa ba rab brtan zhing/ /skyes nas dus phyis dngos po yod min pa'i/ /phyogs
 'di de ltar re zhig gnas mod kyi/ /rgol ngan brtsod pa'i tshul 'di gzhom par bya/ /skad cig ma la 'jig pa'i phyir/ /'gro ba yang med do/ /yang ji ltar 'gro ba med na/ 'gro bo zhes bya bar 'gyur zhe na/ de nyid kyi phyir yul gzhan du zhes bya ba la
 sogs pa smos te/ ji ltar rtsa'i me skad cig ma nyid yin yang rtsa'i yul du 'dab chags par 'byung bas me 'gro'o zhes bsnyad pa de bzhin du gzhan la yang yul gzhan dag tu 'dab chags par 'byung ba la mngon pa'i nga rgyal byed do/ /mdo sde pa
 rnams na re dbyibs ni rdzas su med de/ de bcom na de'i blo med pa'i phyir bum pa la sogs pa bzhin no zhe'o/ /gal te rdzas su med na der gdags pa'i rgyu ni gang zhig yin/ der brtags pa'i bye brag kyang gang zhig yin zhe na/ de'i phyir phyogs cig gi sgor zhes bya ba rgyas
 par smos so/ /'di skad bstan par 'gyur te/ gdags pa'i rgyu ni kha dog yin la/ der brtags pa'i bye brag ni/ kha dog 'byung ba'i bye brag las so/ /'di nyid la dpe ni dper na mgal me zhes bya ba ste/ ji ltar mgal me'i gzugs ni ring po dang bzlum po
 zhes bya ba'i dngos po gzhan med kyang skye ba'i bye brag gi rgyu yin pa de bzhin du gzhan du yang yin no/ /gal te yod na ni gnyis gzung 'gyur zhes bya ba ni dbang po gzugs can gnyis te/ mig dang reg pas kyang ring po la sogs par shes pa'i phyir ro/
 gzugs kyi skye mched la ni zhes bya ba rgyas par 'byung ste/ mig la sogs pa'i dbang po'i dbang gis gzugs la sogs pa'i skye mched tha dad pa yin la/ dbyibs kyang gzugs kyi skye mched khongs su gtogs pa yin te/ de'i phyir de ni reg pas
 'dzin par mi 'thad do/ /res 'ga' bye brag tu smra ba ring po la sogs pa'i dbyibs lus kyi dbang pos 'dzin pa ni ma yin te/ 'o na ci zhe na/ reg bya'i yan lag de ltar gnas pa lus kyi dbang pos dmigs pa dag la phyis ring po la sogs par zhen pas
 mig dang reg pa gnyis kyis ring po la sogs par 'dzin par thal bar mi 'gyur ro zhes smra bas/ de'i phyir yang ji ltar reg bya ba rgyas par smos so/ /ji ltar reg bya de nyid de ltar gnas pa yan lag re re nas gzung ba ni phyi nas ring po la
 sogs pa ni shes par 'gyur gyi/ reg bya las don gzhan du gyur pa ring po la sogs par gzung ba na ma yin pa de bzhin du kha dog kho na rnam pa der gnas pa yan lag re re nas gzung ba ni phyis ring po la sogs par shes kyi/ kha dog las don gzhan
 du 'gyur ba ring po la sogs pa gzung ba ni ma yin no/ /zhes yid ches par bya'o/ /chos mngon pa bas kha dog dang reg bya las tha dad pa'i dbyibs brjod par 'dod pas slar smras pa ni de la reg bya dang lhan cig spyod pa zhes bya ba rgyas par 'byung ba'o/ /
 'dir dran pa'i sgra ni rjes su dpag pa la brjod kyi/ ji ltar mig gi kha dog bzhin reg pas dngos su 'dzin pa ni ma yin te/ skye mched mtshungs pa yin pa'i phyir ro/ snyam du bsams pa'o/ /dper na me'i gzugs zhes bya ba rgyas par 'byung ste/ ji ltar dbang po
 gzhan gyis gzung bar bya ba mi 'khrul pa las dbang po gzhan gyis gzung bar bya ba rjes su dpag pa yin pa de bzhin du 'dir yang ston to/ /gang la reg bya la reg nas dbyibs 'di des par 'gyur ba/ 'jam pa la sogs pa reg bya ni ring ba la sogs pa'i
 dbyibs gang la yang med do/ /'di ltar ring po la sogs pa ni cung zad cig 'jam pa yin la /cung zad cig rtsub pa yin pa de ji ltar ma des bar 'jug pa'i reg byas ring po la sogs par nges par dran par 'gyur/ 'on te reg bya dang dbyibs dag la lhan cig spyod
 par des ba med kyang ngas par dbyibs? dran par 'gyur na ni kha dog dang 'gyur te/ dbyibs ltar reg byam nges par kha dog dran par 'gyur ro/ /yang kha dog la nges par mi 'gyur na ni yang na kha dog bzhin du dbyibs kyang ring po la thung du'o snyam pa dang/ thung du la ring po'i?
 snyam du dbyings kyang nges par mi 'gyur ro/ /kha dog ni nges par dran par mi 'gyur te/ res 'ga' reg bya las dmar po las ser po la dmar po'o snyam du 'gyur la/ ji ltar kha dog ma nges par dran pa de bzhin du dbyibs kyang nges par 'gyur ba dran pa ni ma yin te 'o
 na ci zhe na/ kha dog des par dran par mi 'gyur la/ dbyibs ni nges par dran par 'gyur la rgyu ci zhig yod de/ reg bya las dbyibs dran pa 'di ni mi rung ngo/ /ri mo bkram pa la zhes bya ba rgyas par 'byung ste/ ri mo bkram pa'i dbyibs cig la ring po dang thung ngu dang lham
 pa dang bru bzhi la sogs pa dbyibs mang po gnas par mthong na/ de ni rdzas su yod pa'i dbyibs la mi rung ngo/ /ji ltar kha dog sngon po dang/ ser po la sogs pa rnams rten 'byung ba tha dad pa'i phyir yul mtshungs pa nyid du mi 'gal ba bzhin te/ de'i phyir de ltar gnas pa'i kha
 dog de la dbyibs su tha snyad byed do/ /gang yang thogs pa dang bcas pa zhes bya ba rgyas par 'byung ste/ thogs pa dang bcas pa'i gzugs gang zung zad yong ba de thams cad ni/ 'dod na dbang po med pa dang sgra med phrar brdul zhes bya ba la sogs pa 'dus pa'i rdul phra rab la
 yod pa yin no/ /thogs pa dang bcas pa smos pa ni thogs pa med pa'i gzugs bcad pa'i phyir ro/ /de rdul la med dbyibs ni rdul phra rab la med do/ /yang rdul phra rab la dbyibs med de/ /zhes bya ba 'di ji ltar rtogs zhe na/ ring po la sogs pa'i 'dus pa la sngon po la
 sogs pa'i gzugs yan lag re re nas yod pa ltar ring po la sogs pa dbyibs kyi gzugs ni yan lag re re yod pa ma yin te/ rdul phra rab rnams ni cha shas med pa yin pa'i phyir ro/ /ji ltar 'grib pa na der sngon po la sogs pa'i blo ldog pa 'am/ de las bzlog
 ste ser po'i blor mi 'gyur ba ltar/ ring po la sogs pa'i tshogs 'gribs na ring po la sogs pa'i blo mi ldog cing/ de las bzlog ste thung du la sogs pa'i blor mi 'gyur ba zhig go/ de'i phyir rdul la dbyibs yod pa ma yin no zhes bya bar nges so/ /de'i phyir mang po de ltar
 gnas pa dag kho na la ring po la sogs pa'i 'dogs par zad de/ bum pa dang snam bu bzhin no/ /'on te dbyibs kyi zhes bya ba rgyas par 'byung ste/ gang dag bsags pa'i khyad par las ring po la sogs par 'dogs par byed pa/ dbyibs kyi rdul phra rab de dag kho na de
 ltar gnas par mig gi rnam par shes pas dmigs par 'dod do/ /de ni phyogs 'dzin pa 'ba' zhig tu zad do zhes bya ba ni/ gang kha dog gi rdul phra rab gnyi ga la rab tu grub pa'i rang gi ngo bo ste/ ring po la sogs pa'i dbyibs su 'dogs pa'i rgyu nyid yin pa
 bsal nas dbyibs kyi rdul phra rab rtogs par byed pa'o/ /de dag ma grub pa'i phyir zhes bya ba ni/ de nyid la rgyu bshad pa'o/ /gal te der sngon po la sogs pa'i rdul phra rab ltar ring po la sogs pa'i rdul phra rab kyang 'grub par 'gyur na ni phyogs mi 'dzin pa zhig
 go/ de nyid kyi phyir rang gi mtshan nyid rnams grub na ni de dag bsags par rung bar 'gyur na zhes bya ba smos te/ ring po dang thung du gzhan la bltos nas de nyid la ring po dang thung du'i blor yang mi 'gyur te/ 'di ltar sngon po la ni sngon po dang sngon po ma yin pa bltos nas
 sngon po dang sngon po ma yin pa'i blor mi 'gyur te/ 'o na ci zhe na/ gzhan la mi ltos par rang gi ngo bo kho nas sngon po'i blor 'gyur ro/ /'o na gang kham pa'i snod rnams kha dog tha mi dad la zhes pa rgyas par 'byung ste/ gal te 'di kha dog tsam yin gyi/ de la dbyibs rdzas
 su med na/ 'o na ji ltar der bum pa dang phru rtogs dang kham gzhod dang/ bcu skyogs la sogs pa rnams dbyibs tha dad par 'dzin ce na/ kha dog tsam la ni ring po la sogs pa'i blor mi 'dod kyi/ 'o na ci zhe na/ kha dog gi bye brag la'o/ /de nyid kyi phyir ji ltar gnas
 pa'i kha dog la zhes bya ba la sogs pa smos so/ /ji skad smras she na/ phyogs gcig gi sgor phal cher zhes bya ba lta bu la sogs pa'o/ /dper na grog ma la sogs pa tha dad bzhin du shes bya ba la/ dbyibs med kyang de'i bkod pa tha dad pas 'di ni phrad do/ /'di
 ni 'khor lo'i zhes bya bar 'gyur te/ khyad par du 'phags par gnas pa'i phyir ro/ /de bzhin du dbyibs kyang kha dog a bye brag med pa bzhin du kha dog bkod pa tha dad pas tha dad pa yin no/ /gal te kha dog tshogs pa'i khyad par kho na la ring po la sogs pa'i blor
 'gyur na/ 'o na gang mun khung zhes bya ba rgyas par 'byung ste/ tshogs pa can rnams ma bzung ba'i phyir tshogs pa bzung bar mi rigs so snyam du bsams pa'o/ /de dag gis de na kha dog mi gsal ba kho na zhes bya ba rgyas par 'byung ngo/ /grib ma nag pos
 sgribs pa'i phyir mi gsal bar mthong ste/ phred ba dang dmag la yongs su tog pa bzhin no/ /dper na mun khung na mtho yor mi gsal bar mthong na phred du yongs su rtog par byed pa dang/ gang du mtho yor dang mi nges par ma gyur pa dang/ yang dper na rta dang glang
 po che la sogs pa dmag gi yan lag mi gsal bar mthang nas/ dmag tu yongs su rtog pa bzhin te/ de dag mi gsal bar mthong ba ni rta la sogs pa'i khyad par mthong par mthong ba med pas so/ /de ni gdon mi za bar de ltar zhes bya ba rgyas par 'byung ste/ rgyu
 'di'i phyir yang de ltar yin te gang kha dog nyid mi gsal bar mthong nas dbyibs su yongs su rtog par byed pa'o/ /yongs su chad par nges par mi zin pa zhes bya ba ni ring po la sogs pa'i dbyibs yongs su chad pa nges bar mi zin zhes bya ba'i don gang yin
 pa'o/ /kha dog dang dbyibs las tha dad pa'i gzugs kyi skye ma ched ni yod pa yang ma yin te/ gzugs kyi skye mched ni rnam pa gnyis te/ kha dog dang dbyibs so zhes 'byung ba'i phyir ro/ /de'i phyir gdon mi za bar de na kha dog gam dbyibs mi gsal bar snang
 kha yin gyi/ de dag las ma gtogs pa'i gzugs kyi skye mched gsum pa ni yod pa ma yin no zhes khas blangs bar bya ba yin pa de bzhin du 'dir yang kha dog las tha dad pa'i dbyibs yod pa ma yin te/ 'o na ci zhe na/ de na kha dog mi gsal ba kho na snang ngo
 zhes bya bar shes so/ /khyed rnams kyis zhes bya ba ni/ khyed cag rnams kyis so/ /de dag ni dbyibs kho na la zhes bya ba rgyas par 'byung ste/ 'gro ba dang dbyibs gnyis rtags pa yod par khyad par med kyang/ khyab pa med yin pas 'gro ba bsal nas dbyibs kho
 na yongs su bzung ste 'di ltar thal mo sbyar ba la sogs pa g.yo ba med pas kyang go bar byed la/ rang kun nas slong bar byed pa'i sems rig par byed pas kyang rnam par rig byed ces bya na/ yul gzhan dag tu ma skyes pa'i thal mo sbyar ba la sogs pa de yang rang
 kun nas slong ba'i sems rnam par rig par byed pas de'i phyir khyab bas dbyibs kho na gzung gi 'gro ba ni ma yin no/ /ji ltar bye brag tu smra ba rnams zer ba ltar rjes su ni ma yin no/ /ji ltar lus kyi las su 'dogs par byed ces bya ba ni dbyibs
 rtags par yod pa la las nyid mi rung ba'i phyir dang lus la brten pa mi srid pa'i phyir 'dri ba'o/ /lus la brten pa'i las ni lus kyi las so zhes de ltar 'dogs kyis lus la gnas pa ni ma yin no/ /lus la brten pa zhes bya ba ni lus la dmigs pa ste
 de yang lus 'jug par byed pa'i sems la mngon par 'dod do/ /dpyod pa dang bya ba'i sems pa gnyi ga lus la dmigs pa'i phyir ni dpyod pa'i sems pa bcad par bya ba'i phyir de dang der lus 'jug par byed pa'i sems pa gang yin pa'o zhes bya ba smos
 te/ rab tu 'jug par byed pa zhes bya ba'i tha tshig go/ de bzhin du dag dang yid kyi las dag la yang ci rigs par zhes bya ba la/ ngag la rten pa'i las ni dag gi las te/ ngag 'jug par byed pa'i sems pa gang yin pa'o/ /yid dang mtshungs par ldan pa'i
 las ni yid kyi las so/ /de ltar na lus dang ngag gi dag kyang yid dang mtshungs par bya ba'i phyir yid kyi las nyid du thal lo zhe na/ de ni de lta ma yin te/ lus dang ngag gi las gnyis ni yid dang mtshungs par ldan pa yin yang lus dang ngag 'jug par byed
 pa nyid kyis khyad par du byas pa'i phyir ro/ /lus dang dag 'jug par byed pa'i sems ma gtogs pa'i sems pa zag pa dang bcas pa 'am/ zag pa med pa gang yin pa de thams cad ni/ yid dang mtshungs par ldan pa'i phyir yid kyi las so zhes bya bar grub bo/
 'o na gang sems pa zhes bya ba rgyas par 'byung ste/ 'di lus dang ngag gi las ni sems pa kho na la bshad na/ de la? min na bsams pa'i las gang yin pa de med pas/ sems pa dang bsam pa'i las so zhes 'byung ba'i mdo 'di dang ji ltar mi 'gal
 zhe na/ de'i phyir 'di dang 'di lta bu zhig bya'o snyam zhes bya ba rgyas par smos so/ /dpyod pa'i sems pa 'di dang 'di lta bu zhig bya'o snyam du sems par bzung nas/ phyi nas gzhan bya ba'i sems pa 'byung ste/ bya ba'i tshe rjes su 'jug pa'i phyir ro/ /gang gi lus
 'jug par byed pa de ni bsam pa'i las zhes bya ba'o/ /'dod pa na spyod pa zhes bya ba ni gzugs na spyod pa gsal bar bya ba'i phyir te/ bsam gtan dang zag pa med pa'i sdom pa ni so so thar pa'i sdom pa la sogs pa ltar rnam par rig byed la rag las
 pa ma yin no/ /nyes pa chen por thal bar 'gyur ro zhes pa ni/ rnam par rig byed ma yin pa med na ni sdom pa dang sdom pa ma yin pa med pa'i nyes pa dang/ lam yan lag brgyad med pa'i nyes pa dang/ rdzas la byung ba'i bsod nams bdun la/ de
 la rag las ba'i bsod nams mdon par 'grub pa med pa'i nyes par 'gyur ro/ /mdo sde ngas gal te lus kyi las zhes bya ba brgyas par smras te/ gal te gdon mi za bar rnam par rig byed ma yin par 'gyur dgos na snyam du bsams pa'o/ /
 cir 'gyur zhes bya ba ni skyon cir 'gyur zhes bya ba'o/ /sems kyi rjes su 'brang ba yin par 'gyur ro zhes bya ba ni sems tsam la rag las pa'i phyir mnyam par bzhag pa'i rnam par rig byed ma yin pa bzhin no/ /ji ltar bsam gtan dang zag pa med
 ba med pa'i sdom pa'i rnam par rnam par rig byed ma yin pa rnam par rig byed la mi bltos pa'i phyir/ sems tsam la brten bas sems kyi rjes su 'brang ba yin pa de bzhin du so sor thar pa'i rnam par rig byed ma yin pa yang rnam par rig
 byed med na sems kyi rjes su 'brang bar thal bar 'gyur bas/ gdon mi za bar rnam par rig byed khas blang bar bya'o/ /de ltar mi 'gyur te zhes bya ba ni rnam par rig byed kyang sems kyi rjes su 'brang bar mi 'gyur ba'o/ /ci'i phyir zhe na/ sems pa'i
 khyad par gyis de'i bzhen pa khyad par yod pa'i phyir ro/ zhes bya ba 'byung ste/ ji srid mtsho'i bar du srog gcod pa la sogs pa dag las ldog par bya'o snyam pa 'di ni sems pa'i khyad par te/ de dus nges par 'phangs pa'i dbang gi dus de srid du
 rnam par rig byed ma yin pa rgyun chags su gnas pa mi 'gal la/ /sems pa'i khyad par 'di mnyam par bzhag pa ni med de/ des na 'dis ni sems kyi rjes su 'brang ba ma yin no/ /rnam par rig byed de yod na yang zhes bya ba rgyas par 'byung ste/ rnam par
 rig byed de bdog kyang rnam par rig byed ma yin pa 'phang ba ste/ 'phang ba ni dus nges par rjes su 'jug pa'i rgyu'i dngos por gnas pa'o/ /sems pa'i stobs la rag las pa ni bltos pa zhes bya ba'i tha tshig go /'di nyid la rgyu smras pa ni blun pa'i phyir ro zhes
 bya ba ste/ mi gsal ba'i phyir ro zhes bya ba'i don to/ /rnam par rig byed ma yin pa de ni sems pa med par 'phen par mi nus la/ mi gsal ba ni dmigs pa med pa'i phyir ro/ /'di ltar rnam par rig byed ni sems dpa' i dbang gis sdom pa chen po dang
 'bring dang chung du 'phen pa la 'jug gi lung du ma bstan pas kun nas slang bas ni rnam par rig byed ma yin pa 'phen par nus par mi 'gyur ro/ /dag rnam par rig byed ni dag sgra zhes bya ba la ni zhes bya ba'i sgra na nges par gzung ba ste/ mchu mgul ba la
 sogs pa'i dbyibs ni ma yin la/ ming gi tshigs la sogs pa dag kyang ma yin no/ /de nyid kyi phyir dag gi rang bzhin gyi sgra gang yin pa zhes bya ba rgyas par smos so/ /rnam par rig byed ma yin pa ni sngar bshad pa kho na yin no zhes bya ba ni/ g.yengs
 dang sems med pa yi yang zhes bya ba la sogs pa mdzod kyi gnas dang po nas so/ /khas blangs nas mi byed pa tsam gyi phyir zhes bya ba la sogs pa ni 'di bdag gis mi bya'o/ /zhes sngar khas blangs nas phyis de mi byed pa tsam gyis phyir zhes bya ba ste/
 rnam par rig byed ma yin pa ni rig byed med pa yin pas rdzas su khas blangs par mi bya'o/ /'das pa'i 'byung ba chen po rnams la zhes bya ba ni/ 'dod gtogs rnam rig min skad cig /phyin chad 'das pa'i 'byung las skye zhes 'byung ba'i phyir la de rnams
 kyang yod pa ma yin pa'i rang bzhin yin pa'i phyir te/ 'das pa'i 'byung ba chen po de rnams ni da ltar byung pa rang bzhin med pa'i phyir ro/ /rgyur byas pa'i gzugs ni yod pa ma yin pa'i rten can yod pa yang ma yin no/ /gzugs kyi mtshan nyid med
 pa'i phyir zhes bya ba la/ gzugs su yod cing gzugs su rung ba zhes bya ba ni rnam par 'gyur ba bstan pa'i sgo nas gzugs kyi mtshan nyid du gsungs na/ rnam par rig byed ma yin pa'i gzugs ni rnam par 'gyur ba yang ma yin pa de ni med pa nyid do/
 rnam gsum dri med gzugs gsungs zhes bya ba la sogs pa 'byung ngo/ /bye brag tu smra ba rnams na re/ rnam gsum dri med gzugs gsungs dang/ /'phel dang ma byas lam sogs phyir/ /rnam par rig byed ma yin pa rdzas su yod do
 zhes zer te/ rnam pa gsum dang dri ma med pa'i gzugs ni rnam gsum dri med gzugs so/ /de bshad pa ni rnam gsum dri med gzugs gsungs so/ /'phel ba dang ma byas pa'i lam la sogs pa ni 'phel dang ma byas lam sogs so/ /
 rnam pa gsum dang dri ma med pa'i gzugs gsungs pa dang/ 'phel ba dang ma byas pa'i lam la sogs pa ni/ rnam gsum dri med gzugs gsungs dang/ 'phel dang ma byas lam sogs te/ de dag gi phyir ro/ /gzugs kyis gzugs
 bsdus pa zhes bya ba la gzugs gnyis pa smos pa ni gzugs kho nas/ gzugs bsdus pa yin gyi/ tshor ba la sogs pa gzhan dag gis ni ma yin no/ zhes ci nas nges par gzung ba shes par bya ba'i phyir ro/ /bstan du yod la thogs pa
 dang bcas pa'i gzugs kyang yod ces bya ba ni/ skye mched kyi gzugs mig gi rnam par shes pas shes par bya'o/ /bstan du med la thogs pa dang bcas pa'i gzugs kyang yod ces bya ba ni mig la sogs pa'i dbang po'o/ /bstan du
 yang med la thogs pa yang med pa'i gzugs kyang yod do/ /zhes bya ba ni/ rnam par rig byed ma yin pa'i gzugs chos kyi skye mched kyi bsdus pa'o/ /zag pa med pa yang yod do zhes bya ba la rnam par rig byed ma yin pa ma gtogs par gzugs
 gzhan ni zag pa med par mi rigs te/ lam la snyoms par zhugs pa la lus dang ngag gis rnam par rig byed kyi gzugs ni med la/ gang mig la sogs pa'i gzugs ni yod mod kyi/ de yang ma bsgribs la lung du ma bstan pa yin pa'i phyir dang/
 gcig tu zag pa dang bcas pa yin pa'i phyir zag pa med pa ma yin no/ /rdzas las byung ba'i bsod nams bya ba'i dngos po 'di dag zhes bya ba rgyas par 'byung ste/ 'dir rdzas ni kun dga' ra ba dang/ gtsug lag khang la sogs pa'i dngos po'o/ /rgyu mtshan
 gyis bdun par byas nas de las byung ba ni rdzas las byung ba ste/ dper na blo bur du 'ongs pa la sbyin pa dang/ 'gron po la sbyin pa dang/ nad pa la sbyin pa dang/ nad g.yog la sbyin pa dang/ kun dga' rab 'bul ba dang/ cig tu slong ba char pa dang/ rlung
 mo che la sogs pa dag byung na zan dang skyo ma la sogs pa sbyin pa ste/ 'di ni rdzas las byung ba'i bsod nams bya ba'i dngos po bdun no/ /rtag tu zhes bya ba ni yang dang yang du'o/ /rgyun mi 'chad par zhes bya ba ni bar med pa'o/ /rdzas las byung ba ma yin
 pa dag dang ldan pa yang de dang 'dra'o zhes bya ba ni/ ji ltar rdzas las byung ba dag dang ldan pa rtag tu rgyun me chad par bsod nams 'phel ba 'kho nar 'gyur ba bzhin du/ rdzas las byung ba ma yin pa dang ldan pa yang yin no/ /yang de dag ni dang ba ldan pa
 dag ste/ dper na de bzhin gshegs pa 'am/ de bzhin gshegs pa'i nyan thos kyi glong ngam/ grong gi nye 'khor zhig na bzhugs so/ /zhes thos shing/ thos nas kyang sems dga' ba dang/ rab tu dga' ba thob ste/ zhes 'byung ba'i phyir mdo ji lta ba bzhin no/ /
 yid gzhan gzhan dang ldan pa yi zhes bya ba ni nyon mongs pa can dang/ lung du ma bstan pa'i sems dang ldan pa'i 'o/ /de'i rnam par rig byed ma gtogs par bsod nams rnam par 'phel bar mi rung ste/ sems gzhan dang ldan pas lus kyi rnam par
 rig byed rjes su 'brel ba med pa'i phyir ro/ /rnam par rig byed ma yin pa de ni rjas su 'brel ba yod de/ g.yengs dang sems med pa yi yang/ /dge dang mi dge'i rjes 'brel gang/ /zhes bya ba'i mtshan nyid kyis so/ /rnam par rig byed ma yin pa
 med na zhes bya ba 'byung ste/ gang zhig dngos bzhi'i las kyi lam nyid du rnam par bzhag la/ bya ba ma rdzogs pa'i tshe na ni gzhan byed du 'jug pa'i sgo ba bo la lus dang ngag gi rnam par rig byed yod pa ma yin no/ /de'i phyir gdon mi za bar rnam par
 rig byed ma yin par khas blang par bya ste/ de ltar ma yin te rnam par rig byed ma yin pa med na ni/ las kyi lam mi 'grub par 'gyur ro/ /yang lung sgo na las kyi lam yin par 'gyur ro snyam na/ de'i phyir lung bsgo ba tsam ni zhes bya ba rgyas par smos
 so/ /de nyid la rgyu smos pa ni/ las de ma byas pa'i phyir ro zhes bya ba'o/ /lung bsgro ba'i tshe srog gcod pa la sogs pa'i las de ma byas pa'i phyir te/ las ma byas pa ni dngos gi zhi'i las kyi laM gyi lam rig pa yang ma yin no/ /las byas pa
 na las kyi lam du 'gyur ro snyam pa'i rtog pa ga ba'i phyir phyir/ byas su zin kyang de'i rang gi ngo bo la khyad par med pa'i phyir ro/ /zhes bya ba smos te/ las byas sam ma byas kyang rung ste/ lung bsgo ba la ni bdag nyid kyi khyad par med na/ snga ma dang
 phyi mar khyad par ma skyes pa de ni ji ltar phyis las kyi lam du 'gyur/ skye mched bcu gcig gi ma bsdus pa zhes bya ba ni chos kyi skye mched ma gtogs pa lhag ma bcu gcig go /yid kyi skye mched ltar gzugs can ma yin pa'o zhes ni ma
 gsungs so/ /dgos pa ci zhig yod par 'gyur zhes bya ba rgyas par 'byung ngo/ /snyoms par zhugs pa la lus dang dag gi las kyi mdza' rnams mi rung ba'i phyir te/ lam la snyoms par zhugs pa ni tshig tu mi smra zhing lus mi g.ye la/ chos gos la
 sogs pa tshom pa yang ma yin no/ /mi rung ba'i phyir ro zhes bya ba ni mi srid pa'i phyir ro zhes bya ba'i tha tshig go /mi mi srid pa ni de dag kun nas slong ba'i sems rnams kha phyir bltas te 'jug pa'i phyir ro/ /de'i phyir gdon mi za par rnam par rig
 byed ma yin par khas blang bar bya ste/ de med na ni lam yan lag brgyad pa zhes bya ba 'gal ba yin na/ /'on ni 'di skad du rgyas par 'byung ngo/ /'dir ni gal te lam la snyoms par zhugs pa la yang dag pa'i lta ba la sogs pa bzhin du yang dag
 ba'i dag la sogs pa yod na ni/ 'di'i dag dang las kyi mdza' dang 'tsho ba rnams ni sngon zhes bya ba de skad du ci'i phyir gsung zhes bya ba ni brjod par bya ste/ des na de'i tshe yang dag pa'i dag la sogs pa'i rnam par rig byed ma yin pa yod pa ma yin ne/
 zhes bya bar shes so zhe na/ de'i phyir de ni sngon 'jig rten pa'i lam gyis 'dod chags dang bral bar byas pa la zhes bya ba rgyas par smos te/ sngar 'jig rten pa'i lam gyis 'dod chags dang bral bar byas pa gang yin pa de la dgongs te/ sngar 'dod
 chags dang bral ba'i gnas skabs kho nar de dag yongs su dag cing yongs su byang ba yin no zhes bya ba 'di gsungs kyi/ lam gyi che des bsdus pa'i yang dag pa'i ngag la sogs pa med pa ni ma yin te/ de'i phyir lam la snyoms par zhugs pa'i
 rnam par rig byed ma yin pa yod pa nyid do/ /yang dag par blangs pa'i 'og tu zhes bya ba la/ yang dag par len pa'i tshe ni rnam par rig byed dang/ de'i sems pa yod pas yang dag par blangs pa'i 'og tu zhes bya ba smos so/ /de ni med do zhes bya ba ni gang
 zhig rjes su 'jug pas yid gzhan dang ldan pa 'di yang dge slong dam dge slong mar 'gyur ba'i rnam par rig byed dam sems pa 'am de las gzhan med pa'o/ /mdo las spong ba ni zhes bya ba rgyas par 'byung ste/ bye brag tu smra ba rnams na re chal
 ba'i tshul khrims kyi gegs byed ba'i phyir chu'i chu lon lta bu yin na/ med pa zhes bya ba ste mi bdog pa na chu lon yin par 'os pa yang ma yin pas rnam par rig byed ma yin pa ni yod pa kho na'o zhes zer ro/ /'di la mdo sde pa rnams na re zhes bya ba
 'byung ste/ gzhan mang pa'i phyir 'di ni med po yin la/ dper brjod pa sna tshogs pa'i phyir 'di ni sna tshogs pa yin mod kyi/ /'di ji ltar khyed cag gis rnam par rig byed ma yin pa med na nyes pa'i chogs brjod par de lta ni ma yin no/ /ting nge
 'dzin gyi yul gyi gzugs zhes bya ba ni ting nge 'dzin gyi dmigs pa ste/ rus gong la sogs pa gzugs brnyan gyi gzugs so/ /de ni rnam par rig byed ma yin pa la yang mtshungs so zhes bya ba ni rnam par rig byed ma yin pa yang yul la
 mi sgribs pas gzugs su mi 'gyur la/ ci ste yul la mi sgrib kyang rnam par rig byed ma yin pa gzugs su 'dod na ni/ 'o na ni des na 'di yang 'dod par bya'o/ /dgra bcom pa'i gzugs dang zhes bya ba la sogs pa la/ dgra bcom pa'i
 gzugs ni mig la sogs pa dang/ gzugs la sogs pa'o/ /phyi rol ni snod? kyi 'jig rten gyis bsdus pa dang/ gzugs kyi skye mched la sogs pa'o/ /zag pa rnams kyi rten ma yin pa'i phyir zhes bya ba ni zag pa rnams de la rag
 las te 'jug pa ma yin pa'i phyir ro zhes bya ba'i tha tshig go /gal te de ltar yin na/ 'o na ci ltar mdo las/ khyad par med par zag pa dang bcas pa'i chos rnams gang zhe na/ gzugs ji snyed pa dag yin no zhes rgyas bar gsungs mig
 la sogs pa rnams dang/ gzugs la sogs pa rnams ni zag pa med pa nyid du rtogs par mi nus te/ ji snyed pa zhes ma lus par gsungs pa'i phyir ro zhe na/ de ni zag pa rnams kyis gnyen po ma yin pa'i phyir ro zhes bya ba 'byung ste/ nyon mongs
 pa rnams ni shes pas gzhom par bya ba yin no zhes bya bas sems dang sems las byung ba rnams kho na nyon mongs pa rnams kyi gnyen po yin gyi gzuT ni ma yin pas khyad par med par gzugs khams zag pa dang bcas par gsungs so/ /'o na ne
 rnam grangs kyis zhes bya ba ni/ dgra bcom pa'i gzugs dang phyi rol ni zag pa rnams kyi gnyen po ma yin pa'i phyir zag pa dang bcas pa yin la/ zag pa rnams kyi rten ma yin pa'i phyir zag pa med pa yin no/ /cir 'gyur zhes bya ba
 ni gal te/ de ltar zag pa dang bcas pa yin la/ zag pa med pa yang yin na/ nyes pa cir 'gyur zhes bya ba'o/ /mtshan nyid chol bar 'gyur ro/ /zhes bya ba 'byung ste/ zag pa rnams kyis gnyen po ma yin yang zag pa med pa'i phyir
 dang/ zag pa dang bcas pa rnams kyi rten ma yin yang/ zag pa dang bcas pa'i phyir mtshan nyid 'chol bar thal bar 'gyur ro/ /ji ltar de zag pa dang bcas pa yin ba zhes bya ba rgyas par 'byung ste/ pha dang bu bzhin du bltos pas
 tha dad pa'i phyir 'chol ba'i nyes pa med do/ /de ni zag pa'i gnyen po ma yin pa'i phyir/ nam yang zag pa med pas 'dod la/ zag pa'i rten la yin pa'i phyir ni zag pa dang bcas par mi 'dod do/ /de'i phyir mdo las zhes bya ba rgyas
 par 'byung ste/ gal te gcig tu zag pa dang bcas pa yin na ni gzugs zag pa dang bcas pa nye bar len par 'gyur pa zhes bya ba'i khyad par 'di don med par 'gyur ro/ /rnam par bcad pa brjod par 'dod pas khyad par nye bar 'god pa zhig na/ 'dir
 rnam par bcad par bya ba yod pa yang ma yin no/ /de'i phyir gzugs gang dag yin pa de dag ni sems kyi tha ba dang sbags pa'i gzhi yin no/ /zhes de skad du gsung bar 'gyur ba zhig na/ de skad du yang ma gsungs pas de'i phyir/ gzugs kyi skye
 mched la sogs pa ni zag pa med pa yang yod do zhes bya bar shes so/ /gang dag so so'i skye bo'i gzugs nye bar len par 'gyur ba de dag ni zag pa dang bcas pa yin te/ zag pa rnams kyi rten yin pa'i phyir dang/ de rnams gyi gnyen po ma
 yin pa'i phyir ro/ /dgra bcom pa'i dang phyi rol dag ni zag pa med pa yin par shes par bya ste/ zag pa rnams kyis rten ma yin pa'i phyir ro/ /yon tan gyi khyad par zhes bya ba ni bsam gtan dang/ tshad med pa la sogs pa yon tan phun
 sum tshogs pa'i khyad par ro/ /phan gdags pa'i khyad par gyis zhes bya ba ni/ lus kyi kha dog dang stobs la sogs pa'i khyad par gyis so/ /de la dmigs pa'i sbyin pa'i sems pa des yongs su bsgos pa'i rgyud yongs su 'gyur
 ba'i khyad par phra mo 'thob bo/ /phra mo zhes bya ba ni mi gsal ba ste de bzhin gshegs pa'i ye shes kyis thugs su chud par bya ba ste/ phyi ma 'bras bu khyad par du 'phags pa bskyed pa'i nus pa rgyud yongs su 'gyur ba'i khyad par 'thob po/
 'di ni chos nyid yin te zhes bya ba ni chos rnams kyi nus pa thogs pa med pa'o/ /'o na ji ltar rgyud kyi khyad par gyis zhes bya ba ni zab po rnams kyi yon tan dang phan gdags pa'i khyad par gyis zhes bya ba'i don to/ /da ni rdzas las byung ba ma
 yin pa zhes bya ba ni rdzas las byung ba ma yin pa'i bsod nams bya ba'i dngos po dag la zhes bya ba ste/ de dag la ni sbyin par bya ba'i dngos po yongs su dpyad pa yang med la/ gzhan la phan gdags pa'i khyad par yang med na/ ji ltar de dag
 la yid gzhan dang ldan pa dag ji ltar bsod nams mngon par 'phel ba 'am nye bar skye bar 'gyur/ rdzas las byung ba ma yin pa'i bsod nams bya ba'i dngos po dag las ni 'di skad du skul byed 'di la rigs kyi bu 'am/ rigs kyi bu mo de bzhin gshegs
 ba 'am/ de bzhin gshegs pa'i nyan thos grong ngam zhing che ge mo zhig na rten cing bzhugs so zhes thos shing thos nas kyang dga' ba dang/ rab tu dga' ba rgya che ba dge bar nges par 'byung ba dang ldan pa 'thob ste/ skul byed 'di ni rdzas las byung ba ma
 yin pa'i bsod nams bya ba'i dngos po dang po yin te/ de dang ldan pa'i dad pa'i zhes bya ba rgyas pa dang/ de bzhin du tshur gshegs pa dang chos thos pa'i bar du gsungs so/ /yang dang yang du de la dmigs pa'i sems ba goms pas zhes bya ba ni/
 de bzhin gshegs pa dang nyan thos la dmigs pa'i dang bas zhes bya ba'i don to/ /mi nyal ba la ni de lta bur rigs na nyal ba la go ji ltar zhe na/ de'i phyir rmi lam na yang de dag rjes su 'brang bar 'gyur ro zhes bya ba smos so/ /rdzas las byung ba gang
 la rnam par rig byed de/ lus kyi rnam par rig byed dam ngag gi rnam par rig byed med kyi/ thos nas dga' ba dang/ rab tu dga' ba rgya che ba thob pa 'ba' zhig tu zad pa de la ji ltar rnam par rig byed du 'gyur te/ nyan pa po de la ni rnam par rig byed
 dang/ ting nge 'dzin dag med pa'i phyir rnam par rig byed ma yin pa mi rung ngo/ /'dod pa'i khams na ni rnam par rig byed la mi bltos pa'i rnam par rig byed ma yin pa med do/ /gzhan dag na re rdzas las byung ba dag la yang zhes bya ba ni rgyud
 yongs su 'gyur ba'i khyad par gyis ma yin no snyam du bsams pa'o/ /'o na mdo las zhes bya ba rgyas par 'byung ste/ sems kyi ting nge 'dzin tshad med pa ni byams pa la sogs pa'o/ /de'i tshe sbyin pa po'i sems pa'i khyad par gang zhig yin/ yod pa
 ma yin pa nyid de/ sems gzhan dang ldan pa'i phyir ro/ /de lta bas na rgyud yongs su 'gyur ba'i khyad par rigs pa dang ldan pa yin te/ sems gzhan dang ldan pa la yang de srid pa'i phyir ro/ /snyam du bsams pa'o/ /gnod pa'i bye brag ni srog
 bcad pa la sogs pa'o/ /bya ba'i 'bras bu yongs su rdzogs na zhes bya ba la/ bya ba ni las kyi lam dngos kyi sbyor ba'o/ /de'i 'bras bu ni las kyi lam dngos so/ /tshul ni 'di nyid yin par rig par bya'o zhes bya ba ni/ bdag nyi gyis sbyor bas
 gzhan dag la gnod pa byas ba'i bye brag gis byed pa po la rgyud yongs su 'gyur ba'i khyad par phra mo skye bar 'gyur ro zhes bya ba'o/ /yongs su 'gyur ba'i khyad par las kyi lam du ji ltar brjod ce na/ de'i phyir 'bras bu la rgyu btogs? pa'i
 phyir ro zhes bya ba smras te/ 'bras bu ni rgyud yongs su 'gyur ba'i khyad par te/ de'i rgyu ni las kyi lam mo/ /ji ltar zhe na/ lus dang ngag gi rnam par rig byed kyi bsdus pa ni de'i sgo nas sems ba zhes bya ba'i las rab tu 'jug pa'i phyir las
 kyi lam yin la/ de'i 'bras bu ni rgyud yongs su 'gyur ba'i khyad par ro/ /de dag gi bya ba'i 'bras bu yin pa'i phyir zhes bya ba la/ lus kyi bya ba'i 'bras bu yin pa'i phyir lus kyi nyid yin la/ ngag gi bya ba'i 'bras bu yin pa'i phyir dag gi
 nyid yin te/ las kyi lam nyid du ji lta ba bzhin du lus kyi dang dag gi nyid kyang btags pa kho na las yin no zhes ston to/ /dper na rnam par rig byed ma yin pa rnams kyi zhes bya ba ni/ rnam par rig byed ma yin pa smra ba rnams kyis kyang 'bras
 bul rgyu btags pa rnam par rig byed ma yin pa las kyi lam du 'dod la/ lus dang ngag gi bya ba'i 'bras bu yin pa'i phyir lus kyi 'am dag gi nyid du 'dod pa yin no/ /zin pa'i phung po dag la zhes bya ba da ltar ba dag la ste/ 'das pa dang
 ma 'ongs pa dag ni zin pa ma yin no zhes 'byung ba'i phyir ro/ /ji ltar dus gsum pa'i sems pas yin zhe na/ bsad par bya'o/ /bsod do/ /bsad do snyam du ste/ 'dir btsun pa rnam par rig byed ma yin pa khas ma blangs dang sems pa kho na las
 kyi lam yin no/ /zhes bstan par 'gyur ro/ /btsun pa'i bsam pa yang dag pa yin nam ma yin snyam ste 'di la bsam pa ni bdag nyid kyis gsod pa la zhes bya ba la sogs pa smos so/ /nye bar bstan pa 'di ni las lam yongs su rdzogs
 par lhur byed pa ma yin gyi/ 'o na zhe na/ rang nyid kyis gsod pa la sems pa 'byung ba lhur byed pa yin no/ /de kho na dang 'dra bar mi mngon par zhen pa zhes bya ba ni/ rnam par rig byed ma yin pa ltar tshad ma dag gis ma dmigs pa zhes bya
 ba'i tha tshig go /sems kyi rgyu las byung ba ni sems sngon du 'gro ba dang/ sems kyi rgyu can zhes bya ba'i don to/ /lus kyi sbyor ba zhes bya ba ni lus kyis bya ba ste/ lus kyi g.yo ba'o/ /bya ba yongs su rdzogs na zhes bya ba ni las kyi lam yongs
 su rdzogs na zhes bya ba'i tha tshig go/ de dag dang zhes bya ba ni lus dang sems dag dang ste/ chos gzhan ni rnam par rig byed ma yin pa'i mtshan nyid can no/ /gang gis byas pa'i sbyor ba las byung ba zhes bya ba rgyas par 'byung ste/ sems
 gang gi byas pa ni gang gis byas pa'i sbyor ba'o/ /de las byung ba'i bya ba yongs su rdzogs pa ni las kyi lam yongs su rdzogs pa'o/ /de kho na la zhes bya ba ni sbyor bar byed pa po'i sems la'o/ /de'i rgyu can gyi zhes bya ba ni bya ba yongs
 su rdzogs pa'i rgyu can no/ /ci'i phyir zhe na/ bya ba yongs su rdzogs pa ni des byas pa'i sbyor ba las byung ba'i phyir ro/ /yongs su dag par 'gyur te zhes bya ba ni/ rgyun yongs su 'gyur ba'i khyad par sems kyi bdag nyid du gyur pa'i chos yin pa'i
 phyir ro/ /sems dang sems las byung ba'i rgyud las zhes bya ba la sogs pa 'byung ste/ 'di gang las brtags she na/ gang 'di skad ces bya ba sems zhes bya ba 'am zhes bya ba nas shes rab kyis yongs su bsgos nas gong du 'gro bar 'gyur
 ro zhes bya ba'i bar gyi mdo las so/ /rnam par rig byed med pa'i phyir ro zhes bya ba de lta bu la sogs pa la/ rnam par rig byed ma yin pa ni 'dod pa'i khams na rnam par rig byed med par med la/ rnam par rig byed kyang rdzas su yod pa ma yin no
 zhes rgyas par bstan zin to/ /sogs pa zhes bya ba'i sgras ni khas blangs nas mi byed pa tsam yin pa'i phyir dang 'das pa'i 'byung ba chen po rnams la brten nas 'dogs pa'i phyir la/ de dag kyang rang gi ngo bo la med pa'i phyir rnam par rig byed ma
 yin pa rdzas gzhan med do zhes bya ba bsdus te/ de'i phyir yang gang gis byas pa'i sbyor ba las byung ba zhes bya ba rgyas par 'byung ba don gzhan med pa'i phyogs la yongs su dga' bar 'gyur ro/ /'di ni bstan du yang med la thogs pa yang med pa'i
 gzugs bstan pa gang yin pa de nyid ces bya ba la/ ji ltar zhe na/ bsam gtan pa rnams kyi ting nge 'dzin gyi mthus ting nge 'dzin gyi yul gyi gzugs bstan du med pa dang thogs pa med pa skye ba gang yin pa ste/ de nyid chos kyi skye mched du gtoT
 pa yin no/ /ji ltar na lam la snyoms par zhugs pa la zhes bya ba rgyas par 'byung ba ni dag dang las kyi mdza' dang 'tsho ba med pa nyid do snyam du bsam pa ste/ de nyid kyi phyir ci 'di tshig tu smra ba 'am zhes bya ba la sogs pa smos so/ /khyod smros shig
 ces bya ba ni tshur shog /ces bya ba'o/ /smras pa ma yin to zhes bya ba ni bye brag tu smra'o/ /'o na ji lta bu zhe na/ de lta bu'i rnam par rig byed ma yin pa zag pa med pa 'thob po/ /ji ltar rtogs zhe na/ gang gi phyir langs na yang log pa'i dag la
 sogs pa dag la mi 'jug la/ yang dag pa'i dag la sogs pa la ni 'jug pas/ /de'i phyir zhes bya ba rgyas par 'byung ba ni/ gang gi phyir/ de lta yin pa de'i phyir ro/ /rgyu mtshan ni 'dir rnam par rig byed ma yin pa'o/ /rgyu mtshan can ni yang dag
 ba'i ngag la sogs pa dag go /rnam par rig byed ma yin pa la der bshad do zhes bya ba ni yang dag pa'i ngag dang las kyi mdza' dang 'tsho bar bshad do zhes bya ba'i tha tshig go /bsam pa dang lus zhes bya ba la/ bsam pa ni srog gcod pa mi byed pa'i
 bsam pa'o/ /lus ni yang dag pa'i ngag la sogs pa 'jug par rung ba ste/ rten yongs su gyur ces bya ba'i tha tshig go/ de'i phyir rgyu mtshan la rgyu mtshan can nye bar btags pa byas nas zhes bya ba ni de 'dra ba'i bsam pa dang lus lam gyi stobs
 kyis thob pa gang yin pa de ni yang dag pa'i ngag la sogs pa'i rgyu mtshan yin te/ rgyu mtshan de la rgyu mtshan can nye bar btags pa byas nas lam yan lag brgyad rnam par bzhag go/ de dag mi byed ba cam zhes bya ba ni log pa'i ngag la sogs
 pa mi byed pa tsam mo/ /de gang zhig ce na/ 'di yang 'phags pa'i lam gyi mthus zhes bya ba la sogs pa'o/ /lam dag ni zag pa med pa yin na/ mi byed pa tsam ni zag pa med pa yin par mi 'os pas de lam nyid du mi rung ngo zhe na/ de'i phyir
 de yang zag pa med pa'i lam la brten nas thob pa'i phyir zag pa med pa yin no zhes bya ba smos so/ /gal te de dag mi byed pa tsam po zag pa med pa ni rdzas su med pa yin par ji ltar lam brgyad du 'gyur zhe na/ de'i phyir thams cad du rdzas su yod pa'i
 chos zhes bya ba rgyas par smos so/ /de nyid la dper brjod pa smos pa ni/ dper na 'jig rten pa'i chos brgyad ces bya ba ste/ la rnyed pa ni dper brjod pa ste/ rnyed pa med pa tsam yin pa'i phyir ro/ /de nyid kyi phyir de la ni chos gos la sogs pa dag
 ces bya ba rgyas par smos so/ /gang yang so sor thar pa'i sdom pa yang med par 'gyur te zhes smras pa de'i dbang du byas nas so sor thar pa'i sdom par yang 'gyur te zhes bya ba smos so/ /sems pa gang gi cho ga sngon du btang ba zhes bya ba ni bsnyen par rdzogs
 pa'i cho gas zhes bya ba'i tha tshig go/ sems pa de sdom pa yin no/ /de lta na 'o na sems gzhan dang ldan pa ma bsdams par 'gyur te/ sdom pa'i sems pa'i sems las sems gzhan dang ldan pa ma bsdams par 'gyur ro/ /ci'i phyir zhe na/
 sems ba gang gis lus dang ngag sdom pa'i sems pa de'i tshe yod pa ma yin pa'i phyir ro/ /ma yin te de la gom pas zhes bya ba ni/ sdom pa'i sems pa des sems kyi rgyud la de'i rang bzhin can gyi sems skye ba 'ongs pa bskyed pa la sa bon du
 bzhag pa gang yin pa de'i ngo bo'i koms pas so/ /bya ba'i dus su zhes bya ba ni srog gcod pa la sogs pa sbyor ba'i dus su ste/ bdag ni srog gcod pa la sogs pa las log pa yin no zhes bya bar sdom pa len pa dran pa la nye bar gnas pa'i
 phyir ro ste mi phyed par khas len pa'i sems pa nye bar gnas pa'i phyir te/ mngon du 'gyur ces bya ba'i tha tshig go /de ltar na sdom pa'i sems pa rgyun dang bcas pa ni de las skyes pa dang de'i rgyu'i sdom pa yin no zhes bstan par 'gyur ro/ /gang yang
 chu? lon du yang gsungs na zhes smras pa/ de'i phyir chu lon gyi ngo bor yang 'gyur te zhes bya ba smos te/ sdom pa'i sems zhes bya ba dang sbyar ro/ /de lta bu'i don du de yang dag pa len pa yin no zhes bya ba ni/ ci nas kyang mi byed pa dang bcas pas
 dran pas 'chal pa'i tshul khrims mi byed par bya ba'i phyir ro/ /brjed das pa 'gas kyang tshul khrims 'dral bar mi 'gyur ro/ zhes bya ba ni/ rnam par rig byed ma yin pa la chu lon du brjod la/ de ni brjed ngas pa'i dus na yang yod pa'i
 phyir ro/ /rnam par rig byed ma yin pa'i gzugs rdzas gzhan kho nar yod do zhes zer ro/ /ga las zhe na/ bstan du med cing thogs pa med pa la sogs pa'i gzugs yod do zhes bya ba la sogs pa'i gsung 'di ni phyin ci ma log pa yin te
 de bzhin gshegs pas gsungs pa'i phyir chos thams cad bdag med par bstan pa bzhin no/ /yang na dge slong la sogs par rnam par bzhag pa'i rgyu yin pa'i phyir/ 'phags pa'i gang zag brgyad dang rnam par bzhag pa'i 'bras bu can gyis lam?
 bzhin no/ /rus gong la sogs pa'i gzugs brnyan gyi gzugs sam rgyud yongs su 'gyur ba'i khyad par ni dge ba la sogs par rnam par bzhag pa'i rgyu ma yin te/ 'khrul pa'i phyir ro/ /phyi rol pa rnams la sdom pa yod kyi so sor thar pa'i
 sdom pa ni ma yin te/ srid pa la brten pa'i phyir ro/ /sdom pa med na ni don ma yin pa'i tshogs chen por 'gyur te/ zhar la 'ongs pas mchog go /rnam par rig byed ma yin pa ni rnam par rig byed dang lhan cig 'byung la/ rnam par rig
 byed kyang 'byung ba chen po dag rgyur byas pa yin pas the tshom za nas 'dri ba ni de ci rnam par rig byed kyi 'byung ba dag kho na rgyur byas nas zhes bya ba rgyas par 'byung ba'o/ /tshogs pa de nyid la zhes bya ba ni sa la sogs pa 'byung ba bzhi'o/ /'bras
 bu phra mo zhes bya ba la/ rnam par rig byed ma yin pa ni bstan du med cing thogs pa med pa'i phyir phra mo yin la/ rnam par rig byed ni bzlog pa rags pa yin no/ /yang ci gang gi tshe rnam par rig byed yod pa de'i tshe yod pa zhes bya ba ni de'i dus
 na yod pa'i 'byung ba chen po dag go /rgyur byas pa'i gzugs thal cher zhes bya ba rgyas bar 'byung ngo/ /rgyur byas pa'i gzugs 'dod par gtogs pa thams cad ni de lta bu ste/ da ltar ba'i 'byung ba chen po dag kho na rgyur byas nas skyes te/
 de nyid kyi phyir da ltar dar ma 'ongs pas cung zad cig ni zhes bya ba smros so/ /'dod gtogs rnam rig ma ni skad cig /phyin chad 'das pa'i 'byung las skye zhes bya ba la/ skad cig phyin chad zhes bya ba smos pa ni skad cig ma dang por ni
 'phen par byed pa 'byung ba chen po dang lhan cig tu skye ba'i phyir ro/ /'dod gtogs zhes bya ba smos pa ni bsam gtan dang gang zag pa med pa'i sdom pa bcad par bya ba'i phyir te/ de dag gi rten 'byung ba chen po rnams ni sems
 dang 'dra bar dus mnyam pa'i phyir ro/ /de dag ni 'di'i gzhi'i don du 'gyur la zhes bya ba ni/ dper na da ltar byung ba'i 'byung ba chen po dag rgyur byas pa'i gzugs gzhan gyi rten yin pa bzhin no/ /'jug pa dang rjes su 'jug
 pa'i rgyu yin pa'i phyir go rim bzhin te zhes bya ba ni 'das pa'i 'byung ba chen po dag ni 'jug pa'i rgyu yin pa'i phyir gzhi'i don du 'gyur la/ lus rgyu yin pa'i phyir rten gyi don du 'gyur ro/ /lag pas phul ba dang sa'i phyogs zhes
 bya ba la/ lag pas phul ba na 'jug pa'i rgyu'o/ /sa'i phyogs ni rjes su 'jug pa'i rgyu'o/ /dus nges par byas na nges pa 'dri ba ni/ /yang gang na yod pa'i zhes bya ba rgyas par 'byung ngo/ /'byung ba dag dang lus dang ngag
 gi las ni sa lnga pa yin pa'i phyir dang/ bsam gtan bzhi pa yan chad na 'byung ba dag med pa'i phyir dang/ lus dang ngag gi las med pa'i phyir/ bsam gtan bzhi pa'i sa pa'i bar du zhes bya ba smos so/ khams su ma
 gtogs pa'i phyir zhes bya bas ni 'di la skye ba kho na nges pa'i rgyu yin gyi/ rang gis pa nyid ni ma yin te/ zag pa med pa ni ldan pa ma yin pa'i phyir ro zhes ston to/ /de ltar na 'o na zag pa med pa'i 'byung ba dag kho na rgyur
 byas nas 'byung ngo zhe na/ de'i phyir zag pa med pa'i 'byung ba dag med pa'i phyir zhes bya ba smos so/ /de lta na ni 'o na 'byung ba la bltos pa med par 'gyur ro zhe na/ de'i phyir de'i stobs kyis skye ba'i phyir ro zhes bya ba smos te/ rgyur byas pa'i
 gzugs ni 'byung ba la ma blotsh par mi 'byung la/ sems tsam gyi stobs kyis skye na ni 'di rgyur byas pa'i gzugs yin pa nyid la gnod par 'gyur ro/ /rnam par rig byed dang rnam par rig byed ma yin pa'i las de las kyang zhes bya ba 'byung ste/
 de la zhes bya ba ni/ dmigs kyi dgar ba'i phyir ro/ /rnam par rig byed ma yin pa ni rnam pa gnyis te/ mnyam par bzhag pa'i sa pa dang/ mnyam par ma bzhag pa'i sa pa'o/ /de la rnam rig byed min thams cad kho na ni/ me zin dang zhes
 bya ba rgyas par 'byung ngo/ /yul na mi gnas pa'i phyir dang/ sems dang sems las byung ba dag gis rten gyi dngos por ma gzung ba'i phyir na ma zin pa'o/ /dge ba dang mi dge ba'i bskal pa mnyam pa'i rgyud skyes pa'i phyir rgyu mthun pa
 las byung ba'o/ /dge ba dang mi dge ba yin pa'i phyir rnam par smin pa las skyes pa ni ma yin te/ /rnam smin lung du ma bstan zhes 'byung ba'i phyir ro/ /rgyas pa las byung ba yang ma yin te/ rdul phrar ba bsags pa med pa'i phyir
 dang/ de skye ba rnam par shes pa la bltos pa'i phyir ro/ /sems can du ston pa yang yin te/ lus dang ngag gi las kyi mtshan nyid yin pa'i phyir dang/ sems can gyi rgyud du gtogs pa'i phyir ro/ /'di ni khyad par yin te/ mnyam
 pa ma bzhag pa'i sa pa ni/ rgyu mthun zin pa'i 'byung las skyes/ rgyas pa las 'byung ba'i 'byung ba las skye ba ni ma yin te/ 'dod gtogs rnam rig min skad cig /phyin chad zhes 'byung ba dang/ de la rnam par rig byed dang/ de'i skad
 gcig pa'i rnam par rig byed ma yin pa gang yin pa 'di ni las kyi lam dngos yin no/ /zhes 'byung bas de'i rten gyi 'byung ba chen po dag skad cig gcig pa yin pa'i phyir dang/ rgyas pa las byung ba'i 'byung ba chen po dag ni
 rgyun chags par rjes su 'jug pa'i phyir ro/ /ma zin pa'i 'byung ba las skye ba yang ma yin te/ de'i 'byung ba chen po dag lus kyi 'byung ba chen po dang tha mi dad pa'i phyir ro/ /ting nge 'dzin las skyes pa ni rgyas pa las 'byung ba dang zhes bya ba
 rgyas par 'byung ste/ rgyas pa las 'byung ba'i 'byung ba las skye'i rgyu mthun pa'i 'byung ba las skye ba ni ma yin te/ rgyas pa las 'byung ba las ma gtogs pa'i rgyu 'thun pa med pa'i phyir ro/ /ma zin pa'i 'byung ba las skyes pa kho na yin
 gyi/ zin pa'i 'byung ba las skyes pa ni ma yin te/ de'i 'byung ba dag ni dbang po dang tha dad pa'i phyir dang/ sems la rag las pa'i phyir ro/ /zin pa rnams ni sems la bltos pa med par 'byung ste/ 'gog pa'i snyoms par 'jug pa
 la sogs pa'i gnas skabs dag na sems med par yang 'jug pa'i phyir ro/ /tha dad min las skye zhes bya ba ni 'byung ba chen po gang dag kho na rgyur byas nas srog gcod pa spong ba skye ba de dag kho na las tshig bkyal pa spong ba'i bar du skye bo zhes bya'o/
 sems bzhin du 'byung ba tha dad pa'i phyir ro zhes bya ba ni/ dper na de skyed par byed pa'i sems tha mi dad ste/ srog gcod pa la sogs pa spong ba thams cad kyi sems lhan cig 'byung ba'i rgyu yin pas tha mi dad pa de bzhin du skyed par byed pa'i 'byung ba
 chen po dag kyang skod? ba thams cad la tha mi dad pa yin no/ /so so thar pa'i sdom pa ni gzhan dag yin te/ lhan cig 'byung ba'i rgyu yin pa'i phyir ro/ /rnam par rig byed ni rgyu mthun pa las byung ba ste/ zhes bya ba 'byung ngo
 lus kyi ni zin pa yin no zhes bya bas ni dag gis ni ma zin pa yin no/ zhes bstan par 'gyur ro/ /rnam par rig byed skyed par byed pa'i 'byung ba dag kyang rgyu mthun pa las byung ba dang sems can du ston pa yin no/ /yang ci rnam par
 rig byed 'di skye ba na zhes bya ba rgyas par 'byung ste/ ci tshig byed pa las skye ba ltar sngar gyi dbyibs bshig nas skye ba 'am/ 'on te lha'i mig ltar ma bshig par yin/ ji ltar 'byung ba'i tshogs gcig la dbyibs gnyis 'grub par
 'gyur zhes bya ba la/ ji ltar mi 'grub ce na/ thogs pa dang bcas pa'i phyir ro/ /rnam par rig byed de ni sngar gyi dbyibs kyi rgyun ma bshig par rgyu mthun pa las byung ba'i 'byung ba chen po gzhan dag kho na rgyur byas nas skye ste/ lha'i
 mig bzhin no/ /kha cig na re rnam par rig byed kyi dbyibs kyi 'byung ba chen po dag ni phra ba'i phyir mi dmigs te/ yan lag gi tshon bzhin no zhes zer ro/ /gzhan dag na re lus gseb yod pa'i phyir te/ de dag gi go skabs
 yod do zhes zer ro/ /de ltar rnam par smin pa'i gzugs chad pa yang rgyun chags pa'i nyes pa yang med la/ 'byung ba'i tshogs gcig la dbyibs gnyis dang gang la rten nas skye bar 'gyur ba chen por 'gyur ba dang/ yan lag gi rnam
 par rig par byed pa med pa yang ma yin no/ /yang las de rnam grangs kyis rnam pa gnyis dang rnam pa gsum rnam pa lngar bshad pa zhes bya ba 'byung ste/ de'i sems pa dang des byas zhes bya ba ni rnam pa gnyis su bshad
 pa yin no/ /sems pa yid kyi las yin no/ /des bskyed lus dang ngag gi las zhes bya bas ni rnam pa gsum du bshad pa yin la/ yang na sems pa dang rnam par rig byed dang/ rnam par rig byed ma yin pa zhes bya ba yin no/ /rnam
 pa lnga zhes bya ba ni lus dang dag gi las re re la rnam par rig byed dang/ rnam par rig byed ma yin par phye la/ sems pa yid kyi las yin no/ /zhes bya ba dang rnam pa lngar bshad pa yin no/ /de la zhes bya ba ni las rnam pa lnga las so/ /
 rnam rig min lung bstan min med/ /ci'i phyir zhe na/ de skye ba ni kun nas slong bar byed pa stobs dang ldan pa la bltos pa'i phyir dang/ lung du ma bstan pa'i sems ni stobs chung ba yin no/ /gang de 'gegs kyang rjes su 'brel par
 'gyur ba zhes bya ba la/ de slong bar byed pa lung du ma bstan pa'i de'o/ /rnam par rig byed ma yin pa ni de'i skad cig pa yod pa yang ma yin te/ dge dang mi dge'i rjes 'breng gang zhes 'byung ba'i phyir ro/ /rnam par rig byed dang sems
 pa'o zhes bya ba la/ rnam par rig byed ces bya bas ni lus dang ngag gi rnam par rig byed bsdu'o/ /mi dge ni 'dod na'o/ zhes bya ba ni/ de las 'gyod gnyid mi dge rnams/ bsam gtan dang po dag na med ces 'byung ba'i phyir ro/ /
 de nyid kyi phyir gzhan na ni med de zhes bya ba smos te/ gzugs dang gzugs med pa'i khams gnyis na'o/ /mi dge ba'i rtsa ba rnams dang/ ngo tsha med pa dang khrel med pa dag spangs pa'i phyir ro zhes bya ba ni ngo bo nyid kyi mi dge ba med na
 mtshungs par ldan pa dang/ kun nas slong bar mi dge ba mi 'grub po/ da ni rnam par rig byed ma yin pa gnyis kyi sa dang/ khams kyi rnam par bzhag pa nges par bstan pa'i phyir/ /de la gzugs na'ang rnam rig min zhes bya ba smos so
 'byung ba med pa'i phyir zhes bya ba ni gzugs med pa rnams na 'byung ba dag med la/ rgyur byas pa'i gzugs 'byung ba dang/ rgyur ma byas par yod pa yang ma yin pas gzugs med pa dag na rnam par rig byed ma yin pa med do/
 gang na lus dang ngag 'jug pa zhes bya ba rgyas par 'byung ste/ kha na ma tho ba dang bcas pa'i lus dang ngag gi 'jug pa sdom pa'i don gyis na sdom pa zhes bya na/ gzugs med pa'i khams na ni lus dang dag gi 'jug pa yod pa yang ma yin te/
 de ni de nyid med pa'i phyir ro/ /'o na 'dod pa khams? 'dir gzugs med pa'i snyoms par 'jug pa zhugs pa la yod par 'gyur te/ 'di ni 'byung ba dag dang lus dang ngag dag gi 'jug pa yang yod pa yin no/ /zag pa med pa'i rnam
 bar rig byed ma yin pa bzhin no/ zhes bya ba ni gang du skyes pas zag pa med pa'i rnam par rig byed ma/ yin pa zag pa med pa de ni zag pa med pa'i 'byung ba med kyangs de pa'i 'byung ba dag rgyur byas nas skye ba bzhin na/ /ma yin te de ni
 khams su ma gtogs pa'i phyir zhes bya ba la/ 'dod pa dang gzugs dang gzugs med pa na spyod pa'i sred pa dag gis bdag gis ma byas pa'i phyir na khams su ma gtogs pa nyid do/ de ni khams sam sa'i sgo nas kyang rung ste/
 'byung ba chen po dag dang skal pa mnyam pa yang ma yin la/ bskal pa mi mnyam pa yang ma yin pas de dag rgyur byas nas skye'o/ /gzugs med pa na spyod pa'i rnam par rig byed ma yin pa ni 'dod pa dang gzugs na spyod pa skal
 pa mir nyam pa'i 'byung ba rgyur byas nas skye bar 'os pa ma yin no/ /ji ltar gzugs thams cad las rgyab kye phyogs zhe na/ de'i phyir gzugs kyi 'du shes dang bral ba'i phyir ro zhes bya ba smos te/ gzugs kyi 'du shes dang
 bral ba nyid yin pa'i phyir ro zhes bya ba'i tha tshig go /'chal pa'i tshul khrims de yang 'dod pa na spyod pa yin no zhes bya ba ni mi dge ba'i rtsabs kun nas bslang ba'i phyir ro/ /gzugs na spyod pa'i tshul khrims ni gzugs kyi khams na 'chal pa'i
 tshul khrims med mod kyi de lta na yang 'dod pa na spyod pa'i 'chal pa'i tshul khrims kyi gnyen po yin pa'i phyir rung ba yin na/ gzugs med pa ni 'dod pa'i khams nas ring ba nyid bzhis ring ste/ zhes bya ba 'dis dper brjod pa ni gnyen po ring
 ba yin no/ /rten ring ba nyid kyis mtshan nyid ni mdzod kyi gnas gnyis par bshad zin to/ /rnam rig dpyod dang bcas dag na zhes bya ba ni/ lus dang ngag gi las ni rtogs pa dang dpyod pa sngon du 'gro ba yin pa'i phyir ro/ /dpyod pa smos
 pa ni bsam gtan dang po mdza' dag la khyab pa'i phyir ro/ /'dod pa na'ang sgrib pa med zhes bya ba'i yang zhes bya ba'i sgras ni bsam gtan dang po'i gong na yang med do zhes bya ba ste/ de ltar na bsam gtan dang po kho na na yod do zhes bstan to/ /
 de yan chang na zhes bya ba ni tshangs pa'i 'jig rten gyi gong bsam gtan gnyis pa la sogs pa dag na'o/ /ji ltar de na ngag gi rnam par rig byed med ce na/ rtog pa dang dpyod pa dag med pa'i phyir te/ brtags shing dpyad nas tshig tu smra'i ma
 brtags ma dpyad par ni ma yin no zhes 'byung ba'i phyir ro/ /phyi'i 'byung ba chen po rgyur byas pa zhes bya ba ni gos la sogs pa'i rgyu can no/ /'di la kha cig bstan bcos ldan pa gsungs pa'i phyir na 'di ni de ltar ma yin te/ 'di skad du
 gang zhig sgra'i khams dang ldan zhe na/ smras par 'dod pa na spyod pa dang gzugs na spyod pa'o/ /gang zhig zhe na/ gzugs med pa na spyod pa'o zhes gsungs na/ sems can du ston pa ma yin pa'i phyi'i dang ni ldan pa yod pa ma yin no/ /
 dbang po dang tha mi dad pa'i sgra'i khams ni thams cad na yod pa'i phyir ro/ /yang na ni de'i phyogs gcig na yod pa'i dbang du byas nas bshad pa'i phyir nyes pa med do zhes rgol par byed do/ /gzhan dag na re zhes bya ba rgyas
 par 'byung ste/ bsam gtan gnyis pa la sogs par skyes pa de dag ni/ bcom ldan 'das gnas gtsang ma na bzhugs pa la phyag dang bstod pas bkur sti byed pas phan tshun smra bar byed pa yin no/ /ma bsgribs la lung du ma
 bstan pa mngon du zhes bya ba ni mig la sogs pa'i rnam par shes pa bzhin du/ bsam gtan dang po yid kyi rnam par shes pa rnam par rig byed kun nas slong bar byed pa ma bsgribs la lung du ma bstan pa mngon du byed pa de'i phyir de ni
 ma bsgribs la lung du ma bstan pa kho na yin no/ /ci'i phyir dge ba dang nyon mongs pa can med ce na/ de'i phyir de dag tu skyes pa ni zhes bya ba smos so/ /de lta bu zhes bya ba ni dge ba dang nyon mongs pa can gyi rang bzhin mngon du byed pa'i
 rgyu smras pa dam na pa'i phyir dge ba mngon du mi byed la/ spangs zin pa'i phyir nyon mongs pa can mngon du mi byed do/ /snga ma kho na brjod do zhes bya ba ni phyi'i 'byung ba chen po rgyur byas pa'o gang phyir kun slong med ces bya ba ni/ 'dis kun nas slong bar byed pas na kun slong do/ /tshangs pa'i 'jig rten yan chad na rnam par rig byed ji ltar yod pa ma yin pa de bstan pa ni rtog pa dang dpyod pa dang bcas pa zhes bya ba rgyas par 'byung ba'o/ /'dod pa'i khams na bsgribs la
 lung du ma bstan pa ji ltar yod pa ma yin pa de bstan pa'i phyir bsgom pas spang par bya ba zhes bya ba smos te/ gang yang rung ba zhig ma tshad bas ni ma yin no/ /ci'i phyir zhe na/ brtags shing dbang nas tshig tu smra'i ma brtags
 ma dpyad par ni ma yin no zhes 'byung ba'i phyir la/ mthong bas spang par bya ba ni kha nad du bltas nas 'jug pa'i phyir rnam par rig byed kun nas slong bar mi nus so/ /bsgom pas spang bar bya ba ni kha phyir bltas te 'jug pa'i phyir nus na 'dod pa'i
 khams na ni bsgom pas spang par bya ba bsgribs pa yod pa ma yin te/ 'jig tshogs dang mthar 'dzin pa lta ba las ma gtogs pa'i bsgribs la lung du ma bstan pa gzhan med pa'i phyir la/ de gnyis kyang mthong bas spang par bya ba yin pa'i
 phyir ro/ /tshangs pa'i 'jig rten gyi gong na rtog pa dang dpyod pa dge yod pa yang ma yin te/ de'i phyir gang yang rung ba dang bral ba'i phyir bsam gtan gnyis pa la sogs pa dag na rnam par rig byed med la/ 'dod pa'i khams na
 bsgribs pa yang med do/ /'dod pa'i khams na kun nas slong ba med pas bsgribs pa med do zhes bya bas rnam par dpyod pa skyes bas 'dri ba ni yang kun nas slong ba'i dbang kho nas chos rnams kyi zhes bya ba rgyas par 'byung ba'o/ /thar pa dam
 pa'i don du dge zhes bya bas ni don gyis ngo bo nyid dang mtshungs par ldan pa dang kun nas slong bas dge ba ni kun rdzob tu yin no zhes bstan par 'gyur ro/ /de ni gcig tu shin tu dge ba ma yin te/ 'du byed dang 'gyur ba'i sdug bsngal dag gis
 bde ba ma yin pa'i phyir ro/ /mya ngan las 'das pa zhes bya ba rgyas par 'byung bas ni 'dir dge ba'i don ni bde ba'i don yin no zhes ston to/ /gzhan ni dam pa yang de yin la/ don yang yin pas na dam pa'i don to/ /dam pa zhes bya ba
 ni mthar thug pa ste/ phul du dbyung du med do snyam du bsam pa'o/ /don ni rdzas dang dngos po zhes bya ba'i don to/ /'di skad bstan par 'gyur te/ mya ngan las 'das pa ni dge ba'i don gyis thogs? dbyung du med pa'i rdzas yin la/ /de ni
 rtag pa'i phyir dge ba'i chos thams cad kyi mchog yin no zhes zer ro/ /rtsa ba ngo tsha khrel yod bdag nyid kyi zhes bya ba la sogs pa la/ dge ba'i rtsa ba gsum dang ngo tsha dang/ khrel yod pa ni rang gi ngo bo dge ba yin
 te/ rnam par shes pa dang/ tshor ba la sogs pa ltar gzhan dang mtshungs par ldan pa la mi bltos pa'i phyir dang lus dang dag gi las ltar kun nas slong ba la me bltos pa'i phyir ro/ /'di skad bstan par 'gyur te/ gang zhig
 mtshungs par ldan pa dang/ kun nas slong ba'i dbang gi dge ba dang mi dge ba dang/ lung du ma bstan pa'i dbye bas tha dad par mi 'gyur ba de ni rang gi ngo bos dge ba dang/ mi dge ba yin no/ /de dag dang mtshungs par mi ldan
 ba rnams la dge ba nyid med pa'i phyir zhes bya ba ni dge pa'i rtsa ba la sogs pa dag dang mtshungs par mi ldan pa'i sems las byung ba rnams la dge ba nyid med pa'i phyir de dag dang mtshungs par ldan pa las dge ba nyid du grub bo/ /dge
 ba'i rtsa ba la sogs pa dang/ mtshungs bar ldan pa'i chos de dag kho nas zhes bya ba la sogs pa la/ sogs pa zhes bya ba'i sgras ni ngo tsha shes pa dang khrel yod pa dag dang mtshungs par ldan par bsdu'o/ /thob pa rnams ji ltar zhes
 bya ba rgyas par 'byung ste/ gal te bya ba la sogs pa rnams kun nas slong bas dge ba nyid yin na/ de ltar nyon mongs ba can gyis sems kyis kun nas bslangs pa'i thob pa rnams dge ba nyid du mi 'gyur te/ 'di lta ste/ the tshom
 gyis dge ba'i rtsa ba'i nyid mtshams sbyor ba dang/ yang srid par nyid mtshams sbyor ba'i tshe dge ba'i chos kyi thob pa rnams so/ /de rnams ni don dam pa 'am ngo bo nyid dam/ mtshungs par ldan pa'i sgo nas dge ba nyid yin par mi rigs
 te/ de rnams mya ngan las 'das pa la sogs pa'i rang bzhin ma yin pa'i phyir la/ don dam pa dang/ ngo bo nyid dang mtshungs par ldan pa dang/ kun nas slong bar dge ba rnams kyang yongs su chad pa'i phyir ro/ /de'i phyir thob pa de rnams ji ltar dge
 ba 'di brjod dgos so/ /'di la lan ni/ de rnams ni bskal pa mi mnyam pa'i sems la skye ba'i rkyen nyid du bltos pa yin gyi dge ba la sogs pa'i ngo bor ni ma yin no zhes smra'o/ /gal te kun nas slong ba dang mtshungs par ldan pa'i dbang
 gis dge ba la sogs pa'i ngo bor mi 'dod na ni nges na 'o na dge ba rnam pa gnyis kho na khas blang bar bya ste/ don dam pa dang/ ngo bo nyid do/ /'di la lan ni/ de dag ni ma 'ongs pa'i gnas skabs nyid na/ dge ba yin la/ nyon mongs pa
 can gyis ni de dag gis thob pa'i gegs sel bar byed kyi/ de dag dge ba nyid du byed pa ni ma yin no/ /de dag ni rtag tu rang bzhin gyis dge ba yin te/ dper na lhas byin gyi khyim gang yin zhes smras pa dang/ gang na bya rog 'dug pa'o zhes smra ste/
 khyim ni bya rog gi byed ba ma yin gyi/ /'di ni nye bar mtshon pa tsam yin pa de bzhin du 'dir yang yin no zhes 'debs par byed do/ /sdug bsngal thams cad 'jug pa'i bdag nyid kyis zhes bya ba ni/ rang bzhin yod pas sdug bsngal thams
 cad 'jug pa'i bdag nyid do/ /de'i ngo bos 'khor ba ni don dam par mi bde ba yin te/ mi dge ba'i don ni mi bde ba'i don yin ba'i phyir ro/ /rnam pa gcig tu na skye ba la sogs pa'i sdug bsngal thams cad kyi gzhir gyur pa'i phyir sdug
 /rnam pa gcig tu na skye ba la sogs pa'i sdug bsngal thams cad kyi gzhir gyur pa'i phyir sdug
 bsngal thams cad 'jug pa'i bdag nyid do/ /sdug bsngal thams cad ni sdug bsngal gsum yin la 'khor ba yang de dag 'jug pa'i bdag nyin no/ /nad dang mi 'phrod pa'i sman la sogs pa dber bya'o zhes bya ba la 'khor ba ni
 la sogs pa de dag dang mtshungs par ldan pa de dag gi ngo bo ma yin pas mtshungs par ldan pa dag ni mi 'phrod pa'i sman dang sbyar ba'i btung bas dper brjod par bya'o/ /lus dang ngag gi las dang/ skye ba la sogs pa de dag gis kun nas slang
 ba rnams ni kun nas slong ba mi bde ba yin gyi ngo bo dang mtshungs par ldan pas ma yin pas mi 'phrod pa'i sman dang spyar ba'i ltung ba las byung ba'i 'o mas dper brjod par bya'o/ /de lta na 'o na ni zhes bya ba rgyas par 'byung ste/ 'khor ba don
 dam bar mi dge ba yin la/ 'khor ba'i khongs su gtogs pa'i phyir zag pa dang bcas pa'i dngos po thams cad cung zad kyang lung du bstan pa 'am dge bar mi 'gyur la/ zag pa med pa kha na lung du ma bstan pa 'am dge bar thal bar
 'gyur ro zhe na/ don dam par de de skad du bshad kyis dgongs pa ni mtshan nyid kyis zag pa dang bcas pa dge ba dang mi dge ba dang lung du ma bstan pa nyid yin no/ /rnam par smin pa yid du 'ong ba can ni dge ba'o/ /yid du mi 'ong
 bcan ni mi dge ba'o/ /rnam par smin pa med pa ni lung du ma bstan te/ rnam par smin pa bde ba dang bde ba can ma yin pa'i phyir dang/ rnam par smon pa'i phyir brda mi sprod pa'i phyir lung du ma bstan pa'o/ /don dam par lung ma bstan pa
 dag brtan pa zhes bya ba ni/ rnam grangs med par lung du ma brtan dag yin te/ dge ba dang mi dge ba'i mtshan nyid bzhi dang bral ba'i phyir ro/ /ci ste 'byung ba chen po rnams zhes bya ba ni dge ba dang mi dge dang nyid ma yin te/ las kyi
 rten 'byung ba rnams kyang sems gcig gis kun nas bslang ba'i phyir lus dang ngag gi las bzhin du dge dang mi dge ba nyid du 'gyur ro snyam du sems so/ /byed pa po ni las la sems pa yin gyi 'byung ba rnams la ni ma yin no zhes bya ba 'byung ste/
 'ga' yang 'byung ba rnams bya'o snyam ste/ dge ba dang mi dge ba'i sems mngon du byed pa ma yin gyi/ 'o na ci zhe na/ lus dang ngag gi rnam par rig byed bya'o snyam du'o/ /gal te bsam pa'i dbang gi dge ba dang mi dge ba nyid yin gyis
 kun nas slong ba tsam gyis ma yin na/ mnyam par bzhag pa'i zhes bya ba la sogs pa 'byung ste/ mnyam par bzhag pa ni 'di snyam du rnam par rig byed ma yin pa bya'o snyam du mi sems so/ /mnyam par ma bzhag pa'i gnas skabs
 na bsam pa yod do zhe na/ de'i phyir mnyam par ma bzhag pa'i zhes bya ba la sogs pa smos te/ sa 'og ma ba'i sbyor ba'i sems de ni sa gong ma'i rnam par rig byed ma yin pa kun nas slong bar byed pa yin par mi rung ngo/ /gal te
 sbyor ba'i sems kyi dbang gis rnam par rig byed ma yin pa dge ba nyid du 'dod na ni/ de lta na lha'i mig dang rna ba dag kyang zhes bya ba la sogs pa 'byung ste/ sbyor ba'i dus na de dag sems pa yod pas so/ /'di la 'bad par bya dgos so
 zhes bya ba ni/ 'dir nyes pa 'dir thal bar 'gyur ba bden mod kyi 'di la lan gyi phyir 'bad par bya dgos so/ /gzhan dag ni lan du lus dang ngag gis las dag ni nam yang sems med par ma mthong ste/ de'i phyir de ni sems kyi dbang
 gis dge ba la sogs pa'i ngo bor 'byung ba rnams ni sems la bltos te 'byung ba ma yin te de rnams ni sems med kyang 'byung ba'i phyir ro/ /de'i phyir de rnams ni mig la sogs pa bzhin du sems kyi dbang gi dge ba la sogs par
 mi dbye'o zhes smra ste/ de lta na ni 'o na skye ba la sogs pa dang/ thob pa la sogs pa rnams kyang kun nas slong bas dge ba nyid du mi 'gyur te/ de dag gi don du mi 'jug pa'i phyir dang sems med pa rnams la yang 'byung ba'i phyir
 ro/ /'di la lan ni skye ba la sogs pa dang/ thob pa la sogs pa ni bdag nyid kyi dge ba la sogs pa nyid ma yin gyi 'o na ci zhe na/ chos kyi dbang gi dge ba la sogs par rnam par bzhag la/ 'byung ba chen po rnams ni bdag nyid kyis
 lung du ma bstan pa nyid yin na/ 'di la mtshungs pa ci yod de lta na lha'i mig dang rna ba dag kyang dge ba nyid ma yin te/ rnam par grol ba'i lam dang lhan cig skye ba'i phyir dang de yang lung du ma bstan pa yin pa'i phyir ro/ /de dag gi sbyor ba
 yang sgra dang snang ba yid la byed pa yin pas de dag sbyor ba'i dbang gis dge ba nyid ma yin na zhes smra'o/ /log par lta ba de las ni zhes bya ba rgyas par 'byung ste/ log par lta ba mthong bas spang par bya ba ni lus dang dag gi rnam par
 rig byed kyi ngo bo log pa'i dag dang las kyi mdza' gnyis kyis kun nas slong ba nyid du gsungs pas bsgom pas spang bar bya ba kho nas rnam par rig byed kun nas slong gi/ mthong bas spang bar bya ba ni ma yin no zhes gang bshad pa de
 ni mi dang 'gal bar 'gyur ro/ /rgyu dang ni de'i dus kyi kun slong zhes bya ba la sogs pa la 'dis kun nas slong bas na kun nas slong ba'o/ /rgyu nyid kun nas slong ba yin pa ni kun nas slong ba ste/ rgyu yang de yin la kun nas slong ba yang
 yin pas na rgyu'i kun nas slong ba'o/ /bya ba'i dus de nyid ni de'i dus te/ de'i dus su kun nas slong ba'o/ /de nyid kyi phyir de'i dus kho nar de yong ba'i phyir ro/ zhes bya ba smos so/ /'phen par byed pa yin pa'i phyir zhes bya ba ni skyed
 par byed pa yin pa'i phyir te/ rgyun mdza' dag bskyed pa'i rgyu nyid du gnas pa'i phyir ro/ /bya ba'i dus su mthun par 'jug pa'i phyir zhes bya ba ni skad cig re re zhing skye ba'i dus su de la phan 'dogs pa'i phyir ro/ /gal te de'i dus kyi kun nas slong ba
 bskyed bar byed pa ma yin na ni/ da ni rnam par rig byed kyi bya ba de'i dus kun nas slong ba de'i nus pa ci zhig yod/ 'phangs su zin kyang de med na shi ba bzhin du de yod par mi 'gyur ro zhes bya ba ni/ rgyu'i kun nas slong bas bskyed du zin kyang ste/
 dper na 'ga' zhig gis grong du 'gro bar bya'o snyam du bya ba 'phangs pa la par du chod na de la rjes su 'jug par mi nus pas 'gro bar mi 'gyur ba de dang 'dra'o/ /'o na sems med pa'i zhes bya ba la sogs pa la/ gal te de'i dus kyi kun
 nas slong ba med na shi ba la bzhin de yod par mi 'gyur na ni bsnyen par rdzogs pa'i dus su dge 'dun la dge slong gi dngos por gsol ba btab nas 'gog pa'i snyoms par 'jug pa la snyoms par zhugs pa'i lus kyi rnam par rig byed dag
 gi rnam par rig byed sngar 'phangs pa ni las brjod pa'i 'jug gi dus su sdom pa skye ba'i tshe de'i dus kyi kun nas slong ba med par ji ltar 'byung zhe na/ 'o na ni sems dang bcas pa la ches gsal ba yin pas zhes bya ba smos te/ de ltar
 byas na dgra bcom pa la yang so so thar pa'i sdom pa chung du yod par 'gyur ro/ /mthong bas spang ba'i rnam shes ni zhes bya ba ni mthong bas spang par bya ba ni rab tu 'jug par byed pa kho na yin gyi/ mthong bas spang par bya ba kha nas
 rab tu 'jug par byed pa ni ma yin no/ /ji ltar rab tu 'jug par byed pa yin zhe na/ de'i phyir de kun nas slong bar byed pa zhes bya ba rgyas bar smos te/ mthong bas spang bar bya ba ni ma yin no/ /ci zhe na/ mthong bas spang par bya ba'i sems
 lus dang ngag gis kun nas slong bar byed pa rtog pa dang dpyod pa dag gi gzhir 'gyur ba'i phyir kun nas slong ba zhes bya ste/ dngos su ni ma yin no zhes ston to/ /rjes su 'jug par byed pa'i phyir ro/ ci zhe na/ mthong bas spang bar byed
 pa'i sems yod pa ma yin no/ /ci'i phyir zhe na/ kha phyir bltas pa'i bya ba'i dus na de med pa'i phyir te/ mthong bas spang bar bya ba'i rab tu 'jug par byed pa med pa'i phyir ro/ /rjes su 'jug par byed pa gang yin pa de ni sems kha
 phyir bltas pa la yod na/ mthong bas spang bar bya ba'i sems ni rtag du kha nang du bltas te 'jug pa'i phyir bya ba'i dus yin par ga la 'gyur/ de'i phyir rjes su 'jug bar byed pa ma yin no/ /des kun nas slang ba'i zhes bya ba la
 sogs pa ni de'i dus ni kun nas slong ba'i dbang du byas nas brjod pa yin gyi/ rgyu'i kun nas slong ba ni ma yin no/ /ji ltar zhe na/ gal te mthong bas spang bar bya ba de yang rjes su 'jug par byed pa yin na ni de'i phyir mthong bas spang
 par bya ba'i rjes su 'jug pa de kun nas bslang ba'i lus kyi rnam par rig byed kyi gzugs gang yin pa de yang mthong bas spang bar bya ba yin par 'gyur na/ 'dod pa yang ma yin te/ de'i phyir mthong bas spang bar bya ba rjes su 'jug
 pa med do cir 'gyur zhes bya ba ni/ gal te gzugs mthong bas spang bar bya bar 'gyur na/ skyon cir 'gyur/ chos mdon pa la gnod par 'gyur te/ chos mngon pa las/ nyon mongs can min mthong spang min/ /gzugs min drug
 pa min skyes min/ /zhes bstan pa'i phyir ro/ /'thang pa yang bshad pa ni/ gzugs ni rig pa dang ma rig pa dag mi 'gal ba'i phyir zhes pa'o/ /ci ma yin zhe na/ gzugs ni mthong bas spang bar bya ba ma yin no/ /'di ltar gzugs
 ni mthong ba spang bar bya ba'i nyon mongs pa ltar rig pa mthong ba'i lam dang mi 'gal te/ bden pa mthong ba rnams kyang de dang ldan pa'i phyir ro/ /de'i phyir mthong bas spang bar bya ba ma yin no/ /ma rig pa dang 'gal bar yang ma yin te/ de?
 kun tu 'byung ba'i gnas skabs na zag pa med pa'i lam ltar ma rig pa mi 'byung ba ni ma yin te/ /de'i phyir ma rig pa dang yang mi 'gal lo/ /de'i phyir 'di ni zag pa med pa ltar spang bar bya ba ma yin pa la yang ma yin no/ /gal te
 spang bar bya ba ma yin pa yang ma yin la/ mthong bas spang bar bya ba yang ma yin na ni lhag mar gyur bas bsgom pas spang bar bya ba yin no zhes bya bar 'grub bo/ /phyogs 'di bsgrub par bya ba yin no zhes bya ba la gang zhe na/ gzugs
 rig pa dang mi 'gal lo zhes bya ba ste/ gang zhig gzugs mthong bas spang bar bya ba 'dod pa de ji ltar gzugs rig pa dang mi 'gal bar 'dzin par 'gyur/ 'di ltar bden pa mthong ba la dan song ba'i lus dang ngag kun tu 'byung ba
 med de/ /de'i phyir gzugs ni mthong bas spang bar bya ba yod pa ma yin no/ /zhes bya bar sgrub par bya ba yin no/ /ha cang thal bar 'gyur bas gzhan gyi phyogs gsal bar bya ba'i phyir/ 'byung ba rnams kyang zhes bya ba rgyas par smes
 so/ /de nyid la rgyu smes pa ni sems mtshungs pas bslang ba'i phyir zhes bya ba'o/ /mthong bas spang bar bya ba'i sems gang gi gzugs de bslang bas de nyid kyis de'i rten 'byung ba rnams kyang bslang ba yin no/ /de ltar na mi 'gyur te
 zhes bya ba ni/ ji ltar dge ba dang mi dge ba'i sems kyis kun nas bslang ba'i gzugs kho na dge ba dang mi dge ba yin gyi/ de'i rten 'byung ba rnams ni ma yin pa de bzhin du mthong bas spang bar bya ba'i sems kyis kun nas
 bslad ba'i gzugs kho na mthong bas spang bar bya bar 'gyur gyis/ de'i rten 'byung ba rnams ni ma yin no/ /yang na gzugs ltar 'byung ba rnams kyang mthong bas spang bar bya ba 'gyur mod/ kho bo cag la cig nod nyon mongs pa can
 ma yin pa'i chos zhes bya ba ni ma bsgribs la lung du ma bstan pa'o/ /rig pa dang ma rig pa dag dang mi 'gal ba'i phyir zhes bya ba la ni thab pa gcod pa'i 'gal ba'i sgo nas ni rig pa mthong ba'i lam dang 'gal bar 'gyur ba zhig ste/
 dper na mthong bas spang bar bya ba'i nyen mongs pa rnams bzhin no/ /lam bzhin du ma rig pa dang 'gal ba yang ma yin 'byung ba chen po rnams ni ma bsgribs la lung du ma bstan pa yin la/ de rnams kyang bsgom pas spang bar bya ba kho na
 yin no/ /de'i phyir de ltar rgol ba bkod de/ mthong bas spang bar bya ba'i rnam par shes pa ni rab tu 'jug par byed pa'i kho na yin no zhes lan rab tu bzhag nas mjug sdud par byed pa ni de lta bas na mdo las rgyu'i kun nas slong ba'i dbang du
 mdzad nas zhes bya ba rgyas par 'byung ste/ log par lta ba de las ni log par rtog pa dang/ log pa'i dag dang/ log pa'i las kyi mdza' 'byung bar 'gyur zhes gang gsungs pa de dang 'gal ba med do/ /yid ni zhes bya ba ni mig
 la sogs pa'i rnam par shes pa las rnam par gcod pa'o/ /bsgom pas spang bar bya ba zhes bya ba ni/ mtheng bas spang bar bya ba dang/ zag pa med pa las rnam par gcod pa ste/ mthong bas spang bar bya ba ni rab tu 'jug par byed pa
 kho na yin gyi rjes su 'jug par byed pa ni ma yin no/ /zag pa med pa ni gnyi ga ma yin no zhes bya ba la/ lnga ni rjes su 'jug par byed pa kho na yin gyi/ rab tu 'jug par byed pa ni ma yin te/ dbyor bar mi nus pa'i phyir ro/ /zag pa med
 ba ni gnyi ga ma yin no/ zhes bya ba ni/ mnyam par bzhag pa'i phyir dang/ kha nang du bltas pa'i phyir dang/ 'jug pa dang 'gal ba'i phyir ro/ /dman par 'gyur ba ma yin zhes bya ba ni mi mnyes pa dang mi dang pa'o/ /dge ba'i rgyud gcig pa zhes
 bya ba ni dge bar rgyud gcig pa'o/ /mdo las kyang zhes bya bas ni sangs rgyas bcom ldan 'das kyi dbang du mdzad nas zhes bya bar ston to/ /'di la ngan ba mi mnga' bas na glang chen no/ /ngan pa ni nyes pa'o/ /de skad du ni mdo nyid las sku dang
 gsung dang thugs kyis ngan par mi mdzad de/ de lta bas na gling po che zhes bya'o zhes gsungs so/ /de'i phyir tshigs su bcad pa 'dis ni spyod lam gzhi char la dge ba'i thugs las lung du ma bstan pa'i thugs 'byung ba yod pa ma yin no/
 zhes ston to/ mi bzhed bzhin du zhes bya ba rgyas par 'byung ste/ sangs rgyas bcom ldan 'das rnams kyi thugs ni mi bzhed mi dgongs bzhin du mi 'gro ba'i phyir zhes bya ba mi dmigs pa gzhan la mi 'gro zhes bya ba'i tha tshig go /mngon
 par 'du bya ba med par 'jug pa med pa nyid kyi phyir zhes bya ba ni/ mngon par 'du bya ba med par 'jug pa'o/ /de'i dngos po ni de nyid de de'i phyir ro/ /'bad pa med par 'jug ces bya ba'i tha tshig go /'di na yang bsgribs la lung
 du ma bstan pa'i rnam par rig byed yod par 'gyur ro zhes bya ba ni/ 'dod pa'i khams na 'jig tshogs dang mthar 'dzin par blta bas kun nas bslang ba'i rnam par rig byed kun nas slong ba'i dbang gis bsgribs la lung du ma bstan
 pa yin pa'i phyir te/ de ltar na 'dod pa na yang bsgribs pa med zhes gang smras pa de dang 'gal bar 'gyur ro/ /yang na mthong bas spang bar bya ba thams cad kun nas slong bar byed pa ma yin no snyam du gzhan gyis bsam pa la
 bltos nas yang na mthong bas spang bar bya ba thams cad ces bya ba rgyas par smras te/ 'di skad du 'jig tshogs dang mthar 'dzin par lta ba ma gtogs par zhes brjod par bya'o/ /gal te rjes su 'jug par byed pa ji lta ba bzhin zhes
 na ni zhes bya ba rgyas par 'byung ste/ de ltar na dge ba'i sems kyis rnam par rig byed 'phangs pa na mi dge ba dang lung du ma bstan pa'i sems dang lhan cig 'byung bas/ mi dge ba dang lung du ma bstan pa nyid du thal bar 'gyur ro/ /de'i phyir
 gzhan du dpyad pa gzhan nyid du 'gyur ro/ /rab tu 'jug par byed pa bsgom pas spang par bya ba ji lta bar rig byed kyang de dang 'dra'i/ /rab tu 'jug par byed pa mthong bas spang bar bya ba ji lta bar rnam par rig byed kyang de dang 'dra ba ni ma
 yin no/ /de nyid la rgyu smras pa'i bsgom pas spang bar bya bas bar du chod pa'i phyir zhes bya ba ste/ gang gi phyir rab tu 'jug par byed pa mthong bas spang bar bya ba la/ rab tu 'jug par byed pa bsgom pas spang bar bya bas bar du chod
 pa de'i phyir bsgom pas spang bar bya ba ji ltar bde bar rnam par rig byed yin gyi/ mthong bas spang bar bya ba ji lta bar ni ma yin no/ /gang zag log par blta ba 'am bdag tu lta ba zhig gzhan dag la 'jig rten pha rol med pa 'am
 bdag yod par ston par 'dod pas dag bskyod par byed pa'i sems kha phyir bltas pa bsgom pas spang bar bya ba rtog pa dang bcas shing dpyod pa dang bcas pas tshig tu smra bar byed kyi/ lta ba dang mtshungs par ldan pas ni ma yin pa'i phyir
 na bar du chod bar 'gyur ro/ /bsgom pas spang bar bya ba ni dngos su rnam par rig byed kun nas slong bar byed pa yin pas de'i dbang kho nas rnam par rig byed pa rnam bar bzhag go /'dir smras pa dngos dang brgyud pas rgyu yin ni/
 slong byed rnam pa gnyis su 'dod/ /mthong bas brgyud pa'i sgo nas te/ /gzhan ni dngos suAng yin bang 'dod/ /'o na ni mdo las zhes bya ba rgyas par 'byung ste/ gal te rjes su 'jug pa'i dbang gis rnam par rig byed dge ba la sogs pa nyid
 yin na ni mdo las rgyu'i kun nas slong ba la dgongs te gsungs kyi zhes bya ba rgyu cher 'byung ba 'di brjod par rig na/ gang gi tshe rgyu'i kun nas slong ba las rnam par rig byed dge bo la sogs pa nyid yin la/ rgyu'i kun nas slong ba yang mthong
 bas spang bar bya ba dang bsgom pas spang bar bya ba rnam pa gnyis yin pa de'i tshe ni/ rgyu'i kun nas slong ba la dgongs te/ gsungs so zhes khyad par med par brjod par mi rigs so/ /de ltar ni 'dod pa na yang bsgribs pa'i rnam par rig byed
 yod par 'gyur te/ 'di ltar mthong bas spang bar bya ba'i sems rgyu'i kun nas slong ba yin par 'gyur ro/ /'di skad du zhes bya ba ni bstan bcos mdzad par 'gyur ro/ /gzhan gyis chod pa'i zhes bya ba la mdo las/ bsgom pas spang bar
 bya bas bar du chod pa'i rgyu'i kun nas slong ba'i dbang mdzad nas gsungs pa'i phyir mi 'gal lo/ /zhar la 'ongs pa rdzogs so zhes bya ba ni zhar la 'byung ba rdzogs so zhes bya ba'i tha tshig ste/ las rnams kyis sa dang/ khams kyi
 zhar la 'ongs pa'o/ /rnam rig min rnam gsum zhes bya ba rgyas par 'byung ba ni rnam gsum zhes bya ba mdor bstan nas sdom dang sdom pa min dang gzhan zhes bya bas rnam par 'grel to/ /so so thar ces bya rnam brgyad ces bya ba
 'byung ste/ de la nyes par spyod pa dang 'dod pa las dben pa la spyod pa'i gang zag gi dbang du byas sdom pa dang po rnam par bzhag ste/ de 'dra ba des ni ji srid 'tshe ba'i bar du srog gcod pa la sogs pa'i nyes par spyod pa dang/ mi chad
 par spyod pa las ldog par nus so/ /gang zhig nyes par spyod pa las dben bar spyod pa 'ba' zhig tu zad pa de'i dbang du byas nas ni khyim pa'i sdom pa ji srid 'tsho ba la gnyis te/ de nyid gyi phyir de ni 'dod pas log par
 g.yem pa la ldog par rnam par bzhag gi mi tshangs par spyod pa las ni ma yin no/ /gnyig las gtan du dben pa la goms pa dang 'bral ba la ni rim gyis de gnyi ga la goms par bya ba'i phyir bsnyen gnas kyi sdom pa nyin zhag pa kho na rnam
 par bzhag go /mtshan nyid so sor nges pa'i phyir zhes bya ba ni sdom pa bzhi ste/ spang bya lnga brgyad bcu dang ni/ thams cad spang ba zhes bya ba la sogs pa 'chad par 'gyur ro/ /mtshan 'gyur na dge slong ma'i sngo ma pa gtong la/ dge slong gi
 sdom pa 'dod ce na/ de'i phyir mtshan gyur pa na sngon gyi sdom pa gtong ba'i rgyu yang ste/ bslab pa phub pa dang/ 'chi 'pho ba dang/ mtshan gnyis byung ba la sogs pa yod pa ma yin la zhes bya ba smos te/ bslab pa gtong ba'i rgyu med
 par ni bsdab pa gtong bar rig pa ma yin no/ /sdon med pa'i sdom pa thob pa'i rgyu gzhan gyi rnam par rig bar byed pa la sogs pa yod pa ma yin no/ /mtshan snga ma dang phyi ma btang ba dang 'byung ba nyid sdom pa gtong ba dang 'thob pa'i rgyur
 rigs pa yang ma yin te/ sdom pa ma blangs pas kyang mtshan 'gyur na sdom pa thob par thal bar 'gyur ba'i phyir ro/ /de lta bas na sdom pa bzhi po de dag ni gsum pa las rang bzhin tha mi dad do zhes bya ba la/ bzhi po dag zhes bya ba ni/
 dge slong ma dang/ dge slong ma dang/ dge tshul ma dang/ dge bsnyen ma'i sdom pa dag ste/ sdom pa gsum po dge slong dang/ dge tshul dang/ dge bsnyen gyi sdom pa las so/ /ci spong ba'i 'phal ba dang ldan pa'i phyir zhes bya ba ni
 dge snyen gyi sdom pa kho na dus ma yin pa'i kha zas za ba las ldog pa la sogs pa dang bcas pa dge tshul gyi sdom par bzhag gam/ dge slong gi sdom pa la yang de bzhin du brjod bar bya'o/ /dod tshe gcig dang gnyis zhes bya ba bzhin du zhes bya ba ni zla bo
 med pa gang zhig la sngar dong ce zhes bya ba brjod pa de nyid la gnyis pa dang bcas pa la gnyis zhes bya ba bzhin du'o/ /'o na te de dag thams cad tha dad pa zhes bya ba ni phan tshun tha dad pa'i ngo bor skye zhes bya ba'i tha tshig go/ lha gam rnams kyang de dang
 'dra'o/ /zhes bya ba ni dus ma yin pa'i zas za bA? sogs pa spong ba dag ste/ dus ma yin pa'i zas za ba la sogs pa las log pa dag ni dge tshul gyi sdom bar gzhan yin la/ dge slong gi sdom par yang gzhan yin no/ /de dag
 la khyad par ci yod ces bya ba ni/ spong bar mtshungs bzhin du snyam du bsel ba'o/ /dge slong la sogs pa'i sdom pas bsdus pa srog gcid pa spong ba la sogs pa gang dag yin pa de dag la ni gzhi'i khyad par las khyad par yod de gzhi
 byad par ni ma chags pa dang/ zhe sdang med pa dang/ gti mug med pa la brjod do/ /rgyags pa dang bag med pa'i gnas zhes bya ba ni go rim bzhin du khri stan mthon po dang/ khri stan chen po dang/ myos par 'gyur ba'i khu ba'o/
 gzhan dag na re rgyags pa dang bag med pa'i gnas zhes bya ba ni/ tshul khrims 'chal ba'i gnas so zhes sma'o/ /dge bsnyen yang ma Æyin pa kho na zhes bya ba ni 'gal na ni dge slong gi sdom pa blangs pas dge bsnyen dang/ dge tshul
 gyi sdom pa gnyis dang bral ba'i phyir dge slong gi sdom pa btang bas dge bsnyen gyi sdom pa med pa'i phyir dge bsnyen ma yin pa kho nar 'gyur te/ dge bsnyen gyi sdom pa med pa'i phyir ro/ /'di ni 'dod pa yang ma yin te 'o na ci zhe na/
 dge slong gi sdom pa btang bas dge tshul dang/ dge tshul gyi sdom pa btang bas dge bsnyen du 'dod pa yin no/ /yang ci'i phyir dge tshul la gar dang/ glu dang rol mo dang/ spos dang/ me tog 'phreng ba dang/ phyug pa
 rnam pa gnyis su byas la/ bsnyen gnas kyi sdom par ni gcig tu byas zhe na/ shin tu mang ngo snyam du bsgyid lug pa'i khyim pa rnams la sla bar bstan pa'i phyir gcig nyid du rnam par bzhag ste bri dza'i bu la bslab pa'i gzhi bstan pa bzhin
 no/ /las mi mnyam pa can yang dag par 'jog par byed pas zhes bya ba ni sems can rnams las ldog pa'i las can yang dag par 'jog pas zhes bya ba'i don to/ /sems can rnams las sdig par byed ba ni mi mnyam par
 'jog go /mkhas pa rnams kyi bsngags pa'i phyir zhes bya ba la mkhas pa ni sangs rgyas dang rang sangs rgyas dang nyan thos rnams so/ /rnam par rig byed dang sems dag gi byed pas zhes bya ba la/ rnam par rig byed ma yin ba ni rnam par
 rig byed dang sems kyis byed de/ de la so so thar pa'i sdom pas bsdus pa ni rnam par rig byed dang sems kyis byed la/ bsam gtan dang zag pa med pas bsdus pa ni sems kyis byed do/ /bya ba'i rgyu yin pa dang/ bya ba'i 'bras bu yin
 pa'i phyir ro zhes bya ba la so so thar sdom pa ni rnam par rig byed kyi bya ba'i 'bras bu yin pa'i phyir ro/ /ting nge 'dzin las skyes pa'i rnam par rig byed ma yin pa ni ting nge 'dzin las skyes pa'i sems pa'i 'bras bu yin pa'i phyir ro/ /
 bya ba'i rgyu yin pa zhes bya ba ni/ rnam par rig byed kyi bya ba'i rgyu yin pa'i phyir te/ sdom pa la gnas pa ni sdom pa kun tu bspung ba'i don du grog sbur la sogs pa mthong nas de bsrung ba'i phyir yan lag bskum par byed la/ yan lag
 bskum pa'i rnam par rig byed de yang rnam par rig byed ma yin pa'i rgyu las byung ba yin no/ /rnam par rig byed dang rnam par rig byed ma yin pa dang po dag ni so so thar pa zhes bya ste zhes bya ba 'byung ngo/ /des sdig pa las so so thar ba'i phyir te
 zhes bya ba ni skad cig ma dang po kho nas sdig pa las thar bar byed de/ gtong zhing 'dor zhes bya ba'i tha tshig go /so sor thar pa yang de yin la sdom pa yang yin pas so sor thar pa'i sdom pa ste/ lus dang dag sdam pa'i phyir ro/ /las kyi lam
 zhes kyang bya'o zhes bya ba ni/ dngos kyi bsdus pa'i phyir ro/ /skad cig gnyis pa la sogs pa la ni so so thar pa'i sdom pa kho na yin gyi so so thar pa ni ma yin te/ gang gi phyir des sdig pa las so so thar par mi byed de/ skad cig ma dang po
 kho nar so so thar zin pa'i phyir ro/ /mjug yin gyi las kyi lam dngos ni ma yin te/ /skad cig dang po kho nar dngos yin pa'i phyir dang/ sdig pa spang pa'i phyir dang/ lus dang dag bsdams pa'i phyir ro/ /tshul khrims ni rnam pa gnyis te
 yang dag par blang ba'i tshul khrims dang/ chos nyid kyis thob pa'o/ /de la gang zhig 'di dang 'di bya'o/ /snyam du de ltar len pa de ni yang dag par len pa'i tshul khrims te/ so so thar pa zhes bya'o/ /chos nyid kyi thob pa ni bsam gtan gyi sdom
 pa dang zag pa med pa'i sdom pa'o/ /so so thar dang ldan rnam brgyad ces bya ba ni brgyad kho na so so thar pa'i sdom pa dang ldan gyis so sor thar pa kho na dang ldan pa ni ma yin no/ /srid pa la brten par byed pa'i phyir zhes bya ba la/ phyi rol pa 'dod
 pa rnams kyis tshul khrims ni srid ba la brten pa kho na yin te/ log par lta ba la sogs pa nyams pas srid pa'i khyad par la thar par 'du shes pa'i phyir ro/ /bsam gtan skyes dang de ldan zhes bya ba ni bsam gtan dang ldan pa zhes bya
 ba'i tha tshig go/ bsam gtan dang ldan pa kho na bsam gtan gyi sdom pa dang ldan gyi/ bsam gtan gyi sdom ba kho na dang ldan pa ni ma yin no/ /'dir ni nyer bsdogs kyang bsam gtan du brjod nas bstan te zhes bya ba ni
 gang gi phyir nyer bsdogs na yang bsam gtan gyi sdom pa dang/ zag pa med pa'i sdom pa yod par 'dod pa yin te/ de'i phyir 'dir bsam gtan gyi nyer bsdogs kyang bsam gtan gyi sgrar brjod do/ /kyang gi sgras ni dngos gzhi yang bsngu'o/
 zag med 'phags pa'i sems can dang zhes bya ba la/ 'phags pa'i gang zag kho na zag pa med pa'i sdom pa dang ldan gyi/ /zag pa med pa'i sem pa kho na dang ldan pa ni ma yin no/ /sems kyi rjes su 'brang ba'i sdom pa gnyis zhes
 gang bshad pa zhes bya ba la ji ltar zhe na/ sems las byung dang sdom gnyis dang/ sems dang dag gi mtshan nyid zhes bya ba de nas so/ sems gzhan dang ldan pa dang/ sems med pa la yang rjes su 'jug pa'i phyir zhes bya ba
 la/ sems gzhan dang ldan pa zhes bya ba ni de kun nas slong bar byed pa'i sems las gzhan pa'i sems dang ldan pa'o/ /sems med pa zhes bya ba ni 'gog pa dang 'du shes med pa'i snyoms par 'jug pa la snyoms par zhugs pa'o/ /
 bsam gtan dang zag pa med pa'i sdom pa gnyis ni de ltar kun nas slong ba'i sems med par mi 'byung ste/ de'i phyir de dag kho na sems kyi rjes su 'brad ba yin gyi/ so so thar pa'i sdom pa ni ma yin te/ g.yengs dang sems med
 pa yi yang zhes 'byung ba'i phyir ro/ /mi lcogs pa med pa zhes bya ba smos pa ni 'dod pa na spyod pa'i 'tshal ba'i tshul khrims kho na'i gnyin po yin pa'i phyir ro/ /bar chad med pa'i lam zhes bya ba ni/ de dag spong ba'i lam yin pa'i
 phyir ro/ /dgu dag zhes bya pa ni/ 'dod par gtogs pa'i nyon mongs pa rnam pa dgu spong par byed pa'i bar chad med pa'i lam dgu'o/ /de gnyis kyi zhes bya ba ni bar chad med pa'i lam du skyes pa'i bsam gtan dang/ zag pa med pa'i sdom pa gnyis
 kyis so/ /de kun nas slong bar byed pa zhes bya ba ni/ 'chal pa'i tshul khrims kun nas slong bar byed pa'o/ /de nyid kyi phyir zhes bya ba ni gang gi phyir mi lcog pa med pa spong ba'i sdom par mi 'dod pa'i phyir ro/ /bsam gtan gyi sdom pa yin
 la/ spong ba'i sdom pa ma yin pa yang yod/ spong ba'i sdom pa yin la/ bsam gtan gyi sdom pa ma yin pa yang yod/ gnyi ga yin pa yang yod/ gnyi ga ma yin pa yang yod de/ /mu dang po ni mi lcogs pa med pa'i bar chad med pa'i
 lam ma gtogs pa bsam gtan gyi sdom pa'o/ /mi lcogs pa med pa'i sa pa'i sbyor ba dang rnam par grol ba dang khyad par gyi lam dag dang/ bsam gtan dang po la sogs pa'i dngos gzhi'i rnam par grol ba'i lam dag na yod pa ni bsam
 gtan gyi sdom pa kho na yin gyi/ spong ba'i sdom pa ni ma yin te/ des 'chal ba'i tshul khrims dang de kun nas slong bar byed pa'i nyon mongs pa rnams mi spong ba'i phyir ro/ /gnyis pa ni mi lcogs pa med pa'i bar chad med pa'i lam dgu dag
 tu zag pa med pa'i sdom pa ste/ 'di ni spong ba'i sdom pa yin te/ chal pa'i tshul khrims la sogs pa spong ba'i phyir ro/ /bsam gtan gyi sdom pa ni ma yin te/ zag pa med pa'i phyir ro/ /gsum pa ni mi lcogs pa med pa'i bar chad
 med pa'i lam dag tu zag pa dang bcas pa ste/ 'di ni des 'chal pa'i tshul khrims la sogs pa spong ba'i phyir spong ba'i sdom pa yang yin la/ zag pa dang bcas pa'i ting nge 'dzin las skyes pas bsam gtan gyi sdom pa yang yin no/ /
 bzhi pa ni mi lcogs pa med pa'i bar chad med pa'i lam ma gtogs pa zag pa med pa'i sdom pa ste/ 'di ni zag pa med pa'i phyir/ bsam gtan gyi sdom pa yang ma yin la des 'chal ba'i tshul khrims la sogs ba mi spong ba'i phyir
 spong ba'i sdom pa yang ma yin no/ /ci rigs bar bya'o zhes bya ba la/ mu bzhi ci rigs pa de ltar rig par bya'o/ /ji ltar rigs zhe na/ zag pa med pa'i sdom ba yin la spong ba'i sdom pa ma yin pa yang yod spong ba'i sdom pa yin la/
 zag pa med pa'i sdom pa ma yin pa yang yod/ gnyi ga yin pa yang yod/ gnyi ga ma yin pa yang yod de/ mu dang po ni mi lcogs pa med pa'i bar chad med pa'i lam ma gtogs pa zag pa med pa'i sdom pa'o/ /gnyis pa ni mi lcogs
 pa med pa'i bar chad med pa'i lam du skyes pa'i bsam gtan gyi sdom ba'o/ /gsum pa ni mi lcogs pa med pa'i bar chad med pa'i lam dgan yod pa'i zag pa med pa'i sdom pa'o/ /bzhi pa ni mi lcogs pa med pa'i bar chad med pa'i lam
 ma gtogs pa'i bsam gtan gyi sdom pa thams cad do/ /lus kyi sdom pa legs pa ste/ dag gi sdom pa legs pa yin zhes bya ba der ni lus dang dag gi sdom pa dag rnam par rig byed ma yin pa'i rang bzhin du shes pa zhig na/ yid kyi
 sdom pa legs pa ste/ zhes gsungs pa dang gang yang mig gi dbang po sdom pas bsdams te gnas so/ zhes gsungs pa'i yid dang dbang po'i sdom pas 'di dag na gang gi rang bzhin yin par mi shes so/ /yang yid dang dbang po'i sdom
 pa gnyis dran pa dang shes bzhin gyi rang bzhin no zhes bya ba 'dis ji ltar shes zhe na/ lung las te 'di ltar mdo las mig gis gzugs rnams mthong nas yid bde bar yang mi 'gyur zhing yid mi bde bar yang mi 'gyur la/ dran pa dang ldan
 zhing shes bzhin du btang snyoms su gnas so zhes bya ba nas yid kyi chos rnams shes nas zhes bya ba'i bar du gsungs ba dag yang 'jig rten 'di na srol gang dag yod de dran pas zlog pa yin de yi sdom pa bshad bya ste/ de nas shes bzhin gyi dag go zhes bya
 ba gsungs so/ /yang lta zhig gis dge slong dbang po yul dag la rgyu ba zhig la 'di skad ces smras so/ /dge slong dge slong rma 'byin par ma byed cig /dge slong gis smras pa/ lta dgag par bya'o/ /lhas smras pas/ dge slong rma rdza ma
 tsam byung nas ci zhig gis dgag par byed/ dge slong gi smras pa/ dran pa dang shes bzhin gyis dgag par bya'o zhes bya ba 'byung ngo/ /so so thar nas ji srid du/ /ma btang bar rtag da ltar gyi zhes bya ba la/ so so thar ba'i sdom ba la gnas pa
 ni skad cig ma dang po la da ltar bde nyid dang ldan gyi 'das pa dang/ ma 'ongs pa dag dang ni ma yin no/ skad gcig ma gnyis la sogs pa dag tu ni da ltar ba gang yin pa de dang 'das pa dag dang ldan gyi ma 'ongs pa dang ni ma yin no/ ji srid du
 rnam par rig byed ma yin pa mi gtong ba zhes bya ba ni 'chad par 'gyur ba'i gtong ba'i rgyu bslab pa 'dul pa la sogs pa dag gis so/ /skad cig ma dang po phyin chad 'das ba dang zhes bya ba la skad cig ma dang po la ni da ltar kho na dang ldan pa yin
 la/ phyin chad ni ma btang bar du dus gnyis dang ngo/ /bsam gtan sdom dang ldan pa ni rtag tu zhes bya ba la bsam gtan gyi sdom pa thob pa ni rtag tu 'das pa dang ma 'ongs pa'i rnam par rig byed ma yin pa dang ldan gyi da ltar ba dang ni ma yin no//
 da ltar ba dang ni snyoms par zhugs pa kho na ldan te/ bsam gtan gyi sdom pa ni sems kyi rjes su 'jug pa'i phyir ro/ /ji ltar skad cig ma dang po la bsam gtan gyi sdom pa 'das pa dang ldan zhe na/ de'i phyir de ni skad cig ma dang po la
 zhes bya ba rgyas bar smos so/ /des bar 'byed pa'i cha dang mthun pas bsdus pa ni ma gtogs te/ de ni tshe rabs gzhan dag tu thob pa btang ba mi 'thob bo/ /'phags ni dang po 'das dang min zhes bya ba la skad cig ma dang po
 nas bzung ste/ yongs su mya ngan las ma 'das kyi bar du ni 'das pa dang ma 'ongs pa'i rnam par rig byed ma yin pa dang ldan no/ /'di ni khyad par yin te zhes bya ba ni dang po ste/ sdug bsngal la chos shes pa'i bzod pa'i skad cig la ni 'das
 pa'i rnam bar rig byed ma yin pa dang mi ldan no/ /ci'i phyir zhe na/ thog ma dang mi ldan pa'i 'khor bar lam sdon ma bskyed pa'i phyir ro/ /mnyam bzhag 'phags lam gnas de gnyis zhes bya ba la/ mnyam bzhag gi lam la gnas
 pa ste/ 'jig rten pa'i lam mnyam par bzhag pa'i lam la gnas pa dang/ 'phags pa'i lam la gnas pa ste/ mnyam bzhag 'phags lam la gnas te/ bsam gtan dang zag pa med pa'i sdom pa dang ldan pa gnyis zhes bya ba'i tha
 tshig go /'dir 'phags pa'i lam la gnas pa ni grur zhugs pa'i tshul du 'phags pa'i lam la zhugs pa yin par rig par bya ste/ dper na gang zhig grur zhugs pa de gru la gnas pa yin pa de bzhin du gang zhig 'phags pa'i lam
 la zhugs shing snyoms par zhugs pa de ni 'phags pa'i lam la gnas pa yin no/ /langs pa dag ni ma yin no ci zhe na/ da ltar ba dang ldan pa ni ma yin te/ de gnyis ni sems kyi rjes su 'jug pa'i phyir ro/ /sngar ni ldan ba bshad
 la/ da ltar ni sdon du gyur bar bshad do/ gang sdom pa yang ma yin/ sdom pa ma yin pa yang ma yin pa la gnas ba de ni bar ma la gnas pa ste/ zhes bya ba ni gang zhig dge slong la sogs ba yang ma yin la/ nya pa la sogs
 pa yang ma yin pa de ni bar ma la gnas pa'o/ /'chal ba'i tshul khrims dang tshul khrims kyi yan lag la sogs pas bsdus ba zhes bya ba la/ 'chal ba'i tshul khrims kyi yan lag ni srog gcod pa la sogs pa'o/ /tshul khrims kyi yan lag ni de
 spangs pa'o/ /sogs pa zhes bya ba'i sgras ni mchod rten la phyag 'tshal ba la sogs ba bsdu'o/ /sdom pa ma yin pa la gnas ba ni mi dge ba'i chos la gnas ba'i phyir la/ sdom pa la gnas ba ni dge ba'i chos la gnas pa'i phyir bzlog pa mi
 srid de snyam nas/ ci res 'ga' sdom pa ma yin pa la gnas pa zhes bya ba smras te/ de gnyis ji srid du 'brang ba zhes bya ba ni rab tu dang ba dang nyon mongs ba'i shugs dag go/ de srid du rnam bar rig byed ma yin ba de dag kyang zhes bya ba ni dge ba dang
 mi dge pa dag po/ /gzhan dag tu ni zhes bya ba ni skad cig ma gnyis pa la sogs pa dag tu'o/ /ma 'ongs ba'i rnam par rig byed ma yin ba dang ni/ su yang mi ldan no zhes bya ba la/ ci'i phyir zhe na/ de ni sems kyi rjes su 'jug pa ma yin ba'i
 phyir ro/ /'das ba dag dang yang zhes bya ba ni chos ma 'ongs pa kho na dang ldan pa med pa 'ba' zhig tu ma zad pa'o/ /chos nyam chung ba'i zhes bya ba rgyas par 'byung ste/ de dang lhan cig skyes pa'i thob pa ni nyam chung pa'i phyir/ gang gi dbang
 gis 'gag kyang rnam par rig byed dang ldan par 'gyur ba/ thob pa gzhan 'dren par mi nus so/ /'o na ni sgribs la lung du ma bstan pa'i sems kyis dang yang zhes bya ba rgyas par 'byung ste/ gal te sgribs pa'i rnam par rig byed kyi
 thob pa nyam chung pa'i phyir rjes su 'brel pa can ma yin na/ de lta na de kun nas slong bar byed pa bsgribs pa'i sems kyi thob pa yang rjes su 'brel ba can du mi 'gyur ro/ /sems kyi thob pa yang rjes su 'brel pa can du mi 'gyur ro zhan
 gang smras pa de ni de lta ma yin te/ rnam par rig byed ni dmigs pa med pa'i phyir blun pa dang/ sems la rag las ba'i phyir ro/ /gzhan gyi dbang yin na sems ni zlog pa'i phyir de ltar blun pa dang gzhan gyi dbang ma yin la
 lung du ma bstan pa'i sems nyam chung bas blang pa de ni ches nyam chung bar 'gyur ro/ /sdom pa min dang nyes sbyad dang zhes bya ba rgyas par 'byung ste/ nyes par sbyang pa ni smad pa spyad pa'o/ /ji ltar smad pa yin zhe na/ dam pa rnams kyis smad
 pa'i phyir te/ dgongs pa'i phyir dang/ 'bras bu yid du mi 'od ba'i phyir smad pa'o/ /dngos kyis bsdus pa'i phyir dang/ sems pa'i lam du gyur pa'i phyir las kyi lam mo/ /bar ma dor gnas sems zhan pas/ byed na rnam rig nyid dang
 ldan zhes bya ba la/ bar ma dor gnas pa smos pa ni sdom pa dang sdom pa ma yin pa la gnas pa gsal bar bya ba'i phyir de/ sdom pa dang sdom pa ma yin pa la gnas pa ni gdon mi za bar rnam par rig byed ma yin pa dag dang ldan pa yin no/ /
 sems zhan pa zhes bya ba ni sems drag po gsal bar bya ba'i phyir te/ sems drag pas ni dge ba dang mi dge ba byed pa na rnam par rig byed ma yin pa kun nas slong par byed do/ /lung du ma bstan pa lta smos kyang ci dgos zhes bya ba ni byed na
 zhes bya ba dang sbyar ro/ /rdzas las byung ba'i bsod nams bya ba'i dngos po lam ni ma gtogs so zhes bya ba ni der bsam pa zhan pas rnam par rig byed pa las yang rnam par rig byed ma yin pa 'byung ba'i phyir ro/ /der ni lung du ma bstan
 pa byed kyang rnam par rig byed ma yin pa dang ldan par 'gyur te/ rtag tu rgyun mi chad par bsod nams mngon par 'phel zhing zhes 'byung ba'i phyir ro/ /tshe gzhan du yongs su gyur nas da dung rnam bar rig byed ma byung ba zhes bya ba ni nur
 nur po la sogs pa'i gnas skabs su'o/ /rnam par rig byed rnam par nyams pa ni gzugs med par skyes pa na'o/ /yang na rnam par rig byed nyams pa ni lung du ma bstan pa'i sems kyis gtsug lag khang la sogs pa phul ba na ste/ de'i
 thob pa ni rjes su 'brel pa ma yin ba'i phyir ro/ /rnam par rig byed ma yin pa dang ni ldan pa kho na yin no/ /de ltar na mu gnyis po dang po dang gnyis pa ni mdo las bshad ba yin no/ /mu gsum pa ni so so thar ba'i sdom pa len pa na ste/ de ni
 de'i tshe gnyi ga dang ldan pa yin no/ /bzhi pa ni so so'i skye bo 'dod ba'i khams las 'dod chags dang ma bral ba gang zhig tshe gzhan du yongs su gyur nas da dung du rnam par rig byed ma byung ba 'am/ rnam par rig byed rnam par nyams
 pa'o/ /gang gi tshe skye bas thob pa'i bsam gtan thob ba de'i tshe de dang lhan cig sbyod pa sdom pa yang 'thob po/ /lhan cig 'byung ba yin ba'i phyir ro zhes bya ba ni bsam gtan gyi sdom pa dang/ bsam gtan gyi sems gnyis ni cig
 car skye ba'i phyir ro zhes bya ba'i tha tshig go /gal te 'di la gzhan gyis rnam par rig byed la/ 'di yang gzhan la rnam par rig byed na zhes bya ba la 'dir rnam par rig byed ni go bar byed pa'o/ /gzhan dag ni gang zag las so zhes bya ba
 ni/ dge tshul dang/ dge tshul ma dang/ dge bsnyen dang/ dge bsnyen ma dang/ bsnyen gnas pa'i sdom pa dag go /rang byung gis ni zhes bya ba ni ye shes brnyes pas zhes bya ba'i don te de dag gi ye shes ni rang byung yin no/ /nges par
 'jug pa zhes bya ba ni smon lam gyi dbang dam sangs rgyas kyi mthus so/ /nges pa nyid ni des pa ste/ mthong ba'i lam mo/ /'jug pa de ni bskyed pa'o/ /sde lnga po ni gnas brtan kun shes kauN+Din+ya la sogs pa dag go /
 dge slong tshur shog ces bya bas zhes bya ba ni/ bcom ldan 'das kyis dge slong tshur sheg tshangs par spyad pa spyod cing chos ni legs par gsungs pa'o zhes gsungs pa ste/ bde gshegs skyob pas tshur shog ces gsungs pas/
 mgo yang byi zhing chos gos gyon par 'gyur zhes 'byung ba lta bu yin no/ /ston par khas blangs pa ni 'od srungs chen po'o zhes bya ba ni 'od srungs chen po de ni mthu che ba'i phyir lha'i gzugs gang dang gang la phyag byas pa de dang de 'gas so/ /de bcom ldan
 'das kyi thang du song nas 'di'i gzugs zhig par 'gyur na mi rung ngo/ snyam de phyag ma byas pa dang bcom ldan 'das kyis de'i bsam pa thugs su chud na 'od srungs khyod de bzhin gshegs pa la phyag 'tshal zhig ces glengs so/ /des bcom ldan 'das
 la phyag byas pa dang/ des bcom ldan 'das kyi gzugs ma 'gyur bar mthong nas/ 'di ni bdag gi ston pa yin no zhes khas blangs te/ de nyid de'i bsnyen par rdzogs pa yin no/ /dri bas mnyes pa ni legs sbyin no/ zhes bya ba ni legs sbyin
 gyi smras pa'i lan btab pas bcom ldan 'das mnyes par gyur te/ mnyes pa des ni 'di bsnyen pa rdzogs par gyur to/ /bla ma'i chos khas blangs pas ni zhes bya ba ni bla ma'i chos brgyad de/ dge slong mas dge slong las bsnyen bar rdzogs shing dge slong
 ma'i dngos por bya ba dang/ dge slong mas dge slong las zla ba phyed phyed gdams ngag mnod par bya ba dang dge slong mas dbyar dge slong med pa'i gnas su 'gro bar mi bya ba dang/ dbyar khas blangs pa'i dge slong mas gnyi ga'i dge 'dun la mthong ba dang
 thos pa dang dogs pa'i gnas gsum gyi dgag dbye bya ba dang/ dge slong mas dge slong la tshul khrims phun sum tshogs par ma yin pa dang/ lta ba phun sum tshogs pa ma yin pa dang/ cho ga phun sum tshogs pa ma yin pa dang/ 'tsho ba phun sum
 tshogs pa ma yin pas ltung ba gleng bar mi bya ba dang/ dge slong mas dge slong la gshe ba 'am khro ba 'am spyo bar mi bya ba'am/ bla ma'i chos kyi ltung pa byung ba'i dge slong mas gnyi ga'i dge bdun la mnyes par bya ba spyad par bya ba dang/ dge slong ma
 bsnyen pa rdzogs nas lo brgya lon pas dge slong nga ltar bsnyen par rdzogs pa la gus par smra ba dang/ phyag dang sngon du ldud ba dang/ thal mo sbyar ba dang/ 'dud pa'i las bya ba zhes bya ba'o/ /pho nyas ni chos sbyin no zhes bya ba ni nges btsun mo'i 'khor gyi nang du
 'dug bzhin du rab tu 'byung bar bya ba'i phyir bcom ldan 'das kyi spyan sngar pho nya btang ngo zhes grag go /'dul ba 'dzin pa gtogs pa lnga so zhes bya ba la 'dir 'dul ba 'dzin pa ni gsol ba brjod pa la mngon par 'dod do/ /de dag la sde bzang zhes bya ba'i
 ming yod pa ni sde bzang drug cu'o/ /tshogs zhes bya ba ni mtshan te/ grangs drug cu po de dag gis bsnyen par rdzogs par byas pa gang yin pa de rnams skyabs su 'gro ba lan gsum bzlas pas so/ /de dag gi so so thar pa'i sdom pa gdon mi za bar
 rnam par rig byed la rag lus pa ma yin te zhes bya ba ni sde lnga po dang/ grags pa la sogs pa dag gi ste/ sngon gyi smon lam gyi dbang ste/ bsam pa phun sum tshogs pa 'am/ sangs rgyas kyi mthus rnam par rig byed med par so so thar pa'i sdom pa
 'thob po/ /gzegs zan la sogs pa mu stegs byed kha cig dus rtag pa dang rdzas kyi bdag nyid kho nar 'dod pas the tshom za bas dus zhes bya ba'i chos de gcig ces bya bar dris so/ /de ni 'du byed yongs su ston pa'i tshig bla dags yin te/ 'du
 byed 'das pa dang/ ma 'ongs pa dang/ da ltar ba rnams mngon par bsal bar bya ba'i phyir dus zhes bya ba'i ming 'di btags kyi gzugs la sogs pa'i dbye bas tha dad pa'i phung po lnga las tha dad pa'i lus su gtogs pa ni ma yin te/ de nyid kyi phyir bde
 bar gshegs pa'i gsung rab la mkhas pa'i thugs dang ldan pa ngag gis de dag nyid du gtam bzhi dang zhes bshad do/ /mkhas pa rnams kyis ni 'byung ba'i khyad par las kyi rlung gi shugs kyi 'phang ba rang gi rgyu gcig nas gcig
 tu rgyud pa rnam par ma chad pas bar med par bskyed pa/ rkyen ji lta ba bzhin du tsha ba dang grang ba'i bye brag gis bo bo'i khyad par nye bar len pa dag la dus su rtogs kyi/ rtag pa dang rdzas zhes bya ba ni ma yin no/ /'di ltar 'das pa'i dus nas da ltar byung ba
 zhes bya ba'i bar ni 'du byed dus gsum pa dag kho na yin par rtogs kyi/ rtag pa'i rdzas gzhan ni ma yin te/ rtag pa las 'das pa dang ma 'ongs pa dang da ltar byung ba nyid mi srid pa'i phyir ro/ /yang dag par blangs pa yod kyang zhes bya ba ni/ bdag
 gi skye ba gzhan du yang dge slong gi sdom pa 'am/ dge tshul gyi sdom pa yang dag par blang bar bya'o snyam du yang dag par blangs pa de yod kyang ngo/ /skal pa mi 'dra ba'i phyir zhes bya ba ni ris mi mthun pa gzhan gyis bsdus pa'i phyir ro/ /des kyang
 der sbyor ba ma byas pa'i phyir zhes bya ba ni/ skal pa mi 'dra ba'i lus nges te/ yang dag par blang ba la sbyor ba ma byas pa'i phyir ro/ /'di skad bstan par 'gyur te/ lus gang gis sdom pa yang dag par blang ba la sbyor ba'i lus de nyid la sdom pa
 sbye'i lus gzhan la ni ma yin no/ /mi dran pa'i phyir zhes bya ba ni sdom pa yang dag par len pa de lus gzhan gyis mi dran pa'i phyir ro/ /de'i phyir ji ltar shi ba la sdom pa skye bar rig pa dang 'gal ba de ltar 'di na ni yod pa ma yin te/ 'di ltar ji ltar
 zla ba phyed la sogs par yang dag par len pa'i sems stobs dang ldan pa de ltar nyin zhag pa'i sdom pa yang dag par len ba ma yin pa de'i phyir nyin zhag gi 'og tu sdom pa skye ba yang mi 'gal lo/ /slob dpon 'dul bzang na re 'dul ba dang ldan
 pa'i don dag la ni thams cad mkhyen ba yin pas rtog ges de kho na nyid khong du chud par mi nus te/ gang sdom pa de dag las kha cig ni tshogs kyi nang du gsol ba dang bzhi'i las kyi thob la/ kha cig ni gang zag gcig las gsol ba tsam gyis 'thob pa 'di la rgyu ci zhig
 yod/ de'i phyir gang de ltar 'thob kyi/ rnam pa gzhan ni ma yin no zhes ston pas gzigs shing de kho na ltar bstan pa 'di ni sdom pa'i rigs kho na de ltar gnas pa yin pas 'di la rgyu bcal bar mi bya'o zhes smra'o/ /re zhig ci bcom ldan 'das kyis nyin zhag
 gi 'og tu sdom pa mi skye par gzigs nas nyin zhag pa'i bsnyen gnas bstan nam/ 'on te dbang po gdul dka' ba rnams zhes bya ba 'byung ste/ slob dpon 'dul bzang na re ni/ gal te dbang po gdul dka' ba la bltos nas nyin zhag pa bstan na ni dbang
 po chas gdul dka' ba la bltos nas yung tsam ma ma nyin mo 'am mtshan mo tsam ci'i phyir ma bstan ces smra'o/ /de de ltar brtag ga la nus zhes bya ba ni thal ma thag tu dbang po gdul dka' ba rnams zhes bya ba la sogs pa gang smras pa ste/ 'dis ni nyin
 zhag gi 'og tu yang sdom pa skye'o zhes bya ba'i lung med par ston to/ /phyin chad sdom pa skye ba la yang zhes bya ba rgyas bar smos so/ /ji ltar rig pa dang 'gal ba med ce na/ lus bskal pa 'dra ba'i phyir dad des der sbyor ba byas pa'i phyir dang dran pa'i phyir ro/
 phyin chad su la yang ma bstan pas zhes bya ba ni bye brag tu smra ba rnams na re khyim pa thams cad dbang po gdul dka' ba ni ma yin te/ de'i phyir phyin chad skye ba mi srid pas nyin zhag gi 'og tu su la yang ma bstan to zhes bya bar shes so/ zhes zer ro/ /de de ltar
 nod? med ces grag /ces bya ba'i sgras ni ma rangs par bstan pa'i phyir ro/ /dus gzhan gyi bar du log par zhugs pa ni ma yin no zhes bya ba la/ nyin zhag tu sdig pa bya ba'i bsam pas sdig pa'i bya ba byed pa ni sdom pa yang ma yin la sdom pa ma yin pa yang
 ma yin no/ /de lta na 'o na ni bsnyen gnas kyi sdom pa la yang nyin zhag kho nar bsam pa log pa ma yin par zhugs pas de yang 'thob par mi 'gyur zhe na/ de'i phyir bsnyen gnas kyi sdom pa ni zhes bya ba rgyas par snos? so/ /rdzas su ni
 med kyi zhes bya ba la rnam par rig byed ma yin pa ni dge ba'o zhes bstan to/ /de ltar sdom pa ma yin pa yang rdzas su ni med de/ sems pa las ma gtogs par snyam du bsams pa'o/ /sdig pa bya ba'i bsam zhes bya ba ni sdig ba bya ba'i mon bsam
 mos? rjes su 'brel pa dang bcas pa zhes bya ba ni bag chags dang bcas pa ste/ de las skyes pa dang de'i rgyu'i bag chags de yod pas sems dge ba yang de dang ldan pa ste/ sdom pa ma yin pa dang ldan pa zhes bya'o/ /de ma spangs pa'i phyir zhes
 bya ba ni de ma bsal ba'i phyir ro/ /de zhes bya ba sdig pa bya ba'i bsam pa rjes su 'brel pa dang bcas pa ste/ de ma spangs pa ni bsam pa thag pa nas sdig pa'i bya ba yongs su ma btang ba'o/ /'bogs pa dang nod pa 'grub par mi 'gyur ro zhes
 bya ba ni sngar ram kha snyam ste smra na'o/ /yan lag brgyad tshang ba zhes bya ba ni yan lag brgyad kho na yang dag par nod par bya ba ste/ slo ba rnams phan tshun rag las ba'i phyir ro de ni zas zos nas kyang nod par bya'o zhes bya ba 'byung ngo/ /yang ci
 nod pa'i snga rol tu zos pa la sdom pa skye ba 'am 'on te mi skye gal te skye na ni sdom pa rnam par rig byed la rag las pa nyams par 'gyur la/ nod par yang don med par 'gyur ro/ /ci ste mi skye na ni de lta na yang nyin zhag gcig pa nyid nyams par
 'gyur ro/ /de la sa gzhan du na mnos pa ni legs par spyad pa tsam du 'gyur gyi zhes bya ba la/ tsam zhes bya ba'i sgras ni sdom pa zhes bya ba'i legs par spyad pa las khyad par du byed pa ste/ 'di yang 'bras bu yid du 'od ba 'dren par byed pa
 kho na'o/ /gsos 'debs pa'i phyir zhes bya ba ni rgyas par byed ces bya ba'i tha tshig go /gar dang glu la sogs pa'i zhes bya ba'i sogs pa'i sgras ni rol mo dang spos dang me tog 'phreng dang byug pa dang kha dog bsdu'o/ /de med na zhes bya bas ni dus sum pa'o/ /
 gnyig yang med do zhes bya ba ni/ bsnyen gnas dang skyo ba'i dran pa ste/ rab tu byung ba rnams kyi dus su za ba ni khyim pa rnams kyi skyo ba 'dren par byed pa yin no/ /gnyis su bya'o zhes bya ba 'byung ste/ ci'i phyir gnyis su byed ce na/ gzhan du na ni gso
 ba yan lag bdun du 'gyur gyi yan lag brgyad du ni ma yin no/ /dper na yang dag pa'i lta ba lam yang yin la/ lam gyi yan lag kyang yin pa zhes bya ba rgyas par 'byung ste/ lam yan lag brgyad ces bya ba 'dir ni yang dag pa'i lta ba lam
 yang yin la ma gyi yan lag kyang yin te/ lam ni shes pa'i mtshan nyid can yin pa'i phyir ro/ /zad pa dang mi skye ba shes pa dag ni byang chub dang yan lag go/ ting nge 'dzin ni bsam gtan yang yin la bsam gtan gyi yan lag kyang yin no/ /de dag
 nyid yang dag pa'i lta ba la sogs pa de dag gi zhes bya ba ni yang dag pa'i lta ba la sogs pa de dag nyid yang dag pa'i lta ba dang/ chos rnam par 'byed pa byang chub kyi yan lag dang/ ting nge 'dzin rnams ni yan lag tu rung ba ni ma yin brte? mi rigs
 so zhes bya ba'i don to/ /gal te yang dag pa'i lta ba la sogs pa snga ma rnams yang dag pa'i lta ba la sogs pa phyi ma rnams kyi yan lag tu 'gyur na ni zhes bya ba 'byung ste/ de ltar brtags kyang skad cig ma dang po la skyes pa'i 'phags pa'i lam
 ni yan lag brgyad par mi 'gyur te/ /der sngar skyes pa'i yang dag pa'i lta ba la yan lag med pas yan lag bdun par 'gyur ro/ /skad cig ma dang po smos pa ni/ sdug bsngal las chos shes pa la sogs pa las khyad par du bya ba'i phyir te/
 de la ni sngar skyes pa'i yang dag pa'i lta ba yod pas yan lag bdun par mi 'gyur ro/ /byang chub kyi yan lag dag la yang de dang 'dra bar brjod par bya'o/ /mi shes pa ni ma gtogs so/ /zhes bya ba ni 'phogs par byed pa dang nod par
 byed pa brjed pa dang ma byad pa ste/ dkon mchog gsum la the tshom za ba dang/ log par zhugs pa'i bsam pa can la ni sdom pa mi skye ste/ gang zhig mi shes pas skyabs su 'gro ba yin gyi/ log par zhugs pa 'am the tshom za bas skyabs stsa mi 'gro
 ba ma yin pa de la ni skyabs sum song yang bsnyen gnas kyi sdom pa skye'o/ /khyim pa zhes bya ba ni bstan pa'i tshig go /gos dkar po dgos pa zhes bya ba ni bshad pa'o/ /skyes pa zhes bya ba ni bstan pa'i chig go /pho'i dbang po dang ldan pa zhes
 bya ba ni bshad pa'i tshig gam gzugs na spyod pa'i sems can dgag par bya ba'i phyir ro/ /kha che ba rnams na re sdom pa med par mi 'gyur te/ dge slong dang dge tshul bzhin no zhes zer ro/ /gal te skyabs su 'gro ba khas blangs pa kho nas dge bsnyen
 gyi sdom pa thob na ni/ 'o na ci'i phyir skyabs su 'gro ba'i 'og tu yang dge bsnyen gyi sdom pa len zhe na/ de'i phyir sdom pa thob kyang zhes bya ba rgyas par smos te/ dge slong gis ni gsol ba dang gzhi'i las kyi sdom pa thob la/ dge slong gis kyang
 bdag ming 'di zhes bgyi ba bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa/ shAkya'i rgyal po de rab tu byung ba'i rjes su rab tu byung ste/ khyim pa'i rtags ni rab tu spong ngo/ /rab tu byung
 ba'i rtags ni yang dag par len to/ /bdag dge slong legs par gzung du gsol/ de skad du lan gnyis lan gsum gyi bar du yang brjod do/ /zhes khas blangs pa/ 'dis sdom pa 'thob bo/ /de ltar dge slong dang dge spyod sngar sdom pa thob zin pa
 de nyid shes par bya ba'i phyir phyis bslab pa'i gzhi rnams 'dzin du 'jug pa de bzhin du dge bsnyen yang yin no/ /sna gcig spyod pa ni gang zhig bslab pa'i gzhi gcig bsrung ba'o/ /phyogs gcig bsrung ba ni gang zhig gnyis sam gsum bsrung ba'o/ /phal
 cher spyod pa ni gang zhig gzhi bsrung ba'o/ /yongs su rdzogs par spyod pa ni gang zhig bslab pa'i gzhi lnga po thams cad bsrung ba'o/ /mdo'i tshig ni de lta ma yin no zhes bya ba ni ming tshen gyi mdo'i tshig ste/ de las ni bdag la dge bsnyen du gzung drugs la/
 ded slan chad na ma mtsho'i bar du srog gcod pa spong ngo zhes bya ba de ltar mi 'don pa'i phyir ro/ /de nyid las dge bsnyen gyi mtshan nyid bstan gyi/ zhes bya ba ni/ ming chen gyi mdo las te/ de'i phyir tshig 'di las skyabs su 'gro ba tsam gyis dge bsnyen gyi
 bsdom pa mi 'thob ste/ ming tshan gyi mdo las mi 'don pa'i phyir ro/ /gang las 'di skad du zhes bya ba la/ mdo gang nam mtsho'i bar srog dang bsdo ba skyabs su song ba mngon par rab tu dang ba zhes bya ba 'di 'byung ba de las ni bden pa ma mthor pa de
 dag ste/ gang zag dag go /shes nas dad pa rgyus zhes bya ba ni/ shes nas dad pa'i rgyu mtshan gyis so/ /srog gi phyir yang ste srog gi ched du yang dam pa'i chos la khas che bar ston gyi/ de sdom pa'i mtshan nyid ston pa ni ma yin te/ mdo 'dis sdom
 pa'i mtshan nyid ston ba ni ma yin no zhes bya ba'i tha tshig go /srog spong ba zhes bya ba ni gang nas kyang mi 'byung na zhes bya ba ni ming chen gyi mdo 'am gzhan nas so/ /su zhig yongs su mi gsal ba'i don 'di 'don par byed ces bya ba ni/ ci srog
 spong dam 'on te srog gcod pa spong zhes mi shes pa'o/ /zhu ba nyid kyang mi 'thang na zhes bya ba ni/ btsun pa ji tsam gyi dge bsnyen gyi sdom pa la sna gcig spyod par 'gyur ba lags zhes bya ba nas yongs su rdzogs par spyod pa lags zhes
 bya ba'i bar gyi zhu ba de ni mi 'thad pa ste/ gang du zhu ba mi 'thad pa'i der lan ji ltar 'thad par 'gyur gzhi de tsam zhig bzod pa la ni bslab pa'i gzhi gcig bzod pa nas lnga char yang bzod pa'i bar la'o/ /yan lag nges pa yin
 zhes bya ba ni yan lag lnga dang bcu la sogs par ro/ /chung du la sogs yid ji bzhin zhes bya ba ni/ ji ltar de'i dge ba nyid la sogs pa nyid sems la rag las pa de bzhin du chud du la sogs pa nyid kyang yin no/ /dgra bcom pa la yang so sor
 thar pa'i sdom pa chung ngu yod la zhes bya ba ni gal te kun nas slong bar byed pa'i sems chung ngu yod na'o/ /so so'i skye bo la yang chen po yod par 'gyur ro zhes bya ba ni/ gal te de la kun nas slong ba chen po yod na'o/ /mi 'gyur te/ mi shes pa
 ni ma gtogs so/ zhes bya ba ni/ 'bogs pa po dang nod pa po ste/ the tshom za nas skyabs su mi 'gro ba la ni dag bsnyen gyi sdom pa med do/ /byed pa'i chos zhes bya ba ni sangs rgyas su btags pa'i rgyu ste/ de nyid kyi phyir gang dag gtso bor
 gyur pas zhes bya ba smos te/ mngon du gyur pa'i sgo nas so/ /yang na gang dag brnyes pas zhes bya ba ni 'thob pa'i sgo nas ste/ thams cad du thugs su chud pas rten te sangs rgyas yin par 'gyur te/ de'i phyir chos de dag ni sangs rgyas
 su byed pa zhes bya'o/ /de dag zhe na/ zad pa shes pa la sogs pa zhes bya ba la sogs pa zhes bya ba'i sgras ni mi skye ba shes pa dang/ mi slob pa'i yang dag pa'i lta ba bsdu'o/ /'khor smos pas ni zag pa med pa'i phung po lnga
 bsdu'o/ /gzugs kyi sku ni snga ma khyad chub sems dpa' i gnas skabs dang/ phyi ma sangs rgyas nyid kyi gnas skabs su bye brag med pa'i phyir te/ gzugs kyi sku la skyabs su 'gro ba ma yin no zhes bya bar sbyar ro/ /mtshan nyid kyi sgo nas
 ni sangs rgyas thams cad la zhes bya ba ni bsam pa'i sgo nas ma yin pa ste/ de nyid la rgyu lam mtshan nyid mi 'dra ba med pa'i phyir ro zhes bya ba smos te/ tha mi dang pa'i phyir zhes bya ba'i don to/ /lam smos pa ni sku tshe la sogs pa rnams mtshan nyid ni
 'dra ba med pa'i phyir/ /mi phyed pa'i phyir dge 'dun du 'gyur ro zhes bya ba ni lta dang bcas pa'i 'jig rten gyis kyang chos nyid las mi phyed pa'i phyir ro/ /? dge 'dun thams cad la zhes bya ba ni/ 'das pa dang ma 'ongs pa dang ltar ba dag la'o/ /lam mtshan nyid mi
 'dra ba med pa'i phyir ro/ /zhes bya ba ni/ yan lag brgyad nyid dang/ zag pa med pa nyid dang/ nges par 'byin pa nyid du khyad par med pa'i phyir ro/ /gal te dge 'dun thams cad la skyabs su 'gro na mdo las/ bcom ldan 'das kyi mngon par rdzogs par
 byang chub nas/ ring po ma lon par ma 'ongs pa'i dge 'dun gcig pu'i dbang du mdzad nas gang yang ma 'ongs pa'i dus na dge 'dun zhes bya ba 'byung bar 'gyur ba de la skyabs su song shig ces gang gsungs pa de ji ltar zhe na/ de'i phyir gang mdo las
 zhes bya ba la sogs pa smos so/ /de dag gi mngon sum zhes bya ba ni ga gon dang bzang po gnyis gyis mngon sum 'gyur ba'o/ /dge 'dun dkon mchog ces bya ba ni dge 'dun dkon mchog gang zhig chos kyi 'khor lo bskor ba'i mjug thogs su 'byung bar
 'gyur ba de ste/ brjod pa'i phyir zhes bya ba ni/ de ltar mthu dang ldan pa de 'byung bar 'gyur ro zhes mon tan gyi sgro nas gsal bar bya ba'i phyir ro zhes bya ba'i don to/ /zhi bar mtshan nyid gcig pa nyid kyis phyir ro zhes bya ba ni/ bdag dang gzhan gyi rgyud kyi nyen mongs
 pa dang sdug bsngal dang zhi bar mtshan nyid tha mi dad pa'i phyir na gang chos la skyabs su 'gro ba de ni mya ngan las 'das pa thams cad la skyabs su 'gro'o/ /rten la gnod par byas pas zhes bya ba la/ rten ni gang na sangs rgyas su byed pa'i chos mi slob pa rnams
 yod pas gzugs kyi sku ste/ de la gnod ba byas pa ni 'dir nyams par byas pa la mngon par 'dod do/ /de dag la yang gnod ba byas pa yin no zhes bya ba ni rten la gnod pa byas pas brten pa la yang gnod pa byas par 'gyur ba ste
 dper na mig la sogs ba byas pas de la brten pa rnam par shes pa la yang gnod pa byas bar 'gyur pa bzhin no/ /de skad du mi 'byung ngo zhes bya ba rgyas par 'byung ste/ mi slob pa'i chos sangs rgyas yin no zhes bya ba de skad du ni mi 'byung ngo 'o na
 ci zhe na/ sangs rgyas su byed ba zhes bya ba 'byung ste/ de phyir gal te mi slob ba'i chos dag kho na sangs rgyas yin na ji ltar de bzhin gshegs pa la zhes rgyas par gang smras ba ni klan kar mi rung ba nyid do/ /de lta na yin na zhes bya ba ni/ gal te
 mi slob pa'i chos kho na sangs rgyas yin zhing/ slob pa dang mi slob pa'i chos dag dge 'dun yin gyi rten ma yin na ste/ de ltar na 'jig rten pa'i sems la gnas pa sangs rgyas ma yin zhing/ dge 'dun ma yin par 'gyur ro/ /'di
 ltar slob ba dang mi slob ba 'jig rten pa ni cung zad kyang yod pa ma yin zhing/ 'jig rten pa'i sems 'byung ba'i gnas skabs su slob pa dang mi slob pa'i chos 'byung ba yang ma yin la/ gang dag la yod pa de dag kyang sangs rgyas su byed
 pa ma yin zhing dge 'dun du byed pa'i tshul khrims kho na ste/ sdom ba zhes bya ba yang dge slong du 'gyur gyi/ rten ni ma yin te/ de lta yin dang dge slong tshul khrims dang ldan no zhes tha dad kyi sgo nas ston par mi 'gyur ba zhig na/
 gang na tshul khrims nyid yod pa de ni dge slong yin no zhes bya ba la sogs pa 'byung ba yang yin no/ /ji ltar gang zhig ces bya ba rgyas par 'byung ste/ gang zhig dge slong mchod par byed pa de dge slong du byed pa'i tshul khrims mchod
 par byed do zhes tshul khrims kyi sgo nas dge slong mchod par byed do zhes bya ba yin gyi tshul khrims nyid dge slong ni ma yin pa de bzhin du mi slob pa'i chos kyi sgo nas sangs rgyas la skyabs su 'gro'o/ /mi slob pa'i chos nyid ni sangs rgyas ma yin te/ 'o na ci zhe na
 rten yang sangs rgyas yin no/ /gang zhig sangs rgyas la skyabs su 'gro ba de ni sangs rgyas kyi chos ma 'dres pa bco brgyad la skyabs su 'gro ba yin no zhes bya ba ni de dag thun mong ma yin pa'i phyir ro snyam du bsams ba ste/ 'dis ni chos kyi sku kho na sangs
 yin no zhes bstan to/ /yang skyabs de dag tha dad du bya ba na mi slob pa ni sangs rgyas so/ /slob pa yang ma yin mi slob pa yang ma yin pa ni chos so/ /slob pa dang mi slob pa ni dge 'dun no/ /dbang po bcu po yid dang bde ba dang/ yid bde ba dang/
 btang snyoms dang/ dang pa la sogs pa lnga dang/ kun shes pa dang ldan pa'i dbang po'i phyogs ni sangs rgyas so/ /bcu gnyis kyi phyogs ni dge 'dun te/ gong du bshad pa bcu dang kun shes par byed pa'i dbang po dang/ kun shes pa'i dbang po bsnang
 te bcu gnyis su 'gyur ro/ /mya ngan las 'das pa ni dbang po ma yin no/ /dag gi rnam par rig byed kyi ngo bo nyid dag yin na zhes bya ba ni nod pa'i dus kyi dbang du byas nas yin te/ khas len pa'i bdag nyid yin pa'i phyir ro/ /'khor dang bcas na ni phung
 po lnga'i rang bzhin yin te/ sems kyi kun nas bslang ba'i tshig gis skyabs su 'gro'i sems med par ni ma yin no/ /de la brten nas sdug bsngal thams cad las gtan du nges par thar pa'i phyir ro zhes bya ba la/ skyabs su 'gro ba ni yang dag par
 bsgrub pa'i sa bon yin la/ yang dag par bsgrub pa ni bden pa mthong ba ste/ de ltar 'khor ba'i sdug bsngal dpag tu med pa'i ldog pa'i rgyu'i gtso bo yin pa'i phyir ro/ /de ni de nyid bstan pa'i phyir bcom ldan 'das kyis kyang zhes bya ba rgyas par
 smos so/ /de nyid kyi phyir zhes bya ba ni/ gang gi phyir skyabs de la brten nas sdug bsngal thams cad las rab tu 'grol ba'i phyir ro/ /skyabs su 'gro ba 'di ni gang dag skyabs su song bzhin du skye ba de nyid la bden pa mthong ba 'am/ ngan song du
 'gro ba de dag gi yang skye ba gzhan du bden pa mthong ba'i sa bon yin pas 'khrul pa med do/ /sgor gyur pa yin no zhes bya ba ni/ sgo dang thabs dang rgyu zhes bya ba'i don gang yin pa'o/ /shin tu smad phyir zhes bya ba la/ gzhan dag gi chung ma sun 'byin pa'i
 phyir 'jig rten pa dag gis smad pa yin la/ ngan song ba'i rgyu yin pa'i phyir yongs su spyod pa bo dag gis smad pa'o/ /mi tshangs par spyod pa ni de ltar 'jig rten pa dang yongs su gtogs pa po dag gis shin tu smad pa ma yin no/ /mi tshangs par spyod pa
 las ni dka' ba'i phyir zhes bya ba ni/ sngon goms pa'i dbang gis te por nyon mongs pa kun tu sbyor ba'i phyir dang/ nyes par spyod pa dang mthun pa'i rkyen nye ba'i phyir ro/ /'dod pas log par g.yem par mi byed pa'i sdom pa 'thob kyis zhes bshad na/ de
 ni mi shes so zhe na/ mi byed par nges pa ni mi byed pa'i sdom pa'o zhes bya ba smos te/ mi byed pa'i phyir sdom pa ni mi byed pa'i sdom pa'o/ /mi byed par nges pa ni mi byed pa ste/ mi byed pa'i phyir nges shing gcig tu nges pa gang yin pa ste/ de ni nod sde
 pa'i tshul du mi byed pa'i sdom pa yin no/ /bye brag tu smra ba rnams kyi ltar na ni tshul khrims kyi yan lag rnam par rig byed ma yin pa yin no/ /chung ma len par byed na zhes bya ba la/ gang dag bslab pa'i gzhi lnga mnos bzhin du chung ma len par
 byed na ci dge bsnyen de dag gi bud med de dag las kyang sdom pa 'thob pa 'am/ 'on te ma yin te thob pa ma yin zhes skabs dang sbyar ro/ /smras pa 'thob bo nyi tshe ba'i sdom pa 'thob par 'gyur du 'ong bas zhes bya ba ni/ sdom pa ni sems can thams
 cad kyis rten can yin pa'i phyir yan lag ma yin par rig par byed pa la sogs pa rang gi chung ma las kyang 'thob bo/ rgyud 'di la zhes bya ba ni chung mar ma blangs pa'i bud med la'e/ /zhes bya ba ni chung mar ma blangs pa'i bud med de'i 'o/ /gang gi ched
 chung mar ma blangs par gyur pa de'i tshe chung mar gyur pa la sdom pa nyams pa med do zhes bya ba ni de'i cho gzhan gyis yongs su bzung ba med pa'i phyir thob par gyur pa'i rdzas longs spyod pa ltar sdom pa nyams pa med do/ /rdzun smra shin tu smad phyir dang zhes bya
 ba ni gzhan bslu ba'i phyir dad ngan song gi rgyu yin pa'i phyir 'jig rten ba dang yongs su spyod pa po dag gis phra ma la segs pa dag pas rdzun du smra ba shin tu smad pa yin no/ /khyim na gnas pas sems can log par bsgrub ba rnams las phram la sogs spong
 ba dka' o brdzun du smra ba la sogs pa spong ba ni ma yin no/ /bcas pa'i kha nam tho ba zhes bya ba ni bkag pa'i kha na mtho ba zhes bya ba'i tha tshig go/ gzhan bsrung phyir ro zhes bya ba la chang 'thungs nas srog gcod pa la sogs pa dag la yang 'jug par 'gyur te
 gang gi phyir dran ba dang shes bzhin 'joms par byed pa'i phyir rang bzhin gyi khan ma tho ba rnams kyi yang rgyur gyur pa yin no/ /gnyen po'i blo kho nas zhes bya ba ni sman pa'i dag gis so/ /gang myos par 'gyur ba yin par shes nas do tsha med par 'thung ba 'am/
 gang kha na ma tho ba dang bcas pa la kha na ma tho ba med do snyam pa'i sems de nyid nyon mongs pa can yin no/ /gang myos par mi 'gyur ba'i zhes bya ba rgyas par 'byung ste/ gang skyon gsal bar bya ba'i phyir sman pa'i dag gi dug ltar myos par mi 'gyur ba'i drong rig
 nas 'thung ba de ni nyon mongs pa can ma yin la/ gang dag ci ltar na dga' bar 'gyur snyam ste myos par bya ba'i phyir 'thung ba de dag gi sems de ni nyon mongs pa can yin no/ /khyad par du chang 'thung ba nyes par spyod pa nyid du bsgrub ba'i phyir 'dul ba 'dzin pa rnam
 na re/ myos bar 'gyur ba ni rang bzhin gyi kha na ma tho ba yin te zhes smras so/ /gal te myos par 'gyur ba rang bzhin gyi kha na ma tho ba ma yin na ni/ myos par 'gyur ba dang/ 'phrod ba'i shA kya nang ba rnams la gnad bar 'gyur ba zhig na/ gnang ba yang
 ma yin te/ de'i phyir rang bzhin gyi kha na ma tho ba yin te/ srog chags gsod pa la sogs pa bzhin no/ /gang zhig 'phags pa rnams kyis tshe rabs bzhan du mi byed ba'i sdom pa thob pa de ni rang bzhin gyi kha na mtho ba yin te/ srog gcod pa dang ma byin bar
 len pa la sogs pa bzhin no/ /lus kyi nyes par spyod pa zhes kyang 'byung ba'i phyir rang bzhin gyi kha na ma tho ba yin te/ de las gzhan pa'i lus kyi nyes par sbyod pa bzhin no/ /lus kyi nyes par spyod pa ni rnam pa bzhi gsungs te/ srog gcod pa dang/ ma byin
 par len pa dang/ 'dod pas log par g.yem pa dang/ myos par 'gyur ba 'thung ba'o/ /spyir bstan mod kyi zhes bya ba rgyas par 'byung ste/ thun mong du bstan mod kyi/ btsun pa ji ltar bro g.yog bgyi/ rang bzhin gyi kha na ma tho ba ma gtogs pa zhes bya ba 'di ni
 sbyir bstan pa yin la/ shAkya nad pa rnams la ni dmigs kyi gsal ba yin te/ 'dis ni bcom ldan 'das kyis bka' la snga phyi 'gal spangs pa yin te/ thal bar 'gyur ba yongs su spang ba'i phyir zhes bya ba la chang ni lan cig thungs kyang zhen pa can du
 'gyur te/ bcom ldan 'das kyis kyang gnas gsum po chang dang/ mi tshangs par spyod pa dang/ rmugs pa dang/ gnyis bsten pa ni tshim pa med do zhes gsungs so/ /gang dag phyir spyod pa'i phyir myos par mi 'gyur ba'i tshod du 'thung ba kha cig yod pa de
 dag la ci'i phyir ma gnang zhe na de'i phyir myos par 'gyur ba'i drod ma des pas zhes bya bas smos te/ chad de nyid rdzas drang dus dang rang bzhin dang lus kyi gnas skabs la bltos nas myos par 'gyur ba yang yin la/ myos par mi 'gyur ba yin no/ /de nyid kyi phyir
 rtsa'i rtse mos 'thung ba bkag pa yin no zhes bya ba ni/ thal bar 'gyur ba spang ba'i phyir rtswa'i rtse mos 'thung bas bkag pa yin te/ de ltar na ni thal bar 'gyur ba nyid gcod pa yin no/ /'phags pa rnams mi spyod pa ni do tshe dang ldan pa'i phyir zhe bya ba ni/ mdo las stobs ldang byung
 ste/ dad pa'i stobs dang brtson 'grus kyi stobs dang/ ngo tsha shes pa'i stobs dang/ khrel yod pa'i stobs dang/ shes rab kyi stobs dang zhes bya ba yin no/ /de'i phyir ngo tsha dang ldan pa'i phyir mi 'thung bar zad do/ /ngo tsha dang ldan pa dag gis btung bar bya ba ma yin no zhes
 bya ba la rgyu ci zhig yod ce na/ de'i phyir des kyang dran pa nyams par byed pa'i phyir zhes bya ba smos te/ chang 'thung ba ni bya ba dang bya ba ma yin pa'i dran pa nyams par 'gyur ro/ /gal te de ltar na ji tsam kyis dran pa nyams par mi 'gyur ba cung zad cig ci ste mi 'byung zhe na/ de'i
 phyir cung zad kyang mi gsol te/ dug bzhin du ma des pa'i phyir zhes bya ba smos te/ dper na dus dang rang bzhin dang mthu dang ldan pas dug chung dus kyang ras 'ga' 'chi bar byed pa de bzhin du chang yang myos par byed do/ /nyes par sbyod pa zhes 'byung ba ni/ bag med pa'i gnas
 yin ba'i phyir te/ rang bzhin gyi kha na ma tho ba yin pa'i phyir ni ma yin no/ snyam du bsams pa'o/ /de nyid kyi phyir 'di la zhes bya ba ni bslab pa'i gzhi 'di la/ 'bru'i chang dang sbyar ba'i chang bag med ba'i gnas spangs te zhes smos so/ /gzhan la ni ma yin te zhes bya ba
 ni srog gcod pa spong ba la sogs pa dag la'o/ /ma smos pa'i rgyu bshad pa ni de dag ni rang bzhin gyis kha na ma tho ba yin pa'i phyir ro/ /ha cang kun tu bsten pas zhes bya ba rgyas bar 'byung ba ni/ bcom ldan 'das kyi mdo las/ 'bru'i chang dang sbyar ba'i 'chad bag med
 pa'i gnas kun tu sten cing goms par byas lan mang du byas pas lus zhig nas dmyal ba dag tu skye'o zhes gsungs so/ /'phen pa ni sngon med pa'o/ /sngon bsags pa ni 'jug pa thob pa'i phyir te/ 'chi ba'i gnas skabs su 'jug ba thob pa'i phyir ro/ /
 'bru'i 'chang ni zas sbyar ba'i btung ba'o zhes bya ba ni 'bras thug po che la sogs pa las byas pa'o/ /rdzas las byas pa'i ltung ba'o zhes bya ba ni bu ram shing gi khu ba la sogs pa las byas pa'o/ /de dag kyang zhes bya ba rgyas par 'byung ste/ 'bru'i
 chang dang sbyar ba'i chang dag kyang res 'ga' myos bar 'gyur ba'i dngos por ma red pa ni/ gang gi tshe gzhon nur 'dug ba na'o/ /res 'ga' ni myos par 'gyur ba'i dngos po las yal ba ni/ gang gi tshe ha cang rnyings shing rtsar gyur ba na'o/ /de'i phyir myos par 'gyur
 ba zhes bya ba smos te/ gal te myos par 'gyur ba na ni/ de'i phyir nyes pa yin no snyam du dgongs so/ /gla gor zho sha dang khre la sogs pa yang zhes bya ba ni/ myos par 'gyur du zin kyang dge bsnyen la nyes pa med pas 'bru'i chang dang sbyar ba'i chang zhes bya ba
 smos so/ /bag med pa thams cad kyi gnas su gyur pas zhes bya ba ni/ brjed ngas pa'i bag med pa dang/ srog gcod pa la sogs pa mi dge ba thams cad kyi gnas dang gzhi dang brten bya ba'i tha tshig go /bya ba la bltos pa med par bya ba ma yin pa
 la gzhol ba nyid ni bag med pa ste/ de'i rgyu ni bag med pa'i gnas so/ /gang las gcig thob pa zhes bya ba la/ dri ba'i don ni las sbyor ba dang dngas dang mjug rnams dang/ sems can dang sems can ma yin par ston pa'i gzhi dag dang/ rang
 bzhin dang bcas pa'i kha na ma tho ba dag las zhes bya ba'o/ /sbyor ba dang dngos dang mjug las so zhes bya ba ni las kyi lam rnams kyi zhes bya bar sbyar te/ mi dge ba'i las kyi lam rnams kyi sbyor ba dang/ dngos dang mjug dag las ci riD par de dag gis
 gnyen por gyur pa so sor thar pa'i sdom pa'i rnam par rig byed ma yin pa dag skye'o/ /sems can dang sems can ma yin par ston pa zhes bya ba ni gzho'o/ /rang bzhin dang bcas pas kha na ma tho ba las so zhes bya ba ni las dag las te/ 'di ni re re dang
 sbyar bar bya'o/ /rang bzhin gyi kha na ma tho ba yang sems can gyi rten can dang/ sems can ma yin pa'i rten can yin la/ bcas pa'i kha na ma tho ba yang sems can gyi rten can dang sems can ma yin pa'i rten can yin no/ /de la rang bzhin gyi kha na ma tho ba sems can kyi
 rtan can gyi srog chags gsod pa la sogs pa'o/ /rang bzhin gyi kha na ma tho ba sems can ma yin pa'i rten can ni sa? sbram la sogs pa bsku ba'o/ /bcas pa'i kha na ma tho ba sdes can du ston pa'i rten can gang yin zhe na/ khyim na lhan cig nyal ba la sogs
 pa'o/ /bcas pa'i kha na ma tho ba sems can ma yin pa'i rten can ni rtsa gcod pa la sogs pa'o/ /sems can gyi rten la 'jug pa'i phyir zhes bya ba 'byung ngo/ /gal te 'das pa dang ma 'ongs pa las kyang 'tho ba na ni/ de ltar ma srog gcod pa las sogs pa spong
 pa'i rang bzhin gang zhig sems can du sten pa rnams las thob ba de nyid sems can du ston pa ma yin pa rnams las kyang 'thob par 'gyur bas 'tshol bar 'gyur ro/ /gal te yang so so thar pa'i sdom pa sems can du ston pa yang ma yin pa'i rten can yang
 yod mod kyi/ de ni sems can gyi rten can ltar phung po dang/ khams dang skye mched da ltar bdag kho na las 'thob pas sems can gyi rten can zhes bsnyad kyi/ de sems can ma yin pa'i rten can nyid yin pa 'gog pa ni ma yin no/ /yang na sems can gyi rten can gtso bo
 yin pa'i phyir dang/ cig shos ni de'i yan lag tu nye bar blang ba'i phyir sems can gyi rten can zhes bstan te/ /sbyor ba dang mjug las kyang ma yin na zhes bya ba ni/ mnyam par bzhag pa'i gnas skabs kho nar dngos gzhi yod pa'i phyir dang/ mnyam par ma bzhag
 pa'i gnas skabs na sdom pa med pa'i phyir ro/ /bcas pa'i kha na ma tho ba las lta smos kyang ci dgos zhes bya ba ni/ khas blangs pa med pa'i phyir ro snyam du dgongs pa'o/ /dus thams cad zhes bya ba rgyas par 'byung ba ni/ de dag dang lhan cig 'byung ba'i sems bzhin
 du 'das pa dang/ ma 'ongs pa'i sdom pa gnyis kyang 'thob pa'i phyir ro/ /de nyid gyi phyir zhes bya ba rgyas par 'byung ba ni/ gar gi phyir so so thar pa'i spom pa da ltar ba kho na dang/ dngos ltar sbyor ba dang mjug dang/ rang bzhin gyi kha na mtho ba ltar
 bcas pa'i kha na ma tho ba dag las kyang 'thor la/ bsam gtan dang zag pa med pa'i sdom pa gnyis ni da ltar ba bzhin du 'das pa dang ma 'ongs pa dang las kyang 'thob pa'i phyir ro/ /mu dang po ni srog gcod pa la sogs pa'i las kyi lam gyi sbyor ba dang mjug da ltar ba dang/
 shing gcod pa la sogs pa bcas pa'i kha na ma tho ba las so sor thar pa'i sdom pa kho na thob pa ste/ thams cad gnyi ga dang zhes byung ba'i phyir ro/ /gnyis pa ni 'das pa dang ma 'ongs pa'i las kyi lam dngos srog gcod pa la sogs pa lus kyi dang dag gi bdun po dag
 las thob pa'i sdom pa gang yin pa ste/ de ni bsam gtan dang zag pa med pa'i sdom pa gnyis kho na yin gyi/ so sor thar pa'i sdom pa ni ma yin te/ de ni da ltar ba kho na las 'thob ba'i phyir ro/ /gsum pa ni da ltar byung ba'i las kyi lam dngos dag las so zhes bya ba la
 da ltar byung ba'i phyir na so sor thar pa'i sdom pa 'thob po/ /dngos yin pa'i phyir na bsam gtan dang zag pa med pa'i sdom pa gnyis 'thob po/ /bzhi pa ni 'das pa dang ma 'dos pa'i nyer bsdogs dang mjug dag las so zhes bya ba la/ 'das pa dang ma 'ongs pa yin pa'i phyir na
 so sor thar pa'i sdom pa yang mi 'thob la/ nyer bsdog sdang mjug yin pa'i phyir na bsam gtan dang zag pa med pa'i sdom pa dag kyang ma yin no/ /slob dpon gyi mu gsum ba mi srid par gzigs nas sdom pa thob pa'i tshe na da ltar gyi las kyi lam rnams med pas zhes
 bya ba smos te/ bya ba'i dus yongs su ma rdzogs pa'i phyir ro/ /de'i phyir da ltar gyi gzhi can las spong ba de da ltar ba yin pa'i phyir ro/ /de ltar na mu 'di mi srid par 'gyur ro/ /mu gnyis pa ji ltar mi srid pa de ltar bshad pa ni/ ma 'ongs pa rnams kho na la sdom par
 rang gi zhes bya ba ste/ 'das ba rnams ni brjod pa med pa'i phyir ro/ /la la ni gzhi las te/ de las gzhan pa'o zhes pa la /dge slong gi sdom pa las gzhan rnam pa gsum bsdu ste/ lus kyi gsum dang/ dag gi rdzun du smra ba kho na spong ba yan lag tu rnam par bzhag go/
 ma chags pa dang zhe sdang med pa dang gti mug med pa ni dge ba'i sems thams cad la lhan gcig 'byung ba sems chung du dang 'bring dang chen po dag ni rnam grangs kyis 'byung gi cig car ma yin pas/ de'i phyir rgyu las kyang zhes bya ba rgyas par smos so/ /sdom pa la gnas
 ba zhes bya ba ni thams cad la dbang du byas par rig par bya'o/ /yan lag thams cad kyi ma yin pa ni bsnyan gnas dang/ dge bsnyen dang/ dge tshul gyi sdom pa dag la phra ma dang chig rtsu ba pa dang/ bkyal pa spong ba rnams mi srid pa'i phyir ro/ /rgyu thams cad kyi ma yin pa zhes
 bya ba ni/ sems chung dul sogs pa rnams las sems gang yang rung ba zhig gis dge bsnyen gyi sdom pa 'am/ bsnyen gnas kyi sdom pa 'am/ dge tshul gyi sdom pa yang dag par lan pa gang yin pa de'o/ /sems can thams cad kyi rjes su spong ba ni sems can thams cad la
 dmigs pa'o/ /sems dge ba'i gnod pa med pa'i sems sam phan 'dogs pa'i sems te/ log par ma zhugs pa'i phyir dge ba zhes bya'o sdig pa'i bsam pa dang ma bral ba'i phyir ro/ /zhes bya ba ni/ gnod ba'i bsam pa dang ma bral ba'i phyir ro/ /yan lag che ge mo
 zhig las zhes bya ba ni yan lag nges pa'o zhes bya ba ni spang bya lnga brgyad bcu dang ni zhes bya ba'i sdom pa des par phye nas so/ /ji ltar mi nus pa dag las zhes bya ba rgyas par 'byung ste/ gang zhig gang dag gi srog dang longs spyod dang chung ma 'phrog par mi nus pa de la de
 dag gi yul can srog gcod pa la sogs pa mi srid pas de las srog gcod pa la sogs pa spong ba'i bdag nyid kyi sdom pa mi rung do snyam du sems so/ /sems can thams cad kyi srog la mi gnod pa'i bsam pa khas blangs pa'i phyir ro zhes bya ba la/ sems can
 thams cad la mi gnod pa'i bsam pa khyad par med pa'i phyir nus pa dag bzhin du mi nus pa dag las kyang 'thob bo/ /nus pa dang mi nus pa rnams ni zhes bya ba la/ nus pa ni mi la sogs pa rnams so/ /mi nus pa ni lha la sogs pa rnams te/ phan tshun 'pho
 bas so/ /lha la sogs pa dang mi nus pa rnams mi la sogs pa nus pa dag gi nang du 'pho bas 'phel ba dang ldan par 'gyur te/ sdon med pa'i sdom pa thob pa'i phyir ro/ /mi la sogs pa nus pa rnams lha la sogs pa mi nus pa dag gi nang du 'pho bas 'grib pa dang
 ldan par 'gyur te/ sngar thob pa'i sdom pa dang bral ba'i phyir ro/ /de ltar na thob pa'i rgyu gzhan gyi rnam par rig par byed pa la sogs pa dag dang/ gtong ba'i rgyu bslab pa 'bul ba la sogs pa dag med par yang sdom pa 'thob pa dang gtong bar 'gyur ro/ ji ltar sngon med
 pa'i rtsA la sogs pa skyes sam zhes bya ba rgyas par 'byung ba ni/ gal te yang rtswa la sogs pa dag las kyang sdom pa 'thob mod kyi de lta na yang sdom pa 'phel ba dang 'grib par mi 'gyur ba de bzhin du/ nus pa dang mi nus pa 'phos kyang 'phel ba dang 'grib pa dag tu
 mi 'gyur ro zhes bya ba ste/ de'i phyir nus pa dang kha dog kho na las sdom pa 'thob la/ nyes pa der yang mi 'gyur ro/ /ma yin te sems can rnams ni sngon yang yod la/ phyis kyang yod pa'i phyir la rtswa la sogs pa ni med pa'i phyir ro zhes bya ba ni/ rtswa dang gel pa
 dang/ lcug ma la sogs pa rnams ni snga rol dang kyis kyang med pa'i phyir te/ de'i phyir rtswa'i dpes 'phel ba dang 'grib pa'i skyon bzlog pa med do/ /gang tshe yongs su mya ngan las 'das na de dag med pa kho nar 'gyur ba de'i tshe ji ltar sdom pa 'grib par mi 'gyur te/
 yul med pa'i phyir ro snyom du bsam pa'o/ /de lta bas na gtan tshig snga ma nyid bzad do zhes bya ba ni/ sems can thams cad kyi srog la mi gnod pa'i bsam pa khas blang pa'i phyir ro zhes bya ba ste/ de'i phyir nus pa dang mi nus pa dag las sdom pa 'thob po zhes bya bar
 'grub po/ /de lta na 'o na zhes bya ba ni gal te sems can thams cad las so sor thar pa'i sdom pa 'thob na'i'o/ /sngon gyi sems can sangs rgyas su gyur nas zhes bya ba rgyas par 'byung na ni sems can rnams sngon pas bri ba'i phyir ro/ /'di la lan smras pa sangs rgyas phyis rgyung? ba?
 thams cad kyi bye brag med par sems can thams cad las thob pa'i phyir ro/ /gal te de dag kyang yongs su mya ngan las 'da' bar mi 'gyur na ni de dag las kyang 'thob par 'gyur te/ byams pa'i sems khyad par med pa'i phyir ro/ /sdom pa min pa thams cad dang zhes bya ba la/
 sdom pa ma yin pa ni las kyi lam thams cad kyi sgor gyur pa nyes par spyod pa la bya ste/ gang gi tshe sdom pa ma yin pa thob nas bsams bzhin srog chags kyi srog gcod par byed pa de ni de'i las kyi lam yin no/ /sems zhan pa la cig car mi 'byung ba'i phyir ro/ zhes bya ba
 'byung ngo/ /gal te 'dod chags dang zhe sdang dag lhan cig mi 'byung bas mi dge ba'i rtsa ba rnams kyang cig car mi 'byung ba ma yin nam/ ci'i phyir sems zhan pa la sogs pa kho na brjod ca na/ rnam grangs tha ma nges pa la brten te/ brjod pas skyon med do/ /sdom pa ma yin pa
 ni zhan pa kho na dang ldan pa zhes bya ba ni/ sngar gyis 'phen pa'i dbang gis so/ /srog gcod pa'i rnam par rig byed chen po dang ste ci zhe na/ ldan no zhes bya bar sbyar ro/ /de bzhin du 'bring dang chen po dag la yang sbyar bar bya'o/ /zhes bya ba la/ gang zhig sems 'bring gi sdom
 pa ma yin pa thob pa de sems drag po srog chags kyi srog gcod par byed na sdom pa ma yin pa ni 'bring kho na dang ldan la/ srog gcod pa'i rnam par rig byed ni chen po dang ldan no/ /drag po la yang sbyar bar bya'o/ /glang po che 'chor ba ni ba yang 'tshor ba rnams so/ /blon po
 ni chos bzhin 'don pa dag go/ yang na blon po ni bka' la gtogs pa'o/ /don gyis na zhes bya ba ni de las mi 'byung yang 'jug pa mthun pa'i phyir sdom pa ma yin pa can du khong du chung par bya'o/ /de la gnas pa zhes bya ba ni/ de dag ni sdom pa ma yin pa la yed pa
 ma yin te 'o na ci zhe na/ de la gnas pas so/ /gzhan dag la yang de bzhin du sbyar ro zhes bya ba ni/ bya gag gsod pa na bya gag ga song pa rnams te/ 'di ni sman pa'i gnas yin no/ /shes na ni zhes bya ba ni shes bzhin du ste/ bshan pa la thogs pa rnis?
 ni lug la sogs pa de dag ma la sogs pa de dag yin par shes na ni mi gsod do/ /'phags mar gyur pa rnams la yang zhes bya ba ni/ mal sogs pa de rnams phyugs su 'gyur ba'i go skabs med de/ bden pa mthod pa la ni ngan song du skye ba med pa'i phyir ro/ /gal
 te ma 'ongs pa'i dus la bltos te zhes bya ba la sogs pa 'byung do/ /de dag lug lta bur gyur pa rnams kyang gtan mi gsod ces bya ba ni tshe brjed pa'o/ /de ltar na de dag las sdom pa ma yin par mi 'gyur te/ lug dag las zhes bya ba'i don to/ /ji ltar na zhes bya ba
 ni bye brag tu smra ba rnams te/ ji ltar na lug la sogs pa bdag gsod par 'dod bzhin du lug la sogs pa de dag las sdom pa ma yin par mi 'gyur/ de ni ma la sogs pa la yang mtshungs te zhes bya ba ni mdo sde pa ste/ ji ltar na bshad pa la sogs pa
 dag gsod par mi 'dod bzhin du ma la sogs pa de dag las sdom pa ma yin par 'gyur/ sdom pa ma yin pa ma tshad ba dang nyi tshe ba ni rnam pa thams cad du med ngo zhes bya ba la/ las kyi lam gyi yan lag ma tshang pa'i phyir ma tshang ba'o/ /nyi tshe ba ni sems can
 dang yul dang dus dang tshe des pa dang lda pa'o/ /rnam pa brgyad ma gtogs pa zhes bya ba la/ so sor thar pa'i sdom pa rnam pa brgyad ma gtogs pa gzhan ni nye tshe ba dang ma tshad pa yang yod do/ /tshul khrims dang 'chal ba'i tshul khrims de tsam gyi gegs byed
 pa'i phyir ro zhes bya ba ni/ geng gi phyir tshul khrims de tsam gyis 'chal ba'i tshul khrims de tsam gyi gegs byed pa'i phyir dang/ tshul khrims 'chal ba de tsam gyi tshul khrims de tsam gyi gegs byed pa'i phyir ro/ /de'i rigs su skyes pa rnams ni zhes bya ba
 ni bshan pa la sogs pa sdom pa ma yin pa can gyis rigs su skyes pa rnams so/ /zhing dang len dang gus par byed pas 'thob ces bya ba la byed pa zhes bya ba'i sgra ni re re dang sbyar te/ zhing byed pa dang/ gus par byed pa ni zhing dang len pa dang gus par
 byed pa'o/ /yang 'dir len pa nyid byed pa'o/ zhes bya bar tshig bsdu'o/ /byed pa ni g.yo ba ste/ byed pa ni g.yo ba la'o zhes 'byung ngo/ /mi brda phrad pa'i zhes bya ba la/ mi brda phrad pa ni 'dir gang zhig 'dis bslab pa phul lo snyam du de'i tshig shes pa de la mngon par 'dod do/ /bsam
 pa thag pa ni sdom pa don du mi gnyer ba'i'o/ /yang dag par blangs pa dang 'gal ba'i rnam par rig byed ba skyed pa dang zhes bya ba la yang dag par blangs pa ste/ ji srid 'tsho'i bar du srog gcod pa la sogs pa spod do zhes mnos pa gang yin pa de dang 'gal ba bslab pa 'bul ba'i
 rnam par rig byed bskyed pa ste/ 'di ni rgyu dang po'o/ /rten por ba dang zhes bya ba ni rten gang gis so sor thar pa'i sdom pa blangs pa de shi bas bor ba ste/ 'di ni gtod pa'i rgyu gnyis pa'o/ /rten nyams pa dang zhes bya ba ni skyes pa 'am bud med kyi rten ji lta bus sdom pa
 blangs pa de lta bu de nyams pa ste/ 'di ni gtong ba'i rgyu gsum pa'o/ /bzhi chad pa dang zhes bya ba la/ sdom pa'i gzhi ste rgyu ni dge ba'i rtsa ba gsum yin la/ de dag chad pas sdom pa yang 'chad de/ 'di ni gtong ba'i rgyu bzhi pa'o/ /nyin zhag tu 'phangs pa'i phyir te/ 'di
 ni gtong ba'i rgyu lnga pa'o/ /kha cig ltung bar 'gyur bas smra zhes bya ba ni mi tshangs par spyod pa la sogs pa pham pa las te/ 'dir ltung bar byed pas na ltung bar 'gyur ba'o/ /kha che rnams ni byung ba la/ /bu lon nor zhing gnyis su 'dod/ ces bya ba la bu len dang nor ni
 bu lon nor te/ de dag dang 'dra ba ni bu lon nor bzhin no/ /yang ci'i phyir de rnams de ltar 'dod ce na/ de'i phyir phyogs gcig nyams pas sdom pa zad par gtong ba ni mi rigs so zhes bya ba smos te/ ltung ba gzhan zhes bya ba ni dge 'dun lhag ma'i ltung ba'o/ /'o na skyon
 med par 'gyur ro zhe na/ de'i phyir 'di la tshul khrims dang 'chal ba'i tshul khrims gnyi ga yod do zhes bya ba smos so/ /ltung ba de bshags na zhes bya ba ni bshags pa byas nas zhes bya ba'i tha tshig go /tshul khrims dang ldan pa yin gyi tshul khrims
 'chal ba ma yin te zhes bya ba ni/ dge 'dun lhag ma'i ltung ba bshags pa yin gyi/ pham pa'i ltung ba bshags pa ni ma yin te/ ldang ba med pa'i phyir ro/ /'o na bcom ldan 'das kyi zhes bya ba rgyas par 'byung ba ste/ de ji lta bu zhes tshig gi lhag ma khong nas 'byung ngo
 de ni don dam pa'i dge slong nyid las dgongs te gsungs pa yin no zhes bya ba ni/ bden pa mthong ba'i bskal ba med pa'i phyir ro/ /ma thob kyang don dam pa'i dge slong nyid las yongs su nyams par 'gyur te/ yongs nyams rnam pa gsum zhes bzhes 'byung ba'i
 phyir ro/ /bye brag tu smra ba rnams na re ngan pas sdom pa lhag ma dang bcas kyang dge slong gi dgongs pa bsgrub pa'i bskal pa dang mi ldan pa la dge slong ma yin zhes gsungs pa 'thad pa yin te/ bu'i don dang bral ba'i bum yin no zhes bya ba'i sgra 'god pha dang/
 mi'i don dang bral ba mtshan dang mi ldan pa la mi ma yin par brjod pa bzhin no/ /ming ni dge slong zhes bya ba ni gang la dge slong zhes 'ol phyir ming btags pa'o/ /khas ches pa'i dge slong zhes bya ba ni gang zhig tshul khrims 'chal pa ste/ de ni bdag nyid dge
 slong yin no zhes dam 'cha'o/ /slong bsan dge slong zhes bya ba ni slong bar byed pa'o/ /nyon mongs pa bcom pas na dge slong zhes bya ba ni/ khams gsum las 'dod chags dang bral ba la'o/ /don 'di la zhes bya ba ni bcom ldan 'das kyi dge slong ma yin/ dge
 sbyong ma yin zhes gang gsungs pa la'o/ /gsol ba dang gzhi'i las kyi ba snyen par rdzogs pa'i dge slong zhes bya ba ni/ sngar bshad pa bzhi las gzhan pa so so'i skye bo tshul khrims la gnas pa la mngon par bshad do/ /gang yang don dam pa'i dge slong la
 dgongs te gsungs pa yin no zhes smras pa de la yang brjod pa ni/ de sngon zhes bya ba ste/ ltung bar 'gyur ba lhag par spyod pa'i snga rol tu don dam pa'i dge slong du ma gyur to/ /'di ltar don dam pa'i dge slong ni ltung bar 'gyur ba mi spyod do/ /bye brag tu smra ba rnams na re
 ma thob pa dag las kyang nyams par 'dod de/ ji skad du/ mdo las/ lha dang bcas pa'i 'jig rten ni/ shes rab yongs su nyams pa bltos zhes gsungs pa lta bu'o zhes zer ro/ /shing tA la'i mgo bcad na zhes bya ba rgyas par 'byung ste/ shing tA la mgo bcad pa
 lta bu dper mdzad pas so/ /de la dpe'i don snang ste/ bslab pa'i gzhi gzhan po yal ga dang lo ma dang 'dra ba dag las 'das kyang bshags na yang sdom pa de 'thob kyi/ shing tA la'i mgo dang 'dra ba bzhi po dag gang yang rung ba las 'das na ni/ slar sdom pa
 thob pa ma yin no/ /ston pas gang la zhes bya ba la sogs pa la/ zhal zas la kham gcig longs spyod pa dang/ gtsug lag khang la gom pa gcig 'dor pa'i phyogs longs spyad par zhes bya bar ro/ /dge slong gi longs spyod thams cad las kyang dkar to zhes bya ba
 ni sangs rgyas kyi dge slong dang lhan cig longs spyod pa gral cig tu zas za ba la sogs pa thams cad las dkar ba bzhin no/ /sre ta gsal bar gyis zhes bya ba la/ sre ta ni nas dang 'dra bzhig ste/ de ma rung bar byed pa'o/ /shing rul zhes bya ba ni/ shing rul
 pa'o/ /snying po med pa zhes bya ba ni 'bru khon snying po med pa'o/ /'dir dge slong yang dge slong gi sha tshugs can yin pa'i phyir dang/ kho na snying po med pa'i phyir sred la sogs pa dag dang chos mthun no/ /ji ltar sred la sogs pa dag nas la sogs pa snying
 po dang ldan pa rnams ma rungs par byed pas de rnams las sel bar byed pa de bzhin du de yang dge slong gi tshogs snying po dang ldan pa ma rung bar byed pas de dag las sel ba yin no/ /lam sun 'byin pa ni dge slong tshul khrims 'chal pa ste/ 'dir dpe
 brjod pa ni 'di yin no/ /lam gyi rgyal zhes bya ba ni slob pa dang mi slob pa'o/ /lam ston pa ni sangs rgyas so/ /lam gyi phyir 'tsho ba ni dge slong tshul khrims dang ldan pa ste/ lam gyi ched du 'tsho ba'i phyir ro/ /de ni sha tshugs tsam lus pa'i
 phyir zhes bya ba ni dge slong gi sha tshugs tsam lhag mar lus pa'i phyir ro/ /dper na shing tshig kyang shing gi dbyibs tsam zhig lus pas shing zhes bya ba dang/ mtshe'u skams kyang de'i dbrel tsam zhes bya ba dang ne tse'i sna dang dbyibs 'dra
 pa'i phyir ne tso'i sna zhes bya ba dang/ sa bon rul pa sa bon ma yin par gyur kyang de'i dbyibs tsam zhig lus pa'i phyir sa bon zhes bya ba dang/ 'khor lo dang 'dra ba'i phyir mgal mi'i 'khor lo zhes bya ba dang/ shi ba sems can ma yin yang sems can gyi sha tshuT
 tsam zhig lus pa'i phyir sems can zhes bya bar brjod pa de dang 'dra'o/ /bslab pa sbyin pa med par 'gyur ro zhes bya ba la/ bslab pa sbyin pa zhes bya ba ni dge slong gang zhig mi tshangs par spyod pa byas nas de'i mjug thogs kho nar bdag gis phung ba byas so
 zhes skyo ba skyes shing chab pa'i sems cig kyang ma skyes par dge slong gi dge 'dun gyi thad du song nas de 'chags par byed la/ 'dul ba las bshad pa'i tshul du chad pa'i las byed pa'o/ /thams cad ltung ba byung ba'i mdo la zhes bya ba rgyas par 'byung ste/ kho bo
 cag ni thams cad ltung ba byung ba'i mod la ste/ mi tshangs par spyod pa byas pa kho na phas pham pa yin pa ni mi smra'i/ 'o na ci zhe na/ 'chab ba'i sems kyi yin no/ /de skad duAng/ gal te sems ni gcig gis kyang/ /bcabs pa med par 'chag byed na/ /tham byung
 bar gyur na yang/ /des ni phas bam mi 'gyur ro zhes bshad do/ /ci ste yang rab tu mi 'byung zhes bya ba ni bslab pa ma phul na zhes bya ba khong nas dbyung ste/ de'i phyir sdom pa de las bltos nas rab tu mi 'byung ngo/ /rgyud khrel med pa shas chen pos nyams pa
 byas pas sdom pa'i bskal ba med de de'i phyir yang rab tu mi 'byung gi dge slong gi dngos po la bltos te ni ma yin no/ /'di ltar de ni zhes bya ba rgyas bar 'byung ste/ de'i phyir bslab pa btad yang rab tu mi 'byung ngo/ /de nyid kyi phyir rgyud phrel med ba shas chen pos
 nyams par byas pas zhes bya ba la sogs pa smos so/ /gzhan dag dam chos nub pa las zhes bya ba ma bzod nas gzhan smra ba ni/ dam pa'i chos nub na 'dul ba'i las med pa'i phyir sngon med pa'i 'dul ba thob pa ni med kyi thob zin pa ni gtong ba med do zhes bya
 ba'o/ /bsam gtan du gtogs pa'i dge ba thams cad ces bya ba ni sdom pa'i ngo bo dang/ dge ba gzhan gzugs kyi rang bzhin ma yin pa'i tshogs pa de thams cad bsdu'o/ /gong dam 'og tu zhes bya ba ni gong du skye na 'og ma gtong la/ 'og tu skyes na/ gong ma
 gtong do/ /snyoms par 'jug pa las yongs su nyams pa las zhes bya ba ni/ gzugs dang gzugs med pa ji ltar thob pa gtong ste/ snyoms par 'jug ba las rag las pa'i phyir ro/ /ris mthun pa gtang bas kyang cung zad kyang gtong bar 'gyur ro/ zhes bya ba
 ni so so'i skye bo'i gnas skabs na nges par 'byed pa'i cha dad mthun pa dro ba la sogs pa bzod pa 'bring gi bar ro/ 'dir ris mthun pa btang ba ni mchi ba'o/ /cung zad cig ni nyams pa'i cha dang mthun pa ji lta ba bzhin du 'dod chags dang bral bas kyang gtong
 ste/ nyon mongs pa bzhin du spangs pa'i phyir ro/ /de bzhin gzugs med gtogs zhes bya ba la/ ci zhe na/ gzugs kyi rang bzhin ma yin pa'i dag ba thams cad gtong ngo/ /lam snga ma gtong bar 'gyur ro/ /zhes bya ba ni zhugs pa'i lam mo/ /'bras buAm
 'bras bu khyad par can zhes bya ba la/ 'bras bu'i rgyun tu zhugs pa'i 'bras bu las gzhan rnam pa gsum yongs su gzung ngo/ /'bras bu bas khyad par can ni rgyun tu zhugs pa'i 'bras bu'i 'og rol gyi zhugs pa'i lam mam/ khyad par gyi lam mo/ /yang
 ci'i phyir dge ba zag ba med pas 'phos pas mi gtong zhe na/ so so ma bsdus pa'i phyir ro/ /sdom pa ma yin pa can gyis sdom pa ji ltar 'thob can/ de'i phyir gal te sdom pa yang dag par blangs pa la zhes bya ba smos te/ so sor thar pa'i sdom pa'o/ /
 bsam gtan gyi sdom pa thob na zhes bya ba la/ zag pa med pa'i sdom pa thob na zhes ci'i phyir ma brjod ce na/ zag pa med pa'i sngon du bsam gtan gyi sdom ba 'gro ba'i phyir la/ bsam gtan gyi sdom pa kho bos por ba'i phyir zag pa med pa'i sdom pa
 thob na zhes ma brjod do/ /yang sdom pa ma yin pa can gyis bsam gtan gyi sdom pa ji ltar thob ce na/ rgyu dang rkyen gyi stobs zhes bya ba smos te/ rgyu'i stobs ni sngar gyi bsam gtan goms pa'o/ /rkyen gyi stobs ni sa de ba'i las rnam par smin pa la
 mngon du phyogs pa'o/ /gzhan dag na re dam pa'i chos nyan pa dang/ tshul bzhin yid la byed pa'o zhes zer ro/ /gnyen po stobs dang ldan pa'i phyir zhes bya ba ni sdom ba stobs dang ldan pa'i phyir ro/ /lus bor ba'i phyir shi ba zhes bya ba ni/ ri mthun pa'i
 stobs kyis thob pa'i phyir la/ de dang bral na de med pa'i phyir/ /nang rnying mi zlog pa mi yin no zhes bya ba ni/ dper na gzhi yongs su spangs kyang sman med par nad rnying pa bzlog pa med pa bzhin no/ /gtan gtong pa'i bsam pa med pa'i phyir zhes
 bya ba ni sdig pa'i bsam pa ma btang ba'i phyir zhes bya ba'i tha tshig go /de thob pa ni rnam par rig byed la rag lus pa'i phyir zhes bya ba la/ de zhes bya ba 'di ni sdom pa ma yin pa dang spyod do/ /rnam par rig byed tsam gyis sdom pa ma yin pa thob pa ni
 med de/ de'i phyir sdom pa ma yin pa ni sbyor ba mi byed na yang mi 'gyur ro/ /de'i phyir de ltar na sdom pa yang ma yin sdom pa ma yin pa yang ma yin par 'gyur ro zhes bstan par 'gyur ro/ /rdza mkhan gyi 'khor lo dang mda'i 'gros bzhin no zhes bya
 ba ni ji ltar rdza mkhan gyi 'khor lo 'am/ mnga' i 'du byed kyi khyad par gyis 'phangs pa ni 'du byed kyi khyad par de chad pas chad de/ de dang 'dra'o/ ji ltar blangs pa bzhin ma byas pa'i zhes bya ba la/ 'di lta ste/ sangs rgyas la phyag ma byas shing dkyil 'khor la sogs
 ba ma byas pas zas mi bza' zhes bya ba de dag ma byas par zas za ba'i bar ma rnam par rig byed ma yin par 'chad do/ /gngos dang rgya la sogs pa'i dngos po'o zhes bya ba la gang gis gzhan la gdos sam brgya 'am mtshon cha snyed pa na rnam par rig byed ma
 yin pa drangs pa de ni 'chad pas 'chad do/ /dge ba'i rtsa ba rnams zhes bya brgyas par 'byung ngo/ /stobs chung ba'i phyir dge ba'i rtsa ba gcod pa'i sbyor ba kho na sa bar ma mi dge ba'i rnam par rig byed ma yin pas gtong bas na dge ba'i rtsa ba chang pa las zhes brjod par
 mi bya'o zhen/ sbyor ba la de'i sgra nye bar btags pa'i phyir ro/ /bsam gtan gyi sdom pa'i sbyor bas kyang par ma mi dge ba'i rnam par rig byed ma yin pa gtong ngo/ /gzugs dang gzugs med pa'i khams su skye ba las zhes bya ba ni/ 'dod pa na spyod pa dman
 pa yin pa'i phyir ro/ /'dod chags dang bral ba las kyang cung zad cig gtong ste/ dper na ying mi bde ba'i dbang po dge ba lta bu'o/ /nyon mongs pa can gzugs can ma yin pa zhes bya ba la/ thams cad ces bya ba ni khams gsum pa'o/ /nyon mongs pa gang yin
 pa de ni nye ba'i nyon mongs pa yang yin no/ /spong ba'i lam ni bar chad med pa'i lam ste/ de la chen po 'chen pol? spong ba ni chung ngu'i chung du yin la/ chung ngu'i chung du ni chen po'i chen po yin no/ /'khor dang bcas pa zhes bya ba la/ de'i 'khor ni de dang lhan
 cig 'byung ba dang/ de'i thob pa rjes su 'brang pa dang bcas pa dag go /skyes pa pho'i dbang po dang ldan pa zhig ces bya ba 'di ni 'dir dper brjod pa yin no/ /rten gnyi ga'i nyon mongs pa shas che ba'i phyir zhes bya ba la de dag ni skyes pa dang yang sbyor bar
 'dod la/ bud med dang yang sbyor bar 'dod de/ de'i phyir skyes pa dang bud med kyi nyon mongs pa shas che ba'i phyir de'i gnyen por gyur pa so sor rtog pa mi bzod do/ /ci rigs par sbyar bar bya ste/ mchan gnyis pa la ni gnyi ga'i nyon mongs pa shas
 che ba'i phyir dang/ de tsha shes pa dang khrel yod pa shas po che med pa'i phyir sdom pa med la/ za ma dang ma ning dag la ni ngo che shes pa dang khrel yod pa shas po tsha med pa'i phyir ro/ /sdom pa med pa'i rgyur bshad pa gang dag yin pa de dag ni sdom pa ma yin pa dang
 rjes su mthun pa yin pas/ 'o na sdom pa ma yin pa zhes bya ba dris so/ /brjod par bya ste/ sdig pa la yang bsam pa mi brtan pa'i phyir dang/ brtan pa yang skyes pa'i chos yin pa'i phyir ro/ /gnyen por gyur pa'i phyir ro zhes bya ba la/ gang la sdom
 pa yod pa de na sdom pa ma yin pa yang yod de/ dper na zhing gang na lo thog yod pa de na rtswa yang yod pa bzhin no/ /byang gi sgra mi snyan pa rnams la ni yang dag par len pa dang ting nge 'dzin med pa'i phyir dang zhes bya ba la/ yang dag par len pa med pa'i
 phyir so sor thar pa'i sdom pa med do/ /ting nge 'dzin med pa'i phyir bsam gtan dang zag pa med pa'i sdom pa dag med do/ /yang ci'i phyir/ de rnams la yang dag par len pa dang ting nge 'dzin dag med ce na/ shes rab zhan pas dge ba la sogs pa'i chos
 lam byang pa'i phyir ro/ /sdig pa bya ba'i bsam pa med pa'i phyir te/ ci zhe na/ sdom pa ma yin pa med do/ /sdom pa'ang de bzhin la/ lha la'ang zhes bshad na yang ci'i phyir dan song ba dag la sdom pa dang sdom pa ma yin pa med ce na/ de'i phyir ngan song ba rnams
 la yang zhes bya ba smos te/ dud 'gro ni byis pa dang gzhon nu ltar mi gsal ba'i phyir ro/ /yi dags rnams dang dmyal ba rnams ni smyon pa ltar chor ba sdug bsngal dang ldan pa'i phyir ro/ /gang dang ldan pa dang gang med pas zhes bya ba ni go rim bzhin
 du sdom pa dang/ sdom pa ma yin pa dag tu 'gyur ba'o/ /gzhan yang zhes bya ba la lus ni khog pa'o/ /mi rnams la gsum mo/ /so sor thar pa'i sdom pa ni mi rnams kho na la yod kyi/ lha rnams la ni so sor thar pa'i sdom pa med de/ mi rnams kho na la tshangs par
 spyad pa la gnas pa gsungs pa'i phyir ro/ /'di ltar bcom ldan 'das kyis 'di skad du/ lha rnams ni mi dag gis gnas gsum gyis zil gyis gnon te/ dpa' ba dang/ dran pa dang ldan pa dang/ 'dir tshangs par spyod pa la gnas pa'o zhes gsungs te/ 'dir
 rab tu byung ba dang bsnyen par rdzogs pa dang dge slong gi dngos por 'gyur zhes bya ba'i tha tshig go/ skyo ba med pa'i phyir 'dod pa spyod pa'i lha shes rab can rnams la yang med mgod du skyes pa rnams la lta smos kyang ci dgos/ 'o na ji ltar na de dag la bsam gtan dang zag pa
 med pa'i sdom pa dag yod ce na/ ci rigs par rgyu dang las kyi chos nyid kyi stobs las so/ /gang na ni med do zhes bya ba ni gzugs med pa'i khams su skyes ba rnams la'o/ /bsam gtan khyad par can dang 'du shes med pa'i sems can du skyes pa rnams ma gtogs
 pa zhes bya ba la/ 'phags pa ni bsam gtan khyad par can dang 'du shes med pa'i sems can dag tu mi skye'o/ /de dag gi ni ldan pa'i sgo nas yod kyi zhes bya ba ni/ gzugs med par skyes pa rnams la ni zag pa med pa'i sdom pa ldan pa'i sgo kho na nas yod kyi/
 mngon sum du gyur pa las ni ma yin te/ /de na gzugs med pa'i phyir ro/ /gzhan na ni rang gi ngo bos kyang yod do zhes bstan par 'gyur ro/ /las bstan pa'i dbang du byas pa yin pas zhes bya ba la sogs pa la/ chos mngon pa ni mdo'i rnam par bshad pa yin
 no/ /re zhig dang gtan du zhes bya ba la/ 'bras bu yid du 'ongs pa can ni re zhig sdug bsngal las yongs su skyob pa'i phyir bde ba yin te/ ji srid du rnam par smin pa yid du 'ong ba rjes su 'jug pa'i bar du'o/ /mya ngan las 'das pa thob par byed pa ni gtan
 tu ste yongs su mya ngan las 'das pa la gtan du sdug bsngal med pa'i phyir ro/ /mi bde ba ni mi mthun pa'i phyogs kyis zhes bya ba ni/ 'bras bu yid du mi 'ongs pa'i phyir dang/ mya ngan 'das pa'i gegs yin pa nyid kyis so/ /'dod pa na spyod pa
 na spyod pa'i dge ba'i las ni bsod nams ma yin pa'i gnyen por gyur pa'i phyir bsod nams zhes bya ste/ bsrung ba 'am tshim par byed pas na bsod nams so/ /'di la rnam par brtag pa dang dpyad pa gang yin pa zhes bya ba rgyas pa rang byung ste/ 'dir sogs
 bzhes bya ba'i sgras ni bsam gtan gnyis pa la dga' ba dang ma bral ba gang yin pa 'di ni 'dir 'phags pa rnams kyis g.yo ba'o zhes gsungs so/ /gsum pa la yang 'di la dbugs 'byung ba dang rdub pa dang ma bral ba dang/ 'di la bde'o snyam du
 sems kyi gtod pa gang yin pa 'di ni 'dir 'phags pa rnams kyis g.yo ba'o/ /zhes gsungs pa bsdu'o/ /bsam gtan gsum po zhes bya ba rgyas par 'byung la/ gzugs dang gzugs med pa na spyod pa'i dge ba thams cad ni mi g.yo ba ma yin gyi/
 'o na ci zhe na/ bsam gtan gsum pa'i gong yan chad la yin no snyam du sems so/ /ting nge 'dzin skyon dang bcas pa la zhes bya ba ni/ ting nge 'dzin nyes pa dang bcas pa ste/ bsam gtan gsum po de dag gi ting nge 'dzin skyon dang bcas pa'i dbang du mdzad
 nas 'di ni 'dir 'phags pa rnams kyi mi g.yo bar gsungs so/ /zhes de skad gsungs par zad kyi mi g.yo ba'i las kyi dbang du mdzad nas ni ma yin no/ /mi g.yo ba dang mthun par 'gro ba'i las las brtsams te/ zhes bya ba ni mi bsgrul ba dang mthun par
 'gro ba'i lam la brtsams te zhes bya ba'i don gang yin no/ /yang ci'i phyir ting nge 'dzin gyi skyon dang bcas pa nyid kyis g.yo ba dang bcas bzhin du yang 'dir mi g.yo bar gsungs zhe na/ de'i phyir gang phyir sa ni de dag tu/ las rnams smin phyir mi g.yo'i
 phyir zhes bya ba smos te/ sa rnams sred pas yongs su bcad pa'i phyir ro/ /'dod pa na spyod pa'i rdzogs par byed pa'i las ni rnam par smin pa'i phyir g.yo ba yin no/ /bde ba dang longs spyod la sogs par 'gyur pa'i lam zhes bya ba la/ sogs pa zhes bya ba'i
 sgras ni gzugs bzang ba dang/ bskal pa bzang ba dang/ skad snyan pa la sogs pa bsdu'o/ /res 'ga' rkyen gzhan gyi dbang gi zhes bya ba ni rkyen gzhan nyon mongs pa dang las dang smon lam gyi mthus zhes bya ba'i tha tshig ste/ mdo las 'di lta ste/ 'din
 la la spyin pa po yin zhing sbyin bdag yin la/ de yang shin tu srog gcod pa yin zhes bya ba rgyas par de glang po cher gyur na glang po che'i rgyan rnam pa sna tshogs 'thob par 'gyur ro zhes bya ba la sogs pa'i bar gsungs so/ /'dod pa'i khams dang bsam
 gtan gsum mo zhes bya ba 'byung ste/ de la 'dod pa'i khams dang bsam gtan dang po dag na ni bde ba'i tshor ba lus kyi bde ba dang/ sems kyi yid bde ba yin no/ /bsam gtan gnyis pa na ni bde ba'i tshor ba yid bde ba yin no/ /bsam gtan
 gsum pa'i sa na ni sems kyi bde ba yin no/ /de yod par bstan pa'i phyir ro/ /zhes bya ba la/ de zhes bya ba'i sgra ni sdug bsngal dang sbyar te/ sdug bsngal de 'dod pa'i khams kho na yod ba nyid du shes par bya ba'i phyir 'di'i zhes bya ba smos so/ /'on
 ci zhe na/ tshogs dang bcas pa yin no zhes bya ba ni/ rgyu dang bcas pa yin no zhes bya ba'i tha tshig go/ tshogs ni de dang lhan cig 'byung ba dang/ dbang po rnams dang yul rnams so/ /'dis tshogs par byed pas na tshogs yin te/ skyes par byed ces bya
 ba'i don to/ /de na rnam par smin pa tshor ba kho na yod pa ni ma yin mod kyi gdul ba'i dbang gis na de skad du gsungs te/ bde bar gyur cig snyam te dbyed do zhes 'byung ba'i phyir ro/ /bsam gtan khyad par rnam smin las zhes bya ba la bsam gtan
 khyad par du rnam par smin pa 'am/ bsam gtan khyad par can gyi las kyi rnam par smin pa ni bsam gtan khyad par rnam smin no/ /de lta ma yin na zhes bya ba la/ gal te bsam gtan bzhi pa man chad na bde ba yang ma yin sdug bsngal ba yang ma yin
 pa myong bar 'gyur ba'i las ming na ni bsam gtan khyad par can gyi las kyi rnam par smin pa med par 'gyur te/ snyoms par 'jug pa'i bsam gtan khyad par can gyi las kyi'o/ /las gang gis kyang bsam gtan khyad par can du zhes bya bas ni skye pa'i bsam gtan khyad?
 par can smras so/ /bsam gtan khyad par can gyi las kyi rnam par smin pa med par 'gyur ba 'am zhes gang smras pa de la brjod pa ni/ kha cig na re bsam gtan khyad par can gyi las kyi rnam par smin pa ni bsam gtan kho na'i bde ba'i dbang po rnam par shes pa gsum
 gyi tshogs dang ldan pa yin no zhes bya ba ste/ sa de dag ni rten tha mi dang pa'i phyir ro/ /de'i phyir bsam gtan khyad par can gyi las ni bde ba myong bar 'gyur ba kho na yin pas 'gal ba med do/ /gzhan dag na re de'i rnam par smin pa tshor ba med pa nyid de 'o na ci zhe na/ tshor ba
 las logs shig tu de las gzhan pa'i phung po bzhi yin no/ /de lta yin dang bsam gtan khyad par can gyi las kyi rnam par smin pa de ni bsam gtan khyad par can kho na yin par 'thad par 'gyur ro/ /'di ni bstan bcos dang 'gal ba yin te/ bstan bcos las ni
 las kyi rnam par smin pa sems kyi tshor ba kho na rnam par smin gyi/ lus kyi ma yin pa yod dam zhe na/ yod do rtogs pa med pa'i las dge ba'i yin no zhes 'byung ba la/ bsam gtan khyad par can gyi las kyang rtogs pa med pa yin no/ /gal te de'i rnam par smin pa
 bsam gtan dang pa'i bde ba kho na yin na ni bsam gtan dang po'i bde ba'i dbang po rnam par shes pa'i tshogs gsum dang ldan pa yin pas/ de'i phyir rnam par smin pa sems kyi tshor ba kho na rnam bar smin par 'gyur gyi/ lus kyi ni ma yin no zhes bya ba'i bstan
 bcos dang 'gal lo/ /gnyis pa yang bstan bcos dang 'gal te/ rtog pa med pa'i las kyi rnam par smin pa ni tshor ba'o/ zhes 'byung ba'i phyir ro/ /snga phyi med gsum smin zhes bya ba rgyas par 'byung ste/ snga ma dang phyi ma'i rim pa med cing/ sngar yang ma yin la/ phyis kyang
 ma yin gyi/ cig car zhes bya ba'i tha tshig go /bde ba myong bar 'gyur ba'i gzugs ni mig la sogs pa'o/ /sdug bsngal myong bar 'gyur ba'i sems dang sems las byung ba zhes bya ba ni mig la sogs pa'i rnam par shes pa rnams dang/ de dag dang mtshungs par ldan
 pa'i sems dang sems las byung ba rnams te/ yid mi bde ba ni rnam par smin pa ma yin pa'i phyir ro/ /bde ba yang ma yin sdug bsngal ba yang ma yin pa'i ni sems dang ldan pa ma yin pa srog gi dbang po la sogs pa rnams so/ /'dod pa'i khams las gzhan ni zhes
 bya ba rgyas par 'byung ba ni/ gzugs dang gzugs med pa'i khams dag na sdug bsngal myong bar 'gyur ba med pa'i phyir ro/ /dge ba dang mi dge ba ma gtogs pa gzhan la rnam par smin pa med pas 'dri ba ni de ci las de dge ba yin nam zhes bya ba la sogs pa'o/ /
 stobs chung du yin no/ zhes bya ba la stobs dang ldan pa gang yin pa de ni bde ba myong bar 'gyur ba yin te/ de'i phyir dge ba'i las de ni kha cig la bde ba myong bar 'gyur ba yin la/ kha gcig la bde ba yang ma yin sdug bsngal ba yang ma yin pa myong bar 'gyur ba yin no/ /
 de lta na ni 'o na/ bsam gtan gsum pa'i bar dge ba/ bde ba myong 'gyur zhes bya ba dang/ rnam par smin pa yid du 'ong ba ni dge ba yin no zhes bya ba gnyig dang 'gal lo/ /gang zhig de ltar 'dod pa de ni snga ma mi 'dod pa kho na yin na/ de dang 'gal ba ga la yod
 snga ma mi 'dod pa ni bstan bcos dang 'gal bar 'gyur na/ bstan bcos las ni de phal che ba bstan pa yin pas 'gal ba med de/ bsam gtan gsum pa'i bar dge ba/ bde ba myong 'gyur zhes bya ba la sogs pa bstan pa gang yin pa'o/ /de dge ba ni phal
 cher rnam par smin pa yid du 'ong ba yin la/ cung zad cig ni bde ba yang ma yin sdug bsngal yang ma yin pa myong bar 'gyur ba yin no/ /de'i phyir de ni phal che ba bstan pa yin pas 'gal ba med do/ /ji ltar tshor ba'i rang bzhin ma yin pa zhes bya ba rgyas par
 'byung ba ste/ bya ba'i dus kyi dbang du byas nas smras kyi/ 'bras bu'i dus ni ma yin no/ /bde ba myong bar 'gyur ba dang/ mthun pa zhes bya ba ni/ bde ba myong bar 'gyur ba dang rjes su mthun pa'o/ /'di'i bde ba myong bar bya ba yin pa zhes bya ba la bde ba yang de yin la myong
 bar bya ba yang de yin pas na bde ba myong bar 'gyur ba ste/ rnam par smin pa gang yin pa'o/ /myong bar 'gyur ba zhes bya ba ni/ /nyams su myong bar 'gyur ba'o/ /'di'i bde ba myong bar bya ba yin pas na bde ba myong bar 'gyur ba'o/ /de myong bar byed pa yin no zhes bya ba ni/
 rnam par smin pa de nyams su myong bar byed ces bya ba'i don to/ /'khru bar byed pa'i 'dag 'chal ba bzhin no zhes bya ba la/ dper na 'dag 'chal 'dis 'khru bar byed pas na/ 'khru bar byed pa'i 'dag 'chal lo zhes bya ba 'thob pa bzhin du 'khru bar 'gyur ba'i
 'dag cha'i zhes bya ba yin pa de bzhin du las gang gi bde ba myong bar byed pa de ni bde ba myong bar byed pa'o zhes bya ba thob pa bzhin du/ bde ba myong bar 'gyur ba zhes bya ba yang yin no/ /ngo bo nyid dang mtshungs ldan dang zhes bya ba la sogs pa 'byung ngo/ /ngo bo nyid kyis myong
 bar 'gyur ba ni tshor ba rnams so zhes bya ba ni/ tshor ba bde ba myong na zhes ji skad du gsungs pa lta bu ste/ ngo bor nyid kyis te/ myong ba'i mtshan nyid kyis myong bar 'gyur ba ni ngo bo nyid kyis myong bar 'gyur ba'o/ /bde ba myong bar 'gyur ba'i reg pa zhes bya ba ni/ bde ba
 myong ba dang mthun pa 'am/ 'di la bde ba myong bar 'gyur ba yod pas na bde ba myong bar 'gyur ba'i rig pa'o/ /gzugs so sor yang dag par myong bar 'gyur zhes bya ba la/ gzugs so sor nyams su myong bar 'gyur gyi/ gzugs la 'dod chags ni ma yin
 te/ de la skyes pa'i phyir ro/ /mthong ba'i chos la myong bar 'gyur ba zhes bya ba ni/ 'di la rnam par smin pa mtshan nyid mthong ba'i skye ba la myong bar yod pas so/ /gdon mi za bar myong bar 'gyur ba ma yin no zhes bya ba ni 'bras bu'i phyir ma des pa'i phyir ro/ /gal te ma
 des na ji ltar bde ba myong bar 'gyur ba yin zhe na/ gal te des bde ba nyid rnam par smin par byed do? zhes na ni tshor ba rnam par smin par 'gyur bas bde ba myong bar 'gyur ba yin te/ sdug bsngal myong bar 'gyur ba dang/ bde ba yang ma yin sdug bsngal yang ma yin pa
 myong bar 'gyur ba yang de dang 'dra'o rnam pa gnyis su phye nas zhes bya ba la/ mthong ba'i chos la sogs pa'i gnas skabs su ma des la/ rnam par smin pa des pa 'di ni gcig yin no/ /gnas skabs la des ba rnam par smin par ma des pa ni gnyis pa'o/ /
 stobs dang ldan pa ni ches stobs dang ldan pa ste/ las gzhan dang gi bar du gcad par mi nus pa'i phyir ro/ /chung chos pa ni nyung ches pa ste/ des thul ba'i phyir ro/ /rtsom pa dbang 'gyur ba'o/ /ji ltar zheams zhes bya a bde ste rtag gis tha dpes ston pa rnams so/ /gnas skabs nges la rnam par smin pa ma par smin pa'i
 ma go zug ces bya ba'i don to/ /ming de rnam par bzhag go zhes bya ba ni/ mthong ba'i chos la myong bar 'gyur ba de lta bu'i ming rnam par bzhag go zhes bya ba'i tha tshig go/ /'bras bu nye la zhes bya ba rgyas par 'byung ste/ 'bras bu mye ba'i dpe ni lcam pa'o/ /'bras bu ring?
