<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4380: chos mngon pa'i mdzod kyi bshad pa<br><table><tr><td>
<input type="button" onclick="location.href='tcompletep.php?id=N4380&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4380&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4380&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">text in 2 volumes<br><br><span style="color:red;border: 2px solid red;border-radius: 5px;padding:3px;">volume 1 (mngon pa (gu）)</span> - <a href="tcomplete.php?id=N4380&coll=TN&volcur=1">volume 2  (mngon pa (ngu）)</a> - <br><br>mkhan po dzi na mi tra dang/ zhu chen gyi lots+tsha ba pan de? dpal brtsegs kyis bsgyur cing zhus te gtan la phab pa'o// (//mngon ba mdzod kyi dang 'grel bas so sum cu pa byig? nyen gyis 'dzad pa bzhugs/) rgya gar skad du a b+hi d+harmma? ko ShAm b+ha Sh+ya ma/ bod skad du/ chos mngon
 pa'i mdzod kyi bshad pa/ 'jam dpal gzhon nur gyur pa la phyag 'tshal lo/ /gang zhig kun la mun pa gtan bcom zhing/ /'khor ba'i 'dam las 'gro ba drangs mdzad pa/ /don bzhin ston pa de la phyag 'tshal nas/ /chos mngon mdzod kyi bstan bcas
 rab bshad bya/ /bstan bcos byed par 'dod pas rang gi ston pa'i che ba'i bdag nyid shes par bya ba'i phyir de la yon tan brjod pa sngon du 'gro ba'i phyag 'tshal ba brtsom? mo/ /gang zhig ces bya ba ni/ sangs rgyas bcom ldan 'das rnams kyi dbang
 du byas nas smras pa'o/ /'di'i 'am 'di'i mun pa bcom pas mun pa bcom pa'o/ /thams cad la mun pa rnam pa thams cad du bcom pas kun la mun pa gtan bcom pa'o/ /mi shes pa ni yang dag pa'i don mthong ba la begs
 su gyur pa'i phyir mun pa ste/ de yang sangs rgyas bcom ldan 'das rnams kyis gnyen po brnyes nas shes bya thams cad la phyis mi skye ba'i chos can du gyur pa'i phyir gtan nas ye bcom ba ste/ de'i phyir 'di ni kun la mun pa gtan bcom pa'o/ /
 rang sangs rgyas dang nyan thos rnams kyang nyon mongs pa can gyi mongs pa dang bral ba'i phyir kun la mun pa bcom par ni 'dod mod kyi gtan nas ni ma yin te 'di ltar de dag la sangs rgyas kyi chos dang/ yul dang/ dus shin tu bskal pa dang /don
 rab tu dbye ba mdza' yas pa rnams la nyon mongs pa can ma yin pa'i shes pa yod pa nyid do/ /de ltar bdag la phan bsgrub pa phun sum tshogs pas yang dag par bstod nas/ yang bcom ldan 'das de nyid la gzhan la phan pa sgrub pa
 phun sum tshogs bas yang dag par bstod pa na 'khor ba'i 'dam las 'gro ba drangs mdzad pa zhes bya ba ste/ 'khor ba ni 'gro ba kun tu 'chags pa'i gnas yin pa'i phyir dang rgal bar dka' ba'i phyir 'dam lta bu yin te /
 'gro ba der byid? ba skyabs med pa la bcom ldan 'das thugs brtse ba dang ldan pas dam pa'i chos ston pa'i phyag rkyang ba dag gis skal ba ji lta ba bzhin du drangs so/ /don ji lta ba bzhin phyin ci ma log par ston
 bas na don bzhin ston pa'o/ /'dis ni 'di'i gzhan la phan pa sgrub pa'i thabs ston te/ de ni ston pa yang dag pa ji lta ba bzhin du ston pas 'khor ba'i 'dam las 'gro ba drangs kyi/ rdzu 'phrul dang/ dam pa sbyin pa'i mthus
 ni ma yin no/ /de ltar bdag dang gzhan la phan pa sgrub pa phun sum tshogs pa de lta bu dang ldan pa gang yin pa de la phyag 'tshal nas zhes bya ba ni mgos btud nas so/ /don bzhin ston pa de la phyag 'tshal nas ci zhag bya zhe na/
 bstan bcos rab bshad bya zhes smos so/ /slob ma 'chos pas na bstan bcos so/ /bstan bcos gang zhe na/ chos mngon mdzod ces bya ba smos so/ /chos mngon pa zhes bya ba 'di gang zhe na/ chos mngon shes rab dri med rjes
 'brang bcas zhes bya ba ste/ de la shes rab ces bya ba ni/ chos rab tu rnam par 'byed pa'o/ /dri med ces bya ba ni gang zag pa med pa'o/ /rjes 'brang bcas zhes bya ba ni 'khor dang bcas pa ste/ de ltar na zag pa med pa'i phung po
 lnga po la chos mngon pa zhes bstan par 'gyur ro/ /re zhig 'di ni don dam pa'i chos mngon pa'o/ /brdar btags pa ni/ de thob bya phyir gang dang bstan bcos gang zhes bya ste/ gang dang zhes bya ba ni/ thos pa dang bsams
 ba dang bsgoms pa las byung ba'i shes rab zag pa dang bcas pa dang/ skyes nas thob pa rjes su 'brang ba dang bcas pa'o/ /bstan bcos gang zhes bya ba ni de yang zag pa med pa shes rab thob par bya ba'i phyir de'i tshogs su
 gyur pas chos mngon ba zhes bya'o/ /des pa'i tshig tu rang gi mtshan nyid 'dzin pa'i chos te/ de lta bas na 'di ni dam pa'i chos mya ngan las 'das pa'am/ chos kyi mtshan nyid la mngon du phyogs pa'i phyir chos mngon pa'o/ /chos mngon
 pa bshad zin to/ /bstan bcos 'di ji ltar na chos mngon pa'i mdzod yin zhe na/ 'dir de don du yang dag chung phyir ram/ 'di yi gnas de yin pas chos mngon mdzod ces smos te/ chos mngon pa'i bstan bcos zhes bya ba de
 ji ltar gces gces rnams don du 'dir chud de/ de lta bas na bstan bcos 'di ni de'i mdzod lta bu yin no/ /yang na? de las 'di phyung bas chos mngon pa de bstan cos? 'di'i gnas lta bu yin no/ /de'i phyir chos mngon pa
 de nyid 'di'i mdzod yin te/ de lta bas na bstan bcos mngon pa'i mdzod yin no/ /yang ci'i phyir chos mngon pa bstan/ 'di dang po nyid du bstan na/ 'di ltar slob dpon chos mngon? pa'i mdzod 'chad par gus she na /
 chos rnams rab tu rnam 'byed med par nyon mongs rnams/ /gang phyir nye bar zhi bar bya ba'i thabs med la/ /nyon mongs pas kyang 'jig rten srid mtsho 'di da 'khyams te/ /de bas de phyir 'di ni ston pas gsungs so lo/ /
 zhes bya ba smos te/ gang gi phyir chos rab tu rnam par 'byed pa med par nyon mongs pa nye bar zhi bar bya ba'i thabs med la/ /nyon mongs pa rnams kyis kyang 'jig rten 'khor ba'i rgya mtsho chen po 'dir 'khyam par byed pa
 de'i phyir chos rnams rab tu rnam par 'byed par 'dod pa de'i don du ston pa sangs rgyas bcom ldan 'das kyis chos mngon pa gsungs so lo/ /chos mngon pa bstan pa med par ni slob mas chos rab tu rnam par dbye bar mi nus
 so/ /bye brag tu smra ba rnams na re de ni bcom ldan 'das kyis gsil bur bshad la/ btsun pa ka tya'i bu la sogs pas bsdus nas bzhag ste/ btsun pa chos skyob kyis tshad du brjod pa'i sde sde tshan
 du byas pa bzhin no zhes zer ro/ /gang dag chos mngon pa bstan pas rab tu rnam par dbye bar bya ba'i chos de dag kyang gang zhe na/ zag bcas zag pa med chos rnams zhes bya ba smos te/ 'di ni chos rnams thams cad mdor bsdus
 te bstan pa'o/ /de la zag pa dang bcas pa'i chos rnams gang zhe na/ lam ma gtogs pa 'dus byas rnams/ zag bcas zhes bya ste/ lam gyi bden pa ma gtogs pa 'dus byas kyi chos gzhan ni zag pa dang bcas pa dag go
 ci'i phyir zhe na/ gang phyir de dag la/ zag rnams kun tu rgyas par 'gyur zhes bya ste/ 'gog pa dang lam gyi bden pa la dmigs pas zag pa skye bar ni 'dod mod kyi/ de gnyis la rgyas par mi 'gyur bas de gnyis zag pa
 dang bcas pa nyid du thal ba med do/ /ji ltar rgyas par mi 'gyur ba de ni 'og nas phra rgyas bstan pa nyid du bstan par bya'o/ /zag pa dang bcas pa dag bshad zin to/ /zag pa med pa rnams gang zhe na/ zag med lam gyi
 bden pa dang/ 'dus ma byas rnam gsum yang ste zhes bya'o/ /rnam gsum gang zhe na/ nam mkha' dang ni 'gog pa gnyis shes bya ba ste/ gnyis gang zhe na/ so sor brtags pas 'gog pa dang/ so sor brtags pa ma
 yin pas 'gog pa ste/ de ltar nam mkha' la sogs pa 'dus ma byas rnam pa gsum po de dang/ lam gyi bden pa ni zag pa med pa'i chos rnams te/ de dag la zag pa rgyas par 'gyur ba med pa'i phyir ro/ /'dus ma byas
 rnam pa gsum po bstan pa gang yin pa/ /de la nam mkha' mi sgrib pa/ /nam mkha' ni sgrib pa med pa'i rang bzhin te gang na gzugs kyi go yod pa'o/ /so sor brtags pas 'gog pa gang bral ba'o/ /gang zag pa dang bcas pa'i chos rnams dang bral
 ba de so sor brtags pas 'gog pa'o/ /sdug bsngal la sogs pa 'phags pa'i bden pa rnams la so sor rtog pa ni so sor brtags pa ste shes rab kyi bye brag go/ des thob par bya ba'i 'gog pa ni so sor brtags pas 'gog pa'o/ /bar gyi
 tshig mi mngon par bya ba ste/ dper na ba lang dag dang ldan pa'i shing rta la ba lang gi shing rta zhes bya ba lta bu'o/ /ci zag pa dang bcas pa'i chos thams cad kyi so sor brtags pas 'gog pa gcig kho na 'am zhe na/ smras pa ma yin no/ /
 'o na ji lta zhe na/ so so so so yin/ ldan pa'i rdzas rnams ji snyed pa bral ba'i rdzas rnams kyang de snyed do/ /de lta ma yin na sdug bsngal mthong bas spang bar bya ba'i nyon mongs pa'i 'gog pa mngon sum du byas pas nyon mongs
 pa thams cad 'gog pa mngon sum du byed par thal bar 'gyur ro/ /de lta ma yin na lhag ma'i gnyen po bsgom pa don med par 'gyur ro/ /'o na 'gog pa ni 'dra ba ma yin no/ /zhes bshad pa 'di'i don ji lta bu yin zhe
 na/ tshig de'i don ni 'di 'dra ba'i rgyu gang yang ma yin la 'ang yid gang gi 'dra ba'i rgyu yang ma yin no zhes bya'i 'di la 'dra ba gang yang med do zhes bya ba ni ma yin no/ /so sor brtags pas 'gog pa bshad zin to/ /
 skye la gtan tu gegs byed pa/ /'gog gzhan so sor brtags min pas/ /chos ma 'ongs pa rnams skye ba la gtan du gegs su gyur pa bral ba las gzhan ba'i 'gog pa gang yin pa de ni so sor brtags pa ma yin pas
 'gog pa ste/ 'di so sor brtags pas 'thob pa ni ma yin no/ /'o na ci zhe na/ rkyen ma tshang ba la thob ste/ dper na mig dang yid gzugs gcig la yengs pa'i gzugs gzhan rnams dang sgra dang dri
 dang ro dang reg bya gang yin pa dag ni 'das par 'gyur la/ de dag la dmigs pa'i rnam par shes pa'i tshigs lnga po dag ni yang skye bar mi nus te/ de dag 'das pa'i yul la dmigs pa'i mthu med pa'i phyir ro/ /de'i
 phyir de dag gi so sor brtags pa ma yin pas 'gog pa de ni rkyen mtshang bas 'thob bo/ /'dir mu bzhir 'gyur te/ gang dag gi so sor brtags pas 'gog pa kho na 'thob pa'i chos de dag kyang yod de/ 'di lta ste/ zag pa
 dang bcas pa 'das pa dang da ltar byung ba dang 'byung ba'i chos can rnams kyi lta bu'o/ /gang dag gi so sor brtags pa ma yin pas 'gog pa kho na 'thob pa yang yod de/ 'di lta ste/ zag pa med pa'i 'dus byas kyi skye
 ba'i chos can rnams kyi lta bu'o/ /gang dag gi gnyi ga 'thob pa yang yod de/ 'di lta ste/ zag pa dang cad pa mi skye ba'i chos can rnams kyi lta bu'o/ /gang dag gi gnyi ga mi 'thob pa yang yod de/ 'di lta ste/
 zag pa med pa 'das pa dang da ltar byung ba dang 'byung ba'i chos can rnams kyi lta bu'o/ /'dus ma byas rnam pa gsum bshad zin to/ /lam ma gtogs pa 'dus byas rnams/ zag bcas shes gang smras pa'i 'dus
 byas de dag gang zhe na/ 'dus byas chos rnams de dag kyang/ /gzugs la sogs pa phung po lnga/ /gzugs kyi phung po dang/ tshor ba'i phung po dang/ 'du shes kyi phung po dang/ 'du byed kyi phung po dang/ rnam par shes
 pa'i phung po zhes bya ba de dag ni 'dus byas kyi chos rnams so/ /rkyen rnams 'dus shing phrad nas byas pa dag ni 'dus byas rnams te/ rkyen gcig gis bskyed pa ni 'ga' yang med do/ /de dang rigs mthun pa'i phyir ma 'ongs pa dag las
 yang mi 'gal te 'o ma bzhin no/ /de dag nyid dus gtam gzhi dang/ /des par 'byung bcas bzhi dang bcas/ /de dag nyid ni 'dus byas kyi chos rnams so/ /song ba dang 'gro ba dang 'gro ba 'gyur ba'i phyir ram/ mi rtag pa nyid kyis za
 ba'i phyir dus rnams so/ /gtam ni dag go/ de'i gzhi ni ming ste/ /don dang bcas pa'i gzhi smos pa'i phyir na 'dus byas ni gtam gyi gzhi zhes bya'o/ /de lta ma yin na rab tu byed pa las/ gtam gyi gzhi rnams ni khams bco brgyad
 kyis bsdus so zhes 'byung ba'i gzung dang 'gal bar 'gyur ro/ /gdon mi za bar 'byung ba ni nges par 'byung ba ste/ 'dus byas thams cad kyi mya ngan las 'das pa'o/ /de 'di gag la yod bas nges par 'byung bcas dag go/
 rgyu dang bcas pa'i phyir gzhi dang bcas pa dag ste/ bye brag tu smra ba rnams ni gzhi zhes bya ba'i sgra ni rgyu'i tshig yin no/ /de ltar na de dag ni dus byas kyi chos kyi rnam grangs dag yin no/ /yang 'dus byas de dag nyid/ /gang dag zag bcas
 nyer len pa'i phung po 'ang de dag 'dis ci zhig grub par 'gyur zhe na/ nye bar len pa'i phung po lnga gang dag yin pa de dag na phung po yang yin na/ /phung po dag kho na yin la nye bar len pa'i phung po ma yin pa dag kyang yod de/ /'du
 byed zag pa med pa rnams so/ /de la nye bar len pa dag ni nyon mongs pa rnams so/ /de dag las byung ba'i phyir nye bar len pa'i phung po dag ste/ dper na rtsa dang sogs ma'i me bzhin pa 'am/ de dag la rag lus pa'i phyir rgyal po'i mi
 bzhin no/ /yang na de dag las nye bar len pa rnams 'byung bas nye bar len pa'i phung po rnams te/ me tog dang 'bras bu'i shing ljon pa bzhin no/ /zag pa dang bcas pa'i chos de dag nyid/ /'thab bcas kyang zhes
 bya'o/ /'thab pa ni nyon mongs pa rnams te/ bdag dang gzhan la gnod pa'i phyir ro/ /de dag gis rgyas par byas pa'i phyir 'thab bcas dag ste zag pa dang bcas pa bzhin no/ /sdug bsngal kun 'byung 'jig rten dang/ /lta gnas
 srid pa'ang de dag yin/ /'phags pa rnams dang mi mthun pa'i phyir sdug bsngal lo/ /'di la sdug bsngal kun 'byung bas kun 'byung ba'o/ /'jig pas 'jig rten no/ /'di la lta bas rgyas par 'gyur ba'i sgo nas gnas pas
 na lta ba'i gnas so/ /'byung bas na srid pa ste/ de ltar na 'di dag ni zag pa dang bcas pa'i chos rnams kyi rnam grangs don dang mthun pa dag go /gzugs la sogs pa phung po lnga/ /zhes smras pa de la gzugs ni dbang po lnga dang
 don lnga dang rnam rig byed min nyid/ /dbang po lnga po mig dang rna ba dang/ sna dang/ lce dang/ lus kyi dbang po rnams dang/ don lnga po mig la sogs pa rnams de dag nyid kyi yul gang dag yin pa gzugs dang/ sgra dang/ dri dang/ ro
 dang/ reg bya rnams dang/ rnam par rig byed ma yin pa ste/ de snyed cig ni gzugs kyi phung po'o/ /de la gzugs la sogs pa 'di dag smos pa gang dag yin pa/ de dag rnams kyi rnam shes rten/ /mig la sogs gzugs dang
 rna ba rnams/ gzugs dang/ sgra dang/ dri dang/ ro dang/ reg bya'i rnam par shes pa rnams kyi rten du gyur pa gzugs dang ba'i bdag nyid lnga po gang dag yin pa de dag ni go rim bzhin du mig dang/ rna ba dang/ sna dang/ lce dang /
 lus ngag yin par rig par bya ste/ bcom ldan 'das kyis ji skad du dge slong mig ni nang gi skye mched de/ 'byung ba chen po bzhi dag rgyur byas pa gzugs dang pa'o zhes rgyas par gsungs pa lta bu'o/ /yang na mig la sogs pa 'di
 dag smos pa gang yin pa/ de dag rnams kyi rnam shes rten/ mig la sogs gzugs dang pa rnams/ mig gi rnam par shes pa la sogs pa'i rten yin no/ /zhes bya ba'i tha tshig ste/ de ltar bshad na rab tu byed pa
 las/ mig gi dbang po gang zhe na/ mig gi rnam par shes pa'i rten gzugs dang pa'o/ /zhes rgyas par 'byung ba'i gzhung dang yang mthun par 'gyur ro/ /dbang po lnga dag bshad zin to/ /don lnga bshad pa bya ste/ de la re zhig /gzugs
 rnam gnyis dang/ kha dog dang dbyibs so/ /de la kha dog ni rnam pa bzhi ste/ sngon po la sogs pa'o/ /gzhan dag ni de'i bye brag go /dbyibs ni rnam pa brgyad de/ ring po la sogs pa nas phya le ma yin pa la thug pa'o/ /yang gzugs kyi
 skye mched de nyid/ rnam pa nyi shu zhes bya ste/ 'di lta ste/ sngon po dang/ ser po dang/ dmar po dang/ dkar po dang/ ring po dang/ thung ngu dang/ lham pa dang/ zlum po dang/ mthon po dang/ dma' ba dang/ phya le ba dang/ phya le ma yin pa dang/
 sprin dang/ du ba dang/ rdul dang/ khug rna dang/ grib ma dang/ nyi ma dang/ snang ba dang/ mun pa'o/ /kha cig ni nam mkha' kha dog cig dang rnam pa nyi shu rtsa gcig tu 'don to/ /de la phya le ba ni dbyibs snyam pa'o/ /phya le ba ma yin pa ni dbyibs
 mi mnyam pa'o/ /khug rna ni lho bur ro/ /nyi ma ni nyi ma'i 'od do/ /snang ba ni zla ba dang skar ma dang me dang sman dang nor bu rnams kyi 'od dag go /grib ma ni gang na gzugs rnams snang ba'o/ /bzlog pa ni mun pa'o/ /lhag ma ni brda phrad par sla bas rnam
 par ma phye'o/ /gzugs kyi skye mched kha dog tu yod la dbyibs su med pa yang yod de/ sngon po dang/ ser po dang/ dmar po dang/ dkar po dang/ grib ma dang/ nyi ma dang/ snang ba dang/ mun pa zhes bya ba'o/ /
 dbyibs su yod la kha dog tu med pa yang yod de/ ring po la sogs pa'i phyogs lus kyi rnam par rig byed kyi ngo bo nyid do/ /gnyi gar yod pa yang yod de/ gzugs kyi skye mched lhag ma'o/ /gzhan dag na re/ sngon po la sogs pa
 ring po la sogs par yongs su chad char snang bas na nyi ma dang/ snang ba kho na kha dog tu yod do/ /zhes zer ro/ /ji ltar na rdzas gcig la gnyi gar yod ce na/ de la gnyi ga mngon pa'i phyir te/ yod pa 'di ni shes pa'i don yin gyi yod
