<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4380: chos mngon pa'i mdzod kyi bshad pa<br><table><tr><td>
<input type="button" onclick="location.href='tcompletep.php?id=N4380&coll=TN&volcur=1';" value="show page break" />
<td width=150><td>
<input type="button" onclick="location.href='tcompletel.php?id=N4380&coll=TN&volcur=1';" value="show line break" />

<td width=150><td>
<a href="tcompleteu.php?coll=TN&id=N4380&volcur=1" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">text in 2 volumes<br><br><a href="tcomplete.php?id=N4380&coll=TN&volcur=0">volume 1  (mngon pa (gu）)</a> - <span style="color:red;border: 2px solid red;border-radius: 5px;padding:3px;">volume 2 (mngon pa (ngu）)</span> - <br><br>ji skad du spangs pa ni yongs su shes pa'i ming 'thob bo zhes bshad pa de yang/ bden pa mthong
 dang bsgoms pa las/ /nyon mongs spangs pa zhes bshad pa/ /nyon mongs pa rnams mthong bas spang bar bya ba dang/
 bsgom pas spang bar bya ba yin no zhes rgyas par bshad pa/ da ni mthong ba dang bsgom pa'i lam de dag ci zag pa med
 pa 'am/ zag pa dang bcas pa zhes brjod par bya zhe na/ de'i phyir 'di brjod de/ bsgom pa'i lam ni rnam gnyis te/
 mthong ba zhes bya zag pa med/ /bsgom pa'i lam ni rnam pa gnyis te/ 'jig rten pa dang/ 'jig rten las
 'das pa'o/ /mthong ba'i lam ni khams gsum pa'i gnyen po yin pa'i phyir dang/ mthong bas spang bar bya ba rnam pa dgu
 cig car du spong ba'i phyir 'jig rten las 'das pa kho na yin te/ 'jig rten pa la ni de 'dra ba'i mthu med do/ /bden pa mthong
 ba las zhes bshad pa/ bden pa de dag kyang gang zhig ce na/ bden pa dag ni bzhir bshad do/ /gang du bshad ce na/ chos zag
 pa dang bcas pa dang/ zag pa med pa bstan par zag med lam gyi bden pa dang zhes lam gyi bden pa rang gi ming gis bstan to/ /so sor brtags pas 'gog pa  
 gang bral ba'o zhes 'gog pa'i bden pa bstan to/ /sdug bsngal kun 'byung 'jig rten dang zhes bya ba der sdug bsngal dang kun 'byung gi bden pa dag bstan to/ /ci
 'di dag gi rim pa 'di kho na yin nam zhe na/ smras pa ma yin no/ /'o na ji lta bu yin zhe na/ sdug bsngal kun 'byung de bzhin du/ /'gog dang lam ste de ltar na/ /
 de dag gi rim pa ni 'di yin no/ /de bzhin zhes bya ba'i sgra ni rang gi ngo bo ni sngar ji skad bshad pa de kho na bzhin no/ /zhes rab tu bstan par bya ba'i phyir ro/ /de ni
 de dag ji ltar mngon rtogs rim/ /bden pa gang zhig sngar mngon par rtogs pa de sngar bstan to/ /de lta ma yin na rgyu ni sngar bstan la 'bras bu ni phyis bstan
 par 'gyur ro/ /kha cig ni skye ba dang mthun pa bstan te/ dper na dran pa nye bar gzhag pa dang/ bsam gtan la sogs pa lta bu'o/ /kha cig ni rab tu
 brtag pa dang mthun par bstan te/ dper na yang dag par spong ba rnams lta bu ste/ gang sngar ni skyes pa rnams spang bar bya ba'i phyir 'dun pa bskyed la/ phyis ni ma skyes pa
 rnams mi skye bar bya ba'i phyir 'dun pa bskyed pa'i nges pa 'di ni med do/ /bden pa rnams ni mngon par rtogs pa dang mthun par bstan pa yin no/ /ci'i phyir bden pa rnams de  
 ltar mngon par rtogs she na/ gang la chags pa dang/ gang gis gnod pa byed pa dang/ gang las thar pa don du gnyer ba'i sdug bsngal gyi bden pa de nyid la dang por rnam par
 dpyod pa'i gnas skabs na yongs su rtog la phyis 'di'i rgyu ni gang zhig yin zhes kun 'byung gi bden pa la yongs su rtog go /'di'i 'gog pa ni gang zhig yin zhes
 'gog pa'i bden pa la yongs su rtog go /'di'i lam ni gang zhig yin zhes lam gyi bden pa la yongs su rtog ste/ nad mthong bas de'i gzhi dang zad pa dang sman tshol ba bzhin no/ /bden pa rnams
 kyi dpe 'di ni mdo las kyang bstan to/ /mdo gang las she na/ yan lag bzhi dang ldan pa'i sman pa zug rngu 'byin pa zhes gsungs pa de las bstan to/ /sngar 'phangs pa'i phyir ji ltar rnam par dpyod
 pa'i gnas skabs na bden pa la yongs su rtog pa de kho na bzhin du mngon par rtogs pa'i gnas skabs na yang bden pa mngon par rtogs te/ dkyus bstan pa'i rta thag thogs med par brgyug pa
 bzhin no/ /mngon par rtogs pa zhes bya ba'i don ni ci zhe na/ mngon par yang dag par rtogs pa'o/ /ci'i phyir zag pa med pa kho na yin gyi zag pa dang bcas pa ma yin zhe na/ de ni mya ngan las 'das pa
 la mngon du phyogs par yang dag par rtogs pa ste/ yang dag par zhes bya ba ni de kho na nyid du'o/ /de la nye bar len pa'i phung po 'bras bur gyur pa rnams ni sdug bsngal gyi bden pa yin no/ /rgyur gyur
 pa rnams ni kun 'byung gi bden pa yin te/ 'di las kun 'byung ba'i phyir ro/ /de nyid kyi phyir 'di gnyis ni rgyu dang 'bras bur gyur pas ming gi sgo nas bye brag yod kyi rdzas su ni ma yin no/ /'gog pa dang
 lam ni rdzas su yang bye brag yod do/ /mdo las 'phags pa'i bden pa rnams zhes 'byung ba de'i don ci zhe na/ 'di dag ni 'phags pa rnams la bden pas/ de lta bas na
 mdo kho na las/ 'phags pa'i bden pa rnams zhes bshad do/ /ci 'di dag gzhan rnams la brdzun nam zhe na/ 'di dag ni phyin ci ma log pa'i phyir thams cad la bden na 'phags pa rnams kyis ni 'di dag
 ji lta ba de kho na bzhin du gzigs kyi gzhan dag gis ni ma yin pas de'i phyir 'di dag ni 'phags pa rnams kyi bden pa zhes bya ba'i phyir ci log tu mthong ba'i phyir 'phags pa ma yin pa rnams kyi ni ma
 yin te/ tshigs su bcad pa las/ 'phags pas bde bar gang gsungs pa/ /de ni gzhan gyis sdug bsngal rig /gzhan gyis bde bar gang smras pa/ /de ni 'phags pas sdug bsngal rig /ces 'byung
 ngo/ /gzhan dag na re gnyis ni 'phags pa rnams kyi bden pa yin la/ gnyis ni 'phags pa yang yin 'phags pa rnams kyi bden pa yang yin no zhes zer ro/ /gang gi tshe tshor ba'i phyogs gcig
 sdug bsngal gyi rang bzhin yin pa de'i tshe ji ltar na 'du byed zag pa dang bcas pa thams cad sdug bsngal zhes brjod ce na/ yid 'ong yid du mi 'ong dang/ /de las gzhan zag bcas
 rnam nyid/ /sdug bsngal nyid gsum ldan pa'i phyir/ /ci rigs ma lus sdug bsngal lo/ /sdug bsngal nyid ni gsum ste/ sdug bsngal gyi sdug bsngal nyid dang/ 'du byed kyi sdug bsngal nyid dang/ 'gyur ba'i sdug bsngal nyid do/ /de dag
 gis ci rigs par 'du byed zag pa dang bcas pa thams cad ma lus par sdug bsngal ba yin te/ de la yid du 'ong ba rnams ni 'gyur ba'i sdug bsngal gyi sdug bsngal ba nyid do/ /yid du mi 'ong ba rnams ni sdug bsngal gyis sdug bsngal gyi sdug bsngal ba
 nyid do/ /de dag las gzhan pa rnams ni 'du byed kyi sdug bsngal gyi sdug bsngal ba nyid do/ /yid du 'ong ba ni gang dag yin/ yid du mi 'ong ba ni gang dag yin/ gnyi ga ma yin pa ni gang dag yin zhe na/ tshor ba gsum dang go rims bzhin te/ de'i dbang
 gis bde ba myong bar 'gyur ba la sogs pa'i 'du byed rnams kyang yid du 'ong ba la sogs pa'i ming 'thob bo/ /bde ba'i tshor ba ni 'gyur bas sdug bsngal ba nyid de/ mdo las bde ba'i tshor ba ni skye ba na yang bde/ gnas pa na yang bde la/ 'gyur ba na sdug bsngal
 lo zhes gsungs so/ /sdug bsngal ni sdug bsngal gyi rang gi ngo bo kho nas sdug bsngal ba nyid de/ mdo las sdug bsngal gyi tshor ba ni skye ba na yang sdug bsngal la/ gnas pa na yang sdug bsngal lo zhes gsungs so/ /bde ba yang ma yin sdug bsngal ba yang ma
 yin pa'i tshor ba ni rkyen gyis mngon par 'du byed pa'i phyir 'du byed kho nas sdug bsngal ba nyid de/ gang mi rtag pa de ni sdug bsngal ba yin no zhes 'byung ngo/ /de myong bar 'gyur ba'i 'du byed rnams kyang tshor ba dang 'dri bar brjod do/ /gzhan dag na re sdug bsngal nyid
 sdug bsngal nyid yin pas sdug bsngal gyi sdug bsngal nyid yin la/ 'du byed nyid sdug bsngal yin pa'i bar du yang de dang 'dra'o zhes zer ro/ /'gyur ba yang sdug bsngal gyi sdug bsngal dag ni yid du 'ong ba dang yid du mi 'ong ba rnams kyi thun mong ma yin pa'i
 phyir bshad do/ /'du byed thams cad ni 'du byed kyi sdug bsngal nyid kyis sdug bsngal ba nyid la/ de dag kyang 'phags pa rnams kho nas gzigs so/ /'dir smras pa/ lag mthil spu nyag gcig 'dug pa/ /mi rnams kyis ni mi
 rtogs la/ /de nyid mig du song na ni/ /mi bde ba dang gnod bskyed ltar/ /byis pa lag mthil 'dra ba yis/ /'du byed sdug bsngal spu mi rtogs/ /'phags pa mig dang 'dra ba ni/ /de yis shin tu yid kyang 'byung/ /ji ltar 'phags pa rnams srid pa'i rtse mos
 pa dag la sdug bsngal gyi blo 'jug pa ltar byis pa rnams ni mnar med pa'i phung po rnams la yang de ltar sdug bsngal gyi blo mi 'jug go /de ltar na 'o na ni lam yang 'dus byas yin pa'i phyir 'du byed kyi sdug bsngal nyid du thal bar 'gyur ro zhe na/ sdug bsngal
 zhes bya ba'i mtshan nyid ni mi mthun pa yin pa'i phyir lam ni sdug bsngal ba ma yin te/ de skye ba'i sdug bsngal thams cad zad pa 'dren pa'i phyir 'phags pa rnams dang mi mthun pa med do/ /gang gi tshe de dag mya ngan las 'das pa la zhi bar lta ba de'i tshe yang sdug
 bsngal du mthong ba gang yin pa de kho na'i 'gog pa la zhi bar lta'o/ /gang gi tshe 'di la bde ba yang yod pa de'i tshe ci'i phyir sdug bsngal kho na 'phags pa'i bden pa zhes bya zhe na/ kha cig na re bde ba myong ba'i phyir te/ mon sran sde'u la sogs pa yod bzhin du mon sran
 gre'u'o phung po zhes ston pa bzhin te/ mkhas pa su zhig chus btab pa'i bde ba chung ngus 'bras bu bde ba yin no snyam du sems par 'gyur/ yang smras pa/ sdug bsngal gyi ni rgyu phyir dang/ /sdug bsngal mang pos bskyed phyir dang/ /sdug bsngal yod na bde 'dod
 phyir/ /bde ba sdug bsngal zhes rtogs so/ /srid pa thams cad ni bde ba dang bcas te 'du byed kyi sdug bsngal du ro gcig pas 'phags pa rnams kyis sdug bsngal du gzigs te/ de'i phyir sdug bsngal kho na 'phags pa'i bden par rnam par bzhag gi bde ba ni ma
 yin no/ /da ni ji ltar bde ba'i rang bzhin gyi tshor ba rnams la sdug bsngal du lta zhe na/ mi rtag pa'i mtshan nyid kyis mi mthun pa'i phyir te/ dper na gzugs dang 'du shes la sogs pa la yang sdug bsngal du blta mod kyi/ de dag ji ltar sdug bsngal gyi tshor ba
 bzhin du sdug bsngal ba ni ma yin pa bzhin no/ /gang zhig sdug bsngal kyi rgyu yin pa'i phyir ro snyam du sems pa de'i de ni kun 'byung gi rnam pa yin gyi sdug bsngal gyi rnam pa ni ma yin no/ /gzugs dang gzugs med par skyes pa dag gis 'phags pa rnams la
 yang ji ltar sdug bsngal gyi 'du shes 'jug par 'gyur te/ de dag gi phung po rnams ni sdug bsngal gyi tshor ba'i rgyu ma yin no/ /mdo las 'du byed kyi sdug bsngal nyid kyang ci'i phyir gsungs par gyur/ gal te mi rtag pa'i phyir sdug bsngal nyid du lta na 'o na
 mi rtag pa dang sdug bsngal gyi rnam pa dag la khyad par ci zhig yod/ skye zhing 'jig pa'i chos can yin pa'i phyir mi rtag pa'i lta la/ mi mthun pa yin pa'i phyir sdug bsngal du blta ste/ mi rtag par mthong na mi mthun par 'gyur bas mi rtag pa'i rnam pas
 sdug bsngal gyi rnam pa 'dren par byed do/ /kha cig na re bde ba'i tshor ba zhes bya ba ni med pa nyid de/ thams cad sdug bsngal kho na yin no/ /'di ji ltar khong du chud ce na/ mdo dang rigs pa las te/ re zhig mdo las ji lta bu zhe na bcom ldan 'das kyis gang ci
 tshor yang rung de ni 'dir sdug bsngal lo zhes bya ba dang/ bde ba'i tshor ba ni sdug bsngal du blta bar bya'o zhes bya ba dang/ sdug bsngal la bde ba'i snyam du 'du shes phyin ci log go zhes gsungs te/ re zhig mdo las ni de lta bu'o/ /rigs pa las ji lta bu zhe
 na/ bde ba'i rgyu rnam par mi gnas pa'i phyir te/ kha cig bde ba'i rgyu btung ba dang bza' ba dang grang ba dang dro ba la sogs par 'dod pa gang dag yin pa de dag kho na ha cang spyad pa dang dus ma yin par spyad pa rnams kyang sdug bsngal gyi rgyu dag tu 'gyur ro/ /bde ba'i rgyu
 'phel ba 'am mnyam pas ni dus gzhan na sdug bsngal bskyed par rigs pa ma yin pas de dag ni dang po kho na nas sdug bsngal gyi rgyu dag yin zhing bde ba'i rgyu ni ma yin la/ mjug tu ni sdug bsngal de 'phel bar gyur pas bsal
 bar 'gyur bar zad de/ spyod lam gyi bye brag la yang de bzhin du brjod par bya'o/ /sdug bsngal gyi gnyen po dang sdug bsngal gyi bye brag la bde ba'i blo skye ba'i yang phyir te/ ji srid du bkres pa dang skom pa dang grang ba dang tsha ba dang ngal ba dang 'dod
 pa'i 'dod chags las skyes pa'i sdug bsngal gzhan gyis gtses par ma gyur pa de srid du bde ba'o snyam du tshor ba cung zad kyang med de/ de lta bas na mi mkhas pa rnams ni gnyen po kho na la bde ba'i blo 'jug gi bde ba la ni ma yin no/ /byis
 pa rnams ni sdug bsngal gyi bye brag la yang bde ba'i blo skyed par byed de/ dper na phrag pa nas phrag par khur yod par byed pa lta bu'o/ /de lta bas na bde ba ni med pa kho na'o zhes zer ro/ /chos mngon pa rnams na re/ yod pa nyid do zhes zer te/ 'di
 nyid rigs pa yin no/ /ji ltar byas pas she na/ re zhig bde ba la skur pa 'debs pa de la 'di dri bar bya ste/ sdug bsngal zhes bya ba 'di ci zhig yin/ gal te gnod pa'i bdag nyid gang yin pa'o zhes zer na ni ji lta bu yin zhes brjod par bya'o//
 gal te gnod par byed pa yin no zhes zer na ni phan par byed pa bde ba yin no zhes bya bar grub bo/ /gal te mi 'dod pa yin no zhes zer na ni 'dod pa bde ba yin no zhes bya bar grub bo/ /gal te 'dod pa de nyid 'phags pa rnams 'dod chags dang bral ba'i
 tshe mi bzhed pa yin te/ de lta bas na 'dod pa nyid yongs su ma grub pa yin no zhes zer na ni ma yin te/ mi 'dod pa ni gzhan du yin pa'i phyir ro/ /tshor ba gang zhig rang gi mtshan nyid kyis 'dod pa de ni nam yang de kho nas mi 'dod par mi 'gyur te/ 'di
 ltar 'phags pa rnams ni 'di/ gang gis na mi bzhed par 'gyur ba rnam pa gzhan gyis rnam par sun 'byin par byed cing/ 'di la bag med pa'i gnas dang/ mngon par 'du bya ba chen pos bsgrub par bya ba dang/ rnam par 'gyur ba can dang/ mi
 rtag par lta'i rang gi mtshan nyid kyis rnam pas ni ma yin no/ /gal te 'di rang gi mtshan nyid kyis mi 'dod pa zhig yin par gyur na ni de la su yang 'dod chags skye bar mi 'gyur ba zhig na/ gang gi phyir 'dod chags dang bral ba'i ched du rnam pa
 gzhan gyis kyang skyon can du lta bar 'gyur te/ de lta bas na bde ba'i tshor ba ni rang gi mtshan nyid kyis yod pa kho na'o/ /bcom ldan 'das kyis gang ci tshor yang rung ba de ni 'dir sdug bsngal lo zhes gsungs pa gang yin pa de ni bcom ldan 'das kho
 nas kun dga' bo gang ci tshor yang rung de ni 'dir sdug bsngal lo zhes bya ba ni ngas 'du byed mi rtag pa nyid dang/ 'du byed rnam par 'gyur ba nyid las dgongs nas gsungs so zhes don nges par mdzad pa yin no/ /de lta bas na 'di ni sdug bsngal gyi sdug
 bsngal nyid las dgongs te gsungs pa ma yin par grub pa yin no/ /gal te tshor ba thams cad rang bzhin gyis sdug bsngal ba zhig yin par gyur na ni ci'i phyir 'phags pa kun dga' bos bcom ldan 'das la 'di skad du bcom ldan 'das kyis bde ba
 dang/ sdug bsngal ba dang/ bde ba yang ma lags sdug bsngal ba yang ma lags pa dang tshor ba 'di gsum yang gsungs la/ bcom ldan 'das kyis gang ci tshor yang rung de ni 'dir sdug bsngal lo zhes kyang gsungs na/ bcom ldan 'das kyis ci las dgongs
 nas gang ci tshor yang rung de ni 'dir sdug bsngal lo zhes bka' stsal zhes zhus par 'gyur te/ des kyang 'di skad du bcom ldan 'das kyis ci las dgongs nas tshor ba gsum zhes bka' stsal zhes zhus par 'gyur la/ bcom ldan 'das kyis kyang 'di skad
 du tshor ba gsum zhes bya ba 'di ni ngas dgongs nas bshad pa yin no zhes lung bstan par 'gyur ba zhig na de skad kyang bka' ma stsal te/ de lta bas na tshor ba gsum ni rang gi ngo bos yod la/ gang ci tshor yang rung de ni 'di'i
 sdug bsngal lo zhes bya ba 'di ni ngas dgongs nas bshad pa yin no zhes tshig 'di ni dgongs pa can du ston par mdzad pa yin no/ /gang yang bde ba'i tshor ba ni sdug bsngal du blta bar bya'o/ /zhes gsungs pa yang de la gnyi ga yod de/ rang gi ngo
 bos yid du 'ong ba'i phyir ni bde ba nyid yin la rnam par 'gyur ba dang mi rtag pa'i chos can yin pa'i phyir rnam grangs kyis ni sdug bsngal nyid yin no/ /de la bden par mthong na ni 'dod chags can rnams de'i ro myang bar byed pa'i phyir 'ching bar
 'gyur la/ sdug bsngal du mthong na ni de la 'dod chags dang bral ba'i phyir thar bar 'gyur bas bcom ldan 'das kyis 'di ji ltar mthong na thar par 'gyur ba de kho na bzhin du blta bar bka' stsal ba yin no/ /de rang gi ngo bos bde zhes bya ba 'di ji ltar khong du
 chud ce na/ 'di ltar rdzogs pa'i sangs rgyas rab mkhyen gyis/ /'du byed mi rtag nyid dang ni/ /rnam par 'gyur ba nyid mkhyen nas/ /tshor ba sdug bsngal bar gsungs so/ /zhes bya ba smos so/ /gang yang sdug bsngal la bde ba'o snyam du 'du shes phyin ci
 log go zhes gsungs pa yang bstan pa 'di ni dgongs pa can yin te/ 'jig rten ni tshor ba dang/ 'dod pa'i yon tan rnams dang/ skye ba la bde bar 'du shes so/ /de la bde ba'i tshor ba la ni rnam grangs kyis sdug bsngal yang yod na gcig tu bde bar
 lta ba ni phyin ci log yin la/ 'dod pa'i yon tan rnams la yang bde ba ni chung la sdug bsngal ni mang ba yin na gcig tu bde bar lta ba ni phyin ci log pa yin te/ skye ba la yang de dang 'dra'o/ /de lta bas na de las bde ba'i tshor ba med par mi 'grub bo/ /gal
 te tshor ba thams cad rang gi ngo bo kho nas sdug bsngal ba yin par gyur na tshor ba gsum zhes gsungs pa la yon tan ci zhig yod par 'gyur/ gal te 'jig rten dang mthun par gsungs pa yin no zhe na ma yin te/ tshor ba thams cad sdug bsngal ba nyid ni ngas
 dgongs nas gsungs so zhes bka' stsal pa'i phyir ro/ /yang dag pa ji lta ba bzhin zhes gsungs pa'i yang phyir te/ bde ba'i dbang po gang yin pa dang/ yid bde ba'i dbang po gang yin pa 'di ni bde ba'i tshor ba yin par blta bar bya'o/ /zhes rgyas par
 gsungs nas gang gis dbang po lnga po 'di dag de ltar yang dag pa'i shes rab kyis yang dag pa ji lta ba bzhin mthong zhing/ de'i kun tu sbyor ba gsum yang spangs pa yin zhes bya ba de lta bu la sogs pa gsungs so/ /'jig rten yang ji ltar na sdug bsngal
 gyi tshor ba la rnam pa gsum du rtog par 'gyur gal te chung ngu dang chen po dang 'bring dag la go rims bzhin du bde ba la sogs pa'i blo skye bo zhe na ni bde ba la yang rnam pa gsum yod pas sdug bsngal chung ngu la sogs pa la bde ba chen po la sogs pa'i blo skye ba
 'gyur ro/ /gang gi tshe dri dang ro dang reg bya'i khyad par las skyes ba'i bde ba myong ba de'i tshe gang la 'di bde ba'i blor 'gyur ba sdug bsngal chung ngur gyur ba yang gang zhig yin/ sdug bsngal chung ngu de ma skyes pa dang 'gags pa na sdug bsngal ma lus pa dang bral
 ba'i phyir bde ba'i blo shin tu chos skye bar yang 'gyur te/ 'dod pa'i bde ba mngon sum du gyur pa la yang de bzhin du brjod par bya'o/ /tshor ba chung ngu la ni nyams su myong ba shin tu gsal ba dang shas chen por 'dzin la/ 'bring la ni mi gsal bar 'dzin ces bya ba gang
 yin pa 'di yang ji ltar rung/ bsam gtan gsum na bde ba yod do zhes 'byung bas sdug bsngal chung ngur yang 'gyur la/ gong na bde ba yang ma yin sdug bsngal ba yang ma yin pa yod de zhes 'byung bas sdug bsngal 'bring du yang 'gyur te/ de lta bas na sdug bsngal chung
 du la sogs pa la bde ba la sogs pa'i tshor ba rnam par bzhag tu mi rung ngo/ /bcom ldan 'das kyis kyang ming chen gal te gzugs gcig tu sdug bsngal ba zhig yin par gyur na ni bde ba yang med/ bde ba dang rjes su 'brel ba yang med
 ces bya ba de lta bu la sogs pa gsungs pas de'i phyir yang bde ba ni cung zad cig yod de/ re zhig de ltar na mdo las bde ba'i tshor ba med par mi 'grub bo/ /gang yang bde ba'i rgyu rnam par mi gnas pa'i phyir ro zhes smras pa de yang rgyu yongs su ma shes pa'i phyir
 smra bar zad de/ rten gyi khyad par la bltos pa'i yul bde ba'i rgyu 'am sdug bsngal gyi rgyu yin gyi yul 'ba' zhig ni ma yin no/ /de lus kyi gnas skabs gang zhig dang phrad nas bde ba'i rgyu yin pa de ni de dang phrad nas ma yin pa ni nam yang ma yin pas bde ba'i rgyu
 rnam par gnas pa kho na yin te/ dper na btso bar bya ba'i 'byung ba'i khyad par la bltos pa'i med de nyid zhim par tshos pa'i rgyu yang yin zhing/ de nyid mi zhim par tshos pa'i rgyu yang yin la/ btso bar bya ba'i 'byung ba'i gnas skabs gang dang phrad nas zhim
 par tshos pa'i rgyu yin pa de dang phrad nas rgyu ma yin pa bzhin te 'di ni dpe yin no/ /bsam gtan dag na yang bde ba'i rgyu ji ltar rnam par mi gnas pa yin/ gang yang gnyen po la bde ba'i blo skye zhes smras pa de la yang gang gi tshe 'di la sogs pa'i khyad par
 las skyes pa'i bde ba myong ba de'i tshe gang gi gnyen po la bde ba'i blor 'gyur/ sdug bsngal de ma skyes pa dang 'gags nas bde ba'i blo shin tu ches skye bar yang 'gyur ro/ /bsam gtan las skyes pa'i bde ba la yang gang gi gnyen po yin zhes bya ba de lta bu la
 sogs pa lan bshad zin to/ /khur sprod pa la yang ji srid du lus kyi gnas skabs de lta bu de med par ma gyur gyi bar du gnas skabs gzhan las skyes pa'i bde ba kho na skye bar 'gyur ro/ /de lta ma yin na phyis bde ba'i blo je mang du skye bar 'gyur te/ ngal ba'i
 spyod lam gyi rnam pa dag la yang de bzhin du rig par bya'o/ /gal te dang po nas rtsom pa zhig med na mjug tu sdug bsngal gyi blo reg la 'gyur zhe na/ lus yongs su 'gyur ba'i khyad par las te/ chang la sogs pa mngar ba mjug du skyur por 'gyur ba bzhin
 no/ /de lta bas na bde ba'i tshor ba yod pa kho na'o zhes bya ba yang grub la/ sdug bsngal nyid gsum dang ldan pa'i phyir zag pa dang bcas pa thams cad sdug bsngal lo zhes bya ba yang grub pa yin no/ /kun 'byung gi bden pa gang yin pa de nyid sdug bsngal gyi bden pa
 yin no zhes bya ba de ni mdo las thal ba yin te/ mdo las ni sred pa kho na yin par bshad do/ /de ni gtso bo yin pa'i phyir mdo las bshad kyi gzhan dag kyang kun 'byung ni yin no/ /'di ji ltar khong du chud par bya zhe na/ gzhan las gzhan yang yin par gsungs pa'i
 phyir te/ bcom ldan 'das kyis/ las dang sred pa dang ni ma rig pa/ phyi ma'i tshe la 'du byed rnams kyi rgyu zhes gsungs la/ yang sa bon gyi rnam pa lnga zhes bya ba 'di ni nye bar len pa dang bcas pa'i rnam par shes pa'i tshig bla dags yin no/ /sa'i khams zhes
 bya ba 'di ni rnam par shes pa gnas pa bzhi'i tshig bla dags yin no zhes kyang gsungs te/ de lta bas na mdo las bstan pa ni dgongs pa can yin la/ chos mngon pa las bstan pa ni mtshan nyid pa yin no/ /gzhan yang mngon par 'grub pa'i rgyu bka' stsol ba
 na ni kun 'byung gi bden pa sred pa kho na yin par gsungs la/ skye ba dang mngon par 'grub pa'i rgyu rgyu dang/ bcas par bka' stsal pa ni tshigs su bcad pa las las dang sred pa dang ma rig pa yin par gsungs te/ mdo las/ las ni skye ba'i rgyu yin pla/ sred pa
 ni mngon par 'grub pa'i rgyu yin no zhes 'byung ba'i phyir ro/ /yang na mdo las rgyu dang bcas/ rkyen dang bcas/ gzhi dang bcas zhes 'byung ba'i rim par bstan pa yin no/ /sa bon dang zhing gi dngos por ston par mdzad pas rnam par shes pa la sogs pa yang gsungs
 so/ /skye ba ni gang yin/ mngon par 'grub pa ni gang yin zhe na/ khams dang 'gro ba dang skye gnas la sogs pa'i rnam pa'i bye brag gi lus skye ba ni skye ba yin la/ bye brag med par yang srid par nying mtshams sbyor ba ni mngon par 'grub pa
 yin no/ /de gnyis kyi rgyu ni go rims bzhin du las dang sred pa yin te/ dper na sa bon sA lu dang nas la sogs pa'i rigs kyi bye brag gis myu gu skye ba'i rgyu yin la/ chu ni bye brag med par myu gu thams cad skye ba tsam gyi rgyu yin pa lta bu ste 'di ni dpe yin no/ /
 mngon par 'grub pa'i rgyu sred pa yin no zhes bya ba 'di la rigs pa ci zhig yod ce na/ sred pa dang bral ba skye ba med pa'i phyir te/ sred pa dang bcas pa dang sred pa dang bral ba gnyi ga yang 'chi ba las sred pa dang bcas pa dag kho na skye bar snang gi sred pa dang bral ba
 rnams ni ma yin pas sred pa med na skye ba med pa'i phyir srid pa mngon par 'grub par bya ba la sred pa rgyu yin par shes so/ /rgyud gzhol ba'i yang phyir te/ gang la sred pa dang bcas pa der sems kyi rgyud yang dang yang du gzhol bar mthong bas de lta bas na yang srid
 pa la yang de dang 'dra'o zhes bya bar shes so/ /ji ltar sred pas bdag pa'i chal sran chung gi phye ma'i lde gu bskams pas lus bzung ba bzhin du lus kun tu bzung ba de ltar ni gang gis kyang lus kun du ma bzung ste/ rgyu gzhan ni ji ltar bdag la chags pa de ltar
 rjes su 'brel pa ma yin te/ 'di ni rigs pa yin no/ /bcom ldan 'das kyis bden pa bzhi zhes kyang gsungs/ kun rdzob kyi bden pa dang/ don dam pa'i bden pa gnyis zhes kyang gsungs pa/ de gnyis kyi mtshan nyid ci zhe na/ gang la bcom dang blo yis
 gzhan/ /bsal na? de blo mi 'jug pa/ /bum chu bzhin du kun rdzob tu/ /yod de don dam yod gzhan no/ /gang la cha shas su bcom na de'i blo mi 'jug pa de ni kun rdzob tu yod pa ste/ dper na bum pa lta bu'o/ /de la ni gyo mor bcom na bum pa'i blo mi 'jug
 go /gang la blos chos gzhan bsal na de'i blo mi 'jug ba de yang kun rdzob tu yod pa yin par khong du chud par bya ste/ dper na chu lta bu'o/ /de la ni blos gzugs la sogs pa'i chos bsal na/ chu'i blo mi 'jug go /de dag kho na la kun rdzob tu de'i ming du btags pa yin
 pas kun rdzob kyi dbang gis bum pa dang chu yod do/ /zhes brjod pa na bden pa kho nar smras pa yin gyi/ brdzun pa ni ma yin pas de ni kun rdzob kyi bden pa yin no/ /de las gzhan pa ni don dam pa'i bden pa ste/ gang la bcom yang de'i blo 'jug pa kho na yin la /
 blos chos gzhan bsal yang de'i blo 'jug pa de don dam par yod pa yin te/ dper na gzugs lta bu'o/ /de la ni rdul phra rab tu bcom yang rung/ blos ro la sogs pa'i chos bsal kyang rung gzugs kyi rang bzhin gyi blo 'jug pa nyid de/ tshor ba la sogs pa yang
 de bzhin du blta bar bya'o/ /de ni don dam par yod pa'i phyir don dam pa'i bden pa zhes bya'o/ /sngon gyi slob dpon na re/ ji ltar 'jig rten las 'das pa'i shes pa 'am/ de'i rjes la thob pa 'jig rten pas 'dzin pa de ltar ni don dam pa'i bden pa yin no/ /ji ltar gzhan
 gyis 'dzin pa de ltar na kun rdzob kyi bden pa yin no zhes zer ro/ /bden pa rnams bshad zin to/ /ji ltar na de dag mthong bar 'gyur ba brjod par bya ste/ de'i phyir dang po 'jug pa las brtsams te brjod par bya'o/ /tshul gnas thos dang bsam gtan pa/ /bsgom pa la ni rab tu sbyor//
 bden pa rnams mthong bar 'dod pa ni dang po kho nar tshul khrims srung bar byed do/ /de'i 'og tu bden pa mthong ba dang mthun pa'i thos pa 'dzin pa 'am/ don nyan par byed do/ /thos nas phyin ci ma log par sems par byed do/ /bsams nas ting nge 'dzin sgom pa la rab tu sbyor
 par byed de/ de thos pa las byung ba'i shes rab la brten nas bsams pa las byung ba skye'o bsam pa las byung ba la brten nas bsgom pa las byung ba skye'o/ /shes rab 'di dag gi mtshan nyid ci zhe na/ thos sogs las byung blo rnams ni/ ming dang gnyi ga don yul can/ /bye
 brag tu smra ba rnams na re thos pa las byung ba'i shes rab ni ming la dmigs pa yin la/ bsam pa las byung ba ni ming dang don la dmigs pa yin te/ res 'ga' ni yi ges don 'dren par byed do/ /res 'ga' ni don gyis yi ges 'dren
 par byed do/ /bsgoms pa las byung ba ni don la dmigs pa kho na yin te/ de ni yi ge la mi bltos par don la 'jug go /dper na stong rgyal legs par ma longs pa chu'i nang du 'ju bar bya ba mi gtong ba kho na yin la/ cung zad lobs pa ni res 'ga' 
 ni gtong res 'ga' ni 'ju bar byed do/ /legs par lobs pa ni 'ju bar bya ba la mi bltos par rgal ba lta bu ste 'di ni dpe yin no zhes zer ro zhes grag go /gzhan dag na re rtog pa 'di la ni ming la dmigs pa gang yin pa de ni thos pa las byung ba yin par
 'gyur la/ don la dmigs pa gang yin pa de ni bsgoms pa las byung ba yin par 'gyur bas bsams pa las byung ba'i shes rab 'grub par mi 'gyur gyi/ thos pa las byung ba'i shes rab ni yid tshes pa'i lung tshad ma nyid las skyes pa'i nges pa
 yin no/ /bsam pa las byung ba'i rigs pas nges par brtags pa las skyes pa yin no/ /bsgoms pa las byung ba'i ting nge 'dzin las skyes pa yin no zhes bya ba 'di ni 'di dag gi mtshan nyid kha na ma tho ba med par snang ngo zhes zer ro/ /de ltar bsgom pa
 la rab tu brtson pa de ji ltar na bsgom pa rdzogs par 'gyur zhe na/ bsrings gnyis ldan zhes bya ba smos te/ gal te 'du 'dzi dang mi dge ba'i rnam par rtog pa thag pa bsrings pa'i phyir lus dang sems dag gis bsrings pa yin na rdzogs par 'gyur ro/ /'o na
 bsrings pa de gnyis su la sla zhe na/ 'dod ba chung ba dang chog shes pa la sla'i/ chog mi shes pa dang/ 'dod chen can la ma yin no/ /chog mi shes pa 'di ni gang zhig yin/ 'dod chen can ni gang zhig yin zhe na/ rnyed la yang sred chog mi shes/ /ma rnyed
 la 'dod 'dod chen can/ /chos mngon pa pa rnams na re chos gos la sogs pa gya nom pa rnyed pa la yang dang yang du 'dod pa ni chog mi shes pa yin la/ ma rnyed pa dag la de 'dod pa ni 'dod chen can yin no zhes zer ro zhes grag go /yang dang yang du 'dod pa de yang ma rnyed
 pa kho na la yin gyi rnyed pa la ni ma yin pa ma yin nam/ 'di gnyis la khyad pa ci zhig yod de 'di ni brjod par bya dgos so/ /'di ltar ni rung ste/ gya nom pa ma yin pa dang/ mang po ma yin pa rnyed pas yid mi bde bar ni chog mi shes pa yin no/ /gya nom pa dang mang po
 ma rnyed pa 'dod pa ni 'dod chen can yin no/ /bzlog pa de yis gnyen po dag /chog mi shes pa dang/ 'dod chen can las bzlog pa ni de dag gi gnyen po chog shes pa dang/ 'dod chen chung ba yin par rig par bya'o/ /de gnyis khams gsum gtogs dri med/ /de'i
 gnyen po zhes bya bar sbyar te/ khams gsum pa dag dang/ mi ldan pa dag kyang yin no/ /chog mi shes pa dang/ 'dod chen can ni 'dod pa na spyod pa dag kho na yin no/ /'dod chen chung ba dang/ chog shes pa 'di gnyis kyi rang bzhin ci zhe na/ ma chags zhes bya ba smos te/
 'di dag ni ma chags pa'i rang bzhin dag yin no/ /'phags rigs/ ma chags pa zhes bya bar sbyar te/ 'di dag las 'phags pa rnams skye bas na 'phags pa'i rigs bzhi ste/ de dag kyang ma chags pa'i rang bzhin yin no/ /de dag las gsum mchog shes bdag nyid
 do/ /dang po gsum po chos gos dang/ bsod snyoms dang/ mal cha dang stan gyis chog shes pa rnams ni chog shes pa'i rang bzhin dag yin no/ /'phags pa'i rigs bzhi pa ni spong ba dang bsgom pa la dga' ba nyid yin no/ /ji ltar na ma chags pa'i rang bzhin yin zhe na/
 srid pa dang 'dod pa'i 'dod chags la rgyab kyis phyogs pa'i phyir ro/ /yang bcom ldan 'das kyis 'phags pa'i rigs bzhis ci zhig bstan ce na/ gsum gyi tshul bstan tha mas las/ chos kyi rje bcom ldan 'das kyis/ rang gi tshul dang las kyi mdza' yongs su spangs
 shin tu thar pa don du gnyer bar khas 'ches pa'i slob ma rnams la tshul dang las gnyis bcas te/ 'phags pa'i rigs gsum gyis ni tshul bcas so/ /bzhi pas ni las bcas te/ phyed tshul 'dis las 'di byed na ring po mi thogs
 par thar pa thob par 'gyur ro zhes gsungs so/ /ci'i phyir tshul 'di lta bu dang/ las 'di lta bu bcas she na/ sred pa skye ba'i gnyen po'i phyir/ /mdo las sred pa skye ba bzhi gsungs te/ dge slong sred pa skye ba na chos gos kyi phyir dang bsod snyoms
 kyi phyir dang/ mal cha dang stan gyi phyir skye'o/ /gnas pa na gnas so/ /mngon par zhen pa na mngon par zhen to/ /dge slong sred pa skye ba na 'byung ba dang 'jig pa de lta bu'i phyir skye'o zhes rgyas par gsungs te/ de dag gi gnyen por 'phags pa'i rigs bzhi
 bstan to/ /bdag gi bdag 'dzin dngos 'dod ba/ /de yi dus dang gtan bzhi phyir/ /don de nyid rnam grangs kyis ston pa ste/ bdag gir 'dzin pa'i dngos po ni chos gos la sogs pa'o/ /bdag tu 'dzin pa'i dngos po ni lus so/ /de dag la 'dod pa ni sred
 pa'o/ /de la 'phags pa'i rigs gsum ni bdag gir 'dzin pa'i dngos po 'dod pa de'i dus su zhi bar byed pa yin no/ /bzhi pa ni gnyi ga 'dod pa gtan du zhi bar byed pa yin no/ /ji lta bu'i bsgom pa yongs su rdzogs par 'gyur ba 'di ni bshad zin to/ /de ltar snod du gyur
 pa de ji ltar na bsgom pa de la 'jug pa yin zhe na/ de la 'jug pa mi sdug dang/ dbugs rdub 'byung ba dran pa yis dran pa nyid dran pa yin no/ /gang dag ni mi sdug pas 'jug /gang dag ni dbugs rdub ba dang 'byung ba dran pas 'jug ce na/ go rims bzhin du 'dod chags
 rnam rtog lhag rnams so/ /'di dag la 'dod chags dang rnam par rtog pa lhag pa yod pas/ 'di dag ni 'dod chags dang rnam par rtog pa lhag pa dag ste/ gang zhig 'dod chags nye ba dang shin tu spyad pa de ni mi sdug pas 'jug go /gang zhig rnam par rtog ba spyad pa de ni
 dbugs rdub pa dang 'byung ba dran pas 'jug go /kha cig na re 'di ni sna tshogs la mi dmigs pa'i phyir rnam par rtog pa gcod par byed pa yin gyi/ mi sdug pa ni kha dog dang dbyibs kyi bye brag la dmigs pa'i phyir rnam par rtog pa 'dren par byed do zhes zer ro/ /
 gzhan dag na re kha phyir ma bltas pa'i phyir te/ mi sdug pa ni mig gi rnam par shes pa bzhin du kha phyir bltas pa yin te/ de'i yul la nye bar rtog pa'i phyir zhes zer ro/ /de'i 'dod chags ni rnam pa bzhi ste/ kha dog gi 'dod chags dang/ dbyibs kyi 'dod chags
 dang/ reg pa'i 'dod chags dang/ bsnyen bkur gyi 'dod chags so/ /dang po'i gnyen por ni rnam par bsngos pa la sogs pa la dmigs pa'i mi sdug ba rjod par byed do/ /gnyis pa'i ni rnam par zos pa dang/ rnam par 'thor ba la dmigs pa'o//
 gsum pa'i ni rnam par 'bus gzhigs pa dang/ rgyus pas brang breng du sbrel ba'i keng rus la dmigs pa'o/ /bzhi ba'i ni shi ba'i ro g.yo ba med pa la dmigs pa'o/ /bye brag med par ni/ keng rus chags bcas thams cad la/ shes te rus pa'i
 keng rus la ni chags pa'i bzhi rnam pa bzhi po 'di thams cad med do/ /mos pa dang nyi tshe ba yid la byed pa yin pa'i phyir mi sdug pas nyon mongs pa spong ba ni ma yin gyi rnam par gnon pa ni yin no/ /mi sdug pa sgom pa'i rnal 'byor spyod pa de ni rnam pa gsum
 du brjod de/ las dang po pa dang/ yongs su sbyang ba byas pa dang/ yid la byed pa rdzogs pa'o/ /de la rus ba rgya mtsho'i bar du ni/ /spro zhing sdud ba las dang po/ /mi sdug pa sgom par 'dod pa'i rnal 'byor spyod pa ni dang po nyid du rang gi lus kyi yan lag rkang pa'i
 mthe bo 'am/ dpral ba'i dbyes sam/ yang na de gar dga' bar sems gtod par byed cing/ des der sha myags shing zag par mos pas rim gyis rus pa rnam par spyod bar byed pa na thams cad rus pa'i keng rus su lta zhing/ de bzhin du mos pa bskyed
 pa'i phyir gnyis pa la mos par byed pa nas gtsug lag khang dang kun dga' i ra ba dang/ grong dang/ zhing dang rim gyis rgya mtsho'i mthas klas pa'i bar gyis gzhi rus pa'i keng rus kyis gang bar mos par byed do/ /yang sdud pa na sems
 bsdu ba'i phyir bdag gcig pu kho na la rus pa'i keng rus su mos pa'i bar du sdud de/ 'di tsam gyis na mi sdug pa yongs su rdzogs pa yin no zhes grag ste/ 'di ni las dang po pa'i rnal 'byor spyod pa yin no/ /rkang rus nas ni thod phyed par/ /btang bas spyad
 ba byas par bshad/ /de sems bsdu ba khyad par can du bya ba'i phyir rus pa'i keng rus de las rkang pa'i rus pa rnams bor nas lhag ma yid la byed cing/ de bzhin du thod pa'i phyed bar nas thod ba phyed kyi bar yid la byed pa 'di ni yongs su sbyar ba byas
 pa yin no/ smin ma'i bar du sems 'dzin pas/ /yid la byed pa rdzogs pa yin/ /de thod pa'i phyed kyang bor nas smin ma gnyis kyi bar du sems 'dzin bar byed pa 'di ni mi sdug pa yid la byed pa rdzogs pa'i rnal 'byor spyod pa yin no zhes grag go/
 dmigs ba chung bas chung la dbang chung bas ma yin pas yang mi sdug pa yang yod de zhes bya ba mu bzhi ste/ yid la byed pa spyad ba byas pa dang/ sbyad ba ma byas pa dag dang/ yid la byed pa spyad ba ma byas pa dang/ sbyad pa byas pa dag rang gi lus dang rgya mtsho'i
 mdza' klas pa la dmigs pa'i phyir ro/ /yang mi sdug ba 'di'i rang bzhin ci zhig yin/ sa ni du zhig yin/ dmigs pa ni ci zhig yin/ gang du ni skyed par byed ce na/ go rims bzhin du mi sdug ma chags bcu dang/ dmigs pa 'dod snang mis bskyed
 do/ /rang bzhin ni ma chags pa'o/ /sa ni bcu ste/ bsam gtan bzhi nyer bsdogs dang bsam gtan khyad par can dang bcas pa dang/ 'dod pa'i khams na yod do/ /dmigs ba ni 'dod pa na spyod pa'i snang ba yin no/ /snang ba zhes bya ba ci zhe na/ kha dog dang
 dbyibs te/ de nyid kyi phyir don la dmigs pa zhes bya bar grub bo/ /mi rnams kyi nang kho nar skyed kyi 'gro ba gzhan du yang ma yin na khams gzhan du lta smos kyang ci dgos/ der yang byang gi sgra mi snyan du ni ma yin no/ /mi nyid kyis mi sdug pa'i
 rnam pa zhes bya ba grub bo/ /dus gang ba yin pa de'i dus la dmigs so/ /mi skye ba'i chos can gyi yul ni dus gsum yin no/ /mos pa yid la byed pa yin pa'i phyir zag pa dang bcas pa yin no/ /'dris pa dang ma 'dris pa yin pa'i phyir 'dod
 chags dang bral bas thob pa dang sbyor ba las byung ba yin no/ /mi sdug pa'i mtshan nyid rab tu dbye ba dang bcas te bshad zin to/ /dbugs rdub dbugs 'byung dran pa ni/ /shes rab sa lnga spyod yul rlung/ /'dod rten dbugs rdub pa ni
 dgu dbugs rdub pa ste rlung 'jug pa gang yin pa'o/ /dbugs 'byung ba ni dbugs 'byin ba ste rlung 'byung ba gang yin pa'o/ /de gnyis dran pa ni dbugs rdub pa dang 'byung ba dran pa ste/ de ni shes rab kyi rang bzhin yin no/ /dran pa zhes smos pa ni dran pa nye
 bar gzhag pa bzhin te/ de'i stobs bskyed pas 'jug pa'i phyir ro/ /sa lnga po nyer bsdogs gsum dang/ bsam gtan khyad par can dang/ 'dod pa'i khams na yod de/ btang snyoms dang mtshungs par ldan pa'i phyir ro/ /bde ba dang sdug bsngal
 dag ni rnam par rtog pa dang mthun pa'i phyir de'i gnyen po ni de dag dang mtshungs par mi ldan no/ /bde ba dang yid bde ba dag kyang gtod pa la bar chad byed pa'i phyir la/ de yang gtad pas bsgrub par bya ba yin pa'i phyir ro zhes grag go /gang dag bsam
 gtan dngos gzhi dag na yang snyoms par zhugs pa la btang snyoms kyi dbang po yod par 'dod pa de dag gi ltar na sa brgyad pa yin no/ /yan chad ni dbugs rdub pa dang dbugs 'byung ba'i sa ma yin pa'i phyir ro/ /de'i dmigs pa'i rlung yin no/ /'dod
 pa'i khams kyi rten can yin te/ lha dang mi dag gi nang nas skyed do/ /sbyor ba las byung ba dang/ 'dod chags dang bral bas thob pa yin no/ /'di ni de kho na yid la byed pa yin no/ /chos 'di pa rnams kho na'i yin gyi phyi ba'i ma
 yin no/ /lung med pa'i phyir dang/ bdag nyid kyis chos zab mo mngon par mi rtogs pa'i phyir ro/ /de yang bgrang ba la sogs pa rnam pa drug /de ni bgrang ba dang rjes su 'gro ba dang/ 'jog pa dang/ nye bar rtog pa dang/ bsgyur ba dang/ yongs
 su dag pa ste/ rgyu drug dang ldan na yongs su rdzogs pa yin no/ /de la bgrang ba zhes bya ba ni dbugs rdub pa dang dbugs 'byung ba dag la sems gtad nas mngon par 'du bya ba med par lus dang sems rnal du bzhag ste dran pa tsam gyis gcig dang gnyis
 nas bcu'i bar du bgrang bar byed pa'o/ /sems mngon par sdud pa dang rnam par g.yeng bar dogs pas ha cang mang ba dang nyung ngur ni ma yin no/ /de la skyon ni gsum yod de/ gal te gnyis la gcig tu 'dzin na ma tshang bar bgrangs pa'i skyon no/ /gal
 te gcig la gnyis su 'dzin na lhag par bgrangs pa'i skyon no/ /gal te dbugs rdub pa la dbugs 'byin par 'dzin tam/ dbugs 'byin pa la dbugs rdub par 'dzin na 'chol bar bgrangs pa'i skyon no/ /de las gzhan pa ni yang dag pa'i bgrang
 ba yin no/ /bar skabs su sems rnam par g.yeng na yang mgo nas ji srid du ting nge 'dzin ma thob kyi bar du bgrang bar bya'o/ /rjes su 'gro ba zhes bya ba ni 'di dag thag ni ji srid gcig tu 'byung zhing 'jug /ci 'di dag lus thams cad la khyab pa dag
 cig gam/ phyogs 'ga' zhig na rgyu ba dag yin zhes mngon par 'du bya ba med par dbugs rdub pa dang dbugs 'byung ba'i 'gros kyi rjes su 'gro ba ste/ de 'jug pa na lkog ma dang/ snying ga dang/ lte ba dang rked pa dang brla dang/ byin par 'jug pa'i rim
 gyis rkang pa gnyis kyi bar du rjes su 'gro la/ 'byung ba na ma tho gang dang 'dom gang gi bar du 'byung ngo/ /gzhan dag na re rlung gi dkyil 'khor dang rnam par 'thor byed kyi rlung gi bar du'o zhes zer te/ 'di ni de kho na yid la byed pa yin pa'i phyir rigs pa ma yin no//
 'jog pa zhes bya ba ni nor bu'i thag pa bzhin du sna'i rtse mo nas rkang ba'i mthe bong gi bar du gnas par lta zhing/ ci 'di dag phan 'dogs par byed pa zhig gam/ gnod par byed pa zhig gam/ grang ngam dro ba dag cig ces rtog pa'o/ /nye bar rtog pa ni 'di
 dag ni rlung 'ba' zhig ma yin gyi 'byung ba chen po bzhi dag dang 'byung ba dag las mngon par 'grub pa rgyur byas pa'i gzugs dang/ de dag la brten pa sems dang sems las byung ba rnams kyang yod do zhes phung po lngar nye bar rtog par byed pa'o/ /bsgyur ba zhes
 bya ba ni rlung la dmigs pa'i blo bsgyur te chos kyi mchog gi bar du gong nas gong du dge ba'i rtsa ba rnams la yang dag par sbyor ba'o/ /yongs su dag pa ni mthong ba'i lam la sogs pa la 'jug pa'o/ /gzhan dag na re bsgyur ba ni dran pa nye bar gzhag pa nas
 rdo rje lta bu'i ting nge 'dzin gyi bar yin la/ rnam par dag pa ni zad pa shes pa la sogs pa yin no zhes zer ro/ /dbugs rdub dbugs 'byung dran pa 'di/ /bgrang dang rjes 'gro 'jog pa dang/ /rtog pa dang ni bsgyur ba dang/ /yongs dag rnam pa drug du 'dod//
 ces bya ba ni bsdu ba'i tshigs su bcad pa yin no/ /de la dbugs rdub dbugs 'byung gang las lus 'di gnyis ni lus kyi phyogs gcig yin pa'i phyir lus sa gang yin pa de'i sa pa dag yin par rig par bya'o/ /dbugs rdub pa dang dbugs 'byung ba ni gzugs
 med pa dang/ nur nur po la sogs par gyur pa rnams dang/ sems med pa dang/ bsam gtan bzhi pa la snyoms par zhugs pa rnams la med pa'i phyir lus dang sems khyad par can la brten nas 'jug pa yin te/ gal te lus kyang spubs yod pa yin la
 dbugs rdub dang/ dbugs 'byung ba'i sa pa'i sems kyang mngon sum 'gyur na de lta na 'jug go /skye ba dang bsam gtan bzhi pa las ldang ba ni 'jug la/ 'chi ba dang bsam gtan bzhi pa la snyoms par 'jug pa la ni 'byung
 ngo/ /dbugs rdub pa dang 'byung ba 'di gnyis ni/ sems can zhes bya/ sems can du mi bgrang ba dag ni ma yin no/ /ma zin pa'o/ /dbang po dang tha dad pa'i phyir ro/ /rgyu mthun las byung/ lus rgyas par 'grib par 'gyur ba'i phyir dang/ chad nas yang
 nying mtshams sbyor ba'i phyir rgyas pa las byung ba dang/ rnam par smin pa las skyes pa ni ma yin te/ rnam par smin pa'i gzugs la ni de lta bu med do/ /'og ma'i yid kyis de gnyis mi rtogs so/ /de gnyis ni rang gi sa pa dang sa gong ma pa'i sems
 kyis rtogs kyi/ 'og ma pa spyod lam pa dang sprul pa'i sems kyis mi rtogs so/ /'jug pa'i sgo gnyis bshad zin to/ /de gnyis kyis ting nge 'dzin thob nas lhag mthong bsgrub par bya ba'i phyir zhi gnas grub par gyur pa yis/ dran pa nyer gzhag
 bsgom par bya/ ji ltar bya zhe na/ lus tshor sems dang chos rnams la/ /mtshan nyid gnyis su yongs brtags pas/ /lus dang tshor ba dang/ sems dang chos rnams la rang dang spyi'i mtshan nyid dag tu yongs su brtag pa ste/ de dag gi rang gi
 mtshan nyid ni rang gi ngo bo'o/ /spyi'i mtshan nyid ni 'dus byas rnams ni mi rtag pa nyid dang/ zag pa dang bcas pa rnams sdug bsngal ba nyid dang chos thams cad stong pa dang bdag med pa nyid dag go /lus kyi rang gi ngo bo ci zhe na/ 'byung ba dang 'byung ba
 las gyur pa nyid do/ /gsum las gzhan pa dag ni chos so/ /mnyam par bzhag pas lus la rdul phra rab dang skad cig mar mthong bas lus dran pa nye bar gzhag pa grub pa yin no zhes grag go /yang dran pa nye bar gzhag pa rnams kyi rang bzhin ci zhe na/
 dran pa nye bar gzhag pa ni rnam pa gsum ste/ rang bzhin dang/ 'brel pa dang/ dmigs pa'i dran pa nye bar gzhag pa'o/ /de la rang bzhin gyi dran pa nye bar gzhag pa ni shes rab bo/ /shes rab ji lta bu zhig ce na/ thos sogs las byung ba'o/ /thos pa
 las byung ba dang/ bsams pa las byung ba dang/ bsgoms pa las byung ba'o/ /dran pa nye bar gzhag pa dag kyang rnam pa gsum ste/ thos pa dang bsams pa dang/ bsgoms pa las byung ba dag go /gzhan ni 'brel dang dmigs pa las/ /gzhan de
 dang lhan cig 'byung ba'i chos rnams ni 'brel pa'i dran pa nye bar gzhag pa yin no/ /de dag gi dmigs pa ni dmigs pa'i dran pa nye bar gzhag pa'o/ /rang bzhin gyi dran pa nye bar gzhag pa shes rab yin no zhes bya ba 'di ga las she na/ lus la lus
 kyi rjes su lta ba ni dran pa ni dran pa nye bar 'jog pa'o zhes byung ba'i phyir ro/ /rjes su lta ba zhes bya ba ci zhe na/ shes rab ste des de dang ldan par rjes su lta bar byed do/ /'di ltar nang gi lus la lus kyi rjes su lta zhing gnas so zhes kyang gsungs te/ 'di
 la rjes su lta ba ste lta ba yod pas na rjes su lta ba'o/ /lus la rjes su lta ba ni lus kyi rjes su lta ba'o/ /ci'i phyir shes rab la dran pa nye bar gzhag pa zhes bshad ce na/ bye brag tu smra ba rnams na re dran pa shas che ba'i phyir te/ shing gsheg pa'i khye'u
 dag gis 'dzin pa ltar dran pa'i stobs bskyed pas 'jug pa nyid kyi phyir zhes bya ba'i tha tshig go zhes zer ro/ /'di ltar ni rung ste/ 'dis dran pa nye bar 'jog pas na dran par nye bar gzhag pa ni shes rab yin te/ ji ltar mthong ba mngon par brjod
 pa'i phyir ro/ /'di ltar tshe dang ldan pa ma 'gags pas kyang/ lus la lus kyi rjes su lta zhing gnas pa de'i lus la dmigs pa'i dran pa gnas pa yang dag par gnas zhes rgyas par bshad do/ /bcom ldan 'das kyis kyang lus la lus kyi
 rjes su lta zhing gnas pa de'i dran pa nye bar gnas shing kun tu mi rmongs pa yin zhes gsungs so/ /gang las dge slong dag ji ltar na dran pa nye bar gzhag pa rnams kun 'byung ba dang/ nub pa yin zhe na zas kun 'byung bas ni
 lus kun 'byung ba yin la/ zas 'gags pas ni lus nub pa yin no zhes gsungs pa de las ni dmigs pa kho na dran pa nye bar gzhag par gsungs pa yin te/ 'di la dran pa nye bar gnas pa'i phyir ro/ /'di dag gi ming ni dmigs pa ji lta ba bzhin
 no/ /'di dag rang dang gzhan dang gnyi ga'i rgyud la dmigs pa'i phyir re re zhing/ rnam pa gsum gsum yin no/ /rim ni ji ltar skye ba bzhin ci'i phyir de ltar skye zhe na/ bye brag tu smra ba rnams na re/ sngar rags pa mthong ba'i phyir ro/ /yang na
 'di ltar 'dod pa la 'dod chags pa'i rten ni lus yin la/ de yang tshor ba mngon par 'dod pa'i phyir ro/ /de yang sems ma zhi ba'i phyir ro/ /de yang nyon mongs pa ma spangs pa'i phyir ro zhes zer ro/ /phyin ci log gi gnyen por bzhi/ /gtsang
 ba dang bde ba dang rtag pa dang bdag tu phyin ci log rnam pa bzhi'i gnyen por dran pa nye bar gzhag pa bzhi go rims bzhin du bstan te mi mang mi nyung ngo/ /de dag las gsum ni ma 'dres pa la dmigs pa yin no/ /bzhi pa ni gnyi ga yin te/ gal te chos
 kho na la lta na ma 'dres pa la dmigs pa yin no/ /'on te lus la sogs pa gnyis sam gsum mam bzhi po spyi la lta na 'dres pa la dmigs pa yin no/ /de ltar lus la sogs pa la dmigs pa'i dran pa nye bar gzhag pa rnams goms par byas
 nas/ de ni chos dran nyer gzhag pa/ /spyi la dmigs pa la gnas te/ /de dag la ni mi rtag dang/ /sdug bsngal stong bdag med par lta/ /chos dran pa nye bar gzhag par 'dres pa la dmigs pa la gnas te/ lus la sogs pa de dag thams cad
 spyir bsdus te/ mi rtag pa dang sdug bsngal ba dang/ stong pa dang bdag med pa dang/ rnam pa bzhir lta'o/ /de las dro bar gyur pa 'byung/ /chos dran pa nye bar gzhag pa la de ltar goms pa las rim gyis dge ba'i rtsa ba dro bar gyur pa zhes bya ba skye'o/ /
 dro bar gyur pa dang 'dra bas na dro bar gyur pa ste/ nyon mongs pa'i bud shing sreg par byed pa 'phags pa'i lam gyi me'i snga ltas yin pa'i phyir ro/ /de ni bden bzhi spyod yul can/ /dro bar gyur pa de ni rgyun chags pa yin pa'i phyir bden pa bzhi la
 dmigs pa yin no/ /rnam pa bcu drug /sdug bsngal la mi rtag pa dang/ sdug bsngal ba dang stong pa dang/ bdag med pa dang rnam pa bzhir lta'o/ /kun 'byung la rgyu dang kun 'byung ba dang/ rab tu skye ba dang/ rkyen dang rnam pa bzhir lta'o/ /'gog
 pa las 'gog pa dang/ zhi ba dang gya nom pa dang/ nges par 'byung ba dang rnam pa bzhir lta'o/ /lam la lam dang rigs pa dang/ sgrub pa dang/ nges par 'byin pa dang rnam pa bzhir lta ste 'di dag gi bye brag ni/ 'og nas bshad par bya'o/ /dro
 pa las rtse mo dro ba chung ngu dang 'bring dang chen po'i rim gyis mngon par 'phel ba las rtse mo dag kyang skye ste/ de yang de dang 'dra/ ji ltar dro ba rnams bden pa bzhi la dmigs pa dang/ rnam pa bcu drug yin pa bzhin te/ ches mchog tu gyur pa'i phyir na ming
 gzhan du btags so/ /dge ba'i rtsa ba g.yo ba'i rtse mo yin pa'i phyir rtse mo rnams te/ de dag las ltung ba 'am 'da' bar 'gyur ba'i phyir ro/ /gnyis ka chos kyis rnam pa gtong/ /dro bar gyur pa dang rtse mo gnyis ka chos dran pa nye bar gzhag pas
 rnam pa gtong ba byed do/ /rnam pa gtong ces bya ba 'di ci zhe na/ dang po nyid du bden pa rnams la rnam pa dag 'god pa'o/ /gzhan dag gis kyang 'phel bar byed/ dran pa nye bar gzhag pa bzhi char gyis kyang de dag 'phel bar byed do/ /rnam par 'phel