 ba'i dpe ni nas la sogs pa dag go/ dpes ston pa rnams zhes bya ba ni/ gang dag bde ste rtag gis tha snyad byed pa de dag ni dpes ston pa rnams so/ /gnas skabs nges la rnam par smin pa ma nges pa yang yod do zhes bya ba ni las gang zhig mthong ba'i chos kho
 na la rnam par smin gyi/ de las 'das par mi smin pa nyid do/ /de bzhin du skyes pa dang/ lan grangs gzhan la yang brjod par bya'o/ /las 'di ni gnas skabs nges pa yin gyi/ rnam par smin pa ni ma yin te/ de nyid kyi phyir mthong ba'i chos la sogs pa la
 myong bar 'gyur la/ rnam par smin pa ni ma nges pa'i las gang yin pa'o zhes bya ba smos so/ /rnam par smin par nges la zhes bya ba rgyas par 'byung ngo/ /las gang zhig mthong ba'i chos sam skyes pa 'am/ rnam grangs gzhan yin pa'i bste/ gdon mi za bar
 smin pa de ni rnam par smin par nges kyi/ gnas skabs su ni ma yin pa ste/ de nyid kyi phyir rnam par smin par nges la/ myong bar 'gyur ba ni ma yin pa'i las gang yin pa'o zhes bya ba smos so/ /gnyi ga nges pa yang yod de/ gnas skabs dang rnam par smin par nges pa
 gang yin pa'o/ /gnyi ga ma nges pa yang yod de/ gnas skabs ir ro/ /bstan pa zhes bya ba ni mi bstan pa bca
 a'i las gang yin pa'o/ /dpes ston pas de dag gi ltar na las rnam pa brgyad de mthong pa'i chos la myong bar 'gyur ba rnam par smin par nges pa dang ma nges
 pa nas myong bar 'gyur bar ma nges pa'i bar du yang de dang 'dra bar brjod par bya'o/ /bye brag tu smra ba rnams ni mthong ba'i chos la myong bar 'gyur ba la sogs pa rnams ni nges pa kho na yin no/ /bzhi pa ni ma nges pa yin no zhes brjod do/ /las rnam pa bzhi 'phen par
 'gyur ba zhes bya ba ni/ mthong ba'i chos la myong bar 'gyur ba la sogs pa las rnam par bzhi byed par 'gyur ba'o/ /ji ltar zhe na/ pha rol po gsum la sbyar nas zhes bya ba smos te/ srog gcod pa dang ma byin par len pa dang/ brdzun du smra ba dag la'o/ /bdag nyid de
 rang 'dod bas log par g.ye ma pa la zhugs te/ de dag cig car mthar phyin par gyur na'o/ /gcig ni mthong ba'i chos la myong bar 'gyur ba yin la/ gcig ni skyes nas myong bar 'gyur ba yin zhes bya ba la sogs pa'o/ /mthong ba'i chos la myong bar 'gyur ba'i
 las kyis ni zhes bya ba rgyas par 'byung ste/ las gzhan gyis 'phangs pa'i ris mthun pa la de 'byung ba'i phyir dang/ de nyid du 'bras bu de 'byin pa'i phyir ro/ /ci rigs par zhes bya ba 'byung ste/ de la mi dge ba rnams ni 'dod pa'i khams kho na na yod do/ /gzhan dag
 ni khams gsum 'chad na'o/ /dmyal ba ni dge ba'i gsum zhes bya ba la/ dge ba zhes bya ba smos pa ni mi dge ba bsal ba'i phyir te/ dmyal ba na mi dge ba ni rnam pa bzhi char gyi 'phen pa yod do/ /gang las 'dod chags dang bral stan pa'i byis pa zhes bya ba la/ bstan pa
 zhes bya ba smos pa ni yongs su nyams pa'i chos can gsal ba'i phyir te/ de la ni gang las 'dod chags dang bral ba der skyes nas myong bar 'gyur ba'i las mi 'gal te/ yongs su nyams pa srid pa'i phyir ro/ /byis pa zhes bya ba ni 'phags pa bsal ba'i phyir te/
 byis pa ni skyes nas myong ba nyid byed pa ma yin gyi gzhan ni byed do/ /de nyid kyi phyir gzhan rnam pa gsum ni byed do zhes bya ba smos te/ de ni slar 'ong ba'i go skabs yod do/ /'phags pa gzhan duAng myong mi byed zhes bya ba'ang zhes bya ba'i sgras ni skyes nas myong ba
 yang byed pa ma yin par rtogs te/ de la ni yongs su nyams pa 'am slar 'ongs pa yod pa ma yin te/ bstan pa'i phyir dang khyad par du 'gro ba'i phyir ro/ /bstan pa zhes bya ba ni mi bstan pa bcad pa'i phyir te/ mi bstan pa ni skyes nas myong bar 'gyur ba dang/ lan
 grungs gzhan la myong bar 'gyur ba byed pa yin te/ yongs su nyams pa la yang skye ba srid pa'i phyir ro/ /'di ni yang sa 'og mar 'ong rung ba ma yin no zhes bya ba ni/ phyir mi 'ongs pa rnams khyad par du 'gro ba yin pa'i phyir ro/ /'og na yod pa ni 'og ma'o/ /
 ma nges pa dang zhes bya ba la/ rnam par smin par ma nges pa dang/ gang du skyes pa dar mthong ba'i chos la myong bar 'gyur ba ni byed do/ /'dod pa'i khams sam srid pa'i rtse mo las 'dod chags dang bral ba zhes bya ba la/ 'dod pa'i khams las 'dod chags dang bral
 ba ni phyir mi 'ong pa pa'o/ /srid pa'i rtse mo las 'dod chags dang bral ba ni dgra bcom pa'o/ /de dag tu zhes bya ba ni 'dod pa'i khams dang srid pa'i rtse mo dang sbyar ro/ /ci'i phyir zhes bya ba ni yongs su nyams pa'i chos can yin yang de dag tu mskyes nas myong bar 'gyur
 ba dang/ lan grangs gzhan la myong bar 'gyur ba'i las byed par rung 'am yin pa'o/ /de'i phyir de ni 'bras bu las yongs su nyams pa yin la zhes bya ba smos so/ /'bras bu las yongs su nyams pa la ni 'chi ba med do zhes bya ba ni ji srid du 'bras bu
 de ma thob kyi bar du'o/ /'og nas bshad par bya'o zhes bya ba ni/ 'bras las nyams pa 'chi ba med ces bya'o/ /ma nges pa dang mthong ba'i chos la myong bar 'gyur ba ni bkag pa med do/ /thams cad na ni 'phen pa bzhi zhes bshad pa de'i phyir ci srid pa bar ma na yang zhes bya
 ba rgyas par smos so/ /'dod pa na spyod pa'i srid pa bar ma zhes bya ba ni/ gzugs na spyod pa las khyad par du bya ba'i phyir te/ de na ni mngal gyi gnas skabs dang byis pa la sogs pa'i gnas skabs dag med do/ /skye ba ril ba ni gnas skabs bcu gcig
 yin te/ mngal gyi gnas skabs lnga dang/ skyes pa'i gnas skabs lnga dang/ srid pa bar ma'i gnas skabs so/ /las nges pa srid pa bar ma dang nur nur po la sogs pa'i 'bras bu can gang yin pa de ni skyes nas myong bar 'gyur ba yin par shes par mi bya ste
 de'i phyir de ni mthong chos 'bras bu can zhes bya ba smos so/ /de nyid la rgyu ni de ni ris gcig kho na yin zhes bya ba smos te/ ji skad du/ de ni 'phen pa gcig pa'i phyir/ /sngon 'gyur srid pa'i sha tshugs can zhes bshad do/ /de'i rgyu las byung ba zhes bya ba ni/ srid
 pa bar ma'i sngon du 'gro ba can zhes bya ba'i don to/ /gzhan zhes bya ba la gang las gzhan zhe na/ skyes nas myong bar 'gyur ba la sogs pa dag las so/ /de ni skyes nas myong bar 'gyur ba kho nas 'phangs pa'i phyir ro zhes bya ba ni/ gang gi phyir gnas
 skabs bcu gcig po de ni las gcig gis 'phangs shing ris gcig pa kho na yin pa de'i phyir med pa bar ma myong bar 'gyur ba'i las gzhan ma bshad do/ /las des pa dang ma nges pa bshad pa de'i phyir yang nges pa'i las ci 'dra ba zhes bya ba smos so/ /nges
 ba shes na de las gzhan ni ma nges pa yin no zhes bya bar shes pa kho na yin pas de la dri ba ma byas so/ /'bras bu snyoms par 'jug pa khyad par can zhes bya ba la/ khyad par can gyi sgra ni gnyi ga la yang sbyar bar bya'o/ /de la 'bras bu khyad par can ni rgyun tu zhugs pa'i
 'bus bu dang/ dgra bcom pa nyid do /snyoms par 'jug pa khyad par can ni 'gog pa dang/ byams pa dang nyon mongs pa med pa'i snyoms bar 'jug ba'o/ /khyad par smos pa ni lan cig phyir 'ong ba dang phyir mi 'ong ba'i 'bras bu dang/ de las gzhan pa'i snyoms
 par 'jug pa rnams rnam par bcad pa'i phyir ro/ /ci 'dra yang rung ste/ zhes bya ba ni kun nas dkris pa zhan pa 'am/ drag pos bslangs te/ gal te bsod nams kyi blo dang/ zhe sdang gis bslang na'o/ /gang zhig bsod nams kyi blos pa 'am ma gsod par byed
 pa de'i mi dge ba'i las de yang mtshams med par 'gyur ro/ /gzhan ni ma yin no zhes bya ba ni gsod par byed pa'i las las gzhan pa gshe ba la sogs pa dang rkang pa la phyag byed pa la sogs pa gang yin pa dang/ nyon mongs pa dang rab tu dang ba zhan pas kun
 nas bslang ba dang/ rgyun chags su byas pa ma yin pa dang/ yon tan gyi zhing las gzhan la byas pa dang/ gzhan la phan btags pa dang/ bsad pa'o/ /mthong ba'i chos la sogs pa la myong 'gyur phyir na zhes bya ba bshad pa de'i phyir/ yang mthong ba'i chos la
 myong bar 'gyur ba zhes bya ba rgyas par smos te/ zhing gi khyad par las ni dge slong shags kyis pham pa zhig gis dge 'dun la bud med du zad do zhes kha byas pa dang/ de mthong ba'i chos kho na la skyes pa'i mtshan dang bral te/ bud med kyi mtshan byung de zhes grag
 go/ bsam pa'i khyad par las kyang mthong ba'i chos la myong bar 'gyur te/ dper na nyung rum zhig gi rdan pa byin nas glang zhig rlig pa byung ba las thar bar byas pa dang/ de la mthong ba'i chos kho na la skyes pa'i dbang po byung ngo zhes grag pa bzhin no/ /yang na der
 skyes pa'i las de'i sa gang yin pa de las gtan du 'dod chags dang bral ba'i phyir las de mthong ba'i chos la myong bar 'gyur te/ dper na phyir mi 'ong ba dang/ dgra bcom pa rnams kyi 'dod chags dang ma bral ba'i gnas skabs su byas pa lta bu ste
 sa 'og mar yang mi 'ongs ba'i phyir dang/ lan pa med par yongs su mya ngan las 'das pa'i phyir ro/ /gnas skabs gzhan du nges pa gang yin pa zhes bya ba ni/ skyes nas myong bar 'gyur ba 'am/ lan grangs gzhan la nges par 'gyur ba ste de ni de nyid du rnam par
 smin par 'gyur ro zhes bya ba ni sa de nyid du skyes nas sam/ lan grangs gzhan la'o/ /de dang ldan bzhin du gtan du 'dod chags dang bral ba mi srid pas zhes bya ba la/ gang la gnas skabs gzhan du nges pa'i las yod pa de la ni gtan du 'dod chags dang bral ba
 mi srid de/ phyir mi 'ong ba la slar 'ong ba 'am/ dgra bcom pa la yang slar skye ba ni med do/ /de'i phyir las de ni rang gis las gtan du 'dod chags dang bral ba 'gag pa'i rgyu yin no/ /ma nges pa gang yin pa de ni zhes bya ba la sogs pa la/ ma nges pa rnam par smin pa
 'byin pa la gegs byed pa'i rgyu ni/ sa de las 'dod chags dang bral ba kho na yin pas 'di ni rnam par mi smin pa yin la/ ma nges pa yin pa'i phyir de las 'dod chags dang bral ba na gegs byed bar nus pa yang ma yin no/ /mya ngan las 'das pa dang 'dra ba'i phyir zhes
 bya ba la/ mya ngan las 'das ba ni gtan du 'dus byas thams cad 'jug pa dang 'gal ba yin la/ 'gog pa'i snyoms par 'jug pa la snyoms par 'jug pa'i gnas skabs na sems dang sems las byung ba 'jug pa med pas dus ji srid cig tu 'gal ba yin pas
 mya ngan las 'das pa dang 'bral ba yin no/ /de'i phyir mya ngan las 'das ba dang 'dra ba'i chos mngon sum du byas pa'i phyir de las langs bas sems mchog tu zhi ba 'thob bo/ /son pa las slar log pa dang 'dra zhes bya ba la snyoms par 'jug pa'i gnas skabs ma
 sems dang sems las byung ba 'jug pa med pa'i phyir mya ngan las 'das par son pa 'dra la/ yang langs pa la sems dang sems las byung ba 'byung bas mya ngan las 'das pa slar log pa dang 'dra ste/ de'i phyir de ni sems mchog tu dang ba'i gzhir gyur pa yin no/ /phan pa'i lhag pa'i
 bsam ba ni phan par 'dod pa yin la/ phan pa ni 'dir nyon mongs pa mi 'byung ba'o/ /shin tu gsal ba zhes bya ba ni/ shin tu rno ba ste/ te bor gsal zhes bya ba'i tha tshig ste/ sems can tshad med pa la phan pa'i lhag pa'i bsam pa'i rgyu can yin pa'i phyir ro/ /rgyu ji skad bshad
 ba'i bsam pa dang rjes su 'brel cing mthun par 'brel pa dang/ ji skad bshad pa'i bsod nams kyis yongs su bsgom pa dang rjes su 'brel bar? 'thug? pa ste/ yongs su bsgos pa zhes bya ba 'di ni bag chags kyi rnam grangs so/ /sems can tshad med pa la dmigs pa'i phan
 ba'i lhag pa'i bsam pa dang rjes su 'brel pa zhes bya ba ci'i phyir smos shen/ langs nas dus ha cang yun mi ring ba gzung ba'i phyir ro/ /gnas yongs su gyur pa sar pa yin pas dri ma med pa zhes bya ba la/ 'dir gnas yongs su gyur pa ni mthong ba dang bsgom pas spang bar bya ba'i
 nyon mongs pa skye ba dang 'gal ba'i rten thob pa'i phyir ro/ /sar pa smos pa ni langs nas yun ring po ma lon pa bsdu ba'i phyir ro/ /mthong ba'i lam dang dgra bcom pa nyid las gsar du langs pa dag ni yon tan sngar ma thob pa thob bas yid bde ba gzhol ba kho nar 'gyur te/
 de'i phyir de dag gi dbang po shin tu nye bar zhi bar 'gyur ro/ /rgyu de dag gi gang zag lnga po de dag la phan pa 'am gnod pa byas pa ni mthong ba'i chos la myong bar 'gyur ba'i 'bras bu can du 'gyur ro/ /rang bzhin dang 'bras bu yongs su ma rdzogs pa can nyid kyi phyir zhes bya
 ba la bsgom pa'i lam de la rang bzhin dang 'bras bu yongs su ma rdzogs pa yod pa de ni rang bzhin dang 'bras bu yongs su ma rdzogs pa can na/ /bsgom pa'i lam de yang gang yin zhe na/ lan cig phyir 'ong ba dang/ phyir mi 'ongs ba'i 'bras bu thob par byed ba'i lam
 ste/ der bsgom pa'i lam yongs su ma rdzogs pa'i phyir dang/ bsgom pas spang bar bya ba'i nyon mongs pa spangs pa'i 'bras bu yongs su ma rdzogs pa'i phyir ro/ /rgyun tu zhugs pa'i 'bras bu ni mthong ba'i lam yongs su rdzogs pa'i phyir dang/
 mthong bas spangs pa'i 'bras bu yongs su rdzogs pa'i phyir la dgra bcom pa nyid kyi 'bras bu yang bsgom pa'i lam yongs su rdzogs pa'i phyir dang/ bsgom pas spangs bar bya ba'i nyon mongs pa spangs pa'i 'bras bu yongs su rdzogs pa'i phyir ro/ /de ltar
 bsod nams kyi zhing ma yin no zhes bya ba la/ lan cig phyir 'ong ba dang phyir mi 'ongs ba rnams ni bsgom pa'i lam zag pa med pa las langs pa yin yang de ltar bsod nams kyi zhing ma yin na/ 'jig rten pa'i lam las langs pa rnams lta smos
 kyang ci dgos/ de ni gdon mi za bar rtog pa dang dpyod pa dang bcas pa'i phyir ro zhes bya ba ni lus kyi tshor bas bsdus pa'i rnam par smin pa de ste/ rtog pa dang dpyod pa dang bcas pa ni/ rnam par shes pa'i khams lnga yin zhes nges pa'i phyir ro/ /yid mi
 bde ba ni rnam par smin pa ma yin no zhes bya ba la/ 'di ni dbang po bsam pa las/ tha ma brgyad dang yid mi bde ma gtogs zhes bya ba der bshad zin to/ /'o na sems can rnams kyi zhes bya ba rgyas par 'byung ste ni/ gal te yid mi bde ba rnam par
 smin pa ma yin na/ 'o na sems can rnams kyi sems g.yeng bar 'gyur ba gang yin pa de zhes bya'o/ /de sems ni gang zhig la zhes bya ba ni/ yid kyi rnam par shes pa la gnas pa'i sems g.yeng gi /rnam par shes pa'i tshogs lnga la gnas pa ni ma
 yin te/ de dag rtog pa med pa'i phyir dang/ g.yengs pa yang yang dag pa ma yin pa'i rtog pa yin pa'i phyir ro/ /rnam par rtog pa med pa ni nges par rtog pa dang rjes su dran pa'i rtog pa med pa'i phyir ro/ /nags zhes bya ba ni rtswa'i tshogs so/ /gnas byed kyi bu la
 sogs pa zhes bya ba ni/ bu shi bas bskyed pa'i mya ngan gyis sems g.yengs pa la sogs pa'o/ /gal te yid kyi rnam par shes pa g.yengs bar 'gyur la/ sems g.yengs pa yang las kyi rnam par smin pa las skyes pa yin na go /ji ltar sems kyi tshor ba rnam par smin
 pa ma yin bar 'gyur zhe na/ sems de nyid rnam par smin pa yin no zhes ni mi zer ro/ /zhes bya ba la sogs pa la/ bdag po'i 'bras bu'i sgo nas sems g.yeng gi /rnam par smin pa'i 'bras bu'i sgo nas ni ma yin te/ de'i phyir de dang mtshungs par ldan pa'i yid mi bde
 ba rnam par smin pa ma yin no snyam du bsams pa'o/ /de nyid kyi phyir tshig le'ur byas pa las/ las las skyes zhes brjod par bya ba las/ las kyi rnam smin skyes zhes bshad do/ /ji ltar zhen/ las las skyes pa'i khams rnam 'khrugs pa zhes bya ba rgyas par smos te/
 brgyud nas mngon par 'grub pa'i phyir rnam par smin pa ma yin te sgra bzhin no/ /de lta na mu bzhi rigs par 'gyur te zhes bya ba 'byung ngo/ /sems g.yengs pa rnam par g.yengs pa yang yod ces bya ba la sogs pa la/ de la rnam par g.yengs pa ni nyon? mongs? bcan no/ g.yengs ba zhes
 bya ba ni/ 'jigs pa la sogs pas g.yengs pa ste/ brlams zhes bya ba'i tha tshig go/ 'dir dper brjod pa ni/ gnyi ga ni sems g.yengs ba'i nyon mongs pa can yin no zhes bya ba 'di yin no/ /sems nyon mongs pa can ni rnam par smin pa yin par mi rung ste/ rnam smin ??
 du ma bstan chos zhes 'byung ba'i phyir ro/ /mngon par nyen pa zhes bya ba ni/ mngon par gnod par gyur pa'o/ /'dir kyi cud sems zhes smre sngags 'don pa'i dmyal ba dper bya'o zhes bya ba ni rkun po'i snga dpon gang zhig gis rang sangs rgyas lnga brgya gsod du bcug po
 sangs rgyas ma gtogs pa zhes bya ba la/ sangs rgyas rnams la ni thugs g.yeng ba dang/ rim gyis 'grongs ba dang/ gsung 'jer ba dang/ dbu skya ba mi 'byung ste/ las shin tu dang ba'i rnam par smin pa'i snying po yin pa'i phyir ro/ /las kyis ni ma yin te/ zhes
 bya ba ci zhe na/ 'phags pa rnams sems g.yengs ba ste/ 'byung ba ma mnyam pa ni ma gtogs pa nyid do/ /ci'i phyir zhe na/ nges pa ni sngon so so'i skye bo'i gnas skabs kho na na rnam par smin zin pa'i phyir ro/ /ma nges pa ni rnam bar mi smin pa'i phyir ro/ /
 zhes bya ba la/ ma nges pa ni 'phags pa'i lam gyis stobs kyis rnam par mi smin pa'i chos nyid du gnas so/ /'jigs pa lnga las yang dag par 'das pa'i phyir ro zhes bya ba ni/ 'cho ba dang tshigs su bcad pa med pa dang/ 'khor gyi nang du bkrag ba dang/ 'chi
 ba dang ngan 'gro'i 'jigs pa las yang dag par 'das pa'i phyir ro/ /mi mdzes pa zhes bya ba ni/ nyon mongs pa mi sdug pa zhes bya ba'i tha tshig go /chos nyid mngon par shes pa'i phyir ro/ /zhes bya ba 'byung ste/ de la chos nyid ni 'du byed thams cad mi rtag pa'o
 zag pa dang bcas pa thams cad ni sdug bsngal ba'o/ /chos thams cad ni bdag med pa'o zhes bya ba 'di yin no/ /de phyir de ltar na chos kyi rang bzhin mngon par shes pa rnams la mya ngan 'byung ba med do/ /yon tan skyon snyigs mar gsungs pa ni zhes bya ba la
 sogs pa 'byung ngo/ /gya gyu'i rgyu las byung ba yin pa'i phyir zhes bya ba ni gya gyu'i rgyu can yin pa'i phyir ro/ /mdo las gya gyu gang zhe na/ sdig pa can gyi lta ba'o zhes lta ba la gya gyur bshad de/ de'i phyir de'i rgyu las byung ba'i phyir g.yo la gya gyu zhes brjod do/
 'bras bu la rgyur btags pas lus kyi las la yon po zhes bshad do/ /lus kyi las/ /zhe sdang las skyes pa ni lus kyi nyes ba zhes bshad de/ /de yang 'bras bu rgyur btags pa'i phyir ro/ /chags pa'i rgyu las byung ba yin pa'i phyir zhes bya ba ni/
 dper na chos na 'dzin pa'i rgyu yin pa ltar 'dod chags kyang de dang 'dra ste/ de'i phyir chos mthun pa de las de skad du bshad do/ /mi dge'i gzugs dang 'dod gtogs pa'i/ /dge ba nyid ni ji bzhin du zhes bya ba la/ mi dge ba gang zhig srid pa gzung la/ de yang
 'dod par gtogs pa kho na yin pas khyad par du ma byas te/ khyad par don med par 'gyur ro/ /gzugs dang 'dod par gtogs pa'i dge ba zhes bya bar sbyar ro/ /gzugs su gtogs pa'i dge ba ni dkar ba yin la/ 'dod bar gtogs pa'i dge ba ni dkar nag gnyig yin no/ /
 de zad byed ba zhes bya ba ni/ mi dge ba la sogs pa zad par byed pa ste/ mi dge ba la sogs pa rnam pa gsum zad par byed do/ /nyon mongs pa can yin pa'i phyir zhes bya ba na/ mi dge ba'i phyir ro/ /rnam par smin pa yid du mi 'ong ba yin pa'i phyir zhes bya ba ni/ rnam par
 smin pa rjes su mi mthun pa yin pa'i phyir ro/ /mi dge ba dang ma 'dres pa'i phyir zhes bya ba ni/ de na mi dge ba'i nyon mongs ba med pa'i phyir ro/ /ci'i phyir gzugs med par gtogs pa ma bshad ces bya ba ni dge bar te/ de yang gzugs su gtogs pa ltar mi dge ba dang ma
 'dres pa'i phyir ro snyan du sems so gang na zhes bya ba rgyas par 'byung ste/ grags te zhes bya ba'i sgras ni gzhan gyi bsam pa ston par byed pa'o/ /sred pa bar ma ba ni srid pa bar ma yong ba'o/ /skye ba'i srid pa pa yang de dang 'dra'o/ /gzugs med pa rnams na ni srid pa bar ma
 ba'i rnam par smin pa med de/ de na srid pa bar ma med pa'i phyir ro/ /rnam pa gsum char gyi zhes bya ba ni/ rgyas par 'byung ba ni/ de na bsam gtan gyi sdom pas bsdus pa'i lus dang ngag gis las dag med pa'i phyir ro/ /de kho nar bshad do zhes bya ba ni/ gang na las rnam
 pa gsum gyi rnam par smin pa rnam gnyis yod bde kho nar ngag ba'i las dkar bar bshad do/ /mdo las de yang bshad do zhes bya ba ni las dkar la rnam par smin pa dkar ba yang yod de/ 'di lta ste/ bsam gtan dang po dang de bzhin du srid pa'i rtse mo'i par yin no zhes
 gzugs med par gtogs pa'i las dge ba dkar po bshad do/ /las sam zhes bya ba ni dzas gcig dang/ skad cig gcig la'o/ /phan tshun dgal ba'i phyir ro zhes bya ba ni dkar po dang nag po gnyis gcig la cig cad lhan cig mi gnas pa'i phyir ro/ /de stobs
 dang ldan pa'i phyir ro zhes bya ba ni/ 'dod pa'i khams na mi dge ba 'bad pa med par yang nas yang du 'byung ba'i phyir stob dang ldan ba nyid de/ gang gis na de'i rnam par smin pa yang 'dren mar skye ba nges dge ba zil gyis gnon pa yin no/ /'di na dge ba ni res dga' 
 'bad pas 'byung ba'i phyir stobs chung ba yin te/ nges mi dge ba zil gyis gnon bar mi nus so/ /de'i phyir de'i rnam par smin pa ni gcig tu gnag pa kho nar 'gyur ro/ /mi dkar ba zhes bya ba'i sgra 'di ni dgongs ba can yin te zhes bya ba la/ dkar bzhi rnam pa gnyis te/
 rang bzhin gyis dkar ba dang/ rnam par smin pas dkar ba'o/ /de la gzugs su gtogs pa'i las ni gnyi ga dkar bas dkar ba'o/ /zag pa med pa ni rang bzhin gyis dkar ba kho na yin pas ma bshad do/ /mi dkar bzhes bya ba'i sgra 'di dgongs ba can yin
 no zhes bya ba ji ltar shes she na/ de'i phyir bcom ldan 'das kyis stong pa chen po'i mdo las zhes bya ba rgyas par smos so/ /bstan bcos las kyang chos dkar po rnams zhes bya ba la/ zag pa dang bcas pa dang/ zag pa med ba rnams gzung ngo/ /ma bsgribs la
 lung du ma bstan pa rnams kyang rnam par smin pa dkar pa med kyang nyon mongs pa can ma yin pa'i phyir dge ba zhes bya ba yin te/ de'i phyir rnam par smin pa dkar ba'i phyir gzugs na spyod pa dkar bar bshad la/ de med pa'i phyir zag pa med pa mi dkar ro/ zhes bya bar
 shes so/ /zag pa med pa'i las rnam par smin pa med pa yin no zhes bya ba 'di gang las she na/ de'i phyir khams su ma gtogs pa'i phyir rnam par smin pa med pa yin no zhes bya ba smos te/ rnam par smin pa ni khams gsum du gtogs pa yin te/ de'i rnam par
 smin pa'i rgyu yang khams su gtogs pa kho nar 'gyur ro/ /zag pa med pa'i las ni khams su ma gtogs pa yang yin pas rnam par smin pas rnam par smin pa med pa yin te/ 'dod pa'i sred pa la sogs pa dag gis bdag gir ma byas pa'i phyir ro/ /'dod
 pa'i sred pa la sogs bdag gis bdag gir ma byas ba zhes bya ba 'di ji ltar shes zhe na/ de'i phyir 'jug ba dang 'gal bas zhes bya ba smos te/ 'dod ba'i sred pa la sogs pas bdag gir byas pa ni chos khams gsum pa rnams kyi 'jug pa gcod par nus pa med do
 'dir de zad byed pa zag pa med yin zhes khyad par med pa bshad pa de'i phyir/ ci zag pa med pa'i las zhes bya ba rgyas par dris so/ /chos kyi bzod pa dad 'dod chags dang bral ba smos pa ni 'dod pa'i khams kyi gnyen po nyid kyis te/ las nag po spangs pa'i phyir ro/ /
 de la sdug bsngal dang kun 'byung dang/ 'gog pa dang lam la chos shes pa'i bzod pa dag gis na nges spang bar bya ba'i nyon mongs pas kun nas bslang ba'i las spong ngo/ /'dod pa'i khams las 'dod chags dang bral ba la yang go rim bzhin du bar chad med pa'i
 lam brgyad kyis nyon mongs pa ltar des spangs par bya ba'i nyon mongs pas kun nas bslang ba'i las spong la/ de yang gcig tu mi dge ba yin pas nag po zhes bya'o/ /dkar nag ste dge ba dang zhes bya ba la/ de ni de la dmigs pa'i nyon mongs pa spangs pa las
 spangs par rnam par bzhag go /bar chad med pa'i lam dgu pas de la dmigs pa'i nyon mongs pa ma lus par spangs pas dgu pa'i sems pa gang yin pa de ni zhes de'i che de spong bar rnam par bzhag ste/ brgyad kyis gcig tu mi dge ba spangs pa'i phyir ro/ /
 dkar po bsam gtan chags bral la/ dkar po kho na zhes bya ba nges par gzung ste/ de na nag po med pa'i phyir ro/ /de'i rang gi ngo bo ni spong ba ma yin te/ zhes bya ba ni thob ba bcad ba ma yin pa ste/ nyon mongs pa spangs kyang/ ting nge 'dzin las langs pa'i
 dus dag tu mngon sum du byed pa'i phyir ro/ /de la dmigs pa'i nyon mongs pa spangs pa'i phyir te zhes bya ba la/ dge ba dmigs pa'i nyon mongs pa spang bas dge ba de spangs par 'gyur gyi/ gzhan du ni ma yin no/ /de'i phyir de myong bar 'gyur ba zhes bya ba
 la/ 'gro ba la nges pa'i rgyu de'i phyir de myong bar 'gyur te/ dmyal ba myong bar 'gyur ba zhes bya ba'i don to/ /de las gzhan pa'i zhes bya ba rgyas par 'byung ba ni/ dmyal ba'i 'gro ba de las gzhan pa'i 'dod pa'i khams mi la sogs pa'i 'gro ba na
 ni las dge ba dang mi dge ba'i rnam par smin pa yod do/ /mthong bas spang bar bya gnag ces bya ba ni dge ba dang ma 'dres pa'i phyir ro/ /dge ba ni mthong bas spang bar bya ba yod pa ma yin te/ nyon mongs can min mthong spangs min/ zhes nges pa'i phyir ro/ /'dod
 pa las skyes gzhan dkar nag ces bya ba la/ 'dod pa na spyod pa'i bsgom pas spang bar bya ba de ni/ dge ba yang yin mi dge ba yang yin te/ de gnyi ga yang sres nas dkar nag ces bya'o/ /thub pa ni gsum ste zhes bya ba la/ thub pa'i dngos po thub pa'i yin
 pa dang/ 'di thub pa'i yin pa ni thub pa'i 'o/ /mi slob pa'i lus dang ngag gi las dag ni zhes bya ba ni/ rnam par rig byed ma yin pa kho na yin gyi/ rnam par rig byed ni ma yin te/ mi slob pa zhes 'byung ba'i phyir ro/ /sems ni don dam par thub pa yin la
 zhes bya ba ni/ de rnam par byed pa'i rgyu nyid kyi gtso bo yin pa'i phyir ro/ /thub pa nyid thub pa yin te/ rang gi don la 'phel pa bsgrub pa'i phyir ro/ /de ni lus dang ngag gi sgo nas rjes su dpag par bya ba yin no/ zhes bya ba ni/ thub pa zhes bya bar
 te/ mdo las ji ltar de bzhin gshegs pa rjes su dpag par bya/ sku'i 'phrin las rab tu zhi ba dang gsung gi 'phrin las rab tu zhi ba ba so zhes 'byung ba'i phyir ro/ /de'i phyir gang gis dang gang rjes su dpag pa de dag kho na thub pa'i yin par bshad
 kyi/ yid kyi las ni ma yin no/ /de ltar na mi slob pa'i lus dang dag gi las ni 'di thub pa'i yin pas thub pa'o zhes bya bar grub ste/ yid kyi las ni ma yin no/ /gal te mi slob pa'i sems pa yang yid ltar de dag gi rjes su dpag par bya
 pa ma yin nam/ /zhe na/ rjes su dpog mod kyi/ de ni sems la brten pas de la sems nyid gtso bo yin no/ /gzhan yang zhes bya ba ni slob dpon bdag nyid kyi gzhung lugs 'chad pa'o/ /spong pa'i rang bzhin zhes bya ba ni rnam par rig byed ma yin pa'i rang bzhin yin pa ste/ de ltar yid
 la byed pa ni rnam par rig byed kyi rang bzhin ma yin no/ /ci'i phyir zhe na/ sems la/ rnam par rig byed ma yin pa med pa'i phyir te/ 'di ltar sems la rnam par rig byed ma yin pa med pa'i phyir ro/ /thub pa yang spong ba'i don gyi yin te zhes bya ba la spong ba ni gcod pa ste/ mi dge
 ba thams cad spong pa'i don gyis zhes bya bar dgongs so/ /nyon mongs pa'i brjod pa thams cad med pas zhes bya ba la/ nyon mongs pa rnams ni log pa la dmigs pa'i phyir brjod pa zhes bya ste/ brjod pa dang rtog pa zhes bya ba ni don gzhan ma yin no/ /slob pa ni nyon mongs
 pa'i brjod pa yod pas don dam par thub pa ma yin te/ de'i phyir slob pa'i lus dang ngag dang yid ni thub pa rnam par ma bzhag go /thub pa ni gzugs dang rnam par shes pa'i phung po gnyis kyi sgo nas rnam par bzhag go /gtsang byed gsum zhes bya ba la/ gtsang pa'i dngos po
 ni gtsang byed do/ /thams cad ces bya ba ni zag pa dang bcas pa dang zag pa med pa'o/ /re shig zag pa med pa ni gtsang byed ces bya bar rigs na/ zag pa dang bcas pa nyon mongs pa mi gtsang bas sun phyung bas ni gcang byed ces bya ba ji ltar 'thob ce na/ de'i phyir dus
 re shig dang gtan du nyes par spyod pa nyon mongs pa'i dri ma spong ba'i phyir ro/ /zag pa dang bcas pas ni re shig tu'o/ /zag pa med pas ni gtan du'o/ /de'i phyir dus re shig tu nyes par spyad pa'i dri ma spangs pa'i phyir dang/ zag pa med pa'i don dam pa'i gtsang byed 'dren
 par byed pa'i phyir zag pa dang bcas pas kyang gtsang byed ces bya ba 'thob po/ /log pa'i thub pa dang gtsang sbra la mos pa rnams shes bya ba la/ gang dag mi smra ba dang/ phyi rol gyi dri ma spangs pas mtho ris dang byang grol 'thob po zhes bya ba de ltar lta ba de dag ni log pa'i
 thub pa dang/ gtsang sbra la mos pa'o/ /dgar ba ni lta ba dang bral ba'o/ /lus kyi la sogs mi dge ba/ /nyes par spyad pa gsum du 'dod/ /lus dang ngag gi las mi dge ba sbyor ba dang dngos dang mjug ces bya ba dang/ mi dge ba'i sems pa gang cung zad cig
 yin pa de ni go rims bzhin du lus dang ngag dang yid kyi nyes par spyad pa yin no/ /ched du bsam par bya ba'i mdo las zhes bya ba ni/ dge slong dag ji ltar ched du bsam par bya ba'i las byas shing bsags pa yin zhe na/ dge slong dag 'di na la la ched du bsams
 nas lus kyi las rnam pa gsum byed cing bsags pa yin la/ ngag gi rnam pa bzhi dang/ yid kyi rnam pa gsum zhes bya ba rgyas par gsungs nas/ bka' stsal ba/ dge slong dag ji ltar yid kyis cher du bsam par bya ba'i las rnam pa gsum bya? shing/
 bsags pa yin zhe na/ 'di lta ste/ 'di na dge slong la brnab sems dang ldan pa yin/ gnod sems can gyi sems su gyur pa yin/ log par lta ba yin zhes 'byung ba'o/ /dpes ston pa rnams na re/ brnab sems la sogs pa ma gtogs pa'i yid kyi las
 gzhan ma bshad de/ de'i phyir brnab sems la sogs pa dag kho na yid kyi las ma yin no zhes zer ro/ /de lta na ni las dang nyon mongs pa dag gcig tu 'gyur ro/ /'di ni 'dod pa yang ma yin no/ /gal te nyon mongs pa 'ga' zhig las su gyur na yang zhes
 bya ba ni sems pa 'ba' zhig tu ma zad pa'o/ /cir 'gyur zhes bya ba ni/ nyes pa cir 'gyur zhes bya ba'o/ /de ni med de ci'i phyir zhe na/ mdo dang 'gal ba'i phyir te/ sems pa'i las dang bsam pa'i las zhes gsungs pa'i phyir ro/ /de'i phyir nyon mongs pa
 las ma yin no zhes bya bar nges so/ /gal te nyon mongs pa las nyid du mi 'dod na de lta ched du bsam par bya ba'i mdo dang 'gal lo zhe na/ mdo las ni zhes bya ba rgyas par 'byung do/ /de'i sgo nas ni zhes bya ba'i brnab sems la sogs pa'i sgo nas sems pa
 zhugs pa de'i phyir brnab sems la sogs pa de dag gi sems pa de ston par byed de/ /gzhan du na mdo dang 'gal bar 'gyur ro/ /bye brag tu smra ba rnams na re yid kyi las kyi tshogs yin pa'i phyir de dag la 'di skad du bsnyad de/ dor ba'i spang bar bya ba la zag par bstan
 pa bzhin no zhes zer ro/ /smad pa ni zhes bya ba ni dam pa dag gi smad ces bya ba'i don to/ /bzlog pa legs par spyad pa yin zhes bya ba la lus dang dag gi las dge bar sbyor ba dang dngos dang mjug ces bya ba dang/ dge ba'i sems pa dang/ brnab sems dang gnod sems
 dang/ log par lta ba dag la sogs pa gang cung zad cig yin par de ni nyes par spyad pa las bzlog pa'i sgo nas lus dang ngag dang yid kyi legs par bcad par brjod par bya'o/ /de'i rtsa ba yin pa'i phyir ro zhes bya ba la pha rol la phan 'dogs pa'i bsam pa'i rtsa
 ba yin pa'i phyir na yang dag pa'i lta ba dge ba nyid yin la/ gzhan gnod pa bya ba'i bsam pa'i rtsa ba yin pa'i phyir na log par lta ba mi dge ba nyid yin no/ /de las che long bsdus na ni zhes bya ba la che lod ni chen po'o/ /ci rigs pa zhes bya ba smos pa ni/ go rims ji lta
 ba bzhin yin pa gsal ba'i phyir te/ de lta ma yin na nyes par spyad pa dag las dge ba dang/ legs par spyad pa dag las mi dge ba'o zhes bya bar thar par 'gyur ro/ /nyon mongs pa can gzhan yang zhes bya ba ni/ brdeg pa dang 'ching ba dang 'dren pa la sogs pa'o/
 myas?/ par 'gyur ba la sogs pa spong ba dang/ sbyin pa dang mchod sbyin la sogs pa zhes bya ba la sogs pa zhes bya ba'i sgra sdams brdeg pa dang 'ching ba la sogs pa spong ba bsdu'o/ /sogs pa zhes bya ba gnyis pas ni khrus byed pa dang/ lus bskud pa dang/ mngon du
 lus? sogs pa bsdu'o/ /snyan par smra ba la sogs pa zhes bya ba la/ 'dir yang sogs pa zhes bya ba'i sgras chos ston pa la sogs pa dag bsdu'o/ /yang ci 'dir las kyi lam rnam par rig byed yin nam/ 'o na te rnam par rig byed ma yin pa yin nam/ de ste gnyi
 ga yin zhe na/ re shig rang byed pa ma yin pa la ni/ mi dge drug ni rnam rig min zhes bya ba rgyas par 'byung ste/ dngos kyi rnam par rig byed med pa'i phyir ro/ /'dir lung bsgo ba'i rnam par rig byed gang yin ba de ni spyor ba kho na yin gyi/ dngos po ni ma yin no/
 dus de'i tshe shin zhes bya ba la/ rnam par rig byed kyi dus ma gtogs pa phyis shin ni rnam par rig byed sbyor ba kho na yin pas las kyi lam rnam par rig byed ma yin pa kho na yin no/ /yang dag par blangs pa'i tshul khrims ni zhes bya ba la/ yang dag par blangs pa zhes
 bya ba smos pa ni/ chos nyid kyi tshul khrims las khyad par du bya ba'i phyir ro/ /de ni sems la rag las pa kho na yin te rnam par rig byed la rag lus pa ni ma yin te/ de ni bsam gtan gyi sdom pa dang/ zag pa med pa'i sdom pa'o/ /sems tsam las rag lus
 pa'i phyir zhes bya ba la/ tsam zhes bya ba'i sgras ni yang dag par blangs pa'i tshul khrims gsal bar bya ba'i phyir ro/ /lhur len pa chen pos zhes bya ba ni shugs drag pos so/ /'dir nyer bsdogs kyi sgras ni sbyor ba kho na brjod do/ /bzlog pa mjug yin no zhes
 'byung ba'i phyir ro/ /de'i rjes su mthun pa'i chos zhes bya ba ni/ las kyi lam dang rjes su mtsham par byed na zhes bya ba'i don to/ /las kyi lam sbyor ba dang dngos dang mjug dang bcas pa dag bshad na/ de dag gi sbyor ba la sogs pa'i rnam par bzhag pa ni ma bshad
 pas yar ji tsam gyis na zhes bya ba rgyas par dris so/ /sbyor ba dang 'bras bu yongs su rdzogs pas so zhes bya ba la/ sbyor ba'i 'bras bu yongs su rdzogs pa ni gzhan gyi srog gcod pa'i/ /'di skad bshad par 'gyur te/ sbyor ba tsam pa dang/ gzhan gyi srog
 bcad pa nyid kyis ni/ srog gcod pa'i kha na ma thobs reg par mi 'gyur gyi/ 'o na ci zhe na/ gal te gzhan gyi srog gcad pa'i phyir sbyor ba dang bcas pa na'o/ /de phyin chad ces bya ba ni bcad phan chad do/ /de bzhin du gzhan drug la yang ci rigs par sbyar bar
 bya'o zhes bya ba 'byung ste/ de la ma byin par len pa la ni ji ltar rkun po khri las ldang bar byed pa mtshon cha len par byed/ gzhan gyi khyim du 'gro bar bya ba gnyid log gam 'on te ma log ces nyan par byed/ 'bugs par byed 'jug par byed/ gzhan gyi nor la noms? par byed pa nas
 ji srid du gnas nas ma spags pa de srid du ni sbyor ba yin no/ /skad cig gang la gnas nas spogs par byed pa de'i tshe rnam par rig byed dang/ de'i skad cig rnam par rig byed ma yin pa gang yin pa de ni las kyi lam dngos yin no/ /rgyu gnyis na ma byin par len pa'i
 kha na ma tho bas reg par 'gyur te/ sbyor ba dang de'i 'bras bu yongs su ma rdzogs pas so/ /de phyin chad kyi rnam par rig byed ma yin pa'i skad cig ma rnams ni mjug yin no/ /ji srid du gzhan gyi nor de 'ged pa 'am/ 'chod ba 'am/ spod pa 'am/ rjes su sgrog pa
 de srid du de'i rnam par rig byed kyi skad cig ma yang mjug yin no zhes bya ba lta bu ste/ de bzhin du gzhan la yang brjod par bya'o/ /brnab sems la sogs pa ni zhes bya ba la sogs pa la mngon sum du gyur pa cam gyis las kyi lam du 'gyur te/ sems kyi yin pa'i
 phyir ro/ /gal te 'chi ba'i srid pa la gnas pa yin na ni zhes bya ba ni/ srog chags de ma shi ba'i tshe kho na rnam par rig byed ma yin pa las kyi lam yin na'o/ /de ltar na lhan cig shi ba yang zhes bya ba rgyas par 'byung ste/ gsod pa'i rnam par rig byed dang rnam par
 rig byed ma yin pa dang/ gsod du 'jug pa'i rnam par rig byed ma yin pa nyid las kyi lam dngos su 'gyur ro/ /grub pa'i mdza' las ni de skad du mi 'byung zhes bya ba 'byung ngo/ /'o na grub pa'i mdza' gang yin zhe na/ snga dang mnyam du shi ba la/ /dngos med lus
 gzhan skyes phyir ro zhes bya ba'o/ /'o na te shi ba yin na ni srid pa bar ma dngos pa gnas skabs yin na'o/ /de brjod par ma bya'o zhes bya ba 'byung ste/ ci'i phyir zhe na/ bsnun pa rnam par rig byed ces bya ba des shi ba ni ma yin no/ /srog gcod par byed pa zhes bya ba rgyas
 par 'byung ngo/ /gang yang bstan bcos las zhes bya ba rgyas par 'byung ba ni skyon gzhan yin no/ /bye brag tu smra ba'i don ni gal te zhes bya ba las/ bye brag tu smra ba rnams kyis 'dir mjug sbyor ba'i sgrar gsungs so zhes bstan bcos kyi don bshad
 pa gang yin pa de 'gal lo/ /ci'i phyir zhe na/ de'i tshe dngos kho na ma 'gag pa'i phyir ro/ /gal te srog chags shi ba'i tshe rnam par rig byed dang rnam par rig byed ma yin pa gang dag yin pa de las kyi laM dngos yin na ni/ de ltar na sbyor ba med par ma gyur pa zhes bya ba 'dir dngos kho
 na sbyor ba'i sgrar gsungs kyi mjug ni ma yin no/ /zhes bya bar shes so/ /ji ltar nyes pa med pa de lta bu yin no zhes bya ba ni chos mngon pa pa'o/ /ji ltar na nyes pa med ces bya ba ni slob dpon no/ /dngos po kho na sbyor ba'i sgrar zhes bya ba la sogs pa ni bye brag tu
 smra ba dag ste/ de ltar na snga dang mnyam du shi ba la/ /dngos med lus gzhan skyes phyir ro zhes bya ba dang mi 'gal lo/ /'o na de'i tshe rnam par rig byed ces bya ba ni slob dpon no/ /ji ltar mi 'gyur ce na/ mi nus pa'i phyir ro zhes bya ba smos te/ srog chags shi zin
 na ni yang de 'chi bar bya ba la de nus pa yod par mi 'gyur ro/ /da ni rnam par rig byed ma yi pa ji ltar 'gyur zhes bya ba ni/ nus pa med par las kyi lam du ste/ ji ltar 'di nus pa med bzhin du yang yin pa de bzhin du rnam par rig byed kyang yin no/ /snyam du bsam
 pa'o/ /de'i phyir sbyor ba'i 'bras bu zhes bya ba la sogs pa la/ sbyor ba'i 'bras bu ni srog gcod pa ste/ sbyor ba ni de'i don du yin pa'i phyir ro/ /de yongs su rdzogs pa'i dus ni shi pa'i dus so/ /de gnyig zhes bya ba rnam par rig byed dang rnam par rig byed ma
 yin pa ste/ mi nus kyang las lam yin no/ /snyam du bsams pa'o/ /de ltar yin dang sbyor ba'i 'bras bu la ltos nas rnam par rig byed kyang las kyi lam du brjod kyi/ nus pa la bltos nas ni ma yin pas nyes pa med do/ /de bzhin du gzhan dag la yang ci
 rigs par sbyar bar bya'o zhes bya ba ni/ dper na gzhan gyi nor rku bar 'dod pa don grub par bya ba'i phyir gzhan gyi nor phrogs nas phyugs des gtor ma byed pa dang de nyid kyis de'i 'phrog tu gzhug pa'i phyir de'i chung ma la nyal po byed pa dang/ de la gang dag yongs su skyobs par
 'gyur ba'i mdza' bo la rdzun dang phra ma dang tshig rtsub po dang tshig brkyal pa dag gis dbyen byed pa dang/ de'i nor la brnab sems byed pa dang/ nor de'i bdag po la gnod sems byed pa dang/ log par lta ba 'phel bar byed pa lta bu ste/ de bzhin du 'dod pas log par g.yem
 pa dag la yang ci rigs par brjod par bya'o/ /'di la las kyi lam thams cad chags pa la sogs pas mthar phyin par byed pa ni ma yin gyi/ 'o na ci zhe na/ rdzun du smra ba la sogs pa 'ga' zhig dag yin te/ lhag ma gsum gyi rdzogs par 'dod ces 'chad bar 'gyur ro/ /
 de'i lus kyi yan lcag gi phyir ma zhes bya ba ni/ rnga ma dang/ so dang bags pa'i phyir ro/ /nor gyi phyir ram zhes bya ba ni rin gyi phyir ram/ de'i nor bdag gir bya ba'i phyir ro/ /pha dang ma rgas sam nad tshabs chen pos thobs na zhes bya ba ni/ de dag gis de nas gzhan gyi tshe dbang
 po sar ba dang shin tu dang brnyed par 'gyur te/ de na bsad par bya ba'o zhes grag go /gang yang log par lta bas rab tu bcug pa zhes bya ba ni/ 'jig rten pha rol med do zhes smras pas lta ba des srog chags gsod pa la rab tu bcug pa'o/ /gzhan gyi rnyed pa 'am bu? sti 'am
 grags pa'i phyir zhes bya ba ni dper na bran ni rje bo'i rnyed pa'i phyir nor rku ba lta bu ste/ 'di ni ma byin par len pa chags pa las skyes pa ste/ gang yang log par lta bas rab tu bcug pa ste/ 'di ni ma byin par len pa gti mug las skyes pa'o/ /cho ga can gyi chu btung ngo zhes
 bya ba rgyas par 'byung ste/ cho ga can gyis chu dang rtswa dag yongs su longs spyad ces bya ba'i don to/ /sring mo'i gan du 'gro zhes bya ba ni/ bu sring gi gan du zhes bya ba'i don to/ /rus cig pa'i gan du 'gro ba zhes bya ba ni/ rus mthun pa'i gan du 'gro zhes bya ba'i don to/ /gang dag
 ces bya ba rgyas par 'byung ba ni/ bud med ni/ rtun la sogs pa dang 'dra ste/ ji ltar rtun la sogs pa longs spyod kyi sgo nas thun mongs yin pa ltar bud med kyang de dang 'dra ste/ de'i phyir nyal po la 'gro ba rnams la nyes pa med do zhes bya ba yin no/ /gzhad gang dang
 ldan zhes bya ba ni ku re'i bsam pa dang ldan zhes bya ba'i tha tshig go/ gang yang log par lta bas rab tu bcug pa'i brdzun du smra ba de yang gti mug las skyes pa ste/ dper na 'jig rten pha rol med do zhes bya ba la sogs pa lta bu'o/ /pha ma la sogs pa log par lta bar?
 rab tu bcug pa ni gti mug las skyes pa ste/ 'jig rten pha rol med do zhes mtshams su gzung du med pa smra ba'i 'o/ /gang yang rig byed dang grangs can dang/ bye brag pa la sogs pa'i ngan pa gdol ba de yang gti mug las skyes pa'i tshig bkyal pa'o/ /'di
 lta ste dge tshul zhes bya ba la/ 'di lta ste zhes bya ba'i sgra ni sbyor ba'i cho ga gzhan yang bstan par bya ba'i phyir ro/ /gnas sna tshogs ni mtshams chen po ste/ dkyil 'khor zhes bya ba'i don to/ /'dir dge slong sna tshogs gnas pa na gnas tshogs so/ /de'i 'og
 tu zhes bya ba ni dngos kyi las kyi lam gyi 'og tu ste/ bslab pa'i gzhi rnams blangs nas ji srid du ji skad bshad pa'i tshogs gnas sgo ba dang ste/ de dag gis chos gos dang bsod snyoms dang ste/ mal dang na ba'i rkyen sman rnams so/ /de'i rten zhes bya ba ni
 gnas kyi rten no/ /gsod dang gnod sems tshig rtsub po/ /zhe sdang gis ni mthar phyin byed ces bya ba ni zhe sngar kho nas zhes nges par gzung ngo/ /yongs su dor ba dang rtsub pa'i sems mngon du gyur pa'i phyir ro zhes bya ba ni/ yongs su dor ba'i sems kyis gsod
 pa mthar phyin par byed la/ gzhan ni rtsub pa'i sems kyi rdzogs par byed de/ de'i phyir gsod pa dang gnod sems dang tshig rtsub po rnams ni gcig tu zhe sdang gis mthar phyin par byed do/ /log g.yem brnab sems ma byin len/ chags pa yin rdzogs
 par 'dod chags pa kho nas zhes nges par gzung ba'i phyir brtsams so/ /log par lta ba gti mu gis/ /che rtsong bar gyur na zhes bya ba ni gang zhig rgyu dang 'bras bu'i 'brel pa'i chos nyid la rmongs pas de ni rdzogs par byed do/ /gti mug kho nas log par lta ba mthar phyin par byed do
 lhag ma gsum gyis rdzogs par 'dod ces bya ba la/ chags las skyes pa'i brdzun du smra ba ni chags pa kho nas mthar phyin par byed la/ de bzhin du zhe sdang las skyes pa dang/ gti mug las skyes pa yang zhe sdang dang gti mug gis mthar phyin par byed do/ /de bzhin du
 gzhan gnyis la yang brjod par bya'o/ /cha bzhir bshad pa zhes bya ba ni tshan bzhir ro/ /ji ltar zhe na/ gsum dang/ gsum dang/ gcig dang gsum dang zhes bya ba smos te/ gsod dang gnod sems tshig rtsub po zhes bya ba ni gsum mo/ /log g.yem brnab
 sems ma byin len zhes bya ba ni yang gsum mo/ /log par lta ba gti mug gis zhes bya ba ni gcig go/ /lhag ma gsum gyis rdzogs par 'dod ces bya ba ni yang gsum mo/ /srog gcod pa la sogs pa'i gzhi ni sems can yin no zhes bya ba ni tshogs
 pa las las kyi lam de skye ba'i phyir to/ /sems can du ston pa ma yin pa dag las ni de skye ba mi srid do/ /gal te de dag gi rten ni ming dang gzugs kyang yin par rig pa ma yin nam zhe na/ phung po tshogs pa kho na la ltos nas gsod pa la sogs pa dag 'byung
 gi/ phung po'i phyogs gcig la ltos nas ni ma yin la/ phung po gcig dang skad cig ma la yang ming dang gzugs zhes bya ba na/ phung po gcig dang skad cig ma gcig la ni gsod pa la sogs pa dag 'jug pa med de/ de'i phyir de dag gi rten ming dang gzugs yin par mi
 'dod do/ /gzhan gyi bud med kyi gan du 'gro ba la sogs pa'i gzhi ni longs spyod yin no/ /gzhi dang rten dang yul zhes bya ba ni don gzhan ma yin te/ /longs spyod la brten nas las kyi lam 'byung ba'i phyir ro/ /log par lta ba'i gzhi ni ming dang gzugs yin te/ de la skur
 pa 'debs pa'i phyir ro/ /brdzun du smra ba la sogs pa'i gzhi ni ming gi tshogs yin te/ tshig ni ming la 'jug pa'i phyir ro/ /de'i sbyor bas 'chi ba'i phyir dang/ de'i tshe lus gzhan skyes pa'i phyir the tsom za bas/ gang zhig pha rol 'chi bar nges par byas nas zhes bya
 brgyas par dris so/ /dngos med ces bya ba ni/ dngos sngon du 'gro bas 'jug kyang med do zhes bstan par 'gyur ro/ /lus gzhan skyes phyir ro zhes bya ba ni ris mthun pa gang la gnas pas de'i sbyor ba byas pas de kho na de'i 'bras bu rdzogs pa las dngos kyi las kyi lam du
 'gyur gyi/ ris mthun pa tha dad pa'i lus la ni ma yin te/ de sbyor ba po ma yin pa'i phyir ro/ /don gyis ni phan tshun du sbyor ba byed pa yin no/ /zhes bya ba ni tshig gi sbyed par byed pa po ma yin mod kyang ngo/ /srog gcod pa bsam bzhin du/ ma nor bas ni gzhan gsod pa'o zhes
 bya ba la srog gcod pa ni rnam pa gnyis te/ bsam bzhin pa dang bsams bzhin pa ma yin pa'o/ /bsam bzhin pa dang rnam pa gnyis te/ nor ba dang ma nor pa'o/ /ma nor pa yang rnam pa gnyis te/ bdag dang gzhan gsod pa ste/ de'i phyir rnam par bcad par bya ba'i phyir khyad par
 rnam pa bzhi brtsams so/ /yang ci'i phyir ma bsams pa dang nor pa dang/ bdag la srog gcad pa ma 'dod ce na/ sbyor ba mi srid pa'i phyir dang/ gzhan du sbyor ba byas pa'i phyir dang bsod nams dang bsod nams ma yin pa dag bdag gi brten can mi srid pa'i phyir ro/ /de ltar
 bshad pa dang/ gal te srog chags gzhan yin pa dang/ 'di bsad par bya'o/ zhes de la sbyor ba byas pa dang/ gang la sbyor ba byas pa de nyid gsod par byed kyi gzhan ma yin na/ de lta na de las srog gcod pa'i kha na ma tho bas reg par 'gyur gyi gzhan du ni ma yin no/ /des na
 'dor ba'i sems su byas pa yin no zhes bya ba ni gang la sbyor ba byas pa dang/ gang la tha tshom za ba de gnyi ga des yongs su dor ba yin no/ /ji ltar phung po skad cig bdag la srog gcod par 'gyur ji ltar mi 'gyur/ 'di ltar phung po skad cig ma de ltar ba ni srog gcod pa'i
 sbyor bas mi gsod de/ rang nyid 'jig pa la mngon du phyogs pa'i phyir ro/ /de lta ma yin na yang skad cig mar 'jig pa la gned par 'gyur ro/ /ma 'ongs pa yang ma yin te/ bsad par mi nus pa'i phyir ro/ /bdag med na bsad par bya ba med pa'i phyir yang srog gced pa mi srid de/ /bdag
 bsad pas srog gcod par 'gyur ba ni ma yin te/ rtag pa ni nye bar 'tshe ba mdza' dag lhag pas kyang rnam par bsgyur bar bya ba ma yin pa'i phyir ro/ /smras pa/ mi 'tshe ba dang bdag rtag pa dang/ 'di la rgyu ni ci yod snyam/ /rnam pa kun tu 'ang?  shing srin las/ /rdo rje bsrung bya ma yin no/ /
 da ltar ba'i phung po 'gag pas srog gcod par 'gyur ba ni ma yin gyi/ 'o na ci zhe na/ srog ces bya ba ni zhes bya ba rgyas par 'byung ngo/ /ji ltar rlung sems la rten ce na/ sems la rag las te 'jug pa'i phyir te/ 'di ltar 'gog pa dang 'du shes med pa'i snyams par 'thug pa la
 snyoms par zhugs pa dang/ shi ba la mi 'byung ba'i phyir ro/ /de gced par byed do zhes bya ba ni/ de'i rgyun dang 'gal ba'i phyir gcod do zhes bya ba ste/ 'di ltar srog gi mtshan nyid ma 'ongs pa skye ba dang 'gal ba'i rkyen nye bar bsgrub pas srog gi mtshan nyid da ltar ba 'gag pa
 la mngon du phyogs pa ni/ srog gi mtshan nyid ma 'ongs pa skye ba'i chos can skye ba la rgyur mi 'gyur bas rgyun 'chad par 'gyur la/ de skye ba dang 'gal ba'i rkyen sgrub par byed pa po yang srog gcod pa'i kha na ma the bas reg par 'gyur ro/ /dper na mar me 'am dril bu'i skad
 'gags par byed pa dang 'dra'o zhes bya ba la/ mar me'i skad cig ma da ltar ba 'gag pas mar me 'gag par byed pa ni ma yin te/ 'o na ci zhe na/ ma 'ongs pa'i skad cig ma skye bar 'dod pa la skye ba'i gegs byed pas yin te/ dril bu'i skad dang/ srog gi dbang po la yang
 de bzhin du brjod par bya'o/ /srog de gang gi yin zhes bya ba ni/ srog de bdag gi yin la de dang 'brel pas de nyid gson no zhes bya ba yin na/ de med na srog de gang gis yin zhes bya ba'o/ /drug pa 'di don ji lta bu yin/ rje bo'i don yin no/ /dper na gang gi rje bo gang yin
 blta bu yin/ dper na ba lang gi nag pa lta bu yin no/ /'di ji ltar de'i ji bo yin de rma ba dang bzho ba la sogs pa dag la sbyor ba de la rag las pa yin no zhes bya ba de lta bu la sogs pa gang zag tu smra ba bcad par bya'o/ /de'i phyir dbang po dang bcas pa'i lus la gson/
 zhes bya'i bdag ni ma yin te/ de'i phyir srog gi dbang po ni de'i yin gyi bdag gi ni ma yin to/ /blo sngar ma btang ba'i srog gcad pas zhes bya ba rgyas par 'byung la/ kyang zhes pa'i sgras ni blo sngar btang ba 'ba' zhig tu ma zad ba'o/ /dper na me dang reg pa las tshig par 'gyur ba zhes
 bya ba ni/ blo sngar btang dam ma btang yang bla ste reg pa rnams chig ste/ de'i 'bras bu can yin pa'i phyir ro/ /srog chags gsod pa la yang de bzhin du brjod par bya'o/ /de dag gi ltar na gzhan gyi chung ma mthong ba dang reg pa la yang da ltar thal bar 'gyur te/ ji ltar gzhan gyi
 chung ma mthod ba dang reg na 'dod chags can rnams la/ chos ma yin par 'gyur ba de bzhin du gzhan pha dang bul sogs pa 'dod chags dang bral ba blo sngar ma btang ba rnams la yang tshes ma yin par 'gyur ro/ /gcer bu skra 'bal ba na khros pa na bsod nams 'dod pa
 yang chos ma yin pa dang 'phral par 'gyur ro/ /bka' thub drag po'i lung 'bogs pa na don ma yin pa 'dod pa ltar de la phan par 'dod pa'i ston pa 'am/ gzhan yang sdig pa dang 'brel par 'gyur ro/ /de dag gsung de shi ni zhes bya ba ni gcer bu ba gsung de shi na de
 la gnod pa bya ba'i phyir dug dang bcas pa'i zas sbyin par byed pa ltar/ de la phan par bya ba'i phyir sbyin par byed pa'i bsod nams 'dod pa yang kha na ma thob dang ldan par 'gyur ro/ /ma dang bu lto na yod pa dag kyang sdig pa dang 'brel bar thal bar 'gyur te/ phan tshun
 sdug bsngal gyi rgyu mtshan du gyur pa'i phyir ro/ /gal te me'i dpes blo sngar ma btang ba'i srog gcad pas kyang sdig pa yin par 'dod na ni/ de ltar na bsad par bya ba yang 'brel pa'i phyir te/ gsod pa'i bya ba dang 'brel ba'i phyir chos ma yin pa can du thal bar 'gyur te
 me rang gi rten sreg pa bzhin no/ /me ni snga rang gi rten sreg la phyis gzhan sreg par byed de/ de bzhin du 'chi ba yang snga rang gi rten gsad par bya ba chos ma yin pa dang sbyor bar byed la/ phyis ni gsod pa po sbyor bar byed pa 'gyur ro/ /gzhan yang me'i chos khas blangs pa'i phyir byed du 'jug pa
 la yang sdig par thar bar mi 'gyur te zhes bya ba rgyas par 'byung ste gzhan gsed ba la sogs pa byed du 'jug pa la yang chos ma yin par thal bar mi 'gyur te/ gzhan me la reg tu 'jug pa'i reg tu 'jug pa ode des mi 'tshigs pa bzhin no/ /shing l sogs pa sems med pa rnams
 kyang zhes bya ba rgyas par 'gyung ba ni/ shing dang smag ma so phag la sogs pa rnams te/ khyim sdib na srog chags 'chi ba'i phyir de'i khongs su gtogs pa shing la sogs pa rnams la yang sdig par thal bar 'gyur ro/ /yang na gtan tshigs med pas dpe tsam gyis ni 'gub par
 mi 'gyur ro/ /ngo tsha med pa rnams 'dam rdza ba dri ching nga bas lus byug ba dang/ gos med pa nyid dang/ 'bab stegs dang/ gdung bas gdung bas de lta bu la sogs pa mi rigs pa mang du gdol ba de ni gcer bu pa de rnams kyi blun pa dang brdzun gyi tshig yin pas gus par mi bya'o/ /
 ma byin len pa gzhan gyi nor zhes bya ba la sogs pa la mthus ni mngon sum du 'phrog par byed la 'jab bus ni mngon sum ma yin par ro/ /kha cig yongs su gzung ba med pas mchod rten las 'phrog pa la ma byin par len par mi 'gyur ro zhes bya ba de ltar sems pa de'i phyir ro/
 sangs rgyas la ma byin par blangs pa yin te zhes bya ba smos so/ /yongs su mya ngan las 'das pa la yongs su 'dzin pa mi srid pa'i phyir ji ltar sangs rgyas las ma byin par blangs she na/ de'i phyir bcom ldan 'das yongs su mya ngan las 'das pa'i tshe de dag thams cad yongs
 su bzung ba'i phyir ro zhes bya ba smos te/ skye bo sbyin ba bo rjes su bzung ba'i phyir ro/ /gzhan dag na re de bsrung ba gang dag yin pa de dag las ma byin par blangs so zhes zer te/ de ltar na kha na ma tho ba dang bcas pa chen por mi 'gyur ro/ /bdag po med pa'i zhes bya ba ni/
 bdag po med pa'i gter te/ yul gyi bdag po las ma byin par blangs so/ /shi ba'i nor ni dge slong shi ba'i yo byang chos gos la sogs pa'o/ /sbrum ma'i gan du 'gro na de'i lto na 'dug pa la gnod par 'gyur ro/ /nu zho 'thung ba'i gan du 'gro na ni nu zhos byis
 ba rgyas par mi byed do/ /yul gyi bdag la ste zhes bya ba rgyas par 'byung ngo/ /de ni dge slong ma'i gan du 'gro na 'dod pas leg par g.yem par 'gyur te/ de'i phyir rang gi chung ma nges par dang bcas pa bzhin du bgrod par bya ba ma yin pa yang yin no/ /tha na rgyal po las so
 zhes bya ba ni/ gal te gzhan med na ste/ nang kyi tha na rgyal po las te/ des ni de mi bzod par bya ba yin no/ /brdzun tshig 'du shes gzhan bsgyur pa'i zhes bya ba rgyas par 'byung ste/ smra ba po dang nyan pa po dbang gis/ rdzun du smra ba'i las kyi lam skye'i gzhan du ni ma yin no/ /
 de nyid bstan pa'i phyir don smra ba gang de yin pa zhes bya ba rgyas par 'byung ngo/ /mngon par mgon tshig brkyal par 'gyur te/ nyon mongs can kun bkyal ba nyid ces 'byung ba'i phyir ro/ /dper na ba lang zhes bya ba lta bu dag yi ge gcig pa yang yod de/ de la dbyang ba 'di
 mi rung ngo zhe na/ do'i phyir res 'ga' yi ge mang po zhig la zhes bya ba la sogs pa smos so/ /tha ma rnam par rig byed ma yin pa dang bcas pa'o zhes bya ba la/ der ni gdon mi za bar don mngon par go bar 'gyur ba'i phyir de skad bshad de/ yi ge snga ma rnams ni sbyor ba yin
 no/ /yang na gang las don go bar gyur ba ste/ zhes bya ba ni smra ba pos thams cad du 'du shes gzhan du bsgyur bar khyad par med kyang nyan pa pos don de rtogs pa la ltos nas dngos kyi las kyi lam du rnam par bzhag go zhes bya ba 'di ston ba'o/ /'dir yi ge snga ma rnams ni
 sbyor ba yin la/ phyi ma rnam par rig byed ma yin pa dang bcas pa ni mjug yin no/ /yid kyi rnam par shes ba'i yul yin pa'i phyir dang zhes bya ba rgyas par 'byung ba ni/ rna ba'i rnam par shes ba ni sgra'i rang gi ngo bo tsam gyi yul can yin pa'i phyir dang/ rnam bar rteg pa med
 pa'i phyir la/ ming la byad pa yang tshig rtogs pa la ltos nas don de go bar tshig gi don ni yid kyi rnam par shes pa'i yul kho na yin gyi rna ba'i rnam par shes pa'i yul ni ma yin no rna ba'i rnam par shes pa da ltar bas sgra da ltar ba 'dzin pas de'i gzung bar bya ba dag gis rnam
 bar rig byed gang yin pa ni rna ba'i rnam par shes pa dang ltag gi 'gag pa'i phyir rnam par rig byed ma yin pa kho na las kyi lam du 'gyur gyi rnam par rig byed ni ma yin te/ de lta yin na/ de dag kyang byed na rnam pa gnyis su 'gyur ro/ /zhes gang bshad pa de dang 'gal lo/ /skad byang ba ni ming
 dang mid can gyi 'brel pa bya ba zhes bya ba'i tha tshig go/ lung du ma bstan pa'i phyir shi ba dang 'dra ste zhes bya ba la/ kha cig na re gzugs dang sgra dang chos rnams ni dge ba dang/ mi dge ba dang lung du ma bstan pa yin la/ dri dang ro dang reg bya dag ni gcig tu lung du ma bstan pa yin pa'i phyir
 shi ba dang 'dra'o/ kha cig na re shi ba la ni 'di ni dge ba dang mi dge ba'i chos rjes su 'jug pa med la/ lung du ma bstan pa'i chos rjes su 'jug ba ni yod de'i phyir ma bsgribs la lung du ma bstan pa yin pa'i phyir shi ba dang 'dra' zhes zer ro/ /gzhan dag na re dbang po gsum ni
 yul dang phrang pa yin pa'i phyir la/ phrad pa la yang rtog par ming btags ba'i phyir yul gsum la rtogs pa zhes bya'o zhes zer ro/ /sna dang lce dang lus kyi rnam par shes pa dag gi nyams su myong ba ni rtogs pa yin no zhes bya ba 'di la khungs ci yod ce na/ mdo dang rigs
 pa yod de ces bya ba smos so/ /de'i phyir yul gsum po gzugs dang sgra dang chos dag la go rim bzhin du mthong ba dang thos ba dang rnam par shes pa'i sgra bsnyad pas de'i bar na 'dug pa dri dang ro dang reg bya dag la rtogs pa zhes bya bar khong du chung do/ /de ltar mi 'dod na zhes bya
 ba ni dri la sogs pa dag la rtogs pa zhes bya bar mi 'dod na'o/ /mthong ba la sogs pa'i dngos po'i nang du ma gtogs pa'i phyir zhes bya ba la/ gzugs dang sgra dang chos dag la mthong ba dang thos pa dang/ rnam par shes pa'i sgra bkod pa'i phyir dang/ gzugs dang sgra dang chos
 dang/? mtshan nyid mi mthun pa'i phyir dri dang ro dang reg bya rnams mthong ba la sogs pa'i dngos po'i nang du ma gtogs pa yin te/ de'i phyir dri la sogs ba dag la tha snyad 'dogs pa'i mi 'gyur na dri la sogs pa dag la tha snyad 'dogs par mthong ba yang yin no/ /de'i
 phyir de dag la rtogs ba zhes bya'o/ /zhes bya bar nges so/ /re shig mdo 'di don gzhan yin pa'i phyir khungs ma yin zhes bya ba 'di ba don ni ji ltar khyod la dus gsum du yang gzugs la sogs pa rnams ma mthong nas rnam par shes pa'i bar gyis phyir dang/ de dag don du mi
 gnyer ba'i phyir da dag gi yul can gyi 'dun ba'i 'dod chags la sogs pa dag skyes pa dang skye ba dang skye bar 'gyur ba ma yin no/ /de bzhin du de tsam zhig nges par 'dzin pa'i phyir mthong ba dag nas rnam par shes pa'i bar dag la yang de dag gi yul can gyi 'dun pa'i 'dod
 chags skyes pa dang/ skye ba dang/ skye bar 'gyur ba ma yin te/ de dag ni yang dag pa ma yin pa'i rnam par rtogs pa las byung ba'i phyir ro zhes bya ba 'di yin no/ /de nyid bstan pa'i phyir 'o na ji lta bu zhe na/ 'dir ni khyod yul rnam pa drug po 'di la zhes bya ba rgyas par smos so/ /
 gal te mdo 'di mthong ba la sogs pa'i tha snyad ston pa lhur byed pa ma yin na/ des na 'o na mthong ba ci zhig yin pa nas rnam par shes pa'i bar ci yin pa brjod par bya dgos so zhe na/ dbang po lngas mngon sum du byas pa gang yin pa zhes bya ba rgyas par 'byung ste/ dbang po
 lngas mngon du byas pa gzugs la sogs pa gang yin pa de ni mthong ba ste/ dmigs zhes bya ba'i tha tshig go/ pha rol sa 'ongs pa'i yul drug char po gang yin pa de ni thos pa'o/ /bdag nyid kyis rig pas rjes su dpag ba'i sgo nas 'dod cing mngon par 'dod pa gang yin
 ba de ni 'dod pa ste/ rigs pas rjes su dpag pa ni mi 'khrul pa'i rjes su dpag pa'o/ /yid kyi mngon du gyur ba'i zhes bya ba la sogs pa la/ gzugs la sogs pa'i yul dang/ 'dod chags la sogs pa dag la/ nyams su myong ba'i rnam par thugs pa ni yid kyi
 mngon sum mo/ /mthong ba la sogs pa'i dngos po'i nang du ma gtogs pa'i phyir dri la sogs pa'i bsnyad gdags par mi 'gyur te/ zhes gang smras pa de'i lan ni/ yul lnga po 'di dag re re la yang zhes bya ba rgyas par smos te/ gzugs la sogs pa'i yul lnga ni mthong ngo/ /zhes
 bya bar tha snyad byed cing/ /thos pa dang rnam par shes pa dang/ rtogs pa zhes bya ba tha snyad byed do/ /yul drug pa chos shes bya ba la ni mthong ba zhes bya ba tha snyad mi byed de/ 'o na ci zhe na/ thos pa dang rnam par shes pa dang/ rtogs pa zhes bya bar tha snyad byed do/ /drug pa la na mthong ba ma
 gtogs te zhes bya ba ni dbang po ldas mngon sum du byas pa ni mthong ba yin pa'i phyir la/ de ni dbang po lngas mngon sum du byas ba ma yin pa'o/ /de'i phyir mthong ba la sogs pa'i dngos po'i nang du ma gtogs pa'i phyir dri la sogs pa la tha snyad 'dogs par mi 'gyur te
 zhes bya ba'i rigs gang yin pa de yang rigs pa ma yin pa ste/ gang gi phyir dri la sogs pa dag mthong ba la sogs pa rnams kyi nang du gtags pa'i phyir ro/ /sden gyi slob dpon rnams ni zhes bya ba ni mdo sde pa snga rabs pa rnams so/ /mig gi mngon sum du byas ba gang
 yin pa de ni mthong ba'o/ /zhes bya ba de ni dbang po lngas ma yin pa'o/ /de ltar na bshad ma thag pa'i lug las khyad bar du smras par 'gyur ro/ /rna bas thos pa dang/ pha rol las 'ongs ba gang yin pa de ni thos pa ste/ gnyi ga yang mngon par 'dod do/ /bdag nyid kyi
 bsam pa gang yin pa de ni rtog pa'o zhes bya ba ni lung dang rigs pas so/ /de ltar na tha snyad 'di gnyis ni yul drug char de sbyar ro/ /bdag nyid kyi so so yang dag par rig pa dang/ rtog pa gang yin pa de ni rnam par shes ba'o/ zhes bya ba la so so yang dag par rig pa de ni bde
 ba la sogs pa'o/ /rtogs pa ni 'jig rten pa'i lam gyis te/ mngon bar shes pa la sogs pa'o/ /'dir 'jig rten las 'das pa'i lam gyi rtogs pa ni mi gzung ste/ 'jig rten pa'i tha snyad kyi skabs yin pa'i phyir ro/ /gang zhig lus kyi don gzhan go bar byed na zhes bya
 ba ni brdzun du smra ba ngag gi yin pa'i phyir dris pa'o/ /ngag gi byed par 'gyur na'o/ zhes bya ba 'dir ni rnam par rig byed ma yin pa kho na dngos kyi lam yin gyi rnam par a'o/ /kha gsag byed pa zhe
 byed par 'gyur na zhes bya ba 'dir yang rnam par rig byed
 ma yin pa kho na dngos kyi las kyi lam yin no/ /kha na ma thog gnyigs zhes bya ba ni lus kyi kha na ma tho ba dang dag gi khan mtho bas so/ /drang mrong rnams yid rab tu bros pa zhes bya ba la drang srong rnams lus dang dag gnyis kyis mi byed kyang lus kyi kha na mtho ba dang/
 ngag gi kha na ma tho ba dang ldan pa yin no/ /gso spyong dper bya'o zhes bya na ni gos sbyong gi las la gnyi gas byas pa med kyang kha na mthob ma thol bas rdzun du smra ba'i kha na mtho bas reg par 'gyur ba'o/ /mi byed na zhes bya ba ni mi btsal zhing me sbyor zha'o zhes bya ba'i bar du
 bshad par 'gyur ro/ /gnyi ga yang mi byed na zhes bya ba rgyas par 'byung ste/ de ltar na bsam gtan dang zag pa med pa'i sdom pa bzhin du/ las kyi lam sems tsam la rag las pa nyid du thal bar 'gyur na/ 'dod ba na spyod pa'i rnam par rig byed ma yin pa rnam par
 rig byed med pa can ni yod pa yang ma yin no/ /'dod pa na sbyor pa zhes bya ba ni bsam gtan dang zag pa med pa'i rnam par rig byed ma yin pa las khyad par du byed ba'o/ /ji ltar na de nyid las kyi lam du grub pa ces bya ba ni/ drang srong dang dge slong gnyis kyi'o/ /
 slob dpon 'dul bzang ni drang srod dag ni don gyis na rnam par rig byed pa yin te/ mi ma yin pa rnams kyis de dag gis mi dge ba'i bsam pa sems can yongs su 'dor bar zhugs pa rtogs nas de dag las dad rnams gang gi na drang srong de dag la las kyi
 lam skye ba lus kyi byed do/ /gzhan yang khros pa la ni de'i tshe gdon mi za bar lus dang dag gi g.yo ba yod par 'gyur pas 'gal ba med do/ /gso sbyong la yang ji ltar tshig gi go bar bya ba'i don la lus kyi g.yo ba yang dag gi las kyi lam skye ba de bzhin du bdag
 cag gi tshe dang ldan pa dag go snyam du rig par bya'o snyam du cang mi smra bas mi g.yo ba la yang yin pas/ tshig gi go bar bya ba'i don la cang mi smra ba la yang ngag gi las kyi lam skye bar 'gyur te/ de ni yongs sum dag bzhin du cang mi smra bas bdag nyid dag par go
 bar byed do zhes zer ro/ /gzhan ni 'dod pa'i khams kyi rnam par rig byed ma yin ba ni thams cad rnam par rig byed la rag las par res pa yang ma yin te/ sde lnga po la sogs pa 'bras bu thob pa'i mdo la so sor thar pa'i sdom pa skye ba srid pa'i phyir ro/ /de ltabs na mi
 dge ba yang de lta bu 'ga' zhig rnam par rig byed med par yang 'gyur ro zhes zer ro/ /spros pas mchog go/ /phra ma pha rol dbye ba'i phyir nyon mongs can gyi sems kyi zhes bya ba la phra ma'i dngos po ni phra ma'o/ /de gang zhe na/ pha rol dbye ba'i phyir tshig ste/ de dang ldan bas de yang
 phra ma can zhes bya'o/ /nyon mongs pa can gyi sems kyi zhes bya ba ni de la phan pa'i phyir ma yin pa'o/ /kha gsag byed pa zhes bya ba la/ ba bsag ces bya ba ni rnyed pa 'dod pa'i snyan bar smra ba'o/ /las kyi lam ni ma yin no/ zhes bya ba 'byung ngo/ /yang bkyal pa yin la las
 kyi lam ma yin pa ji ltar zhe na/ de'i tshe sems can rnams 'dod chags shas chung ba yin pa'i phyir rnam par rig byed des rnam par rig byed ma yin pa 'dren par nus bar mi 'gyur la/ rnam par rig byed ma yin pa med pa can gyi las kyi lam yang yod ba ma yin no/
 nyon mongs can kun bkyal ba nyid ces bya ba ni/ nyon mongs pa can gzhan 'ba' zhig tu ma zang kyi/ rdzun du smra bal sogs pa gsum yang yin na/ de ltar byas na brdzun du smra ba de ni tshig brkyal ba yang yin la/ khabs ga la sogs pa ni tshig bkyal ba kho na yin gyi rdzun
 du skab ma yin no/ /de bzhin du gzhan la yang brjod par bya'o/ /bkyal ba smra bsan tshig bkyal pa can yin la/ de'i dngos po ni tshig bkyal ba can nyid do/ /bog pas gzhan gyi nor la chags zhes bya ba ni/ mi rigs bar chags pa ste/ de nyid kyi phyir 'brel pa
 las log par mi rig pa zhes bya ba smos so/ /de 'jig rten na brnab sems spangs te zhes bya ba ni/ 'dod pa la 'dun pa spangs te zhes bya ba'i don to/ /'di ga las she na/ de nyid pas mjug thogs su gnod sems la sogs pa spangs pa bstan pa'i phyir/
 de 'jig rten na brnab sems spangs te/ brnab sems dang bral ba'i sems kyi lan mang du gnas shing zhes bya ba la sogs pa bstan pa'i phyir ro/ /de'i phyir 'dod pa na spyod pa'i sred pa thams cad brnab sems yin no zhes bya bar shes so/ /nyes par dpyad pa che long
 bsdus pa'i phyir ro zhes bya ba la/ mi dge ba'i las kyi lam bcur ni nyes par spyod pa che long gang yin pa de bsdus kyi/ thams cad ni ma yin te/ de'i phyir brnab sems thams cad las kyi lam ma yin gyi 'on ci zhe na/ 'khor lo sgyur ba rnams dang/ byang gi sgra mi snyan
 rnams la yang brnab sems kyi las kyi lam du 'gyur du 'od bas log pas gzhan gyi nor la 'chags pa gang yin pa de las kyi lam yin no/ /den ni 'dod pa na spyod pa'i sred pa med pa yang ma yin la der mi dge ba'i las kyi lam 'dod pa yang ma yin na/ /dge dang
 mi dge med lta ba/ log par lta ba yin zhes bya ba 'byung ngo/ /las dang 'bras bu 'phags pa la skur pa 'debs pa 'di ni ril log par lta ba yin no/ /zhes bya ba 'byung ste/ de la sbyin pa med do zhes bya ba nas nyes par spyad pa med do zhes bya ba'i bar ni las la skur ba 'debs
 pa'o/ legs par spyad pa dang nyes par dbyad pa'i las rnams kyi 'bras bu rnam par smin pa med do zhes bya ba ni 'bras bu la skur pa 'debs pa'o/ /'jig rten na dgra bcom pa dag med do zhes bya ba ni/ 'phags pa la skur ba 'debs pa'o/ /tshigs su bcad par ni
 dang po tsam zhig bstan par zad do zhes bya ba ni dge dang mi dge med lta ba zhes bya ba ste/ dper brjod pa tsam du zad pa'i phyir ro/ /las kyi lam yin pas zhes bya ba ni sems pa zhes bya ba'i las kyi lam mo/ /ji ltar zhe na/ de dag dang mtshungs par ldan pa can gyi sems
 ba ni zhes bya ba smos te/ brnab sems la sogs pa dang mtshungs par ldan pa'i sems pa'o/ /de dag gi rgyu bas rgyu ste zhes bya ba ni/ brnab sems la sogs pa go rims bzhin du chags pa dang mi mthun pa dang/ log pa'i nges par rtog pa'i rnam pa can de dag gi dbang gi de dag
 dang mthun par sems pas sems par byed cing mngon par 'du byed de/ de'i phyir de dag gi rgyu bas rgyu ba yin no/ /de dag gi 'gros kyi 'gro'o zhes bya ba ni/ phyi ma snga ma'i bshad pa yin par dgongs par smos pa'o/ /de dag kun nas slong ba'i sems pa ni zhes bya ba ni/ /
 srog gcod pa la sogs pa de dag sems pa gang gis kun nas slong ba ste/ 'jug par byed ces bya ba'i tha tshig go/ de dag la brten nas 'jug pa'i phyir ro zhes bya ba ni/ de dag la dmigs nas 'jug pa'i phyir ro/ /las kyi lam dang zhes bya ba ni/ brnab sems la sogs
 pa gsum mo/ /srog gcod pa la sogs bdun ni lus dang ngag gi rang bzhin yin pa'i phyir las dang lam yin no/ /'dra ba rnams la gcig lus par grub pa ma yin nam zhe na/ de'i phyir mi 'dra ba rnams la yang gcig lus par grub pa'i phyir ro zhes bya ba smos te/
 ji ltar shing dang shing ni shing dag go zhes bya ba dang/ de bzhin du yon po dang khyod po ni khyor po dag go zhes bya ba dang/ de bzhin gang dang gang mi mngon pa dag ni yon tan yin no/ zhes bya ba gang dang mi mngon pa ni gang mi mngon pa dag ste/ ni gang mi mngon no zhes bya ba de bzhin
 du las dang las kyi lam ni las kyi lam yin no/ /de'i don dang de'i rtsa ba can du 'jug pa yin no zhes bya ba la/ sbyor ba 'jug pa ni dngos kyi las kyi lam gyi don du'o/ /'jug 'jug pa ni las kyi lam gyi rtsa ba can yin no/ /sngar yang che long bsdus pa'i phyir zhes bshad
 pa yang yin no zhes bya ba ni/ de las che long bsdus na ni/ /dge dang mi dge ci rigs par/ /las kyi lam ni bcur bshad do zhes bya ba'o/ /'jig rten na gang dag ces bya ba ni/ dngos po rnams 'phel ba dang 'grib pas zhes bya ba rgyas par te/ de skad du yang thams cad bdag
 po rgyu mthun dang/ /rnam smin 'bras bu 'byin par 'dod ces phyi nas bshad par bya'o/ /de dag gi ltar na de dag ji ltar las kyi lam yin zhe na zhes bya ba 'byung ste/ de dag gi ltar na brnab sems la sogs pa de dag gang gi las kyi lam yin pas na/ las
 kyi lam du 'gyur ba brnab sems la sogs pa dag las gzhan pa'i yid kyis sems pa ni med do/ /de dag nyid las dris shig ces bya ba ni de'i phyogs kho na la nyes pa 'dir 'gyur ro snyam du bsam pa'o/ /de lta mod kyi brjod par nus so/ /zhes bya ba la sogs pa 'byung ngo/ /
 yang ni gcig gi cig 'dren pas na zhes bya ba'i brnab sems kyi gnod sems dang log par lta ba 'dren par byed de/ gzhan dag la yang de dang 'dra ba brjod par bya'o/ /de ltar na de dag ni yid kyi las yin pas las kyang yin la las kyi lam yin pas las kyi lam yin no/ /kun
 tu spyod pa dang 'gal ba yin la zhes bya ba ni dge ba dang mi dge ba dag cig car kun tu spyod pa med pa'i phyir yin gyi/ ldog pa lta ba bzhin du ldan pa dang 'gal ba ni ma yin no zhes bshad par 'gyur ro/ /chen po yongs su rdzogs pas zhes bya bas ni chen po'i chen pos zhes bya ba'i
 don gang yin pa'o/ /'on ci'i phyir zhes bya ba la/ gal te log bar lta bas dge ba'i rtsa ba de gcod kyi mi dge ba'i rtsa ba dag gi ma yin na/ 'o na ci'i phyir te/ 'o na rgyu ci'i phyir bstan bcos las mi dge ba'i rtsa ba chen po gang dag yin zhes bya ba dris so/ /mi dge ba'i rtsa ba
 gang dag gi dge ba'i rtsa ba gcad bar byed pa zhes bya ba ni lan no/ /'dod pa las 'dod chags dang bral ba thob par byed pa na zhes bya ba ni lan gnyis pa ste/ 'dod pa las 'dod chags dang bral bar byed pa na dang po nyid du lam chung ngu'i chung dus slong zhing 'dor ba gang yin pa de
 dag kyang mi dge ba'i rtsa ba chen po yin pas de'i phyir ji ltar log par lta bas dge ba'i rtsa ba rnams gcod ces bya ba'o/ /mi dge ba'i rtsa bas drangs pa'i phyir te/ de nyid la dpe ni/ dper na rkun pos drangs pa'i mes grong bsregs na btags pa'i rtogs pa rkun po rnams kyis
 grong bsregs so zhes brjod pa de bzhin du/ mi dge ba'i las rtsa ba chen pos drangs pa'i log par lta bas dge ba'i rtsa ba gcod pa'i las kyang de 'dren par byed pa yin pa'i phyir mi dge ba'i rtsa ba dag kho na la bstan bcos dang 'gal ba med do/ /dge ba'i rtsa ba dag ni rnam pa drug ste/
 khams gsum po re re la skyes nas thob pa dang/ sbyor ba las byung ba yod pas de dag gang dag yin pa mi shes pa de'i phyir/ /dge ba'i rtsa ba gang dag gcig ces bya ba rgyas par smos so/ /gzugs med pa na spyod pa dag dang mi ldan pa'i phyir ro zhes bya ba ni/ ldan pa gcod pa
 las dge ba'i rtsa ba gcod par 'dod na gzugs dang gzugs med pa na spyod pa dag ni snga nas mi ldan pas de gcod pa mi srid de/ /de ni de'i thob pa dag srid par byed pa la dgongs nas gsungs pa yin no/ /yang ji ltar na de'i thob pa thag srings par byed ce na/ rgyud de'i snod ma
 yin pa nyid du byed pa'i phyir ro/ /sngar rgyud de dag gi thob pa rnams kyi snod du gyur pa las dge ba'i rtsa ba bcad na gnod pa yin pa de bskal ba med pa nyid du byas pa de'i phyir de dag gi thob pa dag srid bar byed pa las de dag kyang bcad pa yin no zhes brjod pas 'gal ba med do/ /
 sbyor ba las byung ba dag las ni zhes bya ba rgyas par 'byung ste/ sbyor ba las byung ba ni thos pa dang bsam pa dag ste/ log par lta ba 'byung ba'i sngar chung ngu'i chung ngu'i gnas skabs kho nar dge ba'i rtsa ba de dag gi thob pa chad pas de'i phyir de dag log par lta bas mi gcod do/ /
 rgyu dang 'bras bu la bskur ba 'debs pas zhes bya ba ni/ 'phags pa la skur pa 'debs pa ma yin no/ /bar chad med pa'i lam dang rnam par grol ba'i lam lta bu yin no zhes bya ba rgyu la skur pa 'de bra ba ni bar chad med pa'i lam lta bu yin te/ de dag lhan cig dge ba'i
 rtsa ba'i thob pa 'gag pa'i phyir ro/ /'bras bu la skur pa 'debs pa ni rnam par grol pa'i lam lta bu yin te/ de dang lhan cig skye ba'i phyir ro/ /dmigs pa'i dbye bas log par lta ba rnam pa gnyis yin pas de'i phyir zag pa dang bcas pa la dmigs pa kho nas yin gyi zhes bya
 ba smos te/ sdug bsngal dang kun 'byung ba la dmigs pa zhes bya ba'i tha tshig go /zag pa med pa la dmigs pas ni ma yin no zhes bya ba ni 'gog pa dang lam la dmigs pas ma yin pa'o/ /zag pa dang bcas pa la dmigs pa yang skal ba mnyam
 pa dang skal pa mi mnyam pa'i khams la dmigs pas rnam pa gnyis yin pas de'i phyir bskal pa mnyam pa'i khams la dmigs pa kho nas yin gyi zhes bya ba smos te/ 'dod pa'i khams la dmigs pa kho na yin no zhes bya ba'i don to/ /skal pa mi mnyam pa'i
 khams la dmigs pa ni ma yin te zhes bya ba ni gzugs dang gzugs med pa'i khams la dmigs pa ni ma yin no/ /yang ci'i phyir gang zag pa med pa la dmigs pa dang/ skal pa mi mnyam pa'i khams la dmigs pas dge ba'i rtsa ba rnams kun tu mi spyod
 ce na/ de'i phyir mtshungs par ldan pa tsam gyi sgo nas rgyas pas nyams chung ba'i phyir ro zhes bya ba smas te/ zag pa med pa dang gong ma'i yul can gyi log par lta ba ni sems dang sems las byung ba gang dag dang mtshungs par ldan pa de dag kho na la rgyas par 'gyur
 gyi dmigs pa la ni ma yin no/ /tsam zhes bya ba'i sgra ni dmigs pa'i sgo nas rgyas par 'gyur ba gsal ba'i phyir ro/ /'di skad du bya ba ni bye brag tu smra ba rnams so kun gyi zhes bya ba ni gang zag dang bcas pa dang zag pa med pa la dmigs pa dang/ skal ba
 mnyam pa dang mi mnyam pa'i khams la dmigs pas so/ /rnam pa dgu char yang zhes bya ba rgyas par 'byung ste/ chung ngu dang 'bring dang chen po rnams las re re re re la chung ngu dang 'bring dang chen por phye bas rnam pa dgu yin no/ /ji ltar mthong bas spang bar bya ba'i
 nyon mongs pa rnam pa dgu char yang sdug bsngal la chos shes bya ba'i bzod pa la sogs pa dag gi gcig car spong ba de bzhin du/ dge ba'i rtsa ba rnam pa dgu char yang log par lta ba chen po'i chen por gcig car kun tu gcod do/ /bye brag tu smra ba rnams ni 'di
 skad du rin gyis zhes brjod do/ /bsgom pas spang bar bya ba'i nyon mongs pa bzhin no/ /de ltar na gzhung 'di skyabs pa yin no /zhes bya ba ni/ gal te bsgom pas spang bar bya ba'i nyon mongs pa ltar kun tu 'chad kyi gzhan du ni ma yin no/ /'o na mi dge ba'i rtsa ba chen
 po zhes bya ba ni/ gal te rim gyis yin na'o/ /gzhung 'di las ni mi dge ba'i rtsa ba chen po dag gis dge ba'i rtsa ba kun tu gcod par gsungs la/ de yang bsgom pas spang bar bya ba'i nyon mongs pa bzhin du rim gyis kun tu gcod pa la 'gal ba med do/ /'di skad du
 zhes bya ba ni bye brag tu smra ba rnams so/ /gnyi ga zhes bya ba ni langs pa dang ma langs par ro/ /sngar sdom pa spong la zhes bya ba ni/ sbyor ba las byung ba'i sems kyi 'bras bu yin pa'i phyir ro/ /phyis dge ba'i rtsa ba rnams kun tu gcod do zhes bya ba ni skyes nas/
 thob rnams kho na kun tu 'chad pa'i phyir ro/ /'di skad ces bya ba ni bye brag tu smra ba rnams so/ /sdom pa sems gang gi 'bras bu yin pa zhes bya ba rgyas par 'byung ngo/ /sems ni rnam pa gnyis te/ skyes nas thob pa dang/ sbyor bas dbyung ba'o/ /de de re re la yang rnam pa
 dgu ste/ de la sdom pa sems gang gi 'bras bu yin pa de spangs pas de'i 'bras bu sdom pa yang gtong ngo/ /de la gal te skyes nas thob pa'i sems chung ngu'i chung ngu'i sdom pa mnos na ni/ de'i phyir gcig car dge ba'i rtsa ba kun tu 'chad pa dang/ sdom pa gtong ba yin no/
 gal te gzhan dag gi mnos na ni de'i phyir sngar sdom pa gtong la/ phyis dge ba'i rtsa ba kun tu 'chad pas mdza' gcig tu smra bar mi rigs so/ /shes rab nyon mongs pa can dang nyon mongs pa can ma yin pa dag mi brtan pa'i phyir ro zhes bya ba ni/ sdug bsngal gyi tshong ba
 drag pos nyen pa'i phyir dmyal ba dang yi dags dag na mi brtan la/ gti mug shas che ba'i phyir dang spyod pa med pa'i phyir dung 'gro dag na mi brtan te/ de dag la dge ba'i rtsa ba kun tu 'chad pa yod pa ma yin no/ /las kyi 'bras bu mngon sum du gyur pa'i phyir ro zhes bya ba ni
 lha'i bu skyes nas ring po ma lon pa la bdag gang nas shi 'phos/ gang du ni skyes/ las ni gang zhig gis skyes snyam pa'i sems gsum kun tu 'byung la de yang thams cad shes pa yin no/ /byang gi sgra mi snyan rnams ni rang bzhin gyi bsam pa bzang pa'i phyir sdig pa'i bsam
 ba med do/ /'dzam+bu'i gling kho na na yod do zhes bya ba ni 'dzam bu'i gling pa rnams khyad par du rtog ge pa yin pa'i phyir ro/ /dge med na ngan nyung ldan pa/ /lus tshor srog yid brgyad dang ldan zhes 'byung la/ shar gyi lus 'phags pa dang/ nub kyi ba lang spyod pa yang de dang 'dra ba
 la/ /de'i phyir na de dag na yang dge ba'i rtsa ba kun tu 'chad pa yod po/ /'dun pa dang brtson 'grus zhan pa'i phyir zhes bya ba la/ blo 'dod chags kyis tsher zil gyis mnan pa'i phyir bud med kyi ni ma yin pa'o/ /de ni gdon mi za bar sngar bshad pa rnams las yid mi
 bde ba'i dbang po por la mo'i dbang po bsnan te brgyad dang ldan no/ /sdig pa'i bsam pa brtan pa dang/ mkhyud pa can yin pa'i phyir ro/ /zhes bya ba la/ sdig pa'i bsam ba ste/ brnag pa ni sdig pa'i bsam pa'o/ /de yang rgyun chags su nges par rtog pas rgyun bcad par
 dka' ba'i phyir brtan pa'o/ /lta ba ring du rjes su 'brel pa'i phyir 'chab bsan 'khyud pa'o/ /mtshams med byed pa 'di la min/ de ni rkyen kyi stobs kyis skyes pa'i log par lta ba yang mi gtong ste/ las dang 'bras bu'i 'brel pa las 'jig pa'i phyir ro/ /gang
 zhig rgyu'i stobs kyis zhes bya ba rgyas bar 'byung ste/ gang zhig bdag nyid log par lta ba 'dod pa de ni rgyu'i stobs kyis kun tu gcod pa'o/ /'di ltar gang dag gzhan las thos nas 'dod pa de ni rkyen gyi stobs kyis gcod pa'o/ /de bzhin du gang zhig rang gi stobs kyis
 spyod pa ni rang gi rtog pa'i stobs kyis spyod pa'o/ /gzhan gyis stobs kyis zhes bya ba ni/ gzhan las thos pa tsam gyis stobs kyis so/ /bsam pa nyams pa zhes bya ba ni/ log par lta ba mngon sum du gyur pas bsam pa nyams pa'o/ /bsam pa dang sbyor ba nyams pa ni
 log par lta zhing mtshams med pa byed pa'o/ /lta ba nyams pa gang yin pa dang zhes bya ba rgyas par 'byung ste/ gang zhig lta ba nyams pas dge ba'i rtsa ba kun gcod par byed pa de ni mthong ba'i chos kho na la nyid mtshams sbyor bar 'gyur ro/ /gang zhig lta ba dang tshul khrims nyams
 pa gcod par byed pa de ni lus zhig nas so/ /mu dang po rdzogs byed pa la sogs pa'o zhes bya ba ni lta ba nyams pa'i phyir ro/ /gnyis pa ni ma skyes dgra'o zhes bya ba ni/ mtshams med pa byed pa'i phyir ro/ /gsum pa ni lhas byin no zhes bya ba ni/ lta ba nyams pa'i phyir dang/ mtshams
 med par byed pa'i phyir ro/ /bzhi pa ni bdag cag la sogs pa gzhan dag go /las kyi lam du zhig dang sems pa lhan cig 'byung ba zhes bya ba rgyas par 'byung ste/ las kyi lam dge ba dang me dge ba du dag cig dang/ sems pa dge ba'am mi dge ba 'am/ lung du ma bstan
 pa yang rung ba lhan cig 'byung zhes bya ba'o/ /gzhan med pa zhes bya ba/ las kyi lam gzhan mthar phyin pa na yang brnab sems la sogs pa dag yod pas de'i phyir gzhan med par zhes bya ba smos so/ /sems pa nyon mongs pa can ma yin pa can zhes bya ba ni/ sems
 pa dge ba dang lung du ma bstan pa'o/ /gzugs can rnams las zhes bya ba ni 'dod pas log par g.yem par gtogs pa rnams so/ /gnod sems su gyur pa srog chags gsod pa zhes bya ba ni/ zhe sdang gi srog gcod pa mthar phyin pas de'i tshig gdon mi za
 bar srog gcod pa dang gnod sems dang sems pa lhan cig 'byung ngo/ /brnab sems dang ldan pa zhes bya ba ni ma byin len pa dang 'dod pas log par g.yem pa gnyis chags pas mthar phyin par byed pa'i phyir gnyis dang sems lhan cig 'byung ste/ brnab sems dang
 ma byin par len pa 'am/ 'dod pas log par g.yem pa dang ngo/ /tshig bkyal pa mthar phyin pa na yang brnab sems la sogs pa yang rung ba yod pa yin no/ /gsum dang lhan cig 'byung ba ni/ zhes bya ba la sogs pa ni gang du bsad pa kho nas 'phrog pa grub pa'o
 cig car du zhes bya ba ni gnas nas bskyod bzhin pa na gsod pa ste/ de ltar gnod sems dang srog gcod pa dang/ ma byin par len pa dang/ gsum lhan cig 'byung ba yin no/ /des ba de ni sems gzhan dang mi ldan pa'i zhes bya ba la/ des ba de ni gzhan gyi
 nor 'phrog ba'i sems dang ldan pa/ kho na la shes par bya ste/ 'dir ni 'di la srog chags bsad par bya'o snyam pa'i sems gzhan yang yod pas de'i phyir 'gal ba ched de/ /rnam pa gzhan du yang gsum dang lhan cig 'byung ba ni/ bdag nyid 'dor pas log par g.yen
 pa la sbyar ba de'i sbyor bas gcig car srog gcod pa la sogs pa las gang yang rung ba mthar phyin par byed pa 'am/ sems pa nyon mongs pa can ma yin pa can de'i sbyor bas cig car gzugs can gsum mthar phyin par byed pa na ste/ 'grel pa la ni dper brjod btsam
 zhig bshad do/ /de la ni yid kyi gcig yin la zhes bya ba ni brnab sems sam/ gnad sems sam/ log par lta ba'o/ /dag gi gsum yin no zhes bya ba ni/ rdzun gyi tshig smra na ni rdzun smra ba dang/ dpen dang/ tshig bkyal ba'o/ /tshig rtsub po smra na ni tshig rtsub po dang/
 phra ma dang/ tshig bkyal ba'o/ /'di ni nyon mongs can kun bkyal pa nyid ces bya ba'i dbang du byas nas bshad de/ gang gi tshe de las bzhan nyon mongs zhes bya ba khas blangs nas 'chad na ni de'i tshe gsum kho na dang/ lhan cig 'byung ba ni dpyen bya ba'i bsam pa dang ldan pa
 brdzun gyi tshig gam/ tshig gi rtsub mo smra ba ste zhes brjod par bya'o/ /yang na brnab sems la sogs par gyur pa zhes bya ba la sogs pa zhes bya ba'i sgra ni/ gnod sems dang log par lta ba dang sbyar ro/ /lnga dang drug dang bdun dang yang de bzhin du sbyar bar bya'o/ zhes bya
 ba ni/ brnab sems la sogs par gyur pa de'i sbyor bas bzhi dang lnga dang drug cig car mthar phyin par byed na/ lnga dang drug dang bdun sems pa lhan cig 'byung ngo/ /drug la sbyor byas nas zhes bya ba ni 'dod pas log par g.yem pa ma gtogs pa la'o/ /'dod pas lod par
 g.yem pa bdag nyid kyi byed la zhes bya ba ni/ de gzhan gyi yongs su rdzogs pa med pa'i phyir ro/ /'dir ni brnab sems brgyad par 'gyur ro/ /yang ci'i phyir dgu 'am bcu dang lhan cig mi 'byung zhe na/ brnab sems la sogs pa rnams la/ phan tshun mtshungs par ldan pa med pa'i
 phyir ro/ /dge ba bcu'i bar dag dang zhes bya ba 'di ni spyir bstan pa yin no/ /gcig dang brgyad dang lnga dang min zhes bya ba smos pa ni dmigs kyis gsal ba'o/ /re shig gcig dang lhan cig 'byung ba ni ma yin te/ brnab sems med pa dang gnod sems med pa gnyis phun chun
 'khrul pa med pa'i phyir dang/ yang dag pa'i lta ba kho na de dag la 'khrul pa'i phyir dang/ spong ba gcig gi bdag nyid kyi sdom pa med pa'i phyir ro/ /brgyad dang lhan cig 'byung ba yang ma yin te/ spong ba lnga 'am drug gi bdag nyid kyi sdom pa med pa'i phyir ro/ /lnga dang lhan cig
 'byung ba yang ma yin te/ spang ba gnyis dang/ gsum dang lnga'i bdag nyid kyis sdom pa med pa'i phyir ro/ /dge ba'i rnam par shes pa lnga la gnas pa zhes bya ba ni/ de na yang dag pa'i lta ba med pas brnab sems med pa dang/ gnod sems med pa gnyis dang lhan cig
 'byung ngo/ /zad pa dang mi skye ba'i shes pa dag ma gtogs pa dge ba'i yid kyi rnam bar shes pa thams cad dag ba'i rtsa ba gsum dang mtshungs par ldan pa'i phyir gzugs med pa'i snyoms par 'jug pa'i zhes bya ba la sogs pa 'byung ste/ gzugs med pa sems pa ni bsam
 gtan gyi snyams par 'jug pa la gnas pa la bsam gtan dang/ zag pa med pa'i sdom pa dag yod pa rnam par bcad par bya ba'i phyir ro/ /zag pa dang mi skye ba'i shes pa dag kyang lta ba'i bdag nyid ma yin pa'i phyir brnab sems med pa dang/ gnod sems med pa
 gnyis kho na dang sems la lhan cig 'byung ngo/ /yid kyi gsum kho na dang lhan cig 'byung ba ni sdom pa blang bar ma gyur pa yang sdag pa'i lta ba dang mtshungs par ldan pa yid kyi rnam par shes pa la gnas pa'o/ /bzhi dang lhan cig 'byung ba ni mi dge ba 'am nlung du ma bstan
 pa'i sems dang ldan pa zhes bya ba rgyas bar 'byung ste/ de la ni brnab sems med pa la sogs pa yid kyi yod pa ma yin la/ dge bsnyen dang dge tshul gyi sdom pa dag kyang spong ba bzhi'i bdag nyid yin pa'i phyir ro/ /de yang dag par len pa na'o zhes bya ba ni/
 dge pa snyen dang dge tshul gyi sdom pa la yang dag par len pa na ste/ dge ba'i rnam par shes pa'i tshogs lnga la gnas pa la ni yang dag pa'i lta ba med pas drug dang lhan cig 'byung ngo/ /bdun dang lhan gcig 'byung ba ni dge pa'i yid kyi rnam par shes pa la gnas te zhes
 bya ba ni/ de la yang dag pa'i lta ba bla lhag tu bsnan te/ bdun dang lhan cig 'byung ngo/ /mi dge ba dang lung du ma stan pa'i sems dang ldan pa zhes bya ba rgyas bar 'byung ste/ de la ni yid kyi brnab sems med pa la sogs pa med pa la/ dge slong gi sdom pa yang spong pa bdun
 gyi bdag nyid yin pa'i phyir bdun kho na dang sems ba lhan cig 'byung ngo/ /dgu dang lhan cig 'byung ba ni dge ba'i rnam par shes pa lnga la gnas pa zhes bya ba ni/ dge slong gi sdom pas bsdus pa spong ba bdun dang/ brnab sems med pa dang/ gnod sems med pa dang
 yin te/ de la yang dag pa'i lta ba med pa'i phyir ro/ /zad pa dang/ mi skye ba shes pas bsdus pa'i yid kyi rnam par shes ba la gnas pa dge slong gi sdom pa yang dag par len pa na dgu dang sems pa lhan cig 'byung ngo zhes bya ba skabs dang sbyar te/ de la ni dge slong gi sdom
 pas bsdus pa gzugs can bdun dang/ brnab sems med pa dang/ gnod sems med par 'byung ngo/ /gzugs med pa gsum la brten nas zad ba shes pa la sogs pa skyes pa'i phyir zag pa med pa'i sdom pa med do/ /de nyid kyi phyir de nyid bsam gtan gyis
 bsdus pa zhes bya ba smes te/ zad ba dang mi skye ba shes pa dang mtshungs par ldan pa'i yid kyi rnam par shes pa bsam gtan gyis bsdus pa la gnas pa ni dgu dang lhan cig 'byung ste/ dge slong gi sdom pa yang dag par len pa med kyang snyam du dgongs so/ /de
 la ni zag pa med pa'i sdom pas bsdus pa bdun dang/ brnab sems med pa la sogs pa yod do/ /bsam gtan gyi bsdus pa zhes bya ba ni/ gzugs med bas bsdus pa las khyad par du bya ba'i phyir ro/ /bcu dang lhan cig 'byung ba ni de las gzhan pa zhes bya ba ni/ zad pa dang
 mi skye ba shes pa dang/ mtshungs par ldan ba las gzhan ba'i dge ba'i yid kyi rnam par shes ba'o/ /ci thams cad kyi tshe 'dod par gtogs pa dang/ gzugs su gtogs pa la gnas ba zhig bcu dang lhan cig 'byung dam zhe na/ ma yin no 'o na ni zhe na/ dge slong gi sdom
 pa yang dag par len pa kho na na'o/ /zad pa dang mi skye ba shes pa dag ma gtogs pa zhes bya ba ni dgu dang zhes de dag gi tshul ni bshad zin ba'i phyir ro/ /bsam gtan dang zag pa med pa'i sdom pa gzhan dang lhan cig 'jug pa'i sems la thams cad ces bya ba ni
 bcu dang lhan cig 'byung ngo zhes bya bar skabs dang sbyar ro/ /re shig 'dis ni sdom pas bsdus pa rnams kyi nges pa yin no/ /sdom pa ma gtogs pa ni gcig dang zhes bya ba la sogs pa 'byung ste/ sems gzhan dang ldan pa zhes bya ba ni/ mi dge ba dang lung du ma bstan
 pa'i sems dang ldan pa'o/ /spong ba'i yan lag gcig yang dag par len ba'o zhes bya ba ni/ srog gcod pa 'am/ ma byin par len pa'i yan lag gcig spong ba yang dag par len pa na gcig kho na dang sems pa lhan cig 'byung ngo/ /gnyis dang lnga yang dag par
 len ba na'o zhes bya ba la/ yan lag gnyis yang dag par len pa na ni/ lnga dang lhan cig 'byung ste/ yid kyi gsum dang/ lus kyi 'am/ yid kyi gnyis dang ngo/ /yan lag lnga yang dag par len ba na ni brgyad dang lhan cig cig car 'byung ste/ de la ni gzugs
 can lnga dang yid kyi gsum 'byung ngo/ /dmyal ba na ni dkyal ba dang/ tshig rtsub gnod sems rnam gnyis so zhes bya ba la/ lhan pa zhes bya ba ni 'thob pa'o/ /mngon sum du gyur ba zhes bya ba ni/ /dngos su 'jug pa'o/ /smre sngags 'don pa'i phyir bkyal pa yin no
 zhes bya ba ni/ gzhan ni de las gzhan nyon mongs zhes bya ba'i mtshan nyid yongs su gzung nas yin no/ /phan tshun brgyad bkag byed pa'i phyir tshig rtsub mo yin no zhes bya ba ni/ sdug bsngal gyi nyam thag pa'i dmyal ba rnams dmyal srungs dag la spyo bar
 byed la/ dmyal bsrungs dag kyang dmyal ba rnams la spyo ba 'am/ dmyal ba rnams kho na phan tshun spyo ba'o/ /sems kyi rgyud rtsub mos zhes bya ba ni/ 'gar yang 'jam por rjes su 'brel ba med pa'i phyir ro/ /chags par bya ba'i dngos po med pa'i phyir mngon du gyur
 pa'i sgo nas brnab sems kun tu spyod pa med do/ /las kyi 'bras bu mngon du gyur ba'i phyir log par lta ba med do/ /de nyid kyi phyir zhes bya ba ni/ dgos pa med pa'i phyir phra ma med pa'o/ /rtag tu bye zin ba'i phyir zhes bya bas ni de ni? yul med pa'i phyir phra ma med do/
 zhes bstan to/ /nga yir 'dzin pa med pa'i phyir brnab sems mngon du gyur ba'i sgo nas med do/ /rgyud 'jam pa'i phyir dang kun nas mnar sems kyis dngos po med pa'i phyir gnod sems med de/ gnod sems ni rgyu yi stobs dang rkyen gyi stobs kyi skye na/ de
 gnyi ga yang de na med do/ /de'i phyir byang gi sgra mi snyan na gnod sems mngon du gyur pa med do/ /sdig ba can gyi bsam pa ma yin pa'i phyir log par lta ba med do/ /bdun pa zhes bya ba ni 'don pa'i go rims kyis tshig bkyal ba la bdun pa zhes bya'o/ /mngon
 sum gyur pa'i sgo nas zhes bya ba ni/ dngos su yang zhes bya ba 'di'i rnam par bshad pa yin no/ /sdig pa can gyi bsam pa ma yin ba'i phyir srog gcod pa la sogs pa drug char yang ldan pa dang/ mngon sum du gyur pa'i sgo nas med do/ /'dod pa na gzugs kyi
 sngar ni skye ba med ces nges pa'i phyir ro/ /gzhan yang tshe nges pa'i phyir srog gcod pa med do/ /rdzas dang bud med yongs su gzung ba med pa'i phyir ma byin par len pa dang/ 'dod pas log par g.yem pa dag med do/ /dgos pa med pa'i phyir rdzun du smra ba dang/
 phra ma dang tshig dul mo dag med do/ /ji ltar 'di dag mi tshangs par spyod pa yin zhes bya ba ni/ gal te bud med yongs su gzung ba med na snyam du bsam pa'o/ /mngon sum du gyur pa'i sgo nas kyang zhes bya ba la/ kyang zhes bya ba'i sgras ni ldan pa'i sgo nas kyang yod ces bya bar
 sbyar ro/ /dud 'gro dang yi dags dang lha dag gi nang na ni sdom pa ma yin pa ma gtogs so zhes bya ba ni/ 'di ltar mi rnams kho na la sdom pa ma yin pa 'dod kyi/ gzhan la ni ma yin no/ /mi dag gi nang na sdom pa ma yin pas bsdus pa yang yod do zhes bya ba'o/ /
 sogs pa zhes bya ba'i sgras ni sdom pa ma yin pa ma gtogs pa yang yod do/ /lha dag gi nang na ji ltar srag gcad pa yod pa yod cen/ gal te yang zhes bya ba la sogs ba smos te/ 'gro ba gzhan na gnas pa ni gsod par byed ces bya ba ni/ yi dags la soD
 pa'i 'gro ba na gnas pa'o/ /mgo dang rked pa bcad na mchi'o/ zhes bya ba 'di ni lhas kyang lha gsod do zhes bstan to/ /ldan pa'i sgo nas yod do zhes bya ba ni/ gzugs med pa dag na gzugs med pa'i phyir mngon du gyur ba'i sga nas med do/ /'du shes med pa'i ?
 can rnams la ni bsam gtan du skyes ba yin yang bsam gtan gyi sdom pa mngon sum du gyur pa'i sgo nas yod pa ma yin te/ bsam gtan gyi sdom pa ni sems kyi rjes su 'jug pa'i phyir dang/ de dag gi sems ri la 'gag ba'i phyir ro/ /gal te gzugs med
 pa dag na gzugs med pas mngon sum du med na des na 'o na ni gzugs med par skyes pa gang dag gcig la ldan pa brjod dgos so zhe na/ de'i phyir gzugs med par skyes pa'i 'phags pa rnams la zhes bya ba rgyas par smos so 'phags pas sa gang la brten pa
 can gyi zhes bya ba la/ sa gang du skyes pas zag pa med pa'i tshul khrims gang bskyed pa de ni sa de la brten pa can yin no/ /skye ba 'di ni lnga ste/ 'dod pa'i khams dang bsam gtan bzhi'o/ /gal te sa gcig la brten pa can gyi bar bskyed de 'gag pa nas/ /de
 bzhin dus lnga la brten pa can gyi bar bskyed de 'gag na ni gzugs med pa dag na 'das pa de dang ldan par 'gyur ro/ /sa lnga char la brten pa can dang ni ma 'ongs pa dang ldan no/ zhes bya ba ni gang du skyes pa 'am gang du ma skyes pa de dag la brten
 pa can dang ldan no/ /ci'i phyir zhe na/ nges pa med pa'i phyir ro/ /'di ltar gang ma 'ongs pa rnams grangs kyis lnga char la brten nas skye ba srid pa ni yod pa yin te/ de'i phyir gang du skyes pa de 'gag pa de ni skyes zin pa'i phyir sa kho nas bsnyas la/ gang ma skyes pa
 de ni nges pa med pa'i phyir sa lnga char la rnam par bzhag go/ lhag byas na zhes bya ba la/ gang las lhag mar byas zhe na/ gzugs med pa dang 'du shes med pa'i sems can dang gnyis las so/ /gzugs med pa'i khams su ldan pa des par bshad pas/ 'dod
 pa'i khams dang gzugs kyi khams su ldan pa dang mngon du gyur pa/ nges par brjod par bya'o zhe na/ de'i phyir khams zhes bya brgyas bar smos so/ /dmyal ba dang byang gi sgra mi snyan pa ma gtogs pa zhes bya ba ni/ de na yang dag par blangs pa'i tshul khrims med
 ba'i phyir ro/ /gzhan na ni gnyis yod do zhes bya ba ni lha dag dang/ byang gi sgra mi snyan pa ma gtogs pa'i mi dag gi nang na ni/ sdom pa bsdus pa dang sdom pa ma gtogs pa yod do/ /kun tu sten pa dang/ goms par byas pa dang/ lan mang du byas pa dang/ zhes bya ba la/
 kun tu bsten ba ni sbyor ba'i gnas skabs su'o/ /goms bar byas pa ni dngos kyi gnas skabs su'o/ /lan mang du byas pa ni mjug gi gnas skabs su'o/ /srog gcod pas ni tshe thung bar 'gyur ro zhes bya ba 'dis ni rgyu mthun pa'i 'bras bu bshad do/ /tshig bkyal pa ni tshig
 gzung bar mi 'os par 'gyur ro zhes bya ba ni tshig mi btsun pa'o/ /'di ni de dag gi rgyu mthun pa'i 'bras bu yin no zhes bya ba 'byung po/ /lung du ma bstan pa mi dge ba bsgom pas spang bar bya ba'i rgyu mthun par brjod pa na ji ltar skyon can du mi 'gyur zhe na/ de'i phyir srog gcod
 ba ni tshe de'i bar chad byed pa'i rgyu yin zhes bya ba rgyas par smos te/ dug dang gnam lcags dang mtshon cha lhag pa la sogs pa gang dag yin pa de dag ni srog gcod pa rnams kyi tshe dge ba'i las kyi 'phangs pa 'byung ba la gegs byed par nus pa yin te/ gzhan du ni
 ma yin no/ /de'i phyir srog gcod pa ni tshe 'di'i bar chad byed pa'i rgyu yin no zhes bya'o/ /gzi mthu chung ba ni nus pa chung ba'o/ /ser ba ni ser bdag go /char ni char te des ni 'bru brlag bar 'gyur ro/ /rdul gyis 'khrig par 'gyur zhes bya ba ni/ rdul lhags pas sbu dan par 'gyur ba'o
 sa tshwa rgo can zhes bya ba ni/ 'bru dag mi skye ba'i sa'o/ /dgon bu ni cu med pa ste/ mya ngam lta bu'o/ /tha chad ni dman zhing smad pa ste/ kla klo la sogs pa'i sa dag go/ sdig pa can gyis ni ri dgas dang phag gi nye bar gtses ba'i zhing dag go/ dus log pa can ni 'di dag la dus yod pa
 ste dus bzhin du grang ba dang dro ba dang char 'bab par mi 'gyur zhes bya ba'i don to/ /'bras bu phra mo ni 'bras bu ma rags pa'o/ /'bras bu kha ba zhes bya ba ni smin pa mi snyoms zhes bya ba'i don to/ /ci las de kho nas zhes bya ba ni/ gang gi dmyal ba dag tu skyed pa'o/ /der ni
 sbor bas yin la zhes bya ba ni/ sbyor ba rgyun chags pa yin pa'i phyir dang/ sdug bsngal drag po'i rgyu yin pa'i phyir ro/ /dngos ni skad cig ma gcig yin pa'i phyir/ tshor ba chung ba'i phyir 'dir dngos kyi tshe thung ba yin no zhes bya bar rigs so/ /gal te sbyor bas dmyal ba
 ?? ta skye na/ 'o na mdo las srog gcod pa kun tu bsten pa dang/ goms par byas pa dang/ lan med du byas pas dmyal ba dag gi nang du skye bar 'gyur ro zhes gsungs pa de ji ltar zhe na/ de'i phyir 'khor dang bcas pa smos pa'i phyir zhes bya ba rgyas par smos so/ /sbyor ba
 ni srog gcod pa'i 'khor yin te/ der sbyor ba la srog gcod pa btags nas de skad bshad do/ /rgyu mthun pa'i 'bras bur bshad pa gang yin pa de yang rnam par smin ba'i 'bras bu dang bdag po'i 'bras bu dang gnyis las mi 'da' i/ 'dra ba'i khyad par las de skad
 bshad par zad do zhes bya ba ni/ yid du 'ong ba'i srog gcod pa la sogs pa dang 'dra ba las rgyu mthun pa'i dbras bu yin no zhes bshad bar zad do/ /gzi byin med pa'i phyir zhes bya ba la/ gzi byin ni snying ga'i phyogs na yod do/ /gzhan dag la yang de bzhin du
 sbyar bar bya'o zhes bya ba ni/ ma byin bar len ba byed pas ni rdzas kyi bdag po la sdug bsngal bskyed pa dang/ longs spyod kyi 'phongs pa byas pa dang/ gzi byin med par byas pa yin te/ rdzas kyi dbang gi gzi byin can du gyur na de'i rgyu med par byas pa'i phyir te/ longs spyod kyi 'phong
 par byas pas de la gnod pa'i phyir ro/ /gzhan gyi chung ma la nyal po byed pas ni gzhan la sdug bsngal bskyed pa dang/ dgra dang bcas pa'i chung ma can du byas pa dang/ 'jig rten na gzi byin gang/ gang gi gzi dang bcas pa'o/ /zhes des par brjod pa'i gzi byin med par
 byas pa yin no/ /de bzhin du gzhan dag la yang srid tshad du sbyar bar bya te/ 'di ni phyogs yin no/ /thams cad mi dge ba las bzlog ste/ sbyar bar bya'o zhes bya ba ni/ srog gcad pa spangs pas gzhan la sdug bsngal ma bskyed pa dang/ ma bsad pa dang/ gzi byin med
 bar ma byas pas de'i phyir de'i? 'bras bu rnam ba gsum 'byung ngo/ /de bzhin du ma byin bar len pa slang bas rdzas kyi bdag po la sdug bsngal ma bskyed pa dang/ longs spyod kyi 'phongs par ma byas pa dang/ gzi byin med par ma byas pa de la 'bras bu rnam pa gsum
 'byung ste/ 'dod pas log par g.yem pa spangs bas/ gzhan la sdug bsngal ma bskyed pa dang/ dgra dang bcas pa'i chung ma can du ma byas pa dang/ gzi byin med par ma byas pa de'i phyir de la 'bras bu rnam pa gsum 'byung ste/ gzhan la yang de bzhin du sbyar par
 bya'o/ /las kyis skabs su 'dir yid sbyad par bya ste/ /bcom ldan 'das kyis zhes bya ba rgyas par 'byung ngo/ /de gnyis las logs shig bstan to/ /zhes bya ba ni log pa'i 'cho ba log ba'i dag dang las kyi mdza' gnyis las so/ /de ltar bshad na chags pa las
 skyes pa'i lus dang dag gi las gang dag yin pa de dag ni log pa'i dag dang las kyi mdza' yang yin la log pa'i 'tsho ba yang yin te/ zhe sdad dang gti mug gis kun nas bslad pa gang dag yin pa de dag ni log pa'i dag dang las kyi mdza' kho na yin no/ /chags ba'i
 chos ni 'phrog par byed pa yin pas zhes bya ba la/ chags pa'i chos phra mo yin yang 'phrog bar byed pa yin no/ /shin tu mkhas pa rnams kyis kyang bsrung bar sla ya ma yin pa'i phyir sbyang dka' ba'o/ /khyim pas lta ba sbyang bar dka' ba ci'i phyir zhe na/ rtag tu lta ba sna
 tshogs pa'i phyir te/ do mtshar dang/ bkra shis dang/ gzha' dang/ rgyu skar dang/ yud tsam la sogs pa'i lta ba can yin zhes bya ba'i tha tshig go/ gzhan la 'tsho ba reg lus pa'i zhes bya ba ni dge slong gi lus gnas pa'i rgya chos gso dang bsod snyams dang/
 mal stan la sogs pa rnams ni gzhan la rag lus pas dge slong rnams kyi 'tsho ba sbyar bar dka' o/ /log pa'i yul la yongs su longs spyod pa'i phyir ro zhe bya ba ni/ ma gnang ba'i yul la yongs su longs spyod pa'i phyir ro/ /las kyi skabs su las su
 gtogs pa thams cad brjod par bya dgos pas de'i phyir/ gong du 'bras bu lnga bshad pa gang dag yin pa zhes bya ba smos te/ bdag po'i 'bras bu dang/ skyes bu byed pa'i 'bras bu dang/ rgyu mthun ba'i 'bras bu dang/ rnam par smin pa'i 'bras bu dang/ bral
 ba'i 'bras bu'o/ /dri bcas spong ba'i lam dag gi zhes bya ba la/ spong ba'i lam ni/ zag pa dang bcas pa dang zag pa med pa dang rnam pa gnyis yin te/ de'i phyir dri bcas zhes bya ba smos so/ /spong ba'i phyir lam yin pa 'am/ zhes bya ba 'byung ste/ spong ba ni
 so sor brtag pa'i 'gog pa'o/ /'dis nyon mongs pa spong bar byed pas na zhes bya ba ni/ thob pa gcod pa'i phyir te/ 'dir chig rnam par sbyar bas byas pa'i khyad par yod kyi don gyis byas pa ni med de/ gnyi gar yang bar chad med pa'i lam dang sbyar ba'i
 phyir ro/ /rang gi sar gtogs ba'i rnam par smin pa yid du 'ong ba yin no/ /zhes bya ba la/ rnam par smin pa'i 'bras bu ni rnam par smin pa'i lam zag pa dang bcas pa'i las gang yin pa de'i sa gang yin pa de'i sa gang yin pa der nges pa kho na'o/ /
 ting nge 'dzin las skyes pa'i chos 'dra ba'i phyi ma rnams so zhes bya ba la/ rgyu mthun pa'i 'bras bu ni chos 'dra ba mnyam pa dang/ lhag pa de'i phyi nas skyes pa rnams so/ /skyes bu byed ba'i 'bras bu ni chos gang dag de'i stobs kyis skyes pa rnams so/ /spangs pa de
 yang yin no zhes bya ba ni/ de'i stobs kyis spangs pa thob pa'i phyir spangs pa yang skyes bu byed pa'i 'bras bur rnam par bzhag go/ gzhan dag na re spangs pa yang lam gyi bdag po'i 'bras bur rigs te/ de'i dbang pos de mngon sum du byed pa'i phyir ro/ zhes zer
 rnam par smin pa'i 'bras bu ma gtogs so zhes bya ba ni/ zag pa med pa la rnam par smin pa'i 'bras bu med pa'i phyir ro/ /rgyu mthun pa'i 'bras bu ni ting nge 'dzin las skyes pa'i chos phyi ma rnams so/ /bral ba'i 'bras bu ni bral ba kho na'o/ /skyes bu byed pa'i
 'bras bu mi des drangs pa'i chos 'di lta ste/ rnam par grol lam dang/ de dang lhan cig 'byung ba dang/ gang yang ma 'ongs pa 'thob pa dang/ spangs pa de yang yin no/ /bdag po'i 'bras bu ni sngar byung ba ma gtogs par rang gi ngo bo las gzhan pa'i 'du
 byed thams cad do/ /spong ba'i lam las gzhan pa'i las zhes bya ba ni/ sbyor ba dang rnam par grol ba dang/ khyad par gyi lam gyi bsdus ba dang/ sbyin pa'i sems pa la sogs pa gang yin pa dang/ mi dge ba gang yin pa'i/ /bral ba'i 'bras bu ma gtogs
 so zhes bya ba ni/ des nyon mongs pa spong pa ni ma yin te/ bar chad med pa'i lam kho na bral ba'i 'bras bu dang 'brel ba'i phyir ro/ /de'i rnam par smin pa'i 'bras bu ni rang gi sar gtogs ba'i rnam par smin pa yid du 'ong ba dang yid du mi 'ongs ba yin te/ dge
 ba zag pa dang bcas pa yin pa'i phyir dang/ mi dge ba yin pa'i phyir ro/ /rgyu mthun pa'i 'bras bu ni chos 'dra ba mnyam pa dang lhag pa phyi nas skyes pa rnams so/ /skyes bu byed pa'i 'bras bu ni de dang lhan cig 'byung ba dang de'i stobs kyis skye ba gang dag yin pa de dag go /bdag?
 po'i 'bras bu ni sngar byung ba ma gtogs pa rang gi ngo bo las gzhan pa'i 'du byed thams cad do/ /zag pa med pa'i lhag ma dang zhes bya ba ni sbyor ba dang/ rnam par grol ba dang/ khyad par gyi lam gyis bsdus pa'o/ /de ni bar chad med pa'i lam ma yin pa'i phyir bral ba'i 'bram
 bu yang med la/ zag pa med pa yin pa'i phyir dang/ lung du ma bstan pa'i phyir rnam par smin pa'i 'bras bu yang med do/ bdir yang rgyu mthun pa dang/ skyes bu byed pa dang/ bdag po'i 'bres bu dag ni gong ma bzhin du brjod par bya'o/ /las dge ba'i 'bras bu chos dge ba bzhi
 ste zhes bya ba ni/ rigs yongs su bzung ste/ de skad bshad de/ bral ba ni dge ba thams cad kyi 'bras bu ma yin pa'i phyir ro/ /bral ba ni rgyu mthun pa'i 'bras bu 'am/ bdag ba'i 'bras bu yang ma yin la/ dag ba 'dus byas rnams kyang bral ba'i 'bras bu ma yin
 te/ bral ba 'dus ma byas yin pa'i phyir ro/ /rnam par smin pa ni lung du ma bstan pa'i phyir rnam par smin pa'i 'bras bu ma gtogs so zhes bya ba smos so/ /mi dge ba gnyis te/ skyes bu byed pa dang/ bdag po'i 'bras bu dang gnyis so/ /de la skyes bu byed pa'i
 'bras bu ni gang dag de'i stobs las skyes pa'o/ /bdag po'i 'bras bu ni sngar byung ba me gtogs pa mi dge ba'i chos thams cad nyid do/ /rgyu mthun pa'i 'bras bu ni med de mi 'dra ba'i phyir ro/ /rnam par smin pa'i 'bras bu yang med de/ nyon mongs pa can yin
 ba'i phyir ro/ /bral ba'i 'bras bu yang med de/ 'dus byas yin pa'i phyir dang/ nyon mongs pa can yin pa'i phyir ro/ /lung ma bstan pa gsum ste/ rgyu mthun pa dang bral ba'i 'bras bu ma gtogs so/ /'di ltar lung du ma bstan pa rnams ni dge ba dang 'dra
 ba ma yin pas rgyu mthun pa'i 'bras bu med la/ bral ba'i 'bras bu yang med/ bral ba'i 'bras bu ni dge pa 'dus ma byas yin pa'i phyir ro/ /rnam par smin pa'i 'bras bu ni rang sar gtogs pa'i rnam par smin pa yid du 'ong ba'o/ /skyes bu byed pa'i 'bras bu
 ni/ gang dag de'i stobs kyi skye ba 'di lta ste/ mjug thogs su 'byung ba rnams so/ /bdag po'i 'bras bu ni sngar byung ba ma gtogs pa lung du ma stan ba thams cad kho na'o/ /las mi dge ba'i 'bras bu zhes bya ba rgyas par 'byung ste/ skyes bu byed pa'i 'bras bu ni de'i mjug
 thogs su 'byung ba'i chos dge ba rnams so/ /bdag po'i 'bras bu ni sngar skyes ba ma gtogs pa'i dge ba'i chos thams cad kho na'o/ /rgyu mthun pa'i 'bras bu med de/ mi 'dra ba'i phyir ro/ /rnam par smin pa lung du ma bstan pa yin pas rnam par smin pa'i 'bras
 bu yang med do/ /bral ba'i 'bras bu yang med de/ 'dus byas yin ba'i phyir ro/ /mi dge ba ni gsum ste/ skyes bu byed pa'i 'bras bu de dang lhan cig 'gyur ba dang/ de'i mjug thogs su skye ba'o/ /bdag po'i 'bras bu ni sngar byung ba ma gtogs pa mi dge pa thams
 cad do/ /sngar bskyed ba'i rgyu mthun pa'i 'bras bu ni rigs mthun pa khyad par dang bcas pa rnams so/ /rnam par smin pa'i 'bras bu 'am bral ba'i 'bras bu ni med de/ nyon mongs pa can yin pa'i phyir dang/ 'dus byas yin pa'i phyir ro/ /lung du ma bstan pa ni
 gzhe ste/ zhes bya ba ni bral ba'i 'bras bu ni ma gtogs pa ste/ bral ba ni dge ba brtag pa yin pa'i phyir ro/ /rnam par smin pa'i 'bras bu ni rang gi sar gtogs pa'i rnam par smin pa'i yid du mi 'od ba'o/ /gal te chos 'dra ba rnams kho na sngar skyes pa dag gi rgyu
 mthun 'bras yin pa por nas/ lung du ma bstan pa mi 'dra ba rnams mi dge ba dag gi rgyu mthun pa'i 'bras bu ji ltar brjod ce na/ de'i phyir lung du ma bstan pa zhes bya ba rgyas par smos so/ /rgyu mthun pa'i 'bras bu ni kun tu 'gro ba dang skal pa mnyam pa'i rgyu dag
 gi yin par rnam par bzhag ste/ de la 'jig tshogs dang mthar 'dzin par lta ba dag ni lung du ma bstan pa yin du zin kyang nyon mongs pa can nyid dang/ sdug bsngal mthong bas spang bar bya ba nyid du 'dra ba'i phyir sdug bsngal mthong bas spang bar bya ba kun tu 'gro ba'i rgyu dang/ /
 sdug bsngal mthong bas spang bar bya ba bskal pa mnyam pa'i rgyu'i rgyu mthun pa'i 'bras bu rnam par bzhag bas 'gal ba med do/ /las lung du ma bstan pa'i zhes bya ba rgyas par 'byung ste/ skyes bu byed ba'i 'bras bu ni dge ba'i chos gang dag de'i mjug thogs su 'byung ba
 de dag go /bdag po'i 'bras bu ni sngar byung ba ma gtogs pa dag pa'i chos thams cad nyid do/ /rgyu mthun pa'i 'bras bu ni med de/ mi 'dra ba'i phyir ro/ /rnam par smin pa'i 'bras bu yang med de/ dge ba yin pa'i phyir ro/ /bral ba'i 'bras bu yang med de/ 'dus byas yin
 ba'i phyir ro/ /mi dge ba ni gsum ste zhes bya ba ni rgyu mthun pa'i 'bras bu bcug sta'o/ /mi dge ba yang lung du ma bstan pa rnams kyi 'bras bu yin pa ni yod de/ dper na chos mi dge bas ris lnga ba rnams 'jig tshogs dang mthar 'dzin par lta ba gnyis ba'i
 'bras bu bcug ste'o/ /mi dge ba yang lung du ma bstan pa rnams kyi 'bras bu yin pa bzhin no/ /lung du ma bstan pa'i chos ni gsum ste/ de dag kho na yin no zhes bya ba la/ skyes bu byed pa'i 'bras bu ni lhan cig 'byung ba dang/ mjug thogs su 'byung ba dag go /bdag
 po'i 'bras bu ni sngar byung ba ma gtogs pa thams cad do/ /rgyu mthun pa'i 'bras bu ni chos 'dra ba phyis skyes pa rnams so/ /rnam par smin pa dang bral ba'i 'bras bu dag ni med do/ /lung du ma bstan pa rnams la rnam par smin pa'i 'bras bu med pa'i phyir dang nyon mongs
 ba'i gnyen po ma? yin ba'i phyir ro/ /'das pa'i thams cad gzhi yin no/ /zhes bya ba 'byung ngo/ /'dir rigs yongs su bzung nas de skad du bshad kyi 'das pa thams cad 'das pa thams cad kyi 'bras bu rnam pa bzhi ni ma yin no/ /bral ba'i 'bras bu ma gtogs so zhes bya ba
 ni de 'dus ma byas yin pa nyid kyi dus su ma gtogs pa'i phyir ro/ /las dge ba dang bcas pa dang/ mi dge ba 'das pa rnams kyi rnam par smin pa'i 'bras bu ni rnam par smin pa 'das pa'o/ /skyes bu byed pa'i 'bras bu ni 'das ba'i las dang lhan cig 'byung
 ba dang/ de'i stobs kyis skyes ba'i chos 'das pa rnams so/ /bdag po'i 'bras bu ni de'i rang gi ngo bo ma gtogs ba de dag dang lhan cig 'byung ba dang/ phyis 'byung ba 'das pa rnams so/ /rgyu mthun pa'i 'bras bu ni 'dra ba phyis 'byung ba 'das pa rnams kho na'o/ /de bzhin
 du 'bras bu da ltar ba yang bzhi ste/ 'das pa'i rnam par smin pa da ltar ba'o/ /rgyu mthun pa'i 'bras bu ni sngar ma byung ba'i chos 'dra ba da ltar ba rnams so/ /skyes bu byed ba'i 'bras bu ni chos da ltar ba 'das pa'i las kyi stobs kyi skyes pa rnams so/ /bdag po'i
 'bras bu ni da ltar ba thams cad kho na'o/ /ma 'ongs pa dag kyang de dang 'dra bar brjod bar bya ste/ 'das pa'i rnam par smin pa'i 'bras bu ni rnam par smin pa ma 'ongs pa'o/ /rgyu mthun pa'i 'bras bu ni chos 'dra ba ma 'ongs ba rnams so/ /skyes bu byed pa'i 'bras bu ni gang dag
 de'i stobs kyis skye bar 'gyur ba rnams so/ /bdag po'i 'bras bu ni thams cad kho na'o/ /bar ma'i ni ma 'ongs pa dang/ zhes bya ba ni 'bras bu bzhi ste/ zhes bya bar sbyar ro/ /de'i skyes bu byed pa'i 'bras bu ni de'i mjug thogs su skye ba ma 'ongs pa rnams so/ /bdag po'i
 'bras bu ni ma 'ongs pa thams cad kho na'o/ /rnam par smin pa'i 'bras bu ni de'i rnam par smin pa ma 'ongs pa'o/ /rgyu mthun pa'i 'bras bu ni de dang 'dra ba ma 'ongs pa rnams so/ /da ltar byung ba'i las kyi da ltar ba ni gnyis te/ skyes bu byed pa dang bdag po'i 'bras bu
 dag go zhes bya ba la/ de'i skyes bu byed pa'i 'bras bu ni lhan cig 'byung ba lhan cig skyes pa yin no/ /bdag po'i 'bras bu ni de dang dus mi nyam? du skyes pa yin no/ da ltar ba'i rgyu mthun ba'i 'bras bu dang/ rnam par smin pa'i 'bras bu da ltar ba ni med de/ der
 rgyu dang 'bras bu dag dus snga phyir nges pa'i phyir ro/ /ma skyes pa'i 'bras bu ma 'ongs pa gsum yin no/ /zhes 'byung ste/ skyes bu byed pa'i 'bras bu ni gang dag de'i stobs la rag las te/ 'byung ba de dag go/ bdag po'i 'bras bu ni rang gi rang gi ngo bo ma gtogs pa thams cad
 do/ /rnam par smin pa'i 'bras bu ni dge ba zag pa dang bcas ba dang/ mi dge ba rnams kyis rnam par smin pa ma 'ongs pa'o/ /ma skyes pa rnams ni bskal pa mnyam pa dang/ kun tu 'gro ba'i rgyu nyid ma yin pas rgyu mthun ba'i 'bras bu ma 'ongs pa med do/ /bral ba'i 'bras bu yang med de/
 dus su ma gtogs pa'i phyir ro/ /rang gi sa pa bzhi yin no zhes bya ba la/ 'di yang srid tshad kyi dbang du byas nas bshad kyis /rang gi sa ba thams cad kyi 'bras bu rang gis pa'i chos bzhi ba thams cad ni ma yin no/ /zag pa med pa la yang rnam par smin pa'i 'bras bu med mod
 kyis rang gis ba'i chos 'dod pa na sbyod pa nas srid pa'i rtse mo pa'i bar ci rigs par las zag pa dang bcas pa dang/ zag pa med pa'i 'bras bu bzhir 'gyur ro/ /bral ba'i 'bras bu ma gtogs so zhes bya ba ni bral pa sas ma bsdus pa'i phyir ro/ /de la rang gis pa'i chos zag
 pa dang bcas pa rnams ni las zag pa dang bcas pa'i 'bras bu bzhi yin la/ zag pa med pa rnams ni skyes bu byed pa'i 'bras bu dang/ bdag po'i 'bras bu yin no/ /zag pa med ba rnams ni zag pa med pa'i 'bras bu gsum yin te/ rnam par smin pa dang bral ba'i 'bras
 bu ma gtogs so/ /zag pa dang bcos pa ni gnyis yin te/ rnam par smin pa dang rgyu mthun pa dang bral ba'i 'bras bu ma gtogs so/ /de ltar na rang gi sa ba'i chos zag pa dang/ zag pa med pa'i rnams ni mdor bsdus te las zag pa dang bcas ba dang/ zag pa med pa'i 'bras
 bu bzhir 'gyur ro/ /gzhan gyis ba gsum dang gnyis zhes bya ba la/ zag pa dang bcas pa dang zag pa med pa'i dbye bas phye nas bstan te/ zag pa med pa'i las kyi 'bras bu zag pa med pa'i chos gzhan gyis sa pa ni gsum ste/ skyes bu byed pa dang/ bdag po dang/ rgyu
 mthun pa'i 'bras bu rnams so/ /sa dgu'i lam ni phan tshun du/ mnyam dang khyad par can yin zhes 'byung bas/ bskal pa mnyam pa'i rgyu yin pas zag pa med pa'i chos mnyam pa dang/ khyad bar can rnams gzhan gyis pa yin du zin kyang/ gzhan
 gyis ba'i las zag pa med pa'i rgyu mthun pa'i 'bras bu yin no/ /khams su ma gtogs pa'i phyir ro/ zhes bya ba ni zag ba med ba'i las ni khams su ma gtogs pa'i phyir rnaM par smin pa'i 'bras bu mi srid do/ /bral ba yang khams su ma gtogs pa'i phyir gzhan gyis pa nyid mi srid do/ /gzhan gyi sa ba'i chos zag ba dang bcas ba
 rnams ni de nyid kyi gnyis yin te/ skyes bu byed pa dang/ bdag po'i 'bras bu dag go/ de bzhin du gzhan gyis pa'i chos zag pa dang bcas pa dang/ zag pa med pa rnams kyang zag pa dang bcas pa'i las kyi gnyis yin te/ skyes bu byed pa dang bdag po'i 'bras
 bu dag go/ rnam bar smin pa dang bral bas 'bras bu ma gtogs so zhes bya ba 'byung ste/ slob pa 'am/ mi slob pa ni rnam par smin pa'i 'bras bu 'am bral ba'i 'bras bu med do/ /slob pa yang ma yin mi slob pa yang ma yin pa zhes bya ba rgyas par 'byung ste/
 slob pa yang ma yin mi slob pa yang ma yin ba'i chos dag ni zag pa dang bcas ba dang 'dus ma byas yin no zhes bshad do/ /de la slob pa'i las rnam par smin pa'i 'bras bu ni med de/ sred pas ma bslab pa'i phyir ro/ /'jig rten pa'i rgyu mthun pa'i 'bras bu yang med de/
 mi 'dra ba'i phyir ro/ /bral ba'i 'bras bu ni slob pa yang ma yin mi slob pa yang ma yin pa yin na/ de yang slob ba'i las la yod ba gsum yin no/ /slob pa'i chos ni gcig ste bdag po'i 'bras bu'o/ /rgyu mthun pa'i 'bras bu ni med de/ dman ba'i phyir ro/ /lhan
 cig dang mjug thogs su skye pa med pa'i phyir skyes bu byed ba'i 'bras bu yang yod do/ /mi slob pa'i mjug thogs su slob ba ni mi 'byung ste/ yongs su nyams pa'i tshe na yang nyon mongs pa kun tu 'byung pas bar du chod pa'i phyir ro/ /rnam par smin pa'i 'bras bu dang/
 bral ba'i 'bras bu ni slob ba yang ma yin mi slob pa yang ma yin no/ /mi slob pa ni gsum ste/ rnam par smin pa'i 'bras bu dang/ bral ba'i 'bras bu dag ma gtogs so/ /zhes bya ba la/ de dag ni slob ba yang ma yin mi slob pa yang ma yin pa nyid yin pas bsal to/ slob
 pa yang ma yin mi slob ba yang ma yin pa ni zhes bya ba rgyas bar 'byung ste/ skyes bu byed ba'i 'bras bu ni de'i stobs kyis skyes pa rnams so/ /bdag po'i 'bras bu ni sngar byung ba ma gtogs pa thams cad do/ /bral ba'i 'bras bu ni bar chad med pa'i yin na/ mi slob ba la ni
 bar chad med pa'i lam ni med bas mi slob pa rnams la bral ba'i 'bras bu med do/ /de las gzhan pa'i 'bras bu ni zhes bya ba rgyas par 'byung ste/ slob pa yang ma yin mi slob ba yang ma yin la rgyu mthun pa'i 'bras bu slob ba dang mi slob pa ni med de/ mi 'dra ba'i phyir ro/ /
 rnam par smin pa'i 'bras bu yang med de/ khams su ma gtogs pa'i phyir ro/ /bral ba'i 'bras bu yang med de/ 'dus byas yin pa'i phyir ro/ /'bras bu snga char yin no zhes bya ba la/ spong ba'i las kyis bsdus pa'i las 'jig rten pa la bral ba'i 'bras bu
 yang yod do/ /rnam par smin pa dang bral ba'i 'bras bu dag ma gtogs so zhes bya ba ni rnam par smin pa 'am bral ba ni mthong bas spang bar bya ba yod pa ma yin pas sel par byed do/ /bral ba'i 'bras bu ma gtogs zhes bya ba ni bral ba bsgom bas spang bar
 bya ba yod bas ma yin pa'i phyir ro/ /kun tu 'gro ba dang mtshungs par ldan pa'i las kyi rgyu mthun pa'i 'bras bu ni bsgom pas spang bar bya ba'i chos nyon mongs ba can rnams so/ /rnam par smin pa ni nyon mongs pa can ma yin pa'i phyir/ bsgom pas spang bar bya ba
 yin pas mthong bas spangs bar bya ba'i nyon mongs pa mi dge ba dag dang mtshungs par ldan ba'i las kyi rnam par smin ba'i 'bras bu ni bsgom pas spang bar bya ba yin no/ /gcig ste bdag po'i 'bras bu zhes bya ba la/ de'i stobs kyi mi skye ba'i phyir skyes bu byed pa'i
 'bras bu ni med do/ /sgom pas spang bar bya ba'i las kyi zhes bya ba rgyas par 'byung la/ rgyu mthun pa'i 'bras bu ni med de/ kun tu 'gro ba ma yin pa'i phyir ro/ /rnam par smin pa'i 'bras bu yang med de/ rnam par smin pa mthong bas srang bar bya ba med
 pa'i phyir ro/ /bral ba'i 'bras bu spang bar bya ba ma yin pa'i phyir ro/ /rnam par smin pa dang rgyu mthun pa'i 'bras bu ma gtogs so zhes bya ba ni/ spang bar bya ba yin pa'i phyir dang/ mi 'dra ba'i phyir rnam par smin pa dang/ rgyu mthun pa'i 'bras bu nyid yin pa sel bar
 byed do/ /spang bar bya ba ma yin ba'i las kyi 'bras bu zhes bya ba rgyas par 'byung la/ spang bar bya ba ma yin pa'i las kyi mjug thogs sam/ lhan cig tu mthong bas spang bar bya ba skye ba ni yod ba ma yin pas skyes bu byed pa'i 'bras bu med do/ /bsgom pas spang
 ba'i sems ni spang bar bya ba ma yin pa'i las kyi mjug thogs su 'bras bu skyes bu byed ba'i 'bras bu yang bsgom pas spang bar bya ba yin no/ /rnam par smin pa'i 'bras bu ma gtogs so/ /zhes bya ba ni/ rnam par smin pa spang bar bya ba ma yin pa med pas
 ma gtogs so/ /dbus su yang thog ma dang tha ma bzhin shes par bya ba'i phyir te/ zhes bya ba ni ma smos kyang dbus su yang go rim bzhin zhes bya ba'i sgra ci nas kyang shes bar bya ba'i phyir ro/ /ji ltar zhe na/ de'i phyir de ni mthun par sbyar ba'i chos yin no zhes bya ba
 smos te/ de ni mdor bsdus ba'i tshul yin no/ /mi dge'i dge sogs gnyis dang ni/ /gsum dang bzhi ste go rim bzhin zhes thog mar yang go rims bzhin zhes bya ba'i sgra sbyar la/ spang bya min pa'i de dag gcig /gnyis dang bzhi ste go rims bzhin zhes tha
 mar yang sbyar ba yin no/ /tshul bzhin ma yin pa yid la byed pa las 'byung ba'i phyir ro zhes bya ba la/ yid la byed pas na yid la byed pa ste/ yid yul dag la rangs par byed ces bya ba'i tha tshig go/ tshul ni thabs so/ /tshul bzhin du min pa'i tshul zhin
 ma yin pa ste/ tshul bzhin ma yin zhing thabs bzhin ma yin pa ni tshul bzhin ma yin pa yid la byed pa'o/ /gzhan dag na re cho ga nyams pa yang ma yin te/ zhes bya ba ni nyon mongs pa can ?? zhig tu ma zad pa'o/ /chog nyams pa gang yin pa de yang rig pa ma yin pas
 bskyed pa yin te/ ma rig pa byed pa'i phyir ro/ /'gro ba dang gnas pa dang/ bza' ba la sogs pa rnams ni rang rang gi cho ga nyams pa yin no/ /sogs pa zhes bya ba'i sgra ni dag gi las ma sgribs la lung du ma bstan pa rtag pa dang dus dang/ byed pa mi mthun pa'i
 phyir mi rigs pa byas las rig pa ma yin pas bskyed pa dang/ cho ga nyams pa'i lus dang ngag gi las kun nas slong bar byed pa'i ?? das rig pa ma yin pa bskyed pa bsdu'o/ /rigs pa ma yin ps bskyed pa 'di ni brdar brtags pa yin gyi/ don dam par ni rigs
 pas bskyed pa ni dge pa'i las yin pa/ rigs ba ma yin pas bskyed pa ni nyon mongs pa can yin zhing/ de gnyi ga dang bral ba ni ma bsgibs la lung du ma bstan pa yin no/ /ci las gcig gis bskyed ba gcig gis bskyed pa gcig kho na 'phen tam zhes bya ba la sogs pa 'byung
 ste/ rgyu'i dngos por gnas sam zhes bya ba'i tha tshig go/ gal te las du mas skye ba gcig 'phen pa dang/ gcig gis du mas 'phangs ni cir 'gyur zhe na/ re shig dang po ltar na ris mthun pa du ma bur 'phen pas skye ba gcig kho na la las kyi 'bras bu cig zad
 cing las gzhan gyi 'bras bu skye ba na 'chi 'pho ba dang skye bar thal bar 'gyur ba'i phyir sngon gyi dus kyi srid pa kho na la 'chi ba dang skye ba'i srid pa lan cig ma yin par yod par 'gyur ro/ /gcig gi du ma 'phen pa yang ma yin te/ de ltar na las gcig kho na skyed
 nas myong ba 'gyur ba dang/ lan grangs gzhan la myong bar 'gyur bar yang 'gyur na/ de ni 'dod pa yang ma yin te/ las gnas skabs des ba yin pa'i phyir ro/ /de'i phyir las gcig kho na skye ba gcig 'phen gyi du ma ni ma yin no/ /zhes bya ba de grub bo/ /
 gal te las gcig gis skye ba gcig 'phen no zhes bya ba de ltar nges pa yin na ni/ 'o na gnas brtan ma 'gags pa zhes bya ba dbyung ste/ de dang ji ltar mi 'gal zhes bya ba ni dag gi don to/ /bsgyur te zhes bya ba ni bsgrubs shing bsags zhes bya ba'i
 don to/ /de bsod snyoms de la brten te zhes rgyas par 'byung ste/ de nyid de'i phyir bsod snyoms gcig pa 'di'i rnam par smin pas zhes bya ba brjod de/ bsod snyoms ni sems ba de rnams kyi rten du bstan to/ /'di ltar mir mtshungs mod kyi/ kha cig dbang po tshang
 la kha cig dbang po ma tshang ste/ yongs su rdzogs par byed pa'i las mang ba'i phyir dang/ 'phen par byed pa'i las 'dra ba'i phyir ro/ /de lta ma yin na skye ba 'phangs na 'gal yang dbang po mtshang bar mi 'gyur ro/ /rnam par smin pa dang bcas pa gzhan yang yin no/
 zhes bya ba ni/ las dang 'bras bu'i gcig pa'i tshogs thams cad do/ /ci'i phyir zhe na/ lhan cig 'byung ba'i rgyu'i phyir ro/ /sems med snyoms bar 'jug pa dag /'phen byed ma yin zhes bya ba rgyas bar 'byung ste/ las dang lhan cig mi 'byung ba'i phyir ro/ /
 snyoms bar 'jug pa de gnyis ni sems ba zhes bya ba'i las dang lhan cig mi 'byung ste/ phan tshun 'gal ba'i phyir ro/ /lus dang ngag gi las dag dang yang ma yin te/ sems med pa'i phyir ro/ /rnam par smin pa dang bcas pa thob pa rnams kyis kyang
 ris mthun par mi byed de/ las bas 'bras bu mang ba'i phyir ro/ /gal te ri dang mthun pa 'phen bar byed ba'i las dang lhan cig 'byung mdo kyi/ de dang 'bras bu gcig pa ni ma yin pas de rnams kyis kyang mi 'phel te/ ji ltar de dag gi 'bras bu
 gcig ma yin pa de ltar ni mdzod kyi gnas gnyis par bshad zin to/ /sgrib pa gsum zhes bya ba la sogs pa 'byung ste/ las nyid sgrib pa yin bas na las kyi sgrib pa'o/ /nyon mongs pa dang rnam par smin pa'i sgrib pa yang de dang 'dra bar rig par bya'o
 de la drag po'i rgyun tu 'byung ba gang yin pa dang/ de la yang rgyun tu 'byung ba gang yin pa de ni rnam pa gnyis ka yang sgrib pa yin no/ /'phags pa'i lam la zhes bya ba ni yang dag pa'i lta ba la sogs pa la ste/ de dag yod na de mi skye pa'i phyir ro/ /'phags pa'i lam
 la sbyor bar byed pa zhes bya ba ni mi sdug ba dang/ dbugs dbyung ba dang rngubs pa dran pa dang/ dro bar 'gyur la sogs pa rnams so/ /ngan song la sogs pa nges par 'gyur ba zhes bya ba ni dmyal ba dang yi dags dang dud 'gror nges par 'gyur ba'o/ /sogs pa zhes bya ba'i
 sgras ni 'du shes med pa dang/ tshangs ba chen por nges par 'gyur ba'i las kyang bsdu la/ za ma dang ma ning dang mtshan gnyis bar 'gyur ba yang brjod par bya'o/ /sgo pa las skye bar 'gyur ba dang/ drod gsher las skye bar 'gyur ba dang/ bud med nyid du 'gyur ba dang/ srid pa brgyad
 par nges par 'gyur ba gzhan dang gzhan dag kyang zhes bya ba ni 'phags ba'i rgyud la sgo da las skyes pa dang/ drod gsher las skye ba dang/ bud med nyid rnam par mi smin pa yin gyi sgong las skyes pa la sogs pa rnams kyi bden ba mthong bar ni mi 'gal lo/ /bden pa mthong ba ni lha
 'am mi dag gi nang du srid pa brgyad par nyid mtshams sbyor ba yang ma yin no/ /bstan bar sla ba ni gzhan dag la'o/ /bdag par sla ba ni bdag nyid kyis te/ bdags par nus pa'i phyir ro/ /rnam pa gcig tu na bstan par sla zhing gdags bar sla zhes bya ba ni tshig phyi ma snga ma yi bshad
 par bstan to/ /bzhi dang zhes bya ba ni bzhis te/ mtshams med pa gsum gyi gzhi ni srog gcod pa'i las kyi lam yin no/ /bzhi ba'i gzhi ni brdzun du smra ba'o/ /lnga ba'i gzhi srog gcod par sbyor ba yin no/ /'bras bu ni 'bras bu ste/ mtshams med pa thams cad kyi 'bras bu ni yid
 bu mi 'od ba yin ba'i phyir ro/ /'gro ba ni 'gro ba ste/ de'i rnam par smin pa ni dmyal ba'i 'gro ba kho nar nyams su myong bar 'gyur ro/ /skye ba ni skye ba ste/ skyes pa'i mjug thogs kho nar myong bar 'gyur ba yin pa'i phyir ro/ /gang zag gi gang zag gi ste/ mngon sum du mthong ba'i
 tshul du 'di ni pha? gsod par byed pa yin no/ /'di ni ma gsod par byed pa yin no/ /zhes bya ba la sogs par ro/ /ngan song la soT par nges par 'gyur ba ni de ltar ma yin pas bshad do/ /nyon mongs pa dang las kyi sgrib pa gnyis kyis ni/ tshe phyi mar yang gsor
 mi rung bar 'gyur gyi/ rnam par smin pa'i sgrib pa'i sgrib pas ni ma yin no/ /phyi ma 'dran pa'i phyir ro/ /zhes bya ba ni/ bye brag tu smra ba rnams ni/ nyon mongs ba dag gi las 'dren la/ las kyi skye ba 'dren pa de'i phyir nyon mongs pa dang khas kyi sgrib pa dag kho na tha shal yin no zhes
 zer ro/ /dge sbyong gi tshul bzhin no zhes bya ba ni/ dge sbyong tshul ni dri med lam zhes 'byung bas ni zag pa med pa'i lam dang ldan pa'i phyir na de dge sbyong du 'gyur ba de bzhin du de yang ma gsod pa la sogs pa dang ldan pas dmyal bar skye bar 'gyur ba la bar med pa
 yin bsam gsod pa la sogs pa'i las la mtshams med pa zhes bya'o/ /byang gi sgra mi snyan dang zhes bya ba ni/ mtshams med pa med de/ rang bzhin bzang pa'i phyir dang/ tshe des pa'i phyir dang/ nga na bstan pa mad pa'i phyir ro/ /'go ba gzhan na yang med ces bya ba ni
 dmyal ba dang yi dags dang dud 'gro dag? na'o/ /khams gzhan lta smos kyang ci dgos zhes bya ba ni gzugs dang gzugs med pa'i khams na'o/ /za ma la sogs pa la mi 'dod do zhes bya ba ni/ za ma dang mnid? dang mtshan gnyis pa rnams la'o/ /sngom pa med pa'i gtan
 tshigs gang yin pa de nyid kyi phyir ro zhes bya ba ni/ ngo tsha shes pa dang/ khrel yod pa med pa dang/ lus zhing tshwi? sko can dang 'dra ba'o/ /gal te lus ma tshang ba'i rgyu yin pa'i phyir phan pa chung ba nyid yin na dmu long la sogs pa dag la yang mtshams med pa med par 'gyur ro/ /
 zhe na/ tha ma la sogs pa'i lus ni rtog pa dang 'gal ba'i phyir mtshang bar 'dod kyi/ gzhan du ni ma yin no/ /de nyid kyi phyir zhes bya ba ni yi dags dang dud 'gro rnams la yang phan pa dang ngo tsha chung ba'i phyir mi 'dod do/ /ji ltar phan pa chung ba nyid yin zhe na/ 'gro ba ngan pas
 sdud pa'i lus kyi rgyu yin pa'i phyir ro/ /rta cang shes bzhin no/ zhes bya ba ni rta kha cig cang shes yin pa'i phyir mal mi rgal lo/ /zhes grag go mi'i yang pham mi ma yin pa zhes bya ba ni phan pa dang ngo tsha chung ba nyid kyi phyir te/ mi ma yin pas ni mi dang mthun pa'i phan pa byed par mi nus
 la/ pha ma mi ma yin pa dag gi gan du mi la ngo tsha shes pa dang/ khrel yod pa shas chen po yang nas yang du gnas pa yang ma yin no/ /sgra mi snyan pa rnams dang/ 'du shes med pa'i sems can rnams ni bden pa dag mthong bar mi nus par rnam par smin pa'i sgrib pa yin no/ /
 de bzhin gshegs pa rnams ni nye bar mi rji ba'i chos can yin no zhes bya ba ni/ rang 'grongs pa'i phyir de dag la gzhan dag gi mi rji'o?/ /rgyu la 'bras bu btags pa zhes bya ba ni/ brdzun du smra ba dge 'dun gyi dbyen gyi rgyu yin te/ rgyu de la 'bras bu btags pa'i phyir dge 'dun
 gyi dben mtshams med par bshad do/ /'dis 'byed par byed pas na zhes bya ba 'dis ni 'di dngos kho na dge 'dun gyi dben yin no zhes ston to /de ji ltar mtshams med par 'gyur zhes bya ba'i mchams med pa ni mi dge ba yin la/ dge 'dun gyi dben ni ma bsgribs la lung du ma?
 bstan pa yin no snyam du sems ba'o/ /'byed pa po ni mtshams med pa dang ldan gyi/ 'byed pa po bye ba dang ni mi ldan pas dge 'dun gyi dben mtshams med pa ma yin no/ /bar gyi bskal pa zhes bya ba ni bskal ba chen po ma yin te/ 'dod pa'i khams na tsho'i tshad de tsam
 med pa'i phyir ro/ /yang gang gi mtshams med pa mang po byas pa yin la zhes bya ba rgyas par 'byung ba ni/ dang po kho nas/ dmyal ba dag tu skye ba 'phangs pas ji ltar gzhan dag don med par mi 'gyur snyam du bsam pa'o/ /don med pa med pa ste/ gang gi phyir gcig gis
 skye ba 'phangs pa las lhag pas gnod pa lhag par 'gyur chen po zhes bya ba ni ches che pa'o/ /khyim pa yang ma yin la dge slong ma la sogs pa yang ma yin no/ /zhes bya ba ni de dag gi lus mi mnyan pa'i phyir ro/ /de yang lta ba spyod pa kho nas zhes bya ba ni sdig pa'i bsam
 pa bstan pa dang 'khyud pa can yin pa'i phyir ro/ /sred pa spyad pas ni ma yin no/ /zhes bya ba ni kun nas nyon mongs pa dang rnam par byad ba'i phyogs dag la bsam pa mi bstan pa'i phyir ro/ /bzod par dka' ba'i phyir zhes bya ba ni zil gyis mnan par dka' ba'i
 phyir ro/ /chos mngon sum du gyur pa'i phyir ro/ /zhes bya ba ni lung dang rtogs pa'i chos dag mngon sum du byas pa'i phyir dang/ dad pa mi byed pa dang ldan pa'i phyir ro/ bzod pa thob pa rnams ni ma yin no zhes bya ba ni bzod pa chen po thob pa rnams te/ mthong ba'i lam nye zhing nges pa
 la mngon sum du phyogs pa'i phyir ro/ /lam 'jug pa'i bgegs su gyur pa'i phyir zhes bya ba ni dge 'dun bye la lam 'jug pa'i bgegs nyid du 'gyur te/ dam pa me yin pa'i lam gzhan zhugs pas dam bar gyur ba'i lam 'jug pa'i bgegs byas pa'i phyir segs
 nyid du 'gyur ro/ zhes bya ba'i tha tshig go /lhas byin gyis ni nges bar 'byung bar bya ba'i phyir lam bzhi lnga pa bstan te/ 'o ma mi spyad pa dang/ sha spang ba dang/ lan tshwa nye bar longs mi spyad pa dang/ gos ma drangs pa bgos ba dang/ gong gi nang gi gtsug lag khang du
 'dug pa'o/ /gling gzhan na ni med do zhes bya ba ni/ sangs rgyas 'byung ba'i sa nges pa yin pa'i phyir te/ gang na ston pa bzhugs pa de na ston pa'i 'gran zla gnas kyi gzhan du ni ma yin no/ /gdon mi za bar dge 'dun phyogs gnyis su gnas bar 'gyur ba zhes bya ba
 la 'dir bzhi sde la dge 'dun du mngon par 'dod do/ /brgyad ngag dang lhag pa dag gis kyang yin te/ 'byed pa po med pa'i phyir ro/ /dang po zhes bya ba ni de'i tshe sngar med ba'i chos 'byung ba la dga' ba dang rab tu dga' ba skye bas thams cad bsam pa/ dge ba'i phyir
 sha gcig pa yin no/ /mthar yang ston pa dang bral bar 'gyur ro snyam ste/ skyo ba'i phyir sha gcig pa yin no/ /sha gcig ces bya ba na blo gcig cing mi mthun pa med pa ces bya ba'i don te/ dge 'dun mthun pa na sangs rgyas rnams yongs su mya ngan las
 'das bas so/ /bar du yang skyon ma byung ba'i snga rol tu zhes bya ba ni lta ba dang tshul khrims rnam par 'gyur ba dmigs pas byed pa po'i tshig gi glags yod par 'gyur ro/ /de la lta ba'i skyon no ji skad du bdag gis bcom ldan 'das kyis bshad pa'i don 'tshal ba lta na
 bcom ldan 'das kyis gang zhig bar du gcod ba'i chos su bka' stsal pa de dag ni bsten na bar du gcod par bgyid par mi 'gyur lags so/ /zhes bya ba dang de bzhin du sems de nyid kun tu ?? 'khor bar 'gyur lags so/ /zhes bya ba la sogs pa bshad pa lta bu'o
 tshul khrims kyi skyon ni 'chal ba'i tshul khrims so/ /des skyis sdum par 'gyur ba'i phyir ro/ /zhes bya ba ni nyan thos jud? des so/ /sangs rgyas thams cad la nyan thos zung gdon mi za bar med de/ rdzu 'phrul dang gis rab dang ldan pa rnams kyi mchog go /'gran
 zla med pa'i phyir ro/ zhes bya ba ni bcom ldan 'das yongs su mya ngan las 'das na byed pa po de'i 'gran zlar gyur pa med do/ /mtshams ma bcad pa dag tu yang zhes bya ba ni dkyil 'khor gyi mtshams te/ mtshams gcig gi nang du las tha dad pa byed pas ni dge
 'dun rnam pa gnyis su 'gyur ro/ /las la rag las pa'i phyir zhes bya ba ni gang gi slob ma dbye bar 'gyur ba'i las byas pa de kho na'i dbye bar 'gyur gyi gzhan du ni ma yin no/ /bcom ldan 'das shAkya thub pas kyang byang chub sems dpar gyur pa na/ drang srong
 mngon par shes pa lnga dang ldan pa zhig gi 'khor phye ste/ des na 'di'i dge 'dun lhas byin gyi phye'o zhes grag go/ phan 'dogs pa dang yon tan zhing/ /spang dang me dang byas phyir ro/ /zhes bya ba la shin tu phan 'dogs pa spang ba'i sgo nas mtshams med bar
 'gyur ro/ /'o na tha dad ma gang dag lto na gnas pa nyid gsod par zhugs pa dang/ skyes ma thag tu khyi dang lce sbyang dkrigs pa'i lam po cher 'bor ba de dag ji ltar phan 'dogs nyid yid zhe na/ de'i phyir de las lus skyes ba'i phyir ro zhes bya ba smos so/ /spangs
 pa zhes bya ba yongs su bor ba ste/ bsad ces bya ba ni rnam grangs so/ /yon tan gyi zhing yin pa'i phyir zhes bya ba ni/ yon tan gyi rten yin pa'i phyir zhes bya ba'i tha tshig go/ yang na zhing dang 'dra bas na zhing ste/ dper na zhing bzang po la sa bon btab na
 'bras bu mang por 'gyur ba de bzhin du 'di la bsod nams kyis sa bon gyi sa bon btab na 'bras bu mang por 'gyur gyi gzhan ni ma yin no/ /lus gcig pa de la ni zhes bya ba ni rten gcig ba'i phyir skyes pa gzhan dgag pa smras ba'o/ /de ni nu zho ldud pa zhes bya ba ni
 nu ma bsnun bar byed ces bya ba'i don gang yin pa'o/ /gso bar byed pa ni zas rags pa la sogs pa la goms par byed pa'o/ /skyed par byed pa ni khrus dang lus ma nye ba dang yang ba yongs su spong bar byed ba'o/ /mi ma yin pa la sbyor ba byas zhes bya ba ni ma nor ba zhes
 bya ba'i mtshan nyid kyi phyir ro/ /rdul phra rabs bsags pa'i phyir rnam par rig byed kyang rnam pa gnyis so/ /zhes bya ba ni rdul phra rabs rnams mang ba'i phyir na kha cig ni 'dir mtshams med pas bsdus pa yin la/ kha cig ni srog gcod pa/ cig shos kyis
 bsdus pa'o/ /sod la skra can khyod kyis zhes bya ba ni grong khyer du ru ka zhes par rgyal po skra can gyis rang gi ba dgra bcom pa gsad de/ des na 'di skad du sod la skra can khyod kyis zhes bya ba la sogs pa smras so/ /rgyu gnyis kyis zhes bya ba ni pha gnyis dang
 dgra bcom pa nyid kyi rgyu gnyis mtshams med pa de byas pa'o/ /yang na sgo gnyis nas zhes bya ba ni pha gnyis kyi sgo dang dgra bcom pa nyid kyi sgo nas brgyad ces bya ba'i tha tshig go /sangs rgyas brdeg par sems la min zhes bya ba ni/ brdeg par sems pa yang
 na sem ma yin mod kyi yongs su 'khor ba'i sems pa med pa'i phyir mtshams med par mi rung ngo/ /mtshams med sbyor ba byas pa la/ /'dod chags bral 'bras mi srid do zhes bya ba ni sems ma bzlog par te/ de nyid kyi phyir de mtshams med pa nyid du mi
 'grub bo/ /rten de dang shin tu 'gal ba'i phyir ro zhes bya ba ni bden pa mthong ba ni las kyi lam gyis bsdus pa'i kha na ma tho bas reg par mi 'gyur ro/ /yang ci gang gis na de yang ma zlog par zhes de skad du brjod pa mtshams med pa'i sbyor ba yang zlog gam zhe na/ bye
 brag tu smra ba rnams na re/ zlog ste sor mo'i 'phreng ba can bzhin no zhes zer ro/ /chos dang chos ma yin pa shes bzhin du zhes bya ba la/ gang zhig 'di ni legs par bshad pa yin gyi mu stegs pa rnams kyis ni ma yin no/ /snyam du de bzhin gshegs pa'i chos
 shes pa ni ma yin par shes pa'o/ /log par ston pa'i phyir zhes bya ba la/ legs par bshad pa la nyes par bshad pa ston pa'i phyir la nyes par bshad pa la la legs par bshad par ston pa'i phyir log par ston pa'o/ bde la rnam pa gzhan du bstan pas
 ni brdzun smra bar 'gyur gyi dge 'dun gyi dbyen ni ma yin no/ 'di ltar dge 'dun bye na so so'i skye bo rnams nges pa la mi 'dug go /des pa la zhugs pa rnams kyi 'bras bu gzhan mi 'thob bo/ /'bras bu thob pa rnams kyis 'dod chags dang bral ba mi 'thob ba/ /'dod chags
 dang bral ba rnams kyi zag pa zad pa la bgegs su 'gyur te/ mdor bsdu na khams gsum du chos kyi 'khor lo'i bgegs su 'gyur ro/ /go rims bzhin du lnga pa dang zhes bya ba rgyas par 'byung ngo/ /mtshams med pa rnams kyis go rims ni 'di yin te/ ma
 gsod pa dang/ pha gsod pa dang/ dgra bcom pa gsod pa dang/ dge 'dun gyi dbyen byed ba dang/ de bzhin gshegs pa la ngan sems kyi khrag 'byin pa zhes bya'o/ /lnga pa ni ngan sems kyi brag 'byin pa ste/ de ni dge 'dun gyi dben byed pa ma gtogs pa lhag
 ma bzhi bas ches lci'o/ /gsum pa dgra bcom pa gsod pa ste/ de ni ma dang pha gsod pas ches lci'o/ /dang po ni ma? gsod pa ste/ de ni pa gsod pa bas ches lce'o/ /des na pha gsod pa ni thams cad kyi nang na yod pa yin no zhes bshad do/ /mtshams med
 pa rnams nges par mdzad nas ni zhes bya ba ni nges par bzung nas zhes bya ba'i tha tshig go /rnam par smin pa rgya che ba zhes bya ba ni dge 'dun dbye ba'i phyir brdzun smra ba las gzhan ba'i las kyi rnam par smin pa bskal bar ma ma yin zhing mnar
 med pa kho nar yang ma yin pas dge 'dun gyi dbyen gyis brdzun smra ba kho na'i rnam par smin pa rgya che'i/ gzhan gyis ni ma yin no/ /skye bo phal po che 'chi ba zhes bya ba ni/ drang srong rnams kyi yid 'khrug pa tsam gyis dan dka' i dgon pa la sogs pa stong
 par gyur pa'i phyir te/ lus kyi las sam dag gi las kyis ni de ltar skye bo'i tshogs phal po che 'chi? bar mi 'gyur ro/ /dge ba'i rtsa ba kun tu spyod pa'i dbang du mdzad nas zhes bya ba ni mi dge ba gzhan gyis ni de ltar dge ba'i rtsa ba dag kun tu mi spyod de/
 kun tu spyod pa tsam dang 'gal ba'i phyir ro/ /rdo rje lta bu'i ting nge 'dzin gyi sems pa zhes bya ba ni/ srid pa'i rtse mo las 'dod chags dang bral ba'i bar chang med pa'i lam dang mtshungs par ldan pa'o/ /kun tu sbyor ba thams cad gtan du gtugs pa'i 'bras
 bu yin pa'i phyir ro/ /zhes bya ba la/ kun tu sbyor ba gtugs pa ni spangs pa'o/ /bar chad med pa kho nar ni ma yin no/ /zhes bya ba 'byung ste/ de nyid kyi phyir de dang 'dra bas cha 'dra ba rnams shes bya ste/ de lta ma yin na ni/ mtshams med pa dag kho nar
 'gyur ro/ /ma dgra bcom pa bsrun byas dang zhes bya ba 'di ni/ ma bsad pa dang 'dra ba yin no/ /des pa la gnas pa'i byang chub sems dpa' gsad pa ni pha bsad pa dang 'dra ba yin no/ /slob pa bsad pa ni dgra bcom pa bsad pa dang 'dra ba yin
 no/ /dge 'dun gyi 'du ba'i sgo 'phrog pa ni/ dge 'dun gyi dbyen dang 'dra ba yin te/ dge 'dun gyi 'du ba'i sgo ni nar? ma la sogs pa'o/ /zhal du 'du ba'i sgo 'phrog pa zhes bya ba ni/ gang gi dge 'dun 'tsho bar byed pa zhal du gsal ba gang yin pa de
 'phreg par byed pa'o/ /mchod rten 'jog ba ni de bzhin gshegs pa la ngan sems kyi khrag 'byin pa dang 'brad?/ /rtse ma las bzod pa thob pa la zhes bya ba ni/ rtse mo'i mjug thogs su bzod pa'i tshe slar yang/ bden pa dag la rna ba gtod pa la zhes bya ba'i don to/ /nyon mongs pa rnams kyang?
 gnas skabs 'di dag tu gegs bya ba'i phyir nye bar gnas mod kyi/ 'dis na las kyi gnas skabs yin pas ma bshad do/ /de'i rnam par smin pa'i sa las 'da' ba' i phyir zhes bya ba ni/ bzod thob ngan song mi 'gro'o zhes 'chad par 'gyur ro/ /de bzhin zhes bya ba ni de'i
 rnam par smin pa'i sa las 'da' ? ba'i phyir ro/ /mthong ba'i chos la myong bar 'gyur ba'i las dang/ myong bar 'gyur bas mnges pa'i rnam par smin pa ma nges pa ma gtogs so/ /gang nas byang chub sems dpa' yin zhes bya ba ni/ gang zhig gsod pa'i las pha bsad pa'i mtshams
 med pa dang 'dra bar 'gyur snyams du dgongs so/ /gang nas mtshan gyi las byed pa zhes bya ba la/ ye shes la 'jug pa las/ gang nas bzung nas byang chub sems dpar brjod cing/ las gang ldan pas byang chub sems dpar 'gyur bshad pa/ gang nas bzung nas mtshan
 gyi rnam par smin pa can gyi las dag byed pa dang/ mtshan gyi rnam par smin pa can gyi las dang ldan pas byang chub sems dpar 'gyur ro zhes gsungs so/ /byang chub kyi sems phyir sems pa 'am/ byang chub tu smon lan btab pa'i sems dpa' ni/ byang chub sems dpa' o/ /
 nges par rtogs pa yin no zhes bya ba ni phyir mi ldog pa ste/ byang chub la nges par gzhol zhes bya ba'i tha tshig go /rigs shing sA la chen po lta bur skyes zhes bya ba 'di ni rgyal rigs la sogs pa dag re re dang sbyar bar bya'o/ /shing sA la chen po dang 'dra ba ni shing sA la chen po
 lta bu ste/ dper na shing rnams las shing sA la chen po mtho ba nyid yin pa de bzhin du rigs ches mthe bar skyes pa'i phyir te/ khyim bdag chen ngo zhes bya ba'i tha tshig go/ brnyas gnod zhes bya ba ni/ brnyas pa mngon du btang ba'i mtho mtshams pa'o/ /mnags pa zhes bya
 ba 'byung ste/ brtan pa rnams ni lus dang srog la mi lta bar gnas steng ba la nags kyi me 'bar ba'i tshogs kyi tshig pa lta bu sdug bsngal drag po'i me 'bar bas reg pa la rtsis med par bya ste/ sems can gyi don nyams su len pa yin te/ ma da ra'i gling? du 'gro ba la
 sogs pa zhig go /sangs rgyas la dmigs pa'i sems pa kho nas zhes bya ba ni mngon sum mam lkog tu gyur bla ste/ skyon bzhi bo 'di dag gi zlog par byed la zhes bya ba ni/ ngan 'gro'i skyon dang/ rigs dma' ba nyid kyi skyon dang/ dbang po ma tshad pa nyid kyi skyon dang/ /bud med kyi dngos
 po'i skyon no/ /yon tan gnyis ni thob bo zhes bya ba ni/ tshe rabs dran pa nyid dang/ phyir mi ldog nyid do/ /re re'ang bsod nams brgya bas skyes zhes bya ba 'byung ste/ 'dir sems dpa' brgyar bsod nams brgya zhes bya ba ming thob ste/ dang po'i sems ba lnga bcu 'phen cing mngon
 du gyur la/ de'i mjug tu yang rdzogs pa byed pa lnga bcu mngon du 'gyur ro/ /de dag kyang gang zhe na/ kha cig na re de las kyi lam bcu'i rten can dag yin te/ las kyi lam re re la lnga lnga 'di lta ste/ srog gcod pa spong ba'i sems pa dang/ de la 'god pa'i sems pa dang/ de'i
 bsngags pa brjod pa'i sems pa dang/ de'i rjes su yi rang ba'i sems pa dang/ sangs rgyas nyid yongs su sngo bas yongs su bsngo ba'i sems pa ste/ log par lta ba spong ba'i sems pa'i bar la yang de dang 'dra ba brjod par bya la/ lan gnyis mngon du gyur pas sems
 pa brgyad 'gyur ro zhes zer ro/ /gzhan dag na re/ sangs rgyas bcom ldan 'das ni rgyu lngas srog gcod pa spong ba dang ldan te/ rgyu lnga ni las kyi lam dngos yongs su dag pa dang/ nyer bsngogs yongs su dag pa dang/ rnam par rtog pas ma smras pa dang/ dran pas yongs
 su zin pa nyid dang/ mya ngan las 'das bar yongs su bsngo ba nyid do/ /de la dmigs pa'i sems pa yang lnga lnga 'byung ngo/ /las kyi lam bcu char la dmigs pa de dang 'dra ste/ sems pa lnga phrag bcu yin no/ /yang ji ltar bcom ldan
 'das de dge ba'i las kyi lam ma 'dres pa bcu las nges bar skye ba ltar bdag kyang de dang 'dra bar shog cig /snyam du de dag la lan gnyis su mngon du gyur bas sems brgyar 'gyur ba min no zhes zer ro/ /gzhan dag na re sangs rgyas rnams kyi sku ni rnam ba gnyis te/ skye ba'i
 sku dang chos kyi sku'o/ /de la skye ba'i sku ni skyes bu chen po'i mtshan sum cu rtsa gnyis kyi mtshan nyid do/ /chos kyi sku ni sangs rgyas kyi chos la 'dres pa bco brgyad do/ /de la sangs rgyas la dmigs pa'i yid la byed pa mngon du gyur pa las sems pa lnga bcu 'byung la/ bdag
 kyang 'di 'dra bar gyur cig snyam pa'i las kyang gzhan lnga bcu 'byung ste/ de ltar na bsod nams brgya min no zhes zer ro/ /gzhan dag na re 'dod pa'i khams gnas nyi shu dang/ gzugs kyi khams bcu drug dang/ gzugs med pa bzhi dang/ grang ba'i dmyal ba brgyad de/ de ltar
 na khams gsum pa ril ni gnas khyad par bzhi bcu rtsa brgyad yin la/ de la dmigs pa'i byang chub sems dpa' la/ snying rje'i sems skye ste/ de'i phyir de dang ma tshungs par ldan pa'i sems pa bzhi cu rtsa brgyad 'byung ngo/ /de'i rjes la ji ltar 'di khams gsum pa 'di la
 sems can dag dkrol ba ltar snyam pa de lta bu'i sems sangs rgyas la dmigs pa'i sems pa 'byung ngo/ /de'i rjes la bdag kyang de dang 'dra bar 'grol bar byed pa gyur cig snyam pa bdag la dmigs pa'i sems pa gnyis pa 'byung bas sems pa lnga bcu 'byung ngo/ /
 yang de dag lan gnyis mngon du gyur pas sems pa brgyar 'gyur ba yin no zhes zer ro/ /de ltar na bsod nams brgya las skyes pa yin no/ /byang chub sems dpa' nye ba ni 'phen pa'i mtshan nyid can no/ /gal te de bzhin gshegs pa rnam par gzigs kyi tshe bskal pa
 grangs med pa gsum pa yongs su rdzogs na ci'i phyir gtsug tor can dang/ thams cad sgyob? dang/ 'khor ba 'jig dang/ gseng thub dang/ 'od srungs rnams kyi bar du gcad kyi/ de ma thag kho na mngon par rdzogs par sangs ma rgyas zhes bya ba 'di brjod par bya ste/ tshogs
 yongs su rdzogs pa ni bzhes par mi rigs so zhe na/ yongs su rdzogs mod kyi/ rnam pa thams cad du tshogs yongs su rdzogs pa ni ma yin no/ /grangs med par rdzogs kyi rnam pa thams cad du tshogs yongs su rdzogs pa ni ma yin te/ de ltar na 'od srungs mngon
 bar rdzogs par sangs rgyas pa'i tshe tshangs par spyod pa shin tu spyad nas dga' ldan gyi lha'i rigs su slar 'khrungs so zhes bya ba'i mdo 'di yang tshad mar gyur pa yin no/ /gang la bcom ldan 'das byang chub sems dpar gyur pa'i tshe zhes bya ba rgyas par 'byung ba ni/ rdza mkhan gyi bu
 snang byed ces bya bar gyur pas/ chu 'jam bo dang sku mnye dang/ zha 'bring la sogs pa dag gi rim gro byas nas dang por smon lam btab bo/ /kun la thams cad ces bya ba la/ byang chub sems dpa' ni thog mar thams cad sbyin par mi nus la/ thams cad la yang ma yin zhing/
 snying rje nyid kyis kyang ma yin no/ /de'i 'og tu ni goms pa'i shugs dang/ snying rje che ba thams cad la sbyin par byed kyi/ thams cad ni ma yin no/ /gang gi tshe thams cad la thams cad snying rje sbyin par byed pa'i tshe/ de tsam gyis sbyin pa'i pha rol tu phyin pa yongs su rdzogs par 'gyur ro/
 de'i tshe 'di'i tshul khrims kyi pha rol tu phyin pa dang/ bzod pa'i pha rol tu phyin pa yongs su rdzogs pa yin no zhes bya ba ni 'khrug pa ma skyes pa'i phyir bzod pa'i pha rol tu phyin pa yongs su rdzogs pa yin la/ gzhan la gnod par byed pa'i lus dang ngag gi las mi 'jug pa'i phyir
 tshul khrims kyi pha rol tu phyin pa yongs su rdzogs pa yin no/ /skyes bu khyu mchog ces bya ba ni skyes bu'i gtso bo'o/ /de lta bu'i sangs rgyas gnyis pa med pas khyod 'dra ba'i dge sbyong chen po gzhan dag ces bya ba 'byung ngo/ /nyan thos la sogs pa dag kyang dge sbyong yin
 pas de dgag pa'i phyir dge sbyong chen po zhes bya ba smos so/ /lha yul sa la med ces bya ba rgyas par 'byung ba la/ lha yul sa zhes bya ba ni bstan pa'i tshig gi tshul du bshad pa yin no/ /'jig rten 'di na yang yod pa ma yin rnam thos bu'i gnas na'ang yod pa ma yin/ lha'i
 pho brang gnas chog/ dag na'ang yod min zhes bya ba ni nge gsal par bya ba'i phyir bstan pa'i tshig dag yin te/ 'jig rten 'di na zhes bya ba ni mi'i 'jig rten na'o/ /rnam thos bu'i gnas na zhes bya ba na rgyal po chen po bzhi'i gnas na'o/ /lha'i pho brang zhes bya ba ni lha'i gnas te/ sum cu rtsa gsum
 pa'i gnas na zhes bya ba'i don to/ /gnas mchog dag na zhes bya ba ni thab bral la sogs pa'i gnas dag na'o/ /'jig rten gyi khams gzhan dag na yang khyod 'dra ba med par shes par bya ba'i phyir phyogs dang phyogs mtshams dag na med ces bya ba smos so/ /'on te yid mi ches
 na 'ga' zhig gis ri rnams dang nags dag tu bcas pa'i sa stengs brgyas pa sems can mang po gnas pa 'di kun tu nyul cig /bdag nyid chol cig ces bya bar bsam pa yin no/ /gal te yang byang chub sems dpa' nye bas ming gi tshogs la sogs pa sna tshogs dag gi bstong
 bar byed par nus mod kyi/ de ltar na yang byang chub sems dpa' rnam par g.yeng ba la 'jigs pa yid kyi rgyun g.yeng bar ma byas so/ /bskal pa dgu yang bsdums so zhes bya ba ni brtson 'grus brtsams pa cig gi bskal pa dgu cu rtsa gcig gi /brtson 'grus kyi pha rol tu phyin pa yongs
 su rdzogs pa'i phyir ro/ /byang chub pa'i sdon rol gyi de ma thag ces bya ba ni rdo rje lta bu'i ting nge 'dzin gyi tshe de/ de ma thag ni rnam pa gnyis te/ de'i phyir sngon rol smos pa ni 'og rol gyi de ma thag pa las khyad par du byed pa'o/ /ci'i phyir sdon rol gyi de ma thag pa smos she na/ pha rol tu
 phyin pa yongs su rdzogs pas byang chub pa'i phyir ro/ /ci rigs par zhes bya ba la/ la la ni bsod nams kyang yin/ gzhi yang yin/ la la ni bsod nams kyang yin bya ba yang yin/ la la ni bsod nams kho na yin pas so/ /ji ltar zhe na/ dper na zhes bya ba rgyas par smos
 te/ srog gcod pa la sogs pa las kyi lam bdun po de dag ni las kyi rab bzhin yin pa'i phyir dang/ de dag la brten nas de dag kun nas slong bar byed pa'i sems la 'jug pa'i phyir las kyang yin lam yang yin/ brnab sems la sogs pa gsum ni las kyi lam kho
 na yin no/ /las gang zhe na/ sems dpa' zhes bya ba'i ste/ de dag dang mtshungs par ldan pa'i sems pa ni/ de dag gi rgyu bas rgyu zhes bya ba la sogs par las kyi lam bshad pa de bzhin no/ /lus dang ngag gi las ni gsum char yin no zhes bya ba 'byung ste/
 ji ltar zhe na/ re shig sbyin pa ni/ lus dang ngag las kun slong dang bcas zhes 'chang par 'gyur ro/ /de la lus dang ngag gi las gang yin pa de ni rnam pa gsum char yin te/ dge ba yin pa'i phyir bsod nams kyang yin la/ las kyi rang bzhin yin pa'i phyir bya ba yang
 yin no/ /de kun nas slong bar byed pa'i sems pa'i rten yin pa'i phyir gzhi yang yin no/ /de kun nas slong bar byed pa'i sems pa gang yin pa de ni dge ba yin pa'i phyir dang las kyi bdag nyid yin pa'i phyir bsod nams kyang yin la bya ba yang yin no/ /de dang lhan
 cig 'byung ba'i chos gzhan ni dga' ba yin pa'i phyir bsod nams kho na yin no/ /tshul khrims las byung ba ni lus dang ngag gi las kho na yin bas rnam pa gsum char yin te/ dge ba yin pa'i phyir dang las kyi bdag nyid yin pa'i phyir bsod nams kyang yin la bya ba yang
 yin no/ /de kun nas slong bar byed pa'i sems pa'i rten yin pa'i phyir bzhi yang yin no/ /bsgom pa las byung ba'i byams pa ni bsod nams kyang yin la/ bsod nams bya ba'i gzhi yang yin te/ de dang mtshungs par ldan pa'i sems pa ni byams pa'i brten gyi mngon par 'du byed pa'i phyir ro/ /byams pa dang lhan cig 'byung ba'i sems pa dang/ bsam gtan gyi sdom pa ni bsod nams kyang yin la bya ba yang yin no/ /de dang lhan cig 'byung ba gzhan ni bsod nams kho na yin no/ /yang na bsod nams byed pa ni bsod nams bya ba'o
 de yang gang zhe na/ sbyor ba'o zhes bya ba smos so/ /'di dag ni de'i gzhi yin no zhes bya ba ni/ sbyin pa la sogs pa gsum po 'di dag ni bsod nams kyi bya ba de'i gzhi yin no/ /yang ci'i phyir 'di dag gzhi zhes bya zhe na/ de'i phyir 'di dag bsgrub pa'i ched du zhes bya ba la
 sogs pa smos te/ spyin pa la sogs pa 'di dag bskyed pa'i don du bsod nams kyi sbyor ba brtsom pa'i phyir ro/ /'di ltar gang la la bsod nams kyi ched de/ chos kyi don du sbyor ba brtsom pa de ni sbyin pa byin par byed/ tshul khrims bsrung bar byed/ sgom pa la yang rab tu spyor ro/ /
 sbyin pa zhes bya ba ni ci zhig/ ci gang sbyin par bya ba yin nam/ 'on te gang gi sbyin par byed pa yin zhe na/ dmigs pa yin pa'i phyir gang sbyin par bya ba de yang sbyin pa yin mod kyi/ khyad par du ni gang gis sbyin par byed de sbyin pa yin gyi gang sbyin par bya ba gos la sogs pa nim
 yin te/ de ni lung du ma bstan pa yin pa'i phyir dang/ sbyin pa po'i rgyud la tha dad pa'i phyir ro/ /'dod chags la sogs pas kyang sbyin par byed med kyi zhes bya ba la sogs pa zhes bya ba'i sgras ni khro ba dang/ phrag dogs dang/ nga rgyal dang/ 'gran pa la sogs pa bsdu'o/ /mchod
 dang phan 'dogs 'dod pa yi zhes bya ba ni/ yongs su mya ngan las 'das pa dag la mchod par 'dod pas sbyin par byed la/ de las gzhan pa rnams la ni dbang po'i 'byung ba chen po la phan gdags par 'dod pas so/ /tshogs gang gis zhes bya ba ni/ sems dang sems
 las byung ba'i tshogs kyis so/ /byung ba 'di rang bzhin yin par rigs par bya ste/ zhes bya ba ni/ dper na dang thaT las byung ba'i khur pa zhes bya ba lta bur rnam par 'gyur ba la sogs pa dag ma yin pa'o/ /bdag gzhan don phyir gnyis don phyir zhes bya brgyas par
 'byung ngo/ /don gnyis mthong nas sbyin par byin par byed de/ bdag nyid kyi dge ba'i las bsags pa'i phyir dang/ len pa po'i dbang po'i 'byung ba chen po la phan gdags par bya ba'i phyir ro/ /sbyin pa po yang rnam pa gnyis te/ nyon mongs pa dang bcas pa
 dang/ nyon mongs pa med pa'o/ /nyon mongs pa dang bcas pa la gnyis te/ 'dod pa las 'dod chags dang bral ba dang/ 'dod chags dang ma bral ba'o/ /'dod chags dang bral ba yang gnyis te/ 'phags pa dang so so'i skye bo'o/ /'dod chags dang ma bral
 ba yang de dang 'dra bar rnam pa gnyis yin no/ /de la 'phags pa 'dod chags dang ma bral ba 'am/ so so'i skye bo 'dod chags dang bral bas mchod la sbyin par byin par byed pa gang yin pa da ni bdag nyid kho na'i don gyi phyir yin no/ /des ni dge ba'i rtsa
 ba rnam pa gnyis bsags par 'gyur te/ 'bras bu longs spyod chen po can dang/ don gyi mchog thob pa'i tshogs su gyur pa'o/ /'phags pa 'dod chags dang bral bas sems can pha rol dag la sbyin par byed pa zhes bya ba la/ de'i rnam par smin pa'i sa las 'das
 pa'i phyir/ 'phags pa 'dod chags dang bral ba la ni 'bras bu longs spyod chen po can med kyi/ len pa po la ni de'i sgo nas 'byung ba chen pa rgyas pa yod pas gzhan gyi don gyi phyir yin gyi/ rang gi don ni 'ga' yang med do/ /'phags pa 'dod chags dang ma bral
 ba 'am/ so so'i skye bo 'dod chags dang bral bas sems can pha rol po dag la sbyin par byed pa gang yin pa de gnyi ga'i don gyi yin te/ sbyin bdag gi dge ba'i rtsa ba bsags pa'i don dang/ len pa pa'i dbang pa'i 'byung ba chen po la phan 'dogs pa'i
 don to/ /'phags pa 'dod chags dang bral bas mchod rten la 'bul bar byed pa zhes bya ba la/ sbyin pa ni mthong ba'i chos la myong par 'gyur ba ma gtogs par gnyi ga'i don gyi phyir yang ma yin te/ mchod rten la sogs pa rnams la dbang po'i 'byung ba
 chen po la phan gdags pa med pa'i phyir dang/ de'i rnam par smin pa'i sa la shin tu yang dag par 'das pa'i phyir ro/ /sbyin pa'i rnam par smin pa'i sa ni/ 'dod pa'i khams yin na/ 'phags pa'i 'dod chags dang bral ba ni 'dod pa'i khams las shin
 tu yang dag par 'das pa yin na/ de'i phyir gnyi ga'i don gyi phyir ma yin no/ /thos pa la sogs pa'i yon tan dang ldan pa zhes bya ba la sogs pas zhes bya ba'i sgras ni shes rab dang 'dod chen chung ba la sogs pa bsdu'o/ /sbyin pa po la la ni rgyu dang 'bras
 bu'i 'brel pa gtan la ma phebs par sbyin par byed/ la la ni the tshom za ba 'am/ 'dod rgyal du sbyin par byed/ la la ni tshul khrims dang ldan par 'gyur te sbyin par byed/ la la ni tshul khrims 'chal bzhin du sbyin par byed/ la la ni de bzhin gshegs pa'i gsung rab mang
 du thos nas sbyin par byed/ kha cig ni thos pa chung bzhin du sbyin par byed ces bya ba de lta bu la sogs pa ste/ de ltar na sbyin bdag dad pa dang/ tshul khrims dang thos pa la sogs pas khyad par du 'phags pa de'i sbyin pa ni sbyin bdag gi khyad par gyis 'bras bu
 sbyin pa la khyad par du 'phags par 'gyur ro/ /sbyin bdag de lta bu de ni/ gus pa la sogs pas sbyin par byed ces bya ba 'dis ni sbyor ba'i khyad par las kyang 'bras bu khyad par du 'phags par 'gyur ro/ /khyad par gzhir 'gyur te/ zhes bya ba la/ gus par
 sbyin pa ni bkur sti rnyed par 'gyur ro/ /rang gi lag gi sbyin pas longs spyod rgya chen po la dang pa rnyed par 'gyur ro/ /dus su sbyin pa ni gang gi tshe longs spyod longs spyad par nus shing dus las ma yol bar dus su rnyed par 'gyur ro/ /gzhan la mi gnod par
 spyin pas ni longs spyod rgyal po dang/ rkun po dang sha 'khon can dang/ me dang chu dag gis bar chad med par rnyed par 'gyur ro/ /ji ltar sbyin bdag khyad par du 'phags pa yin pa dang zhes bya ba rgyas par 'byung ste/ 'dir sbyin bdag dang pa la sogs pa dag
 gis dad pa med pa dag las khyad par du 'phags pa de bzhin du/ gus par byas nas sbyin pa la sogs pas kyang ma gus pa la sogs pa dag la sbyin bdag khyad par du 'phags so/ /dus su reg na bde ba'i lus su 'gyur ro zhes bya ba ni grang ba'i tshe ni dro la/ dre ba'i tshe
 ni grang zhing/ tha mal pa'i tshe ni tha mal par 'dug pa'o/ /'gro bas zhing khyad par du 'phags par 'gyur te/ yon tan gyis ni ma yin te/ tshul khrims 'chal par gyur pa'i mi la/ zhes 'byung ba'i phyir ro/ /de ni gang gis na rnam par smin pa stong 'gyur du 'gyur ba
 ma gtogs par khyad par gzhan yod pa ma yin no/ /gzhan la yang de bzhin du brjod par bya'o/ /'di ltar rdzas las byung ba'i zhes bya ba rgyas par 'byung ste/ 'dir ni len pa po sdug bsngal gyis zil gyis mnan pas rtag tu skyo ba nyid kyis dge ba'i chos kyi snod
 yin pa'i phyir/ sbyin bdag gi 'bras bu khyad par dung bags par 'gyur ro/ /de lta bu la sogs pa zhes bya ba'i sgras ni rgyun du zhugs pa'i 'bras bu la zhugs pa la sbyin pa sbyin na rnam par smin pa'i gzhal du med do zhes bya ba dang/ de bzhin du rgyun du zhugs pa la byin na ches
 gzhal du med do zhes bya ba nas/ de bas kyang dgra bcom pa la byin na ches gzhal du med pa yin na/ rang sangs rgyas dang de bzhin gshegs pa dgra bcom pa yang dag par rdzogs pa'i sangs rgyas la phul na lta smos kyang ci dgos zhes bya bar bsdus te/ gzhal du
 med pa bas kyang gzhal du med par 'gyur te/ gang+gA dang rgya mtsho'i chu bzhin no/ /yang ji ltar 'di rnam par smin pa brgya 'gyur ram gzhal du med par 'gyur zhe na/ bsod snyoms la sogs pas len pa po'i tshe la sogs pa dag ji tsam 'phel ba de brgya 'gyur ram
 stong 'gyur ram dpag tu med par lha dang mi dag gi nang du sbyin bdag gi tshe la sogs pa dag mngon par 'grub pa yin te/ de skad du bcom ldan 'das kyi sbyin bdag sbyin pa pos/ len pa po dag la zas sbyin pa na gnas lnga sbyin par byed ces bya ba rgyas pa nas
 tshe sbyin pas lha dang mi'i tshe thob par 'gyur zhes bya ba'i bar du gsungs so/ /'di lta ste/ pham dang zhes bya ba rgyas par 'byung ste/ phan 'dogs pa dag la gnod pa byas pa'i 'bras bu mthong bas lan du phan 'dogs pa'i 'bras bu rjes su dpag par bya'o/ /dom dang
 ri dags la sogs pa'i skyes rabs la sogs pa dper bya'o zhes bya ba 'byung ngo/ /ji ltar zang zing gi sbyin pa thams cad pas chos kyi sbyin pa mchog tu bshad pa de bzhin du zang zing gi sbyin pa thams cad kyi nang nas zang zing gi sbyin pa 'di yang mchog ste/ grol bas
 grol ba la zhes bya ba'o/ /'di ni sbyin bdag dang len pa pos gnyi ga mchog tu gyur pa'i phyir dang/ sred pas bdag gir ma byas pa'i phyir mchog yin no/ /byang chub sems dpa' yis zhes bya ba nas 'di yang sems can thams cad kyi don yin pa'i phyir dang/ snying rjes rab tu
 bcug pa'i phyir dang/ sred pas yongs su ma zin pa'i phyir phul du byung ba yin no/ /sems kyi rgyan gyi don zhes bya ba la sogs pa 'byung ste/ sems kyi brgyan gyi don can ni dad pa la sogs pa'i nor 'dren pa'i phyir ro/ /sems kyi yo byad kyi don can ni ser sna'i dri ma dang
 'gal ba'i phyir ro/ /rnal 'byor gyi tshogs kyi don can ni snyoms par 'jug pa'i bde ba 'dod pa rnams kyi yin te/ de'i rgyu phan tshun mtshams sbyor ba'i phyir ro/ /don gyi mchog thob par byed pa ni mya ngan las 'das pa 'dren pa'i phyir ro/ /zhing gi khyad par rnam pa bzhi po zhes
 bya ba ni/ 'gro ba dang/ sdug bsngal ba dang/ phan 'dogs pa dang/ yon tan gyi zhing ngo/ /mthun pa dang mi mthun pa rab tu ston par byed pa zhes bya ba ni/ dge ba dang mi dge ba'i las kyi lam rab tu ston par byed pa'o/ /chos kyi sku zag pa med pa zhes bya ba ni/ lam skye ba'i sngon
 du lung 'gog pa 'gro ba'i phyir ro/ /de nyid kyi phyir mdor na sangs rgyas kyi mdzad pa thams cad byed pa yin pas zhes bya ba smos so/ /zhing zhes bya ba ni gang du phan pa dang gnod pa dag byed pa'o zhes bya ba ni/ sems can du bgrang ba'i dngos po 'am/ de bzhin gshegs
 'gro la/ kha cig ni bcu'
 las kyi lam mo zhes bya ba ni/ srog gcod pa la sogs pa'i mtshan nyid do/ /ji ltar lci bar 'gyur zhe na/ de'i phyir rnam par smin pa nges par gnas pa'i phyir ro zhes bya ba smos so/ /ma byin par blangs pa la sogs pas ni de ltar ma yin no/ /
 zhes bya ba la sogs pa zhes bya ba'i sgras ni brdzun smra ba la sogs pa bsdu'o/ /de bzhin du gzhan la yang sbyar bar bya'o/ /zhes bya ba 'byung ste/ ji ltar zhe na/ la la ni sbyor ba'i khyad par kho nas lci bar 'gyur te/ rnam par smin pa nges par gnas pa'i phyir ro/ /laM lI
 ni sems pa'i khyad par gyis so/ /la la ni bsam pa'i khyad par gyis so/ /blo sngon du ma btang ba yang ma yin la zhes bya ba la/ blo sngon du ma btang ba ni lung du ma bstan pa yin no/ /bab col du byas pa yang ma yin no/ zhes bya ba ni dper na smra ba la drag tu brtsad bas
 brdzun du smra ba lta bu ma yin pa'o/ /gzhan dag na re ni 'di ni blo sngon du ma btang ba'i rnam grangs kho na yin no zhes zer ro/ /kha cig ni nyes par spyad pa gcig gis zhes bya ba ni/ lus dang dag dang yid kyi nye bar spyad pa rnams la gang yang rung bas so/ /kha cig ni gsum gyi bar gyis
 zhes bya ba ni lus kyi nyes par spyod pa la sogs pa mdza' dag gis so/ /gnyen po med pa yin no zhes bya ba ni bshags pa la sogs pa'i gnyen po med pa'i phyir ro/ /mi dge ba la 'khor dang u longs spyod pa yod dam me
 akyan
 gang zhig ma byin par blangs nas gzhan gyi chung ma la nyal po byed pa lta bu'o/ /rnam par smin pa la ji lta bur zhe na/ gnas skabs ma nges kyang rnam par smin par nges par 'gyur ba'o/ /de bzhin du dge ba la sbyar bar bya'o/ /zhes bya ba ni/ bsam bzhin pa dang rdzogs pa dang/ /mi 'gyod gnyen po med pa dang/ /
 'khor dang rnam par smin pa las/ /bsags pa'i las zhes bya ba yin/ /zhes bya ba ste/ ched du bsams nas byas pa yin gyi/ blo sngon du ma btang ba ni ma yin te/ dper na rdo sbyin par bya'o snyam ste/ gser gyi gar bu sbyin par byed pa lta bu ma yin pa'o/ /de ni blo
 sngon du ma btang bas lung du ma bstan par 'gyur te/ de ni byas pa yin gyi bsags pa ni ma yin no/ /blo sngon du btang du zin kyang bab col du yin na ni byas pa yin gyis bsags pa ni ma yin te/ dper na smra ba la drag tu brtsad pas bden par smra ba bzhin no/ /rdzogs
 pa ji lta bu zhe na/ kha cig ni legs par spyad pa gcig gis bde 'gror 'gro la kha cig ni gsum gyis bar gyis 'gro ba dang/ kha cig ni las kyi lam gcig gis bde 'gror 'gro la/ kha cig ni bcu'i bar gyis 'gro ba de la gang zhig ji tsam gyis der 'gro bar
 'gyur ba rdzogs par ma byas na las de byas na/ las de bya ba yin gyi bsags pa ni ma yin no/ /rdzogs na ni bsags pa yin no/ /las de ni yid la bcags pa med pa yang yin te/ 'ga' zhig dge ba byas nas kyang 'gyod par 'gyur ba de ni byas pa yin gyi bsags
 pa ma yin no/ /gnyen po med pa ni sbyin pa byin nas mi smod pa na'o/ /dge ba la yang 'khor dge ba yin te/ byin nas de'i rjes su yi rang ba'i phyir ro/ /gnas skabs ma des kyang rnam par smin pa nges pa yang yin te/ ma des pa ni byas pa yin gyi bsags ba ma yin no/ /
 'dod chags dang bcas pas mchod rten la sbyin pa byin pa ni bdag gi don du'o zhes bya ba ni bdag gzhan don phyir gnyis dor phyir zhes bya ba der ro/ /mi bzod nas smras pa ni longs spyod par byed pa med na ji ltar bsod nams su 'gyur zhes bya ba ste/ su la yang phan
 btags pa med pa'i phyir ro/ /longs spyod par byed pa yong na ni sbyin par bya ba'i chos de las de'i dbang po'i 'byung ba chen po la phan btags pas sbyin bdag la bsod nams su 'gyur bar rigs so/ /gal te kho bo cag yongs su longs spyod pa las byung ba kho na sbyin bdag
 gi bsod nams su khas len na ni 'di do ltar 'gyur ba zhig go /'o na ci zhe na/ bsod rnams ni rnam pa gnyis te/ btang ba'i rgyu las byung ba dang/ yongs su longs spyod pa las byung ba'o/ /byung ba ni rgyu dang byed rgyu dang/ rgyu mtshan can gyi rnam grangs te/ btang ba'i rgyu
 mtshan zhes bya ba'i don to/ /de'i phyir dngos po yongs su longs spyod pa med kyang/ mchod rten la btang ba'i rgyu las byung ba'i bsod nams su 'gyur ro/ /dngos po yongs su gtang ba la ni de'i 'go rol tu dngos po de la yongs su longs spyod pa yod dam med nkyang
 ba ste/ ma chags pa chags pa'i gnyen po yin pa'i phyir/ lhan cig par 'gyur ba'i sems pa gdon mi za bar 'gyur te/ de lta ma yin na gang gis dge 'dun dang/ gang zag la sogs pa dag la phul ba'i dngos po yongs su longs ma spyad pa kho nar brlag
 par 'gyur ba de'i gtod pa don med par 'gyur te/ bsod nams kyi 'bras bu med par thal bar 'gyur ba'i phyir ro/ /de la len pa su yang med na ji ltar bsod nams yin zhe na/ re shig bcom ldan 'das kyi de dag thams cad yongs su bzung ngo/ /zhes 'di ni bshad
 zin te/ /byams pa la sogs pa tshad med pa dang/ yang dag pa'i lta ba bsgoms pas zhes bya ba 'byung ste/ byams pa la gnas pa'i ni sems can thams cad bde bar gyur cig snyam du bsams pa dge ba'i phyir dang zhes sdang med pa'i sbyor ba yin pa'i phyir/ de tsam gyis
 'ga' zhig la bde bas phan btags pa yang ma yin la de la len par byed pa 'ga' yang med mod kyi mos pa'i dbang gis bsod nams mchog tu 'byung ba med pa yang ma yin pa de bzhin du snying rje la gnas pa'i yang yin te/ de'i phyir byams pa la sogs pa bzhin
 du/ len pa med pa'i mchod rten la yang de'i yon tan la lhag par mos pa'i rang gi sems kho na las bsod nams su mngon par 'dod par bya'o/ /sbyin pa dang/ mchod par bya ba don med pa yang ma yin te/ las te kun nas slong bar byed pa'i dad pa ni ches mchog
 yin pa'i phyir ro/ /sbyin pa dang mchod par bya ba'i bya ba sems pa'i dad pa gang yin pa de mchog nyid yin pa ni lus ngag rab tu 'jug par byed pa nyid yin pa'i phyir ro/ /gzhan la phan btags pa dang/ gnod pa la stobs pa'am/ len par byed pa la ltos nas
 sems dang sems las byung ba rnams dge ba dang mi dge ba nyid du 'gyur ba yang ma yin te/ 'o na ci zhe na/ dge ba dang me dge ba'i rtsa ba dang mtshungs par ldan pa la ltos nas yin no/ /da lta ma yin na gzhan la gnod pa bya ba'i phyir gos dang zas dang dug la sogs pa
 sbyin par byed pa la yang bsod nam ma su 'gyur te/ de na yang len pa po dang gzhan la phan gtags pa yod pa yin no/ /gal te gzhi bzang po la zhes bya ba rgyas par 'byung ngo/ /gcer bu pa dag chom rkun la sogs pa la byin na 'bras bu la yid du mi 'ong bar 'gyur te/
 sbyin pa'i 'bras bu yid du 'ong ba dang mi 'ong ba ni zhing gis dbang gis yin pa'i phyir ro zhes zer ro/ /gcer bu pa rnams kyi chos 'di ni nyes par bshad pa zhig ste/ 'di ltar ngan pa'i zhing la 'bras bu yid 'ongs zhes bya ba 'byung ngo/ /zhing gis dbang gis 'bras bu yid du 'ongs par
 'gyur ro/ /zhes ni mi smra'o/ /'o na ci zhe na/ 'bras bu mchog yin par smra ste/ ji ltar srog gcod pa ni zhing bzang bam ngan yang rung ste/ thams cad du 'bras bu yid du mi 'ongs pa yin pa de bzhin du/ sbyin pa yang zhing bzang dam ngan yang rung ste/ thams cad du 'bras bu
 yid du 'ong ba kho na yin no/ /zhing gi khyad par gyis ni 'bras bu che ba'am/ chung ba'am 'bras bu med par 'gyur gyi/ 'bras bu yid du mi 'ongs par ni mi 'gyur ro/ /'chal ba'i tshul khrims mi dge'i gzugs/ /zhes bya ba ni 'chal ba'i tshul khrims lus dang dag gi
 rang bzhin yin pa'i phyir te/ /de ni srog gcod pa sbyor ba dang mjug dang bcas pa nas tshig bkyal ba'i bar yin no/ /de'i phyir mi dge ba'i gzugs spong ba de ni tshul khrims yin no/ /yang ci 'chal ba'i tshul khrims spong ba kho na tshul khrims yin nam zhe na/ smras pa ma
 yin te/ sangs rgyas kyis ni bcas pa yang ngo/ /dus ma yin pa'i zas za ba la sogs pa bcad pa'i kha na ma tho ba spong ba rnam pa gnyis kyang tshul khrims yin no/ /bslab pa mnos pas zhes bya ba ni/ bcas pa'i kha na ma tho ba ni rang bzhin gyis 'chal ba'i tshul
 khrims ma yin gyi/ 'o na ci zhe na/ de ni bslab pa mnos pa gang yin pa de la 'chal pa'i tshul khrims su 'gyur ro/ /rnam dag yon tan bzhi ldan no/ /gang la yon tan bzhi yod pa/ de ni yon tan bzhi ldan no/ /re shig 'chal ba'i tshul khrims kyis zhes rgyas par
 'byung ba la 'chal pa'i tshul khrims ni ched du bsams nas ltung ba phyung ba'o/ /'di skad du bshad pas zhes bya ba ni 'chal ba'i tshul khrims mi dge ba'i gzugs zhes bya ba 'dis so/ /'chal pa'i tshul khrims kyi rgyu ni chags pa la sogs pa nyon mongs
 pa dang/ nye ba'i nyon mongs pa rnams so/ /ji ltar de dag 'chal ba'i tshul khrims kyi rgyu yin zhe na/ ji skad du gsod dang gnod sems tshig rtsub po/ /zhe sdang gis ni mthar phyin byed ces bya ba la sogs pa bshad pa thams cad pa'i/ ji ltar 'chal pa'i tshul
 khrims kyi gnyen po la brten zhe na/ dran pa nye bar gzhag pa la brten pa'i phyir ro/ /zhes bya ba smos te/ lus tshor sems dang chos rnams la/ mtshan nyid gnyis su yongs brtag pas zhes 'byung ba'i phyir ro/ /zhi ba la ji ltar brten zhe na/ de'i phyir mya ngan las 'das par
 yongs su bsdos pa'i phyir ro zhes bya ba smos so/ /las kyi lam dngos kyis rnam par dag pa zhes bya ba ni/ srog gcod pa la sogs pa las kyi lam la spyad pa dag gis nyams par ma byas zhes bya ba'i tha tshig go /nyer bsngogs dag gis rnam par dag pa zhes bya
 ba ni las kyi lam gyi nyer bsngogs cung zad kyang spyad par ma gyur ba'o/ /rnam par rtog pa rnams kyis 'phan ma byung ba zhes bya ba ni 'dod pa'i rnam par rtog pa la sogs pa mi dge ba rnams kyis dri ma can du ma byas zhes bya ba'i don to/ /dran pas yongs su gzung ba zhes
 bya ba ni/ lus la sogs pa dran pa nye bar gzhag pa bzhis bstan par byas zhes bya ba'i tha tshig go /'tsho ba med pa dang tshigs su bcad pa med pa dang/ chad pa dang/ ngan 'gros 'jigs nas bya ba la/ 'jigs pa zhes bya ba'i sgras ni 'tsho ba med pa'i 'jigs pa dang/ ngan
 'gros 'jigs pa'i bar du ste/ re re dang sbyar bar bya'o/ /srid spang longs spyod dang bkur ste la chags pa zhes bya ba la/ 'dir chags pa zhes bya ba'i sgra ni re re dang sbyar bar bya ste/ srid pa la chags pa dang/ de bzhin du longs spyod la chags pa dang/ bkur sti la
 chags pa'o/ /byang chub kyi yan lag gis rjes su mthun pa na zhi gnas dang lhag mthong gi rten gi don can no/ /yang dag pa'i lta ba can rnams par thar pa'i don du zhes bya ba ni mu stegs can dgag pa'i phyir te/ de dag ni srid pa la brten pa'i phyir ro/ /mnyam par bzhag
 pa'i dge ba ni zhes bya ba la/ mnyam par bzhag pa smos pa ni/ mnyam par ma bzhag pa bzlog par bya ba'i phyir ro/ /dge ba smos pa ni mnyam par bzhag pa'i bsam gtan nyon mongs pa can ro myang ba dang bcas pa bsal ba'i phyir ro/ /sbyin pa la sogs pa yang sems la bsgo bar byed pa yin
 mod kyi/ mnyam par bzhag pa ji lta ba bzhin du ni ma yin te/ de nyid bstan pa'i phyir rgyud yon tan rnams kyis de'i bdag nyid du byed pa'i phyir zhes bya ba smos so/ /me tog rnams kyis tel la bsgos pa bzhin no/ /zhes bya ba ni dper na me tog gi dri'i bdag nyid du byed pa'i phyir me tog
 rnams kyis til bsgos par byed par byed pa de bzhin no/ /yang tshul khrims dang bsgom pas cir 'gyur zhes bya ba ni tshig gi lhag ma'o/ /mtho ris don du tshul khrims zhes bya ba la/ sbyin pa yang mtho ris kyi don du 'gyur mod kyi/ tshul khrims ni gtso bo yin pa'i phyir ro/ /de med na
 mi 'byung ba'i phyir/ tshul khrims kyis kyang bral bar ni 'gyur mod kyi/ bsgom pa ni gtso bo yin pa'i phyir ro/ /bsod nams bya ba'i dngos po'i zhar la 'di yang bsam par bya ste/ mdo las gang zag bzhi ni tshangs pa'i bsod nams bskyed do zhes gsungs pa zhes bya ba
 ni/ sngon ma bzhengs pa'i sa phyogs su de bzhin gshegs pa'i sku gdung gi mchod rten bzhengs pa ni tshangs pa'i bsod nams bskyed do/ /phyogs bzhi'i dge 'dun gyi ched du gtsug lag khang brtsig par byed pa'i tshangs pa'i bsod nams bskyed do/ /dge 'dun bye
 ba bsdums byed pa'i tshangs pa'i bsod nams bskyed do/ /byams pa dang ldan pa'i sems kho na med pa 'gran zla med pa na 'jig rten thams cad kyi bar du mos te/ khyad par byas nas rdzogs par bya ste/ gnas pa ni tshangs pa'i bsod nams bskyed do zhes bya ba'o
 mtshan rnam par smin pa can gyi zhes bya ba rgyas par 'byung ba la/ de las byang chub sems dpa' nye bam gtogs pa sems can thams cad kyi longs spyod kyi 'bras bu can zhes 'byung ngo/ /bskal par mtho ris dga' gnas phyir zhes bya ba ni 'dod pa na spyod pa'i
 lha'i skye ba dag tu zhes bya ba dgongs te/ las de 'dod pa na spyod pa yin pa'i phyir ro/ /tshangs pa'i mdun na 'don pa rnams kyi tshe ni tshangs pa'i bsod nams kyi rnam par smin pas bsgral pa lha cig yin te/ de dang chos mthun par tshangs pa'i bsod nams bskyed
 do zhes gsungs so/ /nyon mongs can min zhes bya ba ni nyon mongs pa can ma yin pa'i sems kyi kun nas bslad pas zhes bya ba'i tha tshig go /bsod nams chen po nyams par byed pa ni bsod nams chen po brlag par byed pa'o/ /bsod nams kyi cha dang mthun pa zhes bya ba la/ bsod
 nams kyi cha ni bsod nams kyi cha ste/ 'bras bu yid du 'ong ba thob ces bya ba'i don to/ /de dang mthun pa ni bsod nams kyi cha dang mthun pa'o/ /de nyid kyi phyir rnam par smin pa yid du 'ong ba can gang yin pa'o/ /zhes bya ba smos so/ /thar pa'i cha dang mthun pa ni gang skyes na yongs su mya
 ngan las 'da' ba' i chos can du 'gyur ba ste zhes bya ba 'byung ngo/ /de yod do zhes bya bar ji ltar rtogs she na/ de'i phyir gang la 'khor ba'i nyes dmigs dang zhes bya ba smos te/ thos pa thams cad la de med pa'i phyir/ 'khor ba'i nyes dmigs la sogs pa brjod pa tsam ni spu zid
 zhes byed pa dang/ mtsham bkrugs ces byed pa'i rgyu yin te/ dper na thams cad myu gu skye ba med pa'i phyir/ dper tsam myu gu skyes pa'i rgyu ma yin pa bzhin no/ /thar pa la brten pas na thar pa'i cha ste/ de dang mthun pa ni thar pa'i cha dang mthun pa'o/ /nges par 'byed pa'i cha dang mthun pa ni dro bar gyur
 ba la sogs pa rnam pa bzhi zhes bya ba la/ nges par 'byed pa ni 'phags pa'i lam ste/ de dang mthun pa ni nges par 'byed pa'i cha dang mthun pa dag go /'og nas bshad par bya'o/ /zhes bya ba ni mdzod kyi gnas dug pa nas te/ de la dro bar gyur pa ste/ de ni bden bzhi'i spyod yul can
 zhes bya ba der ro/ /'jig rten na zhes bya ba rgyas par 'byung ste/ 'dir las bstan pa'i skabs phyin pa'i phyir dang 'di dag kyang las kyi rang bzhin yid pa'i phyir 'di dag gi rang bzhin gang yin zhes bya ba dris so/ /kun slong bcas pa ni zhes bya ba la sogs pa la kun nas slong ba dang
 lhan cig pa ni kun slong dang bcas pa'o/ /de yang re?? zhig ce na/ sems dang sems las 'byung ba'i tshogs pa'o/ /yi ge dag ni yig 'brum yin gyi/ las gang gi de dang 'bri bar byed pa de yig 'bru yin la/ gang la sko ba nor bu dang sa la sogs pa de yang rgyas yin gyi/ lus kyi las gang gis sko ba
 de rgya yin te/ yi ge dge'ang bskos pa ni 'bras bu la rgyu gtogs pas yig 'bru dang rgyan bya bar 'gyur ro/ /yid kyi chos rnams sdom par byed pa gang yin pa zhes bya ba ni/ zag pa dang bcas pa dang zag pa med pa nyid du gcig gnyis gsum zhes bya ba de lta bu la sogs par bgrang ba'o/ /gzugs
 kyi phung po med pa'i phyir phung po bzhi'i rang bzhin no/ /las kyi skabs yin pas de ni chos rnams kyi rnam grangs zhes bya ba smos te/ ma rmongs par bya ba'i phyir chos mngon pa las nyon mongs pa can gyi chos dang/ gya nom pa dang/ brten par bya ba'i chos zhes bya ba 'byung ba'i rnam grangs de dag bstan
 to/ /kha na ma tho ba dang bcas pa zhes bya ba ni smad pa yin pa'i phyir ro/ /nyon mongs pas sgrib pa'i phyir ram thar pa'i lam gyis gegs yin pa'i phyir bsgribs pa'o/ /'phags pa rnams kyi bor ba'i phyir ram rnam par smin pa ngan pa'i phyir ngan pa'o/ /gya nom pa zhes bya ba ni dag pa rab
 tu gyur pa'i phyir ro/ /ngan pa dang gya nom pa dag las gzhan pa ni bar ma zhes bya ba grub pa yin no zhes bya ba la/ de dag kyang dge ba zag pa dang bcas pa dang/ ma bsgribs la lung du ma bstan pa'o/ /'dus byas dge bsten bya zhes bya ba la/ zag pa dang bcas pa dang zag pa med pa
 rnams ni khyad par med par bsten par bya ba yin te/ rgyud la skyed pa'i sgo nas rten par bya ba yin no/ /lhag ma rnams ni bsten par bya ba ma yin pa zhes bya ba la/ de dag ni nyon mongs pa can dang ma bsgribs la lung du ma bstan pa dang/ 'dus ma byas so/ /goms par byar mi rung
 ba'i phyir zhes bya ba ni khyad par du byar med pa'i phyir ro/ /mya ngan las 'das pa ni yang nas yang du mngon bya bar mi nus pas goms par byar mi rung ba yin no/ /chos gang zhig rgyud la yang dang yang du bskyed par bya ba de ni bsten par bya ba zhes bya zhes brjod de/ dper na lam bzhin no/ /
 'bras bu'i phyir bsten pa ma yin na 'dus ma byas ni 'bras bu med pas bsten par bya ba ma yin no/ /lung du ma bstan pa dag kyang de dang 'dra bar 'bras bu med pa'i phyir bsten par bya ba ma yin la/ nyon mongs pa can dag kyang 'bras bu yid du mi 'ongs ba can yin pa'i phyir ro/
 gzhan thams cad ni bla ma dang bcas pa yin gyi zhes bya ba ni phul du byung ba dang bcas pa yin te/ de dag kyang 'dus byas thams cad dang/ nam mkha' dang so sor rtags pa ma yin pas 'gog pa'o/ /thar pa bla na med pa yin zhes bya ba ni phul dbyung du med ces bya ba'i tha tshig go /'di las
 bla na med pas bla na med pa ste/ de nyid kyi phyir mya ngan las 'das pa las tshes khyad par du 'phags pa ni med do zhes bya ba smos te/ 'di ltar dge slong chos 'dus byas sam/ 'dus ma byas ji snyed pa de dag gis nang na mchog ni 'dod chags dang bral ba'i chos yin par brjod do zhes bshad do/ /dge ba
 rtag pa yin pa'i phyir zhes bya ba la/ dge ba zhes bya ba smos pa ni nam mkha' dang so sor brtags pa ma yin pas 'gog pa bsal bar bya ba'i phyir ro/ /rtag pa smos pa ni dge ba 'dus byas bzlog par bya ba'i phyir te/ de'i phyir mya ngan las 'das pa las ches khyad par du 'phags pa'i chos
 gzhan med do/ /slob dpon gang ba spel bas mdzad pa chos mngon pa mdzod kyi 'grel bshad mtshan nyid kyi rjes su 'brang ba zhes bya ba las/ las bstan pa zhes bya ba mdzod kyi gnas bzhi pa'i 'brel ba bshad do/ /las rnams rgyas pa rnam dbye ba dpyad pa dang bcas pa byas zin to/ /de'i phyir 'brel ba 'dis phra rgyas nye bdag bkod do/ /zhes 'phrel pa bstan pa'i phyir las las 'jig rten
 sna tshogs skyes/ zhes bshad pa zhes bya ba smos te/ thal ma thag pa'i mdzod kyi gnas las gang 'jig rten sna tshogs pa 'di ni dbang phyug la sogs pa rnams kyi blo sngon du btang ste 'dod rgyal du byas pa ma yin gyi/ 'o na ci zhe na/ las rnams srid pa 'phen pa dang/ mngon par
 'grub pa la rgyur gyur pas skyes pa yin no/ /zhes bshad cir rgyas par bstan pa yin no/ /gal te 'dod chags dang bral ba rnams kyang lus dang ngag dang yid dag gi sgo nas dge ba'i las dag byed pa yin mod kyi/ de rnams kyi sred pa 'phen pa yang ma yin zhing mngon par 'grub
 pa yang ma yin nam zhe na/ las tsam gyi 'phen pa 'am mngon par 'grub pa ni mi 'dod kyi/ 'on ci zhe na/ las de dag kyang phra rgyas kyi dbang gis bsags par 'gyur te ji ltar bshad pa'i mtshan nyid dang rab tu dbye ba dang ldan pa rnams rnam par smin par nges par gnas shing rnam par smin pa 'phen par
 nus par 'gyur ro zhes bya ba'i tha tshig go /de nyid kyi phyir rten cing 'brel par 'byung ba bstan pa dag las phra rgyas rnams kho na dang por bkod de/ ma rig pa'i rkyen gyi 'du byed rnams zhes ma rig pa smos pas gtso bo yin pa'i phyir nyon mongs pa thams cad gzung ba grub pa'i phyir ro/ /gal te de lta na
 ni 'o na dgra bcom pa la yang ci'i phyir srid pa mngon par 'grub par mi 'gyur te/ de la yang las dge ba dang mi dge ba yang srid pa 'phen pa can rnam par smin pa du ma 'phangs pa yod pa yin no/ /de'i phra rgyas med par ni srid pa mngon par 'grub par mi nus te zhes bya ba smos te/ dgra bcom
 pa ni las yod du zin kyang khams gsum pa'i phra rgyas med pa de'i phyir lhan cig byed pa'i rgyu med pa'i phyir yang srid pa mngon par 'grub par mi nus par 'gyur ro/ /smras pa/ skye ba'i shing rta skye bo byis pa yis/ /zhon cing nyon mongs las kyi 'phang lo can/ /'di ni nyon mongs 'phang lo
 gcig nyams pas/ /las kyi 'phang lo gcig pu 'khor ma yin/ /gang gi phyir de ltar srid par 'phen pa dang/ srid pa 'grub pa las/ phra rgyas gtso bo'i rgyu yin pa de'i phyir srid pa'i rtsa ba phra rgyas yin par rig par bya ste/ de yod na yod pa'i phyir dang/ de med na med pa'i phyir
 dang dang po'i rgyu yin pa'i phyir ro/ /bya ba bcu byed de/ zhes bya ba 'bras bu bcu byed pa'o/ /rtsa ba brtan par byed do/ /zhes bya ba ni nyon mongs pa 'jug na de'i theg pa rnams bcad par dka' ba nyid kyis brtan par 'gyur ba'i phyir te/ rtsa ba ni thob pa yin no/ /rgyud gnas par byed do zhes bya
 ba ni yang dang yang du gzhan rgyun chags su skyed par byed pa yin pa'i phyir ro/ /zhing du sgrub par byed do zhes bya ba ni rten de skyes pa dang mthun par byed pa ste/ rtsa skam po me dang mthun pa bzhin no/ /rgyu mthun ba sgrub par byed do zhes bya ba ni mi gtsang ba'i gtor khung zag pa ltar nye ba'i 
 nyon mongs pa gang zhig nyon mongs pa gang gi rgyu mthun pa yin pa de skyed par byed pa ste/ dper na 'dod cah+gs kyi ngo tsha med pa dang/ rgod pa dang/ ser sna dag skyed par byed pa dag ma rig las ni rmugs pa dang/ gnyid dang khrel med pa la sogs pa bsdu ba'o/ /las kyi
 srid pa mngon par sgrub par byed do/ /zhes bya ba ni las kyi srid pa yin pas las kyi srid pa ste/ yang srid pa'i las te skyed par byed pa'o/ /rang gi tshogs 'dzin par byed do/ /zhes bya ba la/ de'i tshogs ni tshul bzhin ma yin pa'i rnam par rtog pa ste/ de yongs su 'dzin cing de skye ba
 dang mthun par gnas zhes bya ba'i don to/ /dmigs pa la kun tu rmongs par byed do/ /zhes bya ba ni/ blo nyams par byed pa'i phyir ram/ yang dag par ji lta ba bzhin yongs su mi shes pa'i phyir ro/ /gzhan dag na re/ phyin ci log bzhi'i rab rib kyis shes rab kyi mig nyams par
 byed pa'i phyir ro zhe'o/ /rnam par shes pa'i rgyun 'khrid par byed do/ /shes bya ba ni rnam par shes pa'i rgyun dmigs pa 'am yang srid par 'khrid par byed pa'o/ /dge ba'i chos la g.yo bar byed pa ni/ de la ltos pa med pa'i phyir te/ gzhan dag na re/ yongs su nyams pa'i phyir
 ro zhe'o/ /'ching ba'i don du khyad par byed do/ /zhes bya ba ni khyab par byed pa'o/ /ji ltar zhe na/ khams las mi 'da' ba' i tshul gyis so/ /khams gang ba'i nyon mongs pa des khams de las mi 'da' bar byed de/ khams nyon mongs pa can gsos 'debs pa'i phyir ro/
 'dir yang srid pa 'phen par byed pa'i shes par byed pa ni las kyi srid pa mngon par bsgrub par byed do/ /zhes bya ba 'di yin te/ de'i phyir srid pa nye bar len pa'i phung po lnga'i mtshan nyid can gyi rtsa ba ste/ gtso bo'i rgyun ni 'phra rgyas yin no/ /zhes bya bar grub bo/ /grangs kyi dbang
 du byas nas brjod pa ni drug /'dod chags de bzhin khong khro dang/ /nga rgyal ma rig lta ba dang/ the tshom yin te zhes bya ba'o/ /'dod chags kyi dbang gis gzhan dag zhes bya ba ni/ zhe sdang la sogs pa dag go /'di skad du/ mdo las dga' ba las zhe sdang skye'o/ /
 zhes gsungs te/ nga rgyal la sogs pa dag kyang 'dra bar rig par bya'o/ /de nyid kyi phyir 'dod chags med pas zag pa med pa dang/ bskal pa mi mnyam pa'i khams dag la dmigs pa'i sgo nas rgyas par mi 'gyur ro/ /de ni 'og nas bshad par bya'o/ /zhes bya ba ni/ dngos po gang
 zhig bdag tu lta ba dang srid pa dag gis bdag gis byas pa de la ni phra rgyas gzhan dag kyang rgyas par bzod par 'gyur te zhes bya ba la sogs pa'o/ /dang zhes pa'i sgra gong ma ni tshig rkang rdzogs par bya ba'i phyir yin la/ 'og ma ni bsdus par bya ba'i phyir yin no/ /'on te 'dod pa'i 'dod
 chags kyis phra rgyas yin zhes bya ba ni/ thob pa'i mtshan nyid can nam gzhan gyi mtshan nyid can no/ /phra rgyas dang bcas par yang dag par spong bar byed de/ /zhes bya ba 'dis ni 'dir mdo dang 'gal ba'i dper brjod pa yin te/ de nyid ni de dang bcas par mi rung ba'i phyir ro/ /gal
 te 'dod pa'i 'dod chags kyi phra rgyas zhes bya ba la/ phra rgyas ldan pa ma yin par thal bar 'gyur bas/ dper na gzugs kyi skye ba zhes bya ba ste/ chos mngon pa dang 'gal lo/ /'dod pa'i 'dod chags kyi phra rgyas ni/ dbang po gsum dang/ mtshungs par ldan pa yin no zhes
 bya ba la/ dbang po gsum ni bde ba dang/ yid bde ba dang/ btang snyoms te/ ldan pa ma yin pa ni skye ba la sogs pa ltar bde ba la sogs pa dag dang mtshungs par ldan pa mi rung ngo/ /de'i phyir bde ba la sogs pa dag dang mtshungs par ldan par gsungs pas/ ches mngon
 par mtshungs par ldan pa kho na phra rgyas su gzhed kyi/ ldan pa ma yin pa ni ma yin no/ /de ltar na mdo dang 'gal lo zhes bshad pa ma yin nam zhes bya ba ni/ phra rgyas dang bcas par spong bar byed do zhes bya ba de dang ngo/ /'gal ba med de/ dgongs pa can yin pa'i phyir ro/ /
 dgongs pa gang yin zhe na/ phra rgyas dang bcas pa ni rjes su 'brel pa dang bcas pa zhes bya ba'i don yin pa'i phyir ro/ /zhes bya ba 'byung ste/ nyon mongs pa rnam pa dgu las phyi ma phyi ma snga ma snga ma'i rjes su 'brel pa yin te/ 'di ltar bsgoms pas spang bar bya ba'i nyon mong 
 ba rnam pa brgyad spangs su zin kyang/ rjes su 'brel pa rnam pa dgu pa yod pa nyid yin pas/ de'i phyir ma lus par spangs pa la/ dgongs nas phra rgyas dang/ bcas par spong bar byed do/ /zhes gsungs te/ rjes su 'brel pa dang bcas par zhes bya ba'i don to/ /
 yang na mdo las phra rgyas zhes bya ba'i sgra 'byung ba ni thob pa la nye bar btags pa yin pas med dang 'gal ba med do/ /dper na mi sdug bsngal zhes bya ba bzhin no zhes bya ba rgyu la 'bras bu btags pa'i phyir te/ sdug bsngal ni tshor ba'i bye brag yin la de rgyu yin pa'i phyir mi la yang
 sdug bsngal zhes brjod pa de bzhin du 'dir yang thob pa phra rgyas kyi rgyu yin pas phra rgyas kyi sgras brjod do/ /phra rgyas dang bcas par spong bar byed do/ /zhes bya ba ni thob pa dang bcas par spong bar byed pa'o/ /mtshan nyid pa yin te zhes bya ba la/ phra rgyas kyi sgra ni 'dod chags la soT
 pa nyon mongs pa kho na la 'jug ste/ de dag phra ba dang/ rjes 'brel rnam gnyis rgyas 'gyur dang/ zhes rgyas par phra rgyas kyi mtshan nyid dang/ rgyu mtshan can yin pa'i phyir/ mtshan nyid yod pa ni mtshan nyid pa'o/ /thob pa la ni de ltar phra rgyas kyi mtshan nyid yod pa ma yin pas
 de'i phyir nye bar btags pa la yod pa ni nye bar btags pa yin pas thob pa dag la phra rgyas kyi sgra brjod do/ /'phags pa mang pos bkur ba'i sde dang rnam par phye ste/ smra ba rnams phra rgyas ldan pa ma yin par 'dod pas dris pa ni 'di ji ltar shes zhe na/ zhes bya ba'i/ /smras pa/
 sems ni nyon mongs byed phyir dang/ zhes bya 'di'i 'grel pa ni gang gi phyir phra rgyas rnams kyis sems nyon mongs pa can du 'gyur ba dang zhes bya ba ste/ ldan pa ma yin pa rnams kyis ni sems nyon mongs pa can du mi 'gyur ro/ /sgrib phyir zhes bya ba'i tshig 'di'i 'grel pa
 ni sngon med pa'i dpe ba mi skye ba dang zhes bya ba'i/ /dge dang 'gal phyer zhes bya ba'i tshig 'di'i 'grel pa ni skyes pa las kyang yongs su nyams par 'gyur ba zhes bya ba'o/ /de'i phyir ldan pa ma yin pa ma yin no/ /zhes bya ba ni gang gi phyar sems nyon mongs par byed pa nyid
 la sogs pa ji skad bshad pa mi srid la/ mchungs par ldan pa dag gis ni 'di dag thams cad rigs pa'i phyir ro/ /'on te ldan pa ma yin pa rnams kyis kyang de ltar 'gyur na ni/ zhes bya ba ni sems nyon mongs par byed pa dang/ sngon med pa'i dge ba mi skye ba dang/ skyes pa la yongs su
 nyams par 'gyur na ni mi ldan pa de dag rtag tu nye ba'i phyir dge ba nam yang dmigs par mi 'gyur te/ 'di ltar ldan pa ma yin pa'i phra rgyas dag gi nam yang sems can rnams kyi rgyud mi stongs la/ de dag kyang dge ba la sgribs bas nam yang dge ba skye bar mi 'gyur ba zhig go /'di
 'di ni gtan tshigs su mi rung ste zhes bya ba la/ sems ni nyon mongs byed phyir dang/ zhes bya ba la sogs pa 'di ni phra rgyas ldan ba ma yin par bstan ba la gtan tshigs su mi rung ste/ phra rgyas ldan ba ma yin par smra ba rnams kyi khas ma blangs pa'i phyir ro/ /nyon mongs bas byas pa kho nar
 'dod do zhes bya ba ni kun nas dkris bas byas gol? nang 'dod ngo zhes bya ba'i tha tshig go /kun nas dkris pas ni rtag tu nye ba ma yin pas dge ba dmigs pa grub ste/ 'di ltar nyon mongs pa mngon du ma gyur na/ dge ba skye ba ni 'gal ba'i phyir/ mdo sde ba rnams kyi ji lta bu yin pa de lta
 pu ni lags ba yin no/ /zhes bya ba rgyas par 'byung de/ mdo sde ba rnams ji ltar na phra rgyas dang bcas par spong bar byed do/ zhes bya ba'i mdo dang ni 'gal ba med mod kyi/ 'on kyang 'dod pa'i 'dod chags kyi phra rgyas yin pas phra rgyas ldan pa ma yin par thal bar 'gyur ro snyam pa
 de spang ba'i phyir/ phra rgyas ni mtshungs par ldan pa yang ma yin la ldan pa ma yin pa bar ma yin gyi zhes bya ba smos so/ /ji ltar zhe na/ de rdzas gzhan ma yin pa'i phyir zhes bya ba smos te/ 'de ltar mdo sde pa rnams kyi ltar na ni phra rgyas rdzas gzhan ma yin te/ 'dod chags la soT
 ba'i sa bon gyi dngos po cam la ded nye bar bsnying pa'i phyir ro/ /de nyid kyi phyir nyon mongs pa nyal ba la ni zhes bya ba smos te/ rang gi 'bras bu sems kun nas nyon mongs par mi byed pa'i phyir nyal ba zhes bya ba/ rgyu'i dngos por rjes su 'brel pa'i phyir/ phra rgyas zhes bya'o
 sad pa zhes bya ba ni mngon du gyur pa ste/ rang gi 'bras bu sems kun nas nyon mongs pa la sogs pa la byed par nus pa'i phyir sad pa zhes bya ba/ sems rang dbang med par byed pa'i phyir kun nas dkris pa zhes bya'o/ /nyal ba dang sad pa yang ma grub pas de la nyal
 ba gang yin zhe na/ zhes bya ba rgyas par dris so/ /mngon sum du ma gyur pa zhes bya ba la/ mngon sum du ma gyur ba sa bon gyi dngos po yin pas mngon sum du ma gyur pa la khyad par bya ste/ 'dod chags la sogs pa nyon mongs pa'i sa bon gyi dngos po ni de'i gnyen po skyes pa
 med pa na ma yang rten la zlog pa ma yin no/ /sa bon gyi dngos po'i rang gi ngo bo ma grub pa'i phyir 'dri ba ni sa bon gyi dngos po zhes bya ba ni ci zhe na zhes bya ba'o/ /lus zhes bya ba rgyas par 'byung ste 'dir lus ni brten no/ /nyon mongs pa las skyes pa nyon mongs pa skyed
 pa'i mthu yin te zhes bya ba la/ nyon mongs pa ni 'jug pa na rten ma 'ongs pa'i nyon mongs pa skye ba dang mthun par byed cing/ de dang mthun pa'i rten de las kyang rkyen lhag ma yod na slar nyon mongs pa skye'o/ /de'i phyir rten gyi gnas skabs kyi khyad par gang zhig nyon mongs
 pa'i nus pa sa bon gyis nyon mongs pa skye ba dang/ mthun pa de ni nyon mongs pa las skyes pa nyon mongs pa bskyed pa'i mthu zhes bya ba la/ de ni mi rtag pa dang 'bras bu nyid la sogs pa ltar brtags pa'i chos yin pa'i phyir rten de las de nyid dang gzhan du brjod du med pa yin te/
 dper na nyams su myed pa'i shes pa las skyes pa dran pa skyes pa'i mthu rdzas gzhan du gyur pa ma yin pa de dang 'dra ba yin no/ /dran ba bskyed pa'i rgyu ni mi ldan pa'i 'du byad rdzas gzhan du gyur pa 'ga' zhig yin par dogs pa bsu nas/ yang dper na myu gu la segs pa'i zhes
 bya brgyas par dpe gzhan nye bar bkod de/ dper na myu gu la sogs pa rnams kyis sA lu'i 'bras bu sngar byung ba las skyes pa sA lu'i 'bras bu gzhan bskyed par byed pa'i mthu rdzas gzhan du gyur pa ma yin pa de dang 'dra'o/ /gang zhig ces bya ba ni gnas ma'i bu'i sde ba'o/ /nyon
 yongs pa rnams kyi sa bon gyi don du zhes bya ba ni sa bon gyi ched du'o/ /phra rgyas ldan pa ma yin pa zhes bya ba la sogs pa la/ don gzhan du zhes bya ba ni rdzas gzhan du'o/ /des na zhes bya bas ni rgyus so/ /mi 'dod pa sgrub par byed de/ dran pa'i sa bon yang ldan pa ma yin pa zhes bya ba don
 gzhan zhig brtag par bya bar 'gyur ro/ /'o na mdo las zhes bya ba ni bye brag tu smra ba ste/ gal te 'dod chags kyi phra rgyas zhes bya bar 'dod na'o/ /mdo las ni nyon mongs pa nyid phra rgyas su gsungs te/ drug mtshan drug pa'i mdo las so/ /de las ni gang zhig bde ba'i tshor bas reg cing mong nang ra?