 pa'i don ni ma yin no/ /'o na ni lus kyi rnam par rig byed la'ang thal bar 'gyur ro/ /gzugs kyi skye mched bshad zin to/ /sgra ni rnam pa brgyad yod do/ /zin pa dang ma zin pa'i 'byung ba chen po'i rgyu las byung ba sems can dang/
 sems can ma yin par ston pa ste rnam pa bzhi'o/ /de'ang yid du 'ong ba dang yid du mi 'ong ba'i bye brag gis rnam pa brgyad du 'gyur ro/ /de la zin pa'i 'byung ba chen po'i rgyu las byung ba ni/ 'di lta ste/ lag pa dang ngag gi sgra
 lta bu'o/ /ma zin pa'i 'byung ba chen po'i rgyu las byung ba ni 'di lta ste/ rlung dang/ nags tshal dang/ chu'i sgra lta bu'o/ /sems can du ston pa na dag gi rnam par rig byed kyi sgra'o/ /gzhan ni sems can du ston pa ma yin pa'o//
 gzhan dag na re zin pa dang/ ma zin pa'i 'byung ba chen po'i rgyu las byung ba'i sgra yang yod de/ dper na lag pa dang/ rdza rnga phrad pa las skyes pa lta bu'o/ /zhes zer ro/ /de ni 'di ltar kha dog gi rdul phra rab gcig las byung ba bzhi
 tshan gnyis rgyur byas par mi 'dod pa de bzhin du mi 'dod par bya'o/ /sgra bshad zin to/ /ro ni rnam pa drug /mngar ba dang/ skyur ba dang/ lan tshwa dang/ tsha ba dang/ kha ba dang/ bska ba'i bye brag gis so/ /dri rnam bzhi/ dri zhim pa dang/ dri nga ba
 rnam pa gnyis/ dri mnyam pa dang/ mi mnyam pa'i phyir ro/ /bstan bcos las ni dri zhim pa dang/ dri nga ba dang/ dri mnyam pa'o/ /zhes rnam pa gsum 'byung ngo/ /reg bya bcu gcig bdag nyid do/ /reg bya'i rdzas kyi rang bzhin ni bcu
 gcig ste/ 'byung ba chen po bzhi dag dang/ 'jam pa nyid dang/ rtsub pa nyid dang/ lci ba nyid dang/ yang ba nyid dang/ grang ba dang/ bkres pa dang/ skom pa'o/ /de la 'byung ba rnams ni 'og nas bshad par bya'o/ /'jam pa nyid ni mnyen pa'o//
 rtsub pa nyid ni h+rud h+rud pa'o/ /lci ba nyid ni gang gis na dngos po rnams 'jal bar byed pa'o/ /bzlog pa ni yang ba nyid do/ /grang ba ni dro bar 'dod par byed pa'o/ /bkres pa ni zas 'dod par byed pa'o/ /skom pa ni skom 'dod par byed pa'o//
 rgyu las 'bras bu btags pa'i phyir te dper na/ sangs rgyas rnams ni 'byung ba bde/ /chos bstan pa yang bde ba'o/ /dge 'dun mthun pa bde ba yin/ /mthun pa rnams kyi dka' thub bde/ /zhes bya ba bzhin no/ /de la gzugs kyi
 khams na ni bkres pa dang skom pa med do/ /lhag ma ni yod do/ /gal te de ni gos re re nas mi 'jal yang bsags pa dag ni 'jal lo/ /gnod par byed pa'i grang ba med kyi phan par byed pa ni yod do lo/ /gang 'di gzugs rnam pa mang po
 bshad pa de la res 'ga' ni rdzas gcig gis mig gi rnam par shes pa skyed de gang gi tshe de'i rnam pa bye brag tu bcod par 'gyur ba na 'o/ /res 'ga' ni mang pos te/ gang gi tshe bye brag tu mi gcod pa na ste/ dper na thag ring po nas dmag
 bshams pa 'am nor bu'i tshogs kyi kha dog dang dbyibs du ma la lta ba'i lta bu'o/ /rna ba la sogs pa'i rnam par shes pa yang de bzhin du rig par bya'o/ /lus kyi rnam par shes pa ni kha cig na re shin tu mang na
 'byung ba chen po bzhi dag dang/ 'jam pa nyid la sogs pa gcig dang reg bya lngas skyed do/ /zhes zer ro/ /gzhan dag na re/ bcu gcig po thams cad kyis kyang bskyed do zhes zer ro/ /de lta na spyi la dmigs pa'i phyir rnam par shes
 pa'i tshogs lnga po dag spyi'i yul can du 'gyur gyi/ rang gi mtshan nyid kyi yul can ma yin pa ma yin zhe na/ 'di dag ni skye mched kyi rang gi mtshan nyid kyi yul can du 'dod kyi/ rdzas kyi rang gi mtshan nyid kyi ni ma yin pas nyes pa med
 do/ /'di dpyad par bya ste/ lus dang lce'i dbang po gnyis cig car du yul dang phrad na rnam par shes pa gang sngar skye zhe na/ gang gi yul shes che ba'o/ /yul mnyam pa dang phrad na ni lce'i rnam par shes pa sngar skye ste/ za bar 'dod pas rgyud
 gtang pa'i phyir ro/ /dbang po lnga dang don lnga dang/ de dag la ji ltar 'dzin pa yang bshad zin to/ /nga ni rnam par rig byed ma yin pa bsnyad par bya ba de brjod par bya ste/ g.yengs dang sems med pa yi yang/ /dge dang mi dge rjes
 'brel gang/ /'byung ba che rnams rgyur byas pa/ /de ni rnam rig byed mi brjod/ /sems g.yengs pa zhes bya ba ni/ de las gzhan pa'i sems kyi yang yin pa'o/ /sems med pa'i yang zhes bya ba ni/ 'du shes med pa dang/ 'gog
 pa'i snyoms par 'jug pa'i yang yin pa'o/ /yang zhes bya ba'i sgras ni ma g.yengs pa sems dang bcas pa'i yang yin no/ /zhes bya bar mngon no/ /dge dang mi dge zhes bya ba ni dge legs dang dge legs ma yin pa'o/ /
 rjes 'brel gang zhes bya ba ni rgyun to/ /thob pa'i rgyun yang 'di lta bu yod pas bye brag tu bya ba'i phyir 'byung ba che rnams rgyur byas pa zhes bya ba brjod do/ /bye brag tu smra ba rnams na re/ rgyur byas pa'i don ni rgyu'i don te/ skyed pa la sogs pa
 rgya'i ngo bo nyid yin pa'i phyir ro zhes zer ro/ /de ni rnam rig byed min zhes bya ba la/ de ni zhes bya ba'i sgra ni de'i ming shes par bya ba'i phyir te/ gzugs dang byed pa'i rang bzhin yin yang rnam par rig byed bzhin du gzhan dag la rnam
 par rig par byed pa ma yin pas rnam par rig byed ma yin pa'o/ /brjod ces bya ba ni slob dpon gyi tshig yin par ston pa'o/ /mdor na rnam par rig byed dang ting nge 'dzin las byung ba'i gzugs dge ba dang mi dge ba ni rnam par rig
 byed ma yin pa'o/ /'byung ba che rnams rgyur byas pa zhes smras pa de dag gang zhe na/ 'byung ba dag ni sa'i khams dang/ chu dang me dang rlung khams rnams zhes bya ba ste/ bzhi po de dag ni rang gi mtshan nyid dang rgyur byas
 pa'i gzugs 'dzin pa'i phyir khams dag go /'byung ba chen po bzhi rnams zhes bya ba ni 'di dag gzugs gzhan thams cad kyi rten nyid du rags pa'i phyir na chen po nyid do/ /yang na sa dang chu dang me dang rlung gi phung
 po de dag bya ba la shes che ba de dag la de rnams chen por gnas pa'i phyir ro/ /yang khams de dag gi las gang du yang dag par 'grub/ /rang bzhin ni ci zhe na/ 'dzin pa la sogs las su grub ces bya ba smos
 te/ /sa dang chu dang me dang rlung gi khams 'di dag ni go rims bzhin 'dzin pa dang sdud pa dang smin par byed pa dang rgyas par byed pa'i las dag tu grub po/ /rgyas par byed pa ni 'phel ba dang rgyas par byed par rig par
 bya ste/ 'di dag ni de dag gi las yin no/ /rang bzhin ni go rims bzhin du/ sra gsher dro nyid g.yo ba rnams te/ sra ba ni sa'i khams so/ /gsher ba ni chu'i khams so/ /dro ba ni me'i khams
 so/ /g.yo ba ni rlung gi khams so/ /'dis 'byung ba'i rgyun yul gzhan du bskyed pa'i phyir g.yo bar byed de/ sgron ma g.yo ba bzhin du g.yo bar byed pa yin no/ /rab tu byed pa dag dang mdo sde las rlung gi khams
 gang zhe na/ yang ba nyid do/ /zhes gsungs la/ rab tu byed pa dag las/ yang ba nyid de rgyur byas pa'i gzugs zhes kyang bshad do/ /de'i phyir g.yo ba'i rang bzhin gyi chos gang yin pa de ni rlung gi khams shes pa ste/
 'di'i rang bzhin las kyi gsal ba yin no/ /sa la sogs pa dang sa'i khams la sogs pa la bye brag ci yod ce na/ 'jig rten gyi ni tha snyad du/ kha dog dbyibs las zhes brjod/ 'di ltar sa ston pa na kha dog dang
 dbyibs ston par byed do/ /sa la ji lta ba de bzhin du/ chu me yang ngo/ /'jig rten gyi tha snyad du kha dog dang dbyibs nyid la brjod do/ /rlung tshogs khams nyid yin/ rlung gi khams gang yin pa de nyid la 'jig rten na
 rlung zhes 'dogs so/ /de dang 'dra ba 'di yin/ ji ltar 'jig rten gyi tha snyad du kha dog dang dbyibs las zhes brjod pa de bzhin du rung la yang rlung sngon po rlung zlum po'o zhes brjod do/ /ci'i phyir rnam par rig byed ma
 yin pa'i bar 'di gzugs kyi phung po zhes bya zhe na/ bcom ldan 'das kyis dge slong dag gzugs su yod cing gzugs su rung bas/ de'i phyir gzugs nye bar len pa'i phung po zhes bya'o/ /ci gzugs su rung zhe na/
 lag pa'i 'dus te reg pas reg na yang gzugs su rung ngo zhes rgyas par gsungs pa lta bu'o/ /gzugs su rung zhes bya ba ni gnod par byar rung zhes bya ba'i tha tshig ste/ 'di ltar don gyi sde tshan dag las/ gal te 'dod pa tshol byed cing//
 'dun pa skyes pa'i lus can te/ /'dod pa de dag ma 'byor na/ /zug rngus zug bzhin gnod par 'gyur zhes gsungs pa lta bu'o/ /gzugs kyi gnod pa gang zhe na/ yongs su 'gyur pa skyed pa'o/ /gzhan dag na re gzugs su rung ba ni
 thogs pa'o/ /zhes zer ro/ /'o na ni rdul phra rab gzugs ma yin par 'gyur te/ gzugs su med pa'i phyir ro/ /rdul phra rab kyi gzugs gcig pu logs shig tu gyur pa ni med pa nyid do/ /'dus pa la gnas pa de la ni
 gzugs su rung ba nyid do/ /'o na ni 'das pa dang ma 'ongs pa gzugs ma yin par 'gyur ro/ /de yang gzugs su yod zin pa dang/ gzugs su yod par 'gyur ba dang/ de dang rigs mthun pa'i phyir gzugs yin te bud
 shing bzhin no/ /'o na ni rnam par rig byed ma yin pa gzugs ma yin par 'gyur ro/ /de yang rnam par rig byed la gzugs su yod pa'i phyir gzugs su yod par 'gyur te/ shing ljon pa g.yos pas grib ma g.yo ba
 bzhin no/ /'gyur ba med pa'i phyir ma yin te/ rnam par rig byed log na rnam par rig byed ma yin pa yang ldog par 'gyur te/ shing ljon pa med na grib ma med pa bzhin no/ /gzhan dag na re/ rten gyi 'byung ba la gzugs su
 yod pa'i phyir ro zhes zer ro/ /de lta na 'o na ni mig gi rnam par shes pa la sogs pa yang rten gzugs su yod pa'i phyir gzugs nyid du thal bar 'gyur ro/ /nye bar bkod pa 'di ni mi mthun pa yin te/ rnam par rig byed ma
 yin pa 'di ni shing ljon pa la grib ma nyid dang/ nor bu la 'od nyid bzhin du 'byung ba rnams la brten nas 'jug gi mig gi rnam par shes pa la sogs pa ni de ltar mig la sogs pa la brten nas 'jug
 pa ma yin te/ de dag ni de dag gi skye ba'i rgyu mtshan 'ba' zhig tsam du zad pas so shing ljon pa la brten nas grib ma dang/ mar me la brten nas 'od 'jug go /zhes bya ba 'di ni re zhig bye brag tu smra ba ma yin te/
 grib ma la sogs pa kha dog gi rdul phra rab rnams so so rang gi 'byung ba bzhi tshan la brten pa nyid du khas len pa'i phyir ro/ /grib ma dang 'od de dag la brten pa nyid yin yang rnam par rig pa ma yin pa'i rten 'byung ba chen
 po dag 'gags kyang de mi 'gag par khas len pa'i phyir rnam par rig byed ma yin pa ni de ltar brten par mi rung ngo/ /de'i phyir de ni lan du mi rung ngo/ /gzhan dag ni 'di la mig gi rnam par shes pa la sogs pa'i rten ni
 tha dad du gyur pa ste/ kha cig ni gzugs su rung ba ste mig la sogs pa'o/ /la la ni gzugs su mi rung ba ste/ yid do rnam par rig byed ma yin ba ni de lta ma yin te/ de lta bas na 'dra bar thal ba med do/ /de'i
 gzugs su yod pas na gzugs so zhes bya ba 'di ni 'thad pa yin no/ /zhes lan 'debs so/ /gzugs kyi phung po'i ngo bo nyid bstan pa gang dag yin pa/ dbang don de dag kho na la/ /skye mched dang ni khams bcur
 'dod/ /skye mched rnam par bzhag par ni skye mched bcu ste/ mig gi skye mched dang gzugs kyi skye mched nas/ lus kyi skye mched dang reg bya'i skye mched kyi bar yin no/ /khams rnam par bzhag pa ni de dag
 nyid khams bcu ste/ mig gi khams dang/ gzugs kyi khams nas/ lus kyi khams dang reg bya'i khams kyi bar yin no/ /gzugs kyi phung po dang/ de'i skye mched dang/ khams rnam par bzhag pa bshad zin to/ /tshor ba la
 sogs pa brjod par bya ste/ de la tshor ba myong ba/ myong ba rnam pa gsum ni tshor ba'i phung po ste/ bde ba dang/ sdug bsngal ba dang/ sdug bsngal yang ma yin bde ba yang ma yin pa'o/ /de yang dbye na tshor ba'i tshogs drug ste/
 mig gi 'dus te reg pa las byung ba'i tshor ba nas/ yid kyi 'dus te reg pa las byung ba'i tshor ba'i bar ro/ /'du shes ni mtshan mar 'dzin pa'i bdag nyid do/ /gang sngon po dang/ ser po dang/ ring po dang/ thung
 du dang/ pho dang mo dang mdza' bshes dang/ mdza' bshes ma yin pa dang/ bde ba dang/ sdug bsngal la sogs pa'i rang bzhin gyi khyad par la mtshan mar 'dzin ba de ni 'du shes kyi phung po'o/ /de yang dbye na 'du
 shes kyi tshogs drug ste/ tshor ba bzhin no/ /'du byed phung po  bzhi las gzhan/ gzugs dang/ tshor ba dang 'du shes dang/ rnam par shes pa dang/ phung po bzhi las gzhan pa'i 'du byed rnams ni 'du byed kyi
 phung po'o/ /bcom ldan 'das kyis mdo las/ sems pa'i tshogs drug go /zhes gsungs pa ni gtso bo yin pa'i phyir te/ de ni las kyi rang bzhin yin pa'i phyir mngon par 'du bya ba la gtso bo yin no/ /de
 nyid kyi phyir bcom ldan 'das kyis/ 'dus byas mngon par 'du byed de/ de lta bas na 'du byed nye bar len pa'i phung po zhes bya'o/ /zhes gsungs so/ /de lta ma yin na sems las byung ba lhag ma rnams dang ldan ba ma
 yin pa rnams phung por ma 'dus pa'i phyir sdug bsngal dang kun 'byung ba'i bden pa nyid du mi 'gyur bas yongs su shes pa dang spang bar mi 'gyur ro/ /bcom ldan 'das kyis ni/ chos gcig mngon par ma shes
 shing yongs su ma shes par yang sdug bsngal gyi mthar phyed par nga mi smra'o/ /zhes gsungs la/ de bzhin du ma spangs par yang zhes gsungs te/ de lta bas gdon mi za bar de dag 'du byed kyi phung por bsdus par khas blang bar
 bya'o/ /de gsum tshor ba dang/ 'du shes dang/ 'du byed kyi phung po dag ste/ skye mched dang/ khams rnam par bzhag pa ni/ rnam rig byed min dang/ 'dus ma byas rnams bcas pa ni/ /chos kyi skye mched khams zhes bya/ /de
 ltar na rdzas bdun po de dag ni chos kyi skye mched dang/ chos kyi khams zhes bya'o/ /rnam shes so sor rnam rig pa/ yul dang yul la so sor rnam par rig cing dmigs pa ni/ rnam par shes pa'i phung po zhes bya'o/ /de
 yang rnam par shes pa'i tshogs drug ste/ mig gi rnam par shes pa nas yid kyi rnam par shes pa'i bar ro/ /rnam par shes pa'i phung po bstan pa gang yin de skye mched rnam par bzhag pa ni/ yid kyi skye mched kyang de
 yin/ khams rnam par bzhag pa yang de dag nyid/ khams bdun dag tu 'ang 'dod pa ste/ bdun gang zhe na/ rnam par shes pa drug dang yid/ mig gi rnam par shes pa'i khams nas yid kyi rnam par shes pa'i khams dang/
 yid kyi khams kyi bar ro/ /de ltar na 'dir phung po lnga dang/ skye mched bcu gnyis dang/ khams bco brgyad du bstan par 'gyur te/ rnam par rig byed ma yin pa ma gtogs pa gzugs kyi phung po'i skye mched bcu dang/
 khams bcu dag go/ /tshor ba la sogs pa phung po gsum dang/ rnam par rig byed ma yin pa dang/ 'dus ma byas dag ni chos skye mched dang/ chos kyi khams so/ /rnam par shes pa'i phung po ni yid kyi skye mched dang/ rnam
 par shes pa'i khams drug dang/ yid kyi khams so/ /rnam par shes pa'i tshogs drug ni rnam par shes pa'i phung por bshad pa ma yin nam/ yang de dag las gzhan pa yid kyi khams de gang zhe na/ gzhan ni gang yang med do/ /
 'o na ci zhe na/ drug po de dag nyid las 'das ma thag pa yi/ /rnam shes gang yin de yid do/ /rnam par shes pa gang dang gang 'gags ma thag pa de nyid ni yid kyi khams zhes bya ste/ /dper na bu de nyid gzhan gyi phar 'gyur ba dang/
 'bras bu de nyid gzhan gyi sa bon yin pa lta bu'o/ /de ltar na 'o na ni rnam par shes pa'i khams drug dang yid kyi khams rnams gcig gi nang du gcig 'dus pa'i phyir rdzas su na khams bcu bdun nam bcu gnyis su 'gyur na ci'i phyir khams bco
 brgyad du rnam par bzhag ce na/ de lta 'ang yin mod kyi/ 'on kyang drug pa'i rten ni rab sgrub phyir /khams ni bco brgyad dag tu 'dod/ /rnam par shes pa'i khams lnga po dag gi rten lnga ni mig gi khams la sogs pa yin na drug pa yid kyi rnam
 par shes pa'i khams kyi rten ni gzhan med do/ /de'i phyir de'i rten rab tu bsgrub pa'i phyir yid kyi khams bstan to/ /de ltar na rten dang brten pa dang dmigs pa drug tshan rnam par bzhag pas khams bco brgyad dag tu 'gyur ro/ /'o na ni dgra
 bcom pa'i sems tha ma yid ma yin par 'gyur te/ de gang gis mtshungs pa de ma thag pa 'das par 'gyur ba de ni med do zhe na/ de yang yid kyi ngo bor gnas pa'i phyir na ma yin te/ rgyu gzhan ma tshang ba'i phyir rnam par shes pa phyi ma mi skye
 bar zad do/ /de la phung po dag gis ni 'dus byas thams cad bsdus so/ /nye bar len pa'i phung po dag gis ni zag pa dang bcas pa thams cad bsdus so/ /skye mched dang khams dag gis ni
 chos thams cad bsdus so/ /mdor bsdu na phung po dang ni skye mched dang/ khams gcig gis ni thams cad bsdus par shes par bya ste/ gzugs kyi phung po dang yid kyi skye mched dang chos kyi khams kyi chos thams cad
 bsdus par rig par bya'o/ /bsdu ba de ni gang dang gang nas 'byung yang rung rang gi ngo bo nyid kyis te/ gzhan gyi dngos pos ni ma yin par rig par bya'o/ /ci'i phyir zhe na/ gzhan gyi dngos dang mi ldan phyir/ /chos ni