 bar byed pa na sngon thob pa rnams mngon sum du mi byed de/ dga' ba chen po med pa'i phyir ro/ /de chung ngu dang 'bring dang chen po'i rim gyis mngon par 'phel ba dag las yang/ bzod pa skye te/ yongs su mi nyams pa'i sgo nas
 bden pa la cher bzod pa'i phyir ro/ /de yang rnam pa gsum ste/ chung ngu dang/ 'bring dang chen po'o/ /de la rnam pa gnyis de bzhin/ rtse mo rnams ji skad bshad pa ltar bzod pa chung ngu dang 'bring dag kyang de dang 'dra ste/ de kho na bzhin du rnam pa gtong
 pa'i phyir ro/ /rnam par 'phel ba la ni khyad par 'di yod de/ bzod pa ni thams cad chos kyis 'phel bar byed chos dran pa nye bar gzhag pa kho nas 'phel bar byed kyi gzhan gyis ni ma yin no/ /chen po 'dod gtogs sdug bsngal yul bzod pa zhes
 bya bar sbyar te/ de ni chos kyi mchog dang nye ba'i phyir 'dod pa na spyod pa'i sdug bsngal la dmigs pa kho na'o/ /de nyid kyi phyir dro bar gyur pa la sogs pa'i des pa ma smos pa'i phyir khams gsum pa'i sdug bsngal la sogs pa la dmigs pa nyid
 du grub bo/ /gang gi tshe gzugs dang gzugs med pa'i gnyen po la sogs pa bden pa'i rnam pa dmigs pa re re nas phri nas 'dod pa na spyod pa'i sdug bsngal kho na la skad cig ma gnyis su yid la byed pa'i bar de thams cad ni bzod pa 'bring
 yin la/ gang gi tshe skad cig ma gcig kho na yin pa de'i tshe ni chen po yin no zhes grag go /de ni skad cig gcig /de ni skad cig ma gcig yin gyi rgyun chags pa ni ma yin no/ /de bzhin du chos mchog de dag kyang bzod pa chen po ji lta ba bzhin
 du 'dod pa na spyod pa'i sdug bsngal la dmigs pa dang skad cig ma gcig pa dag yin no/ /de dag ni 'jig rten pa yang yin la chos kyi mchog kyang yin zhing 'jig rten pa thams cad kyi mchog tu gyur pa'i phyir 'jig rten pa'i chos kyi mchog rnams te/
 skal ba mnyam pa'i rgyu med par de'i rtsal gyis lam 'dren par byed pa'i phyir ro/ /dro bar gyur pa la sogs pa de dag ni dran pa nye bar gzhag pa'i rang bzhin yin pa'i phyir shes rab kyi bdag nyid ces bya'o/ /thams cad phung po lnga 'khor
 dang bcas te smos pa'i phyir ro/ /thob pa ma gtogs thos pa rnams ni dro bar gyur pa la sogs pas ma bsdus te/ 'phags pa la de mngon sum du gyur pas dro bar gyur pa la sogs pa yang mngon sum du 'gyur du 'ongs pas so/ /de
 la bden pa gsum la dmigs pa'i dro bar gyur pa rnam pa gtong pa la ni chos dran pa nye bar gzhag pa da ltar byung ba yin la ma 'ongs pa ni bzhi char 'thob bo/ /'gog pa'i bden pa la dmigs pa la ni de kho na gnyi ga yin no/ /
 rnam pa dag ni thams cad du 'dra ba yin no/ /rnam par 'phel ba la ni bzhi las gang yang rung ba zhig yin la ma 'ongs pa ni bzhi char ro/ /'gog pa la dmigs pa de kho na la ni tha ma yin la ma 'ongs pa ni bzhi char ro/ /rnam pa ni
 thams cad de/ rigs rnams thob zin pa'i phyir ro/ /rtse mo bden pa bzhi la dmigs pa rnam pa gtong pa dang/ 'gog pa la dmigs pa 'phel ba la ni tha ma yin la ma 'ongs pa ni bzhi char ro/ /rnam pa ni thams cad do/ /bden pa
 gsum la dmigs pa rnam par 'phel ba la ni bzhi las gang yang rung ba zhig yin la ma 'ongs pa ni bzhi char ro/ /rnam pa ni thams cad do/ /bzod pa rnams la ni thams cad du tha ma yin la ma 'ongs pa ni bzhi char ro/ /rnam pa ni thams
 cad do/ /chos kyi mchog dag la ni yin la ma 'ongs pa ni bzhi char ro/ /rnam pa bzhi kho na ste/ gzhan med pa'i phyir dang/ mthong ba'i lam dang 'dra ba'i phyir ro/ /de lta na nges 'byed cha mthun rnam pa bzhi bzhi po 'di dag ni nges par 'byed pa'i cha 
 dang mthun pa'i dge ba'i rtsa ba dag yin te/ 'di lta ste dro bar gyur pa dang/ rtse mo rnams dang/ bzod pa rnams dang/ chos kyi mchog rnams so/ /de dag las gnyis ni yongs su nyams pa'i sgo nas g.yo
 ba'i phyir chung ngu dag yin no/ /bzod pa rnams ni 'bring yin no/ /chos kyi mchog rnams ni chen po yin no/ /nges par 'byed pa'i cha dang mthun pa rnams zhes bya ba'i don ci zhe na/ nges par 'byed pas na nges par 'byed pa ste/ 'phags pa'i lam mo/ /des the tshom
 spong ba'i phyir dang bden pa rnams la 'di ni sdug bsngal lo zhes bya ba nas 'di ni lam mo zhes bya ba'i bar du rnam par 'byed pa'i phyir ro/ /de'i cha ni mthong ba'i lam gyi phyogs gcig yin te/ de 'dren par byed pa nyid kyis phan 'dogs
 pa'i phyir nges par 'byed pa'i cha dang mthun pa rnams so/ /nges par 'byed pa'i cha dang mthun pa ni rnam pa 'di bzhi char yang bsgom 'byung/ thos pa dang bsams pa las byung ba ni ma yin no/ /mi lcogs med pa dang/ khyad par bsam
 gtan sa pa'o/ /'di'i sa pa ni mi lcogs pa med pa dang/ bsam gtan khyad par can dang/ bsam gtan bzhi yin te/ de dag gis bsdus pa'i phyir ro/ /mthong ba'i lam gyi 'khor yin pa'i phyir gong na med do/ /de med pa ni
 'dod pa'i khams la dmigs pa yin pa'i phyir ro/ /de yang sngar yongs su shes par bya zhing spang bar bya ba yin pa'i phyir ro/ /de dag gi rnam par smin pa ni gzugs kyi khams kyi phung po lnga yin no/ /yongs su rdzogs par byed pa dag kho na
 yin gyi 'phen par byed pa dag ni ma yin te/ srid pa'i gnyen po yin pa'i phyir ro/ /gnyis ni 'og na 'ang yod pa 'am/ 'am zhes bya ba'i sgra ni lugs tha dad pa'i don te/ btsun pa dbyangs sgrogs kyi ltar na nges par 'byed pa'i cha dang mthun pa dang
 po gnyis sa bdun pa yin te/ 'dod pa'i khams na yang yod do/ /bzhi po de dag thams cad kyang/ 'dod rten gsum ni mi dag gi nang kho na dang/ gling gsum du skyed par byed do/ /sngon bskyed pa rnams ni lha dag gi nang du mngon sum du byed do/
 bzhi pa ni lha dag gi nang du yang skyed par byed do/ /gsum ni skyes pa dang bud med kyi gnyi ga'i rten can dag 'thob bo/ /chos mchog bud med kyis/ gnyi ga'i rten can thob par 'gyur/ chos kyi mchog ni bud med kho nas gnyi ga'i rten
 can 'thob la/ skyes pas ni skyes pa'i rten can 'ba' zhig 'thob ste/ bud med nyid ni so sor brtags pas ma yin pas 'gog pa thob pa'i phyir ro/ /nges par 'byed pa'i cha dang mthun pa rnams ji ltar stong zhe na/ 'phags pas de
 dag sa bor nas stong ngo/ /'phags pa ni sa gang dag thob par gyur pa'i sa de dag 'dor ba na de dag stong gi gzhan du ni ma yin no/ /sa 'dor ba ni sa 'phos pa'i phyir ro/ /'phags min 'chi bas so/ /so so'i skye bo ni sa 'pho yang rung mi
 'pho yang rung ste ris mthun pa btang ba kho nas stong ngo/ /dang po gnyis yongs su nyams pas kyang/ stong la 'chi bas kyang stong ste/ so so'i skye bo kho na yin gyi 'phags pa ni de gnyis las yongs su nyams pa med do/ /bzod pa dang chos
 kyi mchog dag las ni so so'i skye bo yang yongs su nyams pa med do/ /dngos gzhis de nyid la bden mthong/ /gang zhig bsam gtan dngos bzhi'i sa pa'i nges par 'byed pa'i cha dang mthun pa rnams skyed par byed pa des ni tshe? de nyid la gdon mi
 za bar bden pa rnams mthong bar 'gyur te/ yid 'byung ba shas che ba'i phyir ro/ /rnam par nyams na sngon med 'thob/ /gang gi tshe rnam par nyams pa dag gi yang thob pa de'i tshe so sor thar pa'i sdom pa bzhin du sngon med pa dag kho na 'thob kyi sngon
 btang ba dag ni ma yin te/ ma 'dris pa dang 'bad de bsgrub par bya ba yin pa'i phyir ro/ /mtshams ston par byed pa zhes yod na ni gong nas skyed par byed do/ /bden ni gzhi kho nas skyed par byed do/ /rnam par nyams
 pa dang yongs su nyams pa 'di dag gi rang bzhin ci zhe na/ nyams pa gnyis ni mi ldan pa/ /nyams pa de gnyi ga yang mi ldan pa'i rang bzhin yin la/ yongs su nyams pa ni nyes pas byas pa yin gyi rnam par nyams pa ni gdon mi
 za ba ma yin no/ /dro bar gyur pa ni yongs su nyams kyang nges par mya ngan las 'da' ba' i chos can yin no/ /thar ba'i cha dang mthun pa dang khyad par ci yod ce na/ bar chad byed pa med na bden pa mthong ba la ches nye ba nyid yin no/ /rtse mo
 thob pa rtsa mi 'chad/ /rtse mo thob pa ni yongs su nyams kyang dge ba'i rtsa ba rnams kun tu mi 'chad kyi ngan song du yang 'gro la mtshams med pa dag kyang byed do/ /bzod thob ngan song mi 'gro'o/ /bzod pa las ni rnam par nyams kyang/
 ngan song du mi 'gro ste/ der 'gro ba'i las dang nyon mongs pa thag bsrings pa'i phyir ro/ /bzod pa thob pa kho nas 'gro ba dang/ skye gnas dang/ skye ba dang lus dang srid pa dang/ nyon mongs pa rnams kha cig gi mi skye ba'i chos nyid thob ste/
 ngan song gi 'gro ba rnams dang/ sgo nga las skye ba dang/ drod gsher las skye ba'i skye gnas dag dang/ 'du shes med pa'i sems can dag dang/ byang gi sgra mi snyan dang/ tshangs pa chen por skye ba rnams dang/ za ma dang/ ma ning dang mtshan
 gnyis pa'i lus rnams dang brgyad pa la sogs pa'i srid rnams pa dang/ mthong bas spang bar bya ba'i nyon mongs pa rnams kyi mi skye ba'i chos nyid 'thob bo/ /de dag ni ci rigs par te/ chung ngus ni ngan song gi 'gro ba rnams kyi mi skye ba 'thob la/ chen
 pos ni gzhan dag gi'o/ /nyan thos la sogs pa'i rigs tha dad pa'i phyir nges par 'byed pa'i cha dang mthun pa rnams rigs gsum yin te de la/ gnyis slob rigs las bzlog nas ni/ /sangs rgyas su 'gyur dro bar gyur pa dang/ rtse mor
 skyes pa nyan thos kyi rigs las bzlog nas yang sangs rgyas su 'gyur ba ni srid kyi bzod pa thob pa la ni de lta bu mi srid do/ /ci'i phyir zhe na/ ngan song bzlog pa'i phyir te/ byang chub sems dpa' rnams ni gzhan la phan 'dogs pa'i gzhan
 gyi dbang gis ngan song du yang 'gro'o zhes grag go /rigs de nyid bzlog tu mi rung ba'i phyir mi srid do/ /gzhan gsum yang/ bzlog nas 'gyur zhes bya bar sbyar te/ nges par 'byed pa'i cha dang mthun pa gsum yang nyan thos kyi rigs las
 ldog nas sangs rgyas las gzhan par 'gyur te rang sangs rgyas zhes bya ba'i tha tshig go /rang sangs rgyas kyi rigs rnams ni bzlog par mi nus te/ 'di ltar ston dang bse ru byang chub par/ /bsam gtan mdza' rten gcig la kun/ /ston pa ni
 sangs rgyas so/ /bse ru lta bu ni rang sangs rgyas te/ de gnyis ni ting nge 'dzin mi g.yo ba dang/ gsal ba'i phyir bsam gtan bzhi pa kho na la brten te stan gcig kho na la ngas par 'byed pa'i cha dang mthun pa rnams nas bzung ste/ byang chub kyi
 bar du skyed par byed do/ /byang chub ni zad pa dang mi skye ba'i ye shes yin no/ /zhes 'og nas bshad par bya'o/ /gzhan dag na re mi sdug pa nas bzung ste/ byang chub kyi bar du'o zhes zer ro/ /gang dag bse ru lta bu las gzhan pa'i rang sangs
 rgyas yod par 'dod pa de'i rigs rnams ni bzlog par dgag pa med do/ /ci tshe dang po kho na la sbyor ba byas te nges par 'byed pa'i cha dang mthun pa rnams skyed par byed dam zhe na/ de lta bu ni med kyi nges par de'i sngon du thar pa'i cha mthun bskyed par bya dgos so//
 thams cad pas shin tu myur ba'i srid pa gsum gyis thar/ sa bon 'debs pa dang 'bru skye ba dang/ 'bras bu chags pa bzhin du tshe gcig la ni thar pa'i cha dang mthun pa'i dge ba'i rtsa ba skyed par byed do/ /gnyis pa la
 ni nges par 'byed pa'i cha dang mthun pa rnams skyed par byed do/ /gsum par ni 'phags pa'i lam skyed par byed de/ chos nyid 'di la ni rgyud rim gyis 'jug pa dang/ yongs su smin pa dang/ rnam par grol bar 'gyur ro/ /thar pa'i cha
 dang mthun pa de yang thos bsam las byung ba yin par brjod de bsgom pa las byung ba ni ma yin no/ /las du dag cig ce na/ las gsum pa gtso bor ni yid kyi las yin no/ /de'i smon lam gyis yongs su bzung ba'i phyir lus dang ngag
 gi las kyang thar pa'i cha dang mthun pa yin te/ la la zhig gis zas 'ga' tsam byin nas sam bslab pa 'ga' tsam mnos nas thar pa 'dod pa'i stobs bskyed pas thar pa'i cha dang mthun pa 'phen par 'gyur ro/ /de yang mi yi nang nas
 'phen par byed/ mi rnams kyi nad kho na dang/ gling gsum nas 'phen gyi gzhan nas ni ma yin te/ ci rigs par shes rab dang skyo ba med pa'i phyir ro/ /thar pa'i cha dang mthun pa zla la bshad zin to/ /mngon par rtogs pa'i rim pa bshad
 par brtsams pa de la chos kyi mchog gi bar rnams ni bshad zin to/ /lhag ma brjod par bya ste/ de'i phyir 'jig rten pa yi chos mchog las/ chos kyi bzad pa zag pa med ces bya ba 'di smos te/ 'jig rten pa'i chos kyi mchog gi mjug
 thogs su chos shes pa'i bzod pa zag pa med pa skye'o/ /dmigs pa gang la zhen/ 'dod sdug bsngal la/ de'i dmigs pa'i 'dod pa na spyod pa'i sdug bsngal yin te/ de ni sdug bsngal la chos shes pa'i bzod pa zhes bya'o/ /zag pa med
 pa nyid yin par shes par bya ba'i phyir rgyu mthun pas bye brag tu byas te/ chos shes pa'i phyir bzod pa ni chos shes pa'i bzod pa ste me tog dang 'bras bu'i shing bzhin no/ /de nyid nges par 'jug pa zhes bya ste/ yang dag pa nyid du
 nges par zhugs pa'i phyir ro/ /yang dag pa nyid ni mdo las mya ngan las 'das pa yin par bshad do/ /der nges pa ni nges pa ste gcig tu gyur pa'o/ /der 'jug pa ni mngon par 'gro ba ste/ /de skyes na 'phags pa'i gang zag ces
 bya'o/ /ma 'ongs pas ni so so'i skye bo nyid zlog par byed de/ ma 'ongs pa de'i bya ba de kho na yin par khas len gyi gzhan ni ma yin te/ mar me dang skye ba bzhin no/ /gzhan dag na re 'jig rten pa'i chos kyi mchog rnams kyis bzlog
 go /zhes zer ro/ /ma yin te/ de'i chos yin pa'i phyir ro/ /de dang 'gal ba'i phyir nyes pa med de/ dgra bo'i phrag pa la zhon nas de la 'tshog pa bzhin no/ /gzhan dag na re gnyi gas zlog ste/ bar chad med pa dang rnam par
 grol ba'i lam dang chos mthun pa'i phyir ro zhes zer ro/ /de nas ni de nyid la chos shes/ sdug bsngal la chos shes pa'i bzod pa'i mjug thogs su 'dod pa na spyod pa'i sdug bsngal de kho na la chos shes pa skye te/ de ni sdug
 bsngal chos shes pa zhes bya'o/ /thams cad du yang zag pa med pa'i gnas skabs yin par rig par bya'o/ /ji ltar 'dod pa na spyod pa'i sdug bsngal la chos shes pa'i bzod pa dang chos shes pa skye ba de bzhin du/ sdug bsngal lhag
 la rjes bzod shes/ /sdug bsngal la chos shes pa'i mjug thogs su gzugs dang gzugs med pa na spyod pa'i sdug bsngal la rjes su shes pa'i bzod pa spyi la dmigs pa skye ste/ de ni sdug bsngal la rjes su shes pa'i bzod pa
 zhes bya'o/ /de nas ni rjes su shes pa skye ste/ de ni sdug bsngal la rjes su shes pa zhes bya'o/ /dang po nyid du chos kyi de kho na nyid shes pa'i phyir chos shes pa yin no/ /de'i rgyu las byung ba'i phyir gong
 ma'i sdug bsngal la sogs pa la dmigs pa ni rjes su shes pa ste/ de bzhin du rtog pa'i phyir ji ltar sdug bsngal gyi bden pa la bzod pa dang shes pa bzhi po de dag skye ba ltar/ bden pa gsum la de bzhin no/ /sdug
 bsngal rjes su shes pa'i mjug thogs su 'dod pa na spyod pa'i kun 'byung la chos shes pa'i bzod pa skye zhing/ de nas kun 'byung la chos shes pa skye la/ de bzhin du mjug thogs su skye ba'i rim gyis kun 'byung lhag ma la rjes
 su shes pa'i bzod pa dang/ kun 'byung la rjes su shes pa skye'o/ /'dod pa na spyod pa'i sdug bsngal 'gog pa la chos shes pa'i bzod pa dang/ 'gog pa la chos shes pa skye'o/ /'gog pa lhag ma la rjes su shes pa'i
 bzod pa dang/ 'gog pa la rjes su shes pa skye'o/ /'dod pa na spyod pa'i sdug bsngal gyi gnyen po lam la chos shes pa'i bzod pa dang/ lam la chos shes pa skye'o/ /lam lhag ma la rjes su shes pa'i bzod pa dang/ lam
 la rjes su shes pa skye ste/ de ltar bden pa mngon rtogs 'di/ /sems bcu drug go /de ltar na rim pa 'dis na bden pa mngon par rtogs pa 'di ni sems bcu drug yin no/ /sde pa gzhan gang dag bden pa rnams mngon par
 rtogs pa 'di ni gcig go zhes brjod pa de dag gi bsam pa lta bar bya ste/ bye brag med par ni mngon par rtogs pa zhes bya'o/ /de ni rnam gsum ste/ mthong dmigs bya ba zhes bya'o/ /mthong ba'i mngon par rtogs pa ni zag pa
 med pa'i shes rab kyi bden pa rnams mngon par rtogs pa'o/ /dmigs pa'i mngon par rtogs pa ni de dang mtshungs par ldan pa rnams kyis kyang mngon par rtogs pa'o/ /bya ba'i mngon par rtogs pa ni ldan pa ma yin pa
 tshul khrims dang skye ba la sogs pas kyang mngon par rtogs pa'o/ /sdug bsngal mthong na de'i mngon par rtogs pa ni gsum mo/ /kun 'byung la sogs pa'i ni bya ba'i mngon par rtogs pa yin te/ spong ba dang mngon
 sum du byed pa dang bsgom pa'i phyir ro/ /de lta bas gal te bden pa rnams mthong ba'i mngon par rtogs pa'i mngon par rtogs pa gcig go zhes smra na ni rnam pa tha dad pa'i phyir mi rigs par smras pa yin no/ /'on te thams
 cad bdag med pa'i rnam par mthong ngo zhes zer na ni/ 'o na ni bden pa rnams la sdug bsngal la sogs par mthong bar mi 'gyur bas de lta na/ 'phags pa nyan thos sdug bsngal la sdug bsngal du yid la byed pa 'am/
 kun 'byung la kun 'byung du yid la byed pa 'am/ lam la lam gyi bar du yid la byed pa gang zag pa med pa'i yid la byed pa dang mtshungs par ldan pa'i chos rnams rnam par 'byed pa gang yin pa zhes gsungs pa'i mdo dang 'gal
 lo/ /gal te de lta bu ni bsgom pa'i lam la yin no zhe na ma yin te/ ji ltar mthong ba bzhin bsgom pa'i phyir ro/ /'on te gcig mthong bas lhag ma rnams la dbang thob pa'i phyir mngon par rtogs pa gcig go
 zhes zer na ni nyes pa med de bar skabs su ldang ba yod dam med ces dpyad par bya ba yin no/ /'on te sdug bsngal kho na yongs su shes na kun 'byung yang spong la 'gog pa yang mngon sum du byed cing lam yang sgom par
 byed pas de'i phyir mngon par rtogs pa gcig go zhes zer na de lta na yang nyes pa med de/ gcig mthong na lhag ma rnams bya ba'i mngon par rtogs pa yin no zhes 'byung pa'i phyir ro/ /mdo las
 mthong ba'i mngon par rtogs pa'i phyir bden pa rnams rims kyis mngon par rtogs par gsungs par mngon te/ khyim bdag bden pa rnam par mngon par rtogs pa gcig pa ni med pa nyid de/ 'on kyang mthar gyis
 mngon par rtogs so/ zhes rgyas par gsungs pa dpe dang bcas pa'i mdo gsum khungs su yod do/ /gal te mdo las gang zhig sdug bsngal la nem nur med cing the tshom med pa de ni sangs rgyas la yang zhes gsungs pas
 mngon par rtogs pa gcig go zhes zer na/ ma yin te/ kun tu mi 'byung ba dang/ gdon mi za bar spong ba las dgongs te gsungs pa'i phyir ro/ /mngon par rtogs pa sems bcu drug par bshad pa gang yin pa de ni chos mchog
 dang sa gcig /chos kyi mchog sa gang yin pa sems bcu drug po 'di dag kyang de'i sa pa ste/ de dag ni sa drug pa'o zhes sngar bshad zin to/ /ci'i phyir gdon mi za bar bzod pa dag dang shes pa dag yin zhe na/ bzod dang shes
 pa go rims bzhin/ /bar chad med dang rnam grol lam/ /bzod pa rnams ni nyon mongs pa'i thob pa rnam par gcod pa la bar chad bya bar mi nus pa'i phyir bar chad med pa'i lam dag yin no/ /shes pa rnams ni nyon mongs
 pa'i thob pa las rnam par grol ba rnams la bral ba'i thob pa dang lhan cig skye ba'i phyir rnam par grol ba'i lam dag yin te/ de'i phyir gnyi ga yang yin par 'gyur te/ gnyis kyis rkun po 'byin pa dang sgo gcod pa bzhin no/ /
 gal te bar chad med pa'i lam gnyis pa kho na bral ba'i thob pa dang lhan cig skye bar gyur pa na dmigs pa de kho na la the tshom spangs pa'i shes pa skye bar mi 'gyur ro/ /gal te bzod pa rnams kyis nyon mongs pa spong pa'i phyir
 bstan bcos las kun du sbyor ba'i ris dgu zhes 'byung ba dang 'gal lo zhe na/ ma yin te/ bzod pa rnams ni shes pa'i 'khor yin pa'i phyir rgyal po'i 'khor gyis byas pa las rgyal pos byas so zhes tha snyad 'dogs pa bzhin
 no ci sems bcu drug po thams cad bden pa mthong ba'i phyir mthong ba'i lam yin zhe na/ smras pa yin no/ /'o na ji lta bu zhe na/ de la skad cig bco lnga ni/ ma mthong mthong phyir mthong ba'i lam/ /sdug bsngal la chos shes
 pa'i bzod pa nas bzung ste lam la rjes su shes pa'i zod pa'i bar gyi skad cig ma bco lnga po de dag ni mthong ba'i lam yin no/ /ci'i phyir zhe na/ bden pa ma mthong ba mthong ba'i phyir ro/ /bcu drug pa la ni sngon ma mthong ba blta
 bar bya ba med kyi ji ltar mthong ba goms par byed pa'i phyir sgom pa'i lam kho na yin no/ /des kyang lam la rjes su shes pa'i bzod pa ma mthong ba mthong ba ma yin nam zhe na/ bden pa'i phyir bsam gtan gyi skad cig ma la ni
 ma yin no/ /skad cig gcig ma mthong bas ni bden pa mthong ba ma yin te/ dper na nyag ma gcig ma brdas pas zhing ma brdas pa ma yin pa bzhin no/ /'bras bu yin pa'i phyir dang/ shes pa brgyad dang rnam pa bcu drug thob pa'i
 phyir dang lam snga ma rnam par nyams pa'i phyir dang/ rgyun chags pa yin pa'i phyir lam la rjes su shes pa ni bsgom pa'i lam yin no/ /yongs su ma nyams pa ni mthong bas spang bar bya ba'i spangs pa yang dag par 'dzin pa'i phyir ro//
 gal te de nyid kyi phyir mthong ba'i lam yin zhe na/ ma yin te/ ha cang thal bar 'gyur ba'i phyir ro/ /ci'i phyir shes pa bdun mthong ba'i lam yin zhe na/ mthong ba ma rdzogs pa'i phyir te/ bden pa
 mthong ba thams cad ma rdzogs pas de'i bar mar gyur pa'i phyir de dag kyang mthong ba'i lam yin no/ /mthong ba'i lam dang bsgom pa'i lam ji ltar skye ba bshad zin to/ /da ni ji ltar na 'phags pa'i lam skyes pa'i gang zag rnams
 rnam par bzhag pa de bzhin du bshad par bya ste/ mthong ba'i lam gyi rang bzhin gyi skad cig ma bco lngar bshad pa gang dag yin pa dbang po rno rtul de dag tu/ dad dang chos kyis rjes 'brang ba/ yin par rig par bya ste/ dbang po
 rtul po de dag la gnas pa ni dad pa'i rjes su 'brang ba zhes bya'o/ /dbang po rnon po ni chos kyi rjes su 'brang ba zhes bya'o/ /dad pas rjes su 'brang bas na dad pas rjes su 'brang ba'o/ /de 'di la yod pas sam/ 'di dad pas
 rjes su 'brang ba'i ngang tshul can yin pas na dad pas rjes su 'brang ba ste/ sngon gzhan gyi drid gis don gyi rjes su 'brang ba'i phyir ro/ /chos kyi rjes su 'brang ba'i yang de dang 'dra ste sngon bdag nyid kho nas mdo la sogs pa'i chos kyi
 don gyi rjes su 'brang ba'i phyir ro/ /de gnyis ni bsgom pas spang bya ma spangs na 'bras bu dang po la zhugs pa/ 'bras bu rnams kyi dang po ni 'bras bu dang po ste/ rgyun tu zhugs pa'i 'bras bu'o/ /de ni 'bras bu thob par bya ba thams
 cad kyi dang po yin pa'i phyir ro/ /dad pa dang chos kyi rjes su 'brang ba de dag nyid gal te sngon 'jig rten pa'i lam gyis bsgom pas spang bar bya ba ma spang ba 'ching ba mdza' dag dang ldan pa yin na ni de gnyis rgyun du zhugs pa'i 'bras bu
 la zhugs pa zhes bya'o/ /rnam pa lnga'i bar bcom/ gal te sngon 'jig rten pa'i lam gyis bsgoms te spang bar bya ba 'dod pa na spyod pa rnams las rnam pa lnga'i bar du spangs pa zhig yin na yang de bzhin du dang po'i 'bras bu la
 zhugs pa dag ces bya'o/ /gnyis pa la/ dgu pa tshun chad zad pa yin/ gnyis pa la zhes bya ni gnyis pa'i phyir te/ gal te de gnyis kyis de yan chad rnam pa drug gam bdun nam brgyad dag cig sngon spangs pa yin na ni de
 gnyis 'bras bu gnyis pa la zhes bya ste/ gnyis pa gang zhe na/ lan cig phyir 'ong ba'i 'bras bu'o/ /'dod pa 'am yang na gong ma las/ chags bral gsum pa la zhugs pa/ gal te rnam pa dgu pa yang spangs pa'i
 phyir 'dod pa'i khams las 'dod chags dang bral ba zhig yin nam/ gong ma ci yang med pa'i skye mched kyi bar las 'dod chags dang bral ba zhig yin na de gnyis 'bras bu gnyis 'bras bu gsum pa la zhugs pa zhes bya ste/ bsam
 pa gang zhe na/ phyir mi 'ong ba'i 'bras bu'o/ /gang zhig gang las zhugs pa ni/ bcu drug pa la de 'bras gnas/ sems bcu drug pa skyes na de gnyis dad pa dang chos kyi rjes su 'brang ba zhes kyang mi bya la/ zhugs pa zhes
 kyang mi bya'o/ /'o na ci zhe na/ 'bras bu la gnas pa dag yin te gang zhig rgyun tu zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu yang rung 'bras bu gang la zhugs par gyur pa de ni
 de'i tshe 'bras bu la gnas pa yin no/ /dgra bcom pa nyid ni dang po nyid du thob par mi nus te/ mthong ba'i lam gyis bsgom pas spang bar bya ba mi spong ba'i phyir dang/ sngar yang srid pa'i rtse mo las 'dod chags dang bral ba srid pa'i
 phyir ro/ /de tshe dbang po rno rtul dag /dad pas mos dang mthong bas thob/ /de'i tshe dbang po rtul po sngon dad pas rjes su 'brang ba gang yin pa de ni dad pas mos pa zhes bya'o/ /dbang po rnon po sngon chos kyi
 rjes su 'brang ba gang yin pa de ni mthong bas thob pa zhes bya ste/ dad pa dang shes rab lhag pas mos pa dang mthong bas rab tu phye ba'i phyir ro/ /ci'i phyir rnam pa lnga spangs kyang sems bcu drug pa la rgyun tu zhugs pa kho na zhes bya
 ba/ lan cig phyir 'ong ba'i 'bras bu la zhugs pa zhes mi bya zhe na/ gang gi phyir 'bras thob 'bras bu khyad par gyis/ lam thob med pas de yi phyir/ /'bras gnas khyad par bya ba'i phyir/ /mi brtson pa ni zhugs ma yin//
 'bras bu thob na 'bras bu khyad par can gyi lam mi 'thob bo zhes bya ba 'di ni des so/ /de lta bas na 'bras bu la gnas pa ji srid du khyad par du bya ba'i phyir 'bras bu gzhan thob par bya ba la mi brtson pa de srid du zhugs pa zhes
 mi bya ste/ de bzhin du 'bras bu gzhan la yang sbyar bar bya'o/ /gang zhig bsam gtan gsum pa las 'dod chags dang bral la/ sa 'og ma la brten te nges par 'jug pa de ni gdon mi za bar 'bras bu khyad par can gyi lam
 mngon du byed do/ /de lta ma yin na de'i gong du skyes pa de bde ba'i dbang po dang ldan par 'gyur ro/ /re zhig phal cher las dang 'dod pa las 'dod chags dang bral ba rnams kyis nges par 'jug pa'i gang zag rnam par bzhag pa ni de lta bu yin
 no/ /mthar gyis 'jug pa brjod par bya ste/ de'i phyir ro zhig 'di rnam par bzhag par bya'o/ /ji ltar 'dod pa'i khams kyi nyon mongs pa rnam pa dgu po de dag bstan pa de bzhin du/ sa dang sa na nyes rnam dgu /srid pa'i rtse mo'i bar
 du'o/ /nyes pa rnams ji lta ba de bzhin du ni yon tan rnams sa dang sa na de'i gnyen po bar chad med pa'i lam dang rnam par grol ba'i lam zhes bya yon tan yang rnam pa dgu dgu kho na yod do/ /ji ltar byas pas she na/ chung dang 'bring
 dang che rnams kyi/ /chung du la sogs tha dad phyir/ /rtsa ba'i rnam pa gsum ste/ chung ngu dang 'bring dang chen po'o/ /de dag re re zhing yang chung ngu dang 'bring dang chen po nyid kyi rnam pa gsum yin pa'i phyir dgur rnam par bzhag ste/ chung ngu'i
 chung ngu'i rnam pa dang/ /chung ngu'i 'bring dang/ chung ngu'i chen po dang/ 'bring gi chung ngu dang/ 'bring gi 'bring dang/ 'bring gi chen po dang/ /chen po'i chung ngu dang/ chen po'i 'bring dang/ chen po'i chen po'o/ /de la lam chung ngu'i chung
 ngus ni nyon mongs pa chen po'i chen po spong la/ de bzhin du lam chen po'i chen pos ni nyon mongs pa chung ngu'i chung ngu'i bar du spong ste/ dang po kho nar lam chen po mi srid pa'i phyir dang/ lam chen po zhes pa la nyon mongs pa chen po mi
 srid pa'i phyir ro/ /gos la dri ma che long ni sngar 'khru phra mo ni phyis 'khru ba dang/ mun pa che long ni snang ba chung ngus 'joms la phra mo ni chen pos sel zhes bya ba di ni dpe'i rnam pa yin no/ /'phags pa'i lam skad cig ma chung ngus kyang 'khor
 ba thog ma med pas na brgyud pas spel ba'i nyon mongs pa chen po rnams rtsa ba nas med par byed pa'i phyir chos dkar po rnams ni stobs dang ldan pa yin la/ nag po rnams ni stobs chung ba yin te/ yun ring po nas bsags pa'i skyon rnams
 sman tri thun gcig gis 'byin pa lta bu dang/ mar me skad cig ma chung ngus mun pa chen po 'joms pa bzhin no/ /de ltar nyon mongs pa rnam pa dgu po de dag thams cad du 'bras gnas bsgom spang bya ma zad/ /re ltar thegs na lan
 bdun pa/ /'bras bu la gnas pa gang zhig gis bsgoms pas spang bar bya ba'i nyon mongs pa gcig kyang ma spangs pa de ni rgyun du zhugs pa yin la/ tshe bdun gyi bar du skye bas na de ltar thogs na lan bdun pa'o//
 thams cad du ni lan bdun pa ma yin pas re ltar thogs na zhes bya ba ni thams cad kyi tha shal ba'o/ /mdo las mchog tu thogs na lan bdun pa zhes 'byung ba ni mchog tu thogs na skye ba lan bdun zhes bya ba'i tha tshig ste/ mchog ces
 bya ba'i sgra ni rab tu'o/ /mya ngan las 'das pa'i rgyun ni lam ste/ des na der 'gro ba'i phyir ro/ /'di ni der zhugs shing phyin la son pas na rgyun du zhugs pa yin no/ /ji ltar na zhugs pa yin/ gal te lam dang po thob pa'i
 phyir ro zhe na ni/ brgyad pa yang yin par 'gyur ro/ /gal te 'bras bu dang po thob pa'i phyir ro zhe na ni/ phal cher las 'dod chags dang bral ba yang yin par 'gyur la/ 'dod pa las 'dod chags dang bral ba yan gyin par 'gyur ro/ /
 'bras bu thams cad thog pa'i dbang du byas nas 'bras bu dang po thob pa'i phyir/ ci'i phyir de kho na yin la brgyad pa ni ma yin zhe na/ lam la rjes su shes pa la ni zhugs pa dang 'bras bu'i lam thob pa'i phyir dang/ mthong ba dang bsgom pa'i
 lam thob pa'i phyir dang/ rgyun thams cad mngon par rtogs pa'i phyir ro/ /bye brag tu smra ba rnams na re de ni de las gzhan pa skye ba'i srid pa bdun dang srid pa bar ma bdun du mi rnams kyi nang du nying mtshams sbyor bar byed la de bzhin du lha
 dag gi nang du yang nying mtshams sbyor bar byed de/ de ltar na srid pa nyi shu rtsa brgyad kyi bar du nying mtshams sbyor bar byed do/ /srid pa bdun tshan du 'dra ba'i phyir mchog tu thogs na lan bdun pa zhes bshad do/ gnas bdun la mkhas
 ba zhes bya ba dang/ shing 'dab ma bdun pa zhes bya ba bzhin no zhes zer ro/ /'o na gang mdo las/ gang zag lta ba phun sum tshogs pa srid pa brgyad pa mngon par 'grub pa gang yin pa de ni gnas ma yin zing go skabs med de 'di ni gnas
 med do/ /zhes gsungs pa ji lta bu zhe na/ 'gro ba gcig du dgongs pa yin no/ /'on te sgra ji bzhin du brtag na ni srid pa bar ma yang yod par mi 'gyur ro/ /de lta na yang srid pa'i rtse mo'i bar du gong du 'pho ba 'gro ba gcig tu skye ba'i
 srid pa brgyad par mi 'gyur ro zhe na/ 'dod pa'i khams las dgongs te gsungs pa'i phyir nyes pa med do/ /'di la shes par byed pa mdo 'am rigs pa ci zhig yod/ lha dang mi dag gi nang so sor lan bdun skye'i gnyi ga'i nang du
 lan bdun ma yin pa nyid do zhes bya ba 'di la yang shes par byed pa ci zhig yod de/ 'di skad du lha rnams dang mi rnams su lan bdun zhes 'byung ngo zhe na/ 'od srungs pa rnams lha rnams su lan bdun/ mi rnams su lan bdun zhes so
 sor yang 'don pas 'di la mngon par zhen par mi bya'o/ /gang zhig mi dag gi nang du rgyun tu zhugs par gyur pa de ni de kho nar 'ongs nas yongs su mya ngan las 'da' la/ gang zhig lha dag gi nang du rgyun tu zhugs par gyur pa de ni de kho nar
 'ongs nas yongs su mya ngan las 'da' o/ /ci'i phyir srid pa brgyad pa mngon par mi 'grub ce na/ dus de srid kyis gdon mi za bar rgyud yongs su smin pa'i phyir ro/ /lam de ni de 'dra ste/ sprul gom pa bdun pas zin pa lta bu dang/ rims
 nyin bzhi pa bzhin no/ /kun tu sbyor ba bdun po tha ma'i cha dang mthun pa gnyis dang/ gong ma'i cha dang mthun pa lnga lus pa'i yang phyir ro/ /bar skabs su yang 'phags pa'i lam mngon du byed cing yongs su mya ngan las mi 'da' 
 ste/ de srid du srid pa myong bar 'gyur ba'i las kyi stobs bskyed pa'i phyir ro/ /sangs rgyas 'byung pa med na khyim pa kho nar dgra bcom pa nyid 'thob la khyim na ni mi gnas so/ /chos nyid kyis 'thob pa'i
 dge slong gi mtshan ma yang 'thob bo/ /gzhan dag na re/ dge sbyong gzhan gyi mtshan mas so zhes zer ro/ /ci'i phyir log par ltung ba'i chos can ma yin zhe na/ der 'gro ba'i las mi gsog pa'i phyir dang/ bsags
 pa yang sbyor ba dang bsam pa dag pa'i sgo nas dge ba'i rtsa ba stobs dang ldan pas bsgos pa'i phyir rgyud rnam par smin pa dang mi mthun pa byas pa'i phyir ro/ /ngan song du nges pa'i las yod na ni des bzod pa yang bskyed par mi 'gyur
 ro/ /'dir smras pa/ mi mkhas pas ni sdig pa chung ngu byas kyang 'og tu 'gro /mkhas pas chen po byas kyang gnod pa rab tu spong bar 'gyur/ lcags kyi gong bu chung yang chu'i gting du 'bying 'gyur la/ de nyid snod du byas na
 che yang stang na 'phyo bar 'gyur/ sdug bsngal gyi mthar byed do zhes bya ba sdug bsngal gyi mdza' gang yin zhe na/ gang phan chad sdug bsngal med pa ste/ sdug bsngal gyi nying mtshams mi sbyor par byed ces bya ba'i tha tshig go /
 yang na mdza' ni mya ngan las 'das pa yin no/ /mya ngan las 'das pa ji ltar byed ce na/ de 'thob pa'i gegs bsal ba'i phyir te dper na smra ba po mdun khang rtib la nam mkha' gyis zhes 'dzer? ba lta bur yin
 no/ /mchog tu thogs na lan bdun pa gzhan yang yod mod kyi ma nges pas mi brjod do/ /re zhig 'bras bu la gnas pa bsgoms pas spang bar bya ba ma zad pa mchog tu thogs na lan bdun pa ni de lta bu yin no/ /rnam
 gsum rnam bzhi las grol ba/ /tshe gnyis gsum du rigs nas rigs/ /rgyun du zhugs pa de nyid rgyu gsum gyis na rigs nas rigs su skye ba yin te/ nyon mongs pa spangs pa las ni nyon mongs pa'i
 rnam pa gsum mam bzhi spangs pa'i phyir ro/ /dbang po las ni de'i gnyen po zag pa med pa'i dbang po thob pa'i phyir ro/ /skye ba las ni tshe gcig gam gnyis lus pa'i phyir ro/ /tshigs su bcad pa'i nang du
 gnyis shig smos pa ni rgyun du zhugs pa phyis nyon mongs pa'i spong bar byed na de'i gnyen po zag pa med pa'i dbang po thob pa ni mi smos kyang grub pa'i phyir ro/ /skye ba ni gal te na gong ma'i skal ba dang ldan pa'i phyir ches nyung ngur yang
 'gyur bas de'i phyir 'di smos so/ /ci'i phyir rnam pa lnga spangs pa'i phyir ma yin zhe na/ de spangs na drug pa yang gdon mi za bar spong ba'i phyir te/ de'i rnam pa gcig gis ni bar chad gcig pa'i bzhin du 'bras bu la gegs bya bar
 mi nus te/ khams las mi 'da' ba' i phyir ro/ /rigs nas rigs su skye ba de ni rnam pa gnyis te/ lha'i rigs nas rigs su skye ba ni lha dag gi nang du rigs gnyis sam gsum du 'khor nas lha'i rigs nga 'am gzhan
 du yongs su mya ngan las 'da' ba gang yin pa'o/ /mi'i rigs nas rigs su skye ba ni mi dag gi nang du rigs gnyis sam gsum du 'khor nas gling de 'am gzhan du yongs su mya ngan las 'da' ba gang yin pa'o/ /'bras bu la
 gnas pa de nyid/ rnam pa lnga yi bar bcom pa/ /gnyis pa la ni zhugs pa yin/ /'bras bu la gnas pa gang gis rnam pa gcig nas lnga'i bar du spangs pa yin na de'i 'bras bu gnyis pa la zhugs pa yin par rig par bya'o//
 rnam pa drug pa zad gyur pa/ /de ni lan cig phyir 'ong ba/ /de ni 'bras bu gnyis pa thob pa yin te/ lha dag gi nang du song nas mi'i 'jig rten du lan cig 'ong pa'i phyir lan cig phyir 'ong ba ste/ phan chad skye
 pa med pa'i phyir ro/ /'dod chags dang zhe sdang dang gti mug rnams bsrabs pa'i phyir zhes 'byung ba ni chung ngu'i rnam pa lus pa'i phyir ro/ /'bras bu la gnas pa de nyid nyes cha bdun nam brgyad zad pa/ tshe gcig bar chad dang
 gcig pa dang/ gsum pa la ni zhugs pa 'di yin/ yang lan cig phyir 'ong ba de nyid rgyu gsum gyi bar chad gcig pa yin par rig par bya ste/ nyon mongs pa'i rnam pa bdun nam brgyad spangs pa'i phyir dang/ de'i gnyis po
 zag pa med pa'i dbang po thob pa'i phyir dang/ tshe gcig lus pa'i phyir ro/ /ji ltar na 'di'i rnam pa gcig gis 'bras bu la gegs byed par nus she na/ khams las 'da' ba' i phyir te/ gong du las rnams ni gnas skabs
 gsum du gegs bya ba'i phyir nye bar gnas so zhes bshad zin to/ /las rnams ji lta bar nyon mongs pa rnams kyang de dang 'dra bar rig par byas te/ rnam par smin pa dang rgyu mthun pa'i 'bras bu'i sa las 'da' ba' i phyir ro/ /
 bar chad ces bya ba ni bar chad byed pa'o/ /de'i mya ngan las 'das pa la tshe gcig gis mchod pa'i phyir ram/ phyir mi 'ong ba'i 'bras bu la nyon mongs par rnam pa gcig gis mchod pa'i phyir 'di la bar chad gcig pas na bar chad
 gcig pa yin no/ /rnam pa bdun dang brgyad spangs pa de ni 'bras bu gsum pa la zhugs pa yin par yang rig par bya'o/ /sngon rnam pa gsum dang bzhi spangs pa 'am/ bdun pa dang brgyad pa spangs pa 'bras bu thob pa ni ji srid
 du 'bras bu khyad par can gyi lam mngon du ma byas pa de srid du rigs nas rigs su skye ba 'am bar chad gcig pa ma yin no/ /de dgu zad pas phyir mi 'ong/ /'bras bu la gnas pa de nyid rnam pa dgu spangs pas phyir mi 'ong ba yin
 par blta bar bya ste/ 'dod pa'i khams su mi 'ong ba'i phyir ro/ /kun tu sbyor ba tha ma'i cha dang mthun pa rnam pa lnga spangs pa'i phyir zhes 'byung ba ni spangs pa sdom pa'i phyir te/ gdon mi za bar sngon gnyis sam gsum spangs pa yin
 no/ /de ni bar skyes 'du byed dang/ /'du byed med yongs mya ngan 'da' / /gong du 'pho ba rnams 'di bar ma dor yongs su mya ngan las 'da' pas bar mdor yongs su mya ngan las 'da' ba ste/ de bzhin du skyes pa dang/ 'du byed
 pa med pa la yang sbyar bar bya'o/ /phyir mi 'ong ba de nyid rnam pa lnga yin te/ bar ma dor yongs su mya ngan las 'da' ba ni srid pa bar ma dor yongs su mya ngan las 'das pa gang yin pa'o/ /skyes nas yongs su mya ngan las 'da' 
 pa ni skyes pa tsam las mi 'chi bar phung po'i lhag ma dang bcas pa'i mya ngan las 'da' bas yongs su mya ngan las 'da' ba ste/ mngon par brtson pa dang lam dang lam ngang gis 'byung ba nyid kyi phyir ro/ /gzhan dag na re de yang phung po'i lhag
 ma med pas so zhes zer ro/ /ma yin te tshe 'dor ba la dbang med pa'i phyir ro/ /mngon par 'du byed pa dang bcas pas yongs su mya ngan las 'das pas ni skyes nas sbyor ba ma btang zhing mngon par 'du byed pa dang bcas pas
 yongs su mya ngan las 'da' ba gang yin pa ste/ mngon par brtson pa la lam dang gis 'byung ba ma yin pa'i phyir ro/ /mngon par 'du byed pa med par yongs su mya ngan las 'da' ba ni mngon par 'du byed pa med par yongs su mya ngan
 las 'da' ba ste/ mngon par brtson pa dang lam gang gis 'byung ba med pa'i phyir ro zhes grag go /gzhan dag na re 'dus byas dang 'dus ma byas la dmigs pa'i lam gyis yongs su mya ngan las
 'da' ba' i phyir ro/ /zhes zer ro/ /de ni mi rung ste/ ha cang thal bar 'gyur ba'i phyir ro/ /mdo las ni mngon par 'du byed pa med par yongs su mya ngan las 'da' bar sngar 'byung bas de kho na bzhin du rung ste/ lam ngang? gis
 'byung ba dang ngang gis 'byung ba ma yin pa dag gi 'bad pa med pa dang 'bad pas 'thob pa'i sgo nas mngon par 'du byed pa med pa dang mngon par 'du byed pas bsgrub par bya ba yin pa'i phyir ro/ /skyes nas yongs su mya ngan las
 'da' ba ni lam chos? ngang gis 'byung ba dang/ ches che ba dang phra rgyas ches chung ba yin no/ /gong du 'pho ba ni gang du skyes pa de nyid du yongs su mya ngan las mi 'da' bar gong du 'gro ba gang yin pa ste/ /'pho ba dang 'gro ba
 zhes bya ba ni don gcig go /de ni bsam gtan spel na 'og min 'gro /gong du 'pho ba de ni rgyu dang 'bras bu'i sgo nas rnam pa gnyis te/ rgyu'i sgo nas bsam gtan spel ba dang/ spel ba ma yin pa'i phyir ro/ /'bras bu'i
 sgo nas ni 'og min dang srid pa'i rtse mo la thug pa'i phyir ro/ /de la gang gis bsam gtan spel ba de ni 'og min du song nas yongs su mya ngan las 'da' o/ /de 'phar phyed 'phar thams cad du/ /'chi 'pho gong du 'pho ba 'og
 min gyi mthar thug pa de yang 'phar ba la sogs pa'i bye brag gis rnam pa gsum ste/ de la 'pher ba zhes bya ba ni 'dir bsam gtan rnams spel nas bsam gtan dang po'i ro myangs te bsam gtan gsum las yongs su nyams
 pa tshangs ris pa dag gi nang du skyes nas sngon goms pa'i dbang gis bsam gtan bzhi pa spel te/ de nas shi 'phos nas 'og min pa dag gi nang du skye ba gang yin pa ste/ de ni bar du mi 'gro bas na 'phar ba zhes bya'o/ /phyed
 du 'phar ba zhes bya ba ni de gnas gtsang ma rnams su skyes la par nas gnas gzhan 'ga' tsam yang brgal te 'og min du 'jug pa gang yin pa'o/ /'phags pa ni tshangs chen pa dag gi nang du mi skye ste/ lta ba'i gnas yin pa'i
 phyir dang/ gtso bo gcig tu zad pa'i phyir ro/ /gnas thams cad du 'chi 'pho ba zhes bya ba ni gnas gzhan thams cad du 'phos nas 'og min du 'jug pa gang yin pa'o/ /phyir mi 'ong ba ni nam yang skye ba'i skye mched de nyid
 du tshe gnyis pa mngon par 'grub par mi byed de/ khyad par du 'gro ba yin pa'i phyir ro/ /'di ltar na 'di'i phyir mi 'ong ba nyid yongs su rdzogs pa yin te/ gang du skyes par de 'og dang der gtan du mi 'ong ba'i phyir ro/ /re zhig
 bsam gtan spel na 'og min du 'gro ba ni de lta bu yin par rig par bya'o/ /de las gzhan srid rtse mor 'gro /gong du 'pho ba bsam gtan ma spel ba ni srid pa'i rtse mo'i mthar thug pa yin te/ /de ni snyoms par 'jug pa gzhan
 rnams ro myang bar byed cing gnas gzhan thams cad du skye la/ gnas gcing ma rnams su mi 'jug pa kho nar gzugs med par skye ba'i rim gyis srid pa'i rtse mor song ste/ yongs su mya ngan las 'da' ba' o/ /'di ni
 zhi gnas spyad pa yin no/ /snga ma ni lhag mthong spyad pa yin no/ /gong du 'pho bar skabs su yang yongs su mya ngan las 'da' bar rung bar blta'o/ /'og min ba srid pa'i rtse mo'i mthar thug pa nyid ni phan chad du 'gro
 ba med pa'i phyir te/ dper na rgyun du zhugs pa mchog tu thogs na lan bdun pa nyid bzhin no/ /re zhig de dag ni gzugs su nye bar 'gro ba'i phyir mi 'ong ba yin no/ /gzhan ni gzugs
 med 'gro rnam bzhi/ /phyir mi 'ong ba gzhan ni gzugs med par nye bar 'gro ba ste/ gzugs kyi 'dod chags dang bral ba 'di nas shi 'phos nas gzugs med pa dag gi nang du skye ba gang yin pa'o/ /de yang skyes
 nas yongs su mya ngan las 'da' ba la sogs pa'i bye brag gis rnam pa bzhis te/ de dag ni phyir mi 'ong ba drug yin no/ /gzhan ni 'di la mya ngan 'da' / /gzhan ni tshe 'di kho na la yongs su mya ngan las
 'da' ste/ mthong ba'i chos las yongs su mya ngan las 'da' ba de ni bdun pa yin no/ /gsum la yang rnam gsum phye nas gzugs su nyer 'gro dgur bshad do/ /phyir mi 'ong ba gsum pa yang/ rnam pa gsum
 du phye ba gzugs su nye bar 'gro ba'i phyir mi 'ong ba dgu yin no/ /gsum po gang dag ce na/ bar mdo dang skyes nas yongs su mya ngan las 'da' ba dag dang/ gong du 'pho ba'o/ /rnam pa gsum du phye bas ji lta bu zhe
 na/ re zhig bar mdor yongs su mya ngan las 'da' ba ni dpe gsum gyis myur ba dang/ myur ba ma yin pa dang/ yun ring po zhig na yongs su mya ngan las 'da' ba' i phyir ro/ /skyes nas yongs su mya ngan las
 'da' ba ni skyes nas dang/ mngon par 'du byed pa dang/ mngon par 'du byed pa med par yongs su mya ngan las 'da' ba' i phyir ro/ /de dag thams cad skyes nas yongs su mya ngan las 'da' ba' i phyir skyes nas yongs
 su mya ngan las 'da' ba dag yin no/ /gong du 'pho ba ni 'phar ba la sogs pa'i bye brag gis so/ /yang na gsum po thams cad myur ba dang myur ba ma yin pa dang/ yun ring mo zhig na yongs su mya ngan las 'da' ba' i
 phyir ro/ /de dag gi ni khyad par rnams/ /las dbang nyon mongs bye brag las/ /phyir mi 'ong ba gsum dang dgu po de dag gi khyad par ni las dang/ nyon mongs pa dang dbang po'i bye brag las te/ re zhig gsum ni go
 rims bzhin du mngon par 'grub pa dang/ skyes pa dang/ lan grangs gzhan la myong bar 'gyur ba'i las bsags pa'i phyir dang/ nyon mongs pa kun tu spyod pa chung ba dang/ 'bring dang chen po'i phyir dang/ dbang po chen po dang 'bring
 dang chung ngu'i phyir ro/ /de nyid kyi phyir de dag so so'i khyad par yang ci rigs par gsum tshan dang po gnyis ni gong ma bzhin du nyon mongs pa dang/ dbang po'i bye brag las so/ /gsum tshan tha ma ni lan grangs gzhan la myong
 bar 'gyur pa'i las kyi bye brag las kyang khyad par du lta ste/ de dag ni nyon mongs pa dang dbang po'i rnam pa dgu'i phyir phyir mi 'ong ba dgu yin no/ /'o na mdo las skyes bu dam pa'i 'gro ba bdun bstan pa ji lta bu zhe na/ gong du 'pho ba
 ma phye bar/ /dam pa'i 'gro ba bdun du 'dod/ /gang du 'gro ba'i chos ni gong du 'gro ba'o/ /mdo las ni de ma phye bar bstan pa'i phyir mdo las skyes bu dam pa'i 'gro ba bdun zhes gsungs so/ /ci'i phyir 'di dag kho na skyes bu dam
 pa'i 'gro ba yin la/ slob pa'i 'gro ba gzhan dag ni ma yin zhe na/ gang dag la 'gro ba 'di dag yod pa de dag ni las dam pa dge ba kho na la 'jug cing dam pa ma yin pa ni dge ba la mi 'jug pa dang/ 'gro ba 'di dag tu son pa
 rnams yang phyir 'ong ba med pa yin la ji skad du bshad pa 'di dag gzhan la ni med pas de'i phyir/ dam pa dam min 'jug mi 'jug /son pa phyir mi 'ong phyir te/ /skyes bu dam pa'i 'gro ba dag yin gyi
 gzhan dag ni ma yin no/ /'o na mod kho na las skyes bu dam pa gang zhe na/ slob pa'i yang dag pa'i lta ba dang ldan pa'o/ zhes rgyas par gsungs pa ji lta bu zhe na/ gzhan dag la yang sdig pa rnam pa lnga gtan mi byed pa'i sdom
 pa thob pa'i phyir dang/ nyon mongs pa mi dge ba phal cher spangs pa'i phyir rnam grangs pa'i skyes bu dam pa nyid yod mod kyi/ 'dir ni gang dag la rnam grangs med par yod pa de dag gi skabs yin no/ /ci phyir mi 'ong ba tshe
 yongs su gyur pa la yang dbye ba 'di yod dam zhe na/ med de 'di ltar/ 'dod par tshe yongs gyur ba'i 'phags/ /khams gzhan du ni 'gro ba med/ /'dod ba'i khams su tshe yongs su gyur pa'i 'phags pa ni khams gzhan du
 mi 'gro ste/ tshe 'di nyid la phyir mi 'ong ba'i 'bras bu thob nas yongs su mya ngan las 'da' ba' i phyir ro/ /gzugs kyi khams su tshe yongs su gyur pa ni gal te na gzugs med pa'i khams dag tu yang 'jug ste/ gong du 'pho ba
 srid ba'i rtse mo'i mthar thug par 'gro ba gang yin pa'o/ /'o na brgya byin gyis bdag ni tha mar nyams na lha gang 'og min zhes/ rnam par grags pa der ni skye bar 'gyur bar shog /ces gang smras pa ji lta bu zhe na/ bye brag
 tu smra ba rnams na re chos mngon pa mngon par mi shes ba'i phyir te/ yang dag par dga' bar bya ba yin ba'i phyir bcom ldan 'das kyis kyang ma bkag go zhes zer ro/ /de dang gong mar skyes pa ni/ yongs nyams
 dbang po 'pho mi bsten/ /'dod pa'i khams su tshe yongs su gyur pa'i 'phags pa de dang/ khams gong mar skyes pa'i 'phags pa ni dbang po rnams kyang mi 'pho la ji ltar yongs su nyams par mi 'gyur ro/ /ci'i
 phyir 'phags pa che gzhan du yongs su gyur ba gzugs dang gzugs med par 'jug pa dang/ dbang po 'pho ba dang/ yongs su nyams pa dag tu mi 'dod ce na/ 'di ltar med pa'i phyir ro/ /ci'i phyir med ce na/ tshe rabs
 gzhan nas yongs su 'dris pas dbang po rnams yongs su smin pa'i phyir dang/ rten khyad par can thob pa'i phyir ro/ /ci'i phyir slob pa 'dod chags dang ma bral ba bar ma dor yongs su mya ngan las 'da' bar mi
 'gyur zhe na/ lam ma 'dris pas mngon sum du mi 'gyur ba'i phyir dang/ phra rgyas rnams shin tu chung ba ma yin pa'i phyir ro/ /bye brag tu smra ba rnams na re 'dod pa'i khams las 'da' bar dka' ba'i phyir te/ 'dis
 nyon mongs pa mi dge ba dang lung du ma bstan pa spang ba dang/ dge sbyong gi tshul gyi 'bras bu gnyis sam gsum thob pa dang/ khams gsum las yang dag par 'da' ba dang mang po zhig bya dgos la/ de yang srid pa bar ma
 la gnas pas bya bar mi nus zhes zer ro/ /de ni bsam gtan spel na 'og min 'gro zhes bshad pa/ yang dang po nyid du bsam gtan gang spel bar byed ce na/ dang por bzhi pa spel bar byed/ /ting nge 'dzin de ni thams
 cad pas las su rung ba dang/ lam sla ba rnams kyi nang na mchog yin pa'i phyir ro/ /'di ltar spel bar byed de/ dgra bcom pa 'am phyir mi 'ong ba 'ang rung zag pa med pa'i bsam gtan bzhi pa rgyun dang ldan pa la snyoms
 par 'jug cing/ de la langs nas de nyid zag pa dang bcas pa rgyun dang ldan pa la snyoms par 'jug la/ yang zag pa med pa la snyoms par 'jug ste/ de bzhin du rgyun phri nas gang gi tshe skad
 cig ma gnyis zag pa med pa la snyoms par 'jug cing skad cig ma gnyis zag pa dang bcas pa la snyoms par 'jug pa la yang zag pa med pa la snyoms par 'jug go zhes grag ste/ 'di ni spel ba'i sbyor ba yin no/ /
 skad cig ma ni bsres pas 'grub/ /bye brag tu smra ba rnams na re gang gi tshe zag pa med pa'i skad cig ma'i mjug thogs su zag pa dang bcas pa mngon sum byed cing zag pa dang bcas pa'i mjug thogs su yang zag pa
 med pa mngon sum du byed la/ de ltar zag pa dang bcas pa'i skad cig ma dang zag pa med pa dag tu bsres pas spel ba 'grub pa yin te/ skad cig ma gnyis na bar chad med pa'i lam lta bu yin la/ gsum pa ni rnam
 par grol ba'i lta bu yin no zhes zer ro/ /de ltar bsam gtan bzhi pa spel nas de'i stobs kyis gzhan dang gzhan dag kyang spel bar byed de/ dang por 'dod pa'i khams su gling gsum dag tu spel bar byed la/ phyis
 ni yongs su nyams pas gzugs kyi khams su spel bar byed do/ /sangs rgyas ma gtogs pas skad cig ma spel bar mi nus te/ de'i phyir rgyun chags gsum la ji srid 'dod par snyoms par 'jug pa'i sgo nas rdzogs
 pa yin no/ zhes bya bar blta'o/ /ci'i phyir bsam gtan spel bar byed ce na/ skye dang gnas par bya phyir dang/ /nyon mongs pas ni 'jig phyir yang/ /rgyu gsum gyis na bsam gtan spel par byed de/ phyir mi 'ong
 ba dbang po rnon po rnams ni gnas gtsang ma rnams su skye ba'i phyir dang/ mthong ba'i chos la bde bar gnas par bya ba'i phyir ro/ /dbang po rtul po rnams ni nyon mongs pa'i 'jigs pa'i yang phyir te/ ro myang ba dang mtshungs
 par ldan pa'i ting nge 'dzin thag bsrid ba'i sgo nas yongs su mi nyams par bya ba'i phyir ro/ /dgra bcom pa dbang po rnon po rnams ni mthong ba'i chos la bde bar gnas par bya ba'i phyir ro/ /dbang po rtul po rnams ni nyon mongs
 pas 'jigs pa'i yang phyir te/ yongs su mi nyams par bya ba'i phyir ro/ /yang ci'i phyir gnas gtsang mar skye ba lnga kho na yin zhe na/ bsam gtan bzhi pa spel mar sgom par bshad pa gang yin/ de ni rnam pa lnga yi
 phyir dang gnas gtsang skye ba lnga kho na/ spel mar sgom pa de ni chung ngu dang 'bring dang chen po dang shin tu che ba dang/ shin tu ches che ba'i bye brag gis rnam pa lnga yin te/ dang po la ni zag pa med pa dang zag pa dang bcas pa