 dga' mgus lhag par zhe na/ lhag par zhe na nas gnas pa 'di'i 'dod chags de bde ba'i tshor ba la rgyas par 'gyur ro/ /zhes gsungs so/ /'dod pa'i 'dod chags nyid phra rgyas yin pas 'dod pa'i 'dod chags kyi phra rgyas yin te/ de'i phyir phra rgyas ni mtshungs par ldan pa kho na yin gyi/
 mthu'i bdag nyid can ni ma yin no/ /'gyur ro zhes gsungs pa'i phyir te/ de kho na ni phra rgyas ma yin no zhes bya ba ni/ mngon sum du gyur pa'i gnas skabs na ma yin no/ /zhes bya ba'i tha tshig go /de lta ma yin na 'dod chags de bde ba'i tshor ba la rgyas zhes gsungs par 'gyur gyi
 'gyur ro zhes bya bar ni ma yin no/ /gang gi tshe nyal ba na zhes bya ba ni sa bon gyi dngos por gnas na zhes bya ba'i don to/ /ma 'ongs pa la 'gyur ro zhes bya ba'i da ltar 'byung ba la ni ma yin no/ /yang na 'di ni rgyu la de nye bar btags pa yin par zhes bya ba la/ 'dod chags ni
 'dod pa'i 'dod chags kyi phra rgyas kyi rgyu yin la/ rgyu 'dod chags de la 'bras bu nye bar 'degs te/ 'di ltar 'dod chags las skyes pa 'dod chags bskyed pa'i mthu la 'dod chags kyi phra rgyas zhes bshad par 'gyur ro/ /srid pa khams gsum yin pa'i phyir dang/ 'dod
 pa'i 'dod chags logs shig du bshad pa'i phyir srid pa'i 'dod chags mi shes pas srid pa'i 'dod chags zhes bya ba ni ci zhe na/ zhes bya ba rgyas par dris so/ /gal te khams gnyis las skyes na ci'i phyir gcig tu byas la/ 'di kho na gcig tu byas kyi phra rgyas gzhan dag la yin
 zhes bya ba 'di rgyu yang ci zhig yod ce na/ kha ni nang du bltas phyir der/ /thar pa'i 'du shes bzlog phyir bshad/ /'dod pa'i khams na ni 'dod chags phal cher yul la mngon du kha phyir bltas pas 'jug pa yin la/ de dag ni snyoms par 'jug pa'i 'dod chags
 ni phal cher ro myang ba dang mtshungs par ldan pa'i bsam gtan la yin no/ /gzhal med khang la sogs pa dag la yang 'dod chags par bstan pa'i phyir phal cher zhes bya ba smos so/ /'dod chags de gzugs dang gzugs med pa'i khams dag tu ni snyoms par 'jug pa'i yul
 can yin pa'i phyir kha nang du bltas par zhugs pa yin te/ de'i phyir srid pa'i 'dod chags su bshad do/ /de lta bas na kha cig khams de gnyis la zhes bya ba rgyas par 'byung ste/ der kha cig thar par 'du shes pa'i mdun pa zlog pa'i phyir/ der skyes pa gang yin pa de ni srid pa kho
 na yin te/ de'i phyir der skyes pa gang yin pa de ni srid pa'i 'dod chags yin no zhes bshad do/ /thar bar 'dod pas srid pa thams cad la 'dod la/ med par 'gyur bas bya dgos so zhes bstan to/ /lus kho na srid pa yin gyi/ snyoms par 'jug pa tsam ni ma yin no zhes
 ston pa ni lus kho na zhes bya ba ste/ de nyid kyi phyir rten dang bcas pa zhes bya ba smos se/ /lus nyid kyi rten yin te/ phung po lnga 'am bzhi'o/ /'dod pa'i 'dod chags dang bral ba'i phyir zhes bya bas ni 'dod pa'i ro myang bar mi byed ces bya bar stan to/ /de'i phyir 'dod chags de
 ni srid pa'i 'dod chags shes bshad do/ /zhes bya ba la khyed cag gi 'di ni srid pa la 'dod chags pa yin gyi/ thar pa ni ma yin no zhes thar pa'i 'du shes bzlog par 'gyur ro/ /bden pa rnams mthong ba tsam gyis spong bar 'gyur ro zhes bya ba la/ tsam gyi sgra ni bsgom pa
 gsal khar bya ba'i phyir te/ nyon mongs pa gang zhig bden pa pa gang la skur pa 'debs pa de ni de mthong ba tsam gyis spong bar 'gyur te/ thag pa mthong bas sprul du 'khrul pa bzhin no/ /phyis lam goms par byas pas zhes bya ba ni/ bden pa gang yang rung ba la
 dmigs pa'i lam goms par byas pa ste/ bden pa mthong bar med par ni goms pa'i lam zag pa srid pa ma yin no/ /de ltar na 'jigs tshogs la lta ba ni rnam pa gcig ste/ zhes bya ba ni bdag dang bdag gi ba'i rnam par sdug bsngal la log par zhugs pas sdug bsngal mthong bas
 spang bar bya ba kho na yin no/ /mthar 'dzin pa yang de dang 'dra'o zhes bya ba la/ de yang bdag tu mngon par 'dod pa'i dngos po la rtag pa dang chang ba'i mthar 'dzin ba'i phyir sdug bsngal kho na la log par zhugs pas sdug bsngal mthong bas spang par bya ba kho na yin no/ /log par lta ba
 ni rnam pa bzhi ste zhes bya ba la/ sdug bsngal la sogs pa'i bden pa'i mtshan nyid la skur pa 'debs par zhugs pa'i phyir bden pa bzhi char la yang log par zhugs pas bden pa bzhi mthong bas spang bar bya ba kho na yin no/ /de bzhin du lta ba mchog tu 'dzin pa yang rnam pa
 bzhi kho na ste/ de ni dman pa la mchog tu lta ba yin pa'i phyir ro/ /de bzhin du the tshom yang thams cad du/ the tshom za ba'i rnam pa can yin pas thams cad la logs par zhugs pa'i phyir bden pa bzhi mthong bas spang bar bya ba yin no/ /tshul khrims dang brtul zhugs
 mcheg tu 'jon pa ni rnam pa gnyis te zhes bya ba la/ dbang phyug la sogs pa rgyu ma yin pa dag la de nyid du 'dzin pa ni rtag pa dang bdag tu phyin ci log pa las 'jug pa pas sdug bsngal mthed bas spang bar bya ba'o/ /lam ma yin pa la der 'dzin pa ni lam mthong
 bas spang par bya'o/ /de dag ni ji lta bu yin zhe na/ bya ba ni 'dod chags la sogs pa lnga nyid du bstan pa dag go /gang dag gang zhig mthong bas spang par bya ba'i dmigs pa can zhes bya ba rgyas par 'byung ste/ 'dod chags la sogs pa gang dag sdug bsngal mthong bas
 spang par bya ba'i lta ba la dmigs pa ste/ de dag ni sdug bsngal mthong bas spang bar bya ba yin pa nas de bzhin du lam mthong bas spang bar bya ba la dmigs pa de dag ni lam mthong bas spang bar bya ba'i bar du yin no/ /'di skad du bstan par 'gyur te 'jigs tshogs la lta ba la
 sogs pa rnams ni/ sdug bsngal la sogs pa dag la dmigs pa'o/ /'jigs tshogs lta ba la sogs pa de rnams ni 'dod chags la sogs pa dag dmigs so/ /'jigs tshogs la lta ba la sogs pa de rnams kyang mthong bas spang bar bya ba yin pa de'i phyir de
 rnams la dmiT pa 'dod chaT la sogs pa dang kyang mthong bas spang bar bya bar 'gyur te/ dmigs pa yongs su shes pa dang/ de la dmigs pa yang dag par thad pa dang/ zhes 'byung ba'i phyir ro/ /lhag ma ni sgom pas spang bar bya ba dag yin no/ zhes bya ba ni 'dod chags dang khong khre dang nga
 rgyal dang ma rig pa grang dag gzugs la sogs pa'i yul can yin pa'i phyir 'jig tshogs la lta ba la sogs pa la mi dmigs pa dag ste de dag ni bsgom pas spang bar bya ba yin no/ /khong khro ma rtogs de dag nyid/ /gzugs khams zhes bya ba ni/ rgyud zhi gnas kyi brlan pa'i phyir dang
 rten dang ba'i phyir dang/ de rgyas pa'i gzhi med pa'i phyir te/ tshor bsdug bsngal la khong khro ba rgyas par 'gyur na/ de ni gong na med pas des na khong khro ba mi srid do/ /de ltar na chos mngon pa pa dag ni phra rgyas drug po de dag rnam pa dang bye brag dang khams kyi dbye bas dgu cu rtsa brgyad du zhes
 bya ba la/ rnam pa'i dbye ba ni lta ba rnams kho na la yod de bdag dang bdag gi rtag chad dang/ zhes bya ba'i tshig le'ung byas pa 'dis bshad par bya'o/ /bye brag gi dbye ba ni sdug bsngal mthong bas spang bar bya ba'i ris nas bsgom pas spang bar bya ba'i bar yin no/ /khams kyi dbye
 ba ni 'dod pa dang gzugs dang gzugs med pa na spyod pa'o/ /'dod chags dang khong khro dang nga rgyal dang ma rig pa dang/ tha tshom rnams rnam pa mtshungs pa'i phyir/ rnam pa'i dbye ba ni med de/ rim pa bzhin du chags pa dang/ khong khro dang/ khengs pa dang/ mi bsal ba dang/ the tshom
 za ba'i rnam pa nyid du tha mi dad pa'i phyir ro/ /khong khro ba la ni/ khams kyi dbye ba yang med de/ gzugs dang gzugs med pa'i khams dag na de med pa'i phyir ro/ /bye brag gi dbye ba kho na yod de/ mthong ba dang bsgom pas spang bar bya ba yin pa'i phyir ro/ /de las gzhan pa dag
 la ni khams dang bye brag gi dbye ba yod do/ /lta ba'i phra rgyas la ni gsum char la yang yod do/ /gal te mdo las phra rgyas bdun bshad pa ma yin nam/ ci'i phyir dgu bcu rtsa brgyad du bshad ce na/ mdo gzhan las te/ bcom ldan 'das kyi zag pa mthong bas spang bar bya ba dag kyang yod/ bsgom pas
 spang bar bya ba dag kyang yod ces rgyas par gsungs pa'i phyir ro/ /srid rtse las skyes bzod pa yis/ /gzhom bya zhes bya ba la/ srid rtse smos pa ni de las gzhen pa'i sa las khyad par du bya ba'i phyir ro/ /bzod pa smos pa ni bsgom pas spang bar bya ba bsal bar bya ba'i phyir ro/ /chos
 kyi bzod pa la thal bar 'gyur ba spang ba'i phyir/ rjes su shes pa'i bzod pas gzhom par bya ba zhes bya ba smos so/ /srid pa'i rtse mo'i gnyen po'i 'jig rten pa'i lam med pa'i phyir te/ de'i phyir srid pa'i rtse mo las skyes pa bzod pas gzhom par bya ba mi mthong bas spang bar
 bya ba kho na yin gyi bsgom pas spang bar bya ba ni ma yin no/ /sa lhag ma dag na zhes bya ba ni 'dod pa'i khams la sogs pa dag nas ci yang med pa'i skye mched kyi bar dag na'o/ /ci rigs par ni ji ltar srid par te/ 'dod pa'i khams na ni chos shes pa'i bzod pas spang bar bya ba yin
 la? bsam gtan dang po yan chad na ni rjes su shes pa'i bzod pas gzhom par bya ba yin no/ /so so'i skye bo rnams kyis ni bsgom pas spang bar bya ba dag yin no zhes bya ba ni/ sa gong ma pa'i bsgom pa'i lam ni sa 'og ma'i gnyen po yin pa'i phyir te/ bstan bcas las bcom
 ldan 'das kyi nyan thos kyis ni mthong bas spong la/ so so'i skye bos ni bsgom pas so zhes 'byung ba'i phyir ro/ /sa thams cad ne zhes bya ba la/ thams cad smos pa ni/ srid pa'i rtse mo bsdu bar bya ba'i phyir ro/ /gnyi ga'i zhes bya ba ni ci rigs par 'phags pa dang so so'i skye bo ste
 so so'i skye bo'i ni srid pa'i rtse mo ma gtogs pa'i'o/ /lhag skyes mthong dang bsgom gnyis kyis zhes bya ba 'di ma bzod de/ gzhan dag na re phyi rol pa rnams kyi ni zhes bya ba rgyas par smos te/ de ltar na srid pa'i rtse mor skyes pa bzod pas gzhom par bya ba 'ba' zhig mthong
 bas spang bar bya ba ma yin gyis 'o na ci zhe na/ sa thams cad du skyes pa yin no zhes bya bar ston to/ /'di ltar zhes bya ba ni gang gi phyir zhes bya ba'i don to/ /las rnam par 'byed pa chen po'i mdo zhes bya ba rgyas par 'byung ste/ de la las rnam par 'byed pa chen po'i mi de
 las kun dga' bo/ /'di na srog gcod pa spong ba nas log par lta ba spong ba'i bar du yin la 'di la yang mi dga' zhing so sor mi dga' la/ lus zhig nas shi ba'i 'og tu ngan song ngan 'gro log par ltung ba sems can dmyal ba dag gi nang du skye bar 'gyur ro/ /de'i phyi rol
 gyi mu stegs pa dge spyod dam bram ze yang rung/ rdzu 'phrul dang ldan pa'i lha'i mig dang ldan pa gzhan gyi sems shes pa gang zhig gis mthong nas de 'di snyam du lus kyis legs par spyad pa yang med la/ lus kyi legs par spyad pa'i rnam par smin pa yang med do/ /
 dag dang yid kyi legs par spyad pa yang med la/ dag dang yid kyi legs par spyad pa'i rnam par smin pa yang med do snyam du sems so/ /zhes 'dod chags dang bral ba rnams la/ 'dod pa'i khams la dmigs pa'i lta ba kun du 'byung bar gsungs so/ /log par lta ba
 'di ni 'dod pa'i khams la dmigs ba can yin te/ las de 'dod pa na spyod pa'i phyir ri dang/ dmyal ba yang de kho nar srid pa'i phyir ro/ /sngon gyi mdza' las rtogs pa rtog pa rnams las rtag par smra ba rnams dang/ rgyu med pa las kun tu 'byung bar smra ba 'dod chags
 dang/ bral ba rnams la 'dod pa'i khams la dmigs pa'i lta ba kun 'byung bar ni tshangs pa'i dra pa las gsungs so/ /de la mngon gyi mdza' la rtog la rtog par smra ba ni mang bas dper brjod pa tsam zhig bstan par bya ste/ 'di na dge spyod dam bram ze la la dgon po na
 'dug kyang rung/ shing drug na 'dug kyang rung/ khang stong na 'dug kyang rung/ kun tu sbyangs pa'i rgyu dang/ spong ba'i rgyu dang/ lan mang du byas pa'i rgyu dang/ legs par spyad pa'i rgyus sems mnyam par bzhag pa ji lta bus 'jig pa dang chags pa'i bskal pa nyi shu
 yang dag par rjes su dran par 'gyur ba de lta bu'i sems kyi ting nge 'dzin zhi ba la rog par 'gyur zhing/ de 'di snyam du bdag dang 'jig rten 'di ni rtag pa yin no snyam du sems par 'gyur ro zhes 'byung ngo/ /de'i phyir de ltar grtag par lta ba des bdag dang 'jig rten la dmigs pa na
 'dod pa'i khams la dmigs par byed pa yin te/ de bzhin du sngon gyi mdza' la rtog pa rtog par smra ba gzhan rnams kyis kyang 'dod pa'i khams la dmigs par byed pa yin no/ /da ni la la rtag par smra ba rnams las brtsams te/ dge slong dag 'jig rten 'jig cing
 zhes bya ba nas rgyas par sems can gang yang rung ba zhig tshe zad cing bsod nams zad la/ las zad pas gnas de nas shi 'phos te/ 'di lta bur mi rnams dang skal pa mnyam par skye bar 'gyur zhing de rim gyi nar son te dbang bo rnams yongs su smin pas skra dang kha spu
 bregs te/ gos kha dog bsgyur ba gyon nas dad pas yang dag par khyim nas khyim med par rab tu 'byung zhing dgon pa na 'dug kyang rung shing drung na 'dug kyang rung/ khang stong na 'dug kyang kun tu sbyangs pa'i rgyu dang/ zhes bya ba'i bar du 'byung zhing/ rgyas par sems mnyam par
 bzhag pa ji lta bus sngon gyi lus rjes su dran par 'gyur ba de lta bus sems kyi ting nge 'dzin zhi ba la reg par 'gyur zhing de 'di mnyam du gang gis bdag cag sprul pa'i tshigs pa gang yi pa 'di ni rtag ba rtan pa ther zug pa mi 'gyur pa'i chos can yin no/ /bag cag gang
 dag tshangs pa de sprul pa de dag ni mi rtag pa mi brtan pa ther zug ma yin pa 'gyur ba'i chos can yin no snyam du sems par 'gyur ba gang yin pa de lta bu'i dus kyang yod do/ /zhes bya ba'i bar du gsungs so/ /de ltar na la la rtag la/ la la mi rtag pa 'di gzhi dang po ste/ gang
 la rten cing gang la gnas te/ gang la so sor brten nas sngon gyi mdza' la rtogs pa bdag dang 'jig rten la la rtag la/ la la mi rtag par smra zhing mngon par smra ba'o/ /mthar 'dzin par lta ba 'di ni 'dod pa'i khams la dmigs pa yin te/ bdag nyid 'dod pa'i khams su skyes pa
 la mi rtag pa nyid du zhen pa'i phyir ro/ /da ni rgyu med pa las kun tu 'byung ba'i dbang du mdzad nas gsungs te/ ji ltar zhe na/ rgyas par gsungs nas gzugs kyi khams nas 'du shes med ba zhes bya ba'i lta ngag yod de/ sems can de dag 'du shes bskyed nas gnas
 de nas shi bar 'gyur ro/ /de nas sems can gang yang rung ba zhig che zad cing bsod nams zad la las zad pas gnas de nas shi 'thos? nas 'di lta bur mi rnams dang bskal pa mnyam par 'ongs par 'gyur zhing/ de rim gyis nar son te/ dbang po rnams yongs su smin nas
 skra dang kha spu bregs ta gos kha dog bsgyur ba gyon nas dang pas yang dag par khyim nas khyim med par rab tu 'byung zhing/ dgon pa na 'dug kyang rung zhes bya ba rgyas par 'byung ba nas/ sems mnyam par bzhag pa ji lta bus sngar 'du shes 'byung ba dran par 'gyur ba de lta bu'i sems
 kyi ting nge 'dzin zhi ba la reg par 'gyur zhing de 'di snyam du/ bdag dang 'jig rten ni rgyu med pa las kyang kun tu 'byung la/ bdag sngar ma byung la da ltar byung ngo/ /snyam du sems bar 'gyur ro zhes bya ba'i bar du 'byung ngo/ /de ltar na rgyu la skur ba 'debs pa'i log par lta ba 'di 'dod pa'i
 khams la dmigs pa yin te/ 'dir skyes pa'i bdag rgyu med pa nyid du lhag par zhen pa'i phyir ro/ /yang 'di ji ltar na log par lta bar 'gyur zhe na/ bdag dang 'jig rten gyi sngar gyi legs par spyad pa dang/ nyes par spyang ba'i rgyu la skur ba btab pa'i phyir ro/ /'dod pa'i
 khams las 'dod chags dang bral ba'i phyir de rnams kyi lta ba de dag ni gzugs na spyed pa kho na yin no/ snyam du sems pa gsal ba'i phyir/ gzugs na spyod pa'i zhes bya ba la sogs pa smos so/ /'dod chags dang bral ba'i phyir ro zhes bya ba la/ sa gong ma pa'i nyon mongs pa
 ni ma 'og ma la dmigs pa ma yin te/ 'dod chags dang bral ba'i phyir ro/ /'di ni phyi rol pa'i 'dod chags dang bral ba rnams kyis lta ba 'dod pa ni spyod pa mthong bas spangs par bya ba de dag ma spangs pa yin no zhes ston to/ /bye brag tu smra ba rnams na re/ de ni yod pa ma yin
 te phyi rol pa rnams ni srid pa'i rtse mo'i bar du skye bar dmigs na/ de ni 'dod pha na spyod pa'i nyon mongs pa kun tu 'byung bar 'gyur na mi rigs te/ rgyun tu zhugs pa la sogs pa ltar mthong ba dang bsgom pas spang bar bya ba dag las gang yang rung gzhig gis kyang 'dod pa'i khams su nyid mtshams
 sbyor pa'i phyir ro/ /de dag bsgom pas spang par bya ba spangs pa'i phyir 'dod chags dang bral ba yin la/ mthong bas spang bar bya ba ma spangs pa'i phyir 'dod chags dang ma bral ba yin no zhes bya ba 'di la yang rigs ba ci zhig yod ce'o/ /gal te de ltar na 'o na ni ji ltar 'dod chags dang bral ba rnams
 la 'dod pa'i khams la dmigs pa'i lta ba kun tu 'byung zhe na/ bye brag tu smra ba rnams na re/ de dag lta ba skye ba dang dus mnyam du nyams pa'i phyir te/ lhas byin bzhin no/ /dper na lhas byin gyi dge slong gis dge 'dun 'khor du bya ba'i phyir bcom ldan 'das la thugs las chung ngur
 bzhugs par gsol nas sdig pa'i bsam pa'i rnam pa skyes pas rdzu 'phrul las yongs su nyams pa de bzhin du de dag kyang lta ba kun tu 'byung bas yongs su nyams pa yin no zhe'o/ /bdag dang bdag gi zhes bya ba rgyas par 'byung de/ /ci'i phyir nye bar len pa'i phung po lnga la 'jig tshogs
 zhes bshad ce na/ de'i phyir rtag par 'du shes pa dang ril por 'du shes pa spangs pa'i phyir zhes bya ba smos so/ /de dag la bdag tu 'dzin pa ni de dag sngon du 'gro ba can yin no zhes bya ba ni/ rtag pa dang ril por 'du shes pa sngon du 'gro ba can no/ /de dag bral bas bdag tu 'dzin pa dang
 bral bar 'gyur te/ rgyu med pas 'bras bu med par 'gyur ro/ /'jig pa zhes bya ba ni rtag par 'du shes pa spang pa'i phyir bshad la/ tshogs pa zhes bya ba ni ril bor 'du shes pa spang pa'i phyir te/ 'di ni mi rtag pa dang tshogs pa yin no zhes de la bdag tu 'dzin pa bzlog par bya ba'i
 phyir ro/ /zag pa dang bcas pa la dmigs pa'i lta ba thams cad kyang 'jig tshogs la lta ba yin mod kyi zhes bya ba ni rnam pa lnga char yang ngo/ /zag pa dang bcas pa la dmigs pa zhes bya ba ni zag pa med pa la dmigs pa las khyad par du byed pa'o/ /'jig tshogs la zhes bya ba ni nye
 bar len pa'i phung po lnga pa'o/ /thams cad 'jig tshogs kyi yul can yin bzhin du ci'i phyir bdag dang bdag gi la bshad ce na/ bdag dang bdag gi med par bstan pa'i phyir te/ de nyid kyi phyir ci nas kyang 'di ni 'jig tshogs la/ lta ba yin gyi bdag dang bdag gi la
 ni ma yin no zhes rtegs par bya ba'i phyir zhes bya ba smos so/ /'di nyid la khungs ni ji skad du dge slong dag ces rgyas par 'byung ba'o/ /mthar 'dzin pa nyid lta ba yin pas na mthar 'dzin par lta ba ste/ de las tha dad pa'i lta ba med pa'i phyir ro/ /de nyid kyi phyir rtag pa dang chad pa'i
 mthar 'dzin pa'i phyir ro zhes bya ba smos so/ /log par zhugs pa'i lta ba thams cad log par lta ba yin/ pas zhes bya ba ni lag par nges par sems pa'i phyir ro/ /log par zhugs pa zhes bya ba ni yang dag par lta ba bsal ba'i phyir ro/ /thams cad ces bya ba ni 'jig tshogs
 la lta ba la ltogs? pa'o/ /ha cang tshabs chen po dang ldan pa'i phyir zhes bya ba la sogs pa la dper na mar ro cog dri nga ba yin bzhin du gang zhig khyad par du dring ba la de la mar dri nga ba zhes brjod pa lta bu'o/ /gcig kho na bshad de zhes bya ba ni log par lta ba kho na'o/ /yang ji ltar gcig
 kho na tshabs tshar log bar zhugs pa yin zhe na/ de'i phyir 'di ni skur ba 'debs par byed pa yin la zhes bya ba smes te/ sdug bsngal sogs pa bden pa yong bzhin du med do snyam du lta ba'i phyir ro/ /gzhan dag ni sgro 'dogs par byed pa yin no zhes bya ni 'jig tshogs la lta ba la soT
 ba ste/ bdag la sogs par spro 'dogs pa'i phyir ro/ /'phags pa rnams kyis spangs pa'i phyir ro/ /zhes bya ba ni dor ba'i phyir ro zhes bya ba'i don to/ /sogs pa'i sgra ni mi mngon par byas so zhes bya ba la/ gang gi phyir 'di ni lta ba tsam zhig la mchog nyid du 'dzin pa ma
 yin te/ 'o na ci zhen nye bar len pa'i phung po lnga la'o/ /de'i phyir 'dir lta ba la sogs pa mchog tu 'dzin pa zhes bya ba'i sogs pa'i sgra mi mngon par lta bar bya'o/ /me dang chur 'jug pa zhes bya ba la sogs pa'i sgras ni zas gcod pa dang/ 'jug dogs dang/ g.yang la
 mchod ba dang/ gdung ba dang/ skra 'phal ba la sogs pa dag bsdu'o/ /grangs can gyi rnal 'byor gyi shes pa la sogs pa zhe bya ba ni rang bzhin dang skyes bu khyad par shes pa ste/ 'dir yang sogs pa'i sgras tshig gi don drug yongs su shes pa la sogs pa dag bsdu'o/ /'dir yang sogs pa'i sgra mi
 mngon par byas so zhes bya ba la/ tshul khrims dang brtul zhugs ni gzugs kyi phung pos bsdus pa yin la/ nye bar len pa'i phung po lnga la 'dag pa dang/ 'grol ba zhes bya ba la sogs par 'dzin te/ de'i phyir sogs pa'i sgra mi mngon par byas so/ /grag go zhes bya ba'i mdo las tshul
 khrims dang brtul zhugs tsam zhig nges par bzung bas sogs pa'i sgra mi 'thang bar bstan pa'i phyir ro/ /gal te rgyu ma yin pa la rgyur lta ba zhes bya ba rgyas par 'byung ste/ kun 'byung ba la log par zhugs pa'i phyir 'di ni kun 'byung/ mthong ba kho nas spang bar rigs kyi/ sdug bsngal
 mthong bas ni ma yin no snyam du bsams pa yin no/ /gang la la dbang phyug gam skye dgu'i bdag po la rgyur lta ba zhes bya ba rgyas par 'byung ste/ de la gcig pu dang bdag dang byed pa por rtogs nas dbang phyug la sogs pa dag la rgyur 'du shes par 'gyur ro/ /de dag la rtag pa dang
 zhes bya ba rgyas par 'byung ba la/ sdug bsngal mthong ba mngon par rtogs pa'i tshe kho nar bdag med pa'i shes pa thob kyi phyis ni ma yin te/ gang gi tshe 'dis sdug bsngal gyi bden pa mi rtag pa la sogs pa'i rnam par rtog pa de'i tshe 'di'i dbang phyug la sogs pa dag la rgyur mngon par
 zhan pa gang yin pa de spong par byed do/ /de'i phyir 'di sdug bsngal mthong bas spang bar bya ba kho nar brjod kyi/ kun 'byung mthong bas spang bar bya ba ni ma yin no/ /ji skad du/ gang phyir 'di yis sdug bsngal mi mthong zhing/ de ma mthong bas bdag ces bya bar lta/ sdug bsngal yang dag
 ji bzhin rig nas ni?/ /'di ni bdag ces bya bar lta mi 'gyur/ zhes bshad do/ /de ci'i phyir chos tsam mthong bas bdag tu lta ba ldog la/ de skyes bdag tu lta ba dang bral bar 'gyur ro/ /'o na gang me dang chur 'jug pa la sogs pas zhes bya ba la sogs pa la 'di ni kun 'byung ba la log par zhugs
 pa'i phyir dang/ rtag pa dang bdag tu phyin ci log pa la mi bltos pa'i phyir kun 'byung mthong pas spang mar bya ba yin no snyam du bsams pa'o/ /tshul khrims dang brtul zhugs kyis dag par ltas ji lta bu min/ zhes bya ba ba ni 'di yang lam la log par zhugs shing rtag par
 bdag tu phyin ci log pas drangs pa ma yin pas lam mthong bas spang bar bya ba kho na yin no snyam du bsams pa'o/ /de yang sdug bsngal mthong bas spang bar bya ba yin te/ zhes bya ba ni dbang phyug la sogs pa dag la rgyud mngon par zhen pa ?? zhig tum zang kyi zhes bya ba'o/ /don des
 bstan bcos khungs su smos pa ni/ /bstan bcos las 'di skad du/ zhes bya ba rgyas par 'byung ba'o/ /'dir sdug bsngal mthong bas spang bar bya ba la dmigs nga'i phyir ram de dang ba yin pa'i phyir sdug bsngal mthong bas spang bar brtag smad na/ de gnyig yang med do snyams
 dung byang nas 'dri ba ni/ de'i phyir zhes bya ba rgyas par 'byung ba'o/ /rgyu ni sdug bsngal la log par zhugs pa'i phyir ro zhes bya ba smos so/ /yang ji ltar sdug bsngal la log par zhugs she na/ des yang dag par mi rtogs pa'i phyir ro/ /zag pa dang bcas pa la dmigs pa thams
 cad zhes bya ba rgyas par 'byung ngo/ zag pa med pa la dmigs pa ma gtogs pa'i nyon mongs pa thams cad sdug bsngal la log par zhugs pa yin te/ zag pa dang bcas pa'i dngos po thams cad sdug bsngal pa yin zhing de la yang dag pa ma yin par zhugs pas log par zhug
 pa'i phyir sdug bsngal mthong pas spang bar bya ba kho nar 'gyur ro/ /de lta yin na yang kun 'byung ba dang 'gog pa dang lam mthong ba dang bsgom pas spang bar bya ba med par thal bar 'gyur ro/ /yang na tshul khrims dang brtul zhugs mchog tu 'dzin pa zhes bya brgyas par 'byung ste/ gal
 te 'di sdug bsngal la log par zhugs pa'i phyir sdug bsngal mthong bas spang par bya ba yin na/ gang zhig sdug bsngal log par ma zhugs pa ji ltar du zhig yong snyam du dgongs pa'o/ /lam mthong bas sdang bar bya ba la dmigs pa gang yin pa'o/ /zhes bya ba la gang zhig lam/
 mthong bas spang par bya ba phra rgyas bdun la dmigs pa de ni de'i dmigs pa zag pa las lam mthong bas spong bar 'dod do/ /de yang sdug bsngal la log par zhugs pa yin no zhes bya ba ni/ log par lta ba la sogs pa lam mthong bas spang bya ba dag zag pa dag bcas pa nyid kyi sdug bsngal
 gyi bden pas bsdus pa'i phyir ro/ /da ni tshul khrims dang brtul zhugs mchog tu 'dzin pa 'am mthong bas spang par bya ba la dmigs pa nyid ma bzod nas/ yang gang la lam la dmigs pa log par lta ba 'am zhes bya ba la sogs pa smos te/ gang dag gang zhig la lam med de snyam du lam
 la dmigs pa log par lta ba'am the tshom yod pa'i gang zag de thar pa'i lam med do zhes the tshom za ba na ste/ ci lam 'di yod dam med snyam du the tshom za ban ji ltar de ste/ lam gyi bden pa med do snyam pa'i log par lta ba dang/ yod dam med snyam du the tshom za ba des dag go /snyam du yid ches
 par 'gyur/ /da ni thar pa'i lam thams cad la skur pa 'debs par byed pa'am/ the tshom za ba na log par lta ba 'am the tshom des dag go snyam du ji ltar rtog par 'gyur 'on te thar pa'i lam gzhan zhes bya ba ni grangs can pa rang gcer bu'i 'dod pas so/ /thar pa'i lam 'di ni med do nas phyir
 ba ni bde bar gshegs pa yi'o/ /de yang gzhan de kho nas zhes bya ba ni grangs can la sogs pa 'dod pas yin gyi/ lam la skur pa 'debs pa'i log par lta bas ni ma yin te/ de'i phyir grangs can la sogs pa'i lam la dmigs pa nyin du 'gyur gyi/ lam mthong bas sdang bar bya
 ba la dmigs par ni mi 'gyur ro/ /yang gang zhig ces bya brgyas par 'byung ste/ tshul khrims dang brtul zhugs mchog tu 'dzin pa de yang ci'i phyir de dag 'thong? pas spang par bya ba ste/ kun 'byung ba dang 'gog pa mthong bas spang bar bya ba ma yin zhes bya ba'i tha tshig ste/ kun 'byung dang
 'gog pa mthang bas spang bar bya ba'i nyon mongs pa la dmigs pa'i phyir ro/ /de lta bas na don 'di ni rtag par bya ba yin zhes bya ba la/ gang gi phyir zag pa de'i bcas pas dmigs pa'i phyir thams cad sdug bsngal mthong bas spang par bya par gyur ba 'am/ de dag gis spang par bya ba'i
 lta ba la dmigs pa'i phyir rnam pa bzhi yin pa de lta bas na tshul khrims dang brtul zhugs mchog tu 'dzin pa ni rnam pa gnyis kho na yin gyi rnam pa gcig ma yin zhing rnam pa bzhi ma yin no zhes bya ba'i don 'di ni rtag par bya ba yin no/ /'di la lan gdab pa'i phyir bshad pa
 zag pa dang bcas pa la dmigs pa thams cad sdug bsngal la log par zhugs pa'i phyir ha cang thal bar 'gyur ro/ /zhes gang smras pa de la brtod? par bya'o/ /ha cang thal bar ni mi 'gyur te/ 'di ltar kha gcig ni zag pa dang bcas pa'i dngos po la sdug bsngal gyi sgo nas log par zhugs pa/?
 kha cig ni kun 'byung gi sgo nas so/ kha cig ni 'gog pa la log par zhugs la/ kha cig ni lam la log par zhugs so/ /tshul khrims dang brtul zhugs mchog tu 'dzin pa ni rtag pa dang bdag tu 'dzin pas sdug bsngal la log par zhugs te/ de'i sdug bsngal mthong bas spang
 bar bya ba yin no/ /gang zhig lam la log par zhugs pa lam ma yin pa la lam du lta ba de ni lam mthong pas spang bar bya ba yin no/ /lta ba gsum las phyin ci log bzhi mtshan zhes bya ba 'byung ste/ de'i phyir de ltar? na phyin ci log lta ba'i rang bzhin can yin no/ /zhes bya bar grub pa'o/
 'jig tshogs la lta ba las ni bdag tu lta ba phyin ci log go zhes bya ba 'byung ngo/ /gzhan dag nor thams cad yin no zhes zer ro zhes bya ba la 'jig tshogs la lta ba thams cad ni bdag tu lta ba dag bdag gir lta ba'o/ /ji ltar na bdag gir lta ba byin ci log yin zhe na/ ji ltar ma yin
 gzhan gyi phyin ci log gi mdo las mi 'gyur pa'i phyir ro zhes smras te/ 'di ltar 'di skad du bdag med pa la bdag go snyam du phyin ci log pa zhes 'byung gi bdag gi med pa la snyam du zhes bya bar ni mi 'byung ste/ de'i phyir 'jig tshogs la lta ba ril phyin ci log ma yin no/ /bdag lta
 pa 'di gnyis sgo ba nyid can yin no zhes bya ba ni gcig yin yang ngo/ /gal te rnam par dbye ba tha dad pas bdag gi zhes drug pas bstan pa lta bu gzhan du gtogs na ni/ de lta ni bdag gi zhes bya ba bdag gi phyir zhes bya bar rnam par dbye ba tha dad pas de yang lta ba gzhan du 'gyur ro/ /
 'di ltar bdag gi zhes bya ba ni gsum pa'o/ /bdag gi phyir zhes bya ba ni bzhi pa'o/ /de yang lta ba gzhan du 'gyur na de ni 'dod pa yang ma yin te/ de'i phyir thams cad yin no zhes bya ba grub po/ /ci'i phyir nyon mongs pa gzhan dag phyin ci log ma yin zhes bya ba ni kun nyon mongs pa rnams
 phyin ci log par mtshungs bzhin du zhes bya ba'o/ /'di ltar rgyu gsum gyi zhes bya ba rgyas par 'byung ste/ gsum po 'di dag rim gyis nyon mongs pa gzhan la yod pa ma yin te/ de'i phyir de rnams phyin ci log nyid du rnam par bzhag go / log par lta ba dang chad par lta ba gnyis ngos par/
 rtog pa dang gcig tu phyin ci log pa yin mod kyi/ spro 'dogs par byed pa ni ma yin te/ rdzas 'jig par zhugs pa'i phyir ro/ /tshul khrims dang brtu ba zhugs mchog tu 'dzin pa ni sgro 'dog spar byed cing nges par rtog pa'i bdag nyid yin mod kyi/ gcig tu phyin ci log pa ni ma yin no/ /
 de tsam gyis dag par dmigs pa'i phyir zhes bya ba la/ tshul khrims dang brtul zhugs ni dag pa'i rgyur 'gyur te/ gang gi phyir tshul khrims ni 'chal pa'i tshul khrims spong ba yin la/ nyi tshe ba dang dus gzhan na 'dag pa yin pa'i phyir te/ 'ba' zhig pa ni ma yin no/ /ji ltar 'di
 sgro 'dogs par byed pa nyid zhe na/ de tsam zhig gi mdza' dag 'dag pa'i rgyu'i ngo bor sgor 'dogs pa'i phyir ro/ /nyon mongs pa gzhan ni nges bar rtog par byed pa ma yin pas zhes bya ba ni 'dod chags dang khong khro dang nga rgyal dang ma rig pa dang the tshom ste/ sgro 'dogs par byed pa
 dang log par 'jug pa yin mod kyi/ /nges par rtog pa ni ma yin te/ lta ba'i rang bzhin ma yin pa'i phyir ro/ /'on mdo las shes bya ba 'dis ni lta ba'i bdag nyid can gzhi kho na phyin ci log yin no/ /zhes bya ba 'di 'gal bar ston pa'o/ /'dir ni lta ba kho na phyin ci log yin gyi/
 'du shes dang sems gnyis ni ma yin te/ 'dod chags la sogs pa bzhin du nges par rtog par byed ba ma yin pa'i phyir ro/ /gal te de lta na mdo dang 'gal ba ma yin nam zhe na/ 'gal ba med de/ sems dang 'du shes de dbang gis shes bya ba rgyas par 'byung ngo/ /gal
 te sems dang 'du shes gnyis phyin ci ma log pa'i bdag nyin yin yang/ lta ba dang mtshungs par ldan pa'i phyir phyin ci log tu bshad na/ tshor ba la sogs pa dag kyang lta ba dang mtshungs par ldan par mtshungs bzhin du ci'i phyir ma bshad cen/ thal ba 'di ni med de
 'jig rten dang mthun par gsungs pa'i phyir ro/ /de nyid kyi phyir 'jig rten na graT pa'i phyir te/ zhes bya ba smos so/ /phyin ci log de dag thams cad kyang rgyun tu zhugs pas spang ba yin te/ 'di ltar bcom ldan 'das kyi gang zag lta ba phun sum tshogs pa 'di las phyi rol
 pa'i ston pa gzhan tshol ba dang/ srog gcod par byed pa gang yin de ni gnas ma yin zhing go skabs med ngo zhes gsungs pa'i phyir ro/ /phyin ci log bzhin po gang dag yin pa de dag las du dag cig ni rgyun tu zhugs pas spang/ du dag cig ni ma spang zhe na/ bshad pa thams
 cad spangs so zhes gsungs so/ /de nyid la rgyu smras pa ni/ lta ba mtshungs par ldan pa dang bcas pa rnams ni mthongs bas spang bar bya ba yin pa'i phyir ro zhes bya ba'o/ /mtshungs par ldan pa smos pas ni sems dang 'du shes phyin ci log gnyis kyang mthong ba'i lam gyi
 spod pa yin no zhes ston to/ /phyin ci log ni bcu gnyis yin no zhes bya ba la lta ba phyin ci log dag re re la sems dang 'du shes phyin ci log yod pas gsum mtshan bzhi ste bcu gnyis su 'gyur ro/ /de nyid kyi phyir mi rtag pa la rtag go snyam du zhes bya ba rgyas par
 smos so/ /de la brgyad ni mthong bas spang bar bya ba yin no zhes bya ba la/ mi rtag pa dang bdag med pa nyid du 'du shes dang sems dang lta ba phyin ci log rnams dang sdug bsngal dang mi gtsang ba dag la lta ba phyin ci log pa gnyis te/ brgyad po de dag ni mthong bas spang bar bya
 ba dag yin no/ /bzhi ni bsgom pas spang bar bya ba dag yin no zhes bya ba 'byung ngo/ /de dag nyid bstan par bya ba'i phyir sdug bsngal dang/ mi gtsang pa la 'du shes dang sems phyin ci log pa zhes bya ba smos so/ /'dod chags dang ma bral ba la zhes bya ba ni rgyun du zhugs
 pa dang lan cig phyir 'od ba'o/ /de dag gi phyin ci log dag tu 'dod na ni zhes bya ba ni sems dang 'du shes phyin ci log tu shes bya ba'i tha tshig go /sems can gyi 'du shes dang sems kun tu 'byung bas zhes bya ba ni sems can gyi 'du shes kun tu 'byung bas zhes bya ba ni sems can gyi 'du shes
 kun tu 'byung ba dang/ sems can gyi sems kun tu 'byung bas so/ /de dag gi phyin ci log dag tu yang ci'i phyir mi 'dod ces bya ba ni sems can gyi 'du shes phyin ci log dang/ sems can gyi sems phyin ci log ste/ khyad par gyi rgyu med pa'i phyir ci ste mi 'dod/ ci'i phyir zhe na/ bud med dang
 bdag la zhes bya ba rgyas par 'byung ste/ bdag ni longs spyod pa'o/ /'di ni longs spyad par bya ba'o snyam du de ltar zhugs pa'i phyir ro/ /de ltar na bdag med pa la bdag go snyam du 'du shes dang sems phyin ci log pa dag kyang bsgom pas spong bar bya bar 'gyur ro/ /mdo las kyang bden pa dag
 mthong ba tsam kho nas phyin ci log bcu gnyis po thams cad spong gi bsgom pas spong bar bya ba ni 'ga' yang med do zhes gsungs te/ 'di ltar 'phags pa nyan thos thos pa dang ldan pa 'di ni sdug bsngal 'phags pa'i bden pa'o/ /zhes bya bar yang dag pa ji lta bzhin du rab tu shes so/ /'di
 ni sdug bsngal kun 'byung pa'o/ /'di ni sdug bsngal 'gog par 'gro ba'i lam 'phags pa'i bden pa'o zhes bya bar ji lta pa bzhin du rab tu shes so/ /de'i tshe de'i mi rtag pa la rtag go snyam du 'du shes phyin ci log pa dang/ sems phyin ci log pa dang/ lta ba
 phyin ci log pa gang yin pa de spong bar byed ngo zhes rgyas par 'byung ngo/ /rgyas par zhes bya ba smos pas ni sdug bsngal ba la bde ba'o snyam pa dang/ mi gtsang ba la gtsang do snyam pa dang/ mi gtsang ba la gtsang ngo snyam pa dang/ bdag med pa la bdag go snyam du 'du shes pa dang/ sems dang lha ba phyin ci log spong bar byed do zhes
 mdo'i khyad par 'phen pa'o/ /de lta bas na lta bas kun nas bslang ba zhes bya ba 'byung ngo/ /gzhan dag ni ma yin te zhes bya ba ni bsgom pas spang bar bya ba dang mtshungs par ldan pa'i 'du shes dang sems dag ni log par zhugs pa yin yang lta ba dang pmtshungs par mi ldan pa'i phyir phyin
 ci log ma yin pa ste/ de lta ma yin na nyon mongs pa thams cad log pa yin pa'i phyir phyin ci log tu 'gyur la/ dgra bcom pa lam du zhugs pa'i nor nas lam gol bar zhugs pa dang/ thag pa la sbrul lo zhes mthong ba yang 'du shes phyin ci log tu 'gyur ro/ /
 de'i phyir tshabs che bar phyin ci log pa dag la phyin ci log tu rnam par bzhag gi gzhan la ni ma yin te/ tshabs che ba de yang phyin ci log phyir dang/ nges rtog phyir dang/ sgro 'dogs phyir zhes bstan zin to/ /de'i phyir slob pa'i rgyud la/ kun tu 'byung ba'i 'du shes nyon mongs pa
 can gyis ni phyin ci log gi ming mi thob bo/ /de'i dus su 'khrul ba tsam yin pa'i phyir zhes bya ba ni mthong ba la sogs pa'i dus su 'khrul pa tsam yin pa'i phyir te/ 'phags pa rnams la ni phyis bud med dang/ bdag nyid la bde ba dang gtsang pa'i 'du shes dang sems kyi 'khrul ba
 mi 'byung ngo/ /de nyid kyi phyir 'gal me'i 'khor lo dang ri mo'i gnod sbyin la 'khrul pa dper brjod de/ dper na nges par ma brtags par mthong ba tsam gyis 'gal me dang ri mo'i gnod sbyin la 'khrul pa 'byung ba de bzhin du 'phags pa yang nges par ma brtags par yud tsam zhig
 sems can du 'khrul pa 'khrul pa 'byung ste/ ji ltar 'di phyin ci log ma yin pa de bzhin du 'phags pa'i 'du shes dang/ sems 'khrul pa yang phyin ci log ma yin no/ /gal te 'phags pa rnams kyi 'du shes dang sems 'khrul pa dus de kho nar yin gyi rgyun chags ma yin na/
 'o na gnas brtan kun dga' bos shes bya ba de rgyas par 'byung ba de ji ltar drang bar bya/ 'phags pa dag gi dbang phyug gis gnas brtan kun dga' bo la/ 'dod pa'i chags pas zil non phyir/ /bdag gi sems ni gdud bar 'gyur/ /gau tam khyod ni thugs brtse'i phyir/ /zhi ba
 mchog ni bshad du gsol/ zhes smras pa dang/ 'phags pa kun dga' bos phyir/ 'du shes phyin ci log pa yis/ /khyod kyi sems ni mdo su gdung/ /de phyir 'dod chags ldan pa yis/ /rgyu mtshan sdug pa spang par gyis/ /zhes smras te/ 'dir ni de'i dus su 'khrul pa na
 du ma gsungs la/ de ni rgyu na tu zhugs pa yin zhing de la phyin ci log yod pa nyid yin no/ /de'i phyir zhes bya ba ni bye brag tu smra ba'i lugs ni sde pa gzhan dag dang 'gal la/ sde pa gzhan dag gi lugs kyang bye brag tu smra ba dang 'gal ba'i phyir ro/ /'du shes dang sems phyin ci log brgyad po thams
 cad ma spangs pa kho na'o/ /zhes bya ba ni gzhi kho nam spang par zad do zhes bya ba ste/ lta ba phyin ci log pa 'ba' zhig spangs par zad do/ /phyin ci log bcu gnyis po thams cad bden pa mthong bas spong bar 'gyur ro/ /zhes bye brag tu smras pas mdo gang zhig khungs su khyer te/ 'ongs pa de dang 'gal
 ba spong ba ni 'phags pa'i bden pa rnams shes bya ba rgyas par 'byung ste/ 'du shes dang sems phyin ci log brgyad po de dag yang dag pa ji lta ba bzhin du shes pas 'phags par 'gyur ba dang/ phyis spong ngo/ /de med par ni ma yin no/ /zhes bya ba ni yang dag pa ji lta ba bzhin shes pa de med par
 thabs yang dag par bstan pa yin pa'i phyir zhes bya ba la/ mdod las spong ba'i thabs yang dag par bstan pa'i phyir mdo dang 'gal ba med de/ bsgom pa'i lam ni mthong ba'i lam med par mi 'byung ba nyid do snyam du bsams pa'o/ /bye brag med par sems khengs pa la nga rgyal zhes bshad do/ /
 zhes bya ba ni bdag dad gzhan la brten nas mthong ba ni khengs pa ste/ 'dis zhes pas na zhes byas pa'i phyir ro/ /de mjug pa'i bye brag las ni zhes bya ba ni rnam pa'i bye brag las so/ /rigs dang rig pa las sogs pa dag gi sgo nas/ chung ngu bas bdag khyad du 'phags pa 'am/ de dag nyid kyi
 sgo nas mnyam pa dang mnyam mo mnyam du sems pa'i khengs pa la ni nga rgyal zhes bshad do/ /gal te 'di ni phyin ci log tu ma zhugs pa'i phyir nga rgyal yin par mi 'os te/ phyin ci ma log pa la dmigs pa'i phyir ro zhe na/ 'di ni dmigs pa la bltos te/ mi dge ba nyid ma yin gyi/ 'o na
 ci zhe na/ mtshungs par ldan pa la bltos nas te/ gnas kyi 'khrugs pa bzhin no/ /rigs pa la sogs pa'i sgo nas mnyam pa bas bdag khyad par 'phags so snyam pa ni lhag pa'i nga rgyal lo/ /de dag de kho na'i sko nas khyad par du 'phags pa bas kyang bdag khyad par du 'phags so snyam
 ba ning rgyal las kyang nga rgyal lo/ /nye bar len pa'i phung po lnga la zhes bya ba rgyas par 'byung ngo/ /de dag la bdag tu nga rgyal ba bzhag pas na bdag ste/ nye bar len pa'i phung po lnga'o/ /da'o snyam du nga rgyal ba ni nga'o snyam pa'i nga rgyal lo/ /khyad par gyi thob pa ma thob
 par zhes bya ba la/ gal te thob pa ma thob par zhes bya ba'i don ci yin/ 'di ltar thob pa ni thob pa kho na yin no zhe na/ don ni yon tan de'i thob pa ma rnyed par zhes bya bar 'di yin te/ thob pa yang thob pa yod do zhes bya ba ni grub pa'i mdza' yin pa'i phyir ro/ /khyim pa dang rab tu byung ba dang bzo
 dang tshul khrims la sogs pa dag gi sgo nas ches khyad par du 'phags pa bas bdag cung zad cig gis dman no snyam pa cung zad snyam pa'i nga rgyal lo/ /yon tan ma yin pa dang ldan pa la bdag yon tan dang ldan no snyam pa ni log pa'i nga rgyal lo zhes bya ba la/ yon tan ma yin ba ni
 yon tan gyis 'gal zla nyes par spyod pa dag ste/ de'i phyir de ltar gyur cing yon tan ma yin pa dang ldan yang dag bdag yon tan dang ldan par sems shing tes? par spyad pas zhes pa ni log pa'i nga rgyal lo/ /mngon pa'i nga rgyal dang log pa'i nga rgyal gnyis la khyad par ci yod ce na/
 byang bar bstan bcos pa'i yon tan gyis bslus pa'i gzhi dang bcas pa ni mngon pa'i nga rgyal yin la log pa'i nga rgyal ni yon tan med bzhin pa'i bdag yon tan dang ldan no snyam pa'i gzhi med pa ste/ mngon pa'i nga rgyal nas bon dang bcas pa'o/ /log pa'i nga rgyal ni sa bon med
 pa'o/ /nga rgyal rnam pa zhes bya ba ni nga rgyal gyi rnam pa'i bye brag ces bya ba'i don yin no/ /bdag dang 'dra'o snyam par rgyal gyi rnam pa dang/ bdag dman no snyam pa nga rgyal gyi rnam pa zhes bya ba ni re re dang sbyar bar bya'o/ /ji ltar zhe na/ bdag dang 'dra'o snyam par rgyal gyi rnam
 pa dang/ bdag ngan ni snyam pa nga rgyal gyi rnam pa zhes bya bar ro/ /phyi ma dag thams cad la yang re re la sbyar bar bya'o/ /ji ltar zhe na/ bdag pas mchog yod do snyam par rgyal gyi rnam pa zhes bya ba la sogs par ro/ /de la dbang po gsum ni lha ba la brten pa zhes bya ba ni
 lta bas rab tu bcug pa'o/ /de la bdag mchog yin no snyam pa ni 'jig tshogs la lta ba la rten pa lhag pa pa'i nga rgyal gyi rnam pa'o/ /bdag dang 'dra'o snyam pa ni lta ba de la brten pa'i nga rgyal gyi rnam pa'o/ /bdag dman no snyam pa ni lta ba de la brten pa'i cung zad snyam pa'i nga rgyal gyi rnam pa'o/ /bdar
 pas mchog yod do snyam pa ni cung zad snyam pa'i nga rgyal gyi rnam pa'o/ /bdag dang snyam pa yod do snyam pa ni nga rgyal gyi rnam pa'o/ /bdag pas dman pa yod do/ snyam pa ni lhag pa'i nga rgyal gyi rnam pa'o/ /bdag bas mchog med do snyam pa ni nga rgyal gyi rnam pa'o/ /bdag dang mnyam pa med do snyam pa
 ni lhag pa'i nga rgyal gyi rnam pa'o/ /bdag bas dman pa med do snyam pa ni cung zad snyam pa'i nga rgyal gyi rnam pa'o/ /de de ltar nga rgyal rnam pa dgu po de dag ni nga rgyal gsum las yin bar rig bar bya'o/ /gsum po gang zhe na/ nga rgyal dang lhag pa'i nga rgyal dang cung zad snyam pa'i nga rgyal las
 so/ /gzhan yang 'di ni ye shes la 'jug pa las bshad pa'i lugs yin gyi/ zhes bya ba ni bdag mchog yin no snyam pa nga rgyal gyi rnam pa dang zhes bya ba la sogs pa thal ma thag tu bshad pa gang yin pa'o/ /dman pa dang mnyam par rgyal pas kyang nga rgyal yin no/ /kha cig na re nga'o snyam pa'i
 la/ dman pa la bltos nas ni bdag mchog yin no snyam par rgyal yin la/ mnyam pa la bltos nas ni bdag mchog yin no snyam pa lhag pa'i nga rgyal yin zhing khyad par du 'phags pa la bltos na bdag mchog yin no mnyam pa nga rgyal pas kyang nga rgyal yin no/ /kha cig na re da'o snyam pa'i
 nga rgyal dang log pa'i nga rgyal dag ni mthong bas spang bar bya ba yin la lhag ma rnams ni mthong ba dang bsgom pa dag gis spang bar bya ba yin no/ /zhes zer de gsal ba'i phyir thams cad mthong ba dang bsgom pas spang bar bya ba dag yin no zhes bya pa smos so/ /thams cad smos pas ni lhag ma rnams
 kho nar zad kyi nga'o snyam pa'i nga rgyal dang log pa'i nga rgyal gnyis kyang mthong ba dang bsgom pas spang bar bya ba dag yin no zhes bstan par bya ba'i phyir ro/ /nges pa med de zhes bya ba la 'dir spangs pa kun tu mi spyod pa 'am ma spangs pa kun tu spyod do zhes bya ba'i gcig tu nges pa ni med de/ 'di
 ltar dang pa la sogs pa dang/ gnyid dang sdug bsngal gyi dbang po dang mig la sogs ba dag spangs kyang kun tu spyod la/ cung zad gcig dim spangs kyang kun tu mi spyod de/ dper na gsod pa la sogs pa'i kun nas dkris pa lta bu'o/ /bsgom pas spang bar bya ba'i chos la dmigs
 pa'i phyir ro/ /zhes bya ba la/ sems can la sogs pa'i gsad par bya ba la sogs pa gang yin pa de ni bsgom pas spang bar bya ba yin te/ gzugs la sogs pa'i tshogs ba yin pa'i phyir ro/ /de'i bsgom pas spang bar bya ba yin no/ /de la don du gnyer ba zhes bya ba khams
 gsum pa'i mi rtag pa de la ste/ don du gnyer ba ni mngon par 'dod pa'o/ /ji ltar de la ngon du gnyer bar 'gyur zhe na/ 'jig rten pa'i lta ba'i dbang du mdzad nas mdo las ji skad du/ bdag 'di ji srid gson zhing 'dug la/ sngod cing 'tsho ba de srid du nad dang bcas pa/ 'bras dang
 bcas pa/ zug rdu dang bcas pa/ rims nad dang bcas pa/ yongs su gdung ba dang bcas pa ste/ 'dir ltar bdag 'di 'chad par gyur cing zhig par 'gyur la/ 'byung bar mi 'gyur na/ de tsam gyi bdag 'di yang dag par kun nas chad pa yin no snyam du sems so zhes gsungs pa lta
 bu'o/ /khams gsum pa smos pa ni zag pa med pa'i chos mi rtag pa nyid gsal pa'i phyir te/ 'di ni sred pa'i gzhi'i gnas su gyur pa ma yin pas sel ba yin no/ /de bzhin zhes bya ba'i sgras ni sye ba'i sred pa'i phyogs bdag ni glang po che'i rgyal pos srung gi bur gyur kyang cim
 rung zhes bya ba de lta bu la sogs pa gzung ngo zhes bya ba la sogs pa zhes bya ba'i sgras ni lha ma yin gyi dbang po dang bud med rin po che dang/ byang gi sgra mi snyan la sogs pa bsdu'o/ /phyogs smos pas na dbang po 'khor los bsgyur bar gyur kyang ci ma rung snyam pa de lta bu ni kun tu 'byung ba
 yin no/ /nga rgyal gyi rnam pa zhes bya ba rgyas par 'byung ba ni mthong dang bsgom pas zad bya ba zhes 'byung ba'i phyir ro/ /'phags pa la ni nga'i snyam pa'i nga rgyal dang/ nga rgyal gyi rnam pa bsgom pas spang bar bya bdag ma spangs kyang kun tu mi 'byung ngo/ /de dag ma spangs kyang zhes bya ba ni
 gsod pa la sogs pa'i kun nas dkris pa la sogs pa'i nga rgyal gyi mthar thugs pa dag go /'jig tshogs la lta bas rgyas par 'gyur ba yin no zhes bya ba ni 'jig tshogs la lta ba'i sgo nas 'jug pa'i phyir ro/ /log par lta bas rgyas par 'gyur ro zhes bya ba la rgyu dang 'bras bu'i
 'brel pa la log par zhugs pa ni sdig pa rnams byed de/ rgyas par ni spel ba dang phan btags zhes bya ba'i tha tshig go/ mi dge'i 'gyod pa ma yin no zhes bya ba la/ ngan ba byas pa ni lus dang ngag gi las kyi rang bzhin yin pa'i phyir bsgom pas spang bar bya ba yin la/ le lo yang de
 la dmigs pa'i yid la gdags pa yin pas de yang bsgom bas spang bar bya ba kho na'o/ /'phags la ni de 'byung ba yang ma yin te/ the tshom gyis kun nas lang ba'i phyir la de yang mthong ba'i lam gyis spangs zin pa'i phyir ro/ /rkang pa bcag pa'i phyir zhes bya ba ni brten bcom pa'i
 phyir te/ de dag gi rten ni 'jig tshogs la lta ba la sogs pa dag yin te/ gsos 'debs par byed pa yin pa'i phyir ro/ /de ni chags pa yin te/ 'phags pas 'jig tshogs la lta ba la sogs pa rnams spangs pa'i phyir ro/ /'di dag bshad par gyur te/ de la gsos 'debs
 par byed pa'i nyon mongs pa med pa'i phyir slar skye mi nus so/ /sdug bsngal rgyu mthong spang bya ba/ zhes bya ba rgyas par 'byung ste/ dngos po rnam pa lnga'i rgyu'i dngos por nye bar 'gro ba'i phyir kun tu 'gro ba zhes bya'o/ /lta ba bdun ni sdug bsngal mthod bas spang bar bya ba lnga dang/ kun 'byung
 mthong bas spang bar bya ba gnyis po log par lta ba dang lta ba mchog tu 'jin pa'o/ /the tsam gnyis shes bya ba ni sdug bsngal mthong bas spang bar bya ba dang/ kun 'byung mthong bas spang bar bya'o/ /ma rig pa gnyis shes bya ba ni sdug bsngal dang kun 'byung mthong bas spang bar bya ba dag ste/
 nyon mongs pa gzhan dang mtshungs par ldan pa dang/ ma 'dres pa sdug bsngal mthong bas spang bar bya ba gcig tu byas nas so/ /kun 'byung mthong bas spang bar bya ba yang de ltar byas nas yin no/ /de ltar sdug bsngal mthong bas spang bar bya ba kun tu 'gro ba bdun yin la/ kun 'byung
 mthong bas spang bar bya ba bzhi yin te/ de ltar na bcu gcig tu 'gyur la yang khams kyi dbye bas ni sum cu rtsa gsum du 'gyur te/ gsum las re re bcu gcig bcu gcig tu byas pa'i phyir ro/ /ma 'dres pa kho na ste zhes bya ba la/ 'grogs pa ni 'dres zhes
 bya'o/ /'dres pa med pa nas ma 'dres pa ste/ logs shig tu gyur pa zhes bya ba'i don to/ /'di skad du bcom ldan 'das ma 'dres la/ dge slong gi dge 'dun ma 'dres zhes gsungs te/ bcom ldan 'das kyang logs shig dge slong gi dge 'dun yang logs shig go zhes bya
 pa'o/ /'dres pa med par spyod pas na ma 'dres pa ste/ nyon mongs pa gzhan dang lhan cig mi 'byung ba zhes bya bar bsaMs pa'o/ /ci'i phyir/ sdug bsngal dang kun 'byung mthong bas spang bar bya ba'i ris kho na kun tu 'gro bar 'dod ce na/ zag pa dang bcas pa'i dngos po thams cad la/ dmiT
 pas bsags pas nye bar bstan pa'i phyir dang blo gcig cing bya gcig pa'i phyir stobs dang ldan par grub pa'i phyir ro/ /'gog pa dang lam mthong bas spang bar bya ba dag ni zlogs pa yin pas stobs chung ba'i phyir thams cad du 'gro bar nus pa ma yin no/ /ci'i phyir sdug
 bsngal dang kun 'byung mthong bas spang bar bya ba 'dod chags khong khro dang nga rgyal rnams kun tu 'gro bar mi 'dod ce na/ de rnams ni rang gi mtshan nyid kyi nyon mongs pa yin pa'i phyir kun tu 'gro ba ma yin no/ /bsgom pas spang bar bya ba nyon mongs pa can rnams kyi rgyu yin
 par ji skad ltar shes she na/ bdag tu lta ba'i dbang gi yul la 'dod chags la sogs pa'i 'phel pa'i phyir dang/ de med na yul la 'dod chags la sogs pa srab par snang ba'i phyir ro/ /dpyad las kyang mthong bas spang bar bya ba'i rgyu las byung ba'i chos rnams gang zhe na
 chos nyon mongs pa can rnams so zhes 'byung ngo/ /rang gi khams dag la dmigs pa'i phyir zhes bya bas ni kun tu 'gro ba yin par 'gyur ro/ /lta ba bzhan dag la rang gi khams mdza' dag la dmigs pa srid par 'gyur gyi/ tshul khrims dang brtul zhugs mchog tu
 'dzin pa la ni ma yin no snyam ste 'dri pa ni su zhig 'dod pa'i khams mdza' dag gis zhes bya ba rgyas par 'byung ste/ mdza' dag gis zhes bya ba ni gnas nyi shu dbye bas tha dang pas so/ /mdza' dag rgyu ma yin pa la rgyur yid ches par 'gyur zhes bya ba ni/ 'dod pa'i khams zhes bya bar sbyor/
 gang la tshul khrims dang brtul zhugs mchog tu 'dzin pa kun 'gro bar rnam par bzhag par 'gyur ba zhes bya bar bsams pa'o/ /gnas kyi dbye bas tha dad pas mdza' dag gcig car du dmigs so/ zhes ni mi zer ro/ /'on kyang rnam pa lnga char po yang mdza' dag gcig car du dmigs
 pas kun tu 'gro ba yin par smra ba'o/ /gal te rnam pa lnga po nyid 'dod pa'i khams yin pas 'dir lan ci zhig btab par 'gyur zhe na/ lan ni rnam pa lnga'i cha la gcig char du dmigs so zhes bya ba 'di yin no/ /de lta na yang gang la bdag tu lta ba yod pa de la bdag la sred pa
 yod la zhes bya ba ni nye bar len pa'i phung po lnga la bdag tu lta ba yod pa de dag kho na la bdag la sred pa yod de/ de dag ni bdag tu mdon par zhen pa'i gzhi yin pa'i phyir ro/ /gang la mchog dang dag par lta ba yod pa de la de don du gnyer pa yod cing des kyang nga rgyal du 'gyur
 bas zhes bya bas ni nye bar len pa'i phung po lnga'i mtshan yid kyi dngos po gang la'o/ /mchog tu lta ba ni lta ba mchog tu 'dzin pa'o/ /dag par lta ba ni chul khrims dang brtul zhugs mchog tu 'dzon pa'o/ /de la zhes bya ba ni mch+go dang dag par ba lta ba'i gzhi la'o/ /
 mchog dang dag par lta ba'i gzhi de don du gnyer ba ni de don du gnyer pa sred pa ste/ gzhi de mchog nyid dang dag pa'i rgyu nyid du mngon par 'dod pa'i phyir ro/ /des kyang nga rgyal du 'gyur zhes bya ba ni gang la mchog dang dag par lta ba yod pa des khengs par 'gyur ba'i phyir ro/ /
 de'i phyir sred pa dang nga rgyal dag ni mi 'dod kyang kun tu 'gro bar nyid du 'gyur ro/ /da ni sred pa dang nga rgyal gnyis kun tu 'gro ba nyid yin na sung ba mi srid bar bshad pa ni de ltar yin na zhes bya ba ni rgyas par 'byung ba ste/ 'dod chags pa gang dag gang zhig mthong bas spang
 bar bya ba'i dmigs pa can de dag ni de mthong bas spang bar bya bas yin la/ lhag ma ni bsgom pas spang bar bya ba dag yin zhing/ 'di gnyis ni mthod bas spang ba dang bsgom pas spang bar bya ba la dmigs pa'i phyir na/ mtshan nyid 'da' i sgo nas mthong bas spang
 bar bya ba nyid du mi 'grub cing/ bsgom pas spang bar bya ba nyid kyang ma yin no/ /de'i phyir gnyi ga gang gi spang bar gal la skur pa 'debs la lta mchog t
 de'i phyir bsgom pas spang bar bya ba yi no zhes bya ba smos so/ /de nyid la rgyu ni 'dres pa la dmigs pa'i phyir zhes bya ba ste/
 gang dag gang zhig mthong bas spang bar bya ba'i dmigs pa can zhes bya ba der ni mthong bas spang bar bya ba 'ba' zhig gis dmigs pa can mthong bas spangs par bya ba nyid du bstan pa yin no/ /lhag ma ni bsgom pas spang bar bye ba dag yin zhing zhes bya ba ni gang dag bsgom pa
 'ba' zhig gis spang bar bya ba dang/ gnyi ga la dmigs pa rnams so/ /de'i phyir 'dres pa la dmigs pa'i phyir 'di gnyis bsgom pas spang bar bya ba nyid du mi 'gal lo/ /yang na lta ba'i stobs bskyed pas bcug pa can nyid yin pa'i phyir zhes bya ba la/ lta
 ba'i stobs bskyed pa ni lta ba'i stobs bskyed pa ste nus pa'o/ /gnyis po de la des bcug pa'i dang tshul yod cing/ de'i dngos po yod pa ni lta ba'i stobs bskyed pas bcug pa nyid de de'i phyir/ de bzhin du dag pa dang mchog gis stobs kyis de dag 'jug gi de dag la
 ma bltos pa dag ni ma yin te/ 'di'i phyir yang dag pa dang mchog tu lta ba ltar de nyid kyang mthong bas spang bar bya ba nyid kho na yin no/ /bye brag tu smra ba rnams na re nyon mongs pa 'di gnyis rang gi mtshan nyid ba yin gyi zhes bya ba rgyas par 'byung ste/ gang la bdag tu lta
 ba yod pa de la bdag la sred pa yod mod kyi/ rang gi mtshan nyid kyi nyon mongs pa yin pa'i phyir/ thams cad du gcig car ni ma yin pas lta ba ji lta ba bzhin du mthar dag la dmigs pa ni ma yin no/ /'di ltar 'dod chags ni chags par bya ba'i dngos po la 'byung
 gi/ /gong khro'i dngos po la ni ma yin no/ /nga rgyal yang ba legs pa'i dngos po kho na la 'byung gi /gzhan du ni ma yin no/ /bskal pa mnyam pa'i khams kun tu 'gro ba bdag tu zhes bya ba rgyas par 'byung ngo/ /'dir bskal pa mnyam pa'i khams kun tu 'gro ba zhes khyad par du
 byas bas bskal pa ma mnyam pa'i khams kun tu 'gro ba dag kyang yod do/ /zhes khas blangs pa yin la/ de dag kyang ci 'di dag las 'ga' zhig yin nam 'on te/ gzhan yin zhes mi shes pas de'i phyir/ de dag las dgu gong du dmigs shes bya ba smos so/ /de lta na yang
 dbu po gang yin pa mi shes pas de'i phyir lta ba gnyis po ma gtogs so shes bya ba smos so/ /res 'ga' ni gzugs kyi khams sam/ gzugs med pa'i khams kyang rung ste/ bskal pa mi mnyam pa'i khams gcig la dmigs so/ /res 'ga' ni gsum gyi bar la ste/
 mdza' dag la dmigs shes bya ba'i tha tshig go /'di ltar 'dod pa na spyod pa'i log par lta ba ni don gyis/ gzugs dang gzugs med pa na spyod pa'i sdug bsngal la skur pa 'debs la lta mchog tu 'dzin pas kyang mchog tu 'dzin to/ /tshul khrims dang brtul zhugs mchog
 tu 'dzin pas kyang rgyu ma yin pa ste/ rgyur 'dzin to/ /the tshom gyis ni som nyi za la/ ma rig pas rmongs te/ de bzhin du kun 'byung mthong bas spang bar bya ba dag kyang ci rigs par rig par bya'o/ /'di ni ngas pa yin te/ 'dod pa'i khams dang bsam gtan bzhi pa na ni
 bskal pa mi mnyam pa'i khams kun tu 'gro ba yod do/ /bsam gtan gsum na ni gnyi ga'o/ /srid pa'i rtse mo ma gtogs pa'i sa lhag ema rnams na ni skal pa mi mnyam pa'i kun tu 'gro ba rnams yod do/ /srid pa'i rtse mo na ni gnyi ga yang med de khams dang
 sa gzhan med pa'i phyir ro/ /gzugs dang gzus med pa'i khams re re dang/ sdom pa de dag gis dmegs pa yin no zhes bya ba 'di la bstan bcos khungs su smra ba ni 'dod pa dang ldan pa zhes bya ba rgyas par 'byung ba'o/ /'jig tshogs dang mthar 'dzin par lta ba
 gnyis ni bskal pa mnyam pa'i khams kun tu 'gro ba nyid yin pa mi bzod nas gang gi tshe 'dod pa'i khams na gnas pa zhes bya ba rgyas par smos so/ /bdag dang bdag gir mi 'dzin pa'i phyir dang zhes bya ba la/ sa dang khams gzhan du skyes pa ni sa dang khams
 gzhan gyi phung po dag la bdag go snyam pa'i lta ba mi 'thad do/ /lus gnyis khas blangs pa mi srid ba'i phyir ro/ /bdag tu 'dzin pa yod na bdag gir 'dzin par 'gyur phyir bdag gir lta ba yang mi 'thad do/ /'jig tshogs la lta ba'i rjes su 'bred ba'i phyir mthar 'dzin bar
 lta ba yang de'i yul can du mi rung ste/ log lta de nas 'jig tshogs lta/ de nas mthar 'dzin zhes 'chad bar 'gyur ro/ /'o na 'di lta ba gang zhig yin zhes bya ba la/ /gal te phung po dag la bdag gi rnam pa dang/ rtag pa'i rnam par zhugs kyang 'jig
 tshogs la lta ba dang mthar 'dzin par lta ba ma yin na'o/ na gang tshangs pa la sems can du lta ba dang/ rtag par lta ba 'di lta ba gang yin zhe na/ 'di mi lta ba ma yin gyi zhes bya ba rgyas par 'byung ngo/ /'di ni 'jig tshogs la lta bas rab tu bcug pa'i log pa'i shes pa yin
 gyi/ lta ba ni ma yin te/ log par dmigs pa'i shes rab thams cad ni lta bar mi 'dod do/ /'di ltar 'dod pa'i khams na gnas pa ni 'di snyam du bdag tshangs pa'o/ /bdag gi tshangs pa'o snyam du mi sems te/ de'i phyir 'jig tshogs la lta ba ni gong ma la dmigs pa
 ma yin no/ /mthar 'dzin pa'i lta bar yang mi rigs te/ de ni 'jig tshogs la lta bas kun nas bslang ba'i phyir ro/ /de'i rnam pa can gyi lta ba gzhan yang yod pa ma yin no/ /de dag dang ni lhan cig gang zhes bya ba rgyas par 'byung ste/ phra rgyas kun tu 'gro ba dag dang lhan
 cig 'byung ba tshor ba la sogs pa dang/ skye ba la sogs pa gang dag yin pa'i chos de dag kyang kun tu 'gro ba yin te/ de dag dang 'bras bu gcig pa'i phyir ro/ /phra rgyas dag dang lhan cig 'byung yang thob pa dag ni ma yin te/ de dag dang 'bras bu gcig pa ma yin pa'i
 phyir ro/ /sngar mdzod kyi gnas gnyis par 'bras bu dang rnam par smin pa dang/ rgyu mthun pa gcig pa ma yin pa'i phyir ro/ /zhes bshad do/ /de nyid kyi phyir zhes bya ba ni gang gi phyir lhan cig 'byung ba dag kyang kun tu 'gro bar bzhag pa ste/ de'i phyir mu bzhir bya'o/ /mu dang po dang ni ma
 'ongs pa'i phra rgyas kun tu 'gro ba rnams te/ 'di dag ni de'i rang bzhin yin pa'i phyir kun tu 'gro ba yin gyi/ kun tu 'gro ba'i rgyus rgyu ni ma yin no/ /gnyis pa ni 'das pa dang da ltar byung ba'i lhan cig 'byung ba rnams shes bya ba ni kun tu 'gro ba dang lhan cig 'byung ba tshor ba la sogs
 pa dang/ skye ba la sogs pa dag ste/ de dag ni kun tu 'gro ba'i rgyus rgyu yin gyi kun tu 'gro ba'i phra rgyas ni ma yin te/ phra rgyas kyi rang bzhin gyis stong pa'i phyir ro/ /gsum pa dang bzhing dag sbyar bar bya'o/ /zhes bya ba la/ mu gsum pa ni 'das pa dang da ltar byung ba'i phra rgyas
 kun tu 'gro ba rnams te/ de dag ni kun tu 'gro ba'i phra rgyas kyang yin la/ kun tu 'gro ba'i rgyus rgyu yang yin no/ /mu bzhi pa ni de dag dang lhan cig 'byung ba ma 'ongs pa rnams dang/ chos gzhan rnams te kun tu 'gro ba'i phra rgyas kyang ma yin la/ kun tu 'gro ba'i rgyus rgyu yang
 ma yin no/ /'gog dang lam mthong spang bya ba/ /log lta the tshom de dag dang/ /zhes bya ba 'byung ngo/ /de dag dang mtshungs par ldan pa'i ma rig pa zhes bya ba la/ de dang ste log par lta ba dang the tshom gnyis dang mtshungs par ldan pa gang yin pa dang/ ma 'dres pa'i ma rig
 ba gang yin pa de ni ma rig pa'i phra rgyas te gcig go /de ltar na de dag mkhams dang khams na zag pa med pa la dmigs pa drug yin pas bco brgyad du 'gyur ro/ /zag pa med pa la dmigs pa yin no/ /zhes bshad kyi/ ji ltar zag pa med pa gang dmigs pa ma bshad
 bas de'i phyir/ rang gis pa'i 'gog pa dang zhes bya ba la sogs pa 'di brjod de/ rang gi sa ba'i nyon mongs pa la sogs pa'i chos kyi 'gog pa yin gyi rang gis pa'i 'gog ba ni 'ga' yang med de/ de'i phyir dgag par bya ba'i dbang gis de skad du brjod do/ /de'i spyod yul
 can gyi zhes bya ba la/ log par lta ba la sogs pa de dag la 'gog pa dang lam de gnyis yul te/ dmigs par yod pas na de dag ni de'i spyod yul can no/ /de las go rims bzhin du gsum gyi spyod yul te/ dmigs pa ni rang gi sa'i 'gog pa ste? bdag gi sa'i
 'gog pa yin la gsum gyi yul ni sa drug gi chos shes pa'i phyogs dang mthun pa'i lam dang/ sa dgu pa'i rjes su shes pa'i phyogs dang mthun pa'i lam yin te/ log par lta ba la sogs pa'i zhes bya bar sbyar ro/ /sa drug gi zhes bya ba la/ sa drug ni bsam gtan bzhi
 ba dang/ mi lcogs pa med pa dang/ bsam gtan khyad par can no/ /chos shes pa'i phyogs dang mthun pa zhes bya ba la/ 'dod pa'i sdug bsngal la sogs pa'i lam ni chos shes pa'i phyogs dang mthun pa zhes bya ba'o/ /thams cad yin te zhes bya ba la/ thams cad smos pa
 ni chos shes pa'i phyogs dang mthun pa gzugs dang gzugs med pa'i khams kyi gnyen po yang bsdu bar bya ba'i phyir te/ sa drug pa yang zhes bya bar rtogs so/ /de nyid kyi phyir gzugs dang gzugs med pa'i khams kyi gnyen po yang yin no/ /zhes bya ba smos so/ /ji
 ltar gzugs dang gzugs med pa'i khams kyi gnyen po yin zhe na/ bsgom pa'i lam la 'gog pa dang/ /lam la chos shes gang yin te/ /khams gsum gyi ni gnyen po yin/ /zhes 'chad par 'gyur ro/ /gzugs med pa na spyod pas brgyad po rnams kyi ste/ log
 bar lta ba la sogs pa rnams kyi'o/ /sa brgyad ni bsam gtan bzhi dang gzugs med pa bzhi'o/ /sa dgu'i zhes bya ba ni mi lcogs pa med pa'i sa nas ci yang med pa'i skye mched kyi sa'i bar gyi'o/ /thams cad zhes bya ba ni gzugs dang gzugs med pa'i khams kyi gnyen
 po'i lam mo/ /yang ci'i phyir de dag gi spyod yul can rnams kyi dmigs pa 'gog ba ni rang gi khams kho na yin la/ lam ni sa drug pa 'am/ sa dgu pa yang de dag gi dmigs pa yin zhe na/ de la gtan tshigs bstan pa ni lam ni phan tshun rgyu yin pa'i phyir ro zhes bya
 ba'o/ /mi lcogs med pa'i lam ni ci yang med pa'i skye mched kyi sa'i bar gyi bskal pa mnyam ba'i rgyus rgyu yin te/ ji skad du/ sa dgu'i lam ni phan tshun du/ mnyam dang khyad par can gyi yin/ zhes bshad pa lta bu'o/ /'di ltar sa drug pa 'am/ dgu pa pa yin pa gang rung zhig la
 bskur pa btab pa thams cad la skur pa btab pa byas par 'gyur la/ gcig la the tsom za 'am rmongs na thams cad la the tsom za 'am rmongs par 'gyur ro/ /de lta na 'o na ni rjes su shes pa'i phyogs dang mthun pa'i lam yang/ 'dod pa na spyod pa'i log par lta ba la soD
 pa lam la dmigs pa rnams kyi dmigs par 'gyur la/ chos shes pa'i phyogs dang mthun pa yang gzugs dang gzugs med pa na spyod pa rnams kyi dmigs par 'gyur ro zhe na/ de'i phyir gal te chos shes dang rjes su shes pa dag kyang phan tshun rgyu yin mod kyi rjes su
 shes pa 'dod pa'i khams kyi gnyen po ni ma yin pas shes bya ba smos so/ /'di skad du bstan par 'gyur te/ lam phan tshun rgyu nyid yin du zin kyang/ log par lta ba la sogs pa rnams ni rang gi khams kyi gnyen po kho na la dmigs pa yin no/ /'o na ni chos shes
 pa zhes bya ba rgyas par 'byung ba ni gal te rang gi khams kyi gnyen pos nges par byas pa yin na ni snyam du bsams pa'o/ /mdza' dag kyang gnyen po ma yin zhes bya ba la sogs pa la bye brag 'di ni mdza' dag dang mdza' dag ma yin pa nyid kyi gnyen pos byas pa
 yin te/ chos shes pa de mdza' dag ni gnyen po ma yin no/ /ci'i phyir zhe na/ sdug bsngal dang kun 'byung la chos shes pa dag de dag gi gnyen po ma yin pa'i phyir ro/ /bsgom pa'i sa pa sdug bsngal la chos shes pa 'am/ kun 'byung la chos shes pa ni khams
 gsum pa'i gnyen por gyur pa yod pa ma yin te/ de'i phyir gzugs dang gzugs med pa na spyod pa'i log par lta ba la sogs pa rnams ni chos shes pa la dmigs pa ma yin no/ /gzhan yang mdza' dag gi yang ma yin te/ zhes bya ba rgyas par 'byung ste/
 chos shes pa de ni gzugs dang gzugs med pa mdza' dag gi gnyen po yang ma yin no/ /ci'i phyir zhe na/ mthong bas spang bar bya ba rnams kyi gnyen po ma yin pa'i phyir ro/ /mthong ba'i lam la chos shes pa ni mthong bas spang bar bya ba'i gzugs dang gzugs med pa ni
 sbyod pa'i gnyen por gyur pa yod pa ma yin no/ /mthong bas spang bar bya ba spangs pa la spyir bsgom pas sa la 'gog pa dang lam la dmigs pa'i chos shes pa khams gsum gyi gnyen por gyur pa skye ba yin la de mthod bas spang bar bya ba dag spong ba 'grub par yang mi 'gyur te/ sngar
 spangs zin pa'i phyir ro/ /dang po med pa'i phyir dang zhes bya ba la/ sdug bsngal dang kun 'byung la chos shes pa gzugs dang gzugs med pa'i gnyen por gyur pa dang po dag med pa'i phyir ro/ /dang po rnams kyi zhes bya ba la/ mthong bas spang bar bya ba gzugs dang gzugs med pa na
 spyod pa rnams kyi gnyen por gyur pa'i chos shes pa med pa'i phyir ro/ /'dir mthong bas sngang bar bya ba rnams ni bsgom bas spang bar bya ba'i nyon mongs pa la ltos nas dang po nyid du mngon par 'dod do/ /'dod chags ni spang par bya ba yin na zhes bya ba rgyas par 'byung ste/ 'dod
 chags ni thar pa 'dod pa rnams kyis gcig tu spang bar bya ba yin na/ gal te zag pa med pa la dmigs pa yin na ni thar pa 'dod par zhugs pa'i phyir dge ba'i chos la 'dun pa ltar rnal 'byor pa rnams kyis spang bar bya ba ma yin par 'gyur ro/ /'dun pa'i 'dod chags kyi gzhi
 ni spang bar bya ba yin pa'i phyir zag pa med pa yang spang bar bya bar 'gyur te/ 'dod chags kyi dmigs pa yin pa'i phyir ro/ /bcom ldan 'das kyis kyang 'dun pa'i 'dod chags spang na de lta na khyed kyi gzugs de spong bar 'gyur ro zhes gsungs so/ /de'i phyir zag pa med pa'i
 dmigs pa'i 'dod chags med do/ /'gog pa dang lam dag ni de lta ma yin no/ /zhes bya ba ni gnod pa byed pa'i rgyu mtshan dang bral ba'i phyir ro/ /ra rgyal yang khengs pa'i mtshan nyid can yin pa'i phyir ma zhi ba yin na/ zag pa med pa'i chos rnams ni rab tu zhi ba yin pa'i
 phyir des khengs par gyur par ? so/ /bdag gis ni chos de dag thob po snyam du de ltar nga rgyal skye bar 'gyur na/ zag pa med pa'i blo na de lta ma yin te/ de'i gnyen po yin pa'i phyir ro/ /yang dag ba'i don du dag pa yin pa'i phyir zhes bya ba la/ 'gog pa ni yang dag pa'i don gyis na
 dag pa yin te nyon mongs pa'i dri ma spangs pa'i bdag nyid yin pa'i phyir ro/ /lam yang 'dis dag par byed bas na zhes bya ba yin pa'i phyir ro/ /de gnyis ni mchog kyang yin te zhes bya ba la/ yang dag pa'i don du dag pa yin pa'i phyir 'gog pa dang lam de gnyis ni mchog yin no/
 dngos po dman pa la mchog tu 'dzin pa ni lta ba mchog tu 'dzin par rigs na/ 'gog pa dang lam gnyis ni de lta ma yin no/ /gzhan yang gal te mchog tu 'dzin pa gnyis zag pa med pa la dmigs pa yin na ni yang dag pa'i lta ba'i mtshan nyid can du 'gyur te/ zag pa med ba rnams
 ni dag pa yin pa'i phyir dang/ mchog yin pa'i phyir ro/ /de'i phyir mthong bas spang bar bya ba dag tu yang mi 'gyur te/ nyon mongs pa can ma yin pa'i phyir ro/ /du ni dmigs pa'i sgo nas rgyas par 'gyur/ du ni mtshungs par ldan pa'i kho na'i sgo nas zhes bya ba la/ du ni dmigs pa
 kho na'i sgo nas shes des par gzung nas 'dri bar mi byed pa ni 'di ltar gang dag dmigs pa'i sgo nas rgyas par 'gyur ba de dag ni gdon mi za bar mtshungs par ldan pa'i sgo nas kyang rgyas par 'gyur ro/ /phra rgyas kun 'gro rnams na ni/ zhes bya ba smos par 'byung ngo/ /kun tu 'gro
 pa'i rnam pa gnyis te/ rang gi khams dang sa kun tu 'gro ba dang bskal pa mi mnyam pa'i khams dang sa kun tu 'gro ba'o/ /kun tu 'gro ba ma yin pa yang rnam pa gnyis te/ zag pa dang bcas pas dmigs pa dang/ zag pa med pa la dmigs pa'o/ /thams cad du zhes bya ba ni
 rnam ba lnga chad du yang ste/ sdug bsngal mthong bas spang bar bya ba nas bsgom pas spang bar bya ba'i bang la'o/ /spyir btang ba byas nas shes bya ba la/ 'dir spyir btang ba gang yin zhe na/ dmigs pa'i sgo nas rang gis/ thams cad du ni rgyas par 'gyur zhes bya ba'o/ /ji
 ltar 'di spyir bstan pa yin zhe na/ 'dir sa ni yul mngon par 'dod do rang gis ni rang gi yul la zhes bya ba'i tha tshig go /dmigs kyis gsal ba ni zag med gong mi yul can min/ zhes bya ba rgyas par smos pa'o/ /'di dag la mtshungs par ldan pa'i sgo
 nas rang gi tshogs la rgyas pa'i dngos po yod de/ gang zhig gang dang mtshungs ldan pa/ de na de mtshungs ldan sgo nas shes 'chad do/ /rgyas par 'gyur bar nus te zhes bya ba ni 'phel ba 'am gnas par nus shes bya ba'i 'o na te/ /ser dang bcas pa'i zhing las bon dag
 dang/ snam bu gsher ba la rdul chags pa bzhin no/ /'dir bdag tu lta ba ni zag pa med pa'i dngos po dang/ sa gong ma la 'jug pa nyid yod pa ma yin no/ /sred pa yang ma yin te/ 'di ni 'dod chags min te spang bya'i phyir/ zhes bya ba la sogs pa bstan zin to/
 de'i phyir de dag gi yul gyi phra rgyas rnams ni de la gnas pa ma yin pas rgyas par mi 'gyur ro/ /zhes brjod do/ /gal te sred pas bdag gir ma byas na ji ltar 'din gnas pas de don du gnyer bar byed ce na/ de'i phyir gang zhig 'din gnas pa zhes bya ba la sogs pa
 smos so/ /de ni dge ba'i chos la 'dun pa yin no zhes bya ba la/ zag pa med pa don du gnyer ba sred pa ma yin pa ni bstan zin to/ /de dag ni de rnams kyi rjes su mthun pa ma yin te/ zhes bya ba la/ de dag ni zhes bya ba 'di ni 'gog pa la sogs bdag dang sbyar ro
 rlung nang can la kha zas rtsub mo rgyas par mi 'gyur ba bzhin no zhes bya ba ni/ dper na blung nad can la kha zas rtsub bag rgyas par mi 'gyur ro zhes smras na/ lus dang mthun par mi 'gyur ro zhes bya bar go bde bzhin du 'dir yang phra rgyas kyi don ni mthun pa'i don du rtogs
 par 'gyur ro/ /yang mtshungs par ldan pa'i sgo nas ji ltar zhen/ gan zhig gang dag mtshungs ldan pa/ /de ni de mtshungs ldan sgo nas shes bya ba smos so/ /chos gang ni sems sam/ chos ba la sogs pI dang ste/ der ni de mtshungs par ldan pa'i sgo kho na nas rgyas par
 'gyur ro/ /ni zhes bya ba'i sgra ni ji srid du ma spangs shes khyad par du byas ba'i phyir ro/ /lta yod dam zhes bya ba ni dri ba'o yod de skal ba mi mnyam pa'i sa kun tu 'gro ba zhes bya ba ni lan te/ bdag gir ma byas gnyen po'i phyir zhes bya ba de kho na ltar ro/ /skal pa mi mnyam pa'i sa kun tu 'gro ba rnams ni
 bsam gtan gsum dang/ gzugs med pa gsum na yod kyi/ 'dod pa'i khams na ni med de sa'i dbye ba med pa'i phyir ro/ /bsam gtan bzhi ba na yang med la/ srid pa'i rtse mon yang med de/ sa gzhan med pa'i phyir ro/ /yang ji ltar phra rgyas dag mtshungs par ldan pa 'am/
 dmigs pa'i sgo nas rgyas par 'gyur zhe na/ ji ltar dug dang 'dres pa chad skyon can yin dang/ yon mtshungs pas dug gi nus ?? dang byed pa de bzhin du 'du byed zag pa dang bcas pa rnams kyang yon tan mtshungs pas nyon mongs pa'i mthu 'phel bar byed pa/ de ltar sman
 dang 'dres pa'i dug nus nyams par 'gyur ba lta zag pa med pa la dmigs pa'i nyon mongs pa rnams de dang 'dra'o/ /de nyid kyi phyir zag pa med pa la dmigs pa'i log par lta bas dge ba'i rtsa ba kun tu spyod par mi 'gyur ro/ /re shig mtshungs par ldan pa'i sgo nas ni de lta bu'o/ /
 dmigs pa'i sgo nas ni glags tshol ba'i dgra dang/ mig dug ltar te/ de ltar dmigs pa'i sgo nas rgyas par 'gyur ro/ /gong ma thams cad lung ma bstan zhes bya ba la/ gong ma thams cad lung du ma bstan pa kho na yin no zhes bya bar des par gzung bar bya'o/ /gong ma kho na lung
 du ma bstan pa ni ma yin no/ /gzugs dang gzugs med pa na spyod pa thams cad phra rgyas yin yang ting nge 'dzin gyi btul ba'i phyir rnam par smin pa'i 'bras bu grub par mi nus pas lung du ma bstan pa yin te/ de lta ma yin na gzugs med pa'i khams dag tu yang/ tshor ba yid
 du 'ong ba skye bar thal bar 'gyur ro/ /de yang de gnyis na med de zhes bya ba la de zhes bya ba 'di ni sdug bsngal dang sbyar ro/ /de gnyis na zhes bya ba ni gzugs dang gzugs med pa gnyis na'o/ /ci'i phyir med ce na/ de'i phyir gzhan la gnod pa'i rgyu med pa'i phyir ro/ /zhes bya ba smos
 te/ gzhan la gnod pa'i rgyu ni khro ba dang gnod sems dang rnam par 'che ba la sogs pa dag yin na/ 'dod ba'i khams kyi gong na ni de dag srid pa yang ma yin no/ /sbyin pa la sogs pa dang mi 'gal ba'i phyir te/ zhes bya ba ni 'jig tshogs la lta ba'i dbang du
 byas nas bshad pa ste/ 'jig chogs la lta ba ji lta bar de dang mtshungs par ldan pa'i ma rig pa yang de dang 'dra'o/ /sogs pa zhes bya ba smos pas ni tshul khrims la sogs pa bsdu'o/ /'gal ba med pa ni bdag bde bar gyur cig ces de ltar zhugs pa'i phyir ro/ /chad par lta ba yang
 mthar pa'i rjes su mthun bdag yin te/ zhes bya ba la de dang 'dra bar de dang mtshungs par ldan pa'i ma rig pa yang yin te/ thar pa ni phung po thams cad log ba'i mtshan nyid can yin pa'i phyir ro/ /de nyid kyi phyir zhes bya ba ni gang gi phyir thar pa dang rjes su mthun pa'i phyir ro/ /rang gi
 rdzas la kun tu rmongs pa'i phyir/ zhes bya ba ni nye bar len pa'i phung po lnga'i rdzas 'di la bdag dang bdag gi rnam pa dang/ rtag pa dang chad pa'i rnam par log par nges par sems ba'i phyir kun tu rmongs so/ /pha rol la gnod ba'i rnam par ma zhugs pa'i phyir zhes bya ba la ci zhe na/ 'jig
 tshogs dang mthar 'dzin par lta ba lung du ma bstan ba'o/ /zhes bya bar skabs dang sbyar ro/ /mtho ris la sred pa dang/ nga'o snyam pa'i nga rgyal dag kyang de ltar thal bar 'gyur ro zhes bya ba ni lung du ma bstan par thal bar 'gyur ro/ /mtho ris la sred pa yang sbyin pa la sogs
 pa dang mi 'gal la/ nga'o snyam ba'i nga rgyal yang rang gi rdzas la kun tu rmongs shing pha rol po la gnod pa'i rnam par zhugs pas mthor si la sred pa dang/ da'o snyam pa'i nga rgyal kyang lung du ma bstan par thal bar 'gyur na 'dod pa yang ma yin no/ /ri dags dang bya rnams
 la yang yod pa gang yin pa zhes bya ba ni dper na bab col du sgra thos pas skrag pa'i rgyur 'gyur ba lta bu'o/ /rnam par rtags pa ni mi dge ba yin no/ /zhes bya ba ni rigs ba'i rnam par rtog ba'i na du 'gro ba ste/ dper na mu stegs can ser skya dang 'ug pa pa la soT
 pa rnams kyi lta bu'o/ /gzhan dag na re 'di yang mi 'thad de rnam par ma rtags pa'i don ni mthong bas spang bar bya ba nyid du mi 'thad pa'i phyir ro zhe'o/ /lhag ma rnams 'dir mi dge ba'o/ /zhes bya ba la/ mi dge ba kho na'o zhes nges par bzung ba'i phyir brtsams so/ /'dir zhes bya ba smos pa
 ni 'dod pa na spyod pa'i lhag ma bsdu bar bya ba'i phyir ro/ /'dod chags thams cad dang zhes thams cad smos pa ni rnam pa lnga ste/ nye bar bsdu bar bya ba'i phyir ro/ /'jig tshogs dang mthar 'jin par lta ba dang mtshungs par ldan pa'i ma rig ba ni kun tu 'gro ba yin pa'i phyir mi dge ba'i rtsa
 bar 'gyur ba de'i phyir gang zhig mi dge ba yang yin la/ mi dge ba'i rtsa ba yang yin pa zhes bya ba smos so/ /gal te mi dge ba sngar skyes pa thams cad phyi ma'i rgyu ma yin nam/ rgyu cis 'dod chags dang/ zhe sdang dang gti mug dag kho na mi dge ba'i rtsa ba nyid yin gyi/ lta ba la sogs
 pa gzhan dag ma yin zhe na/ brjod par bya ste/ nyon mongs pa gang zhig phra rgyas rnam pa lnga'i rang bzhin yin la/ nye ba'i nyon mongs pa ma yin pa/ lus dang ngag gi las kun nas slong ba/ rnam par shes pa'i tshogs drug dang mtshungs par ldan pa/ dge ba'i rtsa ba kun nas bcod
 pa la stobs dang ldan pa'i rgyu yin pa de kho na mi dge ba'i rtsa ba yin gyi gzhan dag ni ma yin no/ /smras pa phra rgyas rnam pa lnga'i rang bzhin/ lus ngag bya ba kun slong byed/ /rnam shes lngar brten dkar po'i rtsi/ /kun tu spyod 'dren pa mi dge'i rtsa'o/ /du ni lung du ma bstan
 ba'i rtsa ba dag yin zhes bya ba ni/ du ni phra rgyas lung du ma bstan pa rnams kyi rtsa ba dag yin/ du ni ma yin zhes bya ba'o/ /sred pa zhes bya ba ni gzugs dang gzugs med pa na spyod pa'o/ /ma rig pa zhes bya ba ni gzugs dang gzugs med pa'i khams dag na
 yod pa thams cad dang/ 'dod pa'i khams na 'jig tshogs la lta ba dang mthar 'jin par lta ba dang mtshungs par ldan pa'o/ /tha na rnam par smin pa skyes pa yang rung ste/ zhes bya ba ni gzugs kyi khams na nyon mongs pa thams cad mtshungs par ldan pa dang/
 rnam par smin pa dang spyod lam pa dang/ sprul pa'i sems dang mtshungs par ldan pa'o/ /gzugs med pa'i khams ni nyon mongs pa thams cad mtshungs par ldan pa dang/ rnam par smin pa'i sems dang mtshungs par ldan pa'o/ /'dod pa'i khams na ni
 'jig tshogs dang/ 'dzin par lta ba'i bdag nyid dang/ rnam par smin pa las skyes pa dang/ spyod lam dang/ btha? ri gnas pa dang/ sprul pa'i sems dang mtshungs par ldan pa'o/ /rtsa ba'i don ni rgyu'i don te/ ma bsgribs la lung du ma bstan pa'i shes rab
 kyang rgyu nyid du rung bas de yang lung du ma bstan pa'i rtsa ba yin no/ /'jig rten na rtsa ba rnams ni bstan pa dang 'og na gnas pa dag yin par mthong ngo zhes bya ba la/ the tshom ni g.yo bas rnam pa gnyis su 'jug pa de'i phyir rtsa ba dang/ chos mi mthun pas rtsa ba yin
 par mi 'os so/ /nga rgyal dang khengs pa'i mtshan nyid can yin pas na mthor 'jug pa de'i phyir rtsa ba dang/ chos mi mthun pas rtsa ba yin par mi 'os so/ /nyid 'og pa rnams ni lung du ma bstan pa'i rtsa ba bzhir zhes bya ba rgyas par 'byung ngo/ /de la sred pa shes
 che ba'i bsam gtan zhes bya ba la/ gang zhig ro myang ba dang mtshungs par ldan pa'i bsam gtan bsgom pa de ni srid pa shas che ba'i bsam gtan pa'o/ /lta ba shas che ba'i bsam gtan pa ni gang zhig bsam gtan la brten nas rtag pa la sogs pa'i lta ba
 skyed pa'o/ /nga rgyal shas che ba'i bsam gtan pa ni bsam gtan nges bdag ni bsam gtan bzhi thob pa yin gyi/ dge slong gzhan dag ni lta ba ma yin no/ /snyam du rlom pa'o/ /sred pa shas che ba'i bsam gtan pa nas/ nga rgyal shas che ba'i bsam gtan pa
 zhes bya ba'i don ci yin ce na/ 'di la srid pa lhag pa'i bsam gtan bsgom pa'i ? tshul yod na sred pa shas che ba'i bsam gtan pa'o/ /yang na srid pa shas che ba yang yin la/ bsam gtan pa yang yin pas sred pa shas che ba'i bsam gtan pa ste/ sred pa
 lhag pa zhes bya ba'i tha tshig go /lta ba dang nga rgyal shas che ba'i bsam gtan pa yang de dang 'dra'o/ /de dag kyang ma rig pa'i dbang gis 'gyur zhes bya ba la/ de dag zhes bya ba ni bsam gtan pa gsum dang sbyar ro/ /de'i phyir ma rig pa yang lung du ma bstan pa'i rtsa ba yin no/ /bsam gtan
 la snyoms par 'jug pa de dag la lung du ma bstan pa dang 'brel pas nyon mongs pa kun tu 'byung ba'i gnas skabs 'di? dag bshad do/ /mdo las lung du ma bstan pa'i dngos po bcu bzhi gsungs pa zhes bya ba rgyas par 'byung ba ni/ 'jig rten rtag pa zhig gam/ /'jig rten mi
 rtag pa zhig gam/ zhes bya ba de lta bu la sogs pa'o/ /ci de dag lung du ma bstan pa'i phyir yin zhes bya ba ni dge ba yang ma yin mi dge ba yang ma yin pa'i phyir yin nam zhes bya ba'o/ /gzhag par bya ba'i zhes bya ba la/ smra bar bya ba ma yin pa yang lung du ma bstan par 'dod ro/
 dri ba ni rnam pa bzhi ste/ zhes bya ba rgyas par 'byung ngo/ /'chi dang skye dang khyad par 'phags/ /bdag gzhan la sogs lta bu yin zhes bya ba ni 'chi ba bzhin dang/ skye ba bzhin dang/ khyad par du 'phags pa bzhin dang/ bdag gzhan bzhin no zhes bya ba ste/ go rims bzhin
 mgo gcig tu lung bstan pa la sogs pa dag gi dper brjod par 'dod do/ /mgo gcig tu lung bstan par bya ba la ni 'chi ba dper brjod pa yin no/ /nyon mongs dang bcas pa rnams ni skye bar 'gyur gyi/ nyon mongs pa med pa rnams ni ma yin no/ /zhes bya ba ni rnam par
 phye ste/ lung bstan par bya ba la dper brjod pa'o/ /gang la ltos te 'dri zhes zhes bya ba ni dris nas lung bstan par bya ba la khyad par du 'phags pa nyid dper brjod pa'o/ /ci phung po rnams las sems can gzhan ma/ zhes bya ba ni gzhag par bya ba la/ bdag gzhan
 gnyis dper brjod pa yin no/ /gzhan dag na re zhes bya ba ni btsun par ma'o/ /sems can thams cad 'chi bar 'gyur ro/ /zhes bya ba 'di 'ba' zhig mgo gcig tu lung bstan par bya ba yin par ma zad kyi/ thams cad skye bar mi 'gyur ro zhes bya ba 'di yang mgo gcig tu
 lung bstan par bya ba yin no/ /slob dpon gyis gang zhig ci zhes bya bas rgyas par lan 'debs so/ /gang zhig gcig gang dag 'chi bar 'gyur bde dag thams cad skye bar 'gyur ram zhes 'dri ba de la ni thams cad ni skye bar mi 'gyur gyi/ 'o na ci zhe na
 nyon mongs pa dang bcas pa skye bar 'gyur gyi/ nyon mongs pa med pa ni ma yin no/ /zhes rnam par phye ste/ lung bstan par bya ba yin no/ /de'i phyir 'di mgo gcig tu lung bstan par bya ba ma yin no/ /btsun par mde nyid kyis mil yang gnyi ga yod de zhes bya ba smras te/ dman pa
 nyid dang/ khyad par du 'phags pa nyid do/ /dper na rnam par shes pa ni zhes bya ba ni/ de nyid la dpe smras pa'o/ /rgyu yang yin 'bras bu yang yin zhes bya ba la/ rgyu dang 'bras bu ni rgyu dang 'bras bu la ltos nas rgyu yang yin 'bras bu yang yin par lung ston par byed do
 slob dpon gyi gcig tu 'dri bar la zhes bya ba smos te/ khyad par du 'phags pa kho na zhig gam/ dman pa kho na zhig ces bya ba ni/ dman pa'o zhe 'am khyad par 'phags pa'o/ /zhes gcig tu lung du ma bstan pas de'i phyir mgo gcig tu lung bstan par bya ba ni ma rigs
 par smras pa bzhin no/ /de nyid kyi phung po rnams las sems can gzhan nam zhes bya ba la sogs pa smras so/ /slob dpon gyi gzhag par bya ba'i dri ba gang yin pa zhes bya bas bye brag tu smra ba'i phyogs gzhung 'dzugs par byed do/ /gzhag par bya ba nyid du lung ston pa
 zhes bya ba ni gzhag par 'os pas na gzhag par bya ba ste/ de ji ltar na lung dum bstan par 'gyur/ chos mngon pa ba'i lugs kyis dri ba rnams bzhi'i dper brjod pa/ bcom ldan 'das de bzhin gshegs pa zhes bya ba nas/ 'phags pa'i bden pa bzhi
 gdags pa'i bar ni mdo ji lta ba bzhin mgo gcig tu lung bstan par bya'o/ /don dang ldan pa'i phyir zhes bya ba don yang dag par ldan pa'i phyir ro/ /zhes bya ba'i tha tshig go /g.yon can gyi zhes bya ba la rnam par phye ste/ lung bstan par bya ba'i 'dri ba'i tshig 'di
 ni g.yon can te/ rnam par mtho 'tsham pa'i bsam pa can la dris nas lung bstan pa yang yin par rig par bya'o/ /rnam par dbye bar ni mi bya ste/ zhes bya ba ni 'das pa dag dang/ ma 'ongs pa dag dang/ da ltar byung ba dang zhes bya ba la sogs par te/ chos mang po zhig yod na zhes bya
 bde tsam zhig ni brjod par bya'o/ /gang gi tshe de gnyis cung zad kyang mi 'dri'i zhes bya ba ni btsun par ma'i 'o/ /de gnyis shes bya ba ni gang zhig chos dag smos shig ces smra ba dang/ gang zhig g.yon can yin pa'o/ /gang ba tshe cud? zad kyang mi 'dri bar chos dag smos shig ces gsol
 ba 'debs pa 'ba' zhig tu zad la/ chos ni gzugs la sogs pa rab tu dbye ba dang bcas pa rgyas pa 'di dag yin no zhes bya bar de dag la cung zad kyang lung mi ston gyis 'das pa dag dang ma 'ongs pa dag dang da ltar byung ba dag dang/ chos mang po zhig yod na zhes bya bar rgyas par
 'dri ba 'ba' zhig tu zad na de ji ltar de gnyis kyi dri ba yin/ ji ltar lung du bstan pa yin slob dpon gyi gang zhig ces bya bas chos mngon pa pa'i phyogs gzhung 'dzugs par byed do/ /de mi shes pa gang zhig lam smos shig ces zer na ci des lam ma dris pa yin nam/ dri ba
 nyid kyis de lung bstan pa'i phyir zhes bya ba la/ 'dir chos kyi rnam par dbye ba mthar phyin na 'dri pa po'i mngon par 'dod pa'i don khong du chud pas de lung bstan par 'gyur ro/ /ji ltar zhe na/ dper na lam bsgrod ces smras pas lam gang yin zhes smras par 'gyur ba de bzhin
 du chos dag smos shig ces smras pas chos gang yin zhes smras par 'gyur ro/ /di ba nyid kyis de lung bstan pa'i phyir zhes bya ba la/ chos mang po zhig yod na gang dag smra bar bya zhes dri ba nyid kyi de 'am chos de rnams lung bstan pa'i phyir te/ chos mang po nyid du lung bstan
 pa'i phyir ro/ /ji ltar na dris nas lung bstan pa ma yin zhes bya ba ni dris nas lung bstan pa kho na yin no zhes bya bar bsams pa'o/ /ched du bsam par bya ba'i las byas nas ci zhig so sor yang dag bar myong bar 'gyur zhes bya ba ni/ ci bde ba 'am/ sdug bsngal lam/ bde
 pa yang ma yin sdug bsngal la yang ma yin zhig ces bya ba'o/ /rnam par phye ste lung bstan par bya ste/ ched du bsam par bya ba'i las ni rnam pa gsum yin pa'i phyir ro/ /bsam gtan gsum pa'i bar gyi ched du bsam par bya ba'i las dge ba zag pa dang bcas
 ba byas nas ni bde ba kho na so sor yang dag par myong bar 'gyur ro/ /gzhan dag na re bde ba yang ma yin sdug bsngal ba yang ma yin pa yang ngo zha'o/ /bsam gtan bzhi pa la sogs pa'i ched du bsam par bya ba'i las byas nas mi bde ba yang ma yin sdug bsngal ba yang ma yin
 pa'o/ /ched du bsam par bya ba'i las mi dge ba byas nas ni sdug bsngal so sor yang dag par myong bar 'gyur ro/ /gal te 'di skad du bdag rags pa dag zhes bya ba ni gzugs can zhes bya ba'i don te/ gzugs dang 'du shes dag ni don gzhan gyi dngos por mi 'gal
 lo/ /de lta yin na 'du shes gzhan yin no zhes smras pas khas blangs par 'gyur ro zhe na/ ma yin te gzugs la 'du shes don gzhan du 'gyur ba'i phyir dang/ gzhan gyi gzugs la bdag tu btags pa'i phyir dang gzhan gyi lugs yin pa'i phyir ro/ /de ni de dang
 ldan pa yin no zhes bya ba la/ dngos po rnam pa du ma yod mod kyi/ 'dir ni ldan pa'i dngos po kho na mngon par 'dod do/ /de yang rnam pa gnyis te/ rten dang dmigs pa des pa dang/ rnam par nges pas so/ /de la re shig rten dang dmigs pa des pas ni/ mig gi rnam
 par shes pa'i phra rgyas rnams kyi ni dmigs pa'i sgo nas gzugs dag dang ldan par byed la de dang mtshungs bar ldan pa dag dang ni mtshungs par ldan pa'i sgo nas ldan par byed do/ /lus kyi rnam par shes pa'i phra rgyas rnams kyi ni/ dmigs pa'i sgo nas reg bya dang ldan
 par byed la/ de dang mtshungs par ldan pa dag dang ni mtshungs par ldan pa'i sgo nas ldan par byed pa'i bar du yang de dang 'dra'o/ /yid kyi rnam par shes pa'i phra rgyas rnams kyis ni dmigs pa'i sgo nas skye mched bcu gnyis dang ldan par byed la de dang mchungs par ldan
 pa dag dang ni mtshungs par ldan pa'i sgo nas ldan par byed do/ /rten dang dmigs pa nges pa ni de lta bu'o/ /rnam pa nges pa'i sdug bsngal mthong bas spang bar bya ba'i kun tu 'gro ba rnams kyis ni dmigs pa'i sgo nas ris lnga dang ldan par byed do/ /de dang mtshungs par ldan pa dag dang ni
 mtshungs par ldan pa'i sgo nas ldan par byed do/ /kun tu 'gro ba ma yin pa rnams kyis dmigs pa'i sgo nas ni rang gi sa bdag dang ldan par byed do/ /de dang mtshungs par ldan pa dag ni mtshungs par ldan pa'i sgo nas ldan par byed do/ /de bzhin du thams cad la ci rigs par khong
 du chung bar bya'o/ /'das pa dang ma 'ongs pa dang da ltar ba'i nges pas 'das pa ni gang dang ldan zhes bya ba nas da ltar byung bas ni gang dang ldan zhes bya ba'i bar de brjod par bya ste/ rang gi mtshan nyid pa'i nyon mongs pa zhes bya ba la 'dod chags ni bde ba myong bar 'gyur ba'i rang
 gi mtshan nyid la dmigs pa yin te/ de'i phyir rang gi mtshan nyid pa'i nyon mongs pa zhes brjod do/ /khong khro ni sdug bsngal myong bar 'gyur ba'i rang gi mtshan nyid la dmigs pa yin la/ nga rgyal yang bde ba myong bar 'gyur ba'i rang gi mtshan nyid la dmigs pa yin no/ /nyon mongs
 ba spyi pa zhes bya ba la/ bde ba dang sdug bsngal dang bde ba yang me min sdug bsngal yang ma yin pa myong par 'gyur ba'i dngos po la dmigs par 'gyur pa'i phyir na nyon mongs pa spyi ba zhes bya'o/ /yang na ris kyi rig mtshan nyid las te/ ji ltar zhe na/ sdug bsngal mthong bas spang bar
 bya ba'i 'dod chags dang khong khro dang nga rgyal rnams kyi dmigs pa ni sdug bsngal mthong bas spang bar bya ba kho na yin la bsgom pas spang bar bya ba rnams kyi bsgom pas spang bar bya ba kho na yin pa'i bar du yang de dang 'dra'o/ /lta ba dang the tshom dang ma rig pa rnams kyi dmigs pa ni ris lnga
 char yin te/ de'i phyir de dag la nyon mongs pa spyi ba zhes bya'o/ /'das pa dang da ltar byung ba'i 'dod chags dang khong khro ba dang/ nga rgyal rnams zhes khyad par med par brjod pas ci rigs par brjod par rnam par shes pa'i tshogs drug pa dag yin par shes par bya'o/ /dngos po gong
 la zhes bya bas sdug bsngal dang kun 'byung dang/ 'gog pa dang lam mthong bas spang par bya ba dus gsum pa dang/ bsgom pas spang bar bya ba'i dngos po la zhes ston to/ /dngos po de dag zhes bya ba ni bshad ma thag pa'i dngos po kho na dang sbyar te/ de dag ni rang gi mtshan nyid pa'i
 nyon mongs pa yin pa'i phyir/ thams cad kyi thams cad la gdon mi za bar mi skye bas gang la skyes pa zhes khyad du byas so/ /yid kyi de dag ma yongs las kun dang zhes bya ba la/ yid kyi rnam par shes pa dang mtshungs par ldan pa'i 'dod chags la sogs pa dag ni ci rigs par kha cig na 'das
 pa la dmigs pa yin la/ kha cig ni da ltar ba la dmigs pa yin/ kha cig ni ma 'ongs pa la dmigs pa yin te/ yid kyi yul ni dus gsum yin pa'i phyir ro/ /gzhan gyis rang dus pa zhes bya ba la/ rnam par shes pa'i chogs lnga pa'i 'dod chags la sogs pa dag ni rang
 gi dus pa kho na la dmigs nas bskyed de/ de'i phyir ma 'ongs pa de dag gi dmigs pa ni ma 'ongs pa kho na'o/ /da ltar ba rnams kyi ni da ltar ba yin la/ 'das pa rnams kyis ni 'das pa yin pas/ de dag gis rang gi sa pa'i dmigs pa kho na dang ldan no/ /mi skye rnams kyi thams
 cad dang zhes bya ba la/ rnam par shes pa'i tshogs lnga pa'i 'dod chags la sogs pa mi skye ba'i chos can rnams las ni kha cig gi dmigs pa ni 'das pa yin la/ kha cig ni da ltar ba yin zhing/ kha cig gis ni ma 'ongs pa yin no/ /de dag gi yul ni 'pho bar 'gyur te/ mi skye ba'i
 chos can gyi nyon mongs pa ni lcam pa bzhin du yul la mngon par phyogs pa kho nar gnas te/ de'i phyir de dag gi thams cad dang ldan par brjod do/ /lhag ma kun gyi kun dang ldan zhes bya ba la/ 'das pa dang ma 'ongs pa dang da ltar ba rnams kyis so/ /kun dang ldan zhes bya ba ni dngos
 po dus gsum pa rnam pa lnga char dang yang do/ /de nyid la rgyu smras pa ni/ nyon mongs pa spyi pa yin pa'i phyir zhes bya ba'o de dag ni thams cad kyi dngos po thams cad las skyes te/ ches na 'das pa rnams kyis kyang 'das pa dang ma 'ongs pa dang da ltar ba'i dngos po dang ldan no/ /de bzhin du ma
 'ongs pa rnams dang/ da ltar ba rnams kyis kyang 'das pa dang/ ma 'ongs pa dang/ da ltar ba'i dngos po dang ldan no/ /ci 'das pa dang ma 'ongs pa 'di rdzas su yod dam zhes bya ba ni da ltar ba dang 'dra bar rang gi ngo bo dang rang gi mtshan nyid kyis yod dam/ 'o na te med ces bya ba ni da ltar ba ltar rang gi
 ngo bos med ces bya ba'o/ /dus thams cad du yod pa'i phyir zhes bya ba ni/ da ltar ba dang 'dra bar 'das pa dang ma 'ongs pa'i gnas skabs dag tu yang rang gi ngo bos yod pa'i phyir rtag pa nyid du thal bar 'gyur ro/ /ji ltar de dang zhes bya ba ni 'das pa dang ma 'ongs pa'i dngos po dang do/ /des
 shes bya ba ni 'das pa dang ma 'ongs pa'i nyon mongs pas so/ /ldan pa 'am bral ba yin zhes bya ba la/ med pa ni med pa dang ldan pa 'am bral bar mi rung ste/ gnyi ga yang ci yang med pa'i phyir ro/ /'dus byas kyi mtshan nyid dang ldan pa'i phyir 'dus rnams rtag pa nyid du dam mi 'cha'i/ zhes
 bya ba la 'dus byas kyi chos rnams ni 'dus byas kyi mtshan nyid kyi sgo nas dus su 'pho bar 'jug pa yin la/ dus dag la 'jug pa rnams ni rtag pa nyid du yang mi rung ngo/ /'das pa la sogs par bstan pa'i phyir yang 'du byed rnams rtags nyid ma yin no/ /gal te rtag par
 'gyur na ning ngos po la sogs pa'i tha snyad nyid du mi rung ste/ nam mkha' la sogs pa bzhin no/ /gsal bar dam 'cha'o zhes bya ba ni da ltar ba ltar rang gi ngo bos yong pa nyid du'o/ /ci'i phyir de rnams kyis de de ltar dam 'cha' ste/ ci lung dam rigs pa 'am gnyi ga la
 brten nas yin zhes bya ba ni 'dri ba'i bsams pa'o/ /gsungs phyir zhes bya bas re shig tu lung ston pa ste/ gang gi phyir 'das pa'i gzugs yod cing ma 'ongs pa'i gzugs yod pa zhes mgur nas 'das pa ma 'ongs pa yod pa nyid du gsungs so/ /da ltar byung ba ni nye bar ma
 bkod do/ gnyi ga la mi mthun par smra ba med pa'i phyir ro/ /rnam par shes pa ni gnyis la brten nas zhes bya ba rgyas par 'byung ste/ 'dir 'das pa dang ma 'ongs pa yod pa nyid du don gyis gsungs so/ /zhes bya ba ni sngar dngos su gsungs pa las khyad par yin no/ /'dir ni
 mig dang gzugs la brten pa nas yid dang chos kyi bar la brten nas shes rnam par shes pa drug gis rtan dang dmigs pa nges par brjod na/ gal te khyad par med par brjod kyang yul med par yang rnam par shes pa skye ba rtog na ni/ de ltar na long ba la sogs pa rnams
 la brtan med pa yang rnam par shes pa skye bar ci sta mi rtog /khyad par gyi rgyu med pa'i phyir ro/ /dngos po med pa yul drug gi khongs su ma 'dus pas dngos po med pa'i yul can gyi blo yod pa ma yin no/ /de bas na dmigs pa med pa'i phyir rnam par shes pa nyid du lang mi 'gyur ro/ /zhes
 bya ba la rnam par shes pa ni dngos po so sor rnam par rig pa yin na rnam par shes par bya ba med na ni 'dis cung zad kyang rnam par mi shes pas des na rnam par shes pa nyid du yang mi 'gyur ro/ /rang dang spyi'i mtshan nyid med na des ci zhig khongs su chud par bya zhing rnam par shes par
 bya ba yin/ 'bras bu skye ba'i tshe ni zhes bya ba rgyas par 'byung ste/ dge ba dang mi dge ba'i las 'gags nas yun ring du len pa'i phyir 'gags na ni yod pa ma yin la/ de lta yin na/ rgyu med pa'i phyir rnam par smin pa'i 'bras bu mi skye ba zhig go /rgyu med par ni skye bar mi rung ste
 ha cang thal bar 'gyur ba'i phyir ro gdon mi za bar ni khas blangs par bya dgos so/ /zhes grag ste zhes bya ba rgyas par 'byung ste/ thams cad yod par smra ba zhes bya ba'i sgra ni bya ba'i rgyu mtshan can yin pa'i phyir ro/ /de nyid kyi phyir de yang smra ba'i phyir thams cad yod par smra ba zhes
 bya ba smos so/ /dus gsum la thams cad kyi sgra nges par bkod pa'i phyir thams cad kyi sgras dus gsum pa rjod do/ /sde ba gzhan 'bras bu ma skyes pa yod pa nyid smra ba rnams ni rnam par bye ste/ smra pa'o/ /mdo sde pa rnams ni da ltar byung btsam smra pa'o/ /chos dus rnams su
 'jug pa na dngos po gzhan du 'gyur gyi zhes bya ba ni ma 'ongs pa la sogs pa'i dngos po gzhan du 'gyur ba ste/ 'di ltar ma 'ongs pa'i dngos po 'dor zhing da ltar byung ba'i dngos por 'gyur la/ da ltar byung ba'i dngos po 'dor zhing/ 'das pa'i dngos por 'gyur ro/ /rdzas
 gzhan du 'gyur ba ni ma yin no zhes bya ba'i rdzas kyi rang gi mtshan nyid gzhan du 'gyur ba ma yin pa ste/ dngos po dus rnams su 'jug pa ni rang bzhin 'khrul pa med pa'i phyir ro/ /yang ma 'ongs pa la sogs pa'i dngos po 'di ci zhig ce na/ gang las 'das pa dad ma 'ongs pa dad da ltar pa'i shes
 pa dang brjod pa 'jug pa'i yon tan gyi khyad par ro/ /dper na gser gyi snod ces bya ba ni de gnyis la dpe gnyis po gser dang 'o ma ste/ kha dog la sogs pa'i tshogs pa'i yon tan dbyibs dang rol sogs pa bstan par bya ba'i phyir ro/ /'di ltar gnyig yang kha dog la sogs pa tshogs pa'i
 bdag nyid yin la/ de la yang dpung rgyan dang gdu gu la sogs pa brjod pa'i rgyu mtshan/ yon tan dbyibs kyi bdag nyid tsam kho na zhig gzhan du 'gyur pa zhig yin gyi kha dog ni ma yin no/ /de bzhin du 'o ma dang/ zho dang dar ba la sogs pa'i brjod pa'i rgyu mtshan ro dang nus pa dang/ smin par
 byed pa dang/ mthu rnams gzhan du 'gyur pa nyid yin gyi/ kha dog ni ma yin no/ /mtshan nyid gzhan du 'gyur ba pa ni mtshan nyid 'jug pa thob pa la ltos nas tha snyad 'dogs te/ de nyid kyi phyir dper na skyes bu bur med gcig la chags pa lhag ma rnams la d'dod chags dang bral ba ming?
 yin no/ /zhes bya ba smras te/ bud med gcig la 'dod chags kyi lhag par zhen par 'gyur la bud med lhag ma rnams la 'dod chags kyi thob pa kho na yod kyi kun tu 'byung ba ni ma yin pa lta bu'o/ /gnas skabs gzhan du gyur pa zhes bya ba la sogs pa 'byung ste/ gnas skabs ltos
 nas tha snyad 'dogs te chos de nas skabs gang na bya ba mi byed pa de na ni ma 'ongs pa zhes bya ba la/ gang na byed pa den ni da ltar zhes bya'o/ /gang na byas nas 'gags pa de na ni 'das pa zhes bya'o/ /rdzas gzhan gyi sgo nas ni ma yin te zhes bya ba ni rdzas ni dus gsum char du yang tha mi dang pa'i
 phyir ro 'di gnas skabs la ltos nas tha snyad brjod de/ de nyid kyi phyir dper na ri lu gcig ces bya ba smos te/ sa'i ri lu'o/ /gcig gi shos mig tu zhes bya ba ni gcig gi gnas su'o/ /brgya'i shong mig tu zhes bya ba ni brgya'i gnas su'o/ /stong gi shong mig tu zhes bya ba ni stong gi gnas su'o/ /de rang bzhin gzhan
 du 'gyur ba ni ma yin gyi/ 'o na ci zhe na/ gnas kyi byad par dang 'brel pa las grangs stong par byed pa'i mi gzhan du 'byung ngo/ /gzhan dang gzhan du 'gyur ba pa ni zhes bya ba la sogs pa la/ snga ma dang phyi ma la ltos nas gzhan dang gzhan zhes brjod kyi/ rang
 bzhin gzhan du 'gyur pa ma yin zhing/ rdzas gzhan du 'gyur ba ni ma yin te/ 'das pa dang nga ltar ba la ltos nas phyi ma ma 'ongs pa zhes bya ba la/ da ltar ba dang ma 'ongs pa la ltos nas snga ma 'das pa zhes bya zhing/ snga ma dang phyi ma ste 'das pa rang ma 'ongs pa la ltos nas da lta
 ba zhes bya'o/ /'di ni snga ma dang phyi ma la ltos nas tha snyad brjod de/ gang la snga ma kho na yod kyi/ phyi ma med pa de ni ma 'ongs pa yin la/ gang la phyi ma kho na yod kyi snga ma med pa de ni 'das pa yin zhing/ gang la snga na dang phyi ma yod pa de ni da ltar ba yin no/ /de nyid kyi phyir bung
 med gcig la ma zhes kyang bya/ bu mo zhes kyang bya ba bzhin no/ /zhes bya ba brjod de/ snga ma dang phyi ma la ltos nas yin gyi/ rdzas ni gzhan ma yin no/ /yongs su 'gyur bar smra ba'i phyir/ zhes bya ba la sogs pa 'byung ste/ grangs can gyi grub pa'i mdza' ni chos can rdzas
 nas bzhin du 'o ma'i chos mdar ba la sogs pa yongs su btang nas zho'i chos kyi bdag nyid du rnam par gnas par 'gyur la/ zho'i chos yongs su btang nas/ dar ba la sogs pa'i bdag nyid du yongs su 'gyur ro/ /zhes bya ba yin pa de bzhin du 'di'i yang rdzas ni ma 'ongs
 pa'i dngos po yongs su dor nas da ltar ba'i dngos por 'gyur la/ da ltar ba'i dngos po yongs su dor nas kyang 'das pa'i dngos por 'gyur zhing/ ma 'ongs pa la sogs pa'i dngos po rnams rdzas las don gzhan nyid kyang ma yin no zhes bya ba yin no/ /grangs can gyi phyogs la
 glan par bya'o/ /zhes bya ba ni de'i dgag pa gang yin pa de ni 'di'i yang yin no zhes bstan pa yin la/ grangs can gyi phyogs ni sngar mdzod kyi gnas gsum par bkag zin to/ /gnyis pa'i yang zhes bya ba ni btsun pa dbyangs sgrogs kyi'o/ /dus 'tshol bar 'gyur te zhes bya
 ba ni gang zhig 'das pa'i dus su mngon par 'dod pa de ni ma 'ongs par yang 'gyur ro/ /ji ltar zhe na 'das pa'i mtshan nyid dang ldan la/ ma 'ongs pa dang da ltar ba'i mtshan nyid dag dang ma ldan pa ma yin pa ste/ ldan zhes bya ba'i tha tshig go/ ma 'ongs pa dang da ltar byung ba yang de dang 'dra bar brjod
 par bya ste/ re re yang dus gsum dang ldan pa'i phyir ro/ /skyes bu zhes bya ba rgyas par 'byung ste/ skyes bu bud med kyi gong bu gzhan la 'dod chags kun tu 'byung zhing shas che ba ni bud med la chags pa zhes bya ba la/ ldan pa'i sgo nas ni 'dod chags dang bral ba zhes bya na/ chos la ni
 mtshan nyid kun tu 'byung ba 'am mtshan nyid dang mi ldan pa med de/ chos rnams kyi mtshan nyid dag ni dus rnams su 'khrul pa med pa'i phyir ro/ /de'i phyir 'dir dpe la dngos dang mtshungs pa ci zhig yod bzhi pa'i ste/ bcun pa sangs rgyas lha'i yang dus gcig la snga ma dang phyi ma'i
 skad cig ma yod de/ de la snga ma dang phyi ma'i skad cig ma dag ni 'das pa dang ma 'ongs pa yin la/ dbus kyi ni da ltar byung ba yin pas 'das pa'i dus la yang dus gsum yod par 'gyur ro/ /de lta bas na de dag thams cad kyi nang na gsum pa bzad ste/ zhes bya ba ni bye brag tu
 smra ba rnams so/ /ji ltar bzang zhe na/ gang gi phyir de'i ni bya ba yis/ dus rnams rnam bzhag ces bya ba smos so/ /gang gi tshe chos de bya ba mi byed pa de'i tshe ni ma 'ongs pa yin la/ zhes bya ba rgyas par 'byung ste/ bya ba yang mig la sogs pa rnams kyi ni lta ba la sogs pa'o/ /
 rnam par shes pa'i ni rnam par shes pa'o/ /gzugs la sogs pa rnams kyi ni rab gi dbang po'i spyod yul nyid do/ /slob dpon gyi de thams cad ni go na zhes bya ba rgyas par smos so/ /gal te 'das pa yang rdzas su yod la/ zhes bya ba rgyas par 'byung ste/ gal te 'das pa dang
 ma 'ongs pa da ltar ba bzhin du rang gi ngo bo kho nas yod na ni/ da lta ba dang khyad par dga' yang yod pa ma yin pas de'i 'das pa dang ma 'ongs pa nyid nyams par 'gyur ro snyam du dgongs so/ /yod kyang da ltar las khyad par yod par bstan pa'i phyir bya ba yis/ dus rnams rnam
 gzhag ces bshad pa ma yin na ma/ zhes bya ba rgyas par smos so/ /gal te de lta na da ltar byung ba'i zhes bya ba la sogs pa la mig gi bya ba ni lta ba yin na de yang de dang mtshungs par byed pa ma yin pas de'i tshe da ltar ba yang ma 'ongs par 'gyur ba'i phyir bya
 ba'i dus rnam par bzhag pa mi rigs so zhes bya ba ni/ dri ba'i bsam pa'o/ /'bras bu 'byin pa dang 'dzin pa yin no/ /zhes bya bas ni/ 'di skad du/ lta ba la sogs pa'i bya bas ni dus rnams gzhag pa ma yin gyi/ 'o na ci zhe na/ 'bras bu 'byin pa dang 'dzin pa'i bdag
 nyid kyis yin te/ 'khrul pa med pa'i phyir ro zhes bstan par 'gyur te/ lhan cig 'byung ba'i chos rnams ni de'i skyes bu byed pa'i 'bras bu yin la/ de ma thag tu 'byung ba'i mig gi dbang po ni skyes bu byed pa'i 'bras bu dang/ rgyu mthun pa'i 'bras bu yin zhing/ 'bras bu de yang?
 'byin pa dang 'jin pa na da ltar ba zhes bya'o/ /'o na ni bskal ba mnyam pa'i rgyu la sogs pa zhes bya ba ni/ bskal pa mnyam pa dang/ kun tu 'gro ba dang/ rnam par smin pa'i rgyu rnams so/ /'bras bu 'byin pa'i phyir dang/ zhes bya ba la rgyu mthun pa dang/ rnam par smin pa'i 'bras
 bu 'byin pa'i phyir bya ba yong ba thal bar 'gyur la/ de'i phyir 'das pa yang da ltar ba nyid du thal bar 'gyur ro/ /bya ba ched du zhes bya ba la/ gal te 'bras bu 'byin pa dang 'dzin pa bsdus par bya ba 'dod na/ de lta na yang byed da ltar ba nyid du thal bar 'gyur ro/ /thams cad kyi tshe
 bya ba byed pa la gegs mi srid do snyam ste/ 'dri ba ni 'di yang brjod bar bya dgos te zhes bya ba'o/ /de'i bdag nyid kho nar yod na zhes bya ba rgyas par 'byung ste/ da ltar ba'i rang bzhin de kho nar yod cing bdog na rtag tu bya ba byed pa la gegs su zhig byed de/ gang gis na res
 'ga' zhig bya ba mi byed par 'gyur ba/ su zhig gegs byed ces bya ba'i tha tshig go /gal te rkyen rnams ma tshogs pa yin no zhes bya ba la/ rgyu dang mtshungs pa de ma thag pa la sogs pa rnams ma tshogs pa yin te/ de'i phyir thams cad kyi tshe bya ba byed par mi 'gyur ro zhe
 na/ rtag tu yod pa nyid du khas blang pa'i phyir ro/ /zhes bya ba ni rgyu la sogs pa'i rkyen de rnams dus thams cad du yod pa nyid khas blangs pa'i phyir rkyen ma tshogs par brtag par mi rigs so/ /bya ba 'das pa dang zhes bya ba rgyas par 'byung ba la/ 'di skad bstan par 'gyur te/ gal te
 bya ba la bya ba gzhan zhig med par yang bya ba yin par 'dod na ni/ dngos po rnams kyang de ltar ma 'ongs pa la sogs par 'gyur te/ bya ba brtags pas ci zhig bya ba/ ji ltar 'khrul pa'i skyon du 'gyur du 'ongs pas bya ba la yang/ bya ba gzhan 'dod na ni de lta na yang thug pa med pa
 thal bar 'gyur ro/ /'o na te de ni 'das pa yang ma yin zhes bya ba rgyas par 'byung ngo/ /de'i tshe ma 'ongs pa yin no/ /zhes brjod par mi bya'o/ /zhes bya ba le/ de 'dus byas yin pa'i phyir thams cad kyi tshan yod bar thal bar 'gyur ro/ /skyon der yang 'gyur ba zhig na zhes bya
 ba ni bya ba la yang bya ba yod par thal ba dang/ 'dus ma byas nyid do/ /gal te chos las bya ba gzhan zhig yin ni zhes bya ba la/ chos las gzhan ma yin pa'i phyir na ni bya ba chos bzhin du 'dus ma byas ma yin la/ chos ltar de la bya ba gzhan yang pa ma yin pas thugs
 pa med pa yang ma yin no/ /de lta na ni 'o na/ dus su mi rung ba de nyid du 'gyur te de nyid ni nyid kyi dus rnam par gzhag pa'i rgyur mi rung ba'i phyir ro/ /de nyid bstan pa'i phyir gal te chos kho na bya ba yin/ zhes bya ba rgyas par smos so/ /mi 'grub pa ci zhig yod ces bya ba ste/ dngos po'i
 rang gis ngo bo nyid ni dus rnam par gzhag pa'i rgyu nyid du mi 'dod de/ 'o na ci zhig ce na/ skyes pa dang ma skyes pa dang zhig pa'i gnas skabs dag tu dus rnam par bzhag pa'i rgyu nyid du khas len no/ /de'i tshe yang dus kyi rnam par bzhag pa mi 'grub po/ /ci zhag ma byung bar 'gyur/
 zhes bya ba la/ gang zhig ma skyes pas ma skyes pa/ zhes bya ba gzugs la sogs pa skyes pa ni sngon ma 'ongs pa'i gnas skabs su ci zhig ma byung bar 'gyur/ bya ba ma byung bar gyur to/ /zhes bya bar 'dod na/ de lta yin na chos kho na ma byung bar gyur to/ /zhes bya bar smras par
 'gyur ro/ /ci'i phyir zhe na/ chos las bya ba gzhan ma yin pa'i phyir ro/ /gang zhig med pas zhig pa zhes bya ba phyis shes bya ba ste/ 'das pa'i gnas skabs na ci zhig med/ gal te bya ba med do zhe na/ phyis chos kho na med do zhes smras par 'gyur te/ chos las bya ba gzhan
 ma yin pa'i phyir ro/ /gal te ma byung ba las byung ba mi 'dod phan chad de/ cir 'gyur zhe na/ da ltar byung ba mi 'grub po/ byung nas kyang mi 'byung bar mi 'dod phan chad ni 'das pa'i dus mi 'grub po/ /ma byung ba las byung ba dang/ byung nas kyang mi 'byung ngo zhes de ltar 'dod na ni dus gsum
 'grub ste/ gzhan du ni ma yin no/ /skye ba dang 'jig pa dag mi rung ba'i phyir zhes bya ba la/ 'das pa dang ma 'ongs pa gnyis rang gi ngo bo dus thams cad du yod pa'i phyir ji ltar skye ba dang 'jig pa dang ldan par 'gyur te/ de'i phyir 'das pa dang ma 'ongs pa 'dus byas kyi mtshan nyid dang ldan
 par mi rung ngo/ /tshig gi tshul 'di ni sngon ma byung ba yin no zhes bya ba la/ tshig gi tshul 'di ni snga phyi 'gal ba zhig ste/ thams cad kyi tshe yang yod la skye ba dang 'jig pa dag dang yang ldan no/ /zhes bya ba 'di ni 'gal ba zhig go /don de nyid shes par bya ba'i phyir tshigs su bcad pa ni/ rang
 bzhin yang ni rtag tu yod/ /ces bya ba ste/ gzugs la sogs pa rang gi mtshan nyid gang yin pa de ni dus thams cad na yod par 'dod do/ /de lta na 'o na gzugs la sos pa'i dngos po thams cad kyi tshe yod pa'i phyir rtag par thal bar 'gyur ro zhe na/ de'i phyir smras pa/ dngos po yang ni
 rtag pa 'dod/ de lta na yang rang bzhin las dngos po gzhan du thal lo zhe na/ de'i phyir rang bzhin las kyang dngos min gzhan zhes bya ba smras so/ /dbang phyug tha snyad yin par gsal/ zhes bya ba ni 'jig rten na rigs pa la mi ltos par 'dod rgyal tsam du zad pa'i phyir ro/ /dus rnams
 kun tu yod nyid 'dod/ /zhig kyang ma skyes kyang mi 'dod/ /yod nyid gsum pa'ang yod ma yin/ /khyab 'jug sgyu 'phrul ci ste na ni/ zhes mdo sde pa rnams la yang nyes pa nyid du 'gyur ro/ /slob dpon 'dul bzangs kyis 'das pa dang/ ma 'ongs ba rnam par gtan la
 dbab pa la mang du brjod mod kyi/ gzhung mangs pa'i 'jig pas de 'dir ma smras so/ /gang yang gsungs phyir zhes bya ba 'byung ngo/ /slob dpon gyis kho bo cag kyang zhes bya ba smos te/ sngon byung ba gang yin pa ni 'das pa yin gyi rang gi mtshan nyid kyis gnas pa ni ma yin no zhes sngon to/ /
 rkyen yod na 'byung bar 'gyur ba ni ma 'ongs pa ste/ yod pa ma yin pa yang snyam du bsams pa'o/ /de ltar byas nas yod do zhes bya'i zhes bya ba ni sngon byung ba dang/ 'byung bar 'gyur ro/ /bya brag tu smra ba rnams na re skad du su zer zhe'o/ /slob dpon gyis gzhan du na ji ltar yod ces smos so/ /
 'das pa dang ma 'ongs pa'i bdag nyid du yang med zhes bya ba ni bye brag tu smra ba rnams te/ 'das pa dang ma 'ongs pa'i rang bzhin du zhes bya ba'i don to/ /rgyu dang 'bras bu la skur pa 'debs pa'i lta ba dgags pa'i phyir zhes bya ba la/ rgyu las skur ba 'debs pa'i lta ba dgag pa'i phyir 'das pa yod do/
 zhes bya bar gsungs la/ 'bras bu la skur pa 'debs pa'i lta ba dgag pa'i phyir ma 'ongs pa yod do zhes gsungs so/ /'das pa ni byung bar gyur to/ /ma 'ongs pa ni 'byung bar 'gyur ro zhes brjod par bya na/ yod do zhes ci ste/ rdzas kyi tshogs su 'gyur zhe na/ de'i phyir yod ces bya ba'i
 sgra ni tshig gi phrad yin pa'i phyir te/ zhes bya ba smos te/ tshig gi phrad smos pa ni brjod pa'i ngo bo dgag pa'i phyir te/ dus gsum gyi yul can nyid du shes par bya ba'i phyir ro/ /gal te 'di brjod pa yin no/ /'dir 'di'i 'das pa yod do/ /ma 'ongs pa yod do zhes bya ba'i sbyor ba nyid du mi
 'gyur te/ da ltar gyi dus yin pa'i phyir ro/ /mar me lnga na yod do zhes bya ba rgyas par 'byung ste/ mar me'i snga na med pa rdzas su yod pa ma yin mod kyi/ 'o na kyang yod par smra'o/ /dper na mar me de shi ba ni yod mod kyi/ kho bos ni ma bsad do zhes bya ba la smra ba pa yod kyi/ yod ces bya
 ba'i sgra sbyar ro/ /bas shi ba de yang yod do zhes bya ba ni ma yin no/ /de bzhin du 'das par mang ma 'ongs pa yang rdzas nyid du med kyang yod do zhes gsungs so/ /de'i phyir yod do zhes bya ba'i sgra ni don yod pa can 'ba' zhig tu ma zad do/ /zhes bya bar rtogs so/ /de lta ma yin na zhes bya
 ba la gal te byung ba ni 'das pa yin la/ rkyen yod na 'byung bar 'gyur ba ma 'ongs pa yin zhes bya ba de ltar yod pa'i sgra brjod par mi 'dod par 'gyur na'o/ /de nyid kyi phyir 'das pa dang ma 'ongs pa mi 'grub pa kho nar 'gyur ro zhes bya ba smos so/ /da snyar ba bzhin
 du thams cad kyi tshe rang gi mtshan nyid kyis yod pa'i phyir ro/ /'o na bcom ldan 'das kyis zhes bya ba rgyas par 'byung ste/ 'di ltar mdo las shA ri'i bu gang dag gis las 'das pa dang zag pa dang/ 'gag pa dang bral ba dang/ rnam par gyur pa gang yin pa de ni med ngo/ /zhes
 de skad du smras pa'i tshig de'i rang bzhin ma yin pa de ni byis pa blun pa gsal ba mi dge ba rnams ji lta bzhin kun tu rgyur byug thogs thor tshugs can rnams kyis bab chol du so sor ma brtags par smras pa yin no zhes bya ba rgyas par gsungs nas/ de ci'i phyir zhe na/
 shA ri'i bu las 'das pa dang zag pa dang 'gags pa dang bral ba dang rnam par 'gyur ba gang yin pa de ni yod do zhes gsungs na/ ci de dag las de sngon byung ba nyid du mi 'dod par gyur tam/ de dag gis ni las de sngon du byung ba nyid du rtogs pa kho na yin gyi/ de'i rnam par
 smin pas 'jigs pas 'gags pa ni rdzas su yod pa nyid du ma gtogs so/ /de'i phyir bcom ldan 'das kyis yod pa nyid du bstan pa'i phyir de ni yod de zhes gsungs te/ de lta ma yin na bstan pa don med pa nyid du 'gyur ro zhes bya ba 'di ni bye brag re shig bye
 brag tu smra ba'i mdo'i 'don bstan pa'o/ /slob dpon gyis rnam pa gzhan du bstan pa'i phyir de las ni zhes bya ba rgyas par smos so/ /de las ni zhes bya ba ni mdo las so/ /rgyud de las zhes bya ba ni las te rgyud gang du gtogs pa'o/ /kun tu drangs pa ni las de kun
 tu drangs shing bskyed pa'o/ /de yang gang zhe na/ 'bras bu bskyed pa'i mthu yod pa'o/ /'di ltar las des rgyud 'bras bu khyad par can bskyed par nus par byed de/ de'i phyir bcom ldan 'das kyis las de 'gags kyang des kun drangs pa 'bras bu bskyed pa'i mthu yod pa
 nyid du bstan pa'i phyir de ni yod do zhes gsungs so/ /de lta ma yin te zhes bya ba ni gal te 'das pa yod pa nyid du ston na'o/ /rang gi ngo bo kho na yod na zhes bya ba la sogs pa la/ las de rang gi mtshan nyid kyis yod na ni da ltar 'byung ba ji lta ba bzhin yin pas 'das pa 'grub par mi 'gyur
 ro/ /de'i phyir 'di las don du bzhed kyi snga ma ni ma yin no/ /de ni gdon mi za bar de lta bu yin par zhes bya ba la gang gi phyir bcom ldan 'das kyis mgur nyid nas 'das pa dang/ ma 'ongs pa med do zhes gsungs pa de'i phyir mdo 'di'i don ni 'di kho na yin no/ /zhes bya bar shes so/ /
 gal te nga ltar gyi dus su zhes bya ba ni da ltar gyi dus su da ltar gyi dngos por ma byung ba las 'byung ngo zhes bya ba'i don to/ /mi rung ste dus ni dngos po las don gzhan ma yin pa'i phyir ro zhes bya ba ni de ltar ma yin te/ de ltar byung ba'i dus ni dngos po mig la sogs pa'i ming can las don
 gzhan ma yin pa'i phyir ro/ zhes bya ba ste/ rdzas gzhan ma yin pa'i phyir ro zhes bya ba'i don to/ /da ltar gyi dus gang yin pa de nyid dngos po yin te/ de'i phyir ji ltar da ltar ba de nyid rang gi bdag nyid las ma byung ba las 'byung bar 'gyur/ de skad du de dag nyid dus gtam gzhi
 dang zhes bshad do/ /ma 'ongs pa'i mig med do zhes bya ba 'di grub pa yin no zhes bya ba la gal te rang gi bdag nyid la ma byung na ni de lta na mig ma byung ba las byung ngo zhes bya ba 'gyur la/ de'i phyir ma 'ongs pa'i mig med do zhes bya bar grub pa yin no/ /re zhig 'dir zhes bya bar
 rgyas bar 'byung ngo/ /mig gi rnam par shes pa la sogs pa rnams ni yul da ltar bar yin pa'i phyir rten ltar dmigs pa yang bskyed par byed pa nyid yin pas yid kyi rnam par shes pa kho na nye bar bkod do/ /yid da ltar ba kho na de'i rkyen nyid du gnas pas skyed par byed pa'i
 rkyen yin pa ltar chos rnams kyang de dang 'dra 'am/ gal te chos rnams skyed par byed pa'i rkyen yin no zhe na ni/ 'o na ma 'ongs pa bskal pa stong na 'byung ba zhes bya ba ni ma 'ongs ba nye ba yang skyed par byed pa'i rkyen du mi 'dod na/ shin tu bskal pa smos kyang ci dgos snyam du dgongs
 te 'bras bu lnga la rgyu 'phyi'o snyam du rtog pa ni rigs pa dang ldan pa ma yin no/ /gal te med na ji ltar dmigs pa yin zhes bya ba la/ bskyed par byed yin pa'i phyir ni ma 'ongs pa rdzas su 'dod pa ma yin te/ 'o na ci zhe na/ dmigs pa yin pa'i phyir na/ yod
 pa ma yin pa brjod du med pa ni dmigs pa'i ngo bor mi rung ngo zhe na/ da ni 'dir zhes bya ba rgyas par 'byung ste/ kho bo cag ni de ji ltar dmigs pa yin pa de ltar med do zhes ni mi smra'i/ /'o na ci zhe na/ ji ltar khyed kyis rdzas su gtags pa de ltar med do zhes smra'o/ /byung bar gyur pa
 zhes bya ba ni 'das pa'i dmigs pa yin la/ de ni da ltar yod pa nyid do/ /'byung bar 'gyur ro zhes bya ba ni ma 'ongs pa'i dmigs pa yin la/ de yang de ltar yod pa nyid do/ /byung ba gyur pa dang 'byung bar 'gyur ro/ /zhes de dag dmigs pa yod pa ni ma yin no zhes bya ba
 'di ji ltar shes she na/ de'i phyir 'das pa'i gzugs sam/ zhes bya ba rgyas par smos shing/ mig gi rnam par shes pa dang nyams su myong ba'i shes pa'i stobs kyis gzugs de ji ltar mthong ba dang/ tshor ba ji ltar nyams su myong ba de ltar byung bar gyur to/ /zhes dran par
 'gyur gyi/ ji ltar mig dang rna ba dang sna dang lce dang lus kyi rnam par shes pa rnams kyis gzugs la sogs pa da ltar ba nyams su myong ba de ltar 'das pa dran no zhes 'di nyid la bstan tshigs lhag smos te/ de ni ji ltar nyams su myong ba bzhin de'i bdag nyid du 'das
 pa yin pas byung bar gyur to/ /zhes 'jon? la/ nyams su myong ba dang mthun par dran no/ /ma 'ongs pa la ji ltar zhes bya ba la sogs pa la/ de ltar sangs rgyas rnams kyis mkhyen te thams cad la thogs pa mi mnga' ba'i phyir ro/ /gzhan gyis ni ma yin te/
 gzhan gyis ni 'byung bar 'gyur ro/ zhes bya ba de ltar 'dzin gyi/ ji ltar da lta bar 'gyur ba ltar ni ma yin no/ /gal te gang 'das pa dang ma 'ongs pa ji ltar nyams su myong ba dang/ ji ltar 'byung bar 'gyur ba de kho na bzhin du yod na ni da ltar du 'gyur gyi/ 'das pa dang
 ma 'ongs pa ni ma yin te/ de ltar ba dang/ ? par med pa'i phyir ro/ /'o na te ji ltar nyams su myong ba dang 'di ji ltar 'byung bar 'gyur bde ltar med na ni/ de lta na btang ba dang ma blangs pa'i rang bzhin yin pa'i phyir 'das pa dang ma 'ongs pa'i ngo bo ni med pa yin pas med pa dmigs pa yin no
 zhes bya bar grub pa yin no/ /gal te de nyid sil bu ni de yin no zhes bya ba ni 'das pa dang/ ma 'ongs pa dang sbyar te/ da ltar ? gang yin pa de nyid sil bu ni 'das pa dang ma 'ongs pa yin no zhe na/ ma yin te/ sil bu mi 'dzin pa'i phyir ro/ /gal te de dag sil bu yin par 'gyur na ni
 sil bu nyid du 'dzin pa 'am/ dran par gyur gyi/ da ltar ba nyams su myong ba ltar byung bar gyur to zhes gong bur gyur pa dran par mi 'gyur ba zhig go/ gal te yang de ni zhes bya ba rgyas par 'byung ste/ gal te 'das pa dang ma 'ongs pa de dag gzugs yin mod kyi/ de rdul phra rab tu gyi
 ba na 'angs pa rang ma 'ongs pa zhes brjod pa 'ba' zhig tu zad kyi/ chos 'ga' zhig skye ba 'am/ 'jig pa'i phyir ni ma yin no zhe na/ de lta yin na rdul phra rab rnams dus gsum du yang rnam par mi 'gyur ba'i rang gi ngo bo yin pa'i phyir rtag par 'gyur la/ rdul phra rab bsaT
 pa dang gyis pa tsam du yang 'gyur te/ de ltar byung ba'i gnas skabs na rdul phra rabs bsags pa gang yin pa de'i bye ba tsam zhig 'das pa dang ma 'ongs par 'gyur ro/ /de ltar na rdul phra rab rnams rtag par 'gyur zhing/ rdul phra rab rnams bsags pa tsam nyid da ltar
 yin pas/ cung zad kyang skye ba yang med la/ de rnams gyes ba tsam zhig 'das pa yin pas cung zad kyang 'gag pa med do/ /de lta na yang 'tsho byed kyi rtsod pa blangs pa yin te/ de dag kyang de skad smra ba'i phyir ro/ /mdo yang bor bar 'gyur ro/ /zhes bya ba ni 'gal bar byas par
 'gyur ro/ /ji ltar 'gal bar byas bar 'gyur zhe na/ mig gi skye aba ni zhes bya ba la sogs pa 'byung ste/ mig gi dbang po'i rdul phra rab ma 'ongs pa'i dus na sil bu yin pa rnams da ltar byung ba'i dus su bsags par 'gyur ro/ /zhes bya ba ni mig ni skye ba na gang nas kyang
 mi 'od zhes bya ba 'di gnod par 'gyur ro/ /de bzhin du mig gi dbang po'i rdul phra rab bsags pa rnams bye ba tsam du khas blangs pa'i phyir 'gags pa na yang gang du yang sogs par mi 'gyur ro zhes bya ba 'di dang 'gal par byas pa yin no/ /rdul
 phra rabs bsags pa ma yin pa rnams kyang zhes bya ba ni rdul phra rabs rnams kyis ma bsags pa zhes bya ba'i don to/ /ji ltar na sil bu nyid yin zhes bya ba ni yul na mi gnas pa'i phyir sil bu nyid yod pa ma yin no snyam du dgongs so de dag kyang zhes bya ba ni tshor pa la sogs
 ba dag ste/ ji ltar byung zhing nyams su myong ba dran no/ /skye mched bcu gsum pa yang dmigs par 'gyur ro zhes bya ba 'byung ste/ gal te med pa yang yid kyi rnam par shes pa'i dmigs pa yin na ni/ de lta na skye mched bcu gsum pa yang med pas/ 'das pa dang ma 'ong
 pa ltar de yang dmigs par 'gyur na/ dmigs pa yang ma yin te/ de'i phyir med ba la dmigs pa'i rnam par shes pa med do/ /zhes bya bar nges so/ /'on skye mched bcu gsum par med do/ /snyam pa'i zhes bya ba rgyas par 'byung ste/ skye mched bcu gsum pa
 med do snyam pa'i shes pa'i dmigs pa ni dngos po yin par mi rung ste/ mig la sogs pa bzhan du skye mched bcu gsum pa med pa'i phyir ro/ /de'i phyir 'di'i dmigs pa ni dngos po med pa las ma gtogs pa gang zhag yod par brjod par bya dgos so/ /bye brag tu
 smra ba rnams kyis ming de nyid dmigs pa yin na/ /zhes bya ba smros te/ bcu gsum pa zhes grangs kyi ming gang yin pa de nyid dmigs pa yin te/ de'i phyir 'di yang yod pa la dmigs pa yin no zhe na/ de lta na ni 'o na ming nyid med do zhes bya bar rtogs par 'gyur gyi/
 skye mched ni ma yin no/ /gzhan yang sgra'i snga na med pa la/ dmigs pa de'i dmigs pa yang ci zhig yin/ zhes bya ba ni skye ba bkag pa las ma gtog pa/ sgra'i mi skye ba gzhan med do snyam du dgongs so/ /sgra kho na yin no zhes bya ba ni dmigs pa zhes bya bar
 skabs dang sbyar te/ dus gsum du sgra'i rang gi ngo bo khyad par med pa'i phyir ro/ /da lta na ni 'o na zhes rgyas par 'byung ste/ gal te sgra'i snga na med pa la dmigs pa des sgra kho na la dmigs pa yin gyi/ bdag nyid du red pa bkag pa tsam ma yin na/ de lta na gang zhig sgra med pa don du gnyer bar?
 'gyur gyi/ sgra med pa ni ma yin no/ /gal te ma 'ongs pa'i gnas skabs yin no zhes 'byung ngo/ /'di snyam du der med do snyam pa'i blo ni da ltar ba de med do snyam pa de ltar 'dug go snyam na/ de'i phyir ma yin te gcig yin pa'i phyir ro/ /zhes bya ba smos so/ /ma 'ongs pa gang yin pa de nyid
 da ltar yin na ji ltar da ltar med ces bya/ gzhan yang da ltar yod na 'ongs pa med pas der yang med do snyam pa'i blo yod par 'gyur te/ khyad par med pa'i phyir ro/ /yang na bye brag gang yin pa zhes bya ba ni da ltar ba'i gnas skabs na mnyan par bya ba yin pa ste/ de med pa'i de da
 ltar med pa yin no zhes bya'o zhe na/ de ma byung ba las byung ba grub ste/ zhes bya ba nas/ ma 'ongs pa'i gnas skabs su ma byung ba las da ltar ba'i gnas skabs su byung ba'i phyir ro/ /yod pa dang med pa gnyis ka zhes bya ba la/ da ltar byung ba'i gnas skabs na ni yod pa dmi
 pa yin la/ ma 'ongs pa'i gnas skabs na ni med pa dmigs pa yin no/ /gal te med pa dmigs pa yin na 'o na byang chub sems dpas zhes gsungs pa ji ltar dang/ gang 'jig rten na med pa gang yin pa zhes bya ba rgyas par 'byung ste/ de las ni de'i dmigs pa med pa
 nyid yin pa bkag pa yin no/ /mngon pa'i nga rgyal can gzhan zhes bya ba rgyas par 'byung ste/ 'dir mdo'i dgongs pa ni ting nge 'dzin yongs su ma dag ba rnams snang ba med bzhin du ste/ sbyor ba'i gnas skabs na lha'i mig gi snang ba med bzhin du yod par lta'i bdag ni lha'i
 mig gi snang ba bsal ba'i ngo bor yod par kho na yod par lha'i zhes bya ba 'di yin no/ /rtog par yang ga la 'gyur/ zhes bya ba ni yod dam med ces the tshom du ste/ blo rnams yod pa dang med pa'i yul ma nyid yin na ni/ de gnyig la lta ba'i dgos pa 'grub kyi yod pa'i
 yul can nyid yin na mi 'grub po/ /yang khyad par yang ci zhig yod ces bya ba la/ gal te de dag kyang yod pa'i snang ba kho na lta'i med pa ma yin na ni gzhan dag las byang chub sems dpa' la khyad par ci zhig yod/ de ni gdon mi za bar de lta bu yin par zhes
 bya ba la/ ci zhe na/ blo med pa la dmigs pa zhes bya bar skabs dang sbyar ro/ /'di yod pa dang med pa gnyis blo'i yul yin pa nyid la dpar brjod pa ni yod pa la yang yod par shes la/ med pa la yang med par shes so/ /zhes bya ba 'di yin no/ /de'i phyir rnam par shes pa ni yod
 pa la dmigs pa'i phyir ro zhes bya ba de yang gtan tshigs su mi rung ngo/ /'o na ji lta bu zhe na/ de sngon du 'gro ba'i rgyud kyi khyad par las te/ zhes bya ba ni las sngon du 'gro ba'i sems kyi rgyud kyi khyad par las shes bya ba'i tha tshig go /de sngon du 'gro ba'i rgyud ni rgyu mthun pa'i
 'bras bu dang rjes su mthun pa yang yod pas de'i phyir khyad par smos te/ rnam par smin pa'i 'bras bu dang rjes su mthun pa'i rgyud bstan par bya ba'i phyir ro bdag tu smra ba dgag pa nas bshad par bya'o/ /zhes bya ba ni rgyud yongs su 'gyur ba'i khyad par las te/ sa bon
 dang 'bras bu bzhin no zhes bya ba la sogs pas so/ /gang gi 'das pa dang ma 'ongs pa rdzas su yod pa ni btags par ma yin no/ /de la zhes bya ba ni 'bras bu la'o/ /de med par de yod pa med pa'i phyir 'bras bu'i yod pa skye bar bya ba la rgyu'i nus pa yin pas ma
 byung ba la byung ba zhes bya ba grub pa yin no/ /gal te 'bras bu rtag tu yod na ni de la las kyi nus pa med de/ de'i phyir dge ba dang mi dge ba'i las don med par thal par 'gyur ro/ /bye brag tu smra ba rnams ni skyed par nus so zhe'o/ /gang gi zhe na las kyi'o/ /'o na
 ni skye ba ma byung ba zhes bya bar grub pa yin no/ /khyad par de sngar med pa'i phyir ro/ /yang thams cad du yod pa kho na yin zhes bya ba ni/ las de dang 'bras bu dang skye ba'o/ /da ni gang la zhes bya ba ste/ skye ba 'am 'bras bu la las sam gzhan yang rung ste rgyu gang
 zhig nus te thams cad thams cad kyi tshe rdzas su yod pa nyid kyi phyir ro/ /'o na da ltar du byed nus pa yin zhes bya ba ni las dang 'bras bu yod bzhin du'o/ /yul gzhan du 'dren pa yin no/ /zhes bya ba ni ma 'ongs pa yul na mi gnas pas shes bya ba'i bsam pa 'dis smras pa'o/ /rtag par
 thal bar 'gyur ro zhes bya ba ni de 'dren pa'i rkyen rnams rtag tu nye bar phyir ro/ /gzugs can ma yin pa ste tshor ba la sogs pa rnams de ji ltar te/ 'dren zhes bya ba dang sbyar te/ de rnams ni rtag tu yul na mi gnas pas dris pa yin no/ /'bras bu'i 'dren pa bya ba'i ming can
 gang yin pa de yang ma byung ba las byung ba ma yin te/ de ni sngar yod pa ma yin pa'i phyir ro/ /gal te rang gi ngo bo'i khyad par zhig ces bya ba la/ da ltar ba byed pas de la las kyi nus pa yod pa yin no zhe na/ khyad par de sngar med pas ma byung ba las byung ba grub pa yin no/ /ji ltar
 sdang yod pa nyid do zhe na/ da ltar bar byas pas 'di la khyad par yod pa ma yin pas las kyi nus pa med pas so na 'dug pa nyid do/ /gal te skye mched bcu gnyis yod kyi/ 'das pa dang ma 'ongs pa med na/ yid kyi skye mched 'das par ji ltar bzhag ce na/ smras pa/ rnam par
 shes pa da ltar ba kho na rnam par shes pa gzhan gyi rten gyi dngos por rnam par gnas kyi/ 'das pa ni ma yin pas skyon 'di med do/ /yang na dus gsum ste/ ci zhe na/ thams cad yod pa zhes bya bar skabs dang sbyar ro/ /gal te dus gsum yod do zhes brjod na/ 'o na ni 'das
 ba dang ma 'ongs pa grub po zhe na/ de'i phyir ji ltar yod pa de bzhin du ni bshad zin to zhes bya ba smos te/ sngon byung ba gang yin pa de ni 'das pa yin no/ /rgyu yod na 'byung bar 'gyur ba gang yin pa de ni ma 'ongs pa yin no/ /'byung nas ma zhig ba gang yin pa de ni da ltar ba yin no/
 zhes bya bar ro/ /ji ltar na des der ldan pa yin zhes bya ba ni/ ji ltar 'das pa dang ma 'ongs pa'i nyon mongs pa'i nyon mongs ba des si 'dras pa dang ma 'ongs pa'i dngos po der ldan pa yin no zhes bya ba yin no/ /de las skyes de'i rgyu'i phra rgyas yod pa'i phyir nyon mongs pa des shes bya ba la
 'das pa'i nyon mongs pa de las skyes pa ni de las skyes pa'o/ /ma 'ongs pa'i phra rgyas de'i rgyu ni de'i rgyu'o/ /de ni de las skyes pa yang yin la/ de'i rgyu yang yin pas de las skyes pa de'i rgyu'o/ /de las skyes pa de'i rgyu 'di phra rgyas yin pa ni de'i rgyu de las
 skyes pa'i phra rgyas so/ /de yod pa ni de las skyes pa de'i rgyu phra rgyas yod pa ni/ de las skyes pa de'i rgyu pa rgyas yod pa de'i phyir 'das pa dang ma 'ongs pa'i nyon mongs pa des ldan par 'gyur ro/ /de la dmigs pa'i nyon mongs pa'i phra rgyas yod pas dngos po dang ldan pa yin no/ /zhes bya ba la/
 de la dmigs pa yang yin la/ nyon mongs pa yang yin pas de la dmigs pa'i nyon mongs pa ste/ de la zhes bya ba ni 'das pa dang ma 'ongs pa dang sbyar ro/ /de la dmigs pa'i nyon mongs pa'i phra rgyas ni de la dmigs pa'i nyon mongs pa'i phra rgyas so/ /de yang gang zhig ce na/
 nyon mongs pa'i bag chags te/ nyon mongs pa'i sa bon zhes bya ba'i tha tshig go /de la dmigs pa'i nyon mongs pa'i phra rgyas yod pa ni/ de la dmigs pa'i nyon mongs pa'i phra rgyas yod pa ste/ de la dmigs pa'i nyon mongs pa'i phra rgyas yod pas dngos po dang ste/ gzugs la
 sogs pa 'das pa dang ldan pa yin no/ /chos nyid dag ni zab ba yin/ zhes bya ba ni chos rnams kyi rang bzhin ngo bo ni zab pa ste/ de gdon mi za bar rtogs pas bsgrub pa ma yin no/ /'das pa la sogs pa'i dus bye brag tu shes bar bya ba'i phyir/ rnam grangs kyang yod de zhes bya ba
 smras te/ tshul yod ces bya ba'i don to/ /gzugs skye la gzugs 'gag go /zhes bya ba'i don ni de nyid da ltar bar gyur nas 'das pa nyid du 'gyur ro zhes bya'o/ /skye ba la mngon du phyogs pa'i phyir ma 'ongs pa skye la/ 'gag pa la mngon du phyogs pa'i phyir da ltar gyi 'gag go/
 dus kyang skye ste/ zhes bya ba ni de dag nyid dus gtam gzhi dang zhes 'byung ba'i phyir ro dus las kyang ste/ zhes bya ba ni 'byung khungs kyi ngo bo las chos skye ba'o/ /ma 'ongs pa'i dus skad cig ma du ma yin pa'i phyir ro zhes bya ba smos te/ gang gi phyir ma 'ongs pa'i skad cig ma du ma
 spungs pa'i rang bzhin rnams las skad cig ma 'ga' zhig skye ba de'i phyir dus las kyang skye ba'o zhes brjod do/ /zhar la 'ongs pa zhes bya ba ni lhag ma kun gyis kun dang ldan zhes bya ba 'di'i zhar la 'ongs pa yin no/ /dngos po de spangs pa yin nam/ zhes bya ba rgyas par 'byung ngo/ /
 'dir spangs pa ni thob pa dang bral ba las mngon par 'dod la bral ba ni de la dmigs pa'i nyon mongs pa spangs pa las mngon par 'dod do/ /de la dmigs pa'i nyon mongs pa spangs na de ma spangs par mi 'gyur ba de'i phyir re shig gang dang bral na/ zhes bya ba rgyas par smos so/ /spangs
 la de dang ma bral pa yang yod de zhes bya ba la sogs pa 'byung ngo/ /mthong ba'i lam gyi dbang du byas nas sdug bsngal mthong spang spangs kyang zhes bya ba rgyas par smos so/ /bsgom pa'i lam gyi dbang du byas nas dang po'i rnam pa spangs kyang zhes bya ba la sogs pa smos so/ /sdug bsngal shes
 ba ni skyes la zhes bya bas ni sdug bsngal la chos shes pa dang rjes su shes pa gzung so/ /kun 'byung shes pa yang de ltar gnyi ga gzung ngo/ /kyang zhes bya ba'i sgra ni brtan pa'i don to/ /gzhan dag na re bsdu ba'i don tu'o zhe'o/ /chos bcu drug po zhes bya ba ni dmigs pa ste/ khams gsum
 pa re re zhing rnam pa lnga lnga po sdug bsngal dang kun 'byung dang 'gog pa dang lam mthong bas spang bar bya ba dang/ bsgom pas spang bar bya ba dang/ zag pa med pa zhes bya ba ste/ bcu drug tu 'gyur ro/ /sems kyang bcu drug ste/ de dag nyid do zhes bya ba ni kun tu 'gro ba dang/ kun tu 'gro
 ba ma yin pa dang mtshungs par ldan pa gcig tu byas te/ sdug bsngal mthong bas spang bas bya bar bshad la/ kun 'byung mthong bas spang par bya ba yang de dang 'dra'o/ /'gog pa dang lam mthong bas spang par bya ba yang zag pa dang bcas pa dang zag pa med pa la dmigs pa gcig tu byas
 nas bshad do/ /bsgom pas spang bar bya ba yang nyon mongs pa can dang nyon mongs pa can ma yin pa gcig tu byas nas bshad do/ /zag pa med pa yang chos dang rjes su shes pa'i phyogs dang mthun pa gcig tu byas nas bshad do/ /re shig sdug bsngal zhes bya ba rgyas par 'byung ngo/
 de sdug bsngal dang kun 'byung mthong bas spang bar bya ba go rims bzhin du phra rgyas bcu dang bdun dang/ de dag dang lhan cig 'byung ba dang de rnams kyi thob pa rjes su 'brang ba dang bcas pa dag dang bsgom pas spang bar bya ba bzhi dang/ de dang lhan cig 'byung ba dang/ de
 rnams kyi 'thob pa rjes su 'brang ba dang bcas pa dag dang/ zag pa med bcas pa'i gzugs thams cad dang/ nyon mongs pa can ma yin pa gzhan dag go /de bzhin du 'gog pa mthong bas spang par bya ba phra rgyas bdun dang de dag dang lhan cig 'byung ba dang/ de rnams kyi 'thob pa rjes su
 'brang ba dang bcas pa dag dang/ lam mthong bas spang par bya ba brgyad dang/ de dang lhan cig 'byung ba dang/ de rnams kyi 'thob pa rjes su 'brang ba dang bcas pa dag ste/ de bzhin du gzugs dang gzugs med pa'i khams dag tu yang ci rigs bar rig par bya'o/ /rang gi khams
 pa gsum ste/ zhes bya ba rgyas par 'byung ste/ sdug bsngal mthong bas spang bar bya ba'i chos 'dod pa na spyod pa ni sdug bsngal mthong bas spang bar bya ba'i rnam par shes pa 'dod ba na spyod pa dang/ kun 'byung mthong bas spang bar bya ba kun tu 'gro ba dang mtshungs par ldan pa dang bsgom
 pas spang bar bya ba nyon mongs pa can ma yin pa dang/ mi lcog pa med pas bsdus pa'am/ bsam gtan gyis dngos gzhis bsdus pa mi sdug pa la sogs pa'i rnam pa can nam/ gzugs kyi khams su skyes pa gang zhig gang gi 'dod pa na spyod pa'i sems can rnams kyi sems
 la lta ba 'am/ 'dod pa'i khams su skyes pa de la 'dod chags dang bral ba zhig gang gi tshe mthong ba'i chos la bde bar gnas par bya ba'i phyir 'jig rten pa'i lam gyis khams de nyid la dmigs pa yang rung ste/ gzugs na spyod pa bsgom pas spang bar bya ba dge ba cig dang /zag
 pa med pa ste/ chos shes pa'i phyogs dang mthun pa'i dmigs pa yin no/ /kun 'byung mthong bas spang bar bya ba dang/ bsgom pas spang bar bya ba dag kyang de dang 'dra bar brjod par bya'o/ /de la sdug bsngal du gtogs pa'i sems kun tu 'gro ba dang mtshungs par ldan
 pa ni kun 'byung mthong bas spang bar bya ba dang/ bsgom pas spang bar bya ba la dmigs so/ /kun 'byung du gtogs pa kun du 'gro ba dang mtshungs par ldan pa ni sdug bsngal mthong bas spang bar bya ba dang bsgom pas spang bar bya ba la dmigs so/ /bsgom pas spang bar bya ba nyon mongs
 pa can ma yin pa ni kun 'byung mthong bas spang par bya ba la dmigs so/ /bsgom pas spang par bya ba nyon mongs pa can dang nyon mongs pa can ma yin pa thams cad ni bsgom pas spang par bya ba la dmigs so/ /gzugs su gtogs pa dang zag pa med pa ni snga ma bzhin no/ /
 de ltar na sdug bsngal mthong ba la sogs pas spang bar bya ba'i chos 'dod pa na spyod pa ni sems lnga dang lnga po re re'i dmigs pa'i yin no/ /rang gi khams pa gsum ste de dag nyid dang/ zhes bya ba ni ji skad bshad pa'i rnam pa'i sgo nas sdug bsngal kun 'byung mthong ba dang/
 bsgom pas spang bar bya ba dag go /de nas bsgom pas spang bar bya ba ni thos ba las byung ba yang dag pa'i lta ba dang/ mtshungs par ldan pa dang/ bsgom pa las byung ba zhi ba la sogs pa'i sems yod pa yin no/ /sa 'og ma pa gsum ste/ de dag nyid dang/ zhes bya ba ni
 'dod pa na spyod pa'i sdug bsngal dang/ kun 'byung mthong bas spang bar bya ba skal pa mi mnyam pa'i khams kun tu 'gro ba dang mtshungs par ldan pa dang/ de la dmigs pa bsgom pas spang bar bya ba'i sems thos pa dang bsam pa las byung ba dge ba'i chos la mdun la dang
 mtshungs par ldan pa dang yang dag pa'i lta ba dang mtshungs par ldan pa yod do/ /khams gong ma pa gcig ste/ zhes bya ba ni nam mkha' mdza' yas skye mched kyi nyer bsdogs kyis bsdus pa rags pa la sogs pa'i rnam pa can no/ /zag pa med pa'i zhes bya ba ni rjes
 su shes pa'i phyogs dang mthun pa'o/ /khams gsum pa rnam pa gsum gsum ste/ de dag nyid dang/ zhes bya ba ni skabs su bab pa'i phyir sdug bsngal dang kun 'byung mthong bas spang bar bya ba dang bsgom pas spang bar bya ba rnams dang sbyar te/ 'dod pa dang gzugs na
 spyod pa sdug bsngal dang kun 'byung du gtogs pa/ skal pa mi mnyam pa'i khams kun tu 'gro ba dang mtshungs par ldan pa dang 'dod par gtogs pa'i bsgom pas spang bar bya ba dge ba dang mi dge ba gnyis nyid dang/ rang gi khams pa dag gi dmigs pa
 yin te/ sdug bsngal mthong bas spang bar bya ba dag ni sdug bsngal du gtags pa kun tu 'gro ba dang/ kun tu 'gro ba ma yin pa dang mtshungs par ldan pa dang/ kun 'byung du gtogs pa kun tu 'gro ba dang mtshungs par ldan pa dang/ bsgom pas spang bar bya ba dge ba zhib
 dang rag pa'i rnam pa can du zhugs pa nyid kyi dmigs pa yin no/ /kun 'byung mthong bas spang bar bya ba dag kyang/ sdug bsngal mthong bas spang bar bya ba ba dang 'dra bar rig par bya'o/ /bsgom pas spang bar bya ba dag ni sdug bsngal dang kun 'byung mthong bas spang par bya ba kun tu
 'gro ba dang mtshungs par ldan pa dag dang bsgom pas spang bar bya ba nyon mongs pa can gyi dmigs pa dag go /zag pa med pa'i dmigs pa yin no/ /zhes bya ba ni rjes su shes pa'i phyogs dang mthun pa'i 'o/ /rang gis glags pa'i spyod yul lo/ /zhes bya ba la/ kun
 smos pa ni 'dod pa dang/ gzugs dang gzugs med par bsdu bar bya ba'i phyir ro/ /de glags pa'i zhes khyad par med par brjod kyang/ log par lta ba la sogs pa dang mtshungs par ldan par mi gzung ste/ de ni 'gog pa dang lam la dmigs pa'i phyir ro/ /
 sngar bshad pa lnga dang zhes bya ba la/ sdug bsngal dang kun 'byung du gtogs pa kun tu 'gro ba dang mtshungs par ldan pa dag dang/ bsgom pas spang bar bya ba dge ba dang gzugs su gtogs pa dge ba kho na dang/ zag pa med pa'i chos shes pa'i phyogs dang mthun
 pa dang/ 'gog pa mthong bas spang bar bya ba de nyid kyi dmigs pa yin te/ de ltar na drug gi dmigs pa yin no/ /sems dgu dang bcu gcig gi dmigs pa yin no zhes bya ba la/ gzugs na spyod pa dag ni dgu ste/ skal pa mi mnyam pa'i kun tu 'gro ba gnyis
 dang bsgom pas spang bar bya ba ste/ 'dod par gtogs pa gsum dang/ rang gi khams pa gsum pa kun tu 'gro ba dang mtshungs par ldan pa gnyis dang/ bsgos pas spang bar bya ba dang/ gzugs med par gtogs pa bsgom pas spang bar bya bas nam mkha' mdza' yas skye
 mched kyi nyer ba sdogs kyi bsdus pa dang/ zag pa med pa'i rjes su shes pa'i phyogs dang mthun pa dang/ 'gog pa mthong bas spang bar bya ba de nyid kyi glags pa'i dmigs pa'o/ /gzugs med pa na spyod pa dag bcu gcig gis te/ skal pa mi mnyam pa'i khams kun tu
 'gro ba dang mtshungs par ldan pa rnams dang/ bsgom pas spang bar bya ba gnyis te/ drug dang/ rang gi khams pa gsum po kun tu 'gro ba dang mtshungs par ldan pa gnyis dang/ bsgom par spang bar bya ba dang/ 'gog pa mthong bar spang bar bya ba rang gi sa bas glags
 pa dang/ zag pa med pa rjes su shes pa'i phyogs dang mthun pa ste/ de ltar na sems bcu gcig gi dmigs pa yin no/ /lam mthong bas spang bar bya ba dag kyang de dang 'dra bar khong du chud par bya'o/ /'gog pa dang lam mthong bas dang/ bsgom pas spang bar bya ba dang
 zhes bya ba la/ re shig 'gog pa ni 'gog pa mthong bas spang bar bya ba mthong bar lta ba la sogs pa dag dang/ bsgom pas spang bar bya ba dge ba ci rigs par thob pa dang bsam pa dang bsgom pas bsdus pa dag gi dmigs pa yin la de bzhin du lam yang lam mthong bas
 spang bar bya ba log par lta ba la sogs pa dag dang/ bsgom pas spang bar bya ba ji ltar bshad pa dag gis dmigs pa yin no/ /nam mkha' dang so sor brtags pa ma yin pas 'gog pa gnyis ni bsgom pas spang par bya ba kho na'i dmigs pa yin no/ /lam dang so sor
 bya rtags pas 'gog pa dag ni zag pa med pa'i yang yin te/ de ltar na de dag ni mdor bsdus na sems bcur 'gyur ro/ /khams gsum sdug bsngal rgyu mthor dang/ zhes bya ba rgyas par 'byung ste/ sdug bsngal dang kun 'byung mthong bas spang bar bya ba dang bsgom pas spang
 bar bya ba 'dod par gtogs pa dag ni re re zhing sems lnga'i dmigs pa yin no/ /gzugs na spyod pa'i chos 'di dag nyid sems brgyad kyi dmigs pa yin no/ /gzugs med pa na spyo pa dag ni sems bcu'i dmigs pa yin no/ /zag pa med pa dag
 kyang bcu kho na yin par gong du bshad pa'i rjes su 'brangs te rgyas par khong du chud par bya'o/ /'gog dang lam mthong spang bya kun/ /rang gis glags pa'i spyod yul lo/ /zhes bya ba 'di yang gong ma bzhin du rgyas par sbyar bar bya'o/ /bde ba'i dbang pe ni rnam pa bdun
 te/ zhes bya ba 'byung ste/ ji ltar zhe na/ 'dod pa na spyod pa bsgom pas spang bar bya ba dang zhes bya ba smos te/ 'dod pa'i khams na ni bde ba'i dbang po rnam par shes pa'i tshogs lnga dang mtshungs par ldan par lus kyi kho na yin par bzhag la/ de yang bsgoms pas
 spang bar bya ba kho na yin te/ nyon mongs can min mthong spang min/ /gzugs min drug pa yin skyes min/ /zhes nges pa'i phyir ro/ /gzugs na spyod pa rnam pa lnga zhes bya ba la/ bsam gtan dang po'i sa ba'i rnam par shes pa'i tshogs gsum pa ni bsgom pas
 spang bar bya ba yin la/ bsam gtan gsum pa'i sa pa yid kyi ni nyon mongs pa rnam pa lnga dang mtshungs par ldan pas sdug bsngal mthong bas spang bar bya ba nas bsgom pas spang bar bya ba'i bar du yin te/ bsam gtan dang po dang gsum pa'i sa pa'i bde
 ba'i dbang po 'di ri sdoms nas gzugs na spyod pa rnam pa lnga zhes bshad do/ /bsam gtan gnyis pa dang bzhi pa dang gzugs med bdag na ni bde ba'i dbang po med pa kho na yin no/ /zag pa med pa'o/ /zhes bya ba'i bsam gtan gsum pa la brten pa'i
 chos dang rjes su shes pa'i phyogs dang mthun pa'i/ 'gog pa mthong bas spang bar bya ba ma gtogs pa 'dod pa na spyod pa rnam pa bzhi dang zhes bya ba la/ sdug bsngal dang kun 'byung mthong bas spang bar bya ba skal pa mnyam pa'i khams kun tu 'gro ba dang mtshungs
 par ldan pa'i rnam par shes pa'i dmigs pa ni 'dod pa na spyod pa'i bde ba'i dbang po yin la/ de nyid bskal pa mi mnyam pa'i khams kun tu 'gro ba dang mtshungs par ldan pa'i dmigs pa ni gzugs na sbyed pa rnam pa lnga char yang yin no/ /'dod pa na spyod pa'i lam mthong bas
 spang bar bya ba log par lta ba la sogs pa dang mtshungs par ldan pa'i dmigs pa ni bsam gtan gsum pa'i sa pa'i bde ba'i dbang po zag pa med pa'i shes pa'i phyogs dang mthun pa yin no/ /'dod pa na spyod pa bsgom pas spang bar bya ba nyon mongs pa can ma yin pa'i
 dmigs pa ni 'dod pa na spyod pa'i bde ba'i dbang po yin la/ nyon mongs pa can ma yin pa kho na'i dmigs pa ni khams gong ma'i rnam pa lnga char yang yin no/ /'gog pa mthong bas spang bar bya ba ma gtogs pa zhes bya ba 'byung ste/ de la zag pa med pa med pa la
 dmigs pa gang yin pa de'i dmigs pa ni 'gog pa kho na yin zhing/ gang zhig zag pa dang bcas pa la dmigs pa de'i dmigs pa yang log par lta ba la sogs pa yin la 'dod pa na spyod pa'i log par lta ba la sogs pa dag ni/ bde ba'i dbang po dang mtshungs par mi ldan te/
 log par lta ba la sogs pa dag yid kyi rnam par shes pa'i sa pa yin pa'i phyir dang/ 'dod pa na spyod pa'i bde ba'i dbang po ni rnam par shes pa'i tshogs lnga pa ni yin pa'i phyir ro/ /gzugs na spyod pa rnam pa lnga dang zhes bya ba ni sdug bsngal dang kun 'byung dang 'gog pa dang lam mthong
 ba dang bsgom pas spang bar bya ba ste/ de la 'dod pa na spyod pa'i bde ba'i dbang po ni 'dod pa'i khams rnam par sun 'byin pa'i tshe gzugs na spyod pa bsgom pas spang ba bya ba kho na'i dmigs pa yin no/ /bsam gtan dang po'i sa ba na sdug bsngal dang/ kun 'byung mthong bas spang bar
 bya ba bskal pa mnyam pa'i khams kun tu 'gro ba dang mtshungs par ldan pa'i dmigs pa yin te/ kun tu 'gro ba rnams ni rnam pa lnga la dmigs pa'i phyir ro/ /bsam gtan gsum pa'i sa pa rnam pa lnga'i dmigs pa ni ci rigs par de'i sa pa lnga char yang yin par rig par bya'o
 gzugs med pa na spyod ba gnyis te zhes bya ba 'byung ste/ de la lam mthong bas spang bar bya ba'i dmigs pa yin pa ni gang gi tshe log par lta ba la sogs pa dag gi bsam gtan gsum pa'i sa pa'i rjes su mthun pa'i phyogs dang mthun pa'i lam la dmigs pa na'o/
 bsgom pas spang bar bya ba nyon mongs pa can ma yin pa'i dmigs pa yang bde ba'i dbang po zag pa med pa de nyid yin gyi/ gzhan ni ma yin te/ gzugs med dngos gzhi dge rnams ni/ /zag bcas 'og ma'i yul can min/ /zhes 'byung ba'i phyir te/ gzugs med pa'i khams su
 skyes pa'i 'phags pa rnams ni goms pa'i dbang gis dge ba zag pa dang bcas pa'i rnam par shes pas bsam gtan gsum pa'i lam zag pa med pa la dmigs pa yin te/ de ni de na bde ba'i dbang po la dmigs pa yin par rig par bya'o/ /zag pa med pa'i zhes bya ba ni
 rjes su shes pa'i phyogs dang mthun pa'i dmigs pa ni gzugs na spyod pa'i bde ba'i dbang po yin la/ chos shes pa'i phyogs kyi dmigs pa ni bde ba'i dbang po 'dod pa na spyod pa dang/ chos dang rjes su shes pa'i phyogs dang mthun pa yin no/ /de la zhes bya ba ni bde
 ba'i dbang po la dmigs pa'i rnam par shes pa rnam pa bcu gnyis la'o/ /ci rigs par zhes bya bar 'byung ste/ de la re shig 'dod pa na spyod pa'i rnam par shes pa bde ba'i dbang po la dmigs pa rnam pa bzhi la ni 'dod pa na spyod pa'i ris bzhi rgyas par 'gyur ro/ /ci rigs par
 zhes bshad pa de la rig pa 'di yin te/ 'dod pa na spyod pa'i sdug bsngal mthong bas spang bar bya ba bcu dang mtshungs par ldan pa'i sems sdug bsngal mthong bas spang bar bya ba ni rnam pa bcu kho nar 'gyur ro/ /de la 'jig tshogs la lta ba dang ma tshungs par ldan pa'i sems la ni 'jig
 tshogs la lta ba de nyid mtshungs par ldan pa'i sgo nas rgyas par 'gyur la/ 'jig tshogs la lta pa dang mtshungs par ldan pa'i sams sngar skyes pa ni 'jiT tshoT la lta ba phyi mas dmigs pas der ni dmigs pa dang mtshungs par ldan pa'i sgo nas rgyas bar 'gyur ro/ /
 mthar 'dzin bar lta ba la sogs pa dang mtshungs par ldan pa'i sems lhag ma dgu la ni 'jig tshogs la lta ba dmigs pa kho na'i sgo nas rgyas par 'gyur gyi/ mtshungs par ldan pa'i sgo nas ni ma yin te/ nyon mongs pa rang dbang ba gnyis mtshungs par ldan pa yod pa ma yin pa'i
 phyir ro/ /kun 'byung dang lam mthong ba dang bsgom pas spang bar bya ba'i sems dag la dmigs pa kho na'i sgo nas rgyas par 'gyur gyi/ mtshungs par ldan pa'i sgo nas ma yin pa yang de dang 'dra'o/ /'jig tshogs la lta ba ji skad bshad pa de kho na ltar kun tu 'gro ba lhag ma dag kyang bshad
 par bya'o/ /'dod chags la sogs pa kun tu 'gro ba ma yin pa dag ni gzhan gyi ris la rgyas par 'gyur gyi/ rang gi ris la ni ji ltar 'jig tshogs la lta ba bshad pa de ltar bshad par bya'o/ /ma rigs pa ni rnam pa bcu char la yang dmigs pa dang mtshungs par ldan pa'i sgo nas
 rgyas par 'gyur ro/ /skal pa mi mnyam pa'i khams kun tu 'gro ba dag ni mtshungs par ldan pa kho na ni sgo nas rgyas par 'gyur gyi/ dmigs pa'i sgo nas ni ma yin no/ /sdug bsngal mthong bas spang bar bya ba'i ris la ji skad bshad pa de bzhin tu kun 'byung mthong bas spang bar
 bya ba dag la yang bshad par bya'o/ /lam mthong bas spang bar bya ba'i ris zag pa dang bcas pa la dmigs pa ni lam mthong bas spang bar bya ba'i sems zag pa dang bcas pa la dmigs pa la dmigs pa dang mtshungs par ldan pa'i sgo nas kyang rgyas par 'gyur te/ sdug bsngal
 mthong bas spang bar bya ba'i ris bzhin no/ /log par lta ba la sogs pa lam mthong bas spang bar bya ba'i ris zag pa med pa la dmigs pa ni de dag dang mtshungs par ldan pa'i sems lam mthong bas spang bar bya ba la mtshungs par ldan pa kho na sgo nas rgyas par 'gyur gyi
 rtag tu lam la dmigs pa'i phyir dmigs pa'i sgo nas ni ma yin te/ bdag gir ma byas gnyen po'i phyir/ zhes gong du bshad zin to/ /bsgom pas spang bar bya ba'i ris ni 'dod chags la sogs pa nye bar nyon mongs ba can gyi sems bsgom pas spang bar bya ba la
 dmigs pa dang mtshungs par ldan pa'i sgo nas rgyas par 'gyur la/ nyon mongs pa can ma yin pa la ni dmigs pa kho na'i sgo nas rgyas par 'gyur gyi/ mtshungs par ldan pa'i sgo nas ni ma yin no/ /'dod pa na spyod pa rnam pa bzhi rgyas pa'i tshul ji ltar bshad pa
 de ltar gzugs dang gzugs med pan spyod pa dag kyang ci rigs par rig par bya'o/ /rnam pa bcu gnyis po de nyid dang zhes bya ba la 'dod pa'i khams na skal ba mnyam pa dang skal pa mi mnyam pa'i khams kun du 'gro ba dang mtshungs par ldan pa'i sems bde ba'i
 dbang po la dmigs pa sdug bsngal dang kun 'byung mthong bas spang bar bya ba sngar skyes pa la ni sdug bsngal ba dang kun 'byung mthong bas spang bya ba kun tu 'gro ba dang kun du 'gro ba ma yin pa dang mtshungs par ldan pas kun 'byung mthong bas spang bar bya ba
 dmigs so/ /bsgom pas spang bar bya ba nyon mongs pa can dang/ nyon mongs pa can ma yin pa'i bde ba'i dbang po la dmigs pa la ni bsgom pas spang bar bya ba nyon mongs pa can dang nyon mongs pa can ma yin pas dmigs so/ /lam mthong bas spang bar bya ba la ni lam
 mthong bas spang bar bya ba zag pa dang bcas pa la dmigs pas dmigs te/ de ltar na 'dod par gtogs pa'i sems bzhis dmigs pa yin no/ /bde ba'i dbang po la dmigs pa la dmigs pa gzugs na spyod pa lnga yang de dang 'dra bar rig par bya'o/ /de na ni bde ba'i dbang
 po rnam pa lnga yod pas de la dmigs pa'i sems kyang rnam pa lngar 'gyur te/ de yang sngar skyes ba la ni phyis skyes pa'i rnam pa lnga po de kho na dmigs so/ /gzugs med pa na spyod pa lam mthong bas spang bar bya ba log par lta ba la sogs pa dang mtshungs par ldan pa
 bde ba'i dbang po la dmigs pa dang/ bsgom pas spang bar bya ba dge ba ni bshad zin to/ /de la gal te log bar lta ba la sogs pa dang mtshungs par ldan pa'i sems la 'dod chags bskyed na ni de'i tshe de dang mtshungs par ldan pa'i bde ba'i dbang po la dmigs pa la
 dmigs pa yin no/ /de bzhin du bsgom pas spang bar bya ba bde ba'i dbang po la dmigs pa la yang/ gal te bsgom pas spang bar bya ba dge ba 'am nyon mongs pa can gyi dmigs na ni de yang bde ba'i dbang po la dmigs pa la dmigs pa yin no/ /sdug bsngal dang kun 'byung du gtoT
 pa kun tu 'gro ba dang mtshungs par ldan pas kyang de gnyi ga la dmigs pas de yang bde ba'i dbang po la dmigs pa la dmigs pa yin pas de'i phyir gzugs med pa na spyod pa rnam pa gnyis te/ zhes bya ba smos te/ zag pa med pa'i bsam gtan gsum pa'i rag? pa med pa'i bde
 ba'i dbang po la dmigs pa sngar skyes pa la phyis skyes pas dmigs pa de'i phyir de yang bde ba'i dbang po la dmigs pa la dmigs pa yin no/ /de la gzugs med pa na spyod pa zhes bya ba rgyas par 'byung ba ni kun tu 'gro ba dang kun tu 'gro ba ma yin pas bsdus pa dag ste/ de la
 kun tu 'gro ba ma yin pa lhag par 'gyur ro/ /kun tu 'gro ba dag ni sngar bshad pa kho na'o/ /'gog ba mthong bas spang bar bya ba ma gtogs pa 'dod pa na spyod pa ris bzhi snga ma bzhin du dmigs pa dang mtshungs par ldan pa'i sgo nas rgyas par 'gyur ro/ /de bzhin du 'gog pa
 mthong bas spang bar bya ba ma gtogs pa gzugs med pa na spyod pa dag kyang ci rigs par dmigs pa dang mtshungs par ldan ba'i sgo nas rgyas par 'gyur ba rigs par bya ba la gzugs na spyod pa 'dus byas la dmigs pa rigs lnga ci rigs par dmigs pa dang mtshungs bar
 ldan pa'i sgo nas rgyas par 'gyur bar rig par bya'o/ /lam 'dis zhes bya ba ni srol 'dis te/ phyogs 'dis shes bya ba'i don to/ /gzhan yang khong du chud par bya'o/ /zhes bya ba 'byung ste/ ji ltar zhe na sdug bsngal gyi dbang po la dmigs pa'i rnam par shes pa la phra rgyas
 du zhig rgyas par 'gyur zhes bya ba'i dri ba 'ongs ba la dpyad par bya ste/ sdug bsngal gyi dbang po ni 'dod pa na spyod ba rnam pa gcig ste/ rnam par shes pa'i chogs lnga pa yin pa'i phyir bsgom pas spang bar bya ba yin no/ /de dag kyang mdor bsdu na rnam par shes pa rnam pa lnga'i
 dmigs pa yin te/ bsgom pas spang bar bya ba yin pa'i phyir/ 'dod pa na spyod pa rnam pa gsum po sdug bsngal dang/ kun 'byung mthong bas spang bar bya ba kun tu 'gro ba dang mtshungs par ldan pa dag dang/ bsgom pas spang bar bya ba dang/ gzugs na spyod
 ba bsgom pas spang bar bya ba mi lcogs pa med pas bsdus pas rags pa la sogs pa'i rnam pa can dang/ zag pa med ba'i dmigs pa yin te/ rnam pa lnga po 'di dag ni sdug bsngal la dmigs pa'i rnam par shes pa yin no/ /de la ci rigs par 'dod pa na spyod pa'i ris?