 gzhan gyi dngos po dang mi ldan no/ /de lta bas na gang dang mi ldan pa de nyid kyis bsdus par ni mi rung ste/ dper na mig gi dbang po ni gzugs kyi phung po dang/ mig gi skye mched dang/ khams dag dang/ sdug bsngal dang/
 kun 'byung ba'i bden pa dag gis bsdus te/ de dag gis ngo bo nyid yin pa'i phyir ro/ /de dag gis ngo bo dang mi ldan pa'i phyir phung po la sogs pa gzhan dag gis ni ma yin no/ /dper na bsdu ba'i dngos po bzhi po dag gis 'khor
 rnams bsdus pa lta bu gzhan gyi gzhan bsdus so zhes bya ba gang yin pa de ni res 'ga' ba yin pa'i phyir brdar btags pa yin par bya'o/ /mig dang rna ba dang sna dag gnyis gnyis yod pa'i phyir khams nyi shu rtsa gcig tu 'gyur
 ba ma yin nam zhe na mi 'gyur te/ 'di ltar/ mig la sogs pa gnyis mod kyi/ /rigs dang spyod yul rnam par shes/ /'dra ba'i phyir na khams gcig nyid/ /de la rigs 'dra ba ni gnyi ga mig gi rang bzhin yin pa'i phyir
 ro/ /spyod yul 'dra ba ni gnyi ga'i gzugs yin pa'i phyir ro/ /rnam par shes pa 'dra ba ni gnyi ga mig gi rnam par shes pa gcig gi rten yin pa'i phyir te/ de lta bas na mig gi khams ni gcig pa nyid do/ /de bzhin du rna ba dang/ sna dag la
 yang sbyar bar bya'o/ /mdzes bya'i phyir na gnyis 'byung ngo/ /mig la sogs pa khams gcig pa nyid yin yang rten mdzes par bya ba'i phyir gnyis 'byung ngo/ /de lta ma yin te/ mig dang rna ba'i rten gcig dang/ sna'i bu ga gcig
 tu gyur na shin du mi mdzes par 'gyur ro/ /phung po dang/ khams dang/ skye mched dag bshad zin to/ /phung po dang khams dang/ skye mched kyi don gang yin pa 'dir brjod par bya ste/ spungs dang skye sgo rigs kyi don/ /
 phung po skye mched khams rnams yin/ /mdo las/ gzugs gang yin pa ci yang rung 'das pa 'am/ ma 'ongs pa 'am/ da ltar byung ba 'am/ nang gi 'am/ phyi'i 'am/ rags pa 'am/ phra ba 'am/ ngan pa 'am/ gya nom pa
 'am/ thag ring pa na yod ba gang yin pa 'am/ nye ba na yod pa de dag thams cad gcig tu bsdus te/ gzugs kyi phung po zhes bya ba'i grangs su 'gro'o/ /zhes 'byung ba'i phyir spungs pa'i don ni phung po'i don to zhes bya bar
 grub po/ /de la bye brag tu smra ba rnams na re/ gzugs 'das pa ni mi rtag pa nyid kyis 'gags pa'o/ /ma 'ongs pa ni ma byung ba'o/ /da ltar byung ba ni byung la ma 'gags pa'o/ /nang gi ni rang gi rgyud la yod pa'o/ /gzhan ni phyi'i
 'o/ /yang skye mched kyi sgo nas so/ /rags pa ni thogs pa dang bcas pa'o/ /phra ba ni thogs pa med pa'o/ /yang na ltos pa pa yin no/ /gal te ltos pa pa yin pa'i phyir ma grub po zhe na/ ma yin te/ bltos pas tha dad pa'i phyir
 ro/ /gang la bltos te rags pa yin pa ni nam du yang de la bltos nas phra ba ma yin te/ pha dang bu bzhin no/ /ngan pa ni nyon mongs pa can no/ /gya nom ba ni nyon mongs pa can ma yin pa'o/ /ring ba ni 'das
 pa dang ma 'ongs pa'o/ /nye ba ni da ltar byung ba ste/ rnam par shes pa'i bar duAng de dang 'dra'o/ /'di ni khyad par yin te/ rags pa ni dbang po lnga la brtan pa'o/ /phra ba ni yid las byung ba'o/ /yang na sa las rig par
 bya'o/ /zhes so/ /btsun ba na re ni gzugs rags pa ni dbang po lngas gzung bar bya ba'o/ /gzhan ni phra ba'o/ /ngan pa ni yid du mi 'ong ba'o/ /gya nom pa ni yid du 'ong ba'o/ /ring ba ni yul mi snang ba can no nye ba ni yul snang
 ba can no/ /'das pa la sogs pa ni rang gi ming gis bstan pa'i phyir te/ tshor ba la sogs pa yang de bzhin du rig par bya'o/ /de dag gis ring ba dang nye ba nyid ni rten gyi dbang gis so/ /rags pa dang phra ba nyid ni snga
 ma bzhin no/ /zhes zer ro/ /sems dang sems byung ba rnams skye ba'i sgo'i don ni skye mched kyi don te/ /nges pa'i tshig tu na sems dang sems las byung ba rnams skye ba mched bar byed pas skye mched rnams te/ rgyas par
 byed ces bya ba'i tha tshig go /rigs kyi don ni khams kyi don te/ dper na 'ga' zhig la lcags dang zangs dang dngul dang gser la sogs pa rigs mang po dag yod pa la khams zhes brjod ba de bzhin du rten dang rgyud cig
 la rigs bco brgyad dag yod pa la khams bco brgyad ces bya'o/ /de la 'byung gnas dag ni rigs zhes bya na mig la sogs pa 'di dag gang gi 'byung gnas yin zhe na/ rang gi rigs kyi yin te/ bskal pa mnyam pa'i
 rgyu yin pa'i phyir ro/ /'dus ma byas khams ma yin bar 'gyur ro zhe na/ 'o na ni sems dang sems las byung ba rnams kyi yin no/ /gzhan dag na re chos bco brgyad po dag gi rigs kyi rang bzhin ni khams bco brgyad ces bya bas khams zhes bya
 ba'i sgra 'di ni rigs kyi tshig yin no/ /zhes zer ro/ /gal te spungs pa'i don phung po'i don yin no phung po rnams brtags pa'i yod par 'gyur te/ rdzas du ma 'dus pa yin pa'i phyir spungs pa dang gang zag bzhin no/ /zhe na/ ma yin te/
 rdzas kyi rdul phra rab gcig pu yang phung po yin pa'i phyir ro/ /de lta na gcig pu la spungs pa nyid med pas spungs pa'i don ni phung po'i don to/ /zhes brjod par mi bya'o/ /gzhan dag na re/ bya ba'i khur khyer ba'i don tam/ yongs
 su chad pa'i don ni phung po'i don te/ 'di ltar smra ba po dbul bar bya ba'i phung po gsum dag tu dbul? bar bya'o/ zhes smra ba bzhin no/ /zhes zer te/ de ni mdo dang 'gal lo/ /mdo las ni spungs pa'i don kho nar gsungs te/
 gzugs gang ci yang rung ba 'das pa 'am/ ma 'ongs pa 'am zhes rgyas par gsungs so/ /der ni gzugs 'das pa la sogs so sor phung po nyid yin par shes te/ gzugs 'das pa la sogs pa 'di thams cad re re zhing
 gzugs kyi phung po yin no/ /zhe na/ de ltar ni shes par mi nus te/ de thams cad gcig tu bsdus nas zhes 'byung ba'i phyir ro/ /de lta bas na gzugs kyi phung po dag ni spungs pa bzhin du btags pa'i yod pa yin no/ /de lta
 na skye mched gzugs can rnams kyang btags pa'i yod par 'gyur te/ mig la sogs pa'i rdul phra rab mang po ni skye ba'i sgor gyur pa'i phyir ro zhe na/ ma yin te tshogs pa rnams re re nas rgyu'i ngo bor gyur pa'i phyir ram/ yul lhan 
 cig byed pa yin pa'i phyir dbang po logs shig tu skye mched du yang mi 'gyur ro/ /bye brag tu bshad pa las ni/ gal te chos mngon pa ba zhig phung po btags pa'i yod par lta na ni de rdul phrar ba khams gcig dang/
 skye mched gcig dang/ phung po gcig gi phyogs yin no zhes smra'o/ /'on te mi lta na ni rdul phra rab khams gcig dang/ skye mched gcig dang/ phung po gcig yin no/ /zhes smra'o zhes 'byung ngo/ /phyogs yin yang phyogs can bzhin
 du nye bar 'dogs pa yang yod do/ dper na ras yug gi phyogs gcig tshig pa la ras yug tshig ga zhes bya ba bzhin no/ /yang ci'i phyir bcom ldan 'das phung po la sogs pa'i sgo nas ston pa rnam pa gsum rtsom par mdzad ce na/
 smras pa/ gdul ba rnams kyi/ rmongs dbang 'dod rnams gsum gyi phyir/ /phung po la sogs gsum bstan to/ /rnam pa gsum ni rnam gsum mo/ /sems can rnams kyi rmongs pa ni rnam pa gsum ste/ kha cig ni sems las
 byung ba rnams la ril pa'i bdag nyid du 'dzin pas rmongs so/ /kha cig ni gzugs kho na la/ kha cig ni gzugs dang sems dag la'o/ /dbang po dag kyang rnam pa gsum ste/ dbang po rnon po dang/ 'bring dang/ rtul po'i phyir ro/ /
 'dod pa yang rnam pa gsum ste/ tshig bsdus pa dang/ bar ma dang/ rgya chen po 'dod pa'i phyir te/ de dag la go rims bzhin du phung po dang/ skye mched dang/ khams dang gsum bstan te zhes grag go /yang ci'i phyir sems
 las byung ba gzhan rnams ni 'du byed kyi phung po gcig tu bsdus la 'du shes dang tshor ba dag ni logs shig tu phung por byas she na/ smras pa/ rtsod pa'i rtsa bar gyur pa dang/ /'khor ba'i rgyu phyir rim rgyu'i phyir/ /sems byung
 rnams las tshor ba dang/ /'du shes lags shig phung po bzhag/ rtsod pa'i rtsa ba dag ni gnyis te/ 'dod pa la lhag par zhen pa dang/ lta ba la lhag par zhen pa'o/ /de gnyis kyi rgyu'i gtso bo ni go rims bzhin du tshor ba
 dang/ 'du shes dag ste/ tshor ba ro myang ba'i dbang gis ni 'dod pa rnams las mngon par zhen la/ 'du shes phyin ci log gis ni lta ba rnams la'o/ /de dag ni 'khor ba'i rgyu'i gtso bo yang yin te tshor ba la zhen cing 'du shes
 phyin ci log tu gyur pa ni 'khor ro/ /gang yang phung po'i go rims kyi rgyu'i ston par 'gyur ba'i go rims kyi rgyu de'i phyir yang 'di gnyis logs shig tu phung por byas par rig par bya ste/ de ni de nyid du bshad par bya'o/ /'o na
 ci'i phyir skye mched dang khams dag tu ni 'dus ma byas bshad la/ phung po dag tu ni ma yin zhe na/ phung po dag tu 'dus ma byas/ /don du mi rung phyir ma bshad/ /de ni phung po dag gi nang du brjod na de ni gzugs
 ma yin shing rnam par shes pa'i bar du yang ma yin pas don du mi rung ba'i phyir re zhig de dag nyid kyi nang du bsdu bar ni mi nus so/ /phung po drug par brjod par yang mi nus so/ /ci'i phyir zhe na/ don du mi rung ba'i
 phyir te/ spungs pa'i don du ni phung po'i don to/ /zhes bshad na/ 'dus ma byas ni gzugs bzhin du 'di ltar de dag thams cad gcig tu bsdus nas 'dus ma byas kyi phung po zhes bya ba'i grangs su 'gro bar 'gyur ba
 'das pa la sogs pa'i bye brag gi tha dad pa ma yin no/ /yang kun nas nyon mongs pa'i gzhi shes par bya ba'i phyir nye bar len pa'i phung po zhes bya la/ kun nas nyon mongs pa dang rnam par byang ba'i gzhi shes par
 bya ba'i phyir phung po zhes kyang bya na/ 'dus ma byas ni don du mi rung ba'i phyir gnyi ga yang ma yin te/ de dag tu rnam par ma bzhag go /kha cig na re ji ltar bum pa chag pa bum pa ma yin pa de bzhin du phung po
 zhig pa yang phung po yin par mi 'os so/ /zhes zer te/ de dag gi ltar na khams dang skye mched dag la yang de ltar thal bar 'gyur ro/ /phung po rnams kyi rnam pa gzhan bshad zin to/ /rim ni rags dang kun nyon mongs/ /snod
 rtsog don khams ji bzhin no/ /gzugs ni thogs pa dang bcas pa'i phyir thams cad pas rags so/ /gzugs can ma yin pa rnams kyi nang na yang tshor ba ni rgyu ba rags pa'i phyir te/ 'di ltar nga'i lag pa la tshor ro/ /nga'i rkang pa la
 tshor ro zhes tha snyad 'dogs so/ /'du shes ni gnyis pas ches rags so/ /rnam par shes pa bas ni 'du byed de/ de'i phyir gang ches rags pa de sngar bshad do/ /yang na thog ma med pa can gyi 'khor ba na pho dang mo dag
 phan tshun gzugs la mngon par dga' ste/ de dag kyang tshor ba'i ro myang ba la chags pa'i phyir ro/ /de la chags pa yang 'du shes phyin ci log tu gyur pa'i phyir ro/ /phyin ci log de yang kun nas nyon mongs pa dag gis so//
 sems kyang de dag gis kun nas nyon mongs pa can du byas pas kun nas nyon mongs pa'i go rims ji lta ba bzhin no/ /yang snod la sogs pa'i don gyis te/ gzugs la sogs pa'i phung po ni snod dang zas dang tshod ma dang byan po
 dang za ba po lta bu'o/ /yang na khams kyis te/ 'dod pa'i yon tan gzugs kyis rab tu phye ba ni 'dod pa'i khams so/ /tshor bas rab tu phye ba ni bsam gtan rnams so/ /'du shes kyis rab tu phye ba ni gzugs med
 pa gsum mo/ /'du byed tsam gyis rab tu phye ba ni srid pa'i rtse mo ste/ 'di dag ni rnam par shes pa gnas pa yin la/ de dag la rnam par shes pa gnas so zhes phung po'i go rims zhing dang sa bon gyi go rims lta bur bstan pa'i
 phyir ro/ /de nyid kyi phyir phung po rnams ni lnga ste mi nyung mi mang de/ /gang gi phyir 'di dag ni ches rags pa dang/ kun nas nyon mongs pa'i go rims kyi rgyu dang zas dang tshod ma lta bu dang/ de dag gis khams gnyis rab tu phye
 ba'i go rims kyi rgyu de nyid kyi tshor ba dang 'du shes rag ni 'du byed rnams las logs shig tu phung por byas so/ /mig la sogs pa'i khams dang skye mched drug gi go rims brjod par bya ste/ de'i dbang nyid kyi na de'i yul dang
 rnam par shes pa rnams kyi go rims su 'gyur ro/ /drug po de dag las/ da lta'i don phyir dang por lnga/ mig la sogs pa lnga'i yul ni da ltar yin pa'i phyir sngar smos so/ /yid kyi yul ma nges pa can yin te/ kha cig
 gi yul ni da ltar yin pa nas/ kha cig gi yul ni dus gsum dang dus ma yin pa'i bar yin no/ /'byung ba las gyur don phyir bzhi/ /dang por zhes bya bar snyegs so/ /lnga rnams las kyang bzhi sngar smos pa ni yul
 'byung ba las gyur pa yin pa'i phyir ro/ /lus kyi yul ni ma nges te/ res 'ga' ni 'byung ba dag yin la/ res 'ga' ni 'byung ba las gyur pa dag yin no/ /res 'ga' ni gnyi ga yin no/ /gzhan ni tshes? ring myur
 'jug phyir/ /lhag ma ni ci rigs par ches rgyang ring pa dang myur bar 'jug pas gzhan pas sngar smos te/ mig dang rna ba'i yul rgyang ring ba'i phyir gnyis pas de dag sngar smos so/ /de gnyis las kyang mig ni ches rgyang
 ring po la 'jug te/ chu rlung rgyang ring po nas mthong yang de'i sgra mi thos pas de'i phyir de sngar smos so/ /sna dang lce ni rgyang ring po la 'jug pa med mod kyi/ de gnyis las kyang sna ni ches myur bar 'jug
 pa'i phyir sngar smos te/ zas lce dang ma phrad pa nyid kyi dri 'dzin pa'i phyir ro/ /yang na ji ltar gnas bzhin rim yang na lus 'di la mig gi rten ni dang po na gnas so/ /de'i 'og na ni rna ba'i 'o de'i 'og na ni lce'i'o/ /lus kyi ni phal
 cher de'i 'og na'o/ /yid ni de dag la rten pa dang yul na mi gnas pa'i phyir te/ de dag gi go rims ni ji ltar gnas pa bzhin yin no/ /yang ci'i phyir gzugs kyi phung pos bsdus pa'i skye mched bcu po dag las gcig
 gzugs kyi skye mched du brjod la/ thams cad kyang chos kyi rang bzhin yin na gcig chos kyi skye mched ces bya zhe na/ smras pa/ bye bra gdon dang gtso bo'i phyir/ /chos mang pa dang mchog bsdus phyir/ /gcig ni gzugs
 kyi skye mched dang/ /gcig ni chos zhes bya bar brjod/ /bye brag gi don ji lta bu zhe na/ ci nas kyang yul dang yul can nyid du rnam par bzhag pa'i sgo nas bcu po 'di dag so sor skye mched nyid yin gyi spyir ni ma yin no/ /zhes
 rtogs par bya ba yin la/ mig la sogs pa bye brag tu byas pa dag gis ni gang mig la sogs par ni ming ma btags la gzugs ni yin bde gzugs kyi skye ma ched du shes par 'gyur bas 'di'i ming gzhan ma brjod do//
 yang na gzugs kyi skye mched ni gtso bo yin pa'i phyir te de ni thogs pa dang bcas pa yin pa'i phyir lag pa la sogs pa'i 'dus te reg pa dag gis reg na gzugs su rung ba dang/ bstan du rung ba'i phyir te/ 'di ni 'di na'o//
 che ge mo zhig na'o/ /zhes brtag tu rung ba'i phyir ro/ /'jig rten na yang de gzugs so zhes grags kyi gzhan dag la ni ma yin no/ /bye brag gi don nyid kyis gcig ni chos kyi skye mched du bshad kyis thams cad ni ma yin no/ /gzhan
 yang 'dir tshor ba la sogs pa chos mang po rnams bsdus te/ de'i phyir chos kyi sgrar spyir brjod par byed do/ /chos kyi mchog mya ngan las 'das pa yang de bsdus te gzhan du ni ma yin no/ /gzhan dag na re rnam pa nyi shus rags pa'i phyir
 dang/ sha dang lha dang 'phags pa'i shes rab dang mig gsum gyi spyod yul yin pa'i phyir gcig gzugs kyi skye mched du bstan to zhes zer ro/ /mdo dag las phung po dang skye mched dang khams zhes bya ba gzhan dag kyang
 dmigs na/ ci de rnams 'di dag nyid kyis bsdus sam/ 'on te tha dad pa zhig yin par rig par bya zhe na/ 'di dag nyid kyis bsdus kyi tha dad pa ni med de de la re zhig/ chos kyi phung po brgyad khri dag/ gang rnams thub pas gsungs
 de dag/ tshig gam ming yin de dag ni/ /gzugs dang 'du byed dag tu 'dus/ /gang dag gi ltar na sangs rgyas kyi gsung tshig gi rang bzhin yin pa de dag gi ltar na de dag ni gzugs kyi phung pos bsdus so/ /gang dag gi ltar
 na ming gi rang bzhin yin pa de dag gi ltar na ni 'du byed kyi phung pos bsdus so/ /yang chos kyi phung po'i tshad ji tsam zhe na/ kha cig bstan bcos tshad ces zer/ kha cig na re de ni chos kyi phung po zhes bya ba bstan bcos mngon pa'i tshad
 tsam mo/ /zhes zer te/ de ni shlo ka drug stong ngo/ /yang gzhan dag na re/ phung po la sogs gtam re yin zhes zer te/ phung po dang/ skye mched dang/ khams dang/ rten cing 'brel par 'byung ba dang/ bden pa dang/ zas dang/
 bsam gtan dang/ tshad med pa dang/ gzugs med pa dang/ rnam par thar pa dang/ zil gyis gnon pa'i skye mched dang/ zad par gyi skye mched dang/ byang chub kyi phyogs dang mthun pa dang/ mngon par shes pa
 dang/ so so yang dag par rig pa dang/ smon nas shes pa dang/ nyon mongs pa med pa la sogs pa'i gtam rgyud re re ni chos kyi phung po zhes zer ro/ /spyod pa rnams kyi gnyen por ni/ /chos kyi phung po mthun par gsungs/ /
 'di skad du/ sems can rnams kyi spyod pa 'dod chags dang/ zhe sdang dang/ gti mug dang/ nga rgyal la sogs pa spyod pa tha dad pa brgyad khri yod de/ de dag gi gnyen por bcom ldan 'das kyis chos kyi phung po brgyad khri gsungs so//