 dang zag pa med pa dang sems gsum mngon du byed do/ /gnyis pa la ni drug go /gsum pa la ni dgu'o/ /bzhi pa la ni bcu gnyis so/ /lnga pa la ni bco lnga ste/ de dag gi 'bras bu ni grangs bzhin du gnas gcang
 ma lnga yin la de la zag pa dang bcas pa gang yin pa de'i dbang gis de dag tu skye'o/ /gzhan dag na re dad pa'i dbang po la sogs pa lhag pa'i phyir lnga yin no zhes zer ro/ /'gog pa thob pa'i phyir mi 'ong/ /lus kyis mngon du
 byed par 'dod/ /'di la 'gog pa thob pas yod pas na 'gog pa thob pas te/ phyir mi 'ong ba gang la la 'gog pa thob pa de ni mya ngan las 'das pa dang 'dra ba'i chos lus kyis mngon sum du byed pa'i phyir lus kyis mngon sum du
 byed pa zhes bya'o/ /ji ltar na lus kyis mngon sum du byed ce na sems med bas lus la brten te skye ba'i phyir ro/ /'di lta bu yin par 'gyur te/ de 'gog pa de las langs nas gang las de 'di
 snyam du kye ma 'gog pa'i snyoms par 'jug pa ni mya ngan las 'das pa dang 'dra bar zhi ba yin no snyam du sems par 'gyur ba rnam par shes pa dang bcas pa'i lus zhi ba sngon ma thob pa thob par 'gyur te/ de ltar na 'dis
 de'i zhi ba nyid lus kyis mngon du byas pa yin te/ thob ba dang shes pas mngon sum du byed pa dag gis mngon sum du gyur pa ni mngon du byed pa yin no/ /mdo las slob pa bco brgyad ces gsungs pa der lus
 kyis mngon du byed pa ci'i phyir ma gsungs she na/ rgyu med pa'i phyir ro/ /rgyu gang yin zhe na/ zag pa med pa'i slob pa gsum dang de'i 'bras bu ste/ de'i khyad par gyis slob pa rnams rnam par bzhag go /'gog pa'i
 snyoms par 'jug pa ni slob pa yang ma yin la slob pa'i 'bras bu yang ma yin te/ de'i phyir de dang ldan pas slob pa'i khyad par du ma gsungs so/ /'di ni re zhig phyir mi 'ong ba rnams kyi dbye ba che long yin no/ /zhib
 tu dbye na ni stong phrag tu dbye ba yod de/ bar ma dor yongs su mya ngan las 'da' ba la dbang po rtul po dang 'bring po dang rnon po'i bye brag gis gsum mo/ /de dag nyid sa'i bye brag gis bzhi'o/ /yongs su nyams pa'i chos
 can la sogs pa'i rigs kyi bye brag gis drug go /gnas gzhan gyis bye brag gis bcu drug go /sa dang 'dod chags dang bral ba'i bye brag gis sum cu rtsa drug ste/ gzugs kyi khams kyis 'ching ba mdza' dag dang ldan
 ba nas bsam gtan bzhi pa'i rnam pa brgyad las 'dod chags dang bral ba'i phyir ro/ /gnas gzhan dang rigs dang 'dod chags dang bral ba dang dbang po'i bye brag gis nyis stong lnga brgya dgu bcu rtsa gnyis te/ ji ltar
 byas pas she na/ gnas gcig na rigs drug go /rigs re re la yang 'ching ba mdza' dag dang ldan pa nas rang gi gnas kyi rnam pa brgyad las 'dod chags dang bral ba'i bar gang zag dgu dgu ste/ dgu drug ni lnga
 bcu bzhi'o/ /lnga bcu rtsa bzhi phrag bcu drug ni brgyad brgyad drug cu rtsa bzhi'o/ /yang dbang po'i bye brag gis sum 'gyur te/ de ltar byas pas so/ /'dra bar rtsi ba'i phyir bsam gtan 'og ma'i rnam pa dgu las
 'dod chags dang bral ba gang yin pa de ni gong ma'i 'ching ba mdza' dag dang ldan par bshad pa yin no/ /bar ma dor yongs su mya ngan las 'da' ba ji lta bar gong du 'phro ba'i bar du yang de dang 'dra bas thams cad bsdus na
 phyir mi 'ongs khri nyis stong dgu brgya drug cu yin no/ /srid rtse'i bar cha brgyad zad pa/ /dgra bcom nyid la zhugs pa yin/ /phyir mi 'ong ba zhes bya ba'i dbang du byas pa ste/ yang phyir mi 'ong ba zhes bya ba de bsam gtan
 dang po'i rnam pa gcig la 'dod chags dang bral ba nas bzung ste/ srid pa'i rtse mo'i rnam pa brgyad kyi bar spangs pas dgra bcom pa nyid la zhugs pa yin no/ /dgu pa'i bar chad med lam yang/ /sde srid pa'i rtse mo pa'i
 rnam pa dgu pa spong bar byed pa'i bar chad med pa'i lam la gnas pa na yang dgra bcom pa nyid la zhugs pa kho na yin no/ /de ni rdo rje lta bu yin/ /bar chad med pa'i lam de ni phra rgyas thams cad 'joms pa yin pa'i phyir rdo rje lta bu'i
 ting nge 'dzin ces bya'o/ /bcom zin pa'i phyir 'dis thams cad 'joms pa ni ma yin gyi/ bar chad med pa'i lam thams cad kyi nang na shin tu che ba yin pa'i phyir 'joms par nus pa yin no/ /rdo
 rje lta bu rnams kyi bye brag ni rnam pa mang po zhig tu brjod de/ mi ldog pa med pas bsdus pa srid pa'i rtse mo'i sdug bsngal dang kun 'byung la dmigs pa sdug bsngal dang kun 'byung la rjes su shes pa'i rnam pa dag dang mtshungs par ldan pa brgyad dang/ 'gog pa dang
 lam la chos shes pa'i rnam pa dag dang mtshungs par ldan pa brgyad dang/ 'gog pa la rjes su shes pa'i rnam pa dag dang mtshungs par ldan pa bsam gtan dang po'i 'gog pa la dmigs pa bzhi nas de bzhin du srid ba'i
 rtse mo'i 'gog pa la dmigs pa'i bar du bzhi dang/ lam la rjes su shes pa'i rnam pa dag dang mtshungs par ldan pa bzhi ste/ rjes su shes pa'i phyogs dang mthun pa zad pa la dmigs pa'i phyir ro/ /de dag ni shes
 pa'i dmigs pa dang rnam pa'i bye brag gis tha dad pa'i phyir rdo rje lta bu lnga bcu rtsa gnyis yin no/ /mi ldog ba med pas bsdus pa ji lta bar bsam gtan bzhi pas bsdus pa'i bar dag kyang de dang 'dra'o/ /nam mkha' dang rnam
 shes mdza' yas dang ci yang med pa'i skye mched kyi bsdus pa rnams ni grangs bzhin du nyi shu rtsa brgyad dang nyi shu rtsa bzhi dang nyi shu yin te/ de dag na chos shes pa dang rjes su shes pas 'og ma'i 'gog pa la dmigs pa med
 pa'i phyir ro/ /sa 'og ma'i gnyen po la dmigs pa ni yod do/ /de ni phan tshun du rgyu ba'i phyir ro/ /gang dag lam la rjes su shes pa yang sa re re'i gnyen po la dmigs pa yin par 'dod pa de dag gi ltar na nyi shu rtsa brgyad lhag
 par bsnan nas mi lcogs pa med pas bsdus pa rdo rje lta bu ni brgyad cu yin te/ bsam gtan bzhi bas bsdus pa'i bar du yang de dang 'dra'o/ /nam mkha' mdza' yas skye mched la sogs pa dag ni go rims bzhin du
 bzhi bcu dang sum cu rtsa gnyis dang nyi shu rtsa bzhi yin no/ /yang rigs dang dbang po'i bye brag gis ni ches? mang ba yin no/ /gang srid pa'i rtse mo pa'i rnam pa dgu pa bshad pa rdo rje lta bus spangs pa gang yin pa/ de
 zad thob dang zad pa shes rnam pa dgu pa de zad pa'i thob pa dang lhan cig tu zad pa shes pa skye ste/ rdo rje lta bu'i ting nge 'dzin gyis mjug thogs su rnam par grol ba'i lam tha ma skye ba yin no/ /de nyid kyi phyir de ni dang
 po nyid du zag pa thams cad zad pa'i thob pa dang lhan cig skye ba'i phyir zad pa shes pa yin no/ /de tshe de mi slob dgra bcom yang dgra bcom pa nyid la zhugs pa de zad pa shes pa skyes nas mi slob pa dang dgra bcom pa nyid
 kyis 'bras bu thob pa yin te/ 'bras bu gzhan gyi phyir slob par bya ba med pa'i phyir mi slob pa yin no/ /de nyid kyi phyir de ni gzhan gyi don byed par 'os pa'i phyir dang/ 'dod chags dang bcas pa thams cad kyis mchod
 par 'os pa'i phyir dgra bcom pa yin no/ /gang zag sngar bshad pa gzhan bdun ni slob pa dag yin no zhes bya bar grub bo/ /ci'i phyir de dag slob ba yin zhe na/ zag pa zad par bya ba'i phyir slob pa gsum po lhag pa'i tshul
 khrims dang lhag pa'i sems dang lhag pa'i shes rab la rtag tu slob pa'i dang tshul can yin pa'i phyir te/ de dag ni tshul khrims dang ting nge 'dzin dang shes rab kyi rang bzhin dag yin no/ /so so'i skye bo yang slob pa yin par 'gyur ro
 zhe na ma yin te/ bden pa yang dag pa ji lta ba bzhin du rab tu mi shes pa'i phyir dang/ yang slob pa stong pa'i phyir ro/ /de nyid kyi phyir ci nas kyang gang zhig slob ba kho na slob pa yin gyi slob pa 'dor ba ni ma
 yin no/ zhes dmigs kyis bsal ba shes par bya ba'i phyir mdo las zhi byed bslab pa la slob pas na de'i phyir slob pa zhes bya'o/ /zhes lan gnyis su gsungs so/ /'phags pa rang bzhin du gnas pa ji ltar na slob
 pa'i ngang tshul can yin zhe na/ bsam pa'i sgo nas te/ lam du 'gro ba gnas pa bzhin no/ /thob pa dang rjes su 'brel pa'i yang phyir ro/ /yang slob pa'i chos rnams gang zhe na/ slob pa'i zag pa med pa rnams
 so/ /mi slob pa rnams gang zhe na mi slob pa'i zag pa med pa rnams so/ /ci'i phyir mya ngan las 'das pa slob pa ma yin zhe na/ mi slob pa dang so so'i skye bo gnyi ga yang de dang ldan pa'i phyir ro/ /ci'i phyir mi slob pa
 ma yin zhe na/ slob pa dang so so'i skye bo gnyi ga yang de dang ldan pa'i phyir ro/ /de dag thams cad ni zhugs pa bzhi dang 'bras bu la gnas pa bzhi dang 'phags pa'i gang zag brgyad kho na yin te/ 'di lta ste rgyun tu zhugs
 pa'i 'bras bu mngon sum du bya ba'i phyir zhugs pa dang rgyun tu zhugs pa nas de bzhin du dgra bcom pa nyid kyi 'bras bu mngon sum du bya ba'i phyir zhugs pa dang/ dgra bcom pa'i bar yin no/ /ming gi sgo nas ni brgyad yin
 no/ /rdzas su ni lnga yin te/ zhugs pa dang po dang 'bras bu la gnas pa bzhi'o/ /zhugs pa lhag ma rnams ni 'bras bu la gnas pa gsum las tha mi dad pa'i phyir ro/ /mthar gyis 'thob pa'i phyir te de skad ces
 bshad kyi/ phal cher dang 'dod pa las 'dod chags dang bral ba dag cig yin na ni mthong ba'i lam la lan cig phyir 'ong ba dang/ phyir mi 'ong ba'i 'bras bu la zhugs pa dag yin gyi rgyun tu zhugs pa dang/ lan cig
 phyir 'ong ba dag mi ma yin no/ /bsgom pa'i lam 'jig rten pa dang 'jig rten las 'das pa rnam pa gnyis su bshad pa la/ slob pa 'di gang gis gang las 'dod chags dang bral ba 'thob ce na/ 'jig rten 'das kyis
 srid rtse las/ /chags bral 'jig rten pas ni ma yin no/ /ci'i phyir zhe na/ de'i gong na 'jig rten pa med pa'i phyir dang/ rang gi sa pa'i gnyen po ma yin pa'i phyir ro/ /ci'i phyir gnyen po ma yin zhe na/ de'i nyon
 mongs pa rgyas par 'gyur ba'i phyir te/ nyon mongs pa gang zhig dngos po gang la rgyas par 'gyur ba de ni dngos po des spong bar byed pa ma yin la/ gang gi gnyan po gang yin pa de la ni nyon mongs pa de rgyas par yang mi
 'gyur ba'i phyir ro/ /gzhan las rnam pa gnyis/ srid pa'i rtse mo las gzhan pa'i sa thams cad las ni 'jig rten pa'i lam gyis kyang 'dod chags dang bral la/ 'jig rten las 'das pas kyang 'dod chags dang bral
 lo/ /'jig rten pa yis chags bral ba'i/ /'phags la bral ba'i thob rnam gnyis/ /'phags pa 'jig rten pa'i lam gyis 'dod chags dang bral bar gyur pa la bral pa'i thob pa 'jig rten pa dang 'jig rten las 'das pa
 dang rnam pa gnyis skye'o/ /kha cig 'jig rten 'das kyis kyang/ gzhan dag na re 'jig rten las 'das pas kyang de dang 'dra'o zhes zer ro/ /ci'i phyir zhe na/ btang la nyon mongs mi ldan phyir/ /gal te 'phags pa'i
 lam gyis 'dod chags dang bral ba 'thob pa la 'jig rten pa'i bral ba'i thob pa mi skyed na/ de lta na 'phags pa'i lam gyis ci yang med pa'i skye mched las 'dod chags bral pa bsam gtan la brten te
 dbang po rnams 'pho bar byed pa gang yin pa de lam snga ma zad par btang ba'i phyir dang/ 'bras bu'i lam 'ba' zhig thob pa'i phyir sa gong ma'i nyon mongs pa'i bral ba dang mi ldan par yang 'gyur la/ de btang na yang nyon mongs
 pa de dag dang ldan par yang 'gyur ro/ /srid rtse'i phyed las rnam grol dang/ /gong du skyes pa bzhin mi ldan/ /de la 'jig rten pa'i thob pa med du zin kyang de dag dang ldan par mi 'gyur te/ dper na srid pa'i rtse mo'i rnam pa
 phye la rnam par grol ba la de'i bral ba'i thob pa 'jig rten pa yang med la/ dbang po 'pho bas 'jig rten 'das pa btang bzhin du nyon mongs pa de dag ldan par mi 'gyur ba dang/ yang dper na so so'i skye bo bsam gtan dang po la
 yan chad du skyes pas 'dod pa na spyod pa'i nyon mongs pa'i bral ba'i thob pa btang bas yang de dag ldan par mi 'gyur ba bzhin pas 'di ni shes par byed pa ma yin no/ /sa gang zhig gis gang las 'dod chags dang bral bar
 'gyur zhe na/ zag med mi lcogs med pa yis la thams cad la ni 'dod chags 'bral/ /srid pa'i rtse mo'i bar las so/ /yang gang zhig nyer bsdogs la brten te sa 'og ma las 'dod chags dang bral ba 'thob na/ ci 'di'i
 rnam par grol ba'i lam thams cad bar chad med pa'i lam bzhin du nyer bsdogs las skye 'am zhe na/ smras pa ma yin no/ /'o na ji lta bu zhe na/ sa gsum rgyal la bsam gtan nam/ /nyer bsdogs las mdza' rnam grol
 lam/ /skye ba'i sa ni thams cad du dgu ste/ /'dod pa'i khams dang bsam gtan dang gzugs med pa brgyad do/ /de la bsam gtan gnyis kyi bar las 'dod chags dang bral bas gsum las rgyal ba de la ni rnam par grol
 ba'i lam tha ma nyer bsdogs sam bsam gtan dngos gzhi las skye'o/ /gong ma'i nyer bsdogs las min sa gsum las rgyal ba yan chad ni btang snyoms kyi dbang po thun mong ma yin pa'i phyir dngos gzhi kho na las skye'i nyer bsdogs
 las ni ma yin no/ /bsam gtan gsum na ni nyer bsdogs dang dngos gzhi gnyis kyi dbang po tha dad pa'i phyir la bsam gtan dngos gzhi la 'jug mi nus te/ dbang po'i 'pho ba ni dka' ba'i phyir ro/ /de lta bas na sa gsum
 las 'dod chags dang bral ba'i rnam par grol ba'i lam tha ma nyer bsdogs las skye'o/ /zag med mi lcog med pa yis/ /thams cad las ni 'dod chags 'bral zhes bshad kyi gzhan dag? gis ni ma bshad pas de'i phyir
 'phags brgyad kyis rang/ gong sa las rgyal/ zhes bya ba smos te/ zas pa med pa'i bsam gtan dang bsam gtan khyad par can dang gzugs med par brgyad kyis ni rang gi sa dang sa 'og ma las 'dod chags dang bral bar
 'gyur ro/ /'og ma las ni ma yin te/ 'dod chags dang bral zin pa'i phyir ro/ /de la 'jig rten las 'das pa'i bar chad med pa dang rnam par grol ba'i lam rnams ni bden pa'i rnam par zhugs pa dag yin no zhes bya bar grub
 po/ /'jig rten pa yi rnam grol dang/ /bar chad med lam go rims bzhin/ /zhi sogs rabs sogs rnam pa can/ /rnam par grol ba'i lam rnams ni zhi ba la sogs pa'i rnam pa can dag yin la/ bar chad med pa'i lam
 rnams ni rags pa la sogs pa'i rnam pa can dag yin no/ /de dag kyang go rims bzhin du/ gong dang 'og ma'i spyod yul can/ /rnam par grol ba'i lam rnams ni ci rigs par gong ma la zhi ba dang/
 gya nom pa dang/ nges par 'byung ba'i rnam par blta'o/ /bar chad med pa'i lam rnams ni sa 'og ma la rags pa dang/ tha ba ngan pa dang/ rtsig pa stug po lta bur blta ste/ mngon par 'du byed pa shin tu che ba nyid
 kyis ma zhi ba'i phyir rags par blta'o/ /gya nom pa ma yin pa'i phyir tha ba ngan par blta ste/ gnas ngan len rab tu mang ba nyid kyis mi mthun par gyur pa'i phyir ro/ /rtsig pa las nges par mi 'gyur ba bzhin du de nyid
 kyis sa de las nges par mi 'byung ba'i phyir ro/ /rtsig pa stug po lta bur blta'o/ /de dag las bzlog pa ni zhi ba dang/ gya nom pa dang/ nges par 'byung ba'i rnam pa can dag yin no/ /zhar la 'ongs pa
 rdzogs so// //dkyus ma kho na brjod par bya ste/ yang zad pa shes pa'i mjug thogs su ci zhig skye zhe na/ gal te mi g.yo zad shes las mi skye'i blo gros/ gal te dgra bcom pa mi g.yo ba'i chos can
 zhig yin na de la zad pa shes pa'i de ma thag tu mi skye ba'i shes pa skye'o/ /gal te min/ zad pa shes sam mi slob lta/ /gal te mi g.yo ba'i chos can ma yin na ni zad pa shes pa las zad pa shes pa kho na 'am/ mi slob pa'i
 yang dag pa'i lta ba skye'o/ /yongs su nyams pa srid pa'i phyir mi skye ba shes pa ni ma yin no/ /ci mi g.yo ba'i chos can la de mi skye ba kho na yin nam zhe na/ de ni dgra bcom thams cad la/ /mi g.yo ba'i chos can la yang res 'ga' mi skye
 ba shes pa las mi skye ba shes pa kho na skye la/ res 'ga' ni mi slob pa'i yang dag pa'i lta ba skye'o/ /gang dag 'bras bu bzhir bshad pa de dag gang gi 'bras bu yin zhe na/ dge sbyong gi tshul gyi 'bras bu dag yin no//
 dge sbyong gi tshul zhes bya ba 'di ci zhig ce na/ dge sbyong tshul ni dri med lam/ /dge sbyong gi tshul ni zag pa med pa'i lam yin no/ /des nyon mongs pa yang dag par zhi bar byed pa'i sgo nas dge sbyong du 'gyur te/ mdo
 las 'dis sdig pa mi dge ba'i chos zhes bya ba nas rgyas par rga shir 'gyur ba'i bar rnam pa du ma zhi bar byas pa yin pas/ de'i phyir dge sbyong zhes gsungs pa'i phyir ro/ /so so'i skye bo ni go gtan du zhi bar mi byed pa'i phyir//
 don dam pa'i dge sbyong ma yin no/ /dge sbyong gi tshul de'i 'bras bu 'dus byas 'dus ma byas/ dge sbyong gi tshul gyi 'bras bu ni 'dus byas dang 'dus ma byas rnams yin te/ de dag kyang mdo las rnam pa bzhir gsungs so/ /
 gzhan yang/ de dag brgyad cu rtsa dgu'o/ /de dag kyang gang zhe na/ grol lam zad pa rnams dang bcas/ /mthong bas spang bar bya ba spong bar byed pa bar chad med pa'i lam brgyad dang/ rnam par grol ba'i lam brgyad dang/
 bsgom pas spang bar bya ba spong bar byed pas dgu po re re zhing nyon mongs pa rnam pa dgu dgu spong bar byed pa de snyed kho na'i bar chad med pa'i lam dang rnam par grol ba'i lam dag go /de la bar chad med pa'i lam rnams ni dge sbyong
 gi tshul yin no/ /rnam par grol ba'i lam rnams ni dge sbyong gi tshul gyi 'bras bu 'dus byas dag yin te/ de'i rgyu mthun pa dang skyes bu byed pa'i 'bras bu yin pa'i phyir ro/ /nyon mongs pa de dag gi spangs pa ni dge sbyong gi
 tshul gyi 'bras bu 'dus ma byas dag yin te/ de ltar na brgyad cu rtsa dgu yin no/ /de ltar na 'o na ni sangs rgyas kyis gsungs pa kha bskad ba bya dgos par 'gyur zhe na/ bya mi dgos te/ gal te
 yang 'bras bu rnams mang mod kyi/ 'bras bu bzhir rnam gzhag pa ni/ /rgyu lnga dag ni srid phyir ro/ /bcom ldan 'das kyis spong ba'i lam gyi gnas skabs gang la rgyu lnga srid pa de la 'bras bur rnam par bzhag go zhes grag
 go lnga gang zhe na 'bras la sngon lam btang ba dang/ /gzhan thob pa dang zad bsdoms dang/ /shes pa brgyad mtshan thob pa dang/ /rnam pa bcu drug thob pa pa'o/ /lam lnga ma btang ba dang sngon med pa'i lam
 thob pa ni zhugs pa dang 'bras bu'i lam btang ba dang thob pa'i phyir ro/ /spangs pa bsdoms pa ni thams cad kyi thob pa cig rnyed pa'i phyir ro/ /shes pa brgyad cig car du 'thob pa ni chos dang rjes su rags pa rnam pa
 bzhi'o/ /rnam pa bcu drug thob pa ni mi rtag pa'i rnam pa la sogs pa ste/ rgyu lnga po de dag ni 'bras bu re re la yod do/ /gal te zag pa med pa'i lam kho na dge sbyong gi tshul yin na 'jig rten pa'i lam gyis thob pa'i
 'bras bu gnyis ji ltar dge sbyong gi tshul gyi 'bras bur rung zhe na/ 'jig rten pa yis thob 'bras ni/ /bsres dang zag med thob 'dzin phyir/ /de la ni lan cig phyir 'ong ba'i 'bras bu 'am phyir mi 'ong ba'i 'bras bu 'jig rten pa'i
 lam gyis 'bras bu spongs pa kho na yang ma yin no/ /'o na ci zhe na/ mthong ba'i lam gyis 'bras bu spangs pa yang der bsre bar bya ste/ thams cad kyi thob pa de'i 'bras bur bsdus pas cig rnyed pa'i phyir ro/ /de nyid kyi
 phyir mdo las/ lan cig phyir 'ong ba'i 'bras bu gang zhe na/ kun du sbyor ba gsum spangs pa dang/ 'dod chags dang zhe sdang dang gti mug rnams bsrabs pa gang yin pa de yin no/ /phyir mi 'ong ba'i 'bras bu gang zhe na/
 kun du sbyor ba tha ma'i cha dang mthun pa lnga spangs pa gang yin pa de yin no zhes gsungs so/ /de'i stobs kyis yongs su nyams pa mi 'chi ba'i phyir bral ba'i thob pa zag pa med pas spangs pa de 'dzin par yang byed do/ /'di'i phyir
 yang dge sbyong gi 'bras bu nyid du rigs so/ /dge sbyong gi tshul du bshad pa gang yin pa/ de nyid tshangs tshul tshangs pa yi/ /'khor lo nyon mongs pa rnams spong ba'i phyir tshangs pa'i tshul lo/ /tshangs pa'i 'khor lo ni/ tshangs
 pas bskor phyir ro/ /bcom ldan 'das ni tshangs pa'i tshul bla na med pa dang ldan pa'i phyir tshangs pa yin te/ mdo las bcom ldan 'das de ni tshangs pa zhes kyang bya/ zhi ba dang bsil bar gyur pa zhes kyang bya zhes gsungs pa'i
 phyir ro/ /'khor lo 'di ni de'i yin pas na tshangs pa'i ste/ des bskor ba'i phyir ro/ /chos kyi 'khor lo mthong ba'i lam/ /rgyu bas na 'khor lo'o/ /de dang chos mthun pa'i phyir mthong ba'i lam ni chos kyi 'khor lo yin no/ /
 'di'i chos mthun pa ji lta bu zhe na/ myur bar 'gro sogs rtsibs sogs kyis/ /myur du 'gro ba'i phyir dang/ 'dor ba dang 'jug pa'i phyir dang/ ma rgyal ba rgyal bar byed pa dang rgyal ba rnal du 'gong ba'i phyir dang/ 'phar ba dang 'bab
 pa'i phyir te/ myur bar 'gro ba la sogs pas ni de lta bu yin no/ /btsun pa dbyangs sgrogs na re 'phags pa'i lam yan lag brgyad ba ni/ rtsibs la sogs pa dang/ chos mthun pa'i phyir 'khor lo zhes bya ste/ yang 
 dag pa'i lta ba dang rtog pa dang rtsol ba dang dran pa rnams ni rtsibs lta bu yin no/ /yang dag pa'i dag dang las kyi mdza' dang 'tsho ba rnams ni lte ba lta bu yin no/ /ting nge 'dzin ni mu khyud lta bu yin
 no zhes zer ro/ /mthong ba'i lam chos kyi 'khor lo yin no/ /zhes bya ba 'di gang las she na 'phags pa kau 'di n+ya la de skyes pa na chos kyi 'khor lo bskor to zhes gsungs pa'i phyir ro/ /ji ltar na de lan gsum du bzlas
 pa dang rnam pa bcu gnyis yin zhe na/ bye brag tu smra ba rnams na re/ 'di ni sdug bsngal 'phags pa'i bden pa'o/ /de yongs su shes par bya'o/ /de yongs su shes so zhes bya ba 'di dag ni lan gsum du bzlas pa yin no//
 bzlas pa re re la mig skyes so/ /shes pa dang rig pa dang blo skyes so zhes bya ba 'di dag ni rnam pa bcu gnyis yin te/ bden pa re re la yang de dang dra'o/ /gsum tshan dang bcu gnyis su chos mthun pa'i phyir lan gsum
 du bzlas te/ rnam pa bcu gnyis zhes bshad de/ gnyis dang gnas bdun la mkhas pa bstan pa bzhin no/ /bzlas pa 'di dag gis ni grangs bzhan du mthong ba dang/ bsgom pa dang mi slob pa'i lam rnams bstan to/ zhes
 zer ro/ /gal te de lta na mthong ba'i lam kho na la lan gsum du bzlas pa yang ma yin la rnam pa bcu gnyis kyang ma yin na ji ltar na mthong ba'i lam 'di chos kyi 'khor lor rnam par bzhag /de lta bas na chos kyi rnam grangs de nyid chos
 kyi 'khor lo yang yin lan gsum bzlas pa dang rnam pa bcu gnyis kyang yin par rung ngo/ /ji ltar na lan gsum du bzlas pa yin zhe na/ bden pa rnams lan gsum du bzlas pa'i phyir ro/ /ji ltar na rnam pa bcu gnyis
 yin zhe na/ bden pa rnams la sdug bsngal kun 'byung/ 'gog pa lam zhes bya ba dang/ yongs su shes par bya/ spang bar bya/ mngon sum du bya/ bsgom par bya zhes bya ba dang/ yongs su shes/ spangs/ mngon
 sum du byas bsgoms zhes bya ba rnam pa gsum du byas pa'i phyir ro/ /de bskor ba ni gzhan gyis rgyud la go bar byed pa ste/ don shes par byed pa'i phyir ro/ /yang na 'phags pa'i lam thams cad kyang gdul bya'i rgyud
 la 'jug pa'i phyir chos kyi 'khor lo yin te/ de ni gzhan gyis rgyud la mthong ba'i lam bskyed pa'i phyir bskor bar brtsams pa yin pas de'i phyir bskor ba zhes bya'o/ /yang khams gang du dge sbyong gi tshul gyi 'bras bu
 du dag cig 'thob ce na/ 'dod par gsum 'thob/ gsum ni 'dod pa'i khams kho nar 'thob kyi gzhan du ni ma yin no/ /tha ma ni gsum du dge sbyong gi tshul gyi 'bras bu tha ma ni dgra bcom pa nyid de/ de khams gsum
 du 'thob bo/ /re zhig 'bras bu gnyis ni 'dod chags dang bral bas thob par bya ba yin pa'i phyir gong mar mi 'thob par yang rigs na gsum pa go ci'i phyir mi 'thob ce na/ gong na mthong lam med/ 'dod pa'i khams las gong
 na ni mthong ba'i med la/ de med par yang 'dod chags dang bral ba'i phyir mi 'ong ba'i 'bras bu thob pa med pas zhes bya ba 'di ni gtan tshigs yin no/ /ci'i phyir de na mthong ba'i lam med ce na/ re zhig gzugs med pa'i khams
 na ni nyan pa med pa dang/ khams 'og ma la mi dmigs pa'i phyir ro/ /gzugs kyi khams na ni mi skyo lung las 'dir rtsom zhing/ der mthar phyin ces 'byung phyir ro/ /gzugs na spyod pa'i so so'i skye bo rnams ni snyoms par
 'jug pa'i bde ba la chags pa'i phyir dang/ sdug bsngal gyi tshor ba med pa'i phyir kun tu skyo bar mi 'gyur la/ skyo ba med par yang 'phags pa'i lam 'thob par mi 'gyur te/ 'di ni re zhig rigs pa yin
 no/ /lung yang bar ma dor yongs su mya ngan las 'da' ba nas gong du 'pho ba'i bar gang zag lnga ni 'dir rtsom zhing der mthar phyin par 'gyur ro zhes gsungs pa 'di yin no/ /rtsoms pa zhes bya ba 'di lam rtsoms pa yin te/ mya ngan
 las 'das pa'i thabs yin pa'i phyir ro/ /'di skad du/ gal te mi g.yo'i zad shes la/ mi skye'i blo gros zhes bshad pa de ci dgra bcom pa la yang dbye ba yod dam zhe na smras pa yod de/ dgra bcom drug 'dod mdo las dgra bcom
 drug gsungs te/ yongs su nyams pa'i chos can dang/ 'chi bar sems pa'i chos can dang/ rjes su srung ba'i chos can dang/ gnas pa las mi skyod pa dang/ /rtogs pa'i skal ba can dang/ mi g.yo ba'i chos can no//
 de dag las lnga ni dad pas mos las skyes/ mi g.yo ba'i chos can ma gtogs pa gzhan lnga ni dad pas mos pa sngon du 'gro ba dag yin no/ /de dag rnam grol dus dang sbyor/ /lnga po 'di dag gi sems kyi rnam par grol ba ni dus
 dang sbyor ba pa 'phangs pa yin par rig par bya ste/ rtag tu rjes su srung ba'i phyir ro/ /de nyid kyi phyir 'di dag ni dus kyi rnam par grol ba zhes bya'o/ /'di dag ni dus la bltos pa yang yin la rnam par grol ba yang yin par
 dus kyis rnam par grol ba dag ste/ bar gyi tshigs mi mngon par byas pa'i phyir mar gya bum pa bzhin no/ /'di dag gi ting nge 'dzin mngon sum du 'gyur ba ni yo byad dang nad med pa dang yul gyi bye brag la bltos pa'i phyir dus
 la bltos pa yin no/ /mi g.yo'i chos can mi g.yo ba/ /mi g.yo ba'i chos can gyi rnam par grol ba ni yongs su mi nyams pa'i sgo nas g.yo bar mi nus pa'i phyir mi g.yo ba yin no/ /de'i phyir de dus mi sbyor grol/ /de nyid
 kyi phyir de ni dus dang mi sbyor bar rnam par grol ba zhes bya ba ste/ de ni 'dod dgur ting nge 'dzin sum du gyur pa'i phyir dus la mi bltos par rnam par grol ba yin no/ /yang na yongs su nyams pa srid pa dang mi srid pa'i sgo nas dus
 gzhan gyi bar dang/ gtan du rnam par grol ba'i phyir dus kyis rnam par grol ba dang/ dus dang mi sbyor bar rnam par grol ba nyid yin no/ /de ni mthong thob rgyu las byung mi g.yo ba'i chos can de ni mthong bas thob pa sngon du 'gro ba
 yin par rig par bya'o/ /ci dgra bcom pa drug po 'di dag dang po kho na nas de'i rigs can kho na dag cig yin nam/ 'on te phyis yin zhe na/ kha cig dang po nas de'i rigs/ /kha cig sbyangs pa las gyur to/ /kha cig ni
 dang po nyid nas 'chi bar sems pa'i chos can gyi rigs can yin la kha cig ni yongs su nyams pa'i chos can du gyur pa las dbang po rnams sbyangs pas 'chi bar sems pa'i chos can du gyur pa yin te/ mi g.yo ba'i chos
 can du gyur pa'i bar du yang de dang 'dra bar rig par bya'o/ /de la yongs su nyams pa'i chos can ni yongs su nyams par 'gyur ba'i skal ba dang ldan gyi 'chi ba'i sems pa la sogs pa'i chos can ni ma yin pa gang yin pa'o//
 'chi bar sems pa'i chos can ni 'chi bar sems par 'gyur ba'i skal pa can gang yin pa'o/ /rjes su srung ba'i chos can ni rjes su srung bar 'gyur ba'i skal pa can gang yin pa'o/ /gnas pa las mi bskyod pa ni
 yongs su nyams par 'gyur ba'i rkyen stobs dang ldan pa med na rjes su ma bsrungs kyang gnas par 'gyur ba'i skal pa can yin zhing nyams par mi 'gyur ba dang mngon par brtson pa med na 'phel bar
 yang mi 'gyur ba'i skal pa can gang yin pa'o/ /rtogs pa'i skal pa can ni mi g.yo ba rtogs par 'gyur ba'i skal pa can gang yin pa'o/ /mi g.yo ba'i chos can ni yongs su nyams par mi 'gyur ba'i skal ba can
 gang yin pa de kho na'o/ /dang po gnyis ni sngon slob pa'i gnas skabs kho na na rgyun du sbyor ba dang gus par sbyor ba med pa yin no/ /gsum pa ni rgyun tu sbyor ba pa yin no/ /bzhi pa ni gus par sbyor ba pa yin no/ /lnga pa
 ni gnyis kar sbyor ba pa ni yin la dbang po rtul po yin no/ /drug pa gnyi gar sbyor ba pa dang dbang po rnon po yin no/ /yongs su nyams pa'i chos can yang gdon mi za bar yongs su nyams par 'gyur ba ma
 yin la/ rtogs pa'i skal pa can gyi bar du yang rtogs par 'gyur ba ma yin gyi srid pa'i phyir de skad ces bshad do/ /de ltar byas na khams gsum char na yang dgra bcom pa drug yod par rung ngo/ /gang dag gi
 gdon mi za bar yongs su nyams par 'gyur ba nas mngon par rtogs pa'i bar du 'gyur ba de dag gis ltar na 'dod pa'i khams na ni drug go /gzugs dang gzugs med pa'i khams dag na ni gnas pa las mi bskyod pa
 dang/ mi g.yo ba'i chos can dang gnyis te/ de gnyis na yongs su nyams pa dang/ 'chi bar sems pa dang/ dbang po 'pho ba med pa'i phyir ro/ /'di dag las gang zhig 'bras bu 'am rigs gang las yongs su
 nyams par 'gyur ro zhe na/ bzhi ni rigs las lnga 'bras las/ nyams 'gyur/ 'chi bar sems pa'i chos can la sogs pa bzhi ni rigs las yongs su nyams par 'gyur ro/ /yongs su nyams pa'i chos can ni rang gi
 rigs las yongs su nyams par mi 'gyur ro/ /yongs su nyams pa'i chos can la sogs pa lnga ni 'bras bu las kyang yongs su nyams par 'gyur ro/ /de dag kyang dang po las ma yin/ gang gi rigs dang po gang yin pa
 de las ni de yongs su nyams par mi 'gyur te/ slob pa dang mi slob pa'i lam dag gis brtan por byas pa'i phyir ro/ /slob pa ni 'jig rten pa dang 'jig rten las 'das pa'i lam dag gis brtan por byas pa'i phyir ro/ /
 phyis sbyangs pas thob pa gang yin pa de las ni yongs su nyams par 'gyur ro/ /gang gis 'bras bu dang po gang yin pa de las kyang yongs su nyams par mi 'gyur ro/ /lhag ma las ni yongs su nyams par 'gyur ro/ /
 de nyid kyi phyir rgyun tu zhugs pa'i 'bras bu las yongs su nyams pa med do/ /de ltar byas na yongs su nyams pa'i chos can ni rnam pa gsum ste/ de'i so na gnas bzhin du yongs su mya ngan las 'da' ba dang/ dbang po
 'pho ba dang yongs su nyams nas slob pa nyid du 'gyur ba'o/ /'chi bar sems pa'i chos can ni bzhi ste/ gsum po de dag nyid dang/ yongs su nyams pa'i chos can gyi rigs su slar 'ong ba'o/ /de bzhin du gzhan gsum
 la yang re re bskyed de/ go rims bzhin du rnam pa lnga dang drug dang bdun yin par rig par bya'o/ /de slob par gyur na gang gi rigs dang po gang yin pa de kho na la gnas kyi gzhan la ni ma yin no/ /de lta ma yin na rigs khyad par can rnyed
 pa'i phyir de 'phel ba kho nar 'gyur gyi yongs su nyams par ni mi 'gyur ro/ /ci'i phyir 'bras bu dang po las yongs su nyams pa med ce na/ mthong bas spang bar bya ba rnam pa bzhi med pa'i phyir te/ de dag ni 'jig
 tshogs la lta ba'i rtsa ba can yin pa'i phyir bdag gi gzhi la 'jug pa yin na bdag de yang med do/ /'on med pa la dmigs par 'gyur ro zhe na/ bden pa la dmigs pa'i phyir med pa la dmigs pa ni ma yin gyi phyin ci log tu
 dmigs pa dag gi yin no/ /de lta ma yin pa'i nyon mongs pa gang zhig yin zhe na/ khyad par yod de/ bdag tu lta ba ni bdag med bzhin du gzugs la sogs pa'i dngos po la byed pa po dang dbang bsgyur ba nyid du bdag yang dag
 pa ma yin pa sgro 'dogs par byed la/ mthar 'dzin pa la sogs pa yang de'i gzhi la zhugs pa yin pas gzhi med pa dag ces bya'o/ /bsgom pas spang bar bya ba 'dod chags dang/ khong khro ba dang/ nga rgyal dang/ ma rig pa
 rnams ni gzugs la sogs pa'i dngos po la chags pa ba dang/ kun nas mnar sems dang/ khengs pa dang/ mi gsal ba'i ngo bor zhugs pa 'ba' zhig tu zad pas gzhi dang bcas pa dag ces bya ste/ gang la de dag 'jug
 par 'gyur ba sdug pa la sogs pa tsam de ni yod kyi/ bdag la sogs pa ni bag kyang med do/ /gzhan dag ni 'di skad ces zer te/ 'di ltar sgom pas spang bar bya ba rnams la ni gzhi yid du 'ong ba dang yid du mi 'ong ba'i mtshan
 nyid so sor nges pa yod kyi/ mthong bas spang bar bya ba rnams la ni bdag la sogs pa'i mtshan nyid med de/ de lta bas na gzhi med pa dag ces bya'o/ /gzhan yang 'phags pa nges par mi rtog pa la dran pa nyams pas nyon
 mongs pa rnams skye bar 'gyur gyi nges par rtogs pa la ni ma yin te/ thag pa la sbrul gyi 'du shes bzhin no/ /nges par mi rtogs pa la ni bdag tu lta ba la sogs pa 'byung bar mi rung ste/ kun du rtog par byed pa yin pa'i
 phyir ro/ /de lta bas na mthong bas spang bar bya ba spangs pa las yongs su nyams pa med do/ /mdo sde pa rnams na re dgra bcom pa nyid las kyang yongs su nyams pa med do zhes zer te/ de nyid rigs pa yin no/ /'di ji
 ltar khong du chud ce na/ lung dang rigs pa las so/ /lung las ji lta bu zhe na dge slong dag 'phags pa'i shes rab kyis spangs pa gang yin pa de ni spangs pa yin no zhes gsungs pa dang/ slob pa la bag yod pa la bag yod
 par bya'o zhes ba smra'o/ zhes gsungs kyi dgra bcom pa la ni ma yin no/ /kun dga' bo dgra bcom pa la yang rnyed pa dang bkur stis par chad byed pa yin par nga smra'o zhes gsungs pa'i mdo de las ni mthong ba'i chos la bde
 bar gnas pa tsam kho na las yongs su nyams par 'gyur bar gsungs par zad de/ 'di sems rnam par grol ba mi g.yo ba lus kyis mngon sum byas pa gang yin pa de las ni rnam grangs gang gis kyang yongs su nyams
 par 'gyur bar nga mi smra'o zhes kyang gsungs so/ /gal te dus dang sbyor ba la yod do zhe na/ kho bo cag kyang de skad ces ni zer ro/ /ci de dgra bcom pa nyid yin nam/ /'on te bsam gtan pa rnams yin zhes bya ba dpyad par
 byas te/ bsam gtan dngos gzhi'i ting nge 'dzin ni dus su mngon sum du 'gyur ba'i phyir rnam par grol ba dus dang sbyor ba zhes kyang bya la mthong ba'i chos la bde bar gnas par bya ba'i phyir yang dang yang du brtsal bar bya ba yin
 pa'i phyir yid du 'ong ba zhes kyang bya'o/ /gzhan dag na re ro myang bar bya ba yin pa'i phyir ro zhes zer ro/ /dgra bcom pa nyid kyi rnam par grol ba ni rtag tu rjes su 'brel ba'i phyir dus dang sbyor ba pa yin
 par yang mi rung la/ yang don du gnyer bar bya ba ma yin pa'i phyir yid du 'ong ba yang ma yin no/ /gal te yang dgra bcom pa nyid las yongs su nyams pa srid pa zhig tu gyur na/ ci'i phyir bcom ldan 'das kyis
 mthong ba'i chos la bde bar gnas pa lhag pa'i sems las byung ba dag kho na las yongs su nyams par 'gyur bar gsungs par 'gyur te/ de'i phyir dgra bcom pa thams cad kyi rnam par grol ba ni mi g.yo ba yin par
 khong du chud do/ /mthong ba'i chos la bde bar gnas pa dag las ni la la rnyed pa dang bkur stis g.yen spyo ba'i nyes pas dbang nyams pa'i phyir yongs su nyams par 'gyur te/ dbang po rtul po gang yin pa'o/ /
 la la yongs su nyams par mi 'gyur te/ dbang po rnon po gang yin pa'o/ /de la gang zhig yongs su nyams par 'gyur ba de ni yongs su nyams pa'i chos can yin la/ gang zhig yongs su nyams par mi 'gyur
 ba de ni yongs su nyams par mi 'gyur pa'i chos can yin te/ de bzhin du 'chi bar sems pa'i chos can la sogs pa la yang sbyar bar bya'o/ /yongs su mi nyams pa'i chos can dang/ gnas pa las mi
 bskyod pa dang/ mi g.yo ba'i chos can rnams las khyad par ci yod ce na/ yongs su mi nyams pa'i chos can ni/ spyangs pa las gyur pa ma yin la/ mi g.yo ba'i chos can ni sbyangs pa las gyur pa yin te/ de
 gnyis ni ting nge 'dzin gyi khyad par gang kho na skyed par byed pa de las yongs su nyams par mi 'gyur ro/ /gnas pa las ming skyod pa ni yon tan gang kho na gnas pa de las yongs su nyams par mi 'gyur ba 'ba' zhig
 tu zad kyi/ gzhan yang skyed par mi byed pa 'am/ skyed par byed na yang de las g.yo bar 'gyur ba yin pas 'di ni khyad par yin par mngon no/ /tshe dang ldan pa gnag tshogs can slob par gyur pa ha cang ro myang ba'i phyir
 dang/ dbang po rtul po yin pa'i phyir sems rnam par grol ba dus dang sbyor pa ba las yang dang yang du yongs su nyams pa dang/ yi chad nas lus dang srog la mi lta bar mtshon gyis 'debs par byed la/ 'chi ba'i
 dus kho nar dgra bcom pa nyid thob cing yongs su mya ngan las 'das par yang gyur te/ de lta bas na de yang dgra bcom pa nyid las yongs su nyams pa ni ma yin no/ /bcu las 'phros pa las kyang bskyed par bya ba'i
 chos ni gcig ste/ sems rnam par grol ba dus dang sbyor ba pa yid du 'ong ba yin no/ /mngon sum du bya ba'i chos ni gcig ste/ sems rnam par grol ba'i mi g.yo ba yin no zhes gsungs te/ gal te sems rnam
 par grol ba dus dang sbyor ba pa yid du 'ong ba dgra bcom pa nyid yin par gyur na/ ci'i phyir bcu tshan de kho na las dgra bcom pa nyid lan gnyis su smos par 'gyur/ dgra bcom pa nyid bskyed par bya ba yin par ni
 gang du yang ma gsungs so/ /'o na ci zhe na/ mngon sum du bya ba yin no/ /dbang po rtul pos bsdus pa'i dgra bcom pa nyid bskyed par bya ba yin no zhe na/ yang 'dis ci zhig shes par bya ba yin/ re zhig gal
 te bskyed par bya bar nus pa yin no zhe na ni gzhan yang nus so/ /'on te bskyed par 'os pa yin no zhe na ni gzhan ches shin tu 'ongs pa yin te/ de lta bas na rnam par grol dang dus dang sbyor ba pa ni dgra
 bcom pa nyid ma yin no/ /'o na dus kyis rnam par grol ba'i dgra bcom pa zhes ji skad du bya zhe na/ gang zhig dbang po rtul ba'i phyir ting nge 'dzin mngon sum du 'gyur ba 'dus la bltos pa yin no/ /bzlog
 pa ni dus dang mi sbyor bar rnam par grol ba yin no/ /chos mngon pa las kyang gnas gsum gyis 'dod pa'i 'dod chags kyi phra rgyas skye bar 'gyur te/ 'dod pa'i 'dod chags kyi phra rgyas ma spangs shing yongs su ma shes
 pa yin/ 'dod pa'i 'dod chags kyi kun nas dkris par gyur pa'i chos rnams kyang snang bar gyur pa yin/ de la yang tshul bzhin du ma yin pa yid la byed pa yin zhes gsungs so/ /gal te de lta bu ni rgyu yongs su tshang ba
 las skyes pa yin no zhe na/ rgyu yongs su ma tshang bar go gang zhig skye zhe na/ re zhig lung las ni de lta bu yin no/ /rigs pa las ji lta bu zhe na/ re zhig ste dgra bcom pa la gang gis na nyon mongs pa rnams gtan tu mi
 skye ba'i chos nyid du gyur pa de lta bu'i gnyen po zhig skyes na ni ji ltar yang yongs su nyams par 'gyur/ 'on te ma skyes te de'i sa bon gyi chos nyid gtan du rtsams ma gton na ni ji ltar zag pa zad pa yin/ zag pa ma
 zad na yang ji ltar dgra bcom pa nyid yin te/ rigs pa las na de lta bu yin no/ /'o na ni gang las 'di skad du 'phags pa nyan thos thos pa dang ldan pa de ltar spyod pa de ltar gnas de brgya la/ /res 'ga' zhig
 dran pa nyams pa las sdig pa mi dge ba'i rnam par rtog pa dag skye bar 'gyur ro zhes gsungs pa gsol ba'i phung po lta bu'i mdo'i lan gdab dgos so/ /de ni de las dgra bcom kho na yin par bstan te/
 yun ring por nas sems dpen pa la gzhol ba yin zhes bya ba nas mya ngan las 'das pa la bab pa yin zhes bya ba'i bar du gsungs pa'i phyir ro/ /gzhan las de ni dgra bcom pa'i stobs yin par yang gsungs
 la/ zag pa'i gnas lta bu'i chos thams cad las gsil bar gyur cing bsal bar gyur pa zhes kyang gsungs pa'i phyir ro/ /de skad du 'byung ba yang yod mod kyi ji srid du spyod pa legs par ma gtogs pa de srid slob pa de
 ltar spyod pa yang nyon mongs pa 'byung ba srid pa yod pas slob pa'i gnas skabs kyi dbang du mdzad nas de skad du gsungs pa'i phyir nyes pa med do/ /bye brag tu smra ba rnams ni dgra bcom pa nyid las kyang yongs su nyams
 par 'gyur bar brjod do/ /ci dgra bcom pa de dag kho na rigs drug dang ldan nam/ 'on te gzhan dag kyang rigs drug dang ldan zhe na/ slob dang 'phags min rigs drug ldan/ /slob pa dang so so'i skye bo rnams kyang de bzhin du
 rigs drug dang ldan te/ dgra bcom pa'i rigs rnams ni de dag sngon du 'gro ba yin no/ /gzhan yang mthong ba la ni 'pho ba med/ mthong ba'i lam la gzhan pa la dbang po 'pho ba yod kyi sbyor ba mi srid pa'i phyir mthong ba'i lam
 ni ma yin no/ /la la ni so so'i skye bo'i gnas skabs na dbang po rnams 'pho'o/ /la la ni dad pas mos pa'i gnas skabs na'o/ /mdo las 'di skad du/ 'dis mthong ba'i chos la bde bar gnas pa lhag pa'i sems
 las byung ba bzhi thob pa gang dag yin pa de las gang yang rung ba zhig las 'di yongs su nyams par 'gyur bar ni nga smra'i/ 'dis gcig pus sems kyi rnam par grol ba mi g.yo ba'i bar du lus
 kyi mngon sum du byas pa gang yin pa de las ni 'di rnam grangs gang gis kyang yongs su nyams par 'gyur bar nga mi smra'o zhes gsungs pa/ yang ji ltar na mi g.yo ba'i chos can mthong ba'i chos la bde bar gnas pa dag
 las yongs su nyams par 'gyur zhe na/ thob dang ma thob nyer spyad las/ /yongs nyams rnam pa gsum shes bya/ /gal te yon tan thob pa las yongs su nyams na thob pa las yongs su nyams pa yin no/ /gal te
 yon tan thob par bya ba ma thob na ma thob pa las yongs su nyams pa yin no/ /gal te yon tan thob pa mngon sum du mi byed na nye bar spyad pa las yongs su nyams pa yin no/ /yongs su nyams pa 'di rnams las/
 ston la tha ma mi g.yo la/ bar ma 'ang gzhan la rnam gsum mo/ /sangs rgyas la ni nye bar spyad pa las yongs su nyams pa kho na mnga' i gzhan ni mi mnga' o/ /mi g.yo ba'i chos can la ni de dang ma thob pa las
 yongs su nyams pa yang yod de/ gang zag khyad par can gyi chos ma thob pa'i phyir ro/ /dgra bcom pa gzhan la ni thob pa las yongs su nyams pa yang yod do/ /de'i phyir mi g.yo ba'i chos can nye bar spyad pa las
 yongs su nyams par 'gyur ba'i phyir mdo dang mi 'gal lo/ /yongs su mi nyams par smra ba na re thams cad kyi rnam par grol ba zag pa med pa ni mi g.yo ba yin la/ mi g.yo ba'i chos can du ji ltar rnam par bzhag pa
 ni de bzhin du bshad zin pas de'i phyir 'di ni klan kar mi rung ngo/ zhes zer ro/ /yang gang zhig dgra bcom pa'i 'bras bu las yongs su nyams na ci de yang skye 'am zhe na/ de lta bu ni med do/ /'di ltar 'bras las nyams
 pa 'chi ba med/ 'bras bu las yongs su nyams pa ni 'ga' yang 'chi ba med de/ mdo las dge slong dag 'phags pa nyan thos thos pa dang ldan pa la dran pa nyams pa chung ngu 'byung mod kyi 'on kyang yang myur ba kho nar nub pa dang
 yongs su zad pa dang yongs su gtugs par 'gyur ro zhes 'byung ba'i phyir ro/ /de lta ma yin na tshangs par spyod pa yid brtan du mi rung bar 'gyur ro/ /'bras bu gang zhig las yongs su nyams pa ni 'bras bu de la gnas pas bya ba
 ma yin pa gang yin pa'i bya ba ma yin de mi byed/ yongs su nyams kyang 'bras bu de dang 'gal ba mi byed de/ rtsal po che gred pa rdag mi 'cha' ba bzhin no/ /yang dbang po rnams 'pho ba la bar chad med pa dang rnam par grol ba'i
 lam du dag cig skye zhe na/ mi g.yo rnam grol bar chad med/ /lam dgu'o/ /rtogs pa'i skal ba can zhig mi g.yo ba'i rigs can rtogs par byed na bar chad med pa'i lam dang rnam par grol ba'i lam dgu skye ste dper na dgra bcom
 pa nyid thob pa bzhin no/ /ci'i phyir zhe na/ dbang po rtul po'i rigs de/ shin tu rten phyir ro/ /des dbang po brtul po'i rigs de shin du goms par byas pa yin pas 'bad pa chung ngus bzlog par mi nus te/ slob pa dang mi slob pa'i lam
 dag gis brtan por byas pa'i phyir ro/ /mthong bas thob la re re'o/ /mthong bas thob pa rtogs par byed na bar chad med pa'i lam gcig kho na dang rnam par grol ba'i lam gcig kho na skye'o/ /sbyor ba'i lam thams cad du gcig
 kho na yin no/ /bar chad med pa dang rnam par grol ba'i lam de dag thams cad ni/ zag med 'phags pa rnams kyi dbang po ni zag pa dang bcas pa'i lam gyi 'pho ba med do/ /dbang po rnams gang du 'pho zhe
 na/ mi yi nang du 'pho/ mi rnams kyi nang kho nar dbang po 'pho'o gzhan du ni ma yin te/ yongs su nyams pa mi srid pa'i phyir ro/ /gang zhig sa gang la brten nas dbang po rnams 'pho bar byed ce na/ mi slob sa dgu la brten te/
 mi lcogs pa med pa dang/ bsam gtan khyad par can dang/ bsam gtan bzhi dang/ gzugs med pa gsum la'o/ /slob pa drug la/ gzugs med pa rnams ma gtogs so/ /ci'i phyir zhe na/ gang gis phyir/ 'phal
 ba 'bras bu khyad par can/ /btang ste 'bras bu thob par 'gyur/ /dbang po rnams 'pho ba na dbang po rtul po'i lam gyi 'bras bu dang 'bras bu khyad par can btang ste dbang po rnon po'i rigs kyi lam gyi 'bras bu kho na thob par 'gyur
 na/ phyir mi 'ong ba'i 'bras bu gzugs med pas bsdus pa ni med do zhes bya ba 'di ni gtan tshigs yin no/ /dgra bcom pa 'di dag thams cad ni dbang po'i bye brag las dgu kho na yin te/ ji ltar byas pas she na/ sangs rgyas
 gnyis dang nyan thos bdun/ /de dgu dbang po rnam dgu can/ /nyan thos bdun gang zhe na/ yongs su nyams pa'i chos can la sogs pa lnga dang/ mi g.yo ba'i chos can rnam pa gnyis te/ sbyangs pa las gyur pa dang po nas
 de'i rigs can ni/ /sangs rgyas gnyis ni mi g.yo ba'i bye brag kho na yin te/ rang sangs rgyas dang/ sangs rgyas so/ /de ltar na de dag ni chung ngu'i chung ngu la sogs pa dbang po rnam pa dgu'i bye brag gis gang zag dgu yin
 no/ /'phags pa'i gang zag rnams ni thams cad du bdun yin te/ dad pas rjes su 'brang ba dang/ chos kyis rjes su 'brang ba dang/ dad pas mos pa dang/ mthong bas thob pa dang/ lus kyi mngon sum du byed pa dang/ shes rab
 kyi rnam par grol ba dang/ gnyi ga'i cha las rnam par grol ba'o/ /gang zag bdun po de dag kyang sbyor ba dang/ dbang po snyoms 'jug rnam grol dang/ /gnyi gas byas pa'o/ /sbyor ba las ni dad pas rjes su 'brang ba
 dang/ dang po nyid nas gzhan gyis dring 'jog pa dang/ chos kyi rjes su 'brang ba dag gi don rnams la sbyor ba'i phyir ro/ /dbang po las ni dad pas mos pa dang/ mthong bas thob pa dag ste/ dad pas mos pa dang shes
 rab lhag pa'i sgo nas dbang po rtul po dang rnon po yin pa'i phyir ro/ /snyoms par 'jug pa las ni lus kyi mngon sum du byed pa ste/ 'gog pa'i snyoms par 'jug pa mngon sum du byed pa'i phyir ro/ /rnam par grol ba
 ni shes rab kyis rnam par grol ba'o/ /snyoms par 'jug pa dang rnam par grol ba las ni gnyi ga'i cha las rnam par grol ba'o/ /ming gis sgo nas ni gang zag de bdun yin no/ /de dag drug /rdzas su ni de dag drug yin te/ 'di
 ltar lam gsum la gnyis gnyis/ /mthong ba'i lam la gang zag gnyis te/ dad pas rjes su 'brang ba dang/ chos kyi rjes su 'brang ba dag go /de dag nyid bsgom pa'i lam la gnyis te/ dad pas mos pa dang/ mthong bas thob
 pa dag go /de nyid kyang mi slob pa'i lam la gnyis te/ dus kyi rnam par grol ba dang/ dus dang mi sbyor bar rnam par grol ba dag go /de la dad pas rjes su 'brang ba dbang po'i sgo nas ni gsum mo/ /rigs kyi sgo nas ni 
 lnga'o/ /lam gyi sgo nas ni bco lnga ste/ bzod pa brgyad dang/ shes pa bdun la gnas pa'o/ /'dod chags dang bral ba'i sgo nas ni bcu bdun rtsa gsum ste/ 'ching ba mdza' dag dang ldan pa dang
 'dod pa ba las 'dod chags dang bral ba'i phyir dgu nas de bzhin du ci yang med pa'i skye mched las 'dod chags dang bral ba'i phyir gyi bar du'o/ /rten gyi sgo nas ni dgu ste/ gling gsum dang lha'i ris drug tu skyes pa'o/ /
 dbang po dang rigs dang lam dang 'dod chags dang bral ba dang rten gyi sgo nas bsdams na ni/ 'bum bzhi khri bdun stong brgyad brgya nyi shu rtsa lngar 'gyur te/ gang zag gzhan dag kyang ci rigs par de bzhin du brtsi bar bya'o/ /
 gnyi ga'i cha las rnam bar grol ba zhes bya ba 'di ni gang/ shes rab kyi rnam par grol ba ni gang zhe na/ 'gog thob gnyi ga las rnam grol shes rab kyis ni cig shos so/ /gang 'gog pa'i snyoms par 'jug pa de ni gnyi ga'i
 cha las rnam par grol ba yin te/ shes rab dang ting nge 'dzin gyi stobs dag gis nyon mongs pa dang/ snyoms par 'jug pa'i sgrib pa rnams las rnam par grol ba'i phyir ro/ /cig shos ni shes rab kyi rnam par grol ba
 yin te/ shes rab kyis stobs kyis nyon mongs pa'i sgrib pa 'ba' zhig las rnam par grol ba'i phyir ro/ /bcom ldan 'das kyis 'di la gang zhig nyon mongs pa lnga spangs te/ mi 'phrogs chos ldan slob pa yongs su
 rdzogs zhes gang gsungs pa/ ji tsam gyis? na? slob pa yongs su rdzogs pa yin zhe na/ snyoms 'jug dbang po 'bras rnams kyis/ /slob pa yongs su rdzogs zhes bya'o/ /slob pa yongs su rdzogs pa ni rnam pa gsum ste/
 'bras bu dang/ dbang po dang/ snyoms par 'jug pa las so/ /phyir mi 'ong ba dang bas mos pa lus kyi mngon sum du byed pa ma yin pa ni 'bras bu kho na las so/ /mthong bas thob pa 'dod chags dang bral ba ni dang po kho na las so//
 phyir mi 'ong ba mthong bas thob pa lus kyis mngon sum du byed pa ma yin pa ni 'bras bu dang dbang po las so/ /dad pas mos ba lus kyis mngon sum du byed pa ni 'bras bu dang snyoms par 'jug pa kho na las so/ /mthong bas
 thob pa lus kyi mngon sum du byed pa ni 'bras bu dang/ dbang po dang/ snyoms par 'jug pa las so/ /snyoms par 'jug pa kho na dang/ snyoms par 'jug pa dang/ dbang po las yongs su rdzogs pa nyid ni med do/ /gnyis kyi
 mi slob yongs su rdzogs/ dbang po dang snyoms par 'jug pa las so/ /'bras bu yongs su ma rdzogs pa la ni mi slob pa nyid kyang med pa kho na yin pas 'di'i 'bras bus yongs su rdzogs pa ni yongs su rdzogs pa nyid du rnam par
 ma bzhag go /shes rab kyis rnam par grol ba dus dang mi sbyor bar rnam par grol ba ni dbang po kho na las so/ gnyi ga'i cha las rnam par grol ba dus kyi rnam par grol ba ni snyoms par 'jug pa kho na las so/ /gnyi ga'i cha
 las rnam par grol ba dang mi sbyor bar rnam par grol ba ni dbang po dang snyoms par 'jug pa dag las so/ /'jig rten pa dang 'jig rten las 'das pa dang/ mthong ba dang bsgom pa dang mi slob pa dang lam rnams dang /
 sbyor ba dang/ bar chad med pa dang/ rnam par grol ba dang khyad par can gyi lam rnams zhes bya ba lam gyi bye brag mang po zhig bshad pa de dag mdor bsdu na lam rnam pa du zhig yin zhe na/ mdor na lam ni rnam pa bzhi ste/ khyad
 par can dang rnam grol dang/ /bar chad med dang sbyor zhes bya/ /sbyor pa'i lam ni gang gis mjug thogs su bar chad med pa'i lam skye ba'o/ /bar chad med pa'i lam ni gang gis sgrib pa rab tu spong ba'o/ /