 gsum dang/ gzugs na spyod pa'i bsgom pas spang bar bya ba dang/ phra rgyas kun tu 'gro ba dag rgyas par 'gyur ro/ /sdug bsngal gyi dbang po la dmigs pa la dmigs pa'i rnam par shes pa la phra rgyas du zhig rgyas par 'gyur zhe na/ sdug bsngal gyi dbang po la
 dmigs pa'i rnam par shes pa lnga po de rnam par shes pa gang gi dmigs pa yin zhe na/ sngar shes pa rnam pa lnga po de nyid phyis skyes pa'i dmigs pa yin no/ /gang gis bde ba'i dbang po la dmigs pa zag pa med pa'i shes pa dang mtshungs par ldan pa'i sems la
 dmigs pa/ 'dod pa na spyod pa lam mthong bas spang bas bya ba zag pa med pa la dmigs pa log par lta ba la sogs pa lta ba dang mtshungs par ldan pa dang/ gang gi gzugs na spyod pa sdug bsngal gyi dbang po la dmigs pa bsgom pas spang bar bya ba de la dmigs la/
 gzugs na spyod pa skal pa mnyam pa'i khams kun tu 'gro ba dang mtshungs par ldan pa dang/ gzugs med pa na spyod pa dge ba nam mkha' mdza' yas skye mched kyis bsdus pa rags pa la sogs pa'i rnam par sa 'og ma'i bsgom pas spang bar bya ba'i sems la
 dmigs pa dang/ zag pa med pa'i dmigs pa yin te/ rnam pa dgu po 'di dag ni sdug bsngal gyi dbang po la dmigs pa'i rnam par shes pa yin no/ /de la ci rigs par 'gog pa mthong bas spang pa ma gtogs pa na spyod pa ni ris bzhiT rgyas par 'gyur te/ sdug bsngal
 gyi dbang po la dmigs pa'i zag pa med? pa la dmigs pa'i rnam par shes pa la ni lam mthong bas spang bar bya ba'i phra rgyas dag rgyas par 'gyur te/ de la ni lam mthong bas spang bar bya ba yin pa'i phyir ro/ /sdug bsngal dang kun 'byung mthong bas spang bar bya ba skal pa mnyam pa'i khams?
 kun tu 'gro ba ris gnyis dang/ bsgom pas spang bar bya ba'i ris kyang rgyas par 'gyur te/ gzugs na spyod pa'i sems de ni bsgom pas spang bar bya ba yin pa'i phyir ro/ /gzugs med pa na sbyor ba gcig ste bsgom pas spang bar bya ba rgyas par 'gyur te/ gzugs med pa na spyod pa'i sems de ni bsgom pas spang bar bya ba yin pa'i phyir ro/ /gzugs med pa na spyod pa phra
 rgyas kun tu 'gro bdag rgyas par 'gyur ro zhes bya bar shes par bya ste/ 'di phyogs tsam zhig go /'di dpyad par bya'o/ /phra rgyas gang dag gis sems gang zhig phra rgyas dang bcas bzhes brjod pa ci phra rgyas de dag sems de la rgyas par 'gyur ram zhe na/ 'di la nges pa med de ma spangs pa rgyas par 'gyur gyi/ spang ba ni rgyas par mi 'gyur ro/ /'di skad du
 bstan bcos las/ rgyas par 'gyur pa yang yod/ rgyas par mi 'gyur ba yod do/ /gang rgyas par 'gyur zhe na/ sems de dang mtshungs par ldan pa dang phra rgyas gang dag yin pa'o zhes gsungs so/ /yang phra rgyas dang bcas pa'i sems gang zhig de la dmigs bzhin du
 ma spangs pa phra rgyas gang dag yin par ro/ /gang rgyas par mi 'gyur zhe na/ sems de dang mtshungs par ldan zhing srungs pa'i phra rgyas gang dag yin pa'o/ /zhes gsungs so/ /yang phra rgyas dang bcas pa'i sems gang zhig yin la/ de dag ji ltar phra rgyas dang bcas pa yin zhe na/
 re shig zag pa dang bcas pa ni ji skad bshad pa'i khams gsum pa rnam pa bco lnga'o/ /rnam pa gnyis kyis na phra rgyas dang bcas pa zhes bya ste/ rgyas par 'gyur pa'i ngo bo dang lhan cig pa'i ngo bos so/ /ji srid du phra rgyas de'i thob pa dag gis sems de'i rgyud bzung bar 'gyur
 zhing/ rgyud de la ma 'ongs pa'i rgyu mthun pa'i rgyu bzhag pa de srid du phra rgyas de sems de la rgyas par brjod do/ /spangs pa ni gnyen po skyes nas thob pa'i 'chid ba dang bral ba'i phyir rgyas par mi 'gyur te/ gang zhig de dang lhan cig rgyu ba nyid kyis lhan cig pa'i dngos po yin pa 'di
 ni gnyen pos gsal bar mi nus pas spangs kyang des sems de zag pa dang bcas pa kho na yin no/ /de la 'jig tshogs la lta ba dang mtshungs par ldan pa'i sems ni 'jig tshogs la lta ba dang de dang mtshungs par ldan pa'i ma rig pas lhan cig pa'i
 dngos po dang/ rgyas par 'gyur pa'i dngos pos phra rgyas dang bcas pa yin la/ rang gi rig pa lhag ma dag dang/ kun 'byung mthong bas spang bar bya ba kun tu 'gro ba dag gis ni rgyas bar 'gyur ba'i dngos po'i sgo nas so/ /lhag ma dag gis ni gnyi gas kyang ma yin no
 nyon mongs pa gzhan yang de bzhin du ci rigs par dpyad par bya'o/ /nyon mongs pa can ma yin pa ni rang gi ris pa dag dang/ kun tu 'gro ba dag gis rgyas par 'gyur ba'i ngo bo zag pa dang bcas pa yin no/ /mdor bsdu ba ni nyon mongs phra rgyas bcas rnams gnyis
 te/ nyon mongs pa can spangs pa dang/ ma spangs pa thams cad ni rgyas par 'gyur ba dang/ rgyas par 'gyur ba ma yin pas/ phra rgyas dang bcas pa yin la/ rgyas par 'gyur ba rnams kyis kyang rnam pa gnyis kyis phra rgyas dang bcas pa yin te/ lhan cig pa'i
 dngos po dang/ rgyas par 'gyur ba'i dngos pos so zhes bya ba 'di yin no/ /de la gang rnams kyi sa yin zhes bya ba mi shes pas de'i phyir de dang mtshungs par ldan pa dang de la dmigs pa 'am zhes bya ba smos so/ /ci thams cad kyi tshe na yin nam zhe na/ smras ba ma
 yin te/ 'o na ci zhe na/ ma spangs pa zhes bya ba smos te/ sems de dang mtshungs par ldan pa dang/ de la dmigs pa yang? ma spangs ba'i phra rgyas gang dag yin pa'o/ /rgyas par mi 'gyur ba rnams kyis kyang zhes bya ba la/ phra rgyas dang bcas pa yin te/ zhes bya bar
 sbyar ro/ /ji ltar byas nas zhe na/ de dang mtshungs par ldan zhing zhes bya ba smos so/ /gal te spangs na ji ltar phra rgyas dang bcas pa yin zhe na/ de nyid la rgyu bshad pa ni de dang lhan cig ba'i phyir ro/ /zhes bya ba ste/ gnyen bos na nam yang sems nyon mongs pa las loT
 shig tu bya bar mi nus so/ /nyon mongs can min rgyas 'gyur gyis zhes bya ba la/ phra rgyas dang bcas zhes bya bar sbyar ro/ /phra rgyas med pa ni spangs pa ste/ de la dmigs pa'i kun tu 'gro ba rnams sngar spangs zin pa'i phyir dang/ bsgom pas spang bar bya ba rnams kyis spong ba'i
 phyir ro/ /yang phra rgyas bcu po 'di dag ji ltar 'jug par 'gyur zhe na/ zhes bya ba 'byung ngo/ /thams cad thams cad kyi mjug thogs su skye ba'i phyir 'di dag skye ba la skye ba thams cad kyi la ni rim pa nges pa med mod kyi/ phal cher skye ba dad mthun pa'i sgo nas/ srid chad la
 rim pa bstan pa'i dbang du byas nas/ re shig dang po kho nar ma rig pa dang ldan pa las shes bya ba rgyas par smos so/ /sdug bsngal las phung po gsal nas zhes bya ba ni/ 'di ni sdug bsngal ma yin no/ /zhes bya bar ro/ /bdag tu mngon par zhen pa'i phyir ro/ /zhes bya
 ba la/ 'dir bsam pa ni sdug bsngal la sogs pa'i rnam pa dag las bsam pa ste/ de'i phyir dgra bo'i rnam par 'dzin pa las mngon par zhen pas de'i spyi'i rnam pa la log par rtog par shes kyi thams cad la skur pa btab pa ni ma yin no/ /zhes bya ba 'di yin
 te/ gzhi med na de'i sgra zla'i rnam pa mi srid pa'i phyir ro/ /grag go zhes bya ba'i sgra smos pa ni/ log par lta ba las 'jig tshogs la lta ba kho na 'byung do zhes bya ba'i nges pa med pa bstan pa'i nges phyir te/ 'di ltar res 'ga' mchog gam gtso bor 'dzin pa las
 lta ba mchog tu 'dzin pa yang de'i mjug thogs su 'byung ba'i phyir ro/ /dgra bar gyur ba zhes bya ba ni yang dag pa'i lta ba yang/ de'i dgra bo yin mod kyi de la dmigs pa'i zhe sdang ni/ mthod pas spang bar bya ba mi rung ste/ de ni bsgom pas spang bar bya ba'i yin
 pa'i phyir ro/ /de'i phyir bdag gzugs yin no/ /zhes bya ba de ltar lta ba'i dgra bo na sems pa la sogs pa bdag tu 'dzin pa'i lta ba yin te/ lta ba gzhan dang 'dra bar sbyar bar bya'o/ /rang gi rgyud la yod pa'i lta ba yin pa'i phyir ro/ /zhes bya ba ni mthong bas spang
 bar bya ba 'dod chags la sogs pa rnams ni kha nad du bltas te 'jag pa'i phyir ro/ /yang ji ltar nyon mongs pa skye zhe na/ de skye ba'i rgyu ni mang po zhig mthong ste/ rigs mthun phun sum tshogs pa dang/ yul dang bde ba dang/ chang 'thungs pa dang/
 goms pa'i khyad par la sogs pa rgyu dag yin mong kyi skye ba na gtso bo'i rgyu gsum gyis skye ste/ phra rgyas spangs pa ma yin dang zhes bya ba rgyas par 'byung ngo/ /ma spangs shing zhes bya ba ni/ de'i thob pa ma bcad pa'i phyir ro/ /yongs su ma shes pa yin/ zhes bya
 ba ni de'i gnyen po ma skyes pa'i phyir ro/ /'dod pa'i 'dod chags kyis kun nas dkris pa dang mthun pa'i chos rnams kyang snang bar gyur ba yin/ zhes bya ba ni/ 'di dag gi kun nas dkras pas na kun dkris pa dang mthun pa ste/ dper na 'dis myong bar byed pas na
 myos par 'gyur ba bzhin no/ /'dod par 'dod chags kyi kun nas dkris pa dang mthun pa ni 'dod pa'i 'dod chags kyi kun dkris pa dang mthun te/ 'dod pa'i 'dod chags kyi kun nas dkras pa dang rjes su mthun zhes bya ba'i tha tshig go /de dag kyang gzugs dang sgra
 la sogs pa yul rnams so/ /snang bar gyur bzhin zhes bya ba ni yul gyi dngos por gnas zhes bya ba'i don to/ /de la yang tshul bzhin ma yin pa yid la byed pa yid zhes bya ba ni snang bar gyur ba yul de la'o/ /yid la byed pa phyin ci log ni tshul bzhin ma yin
 pa yid la byed pa'o mtshungs pa de ma thag pa'i rkyen 'dod pa'i 'dod chags kyi phra rgyas de ni rgyu'i stobs so/ /'dod pa'i 'dod chags kyi kun nas dkris pa dang mthun pa'i chos rnams ni yul gyi stobs so/ /tshul bzhin ba yid la byed pa ni sbyor ba'i stobs so/
 gal te nyon mongs pa rgyu gsum gyis skye bar 'dod na ji ltar dgra bcom pa yongs su nyams par 'gyur te/ de la phra rgyas ma spangs pa 'ga' yang yod pa ma yin pa'i phyir ro zhe na/ nyes pa 'di ni med de rgyu tshang ba kho na rgyu gsum gyis skye bar 'dod kyi/ thams
 cad ni ma yin no/ /res 'ga' yul gyi stobs kho nas skye'o/ /zhes bya ba rgyas par 'byung ste/ grag go zhes bya ba'i sgra ni rgyu ma tshad ba'i 'bras bu ni skye ba yod ba ma yin no/ /zhes bstan par bya ba'i phyir ro/ /sbyor ba bzhin te de dag nyid do/ /zhes bya ba ni 'dod pa'i sbyor ba dang/ srid pa'i
 sbyor ba dang/ ma rig pa'i sbyor ba'o/ /phra rgyas kho na zhes des par gzung ba ni kun dkris pa bsal bar bya ba'i phyir ro/ /ma rig pa logs shig kho nar ma rig pa'i zag par bshad pa de'i phyir ma rig ba ma gtogs par/ zhes bya bar sbyar te/ zhes bya ba smos so/ /ci'i phyir
 'dir de ma smos zhe na/ zhes bya ba ni kun nas dkris pa rmugs pa dang rgod pa'o/ /rang dbang can ma yin pa'i phyir ro/ /zhes bya ba ltar rang dbang can ma yin zhe na/ 'dod chags la sogs ba dang mtshungs par ldan pa'i phyir ro/ /ji ltar phrag dag dang/ ser sna dad 'gyod pa dang/ bro ba
 dang/ 'chab ba rnams ma rig pa tsam dang mtshungs par ldan pa'i phyir rang dbang can yin pa lta bu ni ma yin no/ /khas ches sgros? pa ni de lta na 'dod pa'i khams kyi ngo tsha med pa dang/ khrel med pa dang/ rmugs pa dang/ rgod pa rnams kyang rang dbang can ma yin pa'i phyir 'dod ba'i khams
 zag par bsdus pa mi rigs so zhe na/ 'dir rang gi 'jug pa shas che ba mi srid pa'i phyir rang dbang can ma yin pa yin gyi nyon mongs pa gzhan dang mtshungs par ldan pa'i phyir ni ma yin no zhes bya ba'o/ /gnyi ka yang zhes bya ba ni gzugs dang gzugs med par gtogs pa'i
 lung du ma bstan ba dag ste/ gong ma thams cad lung ma bstan/ zhes 'byung ba'i phyir ro/ /rgyu gang gi srid pa'i 'dod chags zhes bya ba ni/ kha ni nang du bltas phyir der/ /thar pa'i 'du shes bzlog phyir bshad/ /zhes bya ba de nyid kyis srid pa'i zag ba zhes bya'o/ /rdzas bco
 lnga zhes bya ba ni khams gsum po re rer yang ma yin pa rnam pa lnga lnga yin pa'i phyir ro/ /de dag thams cad kyi zhes bya ba'i ni 'dod pa'i zag pa la sogs pa dag dang/ 'khor ba'i ste/ mdo las kun tu chags par byed pa'i rgyu ni ma rig pa'o/ /zhes rgyus par gsungs la slar
 yang 'jig rten 'di dang phra rol na 'dod chags pas bslang ba yis/ ngan 'gro gang dag ci yod pa/ /thams cad ma rig rtsa ba can/ zhes gsungs so/ /'jog pa'i rjes su mi mthun lo/ zhes bya ba ni gnas pa'i rjes su mi mthun/ zhes bya ba'i don to/ /lta
 ba rnams 'ba' zhig g.yo ba'i phyir dang gsal ba'i phyir 'jog pa'i rjes su mi mthun gyi/ nyon mongs pa gzhan dag dang lhan cig pa rnams ni zag pa'i don 'dzin par byed pas 'dod ba dang srid pa'i zag pa'i nang du bkod de/ de'i phyir logs shig zag par ma bstan to/ /lo
 zhes bya ba'i sgra ni/ gal te lta ba rnams g.yo ba'i phyir dang/ gsal ba'i phyir zag pa dag tu logs shig tu ma bshad na/ des na ma rig pa yang bstan pa'i phyir/ mi gsal ba'i phyir chu bo dang sbyor ba dag tu logs shig tu bstan par mi bya'o/ /zhes bstan pa'i phyir ro/
 lam gyis dgrar gyur pa'i phyir dang/ zhes bya ba ni/ grangs can gyi rnal 'byor shes ba la sogs pa dag gis thar pa thob par lta ba'i phyir ro/ /zas mi za ba la sogs pas shes bya ba la sogs pa zhes bya ba smos pas chu dang mer 'jug pa dag bsdu'o/ /yul yid du
 'ongs ba yongs su spangs pa zhes bya ba ni dga' ba spong ba ste/ sa la nyal ba dang/ dri ma dang/ 'dam rdzab srel ba dang/ sgran mor rgyu ba dang/ skra 'bal ba la sogs pa de lta bu la sogs pas dag par yid ches pa'i phyir ro/ /de'i phyir bsres so zhes grag go zhes bya ba
 la/ grag go zhes bya ba'i sgra ni 'dun pa'i 'dod chags kho na nye bar len pa yin pa'i phyir nye bar len pa nyid du ma bshad kyi/ 'dzin par byed pa ma yin pa'i phyir ni ma yin no zhes mthong nas smos so/ /lta ba'i sbyor ba yang de dang 'dra ba'i bar du zhes bya ba la/ lta ba'i
 sbyor ba gang zhe na/ byis pa so so'i skye bo thos pa dang mi ldan pas lta ba rnams kyi kun 'byung ba dang/ nus pa dang ro myang ba dang/ nyes dmigs dang/ nges par 'byung ba yang dag pa ji lta ba bzhin du mi shes so shes bya ba rgyas par 'byung ba nas 'di lta ba rnams la lta ba la
 'dod pa dang/ lta ba la 'dun pa dang/ lta ba la sred pa dang zhes bya ba'i bar du rgyas par 'byung ste/ slob dpon gyis 'dod pa la sogs pa dag 'dun pa'i 'dod chags kyang 'dod pa'i sbyor ba la sogs pa ltar 'dod pa la sogs pa'i nye bar len pa yin gyi nyon mongs pa thams cad ni
 ma yin no zhes bshad do/ /gzhan dag na re 'di ni de las sbyor ba dang/ nye bar len pa dag gi nang na 'dun pa'i 'dod chags kho na gtso bo yin pa'i phyir 'dod chags spyod pa'i 'dul ba la dgongs nas gsungs te/ de'i phyir nyon mongs pa thams cad sbyor ba la sogs pa'i mtshan
 nyid yin no zhes zer ro/ /yang phra rgyas kyi don ni ci yin zhes bya ba ni/ phra rgyas zhes bya ba'i brjod bar byed ba'i brjod bya ba gang yin zhes bya ba'i tha tshig go /phra ba dang zhes bya ba la sogs pa 'byung ngo/ /rgyu phra ba'i phyir ro zhes bya ba ni 'jug pa phra ba'i phyir ro zhes bya ba'i don to/ /ji
 ltar rgyu ba phra zhe na/ de'i phyir rtogs par dka' bas shes bya ba smos so/ /rjes su 'brel pa zhes bya ba ni de dag gi rgyun te/ thog ma med ba'i dus nas thob pa dang rjes su 'brel cing thob pa rgyun mi 'chad pas so/ /dmigs ba dang mtshungs bar ldan ba'i sgo nas so zhes bya ba ni snga
 ma bzhin no/ /rjes su 'brad ba ni rims nyin bzhi pa dang/ byi ba'i dug bzhin no/ /'khor bar 'jog par byed bas na zag pa zhes bya ste/ 'jog pa'i don ni des tshig gi tshul yin te/ de dang ldan pa mi g.yo ba'i tshul gyis 'khor bar sbyor bar byed ces bya ba'i don to/ /
 'dzag ba na zhes bya ba rgyas par 'byung ba ni srid pa'i rtse mo las 'dod chags dang ma bral ba yang skye mched drug gi rten nas mnar med pa'i nyon mongs ba kun tu spyod pa'i phyir ro/ /yang na der skyes pa yang der skye bar rung ba'i dbang du mdzad nas mnar med pa'i bar du 'dzag
 ba na zhes bya bar smos so/ /khyer bar byed pas na chu bo dag yin no zhes bya ba ni shin tu tshul las nyams par byed ces bya ba'i don to/ /yang na khams dang skye gnas dang 'gro ba gzhan du khyer bar byed ba'i phyir ram/ /yul dag la rnam par shes pa 'jug par byed pa'i phyir
 khyer bar byed bas na zhes brjod do/ /'byar bar byed pas na sbyor ba dag yin no zhes bya ba ni/ khams dang 'gro ba dang skye gnas la sogs pa dag tu sbyor bar byed ces bya ba'i tha tshig go/ yang na rnam par shes pa yul gzhan la sbyor bar byed pa'i phyir ro/ /nye bar
 'dzin pas ma nye bar len pa dag yin no zhes bya ba la/ ci zhig nye bar 'dzin ce na/ yang srid pa ste/ de dang der lus 'dzin pas na nye bar len pa dag go /'di skad du ches legs shing shin tu legs pa yin na/ /zhes bya ba ni slob dpon rang gi gzhung lugs ston ba ste/ ji skad du sngar
 bshad pa bzhin du ma yin no/ /'o na ji ltar zhe na/ de dag gis shes bya ba rgyas par 'byung ngo/ /dge pa'i chos rnams kyis mngon par 'du bya ba chen pos sems kyi rgyud kyi gru zlog phyogs su bkra shis shid yul dag las zlog pa dang/ de bzhin du nyon mongs pa rnams
 kyis rgyun phyogs su rang gis 'khyer bar byed de/ de dag gis de dag dang ldan pa khyer bar 'gyur ro/ /zhes bya ba la/ ji ltar zhe na/ de'i phyir de'i rjes su byed ba'i phyir zhes bya ba smos te/ gang gi phyir 'dod chags pa dag gi rjes su byed pa'i phyir ro/ /che thang du kun du mi 'byung
 ba rnams ni sbyor ba dag ces bya ba ni/ che thad du mi 'phel ba rnams ni sbyor ba'o zhes bya ba'o/ /sdug bsngal sna tshogs dang sbyor ba'i phyir/ zhes bya ba'i ni skye ba la sogs pa'i sdug bsngal sna tshogs pa dag dang sbyor zhes bya ba'i don to/ /yang na yang dang yang du rjes su
 'brel ba'i sgo nas so/ /zhes bya ba ni sbyor ba dag go/ zhes bya bar skabs dang sbyar ro/ /de'i phyir de ltar na chu bo ni nges 'ga' yin la/ sbyor ba ni thams cad kyi tshe yin no/ /zhes bstan par 'gyur ro/ /'dod pa la sogs pa nye bar sen pa'i phyir nye bar sen ba rnams yin no/
 zhes bya ba la gang gis 'dod pa dag nye bar len pa de ni 'dod pa nye bar len pa ste/ 'dod pa dag las 'dun pa gang yin pa'o/ /de bzhin du lta ba dang tshul khrims dang/ brtul zhugs dang bdag tu smra ba nye bar len pa yang ci rigs par bya'o/ /phra rgyas dag nyid kun tu sbyor ba dang
 'chid ba dang/ phra rgyas dang/ nye ba'i nyon mongs pa dang/ kun nas dkris ba'i dbye bas yang rnam pa lngar phye nas bshad de zhes bya ba 'byung ngo/ /de la kun tu sbyor ba ni dgu ste/ zhes bya ba rgyas bar 'byung ba ni yul rnams dang skye ba dag la kun tu sbyor bar byed pas na kun tu sbyor ba rnams
 te/ ji skad du mi gi ni gzugs dag la kun tu sbyor ba ma yin/ gzugs dag gis kyang mig la kun tu sbyor ba ma yin gyi/ 'on kyang 'dun pa'i 'dod chags gang yin pa 'di 'dir kun tu sbyor ba yin no zhes gsungs la/ slar yang byes pa so so'i skye bo thos pa dang mi ldan pa ni bcings
 bzhin du skye/ bcings bzhin du 'chi/ bcings bzhin du 'jig/ 'jig rten 'di nas 'jig rten pha rol tu 'pho'o/ /zhes gsungs so/ /yang na 'di rnams yod na sdug bsngal gyi khyad par du ma dang kun tu sbyor bas na kun tu sbyor ba rnams te/ nyon mongs pa thams cad kyi bzhir
 gyur ba'i phyir ro/ /de'i rjes su chags pa'i kun tu sbyor ba khams gsum ba'i 'dod chags te/ rten dang dmigs pa'i sgo nas dngos po 'tshog 'chas dang bcas pa dge la mngon par zhen pa gang yin pa'o/ /ci rigs par sbyar bar bya'o/ /zhes bya ba ni/ long khro pa dang/ phrag dog
 dang ser sna'i kun tu sbyor ba dag ni 'dod ba na sbyod pa'o/ /rjes su chags pa dang/ nga rgyal dang/ ma rig pa dang lta ba dang/ mchog tu 'dzin pa dang/ the tsom gyi kun tu sbyor ba dag ni khams gsum pa'o/ /lta ba'i kun tu sbyor ba ni lta ba gsum mo zhes bya ba ni/ 'jig tshogs
 dang/ mthar 'dzin pa dang/ log par lta ba dag go/ mchog tu 'dzin pa'i kun tu sbyor ba ni lta ba gnyis so/ /zhes bya ba ni/ lta ba mchog tu 'dzin pa dang/ tshul khrims dang/ brtul zhugs mchog tu 'dzin pa'o/ /de nyid kyi phyir zhes bya ba ni gang gi phyir zhes bya ba ni gang gi phyir mchog tu 'dzin par kun
 tu sbyor ba lta ba'i rang bzhin yin du lta ba'i kun tu sbyor ba'i bdag nyid ma yin ba'i phyir ro/ /lta ba dang mtshungs par ldan pa'i chos rnams dang zhes bya ba ni mchog tu 'jin pa'i lta ba dang mtshungs par ldan pa cher ba la sogs pa dang do/ /rjes su chags pa'i kun tu sbyor bas shes
 bya ba ni 'dod chags kyis so/ /lta ba'i kun tu sbyor bsam yin la/ /zhes bya ba'i 'jig tshogs dang mthar 'jin pa dang log par lta ba rnams las gang yang rung bsam yin po'o/ de la lta ba'i phra rgyas rgyas bar mi 'gyur ba yang ma yin pa zhes bya ba ni dgalg ba gnyis kyis
 rna la ma go bar byed pa ste/ 'on ci zhes na/ rgyas par 'gyur ba lta zhes bya bar ro/ /smras pa yod de zhes bya ba rgyas par 'byung ba ni dri pa'i lan 'de bas pa'o/ /kun 'byung shes pa skyes la/ zhes bya ba 'des ni lta ba'i kun tu sbyor ba kun tu 'gro ba spangs bar ston to/ /'gog pa nyes pa ma skyes
 pa'i tshe zhes bya ba 'dis ni mchog tu 'dzin pa'i kun tu sbyor ba dang/ rjes su chags pa'i kun tu sbyor ba 'gog pa dang/ lam mthong bas spang par bya ba ma spangs par bstan to/ /'gog pa dang lam mthong bas spang bar bya ba zhes bya brgyas par 'byung ste/ de dag dang ni rjes su chags pa'i
 kun tu sbyor ba rang gi ris pa de la dmigs pas ldan gyi/ de dang mtshungs par ldan par ni ma yin te/ rtsa ba'i nyon mongs pa rnams la phan tshun mtshungs par ldan pa med pa'i phyir ro/ /kun tu 'gro ba ni spangs pa'i phyir la zhes bya ba ni sdug bsngal dang kun 'byung mthong bas spang bar bya ba'i
 kun tu sbyor ba kho na kun tu 'gro ba yin la/ de ni spangs ba yin no/ /'o na de'i lta ba'i kun tu sbyor ba kun tu 'gro ba ma yin ba ma spangs te/ des ldan par 'gyur ro zhe na/ de'i phyir kun tu 'gro ba ma yin ba/ zhes bya ba rgyas bar 'byung ste/ de lta ba'i kun tu sbyor ba kun tu 'gro ba ma yin
 pa ni log par lta ba yin na/ de ni 'gog pa dang lam la dmigs pa yin gyi/ mchog tu 'dzin pa dang mtshungs par ldan pa'i tshor la ni ma yin la/ lta ba gnyis la mtshungs par ldan pa 'am/ mtshungs par ldan pa dag la dmigs pa tha dang pa yod pa ma yin no/ /de dag la
 lta ba'i phra rgyas par 'gyur te/ gang zhe na/ mchog tu 'dzin pa de dag kho na'o/ /ji ltar zhe na/ mtshungs par ldan pa'i sgo nas po/ /lta ba gsum yang rdzas bco brgyad yin la/ zhes bya ba ni 'dod pa'i khams na yog par lta ba rnam pa bzhi dang/ 'jig tshogs dang mthar 'dzin
 bar lta ba gnyis te drug go /gzugs dang gzugs med pa'i khams su yang de dang 'dra bas bco brgyad du 'gyur ro/ /mchog tu 'dzin pa gnyis kyang rdzas bco brgyar kho na yin te/ ji ltar zhe na/ 'dod ba'i khams na lta ba mchog tu 'dzin pa rnam pa bzhi dang/ tshul khrims dang brtul zhugs mchog tu
 'dzin pa gnyis te drug tu 'gyur ro/ /gzugs kyi khams dang gzugs med pa'i khams su yang de dang 'dra bar bco brgyad du 'gyur ro/ /yang rdzas 'dra bas don ci zhig yod ce na/ kun du sbyor ba'i don nyid du zhes smra'o/ /'di skad bstan bar 'gyur te/ ji ltar 'dod chags la sogs pa
 dag re re kun tu sbyor ba'i don 'dzin pa de bzhin du lta ba dag gsum du gyur nas don de 'jin to/ /de lta ma yin na 'jig tshogs la lta la sogs pa'i kun tu sbyor ba yang ston par 'gyur ro/ /lta ba gsum gyi nus pa ji lta ba de bzhin du lta ba gnyis kyi nus pa yang 'dra ba las yin
 par lta'o/ /de'i phyir de dag logs su kun tu sbyor ba nyid du ni bar bstan to/ /gzhan dag na re rtags dang rdzas 'dra ba la ltos nas yin no zhe'o/ /gzung ba dang 'dzin pa tha dad pa'i phyir ro/ /zhes bya ba la/ gthung ba ni lta ba gsum mo/ /'dzin pa ni mchog tu 'dzin pa gtis so/ /ji lta zhe
 na cig gi ni lta ba gang gi bdag go snyam pa dang/ rtag pa'o snyam pa dang/ gang gis med do snyam su sems pa de mchog tu 'dzin la/ gzhan gyis ni 'dag par 'dzin te/ de'i phyir ma 'tshol bar bstan par bya ba'i phyir yin no/ /gang la gcig tu mi dge ba dang rang dbang can zhes bya ba
 la ngo tsha med pa dang/ khrel med pa dang gnyis ni gcig tu mi dge ba yin mdo kyi rang dbang can ma yin la/ 'gyod pa ni rang dbang can yin mdo kyi/ gcig tu mi dge ba ni ma yin te/ de ni dge ba yang yin pa'i phyir ro/ /gzhan dag ni gnyig yang ma yin no/ /gang gi bcu yin pa de ni
 khro ba 'chab pa yang rnam pa gnyi ga yin pas/ zhes bya ba ni gcig tu mi dge ba dag dang/ rang dbang yin pa'o/ /gzhan dag ni 'di la shin tu rna ba dang yang dang yang du kun tu 'byung ba'i phyir dang/ dbang chud bar grags pa dang/ longs spyod chud pa yid kyi rgyu yin pa'i phyir te/ de nyid kyi phyir
 kau shi ka lha dang mi rnams ni phrag dog dang ser sna'i kun tu sbyor ba can yin no zhes gsungs te/ de'i phyir phrag dog dang ser sna ni kun nas bkris ba dag las logs shig tu kun tu sbyor ba yin no/ /zhes lan 'debs so/ /tha ma'i cha ni 'dod pa'i khams yin la zhes ni
 khams gsum gyi dbang du byas nas cha yin la tha ma ni tha shal te/ gcig tu mnyam par ma gzhag pa'i phyir dang/ mi dge ba'i chos yod pa'i phyir dang/ ngan 'gro'i 'gro ba yod pa'i phyir dang/ sdug bsngal dang yin mi bde ba yid pa'i phyir dang/ nyon mongs pa bar mtshams de
 med pa'i phyir ro/ /gnyis kyis 'dod las mo 'da' la zhes bya ba ni de dag ma spangs pa 'dod pa'i khams las mi 'da' ba' i phyir ro/ /gsum po yis ni phyir bzlog byed pa zhes bya ba ni 'jig tshogs la lta ba la sogs ba rnams gsugs te ma spangs na/ slar 'dod pa'i khams su
 bzlog pa'i phyir 'di dag ni tha ma'i cha dang mthun pa yin no/ /sgo ba dang rjes su 'brang ba dang/ chos mthun pa'i phyir ro zhes bya ba la sgo bas ni nyes pa can 'byung ba las bzlog bar byed la/ 'du byung pa dang zhags pa can na ma/ sgo ba'i rjes su 'brang ba gzhan gyis ni de bag med par
 gyur pas nyes pa can byung zhing thag ring por phyin yang phyir zlog par byed pa de ba ni na du 'dir yang yin no/ /gsum gyis ni sems can gyi tham zhes bya ba rgyas par 'byung ngo/ /tha ma'i cha ni gnyis te/ khams las ni 'dod pa'i khams so/ /sems can rnams las ni so so'i skye ba'o/
 de la 'phags pa'i chos thob kyang khams tha ma las mi 'da' ba gang yin pa de ni 'dod pa la 'din pa dang/ gnod sems kyi kun tu sbyor ba dang ldan pa'i phyir ro/ /'dod pa dang gzugs las 'dod chags dang bral yang so so'i skye bo nyid las mi 'da' zhing phyir la 'dod pa'i khams
 dang sems can gyi tha ma la brten pa gang yin pa de ni 'jig tshos la lta ba dang tshul khrims brtul zhugs mchog tu 'dzin pa dang/ the tshom gyi kun tu sbyor ba dang ldan ba'i phyir ro/ /tha ma'i cha dang mthun ba lnga bshad zin to/ /kun tu sbyor ba gsum yongs su gtugs te/ spangs
 pa'i phyir/ zhes bya ba ni lta ba dang/ mchog tu 'dzin pa dang/ the tsom gyi kun tu sbyor ba rnams so/ /btugs pa ni ma lus pa'o/ /nyon mongs pa drug spangs pa yin na zhes bya ba ni lta ba lnga dang/ the tsom ste/ 'di ltar 'jig tshogs dang/ mthar 'dzin pa dang/ log par lta ba gsum ni lta ba'i
 kun tu sbyor ba yin la/ mchog tu 'dzin pa gnyis ni mchog tu 'dzin pa'i kun tu 'dzin pa'i kun tu sbyor ba yin pa'i phyir ro/ /ci'i phyir lta ba gsum por la zhes bya ba ni/ mthar 'dzin par lta ba dang/ log par lta ba dang/ lta ba mchog tu 'dzin pa'o/ /gsum kho na gsungs shes bya ba ni
 'jig tshogs la lta ba dang/ tshul khrims dang brtul zhugs mchog tu 'jin pa dang/ the tshom mo/ /ci'i phyir 'dod chags la sogs pa dag bor nas zhes 'di ci ste ma brtsad ci na/ yongs su gtugs te zhes gsungs la yongs su gtugs pa yang ma lus par zad pa yin na/ da'i?
 'dod chags la sogs pa bsgom pas spang par bya ba ni zad par yang ma yin pas ma brtsad do/ /de dag thams cad brjod par bya ba ni yin mod kyi zhes bya ba ni lta ba gsum mo/ /nyon mongs pa ni rnam pa gsum ste/ zhes bya ba ni mthong bas spang par bya ba zhes bya bar sbyar ro/ /rnam pa
 gcig dang zhes bya ba ni 'jig tshogs dang/ mthar 'dzin par lta ba dang/ de dag la dmigs par 'dod chags la dogs pa dag go/ rnam pa gnyis ni tshul khrims dang brtul zhugs mchog tu 'dzin pa dang/ de la dmigs pa'i 'dod chags la sogs pa dag go /rnam pa bzhin ni
 log par lta ba dang/ lta ba mchog tu 'dzin pa dang/ the tsom dang/ de dag la dmigs pa'i 'dod chags la sogs pa dag go /de dag gi sgo ni 'di gsum gyis bsdus so zhes bya ba ni/ rnam pa gcig gi sgo ni 'jig tshogs la lta bas bsdus so/ /rnam pa gnyis kyis ni tshul
 khrims dang brtul zhugs mchog tu 'dzin pas so/ /rnam pa bzhis ni the tshom gyis so/ /de'i de dag spangs pa gsungs pos de'i rnam pa can lhag ma rnams kyang spangs par gsungs par rig par bya ste/ phyogs tsam zhig bstan pa'i phyir ro/ /gzhan yang mthar 'jin par lta ba ni
 'jig tshogs la lta bas rab tu bcug la/ zhes bya ba ni bdag tu mngon par 'dod pa'i dngos po la rtag pa dang chad pa'i mthar 'dzin pa'i phyir ro/ /de'i phyir de yang spangs par gsungs par 'gyur te/ rtag pa dang chad pas brtags pa'i gzhi med pa'i phyir ro/ /gzhan
 la yang de dang 'dra bar brjod par bya'o/ /gzhan dag na re zhes bya ba'i ni slob dpon 'di nyid do/ /de la 'jig tshogs su lta bas ni zhes bya ba rgyas par 'byung la/ der nga'i bdag med par 'gyur ro zhes thar pa la skrag par 'gyur bas 'gro mi 'dod par 'gyur ro/ /ji ltar lam nor zhe na
 lam gzhan la yang dag par brten pa'i phyir zhes bya ba smos so/ /kun tu sbyor ba tha ma'i cha dang mthun pa smos pa'i phyir don gyi gzhan gyi cha dang mthun pa yang yod do/ /zhes bshad par 'gyur bas de'i phyir gong ma'i cha dang mthun la nyid/ ces bya ba smos so/ /gong ma'i cha na
 gzugs kyi khams dang/ gzugs med pa'i khams so/ /de dang mthun pa'i phyi na gong ma'i cha dang mthun pa zhes bya'o/ /ji ltar 'di dag de dang mthun pa yin zhe na/ de'i phyir de dag ma spangs par khams gong ma las mi 'da' ba' i phyir ro/ /zhes bya ba smos so/ /kun tu sbyor ba'i
 skabs rdzogs so zhes bya ba la/ gang gi tshe rgyun tu zhugs pas kun tu sbyor ba gsum yongs su gtugs te spangs pa'i phyir zhes bya ba 'di ni zhar la byung ba yin la/ sgo dang rtsa ba bsdus phyir gsum/ zhes bya ba 'di ni rgyu smras pa yin no/ /de dag kun tu sbyor sogs kyi/ /
 dbye bas yang rnam ldar bshad do zhes bya ba las kun tu sbyor ba dag bshad zin to/ /'ching ba rnams gang zhe na/ 'chid ba ni gsum ste zhes bya ba la/ 'di rnams kyis 'chid bar byed pas na 'ching pa ste/ 'dod chags dang bral bar 'gro ba la gegs byed ces bya ba'i tha tshig go/ kun
 du sbyor ba dag 'ching ba rnams las mchan nyid las tha dad pa ni yod pa ma yin mod kyi/ 'on kyang tshor ba'i dbang gis 'ching ba gsum du bshad do/ /'chid ba 'dod chags thams cad dang/ zhes bya bas ni khams gsum pa rnam pa lnga char yang do zhes bya bar bstan to/ /zhe sdang
 dang gti mug kyang ci rigs par de dang 'dra bar rig par bya'o/ /sdug bsngal la ni zhe sdang ngo/ /bde ba yang ma yin sdug bsngal yang ma yin pa la ni gti mug ste dmigs pa dang mtshungs par ldan pa'i sgo nas zhes thams cad du yang dbang du bya bar sbyar ro/ /'dod chags dang zhe sdang dag ni de ltar
 ma yin no zhes bya ba ni/ bde ba la ji ltar 'dod chags rgyas par 'gyur ba de ltar zhe sdang la ma yin la/ sdug bsngal la ji ltar zhe sdang rgyas par 'gyur ba de ltar 'dod chags lam yin te/ 'di ltar dgra'i bde ba dang sdug bsngal dag la zhe sdang 'dod chags dmigs pa'i sgo nas rgyas par
 'gyur gyi/ mtshungs par ldan pa'i sgo nas ni ma yin no/ /bde ba yang ma yin sdug bsngal ba yang ma yin pa la gti mug ji ltar rgyas par de ltar 'dod chags dang zhe sdang dag ma yin gyi/ rgyas par mi 'gyur ba ni ma yin te/ gti mug ni mi gsal ba'i phyir/ bde ba yang ma yin
 sdug bsngal yang ma yin pa mi gsal ba kho na la rgyas par 'gyur te/ rjes su mthun pa'i phyir te/ thams cad btang snyoms dang mtshungs ldan zhes 'chad pa'i phyir ro/ /yang na rang gi rgyud la yod pa'i dmigs pa'i sgo nas nges pa yin no/ /zhes bya ba la/ rang gi rgyud la
 yod pa'i bde ba la ni dmigs pa dang mtshungs par ldan pa'i sge nas rgyas par 'gyur la/ gzhan gyi rgyud la yod pa la ni dmigs pa tsam gyis sgo nas so/ /zhe sdang la yang de bzhin du brjod par bya'o/ /sems nye bar nyon mongs par byed pa'i phyir ro/ /zhes bya ba ni sems
 nyon mongs pa can nyid du byed pa'i phyir ro/ /re shig gang dag nyon mongs pa phra rgyas shes bya ba yin pa de dag ni nye ba'i nyon mongs pa yang yin te/ de dag ni nyon mongs pa'i mtshan nyid tshang ba yin pa'i phyir ro/ /de dag ni kun tu sbyor ba dang/ 'ching ba dang/ phra rgyas dang nye
 pa'i nyon mongs pa dang/ kun nas dkris pa zhes bya ba yin pas de'i phyir de dag ni nye ba'i nyon mongs pa yang yin no/ /gzhan zhes bya ba ni nyon mongs pa rnams las don gzhan gyis dngos por shes par bya ba'i phyir ro/ /nyon mongs can zhes bya ba ni dge bas ma sgribs
 la lung du ma bstan pa bsal bar bya ba'i phyir ro/ /sems byung zhes bya ba ni gzugs dang mi ldan pa bsal bar bya ba'i phyir ro/ /'du byed phung zhes bya ba ni 'du shes dang tshor ba la sogs pa dag bsal bar bya ba'i phyir ro/ /de la nye ba'i nyon mongs pa kho na yin
 zhes bya ba la nye ba'i nyon mongs pa ni nyon mongs pa dang nye bar 'dug pa dag go /gzhi phran tshegs las byung ba gang dag yin pa'o/ /zhes bya ba ni mi dga' ba dang/ glal byed pa dang/ sems zhum pa nyid dang/ rgya ba dang/ zas kyi drod mi zin pa la sogs pa dag go/ 'dir ni
 kun nas dkris pa dang/ nyon mongs pa'i dri mas bsdus pa kho na zhes bya ba ni kun nas dkris pas bsdus pa dang/ nyon mongs pa'i dri mas bsdus pa'o/ /de la 'di dag gis srid pa'i btson rar kun nas dkris pas na kun nas dkris pa dag yin pa 'am/ 'di dag yod na spyod par na ba
 dag sdang bas na kun nas dkris pa dag go /de la ngo tsha med pa dang khrel med pa ni bshad zin te zhes bya ba ni/ ma gus ngo tsha med khrel med/ /kha na ma tho 'jigs mi lta/ zhes bya ba yin no/ /sems khong nas 'khrug pa po zhes bya ba la/ /bod nas 'khrug pa ni gzhan gyi phun
 sum tshogs pa la mi bzod pa sngon du 'gro ba can gyi sems kyi gdung ba'o/ /ser sna ni zhes bya ba la/ gang las bdag las gzhan du ma 'gro zhig snyam par gyur ba de ni ser sna ste/ de'i dngos po ni ser sna nyid do/ /chos dang zang zing dang mkhas pa rab tu 'byin pa dang 'gal
 ba can zhes bya ba ni/ chos rab tu sbyin pa dang 'gal ba can dang/ zang zing rab tu sbyin pa dang 'gal ba can dang/ mkhas pa rab tu sbyin pa dang 'gal ba can ne/ /sems kyi kun tu 'dzin pa zhes bya ba la/ sems kyi kun tu 'dzin pa ni dngos po mngon par zhen pa sngon du 'gro zhing/
 de dang me 'bral bar 'dod pa nyid do/ /rgod pa ni sems rnam par ma zhi ba'o/ /zhes bya ba ni/ glu dang gar dang sgeg pa'i cha lugs dang/ rgyan gyi sems rnam par ma zhi ba ste/ gang dang ldan pas lam gol bar zhugs par 'gyur ba de ni rgod pa'o/ /'gyod pa dang rmugs
 pa ni bshad zin to/ /zhes bya ba la/ de la ni mdzod kyi gnas gnyis pa las/ ngan ba byas pa'i dngos po ni 'gyod pa'o/ /zhes bya ba la sogs pa dang/ rmugs pa ni lus dang sems las su mi rung ba nyid do zhes bshad do/ /gnyid ni sems mngon par bsdud pa'o/ /zhes brjod na ni
 snyoms par 'jug pa la yang thal bar 'gyur bas de'i phyir lus yang dag par 'dzin par mi nus pa'o zhes bya ba smos so/ /de ni nyon mongs pa can kho na kun nas dkris pa yin gyi/ dge ba 'am lung du ma bstan pa ni ma yin no/ /'gyod pa yang nyon mongs pa can kho na kun nas dkris
 pa yin gyi dge ba ni ma yin gyi dge ba ni ma yin no/ /khro ba ni gnod sems dang rnam par 'tshe ba ma gtogs pa zhes bya ba ni de dag las gzhan pa sems can ma yin pa dag las kun nas mnar sems pa ste/ dper na dge slong slabs pa 'dod pa la sems 'khrugs pa dang/
 tsher ma la sogs pa dag la 'khrug pa lta bu'o/ /'chab pa ni kha na ma tho ba 'khyud pa'o/ /zhes bya ba la kha na ma tho ba ni smad par bya ba ste/ tshul khrims dang/ spyod pa dang/ 'tsho ba rgud pa dag pa dag yin la/ 'khyud pa ni de sbed par 'dod pa'i rgyu ste/ sdig pa nang du bzhag pa'i
 phyir mngon par byed pa'o/ /zhes bya ba'i don to/ /go rims bzhin du shes pa dang mi shes pa rnams kyi yin no/ /zhes bya ba ni/ skyes bu gang zag 'chab pa dang ldan pa rnams kyi zhes bya bar sbyar te/ rgyal po la sogs pas shes pa rnams kyis ni bdag la rnyed pa dang/ bkur sti
 med par 'gyur ro snyam du sred pa'i rgyu mthun pa yin no/ /mi shes pa rnams kyis ni ma rig pa'i rgyu mthun pa yin te/ las bdag gir bya ba nyid du ma dad pa ni kha na ma tho ba 'chab kyi/ gtsang mar bya ba'i phyir gzhan gyi tha dad du chags par mi byed do/ /khrel med pa ma rig pa'i rgyu
 mthun pa ji ltar yin zhe na/ gang gi phyir khrel med pa 'jigs par mi lta ba yin pa'i phyir ro/ /the tsom las 'gyod ces bya ba ni nyon mongs pa can brjod par 'dod pa'i phyir ro/ /nyon mongs dri ma zhes bya ba ni/ ji ltar lus las dri ma 'byung ba de bzhin du sgyu la sogs pa
 'di dag kyang nyon mongs pa rnams las 'byung ngo/ /sgyu ni gzhan 'drid pa'o/ /zhes bya ba ni gzhan 'drid pa'i bsam pa can gyis srang la g.yo la sogs pa byed do/ /g.yo ni sems gya gyu ba ste/ zhes bya ba la g.yo ni rang dang gzhan gyi nang gi bsam pa ma
 zhugs pa dang/ mi gsal ba byed pa'i thabs su gnas pa'i sems gya gyu pa'o/ /rgyags pa ni sngar bshad zin to/ /zhes bya ba ni/ rang gi chos la chags pa yi/ /sems ni yongs su gdud ba'o/ /zhes bya ba yin no/ /nyon mongs pa rnam pa gnyis dang mtshungs par ldan pa'i
 phyir ro/ /gnyis ni yid kyi sa pa? 'dod pa na spyad pa thams cad dang mtshungs par ldan pa'i phyir ro/ /de nyid kyi phyir gang zhig ces bya ba 'byung ste/ kun nas dkris pa'i chos nye ba'i nyon mongs pa gang zhig bden pa gang mthong bas spang bar bya ba'i nyon mongs pa dang mtshungs par
 ldan pa ni bden pa de mthong bas spang bar bya ba yin gyi gzhan gyis spang bar bya ba ni ma yin no/ /ma rig pa tsam dang mtshungs par ldan pa'i phyir ro/ /zhes bya ba ni ma rig pa bsgom pas spang bar bya ba tsam dang mtshungs par ldan pa'i phyir ro/ /ma rig pa tsam dang mtshungs par
 ldan pa rnams rang dbang ba yin no/ /zhes bya ba 'di la rig pa ci yod ce na/ de dag 'jug pa la ni rang nyid gtso bo yin gyi/ nyon mongs pa gzhan la mi bltos la/ ma rig pa ni glen pa'i phyir 'jug par byed pa nyid ma yin te/ nyon mongs pa'i dri ma drug kyang de dang 'dra'o zhes bya
 ba ni/ bsgom pas spang bar bya ba dang/ rang dbang bar te/ phrag dog la sogs pa nye ba'i nyon mongs pa lnga po ji lta ba bzhin du'o/ /'dod na mi dge zhes bya ba la/ rmugs pa dang/ rgod pa dang/ gnyid ma gtogs pa kun nas dkris pa bdun dang rgyu la sogs pa
 drug ni 'dod pa'i khams na gcig tu mi dge ba yin no/ /rmugs pa dang rgod pa dang/ gnyid rnams ni mi dge ba dang lung du ma bstan pa dag yin no/ /gnyid ni dge ba yang yod pa ma yin nam zhe na/ de ni kun nas dkris pa'i skabs yin pa'i phyir de ma gzung ngo/ /
 ci rigs par zhes bya ba ni 'dod pa'i khams kyi lhag ma ci tsam zhig srid pa'o/ /'dod dang bsam gtan dang po na/ g.yo sgyu zhes bya ba 'byung ngo/ /'dod pa'i khams kho na na sgyu yod kyi/ bsam gtan dang po na med pa yin nam/ sgyu ni gzhan 'drid pa yin na/ de na ni nye chod do?
 pas gzhan 'drid pa med do zhe na/ brtsad pa 'di ni med de/ nyo tshong ma gtogs par yang gzhan 'drid pa mthod pa'i phyir ro/ /de nyid kyi phyir tshangs pa 'dring phyir ro/ /zhes bya ba smos te/ snga ma bzhin no/ /g.yo ni bshad zin mod kyi zhes bya ba ni/ de las 'gyod gnyid mi dge
 rnams/ /bsam gtan dang po dag na med/ ces bya ba dang/ g.yo dang sgyu dang rgyags pa ma gtogs pa khro ba la sogs pa dang/ zhes bya ba der bshad du zin kyang zhar la ste/ de yan chad ni lung ma bstan zhes bya ba'i zhar la bshad do/ /lnga bor te zhes bya ba ni sgyu dang/
 g.yo dang rmugs pa dang/ rgod pa dang/ rgyags pa dag go/ /de dag ni thams cad yid kyis pa dag yin no/ /zhes bya ba la gnyid dang nga rgyal de dag ni rnam pa lnga char yang yid kyis pa yin gyi 'dod chags la sogs pa bzhin du rnam par shes pa drug dang mtshungs par
 ldan pa ni ma yin no/ /nye ba'i nyon mongs rang dbang yang/ /zhes bya ba ni 'di lta ste/ phrag dog dang/ ser sna dang/ 'gyod pa dang/ khro ba dang/ 'chab pa rnams dang/ nyon mongs pa'i dri ma rnams so/ /nyon mongs pa'i sa med po pa dag gi nang du bshad pa gang
 dag yin pa'o/ /zhes bya ba ni 'di lta ste/ bag med pa dang/ le lo dang/ ma dad pa ste/ de dag thams cad ni rnam par shes pa drug la brten par rig par bya'o/ /ma rig pa dang/ rmugs pa dang/ rgod pa ni thal ma thag tu bshad zin pas yang mi brjod do/ /
 dga' ba dang skyo ba'i rnam par 'jug pa'i phyir/ zhes bya ba la/ dga' ba'i rnam pa dang skyo ba'i rnam pa ni dga' ba dang skyo ba'i rnam pa dag go/ 'dod chags dang zhe sdang de dag la de dag tu 'jug pa'i dang tshul yod pa de dag ni dga' ba dang skyo ba'i rnam par 'jug pa'o
 de'i dngos po ni dga' ba dang skyo ba'i rnam par 'jug pa nyid de/ de'i phyir 'dod chags dang/ zhe sdang de dag bde ba dang sdug bsngal dang mtshungs par ldan no/ /rnam pa mtshungs pa'i phyir dang/ rnam par shes pa'i tshogs drug pa yin pa'i phyir 'dod chags ni
 bde ba dang yid bde ba dang mtshungs par ldan la/ zhe sdang ni sngag bsngal dang yid mi bde ba dang mtshungs par ldan no/ /bsod nams kyi las can dang/ sdig pa'i las can rnams kyi dang zhes bya ba la/ bsod nams kyi las can rnams kyi ni yid mi bde ba dang ngo/ /sdig pa'i
 las can rnams kyi ni yid bde ba dang ngo/ /lta ba bzhi dang zhes bya ba ni/ log par lta ba ma gtogs pa'i/ /ji ltar chad par lta ba yid bde ba dang mtshungs par ldan pa yin zhe na/ de mngon par 'dod pa'i phyir ro/ /'dod las skyes zhes bya ba ni/ de las gzhan na sdug
 bsngal dang yid mi bde ba dag med pa'i phyir dang khong khro med pa'i phyir ro/ /re shig de ltar phra rgyas 'di dag dga' ba dang skyo ba'i rnam pa'i dbye bas bde ba'i sdug bsngal dag dang mtshungs par ldan pa so sor nges par bshad nas/ spyir smras pa zhes bya ba rgyas par 'byung
 ste/ btang snyoms dbang po ni ma rig pas rgyas par 'gyur ba'i phyir dang/ ma rig pa yang nyon mongs pa thams cad dang mtshungs par ldan pa'i phyir ro/ /gzhan yang nyon mons pa thams cad par ma gyur nas 'gag pa ste/ de nyid kyi phyir rgyun 'chad pa'i dus na zhes bya
 ba smos so/ /btang snyoms la dga' ba dang/ skyo ba'i rnam pa med pa ma yin nam/ /de'i phyir ji ltar dga' ba dang skyo ba'i rnam pas de dang mtshungs par ldan zhe na/ de'i phyir grag go zhes bya ba'i sgra ni ma rangs pa'i don du yin no/ /bye brag tu smra ba rnams na re 'gal ba
 med pa'i phyir skyes bu gzu ba bzhin no zhes zer ro/ /rang gi sa dag ni dbang po ji snyed cig yod ma zhes bya ba la/ sa gang na dbang po du yod can/ skye ba'i bsam gtan dag na ni/ yid bde bde dang btang snyoms dang/ btang snyoms yid bde bde ba dang/ btang snyoms
 tshor ba yod/ ces byis 'chad par 'gyur ro/ /de na yang ci rigs par rnam par shes pa'i tshogs bzhi pa rnams ni zhes bya ba la/ bsam gtan dang po na ni sda dang lce'i rnam par shes pa med pa'i phyir rnam par shes pa'i tshogs gsum pa'i bde ba yod la/ btang snyoms
 kyi dbang po rnam par shes pa'i chogs bzhi pa dang/ yid bde ba'i dbang po yid kyi rnam par shes pa po yod do/ /de yan chad na ni ci rigs par yid kyi rnam par shes pa'i tshogs pa thams cad yod do/ /de la bsam gtan gnyis pa na ni yid bde pa'i dbang po dang/ btang
 snyoms kyi dbang po'o/ /gsum pa na ni bde ba'i dbang po dang/ btang snyoms kyi dbang po'o/ /de yan chad na ni btang snyoms kyi dbang po kho na yod do/ /'di dag skyo ba'i rnam par 'dzug pa'i phyir dang/ yid kyis pa yin pa'i phyir ro/ /zhes bya ba ni yid bde ba dang sdug
 bsngal gyi dbang po gsal bar bya ba'i phyir khyad par gnyis so/ /de dag dang rgyags pa zhes bya ba'i 'byung ngo/ /ji ltar rgyags pa yid kyi sa ba bde ba'i dbang po dang mtshungs par ldan zhe na/ de'i phyir bsam gtan gsum pa na ni bde ba dang mtshungs par ldan no/ /zhes
 bya ba smos so/ /ma rig pa bzhin du zhes bya ba la/ nyon mongs pa 'am nye ba'i nyon mongs pa gang dang yang mtshungs par ldan pa bkag pa med pa de bzhin du btang snyoms kyang yin no zhes bya ba'o/ /mi dge ba'i sa mang po ba yin pa'i phyir dang zhes bya ba ni/ ngo tsha med
 ba dang/ khrel med pa'o/ /nyon mongs pa'i sa mang po ba yin pa'i phyir ro/ /zhes bya ba ni/ rmugs pa dang/ rgod pa'o/ /rnam par shes pa'i tshogs drug la ni mi dge ba dang nyon mongs pa can srid pas de'i phyir dbang po lnga char dang mtshungs par ldan te zhes bya ba
 smos so/ /mdo las 'dod pa la 'dun pa la zhes bya ba rgyas par 'byung ste/ bcom ldan 'das kyi dge slong dag sgribs pa lnga ni mi dge ba'i phung po yin no/ /zhes smra ba de dag ni yang dag par smra bar 'gyur ro/ /de ci'i phyir zhe na/ dge slong dag 'di ni dge ba'i phung po
 ma 'dres pa yongs su rdzogs pa yin te/ 'di lta ste sgrib pa lnga'o/ /lnga gang zhe na/ 'dod pa la 'dun pa dang/ gnod sems dang/ rmugs pa dang/ gnyid dang/ 'gyod pa dang/ the tshom mo/ /zhes gsungs so/ /de la ci rmugs pa dang zhes bya
 ba rgyas par 'byung ba ni rmugs pa dang/ rgod pa dang the tshom ni khams gsum pa yin la/ 'dod pa la 'dun pa dang/ gnad sems dag ni 'dod pa na spyod pa yin na/ de las ni khyad par med par gsungs pas/ ci rmugs pa dang/ rgod pa dang/ the tshom khams gsum
 pa gzung ngam/ 'on te 'dun pa dang/ gnod sems ltar 'dod pa dang ldan par gzung zhes mi shes pa'o/ /'di ni dge ba'i phung po zhes bya ba la sogs pa 'byung bas rmugs pa dang rgod pa dang the tshon rnams khams gsuM pa nyid yin yang 'dod par gtogs pa dag kho na
 bsgribs par bzhed do/ /de nyid kyi phyir rmugs pa dang rgod pa dang/ gnyid dang 'gyod pa dag dang bsre bar mdzad de/ rmugs pa dang rgod pa 'dod pa na spyod pa dag kho na sgrib pa nyid du shes par bya ba'i phyir ro/ /gnyid dang 'gyod pa nyon mongs pa can ma yin pa dag
 sgrib pa'i ngo bo yin pa dgag par yang mdzad pa yang yin te/ rmugs pa dang/ rgod pa dang/ bsres pa'i phyir dang/ de dag kyang gcig tu nyon mongs pa can yin pa'i phyir ro/ /sgrib pa zhes bya ba ni bsam gtan dang ting nge 'dzin dang snyoms par 'jug pa rnams
 kyi sgrib pa zhes bya ba'i don gang yin pa'o/ /mi mthun dang/ zas dang bya ba gcig pa'i phyir/ gnyis gcig zhes bya ba ni ji ltar 'dod pa la 'dun pa'i zas sdug pa'i mtshan ma yin la/ zas ma yin pa mi sdug pa yin pa dang/ gnod sems kyi zas khong khro ba'i
 mtshan ma yin la/ zas ma yin ba byams pa yin pa dang/ the tshom gyi zas dus gsum yin te/ 'das pa'i dus la the tshom zas zhes bya ba la sogs pa rgyas par 'byung bas so/ /zas ma yin pa ni rkyen nyid 'di pa'i rten cing 'brel par 'byung ba so sor
 rtogs pa yin pa lta bu ste/ /de ltar na 'di dag ni re re zhing sgrib pa nyid yin no/ /rmugs pa dang/ gnyid dang/ rgod pa'i dang/ 'gyod pa'i yang de bzhin yin no/ /kha zas kyi drong mi zin pa zhes bya ba ni te por nyung ba 'am mang ba za zhes bya ba'i don to/ /zhi gnas ni ting nge 'dzin
 dang rtse gcig pa zhes bya ba'i don to/ /'dod pa la 'dun pa dang/ gnod sems dag gis ni tshul khrims kyi phung po la gnod par byed do/ /de gnyis kyi go rims bzhin du 'dod pa dang sdig pa las dbyen pa ring du byed pa'i phyir ro/ /rmugs dang gnyid kyis ni shes rab kyi
 phung po gnod par byed de/ des lhag mthong ring du byed pa'i phyir ro/ /rgod pa dang 'gyod pas na ting nge 'dzin gyi phung po la gnod par byed do/ /des zhi gnas ring du byed pa'i phyir ro/ /rtogs pa 'di lta na ni zhes bya ba ni gal te rmugs pa dang gnyid shes rab kyi phung po dang/
 'gal ba'i nyid du rtog cing/ rgod pa dang 'gyod pa ting nge 'dzin gyi phung po dang 'gal bar rtogs na ni/ de lta yin dang rgod pa dang/ 'gyod pa'i sgrib pa rmugs pa dang gnyis kyi sgrib pa'i sngar smos par 'gyur ro/ /ci'i phyir zhe na/ 'di ltar rim pa gang gis tshul khrims
 dang/ ting nge 'dzin gyi phung po'i nye ba'i nyon mongs pa'o/ /rgod pa dang 'gyod pa ni shes rab kyi phung po'i nye ba'i nyon mongs pa ste/ 'di ltar ting nge 'dzin la brtson pa ni rmugs pa dang/ gnyid kyi 'jigs la tshas rab tu 'byed pa la brtson pa ni rgod pa dang 'gyod pas 'jigs
 nyid de 'dzin gyi phung po'i nye ba'i nyon mongs ba'o/ /rgod ba dang 'gyod ba ni shes rab kyi phung po'i nye ba'i nyod mongs pa ste/ 'di ltar ting nge 'dzin la brtson pa ni rmugs pa dang/ gnyid kyi 'jigs la chos rab tu 'byed pa la brtson ba ni rgong ba dang 'gyod pas 'digs
 so/ /rgyu bar 'gyur bas shes bya ba ni bsdod snyoms kyi ched du 'byam pas so/ /gnas par gyur ba'i zhes bya ba'i ni nang du yang dag 'jog par 'dug pa 'am 'chag pa'i 'o/ /de'i sngon du 'gro ba zhes bya ba ni sdug pa dang mi sdug pa'i mtshan ma sngon du 'gro ba'o/ /
 de'i 'og tu ting nge 'dzin tu zhugs pas shes bya ba la 'dir ma rig pa ni zhi gnas kyi rgyu mtshan dang lhag mthong gi rgyu mtshan phyin ci log tu yid la byed pa 'di yin no/ /go rims bzhin du zhes bya ba ni rmugs pa dang/ gnyid ni zhi gnas kyi
 bar chad byed la/ rgod pa dang 'gyod pa ni lhag mthong gi bar chad byed de/ rlung dmar gyi dkrugs pa'i chu la gzugs brnyan mi snang ba ltar/ rgod pa dang 'gyod pas dkrugs pa'i sems la de nyid mthong med do/ /the tsom gyis kyang de nyid mthong bar mi
 'gyur ro/ /bskal ba mi mnyam pa'i khams kun du 'gro ba rnams dang zhes bya ba rgyas par 'byung ste/ skal pa mi mnyam pa'i khams kun tu 'gro ba rnams kyi ni gzugs dang gzugs med pa'i khams dag yin zhing/ sdug bsngal dang kun 'byung
 la rjes su shes pa'i bzod pa dag gis yongs su shes par bya ba yin la/ de rnams de'i tshe spong ba ni ma yin te/ sngar spangs zin pa'i phyir ro/ /de rnams ni sngar sdug bsngal dang kun 'byung la chos shes pa'i dus su spangs pa'i phyir ro/ /'gog pa dang
 lam mthong bas spangs par bya ba zag pa dang bcas pa la dmigs pa rnams kyi dmigs pa ni 'gog pa dang lam mthong bas spangs par bya ba log par lta ba la sogs pa yin la/ log par lta ba la sogs pa de dag kyang sdug bsngal dang kun
 'byung gi bsdus pa'i phyir/ sdug bsngal dang kun 'byung la chos rjes su shes pa'i bzod pa dag gi yongs su shes la/ de rnams de'i tshe spong ba yang ma yin te/ 'o na ci zhe na/ phyis 'gog pa dang lam la chos dang rjes su shes pa dag gi spong ngo/ /de'i
 tshe de rnams kyi dmigs pa yongs su shes pa yang ma yin te/ sngar yongs su shes par byas zin pa'i phyir ro/ /de'i phyir de rnams ji ltar spong ba brjod dgos so she na/ dmigs pa yongs su shes pa dang/ de la dmigs pa yang dag par zad dang/
 zhes bya ba rgyas par 'byung ste/ rang gi sa la dmigs pa smos pa ni skal pa mi mnyam pa'i khams kun tu 'gro ba bsal pa'i phyir ro/ /zag pa med pa la dmigs pa rnams zhes bya ba la/ ci zhe na/ dmigs pa yongs su shes pas zad par 'gyur ro zhes
 bstan to/ /zag pa med pa la dmigs pa smos pa ni zag pa dang bcas pa la dmigs pa bsal bar bya ba'i phyir ro/ /de la dmigs pa yang dag par zad par ni zhes bya ba la/ skal pa mnyam pa'i khams kun tu 'gro ba 'di dag la dmigs pa skal pa
 mi mnyam pa'i khams kun nas 'gro ba yod pa de dag ni de la dmigs pa'o/ /de la dmigs pa rnams yang dag par zad pa ni/ de la dmigs pa yang dag par zad pa ste/ de la dmigs pa yang dag par zad pa de bas na skal pa mi mnyam pa'i
 khams kun tu 'gro ba rnams zad par 'gyur te/ yul brtan par byed pa spangs pa'i phyir skal ba mi mnyam pa'i khams kun tu 'gro ba rnams spong ngo/ /zag pa med pa la dmigs pa de dag ni de dag gi dmigs pa yin pas shes bya ba la/ log par
 lta ba la sogs pa 'gog pa dang lam gyi bden pa la dmigs pa de dag ni 'gog pa dang lam mthong bas spang par bya ba 'dod chags la sogs pa de dag gi dmigs pa yin pas yul spangs pa'i phyir/ yul can spangs pa yin no/ /gnyen po
 skyes pas zad par 'gyur/ zhes bya ba ni bden pa rnams sngar yongs su shes par byas zin pa'i phyir dmigs pa yongs su shes pas ma yin la/ de la dmigs pa yang dag par zad pas kyang ma yin te/ de dag gi skal pa mi mnyam pa'i khams
 kun tu 'gro ba ma yin pa'i phyir ro/ /dmigs pa spangs pas kyang ma yin te/ sngar dmigs pa spong ba dang de dag la dmigs pa spangs pa nyid kyis/ de dag la dmigs pa spangs pa las phyis 'dod chags la sogs pa spong ba ma yin pa'i phyir ro
 chen po'i chen po'i ni zhes bya ba ni/ de yang chung dang 'brid dang chen po yi/ chung du la sogs dbye ba yis/ zhes 'chad par 'gyur ro/ /spong ba'i gnyen po ni bar chad med pa'i lam mo/ /zhes bya ba ni gang gis nyon mongs pa'i thob pa kun tu gcod
 pa ste/ de yang bar chad med pa'i lam thams cad yin no/ /gzhi'i gnyen po ni de yan chad kyi lam gang yin pa ste/ zhes bya ba ni/ 'di lta ste/ sdug bsngal la chos shes pa la sogs pa lta bu'o/ /gang gis shes bya ba rgyas par 'byung ngo/ /gang gis
 sdug bsngal la chos shes pa la sogs pa'i bzod pa la sogs bar chad med pa'i lam gyis spangs pa bral pa'i thob pa kun du 'dzin pa'o/ /'dir ni bar chad mid pa'i lam dang po ma gtogs pa'i bar chad med pa'i lam yang gzung ste/
 bar chad med pa'i lam dang po ni spong pa'i gnyen po kho na yin gyi/ gzhi'i gnyen po ni ma yin pa'i phyir ro/ /thag bsrid pa'i ngo bor gnyen po ni zhes bya ba la/ 'dis thag bsrid pa'i ngo bo ste/ de nyid gnyen po'o/ /rnam par grol ba'i lam
 yan chad kyi lam gang yin pa ste/ zhes bya ba ni/ rnam par grol ba'i lam sdug bsngal la chos shes pa gang yin pa de'i gong gi lam gang yin pa ste/ de lta yin dang 'dir rnam par grol ba'i lam dang po ma gtogs par rnam par grol ba'i
 lam yang gzung ste/ de ni gzhi'i gnyen po kho na yin gyi thag bsrid pa'i ngo bo'i gnyen po ni ma yin no/ /gzhan dag na re rnam par grol ba'i lam yang yin te/ zhes bya ba la/ de'i phyir de ltar na dang po yang gzung bar 'gyur ro/ /sngar
 ni rnam par grol ba'i lam yan chad kyi rnam par grol ba'i lam gzhan gang yin pa de kho na gzung bar 'gyur ro/ /des kyang thob par de dag srid par byed do/ /zhes bya ba ni rnam par grol ba'i lam dang po ste/ bral ba'i thob pa kun tu 'dzin
 pa 'ba' zhig tu ma zad do/ /rnam par sun 'byin pa'i gnyen po ni lam gang gis khams de la skyon du mthong nas rnam par sun 'byin par byed do/ /zhes bya ba ni sdug bsngal dang kun 'byung gi bden pa la dmigs pa'i lam ste/ 'di ltar des ni khams de mi
 rtag pa la sogs pa'i rnam pa dag tu rnam par sun 'byin par byed cing rnam par gtod par byed ces bya ba'i tha tshig go /yang 'di dag gi go rims zhes bya ba ni slob dpon yin te/ them skas kyi tshul la brten nas/ ji ltar skye ba'i rim pa dang/ mtshan nyid ma
 'chol ba dang thugs la bzhag nas bshad do/ /sdug bsngal dang kun 'byung la dmigs pa'i sbyor ba'i lam mo/ /zhes bya ba la/ 'dir sbyor ba'i lam ni dro bar gyur ba la sogs pa gzung gi /bar chad med pa'i lam la sogs pa ni ma yin te/ spod ba la
 sogs pa nyid du rnam par gzhag pa'i phyir ro/ /bar chad med pa'i lam thams cad do/ /zhes bya bas ni bden pa bzhi la dmigs pa bar ched med pa'i lam brgyad cu rtsa dgu gzung ste/ rnam par grol ba'i lam ni/ dang po nas gzhi'i gnyen po kho na yin gyi
 thag bsreng pa'i ngo bo'i gnyen po ni ma yin no/ /thag bsrid pa'i ngo bo'i gnyen po ni khyad par gyi lam mo/ zhes bya ba ni/ gsum las gzhan pa'i lam thams cad khyad par gyi lam yin pa'o/ /mtshungs par ldan pa las na nyon mongs pa rnam par dbye
 bar mi nus so/ /zhes bya ba ni de ni med na mi 'byung ba nyid du skyes pa'i phyir so sor bya bar mi nus so/ /re shig ma 'ongs pa ni dmigs pa las rnam par dbye bar nus te/ ci'i phyir zhe na/ de ni yang dngos po de la dmigs nas mi skye bas so/ /'das pa
 go ji ltar nus te/ dngos po de la dmigs nas skyes te/ 'gags pa'i phyir dmigs pa de las rnam par dbye bar mi nus so/ /'on te 'di'i don ni dmigs pa yongs su shes pas zhes bya ba la sogs pa 'byung ngo/ /re shig gang du dmigs pa'i sgra
 yod pa der ni/ dmigs pa yongs su shes pa'i rtog pa yod pas yin pa zhig na/ gang du gnyen po skyes pas zhes bya ba de ni dmigs pa'i sgra yod pa ma yin pa der ni ji ltar yin te/ de'i phyir de yang ma nges te/ zhes bya ba smos so/ /
 rnam pa gcig tu dmigs pa yongs su shes/ 'ba' zhig gis yin pa 'ba' zhig tu ma zad kyi/ 'o na ci zhe na/ de la dmigs pa yang dag par zad pa la sogs pa gzhan rnam pa gsum gyis kyang yin pas de'i phyir de yang ma nges te/ zhes bya ba smos te/
 'di'i don ni dmigs pa yongs su shes pas spang par bya ba zhes bya ba 'di yin no zhes bya ba ma nges te/ 'di ltar gang du nyon mongs pa rnams ni rnam pa bzhis zad par 'gyur te/ dmigs pa yongs su shes pa dang bya ba la sogs pa smras pa yin no/
 de lta bas na 'di brjod par bya dgos so/ /zhes bya ba lan gdab dgos so zhes bya ba'i tha tshig go /smras pa/ rang gi rgyud la yod pa'i nyon mongs pa ni thob pa chad pa dang/ bral ba'i thob pa skyes pas spong do/ /gzugs thams cad dang zhes bya ba ni dge
 pa dang/ lung du ma bstan pa dang/ rang gi rgyud la yod pa dag go/ nyon mongs pa can ma yin pa'i chis shes bya ba ni dge ba zag pa dang bcas dang/ ma bsgribs la lung du ma bstan pa gzugs can ma yin pa'o/ /de dag la dmigs pa zhes bya ba ni
 gzhan gyi rgyud la yod pa'i nyon mongs pa'i dang/ gzugs thams cad dang/ nyon mongs pa can ma yin pa'i chos de dag la dmigs pa rang gi rgyud la yod pa'i 'dun pa'i 'dod chags spangs pas spangs par 'gyur ro/ /'byung dang tshul khrims mchog
 dang ni dus gnyis ring ba nyid lta bu'o/ /zhes bya ba la lta bu'o/ /zhes bya ba'i sgra ni dper brjod par bya ba'i don du ste/ bzhin no zhes bya ba'i don du blta bar bya'o/ /mtshan nyid kyi ring ba nyid ni mtshan nyid mi mthun pa'i phyir te/ dper na 'byung ba'i mtshan
 nyid mi mthun ba rnams las sa'i khams las chu'i khams ring ba la sogs pa bzhin no/ /gnyen po ring ba nyid ni gnyen po yin pa'i phyir te/ dper na 'chal pa'i tshul khrims las tshul khrims bzhin no/ /yul gyi ring ba nyid ni yul rnam par 'chad pa ste/ dper na
 shar gyi rgya mtsho las nub kyi rgya mtsho'i phyogs bzhin no/ /dus kyi ring ba nyid ni dper na 'das pa dang/ ma 'ongs pa'i ring bar brjod pa lta bu'o/ /zhes bya ba la gang nas brjod ce na/ chos mngon pa las te/ 'di skad du/ chos ring ba gang dag ce na/ 'das pa
 dang ma 'ongs pa'i chos rnams so/ /chos nye ba gang dag zhe na/ da ltar 'byung ba'i chos rnams dang/ 'dus ma byas so zhes 'byung ngo /yun ring po zhig na 'byung ba dang/ 'byung ba nyid kyis ni ma yin no/ /zhes bya ba ni yun ring mo zhig na/ byung ba nyid kyi 'das
 pa ma yin la/ yun ring mo zhig na 'byung ba nyid kyis ma 'ongs pa ma yin pa'o/ /de ltar yang de bzhin du ring bar 'gyur ro/ /zhes bya ba ni da ltar byung ba'i lus nyid kyis dus tha dad pa nyid kyis na da ltar 'byung ba yang ring bar 'gyur te/ dper na 'das pa dang ma
 'ongs pa gnyis ring ba lta bu'o/ /'o na ni byed pa las ring ba yin no zhes bya ba ni byed pa zhig pa ni 'das pa yin la/ byed pa ma thob pa ni ma 'ongs pa yin pas so/ /bstan bcos las chos nye ba dag gang zhe na/ da ltar byung ba'i ches rnams dang/ 'dus ma byas
 so zhes gsungs pa de la 'dus ma byas la byed pa med pa'i phyir ji ltar nye ba nyid yin/ de thams cad du thob pa'i phyir ro/ /zhes bya ba ni yul thams cad du so sor brtags pas 'gog pa dang/ so sor brtags bas ma yin pas 'gog pa thob pa'i phyir ro/ /
 'das pa dang ma 'ongs pa dag las yang thal bar 'gyur ro/ /zhes bya ba ni/ de ni thob pa yang yod pas so/ /ji ltar zhe na dge ba la sogs pa'i chos 'das pa dang ma 'ongs pa rnams ni yul thams cad na de dag gis thob pa dang ldan pa'i phyir ro/ /gang
 la thob pa nyid yod pa ma yin pa'i nam mkha' yang ji lta re nye bar grub/ de lta na 'o na zhes bya ba ni rnam grangs gzhan smras pa'o/ /'dus ma byas kyang chod pa med pa'i phyir zhes bya ba ni/ de ni dus kyis ma bsdus pas de'i phyir da ltar bas
 chod pa ma yin no/ /de lta na yang zhes bya ba ni rtog pa de lta na yang gal te da lta ba gnyi ga dang/ nye ba'i phyir nye ba yin na/ 'das pa dang ma 'ongs pa yang da ltar dang nye ba'i phyir rim pa dang nye ba gnyis kar 'gyur ro/ /'di skad du rigs par 'gyur ro/ /zhes bya
 ba ni slob dpon yin no/ /ma 'ongs pa ni chos kyi rang gi mtshan nyid las ring ba yin no/ /ci'i phyir zhe na/ ma thob pa'i phyir re/ /'das pa ni zhes bya ba la ci zhe na/ zhig pa'i phyir chos kyi rang gi mtshan nyid las ring ngo/ /gnyen po skyes pas zhes bshad pa de'i
 phyir ci lam khyad par du 'gro ba'i phyir/ zhes bya ba la sogs pa 'di dpyad par bya'o/ /gang las the tshom za zhe na/ gang gi phyir mdo las 'di skad du kun tu sbyor ba gsum spangs pa dang/ 'dod chags dang zhe sdang dang gti mug bsrabs pas lan cig
 phyir 'ongs bar 'gyur ro/ /kun tu sbyor ba tha ma'i cha dang mthun pa lnga spangs pas phyir mi 'ongs par 'gyur ro/ /zhes rgyas par gsungs pas the tsom za'o/ /de ni med de 'o na ci zhe na/ nyon mongs pa thams cad ni lan du zad de/ thob pa 'chad do/ /'dir
 ni gnyen po rnam par grol ba'i lam yin par bsams pa'o/ /zhes bya ba ni de ni bral ba'i thob pa dang lhan cig skye ba'i phyir te/ bar chad med pa'i lam ni ma yin na zhes bstan to/ /'chad par 'gyur ba'i 'bras bu brgyad cu rtsa dgu dang/ skyes bu byed pa
 dang bdag po'i 'bras bu la sogs par bshad zin pa lnga po de dag gzung bar 'gyur du 'ongs de'i phyir 'bras bu ni dge sbyong gi tshul gyi 'bras bu bzhi'o/ /zhes bya ba smos so/ /ji ltar dbang po 'phel bar 'gyur zhe na/ de'i phyir dbang po 'pho ba'o/ /
 zhes bya ba smos so/ /de yang zhes bya bar rgyas par 'byung ngo/ /de yang ste bral ba'i thob pa ni ci rigs par te/ ji ltar srid tshad du nyon mongs pa kha cig gi ni dus drug tu'o/ /kha cig gi ni lngar ro/ /kha gcig gi ni bzhir ro/ /kha gcig gi ni gsum du'o/ /kha gcig gi
 ni gnyis su'o/ /de la 'dod pa na spyod pa mthong bas spang bar bya ba rnams dang/ gzugs dang gzugs med pa na spyod pa bden pa gsum mthong bas spang bar bya ba rnams kyis ni dus drug bral ba thob bo/ /gzugs dang gzugs med pa na spyod pa lam mthong bas spang
 bar bya ba rnams kyis ni dus lngar te/ de dag gi ni 'bras bu thob pa kho na gnyen po skyes pa yin pa'i phyir ro/ /'dod pa na spyod pa bsgom pas spang par bya ba rnam pa lnga'i yang lnga kho nar ro/ /drug pa ni bzhir te/ de'i gnyen po skye ba dang 'bras bu thob pa'i dus ni
 gcig yin pa'i phyir ro/ /rnam pa bdun pa dang brgyad pa dag gi ni bzhi kho nar ro/ /rnam pa dgu pa'i dus gsum du ste/ dus der gnyen po dang 'bras bu thob pa yang yod pas gnyis las gang yang rung ba zhig gzung ngo/ /srid pa'i rtse mo'i rnam pa tha ma ma gtogs pa
 gzugs dang gzugs med pa na spyod pa bsgom pas spang bar bya ba rnams kyis ni gsum kho nar ro/ /srid pa'i rtse mo'i rnam pa tha ma'i ni gnyis su ste/ de'i gnyen po skye ba dang/ 'bras bu thob pa'i dus gcig yin pa'i phyir ro/ /nges pa 'di ni dbang po rtul po mthar gyis
 pa'i yin gyi/ dbang po rnon po'i ni nyon mongs pa kha cig gi ni dus sngar yin pa nas/ kha cig ni gcig gi bar du yin te/ snga ma kho na ltar rig par bya'o/ /phal cher la 'dod chags dang bral ba dang/ 'dod chags dang bral ba ma yin pa la yang ci rigs par de dang
 'dra bar sbyar bar bya'o/ /yongs su shes pa zhes bya ba'i ming thob bo zhes bya ba ni bstan bcos la yongs su shes pa nyid du bsnyad do/ /zhes bya ba'i tha tshig go /re shig ye shes ni 'dis yongs su shes pa nyid du rigs na/ yang spong ba go ji ltar zhe na/ 'bras bu
 la rgyu btags pa'i phyir re/ /zhes bya ba smos so/ /spang ba ni ye shes kyis yongs su shes pa'i 'bras bu yin pas 'bras bu de la rgyu btags nas 'di skad du spangs pa'i yongs su shes pa zhes bshad de/ bral bas na bral ba'o zhes bya ba
 ni ma yin gyi/ 'o na ci zhe na/ 'di yod na bral bas so/ /yang gang nas spangs pa yongs su shes shes pa'i sgrar bstan ce na/ bcom ldan 'das kyis dge slong dag yongs su shes bar bya ba'i chos dang rnams/ zhes bya ba nas/ yongs su shes par bya ba'i chos rnams par? zhen?
 nye bar len pa'i phung po lnga po zhes bya ba dang/ 'dun pa'i 'dod chags las yang dag par 'das pa gang yin pa ste/ 'di ni yongs su shes pa zhes bya'o/ /zhes bya ba la sogs pa gsungs so/ /'dod pa na dang po'i rnams gnyis zad la gcig ces bya ba ni/ bral
 pa'i thob pa zad med dang/ /srid rtse nyams par byas pa dang/ /rgyu gnyis kun tu bcom pa'i phyir dang yongs su shes khams las 'das pa las/ zhes bya ba der rigs pa 'chad par 'gyur ro/ /bsgom pa'i lam la bshad pa ni/ yongs su shes pa gzhan gsum
 ste/ zhes bya ba la sogs pa'o/ /tha ma'i cha dang mthun pa spangs pa yang yongs su shes pa gcig yin no zhes bya ba ni/ 'dod pa'i khams kyi zag pa zad pa'i phyir zhes bya ba'i tha tshig go /gzugs kyi zag pa zad pa yang gcig yin te/ zhes bya ba ni gzugs
 kyi 'dod chags zad pa'i yongs su shes pa'o/ /nga rgyal la sogs pa nyon mongs pa dang nye ba'i nyon mongs pa gzugs na spyod pa gzhan dag kyang yod mod kyi 'di'i yongs su shes par bzhag pa ni de na gzugs kyi yul can kun tu sbyor ba gong ma'i cha dang
 mthun pa 'dod chags gtso bo yin pa'i phyir gzugs kyi 'dod chags zad pa'i yongs su shes pa zhes bshad do/ /kun tu sbyor ba thams cad yongs su btugs pa'i yongs su shes pa'o/ zhes bya ba ni/ zag pa thams cad zad pa'i yongs su shes pa zhes bya
 ba'i don to/ /mthong bas spang bar bya ba rnams kyi ni ma yin zhe na/ zhes bya ba ni ci'i phyir bsgom pas spang bar bya ba'i yongs su shes pa ltar gzugs dang gzugs med pa na spyod pa'i mthong bas spang bar bya ba rnams kyis yongs su shes pa tha dad pa ma yin/ de bzhin du gzuT
 dang gzugs med pa na spyod pa'i mthong bas spang bar bya ba rnams/ /spang pa yang yongs su shes pa gsum yin te/ zhes smras pa'i phyir ro/ /bsgom pas spang bar bya ba rnams kyi gnyen po mi 'dra ba'i phyir ro zhes bya ba ni/ gang gi phyir gzugs dang gzugs
 med pa na spyod pa bsgom pas spang bar bya ba sa dang sa la rnam pa dgu yin pa rnams kyi gnyen pe bar chad med pa dang rnam par grol ba'i lam dgu mi 'dra ba'i phyir ro/ /gzugs dang gzugs med pa na spyod pa'i mthong bas spang bar bya ba rnams kyis gnyen po gcig po
 sdug bsngal rjes su shes pa'i bzed pa la sogs pa ni 'dra ba yin no/ /lhag ma rnams ni shes pa yid/ zhes bya ba ni bsgom pas lam la bzod pa rnams med pa'i phyir ro/ /tha ma'i cha dang mthun pa spangs pa la sogs pa'i yongs su shes pa ste/ bsgom pa'i lam gyi
 'bras bu yin pa'i phyir ro/ /zhes bya ba ni tha ma'i cha dang mtshungs pa'i yongs su shes pa dang/ gzugs kyi 'dod chags zad pa'i yongs su shes pa dang/ kun tu sbyor ba thams cad yongs su gtugs pa'i yongs su shes pa'o/ /drug bzod 'bras zhes bshad pa de la
 ji ltar yongs su shes pa bzod pa'i 'bras bu yin zhe na/ zhes bya ba smos so/ /ji ltar ma yin 'di ltar spangs pa'i yongs su shes pa ni spangs pa kho na ste/ 'bras bu la rgyu btags pa'i phyir ro/ /zhes 'byung ba'i phyir yongs su shes pa'i 'bras bu la yongs su shes
 pa zhes bshad na/ bzod pa dag ni yongs su shes pa ma yin te/ 'o na ci zhe na/ yongs su shes pas na yongs su shes pa'o/ /zhes abshes pa yin te/ ye shes kyi yongs su shes pa ni zag pa med pa'i shes pa'o/ /zhes 'byung ba'i phyir ro/ /bzod pa dang shes pa
 dag gcig pa yang ma yin te/ mtshan nyid tha dad pa'i phyir ro zhe na bzod pa rnams ni shes pa'i 'khor yin pa'i phyir te/ zhes bya ba ni bzod pa rnams shes pa 'di'i 'khor yin pas na bzod pa 'di dag shes pa'i 'khor yin te/ phal la sogs
 'khor gyi sgrar bstan pa'i phyir dang/ spangs pa yang bzod pa'i 'bras bu yin pa'i phyir ro/ /de la dpe ni rgyal po'i 'khor la rgyal po nye bar btags pa de bzhin pa dang/ zhes bya ba smos te/ gang gi rgyal ba dang/ 'pham par bya ba'i phyir g.yul 'gyed pa dag
 la rgyal po'i sgro 'dogs pa de'i tshe rgyal po'i 'khor la rgyal po nye bar btags pa de bzhin du 'dir yang yin no/ /shes pa dang 'bras bu gcig pa'i phyir ro/ /zhes bya ba la ci zhe na/ yongs su shes pa bzod pa'i 'bras bu yin no/ /mi lcogs med 'bras
 thams cad do/ /zhes bya ba ni re shig mthong ba'i lam ni mi lcogs pa med pa'i sa pa yin no/ /bsgom lam yin te/ zag med mi lcogs med pa yis/ /thams cad la ni 'dod chags bral zhes 'chad par 'gyur pa'i phyir ro/ /bsam gtan dngos gzhi'i
 'bras bu yongs su shes pa lnga ste/ zhes bya ba la bsam gtan gyi dngos gzhi'i sa pa'i lam ni 'dod pa na spyod pa'i nyon mongs pa'i gnyen po ma yin te/ 'phags brgyad kyi rang gong sa las rgyal/ zhes 'chad par 'gyur pa'i phyir ro/ /gzugs dang gzuT
 med pa na spyod pa'i nyon mongs pa spang ba'i rang bzhin gang yin pa'o/ /zhes bya ba ni mthong bas spang bar bya ba rnams spangs pa'i yongs su shes pa gsum dang/ gzugs na spyod pa bsgom pas spang par bya ba rnams kyi gzugs kyi 'dod chags zad pa'i yongs
 su shes pa dang/ gzugs med pa na spyod pa rnams kyi kun tu sbyor ba thams cad yongs su gtugs pa'i yongs su shes pa ste lnga yin no/ /yang ji ltar 'di dag bsam gtan gyi dngos gzhi'i 'bras bu yin zhe na/ gal te 'dod pa las 'dod chags dang bral
 bar 'gyur cing nges pa la 'jug cing nges pa la 'jug na'o/ /'dod pa na spyod pa'i nyon mongs pa spangs pa ni mi lcogs pa med pa'i 'bras bu yin pa'i phyir ro/ /zhes bya ba ni/ mthong ba dang bsgom pas spang bar bya ba spangs pa ste/ 'dod pa'i? khams las 'dod chags dang ma bral pa
 ni bsam gtan gyi dngos gzhi la mi 'jug pa'i phyir ro/ /btsun pa dbyangs sgrog 'jig rten pa'i bsgom pa'i lam gyis mthong bas spang bar byas zin pa mthong ba'i lam gyis 'bras bur 'dod pa de ltar na ni tha ma'i cha dang mthun pa spangs pa'i yongs su shes? bam gtogs pa dang/
 'dod pa na spyod pa mthong bas spangs bar bya ba'i nyon mongs pa spangs pa'i yongs su shes pa gsum pa snan nas bsam gtan gyi dngos gzhi'i 'bras bu yongs su shes pa brgyad yin no/ /de nyid kyi phyir tha ma'i cha dang mthun pa spangs pa'i yongs su shes pa mis? mi lcogs med
 pa'i 'bras bu yin no zhes bya ba smos so/ /bral ba'i thob pa zag pa med pa rnyed pa'i phyir zhes bya ba ni gang gi phyir 'dod pa na spyod ba nyon mongs pa de rnams kyi bral ba'i thob pa zag pa med pa yang rnyed par 'gyur te/ de'i phyir btsun pa dbyings sgrogs kyi lugs kyis 'dod
 nu spyod pa dang po'i rnam pa gnyis spangs pa gcig yin pa la sogs pa thams cad de brgyad yin no/ /bsam gtan khyad par can yang bsam gtan bzhin du blta bar bya'o/ /zhes bya ba ni/ ji ltar bsam gtan rnams kyi lnga 'am brgyad/ ces bshad pa de bzhin du bsam
 gtan khyad par can gyi 'bras bu yang yongs su shes pa lnga 'am brgyad yin no/ /nye bar bsngogs pa'i gcig yin te/ zhes bya ba ni/ nam mkha' mdza' yas skye mched kyi nyer bsngogs na ni mthong ba'i lam med la/ de ni rang gi sa dang gong ma 'am 'dod pa 'am khams
 kyi gnyen po yang ma yin no/ /gzugs med dngos gzhi gsum gyi yang/ zhes bya ba ni srid pa'i rtse mo ma gtogs pa ste/ sa 'og ma las 'dod chags dang ma bral ba ni gzugs med pa'i dngos gzhir 'jug pa ma yin no/ /srid rtse ra 'phags pa ci yang med/ /mngon du
 byas nas zag pa zad/ ces 'byung ba'i phyir na srid pa'i rtse ma gtogs pa yin no/ /thams cad 'phags pa'i lam gyi yin/ /zhes bya ba ni mthong ba dang bsgom pa'i lam gyis bsdus pa chos shes pa dang rjes su shes pa la sogs pas phye ba'i 'o/ /
 'jig rten pa'i gnyis shes bya ba 'byung ste/ ci'i phyir kun tu sbyor ba thams cad yongs su gtugs pa'i yongs su shes pa/ 'jig rten pa'i 'bras bu ma yin zhe na/ 'di ltar srid pa'i rtse mo'i gnyen por gyur pa'i 'jig rten pa'i lam med pa'i phyir ro/ /rjes kyi
 yang/ zhes bya ba ni/ bsgom lam gyis bsdus pa'i yang de/ /'bras bu yongs su shes pa gnyis te/ tha ma dag go /zhes bya ba ni gzugs kyi 'dod chags zad pa'i yongs su shes pa dang/ kun tu sbyor ba thams cad gtugs pa'i yongs su shes pa'o/ /chos shes
 pa ni gsum yin no/ /zhes bya ba ni bsgom pa'i lam gyis bsdus pas te/ bsgom pa'i lam la 'gog pa 'am/ lam la chos shes gang yin de/ /khams gsum gyi ni gnyen po yin/ /zhes 'byung ba'i phyir ro/ /de nyid kyi phyir khams gsum pa'i bsgom pas
 spang par bya ba'i gnyen po yin pa'i phyir ro zhes bya ba smos so/ /de lta ma yin na chos shes pa 'dod pa'i khams kyi gnyen po yin pa'i phyir tha ma'i cha dang mthun pa dang/ gzugs kyi 'dod chags zad pa dang/ kun tu sbyor ba thams cad yongs su shes pa gsum
 chos shes pa'i 'bras bur ji ltar rung/ /de phyogs mthun gyi drug dang lnga/ /zhes bya ba ni chos shes pa'i phyogs dang mthun pa'i drug yin la/ rjes su shes pa'i phyogs dang mthun pa'i lnga zhes bya ba'i tha tshig go /chos kyi bzod pa dang shes pa rnams kyi 'bras
 bu gang dag yin pa kho na'o/ /zhes bya ba ni drus bzod 'bras/ /zhes bya ba dang chos shes pa'i bzod pa bzhi'i 'bras bu 'dod pa na spyod pa mthong bas sdang bar bya ba spangs pas bsdus pa gsum bshad pa ste/ 'di ltar chos dang rjes su shes pa'i bzod pa rnams
 mngon par bsdus nas 'bras bu yongs su shes pa drug yin gyi de re'i ni ma yin no/ /bsgom pa'i lam gyis bsdus pas 'gog pa dang lam la chos shes pa gnyis kyi gsum ste/ tha ma'i cha dang mthun pa dang gzugs kyi 'dod chags zad pa dang/ kun tu spyod pa thams cad pa'i?
 yongs su btugs pa'i yongs su shes pa'o/ /rjes kyi bzod pa dang shes pa rnams kyis 'bras bu gang dag yin pa kho na'o/ /zhes bya ba ni rjes kyi bzod pa rnams dang/ rjes kyi shes pa rnams kyi ste/ de dag kyi drug bzod 'bras/ zhes bya ba deng rjes su shes pa'i bzod pa
 bzhi'i 'bras bu gzugs dang gzugs med pa na spyod pa'i mthong bas spang par bya ba spangs pas bsdus pa gsum bshad pa gang dge yin pa dang/ rjes kyi lab zhes bya ba 'dis rjes su shos pa'i 'bras bu gnyis bshad pa'o/ /phyogs rang mthun pa smod pa pa'i? bzod pa dang
 shes pa rnams gzung ngo zhes bya ba la/ ji ltar zhe na/ de phyogs mthun gyi drug ces bshad pa de'i zhes bya ba 'dis ni bshad ma thag pa'i chos dang rjes su shes pa dag gzung ngo/ /phyogs dang mthun pa smos pas chos dang rjes su shes pa'i bzod pa rnams gsung ngo/ /
 so sor skye bo la rgyu gnyis kun tu brtsom pa yod kyi/ bral ba'i thob pa zag pa med pa ni med do/ /srid pa'i rtse mo nyams par byas pa/ /zhes bya ba la ci zhe na/ so so'i skye bo la yod pa ma yin te/ srid pa'i rtse mo'i gnyen por gyur pa'i 'jig rten pa'i lam ni med pa'i phyir ro/
 'phags pa la yang ji lta ji srid du sdug bsngal la rjes su shes pa'i bzod la gnas pa de srid du bral ba'i thob pa zag pa med pa yod med kyi/ sprid pa'i rtse mo na nyims par byas pa ma yin te/ 'sras par 'gyur ba'i lam gyis de'i sgrib pa rab tu spong/ zhes 'byung
 pa'i phyir ro/ /sdug bsngal la rjes su shes pa la ni gnyi ga yod mod kyi/ zhes bya ba ni bral ba'i thob pa zag pa med pa dang/ srid pa'i rtse mo nyams par byas pa ste/ gzugs dang gzugs med pa na spyod pa'i sdug bsngal kun 'byung mthong bas spang bar bya ba
 kun tu 'gro ba ma spangs pa'i phyir ro/ /zhes bya ba smos te/ sdug bsngal mthong spang bya spangs kyang/ /kun 'gro lhag ma rnams kyis ldan/ /zhes 'byung ba'i phyir ro/ /de la rgyud gnyis kun tu bcom pa'i rgyu zhes bya ba'i rgyu ni/ rgyu sdug bsngal mthong
 bas spang bar bya ba kun tu 'gro ba dang/ kun 'byung mthong bas spang bar bya ba kun tu 'gro ba'o/ /chos dang rjes su shes pa gzhan dag la ni/ zhes bya ba ni/ sdug bsngal las rjes su shes pa'i 'og rol kun 'byung la chos shes pa la sogs pa zag par shes pa la thug
 pa dag la'o/ /gsum po thams cad yod par shes bya ba ni bral ba'i thob pa zag pa med pa dang/ srid pa'i rtse mo nyams par byas pa dang/ rgyu gnyis kun tu bcom pa'o/ /shes pa'i 'bras bu spangs pa ni/ zhes bya ba rgyas par 'byung ba la/ re shig bzod pa'i
 'bras bu spangs pa ni de ltar shes par bya ste/ ji ltar zhe na/ bral ba'i thob pa zag med dang/ zhes bya ba de lta bu la sogs par ro/ /shes pa'i 'bras bu spangs pa ni bzod pa 'bras bu ma yin pas de'i phyir ji skad bshad pa'i rgyu gsum dang bzhi pa khams las yang
 dag par 'das pa la/ yongs su shes pa'i ming 'thob ste/ 'dod pa'i khams las 'dod chags dang bral ba las ni/ tha ma'i cha dang mthun pa spangs pa'i yongs su shes pa'i gzugs kyi khams las 'dod chags dang bral ba las ni gzugs kyi 'dod chags zad
 pa'i yongs su shes pa'o/ /gzugs med pa'i khams las 'dod chags dang bral ba las ni kun tu sbyor ba thams cad yongs su gtugs pa'i yongs su shes pa'o/ /gal te khams las 'das pa las ma brten na ni khams gsum gyi bsgom pas spangs par bya
 pa'i rnam pa spangs pa re res yongs su shes pa'i ming 'thob par 'gyur la/ de lta yin dang yongs su shes pa mang por 'gyur gyi/ dgu kho nar ni ma yin no/ /yang ji ltar khams las yang dag par 'das pa las yin zhe na/ khams mdza' dag las 'dod chags dang
 bral ba'i phyir zhes bya ba smos te/ khams de las ma lus bar 'dod chags dang bral ba'i phyir zhes bya ba'i tshig go /gnyis kun tu sbyor pa dang bral ba zhes bya ba rgyas par 'byung ba ni/ dmigs par bya ba dang/ dmigs par byed pa'i nyon mongs pa'i mtshan nyid
 gnyis sbyor ba yin zhing/ de dang bral ba de rgyu lnga pa smras te/ rgyu 'dis kyang spangs pa la yongs su shes pa zhes bya'o/ /bral ba de nyid ston par byed de/ rnam pa gang zhig spangs la zhes bya ba ni sdug bsngal mthong bas spang bar bya ba nas lam mthong bas spang
 bar bya ba dang/ bsgom pas spang par bya ba'i bar ro/ /rnam pa spangs la de la dmigs pa'i nyon mongs pa gzhan te/ rnam pa spangs pa gang yin pa/ de la dmigs pa sdug bsngal mthong bas spang bar bya ba nas bsgom pas spang bar bya ba'i bar dang bral bar 'gyur
 na'o/ /de ni zhes bya ba rgyas par 'byung ba ni gnyis kun tu sbyor ba de ni rgyu gnyis yang dag par bcom pa dang/ khams las yang dag par 'das pa las gzhan ma yin te/ 'di ltar sdug bsngal mthong bas spang bar bya ba dag spangs kyang ji srid du de la dmigs pa
 kun tu 'byung mthong bas spang par bya ba'i kun tu 'gro ba'i rgyu spangs par ma gyur pa de srid du rgyu gnyis ka yang dag par bcom pa med la/ bsgom pas spang bar bya ba dag kyang rnam pa brgyad spangs kyang/ ji srid de la dmigs pa rnam pa dgu pa ma spangs pa/ de srid du khams
 las yang dag par 'da' ba med pa'i phyir ro/ /gcig min zhes bya ba la/ re shig kha cig ni gang dang yang mi ldan no/ /kha cig ni kho na dang ldan no/ /kha gcig ni gnyis dang ldan no/ /lnga'i bar dang zhes bya ba ni/ 'dod pa na dang po rnam gnyis zang la/ gcig zhes
 bya ba la sogs pa'i tshul gyis rig par bya'o/ /mthong ba'i lam gyi skabs yin pas lam la chos shes pa ni drug dang ldan no/ /zhes ma bshad de/ de ni bsgom pa'i lam yin pa'i phyir ro/ /de la skad cig bco lnga ni ma mthong mthong phyir mthong ba'i lam zhes
 'byung ba'i phyir ro/ /de nyid kyi phyir/ bsgom la gnas pa drug gam ni/ /zhes bya ba smos te/ lam la rjes su shes pa'i gnas skabs la gnas pa ji srid du 'dod pa las 'dod cha/ dang bral ba thob pa de ji srid du yongs su shes pa drug dang ldan no/ /de
 las yongs su nyams pa ni/ /zhes bya ba ni/ 'dod pa las 'dod chags bral ba de dag sdom par 'gyur te/ kha mas las 'das pa las kyang yongs su shes pa yin no/ /zhes 'byung ba'i phyir ro/ /sngon nas phyis 'dod pa la 'dod chags dang bral ba thob pa zhes bya ba
 la/ gang gi sngon ce na/ mthong ba'i gyi'o/ /ji ltar zhe na/ sngon 'jig rten pa'i lam gyi 'dod pa las 'dod chags dang bral ba thob ba ni/ lam la rjes su shes pa skyes pas tha ma'i cha dang mthun pa spangs yongs su shes pa gcig po dang ldan no/ /bden pa mthong
 bar gtogs pa'i phyis mthar gyis 'dod pa las 'dod chags dang bral ba thob pa ni tha ma'i cha dang mthun pa spangs pa'i yongs su shes pa gcig kho na dang ldan no/ /dgra bcom kho na dang ldan no/ /zhes bya ba ni de'i tshe yongs su shes pa rnams bsdom pa'i phyir zag pa
 thams cad zad pa'i yongs su shes pa gcig dang ldan no/ /yongs su nyams na yang zhes bya ba ni dgra bcom pa de nyid gzugs na spyod pa'i nyon mongs pas dgra bcom pa nyid las nyams pa ste/ 'dod pa'i khams las yongs su ma nyams pa'i tha ma'i cha
 dang mthun pa spangs pa'i yongs su shes pa gcig kho na dang ldan no/ /gzugs kyi 'dod chags dang bral ba thob pa ni zhes bya ba ni phyir mi 'ongs pa khams gnyis las 'dod chags dang bral ba zhes bya ba'i don to/ /khams las 'dod chags dang bral na ji
 ltar sdom pa ma yin zhe na/ sngon med pa'i 'bras bu thob pa med pas so/ /sdom pa'i rgyu ni khams las 'dod chags dang bral ba dang/ 'bras bu thob pa gnyis yin te/ khams las 'dod chags bral ba dang/ 'bras bu thob phyir de dag bsdoms pa dang/
 zhes 'byung ba'i phyir ro/ /gzugs med pa na spyod pa'i kun nas dkris pas yongs su nyams pa yang zhes bya ba ni dgra bcom pa ste/ de ni gzugs med pa'i khams las 'dod chags dang bral ba kho na las yongs su nyams kyi gzugs kyi khams las 'dod chags
 dang bral ba las ni yongs su nyams pa ma yin no/ /ci'i phyir/ phyir mi 'ong ba dang dgra bcom pa dag gi yongs su shes pa gcig kho nar rnam par bzhag ces bya bar ni phyir mi 'ong ba 'dod pa las 'dod chags dang bral ba'i dbang du byas nas smras kyis/ khams gnyis?
 las 'dod chags dang bral ba ni ma yin te/ yongs su shes pa gnyis dang ldan par bshad pa'i phyir ro/ /mang du ni me yin zhes bya ba ni drug bzod 'bras zhes bya ba la sogs pa ji skad bshad pa'i tshul du phyis 'di gnyis la yongs su shes pa mang po yang mi srid ngo?
 zhes bya ba'o/ /yang bsdoms pa zhes bya ba'i don ci zhig ce na/ gcig tu rnam par 'jog pa zhes bya ba'i tha tshig go / gnas skabs de gnyis na zhes bya ba ni/ phyir mi 'ongs pa dang dgra bcom pa'i gnas skabs de gnyis na de gnyi ga srid pa yin no/ /dgra bcom pa
 nyid dam 'dod pa las 'dod chags dang bral ba las yongs su nyams nas gcig gtong do zhes bya bar la/ dgra bcom pa nyid las yongs su nyams na kun tu sbyor ba thams cad yongs su gtugs pa'i yongs su shes pa tha ma gtong ngo/ /'dod las 'dod chags
 dang bral ba las yongs su nyams na bdun pa tha ma'i cha dang mthun pa'i yongs su shes pa gtong do/ /phyir mi 'od pa gzugs kyi 'dod chags dang bral ba zhig 'dod pa las 'dod chags dang bral ba las yongs su nyams na yongs su shes pa gnyis gtong ngo/ /
 zhes bya ba ni gzugs kyi 'dod chags zad pa'i yongs su shes pa dang/ tha ma'i cha dang mthun pa spangs pa'i yongs su shes pa'o/ /gzugs kyi 'dod chags dang bral ba smos pa ni/ 'dod pa'i 'dod chags dang bral ba bsal bar bya ba'i phyir te/ de ni 'dod pa las
 'dod chags dang bral ba las yongs su nyams na tha ma'i cha dang mthun pa spangs pa'i yongs su shes pa kho na gtong ba yin no/ /'dod chags dang bral ba sdon du 'gro ba lam la rjes su shes pa la gnas ni lnga gtong ste/ zhes bya ba ni spangs pa bsdoms
 pa las te/ de la ni khams las 'dod chags dang bral ba sngar byas zin pa dang lam la rjes su shes pa'i tshe 'bras bu thob pa yod pa yin no/ /de'i phyir skad cig ma bco lngar thob pa'i yongs su shes pa lnga ma lnga po kho na gtong gi drug pa ni khams las 'dod chags
 bral ba dang 'bras bu thob phyir zhes bya bas/ der bsdoms pa'i phyir mi gtong ngo/ /drug gtong ngo zhes bya ba ni khams gsum gyi mthong bas spangs par bya ba'i nyon mongs pa spangs pa'i rang bzhin rnams so/ /'dod pa las 'dod chags dang bral bar byed pa shes bya ba
 ni 'dod pa las 'dod chags dang bral ba rjes su thob pas zhes bya ba'i don te/ des na de'i tshe yongs su shes pa bsdoms pa'i phyir tha ma'i cha dang mthun pa spangs pa'i yongs su shes pa thob cing/ sngar gyi drug gtong ba yin no/ /gang la la zhig gis sngon med
 pa zhes bya ba ni 'phags pa mthong ba'i lam la gnas pa 'am/ bsgom pa'i lam la gnas pa zhig gis yongs su shes pa dgu las sngar thob pa gang yin pa'o/ /gang zhig gzugs med pa'i khams las 'dod chags dang bral ba 'ba' zhig las yongs
 su nyams pa'o/ /zhes bya ba la/ des ni gzugs kyi 'dod chags zad pa'i yongs su shes pa dang/ tha ma'i cha dang mthun pa spangs pa'i yongs su shes pa thob po/ /'ba' zhig ces bya ba smos pa ni gzugs kyi khams las 'dod chags dang bral bar las
 yongs su nyams pa bsal bar bya ba'i phyir te/ gzugs kyi khams las yongs su nyams pa las ni tha ma'i cha dang mthun pa spangs pa'i yongs su shes pa kho na 'thob bo/ /gang zhig phyir mi 'ong pa'i 'bras bu las yongs su nyams pa'o/ /zhes bya ba ni
 des ni khams gsum gyi mthong bas spang bar bya ba'i nyon mongs pa spangs pa'i rang bzhin gyis yongs su shes pa drug 'thob po/ /lan cig phyir 'ongs pa la ni gang zhig gtong ba dang/ 'thob par 'gyur ba de las gzhan pa'i yongs su shes pa yod pa ma yin no/ /'bras bu
 thob pa ni de la yod kyi 'dod chags dang bral ba ma yin te/ de'i phyir rgyun tu zhugs pa'i 'bras bu la sdoms pa med do/ /lnga thob pa ni 'ga' yang med pa nyid do/ /zhes bya ba ni gnas skabs de na gnas pa'i phyir mi 'ongs pa 'dod chags dang bral ba sngon du 'gro ba la ni
 yongs su nyams par med de/ de'i 'dod chags dang bral ba la ni lam gnyis kyis thob pa'i phyir ro/ /gal te 'dod chags dang bral ba sngon du 'gro ba yang yongs su nyams par 'gyur na ni des gcig car yongs su shes pa lnga 'thob par 'gyur ba zhig go/ //
 slob dpon gang ba spel bas mdzad pa chos mngon pa mdzod kyi 'brel bshad mtshan nyid kyi rjes su 'brang ba zhes bya ba las phra rgyas bstan pa zhes bya ba mdzod kyi gnas lnga pa'i 'grel bshad do// //mdzod kyi gnas drug pa'i 'grel bya ba'i phyir ji skad du spangs pa ni
 yongs su shes pa'i ming 'thob bo/ /zhes bshad pa zhes bya ba smos so/ /ji ltar zhe na/ yongs su shes pa'i 'bras bu ni yongs su shes pa'o/ /zhes 'bras bu la rgyu btags pa'i phyir ro/ /bshad pa zhes smos pa ni dbang du bya ba'i phyir te/ de nyid kyi phyir/ bden pa
 mthong ba dang bsgoms pa las/ nyon mongs pa spangs pa zhes bya ba smos so/ /bden pa rnams mthong ba ni brten pa mthong ba'o/ /bden pa mthong ba dang bsgom pa ni/ bden pa mthong dang bsgoms pa las so/ /mthong bas spang bar bya ba dang/ bsgoms pas spang par
 bya ba yin no zhes bya ba 'byung ngo/ /ji ltar bshad ce na/ de dag bcu dang bdun bdun brgyad/ /lta ba gsum gnyis ma gtogs la/ /'dod pa na sdug bsngal la sogs pa mthong bas rims bzhin spong bar byed ces bya ba dang/ bzhi ni bsgom pas spang bya yin zhes
 bya bar ro/ /da ni mthong bas dang bsgom pa'i lam de dag ci zag pa med pa 'am/ zag pa dang bcas pa zhig ce na/ bsgom pa'i lam ni rnam gnyis te/ zhes bya ba la sogs pa la smos so/ /mthong ba zhes bya zag pa med/ ces bya ba de la rgyu smras pa ni khams
 gsum pa'i gnyen po yin pa'i phyir dang/ zhes bya ba ste/ mthong ba'i lam 'jig rten ba nyid yin na ni srid pa'i rtse mo'i gnyen por mi 'gyur ro/ /gzhan yang mthong bas spang bar bya ba rnam pa dgu zhes bya ba rgyas par 'byung ste/ bsgom pa'i lam ni bzlog pa yin no/ /
 'jig rten pa la ni de 'dra ba'i mthu med do/ /zhes bya ba ni rnam ba dgu cig car du spong ba'i ma thu med pa'o/ /'o na ni bsgom pa'i lam 'jig rten las 'das pas kyang de'i spang bar bya ba rnam pa dgu cig car du spong bar thal bar 'gyur ro/ /zhe na/ 'jig rten las 'das
 pa kho nas cig car spong ngo/ /zhes nges par gzung gi/ 'jig rten las 'das pa cig car du spong ba kho na yin no zhes bya bar ni ma yin pas thal bar ni mi 'gyur ro/ /rang gi ngo bo ni sngar ji skad bshad pa de kho na bzhin no zhes bya ba la/ sngar ji ltar bshad ce na/
 sdug bsngal gyi bden pa ni lam ma gtogs pa'i 'dus byas 'bras bur gyur pa'i 'du byed rnams so/ /'gog pa'i bden pa ni so sor brtags pas 'gog pa'o/ /lam gyi bden pa ni slob pa dang mi slob pa'i chos rnams so/ /zhes bya bar ro/ /de lta ma yin
 zhes bya ba ni gal te bden pa rnams ji ltar mngon bar rtogs pa bzhin brtan par bzhed pa ma yin ba zhig tu gyur na ni de lta yin dang sngar rgyu ston par 'gyur zhing phyis 'bras bu ston par 'gyur te/ 'bras bu'i sngon du rgyu 'gro ba'i phyir sdug bsngal gyi bden pa'i snga
 rol du kun 'byung gi bden pa bstan pa dang/ 'gog pa'i snga rol du lam gyi bden pa bstan par rig par 'gyur ro/ /mngon bar rtogs pa dang mthun par bstan te/ zhes bya ba rgyas par smos te/ dran pa nye bar bzhag pa dang bsam gtan la sogs pa
 rnams ni ci rigs par ji ltar rigs pa bzhin du dmigs pa dang/ rgyu ba phra ba dang/ rags pa'i dbye ba dang/ snga ma dang phyi ma rgyu dang 'bras bur gyur pa'i sgo nas skyes pa dang mthun par bstan to/ /rnam par thar pa dang/ zil gyis gnon pa'i skye mched dang/ zang
 par gyi skye mched la sogs pa rnams la bsgre ba ste/ de rnams dang mthun par bstan to/ /kha cig ni rab tu rtags pa dang mthun par bstan te/ zhes bya bar ni rtogs pa dang mthun par bstan ces bya ba'i don te/ rtogs pa dang rab tu rtogs pa dang nges par rtog pa
 ni rnam grangs so/ /dper na yang dag par spong ba rnams zhes bya ba ni/ dkar po dang nag po'i phyogs dag la so sor skyes pa dang/ ma skyes pa'i bye brag gi sgo nas bstan pa lta bu ste/ skyes pa rtogs par bla'i ma skyes pa ni ma yin te/ de'i stobs kyis rtogs pa'i
 phyir ro/ /gzhan dag na re rab tu brtags pa dang mthun pa ni rnam par bzhag pa dang mthun pa ste/ bshad pa dang mthun zhes bya ba'i don to/ /chos skyes pa rnams ni ches shes par bla'i/ ma skyes pa rnams ni ma yin pas de rnams ni de dang mthun par bstan te/ zhes
 zer ro/ /gang sngar ni skyes pa rnams spangs par bya ba'i phyir 'dun pa skyed la zhes rgyas par 'byung ste/ gang dang po ni mi dge ba'i chos skyes pa rnams spangs par bya ba'i phyir 'bad par bya'i/ ma skyes pa rnams ni ma yin no zhes bya ba'i nges pa 'di med do/ /bden pa
 rnams ni mngon par rtogs pa dang mthun par bstan pa yin no zhes bya ba 'byung ngo/ /de'i phyir de ltar na dgongs pa de dang nges bstan de dang de dag 'byung bas sngar rgyu bstan la phyis nas 'bras bu bstan no zhes bya ba'i des pa 'di med/ gang la chags pa zhes bya
 ba ni nye bar len pa'i phung po lnga'i mtshan nyid can gyi sdug bsngal la'o/ /gang gis gnod pa byed ces bya ba ni de nyid kyis gnod par byed pa'o/ /gang las thar pa don du gnyer bya zhes bya ba ni/ de kho na las thar pa don du gnyer ba'o/ /de nyid la dang po rnam par
 dpyod pa'i gnas skabs na zhes bya ba la/ rnam par dpyod pa'i gnas skabs gang yin zhe na/ gnas bdun la mkhas pa dang/ phung po dang khams dang skye mched kyi sgo nas don rnam pa gsum pa la nye bar yongs su rtogs pa nas nye bar bzung nas dro bar
 gyur pa dang/ rtse mo dang/ bzod pa dang/ 'jig rten pa'i chos kyi mchog gi bar 'di ni rnam par dpyod pa'i gnas skabs so/ /bden pa gnyis kyi dpe 'di ni mdo las kyang bstan to zhes bya ba la/ gang zhig yin zhe na/ thal ma thag tu nad mthong nas zhes bya ba rgyas par
 'byung ba gang yin pa'o/ /ji skad du zhe na/ yan lag bzhi dang ldan pa'i sman pa zug rdu 'byin pa ni rgyal po'i 'os yin zhing rgyal po'i spu la bab pa yin la/ rgyal po'i yan lag nyid kyi grangs su yang 'gro'o/ /bzhi po gang dag ce na/ nad la mkhas pa yin nang kyi gzhi
 la mkhas pa yin nad spangs pa la mkhas pa yin/ nang spangs nas phyis mi skye ba la mkhas pa yin no/ /de bzhin du yan lag bzhi dang ldan pa'i de bzhin gshegs pa dgra bcom pa yang dag bar rdzogs pa'i sangs rgyas kyang sman ba zug rdu 'byin pa bla na med pa
 zhes bya'o/ /bzhi po gang dag ce na/ dge slong dag 'di na de bzhin gshegs pa dgra bcom pa yang dag bar rdzogs pa'i sangs rgyas ni 'di ni sdug bsngal 'phags pa'i bden pa'o/ zhes bya ba yang dag pa ji lta ba bzhin rab tu mkhyen to/ /'di ni sdug bsngal kun
 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gro ba'i lam 'phags pa'i bden pa'o zhes yang dag pa ji lta bu bzhin du rab tu mkhyen to zhes 'byung ba yin no/ /sngar 'phags pa'i phyir zhes bya ba ni sngar gyi 'phen pas zhes bya ba'i
 don no/ /dkyus sa bstan pa'i rta thags thogs med par brgyud pa bzhin no zhes bya ba ni ji ltar dkyus sa bstan par 'gyur pa med par brgyug pa de bzhin du rnam par dpyod pa'i gnas skabs na bden pa rnams ji ltar mthong ba de kho na ltar rnam par rtog pa
 gzhan po dag gi gags med par mngon par rtogs so/ /mngon par rtogs pa zhes bya ba 'di ni mngon par yang dag par rtogs pa'o/ /yang ci'i phyir zag pa med pa kho na yin gyi zhes bya ba la ji ltar 'di zig pa med pa nyid du nam bcas she na/ mthong ba zhes bya ba zag pa med
 zhes bya ba ste/ de nyid kyi phyir de ni mya ngan las 'das pa la mngon du phyogs par yang dag par rtogs pa ste/ zhes bya ba smos so/ /mngon par zhes bya ba 'dis ni mya ngan las 'das pa la mngon du phyogs par ston pa/ yang dag par zhes bya ba 'dis ni de kho na nyid kyi don ston
 cing rtogs pa zhes bya ba 'dis ni khong du chud bar ston te/ de nyid kyi phyir de ni mya ngan las 'das pa mngon du phyogs pa yang dag par rtogs pa ste/ zhes bya ba smos so/ /'di skad du mngon par rtogs pa ni mya ngan las 'das pa la mngon du phyogs shing de kho na nyid rtogs
 pa'o/ /zhes bstan par 'gyur te/ mthong ba'i lam ni mya ngan las 'das pa thob pa la mi 'khrul pa'i phyir mya ngan las 'das pa la/ mngon du phyogs pa'o/ /de skad du yang/ rdzogs pa'i byang chub la nges bar 'bab pa yin no zhes gsungs so/ /de la nye bar len pa'i
 phung po 'bras bur gyur ba rnams ni zhes bya ba ni/ sdug bsngal kun 'byung 'jig rten dang/ /zhes rnam par ma phye ba rnam par dbye bar bya ba'i don to rtsom pa'o/ /'di las kun 'byung ba'i phyir ro zhes bya ba ni skyes zhes bya ba'i don to/ /ming gi sgo nas bye brag yod kyi
 rdzas su ni ma yin no zhes bya ba ni dngos po gcig la gnas skabs tha dad pa'i sgo nas bden pa gnyis rnam par gzhag pas dngos po tha dad pa med kyang/ gnyis nyid du bstan pa 'gal ba med de/ shes pa dang mthong ba'i mngon par rtogs par rnam par bzhag
 pa so so nyid du bstan pa bzhin no/ /'gog pa dang lam ni rdzas su yang bye brag yod do zhes bya ba la/ yang gi sgras ni 'gog pa dang lam zhes ming gi sgo nas kyang bye brag yod do zhes bya'o/ /'di dag ni phyin ci ma log pa'i phyir thams cad la bden na zhes bya ba ni gang
 gi phyir gang sdug bsngal ba? yin pa de ni 'phags pa rnams la yin la gzhan dag la ni phyin ci log par sdug bsngal ba ste/ lam gyi bar yang de dang 'dra'o/ /'phags pa rnams kyis ni 'di dag ji lta ba de kho na bzhin du gzigs kyis zhes bya ba ni mi rtag da nyid dang
 sdug bsngal ba nyid cas bya ba de lta bu la sogs pa'i rnam pa de dang de dag tu ste/ de'i phyir de dag ni 'phags pa rnams kho na'i bden pa zhes bya'i 'phags pa ma yin pa rnams kyi ni ma yin no/ /ci'i phyir zhe na/ phyin ci log tu mthong ba'i phyir te/ de dag gis ni sdug bsngal
 bden par mthong la/ kun 'byung sgyu ma yin pa dang/ 'gog pa ma zhi ba dang/ kham lam ma yin par mthong ngo/ /ji ltar zhe na/ 'phags pas bde bar gang gsungs pa/ zhes bya ba la sogs pa smos te/ blangs par bya ba dang dor bar bya ba dag gi phyin ci log tu mthong
 ba'i phyir ro/ /sdug bsngal dang kun 'byung gi bden pa gnyis ni 'phags pa rnams kyis bden pa yin gyi/ de dag 'phags pa ni ma yin te/ zag pa dang bcas pa'i phyir ro/ /'gog pa dang lam gyi bden pa gnyis ni dge ba'i 'phags pa dang/ zag pa med pa'i
 'phags pa nyid kyi sgo nas 'phags pa yin te/ de'i phyir 'phags pa'i bden pa zhes bya'o/ /gal te tshor pa'i phyogs gcig sdug bsngal gyi rang bzhin yin pa zhes bya ba ni/ tshor ba'i phung po'i phyogs gcig sdug bsngal dang yid mi bde ba'i mtshan nyid yin na/
 yang ci'i phyir gzugs la sogs pa rnams de'i rang bzhin ma yin nang nye bar len ba'i phung po lnga sdug bsngal zhes brjod du bsams pa'o/ /sdug bsngal nyid ni gsum ste/ zhes bya ba rgyas par 'byung ba ni/ sdug bsngal kho na sdug bsngal nyid yin pa ni sdug
 bsngal gyi sdug bsngal nyid de/ rang gi ngo bo kho nas sdug bsngal zhes bya ba'i tha tshig go/ 'gyur bas sdug bsngal ba nyid ni 'gyur ba'i sdug bsngal nyid de/ rang gi ngo bos ma yin zhes bya ba'i don to/ /'du byed kyi sdug bsngal ba nyid ni 'du byed kyi sdug bsngal
 nyid de/ skye bas zhes bya ba'i tha tshig go/ de la yid du 'ong ba rnams ni 'gyur ba'i sdug bsngal gyis zhes bya ba ni/ de dang bral bas 'dod chags dang bral bas ma yin pa rnams nges par mya ngan la sogs pa skye bar 'gyur ba'i sdug bsngal nyid kyi sdug bsngal ba nyid do/ /yid
 du mi 'ong ba rnams ni sdug bsngal gyi sdug bsngal gyis zhes bya ba ni de rnams ni sdug bsngal gyis rang bzhin dang sdug bsngal dang mthun pa nyid kyis sdug bsngal ba nyid do/ /mngon sum du gyur pas lus dang sems dag las gnod pa 'byung ba'i phyir ro/ /de dag las
 gzhan pa rnams ni zhes bya ba ni yid du 'ong ba dang/ yid du mi 'ong ba dag las gzhan pa yid du 'ong ba yang ma yin/ yid du 'ong ba ma yin pa yang ma yin pa gang dag yin pa ste/ de dag ni rgyu dang rkyen gyis mngon par 'du byas pa nyid kyis sdug bsngal lo/ /tshor
 ba rnams kho na par pa dang gnod pa dang de gnyi ga dang bral ba'i bdag nyid yin pa'i phyir yid du 'ong ba la sogs pa nyid du grub na/ gzugs la sogs pa rnams ji ltar yin zhes 'dri ba ni/ yid du 'ong ba ni gang dag yin zhes bya ba rgyas par 'byung ba'o/ /de'i dbang gi
 zhes bya ba ni bde ba la sogs pa'i tshor ba'i dbang gis bde ba myong bar 'gyur ba la sogs pa'i 'du byed gzugs la sogs pa rnams kyis kyang yid du 'ong ba la sogs pa'i ming thob bo/ /ji ltar zhe na/ bde ba la sogs pa'i chogs yin pa'i phyir ro/ /de nyid la
 khungs su mdo las zhes bya ba rgyas par smros so/ /bde ba'i tshor ba ni skye ba ni yang bde/ gnas pa na yang bde zhes bya ba 'di ni de'i rang bzhin na/ /'gyur na sdug bsngal lo zhes bya ba ni 'dod chags dang bral ba ma yin pa rnams ni myong par 'gyur ba'i bde ba la mngon
 par 'dod pa'i phyir de 'gyur na mya dan la sogs pa skyes pas de 'gyur na sdug bsngal lo/ /zhes brjod do/ /sdug bsngal ni sdug bsngal gyi rang gi ngo bo kho nas sdug bsngal nyid yin gyi/ 'gyur bas ni ma yin no/ /de nyid la khungs su mdo las sdug bsngal gyi
 tshor ba ni zhes bya rgyas par smos so/ /skye ba na yang sdug bsngal zhes bya ba ni gang gi phyir 'di de'i rang bzhin yin pa'i phyir ro/ /'gyur ba na ni bde ste/ gang gi phyir de gyur pas bde ba yang ma yin sdug bsngal yang ma yin pa yang bde ba skyes
 pa ltar snang ngo/ /'dir 'gyur ba'i sdug bsngal ni bde ba rgyun chad pa yin la rgyun chad pa yang 'dod pa'i khams na dus nyung zad pa yin la/ gzugs dang gzugs med pa'i khams dag na ni phul du byung bar yod cing nyes pa zad pa rnams la ni gtan du ba'o/ /
 'du byed kho nas sdug bsngal ba nyid de zhes bya ba ni skye ba kho na sdug bsngal ba nyid do/ /de myong bar 'gyur ba'i 'du byed rnams kyang tshor ba dang 'dra bar brjod par bya'o zhes bya ba la/ bde bar myong bar 'gyur ba'i 'du byed rnams ni sdug bsngal gyi rang bzhin
 gyis tshor ba ltar 'gyur ba'i sdug bsngal gyi sdug bsngal ba nyid de/ gzhan dag la yang de dang 'dra bar brjod par byed do/ thun mong ma yin pa'i phyir zhes bya ba la sogs pa la/ sdug bsngal ni rang gi ngo bo kho nas mi mthun pa yin gyi/ 'gyur bas ma yin la
 bde ba yang 'gyur bas mi mthun pa yin gyi/ rang gi ngo bos ni ma yin te/ de'i phyir 'gyur ba dang sdug bsngal gyi sdug bsngal dag ni bde ba dang sdug bsngal rnams kyi thun mongs ma yin pa yin no/ /'du byed thams cad ni 'du byed kyi sdug bsngal nyid kyis zhes bya
 ba ni yid du 'ong ba la sogs pa 'du byed thams cad ni 'dus byas yin pa nyid kyis mi mthun pa yin pas 'du byed kyi sdug bsngal nyid kyis sdug bsngal ba yin no zhes bya'o/ /de lta na 'o na 'du byed kyi sdug bsngal nyid kyis 'du byed la khyab pa'i phyir thams
 cad srid pa thams cad dang mi mthun par 'gyur ro zhe na/ de'i phyir de dag kyang 'phags pa rnams kho nas gzigs so/ /zhes bya ba smos te/ 'du byed kyi sdug bsngal de dag go/ byis pa sdug bsngal gyi sdug bsngal nyid kyis rtsub par byes pa rnams kyis ni
 de dag mi rtogs te/ de'i phyir thams cad srid ba thams cad dang mi mthun pa nyid du thal bar mi 'gyur ro/ /sdug bsngal thams cad zad par 'dren pa'i phyir zhes bya ba la/ 'jig rten pa'i lam gyis kyang sdug bsngal zad par 'drin mod kyi/ sdug bsngal thams cad zad par 'dren
 pa ma yin te/ des srid pa'i rtse mo lwa 'dod chags dang bral ba mi srid pa'i phyir ro/ /gal te lam sdug bsngal ma yin na/ 'o na ji ltar de dag gis 'dus byas thams cad 'gag pa la zhi bar mthod zhe na/ de'i phyir gang gi tshe de dag mya ngan las 'das pa la zhi bar lta ba
 de'i tshe yang zhes bya ba smos te/ sdug bsngal du mthong ba 'gags pa la zhi ba'i blo rung gi gzhan la ni ma yin no zhes bya ba'o/ /sdug bsngal du mthong ba gang yin pa ni/ zag pa dang bcas pa'i dang dngos po ste/ de kho na 'gag pa la zhi bar lta'i lam ni ma yin no/ /zhes khong du chud
 par bya'o/ /mon sran snge'u la sogs pa yod bzhin du mon sran gre'u'i phung po zhes ston pa bzhin te zhes bya ba ni 'jig rten na mon sran gre 'u'i phung po na ning na mon sran snge'u dang/ sran chung dang/ sran ma la sogs pa yod bzhin du yang nyung ba'i phyir/ mon sran sde'u la sogs
 pa la mon sran gre'u'i phung po zhes tha snyad 'dogs pa snang ba de dang 'dra'o/ /chus btab pa'i bde ba chung dus zhes bya ba ni chus btab pa'i bde ba nyung zad kyis so/ /yang smras pa zhes bya ba ni slob dpon dpal len nyid do/ /sdug bsngal gyi ni rgyu phyir dang zhes bya ba ni gang
 gris phyir sdug bsngal myong bar 'gyur ba'i las dang mtshungs par ldan pa'i phyir sdug bsngal gyi rgyu'o/ /sdug bsngal mang po skyed phyir dang/ zhes bya ba ni yul chol pa'i ngal ba'i sdug bsngal dag gis so/ /sdug bsngal yod na de 'dod phyir/ zhes bya ba ni bgres pa dang
 bsgom pa la sogs pa yod na de zas dang skom la sogs pa'i bde ba ni 'phags pa rnams kyis sdug bsngal du rtogs so/ /'phags pa rnams kyis sdug bsngal du gzigs te/ zhes bya ba la/ ci'i phyir zhe na/ 'du byed kyi sdug bsngal du ro gcig pas zhes
 'byung ste/ 'du byed kyi sdug bsngal du rnam pa gcig pas zhes bya ba'i tha tshig go/ mi rtag pa'i mtshan nyid kyis zhes bya ba ni mi rtag pa'i rnam pas mi mthun pa'i phyir te/ zhes bya ba'i tha tshig go /dper na gzugs dang 'du shes la sogs pa la
 yang zhes bya ba ni dper na gzugs dang 'du shes dang rnam par shes pa la sogs pa rnams kyang mi rtag pa nyid kyang mi mthun pa'i phyir sdug bsngal du lta ba de bzhin du bde ba'i tshor ba yang yin no/ /de dag ji ltar sdug bsngal gyi tshor ba bzhin du sdug bsngal ba ni
 ma yin te/ 'o na ci zhe na/ mi rtag pa nyid kyis mi mthun pa'i phyir sdug bsngal du lta ba yin na/ /gang zhig ces bya ba ni slob dpon gyi slob dpon gnas brtan gzhon nu len la smras pa'o/ /de'i de ni kun 'byung gi rnam pa yin gyi/ sdug bsngal gyi rnam pa ni ma
 yin te/ de ni kun 'byung gi bden pa kho na yin gyi/ sdug bsngal gyi bden pa ni ma yin no/ /gzugs dang gzugs med par skyes pa dag gis 'phags pa rnams la yang zhes bya ba rgyas par 'byung ste/ gal te sdug bsngal gyi rgyu yin pa'i phyir sdug
 bsngal gyi 'du shes 'jug na mtshan nyid 'di la khyab pa yin no/ /de nyid kyi phyir de dag gi zhes bya ba smos te/ phyir mi 'ong ba gzugs dang gzugs med par skyes pa dag gis phung po rnams ni sdug bsngal gyi rgyu ma yin te/ de nyid du yongs su mya ngan las
 'das pa'i phung po rnams dmyal ba la sogs pa'i rgyu ma yin no/ /de'i phyir de dag sdug bsngal gyi ble mi 'jug bzhig na de ni 'dod pa yang ma yin te/ 'phags pa rnams kyis khams gsum pa'i phung po rnams kyang sdug bsngal du gzigs so/ /mdo las
 'du byed kyi sdug bsngal nyid kyang zhes bya ba rgyas par 'byung ste/ gal te sdug bsngal gyi rgyu yin pa'i phyir bde ba yang sdug bsngal du lha'i?/ mi rtag pa nyid kyi phyir ma yin na/ de lta na ni 'o na 'du byed kyi sdug bsngal nyid bstan pa don med do/ /sdug bsngal gyi rgyu
 yin par smra ba de nyid kyis/ gal te mi rtag pa'i phyir zhes bya ba rgyas par smras te/ gal te mi rtag pa'i phyir sdug bsngal lta bu'i/ sdug bsngal gyi rgyu yin pa'i phyir ma yin na/ 'o na mi rtag pa dang sdug bsngal gyi rnam pa dag la khyad par ci yod de yod pa ma yin pa nyid do snyam du
 bsams pa'o/ /'di la slob dpon gyis skye zhing 'jig pa'i chos can yin pa'i phyir mi rtag par lta la zhes bya ba smos te/ rtag pa yod pa ma yin pa'i phyir ro/ /mi mthun pa yin pa'i phyir sdug bsngal du zhes bya ba 'di mi 'dod pa yin pa'i phyir zhes bya ba'i tha tshog go/ ji ltar
 mi mthun ba'i yin pa'i phyir sdug bsngal yin pa de ltar brtan pa'i phyir/ mi rtag par mthong na mi mthun bar gyur pas mi rtag pa'i rnam pas sdug bsngal gyi rnam pa 'dren par byed do/ /zhes bya ba smos te/ mi rag pa nyid kyis mi mthun pa yin pa'i phyir de skad du bshad kyi/
 mi rtag pa dang sdug bsngal gyi rnam bdag la khyad par med pa'i phyir ni ma yin no/ /lam gyi bden pa la mi rtag pa'i rnam pas sdug bsngal gyi rnam pa ji ltar mi 'dren ce na/ 'di ltar sdug bsngal gyi bden pa kho na mi rtag pa'i rnam pas sun 'byin par byed kyi lam gyi bden
 pa ni ma yin na/ /sun 'byin par mi byed pa ga las zhe na yon tan du mthong ba'i phyir ro/ /kha cig na re zhes bya ba ni/ btsun pa dpal len la sogs pa dag go /bcom ldan 'das kyis zhes bya ba rgyas par 'byung ngo/ /gang ci tshor ba yang rung zhes bya ba ni/ tshor ba ma
 lus ba gzung bas tshor ba thams cad sdug bsngal yin no/ /zhes bya bar rtogs so/ /gal te yang bde ba'i tshor ba don dam pa nyid yod na ni bcom ldan 'das sdug bsngal du lta bar bya'o zhes ji ltar log pa'i shes pa la sbyor bar mdzad/ de ni sdug bsngal kho na
 yin bzhin du byis pa rnams kyi bde bar gzung bas yang dag pa'i shes pa la sbyar bar bya ba'i phyir sdug bsngal du lta bar bya'o zhes gsungs so/ /gal te yang bde ba 'tshor ba rang bzhin kho nas yod na ni blta na kho na la bde ba'o snyam pa yang dag pa'i shes ba ma yin gyi
 sdug bsngal ba la bde'o snyam du 'du byed phyin ci log ni ma yin no/ /re shig mdo las bde ba'i tshor ba med pa ni de lta'o/ /de dag ha cang dpyad pa zhes bya ba ni dus de'i tshe kho nas ha cang sbyang na sdug bsngal dag tu 'gyur ro/ /dus ma yin
 par sbyang ba rnams bya ba ni ma zhu ba na'o/ /btung ba dang bza' ba la sogs pa dus dang dran par spyad pa bde ba'i rgyu yin pa rnams ha cang spyad pa dang dus ma yin par spyad na yang sdug bsngal gyi rgyu dag tu 'gyur ro/ /bde ba'i rgyu 'phel bar dus de nyid kyi tshe
 sdug bsngal bskyed par rigs pa yang ma yin te/ sdug bsngal gyi rgyu 'phel bar bde ba bskyed par ma mthong ngo/ /bde ba'i rgyu nyams pas kyang dus de'i tshe sdug bsngal bsnyed? par rigs pa ma yin te/ brdegs pa dang bcas pa ni nam yang
 bde ba'i rgyur 'gyur ro dang po kho na nas zhes bya ba la/ bza' ba la sogs pa de dag ni dang po spyad pa kho na nas sdug bsngal gyi rgyu yin gyi/ bde ba'i ma yin no zhes bya bar shes so/ /gal te de dag dang po kho na nas sdug bsngal gyi rgyu yin na/ ci'i phyir
 tha ma bzhin du dang por yang sdug bsngal mi 'dzin ce na/ de'i phyir mjug tu ni sdug bsngal nga 'phel par 'gyur bas gsal bar 'gyur bar zad de/ zhes bya ba smos so/ /spyod lam gyi bye brag la yang de bzhin du brjod par bya'o/ /zhes bya ba ni/ ha cang brten pa dang dus ma yin par bstan pa rnams kyang sdug bsngal gyi rgyun dag tu 'gyur ro/ /zhes mal stan? la sogs pa la yang 'di nyid brjod par bya'o/ /sdug bsngal gyi gnyen po dang zhes bya ba ni gang gi tshe bskres pa dang/ skom pa las skyes pa'i
 sdug bsngal gyis gces par gyur pa de'i tshe bza' ba dang/ btung ba la sogs pa sdug bsngal gyi gnyen po dag la 'di'i bde ba'i blos 'gyur gyi gzhan du ni ma yin te/ de'i sdug bsngal log pa 'di kho na la bde ba'i blor 'gyur gyis bde ba ni med do/
 zhes bya bar nges so/ /byis pa rnams ni sdug bsngal gyi bye brag la bde ba'i glo skyed par byed de/ de nyid kyi phyir/ dper na phrag pa nas zhes bya ba smos te/ dper na du ba ba zhig phrag ba nas phrag par zhur spos pas ral sos par 'gyur ba de bzhin du 'di dag thams cad
 sdug bsngal yin te/ 'jig rten la sdug bsngal gyis gnod par 'gyur ro/ /de'i phyir byis pa rnams sdug bsngal dag log pa la bde ba'i blo 'gyur gyi/ bde ba zhes bya ba don dam par yod pa ma yin no/ /chos mngon pa rnams na re yod pa nyid do zhes zer ro/ /
 'di nyid rigs pa yin no zhes bya ba ni/ slob dpon chos mngon pa'i lugs la rjes su yi rang ba'o/ /tshig tsam gyis gus par mi 'gyur bas 'dri ba ni ji ltar byas pas zhes bya ba'o/ /sdug bsngal dang bde ba bskyed pa'i rgyu tha dad pa'i phyir te/ 'byung ba la snyoms
 ba las ni sdug bsngal skye la/ de snyoms pa las ni bde ba skye bas sdug bsngal las bde ba gzhan yin te/ 'dod chags dang zhe sdang la sogs pa bzhin no/ /'dod chags dang zhe sdang gnyis bzhin du rang gi ngo bo tha dad pa dang/ nus pa tha dad pa las kyang dngos po
 rnams tha dad par mthong la sdug bsngal dad bde ba'i rang gi ngo bo dang nus pa yang tha dad pa yin te/ de ltar na bde blag tu rtogs par 'gyur bas de'i phyir/ re shig bde ba la skur pa 'debs pa de la 'di 'dri bar bya ste zhes bya ba rgyas par smos so/ /gal te gnod pa'i
 bdag nyid gang yin pa'o zhes bya ba ni gzir ba'i bdag nyid do/ /gal te gnod par byed pa yin no zhes bya ba ni lus dang sems la gnod par byed pa gang yin pa de gnod pa'i bdag nyid yin pa'o/ /phan par byed pa bde pa yin no zhes bya bar grub ste/ gang
 zhig lus dang sems dag la phan 'dogs par 'jug pa de sdug bsngal las nus pa tha dad pa'i phyir bde ba yin no zhes bya bar grub bo/ /gal te ma 'dod pa yin no zhes bya ba ni/ de'i rang gi ngo bo yid du mi 'ong pa yin pa'i phyir ro/ /'dod pa bde ba yin no zhes
 bya bar grub ste de ni yid du 'ong ba'i rang gi ngo bo can yin pa'i phyir 'dod pa yin pas sdug bsngal dang bdag nyid tha dad pa yin pa dang/ ji ltar sdug bsngal kho na yin par 'gyur/ mi gnas pa'i phyir 'di mtshan nyid ma yin no zhes bstan pa'i
 phyir/ gal te 'dod pa de nyid ces rgyas par smras so/ /mi 'dod pa ni gzhan du yin pa'i phyir ro/ /phan par byed pa la ni 'khrul pa med de 'phags pa rnams la yang de phan par byed pa'i phyir ro/ /rnam pa gzhan gyis zhes bya ba ni rang gi ngo bo ma yin mdo?
 ji ltar byas nas she na 'di la bag med pa'i gnas dang zhes bya ba ni 'dod chags rgyas pa'i phyir ro/ /mngon par 'du bya ba chen pos bsgrub par bya ba ni/ 'bad pa chen pos bsgrubs bya ba'o/ /rnam par 'gyur ba can zhes bya ba ni rgyun gzhan du
 'gyur ba'i phyir te/ zhan pa nyid kyi de ma thag tu sdug bsngal 'byung ba'i phyir ro/ /mi rtag par zhes bya ba ni skad cig mar 'jig pa dang ldan pa dang/ rgyun 'chad pa'i phyir ro/ /rang gi bdag nyid kyis mi 'dod pa yin pa'i phyir na sdug bsngal ltar de la
 su yang 'dod chags skye bar mi 'gyur te/ de'i phyir de las 'dod chags dang bral ba'i ched du rnam pa gzhan gyis kyang skyon can du lta bar mi 'gyur te/ sdug bsngal bzhin no/ /de ni bcom ldan 'das kho nas zhes bya ba rgyas par 'byung ste/ sdug bsngal gnyis nyid bstan pa'i phyir sdug bsngal gyi sdug bsngal la dgongs nas 'di gsungs pa yin no/ /'du byed mi rtag pa nyid ni snga ma yod na yod pa ma yin pa rnams rgyu dang rkyen la rag las te skye ba nyid dang/ skad cig re re la 'jig pa nyid do/ /
 'du byed rnam par 'gyur pa nyid ces bya ba ni mi 'dra bar yongs? su 'gyur ba ni rnam par 'gyur ba yin zhing zhan du 'gyur ba zhes bya ba'i tha tshig ste/ de ni de ma thag tu tshor ba gzhan skye ba 'am/ zhan pa'o/ /gal te thams cad rang bzhin gyis sdug bsngal
 ba zhig yin par gyur na ni zhas bya ba rgyas par 'byung ngo/ /des kyang 'di skad du bcom ldan 'das kyis ci la dgongs nas tshor ba gsum zhes bka' stsal ces zhus par 'gyur la/ bcom ldan 'das 'di skad du/ kun dga' bo tshor ba gang ci yang rung de ni 'dir sdug bsngal lo zhes bya ba
 ni nges 'du byed mi rtag pa nyid dang rnam par 'gyur ba nyid la dgongs nas gsungs so/ /zhes lung ston par mi 'gyur ba zhig go /de'i phyir gang ci tshor yang rung de ni 'dir sdug bsngal lo/ /zhes bya ba'i gsung ni dgongs pa can yin no/ /de'i phyir dgongs nas gsungs shing
 dgongs pa yang 'du byed dang rnam par 'gyur ba'i yin no zhes sngar bshad do/ /rnam par 'gyur ba dang mi rtag pa'i chos can yin pa'i phyir zhes bya ba ni rnam par 'gyur ba'i chos can yin pa'i ?? dang/ pa'i ches can yin pa'i phyir te/ rnam par 'gyur
 ba yin la/ gzhan du 'gyur ba ni de ma thag tu sdug bsngal lam bde ba yang ma yin/ sdug bsngal yang ma yin pa'i tshor ba 'byung ba'o/ /de'i ro myang bar byed pa'i phyir zhes bya bar ni bde ba'i tshor ba'i ro mya bar byed pa'i phyir ro/ /de la 'dod chags dang bral
 pa'i phyir zhes bya ba ni bde ba'i tshor ba la 'dod chags dang bral ba'i phyir ro/ /de rang gi ngo bos bde zhes bya ba 'di ji ltar khong du chung ce na zhes bya ba rgyas par 'gyur ro/ /'di ltar zhes bya ba rgyas par 'byung ste/ gal te tshor ba bde ba yang rang gi ngo bsam
 yin na ni/ des na sdug bsngal gyi sdug bsngal kho nas sdug bsngal du ston par 'gyur gyi 'du byed pas rnam par 'gyur ba'i sdug bsngal dag gi ston par mi 'gyur ro/ /'dod pa'i yon tan rnams zhes bya ba ni gzugs la sogs pa'i yul rnams so/ /skye
 ba la zhes bya ba na bde 'gror ram/ sa srungs kyi bu la sogs pa ngan 'gror skye ba la'o/ /skye ba la yang de dang 'dra'o/ /zhes bya ba la ci zhe na/ sdug bsngal ni mang ba yin na/ gcig tu bde bar blta ba ni phyin ci log pa yin te zhes skabs dang sbyar ro/ /yon
 tan ci zhig yod par 'gyur zhes bya ba ni bde ba ni dang sdug bsngal dang/ bde ba yang ma yin sdug bsngal yang ma yin pa'i tshor ba gsungs pas yon tan ci zhig thob ces bya ba'o/ /gal te 'jig rten dang mthun par gsungs pa yin no zhe na
 ste/ 'jig rten dang mthun par tshor ba gsungs so snyam pa'i blo 'dir 'gyur na'o/ /de ni ma yin te/ tshor ba thams cad sdug bsngal ba nyid ni dgongs nas gsungs so zhes bka' stsal pa'i phyir ro/ /ji ltar zhe na/ kun dga' bo gang ci tshor ba yang rung de ni 'dir sdug
 bsngal lo zhes bya ba ni sa 'du byed mi rtag pa nyid dang/ 'du byed rnam par 'gyur ba nyid las dgongs nas gsungs so zhes bya ba'o/ /de'i phyir 'jig rten dang mthun par tshor ba gsum zhes gsungs pa ma yin te/ 'o na ci zhe na/ rang gi mtshan nyid kho nas tshor
 ba gsum yod do/ /gzhan yang yang dag pa ji lta ba bzhin zhes gsungs pa'i yang phyir tshor ba gsum don dam pa kho nar yod kyi/ 'jig rten dang mthun par ma yin no/ /yang ji ltar yang dag pa ji lta ba gsum zhe na/ bde ba'i dbang po gang yin pa dang
 zhes bya ba rgyas par 'byung ste/ 'dir dper brjod pa ni de ltar yang dag pa'i shes rab kyis yang dag pa ji lta ba bzhin mthong zhing zhes bya ba 'di yin no/ /yang dag pa ji lta ba bzhin ni sgro ma btags pa dang bskur pa ma btab pa la brjod na/ gal te sdug
 bsngal gyi tshor ba tsam kho na zhig yin na ni sdug bsngal bde bar mthad dag pa ji lta ba yin par ji ltar rigs/ 'jig rten yang ji ltar na sdug bsngal gyi tshor ba la rnam pa gsum du rtogs par 'gyur zhes bya ba ni/ gal te tshor ba rnam pa gsum ma yin na snyam
 du bsams pa'o/ /gal te chung du dang chen po dang/ 'brid po dag la zhes bya ba rgyas par 'byung ste/ sdug bsngal chung du la ni bde ba'i bla'o/ /chen po la ni sdug bsngal yang ma yin pa'i blo'o/ /bde ba la yang rnam pa gsum yod pas zhes bya ba la ji ltar
 tshor ba sdug bsngal rnam pa gsum dmigs pa de bzhin du bde ba yang sdug bsngal gyi blor 'gyur ro/ /ji ltar zhe na/ sdug bsngal chung ngu la sogs pa la bde ba chen po la sogs pa'i blo skye bar 'gyur ro/ /sdug bsngal chung du bde ba chen po'i blor 'gyur la/ 'bring la bde 'brid
 gi blor 'gyu zhing/ chen po la bde ba chung ngu'i blor 'gyur ro/ /de ltar na de'i chen po nyid dang chung du nyid kyang nyams par 'gyur te/ de'i phyir ma 'dres kyang chung ngu la sogs pa'i dbye bas so sor rigs rnam pa gsum gsum yod do/ /bde ba yang ma yin sdug bsngal yang
 ma yin pa'i mjug thogs su bde bso sor myong ba'i phyir sdug bsngal ma mthong bas gang go cha dri dang re dang reg bya'i khyad par las skyes pa'i zhes bya ba la sogs pa smos te/ tshor ba 'bring ni bde ba yang ma yin sdug bsngal yang ma yin pa la gang gi tshe de'i mjug
 thogs su dri la sogs pa'i khyad par las skyes pa'i bde ba skye ba de'i tshe ni chung ba yin pa'i phyir gang la bde ba'i blor 'gyur ba sdug bsngal yod pa ma yin no/ /ma skyes pa dang 'gag pa na zhes bya ba ni gal te sdug bsngal chung ngu la bde ba'i blor 'gyur na ni ma skyes
 pa'i tshe dang/ 'gag pa'i tshe bde ba'i blo shin tu ches skye bar 'gyur ro/ /ci'i phyir zhe na/ sdug bsngal ma lus pa dang bral ba'i phyir te/ sngar dang zhig nas med pa'i gnas skabs dag tu'o/ /bde ba yang ma yin sdug bsngal yang ma yin pa'i gnas skabs su sdug bsngal chung ngu ma
 skyes pa dang/ 'gag pa bde ba'i blo shin tu ches skye ba 'di ni mthong ba yang ma yin no/ /'dod pa'i bde ba mngon sum du gyur pa la yang de bzhin du brjod par bya'o/ /zhes bya ba la/ ji ltar zhe na/ 'dod chags kyi sdug bsngal chung du la 'dod pa'i bde ba'i blor 'gyur ro/ /zhes bya
 bar ro/ /'dod chags kyi sdug bsngal chung ngu de ma skyes pa dang/ 'gags pa na yang bde ba'i blo shin tu ches skye bar 'gyur na de ni mthong ba yang ma yin no/ /tshor ba chung du la ni zhes bya ba ni sdug bsngal chung du la zhes bya ba'i tha tshig go/ 'bring la ni mi gsal bar zhes bya ba bde ba
 yang ma yin sdug bsngal yang ma yin pa'i mtshan nyid can no/ /bsam gtan gsum na bde ba yod do/ /zhes 'byung ba'i phyir zhes bya ba ni dang po dang/ gnyis pa dang/ gsum pa dag ste/ gal te sdug bsngal chung du la bde ba'i blor 'gyur na snyam du
 bsams pa'o/ /gong na bde ba yang ma yin sdug bsngal yang ma yin pa yod do zhes 'byung bas zhes bya ba ni bsam gtan bzhi pa dang gzugs med pa dag na btang snyoms yod do zhes 'byung bas sdug bsngal 'bring du yang 'gyur na/ su zhig sdug bsngal 'bring shes
 nas de thob par bya ba'i phyir 'og ma'i bsam gtan las 'dod chags dang bral ba la 'bad pa byed par 'gyur/ ming chen gal te zhes bya ba la gang gi phyir gzugs de bde ba yod/ bde ba dang rjes su 'brel pa yang yod/ yid bde ba dang
 rjes su 'brel pa yang yod pa de'i phyir gzugs kyang 'di lta ste/ kun tu 'dod chags pa'i rgyur 'gyur ro/ /zhes bya ba'i bar du 'byung ba yin no/ /gal te bde ba'i rgyu rnam par mi gnas pa'i phyir bde ba med na/ de lta na ni sdug bsngal gyi rgyu rnams kyang rnam par mi
 gnas pas sdug bsngal yang med par 'gyur ro/ /ji ltar bde pa'i rgyu rnam par mi gnas pa de bzhin du sdug bsngal gyi rgyu yang yin te/ sdug bsngal gyi rgyu rnam par mi gnas pa'i phyir ro/ /yul 'ba' zhig ni ma yin no zhes bya ba ni yul tsam las bde ba skye bar ni khas
 mi len gyi/ 'o na ci zhe na/ lus 'gyur ba'i khyad par ltos pa'i yul bde ba'i rgyu 'am sdug bsngal gyi rgyu yin gyi yul 'ba' zhig ni ma yin no/ /'di ltar dro ba'i reg pa rten gyi 'byung ba'i gnas skabs gang dang phrad nas bde ba'i rgyu
 yin pa ni de nyid dang phrad nas yang rgyu ma yin te/ gzhan la yang de bzhin du brjod par bya'o/ /bsam gtan dag na yang zhes bya ba ni shin tu sbyangs pa dang bcas pa'i sems ni de na de'i rgyur rnam par gnas na de na dus yun ring por snyoms par zhugs pa rnams la spyir
 sdug bsngal gyi blar 'gyur ba ni ma yin no/ /bsam gtan las kyi sa pa'i bde pa la yang gang gi gnyen po yin zhes bya ba ni bsam gtan dag na sdug bsngal med pa'i phyir ro/ /sags pa zhes bya'i sgra ni 'di skad du/ gal te sdug bsngal gyi gnyen po la byang gla'i? 'gyur
 na/ ming chen gal te gzugs gcig tu sdug bsngal bzhig yin par 'gyur na ? zhes bya ba de lta bu la sogs pa ma gsung bar 'gyur ro zhes bya bar yang brjod par bya'o/ /lus kyi gnas skabs de lta de zhes bya ba ni bde ba skye ba dang mthun pa'o/ /de lta ma yin na phyi ma
 bde ba'i blo je mang du zhes bya ba ni/ phrag khur spos nas yun ring du lon pa la zhes bya ba'i don gang ba ste/ gal te tshor ba 'di khur spos pa tsam las skyes pa yin pa spos nas yun ring du lon pa'i phyir bde ba'i blo mang du skye bar 'gyur ro/ /ngal ba'i spong lam gyi rnams
 dag la yang de bzhin du rig par bya'o/ /zhes bya ba ni der gnas skabs gzhan las skyes pa'i bde ba kho na skye'o zhes rgyas par brjod par bya'o/ /mngar ba mjug tu sgyur por 'gyur ba bzhin no zhes bya ba ni dper na chang ngang 'o ma dang bur shing gi khu ba rnams mngar pa'i gnas
 skabs las yongs su 'gyur ba'i khyad par la sngar yod pa ma yin pa'i ngor? 'gyur ba de bzhin du bde ba'i tshor ba'i gnas skabs las lus kyi yongs su 'gyur ba'i khyad par las sngar yod pa ma yin pa'i sdug bsngal skye'o/ /kun 'byung gi bden pa gang yin no zhes bya
 bal/ de nyid ces bya ba ni sdug bsngal gyi bden pa yin gyi/ kun 'byung gi bden pa ni ma yin no/ /rgyur gyur pa rnams ni kun 'byung gi bden pa yin te/ zhes bya ba 'byung ba dang/ nye bar len pa'i phung po lnga ni sdug bsngal kun 'byung 'jig rten dang zhes gsungs pa dang/
 de nyid kyi phyir 'di nyid ni rgyu dang 'bras bur gyur pas ming gi sgo nas bye brag yong kyi/ rdzas su ni ma yin no zhes gsungs pa yin te/ 'di ni mdo las thal ba yin no/ /ci'i phyir zhe na/ mdo las sdug bsngal gyi bden pa gang zhe na/ nye bar len pa'i phung po lnga'o/ /kun 'byung gi bden
 pa gang zhe na/ gang 'di dga' ba'i 'dod chags dang lhan cig pa'i sred pa ste/ de dang de la mngon par dga' ba can yin no zhes gzhan du bshad pa'i phyir ro/ /gtso bo yin pa'i phyir zhes bya ba smos te/ ji ltar shes ce na/ gzhan las gzhan yang
 yin par gsungs pa'i phyir te/ mdo gzhan las las la sogs pa gzhan yang gsungs pa'i phyir te/ las dang sred pa dang ni zhes bya ba rgyas par 'byung ngo/ /phyi ma'i tshe la zhes bya ba ni 'jig rten pha rol tu'o/ /yang sa bon gyi zhes bya ba rgyas par 'byung ba ni 'di
 ltar dge slong dag sa bon gyi rnam pa lnga ma grugs ma smas ma rul la/ rlung dang nyi mas nyams shing drung po len par gnas la/ sa'i khams dang chu'i khams kyang yod na/ de lta na sa bon de dag 'phel zhing rgyas pa dang mched par 'gyur ro/ /dge slong dag de ltar na don 'di
 khong du chung par bya ba'i phyir dpe 'di bstan pa yin te/ 'dir don 'di yin par blta bar bya'o/ /dge slong dag sa bon gyi rim pa lnga zhes bya ba 'di ni nye bar len pa dang bcas pa'i rnam par shes pa'i tshig blang dags yin no/ /sa'i khams zhes bya ba 'di ni rnam par
 shes pa gnas pa bzhi'i tshig bla dags yin no zhes gsungs pa yin no/ /sa bon ni rgyu yin no/ /rgyu gang yin pa de kun 'byung ba yin no/ /de ltar na de'i tshe rnam par shes pa kun 'byung ba nyid du bstan la/ rnam par shes pa gnas pa dag kyang rten gyi rgyur bstan pas
 gzugs dang tshor ba dang 'du shes dang/ 'du byed dag kyang 'byung ba nyid du gsungs so/ /tshigs su bcad pa las las la sogs pa rnams kyang rgyur gsungs pas kun 'byung ba nyid du grub bo/ /de'i phyir mdo las bstan pa ni dgengs pa can yin te
 sred pa kun 'byung ba yin ne zhes bya ba ni gdul ba'i khyad par la bltos pa'i phyir sred pa lhag pa'i gang zag gi dbang du mdzad nas bstan pa yin no/ /chos mngon pa las zag pa dang bcas pa'i dngos po thams cad kun 'byung ba yin no zhes bstan pa ni
 mtshan nyid pa yin no/ /da ni bye brag tu smra ba'i mdo las bstan bcos pa can nyid yin par bstan pa'i phyir gzhan yang mngon par grub pa'i rgyu zhes bya ba rgyas par smres so/ /mngon par 'grub ba'i rgyu ni bdag nyid ded? pa tsam gyi rgyu ste/ 'di skur? skyed pa ni bdag nyid rnyed pa
 thams cad la khyad par med par rkyen yin no/ /skye ba dang mngon par 'grub pa'i rgyu rgyu dang bcas par zhes bya ba la 'gro ba la sogs pa bye brag gis bdag nyid rnyed pa ni skye ba yin la/ der skye ba'i rgyu ni las yin mo/ /mngon par 'grub? yir? bya ni sred pa'o/ /yang tshigs
 su bcad pa las skye ba'i rgyu las yin pa dang/ mngon par 'grub pa'i rgyu sred pa yin par bshang do zhes bya bya bar 'di ji ltar shes zhe na/ de'i phyir med las las ni skye ba'i rgyu yin la sred pa mngon par 'grub pa'i/ brgyu yin no zhes 'byung ba'i phyir ro zhes bya ba smos so/ /
 yang na mdo las rgyu dang bcas rkyen dang bcas gzhi dang bcas zhes 'byung ba'i ram par bstan pa yin no zhes bya ba ni yang na tshigs su bcad pa las rgyu'i rgyud pa'i rim pa 'di las dang sred pa dang mi rig pa phyi ma 'tshe la 'du byed mig la sogs pa rnams kyi rgyu yin no zhes
 bstan pa yin no/ /de las rim pa ji ltar 'byung zhe na/ dge slong dag mig ni rgyu dang bcas rkyen dang bcas gzhi dang bcas pa yin no/ /dge slong dag mig gi rgyu ni gang yin/ rkyen ni gang yin bzhi ni gang yin zhe na/ dge slong dag mig gi rgyu ni las yin no/ /rkyen ni las
 yin no/ /gzhi ni las yin no zhes 'byung ste/ las kyi rgyu sred pa yin pa dang/ sred pa'i rgyu ma rig pa yin pa dang/ ma rig pa'i rgyu tshul bzhin ma yin ma yin la phyed pa yin pa yang de dang 'dra'o/ /sa bon dang zhing gi dngos par zhas bya ba la sogs pa la sreng pa 'ba' zhig tu
 ma zad kyi rnam par shes pa la segs pa dag kyang kun 'byung du gsungs so/ /de'i phyir mdo las bstan pa dgongs pa can yin par bbbsgrubs pa yin no/ /skye gnas la sogs pa'i rnam pa'i bye brag gis zhes bya ba la sogs pa zhes bya ba'i sgras ni rigs dang/ skyes pa
 dang bud med la sogs pa'i rnam pa bsdu ste/ 'dir ni las dang sred pa srid par nyid mtshams sbyor ba la bye brag dang thun mong gi rkye na nyid yin par bstan to/ /dper na sa bon ni zhes bya ba rgyas par 'byung ste/ sA lu'i sa bon na sa lu'i myu gu skye ba'i rgyu yin
 la/ nas kyi sa bon ni nas kyi myu gu skye ba'i rgyu yin no zhes bya ba la sogs pa lta bu'o/ /chu ni bye brag med par sA lu'i myu gu skye ba'i rgyu yin pa ji lta ba bzhin du nas kyi myu gu la seD?? pa'i yang yin no/ /zhes bya ba la sogs pa'o/ /de'i phyir de dag ni myu gu thams cad skye
 ba tsam gyi rgyu yin no/ /sred pa dang bral ba skye ba med pa'i phyir te zhes bya ba ni srad pa dang bral ba skye ba med pa'i phyir te/ de yod na yod la med na med pas sred pa sred ba skye ba mngon par 'grub pa'i rgyu yin no/ /zhes bya bar rtogs so/ /de nyid rab tu dbye bar bya ba'i phyir
 gnyi ga 'chi ba las zhes bya ba rgyas par 'byung ngo/ /gzugs la sogs pa'i yul gang la sred pa dang lhan cig yin pas sred pa dang bcas pa der sems kyi rgyun yang dang yang du gzhol zhing 'jug par mthong ngo/ /yang srid pa la yang de dang 'dra'o zhes bya bar
 shes so/ /zhes bya ba ni mchi ba na yang srid pa'i phung po dag la sred pa dang bcas pas sred pa'i stobs kyis yang srid par yang de'i sems kyi rgyud 'jug go /zhes bya bar nges so/ /de ltar na gang gis kyang lus kun tu gzung ste/ zhes bya ba 'dis ni lus sred pa'i
 dbang du gyur pa nyid du ston to/ /rgyu gzhan ni zhes pa 'dis ni lus la sred pa rtag tu rjes su 'brel par ston pa'o/ /'dag pa'i chal sran chung gi phye ba'i 'dag gu skams pas lus gzung ba bzhin zhes bya ba la sron chung gi phye na/ las byas pa'i 'dag pa'i chal sran
 chung gi phye ma'i 'dag gu'i/ /des bskus pa ni 'dag pa'i 'chal sran chung gi phye ma'i 'dig gus bskus pa'o/ /de gang du bskams pa ni 'dag pa'i 'chal sran chung gi phye ma'i 'dag gus pa skus pa bskams pa'i lus so/ /'dag pa'i chal sran chung gi
 phye ma'i 'dag gus bskus pa bskams pa'i lus lta bu ni 'dag pa'i chal sran chung gi phye ma'i 'dag gus bskus pa bskams pa'i lus bzhin te/ ji ltar 'dag pa'i 'chal sran chung gi phye ma'i 'dag gus bskus pa bskams pa lus gzung ba de bzhin du sred pas lus
 gzung ngo zhes bstan par 'gyur ro/ /bden pa'i zhar la 'di brjod par bya'o/ /gsal bcom dang zhes bya ba 'di la dpe gnyis nye bar bkod pa yin te/ 'jig pa gnyis nye bar bstan pa'i phyir ro/ /'jams pas 'jag pa ni bum pa la sogs pa dag go /blos
 'jig pa ni chu la sogs pa dag ste/ bcom pas ro la sogs pa bsal bar mi 'thad pa'i phyir ro/ /rnam pa gcig tu na kun rdzob ni rnam pa gnyis te dbyibs kyi kun rdzob bum pa la sogs pa dang/ tshogs pa'i kun rdzob chu la sogs pa ste/ de'i phyir gnyis smos
 so/ /yang na bum chu bzhin du kun rdzob du/ /zhes dpe gnyis bkod pa ni kun rdzob gnyis bstan pa'i phyir te/ bum pa la sogs pa yod pa rnams ni gyo ma la sogs pa dag la brten nas yod pas kun rdzob gzhan la brten pa'i kun rdzob yin la/ chu la sogs pa
 rnams ni gzugs la sogs pa la brten nas yod pas rdzas gzhan la brtan pa'i kun rdzob yin no/ /tshor ba la sogs pa la yang de bzhin du blta bar bya'o/ /zhes bya ba ni tshor ba dang 'du shes dang sems pa la sogs pa dag kyang tshogs pa kun rdzob tu yod pa yin
 la tshor ba la sogs pa re re ni rdzas su yod pa kho nar blta'o/ /ji ltar zhe na/ tshor ba la sogs pa ni blos bsal nas kyang tshor ba'i rang bzhin gyi blor 'gyur bas tshor ba rdzas su yod pa yin no/ /sems pa la sogs pa dag la yang de bzhin du sbyar bar
 bya'o/ /de ltar ni don dam pa'i bden pa yin no zhes bya ba la dam pa zhes bya ba ni 'jig rten las 'das pa'i ye shes te/ de'i don du yul ni don dam pa'o/ /ji ltar 'jig rten pa gzhan gyis 'dzin pa de ltar ni kun rdzob bden pa yin no/ /kun rdzob dang tha
 snyad du bden pa ni kun rdzob kyi bden pa'o/ /tshul gnas thos dang bsam ldan pa/ /bsgom pa la ni rab tu sbyor zhes bya ba la/ tshul ni tshul khrims te/ de ni mi g.yeng ba'i rgyu dang/ rten gyi rgyu yin no/ /thos pa ni mi rmongs pa'i rgyu'o/ /bsam
 pa ni gtan la phebs pa'i rgyu'o/ /bsgom pa ni bral ba'i rgyu'o/ /bcom ldan 'das kyis kyang/ dge slong brtun cing rtag 'rgus pa/ /tshul khrims yang dag blangs byas nas/ /sems dang shas rab sgom byed pas/ sdug bsngal zad pa 'thob par 'gyur zhes
 gsungs so/ /de skad du yang tshul khrims la brten cing tshul khrims la gnas te chos gnyis bsgom par bya'o/ /zhes gsungs te/ des na thog ma kho nar tshul khrims dag la shin tu gus par byed pa bya dgos so/ /'dir ni so sor thar pa'i tshul khrims kyi sdom pa mngon
 par 'dod kyi bsam gtan dang zag pa med pa'i bdag nyid ni ma yin no/ /de'i 'og tu bden pa mthong ba dang/ mthun pa'i thos pa 'dzin pa zhes bya ba la/ thos pa dang ldan pa'i bsgom pa rdzogs par 'gyur te/ thos nas chos rnams shes 'gyur cing/ thos nas sdig
 pa phrog par 'gyur/ /thos nas dus min gtong ba ste/ /thos nas mya ngan 'das pa thog /cis tshigs su bcad de 'byung ba'i phyir re/ thams cad thos pa dang ldan zhes te/ bsgom pa la sbyor ba ma yin gyi/ 'o na ci zhe na/ 'phags pa'i bden pa dang mthun pa'i chos
 mang du thos nga dab yin pa'o/ /de skad du yang btsun pa dge slong mang du thos pa zhes bgyi na/ ji ltar na dge slong mang du thos pa lags/ ji tsam gyis na de bzhin gshegs pas dge slong mang du thos par 'dogs shing 'dogs par mdzad dge slong dge slong
 gi gzugs la skyo ba dang 'dod chags dang bral ba dang 'gog par bya ba'i phyir chos thos par gyur cing dge slong dge slong gis tshor ba dang 'du shes dang 'du byed dang /rnam par shes pa la skyo ba dang 'dod chags dang bral ba dang/ 'gog par bya ba'i phyir chog
 thos par gyur na/ dge slong med du thos pa zhes brjed par nus so/ /dge slong de nam gyis dge slong mang du thos par 'gyur/ de tsam gyis de bzhin gshegs pas dge slong mang du thos par 'degs shing/ 'dogs par mdzad do zhes 'byung ba'i phyir ro/ /slob dpon gyis kyang de'i
 'og tu bden pa mthong ba dang mthun pa'i thos pa 'dzin pa'am/ don nyan par byed do zhes bya ba smos te/ gal te gzhung 'dzin par mi nus na snyam du dgongs pa'o/ /bsam pa las byung ba ji ltar gnyi ga la dmigs pa yin pa bstan pa'i phyir res 'ga' ni yi ge don 'dren
 par byed 'o zhes bya ba smos te/ 'dir yi ge ni ming la mngon par 'dod do/ /de bzhin du res 'ga' ni don gyis yi ge 'dron par byed do/ /zhes bya ba ni ming zhes bya ba'i don to/ /de ni yi ge la mi ltos par zhes bya ba ni ming la ltos par zhes bya ba'i don gang ba'o/ /yi ge
 dang ltan cig spyod pas ming la yi ge btags pa'am 'dis don gsal bar byed pas na ming la yi ge zhes bya'o/ /slob dpon gyis 'di la ni zhes bya ba rgyas par smos te/ bsam pa las byung ba'i shes rab 'grub par mi 'gyur gyi/ 'o na ci zhe na/ thos pa rang
 bsgom pa las byung ba'o/ /yid ches pa'i lung zhes bya ba ni nyes pa zad pa'i tshig ste/ gsung rab yan lag bcu gnyis so/ /de las skyes pa'i shes rab gang yin pa de ni thos pa las byung ba'o/ /rigs pas des par brtags pa ni nges par brtags pa
 ste/ de las skyes pa ni bsam pa las byung ba'i shes rab go /bsgom pa las byung ba ni ting nge 'dzin las skyes pa yin no/ /bsreng gnyis zhes bya ba ni gang la bsring ba'i dben pa mi ldan pa gnyis yod pa de ni bsrings pa gnyis dang ldan pa ste/ bsrid pa gnyis dang
 ldan pa de'o/ /ci zhe na/ de'i phyir gal te 'du 'dzi dang mi dge ba'i rnam par rtog pa thag bsrings pa'i phyir zhes bya ba smos te/ zla med par gnas pa nyid kyis lus srings pa yin la dran pa legs par gnas pas gnas pa nyid kyis mi dge ba'i rnam par
 rtag pa thag bsrings pa'i phyir sems kyis bsrings pa'o mi dge ba'i rnam par rteg pa ni 'dod pa dang gnod sems dang rnam par 'tshe ba'i rnam par rtog pa ste/ de dag la mngon du mi phyogs pa ni thag bsrings pa'o/ /gya nom pa ma yin pa dang mang po
 ma yin pa rnyed pas yid mi bde ba ste/ des yi mug cad nyams par byas shes byas pa'i tha tshig ste/ gya nom pa ma yin pa'i phyir ram mang po ma yin pa'i phyir rnyed pa des yid mi bde ba ni chos mi shes pa yin pa gya nom pa dang mang po ma rnyed pa 'dod cing mngon par
 'dod pa ni 'dod chen can yin no zhes bya ba ni slob dpon gyi lugs so/ /'di nyid khams gsum gtogs dri ma'i kha ces bya ba ni ma chags pa'i dge ba'i rtsa ba'i rang bzhin yin pa'i phyir ro/ /chog mi shes pa dang 'dod chen can ni 'dod pa na spyod pa dag kho na yin no//
 zhes bya ba ni chags pa ni mi dge ba'i rtsa ba'i rang bzhin yin pa'i phyir ro/ /'phags pa'i rigs nye bar 'god pa'i 'brel pa gang yin zhe na/ 'di ltar sbyangs pa'i yon tan la gnas pa'i bsgom pa rdzogs par 'gyur la/ sbyangs pa'i yon tan rnams kyang 'phags
 pa'i rigs kyis bsdus pas so/ /gzhan yang 'dod chen chung ba dang/ chog shes pa ni sbyangs pa'i yon tan la gnas pa kho na la yod kyi/ gzhan la ma yin pas de gnyis kyi rab tu dbye ba 'phags pa'i rigs dag gis sgo nas bstan to/ /spong ba dang bsgom pa la
 dga' ba nyid yin no zhes bya ba la spong ba dang bsgom pa ni bsgom pa'o/ /de la dga' ba ni spong ba dang bsgom pa la dga' ba'o/ /'di la dga' bas na dga' ba ste/ de'i dngos po ni spong ba dang bsgom pa la dga' ba nyid do/ /spong ba dang sgom pa zhes bya ba ni
 bral ba dang lam mo zhes bya ba'i don to/ /yang na speng ba'i chad du bsgom pa ni spong ba'i bsgom pa yin la/ spong ba'i bsgom pa la dga' ba ni spong ba'i bsgom pa la dga' ba ste/ nyon mongs pa'i 'gog pa mngon sum du bya ba'i thabs la goms pa lhur lan
 ces bya ba'i tha tshig go /srid pa dang 'dod pa'i 'dod chags la rgyab kyis phyogs pa'i phyir ro zhes bya ba ni srid pa la rgyab kyis phyogs pa'i phyir dang/ 'dod pa'i 'dod chags la rgyab kyis phyogs pa'i phyir ro/ /rang gi tshul dang las kyi mdza' yongs su spangs shing zhes bya
 ba ni rang gi tshul yongs su spangs pa dang rang gi las kyi mdza' yongs su spang ba'o/ /de la gang gis 'tsho ba de ni tshul te/ zas dang sgom dang bgo ba la sogs pa'o/ /las kyi mdza' ni de'i ched kyi bzod la sogs pa'i bya ba'o/ /rnam pa gcig tu mtshul ni rgyal po la
 brten pa la sogs pa yin la/ las kyi mdza' ni rmo brko la sogs pa'o/ /de dag ji lar rang gi tshul dang las kyi mdza' yongs su spangs ba yin zhe na/ khyim pa'i phyogs kyis bsdus pa'i rang gi tshul dang/ las kyi mdza' dbang du byas pa yin par shes par bya'o/ /de
 ltar 'byung ba dang 'jig pa'i phyir zhes bya ba'i sgra ni rnam pa du ma brjod pa ste/ 'byung ba rnam pa du ma de la/ kye ma bdag dbang por gyur kyang ci ma rung/ 'khor los bsgyur bar gyur kyang ci ma rung snyam pa de lta bu la sogs par sred pa'o/ /'jig pa'i sred pa ni rnam
 par 'jig pa la sred pa zhes bya ba'i tha tshig ste/ kye ma bdag shi phan chad kyang ci ma rung brlag kyang ci ma rung/ ma byung yang ci ma rung snyam pa la sogs pa'o/ /'jug pa yin zhes bya ba ni mthun par 'jug pa yin zhes bya ba'i tha tshig go /dran pa nyid dran pa yin no//
 zhes bya bas ni dngos po la brjod par bston to/ /dbugs rdub 'byung ba dran pa zhes brjod par bya ba las dbugs rngub 'byung ba dran pa yis zhes brjod pa ni de lta bu'i mtshan nyid kyang grags pa'i phyir te de nyid kyi phyir dran pa nyid dran pa yin no zhes bya ba smos so/ /
 sna tshogs la mi dmigs pa'i phyir zhes bya ba rlung la kha dog dang dbyibs med pa'i phyir yang na reg bya cam la dmigs pa'i phyir te/ rlung la kha dog la sogs pa dag med pa'i phyir ro/ /mi sdug pa bsgom pa ni rus pa ni keng rus la sogs pa la dam gis pa'i
 phyir kha dog dang dbyibs la dmigs pa'o/ /kha phyir ma bltas pa'i phyir te zhes bya ba ni rnam par rtog pa dpyod par byed pa yin gyi zhes bya bar skabs dang sbyar ro/ /mi sdug pa ni yid kyis pa yin yang mig gi rnam par shes pa bzhin du kha phyir stan
 pa yin te/ gang las zhe na/ de'i yul la nye bar rtog pa'i phyir zhes bya ba 'byung ste/ mig gi rnam par shes pa'i yul la nges par rtog pa'i phyir ro zhes bya ba'i don yin gyi/ de dang mtshungs par ldan pa'i phyir ni ma yin no/ /rnam par 'bus gzhig pa zhes bya ba
 la/ rnam par 'bus gzhig pa zhes bya ba ni 'bus klongs pa'o/ /'bus zhes bya ba ni 'bu srin la bya ste/ rnam pa sna tshogs pa'i 'bus gzhig pa zhes bya ba'i bar du bstan pa yin no/ /mos pa dang nyi tshe ba yid la byed pa yin pa'i phyir zhes pa ni mos pa yid
 la byed pa dang/ nyi tshe yid la byed pa'i phyir zhes bya ba'i don to/ /'di mos pa gtsor yid la byed pa yin gyi/ de kho na yid la byed pa ni ma yin te/ de kho na nyid yid la byed pas nyon mongs pa spong bar rigs so/ /yid la byed pa 'di ni nyi tsa ba yin zhing ma
 khyab pa yang yin te/ mi sdug pa ni phung po lnga la dmigs pa ma yin gyi 'o na ci zhe na/ gzugs kyi phung po'i phyogs gcig la dmigs pa yin no/ /mi rtag pa la sogs pa khyad par na nyon mongs pa spong ba yin no/ /mi sdug pas 'dod chags rnam par gnon
 pa ni yin no zhes bya ba 'di ga las shes na/ dge slong slob pa gzhon pa'i rabs/ /sems ma byung ba gang zhig ni/ /gal te 'dod chags 'joms 'dod na/ /de ni dur khrod 'gro bar 'gyur/ /de nas rnam par bsngos par blta/ /de nas rnam par rnag pa lta/ /de nas
 lpags pa rus pa yis/ /rus gong la sogs lta bar byed/ ces 'byung ba'i phyir ro/ /rang gi yan lag la sems gtong bar byang ces bya ba ni yul du byed ces bya ba ni yul du byed ces bya ba'i tha tshig go /rkang ba'i tha bo gcig pu la sems gtang nas
 rkang pa'i mtho bo myags shong sha dang bral bar lta ba nas de bzhin du lus thams cad rus pa'i rus gong du mos te rgya mtsho'i mdza' klas pa'i bar gyi sa gzhi rus pa'i keng rus kyi gang bar mos par byed do/ /yongs su sbyang ba byas pa ni de kho na ltar thod pa'i ched kyi bar du'o/ /yid e n
 ed pa rdzogs pa ni de kho na ltar smin ma'i bar du sems 'dzin par byed pa'i bar du yin no/ /de ltar byas na mu bzhi'i dra ba 'byung ngo/ /yid la byed pa sbyar ba byas pa dang/ sbyang ba ma byas pa dag dang zhes bya ba rgyas par 'byung ba ni yid la byed pa sbyang ba byas pa'i mi
 sdug pa rang gi lus la dmigs pa ni dmigs pa chung bas chung bas yin gyi/ dbang chung bas ni ma yin no/ /yid la byed pa sbyang ba ma byas pa'i rgya mtsho'i mthas klas pa'i bar la dmigs pa ni dbang chung bas chung ba yin gyi/ dmigs pa chung bas ni ma yin no//
 yid la byed pa sbyang ba ma byas pa'i rang gi lus la dmigs pa ni dmigs pa chung bas kyang chung ba yin no/ /yid la byed pa sbyang pa byas pa'i rgya mtsho'i mthas klas pa'i bar la dmigs pa yin dmigs pa chung bas chung ba yin gyi/ dmigs pa chung bas ni ma
 yin no/ /nyer pa sdogs dang bsam gtan khyad par can dang bcas pa zhes bya ba ni nyer bsdogs dang bsam gtan khyad par can dang lhan cig gnas pa ni nyer bsdogs dang bsam gtan khyad par can dang bcas pa dag ste/ bsam gtan bzhi'o/ /de ltar
 ni nyer bsdogs bzhi dang/ bsam gtan bzhi dang/ bsam gtan khyad par can dang/ 'dod pa'i khams te sa bcur 'gyur ro/ /gzugs med pa na spyod pa'i sems la yod pa ni ma yin te/ 'dod pa'i snang ba dmigs pa'i yin pa'i phyir te/ gzugs med
 pa dag ni 'dod pa'i khams la dmigs pa ma yin no zhes sngar bshad zin to/ /de lta yin dang de ni mnyam par bzhag pa dang/ mnyam par bzhag pa'i sa ba yin no zhes bya bar grub pa yin no/ /de nyid kyi phyir don la dmigs pa zhes bya ba la gang la zhe na/
 'dod pa na spyod pa'i snang ba la dmigs pa'i phyir ro/ /mi rnams kyi nang kho nar skyes kyi 'gro ba gzhan du yang ma yin na/ khams gzhan du lta smos kyang ci dgos te/ 'phags pa'i lam gyi rgyu yin pa'i phyir 'di so na nges pa la 'jug pa yod pa'i phyir
 ro/ /byang gi sgra mi snyan du na mi yin no zhes bya ba ni mi rnams kyi nang kho nar bskyed kyi zhes spyir btang ba 'di'i dmigs kyi gsal ba'o/ /byang gi sgra mi snyan du ma yin pa ni/ de na 'dod chag dang bral ba ba med pa'i phyir dang de yang 'dod chags dang bral ba'i thabs
 yin pa'i phyir ro/ /thog ma mi rnams kyi nang kho nar skyed la/ sngar skyed pa ni lha rnams kyi nang du mngon du byed pa yin no/ /dus gang yin pa'i de'i dus la dmigs so zhes bya ba ni mig gi rnam par shes pa bzhin du 'das pa'i dmigs pa na 'das pa yin pa nas der bzhin du
 da ltar byung ba'i dmigs pa da ltar byung ba'i bar du yin no/ /mi skye ba'i chos can gyi yul na dus gsum yin no/ /ma 'ongs pa ni gdon mi za bar 'gyur ba ma yin la/ nges par yod pa yang ma yin no/ /de ni gzugs kyi skye mched kyi dmigs pa la nges pa yin gyi rjes dang??
 dus kyi skad cig la nges pa ma yin no/ /mos pa yid la byed pa dang/ 'byung zag pa dang bcas pa yin no zhes bya ba ni/ zag pa med pa ni kho na yid la byed pa yin no/ /'dris pa dang ma 'dris pa yin pa'i phyir zhes bya ba la 'dris pa ni 'dod chags dang bral bas
 thob pa yin no/ /ma 'dris pa ni sbyor ba las byung ba yin no/ /so so'i skye ba'i rgyud la yod pa ni thog ma med pa can gyi 'khor ba na 'dris pa'i phyir 'dod chags dang bral bas thob pa'o/ /'phags pa'i rgyud la yong ba ni ma 'dris pa'i phyir sbyar ba las byung ba'o//
 dbugs rdubs 'byung zhes bya ba rgyas par 'byung ngo/ /de gnyis zhes bya ba ni dbugs rngubs pa dang/ dbugs 'byung ba gnyis so/ /de dag la dmigs pa'i dran pa ni dbugs rdub pa dang 'byung ba dran pa'o/ /dran pa nye bar gzhag pa bzhin te zhes bya ba la ji ltar shes
 rab kyi rang bzhin yin bzhin du dran pa la stobs bskyed par 'jug pa'i phyir lus la sogs pa dran pa nye bar gzhag pa dag tu brjod pa de bzhin du dbugs rdub pa dang 'byung ba dran pa shes rab kyi rang bzhin yin bzhin du dran pa'i stobs bskyong bas 'jug pa'i phyir dbugs
 rdub dang 'byung ba dran pa zhes bya'o/ /shes rab kyis ni chos rnams sdom par byed pa yin no/ /nyer bsdogs gsum zhes bya ba ni bsam gtan dang po dang gnyis pa dang gsum pa'i nyer bsdogs pa dag go /ci'i phyir dngos gzhi dag nam yin zhe na/ btang snyoms dang
 mtshungs par ldan pa'i phyir ro/ /'di ltar bsam gtan dang po'i nyer bsdogs la sogs pa dag na tshor ba btang snyoms yid la/ bsam gtan bzhi pa'i nyer bsngogs na dbugs rngub pa dang 'byung ba yod pa ma yin pa nyid do/ /yang ci'i phyir 'di ltar btang
 snyoms dang mtshungs par ldan pa nyid kho nar nges par gzung zhe na de'i phyir/ rnam par rtog pa dang mthun pa'i phyir zhes bya ba la sogs pa smos so/ /de'i gnyen po ni zhes bya ba ni rnam par rtog pa'i gnyen po dbugs rngub pa 'byung ba dran pa'i mtshan nyid do/ /de dag
 dang mtshungs par mi ldan no/ /zhes bya ba ni bde ba dang sdug bsngal dag dang ngo/ /bsam gtan gnyis pa'i yid bde ba dang/ bsam gtan gsum pa'i bde ba rtog pa med pa dang mtshungs par ldan par 'gyur ro zhe na de'i phyir bde ba dang yid bde ba dag kyang gtog pa la
 par chad byed pa'i phyir zhes bya ba smos te/ gzo ba'i dgra yin pa'i phyir zhes bya ba'i don dang/ dbugs rdub pa dang 'byung ba de yang gtong bas bsgrub par bya ba yin pa'i phyir te/ gzo bas bsgrub par bya ba yin pa'i phyir ro/ /zhes bya ba'i tha tshig go /dbugs rdub pa dang 'byung ba dran pa ni gzo bas bsgrub par bya ba
 yin la/ /dbugs rdub pa dang 'byung ba bsdom pa dang/ gtod pa dang/ gzo ba dang/ lhur len pa zhes bya ba ni rnam grangs so/ /de dag gi ltar na sa brgyad pa yin no zhes bya ba ni bsam gtan gsum gyi sa pa bzung ste/ yan chad ni dbugs rdub pa dang/ 'byun
 pa'i sa ma yin pa'i phyir ro/ /'dod pa'i khams kyi rten can yin te zhes bya ba ni de na rtog pa mang ba'i phyir ro/ /sbyor ba las byung ba ni sbyor bas thob pa yin la/ 'dod chags dang bral bas thob pa ni 'dod chags dang bral bas thob pa yin no/ /chos 'di pa rnams
 kho na'i yin gyi zhes bya ba ni sangs rgyas pa rnams kho na'i yin gyi zhes bya ba'i tha tshig ste/ de dag la chos 'di yod pa de dag ni chos 'di ba yin no/ /phyi pa'i ni ma yin te/ bdag tu 'dzin pa dang 'gal ba'i phyir dang/ zab pa'i phyir ro/ /bdag nyid kyis chos zab mo
 mngon par mi rtogs pa'i phyir zhes bya ba la/ zab pa nyid ni rgyu drug dang ldan pa'i phyir ro/ /lung med par ni bgrang ba tsam yang mi shes na/ rjes su 'gro ba la sogs pa dag lta smos kyang ci dgos/ lus dang sems rnal du bzhag ste/ zhes bya ba ni lus dang
 sems mngon par 'du mi byed pa ste/ lus glod pa dang sems glong pa yin no/ /sngar 'jug pa bgrang bar bya la/ phyis 'byung ba bgrang bar bya ste/ skye ba la sbar 'jug la/ 'chi ba la phyis 'byung ngo zhes de ltar skye ba dang/ 'chi ba rtogs pa las mi rtag
 pa las 'dris par bya bar 'gyur ro/ /rlung kyi dkyil 'khor dang zhes bya ba ni 'og tu rjes su 'gro ba'o/ /'thor byed kyi rlung gi bar zhes bya ba ni gyen du rjes su 'gro ba'o/ /de kho na yid la byed pa'i phyir mi rigs so/ /zhes bya ba ni rlung gi dkyil 'khor dang rnam
 par 'thor byed kyi rlung ga'i bar du'o zhes bya ba ste/ dbugs rdub pa dang 'byung ba ni de ltar ring bar mi rgyu ba'i phyir ro/ /ci phan 'dogs par byed pa zhig gam/ gnod par byed pa zhig gam/ grang dam gro ba dag gcig ces bya ba 'byung ngo/ /de dag la brten la
 sems dang sems las byung ba dag ces bya ba ni de la rags te 'jug pa'i phyir ro zhes bya ba'i tha tshig go /chos kyi mchog gi bar du zhes bya bas ni dran pa nye bar gzhag pa nas gzung ste/ zhes ston to/ /mthong ba'i lam la sogs pa la 'jug pa'o zhes bya ba
 la sogs pa zhes bya ba smos pa ni bsgom pa dang mi slob pa'i lam gzung bar bya ba'i phyir ro/ /rnam par dag pa ni zad par shes pa la sogs pa yin no zhes bya ba la 'dir yang sogs pa zhes bya ba smos pas mi skye ba shes pa dang/ mi slob pa'i yang dag pa'i lta
 ba gzung ste/ gos dri ma dang 'brel ba ltar dag pa med pas lhag ma dang bcas pa'i ni dag pa yin par mi 'os pa'i phyir ro/ /lus sa gang ba yin pa zhes bya ba ni 'dod pa na skyod pa nas bsam gtan gsum pa'i sa pa'i bar te/ dbugs rdub pa dang 'byung
 ba ni de dag gi sa pa kho na yin te/ gzhan gyis ba ni snyoms par zhugs pa'i dmigs pa ma yin no/ /lus kyi phyogs gcig yin pa'i phyir zhes bya ba ni rang gi lus kyi phyogs gcig yin pa'i phyir zhes bya bar bsam gtan pa ste/ 'di ltar dbugs rdub pa dang dbugs
 'byung ba dran pa ni rang gi lus kyi dbugs rdub pa dang/ dbugs 'byung ba la dmigs pa yin gyi/ gzhan gyi lus kyi dbugs rdub pa dang dbugs 'byung ba la dmigs pa ni ma yin no/ /lus dang sems khyad par can la brten nas zhes bya ba 'byung ngo/ /gzugs med pa
 na nur nur po la sogs par gyur ba rnams med pa'i phyir zhes bya ba la gzugs med pa rnams la ni re shig gzugs nyid yod pa ma yin pas lus la brten pa smos so/ /nur nur po la sogs par gyur pa rnams la lus yod mod kyi/ sbubs can ma yin pas lus
 khyad par can la brten pa smos so/ /sems med pa'i snyoms par 'jug pa'i sa la snyoms par zhugs pa rnams la/ sems nyid yod pa ma yin pas sems la brten pa smos so/ /bsam gtan pa ni pa la snyoms par zhugs pa rnams la nges sems yod mod kyi/
 dbugs rdub pa dang 'byung pa'i rten ma yin pas sems khyad par can brten smos te/ de nyid kyi phyir gal te lus kyang sbubs yod pa yod pa yin la/ dbugs rdub ba dang dbugs 'byung ba'i sa ba'i sems kyang mngon sum du gyur na/ de lta na 'jug go zhes bya ba smos so/ /
 skye ba zhes bya ba ni mngal nas byung ba'o/ /sems can zhes bya ba ni thob pa dang ma thob pa dang ldan pa'i phyir dang/ rgyud du sgro btags pa'i phyir ro/ /rgyu mthun las byung zhes bya ba ni skal pa nyams pa'i rgyus bskyed ces bya ba'i don to/ /lus rgyas par
 'grib par 'gyur pa'i phyir rgyas pa las 'byung ba ma yin la/ chad nas nyid mtshams sbyor ba'i phyir rnam par smin pa las skyes pa ma yin no/ /rnam par smin pa'i gzugs la ni de lta bu med do zhes bya ba ni bcad nas yang nyid mtshams sbyor ba'o/ /'og ma'i yid
 kyi de gnyis mi rtogs so/ /zhes bya ba la 'dod pa'i khams su skyes pa ni sems gzhis rtogs la/ bsam gtan dang po dang gnyis pa dang gsum pa'i sa pa rnams ni go rims bzhin du sems gsum dang gnyis dang gcig gis rtogs so/ sa 'og ma'i
 sprul pa'i sems ni bsam gtan dang por skyes pa la sogs pa mngon par 'du byed la spyod lam pa'i sems ni bsam gtan gnyis par skyes bas mngon du byed pas de'i phyir 'og ma'i spyod lam pa dang/ sprul pa'i sems kyis mi rtogs so zhes bya ba smos te/ de
 lta yin dang re shig sprul pa dang spyod lam pa'i sems 'og ma pas gong mar skyes bas mngon du byed pa gang yin pa des kyang mi rtogs na dge ba dang nyon mongs pa gzhan gyis lta smos kyang ci dgos/ 'jug pa'i sgo gnyis bshad zin to zhes bya ba mi de
 la 'jug pa mi sdug dang/ /dbugs rdub 'byung ba dran pa yis zhes bya ba'o/ /de gnyis kyi ting nge 'dzin thob nas zhes bya ba ni/ mi sdug pa dang/ dbugs rdub pa dang/ 'byung bas ting nge 'dzin thob nas so/ /zhi gnas grub par gyur pa yis zhes bya ba ni ting
 nge 'dzin grub pa'o/ /lhag mthong sgrub par bya ba'i phyir zhes bya ba ni shes rab bsgrub par bya ba'i phyir zhes bya ba'i tha tshig go /ting nge 'dzin skyes kyang shes rab med par nyon mongs pa spong ba ma yin te/ nyon mongs pa rnams ni ye shes kyi gzhom par bya ba yin
 no zhes 'byung ba'i phyir ro/ /dran pa nye bar bzhag pa bsgom pas lhag mthong 'grub par 'gyur ro/ /zhes bya ba 'di ga las zhe na/ mdo las te/ dge slong dag bgrod pa gcig pa'i lam ni 'di yin te/ 'di lta ste/ dran pa nye bar gzhag pa rnams so/ /dge ba'i phung po ma 'dres
 pa ni 'di yin te 'di lta ste/ dran pa nye bar gzhag pa bzhi'o/ zhes 'byung ba'i phyir ro/ /de dag gi rang gi mtshan nyid ni rang gi ngo bo'o/ /zhes bya ba la de dag gi rang gi mtshan nyid ni zhes bya ba ni lus la sogs pa de dag gi ste/ 'byung ba dang 'byung ba las gyur pa nyid dang/
 nyams su myong ba nyid la sogs pa'o/ /lus kyi sgra ni dbang po la sogs pa dag pa la yang 'jug pas de'i 'byung ba dang 'byung ba las gyur pa nyid do zhes bya ba smos so/ /gsum las gzhan pa dag ni chos so/ /zhes bya ba ni lus dang tshor ba dang sems rnams las
 gzhan pa'i 'du byed dang 'du shes la sogs pa 'dus byas dang 'dus ma byas kyi chos thams cad ni chos dran pa nye bar gzhag pa'o/ /rdul phra rabs dang zhes bya ba la/ thams cad la dar mthong ba yod pa ma yin pas grag go zhes bya ba'i sgra smos so/ /shes rab
 kyis 'grel pa dang dmigs pa'i dngos po la mi ltos par rang bzhin gyi dran pa nye bar gzhag pa yin par brjod do/ /thos sogs las byung ba'o zhes bya ba ni/ dran pa nye bar gzhag pa rnams sbyor ba las byung ba yin pa'i phyir/ skye bas thob pa ma yin no/ /ji ltar
 shes rab rnams pa gsum dran pa nye bar gzhag pa yin zhe na/ dran pa nye bar gzhag pa yang gsum ste/ zhes bya ba smos so/ /gzhan ni 'brel dang dmigs pa las zhes bya ba la ci zhe na/ dran pa nye bar gzhag pa zhes bya ste/ 'brel pa las dang/ dmigs pa
 las so/ /ji ltar zhe na/ gzhan de dang lhan cig 'byung ba zhes bya ba smos te/ shes rab dang lhan cig 'byung ba 'du shes la sogs pa rnams so/ /sems dang tshor ba la sogs pa rnams so zhes ci ste ma smras she na/ sems dang tshor ba gnyis ni dmigs pa'i dran pa
 nye bar gzhag pas bsdus pa'i phyir ro/ /ji ltar gzhan dag la 'brel pa'i dran pa nye bar gzhag pa brtod ce na/ mdo las te/ dge slong dag chos thams cad ces bya bas 'di ni dran pa nye bar gzhag pa bzhi'i tshig bla dags so zhes 'byung ba'i phyir ro/ /
 'brel pas dran pa nye bar gzhag pa ni 'brel pa'i dran pa nye bar gzhag pa ste/ rang bzhin gyi dran pa nye bar gzhag pa dang 'brel pa'i phyir ro/ /de dag gi dmigs pa ni zhes bya ba la/ shes rab dang lhan cig 'byung ba de dag gi dmigs par la sogs pa dag ni dmigs
 pa'i dran pa nye bar gzhag pa'o zhes grag go /lus la lus kyi rjes su lta bar ni zhes bya ba la sogs pa la/ rjes su lta ba'i dran pa nye bar gzhag pa yin pas/ rjes su lta ba dran pa nye bar gzhag pa'o/ /des de dang ldan pa rjes su lta bar byed do/ /zhes
 bya ba ni shes rab dang ldan pa zhes bya ba'i tshig go /'dis rjes su lta bar byed pa na rjes su lta ba zhes bya'o/ /lus la lus kyi rjes su lta zhing gnas so zhes bya ba la sogs pa la/ 'di la rjes su lta ba ste/ lta ba shes rab yod pas na rjes su lta ba la sogs
 pa ste/ 'di ni mdo las 'don pa gzhan bstan pa'o/ /dran pa'i stobs bskyed pas 'jug pa nyid kyi phyir zhes bya ba la/ stobs bskyed pa ni stobs bskyed pa'o/ /dran pa'i stobs bskyed pa ni dran pa'i stobs bskyed pa'o/ /shes rab 'di la dran pa'i stobs
 bskyed pas 'jug pa yod pas na/ de dran pa'i stobs bskyed pas 'jug pa'o/ /de'i dngos po ni dran pa'i stobs bskyed pas 'jug pa nyid de'i phyir ro/ /shing gshegs pa khye'us 'dzin pa ltar zhes bya ba ni/ dper na shing gshegs pa'i khye'us
 'dzin pa bzhin no zhes bya'o/ /gal te dran pas dmigs pa gzung na de lta na shes rab kyi rab tu shes te/ de'i de lta na dran pa nye bar gnas pas shes rab dran pa nye bar gzhag pa yin no/ /'di ltar na rung ste zhes bya ba ni byed par bsgrub pa'i dbang du
 byas pa ste de nyid kyi phyir 'dis dran pa nye bar 'jog pas na zhes bya ba smos so/ /ji ltar shes rab kyi ma dran pa nye bar 'jog ce na/ de'i phyir ji ltar mthong ba mngon par brjod pa'i phyir ro zhes bya ba smos te bsam pa ni dran pa nyid shes rab kyi stobs
 bstong pas 'jug pa yin no zhes pa 'di yin no/ /mngon par brjod pa ni de ltar dran pa'o/ /yang gang du nye bar gnas zhe na/ lus nas chos kyi bar dag la'o/ /de nyid kyi phyir tshig rnam par sbyar ba ni lus la dran pa nye bar gzhag pa ni lus dran pa
 nye bar gzhag pa'o/ /zhes bya ba la sogs pa yin no/ /byed pa po byed pa por byas nas dran pa nye bar gzhag pa'i don mdo'i nang nas 'byung ba bshad zin to/ /gang las zhes bya ba rgyas par 'byung bas ni zas kun 'byung bas ni lus dran pa nye
 bar gzhag pa kun 'byung ba yin la/ zas 'gags pas ni lus dran pa nye bar gzhag pa nub pa yin no/ /reg pa kun 'byung ba ni tshor ba kun 'byung ba yin la/ reg pa 'gags pas ni tshor ba dran pa nye bar gzhag pa nub pa yin no/ /ming dang
 gzugs kun 'byung bas ni sems dran pa nye bar gzhag pa kun 'byung ba yin la zhes bya ba ni snga ma bzhin no/ /yid la byed pa kun 'byung bas ni chos dran pa nye bar gzhag pa kun 'byung ba yin la zhes bya ba yang snga ma bzhin no/ /yang ji ltar 'di
 dmigs pa'i dran pa nye bar gzhag pa yin zhe na/ 'di la dran pa nye bar gnas pa'i phyir ro/ /zhes bya ba smos te/ 'di la nye bar gnas pas na nye bar gzhag pa'o/ /gal te mdo las dmigs pa'i dran pa nye bar gzhag pa yin par bzhed par
 ma gyur na ni/ dge slong dag ji ltar na dran pa nye bar gzhag pa bzhi'i? zhes bya ba nas rgyas par zas kun 'byung bas ni zhes bya ba la sogs pa ci'i phyir gsung par 'gyur te/ lus la sogs pa ni shes rab kyi rang bzhan ma yin la/ 'du shes
 la sogs pa'i rang bzhin yang ma yin no/ /'di dag gi ming ni dmigs pa ji ltar bzhin no zhes bya ba ni nye bar gzhog pa de dag gi dmigs pa ni lus la sogs pa yin te/ de'i phyir lus dran pa nye bar gzhag pa la sogs
 pa zhes bya'o/ /'di dag rang dang gzhan dang gnyi ga'i rgyud la dmigs pa'i phyir re re zhing rnam pa gsum gsum yin no/ /zhes bya ba ni rang gi rgyud la dmigs pa'i phyir dang gzhan gyi rgyud la dmigs pa'i phyir dang/ gnyi ga'i rgyud la dmigs
 pa'i phyir ro/ /ji skad du zhe na/ brtun pa dang shes bzhin dang dran pa dang ldan par gyur nas/ 'jig rten la brnab sems dang yid mi bde ba rnams spangs te nang gi lus la lus kyi rjes su lta zhing gnas so zhes bya ba dang/ de bzhin du
 phyi'i lus la lus kyi rjes su lta zhing gnas so zhes bya ba ni snga ma bzhin no/ /nang dang phyi'i lus la lus kyi rjes su lta zhing gnas so zhes bya ba snga ma bzhin te/ de ltar na tshul 'dis rnam pa gsum yin no/ /tshor ba dran pa nye bar gzhag
 ba la sogs pa rnams la yang de bzhin du sbyar ba? bya'o/ /sngar rags pa mthong ba'i phyir ro/ /zhes bya ba la lus ni 'byung ba dang 'byung ba las gyur pa yin pa'i phyir rags pas de sngar mthong ngo/ /de nas tshor ba ste rgyu ba rags pa'i phyir ro/ /de'i
 mjug thogs su ni sems yin te/ chos rnam pa so sor rnam par rigs pa'i rnam par mtshon sla pa'i phyir ro/ /chos ni 'dus byas dang 'dus ma byas dang mtshungs par ldan pa dang mi ldan pa la sogs pa'i dbye bas shin tu phra ba yin no/ /
 yang na 'di ltar 'dod pa la 'dod chags pa'i rten ni lus yin la zhes bya ba ni dmigs pa lus yin zhes bya ba'i tha tshig ste/ ji skad du/ dge slong dag bud med kyi gzugs la chags shing 'dod chags la bcings zhes bya ba la sogs
 pa gsungs pa lta bu'o/ /de yang zhes bya ba ni 'dod pa la 'dod chags pa'o/ /de yang sems zhes bya ba ni tshor ba mngon par 'dod pa de'o/ /sems ma zhi ba ni nyon mongs pa ma slangs pa'i phyir ro te/ nyon mongs pa rnams chos kyi skye mchad kyi khongs su 'du pa'i
 phyir ro/ /go rims bzhin du zhes bya ba ni lus dran pa nye bar bzhag pa ni gtsang bar phyin ci log pa'i gnyen por bstan te lus ni phyi sa dang 'dra bar mi gtsang ba'i bdag nyid yin no/ /chos lhag ma rnams ni de 'brel bas mi gtsang ba yin te/ phyi sa dang 'byar
 pa'i phyag dar bzhin no/ /tshor pa dran pa nye bar gzhag pa ni bde bar phyin ci log pa'i gnyen por te/ gang ci tshor yang rung de ni 'dir sdug bsngal zhes 'byung bas so/ /sems dran pa nye bar gzhag pa ni rtag par phyin ci log pa'i gnyen por te/ sems ni myur
 du 'gyur ba'i phyir ro/ /chos dran pa nye bar gzhag pa ni bdag tu phyin ci log pa'i gnyen por bstan to/ /chos rnams ril por rnam par dbye ba'i sgo nas 'di ni chos tsam du zad kyi/ 'di ni bdag ma yin no zhes bdag tu 'du shes pa phyin ci log
 gi gnyen por yin no/ /gsum ni ma 'dres pa la dmigs pa yin no zhes bya ba ni lus la dmigs pa'i dran pa nye bar gzhag pa ni lus kho na la dmigs pa nas/ sems la dmigs pa'i dran pa nye bar gzhag pa ni sems kho na la dmigs pa'i
 bar yin te/ so sor nges pa la dmigs pa'i phyir ro/ /bzhi pa ni gnyi ga yin te zhes bya ba ni chos dran pa nye bar gzhag pa ste 'dres pa la dmigs pa ni spyi la dmigs pa ste/ 'dres ma la dmigs zhes bya ba'i don to/ /ma 'dres pa la dmigs
 pa ni 'dres pa ma yin pa la dmigs pa'o/ /spyi la dmigs pa la gnas te zhes bya ba ni lus la sogs pa thams cad spyir bsdus te/ mi rtag pa la sogs pa'i rnam par lta ba'o/ /de las dro par gyur pa 'byung zhes bya ba la chos rjes su dran
 pa'i mjug thogs su 'du byed skad cig mar khong du chud par bya'i phyir skye ba dang 'jig pa la spyod do/ /'du byed rnams skad cig ma yin na ji ltar 'du byed rjes su 'jug /de nas rten cing 'brel bar 'byung ba la
 dpyad do/ /gang gi che zag pa dang bcas pa'i shes rab kyis rten cing 'brel par 'byung ba khong du chud pa de'i tshe/ de'i mjug thogs su chos thams cad la dmigs pa'i sgo nas bdag med pa'i rnam pa'o/ /de'i mjug thogs su phung po dang khams
 dang skye mched ste/ don rnam pa gsum la dpyod cing gnas bdun la mkhas pa ste/ de ltar na chos dran pa nye bar gzhag pa spyi la dmigs pa las dro bar gyur pa'i dge ba'i rtsa ba 'byung ngo zhes bya ba 'di ni go rims so/ /slob dpon gyis ni
 cung zad dper brjod pa tsam zhig bshad do/ /dro bar gyur pa zhes bya ba ni dro ba'i rnam pa'i dge ba'i rtsa ba'o/ /dro bar gyur pa dang 'dra bas dro bar gyur pa ste/ 'phags pa'i lam gyi me'i snga ltas yin pa'i phyir ro zhes bya ba ni ji ltar gtsub
 shing steng rog gtsubs pa las me'i ltas 'byung ba de bzhin du shes bya'i gtsub shing gtsub pa las 'phags pa'i lam gyi me'i drod 'byung la drod la ni brtson 'grus kyis yang dang yang du mngon par gtsubs pa'i rim gyis srid pa'i
 bud shing skam po sregs pa las 'jebs pa zag pa med pa'i ye shes kyi me 'byung ste/ de'i phyir dro bar 'gyur ba'i dge ba'i rtsa ba zhes bya'o/ /rgyun chags pa yin pa'i phyir zhes bya ba rgyun 'brel pa yin pa'i phyir ro zhes
 bya ba'i don to/ /de lta ma yin te dmigs pa rnam par chad pa'i dbang du byas te skad cig ma nyid yin na ni bden pa bzhi la dmigs par yang mi 'gyur na rnam pa bcu drug lta smos kyang ci dgos 'di dag gi bye brag ni 'og nas bshad
 bar bya'o zhes bya ba ni mdzod kyi gnas bdun pa nas rdzas su rnam pa bcu drug go zhes bya ba 'di nas so/ /gal te de dag kyang deng 'dra ba yin na/ 'o na ci'i phyir logs shig tu bstan ce na/ de'i phyir ches mchog tu gyur pa'i phyir ming gzhan du gtags so zhes bya ba
 smos so/ /ming bye brag tu shes par bya ba'i phyir/ dge ba'i rtsa ba g.yo ba'i rtse mo yin pa'i phyir zhes bya ba smos te/ rtse mo zhes bya ba'i sgra 'di ni tshig yin te/ 'di ltar smra ba po dag 'di'i dpal rtse mor phyin to zhes zer ro/ /drod dang rtse mo ni dge ba'i rtsa
 pa g.yo ba gnyis yin te/ yongs su nyams pa'i phyir ro/ /de dag las ltung ba dang 'da' bar 'gyur ba'i phyir ro zhes bya ba ni rtse mo dag las so/ /ltung ba ni yongs su nyams pa las so/ /'da' ba ni bzod pa mngon du byas pa las so/ /de ltar na
 'di ni ches mchog tu byung ba'i phyir rtse mo yin no zhes bstan te/ drod dag las ni 'da' ba med do/ /dang po nyid du bden pa rnams la rnam pa dag 'god pa'o zhes bya ba la 'god pa zhes bya ba 'di ci zhig bden pa rnams la rnam pa dag 'jog par byed
 pa'o/ /de dag la dmigs pa rnams 'jug par byed pa'o zhes bya ba'i don gang yin pa'o/ /gzhan dag gis kyang 'phel bar byed ces bya ba la/ kyang zhes bya ba'i sgras ni chos dran pa nye bar gzhag pas kyang yin pa ste/ 'phel bar byed pa ni byang
 bar byed pa'o/ /sngon thob pa rnams mngon du mi byed de/ sngar thob pa dman pa rnams la dga' ba med pa'i phyir ro/ /rnam pa lnga thob pa rnams ni dman pa'i phyir de rnams la dga' ba chen po med de/ de'i phyir de'i rigs can khyad du 'phags pa gzhan   dag mngon du byed do/ /rtse mo de chung du dang 'bring dang chen po'i rim gyis/ mngon par 'phel ba dag las yang bzod pa skye'o/ /ming bye brag tu shes par bya ba'i phyir bden pa la cher bzod pa'i phyir ro zhes bya ba smos so/ /yang ci'i phyir bden pa la
 la cher bzod ce na/ de'i phyir yongs su mi nyams pa'i sgo nas zhos bya ba la smos te/ bzod pa dag las ni yongs su nyams pa med do/ /dro bar gyur pa'i gnas skabs na ni bden pa dag las chung du bzod pa yin no/
 rtse mo'i gnas skabs ni 'bring du bzod la/ bzod pa'i gnas skabs na ni cher bzod do zhes bshad par 'gyur ro/ /rnam gnyis de bzhin zhes bya ba ni bzod pa chung ngu dang 'bring ste/ rtse mo rnams ni ji skad bshad pa bzhin no/ /de kho
 na ba bzhin du rnam pa gtod pa'i phyir ro zhes bya ba ni chos dran pa nye bar gzhag pas bden pa rnam pa gtod pa'i phyir te/ de kho na bzhin du rnam pa 'god pa'i phyir ro zhes bya ba'i tha tshig go/ bzod pa ni thams cad chos kyis 'phel
 bar byed ces bya ba ni rang bzhin gyis dran pa nye bar gzhag pa mchog tu gyur pa'i phyir ro/ /chos kyi mchog dang nye ba'i phyir zhes bya ba rgyas par 'byung ngo/ /chos kyi mchog rnams 'dod pa na spyod pa'i sdug bsngal la dmigs
 pa nyid ni de'i mjug thogs su chos shes pa'i bzod pa skye ba'i phyir ro/ /chos kyi mchog dang nye ba ni de dang 'dra ba'o/ /nges pa ma smos pa'i phyir zhes bya ba ni bzod pa chen po ltar dro bar gyur pa la sogs pa rnams kyi dmigs pa
 nges pa ma smos pa'i phyir dro bar gyur pa la sogs pa 'di dag khams gsum gyi sdug bsngal la sogs pa la dmigs pa nyid yin no zhes bya bar grub bo/ /ji ltar bzod pa chen po 'dod par gtogs pa'i sdug bsngal gyi yul
 can yin zhe na/ gang gi tshe gzugs dang gzugs med pa'i gnyen po la sogs pa bden pa'i rnam pa dang dmigs pa re re nas phri nas zhes bya ba 'byung ste/ sogs pa zhes bya ba'i sgras ni gzugs dang gzugs med pa
 la spyod pa'i nyon mongs pa'i 'gog pa dang/ kun 'byung ba dang/ sdug bsngal gyi bden pa rnams bsdu zhing/ de bzhin du 'dod pa na spyod pa'i nyon mongs pa'i gnyen po dang/ 'gog pa dang/ kun 'byung ba dang/ sdug bsngal gyi bden pa rnams bsdu'o/ /de dag
 gi bden pa'i rnam pa re re phri ba dang/ dmigs pa re re phri nas so/ /ji ltar zhe na/ rjes su shes pa'i phyogs dang mthun pa'i lam de la ni rnam pa bzhir rnam pa gtod par bya'o/ /de nas gsum du'o/ /de nas gnyis su'o/ /de nas gcig tu ste/ re shig bden
 pa'i rnam pa re re phri ba ni de lta'o/ /de nas gcig tu yang rnam pa gtod par mi byed de/ dmigs pa phri ba ni de lta bu'o/ /rim pa 'dis 'dod pa na sbyod pa'i sdug bsngal kho na la mi rtag pa dang sdug bsngal pa'i rnam pa can skad cig ma gnyis kho nar yid
 la byed pa'i bar der thams cad ni bzod pa 'bring yin no/ /rnal 'byor sbyod pa de yang rnam pa gnyis te/ lta ba spyad pa dang/ sred pa spyad pa'o/ /lta ba spyad pa yang rnam pa gnyis te/ bdag tu lta ba spyad pa'o/ /bdag tu lta ba spyad pa gang yin pa de ni bdag med
 pa'i rnam pas nges pa la 'jug go/ bdag gir lta ba sbyad pa gang yin pa de ni stong pa'i rnam pas so/ /sred pa spyad pa yang rnam pa gnyis te/ nga'o snyam pa'i nga rgyal gyis nyams pa dang/ le lo lhag pa can no/ /de la nga'o snyam pa'i nga rgyal
 gyis nyams pa gang yin pa de ni mi rtag pa'i rnam pas nges pa la 'jug go /le lo lhag pa can gang yin pa de ni sdug bsngal gyi rnam pas so/ /gang zhig skad cig mkho na yin pa de ni chen po yin te/ de ni gang gi sbyang pa ji lta ba
 bzhin du mi rtag pa'i rnam pa dang/ sdug bsngal gyi rnam pa'am/ stong pa'i rnam pa dang/ bdag med dang mtshungs par ldan pa yin no/ /bzod pa chen po de ni skad cig gcig ste/ rgyun 'brel pa ma yin zhes bya ba'i tha tshig go/ 'jig rten pa'i
 chos kyi mchog rnams te/ /zhes bya ba 'byung ngo/ /skal pa nyams pa'i rgyu med par zhes bya ba ni 'jig rten pa'i chos kyi mchod rnams 'jig rten pa thams cad kyi mchog nyid yin no zhes ston to/ /sngon zag
 pa med pa med pa'i phyir 'jig rten pa'i chos kyi mchog gi rtsa gyi lam gyi bden pa 'dren par byed pa'i phyir chos kyi ya chog rnams ni 'jig rten pa kun gyi mchog nyid yin par shes so/ /thams cad phung po lnga 'khor dang
 bcas te/ smos pa'i phyir ro zhes bya ba ni dro bar gyur pa la sogs pa rnams ni mnyam par gzhag pa'i sa ba yin pa'i phyir/ gzugs kyi phung po yang yod do/ /thob pa ma gtogs zhes bya ba la so de'i thob pa rnams ni
 des par 'byed pa'i dus na yang mngon du 'gyur ba zhig na/ nges par 'byed pa skyes pa ni/ nges par 'byed pa'i cha dang 'thun pa mngon du byed pa yang ma yin te/ dgos pa med pa'i phyir ro/ /'bras bu thob pa ni sbyor ba'i lam mngon
 du gyur par byed par mi rigs te/ don byas zin pa'i phyir ro/ /de'i phyir dro bar 'gyur ba la sogs pa'i thob pa rnams ni dro bar 'gyur bas ma bsdus pa yin no/ /rnam pa gzhan brjod par 'dod pas de la bden pa gsum la dmigs
 pa'i dro bar gyur pa rnam pa gtod pa la ni zhes bya ba smos te/ sdug bsngal dang kun 'byung ba dang lam la dmigs pa'i rnam pa'o/ /'gog pa dmigs pa ni 'og nas 'tshang ba'i phyir ro/ /chos dran pa nye bar gzhag pa da ltar
 byung ba yin la zhes bya ba 'byung ste sdug bsngal la sogs pa rnams phung po lnga'i bdag nyid yin pa'i phyir de dag la dmigs pa'i chos dra na ba nye bar gzhag pa da ltar byung ba yin no/ /ma 'ongs pa ni bzhi char thob bo
 zhes bya ba ni lus dang tshor ba dang sems dang chos dran pa nye bar gzhag go/ lus dang tshor ba la sogs pa rnams sdug bsngal la sogs pa'i khongs su 'du ba'i phyir de dag la dmigs pa ma 'ongs pa bzhi char 'thob ste/ cher sbyangs pa rnams kyi thob pa
 skye zhes bya ba'i tha tshig go/ da ltar byung ba ni thob pa dang bcas te rten pas thob pa'i sgo nas mngon du gyur pa nyid du 'thob go/ de kho na gnyi ga yin no zhes bya ba ni chos dran pa nye bar gzhag pa da ltar ba dang ma 'ongs pa de kho na 'thob bo/ /de la ni tshos?