 zhes brjod do/ /ji ltar chos kyi phung po brgyad khri bo 'di phung po lnga 'di dag nyid du bsdus pa/ de bzhin gzhan yang ci rigs par/ /phung po skye mched khams rnams ni/ /rang gi mtshan nyid legs dpyad de/ /ji skad bshad par
 bsdu bar bya/ /mdo gzhan dag las phung po dang skye mched dang khams gzhan gang dag gsungs pa de dag kyang bstan bcos 'di las/ ji skad bshad pa bzhin de dag gi rang rang gi mtshan nyid legs par dpyad nas phung po la sogs pa ji
 skad bshad pa 'di dag nyid du bsdu bar bya ste/ de la re zhig tshul khrims dang/ ting nge 'dzin dang/ shes rab dang/ rnam par grol ba dang/ rnam par grol ba'i ye shes mthong ba'i phung po dag las tshul khrims kyi phung po ni gzugs
 kyi phung pos bsdus so/ /lhag ma rnams ni 'du byed kyis phung pos bsdus so/ /zad par gyi skye mched bcu po dag las brgyad ni ma chags pa'i rang bzhin yin pa'i phyir chos kyi skye mched kyi bsdus so/ /'khor rnams dang bcas
 na ni phung po lnga'i rang bzhin yin pa'i phyir yid dang chos kyi skye mched dag gis bsdus te/ zil gyis gnon pa'i skye mched rnams de dang 'dra'o/ /zad bar nam mkha' dang rnam par shes pa mdza' yas skye mched dag dang/ nam mkha' mdza' yas
 skye mched la sogs pa bzhi po dag ni phung po bzhi'i rang bzhin yin pa'i phyir yid dang chos kyi skye mched dag gis bsdus so/ /rnam par grol ba'i skye mched lnga po dag ni shes rab kyi rang bzhin yin de'i phyir chos kyi skye mched kyis bsdus
 so/ /'khor rnams dang bcas na ni sgra dang yid dang chos kyi skye mched rnams kyis bsdus so/ /skye mched gnyis las 'du shes med pa'i sems can ni dri dang ro'i skye mched bcu po rnams kyis bsdus so/ /du shes med 'du shes med
 min skye mched du nye bar 'gro ba ni yid dang chos kyi skye mched dag gis bsdus so/ /de bzhin du khams mang po la las khams drug cu rtsa gnyis bstan pa de dag kyang ci rigs par bsdu par rig par bya'o/ /der gang dag sa'i khams dang chu'i
 khams dang/ me'i khams dang/ rlung gi khams dang/ nam mkha' i khams dang/ rnam par shes pa'i khams drug bstan pa la/ de dag las gnyis kyi mtshan nyid ma bshad na/ de ci nam mkha' nyid nam mkha' i khams yin la/ rnam
 par shes pa thams cad kyang rnam par shes pa'i khams yin par rig par bya 'am/ zhe na smras pa ma yin no/ /'o na ci zhe na/ sgo dang skar khung dang kha dang sna la sogs pa'i/ bu ga nam mkha' i khams zhes bya/ /bu ga zhes bya ba ci zhig
 yin par rig par bya/ snad dang mun pa dag yin lo/ /bu ga ni snang ba dang mun pa ngag las gzhan du gzung du med do/ /de lta bas na nam mkha' i khams ni snang ba dang mun pa'i rang bzhin te/ mtshan mo dang nyin mo'i rang bzhin du rig par bya'o// 
 zhes grag go /de nyid thogs pa'i nye ba'i 'khor gyi gzugs zhes bya ste/ thogs pa zhes bya ba ni shin tu gnod par bya rung ba'i phyir bsags par gnas pa'i gzugs te de ni de'i 'khor ro lo/ /gzhan dag
 na re de la gzhan mi thogs pa'i phyir te/ de ni thogs med kyang yin la gzugs gzhan gyi nye 'khor yang yin pas thogs med nye 'khor yin no/ /zhes zer ro/ /zag dang bcas pas rnam shes ni/ /rnam shes khams yin ci'i
 phyir zag pa med pa la mi bya zhe na/ 'di ltar khams drug po 'di dag ni/ skye ba'i rten yin par 'dod de/ de dag nying mtshams sbyor ba'i sems 'chi ba'i sems kyi bar du skye ba'i gzhir gyur pa ste/ zag pa med pa'i chos rnams ni de lta ma yin no/ /
 de'i phyir de ltar na de dag las khams bzhi ni reg bya'i khams kyi nang du 'dus so/ /lnga pa ni gzugs kyi khams kyi nang du 'dus so/ /drug pa ni rnam par shes pa'i khams bdun po dag tu 'dus so/ /gang dag khams bco brgyad
 pa de dag las bstan du yod pa rnams ni du/ bstan du med pa rnam ni du zhe na/ bstan yod 'dir ni gzugs gcig pu/ /de ni 'di ni 'di na'o/ /zhes bstan par nus so/ /lhag ma rnams ni bstan du med pa'o zhes bshad
 par 'gyur ro/ /thogs pa dang bcas pa rnams ni du/ thogs pa ming ba rnams ni du zhe na/ thogs dang bcas pa gzugs can bcu/ /gzugs kyi phung pos bsdus pa'i khams bcu gang dag bshad pa de dag ni thogs pa yin
 te/ thogs pa zhes bya ba ni rdugs pa'o/ /de yang rnam pa gsum ste/ sgrib pa dang yul dang dmigs pa la thogs pa'o/ /de la sgrib pa la thogs pa ni rang gi yul du gzhan skye ba'i gegs byed pa ste/ dper na
 lag pa 'am/ rdo ba la lag pa rdugs shing thogs pa 'am/ rdo ba yang de gnyis la thogs pa lta bu'o/ /yul la thogs pa ni mig la sogs pa yul can rnams gzugs la sogs pa yul rnams la thogs pa ste/ btags pa las
 ji skad du/ chu la thogs pa la skam la ma yin pa'i mig kyang yod de/ dper na nya rnams kyi lta bu'o/ /skam la thogs la chu la ma yin pa yang yod de/ mi phal che'i lta bu'o/ /gnyi gar thogs pa yang yod de/ chu
 srin byis pa gsod pa spel pa dang/ sha za dang/ nya la sogs pa rnams kyi lta bu'o/ /gnyi gar ma yin pa yang yod de/ rnam pa de dag ma gtogs pa'o/ /mig gang mtshan mo thogs la nyin par ma yin pa yod
 de/ pha wang dang/ 'ug pa la sogs rnams kyi lta bu'o/ /nyin bar thogs la mtshan mo ma yin pa ni mi phal che'i lta bu'o/ /mtshan mo dang nyin bar thogs pa ni/ khyi dang/ wa dang/ rta dang/ gung dang/ byi la
 la sogs pa rnams kyi lta bu'o/ /gnyi gar yang ma yin pa ni rnam pa de dag ma gtogs pa'o/ /zhes gsungs pa lta bu ste/ 'di ni yul la thogs pa'o/ /dmigs pa thogs pa ni sems dang sems las byung ba
 rnams rang gi dmigs pa dag la thogs pa'o/ /yul dang dmigs pa dag la bye brag ci yod ce na/ gang la gang zhig byed pa de ni yul yin la/ gang zhig sems dang sems las byung ba rnams kyis 'dzin pa de ni
 dmigs pa yin no/ /yang ji ltar na rang gi yul la ma dmigs pa la 'jug pa la thogs pa zhes bya zhe na/ de las gzhan du mi 'jug pa'i phyir ro/ /yang na 'di la gtong pa ni thogs pa yin te/ rang gi yul
 la 'jug pa gang yin pa'o/ /de lta bas na 'dir bcu po dag ni sgrib ba la thogs pas thogs pa dang bcas pa nyid du rig par bya ste/ phan tshun sgrib pa'i phyir ro/ /chos gang dag yul thogs pas thogs pa dang
 bcas pa de dag sgrib pa la thogs pas kyang yin nam zhe na/ mu bzhi ste/ mu dang po ni sems kyi khams bdun dag dang/ chos kyi khams kyi phyogs mtshungs par ldan pa gang yin pa'o/ /gnyis pa ni yul lnga po dag go/ gsum
 pa ni dbang po lnga dag go/ bzhi pa ni mtshungs par ldan pa ma gtogs pa'i chos kyi khams kyi phyogs so/ /gang dag yul la thogs pas thogs pa dang bcas pa de dag nyid dmigs pa la thogs pas kyang yin nam zhe na/ tshig phyi ma
 dang/ sbyor ba ste/ re zhig dmigs pa la thogs pas gang dag yin pa de dag ni yul la thogs pas kyang yin no/ /yul la thogs pas yin la dmigs pa la thogs pas ma yin pa yang yod de dbang po lnga rnams so/ /btsun
 pa gzhon nu len na re ni gang la yid skye bar 'dod pa la gzhan dag gis thogs par bya nus pa de ni thogs pa dang bcas pa yin par shes par bya la bzlog pa ni thogs pa med par 'dod do zhes zer ro/ /thogs pa dang bcas pa dag
 bshad zin to/ /khams bco brgyad po de dag las dge ba rnams ni du/ mi dge ba rnams ni du/ lung du ma bstan pa rnams ni du zhe na/ lung ma bstan brgyad brgyad po dag gang zhe na/ thogs pa dang bcas pa bcu bshad pa
 gang dag yin pa/ de dag nyid gzugs sgra ma gtogs/ /dbang po lnga rnams dang/ dri dang ro dang reg bya'i khams rnams dang brgyad po de dag ni dge ba dang mi dge ba'i ngo bor lung bstan du med pa'i phyir lung du ma bstan pa dag go/ gzhan
 dag na re rnam par smin pa'i phyir lung bstan du med pa'i phyir ro zhes zer te/ de lta na ni zag pa med pa la thal bar 'gyur ro/ /gzhan rnam gsum/ gzhan khams bcu pa dag ni dge ba dang lung du ma bstan pa yang yin te/ de la sems
 kyi khams bdun ma chags pa la sogs pa dang mtshungs par ldan pa dag ni dge ba yin no/ /chags pa la sogs pa dang mtshungs par ldan pa dag ni mi dge ba yin no/ /gzhan dag ni lung du ma bstan pa yin no/ /chos kyi khams
 ni ma chags pa la sogs pa'i ngo bo nyid dang/ mtshungs par ldan ba dang/ kun nas bslang pa dang/ so sor brtags pas 'gog pa ni dge ba'o/ /chags pa la sogs pa'i ngo bo nyid dang/ mtshungs par ldan pa dang kun
 nas bslang ba ni mi dge ba'o/ /gzhan du lung ma bstan pa yin no/ /gzugs dang sgra'i khams ni lus dang ngag gi rnam par rig byed kyis bsdus pa dge ba dang mi dge ba'i sems kyis kun nas bslang ba dag ni dge ba dang mi dge ba yin no//
 de las gzhan ba dag ni lung du ma bstan pa yin no/ /dge ba la sogs pa'i dngos po bshad zin to/ /khams bco brgyad po de dag las 'dod par gtogs pa rnams ni du/ gzugs dang gzugs med par gtogs pa rnams ni
 du zhe na/ 'dod khams gtogs pa thams cad do/ /gtogs pa ni ma bral ba ste/ 'dod pa'i khams dang ldan zhes bya ba'i tha tshig go/ gzugs kyi khams na bcu bzhi'o/ /gzugs kyi khams na ni khams bcu bzhi ste/ dri
 dang ro dang sna dang ni/ /lce yi rnam shes khams ma gtogs/ /de na dri dang ro dag med de/ de gnyis ni khams kyi zad yin pa'i phyir la/ de dag gi 'dod chags dang bral ba rnams kyang der skye ba'i phyir ro/ /de bas na dmigs pa
 med pa'i phyir sna dang lce'i rnam par shes pa dag kyang med do/ /de ltar na ni 'o na de ni reg bya'i khams kyang med par thal par 'gyur te/ khams kyi zas yin pa'i phyir ro/ /zas kyi rang bzhin ma yin pa'i gang yin
 pa de ni yod do/ /dri dang ro dag kyang de ltar thal bar 'gyur ro/ /reg bya dbang po'i rten dang gzhi dang bgo ba la sogs pa'i dngos por yod du chug kyang zas mid pa med par dri dang ro dag la yongs su longs spyod pa med de/
 de lta bas na de na zas ming pa'i 'dod chags dang bral ba rnams la dri dang ro dag dgos pa med kyi reg bya ni ma yin no/ /gzhan dag na re ni snyoms par 'jug pa'i bsam gtan la brten nas 'dir gzugs rnams kyang mthong zhing sgra
 rnams kyang thos la shin tu sbyangs pa dang/ lhan cig par gyur pa'i reg bya'i khyad par gyis kyang lus la phan 'dogs pas de'i phyir skye ba'i bsam gtan na gsum po de dag srid kyi dri dang ro dag ni ma yin no/ /zhes zer ro//
 de lta na ni 'o na sna dang lce'i dbang po dag kyang med par thal bar 'gyur te/ dgos pa med pa'i phyir ro/ /dgos pa yod de/ de dag med par ni rten mdzes pa nyid dang/ mngon bar brjod par yang mi 'gyur ro/ /
 gal te dgos pa der zad na mdzes par bya ba'i don dang/ tshig gi don du rten kho nas chog gi dbang po ni dgos pa med do/ /dbang po med pa'i rten ni mi srid de/ pho'i dbang po'i rten bzhin no/ /de ni dgos pa med pa'i
 phyir ma srid bar rigs kyi sna dang lce'i dbang po'i rten ni dgos pa dang bcas pa yin bas/ de'i phyir 'di dag ni dbang po med par yang srid par rigs so/ /dgos pa med par yang dbang po mngon bar 'grub par 'gyur te /
 dper na mngal du nges par 'chi ba rnams kyi lta bu'o/ /dgos pa med pa yin mod kyi rgyu med pa can ni ma yin no/ /dbang po skye ba'i rgyu gang zhe na/ dbang po la sred pa dang bcas pa'i las kyi khyad par ro/ /gang yang yul la/ sred pa dang
 bral ba de ni gdon mi za bar dbang po las kyang sred pa dang bral ba yin pas de dag gi yul la 'dod chags dang bral ba rnams la sna dang lce'i dbang po dag 'byung bar 'os pa ma yin no/ /yang na pho'i dbang po yang ci ste 'grub bar mi
 'gyur/ mi mdzes par byed ba'i phyir ro/ /mdo mas? kyi rba? ba sbubs su nub pa rnams kyi ci'i phyir mi mdzes par 'gyur/ /dgos pa'i dbang gis 'byung ba yang ma yin no/ /'o na ci zhe na/ rgyu'i
 dbang gis 'byung bas rgyu yod na mi mdzes par byed bzhin du yang 'byung bar 'gyur ba nyid do/ /'o na ni mdo las dbang po rnams ma tshang ba med cing ming pa ma yin no zhes 'byung ba dang 'gal lo/ zhe
 na/ de nas dbang po dag srid pa de dag gis dbang po med pa ma yin pas 'di la 'gal ba ci zhig yod/ de lta ma yin na pho'i dbang po yang yod par thal bar 'gyur ro/ /'di skad du lus kyi sgo nas
 skye mche ba drug la sred pa kun du spyod kyi yul gyi sgo nas ni ma yin pas de na sna dang lce'i dbang po dag ni yod pa nyid kyi dri dang ro dag ni ma yin no/ /pho'i dbang po ni 'khrig pa reg pa'i sgo nas sred pa kun
 du sbyong pas de lta bas na gzugs kyi khams su gtogs pa'i khams bcu bzhi'o/ /zhes bya ba de grub bo/ zhes brjod do/ /gzugs med gtogs pa yid dang ni/ /chos dang yid kyi rnam shes
 khams/ /gzugs kyi 'dod chags dang bral ba rnams der skye ste/ de'i phyir de ni gzugs kyi rang bzhin gyi khams bcu dang de dag la brten pa dang dmigs pa rnam par shes pa'i khams lnga yod med do/ /zag pa dang bcas pa rnams ni du/ zag pa
 med pa rnams ni du/ zhe na/ yid dang chos dang yid kyi rnam par shes pa'i khams gang dag bshad pa/ de gsum zag bcas zag pa med/ /gang dag lam gyi bden pa dang 'dus ma byas kyis bsdus pa de dag ni zag pa med pa yin no/ /gzhan dag
 ni zag pa dang bcas pa yin no/ /lhag ma rnams ni zag bcas so/ /lhag ma khams bco lnga po de dag ni cig tu zag pa dang bcas pa yin no/ /rtog pa dang bcas dpyod pa dang bcas pa rnams ni du/ rtog pa med la dpyod pa tsam dag ni du /rtog pa yang med
 la dpyod pa yang med pa rnams ni du zhe na/ rtog dang dpyod dang bcas pa ni/ /rnam par shes pa'i khams lnga yin/ /'di dag ni rtag tu rtog pa dang dpyod pa dag dang mtshungs par ldan pa yin te/ 'di ltar kha phyi rol tu bltas pa'i phyir rtsing ba yin no/ /ni
 zhes bya ba ni nges par gzung ba'i phyir ro/ /tha ma gsum ni rnam gsum mo/ /tha ma dag ni yid kyi khams dang/ chos kyi khams dang/ yid kyi rnam par shes pa'i khams te/ gsum po de dag ni rnam pa gsum ste/ de la yid kyi khams dang/
 yid kyi rnam par shes pa'i khams dang/ rtog pa dang dpyod pa dag las gzhan pa chos kyi khams mtshungs par ldan pa dag 'dod pa'i khams dang bsam gtan dang bon ni rtog pa dang bcas dpyod pa dang bcas pa dag yin no bsam gtan khyad par can na ni rtog pa med cing
 dpyod pa tsam dag yin no/ /bsam gtan gnyis pa nas bzung ste/ srid pa'i rtse mo'i bar gyi dang/ chos kyi khams mtshungs par ldan pa ma yin pa thams cad dang/ bsam gtan khyad par can gyis dpyod pa ni rtog pa yang med la dpyod pa yang med pa dag yin no/ /rtog pa ni
 rtog pa gnyis pa med pa'i phyir dang/ dpyod pa dang mtshungs par ldan pa'i phyir rtag tu rtog pa med cing dpyod pa tsam yin no/ /'dod pa'i khams dang bsam gtan dang po'i dpyod pa rnam pa gsum po 'di dag gi nang du mi 'dun de ji skad du brjod par bya zhe na/ dpyod pa gnyis pa med pa'i phyir dang/ rtog pa
 dang mtshungs par ldan pa'i phyir dpyod pa med cing rtog pa tsam yin no/ /de nyid kyi phyir rtog pa dang bcas dpyod pa dang bcas pa'i sa na chos rnam pa bzhi yod de/ rtog pa dang bcas dpyod pa dang bcas pa dag ni rtog pa dang dpyod pa ma gtogs pa mtshungs par ldan pa rnams so/ /rtog pa
 med cing dpyod pa tsam dag ni rtog pa'o/ /rtog pa yang med dpyod pa yang med pa dag ni mtshungs par ldan pa ma yin pa rnams so/ /dpyod pa med cing rtog pa tsam ni dpyod pa'o zhes bya'o/ /lhag ma rnams ni gnyi ga spangs/ /lhag ma rnams ni gzugs can gyi khams bcu po dag ste/ de
 dag ni mtshungs par ldan pa ma yin pa'i phyir rtag tu rtog pa yang med dpyod pa yang med pa dag yin no/ /gal te rnam par shes pa'i tshogs pa lnga po rnams rtog pa dang dpyod pa dang bcas pa dag yin na/ ji ltar rnam par rtog pa med pa dag ces bya zhe na/ nges par rtog dang rjes su dran pa'i/ /rnam
 par rtog pa rnam mi rtog pa rnam par rtog pa ni rnam pa gsum mo zhes grag ste/ ngo bo nyid dang/ nges par rtog pa dang/ rjes su dran pa'i rnam par rtog pa'o/ /de bas na de dag la ngo bo nyid kyi kyi rtog pa yod kyi gzhan dag ni ma yin te/ de lta bas rnam par rtog pa med pa dag ces bya ste/ dper
 na rta rkang gcig ba la rkang med ces bya ba bzhin no/ /de la ngo bo nyid kyi rnam par rtog pa ni rtog pa yin te/ de ni 'og nas sems las byung ba dag gi nang nas ston to/ /gzhan dag gi rang bzhin ci zhe na/ rim bzhin du/ de dag yid kyi shes rab g.yeng/ /yid kyi dran pa thams cad nyid
 yid kyi rnam par shes pa dang mtshungs par ldan pa'i shes rab ni yid kyi zhes bya'o/ /mnyam par bzhag pa ma yin pa ni g.yeng ba zhes bya ste/ de ni nges par rtog pa'i rnam par rtog pa'o/ /yid kyi dran pa nyid mnyam par bzhag pa ma yin pa thams cad ni rjes su dran pa'i rnam par
 rtog pa yin no dmigs pa dang bcas pa rnams ni du/ dmigs pa med pa rnams ni du zhe na/ dmigs bcas sems kyi khams bdun no/ /mig dang/ rna ba dang/ sna dang/ lce dang/ lus dang/ yid kyi rnam par shes pa'i khams rnams dang/ yid kyi khams