 rnam par grol ba'i lam ni nges spangs par bya ba'i sgrib pa las nges par grol ba dang po nyid du skye ba gang yin pa'o/ /khyad par can gyi lam ni de dag las gzhan pa'i lam gang yin pa'o/ /ci'i phyir lam zhes bya ba zhe na/ de
 nas der 'gro ba'i phyir ram/ 'dis mya ngan las 'das pa tshol pa'i phyir 'di ni mya ngan las 'das pa'i lam yin no/ /rnam par grol pa dang khyad par can gyi lam dag ji ltar na lam nyid yin zhe na/ de dang 'dra ba dang/
 ches che ba yin pa'i phyir te/ gong nas gong du phyin par byed pa'i phyir ram/ phung po'i lhag ma ma lus par 'jug pa'i phyir ro/ /yang lam nyid mya ngan las 'das pa sgrub par byed pa'i phyir sgrub pa zhes gsungs so//
 lam ni bzhi ste/ mngon par shes pa bul la dka' ba'i lam yang yod do/ /mngon par shes pa myur la dka' ba'i lam yang yod do/ /de bzhin du yang sla ba yang rnam pa gnyis so/ /de la bsam gtan
 dag gi lam rnams sla/ bsam gtan bzhi'i lam ni lam sla pa yin te/ yan lag gis yongs su zin pa dang/ zhi gnas dang lhag mthong mnyam pa dag gis 'bad mi dgos par rang gis ngang? gis 'byung
 ba'i phyir ro/ /sa gzhan dag gi dka' pa yin/ /mi lcogs pa med pa dang/ bsam gtan khyad par can dang/ gzugs med pa rnams kyi lam ni yan lag gis yongs su ma zin pa'i phyir dang/ zhi gnas
 dang lhag mthong chung ba'i phyir lam dka' ba yin te/ mi lcogs pa med pa dang bsam gtan khyad par can ni zhi gnas chung ngo/ /gzugs med pa na ni lhag mthong chung ngo/ /lam de yang rnam pa
 gnyis te/ blo rtul mngon shes bul ba ste/ /cig shos kyi ni mngon shes myur/ /dbang po rtul po ni lam sla ba 'am dka' yang rung ste/ mngon par shes pa bul ba yin no/ /dbang po rnon po ni
 mngon par shes pa myur ba yin no/ /lam 'di la mngon par shes pa bul ba yod pas na 'di ni mngon par shes pa bul ba ste/ mngon par shes pa myur ba yang de dang 'dra'o/ /yang na 'di gang zag mdo rtul
 po'i yin pas mngon par shes pa bul ba yin la/ yid rtul po'i yin pas mngon par shes pa myur ba'o/ /lam 'di ni byang chub kyi phyogs dang mthun pa zhes bya ba'i ming 'thob ste/ byang chub kyi phyogs dang
 mthun pa sum cu rtsa bdun ni dran pa nye bar gzhag pa bzhi dang/ yang dag par spong ba bzhi dang/ rdzu 'phrul gyi rkang pa bzhi dang/ dbang po lnga dang/ stobs lnga dang/ byang chub kyi yan lag bdun dang/ 'phags
 pa'i lam yan lag brgyad do/ /de la zad dang mi skye shes pa ni/ byang chub/ zad ba dang mi skye ba shes pa ni gang zag gi bye brag gis nyan thos kyi byang chub dang/ rang sangs rgyas kyi byang chub dang/ bla na med pa yang dag par
 rdzogs pa'i byang chub dang/ byang chub gsum zhes bya ste/ de gnyis kyis ma rig pa ma lus par spangs pa'i phyir dang/ /rang gis don byas pa dang spang byar med pa nyid yang dag pa ji lta ba bzhin rtogs pa'i phyir
 ro/ /de dang mthun nyid phyir/ sum cu bdun de'i phyogs mthun/ byang chub dang mthun pa'i phyir ro/ /ming gi sgo nas/ byang chub kyi phyogs dang mthun pa sum cu rtsa bdun zhes bya'o/ /rdzas su
 bcu/ byang chub kyis phyogs dang mthun pa thams cad ni rdzas su bcu ste/ bcu gang zhe na/ dad dang brtson 'grus dran pa dang/ /shes rab ting 'dzin btang snyoms dga' / /rtog dang tshul khrims shin du sbyangs/
 de ltar byas na de dag ni rdzas su bcu'o/ /ji ltar byas pas she na/ dran pa nyer gzhag shes rab ste/ /brtson 'grus yang dag 'jog ces bya/ /rdzu 'phrul rkang pa ting nge 'dzin to/ /dran pa nye bar gzhag pa
 dang/ yang dag par rab tu 'jog pa dang/ rdzu 'phrul gyi rkang pa rnams ni shes rab dang/ brtson 'grus dang/ ting nge 'dzin gyis rang bzhin dag yin no/ /de'i phyir re zhig dbang po dang stobs rnams ni ming gis smos
 pa dad pa dang brtson 'grus dang/ dran ba dang ting nge 'dzin dang shes rab kyi rdzas lnga yin te/ dran pa nye bar gzhag pa rnams dang/ chos rnam par 'byed yang dag byang chub kyi yan lag dang/ yang dag ba'i lta ba
 ni shes rab kho na yin no/ /yang dag par rab tu 'jog pa rnams dang/ brtson 'grus yang dag byang chub kyi yan lag dang/ yang dag pa'i rtsal ba ni brtson 'grus kho na yin no/ /rdzu 'phrul gyi rkang pa rnams dang/
 ting nge 'dzin yang dag byang chub kyi yan lag dang/ yang dag pa'i ting nge 'dzin ni ting nge 'dzin kho na yin no/ /dran pa yang dag byang chub kyi yan lag dang/ yang dag pa'i dran pa ni dran pa kho na yin no/ /ci zhig lus she
 na/ dga' ba dang/ shin tu sbyangs pa dang/ btang snyoms yang dag byang chub kyi yan lag dang/ yang dag pa'i rtog pa dang/ tshul khrims kyi yan lag rnams dang/ rdzas lnga ste/ de ltar na byang chub kyi phyogs dang mthun
 pa de dag ni rdzas bcu yin no/ /bye brag tu smra ba rnams kyi ltar na lus dang ngag gi las dag tha dad pa'i phyir tshul khrims kyi yan lag rnams rdzas gnyis yin pas rdzas bcu gcig yin no/ /'di skad du dran pa nye bar gzhag
 pa la sogs pa ni shes rab dang brtson 'grus dang/ ting nge 'dzin gyi rang bzhin dag yin no/ zhes bshad pa gang yin pa der ni/ gtso bo smos pa yin par rig par bya'i de dag ni/ sbyor byung yon tan kun kyang yin/ /gtso bo smos
 pas de skad bshad kyi/ dran pa nye bar gzhag pa dang/ yang dag par rab tu 'jog pa dang/ rdzu 'phrul gyi rkang pa rnams ni sbyor ba las byung ba'i yon tan thams cad kyang yin no/ /ci'i phyir brtson 'grus la yang dag par rab tu 'jog pa
 zhes bshad ce na/ des lus dang ngag dang yid yang dag par 'jog pas so/ /ci'i phyir ting nge 'dzin la rdzu 'phrul gyi rkang pa zhes bshad ce na/ de ni yon tan thams cad sbyor ba'i rten yin pa'i phyir ro/ /gang dag rdzu 'phrul ni ting nge
 'dzin kho na yin la/ 'dun pa la sogs pa ni rkang pa yin no/ zhes zer ba de dag gi ltar na 'dun pa dang sems dag lhag pa'i phyir byang chub kyi phyogs dang mthun pa rdzas su bcu gsum du gyur la/ dge slong dag rdzu 'phrul yang bshad
 la rdzu 'phrul gyis rkang pa rnams kyang bshad do zhes bya ba nas/ rdzu 'phrul gang zhe na/ 'di ni rdzu 'phrul gyi yul rnam pa du ma nyams su myong bar byed cing/ gcig tu gyur nas mang por 'gyur zhes bya ba'i bar rgyas par gsungs pa'i
 mdo dang yang 'gal lo/ /ci'i phyir dbang po rnams kho na yang stobs rnams su bshad ce na/ chung ngu dang chen po'i bye brag gi rdzi ba dang rdzi ba med pa'i phyir ro/ /dbang po rnams kyi go rims ces byas she na/
 dad par gyur pa'i 'bras bu'i don du brtson 'grus rtsom par byed do/ /brtson 'grus brtsam na dran pa nye bar gnas par 'gyur ro/ /dran pa nye bar gnas na rnam par mi g.yeng? ba'i phyir sems mnyam par 'jog go /sems
 mnyam par bzhag na yang dag pa ji lta ba bzhin rab tu shes par 'gyur ro/ /gnas skabs gang du byang chub kyi phyogs dang mthun pa gang zhig rab tu 'byed ce na/ bye brag tu smra ba rnams na re/ sde tshan bdun ni go rims bzhin//
 las ni dang po pa dag dang/ /nges 'byed cha mthun rnams dang ni/ /bsgom dang mthong la rab tu phye/ /las dang po pa'i gnas skabs su ni lus la sogs pa la nye bar brtags pa'i phyir dran pa nye bar gzhag pa rnams
 so/ /khyad par thos pas brtson 'grus yang dag par spel ba'i phyir dro bar gyur pa dag la ni yang dag par rab tu 'joms pa rnams so/ /yongs su nyams par mi 'gyur ba'i dge ba'i rtsa ba la 'jug pa'i phyir rtse mo dag ni
 rdzu 'phrul gyi rkang pa rnams so/ /yang yongs su nyams par mi 'gyur ba'i sgo nas dbang thob pa'i bzod pa dag la ni dbang po rnams so/ /nyon mongs pa rnams kyis mi rdzi ba'i phyir ram/ 'jig rten pa'i chos gzhan dag gis mi
 rdzi ba'i phyir chos kyi mchog dag la ni stobs rnams so/ /byang chub dang nye ba'i phyir bsgom pa'i lam dag la ni byang chub kyi yan lag rnams so/ /'gro bas rab tu phye ba'i phyir mthong ba'i lam la ni lam gyi yan lag rnams te/
 de ni myur bar 'gro ba yin pa'i phyir ro/ /grangs kyis rims pa bzhin du bya ba'i phyir sngar bdun bshad la phyis brgyad bshad do/ /de la chos rnam par 'byed pa yang dag byang chub kyi yan lag ni byang chub kyi yin la byang chub kyi yan
 lag kyang yin no/ /yang dag pa'i lta ba ni lam yang yin la lam gyi yan lag kyang yin no zhes zer ro/ /gzhan dag ni go rims ma nyams pa kho nar byang chub kyi phyogs dang mthun pa rnams go rims bzhin du brjod do/ /re zhig
 dang po kho nar yul rnam pa mang po la 'phro ba'i g.yeng ba'i blo? rnams tshar bcad pa'i phyir dran pa nye bar gzhag pa rnams so/ /dran pa nye bar gzhag pa bzhi po 'di dag ni de'i sems kyi nye bar 'dogs pa yin te/ mdo las 'di
 lta ste/ zhen pa la brten pa'i dran pa'i kun tu rtog pa rnams gsal bar bya ba'i phyir zhes 'byung ba'i phyir ro/ /de'i stobs kyi brtson 'grus yang dag par 'phel bas dgongs pa rnam pa bzhi bsgrub pa'i phyir sems yang dag par rab tu
 'dzog pas na yang dag par rab tu 'jog pa rnams so/ /de'i 'og tu ting nge 'dzin rnam par sbyong ba'i rdzu 'phrul gyi rkang pa rnams so/ /ting nge 'dzin la yang dag par brten nas 'jig rten las 'das pa'i chos rnams kyi bdag
 por gyur pa'i phyir dad pa la sogs pa ni dbang po rnams so/ /de dag nyid mi mthun pa'i phyogs kun tu spyod pa las nges par rgyal ba ni stobs so/ /mthong ba'i lam la ni byang chub kyi yan lag rnams te/ dang po nyid du
 chos kyi de kho na rtogs pa'i phyir ro/ /gnyi ga la ni lam gyi yan lag rnams te/ 'di ltar 'phags pa'i lam dag brgyad pa bsgom pa yongs su rdzogs par 'gyur na/ dran pa nye bar gzhag pa bzhi bsgom pa yongs su rdzogs par
 'gyur ba nas byang chub kyi yan lag bdun gyi bar du yongs su rdzogs par 'gyur ro zhes gsungs so/ /yang dge slong yang dag pa ji lta ba bzhin gyi tshig brjod pa zhes bya ba 'di ni 'phags
 pa'i bden pa bzhi'i tshig bla dags yin no/ /dge slong ji ltar rtogs pa'i lam gyi 'jug ces bya ba 'di ni 'phags pa'i lam yan lag brgyad kyi tshig bla dags yin no zhes gsungs so/ /de lta bas na gnyi ga la
 'phags pa'i lam yan lag brgyad 'dod par bya dgos pas go rims grub pa yin no/ /byang chub kyi phyogs dang mthun pa du zhig ni zag pa dang bcas pa dag yin/ du zhig ni zag pa med pa dag yin zhes bya ba 'di
 brjod par bya ste/ byang chub yan lag yan lag zag pa med/ de gnyis ni bsgom pa dang mthong ba'i lam la rnam par bzhag pa yin pa'i phyir ro/ /'jig rten pa'i yang dag pa'i lta ba la sogs
 pa yang yod mod kyi/ de dag ni 'phags pa'i lam zhes bya ba'i sgra mi 'thob bo/ /gzhan rnam pa gnyis so/ /byang chub kyi phyogs dang mthun pa gzhan dag ni zag pa dang bcas pa dang zag pa med pa dag yin
 no/ /sa gang na byang chub kyi phyogs dang mthun pa du zhig yod ce na/ bsam gtan dang po na thams cad/ bsam gtan dang po na sum cu rtsa bdun po thams cad do/ /mi lcogs med na dga' ma gtogs/ /ci'i phyir mi
 lcogs pa med pa na dga' ba med ce na/ nyer bsdogs rnams ni stobs kyis drang dgos pa'i phyir dang/ sa 'og ma'i dogs pa dang bcas pa'i phyir ro/ /gnyis pa na ni rtog ma gtogs/ bsam gtan gnyis pa na ni yang
 dag pa'i rtogs pa ma gtogs pa sum cu rtsa drug kho na yod do/ /de na rtog pa med pa'i phyir ro/ /gnyis na de gnyis ma gtogs pa/ /bsam gtan gsum pa dang bzhi pa dag na ni dga' ba dang rtog pa dag ma gtogs pa sum
 cu rtsa lnga yod do/ /bsam gtan bar na'ang/ de gnyis nyid ma gtogs pa sum cu rtsa lnga kho na yod do/ /gzugs med pa dang/ gsum na'ang de dang mtshungs yan lag /ma gtogs zhes bya bar sbyar te/ gzugs med pa dag
 na ni yang dag pa'i ngag dang/ las kyi mdza' dang/ 'tsho ba rnams dang/ dga' ba dang/ rtog pa dag ma gtogs pa sum cu rtsa gnyis yod do/ /byang chub dang ni lam yan lag /ma gtogs 'dod khams srid rtsa na/ /de
 gnyis na zag pa med pa'i lam med pa'i phyir byang chub kyi phyogs dang mthun pa nyi shu rtsa gnyis yod de/ /byang chub kyi phyogs dang mthun pa rnams la gnas pa gnas skabs gang du shes nas dad pa thob par rig par bya zhe na/ bden gsum
 mthong na tshul khrims dang/ /chos la shes nas dad pa 'thob/ /lam mngon rtog na sangs rgyas dang/ /de yi dge 'dun dag la yang/ /sdug bsngal dang kun 'byung ba dang 'gog pa'i bden pa rnams mngon par rtog na chos la
 shes nas dad pa dang/ 'phags pa dgyes pa'i tshul khrims rnams 'thob bo/ /lam gyi bden pa mngon par rtog na sangs rgyas dang/ de'i nyan thos kyi dge 'dun la shes nas das pa 'thob ste/ gang zhig de gnyis la dad pa de ni sangs
 rgyas su byed pa'i chos mi slob pa rnams dang/ dge 'dun du byed pa'i chos slob pa dang/ mi slob pa rnams la dad pa yin no/ /yang zhes bya ba'i sgras ni tshul khrims dang chos la shes nas dad pa dag kyang 'thob par ston te/ /'dir
 gang la chos su dgongs pa yin zhe na/ chos bden gsum dang rang sangs rgyas/ /byang chub sems dpa' i lam yin no/ /de'i phyir bden pa bzhi char yang mngon par rtogs na chos la shes nas dad
 pa thob bo/ /de dag ni dad pa'i bzhi'i bye brag las ming gi sgo nas dad pa bzhi zhes bya ba'o/ /rdzas su gnyis te dad pa dang/ tshul khrims/ sangs rgyas dang chos dang dge 'dun la shes nas dad pa rnams ni dad pa'i rang
 bzhin dag yin no/ /'phags pa dgyes pa'i tshul khrims rnams ni tshul khrims yin rdzas gnyis so/ /ci 'di dag zag pa dang bcas pa dag gam zag pa med pa dag cig yin zhe na/ shes nas dad pa rnams ni
 gcig tu/ dri ma med pa yin/ shes nas dad pa zhes bya ba'i don ci zhe na/ bden pa rnams yang dag pa ji lta ba bzhin rtogs nas yid ches pa ni shes nas dad pas yin no/ /'di dag gi rim pa ni langs nas ji ltar mngon
 sum du byed pa de bzhin du bkod do/ /langs nas ji ltar mngon sum du byed ce na/ kye ma bcom ldan 'das ni yang dag par rdzogs pa'i sangs rgyas yin no/ /de'i chos 'dul ba ni legs par gsungs pa yin no/ /de'i nyan thos kyi
 dge 'dun ni legs par zhugs pa yin no zhes bya bar mngon sum du byed de/ sman pa dang sman dang nad g.yog lta bur gyur pa'i phyir ro/ /sems rab tu dang bas tshul khrims kyang rab tu dad pa yin pas tha mar bzhi pa bshad de/ 'di ni de
 ltar rab tu dad par gyur pa sgrib pa yin pa'i phyir ro/ /yang na nad mang pa lta bur gyur pa yin pa'i phyir ro/ /yang na ston par byed pa dang/ lam dang/ lam grogs dang/ bzhon pa lta bu yin no/ /mdo las slob pa ni yan lag brgyad dang ldan no//
 mi slob pa ni yan lag bcu dang ldan no/ zhes gsungs pa/ ci'i phyir slob pa la yang dag pa'i rnam par grol ba dang/ yang dag pa'i shes pa bshad ce na/ bcings phyir slob pa'i yan lag tu/ /rnam grol ma bshad/ slob pa ni da dung
 nyon mongs pa'i 'ching ba rnams kyi bcings pa yin pas bcings bzhin du ji ltar rnam par grol bar rnam par bzhag pa ste/ 'ching ba'i phyogs gcig las grol ba ni grol ba zhes mi bya'o/ /rnam par grol ba med pa yang ji ltar
 rnam par grol ba'i shes par bzhag /mi slob pa ni nyon mongs pa'i 'ching ba thams cad las gtan du nges par thar pa'i phyir rnam par grol ba dang/ de so so rang gis shes pa dag gis rab tu phye ba yin pas de kho na la de smos
 pa rig pa dang ldan pa yin no/ /rnam par grol ba zhes bya ba 'di ci zhe na/ de rnam gnyis 'dus byas dang 'dus ma byas so/ /de la nyon mongs bcom pa 'dus ma byas/ mos pa 'dus byas nyon mongs pa spangs pa ni rnam par grol ba 'dus
 ma byas yin no/ /mi slob pa'i mos pa ni rnam par grol ba 'dus byas yin no/ /yan lag ni de yin/ rnam par grol ba 'dus byas de ni mi slob pa'i yan lag tu bshad pa/ yan lag rnams ni 'dus byas yin pa'i phyir ro/ /de nyid
 rnam grol gnyis/ rnam par grol ba 'dus byas de nyid mdo las/ sems rnam par grol ba dang/ shes rab rnam par grol ba dang/ rnam par grol ba gnyis su gsungs te de nyid rnam par grol ba'i phung po yin par yang blta'o/ /gzhan dag na re mdo
 las/ stag gi byang chub kyi bu dag rnam par grol ba yongs su dag pa gtso bo gang yin zhe na/ 'di na dge slong 'dod chags la sems 'dod chags las sems 'dod chags dang bral zhing rnam par grol ba yin/ zhe sdang dang gti mug las sems 'dod chags dang bral zhing
 rnam par grol ba yin te/ 'di ltar rnam par grol ba'i phung po yongs su ma rdzogs pa yongs su rdzogs par byed pa 'am/ yongs su rdzogs pa rjes su 'dzin par byed pa 'dun pa dang brtson 'grus gang yin pa zhes rgyas par gang gsungs
 pa ji lta bu/ de'i phyir rnam par grol ba ni mos pa kho na yin par ma zod/ 'o na ci zhe na/ de kho na shes pas 'dod chags la sogs pa spangs nas sems dri ma med pa nyid rnam par grol ba yin no/ zhes zer ro/ /yang dag pa'i rnam par grol
 pa bshad zin to/ /yang dag pa'i lta ba las ma gtogs pa yang dag pa'i shes pa gang zhig yin zhe na/ byang chub ji skad bshad shes pa sngar byang chub ji skad du bshad pa gang yin pa de nyid 'dir yang dag pa'i shes pa yin par rig par bya ste/ 'di lta ste/ zad pa
 shes pa dang mi skye ba shes pa'o/ /sems gang zhig rnam par grol bar 'gyur/ ci 'das pa 'am ma 'ongs pa 'am da ltar byung zhe na/ mi slob sems ni skye 'gyur ba/ /sgrib pa las ni rnam grol 'gyur/ /bstan bcos las mi slob pa'i sems ma 'das pa sgrib
 pa rnams las rnam par grol bar 'gyur ro zhes 'byung ngo/ /de'i sgrib pa yang gang zhe na/ nyon mongs pa'i thob pa yin te/ de skye ba la gegs byed pa'i phyir ro/ /rdo rje lta bu'i ting nge 'dzin gyi tshe de yang spang par 'gyur la mi slob pa'i sems skye bar 'gyur ba de yang rnam par
 grol bar 'gyur ro/ /de spangs nas ni mi slob pa'i sems de yang skyes pa dang/ rnam par grol ba yin no/ /'o na skye bar 'gyur ba ma yin pa dang/ 'jig rten pa gang yin pa ji lta bu zhe na/ de dag kyang rnam par grol bar 'gyur mod kyi skye bar nges pa gang yin pa de kho na
 bshad do/ /gang las 'jig rten pa rnam par grol par 'gyur zhe na/ skye ba'i sgrib pa de nyid las so/ /ma grol ba slob pa la yang 'jig rten pa skye bar 'gyur ba ma yin nam zhe na/ de ni de dang mi 'dra'o/ /de ci 'dra zhe na/ nyon mongs pa'i thob pa dang lhan cig pa yin no/ /gnas skabs
 gang pa'i lam gyis de skye pa'i sgrib pa spong zhe na/ 'gag par 'gyur ba'i lam gyis ni/ /de yi sgrib pa rab tu spong/ /de ltar gyi zhes bya ba'i tha tshig go /rnam par grol ba 'dus ma byas su bshad pa gang yin pa dang/ khams gsum pa spangs pa'i khams dang/ 'dod chags
 dang bral ba'i khams dang/ 'gog pa'i khams zhes 'byung ba gang yin pa de dag la khyad par ci yod ce na/ 'dus ma byas nyis khams zhes bya/ /rnam par grol ba de nyid khams gsum yin no/ /de la 'dod chags kun zad 'dod chags bral/ /'dod chags spangs pa
 ni 'dod chags dang bral ba'i khams yin no/ /spangs pa'i khams ni gzhan dag go /yang dag par zad pa zhes bya bar bya ste/ 'dod chags las gzhan pa'i nyon mongs pa rnams spangs pa ni spangs pa'i khams yin no/ /'gog pa'i khams zhes bya ba gzhi/ yang
 dag par zad pa zhes bya ba kho nar sbyar te/ nyon mongs pa la ma gtogs pa gzhi spong ba'i 'gog pa'i khams yin no/ /dngos po gang gis yid 'byung bar 'gyur ba'i dngos po des 'dod chags dang bral bar yang 'gyur ram zhe na/ mu bzhi'o/ /ji ltar byas pas
 she na/ sdug bsngal rgyu bzod shes rnams kyis/ yid 'byung/ sdug bsngal dang kun 'byung la bzod pa dang shes pa rnams kho nas yid 'byung bar 'gyur gyis gzhan dag gis ni ma yin no/ /gang gis spong 'gyur ba/ kun gyis 'dod chags bral bar 'gyur/ /
 sdug bsngal kun 'byung ba dang 'gog pa dang lam la bzod pa dang shes pa gang dag gis nyon mongs pa spong bar 'gyur ba thams cad kyis kyang 'dod chags dang bral bar 'gyur ro/ /de lta na mu bzhi srid de lta na mu bzhi 'grub ste/ sdug bsngal dang kun 'byung la
 bzod pa dang shes pa rnams kyis nyon mongs pa gang mi spong na yid 'byung ba kho na yin te/ yid 'byung ba'i dngos po kho na la dmigs pa'i phyir ro/ /'gog pa dang lam la bzod pa dang shes pa rnams kyis nyon mongs pa dag spong na 'dod chags dang bral ba kho na yin
 te/ mchog tu dga' ba'i dngos po la dmigs pa'i phyir ro/ /snga ma rnams kyis nyon mongs pa dag spongs na gnyi ga yin no/ /phyi ma rnams kyis nyon mongs pa dag mi spong na gnyi ga ma yin no/ /de la 'dod chags dang bral ba zhig bden
 pa rnams la lta na chos shes pa dang/ bzod pa rnams kyis nyon mongs pa dgra mi spong ngo/ /shes pa rnams kyis ni sbyor ba dang rnam par grol ba dang khyad par can gyis las kyis bsdus pa rnams kyis mi spong ngo// //chos mngon
 pa mdzod kyi bshad pa las lam dang gang zag bstan pa zhes bya ba mdzod kyi gnas drug pa'o// //bzod pa rnams zhes kyang 'byung shes pa rnams zhes kyang 'byung/ yang dag pa'i lta ba'i zhes kyang 'byung yang dag pa'i shes pa
 zhes kyang 'byung na ci bzod pa dag yin la shes pa ma yin nam/ yang dag pa'i shes pa yin la yang dag pa'i lta ba ma yin nam zhe na/ dri med bzod rnams shes pa yin/ de spang bar bya ba'i phra rgyas the tshom ma spangs pa'i phyir ro/ /de dag yang dag
 par rtogs pa'i bdag nyid can yin pa'i phyir lta ba dag yin no/ /ji ltar bzod pa rnams lta ba yin gyis shes pa ma yin pa de bzhin du/ zad dang mi skye'o blo lta min/ /zad pa shes pa dang mi skye ba shes pa ni yang dag pa'i rtogs pa med pa dang/ yongs
 su tshol ba'i bsam pa can ma yin pa'i phyir lta ba ma yin no/ /de las gzhan 'phags blo gnyi ga /bzod pa dang zad pa dang mi skye ba shes pa dag las gzhan pa zag pa med pa'i shes rab ni lta ba yang yin la shes pa yang ma yin no/ /gzhan shes/
 gzhan 'jig rten pa'i shes rab thams cad ni shes pa yin no/ /drug ni lta ba 'ang yin/ lta ba lnga dang/ 'jig rten pa'i lta ba yang dag pa'i lta ba ste/ 'jig rten pa'i shes pa rnam pa de drug ni lta ba yin gyis gzhan ni lta ba ma yin no/ /'di dag dang
 gzhan dag kyang/ shes pa ni ma yin no/ /ji snyed cig gis shes pa thams cad bsdus she na/ shes pa bcus bsdus so/ /mdor bsdu na ni/ shes pa zag bcas zag pa med/ de gnyis las kyang/ dang po kun rdzob ces bya'o/ /zag pa dang bcas pa gang yin pa de ni
 phal cher bum pa dang snam bu dang skyes pa dang bud med la sogs pa kun rdzob 'dzin pa'i phyir kun rdzob shes pa yin no/ zag med rnam gnyis chos dang ni/ /rjes su shes pa kho na yin/ /zag pa med pa'i shes pa la rnam pa gnyis su dbye ste/ chos shes pa dang/ rjes su
 shes pa'o/ /de ltar na shes pa 'di gnyis ni gsum yin te/ kun rdzob shes pa dang/ chos shes pa dang/ rjes su shes pa'o/ /de la kun rdzob yul ni thams cad do/ /kun rdzob shes pa'i dmigs pa ni ci rigs par 'dus byas dang 'dus ma byas kyi chos thams
 cad yin no/ /chos zhes bya ba'i spyod yul ni/ 'dod sdug bsngal la sogs/ chos shes pa'i dmigs pa ni 'dod pa na spyod pa'i sdug bsngal dang/ de kun 'byung ba dang/ 'gog pa dang lam rnams yin no/ rjes shes pa'i spyod yul gong ma'i sdug bsngal
 sogs/ rjes su shes pa'i dmigs pa ni gzugs dang gzugs med pa na spyod pa'i sdug bsngal dang/ de kun 'byung ba dang/ 'gog pa dang lam rnams so/ /de dag nyid bden bye brag gis/ bzhi ste/ chos shes pa dang rjes su shes pa de dag nyid bden pa'i bye
 brag gi sdug bsngal dang/ kun 'byung ba dang/ lam shes pa rnams dang shes pa bzhi yin te/ de dag la dmigs pa'i phyir ro/ /rnam bzhi de dag ni mi skye ba dang zad pa shes/ chos dang rjes su shes pa lta ba'i rang bzhin ma yin pa rnam pa bzhi po de dag kho nar zad pa shes
 pa dang mi skye ba shes pa zhes bya'o/ /de gnyis dang po skyes pa ni/ /sdug bsngal rgyu rjes shes pa yin/ /zad pa dang mi skye ba shes pa dang po skyes pa ni sdug bsngal dang/ kun 'byung la rjes su shes pa yin/ srid pa'i rtse mo pa'i phung po la sdug bsngal dang kun 'byung la
 rjes su shes pa'i rnam par dmigs pa'i phyir ro/ /yang ci rdo rje lta bu'i ting nge 'dzin kyang de gnyis dang dmigs pa gcig pa zhig yin nam zhe na/ gal te sdug bsngal dang kun 'byung la dmigs na ni yin no/ /'on te 'gog pa dang lam la
 dmigs pa zhig na ni dmigs pa gcig pa ma yin no/ /bzhi las pha rol sems rig pa/ /rig par byed pas na rig pa ste/ shes pa'o/ /pha rol gyis sems shes pa ni shes pa bzhi las skye bar lta bar bya ste/ chos shes pa dang rjes su shes pa
 dang lam shes pa dang/ kun rdzob shes pa rnams las so/ /de'i des pa ni 'di yin te/ des ni sa dbang gang zag 'das/ /zhig dang ma skyes mi rig go /sa 'das pa mi shes pa ni bsam gtan 'og ma'i sa pas bsam gtan gong ma'i sa pa mi shes pa'o/ /dbang
 po 'das pa ni dad pas mos pa dang dus kyis rnam par grol ba'i lam gyis mthong bas thob pa dang dus dang mi sbyor bar rnam par grol ba'i lam mi shes pa'o/ /gang zag 'das pa mi shes pa ni phyir mi 'ong ba dang dgra bcom pa dang/ nyan thos dang rang sangs rgyas
 dang sangs rgyas kyi lam rnams 'og mas gong ma mi shes pa'o/ /zhig pa dang ma skyes pa ni shes pa ni 'das pa dang ma 'ongs pa mi shes pa ste/ da ltar gyi pha rol gyi sems yul yin pa'i phyir ro/ /gzhan yang chos rjes blo phyogs min/ /pha rol gyi sems shes
 pa chos shes pa'i phyogs dang mthun pas kyang rjes su shes pa'i phyogs dang mthun pa'i sems mi shes la/ rjes su shes pa'i phyogs dang mthun pas kyang chos shes pa'i phyogs dang mthun pa mi shes te/ de gnyis ni 'dod pa'i khams dang khams gong ma'i
 gnyen po la dmigs pa'i phyir ro/ /mthong ba'i lam la pha rol gyi sems shes pa med do/ /de'i dmigs pa ni yod de/ de la pha rol gyi sems shes pas mthong ba'i lam shes par 'dod pas sbyor bas byas na nyan thos mthong ba'i skad cig gnyis
 te/ rig ste bse ru lta bus gsum/ /sangs rgyas sbyor ba med par kun/ /nyan thos kyis ni pha rol gyis sems shes pas mthong ba'i lam las skad cig ma gnyis shes te/ sdug bsngal kha chos shes pa'i bzod pa dang/ chos shes pa'o/ /rjes su shes pa'i phyogs
 dang mthun pa la dmigs pa ni sbyor ba gzhan gyis sgrub par bya ba yin pa'i phyir de ji srid de la sbyor brtsom pa de srid kyis de sems bcu drug rjes su 'thob par 'gyur bas bar du ni mi shes so/ /rang sangs rgyas kyis ni dang po gnyis dang brgyad pa kun 'byung la rjes su
 shes pa dang/ gsum shes te/ sbyor ba chung ba'i phyir ro/ /gzhan dag na re dang po dang gnyis pa dang bco lnga pa rnams shes so zhes zer ro/ /sangs rgyas kyi ni sbyor ba med par mthong ba'i lam gyi skad cig ma thams cad mkhyen to/ /yang zad pa shes pa
 dang mi skye ba shes pa dag la khyad par ci yod ce na/ zad pa shes pa bden rnams la/ /yongs shes la sogs nges pa'o/ /yongs shes byar med ces la sogs/ /mi skye pa'i blor 'dod do/ /bstan bcos las/ zad pa shes pa gang zhe na/ bdag gi sdug
 bsngal yongs su shes so zhes bya bar shes pa dang/ kun 'byung spangs so/ /'gog pa mngon du byas so/ /lam bsgoms so zhes bya bar shes pa de'i rgyu las byung ba'i shes pa dang mthong ba dang rigs pa dang blo dang rtogs pa dang shes rab dang snang ba dang mngon
 par rtogs pa gang yin pa 'di ni zad pa zhes bya'o/ /mi skye ba shes pa gang zhe na/ bdag gis sdug bsngal yongs su shes te/ yang yongs su shes par byar med do/ zhes bya bar shes pa nas bdag gis lam bsgoms te yang bsgom du med do zhes bya ba'i bar du shes
 pa de'i rgyu las byung ba'i zhes bya bar rgyas par 'byung ngo/ /ji ltar na zag pa med pa'i shes pas de ltar shes she na/ kha che ba rnams na re bstan bcos las/ de'i rjes la langs pas de ltar shes te/ de'i phyir de'i bye brag gis de gnyis kyi bye brag bstan to zhes zer
 ro/ /gzhan dag na re zag pa med pas de ltar shes te/ mthong ba smos pa ni bshad pa 'phangs pa'i phyir ram/ yang na sum du 'jug pa'i phyir/ de nyid kyi phyir re zhig shes pa gang yin pa de ni mthong ba yang yin no zhes 'byung ngo zhes
 zer ro/ /de ltar na de dag ni shes pa bcu yin te/ 'di lta ste chos shes pa dang rjes su shes pa dang/ kun rdzob shes pa dang/ pha rol gyi sems shes pa dang/ sdug bsngal shes pa dang/ kun 'byung shes pa dang/ 'gog pa shes pa dang/ lam
 shes pa dang/ zad pa shes pa dang/ ma skyes pa shes pa'o/ /de la kun rdzob shes pa ni shes pa gcig yin la gcig gi cha yang yin no/ /chos shes pa ni shes pa gcig yin la bdun gyi cha yang yin te/ rjes su shes pa yang de dang 'dra'o//
 sdug bsngal shes pa ni shes pa gcig yin la bzhi cha yang yin te/ kun 'byung ba dang 'gog pa shes pa yang de dang 'dra'o/ /lam shes pa ni shes pa gcig yin la lnga'i cha yang yin no/ /pha rol gyi sems shes pa ni shes pa gcig yin
 la bzhi'i cha yang yin no/ /zad pa shes pa ni shes pa gcig yin la/ drug gi cha yang yin te/ mi skye ba shes pa yang de dang 'dra'o/ /ci'i phyir de dag gsum yod la bcur rnam par bzhag ce na/ rang bzhin dang ni gnyen po dang/ /rnam pa spyod yul
 dang/ sbyor dang bya ba byas nyid dang/ rgyu rgyas pa las bcu yin no/ /rgyu bdun gyis shes pa bcur rnam par bzhag go zhes grags te/ rang bzhin las ni kun rdzob shes pa ste/ don dam pa mi shes pa'i phyir ro/ /gnyen po las ni chos dang rjes su shes pa
 dag ste/ 'dod pa'i khams dang khams gong ma'i gnyen po yin pa'i phyir ro/ /rnam pa las ni sdug bsngal dang kun 'byung ba shes pa dag ste/ dmigs pa tha mi dad pa'i phyir ro/ /rnam pa dang dmigs pa las ni 'gog pa dang/ lam shes pa dag ste/
 rnam pa dang dmigs pa tha dad pa'i phyir ro/ /sbyor ba las ni pha rol gyi sems shes pa ste/ des ni sems las byung ba rnams kyang mi shes pa ma yin mod kyi sems shes par bya ba'i phyir sbyor ba byas pa las grub pa'i phyir pha rol gyi sems shes pa zhes bshad do//
 bya ba byas pa las ni zad pa shes pa ste/ bya ba byas pa'i rgyud la dang? dang po nyid du skye ba'i phyir ro/ /rgyu rgyas pa las ni mi skye ba shes pa ste/ zag pa med pa'i shes pa thams cad kyi rgyu can yin pa'i phyir ro/ /thams cad kyi gnyen po thams cad yin pa'i phyir ro/ /chos
 shes pa 'dod pa'i khams kyi gnyen po zhes bshad par zad kyi gzhan yang/ bsgom pa'i lam la 'gog pa 'am/ lam la chos shes gang yin pa/ /khams gsum gyis ni gnyen po yin/ /'gog pa dang lam la chos shes pa bsgom pa'i lam gyis
 bsdus pa dag ni khams gsum char gyis gnyen po yin no/ /'dod pa'i khams kyi rjes ma yin/ /'dod pa'i khams kyis gnyen po rjes su shes pa ni rnam pa thams cad du med do/ /shes pa bcu pa de dag las/ /chos shes pa dang rjes su shes/ /rnam pa bcu
 drug /de dag ni 'og nas bshad par bya'o/ /kun rdzob ni/ de bzhin gzhan du 'ang/ kun rdzob shes pa ni rnam pa bcu drug can yang yin la gzhan gyi rnam pa can yin te/ chos thams cad kyis rang dang spyi'i mtshan nyid la sogs pa 'dzin pa'i phyir ro/ /rang rang gis
 bden pa'i rnam pas bzhin no/ /sdug bsngal dang kun 'byung dang/ 'gog pa dang lam shes pa rnams ni rang rang gis bden pa'i rnam pa dag tu 'jug pas re re zhing rnam pa bzhi bzhi yin no/ /pha rol yid shes dri med kyang/ /de bzhin/ pha rol gyis sems shes pa
 zag pa med pa yang de bzhin kho nar rang gis bden pa'i rnam pa can yin pa'i rnam pa bzhi can yin te/ lam shes pa yin pa'i phyir ro/ /dri ma dang bcas ni/ shes bya'i rang gi mtshan nyid rnams/ pha rol gyi sems shes pa zag pa dang bcas pa ni shes bya'i
 sems dang sems las byung ba rnams kyi rang gi mtshan nyid gang yin pa de'i rnam pa 'dzin te/ rang gi mtshan nyid 'dzin pa'i byed pa yin pa'i phyir ro/ gnyi ga yang/ rdzes re re zhig spyod yul lo/ /gang gi tshe sems 'dzin pa de'i tshe
 sems las 'byung ba rnams mi 'dzin la/ gang gi tshe tshor ba 'dzin pa de'i 'du shes mi 'dzin ces bya ba de lta bu la sogs pa'o/ /'o na bcom ldan 'das kyis 'dod chags dang bcas pa'i sems la yang 'dod chags dang bcas pa'i sems zhes bya
 bar yang dag pa ji lta ba bzhin du rab tu shes so zhes bya ba de lta bu la sogs pa gang gang gsungs pa ji lta bu zhe na/ de gnyis gcig car du 'dzin pa ni ma yin te/ gos dang dri ma cig car du mi 'dzin pa bzhin no/ /'dod chags dang bcas pa'i
 sems zhes bya ba ni 'dod chags dang bcas pa gnyis rnam pa gnyis te/ 'dres pa'i 'dod chags dang bcas pas 'dod chags dang bcas pa nyid dang/ ldan pa'i 'dod chags dang bcas pa nyid do/ /de la 'dod chags dang mtshungs par ldan pa'i sems
 ni gnyis kyi 'dod chags dang bcas pa yin no/ /de las gzhan pa zag pa dang bcas pa ni ldan pa'i 'dod chags dang bcas pa yin no/ /kha cig na re mdo 'dir ni 'dod chags dang mtshungs par ldan pa'i sems ni 'dod chags dang bcas pa
 yin la/ 'dod chags kyis gnyen por ni 'dod chags dang bral bar bshad pa yin te/ gal te 'dod chags dang mtshungs par mi ldan pa 'dod chags dang bral ba yin na ni nyon mongs pa gzhan dang mtshungs par ldan pa yang yin par 'gyur ro zhes zer
 ro/ /gzhan dag na re de lta na ni 'o na de'i gnyen po ma yin pa'i sems nyon mongs pa can ma yin pa 'dod chags dang bcas pa yang ma yin la/ 'dod chags dang bral ba yang ma yin zhes bya ba de lta bu la sogs par 'gyur ba/ de lta bas ni mdo 'dir 'dod
 chags dang ldan pas kyang 'dod chags dang bcas pa'i sems su 'dod bar bya ste/ gti mug dang bcas pa dang gti mug dang bral ba'i bar tu yang de dang 'dra bar shes par bya'o zhes zer ro/ /bye brag tu smra ba na re kun tu bsdus pa ni dmigs pa la mngon par
 sdud pa'i phyir dge ba yin no/ /rnam par g.yeng ba ni rnam par g.yeng ba dang mtshungs par ldan pa'i phyir nyon mongs pa can yin no zhes zer ro/ /nub phyogs pa rnams na re kun tu bsdus pa ni gnyis dang mtshungs par ldan pa yin no/ /rnam par g.yeng ba
 ni nyon mongs pa can gzhan yin no zhes zer ro/ /de skad du ni mi brjod de nyon mongs pa can gyi gnyid dang mtshungs par ldan pa'i phyir sems de nyid bsdus pa yang yin la rnam par g.yeng ba yang yin par 'gyur ro/ /bstan bcas las/ sems kun du bsdus
 pa yang dag pa ji lta ba bzhin du rab tu shes so/ /de shes pa'i shes pa ni bzhi ste/ chos shes pa dang/ rjes su shes pa dang/ kun rdzob shes pa dang/ lam shes pa'o/ zhes 'byung ba dang yang 'gal bar 'gyur ro/ /sems zhum pa ni le lo dang mtshungs par
 ldan pa'i phyir nyon mongs pa can yin no/ /rab tu bzung ba ni brtson 'grus dang mtshungs par ldan pa'i phyir dge ba yin no/ /chung ngu ni rnam par byang ba chung ngu dag gis bsten pa'i phyir nyon mongs pa can yin no/ /chen por gyur pa ni de las bzlog pa yin pa'i phyir dge
 ba yin no/ /rtsa ba dang/ rin dang/ 'khor dang/ rjes su 'brang ba dang/ stobs che chung gi yang phyir te/ nyon mongs pa can ni mi dge ba'i rtsa ba gnyis kyis rtsa ba dang bcas pa yin no/ /dge ba ni dge ba'i rtsa ba gsum gyis so/ /nyon mongs pa can ni 'bad pas bsgrub
 par bya ba ma yin pa'i phyir rin chung ba yin no/ /dge ba'i tshogs chen pos bsgrub par bya ba yin pa'i phyir rin che ba yin no/ /nyon mongs pa can ni de dang 'dra ba ma 'ongs pa 'thob pa'i phyir 'khor mang ba ma yin la phung po gsum gyi rjes su 'brang ba dang bcas pa yin no//
 de gang ba ni 'khor mang ba yin la phung po bzhis rjes su 'brang ba dang bcas pa yin no/ /yang nyon mongs pa can ni stobs chung ba yin no/ /dge ba ni stobs che ba yin no/ /sdug bsngal la chos shes pa'i bzod pa gcig gi kyang phra rgyas bcu
 gtan du 'joms par byed pas de'i phyir yang nyon mongs pa ni chung ba yin la dge ba ni chen por gyur pa yin no/ /rgod pa ni rgod pa dang mtshungs par ldan pa'i phyir nyon mongs pa can yin no/ /rgod pa ma yin pa ni de'i gnyen po'i phyir mi dge ba yin no//
 rnam par ma zhi ba dang/ rnam par zhi ba yang de dang 'dra'o/ /mnyam par ma bzhag pa ni rnam par g.yeng ba dang mtshungs par ldan pa'i phyir nyon mongs pa can no/ /mnyam par bzhug pa ni de'i gnyen po yin pa'i phyir dge ba yin no/ /ma bsgoms pa
 ni 'thob pa dang bsten pa'i sgom pa dag gi ma sgom pa'i phyir nyon mongs pa can yin no/ /bsgoms pa ni de gnyis kyi bsgom pa'i phyir dge ba yin no/ /rnam par ma grol ba mi rang bzhin dang rgyu rnam par grol ba dag gis rnam par ma grol ba'i phyir nyon mongs
 pa can yin no/ /rnam par grol ba ni de gnyis kyi rnam par grol ba'i phyir dge ba yin no zhes zer ro/ /de lta na ni mdo dang mthun par byas pa yang yin la/ tshig de rnams kyi don gyis khyad par yang ma bshad pa yin no/ /ji ltar na mdo dang mi mthun par
 byas pa yin zhe na/ mdo las ji ltar na sems nang du kun du bsdus pa yin zhe na/ sems gang rmugs pa gnyid dang lhan cig par gyur cing nang du kun du 'gog pa dang lhan cig par gyur la lhag mthong dang mtshungs par mi ldan pa yin no/ /ji ltar
 na phyi rol tu rnam par g.yeng ba yin zhe na/ sems gang 'dod pa'i yon tan lnga rnams la rjes su g.yeng ba yin zhing rnam par 'phros pa yin no zhes gsungs so/ /sems de nyid kun du bsdus pa yang yin la rnam par g.yengs pa yang yin par 'gyur
 ro zhes kyang bshad pa yin nam zhe na/ de skad du ni bshad mod kyi rigs par bshad pa ni ma yin te/ nyon mongs can gyi gnyid dang lhan cig par gyur pa rnam par g.yengs pa nyid du dam ma bcas pa'i phyir ro/ /bstan bcos dang 'gal bar 'gyur ro zhes kyang bshad
 pa ma yin nam/ bstan bcos la dang 'gal ba ni bla'i mdo dang 'gal ba ni ma yin no/ /ji ltar na tshig de rnams kyi don gyi khyad par ma bshad pa yin zhe na/ sems rnam par g.yengs pa dang/ zhum pa dang/ rgod pa dang rnam par ma zhi ba dang/ mnyam par ma
 bzhag pa dang/ ma bsgoms pa dang/ rnam par ma grol ba rnams kyis mtshan nyid kyang tha mi dad pa'i phyir la/ kun du bsdus pa dang/ rab tu bzung ba la sogs pa'i mtshan nyid kyang tha mi dad par bshad pa'i phyir ro/ /tshig rnams kyi don gyi khyad par nam? bshad pa
 ma yin pa nyid de/ nyon mongs pa can du mtshungs kyang 'di ltar sems nyon mongs pa can 'di ni rnam par g.yengs pa yin no/ /'di ni zhum pa yin no/ zhes bya ba rgyas par de'i nyes pa'i khyad par yang dag pa bstan pa'i phyir la/ de bzhin du dge ba'i yang yon
 tan gyi khyad par yang dag par bstan pa'i phyir don gyi khyad par bshad pa kho na yin no/ /mdo dang 'gal ba ma spangs pa'i phyir de ni tshig de rnams kyi don ma yin no/ /gal te mdo las sems de nyid zhum pa yang yin la de nyid rgod pa yang yin no zhes bya bar bshad na
 ni gang gi tshe sems zhum pa dang zhum par dogs pa de'i tshe shin tu sbyangs pa dang/ ting nge 'dzin dang/ btang snyoms yang dag byang chub kyi yan lag rnams bsgoms pa'i dus ma yin no/ /gang gi tshe sems rgod pa dang rgod par dogs pa de'i tshe chos rab tu rnam par 'byed pa dang
 brtson 'grus dang/ dga' ba yang dag byang chub kyi yan lag rnams bsgoms pa'i dus ma yin no zhes pa 'di dag gsungs par mi 'gyur ro/ /ci 'di la byang chub kyi yan lag rnams so sor bsgom mam zhe na/ 'di dag yid la byed pa bsgom par 'dod kyi mngon sum du 'gyur
 ba ni ma yin pas nyes pa med pa nyid do/ /'di las le lo lhag pa'i sems ni zhum pa zhes bshad la/ rgod ba lhag ba ni rgod pa zhes bshad pas 'gal ba med de/ de gnyis kyang lhan cig pa yin pa'i phyir sems de nyid zhum pa
 yang yin la de nyid rgod pa yang yin no zhes smra'o/ /bsam pa can gyi tshig la ni bzlog pa med kyi mdo'i dgongs ba ni 'di ma yin no zhes smra'o/ /'dod chags dang ldan pa'i sems thams cad 'dod chags dang bcas pa yin no/ zhes gang bshad pa/
 'dod chags dang ldan pa'i sems gang zhig yin/ gal te 'dod chags kyi thob pa dang lhan cig pa yin no zhe na ni slob pa'i sems zag pa med pa yang 'dod chags dang bcas par 'gyur ro/ /gal te 'dod chags kyi dmigs pa yin no zhe na ni/ dgra
 bcom pa'i sems zag pa dang bcas pa yang 'dod chags dang bcas pa zhes bya bar 'gyur te/ 'dod chags kyi dmigs pa yin pa'i phyir ro/ /yang na ji ltar de zag pa dang bcas pa yin/ gal te nyon mongs pa spyi pa'i dmigs pa yin pa'i phyir
 ro zhe na ni/ de lta na yang gti mug dang bcas par gzung bar 'gyur te/ gti mug gi dmigs pa'i phyir ro/ /gzhan gyi sems shes pa ni thob pa la dmigs pa yang ma yin la/ sems de la dmigs pa'i 'dod chags la dmigs pa can yang ma yin
 no/ /de lta bas na 'dod chags dang ldan pas 'dod chags dang bcas pa'i sems su 'dod par mi bya'o/ /'o na ji lta bu zhe na/ mdo'i dgongs pa ni 'dod chags dang mtshungs par ldan pa'i sems ni 'dod chags dang bcas pa yin la/ 'dod chags dang
 mtshungs par mi ldan pa'i sems ni 'dod chags dang bral ba yin no/ zhes bya bar snang ngo/ /gang las 'di'i sems 'dod chags dang bral ba yin/ zhe sdang dang bral ba dang/ gti mug dang bral ba yin 'dod pa'i srid pa dang/ gzugs kyi srid pa dang/
 gzugs med pa'i srid par phyir mi ldog pa'i chos can yin zhes gsungs pa der ni de'i thob pa dang bral ba las dgongs te gsungs pa yin no/ /nyon mongs pa gzhan mtshungs par ldan pa'i sems kyang 'dod chags dang mtshungs par mi ldan pa'i phyir 'dod
 chags dang bral ba yin par 'gyur ro zhes bshad pa ma yin nam dgongs pa 'dis na nyes pa med de/ de ni 'dod chags dang bral ba zhes bya bar mi bzung ngo/ /'o na ci zhe na/ zhe sdang dang bcas pa dang/ gti mug dang bcas pa zhes bya ba de lta bu la sogs par
 gzung ngo/ /zhar la 'ongs pas chog go /grub pa'i mdza' brjod par bya ste/ ci pha rol gyi sems shes pa pha rol gyi sems kyi rnam pa 'am dmigs pa 'dzin ce na/ mi 'dzin te/ /de'i rnam pa dang dmigs pa la mi bltos pa yin te/ sems 'di gas? ba
 yin no/ /zhes bya bar shes kyi gzugs che ge mo zhig la chags so zhes bya ba ni mi shes so/ /de lta ma yin na/ de gzugs la dmigs par yang 'gyur la/ de la dmigs pa'i pha rol gyi sems 'dzin pa na rang gi ngo bo 'dzin par yang 'gyur ro/ /gzhan
 gyi sems shes pa thams cad ni sems dang sems las byung ba dang/ rdzas kyi rang gi mtshan nyid dang/ da ltar byung ba dang/ pha rol gyi rgyud dang 'dod pa dang gzugs dang ldan pa dang ldan pa ma yin pa'i yul can mthong ba'i lam la bkag pa dang/
 bsgom pa'i lam la dmigs pa dang/ stong pa nyid dang mtshan ma med pa dang mi ldan pa dang/ zad pa dang mi skye ba shes pas ma bsdus pa dang/ bar chad med pa'i lam bkag pa yin par rig par bya'o/ /pha rol gyi sems shes pa bshad zin to/ /lhag
 ma rnam pa bcu bzhi can/ /stong dang bdag med ma gtogs so/ /lhag ma ni zad pa dang mi skye ba shes pa dag ste/ de gnyis ni stong pa dang bdag med pa'i rnam pa dag ma gtogs pa rnam pa bcu bzhi can yin no/ /don dam pa bdag yin yang de dag gi stobs
 kyi rjes su tha snyad 'dogs pa'i sgo nas bdag gi skye ba zad do/ /'di las srid pa gzhan rab tu mi shes so/ zhes kun rdzob la ston pa'i phyir ro/ /ci zag pa med pa la rang gi mtshan nyid kyi rnam pa yod dam/ 'on te med ce na/ re
 zhig kha che ba rnams kyi ltar ni/ dri med bcu drug gzhan rnams med/ rnam pa bcu drug la ma gtogs pa zag pa med pa'i rnam pa med do/ /gzhan yod ces pa bstan bcos las/ gzhan nyi 'og pa rnams na re yod do zhes zer ro/ /ji ltar khong du chud ce na/
 bstan bcos las zhes bya ba smos te/ bstan bcos las 'di skad du mi ldan pa'i sems kyi 'dod pa dang ldan pa'i chos rnams shes par 'gyur ba yod dam zhe na/ shes par 'gyur te/ rigs pas bskyed pa'i sgo nas mi rtag pa dang/ sdug bsngal dang/
 stong ba dang/ bdag med pa dang/ rgyu dang kun 'byung ba dang/ rab tu skye ba dang/ rkyen dang/ 'di ni gnas yod do/ /'di ni gzhi yod do zhes bya bar shes par 'gyur ro zhes 'byung ngo/ /gal te gang las 'di ni gnas yod do/ /'di ni gzhi yod do zhes
 de snyam du shes par 'gyur ro zhes bya ba 'di'i don ni 'di ma yin te/ 'on kyang mi rtag pa la sogs par shes par 'gyur ba gang yin pa 'di ni gnas yod do/ /'di ni gzhi yod do zhes bya ba yin no zhe na/ ma yin te/ gzhan nas mi 'byung ba'i phyir ro/ /gal
 te 'di bstan bcos kyi don yin par 'gyur na/ 'di skad du mthong bas spang bar bya ba'i sems kyi 'dod pa dang ldan pa'i chos rnams shes par 'gyur ba yod dam zhe na/ shes par 'gyur te/ rigs pa ma yin pas bskyed pa'i sgo nas bdag dang/ bdag
 gi dang/ rtag pa dang/ chad ba dang/ rgyu med pa dang/ byed pa med pa dang/ skur ba 'debs pa dang/ mchog dang/ gtso bo dang/ khyad par du 'phags pa dang/ dam pa dang/ dag pa dang/ grol ba dang/ nges par 'dzin par byed pa dang/ nem nur dang/
 yid gnyis dang/ the tshom du shes par 'gyur zhing/ chags pa dang/ sdang ba dang/ rlom pa dang/ rmongs par 'gyur ro/ zhes gang gsungs pa der yang 'di skad du 'di ni gnas yod do/ /'di na gzhi yod do zhes 'byung bar gyur ba zhig na/ de skad kyang mi 'byung ste/
 de lta bas na 'di ni de'i don ma yin no/ /ci rnam pa bcu drug po 'di dag ming gi sgo nas sam/ 'on te rdzas su zhe na/ kha cig na re rdzas su bdun yin la ming gi sgo nas ni bcu drug yin te/ kun 'byung dang 'gog pa dang lam rnams rdzas re re yin pa'i phyir ro zhes
 zer ro/ /'di skad du brjod de rdzas su rnam pa bcu drug go /de la rkyen la rag lus pa'i phyir mi rtag pa'o/ /gnod pa'i bdag nyid yin pa'i phyir sdug bsngal ba'o/ /bdag gir lta ba'i mi mthun pa'i phyogs kyi stong pa'o/ /bdag tu lta ba'i mi mthun pa'i phyogs
 kyis bdag med pa'o/ /sa bon gyi chos kyi tshul gyis rgyu'o/ /'byung ba'i chos kyis tshul gyis kun 'byung ba'o/ /'brel ba'i tshul gyis rab tu skye ba'o/ /mngon par sgrub pa'i don gyis na rkyen te/ dper na 'jim pa'i gong bu dang thal zhar dang 'khor lo dang
 thag gu dang chu rnams 'dus pa las bum pa mngon par grub pa de bzhin no/ /phung po zhig ba'i phyir 'gog pa'o/ /me gsum zhi ba'i phyir zhi pa'o/ /'tsho ba med pa'i phyir gya nom pa'o/ /skyen? thams cad dang bral ba'i phyir nges par 'byung ba'o/ /bgrod pa'i don
 gyi lam mo/ /rigs pa dang ldan pa'i phyir rigs pa'o/ /yang dag par bsgrub pa'i don gyis bsgrub pa'o/ /shin du yang dag par 'da' bar byed pa'i phyir nges par 'byin par byed pa'o/ /yang na gtan du ba ma yin pa'i phyir mi rtag pa'o/ /khur lta bur gyur
 pa'i phyir/ sdug bsngal ba'o/ /nang gi skyes bu dang bral ba'i phyir stong pa'o/ /'dod dgur byed pa med pa'i phyir bdag med pa'o/ /'ong ba'i tshul gyis rgyu'o/ /'byung ba'i tshul gyis kun 'byung ba'o/ /'phel ba'i tshul gyis rab tu skye ba'o/ /so sor 'brang
 ba'i don gyis rkyen no/ /'brel pa med pas 'brel pa zhig pa'i phyir 'gog pa'o/ /'dus byas kyi mtshan nyid gsum bral ba'i phyir zhi ba'o/ /dge ba'i phyir gya nom pa'o/ /yid bstan pa'i mchog yin pa'i phyir nges par
 'byung ba'o/ /lam ngan pa'i mi mthun pa'i phyogs kyis lam mo/ /rigs pa ma yin pa'i mi mthun pa'i phyogs kyis rigs pa'o/ /mya ngan las 'das pa'i grong dang mi 'gal ba'i don gyis sgrub pa'o/ /srid pa thams cad kyi gnyen po yin pa'i
 phyir nges par 'byin par byed pa'o/ /ji ltar 'dod pa brjod par bya ste/ skye ba dang 'jig pa'i chos can yin pa'i phyir mi rtag pa'o/ /mi mthun par gyur pa'i phyir sdug bsngal ba'o/ /bdag dang bral ba'i phyir stong pa'o/ /bdag nyid kyis bdag
 ma yin pa'i phyir bdag med pa'o/ /rgyu dang kun 'byung ba dang/ rab tu skye ba dang/ rkyen nyid ni gang mdo las nye bar len pa'i phung po lnga po 'di dag ni 'dun pa'i rtsa ba can/ 'dun pa las kun 'byung ba/ 'dun pa dang 'dra ba/ 'dun pa las rab
 tu skye ba dag yin no zhes gsungs pa kho na yin te/ rab tu skye ba zhes bya ba'i sgra tha mar 'don pa 'ba' zhig tu zad do/ /yang 'di dag la khyad par ci yod ce na/ 'dun pa ni rnam pa bzhi ste/ nga'o snyam pa ni bye brag med par lus la 'dun pa yin
 no/ /gyur cig snyam pa ni bye brag tu med par yang srid pa la 'dun pa yin no/ /'di lta bur gyur cig snyam pa ni/ bye brag tu yang srid pa la 'dun pa yin no/ /bzhi pa ni nying mtshams sbyor ba'i 'ching ba la 'dun pa yin no/ /yang na las mngon par 'du
 byed pa la 'dun pa yin no/ /de la dang po ni sdug bsngal gyi dang po'i rgyu yin pa'i phyir rtsa ba'i rgyu yin te/ 'bras bu'i sa bon bzhin no/ /gnyis pa ni kun 'byung ba yin te/ des de yang dag par 'grub pa'i phyir/ 'bras bu'i myu gu la sogs pa skye
 ba bzhin no/ /gsum pa ni de dang 'dra ba'i sdug bsngal gyi rkyen te/ 'bras bu'i zhing dang chu dang lung? la sogs pa bzhin no/ /zhing la sogs pa'i dbang gis ni 'bras bu'i dri dang ro dang nus pa dang/ smin pa dang mthu tha dad par 'gyur ro/ /bzhi pa ni rab tu skye
 ba ste/ de kho na las dang de skye ba'i phyir 'bras bu'i tha ma me tog bzhin no/ /yang 'dun pa bzhi ni sred pa'i bye brag tu rnams las lnga tshan gnyis dang/ bzhi tshan gnyis yin te/ dge slong dag nga'o snyam pa yod na nga 'di lta bu'o snyam pa 'byung bar 'gyur zhing
 nga 'di 'dra'o snyam pa dang nga de ltar ma yin no snyam pa dang/ nga bzang ngo snyam pa dang/ nga ngan no snyam pa 'byung bar 'gyur ro/ /de la 'byung bar 'gyur bar bya'o snyam pa 'byung bar 'gyur zhing/ de la 'byung bar 'gyur bar bya'o snyam pa dang/ 'di lta bur 'byung
 bar 'gyur bar bya'o snyam pa dang 'di 'dra bar 'byung bar bya'o snyam pa dang/ de lta ma yin par 'byung bar 'gyur bar bya'o snyam pa 'byung bar 'gyur ro/ /de la gyur cig snyam pa 'byung bar 'gyur zhing/ de la 'di lta bur gyur cig snyam pa dang/ de 'dra bar
 gyur cig snyam pa dang/ de lta ma yin par gyur cig snyam pa dang/ gyur kyang ci ma rung snyam pa dang/ 'di lta bur gyur kyang ci ma rung snyam pa dang/ de 'dra bar gyur kyang ci ma rung snyam pa dang/ de lta ma yin par gyur kyang ci ma rung snyam pa dang/ 'byung
 bar 'gyur ro zhes gsungs pa yin no/ /'jug pa med pa'i phyir 'gog pa'o/ /sdug bsngal med pa'i phyir zhi ba ste/ dge slong dag de ltar na 'du byed rnams ni sdug bsngal ba'o/ /mya ngan las 'das pa ni zhi ba'o/ zhes gsungs pa'i phyir ro/ /gong
 na med pa'i phyir gya nom pa'o/ /yang phyir mi ldog pa'i phyir nges par 'byung ba'o/ /lam lta bur gyur pa'i phyir lam mo/ /yang dag pa ji lta ba bzhin zhugs pa'i phyir rigs pa'o/ /so sor nges pa'i phyir sgrub pa ste/ ji skad du mthong ba rnam par dag