 ba la sogs pa yod pa ma yin te/ 'gog pa phung po lnga'i rang bzhin ma yin pa'i phyir ro/ /rnam pa dag ni thams cad du 'dra ba yin no zhes bya ba ni bden pa gsum la dmigs pa dang/ 'gog pa la dmigs pa'i dro bar gyur pa'i rnam pa
 gtod pa ste/ 'dra bar ni ma tshungs pa yin zhes bya ba'i don to/ /bden pa gang dang gang la rnam pa gang dang gang mngon du byed pa de dang rigs mthun pa ma 'ongs pa kho na nges 'thob kyi/ gzhan ni ma yin te/ rigs rnams ma thob pa'i phyir ro/ /
 rnam par 'phel ba la ni zhes bya ba la ni byang bar bya ba la'o/ /bzhi las gang yang rung ba zhig ces bya ba ni/ lus dran pa nye bar gzhag pa la sogs pa rnams las gang yang rung ba zhig da ltar byung ba yin te/ gang zhig gang la dmigs
 pa de ni/ dmigs par bya ba'i sgo nas da ltar byung ba yin no/ /ma 'ongs pa ni bzhi char rnyed pa thob pa nyid kyi sgo nas 'thob bo/ /'gog pa la dmigs pa dro bar gyur ba 'phel ba de kho na la ni tha ma chos dran pa nye bar gzhag pa da ltar byung ba yin
 te/ de la lus la sogs pa med pa'i phyir ro/ /ma 'ongs pa ni bzhi char 'thob ste/ /'dis sngar 'thob pa gang dag yin pa'o/ /rnam pa ni thams cad de zhes bya ba ni bcu drug go/ rigs rnams thob pa'i phyir ro zhes bya ba ni sngar rnam pa gtod
 pa'i gnas skabs kyis rim pas rigs rnams thob zin pa yin te/ 'dir rnam pa rnams kyis ni skal pa nyams pa'i rgyu la mngon par 'dod la/ de dag kyang rnam par gtod pa'i dus kho nar thob zin to/ /
 rtse mo bden pa bzhi la dmigs pa rnam pa gtod pa la ni chos dran pa nye bar gzhag pa da ltar byung ba yin la/ ma 'ongs pa ni bzhi char 'thob bo/ /'gog pa la dmigs pa 'phel ba la ni tha ma chos dran pa nye bar gzhag pa da ltar
 byung ba yin la/ ma 'ongs pa la ni bzhi char 'thob ste/ de dag thob pa skyes zin pa'i phyir ro/ /rnam pa ni thams cad do zhes bya ba ni dro bar 'gyur ba'i rnam pa gcod pa'i tshe de'i rigs rnams thob pa'i phyir ro/ /bden pa gsum la dmigs
 ba rnam par 'phel ba ni/ sdug bsngal dang kun 'byung ba dang lam la dmigs pa la ste/ bzhi las gang yang rung ba zhig da ltar byung ba yin la/ ma 'ongs pa ni bzhi char ro/ /rigs thob zin pa'i phyir rnam pa yang thams cad
 do/ /bzod pa rnams la ni thams cad ru tha ma yin la zhes bya ba ni bzod pa rnams la ni rnam pa gtod pa dang rnam par 'phel ba la yang tha ma chos dran pa nye bar gzhag pa kho na da ltar byung ba yin te/ 'di ltar bzod pa ni/ thams cad chos kyi
 'phel par byed ces bya bas so/ /chos kyi mchog dag la ni tha ma yin la zhes bya ba ni/ chos kyi mchog mngon du byed pa la ni tha ma chos dran pa nye bar gzhag pa da ltar byung ba yin no/ /ma 'ongs pa ni bzhi char ro/ /rnam pa ni bzhi kho na ste/ zhes bya
 ba ni mi rtag pa dang sdug bsngal ba dang stong pa ?? bdag med pa'i rnam pa dag go/ gzhan med pa'i phyir zhes bya ba ni 'di ltar chos kyi mchog la kun 'byung ba la sogs pa'i rnam pa gzhan ni med de/ sdug bsngal tsam la dmigs pa'i phyir ro/ /
 mthong? ba'i lam dang 'dra ba'i phyir ro zhes bya ba la 'dra ba ni mthong ba'i lam dang nye ba nyid dang/ de dang sa gcig pa nyid do/ /mthong ba'i lam la ni bden pa gang zhig mthong bar 'gyur ba de'i rnam pa dag kho na 'thob la/ mthong ba'i lam dang por 'dod pa na spyod pa'i
 sdug bsngal la dmigs pa yin te/ ji ltar der bzhi kho na 'thob pa de bzhin du chos mchog dag tu yang yin no/ /'byed pa ni rnam par 'byed pa ste/ nges pa sngon du 'gro ba de la g+hanA byas dang/ nges par 'byed pas na nges par 'byed pa'am/ yang na gang gis
 res par 'byed pa de ni nges par 'byed pa yin no/ /de yang gang zhig ce na/ 'phags pa'i lam mo zhes bya ba smos te/ yang dag pa'i lta ba la sogs pa'o/ /des the tsom spangs pa'i phyir dang zhes bya ba 'dis ni de nyid kho na nges par 'byed pa yin kyi/ gzhan
 ma yin no zhes bstan to/ /rnam par 'byed pa'i phyir ro zhes bya ba la ci zhe na/ 'di ni nges par 'byed pa yin no zhes bya ba'o/ /ji ltar rnam par 'byed pa'i phyir yin zhe na/ de'i phyir 'di ni de sdug bsngal lo zhes bya ba rgyas par smos so/ /de 'dren
 par byed pa nyid kyis phan 'dogs par byed pa'i phyir nges par 'byed pa'i cha dang mthun pa rnams so zhes bya ba la gsum ni brgyud pa'i sgo nas de 'dren par byed pa yin la/ chos kyi mchog rnams ni dngos su'o/ /bsgom byung zhes bya ba ni de dag mnyam par
 gzhag pa yin pa'i phyir ro/ /mi lcogs par med pa dang/ khyad par bsam gtan sa pa'o zhes bya ba la/ mi lcogs pa med pa dang/ khyad par can dang/ bsam gtan dag gis sa pa yin pas na/ mi lcogs pa med pa dang/ khyad par bsam gtan sa
 pa'o/ /de dag gis sdug bsngal ba'i phyir ro zhes bya ba ni de dag dang ldan pa'i phyir ro zhes bya ba'i tha tshig go/ mthong ba'i lam gyi 'khor yin pa'i phyir god na ni med do zhes bya ba ni mthod ba'i lam ni sa drug pa yin la/ nges par byed pa'i
 cha dang mthun pa dag kyang mthong ba'i lam gyi 'khor du gyur pa yin te/ de'i phyir gong na te/ gzugs med pa'i khams na med do/ /de med pa zhes bya ba ni mthong ba'i lam med pa'o/ /yang ci'i phyir gong na mthong ba'i lam med ces
 na/ de'i phyir de med pa ni 'dod pa'i khams la dmigs pa'i phyir ro zhes bya ba smos te/ mthong ba'i lam ni 'dod pa'i khams la dmigs pa yin no/ /gzugs med pa dag ni 'dod pa'i khams la dmigs pa ma yin te/ de dag ni rten ring ba la sogs pa
 dag gis ring pa'i phyir ro/ /mthong ba'i lam 'dod pa'i khams la dmigs pa yin no zhes bya bar ji ltar shes she na/ de'i phyir yang sngar yongs su shes par bya zhing spang ba yin pa'i phyir ro zhes bya ba smos te/ 'dod pa'i khams na rigs pa'i phyir gzugs
 dang gzugs med pa'i khams kyi sngar yongs su shes par bya zhing spang bar bya ba yin no/ /rnam par smin pa dang bcas pa'i phyir de dag gi rnam par smin pa ni gzugs kyi khams kyi phung po lnga yin no/ /yongs su rdzogs par byed pa dag kho na yin gyi
 zhes bya ba la nyams pa'i cha dang mthun pa'i bsam gtan dag ni 'phen par byed pa nyid yin no/ /zhes bshad par 'gyur ro/ /srid pa'i gnyen po yin pa'i phyir zhes bya ba ni 'di ltar mi rtag pa la sogs pa'i rnam pa dag gis srid pa sun 'byin
 par byed pa de'i phyir 'phen par byed pa ma yin no/ /gnyis ni 'og na'ang yod pa 'am zhes bya ba la bye brag tu smra ba rnams ni 'di mi 'dod de/ thos pa dang bsam pa las byung ba ni nges par 'byed pa'i cha dang mthun pa nyid du mi 'thad pa'i phyir ro/ /
 rten gyi sgo nas ni bzhi char yang 'dod pa'i rten can yin te/ de kho na nges pa la 'jug pa yod pa'i phyir ro/ /gsum ni mi ngag? gi nang kho na zhes? bya ba ni bzod pa chen po dang chos mchog ma gtogs pa'o/ /'di dag ni dang po mi de dag gi nang kho nar skyed
 par byed do/ /gling gsum du zhes bya ba ni gsum ni skyes pa dang bud med kyis gnyi ga'i rten can dag 'thob bo zhes bya bar ni re res kyang skyes pa 'am bud med kyi rten de dga' thob bo/ /chos kyi mchog thob pas bud med kyi dngos por so sor brtags pa ma yin pas 'gog?
 pa thob pa ni tshe gzhan du mtshan 'gyur ba'i dbang du byas nas bshad pa'o/ /bud med kyis gnyi ga'i rten can 'thob par 'gyur zhes bya ba ni bud med kho nas chos mchog gi gnyi ga'i rten can 'thob kyi skyes pas ni ma yin te/ skyes phas ni skyes pa'i rten can kho na
 'thob bo/ /ci'i phyir zhe na/ bud med nyid ni so sor brtags pa ma yin pas 'gog pa thob pa'i phyir ro zhes bya ba smos te/ gang zhig chos kyi mchog skyed par byed pa de ni gdon mi za bar mthong ba'i lam skyad par byed pa de ni gdon mi za bar mthong ba'i lam skyed par
 byed pa bden pa mthong ba ni yang bud med nyid du skye bar ma yin no zhes bya ba ni grub pa'i mdza' yin no/ /sa bor nas zhes bya ba rgyas par 'byung ste/ 'phags pa ni nges par 'byed pa'i cha dang mthun pa bsam gtan dang po'i sa ba nas bsam gtan bzhi
 pa'i bar sa gang ba dag thob par gyur pa'i bsam gtan dang po la sogs pa'i sa de dag 'dor ba na bdag nyid ji lta ba bzhin/ bsam gtan dang po'i sa pa nas bsam gtan/ bzhi pa'i sa pa'i bar dag gtong gi/ gzhan du ni ma yin te/ so sor skye bo'i
 sa ltar 'chi ba 'am/ yongs su nyams pas ni ma yin no/ /sa 'dor ba ni sa 'phos pa'i phyir ro zhes bya ba ni shi ste gong du 'phos pa'i phyir yin gyi 'dod chags dang bral ba'i phyir ni ma yin no/ /ji ltar bsam gtan dang po nas shi 'phos nas bsam gtan
 gnyis pa la sogs pa dag tu skye ba de'i tshes 'dor ba kho nas des par 'byed pa'i cha dang mthun pa dag gtong ngo/ /so so'i skye bo ni ris mthun pa btang ba kho nas gtong gi sa 'phos pas ni ma yin no/ /so so'i skye bo sa gang ba'i nges par 'byed pa'i cha dang
 mthun pa thob par 'gyur ba yang de'i gong du skye bar na nges par 'byed pa'i cha dang mthun pa dag gtong ba ma yin nam? zhe na/ 'di ni yod pa ma yin te/ ris mthun pa btang ba kho nas btang ba'i phyir ro/ /'phags pa'i gang zag
 ni de'i dge ba'i rtsa ba'i rgyun mthong ba'i lam gyis nye bar spel ba'i phyir 'chi btsam dang/ yongs su nyams pas gtong ba ma yin no/ /dngos gzhis de nyid la bden mthong zhes bya ba 'byung ngo/ /nges ni tshe de nyid la gdon mi za bar bden pa rnams mthong bar
 'gyur te/ mi lcogs par med pa dang/ bsam gtan khyad par can gyis sa pa dag skyed pas ni tshe de nyid la gdon mi za bar bden pa rnams mthong ba ni ma yin no/ /yid byung ba shas che ba'i phyir ro zhes bya ba ni yid byung ba mang ba'i phyir ro/ /so sor thar pa'i
 sdom pa bzhin du zhes bya ba ni dper na so so thar pa'i sdom pa btang ba phyis len pa na sngon gyi ma yin pa thob pa ltar nges par 'byed pa'i cha dang mthun pa dag rnam par nyams pa las sngon gyi ma yin pa thob pa yang de dang 'dra'o/ /de nyid la rgyu smos pa ni/ ma
 'dris pa dang 'bad de bsgrub par bya ba yin pa'i phyir ro zhes bya ba ste/ gang gi phyir thog ma med pa can gyi 'khor ba na 'dris pa ma yin pa de'i phyir 'dod chags dang bral bas 'thob pa ma yin te/ sngar 'phags pa'i lam gyi sbyor ba la bskyed pa'i phyir ro/ /
 gang gi phyir 'bad pas bsgrub par bya ba yin pa de'i phyir sngon btang ba mi 'thob bo/ /mtshams ston par byed pa zhig yod na ni zhes bya ba la mtshams ni bar mtshams so/ /de ston par byed pa ni smon nas shes pa thob pa'o/ /de ni de'i gong nas skyed par byed
 de/ thob nas nyams pa gang na gnas pa de'i gong nas so/ /med na ni bzhi khon nas skyed par byed de/ dro bar 'gyur ba la sogs pa dag khon nas bskyed bar byed do/ /nyams pa gnyis ni mi ldan pa zhes bya ba la/ rnam par nyams pa zhes bya ba khyad par du 'gro bas
 btang ba la bya ste/ dper na sems bcu drug skyes nas/ 'bras bu thob bas mthong ba'i lam btang ba lta bu'o/ /de nyid kyi phyir rnam par nyams pa ni ?? mi za bar ma yin no/ /zhes bya ba smos so/ /de ni nyes pa byas ba 'ba' zhig tu ma zad kyi/ yon tan gyis byas pa yang yin no/ /
 de'i phyir de ltar na yongs su nyams pa gang yin pa de ni rnam par nyams pa yang yin la/ rnam par nyams pa gang yin pa de ni gdon mi za bar yongs su nyams pa ma yin te/ yon tan gyi byas pa gang yin pa'o/ /thar pa'i cha dang mthun pa dang khyad par ci yod ce na/ zhes
 bya ba ni de thob pa yang nges par mya ngan las 'da' ba' i chos can yin no snyam ste dris pa'o/ /'di'i phan yon ni skyon med na bden pa mthong ba la ches nye ba nyid 'di yin no/ /rtse mo thob pa rtsa mi 'chad/ /ces bya ba ni dge ba'i rten lhag pa'i phyir te/ dkon mchog gsum gyi
 yon tan rnam par dpyad pa'i sgo nas de dag la dang ba thob pa'i phyir ro/ /'o na ji ltar lha byin las brtsams nas yongs su nyams pa bshad ce na/ de dag la dge ba'i rtsa ba de skye ba nye bar gyur bas ma thob pa las yongs su nyams pa la dgongs nas gsungs pa'i phyir ro/ /
 bzod thob ngan song yongs mi 'gro zhes bya ba la/ bzod pa las ni rnam par nyams kyang zhes bya ba 'dis ni bzod pa las yongs su nyams pa med do zhes ston par byed do/ /der 'gro ba'i las dang nyon mongs pa thag bsrings pa'i phyir zhes bya ba ni song du skye
 ba'i rgyu las dang nyon mongs pa 'byung ba la gegs byed pa'i phyir ro zhes bya ba'i don to/ /mi skye ba'i chos nyid thob ste zhes bya ba ni so sor brtags pa ma yin pas 'gog pa'o/ /de dag ni ci rigs par bya ste/ zhes bya ba ni mi skye pa'i chos nyid de dag go /ci rigs par
 zhes bya ba ni chung du dang 'bring gis so/ /ji lta she na/ bzod pa chung du'i tshe ni ngan song gi 'gro ba rnams kyi mi skye ba'i chos nyid thob bo/ /chen po'i tshe ni sgo nga? las skyes pa dang/ drong gsher las skyes pa'i gnas dag gi'o/ /chung ngu'i tshe ni 'du shes med pa'i sems
 can dang/ byung gi sgra mi snyan bya dang/ tshangs pa chen por skye ba rnams kyi'o/ /chen po'i cha na za ma dang ma ning dang mtshan gnyis pa'i lus rnams kyi'o/ /bzod pa chen po nyid kyi tshe ni srid pa la sogs pa dang/ mthong bas spang bar bya ba
 rnams kyi mi skye ba'i chos nyid 'thob bo/ /nyan thos la sogs pa'i rigs tha dang pa'i phyir zhes bya ba ni/ nyan thos dang rang sangs rgyas dang yang dag par rdzogs pa'i sangs rgyas kyi rigs tha dad pa'i phyir ro/ /srid kyi zhes bya ba ni thar pa'i cha dang mthun pa sangs rgyas
 nyid du bkrun la ni nges par 'byed pa'i cha dang mthun pa sngar skyed pa gnyis nyan thos kyi rigs las bzlog nas sangs rgyas su 'gyur pa ste/ yang sangs rgyas kyi rigs skyed par byed do zhes bya ba'i tha tshig go /ngan song bzlog pa'i phyir te zhes bya ba la/ grag go zhes
 bya ba'i sgra na skye ba la dbang pa'i phyir dang/ sems can gyi don byed par srid pa'i phyir rgyu 'di rgyas pa ma yin no zhes bya ba'o/ /de nyid kyi phyir slob dpon gyi rigs de nyid ces bya ba smos te/ nyan thos kyi rigs bzod pa thob pa zhes bya ba'o/ /nyan thos kyi rigs bzod
 pa chos nyid kyis thob pa ni bzlog par mi nus pa'i phyir ro/ /gzhan gsum yang zhes bya ba la rang sangs? rgyas ni bzlog nas 'gyur te/ zhes bya bar sbyar te/ de dag ni rang don gtso bo can yin pa'i phyir gzhan gyi don du ngan 'gror mi 'jug pas de'i phyir bzod pa las kyang
 bzlog nas/ rang sangs rgyas su 'gyur ro/ /ston dang bas ru byang chub bar zhes bya ba la khungs ni 'di dang gzhan dngos gzhi de nyid la bden mthong/ /zhes bya ba 'di yin no/ /ting nge 'dzin mi g.yo ba dang gsal ba'i phyir zhes bya ba 'di skyon brgyad las 'grol ba'i
 phyir mi gtso ba'o/ /gsum pa ni dbang po sbyangs pa dang rno ba'i phyir ro/ /gang dag gi ltar na bse ru lta bu las gzhan pa'i rang sangs rgyas yod par 'dod pa zhes bya ba ni nyan thos sngon du 'gro ba sngar nges par 'byed pa'i cha dang mthun pa skyed pa'o/ /de'i rigs
 rnams bzlog pa med do zhes bya ba ni de dag gi lugs ltar na dro bar 'gyur ba dang rtse mo bzlog pa bkag pa med de/ de'i phyir rang sangs rgyas kyi rigs su skyes pa bzlog nas sangs rgyas su 'gyur ro/ /sa bon 'debs pa lta bu ni thar ba'i cha dang mthun pa skye
 ba yin no/ /'bru skye ba lta bu nges par 'byed pa'i cha dang mthun pa skye ba yin no/ /'bru chags pa lta bu ni 'phags pa'i lam yin na/ /'jug pa dang zhes bya ba la 'jug pa ni thar pa'i cha dang mthun pas so/ /yongs su smin pa ni nges par 'byed pa'i cha dang mthun pa rnams
 kyis so/ /rnam par grol ba ni 'phags pa'i lam gyis so/ /de'i smon lam gyis yongs su gzung ba'i phyir zhes bya ba ni ying kyi smon lam yongs su bzung ba'i phyir te/ smon lam ni sems pa'i khyad par yin no/ /la la zhig gi zas 'ga' tsam byin nas zhes bya ba
 ni lhas dang dag kun nas slong ba dang bcas pa'i mtshan nyid can yin pa'i phyir zas byin pa las gsum char yang srid pa yin no/ /bslab pa 'ga' tsam yang zhes bya ba ni lus dang ngag gi las ni yin no/ /thar pa 'dod pa'i stobs bskyed pas zhes bya ba stobs
 bskyed pa ni stobs dang ldan pa'o/ /thar pa 'dod pa'i stobs bskyed pa ni thar pa 'dod pa'i stobs bskyed pa ste/ gang zhig la bsam pa thag da nas 'khor ba 'dor pa'i blo gnas par 'gyur zhing mya ngan las 'das pa la mos par 'jug pa de ni sbyin pa dang tshul
 khrims dang thos pa dang bsam pa las byung ba nyung zad kyis kyang thar pa'i cha dang mthun pa 'ben gyi/ de las bzlog pas mang po dag gis kyang 'phen par mi nus so/ /thar pa'i cha dang mthun pa zhes bya ba la thar pa'i cha ni thar pa'i cha ste/ thar pa'i cha ni
 thob pa yin la/ de 'am de'i phyir phan pa ni thar pa'i cha dang mthun pa'o/ /mi'i nang nas 'phen par byed de/ sangs rgyas 'byung ba yod dam med kyang ngo/ /ci rigs par shes rab dang skyo ba med pa'i phyir ro zhes bya ba la/ re zhig sgra mi snyan ni gnyi ga med do
 ngan song dag na ni skyo ba yod kyi shes rab med do/ /lha'i nang dag ni ni shes rab yong kyi skyo ba med do/ /mngon par rtogs pa'i rims pa bshad par brtsams pa zhes bya ba ni/ tshul gnas thos dang bsam ldan pas/ /sgom pa la ni rab tu
 sbyor/ zhes bya ba nas brtsams te/ nges par 'byed pa'i cha dang mthun pa'i go rims kyis bar bshad zin to/ /chos kyi bzod pa zag pa med/ zhes bya ba ni nges par 'byed pa'i cha dang mthun pa dag gis kyang chos la bzod pa yin pas de'i phyir zag pa med
 pa smos so/ /rgyu mthun pas bye brag tu byas te zhes bya ba ni chos shes pa de'i rgyu mthun pa yin te/ des na zag pa med pa nyid yin par shes par bya ba'i phyir nges par 'byed pa'i cha dang mthun pa'i bzod pa las bye brag tu byas te/ go bar byed pa yin pa'i
 phyir bde rlag tu rtogs par bya ba'i phyir bshad do/ /me tog dang 'bras bu'i shing bzhin no zhes bya ba la dper na me tog gi ched kyi shing la me tog gi shing zhes bya ba dang/ de bzhin du 'bras bu'i ched kyi shing la 'bras bu'i phyed ces
 bya ba ltar/ chos shes pa'i ched kyi bzod pa chos shes pa'i bzod pa yin yang de dang 'dra'o/ /de nyid ces bya ba ni bzod pa'o/ /ci'i phyir zhe na/ yang dag ba nyid du nges par zhugs pa'i phyir zhes bya ba smos so/ /de nyid ji ltar zhe na/ lung gi sgrub par byed pa ni yang
 dag pa nyid ni mdo las zhes bya ba'o/ /ji ltar zhe na/ yang dag pa gang zhig 'dod chags yongs su gtugs te spungs pa de yin no zhes bya ba rgyas par 'byung ngo/ /deng zhes bya ba ni yang dag pa nyid du'o/ /gcig tu gyur pa'o zhes bya ba ni sring pa bdun gyi gor
 ma chags par mya ngan las 'da' bar 'gyur ba'o/ /der 'jug pa ni mngon par 'gro ba ste zhes bya ba ni gcig tu gyur pa'i mtshan nyid can des pa der zhes bstan to/ /yang der mngon par 'gro ba ci zhig ce na/ gnas skabs de thob pa ste/ de skyes na
 yang dag pa nyid du nges pa 'thob pas nges pa la 'jug pa zhes bya'o/ /mar me dang skye ba bzhin no zhes bya ba la ma 'ongs pa byed pa dang ldan pa ni gsum ste/ skye ba dang/ mar me dang/ sdug bsngal la chos shes pa'i bzod pa'o/ /skye bzhin pa'i mar mes mun pas la
 cing 'gag bzhin pas sdong bu dang mar bsregs pa de bzhin du sdug bsngal la chos shes pa skye bzhin pas so so'i skye bo nyid spong la/ 'gag bzhin pas phro rgyas bcu spong ngo/ /gzhan dag na re 'jig rten pa'i chos kyi mchog rnams kyis zhes bya ba la ci zhe na
 so so'i skye bo nyid bzlog go zhes bya ba skabs dang sbyar ro/ /ma yin te de'i chos yin pa'i phyir ro zhes bya ba ni so so'i skye bo'i chos yin pa'i phyir zhes bya ba'i tha tshig ste so so'i skye bo'i de nyid bzlog pa mi srid do/ /de dang 'gal pa'i phyir nyes pa med
 de zhes bya ba ni de dag so so'i chos yin mong kyi/ 'on kyang so so'i skye bo nyid dang 'gal ba yin no/ /dgra ba'i phrag pa la zhon nas de 'tshog pa bzhin no zhes bya ba ni dper na 'bru bzhig dgra bo'i phrag pa la zhon to/ /dgra tshogs pa de bzhin du so so'i skye bo
 nyid kyi dgra la zhen te/ so so'i skye bo de nyid 'joms par byed pa yin no/ /gzhan dag na re gnyi gas zhes bya ba ni 'jig rten pa'i chos kyi mchog rnams dang bzod pa so so'i skye bo nyid bzlog pa'o/ /ji ltar zhen par tshad med pa dang rnam par gro ba pa'i
 lam dang chos mthun pa'i phyir ro zhes bya ba smos te/ 'jig rten pa'i chos kyi mchog rnams ni bar chad med pa'i lam dang 'dra ba yin te/ de thob pa dang 'gal pa'i phyir ro/ /sdug bsngal la chos shes pa'i bzod pa ni rnam par grol pa'i lam dang
 'dra ba yin te/ de mi ldan pa dang lhan cig skye ba'i phyir ro/ /de nas ni de nyid la chos shes zhes bya ba la chos shes pa ni chos tsam nges par 'dzin par byed pa'o/ /dang po nyid du chos kyi de kho na nyid shes pa'i phyir zhes bya ba zag pa dang bcas pa'i
 chos rnams kyi de kho na nyid ni phyir ci ma log pa'i mi rtag pa dang sdug bsngal ba la sogs pa yin la/ de rtogs pa'i phyir sdug bsngal la chos shes pa zhes bya ste/ de kho na nyid kyi sgra mi mngon par bya ba'i phyir ro/ /de bzhin du
 kun 'byung ba la sogs pa dag la yang ci rigs par brjod par bya'o/ /rdzes su shes pa yang chos kyi de kho na nyid shes pa yin mod kyi/ dang po nyid du ni ma yin pas chos shes pa zhes mi bya'o/ /de'i rgyu las byung ba'i phyir zhes bya ba ni de'i rgyu
 can yin pa'i phyir zhes bya ba'i tha tshig ste/ ji lta chos shes pas 'dod pa'i sdug bsngal la sogs pa'i bden pa la sdug bsngal la sogs pa'i rnam pa dag tu rtogs shing yongs su shes pa de kho na bzhin du gzugs dang gzugs med pa na
 spyod pa'i sdug bsngal rtogs pa'i phyir rjes su shes pa yin no/ /de bzhin du zhes bya ba rgyas par 'byung ngo/ /mjug thogs su skye ba'i rim gyis zhes bya ba ni mjug thogs su skye ba'i rim pa ste des so/ /lhag ma la zhes bya ba ni gzugs dang
 gzugs med pa na spyod pa'i kun 'byung la'o/ /sde pa gzhan dag zhes bya ba ni 'phags pa chos srung ba'i sde pa la sogs pa dag bden pa rnams mngon par rtogs pa gcig tu brjod do/ /ji ltar zhen kha cig gi ltar na sdug bsngal shes pa kho nas
 'phags pa'i bden pa bzhi rtogs pas mngon par rtogs pa gcig pa ni skad cig ma gcig mngon par rtogs pa yin no/ /kha cig gi ni skad cig ma bzhi ste/ de dag la mnyam par gzhag pa dang/ mnyam par ma gzhan pa'i dbye ba ma byas par
 bden pa bzhi la shes pa'i skad cig ma bzhi'o/ /kha cig gi brgyad de/ 'dod dang gzugs dang gzugs med pa'i bden pa'i dbye ba dang/ chos dang rjes su shes pa'i dbye bas brgyad yin no/ /kha cig gis ni skad cig ma bcu gnyis te/ skad
 cig ma brgyad po de dag kho na la gzhan 'jig rten pa'i shes pa bzhi 'byung ngo/ /de ltar sde pa gzhan dag gi blo tha dad par gyur to/ /bye brag med par mngon par rtogs pa zhes bya ba'o/ /de ni rnam pa gsum ste/ zhes bya ba ni mthong ba'i mngon par rtogs pa
 dang/ dmigs pa'i mngon par rtogs pa dang/ bya ba'i mngon par rtogs pa dang/ mthong ba'i mngon par rtogs pa zhes bya ba ni/ mthong ba nyid mngon par rtogs pa yin pa ni/ bden pa mngon par rtogs pa ste/ 'di ltar shes rab med par bden pa
 rnams mthong ba med pas de'i phyir mthong ba'i mngon par rtogs pa yin no/ /zag pa med pa'i shes rab kyis bden pa rnams zhes bya ba ni dge slong dag zag pa med pa'i shes rab kyis mthong ba gang yin pa de ni mthong pa'o zhes 'byung ba'i phyir
 ro/ /dmigs pa'i mngon par rtogs pa ni dmigs pa'i mngon par rtogs pa ste/ 'dir dmigs pa ni 'dzin pa la 'dod do/ /gal te dmigs pa 'dzin pa yin na/ mthong ba dad dmigs pa gnyis la khyad par ci yod ce na/ shes rab kho nas
 mthong ba yin la/ shes rab dang mtshungs par ldan pa dag gis dmigs pa yin no zhes bya ba 'di ni khyad par yin no/ /de ltar byas dang dmigs pa'i mngon par rtogs pa ni de dang mtshungs par ldan pa rnams kyis kyang shes bya ba smos te/ kyang
 zhes bya ba'i sgras ni shes rab kyang gzung ngo/ /de'i phyir de ltar na de shig mthong ba gang yin pa de ni dmigs pa yang yin la tshor ba la sogs pa'i dmigs pa ni mthong ba ma yin no/ /bya ba nyid mngon par rtogs pa yin pa ni bya ba'i mngon
 par rtogs pa yin pa'am/ yang bden pa gsum gyis bya ba gang yin pa bya ba yin te/ de yang 'jugs thogs su 'chang par 'gyur ro/ /ldan pa ma yin pa zhes bya ba la/ kyang zhes bya ba'i sgra ni mtshungs par ldan pa dang/ shes rab kyis kyang yin pa'o/ /tshul
 khrims dang skye ba la sogs pa zhes bya ba'i loT pa zhes bya ba'i sgra ni thob pa dang gnas pa la sogs pa dag bsdu'o/ /lhan cig byung ba thams cad phan tshun bya ba yin pa'i phyir te/ thob pa ma gtogs pa'i lhan cig 'byung ba tshul khrims
 la sogs pa dag ni lhan cig 'byung ba'i rgyu yin pa'i phyir ro/ /sdug bsngal mthong na de'i zhes bya ba ni mngon par rtogs pa po 'am sdug bsngal gyi'o/ /mngon par rtogs pa rnam pa gsum ni ji skad du bshad pa'o/ /de la bya ba'i mngon par rtogs
 pa ni sdug bsngal yongs su shes pa'o/ /kun 'byung la sogs pa gsum gyis mngon par rtogs pa ji ltar zhe na/ de'i phyir spong pa dang mngon sum du byed pa dang/ bsgom pa'i phyir ro zhes bya ba smos te/ sdug bsngal mthong ba'i dus na kun 'byung
 spong zhing 'gog pa ni de thob pa'i sgo nas mngon sum du byed la/ mngon sum du gyur pa'i sgo nas lam sgom pa yin no/ /rnam pa tha dad pa'i phyir zhes bya ba ni 'di dag re re zhing rnam pa bzhi pa yin pa'i phyir dang/ rnam pa dag kyang phan tshun don tha dang
 pa'i phyir dang/ shes pa gcig la rnam pa mang po mi 'thad pa'i phyir ro/ /'on te thams cad bdag med pa'i rnam par shes bya ba ni bdag med pa'i rnam pa ni bden pa bzhi char la mtshungs pa nyid kyi phyir de mthong ba'i sgo nas mngon par rtogs pa gcig
 par mi 'gal lo zhe na/ 'o na ni bden pa rnams sdug bsngal la sogs par mthong bar mi 'gyur zhes bya ba ni/ sdug bsngal ba dang/ kun 'byung ba dang/ 'gog pa dang/ lam zhes bya ba 'am/ yang na sdug bsngal la sogs pa dag tu ste/ bden pa
 rnams sdug bsngal la sogs pa rnam pa bco lngar mthong bar mi 'gyur ro/ /de ltar na zhes bya ba 'byung ngo/ /gal te sdug bsngal la sogs pa'i bden pa re re la zag pa med pa'i shes rab kyis sdug bsngal la sogs pa'i rnam pa dag tu
 mthong ba rmi 'dod na ni de'i phyir 'di na 'phags pa nyan thos sdug bsngal du yi nga la byed pa 'am zhes bya ba rgyas par 'byung ba'i mdo dang 'gal lo/ /rnam pa de lta bu ni sbyor ba'i gnas skabs na yang yod do zhes/ de'i phyir zag pa med pa'i yid la byed pa dang zhes
 bya ba smos te/ sbyor ba'i gnas skabs na ni zag pa med pa'i yid la byed pa mi srid ngo/ /gal te de lta bu ni bsgom pa'i lam la yin no zhes bya ba ni 'phags pa nyan thos sdug bsngal la zhes bya ba la sogs pa gang yin pa'o/ /brjod pa ma yin te/ ji
 ltar mthong ba bzhin bsgom pa'i phyir ro/ /'di ltar bden pa rnam par ji ltar mthong ba de kho na na ltar phyis de dag bsgom pa'i lam du 'gyur ro/ /lhag ma rnams la dbang thob pa'i phyir zhes bya ba la/ dbang thob pa ni sbyor ba med par kun 'byung la sogs la
 mthong ba du byed pa'i nus pa thob pa yin no/ /bar skabs su ldang ba yod dam med ces dpyad par bya ba yin no zhes bya ba la/ 'di ltar mdo las gang zhig rgyun du zhugs pa'i 'bras bu mngon sum du bya ba'i phyir zhugs pa cig la zas ster na zhes bya ba
 la sogs pa gsungs na/ ma langs pa des ni zas za ba sring ba ma yin no/ /kha cig na re rkyen ma tshang bas bar skabs su ldang ba yod do zhes zer ro/ /bye brag tu smra ba rnams na re med de/ srid pa'i dbang du mdzad nas shing sA la dang/ gso sbyong
 bstan pa ltar yongs su brtags pa nye bar bzung ste gsungs zhes zer ro/ /gcig mthong na lhag ma rnams kyi bya ba'i mngon par rtogs pa yin no zhes 'byung ba'i phyir zhes bya ba ni gang gi phyir 'di skad du sdug bsngal mthong na de'i mngon par rtogs
 pa ni gsum ma zhes bya ba'o/ /ji ltar zhe na/ sdug bsngal mthong ba'i nyon mongs pa zad pa gang yin pa de ni kun 'byung spangs pa'o/ /'gog pa thob pa gang yin pa de ni 'gog pa mngon sum du byas pa'o/ /de'i tshe gnyen po mngon du byas pa gang yin pa re
 ni lam bsgom pa'o/ /de ltar kun 'byung ba la sogs pa rnams bya ba'i mngon par rtogs pa yin te/ spangs pa dang mngon sum du byed pa dang/ sgom pa'i phyir ro de'i phyir kho bo cag gis kyang de ltar khas blangs
 ba'i phyir nyes pa med do/ /mdo las rim gyis mngon par rtogs par gsungs pa'i phyir nyes pa yod pa ma yin nam zhe na/ de'i phyir mdo las mthong ba'i mngon par rtogs pa'i phyir zhes bya ba smos te/ bden pa re re yang mthong bar 'dod par bya
 ste/ de lta ma yin na de la log par zhugs pa'i nyon mongs pa rnams spangs par mi 'gyur ro/ /dpe dang bcas pa'i mdo gsum khungs su yod do zhes bya ba ni yang dag par ldan pa'i lung las 'byung ba yin no/ /ji skad du zhe na/ khyim
 bdag mgon med zas sbyin gyis bcom ldan 'das la 'di skad ces gsol to/ /btsun pa ci lags 'phags pa'i bden pa bzhin po mthar gyis mngon par rtogs pa 'am/ 'on te mngon par rtogs pa gcig lags/ khyim bdag 'phags
 pa'i bden pa bzhi ni mthar gyis mngon par rtogs kyis/ mngon par rtogs pa gcig pa ni med do/ /khyim bdag gang zhig 'di skad du/ sdug bsngal 'phags pa'i bden pa mngon par ma rtogs par kun 'byung ba 'phags pa'i bden
 pa rtogs par bya'o/ /kun 'byung 'phags pa'i bden pa mngon par ma rtogs par 'gag pa 'phags pa'i bden pa rtogs par bya'o/ /'gog pa 'phags pa'i bden pa ma rtogs par lam 'phags pa'i bden pa rtogs par bya'o/ /
 zhes smra na/ de skad du ni ma smra zhig ces brjod par bya'o/ /ci'i phyir zhe na/ sdug bsngal 'phags pa'i bden pa mngon par ma rtogs par kun 'byung 'phags pa'i bden pa mngon par rtogs pa gang yin pa de ni gnas med cing
 go skabs med do zhes bya ba nas 'di ni gnas med cing zhes bya ba'i bar snga ma bzhin no/ /'di ni gnas yod do zhes bya ba'i bar yang snga ma bzhin no/ /khyim bdag dper na gang zhig 'di skad du bdag gi khang pa rtseg mthas khang pa rtseg ma chen po'i rmad
 la rkang pa ma gzhag par rtsig pa la gzhag par bya'o/ /rtsi ga pa la ma gzhag par phyam so la gzhag par bya'o/ /phyam so la ma gzhag par g.yogs ma la gzhag par bya'o zhes smra na/ de skad du ma smra zhig ces brjod par bya'o/ /de ci'i phyir zhe na/ khang
 brtseg pa'am?/ zhes bya ba rgyas par 'byung ngo/ /khyim bdag mgon med pas sbyin gyis ji skad zhus pa de skad du dge slong gcig gcig gis kyang zhus te/ dpe'i khyad par ni dge slong gang zhig 'di skad du bdag gis bar rim bzhi yong pa'i them skas la them skas
 tha ma lam gzegs par gnyis pa la gzegs par bya'o/ /gnyis pa la ma gzegs par gsum pa nas bzhin pa la gzegs par byar zhes smra na/ de skad du ma smra zhig ces brjod par bya'o zhes 'byung ba'o/ /tshe dang ldan pa kun dga' bas kyang de skad du zhus te/
 dpe'i khyad par ni kun dga' bo dpe rna gang zhig 'di skad du bdag gis rdad bu ba ni pa'i skas la/ rdang bu tha ma la rkang pas ma gzags par rdad bu gnyis pa la gzag go zhes bya ba nas khang bzangs kyi thog tu gzeg go zhes smra na de skad du ma smra zhig ces
 brjod par bya'o zhes bya ba'i par rgyas par 'byung ba'o/ /de bzhin du kun dga' bo gang zhig 'di skad du bdag gis sdug bsngal 'phags pa'i bden pa mngon par ma rtogs par zhes bya ba nas 'di ni gnas med cing zhes bya ba'i bar du rgyas par 'byung ngo/ /
 mdo gsum ni 'di dag yin no/ /gang zhig sdug bsngal la nem nur med cing zhes bya ba rgyas par 'byung ba ni gal te bden pa rnams mngon par rtogs pa gcig tu mi 'dod na/ mdo ji ltar drang zhes bya ba'o/ /sangs rgyas zhes bya ba ni mi slob pa'i chos rnams bzhi?
 la de dag kyang lam yin te lam gyi bden pa mngon par ma rtogs par ni de la the tshom med par mi rigs so/ /rnam pa gcig tu na sdug bsngal smos pas kun 'byung yang bzung la sangs rgyas zhes bya
 pa smos pas 'gog pa dang lam gnyis kyang gzung ste/ sangs rgyas ni spangs pa dang ye shes kyi rab tu bye ba'i phyir ro/ /de la the tsom dang nem nur ni rnam grangs kyi chig ste/ dper na tshe ring ba dang/ yun ring du gnas par 'gyur zhes bya
 ba lta bu'o/ /de'i phyir sdug bsngal gyi bden pa nges pa kho na na bden pa gzhan yang nges pa yin no/ /ma yin te kun tu mi 'byung ba dang gdon mi za bar spong ba la dgongs te/ gsungs pa'i phyir zhes bya ba ni kun tu mi 'byung ba la dgongs
 te gsungs pa'i phyir dang/ bdon mi za bar spong ba la dgongs te gsungs pa'i phyir te/ sdug bsngal yongs su shes na the tshom kun du 'byung ba yod pa ma yin te/ bzod pa chen po'i gnas skabs na ste mi skye ba'i chos nyid thob pa'i phyir ro/ /de'i
 cho gdon mi za bar spangs pa yang yin te/ de'i phyir mdo dang kag lab med do/ /de dag ni sa drug go zhes sngar bshad zin to/ /zhes bya ba ni mi lcogs med pa dang/ khyad par bsam gtan sa pa'o zhes bshad pa'i phyir ro/ /gnyis kyi rkun bo
 'byin pa dang sgo gcod pa bzhin no zhes bya ba ni bar chad med pa'i lam gyis ni nyon mongs pa'i chom rkun de'i thob pa gcod pa'i sgo nas 'byin par byed la/ rnam par grol ba'i lam gyis nga ltar du byed pa'i sgo nas bral ba'i thob pa'i sgo
 gcod par byed do/ /gal te bar chad med pa'i lam gnyis pa zhes bya ba la/ sdug bsngal la chos shes pa'i bzong ba'i bar chad med pa'i lam gnyis pa ni sdug bsngal la rjes su shes pa'i bzod pa yin la/ de bzhin du sdug bsngal
 la rjes su shes pa'i bzod pa'i bar chad med pa'i lam gnyis pa ni kun 'byung ba la ches shes pa'i bzod pa yin te/ lhag ma dag pa la yang de dang 'dra bar brjod par bya'o/ /dmigs pa de kho na la the tshom spangs pa'i shes pa skye bar mi 'gyur ro zhes bya ba ni
 gang zhig par chad med pa'i lam gyi yul 'dod pa'i sdug bsngal la sogs pa la'o/ /de las cir 'gyur zhe na/ phyis sdug bsngal yongs su shes so zhes bya bar nges par mi 'gyur te/ de'i yul can gyi shes pa sngar ma skyes pa'i phyir ro/ /
 de nye bar bstan pa don med pa yang thal bar 'gyur te/ re shig 'de ni regs pa yin no/ /bcom ldan 'das kyis kyang sdug bsngal la chos shes pa dang/ sdug bsngal la rjes su shes pa zhes gsungs te/ de'i phyir bden mi za bar gnyi ga yang yod dgos
 so/ /gal te bzod pa rnams kyis nyon mongs pa spong la/ phyir zhes bya ba ni gal te bzod pa rnams kyis nyon mongs pa spong la/ shas pa rnams kyis ma yin zhing shes pa rnams kyis de'i bral ba'i thob pa 'dzin pa 'ba' zhig yin na/ de lta na bstan bcos
 las kun tu sbyor ba'i ris dgu zhes 'byung ba dang 'gal te/ 'di skad du bstan bcos las kun tu sbyor ba'i ris dgu ste/ chos shes pas spang bar bya ba bzhi dang/ rjes su shes pas spang bar bya ba bzhi dang/ bsgom pas spang bar bya ba'o zhes 'don
 to/ /ma yin te bzod pa rnams ni shes pa'i 'khor yin pa'i phyir zhes bya ba ni 'gal ba yod pa ma yin pa'o/ /bzod pa rnams ni shes pa'i 'khor du gyur pas de'i phyir bzod pas spang bar bya ba'i kun tu sbyor ba'i ris la shes pas spang bar bya ba
 zhes bya ba ste/ bsgom pas spang bar bya ba'i kun tu sbyor ba'i ris ni gtsor shes pas spang bar bya ba kho na yin no/ /de nyid la dper brjod pa ni rgyal po'i 'khor gyis byas pa las rgyal bos byas so zhes tha snyad 'dogs pa bzhin no zhes bya ba
 smos so/ /bden ba ma mthong ba mthong ba'i phyir ro zhes bya ba ni 'phags pa'i bden pa bzhi ma mthong ba rnams mthong ba'i phyir mthong ba'i lam zhes bya ste/ lam la rjes su shes pa ma gtogs pa skad cig ma ltag ma bco lnga ni mthong ba'i
 lam mo/ /ji ltar mthong ba goms par byed pa'i phyir zhes bya ba ni lam la rjes su shes pa'i bzod pas mthong ba'i lam la rjes su shes pas mthong bas ji ltar mthong ba goms par byed pa'o/ /ma mthong ba mthong ba ma yin nam zhes bya ba ni skad cig
 ma bcu drug pa des so/ /ma mthong ba de gang zhig ce na/ lam la rjes su shes pa'i bzod pa zhes bya ba smos te/ lam la rjes su shes pa'i bzod pa ni bdag nyid ma gtogs pa lhag ma rjes su shes pa'i phyogs dang mthun pa'i lam la dmigs
 par byed de/ bdag nyid la byed pa ni 'gal ba'i phyir ro/ /phyis rjes su mthun pa'i shes pas bzod pas ma mthong ba de dag mthong ba yin no zhe na/ bden pa'i phyir la zhes bya ba rgyas par 'byung ste/ di nyid kyi phyir bden pa ma mthong ba mthong
 ba'i phyir ro zhes bya ba gsungs kyi/ ma mthong pa mthong ba'i phyir ro zhes ni ma yin no/ /de nyid kyi phyir skad cig ma gcig ma mthong bas ma yin te zhes bya ba smos so/ /'jig rten pa'i dpe bshad pa ni dper na nyag ma gcig ma brdas pas zhing ma brdas
 pa ma yin pa ba zhin no zhes bya ba smos so/ /'bras bu yin pa'i phyir zhes bya ba ni lam la rjes su shes pa ni rgyun du zhugs pa'i 'bras bus bsdus pa yin te/ de'i phyir 'bras bu yin pas lan cig phyir 'od pa'i 'bras bu la sogs pa bzhin
 du bsgom pa'i lam yin no zhes bya bar nges so/ /shes pa brgyad dang rnam pa bcu drug thob pa'i phyir zhes bya ba ni lam la rjes su shes pa'i tsha shes pa brgyad dang rnam pa bcu drug 'thob pa'i phyir te/ chos shes pa bzhi dang rjes su
 shes pa bzhi dang/ rnam pa bcu drug ces bya ba/ sdug bsngal gyi rnam pa bzhi nas lam gyi rnam pa bzhi'i bar de/ de las gzhan pa'i sgom pa'i lam bzhin no/ /mthong ba'i lam la shes pa dang rnam pa skal ba nyams pa kho na 'thob bo/ /de'i phyir yang
 lam la rjes su shes pa ni bsgom pa'i lam kho na yin no/ /lam snga ma rnam par nyams pa'i phyir zhes bya ba ni zhugs pa'i lam rnam par nyams pa'i phyir zhes bya ba'i don to/ /lan cig phyir 'ong ba dang phyir mi 'ong ba'i 'bras bu'i lam ltar bsgom pa'i
 lam kho nar zhugs pa'i lam yongs su gtong gi mthong ba'i lam du ni ma yin la/ lam la rjes su shes pa la ni zhugs pa'i lam yongs su btong ba yin te/ de'i phyir yang bsgom pa'i lam kho na yin no/ /rgyun chags pa yin pa'i phyir zhes bya
 ba ni lam la rjes su shes pa 'di ni de las gzhan pa'i bsgom pa'i lam bzhin du/ rgyun chags pa yin na mthong ba'i lam la mi bzod pa lam shes pa'ang rung rgyun chags yod pa ma yin te/ 'de'i phyir yang lam la rjes su shes pa
 bsgom pa'i lam yin no/ /gal te lam la rjes su shes pa bsgom pa'i lam yin na/ ji ltar de las yongs su mi nyams zhe na/ de'i phyir yongs su mi nyams pa ni mthong bas spang par bya ba'i spangs pa yang dag par 'dzin pa'i phyir ro zhes
 bya ba smos te/ mthong bas spang bar bya ba'i spangs pa yang dag par 'dzin par byed pa yin no zhes bya ba'i tha tshig ste/ gzhi'i gnyen po ni rnam par grol ba'i lam mo zhes sngar mdzod kyi gnas lnga par bshad zin to/ /lam la rjes su shes pa kho
 nas mthong bas spang bar bya ba rnams kyi spang ba yang dag par 'dzin pa de'i de las yongs su nyams pa med do/ /gal te 'bras bu'i lam de las yongs su nyams na ni rgyun tu zhugs pa'i 'bras bu las kyang yongs su nyams par 'gyur ba zhig
 na de las ni yongs su nyams pa med do/ /de nyid kyi phyir mthong ba'i lam yin no zhes bya ba ni gang gi phyir des mthong bas spang bar bya ba'i spangs pa yang dag par 'dzin pa'i phyir ro/ /ma yin te ha cang thal bar 'gyur ba'i
 phyir ro zhes bya ba ni lam la rjes su shes pa phan chad kyi bsgom pa'i lam yang mthong ba'i lam du 'gyur te/ des kyang mthong bas spang bar bya ba'i spangs pa yang dag par 'dzin pa'i phyir ro/ /de lta yin na ni lan cig phyir 'od ba'i 'bras bu la
 sogs pa yang mthong ba'i lam du 'gyur ro/ /ci'i phyir shes pa bdun mthong ba'i lam yin zhen zhes bya ba ni/ brgyad pa lam la rjes su shes pa ma yin snyam du bsams pa ste/ bdun po de dag ni tshes shes pa bzhi dang rjes su shes
 pa gsum mo/ /mthong ba ma rdzogs pa'i phyir te/ bden pa ma mthong ba ma mthong ba'i phyir shes pa rnams mthong ba'i lam nyid do zhes ma bya'i/ /'o na ci zhe na/ mthong ba'i lam gyi bar mar gyur ba'i phyir te/ bzod pa gnyis gnyis kyi
 bdam gyur pa yin pa'i phyir shes pa bdun po de dag kyang mthong ba'i lam yin no/ /da ni ji ltar na 'phags pa'i lam skyes pa'i gang zag rnams zhes bya ba rgyas par 'byung ngo/ /lam ni rnam pa gsum ste/ mthong ba'i lam dang/ bsgom pa'i
 lam dang/ mi slob pa'i lam ste/ de ni lam gsum po de dag tu ji ltar gang zag rnam par gzhag pa de ltar rgyas par brjod par bya'o/ /de la re shig mthong ba'i lam gyi rang bzhin gyi zhes bya ba rgyas par 'byung ngo/ /dbang po rtul po ni
 dad pas nus pa kun tu 'byung ba'i phyir skad cig bco lnga po de dag la gnas pa na dad pa'i rjes su 'brang ba zhes bya'o/ /dbang po rnon pa ni dpyod pa dag gis mngon par dga' ba kun tu 'byung ba'i phyir chos kyi rjes su 'brang ba zhes bya ba'o/ /rjes su
 'brad bas na rjes su 'brang ba ste/ dngos po byed pa po'o/ /dad pa'i rjes su 'brang bas na dang pa'i rjes su 'brang ba'o/ /de 'di la yod pas na dang pa'i rjes su 'brang ba'o/ /sngon gzhan las yid ches pas don gyi rjes su 'brang ba'i phyir ro zhes
 bya ba ni bden pa mthong ba'i sngon rol tu ste/ bden pa mthong na ni bdag nyid kyis mngon sum du byed pa yin no/ /chos kyi rjes su 'brang ba yang de dang 'dra'o/ /zhes bya ba ni chos kyi rjes su 'brang bas na chos kyi rjes su 'brang ba'o/ /de 'di la
 yong bas sam/ chos kyi rjes su 'brang ba'i dang tshul can yin pas na chos kyi rjes su 'brang ba ste/ sngon bdag nyid kho nas mdo la sogs pa'i chos gsung rab yan lag bcu gnyis kyis don gyis rjes su 'brang ba'i phyir ro/ /rnam pa lnga'i
 bar du spangs pa zhig yin na yang zhes bya ba la bar du zhes bya ba'i sgras ni gcig dang gnyis dang gsum dang bzhi rnam pa lnga spangs pa zhig yin na/ de bzhin du dang po'i 'bras bu la zhugs pa dag ces bya ste/ dper na 'ching ba mdza' dag dang
 ldan pa dag bzhin no/ /gnyis pa la dgu pa tshun chad zad pa yin no/ /gnyis pa la zhes bya ba ni gnyis pa'i ched du ste/ dper na pags pa'i phyir gung gsod do zhes bya ba lta bu'o/ /dgra bcom pa nyid ni dang po nyid du thob par mi nus te/ zhes
 bya ba ni phyir mi 'ong ba'i 'bras bu thob pa'i gong rol tu dgra bcom pa nyid thob par mi nus so zhes bya ba'o/ /ci'i phyir zhe na/ mthong ba'i lam gyis bsgom pas spang par bya ba mi spong ba'i phyir dang zhes bya ba smos te/ srid pa'i rtse mo'i bsgom pas
 spang bar bya ba spangs pas dgra bcom pa nyid yin na/ mthong ba'i lam gyis bsgom pas spang par bya ba rnams spong bsrid pa yang ma yin te/ bzod pas gzhom min sgom kho nas/ zhes 'byung ba'i phyir ro/ /sngar yang srid pa'i rtse mo las 'dod
 chags dang bral ba mi srid pa'i phyir ro/ /zhes bya ba ni sngon so so'i skye bo'i gnas skabs na 'jig rten pa'i lam gyis srid pa'i rtse mo las 'dod chags dang bral ba mi srid pa'o/ /srid pa'i rtse mo'i gnyen por
 gyur pa'i 'jig rten pa'i lam ni yod pa ma yin te/ 'jig rten pa'i lam ni gong ma'i nyer bsdogs kyis bsdus pa'i phyir la de yan chang nas gzhan med pa'i phyir ro/ /dang pa dang shes rab lhag bas mos pa dang/ mthong bar rab tu
 phyi ba'i phyir ro zhes bya bas ni dang pa lhag pas mos pas rab tu phye ba'i phyir dang pas mos pa yin gyis de la shes rab med pa nyid ni ma yin la shes rab lhag pas mthong bas rab tu phye ba'i phyir mthong bas thob pa yin gyi/ de la dad pa
 med pa ni ma yin no/ /rnam pa lnga'i bar bcom zhes bshad pa'i phyir/ ci'i phyir rnam pa lnga spangs kyang sems bcu drug pa la rgyun du zhugs pa kho na zhes bya brgyas par 'byung ngo/ /ji srid du khyad par du bya ba'i phyir zhes bya ba la khyad par
 du bya ba'i phyir brtson pa gang zhe na/ 'bras bu thob par bya ba la zhes bya ba smos so/ /de bzhin du 'bras bu gzhan la yang sbyar bar bya'o/ /zhes bya ba ni lan cig phyir 'ong ba'i 'bras bu dang/ phyir mi 'ong ba'i 'bras bu la ste/ ci'i phyir
 sngar 'jig rten pa'i lam gyi rnam pa bdun dang brgyad spangs kyang sems bcu drug pa la lan cig phyir 'ong ba zhes bya ba la/ phyir mi 'ong ba'i 'bras bu la zhugs pa zhes mi bya zhe na/ gang gi phyir 'bras thob 'bras bu khyad par gyi/ lam thob med pas
 zhes bya ba dang/ de bzhin du 'dod khams na 'dod chags dang bral zhing gong ma ci yang med pa'i skye mched kyi bar las 'dod chags dang bral yang sems bcu drug pa la phyir mi 'ong ba kho na zhes bya la/ dgra bcom pa'i 'bras bu la
 zhugs pa zhes mi bya zhe na/ gang gi phyir 'bras thob 'bras bu'i khyad par gyi zhes bya ba rgyas par sbyar ro/ /gang zhig bsam gtan gsum pa la 'dod chags dang bral la/ sa 'og ma la brten te zhes bya ba ni mi lcog pa med pa la sogs pa rnams
 las bsam gtan gnyis pa la thug pa gang yang rung ba zhig la ste/ de dag la bde ba'i dbang po med pa'i phyir ro/ /de ni 'dod pa'i khams su skyes ba kho na zhig ste/ gong na mthong ba'i lam med pa'i phyir ro/ /de ni gdon mi za bar 'bras bu khyad
 par can gyi lam bsam gtan gsum pa'i sa pa zag pa med pa mngon du byed do/ /de lta ma yin na de'i gong du skyes pa zhes bya ba ni bsam gtan gsum pa de'i gong bsam gtan bzhi pa 'am/ gzugs med pa dag tu skyes pa'i 'phags pa de
 bde ba'i dbang po dang mi ldan par 'gyur ro/ /des ni sa 'phos bas bsam gtan gsum pa zag pa dang bcas pa btang la/ des zag pa med pa yang mngon du ma byas pas bde ba'i dbang po zag pa dang bcas pa dang/ zag pa med pa gnyi
 gang mi ldan par 'gyur na/ 'phags pa gong du skyes pa ni gdon mi za bar bde ba'i dbang po dang ldan par gsungs te/ bde ba'i dbang po ni bsam gtan bzhi pa dang/ gzugs med par skyes pa'i so so'i skye bo mi ldan gyi 'phags pa ni ldan
 no zhes 'byung ba'i phyir ro/ /gzhan dag na re 'di ni rnam par bshad pa'i nang du bris pa yod mod kyi/ de ni gzhag pa'i phyogs ma yin par mngon te/ gzhan dag na re ni zhes 'byung ba'i phyir ro/ /'phags pa bde ba'i dbang po dang ldan no zhes
 bya ba ni srid pa'i dbang du/ byas nas bshad par zad do zhes zer ro/ /de ltar re shig phal cher las dbang 'dod pa las 'dod chags dang bral ba rnams kyis zhes bya ba la phal cher las 'dod chags dang bral ba rnams dang 'dod chags dang
 bral ba rnams kyi nges pa la 'jug pa'i gang zag rnam par gzhag pa ni bshad zin to/ /dang po kho nar lam chen po mi srid pa'i phyir zhes bya ba ni las dang po pa'i rgyud nyon mongs pas dri ma can du byas pa'i phyir te/
 de nyid kyi phyir lam chen po skyes pa la zhes bya ba la sogs pa smos so/ /'di ni dpe'i rnam pa yin no zhes bya ba ni 'di ni dpe'i rnam pa'i rab tu dbye ba yin no zhes bya ba'i don to/ /de'i phyir de ltar na rnam pa 'dis dpe gzhan yang brjod par bya'o/
 zhes ston par byed de/ de ltar na ma yin na 'di ni dpe yin no zhes de skad du brjod par byed do/ /'khor ba thog ma med pa brgyud pas spel ba zhes bya ba ni/ 'khor ba thog ma med pa brgyud pas spel zhing phan btags pas des na chen po
 rnams zhes bya ste/ 'di dag la tshad de bungs glags pa yod pa'i phyir ro/ /nyon mongs pa de rnams rtsa nas med par byed pa'i phyir zhes bya ba ni thob pa gcod par byed pa'i phyir zhes bya ba'i don de/ nyon mongs pa rnams de la rag las
 pa'i phyir thob pa ni rtsa ba dang chos mthun pa yin no/ /chung ba'i ngur bying thun gcig gis skyon mang po 'byin pa dang 'dra bar me skad cig mas mun pa chen po 'joms pa dang 'dra'o/ /de la mchog tu thogs nas skyes ba bdun yod pas
 na mchog tu thogs na lan bdun pa ste/ mchog tu zhes bya ba'i sgra ni rab tu'o/ /re ltar na thogs na zhes 'byung bas thams cad ni gdon mi za bar ma yin no zhes bstan par 'gyur te/ de nyid kyi phyir thams cad kyi tha shal ba'o zhes
 'byung ngo/ /de nas der 'gro ba'i phyir ro zhes bya ba ni lam de nas mya ngan las 'das par 'gro zhes bya ba'i tha tshig go /lam dang po thob pa'i phyir ro zhes bya ba la/ lam dang po ni mthong ba'i lam mo/ /brgyad pa yang
 yin par 'gyur ro zhes bya ba ni dgra bcom pa nas bzung ste/ lugs las bzlog ste bgrangs na skyes bu gang zag brgyad kyi nang na rgyun tu zhugs pa'i 'bras bu mngon du bya ba'i phyir 'jug pa tha dad pa'i rjes su 'brang ba dang/ chos kyi rjes su 'dras
 ba ni brgyad pa yin no/ /gal te 'bras bu dang po thob pa'i phyir ro zhe na ni/ phal cher la 'dod chags dang bral ba yang zhes bya ba la sogs pa la 'jig rten pa'i lam gyis rnam pa drug pa zad par byas pa yang/ gal te phyis 'phags
 pa'i lam mngon du byed na de'i tshe de lan cig phyir 'ong ba yin na/ de yang rgyun tu zhugs par 'gyur ro/ /de bzhin du 'jig rten pa'i lam gyis 'dod pa las 'dod chags dang bral ba yang sems bcu drug pa la phyir mi 'ong ba nyid yin gyi
 rgyun du zhugs pa ma yin na/ de yang 'bras bu dang po yin pas de'i phyir rgyun tu zhugs par 'gyur ba zhig na 'di ni 'dod pa yang ma yin no/ /'bras bu thams cad thob pa zhes bya ba la sogs pa smos te/ de la rgyun du zhugs pa la sogs pa'i
 'bras bu thams cad thob pa'i ngang tshul yod pas na 'bras bu thams cad thob pa ste/ de nas bzung ste 'bras bu thob pas rgyun du zhugs pas zhes bya'o/ /zhugs pa dang 'bras bu'i lam thob pa'i phyir zhes bya ba la zhugs pa'i lam ni skad
 cig ma bco lnga'i mtshan nyid can no/ /'bras bu'i lam ni lam la rjes su shes pa'o/ /brgyad pas ni rgyun du zhugs pa'i lam kho na thob kyi/ 'bras bu'i lam ni ma yin no/ /mthong ba dang bsgom pa'i lam thob pa'i phyir zhes bya ba la/
 mthong ba'i lam ni skad cig ma bco lnga'o/ /bsgom pa'i lam ni lam la rjes su shes pa ste/ de yang rgyun du zhugs pa kho nas thob kyi/ dad pa'i rjes su 'brang ba 'am/ chos kyi rjes su 'brang ba brgyad pas ni ma yin no/ /rgyun pas thams cad
 mngon par rtogs pa'i phyir ro zhes bya ba ni lam la rjes su shes pa'i bzod pa'i skad cig kyang mthong ba'i phyir te/ rgyu 'di'i phyir yang de kho na rgyun du zhugs pa yin gyi/ brgyad pa ni ma yin no/ /gnas bdun la mkhas
 pa zhes bya ba dang/ mdab ma bdun pa zhes bya ba bzhin no/ /zhes bya ba ni dge slong gnas bdun la mkhas pa zhes bshad pa lta bu'o/ /ji ltar zhe na/ dge slong dag ji ltar na dge slong gnas bdun la mkhas pa yin zhe na/ gzugs yang dag pa ji lta ba
 bzhin du rab tu shes so/ /gzugs kun 'byung ba dang/ gzugs 'gog pa dang/ gzugs 'gog par 'gro ba'i lam dang/ gzugs kyi ro myang ba dang/ nyes dmigs dang/ nges par 'byung ba yang dag pa ji lta ba bzhin du rab tu shes so
 zhes 'byung ste/ de bzhin du tshor ba dang/ 'du shes dang/ 'du byed rnams dang/ rnam par shes pa dag la yang brjod par bya'o/ /tshul 'dis ni gnas sum cu rtsa lnga la mkhas par 'gyur ro/ /mdab ma brgya phrag du ma zhig yod kyang/ bdun
 mtshan du mthun pa'i phyir shing de la lo ma bdun pa zhes bya'o/ /dpe dang po ni gsung rab las grub pa yin la/ gnyis pa ni 'jig rten la grags pa'o/ /zhes bya ba ni khyad par ro/ /gal te lha dang mi dag gis nang re rer srid pa bdun nyid mtshams
 sbyor na/ 'o na gang mdo las gang zag lta ba phun sum tshogs pa zhes bya ba la sogs pa gsungs pa de dang ji ltar mi 'gal/ 'gro ba gcig tu zhes bya ba ni lha'i 'gro ba 'am mi'i 'gro bar srid pa brgyad pa mngon par mi 'grub pa'o/ /'o na te sgra
 ji bzhin du brtag na ni srid pa bar ma ni 'dod pa yang yin te de'i phyir 'gro ba gcig tu zhes bya ba 'di dgongs pa yin par nges so/ /de ltar na yang srid pa'i rtse mo'i bar du gong du 'pho ba zhes bya ba rgyas par 'byung ste/ gong du 'pho ba gnas thams cad
 du 'chi 'pho ba ni 'gro ba gcig tu brgyud pas lhag pa'i skye ba gzhan mngon par 'grub ste/ de 'phar phyed 'phar thams cad du/ 'chi 'pho gzhan srid rtse mor 'gro/ zhes 'byung ba'i phyir ro zhe na/ de'i phyir 'dod pa'i khams la dgongs te gsungs pa'i phyir
 zhes bya ba smos te/ 'gro ba gcig po 'dod pa'i khams kyi lha'i 'gro ba 'am/ mi'i 'gro ba gang yin pa der srid pa brgyad pa mngon par mi 'grub kyi/ gzugs dang gzugs med pa'i khams dpag tu ni ma yin no/ /'di la shes par byed pa mdo 'am/ rigs
 pa ci zhig yod gang las 'dod pa'i khams kyi dbang du byas nas yin gyi zhes bya ba rtogs par 'gyur ba/ 'dod pa'i khams kyi dbang du byas nas 'di gsungs so zhes bya ba ni mdo las gsungs pa yod pa ma yin no/ /gang gi de ma thag tu glengs pa de nyid kyis
 lha dang mi dag gi nang du so sor lan bdun zhes bya ba smos so/ /'di skad du lha rnams dang zhes bya ba rgyas par 'byung ngo/ /de ltar bye brag tu smra ba'i phyogs dang 'gal bar 'gyur ba dang slob dpon gyis gzhung gzugs pa'i phyir 'ong srungs pa rnams zhes bya
 ba rgyas par smos te/ bye brag tu smra ba'i phyogs ltar na yang so so yin no zhes bya ba rtogs te/ de lta ma yin na lha dang mi dag tu lan bdun zhes bya ba kho nar gsung bar 'gyur gyi/ lha rnams su lan bdun mi rnams lan bdun zhes gsungs par mi 'gyur ro/ /'dod
 pa'i las dgongs te/ gsungs pa'i phyir zhes bya ba 'di la shes par byed pa mdo 'am rigs pa ci zhig yod ces smras pa gang yin pa yang mngo'i don khong du ma chud nas de skad du smras pa yin te/ gang du 'phags pa la re ltar thogs na lan bdun pa zhes
 gsungs pa de kho nar srid pa brgyad pa bkag par 'thad na/ gzugs dang gzugs med pa dag tu ni re ltar thogs na lan bdun pa gsungs pa yang ma yin pas rgyun tu zhugs pa'i dbang du mdzad nas gsungs pa'i phyir/ de las phyir mi 'ong ba pa la srid pa
 brgyad pa bkag par mi rigs so/ /lam de ni de 'dra ste zhes bya ba la gang gis dus de srid kyis gdon mi za bar brgyud yongs su smin pa las srid pa brgyad pa mngon par 'grub par mi 'gyur ba de 'dra zhing de lta bu yin no/ /
 sbrul gom pa bdun pas zin pa lta bu zhes bya ba la/ dper na sprul gom pa bdun pas zin pa ni gom pa bdun por na gdon mi za bar 'chi'i phan chad du yang ma yin tshun chad du yang ma yin te/ dug gi rigs de ni de lta bu yin no/ /rims nyin?
 bzhi pa bzhin zhes bya ba ni gang zhig nyi ma bzhi zhes rims kyis 'de bas kyis/ /sngar yang ma yin la phyis kyang ma yin te/ rims kyi rigs de de lta bu yin pa de bzhin du/ gang gis na 'phags pa'i skyes pa la srid pa brgyad pa 'grub par mi
 byed pa lam gyi rigs de ni de lta bu yin no/ /lus pa'i phyir ro zhes bya ba la ci zhe na/ srid pa brgyad pa mngon par mi 'grub cing tshu rol du mya ngan las 'das pa thob pa ma yin no/ /'og ma'i cha dang mthun pa gnyis zhes bya ba ni 'dod pa
 la 'dun pa dang/ gzod sems te/ 'dod pa'i khams la 'dod chags dang ma bral ba'i phyir de la de gnyis yod do/ /gong ma'i cha dang mthun pa lnga ni 'dod chags gnyis po gzugs dang gzugs med pa'i 'dod chags dang/ rgong pa dang/ nga
 rgyal dang/ gti mug go/ bar skabs su 'phags pa'i lam mngon du byed cing yongs su mya ngan las mi 'da' ste/ zhes bya ba la bar skabs su zhes bya ba ni bar dang tshu rol tu zhes bya ba'i tha tshig go/ yang ci'i phyir bar skabs su lam mngon du byas nas
 yongs su mya ngan la/ mi 'da' zhe na/ de'i phyir de srid du srid pa myong bar 'gyur ba'i las kyi stobs bskyed pa'i phyir ro zhes bya ba smos te las 'dis 'dis du srid du srid pa myong bar srid pas na de ni de srid du sring pa myong bar byang ba'i las
 te/ srid pa bdun myong par 'gyur pa'i las zhes bya ba'i tha tshig go/ sangs rgyas 'byung ba med pa na zhes bya ba ni gal te bstan pa nub na'o/ /dgra bcom pa nyid thob pa ni khyim na gnas par mi rung ste/ 'o na 'di ci yin zhe na/ dge slong ngo/ /ji ltar
 zhe na/ chos nyid kyi 'thob pa'i dge slong gi mtshan ma yang 'thob bo zhes bya ba smos so/ /chos nyid zhes bya ba ni mi slob pa'i lam de'i rang bzhin dang mthun te/ dge slong gi rtags dang sbyor bar byed pa gang yin pa de ni de'i rang bzhin no/ /
 gzhan ngag na re gnas gzhan gyis mtshan mas so zhes zer ro zhes bya ba la de ni mi 'dod de/ de dag ni log par lta ba'i dbang gis dam pa ma yin pa'i las dag la 'jug pa'i phyir ro/ /log par ltung ba'i chos can ma yin zhes bya ba
 ni mdo las rgyun tu zhugs pa yin te/ log par ltung pa'i chos can ma yin pa dang/ rdzogs pa'i byang chub tu nges par gzhol ba yin te/ de ltar thogs na srid pa lan bdun pa yin te/ lha rnams dang mi rnams kyi nang du lan bdun 'khor zhing
 song nas sdug bsngal gyi mthar byed de zhes bya brgyas par 'byung ngo/ /der 'gro ba'i las mi sog pa'i phyir zhes bya ba ni/ ngan song du 'gro ba'i las mi byed pa'i phyir zhes bya ba'i don to/ /bsags pa rnam par smin pa 'byin pa dang mi
 mthun pa byas pa'i phyir ro/ /gang zhe na rgyud de/ /bsags pa ni sngon byas pa ste/ phung po'i rgyud de'i rnam par smin pa 'grub pa dang mi mthun par byas pas de yang ma smin te/ de'i phyir log par ltung ba'i chos can ma yin no/ /yang ci'i phyir rgyud
 ngan song du 'gro ba'i las bsags pa'i rnam par smin pa 'byin pa dang mi mthun par 'gyur zhe na/ bshad pa dge ba'i rtsa ba stobs dang ldan pa ni zag pa med pa dag ste/ de dag gi phung po'i rgyud bsdos pa'i phyir mi mthun pa yin no/ /de
 dag gi ji ltar bsgom zhe na/ de'i phyir sbyor ba dang bsam pa dag pa'i sgo nas zhes bya ba smos so/ /de la sbyor ba dag pa ni 'phags pa dgyes pa'i tshul khrims dag go/ /bsam pa dag pa ni sangs rgyas la sogs pa
 la shes nas dang ba'o/ /dan 'gror nges na ni nges par 'byed pa'i cha dang mthun pa'i dge ba'i rtsa ba'i mtshan nyid can bzod pa yang skyed par mi 'gyur na/ zag pa med pa'i lam lta smos kyang ci dgos ji ltar na dge ba'i rtsa ba stobs dang ldan pa bsgos
 pa mi dge ba bsags pa rnam par smin pa dang mi mthun par 'gyur ba de bstan pa'i phyir/ 'dir smras pa zhes bya ba smos te/ phyed 'og mas ni go rims bzhin du phyed gong mas dam bcas pa'i don gnyis kyis dpe gnyis bstan to/ /sdug bsngal
 gyi mthar byed do zhes bya ba ni mdo las rgyun du zhugs pa yin te/ log par ltung ba'i chos can ma yin pa dang/ rdzogs pa'i byang chub tu gzhol nges pa yin te/ re ltar thogs nas srid pa lan bdun pa yin te/ lha rnams dang mi rnams kyi nang du lan
 bdun 'khor zhing song nas sdug bsngal gyi mthar byed do zhes gsungs pa gang zhig byed par 'gyur ba sdug bsnga ba gyi mdza' gang yin zhes bya ba'o/ /gang phan chad sdug bsngal med pa ste/ zhes bya ba ni srid pa gzhan gyis bsdus pa'o/ /
 de'i phyir de ltar phung po lhag ma dang bcas pa'i sdug bsngal dang sbyar ro/ /de phan chad sdug bsngal med de/ tha ma'i skad cig las skye ba'i sdug bsngal gzhan yod pa ma yin no/ /de nyid kyi phyir sdug bsngal nyid mtshams mi sbyor bar
 byed ces bya ba'i tha tshig go zhes bya ba smos te/ gang gi phyir skye ba gzhan mtshams mi sbyor ba'i phyir ro/ /yang na sdug bsngal gyi mdza' ni mya ngan las 'das pa yin no/ /mya ngan las 'das pa rtag pa ji ltar byed ce na de phyir de thob
 pa'i gegs bsal pa'i phyir te zhes bya ba smos so/ /mya ngan las 'das pa thob pa'i gegs ni nyon mongs pa'i thob pa yin te/ de yod na mya ngan las 'das pa'i thob pa mi skye ba'i phyir ro/ /de bsal pa ni gnyen po'i sgo nas de'i gegs rnam
 par gcad pa ste/ sel ba'i rtog pas mya ngan las 'das pa byed do zhes brjod do/ /de nyid la dpe ni dper na mdun khang rtib la nam mkha' gyis shes bya pa ste/ nam mkha' byed pa ni gegs sel ba yin gyi bskyed pa ni ma yin te/ mdun khang nam mkha' i
 gegs yin pa'i phyir ro/ /'dir yang de dang 'dra'o/ /gnan yang yod mod kyi zhes bya ba ni so so'i skye bo rgyud smin pa ste/ so so'i skye bo nges par 'byed pa'i cha dang mthun pa thob pa 'am/ de las gzhan thar pa'i cha dang mthun pa skyes pa'o/ /ma
 nges pas zhes bya ba ni de'i bya ba ma shes pa'i phyir te/ rkyen la ltos pa'i phyir res 'ga' ni 'di kho nar yongs su mya ngan las 'das la/ res 'ga' ni srid pa brgyad pa dag tu yin pas mi brjod do/ /rnam pa gsum mam bzhi las grol
 pa zhes bya ba rgyas par 'byung ste/ rgyun tu zhugs pa de nyid bsgom pas spang bar bya ba rnams la nyon mongs pa'i cha gsum spangs pa ni tshe gsum du rigs nas rigs su skye ba yin no zhes bya ba rnam par gzhag la nyon mongs pa'i cha bzhi spangs
 pa ni gnyis su rigs nas rigs su skye ba yin no zhes bya ba rnam par gzhag ste/ 'di ni 'dir ci rigs par sbyar ro/ /tshigs su bcad pa'i nang du gnyis shig smos pa zhes bya ba ni nyon mongs pa spangs pa dang/ skye ba'o/ /ci'i phyir zhe na/ rgyun
 du zhugs pa phyis nyon mongs pa spong bar byed na zhes bya ba smos te/ de'i gnyen po dbang po thob pa med par na de spangs pa med pa'i phyir ro/ /nyon mongs pa spangs pa smos pa kho nas de'i gnyen po dbang po thob par bshad pa yin
 te/ de'i phyir yang tshigs su bcad pa'i nang du ma smos so/ /de lta na ni 'o na tshe gnyis dang gsum smos par yang mi bya ste/ nyon mongs pa spangs pa kho nas de yang bshad pa'i phyir ro/ /gang zhig nyon mongs pa'i cha gsum
 mam bzhi spangs pa de ni gdon mi za bar skye ba gnyis sam gsum lhag ma dang bcas par rtogs pa nyid do zhe na/ de'i phyir ches nyung dur yang 'gyur bas zhes bya ba smos te/ 'di 'am bar ma ngo 'am/ skyes nas mya ngan las 'da' bar 'gyur
 ro/ /skye ba nyung ba nyid la rgyu smras pa ni gong ma'i skal ba dang ldan pa'i phyir zhes bya ba ste/ rgyun du zhugs pa'i gong ma lan cig phyir 'ong ba'i 'bras bu nas dgra bcom pa nyid kyi par gyi skal pa dang ldan pa'i phyir ro/ /de'i phyir tshe gnyis
 gsum du rigs nas regs zhes nges par bya ba'i phyir de'i skye ba smos te/ de ni rgyu gang yang rung ba zhig ma tshang bas rigs nas rigs su skye ba yin par mi 'dod do/ /ci'i phyir rnam pa lnga spangs pa'i phyir ma yin zhe na/ zhes bya ba ni skabs su
 bab pa'i phyir rigs nas rigs su skye ba ma yin zhes bya bar sbyar ro/ /de'i phyir de spangs nas zhes bya ba smos so/ /ci'i phyir zhe na/ de'i rnam pa gcig gi ni zhes bya ba smos te/ bar chad gcig pa bzhi du khams las mi 'da' ba' i
 phyir ro bar chad gcig pa ni 'dod pa'i khams las 'da' ste/ de'i phyir de'i nyon mongs pa rnam pa gcig gis kyang 'bras bu la gegs bya bar nus na lan cig phyir 'ong ba ni 'dod pa'i khams las mi 'da' bas de'i nyon mongs pa
 rnam pa drug pa gcig pus gags bya bar mi nus te/ de'i phyir rnam pa lnga spangs pas mjug thogs su gdon mi za bar lan cig phyir 'ong bar 'gyur bas de la rigs nas rigs su skyes pa zhes mi bya'o/ /'dod chags dang
 zhe sdang dang gti mug rnams bsrabs pa'i phyir zhes 'byung ba zhes bya ba la gang las zhe na mdo las so/ /ji skad du zhe na/ kun tu spyor ba gsum spangs pa'i phyir dang/ 'dod chags dang zhe sdang dang gti mug rnams bsrabs pa'i phyir lan cig phyir
 'ong ba zhes 'byung ngo/ /chung du'i rnam pa lus pa'i phyir ro zhes bya ba ni chung ngu'i rnam pa gsum lus pa'o/ /de'i chen po dang 'bring gi rnam pa spangs zin pa'i phyir chung ngu'i rnam pa lus pa yin te/ ma spangs pa'i phyir ro/ /nyes cha bdun dang brgyad
 zad pa zhes bya ba la nyes cha ni nyes pa'i cha shas te/ rnam pa bdun dang brgyad kyi mtshan nyid yin no/ /ji ltar na 'di'i rnam pa gcig gis zhes bya ba rgyas par 'byung ba ni ji ltar 'di'i rnam pa dgu pa gcig gis 'bras bu la gegs bya bar nus
 la rigs nas rigs su skye ba'i rnam pa gcig gis ni de ltar gegs byed par mi nus ces brjod ce na/ khams las 'da' ba' i phyir te/ gang gi'i phyir de ni rnam pa dgu pa spangs nas 'dod pa'i khams las yang dag par 'da' bar 'gyur gyi/ yang
 der mi skye la/ rnam pa dgu pa de yang las dang lhan cig tu der skyes nas myong bar 'gyur ba yin te/ de'i phyir de'i rnam par smin pa dang rgyu 'thun pa'i 'bras bu'i sa las 'da' bas 'bras bu la gegs byed par nus pa yin no/ /gong du las
 rnams ni gnas skabs gsum du gegs bya ba'i phyir nye bar gnas so bya bar bshad zin to/ /zhes bya ba ni bzod dang phyir mi 'ong dgra bcom/ 'thob pa las gegs shin tu byed ces bya ba yin no/ /'dir ni nyon mongs pa dag dang sbyar pa yin te/
 de nyid kyi phyir las rnams ji lta bar zhes bya ba la sogs pa smos so/ /de'i mya ngan las 'das pa la tshe gcig gis chod pa'i phyir ram zhes bya ba ni rnam pa bdun dang brgyad zad pa'i lan cig phyir 'ong ba'i mya ngan las 'das pa la cha gcig
 gis chod pa'i phyir ro/ /nyon mongs pa'i rnam pa gcig gis chod pa'i phyir zhes bya ba ni gal te rnam pa brgyad spangs na yin te/ ma spangs na ni mya ngan las 'das pa la tshe gcig gis chod pa'i phyir zhes bya ba la sogs pa
 yin no/ /de srid du rigs nas rigs su skyes pa 'am/ bar chad gcig pa ma yin no zhes bya ba ni sngon 'jig rten pa'i lam gyis rnam pa gsum mam bzhi las grol yang/ de srid du rigs nas rigs su skye ba ma yin la/ rnam pa bdun dang brgyad
 zad kyang de srid du bar chad gcig pa ma yin te/ de dag gi gnyen po zag pa med pa'i dbang po thob pa med pa'i phyir ro/ /de nyid kyi phyir ji srid du 'bras bu khyad par can gyi lam mngon du ma byas pa zhes bya ba smos so/ /tha ma'i cha dang mthun pa lnga zhes bya
 ba rgyas par 'byung ngo/ /gdon mi za bar sngon gnyis sam gsum spangs pa yin no zhes bya ba ni 'dod chags dang bral ba dang/ mthar gyis pa dag dang go rims bzhin te/ 'dod chags dang bral bas ni 'dod pa la 'dun pa dang/ gnod sems
 gnyis spangs pa yin la/ mthar gyis pa ni 'jig tshogs la lta ba dang/ tshul khrims dang brtul zhugs mchog tu 'dzin pa dang/ the tshom dang gsum spangs te/ rnam pa lngar 'gyur ro/ /de'i phyir spangs pa bsdom pa las mdo las de skad du 'byung ste/
 sngon spangs pa'i bral ba thob pa rnyed pas tha ma'i cha dang mthun pa lnga spangs pa zhes brjod do/ /de ni bar skyes 'du byed dang/ 'du byed med yongs mya ngan 'da' / /de ni zhes bya ba ni phyir mi 'ong ba'o/ /'di la bar ma do dang skyes nas dang/ 'du byed
 pa dang/ 'du byed pa med par yongs su mya ngan las 'da' ba yod pas na/ bar skyes 'du byed dang/ 'du byed med yongs mya ngan 'da' / /de bzhin du skyes pa dang 'du byed pa dang 'du byed pa med pa la sbyar bar bya'o zhes bya ba la ci zhe na/
 yongs su mya ngan las 'da' zhes bya ba'i sgra dang tshig rnam par sbyar ba gzhan sbyar bar bya'o zhes bya ba'i tha tshig go/ ji ltar zhe na/ 'di skyes nas yongs su mya ngan las 'da' bas na skyes nas yongs su mya ngan las 'da' ba' o/ /'du byed par yongs su mya ngan
 las 'da' bas na/ 'du byed par yongs su mya ngan las 'da' ba' o/ /'di 'du byed pa med par yongs su mya ngan las 'da' bas na/ 'du byed pa med par yongs su mya ngan las 'da' ba' o zhes bya ba yin no/ /mngon par brtson pa dang lam dang gis
 'byung ba nyid kyi phyir ro zhes bya ba ni rnal 'byor pa mngon par brtson pa nyid kyi phyir dang/ lam dang gis 'byung ba nyid kyi phyir ro/ /rnal 'byor ba mngon par brtson pa gang zhig yin zhe na/ gang brtson 'grus brtsams pa'o/ /ji ltar na lam dang gis 'byung ba yin
 zhe na/ mngon par 'du byed pa med par mngon du gyur pa'i phyir ro/ /rnal 'byor pa 'di la lam dang gis 'byung ba'i lam yod pas na/ de lam dang gi 'byung ba'o/ /mngon par brtson zhing brtson pa yang de yin la/ lam dang gi 'byung ba yang yin pas
 mngon par brtson pa dang/ lam dang gi 'byung ba'o/ /lam dang gi 'byung ba ni lam dang gi 'byung ba ste/ mya ngan las 'das pa rnam pa gnyis yod pas phung po lhag ma dang bcas pa'i mya ngan las 'da' ba zhes smos so/ /de yang zhes bya ba rgyas par
 'byung ba la skyes nas yongs su mya ngan las 'da' ba de yang phung po lhag ma med pa'i mya ngan las 'da' ba' o/ /yang gi sgras ni dper na bar ma ngor mya ngan las 'das pa bzhin no zhes ston no/ /ma yin te de tshe 'dor ba la dbang med pa'i phyir ro zhes bya
 ba ni de yang phung po lhag ma med pas so/ /zhes gang smras pa de ni de lta ma yin no/ /ci'i phyir zhe na/ gang gi phyir de'i tshe 'dor ba la dbang med pa'i phyir ro/ /ci ste med ce na/ 'di ltar rab kyi mdza' pa'i bsam gtan bzhi pa thob pa ni tshe
 'dor pa la dbang la re yang mi rnams kyi nang du skyed par byed kyi/ gzhan du ni ma yin na de ni gzugs kyi khams na ni bdag dang gzhan du sems par mi 'gyur ro/ /mngon par 'du byed pa dang bcas par yongs
 su mya ngan las 'da' ba zhes bya ba ni 'bad pa dang bcas par yongs su mya ngan las 'da' ba ste/ de'i phyir de ni mngon par 'du byed pa dang bcas par yongs su mya ngan las 'da' ba zhes bya'o/ /ji ltar mngon bar 'du byed pa dang bcas
 zhe na/ mngon par brtson pa dang/ lam dang gis 'byung ba ma yin pa'i phyir ro zhes bya ba smos te/ rnal 'byor pa brtson 'grus brtsams pa nyid kyis mngon par brtson pa'i phyir ro/ /lam dang gis 'byung ba ma yin pa'i phyir ro/ /zhes
 bya ba la de nyid kyi phyir mngon par 'du byed pa dang bcas bar yongs su mya ngan las 'da' bar 'grub po/ /mngon bar 'du byed pa med par zhes bya ba ni/ gong ma las bzlog pa'o/ /mngon par brtsan pa dang lam dang gis
 'byung ba med pa'i phyir ro zhes bya ba la/ kha cig na re mngon par brtson pa med ba dang lam dang gis 'byung ba med ba'i phyir zhes zer ro/ /gzhan dag na re mngon par brtson pa lam dang gis 'byung ba med pa'i phyir re zhes bya ba
 ni mngon par mi brtson par lam dang gis 'byung ba'i phyir/ mngon par 'du bya ba med par yongs su mya ngan las 'da' ba' o zhes zer ro/ /gzhan dag na re 'dus byas dang 'dus ma byas la dmigs pa'i lam gyis yongs su
 mya ngan las 'da' ba' i phyir ro zhes bya ba ni go rims bzhin du mngon par 'du byed pa dang bcas pa dang/ mngon par 'du byed pa med par yongs su mya ngan las 'da' ba ste/ bden pa gsum la dmigs pa'i lam ni
 'dus byas la dmigs pa'o/ /des yongs su mya ngan las 'da' ba ni mngon par 'du byed pa dang bcas par yongs su mya ngan las 'da' ba' o/ /'gog pa'i bden pa la dmigs pa ni 'dus ma byas la dmigs pa ste/ des yongs su mya ngan las
 'da' ba ni mngon par 'du byed pa med par yongs su mya ngan las 'da' ba' o zhe'o/ /de ni mi rung ste/ ha cang thal bar 'gyur ba'i phyir ro zhes bya ba la 'phags pa'i gang zag thams cad 'dus byas dang 'dus ma byas la dmigs pa'i yongs su
 mya ngan las 'da' ba' i phyir gang zag gnyis kho nar 'gyur/ mtshan nyid 'di ni thun mong ma yin no snyam du bsams pa'o/ /mdo las ni mngon par 'du byed pa med par yongs su mya ngan las 'da' ba sngar 'byung zhes bya ba la/ gang las shes
 na/ mngon par 'du byed pa dang bcas pas yongs su mya ngan las 'da' bas so/ /de kho na bzhin du rung ste zhes bya bas ni ji skad mdo las 'byung ba bzhin du'o/ /ci'i phyir zhe na/ ji ltar gtso bo bzhin sngar bstan pa'i phyir te/ bar ma do dang
 skyes nas yongs su mya ngan las 'da' ba bzhin no/ /yang mngon bar 'du byed pa dang bcas par yongs su mya ngan las 'da' ba bas mngon par 'du byed par yongs su mya ngan las 'da' ba gtso bo zhes bya ba 'di ji ltar shes she na/
 de'i phyir lam dang gis 'byung ba dang lam dang gis 'byung ba ma yin pa dag ni zhes bya ba ni zhes bya ba rgyas par 'byung ste/ dang gis 'byung bas na dang gis 'byung ba ste/ lam gang zhig sdon goms pa'i khyad par las 'bad pa med
 par 'byung ba'o/ /bzlog pa ni dang gis 'byung ba ma yin pa'o/ /'bad pa med pa rang 'bad pa thob pa'i sgo nas zhes bya ba la/ 'bad ba med par zhes 'byung ba ni 'bad pa med par thob pa'i sgo nas mngon par 'du byed pa med par bsgrub par
 bya ba'i phyir ro/ /lam dang gis 'byung ba ma yin pa ni 'bad pas thob pa'i sgo nas mngon par 'du byed pas bsgrub par bya ba yin pa'i phyir ro/ /de'i phyir de ltar na mngon par 'du byed par yongs
 su mya ngan las 'da' ba ni sngar yin par rigs so/ /de ltar yin na mngon par 'du byed pa med pa dang/ skyes nas yongs su mya ngan las 'da' ba gnyis la go khyad par ci zhig yod de/ de gnyi ga yang lam dang gis 'byung ba yin
 pas so zhe na/ de'i phyir skyes nas yongs su mya ngan las 'da' ba ni/ lam ches dang gis 'byung ba dang/ ches che ba dang phra rgyas ches chung ba yin no zhes bya ba smos te/ de gnyis kyi khyad par ni de lta bu'o/ /gong du 'pho ba ni zhes bya ba ni gong du 'gro ba
 zhes bya ba'i don to/ /gang bu skyes pa de nyid du yongs su mya ngan las mi 'da' zhes bya ba ni bsam gtan dang po la sogs pa ste/ 'o na ci zhe na/ de'i gong rol du mya ngan las 'da' ba' o/ /rgyu dang 'bras bu'i sgo nas rnam pa gnyis te
 zhes bya ba 'byung ngo/ /bsam gtan spel ba dang zhes bya ba ni bsam gtan bsres pa zhes bya ba'i tha tshig ste/ bsam gtan spel ba ni zag pa dang bcas pa dang/ zag pa med pa bsre bas bsam gtan bsres pa'o/ /gnas gcing mar
 skyes pa ni bsam gtan spel ba'i 'bras bu yin pa'i phyir mir gyur pa gang gis bsam gtan spel ba de ni 'og min du song nas mya ngan las 'da' ste/ de'i gong du skye ba med pa'i phyir ro/ /gang zhig gnas gtsang mar ma zhugs par mya
 ngan las 'da' ba de ni srid ba'i rtse mor mthar thug pa yin te/ de'i gong du skye ba med pa'i phyir ro/ /de 'phar zhes bya ba ni gzugs kyi khams kyi gnas dang po dang tha mar skye bas bar du mi 'gro bas phyir 'phar ba zhes bya'o/ /gnas
 'ga' tsam yang rgal te/ 'og min du 'jug pa zhes bya ba la/ yang gi sgras ni mang po yang ngo/ /lta ba'i gnas yin pa'i phyir zhes bya ba ni de ni 'di snyam du bdag ni sems can 'di rnams kyi sprul pa po yin la/ bdag gi sems can 'di dag
 sprul lo snyam du sems shing/ dang po skyed ba de dag kyang 'di snyam du 'di ni bdag gi sbrul pa ba'o snyam du sems so/ /'phags pa dag ni rang dbang ba yin pas su la yang rag mi las te/ de dag ni gtso bo gcig pa'i gnas su mi skye ba'i
 gnas thams cad du 'chi 'pho ba zhes bya ba 'byung ste/ de ni dbang po rtul po yin pa'i phyir ro/ /bsam gtan dang po la sogs pa'i ro myangs bas tshangs rigs nas bcung ste bar med par gnas thams cad du lan re re skyes shing 'og min gyi
 bar du zhugs nas mya ngan las 'da' ba' o/ /de'i 'og tu der gtan du mi 'ong ba'i phyir ro zhes bya ba ni gang gi phyir 'di de'i 'og gi skye ba'i gnas mi 'ong la 'phos nas gang du skyes nas 'chi 'phos pa'i skye ba'i gnas de nyid du yang mi 'ong
 pa'o/ /gal te de nyid du skye ba gnyis pa mngon par 'grub na ni 'di'i phyir mi 'ong ba nyid yongs su rdzogs pa ma yin te/ skye ba'i gnas 'og ma 'ba' zhig tu 'gro ba'i phyir mi 'gyur ba 'ba' zhig tu ma zad kyi/ mnyam bar 'gro bas
 kyang khyad par du 'gro bar mi 'gyur ro/ /gnas gtsang ma rnams su mi 'jug pa kho nar zhes bya ba ni bsam gtan bzhi pa spel ba ma bsgoms pa'i phyir gtsang ma rnams su mi 'jug pa'o/ /'di ni zhi gnas spyad pa yin no zhes bya ba
 ni de'i phyir na/ gnas gtsang ma rnams su mi 'jug pa kho nar gzugs med par rim gyis skye'o/ /snga ma ni lhag mthong spyad pa yin no zhes bya ba ni 'og ma ni gyi mthar thug par bshad pa gang yin pa'o/ /bar skabs su yang zhes bya
 ba la ji ltar rung zhe na/ rigs pa dang 'gal ba med pas so/ /yid ches ba'i lung dang 'gal ba spang bar 'dod nas 'og min dang srid pa'i rtse mo'i mthar thug pa nyid ni phan chad du 'gro ba med pa'i phyir te zhes
 bya ba smos so/ /re shig de dag ni gzugs su nye bar 'gro ba'i phyir phyir mi 'ong ba lnga yin no/ /gzhan ni gzugs med 'gro rnam bzhi zhes bya ba ni phyir mi 'ong ba lnga las bar ma dor yongs su mya ngan las 'da' ba ma gtogs pa ste/ de nyid
 kyi phyir de yang skyes nas yongs su mya ngan las 'da' ba la sogs pa'i bye brag gis rnam pa bzhi ste/ gzugs med pa dag na ni srid pa bar ma med pas bar ma dor yongs su mya ngan las 'da' ba med do/ /de dag ni phyir mi 'ong ba drug yin no/ /
 zhes bya ba ni par ma dor yongs su mya ngan las 'da' ba nas drug pa gzugs med par nye bar 'gro ba'i bar ro/ /dpe gsum gyis zhes bya ba ni zhog ma chung du'i me la sogs ba ste/ dper na zhogs ma chung ngu'i me mngon
 bar 'grub bzhin du 'chi bar 'gyur pa dang/ dper na lcags kyi thu lum mam/ mthong lcags me kun tu 'bar bar rab tu bsregs pa lcags kyi tho bas brgyab pa rnams kyi tsha tsha gyen du yang bzhin du 'chi bar 'gyur ba dang/ dper
 na lcags kyi tsha tsha de nyid gyen du yang nas sa la ma lhung ba kho nar 'chi bar 'gyur ba lta bu'o/ /yang na gsum po thams cad ces bya ba ni bar ma do dang skyes nas yongs su mya ngan las 'da' ba rnams dang gong du 'pho ba rnams te/ re re
 zhing myur ba dang myur ba ma yin ba dang/ yun ring mo zhig nas yongs su mya ngan las 'da' ba' i phyir/ phyir mi 'ong ba dgur 'gyur ro/ /phyir mi 'ong ba gsum dang zhes bya ba ni gang dag gi bye brag gi phyir mi 'ong ba dgur bshad pa'o/ /dgu
 po de dag gi zhes bya ba ni ji skad bshad pa bzhin du de dag gi bye brag gis bsdus ba de dag gi'o/ /re shig gsum ni zhes bya ba ni bar ma do dang/ skyes nas yongs su mya ngan las 'da' ba dang/ gong du 'pho ba rnams so/ /mngon par 'grub pa
 ni srid pa par ma ste/ mngon par 'grub pa myong bar 'gyur ba'i las bsags pa'i phyir bar ma dor mongs su mya ngan las 'da' ba yin no/ /skyes nas myong bar 'gyur ba'i las bsags pa'i phyir skye nas yongs su mya ngan las 'da' 
 pa yin no/ /lan grangs gzhan la myong bar 'gyur ba'i las dang bsags pa'i phyir gong du 'pho ba yin te/ re shig gsum gyi khyad par las kyi bye brag las gyur pa ni de lta bu yin no/ /nyon mongs pa kun tu spyod pa chung ba dang 'bring dang chen
 po'i phyir go rims bzhin du de dag nyid kyi khyad par nyon mongs pa'i bye brag las gyur pa yin no/ /dbang po rnon po dang 'bring dang chung du'i phyir go rim bzhin du de dag nyid kyi khyad par dbang po'i bye brag las gyur pa yin no/ /de nyid kyi phyir de dag
 so so'i khyad par yang ci rigs par zhes bya ba la/ ji ltar zhe na/ de'i phyir gsum mchan dang po gnyis ni zhes bya ba smos te/ gsum tshan bar ma dor yongs su mya ngan las 'da' ba dang/ gsum tshan skyes nas yongs su mya ngan las 'da' ba
 ni gong ma bzhin du nyon mongs pa dang dbang po'i bye brag las so/ /ji ltar zhe na/ bar ma dor yongs su mya ngan las 'da' ba dag ni go rims bzhin du nyon mongs ba chung ba dang 'bring dang chen po'i phyir dang/ dbang po rnon po dang 'bring dang
 chung ngu'i phyir ro/ /skyes nas yongs su mya ngan las 'da' ba dag kyang de dag 'dra'o/ /gsum tshan tha ma ni zhes bya ba ni/ gsum tshan gong du 'pho ba gang yin pa ste/ de ni lan grangs gzhan la myong bar 'gyur ba'i las kyi bye brag las
 kyang khyad par du lta ste/ kyang zhes bya ba'i sgras ni nyon mongs pa dang dbang po'i bye brag las kyang yin te/ de kho na ltar go rims bzhin du nyon mongs pa chung du dang 'bring dang chen po'i phyir dang dbang po chen po dang 'bring dang chung
 ngu'i phyir ro/ /lan grangs gzhan la myong bar 'gyur ba'i las kyis kyang bye brag tu 'gyur te/ las skye ba ches mang ba myong bar 'gyur ba yin pa'i phyir ro/ de dag ni nyon mongs pa dang dbang po rnam pa dgu'i phyir phyir mi 'od zhes bya ba la/ las ma
 smos pa ni khyab pa ma yin ba'i phyir te/ gsum chen dang po gnyis kyi khyad par ni las kyi bye brag las ma yin no/ /gal te nyon mongs pa dang dbang po'i bye brag las phyir mi 'ong ba dgu yin na/ 'o na mdo las zhes bya ba rgyas par 'byung ste/ /dge
 slong dag ngas skyes bu dam pa'i 'gro ba bdun dang nye bar len pa med par yongs su mya ngan las 'da' ba yang bstan par bya'o zhes 'byung ba'i mdo de las so/ /bdun gang zhe na/ bar ma dor yongs su mya ngan las 'da' ba gsum dang/ skyes
 nas yongs su mya ngan las 'da' pa gsum dang/ gong du 'pho ba'o/ /de'i phyir gong du 'pho ba ma phye bar zhes rgyas par smos so/ /yang ci'i phyir phyir mi 'ong ba gnyis phye ste bstan la/ gsum pa ni ma phye bar bstan ce na/ de dbye ba shin tu
 mang bas ma phye ba'i phyir te/ 'khrug par 'gyur te 'ong bas so/ /de ni bsam gtan spel ba dang ma spel ba yin pa'i phyir dang/ khams gcig dang gnyis su nye bar 'gro ba'i phyir dang/ 'phar ba la sogs par phye ba'i phyir te/ dbye ba
 shin tu mang pos phye bas de'i phyir ma phye ba'o/ /chos mngon pa la ni phye nas bshad de/ mtshan nyid kyis rab tu phye ba'i phyir ro/ /slob pa'i 'gro ba gzhan dag ni ma yin zhe na zhes bya ba ni rgyun du zhugs ba dang/ lan cig phyir 'od ba ni
 ma yin zhes bya ba'i don to/ /skye ba dang 'gro ba dang tshe phyi ma zhes bya ba ni rnam grangs so/ /de dag ni zhes bya ba ni phyir mi 'ong ba dag ste/ las dam ba dge ba kho na la 'jug pa ni srog gcod pa la sogs pa mi byed pa'i phyir ro/ /dam pa ma yin pa mi dge ba la mi
 'jug pa ni mi tshangs par spyod pa la sogs pa mi byed pa ste mi tshangs par spyod pa la sogs pa ni mi dge ba'i sems kyis byed na/ 'dod chags dang bral ba de dag ni mi dge ba spangs pa'i phyir dam pa kho na la 'jug gi dam pa ma yin pa la ni mi 'jug
 go/ phyir 'ong ba med ces bya ba ni 'gro ba gang du skyes pa de'i 'og gam/ der gtan mi 'ong ba'i phyir zhes bya ba'i tha tshig go/ ji skad du ba shad pa 'di gzhan la med pas zhes bya ba ni rgyun tu zhugs ba dang lan cig phyir 'ong ba la med pa'o/ /gang gi phyir
 de gnyis ni srog gcod pa la sogs pa mi byed pa'i phyir dang/ mi tshangs par spyod pa la sogs pa byed pa'i phyir las dge ba dang/ mi dge ba la 'jug pa dang/ lha'i 'gro ba nas mi'i 'gro bar 'ong ba de'i phyir/ 'di dag la rnam grangs med par skyes
 bu dam pa nyid yod pa ma yin no/ /de nyid kyi phyir gzhan dag la yang zhes bya ba smos te/ rgyun tu zhugs pa dang lhan cig phyir 'ong ba dag la'o/ /sdig pa rnam pa lnga ni srog gcod ba dang ma byin par len pa dang/ 'dod pa la log bar g.yem pa dang/
 brdzun? du smra ba dang chang 'thung ba zhes bya ba'o/ /nyon mongs pa mi dge ba phal cher spangs pa'i phyir zhes bya ba la/ phal cher zhes bya ba ni mthong bas spang bar bya ba thams cad spangs pa'i phyir dang/ 'dod pa na spyod pa'i bsgom bas
 spang? bar bya ba rnams las kha cig spang ba'i phyir ro/ /gang dag la rnam grangs med par zhes bya ba ni rgyun du zhugs pa dang lan cig phyir 'ong ba bzhin du rnam pa gzhan du ma yin pas te/ 'o na ci zhe na/ sdig pa thams cad gtan mi
 byed pa'i sdom pa thob pa'i phyir dang/ khams gsum gyi mthong bas spangs par bya ba mi dge ba thams cad spangs pa'i phyir dang/ 'dod pa na spyod pa'i bsgom pas spang bar bya ba rnam pa dgu char yang spangs ba'i phyir te/ de dag ni rnam grangs
 med par skyes bu dam pa yin no/ mdo 'dir phyir mi 'ong ba de dag gi skabs yin gyi/ slob pa gzhan dag gi skabs ni ma yin no/ /ci'i phyir phyir mi 'ong ba tshe yongs su gyur pa la yang dbye ba 'di yod dam zhe na zhes bya ba ni bar ma dor yongs su mya ngan las
 'da' ba zhas bya ba de lta bu la sogs pa'o/ /phyir mi 'ong ba cho yongs su gyur ba zhes bya ba ni gang gi tshe dang po la rgyun du zhugs pa 'am lan cig phyir 'ong ba'i 'bras bu thob nas/ cho gnyis pa la phyir mi 'ong ba thob pa ste de ni 'dod pa'i khams skyon
 mang ba la/ yang srid pa'i sdug bsngal gyis gzir bas skyo ba med pa'i phyir de nyid du yongs su mya ngan las 'da' ba' o/ /bdag ni tha mar nyams na lha gang 'og min zhes/ zhes bya ba de ji ltar rung ste/ 'dod pa'i khams su tshe yongs su gyur pa'i 'phags
 ba yang khams gzhan du 'gro ba yin te/ de ni lha dag gi nang du rgyun du zhugs par gyur cing/ me dag tu 'ongs nas yongs su mya ngan las 'da' la/ nges bdag nyid tshe yongs su gyur cing/ gzugs kyi khams su skye bar yang bstan to/ /bdag ni tha mar
 nyams na zhes bya ba la/ tha ma zhes bya ba ni mir gyur ba'i tha ma ste/ tshe'i mthar ro/ /nyams zhes bya ba ni dgra bcom pa nyid ma thob ste/ ma thob pa'i yongs su nyams pas yongs su nyams pa'o/ /de'i phyir 'dod par tshe yongs su gyur pa'i 'phags/ khams
 gzhan du na 'gro ba med ces bya ba'i mdo 'di dang mdo de 'gal lo zhe na/ bye brag tu smra ba rnams na re/ 'gal ba med de/ chos mngon pa mngon par mi shes pa'i phyir ro zhe na/ yang dag par dga' ba yin pa'i phyir zhes bya ba ni de 'cha ltas byung bas sdug
 bsngal gyis skyo bas yang dag par dga' bar bya ba kho na yin gyi/ smad par bya ba ni ma yin na/ /bcom ldan 'das kyis ni dgongs pa mi mnga' ba'i phyir ram/ 'di cha chung bar 'gyur bar 'ong ngo snyam ste/ ngo tsha ba spang bar bya ba'i phyir ma bzlog pa yin no/ /
 dbang po rnams ches yongs su smin pa'i phyir dang/ rten khyad par can thob pa'i phyir ro zhes 'byung ba'i phyir te/ de la rab tu yongs su smin pa ni rgyu mthun pa'i 'bras bu rgyas pa'i khyad par ro/ /rten khyad par can ni lam mngon du gyur pa dang mthun pa'i gnas skabs
 so/ /kha cig dbang po rnon po dag yin yang rten mi mthun pas yon tan dag las nyams par snang ngo/ /de la kha cig na re rten khyad par chan thob pa ni yongs su nyams pa med pa'i gtan tshigs so/ /dbang po0 rnams ches shin du smin pa ni dbang po 'pho ba med
 pa'i rgyu'o zhe'o/ /gzhan dag na re gnyi ga yang re re'i gtan tshigs yin no zhes zer ro/ /yang ci'i phyir slob pa 'dod chags dang ma bral ba zhes bya ba ni rgyun du zhugs pa dang lan cig phyir 'ong ba'o/ /lam ma 'dris pas mngon sum du mi 'gyur ba'i
 phyir zhes bya ba ni gang gi phyir lam la dris bas mngon sum du mi 'gyur ba'i rgyu de'i phyir/ slob pa 'dod chags dang ma bral ba bar ma dor yongs su mya ngan las 'da' bar mi 'gyur ro/ /gzhan yang phra rgyas rnams shin tu chung ba ma yin pa'i phyir
 te/ gang gi phyir de'i phra rgyas rnams shin du chung ba ma yin pa de'i phyir yang bar ma dor yongs su mya ngan las 'da' bar mi 'gyur ro/ /'dod pa'i khams las 'da' bar dka' ba'i phyir te zhes 'byung ngo/ /'dis nyon mongs pa mi dge ba dang lung du ma
 bstan pa spangs pa dang zhes bya ba ni mi dge ba 'dod pa na spyod da rnams dang/ lung du ma bstan gzugs dang gzugs med pa na spyod pa rnams spangs pa'o/ /dge spyod gi tshul gyi 'bras bu gnyis sam gsum thob pa ni zhes bya ba ni lan cig phyir
 'ong bas phyir mi 'ong ba dang dgra bcom pa nyid kyi 'bras bu dang/ dge sbyong gi tshul gyi 'bras bu gnyis thob par bya dgos la/ rgyun du zhugs pas ni dge sbyong gi 'bras bu gsum thob par bya dgos te/ lan cig phyir 'ong
 ba dang/ phyir mi 'ong ba dang/ dgra bcom pa nyid kyi 'bras bu'o/ /khams gsum las yang dag par 'da' ba zhes bya ba ni khams gsum las 'dod chags dang bral ba'o de yang srid pa bar ma la gnas pas mi nus so zhes bya ba ni
 srid pa bar ma'i gnas skabs na gzhan pa'i phyir dang/ yun ring du mi gnas pa'i phyir ro/ /dang por bzhi pa spel bar byed/ /ces bya ba ni de thams cad pas las su rung ba yin pa'i phyir ro/ /de mngon du gyur pa las rten gyis
 rgyas pa'i khyad par thob pa'i phyir/ spro ba 'phel bas las su rung ba zhes bya'o/ /de ni thams cad pas las su rung ba yin te/ thams cad pas shin tu sbyangs pa'i bde ba mchog yin pa'i phyir ro/ /lam bla ba rnams kyi nang du
 mchog yin pa'i phyir ro zhes bya ba la/ lam bla ba ni bsam gtan bzhi ste/ lam bla ba de dag gi nang na bsam gtan bzhi pa mchog yin no/ /spel ba'i zhes bya ba ni 'dres par gyur pa'i ste/ me tog phreng spel ma bzhin no/ /skad cig
 ma gnyis ni bar chad med pa'i lam lta bu yin la zhes bya ba ni zag pa med pa dang zag pa dang bcas pa dag go /gsum pa ni rnam par grol ba'i lam lta bu yin no zhes bya ba ni zag pa med pa'o/ /nyon mongs pas 'jig pa'i yang phyir
 te zhes bya ba la/ yang zhes bya ba'i sgras ni gnas gtsang mar skye ba'i phyir dang/ mthong ba'i chos la bde bar gnas par bya ba'i phyir yang yin no/ /ro myang ba dang mtshungs par ldan pa'i ting nge 'dzin thag bsrings pa'i sgo nas yongs su
 mi nyams pa'i phyir ro zhes bya ba la ji ltar zhe na/ spel ma bsgoms pas ro myang ba dang mtshungs par ldan pa'i ting nge 'dzin thag bsrings pa'i phyir ro/ /de lngar na nyon mongs pa can la mtshungs pa de ma thag pa'i rkyen sbyin pa bsal bar 'gyur ro/ /dgra bcom
 pa dbang po rnon po ni skye ba dang yongs su nyams pa mi srid pa'i phyir/ mthong ba'i chos la bde bar gnas par bya ba kho na'i phyir ro/ /dbang po rtul po la ni skye ba kho na mi srid pas mthong ba'i chos la bde bar gnas par bya ba'i yang phyir ro/ /chung du dang 'bring dang zhes bya
 ba rgyas par 'byung ste/ bsgom pa de'i dbye ba ni rnam pa lnga ste/ chung ngu dang 'bring dang chen po dang shin tu che ba dang shin tu ches che ba'o/ /dang po la ni sems gsum mngon du byed do zhes bya ba ni gang zag de'i nus pa ni de tsam zhig tu zad de/ de bzhin du
 'og ma rnams la yang brjod par bya'o/ /gnyis pa la ni drug zhes bya ba ni zag pa med pa dang /zag pa dang bcas pa dang/ zag pa med pa dang/ yang zag pa med pa dang/ zag pa dang bcas pa dang/ zag pa med pa'o/ /sems dgu dang/ sems bcu gnyis
 dang/ bco lnga yang de ltar brtsi bar bya'o/ /de la zag pa dang bcas pa gang yin pa zhes bya ba la/ zag pa med pa ni gnyen po yin pa'i phyir/ nges srid pa mi 'phen no/ /de ltar na rgyu rnam pa lnga yin pa'i phyir 'bras bu yang rnam pa lnga yin pas gnas gced
 ma'i skye pa lnga kho na yin no/ /dad pa'i dbang po la sogs pa lhag pa'i phyir zhes smra ba ni btsun pa dpal len te/ gnas gtsang ma dang po rgyu ni dad pa'i dbang po lhag pa yin pa nas lnga pa ni shes rab kyi dbang po'i bar yin te/ de'i phyir gnas
 gtsang ma lnga yin no zhe'o dad pa'i dbang po la sogs pa lhag pa yin no zhes bya ba 'di ni/ de lta ma yin te/ 'o na ci zhe na/ dad pa la sogs pa lnga char yang rtswa sbam gyi chul du rnam pa lngar byas te/ chung du dang 'bring dang chen po dang shin tu ches che
 ba'i rim pas rnam pa lngar dbye'o/ /de'i phyir gnas gtsang ma lnga kho na yin te/ phyir mi 'ong ba gtsang ma rnams kyi gnas ni gnas gtsang ma'o/ /phyir mi 'ong ba la la zhes bya ba ni dad pas mos pa'am mthong bas thob
 pa'o/ /mya ngan las 'das pa dang 'dra ba yi zhes bya ba ni ji ltar mya ngan las 'das pa chos thams cad 'jug pa nye bar zhi ba'i bdag nyid yin pa'i phyir zhi ba yin pa de bzhin du/ 'gog pa'i snyoms par 'jug pa yang sems dang sems las
 byung ba 'jug pa dang 'gal ba'i phyir zhi ba yin pas mya ngan las 'das pa dang 'dra ba yin no/ /lus la brten te skye ba'i phyir ro/ /zhes bya ba la chos de ni sems med pas lus la brten te skye ba'i phyir/ 'gog pa de las langs te zhes bya ba
 'byung ste/ 'gog su zin kyang de thob pa'i dbang gis 'gog pa thob pa zhes bya'o/ /thob pa dang shes pas mngon sum du byas pa dag gis mngon sum du byas pa yin te/ rnam par shes pa dang bcas pa'i lus zhi ba mngon ma thob pa thob
 par 'gyur te/ des na thob pas mngon sum du byas pa yin no/ /kye ma 'gog pa'i snyoms par 'jug pa ni zhes bya ba la sogs pas ni shes pa mngon du byas pa yin no/ /mdo las slob pa bco brgyad gsungs pa der zhes bya ba ni de nas bcom
 ldan 'das la khyim bdag mgon med zas sbyin gyis zhus pa/ btsun pa 'jig rten na yon gnas su zhig mchis lags/ bcom ldan 'das kyi bka' stsal pa khyim bdag yon gnas ni gnyis te/ slob pa dang mi slob pa'o/ /khyim bdag de la slob
 pa ni bco brgyad do/ /mi slob pa ni dgu'o/ /slob pa bco brgyad gang zhe na/ rgyun du zhugs pa'i 'bras bu mngon du bya ba'i phyir zhugs pa nas/ de bzhin dgra bcom pa nyid kyi 'bras bu mngon du bya ba'i phyir zhugs pa'i bar dang/ dad pa'i
 rjes su 'brang ba dang/ chos kyi rjes su 'brang ba dang/ dad pas mos pa dang/ mthong bas thob pa dang/ rigs nas rigs su skye ba dang/ bar chad gcig pa dang/ bar ma dor yongs su mya ngan las 'da' ba na/ gong du 'pho ba'i bar te/ de dag ni slob pa bco brgyad
 yin no/ /mi slob pa dgu gang zhe na/ yongs su nyams pa'i chos can dang/ 'chi bar sems pa'i chos can dang/ rjes su bsrung ba'i chos can dang/ gnas pa las mi g.yo ba dang/ rtogs pa'i skal pa can dang/ mi g.yo ba'i chos can dang/ yongs su
 mi nyams pa'i chos can dang/ shes rab kyi rnam par grol pa dang/ gnyi ga'i cha la rnam par grol ba ste/ de dag ni mi slob pa dgu yin no zhes 'byung ba yin no/ /zag pa med pa'i bslab pa gsum zhes bya ba rgyas par 'byung ba ni lhag pa'i tshul khrims
 dang/ lhag pa'i sems dang/ lhag pa'i shes rab dang/ spong ba'i lam gyis bsdus pa de dag gi bral ba'i 'bras bu'o/ /de'i khyad par gyi slob pa rnams rnam par gzhag go zhes bya ba ni slob pa'i khyad par dang/ bslab pa'i 'bras bu'i khyad par gyis
 zhes bya ba'i tha tshig go /de'i khyad par yang ji lta bu zhig yin zhe na/ gzhan dang gzhan mi 'dra ba yin no/ /de'i phyir slob pa bco brgyad rnam par gzhag go /'gog pa'i snyoms par 'jug pa ni spong ba'i lam gyi rang bzhin ma yin pa'i phyir
 bslab pa yang ma yin la/ bral ba'i rang bzhin ma yin pa'i phyir bslab pa'i 'bras bu yang yin te/ de'i phyir de dang ldan pas te/ 'gog pa'i snyoms par 'jug pa dang ldan pa slob pa'i khyad par du ma gsungs so/ /'di ni re zhig phyir
 mi 'ong ba rnams kyi dbye ba che long yin no zhes bya ba la/ ji ltar zhe na/ gzugs su nye bar 'gro ba lnga dang gzhan gzugs med par 'gro ba rnam pa bzhi dang/ gzhan mthong ba'i chos la mya ngan las 'da' ba zhas bya ba de lta bu la sogs pa'o/
 zhib tu dbye na ni zhes bya ba rgyas par 'byung ba ni slob dpon gyis brtsi pa'i thabs rab tu bstan pa'i phyir dang por bar ma dor yongs su mya ngan las 'da' ba' i dbang po dang/ sa dang rigs la sogs pa'i khyad
 par bye brag tu ston par mdzad do/ /dang por bar ma dor yongs su mya ngan las 'da' ba bgrang ste/ de'i bye brag bgrang na ji ltar bar ma dor yongs su mya ngan las 'da' ba dbang po la sogs pa'i bye brag gi tha dad pa ltar gong du 'pho ba'i bar
 du yang de dang 'dra ba'i phyir zhes bsgre bar bya ba'i phyir ro/ /sa'i bye brag gi bzhi'o zhes bya ba ni bsam gtan bzhi'i bye brag gis te/ bsam gtan dang por bar ma dor yongs su mya ngan las 'da' ba nas bsam gtan bzhi par mya ngan las
 'da' ba' i bar ro/ /rigs kyi bye brag gi drug go zhes bya ba ni yongs su nyams pa'i chos can dang/ 'chi bar sems pa'i chos can dang/ rjes su bsrung ba'i chos can dang/ gnas pa las mi g.yo ba dang/ rtogs pa'i skal
 pa can dang/ mi g.yo ba'i chos can zhes bya ba yin no/ /gnas gzhan gyi bye brag gis bcu drug go zhes bya ba ni tshang rigs la sogs pa dag go /sa dang 'dod chags dang bye brag gis sum cu rtsa drug go zhes bya ba la/ ji ltar
 zhe na/ re zhig 'dod pa'i khams las 'dod chags dang bral ba gzugs kyi khams kyi 'ching ba mdza' dag dang ldan pa gcig dang/ bsam gtan dang po'i rnam pa gcig las 'dod chags dang bral ba nas/ rnam pa brgyad las
 'dod chags dang bral ba'i bar gzhan brgyad de/ de dag ni sngar gyi 'ching ba mdza' dag dang ldan pa dang bcas te/ bsam gtan dang po'i dgu yin no/ /de bzhin du bsam gtan dang po las 'dod chags dang bral ba gnyis pa'i
 'ching ba mdza' dag dang ldan pa nas rnam pa brgyad las 'dod chags dang bral ba zhes bya ba'i bar de dag ni gang zag dgu yin no/ /de bzhin du bsam gtan gnyis pa'i rnam pa dgu las 'dod chags dang bral ba bsam gtan gsum pa'i 'ching
 ba mdza' dag dang ldan pa dang/ bsam gtan gsum pa'i rnam pa brgyad las 'dod chags dang bral ba zhes bya ba de dag kyang gang zag dgu yin la/ bsam gtan gsum pa'i rnam pa dgu las 'dod chags dang bral ba bsam gtan bzhi pa'i
 'ching ba mdza' dag dang ldan pa dang/ bsam gtan bzhi pa'i rnam pa brgyad las 'dod chags dang bral ba zhes bya ba de dag kyang dgu yin te/ dgu tshan bzhi na sum cu rtsa drug go zhes bya bar grub bo/ /bsam gtan bzhi'i dgu pa'i rnam pa
 las 'dod chags dang bral ba ni ma smos te/ de ni gzugs med pa'i 'ching ba mdza' dag dang ldan pa yin pas gzugs med par nye bar 'gro ba yin na/ 'dir ni gzugs su nye bar 'gro ba'i skabs su bab pa yin te/ srid pa bar ma dang skyar
 ba'i phyir ro/ /gnas gcig na rigs drug go zhes bya ba ni tshangs ris kyi gnas na'o/ /rigs dang rigs la gang zag dgu dgu'o/ /ji ltar zhe na/ 'ching ba mdza' dag dang ldan pa nas rang gi bsam gtan gyi rnam pa brgyad las zhes bya ba
 smos so/ /rang gi bsam gtan gyi zhes bya ba ni bsam gtan dang po'i'o/ /'di'i rang gi ni bsam gtan dang po tshang rigs so/ /dgu tshan drug na zhes bya ba la/ rigs drug tshan dgu gzung bas dgu tshan drug ste/ gcig tu bsdoms na lnga bcu
 rtsa bzhir 'gyur ro/ /lnga bcu rtsa bzhi phrag bcu drug na zhes bya ba ni gnas gzhan bcu drug gzung ba'i phyir ro/ /tshangs chen ni gnas gzhan ma yin la/ gnas gzhan yin na yang/ der 'phags pa mi skye bas lnga bcu rtsa bzhi phrag bcu
 drug go /de dag gcig tu bsdoms na brgyad brgya drug cu rtsa bzhir 'gyur ro/ /yang dbang po'i bye brag gi sum 'gyur te/ zhes bya ba ni brgyad brgya drug cu rtsa bzhi po/ /dbang po'i bye brag gis sum 'gyur du byas
 na/ bar ma dor yongs su mya ngan las 'da' ba nyis stong lnga brgya dgu bcu rtsa gnyis su 'gyur ro/ /bsam gtan 'og ma'i zhes bya ba rgyas par 'byung ba la/ bsam gtan 'og ma ste dang po nas gsum pa'i bar gyi rnam pa dgu las 'dod chags
 dang bral ba gang yin pa de ni gong ma ste/ gnyis pa nas bzhi pa'i bar gyi 'ching ba mdza' dag dang ldan pa yin no zhes bshad do/ /ci'i phyir zhe na/ mnyam par brtsis pa'i phyir zhes bya ba 'byung ste/ ci nas kyang bsam gtan bzhi pa na/
 dgu dgur 'gyur ba'i phyir ro/ /de lta ma yin na mi 'dra bar brtsis par 'gyur ro/ /gal te nyon mongs pa rnam pa dgu spangs pa'i bye brag gis dgur brtsis na ni/ de lta na mi 'dra bar brtsis par 'gyur te/ bsam gtan bzhi pa
 na rnam pa dgu med pa'i phyir ro/ /de'i rnam pa dgu pa las 'dod chags dang bral ba de ni gzugs med par nye bar 'gro ba yin no/ /gong du 'pho ba'i bar du yang de dang 'dra bas zhes bya ba la/ skyes gnas dang mngon par 'du byed pa
 dang bcas pa dang/ mngon par 'du byed pa med pa dang/ gong du 'pho ba rnams la yang gnas gzhan dang /rigs dang/ 'dod chags dang bral ba dang/ dbang po'i bye brag gis snga ma bzhin du sbyar bar bya'o/ /'dir gong du 'pho
 ba gzugs su nye bar 'gro ba gzung gi /gzugs med par nye bar 'gro ba ni ma yin no/ /de nyid kyi phyir 'dir bsam gtan bzhi pa na/ rnam pa dgu pa las 'dod chags dang bral ba la bgrangs te/ de ni gzugs med par nye
 bar 'gro ba yin no/ /de'i phyir de ltar na phyir mi 'ong gzugs su nye bar 'gro ba lnga'i dbye ba byas par 'gyur te/ 'di lta bu ste/ bar ma dor yongs su mya ngan las 'da' ba dang/ skyes nas yongs su mya ngan las 'da' ba dang/ mngon par 'du byed pa dang bcas
 pas yongs su mya ngan las 'da' ba dang/ mngon par byed pa med par yongs su mya ngan las 'da' ba dang/ gong du 'pho ba'o/ /thams cad bsdus na phyir mi 'ong ba khri nyis stong dgu brgya rtsa drug cu yin te/ bar ma dor yongs su mya ngan las 'da' ba nyis
 stong lnga brgya dgu bcu rtsa gnyis lnga 'gyur du byas nas zhes bya bar dgongs so/ /ji skad bshad pa'i tshul 'dis phyir mi 'ong ba gzugs med par nye bar 'gro ba bar ma dor yongs su mya ngan las 'da' ba ma gtogs pa rnams kyi dbye ba khong du chud
 par bya ste/ gzugs med pa'i khams ni skye ba las rnam pa bzhi zhig tu zad do/ /srid brtse'i bar cha brgyad zad pa/ /dgra bcom nyid la zhugs pa yin zhes bya ba ni/ srid pa'i rtse mo'i rnam pa brgyad zad par byed pa ni zhes bya ba'i don yin te/ dgra bcom
 pa'i 'bras bu ni de'i mjug thogs su yin pa'i phyir ro/ /dgu pa'i bar chad med lam yang zhes bya ba ci zhe na/ dgra bcom nyid la zhugs pa yang/ zhes bya bar skabs dang sbyar te/ rnam par grol ba'i lam la dgra bcom pa'i 'bras bu thob pa'i phyir ro/ /
 de ni rdo rje lta bu yin zhes bya ba ni srid pa'i rtse mo'i nyon mongs pa rnam pa dgu pa spong bar byed pa'i bar chad med pa'i lam de ni snyam du dgongs so/ /'di rdo rje dang 'dra bas na rdo rje lta bu ste/ de nyid kyi phyir phra rgyas thams cad 'joms pa yin pa'i phyir zhes
 bya ba smos so/ /ji ltar rdo rjes thams cad 'joms pa de bzhin du ting nge 'dzin 'dis kyang phra rgyas thams cad 'joms te/ 'di'i rdo rje dang chos mthun pa ni 'di yin no zhes bstan to/ bcom zin pa'i phyir 'dis thams cad 'joms pa ni ma yin gyi zhes bya
 ba ni sngar srid pa'i rtse mo'i rnam pa brgyad kyi bar spangs zin pa'i phyir ro/ /'o na ji ltar phra rgyas thams cad 'joms pa yin zhes brjod ce na/ de'i phyir thams cad 'joms par nus pa yin no zhes bya ba smos
 te/ srid pa'i dbang du byas nas bshad pa yin no snyam du dgongs so/ /ji skad du bcom ldan 'das kyis srid pa'i dbang du mdzad nas shing sA la 'di dag kyang yan lag brgyad dang ldan pa'i bsnyen gnas la nye bar gnas na/ de dag kyang
 bsod nams dang ldan par 'gyur ro zhes gzhan nas gsungs pa ltar/ rdo rje lta bu yang thams cad 'joms srid pa zhig ste/ bar chad med pa'i lam thams cad kyi nad na shin tu che ba yin pa'i phyir/ srid pa'i dbang du byas nas bshad
 do/ /rdo rje lta bu rnams kyi bye brag ni rnam pa mang po zhig tu brjod de zhes bya ba ni/ sa dgu pa la brten nas dgra bcom pa nyid 'thob pas so/ /mi lcogs pa med pas bsdus pa zhes bya ba ni gang gi tshe mi lcogs pa med pa la brten pa srid
 pa'i rtse mo la 'dod chags dang bral bar byed pa de'i tshe/ rdo rje lta bus mi lcogs pa med pas bsdus pa yin no/ /srid pa'i rtse mo'i sdug bsngal dang/ kun 'byung la dmigs pa zhes bya ba rgyas par 'byung ba ni mi lcogs pa la brten
 nas srid pa'i rtse mo'i sdug bsngal dang kun 'byung la mi rtag pa la sogs pa'am/ rgyu la sogs pa'i rnam pa dag tu rtog pa na sdug bsngal kun 'byung la rjes su shes pa'i rnam pa dag dang mtshungs par ldan pa brgyad do/ /shes rab
 kyi rnam pa dang mtshungs par ldan pa'i bye brag las brgyad yin te/ sdug bsngal gyi rnam pa bzhi dang/ kun 'byung gi rnam pa bzhi dang mtshungs par ldan pa'o/ /'gog pa dang lam la chos shes pa'i rnam pa dag dang mtshungs par ldan
 pa brgyad dang zhes bya ba ni 'gog pa la chos shes pa'i rnam pa bzhi dang mtshungs par ldan pa bzhi dang/ lam la chos shes pa'i rnam pa bzhi dang mtshungs par ldan pa bzhi'o/ /'gog pa la rjes su shes pa'i rnam pa dag dang mtshungs par ldan pa bsam gtan
 dang po'i 'gog pa la dmigs pa bzhi zhes bya ba ni bsam gtan dang po'i sa pa'i 'gog pa la dmigs pa bzhi ste gang gi tshe bsam gtan dang po'i sa'i 'geg pa la dmigs shing srid pa'i rtse mo las grol bar byed pa na'o/ /de bzhin du srid pa'i rtse
 mo'i 'gog pa la dmigs pa'i bar du bzhi dang zhes bya ba la/ ji ltar zhe na/ 'gog pa la rjes su shes pa'i rnam pa dag dang mtshungs par ldan par bsam gtan gnyis pa'i 'gog pa la dmigs pa bzhi nas de bzhin du/ srid pa'i rtse mo'i 'gog
 pa la dmigs pa'i bar du bzhi ste/ 'gog pa la chos shes pa nas re re'i 'gog pa la dmigs pas sa brgyad po re rer mi lcoD pa med pa med pas bsdus pa'i rnam pa bzhi bzhi'o/ /lam la rjes su shes pa'i rnam pa dang mtshungs par ldan pa bzhi
 ste zhes bya ba ni gang gi tshe la dmigs nas srid pa'i rtse mo la 'dod chags dang bral bar byed pa na'o/ /yang ci'i phyir rdo rje lta bu lam la rjes su shes pa'i rnam pa dang mtshungs par ldan pa bzhi kho na yin gyi/ 'gog pa la dmigs pa'i shes
 pa'i rnam pa dang mtshungs par ldan bzhin rdo rje lta bu bzhin du/ gnyen po la dmigs pa lam la rjes su shes pa'i rna pa dang mtshungs par ldan pa dag mang du mi bgrang zhe na/ de'i phyir rjes su shes pa'i phyogs dang mthun pa zad par la dmigs pa'i
 phyir ro zhes bya ba smos te/ phan tshun rgyu yin pa'i phyir ro/ /rjes su shes pa'i phyogs dang mthun pa'i lam ni gnyen po'i ngo bor khyad par med pas ril kho na la dmigs so/ /de dag ni shes pa'i rnam pa dang dmigs pa'i bye brag gis tha dad pa'i phyir
 zhes pa'i bye brag gis tha dad pa'i phyir zhes bya ba ni shes pa'i rnam pa'i bye brag gis tha dad pa dang/ rnam pa'i bye brag gis tha dad pa dang/ dmigs pa'i bye brag gis tha dad pa ste/ shes pa'i rnam pa'i bye brag gi
 tha dad pa ni/ chos dang rjes su shes pa'i rnam pa dang mtshungs par ldan pa'i sgo nas te/ 'gog pa dang lam la chos shes pa'i rnam pa dag dang mtshungs par ldan pa brgyad dang zhes bya ba 'byung ba'i phyir ro/ /rnam pa'i bye brag gi tha dad pa ni sdug
 bsngal la sogs pa'i shes pa'i rnam pa dang mtshungs par ldan pa'i sgo nas te/ sdug bsngal dang kun 'byung ba la rjes su shes pa'i rnam pa dag dang zhes 'byung ba'i phyir ro/ /dmigs pa'i bye brag gis tha dad pa ni srid pa'i rtse mo la sogs
 pa'i bye brag gis tha dad pa'i phyir ro/ /ji skad du srid pa'i rtse mo'i sdug bsngal dang kun 'byung la dmigs pa zhes bya ba la sogs pa dang/ de bzhin du bsam gtan dang ba'i 'gog pa la dmigs pa bzhi nas/ de bzhin du sred pa'i
 rtse mo'i 'gog ba la dmigs pa'i bar du bzhi dang/ zhes bya ba dang/ rjes su shes pa'i phyogs dang mthun pa zad par la dmigs pa'i phyir ro zhes bshad pa lta bu'o/ /de ltar na rdo rje lta bur shes pa'i rnam pa dang dmigs pa'i bye
 brag gis tha dad pa lnga bcu rtsa gnyis yin no/ /ji ltar byas pas zhe na/ brgyad tshan gnyis te bcu drug dang/ bzhi tshan dgu la sum cu rtsa drug ste/ lnga bcu rtsa gnyis su 'gyur ro/ /mi lcogs pa med pas bsdus pa ji lta bar zhes bya ba rgyas
 par 'byung ste/ bshad ma thag pa'i rnam pa gang gis mi lcogs pa med pas bsdus pa'i rdo rje lta bu lnga bcu rtsa gnyis yin pa de bzhin du/ bsam gtan khyad par dang/ bsam gtan dang po dang/ bsam gtan gnyis pa
 dang/ bsam gtan gsum pa dang/ bzhi pas bsdus pa'i rdo rje lta bu dag ni re re zhing lnga bcu rtsa gnyis lnga bcu rtsa gnyis rtsa gnyis su 'gyur te/ bsam gtan dag ni kun tu lta ba yin te/ gong ma dang 'og ma la dmigs pa yin no/ /grangs bzhin du zhes
 bya ba rgyas par 'byung ste/ ji ltar zhe na/ nam mkha' mdza' yas skye mched kyis bsdus pa na nyi shu rtsa brgyad do/ /rnam shes mdza' yas skye mched kyis bsdus pa ni nyi shu rtsa bzhi'o/ /ci yang med pa'i skye mched kyis bsdus pa ni nyi shu'o/ /srid pa'i
 rtse mo na ni lam nyid yod pa ma yin pas des bsdus pa mi bsam mo/ /de dag na chos shes pa med pa'i phyir zhes bya ba ni nam mkha' mdza' yas skye mched kyis bsdus pa'i rdo rje lta bu de dag na'o/ /chos shes pas drug pa yin pa'i phyir ro/ /
 ci zhe na/ rdo rje lta bu brgyad med do/ /rjes su shes ba sa 'og ma'i 'gog pa la dmigs pa med pa'i phyir ro zhes bya ba ni/ de dag nyid na med pa'i phyir ro/ /ci zhe na/ nam mkha' mdza' yas skye mched kyis bsdus pa'i rdo rje lta bu bcu drug med do/ /
 rnam shes mdza' yas skye mched kyis bsdus pa ni nyi shu med do/ /ci yang med pa'i skye mched kyis bsdus pa nyi shu rtsa bzhi med do/ /'gog pa la rje sur shes pa'i rnam pa dang mtshungs par ldan pa dang/ sngar bshad pa brgyad do/ /de dag na grangs
 bzhin du nyi shu rtsa brgyad dang/ nyi shu bzhi dang/ nyi shu yod do/ /ji ltar byas pas nyi shu rtsa brgyad yod ce na/ rdo rje lta bu lnga bcu rtsa gnyis las 'gog pa dang/ lam la chos shes pa'i rnam pa dag dang mtshungs par ldan pa brgyad dang/ 'gog
 ba la rjes su shes pa'i rnam pa dang mtshungs par ldan pa bsam gtan bzhi pa'i 'gog pa la dmigs pa bcu drug dong bas nyi shu rtsa brgyad du 'gyur ro/ /ji ltar zhe na/ nam mkha' mdza' yas skye mched kyis bsdus pa srid pa'i rtse mo pa'i sdug
 bsngal dang kun 'byung ba la dmigs pa sdug bsngal kun 'byung ba la rjes su shes pa'i rnam pa dag dang mtshungs par ldan pa brgyad dang/ nam mkha' mdza' yas skye mched la sogs pa'i 'gog pa la dmigs pa
 'gog pa la rjes su shes pa'i rnam pa dag dang mchungs par ldan pa bcu drug dang/ lam la rjes su shes pa'i rnam pa dag dang mtshungs par ldan pa bzhi ste/ rjes su shes pa'i phyogs dang 'thun pa'i zad par lang migs pa'i
 phyir ro/ /de'i phyir de ltar na/ shes pa'i rnam pa dang/ dmigs pa'i bye brag gis tha dad pa'i phyir nyi shu rtsa brgyad yin no/ /de bzhin du rnam shes mdza' yas skye mched kyis bsdus pa ni nam mkha' yas skye mched kyi 'gog pa
 la dmigs pa bla lhag ngor nas nyi shu rtsa bzhi yin no/ /de bzhin du ci yang med pa'i skye mched kyis bsdus pa ni rnam shes mdza' yas skye mched kyis 'gog pa la dmigs pa yang bor nas nyi shu yin no/ /yang ci'i phyir sa gzhan
 gyi 'gog pa kho na la dmigs kyi srid pa'i rtse mo'i sdug bsngal dang kun 'byung ba ltar sa gzhan pa'i sdug bsngal dang/ kun 'byung la ma yin zhe na/ sa 'og ma las 'dod chags dang bral ba'i phyir te/ de'i srid pa'i rtse mo'i rnam
 ba brgyad ni lus so/ /yang ci'i phyir rang gi sa dang sa gong ma pa kho na'i 'gog pa la dmigs kyi bsam gtan bzhin du sa 'og ma ba ni ma yin zhe na/ sa 'og ma pa'i sdug bsngal la ma dmigs par mi nus so/ /sdug bsngal yang
 thams cad zag pa dang bcas pa yin la/ gzugs med dngos gzhi dge rnams kyis/ /sbyong yul zag bcas 'og ma min/ /zhes bya ba 'di yang de sa pas 'di ni rgyu yin no/ /bsam gtan rnams kyi kun tu blta ba'i phyir mi dga' 
 ste/ bsam gtan dge yul yod dgu yin/ /zhes 'chad par 'gyur ro/ /sa 'og ma'i gnyen po la dmigs pa ni yod de zhes bya ba ni/ rdo rje lta bu'i ting nge 'dzin te/ gnyen po de ni phan tshun du rgyu yin pa'i phyir ro/ /'dis ni bsam gtan gyis bsdus pa'i
 yongs su shes pa thams cad sa 'og ma'i gnyen po la dmigs par bstan te/ gang zhig nam mkha' mdza' yas skye mched la sogs pas bsdus pa de ni rang gi sa dang sa gong ma'i gnyen po la dmigs pa nyid do/ /gang dag lam la rjes su
 shes pa yang 'gog pa la rjes su shes pa ltar sa re re'i gnyen po la dmigs pa yin par 'dod pa de dag gi ltar na bsam gtan dang gzugs med pa brgyad kyi sa'i gnyen po la dmigs pa dag las srid pa'i rtse mo'i gnyen po la dmigs pa
 bzhi tshan gcig por nas nyi shu rtsa brgyad du 'gyur te/ ji ltar zhe na/ mi lcogs pa med pas bsdus pa bsam gtan dang po'i gnyen po la dmigs pa/ lam la rjes su shes pa'i rnam pa dag dang mtshungs par ldan pa bzhi nas ci yang med pa'i
 skye mched kyi gnyen po la dmigs pa lam la rjes su shes pa'i rnam pa dag dang mtshungs par ldan pa'i bar du bzhi ste/ lnga bcu rtsa gnyis la nyi shu rtsa brgyad bo de dag bsnan pas de ltar na brgyad cur 'gyur ro/ /bsam gtan bzhi pas bsdus
 pa'i bar du yang de dang 'dra'o zhes bya ba ni bsam gtan khyad par can dang/ bsam gtan dang po dang/ gnyis pa dang/ gsum pa dang/ bsam gtan bzhi pas bsdus pa dag kyang re re zhing brgyad cu yin no/ /go rim bzhin du bzhin bcu dang zhes bya
 ba rgyas par 'byung ste/ ji ltar byas pas zhe na/ rdo rje lta bu nyi shu rtsa brgyad la bcu gnyis kyi bsnan na bzhi bcur 'gyur ro/ /de bzhin du sngar bshad pa dag la brgyad dang bzhis bsnan na sum cu rtsa gnyis dang nyi shu rtsa bzhir 'gyur ro/
 yang ci'i phyir gzugs med ba dag rang dang/ gong ma'i sa pa'i gnyen po kho nas dmigs par bshad kyi/ sa 'og ma'i gnyen po la dmigs pa ma yin zhe na/ rnam pa thams cad du gzugs kyis 'du
 shes la sogs pa las yang dag par 'da' bar gsungs pa'i phyir la /sa 'og ma'i gnyen po'i sgo nas ni de'i mi mthun pa'i phyogs la dmigs pa'i phyir ro/ /'o na sa 'og ma'i gnyen po la dmigs pa ni yod de/ de ni phan tshun
 rgyu yin pa'i phyir ro/ /zhes bshad pa de ji ltar zhe na/ der ni khyad par du ma byas par rjes su shes pa'i phyogs dang mthun pa'i lam sa dgu pa ni sa 'og ma'i gnyen po la dmigs pa yin no zhes bshad kyi/ nam mkha' mdza' yas
 skye mched la sogs pas bsdus pas 'og ma'i gnyen po la dmigs so/ /zhes khyad par du byas nas ni ma bstan pas sa 'og ma'i gnyen po la dmigs pa yin no zhes bya ba 'di tshul 'di ni/ bsam gtan gyis pa dag kho
 na la yin no/ /yang rigs dang dbang po'i bye brag gis ni ches mang ba yin no zhes bya ba la ji ltar zhe na/ re zhig mi rtag pa'i rnam pa dang mtshungs par ldan pa'i rdo rje lta bu gang yin pa de ni rigs kyi bye brag gis khyad par
 rnam pa drug yin la/ dbang po rtul po dang 'bring dang chen po'i bye brag gis rnam pa gsum yin te/ sdug bsngal la sogs pa'i rnam pa dang mtshungs par ldan pa gzhag dag la yang de dag 'dra ba'i rigs dang dbang po'i
 bye brag gis khyad par sbyar bar bya'o/ /zad pa shes pa yin no zhes bya ba la/ gang las zhe na/ dang po nyid du zag pa thams cad zad pa'i thob pa dang lhan cig skye ba'i phyir zhes bya ba smos te/ dper na dang por yod pa ni dang
 bo yin no/ /zhes bya ba ltar thog mar zhes bya ba'i don to/ /'di skad du/ zad pa shes pa ni dang po nyid du zag pa thams cad zad pa'i thob pa dang/ lhan cig skyes pa'i shes pa'o zhes bstan par 'gyur te/ bar gyi tshig mi mngon par byas
 bas rdo rje'i sor gdub bzhin no/ /rnam par grol ba'i shes pa gzhan yang zad pa'i thob pa dang/ lhan cig skye mod kyi/ zag pa thams cad zad pa'i thob pa dang lhan cig skye ba ma yin pa de dag zad pa shes pa ma yin no/ /mi skye ba
 shes pa ni zag pa thams cad zad pa'i thob pa dang lhan cig skye mod kyi/ de ni dang po nyid du ma yin pas de zad pa shes pa ma yin no/ /gang gi cho slob pa'i gnas skabs na yang 'di'i zag pa kha cig spangs pa yin na/ de'i phyir zag pa
 thams cad zad pa'i thob pa dang lhan cig skye ba'i phyir zhes bya ba 'di ci ste brjod ce na/ spangs pa bden mod kyi/ 'on kyang sngar spangs pa rnams kyi bral ba'i thob pa dag yang skye ste/ 'bras las sngon lam btang ba dang/ gzhan
 thob pa dang zad bsdoms dang/ zhes bya ba 'byung ba'i phyir ro/ /'bras bu gzhan gyi phyir slob par bya ba med pa'i phyir zhes bya ba la/ gal te mi slob pa la yang dbang po 'pho ba'i sgo nas 'bras bu gzhan thob par bya ba'i phyir yod de/ spel
 bas 'bras bu khyad par can zhes 'byung ba'i phyir zhe na/ de ni yod pa ma yin te/ de ni lan cig phyir 'ong ba dang phyir mi 'ong ba de bzhin du de'i 'bras bu gzhan ma yin no/ /gang du sngar gyi 'bras bu rgya mtshan can gyi ming dor nas 'bras bu phyi
 ma'i rgyu mtshan can gyi ming btags pa de ni de'i 'bras bu gzhan yin no zhes bya bar shes na dgra bcom pa de ltar dbang po 'phos kyang sngar gyi ming mi 'dor la/ de'i dbang po 'phos kyang snga ma ltar dgra bcom pa nyid yin pas 'bras bu gzhan
 thob pa med do/ /de nyid kyi phyir zhes bya ba ni gang gi phyir de ni rang gi don yongs su rdzogs pa min pa'i phyir te/ rang gi don yongs su rdzogs pa ni shin tu ches gzhan gyi don byed par 'os pa yin no/ /'dod chags dang bcas
 ba thams cad kyis mchod par 'os pa'i phyir zhes bya ba la/ 'dod chags dang bcas pa ni so so'i skye bo dang slob pa dag go /gang zag zad pa shes pa ma skyes par gyur pa'i gang zag de dag slob pa zhes bya ste/ de nyid kyi phyir gang zag sngar bshad
 ba bdun ni slob pa dag yin no zhes bya bar grub bo zhes bya ba smos te/ de dag ni zhugs pa bzhi dang/ 'bras bu la gnas pa gsum mo/ /rgyu gang gi gang zag bdun po de dag slob pa yin par brjod ce na/ de'i phyir zag pa zad par bya ba'i phyir slob
 pa'i dang tshul can yin pa'i phyir te zhes bya ba smos te/ gang la zhe na/ bslab pa gsum po la'o/ /de dag gi lhag pa'i tshul khrims dang zhes bya ba rgyas par 'byung ste/ tshul khrims kyi dbang du byas pa'i bslab pa ni lhag pa'i tshul khrims so/ /lhag
 pa'i sems dang lhag pa'i shes rab kyi bar yang de dang 'dra'o/ /de dag gi rang bzhin ci zhe na/ tshul khrims dang ting nge 'dzin dang/ shes rab kyi rang bzhin dag yin no zhes bya ba smos so/ /so so'i skye bo yang slob pa yin par 'gyur te/ de yang tshul khrims
 dang/ ting nge 'dzin dang/ shes rab la slob pa yin no zhe na ma yin te/ bden pa yang dag pa ji lta bu bzhin du ma shes pa'i phyir te/ so so'i skye bo zhes skabs dang sbyar ro/ /'di ltar lhag pa'i tshul khrims dang/ lhag pa'i sems kyis bslab
 pa bshad nas/ lhag pa'i shes rab kyi bslab pa gang yin zhe na/ 'di ni sdug bsngal 'phags pa'i bden pa yin no zhes bya bar yang dag pa ji lta ba bzhin rab tu shes shing zhes bya ba nas/ 'di ni sdug bsngal 'gog par 'gor ba'i
 lam 'phags pa'i bden pa yin no zhes bya bar yang dag pa ji lta ba bzhin shes pa yin? zhes bya ba'i bar du gsungs te/ so so'i skye bo la ni yongs su shes pa zag pa med pa yang dag pa ji lta ba bzhin shes pa yod pa ma yin la/ de med pas de la
 zag ba med pa'i tshul khrims dang/ ting nge 'dzin yang med do/ /de'i phyir bslab pa rnams zag pa med pa yin pa'i phyir/ de bslabs pa dag la bslab pa ma yin no/ /yang bslab pa gtong ba'i phyir ro zhes bya ba la re zhig lhag pa'i tshul khrims la slob pa
 gtong ste/ so sor thar pa'i sdom pa gtong pa'i phyir ro/ /lhag pa'i sems kyis bslab pa la yang slob ma gtang ste/ bsam gtan las yongs su nyams pa las so/ /gzhan dag na re dro bar 'gyur ba'i ting nge 'dzin la sogs pa las yongs su
 nyams pa las so zhe'o/ /lhag pa'i shes rab kyi bslab pa la yang slob pa gtong ste/ sdom pa'i yan lag gis shes rab nas dro bar gyur pa las bsdus pa'i shes rab kyi bar las yongs su nyams pa las so/ /dgra bcom pa dang slob
 pa yang yongs su nyams par 'gyur ba ma yin nam zhe na/ yongs su nyams mong kyi yengs su nyams pas 'chi ba 'am/ des bya ba ma yin pa byed pa ni ma yin no/ /slob pa yings? su nyams pa la yang bslab pa gsum bo? lhag pa'i tshul khims dang/
 ltag pa'i shes rab yod de/ de la 'bras bu dang po las nyams pa med pa'i phyir ro/ /so so'i skye bo ni dge ba'i rtsa ba yongs su chang pa la bslab pa gsum rnam pa thams cad du yod pa ma yin no/ /'phags pa rang bzhin du gnas pa zhes bya ba ni lung du ma
 bstan pa'i spyod pa la gnas pa zhes bya ba'i don te/ sems can rnams kyi rang bzhin no mnyam par ma gzhab pa'i gnas skabs la brjod de/ /bsam pa ni bsam pa'o/ /lam du 'gro ba bzhin no zhes bya ba ni ji ltar 'gro ba'i bsam pa ma btang pa'i phyir
 lam du zhugs pa la zas la sogs pa za zhing mi 'gro yang lam du 'gro ba zhes brjod pa de dang 'dra'o/ /thob pa dang rjes su 'brel pa'i phyir ro zhes bya ba la/ rang bzhin du gnas kyang bslab pa gsum gyi thob pa dang
 rjes su 'brel bas slob pa nyid du brjod do/ /slob pa dang mi slob pa'i gang zag gzhir la yang slob pa'i chos rnams gang zhe na/ zhes bya ba la sogs pa smos so/ /slob pa zag pa med pa rnams so zhes bya ba la/ mi slob pa yang de dang 'dra'o/ /ci'i
 phyir mya ngan las 'das pa slob pa ma yin zhe na/ gang zhig slob pa kho na ldan pa de ni slob pa'i chos zhes bya na/ mya ngan las 'das pa ni thun mong pa yin pa'i phyir slob pa dang so so'i skye bo gnyi ga yang yod de/ so so'i skye bo rnams la ni
 'jig rten pa'i lam gyis mya ngan las 'das pa dag skye la/ 'phags pa rnams ni 'jig rten las 'das pa'i lam gyis skye'o/ /mi slob pa dang so so'i skye bo gnyi ga yang de dang ldan pa'i phyir zhes bya ba 'byung ngo/ /mya ngan las
 'das pa mi slob pa yang ma yin te/ slob pa dang so so'i skye bo gnyi ga yang de dang ldan pa'i phyir ro/ /'dis ni so sor brtags pa ma yin pas 'gog pa yang slob pa dang mi slob pa nyid yin pa bsal ba yin no/ /zhugs pa
 dang po dang 'bras bu la gnas pa bzhi'o zhes bya ba la/ zhugs pa dang po ni mthong ba'i lam la gnas pa'i phyir 'bras bu las tha dad pa yin no/ /zhugs pa lhag ma rnams ni zhes bya ba ni lan cig phyir 'ong ba dang/ phyir mi
 'ong ba dang/ dgra bcom pa nyid kyi 'bras bu la zhugs pa rnams so/ /'bras bu la gnas pa gsum las tha mi dad pa'i phyir ro zhes bya ba la/ ji ltar zhe na/ re zhig lan cig phyir 'od pa'i 'bras bu mngon du bya ba'i phyir
 zhugs pa gang yin pa de ni rgyun du zhugs pa las tha dad pa ma yin te/ 'o na mi zhe na/ gyun du zhugs pa nyid yin no/ /de bzhin du phyir mi 'od ba dang/ dgra bcom pa nyid la zhugs pa gnyis kyang lan cig phyir 'od pa dang/ phyir mi 'ong dag las tha mi dad pa yin
 no/ /de ltar na 'bras bu la zhugs pa rnams ni 'bras bul gnas pa gsum las tha mi dad do/ /'dir ni mthar gyis thob pa'i phyir yin te/ gang gi tshe rgyun du zhugs pa'i 'bras bu'i mjug thogs su lan cig phyir 'ong ba'i 'bras bu thob la/ de'i 'jug thogs su
 phyir mi 'ong ba'i 'bras bu thob pa na'o/ /phal cher las 'dod chags dang bral ba 'jig rten pa'i lam gyis gang gi 'dod pa na spyod pa rnams las rnam pa drug spangs pa dang/ 'dod pa las 'dod chags dang bral ba rnam pa dgu zad pa ni mthong ba'i lam
 gyis gnas skabs na go rim bzhin du lan cig phyir 'ong ba dang phyir mi 'ong ba'i 'bras bul zhugs pa yin gyi/ rgyun du zhugs pa dang lan cig phyir 'ong ba dag kyang ma yin no/ /de lta na ni gang zag bzhi 'am gsum yin gyi/ lnga ni ma yin no/ /rnam pa gnyis su
 bshad pa la zhes bya ba ni/ bsgom pa'i lam ni rnam pa gnyis te/ /mthong ba zhes bya zag pa med/ ces bya ba 'di nas so/ /'jig rten 'das kyi srid rtse las/ /chags bral zhes bya ba ni 'jig rten las 'das pa kho na yin gyi/ gzhan gyis ni ma yin no zhe
 bya bar des par gzung ngo/ /de'i gong na 'jig rten pa med pa'i phyir dang zhes bya ba la/ 'jig rten pa'i lams 'og ma'i nyer bsdogs kyis bsdus pa ni sa 'og ma'i gnyen po yin na/ srid pa'i rtse mo'i gong na ni sa yod pa 'ang ma yin no/ /rang gis pa'i
 gnyen po ma yin pa'i phyir ro zhes bya ba la/ ci'i phyir gnyen po ma yin zhe na/ de'i phyir de'i nyon mongs pa rgyas par 'gyur ba'i phyir te zhes bya ba smos so/ /rang gi sa pa'i nyon mongs pa rgyas par 'gyur ba'i phyir te/ phra rgyas kun tu 'gro ba dang/ bsgom pas
 spangs par bya ba rgyas par 'gyur ba'i phyir ro/ /nyon mongs pa gang zhig dngos po gang la rgyas par 'byung ste/ nyon mongs pa gang zhig dngos po gang la rgyas par 'gyur ba de ni dngos po des spong bar byed pa ma
 yin te/ dper na 'dod pa'i khams rang gi sa pa'i nyon mongs pa rnams dang mthun pa ltar de skye ba dang mthun pa'i phyir ro/ /gang gi gnyen po gang ba de la ni nyon mongs pa de rgyas par mi 'gyur te/ de'i 'grib pa'i rgyu yin pa'i phyir/ dper na
 sa 'og ma pa'i nyon mongs pa sa gong mar rgyas par mi 'gyur ba bzhin no/ /de'i phyir 'jig rten las 'das pa kho nas srid pa'i rtse mo las 'dod chags dang bral bar 'thad pa yin no/ /srid pa'i rtse mo la gzhan pa zhes bya ba ni sa brgyad do/ /
 'jig rten pa'i lam gyis kyang zhes bya ba ni thams cad nas 'og ma'i nye bar bsdogs pa'i lam yod pa'i phyir ro/ /'jig rten las 'das pas kyang zhes bya ba ni 'jig rten las 'das pa rang dang gong ma'i sa'i gnyen po yin pa'i
 phyir ro/ /bral ba'i thob pa rnam pa gnyis skye'o zhes bya ba ni/ bye brag tu smra ba rnams na re bya ba thun mong ma yin pa'i phyir te/ 'dir bya ba ni nyon mongs pa spong ba yin no zhes zer ro/ /'jig rten 'das kyis kyang zhes bya ba ni/ dper na bya ba
 mtshungs pa'i phyir 'jig rten pas 'phags pa 'dod chags dang bral ba na bral ba'i thob pa rnam pa gnyis yin pa de bzhin du/ 'jig rten las 'das pas 'dod chags dang bral ba na yang bral ba'i thob pa rnam pa gnyis yin no/ /gal te
 'phags pa'i lam gyis zhes bya ba ni de la 'jig rten ba'i lam med pas 'jig rten pa'i bral ba'i thob pa med na zhes bstan to/ /bsam gtan la rten te dbang po rnams 'pho bar byed pa zhes bya ba la/ bsam gtan dngos
 gzhi kho na la brten nas dbang po rnams 'pho bar byed kyi/ mi lcogs med pa 'am bsam gtan khyad par can la rten nas ni ma yin te/ de la brten nas dbang po 'pho bar bla ba'i phyir ro/ /'dir ni bsam gtan la brten to zhes dper brjod ba tsam
 zhig tu zad de /slob pa ni sa drug la rten te dbang po rnams 'pho bar byed do zhes bshad do/ /de lam snga ma zad par btang ba'i phyir zhes bya ba la/ lam snga ma ni phyir mi 'ong ba'i 'bras bu'i lam dang/ de las khyad par du 'phags pa ci
 yang med pa'i skye mched kyis bar gyi gnyen po'o/ /'bras bu'i lam 'ba' zhig tu thob pa'i phyir zhes bya ba la/ des ni dbang po rtul pos bsdus pa'i 'bras bu las khyad par can gyi lam btang nas 'bras bu'i lam dbang po rnon
 pos bsdus pa 'ba' zhig 'thob ste/ 'phel ba 'bras bu'i khyad par bcas/ /btang ste 'bras bu thob par 'gyur zhes 'byung ba'i phyir ro/ /sa gong ma pa'i nyon mongs pa'i bral ba dang mi ldan par yang 'gyur zhes bya ba la/ 'dod
 pa'i khams kyi gong ma ni bsam gtan dang po nas bzung ste/ ci mang med pa'i skye mched kyi bar te/ de'i sa'i nyon mongs pa'i bral ba dang mi ldan par 'gyur ro/ /de btang na zhes bya ba ni/ sa gong ma'i nyon mongs pa'i bral
 ba dang ldan pa btang na'o/ /nyon mongs pa de dag dang ldan par yang 'gyur ro/ /zhes bya ba ni sa gong ma'i nyon mongs pa dag dang ngo/ /srid rtse'i phyed las rnam grol dang/ /gong du skyes pa bzhin mi ldan/ zhes bya ba 'byung
 ngo/ /srid pa'i rtse mo rnam pa phyed las rnam par grol ba zhes bya ba la/ srid pa'i rtse mo'i rnam pa brgyad las 'dod chags dang bral ba gang zhig dbang po rnams 'pho bar byed pa de la rnam pa brgyad po de dag gis 'jig rten pa'i
 bral ba 'thob pa med do/ /ci'i phyir med ce na gang gi phyir 'jig rten pa'i lam srid pa'i rtse mo gnyen por gyur pa med do/ /'jig rten pa'i lam gyi sa zhig las 'dod chags dang bral bar
 'gyur ba de kho na las 'jig rten las 'das pa'i lam gyi 'dod chags dang bral bar 'gyur ba'i 'phags pa la ni 'jig rten dang 'jig rten las 'das pa'i bral ba'i 'thob pa yod pa zhig go/ yang dper na so so'i skye bo
 zhes bya ba la/ de yang bsam gtan dang po bsdus pa 'dod pa na sbyod pa'i nyon mongs pa'i bral ba'i thob pa gtod do/ /'phags pa ni ma yin te/ ci'i phyir zhe na/ 'phags pa'i 'jig rten pa'i lam gyis 'dod pa'i khams kyis
 gong ma las 'dod chags dang bral bar gyur pa la 'jig rten pa dang 'jig rten las 'das pa'i thob pa yod do/ /de la 'jig rten pa'i 'dod pa na sbyod pa'i nyon mongs pa'i bral ba'i thob pa gang yin pa de ni 'phags pa bsam
 gtan dang po'i sa'i gong du skyes pas gtong bar 'gyur gyi/ 'jig rten las 'das pa ni ma yin no/ /'jig rten las 'das pa de yod na yang de dag dang mi ldan no/ /so so'i skye bo ni de lta ma yin te/ de'i phyir so so skye bo
 smos so/ /de'i phyir ji ltar 'dir bral ba'i thob pa med par 'dod pa na sbyod pa'i nyon mongs pa de dag dang ldan par mi 'gyur bas khas len pa ltar gang zag 'di yang de dang 'dra bar 'gyur bas btang la nyon mongs
 mi ldan phyir/ zhes bya ba 'di ni shes rab byed pa ma yin no/ /zag med mi lcogs med pa yi/ /thams cad las ni 'dod chags bral/ /srid pa'i rtse mo'i bar las so/ /zhes bya ba ni sa 'og ma dang gong ma las
 zhes bya ba'i don to/ /ci'i phyir zhe na/ zag pa med pa ni ldan pa ma yin pa'i phyir ro/ /sa gsum las rgyal ba yan chad ni zhes bya ba la/ bsam gtan gsum pa la sogs pa las 'dod chags dang bral ba ni bsam gtan bzhi pa la sogs
 ba'i nyer bsdogs pa dag gis thob la/ de na nyer bsdogs dang dngos gzhi la tshor ba tha dad pa med de/ btang snyoms kyi dbang po khyad par med pa'i phyir ro/ /de'i phyir 'dir dbang po rnon po'am/ dbang po rtul po zhig 'dod chags dang
 bral ba'i sa la the gir sems pas dngos gzhi kho na las rnam par grol ba'i lam tha ma mngon du byed do/ /bsam gtan gsum na ni zhes bya ba rgyas par 'byung ste/ nyer bsdogs dag na btang snyoms kyi tshor ba yod la/ bsam gtan
 gyi dngos gzhi dag las ni gnyis yid bde ba yod la/ gsum pa na bde ba yod do/ /de la kha cig dbang po rtul po yin pa'i phyir dbang po spo bar mi nus pas nyer bsdogs kho na las rnam par grol ba'i lam tha ma mngon du byed la/
 de nus pa ni dngos gzhi las mngon sum du byed pas 'di la nyes pa med do/ /'phags brgyad kyi sa gong sa las rgyal zhes bya ba 'byung ngo/ /sa 'og ma las ni ma yin te/ 'dod chags dang bral zin pa'i phyir ro zhes bya ba la/ sa 'og
 ma la 'dod chags dang ma bral bas ni sa de mngon du byed mi nus so/ /bden pa la dmigs pa'i phyir bden pa'i rnam par zhugs pa dang/ yin zhes bya ba ni mi rtag pa dang/ sdug bsngal ba dang/ stong pa dang/ bdag med pa la sogs pa
 rnam pa bcu drug tu zhes bya ba'i don to/ /ci rigs par zhes bya ba ni srid tshad de la de skad du bshad kyi/ thams cad kyi thams cad du ni ma yin no/ /gal te sa 'og ma la rags par lta ba de'i tshe sa gong ma la de las bzlog
 pa zhi bar lta ste/ gzhan dag la yang de dang 'dra bar brjod par bya'o/ /de nyid kyi phyir/ de dag las bzlog pa ni zhis dang gya nom pa dang nges par 'byung ba'i rnam pa can no zhes 'chad do/ /ma zhi ba'i phyir rags
 par lta 'o zhes bya ba la/ ji ltar ma zhi ba nyid yin zhe na/ de'i phyir mngon par 'du byed pa shin tu che ba nyid kyis zhes bya ba smos so/ /sa gong ma yang lam dang bcas te/ mngon par 'du byed pa yin mod kyi/ 'di ni lam dang bcas pa
 mngon par 'du byed pa shin tu che ba yin no/ /gya nom pa ma yin pa'i phyir tha ba ngan par lta ste zhes bya ba la/ tha ba ni gzhig par dka' ba yin no/ /dman pa'i tha ba ni tha ma ngan pa'o/ /yang na 'di la sdug bsngal yod pas na tha ma'o/ /
 len pas na tha ba ngan pa ste/ lus nad du gyur pas lus nad du gyur pa nye bar len pa'i phyir ro/ /ji ltar gya nom pa ma yin zhe na/ de'i phyir gnas ngan len rab tu mang ba nyid kyis mi mthun par gyur pa'i phyir ro zhes bya ba smos
 te/ gnas ngan len ni lus dang sems dag las su mi rung ba nyid de nyon mongs pa dang mthun pa zhes bya ba'i tha tshig go/ sa gong ma yang dag gnas ngan len med pa ma yin mod kyi/ 'di ni gnas ngan len rab tu mang ba yin no/ /
 rtsig pa stug po lta bur zhes bya ba ni rtsig pa stug po'i ngo bor ro/ /de nyid kyis sa de las nges par mi 'byung ba'i phyir zhes bya ba ni sa de nyid kyis de nyid las nges par mi 'byung ba'i phyir ro/ /rtsig pa la nges par mi 'byung
 ba bzhin du zhes bya ba la/ dper na rtsig pa yod na nam mkha' i phyogs nges non pa'i phyir nges par 'byung ba med pa de bzhin du de nyid las nges par 'byung bar mi 'gyur ro/ /de las bzlog pa ni zhes bya ba la/ zhi ba'i phyir te/
 mngon par 'du byed pa chung ba nyid kyis so/ /gya nom pa yin pa'i phyir te/ gnas ngan len rab nyung ba nyid kyis mi mthun par ma gyur pa'i phyir ro/ /nges par 'byung ba'i phyir te/ des 'og ma las nges par 'byin pa'i phyir ro/ /zhar la 'ongs pa
 rdzogs so/ /zhes bya ba la/ 'jig rten 'das kyi srid rtse las/ /zhes bya ba de nas bzung ba ni zhar byung ste/ de zad thob dang zad pa shes/ zhes bya ba 'di'i mjug thogs su/ gal te mi g.yo zad shes mi skye blo gros zhes bya ba 'di brjod par bya
 ba yin pa las/ de tshe de mi slob dgra bcom/ zhes bya ba 'di bshad la/ de'i mjug thogs su 'di 'ongs pa yin no/ /zad par shes pa'i mjug thogs su de las mi skye ba shes pa skye ste/ mi skye ba shes pa ni yang bya ba med pa nyid du shes
 pa'o yongs su nyams pa srid pa'i phyir zhes bya ba la/ 'dis ni nyon mongs pa skye ba'i go skabs yong bas mi skye ba shes pa mi skye'o zhes ston te/ de skyes na yongs su nyams pa mi srid pa'i phyir ro/ /de ni dgra bcom thams cad la zhes bya ba ni mi
 slob pa'i yang dag pa'i lta ba ste/ gang gi phyir de ni zad pa shes pa bzhin du dgra bcom pa thams cad la skye'o/ /dge sbyong tshul ni dri med lam zhes bya ba la/ dge sbyong gi tshul ni bar chad med pa'i lam brgyad cu rtsa dgu yin la dge sbyong gi
 'bras bu ni rnam par grol ba'i lam dge sbyong gi 'bras bu 'dus ma byas dang bcas pa de snyed kho na dag yin no/ /de'i phyir de ltar na/ dge sbyong gi 'bras bu 'di dag ni phung po lnga dang 'dus ma byas dang rdzas drug yin no/ /dge sbyong du 'gyur
 te zhes bya ba ni/ zhi bar 'gyur te zhes bya ba'i tha tshig ste/ de nyid kyi phyir nyon mongs pa yang dag pa zhi bar byed pa'i sgo nas zhes bya ba smos so/ /gzhan dag na re khams dang 'gro ba dang skye gnas su 'khor ba'i ngal ba bsal bas
 na dge sbyong do zhes zer ro/ /so so'i skye bo ni gtan du zhi bar mi byed pa'i phyir don dam pa'i dge sbyong ma yin no zhes bya ba la/ so so'i skye bo ni ci yang med pa'i skye mched kyi bral las 'dod chags dang bral yang
 don dam pa'i dge sbyong ma yin te/ nyes pa'i 'phro dang bcas pa'i phyir dang/ nyes pa gtan ma zhi ba'i phyir ro/ /de dag kyang mdo las rnam pa bzhir gsungs/ /zhes bya ba ni rgyun du zhugs pa'i 'bras bu nas dgra bcom pa nyid kyi bar ro/
 re'i rgyu mthun pa dang skyes bu byed pa'i 'bras bu yin pa'i phyir ro zhes bya ba la/ de'i zhes bya ba 'di ni dge sbyong gi tshul dang sbyang te/ rnam par grol ba'i bar lam ni bar chad med pa'i lam gyi rgyu mthun pa dang skyes bu byed pa'i 'bras bu
 yin te/ go rim bzhin du de dar 'dra ba'i phyir dang/ de'i stobs kyi skye ba'i phyir ro/ /'di dag ni dge sbyong gi 'bras bu 'dus byas yin no/ /ji ltar zhe na/ mthong ba'i lam ni rnam par grol ba'i lam rjes su shes pa dang bcas pa
 brgyad do/ /bsgom pa'i lam la ni dgu tshan dgu'o/ /nyon mongs pa de dag gi spangs pa ni dge sbyong gi tshul khrims 'bras bu 'dus ma byas dag yin no/ /de lta na 'o na ni zhes bya ba ni gal te de dag brgyad cu rtsa dgu yin na'o/ /sangs
 rgyas kyis gsungs pa kha? bskar? bar bya dgos par 'gyur ro zhes bya ba ni des 'bras bu bzhi gsungs pa las tha dad par 'bras bu brgyad cu rtsa dgu yod pa'i phyir ro/ /chad du gtad nas skong ba ni kha skong ba ste/ kha nye bar bskang
 zhes bya ba'i don to/ /bya mi dgos to mdo las bstan pa ni dgongs pa can yin pa'i phyir ro/ /'dir dgongs pa gang zhig yin ce na/ 'bras bu mang po zhig yod mod kyi/ 'bras bu bzhir bzhag pa ni rgyu lnga srid pa'i phyir ro/ /zhugs pa dang
 'bras bu'i lam btang ba dang thob pa'i phyir ro zhes bya ba la zhugs pa'i lam btang ba'i phyir te/ mi ldan pa'i phyir ro/ /'bras bu'i lam thob pa'i phyir te ldan pa'i phyir ro/ /thams cad kyi thob pa gcig rnyed pa'i phyir ro/ /zhes bya ba ni spangs pa
 bsdoms pa na sngar spangs pa rnams kyi bral ba'i thob pa 'bras bus bsdus pa gcig rnyed pa'i phyir ro/ /shes pa brgyad cig car du thob pa zhes bya ba ni chos shes pa bzhi dang/ rjes su shes pa bzhi ste/ sdug bsngal la chos shes pa
 nas lam la chos shes pa'i ther dang/ de bzhin du rjes su shes pa bzhi zhes bya ba de dag go/ ji ltar rnam pa bcu drug 'thob ce na/ mi rtag pa la sogs pa'i ste zhes bya ba smos te/ mi rtag pa dang/ sdug bsngal ba dang/ stong pa dang/
 bdag med pa la sogs pa rnams so 'bras bu dang po la zhugs pa la ni rgyu 'di dag lnga char med de/ mthong ba'i lam la gnas pa'i phyir ro/ /'bras bu gnyis pa dang gsum pa dang/ bzhi pa la zhugs pa rnams la ni dang po gsum med
 kyi/ shes pa brgyad thob pa dang bcu drug thob pa gnyis ni yod de/ bsgom pa'i lam la gnas pa'i phyir ro/ /phal cher dang 'dod pa las 'dod chags dang bral ba 'bras bu gnyis pa dang gsum pa la zhugs pa dag la ni thams cad
 med de/ mthong ba'i lam la gnas pa'i phyir ro/ /'di skad du 'di dag thams cad ni 'bras bu'i lam kho na la yod de bsgom pa'i lam gyis bsdus pa'i phyir ro zhes bstan par 'gyur ro/ /'jig rten pa'i lam gyis thob pa'i 'bras bu
 gnyis zhes bya ba ni lan cig phyir 'ong ba'i 'bras bu dang/ phyir mi 'ong ba'i 'bras bu'o/ /de la ni zhes rgyas par 'byung bas ni 'di skad du de dag ni zag pha med pa'i lam gyi 'bras bu spangs pa ches mang ba yin gyi/ 'jig rten pa'i las
 gyis 'bras bu nyid ni ma yin no te/ de dag gos mthong ba'i lam gyis 'bras bu spangs ba yang bsdus pa'i phyir ro/ /de'i phyir de dag ni dge sbyong gi tshul gyis 'bras bu yin no zhes bstan par 'gyur ro/ /thams cad kyi zhes bya
 ba ni mthong ba'i lam gyi 'bras bu dang/ bsgem pa'i lam gyi 'bras bu'i'o/ /thob pa de'i 'bras bur bsdus pa gcig rnyed pa'i phyir ro/ /zhes bya ba ni thob pa lan cig phyir 'ong ba dang phyir mi 'ong ba'i 'bras bu bsdus pa gcig rnyed pa'i phyir ro/ /de
 nyid kyi phyir mdo las zhes bya ba rgyas par 'byung ste/ gang gi phyir mthong ba'i lam dang/ bsgom pa'i lam gyi 'bras bu thams cad kyi thob pa de'i 'bras bur bsdus pa gcig rnyed pa'i phyir te/ de'i phyir mdo las lan cig phyir 'ong ba'i 'bras
 gang zhes bya ba rgyas par 'byung ngo/ /de lta ma yin na mi gsung bar 'gyur te/ mthar gyis pa dang phal cher las 'dod chags dang bral bas kun tu sbyor ba gsum spangs zin pa'i phyir ro/ /'dod chags dang zhe sdang dang gti mug bsrabs pa ni de
 com zhig lus pa'i phyir ro/ /kun tu sbyor ba tha ma'i cha dang mthun pa lnga spangs pa zhes bya ba la/ 'dod pa la 'dun pa dang gnod sems kyi kun tu sbyor ba ma gtogs pa/ kun tu sbyor ba 'jig tshogs la lta ba la sogs pa gsum ni rgyun du zhugs
 pa kho nas spangs zin pa yin no/ /gal te yang bral ba'i thob pa mi skye na ni gsungs pa don med par 'gyur ro/ /bral ba'i thob pa zag pa med pas zhes bya ba ni 'jig rten pa'i chags bral ba'i/ /'phags la bral ba'i thob rnams gnyis/ zhes
 bshad de/ de'i phyir 'jig rten pa'i lam gyis? bras bu spangs pa de la bral ba'i ?? pa zag pa med pa brgyad dang 'dra ba dag skye la/ de dag gis de'i spangs pa 'dzin par byed do/ /'di ltar pho byang 'khor ba'i rjes yin yang rgyal po'i phyag rgyas
 btab pa ?? yin pa de ni yang gang gis bsags pa de'i yin par brjod pa ma yin pa de dang 'dra'o/ /de'i stobs kyi zhes bya ba ni bral ba'i thob pa zag pa med pa'i stobs kyis so/ /yongs su nyams pa mi 'chi ba'i phyir zhes bya ba la/ 'dir yongs su 'dzin
 pa ni 'di yin par 'dod de/ 'bras las nyams la 'chi ba med/ /zhes bya ba la sogs pa 'byung ngo/ /de lta ma yin na 'jig rten pa'i 'dod chags dang bral ba ltar 'chi bar 'gyur ba zhig na/ yongs su nyams pa de ni 'chi ba med do/ /
 tshangs pa'i dngos po ni tshangs pa'i tshul te/ nges ni changs par 'gyur bas so/ /nyon mongs pa rnams spong ba'i phyir zhes bya ba la/ dper na 'dis sdig pa mi dge ba'i chos rnams zhi bar 'gyur bas dge sbyong yin pa de bzhin du 'dis sdig pa
 mi dge ba'i chos rnams spong bas tshangs pa ste/ zhi ba dang spong ba'i mtshan nyid du gsungs pas dge sbyong nyid tshangs pa yin no/ /tshangs pa'i chul bla na med pa dang ldan pa'i phyir zhes bya ba ni zag pa med pa'i lam bla na med pa dang ldan pa'i phyir ro/ /
 de ni changs pa zhes kyang bya zhes bya ba 'di ming ber brjod pa'o/ /de'i 'khor lo de ni 'di yin pas zhes bya ba la/ 'brel pa gang gi yin zhe na/ de'i phyir nges skor ba'i phyir zhes bya ba smos so/ /myur bar 'gro? phyir rtsi? bas sogs kyis zhes bya ba ni
 myur bar 'gro ba la sogs pa'i phyir dang/ rtsibs la sogs pa'i phyir zhes bya ba'i tha tshig go/ 'di ni mthong ba'i lam 'khor lo rin po che dang chos mthun pa yin te/ ji ltar 'khor lo rin po che myur du 'gro ba de bzhin du mthong ba'i
 lam yang skad cig ma bco lngas bden pa mngon par rtogs pa'i phyir myur du 'gro ba yin no/ /'dor ba dang 'jug pa'i phyir zhes bya ba la/ ji ltar 'khor lo rin po che rgyab ma 'dor zhing mdun ma la 'jug pa de bzhin du mthong ba'i yang
 bar chad med pa'i lam 'dor zhing rnam par grol ba'i lam la ni mngon du gyur pa'i sgo nas 'jug pa yin no/ /yang na sdug bsngal la sogs pa'i yul 'dor zhing/ kun 'byung la sogs pa'i yul
 la 'jug pa'i phyir/ 'dor ba dang 'jug pa yin no/ /'khor lo dang chos mthun pa cig car ma yin par bden pa mthong ba'i phyir ro/ /ma rgyal ba rgyal bar byed pa dang/ rgyal ba rnal du 'god pa'i phyir zhes bya ba la/ ci zhe na/
 'khor lo rin po che dang chos mtshungs te/ ji ltar de grong dang grol rdal la sogs pa ma rgyal ba las rgyal bar byed la/ rgyal ba dag ni rnal du 'god pa de bzhin du bar chad med pa'i lam gyis 'jig tshogs la lta ba la sogs
 pa nyon mongs pa ma rgyal ba rnams las ni de dag gi thob pa spyod pa'i sgo nas rgyal bar byed la rnam par grol ba'i lam gyis rgyal ba rnams ni nyon mongs pa'i bral ba'i thob pa dang lhan cig skye ba'i sgo nas rnal du 'god do/ /
 'phar ba dang 'bab pa'i phyir zhes bya ba la/ ci zhe na/ /'khor lo dang chos mthun no/ /'phar ba ni steng du 'gro ba ste/ khams gong ma'i sdug bsngal la sogs pa la lta pa'o/ /'bab pa ni 'dod pa na spyod pa la lta ba'o/ /myur
 bar 'gro ba la sogs pa dag ? gis ni de lta bu yin no/ /yang dag pa'i lta ba dang rtog pa dang rtsol ba dang dran pa rnams ni rtsibs lta bu yin no zhes bya ba ni/ tshul khrims la rag las te/ 'jug pa'i phyir rtsi bas la sogs pa dang/
 'dra'o/ /yang dag pa'i dag dang las kyi mdza' dang/ 'tsho ba rnams lta ba lta bu yin no zhes bya ba ni yang dag pa'i lta pa la sogs pa rnams ne la rag las te 'jug pa'i phyir te/ tshul khrims ni rgyur gyur bas so/ /ting nge 'dzin
 ni mu khyud lta bu yin no zhes bya ba ni des yang dag pa'i lta ba la sogs pa nye bar 'dzin pa'i phyir ro/ /'di ga las zhes bya ba ni mthong ba'i lam chos kyi 'khor lo yin no/ /zhes bya ba 'di ci rang gi 'dod pa yin nam/ 'on te lung las byung zhes
 bya ba'o/ /rang gi 'dod pa ni ma yin no/ /ji ltar zhe na 'phags pa kau Dan+yi la zhes bya ba la sogs pa 'byung ngo/ /de skyes nas zhes bya ba ni mdo las gsungs pa'i phyir ro/ /ji ltar zhe na/ sa bla ba'i gnod sbyin rnams kyis tshe dang ldan pa kun
 shes kau Din+yas chos kun shes so zhes sgra 'byin dbyangs sgrog par byed cing zhes bya ba rgyas par 'byung ngo/ /yul ba ra tA se drang srong lhung ba ri dags kyi gnas su bcom ldan 'das kyis chos kyi 'khor lo lan gsum du bzlas te rnam pa
 bcu gnyis skor ro zhes bya ba rgyas par 'byung la/ ji ltar na de lan gsum du bzlas pa la sogs pa yin zhe na/ 'di ni sdug bsngal lo zhes bya ba 'di ni bskor ba gcig yin no/ /de yongs su shes par bya'o zhes bya ba 'di ni gnyis
 pa'o/ /de yongs su shes so zhes bya ba ni gsum pa ste/ de ni lan gsum du bzlas pa'o/ /bzlas pa re re mig skyes so zhes bya ba la/ zag pa med pa'i shes rab ni mngon sum du 'jug pa'i phyir mig go /the tsom med pa'i phyir shes
 pa'o/ /rnam par dag pa'i blo ste/ kun 'byung ba la sogs pa dag la yang ngo bzhin du brjod par bya'o/ /bden pa re re la yang de dang 'dra'o zhes bya ba ni/ lan gsum du bzlas pa dang rnam pa bcu gnyis po'o/ /ji lta zhe na/ 'di ni sdug
 bsngal 'phags pa'i bden pa'o/ /de yongs su shes par bya'o/ /de yongs su shes so/ /gal te bden pa re re la yang de dang 'dra bar lan gsum du bzlas pa dang rnam pa bcu gnyis yin na ni/ de lta na lan bcu gnyis su bzlas pa dang rnam pa bzhi
 bcu rtsa brgyad du 'gyur na/ ci'i phyir lan gsum du bzlas te rnam pa bcu gnyis gsungs zhes bya zhe na/ de lta yin pa bden mod kyi/ gsum tshan dang bcu gnyis su chos mthun pa'i phyir te/ gsum tshan du chos
 mthun pa'i phyir dang/ bcu gnyis su chos mthun pa'i phyir lan gsum du bzlas pa dang rnam pa bcu gnyis su gsungs so/ /gnyis dang gnas bdun la mkhas pa bstan no zhes bya ba ni gnyis bstan pa dang gnas bdun la mkhas pa bstan pa
 bzhin no/ /ji skad du khyed la gnyis bstan par bya yis/ de lags par nyon la yid la zung zhig dang bshad do/ /gnyis gang zhe na/ mig dang gzugs rnams zhes bya ba nas/ yid dang rnams so zhes bya ba'i bar du gsungs pa lta
 bu'o/ /de bzhin du gnas bdun la mkhas pa bstan pa ni gzugs yang dag pa ji lta pa bzhin rab tu shes so/ /gzugs kun 'byung ba dang/ gzugs 'gog pa dang/ gzugs 'gog par 'gyur ba'i lam dang/ gzugs kyi ri
 myang ba dang/ nges par 'byung ba dang/ nyes dmigs kyang yang dag pa ji lta ba bzhin rab tu shes so zhes bya ba ste/ tshor ba dang 'du shes dang/ 'du byed dang/ rnam par shes pa yang de dang 'dra'o/ /ji ltar gnyis su chos mthun pa'i phyir
 gnyis zhes bshad pa dang/ phung po re re'i gnas bdun la mkhas par chos mthun pa'i phyir gnas bdun la mkhas par bshad pa de bzhin du/ 'dir yang gsum dang bcu gnyis su chos su mthun pa'i phyir/ lan gsum du bzlas pa dang
 rnam pa bcu gnyis su gsungs so/ /bzlas pa mdo las gsungs pa 'di dag gis ni grangs bzhin du mthong ba dang bsgom pa dang/ mi slob pa'i lam rnams bstan to/ /ji ltar byas bas zhe na/ 'di ni sdug bsngal 'phags pa'i bden pa'o zhes
 bya bas ni mthong ba'i lam bstan to/ de yongs su shes par bya'o zhes bya ba la sogs pas ni mi bsgom pa'i lam bstan to/ /de yongs su shes so zhes bya ba la sogs pas ni mi slob pa'i lam bstan to/ /gal te de lta na zhes bya ba rgyas par 'byung
 ste/ gal te de ltar 'das pa 'di dag gis grangs bzhin du mthong ba dang/ bsgom pa dang/ mi slob pa'i lam rnams bstan na'o/ /'o na ni mthong ba'i lam kho na la zhes bya ba 'byung ngo/ /'o na ni mthong ba'i lam kho na lan gsum du bzlas pa
 yang ma yin la/ rnam pa bcu gnyis kyang ma yin gyi 'o na ci zhe na/ mthong ba dang/ bsgom pa dang/ mi slob pa'i lam mdza' dag la yin no/ /ci'i phyir zhe na/ bzlas pa dang pos mthong ba'i lam bshad pa'i phyir lan cig bzlas pa dang rnam
 pa bzhi yin gyi/ lan gsum bzlas te rnam pa bcu gnyis su skor ba ni ma yin pas 'di ji ltar na chos kyi 'khor lo rnam par bzhag /de lta bas na mdo las ji skad du bstan pa'i mtshan nyid can chos kyi rnam grangs de nyid chos kyi 'khor lo
 yang yin/ lan gsum du bzlas pa dang rnam pa bcu gnyis kyang yin par rung gis mthong ba'i lam ni ma yin no/ /chos ni rnam pa gsum ste/ bstan pa'i chos dang bsgrub pa'i chos dang/ 'bras bu'i chos so/ /gzhung la yang don nye bar 'dogs pa
 yin te/ dper na don dam pa stong pa nyid kyi chos kyi rnam grangs zhes bya ba lta bu'o/ /bden pa rnams lan gsum du bzlas pa'i phyir ro/ /zhes bya ba ni sdug bsngal zhes bya ba nas lam zhes bya ba'i bar ni bzlas pa gcig yin no/ /yongs su shes par
 bya zhes bya ba nas bsgom par bya'o zhes bya ba'i bar ni gnyis pa yin no/ /yongs su shes so zhes bya ba nas bsgoms so zhes bya ba'i bar ni gsum pa yin/ /rnam pa gsum du byas pa'i phyir ro zhes bya ba la sdug bsngal zhes bya ba nas lam zhes bya ba'i
 bar ni rnam pa gcig yin te/ rnam pa ni 'dzin pa'i rnam pa'o/ /yongs su shes par bya zhes bya ba la sogs pa ni gnyis pa'o/ /yongs su shes bya ba la sogs pa ni gsum pa'o/ /de ltar bden pa re re la rnam pa
 gsum du gtad pa'i phyir rnam pa bcu gnyis su 'gyur ro/ /ji ltar chos kyi rnam grangs bskor bar grub ce na/ de'i phyir de bskor ba ni gzhan gyi rgyud la go bar byed pa ste/ don shes par byed pa'i phyir zhes bya ba smos te/ sdug bsngal la sogs
 pa'i bden pa khong du chud par byed ces bya ba'i tha tshig go/ yang na 'phags pa'i lam thams cad de/ yang na 'phags pa'i lam thams cad kyang zhes bya ba ni/ mthong ba dang/ bsgom pa dang/ mi slob pa'i lam gyi bdag nyid can no/ /
 de'i phyir de ltar na chos kyi 'khor lo lan gsum du bzlas te/ rnam pa bcu gnyis su grub par 'gyur te/ lan gsum du bzlas pas lan gsum bsdus pa'i phyir dang/ bzlas pa re re la mig la sogs pa skye ba'i phyir ro/ /ji ltar lam
 chos kyi 'khor lo yin zhe na/ de'i phyir gdul pa'i rgyud la 'jug pa'i phyir zhes smos so/ /ji ltar de bskor ba yin zhe na/ de ni gzhan gyi rgyud la zhes bya ba smos te/ gzhan gyi rgyud la ni 'phags pa kau Din+ya'i rgyud la'o/ /mthong ba'i lam
 bskyed pa'i phyir skor bar rtsom bas skor ba zhes bya ste/ dang por bskor zhes bya ba'i tha tshig go/ rtsom pa'i sgra'i dbang gis na mthong ba'i lam chos kyi 'khor lo yin no zhes bya ba grub po/ /dge sbyong gi tshul gyi 'bras bu'i skabs yin pas
 yang khams gang du zhes bya ba rgya cher 'byung ba 'di yang dbyang par bya'o/ /'dod pa'i gsum thob ces bya ba ni/ rgyun du zhugs pa dang lan cig phyir 'ong ba dang phyir mi 'ong ba'i 'bras bu rnams so/ /gzhan du ni ma yin no zhes bya ba
 ni gzugs dang gzugs med pa'i khams dag tu ste/ 'dod pa'i khams na gzhis pa kho nas 'bras bu gsum thob pa'i phyir ro/ /'bras bu gnyis ni zhes bya ba ni rgyun du zhugs pa'i 'bras bu dang/ lan cig phyir 'ong ba'i 'bras bu'o/ /'dod pa'i
 khams pas 'dod chags dang ma bral bas thob pas gzugs dang gzugs med pa'i khams su skyes pas da? gnyis thob par mi rung ste/ 'dod pa'i khams las 'dod chags dang bral ba'i phyir ro/ /phyir mi 'ong ba'i 'bras bu ni dgra bcom pa nyid
 bzhin du 'dod pa'i khams la 'dod chags dang mi bral bas kyang thob ste/ 'dod pa 'am yang na gang ma las/ chags bral gsum pa la zhugs pa/ zhes 'byung ba'i phyir ro/ /de gzugs dang gzugs med pa'i khams dag tu ci'i phyir mi
 'dod? ce na/ de'i phyir gong na mthong lam med ces bya ba smos te/ 'dod chags dang bral ba sngon du 'gro bas ni mthong ba'i lam gyis phyir mi 'ong ba'i 'bras bu thob pa yin la/ mthong ba'i lam khams gong ma la brten pa yod pa ma yin pas
 der skyes pa dag gis phyir mi 'ong ba'i 'bras bu ma thob bo/ /re zhig gzugs med pa'i khams ni zhes bya ba la/ gzugs med pa dag na ni gzugs med pas bdag med pa ston pa'i sgra med la/ gzhan gyi sgra med par yang dag pa'i lta ba skye ba ni
 yod pa yang ma yin no/ /khams 'og? ma la mi dmigs pa'i phyir ro zhes bya ba la/ gzugs med pa'i khams su skyes pa dag 'dod pa'i khams la mi dmigs pa'i phyir la/ 'dod pa na spyod pa'i sdug bsngal ni dang por lta bar bya ba yin pa'i phyir/
 mthong ba'i lam de la brten par mi rigs so/ /snyoms par 'jug pa'i bde ba la chags pa'i phyir dang zhes bya ba gal 'dod pa'i khams na ni/ sdug bsngal gyi tshor ba mang pa'i phyir dang/ 'bad pas bde ba rnams kyang tshe thung ba'i phyir dang/ nad med
 pa dang/ longs spyod dang/ gnyen bshes dang bral ba la sogs pa srid pa'i phyir/ skyo ba mang ba yin la/ gzugs med pa'i khams na ni de las bzlog pa'i sgo nas skyo ba bzhan pa yin te/ de na gnas pa'i so so'i skye bo dag ni snyoms
 par 'jug pa'i bde pa la chags pa'i phyir dang/ cho shin tu ring ba'i phyir de ltar skyo bar mi 'gyur ro/ /gzugs kyi khams na ni 'phags pa'i lam 'dren par byed pa'i skye ba med pas mthong ba'i lam yod pa ma yin no/ /mdo las kyang skyon 'dod chags
 dang bral bar 'gyur ro zhes gsungs so/ /'dir rtsom zhing der mthar phyin par 'gyur ro zhes bya ba la/ 'phags pa ma yin pa ni 'gas kyang der rtsom par ma gsungs so/ /rtsom pa ni rtsom pa ste/ mya ngan las 'das par 'gro ba'i thabs rtsom zhes bya ba tha tshig go /dgra
 bcom pa rnams kyi rab tu dbye ba brjod par 'dod pas 'di skad du zhes bya ba smos te/ de nyid kyi phyir ci dgra bcom pa la yang dbye ba yod dam zhes bya ba smos so/ /dgra bcom drug 'dod zhes bya ba la/ mdo las mi slob pa dgu bshad pa gang yin bde dag las yongs su
 mi nyams pa'i chos can dang/ shes rab kyi rnam par grol ba dang/ gnyi ka'i cha las rnam par grol pa dag kyang mi g.yo ba'i chos can gyi nang du 'du bas chos mngon pa'i lugs las drug nyid du tha snyad gdags so 'di la yongs su nyams pa'i chos kyi rang bzhin yod pas
 yongs su nyams pa'i chos can no/ /de bzhin du 'di la bdag nyid 'chi bar sems pa'i chos yod pas na 'chi bar sems pa'i chos can no/ /'di la rnam par grol ba gang la gnas pa de bsrung ba'i chos yod pas na/ rjes su bsrung ba'i chos can no/ /
 de bzhin du gnas pa la mi skyod pa ni gong la gnas ba yongs su nyams pa'i rkyen stobs dang ldan pa med par bskyod par mi nus pa ste/ yongs su nyams pa med pa'i phyir ro/ /mi g.yo ba'i rnam par grol ba rtogs shing khong du chud de skal ba dang ldan zhing nus pa
 ni rtogs pa'i skal pa can no/ /dbang po rno ba'i phyir na mi g.yo ba ste/ 'di g.yo bar mi nus pa'i phyir mi g.yo ba'i chos can no/ /dgra bcom pa drug pa de dag las/ lnga ni dad pas mos las skyes/ zhes bya ba la/ drug pa ni shes rab kyi rnam par grol ba las
 skyes pa yin zhes bya bar don gyis bshad pa yin no/ /dus dang sbyor ba dang zhes bya ba 'byung ngo/ /sems kyi rnam par grol ba ni dus dang sbyor ba spangs pa zhes bya ba la/ dus dang sbyor ba ni dus kyi sbyor ba ste/ de skye ba yul dang gang zag dang/ yo byad kyi dus la
 bltos pa'i phyir ro/ /phangs pa ni mig gcig pa'i mig bzhin du lhur blangs nas rtag tu rjes su bsrung ba'i phyir te/ phangs pa ni rtag tu rjes su bsrung ba yin no/ /dus la bltos par yang yin la zhes bya ba la/ dus zhes bya ba ni yo byad la sogs pa la bya'o/ /
 yang ji ltar de dag rnam par grol dus dang sbyor yin zhe na/ de'i phyir 'di dag gi ting nge 'dzin mngon sum du gyur pa ni zhes bya ba smos te/ de'i rten mthu chung ba'i phyir ro/ /g.yo bar mi nus pa'i phyir zhes bya ba ni/ nyon mongs pa dang nye ba'i nyon mongs pa
 dag gis te/ de nyid kyi phyir yongs su mi nyams pa'i sgo nas zhes bya ba smos so/ /'dod dgur zhes bya ba ni ting nge 'dzin mngon sum du gyur pa'i phyir te/ de la ni gang rung rung gi tshe gang rung rung du gang rung rung gis ting 'dzin mngon sum du gyur pa yin no/ /
 dus gzhan gyi bar dang gtan du rnam par grol ba'i phyir zhes bya ba ni dus gzhan gyi bar du rnam 'grol ba'i phyir na dus kyi rnam par grol ba'o/ /gtan du rnam par grol ba'i phyir dus dang mi sbyor bar rnam par grol ba nyid yin no/ /yongs su nyams pa srid pa dang mi
 srid pa'i sgo nas zhes bya ba la/ yongs su nyams pa srid pa'i sgo nas dus gzhan gyi bar du rnam par grol ba'i phyir dus kyis rnam par grol ba zhes bya'o/ /yongs su nams pa mi srid pa'i sgo nas gtan du rnam par grol ba'i phyir dus dang mi sbyor
 bar rnam par grol ba zhes bya'o/ /kha cig dang po nas de'i rigs zhes bya ba 'byung ngo/ /rigs zhes bya ba 'di ci zhig zhe na/ bye brag tu smra ba rnams na re dge ba'i rtsa ba yin te/ de'i bye brag gis 'di bye brag tu 'gyur ro
 zhes zer ro/ /mdo sde pa rnams na re ni sems kyi sa bon gyi dngos po'i nus pa yin te/ yongs su nyams pa'i chos can ni so so'i skye bo'i gnas skabs na yang sa bon yod pas yongs su nyams pa'i chos can gyi rigs can zhes bya ba la
 mi slob pa'i gnas skabs su sa bon de'i 'jug pa rnyed pas yongs su nyams pa'i chos can zhes bya'o/ /'chi bar sems pa'i chos can la sogs pa dag la yang de bzhin du rig par bya'o/ /zhes zer ro/ /kha cig ni dang po nyid nas 'chi
 bar sems pa'i chos can gyi rigs can yin la zhes bya ba la yang/ ci'i phyir yongs su nyams pa'i chos can la mi dpyad ce na/ gang gi phyir 'og na rigs gzhan med pa de'i phyir de ni sbyangs pa las gyur pa med do/ /mi g.yo ba'i chos
 can du 'gyur ba'i bar du yang de dang 'dra bar rig par bya'o/ /zhes bya ba la/ 'chi bar sems pa'i chos can dang po nyid nas de'i rigs can dang dbang po sbyangs pa las gyur pa ni rjes su bsrung ba'i chos can thob nas rim gyis
 mi g.yo ba'i chos can gyi bar 'thob ste/ rjes su bsrung ba'i chos can la sogs pa dag la yang ci rigs par de dang 'dra bar brjod par bya'o/ /de la yongs su nyams pa'i chos can ni yongs su nyams par 'gyur ba'i skal ba dang ldan gyi zhes bya
 ba de tsam zhig brjod na ni/ 'chi bar sems pa'i chos can la sogs pa la yang thal bar 'gyur te/ de dag kyang yongs su nyams par 'gyur ba'i skal ba dang ldan pas yongs su nyams pa'i chos can de dag kho na khongs su 'dus par 'gyur gyi/
 de dag las gzhan lnga pa ma yin pa'i phyir/ 'di ni lnga ba gzhan zhig yin no zhes de dag las khyad par du bya ba'i phyir/ 'chi bar sems pa la sogs pa'i chos can ma yin pa zhes bya ba smos so/ /'chi bar sems pa'i chos can la sogs pa bzhi
 po rnams la ni yongs su nyams pa'i chos can nyid yang re re la mtshan nyid khyad par du 'phags pa bstan pas 'chi bar sems pa'i chos can ni 'chi bar sems pa'i skal ba dang ldan gyi rjes su bsrung ba'i chos can nas rtogs pa'i skal pa can gyi
 bar ma yin pa gang yin pa'o zhes bya ba 'di mi dgos so/ /ma bsrungs kyang 'bras bu de la gnas pa'i skal ba can yin te/ rjes su bsrung ba'i chos can ni ma bsrungs na nyams pa'i skal ba can yin gyi gnas par mi 'gyur bas de rnam par bcad
 bar bya ba'i phyir nyams par mi 'gyur ba dang zhes bya ba smos so/ /'phel bar yang mi 'gyur ba'i zhes bya ba ni rtogs pa'i skal ba can thob par mi 'gyur ba'o/ /mngon par brtson pa med na zhes bya ba ni brtson 'grus brtsams pa med na ste/
 gal te mngon par brtson par byed na ni thob pa'i skal ba can du 'gyur ro/ /nyams par 'gyur ba'i rkyen stobs dang ldan pa med na zhes bya ba la/ yongs su nyams pa'i chos can la sogs pa rnams ni yongs su nyams pa'i rkyen chung ngus kyang yongs
 su nyams par 'gyur ro zhes bstan pa yin no/ /yongs su nyams par 'gyur ba'i rkyen rnams ni mdo las ji skad du 'byung ba ste/ ji ltar zhe na/ rkyen lnga dang rgyu lngas dus kyi rnam par grol ba'i dgra bcom pa yongs su nyams par 'gyur ro/ /
 lnga gang zhe na/ las kyi mdza' la zhugs pa yin/ smra ba la zhugs pa yin/ rtsod pa la zhugs pa yin/ ring dung rgyu ba'i sbyor ba dang ldan pa yin/ nad kyi rnam pa yun ring pos thebs pa yin zhes pa yin no/ /dang po gnyis zhes bya ba
 ni yongs su nyams pa'i chos can dang/ 'chi bar sems pa'i chos can no/ /sngon zhes bya ba ni so so'i skye bo dang slob pa'i gnas skabs na'o?/ /rgyun du sbyor ba dang 'gus? par sbyor ba med pa yin no/ /gnyi ga la yang
 gnyi ga med mod kyi/ 'chi bar sems pa'i chos can ni lus la smod pa kun tu sbyod pa ches mang ba gang gis na/ bdag nyid brlag par sems bskyed pa 'am yongs su nyams par dogs pa'am/ lus mi gtsang ba'i rdzas du ma tshogs pa'i bdag
 nyid can gnas pa la dgos pa med par rtogs nas bdag nyid 'chi bar sems pa'am/ srog la bltos pa med pa la brten nas rnam par grol ba thob par byed pa ste/ ji skad du mgrin la mtshon cha'i kha bstan te/ de nas sems rnam
 par grol lo zhes gsungs pa lta bu'o/ /gsum pa ni zhes bya ba ni rjes su bsrung ba'i chos can te/ rgyun du sbyor ba yin gyis/ gus par sbyor ba ni ma yin te/ de ni sems kyi rnam par grol ba shin tu rjes su bsrung bar bya bar sems so/ /
 bzhi pa ni zhes bya ba ni gnas pa las mi skyong pa'o/ /de ni gus par sbyor ba ba yin gyi/ rgyun tu sbyor ba pa ni ma yin te/ de ni rjes su ma bsrungs kyang gnas pa'i skal ba can yin gyi/ yongs su nyams pa'i rkyen stobs chung ba gang rung rung
 gis nyams par mi 'gyur la/ mngon par brtson pa med na 'phel bar yang mi 'gyur zhing btang snyoms kun tu spyod pa mang ba yin no/ /rtogs pa'i skal ba can dang/ mi g.yo ba'i chos can gnyis kyi khyad par ni dbang pos byas pa yin gyi/
 sbyor bas byas pa ni ma yin te/ gnyi ga yang rgyun du sbyor ba la dang/ gus par sbyor ba pa yin pa'i phyir ro/ /de ltar byas na zhes bya ba la gal te yongs su nyams pa'i chos can yang gdon mi za bar yongs su nyams par 'gyur pa ma yin la/
 rtogs pa'i skal ba can gyi bar du yang rtogs par 'gyur ba ma yin na khams gsum char na yang dgra bcom pa drug yod par rung ngo/ /gang dag gi gdon mi za bar yongs su nyams par 'gyur ba zhes bya bar rgyas par 'byung ste/ de lta ma yin na/ 'de dag gi
 yongs su nyams pa'i chos can zhes bya ba'i ming phyin ci log yin par 'gyur te/ chos kyi sgra ni rang bzhin brjod par byed pa'o snyam du bsams pa'o/ /de dag gi ltar na 'dod pa'i khams na drug ste/ 'di kho na na yongs su nyams pa dang/ 'chi bar sems
 pa dang/ dbang po 'pho ba srid pa'i phyir ro/ /de gnyis na zhes bya ba ni gzugs dang gzugs med pa'i khams dag na'o/ /yongs su nyams pa dang/ 'chi bar sems pa dang/ dbang po 'pho ba med pa'i phyir ro zhes bya ba la/ de na tshe rabs gzhan nas
 yongs su 'dris pas dbang po rnams chos yongs su smin pa'i phyir dang/ rten byad par can thob pa'i phyir yongs su nyams pa med la/ yongs su nyams pa med pas na/ yongs su nyams pa'i chos can yang med do/ /yongs su nyams pa med pa nyid kyi phyir/ rjes su
 bsrung bar bya ba med pas rjes su bsrung ba'i chos can yang med do/ /'chi par sems pa'i chos can yang med/ yongs su nyams pa'i rgyu mtshan skye ba med pa'i phyir dang/ 'chi bar sems pa dang mthun pa'i skye ba med pa'i phyir dang/ bdag dang gzhan
 la gnod pa med pa'i phyir ro/ /dbang po 'pho ba med pas rtogs pa'i skal ba can med do/ /gnas pa la mi bskyod pa dang/ mi g.yo ba'i chos can dag ni yongs su nyams pa dang 'chi bar sems pa dang/ dbang po 'pho ba la mi bltos pas de na de gnyis kho na
 yod par thal bar 'gyur ro/ /gal te lnga 'bras bu las nyams pa yin na ni ji ltar gzugs dang gzugs med pa'i khams dag na gnas pa las mi bskyod pa yod par 'grub ce na/ gang gi phyir gdon mi? bya? bar yongs su nyams pa med la/ de na yongs su
 nyams pa'i rkyen stobs dang ldan pa med pas so/ /rang gi rigs las yongs su nyams par mi 'gyur ro/ /zhes bya ba ni yongs su nyams pa'i chos can gyi rigs ni 'chi bar sems pa'i chos can gyi rigs ltar sbyangs
 pa las gyur pa yod pa ma yin pas de'i phyir yongs su nyams pa med do/ /lhag ma las ni yongs su nyams te/ sbyangs pa las gyur? pa gang yin pa las so/ /rigs dang po las yongs su nyams par mi 'gyur ro zhes bya ba 'di ??/ /
 rgyu smras pa ni slob pa dang mi slob pa'i lam dag gis brtan por byas pa'i phyir ro zhes bya ba ste/ chos bstan par bkod pa'i phyir dang bstan pa'i phyir ro/ /zhes bya ba'i tha tshig go/ slob pa ni zhes bya ba la/ rigs dang po las yongs su nyams
 par mi 'gyur te zhes bya bar sbyar ro/ /de nyid la rgyu 'jig rten pa dang/ 'jig rten las 'das pa'i la ma dag gis zhes bya ba smos te/ brtan por byas pa'i phyir ro zhes bya bar sbyar ro/ /gang gi 'bras bu dang po gang yin pa zhes bya ba
 ni rgyun tu zhugs pa'i 'bras bu 'am/ lan cig phyir 'ong ba'i 'bras buAm/ phyir mi 'ong ba'i 'bras bu'o/ /lhag ma las ni yongs su nyams par 'gyur ro zhes bya ba la/ gang zhig gang gis dang po ma yin pa de las ni nyams par 'gyur
 ro/ /de nyid kyi phyir rgyun du zhugs pa'i 'bras bu las yongs su nyams pa med do zhes bya ba ni gang gi phyir de ni thams cad kyi tshe dang po kho na yin gyi/ gnyis pa 'am gsum pa ma yin pas so/ /go rim bzhin du rnam pa lnga dang drug dang bdun
 yin par rig par bya'o/ /zhes bya ba la rjes su srung ba'i chos can ni rnam pa lnga yin te/ so na gnas bzhin du yongs su mya ngan las 'da' ba dang/ dbang po 'pho ba dang/ yongs su nyams nas slab pa nyid du 'gyur ba dang/ yongs su nyams
 ba'i chos can gyi rigs su slar 'ong ba dang/ 'chi bar sems pa'i chos can gyi rigs su slar 'ong ba'o/ /gnas pa las mi bskyod pa ni rnam pa drug yin te/ lnga po de dag nyid dang rjes su bsrung ba'i chos can gyi rigs su slar 'ongs pa'o/ /rtegs pa'i skal ba can
 ni rnam pa bdun yin te/ drug po de dag nyid dang gnas pa las mi bskyod pa'i rigs su slar 'ongs pa'o/ /gang gi rigs dang po gang yin pa zhes bya ba ni slob pa'i gnas skabs nas brtsams pa dag go/ de slob par gyur na zhes bya ba ni dgra bcom pa nyid
 las yongs su nyams pa ste/ de kho na la gnas kyi sbyangs pa las gyur pa gzhan la ma yin no zhes bya ba'i tha tshig go/ yongs su nyams pa'i chos can dbang po sbyangs pas rtogs pa'i skal ba can thob pa de slob par gyur cing rigs de las kyang yongs su nyams
 na lugs las bzlog pa gnas pa las mi bskyod pa'i rigs nas 'chi bar sems pa'i chos can gyi rigs kyi bar la dmigs nas so/ /'o na ci zhe na/ yongs su nyams pa'i chos can gyi rigs kho na la gnas so/ /de lta ma yin na zhes bya ba ni/ gal te
 rigs gzhan la gnas par 'gyur na'o/ /rigs khyad par can rnyed pa'i phyir zhes bya ba ni rigs de ni yongs su nyams pa'i rigs las khyad zhugs pa yin pas so/ /de'i phyir dgra bcom pa nyid las yongs su nyams na dbang po sbyangs pas thob pa las
 kyang gdon mi za bar yongs su nyams par 'gyur ro/ /ci'i phyir 'bras bu dang po las yongs su nyams pa med ces bya ba ni mthar gyis pa dang/ 'dod chags dang m+bral ba dang/ 'dod pa la 'dod chags dang bral ba rnams la rgyun du zhugs pa'i
 'bras bu dang/ lan cig phyir 'ong ba'i 'bras bu dang/ phyir mi 'ong ba'i 'bras bu dag las yongs su nyams pa med ces bya ba'o/ /mthong bas spangs par bya ba rnams gzhi med pa'i phyir te/ zhes bya ba ni rten med pa'i phyir te/ dngos po ji ltar kun brtags pa la dmi
 ba'i phyir zhes bya ba'i don te/ /de dag ni bdag gi gzhi la 'jug pa yin zhes bya ba ni mthong bas spangs par bya ba rnams ni bdag la brten nas zhugs pa yin no/ /ci'i phyir zhe na/ 'jig tshogs la lta ba'i rtsa ba can yin pa'i
 phyir zhes bya ba smes te/ 'di ltar mthong bas spang bar bya ba rnams ni bdag tu lta ba'i dbang gis kun tu 'byung ste/ 'jig rten na lta ba tha dad par gyur pa gang yin pa de dag ni 'jig tshogs la lta ba'i gzhi can yin te/ zhes gsungs/ /bdag de
 yang med de zhes bya ba ni gzhi med pa'i phyir yongs su nyams pa med do/ /'o na med pa la dmigs par 'gyur ro zhes bya ba ni bdag gi rdzas med pa'i phyir ro/ /bden pa la dmigs pa'i phyir zhes bya ba ni sdug bsngal la sogs pa'i bden pa dag la rtag
 ba la sogs par 'dzin pa'i phyir ro/ /phyin ci log tu dmigs pa yin no/ /zhes bya ba ni lus sdug bsngal ba la bdag tu dmigs pa'i phyir ro/ /de lta ma yin pa'i nyon mongs pa gang zhig yin te/ zhes bya ba la/ 'dod chags la sogs pa'i nyon mongs
 ba bsgom pas spang bar bya ba yang mi gtsang ba la sogs pa'i dngos po la/ gtsang ba dang/ bde ba dang/ rtag pa'i rnam par dmigs pa'i phyir phyin ci log tu dmigs pa yin no/ /byed pa po ni dge ba dang mi dge ba'i las kyi byed pa po'o/ /chor ba po ni
 'bras bu'i za ba po'o/ /de'i gzhi la zhugs pa yin pas zhes bya ba rgyas par 'byung ba ni/ bdag tu mngon par 'ded pa'i dngos po la rtag pa dang chad par rtogs pa'i phyir te/ de bzhin du gzhan la yang brjod par bya'o/ /'dod chags dang/ khong
 khro dang/ nga rgyas zhes bya ba rgyal par 'byung ste/ 'dod chags ni? dga' bar 'gyur ba'i rang gi ngo bo gzugs la sogs pa kho na la sgra mi 'dogs bar chags pa'i rnam par 'jug pas gzhi dang bcas pa zhes bya ste/ zhe sdang la sogs pa dag la
 yang de bzhin du brjod par bya'o/ /mthong bas spang bar bya ba rnams la ni bdag la sogs ba'i mtshan nyid med zhes bya ba ni mthong bas spang bar bya ba rnams la ni bdag dang bdag gi mtshan nyid kyi gzhi so sor nges pa cung zad kyang med de/ ji skad du bdag g.ya? bdag gis
 stong ngo zhes gsungs pa lta bu'o/ /de bas na gzhi med pa dag ces bya'o zhes bya ba ni gzhi so sor nges pa med ces bya ba'i tha tshig go/ slob dpon gyi gzhan yang 'phags pa zhes bya ba smos so/ /dran pa nyams pa zhes bya ba la/ dran pa nyams pa ni nyon mongs pa
 can no/ /thag pa la sgrul gyi 'du shes bzhin no/ /zhes bya ba ni dper na dran pa nyams pas thag pa la sbrul du 'du shes ba 'byung gi nges par rtogs pa las ma yin pa bzhin no/ /nges par med pa la ni zhes bya ba ni lta ba rnams nges par rtog pa'i rnam
 par zhugs pa'i phyir ro/ /dgra bcom pa nyid las kyang yongs su nyams pa med do zhe bya ba ni mthong bas spang bar bya ba spangs ba las yongs su nyams pa med pa 'ba' zhig du ma zad kyi snyam du bsams? pa'o/ /'di nyid rigs pa yin no zhes bya ba ni slob dpon?