 te/ sems kyi khams bdun po de dag ni yul 'dzin pa'i phyir dmigs pa dang bcas pa dag go /chos kyi phyed kyang/ dmigs pa dang bcas pa yin te/ sems las byung ba'i rang bzhin gang yin pa'o/ /lhag ma gzugs can gyi khams bcu po dag dang/ chos kyi khams
 kyi phyogs ldan pa ma yin pa ni dmigs pa med pa zhes bya bar grub po/ /zin pa rnams ni du/ ma zin pa rnams ni du zhe na/ ma zin pa dgu dgu gang zhe na/ dmigs pa dang bcas pa bdun brgyad pa'i phyed dang bcas te bshad pa gang dag yin pa brgyad po de dag rnams dang sgra/ de ltar na sems kyi khams
 bdun dang/ chos kyi khams dang/ sgra'i khams dang khams dgu po de dag ni ma zin pa yin no/ /dgu po gzhan ni rnam pa gnyis/ /zin pa dag kyang yin ma zin pa dag kyang yin te/ de la mig dang rna ba dang sna dang lce dang lus da ltar byung ba rnams ni zin pa yin no/ /'das pa dang ma 'ongs
 pa rnams ni ma zin pa yin no/ /gzugs dang/ dri dang/ ro dang/ reg bya'i khams da ltar byung ba dbang po dang tha mi dad pa rnams ni zin pa yin no/ /gzhan dag ni ma zin pa rnams te/ 'di lta ste rtsa ba ma gtogs pa'i skra dang/ ba spu dang/ sen mo dang/ so dag la yod pa dang/ phyi sa dang/
 gcin dang/ mchil ma dang/ snabs dang/ khrag la sogs pa dag la yod pa dang/ sa dag chu la sogs pa dag la yod pa lta bu'o/ /zin pa zhes bya ba'i don ci zhe na/ phan pa dang gnod pa dag gis phan tshun mthun par byed pa'i phyir sems dang sems las byung ba rnams kyis
 rten gyi dngos por nye bar gzung ba ste/ 'jig rten gyi na sems pa dang bcas pa zhes brjod pa gang yin pa'o/ /khams du dag gcig ni 'byung ba'i ngo bo nyid yin/ du dag gcig ni 'byung ba las gyur pa yin zhe na/ reg bya rnam pa gnyis yin te/ 'byung ba dag dang/ 'byung ba
 las gyur pa'o/ /de la 'byung ba dag ni bzhi'o/ /'byung ba las gyur pa ni 'jam pa nyid la sogs pa rnam pa bdun te/ 'byung ba dag la yod pa'i phyir ro/ /lhag ma gzugs can dgu po ni/ 'byung 'gyur/ dbang po lnga'i khams dag dang yul bzhi ste/ khams dgu po de rnams ni 'byung ba
 las gyur pa dag kho na'o/ /chos khams phyogs gcig kyang/ 'byung ba las gyur pa ste/ rnam par rig byed ma yin pa zhes bya'o/ /lhag ma sems kyi khams bdun dang/ rnam par rig byed ma yin pa ma gtogs pa chos kyi khams ni gnyis ka ma yin pa'o/ /btsun pa sangs rgyas
 lhan re ni skye mched bcu po dag ni 'byung ba tsam mo zhes zer ro/ /de ni de lta ma yin te/ mdo las 'byung ba rnams ni bzhi nyid dang/ sra ba la sogs pa'i mtshan nyid du nges par gzung ba'i phyir la/ de dag kyang reg bya yin pa'i phyir ro/ /mig la sogs pas kyang sra ba la sogs pa
 mi 'dzin la/ lus kyi dbang pos kyang kha dog la sogs pa ma yin no/ /mdo las kyang dge slong mig ni nang gi skye mched yin te/ 'byung ba chen po bzhi dag rgyur byas pa gzugs dang ba gzugs can bstan du med la thogs pa dang bcas pa ste/ lus kyi bar du yang de bzhin no/ /
 dge slong gzugs rnams ni phyi'i skye mched yin te/ 'byung ba chen po bzhi rgyur byas pa gzugs can bstan du yod la thogs pa dang bcas pa yin no/ /dge slong sgra ni phyi'i skye mched yin te/ 'byung ba chen po bzhi dag rgyur byas pa gzugs can bstan du med la thogs pa dang bcas
 pa ste/ dri dang ro yang de bzhin no/ /dge slong reg bya rnams ni phyi'i skye mched yin te/ 'byung ba chen po bzhi dag dang/ 'byung ba chen po bzhi dag rgyur byas pa gzugs can bstan du med la thogs pa dang bcas pa'o zhes gsungs ste/ reg bya'i skye mched kyi phyogs gcig kho nas
 'byung ba rnams bsdus pa'i phyir lhag ma rnams ni 'byung ba dag ma yin no/ /zhes bya bar gsal bar kun tu bstan pa yin no/ /'o na kmdo las gang mig gi shi'i gong bu la sra ba mkhrang bar gyur pa gang yin pa zhes gsungs so/ /de dang tha mi dad par 'jug pa'i shi'i gong bu la de
 skad du bstan par zad do/ /mngal du 'jug pa las/ dge slong mi 'di ni khams drug pa yin no zhes gsungs so/ /sems can gyi rdzas kyi gzhi bstan pa'i phyir te/ yang reg pa'i skye mched drug ces gsungs pa'i phyir dang/ sems las byung ba rnams med par
 thal bar 'gyur ba'i phyir ro/ /sems nyid sems las byung ba rnams yin no zhes bya bar khas blangs par rig pa yang ma yin te/ mdo las/ 'du shes dang sems pa'i chos 'di ni sems las byung ba sems la brten pa'o zhes 'byung ba'i phyir dang/ sems
 'dod chags dang bcas pa la sogs pa 'byung ba'i phyir ro/ /de lta bas na khams rnams kyi 'byung ba dang 'byung ba las gyur pa nyid ni ji skad bshad pa nyid yin no/ /bsags pa rnams ni du/ bsags pa ma yin pa rnams ni du zhe na/ gzugs can bcu ni bsags pa'o//
 dbang po'i khams lnga yul lnga dag ni rdul phra rab 'dus pa yin pa'i phyir bsags pa dag go /khams bco brgyad po dag las gcod par byed pa ni gang bcad par bya ba ni gang/ sreg par byed pa ni gang bsregs par bya ba ni gang/ 'jal bar byed pa ni gang/ gzhal
 bar bya ba ni gang zhe na/ gcod byed gcad par bya ba nyid/ /phyi rol gyi ni khams bzhi yin/ /gzugs dang dri dang ro dang reg bya zhes bya ba ste/ dgra sta dang shing zhes bya ba la sogs pa'o/ /gcod pa zhes bya ba'i chos 'di ci zhe na/ 'dus pa'i rgyun 'brel par 'byung ba can
 rnam par 'byed pa skyed pa'o/ /lus kyi dbang po la sogs pa ni gcad par bya ba ma yin te/ yan lag ma lus par bcad na de dag la gnyis su byar med pa'i phyir ro/ /dbang po rnams la ni gnyis su 'gyur ba med de/ bcas pa'i yan lag la dbang po med pa'i
 phyir ro/ /gcod par byed pa yang ma yin te/ nor bu'i 'ong bzhin du dang ba'i phyir ro/ /ji ltar gcod byed gcad par bya ba nyid phyi rol gyi khams bzhi yin ba ltar de bzhin bsreg bya 'jal byed pa'o/ /de dag nyid bsreg par bya ba yin la/ de dag nyid 'jal bar byed pa
 yin no/ /dbang po rnams ni ma yin te/ dad pa'i phyir 'ong bzhin no/ /sgra yang ma yin te/ chad pa yin pa'i phyir ro/ /sreg dang gzhal la mi mthun smra/ /kha cig na re ni khams bzhi po de dag nyid sreg par byed pa yang yin la/ gzhal bar bya ba 'ang yin no zhes brjod de/ /kha cig
 na re ni me'i khams kho na sreg par byed pa yin la/ lci ba nyid kho na gzhal bar bya ba yin no zhes brjod do/ /rnam par smin pa las skyes pa'i khams rnams ni du/ rgyu mthun pa las byung ba rnams ni du/ rdzas dang ldan pa rnams ni du/ /skad cig pa rnams ni du zhe na/ smras pa/ rnam
 par smin las skyes pa dang/ /rgyas las byung ba nang gi lnga/ /re zhig mig la sogs pa nang gi khams lnga po dag ni rnam par smin pa las skyes pa yang yin la/ rgyas pa las byung ba yang yin no/ /rgyu mthun pa las byung ba ni med de/ de dag la ma gtogs pa rgyu mthun pa
 med pa'i phyir ro/ /de la rnam par smin pa'i rgyu las skyes pa ni rnam par smin pa las skyes pa ste/ bar gyi tshig mi mngon par byas pa'i phyir ba lang gi shing rta zhes bya ba lta bu'o/ /yang na 'bras bu'i dus su phyin pa'i las ni rnam par smin pa zhes bya ste/ rnam par smin
 par 'gyur ba'i phyir ro/ /de las skyes pa ni rnam par smin pa las skyes pa rnams so/ /'bras bu ni rnam par smin pa kho na yin pas rnam par smin pa'o/ /yang na rgyu la 'bras bu brtags pa yin te/ dper na 'bras bu la rgyu brtags pa reg pa'i skye mched drug po 'di dag ni
 sngon gyi las yin par rig par bya'o/ /zhes gsungs pa lta bu'o/ /zas dang/ legs par bya ba dang/ gnyid log pa dang/ ting nge 'dzin gyi khyad par dag gis rgyas par byas pa rnams ni rgyas pa las byung ba dag go /gzhan dag na re tshangs par spyod pas kyang rgyas par
 byed do/ /zhes zer te/ des ni mi gnod pa tsam du zad kyi rgyas pa ni ma yin no/ /rgyas pa'i rgyud ni rnam par smin pa'i rgyud la phyir bzhin du kun du bsrung ngo/ /sgra ni rgyas pa las byung ba dang/ rgyu mthun pa las byung ba yod kyi/ sgra ni rnam smin las skyes min/ /ci'i phyir
 zhe na/ 'dod dgur 'byung ba'i phyir ro/ /'o na gang bstan bcos btags pa las/ tshig rtsub po spong ba shin tu bsgoms pa'i phyir skyes bu chen po'i mtshan tshangs pa'i dbyangs nyid 'grub po/ /zhes gsungs so/ /kha cig na re brgyud pa 'di ni gsum
 pa yin te/ las dag las ni 'byung ba rnams 'grub/ 'byung ba rnams las ni sgra 'grub po/ /zhes zer ro/ /kha cig na re brgyud pa 'di ni lnga pa yin te/ las dag las ni rnam par smin pa las skyes pa'i 'byung ba rnams 'grub/ /de dag las ni rgyas pa las
 byung ba rnams 'grub/ de dag las ni rgyu mthun pa las byung ba rnams 'grub po/ /de dag las ni sgra 'grub po/ /zhes zer ro/ /de lta na 'o na ni lus kyi tshor ba yang las las skyes pa'i 'byung ba las byung ba'i phyir rnam par smin pa ma yin par 'gyur ro/ /gal te
 sgra bzhin du rigs pa dang 'gal bar 'gyur na rnam par smin pa ma yin par 'gyur ro/ /rgyu mthun las byung rnam smin skyes/ /thogs pa med pa brgyad/ brgyad gang zhe na/ sems kyi khams bdun dag dang/ chos kyi khams te/ skal ba mnyam pa dang kun tu 'gro
 ba'i rgyus bskyed pa rnams ni rgyu mthun pa las byung ba dag go /rnam par smin pa'i rgyus bskyed pa rnams ni rnam par smin pa las skyes pa dag go /rgyas pa las byung ba ni med de/ thogs pa med pa rnams la rgyas pa med pa'i phyir ro/ /gzhan rnam gsum/ gzhan
 ni lhag ma bzhi po gzugs dang/ dri dang/ ro dang/ reg bya'i khams dag ste/ de dag ni rnam par smin pa las skyes pa dag kyang yin/ rgyas pa las byung ba dag kyang yin/ rgyu mthun pa las byung ba dag kyang yin no/ /rdzas dang lhan cig /'dus ma byas ni brtan pa'i phyir
 rdzas so/ /de yang chos kyi khams la yod pas de'i phyir chos kyi khams gcig tu rdzas dang ldan pa yin no/ /tha ma gsum skad cig ma ste/ yid kyi khams dang/ chos kyi khams dang/ yid kyi rnam par shes pa'i khams ni 'don pa'i rim pas tha ma dag yin te/
 de dag ni zag pa med pa'i dang po sdug bsngal la chos shes pa'i bzod pa'i tshogs la skad cig ma gcig rgyu mthun pa las byung ba ma yin par 'gyur te/ de'i phyir skad cig ma rnams zhes bya'o/ /'dus byas gzhan ni rgyu mthun pa las ma byung ba 'ga' yang med do//
 de la sdug bsngal la chos shes pa'i bzod pa dang mtshungs par ldan pa'i sems ni yid kyi khams dang/ yid kyi rnam par shes pa'i khams yin no/ /lhag ma de dang lhan cig 'byung ba rnams ni chos kyi khams so/ /'di dpyad par bya ste/ gang mig gi khams
 dang mi ldan pa las ldan pa 'thob pa de mig gi rnam par shes pa dang ldan pa yang yin nam/ gang mig gi rnam par shes pa dang yin pa de mig gi khams dang yang yin nam zhe na/ smras pa/ mig dang ni/ rnam shes khams dag so so dang/ /lhan cig tu
 yang 'thab pa yang/ /re zhig so so ni mig gi khams dang yin la/ mig gi rnam par shes pa'i khams dang ma yin pa yang yod de/ 'dod pa'i khams na rim gyis mig gi dbang po 'thob pa dang/ gzugs med pa nas shi 'phos nas bsam gtan gnyis
 pa la sogs par skye ba na'o/ /mig gi rnam par shes pa'i khams dang yin la mig gi khams dang ma yin pa yang yod de/ bsam gtan gnyis pa la sogs par skyes pa'i mig gi rnam par shes pa mngon du byed pa dang/ de dag nas shi 'phos nas thog mar
 skye ba na'o/ /lhan cig tu yang ni gnyi ga dang ldan pa thob pa yang yod de/ gzugs med pa'i khams nas shi 'phos nas 'dod pa'i khams dang tshangs pa'i 'jig rten du skye ba na'o/ /gnyi ga ma yin pa ni rnam pa de dag ma gtogs pa'o/ /gang mig gi khams dang
 ldan pa de mig gi rnam par shes pa'i khams na mig thob pa dang ma nyams pa dang/ bsam gtan dang por skyes pa dang/ bsam gtan gnyis pa la sogs par skyes pa lta ba lta bu'o/ /bzhi pa ni rnam pa de dag ma gtogs pa'o/ /de bzhin du mig gi khams
 dang gzugs ngag dang/ mig gi rnam par shes pa'i khams dang/ gzugs ngag 'thob pa dang ldan pa dag kyang ci rigs par brtag par bya'o/ /lhan cig tu yang zhes bya ba'i yang gi sgra ni zhar la 'ongs pa 'di bsdu ba'i don to/ /khams du dag
 cig nang gi yin/ du ngag gcig ni phyi'i yin zhe na/ nang gi bcu gnyis/ bcu gnyis gang dag ce na/ gzugs la sogs pa ma gtogs rnam par shes pa drug dang/ rten drug ste/ khams bcu gnyis po de dag ni nang gi yin no/ /gzugs la sogs pa yul gyi khams
 drug po de dag ni phyi'i yin no/ /bdag med na ji ltar na nang gi 'am/ phyi'i yin zhe na/ sems ni ngar 'dzin pa'i rten yin pa'i phyir bdag ces nye bar 'dogs te/ mkhas pas bdag nyid shin du ni/ /dul bas mtho ris 'thob par 'gyur zhes gsungs la/ bcom
 ldan 'das kyis gzhan las/ sems dul ba ni legs pa ste/ sems dul bas ni bde ba 'dren zhes sems dul ba yin par gsungs pas de'i phyir mig la sogs pa ni sems bdag tu gyur pa'i rten gyi dngos por nye bar gyur pa'i phyir nang gi nyid yin no//
 gzugs la sogs pa rnams ni yul du gyur pa'i phyir phyi rol gyi nyid yin no/ /de lta na 'o na ni rnam par shes pa'i khams drug po dag nang gi yin par mi 'gyur te/ de dag yid kyi khams nyid du ma gyur pa ni sems kyi rten du mi 'gyur ro zhe na/ gang gi tshe yin
 pa de'i tshe na yang de dag nyid de dag yin te mtshan nyid las ni mi 'da' o/ /de ltar ma yin na yid kyi khams 'das pa kho na yin par 'gyur gyi ma 'ongs pa dang da ltar byung ba yin par ni mi 'gyur ba zhig na khams bco brgyad po dag ni dus gsum pa
 yin par yang 'dod do/ /gal te yang rnam par shes pa ma 'ongs pa dang da ltar byung ba yid kyi mtshan nyid ma yin par gyur na 'das pa'i dus na yang yid kyi khams su rnam par bzhag par mi 'gyur te/ mtshan nyid ni dus rnams su 'khrul pa med do/ /brten pa
 dang bcas pa'i khams ni du/ de dang mtshungs pa rnams ni du zhe na/ re zhig cig tu/ chos zhes bya ba ni/ bsten pa dang bcas/ re zhig rnam par shes pa gang gi yul du nges la gal te de las rnam par shes pa de skyes pa'am skye ba'i chos can gyi yul de ni brten pa dang bcas pa shes
 bya la/ gang la yid kyi rnam par shes pa mdza' las pa ma skyes pa 'am skye bar mi 'gyur ba'i chos kyi khams gang yin pa de ni 'ga' yang med de/ 'di ltar 'phags pa'i gang zag thams cad la ni gdon mi za bar chos thams cad bdag med do snyam pa'i sems
 'di skye'o/ /de'i dmigs pa yang rang gi ngo bo dang lhan cig 'byung ba ma gtogs pa chos thams cad yin no/ /sems kyi skad cig ma de yang sems kyi skad cig ma gzhan gyi dmigs pa yin pas skad cig ma gnyis kyi dmigs par ni chos thams cad 'gyur te/
 de bas na chos kyi khams ni rtag tu bsten pa dang bcas pa yin no/ /lhag ma ni/ de dang mtshungs pa dag kyang yin kyang zhes bya ba'i sgra ni brten pa dang bcas pa dag kyang yin pa'o/ /de dang mtshungs pa zhes bya ba 'di ci zhig ce na/ gang zhig rang gi las mi byed/ gang rang
 gi las byed pa de ni brten pa dang bcas pa'o/ /zhes bshad par 'gyur ro/ /de la mig gang gis gzugs rnams mthong ba dang/ lta ba 'am/ lta bar 'gyur ba'i mig de ni brten pa dang bcas zhes bya ste/ de bzhin du yid kyi bar la yang rang gi yul la byed pas
 brjod par bya'o/ /kha che ba rnams kyi ltar na de dang mtshungs pa'i mig ni rnam pa bzhi ste/ gzugs rnams mi mthong bar 'gags pa dang/ 'gag pa dang/ 'gag par 'gyur ba gang yin pa dang/ mi skye ba'i chos gang yin pa'o/ /nub phyogs pa rnams kyi ltar na rnam pa lnga
 ste/ mi skye ba'i chos de nyid rnam par shes pa dang ldan pa dang/ ldan pa ma yin pa dang nam pa gnyis su phye ba'i phyir te/ /lus kyi bar du yang de bzhin du rig par bya'o/ /yid ni mi skye ba'i chos kho na de dang 'dra ba yin no/ /gzugs gang dag mig gi mthong bar
 gyur pa dang/ mthong ba dang/ mthong bar 'gyur pa de dag ni sten pa dang bcas pa rnams so/ /de dang 'dra ba ni rnam pa bzhi ste/ gang dag ma mthong ba nyid du 'gags pa dang/ 'gag par 'gyur ba dang/ gang dag mi skye ba'i chos rnams te/ de bzhin du
 reg bya'i bar dag la yang rang gi dbang po'i byed pas de dang 'dra ba dag tu rig par bya'o/ /gcig gi mig sten pa dang bcas pa gang yin pa de ni thams cad kyi yin no/ /de dang mtshungs pa rnams kyang de bzhin te/ yid kyi bar du yang de dang 'dra'o/ /gzugs ni
 gang zhig lta ba de'i brten pa dang bcas pa yin la gang mi lta ba de'i ni de'i dang mtshungs pa yin no/ /ci'i phyir zhe na/ gzugs gang la gcig lta ba de la mang po yang lta bar 'gyur ba srid pa yod de/ dper na zla ba dang bro gar dang yang dag la lta ba lta bu'o/ /gang gnyis mig
 gcig gis blta bar 'gyur ba srid pa ni med de/ de'i phyir 'di thun mong ma yin pa'i phyir rgyud gcig gi dbang gis rnam par bzhag go /gzugs thun mong yin pa'i phyir rgyud du ma'i dbang gis rnam par bzhag go /gzugs ji lta ba de bzhin du sgra dang dri dang ro dang
 reg bya'i khams dag la yang rig par bya'o/ /sgra ni de lta yin du chug na dri la sogs pa ni gang dag gcig gis 'dzin pa de dag gzhan gyis mi 'dzin te/ phrad nas 'dzin pa'i phyir ro/ /de lta bas na de dag kyang thun mong ma yin pa'i phyir mig la sogs pa