 par bya ba'i phyir 'di lam gyi yin gyi gzhan ni med do zhes gsungs ba lta bu'o/ /gtan du nges par 'byung bar byed pa'i phyir nges par 'byin pa'o/ /yang na rtag pa dang/ bde ba dang/ bdag gi dang/ bdag tu lta ba spyad pa rnams kyi
 gnyen por sgo rims bzhin du mi rtag pa dang/ sdug bsngal ba dang/ stong pa dang/ bdag med pa'i rnam par dag pa yin no/ /rgyu med pa dang/ rgyu gcig pu dang/ 'gyur ba dang/ blo sngar btang bar blta bar spyad pa rnams kyi gnyen por go rims bzhin du rgyu
 dang/ kun 'byung ba dang/ rab tu skye ba dang/ rkyen gyi rnam par dag pa'o/ /thar pa med do snyam du lta ba spyad pa rnams kyi gnyen por 'gog pa'i rnam pa yin no/ /sdug bsngal la thar pa yin no snyam du lta ba spyad pa rnams kyi gnyen por zhi ba'i rnam ba
 yin no/ /bsam gtan gyi bde ba gya nom pa yin par lta ba spyad pa rnams kyi gnyen por gya nom pa yin no/ /yang dang yang yongs su nyams par 'gyur ba'i sgo nas thar pa ni gtan du ma yin no snyam du lta ba spyad pa rnams kyi gnyen por nges par
 'byung ba'i rnam pa yin no/ /lam med do snyam pa dang/ lam 'di yin no snyam pa dang/ gzhan yang lam yin no snyam pa dang/ lam 'di yang ldog go snyam du lta ba spyad pa rnams kyi gnyen por go rims bzhin du lam dang/ rigs pa dang/ sgrub
 pa dang/ nges par 'byin pa'i rnam pa dag yin no/ /rnam pa zhes bya ba'i chos 'di ci zhe na/ rnam pa shes rab de lta na ni 'o na shes rab gzhan dang mtshungs par mi ldan pa'i phyir shes rab rnam pa dang bcas par mi 'gyur gyi/ 'di ltar rnam pa ni
 sems dang sems las byung ba thams cad kyi dmigs pa 'dzin pa'i rnam pa yin no/ /zhes bya ba ni rigs par 'gyur ro/ /yang ci shes rab kho nas 'dzin par byed dam zhe na/ smras pa ma yin no/ /'o na ci lta bu zhe na/ de dang bcas pa'i
 dmigs pa dang bcas pas 'dzin par byed/ shes rab dang dmigs pa dang bcas pa'i chos gzhan thams cad kyis kyang 'dzin par byed do/ /yod pa thams cad gzung bya min/ /gang ci yod kyang rung thams cad gzung bar bya ba yin no/ /de ltar
 byas na shes rab ni rnam pa yang yin/ 'dzin par byed pa yang yin/ gzung bar bya ba yang yin no/ /dmigs pa dang bcas pa gzhan ni 'dzin par byed pa dang/ gzung bar bya ba yin no/ /dmigs pa mang ba rnams ni gzung bar bya ba kho na yin no/ /
 'di man chad ni shes pa bcu po 'di dag gi dge ba la sogs pa'i bye brag bstan par bya ste/ dang po rnam gsum gzhan rnams dge? /kun rdzob shes pa ni tshigs su bcad pa'i dang po na yod pa'i phyir dang po ste/ de ni de dge ba dang mi dge ba dang/ lung du ma
 bstan pa dang/ rnam pa gsum yin no/ /shes pa gzhan dgu ni dge ba kho na yin no/ /dang po sa rnams thams cad na/ 'dod pa'i khams nas srid pa'i rtse mo'i bar na yod do/ /drug na chos shes bya chos shes pa ni bsam gtan bzhi dang/ mi lcogs pa med
 pa dang/ bsam gtan khyad par can na yod do/ /dgu na rjes shes bya ba rjes su shes pa ni sa drug po de dag nyid dang gzugs med pa gsum na yod do/ /de bzhin du drug /sdug bsngal dang/ kun 'byung dang/ 'gog pa dang/ lam dang/ zad pa dang/ mi skye ba shes pa
 rnams kyang bye brag med par ni sa dgu po de dag nyid na yod? do/ /dbye na ni chos shes pas bsdus pa rnams ni sa drug na yod do/ /rjes su shes pas bsdus pa rnams ni sa dgu na yod do/ /gzhan yid? shes pa bsam gtan bzhi/ pha rol gyi sems shes pa
 ni bsam gtan bzhi kho na yod kyi gzhan na med do/ /de ni 'dod dang gzugs rten can/ /pha rol gyi sems shes pa de ni 'dod pa dang gzugs kyi khams dag tu mngon sum du byed do/ /chos shes bya ba 'dod rten can/ /chos shes pa ni 'das pa'i khams kyi rten can 
 kho na yin gyi/ gzugs dang gzugs med pa'i khams dag tu ni mngon sum du mi byed do/ /khams gsum pa yi rten can gzhan/ gzhan gang zhe na/ pha rol gyi sems shes pa dang/ chos shes pa ma gtogs pa'o/ /sa dang rten bshad
 zin to/ /dran pa nye bar gzhag pa rnams kyis bsdus pa brjod par bya ste/ de smras pa/ 'gog blo dran pa nye bar gzhag /gcig ste blo dang shes rab dang/ /shes pa zhes bya ba ni rnam grangs yin no/ /'gog pa shes pa ni gcig ste/ chos dran pa nye bar
 gzhag pa yin no/ /pha rol sems blo ni gsum mo/ /pha rol gyi sems shes pa ni gsum yin te/ tshor ba dang/ sems dang/ chos dran pa nye bar gzhag pa rnams yin no/ /lhag ma bzhi yin no/ /'gog pa dang/ pha rol gyi sems shes pa dag
 las gzhan pa'i shes pa rnams ni dran pa nye bar gzhag pa bzhi char yin no/ /shes pa gang gis dmigs par shes pa du zhig yin/ chos blo'i spyod yul dgu yin no/ /chos dmigs pa'i shes pa ni shes pa dgu yin te/ rjes su shes pa ma gtogs
 so/ /lam rjes blo yi dgu yin no/ /rjes su shes pa'i dmigs pa yang shes pa yin te/ chos pa shes pa ma gtogs so/ /lam shes pa'i dmigs pa yang dgu yin te/ kun rdzob shes pa ma gtogs so/ /sdug bsngal rgyu blo'i gnyis yin no/ /
 sdug bsngal dang/ kun 'byung shes pa dag gis dmigs pa ni gnyis te/ kun rdzob dang gzhan gyi sems shes pa yin no/ /bzhi yi bcu yin/ kun rdzob shes pa dang/ gzhan gyi sems shes pa dang/ zad pa shes pa dang/ mi skye ba shes pa rnams kyi dmigs
 pa ni shes pa bcu char yin no/ /gcig gi min/ 'gog pa shes pa gcig pu'i dmigs pa ma yin pa nyid do/ /chos bcu dag ni sbyar bar bya/ /bcu gang dag ce na/ khams gsum pa dang dri med chos/ /'dus ma byas rnams gnyis gnyis so/ /chos 'dus
 byas rnams la 'dod pa dang/ gzugs dang gzugs med pa na spyod pa dang/ zag pa med pa rnams mtshungs par ldan pa dang ldan pa ma yin pa'i bye brag gis rnam pa brgyad du bya'o/ /'dus ma byas rnams la dge ba dang/ lung du ma bstan pa'i bye brag gis rnam pa gnyis
 su bya'o/ /chos bcu po 'di dag ji ltar sbyar bar bya zhe na/ shes pa gang gis dmigs pa du zhig yin zhes sbyar bar bya ste/ de la kun rdzob shes pa'i dmigs pa'i chos bcu po thams cad yin no/ /chos shes pa ni lnga ste/ 'dod pa na spyod pa dang/ zag pa med
 pa dang/ gzhi dang 'dus ma byes dge ba yin no/ /rjes su shes pa'i ni bdun te/ gzugs dang gzugs med pa na spyod pa dang/ zag pa med pa dang/ drug dang/ 'dus ma byas dge ba yin no/ /sdug bsngal dang/ kun 'byung shes pa dag gi ni drug
 ste/ 'dod pa dang/ gzugs dang gzugs med pa na sbyong ba rnams yin no/ /'gog pa shes pa'i ni gcig ste/ 'dus ma byas kho na dge ba yin no/ /lam shes pa'i ni gnyis te/ zag pa med pa dag yin no/ /gzhan gyi sems shes pa'i ni
 gsum ste/ 'dod pa dang/ gzugs med pa na spyod pa dang/ zag pa med pa dang mtshungs par ldan pa rnams yin no/ /zad pa dang mi skye ba shes pa dag gi dmigs pa ni chos dgu yin te/ 'dus ma byas lung du ma bstan pa ma gtogs so/ /shes pa
 gcig gis chos thams cad shes par 'gyur ba yod dam zhe na/ med do/ /'on kyang kun rdzob gcig pus rang tshogs las/ /gzhan ni bdag med nyid rigs 'gyur/ /kun rdzob shes pas ni rang gi tshogs las gzhan pa'i chos thams cad ni bdag med
 pa'o/ /zhes bdag med pa nyid du shes par 'gyur ro/ /de'i rang gi tshogs ni rang gi ngo bo dang de dang lhan cig tu 'byung ba'i chos rnams yin no/ /de dag ni yul dang yul tha dad pa'i phyir dang/ dmigs pa gcig pa'i phyir dang/ ha cang nye ba'i phyir mi
 'dzin to/ /de yang 'dod pa na spyod pa ni thos pa dang/ bsam pa las byung ba yin no/ /gzugs na spyod pa ni thos pa las byung ba yin no/ /bsgom pa las byung ba ni ma yin no/ /de ni sa rnam par chad pa las dmigs pa'i
 phyir ro/ /de lta ma yin na thams cad las/ gcig car 'dod chags dang bral bar 'gyur ro/ /'di ni rdzogs so/ /gang zhig shes pa du dang ldan zhes bya ba 'di brjod par bya ste/ re zhig so so'i skye bo ni kun rdzob shes pa gcig pu dang ldan no/ /
 'dod chags dang bral ba zhig yin na ni pha rol gyi sems shes pa dang yang ldan no/ /'phags pa ni/ zag med skad cig dang po la/ /chags can shes pa gcig dang ldan/ /'dod pa las 'dod chags dang ma bral ba zhig yin na/ sdug bsngal la
 chos shes pa'i bzod pa la kun rdzob shes pa gcig kho na dang ldan pa yin no/ /gnyis pa la gsum/ sdug bsngal chos shes pa la ni kun rdzob shes pa dang/ chos shes pa dang/ sdug bsngal shes pa ste/ gsum dang ldan no/ /yan chad
 ni/ bzhi la re re 'phel dang ldan/ /de yan chad kyi skad cig ma bzhi la ni/ shes pa re re 'phel bar shes par bya ste/ sdug bsngal la rjes su shes pa la ni rjes su shes pa 'phel la/ kun 'byung dang/ 'gog pa dang/ lam la chos shes pa
 la ni kun 'byung dang/ 'gog pa dang/ lam shes pa rnams 'phel bas lam la chos shes pa la shes pa bdun dang ldan pa yin no/ /'dod chags dang bral ba zhig yin na ni thams cad du gzhan gyi sems shes pa lhag par ldan par rig par
 bya'o/ /yang gnas skabs gang du shes pa du dag ci thob ce na/ mthong ba'i lam la bzod pa dang/ /shes pa ji ltar skyes pa rnams/ /ma 'ongs pa 'thob/ mthong ba'i lam la bzod pa 'am/ shes pa gang dang gang skyes pa de dang 'dra ba ma 'ongs pa
 de'i rnam pa bzhi kho na 'thob par 'gyur ro/ /ci'i phyir/ mthong ba'i lam la shes pa dang/ /rnam pa 'dra ba kho na 'thob ce na/ rigs rnams ma thob pa'i phyir ro/ /de nyid las/ rjes gsum la ni kun rdzob dang/ /mthong ba'i lam de nyid la sdug bsngal
 dang/ kun 'byung dang/ 'gog pa la rjes su shes pa gsum la kun rdzob shes pa yang 'thob bo/ /chos shes pa la ni ma yin te/ bden pa zad par mngon par ma rtogs pa'i phyir ro/ /de'i mngon rtogs mdza' zhes bya/ de nyid kyi phyir kun rdzob
 shes pa de ni mngon par rtogs pa'i mdza' las 'byung ngo zhes bya ste/ bden pa re re mngon par rtogs pa'i rjes la 'thob pa'i phyir ro/ /ci'i phyir lam la rjes su shes pa na 'thob par mi 'gyur zhe na/ lam gyi bden pa ni sngon 'jig rten pa'i
 lam gyi mngon par ma rtogs pa'i phyir ro/ /zad par mngon par ma rtogs pa'i phyir ro/ /sdug bsngal zad par yongs su shes pa'i bya ba dang/ kun 'byung spang bar bya ba dang/ 'gog pa mngon du bya bar mi nus kyi/ lam ni zad par bsgom pa/ mi
 nus pas mngon par rtogs pa'i thabs? med pa'i phyir/ de na mngon par rtogs pa'i mdza' las byung ba ma thob po/ /de'i kun 'byung ba yang thams cad spang ba ma yin pas mngon par rtogs pa'i mdza' las byung bar mi 'gyur ro zhe na/ de'i
 bden pa mthong bas spang bar bya ba thams cad spangs pa yin no/ /lam ni rigs mang ba'i phyir/ mthong bas spang bar bya ba'i gnyen po thams cad bsgom par mi nus pas khyad par cher yod do/ /gzhan dag na re mthong ba'i lam gyis 'khor yin
 pa'i phyir ro zhes zer te/ 'di ni bsgrub par bya ba yin pa'i phyir shes par byed pa ma yin no/ /ci kun rdzob shes pa mngon par rtogs pa'i mdza' las byung ba de res 'ga' mngon sum du byed dam zhe na/ nam yang mi byed de/ gcig kho nar de ni mi skye ba'i chos
 can yin/ ji ltar na de thob pa ma yin te/ ma rnyed pa las rnyed pa'i phyir ro/ /de ni gal te de mngon sum du bya ba mi nus pa kho na yin na ji ltar na de rnyed pa yin/ thob pa'i sgo nas so/ /gang gi phyir rnyed pa de'i phyir rnyed do zhes ston pa 'di ni
 sngon ma byung ba'i rnam pa yin no/ /de lta bas na de lta ni thob pa mi 'grub nyid kyis mngon gyi slob dpon dag ji skad zer ba de lta na 'grub par 'gyur ro/ /sngon gyi slob dpon dag ji skad zer zhe na/ 'jig rten las 'das pa'i lam gyi mthus de las langs nas 'jig
 rten pa'i shes pa ches khyad par du 'phags pa bden pa la dmigs pa la mngon sum du byed par 'gyur ro/ /kun rdzob shes pa skye bar 'gyur ro/ /de mngon sum du 'gyur bar nus pa'i rten rnyed pa gang yin pa de nyid rnyed pa yin te/ rigs rnyed na rigs las byung ba yang
 rnyed pa yin no zhes zer ro/ /bye brag tu smra ba rnams ni 'di mi 'dod do/ /sa du pa'i kun rdzob shes pa de 'thob cing/ mthong ba'i lam gyis ni/ rang dang 'og sa mthong ba'i lam las sa gang sa yin pa sa de pa dang/ sa 'og ma pa'i kun rdzob shes par thob pa
 ste/ gal te mi lcogs pa med pa'i sa pa zhig yin na ni/ mi lcogs pa med pa'i sa pa dang/ 'dod pa na spyod pa dang/ sa gnyis pa'i thob la/ de bzhin du mthong ba'i lam/ bsam gtan bzhi pa'i sa pa yin na/ sa bdun pa'i kun rdzob shes pa thob pa'i bar
 du'o/ /de yang dran pa nye bar gzhag pa du dag cig yin zhe na/ 'gog pa'i mdza' / 'gog pa mngon par rtogs pa'i kun rdzob shes pa gang yin pa de ni dran pa nye bar gzhag pa tha ma ste/ chos dran pa nye bar gzhag pa yin no/ /gcig drangs bcad pas lhag ma ni
 dran pa nye bar gzhag pa bzhi char yin no/ zhes bya bar grub pa yin no/ /kun rdzob shes pa mngon par rtogs pa'i mdza' las byung ba de ni/ rang bden rnam ce na/ bden pa gang zhig mngon par rtogs pa'i 'thob pa bden pa de'i rnam pa can kho na yin no/ /de'i
 rnam pa can yin no/ zhes smos pas 'di'i dmigs pa yang bden pa de nyid yin no zhes bshad pa yin no/ /de mthong ba'i lam gyi thob par bya ba yin pa'i phyir/ 'bad las byung ba sbyor ba las byung ba yin no/ zhes bya ba'i tha tshig go /'khor dang bcas pa la
 sogs pa smos pa'i phyir/ 'dod pa dang gzugs na spyod pa'i ni phung po bzhi dang lnga'i rang bzhin yin no/ /chags bcas bcu drug pa la drug /'thob ces bya bar sbyar te/ 'dod chags dang bral ba ni bcu drug pa lam la rjes su shes pa gnyis de ltar byung ba yin
 la/ ma 'ongs pa drug thob ste/ chos shes pa dang rjes su shes pa dang sdug bsngal dang kun 'byung dang 'gog pa dang/ lam shes pa rnams so/ /'dod la chags dang bral bas bdun/ /'dod chags dang bral bas ni bdun/ /pha rol gyi sems shes
 'thob bo/ /de yi gong ma chags bcas kyi/ /bsgom lam la bdun 'thob bo/ /skad cig ma bcu drug gi gong ma bsgom pa'i lam la ni ji srid du 'dod pa las 'dod chags dang bral ba ma yin pa de srid du sbyor ba dang/ bar chad med pa dang/ rnam par grol ba dang/
 khyad par can gyi lam thams cad la shes pa bdun 'thob ste/ chos shes pa dang/ rjes su shes pa dang/ sdug bsngal dang/ kun 'byung ba dang/ 'gog pa dang/ lam dang kun rdzob shes pa rnams so/ /gal te sgom pa'i lam 'jig rten pa zhig yin
 na ni kun rdzob shes pa da ltar byung ba yin no/ /gal te 'jig rten pa las 'das pa zhig yin na ni/ chos shes pa bzhi las gang yang rung ba zhig da ltar byung ba yin no/ /sa bdun las rgyal mngon shes dang/ /mi g.yo 'thob dang spel bsgoms pa'i/ /bar
 chad med pa'i lam dag dang/ /gong ma 'grol ba'i lam brgyad la'ang/ /shes pa bdun 'thob bo zhes bya bar sbyar te/ sa bdun ni bsam gtan bzhi dang/ gzugs med pa gsum mo/ /de dag rgyal ba ni 'dod chags dang bral ba ste/ slob pa bdun po de dag las
 'dod chags dang bral ba dang/ mngon par shes pa dang/ mi g.yo ba dang/ rtogs par byed pa dang/ bsam gtan spel mar bsgom pa'i bar chad med pa'i lam ji snyed pa de thams cad la shes pa bdun thob ste/ de dag nyid do/ /gal te bsgom
 pa'i lam 'jig rten pa zhig yin na ni/ kun rdzob shes pa da ltar byung ba yin no/ /'jig rten las 'das pa zhig yin na ni rjes su shes pa bzhi dang chos shes pa gnyis las gang yang rung ba zhig da ltar byung ba yin no/ /mi g.yo rtogs par byed pa la ni kun
 rdzob shes pa mi 'thob ste/ srid pa'i rtse mo'i gnyen po ma yin pa'i phyir ro/ /der ni zad pa shes pa bdun pa yin par rig par bya'o/ /sa bdun las 'dod chags dang bral ba'i yang gong ma srid pa'i rtse mo las 'dod chags dang bral ba'i rnam par grol ba'i lam
 brgyad las yang shes pa bdun kho na 'thob ste/ chos shes pa dang/ rjes su shes pa dang/ sdug bsngal dang/ kun 'byung dang/ 'gog pa dang/ lam dang/ pha rol gyi sems shes pa rnams so/ /kun rdzob shes pa ni mi 'thob ste/ srid pa'i rtse mo'i gnyen po
 ma yin pa'i phyir ro/ /rjes su shes pa bzhi dang/ chos shes pa gnyis las gang yang rung ba zhig da ltar byung ba yin no/ /slob pa sbyong ba'i grol ba la/ /shes pa 'ang drug dang bdun 'thob 'am/ slob pa 'dod chags dang bcas pas ni dbang po sbyong ba'i rnam par
 grol ba'i lam la drug 'thob ste/ chos shes pa dang/ rjes su shes pa dang/ sdug bsngal dang/ kun 'byung ba dang/ 'gog pa dang/ lam shes pa rnams so/ /'dod chags dang bral bas ni pha rol gyi sems shes pa bsnan te/ bdun thob bo/ /'am zhes bya ba'i
 sgra ni kha cig na de gnyi gas kun rdzob shes pa yang 'thob bo/ zhes zer ba'i lugs tha dad pa shes par bya ba'i phyir ro/ /sbyor ba'i lam la ni de nyid kyis kun rdzob shes pa yang 'thob bo/ /bar chad med pa'i lam la drug /slob pa 'dod chags dang bral ba yang rung/
 'dod chags dang ma bral ba yang rung/ dbang po sbyor ba'i bar chad med pa'i lam la drug 'thob ste/ snga ma bzhin no/ /kun rdzob shes pa ni ma yin te/ mthong ba'i lam dang 'dra ba'i phyir/ pha rol gyi sems shes pa yang ma yin te/ bar chad med pa'i lam thams
 cad la bkag pa'i phyir ro/ /ci'i phyir dag ce na/ gnyen po ma yin pa'i phyir ro/ /de bzhin srid rtse'i rnam rgyal dang/ /srid pa'i rtse mo las 'dod chags dang bral ba'i bar chad med pa'i lam rnams la yang de bzhin du drug 'thob bo/ /zad pa shes pa la dgu'o/ /srid pa'i
 rtse mo la 'dod chags dang bral ba'i rnam par grol ba lam dgu pa ni zad pa shes pa yin te/ de la mi skye ba shes pa ma gtogs pa shes pa dgu 'thob bo/ /mi g.yo bas ni bcu 'thob bo/ /mi g.yo ba'i chos can gang yin pa des ni bcu 'thob ste/ mi skye ba shes pa 'thob
 pa'i phyir ro/ /der 'pho ba'i grol ba tha ma la'ang/ gang zhig mi g.yo ba nyid du 'pho ba de'i rnam par grol ba'i lam tha ma la yang bcu 'thob po/ /bshad pa'i lhag ma la yang brgyad 'thob bo/ /lhag ma yang gang zhig ce na/ 'dod pa'i khams las 'dod chags dang
 bral ba'i rnam par grol ba'i lam dgu pa dang/ sa bdun las 'dod chags dang bral ba dang/ mngon par shes pa las spel mar sgom pa dag gi rnam par grol ba'i lam rnams dang/ mi g.yo brtogs par byed pa'i rnam par grol ba'i lam brgyad dang/ 'dod chags
 bral ba'i sbyor ba dang/ khyad par can gyi lam thams cad de/ de dag thams cad la ni zad pa dang/ mi skye ba shes pa ma lags pa shes pa brgyad ma 'ongs pa 'thob ste/ slob pa ni de lta bu yin no/ /mi slob pa'i mngon par shes pa la sogs pa'i sbyor ba dang/ rnam par
 grol ba dang/ khyad par can gyi lam rnams la shes pa dgu 'am bcu 'thob bo/ /mngon par shes pa dang spel mar bsgom pa'i bar chad med pa'i lam rnams la ni brgyad dam dgu 'thob bo/ /mngon par shes pa'i rnam par grol ba'i lam gnyis ni lung du ma
 bstan pa'i phyir/ ma 'ongs pa cung zad kyang mi 'thob bo/ /so so'i skye bo'i ni 'dod pa dang bsam gtan gsum las 'dod chags dang bral ba'i rnam bar grol ba'i lam tha ma rnams dang/ bsam gtan gyi sa dag gi sbyor ba rnams dang/
 mngon par shes ba gsum gyi rnam bar grol ba'i lam rnams dang/ tshad med ba la sogs ba'i yon tan mngon bar bsgrub pa rnams las kun rdzob shes pa ma 'ongs ba dang/ nges par 'byed pa'i cha dang mthun pa dag gi sbyor ba rnams dang/ mngon par shes
 ba gsum gyis rnam par grol ba ma gtogs pa pha rol gyi sems shes pa yang 'thob bo/ /de dag la ni gzhan gyi sems shes ba mi 'thob ste/ mthong ba'i lam gyi 'khor yin ba'i phyir ro/ /sngon med ba'i lam mthong ba gzhan la ni kun rdzob shes pa/
 kho na ma 'ongs pa 'thob bo/ /yang lam gang la sa du ba'i shes ba 'thob ce na/ re zhig kun rdzob shes ba'i lam sa gang sa yin ba dang/ dang po nyid du sa gang 'thob ba sa de ba'i ma 'ongs 'thob bo/ /zag ba med pa ni lam sa gang sa yin ba 'ba' zhig du
 yang ma zad do/ /'o na ji lta bu zhe na/ gang las chags bral bya phyir gang/ /'thob ba der yang 'gog pa'ang 'thob/ /sa gang las 'dod chags dang bral bar bya ba la yang lam yang sbyor ba'i lam la sogs pa rnam pa gnyis yin la/ 'dod chags dang bral
 ba sa gang zhig 'thob ba de'i sa pa dang sa 'og ma ba'i zag pa med pa'i shes ba rnams 'thob bar 'gyur ro/ /zad ba shes la zag bcas kyang/ sa kun zad pa shes ba la ni zad ba shes pas 'thob pa zag pa dang bcas pa'i yon tan mi sdug ba dang/
 dbugs 'byung ba dang/ rdub ba rjes su dran pa dang/ dran pa nye bar gzhag ba dang/ tshad med pa dang/ rnam bar thad ba la sogs pa sa thams cad sbrog ma thag pa bcad de/ dbugs phyin ba lta bu dang/ chos mthun pa 'thob ste/ rgyal srid chen po thob na/ yul gyi
 mi rnams kyi dbul bar byas ba bsu ba bzhin du/ rang gi sems la rgyal srid chen bo nyid 'thob pa la dge ba'i chos thams cad 'thob pa rnams kyis bsu ba'i phyir ro/ /gang ci rnyed pa de thams cad 'thob bam zhe na/ smras ba/ gang sngon med ba las rnyed ba
 yin bas de thams cad ni 'thob kyi/ sngon rnyed zin pa ni mi 'thob bo/ /gang rnam bar nyams ba las yang rnyed pa de yang mi 'thob ste/ 'thob ba btang ba'i phyir ro/ /ci 'thob pa rnyed pa kho na yin nam zhe na/ smras ba ma yin no/ /'thob pa ni rnam pa bzhi ste/
 rnyed ba 'thob pa dang/ brten ba 'thob ba dang/ gnyen po 'thob ba dang/ de la rnyed pa dang brten ces bya ba ni/ dge ba 'dus byas 'thob ba'o/ /gnyen bo dang ni thag bsrid ba'i/ /'thob pa zag dang bcas ba'i yin/ /rnyed ba dang/ brten pa 'tho ba dag ni
 dge ba 'dus byas rnams kyi yin te/ ma 'ongs ba rnams kyi ni gcig go/ de ltar byung ba rnams kyi ni gnyis ka'o/ /gnyen po dang thag bsrid ba 'thob pa dag ni/ zag ba dang bcas pa'i chos rnams kyi yin te/ de ltar na zag ba dang bcas pa rnams kyi ni 'thob
 ba bzhi yin no/ /zad ba med ba rnams dang/ nyon mongs pa thams cad dang/ lung du ma bstan pa rnams kyi yin no/ /chos mngon ba ba nyi 'og ba rnams kyi ltar na 'thob ba drug ste/ bzhi po de dag dang/ sdom ba 'thob ba dang/ rnam par 'jig pa 'thob ba dang/
 snga ma ni dbang po rnams kyi yin la/ phyi ma ni lus kyi yin la/ dbang po drug po 'di dag shin tu dul ba dang/ shin tu bsgom pa zhes bya ba'i bar dang/ de bzhin du lus 'di la skra yang yod ces bya bar rgyas bar gsungs pa yin no/ /gang dag kha che ba rnams na re
 de gnyis ni gnyen po dang thag bsrid ba 'thob pa'i khongs su 'dus so zhes zer ro/ /gang zag thams cad kyis zad ba shes ba'i tshe/ yon tan 'thob ba sbyir bshad kyi/ /sangs rgyas chos ni ma 'dres ba/ /stobs la sogs pa brgya brgyad do/ /gang dag sangs rgyas
 kho nas zad ba mkhyen pa'i tshe brnyes par 'gyur gyi gzhan gyis ni ma yin ba'o/ /bco brgyad gang zhe na/ stobs bcu dang/ mi 'jigs pa bzhi dang/ dran ba nye bar gzhag pa gsum dang/ thugs rje chen po'o/ /thun mong ma yin pas na ma 'dres ba zhes
 bya'o/ /de la gnas dang gnas min shes ba bcu/ /gnas dang gnas ma yin pa mkhyen pa'i stobs ni shes pa bcu yin no/ /las 'bras la brgyad las dang rnam par smin ba 'am mkhyen ba'i stobs ni shes pa brgyad de/ 'gog pa dang lam shes pa ma gtogs so/ /bsam
 gtan sogs dbang po mos pa dang khams la ni dgu'o/ /bsam gtan dang/ rnam par thar ba dang/ ting nge 'dzin dang/ snyoms bar 'jug ba mkhyen pa'i stobs ni shes ba dgu yin te/ 'gog ba shes ba ma gtogs so/ /dbang po mchog dang mchog ma yin
 pa mkhyen ba'i stobs dang/ mos ba sna tshogs mkhyen pa'i stobs dang/ khams sna tshogs mkhyen pa'i stobs kyang de bzhin du rig par bya'o/ /lam dag la bcuAm/ lam zhes bya ba'i sgra ni dgu 'am zhes lugs tha dad ba'i don te/ gal te
 lam 'bras bu dang bcas par bzung na ni thams cad du 'gro ba'i lam mkhyen pa'i stobs shes pa bcu yin no/ /gal te ma yin na ni dgu ste/ 'gog pa shes pa ma gtogs so gnyis ni kun rdzob shes pa yin/ sngon gyi gnas rjes su dran pa mkhyen
 ba'i stobs dang/ shi 'pho ba dang/ skye ba mkhyen ba'i stobs ni kun rdzob shes pa yin no/ /zad ba drug gam bcu yin no/ /gal te zag pa zad pa shes pa 'gog pa kho na zhig yin na zag bzad ba mkhyen ba'i stobs shes pa drug yin te/ chos shes
 ba dang/ rjes su shes pa dang/ 'gog pa shes pa dang/ zad pa shes pa dang/ mi skye ba shes ba dang/ kun rdzob shes pa rnams so/ /'on te zad pa shes pa zag pa zad pa'i rgyu la yod pa'i shes pa yin na ni/ des na shes pa bcu yin no/ /rang bzhin
 bshad zin to/ /da ni sa brjod par bya'o/ /ston gnas shi pho skye ba'i stobs/ /bsam gtan dag na/ 'chi 'pho ba ni shi 'pho ba kho na ste/ sngon gyi gnas dang/ shi 'pho ba skye ba mkhyen ba'i stobs ni bsam gtan bzhi'i sa pa yin no/ /lhag ma ni sa
 rnams kun na/ stobs lhag ma ni sa thams cad kyis bsdus pa yin te/ de dag kyang 'dod pa'i khams dang/ mi lcog pa med pa dang/ bsam gtan khyad par can dang/ bsam gtan dang gzugs med pa'o/ /thams cad kyang 'dzam bu'i gling gi skyes pa'i
 rten can yin te/ gzhan du sangs rgyas mi 'byung ba'i phyir ro/ /shes pa rnam pa bcu po 'di nyid gzhan gyis ni stobs zhes mi bya'i/ sangs rgyas kho na'i stobs zhes bya'o/ /ci'i phyir 'di'i stobs gang phyir thogs mi mnga' / gang phyir 'di'i
 mkhyen pa zhes bya thams cad la thogs pa mi mnga' bar 'jug pa de'i phyir stobs yin no/ /gzhan dag mi shes pa ni la lar 'dod kyang mi 'jug pa'i phyir/ thogs pa yin bas de ni stobs zhes bya ba'i ming 'thob par 'os pa ma yin te/ 'dir dpe ni
 gnas brtan shA ri'i bus rab tu 'byung bar 'dod pa'i mi phyir btang ba dang/ bya zhig khrus gtses ba skye ba la sogs pa'i tham shes pa lta bu yin no/ /re zhig de ltar na mkhyen pa la thogs pa mi mnga' ba'i phyir/ sangs rgyas rnams kyi thugs kyi stobs ni shes bya
 bzhin du mdza' yas pa yin no/ /skul sred med bu'i stobs/ sangs rgyas kyi sku la ni sred med bu'i stobs mnga' o zhes brjod do/ /gzhan dag tshigs na/ gzhan dag na re chig dang tshig na sred med kyi bu'i stobs mnga' o zhes zer ro/ /btsun pa na re sku'i stobs kyang thugs
 gyi stobs bzhin du mdza' yas pa yin no/ /de lta ma yin na mkhyen pa'i stobs mdza' yas pa bzod gar mi 'gyur ro zhes zer ro/ /sangs rgyas dang rang sangs rgyas dang 'khor los sgyur ba rnams kyi tshigs ni skra'i mdud ba dang/ lu gu rgyud dang gzer bur btab
 de langs dri ba nyid kyis lung bstan te/ gang nga'i mdun du me 'bar ba dang ldan pa gang dang gang nyid rtsa dang shing la sogs ba la brten nas 'bar par gyur ba de tha mar gzhan gyis ma snang na yongs su zad pa ltar len pa med pas mya ngan las
 'da' bar 'gyur te/ de sngon gyi gnas su 'gro bar 'gyur zhing phyir mi 'ong ba yin pa'i par dang/ de bzhin du bad sya? tshul gang gis de bzhin gshegs pa bcas pa dang bcas par 'gyur ba'i tshul des de bzhin gshegs pa zad pa yin te/ ji srid
 rnam par shes pa rgyun tu skye ba med pa'i chos de la de snga ma'i gnas su 'gro ba yin no zhes rgya cher gsungs so/ /rigs pa ni gang gi rgyun 'jug pa de re zhig na gtan du yang chad pa yin te/ ji ltar sa bon lta bur de bzhin gshegs pa'i bdag gi
 rgyun 'jug pa de yang re zhig na rtsa ba dang bcas pa chad par 'gyur ro/ sku'i tha ma 'dzin pa'i tshe zhes bya ba bcom ldan 'das la ni dgos pa cung zad kyang yod bar mi snang ste/ sangs rgyas bcom ldan 'das rnams ni dgos pa med par skad cig tsam
 yang gnas skabs la sogs pa'i bya ba mi 'dzin te/ gzhan la phan pa'i bya ba 'di'i dgos pa nyid kyi gnas skabs kyis sems can gcig gi phan pa yod par gyur na yang de bzhin gshegs pa yongs su mya ngan las 'das par mi 'gyur ba'i
 phyir ro/ /gang gi tshe 'khor ba'i nags tshang tshing na sangs rgyas kyi gdul bya'i sems can gcig kyang ma lus par 'gyur ba de nyid kyi tshe na thub pa mchog yongs su mya ngan las 'da' bar 'gyur ro zhes bya ba ni yang dag par bstan pa'o/ /
 gzhan gyi don byas pa'i phyir rdzogs pa'i byang chub thob pa yin te/ ji skad gsungs pa/ bdag nyid brgal cing 'gro ba thams cad bsrung/ gang phyir ldongs pa'i lam ni ston byed cing/ de nyid mngon sum byas pas khyod kyis ni/ de ni 'bras bus
 mgon dang gzhan phan spyod ces pa'o/ /de bas na sangs rgyas kyi mdzad pa ma lus bar mdzad pa'i phyir mya ngan las 'das pa nyid du bzhugs pa yin no/ /yang smras pa/ gzhan la phan pa spyod byed cing/ /yun ring dus su mngon dgongs pa/ /thub pa mya ngan 'das pa ste/ /gung
 shing med pa'i me bzhin no/ /rga dang 'chi ba'i 'jigs pa dag /yongs spangs thar pa'i 'du shes kyis/ /rin chen gling bzhin shes rab can/ /bya ba byas nas 'dir 'jug go /bcom ldan 'das kyis 'di skad gsungs zhes bstan pa la de ji skad du gsungs pa
 yin zhe na smras pa/ kye ma 'du byed ces bya ba la sogs pa smos te/ tshigs bcad 'di yi glang gzhi ni bcom ldan 'das rgyal po'i khab kyi ri ngos yangs na bzhugs te/ der bcom ldan 'das kyis dge slong rnams la bka' stsal pa/ dge slong dag 'du
 byed thams cad ni mi rtag pa ste/ ji srid du rnam par grol bar gyis shig ces bya ba'i bar du'o/ /dge slong dag sngon byung pa na ri 'di'i ming phra tsi? na badsha? zhes bya bar gyur to/ /gang pra ci na badsha'i? nye 'khor na mi rnams kyang gnas par gyur te/ mi de dag gi ming ni
 ti mir zhes bya bar gyur to/ /ti mi ra'i mi rnams kyi tshe'i chad ni lo stong phrag bzhi bcu yin no/ /dge slong dag ti mi ra'i mi rnams kyis ri bra tsi badsha? la 'dzeg pa dang babs pa yang zhag bzhi bzhis 'dzig cing babs so/ /de'i tshe na ston pa log par dang
 sel zhes bya ba 'jig rten du byung ste/ dge slong dag rgya cher bltas na ji srid du ri de'i ming yang nub par gyur to/ /mi de dag kyang dus las 'das so/ /ston pa de yang yongs su mya ngan las 'das so/ /tshe yang yongs su nyams bar gyur to/ /de
 bzhin du dge slong dag mi rtag pa ni ji tsam na ri de'i ming ni badka? zhes bya'o/ /mi rnams ni a bi sha zhes bya'o/ /ri de la babs shing 'dzeg pa yang nyin zhag gsum gsum gyis so/ /tshe'i tshad kyang lo stong phrag sum cu ste/ ston pa gser thub
 bar 'jug ba'i phyir ro/ /ches che ba nyid ni de bas ches che ba med ba'i phyir ro/ /snying rje dang thugs rje chen po gnyis la tha dad du bya ba ni ci zhig yod ce na tha dad bya ba rnam pa brgyad/ /ngo bo gnyis las ni zhe sdang med pa dang/ gti mug
 med pa'i ngo bo nyid yin pa'i phyir ro/ /rnam pa las ni sdug bsngal gcig dang/ gsum gyi rnam pa can yin pa'i phyir ro/ /dmigs pa las ni khams gcig dang/ gsum gyi sems can la dmigs ba'i phyir ro/ /sa las ni bsam gtan bzhi dang/ bsam
 gtan bzhi pa'i sa ba yin pa'i phyir ro/ /rgyud las ni nyan thos la sogs pa dang/ sangs rgyas kyi rgyud las skye ba yin pa'i phyir ro/ /thob pa las ni 'dod pa'i khams dang/ srid ba'i rtse mo las 'dod chags dang bral bas thob pa'i phyir ro/ /yongs
 su mi skyob pa dang/ yongs su skyob pa dang/ mi 'dra ba dang 'dra bar thugs rje mdzad pa'i phyir ro/ /ci sangs rgyas thams cad rnam pa thams cad kyis mnyam ba'i yin nam zhe na/ sangs rgyas thams cad tshogs dang ni/ /chos sku 'gro ba'i don sbyod pas//
 mnyam pa nyid de sku tshe dang/ /rigs dang sku bong tshod kyis min/ /sangs rgyas thams cad ni rgyu gsum bo sngon gyi bsod nams dang/ ye shes kyi tshogs kyi yang dag par 'grub pa dang/ chos kyi sku yongs su 'grub pa dang/ 'jig rten gyi don spyod pa mnyam
 pa nyid yin no/ /sku tshe dang/ rigs dang/ gdung dang/ sku bong tshod du mdzad pa la ni bye brag yod de dus ji lta ba bzhin du yun shin tu ring ba dang/ thung ngur 'tsho ba'i phyir dang/ rgyal rigs dang/ bram ze'i rigs tha dad pa'i phyir dang/ 'od srung dang shAkya
 la sogs pa gdung tha dad ba'i phyir dang/ sku bod tshod chung ba dang/ chung ba ma yin pa tha dad pa'i phyir ro/ /phun sum tshogs ba rnam pa gsum po 'di kho na yid la byed pa'i mkhas pas na/ sangs rgyas bcom ldan 'das rnams la dga' ba dang/ gus pa chen
 po skyed bar nus te/ 'di lta ste/ rgyu phun sum tshogs pa dang/ 'bras bu phun sum tshogs pa dang/ phan 'dogs pa phun sum tshogs ba'o/ /de la rgyu phun sum tshogs pa ni/ rnam pa bzhi ste/ bsod nams dang ye shes kyi tshogs thams cad la goms pa dang/
 yun ring po nas goms pa dang/ bar chad med bar goms pa dang/ gus bar byas te goms ba'o/ /'bras bu phun sum tshogs pa yang rnam pa bzhi ste/ ye shes phun sum tshogs pa dang/ spangs ba phun sum tshogs pa dang/ mthu phun sum tshogs pa dang
 gzugs kyi sku phun sum tshogs pa'o/ /phan 'dogs ba yun sum tshogs pa la rnam pa bzhi ste/ ngan song gsum dang 'khor ba'i sdug bsngal las gtan tu thar pa mdzad pa phun sum tshogs pa'o/ /yang na theg pa gsum dang bde 'gro la 'god par mdzad pa phun
 sum tshogs pa'o/ /ye shes phun sum tshogs pa yang rnam pa bzhi ste/ ma bstan par mkhyen pa dang/ thams cad mkhyen pa dang/ rnam pa thams cad mkhyen pa dang/ ma 'bad bar mkhyen pa'o/ /spangs pa phun sum tshogs pa la yang rnam pa bzhi ste/ nyon
 mongs pa thams cad spangs pa dang/ gtan du spangs pa dang/ bag chags dang bcas te spangs pa dang/ ting nge 'dzin dang snyom par 'jug pa'i sgrib ba thams cad spangs pa'o/ /mthu phun sum tshogs pa yang rnam pa bzhi ste/ phyi'i yul sprul pa dang/ yongs
 su bsgyur ba dang/ byin gyis rlob pa'i mnga' phun sum tshogs pa dang/ sku tshe gtong ba dang/ byin gyis rlob pa'i mnga' phun sum tshogs pa dang/ sgrib pa dang nam mkha' dang shin tu ring ba la myur du gshegs pa dang/ chung ngu dang mang mo 'jug bar mdzad pa'i
 mnga' phun sum tshogs pa dang/ ya mtshan gyi chos nar ma rnam pa sna tshogs phun sum tshogs pa'o/ /gzugs kyi sku phun sum tshogs pa yang rnam pa bzhi ste/ mtshan phun sum tshogs pa dang dpe byad bzang po phun sum tshogs pa dang/ stobs phun sum tshog 
 pa dang/ sku gdung rdo rje ltar sra ba phun sum tshogs pa'o/ /de ltar na de dag ni sangs rgyas rnams kyi che ba'i bdag nyid mdor bsdus pa yin no/ /de dbye na ni mdza' yas par 'gyur te/ de yang bcom ldan 'das rnams kho nas/ gal
 te sku tshe bskal pa grangs med pa du mar byin gyis brlab par gyur na mdza' dag mkhyen pa dang brjod par spyod do/ /re zhig de ltar na de bzhin gshegs pa rnams ni yon tan dang ye shes dang mthu dang phan 'dogs pa mdza' yas shing rmad du byung ba rin po
 che chen po'i 'byung gnas yin no/ /'on kyang byis pa rang nyid yon tan dbul bas sems bsgom pa rnams ni yon tan 'byor pa de lta bu de thos so zin kyang sangs rgyas dang de'i chos la gus par mi byed kyi/ mkhas pa rnams ni rkang yan chad nas kyang/ bcom
 ldan 'das de dang de'i chos la mngon par rab tu dang bar 'gyur te/ gcig tu rab tu dang ba de dag ni dad pa tsam gyis kyang rnam par smin par ma nges pa'i sdig pa'i tshogs rnams zil gyis mnan te lha'i dang mi'i legs pa nyams su myong nas 'gros
 par bya ba'i mchog mya ngan las 'das par 'gyur ro/ /de nyid kyi phyir de bzhin gshegs pa rnams ni bsod nams kyi bla na med pa zhes bya ba ste/ 'bras bu med pa ma yin pa dang/ yid du 'ongs pa dang/ mchog tu gyur pa dang/ myur ba dang/ mdza' 
 bzod pa'i phyir ro/ /bcom ldan 'das kyis kyang/ gang dag rgyal ba rnam 'dren la/ /bya ba chung ngu byed 'gyur ba 'ang/ /de dag mtho ris sna tshogs dag /bgrod nas bdud rtsi'i go 'phang 'thob ces gsungs so/ /re zhig de dag ni sangs rgyas kyi chos ma
 'dres pa bco brgyad ces bya'o/ /chos gzhan slob dang thun mong yin/ /sangs rgyas rnams kyi yon tan gzhan dag ni nyan thos dang thun mong yin no/ /kha cig so so'i skye bo dang/ de dag kyang gang zhe na/ ci rigs par/ nyon mongs med dang smon nas shes/ /
 so so yang dag rig mngon sogs/ /nyon mongs pa med pa dang/ smon nas shes pa dang/ so so yang dag par rig pa dang/ mngon par shes pa dang/ bsam gtan dang/ gzugs med pa dang/ tshad med pa dang/ rnam par thar pa dang/ zil gyis gnon pa'i skye
 mched dang/ zad par gyi skye mched la sogs pa'o/ /de la nyon mongs pa med pa zhes bya ba ni dgra bcom pa la la sems can rnams kyi sdug bsngal ni nyon mongs pa las rab tu skye ba dang/ bdag nyid kyang yon tan gyis khyad par yin par rig nas pha rol po dag de la dmigs
 nas/ nyon mongs pa skye ba yongs su spang bar 'dod/ gang gis na pha rol po dag rnam pa thams cad du nyon mongs pa skyed par mi byed cing 'ga' yang de la dmigs nas 'dod chags sam/ zhe sdang dam/ nga rgyal skye bar mi 'gyur ba de lta bu'i shes pa skyed par byed pa ste/
 lam de ni 'ga' yang nyon mongs par mi byed pas na nyon mongs pa med pa yin no/ /nyon mongs pa med pa de ni kun rdzob shes/ de'i rang bzhin ni 'di yin no/ /bsam gtan mdza' na bsam gtan bzhi pa'i sa pa yin no/ /lam sla ba rnams kyi mchog yin pa'i phyir
 ro/ /mi g.yo ba'i chos/ dgra bcom pa gzhan gyis ni ma yin te/ gzhan ni res 'ga' rang gi rgyud las kyang nyon mongs pa mdza' yas pa yongs su spang bar mi nus so/ /mis skyed/ gling gsum du mi dag gi nang kho nar skyed par byed de/ nyon mongs 'dod dang
 gtogs pa dang/ /ma skyed bzhir bcas spyod yul can/ /'di'i dmigs pa ni nyon mongs pa 'dod pa na spyod pa ma 'ongs pa bzhi dang bcas pa rnams yin te/ pha rol po dag nyon mongs pa skye bar ma gyur cig ces bya ba de ltar zhugs pa'i phyir ro/ /nyon mongs
 pa bzhi med pa rnams ni yongs su spang bar mi nus te/ thams cad du 'gro ba rnams ni rang gis mdza' dag la dmigs pa'i phyir ro/ /nyon mongs pa rnams med pa rnams ji skad du bshad pa/ smos nas shes pa'ang de bzhin no/ /de la yang kun rdzob shes pa
 dang/ bsam gtan mdza' na yod pa dang/ mi g.yo ba'i chos can gyi yin pa dang/ mi'i rten can gyi yin no/ /de'i dmigs pa thams cad do/ /smos nas shes pa'i dmigs pa ni chos thams cad yin pas 'di ni bye
 brag yin no/ /bye brag tu smra ba rnams na re smon nas shes pas gzugs med pa rnams mngon sum du ni mi shes so/ /'o na ji lta bu zhe na/ rgyu mthun pa dang spyod pa'i bye brag tu las shes te/ 'dir dpe ni zhing pa lta bu'o zhes zer ro/ /smon pa sngar btang
 ba'i shes pa ni smon nas shes pa ste/ 'di shes par bya'o snyam du smon nas rab kyi mdza' bsam gtan bzhi pa la snyoms par 'jug cing/ ting nge 'dzin de'i yul du ji tsam zhig gyur ba gang yin pa de yang dag pa bzhin du shes pa'o/ /de bzhin
 chos don nges tshig dang/ /spobs pa so so yang dag rig /so so yang dag par rig pa ni bzhi ste/ chos so so yang dag par rig pa dang/ don so so yang dag par rig pa dang/ nges pa'i tshig so so yang dag par rig pa dang/ spobs pa so so yang
 dag par rig pa'o/ /de dag kyang nyon mongs pa ji lta ba de dang 'dra'o/ /de dag gi de dang 'dra ba ci zhe na/ mi g.yo ba'i chos can gyi yin pa dang/ mi'i rten can nyid yin no/ /'di dag gi dmigs pa dang/ sa dang rang gi ngo bo'i bye brag ni tha dad par brjod
 de/ gsum ni go rims bzhin ming dang/ /don dang ngag la thogs med shes/ /chos dang don dang nges pa'i tshig so so yang dag par rig pa rnams ni go rims bzhin du ming dang tshig dang yi ge'i tshogs rnams dang/ don dang/ ngag dang thogs pa med par
 shes pa yin no/ /bzhi pa rig pa thags thogs med/ /mngon brjod lam la dbang nyid dang/ /thogs pa med par shes pa zhes bya bar sbyar te/ spobs pa so so yang dag par rig pa ni rig pa dang/ thag thogs med par mngon par brjod pa nyid dang/
 ting nge 'dzin la dbang po gsal bar bya ba la thogs pa med apar shes pa yin no/ /de'i dmigs pa dag dang lam/ /de'i dmigs ni ngag kyang yin la lam yang yin no/ /shes pa dgu'o/ /spobs pa so so yang dag par rig pa ni shes pa dgu'i rang
 bzhin yin te/ 'gog pa shes pa ma gtogs so/ /sa thams cad/ 'di ni dag dang la gnyis las gang yang rung ba zhig la dmigs pa'i phyir 'dod pa'i khams nas srid pa'i rtse mo'i bar sa thams cad pa yang yin no/ /yang dag don rig bcu 'am drug /
 don so so yang rig pa ni gal te don chos thams cad yin na shes pa bcu yin no/ /gal te don mya ngan las 'das pa yin na ni shes pa drug ste/ chos shes pa dang/ rjes su shes pa dang/ 'gog pa dang/ zad pa dang/ mi skye ba dang/ kun rdzob shes
 pa rnams so/ /de ni kun na/ don so so yang dag par rig pa de ni sa thams cad pa yin no/ /gzhan kun rdzob/ gzhan chos dang nges pa'i tshig so so yang dag par rig pa gnyis ni kun rdzob shes pa'i rang bzhin dag yin no/ /ming gi tshogs la sogs pa dang/
 dag la dmigs pa'i phyir ro/ /chos rig 'dod dang bsam gtan na/ /chos so so yang dag par rig pa sa lnga po 'dod pa'i khams dang/ bsam gtan bzhis bsdus pa yin te/ yan chad na ming gi tshogs med pa'i phyir ro/ /dag ni 'dod dang dang po na/ /ngag
 dang nges pa'i tshig ces bya ba ni don gcig go /nges pa'i tshig so so yang dag par rig pa ni 'dod pa'i khams dang bsam gtan dang po'i sa pa dag yin te/ yan chad na rtog pa med pa'i phyir ro/ /brtags pa la ni so so yang dag par rig pa rnams 'di skad
 du tshig dang yi ge dang/ de nyid kyi don dang/ de gnyis kyi gcig dang gnyis dang mang po dang pho dang mo dang sogs pa'i tshig bla dags dang/ de la thags thogs med par bya ba la thogs pa med par shes pa ni chos so so yang dag par rig pa la sogs pa
 yin no/ zhes ston te/ de nyid kyis 'di dag gi go rims grub pa yin no/ /tshig nges pa ni nges pa'i tshig ste/ dper na gzugs su rung bas na de'i phyir/ gzugs zhes bya ba de lta bu la sogs pa yin no/ /gzhan dag na re lan dang lan
 la spobs pas na spobs pa yin no/ zhes zer ro/ /so so yang dag par rig pa dang/ 'di dag gi sngon gyi sbyor ba ni go rims bzhin du rtsis dang/ sangs rgyas kyi bka' dang/ sgra rig pa dang/ gtan tshigs rig pa dag yin te/ 'di dag la mkhas par ma byas bar
 de dag bskyed par mi nus so/ zhes grag go /thams cad kyi sbyor ba sangs rgyas kyi bka' kho na yin zhes brjod do/ /gang la gcig yod pa de la gdon mi za bar so so yang dag par rig pa bzhi char yod de/ ma tshang bar ni de thob med/ /de dag ma tshang bar ni so so yang dag
 par rig pa 'thob pa ma yin no/ /nyon mongs pa med pa la sogs pa'i yon tan bstan pa gang dag yin pa/ drug po de dag rab mdza' bas/ de dag ni rab kyi mdza' ba'i bsam gtan gyi stobs kyis 'thob bo/ /de ni rnam drug /bsam gtan bzhi ba rab kyi ma mdza' ba
 de dag nyon mongs pa med pa dang/ smon nas shes pa dang/ so so yang dag par rig pa gsum dang/ rab kyi mdza' pa de nyid dang drug gi bdag nyid yin no/ /nges pa'i tshig so so yang dag par rig pa ni de'i stobs kyi 'thob pa yin gyi de bsam gtan bzhi pa'i sa pa ni ma
 yin no/ /rab kyi mdza' pa zhes bya ba 'di ci zhe na/ bsam gtan mdza' bsam gtan bzhi pa yin no/ /de ni sa kun gyi mthun byas/ 'phel ba'i rab tu byin pa yin/ ji ltar nas thams cad kyis mthun par byas pa yin zhe na/ 'dod pa na spyod pa'i sems las
 bsam gtan dang po la snyoms par 'jug la/ de las ni bsam gtan gnyis pa ste/ de bzhin du rim gyi 'du shes med min gyi skye mched kyi bar la snyoms par 'jug go /mi mthun pa ni yang 'dod pa na spyod pa'i sems kyi bar la'o/ /de las yang bsam
 gtan bzhi pa'i bar du 'thun pa yin te/ de ltar na sa thams cad kyis mthun par byas pa yin no/ /ji ltar na 'phel ba'i rab tu byin zhe na/ de ltar bsgom pa chung ngu las 'bring/ 'bring las chen po las snyoms par 'jug pa ste/ 'phel ba'i mchog ni 'phel ba'i
 rab yin no/ /bsam gtan 'di lta bu 'di ni rab kyi mdza' ba yin te/ 'di la mdza' rab tu phyin pa'i phyir ro/ /'dir mdza' ni 'phel pa 'am rnam pa yin te/ mu bzhi pa yin no/ /yon tan drug po de dag kyang/ sangs rgyas las gzhan sbyor bas skyes/ sangs
 rgyas las gzhan pa'i ni sbyor ba las byung ba yin gyi 'dod chags dang bral bas thob pa ma yin no/ /sangs rgyas kyi ni sbyor ba las byung ba cung zad kyang med do/ chos thams cad kyi dbang phyug yin pa'i phyir ro/ /de'i yon tan phun sum tshogs pa'i thams cad
 mngon sum gyur pa ni ma bzhed pa tsam la rag las pa yin no/ /re zhig de dag ni nyan thos dang/ thun mong pa'i yon tan dag yin no/ /mngon par shes pa la sogs pa ni so so'i skye bo dag dang yang thun mong pa yin no/ /mngon par shes pa zhes bya ba 'di ci zhe
 na/ rdzu 'phrul rna ba yid dang ni/ /sngon tshe 'chi 'pho skye ba dang/ /zad shes mngon du bya ba yi/ /mngon shes rnam drug /rdzu 'phrul gyi yul shes pa mngon du bya ba'i mngon par shes pa dang/ lha'i rna ba dang/ sems kyi rnam grangs dang/ sngon gyi gnas rjes su dran pa
 dang/ 'chi 'pho dang/ skye ba dang/ zag pa zad pa shes pa mngon du bya ba'i mngon par shes pa ste drug yin no/ /de dag las lnga ni so so'i skye bo'i mas thun mong ba yin no/ /de dag thams cad ni/ rnam grol blo/ dge sbyong gi tshul gyi 'bras bu bzhin du/ rnam par
 grol ba'i lam gyi shes rab kyi rang bzhin yin no/ /bzhi ni kun rdzob shes pa ste/ sems kyi rnam grangs dang/ zag pa zad pa shes pa mngon par shes pa ma gtogs so/ /sems la shes pa lnga yin no/ /sems kyi rnam grangs mngon par shes pa lnga yin
 te/ chos shes pa dang/ rjes su shes pa dang/ lam dang/ kun rdzob dang/ pha rol gyi sems shes pa rnams so/ /zad pa'i mngon shes stobs bzhin no/ /'di ni zag pa zad pa mkhyen pa'i stobs ji skad du bshad pa las de
 bzhin du shes pa drug gam bcu yin par yang rig par bya la/ de bzhin du 'di ni sa thams cad pa yin par yang shes par bya'o/ /lhag ma lnga ni bsam gtan bzhi dag na/ mngon par shes pa lnga ni bsam gtan bzhi pa'i sa pa dag yin no//
 ci'i phyir gzugs med pa'i sa pa dag med ce na/ re zhig gsum ni med de/ gzugs la dmigs pa yin pa'i phyir ro/ /sems kyi rnam grangs mngon par shes pa yang med de gzugs la stegs bcas nas mngon par sgrub par bya ba yin pa'i phyir
 ro/ /sngon gyi gnas rjes su dran pa yang mthar gyis sngon gyi gnas gzhan rjes su dran pas mngon par 'grub pa'i phyir dang/ gnas dang rus la sogs pa la dmigs pa yin pa'i phyir te/ gzhan gyi sems shes par 'dod pa ni bdag gi lus ni
 'di 'dra ba zhig las sems ni 'di 'dra ba zhig yin no/ /zhes lus dang sems kyi mtshan ma 'dzin cing de bzhin du pha rol po dag la yang gtod de/ sems shes pa las mngon par 'grub par 'gyur ro/ /mngon par shes pa mngon par grub na
 ni gzugs la mi bltos par shes so/ /sngon gyi gnas rjes su dran par 'dod pa na yid kyi rnam par shes pa 'gags ma thag pa'i mtshan ma bzung nas de'i lugs las bzlog ste/ mtshams sbyor ba'i sems kyi bar du de ma thag pa'i gnas skabs gzhan
 rnams yid la byed do/ /de nas srid pa bar ma'i skad cig dran na yang grub pa yin no/ /de bzhin du gzhan gyi yang dran no/ /mngon par grub nas ni thong rgal du yang dran no/ /sngon nyams su myong ba kho na dra'o?/ gnas gtsang ma rnams ji ltar dran zhe na/ thos
 pas nyams su myong ba'i phyir ro/ /gzugs med pa nas shi 'phos nas 'dir skyes ba ni pha rol po'i rgyud la brten nas skyed do/ /gzhan dag na ni rang gi rgyud la brten nas so/ /rdzu 'phrul la sogs pa'i sbyor ba ni yang ba dang/ sgra dang/ snang ba yid la byed pa yin no/ /mngon
 par shes pa lnga po 'di dag ni/ rang dang 'og sa'i yul can yin/ rdzu 'phrul gyi mngon par shes pas sa gang yin pa des sa de'am 'og mar 'gro ba 'am sprul bar byed kyi gong du ni ma yin no/ /de bzhin du lha'i rna ba'i mngon par shes pas kyang rang gis kho na 'am sa
 'og ma ba'i sgra thos kyi sa gong ma ni ma yin te/ sems kyi rnam grangs mngon par shes pas kyang sa gong ma pa'i sems mi shes so/ /sngon gyi gnas rjes su dran pas kyang mi dran no/ /'chi 'pho ba dang/ skye ba mngon par shes pas mi mthong ngo/ /de nyid kyi phyir
 gzugs med pa'i sa pa'i sems ni sa gong ma pa yin pa'i phyir sems kyi rnam grangs dang/ sngon gyi gnas mngon par shes pa gnyis kyis mi 'dzin to/ /'di dag ji ltar 'thob ce na/ ma 'dris pa rnams ni sbyor bas/ thob bya 'dris pa chags bral bas/ mngon par
 shes pa tshe rabs gzhan na goms pa rnams ni 'dod chags dang bral bas 'thob bo/ /bye brag can ni sbyor bas so/ /thams cad kyang sbyor bas bskyed par bya ba yin no/ /gsum pa dran pa nyer gzhag gsum/ sems kyi rnam grangs mngon par shes pa ni sems dang
 sems las 'byung ba la dmigs pa yin pa'i phyir ro/ /tshor ba dang/ sems dang/ chos dran pa nye bar gzhag pa gsum gyi rang bzhin no/ /dang po rdzu 'phrul rna ba mig /mngon par shes pa zhes bya bar sbyar te/ rdzu 'phrul dang lha'i rna ba dang lha'i mig gis mngon par
 shes pa ni gzugs la dmigs pa yin pa'i phyir dran pa nye bar gzhag pa dang po yin te/ lus dran pa nye bar gzhag pa zhes bya ba'i tha tshig go /rdzu 'phrul gyi dmigs pa ni phyi'i skye mched bzhi yin te/ sgra ma gtogs so/ /lha'i rna ba dang mig gis mngon par 
 shes pa'i dmigs pa ni sgra dang gzugs kyi skye mched yin no/ /'o na ji ltar na/ 'chi 'pho dang skye ba shes pas 'di ltar sems can 'di dag ni lus kyi nyes par spyad pa dang ldan no/ zhes bya ba de lta bu la sogs pa shes she na/
 de ni des mi shes kyi 'phags pa rnams la de las gzhan pa gang gis de lta bur shes par 'gyur ba mngon par shes pa'i 'khong du gyur ba'i shes pa skye'o/ /lhag ma ni dmigs kyi ma phye ba'i phyir dran pa nye bar gzhag pa bzhi char gyi rang bzhin yin
 no/ zhes bya bar grub po/ /mig dang rna ba'i mngon shes ni/ /lung du ma bstan lhag rnams dge/ lha'i mig dang rna ba'i mngon par shes par lung du ma bstan pa yin no/ /de dag kyang mig dang rna ba'i rnam par shes pa dang mtshungs par ldan pa'i shes
 rab yin no/ /'o na de dag ji ltar bsam gtan bzhi'i sa par grub ce na/ rten gyi dbang gis de'i sa bstan pa'i phyir te/ de'i mig dang rna ba'i bsam gtan bzhi pa'i sa pa yin no/ /yang na bar chad med pa'i lam gyi dbang gis so/ /gzhan bzhi ni dge ba
 dag yin no/ /'o na rab tu byed pa las mngon par shes pa gang zhe na/ shes pa dge ba yin no zhes bshad pa ji lta bu zhe na/ de ni gtso bo 'am las che ba bstan pa yin no/ /mngon par shes pa 'di rnams las/ gsum ni rig pa sngon gyi gnas dang/ 'chi
 'pho ba dang skye ba dang/ zag pa zad pa shes pa mngon du bya ba rnams ni mi slob pa'i rig pa gsum zhes bya'o/ /ci'i phyir de dag kho na yin gyi gzhan dag na ni ma yin zhe na/ mngon mdza' sogs ma rig pa bzlog phyir ro/ /'di dag gis ni go rims bzhin