 gzhung 'dzugs par mdzad pa'o/ /'di ji ltar khong du chung par bya zhe na/ dge slong dag 'phags pa'i shes rab kyis spangs pa gang yin pa de ni spang ba yin no zhes bya ba 'byung ngo/ /'phags pa ma yin pa'i ni spangs kyang spangs pa ma yin no zhes bstan par 'gyur
 te/ slar skye ba'i phyir ro snyam du bsams pa'o/ /dgra bcom pa nyid ni 'jig rten pa'i lam gyis bsdus pa yod pa ma yin te/ 'jig rten pa la srid pa'i rtse mo'i gnyen po med pa'i phyir ro/ /slob pa la bag yod pa la bag yod par bya'o zhes smra'o zhes bya ba'i
 mdo'i tshig? 'di na dgra bcom pa nyid la yongs su nyams pa me do zhes bya ba'i khungs gnyis pa yin no/ /slob pa ni 'jig rten pa'i lam gyi 'bras bu thob pa srid pa'i phyir 'bras bu gnyis las yongs su nyams pa srid cing de'i nyon mongs pa yang lhag ma
 dang bcas pas bag yod par gsungs kyi mi slob pa ni nyon mongs pa ma lus pa spangs pa'i phyir dang/ 'jig rten pa'i lam gyis 'bras bu mi thob pa'i phyir yongs su nyams pa med pas de la bag yod par bya bar ma gsungs
 so/ /bye brag tu smra ba rnams na re 'di la dgongs pa yod de/ slob pa ni ci yang med pa'i skye mched kyi bar las 'dod chags dang bral yang yongs su nyams pa na gzugs kyi khams su skye bar 'gyur bas de'i phyir bcom ldan 'das kyis de la bag yod
 par bya ba bka' stsal par gyur to/ /mi slob pa la ni yongs su nyams kyang yang srid pa mngon par 'grub pa'i go skabs med pas bag yod par bya ba ma gsungs so zhes zer ro/ /'di ni 'chad par 'gyur ba'i rigs pa dang 'gal ba'i phyir dang/ the
 com za ba'i phyir khas mi len to/ /slob pa la ni yongs su nyams pa yod de/ 'jig rten pa'i lam gyis thob pa'i phyir dang/ lhag ma dang bcas pa'i phyir ro/ /gzhan dag dgra bcom pa la yang bag yod par bya ba mdo gzhan las gsungs te/ rnyed pa dang
 bkur sti bar chad byed pa yin bar bshad pa'i phyir ro snyam du sems pa bsal bar bya ba'i phyir/ kun dga' bo dgra bcom pa la yang zhes bya ba rgyas par smos te/ rnyed pa dang bkur sti ni mthong ba'i chos la bde bar gnas pa kho na la bar chad byed
 kyi/ dgra bcom pa nyid la ni ma yin pas de dag yod par bya ba med do/ /'dis sems rnam par grol ba mi g.yo ba zhes bya ba rgyas par 'byung ste/ mdo sde las ni dgra bcom pa nyid las yongs su nyams pa med do zhes rang gi sgra kho nas gsungs so zhes
 bstan to/ /gal te dus dang sbyor ba ba la yod do zhes bya ba la ci zhe na/ rnam par gol ba las yongs su nyams su nyams pa'o/ /sems rnam par grol ba ni rnam par gnyis te/ dus ngang sbyong ba dang mi g.yo ba'o/ /de la mi g.yo ba zhes khyad par du byas pas sems rnam par
 grol ba dus dang sbyor ba las yongs su nyams zhes bstan par 'gyur ro/ /dus su mngon sum du 'gyur ba'i phyir zhes bya ba ni dus 'ga' zhig gi tshe mngon sum du 'gyur ba zhes bya ba'i tha tshig go/ gzhan dag na re ro myang bar bya ba yin pa'i phyir ro zhes bya ba
 la ci zhe na/ 'phangs pa zhes kyang bya'o zhes bya bar sbyar ro/ /dgra bcom pa nyid kyis rnam par grol ba ni zhes bya ba ni dgra bcom pa nyid rnam par grol ba yin pa'o/ /rtag tu rjes su 'brel pa'i phyir zhes bya ba ni de ni thob pa'i tshul gyis rtag tu rjes su
 'brel pas dus dang sbyor ba yin par mi rung ste/ 'dus ma byas kyi rnam par grol ba gang yin pa de ni nam yang mngon du gyur pa ma yin no/ /yang don du gnyer bar bya ba ma yin pa'i phyir phangs pa yang ma yin no zhes bya ba ni rtag tu rjes su 'dre ba pa nyid kyi phyir
 yang don du gnyer bar bya ba ma yin no/ /gal te 'di dus gzhan du 'brel pa'i phyir dus dang sbyor ba yin la/ yongs su nyams pa dag gis yang don du gnyer bar bya ba yin pa'i phyir phangs pa yin no zhe na/ de'i phyir gal te dgra bcom pa nyid las
 yongs su nyams pa zhes bya ba rgyas par smos so/ /lhag pa'i sems la yod pas na/ lhag pa'i sems las byung ba'o/ /dbang nyams pa'i phyir zhes bya ba ni mngon du bya ba mthu med pa'i phyir zhes bya ba'i tha tshig go/ de bzhin du 'chi bar sems
 pa'i chos can la sogs pa la yang sbyar bar bya'o zhes bya ba ni gang zhig ting nge 'zhin nyams pa'i 'jigs pas bdag nyid 'chi bar sems pa de ni 'chi bar sems pa'i chos can no/ /gang zhig yon tan gyi khyad par cung zhig rjes su bsrung ba de ni rjes su
 bsrung ba'i chos can no/ /gang zhig yon tan de tsam la gnas pa de las ma bsrungs kyang mi g.yos de ni gnas pa las mi bskyod pa'o/ /gang zhig yon tan gyi khyad par gong du rtogs par byed pa de ni rtogs pa'i skal ba can te/ rtogs par
 byed pa zhes bya ba ni skyed par byed pa zhes bya ba'i don gang yin pa'o/ /yongs su mi nyams pa'i chos can las zlog ste yongs su nyams par 'gyur ba'i chos can smos pa ni de dag mdo las 'byung ba'i phyir ro/ /yongs
 su mi nyams pa'i chos can gnas dang po las mi bskyod pa dang/ mi g.yo ba'i chos can las khyad par ci yod ces bya ba ni thams cad la yongs su nyams pa med pas 'dri ba'o/ /yongs su mi nyams pa'i chos can ni sbyangs pa las gyur
 pa ma yin la mi g.yo ba'i chos can ni sbyangs pa las gyur pa yin te/ zhes bya ba ni dbang po sbyangs pa rjes su thob ces bya ba'i don to/ /tshe dang ldan pa gnag tshogs can zhes bya ba rgyas par 'byung ba ni gang ste/ bye brag tu smra ba tshe
 dang ldan pa gnag tshogs can dgra bcom pa nyid las yongs su nyams so zhes de skad du smra na/ de la lan gdab par rtsom pa'o/ /slob par gyur pa zhes bya ba 'byung ngo/ /mtshon gyi 'debs par byed la zhes bya ba ni mgrin pa la mtshon
 gyis 'debs par byed ces bya ba'i tha tshig go/ lus dang srog la mi lta ba'i phyir zhes bya ba ni rgyu 'dis na zhes bya ba'i don to/ /ci'i phyir bcu tshan de kho na las zhes bya ba rgyas par 'byung ste/ dgra bcom pa nyid lan gnyis smos par 'gyur
 te/ mi 'gyur ba nyid do zhes bya ba'i don to/ /yang dgra bcom pa nyid rnam pa gnyis yod pas/ de'i phyir gcig ni bskyed par bya ba yin no zhes tshig gi bye brag tu bshad pa yin te zhes smra na/ dgra bcom pa nyid bskyed par bya ba yin par ni
 gang du yang ma gsungs so/ /'o na ci zhe na/ mngon sum du bya ba yin no zhes bya ba smos te/ de'i phyir yang sems rnam par grol ba'i dus dang sbyor bas dgra bcom pa nyid ma yin no zhes bya bar sems so/ /khas blangs nas kyang brjod par bya ste/ dbang
 po rtul pos bsdus pa'i dgra bcom pa nyid bskyed par bya ba yin no zhe na/ yang 'dis ci zhig shes par byas shing bstan pa yin/ re shig gal te bskyed par bya ba nus pa yin no zhes bya ba 'di shes par byas pa yin no zhe na ni gzhan yang ste dbang po/ /
 rnen pos bsdus pa'i dgra bcom pa nyid kyang nus so/ /'on te bskyed par 'os pa yin no zhes bya ba 'di shes par byas pa yin no zhe na ni gzhan ches shin tu 'os pa yin te/ dbang po rnon pos bsdus pa'i dgra bcom pa nyid gang yin pa'o/ /
 'o na dus kyi rnam par grol ba'i dgra bcom pa zhes ji skad du bya zhes bya ba ni gal te rnam par grol ba dus dang sbyor ba pa dgra bcom pa nyid yin na ni/ de lta na de dang ldan pas dus kyi rnam par grol ba'i dgra bcom pa zhes bya bar bsams
 pa'o/ /ting nge 'dzin mngon sum du 'gyur ba dus la bltos pa yin no zhes bya ba ni gang gi phyir de'i ting nge 'dzin zag pa dang bcas pa dang/ zag pa med pa ni nad med pa dang/ yul la sogs pa'i mtshan nyid kyi dus la bltos so/ /re zhig mdo las dgra
 bcom pa las yongs su nyams pa med pa ni de lta bu'o/ /chos mngon pa las kyang dgra bcom pa las yongs su nyams pa med pa yin no zhes bstan pa'i phyir chos mngon pa las kyang zhes bya ba rgyas par 'byung ngo/ /gnas gsum gyis zhes bya ba ni rgyu
 gsum gyis so/ /ma spangs shing zhes bya ba ni de'i thob pa rjes su 'brel pa'i sgo nas so/ /de spangs pa ni de'i thob pa mi skye pa'i sgo nas so/ /snad bar gyur pa yin zhes bya ba ni yul gyi dngos por gnas pa nyid do/ /de la tshul bzhin ma yin pa zhes bya ba na nyin
 mongs pa can zhes bya ba'i don te/ 'dod pa'i 'dod chags dang rjes su mthun pa'i phyir ro/ /gal te de lta bu ni yongs su chang ba las skye ba yin no zhes bya ba la/ de lta bu ni nyon mongs pa rgyu yongs su tshang ba las skye ba yin gyi nyon mongs pa rgyu yongs ma tshang
 ba ni yul gyi stobs kho na las skye'o snyam du sems na de ni rigs pa ma yin te/ de nyid kyi phyir rgyu yongs su ma tshang bar go gang zhig skye zhes bya ba smos te/ rkyen ji snyed cig gis 'bras bu bskyed par grags pa de dag ma tshang
 na de bskyed par mi 'gyur te/ dper na mig dang/ gzugs dang snang ba dang/ yid la byed pa ma tshang ba dag gi mig gi rnam par shes pa skyed par byed pa ma yin pa bzhin no/ /de'i phyir dgra bcom pa nyid la yongs su nyams pa med de/ nyon
 mongs pa'i phra rgyas thams cad spangs pa'i phyir ro/ /'di skad du sa ni bsregs pa yang dang yang du skye 'gyur zhing/ /ljon shing bcad las slar 'dir yal ga skye 'gyur la/ /chu klung rnams ni chu skams gyur nas chu 'brug gi /shes
 rab ral gris bcad pa'i skyon rnams 'byung mi 'gyur/ zhes smos so/ /de lta bu zhes bya ba ni de dang 'dra ba 'am de'i rang bzhin te/ nyon mongs pa'i sa bon dang 'gal ba gang yin pa'o/ /gang gis na nyon mongs pa rnams gtan du mi skye
 ba'i chos nyid du 'gyur ba zhes bya ba la/ zag pa med pa'i lam gyis gnas gyur pa'i phyir/ rang gi rten las nyon mongs pa'i sa bon rtsa ba nas 'don pa yin la sa bon med pas rgyud la des spang par bya ba'i nyon mongs pa rnams gtan
 du mi skye ba'i chos nyid du thob po/ /ji ltar na yang yongs su nyams par 'gyur zhes bya ba la/ sa bon med pa ni 'ga' yang skye bar mi rung la/ nyon mongs pa skye ba med par yang de yongs su nyams pa yod pa ma yin no/ /'on te ma skyes te zhes bya
 pa ni gong gis nyon mongs pa'i sa bon rtsa nas 'don pa'o/ /de'i sa bon gyi chos nyid ces bya ba ni nyon mongs pa'i sa bon gyi rang bzhin zhes bya ba'i don to/ /sol pa'i phung po lta bu'i lan gdab dgos zhes bya ba la/ de las ni
 dgra bcom pa kho na la sdig pa mi dge ba'i rnam par rtog pa dag skye bar bshad la/ de yang dgra bcom pa nyid las yongs su ma nyams pa la mi srid de/ de'i phyir dgra bcom pa nyid las yongs su nyams pa med par smra ba rnams kyis de'i lan gdab dang?
 so/ /de nyid bstan pa'i phyir gang las zhes bya ba rgyas par 'byung ngo/ /slob pa'i dbang du mdzad nas gsungs so snyam pa'i tshig de la lan gdab pa'i phyir yongs su nyams par smra ba de nyid kyis de ni de las dgra bcom pa kho na yin par bstan te zhes bya
 ba smras so/ /ji ltar ce na/ yun ring po nas zhes bya ba rgyas par 'byung ngo/ /yongs su mi nyams par smra ba dag sems dben pa la gzhol ba yin zhes bya ba nas mya ngan las 'das pa las bab pa zhes bya ba'i bar 'di ni slob pa yin no/ /zhes
 smra bar 'gyur ba'i go skabs 'di yongs su spang ba'i phyir yang yongs su nyams par smras pas gzhan las de ni dgra bcom pa'i stobs yin par yang gsungs la zhes bya bar smras te/ mdo las ni yun ring po nas zhes bya ba rgyas par 'byung ngo/ /
 gzhan yang mdo de nyid las bsil bar gyur cing/ bsal bar gyur pa zhes gsungs pa'i phyir dgra bcom pa kho na yin par bstan to/ /slob pa'i gnas skabs kyi dbang du mdzad nas de skad du gsungs pa'i phyir nyes pa med do zhes
 bya ba ni brgya la res 'ga' zhig dran pa nyams pa las sdig pa mi dge ba'i rnam par rtog pa dag skye bar 'gyur ro zhes bya ba'o/ /gal te de ni de las dgra bcom pa kho nas yin par bstan te yun ring po nas sems dpen pa las gzhol pa
 yin zhes bya ba la sogs pa gsungs pa'i phyir ro zhes smras ba ma yin nam zhe na/ yun ring po nas zhes bya ba la sogs pa 'di ni dgra bcom pa'i shes par byed pa ma yin te/ dgra bcom pa'i stobs ni phul du byung ba dang ldan par yin
 par 'dod la/ slob pa rnams la yang sems dben pa la gzhol ba la sogs pa yod pa yin no/ /zag pa'i gnas lta bu'i chos ni 'dod pa na spyod pa yin la/ de dag las bsil bar gyur pa'i dbang du mdzad
 nas zag pa'i gnas lta bu'i chos thams cad las bsil bar gyur cing/ bsal bar gyur pa zhes gsungs so/ /ji srid du spyod pa la legs par ma gtogs pa zhes bya ba ni bsod snyoms la sogs pa spyod pa'o/ /de'i phyir slob
 pa'i gnas skabs kyi dbang du mdzad nas gsungs pa yin no/ /de dag sngon du 'gro ba yin no/ /zhes bya ba ni slob pa'i rigs dag ni so so'i skye bo sngon du 'gro ba yin la/ mi slob pa'i rigs dag ni slob pa sngon du 'gro ba yin no/ /slob pa
 dang mi slob pa'i gang zag rnams dbang po sbyangs pas rigs 'pho bar bshad la/ de dag kyang mthong ba dang/ bsgom pa dang/ mi slob pa'i lam la gnas pa thams cad du dbang po 'pho bar thal lo zhe na/ de'i phyir gzhan yang mthong
 ba la ni 'pho ba med zhes bya ba smos so/ /sbyor ba mi srid pa'i phyir zhes bya ba ni myur du 'gro ba'i phyir dang/ bya ba gzhan la zhugs pa'i phyir na ldang ba med pa'i phyir ro/ /bya ba gzhan la zhugs pa'i phyir bden pa mngon par rtogs par zhugs
 pa'i phyir ro/ /la la ni dad pas mos pa'i gnas skabs na'o zhes bya ba ni bsgom pa'i lam na zhes bya ba'i tha tshig go /'dir mi slob pa dbang po 'pho ba ni ma bshad de/ gong du bshad zin pa'i phyir ro/ /mdo las 'di skad du zhes bya ba rgyas
 par 'byung ba ni/ kun dga' bo dgra bcom pa la yang rnyed pa dang bkur sti bar chad byed pa yin par nga smra'o zhes bya ba'i mdo de las so/ /mthong ba'i chos la bde bar gnas pa'i lhag pa'i sems las byung ba ni bsam gtan bzhi'o/ /
 dbang po rnon po yin pa'i phyir yongs su nyams pa mi srid do snyam ste 'dri ba ni ji ltar mi g.yo ba'i chos can zhes bya ba rgyas par 'byung ba'o/ /sangs rgyas la ni nye bar spyad pa las yongs su nyams pa kho na mnga' i gzhan thob pa dang ma thob pa las yongs su nyams
 pa ni mi mnga' ste/ gdul bya'i don la zhugs pa na sangs rgyas kyi chos gya nom pa rnams brnyes kyang mngon du mi mdzad do/ /mi g.yo ba'i chos can la de dang zhes bya ba ni nye bar spyad pa las nyams pa ste/ bya ba gzhan la g.yengs pa bsam gtan
 la sogs pa mngon du mi byed pa'i phyir ro/ /gang zag khyad par can gyi chos ma thob pa'i phyir ro zhes bya ba ni/ sangs rgyas dang/ rang sangs rgyas kyi rgyud la mnga' ba'i yon tan ma thob pa'i phyir ro zhes dgra bcom pa gzhan la ni thob pa las yongs su
 nyams ba yang yong do zhes bya ba la yang zhes bya ba'i sgras ni ma thob pa dang nye bar spyad pa las yongs su nyams pa yang yod do zhes bya ba'o/ /thams cad kyi rnam par grol ba zag pa med pa ni mi g.yo ba yin la zhes bya ba la/ 'di ci zhig
 'brel zhe na/ sngar yongs su nyams pa smra bas dus dang mi sbyor bar rnam par grol ba zag pa med pa ni mi g.yo ba'o zhes smras pas so/ /gal te thams cad kyi rnam par grol ba zag pa med pa mi g.yo ba yin na/ ci'i phyir gcig kho na
 mi g.yo ba'i chos can du rnam par bzhag ce na/ de'i phyir mi g.yo ba'i chos can du ji ltar rnam par bzhag pa ni de bzhin du bshad zin zhes bya ba smos te/ gang zhig dbang po rno ba'i phyir mthong ba'i chos la bde bar gnas pa dag
 las yongs su mi nyams pa de ni mi/ g.yo ba'i chos can du rnam par bzhag go /klan kar? mi rung ngo zhes bya ba ni mdo la brten nas ji ltar na mi g.yo ba'i chos can mthong ba'i chos la bde bar gnas pa dag las yongs su nyams par 'gyur zhes gang
 smras pa'o/ /ji ltar klan kar mi rung zhe na/ gang gi phyir dgra bcom pa thams cad sems kyi rnam par grol pa me g.yo ba yin pa de'i phyir mi g.yo ba yin zhing/ de las yongs su nyams par mi 'dod kyi bsam gtan
 dag la ni 'ga' zhig yongs su nyams par 'gyur la/ 'ga' zhig ni ma yin pa de'i phyir 'di ni klan kar mi rung ngo/ /khams gsum las 'dod chags dang bral ba las yongs su nyams pa dang/ nyon mongs pa dang bcas pa'i phyir gdon mi za
 bar skye la/ tshangs par spyod pa yang yid brtan pa'i gnas su bshad pas/ yang gang zhig dgra bcom pa'i 'bras bu las yongs su nyams na zhes bya ba dris so/ /de ni med de zhes bya ba ni yang skye ba med pa'o/ /nyon mongs pa dang bcas na ji ltar mi
 skye zhe na 'di ltar 'bras bu las nyams pa 'chi ba med zhes bya ba 'byung ste/ yongs su nyams nas yun ring por mi gnas pa'o/ /chung ngu zhes bya ba ni mi gsal ba dang zhan pa zhes bya ba ni don gcig pa'o/ /de lta ma yin na tshangs par
 spyod pa yid brtan du mi rung bar 'gyur ro/ /zhes bya ba ni gal te dgra bcom pa nyid las yongs su nyams pa yang skye bar 'gyur na/ tshangs spyod 'do la legs spyad cing zhes bya ba 'di la yid brtan du mi rung bar 'gyur ro/ /rtsal po che dred pa
 rdeg mi 'cha' ba bzhin no zhes bya ba ni dper na rtsal po che dred kyang mthus bdag nyid bzung ba'i phyir rdeg 'cha' par mi 'gyur ba de dang 'dra'o/ /ji ltar shin tu goms par byas she na/ slob pa dang mi slob pa'i lam dag gis brtan pa'o
 byas pa'i phyir ro zhes bya ba smos te/ gnyi ga la gnas pas snyam du bsam pa'o/ /mthong bas thos pa re re'o/ /zhes bya ba ni de ni lam gnyi gas brtan por byas pa ma yin pa'i phyir te/ slob pa'i gnas skabs yin pa'i phyir ro/ /sbyor ba'i
 lam ni thams cad du gcig kho na yin no zhes bya ba ni mi g.yo ba rtogs par bya ba dang/ mthong bas thos par byed pa la'o/ /zag pa dang bcas pa'i lam gyi 'pho ba med do zhes bya ba rgyas par 'byung ba ni dbang po zag pa med pa 'pho ba brjod par 'dod pa'i
 phyir te/ 'phags pa'i lam ni thams cad kyi nang nas yang chung ba yang 'jig rten pa bas ches gsal ba'i phyir ro/ /de'i phyir 'phags pa rnams kyi dbang po ni 'jig rten las 'das pa kho nas 'pho ba yin no/ /gzhan du ni ma yin te/ yongs su
 nyams pa mi srid pa'i phyir ro zhes bya ba la/ 'dod pa na spyod pa'i lha'i ris drug du ni ma yin te/ ci'i zhe na/ yul rgya che ba la skye ba rnams la de la dmigs pa'i yongs su nyams pa mi srid pa'i phyir ro/ /gzhan yang der ni dbang po rnon pos 'dras bu
 thob ste/ de'i phyir yongs su nyams pa med do/ /'phags pa'i gzugs dang gzugs med par skyes pa dbang po 'pho ba dang yongs su nyams pa dag ni sngar bkag zin to/ /ji skad du zhe na/ dus gzhan gyi bar du yongs su bsgoms pas dbang
 po rnams ches yongs su smin pa'i phyir dang/ rten khyad par can rnyed pa'i phyir ro zhes bya bar ro/ /mi slob pa dgu la brten te/ zhes bya ba ni de'i 'bras bu sa dgus bsdus pa'i phyir ro/ /slob pa drug la zhes bya ba ni srid pa'i dbang du byas nas bshad de
 po rnams ches yongs su smin pa'i phyir dang/ rten khyad par can rnyed pa'i phyir ro zhes bya bar ro/ /mi slob pa dgu la brten te/ zhes bya ba ni de'i 'bras bu sa dgus bsdus pa'i phyir ro/ /slob pa drug la zhes bya ba ni srid pa'i dbang du byas nas bshad de
 phyir mi 'ong ba'i 'bras bu sa drug gi bsdus pa'o/ /'bras bu'i lam kho na thob par 'gyur na zhes bya ba ni 'dod pa'i khams la 'dod chags dang bral ba tsam gyis bsdus pa'o/ /phyir mi 'ong ba'i 'bras bu gzugs med pa'i sas bsdus pa ni yod
 pa ma yin te/ de na mthong ba'i lam med pa'i phyir mthud? med pa ni 'dod pa'i sems mi dmigs pa'i phyir yin no/ /sangs rgyas gnyis ni mi g.yo ba'i bye brag kho na yin te/ zhes bya ba mi g.yo ba'i chos can dbang po chung du dang 'bring dang/ chen po'i bye brag gis
 gsum du dbye ste/ de la 'bring dang chen po ni rang sangs rgyas dang yang dag par rdzogs pa'i sangs rgyas dang gnyis yin no/ /chung ngu'i chung du la sogs pa dbang po rnam pa dgu'i bye brag gis zhes bya ba ni
 yongs su nyams pa'i chos can dbang po chung ngu'i chung ngu yin pas na/ bcom ldan 'das dbang po chen po'i chen po yin pa'i bar ro/ /dang po nyid nas zhes bya ba rgyas par 'byung ba ni dang po so so'i skye bo'i gnas skabs nyid na gzhan gyi dring
 mi 'jog pas/ gzhan la dran pa nye bar gzhog pa la sogs pa'i chos thos nas phyir don rnams la sbyor ba'i phyir t/e bsam pa dang bsgom pa brten pa'i phyir ro zhes bya ba'i tha tshig go /so so'i skye bo'i gnas skabs nyid na chos kyi
 rjes su 'brang bas bdag nyid kyis byang chub kyi phyogs dang mthun pa la sogs pa'i chos kyi rjes su 'brang zhing don rnams la sbyor ba'i phyir te/ bsam pa dang bsgom pa brten pa'i phyir ro/ /de ltar na sbyor ba las ni dad pa dang chos kyi rjes su 'brang ba
 dag yin no/ /dang bas mos pa dang/ shes rab lhag pa'i sgo nas zhes bya ba ni dang pas mos pa lhag pa dang/ shes rab lhag pa'i sgo nas so/ /dad pas mos pa lhag pa'i phyir dad pas mos pa ni dbang po rtul po nyid yin la/ de bzhin du shes
 rab lhag pa'i phyir mthong bas thob pa ni dbang po rnon po nyid yin te/ de 'did pa ni shes rab lhag a can yin no/ /snyoms par 'jug pa las ni lus kyi mngon du byed pa ste/ zhes bya ba ni dbang po rtul po dang rnon po 'gog pa'i snyoms par 'jug
 pa thob pa dag khyad par med par mya ngan las 'das pa dang 'dra ba'i chos lus kyi mngon sum du byas pa'i phyir/ lus kyi mngon sum du byed pa yin pas snyoms par 'jug pa las rnam par bzhag gi dbang po dang sbyor ba las ni ma yin no/ /
 rnam par grol ba las ni shes rab kyi rnam par grol ba'o zhes bya ba ni dus kyi rnam par grol ba dang/ rnam par grol ba'i dus dang mi sbyor ba ste/ rnam par grol ba tsam la bltos nas shes rab kyi rnam par grol par rnam par gzhag pa'i phyir ro/ /snyoms par 'jug pa
 dang rnam par grol ba las ni zhes bya ba la/ de ni 'gog pa'i snyoms par 'jug pa thob pa'i phyir rnam par thar pa'i sgrib pa las rnam par grol lo/ /rnam par thar pa'i sgrib pa ni rnam par thar pa'i sgrib pa ste/ de yang gang gi bsam gtan dag skyed par mi nus
 pa lus dang sems dag las su mi rung ba nyid do/ /dgra bcom pa'i rnam par grol ba thob pas nyon mongs pa'i sgrib pa'i cha las rnam par grol te de'i phyir snyoms par 'jug pa'i rnam par grol ba las gnyi ga'i cha las rnam par grol ba rnam par
 bzhag go/ rjes su ni de dag rnam pa drug yin te/ zhes bya ba ni lus kyi mngon du byed pa ni dad pas mos pa dang/ mthong bas thob pa gnyis kyis khongs su 'dus pa'i phyir dang/ gnyi ga'i cha las rnam par grol ba'i dus kyi rnam par grol ba dang dus
 dang mi sbyor bar rnam par grol ba gnyis kyis khongs su 'dus pa'i phyir rdzas su ni drug yin no/ /de la dang pas rjes su 'brang ba la dbang po'i sgo nas ni gsum mo zhes bya ba ni dad pa'i rjes su 'brang ba dbang pa rtul po yid mod kyi/ slar chung ngu dang chen po'i bye
 brag gis dbye ste/ de dag dbang po rtul por tshungs gyas? shin tu rtul ba dang che sa shin tu rtub ba'i bye brag yod pas so/ /rigs kyi sgo nas ni lnga'i zhes bya ba ni mi g.yo ba'i chos can gyi rigs ma gtogs pa ste/ chos kyi rjes su 'brang ba'i skabs su bab
 pas de ma smos so/ /ji ltar zhe na/ yongs su nyams pa'i chos can gyi rigs nas rtogs pa'i skal ba can gyi rigs zhes bya ba'i bar lnga yin no/ /lngar bshad pa gsum pa re re la rigs kyi bye brag yod de/ de ltar na rigs dang dbang po'i
 sgo nas bco lnga yin no/ /de bzhin du bco lnga po de dag re re zhing las kyi sgo nas ni bco lnga bco lnga yin no/ /shes pa bdun la gnas pa'o zhes bya ba ni lam la rjes su shes pa ni bsgom pa'i lam yin pa'i phyir ro/ /de dag nyid lam
 gyi sgo nas ni re re zhing bco lnga yin no/ /'dod chags dang bral ba'i sgo nas ni re re yang bdun cu rtsa gsum yin no/ /ji ltar zhe na/ 'dod pa'i khams na 'ching ba mdza' dag dang ldan pa gcig dang/ 'dod pa'i khams la rnam pa gcig
 spangs pa nas rnam pa dgu spangs pa'i bar dang/ de bzhin du ci yang med pa'i skye mched kyi rnam pa gcig spangs pa nas rnam pa dgu spangs pa'i bar te/ de dag ni 'dod pa'i khams dang/ bsam gtan bzhi dang/ gzugs med pa gsum na dgu tshan
 brgyad la bdun cu rtsa gnyis yin la/ 'dod pa'i khams kyi 'chi ba mdza' dag dang ldan pas bsnan na bdun cu rtsa gsum yin no/ /srid pa'i rtse mo las 'dod chags dang bral ba ni 'dir mi brtsi ste/ mthong ba'i lam gyi snga rol du
 'jig rten pa'i lam gyis srid pa'i rtse mo las 'dod chags dang bral ba med pa'i phyir ro/ /yang na phyogs gcig la 'dod chags dang bral ba yin no/ /rten gyi sgo nas ni dgu ste zhes bya ba ni re re zhing ste/ rten ni skye ba dang 'chi ba zhes
 bya ba'i don to/ /ji ltar zhe na/ gling gsum dang zhes bya ba ni byang gi sgra mi snyan ma gtogs pa ste/ de na lam med pa'i phyir ro/ /lha'i ris drug tu skyes pa'o zhes bya ba ni 'dod pa na spyod pa'i lha'i ris drug tu skyes pa ste/ de'i gong na mthong ba'i
 lam med pa'i phyir dang pa'i rjes su 'brang ba med do/ /dbang po dang rigs dang lam dang 'dod chags dang bral ba dang rten gyi sgo nas bsdoms na ni zhes bya ba rgyas par 'byung bas ni de nyid kyis mjug bsdud pa'o/ /gang zag gzhan
 dag kyang ci rigs par de bzhin du brtsi bar bya'o zhes bya ba ni chos kyi rjes su 'brang ba ste/ ji ltar dad pas rjes su 'brang ba dbang po dang rigs dang lam dang 'dod chags dang bral ba dang rten gyi sgo nas brtsis ba bzhin du brtsi bar bya'o/ /ci rigs par
 zhes bya ba ni chos kyi rjes su 'brang ba dang/ mthong bas thob pa dang dus dang mi sbyor bar rnam par grol ba rnams la ni dbang po rnon po yin pa'i phyir rigs kyi khyad par med la dad pas mos pa dang/ dus kyi rnam par gral ba dag la ni rigs kyi
 khyad par yod de/ dbang po rtul po yin pa'i phyir ro shes rab dang ting nge 'dzin gyi stobs dag gis zhes bya ba la/ shes rab kyis ni nyon mongs pa'i sgrib pa las rnam par grol la/ ting nge 'dzin gyi stobs kyis ni rnam par thar pa'i sgrib pa
 las grol lo/ /nyon mongs pa nyid sgrib pa yin pas na/ nyon mongs pa'i sgrib pa'o/ /rnam par thar pa rnams kyi sgrib pa ni rnam par thar pa rnams kyi sgrib pa'o/ /rnam par thar pa ni brgyad de/ gzugs can gzugs rnams la lta ba zhes bya
 ba de lta bu la sogs pa'o yang rnam par thar pa'i sgrib pa 'di gang zhig ce na/ gang gi rnam par thar pa dag bskyed par mi nus pa ste/ lus dang sems las su mi rung ba nyid do/ /'di la gang zhig nyon mongs pa lnga spangs te zhes bya ba ni/ kun
 tu sbyor ba'i tha ma'i cha dang mthun pa lnga'o/ /mi phrogs chos ldan zhes bya ba ni yongs su mi nyams pa'i chos can no/ /phyir mi 'ong ba dad pas mos pa lus kyis mngon sum du byed pa ma yin pa ni 'bras bu kho na las so/ /dbang po rtul po yin
 pa'i phyir dbang po'i sgo nas yongs su rdzogs pa ma yin no/ /'gog pa'i snyoms par 'jug pa med pa'i phyir snyoms par 'jug pa'i sgo nas kyang ma yin no/ /slob pa'i 'bras bu'i mthar gnas pa'i phyir 'bras bu kho na'i sgo nas ni yongs su rdzogs
 pa yin no/ /mthong bas thob pa 'dod chags dang ma bral ba ni dbang po kho na las so zhes bya ba ni de ni dbang po rnon po yin pa'i phyir dbang po kho na'i sgo nas yongs su rdzogs kyi 'dod chags dang ma bral ba'i
 phyir snyoms par 'jug pa dang 'bras bu'i sgo nas yongs su rdzogs pa ni ma yin no/ /phyir mi 'ong ba mthong bas thob pa lus kyi mngon sum du byed pa ma yin pa ni 'bras bu dang dbang po las so zhes bya ba ni de dbang po rnon po yin pa'i phyir dang/ slob
 pa'i 'bras bu'i mthar gnas pa'i phyir/ dbang po dang 'bras bu'i sgo nas yongs su rdzogs pa yin gyi/ lus kyi mngon sum du ma byas pa'i phyir snyoms par 'jug pa'i sgo nas ni ma yin/ /dad pas mos pa lus kyi mngon du byed pa ni 'bras
 bu dang snyoms par 'jug pa las so zhes bya ba ni de dbang po rtul po yin pa'i phyir/ dbang po'i sgo nas yongs su rdzogs pa ni med do/ /mthong bas thob pa lus kyi mngon sum du byed pa ni 'bras bu dang dbang po dang snyoms par 'jug pa las
 so zhes bya ba ni dbang po rnon po yin pa'i phyir dang/ 'gog pa'i snyoms par 'jug pa thob pa'i phyir dang/ slob pa'i 'bras bu thams cad thob pa'i phyir ro/ /snyoms par 'jug pa kho na dang snyoms par 'jug pa dang dbang po las yongs su
 rdzogs pa nyid ni med do/ /zhes bya ba ni gang gi phyir phyir mi 'ong ba'i 'bras bu med par slob pa 'gog pa la snyoms par 'jug pa med do/ /gang gi phyir 'bras bu med par mi slob pa nyid med pa nyid kyi phyir mi slob pa'i 'bras bus
 yongs su rdzogs pa ni yongs su rdzogs pa nyid du rnam par ma bzhag go /shes rab kyis rnam par grol ba dus dang mi sbyor bar rnam par grol ba ni dbang po kho na las so/ /zhes bya ba ni 'gog pa'i snyoms par 'jug pa med pa'i phyir snyoms
 par 'jug pa'i sgo nas ni ma yin no/ /gnyi ga'i cha las rnam par grol ba zhes bya ba rgyas par 'byung ba ni dbang po rtul po yin pa'i phyir dbang po'i sgo nas ni ma yin gyi/ 'gog pa'i snyoms par 'jug pa thob pa'i phyir snyoms par 'jug pa'i sgo
 nas ni ma yin no/ /gnyi ga'i cha las rnam par grol ba dus dang mi sbyor ba zhes bya ba la sogs pa la dbang po rnon po yin pa'i phyir dang 'gog pa'i snyoms par 'jug pa thob pa'i phyir gnyis kyi yongs su rdzogs pa nyid do/ /sbyor ba'i lam ni gang gi
 mjug thogs su bar chad med pa'i lam skye ba'o zhes bya ba ni dper na chos kyi mchog rnams lta bu'o/ /mdor byas pa las go bzlog nas bstan pa ni tshig le'ur byas pa sdebs dang mthun par bya ba'i phyir yin no/ /bar chad med pa'i lam ni gang gis
 sgrib pa rab tu sbong ba ste/ sdug bsngal la ches shes pa'i bzod pa la sogs pa'o/ /des spang bar bya ba'i sgrib pa las nges par grol ba zhes bya ba la bar chad med pa'i lam des spang bar bya ba'i sgrib pa ni des spang par bya ba'i sgrib pa'o/ /de las
 nges par grol ba ni bar chad med pa'i lam gyis spang par bya ba'i sgrib pa las nges par grol ba'o/ /zhes bya ba'i don gang yin pa'o/ /de dang bo nyid du skye ba gang yin pa'i zhes bya ba la/ dang po ni thog ma ste/ dper na sdug bsngal la sogs
 pa dag la chos shes pa bzhin no/ /de ni sdug bsngal la chos shes pa'i bzod pas spang bar bya ba'i sgrib pa las nges par grol bar skye'o/ /gal te dang po nyid du zhes bya ba ma smras par rnam par grol ba'i lam ni nges slang bar bya ba'i sgrib
 pa las nges par grol ba'o zhes 'di tsam zhig smras na ni de lta na sdug bsngal la chos shes pa'i 'og rol gyi bar chad med pa'i lam la sogs pa thams cad des spang par bya ba'i sgrib pa las nges par grol bar skye pas rnam par grol
 ba'i lam du 'gyur na/ de ni 'dod pa yang ma yin te/ bar chad med pa'i lam la sogs pa dag kyang rnam par grol ba'i lam nyid du thal bar 'gyur ba'i phyir dang khyad par gyi lam med par thal bar
 'gyur ba'i phyir ro/ /de'i phyir dang po nyid du skye ba gang yin pa'o zhes bya ba ni/ legs par bshad pa yin no/ /khyad par gyi lam ni de dag las gzhan pa'i lam gang yin pa'o zhes bya ba ni sbyor ba dang bar chad med pa dang rnam
 par grol pa'i lam dag las gzhan pa'o/ /lam la rjes su shes pa ni rgyun chags pa yin te/ de'i skad cig ma dang po ma gtogs pa lhag ma ni khyad par gyi lam mo/ /bsgom pa'i lam gyi rnam par grol ba'i shes pa rgyun
 chags pa gzhan yang de dang 'dra pa brjod par bya ste/ dper na zad pa shes pa la sogs pa dang/ de bzhin du dgra bcom pa'i cha thong ba'i chos la bde bar gnas pa dang/ yon tan khyad par can mngon par sgrub par byed
 pa'i lam gsum ma gtogs pa gang yin pa lta bu'o/ gal te gang gi mjug thogs su bar chad med pa'i lam skye ba'i sbyor ba'i lam yin na/ de lta na chos kyi mchog gi sngar rol gyi lam gang yin pa de la ji skad du brjod par
 zhe na/ sbyor ba'i lam kho na yin mod kyi/ de ni thag ring ba yin zhes bya ba 'di ni chos mchog dag las 'di'i khyad par yin no/ /sgra bye brag tu shad pa dri ba'i phyir ci'i phyir lam zhes bya ba smos so/ /mya ngan las 'das pa'i lam
 yin no zhes bya ba la/ lam dang shul zhes bya ba ni rnam grangs bstan pa'o/ /ji ltar 'di mya ngan las 'das pa'i lam yin zhe na/ de'i phyir de na sa der 'gro ba'i phyir zhes bya ba smos te/ lam de nas mya ngan las 'das par
 'gro ba'i phyir ro/ /'dis mya ngan las 'das pa tshol ba'i phyir 'di ni zhes bya ba ni mya ngan las 'das pa rjes su tshol zhes bya ba'i don to/ /lam ni tshol ba zhes bya ba'i ngo bo'i yin no/ /rnam par grol ba dang khyad par can dang lam dag ji ltar
 na lam nyid yin zhes bya ba ni de dag nas mya ngan las 'das par 'gro ba ma yin no zhes bya 'o/ /sbyor ba dang bar chad med pa'i lam dag kho nas nyon mongs pa spong bar nus kyi/ rnam par grol ba dang/ khyad par gyi lam dag gis ni ma yin
 ste/ nyon mongs pa rnams spangs zin pa'i phyir ro snyam du bsams pa'o/ /de dang 'dra ba dang ches che ba yin pa'i phyir te zhes bya ba la/ de dag ni spangs pa'i lam dang 'dra ba yin te/ rab tu dbye ba dmigs pa dang/ rnam pa dang 'dra ba'i
 phyir ro/ /ches che ba ni rgyu rgyas pa'i phyir ro/ /de'i phyir de dag kyang lam nyid yin no/ /de dag ni gong nas gong du phyin par byed pa'i phyir yang lam nyid yin no/ /de lta na khyad par gyi lam nyid yin pa nyams par 'gyur te/ de'i gong na lam med
 pa'i phyir ro zhe na/ de'i phyir phung po'i lhag ma ma lus par 'jug pa'i phyir ro zhes bya ba smos te/ gang gi phyir lam du gyur pa de dag nas phung po lhag ma med pa'i dbyings su 'jug pa de'i phyir de'i gnyis kyang lam yin no/ /mya ngan las
 'das pa sgrub par byed pa'i phyir zhes bya ba ni gang gi phyir des mya ngan las 'das pa sgrub par byed ces bya ba'i don to/ /de bzhin du bla ba yang rnam pa gnyis so zhes bya ba ni mngon par shes pa phul ba bla ba'i lam yang yod/ mngon par
 shes pa myur pa bla ba'i lam yang yod zhes bya ba'o/ /yang ji ltar de dag rnam par bzhag ce na/ sa dang dbang po'i sgo nas so/ /de nyid bstan pa'i phyir bsam gtan dag gi lam rnams sla zhes bya ba la sogs pa smos so/ /yan lag
 gis yongs su zin pa/ zhi gnas dang lhag mthong mnyam pa dag gis zhes bya ba yan lag dag gis yongs su zin pa ni yan lag gis yongs su zin pa'o/ /yan lag gis yongs su zin pa zhi gnas lhag ma thong
 mnyam pa nyid ces tshig rnam par sbyar te/ de dag gis 'bang mi dgos par rang gi 'byung ba'i phyir/ bsam gtan dag gi lam ni lam sla ba yin no/ /bsam gtan dag ni yan lag gis yongs su zin pa dang/ zhi gnas dang lhag mthong
 mnyam pa nyid du gyur pa yin no/ /de'i phyir de'i lam ni 'bang mi dgos par rang gis 'byung ba yin te/ chu la gzings bzhin no/ /de'i phyir de ni lam sla ba yin no/ /bsam gtan gyi dngos gzhi dag las gzhan pa'i zag pa med pa rnams
 kyi lam gang yin pa de ni 'bang nas 'byung ba'i phyir lam dka' ba yin te/ thang la gzings bzhin no/ /'bang nas 'byung ba ni de na yan lag gis zin pa med pa'i phyir dang zhi nas dang lhag mthong chung pa'i phyir ro/ /mi lcogs pa
 kyi lam gang yin pa de ni 'bang nas 'byung ba'i phyir lam dka' ba yin te/ thang la gzings bzhin no/ /'bang nas 'gyur ba ni de na yan lag gis zin pa med pa'i phyir dang zhi nas dang lhag mthong chung ba'i phyir ro/ /mi lcogs pa
 med pa dang bsam gtan khyad par can gyi lam ni zhi gnas chung ngo/ /gzugs med pa dag na ni lhag mthong chung ngo/ /thams cad na ting nge 'dzin yan lag gis yongs su ma zin pa yin no/ /sa dgu'i bye brag gis rnam pa gnyis su phye ba gang
 yin pa de kho na re re zhing dbang po'i bye brag gis rnam pa gnyis yin te/ de nyid kyi phyir lam de yang rnam pa gnyis te/ zhes bya ba rgyas par smos so/ /lam 'di la mngon par shes pa bul ba yod pas na/ mngon par shes pa bu la 'bo/ bul ba zhes
 bya ba ni chung ba zhes bya ba'i don gang yin pa'o/ /mngon par shes pa ni shes rab ste/ 'dis mngon du phyogs nas rab tu shes pas na mngon par shes pa'o/ /yang na 'di gang zag mod rtul po yin pas zhes bya ba ni blun po yin pas
 zhes bya ba'i tha tshig go /mong rtul ba yang gang zhig ce na/ dbang po rtul po gang yin pa ste/ mngon par shes pa myur ba ni 'di las zlog pa yin par rig par bya'o/ /dran pa nye bar gzhag pa bzhi ni lus dang tshor ba dang/ sems dang chos dran pa
 nye bar gzhag pa dag go /yang dag par spong ba bzhi zhes bya ba ni sdig pa mi dge ba'i chos skyes pa rnams spongs pa'i phyir zhes bya ba dang/ ma skyes pa rnams kyi bskyed pa'i phyir zhes bya ba dang/ dge ba'i chos ma skyes pa rnams bskyed pa'i
 phyir zhes bya ba la/ dge ba'i chos skyes pa rnams gnas pa dang zhes bya ba'o/ /rdzu 'phrul gyi rkang pa bzhi ni 'dun pa dang brtson 'grus dang/ sems dang dpyod pa'i ting nge 'dzin dag go /dbang po lnga ni dad pa dang brtson 'grus dang dran pa dang ting nge
 'dzin dang shes rab kyi dbang po dag go /stobs lnga ni dad pa dang brtson 'grus dang dran pa dang ting nge 'dzin dang shes rab kyi stobs dag go /byang chub kyi yan lag bdun ni dran pa dang chos rab tu rnam par 'byed pa dang brtson 'grus dang dga' 
 pa dang shin tu sbyangs pa dang/ ting nge 'dzin dang btang snyoms yang dag byang chub kyi yan lag dag go /'phags pa'i lam yan lag brgyad ni yang lag brgyad ni yang dag pa'i lta ba dang rtog pa dang/ ngag dang las kyi mdza' dang/ 'tsho ba dang/ rtsol ba dang/
 dran pa dang/ ting nge 'dzin to/ /gang zag gi bye brag gis zhes bya ba ni nyan thos dang rang sangs rgyas dang/ rdzogs pa'i sangs rgyas te/ de nyid kyi phyir nyan thos kyi byang chub zhes bya ba la sogs pa smos so/ /ma rig pa ma lus par
 spangs pa'i phyir zhes bya ba ni khams gsum pa'i ma rig pa spang pa'i phyir de gnyi ga byang chub yin no/ /gzhan yang de gnyis kyis rang gi don zhes bya ba rgyas par 'byung ste/ zad pa shes pas rang gi don byas pa rtogs pa'i phyir
 ro/ /ji ltar zhe na/ bdag gis sdug bsngal yongs su shes so zhes bya bar rab tu shes so zhes bya ba rgyas par 'byung ba'o/ /mi skye ba shes pas rang gi don yang byar med pa nyid rtogs pa'i phyir te/ ji ltar zhe
 na/ yang yongs su shes par byar med do zhes bya ba la sogs pa'o/ /de dang mthun nyid phyir zhes bya ba la de dang mthun pa'i dngos po ni de dang mthun pa nyid yin no/ /de dang mthun nyid phyir zhes bya ba ni de'i tshogs yin pa'i phyir zhes
 bya ba'i tha tshig go/ rdzas su bcu zhes bya ba ni/ kha cig gi gzhung lugs kyis yin te/ bye brag tu smra ba rnams kyi ltar na bcu gcig yin no zhes 'chad par 'gyur ro/ /tshul khrims zhes bya ba ni yang dag pa'i dag dang lus kyi mdza' 
 dang 'tsho ba'i mtshan nyid kyi yan lag tshul khrims kyi yan lag dag ste/ rnam par rig byed kyi rang bzhin khyad par med pas rdzas gcig gi bdag nyid du rnam par bzhag go /dran pa nye bar gzhag shes rab ste/ zhes bya ba
 ni lus la lus kyi rjes su lta zhing zhes bya ba 'byung bas dran pa nye bar gzhag pa dag ni shes rab kyi bdag nyid do/ /brtson 'grus yang dag 'jog ces bya zhes bya ba ni 'di ltar sdig pa mi dge ba'i chos skyes pa rnams
 spangs pa'i phyir 'dun pa bskyed do/ /rtsol bar byed do/ /brtson 'grus rtsom mo zhes gsungs so/ /rdzu 'phrul rkang pa ting nge 'dzin to/ /zhes bya ba ni 'di ltar mdun pa'i ting nge 'dzin spong ba'i 'du byed dang ldan pa rdzu 'phrul gyi rkang pa sgom par byed do zhes gsungs
 so/ /de'i phyir de ltar na dran pa nye bar gzhag pa bzhi dang chos rnam par 'byed pa yang dag byang chub kyi yan lag byang chub kyi yan lag gis bsdus pa dang/ yang dag pa'i lta ba lam gyi yan lag gis bsdus pa dag ni shes rab kho
 na yin pas rdzas gcig yin no/ /yang dag par 'jog pa bzhi dang/ brtson 'grus yang dag byang chub kyi yan lag byang chub kyi yan lag gis bsdus pa dang/ yang dag pa'i rtsol ba lam gyi yan lag gis bsdus pa ni brtson 'grus kho na
 yin no/ /rdzu 'phrul gyi rkang pa dang/ ting nge 'dzin yang dag byang chub kyi yan lag byang chub kyi yan lag gis bsdus pa dang/ yang dag pa'i ting nge 'dzin lam gyi yan lag gis bsdus pa ni ting nge 'dzin kho na yin no/ /dran pa yang dag byang chub kyi
 yan lag dang yang dag pa'i dran pa ni dran pa kho na yin pas dran pa'i rdzas gcig yin no/ /dbang po dang stobs rnams ming gis smos shing bshad pa de dag ni rdzas lnga yin no/ /dad pa dang brtson 'grus dang/ dran pa dang/ ting 'dzin dang/ shes
 rab dag gis ma bsdus pa dag ni lhag mar lus pas dga' ba dang shin tu sbyangs pa dang/ btang snyoms dang/ rtog pa dang/ tshul khrims kyi yan lag ngag ste/ de ltar na bcu yin no/ /lus dang ngag gi las ngag tha dad pa'i phyir
 zhes bya ba ni ma 'dres pa'i phyir zhes bya ba'i don te/ bye brag tu smra ba rnams na re/ rnam par rig pyod ma yin pa'i gzugs su mtshungs par yong kyang de dag la mtshan nyid 'tshol ba med/ 'di ltar srog gcod pa spong pa la sogs
 pas bsdus pa gsum char yang lus kyi las kho na yin pas rdzas gcig la/ brtsun du smra ba spong ba la sogs pas bsdus pa bzhi char yang dag gi las yin pas rdzas gcig yin no zhes zer ro/ /gtso bo mos pa zhes bya ba la/
 gtso bo ni gang du de'i stobs kyis gzhan dag kyang gnas pa yin gyi/ de dag med pa na ma yin no/ /dran pa nye bar gzhag pa rnams kyi gtso bo ni shes rab yin pas de'i phyir shes rab smos kyi/ dran pa nye bar bzhag pa shes rab kho na
 yin par ni ma zad de/ 'o na ci zhe na dad pa dang/ brtson 'grus dang ting nge 'dzin dang/ dga' ba dang/ shin tu sbyangs pa dang/ btang snyoms dang/ rtog pa la sogs pa dag kyang yin no/ /sbyor ba las byung ba'i yin tan thag pa dang
 bcas pa dang zag pa med par ci rigs par thos pa dang bsam pa dang bsgom pa las byung ba thams cad dran pa nye bar gzhag pa yin te/ sbyor ba las byung ba smos pa ni skyes nas thob pa'i dad pa la sogs pa dag las khyad par du bya ba'i phyir ro/ /
 de bzhin du yang dag par 'jog pa dang/ rdzu 'phrul gyi rkang pa la sogs pa dag la yang brjod par bya'o/ /rab tu 'jog pas zhes bya ba ni 'dzin pa dang/ ras dga' 'jug pa dang/ res dga' nges par 'byed pas zhes bya ba'i tha tshig ste/ dge ba'i chos dang
 mthun pa dang/ mi dge ba'i chos 'jug pa dang 'gal ba dag 'jug par byed ngo zhes bya ba'i bar du bshad par 'gyur ro/ /de ni yon tan 'byor pa thams cad kyi rten yopa'i phyir ro zhes bya b ni de gzhi yin pa'i phyir ro zhes bya ba'i don to/ /de ltar na rdzu 'phrul
 gyi yon tan 'byor pa yin no zhes bya ba dang/ de las byung ba'i phyir rdzu 'phrul gyi rkang pa ting nge 'dzin no/ /zhes bstan par 'gyur te/ yon tan thams cad 'byor ba ni ting nge 'dzin la rag lus pa yin no/ /gang dag rdzu 'phrul ni ting nge 'dzin kho na yin
 la/ 'dun pa dang/ brtson 'grus dang/ sems dang/ dbyod pa ni rkang pa yin no/ /zhes zer ba sgol ba de dag gi ltar na 'dun pa dang sems lhag pa'i phyir bcu gcig la 'dun pa dang/ sems bsnan nas byang chub kyi phyogs dang mthun pa bcu
 gsum du 'gyur ro/ /brtson 'grus dang shes rab gnyis ni lhag pa ma yin te/ brtson 'grus yang dag par spong ba dag gi nang du 'dus la dpyod pa ni shes rab kyi rang bzhin yin pa'i phyir dran pa nye bar gzhag pa dag gi nang du 'dus so/ /'dun
 pa dang sems ni sngar bshad pa'i byang chub kyi phyogs dang mthun pa dag gi nang du bsdu bar mi nus so/ /mdo dang yang 'gal te/ gal te 'dis rdzu 'phrul par byed pas na zhes bya ba'i rdzu 'phrul ting nge 'dzin kho na yin na'o/ /ji ltar mdo dang 'gal zhe na/ dge slong
 dag khyed la rdzu 'phrul bstan gyis zhes bya ba de las ni ting nge 'dzin gyi 'bras bu la rdzu 'phrul gyi sgrar bshad kyi/ ting nge 'dzin nyid la ni ma yin no/ /ji ltar zhe na/ gcig tu gyur nas mang por 'gyur/ mang por gyur cing gcig tu 'gyur ba dang/
 snang bar 'gyur ba dang/ mi snang bar 'gyur ba zhes bya ba la sogs pa'o/ /'di ltar 'di ni ting nge 'dzin gyi 'bras bu la bya ba kho na yin par rung gi/ ting nge 'dzin nyid la ni ma yin no/ /de la rdzu 'phrul ni ting nge 'dzin kho na yin la/ 'dun pa la
 sogs pa ni rkang pa yin no zhes gang sbus? pa de ni yod pa ma yin te/ de las dngos po'i byed pa la brten nas rdzu 'phrul gyi 'bras bu la yang rdzu 'phrul gyi sgrar bshad kyi/ 'dis rdzu 'phrul bsam/ zhes byed pa'i byed pa pa la brten nas ni ma/
 yin no/ /chung du dang chen po'i bye brag gis zhes bya ba la/ dbang po rnams ni chung du'o/ /stobs rnams ni chen po'o/ /rdzi ba dang rdzi ba mang pa'i phyir ro zhes bya ba la/ dbang po rnams ni de'i mi mthun pa'i phyogs kun tu 'byung bas rdzi ste/
 de'i mi mthun pa'i phyogs kyis mi rdzi ba'i phyir stobs zhes bya'o/ /dbang po rnams kyi go rim ni gter brko ba bzhin no/ /rab tu 'byed ces bya ba ni rnam par 'joms pa'o/ /las dang po ba'i gnas skabs su zhes bya ba rgyas par
 dbyung ste/ /lus dang/ tshor ba dang/ sems dang/ chos kyi rang bzhin nye bar brtag par bya ba'i phyir ro/ /brtson 'grus yang dag par spel ba'i phyir thob par 'gyur ba dag la ni yang dag par rab tu 'jog pa rnams rnam par
 phye ste rnam par bzhag go zhes bya ba'i don to/ /ji ltar zhe na/ dro bar 'gyur ba dag na khyad par thob par 'gyur te/ dang por nges par 'byed pa'i cha dang mthun pa'i chos thob pa'i phyir ro/ /yongs su nyams bar mi 'gyur ba'i dge
 ba'i rtsa ba la 'jug pa'i phyir rtse mo dag ni rdzu 'phrul gyi rkang pa rnams so zhes bya ba la/ gang gi phyir rtse mo dag ni yongs su nyams par mi 'gyur ba'i dge ba'i rtsa ba bzod pas bsdus pa rnams la 'jug ste/ 'di rnams kyi 'jug pas zhes bya
 ba yin pa'i phyir ro/ /gnas skabs de'i ting nge 'dzin rnams ni rdzu 'phrul gyi rten yin pas rdzu 'phrul gyi rkang par rnam par bzhag go/ dbang thob pa'i phyir bzod pa dag la ni dbang po rnams so zhes bya ba la/ ji ltar zhe na/ de'i phyir yongs su nyams par
 mi 'gyur ba'i sgo nas zhes bya ba smos te/ gang gi phyir gnas skabs de'i dad pa la sogs pa dag las yongs su nyams par mi 'gyur ba de'i phyir bzod pa dag la dbang po/ /'jig rten las 'das pa'i lam 'dren pas dbang byed do/ /nyon
 mongs pa rnams kyis mi rdzi ba'i phyir zhes bya ba ni gnas skabs de'i dad pa la sogs pa dag ni nyon mongs pa rnams kyis mi rdzi ba yin te/ de'i phyir stobs rnams zhes bya'o/ /ji ltar mi rdzi zhe na/ de'i mjug thogs su sdug bsngal la chos
 shes pa'i bzod pa skye ba'i phyir ro/ /'jig rten pa'i chos gzhan dag gis mi rdzi ba'i phyir zhes bya ba ni yang na 'jig rten pa'i chos gzhan dag gis mi rdzi ba'i phyir/ chos mchog gi gnas skabs na dad pa la sogs pa la stobs rnams
 zhes bya'o/ /byang chub dang nye ba'i phyir zhes bya ba ni zad pa dang mi skye ba shes pa dang nye ba'i phyir zhes bya ba'i tha tshig go /de ni myur bar 'gro ba'i phyir ro zhes bya ba ni skad cig ma bco lngas khams gsum pa'i sdug bsngal la sogs
 pa'i bden pa mngon par rtogs pas de myur du 'gro ba nyid do/ /gal te bsgom pa'i lam la byang chub kyi yan lag rnams yin la/ ci'i phyir lam gyi yan lag dag gi snga rol du bshad ce na/ de'i phyir grangs kyi rim pa bzhin du bya
 ba'i phyir zhes bya ba smos te/ sngar bdun bshad la phyis ni brgyad bshad do/ /grangs kyi rim pa bzhin zhes bya ba ni ci nas kyang grangs kyi go rim bzhin du bshad par 'gyur bar bya ba'i phyir ro/ /gzhan ni go rim ma nyams pa kho nar zhes bya
 ba la gong du sngar byang chub kyi yan lag dang bsgom pa'i lam bshad la/ phyis lam gyi yan lag dang mthong ba'i lam bshad pas go rim nyams pa yin no/ /yul rnam pa mang po la g.yeng par 'phro ba zhes bya ba ni/ gzugs la sogs
 pa'i yul rnam pa mang zhing bye brag mang ba ste/ de la g.yeng ba ni rnam par g.yeng ba'o/ /blo 'di dag la yul rnam pa mang po la g.yeng bar 'phro ba'i dang tshul yod pas na yul rnam pa mang po la g.yeng bar 'phro ba ste de rnams so/ /zhen pa la brten
 pa zhes bya ba ni/ 'dod pa la brten pa zhes bya ba'i don to/ /dran pa'i kun tu rtog pa rnams zhes bya ba la/ dran pa dang mtshungs par ldan pa'i kun tu rtog pa ni dran pa'i kun tu rtog pa ste/ yul nyams su myong ba bran pa'i kun tu rtog pa zhes bya
 ba'i don to/ /de'i stobs kyis brtson 'grus yang dag par 'phel bas zhes bya ba ni dran pa nye bar gzhag pa bzhi'i stobs kyis zhes bya ba'i don gang yin pa'o/ /dgos pa bzhi bsgrub pa'i phyir zhes bya ba ni ji skad du/ sdig pa mi
 dge ba'i chos skyes pa rnams yang ba dang zhes ji skad du gsungs pa lta bu ste snga ma bzhin no/ /de'i 'og tu ting nge 'dzin rnam par spyod ba'i phyir zhes bya ba la/ gang gi phyir yang dag par rab tu 'jog pa dag gi rjes la ro myang ba dang mtshungs
 par ldan pa'i ting nge 'dzin thag bsrings pas ting nge 'dzin sbyong ngo/ /de'i phyir de'i rjes la ting nge 'dzin sbyong ba'i phyir rdzu 'phrul gyi rkang pa rnams rab tu phye'o zhes thams cad du skabs dang sbyar ro/ /'jig rten las 'das
 ba'i chos rnams kyi bdag por gyur pa zhes bya ba ni de 'dren par byed pa nyid kyi phyir bdag por gyur bar rig par bya'o/ /de dag nyid ces bya ba la dbang po de dag nyid gang gi tshe mi mthun pa'i phyogs las des par rgyal ba kun tu spyod
 cing/ mngon du gyur pa de'i tshe stobs zhes bya ste/ de dag gi mi mthun pa'i phyogs ni ma dad pa la sogs pa'o/ /gnyi ga la ni lam gyi yan lag rnams te zhes bya ba ni mthong ba'i lam la'o/ /'di ltar zhes bya ba ni de nyid khungs
 rgyas par 'byung ba'o/ /mthong ba'i lam la bsgom pa'i yongs su rdzogs par mi 'gyur bas/ ji ltar der byang chub kyi yan lag bdun bsgom pa'i lam gyis bsdus pa bsgom pa yongs su rdzogs par 'gyur ba de'i phyir mthong
 ba'i lam nas gzung nas lam gyi yan lag dag yod do/ /ji skad bshad pa'i dran pa nye bar gzhag pa la sogs pa dag kyang bsgom pa'i lam du yongs su rdzogs par 'gyur gyi/ mthong ba'i lam du ni ma yin no/ /mthong
 ba'i lam du ni lam bsgom pa yongs su rdzogs par mi rung ste/ de'i phyir mthong ba'i lam nas bzung nas lam gyi yan lag dag yod do/ /zhes bya bar shes so/ /de lta yin dang mthong ba dang/ bsgom pa'i lam
 gnyis ka la yang lam gyi yan lag yod par 'gyur ro/ /yang dge slong zhes bya ba la sogs pa la ci zhe na/ gnyi ga la lam gyi yan lag dag yod de/ 'phags pa'i bden pa bzhi'i tshig bla dags yin no zhes bya ba 'dis
 ni ma thong ba'i lam bstan to/ /ji ltar rtogs pa'i lam gyis 'jug ces bya ba ni bsgom pa'i lam mo/ /ji ltar rtogs pa'i lam gyis zhes bya ba ni/ ji ltar thob pa'i lam gyis zhes bya ba'i tha tshig go /'jug ces bya ba ni mya ngan
 las 'das pa'o/ /de lta bas na gnyi ga la 'phags pa'i lam yan lag brgyad pa 'dod bar bya dgos so/ /byang chub yan lag lam yan lag/ zag pa med zhes bya ba la/ zag pa med pa kho na yin gyi/ de dag kho na zag
 pa med pa ni ma yin te/ gzhan rnams gnyis so zhes 'byung ba'i phyir ro/ /de gnyis bsgom pa dang mthong ba'i lam la rnam par bzhag pa'i phyir la srid pa'i rtse mo'i gnyen po yin pas bsgom pa'i lam la byang chub kyi yan lag
 rnams rnam par bzhag pa'i phyir zag pa med pa nyid do/ /de nyid kyi phyir thams cad byang chub kyi phyogs dang mthun pa yin bzhin du de dag kho na la byang chub kyi yan lag ces bya ste/ srid pa'i rtse mo'i gnyen po yin pa'i phyir dang/
 byang chub dang nye ba'i phyir ro/ /lam gyi yan lag rnams ni mthong ba'i lam la rnam par bzhag ste/ mthong ba'i lam gcig tu zag pa med pa yin pa'i phyir de rnams kyang zag pa med pa nyid de/ /'jig rten pa'i yang dag pa'i
 lta ba la sogs pa yang yod pa ma yin nam/ zag pa med pa rnams kho na lam gyi yan lag ces bya zhe na /yod pa bden mod kyi de dag ni 'phags pa'i lam zhes bya ba'i sgra mi thob ste/ nyon mongs pa rgyas par 'gyur
 ba'i phyir de la lam gyi yan lag nyid du thal ba med do/ /byang chub kyi phyogs dang mthun pa gzhan dag ni zag pa dang bcas pa dang zag pa med pa dag yin no zhes bya ba ni dran pa nye bar gzhag pa la sogs pa stobs la thug pa
 rnams te/ mthong ba dang bsgom pa dang mi slob pa'i lam gyis bsdus pa dag ni zag pa med pa'o/ /dro bar gyur pa la sogs pas bsdus pa dag ni zag pa dang bcas pa'o/ /bsam gtan
 dang po na thams cad ces bya ba la /de na ni dga' ba yang yod la/ rtog pa dang bcas pa'i phyir yang dag pa'i rtog pa yang yod do/ /nyer bsdogs rnams ni stobs kyis drang dgos pa'i phyir zhes bya ba la/ de la brten
 nas sa 'og ma las 'dod chags dang bral bar 'gyur ba'i phyir na/ nyer bsdogs rnams brtson 'grus chen po'i mngon du byed la bde blag tu thob pa'i sems ni dga' bar 'gyur ba yin te/ de'i phyir de rnams
 na dga' ba med do/ /gzhan yang sa 'og ma'i dogs pa bcas pa'i phyir ro/ /zhes bya ba ni yongs su nyams par dogs pa dang bcas zhes bya ba'i tha tshig ste /de'i phyir yang de rnams na dga' ba med do/ /bsam
 gtan gnyis pa na ni rtog pa med pa'i phyir yang dag pa'i rtag pa med do/ /bsam gtan gsum pa dang bzhi pa dag ni dga' ba dang rtog pa ma gtogs pa zhes bya ba la/ de'i dga' ba'i 'dod chags dang
 bral bas zhes 'byung ba'i phyir dga' ba yang dag byang chub kyi yan lag med la rtog pa med pa'i phyir yang dag pa'i rtog pa yang med do/ /bsam gtan bar na yang/ de gnyis nyid ma gtogs pa zhes bya ba
 ni dga' ba dang yang dag pa'i rtog pa gnyis ma gtogs te/ de na de dag med pa'i phyir ro/ /de gnyis na zag pa med pa'i lam med pa'i phyir zhes bya ba la/ 'dod pa'i khams dang srid pa'i rtse mo dag na ni go rim
 bzhin du mnyam par ma bzhag pa'i phyir dang/ mi gsal ba'i phyir zag pa med pa'i lam med do zhes zer ro/ /tshul khrims nyid rab tu dang ba yin pa ni/ tshul khrims dad pa ste/ de yang zag pa med pa'i tshul khrims so/ /
 chos la shes na dad pa zhes bya ba'i khong du chud nas dad pa'o/ /sangs rgyas dang chos la'ang de dang 'dra bar khong du chud par bya'o/ /sdug bsngal dang kun 'byung dang 'gog pa mngon par rtogs na zhes bya ba rgyas
 par 'byung ngo/ /chos gang las she na/ sdug bsngal la sogs pa de dag kho na la'o/ /ji ltar zhe na/ 'di dag ni sdug bsngal la sogs pa tsam zhig tu zad kyi/ 'di na sems can med do snyam du yid ches pa gang yin pa de ni chos la
 shes nas dad pa'o/ /'phags pa dgyes pa'i tshul khrims ni yang dag pa'i ngag dang/ las kyi mdza' dang 'tsho ba'i bdag nyid can te/ shes nas dad pa thob bo/ /dge ba la sogs pa chos mang du bshad la/ skyabs su 'gro
 ba dag tu ni/ mya ngan las 'das pa kho na chos su bshad pa the tshom zos pas/ 'dir gang la chos su dgongs pa yin zhes dris so/ /chos bden gsum dang zhes bya ba la sogs pa la/ 'dir shes nas dad pa rnams ni sangs rgyas
 kyi rang bzhin yin pa nyid kyis yid ches ba'i bdag nyid yin pa'i phyir sdug bsngal la sogs pa'i chos gang dag yid ches pa sdug bsngal dang kun 'byung dang/ 'gog pa dag kho nas chos yin par shes par bya'o/ /rang sangs
 rgyas dang byang chub sems dpa' i lam yin no zhes bya ba la/ ci'i phyir sangs rgyas dang/ dge 'dun gyi lam gyi chos su ma bshad ce na/ gang gi phyir sangs rgyas dang dge 'dun gyi lam gyi ngo bor rnam par bzhag pa de'i phyir
 de dag la shes nas dad pa dag ni sangs rgyas dang dge 'dun la shes nas dad pa yin gyi chos la dad pa ni ma yin no/ /de'i phyir bden pa bzhi char yang mngon par rtogs na chos la shes nas dad pa
 'thob bo/ /zhes bya ba ni gang gi phyir bden pa gsum dang lam gyi bden pa'i phyogs gcig ji skad du bshad pa chos yin pa'i phyir ro/ /dad pa'i gzhi'i bye brag gis zhes bya ba la/ dad pa'i dmigs pa la sogs pa'i
 dmigs pa'i bye brag gis dad pa rnam pa gsum du rnam par bzhag nas tshul khrims shes nas dad pa dang bcas te/ bzhi yin no/ /bden pa rnams yang dag pa ji lta ba bzhin rtogs nas yid ches pa ni shes nas dang
 pa yin no zhes bya ba ni/ shes rab kyis ni yang dag pa ji lta ba bzhin rtogs pa yin la/ dad pas ni yid ches pa yin no/ /mdo las sangs rgyas dang chos dang/ dge 'dun la shes nas dad pa dang/ 'phags pa
 dgyes pa'i tshul khrims dag ces rim pa de ltar 'byung ba ma yin nam/ ji ltar chos mngon pa las go rim bzlog ce na de'i phyir langs nas ji ltar zhes bya ba rgyas par 'byung ngo/ /yang ci'i phyir langs pa 'di ji ltar
 mngon sum du byed ce na/ de'i phyir sman pa dang sman dang nang g.yog lta gur gyur pa'i phyir ro zhes bya ba smos te/ nad pa dang nang dang bral ba ni sman pa las mthong ba nyid dang/ bstan bcos shes pa nyid dang sman nges
 par sbyor bar shes nas dang por sman pa la dad do/ /de'i 'og tu ni sman la dad la /de nas nad g.yog la dang pa de bzhin du 'dir yang bcom ldan 'das ni sman pa lta bur gyur? pa yin te/ mod las smin pa zug rdu?
 'byin pa bla na med pa zhes 'byung ba'i phyir ro/ /chos ni sman yin te chos ni ston par byed pa yin pa'i phyir dang/ nyon mongs pa'i nad sel bas nad med pa thob par byed pa'i phyir/ sman lta bur gyur pa yin no/ /dge 'dun ni nad g.yog lta bur gyur
 pa yin te/ mya ngan las 'das pa'i nad med pa thob par bya ba'i phyir 'doms pa dang rjes su ston pas phan tshun rim gro byed pa'i phyir ro/ /sems dang bas byas pa'i phyir zhes bya ba la/ sems rab tu dang ba ni sangs rgyas la sogs pa dag la'o/ /
 tshul khrims rab tu dang ba yang des byas pa yin no zhes bstan pa'i phyir/ tha mar bzhi bar bshad cing mthar bstan to/ /'di ni de ltar rab tu dang ba? gyud? pa'i bsgrub pa zhes bya ba la/ gzhan dang ni rab tu zhugs pa zhes 'don te/ de ltar rab tu zhugs
 bar gyur pa'i zhes bya bar ro/ /bcom ldan 'das ni yang dag par rtogs? pa'i sangs rgyas yin no/ /de'i chos 'dul ba ni legs par gsungs pa yin no/ /de'i nyin thos kyi dge 'dun ni legs par zhugs pa yin no zhes bya ba'i sbub? pa de ni
 'phags pa dgyes pa'i tshul khrims dag yin no/ /yang na nad med pa lta bur gyur pa yin pa'i phyir ro zhes bya ba la/ ci zhe na/ sman pa dang sman dang nad g.yog nad med pa'i go rim dang mthun par tshul khrims rab tu dang pa tha mar bshad pa yin no
 yang na ston par byed pa dang lam dang lam grogs dang bzhon pa lta bur yin no /zhes bya ba la ci zhe na/ de dag gi go rim yin no/ /bcom ldan 'das ni ston par byed pa lta bu yin no/ /chos ni lam lta bu yin no/ /dge 'dun ni lam grogs lta bu
 yin no/ /'phags pa dgyes pa'i tshul khrims dag ni gzhon pa lta bu yin te/ tshul khrims rten du gyur pa'i phyir de la brten pa 'khor ba las des par 'byung bas tha mar bzhi par bshad do/ /'phags pa dgyes pa zhes bya ba'i don gang zhig
 yin ce na/ 'phags pa bzhed cing mnyes zhes bya ba'i don gang yin pa'o/ /slob pa ni yan lag brgyad dang ldan no zhes bya ba rgyas par 'byung ba ni mdo la slob pa'i yang dag pa'i lta ba nas slob pa'i yang dag pa'i ting nge
 'dzin gyi bar yan lag brgyad dang ldan no zhes gsungs so/ /mi slob pa ni yan lag bcu dang ldan te/ mi slob pa'i yang dag pa'i lta ba nas mi slob pa'i rnam par grol ba dang/ mi slob pa'i yang dag pa'i shes pa'i bar dang ldan no/ /ci'i phyir
 slob pa la zhes bya ba la sogs pa ni gang slob pa dang mi slob pa dag yang dag pa'i rnam par grol ba dang rnam par grol ba'i shes pa dang mtshungs par ldan par mtshungs bzhin du /mi slob pa kho na de dag dang ldan pa bshad la/ slob pa
 ma yin pa 'di la rgyu ci zhig yod ces bya ba'o/ /de'i phyir bcings phyir slob pa'i yan lag du rnam par grol ba ma bshad ces bya ba smos so/ /gal te slob pa yang mthong bas spang bar bya ba dang/ sgom pas spang bar bya ba'i nyon mongs pa
 gcig las rnam par grol ba ma yin nam zhe na/ de'i phyir 'ching ba'i phyogs gcig las grol bas ni/ grol ba zhes mi bya'o zhes bya ba smos te/ de'i phyir rnam par grol ba ni rnam par grol ba'i bdag rnam par grol lo snyam pa'i shes pa yin
 bas de 'di las med do/ /rnam par grol? ba dang de so so rang gi shes pa dag gis ces bya ba la rnam par grol ba so sor rang gi shes pa ni de so so rang gi shes pa'o/ /rnam par grol ba dang de so so rang gi shes pa ni rnam par grol ba dang de so so rang gi shes pa dag ste/ rnam
 par grol ba dang de so so rang gi shes pa dag gis so/ /rab tu bye ba yin no zhes bya ba ni rnam par bzhag pa yin zhes bya ba'i tha tshig go/ de kho na la de smos pa rig pa dang ldan pa yin no zhes bya ba la/ de kho na la zhes bya ba ni mi slob pa la'o/ /de smos pa zhes
 bya ba ni yang dag pa'i rnam par grol ba smos pa dang/ yang dag pa'i shes pa smos pa'o/ /rigs dang ldan pa ni rigs pa las ma 'das pa'o/ /mi slob pa'i yan lag du bshad de zhes bya ba ni mi slob pa'i yan lag tu bstan pa'o/ /yan lag rnams ni 'dus
 byas yin pa'i phyir ro/ /zhes bya ba ni de las gzhan pa dgu ji ltar yin pa de bzhin du/ yang dag pa'i rnam par grol ba yang yin no/ /sems rnam par grol ba dang shes rab rnam par grol ba zhes bya ba la/ 'dod chags las chags pa dang bral ba'i phyir
 sems rnam par grol ba'o/ /ma rig pa las chags pa dang bral ba'i phyir shes rab rnam par grol ba'o/ /de'i phyir de ltar sdang bar bya ba rnam par gnyis yod pa las rnam pa gnyis su bstan to/ /de nyid rnam par grol ba'i phung po yin par yang blta'o zhes
 bya ba la/ de nyid ces bya ba ni mi slob pa'i smos pa'o 'dus ma byas ni phung po'i don du mi rung ba'i phyir 'dus ma byas rnam par grol ba'i phung po ma yin no/ /'o na gang mdo las rnam par grol ba'i phung po ni mos pa las gzhan yin pa nyid du gsungs
 pa de'i phyir/ ji ltar bye brag tu smra ba dag gis mos pa kho na rnam par grol ba'i phung por brjod/ mdo de nyid ston pa ni stag gi byang chub kyi bu dag rnam par grol ba yongs su dag pa gtso bo gang yin zhe na/ zhes bya ba la sogs pa nas 'dun pa dang/ brtson
 'grus dang/ rtsol ba dang/ nges par 'byung ba dang/ pha rol gnon pa zhes bya ba'i bar du rgyas par 'byung ba'o/ /stag gi byang chub kyi bu dag ces mang po'i tshig smos pa ni de dag mang ba'i phyir ro/ /gang gi phyir mdo 'di las tshul khrims dang/ ting nge
 'dzin dang/ lta ba dang/ rnam par grol ba yongs su dag pa gtso bo dag pa gtso bo dag bstan pa yin no/ /rnam par grol ba gtso bo ryongs su dag pa zhes bya ba ni rnam par grol ba yongs su dag pa ni/ rnam par grol ba yongs su dag pa ste/ de'i gtso bo ni brtson 'grus yin no/ /
 de ltar na 'dir rnam par grol ba dang/ yengs su dag pa dang/ gtso bo zhes bya ba dri ba gsum mo/ /de'i phyir rnam par grol ba ni mos pa kho na yin par ma zad do/ /'o na ci zhe na/ de kho na shes pas zhes bya ba rgyas par
 'byung ngo/ /sems dri ma med pa nyid ni zag pa med pa nyid dad don gzhan ma yin par gyur pa mar gyi nying khu dad ba lta bu yin no/ /yang dag pa'i lta pa las tha dad pa'i shes pa mi slob pa'i yan lag nyid du rnam par bzhag pas yang
 dag pa'i shes pa gang zhig ce na/ zhes bya ba dri ba rgyas par 'byung ngo/ /mi slob sems ni skye 'gyur ba/ zhes bya ba 'byung ngo/ /ma 'ongs pa dang skye bar 'gyur ba la tha dad ci zhig yod/ skye bar 'gyur ba smos pa kho nas rtogs pa'i phyir ro zhe na ma
 yin te/ dri ba dang mthun par lan 'debs pa'i phyir/ ci 'das pa 'am zhes bya ba la sogs pa'i dri ba dang rjes su mthun par ma 'ongs pa zhes brjod do/ /de yang skye bzhin pa dang skye bzhin pa ma yin pa yang yod pas de'i phyir skye bar 'gyur ba zhes
 bya ba smos so/ /sems smos pa ni gtso bo yin pa'i phyir te/ sems kho nar ma zad kyi sems las byung ba rnams kyang rnam par grol bar 'gyur ro/ /yang na de dpe tsam zhig du zad do/ /'o na skye bar 'gyur ba ma yin pa zhes bya ba ni rdo rje lta bu'i
 mjug thogs su skye bar 'gyur ba ma yin pa dang 'jig rten pa de ji ltar grol bar 'gyur zhe na/ de dag kyang grol bar 'gyur te/ skye ba'i sgrib pa mtshungs pa'i phyir ro/ /skye bar nges pa gang yin pa de kho na bshad do zhes bya ba ni bstan bcos
 las ma 'ongs pa skye ba la mngon du phyogs pa gang yin pa de kho na rnam par grol bar 'gyur ro zhes bshad do/ /de rnam par grol ba ni brtag bla ba'i phyir ro/ /gang las 'jig rten pa rnam par grol bar 'gyur zhe na/ zhes bya ba 'byung ngo/ /
 skye ba'i sgrib pa de nyid las so zhes bya ba ni/ nyon mongs pa'i sgrib pa de nyid las te/ de skye ba'i gags pa'i phyir ro/ /de ni de dang mi 'dra'o zhes bya ba rgyas par 'byung ste/ 'di skad du ma grol pa la dge ba gang yin pa de ni nyon mongs pa'i thob pa dang
 mi 'gal te/ rgyud de dang mthun pa'i phyir ro/ /mi slob pa'i rgyud ni nyon mongs pa'i thob pa ma lus pa dang bral bas de'i rgyud las skye ba'i dge ba ni nyon mongs pa'i thob pa dang lhan cig mi skye ste/ de'i phyir mi slob pa'i rgyud la skyes pa ni 'jig rten
 pa yin yang nyon mongs pa'i thob pa nyid las rnam par grol bar bstan par 'gyur ro/ /'gag par 'gyur ba ni da ltar ba'o/ /da ltar ba ni rga ba dang/ mi rtag pa'i byed pa la bltos nas 'gag par 'gyur ba zhes bya ste/ 'gog pa la mngon du
 phyogs pa'i phyir ro/ /ni zhes bya ba'i sgra ni 'gag par 'gyur ba kho nas zhes nges par gzung bar bya ba'i phyir te/ gal te 'gag par 'gyur ba'i lam gyis de'i sgrib pa mi spong na ni ji ltar skye bzhin pa rnam par grol bzhin pa dang de ma thag tu
 rnam par grol bar 'gyur/ rnam par grol ba 'dus ma byas su bshad pa gang yin pa zhes bya ba ni/ nyon mongs dgra bcom pa 'dus ma byas zhes bya ba'o/ /khams gsum po 'byung ba zhes bya ba la/ gang nas 'byung zhe na/ mdo dag las so de nyid
 ston pa ni spangs pa'i khams dang zhes bya ba rgyas par 'byung ba'o/ /'dus ma byas nyid khams zhes bya/ /zhes bya ba ni 'dus ma byas dang/ khams gsum la khyad par 'ga' yar med do/ /gang gi phyir 'dus ma byas kyi rnam par grol ba de nyid
 khams gsum yin te/ de nyid bstan pa'i phyir/ de la 'dod chags kun zang 'dod chags bral zhes bya ba smos te/ khams gsum gyi 'dod chags spangs pa ni 'dod chags dang bral ba'i khams so/ /'dod chags las gzhan pa zhes bya
 ba la 'dod chags ma gtogs pa'i nyon mongs pa khams gsum pa thams cad spangs pa ni spangs pa'i khams yin no/ /nyon mongs pa ma gtogs pa zhes bya ba la/ kun tu sbyor bar 'gyur pa'i gzhi khams
 gsum pa thams cad spangs pa ni 'gog pa'i khams yin no/ /dngos po gang gi yid byung bar gyur pa zhes bya ba ni lam gang gis zhes bya bar bsams pa'o/ /sdug bsngal ba dang kun 'byung la bzod pa dang shes pa rnams kho nas
 yid 'byung bar 'gyur te/ yid 'byung ba'i dngos po la dmigs pa'i phyir ro/ /gzhan dag gis ni ma yin no zhes bya ba ni 'gog pa dang lam la bzod pa dang shes pa dag gis ma yin te/ mchog tu dga' ba'i dngos po la dmigs
 pa'i phyir ro/ /gang gi spong 'gyur ba/ kun gyi 'dod chags bral bar 'gyur/ zhes bya ba ni gang gis nyon mongs pa spong bar 'gyur ba sdug bsngal dang/ kun 'byung dang 'gog pa dang lam la bzod pa dang shes pa thams cad kyis
 so/ /de lta na ni mu bzhi srid zhes bya ba la/ ji ltar zhe na/ yid 'byung bar 'gyur la 'dod chags dang bral ba ma yin par 'gyur ba yang yod do/ /'dod chags dang bral bar 'gyur la/ yid 'byung bar mi 'gyur ba yang yod/ /
 gnyi ga ma yin pa yang yod/ gnyi gam yin pa yang yod ces bya ba'o/ /sdug bsngal dang kun 'byung la bzod pa dang/ shes pa rnams kyis nyon mongs pa dag ming spong na yid 'gyur ba kho na yin te/ zhes bya ba ni 'dod chags
 dang bral ba zhig nges pa las 'jug na sdug bsngal dang kun 'byung la chos shes pa dang bzod pa rnams kyis nyon mongs pa dag mi sbong ste/ sngar spangs zin pa'i phyir/ yid 'byung ba'i dngos po la dmigs pa'i phyir yid
 'byung bar ni 'gyur ba kho na'o/ /'gog pa dang lam la bzod pa dang shes pa rnams kyis nyon mongs pa dag spong na 'dod chags dang bral ba dag kho na yin gyi skyo bar 'gyur ba ni ma yin te/ mchog tu dga' ba'i dngos po la dmigs pa'i phyir ro/ /
 snga ma rnams kyis nyon mongs pa dag spong na gnyi ga yin no zhes bya ba ni snga ma ste sdug bsngal dang kun 'byung la bzod pa dang shes pa rnams kyis so/ /ji ltar zhe na/ yid 'byung ba'i dngos po la dmigs pa'i phyir yid 'byung ba yin la/ nyon mongs pa
 dag spong ba na 'dod chags dang bral ba yin no/ /phyi ma rnams kyis nyon mongs pa dag mi spong na gnyi ga ma yin no zhes bya ba ni phyi ma ste 'gog pa dang lam la bzod pa dang shes pa rnams kyis so/ /'dod pa las 'dod chags dang bral ba des pa
 la 'jug na 'gag pa dang lam la chos shes pa dang bzod pa rnams kyis yid 'byung bar mi 'gyur te/ mchog tu dga' ba'i dngos po la dmigs pa'i phyir ro/ /'dod chags dang bral bar mi 'gyur te sngar spangs zin pa'i phyir ro ji ltar sdug
 bsngal gyi bden pa la sogs pa la bzod pa dang shes pa rnams kyis mthod par spang bar bya ba'i nyon mongs pa dag mi spong zhe na/ de'i phyir de la zhes bya ba la sogs pa smos so/ /yang na mu dang po dang bzhi pa la nyon mongs pa mdza' dag mi
 spong na zhes bstan pa gang zhig gang dag gis nyon mongs pa dag mi spong zhe na/ de la 'dod chags dang bral ba zhig ces bya ba rgyas par 'byung ste/ de la zhes bya ba ni don nye bar dgod pa'i phyir ro/ /'dod pa'i khams nas ci yang med pa'i skye
 mched kyi bar las kyang rung/ 'dod chags dang bral ba zhig bden pa rnams lta mngon par rtogs par byed na/ chos shes pa dang bzod pa rnams kyis te/ chos shes pa rnams dang chos la bzod pa rnams kyis nyon mongs pa dag mi spong
 ste/ 'jig rten pa'i lam gyis sngar spangs zin pa'i phyir/ de'i phyir bral ba'i thob pa zag pa med pa skye ba 'ba' zhig tu zad do/ /rjes su shes pa dang bzod pa dag gis ni gdon mi za bar nyon mongs pa dag spong ste/
 'jig rten pa'i lam gyis sred pa'i rtse mo las 'dod chags dang bral ba med do/ /shes pa rnams kyis ni zhes bya ba rgyas par 'byung ste/ bsgom pa'i lam la sbyor ba dang rnam par grol ba dang/ khyad par can gyi lam gyis bsdus pa
 sdug bsngal dang kun 'byung la chos shes pa rnams kyis yid 'byung bar 'gyur gyi/ 'dod chags dang bral bar ni mi 'gyur te/ gnyen po ma yin pa'i phyir ro/ /bar chad med pa'i lam ma gtogs pa sbyor ba'i lam la sogs pa
 'gog pa dang lam gyi yul can de dag ni gnyi ga ma yin no/ /'dod chags dang ma bral ba bsgom pa'i lam la bar chad med pa'i lam sdug bsngal dang kun 'byung la chos shes pa rnams kyis nyon mongs pa dag spong na yid 'byung
 bar yang 'gyur la/ 'dod chags dang bral bar yang 'gyur/ /'dod chags dang bral ba ni bar chad med pa'i lam/ sdug bsngal dang kun 'byung la dmigs pas yid 'byung ba kho nar 'gyur ro/ /'dod chags dang bral ba 'gog
 pa dang/ lam la dmigs pas 'dod chags dang bral ba kho nar 'gyur la/ 'dod chags dang bral ba ni gnyi gam yin no/ /slob dpon gang ba spel bas mdzad pa chos mngon pa mdzod kyi 'grel bshad mtshan nyid kyi rjes su 'brad ba zhes
 bya ba las/ lam dang gang zag bstan pa zhes bya ba la/ mdzod kyi gnas drug pa'i 'grel bshad do/ /gang zag rnams kyi bye brag gis rnam pa du mar rnam par bzhag pa byas zin to/ /lam gyi bye brag gis sgo nas gang zag rnams rnam
 pa du mar rnam par bzhag pa byas zin to/ /lam gyi bye brag der bzod pa rnams zhes kyang 'byung/ shes pa rnams zhes kyang 'byung/ yang dag pa'i lta bzhes kyang 'byung/ yang dag pa'i shes pa zhes kyang 'byung ngo/ /de la sdug bsngal la chos
 shes pa'i bzod pa nas lam la rjes su shes pa'i bzod pa'i bar bzod pa brgyad bshad la/ sdug bsngal la chos shes pa nas lam la rjes su shes pa'i bar shes pa brgyad bshad do/ /de bzhin du mi slob pa'i yang dag pa'i lta ba dang/ zad
 pa shes pa dang/ mi skye ba shes pa yang bshad cing/ de bzhin du gang zag gcig la yang dag pa'i lta ba dang/ yang dag pa'i shes pa yan lag tu bshad do/ /yang na bstan bcos dang 'brel par brjod pa ste/ bstan bcos las bzod pa rnams
 ?? kyang 'byung/ shes pa rnams zhes kyang 'byung/ yang dag pa'i lta ba zhes kyang 'byung/ yang dag pa'i shes pa zhes kyang 'byung la/ 'di bstan bcos mdor bsdus par rnam par bshad pa yin pas/ de'i phyir ci bzod pa dag yin la shes
 pa ma yin nam/ yang dag pa'i shes pa yin la yang dag pa'i lta ba ma yin nam zhes bya ba 'di dpyad de/ 'di skad du gang la bzod pa brgyad dang shes pa brgyad dang yang dag pa'i lta ba dang/ yang dag pa'i shes pa zhes de ltar bye brag tu ston
 par? byed pa ci shes rab 'ga' zhig bzod pa kho na yin par?  shes pa ma yin pa 'am shes pa kho na yin la bzod pa ma yin pa'am/ de bzhin du lta ba kho na yin la shes pa ma yin pa'am/ shes pa kho na yin pa lta ba ma yin pa yod dam
 zhes bstan par 'gyur ro/ /ci shes rab 'ga' zhig bzod pa kho na yin ?? shes pa ma yin pa yod dam zhes bya ba la sogs pa gang smras na/ yod na? zhes bstan pa'i phyir/ dri med bzod rnams shes pa min zhes bya ba smos/ /dri med zhes khyad par
 du byas pas bzod pa zag pa dang bcas pa rnams shes pa yin no/ /zhes bstan par 'gyur te/ shes pa'i don ni nges pa'i den yin nan/ bzod pa dag ni nges pa ma yin pas shes pa ma yin no/ /ji ltar ma nges
 she na/ des spang bar bya ba zhes bya ba rgyas par smos so/ /des spang bar bya ba zhes bya ba ni/ bzod pas spang bar bya ba'o/ /'gag par 'gyur ba'i lam gyis ni/ de'i sgrib pa rab tu spong/ zhes bshad pas de'i phyir/ des spang bar bya
 ba'i phra rgyas the com gyi thob pa dang rjes su 'brel ba'i rgyud kho nal bzod pa rnams skye bas de rnams ni the tshom ma spang pa yin la/ the tshom spangs pa'i shes rab la ni shes pa zhes bya ba yin pas bzod pa rnams ni shes pa ma yin no/ /
 nges spang bar bya ba zhes ci'i phyir smos she na/ sdug bsngal la ches shes pa la sogs pa rnams shes pa nyid yin par bstan par bya ba'i phyir ro/ /gal te phra rgyas the tshom ma spangs pa'i phyir ro/ /zhes bya ba de tsam zhig smos na ni
 de lta na lam la rjes su shes pa kho na shes par 'gyur gyi/ shes pa snga ma bdun ni mi 'gyur te/ phra rgyas the tshom ma spang ba'i phyir ro/ /de dag yang dag par rtogs pa'i bdag nyid can yin pa'i phyir zhes bya ba ni nges par nye bar
 rtog pa'i rang bzhin gzhan yin pa'i phyir ro zhes bya ba'i don to/ /yang dag par rtog pa med pa dang/ yongs su tshol ba'i bsam pa can yin pa'i phyir zhes bya ba la/ zad pa dang mi skye ba shes pa gnyis kyi ni bden pa dag yang dag
 par rtog par mi byed cing nye bar rtog par mi byed kyi/ bya ba byas pas ji ltar mthong ba dag la bdag gis sdug bsngal yongs su shes te/ yang shes par byar med do zhes bya ba la sogs par so sor rtog pa tsam du 'ba' zhig
 tu zad do/ /mi rtag pa la sogs pa'i rnam pa dag gis bden pa dag yongs su tshol bar byed pa yang ma yin te/ 'bras bu rdzogs zin pa'i phyir ro/ /bsam pa ni bsams pa'o/ /de'i phyir de gnyis ni lta ba'i rang bzhin ma yin no/ /de las gzhan 'phags
 blo gnyi ga zhes bya ba ni sdug bsngal la chos pa nas lam la rjes su shes pa'i bar ro/ /de ni nye bar rtog pa la zhugs pa yang yin la/ de'i yul can gyi the tshom spangs pa yang yin te/ de'i phyir yang dag par rtog pa'i phyir dang/ nges pa'i phyir gnyi ga grub
 po/ /re zhig 'di ni zag pa med pa'i shes rab de ltar rnam par phye ba'o/ /gzhan shes zhes bya ba ni lta ba kho na yin pa med do/ /zhes shes par bya ba'i phyir brtsams pa yin gyi 'di lta ma yin no/ /'jig rten pa'i shes rab thams cad shes pa yin
 pa 'di ni phyir btang ba yin la/ phyir btang ba 'di'i dmigs kyis bsal ba ni brtsams pa ni/ drug na lta ba 'ang yin zhes bya ba 'di yin no/ /'ang zhes bya ba'i sgras ni shes pa 'ang yin pa'o/ /lta ba lnga zhes bya ba ni 'jig tshogs la lta ba la sogs
 pa'o/ /'jig rten pa'i yang dag pa'i lta ba zhes bya ba ni/ rgyu dang 'bras bu la sogs pa dag la yod par lta ba'o/ /'di'i mdor bsdus pa ni 'di yin te/ 'jig rten pa'i shes rab rnam pa drug ni lta ba dang shes pa yin la/ de las gzhan pa'i
 'jig rten pa thams cad ni shes pa kho na yin gyi lta ba ma yin te/ ci'i phyir zhe na/ yang dag par rtog pa'i rnam par ma zhugs pa'i phyir ro/ /'dod chags la sogs pa dang mtshungs par ldan pa ji ltar yang dag par rtog pa'i rnam pa ca nam yin zh na/ de
 ni phal cher kha phyir bltas nas 'jug pa dang/ 'dod chags la sogs pa'i rnam pa'i rjes su byed pa yin no/ /'dod chags la sogs pa dag ni der ches gsal ba yin gyi/ shes rab ni ma yin la/ 'dod chags la sogs pa yang dag par rtog pa'i
 rnam bcan yang ma yin te/ 'o na ci zhe na/ zhen pa dang/ kun nas mnar sems dang/ khengs pa la sogs pa'i rnam pa can yin no/ /shes pa bcus zhes bya ba bcu po gang gis zhe na/ chos dang/ rdzas? dang/ kun rdzob dang/ gzha
 gyi sems dang/ sdug bsngal dang/ kun 'byung dang/ 'gog pa dang/ lam dang/ zad pa dang/ mi skye ba shes pa dag gis so/ /rtsom pa 'di ni nges par gzung ba'i phyir yin gyi/ 'chi 'pho ba dang/ skye ba dang/ smon gnas shes pa la sogs pa gzhan dag mi 'di
 dag kho na'i nang du 'dus pa'i phyir ro/ /mdor bsdus na ni/ shes pa zag bcas zag ba med/ zhes bya ba ni/ nges par gzung bar bya ba'i phyir brtsams pa ste/ rnam par rtog pa gsum pa med pa'i phyir ro/ /de gnyis las kyang dang po kun rdzob ces bya'o/ /zhes bya
 ba 'byung ngo/ /phal cher bum pa dang/ snam bu dang/ skyes pa dang/ bud med la sogs pa kun rdzob 'dzin pa'i phyir zhes bya ba la/ kun rdzob ni bum pa dang/ snam bu dang/ skyes pa dang/ bud med la sogs pa'i dngos po tha snyad kyi yan lag tu gyur pa gang yin pa'o/ /
 de las 'byung ba ni kun rdzob ste/ gzugs la sogs pa dag bum pa la sogs pa'i blo 'byung ba'i phyir ro/ /'jig rten gyi tha snyad phal cher ni gzugs la sogs pa'i tshogs pa la brten pa de ltar gzugs la sogs pa'i rang gi mtshan nyid dang/ spyi'i
 mtshan nyid la brten pa ma yin te/ de nyid kyi phyir phal cher zhes bya ba la sogs pa smos so/ /rnam pa gcig tu na 'di ni dro bar gyur ba la sogs pa dag gi che zag pa med pa'i yul can yang 'byung ba yin na/ ci'i phyir tha snyad dang mthun par 'jug pa zhas brjod ce
 na/ phal che bas kyang ston par 'gyur te/ dper na blon po rtag tu sma dgos pa dang/ rje bo rtag tu bkon pa zhes bya ba lta bu'o/ /zag med rnam gnyis zhes bya ba la/ zag pa med pa'i shes pa gang yin pa de ni chos shes pa dang rjes su shes pa rnam pa gnyis su dbye'o/ /
 de ltar na shes pa 'di gnyis ni zhes bya ba ni zag pa dang bcas pa dang/ zag pa med pa gnyis so/ /gsum yin te zhes bya ba ni chos dang rjes su shes pa'i dbye bas zag pa med pa rnam pa gnyis su phye ba dang/ kun rdzob shes pa ste gsum yin no/ /de dag ni dmigs pa'i bye
 brag gis tha dad ste/ de la kun rdzob yul ni thams cad do zhes bya ba la kun rdzob shes pa'i yul ma yin pa de ni yod pa ma yin te/ de nyid kyi phyir dmigs pa ni ci rigs par 'dus byas dang 'dus ma byas zhes bya ba smos te/ 'di skad du gzhan yang/
 kun rdzob shes pa dge bas sdug bsngal shes par bya ba nas so sor brtags pas 'gog pa ma yin pa'i bar yang shes par bya ba ma yin nam/ zhe na yin te/ bdag med pa'i rnam pa can chos thams cad la dmigs pa dang/ 'du byas thams cad
 mi rtag pa dang/ chos thams cad bdag med pa dang mya ngan las 'das pa zhi ba'o/ /zhes gsungs pa'i phyir ro zhes bshad do/ /chos zhes bya ba'i spyod yul ni/ 'dod sdug bsngal la sogs zhes bya ba la/ gong ma'i sdug bsngal la sogs pa ni spyod
 yul ma yin la/ so sor brtags pa ma yin bas 'gog pa dang/ nam mkha' ni spyod yul ma yin no/ /rjes su shes pa'i spyod yul yang gong ma'i sdug bsngal la sogs pa kho na yin gyi/ bshad ma thag pa ni spyod yul ma yin no/ /zag pa med pa'i
 shes pa'i spyod yul ni nam mkha' dang so sor brtags pa ma yin pas 'gog pa ma yin te/ bden pa dag gi nang du ma 'dus pa'i phyir ro/ /de dag la dmigs pa'i phyir ro zhes bya ba ni/ sdug bsngal la sogs pa la dmigs pa'i phyir ro/ /ji
 ltar zhe na/ sdug bsngal la dmigs pa'i shes pa ni sdug bsngal shes pa ste/ gzhan la yang de dang 'dra'o/ /chos dang rjes su shes pa bzhi po de dag kho na zhes bya ba la/ ji ltar chos dang ?? shes pa rnam pa bzhi yin zhe na/ bden pa
 bzhi la dmigs pa'i bye drag gis so/ /dang po skyes pa ni zhes bya ba ni zad pa dang mi skye bar shes pa rgyun chags par 'jug pa dag bden pa bde la dmigs pa'i phyir te/ zad pa dang mi skye ba shes pa dang po skyes pa gang
 yin pa de dag ni sdug bsngal lam kun 'byung la rjes su shes pa yin no/ /'gog pa dang lam la rjes su shes pa ci'i phyir ma yin zhe na/ de'i phyir srid pa'i rtse mo pa'i phung po la sdug bsngal lam kun 'byung ba la rjes su shes pa'i rnam par
 dmigs pa'i phyir ro zhes bya ba smros te/ dper na dug gi mdas bsnun cing shi ba'i yan lag thams cad la khyab ste/ 'chi ba'i tshe rma'i phyogs kho nar gnas kyi gzhan du ni ma yin pa de ba zhin du rnal 'byor pa 'di'i shes pa yang
 spang bar bya ba srid pa'i rtse mo pa'i phung po'i mtshan nyid can kho na la gnas so/ /gang gi phyir na nges kyi phyis 'di'i srid pa'i rtse mo kho na spor ba de'i phyir gang gis gnod pa dang gang gis bcings pa de kho na las thar pa ltog mor sems
 pa na 'dug thogs su srid pa'i rtse mo zad pa kho na la dmigs la/ de yang sdug bsngal lam kun 'byung ba yin te/ de'i phyir srid pa'i rtse mo la sdug bsngal lam kun 'byung ba'i rnam par dmigs so/ /rdo rje lta bu'i mjug thogs su
 zad? shes pa 'byung la/ de'i rjes la mi skye ba shes pa 'byung bas de'i phyir 'dri ba ni/ rdo rje lta bu zhes bya ba la sogs pa'o/ /de gnyis dang zhes bya ba ni dang bar skyes pa dag dang zhes bya ba'i don to/ /gal te sdug bsngal
 dang kun 'byung ba la dmigs na ni zhes bya ba rgyas par 'byung ba ni/ rdo rje lta bu bden pa bzhi la dmigs pa yang srid pa'i dbang du byas nas brjod pa ste/ de'i phyir 'di la nges pa med do/ /de nyid kyi phyir 'on te 'gog pa dang
 lam dmigs pa zhig yin na ni zhes bya ba smos te/ 'di ltar dang po ni sdug bsngal dang kun 'byung ba la rjes su shes pa gnyis yin gyi 'gog pa dang lam la rjes su shes pa dag ni ma yin no/ /bzhi las pha rol sems rig pa zhes bya ba ni
 gzhan gyi sems shes pa ni zag pa dang bcas pa dang zag pa med pa la dmigs pa ste/ de la zag pa dang bcas pa la dmigs pa gang yin pa de ni kun rdzob shes pa'i bdag nyid can no/ /zag pa med pa la dmigs pa gang yin
 pa de ni lam dang chos dang rjes su shes pa gsum gyi bdag nyid can no/ /gal te chos dang rjes su shes pa las ma gtogs par lam shes pa yod pa ma yin pas gzhan gyi sems shes pa gsum kho na las brjod par bya ba ma yin
 nam zhe na/ 'di de lta yin med kyi chos dang rjes su shes pa gang gis gzhan gyi sems dang sems las byung ba zag pa med pa shes pa de lam shes pa yin par rig par bya'o/ /sdug bsngal dang kun 'byung ba shes pa ni ma
 yin no zhes gzhan gyi sems shes pa skal ba mnyam pa'i yul can nyid du shes par bya ba'i phyir de skad brjod do/ /zag pa med pas zag pa dang bcas pa shes pa ni ma yin te/ 'di'i ngos pa ni de yin no/ /dbang po 'das pa zhes
 bya ba ni dad pas mos pa'i lam gyis mthong bas thob pa mi shes shing dus kyis rnam par grol ba'i lam gyis dus dang mi sbyor bar rnam par grol ba'i lam mi shes pa ste/ dang po 'das pa'i phyir ro/ /'og mas gong ma mi shes pa'o zhes
 bya ba ni phyir mi 'ong ba'i lam gyi dgra bcom pa'i lam mi shes shing/ nyan thos kyi lam gyis rang sangs rgyas kyi lam mi shes so zhes bya ba la sogs pa'o/ /chos rjes blo phyogs phan tshun min zhes bya ba 'byung ste/ de nyid kyi phyir
 chos dang rjes su shes pa'i phyogs dang mthun pa grub po/ /gzhan gyi sems shes pa chos shes pa'i phyogs dang mthun pa ni 'dod pa'i khams kyi gnyen po la dmigs pa yin la/ rjes su shes pa'i phyogs dang
 mthun pa ni gzugs dang gzugs med pa'i gnyen po la dmigs pa yin no/ /de gnyis ni zhes bya ba la/ gzhan gyi sems shes pa chos dang rjes su shes pa'i phyogs dang mthun pa gnyis ni phan tshun rgyas kyis phyogs pas
 phan tshun dmigs pa nyid du mi rung ste/ sa dang nam mkha' la lta ba bzhin no/ /mthong ba'i lam la pha rol gyi sems shes pa med do zhes bya ba ni myur du 'gro ba'i nyid kyis sbyor ba med pa'i phyir la/ de thob pa rnams la yang
 sbyor ba las gzhan gyi sems shes pa mngon du 'gyur ba'i phyir ro/ /de la dmigs pa ni yod do zhes bya ba ni mthong ba'i lam la dmigs pa yod do zhes bya ba'i don te/ /sbyor ba byas nas gzhan gyi sems
 shes pa de la gzhan gyi sems shes pa mthong ba'i la dmigs pa nyid 'byung ngo/ /nyan thos mthong ba'i skad cig gnyis/ rig ste zhes bya ba 'byung ngo/ /de ji srid de la sbyor ba rtsom pa zhes bya ba ni rjes su shes pa'i phyogs
 dang ma thun pa de la ste/ de la zhes bya ba ni de'i ched du zhes bya ba'i don gang yin ba'o/ /brgyad pa kun 'byung ba la rjes su shes pa dang/ zhes bya ba ni sdug bsngal ba mi rtag pa la sogs pa'i rnam pa skad cig ma bzhi dang/ kun 'byung
 la kun 'byung la soD pa'i rnam pa can bzhi yin pas do'i phyir brgyad ces bya'o/ /sbyor ba chung ba'i phyir ro zhes bya ba 'byung ngo/ /nyan thos kyang sbyor ba chung ba yin te/ de la ni rjes su shes pa'i phyogs dang mthun pa'o sbyor ba nyid ma srid pa/
 sbyor ba med par zhes bya ba la/ sbyor ba mi mnga' bar yon tan thams cad mngon du 'gyur ba'i phyir thugs kyi dbang phyugs bcom ldan 'das kyis mthong ba'i lam gyi skad cig thams cad par med par mkhyen te/ grangs med pa gsum
 du tshad med pa'i chogs kyis bsags pa'i ye shes kyi nus mthu de ni bsam gyis mi khyab pa nyid do/ /chos dang rjes su shes pa rnam pa bzhi ni zad pa dang mi skye ba shes pa dag yin no zhes bshad na/ de gnyis la dbye ba ma mthong bas/
 yang zad pa shes pa dang mi skye ba shes pa dag khyad par ci yod ces bya ba dris te/ de'i phyir zad pa shes pa bden rnams la/ zhes bya ba rgyas par smos so/ /ji ltar na zag pa med pa shes pas de de ltar shes zhes bya ba ni zag pa med pa
 shes pa bcu drug pa'o/ /zhes bya ba'i nges pa yongs su bzung nas smras pa'o/ /de'i rjes la langs pas zhes bya ba rgyas par 'byung ste/ zag pa med pa'i shes pas ni de ltar mi shes te/ rnam par rtog pa med pa'i phyir ro/ /zag pa med
 pa'i shes pa las langs pa la rnam par rtog pa 'di dag skye ste de'i rjes la de skye ba'i skabs yod pa'i phyir ro/ /de ni zad pa dang mi skye ba shes pa gnyis kyi skyes bu byed pa'i 'bras bu yin te/ kun rdzob shes pa ni de dag gi stobs
 kyis thob pa'i phyir ro/ /de'i phyir bstan bcos las de'i bye brag gis de gnyis kyis bye brag bstan to/ /de'i bye brag gis zhes bya ba ni kun rdzob shes pa skyes bu byed pa'i 'bras bu de'i bye brag gis so/ /de la zad pa shes pa'i skyes bu
 byed pa'i 'bras bu ni bdag gi sdug bsngal yongs su shes so zhes bya ba nas lam bsgoms so zhes bya ba'i bar ro/ /mi skye ba shes pa'i skyes bu byed pa'i 'bras bu ni bdag gi sdug bsngal yongs su shes te/ yang yongs su shes par
 byar med do zhes bya ba nas bdag gis lam bsgoms te yang bsgom du med do zhes bya ba'i bar ro/ /de gnyis kyi bye brag zhes bya ba ni zad pa shes pa dang mi skye ba shes pa gnyis kyi ste/ 'bras bu'i
 bye brag ni rgyu'i bye brag le 'khrug pa med pa'i phyir ro/ /zag pa med pas kyang de ltar shes te zhes bya ba ni gang dag rnam pa bcu drug las ma gtogs pa'i zag pa med pa yang 'dod pa de dag 'di skad du zag pa med pas kyang de ltar
 shes te zhes zer ro/ /gal te de lta na zad dang mi skye blo lta min zhes bya ba de dang 'gal lo zhe na/ de'i phyir 'gal ba spangs pa'i phyir mthong ba smos pa ni zhes bya ba rgyas par 'byung ste/ sdug bsngal la chos shes pa la sogs pa
 dag la mthong ba dang/ rig pa dang blo zhes 'das par 'gyur la/ de'i mjug thogs su 'di gnyis kyang bstan pas/ sngar gyi 'phangs pa las dge slong dag gis nga ltar 'dir yang mthong ba yin zhes 'don pa yin te de'i
 phyir 'gal ba med do/ /yang na mngon sum du 'jug pa'i phyir ro zhes bya ba la ci zhe na/ zad pa dang me skye ba shes pa dag la mthong bar smos so/ /dper na gzugs mthong ba mngon sum du 'jug pa yin gyi/ rjes su dpag pa las
 byung ba 'am/ yid ches pa'i lung las byung ba ma yin pas de bzhin du zad pa shes pa dang/ mi skye ba shes pa yang mngon sum 'jug pa yin gyi/ rjes su dpag pa las byung ba 'am/ yid ches pa'i lung las byung ba ni
 ma yin te/ mthong ba dang chos mthun pas mjod par bshad do zhes bstan te/ de'i rjes kyi dbang du byas nas mthong bsmos pa ni 'gal ba med kyi/ zag pa med pas kyang de ltar shes te/ zhes gang smras pa'i phyogs de la
 mthong ba smos pa 'gal ba yin no/ /de'i lan ni de yin no/ /de nyid kyi phyir zhes bya ba ni mngon sum du 'jug pa de nyid kyi phyir zhes bya ba'i don to/ /yang gang las 'byung zhe na/ bstan bcos la so/ /de la zhes bya ba ni shes pa bcu dag la'o/ /kun rdzob
 shes pa ni shes pa gcig yin la zhes bya ba ni shes pa bcu po de dag gis dbang du byas te/ rang gi mtshan nyid la bltos nas kun rdzob shes pa gcig yin no/ /gcig gi cha yang yin no zhes bya ba ni cha shas yin pa ste/ de'i pha rol gyi
 sems shes pa las rnam par bzhag pa yin pa'i phyir ro/ /gang gis gzhan gyis sems dang sems las byung ba zag pa dang bcas pa shes pa gzhan gyi sems shes pa de ni zag pa dang bcas pa'i phyir kun rdzob shes pa yin no/ /chos
 shes pa ni shes pa bcu'i dbang du byas te/ shes pa gcig yin no/ /bdun gyi cha yang yin te zhes bya ba ni sdug bsngal dang kun 'byung ba dang/ 'gog pa dang lam dang gzhan gyi sems dang zad pa dang mi skye ba shes pa rnams kyi'o/ /de ni
 de dag gi cha 'dod pa'i sdug bsngal la sogs pa'i spyod yul can gang yin pa ste/ chos shes pa'i mtshan nyid yin pa'i phyir ro/ /rjes su shes pa dang de dang 'dra'o zhes bya ba ni shes pa bcu'i dbang du byas te rang gi mtshan nyid la bltos nas rjes su
 shes pa shes pa gcig yin la/ ji skad bshad pa bdun gyi ni cha yin no/ /de ni gong ma'i sdug bsngal la sogs pa'i spyod yul can te/ rjes su shes pa'i mtshan nyid yin pa'i phyir ro/ /sdug bsngal shes pa ni shes la gcig yin la/ bzhi'i
 cha yang yin te zhes bya ba ni chos dang rjos dang/ zad pa dang mi skye ba shes pa rnams kyi ste/ sdug bsngal gyi bden pa la dmigs pa gang yin pa'o/ /'dis ni kun 'byung dang 'gog pa shes pa yang bshad/ ji skad bshad pa rnams kho na'i
 cha kun 'byung ba la dmigs pa dang 'gog pa la dmigs pa gang yin pa'o/ /lam shes pa ni shes pa gcig yin la/ lda'i cha yang yin no zhes bya ba ni chos dang rjes dang zad pa dang/ mi skye ba dang gzhan gyi sems
 shes pa rnams kyi cha lam gyi bden pa la dmigs pa gang yin pa ste/ lam gyi mtshan nyid yin pa'i phyir ro/ /gzhan gyi sems shes pa ni shes pa gcig yin la/ bzhi'i cha yang yin no zhes bya ba ni chos dang rjes dang lam dang/ kun rdzob shes
 pa rnams kyi sems dang sems las byung ba la dmigs pa gang yin pa ste/ gang gis gzhan gyi sems dang sems las byung ba rnams shes pa'o/ /zad pa shes pa ni shes pa gcig yin la/ drug gi cha yang yin te zhes bya ba ni
 chos dang rje dang sdug bsngal dang kun 'byung ba dang/ 'gog pa dang lam shes pa rnams kyi ste/ de dag re re zhing slob pa dang mi slob pa nyid du tha dad pa'i phyir na mi slob pa'i cha yin no/ /mi skye bshes pa yang zad pa shes pa ji lta ba
 bzhin du rig par bya'o/ /yang ci'i phyir de dag gsum yod pa zhes bya ba ni chos dang rjes dang kun rdzob shes pa dag go/ bcur rnam par bzhag ces bya ba ni bshad ma thag pa dag go/ rgyu bdun gyis zhes bya ba rgyas par 'byung ste/
 grag ste zhes bya ba'i sgri ni bshad ma thag pa'i tshul kho na legs so zhes bya ba'o/ /zag pa dang bcas pa dang zag pa med pa'i shes pa gnyis kho na rang bzhin dang gnyen po la sogs pa'i rgyu la rten nas gnas skabs de dag tu shes pa'i
 bdag nyid de dang des rnam pa bcur bzhag go/ rang bzhin las ni rang bzhin gyis so/ /kun rdzob kyi shes ba ni kun rdzob shes pa'o/ /ji ltar zhe na de'i phyir don dam pa mi shes pa'i phyir ro zhes bya ba smos so/ /don dam pa'am don dam par
 mi shes pa ni kun rdzob shes pa ste/ tha snyad kyi bdag nyid yin pa'i phyir ro/ /de'i phyir rang bzhin las kun rdzob shes pa de rnam par bzhag gi/ gnyen po dang rnam pa la sogs pa dag las ni ma yin no/ /yang ci'i phyir kun rdzob shes pa chos
 thams cad kyi yul can nyid yin yang don dam shes pa ma yin zhe na/ zag pa dang bcas pa'i phyir ro/ /'dod pa'i khams dang khams gong ma'i gnyen po yin pa'i phyir ro zhes bya ba ni grangs bzhin du chos dang rjes su shes pa gnyis dang sbyar/ /
 chos shes pa ni 'dod pa'i khams mdza' dag gi gnyen po yin no/ /rjes su shes pa khams gong ma'i yin pa yang de dang 'dra'o/ /dmigs pa tha mi dad pa'i phyir ro zhes bya ba ni nye bar len pa'i phung po lnga po de dag nyid sdug bsngal gyi bden pa
 dang/ kun 'byung gi bden pa yin pas/ sdug bsngal dang kun 'byung shes pa dag dmigs pa tha mi dad kyi rnam pa tha dad pa 'ba' zhig tu zad de/ sdug bsngal dang kun 'byung ba la sogs pa'i rnam pa'i bye brag gis tha dad pa'i phyir/ /rnam
 pa dang dmigs pa tha dad pa'i phyir ro zhes bya ba ni 'gog pa dang lam gyi bden pa dag ni 'dus byas dang 'dus ma byas yin pa'i phyir de la dmigs pa tha dad pa yang yod do/ /sbyor ba las ni gzhan gyi sems shes pa ste zhes bya ba la/ de ni gzhan
 gyi sems shes par bya'o snyam du de ltar sbyor te/ gzhan gyi sems shes pas ni sems dang sems las byung ba rnams kyang shes so/ /de'i phyir de ni sbyor ba kho na las rnam par gzhag gis dmigs pa las ni ma yin no/ /bya ba byas pa las
 zhes bya ba ni/ bya ba byas pa nyid kyi phyir ni zhes bya ba'i don te/ 'bras bu thams cad kyi mthar pa la gdon mi za par 'byung ba'i phyir ro/ /dang po nyid du zhes bya ba ni mi skye ba shes pa las khyad par du byed pa ste/ de yang bya ba byas pa la skye ba
 yin no/ /zag pa med pa'i shes pa thams cad kyi rgyu can no zhes bya ba ni zag pa med pa'i shes pa sngar skyes pa thams cad de'i skal ba mnyam pa'i rgyu yin gyi mi skye ba shes pa ni zad pa shes pa'i rgyu ma yin te/ dman
 pa'i phyir thams cad thams cad kyi gnyen po yin pa'i phyir zhes bya ba la/ 'dod pa'i khams mthong ba dang bsgom pas spang par bya bas bsdus pa'i rnam pa lnga po thams cad kyi gnyen po nyid du chos shes pa mthong ba dang bsgom pa'i lam gyis
 bsdus pa thams cad bstan pas/ de'i phyir gzhan ril ma yin pa'i gnyen po ril gzhan ma yin no/ /zhes bya ba 'di khas blangs par 'gyur ba de bstan pa'i phyir/ gzhan yang bsgom pa'i lam la 'gog pa 'am zhes bya ba rgya cher smos so/ /bsgom pas
 spang par bya ba khams gsum pa rnams kyi yang spong pa'i gnyen po yin la mthong bas spang bar bya ba 'dod pa na spyod pa rnams kyi ni gzhi'i gnyen po'o/ /'gog pa dang lam la chos shes pa dag ni khams su gtogs pa ma yin pa dmigs pa yin te/ de'i phyir
 khams gsum gyi gnyen po yin no/ /sdug bsngal dang kun 'byung ba shes pa dag gis ni gzugs dang gzugs med pa las 'dod chags dang bral bar mi rung ste/ rnam par sun 'byin pa yid la byed pa yin pa'i phyir ro/ /gzhan sun 'byed pa na
 gzhan la 'dod chags dang bral ba ni mi rigs so 'gog pa dang lam la chos shes pa dag ni mi ldan pa la dmigs pa'i phyir/ rang gi yul la bya ba byas pa yin dang gzhan gyi yul la yang 'jug go/ /gzhan dag ni ma yin na/ /'dod pa'i khams
 kyi rjes ma yin zhes bya ba la/ gal te 'gog pa dang lam la chos shes pa ma ldan pa la dmigs pa'i phyir/ gzugs dang gzugs med pa'i gnyen po yin na/ de lta na rjes su shes pa yang 'dod pa'i khams kyi gnyen por 'dod par bya dgos
 so zhe na/ de ni de lta ma yin te/ shes pa rnams ni rna ba yin pa'i phyir rang gi yul la bya ba byas te/ gzhan gyi yul la bya ba dag byed pa yin la/ gong na bsgom pas spang bar bya ba lhag ma dang bcas pa'i phyir /gnyen por rig na/ rjes su shes pa la ni
 'dod pa'i khams na bya ba cung zad kyang yod pa ma yin te/ chos shes pas bya ba thams cad yongs su rdzogs par byas zin pa'i phyir ro/ /skal ba mi mnyam pa'i khams kun tu 'gro ba rnams gong ma'i yul can yin pa'i phyir ro/ /chos shes
 ba la ni yul gzhom par bya ba la bya ba yod de/ dgra pham par bya ba'i phyir de mngon par 'dod pa'i gnas 'joms pa bzhin no/ /mthong ba'i lam gyis bsdus pa 'am bsgom pa'i lam gyi bsdus pa yang rung ste/ 'dod pa'i khams
 gyi gnyen po rjes su shes pa ni rnam pa thams cad du med pas rnam pa thams cad du med pa zhes bya ba smos so/ /yang shes pa bcu po 'di dag las shes pa gang zhig rnam pa du dag tu 'byung zhe na/ de la chos shes pa dang rjes su shes pa ni rnam pa
 bcu drug ste/ bden pa bzhi la dmigs pa nyid kyis bden pa re re la rnam pa bzhi bzhi yin pa'i phyir ro/ /de dag ni 'og nas zhes bya ba la/ mi rtag pa la sogs pa'i rnam pa de dag ni 'og nas rdzas su rnam pa bcu drug go zhes bya ba der bshad par
 bya'o kun rdzob shes pa ni rnam pa bcu drug can yang yin la/ gzhan gyi rnam pa can yang yin te zhes bya ba 'byung ste/ de la rnam pa bcu drug can ni dro bar gyur pa dang/ rtse mo dang bzod pa la sogs pa dag na'o/ /gzhan gyi rnam pa
 can ni mi sdug pa dang dbugs thub pa dang 'byung ba dag dang/ byams pa la sogs pa dag ni kun rdzob shes pa rnam pa du ma can no/ /de nyid la rgyu chos thams cad gyi rang dang spyi'i mtshan nyid la sogs pa 'dzin pa'i phyir ro zhes bya ba
 la sogs pa smos te/ rang gi mtshan nyid 'dzin pa'i phyir dang/ spyi'i mtshan nyid 'dzin pa'i phyir ro/ /sogs pa zhes bya ba'i sgra ni bum pa dang/ snam bu la sogs pa dag bsdus te/ bum pa dang snam bu la sogs
 pa dag ni chos rnams kyi rang gi mtshan nyid kyang ma yin la spyi'i mtshan nyid kyang ma yin no/ /gzhan gyi yid shes dri med kyang/ de bzhin zhes bya ba la/ ji ltar shes pa bzhi po 'di dag re re zhing rnam pa bzhi bzhi yin pa de bzhin du bzhan
 gyis sems shes pa zag pa med pa yang rang gi bden pa'i rnam pa dag gis rnam pa bzhi can yin no/ /lam shes pa yin no zhes bya ba ni lam gyi nang du gtogs pa'i shes pa ste/ lam shes pa'i phyogs gcig yin zhes bya ba'i tha tshig
 go/ gnyi ga yang rdzas re re zhig spyod yul lo zhes bya ba la sems dang sems las byung ba de dag gi rang gi mtshan nyid ni lam la sogs pa nyid yin zhing/ de dag gi yul can gzhan gyi sems shes pa yang rdzas re re'i spyod
 yul can yin pa'i phyir/ rang gi mtshan nyid kyi yul can yin yang rnam pa bzhi can zhes bya ste/ dper na gzhan gyi sems shes pa chags pa la sogs pa'i yul can lta bu'o/ /chags pa la sogs pa nyid sems las byung
 ba rnams kyi spyi'i mtshan nyid yin mod kyi/ de lta na yang rdzas re re'i spyod yul can yin pa'i phyir/ shes bya rang gi mtshan nyid kyi rnam pa can zhes bya'i/ spyi'i rnam pa can ni ma yin no/ /'o na bcom ldan 'das kyis 'dod chags dang
 bcas pa'i sems la yang 'dod chags dang bcas pa'i sems zhes byar yang dag par ji lta ba bzhin du rab tu shes so/ /de bzhin du 'dod chags dang bral ba dang/ zhe sdang dang bcas pa dang/ zhe sdang dang bral ba dang
 gti mug dang bcas pa dang/ gti mug dang bral ba dang/ kun bsdus pa dang/ rnam par g.yengs pa dang/ zhum pa dang/ rab tu bzung ba dang/ chung du dang/ chen por gyur pa dang/ nye bar ma zhi ba dang/ nye bar zhi ba dang/ rgod pa dang/ rgod pa ma
 yin pa dang/ mnyam par ma bzhag pa dang/ mnyam par bzhag pa dang/ ma bsgoms pa dang/ bsgoms pa dang/ rnam par ma grol ba dang/ rnam par grol ba'o zhes gsungs na/ gal te de 'dod chags dang bcas pa 'dzin pa med na/
 ji ltar 'dod chags dang bcas pa'o snyam du shes/ ci ste de 'dod chags dang bcas par 'dzin na ni rdzas re re zhig spyod yul lo zhes bya ba 'di ji ltar mi 'gal zhe na/ gos dang dri ma cig car du mi 'dzin pa bzhin no zhes bya ba 'byung ste/ gos dang
 dri ma ni cig car du 'dzin pa ma yin te/ gang gi tshe gos mthong ba de'i tshe dri ma mi 'dzin la/ gang gi tshe dri ma mthong bo de'i tshe gos mi 'dzin no/ /gos dang dri ma cig car mi 'dzin pa bzhin zhes bya ba 'di ni yongs su chad pa'i dbang du byas mas
 bshad pa yin no/ /'dod chags dang bcas pa nyid ni rnam pa gnyis te zhes bya ba rgyas par 'byung ngo/ /'dres pa'i 'dod chags dang bcas pa nyid ni mngon du gyur pa las te/ 'dres pa dang mtshungs par ldan pa dang lhan cig skyes
 pa zhes bya ba ni don gcig go/ ldan pa'i 'dod chags dang bcas pa nyid ni theb ba dang 'grel pa las te/ thob pa dang rnyed pa dang ldan pa zhes bya ba ni don gzhan ma yin pa'i phyir ro/ /de la zhes bya ba rgyas par 'byung ste/ de la
 'dod chags dang mtshungs par ldan pa'i sems ni sems gang la 'dod chags mngon du gyur pa las te/ sems de ni 'dres pa'i 'dod chags dang bcas pa dang ldan pa'i 'dod chags dang bcas pa gnyis kyi 'dod chags
 dang bcas so/ /de las gzhan pa zag pa dang bcas pa'i sems ma bsgribs la lung du ma bstan pa dang/ 'jig rten pa'i dge ba ni ldan pa'i 'dod chags dang bcas te/ 'dod chags kyi
 thob pa tsam dang lhan cig pa yin pa'i phyir ro/ /de'i phyir 'di gnyi ga yang 'dod chags dang bcas pa'o zhes bstan par 'gyur ro/ /de ltar na gnas dang kha cig na re 'dir ni 'dod chags dang mtshungs par ldan pa'i sems
 ni 'dod chags dang bcas pa yin gyi/ zag pa dang bcas pa gzhan thob pa tsam dang lhan cig pa ni ma yin la/ 'dod chags kyi gnyen po ni 'dod chags dang bral ba yin no zhes zer ro/ /yang ci'i phyir kha cig gi
 lugs kyis 'dod chags kyi gnyen po la 'dod chags dang bral ba zhes bya'o/ /'dod chags dang mtshungs par mi ldan pa 'dod chags dang bral ba ma yin zhe na/ kha cig ces bya ba de nyid kyis rgyu smras pa/ gal te
 'dod chags dang mtshungs par mi ldan pa sems gang la 'dod chags med cing de'i thob pa 'ba' zhig yod par zad pa de 'dod chags dang bral ba yin na ni nyon mongs pa gzhan dang mtshungs par ldan pa ste/ nyon mongs
 pa khong khro ba la sogs pa dang mtshungs par ldan pa yang yin par 'gyur ro/ /ci'i phyir zhe na/ de yang 'dod chags dang mtshungs par mi ldan pa'i phyir ro/ /mdo las ni zhe sdang la sogs pa dang mtshungs par ldan pa
 la 'dod chags dang bral ba zhes ma gsungs te/ 'o na ci zhe na/ zhe sdang dang bcas pa/ gti mug dang bcas pa zhes gsungs so/ /bdag gi ltar na ni 'dod chags kyi gnyen por gyur pa'i sems zhe sdang la sogs pa
 dag dang mtshungs par mi ldan pas de las gzhan pa'i nyon mongs pa dang mtshungs par ldan pa 'dod chags dang bral ba yin no zhes bya bar mi 'dzin te/ de'i phyir 'di la skyon med do/ /'di la slob dpon gyi skyon gzhan smras pa ni/ gzhan dag
 na re de lta na ni zhes bya ba ste/ gal te 'dod chags dang mtshungs par ldan pa 'dod chags dang bcas pa yin zhing/ 'dod chags kyi gnyen po 'dod chags dang bral ba yin na/ de lta na ni de'i gnyen po ma yin pa'i sems nyon mongs
 pa can ma yin pa 'dod chags dang bcas pa yang ma yin la/ 'dod chags dang bral ba'ang ma yin par 'gyur te/ ma bsgribs la lung du ma bstan pa dang/ bar chad med pa'i lam las gzhan pa'i dge ba ni 'dod chags
 dang mtshungs par mi ldan pa'i phyir 'dod chags dang bcas pa nyid ma yin la/ 'dod chags kyi gnyan po ma yin pa'i phyir 'dod chags dang bral ba ma yin no/ /gang zhig de'i gnyen po ma yin zhe na/ sbyor ba'i lam la sogs
 pa'o/ /sogs pa zhes bya ba'i sgras ni zhe sdang dang bcas pa dang/ gti mug dang bcas pa zhes bya ba der yang 'dra bar thal bar 'gyur bar ston to/ /de bas na 'dir 'dod chags dang ldan pas kyang zhes bya ba ni 'dod chags
 rgyas par 'gyur bas kyang zhes bya ba'i don to/ /kyang zhes bya ba'i sgras ni 'dir 'dod chags dang mtshungs par ldan pa nyid kyis kyang/ 'dod chags dang bcas pa'i sems su 'dod par bya'o/ /de lta na zag pa dang bcas pa dang
 nyon mongs pa can ma yin pa yang 'dod chags dang bcas pa yin no zhes bya bar bsdus par 'gyur ro/ /kun tu bsdus pa ni dmigs pa la mngon par bsdus pa'i phyir dge ba yin no zhes bya ba la/ dge ba'i sems
 ni dmigs pa la mngon par bsdus shing dmigs pa las mi g.yong ba ste/ rnam par mi g.yeng ba dang mtshungs par ldan pa'i phyir ro/ /kun tu bsdus pa ni gnyid dang mtshungs par
 ldan pa yin no/ /zhes bya ba ni dbang po lnga rgyu ba mngon par bsdu pa'i phyir ro/ /rnam par g.yengs pa ni nyon mongs pa can gzhan yin no zhes bya ba ni gnyid dang mtshungs par ldan pa las gzhan pa'i nyon mongs pa can no/ /
 nyon mongs pa can gyi gnyid dang mtshungs par ldan pa'i phyir zhes bya ba la/ sems de ni nyon mongs pa dang mtshungs par ldan pas rnam par g.yengs pa yin zhing/ gnyid dang mtshungs par ldan pas kun/
 tu bsdus par 'gyur na/ gcig la ni 'gal ba nyid rigs pa yang ma yin no/ /bstan bcos las zhes bya ba ni gal te kun tu bsdus pa nyid dang mtshungs par ldan pa yin na ni bstan bcos dang 'gal bar
 'gyur ro zhes bya 'o/ /ji ltar zhe na/ sems kun tu bsdus pa yang dag pa ji lta ba bzhin rab tu shes so zhes bya ba 'byung ste/ rgyas par ni 'grel pa ji lta ba bzhin no/ /ji ltar rjes su shes pa kun tu bsdus
 pa la dmigs par 'gyur te/ 'dod pa'i khams las gong na gnyid med pa'i phyir la/ rjes su shes pa yang gzugs dang gzugs med pa la dmigs pa'i phyir ro/ /lam shes pa yang kun tu bsdus pa'i
 sems la dmigs par mi 'gyur ro/ /ci'i phyir zhe na/ lam shes pa ni lam la dmigs pa yin la gnyid ni gcig tu zag pa dang bcas pa yin pa'i phyir ro/ /lam gyis bsdus pa'i sems ni gnyid dang
 mtshungs par ldan pa yang ma yin no/ /kun tu bsdus pa ni dmigs pa la mngon par bsdu pa'i phyir zhes sngar ji skad du bshad pa ltar na ni ji skad smras pa'i skyon med de/ de ni nyon mongs pa can gyi gnyid dang mtshungs par mi ldan pas
 bsdus pa yin la/ rnam par g.yengs pa yang yin par mi 'gyur ro/ /bstan bcos dang 'gal ba yang med de/ kun tu bsdus pa'i sems dge ba ni sems gsum gyis bsdus pa dang/ ma bsdus pa yin pa'i phyir kun tu
 bsdus pa'i sems kyis shes pa de ni shes pa bzhi yin no zhes bya bar grub ste/ gzugs dang gzugs med pa'i kun tu bsdus pa'i sems dge ba la dmigs pa ni rjes su shes pa yin la/ zag pa med pa'i shes pa dge ba'i
 sems la dmigs pa lam gyi bden pas bsdus pa ni lam shes pa yin no/ /le lo dang mtshungs par ldan pa'i phyir zhes bya ba ni de mngon par mi spo ba'i ngo bo yin pa'i phyir ro/ /rab tu gzung ba ni brtson 'grus dang mtshungs
 par ldan pa ste/ rab tu bzung ba ni brtson 'grus kyi rnam grangs yin pa'i phyir ro/ /rnam par byang ba chung du dag gis bsten pa'i phyir zhes bya ba la/ gang dag la rnam par byang ba chung du yod pa'i lus can de dag ni rnam par byad pa
 chung du dag yin no/ /chung du ni cung zad do/ /rnam par byang ba ni dag pa'o/ /'dir ni dge ba'i rtsa ba dag rnam par byang ba yin par 'dod de/ ngo bo nyid kyi dge bas dag pa yin pa'i phyir ro/ /de'i phyir de ltar na dge ba'i rtsa ba chung du
 dag gis bsten pa'i phyir/ zhes bstan par 'gyur ro/ /chen por gyur pa ni de las bzlog pa yin pa'i phyir dge ba yin no zhes bya ba ni rnam par byang ba chen po dag gis rten pa'i phyir zhes bstan pa yin no/ /gzhan yang go rim
 bzhin du rtsa ba dang/ rin dang 'khor dang rjes su 'brang ba dang/ stobs chung ba dang che ba'i phyir yang chung ngu dang chen por gyur pa yin no/ /de nyid bstan pa'i phyir/ nyon mongs pa can ni mi dge ba'i rtsa ba
 gnyis kyi rtsa ba dang bcas pa yin no/ /zhes bya ba smos te/ nyon mongs pa can ni 'dod chags dang/ zhe sdang gnyis la mtshungs par ldan pa med pas de gnyis gang yang rung ba zhig dang gti mug mi dge ba'i rtsa bas rtsa
 ba dang bcas pa yin no/ /dge ba ni dge ba'i rtsa ba gsum gyis so zhes bya ba ni ma chags pa dang zhe sdang med pa dang/ gti mug med pa rnams phan tshun mi 'khrul pa'i phyir ro/ /'bad bas bsgrub par bya ba ma yin pa'i phyir
 zhes bya ba ni mi 'dod pa bzhin du yang nyon mongs pa 'byung ba'i phyir/ tshogs chen pos bsgrub par bya ba yin pa'i phyir ro/ /zhes bya ba ni dam pa'i ches dang tshul bzhin yid la byed pa dang/ don gyi bsgrub pa la sogs
 pa dag gis bsgrub par bya ba yin pa'i phyir ro/ /nyon mongs pa can ni de dang 'dra ba ma 'ongs pa 'thob pa med pa'i phyir zhes bya ba ni de dang 'dra ba ma 'ongs pa thob pa med pa'i phyir te/ lugs las chos dge ba 'dus byas
 'thob pa yin no zhes 'byung ba'i phyir ro/ /phung po gsum gyi rjes su 'brang ba dang bcas pa yin no zhes bya ba ni tshor ba dang/ 'du shes dang/ 'du byed kyis phung po dag gi so/ /rnam par shes pa'i phung po dag gis rjes su
 'brang ba dang bcas pa ni ma yin te/ rnam par shes pa de nyid rnam par shes pa'i 'khor yin pa ni mi rigs/ /dge ba ni 'khor mang ba yin la zhes bya ba ni de dang 'dra ba ma 'ongs pa 'thob pa dang mngon par
 'brel pa'i phyir ro/ /phung po bzhi rjes su 'brang ba dang bcas pa yin no zhes bya ba ni gzugs dang/ tshor ba dang/ 'du shes dang/ 'du byed dag gis te/ bsam gtan dang/ zag pa med pa'i sdom pa'i gzugs ni sems kyi rjes su 'jug pa yin no/ /yang
 nyon mongs pa can ni stobs chung ba yin no zhes bya ba 'byung ngo/ /dge ba de yang log par lta ba'i skad cig ma gcig gis tshul khrims la sogs pa dge ba'i phung po lnga 'joms pa'i phyir stebs chung ba ma yin zhe na/ de ni gtan 'chad pa ma yin
 te/ yang mtshams sbyor ba'i phyir ro/ /de nyid kyi phyir gtan du 'joms par byed pas zhes bya ba smos te/ mthong ba'i lam las yongs su nyams pa med pa'i phyir ro/ /de'i phyir yang ste/ rtsa ba dang/ rin dang/ 'khor dang/ rjes su 'brang ba dang/ stobs che
 chung gi phyir yang chung ngu ni nyon mongs pa can yin la chen por gyur pa ni dge ba yin no/ /de'i gnyen po yin pa'i phyir zhes bya ba ni/ rgod pa'i gnyen po yin pa'i phyir ro/ /rnam par ma zhi ba dang zhes bya ba ni/ rgod pa dang mtshungs par ldan pa'i phyir
 nyon mongs pa can yin no/ /rnam par zhi ba ni dge ba'o/ /de'i gnyen po yin pa'i phyir zhes bya ba ni rnam par g.yeng ba'i gnyen po yin pa'i phyir zhes bya ba'i don to/ /'thob pa dang bsten pa'i bsgom pa dag gis ma bsgoms pa'i phyir zhes bya
 ba la/ nyon mongs pa can ni ma 'ongs pa 'thob pa yang med la/ bsten par 'os pa yang ma yin te/ 'thob dang bstan ces bya ba ni dge ba 'dus byas thob pa'o zhes 'byung ba'i phyir ro/ /bsgoms pa ni de gnyis kyis bsgoms pa'i phyir/ de dge ba yin
 no zhes bya ba ni 'thob pa dang/ bsten pa'i bsgoms pa dag gis zhes bya ba'i don to/ /rang bzhin dang rgyud rnam par grol bdag gis rnam par ma grol pa'i phyir zhes bya ba la/ nyon mongs pa can ni nyon mongs pa'i mtshungs par ldan pa'i phyir rang bzhin rnam
 par grol bas kyang/ rnam par grol ba ma yin la/ so so'i skye bo'i rgyud la skye ba'i phyir rgyud rnam par grol bas kyang rnam par grol ba ma yin no/ /rnam par grol ba ni de gnyis kyis rnam par grol ba'i phyir dge ba yin no zhes
 bya ba ni rang bzhin dang rgyud rnam par grol ba dag gis rnam par grol ba yin pa'i phyir zhes bya ba'i tha tshig ste/ dge ba ni nyon mongs pa dag dang mtshungs par mi ldan pas rang bzhin gyis rnam par grol bas kyang rnam par grol pa yin la/ so so'i
 skye bo dge legs can dang slob pa dang mi slob pa'i rgyud la skye bas kyang rnam par grol ba yin no/ /rmugs pa dang/ gnyid dang lhan cig par gyur cing zhes bya ba ni rmugs pa dang/ gnyid dang mtshungs par ldan pa'o/ /nang du kun tu 'gog pa dang
 lhan cig par 'gyur la zhes bya ba 'di 'chad par byed pa ni lhag mthong dang mtshungs par mi ldan pa yin zhes bya ba'o/ /rjes su g.yengs pa yin zhing zhes bya ba 'di 'chad par byed pa ni rnam par 'phros pa yin no zhes bya ba'o/ /sems de nyid kun tu
 bsdus pa gang yin la zhes bya ba rgyas par 'byung ste/ gal te rmugs pa dang gnyid dang lhan cig par gyur pa la kun tu bsdus pa zhes bya ba ni de lta na nyon mongs pa can gyi gnyid dang mtshungs par ldan pa gnyi ga yin par 'gyur te/ de nyid gnyid dang mtshungs
 par ldan pas kun tu bsdus pa yin la 'dod chags la sogs pa'i nyon mongs pa dang mtshungs par ldan pas rnam par g.yengs par yang thal bar 'gyur ro/ /nyon mongs pa can gnyid dang lhan cig pa rnam par g.yengs pa nyid du dam ma bcas pa'i phyir ro
 zhes bya ba ni/ gnyid dang lhan cig par gyur pa ni nyon mongs pa can dang/ nyon mongs pa can ma yin pa yang rung ste/ thams? cad kun tu bsdus pa yin par dam 'cha'o/ /bstan bcos dang 'gal bar 'gyur zhes kyang bshad pa ma yin nam zhes bya ba
 la/ ji ltar zhe na/ sems kun tu bsdus pa yang dag pa ji lta ba bzhin du rab tu shes so/ /de shes pa'i shes pa ni bzhi ste/ chos shes pa dang/ rjes su shes pa dang/ kun rdzob shes pa dang/ lam shes pa'o zhes bya bar ro/ /bstan bcos
 dang 'gal ba ni bla'i/ mdo dang 'gal ba ni ma yin no zhes bya ba la/ bstan bcos ni mdo'i dbang yin gyi/ mdo ni bstan bcos kyi dbang ma yin te/ bstan bcos la rag pa ma yin no/ /mtshan nyid kyang tha mi dad par bshad pa'i phyir la zhes bya ba la/
 de thams cad nyon mongs pa can du bshad pas nyon mongs pa can nyid mtshan nyid tha mi dad pa yin la/ nyon mongs pa can nyid ni nyon mongs pa'i sa mang po pa rnams dang mtshungs par ldan pa'i phyir ro/ /kun tu bsdus pa dang/ rab tu gzung ba la sogs
 ba'i zhes bya ba la sogs pa zhes bya ba'i sgras ni chen po dang rgod pa ma yin pa dang/ rnam par zhi ba dang/ mnyam par bzhag pa dang/ bsgoms pa dang/ rnam par grol ba rnams bsdus so/ /ji ltar de dag mtshan nyid tha mi dad pa yin zhe na/ thams
 cad dge ba yin no zhes bshad pa'i phyir dge ba nyid ni de dag gi mtshan nyid tha mi dad pa'i phyir la/ de ni dge ba'i sa mang pa'i phyir rnam par g.yengs pa yin no/ /le lo dang mtshungs khyad par yang dag par bstan pa'i phyir la zhes bya ba la/ nyon mongs
 ba can de'i nyes pa ni de'i nyes pa'o/ /de'i nyes pa'i khyad par ni de'i nyes pa'i khyad par te/ de bstan pa ni de'i nyes pa'i khyad par yang dag par bstan pa'o/ /'di ltar sems nyon mongs pa can 'di ni rnam par g.yengs pa dang mtshungs par ldan
 pa'i phyir rnam par g.yengs pa yin no/ /le lo dang mtshungs par ldan pa'i phyir zhum pa yin no/ /zhes bya ba la sogs pa rgyas par brjod par bya'o/ /de bzhin du dge ba'i yang yon tan gyi khyad par yang dag par bstan pas zhes bya ba rgyas bar
 'byung ste/ dge bar mtshungs kyang dmigs pa la mngon par bsdu pa'i phyir ro/ /kun tu bsdu zhes bya ba de lta bu la sogs pa thams cad brjod par bya'o/ /de'i phyir de ltar na nyon mongs pa can nyid du mtshungs shing
 dge ba nyid du mtshungs bzhin du de dag gi khyad par yang dag par bstan pa'i phyir tshig 'di rnams mdo dang 'gal ba ma spangs pa'i phyir zhes bya ba la/ mdo las ni rmugs pa dang gnyid dang lhan cig par 'gyur ba la sems kun tu bsdus par
 bshad kyi dge ba ni ma yin te/ rmugs pa ni nyon mongs pa'i sa mang po pa yin pa'i phyir ro/ /gnyid ni nyon mongs pa can yang yod la/ nyon mongs pa can ma yin pa yang yod do/ /'di ni tshig de dag gi don ma yin te/ don ni nub phyogs
 rnams kyis ji skad smras pa de nyid yin no/ /gal te mdo las sems de nyid zhum pa yang yin la/ de nyid rgod pa yang yin no zhes bya bar bzhed na ni gang gi tshe sems zhum pa dang zhum par dogs pa de'i tshe shin tu sbyangs pa dang/ ting nge 'dzin dang/
 btang snyoms yang dag byang chub kyi yan lag rnams bsgom pa'i dus ma yin no zhes bya ba'i nges pa 'dir mi 'gyur gyi/ 'di skad du/ de'i tshe chos rab tu rnam par 'byed pa dang/ brtson 'grus dang/ dga' ba yang dag byang chub kyi yan
 lag rnams bsgom pa'i dus kyang ma yin no zhes brjod dgos par 'gyur ro/ /ci'i phyir zhe na/ sems zhum pa de nyid rgol ba yin pa'i phyir ro/ /de bzhin du sems rgod pa dang/ rgod par dogs pa de'i tshe chos rab tu rnam par 'byed pa dang
 brtson 'grus dang/ dga' ba yang dag byang chub kyi yan lag rnams bsgom pa'i dus ma yin no zhes bya ba nges par 'dir mi 'gyur gyi 'di skad du/ de'i tshe shin tu sbyangs pa dang/ ting nge 'dzin dang/ btang snyoms yang dag byang chub
 kyi yan lag rnams bsgom pa'i/ dus kyang ma yin zhes brjod dgos par 'gyur ro/ /ci'i phyir zhe na/ sems rgod pa de nyid zhum pa yin pa'i phyir ro/ /yang ji ltar na bye brag tu smra bas zhum pa gang yin pa de nyid rgod pa yin no zhes smras ce na/ sems
 zhum? pa ni le lo dang mtshungs par ldan pa'i phyir nyon mongs pa can yin no/ /rgod pa ni rgod pa dang mtshungs par ldan pa'i phyir nyon mongs pa can yin no zhes smras pa'i phyir ro/ /le lo dang rgod pa gnyis kyang nyon mos pa'i sa mang po yin pa nyid
 gyis sems thams cad la 'byung ba'i phyir ro/ /'dir dran pa yang dag byang chub kyi yan lag ma smos pa ni dran pa ni kun tu 'gro ba yin pa'i phyir sems gnyig la ma bshad kyang grub pa'i phyir te/ mdo las dran pa ni kun tu song ba yin no
 zhes nga smra'o zhes 'byung ba'i phyir ro/ /ci 'di la byang chub kyi yan lag rnams so sor bsgom pa 'am zhes bya ba ni so so so sor/ sgom pa 'am zhes bya ba'i tha tshig go/ 'di dag yid la byed pa bsgom pa yin par 'dod gyi/ mngon
 sum du 'gyur ba ni ma yin no zhes bya ba smos te/ yid la byed pa ni sbyor ba'i gnas skabs na dmigs par byed pa ste/ de ni so sor mi 'gal lo/ /byang chub kyi yan lag rnams yid la byed pa bsgom bas ni bying ba dang bral bar 'gyur
 la de dang bral bas rgyud nyon mongs pa med pa yin dang/ phyi nas thams cad tshogs pa mngon sum du 'gyur ro/ /'di las le lo lhag pa zhes bya ba rgyas par 'byung ste/ mdo las gang gi tshe sems zhum pa zhes rgyas par gsungs pa der
 ro/ /rgod pa lhag ma ni rgod pa zhes bshad pas 'gal ba med de/ gal te mdo las sems de nyid zhum pa yang yin la de nyid rgod pa yang yod zhes bya bar bzhed na ni gang gi tshe sems zhum pa zhes rgyas par 'gal ba smras pa gang yin pa'o
 de gnyis kyang lhan cig pa yin pa'i phyir zhes bya ba ni/ le lo dang/ rgod pa de gnyis so/ /sems de nyid zhum pa yang yin la/ de nyid rgod pa yang yin no zhes smras te/ le lo dang rgod pa dag ni nyon mongs
 pa'i sa mang po yin pa'i phyir lhan cig 'byung ngo/ /mdo sde pas bsam pa can gyi tshig la ni bzlog pa med kyi/ mdo'i dgongs pa ni le lo lhag pa zhum pa yin la rgod pa lhag pa ni rgod pa'o/ /zhes bya ba 'di ma yin no
 zhes smra ste/ gang gi phyir gang gi tshe sems zhum pa zhes bya ba rgyas par gsungs pa'i phyir ro/ /'dod chags dang ldan pa'i sems thams cad 'dod chags dang bcas pa yin no zhes bshad pa zhes bya ba la/ ji ltar zhe na/ de
 la'ang 'dod chags dang mtshungs par ldan pa'i sems ni gnyis kyi 'dod chags dang bcas pa yin no/ /de las gzhan pa zag pa dang bcas pa ni ldan pa'i 'dod chags dang bcas pas 'dod chags dang bcas pa yin no
 zhes smras pa'i phyir ro/ /slob pa'i zag pa med pa yang 'dod chags dang bcas par 'gyur ro zhes bya ba la/ slob pa rgyun tu zhugs pa'i 'bras bu la zhugs pa la sogs pa'i sems ni mthong ba'i lam dang bsgom pa'i lam
 la gdon mi za bar 'dod chags kyi 'thob pa dang lhan cig pa yin te/ 'dod chags ma spangs pa'i phyir ro/ /gal te 'dod chags kyi dmigs pa yin no zhe na ni/ zhes bya ba ni sems gang zhig 'dod chags kyi dmigs
 pa yin pa de 'dod chags dang ldan pa yin no snyam na ni zhes bya ba ste/ dgra bcom pa'i sems zag pa dang bcas pa yang 'dod chags dang bcas pa zhes bya bar gzung bar 'gyur te/ dgra bcom pa'i 'jig rten pa'i
 sems kyang gzhan gyi 'dod chags kyi dmigs pa yin pas de'i phyir/ de yang 'dod chags dang bcas par 'gyur na 'di 'dod pa yang ma yin no/ /yang na ji ltar de zag pa dang bcas pa yin zhes bya ba ni/ gal te dgra bcom
 pa'i 'jig rten pa'i sems 'dod chags kyi dmigs pa ma yin na'o/ /ji ste nyon mongs pa spyi pa lta ba dang/ the tshom dang ma rig pa rnams kyi dmigs pa yin pa'i phyir zag pa dang bcas pa'o zhes bya bar 'dod na/ de
 lta na yang gzhan gyi sems shes pas gti mug dang bcas par bzung bar 'gyur te/ dgra bcom pa'i sems zag pa dang bcas pa ni gti mug gyi dmigs pa yin pa'i phyir ro/ /gti mug kyang nyon mongs pa spyi pa yin
 pas/ dgra bcom pa'i sems gzhan gyi gti mug gi dmigs pa yin no/ /gzhan gyi sems shes pa ni 'thob pa la dmigs pa yang ma yin te/ sems dang sems las byung ba la dmigs pa'i phyir dang/ 'thob pa
 yang mi ldan pa yin pa'i phyir ro/ /sems de la dmigs pa'i 'dod chags la dmigs pa can yang ma yin no zhes bya ba la/ de la zhes bya ba ni gzhan gyi sems dang sbyar ro/ /'dod chags gang la sems de dmigs par
 yod pa ni/ sems de la dmigs pa'o/ /gang la sems la dmigs pa'i 'dod chags yod pa de ni sems de la dmigs pa'i 'dod chags la dmigs pa can no/ /gang zhe na/ gzhan gyi sems shes pa'o/ /ma yin no zhes
 bya ba ni de bkag pa yin no/ /ci zhig bstan par 'gyur zhe na/ gzhan gyi sems tsam zhig shes kyi/ de la dmigs pa'i 'dod chags ni ma shes te/ rdzas re re zhig gi spyod yul yin pa'i phyir ro/ /de bas na
 'dir 'dod chags dang ldan pas zhes bya ba rgyas par 'byung ste/ gang gi phyir slob pa'i sems zag pa med pa dang mi slob pa'i zag pa dang bcas pa 'dod chags dang bcas par 'gyur ba dang/
 gzhan gyi sems shes pa ni 'thob ba la dmigs pa ma yin pa dang/ de la dmigs pa'i 'dod chags la dmigs pa can yang ma yin pa de'i phyir 'dod chags dang ldan pas ma yin gyi/ 'o na ci zhe na/
 'dod chags dang mtshungs par ldan pa'i sems ni 'dod chags dang bcas pa yin la/ 'dod chags kyi 'thob pa yod kyang/ 'dod chags dang mtshungs par mi ldan pa'i sems ni 'dod chags
 dang bral ba yin pa'i phyir dang/ mdo'i dgongs pa ni zhes bya ba ni/ mdo'i don gzhan mi srid pa'i phyir ro/ /der ni de'i 'thob pa dang bral ba las dgongs te gsungs pa yin no zhes bya ba ni/ 'dod chags
 la sogs pa'i 'thob pa bral ba la dgongs te gsungs kyi mtshungs par ldan pa tsam ni ma yin no zhes bstan pa ste/ 'dod pa'i srid pa dang/ gzugs kyi srid pa dang/ gzugs med pa'i srid par
 phyir mi ldog pa'i chos can yin zhes bya ba'i tshig gzhan dang/ nyes pas khams gsum gyi 'dod chags dang bral bar bstan pa'i phyir ro snyam du bsam pa yin no/ /bshad pa ma yin nam zhes bya ba rgyas
 par 'byung ba la/ gang du bshad ce na/ kha cig na re mdo 'dir ni zhes bya ba nas/ gal te 'dod chags dang mtshungs par mi ldan pa 'dod chags dang bral ba yin na ni/ nyon mongs pa gzhan dang mtshungs
 par ldan pa yang yin par 'gyur ro zhes zer ba der bshad do/ /dgongs pa 'dis na nyes pa med de zhes bya ba dgongs pa gang gis zhe na/ de'i phyir 'dod chags dang bral ba zhes bya ba rgyas par smos te/ sogs pa zhes
 bya ba'i sgras ni/ mdo ji lta ba bzhin du kun tu bsdus pa dang rnam par g.yongs pa zhes bya ba la sogs pa bsdu'o/ /de lta ma yin na de gzugs la dmigs par yang 'gyur la zhes bya ba ni gal te gzugs la sogs
 pa'i dngos po che ge mo zhig la chags so zhes bya ba shes na'o/ /de lta yin dang gzhan gyi sems shes par mi 'gyur te/ gzugs la dmigs pa'i phyir ro/ /de la dmigs pa'i pha rol gyi sems 'dzin pa na zhes bya ba
 ni/ gzhan gyi sems la dmigs pa'i sems 'dzin pa na'o/ /rang gi ngo bo 'dzin par 'gyur ro zhes bya ba ni/ rang gi sems 'dzin par 'gyur ro zhes bya ba'i tha tshig go /rang gi ngo bo 'dzin pa ni mi rigs te/ rang gi bdag
 nyid la byed pa 'gal ba'i phyir ro/ /ji ltar rang gi ngo bo 'dzin par 'gyur zhe na/ gzhan gyi sems rig pa zhig gis gang gi sems pa des kyang gzhan gyi sems shes pa de'i sems la dmigs pa gang yin pa 'di ni srid pa yin te/ gnyi ga yang gzhan
 gyi sems rig pa yin pa'i phyir ro/ /gzhan gyi sems shes pa zag pa med pa yang sdug bsngal la sogs pa la dmigs par 'gyur la/ de'i phyir stong pa nyid dang/ mtshan ma med pa dang ldan par yang 'gyur na/
 'dod pa ni ma yin no/ /gzhan gyi shes pa thams cad ni zhes bya ba ni/ zag pa dang bcas pa 'am zag pa med pa'o/ /sems dang sems las byung ba dang/ rdzas kyi rang gi mtshan nyid dang zhes bya ba la/ rdzas kyi zhes bya bas
 ni kun rdzob bsal bar bya ba'i phyir ro/ /rang gi mtshan nyid zhes bya ba ni spyi'i mtshan nyid bzlog par bya ba'i phyir ro/ /sems dang sems las byung ba zhes smos pa ni gzugs la sogs pa rdzas kyi
 rang bzhin rnam par bcad par bya ba'i phyir ro/ /da ltar byung ba zhes smos pa ni sems dang sems las byung ba 'das pa dang/ ma 'ongs pa dag bzlog par bya ba'i phyir ro/ /pha rol gyi rgyud ces bya ba smos pa ni/ rang gi rgyud kyi sems
 dang sems las byung ba bsal bar bya ba'i phyir ro/ /'dod pa dang gzugs dang ldan pa zhes smos pa ni gzugs med pa dang ldan pa'i sems bzlog par bya ba'i phyir te/ de dag ni sa 'das pa gzhan gyi sems shes pa'i yul ma
 yin no/ /mthong ba'i lam bkag pa dang zhes bya ba ni/ mthong ba'i lam la gnas pa na gzhan gyi sems shes par mi byed ste/ sbyor ba mi srid pa'i phyir ro/ /gzhan gyi sems shes pa ni mngon du byed par 'gyur bas rab tu phye ba yin no/ /
 de'i tshe ni mngon du byed par 'gyur ba med la des bsdus pa yang med do/ /ci'i phyir zhe na/ mthong ba'i lam gyis bsdus pa'i sems ni rnam par chad pa'i sems la dmigs pa ma yin te/ mdza' dag la dmigs pa'i phyir ro/ /bsgom
 pa'i lam la dmigs pa zhes bya ba ni de'i tshe mdon du byed pa dang/ des bsdus pa yin no zhes bya ba'i tha tshig go /stong pa nyid dang/ mtshan ma med pa dang mi ldan pa zhes grub bzhin du nges par bya ba'i phyir te/ rnam pa dang dmigs pa tha dang pa'i
 phyir te/ de gnyis ni spyi'i rnam pa can dang 'dus ma byas kyi yul can yin pa'i phyir ro/ /gzhan gyi sems shes pa ni shes bya'i rang gi mtshan nyid sems dang sems las byung ba'i yul can yin pa'i phyir ro/ /ci'i phyir smon pa med pa dang mi ldan 
 pa ma yin zhe na/ 'di ltar gzhan gyi sems shes pa sdug bsngal gyi tshor ba'i rang gi mtshan nyid la dmigs pa ni smon pa med pa dang mthun pa'i phyir ro/ /zad pa dang mi skye ba shes bas ma bsdus pa zhes bya ba la/ gzhan gyi sems shes pa
 ni shes pa bzhis bsdus pa yin te/ de'i? phyir gzhan gyi sems shes pa kun tu rtog pa dang yongs su chal ba'i bsam pa can yin pa'i phyir lta ba'i bdag nyid la de gnyis la lta ba'i bdag nyid ma yin pas de gnyis kyis ma bsdus so/ /
 bar chad med pa'i lam bkag pa zhes bya ba la/ bar chad med pa'i lam ni nyon mongs pa'i gnyen po yin pa'i phyir spong ba'i lam yin la/ gzhan gyi sems shes pa ni rnam par grol ba'i lam yin te/ rnam drug rnam grol blo zhes bya ba
 'byung ba'i phyir ro/ /gzhan dag na re khyad par gyi lam yang yin no zhes zer ro/ /don dam pa dag yin yang kun rdzob la brten pa'i phyir ro zhes bya ba ni/ don dam pa'i rgyu mtshan can nam don dam pa ste/ zad pa dang mi skye ba shes pa dag don dam pa
 yin yang kun rdzob la brten pa'i phyir ro/ /ci zhe na de dag la stong pa dang bdag med pa'i rnam pa dag ma gtogs so zhes bya bar sbyar ro/ /ji ltar 'di dag kun rdzob la brten ce na/ de'i phyir bdag gi skye ba zad do/ /'di la srid pa gzhan mi shes zhes bya ba
 smos te/ go rim bzhin no/ /de dag gi stobs kyi rjes su tha snyad 'dogs pa'i sgo nas zhes bya ba ni kun rdzob la brten pa dang/ zag pa med pa nyid la gtan tshigs smras pa ste/ gang gi phyir zad pa dang mi skye ba shes pa dag gi rjes kyi kun rdzob kyi shes
 pa dag de lta bu'i rnam pa can du 'jug pa de'i phyir de dag gi rjes su skyes pa kun rdzob kyi shes pa dag la de dag kun rdzob la brten pa zhes brjod de/ zad pa dang mi skye ba shes pa dag ni don dam pa las 'jug kyang kun rdzo ba la brten to/ /stong pa dang
 bdag med pa'i rnam pa don dam pa la 'jug pa dag ni don dam pa nyid la brten pas 'di dag zad pa dang mi skye ba shes pas bsdus pa med do/ /ci zag pa med pa zhes bya ba rgyas par 'byung ngo/ /bsam
 pa ci zhig yin zhe na/ ci ji ltar zag pa med pa spyi yid la byed pa rnam pa bcu drug bshad pa de bzhin du zag pa med pa rang gi mtshan nyid kyi rnam pa yang 'ga' zhig yod dam 'on te zag pa med pa spyi'i rnam pa kho na yin zhes
 bya ba'o/ /dogs pa de yang gang las zhe na/ gzhan gyi sems shes pa zag pa med pa'i rang gi mtshan nyid kyi yul can du bshad pa'i phyir/ /dri med bcu drug las gzhan rnams med/ 'di skad bstan par 'gyur te/ gzhan
 zag pa med pa'i spyi'i rnam pa yang med na/ rang gi mtshan nyid kyi rnam pa ltag la yod ces bya ba'o/ /mi ldan pa'i sems kyi zhes bya ba ni zag pa med pas so/ /mi rtag pa dang/ sdug bsngal ba dang zhes bya ba la sogs pa 'byung
 ste/ mi rtag pa ni mi rtag pa zhes bya ste/ ta sil gyi rkyen 'di ni zhes bya ba'i don la sbyar ro/ /rkyen 'di ni thams cad la de bzhin du shes par bya'o/ /yang na mi rtag pa zhes bya ba ni mi rtag pa'i ngo bor ro/ /gzhan
 la yang de bzhin du sbyar bar bya'o/ /'di ni gnas yod do/ /'di ni gzhi yod do/ /zhes bya ba ni 'di gnyis kyang zag pa med pa'i rnam pa yin te/ 'di ni gnas yod do zhes bya ba ni rang gi mtshan nyid yod do zhes bya ba'i
 don to/ /'di ni gzhi yod do zhes bya ba ni 'di ni rgyu yod do zhes bya ba'i tha tshig ste/ gnas dang gzhi'i sgro ni rang gi mtshan nyid dang rgyu'i rnam grangs yin pa'i phyir ro/ /rigs pas skyed pa'i sgo nas shes par 'gyur ro/ /zhes
 bya ba ni phyin ci ma log par shes par 'gyur ro zhes bya ba'i tha tshig go /'di'i don ni nyi 'og pas smras pa gang yin pa 'di ma yin te/ 'o na ci zhe na/ 'di'i don mi rtag pa la sogs par shes par 'gyur ba gang yin pa 'di ni
 gnas yod do 'di ni gzhi yod do zhes bya ba ste/ 'di ni srid pa yod do/ /'di ni go skabs yod do/ /'di ni 'byor pa yod do zhes bya ba 'di yin no/ /gzhi'i sgra ni de ltar shes par 'gyur ba gang yin pa 'di ni rgyu yod do zhes rgyu'i tshig
 kho na yin no/ /gnas ni go skabs yin no zhes bya ni/ 'jig rten la grags pa'i sgo nas/ /gal te 'di bstan bcos kyi don yin par 'gyur na zhes bya ba rgyas par 'byung ngo/ /bdag dang bdag gi zhes bya ba ni 'jig tshogs la lta bas so/ /
 chad pa dang rtag pa zhes bya ba ni mthar 'dzin pa'i lta bas so/ /rgyu med pa dang byed pa med pa dang/ skur pa 'debs pa zhes bya ba ni log par lta bas so/ /mtshog dang/ gtso bo dang/ khyad par du 'phags pa dang/ dam pa zhes bya
 pa ni lta ba mchog tu 'dzin pas so/ /'dag pa dang/ grol ba dang/ nges par 'byin pa zhes bya ba ni tshul khrims dang/ nem? nur dang/ yid gnyis dang the tshom zhes bya ba ni the tshom gyis so/ /chags pa zhes bya ba ni 'dod chags kyis so/ /
 sdad pa zhes bya ba ni zhe sdang gis so/ /rlom pa zhes bya ba ni nga rgyal gyis/ /rmongs pa zhes bya ba ni gti mug gis so/ /de skad kyang mi 'byung ste zhes bya bas ni 'di ni gnas yod do 'di ni gzhi yod de zhes bya ba 'di rnam pa bcu drug ma
 gtogs par zad pa med pa'i rnam pa ma yin par shes par byas par 'gyur ro/ /de lta bas na 'di ni de'i don ma yin no zhes bya ba ni mi rtag pa la sogs par shes par 'gyur ba gang yin pa 'di ni gnas yod 'di ni gzh
 yod do zhes ji skad du smras pa'o/ /de lta yin dang gzhan gyi sems shes pa thams cad rdzas kyi rang gi mtshan nyid kyi yul can du grub bo/ /rdzas su ni bdun yin zhes bya ba ni/ phyin ci log bzhi'i
 gnyen po yin pa'i phyir sdug bsngal gyi rnam pa bzhi rjes su yin zhing/ kun 'byung ba dang/ 'gog pa dang/ lam gyi rnam pa rnams las re re zhig rdzas su yin pa'i phyir ro/ /kun 'byung gi rnam pa thams cad rgyu'i rnam grangs
 yin te/ dper na dbang po dang brgya byin dang grong khyer 'jig ces bya ba dang 'dra'o/ /de bzhin du 'gog pa dang/ lam gyi rnam pa thams cad kyang 'gog pa dang lam zhes bya ba'i rnam grangs yin pas rdzas su bdun
 yin no/ /bye brag tu smra ba rnams ni rdzas su rnam pa bcu drug go zhes brjod de/ sdug bsngal gyi rnam pa bzhin du kun 'byung ba la sogs pa'i rnam pa thams cad kyang so sor sngon du bya dgos pa'i phyir rnam pa rnams ni shes
 rab kyi ngo bo nyid pas so zhes zer ro/ /de la rkyen la rag lus pa'i phyir mi rtag pa'o zhes bya ba ni rgyu la sogs pa rkyen la rag las pa'i phyir te/ rkyen la rag las te/ skye ba'i phyir ro zhes bya ba'i tha tshig go/ gnod pa'i bdag
 nyid yin pa'i phyir sdug bsngal pa'o/ /zhes bya ba ni gnod pa byed pa'i bdag nyid yin pa'i phyir ro/ /bdag gir lta ba'i mi mthun pa'i phyogs kyis stong pa'o zhes bya ba la/ bdag yod na bdag gi bar 'gyur ro/ /bdag
 tu lta ba'i mi mthun pa'i phyogs kyi bdag med pa'o zhes bya ba ni/ gang mi rtag pa de ni sdug bsngal ba'o/ /sdug bsngal ba ni bdag med pa'o zhes bya bas sdug bsngal gyi bden pa ni bdag gi mtshan nyid can ma yin
 la/ bdag med pa'i de la bdag go snyam du mngon par zhen pa ni bdag tu lta ba ste/ de'i gnyen por bdag med pa'o/ /sa bon gyi chos kyi tshul gyis rgyu'o zhes bya bas ni/ rgyu thag ring po'i gnas skabs ston te/ dang po'i sa
 bon lta bu'o/ /sa bon gyi chos kyi tshul gyis zhes bya ba ni/ sa bon gyi chos kyi lugs kyis zhes bya ba'i don to/ /'byung ba'i tshul gyis kun 'byung ba'o zhes bya bas ni/ de ma thag tu skye ba ltar rgyu thag nye ba'i gnas skabs
 ston te/ 'di phrad nas 'byung bas kun 'byung ba'o/ /'brel pa'i tshul gyis rab tu skye ba'o zhes bya bas ni rgyun mi chad pa'i rgyur ston te/ sa bon dang/ myu gu dang/ lo ma dang/ sdong bu la sogs pa ltar 'di las rgyun chags
 pa 'am rab tu skye bas na rab tu skye ba'o/ /mngon par bsgrub pa'i don gyis na rkyen bya bas ni/ rgyu la sogs pa rkyen mang po zhig la skye ba ste/ rkyen rnams phan tshun mngon du phyogs pa las de skye ba'i phyir/ rkyen gcig gis
 skyed pa ni cung zad kyang med do/ /de nyid kyi phyir 'ji ba'i gong bu dang/ thal zhar dang/ 'khor lo dang/ tha gu dang/ chu rnams 'dus pa dper brjod do/ /phung po zhig pa'i phyir 'gog pa'o zhes bya ba ni/ phung po skye ba 'gong
 pa'i don gyis so/ /me gsum zhi ba'i phyir zhes bya ba ni/ 'dod chags dang/ zhe sdang dang/ gti mug gi me zhi ba'i phyir ro/ /'tshe ba med pa'i phyir gya nom pa'o zhes bya ba ni sdug bsngal med pa'i phyir zhes bya ba'i don gang
 yin pa'o/ /skyon thams cad dang bral ba'i phyir nges par 'byung ba'o zhes bya ba la/ skyon ni sdug bsngal gyi rgyu rnams te/ sdug bsngal gyi rgyu thams cad dang bral zhes bya ba'i don to/ /bgrod pa'i don gyis na lam mo
 zhes bya ba ni mya ngan las 'das par bgrod pa'i don gyis so/ /rigs pa dang ldan pa'i phyir/ /rigs pa'o zhes bya ba ni/ 'thad pa dang ldan pa'i phyir zhes bya ba'i don to/ /yang dag par bsgrub
 pa'i don gyis bsgrub pa'o zhes bya ba ni yang dag par 'gro ba'i don gyis na zhes bya ba'i tha tshig go/ shin tu yang dag par 'da' bar byed pa'i phyir nges par 'byin par byed pa'o zhes bya ba ni/ 'bras las nyams pa 'chi ba
 med/ ces 'byung ba'i phyir ro/ /des par 'byung ba'i dgos pa ni nges par 'byin pa ste/ dbang po'i dga' ston bzhin no/ /gtan du ba ma yin pa'i phyir mi rtag pa'o zhes bya ba ni/ sngar na snga na med pas mi rtag par bshad
 la/ da ni zhi gnas med pas mi rtag pa'o zhes ston to/ /khur lta bur gyur pa'i phyir zhes bya ba ni/ khur lta bur gyur pa'i phyir zhes bya ba'i don te/ sdug bsngal gyi gang zag de 'tshir zhing gnon par byed do zhes bya ba'i tha
 tshig go/ 'dod dgur byed pa med pa'i phyir zhes bya ba ni 'di la 'dod dgur byed pa'i ngang tshul yod pas na 'dod dgur byed pa'o/ /'dod dgur byed pa med pa ni 'dod dgur byed pa ma yin pa'o/ /don 'di ni mdo
 las kyang gsungs te/ dge slong dag gal te gzugs bdag yin par 'gyur na/ gzugs bdag nyid la gnod par byed par 'gyur gyi zhes bya ba rgyas par 'byung ngo/ /'ong ba'i tshul gyis rgyu'o zhes bya ba ni/ 'di
 las 'od bas na rgyu ste/ 'di las skye bos na zhes bya ba'i tha tshig go/ 'byung ba'i tshul gyis kun 'byung ba'o zhes bya ba ni/ gang gi phyir ma 'ongs pa'i dus nas bdag nyid du red cing 'byung ba'o/ /'phel ba'i
 tshul gyis rab tu skye ba'o zhes bya ba ste/ dper na sa bon dang/ myu gu dang/ lo ma la sogs pa'i rgyun gyis 'phel ba lta bu'o/ /so sor 'brang ba'i don gyis rkyen to zhes bya ba ni skyed pa'i bya ba la gco? bor gyur pa'o/ /rjes su
 'gro ba'i don gyis zhes bya ba'i tha tshig tu bstan par 'gyur ro/ /'brel pa med pas 'brel pa zhig pa'i phyir 'gog pa'o zhes bya ba ni sdug bsngal phyi ma dang 'brel pa med cing/ sdug bsngal snga ma 'gog pa'i phyir zhes
 bya ba'i don to/ /'dus byas kyi mtshan nyid gsum dang bral ba'i phyir zhes bya ba ni skye ba dang 'jig pa dang gnas pa las gzhan du 'gyur ba nyid dang bral ba'i phyir ro/ /dge ba'i phyir gya nom pa'o zhes bya ba ni/ thar pa
 dam pa'i don du dge zhes bya ba yin pas so yid bstan pa'i mchog yin pa'i phyir nges par 'byung ba'o zhes bya ba ni sdug bsngal thams cad rgyun chad pas mchog tu bde ba'i phyir dang/ de las gzhan yid brtan par
 bya ba med pa'i phyir ro/ /lam ngan pa'i mi mthun pa'i phyogs kyis lam mo zhes bya ba ni/ mya ngan las 'das pa tshol ba'i phyir ro/ /rigs pa ma yin pa'i mi mthun pa'i phyogs kyis rigs pa'o zhes bya ba ni de las gzhan pa
 rigs pa ltar snang ba yin pa'i phyir ro/ /mya ngan las 'das pa'i grod dang mi 'gal ba'i don gyis bsgrub pa'o zhes bya ba ni/ mya ngan las 'das pa'i grong du 'jug pa dang mi 'gal zhing slu bar mi byed pa'o/ /'dis bsgrub
 par byed pas ni sgrub pa'o/ /srid pa thams cad kyi gnyen po yin pa'i phyir/ nges pa 'byin par byed pa'o zhes bya ba ni 'dod pa dang gzugs dang gzuT med pa'i sred pa'i gnyen po yin pa'i phyir te/ 'jig rten pa ni phyogs
 gcig gi gnyen po yin no/ /ji ltar 'dod pa bzhin brjod par bya ste/ zhes bya ba ni slob dpon gyis smos pa'o/ /skye ba dang 'jig pa'i chos can yin pa'i phyir /zhes bya ba ni bdag nyid 'thob pa'i
 sngar ram 'og tu med pa'i phyir ro zhes bya ba'i tha tshig go/ mi mthun pa'i sar gyur pa'i phyir sdug bsngal pa'o zhes bya ba ni/ 'du byed kyi sdug bsngal nyid kyis so/ /bdag dang bral ba'i phyir stong pa'o zhes bya ba ni/ nang gi
 byed pa'i skyes bu dang bral ba'i phyir ro/ /bdag nyid kyis bdag ma yin pa'i phyir bdag med pa'o zhes bya ba ni/ gang mi rtag pa de ni sdug bsngal ba'o/ /gang sdug bsngal ba de ni bdag med pa'o zhes bdag gi mtshan
 nyid med pa'i phyir ro/ /'dun pa'i rtsa ba can zhes bya ba ni dang po'i rgyu'i dbang du mdzad nas 'dun pa'i rgyu can no/ /'dir 'dun pa ni srid pa'i rnam grangs so/ /'dun pa las kun 'byung ba zhes bya ba ni nye ba'i rgyu'i dbang du
 mdzad nas 'dun pa'i rgyu can no/ /'dun pa'i rigs can zhes bya ba ni 'dun pa'i rkyen can no/ /'dun pa las rab tu skye ba zhes bya ba ni/ de ma thag pa'i rgyu'i dbang du mdzad nas so/ /rab tu skye ba zhes bya ba'i sgra tha mar 'don pa
 'ba' zhig tu zad do zhes bya ba ni kun 'byung gi rnam pa bzhi las rab tu skye ba'i rnam pa gsum par 'don cing rkyen gyi rnam pa bzhi par 'don mod kyi/ mdo las bstan par ni rab tu skye ba'i sgra rgyu kun 'byung ba rkyen rab tu
 skye ba zhes phyi nas gdon par bya'o/ /yang 'dun par mtshungs bzhin du 'dun pa 'di dag la khyad par ci yod ce na/ da'o snyam pa ni bye brag med par bus la 'dun pa yin no zhes bya ba ni phung po mdza' dag la bdag gi dngos
 po don du gnyer bas zhes bya ba'i don to/ /gyur cig snyam pa ni bye brag med par yang srid pa la 'dun pa yin no zhes bya ba ni lha dang mi la sogs pa'i rnam pa la mi bltos par yang srid pa tsam zhig don du gnyer ba'o/ /'di lta bur gyur
 cig zhes bya ba rgyas par 'byung ba rnam pa 'dir gyur cig ces lha 'am/ mi yang rung ste/ bye brag tu srid pa la 'dun pa'o/ /nyid mtshams sbyor ba nyid 'ching ba yin pas na nyid mtshams sbyor ba'i 'chid ba ste/ de la 'dun pa ni don du
 gnyer pa'o/ /dmyal bar nyid mtshams sbyor ba'i 'chid ba don du gnyer ba mi srid pas de'i phyir yang na las mngon par 'du byed pa la 'dun pa yin zhes bya ba smos so/ /las la mngon par 'du byed pa ni las mngon par 'du byed pa
 ste/ de la 'dun pa ni sbyin pa 'di lta bu dang 'di lta bu sbyin no snyam du don du gnyen pa'i sgo nas don du gnyer ba'o/ /de la dang po ni sdug bsngal gyi dang po'i rgyu yin pa'i phyir rtsa ba'i rgyu yin te zhes bya ba ni/ dang po 'dun pa des 'phags pa'i mdun
 pa las brgyud nas phung po lnga 'am bzhi'i skye ba mngon par 'grub pa ste/ 'di ni phung khrol thams cad kyi rtsa ba'i rgyu yin no/ /'bras bu'i sa bon bzhin no zhes bya ba ni/ rtsa ba'i rgyu yin pa lta bu ste/ sa bon gyi 'phangs pa'i myu gu la sogs pa'i
 rgyun las 'bras bu 'byung ba'i phyir ro/ /gnyis pa ni kun 'byung ba yin te/ des de yang dag par 'grub pa'i phyir zhes bya ba ni/ bye brag med par yang srid pa la 'dun pa gang yin pa 'dun pa gnyis pa des lus de yang dag par 'grub pa'i phyir/
 skad cig ma brgyud pas 'bras bu myu gu la sogs pa skye ba yin te/ dper na brgyud nas myu gu la sogs pa skye ba 'bras bu'i yang dag par 'grub pa de dang 'dra'o/ /gsum pa ni 'di lta bur gyur cig snyam pa'i 'dun pa ji skad du bshad pa'o/ /
 de dang 'dra ba'i sdug bsngal gyi rkyen yin te zhes bya ba ni/ bye brag tu yang srid pa la 'dun pa rnam pa gang yin pa de dang 'dra ba'i sdug bsngal gyi rkyen du 'gyur ba ste/ mi lus don du gnyer ba ni 'gro ba gzhan gyi
 lus kyi rkyen du mi 'gyur ro/ /lus la sogs pa bzhin no zhes bya ba la sogs pa zhes bya ba'i sgras ni rlung dang/ nyi ma la sogs pa bsdu ste/ de dag kyang 'bras bu phun sum tshogs par 'gyur ro/ /nus pa ni bsil ba dang/ dro ba nyid do/ /rnam par
 smin pa ni mngar ba dang/ skyur ba nyid do/ /mthu ni gzugs la sogs pa rnams kyi nus mthu'i khyad par te/ gang las 'byung ba dang/ sdud pa la sogs par 'gyur pa'o/ /bzhi pa ni rab tu skye ba ste/ de kho na las de skye ba'i phyir zhes bya ba la
 de kho na las zhes bya ba ni nyid mtshams sbyor ba'i 'ching ba la 'dun pa las so/ /de skye ba'i phyir zhes bya ba ni nyid mtshams sbyor ba yang srid pa zhes bya ba skye zhing 'byung ba'i phyir 'bras bu'i tha ma me tog bzhin te/ dper na tha ma me tog
 las 'bras bu rab tu skye ba bzhin no/ /'dir 'dun pa bzhi pa ni yang srid pa'i mngon sum pa'i rgyu yin no/ /snga ma gsum ni brgyud pa'i rgyu yin no/ /yang na 'dun pa bzhi ni srid pa'i bye brag rnams las lnga tshan gnyis dang bzhi tshan gnyis yin te/
 zhes bya ba ni ji skad du bshad pa dag ste/ go rim bzhin no/ /ji ltar zhe na/ da'o snyam du bye brag med par lus la 'dun pa de ni srid pa'i bye brag lngar 'gyur te/ dge slong dag nga'o snyam pa yod na/ nga 'di lta bu'o snyam pa 'byung bar 'gyur zhing/
 da 'di 'dra'o snyam pa dang/ nga de lta ma yin no snyam pa dang/ da? bzang snyam pa dang/ da ngan no snyam pa 'byung bar 'gyur ro zhes bya ba'o/ /bye brag med par lus la 'dun pas bsdus pa lnga tshan 'di ni de lta'o/ /lnga tshan gnyis pa ni de la 'byung
 bar 'gyur ro snyam par 'byung bar 'gyur zhing de la 'byung bar mi 'gyur snyam pa dang/ 'di lta bur 'byung bar 'gyur ro snyam pa dang/ 'di 'dra bar 'byung bar 'gyur ro snyam pa dang/ de lta ma yin par 'byung bar 'gyur ro snyam pa 'byung bar 'gyur ro zhes bya ba ni/ 'dun
 pa lnga tshan 'di ni bye brag med par yang srid pa la 'dun pa yin no/ /de la gyur cig snyam pa 'byung bar 'gyur zhing de la 'di lta bur gyur cig snyam pa dang de 'dra bar gyur cig snyam pa dang de lta ma yin par gyur cig snyam pa 'byung ba bzhi tshan 'di ni bye brag med
 par yang srid pa la 'dun pa yin no/ /gyur kyang ci ma rung snyam pa dang/ 'di lta bur gyur kyang ci ma rung snyam pa dang/ de lta bu ma yin par 'gyur kyang ci ma rung snyam pa 'byung bar 'gyur ba bzhi tshan 'di ni bzhi pa nyid mtshams sbyor ba'i 'ching ba la 'dun pa yin no/ /de la
 dang po ni sdug bsngal gyi dbang po'i rgyu yin pa'i phyir rtsa ba'i rgyu yin te zhes bya ba rgyas par snga ma bzhin du sbyar bar bya'o/ /'jug pa med pa'i phyir 'gog pa'o zhes bya ba ni nyon mongs pa dang skye ba'i 'jug pa zhi ba'i phyir zhes bya ba'i don to/ /sdug bsngal zhi ba'i phyir
 zhi ba ste/ sdug bsngal ni ma zhi pa yin la/ de yang skye ba kho na yin no/ /ji ltar zhe na/ de'i phyir dge slong dag de ltar na zhes bya ba rgyas par smos so/ /gong na med pa'i phyir gya nom pa'o zhes bya bar mi rung ngo/ /yang phyir mi ldog pa'i phyir nges par 'byung ba'o zhes bya ba
 la gtan du ba ma yin pa ni nges par 'byung ba ma yin no/ /lam lta bur gyur pa'i phyir la mo zhes bya ba ni lam dang chos mthun pa'i phyir zhes bya ba'i tha tshig go/ yang dag pa ji lta ba bzhin zhugs pa'i phyir rig pa'o zhes bya ba ni yang dag pa ji lta
 ba bzhin zhugs pa ma yin pa ni rigs pa ma yin pa'i phyir ro/ /so sor nges pa'i phyir sgrub pa ste zhes bya ba las so sor nges pa nyid ni mya ngan las 'das par nges pa nyid de/ de nyid kyis der 'gro ba'i phyir ro/ /de nyid la khungs ni ji skad du
 zhes bya ba rgyas par 'byung ba'o/ /gtan du nges par 'byung bar byed pa'i phyir nges par 'byin pa'o zhes bya ba ni snga ma bzhin no/ /yang na rtag pa dang bde ba dang bdag gi dang bdag tu lta ba dpyang? pa?