 bzhin du bsgre ba'i rigs so zhe na/ de lta bu yod mod kyi 'on kyang de dag la yang srid pa'i phyir thun mong ba nyid de/ gcig gi sna la sogs pa'i rnam par shes pa skyed par 'gyur ba'i dri la sogs pa gang dag yin pa de dag nyid gzhan dag gi yang yin pa srid pa
 de ni yod kyi mig la sogs pa ni de lta ma yin no/ /de lta bas na de dag ni gzugs bzhin du bsgre'o/ /mig gi rnam par shes pa la sogs pa dag gi brten pa dang bcas pa dang de dang mtshungs pa nyid ni skye ba dang mi skye ba'i chos yin pa'i phyir yid kyi khams
 ji lta ba bzhin no/ /brten pa dang bcas pa zhes bya ba'i don ci zhe na/ dbang po dang yul dang rnam par shes pa rnams phan tshun brten pa 'am/ byed pa la brten pa ni brten pa'o/ /de 'di dag la yod pas brten pa dang bcas pa rnams sam/ 'bras bu reg pa 'dra ba'i phyir brten pa mtshungs
 pa'o/ /gang dag brten pa dang bcas pa ma yin pa de dag ni brten pa dang bcas pa de dag dang rigs 'dra ba'i phyir de dag dang mtshungs pa dag go /mthong bas spang bar bya ba'i khams rnams ni du/ bsgom pas spang bar bya ba rnams ni du/ spang par bya ba ma yin pa rnams ni du zhe na/ re
 zhig gzugs can bcu ni bsgom pas spang bya yin/ lnga yang/ yin te rnam par shes pa'i khams lnga po dag go /tha ma gsum rnam gsum/ yid kyi khams dang/ chos kyi khams dang/ yid kyi rnam par shes pa'i khams dang khams gsum pa 'di dag ni rnam pa gsum
 ste/ phra rgyas brgyad cu rtsa brgyad dang/ de dag dang lhan cig 'byung ba dang/ de dag gi thob pa rjes su 'brang ba dang bcas pa rnams ni mthong bas spang bar bya ba dag yin no/ /zag pa dang bcas pa lhag ma rnams ni bsgom pas spang bar bya ba dag yin no/ /zag pa med pa rnams ni spang bar
 bya ba ma yin pa dag go/ so so'i skye bo nyid dang/ ngan song ba'i lus dang ngag gi las kyang 'phags pa'i lam dang 'gal ba'i phyir mthong bas spang bar bya ba gzhan yang yod pa ma yin nam zhe na/ de dag ni mthong bas spang bar bya ba ma yin te/ mdor bsdu ba ni 'di yin no/ /nyon
 mongs can min mthong spang min/ /gzugs min drug pa min skyes min/ /nyon mongs pa can ma yin pa ni mthong bas spang bar bya ba cung zad kyang med la gzugs kyang ma yin no/ /so so'i skye bo nyid ni nyon mongs pa can ma yin pa'i lung du ma bstan pa yin te/ dge ba'i rtsa ba
 kun du chad pa dang/ 'dod chags dang bral ba rnams kyang de dang ldan pa'i phyir ro/ /lus dang ngag gi las ni gzugs yin no/ /de lta bas na de dag ni mthong bas spang bar bya ba ma yin te/ bden pa dag la log par mi rtog pa'i phyir dang/ sdug bsngal la chos shes pa'i
 bzod pa na so so'i skye bo nyid du thal bar 'gyur ba'i yang phyir ro/ /drug pa las ma skyes pa yang ma yin te/ drug pa zhes bya ba ni yid kyi skye mched do/ /de las gzhan pa las skyes pa ni drug pa las ma skyes pa ste/ dbang po lnga las skyes pa gang
 yin pa ste/ de yang mthong bas spang bar bya ba ni med do/ /khams bco brgyad po dag las lta ba ni du/ lta ba ma yin pa ni du zhe na/ mig dang chos kyi khams phyogs ni/ lta ba yin te/ de gang zhe na/ smras pa/ rnam pa brgyad/ 'jig tshogs la lta ba la sogs
 pa lta ba lnga dag dang/ 'jig rten pa'i yang dag pa'i lta ba dang/ slob pa'i lta ba dang/ mi slob pa'i lta ba ste/ chos kyi khams rnam pa brgyad po 'di dag ni lta ba yin no/ /lhag ma ni lta ba ma yin no/ /de la 'jig tshogs la lta ba la sogs pa ni phra rgyas bstan par ston pa'i dus
 la 'bab par 'gyur ro/ /'jig rten pa'i yang dag pa'i lta ba ni yid kyi rnam par shes pa dang mtshungs par ldan pa'i shes rab dge ba zag pa dang bcas pa'o/ /slob pa'i zag pa med pa'i lta ba ni slob pa'i'o/ /mi slob pa'i ni mi slob pa'i'o/ /sprin dang bcas pa dang sprin
 med pa'i mtshan mo dang nyin po gzugs lta bu bzhin du 'jig rten pa nyon mongs pa can dang nyon mongs pa can ma yin pa dang/ slob pa dang mi slob pa'i lta ba dag gis chos la lta'o/ /yang ci'i phyir rnam par shes pa dang mtshungs par ldan pa kho na la 'jig rten
 pa'i yang dag pa'i lta ba zhes bya zhe na/ 'di ltar/ rnam par? shes lnga dang mtshungs skyes blo/ /des rtog med phyir lta ma yin/ /rtog par byed pa ni lta ba yin te/ nges par sems pa la zhugs pa dag lta ba yin na rnam par shes pa lnga dang lhan cig skyes pa'i shes rab ni de
 lta ma yin te/ de lta bas na 'di ni lta ba ma yin no/ /de nyid kyi phyir shes rab nyon mongs pa can nam/ nyon mongs pa can ma yin pa gzhan yang lta ba ma yin no/ /'o na ni mig kyang rtog par byed pa nyid med na/ ji ltar lta ba yin zhe na/ gzugs la lta ba'i don gyis
 te/ gang gi phyir/ mig gis gzugs rnams mthong/ gal te mig gis mthong bar gyur na/ rnam par shes pa gzhan dang ldan pas kyang mthong bar 'gyur ro zhe na/ mig thams cad mi mthong ba ni ma yin pa nyid do/ /'o na ci zhe na/ sten bcas/ gang gi tshe rnam par shes pa
 pa gnas? pa de'i tshe mthong gi gzhan du ni ma yin no/ /de lta na 'o na ni mig la brten pa'i rnam par shes pa de kho nas mthong bar 'gyur zhe na/ de la brten pa'i rnam par shes pas mthong ngo zhes nges par bya bar nus pa ni ma yin no/ /ci'i phyir zhe na/ gang phyir
 bar du chod pa yi/ /gzugs ni mthong ba min phyir lo/ /gang gi phyir rtsig pa la sogs pas chod pa'i gzugs mi mthong ngo zhes grag go /gal te rnam par shes pas mthong bar gyur na de ni thogs pa med pa'i phyir rtsig pa la sogs pa la yang thogs pa
 med pas gzugs bsgribs pa yang mthong bar 'gyur ro/ /bsgribs pa la ni mig gi rnam par shes pa mi skye ba nyid de/ de bas na ma skyes pas ji ltar mthong bar 'gyur/ ci ste mi skye gang gi ltar na mig gis mthong pa de'i ltar na ni mig thogs pa dang
 bcas pa'i bsgribs pa la 'jug pa med pas rnam par shes par yang rten dang lhan cig tu yul gcig la 'jug pa'i phyir mi skye bar mi rung ngo/ /mig kyang lus kyi dbang po bzhin du yul de phrad pa zhig yin nam ce na/ 'di ltar thogs pa dang bcas pa'i phyir
 bsgribs pa mi mthong/ mchid bu dang/ lhang tshor dang shel dang chu dag gis bar du chod pa yang ji ltar mthong bar 'gyur te/ de lta bas na mig thogs pa dang bcas pa'i phyin gzugs bsgribs pa mi mthong ba ni ma yin no/ /'o na ji lta zhe na/ gang la
 snang ba la gags med na gzugs bsgribs bzhin du yang de la mig gi rnam par shes pa skye ba nyid la/ gang la bgegs yod pa de ni mi skye bas ma skyes pa'i phyir bsgribs pa mi mthong ngo/ /'o na gar mdo las/ gang mig gis gzugs rnams mthong nas zhes
 gsungs so/ /der ni dgongs pa ni de la brten te zhes bya ba 'di yin te/ dper na yid kyis chos rnams rnam par shes par byas nas zhes gsungs pa lta bu'o/ /yid ni 'das pa yin pa'i phyir chos rnams rnam par mi shes so/ /'o na ci zhe na/
 yid kyi rnam par shes pas so/ /yang na brten pa'i las brten la nye bar btags pa yin te/ dper na khre'u dag 'bod do/ /zhes gsungs pa lta bu'o/ /ji ltar mdo las/ mig gi rnam par shes par bya ba'i gzugs yid du 'ong ba sdug pa rnams zhes
 gsungs pa lta bu ste/ de dag mig gis rnam par mi shes so/ /mdo las/ bram ze mig ni 'di lta ste/ gzugs rnams mthong bar bya ba la sgo yin no zhes kyang gsungs te/ de'i phyir mig gi sgo nas mig gi rnam par shes pas mthong ngo zhes bya bar khong du
 chud do/ /der ni lta ba la sgo zhes bya bar zad do/ /mig ni gzugs rnams mthong bar bya ba la lta ba yin no zhes bya ba 'di ni mi rung ngo/ /gal te rnam par shes pas mthong na gang gis rnam par shes she na/ 'di gnyis la khyad par ci zhig yod de/
 gang gis gzugs rnam par shes pa de nyid kyis 'di mi mthong mod/ dper na shes rab 'ga' zhig la mthong zhes kyang bya/ rab tu shes zhes kyang bya ba de bzhin du/ rnam par shes pa 'ga' zhig la ma mthong zhes kyang bya/ rnam par shes zhes kyang
 bya'o/ /gzhan dag na re ni gal te mig gis mthong na mig byed pa por gyur pa'i lta ba'i bya ba gzhan gang zhig yin pa brjod dgos so zhes zer ro/ /de ni klan kar mi rung ste/ ji ltar rnam par shes pas shes so zhes bya bar 'dod la/ de la byed pa
 bo dang bya ba'i bye brag kyang med pa de bzhin du 'di la yang rung bar 'gyur ro/ /gzhan dag na re ni mthong ba ni mig gi rnam par shes pa yin la/ mig ni de'i rten du gyur pa'i phyir mthong ba zhes bya ste/ dper na sgrogs pa'i rten du gyur pa'i phyir
 dril sgrogs so zhes bya ba bzhin no zhes zer ro/ /de lta na mig gi rnam par shes pa'i rten du gyur pa'i phyir rnam par shes so zhes bya bar yang 'gyur ba ma yin nam zhe na/ mi 'gyur te/ 'jig rten na rnam par shes pa de ni mthong ba'o zhes grags te/ 'di
 ltar de skyes na gzugs mthong ngo zhes 'dzer gyi rnam par shes so zhes ni mi zer ro/ /bye brag tu bshad pa las kyang/ mig dang phrad cing rnam par shes pas nyams su myong ba la mthong ba zhes bya'o zhes 'byung ste/ de lta bas na mig gis mthong ba
 kho na zhes bya'i rnam par shes shes ni mi bya'o/ /rnam par shes pa ni yod pa tsam gyis gzugs rnam par shes so zhes bya ste/ dper na nyi mas nyin par byed do zhes bya ba bzhin no/ /mdo sde pa rnams na re ni nam mkha' ldang pa 'dis ci dgos/ /
 mig dang gzugs rnams la brten nas mig gi rnam par shes pa skye ba de la lta ba ni su zhig yin/ lta ba ni gang zhig yin te/ 'di ni byed pa med pa dang chos tsam dang rgyu dang 'bras bu tsam du zad la/ de la yang tha snyad gdags pa'i don du 'dun
 pa'i sgo nas mig gis mthong ngo/ /rnam par shes pas rnam par shes so zhes nye bar 'dogs par byed pas 'di la mngon par zhen par mi bya'o/ /bcom ldan 'das kyis kyang ljongs kyi mi'i tshig la mngon par zhen par mi bya'o/ /'jig rten gyi ming
 la mngon par brgyug? par mi bya'o/ /zhes gsungs so zhes zer ro/ /mig gis mthong ngo/ /rna bas thos so/ /snas tshor ro/ /lces myong ngo/ /lus kyis reg go /yid kyi rnam par shes so zhes bya ba 'di ni kha che bye brag tu smra ba rnams kyi grub pa'i mdza' 
 yin no/ /ci mig gcig gis gzugs rnams mthong ngam/ 'on te gnyi gnyi gas she na/ 'di la des pa med de/ mig ni gnyis ka dag gis kyang/ mthong ste gsal bar mthong phyir ro/ /chos mngon pa pa rnams na re mig gnyis kas kyang mthong ste/
 'di ltar gnyi ga phye na gsal rab tu mthong bar 'gyur ro/ /mig gcig phye la gnyis pa phyed phye na zla ba gnyis su 'dzin gyi gang yang rung ba zhig gzhan du gyur na ni ma yin no/ /rten rnam par chad par thal bar yang med de/ rnam par shes pa
 ni gzugs bzhin du yul na mi gnas pa'i phyir ro zhes zer ro/ /gal te mig gis mthong ba dang rna bas thos pa nas yid kyis rnam par shes pa'i bar du yin na ci 'di dag yul dang phrad pa zhig gam/ 'on te ma phrad pa zhig yin zhe na/ mig dang yid dang? rna ba
 ni/ yul dang ma phrad/ 'di ltar gzugs rgyang ring po nas mthong zhing mig la yod pa'i mig sman mi mthong la/ de bzhin du sgra rgyang ring po nas thos so/ /yul dang phrad pa nyid cig yin na ni 'di na bsam gtan pa rnams la lha'i mig dang/ rna ba skye bar mi 'gyur
 te/ sna la sogs pa bzhin no/ /gal te mig yul dang ma phrad pa yin na ci'i phyir thag ring ba dang bar du chod pa ma phrad pa thams cad mi mthong zhe na/ re zhig khab long gis kyang lcags ma phrad pa thams cad ji ltar mi 'dren/ yul dang phrad pa nyid cig yin na
 yang ci'i phyir mig sman nam thur ma phrad pa thams cad mi mthong ste de ni mtshungs so/ /ji ltar yang sna la sogs pa yul dang phrad pa yin yang lhan cig skyes pa'i dri la sogs pa mi 'dzin pa'i phyir thams cad ni ma yin pa de bzhin du/ mig kyang ma phrad
 pa yin mod kyi thams cad ni ma yin no/ /yid ni gzugs can ma yin pa'i phyir phrad pa nyid du mi nus so/ /yang kha cig ni rna ba'i nad du yang sgra thos pa'i phyir rna ba ni yul dang phrad pa dang ma phrad pa yang yin par sems so/ /lhag ma sna dang lce dang lus
 zhes bya ba gsum gzhan du/ yul dang phrad pa zhes bya ba'i tha tshig go /sna ji ltar yul dang phrad pa yin zhe na/ dbugs ma brdubs par dri mi 'dzin pa'i phyir ro/ /phrad pa zhes bya ba 'di ci zhe na/ 'dab chags par 'byung ba'o/ /ci rdul phra rab rnams
 phan tshun reg gam 'on te mi reg ce na/ kha che ba rnams na re mi reg go zhes zer ro/ /ci'i phyir zhe na/ re zhig gal te bdag nyid thams cad kyis reg par 'gyur na ni rdzas rnams 'dres par 'gyur ro/ /'on te phyogs gcig gis reg na ni cha shas dang bcas pa dag tu thal bar 'gyur
 ba zhig na rdul phra rab rnams ni cha shas med pa yin no/ /'o na ji ltar sgra mngon par 'grub par 'gyur zhe na/ de nyid kyi phyir te/ gal te reg par gyur na 'gab? pas 'gab la bsnun na 'bying bar 'gyur la/ rdo bos rdo ba la bsnun na yang 'bying bar 'gyur ro/ /ji ltar bsags pa
 la brgyab na zhig par mi 'gyur zhe na/ rlung gi khams kyis bzung ba'i phyir ro/ /rlung gi khams kha cig ni 'jig par zhugs pa yin te dper na 'jig pa'i tshe'i lta bu'o/ /kha cig ni 'dzin par zhugs pa yin te dper na chags pa'i tshe'i lta bu'o/ /da ni ji ltar na
 'dab chags par phrad pas gsum po yul dang phrad pa zhes bya zhe na/ de dag gi dbus na cung zad kyang med pa gang yin pa de kho na 'dab chags pa nyid yin no/ /yang 'dus pa rnams ni cha shas dang bcas pa yin pa'i phyir reg par 'gyur pas nyes pa med do/ /de
 ltar byas na bye brag tu bshad pa las/ ci reg pa'i rgyu can gyi reg pa zhig skyes pa 'am/ 'on te ma reg pa'i rgyu can zhig skye zhes dris nas/ smras pa/ rgyu'i phyir res 'ga' ni reg pa'i rgyu can gyi ma reg pa skye ste/ gang gi tshe rnam par zhigs pa na'o/ /res
 'ga' ni ma reg pa'i rgyu can gyi reg pa skye ste/ gang gi tshe bsags par 'gyur ba na'o/ /res 'ga' ni reg pa'i rgyu can gyi reg pa skye ste/ gang gi tshe bsags pa dang ldan pa bsags pa po na'o/ /res 'ga' ni ma reg pa'i rgyu can gyi ma reg pa skye ste/ dper na nyi zer gyi
 rdul lta bu'o zhes 'byung ba'i gzhung 'di yang 'thad par 'gyur ro/ btsun pa dbyig bshes na re ni rdul phra rab rnams reg par gyur na ni skad cig ma phyi mar gnas par 'gyur ro zhes zer ro/ /btsun pa na re ni reg pa ni med kyi 'dab chags pa la reg pa la reg
 snyam du 'du shes par zad do zhes zer te/ btsun pa'i lugs 'dod par bya'o/ /de lta ma yin na rdul phra rab bar dang bcas pa rnams kyi bar stong pa dag tu 'grong la su zhig 'gog na 'di ltar thogs pa dang bcas pa dag tu 'dod/ rdul phra rab rnams las
 bsags pa dag gzhan pa yang ma yin pas de dag kho na bsags pa la reg pa yin te dper na gzugs su rung ba lta bu'o/ /gal te rdul phra rab la phyogs cha tha dad par rtogs na ni reg gam ma reg kyang rung ste/ cha shas dang bcas pa nyid du thal bar mi 'gyur
 ro/ /yang ci mig la sogs pa 'di dag gis bdag nyid kyi tshad dang mnyam pa'i don la mnga' me'i 'khor lo'i la sogs pa bzhin du myur du 'jug pas ri la sogs pa 'dzin tam/ 'on te mnyam pa dang mi mnyam pa zhig la 'dzin ce na/ re zhig gang dag yul dang
 phrad par bshad pa/ sna la sogs pa gsum po de dag rnams kyis ni/ yul ni mnyam par 'dzin par 'dod/ /dbang po rdul phra rab rnams ji snyed pa de snyed ji yul gyi rdul phra rab rnams dang phrad nas rnam par shes pa skyed do/ /mig dang rna ba dag gis ni ma
 nges te/ res 'ga' ni chud ste gang gi chos sgra'i rtse mo mthong ba na'o/ /res 'ga' ni mnyam ste gang gi tshe rgun 'bru mthong ba na'o/ /res 'ga' ni che ste gang gi cho mig phye ba tsam gyis ri chen po mthong ba na'o/ /de bzhin du rna bas sprad bu dang 'brug la sogs pa'i
 sgra thos pa yang sbyar bar bya'o/ /yid ni lus can ma yin pa kho na bar 'di'i tshad yongs su chad par mi dpyad do/ /yang mig gi dbang po la sogs pa 'di dag gi rdul phra rab rnams ji ltar gnas she na/ re zhig mig gi rdul phra rab rnams ni mig gi 'bras bu
 lag go snyod kyi me tog bzhin du gnas te/ kha dog dang bas bkab pas na gyes par mi 'gyur ro/ /gzhan dag na re gong bu gzhan du bla 'og na gnas te/ shel bzhin du dang bir? phyir phan tshun mi sgrib po zhes zer ro/ /rna ba'i dbang po'i rdul phra rab rnams
 ni rna ba'i 'brug gi nang na gnas so/ /sna'i dbang po rdul phra rab rnams ni mtshul ba'i nang na gnas te/ dbang po dang po gsum ni phreng ba bzhin du gnas so/ /lce'i dbang po'i rdul phra rab rnams ni zla ba kham blta bu yin te/ lce'i dbus na skra'i rtse mo'i khyon tsam zhig lce'i dbang po
 rdul phra rab dag gis ma khebs so/ zhes grag go/ lus kyi dbang po'i rdul phra rab rnams ni lus bzhin du gnas so/ /mo'i dbang po'i rdul phra rab rnams ni rde'i spubs lta bu yin no/ /pho'i dbang po'i rdul phra rab rnams ni mthe bong lta bu yin/ /de la mig gi dbang po'i rtul