 sngon gyi mdza' dang/ phyi ma'i mdza' dang/ bar la kun tu rmongs ba zlog par byed do/ /de dag las kyang don dam par/ mi slob tha ma/ zag pa zad pa mngon du bya ba kho na mi slob pa'i rig pa yin no/ /gnyis ni de'i/ rgyud las skyes phyir de zhes bya/ gzhan gnyis
 ni mi slob pa'i rgyud las skyes pa'i phyir mi slob pa zhes bya'i de gnyis ni slob pa yang ma yin la mi slob pa yang ma yin no/ /mngon par shes pa 'di dag slob pa'i yin par mi 'dod dam ci na gang gi phyir slob pa'i rig pa dag ces mi bya zhe na/ slob la 'dod de ma rig
 dang/ /bcas rgyud phyir na rig ma bshad/ /rgyud ma rig pa dang bcas bzhin du rig par rnam par bzhag du ni mi rung ste/ yang ma rig pas zil gyis gnon pa'i phyir ro/ /mngon par shes pa 'di dag las/ dang po gsum pa drug pa ni/ cho 'phrul rnams yin
 la rdzu 'phrul dang/ sems kyi rnam grangs dang/ zag pa zad pa'i mngon par shes pa rnams ni go rims bzhin du cho 'phrul gsum yin te/ rdzu 'phrul dang kun rjod pa dang rjes su bstan pa'i cho 'phrul rnams yin te/ dang po nyid du gdul bya'i yid shin tu
 'phrog par byed pa'i phyir cho 'phrul dag yin pa 'am/ 'di dag gis zhe 'gras pa dang/ bar mar gnas pa rnams kyi yid 'phrog par byed pas na cho 'phrul dag yin no/ /'di dag gi nang na/ bstan pa mchog /rjes su bstan pa'i cho 'phrul ni/ /mi 'khrul phyir na
 phan pa dang/ /yid 'bras la sbyor byed phyir/ mchog yin no rdzu 'phrul dang kun brjod pa dag ni rig sngags kyis kyang byed de/ g+han d+ha ri zhes bya ba'i rig sngags gang gis na nam mkha' la 'gro ba dang/ rtog byed ces bya ba'i rig sngags gang gis na pha rol gyi sems shes pa
 yang yod kyi yang dag pa ji lta ba bzhin du rjes su bstan pa ni gzhan gyi bya bar mi nus pa mi 'khrul pa'i phyir 'di ni gtso bo yin no/ /de gnyis kyi sa ni gtor ma tsam du zad kyi rjes su bstan pa'i cho 'phrul gyis ?nye bar bstan pa'i sgo nas phan pa dang/ yid du 'ong
 ba'i 'bras bu la sbyor bas 'di nyid mchog yin no/ /rdzu 'phrul zhes bya ba 'di ci yin zhe na/ bye brag tu smra ba'i lugs kyi ni/ rdzu 'phrul ting nge 'dzin/ 'dis 'byor bar byed pas na zhes bya bar sbyar ro/ /des ci zhig yang dag par 'byor par 'gyur zhe na/ de las ni/
 sprul dang 'gro ba ste/ de la 'gro ba ni rnam pa gsum ste/ lus phyin byed pa dang/ mos pa las byung ba dang/ yid mgyogs pa'o/ /ston pa la/ yid mgyogs 'gro ba/ yid bzhin du mgyogs pas na yid mgyogs kyi 'gro ba ste/ de ni sangs
 rgyas bcom ldan 'das kho na yin gyi gzhan gyi ni ma yin no/ /yul thag shin tu ring por yang thugs bskyed pa'i dus kyi byon pa'i phyir ro/ /de nyid kyi phyir bcom ldan 'das kyis sangs rgyas rnams kyi sangs rgyas kyi yul ni bsam gyis mi khyab po zhes bya ba
 gsungs so/ /'gro ba gzhan dag ni ma bshad kyang sangs rgyas la mnga' bar grub bo/ /gzhan dag la/ phyin byed mos pa las byung yang/ nyan thos dang rang sangs rgyas rnams la ni lus phyin byed kyi 'gro ba yang yod de/ bya bzhin du rim gyi las phyin par byed pa'i
 phyir ro/ /mos pa las byung ba yang yod de/ thag ring po la nye bar mos nas myur du 'gro ba'i phyir ro/ /sprul pa ni rnam pa gnyis te/ 'dod pa na spyod pa dang/ gzugs na spyod pa dang/ de la re zhig /'dod par gtogs pa'i sprul pa ni/ phyi'i skye mched bzhi/
 'dod pa na spyod pa'i sprul pa ni gzugs dang dri dang ro dang reg bya'i skye mched kyi rang bzhin yin no/ /de yang rnam gnyis bdag dang gzhan gyi lus dang sprul pa'o/ /gzugs gtog? gnyis/ gzugs na spyod pa'i sprul ba ni/ de na dri dang ro med pa'i phyir gzugs
 dang reg bya'i skye mched gnyis yin no/ /de yang 'dod pa'i khams kyi ji lta ba de kho na bzhin du rnam pa gnyis yin te/ 'di ni sprul pa rnam pa bzhi yin no/ /gzugs kyi khams na yang de dang 'dra bas mdor bsdu na sprul pa ni rnam pa brgyad yin no/ /gzugs
 kyi khams su skyes pa 'dod pa na spyod pa sprul pa ni ji ltar na dri dang ro dag dang mi ldan pa yang yin zhe na/ gos dang rgyan bzhin du mi ldan no/ /gzhan dag na re skye mched gnyis sprul par byed do/ zhes zer ro/ /yang ci mngon par shes pa kho nas sprul
 pa bar byed dam zhe na/ smras pa ma yin nam/ 'o na ji lta bu zhe na/ mngon par shes pa'i 'bras bu/ sprul sems dag gis/ de dag kyang ni bcu bzhi'o/ /sprul pa'i sems bcu bzhi po de dag ni/ bsam gtan 'bras gnyis nas lnga'i bar rim bzhin/ bsam
 gtan dang po'i 'bras bu sprul ba'i sems ni gnyis te/ 'dod pa'i khams dang bsam gtan dang po'i sa dgu'o/ /bsam gtan gnyis pa'i 'bras bu ni gsum ste/ 'dod pa'i khams dang/ bsam gtan dang po dang/ gnyis pa'i sa pa dag go /de
 bzhin du bsam gtan gsum pa dang/ bzhi pa'i sa pa dag kyang bzhi dang lngar? sbyar bar bya'o/ /bsam gtan gyi 'bras bu sprul ba'i sems ni rang gi sa pa dang sa 'og ma yin par rig par bya'o/ /gong ma las skyes min/ bsam gtan 'og ma'i 'bras bus
 sa gong ma'i sprul pa'i sems ni med do/ /'dod pa na spyod pa'i sprul pa bsam gtan gnyis pa la sogs pa'i 'bras bu ni bsam gtan dang po'i sa pa de'i 'bras bu las 'gros kyi sgo nas khyad par du 'phags so/ /de rnyed bsam gtan bzhin/ sprul pa'i sems
 de dag rnyed pa ni bsam gtan bzhin no/ /yang ci sprul pa'i sems kho na las ldang bar 'gyur ram zhe na/ de lta bu ni med de/ 'di ltar/ de ni dag dang las skye par 'gyur ste/ sprul pa'i sems ni bsam gtan dag pa pa 'am sprul pa'i sems kyi mjug
 thogs su skye'i gzhan las ni ma yin no/ /de las gnyis/ sprul pa'i sems las kyang bsam gtan dag pa pa dang sprul pa'i sems skye ste/ gzhan du ma yin no/ /ting nge 'dzin gyi 'bras bu la gnas nas yang ting nge 'dzin la ma zhugs par ting nge 'dzin
 de las ldang ba med do/ /sprul pa thams cad kyang/ rang gi sa nges sprul par byed/ sa gzhan pa'i sprul pa'i sems kyi sa pa gzhan pas sprul par ni mi byed do/ /smrar 'jug pa ni 'og mas kyang/ kyang zhes bya ba'i sgra ni rang gi sa pas kyang smrar 'jug go zhes
 bya ba yin te/ 'dod pa'i khams dang bsam gtan dang po'i sa pa'i sprul pa ni rang gi sa pa'i sems kho nas smrar 'jug go /sa gong ma pa ni bsam gtan dang po'i sa pa ste/ yan chad na rnam par rig byed kun nas slong bar byed pa
 med pa'i phyir ro/ /sprul pa mang po rnams smra ba ni/ ston min sprul pa dang bcas/ sangs rgyas las gzhan pa'i sprul ba ni sprul ba dang bcas te smra bas gang gi tshe sprul pa mang po zhig yin pa de'i tshe cig car smra ste/ gcig gcig smra bar byed pa
 na/ sprul ba thams cad smra bar byed/ gcig mi smra bar gyur ba dang/ de dag thams cad smrar mi 'gyur ba'i tshigs su bcad de 'byung ba'i phyir ro/ /sangs rgyas kyi sprul pa ni snga phyi ji ltar bzhed par smra'o/ /gang gi tshe smrar 'jug pa'i
 sems yod pa de'i tshe sprul pa'i sems med pa'i phyir sprul pa med na/ ji ltar smrar 'jug ce na/ byin gyis brlabs nas gzhan 'jug phyir/ /gnas par 'dod pas sprul pa byin gyis brlabs nas yid gzhan rnam par rig byed kun nas slong bar
 byed pas dag 'jug par byed do/ /ci gson po kho na la byin gyis rlabs yod dam/ 'on te shi ba la yod ce na/ shi ba las yang rlabs yod/ 'phags pa 'od srungs chen po'i byin gyis rlabs kyis de'i rus pa'i keng rus gnas pa'i phyir ro/ /de
 yang mi bstan la med/ mi bstan pa'i dngos po la ni byin gyi rlabs med de/ 'phags pa 'od srungs chen pos sha la sogs pa byin gyis ma rlabs pa'i phyir ro/ /gzhan dag min gzhan dag na re/ shi ba la byin gyis rlabs med kyi/ rus pa'i keng rus
 gnas pa ni lha'i mthus so/ zhes zer ro/ /ci sems gcig gis sprul pa gcig sprul pa gcig kho na sprul par byed dam zhe na/ dang por du mas gcig yin te/ /bya bar gyur nas bzlog pa'o/ /dang po nyid du ni sprul pa'i sems du mas sprul ba
 gcig sprul par byed do/ /mngon par shes pas byas nas ni sems gcig gis sprul pa po ji snyed 'dod pa du ma sprul par byed do/ /yang ci sprul pa'i sems thams cad lung du ma bstan pa yin nam zhe na/ bsgoms nas skyes pa lung ma bstan/ bsgoms
 pa'i 'bras bu gang yin pa de ni nges par lung du ma bstan pa yin no/ /skye ba las skyes nas gsum mo/ /lha dang/ klu dang/ sha za la sogs pa'i skye bas thob pa'i sprul pa'i sems ni dge ba dang/ mi dge ba'i lung du ma bstan pa yin no/ /de dag gi byas
 pa'i sprul pa rang dang gzhan gyi lus dang 'brel pa ni sgra med pa'i gzugs can gyi skye mched yin pa'i phyir/ skye mched dgu pa yin te/ dbang po dang tha mi dad pa'i phyir ro/ /dang? po ni sprul bar mi byed do/ /ci sgoms pa las byung ba dang/ skye bas thob pa'i rdzu 'phrul
 rnam pa 'di gnyis kho nar zad dam zhe na/ rdzu 'phrul rnam pa gnyis po de dang/ gsang sngags sman dag dang/ las las skyes dang rnam pa lnga/ /rdzu 'phrul ni mdor bsdu na rnam pa lnga'o zhes brjod de/ bsgom pa'i 'bras bu dang/ skye bas thob pa dang/ gsang sngags
 las skyes pa dang/ sman las skyes pa dang/ las las skyes pa ste/ dper na nga las nu dang/ srid pa bar ma ba rnams kyi lta bu'o/ /lha'i rna ba dang mig tu bshad pa gang yin pa de dag ci lha'i kho na yin nam/ 'on te byang chub sems dpa' dang/ 'khor los sgyu ba dang/ khyim
 bdag rin po che rnams kyi lta bur lha'i dang 'dra bas lha'i yin zhe na/ lha'i mig dang rna ba yin/ 'di ltar de gnyis ni/ bsam gtan sa ba'i gzugs dang ba/ bsam gtan la snyoms par zhugs pa'i mig dang rna ba'i thon kor du sgra dang/ snang ba la gtong pa'i sbyor ba
 bsam gtan gyi sa pa'i 'byung ba rnams rgyur byas pa'i gzugs dang ba gzugs dang/ sgra dag mthong ba dang thos pa'i rgyu mngon par 'grub pas bsam gtan gyi sa ba yin pa'i phyir mig dang/ rna ba de dag ni lha'i kho na yin no/ /de gnyis kyang/ rtag tu brten bcas ma
 tshad med/ /thag ring phra sogs spyod yul can/ /lha'i mig dang rna ba ni rtag tu rnam par shes pa dang/ bcas pa yin pa'i phyir de dang mtshungs pa med do/ /zhar ba dang nod pa med pa'i phyir ma tshang ba yang ma yin te/ gzugs na spyod pa'i
 sems can bzhin no/ /de gnyis kyi yul ni gzugs dang/ sgra thag ring ba dang/ phra ba dang/ bsgribs pa dag kyang yin no/ /'dir smras pa/ gang phyir sha'i mig gi gzugs/ /thag ring gnas dang bsgribs pa dang/ /phra dang thams cad mi mthong ba/ /de phyir lha
 yis mthong bar 'dod/ /lha'i mig gis thag ji srid gcig mthong zhe na/ gang gi mig ji lta bu yin pa'o/ /nyan thos dang rang sangs rgyas dang sangs rgyas rnams ni mngon par 'du byed pa med par stong dang stong gnyis dang stong gsum pa'i 'jig rten pa'i khams
 mthong ngo/ /mngon par 'du byed pas ni/ dgra bcom bse ru ston rnams kyis/ /stong gnyis gsum dang grangs med mthong/ /nyan thos chen pos kyang mngon par 'du byed pa thams cad kyis lha'i mig gis stong gnyis pa'i 'jig rten gyi khams mthong ngo/ /
 bse ru lta bus ni stong gsum pa mthong ngo/ /sangs rgyas bcom ldan 'das kyis ni ji tsam bzhed par 'jig rten gyi khams grangs med pa gzigs so/ /ci rdzu 'phrul kho na skye bas 'thob pa yin nam/ 'on te gzhan yang yin zhe na/ gzhan yang skye bas 'thob
 lha'i rna ba la sogs pa bzhi yang skye bas 'thob par bya ba yod mod kyi/ skye bas thob pas ni cung zad kyang mngon par shes pa'i ming 'thob bo/ /skye bas 'thob pa'i lha'i mig gang yin pa/ des ni/ srid pa bar ma mthong ngo/ /srid pa bar ma ni mngon
 par shes pa'i mig kho na mthong gi /skye bas thob pas ni ma yin no/ /sems shes de ni rnam gsum/ skye bas 'thob pa zhes bya bar sbyar te/ pha rol gyi sems shes pa skye bas 'thob pa ni dge ba dang/ mi dge ba dang/ lung du ma bstan pa dang rnam pa
 yin par rig par bya'o/ /gang rtog dang rig sngags kyis byas pa 'am/ gang yang mtshan ma pa rnams kyi pha rol gyi sems shes pa rtog ge pa dang/ gang yang rig sngags kyis byas pa de yang rnam pa gsum yin par rig par bya ste/ ji ltar bsgoms pa'i
 'bras bu yang dge ba kho na yin pa lta bu ni yin no/ /pha rol gyi sems shes pa dang/ sngon gyi gnas rjes su dran pa skye bas thob pa dag gis ni dmyal ba pas ni dang po shes/ ji srid du sdug bsngal gyi tshor bas ma nyen pa de srid du shes so/ /'gro ba gzhan
 na gnas pas ni rtag tu shes so/ /mi la skye bas thob pa med mi rnams la ni rdzu 'phrul la sogs pa ji skad bshad pa de skye bas thob pa med do/ /'o na rang bzhin gyi tshe rabs dran pa gang yin pa de ji lta bu zhe na/ de dag gi de ni las kyi khyad par las skyes pa yin te/
 sngon gyi gnas rjes su dran pa ni rnam pa gsum ste/ bsgom pa'i 'bras bu dang/ skye bas thob pa dang/ las las skyes pa'o/ /chos mngon pa'i mdzod kyi bshad pa las ye shes bstan pa zhes bya ba mdzod kyi gnas bdun pa'o// //shes pa'i
 skabs kyis shes pa'i rang bzhin gyi yon tan rnams bshad zin to/ /rang bzhin gzhan rnams brjod par bya ste/ de lta bas na yon tan thams cad kyi rten yin pa'i phyir dang po kho nar bsam gtan rnams brtsams te/ bsam gtan dag ni rnam pa gnyis/ /bsam
 gtan rnams ni mdor bsdu na skye ba dang snyoms par 'jug pa'i bye brag gis rnam pa gnyis so/ /de dag kyang/ bzhi bsam gtan dang po nas bzhi pa'i bar ro/ /de la bsam gtan du skye ba rnams ni yang mi brjod do/ /'jig rten bstan pa'i mdzod kyi gnas
 su/ der skyes pa dag rab tu bshad/ ji skad du bshad ce na/ der so so'i/ bsam gtan sa ni gsum pa yin/ /bzhi pa sa ni brgyad pa yin zhes bya ba yin no/ /snyoms par 'jug pa'i bsam gtan brjod par bya ste/ de'i phyir smras pa/ snyoms 'jug
 dge ba rtse gcig pa/ /bye brag med par dge ba'i sems rtse gcig pa ni bsam gtan yin te/ ting nge 'dzin gyi rang bzhin yin pa'i phyir ro/ /rjes 'brang bcas na phung po lnga/ /'khor dang bcas na ni phung po lnga'i rang bzhin yin par
 rig par bya'o/ /rtse gcig pa zhes bya ba 'di ci zhe na/ dmigs pa gcig pa nyid do/ /de lta na ni 'o na sems dmigs pa gcig pa dag kho na ting nge 'dzin yin gyi chos gzhan sems las byung ba ni ma yin no zhes bya bar 'gyur ro/ /sems rnams
 kho na ting nge 'dzin ma yin gyi gang gis de dag rtse gcig bar byed pa'i chos de ting nge 'dzin yin la de nyid rtse gcig pa nyid yin no/ /skad cig ma yin pa'i phyir sems can thams cad rtse gcig pa ma yin nam/ gal te gnyis pa de las rnam par
 mi g.yeng ba yin no zhe na ni/ mtshungs par ldan pa la ting nge 'dzin don med pa yin no/ /gang kho na las ting nge 'dzin yin pa de kho na las sems rnams kyi dmigs pa gcig pa nyid du yang ci'i phyir mi 'dod/ ting nge 'dzin sa mang po ma yin pa'i
 phyir sems can thams cad rtse gcig ba nyid du yang thal bar 'gyur ro/ /ma yin te/ ting nge 'dzin stobs chung ba'i phyir ro/ /gzhan dag na re sems rtse gcig pa dag kho na ting nge 'dzin yin te/ 'di ltar mdo las/ lhag pa'i sems kyi
 bslab pa dang/ sems yongs su dag pa'i gtso bo ni bsam gtan bzhi yin no/ /zhes gsungs so/ /zhes zer ro/ /bsam gtan zhes bya ba'i don ci zhe na/ 'dis sems par byed pas na bsam gtan te/ sems mnyam par bzhag na/ yang dag
 pa ji lta ba bzhin rab tu shes pa'i phyir rab tu shes par byed ce na bya ba'i tha tshig go /skad kyi dbyings 'di ni sems pa'i don yin la/ sems pas yang shes rab yin no zhes grub pa'i mdza' las byung ngo/ /de lta na ni 'o na ting nge 'dzin thams cad du
 thal bar 'gyur ro zhe na ma yin te/ phul du phyin pa dang ldan pa la de'i ming du btags pa'i don yin bzhin no/ /phul du phyin pa dang ldan pa yang gang zhe na/ ting nge 'dzin gang yan lag dang ldan pa yin te/ de zhi gnas dang lhag mthong zung du 'brel par rang
 gis 'byung pa'i phyir mthong ba'i chos la bde bar gnas pa dang/ lam sla ba zhes gsungs pas de ni shin tu yang sems par byed do/ /nyon mongs pa can ji ltar bsam gtan yin zhe na/ log par nges pa sems pa'i phyir ro/ /ha cang thal bar 'gyur
 ro zhe na/ ma yin te/ de dang mthun pa kho na la de'i ming du btags pa'i phyir te/ sa bon rul pa bzhin no/ /bcom ldan 'das kyis kyang bsam gtan mi dge ba dag kyang gsungs so/ /yang dge ba rtse gcig pa bsam gtan dang po ji lta bu/ bzhi pa'i bar ni
 ji lta bu zhe na/ re zhig dang po ni/ spyod dang dga' dang bde dang ldan/ /dge ba rtse gcig pa bsam gtan dang po ni spyod pa dang dga' ba dang mtshungs par ldan pa yin no/ /dpyod pa smos pas rtogs pa yang bshad pa yin te/ lhan cig spyod pa'i phyir du ba dang me
 bzhin du/ rtog pa med par ni dga' ba dang/ bde ba dang ldan pa'i dpyod pa med do/ /bsam gtan lhag ma gsum ni/ yan lag lnga spangs pa yin/ dge ba rtse gcig ba zhes bya bar sbyar te/ bsam gtan gnyis pa ni dpyod pa spangs la dga' ba dang bde
 ba dang ldan pa yin no/ /gsum pa ni dpyod pa dang dga' ba spangs la bde ba dang ldan pa yin no/ /bzhi pa ni dpyod pa dang/ dga' ba dang bde ba spangs pa yin no/ /bsam gtan rnams ji lta ba/ de bzhin gzugs med/ rnam pa gang gis she na/ de dag kyang skye ba dang/
 snyoms par 'jug pa'i sgo nas rnam pa gnyis kyang yin la bzhi yang yin no/ /de dag gi yang skye ba rnams ni bshad zin to/ /snyoms par 'jug pa'i gzugs med pa rnams ni bye brag med par dge ba'i sems rtse gcig ba'i rang bzhin yin no/ zhes bya ba'i
 rnam pa des bshad zin to/ /'khor dang bcas na ni/ phung po bzhi rjes su 'bred ba'i gzugs med pa'i phyir ro/ /'og ma'i sa las dben las skyes/ /bsam gtan bzhi pa las dben pa las skyes pa ni nam mkha' mdza' yas
 pa skye mched yin no/ de las dben pa las skyes pa ni rnam shes mdza' yas skye mched yin no/ /de las dben pa las skyes pa ni ci yang med pa'i skye mched yin/ de las dben pa las skyes pa ni 'du shes med 'du shes med min gyi skye mched yin te/ de
 ltar na gzugs med pa bzhin yin no/ /dben pa zhes bya ba 'di ci zhe na/ lam gang gi sa 'og ma las rnam par 'byed pa ste/ 'dod chags dang bral bar gyur pa'i phyir ro/ /gzugs med pa de dag kyang/ nyer bsdogs gsum dang bcas par ni/ /gzugs
 kyi 'du shes bshig ces bya/ /nam mkha' mdza' yas skye mched kyi nyer bsdogs ni bsam gtan bzhi pa la dmigs pa'i phyir ro gzugs kyi 'du shes bshig ces bya ba'i ming mi 'thob bo/ /de la ni gzugs kyi 'du shes bshig pa ma yin te/ ma bral
 zhes bya ba'i tha tshig go /phung po bzhi zhes bya bar bshad pa de zhig gzugs med pa dag na gzugs med do zhes bya ba 'di ni bsgrub par bya ba yin no/ /gal te yod na ji ltar na gzugs med pa rnams zhes brjod par 'gyur/ gzugs cung zad cig yod pa'i phyir
 te/ cung zad zer ba bzhin no/ /re zhig de ni gzugs ji lta bu zhig yod par 'dod/ /gal te lus dang/ ngag gi sdom pa zhig go zhe na/ de dag med na ji ltar de dag gi bsdom par 'gyur/ 'byung ba med par ni 'byung ba las gyur pa mi rung ngo/ /gal te zag pa med
 pa'i sdom pa bzhin no zhe na/ ma yin te zag pa dang bcas pa'i 'byung ba yod pa'i phyir ro/ /snyoms par 'jug pa'i la yang de dgag par bshad do/ /'on te lus kyang yod la dbang po gzugs can rnams kyang yod do zhe na ni/ ji ltar na de dag gzugs cung zad yod bar
 'dod/ gal te bong tshod chung ba'i phyir ro zhe na ni chu'i skye bo gzugs bltar mi snang ba dag la yang thal bar 'gyur ro/ /gal te dang ba'i phyir ro zhe na ni/ srid pa bar ma ba dang/ gzugs na spyod ba dag la yang thal bar 'gyur ro/ /gal te gang las ches dang ba med pa yin no zhe na
 ni/ srid pa'i rtse mo kho na gzugs med pa yin par 'gyur te/ snyoms par 'jug pa bzhin no/ /skye ba khyad par du 'phags pa'i phyir ro/ /bsam gtan du skye ba'i gzugs kyang sa 'og ma'i dbang pos mi zin pa'i phyir de dang yang khyad par ci zhig yod pa gal te gnyis kyi
 ming ni don dang mthun pa yin gyi gzugs med pa'i khams kyi ni ma yin no zhe na/ de la rigs pa ci zhig yod/ gal te tshe dang dod gnyis 'dres par gsungs phyir dang/ 'dam bu'i shog bzhin du ming dang gzugs dag phan tshun brten to zhes gsungs pa'i phyir dang/ rnam
 par shes pa'i rkyen gyis ming dang gzugs shes gsungs pa'i phyir dang/ gzugs nas 'du byed rnams kyi bar las gzhan du rnam par shes pa 'dod pa'i 'gro ba'i bkag pa'i phyir dang/ med pa dag na gzugs yod pa nyid du grub bo zhe na/ ma yin
 te/ dpyad bar bya ba yin pa'i phyir ro/ /re zhig tshe dang drod gnyis 'dres pa nyid du gang gsungs pa 'di ci 'dod pa dang gzugs na spyod pa'i tshe las dgongs te gsungs sam/ 'on te thams cad las zhes bya ba dang/ gang yang ming dang gzugs dag phan tshun brten pa
 nyid du gsungs pa 'di ci 'dod ba dang gzugs na spyod ba las dgongs te gsungs sam/ 'on te thams cad las zhes bya ba dang/ gang yang rnam par shes pa'i rkyen gyis ming dang gzugs zhes gsungs pa 'di ci rnam par shes pa thams cad ming dang gzugs kyi rkyen
 du gsungs sam/ 'on te ming dang gzugs thams cad rnam par shes pa'i rkyen du gsungs zhes bya ba dang/ gang yang gzugs la sogs pa las gzhan du rnam par shes pa 'ong ba dang 'gro ba bkag pa gsungs pa 'di ci de dag thams cad med na de bkag gam/ 'on
 te 'ga' zhig kyang zhes bya ba 'di dpyad par bya dgos so/ /gal te bye brag med par gsungs pa 'di phyir dpyad par mi bya'o zhe na ni ha cang thal bar gyur te/ tshe med par phyi'i rngo ba yang yod par mi 'gyur la/ phyi'i gzugs kyang rnam
 par shes pa la brten pa nyid du 'gyur te/ khyad par med pa 'byung ba'i phyir ro/ /rnam par shes pa gnas pa bzhi bzhin du zas bzhi gsungs pa'i phyir gzugs dang gzugs med pa'i khams dag na yang kham du byed pa'i zas yod par thal
 bar yang 'gyur ro/ /gal te kham du byed pa'i zas za ba'i lha rnams las 'das te/ zhes gsungs pa'i phyir dang/ dga' ba'i zas zhes gsungs pa'i phyir thal bar mi 'gyur ro zhe na ni gzugs med pa dag na yang gzugs yod par thal bar mi
 'gyur te/ gzugs med pa rnams ni gzugs rnams las nges par 'byung ba yin no/ /zhes bya ba dang/ gzugs med pa'i rnam par thar ba'i zhi ba gang dag gzugs rnams las 'das nas shes bya ba dang/ gzugs can ma yin pa'i sems can
 dag yod ces bya ba dang/ rnam pa thams cad du gzugs kyi 'du shes rnam las yang dag par 'das nas zhes gsungs pa'i phyir ro/ /gzugs shig yod na ni rang gi gzugs gdon mi za bar 'du shes par byed par 'gyur ro/ /gal te sa 'og ma
 pa'i gzugs rags pa las dgongs te gsungs pa yin no zhe na ni/ kham gyi zas la yang mtshungs so/ /bsam gtan rnams kyang sa 'og ma las nges par 'byung ba yin pa'i phyir gzugs med par thal bar 'gyur ba yin no/ /sa 'og ma ba'i
 tshor ba la sogs pa las nges par 'byung ba'i phyir tshor ba la sogs pa las kyang nges par 'byung ba yin par ci'i phyir ma bshad de/ gzugs kyi rnam pa zad par las 'das la/ tshor ba la sogs pa'i rnam pa las ni ma yin pas de'i phyir gzugs
 rnams las nges par 'byung ba zhes gsungs so/ /srid pas srid pa las nges par mi 'byung bar gsungs pa ni de nyid kyis de las nges par mi 'byung ba'i phyir dang/ thams cad dang gtan du nges par byung ba ma yin pa'i phyir ro/ /bcom ldan
 'das kyis kyang bsam gtan dag la ni gang de na gzugs kyi rnam par yod pa'ang rung rnam par shes ba'i rnam pa'i bar yod pa'ang rung zhes gsungs la/ gzugs med pa dag la ni gang de na tshor ba'i rnam pa yod ba'ang rung rnam par shes pa'i
 rnam pa'i bar yod pa'ang rung zhes gsungs te/ de dag na gzugs kyi rnam pa zhig yod na ci'i phyir gzugs kyi rnam pa yod pa'ang rung zhes gsungs par mi 'gyur de lta bas na gzugs med pa na gzugs med do/ /de ni ji ltar na de nas shi 'thos?
 pa rnams kyi gzugs bskal ba mi nyung ba zhig tu gzugs rgyun chad ba las yang skye bar 'gyur zhe na/ gzugs ni sems las skye bar 'gyur/ gzugs ni de'i rnam par smin pa'i rgyus yongs su bsgom pa'i sems 'jug ba rnyed pa las skye bar
 'gyur ro/ /ji ltar na sems gzugs la ma brten par gnas she na/ ci'i phyir gnas par mi 'gyur/ 'di na de lta bu ma mthong ba'i phyir ro/ /kham gyi zes med par yang gzugs kyi khams na gnas par mi 'gyur ro/ /ci'i phyir zhe na/ 'di na de lta bu
 la mthong ba'i phyir ro/ /ji ltar gnas pa ni sngar bshad zin to/ /'di ni rdzogs so/ /'di brjod par bya ste/ ci nam mkha' mdza' yas skye mched la sogs pa de dag nam mkha' la sogs pa kho na la dmigs pa yin pas de'i phyir de skad ces bya 'am
 zhe na/ ma yin te/ 'o na ji lta bu zhe na/ re zhig gsum po/ rnam shes mdza' yas mkha' mdza' yas/ /ci yang med ces bya de ltar/ /sbyor phyir/ grangs bzhin du nam mkha' mdza' yas so/ /rnam par shes pa mdza' yas so/ /ci yang med do zhes de ltar yid la
 byed cing de dag las rab tu sbyor bas de'i phyir de dag gis ming de dag yin no/ /dman phyir 'du shes med/ 'du shes med pa'ang ma yin pa'o/ /'du shes chung ba'i phyir 'du shes med 'du shes med min zhes bshad de/ de ni 'du
 shes gsal ba yang ma yin la 'du shes med pa kho na yang ma yin pa'i phyir ro/ /gal te de la yang 'di ltar 'du shes ni nang ngo/ /'du shes ni 'bras so/ /'du shes ni zug rngu'o/ /'du shes med ba pa ni kun tu rmongs pa'o/ /'di ltar 'du shes
 med 'du shes med min skye mched ni zhi ba'o/ /de ni gya nom pa'o/ zhes bya bar sbyor ba yod kyi/ ci'i phyir de dag gis de la de ltar 'dzin ces byas pa dang/ 'du shes rnams chung ba'i phyir ro/ zhes bya ba 'di gdon mi za bar brjod dgos par 'gyur bas de
 nyid bshad do/ /de ltar snyoms 'jug dngos gzhi'i rdzas rnam pa brgyad/ de ltar na 'di dag ni snyoms par 'jug pa'i dngos gzhi'i rdzas yin te/ 'di lta ste/ bsam gtan bzhi dang/ gzugs med pa bzhi'o/ /de dag las bdun rnam pa gsum/
 srid pa'i rtse mo las gzhan pa bdun ni rnam gsum yin te/ ro myang ldan dang dag pa dang/ zag med ro myang ba dang mtshungs par ldan pa rnams dang/ dag pa ba rnams dang/ zag pa med pa rnams so/ /brgyad pa rnam pa gnyis so/ /srid pa'i rtse mo
 ni ro myang ba dang mtshungs par ldan pa dang/ dag pa pa yin gyi zag pa med pa ni med do/ /de la/ ro myang mtshungs ldan sred bcas so/ /ro myang ba ni sred pa yin no/ /'jig rten pa yi dge ba ni/ dag pa 'jig rten pa'i dge ba snyoms par 'jug pa'i
 rdzas ni dag pa ba zhes bya ste/ ma chags pa la sogs pa chos dkar po dang ldan pa'i phyir ro/ /ro myang ba dang mtshungs par ldan pa des ci zhig ro myang bar byed ce na/ de ni des myang bya/ snyoms par 'jug pa'i rdzas gang lags pa 'das ma thag pa
 de ni ro myang bar byed de/ ro myang bar bya ba gang yin pa de las ni langs bar bya/ gang gis ro myang bar byed ba de la ni snyoms par zhugs pa yin no/ /zag med 'jig rten 'das ba'o/ /'jig rten las 'das pa'i snyoms par 'jug pa'i rdzas gang yin pa de ni
 zag pa med pa yin no/ /snyoms par 'jug pa'i rdzas de dag las bsam gtan rnams kho na yan lag dang ldan pa yin gyi gzugs med ba rnams ni ma yin no/ /de la dang po la lnga/ bsam gtan dang po la ni yan lag lnga ste/ rtog dpyod dang/ dga' dang
 bde dang ting nge 'dzin rnams rtog pa dang/ dpyod pa dang/ dga' ba dang/ bde ba dang/ sems rtse gcig ba nyid de/ de ltar na de dag ni yan lag lnga yin no/ /ting nge 'dzin ni yan lag kyang yin la bsam gtan yang yin no/ /lhag ma rnams ni yan lag dag
 yin no/ zhes grag go /yan lag bzhi pa'i dmag ji lta bar yan lag lnga'i bsam gtan yang de dang 'dra'o/ /gnyis pa la ni yan lag bzhi/ /rab dang dang ni dga' la sogs/ /bsam gtan gnyis pa la yan lag bzhi ste/ nang rab tu dang ba dang/
 dga' ba dang/ bde ba dang/ sems rtse gcig pa nyid do/ /gsum pa la lnga btang snyoms dang/ dran dang shes rab bde dang gnas/ /bsam gtan gsum pa la yang yan lag lnga ste/ btang snyoms dang/ dran pa dang/ shes bzhin dang/ bden pa dang/
 ting nge 'dzin to/ /gnas pa ni ting nge 'dzin gyi rnam grangs yin te/ mdo las/ yang dag pa'i ting nge 'dzin gang zhe na/ gang sems gnas pa dang/ yang dag par gnas pa'o/ /zhes 'byung ba'i phyir ro/ /mdza' na bzhi dran btang snyoms dang/ /bde min sdug min
 ting 'dzin rnams/ /mdza' ma ni bsam gtan bzhi pa'o/ /de la yan lag bzhi ste/ bde ba yang ma yin sdug bsngal ba yang ma yin pa'i tshor ba dang/ btang snyoms yongs su dag pa dang/ dran pa yongs su dag pa dang/ ting nge 'dzin yongs su dag pa'o/ /de dag
 ni bsam gtan gyi yan lag bco brgyad yin te/ dang po dang gsum bdag ni yan lag lnga yin ba'i phyir la/ gnyis pa dang bzhi pa dag la ni yan lag bzhi yin pa'i phyir ro/ /ming gi sgo nas ni de lta'o/ /rdzas su bcu gcig /rdzas su ni
 de dag bcu gcig yin te/ bsam gtan dang po la lnga'o/ /gnyis pa ni rab tu dang ba lhag go/ gsum pa la ni btang snyoms dang/ dran pa dang/ shes bzhin dang/ bde ba rnams so/ /bzhi ba la bde ba yang ma yin sdug bsngal ba yang ma yin pa'i tshor
 ba'o/ /de nyid kyi phyir smras pa/ yan lag gang dag bsam gtan dang po na yod pa de dag gnyis pa na yang yod dam zhe na/ mu bzhi ste/ mu dang po ni rtog pa dang dpyod pa dag go /gnyis ba ni nang rab tu dang ba'o/ /gsum pa ni dga' ba dang bde ba sems rtse
 gcig pa nyid do/ /mu bzhi pa ni bshad ba la ma gtogs pa'i chos rnams zhes bya'o/ /de bzhin du bsam gtan gyi yan lag thams cad phan tshun dang sbyar bar bya'o/ /ci'i phyir bsam gtan gsum pa na yod pa'i bde ba rdzas gzhan du brjod ce na/
 'di ltar de'i bde ba ni tshor ba yin la/ dang po na shin tu sbyangs pa bde ba yin bsam gtan dang po dang gnyis pa dag na ni shin tu sbyangs pa la bde ba zhes bshad do/ /'di la ni shin tu sbyangs ba bde ba yin la/ de la ni tshor ba bde ba yin no zhes bya ba
 'di ga las shes she na/ snyoms par 'jug ba'i bsam gtan gnyis na bde ba'i dbang bo dang mi ldan pa'i phyir te/ de gnyis na de lus kyi yin par ni mi rung ste/ snyoms par zhugs pa la rnam par shes pa'i tshogs lnga med pa'i phyir ro/ /sems
 las byung ba yang ma yin te/ dga' ba zhes byung ba'i phyir ro/ /dga' ba ni yid bde ba yin na/ bde ba dang yid bde ba gnyis cig car 'byung ba med do/ /de gnyis rnam grangs kyi bsam gtan yod par yang rigs par ma yin te/ yan lag lnga zhes 'byung
 ba'i phyir ro/ /gzhan dag na re sems las byung ba'i bde ba'i dbang po ni med pa kho na ste/ bsam gtan gsum char na yang lus kyi bde ba kho na yan lag tu rnam par bzhag go zhes zer ro/ /'o na mdo las/ bde ba'i dbang po gang zhe na/ bde ba myong bar 'gyur
 ba'i rig pas reg pa na lus kyi dang sems las byung ba'i tshor ba tshor ba'i rnam par bde ba sim pa/ skye ba gang yin pa de ni bde ba'i dbang po zhes bya'o zhes gsungs pa ji lta bu zhe na/ tshig de ni 'ga' zhig gi sgro btags pa yin te/ sde ba gzhan thams cad
 las lus kyi zhes bya ba kho na 'byung ba'i phyir dang/ bde ba lus kyis myong la zhes rang gi sgras gsungs pa'i phyir ro/ /gal te yid kyi lus kyis so zhe na ni/ de skad bshad pa la yon tan ci zhig yod/ bsam gtan bzhi pa la shin tu sbyangs pa mang
 bzhin du bde ba ma smos pa'i yang phyir ro/ /gal te bde ba'i tshor ba dang mthun ba'i shin tu sbyangs pa bde ba yin no zhe na ni/ gsum ba na yod pa'i shin tu sbyangs pa bde bar ma gsungs/ yang ci'i phyir/ gal te btang snyoms kyis bcom pa'i phyir ro
 zhe na/ ma yin te/ snga ma gnyis pas de khyad par du 'phags pas btang snyoms kho nas de 'phel ba'i phyir ro/ /gang gi tshe 'phags pa nyan thos rab tu dben pa'i bde ba lus kyis mngon sum du byas nas rdzogs par byas te gnas pa zhes 'byung ba'i
 mdo 'di las kyang shin tu sbyangs pa dang bde ba gnyis tha dad par 'byung ba'i phyir shin tu sbyangs pa kho na bde ba ma yin no/ /gal te snyoms par zhugs pa la ji ltar lus kyi rnam pa nga shes pa 'byung zhe na/ ting nge 'dzin gyi khyad par las skyes pa shin tu sbyangs
 pa zhes bya ba bde ba myong bar 'gyur ba'i rlung gis lus la rgyas pa'i phyir ro/ /gal te phyi rol tu rnam par g.yengs pa'i phyir ting nge 'dzin las nyams par 'gyur ro zhe na/ ma yin te/ ting nge 'dzin las skyes pa lus kyi bde ba ni ting nge 'dzin dang mthun
 pa'i phyir ro/ /gal te lus kyi rnam par shes pa skyes pa'i tshe langs par 'gyur ro zhe na/ ma yin te/ de nyid kyi phyir ro/ /gal te 'dod pa na sbyod ba'i lus kyi dbang pos gzugs na spyod pa'i nad du 'byung ba'i lus kyi rog bya la rnam
 par shes pa mi skye'o zhe na ma yin te/ shin tu sbyangs pa'i rnam par shes pa skye ba'i phyir ro/ /gal te yan lag cung zad cig ni zag ba dang bcas pa cung zad cig ni zag pa med pa yin na mi rung bas reg bya dang lus kyi rnam par shes pa zag pa
 med pa dag tu yang 'gyur ro zhe na/ lus shin tu sbyangs ba yang dag byang chub kyi yan lag tu gsungs pas 'dod pa'i phyir ro/ /gal te byang chub kyi yan lag dang mthun pa'i phyir ro zhe na ni zag ba nyid kyang de dang 'dra'o/ /gal te zag pa dang bcas
 pa'i chos rnams gang zhe na/ mig ji snyed ba zhes 'byung ba'i mdo 'di dang 'gal lo zhe na/ ma yin te/ reg bya dang lus kyi rnam bar shes pa gzhan las dgongs te gsungs pa'i phyir ro/ /gal te zag pa med ba la yan lag cung zad cig ni zag
 pa dang bcas pa cung zad cig ni zag pa med par 'gyur ba ma yin nam zhe na/ cig car ma yin pa'i phyir nyes pa ci zhig yong/ gal te bde ba dang dga' ba phrad pa med ba'i phyir yan lag lnga bar mi 'gyur ro zhe na/ ma yin te/ srid pa'i phyir bstan
 pas rtog ba dang dpyod pa bzhin no/ /gal te bsgrub bar bya ba yin no zhe na/ sems rtsid ba dang zhib pa gnyis 'gal ba'i phyir dang/ nyes pa smos pa'i phyir grub pa yin no de lta bas na bsam gtan dang po la yod pa'i yan lag lnga po gang yin
 pa de dag kho na las yan lag gnyis dang gsum dang bzhi bor nas bsam gtan gnyis pa la sogs pa rnam par bzhag go /de nyid kyi phyir bsam gtan dang po la ni lnga yan lag nyid du bshad la/ de dag las bor bas ni bsam gtan phyi ma rnam par
 bzhag pa'i phyir 'du shes la sogs pa ni ma yin no/ /yang na ci'i phyir lnga kho na yan lag nyid yin/ gal te phan pa'i phyir ro zhe na/ ma yin no/ rtog pa dang dpyod pa gnyis pas dran pa dang shes rab dag ches phan ba'i phyir ro/ /kha cig de skad du rgol ba
 yod kyi sngon gyi slob dpon rnams ji snyed mngon pa de ltar na mi ston te/ de lta bas na 'di ni dbyed par bya ba yin no/ /nang rab tu dad pa zhes bya ba'i chos 'di ci zhe na/ rtog pa dang dpyod pa'i 'khrug pa dang bral bas rgyud rab tu zhi bar gyur ba ni nang rab tu dad pa yin te/
 rtog pa dang dpyod pas dkrugs pa'i rgyud ni chu bo rba rlabs dang babs pa bzhin du rab tu ma dang ba yin no/ /'o na ni de rdzas gzhan ma yin pa ji ltar na rdzas su yan lag bcu gcig yin/ de lta bas na/ rab tu dad ba dang ba yin/ de ni bsam gtan gnyis pa thob
 pa'i phyir mnyam bar bzhag pa'i sa las nges bar 'byung ba la yid ches pa skye ste/ de ni 'dir rab tu dang ba zhes bya'o/ /gzhan dag na re rtog pa dang dpyod pa dang/ ting nge 'dzin rnams kyang rdzas gzhan ma yin la nang rab tu dang ba yang rdzas gzhan ma yin no/ /rdzas gzhan
 med na ji ltar sems las byung ba nyid du 'grub ce na/ sems kyi gnas skabs kyi bye brag kyang sems las byung ba yin no zhes zer te/ 'di ni bstan bcos kyi grub pa'i mdza' ma yin no zhes dga' ba ni yid bde ba yin no zhes gang bzhad pa 'di ji ltar khong du chud
 gzhan ci zhig yin/ ji ltar sde ba gzhan dag 'dod pa lta bu yin no/ /sde pa gzhan dag ji ltar 'dod ce na/ dga' ba ni sems las byung ba yi chos gzhan kho na yin la yid bde ba ni bsam gtan gsum char gyi yang bde ba yin bar 'dod do/ /bsam gtan dag na yod
 pa'i bde ba ni yid bde ba yin par mi rung ba nyid kyi/ lung rnams gnyis phyir dga' yid bde/ bcom ldan 'das kyi rnam par sgyur ba'i mdo las bsam gtan gsum pa bka' stsal nas 'dir 'di'i yid de ba'i dbang po skye ba ma lus par 'gag par 'gyur ro zhes
 bka' stsal la/ bsam gtan bzhi pa la ni bde ba'i dbang po 'gag par 'gyur ro zhes bka' stsal to/ /yang bde ba yang spangs te snga nas sdug bsngal yang spangs shing yid bde ba dang yid mi bde ba yang nub pas zhes gsungs pas de'i phyir
 yang bsam gtan gsum pa ni yid bde ba'i dbang po med de/ de lta bas na dga' ba kho na yid bde ba yin gyi bde ba ni ma yin no/ /ci nyon mongs can gyi bsam gtan dag la yang ji skad du bshad pa ltar yan lag de dag yod dam zhes med do/ /de dag na ci zhig
 med ce na/ nyon mongs can la dga' bde dang/ /dran dang shes bzhin dran pa dang/ /btang snyoms dran pa dag pa med/ /bsam gtan dang bo la ni dben pa las skyes pa'i dga' ba dang bde ba med de/ nyon mongs pa las dben pa ma yin pa'i phyir ro/ /gnyis pa la ni nad? rab tu
 dang ba med de/ nyon mongs pas brnyogs pa'i phyir ro/ /gsum pa la ni dran pa dang shes bzhin med de/ nyon mongs pa can gyi bde ba kun du rmongs par bya ba'i phyir ro/ /bzhi pa la ni btang snyoms dang dran pa yongs su dag pa med de/ nyon mongs pas dri ma can du byas pa'i
 phyir ro/ /re zhig kha cig shin tu sbyangs btang snyoms/ kha cig na re nyon mongs pa can dang po dang gnyis pa dag na ni shin tu sbyangs ba med la gsum pa dang bzhi pa dag na ni btang snyoms med de/ de gnyis ni dge ba'i sa mang po pa yin pa'i phyir ro zhes zer ro/ /bcom ldan
 'das kyis bsam gtan gsum ni skyon dang bcas pa'i phyir g.yo ba dang bcas pa dag yin no zhes bka' stsal to/ /skyon brgyad las ni grol ba'i phyir ro/ /bzhi pa g.yo ba med ba yin/ /skyon de dag kyang gang zhe na/ rtog dang dpyod dang dbugs dag dang/ /bde ba la sogs bzhi yin no/ /
 rtog ba dang dpyod pa dang bde ba dang sdug bsngal ba dang/ yid bde ba dang/ yid mi bde ba dang/ dbugs rdub pa dang dbugs 'byung ba ste/ bsam gtan bzhi pa na ni skyon brgyad po dag gcig kyang med pas de'i phyir de ni g.yo ba zhes bshad do/ /gzhan dag na re bzhi ba ni rtog
 pa dang dpyod pa dang dga' ba dang bde ba dag gis g.yo bar mi 'gyur ba'i phyir mi g.yo ba yin te/ mdo las rlung med pa'i mar me dper mdzad pa'i phyir ro zhes zer ro/ /bsam gtan gnyis na ni dga' ba zhes smos pa'i phyir yid bde ba yod par bshad/ gsum ba ni bde ba/ bzhi pa
 na ni btang snyoms yod par bshad na/ de ci'i snyoms par 'jug pa'i bsam gtan dag na yod pa'i tshor ba gang dag yin pa de dag nyid skye ba'i bsam gtan dag na yang yod dam zhe na/ smras pa/ ma yin no/ /'o na ji lta bu zhe na/ skye ba'i bsam gtan dag na ni/ yid bde bde dang
 btang snyoms dang/ /btang snyoms yid bde bde ba dang/ /btang snyoms btang snyoms tshor ba yod/ /skye ba'i bsam gtan dang po na ni/ tshor ba gsum yod de/ rnam par shes pa'i tshogs gsum pa'i bde ba dang/ yid kyi sa pa'i yid bde ba dang/ rnam par shes pa'i
 tshogs bzhi ba'i btang snyoms so/ /skye ba'i bsam gtan gnyis pa na ni tshor ba gnyis te/ yid kyi sa pa'i yid bde ba dang/ btang snyoms so/ /rnam par shes ba'i tshogs gzhan med pa'i phyir bde ba ni med do/ /skye ba'i bsam gtan gsum pa na ni tshor ba gnyis te/
 yid kyi sa pa'i bde ba dang/ btang snyoms so skye ba'i bsam gtan bzhi pa na ni btang snyoms kho na yod do/ /gal te bsam gtan gsum pa la sogs pa dag na rnam par shes pa'i tshogs gsum med pa la rtog pa dpyod pa dag kyang med na ji ltar na de dag
 gis mthong ba nas reg pa'i bar du 'gyur/ ji ltar na rnam par rig byed kun nas slong bar byed ce na/ de dag tu skyes pa rnams la mig gi rnam par shes pa la sogs pa med pa nyid kyang ma yin la rang gis pa yang ma yin no/ 'o na ji lta bu zhe na/ gnyis pa sogs na
 lus mig dang/ /rna ba'i rnam shes rnam rig slong/ /gang yin de ni dang por gtogs/ /bsam gtan gnyis pa la sogs pa dag na ni sbrul pa'i sems bzhin du gang gis na de dag gis mthong ba nas rnam par rig byed kun nas slong bar byed pa'i bar bsam gtan
 dang bo'i sa pa'i mig dang rna ba dang lus kyi rnam par shes pa dang rnam par rig byed mngon sum du byed do/ /de lung ma bstan nyon mongs ba ni de dag mngon sum du byed pa bsam gtan dang po'i sa pa'i rnam par shes pa gang yin pa de ni
 ma bsgribs la lung du ma bstan pa yin gyi/ 'dod chags dang bral ba'i phyir nyon mongs pa can yang ma yin la/ dman pa'i phyir dge ba yang ma yin no/ /bsam gtan gyi bya ba rdzogs so/ /yang dag pa la sogs pa'i bsam gtan dang med pa rnams
 ji ltar 'thob ce na/ de dang mi ldan 'dod chags bral/ /skye ba las ni dag ba 'thob/ /de dang mi ldan pa ni bsam gtan nam gzugs med ba dag pas 'og ma las 'dod chags dang bral ba 'am/ srid ba'i rtse mo ma gtogs pas 'og mar skye ba las
 'thob ste/ de ni skye bas 'thob pa med do/ /ci'i phyir de dang mi ldan pa zhes brjod ce na/ dag pa dang ldan pa ni sbyor ba las kyang nges par 'byed pa'i cha dang mthun pa'i dag pa 'thob la/ yongs su nyams pa las kyang nyams pa'i cha dang mthun pa 'thob bo//
 de nyid kyi phyir bsam gtan dag pa ba 'dod chags dang bral bas 'thob par 'gyur la 'dod chags dang bral bas 'dor ba 'gyur ba dang de bzhin du yongs su nyams pa dang skye ba las 'thob pa dang/ 'dod pa 'gyur ba yod dam zhe na yod de/ bsam gtan
 dang po nyams pa bzhin cha dang mthun par ro/ /de ni 'dod pa las 'dod chags dang bral bas 'thob la/ tshangs pa'i 'jig rten las 'dod chags dang bral bas 'dor ro/ /tshangs pa'i 'jig rten las 'dod chags dang bral ba las yongs su nyams pa
 las 'thob la/ 'dod pa la 'dod chags dang bral ba las yongs su nyams pa las 'dor ro/ /gong nas tshangs pa'i 'jig rten du skye ba na 'thob la/ des na 'dod pa'i khams su skye ba mi 'dod do zhes 'byung ngo/ /zag med 'dod chags bral ba yis/ de
 dang mi ldan pa las 'thob ces bya bar sbyar ro/ /de dang ldan pa ni zad pa shes pa las kyang mi slob pa 'thob la/ dbang po 'pho ba las kyang slob pa dang mi slob pa 'thob bo/ /nges bar 'jug pa las kyang dang po nyid du zag pa med pa 'thob pa ma yin nam zhe na/ mthar gyis
 pas mi 'thob pa'i phyir gdon mi za ba yin te/ ji ltar gdon mi za bar 'thob pa de ltar bshad do nyon mongs can nyams skye ba yin/ de dang mi ldan pa las 'thob ces bya ba kho nar sbyar te/ gal te las 'dod chags dang bral ba las yongs su nyams pa la 'thob
 bo/ /gal te sa gong ma las na 'og ma skye ba na skye ba 'thob bo/ /snyoms par 'jug ba'i rdzas gang gi mjug thogs su du zhig skye zhe na/ zag pa med ba'i bsam gtan dang po'i mjug thogs su drug skye ste/ rang gi sa pa dang bsam gtan gnyis pa dang gsum
 pa'i sa pa'i dag pa pa dang zag pa med pa dag go /ci yang med pa yang med pa'i skye mched kyi mjug thogs su bdun te/ rang gi sa pa pa dang rnam shes dang nam mkha' mdza' yas skye mched kyi sa pa'i dag pa pa dang zag pa med pa dang/ srid ba'i rtse mo dag pa pa
 kho na ste/ zag pa med pa'i phyir ro/ /bsam gtan gnyis pa'i mjug thogs brgyad de/ rang gi sa pa dang bsam gtan gsum pa dang/ bzhi ba dang dang po'i sa pa'i dag pa pa dang zag pa med pa'o/ /rnam shes mdza' yas skye mched kyi mjug thogs su
 dgu ste/ rang gi sa la gnyis dang/ nam mkha' mdza' yas skye mched dang bsam gtan bzhi ba'i sa ba bzhi dang/ ci yang med ba dang srid pa'i rtse mo'i sa pa gsum mo/ /de bzhin du bsam gtan dang gzugs med pa gzhan gyi mjug thogs su
 rdzas dgu sbyar bar bya'o/ /'di ni mdor bsdu ba yin te/ zag pa med pa'i mjug thogs su/ ltag 'og gsum pa'i bar dge ba skye ba'o ni dag pa ba dang/ zag pa med pa gzung ste/ dge ba yin pa'i phyir ro/ /zag pa med pa'i snyoms par 'jug pa'i rdzas kyi
 mjug thogs su rang gi sa pa dang sa gong ma dang/ /'og ma pa gsum pa'i bar gyi dag pa dang zag pa med pa skye ste/ thod rgal du snyoms par 'jug par byed pas gsum pa las phan chad du ni rgal bar mi nus so/ /rjes su shes pa'i
 mjug thogs su gzugs med pa la snyoms par 'jug gi chos shes pa'i mjug thogs su ni ma yin te/ de'i rten dang dmigs pa 'og ma yin pa'i phyir ro/ /ji ltar zag pa med pa'i mjug thogs su bshad pa ltar dag pa las de bzhin rig par bya la/ rang gi
 sa pa'i nyon mongs kyang/ dag pa pa'i mjug thogs su lhag par rang gi sa pa'i nyon mongs pa can skye'o/ /lhag ma ni zag pa med pa las bshad pa ji lta ba bzhin no/ /zag pa med pa'i mjug thogs su ni nyon mongs pa can skye ba med do/ /nyon mongs can
 las rang dag dang/ nyon mongs nyon mongs pa can gyi snyoms par 'jug pa'i rdzas kyi mjug thogs su ni rang gi sa pa'i dag pa pa dang nyon mongs pa can dag skye'o/ /'og ma'i dag cig kyang/ nyon mongs pas gzigs pa ni 'og ma'i snyoms par
 'jug pa dag pa pa la yang dga' bar 'gyur ro/ /gal te nyon mongs pa can yongs su bcad nas 'og mar 'pho na ni dge ba las 'phos pa yin gyi nyon mongs pa can las ni ma yin no/ /'on te yongs su ma bcad na ni ji ltar 'pho zhe na/ sngon 'phangs
 pa'i phyir te/ sngon 'di snyam du 'og ma'i dag pa pa sla'i gong ma'i nyon mongs pa can ni ma yin no snyam du 'dod par 'gyur la/ sngon gyis bsam pa yang sems can rnams kyi rgyun gyi rjes su 'brang te/ bsams nas gnyid log par 'dod pa'i dus su
 sad pa bzhin no/ /zag pa med pa ni nyon mongs pa can gyi mjug thogs su rnam pa thams cad du mi skye'o/ /snyoms par 'jug pa'i dus kyi phyir dag pa pa dang/ nyon mongs pa can gyi mjug thogs su rang gi sa pa'i nyon mongs pa can kho na skye'i gzhan gyi sa
 pa ni ma yin no zhes de skad du bshad kyi/ 'chi 'pho'i dag las nyon mongs kun/ 'chi 'pho ba'i tshe skye bas thob pa'i dag pa pa'i mjug thogs su thams cad pa'i nyon mongs pa can skye'o/ /nyon mongs can las gong ma min/ 'chi 'pho ba'i tshe nyon mongs pa can
 gyi bsam gtan dang gzugs med pa'i mjug thogs su rang gi sa pa dang 'og ma pa'i nyon mongs pa can skye'i sa gong ma pa ni ma yin no/ /dag pa pa thams cad las zag pa med pa'i snyoms par 'jug pa'i rdzas skye ba yang ma yin no/ /'o na ji lta bu zhe na/ dag
 pa nyams pa'i cha mthun sogs/ rnam bzhi/ dag pa pa ni nyams pa'i cha dang mthun pa dang/ gnas pa'i cha dang mthun pa dang/ khyad par gyi cha dang mthun pa dang/ nges par 'byed pa'i cha dang mthun pa dang/ rnam pa bzhi'o/ /srid pa'i rtse mo na ni rnam pa egsum yin
 te/ khyad par gyi cha dang mthun pa ma gtogs so/ /'di'i mtshan nyid ci zhe na/ de ni go rims bzhin du/ nyon mongs skye dang rang sa dang/ /gong dang zag med rjes mthun pa'o/ /nyams pa'i cha dang mthun pa ni nyon mongs pa skye ba dang rjes su mthun pa'o/ /gnas pa'i cha
 dang mthun pa ni rang gi sa dang rjes su mthun pa'o/ /khyad par gyi cha dang mthun pa ni sa gong ma dang rjes su mthun pa'o/ /nges par 'byed pa'i cha dang mthun pa ni zag pa med pa'i rjes su mthun pa ste/ zag pa med pa ni de las skye'o/ /yang bzhi po de dag las gang gi
 mjug thogs su du zhig skye zhe na/ nyams cha mthun sogs mjug thogs su/ /gnyis dang gsum dang gsum dang gcig /nyams pa'i cha dang mthun pa ni nyams pa dang brten pa'o/ /de'i mjug thogs su ni gnyis skye ste/ nyams pa dang gnas pa'i cha dang mthun
 pa dag go /gnas pa'i cha dang mthun pa'i mjug thogs su ni gsum ste/ nges par 'byed pa'i cha dang mthun pa ma gtogs so/ /khyad par gyi cha dang mthun pa'i mjug thogs su ni gsum ste/ nyams pa'i cha dang mthun pa ma gtogs so/ /nges par 'byed pa'i
 cha dang mthun pa'i mjug thogs su ni gcig ste/ de gcig pu skye'o/ /thod rgal gyi snyoms par 'jug pa ji ltar skye zhe na/ sa brgyad rnam gnyis 'brel pa dang/ /gcig rgal song zhing 'ongs nas ni/ /ris ma mthun pa gsum par
 'gro /thod rgal gyis ni snyoms 'jug yin/ sa brgyad ces bya ba ni bsam gtan dang/ gzugs med pa'i snyoms par 'jug pa rnams so/ /rnam gnyis zhes bya ba ni zag pa dang bcas pa dang zag pa med pa'o/ /'brel pa dang zhes bya ba ni go rims
 bzhin du'o/ /gcig rgal zhes bya ba ni re re rgal nas so/ /song zhing zhes bya ba ni lugs dang mthun par snyoms par zhugs nas so/ /'ongs nas zhes bya ba ni lugs dang mi mthun par snyoms par zhugs nas so/ /zag pa dang bcas pa'i sa brgyad dang
 zag pa med pa'i sa bdun lugs dang mthun pa dang lugs dang mi mthun par snyoms par 'jug pa'i sgo nas byang bar byas nas phyis zag pa dang bcas pa'i bsam gtan dang po nas zag pa dang bcas pa'i gsum pa la snyoms par 'jug cing/ de nas ni
 nam mkha' mdza' yas skye mched la/ de nas ni ci yang med pa'i skye mched la snyoms par 'jug go /de bzhin du lugs dang mi mthun pa yang byang bar byas nas zag pa med pa rnams kyang re re rgal zhing lugs dang mthun pa dang lugs dang mi mthun par snyoms
 par 'jug pa ni thod rgal du snyoms par 'jug pa'i sbyor ba yin no/ /gang gi tshe zag pa dang bcas pa dang po nas zag pa med pa'i bsam gtan gsum pa la snyoms par 'jug cing/ de nas ni zag pa dang bcas pa'i nam mkha' mdza' yas skye mched la/
 de nas ni zag pa med pa'i ci yang med pa'i skye mched la snyoms par 'jug cing/ de bzhin du lugs dang mi mthun par yang snyoms par 'jug pa de'i tshe ris mi mthun pa'i rdzas gsum par 'gro ba'i phyir mngon par grub pa yin no/ /shin tu ring ba'i phyir bzhi
 pa la ni snyoms par mi 'jug go /de yang gling gsum du dus dang mi sbyar bar rnam par grol ba'i dgra bcom pa kho nas skyed par byed do/ /nyon mongs pa med pa'i phyir dang/ ting nge 'dzin la dbang ba'i phyir ro/ /mthong bas 'thob pa ni gal te dbang po rnon po yin
 pa'i phyir ting nge 'dzin la dbang yang nyon mongs pa med pa ni ma yin no/ /dus kyi rnam par grol ba ni gal te nyon mongs pa med pa yan yang/ ting nge 'dzin la dbang ba ni ma yin no/ /rten gang gis bsam gtan dang gzugs med pa du zhig mngon sum du byed ce na/
 bsam gtan gzugs med rang dang ni/ /'og sa'i rten can srid pa'i rtse mor yang mngon sum du byed la 'og ma 'dod pa'i khams kyi bar du yang mngon sum du byed do/ /de bzhin du lhags ma rnams kyang rang gi sa dang sa 'og mar mngon sum du byed do/ /ci'i phyir/ gong
 du skyes pa snyoms par 'jug pa 'og ma mngon du mi byed ce na 'di ltar de la 'og dgos med/ de la ni snyoms par 'jug pa 'og ma'i rdzas kyis cung zad kyang dgos pa mi byed de/ dman pa'i phyir ro/ /spyir bstan pa byas nas dmigs kyis ston par byed de/ srid rtser?