 rnams kyi zhes bya ba rgyas par 'byung ste/ de la 'du byed rnams rtog? snyam du lta bas spyad pa rnams bla? ni mi rtag pa'i rnam pa'o/ /'du byed rnams bde'o snyam du lta bas spyad pa rnams la ni sdug bsngal ba'i rnam pa'o/ /'du byed
 rnams bdag gi ba'o snyam du lta bas spyad pa rnams la ni stong pa'i rnam pa'o/ /'du byed rnams bdag yin no snyam du lta bas sdud pa rnams la ni bdag med pa'i rnam pa'o/ /'du byed rnams rgyu med pa'o snyam du lta bar spyad pa
 rnams la ni rgyu'i rnam pa'o/ /thams cad kyi rgyu dbang phyug la sogs pa gcig bu'o snyam du lta bas spyad pa rnams la ni kun 'byung ba'i rnam pa'o/ /'gyur bar ltabs spyad pa rnams la ni rab tu skye ba'i rnam pa ste/ dad por 'byung
 zhing rab tu skye ba yin gyi/ 'gyur ba ni ma yin no zhes bya ba'o/ /yang na 'gyur ba zhes bya ba ni dga' ba'i gang du skye ba zhes bya ba ni skye ba'i rnam grangs so/ /ble? sngon du btang ba byed pa po yin no snyam du lta bas spyad pa rnams la rkyen
 gyi rnam pa ste/ rkyen kyi tshig ni blo sngon du ma btang ba'i rgyu'i tshig go/ thar pa med pa zhes bya ba la sogs pa la/ skye ba'i rgyun la thog ma bzhin du tha ma yang mdo snyam du gang dag log par lta ba gang yin pa de'i gnyen por
 'gog pa'i rnam pa yin no/ /yul nye bar longs spyar pa med pa'i phyir ngag dbang po rnams 'jig pa'i phyir na/ sdug bsngal ni thar pa yin no snyam du lta bas spyad pa rnams kyi gnyen por ni zhi ba'i rnam pa yin no/ /bsam
 gtan gyi bde ba gya nom pa yin bar lta bas spyad pa rnams zhes bya ba la sogs pa thams cad ni brda prad par sla bas rnam par ma bye'o/ /shes rab gzhan dang mtshungs par mi ldan pa'i phyir shes rab rnam pa dang bcas par mi 'gyur te/ rten
 dang dmigs pa dang rnam pa dang dus dang rdzas mtshungs pa dag gis mtshungs bar ldan ngas? na mtshungs par ldan ba'o/ /zhes bya ba ni nges pa yin no/ /'di ltar rnam pa ni sems dang sems las byung ba thams cad kyi dmigs pa 'dzin pa'i rnam pa yin no zhes bya ba ba ni
 rigs par 'gyur ro zhes bya ba ni/ mdo sde ba'i lugs yin no/ /'dzin pa ni 'dzin pa'i bye brag go/ de lta yin na/ shes rab kyang rnam pa dang bcas par 'gyur ro zhes bya bar grub bo/ /yang ci shes rab kho nas 'dzin bar byed dam zhes bya ba
 ni/ gtong bar byed dam zhes bya ba'i don to/ /de dang bcas pa'i dmigs pa dang bcas pas 'dzin par byed ces bya ba 'di ga las zhe na/ bstan bcos las te/ dmigs pa dang bcas pa'i chos rnams gang zhe na/ sems dang
 sems las byung ba thams cad do zhes gsungs so/ /de nyid kyi phyir dmigs pa dang bcas pa'i chos gzhan thams cad kyis kyang 'dzin par byed do zhes bya ba smras so/ /yod pa thams cad du gzung bya yin zhes bya ba ni/ gang cung zad rdzas su yod pa 'am
 btags par yod pa de thams cad bzung bar bya ba yin no/ /'dir yod pa smos pa ni med pa bzlog par bya ba'i phyir ro/ /thams cad smos pa ni rdzas dang kun rdzob nye bar gzung bar bya ba'i phyir ro/ /de ltar byas nas zhes bya ba rgyas par 'byung ste
 shes rab ni rnam pa yang yin te/ de'i rang bzhin yin pa'i phyir ro/ /'dzin par byed pa yang yin te/ dmigs pa dang bcas pa'i phyir ro/ /gzung bar bya ba yang yin te yod pa'i phyir dang/ shes rab kyi dmigs pa yin pa'i phyir ro/
 dmigs pa dang bcas pa gzhan ni 'dzin par byed pa dang gzung bar bya ba ste/ tshogs pa phyi ma gtad par bya ba yin te/ chos thams cad ni skad cig ma gnyis kyi dmigs pa yin no zhes 'byung pa'i phyir ro/ /
 rnam pa ni ma yin te/ shes kyi rang bzhin ma yin pa'i phyir dang/ shes rab kho na rnam pa yin no zhes bya ba grub pa'i mdza' yin pa'i phyir ro/ /dmigs pa med pa'i chos rnams ni gzung bar bya ba kho na yin no zhes bya ba
 ni gtad par bya ba kho na yin no/ /gtod par byed pa ma yin no zhes bya ba'i tha tshig go /dge ba la sogs pa'i bye brag bstan par bya ste/ zhes bya ba ni/ dge ba dang mi dge ba dang lung du ma bstan pa dang/ sa dang rten la
 sogs pa'i bye brag bstan par bya ste/ dang po rnam gsum zhes bya ba ni zag pa dang bcas pa yin pa nyid kyi phyir ro/ /gzhan rnams dge zhes bya ba ni/ zag pa med pas nye bar 'tshe ba med pa nyid kyi sa te nye bar 'tshe ba med
 par 'gro ba yin no/ /tshigs su bcad pa'i dang po na yod pa'i phyir zhes bya ba ni/ shes pa zag bcas zag pa med ces bya ba'i tshigs su bcad pa der kun rdzob shes pa dang por 'don pa yin no/ /dang po sa rnams thams
 cad na zhes bya ba ni/ kun rdzob shes pa ni rang gi ngo bo dmigs pa'i sgo nas 'dod pa'i khams nas srid pa'i rtse mo'i bar du dmigs so/ /drug na chos zhes bya ba ni mthong ba'i lam sa drug pa yin pa'i phyir te/ de dag
 gcig tu zag pa dang bcas pa'i phyir mi ldogs pa med pa las gzhan pa'i nye bar bsdogs pa ?? med la 'dod pa'i khams la/ migs pa'i phyir gzugs med pa'i sa dag na yang med do/ /dgu na rjes zhes bya ba zhes bya ba
 ni mi lcogs pa med pa la sogs pa rnams gong ma'i sdug bsngal la sogs pa dmigs pa'i phyir la/ bsam gtan gnyis pa la sogs pa'i nyer bsdogs rnams dang/ srid pa'i rtse mo ni gcig tu zag pa dang bcas pa'i phyir ro/ /de bzhin
 drug ces bya ba la/ de bzhin zhes bya ba'i sgra ni ma phye bar sa dgu pa'i rnam pa dang sbyar ro/ /phyin ni ci rigs par drug dang dgu na yod do/ /gzhan yid shes pa bsam gtan na/ zhes bya ba ni mngon par shes pa'i dbang du byas nas
 bshad pa'o/ /gzhan na med do zhes bya ba ni nyer bsdogs dang bsam gtan dang gzugs med pa dag na med pa'o/ /de ni 'dod dang gzugs rten can zhes bya ba la gzhan gyi sems shes pa ni 'dod pa dang gzugs gyi rten can kho
 na yin gyi/ gzhan gyi sems shes pa kho na 'dod pa dang gzugs kyi rten can ni ma yin no/ /gong na mthong lam med ces 'byung ba'i phyir/ chos shes pa ni 'dod pa'i rten can kho na yin gyi/ chos shes pa kho na 'dod pa'i rten can ni ma
 yin no/ /de nyid kyi phyir khams gsum pa'i rten can gzhan zhes bya ba smos so/ /pha rol gyi sems shes pa dang chos shes pa ma gtogs so zhes bya ba la/ rjes su shes pa dang sdug bsngal shes pa la sogs pa bsgom pa'i lam gyis bsdus
 pa bzhi dang/ zad pa dang/ mi skye bshes pa dang kun rdzob shes pa ni khams gsum pa'i rten can yin no/ /'gog pa shes pa ni gcig ste/ chos dran pa nye bar gzhag pa yin no zhes bya ba ni 'gog pa lus dang tshor ba dang sems dang
 mtshan nyid mi mthun pa'i phyir chos dran pa nye bar gzhag pa ste la dmigs pa yin no/ /gzhan gyi sems shes pa ni tshor ba dang/ sems dran pa nye bar gzhag pas bsdus pa'i phyir yin no zhes bya bar rtogs na chos dran pa nye bar gzhag
 pa go ji ltar yin zhe na/ sems las byung ba 'du shes kyi khyad par la dmigs pa'i phyir te/ 'du shes la sogs pa dag ni chos kyi skye mched kyis bsdus pa'i phyir ro/ /tshor ba yang chos
 kyi skye mched kyis bsdus mod kyi de ni dran pa nye bar gzhag pa dag tu so sor bzhag ste/ gsum las gzhan ni chos so zhes sngar bshad zin to/ /lhag ma bzhi yin no zhes bya ba ni/ lhag ma ni shes pa brgyad de/
 de la kun rdzob shes pa ni thams cad kyi yul can yin pas dran pa nye bar gzhag pa bzhi yin no/ /chos shes pa ni sdug bsngal la sogs pa la dmigs pas bzhi yin no/ /rjes su shes pa yang de dang 'dra'o/ /sdug bsngal
 dang kun 'byung dang lam dang zad pa dang mi skye ba shes pa rnams ni re re zhing dran pa nye bar gzhag pa bzhi bzhi yin te/ phung po lnga la dmigs pa'i phyir ro/ /rjes su shes pa ma gtogs so zhes bya ba ni/ chos rjes blo phyogs
 phan tshun min zhes 'byung ba'i phyir ro/ /chos shes pa'i phyogs dang mthun pa lam shas pa'i dmigs pa ni sdug bsngal dang kun 'byung ba dang/ 'gog pa dang/ lam dang zad pa dang/ mi skye ba shes pa dang/ gzhan
 gyi sems shes pa rnams so/ /sdug bsngal dang kun 'gyur shes pa dag gi dmigs pa ni kun rdzob shes pa 'dod pa na spyod pa'i sdug bsngal ?? kun 'byung bas bsdus pa'o/ /rjes su shes pa ni thams cad du
 chos shes pa'i dmigs pa ma yin te yul tha dad pa'i phyir ro/ /lam rjes blo'i dgu yin no zhes bya ba la/ rjes su shes pa'i phyogs dang mthun pa sdug bsngal la sogs pa shes pa la ni de'i phyogs dang mthun pa'i lam kho nas
 dmigs la/ kun rdzob shes pa khams gong ma'i sdug bsngal dang kun 'byung gi bsdus pa la ni sdug bsngal dang kun 'byung shes pa dag kho nas dmigs so/ /gzhan gyi sems shes pa la ni rjes su shes pa'i phyogs kyis bsdus pa las shes
 pas dmigs so/ /lam shes pa'i dmigs pa yang dgu yin te/ kun rdzob shes pas ma gtogs so zhes bya ba la/ lam shes pa'i lam la dmigs pas de'i dmigs pa ni shes pa zag pa med pa dgu yin te/ de dag lam gyi
 bdag nyid yin pa'i phyir ro/ /kun rdzob shes pa'ang ma yin la/ gzhan gyi sems shes pa zag pa dang bcas pa yang ma yin te/ lam shes pa zag pa med pa la dmigs pa'i phyir ro/ /sdug bsngal rgyu blo'i gnyis yin no zhes bya ba
 la/ kun rdzob shes pa ni sdug bsngal dang kun 'byung gi nang du gtogs pa'i phyir sdug bsngal dang kun 'byung shes pa dag gi dmigs pa yin no zhes bya bar rtags na gzhan gyi sems shes pa ni/ ji ltar zhe na/ gzhan gyi
 sems shes pa'i phyogs gcig kyang sdug bsngal dang kun 'byung gis bsdus pa yod te zag pa dang bcas pa gang yin pa'o/ /bzhi'i bcu yin zhes bya ba 'byung ste/ de la kun rdzob shes pa ni thams cad kyi yul can yin
 pa'i phyir shes pa bcu la dmigs so zhes bya bar rtogs na/ ji ltar gzhan gyi sems shes pa'i dmigs pa bcu yin zhe na/ gzhan gyi sems shes pa ni chos dang rjes dang lam dang kun rdzob shes pas bsdus pa yin la/ de'i
 dmigs pa ni rnam par mi phye bar shes pa bcu yin la/ dbye pa ni chos dang rjes kyi bsdus pa dag gis ni shes pa brgyad do/ /lam shes pas bsdus pa yi ni dgu'o/ /kun rdzob shes pas bsdus pa yi ni kun rdzob shes pa
 dang gzhan gyi sems shes pa gnyis so/ /ji ltar zad pa dang mi skye ba shes pa dag gi dmigs pa shes pa bcu yin zhe na/ zad pa dang mi skye ba shes pa dag gis lam bsgoms te/ yang
 bsgom du med do zhes chos dang rjes su shes pa'i lam la dmigs pa yin te/ de'i phyir shes pa zag pa med pa dgu la dmigs pa sdug bsngal dang kun 'byung gi bden pa la dmigs pa'i zad pa dang mi skye ba shes pa dag ni bdag
 gis sdug bsngal yongs su shes par byas te/ yang yongs su shes par byar med/ kun 'byung spangs te yang yongs su spang du med do/ zhes sdug bsngal dang kun 'byung gis bsdus pa'i kun rdzob shes pa la dmigs so/ /dbye na ni chos shes
 pas bsdus pa dag gi dmigs pa ni rjes su shes pa ma yin la/ rjes su shes pas bsdus pa dag gi ni chos shes pa ma yin no/ /chos 'dus byas rnams la rnam pa brgyad du bya'o zhes bya ba la/ 'dod pa dang ldan pa'i chos
 rnams ni rnam pa gnyis te/ mtshungs par ldan pa dang ldan pa ma yin pa'o/ /de bzhin du gzugs dang ldan pa yang rnam pa gnyis yin la/ gzugs med pa dang ldan pa yang rnam pa gnyis yin no/ /zag pa med pa yang
 rnam pa gnyis te/ mtshungs par ldan pa dang ldan pa ma yin pa'o/ /dge ba dang lung du ma bstan pa'i bye brag gis zhes bya ba ni/ dge ba ni so sor brtags pa'i 'gog pa ste/ thar pa dam pa'i don du dge zhes bya ba
 'byung ba'i phyir ro/ /lung du ma bstan pa ni nam mkha' so sor brtag pa ma yin pas 'gog pa ste/ lung ma bstan pa brtan pa dag ces 'byung ba'i phyir ro/ /de la kun rdzob shes pa'i dmigs pa ni chos bcu po thams cad
 yin no zhes bya ba ni/ kun rdzob yul ni thams cad do zhes bya ba yin pa'i phyir ro/ /chos shes pa yin ni lnga ste zhes bya ba ni/ sdug bsngal dang kun 'byung la dmigs pa'i ni 'dod pa na spyod pa'i mtshungs par ldan pa dang ldan pa ma yin pa dag go/ chos shes
 pa'i phyogs dang mthun pa lam gyi bden pa la dmigs pa'i ni zag pa med pa mtshungs par ldan pa dang ldan pa ma yin pa dag go/ 'gog pa'i bden pa la dmigs pa'i ni 'dus ma byas dge ba yin te/ 'dus ma byas lung du ma bstan pa
 ni bden pas ma bsdus pas de ni zag pa med pa'i shes pas dmigs pa ma yin no/ /gzugs dang gzugs med pa na spyod pa dang zag pa med pa dang/ drug dang zhes bya ba ni mtshungs par ldan pa dang/ ldan pa ma yin pa'i bye brag gis so/ /'dus
 ma byas dge ba yang yin no/ /drug ste 'dod pa dang gzugs dang gzugs med pa na spyod pa rnams yin no/ /zhes bya ba ni re re zhing mtshungs par ldan pa dang ldan pa ma yin pa'i bye brag gis so/ /'gog pa shes pa'i ni gcig ste zhes bya ba ni/ de ni
 rtag tu so sor brtags pas 'gog pa la dmigs pa'i phyir ro/ /lam shes pa'i ni gnyis te zhes bya ba ni/ zag pa med pa mtshungs par ldan pa ma yin pa dag go/ 'dod pa dang gzugs na spyod pa dang zag pa med pa dang mtshungs par
 ldan pa rnams so zhes bya ba ni/ gzhan gyi sems shes pa dang ldan pa ma yin pa'i 'du byed dam/ gzugs med kyi khams la dmigs pa med pa'i phyir ro/ /zad pa dang mi skye ba shes pa dag gi dmigs pa ni chos dgu yin te zhes bya ba ni
 zad pa dang mi skye ba shes pa dag gi dmigs pa ni chos dgu yin te/ re re yang khams gsum gyi sdug bsngal la sogs pa'i bden pa la dmigs pa'i phyir ro/ /'dus ma byas lung du ma bstan pa ma gtogs so zhes bya ba ni de bden
 pas ma bsdus pa'i phyir dang/ zad pa dang mi skye ba shes pa dag bden pa'i yul can yin pa'i phyir de ma gtogs so/ /de dang lhan cig 'byung ba'i chos rnams zhes bya ba ni/ tshor ba la sogs pa sems las byung ba rnams
 dang de dag gi thob pa dang skye ba la sogs pa rnams te/ de dag dang rang gi ngo bo mi 'dzin no/ /ci'i phyir rang gi ngo bo mi 'dzin zhe na/ yul dang yul can tha dad pa'i phyir te/ yul ni yul can las tha dad de rang gi bdag nyid la bya ba 'gal ba'i
 phyir sor me'i rtse mo dang ral gri'i so ni de nyid kyis mi reg cing mi gcod pa bzhin no/ /chos mngon ba pa rnams ni gang zhig ma tshang bas gang mi skye ba de ni de'i rkyin? yin na rang gi ngo bo ma tshang bas dngos po rnams mi skye ba yang ma yin te/
 rang gi ngo bo rtag tu yod pa'i phyir te rkyen nyid ma yin no zhes zer ro/ /gal te sems dang sems las byung ba rnams rang gi ngo bo'i yul can ma yin na /'o na phan tshun gyi yul can du 'gyur ro zhe na/ bshad pa phan tshun gyi yul can ma
 yin te/ dmigs pa gcig pa'i phyir ro/ /sems dang sems las byung ba rnams ni dmigs pa gcig pa'i phyir te/ phan tshun gyi yul can nyid yin na ni dmigs pa gcig pa nyid nyams par 'gyur ro/ /de lta na ni ? na rang gi tshogs
 pa dang ldan pa ma yin pa 'dzin par 'gyur te/ dmigs pa med pa'i phyir dang yul dang yul can tha dad pa'i phyir ro zhe na/ de'i phyir ha cang nye ba'i phyir zhes bya ba smos te/ ldan pa ma yin pa 'dzin pa yang ma yin te/ ha cang nye pa'i
 phyir mig la gnas pa'i mig sman dang mig sman gyi thur ma la sogs pa mi mthong ba bzhin no/ /mdo las kyang skad cig ma gcig la chos thams cad yul yin pa med do zhes bya ba mthong ste/ 'di skad du/ dge spyod dam bram ze
 yang rung/ gang cig car thams cad shes pa 'am mthong ba de ni 'ga' yang med do zhes bya ba yin no zhes 'byung ngo/ /de ni rnam par chad pa la dmigs pa'i phyir ro zhes bya ba ni bar chad med pa dang rnam par grol ba'i lam rnams go
 rim bzhin du sa 'og ma dang gong ma la dmigs pa'i phyir ro/ /sbyor ba dang khyad par gyi lam dag gi dmigs pa yang ci rigs par sa gcig pu 'ga' kho na yin gyis/ thams cad ni ma yin no/ /nges bar 'byed pa'i cha dang mthun
 pa'i sbyor ba'i lam gyis bsdus pa gang gi dmigs pa 'dod pa'i khams yin pa de'i gzugs dang gzugs med pa'i khams ma yin no/ /de bzhin du gang gi gzugs dang gzugs med pa'i khams yin pa de'i 'dod pa'i khams
 ma yin no/ /de bzhin du mi sdug pa dang tshad med pa dang zil gyis gnon pa'i skye mched la sogs pa dang/ rnam par sun 'byin pa dang/ khyad par can gyi bsdus pa'i dmigs pa ni 'dod pa'i khams kho na yin gyi khams gzhan
 dag ni ma yin no/ /de ltar ma yin na zhes bya ba ni gal te sa thams cad la dmigs pa yin na ni de lta na sa thams cad las cig car 'dod chags dang bral bar 'gyur te/ sa 'og ma la yin pa 'ba' zhig tu ma zad kyi/ sa gong ma
 dang 'og ma las kyang 'dod chags dang bral bar 'gyur ro/ /so so'i skye bo 'dod chags dang bral ba kho na shes pa gcig dang ldan par ma zad kyi/ 'phags pa yang zag med skad cig dang po la/ chags can shes pa gcig dang ldan/ /
 chags can zhes khyad par du byas pa ni 'dod chags dang bral ba ni sdug bsngal la chos shes pa'i bzod pa la gzhan gyi sems shes pa dang ldan pa'i phyir ro/ /zag med skad cig dang po la zhes bya ba'i bzod pa rnams shes pa'i
 bdag nyid ma yin pa'i phyir kun rdzob shes pa gcig pu kho na dang ldan no zhes ston pa'o/ /gnyis pa la gsum ste zhes bya ba ni sdug bsngal la chos shes pa de nyid chos shes pa dang sdug bsngal shes pa gnyis su bgrang
 ste/ go rim bzhin du chos cem rtogs pa'i phyir dang/ sdug bsngal gyi yul can yin pa'i phyir ro/ /bzhil re re 'phel dang ldan zhes bya ba 'byung ste/ chos shes pa dang sdug bsngal shes pa ni yongs su bgrang ba zin to/ /de ni rjes su shes pa dang kun 'byung ba dang
 'gog pa dang lam shes pa rnams yongs su bgrang bar bya ba yin pas de'i phyir ro/ /bzhi la zhes bya ba la sogs pa smos so/ /lam la chos shes pa rnams la ni bdun dang ldan pa yin no zhes bya ba ni kun rdzob dang chos dang/ rjes su shes pa dag dang/ sdug bsngal ba
 la sogs pa shes pa bzhi dang ldan no/ /lam la rjes su shes pa la yang de dag kho na dang ldan te/ rjes dang lam shes pa dag ni sngar bgrang zin pa'i phyir ro/ /'dod chags dang bral ba zhig yin na ni thams cad du shes bya ba ni mthong ba'i lam gyi skad cig ma bco
 lnga la ni pha rol gyi sems shes pa 'jig rten pa lhag par ldan no/ /de ltar byas na zag pa med pa'i skad cig dang po la ni kun rdzob dang/ gzhan gyi sems shes pa gnyis dang ldan la/ gnyis pa ni bzhi dang ldan no/ /zhes thams cad du rgyas par brjod par
 bya'o/ /lam la rjes su shes pa ni gzhan gyi sems shes pa zag pa med pa dang yang ldan te/ des ni gnas skabs der gzhan gyi sems shes pa phyir mi 'ongs bas bsdus pa snyed de/ lam la rjes su shes pa bsgom pa'i lam yin pa'i phyir dang
 'dod chags dang bral ba yin pa'i phyir ro/ /yang gnas skabs gang du shes pa du dag gcig thob ce na zhes bya ba 'byung ngo/ /yang 'thob pa zhes bya ba 'di ci zhig ce na/ gang zhig brten pa thob pa dang rnyed pa thob pa zhes bya ba ni dge ba'i chos la
 goms pa dang dbang phun sum tshogs pa ste de dag gi mtshan nyid kyang 'chad par 'gyur ro/ /ji ltar skyes pa rnams/ ma 'ongs pa 'thob ces bya ba ji ltar zhe na/ re zhig sdug bsngal la chos shes pa'i bzod pa skyes na bzod pa de yang ma 'ongs
 pa de'i rnam pa bzhi 'thob par 'gyur ro/ /sdug bsngal la chos shes pa skyes pa yang de nyid ma 'ongs pa de'i rnam pa bzhi 'tho par 'gyur ro/ /sdug bsngal la rjes su shes pa'i bzod pa skyes na yang de dang 'dra ba ma 'ongs pa thob par
 'gyur gyi mi 'dri ba dang bden pa gzhan gyi yul can ni ma yin te de bzhin du thams cad la sbyar bar bya'o/ /bsgom pa'i lam la ni shes pa skal ba mi mnyam pa'i rnam pa thob pa yang yin pas de'i phyir/ ci'i phyir mthong ba'i
 lam la shes pa 'dra ba'i rnam pa kho na thob ces smras te/ bsgom pa'i lam la thob pa ltar shes pa skal ba mnyam pa dang mi mnyam pa'i rnam pa mi thob ces bya ba ni tshig gi lhag ma'o/ /bzod pa rnams ni bsgoms pa'i lam la med
 pas bzod pa rnams la? smos te shes pa kho na rnams dbyad do/ /rigs rnams ma thob pa'i phyir ro zhes smos pa ni skal ba mnyam pa'i rgyu rnams ma thob pa'i phyir ro zhes bya ba'i tha tshig go/ ji ltar na mi rtag pa dang sdug bsngal ba dang stong
 pa dang bdag med pa dang rnam pa bzhi phan tshun skal ba mnyam pa yin zhe na/ bzod pa la sogs pas bsdus pa'i phyir dang/ dmigs pa tha mi dang pa'i phyir ro/ /de la sdug bsngal la chos shes pa'i bzod pa skyes na de'i rigs
 'thob cing de'i rnam pa bzhi'i rigs 'thob par 'gyur te/ sdug bsngal la chos shes pa yang de dag 'dra bar brjod par bya'o/ /'di ltar sdug bsngal mthod na sdug bsngal la sogs pa'i rnam pa kho na 'thob par 'gyur gyi/ kun 'byung
 la chos shes pa la sogs pa rnams ni ma yin te/ rigs tha dad pa'i phyir dang/ dmigs pa tha dad pa'i phyir ro/ /yang mi rtag pa la sogs pa'i rnam pa rnams las rnam pa gcig mngon du gyur
 na rnam pa lhag ma rnams kyi rigs 'thob pa gang yin pa 'di la rgyu ci zhig yod ce na/ dmigs pa mtshungs pa'i skal pa 'dra ba nyid kyis so/ /'dir sdug bsngal la chos shes pa'i bzod pa skyes pa gang yin pa de nyid
 thams cad kyi skal ba mnyam pa'i rgyu nyid du gnas pas de skyes pas thams cad kyi rigs rnams thob po zhes bya ste/ de bzhin du gzhan la yang brjod par bya'o/ /bsgom pa'i lam la ni skal ba 'dra ba ma yin pa'i shes
 pa thams cad dang de'i rnam pa rnams mngon du gyur pas thams cad kyi skal pa mnyam pa'i rgyu 'thob par 'gyur bas der shes pa'i rnam pa khyad par du 'phags pa ma 'ongs pa 'thob par 'gyur ro/ /rjes gsum la
 ni kun rdzob kyang zhes bya ba 'dir ni kun rdzob shes pa khyad par can gzung gi thams cad ni ma yin no/ /chos shes pa dag la ni ma yin te/ bden pa zad par mngon par ma rtog pa'i phyir ro zhes bya ba 'byung ste/ de ni bden
 pa mngon par rtogs pa'i mthar 'thob na/ chos shes pa dag la ni bden pa zad par mngon par rtogs pa med de/ 'di ltar sdug bsngal dang kun 'byung dang 'gog pa la chos shes pa dag gi ni gzugs dang gzugs med par gtogs pa'i sdug bsngal dang kun 'byung dang 'gog pa mngon par mi rtog pas don byas zin pa ma yin pa'i phyir chos shes pa dag la mi 'thob po/ /lam gyi bden pa ni sngon 'jig rten pa'i lam gyi mngon par ma rtog
 pa'i phyir dang zhes bya ba ni thog ma med pa can gyi 'khor ba na sngon 'jig rten pa'i lam gyis sdug bsngal kun 'byung ba dang/ 'gog pa mngon par rtogs shing yongs su shes pa dang spangs pa dang/ mngon sum du byas pa'i sgo nas mngon par
 rtogs kyi gang gis na de mngon par rtogs pa'i mdza' las byung bar 'gyur zhing/ de mngon par rtog pa'i mthar de dang 'dra ba ma 'ongs pa 'thob par 'gyur ba kun rdzob shes pas lam gyi bden pa la sogs pa'i rnam pa dag tu mngon par
 mi rtogs so/ /zad par mngon par ma rtogs pa'i phyir zhes bya ba'i lam zhes bya bar snyegs so/ /lam thams cad ni sus kyang bsgom par mi nus so/ /gzhan gyi rgyud la yod pa bsgom par mi nus la rang gi rgyud la yod pa'i rnyed zin pa ni
 brgya'i cha yang mngon par bya bar mi nus so/ /de'i tshe kun 'byung yang thams cad spangs pa ma yin pas zhes bya ba ni kun 'byung la rjes su shes pa'i tshe'o/ /gang zhig ma spangs zhe na/ 'gog pa dang lam mthod pas spang par bya ba'i
 nyon mongs pa rnams te/ de'i phyir lam la rjes su shes pa ltar kun 'byung la rjes su shes pa'i tshe yang mngon par rtogs pa'i mdza' las byung bar mi 'gyur ro/ /de'i bden pa mthong bas spang bar bya ba zhes bya ba ni kun 'byung gi bden
 pa mthong bas spang bar bya ba zhes bya ba'i tha tshig go /rigs mang ba'i phyir zhes bya ba la rigs ni nus pa'i khyad par dang ldan pa'i rgyud yin la/ lam 'di la nyan thos la sogs pa'i rigs kyi dbye bas rig mang po zhig yod pas na
 rigs mang ba'o/ /nyan thos kyi rigs la sogs pa'i dbye bas tha dad pa'i lam thams cad ni bsgom par mi nus te/ mngon du bya bar mi nus zhes bya ba'i tha tshig ste/ gang yang rung ba zhig mngon du 'gyur na gang yang rung ba zhig gi
 so sor brtags pa ma yin pas 'gog pa thob pa'i lam phyir ro/ /mthong ba'i lam gyi 'khor yin pa'i phyir ro zhes zer te zhes bya ba ni kun rdzob shes pa mthong ba'i lam gyi 'khor yin lam la rjes su shes
 pa ni bsgo ma pa'i lam yin te/ de'i phyir der mi 'thob bo zhes zer ba'o/ /'di ni bsgrub par bya ba yin pa'i phyir ro/ /shes par byed pa ma yin no zhes bya ba ni mthong ba'i lam gyi 'khor kho na yin gyi/ sgom pa'i lam gyi 'khor ram/ lam
 gnyi ga'i 'khor ma yin no zhes bya ba 'di ni bsgrub par bya ba yin no/ /de ni mi skye ba'i chos can yin zhes bya ba la ci'i phyir zhe na/ de'i rten mi skye ba'i chos can yin pa'i phyir te/ de'i dad pa dang chos kyi rjes su 'brang ba'i rten kho nas mngon
 du byed pa srid na/ mthong ba'i lam gyi gong na ni de dag skye ba'i go skabs med/ dad pa dang chos kyi rjes su 'brang ba'i rten dag kyang de'i god rol na mi skye ba'i chos can yin pa'i phyir de mi skye ba'i chos can nyid yin no/ /ji ltar de thob pa
 yin zhes bya ba ni/ gal te mngon du mi byed na snyam du bsam pa'o/ /ma rnyed pa las rnyed pa'i phyir ro zhes bya ba la de ni thog ma med pa can gyi 'khor bar snga ma rnyed pa las bden pa gsum mngon par rtogs pa'i mthar rnyed pas
 ma rnyed pa las rnyed pa zhes bya'o/ /ji ltar rnyed pa yin zhes bya ba rgyas par 'byung ste/ de skyed pa'i nus pa rnyed na ji ltar mdon du mi byed/ 'on te sngon du mi byed na ji ltar rnyed de mi rnyed pa nyid do snyam du bsams pa'o/ /'thob pa'i sgo nas
 zhes bya ba ni gang gi phyir gnas skabs der de'i thob pa skyed de/ nges na de'i tshe rnyed do zhes brjod kyi/ skye bo zhes bya ba ni ma yin no/ /gang gi phyir rnyed pa de'i phyir rnyed do zhes bya ba ni thob pa dang rnyed pa'i sgra la khyad par med
 pa'i phyir ro/ /ston pa 'di ni mngon ma byung ba'i rnam pa yin no zhes bya ba ni rigs pa dang bral ba'i phyir ram/ sngar ma thos pa'i phyir sngon ma byung ba ste/ sngar sus kyang de nyid nges par bya ba'i phyir de nyid ma stan pas ston pa sngon ma byung ba'i rnam pa
 yin no/ /'jig rten las 'das pa'i lam gyi mthus zhes bya ba ni mthu'i sgo nas kun rdzob shes pa 'thob kyi/ mngon du gyur pa'i sgo nas ni ma yin te/ langs pas mngon du byed pa'i phyir ro/ /ches khyad par du 'phags pa zhes bya ba ni gzhan
 'jig rten pa'i kun rdzob shes pa bas zhes bya ba'i tha tshig ste/ gzhan ni bden pa mthong ba'i bden pa ma dmigs pa nyid kyis khyad par du 'phags pa'i phyir rtogs pa la spyod pa yin pas ches khyad par du 'phags pa yin no/ /'thob pa
 med na ji ltar ma 'ongs pa de snyed ce na de'i phyir/ de nyid de rnyed pa yin te zhes bya ba rgyas par smos so/ /rigs las byung ba yang rnyed pa yin no zhes bya ba ni dper na 'thob pa dang ldan pa rnyed pa bzhin no snyam du bsams pa'o/ /rigs ni de skyed par
 nus pa'i rgyu'o/ /de las byung ba ni rigs las byung ba'o/ /'di skad bstan par 'gyur te/ de mngon sum du 'byung bar nus pa'i tan rnyed na rten des skyed pa de yang rnyed par 'gyur ro bye brag tu smra ba rnams ni de 'dod de/ de ni mthong ba'i lam gyis thob
 par bya ba yin na/ de sgom pa'i lam du ji ltar ma don sum du byed par 'gyur/ de nyid kyi phyir de mi skye ba'i chos can du rnam par bzhag go zhe'o/ /sa du ba'i kun rdzob shes pa de 'thob ce na/ mthong ba'i lam bsam gtan bzhi pa'i sa pa
 yin na sa bdun pa'i kun rdzob shes pa thob pa'i bar du ste/ sa bdun ni 'dod pa'i khams dang mi lcogs pa med pa dang bsam gtan bzhi dang/ bsam gtan khyad par can no/ /bar du zhes bya ba'i sgras ni bsam gtan dang po dang
 bsam gtan khyad can dang/ bsam gtan gnyis pa dad gsum pa'i mthong ba'i lam bsdu'o/ /mthong ba'i lam bsam gtan dang po'i sa bzhig yin na ni/ sa gsum pa'i kun rdzob shes pa ma
 mthong ba 'thob ste/ bsam gtan dang po'i sa pa dang/ mi lcogs pa med pa'i sa dang/ 'dod pa na spyod pa'o/ /mthong ba'i lam bsam gtan khyad pa can gyi sa pa zhig yin na ni de'i sa pa kho na glags te sa bzhi pa 'thob
 po/ /mthong ba'i lam bsam gtan gnyis pa'i sa ba zhig yin na ni bsam gtan gnyis pa'i sa pa glags te sa lnga pa thob bo/ /bsam gtan gsum pa'i sa pa zhig yin na ni sa drug pa 'thob po bsam gtan bzhi pa'i
 sa pa zhig yin na ni sa bdun pa'i kun rdzob shes pa ma 'ongs pa 'thob ste/ bsam gtan bzhi'i sa pa nas 'dod pa na spyod pa'i bar ro/ /'gog pa'i mdza' zhes bya ba ni dmigs pa'i dran pa nye bar gzhag pa 'am/ rang
 bzhin gyi dran pa nye bar gzhag pa yin yang rung chos dran pa nye bar gzhag pa yin te 'gog pa la dmigs pa'i phyir dang/ shes rab kyi rang bzhin yin pa'i phyir ro/ /lhag ma ni dran pa nye bar gzhag pa bzhi char yin no zhes
 bya ba la ji ltar zhes bya ba ltar zhe na/ sdug bsngal mngon par rtogs na kun rdzob shes pa gang 'thob pa'o/ /dran pa nye bar gzhag pa bzhi char zhes bya ba ni lus dang tshor ba dang/ sems dang/ chos dran pa nye bar gzhag
 pa rnams te/ phung po lnga la dmigs pa'i phyir ro/ /kun 'byung ba la yang de bzhin du brjod par bya'o/ /rang bzhin rnam can zhes bya ba ni gang zhig bden pa gang mngon par rtog pas 'thob pa de'i ni de rang gi bden pa
 ste/ sdug bsngal mngon par rtog pa na kun rdzob shes pa gang thob pa de ni mi rtag pa la sogs pa'i rnam pa'o/ de bzhin du kun 'byung ba dang 'gog pa la yang brjod par bya'o/ /de'i dmigs pa yang bden pa de nyid yin no zhes bya ba la sogs
 pa 'byung ste/ de'i dmigs pa can ma yin pa ni de'i rnam pa can nyid du mi rung ba'i phyir ro/ /rnam pa ni dmigs pa 'dzin pa'i rnam pa'o/ /'bad las byung zhes bya ba ni skye bas thob pa ma yin no zhes bya ba'i tha tshig go /phung po bzhi dang lnga'i
 rang bzhin yin no zhes bya ba ni 'dod pa na spyod pa rjes su 'brang ba'i gzugs med pa'i phyir phung po bzhi'i rang bzhin no/ /gzugs na spyod pa ni bsam gtan gyi sdom pa'i gzugs yod pa'i phyir phung po lnga pa yin no/ /chags bcas bcu
 drug pa las drug zhes bya ba ni rgyun tu zhugs pa dang lan cig phyir 'ong ba'o/ /shes pa gnyis da ltar byung ba yin la zhes bya ba ni lam shes pa dang rjes su shes pa'o zhes lam la rjes su shes pa kho na gnyis su brtsi'o/ /ma
 'ongs pa drug 'thob ste zhes bya ba ni/ rgyun tu zhugs pa dang lan cig phyir 'ong bas shes pa drug 'thob pas de'i phyir de dag ma 'ongs pa 'thob ste/ chos khyad par du 'phags pa rnams kyi thob pa dag skye zhes bya ba'i don to/ /
 'dod chags dang bral bas bdun zhes bya ba ni skad cig ma bcu drug pa kho na la ste mthong ba'i lam la ni 'dod chags dang bral bas kyang gzhan gyi sems shes pa mi 'thob ste/ de ni mngon sum du bya bas rab tu phye ba yin pa'i
 phyir la/ de nas yang de'i skabs med pa'i phyir ro/ /de nyid kyi phyir/ de ni bar chad med pa'i lam thams cad la yang mi 'thob po sgom pa'i lam la bdun 'thob po zhes bya ba ni rnam pa brgyad spangs pa'i bar der ro/ /rnam pa dgu
 pa ni ma gtogs te/ der thob pa ni phyis/ bshad pa'i lhag ma la brgyad thob/ bya ba der 'chad par 'gyur/ /de'i phyir rnam par grol ba'i lam dgu pa ma gtogs pa gzhan gang dag 'dod pa las 'dod
 chags dang bral bar byed pa las spyor ba'i lam la sogs pa de dag tu gzhan gyi sems shes pa dang zad pa dang mi skye ba shes pa dag ma gtogs pa shes pa bdun thob bo/ /'jig rten pa zhig yin na ni zhes bya ba la sogs pa ni gal te
 'phags pas 'jig rten pa'i lam gyis 'dod par gtogs pa'i bsgom pas spang bar bya ba zad par byed na de'i phyir kun rdzob shes pa da ltar byung ba yin no/ /ci ste 'jig rten las 'das pas zad par byed na de'i phyir shes pa bzhi las zhes
 bya ba der/ sdug bsngal dang kun 'byung dang/ 'gog pa dang/ lam la chos shes pa rnams las gang yang rung ba zhig da ltar byung ba yin te/ 'dod chags dang bcas pa'i sgom pa'i lam ni 'dod pa'i sdug bsngal la sogs pa'i spyod
 yul can kho na yin pa'i phyir ro/ /gzhan gyi sems shes pa ni mi 'thob ste/ de ni 'dod chags dang ma bral ba las med pa'i phyir ro/ /sa bdun las rgyal zhes bya ba ni/ shes pa bdun thob bo zhes bya bar sbyar ro/ /de dag nyid do zhes bya ba ni
 chos dang/ rjes dang/ sdug bsngal dang/ kun 'byung dang/ 'gog pa dang/ lam dang/ kun rdzob shes pa rnams so/ /'dod pa'i khams las 'dod chags dang bral yang gzhan gyi sems shes pa mi 'thob ste/ de ni bar chad med pa'i lam la bkag
 pa'i phyir ro/ /gal te bsgom pa'i lam 'jig rten pa zhig yin na ni zhes bya ba la bsgom pa'i lam ni rnam pa gnyis te/ 'jig rten dang 'jig rten las 'das pa'o/ /de las bdun las 'dod chags dang bral ba la sogs par ci rigs par gal
 te bsgom pa'i lam 'jig rten pa yin na ni kun rdzob shes pa da ltar byung ba yin no/ /'jig rten las 'das pa zhig yin na ni rjes su shes pa bzhi zhes bya ba ni sdug bsngal dang kun 'byung dang 'gog pa dang/ lam la rjes su shes pa rnams las gang yang
 rung ba zhig ste/ thams cad cig car mngon sum du 'gyur ba mi srid pa'i phyir ro/ /chos shes pa gnyis las zhes bya ba ni 'gog pa dang lam dmigs pa dag las te/ 'gog pa dang/ lam la chos shes gang yin te/ zhes bya ba la sogs pa'i tshul gyis
 so/ /srid pa'i rtse mo'i gnyen po ma yin pa'i phyir ro zhes bya ba ni kun rdzob shes pa srid pa'i rtse mo'i gnyen po med de/ sa gong ma'i nyer bsdogs med pa'i phyir la mi g.yo ba'i sems rnam par grol ba yang srid pa'i rtse mo'i gnyen pos rab tu phye ba yin no/ /
 der ni zad pa shes pa bdun pa yin par rig par bya'o/ /yang ci'i phyir der mi skye ba shes pa yang mi 'thob cen par chad med pa'i lam la gnas pa ni mi g.yo ba'i chos can ma yin te/ de ni dus kyi rnam par grol ba yin no/ /rnam par grol ba'i lam
 dgu pa la mi skye ba shes pa 'byung gi bar chad med pa'i lam la ni ma yin no/ /gal te kun rdzob shes pa mi 'thob na gzhan gyi sems shes pa ji ltar 'thob cen/ gzhan gyi sems shes pa ni rnam par grol ba'i lam gyis bsdus pa dang/ bag pa med
 pa yin pas 'thob pa'o/ /slob pa spyod ba zhes bya ba la sogs pa thams cad 'byung ngo/ /gnyi gas kun rdzob shes pa yang 'thob bo zhes bya ba ni 'dod chags dang bcas pa dang/ 'dod chags dang bral ba gnyi gas rnam par grol ba'i lam la 'thob po sbyor
 ba'i lam la ni de nyid kyi zhes bya ba ni 'dod chags dang bcas pa dang 'dod chags dang bral bde gnyi gas kyang dbang po sbyor ba'i sbyor ba'i lam la sngar bshad ba chos dang rjes su shes pa la sogs pa 'ba' zhig du ma zad kyi kun rdzob shes pa yang 'thob
 bo/ /de ltar na 'dod chags dang bral bas ni sbyor ba'i lam la shes pa bdun 'thob bo/ /'dod chags dang bral bas ni brgyad 'thob bo/ /mthong ba'i lam dang 'dra ba'i phyir ro zhes bya ba ni dbang po dag spyod pa na rgyun
 tu zhugs pa la sogs pa'i 'bras bu rnams las gang yang rung ba 'bras bu 'dus byas dbang po rnon pos bsdus pa 'thob bo zhes bya ba ni mthong ba'i lam dang 'dra ba yin no/ /der bar chad med pa'i lam la/ kun rdzob shes pa thob pa
 yang ma yin pa de bzhin du 'dir yang bar chad med pa'i lam la kun rdzob shes pa thob pa med do/ /gnyen ma yin pa'i phyir zhes bya ba ni gzhan gyi sems shes pa ni mngon par shes pa'i bdag nyid yin pa nyid kyi rnam par grol ba'i lam gyis
 bsdus pa'i phyir gnyen po ma yin pa nyid de/ 'di ni spong ba'i gnyen po la gnyen por 'dod do/ /de bzhin srid rtse rnam rgyal la zhes bya ba ni ji ltar dbang po sbyong ba na/ 'dod chags dang ma bral bas rnam par grol ba'i lam dang/ 'dod chags dang
 bral yang rung bas bar chad med pa'i lam la shes pa drug 'thob pa de bzhin du srid pa'i rtse mo las 'dod chags bral ba'i bar chad med pa'i lam rnams la yang chos dang rjes dang sdug bsngal dang kun 'byung ba dang 'gog pa dang lam shes
 pa drug kho na 'thob bo/ /gzhan gyi sems shes pa drug 'thob ste/ bar chad med pa'i lam la bkag pa'i phyir ro/ /kun rdzob shes pa yang mi 'thob ste/ srid pa'i rtse mo'i gnyen po ma yin pa'i phyir ro/ /bar chad med pa'i lam dag tu kun tu sbyor ba
 zad pa dang mi skye ba shes pa dag kyang mi 'thob po/ /zad par shes pe la dgu'o? zhes bya ba ni dus kyi rnam par grol bas ni zad pa shes pa la shes pa dgu 'thob bar 'gyur te/ yongs su nyams pa srid pa'i phyir mi skye ba shes pa ni ma yin/ /zad pa shes
 pa'i las thams cad pa'i yon tan zag pa dang bcas pa rnams 'thob par 'gyur pa'i phyir kun rdzob shes pa yang 'thob bo/ /dus kyi rnam par grol ba gang zhig mi g.yo ba nyid du 'pho ba de'i rnam par grol ba'i lam tha ma la yang mi skye ba shes pas
 bsnan te bcu 'thob bo/ /bshad pa'i lhag ma la brgyad 'thob zhes bya ba la bshad pa'i lhag ma ni bshad pa las gzhan ma bshad pa'o/ /de lhag ma yang gang zhig ce na /'dod pa'i khams las 'dod chags dang bral ba'i rnam par grol ba'i
 lam dgu pa zhes bya ba 'byung ngo/ /ji ltar zhe na/ de'i gong ma chags bcas kyis/ /bsgom pa'i lam la bdun 'thob bo zhes 'byung ba'i phyir rnam par grol ba'i lam dgu pa lhag pa yin no/ /de bzhin du sa bdun po las 'dod chags dang bral pa
 dang mngon par shes pa dang/ spel mar bsgom pa dag gi rnam par grol ba'i lam rnams kyang lhag ma yin no/ /ji ltar zhe na/ sa bdun las rgyal mngon shes dang/ /mi g.yo thob dang spel sgom pa'i/ /bar chad med pa'i lam dag dang
 zhes 'byung ba'i phyir ro/ /de bzhin du mi g.yo ba rtogs par byed pa'i rnam par grol pa'i lam brgyad lhag ma yin no/ /'di ga las zhe na/ de'i rnam par grol pa'i lam tha ma la yang bcu 'thob bo zhes 'byung ba'i phyir mi g.yo ba rtogs
 par byed pa'i rnam par grol ba'i lam brgyad lhag ma yin no/ /'dod chags dang bral ba'i sbyor ba dang lhag ma dang khyad par can gyi lam thams cad lhag ma yin te/ ma bshad pa'i phyir ro/ /shes pa brgyad ma 'ongs pa 'thob pas
 'thob ste zhes bya ba rgyas par 'byung ngo/ /slob pa'i ni de lta bu yin no zhes bya ba la ci zhig ce na/ zad pa dang mi skye ba shes pa ma gtogs pa gzhan shes pa brgyad 'thob po zhes bya'o/ /mi slob pa ni mngon par shes pa la sogs
 pa'i sbyor ba dang/ rnam par grol ba dang/ khyad par can gyi lam rnams la zhes bya ba la sogs pa zhes bya ba'i sgras ni spel mar bsgom pa la sogs pa bsdu'o/ /mngon par shes pa mngon par bsgrub pa dang/ spel
 mar bsgom pa'i sbyor ba dang/ rnam par grol ba dang khyad par gyi lam gang dag yin pa de dag la shes pa dgu 'am bcu ma 'ongs pa 'thob pas 'thob ste/ dus kyi rnam par grol bas ni mi skye ba shes pa ma gtogs pa dgu 'thob bo/ /mi g.yo
 ba'i chos can gyis ni mi skye ba shes pa bsnan te bcu 'thob bo/ /brgyad dam dgu 'thob bo zhes bya ba ni dus kyis rnam par grol bas ni gzhan gyi sems dang mi skye ba shes pa ma gtogs pa brgyad 'thob bo/ /mi g.yo ba'i chos can gyis
 ni gzhan gyi sems shes pa ma gtogs pa dgu 'thob ste/ de ni bar chad med pa'i lam thams cad la bkag pa yin no/ /mngon par shes pa'i rnam par grol ba'i lam rnams la shes pa dgu 'am bcu 'thob bo zhes khyad par med par smos
 pa'i phyir mig dang rna ba'i mngon par shes pa'i rnam par grol ba'i lam gnyis la yang thal bar 'gyur bas de'i phyir mngon par shes pa'i rnam par grol ba'i lam gnyis ni zhes bya ba rgyas par smos so/ /mig dang rna ba'i mngon
 bar shes pa dag ni lung du ma bstan pa yin pas de'i phyir de dag gi rnam par grol ba'i lam lung du ma bstan pa yin la/ chos lung du ma bstan pa la ni ma 'ongs pa'i 'thob pa med de/ lung bstan mi 'thob lhan cig skye zhes
 'byung ba'i phyir ro/ /so so'i skye bo zhes bya ba rgyas par 'byung ba ni/ 'dod pa las 'dod chags dang bral ba dang bsam gtan gsum las 'dod chags dang bral ba'i rnam par grol ba'i lam mdza' ma rnams la kun rdzob
 shes pa dang/ gzhan gyi sems shes pa ma 'ongs pa 'thob bo/ /yang bsam gtan bzhi pa las 'dod chags dang bral ba'i yang ci'i phyir ma brjod ce na/ de ni nam mkha' mdza' yas skye mched kyi sdus pa yin na/ gzhan gyi sems
 shes pa gzugs la brten nas bsgrub par bya ba la yin pa'i phyir dang bsam gtan gyi sa pa yin pa'i phyir ro/ /bsam gtan gyi sa pa dag gi sbyor ba rnams mngon par shes pa zhes bya ba la sogs pa la/ sbyor ba'i lam dang/ mngon
 par shes pa gsum gyi rnam par grol pa'i lam rnams dang/ tshad med pa la sogs pa'i yon tan mngon par bsgrub pa rnams ni/ sbyor ba rnams dang mngon par shes pa gsum gyi rnam par grol ba'i lam rnams dang/ tshad med
 pa la sogs pa'i yon tan mngon par bsgrub pa rnams te/ bsam gtan gyi sa pa de rnams la kun rdzob shes pa ma 'ongs pa dang/ gzhan gyi sems shes pa 'thob bo/ /bsam gtan gyi sa pa dag ces bya ba ci'i phyir zhe na/
 gzhan gyi sems shes pa nyer bsngogs kyis pa med pas so/ /'di skad bstan par 'gyur te/ bsam gtan dang po las 'dod chags dang bral bar bya ba la gal te dang po'i sbyor ba yin na ni kun rdzob shes pa dang gzhan gyi sems
 shes pa 'thob bo/ /gal te bsam gtan gnyis pa'i nyer bsngogs kyi sbyor ba yin na ni kun rdzob shes pa kho na 'thob bo/ bsam gtan gsum pa las 'dod chags dang bral bar bya ba'i bar la yang de bzhin du rig par bya'o/ /
 bsam gtan bzhi ba las 'dod chags dang bral bar bya ba gal te de nyid/ sbyor ba yin na ni kun rdzob dang gzhan gyi sems shes pa dag 'thob bo/ /gong ma'i nyer bsdogs kyi yin na ni/ kun rdzob shes pa kho na 'thob bo/ /
 mngon par shes pa gsum gyi rnam par grol ba'i lam rnams la yang shes pa gnyis kho na 'thob bo/ /mngon par shes pa gsum gang zhe na/ rdzu 'phrul gyi yul shes pa dang/ sngon gyi
 gnas rjes su dran pa'i shes pa dang/ sems kyi rnam par shes pa dang/ sogs pa zhes smos pa/ ci'i phyir zhe na/ rnam par thar pa dang/ zil gyis gnon pa'i skye mched dang/ zad par gyi skye mched la sogs pa'i yon tan mngon par
 bsgrub pa dag gi bsam gtan gyi sa pa'i rnam par grol ba'i lam gang dag yin pa de rnams la yang kun khro? bar shes pa ma 'ongs pa dang gzhan gyi sems shes pa 'thob ste/ gzhan gyi sems shes pa ni bsam gtan gyi
 dngos gzhis bsdus pa'i phyir ro zhes bstan pa'i phyir ro/ /nges par 'byed pa'i cha dang mthun pa dag ma gtogs pa zhes bya ba nges par 'byed pa'i cha dang mthun pa bsam gtan gyis pa dag kyang yod mod kyi/ de dag la ni gzhan
 gyi sems shes pa mi 'thob ste/ mthong ba'i lam gyi 'khor yin pa'i phyir dang/ mthong ba'i lam la gzhan gyi sems shes pa bkag pa'i phyir ro/ /sngon med pa'i lam 'thob pa gzhan la ni zhes bya ba ni so so'i skye bo khe na'i
 'dod pa dang bsaM gtan gsum las 'dod chags dang bral ba'i rnam par grol ba'i lam tha ma las gzhan pa'i sbyor ba dang bar chad med pa dang rnam par grol ba'i lam tha ma las gzhan pa'i sbyor ba dang bar chad med pa dang rnam
 par grol ba'i lam gyis bsdus pa gang yin pa dang bsam gtan gyis pa dag gyi sbyor ba rnams dang mngon par shes pa gsum gyi rnam par gol pa'i lam la sogs pa dag las gzhan pa gang yin pa'o/ /de yang gang zhe na/
 'dod pa las 'dod chags dang bral ba'i bar chad med pa'i lam dang/ rnam par grol ba'i lam brgyad dang/ de bzhin du bsam gtan gsum pa dang/ bzhi pa'i bar las 'dod chags dang bral ba'i bar chad med pa la/ rnam par grol ba'i lam dang/
 sa gong ma'i nyer bsdogs kyi sbyor ba'i lam dang/ gzugs med pa gsum las 'dod chags dang bral ba ste/ de rnams la ni kun rdzob shes pa kho na thob kyi gzhan gyi sems shes pa ni ma yin te/ de ni nyer bsdogs dad bar chad med
 pa'i lam dang gzugs med pa rnams su bkag pa'i phyir ro/ /yang lam gang la zhes bya ba rgyas par 'byung ba ni 'jig rten pa dang/ 'jig rten las 'das pa'i lam mngon sum du 'gyur ba la'o/ /lam sa gang pa zhes bya ba ni mi lcogs pa
 med pa la sogs pa'i sa pa'o/ /dang po nyid du sa 'thob pa zhes bya ba ni 'dod chags dang bral ba'i sgo nas bsam gtan dang po la sogs pa thob pa ste/ sa de pa'i kun rdzob shes pa ma 'ongs pa 'thob bo/ /ji ltar zhe na/ gal te mi
 lcogs pa med pa la brten te 'jig rten pa'i lam gyis 'dod pa las 'dod chags dang bral nas bsam gtan dang po thob na mi lcogs pa med pa'i sa pa dang/ bsam gtan dang po'i si pa'i kun rdzob shes pa 'thob bo/ /de
 bzhin du bsam gtan gnyis pa'i nyer bsdogs la brten te dang por sa gang 'thob na/ kun rdzob shes pa bsam gtan gnyis pa'i sa pa dang/ de'i nyer bsngogs kyi sa 'thob bo/ /srid pa'i rtse mo'i bar du yang de dang
 'dra? ste/ der yang srid pa'i rtse mo'i sa pa dang/ de'i nyer bsdogs gyi sa pa 'thob po/ gang las chags bral bya phyir zhes bya ba ni sa gang las 'dod chags dang bral bar bya ba'i phyir/ /gang 'thob pa zhes bya ba ni lam
 gang thob pa'o/ /rnam pa gnyis yin la zhes bya ba ni 'jig rten pa dang/ 'jig rten las 'das pa'o/ /sbyor ba'i lam la sogs pa zhes bya ba ni rnam pa bzhi char yang ngo/ /de'i sa pa dang sa 'og ma'i zag pa
 med pa'i shes pa 'thob bo/ /ji ltar zhe na dper na/ rnam shes mdza' yas skye mched las 'dod chags dang bral bar bya ba'i phyir/ ci yang med pa'i skye mched kyi nyer bsdogs kyis bsdus pa'i 'jig rten pa'i lam
 mngon du byed pa 'am/ rnam shes mdza' yas skye mched kyi zag pa yed pa'i de nyid mngon sum du byed pa na rnam shes mdza' yas skye mched kyi bdag nyid kyi sa gang las/ 'dod chags dang bral bar bya ba'i don du lam
 de mngon sum du byed pa dang/ ci yang med pa'i skye mched kyi sa rnyed pa gang yin pa de'i sa pa dang/ 'og ma mi lcogs pa med pa'i bar ba bzhin nam/ dper na/ gang zhig 'dod pa'i khams las 'dod chags dang bral
 nas bsam gtan dang po rnyed pa des bsam gtan dang po'i sa pa dang/ mi lcogs pa med pas bsdus pa'i yon tan dag thob pa bzhin no/ /de bzhin du srid pa'i rtse mo'i bar las 'dod chags dang bral bar 'gyur
 bas sa thams cad pa'i yon tan zag pa med pa thob par 'gyur ro/ /yang zhes bya ba'i sgra dang pos ni de'i sa pa 'ba' zhig du ma zad kyi/ 'o na ci zhe na gzhan gyi sa pa yang 'thob par 'gyur ro zhes bstan la/ yang
 zhes bya ba'i sgra gnyis pas kyang 'jig rten las 'das pa 'ba' zhig tu ma bde? kyi/ 'o na ci zhe na/ 'jig rten pa yang ngo zhes bstan to/ /zad pa shes la zag bcas kyang zhes bya ba la/ kyang zhes bya ba'i sgris? ni zag
 pa med pa yang zhes bya ba yin te/ dgra bcom pa nyid thob na thos pa dang bsam pa dang bsgom pa las byung ba dang/ mi sdug pa dang dbugs dbyung ba dang rdub pa dran pa la sogs pa sa thams cad pa dag 'thob bo/ /sogs pa zhes bya ba'i sgras
 ni zil gyis gnon ba'i skye mched dang/ zad par gyi skye mched la sogs pa bsdu'o/ /sprog ma thag pa bcad de zhes bya ba rgyas par 'byung ba ni dper na sprog ma thag pa na gzhungs te bcings pa thag pa bcad de dbugs phyin pa lta bu ste/ de
 bzhin du sprog ma dang chos mtshungs pa de lta bu bar chad med pa'i lam dgu pa rdo rje lta bu'i ting nge 'dzin gyi nyon mongs pa'i thob pa bcad pa las ji skad bshad pa'i yon tan mi sdug pa la sogs pa mi slob pa'i rgyud pa yod pa rnams
 thob pa'i sgo nas dbugs phyin pa lta bur 'gyur te/ cher sbyangs pa rnams kyi thob pa skye zhes bya ba'i tha tshig go/ dbugs phyin pa lta bur zhes bya ba ni dbugs phyin pa srog chags kyi chos yin pa'i phyir nye bar btags pa pa'o/
 rang gi sems la rgyal srid chen po nyid thob na zhes bya ba la lhag pa'i rgyal po ni rgyal srid chen po'o/ /de'i dngos po ni rgyal srid chen po nyid do/ /rang gi sems la rgyal srid chen po nyid thob pa ni/ rang gi sems la rgyal srid chen
 po nyid pa ste/ rang gi sems la dbang thob pa'i phyir ro/ /dge ba'i chos thams cad thob pa rnams kyis bsu pa'i phyir ro zhes bya ba ni rnal 'byor pa de 'dra ba de la mi sdug pa'i yon tan dge ba'i chos thams cad kyis thob pa 'bul ba
 dang 'dra ba rnams kyis bsu pa'i phyir te/ dper na rgyal srid chen po thob na yul rnams 'dul byar byed pa ste/ gos dang rgyan la sogs pa 'bul gyis bsu ba bzhin no/ /sul las rnams zhes brjod par bya ba las yul
 rnams zhes bstan pa ni yul gyis yul pa bstan pa'i phyir te/ 'di ltar smra ba po dang yul thams cad 'ongs so zhes brjod pa yin no/ /gang gi snyed pa zhes bya ba la/ bsam gtan la sogs pa mngon du
 byed pa de thams cad ma 'ongs pa thob ba ma zhe na/ de ni yod pa ma yin te/ sngon rnyed zin pa mi 'thob bo/ /gang zhig rnyed de rnam par nyams pa las yang rnyed pa de yang mi 'thob bo/ /gang sngon ma rnyed pa las rnyed pa de 'thob bo/ /'khor
 bar ma 'dris par zag pa med pa dang/ de dang mthun pa gang yin pa de ni mngon gyur a/ de dang 'dra ba ma 'ongs pa khyad par can 'thob ste/ 'bad nas mngon du byed pa'i phyir ro/ /'di ltar rnyed pa'i lam ni 'bad pas mngon du
 byed pa'i phyir ro/ /'di ltar rnyed pa'i lam ni 'bad pas mngon du byed pas des 'phangs pa stobs dang ldan pa'i phyir ma 'ongs pa 'thob kyi/ sngon rnyed pa ni 'bad pa med par mngon du 'gyur te/ de bsgoms shing rnyed pa'i phyir
 dang/ mtshar cig dga' ba med pa'i phyir dang/ shin tu mngon du 'gyur ba'i phyir ma 'ongs pa mi 'thob bo/ /'thob pa ni rnam pa bzhi ste zhes grangs bstan pa ni nges par gzung bar bya ba'i phyir ro/ /rnyed pa'i 'thob pa zhes bya ba'i
 ni yon tan gang yang rung ba goms pas yon tan gang yang rung ba 'thob pa'o/ /rnyed pa nyid thob pa yin pas na rnyed pa'i thob pa'o/ /bsten pa'i thob pa zhes bya ba la bsten pa ni chos thob zin pa mngon du byed pa'o/ /bsten pa nyid
 thob pa yin pas na bsten pa'i thob pa'o/ /gnyen po'i 'thob pa zhes bya ba la gnyen po ni lam ste/ gnyen po nyid 'thob pa yin pas na gnyen po'i thob pa'o/ /de ni lus la sogs pa rnams kyi lus la sogs pa'i gnyen po rtogs
 pa las lus bsgoms pa zhes bya ba lta bu ste/ de bzhin du zag pa dang bcas pa'i chos gzhan dag kyang yin no/ /'di ltar lus bsgoms pa dang sems bsgoms pa dang tshul khrims bsgoms pa ni dge slong zhes bya'o/ /ji ltar lus bsgoms pa/
 yin zhe na/ lus 'dang chags dang bral ba/ sred pa dang bral ba dang/ skom pa dang bral b zhes rgyas par 'byung ngo/ /kha cig na re lus kyis gnyen po ni bsam gtan bzhi pa las 'dod chags dang bral bar byed pa'i gang yin pa'o zhes
 zer ro/ /gzhan dag na re gzugs kyi 'dod chags zad par byed pa'i bar chad med pa'i lam yin no zhes zer ro/ /thag bsrings pa'i thob pa zhes bya ba la thag bsring ba nyid thob pa yin pas na thag bsrings pa'i thob pa'o/ /de ni nyon mongs pa'i
 thob pa gcod pa ste/ thag bsrings par byed ces bya ba'i tha tshig go /ma 'ongs pa rnams kyis ni gcig zhes bya ba ni rnyed pa'i 'thob pa'o/ /de ltar byung ba rnams kyis ni gnyig po? zhes bya ba ni bsten pa 'thob bo/ /de ltar na zhes bya ba rgyas par 'byung
 ste/ gang gi phyir rnyed pa dang bston pa thob pa ni bye brag med par bshad pa'i phyir dge ba 'dus byas zag pa dang bcas pa dang zag pa med pa rnams kyi yin no/ /gnyen po dang thag dsrid ba 'thob pa dag ni bye brag med par bshad pa'i phyir zag pa dang
 bcas pa nyon mongs pa can dang/ nyon mongs pa can ma yin pa rnams kyi yin pa de'i phyir de ltar na dge ba zag pa dang bcas pa rnams kyi 'thob pa bzhi yin la/ dge ba 'dus byas yin pa'i phyir dang po gnyis yin la/ zag pa dang bcas pa'i
 phyir phyi ma gnyis yin no/ /de'i phyir de ltar na de dag gi ni thob pa bzhi yin no/ /zag pa med pa rnams kyi ni gnyis yin te snga ma gnyis so/ /nyon mongs pa can dang lung du ma bstan pa rnams kyis ni gnyis te phyi ma gnyis so/ /sdom pa'i 'thob pa dang rnam par
 'jigs pa'i thob pa'o zhes bya ba la sgom pa nyid de thob pa yin pas na sdom pa'i thob pa ste/ de ni dbang po'i sdom pa dran pa dang shes bzhin gyi bdag nyid de/ dbang po drug po 'di dag shin tu dul ba dang/ shin tu
 spangs pa dang/ shin tu bsrungs pa dang/ shin tu bsdams pa dang/ shin tu bsgoms pa ni phyi ma la rnam par smin pa bde bar 'gyur ro zhes 'byung ngo/ /rnam par 'jig pa nyid 'thob pa yin pas na rnam par 'jig pa'i 'thob pa'o/ /de ni lus la dmigs
 pa'i nyon mongs pa thag bsrings pa ste/ 'di skad du/ lus 'di la skra dang/ spu dang/ so dang/ sen mo dang/ rdul dang/ dri ma dang/ lpags pa dang/ sha dang rus pa dang/ rgyus pa dag rtsa dang/ mkhal ma dang/ mtshan pa dang/ glo ba dang/ rgyu ma dang/ gnye ma dang/ pho
 ba dang/ long ka dang/ lgang pa dang/ bshad pa dang/ mchi ma dang/ rdul dang/ mchi la ma dang/ rnabs dang/ rkang dang/ chu ser dang/ gzhungs pa dang/ tshil dang/ bad kan dang/ rnag dang/ khrag dang/ glad pa dang/ glang rgyas dang/ gcig yod ngo zhes 'byung ba lta bu'o/ /
 de dag ni grangs bzhin du gnyen po dang thag bsrid pa'i thob pa'i nang du 'dus so/ /de la dbang po sngon pI thob pa ni dran pa dang shes bzhin gyi rang bzhin yin pas gnyen po'i thob pa grub na/ rnam par 'jig pa'i phyir thob pa ni ji ltar thag pa dri ba'i thob pa 'grub
 ce na/ 'di ltar de ni lus la dmigs pa'i nyon mongs pa thag bsrings pa'i mtshan nyid yin no/ /de ni gnyen po'i thob pa yin par yang mi 'gal te/ shes rab kyis lus rnam par 'jig par byed pas so/ /gang zag thams cad kyis zhes bya ba ni nyan thos
 dang rang sangs rgyas dang yang dag par rdzogs pa'i sangs rgyas rnams kyis zad par shes pa'i skad cig la yon tan thob pa bshad de/ zad pa shes pa zag bcas kyang zhes 'byung ba'i phyir stobs bcu zhes bya ba rgyas par 'byung ba la/ stobs pa? sogs
 pa thugs rje chen po la thug pa de dag ni ma 'dres pa'i chos bco brgyad ces brjod do/ /ma 'dres pa zhes bya ba 'dres pa ni 'dus pa'o/ /ma 'dres pa ni 'dren pa ste/ zla med pa zhes bya ba'i don to/ /'di dag ma 'dres pa'i gang zag gi yin pas na ma 'dres pa ste/
 de nyid kyis phyir thun mong ma yin pa ni ma 'dres pa'o zhes bshad par bya ste gang dag de kho na'i yin gyis gzhan gyi ma yin pa'o/ /gnas dang gnas min shes pa 'byung zhes bya ba la gnas dang gnas ma yin pa mkhyen pa'i stobs zhes bya ba 'di ci zhig
 ce na/ dge slong dag gnas ni gnas su yang dag pa ji lta ba bzhin rab tu shes so/ /gnas ma yin pa ni gnas ma yin pa'o zhes yang dag pa ji lta ba bzhin du? rab tu shes so zhes 'di ni bcom ldan 'das nyid kyis rgyas par bshad de/ chos thams
 cad kyis rang bzhin dang nus pa dang/ rgyu dang 'bras bu nges pa de la 'di ni gdon mi za bar rgyu 'di las 'byung ngo/ /'di ni mi 'byung ngo snyam pa'i mkhyen pa thogs pa med pa rkang yin pa'o/ /gnas zhes bya ba ni srid pa'o/ /gnas ma yin pa ni mi
 srid pa'o/ /gnas dang gnas ma yin pa dag las gang yang rung ba zhig bstan pas cig shos kyang bstan par 'gyur ba ma yin nam/ ci'i phyir gnyi ga bstan ce na/ 'di ni de ltar yin mod kyi/ gnas mkhyen pas mi rgyu med par
 smras pa bkag par ston la/ gnas ma yin pa mkhyen pas ni mi mthun pa'i rgyur smra ba dgag par ston pas gnyi ga nye bar bstan to/ /gnas dang gnas min shes pa bcu zhes bya ba la ji ltar zhe na/ 'di ltar gnas dang gnas ma
 yin pas ni chos thams cad la khyab pa'i phyir 'dus byas dang 'dus ma byas so/ /de la 'dus byas ni rnams brgyad dbye bar bya ste khams gsum pa dang/ zag pa med pa mtshungs par ldan pa dang ldan pa ma yin pa'i dbye bas so/ /
 'dus ma byas ni rnam pa gnyis te/ dge ba dang lung du ma bstan pa'i dbye bas so/ /de la kun rdzob shes pa'i dmigs pa ni rnam pa bcu char yin no/ /chos shes pa'i ni lnga ste/ 'dod pa na spyod pa dang zag pa med
 pa dang mtshungs par ldan pa dang/ ldan pa ma yin pa dang/ 'dus ma byas dge ba'o/ /de bzhin du rjes su shes pa la sogs pa rnams kyi yul yang ci rigs par brjod par bya'o de ltar byas na gnas dang gnas ma yin pa shes pa ni shes
 pa bcu yin no/ /las 'bras la brgyar ces bya ba la las dang rnam par smin pa mkhyen pa'i stobs zhes bya ba ni dge ba dang mi dge ba'i las rnams kyi rnam par smin pa dang/ nyung ba dang mang ba nyid dang nges pa dang ma nges pa la sogs
 pa'i don dag la thogs pa med pa'i mkhyen pa gang yin pa'o/ /las dang rnam par smin pa ni khams gsum pa'i chos mtshungs par ldan pa dang/ ldan pa ma yin pa yin la/ de dag kyang sdug bsngal dang kun 'byung gis bsdus
 pa yin pas de'i phyir 'gog pa dang lam shes la dag ma gtogs so zhes bya ba smos so/ /de la kun rdzob shes pa ni khams gsum pa'i las dang rnam par smin pa'i yul can no/ /chos shes pa ni 'dod par gtogs pa'i yul can no/ /rjes su
 shes pa ni gzugs dang gzugs med par gtogs pa'i yul can no/ /sdug bsngal dang kun 'byung dang zad pa dang mi skye ba shes pa dag kyang ci rigs par 'dod pa dang/ gzugs su gtogs pa yang dag pa dang mi dge ba'i sems dang
 sems las byung ba'i yul can no/ /bsam gtan sogs/ dbang po mos pa dang zhes bya ba rgyas par 'byung ba ni gang dag bsam gtan dang por yod pa de dag ni bsam gtan sogs te/ de dag ni rnam par thar pa dang/ ting nge 'dzin dang
 snyoms par 'jug pa dag go/ bsam gtan la sogs pa dang/ dbang po rnams dang/ mos pa rnams ni bsam gtan sogs/ dbang po mos dang ste de dag la'o/ /de la bsam gtan ni bzhi'o/ /rnam par thar pa ni brgyad do/ /ting nge 'dzin ni stong pa
 nyid la sogs pa'o/ /snyoms par 'jug pa ni 'gog pa dang 'du shes med pa'i snyoms par 'jug pa dang/ gzugs med pa bzhi ste/ bsam gtan la sogs pa de dag gi rang bzhin dang/ thob pa dang thabs dang phan 'dogs pa dang/
 ro myang ba dang dag pa dang/ zag pa med pa dang/ nyams pa dang gnas pa dang/ khyad par dang nges par 'byed pa'i cha dang/ mthun pa la sogs pa'i don dag la mkhyen pa thogs pa med pa gang yin pa de ni bsam gtan dang/ ting nge 'dzin dang/
 snyoms par 'jug pa mkhyen pa'i stobs te/ 'di ni 'gog par shes pa ma gtogs pa shes pa dgu yin no/ /ji ltar zhe na bsam gtan la sogs pa de dag ni mdor bsdu na 'jig rten pa dang 'jig rte las 'das pa'i lam gyis rang bzhin yin
 pa de dag kyang mtshungs par ldan pa dang ldan pa ma yin pa'i bye brag gis re re zhing rnam pa gnyis su dbye'o/ /de la kun rdzob shes pa ni lam thams cad kyi yul can no/ /chos shes pa ni 'dod pa'i khams kyi gnyen po la dmigs pa'o/ /
 rjes su shes pa ni gzugs dang gzugs med pa'i gnyen po la dmigs pa'o/ /sdug bsngal dang kun 'byung shes pa dag ni zag pa dang bcas pa'i lam la dmigs pa'o/ /lam shes pa ni zag pa med pa la dmigs pa'o/ /zad pa dang mi
 dbye ba shes pa dag ni zag pa dang bcas pa dang zag pa med pa la dmigs pa'i/ /gzhan gyis sems shes pa ni mtshungs par ldan pa'i lam la dmigs pa'o/ /dbang po mchog dang mchog ma yin pa mkhyen pa'i stobs zhes bya ba la/
 dad pa la sogs pa'i dbang po rnams gang mchog ces bya ba ni gtso bo yin la /mchog ma yin pa zhes bya ba ni gtso bo ma yin pa ste/ chung ngu dang 'bring chen po'i bye brag dang/ zag pa dang
 bcas pa dang zag pa med pa'i bye brag la thogs pa med pa'i ye shes gang yin pa de ni dbang po mchog dang mchog ma yin pa mkhyen pa'i stobs so/ /de yang dbang po rnams zag pa dang bcas pa dang zag pa med pa yin
 pa'i phyir shes pa dgu yin no zhes rgyas par sbyar bar bya'o/ /'dir 'dod par gtogs pa'i dbang po rnams kyang yod pas chos shes pa sdug bsngal dang kun 'byung la dmigs pa yang yin no zhes bya ba ni khyad par ro/ /
 mdor bsdu na sems can rnams kyi legs pa 'thob pa'i nus pa rnam pa gsum la thogs pa med pa mkhyen pa ni dbang po mchog dang mchog ma yin pa mkhyen pa'i stobs so/ /mos pa sna tshogs mkhyen pa'i stobs zhes bya
 ba ni mos pa sna tshogs pa ni dman pa dang gya nom pa dag la 'dod pa ste/ 'dod pa dang mos pa zhes bya ba ni rnam grangs so/ /sems can rnams kyi 'dod pa sna tshogs pa thogs pa med par mkhyen pa ni mos pa sna tshogs mkhyen pa'i stobs so/ /
 mos pa de yang zag pa dang bcas pa dang zag pa med pa yin pas snga ma bzhin du shes pa dgu yin te/ khams sna tshogs mkhyen pa'i stobs zhes bya ba la/ de la khams ni sems can rnams kyi sngon goms pa'i
 bag chags so/ /de ni sems dang sems la sdud pa khyad par can de dag yin no/ /rang bzhin yang khams yin te/ rang bzhin yongs su shes na chos rnams kyi ngo bo'i khyad par yongs su shes pa'i phyir ro/ /de dag la zag pa dang bcas pa dang/
 zag pa med pa'i dbye ba dang/ khams kyi dbye ba byas te/ de dag la dmigs pa'i shes pa dgu sbyar bar bya'o/ /mdor bsdu na sems can rnams kyi mngon goms pas yang dag par 'grub pa'i bsam pa dang/ bag la nyal dang/ chos
 rnams kyi rang bzhin sna tshogs pa la mkhyen pa'i mkhyen pa ni khams sna tshogs mkhyen pa'i stobs so/ /lam dag la zhes bya ba 'byung ste/ de la lam ni mang ste/ dmyal bar 'gro ba'i lam nas lhar 'gro ba dang/ 'gog par 'gro ba'i
 bar ro/ /'dis dmyal ba la sogs pa grub pas na dmyal bar 'gro ba'i lam ste rgyu'o/ /'gog par 'gro ba'i lam ste bral ba thob par bya ba'i phyir 'dis 'gog pa bsgrub par byed pas so/ /lam ni mdor bsdu na 'jig tshogs
 'byung bar 'gro ba dang/ 'jig tshogs 'gog par 'gro ba'o/ /de la 'jig tshogs ni nye bar len pa'i phung po lnga'o/ /'byung ba ni 'dir de skye ba la mngon par 'dod do/ /'jig tshogs 'gog pa ni bral ba'o/ /'di la der 'gro ba'i
 dang tshul yod pas na 'dir ni 'jig tshogs 'gog par 'gro ba'o/ /thams cad du 'gro ba yang de yin la lam yang yin pas na thams cad du 'gro ba'i lam ste/ de la mkhyen pa ni thams cad du 'gro ba'i lam mkhyen pa'i stobs so/ /
 'di skad bstan par 'gyur te/ skye ba thams cad sgrub par byed pa dang/ skye ba zad par byed pa'i chos rnams la thogs pa med pa'i mkhyen pa ni thams cad du 'gro ba'i lam mkhyen pa'i stobs yin no/ /de la gcig gi tshig
 ni lam gyi rigs la ltos pa ste/ dmyal ba dang dud 'gro dang yi dags dang mi dang lha dang thar par 'gro ba zhes bya ba lam dag ni mang ngo/ /gal te lam 'bras bu dang bcas par gzung na ni zhes bya ba la lam gyi 'bras
 bu ni 'gog pa ste/ bral pa'i 'bras bu yin pa'i phyir ro/ /gnyis ni kun rdzob shes pa yin zhes bya ba ni rang bzhin no/ /de dag gi mtshan nyid ni bdag dang gzhan dag gi skye ba 'das pa gcig nas
 gcig tu brgyud pa dran pa la thogs pa med pa'i mkhyen pa ni sngon gyi gnas rjes su dran pa mkhyen pa'i stobs so/ /sems can rnams kyi ma 'ongs srid par nyid mtshams sbyor ba la thogs pa med pa'i mkhyen pa ni shi 'pho ba
 dang skye ba mkhyen pa'i stobs so/ /zad ba drug gam bcu yin no zhes bya ba gal te zag pa zad pa'i mkhyen pa'i stobs zag pa zad pa'i yul can nyid yin na/ de ltar na shes pa drug gi bdag nyid/ de gzhan gyi sems dang sdug bsngal
 dang kun 'byung dang lam shes pa dag ma btogs so/ /'on te zag pa zad pa zag pa zad pa'i rgyud la yod pa thabs dang bcas pa gzung na ni de lta na shes pa bcu ste/ de skad du yang zag pa zad pa dang/ de'i thabs la thogs pa med
 pa'i mkhyen pa ni zag pa zad pa mkhyen pa'i stobs so zhes bshad do/ /sngon gnas 'chi 'pho skye ba'i chos/ bsam gtan dag na zhes bya ba ni bsam gtan dag kho na mngon par shes pa'i rten ting nge 'dzin yod pa'i phyir ro/ /
 lhag ma ni/ sa rnams kun na zhes bya ba la/ 'dod pa'i khams ni stobs lhag ma ji ltar yang ce na/ de'i phyogs cig du 'gyur pa kun rdzob shes pa yod do/ /blos gsal ba'i phyir 'dzam+bu'i gling pa rnams la sangs rgyas
 'byung ba dang stobs rnams sangs rgyas kyi rten can yin pa'i phyir thams cad 'dzam bu'i gling gi skyes pa'i rten can yin no/ /gzhan gyi stobs shes mi bya'i zhes bya ba ni nyan thos sam rang sangs rgyas kyi'o/ /thogs mi mda'
 zhes bya ba ni/ thams cad la 'jug ces bya ba'i tha tshig go/ rab tu 'byung bar 'dod pa'i mi phyir btang ba zhes bya ba ni rab tu 'byung ba ni rab tu 'byung ba'o/ /de 'dod pa ni rab tu 'byung bar 'dod pa'o/ /rab tu 'byung 'dod pa'i mi slar btang
 ba ni rab tu 'byung bar 'dod pa'i mi phyir btang ba'o/ /thar pa'i cha dang mthun pa'i dge ba'i rtsa ba ma mthong bas phyir bstan pa ste/ rab tu ma byung zhes bya ba'i tha tshig go /bcom ldan 'das kyis ni gzigs shing rab tu phyung ngo/ /'di ni
 ji ltar gzhan gyi shes pa thog pa'i dper brjod pa'o/ /skye ba la sogs pa'i mdza' ma shes zhes bya ba la sogs pa zhes bya ba'i sgras ni 'chi 'pho ba'i mdza' ma shes pa sdu'o/ /sred med kyi bu'i stobs zhes bya ba ni/ stobs nyid
 kyi ming gi khyad par te/ gang la stobs de yod pa de yang sred med kyi bu zhes bya'o/ /bcom ldan 'das kyi phun sum tshogs pa ni gnyis te/ rten phun sum tshogs pa ni gzugs kyi sku'o/ /brten pa phun sum tshogs pa ni stobs la sogs
 pa'i yon tan rnams so/ /gzhan dag tshig na zhes bya ba la/ gzhan dag na re sangs rgyas bcom ldan 'das kyi sku thams cad la sred med kyi bu'i stobs? gcig yod pa ma yin te/ 'o na ce zhes na/ tshigs dang tshigs na'o zhes zer ro/ /
 de lta ma yin na mkhyen pa'i stobs mdza' yas pa? bzod par mi 'gyur zhes bya ba la/ de lta ma yin na zhes bya ba ni thugs kyi ?? sku'i stobs mi 'dod na te/ mkhyen pa'i stobs mdza' yas bzod par mi 'gyur
 te/ bzod pa'i dang tshul can du mi 'gyur ro zhes bya ba'i don to/ /tshigs na zhes bshad pa de'i phyi rus pa'i tshigs kyi khyad par klu? mdud pa zhes bya ba rgyas par bkod do/ /sangs rgyas rnams gyi tshigs ni klu mdud pa lta bu
 ste/ klu mdud pa ni klu sprel ba'o/ /rang sangs rgyas rnams kyi tshigs ni lu gu rgyud lta bu yin no/ /'khor los sgyur ba rnams kyi tshig ni gzer bus btab pa lta bu yin no/ /glang chen sogs/ bdun cus glags pa'i
 stobs yin zhes bya ba ni glang po che la sogs pa ste/ glang po che phal pa dang/ spos kyi glang po che dang/ chen po che chen po dang/ rab gnon dang/ yan lag mchog dang/ stobs mchog dang/ sred med kyi bu dang bdun yin no/ /de'i stobs ni bcus
 glags pa 'am/ bcu pas lhag pa'o/ /ji lta zhe na/ glang po che phal pa ste/ glang po che tha mal bcu'i stobs gang yin pa de ni spos kyi glang po che gcig gi stobs yin no zhes bya ba rgyas par 'byung ngo/ /ji ltar ches che ba de ltar rung ngo zhes
 bya ba ni slob dpon te/ de lta ma yin na mkhyen pa mdza' yas pa bzod par mi 'gyur ro/ /ci'i phyir zhe na/ sku la brten pa ni sku dang 'tsham pa yin te/ sku dang thugs gnyis ni phan tshun thun par byed pa'i phyir ro/ /gzhan du na lha sbyin
 gyis bsad pa'i glang po che zhabs kyi mthe bos ra ba dang 'obs bdun zlo ba der mi 'gyur ba 'di ni rgyu yin no/ /de ni reg bya'i skye mched yin zhes bya ba ni/ stobs thams cad reg bya'i skye mched yin no/ /de yang rnam pa gnyis te/ 'byung
 ba dang 'byung ba las gyur pa yin pas de'i phyir 'byung ba chen po'i khyad par zhes bya ba smos te/ 'byung ba las gyur pa ni ma yin no/ /bdun las don gzhan du gyur pa'i phyir zhes bya ba ni/ sngar bshad pa 'jam pa nyid la sogs
 ba dag las gzhan pa rgyur byas pa'i gzugs ni stobs yin no zhes bya'o/ /mdo las ji skad du 'byung ba bzhin zhes bya ba ni/ kye med? mngon par rdzogs par sangs rgyas pa la 'di na chos 'di dag mngon par rdzogs par sangs ma rgyas so
 zhes ngal dge sbyong ngam bram ze 'am lha 'am bdud dam tshangs pa'ang rung 'ga' yang chos dang mthun pas rgal zhing gleng bar byed pa'i rgyu mtshan yang dag par rjes su ma mthed? do/ /de ltar ngas? rgyu mtshan yang dag par rjes su ma mthong bas bde ba thob pa dang/ 'jigs?
 pa med par gyur cing mi 'jigs pa thob par gnas te/ /byu mchog gi gnas rlabs po che zhal gyi 'che zhing tshangs pa'i 'khor lo bskor/ 'khor gyi nad du seng+ge'i sgra yang dag par sgrogs pa 'di ni mi 'jigs pa dang po'o/ /kye me ?? zag pa zad
 pa la 'di na zag pa 'di dag ma zad do zhes nga la dge sbyong ngam bram ze 'am zhes bya ba snga ma bzhin no/ /'di na nyan thos rnams la bar du gcod pa'i chos su gsungs pa gang dag yin pa de dag bstan pa bar du gcod par mi 'gyur ro zhes pa ba? la dge?
 sbyong dam zhes bya ba snga ma bzhin no/ /'di na ngas nyan thos rnams la nges par 'byin pa'i lam du gsungs pa nges par 'byin pa sdug bsngal yang dag par zad par byed pa'i ched du nges par 'byung ba la sdug bsngal gyi mthar byad pa'i ched du de
 'byung ba yin no zhes nga la dge sbyong ngam bya ze 'am zhes bya ba snga ma bzhin te/ 'di ni mi 'jigs pa yin no zhes 'byung ngo/ /gnas dang gnas ma yin pa mkhyen pa'i stobs ji lta bar zhes bya ba ni gnas dang gnas ma yin pa mkhyen pa'i
 stobs shes pa bcu dang sa thams cad kyis bsdus pa ji lta bar kye ma nga mngon par rdzogs par sangs rgyas par gyur par la zhes bya ba'i mi 'jigs pa 'di yang de dang 'dra ste/ de kho na bzhin du chos rnam pa bcur phye nas sbyar bar bya'o/ /
 zag pa zad pa'i mkhyen pa'i stobs zhes bya ba ste/ de shes pa drug gam bcu dang/ sa bcu gcig gis bsdus pa ji lta bar kye ma nga? zag pa zad par gyur pa la zhes bya ba'i mi 'jigs pa 'di yang de dang 'dra ste/ 'dir yang? de kho na bzhin du
 chos rnams phye nas shes pa drug gam bcu dang sa bcu gcig par sbyar bar bya'o/ /las bdag gir bya ba mkhyen pa'i stobs 'gog pa dpal ma shes pa ma gtogs pa shes pa brgyad dang sa thams cad kyis bsdus par/
 ngas gang dag nyan thos rnams la bar du gcod pa'i chos su gsungs pa yang de dang 'dra ste/ 'dir yang de kho na bzhin du chos rnams phye nas sbyar bar bya'o/ /kun tu 'gro ba'i lam mkhyen pa'i stobs shes pa bcu 'am dgu dang/ sa thams cad na
 yod pa ji lta bar ngas nyan thos rnams kyis nges par 'byung ba'i lam du gsungs pa la zhes bya ba'i mi 'jigs pa 'di yang de dang 'dra bar rig par bya'o de dag ni rnam pa bzhi yin te/ snga ma gnyis kyis ni de'i bdag nyid kyi ye shes dang
 ngas spangs pa phun sum tshogs pa brjod do/ /phyi ma gnyis kyi ni gzhan la phan pa phun sum tshogs pa ste/ yang dag pa ma yin pa'i lam bzlog pa'i phyir dang/ yang dag pa'i lam bstan pa'i phyir ro/ /ji ltar na mkhyen pa nyid mi 'jigs
 pa yin zhe na/ bye brag tu smra ba rnams ni mi 'jigs pa ni mi skrag pa yin la 'di dag gis kyang mi skrag par 'gyur bas shes pa rnams mi 'jigs pa yin no zhes zer ro/ /slob dpon gyi shes pas byas pa ni mi 'jigs pa yin par rung gi shes pa nyid
 ni ma yin no zhes smos te/ mi 'jigs pa ni mi skrag pa yin la mi skrag pa nyid kyang skrag pa dang bral ba yin zhing de yang shes pa las yin pas shes pa nyid ni ma yin no/ /mi rdzi pa'i rgyu thogs pa med pa'i lam mkhyen pa ni stobs yin la/ mi zhum
 pa'i rgyu ni mi 'jigs pa yin te/ ji ltar gzhan gyi zil gyis mi non? po? de ltar na stobs yin la/ ji ltar gzhan dag zil gyis gnon pa de ltar na mi 'jigs pa yin no/ /gzhan dag na re stobs ni dang ba nyid yin la/ mi 'jigs pa ni bstan pa
 nyid yin no/ /'di gnyis kyi bya ba tha dad de/ stobs kyi don ni mngon par 'dod pa'i sgrub pa'i don to/ /mi 'jigs pa'i don ni mi zhum pa'i don to zhes zer ro/ /dran pa nye bar gzhag pa zhes bya ba ni byang chub kyi phyogs kyis bsdus pa rnams
 las bzhag pa dag go/ 'khor gyi bye brag las zhes bya ba ni 'khor gyi khyad par las so/ /mdo las ji skad 'byung ba bzhin no zhes bya ba ni dge slong dag ston pa thugs brtse ba thugs rje can don bzhes pa thugs rje ste/ nyan thos rnams la 'di
 ni khyed la phan par byed pa 'di ni khyed la bde bar byed pa 'di ni khyed la phan pa dang bde bar byed pa'o zhes chos ston par mdzad cing nyan thos de dag de la nyan par byed rna ba gtod par byed kun shes pa'i sems nye bar 'jog par byed/ chos
 kyi rjes su mthun pa'i chos sgrub par byed/ ston pa'i bstan pa la mi 'gal bar byed na/ des de bzhin gshegs pa thugs dgyes par yang mi 'gyur/ yid bde ba yang ma yin/ thugs ya ya por yang mi 'gyur gyi/ de la de bzhin gsheT
 pa dran pa dang shes bzhin du btang snyoms su bzhugs te/ 'di ni gang dag 'phags pa sten par byed pa ste/ 'phags pas de dag bsten ?? ?? tshogs la rjes su ston par 'os pa'i dran pa nye bar gzhag pa dang po yin no/ /gzhan yang dge slong dag
 thugs brtse ba zhes bya ba snga ma bzhin no/ /bzlog ste nyan thos de dag de la nyan par mi byed ces bya ba yang snga ma bzhin 'no/ /de la de bzhin gshegs pa kun nas mnar sems su yang mi 'gyur/ mi bzod par yang ma yin/ 'tshig pa yang mi
 mnga' / thugs ma rangs pa yang mi mnga' o/ /de la de bzhin gshegs pa dran pa dang shes bzhin du btang snyoms su bzhugs te/ dran pa nye bar gzhag pa gnyis pa yin no/ /gzhan yang dge slong dag 'di na ston pa thugs brtse ba zhes
 bya ba snga ma bzhin no/ /nyan thos kha cig ni de la nyan par byed rna ba gtod par byed kun shes pa'i sems nye bar 'jog par byed chos kyi rjes su mthun pa'i chos sgrub par byed/ ston pa'i bstan pa las mi 'gal
 par byed la kha cig nyan par mi byed rna ba gtod par mi byed pa nas ston pa'i bstan pa las 'gal ba'i bar du byed na/ des de bzhin gshegs pa dgyes par mi 'gyur/ yid bde ba yang ma yin thugs ya ya por yang mi 'gyur
 la/ kun nas mnar sems su yang mi 'gyur/ mi bzod pa yang ma yin/ 'tshig pa yang mi mnga' i/ de la de bzhin gshegs pa dran pa dang shes bzhin du btang snyoms su bzhugs te/ 'di ni gang dag ston par byed pa ste/ 'phags pa
 de dag bsten na tshogs la rjes su ston par 'os pa'i dran pa nye bar gzhag pa gsum pa yin no zhes bya ba ni dran pa'i bdag nyid dang shes bzhin gyi bdag nyid de/ dran pa dang shes bzhin du btang snyoms su bzhugs te zhes gang bshad
 pa yin no/ /gang gi tshe nyan thos kyang zhes bya ba rgyas par 'byung ba ni/ nyon mongs pa spangs pa'i phyir ro snyam du bsam pa'o/ /bag chags dang bcas par spangs pa'i phyir ro zhes bya ba ni bcom ldan 'das kyis rjes su chags pa dang/ khong khro
 ba dag gi bag chags kyang spangs kyis gzhan nyan thos rnams kyis ni ma yin no/ /bag chags zhes bya ba ci zhe na/ gang sngar nyon mongs pa spyad pa de'i des byas pa'i lus dang ngag gi g.yo ba 'gyur ba'i rgyu nus pa'i khyad par ni bag
 chags yin no/ /yang nyin thos rnams gang gi yin de la zhes bya ba ni/ nyan thos rnams sangs rgyas bcom ldan 'das kyi yin gyi/ gzhan dag ni ma yin no/ /de ci'i phyir zhe na/ nyan thos thams cad sangs rgyas bcom ldan 'das kyi
 dbang du byas nas rab tu byung bas so/ /de kho na la de mi 'byung ba zhes bya ba ni nyan thos de dag gi yin pa ston pa de kho na la'o/ /de zhes bya ba ni yid bde ba la sogs pa de dag mi skye ba ngo mtshar ba'o/ /de lta ma yin na zhes bya ba ni
 gal te snying rje bzhin du zhe sdang med pa'i ngo bo yin pa'am/ zag pa med pa'i bdag nyid yin na'o/ /sems can thams cad la dmigs par mi 'grub la/ snying rje bzhin du/ sdug bsngal gsum gyi rnam pa can du yang mi
 'grub bo/ /zhes bya ba ni ji ltar 'dod pa na spyod pa'i sems can rnams la dmigs pa de bzhin du 'di yang 'gyur snyam du bsams pa'o/ /sdug bsngal gsum gyi rnam pa can du yang mi 'gyur te/ 'o na ci zhe na/ sdug
 bsngal gyis sdug bsngal rnam pa can kho nar 'gyur te/ dper na snying rje bzhin no/ /shes pa zag pa med pa yang de ltar mi 'jug ste/ de'i phyir thugs rje ni kun rdzob shes pa'i bdag nyid yin no/ /chen po'i sgra sbyar ba bstan pa'i phyir
 'di ci'i phyir zhes bya ba la sogs pa smos so/ /bsod nams dang ye shes kyi tshogs chen po yang dag par 'grub pa'i phyir ro zhes bya ba ni 'bras bu chen po nyid ni rgyu chen po mngon du 'gro ba yin pas so/ /de la bsod nams
 kyi tshogs chen po ni sbyin pa dang/ tshul khrims dang bzod pa'i pha rol tu phyin pa'o/ /ye shes ni shes rab kyi pha rol tu phyin pa'o/ /brtson 'grus dang bsam gtan gyi pha rol tu phyin pa gnyis ni/ rnam pa gnyis ka yin
 te bsam gtan med na shes rab med do zhes 'byung ba'i phyir ro/ /brtson 'grus med par sbyin pa mi gtong la/ tshul khrims yang dag par mi len cing bzod pa mi sgom mo/ /de ltar na brtson 'grus ni bsod nams kyi tshogs
 kyi cha dang mthun pa yin no/ /de bzhin du brtson 'grus med na shes rab kyang med pas ye shes kyi tshogs chen po'i cha dang mthun par yang 'gyur ro/ /sdug bsngal gsum la rtogs pa'i phyir ro zhes bya ba 'dis
 ni rnam pa che ba nyid kyis che ba nyid bstan la/ khams gsum pa'i sems can la dmigs pa'i phyir ro zhes bya ba 'dis ni dmigs pa che ba nyid bstan to/ /'dra bar 'jug pa'i phyir zhes bya ba 'di ni phul du byung ba'i khyad par las
 bltos te chen po nyid yin par bstan to/ /ches che ba nyid ni de bas ches che ba med pa'i phyir ro zhes bya ba ni de la shin tu dang rim ches kyis rim pa ldog pa'o/ /ji ltar snying rjes snying rje bar byed pa de ltar des kyang yin pa de nyid la
 khyad par ma mthong nas tha dang du bya ba ci yod ces bya ba dis so/ /tha dad du bya ba ni dbye bar bya ba'o/ /zhe sdang med pa dang gti mug med pa'i ngo bo nyid yin pa'i phyir zhes bya ba ni/ snying rje ni zhe sdang med pa'i ngo bo'o/ /thugs
 rje chen po gti mug med pa'i ngo bo'o/ /sdug bsngal gcig dang gsum gyi rnam pa can yin pa'i phyir ro zhes bya ba ni snying rje ni sdug bsngal gcig gi rnam pa can yin pa'i phyir ro/ /thugs rje chen po ni sdug bsngal gsum gyi
 rnam pa can yin pa'i phyir ro/ /khams gcig dang gsum gyi sems can la dmigs pa'i phyir ro zhes bya ba ni/ snying rje ni khams gcig gi sems can la dmigs pa'i phyir ro/ /thugs rje chen po ni khams gsum gyi sems
 can la dmigs pa'i phyir ro/ /sa las ni zhes bya ba la sogs pa la/ snying rje ni bsam gtan bzhi'i sa ba yin no/ /'dir mi lcogs pa med pa dang bsam gtan khyad par can bsam gtan dang po'i khongs su gtogs pas
 logs shig tu ma bshad do/ /thugs rje chen po ni bsam gtan bzhi pa'i sa pa'o/ /nyan thos la sogs pa zhes bya ba la/ sogs pa zhes bya ba'i sgras ni 'jig rten pa dang rang sangs rgyas bsdu'o/ /'dod pa'i khams dang srid pa'i rtse mo las
 'dod chags dang bral ba thob pa'i phyir ro zhes bya ba ni/ snying rje ni 'dod pa las 'dod chags dang bral bas 'thob la/ thugs rje chen po ni srid pa'i rtse mo la 'dod chags dang bral ba 'thob ste/ zad pa shes pa dang stobs la sogs pa bzhin
 yin no/ /yongs su mi skyob pa dang yongs su skyob pa dang zhes bya ba ni snying rjes ni nyan thos la sogs pa dag sems can sdug bsngal ba rnams la nya med ba 'ba' zhig tu zang kyi de dag gis sdug bsngal de las bskyab par mi nus so/ /mi 'dra ba dang
 'dra bar thugs rje mdzad pa'i phyir ro zhes bya ba ni/ snying rjes ni sdug bsngal ba rnams kho na la thugs rje mdzad la/ thugs rje chen pos ni sems can thams cad la ste/ mnar med par skyes pa rnams la ji lta ba de bzhin du srid pa'i rtse mor
 skyes pa rnams la yang de sngon gyi bsod nams dang ye shes kyi tshogs kyis yang dag par 'grub pa ni sangs rgyas pa nyid kyi sngon rol gyi bsod nams kyi tshogs dang ye shes kyi tshogs kyis yang dag par 'grub pa'o/ /tshogs ni
 tshogs so/ /yang na 'di sangs rgyas nyid kyi rgyu dge ba'i sbyod pa thams cad tshogs pas na tshogs so/ /sogs pa zhes bya ba 'di yang dag par sdud ces bya ba'i tha tshig go /chos kyi sku yongs su grub pa zhes bya ba ni/ chos kyi sku ni zag pa med
 pa'i chos kyi rgyun nam/ gnas yongs su gyur pa yin no/ /'jig rten gyi don yod pa zhes bya ba ni/ 'jig rten gyi don ni mtho ris dang byang grol gyi rgyu'o/ /de sgrub pa ni don yod pa ste/ sangs rgyas rnams kyi gzhan gyi don mdzad pa'i
 rgyu thugs rje chen po mtshungs pa'i phyir ro/ /ji lta ba bzhin du zhes bya ba ni thams cad dang sbyar ro/ /ji ltar zhe na/ yun shin tu ring ba dang/ thung dur 'tsho ba'i phyir zhes bya ba ni 'di ltar skye dgu'i tshe
 la brgyad khri pa yin pa na sku tshe lo brgyad khri pa yin la skye dgu'i tshe lo brgya pa yin pa na sku tshe lo brgya par 'gyur ba'o/ /dus ji lta ba bzhin rgyal rigs dang bram ze'i rigs tha dad pa ni gang gi tshe 'jig rten gyi rgyal rigs
 bkur ba de'i tshe rgyal rigs 'byung la/ gang gi tshe bram ze bkur ba de'i tshe ni bram zer ro/ /dus ji lta ba bzhin du 'ong srungs dang shAkya la sogs pa gdud tha dad pa ni gang gi tshe 'jig rten na/ rus gang ches mchod par
 'os par 'gyur ba de'i che de'i gdung du 'byung ba'o/ /dus ji lta ba bzhin du sku bong tshod chung ba dang chung pa ma yin pa tha dad pa ni gang gi tshe 'jig rten na bong tshod chung du yin pa de'i tshe sku bong tshong chung la/ gang gi tshe
 bong tshod chung ba ma yin pa de'i tshe sku bong tshod chud ba ma yin pa'o/ /rnam pa gsum po 'di kho na zhes bya ba ni gang zhig thal ma thag tu sangs rgyas rnams mnyam pa nyid kyi rgyur bshad pa rgyu phun sum tshogs pa dang
 'bras bu phun sum tshogs pa dang/ phan 'dogs pa phun sum tshogs pa'o/ /de la sngon gyi bsod nams dang ye shes kyi yang dag par 'grub pas ni rgyu phun sum tshogs pa bstan la/ chos kyi sku yongs su 'grus pas ni
 'bras bu phun sum tshogs pa'o/ /don spyod pas ni phan 'dogs pa phun sum tshogs pa'o/ /bsod nams dang ye shes kyi tshogs thams cad la goms pa zhes bya ba la/ bsod nams ye shes smon pa ni ci rigs par sbyin
 pa la sogs pa pha rol tu phyin pa lnga bsdus so/ /ye shes smos pas ni shes rab kyi pha rol tu phyin pa kho na'o/ /yun ring po nas goms pa zhes bya ba ni bskal pa grangs med pa gsum du goms pa'o yun ring por goms kyang bar dang bcas
 pa yod pas/ de'i phyir bar chad med pa zhes bya ba smos te/ bar chad med par bya dka' bas so/ /res 'ga' gus par ma byas par yang yin pas de'i phyir gus par byas te/ goms pa zhes bya ba smos so/ /ngan song gsum dang 'khor ba'i sdug
 bsngal las gtan du thal bar mdzad pa phun sum tshogs pa'o zhes bya ba ni ngan song gsum las thar bar mdzad pa phan 'dogs pa phun sum rnam pa gsum dang/ 'khor ba las thar bar mdzad pa ste/ de ltar na rnam pa bzhir 'gyur ro/ /
 yang na theg pa gsum dang bde 'gro la 'god par mdzad pa phun sum tshogs pa'o zhes bya ba ni theg pa gsum po re re la dgod pa phun sum tshogs pa rnams gsum dang bde 'gre la 'god pa ste rnam pa bzhir 'gyur ro/ /ye shes phun sum
 tshogs pa yang rnam pa bzhi ste zhes bya ba ni 'bras bu phun sum tshogs pa rnam pa bzhi po gang yin pa de re re la yang da ltar rnam pa bzhir 'byed pa'o/ /ma bstan par mkhyen pa zhes bya ba ni bdag nyid kyis mngon par rdzogs pa'i byang
 chub pa'i don gyis so/ /thams cad mkhyen pa ni rang dang spyi'i mtshan nyid ma lus par thugs su chung pa'i don gyis so/ /rnam pa thams cad mkhyen pa ni rang dang spyi'i mtshan nyid rnam pa thams cad du thugs su chung pa'i don gyis so ma 'bad par
 mkhyen pa ni bzheng pa tsam gyis thugs su chung pa'i don gyis/ /nyon mongs pa thams cad spangs pa zhes bya ba ni mthong ba dang bsgom pas spangs par bya ba'i nyon mongs pa khams gsum pa spangs pa'i phyir ro/ /gtan du spangs pa ni
 yongs su mi nyams pa'i sgo nas so/ /bag chags dang bcas te spangs pa ni rjes su 'brel pa med pa'i phyir ro/ /ting nge 'dzin dang snyoms par 'jug pa'i sgrib pa spangs pa'o zhes bya ba ni gnyis ka'i las rnam par grol
 ba'i phyir ro/ /yul sprul pa dang yongs su sgyur ba dang byin gyis rlob pa'i mnga' phun sum tshogs pa zhes bya ba de la sprul pa ni spyi'i yul sngon med pa 'byin pa'o/ /yongs su sgyur ba ni rdo la sogs pa gser la sogs pa'i dngos por mdzad pa'o/ /
 byin gyis bslabs pa ni yun ring du gnas par mdzad pa'o/ /de dag la mnga' ba nyid ni bzhed pa'i sgo las 'jug pa'o/ /mnga' nyid phun sum tshogs pa ni mnga' phun sum tshogs pa'o/ /sku tsho gtong ba dang byin gyis rlob pa'i mnga' de
 nyid phun sum tshogs pa ni sku che gtong ba dang byin gyis rlob pa'i mnga' phun sum tshogs pa'i/ /bsgribs pa la gshegs pa dang/ nam mkha' la gshegs pa dang/ shin tu ring ba la myur du gshegs pa dang/ rdul phra rab chung
 dur mang po ste/ 'jig rten gyi khams 'jug par mdzad pa ni bsgribs pa dang/ nam mkha' dang shin tu ring ba la myur du gshegs pa dang chung ngur mang po 'jug par mdzad pa'o/ /de dag la mnga' ba ni bzhed dgur mdzad pa ste de
 nyid phun sum tshogs pa yin no/ /ya mtshan gyi chos nar ma rnam pa sna tshogs phun sum tshogs pa zhes bya ba ni nar ma rang bzhin gyi 'byung ba zhes bya ba'i don te/ sangs rgyas bcom ldan 'das rnams ni gshegs pa na mthe dman
 mnyam par gyur te/ mtho ba gang yin pa de ni dma' bar 'gyur la dma' ba gang yin pa de ni mthon par 'gyur ro/ /long ba rnams kyis ni mig 'thob po/ /'on pa rnams kyi ni sna ba 'thob po/ /smyon pa rnams kyis ni dran pa thob
 po zhes bya ba gang yin pa 'di ni chos nyid yin te/ thams cad rgyas par 'dod las ji skad 'byung ba bzhin khong du chung par bya'o/ /mtshan phun sum tshogs pa ni zhes bya ba ni gsal la rdzogs pa dang/ yul na gnas pa'i phyir skyes bu chen po'i ngo bo nyid
 bar mtshon pas mtshan dag ste/ de dag ni gtsug tor la sogs pa sum cu rtsa gnyis so/ /dpe byang bzang po phun sum tshogs pa zhes bya ba ni/ skyes bu chen po'i ngo bo gsal bar byed pa'i phyir dpe byad bzang po dag ste/ de dag ni sen mo zangs kyi mdog lta
 bu la sogs pa brgyad cu'o/ /stobs phun sum tshogs pa zhes bya ba ni sred med kyi bu'i stobs dang ldan pas so/ /bcom ldan 'das kyi sku gdung rdo rje ltar sra ba ni mi phyed pa'i phyir ro/ /de ltar na de dag ni mdor bsdus pa yin no zhes bya ba ni sangs rgyas
 rnams kyi che ba'i bdag nyid mdor bsdus pa'o/ /ji ltar zhe na/ skyes bu dang ba rab tu dang ba skyes pa gang yang rung/ sangs rgyas bcom ldan 'das la bstod pa dang bstod par 'gyur ba de dag thams cad phun sum tshogs pa gsum po 'di kho nas yin
 te/ ji skad du/ tshogs ni bsags par dka' ba'i phyir/ /sangs rgyas chos rnams bla med dang/ /'gro ba'i don nyid mdzad pa nyid/ /sangs rgyas rnams la bsam par bya zhes bshad do/ /gal te sku tshe bskal ba grangs med pa du mar zhes bya ba rgyas par 'byung
 ste/ 'di skad du/ gal te sangs rgyas bcom ldan 'das kyis bskal pa grangs med pa gnyis sam gsum du sku tshe byin gyis rleb par mdzad na/ de ltar na sangs rgyas kyi tshe bdag nyid gsungs pa dang mkhyen par spyod do zhes bstan par 'gyur ro/ /re zhig
 de ltar na zhes bya ba rgyas par 'byung ste/ yon tan rnams dang ye shes rnams dang mthu dang phan 'dogs pa ni yon tan dang ye shes dang mthu dang phan 'dogs pa'o/ /mdza' yas pa ni grangs dang mthu mthas gtugs pa med pa'i phyir ro/ /rmad du byung ba ni sangs
 rgyas rnams las gzhan la med pa'i phyir dang/ mdzad par dga' ba'i phyir dang/ brnyes pa dka' ba'i phyir ro/ /de nyid rin po che chen po yin te/ sems can thams cad la sman phan 'dogs pa'i phyir te/ rin po che
 chen po de dga' byung gnas yin no/ /sangs rgyas dang de'i chos la gus par mi byed ces bya ba ni/ gus par byed pa ma yin zhes bya ba'i don to/ /lha zhes bya ba ni lha dgan yod pa ni lha'o/ /'bras bu med pa ma yin pa dang/ yid du 'ong ba dang/ mchog
 tu gyur pa dang/ myur ba dang/ mdza' bzang ba'i phyir ro zhes bya ba la/ de la bsod nams bya ba'i sa bon chung du yin yang 'bras bu med pa ma yin pa ste/ 'bras bu 'byin par nges par gnas pa'i phyir ro/ /'bras bu yid du 'ong ba ni rnam par smin pa'i
 'bras bu mngon par 'dod pa yin pa'i phyir ro/ /'bras bu mchog tu gyur pa ni lha la sogs pa'i 'byor pa'i rgyur gyur pa'i phyir dang/ 'bras bu mang pa'i phyir ro/ /'bras bu myur pa ni mthong pa'i chos la myong bar 'gyur ba'i phyir ro/ /'bras bu mdza' 
 bzang ba ni mya ngan las 'das pa'i rgyur 'gyur pa'i phyir ro/ /ji skad bshad pa ni shes par byed pa ni gang dag rgyal ba zhes bya ba rgyas par 'byung ba'o/ /'dis nyon mongs pa bag chags dang bcas pa las rgyal bar byed pas na rgyal ba ste/
 'di skad du/ bcom ldan 'das kyis/ sdig chos las nga rgyal nges na/ nyer seng nga ni rgyal pa yin/ zhes ji skad du gsungs pa lta bu'o/ /gdul ba 'dul bas rnam 'dren no/ /bya bas zhe bya ba ste/ mchod pa la sogs pa rnams so/ /sna tshogs dag
 ces bya ba ni 'dod pa dang gzugs dang gzugs med pa na spyod pa'o/ /bdud rtsi'i go 'phang ni mya ngan las 'das pa'o/ /slob dang thun mong yin zhes rgyas par 'byung ngo/ /sangs rgyas bcom ldan 'das rnams kyi chos thams cad ni dbang rnam par
 dag pa'i khyad par gyis rnam par dag pa'i phyir bla na med pa yin mod kyi slob ma dang thun mongs yin no/ /so so'i skye bo dang thun mong yin no zhes yon tan thun mong ma yin pa'i rigs la dgongs nas brjod do/ /ci rigs par zhes bya ba ni ji ltar srid par ro/ /
 de la slob ma dang thun mong ba ni nyon mongs pa med pa dang/ smon nas shes pa dang/ so sor yang dag par rig pa'o/ /so so'i skye bo dang thun mong ma yin pa ni mngon par shes pa lnga la sogs pa rnams so/ /zad par gyi skye mched la sogs pa zhes bya ba'i
 sogs pa zhes bya ba'i sgras ni stong pa nyid dang/ mtshan ma med pa dang smon pa med pa'i ting nge 'dzin rnams dang ting nge 'dzin gzhan dag bsdu'o/ /dgra bcom pa la la zhes bya ba rgyas par 'byung ba ni/ 'di na dgra bcom pa la la smad 'tshod ma/
 dang zlos gar mkhan dang/ g.yo can dang chad 'tshod la sogs pa'i skye ba dag la bdag dang gzhan gyi nyon mongs pa skye ba'i 'bras bu yid du mi 'ong ba rjes su 'brel ba dran nas/ re zhig 'dod chags dang bcas pa'i rgyud las skyes pa'i nyon
 mongs pa rnams kyang 'bras bu yid du mi 'ong ba yin na/ 'dod chags dang bral ba'i rgyud la skyes pa rnams kyi gnas skabs gang zhig tu 'gyur snyam du de ltar rjes su sems shing bsam na sa ji ltar gzhan dag la de la dmigs pa'i 'dod
 chags dang zhe sdang dam nga rgyal lam/ ser sna 'am/ phrag dog la sogs pa rnams las gang yang rung ba skye bar mi 'gyur ba de lta bu'i ngo bo'i shes pa skyed do/ /bcom ldan 'das kyi rgyu la sor mo'i phreng ba can la sogs pa'i rnams
 kyi nyon mongs pa skye ba'i phyir/ ji ltar bcom ldan 'das nyon mongs pa med pa la gnas pa yin zhe na/ skyon 'di ni med de/ thugs rje mda' ba/ gzhan dag gi nyon mongs pa gtan dbyung bar 'dod pa rnams ni res 'ga' dgos pa
 ches brling ba'i phyir nyon mongs pa skye ba btang snyoms su mdzad de/ mngon par rtogs pa'i skal pa dang ldan pa'i phyir ro/ /nyan thos rnams ni bsam pa dang bag la nyal shes pa dang bral ba'i phyir nyon mongs pa rnam
 pa thams cad du dbyung bar mi nus te/ de'i phyir dus re zhig spong bar byed de/ /'dis mthong bas spang bar bya ba bsrung bar bya ba mi nus pas 'dod chags la sogs pa smos so/ /nyon mongs par mi byed pa ni nyon mongs par
 byed pa ma yin zhes bya ba'i tha tshig go/ kun rdzob shes zhes bya ba ni gzhan gyi rgyud kyi sgom pas spangs par bya ba ma 'ongs pa'i yul can yin pa'i phyir te/ de ltar zhugs pa'i zag pa med pa'i shes pa ni yod pa mi yin
 no/ /nyon mongs pa med pa'i ting nge 'dzin las ma langs pa des/ bdag mthong nas 'di'i 'dod chags skye bar 'gyur du 'ong ngo/ /'di'i zhe sdang dang 'di'i nga rgyal dang/ 'di'i bag med pa skye bar 'ong ngo snyam du ji lta ji ltar
 mngon par 'dod pa de lta de ltar ting nge 'dzin de las langs nas kyang mthun par sbyod par byed do/ /bsam gtan mdza' na zhes bya ba ni sdug bsngal gyi rgyu dang 'gal ba'i phyir dang/ bsam gtan bzhi pa lam sla ba rnams kyi mchog
 yin pa'i phyir bsam gtan bzhi ba'i sa pa kho na yin no/ /mi g.yo ba'i chos can gyi yin te/ gzhan gyi rgyud la nyon mongs pa sel bar zhugs pa'i phyir ro/ /dgra bcom pa gzhan gyi ni ma yin te zhes bya ba ni dus kyi rnam par
 grol ba'i ma yin no/ /rang gi rgyud las kyang zhes bya ba ni yongs su nyams pa'i tshe na ting nge 'dzin la dbang po nyid med pa'i phyir ro zhes gzhir babs zhes bya ba ni bsgom pas sbang bar bya ba 'dod chags la sogs pa dag
 go/ ji ltar ma 'ongs pa'i nyon mongs pa la dmigs she na/ de'i phyir pha rol po dag nyon mongs pa skye bar ma gyur cig ces bya ba de ltar zhugs pa'i phyir ro zhes bya ba smos so/ /ci'i phyir gzhi dang bcas pa rnams kho na la dmigs
 she na/ de'i phyir nyon mongs pa gzhi med pa rnams ni zhes bya ba rgyas par smos so/ /nyon mongs pa gzhi med pa ni mthong bas spang bar bya ba rnams te/ 'jig tshogs la lta ba la sogs pa rnams ni khams dang sa thams cad la dmigs
 pa'i phyir zlog par mi nus so/ /smon nas shes pa'ang de bzhin no zhes bya ba ni/ nyon mongs pa med pa rang gi ngo bo dang sa dang rgyud rnan las ji skad bshad pa de bzhin du kun rdzob shes pa yang yin te/ de'i dmigs pa thams
 cad do zhes bya ba 'di ni khyad par yin te/ thams cad la smon nas shes pa 'jug pa'i phyir ro/ /smon nas shes pas gzugs med pa rnams mngon sum ni mi shes so zhes bya ba ni smon nas shes pa bsam gtan bzhi pa'i
 sa? pa yin pa'i phyir te/ mngon par shes pa rang dang 'og ma'i sa'i yul can yin la/ smon nas shes pa yang mngon par shes pa dang 'dra'o zhes bshad par bya'o/ /rgyu mthun pa dang spyod pa'i bye brag las zhes bya ba
 la/ rgyu mthun pa ni dman zhing dman pa'o/ /spyod pa ni zhi gnas lhag pa'i ting nge 'dzin la gnas pa'o/ /gzugs med pa nas shi 'phos mar 'dod pa dang gzugs su skyes pa ni rgyu mthun pa'i bye brag las so/ /'di nas
 shi 'phos nas gzugs med pa gang du skye ba gang yin pa de ni spyod pa'i bye brag las so/ /de ltar na 'bras bu'i rgyu rjes su dpag la/ rgyus kyang 'bras bu rjes su dpag go zhes bstan pa yin no/ /'dir dpe ni zhing sa lta bu'o zhes
 bya ba ni dper na zhing sas 'bras bu dang 'bras bus sa bon dang sa bon gyis 'bras bu rtogs pa de bzhin du 'dir yang yin no/ /smon pa sngar btang ba zhes bya ba ni gtong pa sngar btang ba ste/ smon nas
 zhes bya ba 'di ni/ btang nas zhes bya ba'i don to/ /ha cang thal ba spangs pa'i phyir/ ting nge 'dzin de'i yul du ji tsam gyur pa zhes bya ba smos so/ /'di dag gi dmigs pa dang/ sa dang rang gi ngo bo'i bye brag bya ba la/ bye brag ces
 bya ba'i sgra ni dmigs pa'i bye brag dang/ sa'i bye brag ces re re la sbyar ro/ /thogs med ces bya ba ni thogs par mi nus bas na thogs pa ma yin zhes bya ba'i tha tshig go/ chos so so yang dag par rig pa ni ming dang/ chig
 dang yi ge'i chogs dag la thogs pa med pa'o/ /gsum po 'di dag ni shes bya khong du chud pa 'dzin par byed pa'i phyir chos zhes bya'o/ /don so so yang dag par rig pa ni chos rnams kyi don dam pa la med pa'i
 shes pa ste/ rang dang spyi'i mtshan nyid kyis shes pa zhes bya ba'i don to/ /nges pa'i tshig so so yang dag par rig pa ni dag gi sbyor ba shes pa la thogs pa med pa ste/ rtags dus dang bye ba la sogs pa'i sbyor ba shes ba
 zhes bya ba'i tha tshig go/ rigs pa thags thogs med/ mngon brjod ces bya ba la/ rigs pa ni don dang 'brel pa'o/ /thags thogs med pa ni thogs pa med pa'o/ /de mngon par brjod pa ni de brjod pa ste/ de'i dngos po ni rigs pa thags
 thogs? med/ mngon brjod nyid do/ /mdor bsdus na chos dang don so so yang dag par rigs pa gnyis ni kun rdzob dang don dam pa'i bden pa shes pa nyid do/ /'di ni re zhig rnal 'byor pa'i bdag la phan pa phun sum tshogs pa'o
 gzhan gyi don phun sum tshogs pa ni dnges? pa'i tshigs so so yang dag par rig pa ston pa la mkhas pa dang/ sbobs pa so so yang dag par rig par dri ba dang brtsad pa gtan la dbab pa dang spangs pa shes pa'o/ /ting nge 'dzin la dbang ba gsal
 par bya ba la thogs pa med pa zhes bya ba ni ting nge 'dzin la dbang ba gsal bar bya ba ni ting nge 'dzin la dbang ba gsal bar bya ba'o/ /gsal ba yang ci zhig ce na /mi brjed pa'o zhes pa dgu'o zhes bya ba ni re zhig ngag la dmigs pa gang yin pa de dag
 sdug bsngal dang kun 'byung ba la dmigs pa'i phyir sdug bsngal dang kun 'byung dang zad pa dang mi skye ba dang chos dang rjes dang kun rdzob shes pa rnams yin no/ /lam la dmigs pa gang yin pa de ni zad ba dang mi skye ba dang chos
 dang rjes dang lam dang gzhan gyi sems dang kun rdzob shes pa'i rang bzhin yin no/ /dag dang lam gnyis las gang yang rung ba zhig la dmigs pa'i phyir ro zhes bya ba la dag la dmigs pa ni 'dod pa'i khams dang bsam gtan dang
 po na'o/ /lam la dmigs pa ni srid pa'i rtse mo'i bar na'o/ /lam smos pa ni zag pa dang bcas pa dang zag pa med pa'i lam gzung ngo/ /gal te chos thams cad yin na ni shes pa bcu'o zhes bya ba ni gang zhig ci rigs par shes
 pa bcu'i yul du mi 'gyur ba de ni yod pa ma yin no/ /gzhan kun rdzob ces bya ba ni chos dang nges pa'i tshig so so yang dag par rig pa dag ni ming gi tshig la sogs pa dang ngag la dmigs pa nyid kyi rang gi mtshan nyid kyi yul can
 yin pa'i phyir kun rdzob shes pa'i rang bzhin no/ /zag pa med pa'i shes pa ni rang gi mtshan nyid kyi rnam par ram sdug bsngal gyi phyogs cig la mi sdug ste/ 'o na ci zhe na/ nye bar len pa'i phung po lnga la spyi'i rnam par 'jug par
 de'i phyir de dag zag pa med pa'i shes pa'i bdag nyid ma yin no/ /yan chad na ming gi tshogs med pa'i phyir zhes bya ba 'dis ni gzugs med pa dag na chos so so yang dag par rig pa med do zhes
 ston to/ /ming gi tshogs bkag pa kho nas tshig dang yi ge'i tshogs bkag pa ste/ phan tshun mi 'khrul ba'i phyir ro/ /yan chad na rtog pa med pa'i phyir ro zhes bya ba ni bsam gtan gnyis pa la sogs pa dang/ bsam gtan khyad
 par can na nges pa'i tshog so so yang dag par rig pa med de/ ngag kun nas slong ba rnam par rtog pa med pa'i phyir ro/ /btags pa las zhes bya ba ni btags pa'i bstan bcos las so/ /'di skad du zhes bya ba ni ji skad 'chad par
 'gyur ba'o/ /tshig dang yi ge zhes bya ba ni 'dis tshig gsal bar byed pas nas yi ge ste ming ngo/ /de nyid kyi don zhes bya ba ni tshig dang yi ge'i 'o/ /de nyid kyi gcig dang zhes bya ba ni don gyi'o/ /de la thags thogs
 med par bya ba la zhes bya ba ni tshig dang yi ge la sogs pa la'o/ /thogs pa med par shes pa'i zhes bya ba ni sdugs pa med pa'o/ /pho dang mo la sogs pa'i tshig nas dags zhes bya ba la sogs pa zhes bya
 ba'i sgras ni ma ning dang bye ba pa la sogs pa sdu'o/ /tshig gcig nyid la sogs pa'i dbang du byas pa'i tshig ba dag so/ /de nyid kyis 'di dag gi go rim grub pa yin no/ /zhes bya ba gang gi phyir tshig dang yi ge zhes
 rgyas par ji skad du bshad pa 'di rim pa yin pas so/ /tshig nges pa 'di nges pa'i tshig ste zhes bya ba nas dper na ji ltar zhe na/ dper na gzugs su rung ba zhes bya ba smos te/ rnam par shes pas na rnam par
 shes pa ste/ sems pas na sems so zhes bya ba la sogs pa'o/ /go rim bzhin du zhes bya ba ni ji ltar zhe na/ chos so so yang dag par rig pa'i sbyor ba ni rtsis yin no/ /don so so yang dag par rig pa'i ni sangs rgyas kyi bka' o/ /nges pa'i
 tshig so so yang dag par rig pa ni sgra rig pa'o/ /sbobs pa so so yang dag par rig pa ni gtan tshigs rig pa'o/ /bye brag tu smra ba rnams na re? sangs rgyas kyi bka' kho na yin te/ chos 'di pa rnams kho na de skye ba'i phyir ro zhes zer ro/ /gang
 la gcig yod pa de la gdon mi za bar so so yang dag par rig pa bzhi char yod de zhes bya ba ni lam gcig gi 'bras bu yin pa'i phyir ro/ /ma tshang bar/ ni de thob med ces bya ba ni 'gas kyang so so yang dag par rig pa dag
 ma tshad bar 'thob par mi 'gyur ro/ /de dag ni rab gyi mdza' ba'i bsam gtan gyi stobs kyis 'thob po zhes bya ba ni de dag rab kyi mdza' pa'i bsam gtan gyis ma bsdus pa nyid de/ dag ni 'dod dang dang po na zhes 'byung ba'i
 phyir ro/ /nyon mongs pa med pa la sogs pa yon tan rnams ni rab kyi mdza' pa'i bsam gtan bzhi pa bskyed nas 'thob gyi/ gzhan du ni ma yin no/ /rab kyi mdza' pa de nyid ces bya ba la/ de nyid nyon mongs pa med pa la sogs pa
 las tha dad pa sbyor ba las byung ba bsam gtan bzhi pa chen po'i chen po'o/ /de'i stobs kyi 'thob pa yin gyi zhes bya ba ni rab kyi mdza' ba'i stobs kyis so/ /de bsam gtan bzhi pa'i sa pa ni ma yin te/ de na rtog pa med pa'i
 phyir dang/ rtog pa dang bcas pa'i sems kyis kun nas slong ba'i phyir ro/ /nyon mongs pa med pa la sogs pa'i yon tan rnams rab kyi mdza' ba'i bsam gtan gyis bsdus pas de'i bdag nyid zhes bya ba'o/ /'phel ba'i rab tu
 phyin pa yin zhes bya ba ni thams cad ma yin no snyam du bsams pa'o/ /de ni sa kun gyis mthun byas zhes bya ba ni sa kun tu nye bar gzung zhes bya ba'i don to/ /mi mthun pa ni zhes bya ba ni 'du shes
 med 'du shes med min skye mched nas ci yang med pa'i skye mched la'o/ /de nas rnam shes mdza' yas skye mched la yin pas na/ de bzhin du 'dod pa na spyod pa'i bar ro/ /'di la mthar rab tu phyin pa yid? pa'i phyir ro zhes bya ba ni 'di
 la 'phel? ba rab tu gyur pa yod ces bya ba'i don to/ /mu bzhi pa bzhin no zhes bya ba ni ji ltar mu bzhi yin pa de bzhin du rab kyi mdza' rnam pa'i mthar rab tu phyin pa yin no/ /sangs rgyas las gzhan zhes bya ba ni nyan thos sam rang sangs
 rgyas ni sbyor ba las byung ba yin no/ /chos thams cad kyi dbang phyug yin pa'i phyir zhes bya ba ni chos rnams de'i mangs 'jug pa'i phyir zhes bya ba'i tha tshig/ mngon par shes pa la sogs pa ni so so'i skye ba dag dang/ yang zhes
 bya ba la/ yang gis sgras ni nyan thos rnams dang yang ngo/ /rdzu 'phrul gyi yul shes pa mngon du bya ba'i mngon par shes pa zhes bya ba ni/ 'dis sbrul pa dang nam mkha' la 'gro ba 'byor bar byed pas na/ rdzu 'phrul te/ ting nge 'dzin
 to/ /rdzu 'phrul gyi yul ni/ sbrul pa dang nam mkha' la 'gro ba'o/ /rdzu 'phrul gyi yul gyi shes pa ni rdzu 'phrul gyi yul gyi shes pa ste/ de mngon du bya ba ni mngon sum du byed pa'o/ /lha'i rna ba zhes bya ba ni lha'i rnam ba la brten pa'i
 shes pa ni lha'i rna ba'i shes pa ste/ de mngon du bya ba ni mngon sum du byed pa'o/ /sems kyi rnam grangs shes pa ni sems kyi bye brag shes pa ste/ gzhan gyi sems chags pa dang sdang ba dang rmongs pa shes pa'o/ /yang na
 rnam grangs ni rim pa ste/ res 'ga' chags so snyam du shes la/ res 'ga' sdang ngo snyam du shes pa la sogs pa'o/ /sngon gyi gnas ni sngon gyi gnas so/ /sngon gyi gnas gyi dran pa ni sngon gyi gnas rjes su dran pa ste/ de dang mtshungs par
 ldan pa'i shes pa ni sngon gyi gnas rjes su dran pa'i shes pa'o/ /'chi 'pho ba dang skye ba ni 'chi 'pho ba dang skye ba dag go /de dag shes pa ni 'chi 'pho ba dang skye ba shes ba ste/ 'di ni lha'i mig gi rnam par shes pa bshad do/ /zag pa rnams zad
 pa ni zag pa zad pa zad pa'o/ /de'i shes pa ni zag pa zad pa shes pa ste/ de mngon du bya ba'i mngon par shes pa zhes re re la sbyar ro/ /lnga ni so so'i skye po rnams dang thun mong ba yin zhes bya ba ni tham gtogs pa'o/ /dge sbyod gyi tshul gyi 'bras
 bu bzhin du zhes bya ba ni ji ltar dge sbyong gi tshul gyi 'bras bu 'dus byas rnam par grol ba'i lam gyis bsdus pa de bzhin du mngon par shes pa yang yin gyi/ bar chad med pa'i lam ni ma yin te/ gzhan gyi sems shes pa bar chad
 med pa'i lam la bkag pa'i phyir dang/ zag pa zad par byed pa'i bar chad med pa'i lam btang nas dgra bcom pa yang mngon par shes pa med pa nyid du thal bar 'gyur ba'i phyir ro/ /de'i phyir mngon par shes pa ni rnam par grol ba'i
 lam gyis bsdus pa yin no/ /bzhi ni kun rdzob shes pa ste/ zhes bya ba ni 'di ltar gsum gyi dmigs pa ni gzugs kho na yin la/ sngon gyi gnas rjes su dran pa'i mdon par shes pa sngon gyi mdza' la dmigs pa yin na/ zag pa med pa'i shes pa
 ni de ltar ma yin no/ /sems la shes pa lnga yin no zhes bya ba ni gzhan gyi sems shes pa ni zag pa dang bcas pa dang zag pa med pa yin pa'i phyir shes pa lngas bsdus pa yin te/ gzhan gyi sems shes pa ni shes pa gcig yin la/ bzhi'i
 cha yang yin no zhes sngar bshad zin to/ zad pa dang mi skye ba dang sdug bsngal dang/ kun 'byung ba dang/ 'gog pa shes pa rnams ma gtogs te/ rim pa bzhin du gzhan gyi sems shes pa lta ba'i bdag nyid
 yin pa'i phyir dang/ rang gi mtshan nyid kyi phyogs gcig gi yul can yin pa'i phyir dang/ sems dang sems las byung ba'i yul can yin pa'i phyir zad pa shes pa la sogs pa yin pa gsal ba yin no/ /'di zag pa zad pa mkhyen pa'i
 stobs ji skad du bshad pa zhes bya ba ni gal te zag pa zad pa shes pa 'gog pa la dmigs pa yin te/ chos dang rjes su dang 'gog pa dang/ zad pa dang mi skye ba dang kun rdzob shes pa dag go/ 'on te zag pa zad pa'i rgyu la yong be? yin na ni
 de lta na shes pa bcu yin no/ /de bzhin du 'di ni sa thams cad pa yin par yang shes par bya'o/ /zhes bya ba ni ji ltar zag pa zad par mkhyen pa'i stobs sa thams cad pa yin pa de bzhin du zag pa zad par shes pa'i mden par shes
 pa yang sa thams cad pa yin par rig par bya'o/ /mngon par shes pa lnga ni bsam gtan bzhi'i sa pa yin no zhes bya ba ni zag pa zad pa'i mngon par shes pa ma gtogs pa'o/ /re zhig gsum ni med de/ gzugs la dmigs pa'i phyir ro zhes bya
 ba ni rdzu 'phrul dang mig dang rna ba'i mngon par shes pa dag ste/ gsum po de dag ni gzugs la dmigs pa yin na/ gzugs med pa dag ni gzugs la dmigs pa ma yin te/ gzugs kyi 'du shes dang bral ba'i phyir ro/ /gzugs
 la btegs? bcas nas mngon par bsgrub par bya ba'i yin pa'i phyir ro zhes bya ba ni gzugs kyi sgo nas bsgrub par bya ba yin pa'i phyir te/ gzugs la dmigs pa'i lam gyis bsgrub par bya ba yin pa'i phyir ro zhes bya ba'i tha tshig go /mthar
 gyi sngon gyi gnas gzhan rjes su dran pa zhes bya ba ni gang gi phyir mthar gyis bdag nyid kyi gnas skabs gzhan dag 'dod pa'i khams su dran pa na sgrub par byed pa na/ gzugs med pa rnams ni 'dod pa'i khams la dmigs pa yang ma yin no/ /gnas
 ngang dus la sogs pa la dmigs pa'i phyir ro zhes bya ba ni gnas dang dus la sogs pa dag ni ci rigs par 'dod pa'i khams sam/ gzugs kyi khams na yod kyi/ gzugs med pa'i khams na ni ma yin no/ /gzugs med pa'i dngos gzhi
 dag ni khams 'og ma la dmigs pa 'am/ gzugs la dmigs pa yod pa ma yin no/ /de lta na 'o na bsam gtan gyi nyer bsdogs dag dang/ gzugs med pa dang po'i nyer bsdogs dag tu yang 'gyur te/ gzugs kyi yul can yin pa'i
 phyir ro zhe na/ de ni de lta ma yin te/ ting nge 'dzin yan lag gi yongs su bzung pa kho na mngon par shes pa'i rten yin na/ 'di ni gzugs med pa'i nyer bsdogs ngag na yod pa ma yin pas/ de na mngon par shes pa med do/ /de ltar na de bzhin
 zag pa zad pa'i mngon par shes pa yod par mi 'gyur zhe na/ ma yin te/ sa thams cad kyi shes pas zag pa zad pa'i shes pa la dmigs par nus pa'i phyir ro/ /mngon par shes pa rnams kyi sbyor ba bshad pa 'am/ yang
 na ji ltar gzhan gyi sems shes pa gzugs la stegs bcas nas mngon par bsgrub par bya ba yin zhe na/ de'i phyir pha rol gyi sems shes bar 'dod pa ni zhes bya ba rgyas par smos so/ /de bzhin du pha rol 'dog? yang gtod de zhes bya ba
 ni gtod par byed pa ste/ bdag gi lus 'di 'dra ba zhig la sems ni 'di 'dra ba zhig yin la/ gzhan la yang lus 'dra ba 'di yod de/ de'i phyir 'di'i sems kyang 'di 'dra bar 'gyur ro zhes bya ba'i sbyor ba'i gnas skabs 'di mngon par shes
 pa mngon par grub nas gzugs pa'i bltos par gzhan gyi sems shes so/ /sngon gyi gnas rjes su dran pa 'dod pa ni zhes bya ba la sogs pa 'byung ngo/ /mtshan ma bzung nas zhes bya ba ni sems kyi rnam pa yongs su
 bcad nas zhes bya ba'i tha tshig go/ de ma thag pa'i zhes bya ba ni sems gang la mtshan ma nye bar gzung ba de'i de ma thag tu 'gag pa gnas skabs gzhan gang dag yin pa de rnams dang po yid la byed do/ /skad cig ma bar med pa yid la
 byed pa gnas skabs gzhan zhes bya ba smos so/ /gnas gtsang ma rnams ji ltar dran zhe na zhes bya ba ni gal te nyams su myong ba dran na'o/ /gnas gtsang ma pa rnams 'dir 'ong ba ni med de/ phyir mi 'ong ba yin pa'i phyir ro/ /thos bas
 nyams su myong ba'i phyir ro zhes bya ba ni 'dis ni gnas gtsang ma'i lha rnams 'di 'dra ba zhig go/ /zhes thos pa yin no/ /nyams su myong ba ni rnam pa gnyis te/ thos pas nyams su myong ba dang/ mthong bas nyams su myong ba'o/ /pha rol po'i rgyud
 la brten nas 'dir skyed do/ /zhes bya ba la gzugs med pa dag nas shi 'phos nas 'dir skyes ba gang zhig bsam gnyan skye nas sngon gyi gnas rjes su dran par 'dod pa de ni pha rol po'i rgyud la brten nas skyed do/ /sngon gyi gnas rjes su
 dran pa shes pa bsam gtan gyi bsdus pa yin pas des gzugs med pa na spyod ba'i sems mi 'dzin te/ gong ma pa yin pa'i phyir ro/ /de pha rol po'i rgyud kyis yid kyi rnam par shes pa 'gags ma thag ba mtshan ma bzung nas zhes bya ba
 la sogs pa sbyar bar bya'o/ /gzhan dag zhes bya ba ni gang dag gzugs med pa dag nas shi 'phos pa ma yin pa de dag ni rang gi rgyud la rten nas bskyed do/ /gal te gzugs med rnams mi dran na 'o na mdo las bcom ldan 'das
 kyis gal te gzugs dag gam gzugs med pa dag tu sngon gnas pa thams cad rnam pa dang bcas par rjes su dran no zhes mdo las gsungs pa ji ltar zhe na/ kha cig na re de'i rjes su dpag ba 'khrul pa med bar shes so zhes zer ro/ /gzhan dag
 na re/ bzhed pa tsam gyis thams cad mkhyen te/ sangs rgyas rnams kyi mkhyen pa'i yul ni bsam gyis mi khyab po zhes 'byung ba'i phyir ro zhes zer ro/ /rdzu 'phrul la sogs ba'i zhes bya ba ni rdzu 'phrul dang/ lha'i rna ba dang/ mig gi mngon
 bar shes pa dag gi sbyor ba ni go rim bzhin du yang ba dang sgra dang snang ba yid la byed pa yin no/ /lha'i rna ba'i sbyor ba ni sgra yid la byed pa'o/ /lha'i mig gi sbyor ba ni snang ba yid la byed pa'o/ /tshul gnas zhes bya ba la sogs pa mdzod kyi gnas
 rgyug par nyon mongs pa spong ba'i thabs rgyas par bstan ba'i phyir zag pa zad ba'i mngon par shes pas skyed pa'i sbyor ba yang mi brjod do/ /'di dag ji ltar 'thob ces bya ba ni thob pa snyed ba'i dbang du byas nas dris ba ste/ mngon
 sum du 'gyur ba ni/ 'dris pa 'am ma 'dris pa 'ang rung ste/ sbyor ba kho nas yin no/ /ma 'dris pa rnams ni sbyor bas zhes bya ba ni bye brag can sngon ma bskyed pa gang yin pa'o/ /thams cad kyang sbyor bas bskyed pa yin no zhes bya ba ni 'dris
 pa dang/ ma 'dris pa bskyed pa ste/ mngon sum du byed pa'o/ /mngon par shes pa gang zhig dran pa nye bar gzhag pa du zhig yin thams cad shes rab kyi rang bzhin yin te/ mngon par shes pas na mngon par shes pa'o zhe
 na/ gsum pa dran pa nye bar gzhag gsum zhes bya ba la sogs pa 'byung ngo/ /sems dang sems las byung ba dmigs pa'i phyir zhes bya ba la/ ci zhe na/ sems kyi rnam grangs mjon? par shes pa lus dran pa nye bar gzhag ba'i rang
 bzhin ma yin no/ /dbang po rna ba rdzu 'phrul gyi mig zhes bya ba ni 'di dag gzugs la dmigs phyir lus dran pa nye bar gzhag pa'i rang bzhin yin no/ /gzugs la dmigs pa yin ba'i phyir zhes bshad
 pas de'i phyir rdzu 'phrul gyi dmigs ba ni spyi'i skye mched bzhi yin te/ zhes bya ba rgyas par smos so/ /sgra ma gtogs so zhes bya ba ni sgra ni rgyun 'chad pa'i phyir sprul bar mi byed do/ /'o na ji ltar 'chi 'pho ba dang/ skye ba shes
 pas zhes bya ba rgyas par 'byung ba ni gal te mig gi mngon par shes ba gzugs la dmigs pa yin na/ lha'i mig gi ngag dang yid kyi nyes par spyad pa dang/ legs par spyad pa 'am/ de dag ldan pa gzugs kyi skye rang
 bzhin ma yin pa ji ltar shes shes pa 'di'i lam gyi phyir des ni des mi shes kyi zhes bya ba smos te/ gang gi zhe na/ lha'i mig gis so/ /'o na ci zhe na/ mngon par shes pa'i 'khor du gyur zhes bya ba la sogs pa'o/ /de zhes bya ba
 ni ngag dang yid kyi nyes par spyad ba la sogs pa dang/ 'du byed phung po'i phyogs gcig go/ lhag ma ni zhes bya ba ni sngon gyi gnas dang zag pa zad ba'i mngon bar shes pa'o/ /re zhig sngon gyi gnas rjes su dran pa gzugs dang
 sems las byung ba la dmigs pa'i phyir/ dran ba nye bar gzhag ba bzhi'i bdag nyid yin la rag mod/ zag pa zad pa mngon par shes pa ni ji ltar dran pa nye bar gzhag pa yin te/ 'gog pa la dmigs pa'i phyir ro zhes na
 'geg pa la dmigs pa'i phyogs yin na ni chos dran pa nye bar gzhag pa kho na yin la/ zag pa zad pa'i rgyud kyi phyogs yin na ni dran pa nye bar gzhag pa bzhi yin pas 'gal ba med do/ /de dag dge ba la sogs pa'i
 dbye bas ni/ mig dang rna ba'i mngon shes ni/ lung du ma bstan lhag rnams dge zhes bya ba'o/ /gal te mig dang rna ba'i rnam par shes pa dang mtshungs par ldan pa'i shes rab yin na/ 'o na ji ltar bsam gtan bzhi ba'i sa bar grub/ mig
 dang rna ba'i rnam par shes pa dang mtshungs par ldan pa'i shes rab dag ni bsam gtan gnyis pa la sogs pa'i sa pa med do/ /rten gyi dbang gi zhes bya ba rgyas par 'byung ba ni/ lnga ni bsam gtan bzhi dag na zhes bya ba der/ rten gyi
 dbang gis rten pa mig dang sna ba'i mngon par shes pa dag kyang bsam gtan bzhi pa'i sa par bshad do/ /de'i rten zhes bya ba ni mngon par shes pa'i rten no/ /yang na bar chad med pa'i lam gyis dbang gis zhes bya ba ni yang
 na mig dang rna ba'i rnam par shes pa dang mtshungs par ldan pa de dag bsam gtan dang po'i sa pa'i rnam par grol ba'i lam shes rab kyi rang bzhin nyid yin yang/ bsam gtan gnyis pa dang gsum pa dang/ bzhi pa'i sa pa'i
 bar chad med pa'i lam gyi dbang gis bsam gtan gnyis pa la sogs pa'i sa ba nyid yin te/ de ni bsam gtan gnyis ba la sogs pa'i sa ba'i bar chad med ba'i lam gyi mjug thogs su skye ba yin no/ /gtso bo zhes bya ba ni
 rdzu 'phrul la sogs pa dge pa yin pa'i phyir gtso bo yin la de la yod pa'o bstan pa na gtso bo yin no/ /phal che ba zhes bya ba ni mang pas byas pa ni phal che ba ste/ dge ba'i zhan mang ba yin la/ lung du ma bstan ga ni
 gnyis yin pas so/ /shes pa mngon sum du bya ba zhes bya ba ni/ sngon gyi gnas shes pa mngon sum du bya ba dang/ 'chi 'pho ba dang skye ba shes pa mngon sum bya ba dang/ zag pa zad pa shes pa mngon sum du shes?
 ba zhes re re la sbyar bar bya'o/ /gzhan dag ni ma yin zhes bya ba ni lha'i rna ba dang rdzu 'phrul dang/ gzhan gyis sems shes pa'i mngon par shes pa rnams so/ /go rim bzhin du zhes bya ba ni
 sngon gyi gnas rjes su dran pas ni/ mngon gyi mdza' la kun tu smos pa dang zlog par byed do/ /'chi 'pho ba dang skye ba shes pas ni bar la kun tu smos pa zlog par byed do/ /zag pa zad pa shes pa ni 'di las srid
 ba gzhan mi shes so zhes phyi ma'i mdza' la kun tu smos pa sel bar byed do/ /slob dpen 'dul bzangs na re ni 'chi 'pho dang skye ba'i rnam par shes pas ni phyi ma'i mdza' la kun tu smos pa bzlog par byed do/ /zag
 ba zad pa'i mngon par shes pas ni bar la kun tu rmongs ba zlog par byed do zhes zer ro/ /yang mngon par shes ba gsum kho na rig pa gsum yin no/ /zhes bya ba 'di ji ltar shes ce na/ 'di ltar mi slob pa'i sngon
 gyi gnas rjes su dran pa shes pa mngon du byed pa'i rig pa dang/ mi slob pa'i 'chi 'pho dang skye ba shes pa mngon du byed pa'i rig pa dang/ mi slob pa'i zag pa zad pa zhes pa mngon du byed pa'i rig pa zhes gsung la/
 rig pa gsum du rnam par bzhag pa yang 'di skad du mdo nyid las sde snod gsum pa yin no/ rig pa gsum pa yin zhes 'byung ba'o/ /zag pa zad ba mngon du bya ba kho na mi slob pa'i rig pa yin no zhes bya ba ni rang bzhin
 gyis so/ /de zhes bya ba ni rgyud kyi sgo nas yin gyi/ rang bzhin gyis ni ma yin te/ de nyid kyi phyir de gnyis ni slob pa yang ma yin la mi slob pa yang ma yin no zhes bya ba smos te/ zag pa dang bcas pa'i phyir ro/ /mngon
 par shes pa 'di dag zhes bya ba ni sngon gyi gnas dang/ chi 'pho dang skye ba shes pa mngon du bya ba'i mngon par shes pa'o/ /slob pa'i zhes bya ba ni phyir mi 'ong ba'i 'o/ /mi 'dod dam zhes bya ba ni khas mi len nam zhes bya'o/ /yang mi
 rig pa zil gyis gnon pa'i phyir ro zhes bya ba ni langs par gyur pa na bsgom pas spang bar bya ba'i ma rig pas zil gyis gnon pa'i phyir ro/ /go rim bzhin du zhes bya ba ni rdzu 'phrul gyi mngon par shes pa ni rdzu 'phrul gyi cho 'phrul
 yin no/ /sems kyi rnam grangs shes pa ni kun brjod pa'i cho 'phrul yin no/ /zag pa zad pa'i mngon par shes pa ni rjes su bstan pa'i cho 'phrul yin no/ zhe 'gras pa dang bar ma rnams bya ba la sogs pa ni nges tshig gi tshul gyi
 cho 'phrul dag yin no/ /mi 'phrul phyir dang zhes bya ba rdzu 'phrul dang kun brjod par dag ni 'di las phyi rol pa rnams la yang srid kyi zag pa zad pa shes pa ni ma yin te/ mi 'phrul pa dang thun mang mo yin pa'i phyir ro/ /rdzu 'phrul sman dang
 gsang sngags dag gis kyang 'grub ste/ gan d+har? ba zhes bya ba'i rigs sngags gang gis nam mkha' la 'gro ba yod cing/ sman gyi khyad par lag pa dang rkang pa la bskus pa gang gis nam mkha' la 'gro ba yod bar grag go/ gzhan gyi
 sems kun brjod pa yang mtshan ma dang gsang sngags sogs pa dag gi byed do/ /yang dag pa ji lta ba bzhin rjes su ston pa ni rnam pa gzhan du bya bar mi nus pas mi 'phrul ba nyid yin te nyon mongs pa zag pa mad na mi 'byung
 ba'i phyir ro/ /de'i phyir rjes su bstan pa'i cho 'phrul mchog yin no/ /rdzu 'phrul ni ting nge 'dzin te/ 'dis 'byor bar byed pas so/ /'byor par byed pa ni bsgrub par byed ces bya ba'i tha tshig go/ yid bzhin du mgyogs pas na zhes
 bya ba la yid kyis 'gro ba ni dmigs pa 'dzin pa ste/ dus de tsam gyi bcom ldan 'das kyis 'di nas bzhed pa'i yul 'og min du byon te/ mthu 'di nyan thos la ni yod pa ma yin pas/ yid mgyogs ni
 sangs rgyas rnams kho na yin no/ /de nyid kyi phyir zhes bya ba la sogs pa la/ yul thag shin tu ring ba yang thugs ba skyed ba tsam gyis gshegs pas sangs rgyas bcom ldan 'das ni mthu bsam gyis mi khyab pas yin no/ /mos ba
 las byung ba ni mos ba'i 'bras bu yin te/ myur du 'gro ba ni lus phyin par byed pas so/ /mos pa las byung ba ni thag ring ba la nye bar mos pa gang yin pa las te/ bcom ldan 'das kyis bsam gtan pa rnams kyi bsam gtan
 gyi yul ni bsam gyis mi khyab po zhes gsungs so/ /sprul pa ni rnam pa gnyis te/ 'dod pa na spyod pa dang gzugs spyod pa'o zhes bya ba ni gzugs med pa na spyod pa med pa ste/ de na gzugs med pa'i phyir ro/ /'dod par gtogs
 ba'i sprul pa ni /phyi'i zhes bya ba ni nang gi skye mched ni sprul par mi byed de/ sngon med pa'i sems can 'byung bar 'gyur du 'ong bas so/ sgra'i sprul pa ni yod ba ma yin te/ rgyun 'chad pa'i phyir ro/ /bdag dang gzhan gyi lus
 dang 'brel ba zhes bya ba ni bdag gi lus dang 'brel ba dang/ gzhan gyi lus dang 'brel ba'o/ /de kho na bzhin du zhes bya ba ni ji ltar 'dod pa'i khams na rang dang gzhan gyi lus dang 'brel ba de bzhin du gzugs su gtogs pa yang
 bdag gi lus dang gzhan gyi lus dang 'brel ba zhes bya ba rnam pa gnyis yin no/ /'di ni sprul pa rnam pa bzhi yin no zhes bya ba ni 'dod pa'i khams su skyes pa'i/ /gzugs kyi khams na yang de dang 'dra'o zhes bya ba ni
 gzugs kyi khams su skyes pa'i yang/ 'dod par gtogs pa dang/ gzugs su gtogs pa rang gi lus dang 'brel pa dang/ gzhan gyi lus dang 'brel pa yin no/ /rnam pa brgyad yin no zhes bya ba ni 'dod pa'i khams su skyes pa'i rnam pa bzhi dang/ gzugs
 kyi khams su skyes pa bzhi ste/ rnam pa brgyad yin no/ /mdor bsdus na zhes bya ba ni rgyas par ni mdza' yas pa'o/ /ji ltar dri dang re dang mi ldan zhes bya ba ni gal te/ gzugs kyi khams su skyes pa 'dod pa na spyod pa skye mched bzhi kho na sprul bar byed na
 ltar/ /rang gi lus dang 'brel pa sprul pa na dri dang ro dag dang mi ldan zhes bya ba'o/ /gos dang rgyan bzhin du mi ldan no zhes bya ba ni dper na sems can du mi bgrang ba'i phyir gos dang rgyan rang gi lus dang 'brel ba dag dang mi ldan pa de bzhin du
 sprul pa dang yang yin no/ /gzhan dag na re skye mched gnyis sprul par byed do zhes bya ba ni rang gi lus dang 'brel ba gzugs dang reg bya'i skye mched kho na sprul par byed pa ste/ de'i phyir dri dang ro dag dang ldan pa ma yin zhes bya ba'o/ /de bzhin du
 bsam gtan gsum pa dang bzhi pa'i sa pa dag kyang bzhi dang/ sngar spyar bar bya'o zhes bya ba la/ ji ltar zhe na/ bsam gtan gsum ba'i 'bras bu bzhi ste/ 'dod pa'i khams dang bsam gtan dang po dang gnyis pa dang/ gsum pa'i sa pa
 dag go/ bsam gtan bzhi pa'i 'bras bu lnga ste/ 'dod pa'i khams dang/ bsam gtan dar po dang gnyis ba dang gsum pa dang bzhi ba'i sa pa dag go/ 'gros kyi sgo nas kyang khyad par du 'phags so zhes bya ba ni 'dod pa ne spyod pa'i sprul pa bsam
 gtan gyi sa la sogs pa'i 'bras bu ni go rim bzhin du/ bsam gtan gnyis pa dang gsum pa dang bzhi par 'gro ba/ bsam gtan dang po'i 'bras bu bsam gtan dang po nyid du 'gro'o/ /bsam gtan dang po'i 'bras bu sprul pas ni ?
 bsam gtan gnyis pa'i 'bras bu sprul pas bsam gtan gsum pa'i sar 'gro bar mi nus te/ bsam gtan gnyis pa'i 'bras bu sprul pas bsam gtan gsum pa'i sar 'gro bar mi nus pa la sogs
 pa yang de dang 'dra'o/ /de snyed bsam gtan bzhin zhes bya ba ji ltar bsam gtan snyed ce na/ 'dod chags bral ba dang skye bso zhes 'chad do/ /ting nge 'dzin gyi 'bras bu la gnas pa ni zhes bya ba la ting nge 'dzin gyi 'bras bu ni sprul ba'i
 sems te rnam par grol pa'i lam gyi rang bzhin yin pa'i phyir ram/ mngon par shes pa'i 'bras bu yin pa'i phyir ro/ /sa gong ma pa ni bsam gtan dang po'i sa pas smrar 'jug ste/ yan chad bsam gtan gnyis pa la sogs pa dag na rnam
 par rig byed kun nas slong bar byed pa rtag pa dang bcas shing spyod pa dang bcas sems med pa'i phyir ro ji ltar 'di smrar 'jug ces bya ba ni bsam pa ci zhig ces na/ sprul pa'i sems 'gags shing smrar 'jug pa'i sems skyes nas sprul
 pa'i sems 'gags pas sprul pa 'gags te/ sems de gnyis cig car med pa'i phyir te/ de'i phyir ji ltar smrar 'jug ce na zhes bya ba'o/ /byin gyis brlabs nas gzhan 'jug phyir zhes bya ba ni sprul ba'i sems kyi sprul pa sprul par
 byed do/ /de nas dus phyis byin gyis brlab pa'i sems mngon du byed la/ des sprul pa byin gyis brlabs nas/ phyis rnam par rig byed kun nas slong bar byed pa'i sems mngon du byas te smrar 'jug go/ 'dir smras pa byin gyis brlob
 pI sems mngon du gyur na sprul pa'i sems mo snang bar gyur pas sprul ba mi snang bar ci'i phyir mi 'gyur ce na/ 'di la brjod par bya ste/ sngon gyi bsam pa'i rgyud rjes su 'brang ste sprul pa sprul par bya'o/ /de byin gyis brlab bar bya'o/ /de
 smrar gzhug go snyam du de ltar sngar sems la bzhag pa yin no/ /gnas skabs gnyis su byin gyis brlabs srid pa'i phyir ci gson po kho na la zhes bya ba la sogs pa 'dri'o/ /'phags pa 'od srungs chen po'i phyin gyis brlabs kyis zhes bya ba ni
 'phags pa 'od srungs chen po'i mos pas shes bya ba'i tha tshig go/ dang bor du mas gcig yin te zhes bya ba rgyas par 'byung ba ni dang po sgrub na ni sprul ba'i sems mang pos sprul pa nye bar len pa dang bcas pa gcig sprul par byed la/
 mngon par shes pa byang nas ni sems gcig gi du ma yin no/ sprul pa'i sems ni bsgom pa'i 'bras bu dang/ skye bas thob pa dang rnam pas yang ci sprul pa'i sems thams cad ces bya ba rgyas par 'byung ngo/ /bsgom las skyes pa lung ma bstan
 zhes bya ba las gong mar skyes pas sa 'og ma pa'i sprul pa'i sems mngon du byed pa'i phyir lung du ma bstan pa yin no/ /zhes bya bar rtogs so/ /skye ba las skye rnam gsum mo zhes bya ba ni yi dags la sogs pa dag ni res 'ga' 
 gzhan la mtho ba tsam pa'i phyir gzugs sprul par byed la/ res 'ga' phan gdags pa'i phyir zhes bya ba la sogs pa blta bar bya'o/ /de dag gi byas pa zhes bya ba rgyas par 'byung ba ni lha la sogs pas byas pa dang/ skye bas byas
 pa'i sprul pa bdag dang gzhan gyi rgyud dang 'brel ba skye mched dgu pa yin no/ /ga las zhe na/ sgra med pa'i gzugs can gyi skye mched yin pa'i phyir ro/ /gang gi phyir de na sgra med pa'i gzugs can gyi skye mched mig la sogs pa yod pa de'i
 phyir ming gi sgo nas skye mched dgu pa yin gyi/ rdzas kyi sgo nas ni ma yin no/ /sgra ni rgyun med pa'i phyir sprul par mi byed la/ sprul pa sems med pa yin pa'i phyir yid dang chos kyi skye mched dag kyang med do/ /sprul pa sems med pa
 yin no zhes bya ba 'di ga las shes na/ bstan bcos las sprul pa sems dang bcas pa zhes brjod par bya ba 'am/ sems med pa zhes brjod par bya/ smras pa sems med pa'o zhes gsungs so/ /
 gal te dbang bo dag kyang sprul byed na ni dbang po rnams sems can du bgrang ba yin pa'i phyir ji ltar sngon med pa'i sems can 'byung bar 'gyur zhe na/ de'i phyir dbang po rnams dang tha mi dad pa'i phyir ro zhes bya ba smos te/ sprul
 pa skye mched bzhi pa de ni mig la sogs pa'i dbang po dang tha mi dad par skyes pa ste/ rang gi lus dang 'brel pa'i phyir ro/ /de'i phyir skye mched dgu par bshad do/ /dbang po ni sprul par mi byed do zhes bya ba ni/ rnam par smin pa las
 skyes pa dang rgyas pa las byung ba yin pa'i phyir te/ sprul pa ni rnam par smin pa dang rgyas pa las byung bar mi rigs so/ /dbang po'i rten tsam sprul pa yin te/ ras khra bzhin no/ /de nyid kyi phyir dbang po ni sprul par mi byed do zhes bya ba
 smos so/ /dper na nga las nu dang srid pa bar ma pa rnams kyi lta bu'o zhes bya ba ni las las skyes pa'i rdzu 'phrul ston pa'o/ /byang chub sems dpa' dang 'khor los sgyur ba dang/ khyim bdag rin po che rnams kyi lta bur zhes bya ba la
 de dag gi ni lha'i dang 'dra bas lha'i yin no/ /'di ltar de gnyis ni bsam gtan sa pa'i gzugs dang pa yin pa de'i phyir de dag ni lha'i kho na yin gyi lha'i dbang 'dra ba'i lha'i ni ma yin no/ /de nyid kyi phyir lha'i mig ni sha dang lpags pa dang
 rus pa dang khrag dang ma 'brel zhing gzugs dang po'o zhes brjod do/ /lha'i mig gam rna ba ni de dang mtshungs pa med? do zhes bya ba ni de dag lta ba dang nyan pa'i sgo nas mngon par bsgrubs pa ste/ de'i phyir stag tu rnam par shes
 ba dang bcas pa yin no/ /zhar ba dang long pa la sogs pa med pa'i phyir zhes bya ba la/ zhar ba ni gang rung cig ma tshang ba'o/ /long ba ni yo ba'o/ /lha'i rna ba la sogs pa bzhi yang zhes bya ba la/ sogs pa zhes bya ba'i sgras ni lha'i mig dang
 sdon gyi gnas rjes su dran pa dang/ gzhan gyi sems shes pa bsdus te/ 'di dag thams cad skyes nas thob pa yin no/ /'dod pa na spyod pa'i lha dang glu rnams dang/ gzugs na spyod pa rnams kyi yin gyi/ gzugs med pa na spyod pa rnams kya
 ni ma yin te/ de na gzugs med pa'i phyir ro/ /gzhan gyi sems shes pa skye bas thob pa ni dge ba dang mi dge ba dang lung du ma bstan pa'i/ gang rtog dang rig sngags kyi byas pa'ang/ zhes bya ba de yang rnam pa gsum yin no/ /de la 'dod
 ba'i khams kho na mi dge ba yod kyi gzhan gyi sems shes pa sgoms pa'i 'bras bu ni dge ba kho na yin no/ /dmyal ba pas ni dang po shes zhes bya bas ni dmyal ba rnams kyis ni skyes tsam nyid nas sngon gyi gnas rjes su dran pa'i shes
 pas de ma thag pa'i skye ba dran gyi gzhan ni ma yin no/ /gzhan gyi sems shes pas kyang dang po'i kho na shes so/ /ji srid du sdug bsngal gyi tshol ba mnyen pa zhes bya ba la de dag ni gang gi tshe tshor ba drag po gnang thams cad 'byed
 par byed pa dag gis gnon pa de'i tshe bdag nyid kyang mi dran na/ sngon gyi gnas sam gzhan gyi sems shes par gyo ga la 'gyur/ 'gro ba'i gzhan na gnas pa ni rtag tu shes so zhes bya ba ni yi dags dang dung 'gro dang mi dang
 lha'i 'gro ba la gnas pa ste/ sngon gyi gnas rjes su dran pa pa dang/ gzhan gyi sems shes pa de dag gi rtag tu shes so/ /re zhig du'i 'gros ni shes te/ klu la sogs pa bzhin no/ /yi dags kyis kyang shes te/ ji skad du
 bdag gi mthun dang mi thun la/ /longs spyod dag ni gang bsags pa/ /de dag gzhan gyi longs spyod de/ /kho bo cag ni sdug bsngal brten/ zhes bshad pa lta bu'o/ /mi skye ba dran pa dag ni mthong
 ba nyid do/ /lhas kyang dran te/ ji skad du/ drang srong tshogs kyis bsten pa dang/ /chos kyi rgyal pos bzhug gyur cing/ /bdag la dga' ba bskyed pa yi/ /rgyal byed tshal de 'di yin no zhes bya ba dang/ de bzhin du gang nas shi
 'phos nas gang du skyes zhes bya ba la sogs pa bshad pa lta bu'o/ /mi la skye bas thob pa med ces bya ba ni rdzu 'phrul la sogs pa thams cad do/ /skye bas thob pa bkag pas 'dod chags dang bral bas thob pa dang/
 rtog pa dang/ rig sngags dang/ sman dang las kyi byas pa yod do zhes bshad par 'gyur ro/ /de dag gi de ni las kyi khyad par las skyes pa yin te zhes bya ba la/ ji ltar zhe na/ rnam pa gsum ste zhes bya ba rgyas par smos
 te/ sngon gyi gnas rjes su dran pa ni bsgom pa'i 'bras bu kho na ma yin te 'o na ci zhe na/ rnam pa gsum ste/ ji skad bshad pa'i bsgom pa'i 'bras bu dang/ skye bas thob pa ste/ lha la sogs pa rnams kyi dang/ las las skyes pa
 ste byang chub sems dpa' rnams kyi lta bu'o/ /slob dpon gang ba spel bas mdzad pa chos mngon pa mdzod kyi 'grel bshad mtshan nyid kyi rjes su 'brangs pa zhes bya ba las ye shes bstan pa zhes bya ba gnas bdun pa'i
 'grel bshad do// //shes pa rnams bshad zin to/ /de rnams kyang bsam gtan dang gzugs med pa la brten nas/ skye bas 'brel pa la bstan pa'i phyir shes pa'i phyir shes pa'i skabs
 shes pa'i rang bzhin gyi yon tan rnams bshad zin to zhes bya ba smos so/ /zad pa shes pa'i che sangs rgyas bcom ldan 'das rnams kyi thun mong ma yin pa'i chos ston la sogs pa rnams dang/ nyan thos rnams dad thun mong pa
 smon nas shes pa dang so so yang dag par rig pa la sogs pa rnams dang/ so so'i skye bo dang thun mong pa mngon par shes pa dang/ bsam gtan dang gzugs med pa la sogs pa rnams 'thob bo zhes sbyir bshad la/ de
 dag kyang shes pa'i rang bzhin dang/ rang bzhin gzhan yin no/ /de la shes pa'i rang bzhin stobs la sogs pa nas mngon par shes pa la thug pa gang yin pa de dag ni shes pa'i skabs kho nas bshad zin to/ /de la shes pa
 zag bcas zag pa med ces bya ba de lta bu la sogs pas ni rgyas par shes pa bstan pa'i dbang du byas so/ /de nas shes pa dang 'brel bas de'i rang bzhin gyi yon tan rnams kho na bshad kyi/ rang bzhin gzhan rnams ni ma yin
 te/ bsam gtan la sogs pa'i rang bzhin zhes bya ba'i tha tshig go /yang na shes pa'i skabs kyi gti mug med pa'i rang bzhin rgyas par bshad la/ da ni ma chags pa dang zhe sdang med pa'i rang bzhin bsam gtan dang gzugs
 med pa rnams bshad par bya'o zhes bya ba'o/ /de la dang po bsam gtan rnams las brtsams te/ gtso bo yin pa'i phyir ro/ /ji ltar na gtso bo yin zhe na/ de'i phyir yon tan thams cad kyi rten yin pa'i phyir ro zhes bya ba smos so/ /
 gzugs med pa rnams kyang yon tan gyi rten yin mod kyi/ lnga ni bsam gtan bzhi dag na zhes 'byung ba'i phyir yon tan thams cad kyi rten ni ma yin pas de dag sngar ma brjod do/ /bden pa'i mjug thogs su skye ba'i phyir yang
 gzugs med pa rnams bstan pa skye ba dang mthun pa yin no/ /bsam gtan dag ni rnam gnyis zhes bya ba ni/ rgyu dang 'bras bu'i bsam gtan gyi dbye bas so/ /de nyid kyi phyir skye ba dang snyoms par
 'jug pa'i bsam gtan gyi bye brag gis zhes bya ba smos so/ /de la skye ba'i bsam gtan ni 'bras bu'o/ /snyoms par 'jug pa'i bsam gtan ni rgyu'o/ /dge ba rtse gcig pa zhes bya ba 'di ni snyoms par 'jug pa'i bsam
 gtan gyi thun mong gi mtshan nyid do/ /sems rtse gcig pa nyon mongs pa can dang lung du ma bstan pa yang yod pas dge ba zhes bya ba smos so/ /dge ba g.yeng ba yang yod pas rtse gcig pa zhes bya ba smos so/ /sems rtse gcig
 pa ni bsam gtan yin te zhes bya ba der sems las byung ba ma smos pa ni sems gtso bo pa'i phyir ro/ /ting nge 'dzin gyi rang bzhin yin pa'i phyir ro zhes bya ba ni bsam gtan dmigs pa gcig pa'i rang bzhin yin pa'i phyir
 ro/ /rjes 'brang bcas nas phung po lnga zhes bya ba ni gal te snyoms par 'jug pa'i bsam gtan rnams kyi rang bzhin tshol na ni/ de'i rang bzhin yin pa de nyid kyi dge ba rtse gcig pa yin te/ bsam gtan rnams ni ting nge 'dzin
 gyi rang bzhin yin pa'i phyir ro/ /'on te 'khor dang bcas pa brjod par 'dod na ni/ de'i phyir phung po lnga'i rang bzhin yin te/ rjes su 'jug pa'i gzugs yod pa'i phyir ro/ /dge ba'i sems rtse gcig pa ni bsam gtan yin te zhes
 bshad na/ de ni nges par ma zin pas de'i phyir rtse gcig pa zhes bya ba 'di ci zhe na zhes bya ba 'dri'o/ /dmigs pa gcig pa nyid do zhes bya ba ni/ yul gcig pa nyid do zhes bya ba'i tha tshig go/ de lta na ni 'o na zhes bya brgyas pa
 'byung ba ni/ gal te rtse gcig pa dmigs pa gcig pa nyid yin na ni/ des na sems dmigs pa gcig pa ste/ ma g.yengs shing mnyam par bzhag pa dag khro na ting nge 'dzin yin gyi chos gzhan sems las byung ba ni ma yin te/ dmigs
 pa gcig pa nyid de ni sems dag las gzhan med de/ sems ni g.yengs pa nyid yin par 'gyur du 'ong bas so/ /sems kho na zhes bya ba rgyas par 'byung ba la/ sems rnams ni dmigs pa gcig la 'jug pa las rang la
 nus pa yod pa ma yin te/ rnam par g.yeng ba med par thar bar 'gyur ba'i phyir ro/ /de'i phyir rnam par g.yeng ba bzhin du sems rnams kyi dmigs pa gcig pa nyid kyang rang bzhin las byung ba ma yin pas de'i phyir sems
 rnams kho na ting nge 'dzin ma yin te/ gang de dag rtse gcig par byed pa'i chos de ting nge 'dzin yin no/ /de nyid rtse gcig pa nyid yin no zhes bya ba ni ting nge 'dzin dang ldan pas de dag sems rtse gcig par 'gyur bas ting nge 'dzin kho na
 sems rtse gcig pa yin gyi sems dag ni ma yin no/ /skad cig ma yin pa'i phyir sems thams cad rtse gcig pa yin nam ma yin nam zhes bya ba ni sems thams cad ni rtse gcig pa kho na yin te/ skad cig ma yin pa'i phyir dmigs
 pa yin la 'pho ba med pa'i phyir ro/ /de'i phyir sems la ting nge 'dzin yongs su rtogs pa don med do/ /dge ba'i sems thams cad mnyam par bzhag pa nyid yin par thal bar 'gyur ba'i phyir ro/ /gal te gnyis pa de las rnam par mi
 g.yeng? ba yin no zhes bya ba ni/ sems gnyis pa ni sems snga ma dang mtshungs par ldan pa'i ting nge 'dzin gyi stobs kyi sems dang po'i dmigs pa las mi g.yeng bas nyes pa 'di med do zhes bya ba'o/ /mtshungs par ldan pa la ting nge
 'dzin don med pa yin no zhes bya ba ni sems dang po ting nge 'dzin dang mtshungs par ldan pa gang yin pa de la ting nge 'dzin don med pa yin te/ de la bya ba mi byed pa'i phyir ro/ /gang kho na las ting nge 'dzin
 yin pa zhes bya ba rgyas par 'byung ba la/ gang zhig sems ltar ting nge 'dzin gyi dbang gis snga ma dang phyi ma dmigs pa gcig pa nyid du yongs su rtogs par 'gyur ba/ ting nge 'dzin la ni ting nge 'dzin gzhan yod pa ma yin no/ /
 de'i phyir ting nge 'dzin rnams la ting nge 'dzin las tha dad pa goms pa 'am/ gzhan zhig las rtse gcig pa nyid du khas blang bar bya'o/ /goms pa la sogs pa gang kho na la ting nge 'dzin rtse gcig pa nyid du 'gyur ba de
 kho na las sems dag kyang dmigs pa gcig tu 'gyur bas don gzhan du gyur ba'i ting nge 'dzin don to/ /ting nge 'dzin sa mang po pa yin pa'i phyir zhes bya ba ni gal te sems snga ma dang mtshungs par ldan pa'i ting nge 'dzin
 gyi mthus phyi ma sems snga ma'i dmigs pa las mi g.yeng ba yin na/ de lta na ting nge 'dzin sa mang po pa yin pa'i phyir/ sems thams cad rtse gcig pa nyid du thal bar 'gyur ro/ /ma yin te ting nge 'dzin stobs chung
 pa'i phyir ro zhes bya ba ni sems thams cad rtse gcig pa nyid du thal bar mi 'gyur ro/ /ci'i phyir zhe na ting nge 'dzin stobs chung ba'i phyir ro/ /ting nge 'dzin stobs dang ldan pa ni sems gnyis pa sems dang po'i dmigs pa las
 mi g.yeng bar byed kyi/ stobs chung bas ni ma yin la/ ting nge 'dzin thams cad kyang stobs mtshungs pa ma yin te/ de'i phyir ting nge 'dzin sa mang po yan yang sems thams cad rtse gcig pa nyid du thal bar mi 'gyur ro/ /
 sems dang sems las byung ba dge ba'i rgyun 'jug par nus pa ting nge 'dzin kho na la bsam gtan du brjod pa'i phyir thams cad ni mi yin no/ /sems rtse gcig pa kho na ting nge 'dzin yin te zhes bya ba ni don gzhan ma yin pa'o/ /'di ltar
 zhes bya ba ni gang gi phyir ro/ /lhag pa'i sems kyi bslab pa zhes bya ba rgyas par 'byung ba ni mdo las lhag pa'i sems kyi bslab pa dang sems yongs su dag pa'i gtso bo ni bsam gtan bzhi yin no zhes gsungs so/ /de'i phyir rtse gcig pa'i
 sems kho na ting nge 'dzin yin te/ dper na lhag pa'i tshul khrims kyi bslab pa tshul khrims kho na yin gyi/ de las gzhan ma yin la/ lhag pa'i shes rab kyi bslab pa shes rab kho na yin gyi/ de las gzhan ma yin pa bzhin no/ /
 yang ji ltar mdo nyid las tshul khrims yongs su dag pa'i gtso bo dang/ rnam par grol ba yongs su dag pa'i gtso bo zhes bshad pa ni tshul khrims dang lta ba dang/ rnam par grol ba dag las gzhan ma yin pa de bzhin du sems yongs su
 dag pa'i gtso bo yang sems las don gzhan ma yin no zhes mdo las khong du chung ngo/ /de lta na 'o na ni zhes bya ba la gal te bsam gtan dag ting nge 'dzin gyi rang bzhin yin na/ ting nge 'dzin thams cad bsam gtan thal bar 'gyur te/ ting nge
 'dzin ni sa mang po pa yin pa'i phyir ting nge 'dzin dge ba dang nyon mongs pa can dang lung du ma bstan pa rnams kyang bsam gtan du thal bar mi 'gyur ro/ /ma yin te phul tu phyin pa dang ldan pa la zhes bya ba rgyas par 'byung ba ni phul du
 phyin pa dang ldan pa'i ting nge 'dzin gang yin pa de la bsam gtan zhes ming du btags kyi/ ting nge 'dzin tsam ni ma yin te/ de'i phyir ting nge 'dzin thams cad bsam gtan du thal bar mi 'gyur ro/ /nyi ma bzhin no zhes bya ba ni gang zhig
 phul du phyin par snang ba dang ldan pa de nyid la nyi ma zhes bya'i srin bu me khyer la sogs pa dag ni ma yin no/ /zung du 'brel par dang gi 'byung ba'i phyir zhes bya ba ni zung du 'brel pa ni zung du 'brel pa ste 'brel zhes
 bya ba'i don to/ /gnya' sbrel ba dang 'dra ba ni zung du 'brel pa'o/ /zung du 'brel par dang gis 'byung bas na zung du 'jug par dang gis 'byung ba ste/ zhi nas dang lhag mthong dag gis mnyam par dang gis 'byung zhes bya ba'i tha tshig
 go/? zung du 'brel bar dang gis 'byung ba'i dngos po ni zung du 'brel par dang gis 'jug pa nyid de'i phyir ro/ /gal te dge ba'i sems rtse gcig pa nyid bsam gtan yin na/ nyon mongs pa can ro myang pa dang ldan pa ji ltar bsam
 gtan yin zhe na/ log par nges par sems pa'i phyir zhes pa 'byung ste/ 'di ltar log par sems par byed pa yin te/ log par nges par rtog ces bya ba'i tha tshig go /ha cang thal par 'gyur ro zhes bya ba ni nyon mongs pa thams
 cad log par nges par sems pa'i phyir bsam gtan nyid du thal bar 'gyur ro zhe na/ ma yin te/ de dang mthun pa kho na la zhes bya ba rgyas par 'byung ngo/ /ha cang thal bar 'gyur ba med de/ de dang mthun pa mtshan nyid mang po mi mthun pa med pa bsam
 gtan nyon mongs pa can la de'i ming du btags pa'i phyir ro/ /sa bon dul pa bzhin no zhes bya ba ni dper na rdo la sogs pa sa bon ma yin pa de'i rigs dang mtshan nyid shin tu mi 'dra ba gang yang rung ba las sa bon rul ba zhes mi bya'o/ /'o na ci
 zhe na/ sa bon gyi rigs nyid nyams pa sa bon dang 'dra ba gang yin pa de nyid la sa bon rul ba'o zhes ming du 'dogs pa bzhin no/ /bsam gtan mi dge ba dag kyang gsungs so zhes bya ba ni 'dod pa'i 'dod chags kyis kun nas dkris pa'i dbang
 du byas nas sems par byed rab tu sems par byed do zhes bya ba rgyas par 'byung ba yin te/ de'i phyir ha cang thal bar 'gyur ba'i skyon med de/ bsam gtan dge ba zhes bya ba ni phal che ba bstan pa yin no/ /lhan cig spyod pa'i phyir du ba dang me bzhin no
 zhes bya ba ni dper na 'di na du ba yod pas zhes smos pas me yang smras pa yin te/ me med na du ba mi 'byung bas lhan cig spyod pa'i phyir ro/ /de dang 'dra bar spyod pa smos pas rtog pa yang smos pa yin te/ lhan cig spyod pa'i phyir ro/ /bsam gtan khyad par can na rtog pa med par
 spyod pa yod pas lhan cig spyod pa med par dogs pa bsu nas/ rtog pa med par ni zhes bya ba rgyas par 'byung ste/ bsam gtan khyad par can na ni dga' ba dang bde ba dang ldan pa'i spyod pa med pas rtog pa med do/ /de'i phyir dga' ba
 dang bde pa spyod pa dang ldan pa'i spyod ba ni rtog pa la mi 'khrul te/ me la du ba bzhin no/ /de dag gi skye ba rnams ni bshad zin to zhes bya ba ni/ gzugs med khams na gnas med de/ skye ba las ni de rnams bzhi zhes bya ba'o/ /
 rjes su 'brang ba'i gzugs med pa'i phyir ro zhes bya ba ni bsam gtan dang bags? med pa sdom pa med pa'i phyir ro zhes bya ba'i tha tshig go /rnam par 'byed par byed pa zhes bya ba ni 'dod chags dang bral bar byed pa ste/ dben pa ni sa 'og ma las
 'dod chags dang bral bar byed pa'i lam gang yin pa ste/ 'dis rnam par 'byed par byed pas na zhes bya ba'i phyir ro/ /'dod chags dang bral bar 'gyur ba'i phyir ro zhes bya ba ni rgyabs kyis phyogs bar 'gyur ba'i phyir ro zhes
 bya ba'i don to/ /cung zad zer ba bzhin no zhes bya ba ni ji ltar cung zad tsam sar ba la cung zad ser ba zhes bya ba de rbzhin du gzugs cung zad cig yod pa yang gzugs med pa yin no/ /de dag med na ji ltar zhes bya ba ni lus dang ngag
 med na'o/ /de dag gis sngom bar 'gyur zhes bya ba ni lus dang ngag gi sdom par 'gyur zhes bya ba'o/ /gzugs med pa'i khams na 'byung ba las gyur pa yang mi rung ste/ 'byung ba la bltos pa med pa'i
 'byung ba las gyur pa 'jug pa med pa'i phyir ro/ /gal te zag pa med pa'i sdom pa bzhin no zhes bya ba ni dper na zag pa med pa'i 'byung ba dag med bzhin du yang zag pa med pa'i sdom pa 'byung ba las gyur pa'i gzugs yod pa
 de bzhin du zag pa dang bcas pa'i 'byung ba dag med bzhin du yang lus dang ngag gi sdom pa'i rang bzhin 'byung ba las gyur pa'i gzugs med pa na spyod pa yod par 'gyur ro zhes bya ba'o/ /ma yin te zag pa dang bcas pa'i
 'byung ba yod pa'i phyir ro zhes bya ba ni zag pa med pa'i sdom pa ni zag pa med pa'i 'byung ba med pa'i phyir la/ khams sum gtogs pa'i phyir de ba'i 'byung ba dag rgyur byas nas 'byung ba yin gyi/ 'byung ba la mi bltos pa ni ma
 yin no/ /de'i phyir gzugs med pa'i khams na lus dang ngag gi sdom pa gzhan gyis pa'i 'byung ba skal ba mi mnyam pa dag la brten nas mi 'byung la/ 'byung ba la mi bltos pa yang ma yin te/ de'i phyir rtog pa 'di
 ni med de/ dpe dang dngos la 'dra ba med pa'i phyir ro/ /snyoms par 'jug pa la yang de dgag bar bshad do zhes bya ba ni gzugs med par snyoms par 'jug pa la yang sdom pa skye ba med de/ de pa'i 'byung ba med pa'i phyir ro/ /
 gzhan gyis pa'i sdom pa ni 'byung ba gzhan rgyur byas nas 'byung ba ma yin no zhes bshad zin to/ /rnam pa thams cad du gzugs kyi 'du shes las yang dag par 'das zhes 'byung bas de dag bshad de/ de ltar na skye ba
 dang snyoms par 'jug pa la gzugs bkag pa yin no/ /'on te lus kyang yod pa zhes bya ba ni khob pa'o/ /dbang po gzugs can rnams kyang yod do/ /zhes bya ba ni mig la sogs pa'o/ /ji ltar na de dag gzugs cung zad yod par 'dod ces
 bya ba ni gzugs mdza' dag yod pa'i phyir ro/ /gal te bod tshod chung ba'i phyir ro zhes bya ba ni ci ste/ gzugs mdza' dag yod pa ma yin pas/ gzugs cung zad yod pa zhes mi bya ste/ 'o na ci zhe na/ bong tshod chung ba'i phyir ro zhes bya ba
 'dod na/ chu'i skye bo zhes bya ba rgyas par 'byung ste/ chu'i skye bo ltar mi snang ba dag la yang gzugs med par thal bar 'gyur ro/ /gal te dang ba'i phyir ro zhes bya ba ni ci ste gzugs dang ba'i phyir de dag gzugs cung zad yod pa yin gyi
 tshad chung ba'i phyir ni ma yin no snyam na srid pa bar ma dang gzugs na spyod pa yang thal bar 'gyur te/ de dag ni dang pa'i phyir rdo rje'i rang bzhin gyi ri dag la yang thogs pa med par 'gro bas de'i phyir de dag la yang gzugs med
 par thal bar 'gyur ro/ /gang las ches dang ba med pa yin no zhes bya ba ni 'dod pa na spyod pa'i gzugs las gzugs na spyod pa dang/ gzugs na spyod pa bas gzugs med pa na spyod pa dang ba yin zhing/ de las ches dad pa gzhan
 med de/ de'i phyir gzugs med pa de dag kho na yin gyi srid pa bar ma dang gzugs na spyod pa ni ma yin no zhe na/ srid pa'i rtse mo kho na gzugs med pa yin par 'gyur gyi/ nam mkha' mdza' yas skye mched la sogs pa gsum ni ma
 yin te/ de las gzhan pa gzugs ches dang pa med pa'i phyir ro/ /ci'i phyir zhe na/ snyoms par 'jug pa bzhin du skye ba khyad par du 'phags pa'i phyir ro zhes bya ba 'byung ste/ ji ltar nam mkha' mdza' yas skye mched la sogs
 pa'i snyoms par 'jug pa dag ches shin tu khyad par du 'phags pa'i dbye bas gnas pa de bzhin du de dag gi skye ba'i khyad par yang gdon mi za bar khas blang dgos so/ /de'i phyir srid pa'i rtse mo'i gzugs
 kho na ches dang bas gzugs med pa yin par thal bar 'gyur gyi/ nam mkha' mdza' yas skye mched la sogs pa lhag ma yin no/ /ci ste gzugs med par skye ba'i gzugs ni sa 'og ma pa'i mig gis mi 'dzin pa'i phyir dang
 ba nyid yin te/ de'i phyir de dag kho na gzugs med pa yin gyi/ srid pa bar ma la sogs pa dag ni ma yin no snyam na/ bsam gtan du skye ba'i gzugs kyang zhes bya ba rgyas par 'byung ste/ bsam gtan dang po'i sa pa'i dbang
 pos bsam gtan gnyis pa la sogs pa'i gzugs mi 'dzin pa nas de bzhin du bsam gtan gsum ba'i dang pos bsam gtan bzhi pa'i sa pa'i gzugs mi 'dzin pa'i bar du yin te/ /sa gong ma pa'i gzugs ches dang ba yin
 pa'i phyir ro/ /de ltar gyur na gang las de dag gzugs med pa zhes bya ba'i gzugs na spyod pa dag ma yin par 'gyur ba de dang khyad par ci zhig yod/ gal te gnyis kyi ming ni don dang mthun pa yin gyi zhes bya ba ni 'dod
 pa dang gzugs kyi khams te/ 'dod pa'i yon tan gyis rab tu phye ba ni 'dod pa'i khams yin la/ gzugs kyi rab tu phye ba ni gzugs kyi khams yin no/ /gzugs med pa'i khams kyi ni ma yin no zhes bya ba ni gzugs
 med pa'i khams kyi ming ni don dang mthun pa ma yin te/ 'o na ci zhe na/ 'dod rgyal pa yin no zhe na/ de la rigs pa ci zhig yod ces bya ba la/ rigs pa ni tshad ma yin la/ de yang rjes su dpag pa yin te/ gnyis kyi ming ni
 nga don dang mthun pa yin gyi/ gzugs med pa'i khams kyi ni ma yin no zhes bya ba la'o/ /'dod pa de'i lung dam de ste rjes su dpag pa las rtogs na/ gzugs med pa'i khams na gzugs yod pa nyid la rjes su dpag pa ma mthong zhing
 lung yongs su 'dzin pa ni gal te tshe dang drod gnyis 'dres par zhes bya ba rgyas par 'byung ba la/ mdo las tshe dang ldan pa gsus po che tshe gang yin pa dang/ drod gang yin pa'i chos 'di dag ni 'dres pa yin no zhes gsungs te/ de'i
 phyir de na tshe yid dang drod kyang yod par 'gyur ro/ /'dam bu'i shog gnyis zhes bya ba la sogs pa la/ mdo las che dang ldan pa shA ri'i bu dper na 'dam bu'i shog gnyis gnam du bgred bar 'gyur la de gnyis phan tshun
 rten cing phan tshun rten nas 'dug pa de las 'ga' zhig gis cig shos ngas lan cig sho'a 'gyal bar gyur ro/ /gnyis pa bsal na cig shos 'gyel bar 'gyur ro/ /tshe dang ldan pa shA ri'i bu de bzhin du ming dang gzugs rnams kyang phan tshun
 rten cing rten nas gnas zhes rgyas par 'byung ba yin no/ /ming yod pas gdon mi za bar gzugs med bdag na gzugs yod par 'gyur te/ gzugs la bltos pa med par ming 'ba' zhig gnas pa mi srid pa'i phyir/ rten cing 'brel par 'byung
 ba'i mdo las rnam par shes pa'i rkyen gyi mang dang gzugs zhes gsungs so/ /de la gzugs med par nyid mtshams sbyor ba'i skad cig ma la rnam par shes pa dang/ de'i rkyen gyis ming yin la/ de yang gdon mi za bar lhan cig
 bar 'gyur te/ rnam par shes pa'i rkyen gyis ming dang gzugs zhes 'byung ba'i phyir ro/ /'du byed kyi bar las gzhan du zhes bya ba rgyas par 'byung ba la/ mdo las dge slong dag rnam par shes pa gzugs su nye bar 'gro
 ba/ gzugs la dmigs pa/ gzugs la brten pa gnas so zhes rgyas par 'byung zhing/ dge slong dag gang la la zhig 'di skad du bdag ni gzugs las gzhan dang/ tshor ba las gzhan dang/ 'du shes
 las gzhan dang/ 'du byed las gzhan du rnam par shes pa 'gro ba 'am/ 'ong ba 'am skye bar smra'o zhes zer na de'i dag de ni tshig tsam du zad do zhes rgyas par gsungs te/ lung de las kyang gzugs med pa dag tu gzugs
 mi 'grub ste/ lung nyid dpyad par bya ba yin pa'i phyir ro/ /'on te thams cad las zhes bya ba ni 'dod pa dang gzugs dang gzugs med pa na spyod pa las so/ /'dir dgongs pa'i don ni 'di yin te/ tshe dang drod dang
 rnam shes 'dis/ /gang tshe lus 'dis 'dor byed cing/ /bor nas de tshe 'dug pa ni/ /sems med ji ltar shing bzhin no zhes 'byung bas 'dod pa na spyod pa'i tshe kho na la dgongs nas gsungs pa yin no/ /gzugs
 med pa'i khams na ni lus kyang med na lus 'dzin pa lta ga la zhig yod de/ gzugs kyi khams na ni gzugs yod med kyi/ lus 'jig bar mngon pa ni med do/ /gang yang ming dang gzugs dag phan tshun brten pa
 nyid du gsungs pa yang 'dod pa dang gzugs na spyod pa kho na las dgengs nas gsungs so zhes bya bar mngon to/ gnyis ka yod na phan tshun rten pa nyid srid na/ gzugs med pa na ni sems dang sems las byung ba
 kho na phan tshun rten te gzugs med pa'i phyir ro/ /gang yang rnam par shes pa'i rkyen gyis ming dang gzugs zhes bya ba ni ming dang gzugs 'di la rkyen rnam par shes pa yod pas na 'di ni rnam par shes pa'i rkyen gyis
 ming dang gzugs te/ gang gi phyir gzugs med pa na spyod pa'i rnam par shes pa ni ming kho na'i rkyen yin gyi gzugs kyi ni ma yin pa'i phyir ro/ /rnam par shes pa 'ong ba dang 'gro ba dgag pa zhes bya ba ni 'jig rten snga ma nas srid pa bar
 ma'i rgyun gyis 'dir skye ba ni 'ong ba'o/ /de bzhin du 'di nas 'jig rten pha rol tu skye ba ni 'gro ba'o/ /ci de dag thams cad ces bya ba ni gzugs dang tshor ba dang 'du shes 'du byed rnams so de bkag ces bya ba ni rnam par shes
 pa 'ong ba dang 'gro ba bkag pa'o/ /'on te 'ga' zhig kyang zhes bya ba ni gzugs la sogs pa'i nang nas gang yang rung ba zhig go/ /kho bo cag ni de thams cad med na de bkag pa yin gyi/ gsum yod na rnam par shes pa
 'ong ba dang 'gro ba yin no zhes bya ba la sogs pa smra'o/ /gal te bye brag med par gsungs pa'i phyir dpyad par mi bya'o zhe na zhes bya ba ni/ mdo las ni tshe dang ldan pa gsus po che tshe gang yin pa dang drod gang yin pa zhes bya ba
 nas rgyas par rnam par shes pa gzugs su nye bar 'gro ba gnas so zhes bya ba'i bar 'di bye brag med par gsungs pa yin te/ mdo'i tshig 'dis 'dod pa na spyod pa dang gzugs na spyod pa'i tshe las dgongs nas gsungs so zhes bya ba
 nas/ de thams cad med na bgag pa'i zhes bya ba'i bar bye brag du ma byas la/ bye brag med par gsungs par mi bya'o zhe na/ de lta yin na ha cang thal bar 'gyur ro/ /ji ltar zhe na/ phyi'i dro ba yang zhes bya ba ste/ sems can du bgrang
 bra ma yin pa yang tshe med par 'byung bar mi 'gyur ro/ /ci'i phyir zhe na/ bye brag med par gsungs pa'i phyir te/ der ni tshe dang sems can du bgrang ba 'dres so zhes bye brag tu ma mdzad do/ /phyi'i gzugs shing dang rtsig pa la sogs pa sems
 can du bgrang ba ma yin pa yang ming la brten pa nyid du thal bar 'gyur te/ bye brag med par gsungs pa'i phyir ro/ /der ni ming dang sems du bgrang ba'i gzugs phan tshun brten nas gnas so zhes ma gsungs
 so/ /de'i phyir ming ltar gzugs kyang bye brag med par gsungs pa'i phyir thams cad bzung bar thal bar 'gyur ro/ /rnam par shes pa gnas pa bzhi bzhin du zhes bya ba rgyas par 'byung ba ni/ ji ltar rnam par shes pa gnas pa bzhin khyad
 par med par gsungs pa'i phyir gzugs med pa'i khams na gzugs yod pa nyid du 'dod pa de bzhin du /zas bzhi gsungs pa'i phyir 'dod pa'i khams bzhin du gzugs dang gzugs med pa'i khams dag na yang kham du byed
 pa'i zas yod par thal bar 'gyur ro/ /ci'i phyir zhe na bye brag med par gsungs pa'i phyir ro/ /de skad du yang zas bzhin ni sems can 'byung ba rnams gnas par byed pa dang/ srid pa tshol ba rnams la phan 'dogs par byed pa
 yin no zhes gsungs pa yin la/ bye brag med par gsungs pa'i phyir reg pa la sogs pa ltar kham du byed pa'i zas kyang thams cad na yod par thal bar 'gyur ro/ /ci ste zas bzhi ni sems can 'byung ba rnams gnas par
 byed pa zhes bya ba spyir bstan pa 'di la dmigs kyis gsal ba 'di yod do snyam na/ lha las 'das te zhes bya ba rgyas par 'byung ste/ gal te de lta yin na gzugs med pa dag na yang gzugs yod par thal bar mi 'gyur ro/ /
 ci'i phyir zhe na/ dmigs kyis bsal ba'i phyir ro/ /dmigs kyis bsal ba nyid ston pa ni gzugs med pa rnams na gzugs rnams las nges par 'byung ba yin no zhes bya ba rgyas par 'byung ba'o/ /gal te gzugs med pa'i snyoms
 par 'jug pa dang skye ba dag la gzugs zhig yod par 'gyur na/ gzugs yod phan chad rang gi gzugs gdon mi za bar 'du shes par byed par 'gyur ba ste gzugs kyi 'du shes las yang dag par 'das par mi 'gyur zhing/ de dag gzugs rnams las nges par
 'byung bar mi 'gyur zhing/ gzugs rnams las 'das par yang mi 'gyur ro/ /gzugs yod na der skyes pa rnams gzugs can ma yin pa zhes bya bar yang mi rung ste/ de'i phyir de na gzugs mdo zhes bya bar rtogs so/ /gzugs med par gtogs pa'i gzugs
 ma 'og ma pa ni rigs pa yin la/ gzugs med pa na spyod pa ni phra ba yin te/ de'i phyir gzugs rgra? pa las dgongs te/ gzugs med pa rnams ni gzugs rnams las ngos par 'byung ba yin no zhes bya ba la/ gzugs med pa'i rnam par thar bzhi ba gang dag ces bya
 ba rgyas par gsungs yin no zhe na/ kham gyi gras la yang mtshungs so/ /kham du byed pa'i zas za ba'i lha las 'das te/ zhes bya ba ni khams 'og ma'i sa ba'i kham gyi zas rags pa'i dbang du mdzad nas gsungs kyi/ de'i sa bphra? ba ni ma yin no/ /gal te sa 'og ma pa'i gzugs
 rags pa las nges par 'byung ba'i phyir gzugs med pa dag ces bya bar 'dod na ni de lta na 'o na bsam gtan rnams kyang zhes bya ba rgyas par 'byung ste/ 'di ltar bsam gtan dang po ni 'dod pa na spyod pa'i gzugs rags pa las nges par 'byung ba yin pa nas
 de bzhin du bsam gtan bzhi pa ni gsum pa'i gzugs rags pa las nges par 'byung ba'i bar du yin pas gzugs med par thal bar 'gyur ro/ /de yang sa gong ma la bltos nas rags pa yin no zhe na/ de lta na yang srid pa'i rtse mo kho na gzugs med pa yin pa
 'gyur/ /gal te rang gi sa pa'i gzugs yod bzhin du yang 'og ma ba'i gzugs las nges par 'byung ba'i phyir gzugs med pa rnams nges par 'byung bar gsungs na ni/ de lta yin na/ tshor ba la sogs pa las nges par 'byung bar yang ci'i phyir ma bshad/ de dag
 ni sa 'og ma pa'i gzugs ltar tshor ba la sogs pa las nges par 'byung ba yang yin no/ /sogs pa zhes bya ba'i sgra ni 'du shes dang 'du byed dang rnam par shes pa bsdu'o/ /gzugs las nges par 'byung
 ba ltar tshor ba la sogs pa las nges par 'byung ba nyid du gsungs pa yang ma yin no/ /de'i phyir sa 'og ma pa'i gzugs las nges par 'byung ba'i phyir gzugs med pa dag ma yin no zhes bya bar mi shes kyis/ 'o na ci zhe na/ rnam pa thams cad du rung
 gis pa'i gzugs las kyang nges par 'byung ba'i phyir yin no/ /de nyid kyi phyir gzugs kyi rnam par zad par las 'das pa zhes bya ba rgyas par smos so/ /rnam pa smos pa ni nang gi 'am phyi 'am rags pa 'am phra ba 'am dman pa 'am gya nom
 pa zhes bya ba la sogs pa gzugs ma lus pa nye bar gzung ba'i phyir te gzugs kyi rnam pa de dag thams cad las 'das pa yin te/ snyoms par 'jug pa dang skye ba la gzugs ma lus pa med pa'i phyir ro/ /tshor ba la sogs pa'i
 rnam pa las ni ma yin no zhes bya ba ni gzugs med pa'i snyoms par 'jug pa dang skye ba la bde ba yang ma yin/ sdug bsngal yang ma yin pa'i tshe rab srid pa'i phyir ro/ /sogs pa zhes bya ba'i sgras ni rnam par shes pa'i bar brjod par bya'o/ /de'i phyir
 gzugs rnams las nges par 'byung ba zhes gsungs kyi/ tshor ba la sogs pa las nges par 'byung ba zhes ni ma gsungs so/ /gal te gzugs med pa rnams gzugs las nges par 'byung ba yin na/ 'o na de'i phyir srid pas srid pa las nges par 'byung
 par thal bar 'gyur la/ de ltar yin na mdze rnang 'gal te/ mdo las ni srid pas srid pa las 'byung bar mi smra'o zhes gsungs so zhe na/ de'i phyir srid pas sid pa las nges par mi 'byung bar gsungs pa zhes bya ba rgyas par smos te/ 'dod pa'i srid pa
 'am/ gzugs kyi srid pa'am/ gzugs med pa'i srid pa de nyid kyis 'dod pa'i srid pa 'am/ gzugs kyi srid pa 'am/ gzugs med pa'i srid pa de nyid las nges par mi 'byung ba'i phyir de skad gsungs kyi/ sa dang khams gong ma'i srid bas sa dang
 khams 'og ma'i srid pa las nges par mi 'byung ba'i phyir ni ma yin no/ /bsam gtan dang thams cad du nges par 'byung ba ma yin pa'i phyir te zhes bya ba del gzugs kyi srid pas ni thams cad las nges par 'byung ba ma yin te/ gzugs kyi srid
 bas ni 'dod pa'i srid pa ltar gzugs kyi srid pas gzugs med pa'i srid pa las nges par 'byung ba ma yin la/ gzugs med pa'i srid pas kyang gzugs kyi srid pa ltar 'dod pa'i srid pa dang gzugs med pa'i srid pa las nges par 'byung
 ba ma yin no/ /gzugs kyi srid pas 'dod pa'i srid pa las gtan du nges par 'byung ba yang ma yin te/ 'jig rten pa'i 'dod chags bral ba rnams sa 'og mar yang slar ldog pa'i phyir ro/ /bsam gtan dag la ni zhes bya ba rgyas
 par 'byung ba la gzugs med pa dag la gzugs kyi rnam ba ma gsungs pa la ni de med pa gtogs pa rgyu gzhan rtogs par mi nus te/ de'i phyir gzugs med pa na gzugs med do zhes bya par gnas so/ /da ni ji ltar na zhes bya ba rgyas par
 'byung ba ni/ gal te gzugs med pa dag na gzugs med na de dag 'chi 'pho zhing khams 'og mar skye ba'i tshe gzugs rgyun bcad pa rnams kyi gzugs yang skye bar mi 'gyur ro/ /dgra bcom pa 'khor ba phung po rgyun chad pa la yang
 'byung bar thal lo zhes bya ba'o/ /gzugs ni sems las skye ba yin zhes bya ba la/ gzugs med pa dag na gzugs med pa dag tu skye ba rnams la/ gzugs dang mthun pa'i sems kyi rgyun nyid gnas la/ de nyid de dag gi 'chi ltas yin no
 zhes smra ste/ de'i phyir sngar gzugs dang lhan cig spyod pa'i sems kyi rgyud kyi rkyen gyis rnam par smin pa'i rgyu sngar 'gag pa las gzugs skye ste/ skal ba mnyam pa'i rgyu ni 'das pa dang da ltar byung ba
 khas blang pa'i phyir ro/ /dgra bcom pa rgyun ma lus pa bcad pa la las dang nyon mongs pa med pa'i phyir phung po skye ba'i rkyen 'ga' yang med pas yang de 'byung bar thal ba med do/ /re zhig 'di ni bye brag tu smra ba'i lugs yin no/ /mdo sde pa'i
 tshul gyis ni de'i rnam par smin pa'i rgyus yongs su bsgos pa'i sems 'jug pa rnyed pa las zhes bya ba ste/ de zhes bya ba ni gzugs med pa dag na 'chi 'pho ba la skye ba gang yin pa de'i'o/ /rnam par smin pa'i rgyu ni de 'phen par
 byed pa'i sems pa'o/ /des bsgos pa ni gzugs de bskyed par bya ba'i phyir/ de la nus pa gzhag pa'i phyir ro/ /de 'jug pa ni rgyud la rnyed pa yin pas sems 'jug pa rnyed pa las te/ de'i rnam par smin pa'i rgyud yongs su
 bsgos pa'i sems 'jug pa rnyed pa las gzugs skye'i gzugs las ni ma yin no/ /dgra bcom pa la ni de ltar rnam par smin pa'i bag chags 'jug pa rnyed pa'i rgyu sa bon sred pa med pas yang de la skye ba'i rgyun tu thal ba med do/ /
 ji ltar gnas pa ni sngar bshad zin to zhes bya ba ni der ni ris dang srog la yang/ sems kyi rgyud ni rten pa yin zhes bya ba dang/ gang gi rgyud gzugs la sred pa bral ba zhes bya ba la sogs pa bshad zin to/ /gsum po zhes bya
 ba ni gzugs med pa zhes sbyar ba'i phyir/ pho'i rtags kyi bstan pa yin no/ /de ltar sbyor phyir zhes bya ba ni sbyor ba'i dus na nam mkha' la sogs pa la dmigs par 'gyur gyi/ gzhan na ni ci rigs par chos gzhan dag la yang
 dmigs so zhes ston to/ /nam mkha' mdza' yas so snyam du mos pa'i sbyor ba grub pas gzugs las rnam par grol ba'i phyir rnal 'byor spyod pa la de'i sa ba'i phung po dag la nam mkha' i 'du shes yang dag par gnas so/ /rnam shes mdza' yas so
 snyam du mos pa'i sbyor ba grub pas ni rnam shes mdza' yas skye mched de/ rnam par shes pa'i tshogs rgyud yongs su dag pa las mtshan ma bzung nas rnam par shes pa'o/ /zhes yid la byed/ nye bar rtog mos/ yang dag par shes
 sbyor ba de grub pa'i phyir de las langs pas ci rigs par chos gzhan la yang dmigs so/ /ci yang med do snyam du btang snyoms kyi sbyor ba grub pas ci yang med pa'i skye mched lta ba rgya che ba dang/ mdza' yas pa las des dben pa'i
 'du shes kyi mos pa 'byung ngo/ /de'i phyir sbyor ba'i dbang gis ming btags so/ /'du shes chung pa'i phyir te/ rgyu ba mi bsal ba'i phyir 'du shes med 'du shes med min skye mched yin te 'du shes med pa lta bur de gnas so/ /
 de ni snyoms par 'jug pa bdun la ji lta ba bzhin du 'du shes gsal ba ma yin la/ 'du shes med pa'i snyoms par 'jug pa dang/ 'du shes med pa pa dang/ 'gog pa'i snyoms par 'jug pa dag la ji lta ba bzhin du 'du
 shes med pa yang ma yin te/ de nyid kyi phyir 'du shes med 'du shes med min skye mched ces bya'o/ /de la yang de ltar sbyor ba'i phyir de nyid kyi sgo nas mi rung ba ma yin nam zhe na/ de'i phyir/ gal te de la yang 'di ltar zhes bya ba la sogs pa
 smos te/ ci'i phyir de dag gi de la de ltar 'dzin zhes bya ba la/ de dag gis zhes bya ba ni snyoms par 'jug pa po dag gis so/ /de la zhes bya ba ni 'du shes med 'du shes med min skye mched la ste/ 'du shes dang 'du shes med pa la
 skye ba de dag rgyu cig der 'du shes med 'du shes med min gyi blo skyed ces bya ba la/ 'du shes chung ba'i phyir ro zhes bya ba de nyid rgyur brjod dgos par 'gyur bas de nyid bshad de/ sbyor ba'i dbang gis rnam
 grangs gzhan du ming btags so/ /skye mched rnams lus su dkri ba'i phyir dang/ rgyas par dkri ba'i phyir skye mched ces bya ba'o/ /ji ltar na bdun ni rnam pa gsum yin zhe na/ ro myang ldan dang dag pa dang/ /zag med ces bya ba smos so
 zag pa med pa ni med do zhes bya ba ni 'du shes dman pa'i phyir ro/ /bsam gtan nyon mongs pa gzhan dang ldan yang/ ci'i phyir ro myang ba dang mtshungs par ldan pa nyon mongs pa can du bshad kyi/ nyon mongs pa gzhan dang mtshungs par
 ldan pa ma yin ce na/ bsam gtan rnams ni dmigs pa dang 'brel bas rab tu phyi ba'i phyir sred pa dang mtshungs par ldan pa dag kho na bshad de/ nyon mongs pa gzhan ni sred pa ji lta ba de bzhin du dmigs pa dang sems sbrel bar
 mi byed de/ ro myang ba'i sgo nas 'jug pa'i phyir dang/ ting nge 'dzin dang 'dra bar dmigs pa la nye bar rtogs pa'i phyir ro/ /'jig rten pa'i dge ba ni/ dag pa zhes bya ba ni nyon mongs pa'i dri ma dang ma 'brel pa'i phyir dang/ ma chags pa
 la sogs pa dge pa'i chos dang ldan pa'i phyir ro/ /ro myang bar byed pa gang yin pa zhes bya ba ni dag pa ro myang bar byed pa'o/ /de las ni langs pa yin no zhes bya ba ni dag pa las langs pa yin no/ /gang gis ro myang bar byed pa zhes bya
 ba ni/ myang ba dang mtshungs par ldan pa ste de snyoms par zhugs pa yin no/ /bsam gtan kho na yan lag dang ldan pa yin gyi/ gzugs med pa rnams ni ma yin no zhes bya ba la/ ci'i phyir zhe na/ kha cig na re zhig gnas su ro gcig pa'i
 phyir te/ gang dag gang na rgyu ba rag pa yin pa de dag ni der yan lag nyid du bzhag na/ gzugs med pa dag na ni nye bar zhi ba lhag pa'i phyir sems dang sems las byung ba de dag thams cad rgyu ba zhan pas de dag la yan lag rnams par
 bzhag pa mi srid pa ting nge 'dzin shas che ba de dag na ni sems las byung ba gzhan 'ga' yang gtso bo ma yin no/ /gcig la ni yan lag gi sgrar yang mi rung ngo/ /de'i phyir gzugs med pa dag tu yan lag rnam par ma bzhag go zhes zer ro/ /
 gzhan dag na re gang dag tu sems las byung ba tshar phyin par 'gag pa de dag kho nar yan lag rnam par bzhag ste/ bsam gtan dang por ni sdug bsngal dang yid mi bde ba dag 'gag go/ gnyis par ni rtog pa dang/ spyod pa dag go /
 gsum par ni dga' ba'o/ /bzhi par ni bde ba'i dbang po 'gag go/ de yan chad na ni sems las byung ba gal yang tshar phyin par ldog pa med do zhes zer ro/ /yan lag ces bya ba'i don ci zhig ce na/ 'dis bsam gtan dang po la sogs
 pa nas bzhi pa'i bar gsal bar byed pas na yan lag ste/ mtshon par byed mngon par byed ces bya ba'i don to/ /yang na yan lag gi don ni rjes su mthun pa'i don yin la/ de dag kyang rang gi sa dang mthun pas na yan lag go /yang na
 yan lag gi sgra ni mchod sbyin gyi yan lag ltar tshogs dag la 'jug ste/ 'di dag phan tshun tshogs yin pas yan lag yin no/ /ting 'dzin ni yan lag kyang yin la bsam gtan yang yin no/ /lhag ma rnams ni yan lag yin no/ /
 zhes bya ba ni rtogs pa la sogs pa rnams so/ /yan lag bzhi pa'i dmag yan lag dag las don gzhan du gyur pa med par ji lta bar yan lag lnga pa'i bsam gtan yang de dang 'dra ste/ 'dir tshogs pa la bltos nas bstan pa'i
 phyir don gzhan du gyur pa med do/ /bye brag tu smra ba rnams na re ting nge 'dzin gtso bor brjod pa'i phyir bshad do/ /sa de dag na ting nge 'dzin gtso bo yin te/ mdo las ting nge 'dzin gyi dbang po ni bsam gtan
 bzhi dag la blta bar bya'o zhes gsungs pa'i phyir zhes zer ro/ /bsam gtan gsum ?? yan lag lnga ste zhes bya ba ni de la 'du byed btang snyoms ni bsam gtan gnyis pa'i sa ba'i dga' ba la gtod pa med pa'o/ /dran pa ni btang snyoms
 kyi rgyu mtshan ma brjed pa ste/ thag mi ring ba'i tshul gyis so/ /shes bzhin ni rjes su bsrung ba'i tshul gyis so/ /btang snyoms yongs su dag pa zhes bya ba la/ btang snyoms kyi yongs su dag pa mi btang ba btang snyoms yongs su dag pa ste/ sa 'og ma'i
 skyon de dang bral ba'i phyir ro/ /skyon ni rtog pa dang sbyed pa dang dga' ba la sogs pa brgyad de de dag bshad par bya'o/ /dran pa yongs su dag pa yang de dang 'dra ste/ skyon dang bral ba'i phyir ro/ /bsam gtan dang por zhes bya ba la/ bsam gtan dang
 po na yod pa ni bsam gtan dang po pa'o/ de nyid kyi phyir smras pa zhes bya ba ni gang gi phyir bsam gtan gnyis pa la nad rab tu dang ba lhag pa dang/ gsum pa la btang snyoms dang dran pa dang shes bzhin dang bde ba rnams lhag pa dang/ bzhi pa
 la bde ba yang ma yin sdug bsngal yang ma yin pa'i tshor ba lhag pa dang/ dang po dang gnyis pa dag tu dga' ba dang bde ba dag khyad par med pa dang gsum pa dang bzhi pa dag tu btang snyoms dang dran pa khyad par med pa dang/
 bzhi kar ting nge 'dzin khyad par med pas te/ de'i phyir smras pa/ yan lag gang dag bsam gtan dang po na yod pa de dag gnyis pa na yang yod dam zhe na/ mu bzhi ste/ mu dang po ni rtog pa dang dpyod pa dag ste/ bsam gtan dang
 po bon na yod pa'i phyir dang/ gnyis pa na med pa'i phyir ro/ /gnyis pa ni med pa'i nang rab tu dang ba'o zhes bya ba ni gnyis pa kho na na yod pa'i phyir ro/ /dang po na med pa'i phyir ro/ /gsum pa ni dga' ba dang bde ba dang sems rtse gcig pa nyid do zhes bya ba ni gnyi
 ga na yod pa'i phyir ro/ /mu bzhi pa ni bshad pa las ma gtogs pa'i chos rnams so zhes bya ba ni bshad pa dag las gzhan pa'i chos gang dag yin pa de rnams ni bsam gtan dang po'i yan lag ma yin zhing gnyis pa'i yan lag ma yin no/ /de bzhin du
 bsam gtan gyi yan lag thams cad phan tshun sbyar bar bya'o zhes bya ba ni yan lag gang dag bsam gtan dang po na yod pa de dag gsum pa na yang yod dam zhe na/ mu bzhi ste/ mu dang po ni rtogs pa dang dpyod pa dang dga' ba dang bde ba dag go/ gnyis
 pa ni btang snyoms dang dran pa dang shes bzhin dang bde ba dag go /gsum pa ni ting nge 'dzin to/ /mu bzhi pa ni bshad pa las ma gtogs pa'i chos rnams so/ /yan lag gang dag bsam gtan dang po na yod pa de dag bzhi pa na yang yod dam zhe na/ mu bzhi ste
 dang po ni rtog pa dang dpyod pa dang dga' ba dang bde ba dag go /gnyis pa ni bde ba yang ma yin sdug bsngal yang ma yin pa'i tshor ba dang/ btang snyoms yongs su dag pa dang/ dran pa yongs su dag pa ro/ /gsum pa ni ting nge 'dzin to/ /bzhi ba ni bshad pa las
 ma? gtogs pa'i chos rnams so/ /yan lag gang dag bsam gtan gnyis pa na yod tha de dag gsum pa ni yang yod dam zhe na/ mu bzhi ste/ mu dang po ni nang rab tu dang ba dang dga' ba dang bde ba dag go /gnyis pa ni btang snyoms dang dran pa dang shes bzhin dang
 bde bdag go /gsum pa ni ting nge 'dzin to/ /bzhi ba ni rnam pa de dag ma gtogs pa'i chos rnams so/ /yan lag gang dag bsam gtan gnyis pa na yod pa de dag bzhi pa na yang yod dam zhe na mu bzhi ste/ mu dang po ni nang rab tu dang ba dang dga' ba dang bde ba dag
 go/ gnyis pa ni bde ba yang ma yin sdug bsngal yang ma yin pa'i tshor ba dang/ btang snyoms yongs su dag pa dang/ dran pa yongs su dag pa'o/ /gsum pa ni ting nge 'dzin to/ /bzhi pa ni bshad pa las ma gtogs pa'i
 chos rnams so/ /yan lag gang dag bsam gtan gsum pa na yod pa de dag bsam gtan bzhi pa na yang yod dam zhe na/ mu bzhi ste/ mu dang po ni ting nge 'dzin ma gtogs pa bsam gtan gsum pa'i yan lag rnams so gnyis pa ni ting nge 'dzin ma gtogs
 pa bsam gtan bzhi pa'i yan lag rnams so/ /gsum pa ni ting nge 'dzin to/ /bzhi pa ni bshad pa las ma gtogs pa'i chos rnams so/ /bsam gtan gsum char na tshor ba bde ba yod pa'i dbang du byas te/ 'dri ba ni/ ci'i phyir bsam gtan gsum
 pa na yod pa'i bde ba rdzas gzhan du brjod ces bya ba ste/ bsam gtan gnyis pa na yod pa ni ma yin snyam du bsams pa'o/ /yang ji ltar bsam gtan gsum pa na 'tsho ba'i bde ba rdzas gzhan du brjod ce na/ gsum pa la ni btang snyoms dang dran
 pa dang shes bzhin dang bde ba rnams so zhes smos pa'i phyir ro/ /dang po na shin tu sbyangs pa bde ba yin zhes bya ba ni bde ba ni rnam pa gnyis te/ shin tu sbyangs pa'i bde ba dang/ tshor ba bde ba'o/ /de la bsam gtan dang po dang/ gnyis pa dag tu ni shin
 tu sbyangs pa'i bde ba'i yang 'di bshad la/ bsam gtan gsum par ni tshor ba bde ba yan lag tu bshad pas de'i phyir bsam gtan gsum pa'i bde ba bsam gtan dang po dang gnyis pa'i bde ba las rdzas gzhan du brjod do/ /'di la ni shin tu sbyangs
 pa bde yin la zhes bya ba la sogs pa 'byung ngo/ /de nyid la rgyu smras pa ni/ snyoms par 'jug pa'i bsam gtan gnyis na bde ba'i dbang po dang mi ldan pa'i phyir te zhes bya ba'o/ /de ni lus kyi 'am sems kyi gzhi yin grang na/ gnyi ga yang de ni mi srid do/ /
 lus kyi ni rnam par shes pa lnga dang lhan cig skyes pa yin na snyoms par zhugs pa la ni mig gi rnam par shes pa la sogs pa kun tu 'byung ba ma yin te/ kha phyir bltas par 'jug pa'i phyir ro/ /de na sems kyi bde ba yang mi rigs so/ /ci'i phyir
 zhe na/ dga' ba zhes 'byung ba'i phyir ro/ /de na yod pa'i sems kyi bde ba de ni dga' ba zhes bya'o/ /ji ste dga' ba ni tshor ba ma gtogs pa'i chos gtan kho na yin la/ bde ba'i bsam gtan gsum na yod pa'i tshor ba sim pa yin no snyam na/ de'i phyir
 dga' ba ni yid bde ba yin na zhes bya ba smos te/ dga' ba ni yid bde ba las logs shig tu nges par mi zin la/ bde ba dang yid bde ba dag kyang cig car yod pa ma yin te/ tshor ba'i rdzas gnyis sems gcig la mtshungs par ldan pa med pa'i
 phyir ro/ /de gnyis rnam grangs kyis zhes bya ba ni bde ba dang yid bde ba gnyis so/ /yan lag lnga zhes 'byung ba'i phyir ro zhes bya ba ni bde ba dang yid bde ba gnyis rnam grangs kyis 'byung na ni bsam gtan yan lag bzhi pa kho nar 'gyur gyi yan lag lnga pa
 na mi yin te/ skad cig re re la bde ba dang yid bde ba gnyis las gang yang rung ba zhig med pa'i phyir ro/ /gzhan dag na re sems las byung ba'i bde ba'i dbang po ni med pa kho na te zhes bya ba ni bde ba'i dbang po ni lus kyi kho na yod kyi sems kyi ni med do
 sems kyi tshor ba sim pa ni yid bde ba'i dbang po yin zhes bya ba'o/ /gal te bde ba'i dbang po sems kyi ma yin na/ 'o na ji ltar bsam gtan gsum par bde ba yan lag tu rnam par gzhag ce na/ de'i phyir bsam gtan gsum char na yang zhes
 bya ba rgyas par smos te/ bsam gtan dang po gnyis na shin tu sbyangs pa'i bde ba yan lag ma yin la/ gsum par sems kyi bde ba ma yin te/ 'o na ci zhe na/ bsam gtan gsum char na lus kyi bde ba kho na yan lag tu rnam par bzhag go zhes zer ro/
 'o na mdo las zhes bya ba 'dis ni sems kyi bde ba'i dbang po med do zhes bya ba 'di la 'gal bston pa'o/ /ji ltar zhe na/ lus kyi ltar sems kyi bde ba yang sems kyi dbang po nyid du gsungs pa'i phyir ro/ /tshig de ni
 'ga' zhig gi sgro btags pa yin te zhes bya ba la/ gang zhe na/ sems las byung ba'i zhes bya ba'o/ /sgro btags pa yin gyi/ gtsug lag ni ma yin no zhes bya ba 'di ji ltar shes ce na/ skye ba gzhan thams cad las lus kyi zhes bya ba de skad
 du 'byung ba'i phyir sgro btags pa yin no zhes bya bar shes te/ de'i phyir mdo dang 'gal ba med do/ /bde ba lus kyi myong la zhes bya ba ni bsam gtan gsum par te/ rang gi sgra gsungs pa'i phyir lus kyi bde ba kho na'o zhes bya bar shes so/ /gal te yid
 kyi lus so zhes bya ba ni ci ste 'dir lus kyi sgra lus kyi dbang po la mi 'dod kyi/ 'o na ci zhe na/ yid kyi lus yin te/ tshor ba'i tshogs rgyug ltar gzugs can ma yin pa dag la yang lus kyi sgra mthong ngo/ /de'i phyir yid kyi lus so zhes bya bar shes
 par bya'o snyam na/ de skad du bshed yon tan ci zhig yod/ bde ba yid kyi myong la zhes gsal po nyid du brjod par bya'o/ /de ltar na bsam gtan gsum pa na lus kyi bde ba kho na yod kyi sems kyi ni ma yin no/ /bsam gtan dang be
 gnyis na yang lus kyi bde ba kho na yod kyi shin tu sbyangs pa'i bde ba ni ma yin no zhes bya ba ba'i phyir bsam gtan bzhi pa la zhes bya ba rgyas par smos te/ bsam gtan dang po dang gnyis pa bas bsam gtan bzhi pa la shin tu sbyangs pa med
 yang bde ba ma smos pa de'i phyir bsam gtan dang po gnyis na tshod pa'i bde ba mngon par 'dod kyi/ shin tu sbyangs pa'i bde ba ma yin te/ gzhan du na bsam gtan bzhi pa shin tu sbyangs pa mang pa'i phyir bde ba ches shin tu yan lag tu rnam par
 'jog par 'gyur ro/ /gal te bde ba'i tshor ba dang mthun pa'i phyir zhes bya ba la sogs pa ni/ bsam gtan dang po gnyis na bde ba yod pas de dang rjes su mthun pa'i shin tu sbyangs pa'i bde pa bshad kyi bsam gtan bzhi pa la ni bde ba med pa'i
 phyir shin tu sbyangs pa mang yang bod pa dang mthun pa ma yin pas bde ba zhes mi brjod do zhes bya ba'o/ /gsum pa ni yod pa'i zhes bya ba la sogs pa na bsam gtan gsum pa na yod pa'i shin tu sbyangs pa ches shin tu bde ba dang mthun
 pa yin la/ bde ba yang ma gsungs pas 'khrul lo zhes bya ba'o/ /gal te btang snyoms kyis bcom pa'i phyir ro zhes bya ba ni bsam gtan gsum pa'i shin tu sbyangs pa bde ba dang mthun pa yin mod kyi/ de ni btang snyoms kyis bcom pas med
 par ma brjod do/ zhes bya ba'o/ /ma yin te btang snyoms kho nas de 'phel ba'i phyir ro/ /zhes bya ba ni de ni de ltar ma yin te/ btang snyoms kho nas bsam gtan gsum par shin tu sbyangs pa 'phel pa'i phyir ro/ /'di ji ltar shes she na/ snga
 ma gnyis pas de khyad par du 'phags pas zhes bya ba smos te/ bsam gtan dang po dang gnyis pa'i sa pa'i shin tu sbyangs pa bas bsam gtan gsum pa'i sa khyad par du 'phags pa'i phyir ro/ /'di ji ltar shes she na/ sa 'og ma'i skyon
 spangs pa las de lus dang sems dag ches las su rung ba'i phyir ro/ /gang gi tshe 'phags pha nyan thos zhes bya ba rgyas par 'byung ngo/ /ji ltar de las shin tu sbyangs pa dang bde ba so sor bshad ce na/ gang gi tshe 'phags pa nyan thos rab tu dpen
 pa las skyes pa'i bde ba lus kyi mngon sum du byas nas rdzogs par byas te/ gnas pa de'i tshe 'di'i chos lnga ni spong bar 'gyur la/ chos lnga ni bsgom pa yongs su rdzogs par 'gyur ro zhes rgyas par gsungs nas/ chos lnga po gang dag gcig bsgom
 pa yongs su rdzogs par 'gyur zhe na/ nang rab tu dang ba dang/ dga' ba dang/ shin tu sbyangs pa dang/ bde ba dang/ ting nge 'dzin te chos lnga po 'di dag bsgom pa yongs su rdzogs par 'gyur ro zhes bya ba'i bar du 'byung ste/ de'i phyir
 de ltar na 'di las shin tu sbyangs pa'i gsum nas yang bde ba smos pa'i phyir shin tu sbyangs pa dang bde bar gnyis tha dad bar 'byung ngo/ /de'i phyir bsam gtan dang po gnyis na shin tu sbyangs pa kho na bde ba ma yin no zhes bya bar shes so/ /gal te snyoms
 par zhugs pa la ji ltar lus kyi rnam par shes pa 'byung zhes bya ba ni de dag gis bde ba'i dbang po thams cad lus kyi yin par khas blangs na snyoms par zhugs pa la ni lus kyi rnam par shes pa kun tu 'byung bar mi rung ste/ kha phyir bltas par
 'jug pa'i phyir dang/ rnam par shes pa gnyis cig car med pa'i phyir ro zhes bya ba'o/ /ting nge 'dzin gyi khyad par las skyes pa zhes bya ba ni ting nge 'dzin gyi khyad par ni bsam gtan gsum pa ste/ de las skyes pa ni ting nge 'dzin gyi khyad par las
 skyes pa'o/ /shin tu sbyangs pa zhes bya ba ni/ de la shin tu sbyangs pa zhes bya ba ste/ lus mnyen par byed pa'i phyir ro/ /bde ba myong par 'gyur ba zhes bya ba ni bde ba'i yul lo/ /lus la rgyas pa'i phyir ro zhes bya ba ni lus la khyab pa'i phyir ro/ /
 snyoms par zhugs pa la lus kyi rnam par shes pa 'byung ba ni de lta bu'o/ /gal te phyi rol tu rnam par g.yengs pa'i phyir ting nge 'dzin nyams par 'gyur ro zhes na/ ma yin te/ de'i stobs kyi ting nge 'dzin brtan par 'gyur te/ de nyid kyi phyir ting nge 'dzin
 las skyes pa zhes bya ba rgyas par smos te/ ting nge 'dzin gyi rgyu mtshan can gyi bde ba lus kyi nang du 'byung ba'i phyi rol tu rnam par g.yeng ba med la bde ba de ting nge 'dzin dang mthun pa'i phyir de mngon du gyur na ting nge 'dzin nyams par mi 'gyur ro/ /
 gal te lus kyi rnam par shes pa skyes pa'i tshe langs par 'gyur ro zhes bya ba ni lus kyi rnam par shes pa de mnyam par bzhag pa dang mthun pa yin yang/ mnyam par ma bzhag pa kho na yin pas de'i phyir mnyam par bzhag pa'i rnam par shes pa 'gag pa'i
 phyir dang/ lus kyi rnam par shes pa mnyam par ma bzhag pa skyes pa'i phyir langs par 'gyur ro zhes bya ba'o/ /de nyid kyi phyir ro zhes bya ba ni lus kyi rnam par shes pa skyes pa'i tshe langs par mi 'gyur ba ste/ ting nge 'dzin las skyes pa lus kyi nang du 'byung
 ba'i lus kyi bde ba ni ting nge 'dzin dang mthun pa'i phyir ro zhes de ma thag tu bshad pa gang yin pa de nyid kyi phyir ro/ /gal te 'dod pa na spyod pa'i lus kyi dbang pos zhes bya brgyas par 'byung ba ni/ 'dod pa na spyod pa'i lus kyi dbang po ni gzugs na spyar ba shin
 tu sbyangs pa zhes bya ba reg bya'i yul can ma yin la/ de la dmigs pa'i rnam par shes pa rten du yang mi rung ste/ gsum dag ni thams cad rang gi sa pa yin zhes 'byung ba'i phyir ro zhes bya ba'o/ /ma yin te shin tu sbyangs pa'i rnam par shes pa
 skye ba'i phyir ro zhes bya ba la/ 'dod pa na spyod pa'i lus kyi dbang po gzugs na spyod pa shin tu spyangs pa'i ming can reg bya kho na 'dzin gyi/ de'i sa pa gzhan ni ma yin pas skyon med/ /zag pa med pa dag tu yang 'gyur ro zhes bya ba ni zag pa med pa'i
 bsam gtan la/ reg bya dang lus kyi rnam par shes pa gnyis kyang zag pa med par 'gyur ro/ /ci'i phyir zhe na/ yan lag cung zad cig ni zag pa dang bcas pa/ cung zad cig ni zag pa med pa yin na mi rlang bas so/ /yang ji ltar na reg bya dang lus kyi rnam par
 shes pa dag yan lag nyid yin zhe na/ de gnyis yan lag du mi brjod kyi 'o na ci zhe na/ bde ba brjod la/ de gnyis ni de dang mtshungs par ldan pa'i phyir dang/ de'i yul can yin pa'i phyir zag pa med pa nyid bshad do/ /lus shin tu sbyangs
 pa yang dag par byang chub kyi yan lag tu gsungs pas dang/ byang chub kyi yan lag rnams kyang zag pa med pa'i phyir de dag kyang zag pa med par 'dod do/ /byang chub kyi yan lag dang mthun pa'i phyir shin tu sbyangs pa byang
 chub kyi yan lag tu bshad kyi/ dngos kyi tshul gyis ni ma yin no zhe na/ zag pa med pa nyid kyang de dang 'dra ste/ zag pa med pa dang mthun pa'i phyir zag pa med pa dag yin gyi/ dngos kyi tshul gyis ni ma yin no/ /mig ji snyed pa dang/ gzugs kyi snyed pa dang
 mig gi rnam par shes pa ji snyed pa nas/ de bzhin du rgyas par lus ji snyed pa dang/ reg bya ji snyed pa dang/ lus kyi rnam par shes pa ji snyed pa zhes bya ba'i mdo 'di dang 'gal te/ reg bya dang lus kyi rnam par shes pa gnyis ka zag pa dang bcas pa
 nyid du gsungs pa'i phyir ro zhe na/ ma yin te zhes bya ba rgyas par 'byung ste/ de las gzhan pa'i reg bya dang lus kyi rnam par shes pa la dgongs te gsungs pa'i phyir 'gal ba med do/ /gal te bde ba dang dga' ba phrad pa med pa'i phyir zhes bya ba ni bde
 ba dang yid bde ba dag ni cig car yod pa ma yin te/ lus dang yid kyi rnam par shes pa gnyis cig car mi 'byung ba'i phyir ro/ /de'i phyir bsam gtan yan lag lngar mi 'gyur ro zhes bya ba'o/ /ma yin te srid pa'i phyir bstan pas zhes bya ba ni yan
 lag lnga stan pa dang 'gal ba med de/ srid pa'i phyir bstan pas so/ /rtog pa dang dpyod pa bzhin no zhes bya ba ni dper na rtog pa dang dpyod pa dag cig car mi 'byung yang srid pa'i dbang du byas nas rtog pa dang bcas shing dpyod pa dang bcas pa
 zhes bshad pa bzhin no/ /gal te bsgrub par bya ba yin no zhes bya ba ni rtog pa gnyis rim gyis 'jug go /cig car ma yin pa ste bsgrub par bya ba yin pa 'am/ yang na lnga pa rnam grangs kyis yod pas yan lag lnga yin gyi/ lnga po cig car yod
 bas ni ma yin no zhes bya ba 'di bsgrub par bya ba pa'o/ /grub pa yin te/ sems kyi rtsid ba dang zhib pa dag phan tshun bcom nas 'byung ba'i phyir cig car mi srid cing/ rtsid ba dang zhib pa sa dang rnam pa'i bye brag gis bltos pa can yang yin pas srid pa'i rtse
 mo'i bar du rtog pa dang dpyod pa dag yod par 'gyur ro zhes sngar mdzod kyi gnas gnyis par rgyas par smos zin to/ /de lta bas na bsam gtan dang po la yod pa'i yan lag lnga po rtog pa dang dpyod pa dang dga' ba dang bde ba dang ting nge 'dzin zhes bya ba gang dag
 yin de dag kho na las yan lag gnyis dang gsum dang bzhi bor nas yin te/ de la yan lag gnyis bor nas bsam gtan gnyis pa rnam par bzhag ste/ de na rtog pa dang dpyod pa dag med pa'i phyir ro/ /yan lag gsum por nas bsam gtan gsum
 pa rnam par bzhag ste/ de na dga' ba yang med pas so/ /yan lag bzhi por nas bsam gtan bzhi pa rnam par bzhag ste/ de na bde ba yang med bas so/ /de nyid kyi phyir de dag bor nas bsam gtan lhag ma rnam par bzhag pa'i phyir/ bsam gtan
 dang po la sems las byung ba gzhan dag yod kyang lnga kho na yan lag tu bshad kyi/ 'du shes la sogs pa rnams ni ma yin no/ /'du shes la sogs pa rnams bor nas bsam gtan gong ma rnam par bzhag pa ni ma yin te/ de rnams thams cad
 na yod pa'i phyir ro/ /de'i phyir bsam gtan dang po la de rnams yan lag nyid du ma gsungs so/ /yang na ci'i phyir zhes bya ba ni gal te dgongs pa 'di mi 'dod na rgyu gzhan zhig brjod par bya'o zhes bya ba'o/ /gal te phan pa'i phyir ro zhes bya ba ni 'du shes
 la sogs pa dag pas rtog pa la sogs pa rnams phan pa yin pa'i phyir ro zhes/ rgyu gzhan smras pa ni dran pa dang shes rab dag ches phan pa'i phyir zhes bya ba ste/ dran pa dang shes rab ji lta ba de ltar rtog pa dang dpyod pa phan pa ma yin te/ dran pa
 legs par gnas shing yang dag pa ji lta ba bzhin shes pa la zhum pa dang rgod pa med pa'i phyir ro/ /gang gi phyir dran pa dang shes rab gnyis phan pa yin yang yan lag tu ma bshad pa de'i phyir rtog pa la sogs
 pa rnams phan pa'i phyir bsam gtan dang po'i yan lag tu ma bshad gyi/ 'o na ci zhe na/ yan lag gnyis dang gsum dang bzhi bor nas bsam gtan gnyis pa la sogs pa rnam par bzhag par bya ba'i phyir yin no/ /kha cig de skad du rgol pa
 yod kyi zhes bya ba ni rtog pa dang dpyod pa gnyis pas dran pa dang shes rab ches phan na? ci'i phyir ma smos/ zhes bya ba 'di ni bdag nyid kyi nye bar shes pa ma yin pa nyid do zhes ston pa'o/ /sngon gyi slob dpon rnams ni zhes bya ba rgyas par 'byung ba ni ji snyed
 mngon pa de dag thams cad yan lag ma yin te/ 'o na mi zhe na/ sems las byung ba kha cig kho na yan lag yin te/ rang gi sde pa rgan rabs rnams kyis yan lag lnga la sogs pa yongs su bzung ba'i phyir ro/ /zhar la byung bas chog go /rgyud rab tu zhi
 bar rgyu ba zhes bya ba la/ sngar rtog pa dang dpyod pa'i 'khrug pas sems dmigs pa la gzho la bar ma gyur pa la rtog pa dang dpyod pa dang bral bas dmigs pa ches mnyam par bzhag par 'gyur te/ de'i phyir rtog pa dang dpyod pa'i 'khrug pa dang
 bral bas rab tu dang bar gnas so/ /bye brag tu smra ba rnams na re/ rab tu dang ba dad pa yin no zhes zer te/ rab tu dang ba dad pa nyid yin pas rab tu dad ba dang pa ste/ de ni bsam gtan gnyis pa thob pa'i phyir nges par 'byung ba yin dang mnyam par
 bzhag pa'i sa dag la nges par 'byung ngo snyam du yid ches pa skye ste de ni 'dir nang rab dang ba yin no/ /de nyid kyi phyir dad pa dge ba'i sa mang po pa yin pa'i phyir thams cad du yod pa yin yang bsam gtan gnyis pa kho na la yan lag tu rnam par
 bzhag /gzhan dag na re rtog pa dang dpyod pa dang ting nge 'dzin rnams kyang rdzas gzhan ma yin la/ nang rab tu dang ba yang rdzas gzhan ma yin no zhes bya ba ni/ de la sems kyi ngag kun nas slong bar byed pa'i gnas skabs rtsid ba nyid ni rtog pa yin la/ zhib pa'i kun
 nas slong ba'i gnas skabs ni dpyod pa'o/ /rnam par mi g.yeng ba'i gnas skabs ni ting nge 'dzin to/ /rab tu zhi bar rgyu ba'i gnas skabs ni nang yongs su dang ba'o/ /rdzas gzhan med na ji ltar zhes bya bar rgyas par 'byung ba ni/ sems las byung ba ni
 sems la yod pa yin te/ sems nyid sems las byung ba yin par ni mi rigs so/ /zhes bya ba'o/ /chos gzhan 'ba' zhig tu ma zad kyi/ sems la yod pa'i gnas skabs kyi bye brag zhes bya ba yang sems las byung ba yin no zhes zer ro/ /'di ni
 bstan bcos kyi grub pa'i mdza' ma yin no zhes bya ba ni rtog pa la sogs pa dag rdzas gzhan ma yin pa 'am/ sems kyi gnas skabs kyi bye brag sems las byung ba yin no zhes bya ba'o/ /rnam par bsgyur ba'i mdo las zhes bya ba rgyas par 'byung
 ste/ rnam par bsgyur ba'i mdo las ni dbang po lnga ni yid mi bde ba'i dbang po dang/ sdug bsngal gyi dbang po dang/ yid bde ba'i dbang po dang/ btang snyoms kyi dbang po dang/ dge slong gi yid mi bde ba'i dbang po skyes pa la skyes so zhes yang
 dag pa ji lta ba bzhin rab tu shes so zhes bya ba nas bsam gtan dang po rdzogs par byas te/ gnas so zhes bya ba'i bar dang/ yid mi bde ba'i dbang po ma lus par 'gag par 'gyur ba nas/ yongs su gtugs pa'i bar du 'gyur te/ dge slong
 dag 'di yid mi bde ba'i dbang po las nges par 'byung ba zhes bya ba'o/ /de bzhin du sdug bsngal dang/ yid bde ba dang bde ba dang/ btang snyoms kyi dbang po rnams rgyas par gsungs nas/ grangs bzhin du bsam gtan gnyis pa dang/ gsum
 pa dang bzhi pa rdzogs par byas te/ gnas zhes brjod par bya zhing/ btang snyoms kyi dbang po'i ni rgyu mtshan thams cad yid la mi byed pas mtshan ma med pa'i sems kyi ting nge 'dzin lus kyi mngon sum du byas nas
 gnas te/ 'dir 'di'i btang snyoms kyi dbang pa ma lus par 'gag par 'gyur/ ma lus par nub pa dang/ yongs su zad pa dang/ yongs su gtugs par 'gyur te/ 'di ni btang snyoms kyi dbang po las nges par 'byung ba zhes bya'o/ /
 zhes 'byung ngo/ /de'i phyir lung las dga' ba kho na yid bde ba yin gyi/ bde ba ni ma yin no zhes bya bar gnas so/ /ji skad du bshad pa ltar yan lag de dag ces bya ba ni dang po'i lnga dang gnyis pa'i gsum dang/ gsum pa'i lnga dang/ bzhi
 ba'i bzhi'o/ /dben pa las skyes pa'i dga' ba dang bde ba med do zhes bya ba la/ dben pa las skyes pa ni dben pa las skyes pa ste/ dga' ba dang bde ba med do/ /ci'i phyir zhe na/ nyon mongs pa las dben pa ma yin pa'i phyir te/ rang gi sa
 pa'i nyen mongs pa dang mtshungs par ldan pa'i phyir ro/ /de skad du yang 'dod pa dag las dben pa/ sdig pa mi dge ba'i chos rnams las dben pa zhes gsungs pa yin no/ /nang rab tu dad ba me de zhes bya ba la/ de nyid la rgyu smos pa ni nyon mongs pas
 rnyogs pa'i phyir ro zhes bya ba ste/ de'i sa nyon mongs pa dag gis rab tu ma dang pa'i phyir ro zhes bya ba'i tha tshig go /nyon mongs pa can gyi bde bas kun tu rmongs par byas pa'i phyir ro zhes bya ba ni/ des smongs pas nyon mongs pa can gyi bde bas kun
 tu rmongs par byas pa las drin pa dang shes bzhin med do/ /dge ba'i sa mang po pa yin pa'i phyir btang snyoms kyang nyon mongs can gyi gsum pa la med de/ de'i phyir de nyid yan lag gnyis pa yin no/ /gal te btang snyoms med na ci'i
 phyir ma bkag ce na/ nyon mongs pa can gyi bzhi pa la de bkag pa'i phyir don gyi gsum pa yang de bkag par shes par 'gyur pa'i phyir ro/ /nyon mongs pa dri ma can dur byas pa'i phyir ro zhes bya ba ni 'du byed kyi btang snyoms dge ba'i sa mang po pa
 yin pa'i phyir na/ btang snyoms yongs su dag pa med la/ nyon mongs pa kun tu 'byung bas des kun tu rmongs pa'i phyir/ dran pa yongs su dag pa yang med do/ /kha cig shin tu sbyangs btang snyoms zhes bya ba rgyas par 'byung ba la/ gang dag nyon mongs
 pa can dag la yang dga' ba dang dad pa dang dran pa dang shes bzhin dag yan lag tu 'dod pa de dag gi ltar na dang po dang gsum pa dag ni yan lag bzhi pa yin la/ gnyis pa dang bzhi pa dag ni yan lag gsum pa yin no/ /bsam gtan
 gsum ni skyon dang bcas pa'i phyir zhes bya ba la ni zhes bya ba'i sgra yan lag dang ldan pa yang yin no zhes sngar gyi tshul bsdu bar bya ba'i phyir ni zhes bya ba'i sgra smos so/ /bde ba la sogs pa bzhi ni bsam gtan gyi skyon yin te/ sdug bsngal gyi
 rgyu lus ma rungs pa spangs pa'i phyir ro/ /rtog pa dang dpyod pa dang dga' ba dang/ bde ba dag gi zhes bya ba la/ ji ltar bsam gtan snga ma gsum po rteg pa la sogs pa dag gis g.yo ba ste/ bsam gtan dang po rtog pa dang dpyod pa
 dag gis g.yo la/ gnyis pa dga' bas g.yo zhing/ gsum pa bde bas g.yo ba de ltar bsam gtan bzhi pa ni de dag gis mi g.yo ste/ dper na mar me rlung gis mi g.yo ba de dang 'dra'o/ /rnam par shes pa'i tshogs gsum pa'i bde ba
 zhes? bya ba ni/ de na dri dang ro med pas sna dang lce'i rnam par shes pa med do/ /rnam par shes pa'i tshogs gzhan med pa'i phyir ro zhes bya ba ni/ mig la sogs pa'i rnam pa med pa'i phyir ro/ /de med na rtog pa dang dpyod pa med de/ de dag ni rtag tu rtog pa
 dang dpyod pa dang bcas pa'i phyir ro/ /gal te bsam gtan gnyis pa la sogs pa dag na zhes bya ba rgyas par 'byung ba la/ bsam gtan gnyis pa la sogs pa dag na gzugs dang sgra dang reg bya'i skye mched rnams
 dmigs pa dang/ rnam par rig byed kun nas slong bar byed pa'i sems yod do ce na/ de nyid kyi phyir de dag tu skyes pa rnams la zhes bya ba la sogs pa smos so/ /rang gi sa pa yang ma yin no zhes bya ba la/ 'o na ci zhe na/ de dag gi bsam gtan
 dang po'i sa pa mngon du byed do/ /sprul pa'i sems bzhin du zhes bya ba ni/ ji ltar sa gong mar skyes pa sa 'og ma'i sprul pa sprul par 'dod pa dag sa 'og ma'i sprul pa'i sems mngon du byed pa de bzhin du bsam gtan gnyis pa la sogs
 par skyes pa gzugs dang sgra dang reg bya la dmigs par 'dod cing rnam par rig byed kun nas slong bar 'dod pa dag bsam gtan dang po'i sa pa'i mig gi rnam par shes pa la sogs pa dang/ rnam par rig byed kun nas slong bar byed pa mngon
 du byed do/ /dag pa pa'i la sogs pa'i zhes bya ba la sogs pa zhes bya ba'i sgras ni zag pa med pa dang nyon mongs pa can bsdu'o/ /sa 'og ma las 'dod chags dang bral ba 'am zhes bya ba ni/ dper na 'dod pa'i khams las 'dod chags dang bral ba las
 bsam gtan dang po nas ci yang med pa'i skye mched las 'dod chags dang bral bas las srid pa'i rtse mo'i bar ci rigs par nges par 'byed pa'i cha dang 'thun pa ma gtogs par dag pa rnam pa gsum thob pa lta bu'o/ /sa 'og mar
 skyes pa las zhes bya ba ni dper na srid pa'i rtse mo nas 'chi pho zhing ci yang med pa'i skye mched du skye ba nas/ bsam gtan dang por skye ba ni thob pa'i bar lta bu'o/ /de bzhin du ci yang med pa'i skye mched la sogs pa dag nas 'chi 'pho
 bas 'og mar skye ba la yang brjod par bya'o/ /srid pa'i rtse mo ma gtogs pa zhes bya ba ni/ de ni sa 'og ma las 'dod chags dang bral ba kho na las thob kyi/ sa 'og mar skyes pa las ni ma yin te/ de yan chad nas gzhan med pa'i phyir ro/ /bsam gten
 dang gzugs med pa'i dngos gzhi la bsams nas de skad du bshad kyi/ nyer bsngogs ni de dang mi ldan pa 'dod chags dang bral bas kyang sbyor ba las 'thob po/ /de dang mi lnga na zhes ci'i phyir brjod/ 'dod chags dang bral/ skye ba las ni
 zhes bya ba'i bde tsam gyis ci mchog /gang las na de dang mi ldan zhes khyad par du byed par 'gyur zhe na/ gang gi phyir dag pa pa dang ldan pa yang sbyor ba las bsam gtan nam gzugs med pa'i dngos gzhi dag pa pa nges par 'byed pa'i cha dang mthun
 pa thob cing/ yongs su nyams pa las nyams pa'i cha dang mthun pa'i 'thob pa'i phyir ro/ /de nyid kyi phyir zhes bya ba ni gang gi phyir yongs su nyams pa las nyams pa'i cha dang mthun pa 'thob pas so/ /de bzhin du yongs su nyams pa dang skye bas zhes bya ba la/
 ji ltar zhe na/ dag pa pa yongs su nyams pas 'thob par 'gyur la/ yongs su nyams pas 'dor bar 'gyur pa yod dam/ bsam gtan dag pa pa skye bas 'thob la/ skye bas 'dor ba yod dam zhe na zhe'o/ /tshangs pa'i 'jig rten las 'dod
 chags dang bral bas 'do ro zhes bya ba ni gang gi phyir tshangs pa'i 'jig rten las 'dod chags dang bral bas nyams pa'i cha dang mthun pa'i bsam gtan dang po nyon mongs pa dang mthun pa'i phyir/ de'i sa pa'i nyon mongs pa bzhin du
 'byor pa'i phyir ro/ /re zhig dri ba dang po'i lan ni de lta'o/ /tshangs pa'i 'jig rten las 'dod chags dang bral ba las 'thob pa zhes bya ba ni/ gal te tshangs pa'i 'jig rten las 'dod chags dang bral ba las yongs su nyams nas yang nyams pa'i
 cha dang mthun pa de de'i sa pa'i nyon mongs pa bzhin du 'thob po/ /'dod pa las 'dod chags dang bral ba las 'dor ro zhes bya ba ni/ gang gi tshe 'dod pa las 'dod chags dang bral ba las yongs su nyams pa'i tshe dag pa pa 'dor ro
 zhes bya ba'o/ /de bzhin du bsam gtan gnyis pa la sogs pa rnams kyang ci rigs par brjod par bya'o/ /zag pa med pa ni bsam gtan nam gzugs med pa las 'dod chags dang bral bas te/ de dang mi ldan pa las ldan pa 'thob bo/ /de dang
 ldan pa ni zad pa shes pa las mi slob pa 'thob la/ dbang po 'pho ba las kyang dang pas mos pa zag pa med pa dang ldan pa kho na mthong bas thob par gyur nas sngar ma thob bthob po/ /de bzhin du dus kyi rnam par grol ba yang mi g.yo ba rtogs pa na mi slob pa
 'thob po/ /nges par 'jug pa las zhes bya ba las rgyas par 'byung ste/ 'dod chags dang bral ba sngon du 'gro bas kyang nges par 'jug pa nas dang po nyid du zag pa med pa 'thob pa ma yin nam zhe na/ mthar gyis pa mi 'thob pa'i phyir gdon
 mi za ba ma yin te/ zhes bya ba ni mthar gyis pa ni mi lcogs pa med pa la brten nas nges pa la 'jug pas nges bsam gtan gyi dngos gzhi zag pa med pa mi 'thob po/ /'phags pas gdon mi za ba 'thob pa dang/ ji ltar gdon mi za bar thob pa
 nyid de ltar bshad do/ /nyon mongs can nyams skye ba yis zhes bya ba ni nyon mongs pa can gyi bsam gtan dang po de las 'dod chags dang bral ba las btang ba ni yang de las 'dod chags dang bral ba las yongs su nyams pa las 'thob po/ /bsam
 gtan gnyis pa la sogs pa nas bsam gtan dang por skye na nyon mongs pa can gyi dang po 'thob po/ /de bzhin du gzhan la yang ci rigs par brjod par bya'o/ /nyon mongs pa can gyi srid pa'i rtse mo ni/ de las 'dod chags dang bral ba las yongs su
 nyams pa kho na las 'thob kyi/ skye ba las ni ma yin no bsam gtan gnyis pa dang gsum pa'i sa pa'i zhes bya ba ni dag pa pa dang zag pa med par zhes bya par sbyar ro/ /zag pa med pa las nyon mongs pa can mi 'byung ste/ shin tu mi mthun pa'i phyir/ /thod rgal gyi snyoms par
 'jug pa gcig brgal ba yin pas gsum pa'i gong ma ni mi skye'o/ /bsam gtan dang gzugs med pa gzhan gyi mjug thogs su yang rdzas bcu sbyar bar bya'o zhes bya ba ni bsam gtan gsum pa dang bzhi pa'i mjug thogs dang/ nam mkha' mdza' yas skye mched
 kyi mjug thogs su'o/ /de'i rten dang dmigs pa 'og ma yin pa'i phyir zhes bya ba ni chos shes pa 'dod pa'i khams la brten pa'i phyir dang/ 'dod pa'i khams la dmigs pa'i phyir chos shes pa'i mjug thogs su gzugs med par snyoms par mi 'jug go
 rang gi sa po'i nyon mongs kyang/ zhes bya ba ni/ bsam gtan dang po dag pa pa'i 'jug thogs su bdun skye ste/ rang gi sa pa gsum po zag pa med pa dang/ dag pa pa dang nyon mongs pa can dang/ bsam gtan gnyis pa dang gsum pa'i sa pa dag pa pa dang/
 zag pa med pa dag go /de ltar na ci yang med pa'i skye mched kyi mjug thogs su ni brgyad do/ /bsam gtan gnyis pa'i 'jug thogs su ni dgu'o/ /rnam shes mdza' yas skye mched kyi mjug thogs su ni bcu'o/ /de bzhin du bsam gtan dang gzugs med pa
 gzhan gyi mjug thogs su ni bcu go /zag pa med pa'i mjug thogs su ni nyon mongs pa can skye ba med do/ /zhes bya ba ni nyon mongs pa 'jug pa dang shin tu 'gal ba'i phyir ro/ /gzhan yang dag pa pa yang thams cad kyi mjug thogs su mi skye na/ zag pa med pa
 las lta ci smos te/ de skad du yang/ dag pa rnam pa bzhi zhes 'chad do/ /rang gi sa pa'i dag pa pa dang nyon mongs pa can dag ces bya ba ni/ rang gi sa pa'i zag pa med pa ma yin la/ sa gong ma pa'i dag pa pa 'am/ nyon mongs pa can yang ma yin pa'o/ /
 sa 'og ma pa ni dag pa pa gcig tu yin gyi/ nyon mongs pa can ma yin la/ zag pa med pa yang ma yin no/ /nyon mongs pas gziD? ba ni zhes bya ba ni nyon mongs pas zil gyis mnan pa'o/ /dge ba las 'phos pa yin gyi
 zhes bya ba ni sdig pa la sdig par byed pa lta na de da'i yang dag pa'i lta ba yin pas de ni dge ba kho na yin gyi nyon mongs pa can ni ma yin no/ /bsams nas zhes bya ba rgyas par 'byung ba ni/ ji ltar gal te 'di snyam du bdag gis nam phyed kyi
 cho sang par bya'o snyam du blo bskyed nas nyal na/ rgyun sngon gyi bsam pa'i rjes su 'jug pa'i phyir dus de kho nas sad par 'gyur ba de dang 'dra'o/ /zag pa med pa ni nyon mongs pa can gyi mjug tu mngon sum du byed pa las nyes pa med
 do?/ /de la ci yang med pa'i skye mched kyi sa pa kho na mngon sum du byed kyi/ gzhan ni ma yin te/ de nye ba'i phyir te/ de thag nye ba'i phyir te/ goms par byas pa'i phyir ro zhes bya ba'i tha tshig go/ srid pa smos pas ni zag pa dang bcas pa'i
 dngos po gzung ngo zhes bya ba ni/ mdo las srid pa ni chos gang dag yin zhe na/ zag pa dang bcas pa'i chos rnams so zhes 'byung ba'i phyir ro/ /sa rnams ni sred pas yongs su bcas pa'i phyir ro zhes bya ba ni/ sred pa ni rang gi sa'i dmigs pa la tes
 pa'i phyir ro/ /de nyid kyi sa yongs su gcod de/ dper na gang la sred pa rgyas par 'gyur ba de ni 'dod pa'i khams so zhes bya ba la sogs pa lta bu'o/ /dge ba nyid du thal bar 'gyur ba'i phyir zag pa med? pa la yang ma yin no zhes bya ba la/
 zag pa med pa la dmigs pa ni srid pa yin par mi rigs te/ 'dod chags min te spangs bya'i phyir zhes 'byung ba'i phyir ro/ /de don du gdon gnyis pa de ni dge ba'i chos la 'dun pa yin gyi sred pa ni ma yin no/ /gzugs med dngos
 gzhi 'di dag? rnams kyi/ spyod yul zag bcas 'og ma yin zhes bya ba la/ dngos gzhi zhes smos pa ni nyer bsdogs pas la ba'i phyir te/ nyer bsngogs dag ni sa 'og ma la dmigs pa yin no/ /dge ba smos pa ni ro myang ba dang mtshungs par ldan pa rnam
 par bcad par bya ba'i phyir te/ dge ba dang zag pa med pa bsdu'o/ /zag pa bcas smos pa ni zag pa med pa la dmigs pa yin no/ /sa 'og ma pa'i zag pa dang bcas pa'i dngos po ma yin te zhes bya ba ni/ sa 'og ma rab tu ma zhi ba yin pa'i
 phyir dang/ de dag shin tu zhi ba yin pa'i phyir te/ de nyid kyi phyir rnam pa thams cad du yang dag par 'das pa zhes bshad kyi/ bsam gtan dag la ni ma yin te/ bsam gtan dag ni dmigs pa las 'da' ba med pas/ kun lta ba yin pa'i phyir ro
 dmigs pa zag pa med pa ni rang gi sa dang sa gong ma pa 'ba' zhig tu ma zad kyi sa 'og ma pa yang yin no/ /de yang chos dang rjes su shes pa'i phyogs dang mthun pa rnam pa gnyis yin pas de'i phyir rjes su shes pa'i phyogs dang mthun pa thams
 cad zhes bya ba smos so/ /rang gi gnyen po la dmigs pa'i phyir rjes su shes pa'i phyir dang mthun pa'i lam kho na de dag gi dmigs pa yin gyi/ chos shes pa'i phyogs dang mthun pa ni ma yin no/ /chos shes pa'i phyogs dang mthun pa yang
 'ga' zhig gnyen po ma yin na mya zhe na/ yin mod kyi thams cad thams cad kyi ni ma yin no/ /dmigs pa zag pa med pa ni zhes khyad par med par smos pas sa 'og ma'i 'gog pa yang thal bar 'gyur ba de'i phyir sa 'og ma yin no zhes bya
 ba smos te/ dgag bya'i sgo nas dal dmigs pa'i phyir ro/ /dngos gzhi bkag pas nyer bsdogs kyi bar chad med pa'i lam rnams kyi zhes bya ba rgyas par 'byung ba la/ nyer bsdogs dag ni bar chad med pa'i lam gang dag yin pa de dag gi
 dmigs pa ni sa'i 'og ma yin no/ /de la nam mkha' mdza' yas skye mched kyi nyer bsdogs kyi bar chad med pa'i lam rnams kyi dmigs pa bsam gtan bzhi pa yin la/ srid pa'i rtse mo'i nyer bsdogs kyi bar chad med pa'i
 lam rnams kyi ni ci yang med pa'i skye mched yin pa'i bar du'o/ /rnam pa gsum po 'di dag las zhes bya ba ni/ bsam gtan dang gzugs med pa pa dang zag pa med pa dang/ nyon mongs pa can dag la zag pa med pa gang zhig srid pa des nyon mongs
 pa rnams ci rigs par spong ngo/ /zag pa med pa gang gis zhe na/ dngos gzhis te/ nyer bsdogs bas kyang zhes dmigs thogs su rnam pa thams cad du mi skye'o zhes bya ba ni rang gi sa pa yang mi skyel/ sa 'og ma pa yang mi skye'o zhes bya ba'i
 tha tshig go/ snyoms par 'jug pa'i dus kyi phyir de skad du bshad kyi zhes bya ba ni dag pa dang nyon mongs pa can gyi mjug thogs su rang gi sa pa'i nyon mongs pa can kho na skye'i gzhan gyi sa pa ni ma yin no zhes bya ba yin no/ /ji skad du zhe na/ dag pa
 las de bzhin/ rang gi sa pa'i nyon mongs kyang/ /nyon mongs can las rang dag dang/ /nyon mongs zhes de skad du'o/ /'chi 'pho ba'i tshe na zhes bya ba rgyas par 'byung ba la/ 'chi 'pho ba'i tshe zhes bya ba ni 'chi pa'i srid pa'i gnas skabs yin la
 de yang mnyam par gzhag pa yin pas de skye ba'i bsam gtan dag pa pa srid pa yod do/ /bsam gtan dag tu skyes pa'i skye bas thob pa'i dge ba ma cam? par gzhag pa gang yin pa de yang dag pa pa zhes bya'o/ /de'i mjug thogs su rang
 dang gong ma dang 'og ma'i sa pa nyid mtshams sbyor ba'i sems nyon mongs pa can skye ste/ dge ba'i sems kyis 'chi 'phon 'gar yang nyid mtshams sbyor ba la gnod pa med pa'i phyir ro/ /nyon mongs can las zhes bya ba la sogs pa ni/
 sa 'og ma nyon mongs pa can skye'i/ sa gong ma pa ni ma yin te/ rang gi sa las 'dod chags dad ma bral ba'i phyir ro/ /srid pa'i rtse mo ni rnam pa gsum ste/ khyad par gyi cha dang mthun pa ma gtogs so zhes bya ba la/ srid ba'i rtse mo na ni mthong pa'i lam dang mthun pa'i
 nges par 'byed pa'i cha dang mthun pa ma gtogs pa/ zag pa med pa dang mthun pa'i nges par 'byed pa'i cha dang mthun pa yod kyi/ khyad par gyi cha dang mthun pa ni ma yin te/ gong nas gzhan med pa'i phyir ro/ /nyams pa'i cha dang mthun pa ni nyon mongs pa skye ba
 dang/ rjes su mthun pa'o zhes bya ba ni/ de las nyon mongs pa can gdon mi za bar skye ba ni ma yin te/ de bzhin du gzhan la yang ci rigs par brjod par bya'o/ /nges par 'byed pa'i cha dang mthun pa'i mjug thogs su ni gcig ste/ de gcig tu skye'o zhes bya ba ni
 des par 'byed pa'i cha dang mthun pa kho na'o/ /gzhan dag na re khyad par gyi cha dang mthun par yang skye'o zhes zar ro/ /zag pa med pa las lngar ba'i tshe dag pa pa gang mngon sum du byed ce na/ nyams pa'i cha dang mthun pa ma gtogs pa rnam pa gsuM
 ka yang ngo/ /'brel pa dang zhes bya ba ni go rim bzhin da'o zhes bya ba ni lugs dang mthun pa'i go rim bzhin dang/ lugs dang mi mthun pa'i go rim bzhin du'o/ /nyon mongs pa med pa'i phyir dang/ ting 'dzin las dbang pa'i phyir ro zhes bya ba ni/
 nyon mongs pa med pa ni dgra bcom pa yin pa'i phyir ro/ /ting nge 'dzin la dbang pa ni dus dang mi sbyor bar rnam par grol ba yin pa'i phyir ro/ /de bzhin du lhag ma rnams kyang rang gi sa dang sa 'og mar zhes bya ba ni ci yang med pa'i skye mched zag pa
 dang bcas pa ni srid pa'i rtse mo ma gtogs pa brgyad pa brten to/ /zag pa med pa ni sa dgu la brten to/ /rnam shes mdza' yas skye mched zag pa dang bcas pa dang/ zag pa med pa ni go rim bzhin dus bdun dang brgyad la brten
 ba nas bsam gtan dang po zag pa dang bcas pa dang zag pa med pa 'dod pa dang/ bsam gtan dang po la brten pa'i bar yin no/ /cung zad kyang dgos pa mi byed de zhes bya ba ni cung zad kyang dgos pa mi bsgrub zhes
 bya ba'i don to/ /ci'i phyir zhe na dman pa'i phyir ro/ /srid rtser 'phags pa'i ci yang med/ /ces bya ba la 'phags pa ni zag pa med pa ste/ srid pa'i rtse mor zag pa med pa'i ci yang med pa'i skye mched mngon sum du byas shing/
 mngon du gyur pa las de'i zag pa spong bar 'gyur ro/ /ni zhes bya ba'i sgra ni dmigs kyi gsal ba'i don ston par byed pa'o/ /rang gi med pa'i phyir dang de yang nye ba'i phyir ro zhes bya ba ni/ zag pa med pa'i lam med par dgra bcom pa
 nyid 'thob pa med la/ srid pa'i rtse mo pa'i zag pa med pa yang med pas der skyes pas dgra bcom pa nyid gang yin pa des lam 'og ma mngon du byed pa la nyes ba med do/ /de la yang ci yang med pa'i skye mched kyi sa pa kho na
 mngon sum du byed kyi/ gzhan ni ma yin te/ de nye ba'i phyir te/ goms par byas pa'i phyir ro/ /zhes bya ba'i tha tshig go/ srid pa smos pas ni zag pa dang bcas pa'i dngos po gzung ngo zhes bya ba ni/ mdo las srid pa ni chos gang dag yin
 zhe na/ zag pa dang bcas pa'i chos rnams so zhes 'byung ba'i phyir ro/ /sa rnams ni srid pas yongs su bcad pa'i phyir zhes bya ba ni rang gi sa'i dmigs pa la nges pa'i phyir ro/ /de nyid kyis sa yongs su bcod ste/ dper na ga la 'dod
 pa'i sred ba rgyas par 'gyur ba de ni 'dod pa'i khams so zhes bya ba la sogs pa lta bu'o/ /dge ba nyid du thal bar 'gyur ba'i phyir zag pa med pa la yang ma yin no zhes bya ba la/ zag pa med pa la dmigs pa ni srid pa yin par
 rigs te/ 'dod chags min te spang bya'i phyir zhes 'byung ba'i phyir ro/ /de'i dor du gnyer ba de ni dge ba'i chos la 'dun pa yin gyi/ srid pa ni ma yin no gzugs med dngos gzhi'i dge rnams kyi/ spyod yul zag bcas 'og ma yin zhes bya ba la/ dngos
 gzhi zhes smos pa ni nyer bsdogs bsal ba'i phyir te/ nyer bsdogs dag ni sa 'og ma la yang dmigs pa yin no/ /dge ba smos pa ni ro myong ba dang/ mtshungs par ldan pa rnam par bcad par bya ba'i phyir te/ dge ba dang zag pa med pa ba'o/ /zag
 bcas smos pa ni zag pa med pa la dmigs pa yin no/ /sa 'og ma pa'i zag pa dang bcas pa'i dngos po ma yin te zhes bya ba ni sa 'og ma rab tu ma zhi ba yin pa'i phyir dang/ de dag shin tu rab tu zhi ba yin pa'i phyir te/ de nyid kyi phyir rnam pa thad du
 yang dag par 'das pa zhes bshad kyi/ bsam gtan dag la ni ma yin te/ bsam gtan dag la ni dmigs pa las 'da' ba med pas kun tu lta ba yin pa'i phyir ro/ /dmigs pa zad pa med pa ni rang gi sa pa dang sa gong ma pa 'ba' zhig tu
 ma zad kyi/ sa 'og ma pa yang yin no/ /de yang chos dang rjes su shes pa'i phyogs dang mthun pa rnam pa gnyis yin pas de'i phyir rjes su shes pa'i phyogs dang mthun pa'i lam kho na de dag gi dmigs pa yin gyi/ chos shes pa'i phyogs dang
 mthun pa ni ma yin no/ /chos shes pa'i phyogs dang mthun pa yang 'ga' zhig gnyen po ma yin nam zhe na/ yin mod kyi/ thams cad kyi ni ma yin no/ /dmigs pa zag pa med pa ni zhes khyad par med par smos pas sa 'og ma'i 'gog pa la
 yang thal par 'gyur bas/ de'i phyir sa 'og ma pa yang ma yin no zhes bya ba smos te/ dgag par bya ba'i sgo nas de la dmigs pa'i phyir ro/ /dngos gzhi bkag pas nyer bsdogs kyi bar chad med pa'i lam/ rnams kyi zhes bya ba rgyas par 'byung
 ba la/ nyer bsdogs dag gi bar chad med pa'i lam gang dag yin pa de dag gi dmigs pa ni sa 'og ma yin no/ /de la nam mkha' mdza' yas skye mched kyi nyer sdogs kyi bar chad med pa'i lam rnams kyi dmigs pa bsam gtan
 bzhi pa yin la/ srid pa'i rtse mo'i nyed sdogs kyi bar chad med pa'i lam rnams kyi ni ci yang med pa'i skye mched yin pa'i bar du'o/ /rnam pa gsum pa 'di dag ces bya ba la/ bsam gtan dang gzugs med pa dag pa pa dang zag pa med pa dang/
 nyon mongs pa can dag la zag pa med pa gang zhig srod pa des nyon mongs pa rnams ci rigs par spong ngo/ /zag pa med pa gang gis zhe na/ dngos gzhis te/ nye bar bsdogs pas kyang zhes dmigs kyis bsal pa 'chad par 'gyur ba'i phyir ro/ /dag pa
 pas kyang mi spong na nyon mongs pa can gyis lta smos kyang ci dgos zhes bya ba ni/ rang nyid dri ma can yin pa'i phyir ro/ 'dod chags dang bral ba'i phyir 'og ma yang ma yin la zhes bya ba la/ bsam gtan dang gzugs med pa'i dngos gzhi dag pa
 pas sa 'og ma pa'i nyon mongs pa rnams mi spong ste/ de las 'dod chags dang bral ba'i phyir ro/ /'og ma las 'dod chags dang ma bral ba ni bsam gtan gyi dngos gzhi la mi 'jug go /de nyid de'i gnyen po ma yin pa nying kyi phyir rang gi sa
 na yong pa ma yin no zhes bya ba la/ de nyid de'i gnyen po yin par ni mi rigs te/ srog thams cad la nyon mongs pa med par thal bar 'gyur ba'i phyir dang/ de'i nyon mongs pa dag gis gcig tu 'ching ba'i phyir ro/ /ji ltar zhe na/ de'i sa
 pa'i nyon mongs pa rnams de las rgyas par 'gyur ba'i phyir ro/ /nyon mongs pa gang zhig dngos po gang la rgyas par 'gyur ba des ni dngos po de gzhom par mi nus te/ dper na 'dod chags la sogs pa'i nyon mongs pa de nyid bzhin no/ /ches khyad
 par du 'phags pa'i phyir gong ma yang ma yin no zhes bya ba la/ dman pas khyad par du 'phags pa spong bar ni mi rigs te/ de lta ma yin na 'dod pa'i khams kyis kyang bsam gtan dang po spong bar thal bar 'gyur ro/ /sa 'og ma'i gnyen po yin pa'i phyir ro zhe bya ba ni/
 nges sa 'og ma las 'dod chags dang bral bar 'gyur bas na sa 'og ma'i gnyen po'o/ /gang gis de la 'jug pa zhes bya ba ni nyer bsngogs gang gis bsam gtan dang gzugs med pa'i dngos gzhi de dag la 'jug pa ste/ mngon sum du byed pa'i tha tshig go
 ci de dag kyang rnam pa gsum yin la zhes bya ba ni/ dag pa pa dang zag pa med pa dang/ nyon mongs pa can no/ /de dag la tshor ba yang de dang 'dra bar yod dam zhes bya ba ni dngos gzhi dang 'dra bar bsam gtan dang po dang gnyis pa'i nyer bsdogs na dga' ba/ bsi
 gtan gsum pa'i nyer bsdogs na bde ba/ bsam gtan bzhi ba'i nyer bsdogs na btang snyoms yod dam zhes bya ba'o/ /'bad de drang bar bya ba'i phyir btang snyoms kyi dbang po dang ldan pa yin te/ mngon par bya ba med par 'byung ba'i lam yin pa'i phyir ro
 myang ba dang mtshungs par ldan pa yin gya'i? bde 'dra? bar bya ba ni ma yin/ /sa 'og ma las yid byung ba dang ma bral pa'i phyir yang dga' ba dang bde ba dag med pas btang snyoms dang mtshungs par ldan pa yin no/ /'dod chags dang bral ba'i
 lam yin pa'i phyir myang ba dang mtshungs par ldan pa ma yin/ ro myang ba dang mtshungs par ldan pa ni 'dod chags dang bral ba'i lam nyid du mi rung ngo/ /sred pa dang bcas pas ni nyon mongs pa spong bar byed nus pa ma yin no/ /dang po 'phags
 pa'ang zhes bya ba la/ des ni rang gi sa las kyang yid byung pa dang ldan pas sa 'og ma'i gnyen po yin pa'i phyir zag pa med pa yin no/ /'o na bye brag tu bshad pa las nyer bsdogs kyis mtshams sbyor ba'i sems dang/ 'chi 'pho ba'i sems su 'gyur ro
 zhes gang bshad pa de ji ltar nyon mongs pa can ma yin pa'i sems la mtshams sbyor ba med pas nyer bsdogs rnams ro myang ba dang mtshungs par ldan par thal bar 'gyur ro zhe na/ de? ni de ltar ma yin te/ de rnams la ni mnyi
 par bzhag pa la nyon mongs pa bkag gi/ skye ba la nyon mongs pa ni ma yin no/ /de nyid bstan pa'i phyir nyer bsdogs kyi sems zhes bya ba rgyas par smos so/ /kha cig gsum zhes bya ba ni mtshams sbyor ba'i sems yod pa'i phyir dang/ ro myang ba'i
 ting nge 'dzin yod pa'i phyir ro/ /don tha dad pa yin te zhes bya brgyas par 'byung ba la nyer bsdogs rnams ni dngos gzhi la mjug pa'i rgyu yin pa'i phyir ro/ /khyad par med pa'i phyir ro zhes bya ba ni/ ji ltar bsam gtan dang po na la lan rtog pa dang dpyod
 pa yod la/ la la na dpyod pa kho na yod pa de ltar gnyis pa la sogs pa ngag la ma yin pas der bsam gtan khyad par can ma brjod do/ /de bde min sdug min zhes bya ba la/ de na rnam par shes pa'i tshogs gsum med pa'i phyir bde ba med la/
 zhi gnas dman pa nyid kyi mngon par 'du bya ba dang bcas pas drang ba yin pa'i phyir dga' ba med do/ /da nyid kyi phyir lam dka' ba yin te/ mngon par 'du bya ba dang bcas pas drang bar bya ba yin pa'i phyir ro/ /rtog pa cam? zhig bkag pa'i phyir
 zhes bya ba ni rtog med bsam gtan khyad par can zhes smos pa'i phyir ro/ /de la dmigs pa'i ting nge 'dzin ni mtshan ma med pa'i ting nge 'dzin yin te zhes bya ba ni mtshan ma med pa las byung ba ni mtshan ma med pa'o/ /yul lnga zhes bya ba ni yul rnams
 shin tu 'phrog par byed pa nyid yin pa de ltar dbang po rnams ma yin pas yul smos so/ /'dus byas kyi mtshan nyid gsum zhes bya ba ni skye ba dang rga ba dang mi rtag pa nyid do/ /gzhan dag na re mtshan ma'i sgra ni rgyu'i rnam grangs te 'di las yul
 chos mtshan ma med cing rgyu med pa yod pas na mtshan ma med pa'o zhes zer ro/ /gzhan dag na re dus kyi mtshan ma dang bral ba'i phyir na/ mya ngan las 'das pa mtshan ma med pa yin la de'i yul can gyi ting nge 'dzin ni mtshan ma med pa'o zhes zer ro/ /stong nyid bdag
 med stong nyid du zhes bya ba ni/ gang gi phyir ting nge 'dzin bdag med pa dang/ stong pa'i rnam pa can yin pa de nyid kyi phyir 'jig tshogs la lta ba'i gnyen po nye ba yin te/ 'jig tshogs la lta ba yang rnam pa gnyis pa yin pa'i phyir ro/ /'di ltar bdag med
 ba'i rnam pa ni bdag tu lta ba'i gnyen po yin la/ stong pa'i rnam pa ni bdag gi de? lta ba'i gnyen po yin no/ /bden pa'i rnam pa lhag ma dag dang mtshungs par ldan pa'i zhes bya ba ni stong pa dang bdag med pa'i rnam pa dag dang/ 'gog pa'i rnam pa rnas?