 phra rab rnams ras 'ga' ni bsten pa dang bcas pa dag yin no/ /res 'ga' ni de dang mtshungs pa dag yin no/ /ngas 'ga' ni kha cig bstan pa dang bcas pa yin la/ kha cig de dang mtshungs pa yin te/ lce'i dbang po'i rdul phra rab kyi bar du yang de dbang po'o/ /lus kyi
 dbang po'i rdul phra rab rnams ni ril gyis bsten pa dang bcas pa ni med de/ rab tu 'bar ba'i dmyal ba'i nang na yod pa rnams la yang lus kyi dbang po'i rdul phra rab tshad med pa zhig de dang mtshungs pa yin te/ thams cad kyis rnam par shes pa bskyed na ni lus zhig
 par 'gyur ro lo/ /dbang po'i rdul phra rab bam yul gyi rdul phra rab gcig gis rnam par shes pa bskyed pa ni med de/ rnam par shes pa'i tshogs lnga po dag gi rten dang dmigs pa ni bsags pa yin pa'i phyir ro/ /de nyid kyi phyir rdul phra rab ni ma mthong ba'i phyir bstan du
 mang ba yin no/ /ci mig gi rnam par shes pa nas yid kyi rnam par shes pa'i bar gyi khams drug po bshad pa gang dag yin pa 'di dgra ji ltar lnga rnams kyi yul da ltar yin la/ tha ma'i dus gsum yin pa ltar rten kyang de lta bu yin nam zhe na/ smras pa ma yin no
 'o na ci zhe na/ tha ma'i rten 'das/ yid kyi rnam par shes pa'i khams kyi rten ni 'gag ma thag pa'i yid do/ /lnga rnams kyi/ de dag lhan cig skyes pa'ang yin/ 'ang zhes bya ba'i sgra ni 'das pa yang yin pa'o/ /de la mig gi rnam par shes pa'i lhan cig skyes pa'i rten
 ni mig yin pa nas lus kyi rnam par shes pa'i bar du yang lus yin la/ de dag gi 'das pa'i rten ni yid yin no/ /de ltar na rnam par shes pa'i tshogs lnga po de dag gi rten ni dbang po gnyis gnyis yin no/ /de gnyis kyi phyir gang mig gi rnam par shes pa'i
 rten gyi dngos por yin pa de de'i mtshungs pa de ma thag pa'i rkyen gyi dngos por yang yin nam zhe na/ /mu bzhi ste/ mu dang po ni mig yin no/ /gnyis pa ni chos kyi khams sems las byung ba 'das ma thag pa yin no/ /gsum pa ni 'das ma thag pa'i yid yin no/ /bzhi pa ni bshad pa las
 ma gtogs pa'i chos rnams yin te/ lus kyi rnam par shes pa'i bar du yang de bzhin du rang gi dbang po brjod par bya'o/ /yid kyi rnam par shes pa'i ni tshig snga ma dang sbyor ba ste/ re zhig gang rten gyi dngos pos yin pa de ni mtshungs pa de ma thag pa'i rkyen gyi dngos por yang yin no/
 mtshungs pa de ma thag pa'i rkyen gyi dngos por yin la rten gyi dngos por ma yin pa yang yod de/ chos kyi khams las byung ba 'das ma thag pa'o/ /yang mig gi rnam par shes pa ni gnyis ka la rag lus te skyen/ ci'i phyir mig la sogs pa kho na la brten zhes bya'i gzugs la sogs pa ni
 ma yin zhe na/ de dag gyur pas 'gyur nyid phyir/ /rta ni ni mig la sogs pa yin/ /khams rnams zhes bya bar sbyar te/ mig la sogs pa rnams gyur pas rnam par shes pa rnams 'gyur ba yin te/ phan pa dang gnod pa dang/ gsal ba dang mi gsal ba nyid kyi rjes su byed pa'i phyir ro//
 gzugs la sogs pa rnams gyur pas ni de dag 'gyur ba ma yin te/ de lta bas na de dag la rag lus pa'i phyir de dag nyid rten yin no/ /zhes bya ba ni shin tu legs pa yin gyi gzugs la sogs pa ni ma yin no/ /yang de dag gis ni gzugs la sogs pa rnam par shes
 na/ ci'i phyir mig gi rnam par shes pa zhes bya ba nas/ yid kyi rnam par shes pa zhes bya ba'i bar yin gyi gzugs kyi rnam par shes pa zhes bya ba nas chos kyi rnam par shes pa zhes bya ba'i bar du ni ma yin zhe na/ gang gi phyir de dag gi rten ni mig la sogs pa yin pa de'i
 phyir thun mong ma yin phyir/ de dag gis ni rnam shes bstan/ /ji ltar na thun mong ma yin pa nyid yin zhe na/ mig gi rnam par shes pa gzhan gyi rten du 'gyur par mi nus la/ gzugs ni yid kyi rnam par shes pa'i dmigs par yang 'gyur la/ mig gi rnam par shes pa gzhan gyi dmigs
 par yang 'gyur te/ lus kyi bar du yang de dang 'dra bar rig par bya'o/ /de lta bas na rten du gyur pa'i phyir dang/ thun mong ma yin pa'i phyir de dag kho na rnam par shes pa bstan gyi gzugs la sogs pas ni ma yin te/ dper na rnga bo che'i sgra dang/ nas kyi myu gu bzhin no/ /yang lus gang
 la gnas te mig gi gzugs rnams lta ba na/ ci lus dang mig dang gzugs dang rnam par shes pa de rnams gcig pa kho na zhig yin nam/ 'on te gzhan gyi sa ba yang yin zhe na/ smras pa/ thams cad la bye brag yod de/ 'dod pa'i khams su skyes pa rang gi mig gis rang gi
 gzugs rnams la lta ba na thams cad rang gi sa pa yin no/ /de nyid rang gi gzugs rnams la bsam gtan dang po'i mig gis lta ba na lus dang gzugs dag ni rang gi sa pa yin la/ rnam par shes pa dang mig dag ni de'i sa pa yin no/ /bsam gtan dang po'i sa pa dag la lta na ni
 gzugs rnams kyang de'i sa pa yin no/ /rang gi gzugs rnams la bsam gtan gnyis pa'i mig gis lta ba na lus dang gzugs dag ni rang gi sa pa yin la/ mig ni de'i sa pa yin no/ /mig gi rnam par shes pa ni bsam gtan dang po'i sa pa yin no/ /bsam gtan dang po'i sa pa
 dag la lta ba na rnam par shes pa dang gzugs dag ni de'i sa pa yin la/ lus ni 'dod pa na spyod pa yin no/ /mig ni bsam gtan gnyis pa'i sa pa yin no/ /bsam gtan gnyis pa'i sa bdag la lta ba ni mig dang gzugs dag ni de'i sa pa yin/ /lus ni 'dod pa na spyod pa yin no/ /rnam par shes pa ni bsam gtan
 dang po'i sa pa yin te/ bsam gtan gsum pa dang/ bsam gtan bzhi pa'i sa pa'i mig gis de dag gi sa pa dang/ sa 'og ma pa'i gzugs la lta ba yang de bzhin du sbyar bar bya'o/ /bsam gtan dang po'i skyes pa rang gi mig gis rang gi gzugs rnams la lta ba na thams
 cad rang gi sa ba yin no/ /'og ma rnams la lta na ni gsum rang gi sa pa yin no/ /rang gi gzugs rnams la bsam gtan gnyis pa'i mig gi lta ba na gsum ni rang gi sa pa yin la/ mig ni de'i sa pa yin no/ /'dod pa na spyod pa rnams la lta ba na lus
 dang rnam par shes pa dag ni rang gi sa pa yin la/ gzugs rnams ni 'og ma pa yin no/ /mig ni de'i sa pa yin no/ /bsam gtan gnyis pa rnams la lta ba na mig dang gzugs ni de'i sa pa yin la/ lhag ma ni rang gi sa pa yin te/ bsam gtan gsum pa la sogs pa'i mig
 gis lta ba'i yang de bzhin du sbyar ro/ /bsam gtan gnyis pa la sogs par skyes pa rang dang gzhan gyi mig dag gis rang dang gzhan gyi sa pa'i gzugs rnams la lta ba la yang ci rigs par sbyar bar bya'o/ /'di ni des pa yin te/ lus la 'og ma'i mig ma yin/ lus
 dang mig dang gzugs rnams ni 'dod pa na spyod pa nas bsam gtan bzhi pa'i bar sa lnga pa yin no/ /mig gi rnam par shes pa ni 'dod pa na spyod pa dang/ bsam gtan dang po'i sa pa dang/ sa gnyis pa yin no/ /de la sa gang ba'i lus yin pa sa de ba 'am/ sa gong ma pa'i mig gi yin gyi
 sa 'og ma pa ni ma yin no/ /'di'i mig gi yul ni de'i sa pa 'am/ sa 'og ma pa'i gzugs yin gyi/ mig gi gong ma'i gzugs ma yin/ sa gong ma pa'i gzugs sa 'og ma pa'i mig gis mthong bar ni nam yang mi nus so/ /rnam par shes pa dang/ gong ma ni mig gi ma yin te/
 gzugs bzhin no/ /de'i gzugs/ lus kyi 'ang gnyi ga thams cad du/ /de'i zhes bya ba bshad ma thag pa'i mig gi rnam par shes pa'i yul ni gong ma dang 'og ma dang rang gi sa pa'i gzugs thams cad du yin la/ lus kyi'ang gzugs dang/ rnam par shes pa dag thams
 cad du yin no/ /ji ltar mig 'di rgyas par bshad pa ltar/ /rna ba'ang de bzhin du rig par bya ste/ lus la 'og ma'i sna ma yin/ /rna ba'i gong ma'i sgra ma yin/ /rnam par shes pa'ang de'i sgra/ lus kyi'ang gnyi ga thams cad du zhes rgyas par sbyar bar bya'o/ /gsum dag ni/ thams
 cad rang gi sa pa nyid/ /sna dang lce dang lus kyi khams rnams kyi lus dang rang gi yul dang rnam par shes pa rnams rang gi sa pa kho na yin no/ /de ltar bye brag tu ma phye bar spyir bstan nas/ yang bye brag tu dbye ba'i phyir dmigs kyis bsal brtsom ste/ lus kyi rnam shes 'og dang ni/ rang gi sa lus ma
 lus kyi khams dang reg bya ni rtag tu rang gi sa pa dgra kho na yin na/ /lus kyi rnam par shes pa ni kha cig gi ni rang gi sa pa yin te/ 'di lta ste/ 'dod pa'i khams dang bsam gtan dang por skyes pa rnams kyi lta bu'o/ /kha cig ni sa 'og ma pa yin te/ 'di lta ste/ bsam gtan gnyis pa la
 sogs par skyes pa rnams kyi lta bu'o/ /yid ma nges te/ res 'ga' ni lus dang yid kyi rnam par shes pa dang chos dag dang mtshungs pa'i sa pa'i yid yin la/ res 'ga' ni sa gong ma dang 'og ma ba yin te/ sa lnga pa'i lus la yang snyoms par 'jug pa dang/ skye ba'i tshe yid la sogs pa ci
 rigs par sa thams cad bdag yin te/ 'di rgyas par ni snyoms par 'jug pa bstan pa'i mdzod kyi gnas nas 'chad par 'gyur ro/ /tshig gi khur kha cang mangs pa yongs su spang pa'i phyir da ni ma bshad de/ dgos pa chung la ngal ba che ba'i phyir ro/ /zhar la 'ongs ba'i skabs rdzogs so// //
 da ni 'di dpyad par bya ste/ khams bco brgyad dang/ rnam par shes pa drug po rnams la gang zhig rnam par shes pa gang dag gis rnam par shes par bya ba yin zhe na/ smras pa/ gnyis kyis rnam shes phyis yi/ gzugs dang sgra dang dri dang ro dang reg bya rnams ni grangs bzhin du mig dang rna ba dang
 sna dang lce dang lus kyi rnam par shes pa dag gi nyams su myong nas yid kyi rnam par shes pas rnam par shes te/ de ltar na de dag ni re re zhing rnam par shes pa gnyis kyi rnam par shes par bya ba yin no/ /khams lhag ma bcu gsum ni rnam par shes pa'i tshogs lnga'i yul ma yin pa'i
 phyir yin gyi rnam par shes pa gcig pus rnam par shes par bya ba yin zhes rnam par bshad par 'gyur/ /rtag pa rnams ni du/ mi rtag pa rnams ni du zhe na/ khams gcig ril por rtag pa ni med par gyi/ 'on kyang/ 'dus ma byas chos rtag pa'o/ /des na chos kyi khams kyi phyogs gcig
 rtag la/ lhag rnams ni mi rtag pa yin no/ /dbang po rnams ni du/ dbang po ma yin pa rnams ni du zhe na/ chos kyi byed dang gang dag ni/ bcu gnyis nang gir bshad dbang po/ /mdo las/ mig gi dbang po dang/ rna ba'i dbang po dang/ sna'i dbang po dang/ lce'i dbang po dang/ lus kyi
 dbang po dang/ yid kyi dbang po dang/ mo'i dbang po dang/ pho'i dbang po dang/ srog gi dbang po dang/ bde ba'i dbang po dang/ sdug bsngal gyi dbang po dang/ yid bde ba'i dbang po dang/ yid mi bde ba'i dbang po dang/ btang snyoms kyi dbang po dang dad 'di dbang po dang/ brtson 'grus kyi dbang po dang/ dran pa'i dbang po dang/
 ting nge 'dzin gyi dbang po dang/ shes rab kyi dbang po dang/ mi shes pa kun shes par byed pa'i dbang po dang/ kun shes pa'i dbang po dang/ kun shes pa dang ldan pa'i dbang po dang/ dbang po nyi shu rtsa gnyis gsungs pa la chos mngon pa pa rnams ni skye mched drug rnam par bzhag pa
 la ma gus pas yid kyi dbang po srog gi dbang po'i 'jug thogs su 'don te/ dmigs pa dang bcas pa'i phyir ro/ /de la chos kyi phyed ni srog gi dbang po la sogs pa dbang po bcu gcig dang/ gsum po dag gi cha ste/ chos kyi khams kyi phyogs yin pa'i phyir ro/ /nang gi bcu gnyis ni
 mig la sogs pa rang gi ming gis smos pa lnga dang/ yid kyi dbang po ni sems kyi khams bdun no/ /pho dang mo'i dbang po dag ni lus kyi khams kyi phyogs yin no zhes 'og nas 'chang ngo/ /lhag ma khams lnga po dag dang chos kyi khams kyi phyogs ni dbang po ma yin pa zhes bya bar
 grub po// //chos mngon pa'i mdzod kyi rnam par bshad pa las khams bstan pa zhes bya ba ste mdzod kyi gnas dang po'o// //dbang po rnams bshad pa la dbang po'i don ci zhe na/ dbang ni dbang phyug dam pa'o/ /de dbang byed pas dbang po rnams te/ de'i phyir dbang byed pa'i
 don ni dbang po'i don to/ /'di dag las gang zhig gang la dbang byed ce na/ lnga po rnams ni don gzhi la/ dbang byed/ re zhig mig dang/ rna ba dag re re zhing don pa zhing bang byed pa ni long ba dang 'on pa dag ni mi mdzes pa'i ngo bo yin pa'i phyir lus mdzes par bya ba dang/ mthong ba dang/ thos
 nas spang ba yongs su spong ba'i phyir lus yongs su bsrung ba dang/ mig dang rna ba'i rnam par shes pa mtshungs par ldan pa dang bcas pa dag skyed pa dang/ gzugs blta ba dang sgrar nyan pa dag gi thun mong ma yin pa'i rgyu nyid pa dbang byed pa'o/ /sna dang lce dang lus rnams ni snga ma bzhin du mdzes
 par bya ba la dbang byed pa dang/ de dag gi lam gyi zas la yongs su longs spyod pa'i phyir lus yongs su rung ba la dbang byed pa dang/ sna la sogs pa'i rnam par shes pas mtshungs par ldan pa dang bcas pa rnams bskyed pa dang/ de bsnam pa dang ro myang ba dang/ reg bya rig pa rnam
 gyi thun mong ma yin pa'i rgyu nyid la dbang byed pa'o/ /bzhi rnams gnyis la lo/ /pho dang mo dang srog dang yid kyi dbang po rnams ni re re zhing don gnyis la dbang byed de/ re zhig pho dang mo'i dbang po dag ni sems can gyi bye brag dang/ khyad par dag la dbang byed de/ de la sems can
 gyi bye brag ni pho'o mo'o zhes bya'o/ /sems can gyi khyad par ni nu ma la sogs pa dbyibs dang nga ro dang spyod pa gzhan pa nyid do/ /gzhan dag na re ni thun nas nyon mongs pa dang rnam par byad pa dag la dbang byed de/ /'di ltar de dag dang mi ldan pa dang/ nyams pa za mang du ma ning
 dang/ mtshan gnyis pa rnams la sdom pa ma yin pa dang/ mtshan med pa dang/ dge ba'i rtsa ba kun tu chad pa dang/ sdom pa dang/ 'bras bu 'thob pa dang/ 'dod chags dang bral ba rnams med do zhes zer ro/ /srog gi dbang po ni ris mthun par mtshams sbyor ba dang/ yang dag
 par 'dzin pa dag la dbang byed do/ /yid kyi dbang po ni yang srid par mtshams sbyor ba dang/ dbang gi ngo bo dang/ mthun par byed pa dag la dbang byed de/ de la yang srid par mtshams sbyor ba la dbang byed pa ni ji skad du/ de'i tshe dri za'i sems gnyis po rjes su chags
 pa dang/ lhan cig par gyur pa 'am/ khong khro ba dang lhan cig par gyur pa gang yang rung ba zhig mngon du gyur na zhes gsungs pa lta bu'o/ /dbang gi ngo bo dang/ mthun par byed pa la dbang byed pa ni ji skad du/ 'jig rten 'di ni sems kyis khrid do zhes rgyas par gsung
 ba lta bu'o/ /bde ba la sogs pa'i dbang po lnga gang yin pa dang/ dad pa la sogs pa gang dag yin pa/ lnga dang brgyad po de rnams ni/ /kun nas nyon mongs rnams byang la/ /go rims bzhin du dbang byed de/ /bye brag tu smra ba rnams na re/ /bde ba la sogs pa
 lnga po dag ni kun nas nyon mongs pa la dbang byed de/ de dag la 'dod chags la sogs pa rgyas par 'gyur ba'i phyir ro/ /dad pa la sogs pa rnams ni rnam par byed pa la dbang byed de/ de dag gis rnam par byang bar byed do/ /gzhan dag na re bde ba la sogs pa rnams ni rnam par
 byad pa la yang dbang byed de/ 'di ltar bde bar gyur pa'i sems mnyam par 'jog par 'gyur ro zhes bya ba dang/ sdug bsngal gyi rgyu can gyi dad pa zhes bya ba dang/ yid bde ba la sogs pa nges par 'byung ba la brten pa drug ces 'byung ba'i phyir ro zhes zer ro/ /gzhan dag na re rnam par
 shes nas yang ba yongs su spong pa'i phyir mig dang rna ba dag gis lus yongs su bsrung ba ni ma yin pa nyid kyi de gnyis rnam par shes pa la ni dbang byed do/ /gang gi phyir de gnyis thun mong ma yin pa'i rgyu nyid la so sor dbang byed par rung bar 'gyur ba rnam par shes pa las
 gzhan pa gzugs mthong ba 'am sgra thos pa'ang med pa de'i phyir de dag de lta bur ni dbang po nyid ma yin no/ /'o na ji lta bu yin zhe na/ rang gi don dang thams cad la/ dmigs par dbang byed pa'i phyir dbang drug /mig la sogs pa lnga po dag ni rang rang gi don la dmigs par bya
 ba la dbang byed do/ /yid ni don thams cad la dmigs par bya ba la dbang byed de/ de'i phyir de dag ni so sor dbang po yin no/ /'di la don rnams kyang dbang byed pa ma yin nam zhe na/ dbang byed pa ma yin te/ lhag par dbang byed pa nyid ni dbang byed pa nyid yin la/ mig ni gzugs
 thams cad la dmigs par bya ba la thun mong gi rgyu yin pa'i phyir dang/ dmigs pa de gsal ba dang mi gsal ba nyid la sogs pa'i rjes su byed pa'i phyir gzugs la dmigs par bya ba la lhag par dbang byed pa yin gyi/ de las bzlog pa yin pa'i phyir gzugs kyi ni
 ma yin te/ yid chos rnams la dbang byed pa'i bar du yang de bzhin du sbyar ro/ /mo nyid pho nyid las dbang phyir/ /lus las mo dang pho'i dbang dag /lus kyi dbang po kho na las mo dang pho'i dbang po? dag rnam par bzhag ste/ don tha dad par gyur pa dag ni med kyi dbang pa'i cha 'ga' ste/ 'doms kyi phyogs mo
 dang pho'i dbang po'i ming 'thob pa gang yin pa de ni rims bzhin du mo nyid dang pho nyid dag la dbang byed pa'i phyir ro/ /de la mo'i ngo bo ni rang bzhin nga ro rang g.yo ba dang bsam pa dag ste/ de ni mo'i mo nyid yin no/ /pho'i ngo bo ni rang bzhin nga ro dang g.yo ba dang bsam pa dag ste/ de ni pho'i pho nyid yin no/ /rigs nas