 'phags pa'i ci yang med mngon sum byas nas zag pa zad/ 'phags pa srid pa'i rtse mor skyes pa ni zag pa med pa'i ci yang med pa'i skye mched mngon sum du byas nas zag pa zad par 'gyur ro/ /ji ltar na der skyes pa de mngon sum du byed ce na/ rang gi med pa'i
 phyir dang/ de yang nye ba'i phyir ro/ /yang bsam gtan dang gzugs med pa 'di dag gi dmigs pa ci zhig yin zhe na/ sred bcas rang gi srid la dmigs/ /ro myang ba dang mtshungs par ldan pa rnams ni rang gi sa pa'i srid pa la dmigs so/ /srid pa mos pas
 ni zag pa dang bcas pa'i dngos po bzung ngo/ /'dod chags dang bral ba'i phyir 'og ma la yang mi dmigs so/ /sa rnams ni sred pas yongs su bcad pa'i phyir gong ma la yang ma yin no/ /dge ba nyid du thal bar 'gyur ba'i phyir zag pa med pa la yang ma yin no//
 bsam gtan dag yul yod dgu yin/ /dge ba'i bsam gtan de dag dang/ /zag pa med pa de'i dmigs pa na 'dus byas sam 'dus ma byas sam gang ci yod kyang rung ba thams cad yin no/ /gzugs med dngos gzhi dge rnams
 kyi/ /spyod yul zag bcas 'og ma min/ /gzugs med pa'i dngos bzhi dge ba rnams kyi dmigs pa ni sa 'og ma pa'i zag pa dang bcas pa'i dngos po ma yin te rang gi sa dang sa gong ma la dmigs pa'i phyir ro/ /dmigs pa zag pa med pa ni
 rjes su shes pa'i phyogs dang mthun pa thams cad yin gyi chos shes pa'i phyogs dang mthun pa yang ma yin la sa 'og ma'i 'gog pa yang ma yin no/ /nyer bsdogs kyi bar chad med pa'i lam rnams kyi dmigs pa ni sa 'og ma yin no/ /bsam
 gtan dang gzugs med rnam pa gsum po 'di dag las/ zag pa med pas nyon mongs pa rnams spong ngo/ /dag pa pas kyang mi spong na/ nyon mongs pa can gyis lta smos kyang ci dgos te/ 'dod chags dang bral ba'i phyir 'og ma yang ma yin la/ de
 nyid de'i gnyen go ma yin pa nyid kyi phyir rang gi sa na yod pa yang ma yin no/ /ches khyad par du 'phags pa'i phyir gong ma yang ma yin no/ /nyer bsdogs dag pas kyang/ gzugs dang gzugs med pa'i nyer bsdogs ni dag pa pas kyang nyon mongs pa rnams
 spong ste/ sa 'og ma'i gnyen po yin pa'i phyir ro/ /nyer bsdogs du zhig yod ce na/ de dag la ni nyer bsdogs brgyad/ de de gang gis de la 'jug pa re re yod do/ /ci de dag kyang rnam pa gsum yin la de dag la tshor ba dang de dang 'dra bar yod dam zhe na/ smras pa
 ma yin te/ dge ba bde min sdug bsngal ni na/ de dag ni dag pa pa yang yin la btang snyoms kyi dbang po dang mtshungs par ldan pa dag kyang yin te/ 'bad de dang bar bya ba yin pa'i phyir dang/ sa 'og ma las yid 'byung ba dang ma bral ba'i phyir dang/ 'dod chags
 dang bral ba'i lam yin pa'i phyir ro myang ba dang mtshungs par ldan pa ma yin no/ /dang po 'phags pa'ang/ nyer bsdogs kyi dang po ni mi lcogs pa med pa ste/ de ni dag pa pa yang yin la zag pa med pa yang yin no/ /nyer bsdogs kyi sems kyis nying mtshams
 sbyor ba nyon mongs pa can yin mod kyi mnyam par bzhag pa la nyon mongs pa can nyid dgag go /kha cig gsum/ kha cig ni mi lcogs med pa ro myang ba dang mtshungs par ldan pa yang 'dod do/ /nyer bsdogs zhes kyang 'byung/ bsam gtan khyad par can zhes
 kyang 'byung na/ ci 'di dag don gcig pa zhig gam 'on te don tha dad pa zhig yin zhe na/ don tha dad pa yin te/ nyer bsdogs ni 'dod chags dang bral ba'i lam yin la rtog med bsam gtan khyad par can/ bsam gtan dang po kho na rtogs pa dang/ mtshungs
 par mi ldan pa ni bsam gtan khyad par can yin te/ bsam gtan gyi khyad par yin pa'i phyir ro/ /de nyid kyi phyir bsam gtan gnyis pa la sogs pa na rnam par ma bzhag pa ste/ /byang par med pa'i phyir ro/ /bsam gtan khyad par can de ni/ rnam gsum
 ro myang ba dang mtshungs par ldan pa dang dag pa pa dang zag pa med pa yin no/ /de bde min sdug min 'di la bde ba yang med la sdug bsngal yang med pa na bde ba yang ma yin sdug bsngal yang ma yin pa ste/ btang snyoms kyi dbang po dang mtshungs par ldan zhes
 bya ba'i tha tshig go /mngon par 'du bya ba dang bcas pa drang ba yin pa'i phyir/ dga' ba dang/ mtshungs par ldan pa yang ma yin te/ de nyid kyi phyir lam dka' ba yin no/ /'o na bsam gtan khyad par can de'i 'bras bu khyad par can gang zhig yin zhe na/ de ni
 tshangs chen 'bras bu can/ bsam gtan khyad par can de bsgoms nas tshangs pa chen por 'gyur ro/ /yang ting nge 'dzin thams cad mdor bsdus te mdo las rtog pa dang bcas shing dpyod pa dang bcas pa'i ting nge 'dzin dang/ rtog pa med la dpyod pa tsam dang/ rtog
 pa yang med la dpyod pa yang med pa'i ting nge 'dzin dang ting nge 'dzin gsum bka' stsal te/ de la re zhig bsam gtan khyad par can ni rtog pa tsam zhig bkag pa'i phyir rtog pa med la dpyod pa tsam gyi ting nge 'dzin to zhes shes par byas
 zin to/ /de man chad rtog dpyod bcas pa yis/ ting nge 'dzin bsam gtan khyad par can de man chad kyi ting nge 'dzin bsam gtan dang po dang/ mi la sogs pa med pa ni rtog pa dang bcas shing spyod pa dang bcas pa yin no/ /yan chad gnyi ga med gnyi ga med pas
 na/ 'di na gnyi ga med pa ste/ bsam gtan khyad par can yan chad kyi ting nge 'dzin bsam gtan gnyis pa'i nyer bsdogs nas srid pa'i rtse mo'i bar mi rtog pa yang med la dpyod pa yang med pa'o/ /yang stong pa nyid kyi ting nge 'dzin dang/ smon pa med pa'i ting nge
 'dzin dang/ mtshan ma med pa'i ting nge 'dzin dang/ ting nge 'dzin gsum gsungs te/ de la mtshan med zhi ba'i rnam pa dang/ 'gog pa'i rnam pa ngag dag dang mtshungs par ldan pa'i ting nge 'dzin ni mtshan ma med pa ste/ rnam pa bzhi pa yin no/ /mya ngan las
 'das pa ni mtshan ma bcu dang bral ba'i phyir mtshan ma med pa yin la/ de la dmigs pa'i ting nge 'dzin ni mtshan ma med pa'i ting nge 'dzin yin te/ mtshan ma bcu ni yul lnga dang pho dang mo dang 'dus byas kyi mtshan nyid rnams so/ /stong nyid bdag med stong nyid
 du/ 'jug pa'o/ bdag med pa dang stong pa nyid kyi rnam pa dag dang mtshungs par ldan pa'i ting nge 'dzin ni stong pa nyid de/ rnam pa gnyis pa yin no/ /smon pa med pa ni/ de las gzhan bden rnam pa dang/ bden pa lhag ma'i rnam pa dag dang mtshungs par ldan pa'i
 ting nge 'dzin ni smon pa med pa ste/ rnam pa bcu pa yin no/ /mi rtag pa dang sdug bsngal ba dang de'i rgyu dag gis yid 'byung ba'i phyir dang/ lam yang gdon mi za bar gzings lta bur dor bar bya ba nyid kyi phyir de'i rnam pa can gyi ting nge 'dzin ni smon pa med pa yin te/ de
 las 'da' bar mngon du phyogs pa'i phyir ro/ /mya ngan las 'das pa dang 'dra ba'i phyir stong pa dang bdag med pa dag gis ni yid mi 'byung ngo ting nge 'dzin rnam pa gsum po 'di dag ni rnam gnyis te/ dag dang dri med 'jig rten pa dang 'jig rten las 'das pa yin pa'i phyir
 dag pa pa yin la zag pa med pa dag kyang yin te/ 'jig rten pa rnams ni sa bcu gcig na yod do/ /'jig rten las 'das pa rnams ni gang na lam yod pa na yod do/ /de dag dri med rnam thar sgo gsum mo/ /ting nge 'dzin gsum po de dag dri ma med pa ni thar pa'i sgo
 yin pa'i phyir rnam par thar pa'i sgo stong pa nyid dang/ rnam par thar pa'i sgo smon pa med pa dang/ mtshan ma med pa ste/ rnam par thar pa'i sgo gsum zhes bya'o/ /yang stong nyid stong nyid ces la sogs gzhan yang ting nge 'dzin gsum mo/ zhes bya ba ste/ stong pa nyid stong
 pa nyid dang/ smon pa med pa smon pa med pa dang/ mtshan ma med pa mtshan ma med pa'o/ /stong pa nyid la sogs pa la dmigs pa'i phyir ming de skad ces bya'o/ /de dag la/ gnyis ni stong dang mi rtog par/ mi slob pa la dmigs pa yin/ ting nge 'dzin gzhan
 gnyis ni mi slob pa'i ting nge 'dzin la dmigs pa yin te/ stong pa nyid stong pa nyid ni mi slob pa'i stong pa nyid kyi ting nge 'dzin la stong pa'i rnam par dmigs so/ /smon pa med pa smon pa med pa yang mi slob pa'i smon pa med pa la mi rtag pa'i rnam par dmigs so//
 sdug bsngal bar yang ma yin la rgyu la sogs pa yang ma yin te/ zag pa med pa ni de'i mtshan nyid ma yin pa'i phyir ro/ /lam gyi rnam pa rnams/ /su yang ma yin te/ sun 'byung bar bya ba yin pa'i phyir ro/ /mtshan ma med pa mtshan med ni/ /zhi bar ma brtags
 zad pa la/ /mtshan ma med pa mtshan ma med pa'i ting nge 'dzin ni mi slob pa'i mtshan ma med pa'i so sor ma brtags pas 'gog pa la zhi ba'i rnam par dmigs/ zag pa med pa la so sor brtags pas 'gog pa med pa'i phyir ro/ /'gog pa dang/ gya nom
 pa dang/ nges par 'byung ba'i rnam par ni ma yin te/ mi rtag pa nyid kyi 'gog pa dang thun mong pa nyid kyi phyir dang/ lung du ma bstan pa'i phyir dang/ bral ba ma yin pa'i phyir ro/ ting nge 'dzin gzhan 'di dag ni gcig tu zag bcas/ 'phags
 pa'i lam la ldang ba'i phyir te/ zag pa med pa dag ni de lta ma yin no/ /gang du skyed par byed ce na/ mi'i nang/ mi rnams kyi nang kho nar skyed kyi lha dag gi nang du ni ma yin no/ /su la skye zhe na/ mi g.yo la/ dgra bcom pa gzhan la ni ma yin no/ /sa du ba zhig yin
 zhe na/ nyer bsdogs bdun ma gtogs so/ /nyer bsdogs bdun ma gtogs pas gzhan bcu gcig po 'dod pa'i khams dang/ mi lcogs pa med pa dang/ bsam gtan khyad par can dang/ bsam gtan dang/ gzugs med pa rnams na yod do/ /yang ting nge
 'dzin bsgoms pa bzhi ste/ ting nge 'dzin sgom pa kun tu brten bsgoms par byas/ lan mang du byas na mthong ba'i chos la bde bar gnas par 'gyur ba yang yod ces bya ba rgyas par 'byung ba de la/ dge ba'i bsam gtan dang po ni/ bde 'gyur ting nge 'dzin
 sgom pa yin/ dge ba'i bsam gtan dang po ste dag pa pa 'am zag pa med pa ni mthong ba'i chos la bde bar gnas par 'gyur ba'i ting nge 'dzin bsgoms pa yin no/ /de dang po yin pa'i phyir gzhan dang gzhan kyang yin par shes par bya'o/ /tshe phyi ma la
 bde bar gnas par 'gyur ba ni nges pa med de/ yongs su nyams pa dang/ gong du skyes pa dang/ yongs su mya ngan las 'das pa rnams la de med pa'i phyir ro/ /mig gi mngon shes mthong 'gyur 'dod lha'i mig gi mngon par shes pa ni shes pa mthong bar 'gyur
 ba'i ting nge 'dzin bsgom pa yin no/ /sbyor ba las byung blo dbyer 'gyur/ sbyor ba las byung ba'i yon tan khams gsum pa dang/ zag pa med pa thams cad ni shes rab rab tu rnam par dbye bar 'gyur ba'i ting nge 'dzin bsgom pa yin no/ /rdo rje lta bu'i bsam gtan
 mdza' i/ gang yin de zag zad 'gyur bsgom/ /bsam gtan bzhi pa'i rdo rje lta bu'i ting nge 'dzin gang yin pa de ni zag pa zad par 'gyur ba'i ting nge 'dzin bsgom pa yin no/ /bcom ldan 'das kyi chos ston pa 'di na bdag nyid la nye bar gtod pa yin te de'i phyir
 bsam gtan bzhi kho nar gsungs so zhes grag go /ting nge 'dzin rnams kyi skabs nas 'ongs pa bshad zin to/ /da ni ting nge 'dzin la brten pa'i yon tan rnams bstan pa'i skabs yin pas bshad par bya ste/ tshad med pa ni bzhi yin no/ /byams pa dang
 snying rje dang/ dga' ba dang/ btang snyoms te/ sems can tshad med pa la dmigs pa'i phyir ro/ /ci'i phyir bzhi kho na yin zhe na/ gnod sems la sogs gnyen po'i phyir/ gnod sems dang/ rnam par 'tshe ba dang/ mi dga' ba dang/ 'dod pa'i
 'dod chags dang gnod sems mang ba rnams kyi de dag spang bar bya ba'i phyir bzhi ste grangs bzhin no/ /mi sdug pa dang btang snyoms gnyis 'dod pa'i 'dod chags kyi gnyen po nyid du khyad par ci zhig yod ce na/ bye brag tu smra ba rnams na re/ kha dog
 gi 'dod chags kyi gnyen po ni mi sdug pa'o 'khrig pa'i 'dod chags kyi gnyen po ni btang snyoms so zhes zer ro/ /'di skad du 'khrig pa'i 'dod chags kyi gnyen po ni mi sdug pa'o/ /pha ma dang bu dang nye du'i 'dod chags kyi gnyen po ni btang
 snyoms so/ /zhes bya ba ni rung ngo/ /de la/ zhe sdang med byams/ byams pa ni zhe sdang med pa'i rang bzhin no/ /snying rje yang de dang 'dra'o/ /yid bde ba ni dga' ba yin/ dga' ba ni yid bde ba'i rang bzhin yin no/ /btang snyoms ma chags/ btang
 snyoms ni ma chags pa'i bdag nyid yin no/ /ji ltar na gnod sems kyi gnyen po yin zhe na/ de ni chags pas drangs pa yin pa'i phyir ro/ /'di ni gnyi ga'i rang bzhin yin na rung ngo/ /byams pa la sogs pa 'di dag gi rnam pa ni/ kye ma bder gyur sdug bsngal
 dang/ /dgar gyur sems can rnams snyoms pa/ /kye ma sems can rnams bde bar gyur cig snyam du byed cing byams pa la snyoms par 'jug go /kye ma sems can rnams ni sdug bsngal lo snyam du yid la byed cing snying rje la snyoms
 par 'jug go /kye ma sems can rnams dga' bar gyur cig snyam du byed cing dga' ba la snyoms par 'jug go /sems can rnams mnyam mo snyam du de ltar yid la byed cing btang snyoms la snyoms par 'jug ste/ bar mar gnas pa yin pa'i phyir ro/ /de dang
 mi ldan pa rnams la bde bar mos pa'i phyir ji ltar na phyin ci log nyid du mi 'gyur zhe na/ gyur cig snyam du sems pa'i phyir ro/ /yang na bsam pa phyin ci ma log pa'i phyir te/ mos par 'du shes pa'i phyir ro/ /yang na de ltar phyin ci log pa nyid yin na
 yang nyes pa ci zhig yod/ gal te mi dge ba nyid yin no zhe na ni/ ma yin te/ gnod sems la sogs pa'i gnyen po yin pas dge ba'i rtsa ba yin pa'i phyir ro/ /'di dag gi rnam pa ni bshad zin to/ /spyod yul 'dod pa'i sems can rnams/ 'di dag gi
 dmigs pa ni 'dod pa na spyod pa'i sems can rnams yin te/ de la dmigs pa'i gnod sems la sogs pa'i gnyen po yin pa'i phyir ro/ /phyogs gcig du mos nas zhes gsungs pa gang yin pa de ni snod kyi snod na gnas pa bstan pa yin no/ /de dag
 sa du ba zhig yin zhe na/ dga' ba bsam gtan gnyis na yod do/ /dga' ba ni bsam gtan dang po dang gnyis pa na yod de/ yid bde ba yin pa'i phyir ro/ /gzhan ni drug na/ tshad med pa gzhan gsum na sa drug po mi lcogs med pa dang bsam gtan khyad
 par can dang/ bsam gtan rnams na yod do/ /kha cig lnga/ kha cig ni 'di mi lcogs pa med pa ma gtogs pa lnga na yod par 'dod do/ /gzhan dag na re 'dod pa'i khams dang nyer bsdogs rnams bsnan nas bcu na yod do zhes zer te/ mnyam par bzhag pa dang
 rnam par bzhag pa ma yin pa dang/ dngos gzhi dang/ sbyor ba smos pa'i phyir ro/ /gnod sems la sogs gnyen po'i phyir zhes gang bshad pa/ ci tshad med pa rnams kyis kyang nyon mongs pa spong ba yin nam zhe na/ de yis mi spong/ bsam gtan dngos
 gzhi'i sa pa yin pa'i phyir dang/ mos pa yid la byed pa'i phyir dang/ sems can la dmigs pa yin pa'i phyir te/ de dag gi sbyor bas gnod sems la sogs pa rnam par gnon pa'i phyir dang/ spangs pa thag srid par byed pa'i phyir de dag gi gnyen po nyid
 du bshad do/ /byams pa la sogs pa 'dod pa'i khams dang mi lcogs pa med pa'i sa pa rnams ni dngos gzhi'i tshad med pa dang 'dra ba dag yod de/ de dag gis de rnams rnam par mnan nas spong ba'i lam rnams kyis rab tu spong bar byed do/ /de nas 'dod chags
 dang bral ba'i gnas skabs na ni dngos gzhi'i tshad med pa rnyed pa'i rkyen stobs dang ldan pa rnyed kyang de dag gis mi rdzib yin no/ /yang las dang po pa byams pa la ji ltar sbyor zhen/ ji ltar bdag nyid kyi bde ba nyams la yod pa 'am/ gzhan sangs rgyas dang byang
 chub sems dpa' dang 'phags pa dgra bcom pa'i thos pa de bzhin du kye ma sems can rnams de ltar bde bar gyur cig ces sems can rnams la bde bar mos par byed do/ /gal te nyon mongs pa'i 'jug ba shas che ba'i phyir mi nus na des mdza' ba'i phyogs
 rnam pa gsum du phye nas/ chen po la bde ba de mos par byed do/ /de nas 'bring dang chung phul mos par byed do/ /gal te de dag la byams pa mnyam pa thob na de'i 'og tu tha mal pa'i phyogs la mos par byed do/ /de'i 'og tu dgra bo'i phyogs la rnam pa gsum du phye nas
 chung ngu la bde ba de mos par byed do/ /de nas 'bring dang chen po la mos par byed do/ /gal te de la mdza' bo chen po'i phyogs bzhin du bde bar mos pa mi ldog par gyur na de'i 'og tu rim gyis khyim dang grong dang yul 'khor gyi bar du bde bar mos par byas nas phyogs
 gcig nas 'jig rten thams cad kyi bar du byams pa rgyas par byed do/ /gang zhig thams cad du yon tan 'dzin pa de ni byams pa myur du skyed par byed do/ /sngon gyi bsod nams dang bsod nams ma yin pa'i 'bras bu snang ba'i sgo nas dge
 ba'i rtsa ba kun tu chad pa la yang yon tan bzod par nus la/ rang sangs rgyas la la yang skyon bzung bar nus so/ /snying rje dang dga' ba la yang de bzhin du sems can sdug bsngal rnam pa mang po'i chu bor bying ba 'di dag sdug bsngal las myur du thar kyang ci ma rung/ mngon
 par dga' bar gyur kyang ci ma rung snyam du mos shing sbyor bar byed do/ /btang snyoms ni tha mal pa'i phyogs las rtsom mo/ /tshad med pa bzhi po 'di ni mi dag gi nang du bskyed do/ /mi rnams kyi nang du skyed kyi gzhan du ni ma yin no/ /ci tshad med pa gcig dang ldan pa
 gang yin pa de ni gdon mi za bar thams cad dang ldan nam zhe na/ thams cad dang ldan pa ni nges pa med do/ /'on kyang nges gsum ldan/ bsam gtan gsum pa dang/ bzhi par skyes pa dga' ba dang mi ldan no/ /tshad med pa gsum dang ni rtag tu ldan pa yin
 no/ /rnam par thar brgyad/ gzugs can gzugs rnams la lta ba zhes bya ba ni rnam par thar pa dang po yin no/ /nang gzugs med par 'du shes pas phyi rol gyi gzugs rnams la lta ba zhes bya ba ni gnyis pa yin no/ /sdug pa'i rnam par thar pa lus
 kyis mngon sum du byas te rdzogs par byas nas gnas zhes bya ba ni gsum pa yin no/ /gzugs med pa bzhi dang/ brgyad pa 'du shes dang tshor ba 'gog pa'o/ /de rnams las/ dang po gnyis/ mi sdug /rnam par thar pa dang po gnyis ni rnam par
 sdom pa la sogs pa'i rnam pa can yin pa'i phyir mi sdug pa'i rang bzhin dag yin te/ de nyid kyi phyir de gnyis kyi tshul ni mi sdug pa bzhin du rig par bya'o/ /bsam gtan gnyis na yod/ bsam gtan dang po dang gnyis pa dag na yod kyis gzhan na ni med
 do/ /'dod pa na spyod pa dang bsam gtan dang po'i sa pa'i kha dog gi 'dod chags kyi gnyen por grangs bzhin no/ /gsum pa mdza' na/ sdug pa'i rnam par thar pa ni bsam gtan bzhi pa na yod do/ /de ma chags/ de yang ma chags pa'i rang bzhin yin gyi sdug
 ba'i rnam pa can yin pa'i phyir mi sdug pa'i rang bzhin ni ma yin no/ /de dag 'khor dang bcas na ni phung po lnga'i rang bzhin yin no/ /gzugs med pa'i rnam par thar pa rnams ni/ gzugs med mnyam bzhag dag rnams so/ /gzugs med pa'i mnyam par bzhag
 pa dge ba rnams kho na rnam par thar pa zhes bya ba'i ming 'thob kyi/ nyon mongs pa can rnams kyang ma yin la/ mnyam par ma bzhag pa rnams kyang ma yin no/ /'di lta ste/ 'chi ba'i srid pa'i tshe lta bu'o/ /gzhan dag na re gzhan na yang mnyam par ma bzhag
 pa yod do zhes zer ro/ /nyer bsdogs kyi rnam par grol ba'i lam dag kyang rnam par thar pa zhes bya ba'i ming 'thob bo/ /'og ma la dmigs pa'i phyir/ bar chad med pa'i lam rnams ni ma yin te/ rnam par thar pa'i don ni rgyab kyis phyogs pa'i don yin no/ /'gog
 ba'i snyoms par 'jug pa'o/ /rnam par thar pa brgyad pa 'du shes dang tshor ba 'gog pa ni 'gog pa'i snyoms par 'jug pa yin te/ de ni sngar bshad zin to/ /'du shes dang tshor ba 'am/ 'du byed thams cad la rgyab kyis phyogs pa'i phyir ro/ /gzhan dag na re snyoms
 par 'jug pa'i sgrib pa las rnam par thar pa'i phyir rnam par thar pa zhes bya'o zhes zer ro/ /de la ni/ pha ba phra ba'i mjug thogs su/ snyoms par 'jug ste/ srid pa'i rtse mo'i 'du shes ni phra ba yin te/ de bas kyang ches phra bar byas nas 'gog pa'i snyoms par
 'jug go /snyoms par zhugs pa rnams ni/ rang gi dag dang 'og ma yi/ /'phags pa'i sems kyi de las ldang/ /srid pa'i rtse mo'i sems dag pa 'am/ ci yang med pa'i skye mched kyi sa pa'i sems zag pa med pas de las ldang ste/ de ltar na de'i snyoms par
 'jug pa'i sems ni zag pa dang bcas pa yin la/ ldang ba'i sems ni zag pa dang bcas pa dang/ zag pa med pa yang yin no/ /rnam par thar pa 'di dag las/ /dang po 'dod gtogs snang yul can/ /'di dag gi dmigs pa ni ci rigs par 'dod pa
 na spyod pa'i gzugs kyi skye mched yid du mi 'ong ba dang yid du 'ong ba yin no/ /gang dag gzugs can min de dag /spyod yul gong dang rang gi sa'i/ /sdug bsngal sogs dang rjes shes phyogs/ /gzugs med pa'i rnam par thar pa rnams kyi dmigs pa ni rang gi
 sa ba dang sa gong ma pa'i sdug bsngal dang de'i rgyu dang 'gog pa dag dang rjes su shes pa'i phyogs dang mthun pa'i lam thams cad yin no/ /so sor ma brtags pas 'gog pa yang yin no/ zhes brjod par bya'o/ /nam mkha' yang gcig gis yin no/ zhes
 brjod par bya ste/ ci'i phyir bsam gtan gsum pa la rnam par thar pa ma bzhag ce na/ bsam gtan gnyis pa'i sa pa'i kha dog gi 'dod chags med pa'i phyir dang/ bde ba'i snying pos bskyed pa'i phyir ro/ /ci'i phyir sdug pa'i rnam par thar pa skyed par byed
 ce na/ mi sdug pas rgyud zhum pa rab tu dga' bar bya ba 'am/ ci mi sdug pa'i rnam par thar pa dag grub pa yin nam ma yin zhes brtag pa'i phyir te/ gal te sdug bar yid la byas kyang nyon mongs pa mi skye na de lta na de gnyis grub pa yin no/ /rnal 'byor
 ba rnams ni rgyu gnyis kyi rnam par thar pa la sogs pa skyed par byed de/ nyon mongs pa med pa la sogs pa'i yon tan mngon par bsgrub pa'i ched dang/ 'phags pa'i rdzu 'phrul mngon par grub pa'i ched du nyon mongs pa thag srid par bya ba'i phyir dang/
 snyoms par 'jug pa la dbang bar bya ba'i phyir ro/ /de yang gang gis dngos po yongs su bsgyur ba dang/ byin gyis rlob pa dang/ tshe gtong ba la sogs par byed pa'o/ /ci'i phyir gsum pa dang brgyad pa dag kho na mngon sum du bya bar bshad la gzhan dag
 ni ma yin zhe na/ gtso bo yin pa'i phyir dang/ khams dang/ sa'i mdza' na gnas pa'i phyir ro/ /zil gyis gnon pa'i skye mched brgyad/ nang gzugs su 'du shes pas phyi rol gyi gzugs chung ngu kha dog bzang po dang kha dog ngan pa rnams la lta zhing gzugs de dag
 zil gyis mnan nas zhes zil gyis mnan nas mthong ste/ de lta bur 'du shes par gyur pa 'di ni zil gyis gnon pa'i skye mched dang po yin no/ /de bzhin du chen po rnams dang/ de kho na bzhin du nang gzugs med par 'du shes pa ste de ltar bzhi po de dag dang/ gzugs
 med par 'du shes pa kho na sngon po dang ser po dang dmar po dang dkar po rnams la lta ba ste/ de ltar na brgyad yin no/ /de dag las gnyis ni rnam thar dang po bzhin/ rnam par thar pa dang po ji lta bar zil gyis gnon pa'i skye mched gnyis po dang po dang gnyis pa yang
 de dang 'dra'o/ /gnyis na gnyis pa bzhin no/ /rnam par thar pa gnyis po ji lta bar zil gyis gnon pa'i skye mched gnyis po gsum pa dang bzhi pa yang de dang 'dra'o/ /gzhan/ sdug pa'i rnam par thar pa bzhin/ sdug pa'i rnam par thar pa ji lta bar gzhan bzhi
 yang de dang 'dra'o/ /'di ni khyad par yin te/ de dag gis ni rgyab kyis phyogs pa tsam du zad la/ 'di dag gis ni dmigs pa zil gyis gnon te/ ji ltar 'dod pa bzhin du mos pa'i phyir dang/ nyon mongs pa mi skye ba'i phyir ro/ /zad par bcu'o/ /bar chad med par
 zad par rgyas par byed pa'i phyir zad par gyi skye mched ni bcu ste/ zad par sa dang/ me dang/ chu dang/ rlung dang sngon po dang ser po dang dmar po dang dkar po dang/ zad par nam mkha' dang/ rnam shes mdza' yas skye mched do/ /de rnams la/ brgyad ma chags/ dang po
 brgyad ni ma chags pa'i rang bzhin dag yin no/ /bsam gtan mdza' na/ bsam gtan bzhi pa kho na ni yod do/ /spyod yul ni/ 'dod pa/ 'dod pa na spyod pa'i gzugs kyi skye mched yin no/ /kha cig na re rlung gi ni reg bya'i skye mched yin no zhes zer ro/ /gnyis ni 
 gzugs med dag/ zad par gyi skye mched tha ma gnyis ni gzugs med pa dag ba pa'i rang bzhin dag yin no/ /spyod yul rang gi phung po bzhi/ 'di gnyis kyi dmigs pa ni rang gi sa pa'i phung po bzhi yin no/ /zil gyis gnon pa'i skye mched
 rnams ni rnam par thar pa 'jug pa las byung ba can yin la/ zad par skye mched rnams ni zil gyis gnon pa'i skye mched 'jug pa las byung ba can yin te/ gong nas gong du khyad par du 'phags pa'i phyir ro/ /'gog pa'i rnam par thar pa ma gtogs pa rnam
 par thar pa la sogs pa de dag thams cad ni so so'i skye bo dang 'phags pa'i rgyud la yod pa dag yin no/ /ci rnam par thar pa la sogs pa de dag sbyor ba las byung ba yin nam 'dod chags dang bral bas thob pa yin zhes bya ba'i 'dri ba 'di la 'gog pa bshad zin/
 'gog pa'i rnam par thar pa ni sngar rnam pa thams cad du bshad zin to/ /lhag ma ni/ 'dod chags bral dang sbyor bas 'thob/ /'gog pa las gzhan pa'i rnam par thar pa la sogs pa ni 'dod chags dang bral bas thob pa yang yin la sbyor ba las byung ba
 yin te/ 'dris pa dang ma 'dris pa'i phyir ro/ /gzugs med ces bya khams gsum gyi/ /rten can lhag ma mi las skye/ /gzugs med pa'i rnam par thar pa dang/ gzugs med pa'i zad par ni khams gsum pa'i rten can dag yin no/ /lhag ma ni mi'i? rten
 can kho na yin te/ lung gi mthus bskyed pa'i phyir ro/ /ji ltar rna gzugs dang gzugs med pa'i khams dag tu gzugs med pa dang bsam gtan gyi khyad par skye zhe na/ rgyu dang las dang chos nyid dang/ rgyu gsum gyi bsam gtan dang gzugs med pa'i snyoms
 par 'jug pa rnams skye ste/ de la/ khams gnyis dag tu gzugs med pa/ /rgyu dang las kyi stobs kyis skye/ /gzugs dang gzugs med pa'i khams dag tu gzugs med pa'i snyoms par 'jug pa skye ba rgyu'i stobs kyis ni nye ba dang yang dang yang du goms pa las
 so/ /las kyi stobs kyis ni sa gong ma'i lan grangs gzhan la myong bar 'gyur ba'i las kyi rnam par smin pa nye bar gnas pa'i phyir te/ 'og ma las 'dod chags dang ma bral bas ni gong du skye bar mi nus so/ /gzugs kyi khams su bsam gtan rnams/ de dag
 dang chos nyid kyis kyang/ gzugs kyi khams su ni bsam gtan gzhan rgyu dang las kyi stobs de dag dang/ chos nyid kyis kyang skye ste/ 'jig pa'i tshe lta bu'o/ /de'i tshe na sa 'og ma pa'i sems can thams cad dge ba'i chos rnams kyi 'jug pa shas che ba nyid kyi phyir
 bsam gtan skyed bar byed do/ /gang la chos rnams kyi rnam pa ni 'di lta bu ma don pa'i chos 'di ji srid du gnas she na/ ston pa'i dam chos rnam gnyis te/ lung dang rtogs pa'i bdag nyid do/ /de la lud ni mdo dang 'dul ba dang chos mngon pa rnams so/ /rtogs pa ni byang chub kyi
 phyogs dang mthun pa rnams te/ de ltar na dam pa'i chos 'di ni rnam pa gnyis yin no/ /de 'dzin byed pa smra byed dang/ /sgrub par byed pa kho na yin/ /lung 'dzin par byed pa ni smra bar byed pa yin no/ /rtogs pas 'dzin par byed pa ni sgrub par byed pa yin te/ de'i phyir de nyid ji srid du
 gnas pa de srid du dam pa'i chos gnas par rig par bya'o/ /de dag kyang lo stong du gnas so zhes bshad do/ /gzhan dag na re rtogs pa ni de lta bu yin gyi/ lung ni yun ring du gnas so zhes zer ro/ /ci bstan bcos 'dir chos mngon pa bshad pa gang yin pa'i chos mngon
 pa 'di nyid ston pas bshad dam zhe na/ bdag gis mngon pa'i chos 'di phal cher na/ kha che bye brag smra ba'i tshul grub bshad/ /nyes pas zin gang de 'dir dag gis nyes/ /dam chos tshul la tshad? ma thub rnams yin/ /bdag gis chos mngon pa 'di phal cher kha che bye brag tu smra
 ba rnams tshul du grub par bshad pa yin no/ /'di la bdag gis nyes par zin pa gang yin pa de ni bdag gi nyes pa yin te/ dam pa'i chos kyi tshul la ni sangs rgyas rnams kho na dang/ sangs rgyas kyi sras rnams tshad ma yin no/ /ston pa 'jig rten mig ni zum gyur cing/ /dpang
 gyur skye bo phal cher zad pa na/ /de nyid ma mthong rang dgar gyur ba yis/ /ngan rtog rnams kyis bstan pa 'di dkrugs so/ /rang byung rang byung bstan pa gces 'dzin rnams/ /mchog tu zhir gshegs 'gro mgon med pa na/ /'doms med yon tan 'joms
 par byed pa yi/ /dri mas dga' mgur deng sang 'di na spyod/ /de ltar thub pa dag gis bstan ba ni/ /lkog mar srog phyin 'dra dang dri ma rnams/ /stobs dang ldan pa'i dus su rig nas ni/ /thar pa 'dod pa dag gis bag yod gyis/ /chos mngon pa'i mdzod kyi bshad pa las
 snyoms par 'jug ba bstan ba zhes bya ba mdzod kyi gnas brgyad ba'o/ /chos mngon ba'i mdzod 'di rdzogs so// //yang ci 'di las gzhan la thar pa yod dam zhe na/ med do/ /ci'i phyir zhe na/ bdag du lta ba phyin ci log la zhen pa nyid kyi phyir te
 phung po'i rgyud kho na la bdag tu 'dogs bar ni nges par mi 'dzin to/ /'o na ci zhe na/ rdzas gzhan kho na la bdag tu yongs su rtogs par byed la/ nyon mongs pa rnams ni bdag tu 'dzin pa las rab tu skye ba yin no/ /bdag tu mngon par brjod pa 'di ni phung po rgyud kho na
 la 'jug go /brjod par bya ba gzhan la ni ma yin no/ zhes bya ba 'di ji ltar khong du chud ce na/ mngon sum dang/ rjes su dpag ba med pa'i phyir te/ chos gang dag yod pa de dag na bar chad byed pa med na mngon sum du dmigs ba yin te/ dper na/ yul drug dang
 yid lta bu'o/ /yang na rjes su dpag pas dmigs pa yin te/ dper na dbang po lnga lta bu'o/ /de la 'di ni rjes su dpag pa yin te/ rgyu yod kyang rgyu gzhan med na 'bras bu med par mthong la yod na ni yang yod par mthong ba ste/ dper na myu gu lta bu'o/ /yul snang
 bar gyur pa dang/ rgyu yid la byed pa yod kyang yul 'dzin pa med par mthong la/ yang yod par mthong ba ste/ long ba dang 'on pa la sogs pa'i dang/ ma long ba dang ma 'on ba la sogs pa'i lta bu'o/ /de'i phyir de la yang rgyu gzhan med pa dang/ yod par des la/
 rgyu gzhan gang yin pa de ni dbang po yin no zhes bya ba 'di ni rjes su dpag pa yin no/ /bdag ni de ltar yod pa ma yin pas bdag med do/ /'o na gang gnas ma'i bu rnams gang zag yod par 'dod pa ji lta bu/ 'di ni re zhig dpyad par bya ba yin te/ ci de
 dag rdzas su 'dod dam/ 'on te btags par 'dod rdzas su zhes bya ba 'di yang ci zhig/ btags par zhes bya ba 'di yang ci zhig yin/ gal te gzugs la sogs pa bzhin du dngos po gzhan zhig yin no zhe na ni rdzas su yod pa yin no/ /gal
 te 'o ma la sogs pa bzhin du spyi yin no zhe na ni btags par yod pa yin no/ /de las cir 'gyur/ re zhig gal te rdzas su yod na ni de rang bzhin tha dad pa'i phyir phung po rnams las gzhan no zhes brjod par bya ste/ phan tshun gyi phung po bzhin no/ /'di'i rgyu
 yang brjod dgos so/ /'on te 'dus ma byas yin na ni de'i phyir/ mu stegs can gyi lta bar thal bar 'gyur la/ dgos pa med pa nyid du yang 'gyur ro/ /'on te btags par yod do zhe na ni kho bo cag kyang de skad ces smra'o/ /de ni rdzas su yod pa kho na yang ma yin la
 btags par yod pa yang ma yin no/ /'o na ci zhe na/ da ltar gyi nang gi zin pa'i phung po rnams rgyur byas nas gang zag tu 'dogs so/ /long ba lta bu'i tshig don mi gsal ba 'di ni mi go'o/ /rgyur byas nas zhes bya ba 'di ci/ gal te 'di'i don phung po rnams la dmigs
 nas zhes bya ba 'di yin no/ /zhe na ni de dag kho na la gang zag tu 'dogs par zad de/ dper na gzugs la sogs pa la dmigs nas/ de dag kho na la 'o ma 'dog ba bzhin no/ /'on te 'di'i don phung po rnams la brten nas zhes bya ba 'di yin no zhe na ni phung po rnams
 gang zag gdags ba'i rgyu yin pa'i phyir skyon de nyid du 'gyur ro/ /de ni de ltar mi 'dogs so/ /'o na ji lta bu zhe na/ ji ltar bud shing rgyur byas nas me 'dogs pa bzhin no/ /ji ltar na bud shing rgyur byas nas me 'dogs she na/ bud shing med par me mi 'dogs mod
 kyi/ bud shing las me gzhin yin par dam bca' bar yang mi nus la/ gzhan ma yin bar dam bca' bar yang mi nus te/ gal te gzhan yin na ni bud shing dro ba nyid ma yin bar 'gyur ro/ /'on te gzhan ma yin na ni bsreg bya nyid sreg
 byed yin par 'gyur ro/ /de ltar phung po rnams med par yang gang zag mi 'dogs la/ phung po rnams las gzhan yin par dam bca' bar yang mi nus te/ rtag par thal bar 'gyur ro/ /gzhan ma yin par yang dam bca' bar mi nus te/ chad par thal
 bar 'gyur ro/ /re zhig kyi bud shing ni ci/ me ni ci yin ba smros shig dang/ de las ji ltar na bud shing rgyur byas nas me 'dogs par shes par bya'o/ /'di la ci zhig brjod par bya/ bsreg bya ni bud shing yin la sreg byed ni me yin par zad mod/
 'dir bsreg par bya ba ni ci/ sreg par byed pa ni ci yin pa de nyid brjod par bya'o/ re zhig 'jig rten ni shing la sogs pa me 'bar ba la bud shing zhes kyang bya la bsreg bya zhes kyang bya'o/ /'bar ba la ni me zhes kyang bya la sreg byed ces kyang bya ste/ 'bar
 ba dang shin tu tsha ba gang yin pa des de tshig pa dang sreg par byed de/ rgyud 'gyur bar byed pa'i phyir ro/ /de gnyi ga yang rdzas brgyad pa yin no/ /bud shing la brten nas me 'byung ba de yang dper na/ 'o ma la brten nas zho 'byung ba dang/ mngar bo la brten
 nas/ tshwa 'byung ba lta bu yin te/ de lta bas na bud shing rgyur byas nas zhes bya ba la de la de ni de dang dus tha dad ba'i phyir gzhan pa yang yin no/ /gal te de ltar phung po rnams la brten nas gang zag skye na ni de dag las gzhan pa dang/ mi rtag par yang
 'gyur ro/ /'on te/ shing la sogs pa'i 'bar ba de nyid la ngo bo nyid yod pa gang yin pa de ni ma yin la/ de dang lhan cig skyes pa'i 'byung de gsum na bud shing yin par 'dod na ni de gnyis kyang mtshan nyid tha dad pa'i phyir gzhan nyid yin par grub bo//
 ji ltar na bud shing nga rgyur byas nas me de/ 'dogs par byed ba rgyur byas pa'i don yang brjod dgos te/ de ni de'i rgyu yang ma yin la de gdags pa'i rgyu yang ma yin gyi me nyid de gdags pa rgyu yin no/ /gal te rgyur byas pa'i don rten gyi don nam lhan
 cig 'byung ba'i don yin no zhe na ni/ phung po rnams kyang de dang 'dra bar gang zag gi rten nam lhan cig 'byung ba dag yin par 'gyur bar gzhan nyid du gsal bar dam 'cha' ba yin no/ /de med na gang zag med par yang 'gyur te/ bud shing med na me med pa
 bzhin no/ /gang yang bud shing las me gzhan yin na bud shing dro ba nyid ma yin par 'gyur ro zhes smras pa de dro ba zhes bya ba 'di ci/ re zhig gal te dro ba nyid yin no zhe na ni bud shing dro ba ma yin pa kho nar 'gyur te/ 'byung ba gzhan gyi rang bzhin yin pa'i phyir ro/ /
 'on te dro ba nyid dang ldan pa yin no zhe na ni dro ba nyid kyi rang bzhin gyi me las gzhan pa de yang dro ba yin par 'grub ste/ dro ba nyid dang ldan pa'i phyir ro/ /de lta bas na don tha dad pa nyid yin na nyes pa med do/ /'on te shing la sogs pa 'bar ba de thams cad bud shing
 yang yin me yang yin par 'dod na ni des na rgyur byas pa'i don yang brjod par bya'o/ /phung po rnams kho na yang gang zag yin pas gzhan pa ma yin pa nyid mi zlog par 'gyur ro/ /de lta bas na ji ltar bud shing rgyur byas nas me 'dogs pa de ltar phung po rnams
 rgyur byas nas gang zag 'dogs so zhes bya ba 'di mi 'grub bo/ /gal te yang 'di phung po rnams las gzhan du brjod par bya ba ma yin na/ zhes bya ba ni rnam pa lnga ste/ 'das pa dang/ ma 'ongs pa dang/ da ltar byung ba dang/ 'dus ma byas dang/ brjod bar bya
 ba ma yin pa'o/ zhes brjod par mi bya bar 'gyur te/ de ni 'das pa la sogs pa las lnga ba yang ma yin la lnga ba ma yin pa yang ma yin par brjod par bya'o/ /gang gi tshe gang zag 'dogs pa na ci re shig phung po rnams dmigs nas 'dogs sam/
 'on te gang zag dmigs nas 'dogs/ re zhig gal te phung po rnams na ni de dag kho na la gang zag 'dogs par 'gyur te/ gang zag mi dmigs pa'i phyir ro/ /'on te gang zag na ni 'di ji ltar na phung po rnams rgyur byas nas
 'dogs pa yin te/ gang zag kho na de'i rgyu yin pa'i phyir ro/ /'on te phung po rnams yod na gang zag dmigs te/ de'i phyir phung po rnams rgyur byas nas 'di 'dogs so zhes bya bar 'dod do zhe na ni/ de lta na gzugs kyang mig dang yid la byed pa dang snang
 ba rnams yod na dmigs pas de dag rgyur byas nas btags pa yin par brjod par bya'o/ /re zhig 'di yang brjod par bya ste/ rnam par shes pa drug rnams las gang zag rnam par shes pa gang gis rnam par shes par bya ba yin/ drug car gyis kyang
 shes par bya ba yin no/ zhes bya'o/ /ji ltar byas pas she na/ gal te mig gis rnam par shes par bya ba'i gzugs rnams la brten nas/ gang zag dmigs par byed na ni/ gang zag mig gis rnam par shes par bya ba yin no/ /zhes brjod par bya
 la/ gzugs rnams zhes kyang brjod mi bya/ /gzugs rnams ma yin no zhes kyang brjod par mi bya'o/ /de bzhin du yid kyis rnam par shes par bya ba'i chos rnams kyi bar la brten nas/ gang zag dmigs par byed na ni/ gang zag yid kyi rnam par
 shes par bya ba yin no zhes brjod par bya la/ chos rnams zhes kyang brjod par mi bya'o/ /chos rnams ma yin no zhes kyang brjod par mi bya'o/ /de lta na ni 'o na 'o ma la sogs pa dang 'dra bar 'gyur te/ gal te mig gis rnam par shes par bya ba'i
 gzugs rnams la brten nas 'o ma 'am/ chu dmigs par byed na ni 'o ma 'am chu mig gis rnam par shes par bya ba yin no zhes brjod par bya la gzugs rnams zhes kyang brjod par mi bya/ gzugs rnams ma yin zhes kyang brjod par mi bya'o/ /
 de bzhin du gal te sna dang/ lce dang lus kyi rnam par shes par bya ba mi yin par brjod par bya la/ reg bya rnams zhes kyang brjod par mi bya/ reg bya rnams ma yin no zhes kyang brjod par mi bya ste/ 'o ma dang chu gnyis bzhi nyid du thal bar 'gyur du 'ong
 bas so/ /de'i phyir ji ltar gzugs la sogs pa'i spyi kho na la/ 'o ma 'am/ chu zhes 'dogs pa de bzhin du phung po rnams la gang zag 'dogs so zhes bya bar grub bo/ /gang yang mig gis rnam par shes pa'i gzugs rnams la brten nas gang zag
 dmigs par byed ces smras pa'i tshig de'i don ci zhig yin/ ci re zhig gzugs rnams gang zag dmigs pa'i rgyu zhig yin nam/ 'on te gzugs rnams dmigs na gang zag dmigs so zhes bya ba yin no/ /gal te gzugs rnams gang zag dmigs
 pa'i rgyu yin la/ de yang de dag las gzhan du brjod par mi bya'o zhe na ni/ de lta na ni 'o na gzugs kyang snang ba dang mig dang yid la byed pa dag las gzhan du brjod par mi bya ste/ de dag ni de dmigs pa'i rgyu yin pa'i phyir ro/ /'on te gzugs rnams dmigs
 ni gang zag dmigs so zhe na ni ci dmigs pa de kho nas dmigs sam/ 'on te gzhan gyis/ gal te de kho nas so zhe na ni gang zag gzugs las rang bzhin tha mi dad pa 'am gzugs kho na la de 'dogs par 'gyur na/ 'di ni gzugs so/ /'di ni gang
 zag go zhes bya ba 'di yang ji ltar yongs su gcod/ 'on te de ltar yongs su mi gcod na ni gzugs kyang yod do/ /gang zag kyang yod do/ zhes bya ba 'di yang ji ltar dam 'cha' ste/ dmigs pa'i dbang gis de yod par dam 'cha' bar zad do/ /de bzhin du chos kyi
 bar dag la yang brjod par bya'o/ /'on te gzhan gyis so zhe na ni/ dus tha dad par dmigs pa'i phyir gzugs las gzhan yin par 'gyur te/ sngon po las ser po lta bu dang/ skad cig ma las skad cig ma gzhan bzhin no/ /de bzhin du chos kyi bar dag la yang
 brjod par bya'o/ /'on te gzugs dang gang zag bzhin du de dag dmigs pa dag kyang gzhan dang gzhan ma yin pa nyid du brjod par mi bya'o/ /zhe na/ 'o na ni des na 'dus byas kyang brjod par bya ba ma yin par 'gyur bas/ grub pa'i mdza' 
 nyams pa yin no/ /gal te yang 'di yod la gzugs rnams zhes brjod par mi bya'o/ /gzugs rnams ma yin no zhes kyang brjod par mi bya na/ 'o na ci'i phyir bcom ldan 'das kyis/ gzugs bdag ma yin pa nas rnam par shes pa bdag ma yin zhes bya
 ba'i bar gsungs/ mig gi rnam par shes pa gang gis gang zag 'di dmigs pa de ci gzugs la brten nas skye 'am/ 'on te gang zag gam/ gnyi ga la brten nas skye/ gal te gzugs rnams la brten nas skye na ni sgra la sogs pa bzhin du gang zag rnam
 par shes par mi nus te/ yul gang kho na la brten nas rnam par shes pa skye ba de nyid de'i dmigs pa'i rkyen yin no/ /'on te gang zag gam/ gnyi ga la brten nas skye'o zhe na/ 'di ni mdo las thal ba yin te/ mdo las ni/ gnyis la brten nas rnam par shes pa skye
 ba yin no zhes nges par bzung ngo/ /de bzhin du dge slong mig gi rnam par shes pa skyed pa la/ rgyu ni mig yin no/ /rkyen ni gzugs rnams yin no/ /ci'i phyir zhe na/ mig gi rnam par shes pa gang ci yang rung de thams cad ni mig dang gzugs rnams las
 brten nas skye'o zhes gsungs so/ /de lta na ni gang zag mi rtag par 'gyur te/ mdo las/ mig gi rnam par shes pa skyed pa la rgyu gang dag yin pa dang/ rkyen gang yin pa de dag kyang mi rtag pa yin no zhes gsungs pa'i phyir ro/ /'on te de'i dmigs pa gang zag
 ma yin na 'o na ni des rnam par shes par bya ba ma yin par 'gyur ro/ /gal te yang gang rnam par shes pa drug gis rnam par shes par bya ba yin par dam 'cha' na ni de rna ba'i rnam par shes pas rnam par shes par bya ba yin pa'i phyir gzugs las gzhan
 yin par 'gyur te sgra bzhin no/ /mig gis rnam par shes pas rnam par shes par bya ba yin pa'i phyir sgra las gzhan yin par 'gyur te gzugs bzhin no/ /de bzhin du gzhan dag la yang sbyar bar bya'o/ /bram ze dbang po lnga po 'di dag ni spyod yul tha dad
 pa can yin zhing yul tha dad pa can yin te/ rang rang gi spyod yul dang yul so sor nyams su myong ba yin yul gyi gzhan gyi sa gzhan gyi spyod yul dang yul nyams su myong ba ni ma yin pa dag ste/ 'di lta ste mig gi dbang po dang/ rna ba'i dbang po dang/ sna'i dbang po dang/
 lce'i dbang po dang/ lus kyi dbang po dang/ yid kyi dbang po ni dbang po lnga po 'di dag gi spyod yul dang yul rnams su myong ba yin zhing/ yid kyi dbang po ni 'di dag gi rten yin no zhes gsungs pa'i mdo'i tshig 'di dang yang 'gal bar 'gyur ro/ /yang na gang zag
 yul ma yin par 'gyur ro/ /gal te yul ma yin no zhe na/ 'o na ni rnam par shes par bya ba ma yin par 'gyur ro/ /gal te de lta na yid kyi dbang po yang 'khrul par 'gyur te/ srog chags drug ba lta bu las/ dbang po drug po 'di dag ni spyod yul tha dad
 pa can yin te/ rang rang gi spyod yul dang yul 'dod pa dag yin no zhes gsungs so/ /dper na dbang po kho na la dbang po yin par ma gsungs kyis lnga po dang de dag gi rnam par shes pa rnams ni mthong ba la sogs par 'dod mi srid pa'i phyir de dag gi
 dbang gis drangs pa'i yid kyi rnam par shes pa ni dbang po yin par gsungs so/ /yid kyi dbang po 'ba' zhig gis drangs pa'i yid kyi rnam par shes pa gang yin pa de ni de las gzhan de dag gi spyod yul la mi 'dod pa nyid pas de'i phyir nyes pa med do/ /
 bcom ldan 'das kyis kyang dge slong dag mngon par shes par bya ba dang/ yongs su shes par bya ba'i chos kyi rnam grangs thams cad bshad par bya'o zhes gsungs nas/ mngon par shes par bya ba dang/ yongs su shes par bya ba ni mig dang/ gzugs rnams
 dang/ mig gi rnam par shes pa dang/ mig gi 'dus te reg pa dang/ gang yang mig gi 'dus te reg pa'i rkyen gyis nang gi tshor ba bde ba 'am/ sdug bsngal ba dang/ bde ba yang ma yin sdug bsngal ba yang ma yin pa skye ba de dang zhes
 bya ba nas yid kyi 'dus te reg pa'i rkyen gyis nang gi zhes bya ba'i bar du rgyas par gsungs te/ 'di ni mngon par shes par bya ba dang/ yongs su shes par bya ba'i chos kyi rnam grangs thams cad yin no zhes gsungs so/ /de'i phyir mngon par shes par
 bya ba dang/ yongs su shes par bya ba ni de snyed cig yin par nges par gzung gi /gang zag ni ma yin pas/ de lta bas na 'di rnam par shes par bya ba yang ma yin te/ shes rab dang rnam par shes pa gnyis ni yul 'dra ba'i phyir ro/ /gang zag rnams