 las gzhan pa bdan pa'i rnam pa gang dag yin pa de dag dang mtshungs par ldan pa'i ting nge 'dzin to/ /rnam pa bcu pa yin no zhes bya ba ni mi rtag pa dang sdug bsngal gyi rnam pa ste gnyis dang/ kun 'byung dang lam re re la rnam pa bzhi bzhi'o/ /mi rtag
 pha dang sdug bsngal ba dang nge'i rgyu ngag gis yid byung ba'i phyir dang zhes bya ba ni mi rtag pa dang sdug bsngal ba dag de'i rgyu kun 'byung ni/ mi rtag pa dang sdug bsngal ba dang de'i rgyu dag ste/ de dag gi yid byung ba'i phyir ro/ /mi rtag pa dang sdug bsngal ba'i
 rnam pa dag gis sdug bsngal la yid byung la/ rgyu dang/ kun 'byung ba dang/ rab tu skye ba dang/ rkyen gyi rnam pa dag gis kun 'byung ba las yid 'byung ba'o/ /gzings lta bur zhes bya ba ni 'di la gzings dang 'dra ba yod pas na de ni gzings lta bu'o
 de'i dngos po ni gzings lta bu nyid de 'khor ba'i rgya mtsho las brgal ba dang 'brel bas na/ lam ni bzings lta bu'o/ /ji ltar 'di la gzings dang 'dra ba yod pa ste ston pa ni dor bar byas pa yin pa nyid kyi phyir zhes bya ba ste/ dper na gzings
 la brten nas chu'o brgal ba ni de la gnas pa ma yin zhing don byas zin te gzings 'dor ba de dang 'dra'o/ /de dag las 'da' bar mngon du phyogs pa'i phyir ro zhes bya ba ni/ sdug bsngal dang/ kun 'byung
 ba dang/ lam rnams las 'da' bar mngon du phyogs pa ni de dag las 'da' bar mngon du phyogs pa'o?/ /de'i dngos po ni de las 'da' bar mngon du phyogs pa nyid de/ de'i phyor ro/ /'di skad du bshad par 'gyur te/ gang gi phyir mi rtag pa la sogs
 pa'i rnam pa can gyi ting nge 'dzin ni sdug bsngal la sogs pa'i bden pa la mngon par mi dga' zhing de dag las 'da' bar mngon du phyogs pa ste/ de'i phyir smos pa med pa zhes bya ba'o/ /mya ngan las 'das
 pa dang 'dra ba'i phyir zhes bya ba la/ sdug bsngal gyi bden pa stong ba dang/ bdag med pa'i rnam pa dag gis/ 'dzin mod kyi/ sdug bsngal gyi bden pa de la yid byung ba ni ma yin no/ /ci'i
 phyir zhe na/ mya ngan las 'das pa dang 'dra ba'i phyir ro/ /stod pa dang bdag med pa dag ni mya ngan las 'das pa'i yang mtshan nyid yin te/ chos thams cad kyis spyi'i mtshan nyid
 yin pa'i phyir ro/ /mya ngan las 'das pa stong pa dang/ bdag med par gzung bzhin pa las ni yid byung ba yang ma yin te/ de'i phyir smon pa med pa'i ting nge 'dzin ni de dag gi rnam pa
 can ma yin no/ /dag dang dri ma med pas phyi ba la/ dag pa ba ni nges par 'byed pa'i cha dang mthung? ba'i? gnas skabs so/ /dri ma med pa ni mthong ba'i lam gyi gnas skabs so/ /'jig
 rten pa rnams ni sa bcu gcig na yod do zhes bya ba ni 'dod pa'i khams dang mi lcogs pa med pa dang/ bsam gtan khyad par can dang/ bsam gtan dang gzugs med pa'i dngos bzhi brgyad na'o/ /'jig rten las 'das
 pa rnams ni gang na lam yod pa na yod do zhes bya ba ni 'dod pa'i khams dang srid pa'i rtse mo ma gtogs pas gzhan dgu na'o/ /de dag dri med rnam thar sgo gsum mo/ /zhes bya ba ni rnam par thar pa'i sgo ni zag pa dang bcas
 pa nyid du mi 'thad pa'i phyir ro/ /rnam par thar pa'i sgo yang yin la/ zag pa dang bcas pa yang yin no zhes bya ba ni mi 'thad do/ /de nyid kyi phyir rnam par thar pa'i sgo yang yin pa'i phyir zhes bya ba smos so/ /'di dag gi rnam
 par thar pa 'jug pas na de dag rnam par thar? pa'i yin no/ /sgo mo dang 'dra ba ni sgo ste/ thar pa thob pa'i rgyu la thar pa'i sgo bshad do/ /gang zhig gang gi gtso bo'i sgo mo yin pa de dag ni de'i sgo zhes
 bya'o/ /stong pa nyid la dmigs pa'i phyir stong pa nyid stong pa nyid ces bya ba ste/ de bzhin du gzhan gnyis la yang brjod par bya'o/ /mi slob pa zhes rgyas par 'byung ngo/ /stong pa nyid kyi ni nye par len pa'i
 phung po rnams stong pa nyid du yid la byed la/ stong pa nyid kyi stong pa nyid kyi ni de'i rjes la skyes pa'i dge ba'i rtsa ba yin pa'i sgo nas stong pa nyid khyod kyang stong zhes mi slob pa 'de? du yid la byed de/ ji ltar 'ga' zhig gis shing
 gis ro mer bcu gnas? de tshig pa dang/ shing de yang 'jug pa de bzhin du stong pa nyid kyis nyon mongs pa bsregs nas stong pa nyid de yang stong pa de nyid kyi sun 'byin par byed do/ /de ni stong pa nyid kyi rnam par zhugs pa'i stong pa nyid
 kyi rjes la bskyed bar bya ba yin gyi/ bdag med pa'i rnam par zhugs pa'i rjes la ni ma yin te/ de ni de skyo ba dang mthun pa'i phyir ro/ /ji ltar stong par mthong ba bzhin du bdag med par mthong ba ni skyo bar byed pa ma yin no/ /srid
 pa bdag med par mthong ba dgal yang mngon par dga' ba yod do/ /'khor ba stod par mthong ba med pa'i phyir ro/ /de nyid kyi phyir ting nge 'dzin 'di nyid rnam pa nyid dang ldan pa yin yang stong pa nyid ces bya'i/ bdag med pa nyid ces ni mi bya
 ste/ stong pa nyid kyi rnam pa ni ches shin tu rnam par dben pa'i rgyu yin pa'i phyir te/ dper na gcig bu lam du zhugs pa lam stong pa mthong bas skyo nas myur du 'gro ba de dang 'dra'o/ /snon pa med pas kyang nye bar lon pas kyang/ nye bar len pa'i
 phung po rnams mi rtog par yid la byed pa de'i rjes la skyes pa'i smon pa med pa smon pa med pa ni mi slob pa de mi rtag par yid la byed do/ /sdug bsngal bar yang ma yin la rgyu la sogs par yang ma yin te zhes bya ba la sogs pa zhes bya ba ni kun
 'byung ba dang/ rab tu skye ba dang/ rkyen gyi rnam pa dag tu yang ma yin te/ zag pa med pa ni de'i mchan nyid ma yin pa'i phyir te/ kun 'byung ba la sogs pa'i mtshan nyid ma yin pa'i phyir zhes bya ba'i tha tshig go/ de ni sdug bsngal dang 'brel pa ma yin
 te/ de na sdug bsngal 'gog par 'gro ba'i lam yin pa'i phyir ro/ /lam gyi rnam pa rnams su yang ma yin te/ de ni de sun 'byin pa'i rnam par zhugs pas lam la sdang ba yin pa'i phyir ro/ /'di ni mi rtag pa'i rnam pa lam la sdang ste/ de'i phyir lam dang? rigs
 pa la sogs pa'i rnam pa can ma yin no/ /mtshan ma med pa mtshan ma med pa'i ting nge 'dzin ni mi slob pa'i mtshan ma med pa so sor ma brtags pas 'gog pa la zhi ba'i rnam par dmigs so/ /ji ltar 'di'i so sor ma brtags pas 'gog pa yin
 zhe na/ mi slob pa'i mtshan ma med pa'i ting nge 'dzin las langs pa la de'i rjes la zag pa dang bcas pa'i skad cig ma 'da' ba gang dag yin pa ste/ gal te de dag byung bar ma gyur na/ mi slob pa'i mtshan ma med pa'i skad cig ma rnams 'byung bar
 'gyur ro/ /mi slob pa'i mtshan ma med pa'i skad cig ma de dag rkyen ma tshang bas so sor ma brtags pas 'gog pas 'gog par 'gyur te/ so sor ma brtags pas 'gog pa la zhi ba'i rnam par dmigs so/ /'jug pa chad pa'i mtshan nyid can
 yin pa'i phyir zhi ba'i rnam pa kho na yin no/ /zag pa med pa la so sor brtags pas 'gog pa med pa'i phyir so sor ma brtas pas 'gog pa kho na la dmigs so/ /yang ci'i phyir zag pa med pa la so sor brtags pas 'gog pa med ce na/
 mi mthun pa med pa'i phyir te/ gang zhig 'phags pa rnams dad mi mthun pa de gtan bral bar bya ba'i phyir bsgrims te/ zag pa dang bcas pa'i chos rnams dang bral ba gang yin pa de ni so sor brtags pas 'gog pa zhes sngar mdzod kyi
 gnas dang por bshad zin to/ /'gog pa dang? gya nom ba dang des par 'byung ba'i rnam par ni ma yin te zhes bya ba la/ mi rtog pa nyid kyi 'gog pa dang thun mod yin pa nyid kyi phyir 'gog pa'i rnam par ma yin no/ /de lta ma yin na ni mi slob
 pa'i ting nge 'dzin khyad par can de la dmigs par mi 'gyur pa nyid de/ nye bar len pa'i phung po yang mi rtag pa'i phyir ro/ /lung du ma bstan pa'i phyir gya nom pa'i rnam par ma yin te/ gya nom pa ni dge ba dang dri ma med pa'o zhes bshad na/ so sor ma
 brtags pas 'gog pa ni lung du ma bstan pa yin te/ de'i phyir gya nom pa'i rnam par mi dmigs so/ /bral ba ma yin pa'i phyir nges? par 'byung ba'i rnam pa ma yin te/ 'di ltar so sor ma brtags pa'i 'gog bas 'khor ba las des par
 'byung ba'i phyir ro/ /'phags pa'i lam la sdang ba'i phyir zhes bya ba la/ ji ltar sdang zhe na /stong pa la sogs pa'i rnam par ngag tu de la rgyab kyi phyogs pa'i phyir ro/ /re zhig ting nge 'dzin gzhan gnyis ni stong pa dang mi rtag pa'i
 rnam pa dag tu de la dmigs pa'i phyir 'phags pa'i lam la sngang bar rig na/ gsum pa ni zhi bar 'dus ma byas kyi dngos po la dmigs pa'i phyir ji ltar 'phags pa'i lam la sngang ba nyid du rung zhe na/ mi slob pa'i ting nge 'dzin mi 'jug
 pa'i rgyu'i chos la sngags pa'i phyir ro/ /zag pa med pa dag ni de lta ma yin no zhes bya ba ni zag pa med pa'i ting nge 'dzin ni de ltar 'phags pa'i lam la sdang ba ma yin pa'o/ /mi nang zhes bya ba ni mi dag gi nang du'o/ /der yang sgra mi snyan ma rtogs pa'i gling
 gsum du'o/ /skyes pa dang bud med kyis skyed par byed de/ skyes pa 'ga' zhig tu ma zad kyi/ phung med dag kyang tshe'i 'du byed 'jog pa dang gtong ba dag la dbang ba yin no/ /lha dag gi nang du zhes bya ba ni gang gi phyir mi rnams kyi lus ni shin tu gya nom
 pa yin yang na ba dang rga ba dang 'chi ba la sogs pa'i rten du gyur pas nad la sogs pa lta bu yin pas de nyid kyi phyir ci nas kyang rnal 'byor pa de nyid bya ba byas pa'i phyir 'du byed zag pa 'jug pa la yang/ mi mthun par 'du shes par 'gyur
 par 'du byed 'jug pa la mi mthun pa'i 'du shes de 'dra ba 'dra ba 'dren pa yin te/ de'i phyir mi dag gi nang kho nar skyed kyi lha dag gi nang du ni ma yin te/ lha rnams ni phal cher dge ba'i las kyi rnam par smin pa so sor myong ba nyid kyis lus kha na ma tho
 ba med par yin ba'i phyir ro/ /mi g.yo la zhes bya ba ni/ gang gi phyir slob pa dang/ dus kyi rnam pa rnam par grol ba rnams bya ba lhag ma dang bcas pa'i phyir lam la sdang ba ma yin pa'i phyir ro/ /dgra bcom pa gzhan la ni ma yin no/ /zhes bya ba ni
 dus kyi rnam par ba la ste/ de ni 'phags pa'i lam rjes su bsrung ba brtson pa byas pa nyid yin pas de sun 'byin par mi nus so/ /nyer bsdogs bdun ni ma rtogs so zhes bya ba bsam gtan gnyis pa la sogs pa'i nyer ba sogs ngag ma gtogs pa ste
 de dag ni zhi ba dang rags pa la sogs pa'i rnam par zhugs bas spyod yul 'og ma dang gong ma la nges pa'i phyir 'phags pa'i las sun mi 'byin no/ yang ting nge 'dzin bsgom pa bzhi ste/ zhes bya ba rgyas par 'byung ba ni ting? nge? 'dzin la sgom pa kun tu
 bsten goms par byas lan mang du byas na mthong ba'i chos la gnas bar 'gyur ba yang yod ces bya ba dang/ de bzhin du lha'i mig gi rnam par shes pa'i shes pa mthong bar 'gyur ba dang/ shes rab rang tu rnam par dbye ba dang/ zag bzad par 'gyur
 ba'o/ /de dang po yin pa'i phyir gzhan dang gzhan dag kyang zhes bya ba ni gnyis pa la sogs pa dag go /'di ni tsho phyi ma la bde bar gnas par 'gyur ba yang yin te/ 'di skad du dge slong gnas brtan gang zhig dbyen pa las skyes pa'i dga' ba dang
 bde ba nyams su myong bar 'gyur ba dang/ tshangs ris pa gang dag de ngag der skyes pa de gnyil? khyad par bsam ba 'am tha dad du bya ba 'ga' yang med zhes gsungs pa'i phyir ro/ /de'i phyir mthong ba'i chos la bde bar gnas pa kho nar ci'i phyir bshad ci
 na/ de'i phyir che phyi ma la bde bar gnas bar 'gyur ba ni nges pa med de zhes bya ba smas te/ sangs rgyas la sogs pa thams cad kyi mthong ba'i chos la bde bar gna pa yin gyi/ thams cad kyi che? phyi mal bde bar gnas pa ni nges pa med/ /ci'i phyir
 zhe na /yongs su nyams pa dang /gong du skyes pa dang/ yongs su mya ngan las 'das pa rnams la de med pa'i phyir ro/ /de'i phyir mthong ba'i chos la bde bar gnas pa kho na bshad kyi/ tshe phyi ma la bde bar gnas pa ni ma yin no/ /gzhan dag na re
 mthong ba'i ches la zhan pa rnams 'dod pa'i bde ba la 'dun pa bzlog nas bsam gtan gyi bde ba las byar bar bya ba'i phyir te/ tshe phyi ma'i bde ba mthong ba'i chos la rag las pa'i phyir ro/ /de skad du yang 'dir sngar
 snyoms par zhugs pas phyis nger skye'o zhes gsungs so zer ro/ /yang bsam gtan thams cad mthong ba'i chos la bde bar gnas pa nyid yin bzhin du yang mdo las dang po kho na bshad ce na/ rnal 'byor pa ni 'dod pa'i khams nyes pa med pa
 las 'das pa'i phyir de'i bde ba blo lhag par yongs su chim pa yin te/ 'brog tu yongs su ngal zhing skom pa chu rnyog pa can gyis tshim pa bzhin no/ /'phags pa'i lam thams cad kyi bde ba dmigs pa'i yang phyir te/ 'dir byang chub kyi phyogs dang
 mthun pa thams cad dang yongs su shes pa dgu dang/ 'bras bu'i lam dge sbyong gi tshul gyi 'bras bus bsdus pa dang/ khams gsum gyi gnyen po rnams kyang yod pas de nyid mthong ba'i chos la bde bar gnas par bshad do/ /mig gi mngon
 shes mthong 'gyur 'dod ces bya ba la/ 'dir ni 'dir 'bras bu la rgyur btags pa yin te/ lha'i mig gi mngon par shes pa ni ting nge 'dzin bsgom pa ma yin gyi 'on ci zhe na/ ting nge 'dzin bsgom pa'i 'bras bu yin no/ /shes par 'gyur pa dang mthong
 bar 'gyur ba zhes bya ste/ de la shes pa ni yid kyi rnam par shes pa dang mtshungs par ldan pa'i shes rab ste/ sems can 'di dag ni lus kyi nyes par spyod pa dang ldan pa'o zhes de lta bu la sogs par rnam par rtogs pa'i phyir ro/ /mthong ba ni
 mig gi rnam par shes pa dang mtshungs par ldan pa ste/ rnam par mi rtog pa'i phyir don? sbyor ba las byung blo dbye 'gyur/ /zhes bya ba de 'de? dag? ni khams gsum pa 'dod pa na spyod pa'i rnam par rigs byed ma yin pa'i tshul khrims nas bzung ste
 mi sdug pa dang dbugs rdub pa dang 'byung ba dran pa la sogs pa dang/ ci rigs par thos pa dang/ bsam pa dang bsgom pa las byung ba dang/ zag pa med pa dang/ rnam par thar pa'i sgo dang/ thod rgal gyi snyoms par 'jug pa dang/ zag pa
 zang pa'i mngon par shes pa la sogs pa ste/ chos 'di rnams kyis shes rab mngon par 'phel bar 'gyur ro/ /sbyor ba las byung zhes bya ba ni skyes nas thob pa las khyad par du gcod pa'o/ /'dir ni ting nge 'dzin dang mtshungs par ldan pa'i phyir sbyor
 ba las byung ba'i yon tan rnams la ting nge 'dzin sgom pa nye bar brtags pa yin no/ /bsam gtan bzhi pa'i rdo rje lta bu'i ting nge 'dzin rjes su 'brad pa dang mtshungs pa dang ldan pa dang bcas pa gang yin ba de ni zag pa zad par 'gyur ba'i ting nge
 'dzin bsgom pa zhes bya'o/ /bdag nyid la nye bar gtod pa zhes bya ba la/ bdag nyid kyi nye bar gtod pa ni/ bdag nyid la nye bar/ gtod pa ste bdag nyid ched du mdzad ces bya ba'i tha tshig go/ de'i phyir bsam gtan bzhi pa kho na gsungs so zhes bya ba ni /gang
 gi phyir sangs rgyas bcom ldan 'das kyis bsam gtan bzhi pa kho na la brten nas bla na med pa yang dag par rdzogs pa'i byang chub mngon du mdzad pa'i phyir ro/ /sems can tshad med pa la dmigs pa'i phyir ro zhes bya ba ni de dag gi dmigs pa
 sems can tshad med pa yin pas so/ /gzhan dag na re bsod nams tshad med pa sgrub par byed pa'i phyir dang/ 'bras bu yid du 'od ba tshad med pa'i phyir tshad med pa dag go zhes zer ro/ /gnod sems la sogs gnyen po'i phyir zhes bya ba ni/ mdo?
 las byams pa bsten goms par byas/ /lan mang du byas na gnod sems spor? bar 'gyur ro/ /snying rje ni rnam par 'tshe ba spong bar 'gyur/ dga' ba ni mi dga' ba spong bar 'gyur/ btang snyoms ni 'dod pa'i 'dod chags dang gnod sems
 sbrad? bar 'gyur ro zhes gsungs te/ de'i phyir bzhi kho na yin gyi/ ma tshang pa dang ltag pa ma yin no/ /kha dog gi 'dod chags kyi gnyen po ni mi sdug pa'o zhes bya ba ni rnam par sngos pa dang/ rnam par dmar pa la sogs
 pal dmigs pa'i sgo nas rgyab kyis phyogs pa'i phyir ro/ /'khrig pa'i 'dod chags kyi gnyen po ni btang snyoms so zhes bya ba na/ 'khrig pa'i 'dod chags ni sems can rnams la sdug pa'i mtshan ma lhag par sgro btags pa sngon du 'gro ba yin
 pa'i phyir la/ btang snyoms ni sdug ba dang mi sdug pa'i mtshan ma la ma rig par sems can tsam du gtogs pa yin te/ de ltar 'khrig pa'i 'dod chags kyis gnyen po ni btang snyoms yin no/ zhes bye brag tu smra ba zer ro/ /'di skad du zhes
 bya ba rgyas par 'byung ba la/ 'khrig pa'i 'dod chags ni kha dog dang dbyibs dang/ bsnyen bkur dang/ reg bya'i sgo nas 'byung la/ mi sdug pa yang de kun 'byin pa'i rnam par zhugs pas 'khrigs pa'i 'dod chags kyi gnyen por rigs
 la/ btang snyoms ni pha dang ma dang la sogs pa mi rtog pa'i phyir dang/ sems can tsam du 'dzin pa'i phyir/ de'i 'dod chags kyi gnyen po yin no/ /snying rje yang de dang 'dra'o zhes bya ba ni/ byams pa ltar zhe sdang med pa'i rang bzhin yin
 no/ /gna' rab dag na de dga' ba yid bde ba'i rang bzhin yin no zhes zer ro/ /gzhan dag na re dga' ba ni dga' ba dang ltan cig spyod pa'i rab tu dga' ba 'du byed kyi phung pos bsdus pa yin no zhes zer ro/ /btang snyoms mchags zhes bya ba
 'byung ngo/ /ma chags pa'i bdag nyid yin pa'i phyir gnod sems kyi gnyen po nyid du mi rung do snyam du sems na/ de ni zhes bya ba smos te/ gnod sems ni chags par drangs pa yin pa'i phyir ro/ /chags pa'i sgo nas byung ba'i gnod sems
 kyi gnyen po btang snyoms yin pas 'gal ba med do/ /byams pa dang btang snyoms dag gnod sems kyi gnyen po nyid du mtshungs kyang khyad par 'di nyid yin te/ byams pa ni zhe sdang med pa'i rang bzhin yin pa'i phyir gnod sems thams cad
 kyi gnyen po yin la/ btang snyoms ni ma chags pa'i rang bzhin yin pa'i phyir mdza' bas skyed pa'i sdang ba'i gnyen po yin no/ /'di ni gnyis ka'i rang bzhin yin rung ngo zhes bya ba la/ ci'i phyir zhe na 'dod chags dang zhe sdang gi gnyen po yin
 pa'i phyir ro/ /'dir bar mang gnas pa ma chags pa dar zhe sdang med pa'i rang bzhin la btang snyoms kyi sgrar brjod kyi/ chos gcig chos du ma'i rang bzhin yin pa ni med do/ /'di skad bstan par 'gyur te/ rjes su chags par mi byed la/ khong khro
 bar mi byed ces bya ba'o/ gzhan dag na re byams pa ni bsams pa thag pa nas 'byung ba thams cad la bdag dang 'dra bar gnas pa'o/ /snying rje ni gzhan gyi sdug bsngal la mngon par mi dga' ba'o/ /dga' ba ni gzhan gyi phun sum
 tshogs pa dag gis dga' ba'o/ /btang snyoms ni phan pa dang gnod pa dag la de'i rgyu mtshan dag la mi gnod pa'o/ /bar mar gnas pa yin no zhes bya ba ni phan pa dang gnod pa btang snyoms su 'dor ba'i tshul gyis so/ /de dang mi ldan pa
 rnams la zhes bya ba rgyas par 'byung ba la/ de rnams la bde ba de yod pas na de dang ldan pa'o/ /de dang ldan pa ma yin pa ni de dang mi ldan pa ste/ mi ldan pa de rnams la'o/ /gyur cig snyam du sems pa'i phyir ro zhes bya ba ni sems rnams
 bde bar shog cig snyam pa ste/ sdug bsngal las grol bar gyur cig snyam du bsams pa'i phyir ro/ /yang na bsam pa phyin ci ma log pa'i phyir phyin ci log nyid du mi 'gyur te/ de la bsam pa ni zhe sdang med pa'i bsam pa dge ba'i chos
 rnams te/ sems can rnams bde bar gyur cig snyam pa'i sems dang/ sems las byung ba 'khor dang bcas pa'o/ /bsam pa phyin ci ma log pa'i phyir/ phyin ci log nyid du mi 'gyur ro/ /yed ji ltar bsam
 pa phyin ci log pa nyid yin zhe na/ mos par 'du shes pa'i phyir ro zhes bya ba smos so/ /mos pa'i 'du shes ni mos par 'du shes pa ste/ gang gis phyir bde'o snyam pa'i mos pa de de kho na ltar 'du shes kyi gzhan du ma yin pa de'i phyir phyin
 ci log nyid kyi nyes pa med do/ /gal te mi dge ba nyid yin no zhe na ni zhes bya ba ni de la 'di snyam du phyin ci log yin pa'i phyir dag ba ma yin no snyam na na'o/ /ma yin te zhes bya ba ni de ni da ltar ma yin te/ gang gi phyir dge ba'i rtsa ba yin pa'i
 phyir ro/ /ji ltar dge ba'i rtsa ba yin zhe na/ dge ba'i rtsa ba nyid la rgyud gnod sems la sogs pa'i gnyen po yin pas zhes bya ba smos te/ 'di ltar sems can rnams bde bar gyur cig snyam du dus gzhan du gnod sems ku tu mi 'byung ngo/ /de
 bzhin du gzhan la yang bcod par bya'o/ /gal te de'i dbang gi su yang bde bar mi 'gyur bas/ de bsgrub pa'i dal ba don med ma yin nam zhe na/ don med pa ma yin te/ de'i sgoms gnod sems la sogs pa'i skyon rnam par gnon pa'i
 phyir ro/ /de la dmigs pa'i zhes bya ba ni/ 'dod pa'i sems can la dmigs pa ste/ khams gang na dag ba dang mdza' bo dang bar mar gnas pa dang/ sems kyi gnod sems dang chags pa dang mi mthun pa med pa dang/ gang dag la
 phan pa dang gnod pa dang btang snyoms srid pa de dag kho na de dgra gi yul bas tsad med pa rnams gzugs dang gzugs med pa'i yul can med do/ /thugs rje chen po'i yul ni yin no/ /gal te sems la dmigs pa yin
 na/ 'o na ji ltar phyogs gcig tu mos nas zhes bya ba 'di gsungs she na/ snod kyis snod la gnas pa bstan pa yin no zhes bya ba 'byung ste/ gnas kyis gnas can bstan ces bya ba'i don te/ snod dang mtshungs par ro gcig tu byas pa'i sems
 can de na gnas pa dag la mos pa 'jug par byed ces bya ba'i tha tshig go/ dga' ba bsam gtan gnyis na yod zhes bya ba ni gang dag gi ltar na de dag bsgom pa las byung ba yin pa dang/ dga' ba yid bde ba'i dbang po yin pa de dag gi ltar
 na/ bsam gtan dang po dang gnyis pa dgan dga' ba yod kyi/ gong na ni ma yin te/ yid bde ba'i dbang po med pa'i phyir ro/ /gzhan ni drug na zhes bya ba ni mnyam par bzhag pa'i phyir 'dod pa'i khams na yod pa ma yin la/ rags pa la
 sogs pa la nges par dmigs pa'i phyir bsam gtan gzhan gyi nyer bsdogs dag na yod pa ma yin no/ /kha cig lnga zhes bya ba ni mi lcogs pa med pa ma gtogs pa bsam gtan gyi dngos gzhi'i sa pa yin pa'i phyir ro/ /mnyam par bzhag
 pa dang mnyam par bzhag pa ma yin pa dang dngos gzhi dang spyod pa smos pa'i phyir zhes bya ba la byams pa la sogs pa 'ga' zhig ni mnyam par bzhag pa'i sa pa yin la 'ga' zhig ni mnyam par ma bzhag pa'i sa pa yin zhing/ kha cig ni
 dngos gzhi'i gnas skabs na yod la/ kha cig ni sbyor ba'i gnas skabs na yod de/ nyer bsdogs kyi gnas skabs na yod ces bya ba'i tha tshig go/ des del mnyam par bzhag pa'i sa pa dag ni sa dgu pa ste/ dngos gzhi dang sbyor bas bsdus pa'i
 phyir ro/ /mnyam par ma bzhag pa dag ni 'dod par gtogs pa'o/ /ci zhig ce na/ bsam pa las byung ba'i phyir sbyor ba las byung ba dag go/ bsam gtan dngos gzhi'i sa ba yin pa'i phyir zhes bya ba ni spong ba'i lam dag gis nyon mongs
 ba spong bar 'gyur na/ dngos gzhi dag pa bas ni nyon mongs pa dag spong ba ma yin pa'i phyir ro/ 'dod chags dang ma bral ba ni bsam gtan gyi dngos gzhi la 'jug pa yang ma yin te/ de'i phyir de dag gi spong ba ma
 yin no/ /re zhig de ltar gang dag mi lcogs pa med pa ma gtogs pa sa lnga pa dag na yod par smra ba de'i lugs kyis ni de lta'o/ /gang dag gi ltar na drug gam bcu na yod par smra ba de dag gis lugs kyis mos pa yid la byed pa'i phyir
 zhes bya ba smos te/ de kho na yid la byed pas nyon mongs pa spong na/ byams pa la sogs pa dag ni mos pa yid la byed pa yin pas de dag gi nyon mongs pa mi spong ngo spong ba'i lam ni sems can da ltar byung ba dmigs pa yang ma yin
 te/ 'o na ci zhe na/ sa 'og ma'i chos dus gsum pa la dmigs pa yin no/ /rags pa la sogs pa'i rnam pa can dang/ sdug bsngal la sogs pa'i rnam pa can yin te/ de'i phyir rgyu de dag gis na de dag gi spong ba ma yin no/ /gal te de dag gi nyon
 mongs pa mi spong na/ ji ltar gnod sems la sogs pa'i gnyen po nyid du bshad ce na/ de'i phyir de dag gi sbyor bas zhes bya ba smos so/ /de la byams pa la sogs pa'i khams dang/ mi lcogs pa med pa'i sa ba rnams kyis gnod sems
 la sogs pa'i nyon mongs pa rnam par gnon la/ bsam gtan dngos gzhi'i sa pa rnams kyis nyon mongs pa spangs pa thag srid bar byed do/ /de nyid bstan pa'i phyir byams pa la sogs pa 'dod pa'i khams dang zhes bya ba rgyas par smos so/ /
 dngos gzhi'i tshad med pa dang 'dra ba dag ces bya ba ni/ rang bzhin dang dmigs pa dang rnam pa dang/ dus 'dra ba'i phyir ro/ /de dag gi de rnams rnam par mnan nas zhes bya ba ni tshad med pa de dag gi nyon mongs pa de rnams so/ /spongs pa'i lam
 gyis zhes bya ba ni bar chad med pa'i lam rnams kyis so/ /rab tu spong bar byed do zhes bya ba ni de'i thob pa gcod par byed pa'o/ /rkyen stobs dang ldan pa ni de'i dmigs pa yul rnams so/ /de dag rnyed pa ni de dag mngon sum du gyur pa'o/ /mi rdzi ba yin no/ /zhes
 bya ba ni de dag mi skye ba'i phyir ro/ /mdza' bo'i phyogs chen po ni skye ba dang chos dang lus mnyam pa ste/ gang zhig med na gnas par dka' ba'o/ /'bring ni mdza' ba dang zas dang chos dang 'brel pa'o/ /chung du ni phan 'dogs pa dang zas dang 'brel pa gang
 yin pa'o/ /de bzhin du dgra bo'i phyogs kyang rnam pa gsum ste/ chen po ni grags pa dang/ 'tsho ba dang yid phebs pa dang rtsa lag 'phrog par byed do/ /'bring ni 'tsho ba'i yo byad 'phrog par byed pa'o/ /chung ngu ni mdza' shes dang 'khor g.yog gi
 'tsho ba'i yo byad 'phrog pa'o/ /tha mal pa'i phyogs kyang rnam pa gsum ste/ sngar mthong ba dang/ thos pa ma yin pa dang/ mthong zhing thos kyang ma 'dris pa dang/ 'dris kyang phan 'dogs pa dang/ gnod pa byed pa dang bral ba'o/ /de ltar na rnal 'byor pa
 las dang po dang 'di/ sems rnam pa gsum du phye ba dag la 'byor ba byed do/ /gang gi tshe mdza' ba chen po'i phyogs bzhin du dgra bo'i phyogs chen po la yang bde bar mos pa ldog la/ de nas rim gyis 'jig rten thams cad kyi bar du byams pas
 rgyas par byed do/ /sngon gyi bsod nams dang bsod nams ma yin pa'i 'bras bu snang ba'i sgo nas zhes bya ba ni/ dge ba'i rtsa ba kun tu chad pa las yang sngon gyi bsod nams kyi 'bras bu dbang che ba la sogs pa nyid mthong nas de la yon tan gzung bar
 nus la/ de bzhin du rang sangs rgyas la yang sngon gyi bsod nams ma yin pa'i 'bras bu dbang chung ba la sogs pa nyid mthong nas skyon bzung bar nus so/ /snying rjes dang dga' ba la yang de bzhin du zhes bya ba la/ sdug bsngal las thar kyang/ ci ma rung
 snyam du mos shing snying rje la sbyor bar byed pa'o/ /dga' bar gyur kyang ci ma rung snyam du mos shing dga' ba la sbyor bar byed do/ /btang snyoms ni tha mal pa'i phyogs nas rtsom mo/ /tha mal ba'i phyogs ni btang snyoms
 dang rjes su mthun gyi gzhan gnyis ni ma yin te/ sred pa dang khong khro ba dang/ de dag gi gnyen po'i rten yin pa'i phyir ro/ /byad gi sgra mi snyan ma gtogs pa mi dag gi nang du skyed kyi/ gzhan du ni ma yin te/ goms pa'i stobs kyis skyed pa'i
 phyir ro/ /des gsum ldan zhes bya ba ni bsam gtan gsum pa dang bzhi par skyes pa dga' ba dang ldan pa med pa'i phyir thams cad tshad med pa gsum dang ldan pa yin no/ /rnam par thar pa brgyad ces bya ba'i gzugs can gzugs la lta ba 'di
 ni rnam par thar pa dang bo'o zhes rgyas par mdo las ji skad 'byung ba bzhin no 'di gnyis kyi tshul ni mi sdug pa bzhin du rig par bya'o zhes bya ba ni/ 'dod chags pa'i kha dog gi 'dod chags kyi gnyen po las brtsams nas srid par rgyas
 par brjod par bya'o/ /grangs bzhin no zhes bya ba ni/ 'dod pa na spyod pa'i kha dog gi gnyen por ni bsam gtan dang po'i sa ba'i rnam par thar ba yin la/ bsam gtan dang po'i sa pa'i kha dog gi 'dod chags kyi gnyen po ni bsam gtan
 gnyis pa'i sa pa'i rnam par thar pa yin te/ rnam par thar pa 'di gnyis kyang/ thag bsrid pa'i gnyen po yin par rig par bya'o/ /smras pa bsam gtan gnyis pa la sogs pa na kha dog gi 'dod chags med do zhes bya bar ji ltar shes
 she na/ mig gi rnam par shes pa med pa'i phyir ro/ gang zhig yul gang las 'dod chags dang bral ba de ni nges par de 'dzin par byed pa'i rnam par shes pa las kyang 'dod chags dang bral ba yin la/ bsam gtan gnyis pa la sogs pa na
 mig gi rnam par shes pa la sogs pa med pas da'i phyir/ da dag ni kha dog gi 'dod chags dang bral ba'o zhes bya bar grub po/ /gsum pa mdza' na zhes bya ba ni/ sdug pa'i rnam par pa'i bsnyen po yin pa'i phyir ro/ /de dag 'khor dang bcas na de/
 bde ba'i snying pos skyod pas de la rgyab kyis phyogs pa'i bsam pa mi srid pa'i phyir ro/ /de'i phyir gsum pa ni tha ma kho nar nges par byas la/ de yang ma chags pa yin te/ chags pa'i bsnyen po yin pa'i phyir ro/ /de dag 'khor dang bcas na phung po
 lnga'i rang bzhin yin no/ /zhes bya ba la/ 'dir gzugs kyi phung po ni rjes su 'jug pa'i gzugs so/ /gzhan na yang mnyam par ma bzhag pa yod do zhes bya ba ni/ rnam par smin pa las skyes pa'i sems dang sems las byung ba rnams la bsams
 nas brjod pa yin no/ /gzhan dag na re de ni ma yin te/ dge ba'i dbang du byas pa'i phyir ro zhes zer ro/ /nyer bsdogs kyi rnam par grol ba'i lam dag kyang zhes bya ba rgyas par 'byung ba ni/ gzugs med pa'i rnam par thar pa rnams kyi nyer bsdogs
 kyi rnam par grol ba'i lam dag kyang rnam par thar pa zhes bya ba'i ming 'thob kyi bar chad med pa'i lam rnams ni ma yin te/ 'og ma la dmigs pa'i phyir ro/ /rnam par thar pa'i don du ni rgyab kyi phyogs pa'i don yin no/ /zhes bya ba la/ dang po dag ni kha
 dog gi 'dod chags la rgyab kyis phyogs par byed do/ /gsum pa ni mi sdug pa la'o/ /gzugs med pa rnams ni 'jug pa 'og ma dang/ dmigs pa thams cad la rgyab kyis phyogs par byed do/ /'du shes des tshod ba 'am zhes bya ba ni/ 'du shes
 las rgyab kyis phyogs pa'i phyir dang/ tshor ba la rgyab kyis phyogs pa'i phyir ro/ /'du byed thams cad la rgyab kyis phyogs pa'i phyir ro zhes bya ba ni/ dmigs pa thams cad la 'jug pa la rgyab kyis phyogs pa'i phyir ro zhes bya ba'i don to/
 gzhan dag na re snyoms par 'jug pa'i sgrib pa las rnam par thar pa'i phyir zhes bya ba la/ snyoms par 'jug pa'i sgrib pa ni gang zhig yod na sems las su mi rung ba gang gis/ khams gsum gyi
 'dod chags dang bral ba dag gis kyang bsam gtan dang po'i dngos gzhi yang skyed par mi nus pa ste/ sgrib pa de las rnam par thar pa'i phyir te/ spangs pa'i phyir rnam par thar pa zhes bya'o/ /de bas kyang ches phra bar byas nas zhes
 bya ba ni 'gog pa la dmigs nas ches phra bar byed pa'o/ /ci rigs par zhes bya ba ni/ bsam gtan dang po dang gnyis pa'i sa pa ste/ gnyis kyis yid du mi 'ong ba ste/ rnam par sdos pa la sogs pa dmigs pa'i phyir ro/ /gsum
 pa'i ni yid 'ong ba ste/ sdug pa'i rnam par zhugs pa'i phyir ro/ /rang gi sa pa dang gong ma'i sdug bsngal zhes bya ba ni nam mkha' mdza' yas skye mched kyi rnam par thar pa'i dmigs pa ni rang gi sa pa'i sdug bsngal dang/ rnam shes mdza' 
 yas skye mched la sogs pa'i sa pa yin gyi/ sa 'og ma pa ni ma yin te/ gzugs med dngos gzhi dge rnams kyi/ /spyod yul zag bcas 'og ma min zhes 'byung ba'i phyir ro/ /de bzhin du gzugs med pa'i rnam par thar pa lhag ma dag
 la yang ci rigs par brjod par bya'o/ /de'i rgyu dang 'gog pa dag ces bya ba ni rang gi sa pa dang sa gong ma'i sdug bsngal kyi rgyu kun 'byung dang 'gog pa dmigs pa'i yin gyis 'og ma'i sdug bsngal gyi rgyu dang de'i 'gog pa la dmigs pa
 ma yin no/ /rjes su shes pa'i phyogs nad mthun pa'i lam thams cad ces bya ba ni/ ci rigs par rang gi sa dang gong ma dang/ sa 'og mas bsdus pa'o/ /so sor ma brtags pas 'gog pa yang yin no zhes bya ba ni/ gzugs med pa'i rnam
 par thar pa gzugs med pa'i dge ba rnams ni mi slob pa'i mtshan ma med pa'i ting nge 'dzin gyi so sor brtags pas 'gog pa la dmigs pa yin te/ nyer bsdogs gsum ni ma gtogs so zhes 'byung ba'i phyir ro/ /mtshan ma med pa mtshan ma med
 pa'i ting nge 'dzin gyi ngo bo yin yang/ mi slob pa'i mtshan ma med pa'i so sor ma brtags pas 'gog pa la dmigs pa yin no/ /nam mkha' yang gcig gi yin no/ /zhes bya ba ni/ nam mkha' mdza' yas skye mched kyi rnam par thar pa zag pa dang bcas pa'i
 dmigs pa yin no/ /bde ba'i snying pos bskyod pa'i phyir ro zhes bya ba la/ bde ba'i snying po ni bde ba'i snying ste/ bde ba thams cad kyi gtso bo zhes bya ba'i tha tshig go/ des skyod pa'i phyir te g.yo bar byas pa'i phyir ro/ /bsam gtan gsum pa la bde ba
 gya nom pas kun tu yengs par byas pa'i phyir rnaM par thar pa bskyod par mi nus kyis de dang 'dra ba'i dge ba'i rtsa ba ni skyed par byed do/ /rnam par thar pa la sogs pa zhes bya ba la/ sogs pa zhes bya ba'i sgras ni zil gyis gnon pa'i skye mched
 la sogs pa dag bsdu'o/ /de yang gang gyis zhes bya ba rgyas par 'byung ste/ nyon mongs pa med pa la sogs pa'i yin tan mngon par bsgrub pa'i ched zhes bya ba la sogs pa zhes bya ba'i sgras ni smon nas shes pa dang/ so sor yang dag
 par rig pa la sogs pa dag bsdu'o/ /de yang gang gis zhes bya ba rgyas par 'byung ste/ de la dngos po yongs su bsgyur ba ni dngos po gang zhig ji ltar mos pa de ltar 'gyur ba ste/ dper na gnas gser du byed pa bzhin no/ /byin gyis
 rlob ba ni dngos po bstan pa dus thung du de srid tsam du 'jog pa'o/ tshe gtong ba la sogs pa zhes bya ba la/ sogs pa zhes bya ba'i sgras ni rdul phra rab dag tu ri rab 'jug pa la sogs pa'o/ /ci'i phyir gsum pa dang brgyad pa dag kho na
 zhes bya ba rgyas par 'byung ba ni/ sdug pa'i rnam par thar pa lus kyi mngon sum du byas te rdzogs par byas nas gnas na zhes gsum pa la mngon sum du bya ba bshad la/ 'du shes dang chor ba 'gog pa
 la lus kyi mngon sum du byas nas rdzogs par byas te gnas zhes brgyad pa las mngon sum du bya ba bshad do/ /de la mngon sum du bya ba nas zhes bya ba ni mngon sum du byas te'o/ /rdzogs par byas te zhes bya ba ni snyoms par
 'jug pa la/ snyoms par zhugs te'o/ /gtso bo yin pa'i phyir dang/ khams dang sa'i mdza' na gnas pa'i phyir ro zhes bya ba ni gang gi phyir dang po dang gnyis pa dag pas gsum pa gtso bo yin te/ gnas gyur pa'i sgo nas gzugs
 can gyi rnam par thar pa'i sgrib pa mdza' dag spangs pa'i phyir ro/ /sdug pa'i rnaM par thar pa yin yang nyon mongs pa mi skye ba'i phyir ro/ /de'i phyir gsum pa la mngon sum du bya ba bshad do/ /de bzhin du gtso bo yin pa'i phyir brgyad
 ba las yang mngon sum du bya ba bshad de/ 'di ltar gnas gyur pa'i sgo nas gzugs can ma yin pa'i sgrib pa mdza' dag spangs pa'i phyir lhag ma dag pas gtso bo yin/ /bsam gtan bzhi pa ni gzugs kyi khams kyi mdza' 
 dang sa te/ gzugs can gyi sa rnams kyi mdza' yin la/ de na rnam bar thar pa gsum pa yod pas de kho na la mngon sum du bya bar bshad do/ /de bzhin du srid pa'i rtse mo khams kyi mdza' dang sa te/ gzugs can ma yin pa'i sa rnams
 kyi mdza' yin la/ rnam par thar pa brgyad pa yang de'i sa pa yin pas de'i phyir de la mngon sum du bya ba bshad do/ /gzhan dag na re mdo gzhan las thams cad la mngon sum du bya ba bshad de/ mdo las chos brgyad ni mngon sum du bya ba
 ste/ rnam par thar pa brgyad do zhes gsungs la/ yang rnam par thad pa brgyad po 'di dag lugs dang mthun pa dang lugs dang mi mthun par lus kyis mngon sum du byas nas rdzogs par byas te gnas so/ /zhes gsungs so zhes zer ro/ /de ni de lta bu ma
 yin te/ gang gi phyir mdo gnyis po 'di dag kho na ma gtogs pa/ de las gzhan pa'i mdo thams cad las gnyis kho na la mngon sum du bya ba gsungs te/ de'i phyir dri ba dang lan 'thad do/ /de bzhin du tshan po rnams dang zhes bya ba ni/ nang gzugs su
 'du shes par phyi rol gyi gzugs chen po kha dog bzang po dang ngan pa rnams la zhes bya ba la/ 'di ni zil gyis gnon pa'i skye mched gnyis pa'o zhes bya ba'i bar 'byung ba'o/ /de bzhin du nang gzugs med par 'du shes pa ste zhes bya ba la/
 ji ltar zhe na/ nang gzugs med par 'du shes pas phyi rol gyi gzugs chung du kha dog bzang po dag /kha dog dan pa rnams zhes bya ba snga ma bzhin te/ 'di ni zil gyis gnon pa'i skye mched gsum pa'o/ /nang gzugs med par 'du shes pas phyi rol
 gyi gzugs chen po kha dog bzang po ngan pa rnams la zhes bya ba rgyas par 'byung ste/ de dag bzhi'o/ /gzugs med par 'du shes pa kho na zhes bya ba rgyas par 'byung ba ji ltar zhe na/ nang gzugs med par 'du shes pas phyi rol gyi gzugs sngon
 po kha dog sngon po lta bur ston pa/ 'od sngon po 'byung ba dper na zar ma'i me tog gam yul ba ra NA sa'i ras phun sum chogs pa sngon po kha dog sngon po sngon po lta bur ston pa 'od sngon po 'byung ba lta bu rnams la lta zhing gzugs de dag zil gyis
 mnan nas 'du shes zil gyi mnan nas mthong ste/ de lta bu 'du shes par 'gyur ba 'di ni zil gyis mnan pa'i skye mched lnga pa'o/ /nang gzugs med par 'du shes pas phyi rol gyi gzugs ser po zhes bya ba rgyas par 'byung zhing dper na dod ka'i
 me tog gam yul bA rA Na se'i ras phun sum tshogs pa ser po zhes bya ba rgyas par 'byung ste/ 'di ni zil gyis gnon pa'i skye mched drug po zhes 'byung ngo/? /nang gzugs med par 'du shes pa phyi rol gyi
 gzugs dmar po zhes bya ba nas rgyas par dper na band+hu ka'i me tog gam/ yul ba rA NA se'i ras phun sum tshogs ba dmar po zhes bya ba'i bar dang/ rgyas par 'di ni zil gyis gnon pa'i skye mched bdun pa yin zhes bya ba 'byung
 ngo/ /nang gzugs med par 'du shes pas phyi rol gyi gzugs dkar po zhes bya ba nas snga ma bzhin no/ /dper na skar ma pa sangs sam/ yul ba ra NA se'i ras phun sum tshogs pa dkar po zhes bya ba rgyas par 'byung ngo/ /dmigs pa
 zil gyis gnon pa'i phyir zil gyis gnon pa dag go /thams cad pas gya nom pa'i dmigs pa yin yang kha dog gsal ba la sogs pa sgrub pa'i dge ba'i rtsa ba zil gyis gnon te rgyan sna tshogs pa sar pas rgyan pa'i 'bangs rje 'os
 zil gyis gnon pa bzhin no/ /chung du zhes bya ba ni dmigs pa chung ba'am dbang chud ba nyid kyis so/ /kha dog bzang po zhes bya ba la sogs pa la/ kha cig na re kha dog bzang po rnams chags pa mi skyed la /kha dog ngan pa rnams la khro ba khro ba mi skyed
 pa ste/ 'dir zil gyis gnon pa ni 'di yin no zer ro/ /gzhan dag na re de ltar yin na zil gyis gnon pa rnams ma chags pa dang zhe sdang med pa'i rang bzhin du thil bar 'gyur te/ de'i phyir 'dir don ni kha dog bzang po dang ngan pa rnams
 zil gyis gnan nas kha dog dan pa ji lta bar kha dog bzang po rnams kyang de dang 'dra? bar mi sdug pa'i rnam par ro gcig par byas nas mthong ste/ 'di'i sems la dbang ba ni 'di yin no zhes zer ro/ /zil gyis mnan nas shes pa ni
 zhes bya'o/ zil gyis mnan nas mthong zhes bya ba ni de'i rgyu mtshan can gyi rnal 'byor rdzogs pa dag go /de ltar 'du shes par 'gyur zhes bya ba ni zil gyis mnan nas shes/ zil gyis mnan nas mthong ngo snyam du'o/ /zil gyis gnon
 pa gnyis pa'i chen po dag ni dmigs pa che ba 'am/ dbang che ba nyid kyis so/ /lhag ma ni dang po dang 'dra'o/ /de dag las gnyis ni rnam thar dang po bzhin dang rnam pa'i bye brag gis te/ rnam par thar pa dang po ji lta ba bzhin no/ /zil gyis gnon
 pa'i skye mched gnyis po 'di dag kyang rang bzhin dang sa dang rnam par bye brag gi sgo nas de dang 'dra bar lta bar bya'o/ /'di gnyis ni rnam par thar pa dang po'i 'bras bu yang yin no/ /gnyis ni gnyis pa bzhin no/ /zhes bya ba ni/ gang dag nang gzugs?
 med par 'du shes pas chung du dang chen po la dmigs pa dag ni rang bzhin la sogs pa'i bye brag gi sgo nas rnam par thar pa gnyis pa dang 'dra bar blta bar bya'o/ /gzhan sdug pa'i rnam par thar pa bzhin /zhes bya ba ni rang bzhin ??
 sa dang rnam pa'i bye brag gi sgo nas sdug pa'i rnam par thar pa ji lta ba de bzhin du zil gyis gnon pa'i skye mtshed bzhi yang yin no/ /de dag gis ni rgyab? ?? phyogs pa ?? du zab pa zhes bya ba ni ?? par thar pa dag gis ni dmigs pa ??
 rgyab kyis phyogs pa tsam du zad kyi/ dmigs pa zil gyis gnon pa ni ma yin la/ zil gyis gnon pa dag gis ni rgyab kyi phyogs pa 'ba' zhig tu ma zad /'o na ?? zhe na /dmigs pa zil gyis gnon pa yid yin no/ /ji ltar 'dod pa bzhin mos pa
 phyir zhes bya ba ni 'dod dgur sngon po rang ser po la sogs par mos pa'i phyir dang/ rnam par sngos pa dang rnam par snags pa la sogs par mos pa'i phyir ro/ /nyon mongs pa mi skye ba'i phyir ro zhes bya ba ni/ gal te kun nas nyon mongs pa'i
 dngos po la sdug par 'dzin yang nyon mongs pa mi skye na/ de lta na de dag gis dmigs pa zil gyis mnan pa yin no/ /zad par gyi skye mched bcu'o/ /bcu gang zhe na/ la la zad par sa'o zhes steng dang 'og
 dang thad ka gnyis su med par 'du shes su byed/ de bzhin du chu dang me dang rlung dang sngon po dang ser po dang dmar po dang dkar po dang nam mkha' dang/ zad par rnam par shes pa'i skye mched kyang yin te/ 'di dag ni zad par gyi skye mched
 bcu'o/ /bar med par zad rgyas par byed ces bya ba la/ 'di ltar bstan par 'gyur te bar med cing mtshams med pa'i ngo bor gang zhig sngar mos pa de thams cad sra ba rgyas par byed de/ khyab par byed ces bya ba'i tha tshig go/ ji ltar zhe nas
 mdza' yas snyam du mos pa ste rnam par shes pa'i bar la yang brdzod par bya'o/ /de'i phyir de ltar bar med cing mtshams med par rgyas par yid la byed pa gnas pa'i phyir zad par gyi skye mched ces bya'o/ /de las zhes bya ba ni dmigs
 pa la brjod do/ /zad par zhes bya ba ni rnam pa'o/ /'di dag ni rnam pa mtshungs pa yin yang dmigs pa tha dad pas tha dad pa nyid do/ /la la zhes bya ba ni gang zhig snyom ma? ? 'jug pa 'di dag la snyoms par 'jug par 'gyur ba'o/
 'du shes su byed ces bya ba ni 'di ni mos pa yid la byed pa yin no zhes ston te de lta ma yin na rab tu shes par byed ces brjod par 'gyur ro/ /steng dang 'og dang thad ka gnyis zhes bya ba ni gang dang gang du yid 'jug par byed par ro/ /gnyis su
 med cing zhes pa ni bar chad med par yid la byed pa ston? pa'o/ /tshad med par zhes bya ba ni mdza' yas par mos pa'o/ /'di ni rnal 'byor pa ting nge 'dzin la sbyangs pa byas pa'i sems la brjod pa dbang ba brjod pa'o/ /brgyad ma chags zhes
 bya ba la zad par sngon po la sogs pa bzhi ni zil gyis gnon pa'i skye mched phyi ma bzhi'i khyad par gyi bdag nyid do/ /sngon po la sogs pa kha dog gi sten gyi sgo nas zad par sa'i skye mched la sogs pas sa la sogs pa la dmigs pa rnams
 kyang ma chags pa'i bdag nyid ces bya'o/ /bsam gtan mdza' na zhes bya ba zhe zil gyis gnon pa'i skye mched phyi ma bzhi'i sbyor ba las byung ba'i phyir ro/ /brgyad kyi spyod yul ni 'dod pa na spyod pa'i gzugs kyi skye mched yin no/ /ji ltar zad par 'byung
 ba'i skye mched rnams kyi dmigs pa gzugs kyi skye mched yin zhe na sa la sogs pa rnams dang/ sa'i khams la sogs pa rnams la khyad par yod pas 'di dag zad par sa la sogs pa'i skye mched ces bya'o/ /zad par sa'i khams la
 sogs pa ni ma yin no/ /sa la sogs pa rnams kyang kha dog dbyibs kyi bdag nyid yin pas de rnams gzugs kyi skye mched kyi yul can nyid du mi 'gal lo/ /kha cig na re rlung ni reg bya'i skye mched yin no zhes bya ba ni gang dag rlung gzugs
 su 'dod pa'o/ /de nyid kyi phyir mjod kyi gnas dang por rlung tshogs khams nyid yin zhes bshad de de'i lugs kyis so/ /yang gang dag de dang 'dra ba'ang yin zhes zer ba de'i lugs kyis ni sa la sogs pa la rlung? gzugs kyi skye mched kho
 na yin te/ kha dog dang dbyibs kyi bdag nyid yin pa'i phyir ro/ /zad par gyi skye mched tha ma gnyis ni gzugs med pa dag pa'i rang bzhin ni yin la 'di gnyis kyi dmigs pa ni rang gi sa'i phung po bzhi yin no/ /de bzhin du zad par gyi skye mched rnams
 ni zil gyis gnon pa'i skye mched 'jug pa las byung bcan yin no/ /ci'i phyir zhe na/ gong nas gong du khyad par du 'phags pa'i phyir ro/ /ji ltar god nas gong du khyad par du 'phags zhe na/ rgyab kyis phyogs pa tsam dang zal gyis gnan pa
 dang zad par byed pa'i phyir de ltar gong nas gong du khyad par du 'phags pa yin no/ /de nyid kyi phyir zad par gyi skye mched thob pa gang yin pa ste gdon mi ma? bar gzhan dag kyang thob ste/ yon tan rnams rim kyis
 'dzeg pa'i phyir ro/ /gzhan dag na re chung du dang 'brid dang chen po tha dad pa'i phyir rnam par thar pa la sogs par phye ste/ de ltar rnam par thar pa rnams rgyu kho na yin la zang par gyi skye mched rnams 'bras bu kho na yin zhing zil
 gyi gnan pa rnams gnyi ga yin ne zhes zer ro/ /'gog ba'i rnam par thar pa ma gtogs pa zhes bya ba la de ni 'phags pa'i rgyud la yong pa kho na yin gyis so so'i skye bo la yod pa ni ma yin no/ /'dris pa dang ma 'dris pa'i phyir ro
 zhes pa la/ 'dris pa rigs par bsam gtan dang po nas srid pa'i rtse mo pa'i bar 'dod chags dang bral bas thob pas sngar skyes pa btang ba dag go /de'i phyir bsam gtan dad po'i sa ngag ni 'dod pa las 'dod chags dang
 bral bas 'thob bo/ /de bzhin du ci rigs par lhag ma dag la yang brjod par bya'o/ /ma 'dres pa'i sbyor ba las byung ba ste sbyor ba 'thob bo/ /lhag ma zhes bya ba rgyas par 'byung ba la lhag ma yang gang zhig ce na rnam par thar pa rang po
 gsum dang/ zil gyis gnon pa'i skye mched brgyad dang/ zad par gyi skye mched brgyad de de dag ni mi'i rten can kho na yin no/ /ci'i phyir zhe na/ lung gi mthus skye ba'i phyir dang lha la sogs pa gzhan na lung med pa'i phyir ro/ /ji
 ltar na gzugs dang gzugs med pa'i khams dag tu gzugs med pa dang/ bsam gtan gyi khyad par skye zhes bya ba ni lung med par ji ltar skye ste/ de na ni 'doms pa'o 'chad par byed pa po rnams de lta bu med do/ /gzugs dang
 gzugs med pa'i sa gang du skyes pas de'i gong ma'i bsam gtan dang gzugs med pa mngon du byed pa gang yin pa de ni bde bas khyad par du 'phags pas gzugs med pa dang bsam gtan gyi khyad par te/ gzugs med pa
 dang bsam gtan gyi khyad par de ji ltar skyes zhes bya'o/ /nye ba dang yang dang yang du goms pa las so zhes bya ba ni/ nye ba las dang yang dang yang du goms pa las so/ /ji ltar zhe na 'dod pa'i khams su skyes shing gzugs med pa'i ting nge 'dzin
 thob pa ting nge 'dzin de las yongs su nyams nas/ gzugs med pa'i khams su skye ste/ des skyes pa de la yang nye ba dang yang dang yang du goms pa dang/ bskal pa mnyam pa'i rgyu stobs dang ldan pa nyid las gzugs med ba'i ting nge 'dzin
 skye'o/ /de bzhin du rnam shes mdza' yas skye mched la snyoms par zhugs pa las yongs su nyams te/ nam mkha' mdza' yas skye mched la snyoms par 'jug pa yang de kho na bzhin du de'i snyoms par 'jug pa skye ste/ de'i 'og tu
 skyes pa las yang de dang 'dra bar brjod do/ /rgyu'i stobs kyi ni zhes bya ba rgyas par 'byung ba ni gzugs kyi khams su skye pa la lan grangs gzhan la myong bar 'gyur ba'i las kyi rnam par smin pa nye bar gnas ba'i phyir/ de las
 'dod chags dang ma bral ba dang mthun pa'i rgyud gnas te/ 'og ma las 'dod chags dang bral bas ni gong du skye bar mi nus so/ /rgyu'i stobs dang las kyi stobs kyis gzugs dang/ gzugs med pa'i khams dag tu gzugs med
 pa skye'o/ /chos nyid kyis ni ma yin te/ 'jig pa'i dbang gi gzugs med pa dag tu mi skye ba'i phyir ro/ gzugs kyi khams su ni sems can gzhan zhes bya bar rgyas par 'byung ste/ bsam gtan 'og mar skyes pa la bsam gtan
 gong ma skye zhes bya ba'i tha tshig go/ 'dod pa'i khams su bsam gtan gnyis pa la sogs pa bskyed nas yongs su nyams te/ bsam gtan dang por skyes pa zhig sngon goms pa'i rgyu'i stobs kyis bsam
 gtan gnyis pa la sogs pa bskye de rgyu'i stobs kyis gzugs kyi khams su bsam gtan rnams skyes pa de ni de lta'o/ /las kyi stobs kyis ni gang gi tshe bsam gtan dang po la sogs par skyes pa 'am/ bsam gtan gnyis?
 pa la sogs pa'i lan grangs gzhan myong bar 'gyur ba'i las rnam par smin pa nye bar gnas pa yin pa de'i tshe/ bsam gtan dang po la sogs par skyes bas na/ bsam gtan gnyis pa la sogs par skyes par byed do/ /dge ba'i chos
 rnams kyi 'jug par shas che phyir zhes bya ba ni/ 'jog pa'i tshe/ dge ba'i las kyi lam gang dag yin pa de dag gi 'jug pa ste/ gang dag la de shas che ba yod pa de dag ni/ de 'jug pa'i shas che ba'o/ /de'i dngos po ni de'i 'jug pa shas che ??
 shas che ba nyid de/ 'jug pa shas che ba nyid de'i phyir gzugs kyi khams su bsam gtan rnams skye'o/ /'di skad du /dge ba'i rtsa ba de dag bdag nyid mchog tu gyur pa thob pa las sngon gyi bas ma gtan gyi bag chags kyi rten rgyun chags su skye ba
 dang/ mthun par gnas pa'i phyir/ lung nos pa med par bsam gtan rnams skye'i zhes bshad pa yin/ /chos nyid kyis zhes bshad pa chos nyid ces bya ba 'di gang zhig cen/ re zhig mdo sde pa kha cig na re chos 'jug pa nas che ba de
 dag nyid sngon gyi bsam gtan gyis bag chags kyi dbang gis lud med par bsam gtan skye ba dang mthun pa ni chos nyid de/ rang bzhin dang ngo bo nyid yin no/ /zhes bya ba'i tha tshig go zhes zer/ /bye brag tu smra ba rnams na re ni/ sngon gyi bsam
 gtan bsgoms pa'i dge ba'i chos kyi dbang gis thos pa rgyas pa las de skye ba dang mthun pa ni chos nyid yin te/ tshe rab snga ma'i skal ba dang mnyam pa'i rgyu mthun pa'i 'bras bu 'byin pa las mngon du phyogs pa'i chos nyid yin no zhes bya'o zhes
 zer ro/ /ches rnams kyi rnam pa 'di lta bu zhes bya ba ni zag pa dang bcas pa dang zag pa med pa rnams kyi rnam pa khams dang sa dang dmigs pa la sogs pa ji skad bshad pa rnams so/ /lung 'jig par byed pa ni smra bar byed pa yin no zhes bya ba
 ni mdo dang 'dul ba dang chos mngon pa rnams don dang tshig gi sgo nas smra bar byed pa gang yin pa de dag 'dzin par byed pa yin no/ /rtog pa 'dzin par byed pa ni sgrub par byed pa yin te/ zhes bya ba ni gang dag 'bras bu la gnas pa dang/ de la
 zhugs pa dang/ lam bsgom pa la zhugs pa de dag ni dam pa'i chos rtogs pa'i bdag nyid /byang chub kyi phyogs dang mthun pa 'dzin par byed pa ni ma yin no/ /gzhan dag na re lung 'dzin par byed pa ni smra bar byed pa dang sgrub par byed pa ste/
 nyams len yin te/ lung phyin ci ma log pa'i rten ni sgrub pa po rnams yin pa'i phyir ro/ /rtogs pa smra bar byed pa ni/ sgrub par byed pa kho? na yin te/ de'i phyir de srid sgrub par byed pa yod pa de srid du rtogs pa zhes bya ba'i dam pa'i chos rjes su
 gnas so zhes zer ro/ /rtogs pa ni de lta bu yin gyi zhes bya ba ni lo stod du gnas pa'o/ /lung ni yun ring du gnas so zhes bya ba ni lo stong gi phyi nas kyang zhes bya ba'i tha tshig ste/ phyogs 'di nyid rigs par mthong ngo/ /da lta lung ni chos med pa ma
 yin? gyi nyon mongs pa rnams 'jug pa rnyed pas rtogs ma'i chos ni med do/ /ci chos mngon pa mdzod kyi mtshan nyid kyi? bstan bcos 'dir chos mngon pa ngon du bshad pa gang yin pa'i chos mngon pa 'di nyid ston pas bshad dam ste/ ci chos
 mngon pa ye shes la 'jug pa la sogs pa'i mtshan nyid 'di ston pas bshad dam ce na/ 'di nyid don gyi sgo nas bshad kyis tshig gi sgo nas ni ma yin la bye brag tu smra ba rnams kyis ni bde bar gshegs pa'i
 chos mngon pa'i don gyi tshul ji ltar bzhin rtogs nas sems can la gnyis su brtse bas gsung rab yun ring du gnas par bya ba'i phyir gzhung du byas so/ /gang gis na 'di de lta yin pa de'i phyir ro/ kha tsha bye brag tu smra ba'i chul grub bshad
 ces bya ba rgyas par smos te/ phal cher zhes bya ba smos pa ni 'dir cung zad cig kha che'i tshul las 'das pas smras pa ste/ dper na dbyibs dang/ gzugs brnyan dang/ 'das pa dang/ ma 'ongs pa dag lta bu'o/ /de las yang nyes par zin pa
 gang yin pa de 'dir bdag gis nyes te/ chos zab pa'i phyir ngang nge lung 'bogs par mdzad pa rnams brnyed par dka' ba'i phyir de ni bdag gis nongs so/ /thub pa shes bya thams cad la chags pa dang/ thogs pa med pa'i ye shes mnga' 
 ba dang/ sangs rgyas la bsnyen bkur ba las ye shes rnyed pa rnams ni dam pa'i chos kyi tshul de ltar zab cing rgya che ba tshad ma yin pas/ dam pa chos lung dang rtogs pa'i mtshan nyid can gyi tshul la thug pa ste/ sangs rgyas bcom ldan
 'das rnams dang/ sangs rgyas kyi sras 'phags pa shA ri'i bu la sogs pa rnams tshad ma yin te/ chos thams cad thugs su chud bas yid ches pa'i na zhes bya ba'i tha tshig go/ /ston pa 'jig rten min ni zum gyur cing zhes bya ba ni/ lam bzang
 po ma yin pa spangs nas lam bzang po la nges par sbyor bar mdzad pa bcom ldan 'das rgyu dang 'bras bu'i 'bel pa phyin ci ma log par ston pas 'jig rten gyi mig tu gyur pa yongs su mya ngan las 'das pa'o/ /dpang gyur skye bo phal cher
 zad pa na zhes bya ba la/ dpang gyur skye bo ni 'dir sangs rgyas kyi slob ma mngon sum du mthong ba po lung dang rtags pa dang ldan pa rnams dang rigs pa dang mi 'gal ba'i lung ni rjes su 'brang ba rnams so/ /zad pa ni zhes bya ba ni mi rtag
 nyid kyi dbang du gyur pa na'o/ /phal cher zhes bya ba 'dis ni dpang du gyur pa'i skye bo dkon pa nyid du ston to/ /de nyid ma mthong zhes bya ba ni so so'i skye bo ma rig pas ldongs pa nyid kyis de nyid ma mthong ba'o/ /rang dgar gyur pa zhes bya ba ni
 lcags kyu med de/ de dag gis 'doms pa pa ni sangs rgyas bcom ldan 'das rnams dang sangs rgyas kyis sras rnams yin te/ de rnams med pas 'doms pa med pa'o/ /dan rtog rnams kyis bstan pa 'di dkrug so zhes bya ba la rtog ged na pa'i
 rjes su 'brang ba ni ngan rtog rnams so/ /yang rtog ge ngan pa 'di nyid ni/ rtog ge ltar snang ba'i phyir dang/ lung dang 'gal ba'i phyir ro/ /rtog ge'i rjes su 'brang te tshig dang don gyi sgo nas stag par sgo btags pas bstan pa bkrugs so/ /rang byung 'byung bstan
 pa gces 'dzin rnams mchog tu zhir gshegs zhes bya ba'i tshigs su bcad pa gnyis pa 'di ni/ sngar bshad pa'i tshigs su bcad pa'i don gyis gtan tshigs kyi ngo bor nye bar bkod pa'o/ /mtshog tu zhi pa ni phung po lhag ma med pa'i mya ngan las 'das pa'i
 dbyings te phung po ma lus pa dang bal ba'i phyir ro/ /lung 'bogs pa med par bsod nams dang ye shes kyi tshogs yongs su smin pa las rang nyid kyis thams cad mkhyen pa'i go 'phang brnyes pas na rab 'byung ngo/ /rang 'byung gis bstan pa na phung po
 gsum gyi lam dang/ de ston pa mdo dang/ 'dul ba dang/ chos mngon pa rnams so/ /lung dang/ rtogs pa dang ldan pa sems can rnams la lta bas bstan pa gnas par bya ba'i phyir rab tu zhugs pa gang dag yin pa de dag ni bsnyan pa gces
 'dzin te/ de dag kyang mchog tu zhi bar gshegs pa na zhes bya ba'i rjes su snyag go /'gro mgon med pa na/ 'doms med yon tan 'jams par byed pa'o/ /dri ma dga' mgur dang sang 'din spyod ces bya ba la/ 'gro ba'i
 mgon ni sangs rgyas bcom ldan 'das rnams dang/ sangs rgyas kyi sras rnams yin na/ de dag kyang mchog tu zhi bar gshegs pa na 'gro ba mgon med pa'o/ /yon tan ni tshul khrims dang rin po che ni shes rab kyi bdag nyid rnams te 'dod
 chags dang zhe sdang dang gti mug gi dri ma rab tu 'jug pa dag gis/ de dag tu de ltar byung ba ni sel bar byed la/ ma 'ongs pa rnams gegs byed pas na dri ma rnams yon tan 'joms par byed pa'o/ /'doms med ces bya ba ni 'gal zla
 med pa'i phyir ro/ /dga' mgur 'dod dgur ro/ /deng sang 'gro ba 'di ni spyod de 'di ni dngos po bsgrub pa'o/ /de ltar lkog? mar srog phyin 'du ste thub pa'i bstan pa lkog mar phyin pa lta bu'o/ /ci'i phyir zhen sangs rgyas kyi sras po ston pa'i bstan
 pa bsrung bar zhugs pa rnams med pa'i phyir dang/ rtog ge ba dan pa rnams kyi tshig dang don sgro btags pas dkrugs pa'i phyir ro/ /de ltar thub pa'i bstan pa lkog mar srog phyir pa dang 'dra ba dang/ dri ma rnams stobs dang ldan pa'i dus su
 rig nas te/ 'gro ba mgon med pas gnyen po med pa'i phyir/ de la stod pa rnams stobs dang ldan pa'i yon tan snyam du rig par byas nas/ thar pa 'dod pa rnams kyis bag yod par bya ste/ gang gi phyir 'di kho na thar pa'i thabs yin pa
 de'i phyir/ 'dir thar pa 'dod pa rnams kyis ji srid bstan pa 'di rnam pa thams cad ma nub kyi bar du bag med par mi bya'o/ /slob dpon gang ba sbel bas mdzad pa chos mngon pa mdzad kyi 'grel bshad mtshan nyid kyi rjes su 'brad pa zhes
 bya ba las/ snyoms 'jug bstan pa zhes bya ba gnas brgyad pa'i 'grel bshad do// //de par? thub pa dag gi bstan pa 'di/ lkog mar srog phyin pa 'dra dang zhes gang bshad bas/ don gyi slob dpon gyis bstan pa gzhan la thar pa med do
 zhes bshad pas de'i phyir gleng ba po ci 'di las zhes bya ba rgyas par dris so/ /'di la brjod par bya ste med do ci'i phyir zhe na/ de'i phyir bdag tu smra ba'i phyin ci log la zhen pa'i phyir zhes bya ba smos so/ /mu stegs can rnams ni bdag tu lta ba
 phyin ci log la zhen pa yin pas/ bdag tu lta ba phyin ci log la zhen pa'o/ /de'i dngos po ni bdag tu lta ba phyin ci log la zhen pa nyid de/ de'i phyir gzhan la thar pa med do/ /mu stegs can thams cad dar 'jin pa yongs su btang ba las grol bar smra
 na/ de ni mi rigs te/ gal te nga med do snyam du de ltar mthong ba nga'o snyam pa'i nga rgyal med na/ de nyid mthong ba'i de la dmigs pa'i nga'o snyam pa'i nga rgyal ji ltar spong bar 'gyur bstan pa nyid ni srid/ de mngon du med pa nyid kyi phyir ro/ /yongs su
 rnam par ston pa 'am/ rjes su thob pa las rtogs pa na/ da dgal bslu ba mthong bas/ de nyid mthong ba the tshom za bar yang 'gyur ro/ /bston pa mkhan gyi kyang ngon ma 'di bshad yid la dur 'dzin pa dang bcas na bde sdug zhi mi 'gyur/ bdag tu lta ba
 yod na snying la ngar 'dzin mi gso lags/ gang phyir 'gro la bdag med smra ba'i ston pa gzhan med la/ de'i phyir khyod kyi dugs la brten cing byed pa'i lam gzhan med ces bya ba yin no/ /'di la sgab par byed pa 'di/ /ser skye bdag 'ug pa pa
 la sogs pa la ni thar pa med de/ bdag tu lta ba phyin ci log la zhen pa'i phyir/ de kho na nyid ma mthor pa'i skyes su bzhin no/ /de'i phyir thub pa'i dbang po'i nyi ma rten cid 'brel pa gsungs pa'i 'ong mnga' bshad pas shin tu gsal bas blo
 mi g.yengs pa'i sbyor ba bdag med pa rab tu bsgoms nas/ bdag tu lta ba phyin ci log 'dor bar 'gyur ro/ /blos 'di ma gsal bar grol ba yod min te/ rangs byed bu de srid pa gsum gyi rtser gnas pa dang de thob
 kyang mi de las nyams pas sum du rtsa gsum mchog/ thob ste tha mar sems can dmyal ba thob par 'gyur/ shes rab can lta ba ngan pa'i dra ba'i tshogs sna tshogs pa gcod cing/ shes rab kyi ral gri byung ba'i se ba de bar gshegs
 pa'i gsung gi bstad la bstad pa rnams kyis bdag med par mthong ngo/ /so ga mya ngan na rgyu ba/ nyi ma'i 'od zer rnod po'i rab tu gdung bas na nang du lus la gdung ba sre por rnyed pa dag dang 'dra bar skye ba dang 'jig pas srid pa
 las yid byung ba rnams chu bsil ba'i mtsho bran lta bu'i mya ngan las 'das pa'i zhi ba'i gting dpog par 'dod na/ bdag rnam par bsgyur du med pa'i phyir nam mkha' nas thog pa bas pa dad 'dra ba'i sdug bsngal gyi tshod pa'i gnam
 lcags babs kyang rang gi ngo bo las mi nyams pa las gnod pa ga la yod smras pas/ rtag la gnod pa ga la yod/ gnod pa med pa thar pa ga la yod/ /des na gang gi rtag yin la/ /de la thar pa mi rung ngo/ /srid pa du kha me 'bar ba
 de dag gis ni tsham par sems/ /skyo bar 'gyur zhing de nas ni/ /chags bral rnam par grol bar 'gyur/ /'di ni gnod pa med pa'i phyir/ /dung ba'i mes reg pa ni shes pa na/ gang las grol bar 'gyur ba skye ba'i 'dod chags dang bral
 bar ga la 'gyur/ /de phyir mu stegs byed blo zhan pa 'di rnams sol ba'i phud po 'bar blta bu'i 'dod chags kyi bar gyi tog babs pa dang ldan pa'i nye bar sdud pa'i ri bo nas/ nam mkha' 'bugs pa na gdung bar 'gyur te/ de'i phyir nyon
 mongs 'di dag bdag rgyu med pa'i sha kho na can du bsgrub pa na/ su'i snying rje'i gzhir mi 'gyur/ nyon mongs pa rnams ni bdag tu 'dzin pa las rab tu skye ba yin no zhes bya ba ni/ ji skad du 'jig rten 'di na dge sbyong dang bram ze kha cig gi lta ba tha dad par
 'gyur ba gang dag yin pa dag ni 'jig tshogs la lta ba'i rgyu can yin no zhes rgyas par 'byung ba lta bu ste/ bdag tu lta ba yod na bdag la chags pa la sogs pa nyon mongs pa rnams rab tu 'byung pas bdag la chags pa dang ldan pas
 thar pa ga la yod/ bdag tu mngon par brjod pa 'di ni/ phung po'i bsdud pa kho na la zhes bya ba la/ bdag go zhes brjod pa ni/ bdag tu mngon par brjod pa ste/ bdag tu btags pa zhes bya ba'i don te/ brjod par bya ba gzhan la ni ma yin no
 de bya ba ni phung po'i rgyud las thar pa gdags pa la zhes bya ba'i tha tshog go/ /mngon sum rjes su dpag pa med pa'i phyir zhes bya ba smos te ci'i phyir de ltar yin zhe na/ mngon sum rjes su dpag pa med pa'i phyir de la grub po snyam du dgongs pa'o/ /lung ni rjes
 su dpag pa'i nang du lung pa'i phyir logs shig tu ma brjod ji skad du/ sgra las byung ba rjes dpag las/ /tshang ma gzhan min 'di lta ste/ /bya sogs bzhin du rang don la/ /gzhan sel bar ni sdang? ba yin/ /zhes bshad pa lta bu'o/ /chos de gang
 dag yod pa de dag ni bar chad byed pa med dam/ mdon sum du dmigs pa yin te/ zhes bya ba ni dmigs pa'i gegs byed pa ha cang gshags pa dang ring pa la sogs pa med pa'o/ /dper na yul drug dang zhes bya ba ni gzugs dang sgra dang dri
 dang ro dang reg bya'i skye mchad rnams dang chos kyi skye mtshang chor ba la sogs pa'i mtshan nyid dang/ rnal 'byor pa'i yul du grtogs pa las 'dad pa'o/ /yid ches bya ba la ci zhe na/ mngon sum du dmigs pa yin te/ 'gags ma thag pa'i
 yid ni mjug thogs ma byung ba'i yid kyis rnam par shes pas chags pa'i sdang ba'am/ bde ba dang mu tshungs par ldan pa 'am/ sdug pa dang mtshungs par ldan pa zhes bya ba la sogs pa lnga bur shes so
 zhes so gzhan dag na re/ rang rig pas dmigs sogs zhes zer ro/ /mngon sum rnam pa gnyis po 'di ni bzung bar gyur pa dang/ 'dzin par gyur pa yin no/ /yang na rjes su dpag pas/ zhes bya ba rgyas par 'byung ba ni/ 'di mngon sum mi
 'jug pa der ni rjes su dpag pas de dmigs pa yin no/ /dper na dbang po lnga po lta bu'o zhes bya ba ni mig gi dbang po la sogs pa lta bu'o/ /rgyu zhing dang chu la sogs pa yong kyang rgyu gzhan sa bon gyi mtshan nyid med na 'bras bu med par
 mthod la/ sa bon de yod na ni yang myu gu yod par mthong ngo/ /dper na myu gu lta bu'o/ /zhes bya ba ni dpe nye bar bkod pa yin no/ /ji ltar dpe nye bar bkod nas dngos bstan pa'i phyir/ yul snad bar gyur pa dang zhes bya ba rgyas par smos
 te/ yul gzugs la sogs pa mngon sum du gyur pa dang/ de bskyed pa rgyu yin la byed pa yongs su zin kyang/ yul 'dzin pa mig gi rnam par shes pa la sogs pa med par mthong la yang yod par mthong ngo/ /gang gi zhe na/ grags bzhin
 du sngon te/ long ba dang 'on pa la sogs pa ni med do/ /ma long ba dang ma 'on pa la sogs pa ni yod de/ rgyu gzhan bltos par bya ba gang yin pa de ni dbang po yin te/ mig la sogs pa yin no snyam du bsam pa yin no ji ltar na de dbang po yin no zhes bya
 bar yongs su gcod 'di la rgyu gzhan zhig yod do zhes bya ba de kho na tsam zhig tu yongs su gcod kyi/ de dbang po yin no zhes bya bar ni ma yin no zhe na/ 'di drang srong chen po smon nas zhes pa yongs su bcad pa'i phyir dang/ de zhes bya ba ni rnam par
 shes pa ni rnam par shes pa la sogs pa'i rgyu mig gi dbang po la sogs pa yod pa nyid do/ /zhes bya bal thams cad rtsod pa med pa'i phyir grub pa kho na yin no/ /bdag ni de ltar med pa nyid la tshang a yod pa ma yin no/ /de'i phyir bdag med de
 zhes bya ba ni mjug bsdud pa yin no/ /bsgrub pa'i don gyis na/ 'di skad bdag ni med de tshang mas ma dmigs pa'i phyir gtan med pa lta bu'o zhes bshad pa ma yin no/ /gal te 'di la rjes su dpag pa yod de/ de'i phyir gtan tshigs ma grub pa yin no
 zhe na ma yin te/ de brjod dgos pa'i phyir ro/ /gal te yong na de smos shig/ tshig tsam gyis ni gtan tshigs ma grub pa yin no zhes zlog go tu mi rung ngo/ /de na thams cad tshigs su bcad pa sdu ba smras pa ni/ bdag la phyir log phyir gzhan la/ /thar med
 de ni nyon mongs gzhi/ /tshang mas mi dmigs pa'i phyir/ /phung po'i rgyud la de zhes bya zhes bya'o/ /de ltar mu stegs can gzhan rnams bcom pa yin dang/ sha'akya'i sras po kha cig de dag gi lta bas sgoms pa nyid de de nyid kyi phyir 'o na gang gnas ma
 bu rnams zhes bya ba rgyas par 'byung ngo/ /gnas ma'i bu ni 'phags pa mang pos bskur ba'i steng dag go /'di ni bdag tu lta ba phyin ci log la zhen pa nyid kyi mtshan nyid kyi gtan tshigs ma des so zhes ston par byed do/ /gnas ma'i bu rnams ni sangs
 rgyas pa yin pa'i phyir thar pa mi 'dod pa ma yin no/ /yang na 'dis ni bdag med do zhes bya ba'i phyogs skyon dang bcas pa yin no/ /zhes phyogs snga ma 'gal bar ston te/ gnas ma'i bu'i sde pa ni rang gi phyogs yin pas khas blangs pa dang/
 'gal lo/ 'di na re zhig spyod pa bya ba yin te/ zhes bya ba gal te de'i sde pa'o gang zag brtags par yod pa yin nyes pa med do snyam pa'o/ /gal te rjes su yod pa ni mu stegs can gyi phyogs 'di nyid du bzhag la/ bdag dga' ba'i tshul ji skad
 bshad pas bsal bar bya'o/ /ji ltar zhe na/ tshad ma med pa'i phyir de yod pa ma yin no zhes bya bar ro/ /rdzas su zhes bya ba ni yang ci zhig brtags par zhes bya ba lta bur gang zag rdzas su yod do zhes bya ba da ltar
 'dod pa na ni gang zag btags par yod do zhes blangs pa yin te/ gal te 'o ma la sogs pa bzhin du spyi yin no zhe na/ zhes bya ba ni gal te ji ltar 'o ma dang khyim dang dgag la sogs pa go rims bzhin du gzugs dang dri dang re dang
 reg bya dag dang rtswa dang shing dang so phags dag dang glang po che dang shing rta la sogs pa dag las dngos po gzhan yin par mi 'dod kyi/ de dag nyid kyi spyi tsam du zad kyi zhes bya ba de ltar 'dod na ni gang zag btags par yod
 do zhes khas blangs pa yin te/ gzugs la sogs pa dang rtswa la sogs pa dang glang po che la sogs pa las gzhan pa 'o ma dang khyim dang dmag ces bya ba'i dngos po bzhin ci yang med do/ /de las cir 'gyur re zhig gal te rdzes su yod
 na ni/ tshor ba la sogs pa las mtshan nyid kyi phyir gang zag phung po la sogs pa dag las gzhan du 'gyur te gang zag gzugs la sogs pa ltar 'dus ma byas yin na snyams su bsams pa'o/ /de'i phyir na mi rtag par yang 'gyur ro/ /
 'on te 'dus ma byas yin na ni zhes bya ba ni gal te rdzas su yod pa nyid la skye ba'i rgyu med na'o/ /de'i phyir mu stegs can gyi lta bar thal bar 'gyur zhes bya ba min rtag pa'i phyir gnas ma bu rnams mu stegs can gyi lta bar 'gyur ro/ /gos pa med
 pa nyid du yang thal bar 'gyur te 'dus ma byas yin pa'i phyir ro/ /bde ba la sogs pa skye ba la 'di'i bya ba 'ga' yang med mkha' la char gyis ci zhig bya/ de yis ci zhig bya de gnyis la 'bras bu ga la yod/ gal te lbags 'dra de mi rtag
 gal te mkha' 'dra 'bras bu med ces bya ba'o/ /'on te btags par yod do zhes bya ba la/ 'di grub pa la sgrub pa yin te/ khau cag kyang de skad du smra pa'o/ /mu stegs can gyi lta bar thal bar 'gyur ba'i phyir/ de ni rdzas su yod pa ma yin la grub
 pa la sgrubs pas btags par yod pa yang ma yin te/ 'o na ci zhe na/ da ltar gyi nang gi zhes bya ba rgyas bar 'byung ngo/ /long pa lta bu'i tshig don mi gsal ba 'di zhes bya ba ni long ba dang 'dra bas na long ba zhes bya'o/ /ci'i phyir zhe na/
 don mi gsal ba ste don mi mngon pa zhes bya ba'i tha tshig go/ mi go'o zhes bya ba ni sgyur byas so/ /zhes bya ba 'di ci yin par ro/ /gal te 'di'i don phung po rnams la dmigs nas zhes bya ba ni bzung nas zhes bya ba'i don te/ ji ltar dper
 na gzugs la sogs pa bzung nas te/ bltos nas 'o ma 'dogs kyis gzugs la sogs pa lta ma gtogs pa'i 'o ma med pa ltar gang zag kyang de dang 'dra bas gang zag btags pa'i yod par 'gyur/ 'on te 'di'i don phung
 po rnams la brten nas bya ba 'di gal te phung po rnams la brten nas te/ phrad nas yin na ni phung po rnams gang zag btags pa'i rkyen du 'gyur bas skyon de nyid du 'gyur te/ phung po de dag nyid la bzhag 'dags par 'gyur ro/ /di ltar bud shing
 sgyur byas nas me 'dogs pa bzhin no zhes bya ba la gnas ma bu pa rnams kyi bsam pa ni gang zag rdzas su yod la gzhan ma yin pa yang ma yin te/ rang gi nye bar len pa sgyur byas nas gdags par bya ba yin pa'i phyir ro/ /dngos po gzhan
 yod ma yin te gzhan ma yin pa yod ma yin pa gang zhig rang gi nye bar lan pa sgyur byas nas 'dogs pa de ni rdzas su yod de dper na me lta bu'i snyam pa yin no/ /de nyid kyi phyir gal te gzhan yin na ni rgyas par smos te 'jig rten
 dang 'gal ba 'am rang gi grub pa'i mdza' dang 'gal bar ston par byed do/ /rtag par thal bar 'gyur ro zhes bya ba ni 'dus ma byas lta bu'o/ /chad par lta bar 'gyur ro/ /zhes bya ba ni phung po bzhin du'o/ /re zhig
 kye zhes bya ba ni re zhig kye tshur shog ces bya ba'i don to/ /re zhig 'jig rten na ni shing la sogs pa me 'bar ba bud shing zhes bya ba rgyas par 'byung ste/ 'dis ni dpe ma grub pa nyid du ston te me dang bud shing dag ni gzhan la nyid du
 'dod do/ /des de tshig pa dang sreg par byed ces pa ni me nges bud shing nge tshigs par byed bsred par byed ces bya ba'i tha tshig ste thal bar rlog go /rgyud 'gyur bar byed pa'i phyir ro zhes bya ba ni thal bar rlog go /zhes bya ba'i don to/ /de
 gnyi ga yang rdzas brgyad pa yin no zhes bya ba ni bud shing dang med de gnyi ga 'byung ba chen po bzhi dang/ rgyur byas pa'i gzugs dang sgra dang dri dang ro dang reg bya dog dang rdzas brgyad yin te/ grub pa'i mdza' las/ 'dod na dbang po
 med pa dang/ sgra med phra rab rdzas brgyad ces 'byung ba'i phyir ro/ /de de ni de dang dus tha dad pa'i phyir zhes bya ba ni/ bud shing snga la me ni phyi ba'o/ /dus tha dang pa dag kyang gzhan pa nyid du mthong ste/ sa bon dang myu gu dag lta bu'o/ /mi rtag
 par yang 'gyur ro zhes bya ba ni/ skye ba dang ldan pa gzugs la sogs pa mi rtag pa nyid du mthong ba'i phyir ro/ /'on te shing la sogs pa 'bar ba de nyid la zhes bya ba ni de gnyi ga'i mtshan nyid kyi spyi la'o/ /de gnyis kyang mtshan nyid tha dang
 pa'i phyir gzhan nyid yin par grub po zhes bya ba ni me dang bud shing mtshan nyid de lta bu de nyid kyang mtshan nyid tha dad pa'i phyir gzhan nyid yin par grub ste/ sa dang chu dang me dang rlung rnams kyi mtshan nyid gzhan yin pa'i phyir ro/ /
 gzugs dang tshod ba la sogs pa'i mtshan nyid tha dad pa rnams ni gzhan nyid par mthong ngo/ /rgyur byas ba'i don yang brjod dgos so/ /de ni de'i rgyur yang ma yin la zhes bya ba ni 'byung ba gsum gyi mtshan nyid kyi bud shing de ni me de'i rgyur
 dud ba ma yin te/ lhan gcig skyes ba'i phyir rA? g.yas g.yon bzhin no/ de gdags pa'i rgyu yang ma yin zhes bya ba ni me gdags pi'o/ /rten gyi don dam zhes bya ba ni bud shing rgyur byas nas zhes bya ba bung shing la rten nas zhes bya ba'i tho/?
 cho? go/ lhan cig 'byung ba'i don zhes bya ba ni lhan cig 'byung ba'i don bud shing dang lhan cig 'byung ba nyid du gzung nas zhes bya ba'i don to/ /rten nam lhan cig 'byung ba dag yin par 'gyur zhes bya ba ni rten du 'gyur ba dang lhan cig
 'byung bar 'gyur ro zhes bya ba'i tha chog go /gsal bar dam 'cha' ba yin no zhes bya ba ni gnas ma'i bu rnams kyis so/ /de med na zhes bya ba ni phung po med na'o/ /phung po med na gang zag med par 'gyur te/ bud shing med na me med pa bzhin no/ /'byung ba gzhan
 gyi rang bzhin yin pa'i phyir ro zhes bya ba ni/ sa'i khams la sogs pa'i rang bzhin yin pa'i phyir ro/ /gzhan pa de yang zhes bya ba ni dro ba nyid dang ldan pa 'ba' zhig co bar ma zad kyi/ gzhan me 'bar ba dang 'brel ba'i sa la sogs pa de yang
 dro bar grub bo/ /de'i phyir ji ltar de bzhin nyid yin na nyes ba med pa ltar 'di yang de dang 'dra'o/ /des na brjod par bya ba yin no zhes bya ba'i phyogs de? med par 'gyur ro/ da lta bas na ji ltar bud shing rgyur byas nas zhes bya ba ni mjug bsdud pa'o/ /
 brjod par bya ba ma yin pa zhes bya ba ni gang zag go /brjod par bya bar mi 'gyur te zhes bya ba ni rnam pa lnga ste zhes bya bar ro/ /'o na ji skad du brjod par bya zhe na/ de ni 'das pa la sogs pa las lnga pa yod ma yin la lnga pa ma yin pa yang ma yin par
 brjod par bya'o/ /zhes bya ba smos so/ /zugs kyang zhes bya ba rgyas par 'byung ba ni/ gzugs kyang mig la sogs pa yod na/ de dmigs pa'i phyir mig la sogs pa rgyur byas nas gzugs 'dogs so zhes btags
 pa yin par brjod par bya'o/ /drug chad gyis kyang zhes bya ba la sogs pa 'byung ngo/ /ji ltar byas pas zhe na/ gal te mig gi shes par bya ba'i gzugs rnams la brten nas gang zag dmigs par byed na ni nye bar mtshon par byed na te/ de'i nye
 bar len pa'i phyir ro/ /gzugs rnams zhes kyang brjod par mi bya/ gzugs rnams ma yin no zhes kyang brjod par mi bya ba ni de'i mtshan 'di ma yin pa'i phyir dang/ brjod par bya ba ma yin pa'i phyir te/ chos kyi bar yin pa dang ma yin par
 brjod par mi bya ba'i par yang de dang 'dra'o/ /de lta na 'on gal te gang zag dbang po du ma'i gzung bar 'dod na/ gzugs la sogs pa ltar gcig tu mi 'gyur te/ gzugs la sogs pa rnams ni dbang po du ma'i gzud bar bya ba nyid yin
 na du ma nyid mthong la yang na tha dad pa med par 'gyur te/ gal te dbang po du mas gzung bar bya ba nyid yin bzhin du yang tha mi dang par 'dod na ni gzugs la sogs pa rnams gang zag bzhin du du ma nyid du mi 'gyur ro/ de'i dbang
 po sgo nas dbang po bzhan gyi 'dzin pa'i nus pa ni mi 'dod de/ gzugs la sogs pa dag la dbang po du ma nyid rtogs pa don med par 'gyur ro/ /gzhan yang des shes bya na rnam shes drug bye brag yod pa 'am gang zag la/ bye brag
 yod pa 'am yul la ni/ /bye brag med par 'dod par bya/ /skra sogs dbye zhes tha dad na/ /sems can tha dad nyid du 'gyur/ /de shes pa 'am yang na ni/ /skra sogs bye brag med par 'gyur/ /gzhan yang 'o ma la sogs pa rnams dang mchungs
 par 'gyur te/ gal te mig gis shes par bya ba'i gzugs rnams la brten nas 'o ma 'am chu dmigs par byed na ni 'o ma 'am chu mig gi shes par bya ba yin no zhes brjod par bya ba la/ gzugs rnams zhes kyang brjod par mi bya/
 gzugs rnams ma yin no zhes kyang brjod par mi bya'o zhes thams cad brjod par bya'o/ /'o ma dang chu gnyis bzhi nyid du thal bar 'gyur du 'ong bas so zhes bya ba ni gal te gzugs rnams zhes bya ba nas reg bya rnams zhes bya ba'i bar
 du brjod na ni/ 'o ma dang chu bzhi tshan du thal bar 'gyur te/ 'o ma dang chu rnam pa bzhi par 'gyur ro zhes bya ba'i tha tshig go /sgrir blo bur pa yin pas 'dir dbang du ma byas so/ /de'i phyir ji ltar gzugs la sogs pa 'dus pa'i sbyi kho na la'o
 ma 'am chu zhes 'dogs ba de bzhin du phung po rnams kyi spyi kho na la gang zag 'dogs so zhes bya bar grub po 'dir smras ba/ ji ltar /gzugs sogs 'dus btsam nyid la/ /shing sogs zhes byar 'gro ba la grags shing/ /rtsa chu sbrang rtsi sogs
 la ltung ba ltar/ /gzugs la sogs la gang zag de dang 'dra/ /gzugs rnams gang zag dmigs pa'i rgyu zhig gam zhes bya ba dang/ gzugs rnams dmigs na gang zag dmigs zhes bya ba 'di gnyis la khyad par ci zhig yod ces phyogs
 snga ma la ni/ gzugs rnams rgyu nyid kyi dbang du byas pa yin no/ /gnyis pa ni rgyu nyid ma yin no/ /'o na ci zhin/ gzugs rnams rgyur byas na gang zag dmigs so zhes bya ba yin no/ /de la gal te gzugs rgyu yin par 'dod la/ gang zag de yang
 phung po de dag las gzhan du brjod par mi bya'o zhe na/ 'o na ni khyed la gzugs kyang zhes bya ba rgyas par 'byung ba 'di lta bur thar bar 'gyur te/ ji ltar khyed kyi gzugs gang zag dmigs pa'i rgyu yin la/ de yang de dag las gzhan du brjod par
 mi bya ba ltar snang ba dang mig dang yid la byed pa dag kyang gzugs dmigs pa'i rgyu yin la/ de yang snang ba la sogs pa de dag las gzhan du brjod par mi bya'o/ /de dag ni de dmigs pa'i rgyu yin pa'i
 phyir ro zhes bya ba ni snang ba la sogs pa de dag gi gzugs dmigs pa'i rgyu yin pa'i phyir ro/ /gang zag gzugs las rang bzhin tha mi dad par 'gyur te zhes bya ba ni/ dmigs pa de kho nas dmigs par bya ba yin pa'i phyir
 gzhan bzhin no/ /gzugs de kho na la de 'dog par zhes bya ba ni/ gang zag 'dogs par 'gyur na zhes bya bar sbyar ro/ /'di ni gzugs so zhes bya ba rgyas par 'byung ba ni/ dmigs pa gcig pa nyid yin na gzugs dang gang zag yongs
 su gcod par mi 'gyur ro/ /'on te 'di ni gzugs so/ /'di ni gang zag go zhes bya ba de ltar yongs su mi gcod na ni/ ji ltar gnyis ka dam 'cha'/ gzugs kho na dam bca' dgos par 'gyur te/ de dmigs pa yod pa'i phyir ro/ /yul
 zhes bya ba ni/ gang gi rang bzhin shes pas de'i rnam par skyes pa'i sgo nas nges par bya ba yin na/ gang zag du snang ba'i shes pa ni skye ba yang ma yin no/ /de bzhin du chos kyi bar dag la yang brjod par bya'o zhes bya ba ni ji ltar zhe na/ gang
 yang rna bas rnam par shes pa bya ba'i sgra rnams la brten nas gang zag dmigs par byed ces smras pa'i tshig de'i don ci zhig yin zhe na/ ci re zhig sgra rnams gang zag dmigs pa'i rgyu yin nam/ 'on te sgra rnams dmigs nas gang
 zag dmigs so zhes bya ba yin no/ gal te sgra rnams gang zag dmigs pa'i rgyu yin la/ de yang de dag las gzhan du brjod par mi bya'o zhes na ni/ de lta na ni 'o na sgra yang rna ba dang yid la byed pa la sogs pa las gzhan du brjod par mi
 bya ste/ de dag ni de dmigs ba'i rgyu yin pa'i phyir ro/ /'on te sgra rnams dmigs na gang zag dmigs so zhe na ni/ ci dmigs pa de kho nas dmigs sam/ 'on te gzhan gyis gal te de kho nas so zhe na ni/ gang zag sgra las rang bzhin tha mi
 dang pa 'am/ /sgra kho na la de 'dogs par 'gyur na/ 'di ni sgra'o 'di ni gang zag go/ zhes bya ba 'di yang ji ltar yongs su gcod 'on te/ de ltar yongs su mi gcod na ni /sgra yang yod do /gang zag kyang yod de? zhes bya ba'i 'di yang ji ltar dam
 'cha' ste /dmigs pa'i dbang gis de yod par/ dam 'cha' bar zad do/ /phyogs 'dis chos kyis bar dag las kyang sbyar bar bya'o/ /'on te gzhan gyis so zhes na ni dus tha dad par dmigs pa'i phyir gzugs las gzhan yin par 'gyur
 te/ sngon po las ser po lta bu zhes bya ba ni/ gang gi tshe yongs su gcod pas sngon po dmigs pa de'i tshe ser po mi dmigs so/ phyir dmigs pa gzhan gyis dmigs te ser po de sngon po las gzhan yin no zhes bya bar grags so/ /de ltar gang
 zag kyang dmigs pa gzhan gyis dmigs pas gzugs las gzhan par 'gyur ro/ /de bzhin du skad cig ma gzhan yin no zhes dper brjod par bya'o/ /de bzhin du chos kyi bar dag las kyang brjod par bya'o zhes bya ba ni ji ltar zhe na/ 'on te
 gzhan gyis zhe na ni dus tha dad par dmigs pa'i phyir sgra las gzhan yin par 'gyur te/ dper na rnga bo che'i sgra las rdza rnga'i sgra dang/ skad cig ma las skad cig ma gzhan bzhin te/ snga ma bzhin du brjod par bya'o/ /'on te gzugs dang gang zag
 bzhin du zhes bya ba rgyas par 'byung ba ni/ gal te ji ltar gzugs dang gang zag gzhan dang gzhan ma yin par brjod par bya ba ma yin par brjod par bya ba ma yin pa de bzhin du de dag gi dmigs pa dag kyang gzhan dang gzhan ma yin par brjod par bya ba ma yin no zhes
 de skad du smra na/ 'o na ni des na de dag dmigs pa'i mtshan nyid 'dus byas kyang brjod par bya ba ma yin par 'gyur te/ de'i phyir grub pa'i mdza' gang zag kho na brjod par bya ba ma yin no zhes bya ba gang yin pa 'di
 nyams par 'gyur te/ 'dus byas kyang brjod par bya ba ma yin pa'i phyir ro/ /gal te yang 'di yod la zhes bya ba na gal te 'di gzugs rnams sam ma yin no zhes brjod par bya ba ma yin na'o/ /'o na ci'i phyir bcom ldan 'das kyis gzuT
 bdag ma yin pa nas rnam par shes pa'i bar bdag ma yin pa 'di gsungs/ ji skad du zhe na/ ji skad du gzugs bdag ma yin bdag kyang gzugs ma yin zhes de skad gsungs pas gang zag ni brjod par bya ba kho na yin gyi/ brjod
 par bya ba ma yin pa ni ma yin no/ /zhes bstan pa yin no/ /gal te gzugs rnams la brten nas skyes na ni sgra la sogs pa bzhin du gang zag rnam par shes par mi nus te zhes bya ba ni/ gang zag ni gzugs kyi rnam par shes pas mi
 dmigs te/ de las gzhan pa'i dmigs pa'i rkyen las byung ba'i phyir sgra bzhin no/ /sogs pa zhes bya ba'i sgra ni 'dir dri bzhin no/ /ro bzhin no zhes bya ba la sogs pa sbyar te/ de bzhin du 'di rna ba'i rnam par shes pa la sogs pas
 mi dmigs pa nyid du brjod par bya ste/ 'di ni phyogs yin no/ /nye bar bkod pa 'dis ni chos can gyi khyad par las bzlog pa dam bca' ba'i skyon brjod do zhes bya bar khong du chud par bya'o/ /gnyis la brten nas zhes bya ba
 ni gnyis la brten nas zhes gsungs kyi/ gsum la brten nas skye'o zhes ni ma gsungs so/ /dge slong mig gi rnam par shes pa bskyed pa rgyu ni mig yin no zhes bya ba ni rgyas par 'byung ba la/ nye ba ni rgyu yin no/ /ring ba ni rkyen yin no/ /
 gzhan dag na re skyed par byed pa ni rgyu'o/ /rkyen ni dmigs pa tsam du zad do zhes zer ro/ /gzhan dag na re 'di gnyis ni rnam grangs yin no zhes zer ro/ /gang zag gzugs las gzhan yin zhes bya ba ni rna ba'i rnam par shes pas shes
 par bya ba yin pa'i phyir sgra bzhin no/ /de bzhin du gang zag sgra las gzhan yin zhes bya ba ni mig gi rnam par shes pas shes par bya ba yin pa'i phyir gzugs bzhin no/ /de bzhin du gzhan dag la yang sbyar bar bya'o zhes bya ba ji ltar
 zhe na/ gang zag gzugs dang sgra dag las gzhan yin te/ rna ba'i rnam par shes pas shes par bya ba yin pa'i phyir/ dri bzhin no zhes bya ba ste/ 'di ni phyogs yin no/ /rang rang gi spyod yul dang yul nyams su myong ba yin gyi zhes 'byung
 ba'i phyir/ gang zag nyams su myong ba ni ma yin no zhes bshad pa yin na/ /yid kyi dbang po ni 'di dag gi rten yin no zhes bya ba 'di ni zhar la bshad par zad kyi/ 'di dper brjod pa ma yin no/ /de lta mod kyi yid ni dbang po 'di dag
 gi rten no zhes bya ba de la bltos pa rnams rnam par shes pa skye ba'i rgyu yin no zhes bya ba'i tha tshig go /yang na gang zag yul ma yin par 'gyur ro zhes bya ba ni gal te mdo'i sde tshad mar byas na'o/ /des na cing 'gyur zhe na/ gal te yul ma
 yin no zhe na zhes bya ba smos te/ gal te rnam par shes pa gang gi yul yang ma yin na/ 'o na ni rnam par shes par bya ba ma yin par 'gyur ro/ /de'i phyir gang zag rnam par shes pa drug gis shes par bya ba yin no/ /zhes bya ba'i grub pa'i
 mdza' dang/ 'gal bar 'gyur ro/ /gang zag smra bas smras pa /gal te de ltar mdo las gzhan gyis gzhan gyi spyod yul dang yul nyams su myong ba ni ma yin no zhes 'byung ba'i phyir mig la sogs pa lnga'i tshad mar byas nas rang gi yul
 'khrul pa med pas gang zag mig gi rnam par shes pa la sogs pas rnam par shes par bya ba ma yin na/ de lta na ni yid kyi dbang po yang 'khrul pa med par 'gyur te/ mdo las dbang po drug po 'di dag ni spyod
 yul tha dad pa can yin zhing zhes bya ba rgyas par 'byung ba'i phyir ro/ /'ga' zhig gis srog chags drug po khyi dang bya dang wa dang chu srin byis pa gsod dang/ sbrul dang spre'u rnams ka ba 'am/ shing gi rtsa bar btags pa de dag grong
 dang nam mkha' dang dur khrod dang/ chu'i nang dang/ grog mkhar dang/ nags tshal gyi nang 'dod pa'i phyir rang rang gi spyod yul dang/ yul 'ded pa de bzhin du dbang po drug pa 'di dag kyang rang rang gi spyod yul dang 'dod yul ba yin no/ /
 gal te mdo'i tshig yod bzhin du yang yid kyi dbang po 'khrul pa yin na ni/ de lta na mig la sogs pa'i dbang po rnams kyang 'khrul par 'gyur ro/ /de'i phyir gang zag mig gi rnam par shes pa la sogs pas rnam par shes par bya ba
 yin par 'gyur ro zhe na/ 'dir der ni dbang po kho na la dbang po yin par ma gsungs kyi zhes bya ba rgyas par smos te/ srog chags drug po lta bu'i mdo de las ni mig la sogs pa'i dbang po kho na la dbang ba yin par ma gsungs
 so/ /ci'i phyir zhe na/ mig la sogs pa dbang po lnga la mthong ba la sogs par 'dod pa mi srid pa'i phyir ro/ /'di ltar 'di dag la mthong ba dang thos pa la sogs par 'dod pa mi srid de/ gzugs kyi ngo bo nyid yin pa'i phyir ro/ /de dag gi rnam
 par shes pa mig gi rnam par shes pa la yang mthong ba la sogs par 'dod pa mi srid pa'i phyir te/ rnam par rtog pa med pa'i phyir ro/ /de dag gis drangs pa yid kyis rnam par shes pa ni dbang po yin par gsungs so/ /de ni de dag
 gis dbang gis drang pa yin no zhes bya bar ji ltar shes na/ gal te mig gi sgo nas mig gi rnam par shes pa la sogs pa skyes par ma gyur na/ gzhan du na ji ltar yid kyi rnam par shes pa rnam par rtog pa can de skye bar 'gyur ??/ phyir
 de dag gis drangs pa yin na zhes bya bar shes pas yid kyi rnam par shes pa mig gi dbang po la sogs pas drangs pa ste gzugs la sogs pa 'dod pa yin no/ /yid kyi dbang po 'ba' zhig gis zhes bya ba rgyas par 'byung ba ni yid kyi dbang
 pos drangs pa'i yid kyi rnam par shes pa gang yin pa de ni de las gzhan pa mi la sogs pa'i yul la mi 'dod pa nyid do/ /'o na ci zhe na rang gi yul chos kyi skye mched la dmigs te/ de'i phyir ji skad bshad pa'i bsam pas/ gal te de lta
 yin na yin kyi dbang pos pa yang 'khrul pa med par 'gyur te zhes bya ba'i nyes pa med do/ /gang zag ni ma yin pas zhes bya ba ci zhe na/ mngon par shes par bya ba yang yongs su shes par bya ba'o/ /de lta bas na gang zag 'di rnam par shes par
 bya ba yang ma yin no/ /don gyis na 'di mngon par shes par bya ba dang yongs su shes par bya ba ma yin no zhes bshad kyi/ don gyis na rnam par shes par bya bar ni ma yin no zhes ni ma bshad ma yin nam zhe na/ de'i phyir shes rab dang rnam par shes o pa gnyis ni yul 'dra ba'i phyir ro zhes bya ba smos te/ grub pa'i mdza' las dmigs pa mtshungs pa nyid ces 'byung ba'i phyir mig la sogs pa ni rnam par shes par bya ba yang mi gyis/ mngon par shes pa bya ba 'ba' zhig tu ni ma zad do/ /bcom
 ldan 'das kyis kyang mdo las zhes bya ba rgyas par 'byung ngo/ /des pa'i don gyis mdo sde la brtan par gsungs kyis zhes bya ba ni/ dge slong dag bzhi po 'di dag ni brten pa yin no/ /gzhi gang zhe na/ chos la brten gyis gang zag la ma
 yin pa dang/ don la brten gyi tshig 'bru la ma yin pa dang/ des ba'i don gyi mdol brten gyi drang ba'i don lam yin pa dang/ ye shes la brten gyi rnam par shes pa la ma yin pa'o zhes 'byung ba yin no/ /brten pa zhes bya
 ba ni tshad ma'o/ /btags pa la lhung bar zad ces bya ba ni/ gang kho na la tha snyad gdags pa'i don du bdag go zhes tha snyad gdags par byas pa de kho na la bdag tu mngon par zhen par zad do zhes bya ba'i tha tshig go/ 'dir dper brjod pa ni/ 'di
 la bdag gam sems can med/ ces bya ba 'di dang gang zag dmigs pa ma yin no/ zhes bya ba ni 'di yin no/ /de yang 'gal yang mi dmigs so zhes bya ba 'di yang dper brjod pa yin te/ gang zhig stong pa nyid goms par byed pa de
 yang 'ga' yang med do/ /bdag tu lta ba dang zhes bya ba nas/ srog tu lta bar 'gyur zhes bya ba'i bar ni nyes dmigs dang po'o/ /mu stegs can rnams dang khyad par med par 'gyur zhes bya ba ni nyes dmigs gnyis pa'o/ /lam gol
 bar zhugs par 'gyur zhes bya ba ni gsum pa'o/ /'di'i sems stong pa nyid la mi 'jug cing zhes bya ba nas rnam par grol bar mi 'gyur zhes bya ba'i bar ni bzhi pa'o/ /'di'i 'phags pa'i chos rnaMs rnam par byad par mi 'gyur zhes
 bya ba ni lnga pa'o/ /'o na de dag gi ston pa yang sangs rgyas ma yin zhes bya ba ni de dag la sangs rgyas kyi bka' tshad ma ma yin no snyam du bsam pa'o/ /'di ni sangs rgyas kyi bka' ma yin no zhes bya ba ni/ 'ga' zhig gi mdo sde 'di rnams
 sgro btags so snyam du bsam pa'o/ /sde pa thams cad las zhes bya ba ni/ sa ston pa'i sde pa la sogs pa las so/ /mdo dang mi 'gal ba ni mdo sde dang 'gal ba med pa'o/ /chos nyid dang yang mi 'gal zhes bya ba ni/ rten cing 'brel bar
 'byung ba'i chos nyid dang ngo/ /chos thams cad ni bdag med pa'o zhes bya ba ni de dag ni bdag gi ngo bo nyid kyang ma yin la/ de dag la yang bdag med pas chos thams cad bdag med pa'o/ /gnyis la brten nas zhes bya ba ni mig
 dang gzugs nas yid dang chos rnams kyi bar la ste/ gang zag de ni chos ma yin no/ /bdag med pa ni phung po dang/ skye mched dang khams rnams yin no/ /zhes smra na/ gzugs rnams zhes brjod par mi bya/ gzugs rnams ma yin zhes
 kyang brjod par mi bya zhes bya ba de bsal te/ bdag gzhan yin pa'i phyir te bor bar 'gyur ro/ /de lta bas na bdag tu 'dzin pa thams cad ni bdag med pa kho na la yin no zhes bya ba ni/ de las gzhan med par sten pa'o/ /gal te de ltan
 zhes bya ba rgyas par 'byung ba ni/ gal te rjes su dran pa na nye bar len pa'i phung po lnga po 'di dag kho na rjes su dran par gyur tam/ rjes su dran nam/ rjes su dran par 'gyur gyi/ gang zag ni ma yin no/ /ci'i phyir ba dag ni 'das pa'i dus na
 gzugs 'di lta bu dang ldan par gyur to/ zhes gsungs te/ bdag ces gsungs pa'i phyir gang zag la bya bar ston to/ /gang dag de ltar rnam pa du mar rjes su dran pa zhes bya ba la khyed cag ni bdag nyid gzhung 'don pa nyid du ston pa
 yin te/ de nyid kyi phyir 'di la ni ma ston pa kho na skyabs yin no zhes bya ba smos te/ bdag ces 'den pa yod na 'jig tshogs la lta bar thar bar 'gyur ro zhes bya ba'i tha tshig go/ 'jig tshogs la lta ba'i mu ni nyi shu 'byung ste/ bdag gzugs yin no zhes yang
 dag par rjes su lta ba dang/ bdag gzugs dang ldan pa dang/ gzugs bdag gis yin pa dang/ gzugs bdag la gnas pa zhes bya ba nas/ de bzhin du rnam par shes pa'i bar du brjod par bya'o/ /phung po dang rgyun la sogs pa bzhin no/ /zhes bya
 ba ni phung po bzhin dang/ rgyun bzhin no/ /sogs pa zhes bya ba'i sgas ni bsdu pa la sogs bsdu'o/ /skad cig ma gcig la mang po rnams 'dus pa ni phung po'o/ /skad cig ma mang po la 'dus pa dag ni rgyun no/ /phung po
 dpes ni chos mang po dag la gang zag 'dogs par ro/ /rgyun gyi dpes ni gzugs tshor ba la sogs pa phung po dag gi rgyun mang po nyid yod na gang zag 'dogs par ston to/ /'di ji ltar khong du chung ce na zhes bya ba ni sangs rgyas zhes
 bya ba'i rgyud la gang du bzhed par gtad pa tsam gyis phyin ci ma log pa'i mkhyen pa skye ba gang yin mthu 'di yod kyi/ gang zag la ni ma yin no zhes bya ba'o/ /smras pa 'das pa la sogs pa gsungs pa'i phyir ro/ /rdzogs sangs
 rgyas 'das gang dag dang zhes bya ba rgyas par brjod nas de lta bas na phung po'i rgyun kho na la sangs rgyas zhes bya'i/ gang zag la ni ma yin no/ /dge slong dag khyed la khur yang bstan to zhes bya ba rgyas par 'byung ba ni/ dge slong dag khyed
 la khur yang bstan to/ /khur len pa dang/ khur 'dor ba dang/ khur khyer pa yang bstan gyis/ de'i phyir legs par rab tu nyon la yid la zung zhig dang bshad do/ /khur gang zhe na/ nye bar len pa'i phung po lnga'o/ /khur len pa gang zha?
 na/ yang srid pa'i sred pa dga' ba'i 'dod chags dang ldan pa de dang der mdon dga' ba'o/ /khur 'dor ba gang zhe na/ yang srid pa'i sred pa dga' ba'i 'dod chags dang ldan pa de dang der mdon par dga' ba de nyid ma lus par spangs pa
 dang/ so sor nges par 'byung ba dang/ byang bar gyur pa dang/ zad pa dang/ 'gog pa dang/ nye bar zhi ba dang/ nub pa gang yin pa'o/ /khur khyer ba gang zhe na/ gang zag yin no zhes brjod par bya ste/ tshe dang ldan pa de ming ni 'di zhes bya/ rus
 ni 'di zhes bya/ zas ni 'di lta zhig za za/ bde ba sdug bsngal ni 'di lta bu zhig myong myong/ tshe ni 'di tsam zhig thub yun ni 'di srid cig gnas gnas tshe'i mdza' ni 'di tsam zhi go zhes bya ba gang yin pa'o/ /khur khyer bar byed pas na
 khur khyer ba ste/ gang zag go zhes bya ba'i tha tshig ste/ dper brjod pa ni 'di yin no/ 'di nyid phyir khur khyer bar yin par ni rigs pa ma yin te/ zhes bya ba smras so/ /de'i phyir gal te khur las khur khyer ba gzhan yin zhing/ de
 yang gang zag yin na ni de phung po dag las gzhan nyid yin par 'gyur bas mi 'dod par thal bar 'gyur ro/ /gang zag bzhin du ji skad bshad pa'i mtshan nyid can gyi khur len pa yang phung pos ma bsdus par thal bar 'gyur ba
 zhig na/ de ltar yang mi 'dod de/ de lta bas na phung po len pa bzhin du gang zag de phung po dag las don gzhan du gyur pa ma yin no/ /de kho na'i phyir zhes bya ba rgyas par 'byung ste/ de lta ma yin te gang zag rdzas su yod par gyur na/ bcom ldan 'das
 kyis mdo de las khur khyer ba gang zhe na/ gang zag yin no zhes bya ba de kho na tsam zhig gsungs par 'gyur gyis/ yang tshe dang ldan pa ming ni 'di zhes bya zhes bya ba nas rgyas par tshe'i mdza' ni 'di tsam zhig go zhes bya ba'i bar rnam par ma
 phye bar 'gyur ro/ /yang khyad par du mdzad pa 'di ni gang zag btags par yod pa yin no/ /zhes rtogs par bya ba'i phyir ro snyam du dgongs pa yin te/ ci nas kyang de nyid btags pa'i yod pa yin gyis/ gang zag rdzas su yod pa rtag par
 brjod par bya ba ma yin no zhes gzhan du ni shes par ma byed cig ces bya ba yin no/ /phung po snga ma rnams zhes bya ba rgyas par 'byung ba de la phung po gang dag gnod par byed cing/ sdug bsngal gyis rgyur gyur pa de dag ni khur zhes
 bshad do/ /phyi ma gnod par 'gyur ba gang dag yin pa de dag ni khur khyer ba zhes bshad do/ /skye ba pa yin pa'i phyir ro zhes bya ba ni skye ba'i dang tshul can yin pa'i phyir ro/ /zhes bya ba'i tha tshig go/ bden pa rnams kyis khor rtsa?
 ma gtogs pa'i phyir ro zhes bya ba ni/ gang gi phyir ji ltar kun brtags pa'i gang zag ni sdug bsngal la sogs pa'i bden pa'i khongs su ma gtogs te/ gang zag ni sdug bsngal nas lam gyi bar ma yin no/ /de'i phyir gang zag la skur ba 'debs pa'i
 log par lta ba 'di ni bden pa mthong bas spang bar bya ba ma yin te/ lta ba gang zhig bden pa gang log par zhugs pa de ni bden pa de mthong bas spong par 'gyur ro/ /de bzhin du gang zag ni sdug bsngal dang kun 'byung ba'i khongs su
 ma gtogs pa'i phyir bsgom pas spangs par bya ba ma yin te/ bsgom pas spang bar bya ba'i nyon mongs pa ni sdug bsngal dang kun 'byung ba'i ngo bo yin na/ gang zag ni sdug bsngal dang kun 'byung ba yang ma yin te/ phung po'i rang
 bzhin ma yin pa'i phyir ro/ /de'i phyir de ni bsgoms pas spang bar bya ba ma yin no/ /yang na lta ba ni 'ga' yang bsgom pas spang bar bya ba ma yin pas de bsgom pas spang bar bya ba ma yin no/ /til gcig dang 'bras thug po che gcig ces bya
 ba lta bu dang/ phung po gcig dang tshog gcig ces bya ba ni/ ji ltar rdzas brgyad pa yin yang til gcig dang 'bras thug po che gcig ces bya ba dang/ ji ltar mon sran gre'u la sogs pa rnams mang po nyid yin du zin kyang phung po gcig
 ces bya ba dang/ ji ltar yi ge rnams mang po nyid yin du zin kyang/ chig gcig ces bya ba ltar gang zag gcig ces bya ba yang de dang 'dra'o/ /skye ba dang ldan pa'i phyir zhes bya ba ni/ skye'o zhes smras pas de skye ba dang ldan pa nyid du khas
 blangs pa yin te/ de'i phyir khyed kyi 'dus byas yin no zhes brjod dgos so/ /phung po gzhan len pa'i phyir te/ dper na rigs pa blangs pa'i phyir mchod sbyin skyes so zhes bya ba la sogs pa la/ rig pa blangs pa'i phyir de skad ces ba'i 'di 'byung
 ba'i don du skyes pa ma yin pa de dang 'dra ste thams cad sbyar bar bya ste/ chos su brdar gtags pa ma gtogs pa zhes bya ba ni rten cing 'brel par 'byung pa'i mtshan nyid las ma gtogs pa ste/ des na 'di yod pas na 'di 'byung zhes bya ba
 la sogs pa gsungs so/ /byed pa po ni dmigs so/ zhes bya ba rgyas par 'byung ba ni las kyi byed pa po mi dmigs so/ /de yang ci 'dra ba zhig ce na/ gang zhig phung po 'di rnams 'dor bar byed cing zhes smos te/ tshe 'di'i phung po da ltar ba rnams
 zhes bya ba'i tha tshig go /phung po gzhan dag nyid mtshams sbyor bar byed pa zhes bya ba ni/ tshe phyi ma'i phung po srid pa bar ma pa 'am/ skye ba'i char gtogs pa dag go/ nyid mtshams sbyor bar byed pa zhes bya ba ni nye bar len pa'o/ /de'i las skyes len
 ces mi smra'o/ /zhes bya ba ni gal te ngas 'di skad du 'di len to zhes smras na/ btsun pa gang nye bar len pa nye bar len pa zhes bya ba nas nye bar len pa 'di sred pa'i rkyen can yin no zhes bya ba'i bar tshig de khyod la legs par 'gyur ram zhes 'byung
 ngo/ /de lta pas na phung po rnams nye bar len par byed pa dang/ 'dor bar byed pa ni 'ga' yang med do/ /'on te lus yin no zhe na/ de yang de 'dra zhes bya ba ni/ skad cig re re las sdon kho na'o zhes bya ba'i tha tshig ste/ gal te gang zag yin no zhe na ni de ma
 grub po zhes bya ba la sogs pa nye bar bkod pas ni dpe ma grub pa nyid du ston to/ /lus rigs pa dang rtags bzhin du zhes bya ba ni/ rigs pa dang rtags ni rigs pa dang rtags so/ /lus dang rigs pa dang rtags ni lus dang rigs pa dang
 rtag dag go/ de dag dang 'dra bar te/ lus dang rig pa dang rtags bzhin du phung po dang/ gang zag dag gzhan nyid du 'gyur ro/ /ji ltar blang bar bya ba rig pa dang rtag las gzhan nyid yin pa de bzhin du/
 blang bar bya ba phung po las kyang lus gzhan nyid yin te/ nye bar len pa las gzhan nyid yin pa'i phyir ro snyam du bsams pa yin no/ /rga ba dad na ba yang lus gzhan kho na yin no zhes bya ba ni gnas skabs rnams skad cig re re la gzhan
 nyid yin par bsam pa ste/ de la rga ba skyes so na ba skyes so zhes gang smras pa'i dpe ma grub po zhes ston par byed do/ /'o na te yang lus gnas pa la gnas skabs gzhan log na gnas skabs gzhan 'byung ngo snyam du sems na/ grangs can
 pa'i 'gyur bar smra ba ni 'jig rten pa'i mdzod kyis gnas skabs su bkag zin to/ /ji skad du zhe na/ gnas pa gang la chos gzhan gyi khyad par yongs su brtag par bya ba'i chos can de nyid yod pa ma yin te/ de nyid 'di yin la/ de lta
 yang ma yin no zhes bya ba'i tshig gi rigs pa dang 'di ni sngon ma byung ba zhes bya ba'o/ /'byung ba dag ni bzhi yin gzugs ni gcig yin zhes bya ba ni gzugs gang zhe na/ 'byung ba chen po bzhi dag dang zhes bya ba la sogs pa dag yin no/ sna?
 pa 'di ni phyogs la yod pa yin no zhes bya ba la/ phyogs gang la zhe na/ 'byung ba tsam gyi phyogs la'o zhes bya ba ste/ gnas brtan sangs rgyas lha'i phyogs la yod kyi kho bo cag gi phyogs la ni ma yin no/ /de ltar na yang zhes bya ba ni 'byung
 ba tsam gyi phyogs la 'byung ba dag las gzugs gzhan ma yin pa de bzhin du phung po dag las gang zag gzhan ma yin no zhes khas blangs pa yin pas/ rang gi grub pa'i mdza' yongs su bar bar 'gyur ro snyam du bsams pa
 yin no/ /ci'i phyir bcom ldan 'das kyis srog de nyid lus yin pa 'am/ gzhan yin no zhes lung ma bstan ces bya ba la/ de dag gi bsams pa ni gal te phung po dag kho na la gang zag nye bar 'dog na ci'i phyir lus kho na srog yin no zhes
 ma bshad pa snyam pa 'di yin no/ /snga ma dag kho nas zhes bya ba ni gnas brtan klu'i sde la sogs pa dag gis so/ /smra ba mang ba zhes bya ba ni gcod ba'o/ /pha rol pos gal te gang zag brjod par mi bya ba ma yin na/ ci'i phyir bcom ldan 'das?
 kyis kyang med pa kho na'o zhes ma gsungs zhes bya ba smras so/ /smras pa med ces bya ba don dam du'o/ /kun rdzob du ni yod ces bstan/ /de dang 'gal phyir de nyid du/ /sems can yod ces ma gsungs so/ /de ni de bstan pa yang mi bzod do/ /zhes bya
 ba ni bdag med pa bstan/ /du mi rung ngo zhes bya ba'i don to/ snga nas kun tu rmongs pa zhes bya ba ni/ 'jig tshogs la lta ba dang ldan pa'i rmongs pas so/ /kun tu rmongs pa'i phyir zhing ches rgyas par 'gyur zhes bya ba ni chad par lta ba dang ldan
 pa 'am/ log par lta ba dang ldan pa snyam du bsams pa yin no/ /de nyid kyi phyir bdag gis bdag sngon yod par gyur pa las de ni bdag gi de yang med zhes bya ba smos so/ /'dir smras pa zhes bya ba ni/ bcun pa gzhon nu len gyis so/ /lta ba'i
 mche bas smras pa dang/ zhes bya ba rgyas par 'byung ba ni/ lta ba nyid mche ba yin pas na lta ba'i mche ba'o/ /sangs rgyas bcom ldan 'das rnams ni des smras pa la bltos nas/ gnyen po chos bdag med pa yang ston par mdzad do/ /las
 rnams 'dzig pa la bltos nas te/ byas pa chung za ba la bltos nas gang zag yod pa nyid du lta bu ston pa rnams gzhan du yang ston par mdzad do/ /stag mos phrug gu khyer ba ltar/ zhes bya ba ni ji ltar stag mos 'di'i lus mche bas smas?
 par 'gyur ba ni mi rung ngo snyam nas so sa ha cang bag med par bzung ste/ rang gi phrug gu mi khyer zhing gnas gzhan du mi khrid la/ phrug gu 'di sa 'di la lhung ste snang bar 'gyur du 'ongs snyam ste/ so sa
 ha cang lhad lhod du bzung ste yang de khyer gyi/ ran par bzung ste khyer ba lta bur zhes bya ba'i tha tshig go/ de bzhin du mi'i seng ge bcom ldan 'das kyang 'dul ba'i thabs la mkhas pa'i phyir/ ran pa kho nar 'dul ba'i 'dron pa mya ngan
 las 'das pa'i grong khyer du bsnoms par mdzad do/ /de bzhin du ston pa la rgyu bsnan pa'i phyir/ bdag yod nyid du zhes bya ba la sogs pa rgyas par smos te/ gal te 'ga' zhig bdag yod pa nyid du zhugs par gyur na 'dul pa'i skye bo de
 'jig tshogs la lta ba'i mtshan nyid kyis lta ba'i mche bas smras par 'gyur ro/ /kun rdzob rtogs par ma gyur nas zhes bya ba ni chos kyi brda mi shes pa ste/ las kyi 'bras bu med do snyam nas dge ba'i las stag gi phrug gu lta bu nyams par
 byad par 'gyur ro/ /btags pa'ang zhes bya ba la/ btags pa yod pa la btags pa ni/ la la gang zag kun rdzob du yod pa yang med do snyam du 'dzin par 'gyur bas/ de'i phyir med do zhes kyang ma gsungs so/ /yang na ci'i phyir yod mi gsungs
 zhes bya ba ni gal te gang zag yang dag par don du yod na bcom ldan 'das ci'i phyir gang zag yod do zhes mi gsung/ gzugs yod do zhes smras pa la ni nyes par mi 'gyur te de yod pa'i phyir ro/ /gcer bu pa'i nyen thos kyi bye'u?
 bzung ba bzhin no zhes bya ba ni/ gcer bu'i nyan thes zhig gi bye'u gson po zhig bzung nas/ bcom ldan 'das la bye'u 'di gson nam/ mi gson zhes dris so/ /de'i bsam pa 'di yin no/ /gal te dge spyod go tam gson no zhes
 gsung na ni/ nges de brta'i nas ston par byed do/ /gal te bcom ldan 'das 'di skad du shi'o zhes gsungs na ni/ nges de gson po kho na ston par byed de/ nga ni ji ltar na 'jig rten gyis 'di thams cad mkhyen pa ma yin par shes par
 'gyur snyam du mngon par zhen to/ /bcom ldan 'das kyis ni de'i bsam pa mkhyen nas lung ma bstan gyis/ 'di gson nam mi gson ba ni khyod kyis sems kyi kho na las so zhes bya ba kho na gsungs pa de dang 'dra bar 'di yang lung ma
 bstan te/ /bzhi tshan 'di ni don mthun no/ /zhes bya ba ni 'jig rten rtag go 'jig rten mi rtag go zhes bya ba bzhi tshan 'di dang/ 'jig rten mdza' dang ldan no 'jig rten mdza' dang mi ldan no zhes bya ba bzhi chan 'di don gcig go/ /bzhi mchan 'di ni
 don mthun no zhes bya bar ji ltar shes zhe na/ 'di ltar kun rgyu smra byed kyis 'jig rten mdza' dang ldan a dang/ mdza' dang mi ldan pa dang ldan pa yang yin mi ldan pa yang yin pa dang/ mdza' dang ldan pa lang ma yin mi ldan pa yang ma
 yin zhes bya ba bzhi tshan 'di zhus nas yang ci lags 'jig rtan thams cad ces bya ba rgyas par zhus so/ /zhu ba zhus pa zhes bya ba 'jig rten mdza' dang ldan pa zhes rgyas par zhus pa gang yin pa de nyid da lta ci lags/ 'jig rten thams
 cad lam 'dis des par 'byung dam/ zhes bya ba 'di 'am/ 'dis ni mdza' dang ldan nam zhes dris pa yin no/ /'on te 'jig rten phyogs gcig lags zhes bya ba 'dis ni mdza' dang mi ldan zhes bya ba la sogs pa'o/ /gang zag gson
 po ni yod do zhes lung ston la zhes bya ba ni gang zag 'di de nyid dang gzhan du brjod du med bzhin du lung bstan snyam du bsam pa yin no/ /rtag pa'i nyes par thar bar 'gyur ba'i phyir ro zhes bya ba ni gnas ma bu'i tshig go/ 'o na ci'i phyir/ 'di lung
 ston zhes bya ba rgyas par 'byung ba ni slob dpon gyis gsungs pa ste/ de lta na yang rtag par thal bar 'gyur ro/ /rim gyis rim gyis mi brjod par gyis shig ces bya ba ni bcom ldan 'das thams cad
 mkhyen yin nam zhes bya ba la sogs pa mi brjod pa'o/ /rim gyis rim gyis zhes smos pa ni shAkya'i bu mtshungs pa dag rab tu 'khrug pa dag yongs su spangs pa'i phyir ro/ /bden pa zhes bya ba ni yang dag par ro/ /gnas par zhes
 bya ba ni mi 'gyur ro/ /lta ba'i gnas su gsungs so zhes bya ba ni log par lta ba'i gnas su gsungs so snyam du bsams pa yin no/ /slob dpon gyis yod do snyam pa yang lta ba'i gnas su gsungs so zhes bya ba smos te/ 'jig tshogs la lta ba'i
 gnas su zhes bya ba'i don to/ /phyogs 'di ni lan btab zin zhes bya ba ji lta bu zhe na /ma yin te bkag pa'i phyir ro/ /mdo nyid las spangs te bcom ldan 'das kyi zhes bya ba nas rgyas par 'di dag ni dpe ngan pa yin no zhes bya
 ba'i bar yin no/ /ji ltar 'khor ba de bzhin du bstan pa'i phyir/ ji ltar me skad cig ma yin yang zhes bya bar rgyas par smos so/ /me ni skad cig ma yin par grags la/ de yang yul gzhan du 'byung ba'i rgyun gyis 'gro'o zhes bya ba
 de bzhin du/ sems can zhes bya ba yang phung po nye bar blangs nas yin no/ /sred pa nye bar len pa can zhes bya ba ni/ 'di la sred pa nye bar len pa yod pas nye bar len pa can/ skad cig ma yin yang rgyun gyis 'khor ro/ /mig bza' 
 zhes bya ba'i ston pa ni zhes bya ba ni/ nyi ma bdun 'char ba'i mdo las bcom ldan 'das 'di yang drang srong mig bzang zhes bya bar 'gyur ro/ /zhes 'byung ngo/ /phung po rnams gzhan yin pa'i phyir ro zhes bya ba ni skad cig ma yin na
 gzhan yin pa'i phyir ro snyam du bsam pa yin no/ /rgyud gcig pa nyid du sten par mdzad pa yin zhes bya ba ni/ gang gi phyir mig bzad sangs rgyas kyi rgyud kho na yin par gyur pa de'i phyir de nyid yin no zhes tha mi dad pa nye bar btags so/ /dper
 na sngon mthong ba'i mi gang yin pa de nyid bsreg cing 'ongs so zhes bya ba lta bu ste/ rgyan gyis 'jug pas de nyid yin no zhes bya ba ni de dang 'dra'o/ /de ni de dag gis 'jigs tshogs la lta ba yin no/ /zhes bya ba ni de bzhin gshegs pa de
 dag gis bdag dang bdag gis rnam pa can gyis 'jig tshogs la lta bar 'gyur ro/ /bdag dang bdag gir chags pa'i 'ching ba shin tu dam pos glags pa zhes bya ba ni bdag tu lta ba dang bdag gir lta ba yod na bdag tu chags
 pa dang bdag gir chags par 'gyur ro/ /de'i phyir 'dod chags 'ching ba yin pas /so so'i skye bo ltar 'ching bdam pos can rnams la thar pa thag ring bar 'gyur te/ bdag tu 'dzin pa yod pa'i phyir med pa kho nar 'gyur ro snyam du
 bsams pa yin no/ /kha cig ni gang zag tu 'dzin ces bya ba ni gnas ma'i bu rnams so/ /gang dag ces bya ba ni mu stegs byed ser skye dang/ gzags gzan dang rka dmig dang rgyal dpog la sogs pa bdag rdzas gzhan kho na yin par
 sems pa de dag gis ltar na yang thar pa med pa'i nyes pa 'di g.yo ba med pa yin te/ 'di ltar bdag tu nga rgyal bya'i gzhi yod par khas blangs nas nga'o snyam pa 'di phyin ci log yin pa'i phyir ro/ /de'i phyir grol ba'i thabs yin
 pa'i phyir bdag med par lta ba kho na mdzes so/ /mngon sum du mthong ba rnams la bdag tu nga rgyal ba mi 'byung ngo zhes bya ba 'di ni bzhad gang du bya ba zhig go /gang zhig the tshom gyi spyad thag la myug pa nga'i snyam du sems la/ mthong nas mi
 sems so zhes bya ba 'di ni dad par bya ba zhig go /gzhan mu stegs byed kyi tshogs bdag tu lta ba dang/ bdag la chags pa'i skud pa bsran tes sems btsems shing btsems pa/ bsam gtan gyi bde ba la chags
 pa la blo gyen du mthon pa thams cad kyis ni srid pa'i rtse mor 'dzeg pa'i sgor 'jug pa thob kyang nges par byed pa po yod pas thar pa'i sa bon gyi dri yang ma bsnams pa yin no/ /blo dang dbang po dang lus tsam po rkyen gyi gzhan gyi
 dbang mi rtag par mthong ba la ni bdag med pa'i 'du shes skye la/ de la de ltar goms par byas nas de nas rims kyis sems kyis rgyad dar 'dzin pa dang gtan bral ba skye'o/ /de nas bsal ba byas pa bdag gi dngos po la tshogs
 pa'i skabs med pa'i phyir yang skye ba med pas thar par 'thad do/ /de'i phyir thar pa'i tshul dang bral ba'i phyir dang/ bdag tu rtogs pa spang bar bya ba'i phyir na/ nga rgyal ba 'di ni phyin ci log yin no/ /'o na gal te bdag rnam pa thams cad du
 med na ji ltar sems skad cig pa rnams zhes bya ba la sogs pa 'byung ngo/ /de'i phyir skad cig ma'i phyogs yongs su 'dzin pa la dran pa dang ngo shes pa la sogs pa rnams mi skye bar smra bar nus so/ /gzugs la sogs pa skad cig ma snga
 ma la nyams su myong bar 'gyur ba ni skad cig ma phyi ma dran pa srid par ji ltar 'gyur te/ nag pa la sogs pas bde ba dang sdug bsngal dang cig shos su nyams su myong bar gang yin pa de ni de las ngo bo tha dad pa lus bkra ba la sogs pa'i
 dran pa'i lam du gzung bar mi nus so zhe na/ dran pa'i yul la 'du shes pa'i rgyu las byung ba'i sems kyi khyad par las so/ /zhes bya ba smos te/ dran pa'i yul ni dran pa'i yul te/ nyams su myong ba'i don to/ /'di la de la 'du shes pa'i rgyu/ rgyu mtshan
 yod pas na dran pa'i yul la 'du shes pa'i rgyu las byung ba'i sems kyi khyad par te/ sems 'ga' kho na zhig yin gyi/ thams cad ni ma yin no zhes bya ba'i tha tshig go /de las dran pa'am ngo shes par 'gyur ro/ /de ltar gnyi ga khyad par byas pa
 dang/ sems kyi khyad par ji lta bu las zhes 'dri ba la/ de la gtad pa dang zhes bya ba rgyas par smos so/ /dran par bya ba de la gtad pa ni gtad pa'o/ /'du shes la sags pa dang ldan pa zhes bya ba'i sogs pa zhes bya ba'i sgras ni smon pas gzas pa
 dang goms pa la sogs pa bsdu'o/ /dran pa mthong ba las ni dper na ba men dmigs nas ba lang dran pa dang/ gzugs brnyan mthong ba las rtsa ba'i gzugs dran pa lta bu'o/ /'brel pa can mthong ba las ni dper na me dang shing thog dang me tog
 gi kha dog mthong ba las che ba dang ro dang dri dag dang/ rwa mthong nas ba lang dang/ du ba mthong ba las me dran pa de lta bu la sogs pa'o/ /gang dag la brten gyis khyad par dang mya ngan dang rnam par g.yeng ba dang por yod pa ste/ rten gyi khyad par
 dang /mya ngan dang rnam par g.yeng ba de dag gis mthu mnyam pa can gyi sems kyi khyad par ro/ /de'i phyir sems kyi khyad par 'di lta bu las dran par 'gyur ro/ /de la gtad pa las ni gal te de la gtong bar byed na'o/ /'dra ba'i 'du shes la
 sogs pa dang ldan pa las ni gang la 'dra ba las dran pa 'byung ba'o/ /'brel pa can gyi 'du shes dang ldan pa las ni gang la 'dra ba med kyang du ba la sogs pa mthong ba las dran par 'gyur ba'o/ /smon pas gzas pa dang/ goms pa la
 sogs pa dang ldan pa las ni gang la dus de'i tshe dran par bya'o snyam pa'am/ 'di dran par bya ba la goms pa'o/ /rten gyi khyad par la sogs pas zhes bya ba ni rten gyi khyad par nad kyi mtshan nyid dang/ mya ngan dang/ bya ba gzhan la g.yeng bas so//
 sogs pa zhes bya ba'i sgras bsdus pas ni/ las dang rig sngags la sogs pa dag gis so/ /de lta bu yin yang zhes bya ba rgyas par 'byung ba ni/ de la gtad pa zhes bya ba nas 'du shes la sogs pa dang ldan pa'o zhes
 bya ba'i bar dang/ mthu mnyam pa can gyi bar yin pas zhes bya ba'i tha tshig go /de'i rgyu las byung ba ma yin pa zhes bya ba ni/ dran pa'i yul la 'du shes pa'i rgyu las ma byung ba zhes bya ba'i don to/ /bskyed pa zhes bya ba ni dbyung bar ro//
 gzhan lta bus zhes bya ba ni de la gtod pa ma yin pa nas 'du shes la sogs pa dang ldan pa ma yin pa dang/ mthu nyams pa'i bar ro/ /gzhan la zhes bya ba ni/ sems kyi khyad par las gzhan la'o/ /ma yin te 'brel ba med
 pa'i phyir ro/ /zhes bya ba ni/ lhas byin dang mchod sbyin gyi sems ngag rgyu dang 'bras bu'i dngos po ma yin no zhes bya ba'i tha tshig go /ji ltar rgyud gcig la yod pa'i sems dag rgyu dang 'bras bu gyur pa'i phyir 'brel pa ltar ltas sbyin dang/
 mchod sbyin gyis sems de dag de ltar 'brel pa ma yin pas 'dis ni dpe dang dngos gnyis mi 'dra ba nyid du ston to/ /'dir smras pa/ gzhan gyis mthong la de stobs bskyed/ /sems des dran pa mi rigs zhes/ bya ba 'di la gnas
 sogs sems/ /dag ni dpe go ji ltar yin/ /gang phyir nag sems kyis dran don/ /byams sems kyis dran min te dper/ /sa bon de dang de min can/ /nyid kyis 'bras ljang la gnas bzhin/ /sems gzhan gyis mthong la gzhan gyis dran no zhes kyang
 mi zer ro zhes bya ba ni gzhan 'ga' zhig gi dran pa na ma yin no/ /snyam du bsams pa yin no/ /mthong ba'i sems las dran pa'i sems gzhan skye'o zhes bya ba ni rgyu yod pa'i phyir te/ sa bon yod pas myu gu bzhin no zhes bya ba'i tha tshig go /dran pa kho
 na las ngo shes pa yang yin no zhes bya ba ni/ dran pa yod na ngo shes te/ bdag gi mthong ba gang yin pa de nyid 'di yin no zhes bya bar dran pa'i phyir ro/ /'o na gang zhes bya ba ni gal te sems kyis khyad par kho nas dran na 'o na gang nag pas dran zhes
 bya ba de ji lta bu zhes bya ba'i tha tshig kho nas drang ngo/ /de yang de zhes bya ba rgyas par 'byung ba ni nag pa zhes bya ba 'du byed kyi tshogs kyis rgyun de yang zhes bya ba de yul gzhan dang 'gyur ba 'byung ba ste/ yul gzhan du 'byung ba dang 'gyur ba 'byung
 ba la rgyu'i dngos por yid la bsams na so/ /ci zhe na/ rjo bo zhes brjod par zad kyi gang zag ni ma yin te/ tha snyad 'di ni rgyu dang 'bras bu'i dngos po la bltos pa yin gyi/ gang zag la bltos pa ni ma yin no snyam du bsams pa yin no/ /de nyid kyi phyir
 gcig bu na 'ga' yang med ces bya ba la sogs pa smos so/ /de bzhin du su zhig gis rnam par shes pa zhes bya ba la sogs pa rgyas par 'byung ba ni/ bdag med na su zhig gis de ltar rnam par shes/ rnam par shes pa zhes bya ba'i don ci yin/ rnam par
 shes pas yul 'dzin pa'o/ /ci de 'dzin pa rnam par shes pa las gzhan zhig yin nam/ 'o na ni rnam par shes par byed do/ /gang gis de byed pa de bshad zin te/ rnam par shes pa'i rgyu ni ci rigs par dbang po dang don dang yid la byed pa
 la sogs pa dag yin no zhes bya ba 'di ni khyad par yin no/ /ci rigs par zhes bya ba ni ji ltar srid par ro/ /'o na gang nag pas rnam par shes so zhes bya ba ji lta bu zhe na/ nag pa zhes bya ba'i rgyud las de skye bar mthong nas smra bar zad do/ /drug pa 'di'i don ji
 lta bu yin/ rje bo'i don yin no/ /dper na gang gi jo bo gang yin zhes bya ba nas rgyas par rnam par shes pa gang du sbyar bar bya na 'di ltar 'di'i rje bo ba rtsal/ rnam par shes par bya ba'i don la'o/ /ci'i phyir sbyar bar bya/ rnam par shes par bya ba'i phyir ro//
 kye ma de nyid de'i don du sbyar ro zhes bya ba ni bsod nams kyi bskyed pa rnams kyis legs par smras so/ /ji ltar sbyar bar bya ba skyed pa'i sgo nas sam/ 'on te mdag pa'i sgo nas/ rnam par shes pa la 'gro ba mi rung bas
 bskyed pa'i sgo nas so/ /de lta na ni rgyu kho na rje bo yin la 'bras bu kho na bran yin par 'gyur te/ zhes bya ba'i bar du rgyas par de ni rnam par shes pa'i rgyu gang yin pa de kho na'i yin no/ /gang yang nag pa zhes bya ba'i bar dang/ rgyas par de lta bas
 na de la yang rgyu'i dngos po ma gtogs pa rje bo'i dngos po med do/ /zhes bya ba'i bar yin no/ /sogs pa zhes bya ba'i sgras ni su zhig gi tshor /su'i tshor ba yin/ su zhig gi 'du shes/ su'i 'du shes yin zhes bya ba la sogs pa bsdu ste/ 'di
 ni phyogs yin no/ /gang yang bya ba ni byed pa po la bltos pa'i phyir te/ zhes zer ba brnga sprod pa'o/ /de yang dgos zhes bya ba ni rnam par shes pa po yang dgos te/ gang zag snyam du bsams pa yin no/ /'gro ba'i 'gro ba'o zhes brjod pa bzhin no zhes
 bya ba ni dper na me 'gro'o/ /sgra 'gro'o zhes me'i 'gro ba dang dgra'i 'gro ba ltar lhas byin 'gro'o/ /lhas byin gyi 'gro'o zhes bya ba yang de dang 'dra ste/ ngas 'dis ni lhas byin gyis rnam par shes so zhes bya ba grub bo/ /'dra bar bdag nyid thob pa'i
 phyir zhes bya ba ni rgyu dang 'dra bar bdag nyid thob pa'i phyir ro/ /cung zad kyang mi byed mod kyi zhes bya ba ni yongs su g.yo ba mi byed mod kyi zhes bya ba'i don to/ /de'i rnam pa nyid do zhes bya ba ni sngon po la sogs pa yul gyis rnam pa nyid do zhes bya ba'i tha tshig go /
 rnam par shes pa'i rgyur gyur pa'i phyir zhes bya ba ni rnam par shes pa yang rnam par shes pa gzhan gyi rgyu yin te/ de'i phyir rnam par shes pa gzhan skyed par byed pa la rnam par shes so zhes bya'o/ /rgyu la byed pa po'i sgrar bstan pa'i phyir
 zhes bya ba ni/ rgyu ni byed pa por 'gyur ba'i phyir dper na dril bu ni sgrogs par byed pa'i rgyu yin pas dril bus sgrogs so zhes bya ba de dang 'dra'o/ /gcig kho na yin pa'i phyir sgron ma zhes bya ba ni me lce rnams kyi rgyun la nye bar 'dogs par byed pa/ /de
 yul gzhan dag tu 'byung ba ste/ sgron ma rgyun gyis ngo bo de yul gzhan du byung ba la/ yul de dang der 'gro ba zhes bya'o/ /de bzhin du gcig kho na yin pa'i phyir sems kyi rgyun la rnam par shes pa nye bar 'dog par byed pa/ rnam par
 shes pa rgyun gyi ngo bo de yul gzhan dag la skye ba la yul de dang rnam par shes so zhes bya ba ste/ rnam par shes pa rgyun gyi skye bas rnam par shes so snyam du bsams pa yin no/ /yang ji ltar gzugs 'gyur ro zhes bya ba rgyas par 'byung ba ni
 ji ltar 'gyur ba po 'gyur ba la don gzhan ma yin pa dang/ skyed pa po skye ba dang gnas pa po gnas pa las don gzhan ma yin pa ma yin pa ltar rnam par shes pa la yang de dang 'dra bar 'gyur te/ bya ba logs shig na med pa'i phyir/ rnam
 par shes pa'i rnam par shes pa po yang rnam par shes pa'i bya ba las don gzhan ma yin pa nyid do bye brag pa'i gzhung lugs kyis bslus pas smras pa /gal te bdag las rnam par shes pa mi skyen rnam par shes pa'i mtshan nyid kyi
 rgyu la khyad par med pa'i phyir/ rnam par shes pa de dang 'dra ba kho nar skye bar 'gyur ro/ /gal te bdag las skye na ni de'i bsam pa'i khyad par las khyad par can kho na skye bo snyam du bsam pa yin no/ /myu gu dang sdong bu dang sdong bu dang mang ba ma la sogs
 pa bzhin du rim pa nges par skye bar mi 'gyur zhes bya ba ni/ ci'i phyir sems snga ma 'gag pas/ go phye bas ba lang gi blo'i mjug thogs su bung med kyi blo/ bung med kyi blo las ma he'i blo skye'i/ /ci'i phyir myu gu dang sdong bu dang mdab ma la sogs
 pa bzhin du mjug thogs su ba lang gi blo kho na skye bar mi 'gyur/ myu gu las sdong bu kho na skye bar 'gyur gyi mdab ma la sogs pa ma yin pa dang /sdong bu las mdab ma kho na skye bar 'gyur gyi/ me tog ma
 yin pa de dang 'dra ba'i bar ro/ /bsam gtan rdzogs pas mnyam par bzhag pa rnams la zhes bya ba ni bsam gtan rdzogs shing mthar phyin pas mnyam par bzhag pa rnams la lus dang sems 'dra ba skye na ste/ lus dang sems
 mtshungs pa skye na'o/ /bdag nyid zhes bya ba ni gzhan gyi ma brtsal bar snyam du bsam pa yin no/ /de ltar na 'dis ni ci'i phyir rtag tu de dang 'dra ba kho nar skyed par mi 'gyur zhes dris pa gang yin pa de'i lan btab pa yin no/ /rim pa nges par
 mi 'gyur /zhes dris pa gang yin pa de bstan pa'i phyir /sems rnams kyi rim pa yang nges pa kho na yin te/ zhes bya ba smos so/ /rigs kyi bye brag las zhes bya ba ni bsgom pa'i bye brag las so/ /bud med kyi sems kyi mjug thogs su zhes rgyas
 par 'byung ba ni bud med kyi sems te bud med la dmigs pa'i mjug thogs su'o/ /bud med de'i lus ni de'i lus so/ /gal te kun tu rgyuAm/ /gzhan dge ba yang rung ba zhig de'i lus su ma sbyin par byed pa'i sems sam/ de'i khyo'am bu
 la sogs pa'i sems skyes pa ste/ de'i khyo'am bu la sogs pa'o/ /sogs pa zhes bya ba'i sgras ni bu mo la sogs pa bsdu'o/ /de dag la dmigs pa'i de'i khyo dang bu la sogs pa la dmigs pa'i sems te/ gal te de'am gzhan
 zhig bud med kyi mjug thogs su skyes par 'gyur la/ yang phyis dus gzhan na rgyun yongs su 'gyur pa las bud med kyi sems skye na/ bud med kyi sems phyis skyes pa de ni/ de'i lus sun 'byin pa'i sems te/ bud med kyi lus sun 'byin pa'i
 sems bskyed pa la nus pa'am/ de'i khyo'am bu la sogs pa'i sems skyed pa la nus pa yin no/ /ci'i phyir zhe na/ de'i rigs can yin pa'i phyir ro/ /zhes bya ba smos te/ 'di la de'i lus sun 'byin pa'i sems sam de'i khyo'am bu la sogs pa'i
 sems rigs sam sa bon yod pas na de'i rigs can no/ /de'i dngos po ni nyid de/ de dang rigs mthun pa'i phyir ro snyam du bsams pa yin no/ /gzhan du ni na zhes bya ba ni de'i rigs can ma yin pa'o/ /yang na bud med kyi sems las rnam grangs kyis
 zhes bya ba rgyas par 'byung ba ni cig car ma yin par rnam grangs kyis bud med kyi sems las de'i lus sun 'byin par byed pa'i sems kyang skye la/ de las de'i khyo'i sems dang de las de'i bu'i sems dang/ de nyid las kyang sun 'byin pa la
 sogs pa'i sems skye bar 'gyur na/ de nas bud med kyi sems kyis mjug thogs su skyes pa'i sems rnams kyi nang nas rgyun gyis ches mang ba dang/ nus pa'i sgo nas ches gsal ba dang/ bskyed par bya ba'i sems dang nye ba gang yin pa'i sems
 de kho na skye bar 'gyur ro/ /de'i bsgos pa'i stobs dang ldan pa'i phyir ro zhes bya ba'i ches mang ba'am/ ches gsal ba'am/ ches nye ba de'i bsgos pa stobs dang ldan pa'i phyir/ /de'i dus pa'i lus dang zhes bya ba rgyas par 'byung ba la de'i
 dus na nye bar gnas pa ni de'i dus pa ste/ lus kyi rkyen gyi khyad par/ /ma gtogs pa ni bkol ba ste/ gang la lus kyi phyi rol gyi rkyen dbyug pas bsnun pa la sogs pa nye bar gnas pa de nyid skye bar 'gyur bas so/ /bsgos pa de nyid ches
 stobs dang ldan zhes bya ba ni ches mang ba dang/ ches gsal ba dang/ ches nye ba'i dgos par bshad pa gang yin pa de ni stobs dang ldan pa yin na/ ci'i phyir 'bras bu mi 'byin ce na/ gnas pa gzhan du gyur pa nyid ni 'dus byas kyi mtshan
 nyid yin pa'i phyir zhes bya ba smos te/ 'di'i mtshan nyid gnas pa las gzhan du 'gyur ba'i mtshan nyid te/ de'i ngo bo'i phyir to/ /'dus byas kyi mtshan nyid gzhan du 'gyur ba de yang dgos pa gzhan gyi 'bras
 bu skye ba'i rjes su mthun pa'i phyir ro/ /de'i phyir rtag tu 'bras bu de nyid mi 'byin to/ /'di skad du zhes bya ba ni gnas brtan sgra gcan zin gyis so/ /rnam pa thams cad ces bya ba ni rnam pa kun te rma bya'i mdongs 'di'i kha dog dang bkod
 pa la sogs pa'i rnam pa ji snyed pa de dag gi /gang gi kha dog ni 'di lta bu'o/ /bkod pa ni 'di dang 'dra ba'o/ /'di ltar ni mtsher ro/ /zhes bya ba de lta bu la sogs pa'i rnam par 'gyur ba'i shes bya shes par mi nus so/ /su dag gis
 zhe na/ thams cad mkhyen pa ma yin pa nyan thos dang rang sangs rgyas la sogs pas shes par mi nus so/ /de shes kun mkhyen stobs yin no/ /zhes bya ba ni gang gis de'i rgyu shes pa'i byed pa snyam du bsams pa yin no gzugs can
 ma yin pa'i sems kyi bye brag rnams lta smos kyang ci dgos zhes bya ba ni gzugs can rnams kyi rgyu yang shes par mi nus so/ /gzugs can ma yin pa rnams kyis lta smos kyang ci dgos zhes bya ba'i tha tshig go/ mu stegs can gang ?
 la zhes bya ba ni bye brag pa'o/ /gal te yid dang phrad pa'i bye brag la bltos pa'i phyir ro zhe na/ zhes bya ba ni/ gal te sems skye ba ni bdag las skye bar lta mod kyi res 'ga' yid dang 'brel ba'i bye brag la bltos pa de'i phyir/ sems
 rtag tu de dang 'dra ba kho nar skye bar mi 'gyur la/ myu gu dang sdod bu dang mdab ma la sogs pa bzhin du rim pa nges par yang skye bar mi 'gyur ro/ /zhes bya bar 'dod na ni ma yin te/ 'brel pa gzhan ma yin pa'i phyir ro zhes bya ba ni de ni
 de lta ma yin no/ /ci'i phyir zhe na/ bdag dang yid de dag las 'brel pa gzhan du ma grub pa'i phyir te/ 'brel pa zhes bya ba'i dngos po gcig bu grub pa ni 'ga' yang med do/ /'dab chags par skyes pa'i ngo bo dag la phrad pa'i blor 'gyur te/
 de dag ma bzung bar de'i blo med pa'i phyir la/ sgra bzhin dang/ 'u sha bzhin dang/ nam mkha' i bya'i phred ba bzhin no zhes 'byung ba'i phyir ro/ /de grub kyang 'brel ba can dag zhes bya ba rgyas par 'byung ba ni 'brel pa khas blangs kyang 'brel pa
 can 'jig rten na grags pa chu dang bum pa'am/ shing gnyis dang 'dra ba de dag ni yongs su chad pa'i phyir te/ yul yongs su chad ba mthong ba'i zhes bya ba'i tha tshig go /mtshan nyid rnam par bshad pa'i phyir zhes bya ba ni/ bye brag pa'i gzhung
 lugs las phrad pa'i mtshan nyid bstan pa'i phyir ro/ /phrad pa zhes bya ba'i mtshan nyid ni ma phrad pa sngon du 'gro ba can gyi phrad par yin no zhes rnam par bshad pa'i phyir dper na lug gam gyad gnyis na phan tshun 'thab pa'am/ dper na
 mtho yod dang bya rog bzhin gang na bdag yod pa de na yid med la gang na yid yod pa den bdag mdo zhes/ bdag yongs su chad pa ste yul yongs su chad pa nyid du thal bar 'gyur te/ bdag yid dang phrad pa zhes bya ba 'dis ni phyogs 'di
 chos can gyi khyad par las bzlog pa bstan pa yin te/ chos can ni bdag go /de'i khyad par ni thams cad na yod pa nyid do/ /de las bzlog ba ni thams cad na med pa nyid do/ /de'i phyir yid 'phos pa bdag 'phos pa bdag 'phos pa thal
 bar 'gyur zhes bya ba ni yid lus kyi phyogs gang dang gang du 'pho ba de dang de nas bdag 'pho zhing 'dod ro zhes bya bar thal bar 'gyur te/ dper na skyes bu sa'i phyogs gang dang gang du 'pho bde nas nyi ma 'pho ba lta bu'o/ /de lta yin na
 yang 'di'i bya ba med pa nyid la gnod par 'gyur pas de nyid dam bcas pa'i nyes pa yin no/ /nyams par zhes bya ba ni thal bar 'gyur ro/ /zhes bya bar sbyar te/ gang dang gang du yid 'pho ba ded bdag 'jig
 pas de nyid 'dir dam bcas pa'i nyes pa yin te/ bdag rtag pa nyid log pa'i phyir ro/ /gal te phyogs gcig phrod zhe na zhes bya ba ni yid bdag gi phyogs gcig dang phrad pa 'am/ bdag yid kyi phyogs cig dang phrad pa ste
 lus kyi phyogs gang na yid gnas par gyur pa de na yod pa'i bdag gi phyogs dang ni/ yid mi phrad kyi phyogs dang ni glo nas phrir ro/ /de'i phyir phrad pa ni ma phrad pa sngon du 'gro ba nyid yin yang bdag gi phyogs ma phrad pa kho na yin?
 dang phrad do zhes bya bar 'dod na/ ma yin te/ de ni de nyid kyi phyogs yin pa nyid du mi rung ba'i phyir ro/ /bdag la ni phyogs gzhan yod pa yang ma yin te/ cha med pa'i phyir ro/ /phrad pa yod du? chag? na yang zhes bya ba rgyas par 'byung ba ni
 phrad pa khas blangs su zin kyang/ 'on kyang 'gyur ba med pa'i phyir yid rtag tu khyad par med pa la/ gang gis na 'di skad du yid dang phrad pa'i bye brag la bltos pa'i phyir ro zhes smras pa/ ji ltar phrad pa khyad par du 'gyur/ ji
 ltar blo'i khyad par yin zhes de nyid la klan ka tshol bar byed do zhes bya ba ni ci'i phyir rtag tu de 'dra ba kho nar mi skye zhes bya'o/ /gal te 'du byed kyi khyad par la bltos pa'i bdag dang yid phrad pa las so zhe na/ zhes bya ba ni gal
 te bdag dang yid ni rtag tu khyad par med mod kyi/ bdag dang yid sbyor ba 'du byed kyi khyad par la bltos pa nyid las blo'i khyad par 'dod na'o/ 'di skad du bsgos pa'i khyad par gyi mtshan gyi 'du byed kyi khyad par las bdag dang yid?
 sbyar ba'i khyad du 'gyur la/ de'i khyad par las blo'i khyad par du 'gyur ro zhes smras pa yin no/ de'i phyir rgyu'i khyad par las 'bras bu'i khyad par du 'gyur te/ dud dang rnga pa Ta ha la sogs pa'i sgra bzhin no/ /'di ni yod pa ma yin no/ /ga las
 zhe na/ sems kho na las zhes bya ba rgyas par smos te/ 'dir slob dpon gyi dgongs pa ni sems kyang yod la/ bsgoms pa'i khyad par gyi mtshan nyid kyi 'du byed kyi khyad par gang kho bo cag bag chags dang sa bon zhes bya bar
 rnam par 'jog pa yang yod pas kho bo dang khyod la rtsod pa med mod kyi/ dngos po gzhan yin nam ma yin zhes bya ba tsam zhig khyad par yod do/ /de'i phyir 'du byed kyi khyad par la bltos pa'i sems kho na blo'i khyad par du gyur la
 rag? mod/ bdag gam de dang phrad pa brtags pas ci zhig tu bya snyam pa 'di yin no/ /bdag gi nus pa 'di cung zad kyang mi dmigs so zhes bya ba rgyas par 'byung ba ni sman ba ngan g.yo can 'ga' zhig gis/ nad pa 'ga' zhig la/
 sman byin nas bsams pa/ sman 'di ni rnyed bla ba yin te nad pa 'di 'khor dang bcas pas kyang shes so/ /sman 'dis kyang 'di'i nad zhi bar ni 'gyur ro/ /de'i phyir bdag gis nor rnyed par mi 'gyur ro snyam du bsams nas/ phu swAhA/ phu swAhA/ zhes
 de la sngags kyis btab cing/ sngags 'dis na sman 'di grub po zhes skye bo la bstan na/ de la ji ltar sman gyis don grub par bya ba la sman pa dan g.yo can gyi phu swAhA zhes bya ba'i nus pa med kyi sman gyi nus pa yin pa de bzhin du blo'i
 khyad? par skye bar bya ba la/ bdag gis nus pa med kyi sems 'du byed dang bcas pa kho na'i nus pa yin no/ /gal te bdag yod na ni de gnyis srid do zhes na ni zhes bya ba ni/ gal te bdag yod na 'du byed dang sems de gnyis srid pas
 de'i phyir bdag yod do zhes bya bar 'dod na/ 'di smras pa/ tshig tsam du zad kyi 'di la rigs pa ni 'ga' yang med do/ /gal te de ni rten yin no zhe na zhes bya ba ni/ 'dir de gnyis kyi rten yin no zhes bya bar 'dod
 na'o/ /dper na gang gis rten gang yin pa lta bu zhes bya ba ni rten gyi ngo bor dper brjod pa tshol ba'o/ /de la brten gyi don mi rigs par bstan pa'i phyir de dag kyang zhes bya bar rgyas par smos te/ 'du byed dang sems de
 dag kyang ring po dang/ rgya shug la sogs pa ltar te/ dper na rtsig pa la ri mo dang/ gzhong bu la rgya shug brten pa ltar ro/ /sogs pa zhes bya ba'i sgras ni snod dang zas la sogs pa bsdu ste/ 'du byed dang sems de
 dag ni rten dag la de ltar ma yin la de yang rtsig pa dang gzhod bu la sogs pa rten du rigs pa ma yin no/ /ci'i phyir zhe na thog ma dang tha dad pa nyid kyis nyes par thal bar 'gyur ba'i phyir ro zhes bya ba smos te/ thogs pa
 dang bcas pa nyid kyi nyes pa nyid kyi phyir dang/ yul tha dad pa nyid kyis nyes pa'i phyir ro zhes bya ba'i don to/ /ji ltar gzhong bu dang rgya shug dag dang/ rtsig pa dang ri mo dag rten dang brten pa'i ngo bo yin pas thogs pa dang bcas
 pa nyid dang tha dad pa nyid du mthong ba ltar de dag kyang de ltar 'gyur ba zhig na/ 'di ni 'dod pa yang ma yin te/ de'i phyir bdag ni rten ma yin no/ /dper na dri la sogs pa las sa gzhan ma yin pa ltar blo la sogs pa las kyang bdag
 gzhan ma yin no/ /skyes bu dam pa su zhig dri la sogs pa las sa gzhan yin par des par 'dzin par byed/ sa gang yin zhes smos na/ ji ltar gzugs dri la sogs pa dag las gzhan pa'o zhes pa lta bur gzugs dang dri dang ro
 dang reg bya ngag las gzhan par ni bstan par mi nus so/ /gal te dri la sogs pa las sa gzhan ma yin na sa'i/ dri la sogs pa zhes bya ba tha snyad 'di ji lta ji ltar 'dogs te/ nag pa'i sa zhes gzhan gyi gzhan tha snyad 'dogs par ni mthong
 do zhe na/ de'i phyir sa'i dri la sogs pa zhes bya ba'i tha snyad 'di zhes bya ba rgyas par smos so/ /khyad par du bya ba'i phyir ro zhes bya ba ni chu la sogs pa las khyad par du bya ba'i phyir zhes bya ba'i tha tshig go /ji ltar zhe na/ ci nas de dag nyid ces bya ba
 rgyas par 'byung bas ston par byed do/ /de dag nyid ces bya ba'i sgra ni de dag las ma gtogs pa'i sa'i rdzas bzlog pa'i phyir te/ ci nas dri la sogs pa de dag nyid do zhes bya bas zhes bya bar shes par 'gyur bar ro/ /'di nyid la dper brjod
 pa/ shing gi gzugs kyi lus bzhin no zhes bya ba smos te/ ji ltar 'ji ba las byas pa la sogs pa gzhan las khyad par du bya ba'i phyir shing gi gzugs kyi lus zhes tha snyad 'dogs la/ shing gi gzugs kyi lus gzhan yang ma yin pa
 ltar/ 'di yang de bzhin du tha snyad 'dogs par 'gyur la/ dri la sogs pa las sa gzhan yang ma yin no/ /'du byed kyi khyad par la bltos su brin kyang/ zhes bya ba ni bdag dang yid phrad pa'o/ /gang zhig stobs che ba zhes bya ba ni 'du byed
 kyi khyad par ste/ des 'du byed kyi khyad par gzhan dag la gegs byed do/ /stobs che ba de nyid ci'i phyir rtag tu 'bras bu mi 'byin zhes bya ba ni slob dpon gyi tshig yin no/ /de nyid kyis yang bshad pa 'di'i tshul te/ 'du byed kyi tshul 'jig pa
 'am?/ gegs byed pa gang yin pa de ni sa bon gyi bdag nyid kyis bsgos pa yin na/ bdag tu rtog pa ni don med cing dgos pa med pa yin te/ 'du byed kyi don tu der brtag drang na 'du byed de'i bya ba gang yin pa de ni dgos pa kho na byed do/ /dran
 pa la sogs pa ni yon tan gyi dngos po yin pa'i phyir zhes bya ba rgyas par 'byung ba ni/ gal te dran pa dang 'du byed dang 'dod pa dang zhe sdang dang la sogs pa ni yon tan gyi dngos po yin pa'i phyir la rdzas
 brten pa yon tan dang ldan pa ma yin no zhes de skad du mtshan nyid bstan pa'i phyir yon tan gyi rdzas de yang gdon mi za bar rdzas la brten pa yin pa'i phyir ro/ /de dag gi brten pa la sogs pa gzhan yod par yang rung ba ma yin no/ /de
 bas na 'di bdag gi rten gang yin pa de ni bdag yin pas de lta bas na bdag ni yod do zhes bya bar 'dod na/ de ni de lta ma yin no/ /ci'i phyir zhe na/ dran pa la sogs pas yon tan gyi dngos po nyid du ma grub pa'i phyir ro/ /yod pa thams
 cad rdzas yin zhes bya ba ni/ mtshan nyid kyi sgo nas yod pa gang yin pa de ni rdzas yin no/ /dge sbyong gi 'bras bu ni rdzas drug yin no zhes 'byung ba'i phyir ro zhes bya ba de la/ zag pa med pa'i rnam par grol ba'i lam phung po lnga ni/ dge spyod
 gi 'bras bu 'dus byas lnga yin la/ bral ba ni dge spyod gi 'bras bu 'dus ma byas yin te/ de ltar na rdzas drug yin no/ /de dag rdzas la brten pa nyid du yang ma grub ste zhes bya ba ni/ dran pa la sogs pa rnams rdzas la brten pa nyid du
 ma grub pa ste/ gnyi gal grub pa la chos kyi tha snyad 'dogs pa'i phyir ro zhes bya ba'i tshul gyis so/ /rten gyi don ni brtag zin to zhes bya ba ni/ dper na gang gi rten gang lta bu'o/ /de dag kyang ri mo dang rgya shug la sogs pa lta bur brten pa
 ma yin la zhes bya ba rgyas par ??/ /bdag med na ci'i phyir dge ba dang mi dge ba'i bya ba'i 'bras bu la sogs pa'i rtog pa yid la rgyu zhing 'gyid par 'gyur/ skad cig ma zad pa nyid du khas blangs pa'i tshe las dang 'bras bu'i 'bral ba
 mi srid de/ gang gi phyir gzugs la sogs pa'i phung po bdag nyid kyi khyad par so sor nub cing/ skad cig ma dang pos skye ba 'phags pa rnams las ngo bo'i khyad par skad cig ma gzhan la rag lus pa'i bya ba 'bras bu skye ba mi rung ngo/ /
 de lta yin na yang lus bkra sbyin la sogs pa'i bya ba'i 'bras bu mchod sbyin la sogs pas nyams su myong bar 'gyur ro/ /gang gi ltar na bdag yod pa de'i ltar na ni sems pa skyes pa'i bdag la chos sam chos ma yin pa bzhag nas
 'gag la/ chos dang chos ma yin pa gzhan gyis zil gyis ma mnan pa de gnyis las dus gzhan gyi cho 'bras bu 'byung bar rigs so zhe na/ lha rnams dga' bas bsgos pa mi shes te/ kho bo cag gi ltar na ni sems pa 'das pas sems
 da ltar ba bgo bar mi byed kyi/ 'on kyang sems snga ma dang lhan cig skyes pa'i sems pa'i khyad par las sems nus pas khyad par du byas par la/ de'i nus pa'i khyad par de ni gang las rgyud yongs su 'gyur ba'i khyad par las phyis
 'bras bu skye ba bsgos pa zhes bya'o/ /sems da ltar ba'i khyad par yang de ma thag tu 'byung ba'i sems kyi nus pa'i khyad par gyi rgyur 'gyur ba na sems de bsgo bar byed do zhes bya'o/ /de'i phyir 'das pas bsgo bar mi byed la/ da ltar
 ba bsgo ba ma yin te/ de dag 'gags pa dang skyes pa'i tshe de ma bsgos pa'i phyir ro/ /smras pa/ sems gang zhig las las skye ba de'i rgyun las kyis bsgos pa la/ de 'bras skye phyir byas ba chud?/ /za dang ma byas phrad pa bsal/ /rnam pa de
 dag zhes bya ba ni dkar sham la sogs pa'i rnam pa dag ces bya ba'i tha tshig go /des na phung po dag la bdag gi zhes bya ba yin par rtogs so bdag la phan 'dogs pa'i lus la yang bdag nye bar 'dogs te zhes bya ba la sogs pa
 'byung ngo/ /phan 'dogs pa la bdag nye bar 'dogs pa yin yang bdag tu 'dzin pa ni ma yin no zhes bya ba ji ltar zhe na/ 'di bdag go snyam du de ltar ni ma yin no/ /de nyid 'ongs pa yin no zhes bya ba ni drug pa
 'di'i don ji lta bu yin/ jo bo'i don yin no/ /dper na gang gi jo bo gang lta bu yin/ dper na ba'i nag pa lta bu yin no/ /'di ji ltar de'i ngo bo yin/ de rmo ba dang/ gzho ba la sogs pa la sbyar ba de la rag lus pa'i phyir ro/ /bdag tu
 'dzin pa gang du sbyar bar bya na/ ji ltar 'di'i jo bo brtsal/ bdag tu 'dzin par bya ba'i don la'o/ /ci'i phyir sbyar bar bya/ bdag tu 'dzin par bya ba'i phyir ro/ /kye ma de nyid de'i don du sbyar ro zhes bya ba ni/ bsod nams kyis skyed
 pa rnams kyis legs par smras so/ /ji ltar sbyar bar bya/ ci skyes pa'i sgo nas sam/ 'on te mngags pa'i sgo nas/ bdag tu 'dzin pa la 'gro ba mi rung bas bskyed par bya ba'i sgo nas so/ /de lta na ni rgyu kho na jo bo yin la/ 'bras
 bu kho na bran yin par 'gyur te/ 'di ltar rgyu ni 'bras bu la dbang byed la/ 'bras bus kyang de dang ldan pa rgyu yin pas de ni bdag tu 'dzin pa'i rgyu gang yin pa de kho na'i yin no/ /shing ljon pa me tog chags so/ zhes bya ba dpe
 dang po ni grub pa'i mdza' gang la shing ljon pa yan lag can du mi 'dod pa de la yin te/ 'byung pa chen po ris mi mthun pa bzhis brtsams pa yin par mi 'dod pa'i phyir ro/ /gang la shing ljon pa yan lag can yod pa de
 la ni dpe gnyis pa nags tshal 'bras bu chags so zhes bya ba yin te/ nags tshul zhes bya ba ni cung zad kyang med de/ ji ltar nags tshal shing sA? la dang hA la tshogs pa gang la 'bras bu 'byung ba de 'bras bu chags so zhes bya ba de bzhin du
 skyon ched drug gi mtshan nyid kyi rten gang la bde ba'am sdug bsngal byung ba dag bde ba'am sdug bsngal ba zhes bya'o/ /de ltar ni bshad do zhes bya ba ni/ de dag gyur pas gyur nyid phyir/ /rten ni mig la sogs pa yin/ /zhes skye mched drug
 ji ltar rten yin pa de ltar ni bshad zin to/ /bdag med na las rnams kyis byed pa po ni gang yin/ 'bras bu rnams kyi za ba po ni gang yin zhes bya ba 'byung ngo/ /bshad pa gang gis na de byed pa po dang za ba po zhes bya bar rgyas par
 brjod par 'gyur ba ci las rnams sam/ 'bras bu nye bar longs spyod pa bdag la rag las sam/ de'i phyir rang dbang can gyi byed pa po 'am za ba po 'ga' yang med kyi/ rgyu dang 'bras bu tsam zhig yod na byed pa po 'am/ za? pa bor?
 'dogs par zed/ ji skad du lus dang sems kyi rgyun gang las/ las dang de 'bras gnyis 'byung ba'i/ /'gro ba sna tshogs zhes bya ste/ /byed pa po dang za ba por brjod ces bshad pa lta bu'o/ /gal te byed pa po bdag yin na ni/ de
 nyid bsgrub par bya ba yin te/ yod pa ma yin pa'i phyir dang/ rtag pa'i phyir nam mkha' bzhin no/ /'on te phung po lnga'i rgyun yin no zhe na ni/ de nyid byed pa po yin te/ phung po lnga'i mtshan nyid de nyid byed pa po? yin gyi/ bdag ni ma yin pas
 kho bo cag gi phyogs grub bo/ /de la yang rang dbang med par bstan pa'i phyir te las 'di ni rnam pa gsum ste zhes bya ba rgyas par smos so/ /de la lus dang ngag gi las dag ni sems kyi gzhan gyi dbang gis 'drug ste/ sems kyi
 rab tu bcug pa'i phyir ro/ /ji skad du /des skyed lus dang ngag gi las zhes bshad pa lta bu'o/ /sems kyang lus kyi gzhan gyi dbang gi 'jug ste/ lus dang sems dag ni phan tshun rjes su byed pa'i phyir ro/ /rang gi rgyu'i gzhan gyi dbang gis
 kyang 'jug ste/ yid dang chos la byed pa la sogs pa'i gzhan gyi dbang yin pa'i phyir ro/ /de yang de dang 'dra zhes bya ba ni sems kyi rang gi rgyu de yang rgyu gzhan gyi dbang gis 'jug pas lus sam/ dag
 gam sems sam rgyu gzhan yang rung gang la yang rang dbang med kyi/ bzhi yis sems dang sems byung rnams/ /gsum gyis snyoms par 'jug pa gnyis/ /gzhan ni gnyis po dag las skyes/ /dbang phyug sogs
 min rims sogs phyir/ /zhes 'byung bas/ dngos po thams cad ni rkyen gyi gzhan gyi dbang gis 'jug go /bdag kyang bltos pa ming par ni blo'i khyad par skye ba'i rgyu nyid du khas mi len pa'i phyir rang dbang can du 'grub po/ /
 ji ltar zhe na/ yid dang phrad pa la sogs pa'i khyad par la bltos pa'i phyir ro/ /de lta bas na de lta bu mtshan nyid ces bya ba ni byed pa po dang dbang can no/ /'o na byed pa po ji lta bu zhe na/ gang zhig gang gi rgyu'i gtso bo yin pa de ni
 byed pa po zhes bya/ zhes bya ba smos te/ gtsor de la brten nas skye pa'i phyir ro/ /de ni de lta bus yang byed pa por mi rung ngo zhes bya ba ni rgyu'i gtso bo'i ngo bor yang mi rung ngo zhes bya ba'i tha tshig go /de'i rgyu ma yin par bstan pa'i phyir dran pa
 las ni 'dun pa skye bo zhes bya ba rgyas par smos te dang po 'dren par bya ba'i don la dran pa skye'o/ /dran pa las ni 'dun pa ste/ byed 'dod pa nyid do/ /'dun pa las ni rtog pa ste/ bye brag tu smra ba rnams ni sems rtsi ba'i mtshan nyid do
 zhes zer ro/ /gzhan dag na re nges par rtog pa'i mtshan nyid shes rab kyi khyad par ro zhes zer ro/ /rnam par rtog pa las rab tu 'bad pa ste/ brtson 'grus so/ /rab? tu 'bad pa las rlung ngo/ /rlung las ni las te/ yul gzhan du 'byung ba'i
 mtshan nyid 'byung na/ 'di la bdag gis ci zhig byed de/ de ni nus pa bkag pa yin no/ /rnam par shes pa la nus pa bkag pa'i phyir ro zhes bya ba ni dmigs pa gang yin pa rnam par shes pa yin na/ 'du byed kyi khyad par bltos pa'i
 sems kho na las yin par zang kyi/ bdag gi byed pa'i cung zad kyang mi dmigs te/ sman gyis 'bras bu mgrub pa la/ sman pa ngan g.yo can gyis phu swAhA/ zhes smras pa dag bzhin no zhes rnam par shes pa la ni bdag gi chus? pa
 bkag go /bdag med na ci'i phyir sems can gyi rten ma yin pa la yang sdig pa dang bsod nams nye bar sogs par mi 'gyur/ bshad pa dbang po med pa'i phyir ro/ /rgyu gang gi dbang po dang bcas pa'i lus mngon par
 bsgrub pa'i rgyu de sa dang rdo la sogs pa rnams med de/ de'i phyir dbang po dang bcas pa dag ma yin no/ /de nyid phyir tshor ba'i rten ma yin pa'i phyir zhes bya ba smos te/ de'i rten gi? skye mched drug yin no/ /ji ltar yin pa de lta bu ni bshad
 zin to/ /zhes bya ba ni de dag gyur pas gyur nyid phyir/ rten ni mig la sogs pa yin zhes bya'o/ /de la rten pa zhes bya ba ni bdag la rten pa'o/ /tshig gi lugs 'di ni lan btab zin to zhes bya ba ni gang gi rten gang lta bu/ /
 de dag kyang ri mo dang rgya shul la sogs pa lta bur brten pa ma yin la/ brtsig pa dang gzhong bu la sogs pa ltar rten du rigs pa ma yin te/ thogs pa dang tha dang ba nyid kyis nyes par 'gyur ba'i phyir ro zhes bya ba yin no/ /des
 skye ba'i zhes bya ba ni/ sa bon des nus pa bskyed ces bya ba'i tha tshig go /ji skad du bshad pa lta bu'o/ /zhes bya ba ni gnas brten sgra gcan zin gyis so/ /nye ba gang dang goms pa gang zhes bya ba rgyas yar 'byung ba ni/ rgyu gcig la las bzhi
 po lci ba dang/ nye ba dang/ goms pa dang/ sngon byas pa yong pa yong pa bzhi po de dag gi nang na las lci ba snga ma yin pa de ni gsum pas sngar smin no/ /nye ba dang goms pa dang skye ba sngar byas pa rnams kyi yang nye pa
 snga ma yin pas de gnyis pas sngar smin no/ /goms pa dang sngar byas pa dag la yang goms pa snga ma yin pas gcig pas sngar smon no/ /de dag med na tshe snga ma la byas pa lan grangs gzhan la myong ba smin par 'gyur ro/ /nyon mongs
 ba can ma yin pa rnams kyis ni sems kyi rgyun gtan du log pa ste zhes bya ba ni dge ba dang ma bsgribs pa lung dum bstan pa rnams kyi'o/ /rnam par 'drul ba'i khyad par skyes pa zhes bya ba ni sa dang chu dang 'brel pa las 'bras bu'i rnam par
 'gyur pa phra mo ni rnam par 'drul pa'o/ /de'i khyad par ni de nyid khyad par can yin te/ de las rnam par 'gyur ba'i khyad par skye'o/ /de las 'bras bu gzhan skye'o/ /rnam par 'gyur ba'i khyad par ji lta bu zhig las yin pa bstan pa'i phyir
 de la 'byung ba'i rnam par 'gyur ba myu gu grub par byed pa gang yin pa de ni de'i sa bon yin zhes bya ba smos te/ myu gu ba'i sa bon yin no/ /'byung ba'i rnam pa gzhan ni ma yin te/ sngon gyi sa bon gyi gnas skabs kyi 'byung ba'i rnam pa ni
 ma yin no zhes bya ba'i don to/ /'gyur ba'i ming gis zhes bya ba ni ji ltar phye 'thog go zhes 'byung bar 'gyur ba'i ming gi tha snyad 'dogs pa de bzhin du rgyud snga ma sa bon gyi gnas skabs ma rul ba la yang 'byung bar 'gyur ba'i ming gis
 sa bon zhes bya'o/ /'dra pa'i phyir zhes bya ba ni rgyun snga ma de yang 'byung ba rnam par 'gyur ba'i khyad par rnam par 'gyur ba las skye ba dang 'dra ba'i phyir sa bon zhes bya'o/ /re bzhin du 'di la yang zhes bya ba rgyas par 'byung pa ni gal te dam
 pa'i chos mnyan pa dang tshul bzhin yid la byed pa'i rkyen gyi khyad par las skyes pa dge ba zag pa dang bcas pa'i sems kyi 'gyur ba skye ba'am/ dam pa ma yin pa'i chos mnyan pa dang/ tshul bzhin ma yin pa'i yid la byed pa'i rkyen gyi
 khyad par las skyes pa mi dge ba'i sems kyi 'gyur ba skye na/ de las rnam par smin pa gzhan skye'i/ /gzhan du ni ma yin pas de ni mtshungs so/ /ji ltar 'bras bu kho na las 'bras bu gzhan mi 'byung gi /'o na ci zhe na/ 'gyur ba'i khyad par las
 yin pa de bzhin du rnam par smin pa kho na las rnam par smin pa gzhan mi 'byung gi /'on ci zhe na/ sems kyi 'byung ba'i khyad par las 'byung bas de ni mtshungs so/ /'bras bu'i nang du ge sar dmar po zhes bya ba ni 'bras bu'i nang bu ga na
 bi dza pu ra'i khu bskyur po yong ba'i ge sar ro/ /de las ni gzhan mi skye'o zhes bya ba 'byung ngo/ /'di ni 'dir dper brjod pa ni/ ji ltar rgya skyegs kyis kha sgyur ba'i ma du lung ga'i me tog gi 'bras bu ge sar dmar po las slar ge sar dmar po
 gzhan mi 'byung ba de bzhin du las las skyes pa'i rnam par smin pa las yang rnam par smin gzhan mi skye'o/ /'dir smras pa/ sems 'di sa bon mdza' yas ba dang lhan cig rgyun gyis 'byung/ sa bon de de rang rkyen 'byung nas sems la?
 rgyas par 'gyur/ de rgyas rim gyi 'jug pa rnying na dus su 'bras ster 'grub/ ma du lung ga'i mi ton bskus mtshon de'i ge sar bzhin yang smras pa/ ji ltar ras bal sa bon dang/ ma du lung ga'i me tog la/ /rgya skyegs bskus na de zhig kyang/ /
 bsgos pa'i rgyun gyis rim pa yis/ /ras bal dang mi ge sar la/ /dmar po 'byung bar 'gyur ba ltar/ /las rnams zhig na'ang bsgos pa ni/ /de nyid de'i 'bras bu skyed/ /las dang do rtsi? bsgos zhes bya ba 'byung la/ de'i bsgos zhes bya ba ni las kyi
 bsgos pa'o/ /bsgos pa de'i 'jug pa rnyed pa ste/ /'jug ba snyed pa de las 'bras bu ste/ /bzhi po 'di dag ni sangs rgyas las gzhan pa nyan thos la sogs pas rnam pa thams cad de/ rnam pa kun nges par 'dod rgyal du rab
 bu mi shes so/ /don gyis na sangs rgyas kho nas de thams cad rnam pa thams cad du rab tu mkhyen to zhes bshad pa yin no/ /de ltar zhes bya ba rgyas par 'byung ba la/ de ltar zhes bya ba'i sgra ni yongs su rdzogs pa'i don to/ /sangs rgyas bdag mid pa gsung
 ba rnams kyi gsung rab kyi chos nyid mthong na sta mthong bar 'gyur nas so/ /rigs pa'i lam ni tshul te/ gtan tshigs kyi lam mo/ /des dag pa ni rigs pa'i lam legs par gsungs pas dag pa'o/ /legs par gsungs shing mdzes par gsungs pa
 ni legs bar gsungs pa'o/ /mu stegs dag ni yang dag pa ji lta ba mthong ba med pas long ba dag go /long pa lta ngan? sna tshogs g.yo rnams kyis/ /zhes bya ba la/ lta ngan ni lta ba smad pa'o/ /lta ba ngan pa yang yin la/ g.yo ba yang yin pa ni ltar na sna
 tshogs g.yo ba rnams so/ /gang dag la lta ba dan pa sna tshogs g.yo ba yod pa de dag ni lta ngan sna tshogs g.yo rnams te/ sems can lta ba ngan pa rnam pa sna tshogs g.yo bcan mtho ris dang byad grol gyi lam la ma zhugs pa dang/ log pa la zhugs pa
 te rnams so zhes bya ba'i tha tshig long ba ma yin pa rnams ni mu stegs ser skya ba dang/ 'ug pa pa la sogs pa de lta bu de dag gi gzhung lugs sam/ lta ba spangs shing bor nas 'khor ba nas mya ngan las 'das par 'gro'o/ /long pa ma yin ba de
 dge gang zhe na/ 'phags pa nyan thos shes rab kyi mig dang ldan pa rnams so/ /yang na gsung rab kyi chos nyid de kho na la bsgrub po zhes bya ba'i tha tshig go /gsung rab kyi chos nyid ni 'dir bdag med pa 'am/ sangs rgyas kyi rjes su bstan pa'o/ /gnan dag
 na re gsung rab mdo sde la sogs pa gsung rab kyi yan lag bcu gnyis su gtogs pa'o/ /de'i chos nyid ni rigs pa dang ldan pa'i phyir legs par gsungs pa nyid dang/ mya ngan las 'das pa la gzhol ba nyid yin no/ /ji ltar mya ngan las 'das pa la
 gzhol bar 'gyur ce na/ mi rtag par 'du shes pa la bdag med pa'i 'du shes gnas pa bdag med par 'du shes pa la mya ngan las 'das pa la zhi bar 'du shes pa gnas te/ de la skrag pa med pa'i phyir ro/ /mya ngan las 'das pa la zhi bar 'gyur?
 shes pa la/ rgyu de la gzhol ba gnas so/ /gzhan yang bdag mi rtag par 'du shes pa ni srid pa dang mi mthun par 'gyur pa yin zhes pa dang bcas pa dang glo bur par khong du chud pa'i phyir ro/ /mya ngan las 'das pa la zhi bar 'du shes pas de
 dang mthun par 'gyur te/ de'i nges par 'byung ba nyid du khong du chud pa'i phyir ro/ /ji skad du/ chos 'di dag thams cad mya ngan las 'das pa la gzhol pa/ mya ngan las 'das pa lang bab ba/ mya ngan las 'das pa la bab pa ste/ mngon par brjod pa/
 na mya ngan 'das pa kho na mngon par brjod de ba'o zhes gsungs pa lta bu'o zhes zer ro/ /de'i phyir de lta na khong ba ma yi pa rnams kho na 'gro'o/ /long ba rnams ni ma yin no/ /long ba rnams ni bdag med pa ma mthong bas 'khor ba'i rgya mtshor 'khyams
 pa nyid do/ /de bstan pa'i phyir ro/ /de bzhin gshegs pa zhes bya ba brgyas par smos so/ /de bzhin gshegs pa nyid nyi ma yi pas de bzhin gshegs pa nyi ma ste/ chos zab mo mngon par rab tu ston pa'i phyir nyi ma yin no/ /ji ltar zhe na/ gnyen po'i
 byad par dang/ sku gzugs kyi khyad par dang/ 'od ze ri gyi khyad par dang/ yul gyi khyad par gyis so/ /gnyen po'i khyad par gyis ji lta bu zhen/ nyi ma phyir rol gyi mun pa nam mkha' la yod pa rnam par 'joms par nus pa yin la/ bcom ldan 'das?
 ni nang gi mun pa yid la yun ring por zhugs par 'joms par byed do/ /nyi ma shes gyi rang bzhin gyi gzugs ngo bo nyid kyis 'bar bas lhan ne ba yin la bcom ldan 'das gang sku gzugs stobs bcu
 dri ma med pas lhan ne ba yin pas sku gzugs kyis khyad par gyis ni de lta bu'o/ /nyi ma 'od gzer stong gi khyab pa la/ bcom ldan 'das kyang dam pa'i chos kyi gsung gi 'od gzer stong gi khyab ste/ 'od gzer gyi khyab par
 gyi ni de lta lta'o/ /nyi ma'i yul ni glong bzhi pa yin la/ de bzhin gshegs pa yin no/ khams gsum yin te/ de'i phyir cha cad zad kyis chos mtshungs pas de bzhin gshegs pa ni nyi ma lta bu yin no/ /de'i gsung dag ni de bzhin
 gshegs pa nyi ma'i gsung ngo/ /de nyid 'od yin pas de bzhin gshegs pa'i nyi ma'i gsung 'od do/ /de bzhin gshegs pa nyi ma'i gsung gi 'od de dag gi snang ba dang ldan pa'i ni snang ba dang ldan par 'gyur ces bya ba'i tha tshig go/ mya ngan las 'das ba
 nyid grong yin pas/ mya ngan las 'das pa'i grong ngo/ /de'i lam gcig pa ni mya ngan las 'das pa'i grong gi lam gcig bu de lam gzhan ma yin no zhes bya ba'i tha tshig go /gang zhig ce na/ bdag med pa nyid/ 'phags pa stong phrag
 gis bgrod pas na 'phags pa stong gis bgrod pa'o/ /phye yang zhes bya ba ni bdag med pa mya ngan las 'das pa'i grong gi lam gcig bu de bzhin gshegs pa nyi ma'i gsung gi 'od gser gyi snang ba dang ldan pa 'di rnam
 par phye yang mu stegs can nam/ gnas ma'i bu'i sde pa yang rung ste/ she rab kyi mig gsal ba med pa'i phyir ram/ /mig ma rig pa'i rab rib kyi sbubs kyi khebs pa'i phyir/ dman pa'i mig
 gis mi mthong ngo/ /'dir lam gyi yon tan ni gsum du brjod de/ 'di lta ste/ 'dod pa'i yul tu phyin par byed pa'i phyir/ bgrod pa gcig pa nyid dang/ gang gis na bag tsha ba med par
 'gro bas snang ba dang bcas pa nyid dang sdod rum dang tshed ma la sogs pas ma dkrugs pa'i phyir gang gis na bde blag tu 'gro ba bgrod cing rjes su 'gro pa'o/ /bdag med pa'i lam 'di yang de dang
 chos mthun par blta bar bya'o/ /rgyu bzhis na lam mi mthong ste/ mun pa mun nag dang bcas pa nyid dang/ nyi mas snang bar byas kyang ma bgrod pa nyid dang/ mi mang pos bgrod kyang bsgribs
 ba nyid dang/ phye yang lta ba po'i mig dman pa nyid do/ /de dag las 'dir lam 'di mi mthong ba'i rgyur ni gnag gis na de ltar mig gzhan pas 'di mthong pa gang lta ba bo'i nyes pa kho nas lam
 'di ma mthong gi /lam gyis nyes pas ni ma yin no zhes bya ba gcig kho na bshad de/ de ltar bdag med pa de bzhin gshegs pa/ nyi ma'i gsung gi 'od dag gis snang ba dang ldan pa/ 'phags pa
 stong phrag gis bgrod pa 'di phyed yang mig dman pas mi mthong ngo/ /zhes bya bar khod du chud par bya'o/ /de ltar 'di ni phyogs tsam zhig zhes bya ba rgyas par 'byung ba la/ de lta na de skad du
 ste/ ji skad bshad pa ston to/ /phyogs nyid phyogs tsam ste/ chos mngon pa'i bstan bcos chen po las/ nyud du 'di dag gis bstan to zhes bya ba ni tshig gi lhag ma yin no/ /su
 dag la zhe na/ shin tu mkhas pa rnams ste/ blo gros dad ldan pa rnams zhes bya ba'i don te/ de'i don gyi drug pa'o/ /ji lta bur zhe na/ rang gi mthu yis
 rnam 'phel ba'i/ /dug la rma'i phyogs bzhin du/ /zhes bya ba smos te/ ji ltar 'ga' zhig gis dug ni/ /rang gi mthus rma'i phyogs khyab na/ /yan lag dang nyid lag thams cad
 kyi nang du 'phel bar 'gyur ro snyam du bsams na/ ji ltar na 'di 'phel bar 'gyur snyam ste/ de'i rma 'byin pa de bzhin du shin tu mkhas pa rnams ni/ rang gi mthus 'phel pa'i phyir dug dang 'dra
 ba yin no/ /de bas na/ shin tu mkhas pa mgo smos pas go ba shes rab can de dag la/ bdag gis ji ltar na gzhung nyung dus chos mngon pa'i bstan bcos chen po/ kha che bye brag tu smra ba'i lugs grub
 ba'i don gyi sgo nas rtogs par 'gyur snyam ste 'di bstan to/ /gzhan dag na re de ltar 'di ni phyogs tsam zhig ces bya ba ni/ bdag med bar dgag pa 'di kho na'i dbang du byas nas bshad pa yin te/ bdag
 gis mngon pa'i bstan bcos 'di phal cher ni kha che bye brag smra ba'i tshul grub bshad /ces bya ba 'di nyid kyis/ don bshad zin pa'i phyir ro/ /zhes zer ro/ /mdzod kyi gnas brgyad pa'i zhar la byung bar
 'brel pa gang zag rnam par gtan la 'bebs pa rdzogs so// //bdag gis mdzod kyi 'grel 'di dka' ba'i phyir/ /slob dpon gyis ni lugs su rnam par phye/ /log par gyur
 gang de 'dir bdag gis rnyed/ /don bzang grub la bla de tshad ma yin/ /de ltar bdag gi mngon gyi 'grel bshad bzhin/ /dpyad nas de dag steng na sngon te dngos/ /mdzod kyis 'grel bshad mtshan nyid rjes 'brang ba/ /
 zhes bya ba 'di ding sang grangs sar sbyar ba yin/ /bdag gis mdzod bshad las byung dge ba dri med mi dge 'joms byed thob pa gang yin pa/ /de yi sems can srid pa gsum gtogs sdug bsngal mes gdungs ma lus mya
 ngan bzla bya ste/ /phyi nas bdag nyid kyang ni nyon mongs dgra bo ma lus rab 'joms sangs rgyas nyid thob nas/ /smar skye'i 'ching ba med phyir mya ngan 'das pa go 'phang dam pa rgya cher 'gro bar shog/ //slob
 dpon gang pa spel ba zhes bya ba/ chos mngon pa'i gzhung gang chen mtsho'i pha rol tu son pas mdzad pa/ chos mdon pa mdzod kyi 'grel bshad/ mtshan nyid kyis rjes su 'brang ba zhes bya ba 'di ni/ gang ri chen po te se
 dang yid bzhin gyi mtsho'i lho ngos ri bo chen po spos kyi dad ldang ba'i 'dab yul pu rangs su/ dge 'dun gtso bor gyur pa brgya phrag gcig dang/ dge 'dun spyir gyis g.yu phag sgur la sogs pa phul te/ bkas gnyer nas/
 rgya gar gyi mkhan po ka na ka ba rma dang bod kyi lotsA ba pa tshab nyi ma grags kyis bsgyur ba zhig go /sa bdag yon tan nyi ma byang chub sems dpa' i rgyud/ /bka' khrims bkod legs chos ldan gsung gi 'od gzer gyis/ /mnga' 'og
 gdul bya'i 'chol bI mun sel lam ston pa'i/ mchod yon bla blon dam pa rnams ni yol ba'i tshe/ /deng sang sil bu'i nad chen rang dga' i gdon ba bas te/ /bu rang sa tshogs gsum dge 'dun chos khrims sman gyis gsos/ /
 bsod nams dbang gis mkhas pa'i 'od ldan pa'i/ /dul ba'i gzi brjid byams pa'i dkyil 'khor can/ /lo dam yon tan nyi zla shar
 pa la/ /chos mngon rgya mtsho lugs kyi 'dzin khri'i gnas/ /mnyam bshad brgyud pa'i dge ba'i dpa' rlabs kyis/ /'chal pa'i ro bsam thar pa'i
 gnas thob shog /sarba mang+gA laM/ /