 mig gis gang zag blta'o zhes lta na bdag med pas bdag lta'o zhes bya ba yin pas bdag tu lta ba'i gnas su gyur pa yang yin no/ /bcom ldan 'das kyis kyang mdo las/ phung po rnams kho na la gang zag ces bya'o/ zhes 'di nges par mdzad do/ /mi pham
 pa'i mdo las kyang/ mig dang gzugs rnams la brten nas mig gi rnam par shes pa skye'o/ /gsum 'dus pas ni reg pa'o/ /lhan cig skyes pa ni tshor ba dang 'du shes dang sems pa dag ste/ de ltar na gzugs can ma yin pa'i phung po nga bzhi dang/
 gzugs can mig gi dbang po dang de snyed cig la mi nyid ces bya'o/ /'di la sems can dang/ ming dang/ shed las skyes dang/ shed bu dang/ gso ba dang/ gang zag dang/ srog dang/ skye bo zhes bya ba 'di ming yin no/ /'di la bdag gi mig gis gzugs rnams
 la blta'o zhes bya ba 'di ni khas 'che ba yin no/ /'di la 'di ltar tshe dang ldan pa de'i ming ni 'di zhes bya/ rigs ni 'di zhes bya rus ni 'di zhes bya/ zas ni 'di lta bu zhig za za/ bde ba dang sdug bsngal ni 'di lta bu zhig mod/ tshe ni 'di tsam zhig thub/ yun ni ji
 srid cig gnas/ tshe'i mdza' ni 'di tsam zhig go zhes bya ba 'di ni tha snyad yin no/ /dge slong dag de ltar na 'di dag ni ming tsam/ 'di dag khas 'che ba tsam/ 'di dag ni tha snyad tsam ste/ chos thams cad ni mi rtag pa/ 'dus byas pa/ sems pas 'phangs pa/
 rten cing 'brel par 'byung ba dag yin no zhes gsungs so/ /bcom ldan 'das kyis kyang nges pa'i don gyi mdo la brten par gsungs te/ de lta bas na 'di ni yang dang yang du brtag par bya ba yin no/ /de bzhin du bram ze thams cad yod do zhes bya ba ni 'di lta ste/
 skye mched bcu gnyis dag tu zad do zhes kyang gsungs so/ /gal te gang zag 'di skye mched ma yin na ni de yod pa ma yin no zhes bya bar grub bo/ /'on te skye mched yin no zhe na/ 'o na ni brjod par bya ba ma yin no/ /de dag gi ltar na yang 'di skad du dge slong mi
 ji snyed pa dang/ gzugs ji snyed pa zhes bya ba rgyas par gsungs nas/ dge slong 'di snyed cig ni de bzhin gshegs pas thams cad 'dogs par mdzad do/ /thams cad btags so zhes gsungs so zhes 'don to/ /gzugs can snying po'i mdo las
 kyang/ dge slong dag bdag dang bdag gi zhes bya ba ni byis pa so so'i skye bo thos pa dang mi ldan pas brtags pa la lhung bar zad de/ 'di la bdag gam bdag gi ni med kyi sdug bsngal 'di skye ba na skye bar zad do zhes bya ba rgyas par gsungs so/ /dgra bcom pa drug
 gis kyang bdud las brtsams nas/ sems can zhes bya bdud ci sems/ /khyod ni lta bar gyur pa yin/ /'du byed phung po 'di stong ste/ /'di la sems can yod ma yin/ /ji ltar yan lag tshogs rnams la/ /shing rta'i ming du bshad pa ltar/ /de bzhin phung
 po rnams brten nas/ /kun rdzob sems can zhes bya'o zhes bshad do/ /lung phran tshegs las kyang/ bram ze rgya shug gi bu'i dbang du byas nas/ ji ltar sems ni kun nyon mongs/ /ji ltar sems ni rnam byad dang/ /mdud pa thams cad 'jig byed pa'i/ /chos ni
 rgya shug bu khyod nyon/ /bdag nyid kyis na bdag med de/ /phyin ci log gis rtog par byed/ /'di la bdag gam sems can med/ /chos 'di dag ni rgyu dang bcas/ /srid pa'i yan lag bcu gnyis dang/ /phung po skye mched khams rnams
 te/ /rnam par bsams na 'di kun la/ /gang zag dmigs pa ma yin no/ /nang gi stong ba yin par ltos/ /phyi rol gnas pa stong par ltos/ /gang zhig stong pa nyid sgom pa/ /de yang 'ga' yang mi dmigs so/ /zhes gsungs so/ de bzhin du bdag du
 dmigs pa la nyes dmigs lnga yod de/ bdag tu lta ba dang sems can du lta ba dang srog tu lta bar 'gyur/ mu stegs can rnams dang khyad par med par 'gyur lam gol? bar zhugs par 'gyur/ 'di'i sems stong pa nyid la mi 'jug cing rab tu
 dad bar mi 'gyur la yang dag par mi gnas pas rnam par grol bar mi 'gyur/ 'di'i 'phags pa'i chos rnams rnam par byad bar mi 'gyur ro/ zhes gsungs so/ de dag ni gzhung 'di tshad mar mi byed pa nyid do/ /ci'i phyir zhe na/ 'di kho bo cag gi
 sde pa mi 'don to zhes zer ro/ /ci de dag la sde pa kho na tshad ma yin nam/ 'on te sangs rgyas kyi bka' tshad ma yin te/ gal te sde pa kho na tshad ma yin na 'o na ni de dag gi stong pa yang sangs rgyas ma yin la/ shAkya'i bu yang ma yin par 'gyur ro/ /'on te
 sangs rgyas kyi bka' tshad ma yin no zhe na ni gzhung 'di ci'i phyir tshad ma ma yin/ 'di ni sangs rgyas kyi bka' ma yin no/ /ci'i phyir zhe na/ kho bo cag gi sde pa mi 'don pa'i phyir ro/ zhes zer ro zhes grag go /'di ni mi rigs par zhugs pa yin no/ /'dir
 mi rigs pa gang zhig yin zhe na/ gzhung gang zhig sde pa gzhan thams cad las byung la mdo dang/ chos nyid dang yang mi 'gal ba de kho bo cag mi 'don pa'i phyir sangs rgyas kyi bka' ma yin no zhes smra ba ste/ gzu lum tsam 'ba' zhig tu zad do/ /gzhan
 yang de dag la chos thams cad ni bdag med pa'o zhes bya ba'i mdo 'di yang med dam/ gang zag ni chos zhes kyang mi bya la chos las gzhan zhes kyang mi bya'o/ zhes bya bar 'dod par gyur na/ de lta na ni yid kyi rnam par shes par mi 'grub ste/ gnyis la
 brten nas rnam par shes pa skye'o/ /zhes nges par gsungs pa'i phyir ro/ /bdag med pa la bdag go snyam du 'du shes phyin ci log pa dang ra? sems phyin ci log pa dang/ lta ba phyin ci log pa zhes bya ba 'di kho na la yang ji ltar rtog /bdag med pa la bdag
 go snyam pa phyin ci log yin gyi bdag la ni ma yin no/ /bdag med pa yang gang zhig yin/ phung po dang skye mched dang/ khams rnams yin no/ /re zhig sngar gzugs rnams zhes kyang brjod par mi bya/ gzugs rnams yin zhes kyang brjod par mi
 bya'o zhes smras pa gang yin pa ni bsal to/ /mdo gzhan las/ dge slong dag dge sbyong ngam bram ze gang la la/ bdag go snyam du rjes su lta ba de dag thams cad ni nye bar len pa'i phung po lnga po 'di dag kho na la zhes gsungs te/ de lta bas na bdag tu
 'dzin pa thams cad ni bdag med pa kho na la yin no/ /de bzhin du gang la sngon gyi gnas rnam pa du ma rjes su dran pa na rjes su dran par gyur tam/ rjes su dran nam/ rjes su dran par 'gyur ba de dag thams cad ni nye bar len pa'i phung po lnga po 'di dag kho na la
 zhes gsungs so/ /gal te de lta na ni ci'i phyir bdag ni 'das pa'i dus na gzugs 'di lta bu dang ldan par gyur to/ zhes gsungs/ gang dag de ltar rnam pa du ma rjes su dran pa/ zhes bya bar rab tu ston par byed do/ /gal te gang zag gzugs dang ldan par lta bar
 gyur na 'jig tshogs la lta bar thal bar 'gyur bas 'di la ni mi ston pa kho na skyabs yin no/ /de lta bas na gang zag ni btags pa'i yod pa yin te/ phung po dang rgyun la sogs pa bzhin no/ /gal te de ltar na 'o na ni sangs rgyas thams cad mkhyen pa ma
 yin par 'gyur te/ thams cad shes par 'gyur ba'i sems dang sems las byung ba gang yin pa de ni cung zad kyang med de/ skad cig ma yin pa'i phyir ro/ /gang zag gis ni shes par 'gyur ro/ /de lta na ni 'o na sems 'jig pa
 na gang zag mi 'jig par khas blangs pa'i phyir 'di rtag pa nyid du khas blangs pa yin no/ /kho bo cag ni thams cad la mkhyen pa mngon sum du gyur pa'i phyir sangs rgyas thams cad mkhyen pa yin par ni mi smra'o/ /'o na ji lta bu zhe na/ mthu yod
 pa'i phyir te/ sangs rgyas zhes bya ba'i rgyud gang yin pa de la gang du bzhed par gtad pa tsam gyis phyin ci ma log pa'i mkhyen pa skye ba/ gang yin pa'i mthu 'di yod do/ /'dir smras pa/ rgyun gyis spyod pa'i phyir na dper/ /me yis thams cad sreg 'dod
 lta/ /de bzhin thams cad mkhyen 'dod bya'i/ /cig car thams cad mkhyen phyir min/ /'di ji ltar khong du chud ce na/ 'das pa la sogs pa gsungs pa'i phyir te/ rdzogs sangs rgyas 'das gang dag dang/ /sangs rgyas ma byon gang dag dang/ /da
 lta'i rdzogs sangs rgyas gang yin/ /mang po rnams kyi mya ngan sel zhes gsungs so/ /khyed cag kyang phung po rnams kho na dus gsum pa yin par 'dod kyi gang zag ni ma yin no/ /gal te phung po rnams kho na gang zag yin na ci'i phyir dge slong dag
 khyed la khur yang bstan to/ /khur len pa dang/ khur 'dor ba dang/ khur khyer ba yang bstan gyis zhes gsungs/ ci'i phyir gsung bar mi bya/ khur nyid khur khyer ba yin par ni rigs pa ma yin te/ ci'i phyir zhe na/ de lta bu mi snang ba'i phyir ro/ /brjod
 par bya ba ma yin pa yang rigs pa ma yin te/ ci'i phyir zhe na/ de lta bu mi snang ba'i phyir ro/ /phung po len pa yang phung pos ma bsdus par thal bar yang 'gyur ro/ /khur khyer ba ni bcom ldan 'das kyis ci nas tshe dang ldan pa ming 'di zhes bya ba nas yun
 ni 'di srid cig gnas nas tshe'i mdza' ni 'di tsam zhig go zhes bya ba'i bar gang yin pa de nyid shes par 'gyur zhing/ rtag pa 'am gang zag ces bya ba gzhan du shes par mi 'gyur pa don kho na'i phyir bstan te/ phung po snga ma rnams kho na phung po phyi ma rnams
 la gnod par byed pa yin pas khur la khur khyer ba zhes bshad pa yin no/ gang zag ni yod pa nyid de/ 'di ltar sems can skye ba pa med do zhes zer ba ni log par lta ba yin no zhes gsungs so/ /sems can skye ba pa med do zhes su zer/ /ji ltar bcom ldan 'das
 kyis rnam par phye ba ltar yod do zhes zer ro/ /de lta bas na 'di ni gang zhig pha rol tu skye ba ba sems can zhes bya ba phung po'i rgyun la sems can skye ba pa med do/ zhes skur pa 'debs pa de'i log par lta ba yin te/ phung po rnams ni skye ba pa yin pa'i phyir ro//
 gang la skur pa 'di log par lta ba yin na yang ci zhig gis spang bar bya bar 'gyur 'di bden pa na thong bas spang bar bya ba yin par yang mi rung la bsgom pas spang bar bya ba yin par yang mi rung ste/ gang zag bden pa rnams kyi khongs su ma gtogs pa'i
 phyir ro/ /gal te 'jig rten na yang gang zag gcig bu skye ba na skye'o zhes gsungs pa'i phyir phung po rnams ma yin no zhe na ma yin te/ spyi la yang gcig nye bar 'dogs pa'i phyir til gcig dang/ 'bras thug pa che gcig ces bya ba lta bu dang/ phung po gcig
 dang/ tshig gcig ces bya ba bzhin no/ /yang na gang zag 'dus byas yin no zhes bya bar brjod par bya ste/ skye ba dang ldan pa nyid du khas blangs pa'i phyir ro/ /de ni ji ltar phung po rnams sngon med pa las byung ba de ltar skye ba ni ma yin no/ /'o na ji lta bu zhe na/ phung po
 gzhan len pa'i phyir te/ dper na rigs pa blangs pa'i phyir mchod sbyin pa skyes so/ /brda sprod pa pa skyes so zhes bya ba dang/ brtags pa'i phyir dge slong skyes so/ /kun tu rgyu skyes so zhes bya ba dang/ gnas skabs gzhan blang ba'i phyir rga ba skyes so/ /na ba skyes so
 zhes bya ba yin no/ /ma yin te/ bkag pa'i phyir ro/ /bcom ldan 'das kyis don dam pa stong pa nyid kyi mdo kho na las/ dge slong dag las ni yod do/ /rnam par smin pa ni yod do/ /chos su brdar btags pa ma gtogs pa gang zhig
 phung po 'di rnams 'dor bar byed cing phung po gzhan dag nying mtshams sbyor bar byed pa'i byed pa po ni mi dmigs so zhes gsungs so/ /dbo las skyes kyi mdo las kyang/ /dbo las skyes len ces mi smra'o zhes gsungs te/ de lta bas na phung po rnams len
 par byed pa yang 'ga' yang med la/ 'dor bar byed pa yang med do/ /re zhig khyod mchod sbyin pa nas rga ba'i bar gang gi dbang du byas nas dper byed/ gal te gang zag yin no zhe na ni de ma grub po/ /'on te sems dang sems las byung ba rnams yin no//
 zhe na ni/ de dag skad cig re re la sngon med pa las skye ba kho na yin no/ /'on te lus yin no zhe na/ de yang de dang 'dra la/ lus dang/ rig pa dang/ rtags bzhin du phung po dang gang zag gnyis gzhan nyid du yang 'gyur ro/ /rga ba dang na ba yang lus gzhan
 kho na yin no/ /grangs can pa'i 'gyur bar smra ba ni bkag zin to/ /de lta bas na 'di dag ni dpe ngan pa yin no/ /gal te yang phung po rnams ni sngon med pa la skye ba yin la/ gang zag ni ma yin par/ 'dod na ni de de dag las gzhan pa dang/ rtag par
 gsal bar yongs su bstan pa yin no/ /phung po ni lnga'o/ /gang zag ni gcig go zhes smra bas ji ltar na gzhan nyid du mi brjod/ re zhig ji ltar na 'byung ba dag ni bzhi yin/ gzugs ni gcig la 'byung ba rnams las gzugs gzhan yang ma yin/
 smra ba 'di ni phyogs la la yod pa yin no/ /phyogs gang la zhe na/ 'byung ba tsam pa'i phyogs la'o/ /de lta na yang ji ltar 'byung ba ces gzugs yin pa de bzhin du phung po tsam gang zag yin par khas blangs pa yin no/ /gal te phung po tsam gang zag
 yin na ci'i phyir bcom ldan 'das kyis srog de nyid lus yin pa 'am/ gzhan yin no zhes lung ma bstan ce na/ 'dri ba po'i bsam pa la bltos pa'i phyir te/ nges ni nang gi byed pa'i skyes bu srog gi rdzas gcig po dris so/ /de yang 'ga' yang med
 na 'di ji ltar gzhan nyid dam gzhan ma yin pa nyid du lung bstan par bya ste/ rus sbal gyi spu ga shor ram 'jam zhes bya ba yin no/ /mdung pa 'di ni snga ma dag kho nas kyang bkrol zin te/ rgyal po des 'du sbyin gnas brtan klu sde'i thang du 'ongs nas
 btsun pa dge sbong rnams ni smra ba mang ba lags so/ /gal te gang dris pa de nyid lan 'debs na bdag 'dri bar 'tshal lo zhes smras so/ /drir gsol zhes smras pa dang/ ci lags srog de nyid lus lags sam/ /srog kyang gzhan la lus kyang gzhan
 lags zhes dris so/ /gnas brtan gyis 'di ni lan mi gdab la yin no zhes smras pa dang/ des smras pa/ bdag gis snga nas btsun pa gzhan lung bstan par mi bya'o/ zhes dam 'char gsol ma lags sam/ ci'i slad du 'di skad du 'di ni lan mi gdab
 pa yin no zhes gzhan kho na gsungs/ gnas brtan gyis smras pa/ rgyal po chen po rgyal po rnams ni smra ba mang ba lags so/ /gal te gang dris par nyid lan 'debs na bdag kyang dri bar 'tshal lags so/ /drir gsol zhes smras pa dang/ khyod kyi slas la shing
 ljon pa a ma 'bras bu yod pa gang yin pa de'i 'bras bu rnams ci sgyur ram 'on te/ mngar zhes dris so/ /bdag gi slas la shing ljon pa a mra nyid 'ga' yang med do zhes smras so/ /bdag gis snga nas rgyal po chen po gzhan lung bstan par mi bya'o/ zhes
 dam 'char gsol ma lags sam/ ci'i slad du 'di skad du shing ljon pa a mra nyid med do zhes gzhan kho na gsungs/ des smras pa/ ji ltar na shing ljon pa med pa'i 'bras bu rnams skyur ba 'am mngar ba nyid du lung bstan par bya/ rgyal po chen po de bzhin du srog
 de nyid med na ci'i slad du 'di lus las gzhan pa nyid dam gzhan ma yin pa nyid du lung bstan par bgyi zhes bya ba lta bu'o/ /ci'i phyir bcom ldan 'das kyis kyang med pa kho na'o zhes ma gsungs she na 'dri ba po'i bsam pa la
 bltos pa'i phyir te/ des srog ces bya ba phung po'i rgyun gang yin pa de yang med par go bar gyur na log par lta bar ltung bar 'gyur te/ rten cig 'brel par 'byung ba mi shes pa'i phyir ro/ /de ni de bstan pa yang mi bzod do/ /'di ni bcom ldan 'das kyis
 kun dga' bo kun du rgyu gnas pa dang/ rus mthun pas dri ba dris pa dag yod do/ zhes lung bstan na na ni chos thams cad bdag med pas tshig ma legs pa ma yin nam/ kun dga' bo kun du rgyu gnas pa dang rus mthun pa'i dri ba dris pa bdag med do
 zhes lung bstan na ni kun du rgyu gnas pa dang rus mthun pa'i snga nas kun du rmongs pa yod pa dag gi bdag sngon yod par gyur pa las nga ni bdag gi de yang med do zhes kun tu rmongs pa'i phyir zhing ches rgyas par 'gyur ba ma yin nam/ kun
 dga' bo bdag yod ces bya ba ni rtag pa'i mkhar 'gyur ro/ /kun dga' bo bdag med ces bya ba ni chad pa'i mthar 'gyur ro zhes rgyas par gsungs pa gang yin pa 'di las kyang de bzhin du nges par zungs shig/ 'dir smras pa/ lta bas mchabs smras pa
 dang/ /las rnams 'jig pa la bltos nas/ /stag mos phru gu khyer ba ltar/ /rgyal bas chos ni ston par mdzad/ /bdag yod nyid du khas blangs nas/ /lta ba'i mche bas rmas par gyur/ /kun rdzob rtog par ma gyur nas/ /dge ba phru gu nyams byed 'gyur/ /
 yang smras pa/ med phyir bcom ldan 'das kyis srog /de nyid gzhan du ma gsungs so/ /btags pa med du 'gyur 'ong bas/ /med do zhes kyang ma gsungs so/ /phung po'i rgyu ni dag la dge /mi dge'i 'bras bu yod pa nyid/ /de la srog ces bya ste de/ /srog
 med bstan pas med pas 'gyur/ /srog ces bya ba phung po la/ /btags tsam zhes kyang ma gsungs te/ /de tshe'i skye bo de 'dra ste/ /stong nyid rtog pa'i skal ldan min/ /'di ltar gnas pas bdag yod dam/ /med ces dris pa 'dri ba yi/ /bsam pa la bltos
 ma gsungs te/ /yod na ci phyir yod mi gsungs/ /'jig rten rtag ces bya ba la sogs pa yang 'dri ba po'i bsam pa la bltos nas lung ma bstan te/ re zhig gal te 'jig rten bdag yin par 'dod par gyur na ni de med pa'i phyir lung bstan pa rnam pa bzhi
 tshar mi rigs so/ /'on te 'jig rten 'khor ba thams cad yin no zhe na ni de yang rigs pa ma yin te/ 'jig rten rtag na 'ga' yang yongs su mya ngan las 'da' bar mi 'gyur ro/ /mi rtag na ni thams cad chad par 'gyur ro/ /gnyi ga ltar yin na ni kha cig
 ni nges par yongs su mya ngan las 'da' bar 'gyur la kha cig ni mi 'gyur ro/ /gnyi ga ltar ma yin na ni yongs su mya ngan las 'da' ba yang ma yin/ yongs su mya ngan las mi 'da' ba yang ma yin pa kho nar 'gyur ro/ /de'i phyir yongs su mya ngan las
 'da' ba ni lam la zag lus pa'i phyir rnam pa bzhi char yang nges par lung mi ston te/ gcer bu pa nyan thos kyis bye'u bzung ba bzhin no/ /de nyid kyi phyir 'jig rten mdza' dang ldan zhes bya ba la sogs pa rnam pa bzhi yang lung ma bstan te/ bzhi tshan 'di ni don
 mthun no/ /'di ltar kun du rgyu smra byed kyis bzhi tshan 'di zhus nas yang ci lags/ 'jig rten thams cad lam 'dis nges par 'byung ngam/ 'on te 'jig rten phyogs gcig lags zhes zhus pa dang/ gnas brtan kun dga' bos smra byed khyod kyis bcom ldan 'das
 la dang po nyid du zhu ba zhus pa gang yin pa de nyid de rnam grangs gzhan gyis 'di 'am zhes smra'o/ /de bzhin 'ongs pa shi phan chad yod dam zhes bya ba bzhi tshan 'di yang 'dri ba po'i bsam pa la bltos nas lung ma bstan te/ des ni bdag grol ba de bzhin 'ongs
 pa yin par bsams nas zhu ba zhus so/ /gang zag pa rnams la rgal zhing brtag par bya ste/ bcom ldan 'das kyis ci'i phyir gang zag gson po ni yod do/ /zhes lung ston la shi phan chad ni lung mi ston/ rtag pa'i nyes par thal bar
 'gyur ba'i phyir ro/ /'o na ni ci'i phyir byams pa khyod ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes bya ba 'di lung ston/ ci'i phyir che ge mo zhig che ge mo zhig tu skyes so zhes nyan thos 'das pa dus
 'das pa skye ba la lung ston/ de lta yin na ni rtag pa nyid du thams cad par 'gyur ro/ /gal te yang bcom ldan 'das kyis gang zag sngar gzigs la yongs su mya ngan las 'das nas yang mi gzigs te/ mi mkhyen pa'i phyir lung mi ston to zhe na ni/ ston
 pa'i thams cad mkhyen pa nyid bsal ba yin no/ /yang na ni de med do zhes khas blangs par bya dgos so/ /'on te gzigs na ni ma gsungs bzhin du yang de yod pa dang rtag pa zhes bya bar grub pa yin no/ /'on te gzigs sam mi gzigs zhes bya ba 'di
 yang brjod par mi bya ba yin na ni/ de lta na ni 'o na bcom ldan 'das thams cad mkhyen pa yin nam ma yin/ zhes bya ba 'di yang rim gyis mi brjod par gyis shig /gang zag ni yod pa nyid de 'di ltar bden pa dang/ gnas par bdag gi bdag med do snyam
 pa ni lta ba'i gnas su gsungs so/ /yod do snyam pa yang lta ba'i gnas su gsungs te/ de lta bas na 'di ni khungs su mi rung ngo/ /chos mngon pa pa rnams na re 'di gnyi ga yang mthar 'dzin pa yin te/ rtag pa dang chad par lta bas bsdus pa dag yin no
 zhes zer ro/ /de kho na bzhin du rigs te gnas pa'i mdo las/ kun dga' bo bdag yod do zhes bya ba ni rtag par 'gyur ro/ /kun dga' bo bdag med do zhes bya ba ni chad par 'gyur ro zhes gsungs pa'i phyir ro/ /gal te gang zag med na 'khor ba 'di su yi
 yin/ 'khor ba nyid 'khor bar rigs pa ni ma yin no/ /bcom ldan 'das kyis kyang sems can ma rigs pa'i sgrib pa can/ kun tu rgyug pa rnams 'khor ro zhes gsungs so/ /yang gang zag ji ltar 'khor phung po gzhan 'dor ba dang len pa'i phyir ro/ /
 phyogs 'di ni lan btab zin to/ ji ltar mi skad cig ma yin yang rgyun gyis 'gro ba de bzhin du sred pa nye bar len pa can sems can zhes bya ba phung po'i tshogs 'khor ro/ /gal te 'di phung po can yin na ci'i phyir bcom ldan 'das kyis de nyid de'i tshe de'i
 dus na mig bzang zhes bya ba'i ston par 'gyur te zhes gsungs/ ci'i phyir gsung bar bya bar mi 'gyur/ phung po rnams gzhan yin pa'i phyir ro/ /'o na ci'i de nyid gang zag yin na ni rtag par 'gyur ro/ /de lta bas na nga nyid de yin no zhes bya ba ni rgyud gcig pa nyid
 du ston par mdzad pa yin te/ dper na me de nyid sreg cing 'ongs so zhes bya ba bzhin no/ /gal te yang bdag yod par gyur na de bzhin gshegs pa rnams kyi shin tu gsal ba kho nar gzigs par 'gyur ro gzigs na yang bdag tu 'dzin pa shin du dam
 por 'gyur ro/ /bdag yod na bdag gir yang 'gyur ro/ /zhes mod las 'byung ba'i phyir de dag phung po rnams la bdag gir 'dzin pa lhag par 'byung bas de ni de dag gi 'jig tshogs la lta bar 'gyur ro/ /bdag gir lta ba yod na yang bdag gir chags par
 'gyur te/ de lta bas na bdag dang bdag gir chags pa'i 'ching ba shin tu dam pos brlag pa de dag la thar pa thag ring bar 'gyur ro/ /'on te bdag la chags pa mi 'byung ba kho na'o zhes bya bar 'dod na/ de ni bdag med pa la ni bdag tu rmongs pas chags pa skye'i
 bdag nyid la ni mi skye'o zhes bya ba de ga la rung ste/ de lta bas na kha cig ni gang zag tu 'dzin kha cig ni thams cad med pa nyid du 'dzin pa gang yin pa de ni bstan pa 'di la skyon byung ba yin no/ /mu stegs byed gang dag bdag rdzas gzhan kho na yin par sems pa
 de dag gi ltar na yang thar pa med pa'i nyes pa 'di g.yo ba med pa yin no/ /'o na gal te bdag rnam pa thams cad du med na sems skad cig ma rnams la nyams su myong nas ring mo zhig lon pa'i don dran pa 'am ngo shes par
 'gyur/ dran pa'i yul la 'du shes pa'i rgyu las byung ba'i sems kyi khyad par las so/ /sems kyi khyad par ji lta bu las she na/ gang gi mjug thogs su dran pa skye ba ste/ de dag la rtag pa dang 'dra ba dang 'brel ba can gyi 'du shes la sogs pa dang ldan
 pa dang rten gyi khyad par dang/ mya ngan dang rnam par g.yengs pa la sogs pas mthu na nyams pa can las so/ /de lta bu yin yang de'i rgyu las byung ba ma yin pa'i sems kyi khyad par gyis ni dran pa de bskyed par mi nus so/ /de'i rgyu las byung ba yin
 yang gzhan lta bu ni dran pa de bskyed par mi nus kyi gnyi ga ltar na nus pas de ltar na dran par 'gyur te/ gzhan la ni de'i mthu ma mthong ba'i phyir ro/ /nga ni ji ltar na sems gzhan gyis mthong la gzhan gyis dran de ltar na ni lha byin gyis sems kyi
 mthong lam tshad sbyin gyi sems kyis dran par 'gyur ro/ /ma yin te 'brel pa med pa'i phyir ro/ /de gnyis ni rgyu dang 'bras bur ma gyur pa'i phyir ji ltar rgyud gcig la yod pa'i rgyu dang 'bras bu ltar 'brel pa ni med do/ /sems gzhan gyis mthong la gzhan
 gyis dran no zhes kyang mi zer ro/ /'on kyang ji skad bshad pa ltar rgyud yongs su 'gyur ba'i tshul gyis mthong ba'i sems la dran pa'i sems gzhan skye'i zhes bya ba de lta bu la nyes pa ci zhig yod/ dran pa kho na las ngo shes pa yang yin no/ /bdag med na su
 zhig gis de ltar dran/ dran zhes bya ba'i don ci yin/ dran pas yul 'dzin pa'o/ /ci de 'dzin pa dran pa las gzhan zhig yin nam/ 'o na ni dran par byed pa yin no/ /gang gis de byed pa de ni bshad zin te/ dran pa'i rgyu ni sems kyi khyad par yin no/ /'o na gang
 nag las dran no zhes bya ba ji lta bu zhe na/ nag pa zhes bya ba'i rgyu de las de skye bar mthong nas smra bar zad do/ /bdag med na dran pa 'di su'i yin/ drug pa 'di'i don ji lta bu yin/ rje bo'i don yin no/ /dper na gang gi rje bo gang lta bu yin/ dper na po'i nag po
 lta bu yin no/ /'di ji ltar nga'i jo bo yin/ de rma dang bzhi pa la sogs pa la sbyor ba de la rag lus pa yin no/ /dran pa gang du sbyar bar bya na/ 'di ltar 'di'i rje bo btsal/ dran par bya ba'i don la'o/ /ci'i phyir sbyar bar bya/ dran par bya ba'i phyir ro/ /kye ma de nyid de'i
 don du sbyor zhes bya ba ni bsod nams kyis bskyed pa rnams kyis legs par smras so/ /ji ltar sbyar bar bya ci de bskyed pa'i sgo nas sam/ 'on te mdag pa'i sgo nas/ dran pa la 'gro ba mi rung bas bskyed pa'i sgo nas so/ /de lta na ni rgyu kho nas rje bo yin la 'bras bu kho
 na bran pa yin par 'gyur te/ 'di ltar rgyu ni 'bras bu la dbang byed la 'bras bu yang de dang ldan pa rgyu yin pas de ni dran pa'i rgyu gang yin pa de kho na'i yin no/ /gang yang nag pa zhes bya ba 'du byed kyi tshogs kyis rgyun la gcig tu bzung nas ba zhes bya ba'i rje bo
 brjod pa de yang de yul gzhan du dang/ 'gyur ba 'byung ba la rgyu'i dngos po yod la bsams nas rje bo zhes brjod par zad kyi nag pa zhes bya ba gcig pu ni 'ga' yang med la ba zhes bya ba yang med do/ /de lta bas na de la yang rgyu'i dngos po ma gtogs pa'i rje
 bo'i dngos po med do/ /de bzhin du su zhig gi rnam par shes su 'di rnam par shes pa yin zhes bya ba de lta bu la sogs pa yang brjod par bya ste/ de'i rgyu ni ci rigs par dbang po dang don dang yid la byed pa dag yin no/ zhes bya ba 'di ni khyad par yin no/ /gang yang
 bya ba ni byed pa po la bltos pa'i phyir te/ bya ba thams cad ni byed pa po la bltos te/ ji ltar lhas byin 'gro'o zhes bya ba 'di la 'gro bar bya ba ni 'gro ba po lhas byin la bltos pa de bzhin du rnam par shes pa ni bya ba yin no/ /de lta bas na gang zhig gis rnam
 bar shes pa de yang dgos so zhes zer ba de la lhas byin zhes bya ba 'di ci yin zhes brjod par bya'o/ /gal te bdag yin no zhe na/ de nyid bsgrub par bya ba yin no/ /'on te skyes bu tha snyad gdags pa yin no zhe na/ de yang gcig
 pu ni 'ga' yang med kyi 'du byed de dag la ming de skad ces bya'o/ /de la ji ltar lhas byin 'gro ba de bzhin du rnam par shes so/ /lhas byin ji ltar 'gro zhe na/ 'du byed skad cig ba rgyun tha mi dad pa rnams la byis pa rnams kyis gcig la nyid bzung
 nas lhas byin zhes mos pa rnams rang gi rgyun yul gzhan du 'byung ba la rgyur gyur na lhas byin 'gro'o zhes bya'o/ /yul gzhan du 'byung ba de ni 'gro ba yin te/ med dang sgra'i rgyun dag la 'gro'o zhes 'gro ba'o zhes brjod pa yin no/ /de dag nyid
 rnam par shes pa'i rgyur gyur na lhas byin gyis rnam par shes so zhes kyang bya'o/ /'phags pa rnams kyis kyang tha snyad gdags pa'i phyir du de dag la ming du de skad ces gsungs so/ /'o na gang mdo las/ rnam par shes pas rnam par
 shes so zhes gsungs pa de la rnam par shes pa ci zhig byed/ cung zad kyang mi byed de/ ji ltar 'bras bu ni cung zad kyang mi byed mod kyi 'dra bar bdag nyid thob pa'i phyir rgyu dang mthun par byed do zhes bya ba de bzhin du rnam par shes pa yang cung
 zad kyang mi byed mod kyi 'dra bar bdag nyid thob pa'i phyir yul rnam par shes so zhes bya'o 'di'i 'dra ba ci zhig de'i rnam pa nyid do/ /de nyid kyi phyir de ni dbang po las kyang skyes mod kyi yul rnam par shes so zhes bya ba'i dbang po ma yin no/ /yang na
 ni der yang rnam par shes pa'i rgyun rnam par shes pa'i rgyur gyur pa'i phyir/ rnam par shes pas rnam par shes so zhes gsungs pa nyes pa med do/ /rgyu la byed pa po'i sgrar bstan pa'i phyir dril bus sgrogs so zhes bya ba bzhin no/ /gzhan
 yang ji ltar sgron ma 'gro ba ltar rnam par shes pas rnam par shes so zhes bya ba yang de dang 'dra'o/ /sgron ma ji ltar 'gro zhe na/ sgron ma zhes bya ba ni me lce rnams kyi rgyun la nye bar 'dogs par byed la/ de yul gzhan du 'byung ba la yul de dang de
 'gro'o zhes bya'o/ /de bzhin du rnam par shes pa zhes bya ba ni sems rnams kyi rgyun la nye bar 'dogs par byed la de yul gzhan dag la skye ba la yul de dang de rnam par shes so zhes bya'o/ /yang na ji ltar gzugs 'gyur ro/ /skye'o gnas so zhes
 bya ba 'di la 'gyur ba po dang 'gyur ba don gzhan ma yin pa ltar rnam par shes pa la yang de dang 'dra bar 'gyur ro/ /gal te rnam par shes pa las rnam par shes pa skye'o bdag las ma yin na ci'i phyir rtag tu de dang 'dra ba kho nar skye bar mi
 'gyur zhing myu gu dang sdong po dang 'dab ma la sogs pa bzhin du rim pa nges par skye bar mi 'gyur zhe na/ gnas pa gzhan du 'gyur ba ni 'dus byas kyi mtshan nyid yin pa'i phyir te/ rgyun gdon mi za bar gzhan du 'gyur ba gang yin pa 'di ni
 'dus byas so thams cad kyi rang bzhin yin no/ /de lta ma yin na bsam gtan rdzogs pas mnyam par bzhag pa rnams las lus dang sems 'dra ba skye na skad cig ma dang po dang khyad par med pa'i phyir phyis kyang bdag nyid ldang bar mi
 'gyur ro/ /gang las gang zhig skye bar 'gyur ba de kho na las de skye ba'i phyir sems can rnams kyi rim pa yang nges par kho na ste/ rigs kyi bye brag las sems rnam pa 'dra yang 'ga' zhig sems 'ga' skyed pa la nus pa yin te/ dper na bud med kyi sems
 kyi mjug thogs su gal te de'i lus sun 'byin pa'i sems sam/ de'i khyo 'am bu la sogs pa'i sems skye bar 'gyur la/ yang phyis rgyud yongs su 'gyur bas bud med kyi sems skye na de ni de'i lus sun 'byin pa'i sems skyed pa 'am de'i khyo 'am
 bu la sogs pa'i skyed par nus pa yin te/ de'i rigs can yin pa nyid kyi phyir ro/ /gzhan du ni mi nus so/ /yang bud med kyi sems las rnam grangs kyi sems rnam pa mang po zhig skyes par gyur na de las ches? mang ba dang/ ches gsal
 ba dang/ ches nye ba skyes pa gang yin pa de kho na skye bar 'gyur te/ de'i dgos pa stobs dang ldan pa'i phyir ro/ /de'i 'dus pa'i lus dang phyi rol gyi rkyen gyi khyad par ni ma gtogs so/ /dgos pa de nyid chos stobs ldan ni ci'i phyir rtag tu 'bras bu mi
 'byin ce na/ gnas pa gzhan du 'gyur ba nyid ni 'dus byas kyi mtshan nyid yin pa'i phyir la/ gzhan du 'gyur ba de yang dgos pa gzhan gyis 'bras bu skye ba'i rjes su mthun pa'i phyir ro/ /'di ni sems kyi rnam pa thams cad la phyogs tsam
 du zad kyi 'jug thogs kyi rgyu shes pa la ni sangs rgyas mnga' bdag yin te/ 'di skad du rma bya'i mdongs ni gcig la yang/ rgyu yi rnam pa thams cad ni/ /kun mkhyen min pas shes bya min/ /de shes kun mkhyen stobs yin no zhes bshad
 na/ gzugs can ma yin pa sems kyi bye brag rnams lta smos kyang ci dgos/ ci'i phyir de dang 'dra ba kho nar skye bar mi 'gyur zhing myu gu dang sdong bu dang 'dab ma la sogs pa bzhin du rim pa nges par skye bar mi 'gyur zhes bya ba 'di ni mu stegs
 can gang la la sems ni bdag las skye'o snyam du sems pa de kho na la gsal bar klan kar 'gyur ro/ /gal te yid dang phrad pa'i bye brag la bltos pa'i phyir ro zhe na/ ma yin te/ 'brel pa gzhan ma yin pa'i phyir ro/ /'brel pa can dag yongs
 su chad pa'i phyir dang/ phrad pa zhes bya ba'i mtshan nyid ni ma phrad pa sngon du 'gro ba can gyi phrad pa yin no zhes rnam par bshad pa'i phyir bdag yongs su chad par thal bar 'gyur ro/ /de'i phyir yid 'phos pa las bdag 'pho ba 'am/ nyams
 par thal bar 'gyur ro/ /gal te phyogs gcig phrad do zhe na/ ma yin te/ phyogs de de nyid kyi yin pa nyid du mi rung ba'i phyir ro/ /phrad pa yod du chug na yang 'on kyang yid rtag tu khyad par med pa la ji ltar phrad pa khyad par du 'gyur gal te blo'i khyad par la bltos
 pa yin no zhe na/ ji ltar blo'i khyad par yin zhes de nyid la klan ka tshol bar byed do/ /gal te 'du byed kyi khyad par la bltos pa'i bdag dang yid phrad pa las so zhe na/ 'du byed kyi khyad par la bltos pa'i sems kho na las yin par zad kyi bdag gi nus pa
 ni cung zad kyang mi dmigs te/ sman gyi 'bras bu grub pa la sman pa ngan g.yo can gyis phu swAhA zhes smras pa dag bzhin no/ /gal te bdag yod na de gnyis srid do zhe na ni/ tshig tsam du zad do/ /gal te de ni rten yin no zhe na/ dper na gang gi rten gang yin
 pa lta bu de dag kyang ri mo dang rgya shugs la sogs pa ltar brten pa ma yin la/ de yang rtsig pa dang gzhod bu la sogs pa ltar rten du rigs pa ma yin te/ thogs pa dang tha dad pa nyid kyi nyes par 'gyur ba'i phyir ro/ /gal te de ni de lta bu rten ma yin no/ /'o
 na ji lta bu zhe na/ dper na dri la sogs pa'i sa lta bu'o zhe na/ 'di nyid kho bo'i bdag med do zhes bya ba yid ches par byed pa yin pas kho bo yongs su tshim par byas te/ dper na dri la sogs pa las sa gzhan ma yin pa bzhin no/ /dri la sogs pa las sa gzhan
 yin par nges par 'dzin par byed pa de su zhig yin/ sa'i dri la sogs pa zhes bya ba'i tha snyad ni ci nas dri la sogs pa de dag nyid de zhes bya'i/ gzhan ni ma yin no zhes bya bar shes par 'gyur ba khyad par du bya ba'i phyir te/ shing gzugs kyi lus zhes bya ba bzhin
 no/ /'du byed kyi khyad par la bltos pa yin du zin kyang ci'i phyir shes pa thams cad dus gcig tu skye bar mi 'gyur/ gang zhig stobs che ba des gzhan dag la gegs byed do/ /stobs che ba de nyid ci'i phyir rtag par 'bras bu mi 'byin te/ 'di'i tshul gang yin pa de
 bsgos pa yin na bdag tu rtog pa ni don med pa yin no/ /gal te bdag ni gdon mi za bar khas blang bar bya ste/ dran pa la sogs pa ni yon tan gyi dngos po yin pa'i phyir la de yang gdon mi za bar rdzas la brten pa yin pa'i phyir ro/ /de dag
 gi rten gzhan yin par yang mi rung ba'i phyir ro zhe na ma yin te/ ma grub pa'i phyir ro/ /'di dag ni yon tan gyi dngos po nyid yin par ma grub po/ /kho bo cag gi ltar na yod pa thams cad ni rdzas yin te/ dge sbyong gi tshul gyi 'bras bu ni rdzas drug go /zhes
 'byung ba'i phyir ro/ /de dag rjes la brten pa nyid du yang ma grub ste/ rten gyi don ni brtags zin to/ /de lta bas na 'di ni gyi na'o/ /bdag med na ci'i phyir las rtsom/ bdag bde bar gyur cig /bdag sdug bsngal bar ma gyur cig ces bya ba de'i phyir ro/ /yang
 bdag ces bya ba yang gang zhig yin/ bdag tu 'dzin pa 'di'i yul gang yin pa'o/ /bdag tu 'dzin pa 'di'i yul gang zhig yin/ yul ni phung po yin no/ ji ltar shes/ de dag la chags pa'i phyir dang/ dkar sham la sogs pa'i blos gzhi mthun
 par byed pa'i phyir te/ bdag dkar sham mo/ bdag sngo bsangs so/ /bdag sgom mo/ bdag ?sgom mo/ /bdag rgas so/ /bdag dang la bab bo zhes dkar sham la sogs pa'i blos bdag tu 'dzin pa 'di gzhi mthun par byed par snang ngo/ /rnam pa de dag bdag gi
 yin par ni mi 'dod de/ de lta bas na 'di ni phung po rnams la 'dzin par shes so/ /bdag la phan 'dogs pa'i lus la yang bdag nye bar 'dogs te/ dper na bdag gang yin pa de nyid bdag gi bran 'di yin na zhes bya ba bzhin no phan 'dogs pa la bdag nye
 bar 'dogs pa yin yang bdag tu 'dzin pa ni ma yin no/ /lus la dmigs pa yin na ci'i phyir pha rol gyi lus la dmigs pa yang ma yin/ 'brel pa med pa'i phyir te/ 'di ni lus sam sems gang dang lhan cig 'brel pa de kho na la bdag tu 'dzin pa 'di
 'byung gi gzhan la ni ma yin te/ 'khor ba thog ma med pa na sa da ltar goms pa'i phyir ro/ /'brel pa yang gang zhig yin/ rgyu dang 'bras bu'i dngos po'i 'bras bu yin no/ /gal te bdag med na bdag tu 'dzin pa ni su'i yin/ 'di ni drug pa 'di'i don ji lta
 bu yin zhes bya ba nas de ni dran pa'i rgyu gang yin pa de kho na'i yin no/ zhes bya ba'i bar du de nyid 'ongs pa yin no/ /'di'i rgyu gang zhig yin zhe na/ sngon bdag tu 'dzin pas yongs su bsgos pa rang gi rgyud kyi yul can ma rig pa dang bcas pa'i sems yin
 no/ /bdag med na bde ba 'am/ sdug bsngal ba su zhig yin/ rten gang la bde ba'am sdug bsngal ba 'byung ba ste/ dper na shing ljon pa me tog chags so/ /nags tshal 'bras bu chags so/ zhes bya ba lta bu'o/ /'di gnyis kyi rten gang zhe na/ skye
 mchod drug yin te/ ji ltar ni bshad zin to/ /bdag med na las kyi byed pa po ni gang yin/ 'bras bu rnams kyi za ba po gang yin/ byed pa bo zhes bya ba 'am/ za ba po zhes bya ba'i tshig gi don ji lta bu byed pa po yin la/ za bas na za ba po yin no/ /rnam
 grangs smras su zad kyi don ni ma yin no/ /mtshan nyid pa rnams ni byed pa po'i mtshan nyid rang dbang can ni byed pa po yin no zhes zer na/ 'jig rten na 'bras bu 'ga' la yang la la zhig rang dbang yod pa lta bu mthong ngam mthong ste khrus dang za ba dang 'gro ba
 la sogs pa la lhas byin lta bu'o/ /khyod lhas byin gang zhig dper brjod/ gal te bdag yin no zhe na ni de nyid bsgrub par bya ba yin no/ /'on te phung po yin no zhe na ni de nyid byed pa po yin te/ las 'di ni rnam pa gsum ste/ lus dang ngag dang yid kyi las
 so/ /nga la re zhig lus dang ngag ni lus dang ngag gi las la sems kyi gzhan gyi dbang gis 'jug go /sems kyang lus dang ngag la rang gi rgyu'i gzhan gyi dbang gis 'jug go /de yang de dang 'dra bas gang la yang rang dbang med de/ dngos po thams cad ni
 rkyen gyi gzhan gyi dbang gis 'jug go /bdag kyang ltos pa med par rgyu nyid du khas mi len pa'i phyir ro rang dbang can du mi 'grub bo/ /da lta bas na de lta bu'i mtshan nyid kyi byed pa po ni 'gal yang mi dmigs so/ /gang zhig gang gi
 rgyu'i gtso bo yin pa de ni de'i byed pa po zhes bya na bdag ni gang la yang rgyu yin par mi snang ste/ de lta bas na de ni de lta bur yang byed pa por mi rung ngo/ /dran pa las ni 'dun pa skye'o/ /'dun pa las ni rtog pa skye'o/ /rnam par rtog pa las ni rab tu
 'bad pa'o/ /rab tu 'bad pa las ni rlung ngo/ /de las ni las 'byung na 'di la bdag ci zhig byed 'bras bu la yang gang la bdag med na za ba por rtag pa'i nye bar spyod pa de gang zhig yin/ gal te dmigs pa yin no zhe na/ dmigs pa la bdag gi
 nus pa med de/ rnam par shes pa la nus pa bkag pa'i phyir ro/ /bdag med na ci'i phyir sems can gyi rten ma yin pa la yang sdig pa dang bsod nams nye bar sogs par mi 'gyur/ tshor ba'i rten ma yin pa'i phyir te/ de'i rten ni skye mched drug yin
 gyi bdag ma yin no/ /ji ltar yin pa de ltar ni bshad zin to/ /bdag ni ji ltar na las shig zin pa las tshe phyi ma las 'bras bu 'byung bdag yod na yang ji ltar na las zhig zin pa las tshe phyi ma la 'bras bu 'byung/ de la bsten pa'i chos dang chos ma
 yin pa las 'byung ngo/ /tshig gi lugs 'di ni dper na gang gi rten gang yin pa lta bu zhes lan btab zin te/ /de lta bas na chos dang chos ma yin pa rten med pa kho na las 'byung ngo/ kho bo cag kyang las shig zin pa las tshe phyi ma la 'bras bu
 'byung bar mi sgra? 'o/ /'o na ji lta bu zhe na de'i rgyud yongs su 'gyur ba'i khyad par las te/ sa bon dang 'bras bu bzhin no/ /dper na sa bon las 'bras bu 'byung ba zhes bya ba de ni zhig pa las 'byung ba yang ma yin la mjug thogs kho nar
 'byung ba yang ma yin no/ /'o na ci zhe na/ rgyud yongs su 'gyur pa'i khyad par las te myu gu dang sdong bu dang/ 'dab ma la sogs pa me tog la thug pa rim pa rdzogs pa las 'byung ba bzhin no/ /de ni me tog las grub pa yin na ci'i phyir sa bon de'i 'bras
 bu zhes bya zhe na/ des brgyud pas me tog la de'i nus pa bskyed pas so/ /gal te de sngon du 'gro bar ma gyur na 'bras bu de 'dra ba bskyed pa la de'i nas pa yod par mi 'byung ngo/ /de bzhin du las las 'bras bu 'byung zhes bya ba de las yang zhig pa las
 kyang mi 'byung la mjug thogs su yang ma yin no/ /'o na ji lta bu zhe na/ rgyud yongs su 'gyur ba'i khyad par las so/ /rgyud ni ci yin/ yongs su 'gyur ba ni ci yin/ khyad par ni ci yin zhe na/ las sngon du 'gro ba'i sems phyir zhing 'byung ba gang yin pa de
 ni rgyud yin no/ /de gzhan dang gzhan du skye ba ni yongs su 'gyur ba yin no/ /de mjug thogs su 'bras bu skyed nus pa gang yin pa de ni yongs su 'gyur ba gzhan las khyad par du 'phags pa'i phyir yongs su 'gyur ba'i khyad par yin te/ de dper na
 yang srid pa'i nye bar len pa dang/ bcas pa'i 'chi ba'i sems lta bu'o/ /las rnam pa sna tshogs pa sngon du 'gro ba nyid yin yang las gang lci ba 'am/ nye ba 'am/ goms pa yin pa des byas pa'i nus pas bsal bar byed kyi gzhan gyis na ma
 yin te/ ji skad du/ las kyi 'khor ba lci gang dang/ nye ba gang dang goms pa dang/ sngon byas gang yin de las ni/ snga ma snga ma rnam smin 'gyur zhes bshad pa lta bu'o/ /de la rnam par smin pa'i rgyus bskyed pa rnam par smin pa'i 'bras bu bskyed pa'i nus
 ba ni rnam par smin pa skyed nas ldog go /skal pa mnyam pa'i rgyus mthun pa'i 'bras bu bskyed pa'i nus pa ni nyon mongs pa can rnams kyi ni gnyen po skyes nas ldog go /nyon mongs pa can ma yin pa rnams kyi ni sems kyi rgyun gtan du log pa ste/ gang
 gi tshe yongs su mya ngan las 'das pa na'o/ /yang ci'i phyir sa bon gyi 'bras bu bzhin du rnam par smin pa las rnam bar smin pa gzhan mi skye zhe na/ re zhig thams cad dpe dang 'dra ba ni ma yin no/ /de la yang 'bras bu kho na las
 'bras bu gzhan skyes pa ma yin no 'on ci zhe na/ rnam par 'dul ba'i khyad par las skyes pa rnam par 'gyur ba'i khyad par las skye ste/ de la 'byung ba'i rnam pa myu gu 'grub par byed pa yod pa gang yin pa de ni de'i sa bon yin gyi gzhan ni ma yin no/ /
 'gyur ba'i ming gis sam 'dra ba'i phyir rgyun snga ma yang sa bon zhes bya'o/ /de bzhin du 'di la yang rnam par smin pa de las gal te dam pa dang dam ba ma yin pa'i chos nyan pa la sogs pa'i rkyen las skyes pa dge ba zag pa dang bcas pa 'am mi
 skye ba'i sems kyi 'gyur ba skye na de las ni rnam par smin pa gzhan skye na skye'i gzhan du ni ma yin pas 'di ni mtshungs so/ /yang na de ni 'di ltar shes par bya ste/ ji ltar ma du lung ga'i me tog rgya skyegs kyi khu bas kha dog bsgyur ba las 'bras bu'i
 nang du rgyud yongs su 'gyur ba'i khyad par las skyes pa ge gsar dmar po skye bar 'gyur zhing de las ni de gzhan mi skye ba de bzhin du las las skyes pa'i rnam par smin pa las yang rnam par smin pa gzhan mi skye'o/ /cha lo de tsam 'di ni bdag
 gi blos rtogs par bya ba rab tu bstan pa yin te/ mthu rnam pa sna tshogs pas tha dad pa'i las rnams kyis bsgos pa'i rgyu rnams gnas skabs 'dir phyin na 'bras bu 'di lta bu mngon par 'grub par 'gyur ro zhes bya ba ni/ sangs rgyas rnams
 kho na'i yul yin no/ /yang smras ba/ las dang de'i bsgos de'i 'jug rnyed de las 'bras bu sangs rgyas las/ gzhan gyi rnam pa thams cad ni nges par rab tu mi shes so/ /de ltar sangs rgyas rnams kyi gsung rab rigs pa'i lam/ legs par
 gsungs pa'i dag pa chos nyid 'di mthong nas/ /mu stegs long ba ste ngan sna tshogs g.yo rnams kyi/ /gzhung lugs spangs te long ba ma yin rnams 'gro'o/ /de bzhin gshegs pa nyi ma'i gsung 'od kyis/ /snang ldan mya ngan 'das grong lam
 gcig pa/ /bdag med 'phags ba sgong gi bgrod pa 'di/ /phye yang dman pa'i mig gis mi mthong ngo/ /da ltar 'di ni phyogs tsam zhig /rang gi mthu yi rnam 'phel ba'i/ /dug la rma yi phyogs bzhin du/ /shin tu mkhas pa rnams la
 bstan/ /chos mngon pa'i mdzad las gang zag dgag pa bstan pa zhes bya ba mdzod kyi gnas dgu pa ste/ chos mngon pa'i mdzod kyi bshad pa slob dpon shAkya'i dge slong dbyig gnyen gyis mdzad pa 'di rdzogs so// //
 rgya gar gyi mkhan po dzin mi tra dang/ zhu chen gyi lots+tsha ba bande dpal brtsegs kyis bsgyur cing zhus te gtan la phab pa// //!//ches mngon ba mdzad kyi 'grel ba mdo dang mthun ba zhes bya ba slob dpon 'dus bzang gis mdzad pa bzhugs/ /