 kun nas nyon mongs dang/ rnam par byang la dbang byed phyir/ /srog dang tshor ba rnams dang ni/ /dang sogs dbang po lngar 'dod do/ /srog gi dbang po ni rigs mthun par gnas par bya ba la dbang byed do/ /tshor ba rnams ni kun nas nyon mongs par bya ba la dbang byed de/ 'di ltar mdo las/ bde
 ba'i tshor ba la ni 'dod chags rgyas par 'gyur/ sdug bsngal la ni khong khro ba/ /sdug bsngal yang ma yin bde ba yang ma yin pa la ni ma rig pa zhes gsungs so/ /dad ba la sogs pa lnga po dag ni rnam par byang ba la dbang byed de/ 'di ltar de dag gis nyon mongs pa rnams kyang rnam
 par gnon la lam yang 'dren par byed do/ /de nyid kyi phyir de dag kyang so sor dbang po yin par 'dod do/ /mya ngan 'das sogs gong nas gong/ /'thob pa la ni dbang byed phyir/ /kun shes byed dang kun shes dang/ /de bzhin kun shes ldan dbang po/ /de bzhin zhes bya ba'i sgra ni so sor
 dbang po yin no zhes bstan pa'i phyir ro/ /de la kun shes par byed pa'i dbang po ni kun shes pa'i dbang po 'thob par bya ba la dbang byed do/ /kun shes pa'i dbang po ni/ kun shes pa dang ldan pa'i dbang po thob par bya ba la dbang byed do/ /kun shes pa dang ldan pa'i dbang po ni yongs
 su mya ngan las 'da' bar bya ba la dbang byed de/ sems rnam par ma grol ba la yongs su mya ngan las 'da' ba med pa'i phyir ro/ /sogs pa zhes bya ba'i sgra ni rnam grangs gzhan bstan par bya ba'i phyir te/ rnam grangs gzhan gang zhe na/ kun shes par byed pa'i dbang po ni mthong bas spang bar
 bya ba'i nyon mongs pa spong pa la dbang byed do/ /kun shes pa'i dbang po ni bsgom pas spang bar bya ba'i nyon mongs pa spong ba la dbang byed do/ /kun shes pa dang ldan pa'i dbang po ni mthong ba'i chos la bde bar gnas pa'i phyir dbang byed de/ rnam par grol bas
 dga' ba dang bde ba la so sor yang dag par myong ba'i phyir ro/ /dbang byed pa'i phyir dbang po nyid yin na/ ma rig pa la sogs pas kha bskang dgos te/ ma rig pa la sogs pa dag kyang 'du byed la sogs pa rnams la dbang byed pas/ de'i phyir de dag kyang dbang po nyid du kha bskang
 bar bya ba la/ dag la sogs pa dag dang/ lag pa dang/ rkang pa dang/ rkub dang/ 'doms rnams kyang tshig dang/ len pa dang/ 'gro ba dang/ rtug pa dang/ kun tu dga' ba'i bya ba dag la dbang byed pa'i phyir dbang po nyid du kha bskang bar bya'o zhes/ kha bskang bar mi bya ste 'di ltar 'dir ni/
 sems kyi rten dang de'i bye brag /gnas dang kun nas nyon mongs nyid/ /tshogs dang rnam byang ji snyed pa/ /dbang po dag kyang de snyed du 'dod de/ de la sems kyi rten ni dbang po drug dag yin te/ skye mched drug po de ni sems can gyi rdzas kyi gzhi yin no/ /mo dang pho'i dbang po dag gis ni mo
 dang phor bye brag tu 'byed do/ /srog gi dbang pos ni gnas par byed do/ /tshor ba rnams kyis ni kun nas nyon mongs par byed do/ /dad pa la sogs pa lngas ni rnam par byang ba'i tshogs sogs par byed do/ /gsum gyis ni rnam par byang bar byed de/ de'i phyir ma rig pa la sogs
 pa ni dbang po nyid du mi 'dod do/ /yang na 'jug pa'i rten dang ni/ /skye dang gnas dang nyer spyod las/ /bcu bzhi de bzhin ldog pa la/ /dbang po rnams ni gzhan yin no/ /yang na zhes bya ba'i sgra ni gzhung lugs tha dad par bstan pa'i phyir te/ gzhan dag na re 'jug pa'i rten ni dbang po
 drug yin no/ /skye ba ni mo dang pho'i dbang po dag yin te/ de las skye ba'i phyir ro/ /gnas pa ni srog gi dbang po yin te/ des gnas par byed pa'i phyir ro/ /tshor ba rnams kyis ni nye bar spyod par byed de/ de'i phyir de dag ni dbang po bcu bzhi yin no/ /rnam pa de nyid kyis gzhan dag ni
 ldog pa yin te/ ldog pa'i rten ni dad pa la sogs pa yin no/ /skye ba ni kun shes par byed pa'i dbang po yin no/ /gnas pa ni kun shes pa'i dbang po yin no/ /kun shes pa dang ldan pa'i dbang pos ni nye bar spyod par byed do zhes zer te/ de'i phyir dbang po dag ni de snyed cig yin la/ de nyid kyi phyir
 de dag gi go rims kyang de yin no/ /dag gi tshig smra bar bya ba la dbang po nyid ma yin te/ slob pa'i khyad par ltos pa'i phyir ro/ /lag pa dang/ rkang pa dang/ len pa dang/ 'gro ba las gzhan ma yin pa'i phyir te/ de dag nyid de dag yin te/ gzhan dag gzhan du 'byung ba la len pa dang 'gro ba
 zhes bya'o/ /sprul la sogs pa lag pa dang/ rkang pa med bzhin du yang len zhing 'gro ba'i phyir ro/ /rkub kyang rtug par bya ba la dbang po nyid ma yin te/ nam mkha' la gnas pa'i rdzas lci ba thams cad du ltung ba'i phyir dang/ de rlung gis kyang bro bar byed pa'i phyir ro/ /'doms kyang kun tu
 dga' bar bya ba la dbang po nyid ma yin te/ dga' ba de ni mo dang pho'i dbang pos byas pa yin pa'i phyir ro/ /lkog ma dang/ so dang/ mig gi lam dang tshigs rnams kyang ming ba dang bca' ba dang/ 'byed pa dang/ 'dzums pa dang/ bskum pa dang/ brkyang ba'i bya ba dag la dbang po nyid yin pa 'am/ rgyur
 gyur pa thams cad rang gi bya ba la dbang po nyid yin par thal bar 'gyur bas dag la sogs pa dbang po nyid yin par rigs pa ma yin no/ /de la mig la sogs pa pho'i dbang po la thug pa rnams ni bstan zin to/ /srog gi dbang po ni ldan pa ma yin pa yin pa'i phyir ldan pa ma yin pa
 dag gi nang kho na nas 'chad par 'gyur ro/ /dad pa la sogs pa rnams ni sems las byung ba dag gi nang nas 'chad par 'gyur ro/ /bde ba la sogs pa dang kun shes par byed pa'i dbang po la sogs pa bshad par bya ste/ de brjod par bya'o/ /lus tshor sim pa ma yin gang//
 sdug bsngal dbang po'o/ /sim pa ma yin pa zhes bya ba ni gnod pa byed pa ste sdug bsngal zhes bya ba'i tha tshig go /sim pa ni bde ba'o/ /lus kyi tshor ba sim pa ni bde ba'i dbang po'o/ /sim pa zhes bya ba ni phan 'dogs pa ste/ bde ba zhes bya ba'i tha tshig go /bsam gtan
 gsum pa na/ sems kyi de ni bde dbang po/ /bsam gtan gsum pa ni sems kyi tshor ba sim pa de nyid bde ba'i dbang po yin te/ de na rnam par shes pa'i tshogs lnga med pa'i phyir lus kyi tshor ba ni med do/ /gzhan na de yis bde ba yin/ bsam gtan gsum pa
 las gzhan pa 'dod pa'i khams dang/ bsam gtan dang po dang/ gnyis pa na ni sems kyi tshor ba sim pa gang yin pa de yid bde ba'i dbang po yin no/ /bsam gtan gsum pa na ni dga' ba'i 'dod chags dang bral ba'i phyir bde ba'i dbang po kho na yin gyi yid bde ba ni
 ma yin te/ dga' ba ni yid bde ba yin no/ /sems kyi sim pa ma yin pa/ yid mi bde ba'o btang snyoms ni bar ma'o/ /sim pa yang ma yin sim pa ma yin pa yang ma yin sdug bsngal yang ma yin/ bde ba yang ma yin pa'i tshor ba ni bar ma zhes bya ste/ de ni btang snyoms
 kyi dbang po yin no/ /mi lus kyi 'am/ sems kyi zhes bya zhe na/ smras pa/ gnyi ga'i yin no/ /ci'i phyir 'di bsdus nas nas dbang po gcig tu byas zhes nas/ mi rtog phyir/ sems kyi bde ba dang/ sdug bsngal ni phal cher rnam par rtog pa las skye'i lus kyi ni ma yin no//
 yul gyi dbang gis ni dgra bcom pa rnams la yang skye bas/ de'i phyir de dag dbang po nyid du tha dad kyi lus kyi dang sems kyi btang snyoms ni rnam par mi rtog pa kho nar rang gi ngang gis skye bas gcig tu byas so/ /lus kyi bde ba yang gzhan du phan 'dogs la/ sems kyi yang
 gzhan du phan 'dogs so/ /de bzhin du lus kyi sdug bsngal yang gzhan du gnod pa byed la/ sems kyi yang gzhan du gnod pa byed do/ /btang snyoms la ni bye brag de med de/ de bas na btang snyoms ni bye brag med pas tha dad pa med do/ /mthong bsgom mi slob lam la
 dgu /gsum yin/ yid dang/ bde ba dang/ yid bde ba dang/ btang snyoms rnams dang/ dad pa la sogs pa lnga dang dbang po dgu po de dag ni lam gsum dag tu dbang po gsum zhes bya ste/ mthong ba'i lam la ni mi shes pa kun shes par byed pa'i dbang po
 zhes bya'o/ /bsgom pa'i lam la ni kun shes pa'i dbang po zhes bya'o/ /mi slob pa'i lam la ni kun shes pa dang ldan pa'i dbang po zhes bya'o/ /ci'i phyir zhe na/ mthong ba'i lam la ni mi shes pa kun shes par bya bar zhugs pa yin no/ /bsgom pa'i lam la ni sngon ma mthong ba kun shes
 par bya ba ni med kyi/ phra rgyas lhag ma spang bar bya ba'i phyir de nyid kun shes par byed do/ /mi slob pa'i lam la ni kun shes so snyam du rtogs pa ni kun shes pa ste/ de 'di la yod pas sam/ 'di kun shes pa srung ba'i ngang tshul can yin pas na kun shes pa dang ldan pa'o/ /zad
 pa dang mi skye ba'i ye shes thob pa'i phyir bdag gis sdug bsngal yongs su shes te yang yongs su shes par byar med do snyam pa ste/ de lta bu'i dbang po ni kun shes pa dang ldan pa'i dbang po yin no/ /rang gi ngo bo bstan nas zag pa dang bcas pa rnams ni du/ zag pa med
 pa rnams ni du zhes bya ba de lta bu la sogs pa rnam pa'i bye brag brjod par bya ste/ de la re zhig kun shes par byed pa'i dbang po la sogs pa bshad ma thag pa gang dag yin pa de/ gsum ni dri ma med/ zag pa med pa zhes bya ba'i tha tshig ste/ dri ma rnams ni zag pa'i rnam
 grangs yin pa'i phyir ro/ /gzugs can srog dang sdug bsngal dag /zag dang bcas pa/ dbang po gzugs can bdun dang/ srog gi dbang po dang/ sdug bsngal dang/ yid mi bde ba'i dbang po dag ni gcig tu zag pa dang bcas pa yin no/ /gzugs can bdun ni mig dang/ rna ba
 dang/ sna dang/ lce dang/ lus dang/ mo dang pho'i dbang po rnams te/ gzugs kyi phung pos bsdus pa'i phyir ro/ /dgu rnam gnyis/ yid dang bde ba dang/ yid bde ba dang/ btang snyoms dag dang/ dad ba la sogs pa lnga dang/ dbang po dgu po de dag ni zag pa dang bcas pa yang
 yin la zag pa med pa yang yin no/ /kha cig na re dad pa la so pa rnams ni zag pa med pa kho na yin te/ bcom ldan 'das kyis/ gang la dbang po lnga po 'di dag thams cad du thams cad med pa de ni phyi rol so so'i skye bo'i phyogs la gnas par nga smra'o zhes gsungs so
 zhes zer ro/ /de ni khungs su mi rung ste/ zag pa med pa rnams kyi dbang du mdzad nas gsungs pa'i phyir ro/ /yang na so so'i skye bo ni rnam pa gnyis te/ nang pa dang/ phyi rol pa'o/ /nang pa ni dge ba'i rtsa ba kun tu ma chad pa'o/ /phyi rol ba ni dge ba'i rtsa ba kun tu chad pa
 ste/ de'i dbang du mdzad nas phyi rol so so'i skye bo'i phyogs la gnas par nga smra'o zhes gsungs pa yin no/ /mdo las kyang sems can 'jig rten du skyes shing 'jig rten du rgas pa rnams la dbang po rnon po dag kyang mchis/ dbang po 'bring po dag kyang mchis/ dbang
 po rtul po dag kyang mchis so zhes chos kyi 'khor lo ma bskor ba kho na'i tshe gsungs te/ de'i phyir dad la sogs pa zag pa dang bcas pa dag kyang yod pa nyid do/ /yang ngas ji srid du dbang po lnga po 'di dag gi kun 'byung ba dang/ mi snang ba dang/ ro myang ba dang/ nyes
 dmigs dang/ nges par 'byung ba yang dag pa ji lta ba bzhin ma shes pa de srid du nga 'jig rten lha dang bcas pa 'di las shes rgyas par gsungs te/ zag pa med pa rnams la ni yongs su brtag pa'i rnam pa 'di med do/ /dbang po du ni rnam par smin pa dag yin/ du ni
 rnam par smin pa ma yin pa dag yin zhe na/ re zhig gcig tu srog ni rnam smin/ 'o na dge slong dag dgra bcom pa'i tshe'i 'du byed dag 'jog par byed pa'i srog gi dbang po gang yin pa de gang gi rnam par smin pa zhe na/ bstan bcos las/ tshe'i 'du byed dag 'jog par
 byed ce na/ dge slong dgra bcom pa rdzu 'phrul dang ldan pa sems la dbang thob pas dge 'dun nam gang zag la lhung bzed dam chos gos sam/ dge sbyong gi 'tshe ba'i yo byad gang yang rung ba phul nas/ de bsams te rab kyi mdza' pa'i bsam gtan bzhi pa la
 sgoms par 'jug cing de de de las langs nas/ bdag gi longs spyod kyi rnam par smin pa gang yin pa de'i tshe rnam par smin par gyur cig snyam du sems skyed par byed cing tshig tu yang smra bar byed do/ /de'i longs spyod kyi rnam par smin pa gang yin pa de'i tshe'i
 rnam par smin par 'gyur ro zhes 'byung ngo/ /gang dag rnam par smin pa'i lhag ma rnam par smin par byed do snyam du sems pa de dag ni re ni des tshe rabs snga ma la las byas pa'i rnam par smin pa bsgoms pa'i stobs kyis/ drangs nas so sor myong bar byed do/ /zhes zer ro/ /de'i tshe'i
 'du byed dag ji ltar gtong zhe na/ de bzhin du sbyin pa byin nas bsams te rab kyi mdza' ba'i bsam gtan bzhi pa la snyoms par 'jug cing de de las langs nas bdag gi tshe'i rnam par smin pa gang yin pa de longs spyod kyi rnam par smin par gyur cig snyam du sems
 bskyed par byed cing tshig tu yang smra bar byed de/ de'i de lta bur 'gyur ro/ /btsun pa dbyangs sgrogs na re ni des? lus de nyid la gzugs na spyod pa'i 'byung ba chen po tshe dang mthun pa 'am 'gal ba dag bsam gtan gyi stobs kyis mngon du byed do/ /de ltar tshe'i 'du byed
 dag 'jog par byed cing/ de ltar gtong bar byed do zhes zer ro/ /'di lta bu yin te/ de dag gi de lta bu de ni ting nge 'dzin gyi mthu kho na ste/ des sngon gyi las las skyes pa'i dbang po'i 'byung ba chen po rnams kyi gnas pa'i dus 'phen pa ni bzlog par byed la/ sngon med pa
 ting nge 'dzin las skyes pa'i phen pa ni 'phen par byed de/ de lta bas na srog gi dbang po de ni rnam par smin pa ma yin la/ de las gzhan pa ni rnam par smin pa yin no/ /dri ba las dri ba gzhan 'byung ste/ ci'i phyir tshe'i 'du byed dag byin gyis rlob par byed ce na/ gzhan
 la phan pa'i don tam?/ bstan pa gnas par bya ba'i don du ste/ de dag ni bdag nyid tshe zad par mthong zhing de las gzhan nus pa yang ma mthong ba yin no/ /'o na ci'i phyir gtong bar byed ce na/ gson na gzhan la phan pa chung ba dang/ lus nad la sogs pa lta bur
 mthong ba yin te/ tshangs spyod 'di la legs spyad cing/ /lam la'ang shin tu bsgoms na ni/ /tshe zad pa la dga' 'gyur te/ /dper na nad dang bral ba bzhin/ zhes gsungs pa lta bu'o/ /'o na gang du 'am/ gang gi tshe'i 'du byed dag 'jog pa 'am gtong ba de rig par
 bya zhe na/ mi'i nang kho na dag tu ste gling gsum po dag tu'o/ /gang zhig gi zhe na/ dgra bcom pa pho mo rab kyi mdza' i bsam gtan thob pa dus dang mi sbyor bar rnam par grol ba'i ste/ de ni ting nge 'dzin la yang dbang zhing nyon mongs pa dag gis kyang rgyud nye
 bar ma bstan pa yin no/ /mdo las bcom ldan 'das kyis/ srog gi 'du byed dag byin gyis brlabs nas tshe'i 'du byed dag btang ngo zhes gsungs pa de dag la khyad par ci zhig yod ce na/ kha cig na re cung zad kyang med de/ 'di ltar srog gi dbang po gang zhe na/ khams gsum
 pa'i tshe yin no zhes gsungs so zhes zer ro/ /kha cig na re ni sngon gyi las kyi 'bras bu ni tshe'i 'du byed dag yin la da ltar byung ba'i las kyi 'bras bu ni srog gi 'du byed dag yin no zhes zer te/ gang dag gis ris mthun par gnas par gyur pa ni tshe'i 'du byed dag yin la/ gang
 dag gis dus gzhan gyi bar du 'tsho ba de dag ni srog gi 'du byed dag yin no/ /mang po'i tshig ni tshe dang srog gi 'du byed kyi skad cig ma mang po rnams la gtong zhing byin gyis rlob pa'i phyir te/ skad cig ma gcig la ni gtong ba 'am byin gyis rlob pa med do/ /kha cig na re
 dus gzhan gyi bar du 'jug pa tshe'i rdzas gcig pu ni med do zhes bstan pa'i phyir ro zhes zer ro/ /kha cig na re 'du byed mang po rnams la tshe zhes bya ba'i tshe'i rdzas gcig pu ni med do/ /de lha ma yin na 'du byed smos pa mi mdzad par 'gyur ro zhes zer ro/ /yang
 ci'i phyir bcom ldan 'das kyis tshe'i 'du byed dag btang zhing byin gyis brlabs she na/ 'chi ba la mnga' ba nyid du bstan pa'i phyir ni btang la/ tshal mnga' ba nyid du bstan pa'i phyir ni zla ba gsum kho na byin gyis brlabs te/ phyin chad ni gdul ba'i don
 med pa'i phyir ma yin no/ /gang yang ngas rdzu 'phrul gyi rkang pa bzhi po de ltar bsgoms pa dag gis 'dod na bsal ba 'am bskal pa bas lhag par bzhugs par bya'o zhes dam bcas pa de yang sgrub pa'i phyir ro/ /bye brag tu smra ba rnams na re ni phung po dang 'chi ba dag
 gi bdud las rgyal bar bstan pa'i phyir ro zhes zer te/ byang chub kyi shing drung du ni nyon mongs pa dang lha'i bu'i bdud dag las rgyal lo/ /zhar la 'ongs pa rdzogs so// //dkyus ma nyid brtsam par bya ste/ bcu gnyis gnyis/ bcu gnyis gang zhe na/ tha ma brgyad dang yid mi bde/ ma gtogs pa ste/ dad
 pa la sogs pa tha ma brgyad dang/ yid mi bde ba ma gtogs pa srog gi dbang po las gzhan pa bcu gnyis ni rnam pa gnyis te/ rnam par smin pa yang yin la/ rnam par smin pa ma yin pa yang yin no/ /de la mig la sogs pa bdun rgyas pa las byung ba rnams  ni rnam par smin la ma yin no//
 lhag ma ni rnam par smin pa yin no/ /yid dang/ sdug bsngal dang/ bde ba dang/ yid bde ba dang/ btang snyoms kyi dbang po rnams ni dge ba dang nyon mongs pa can rnams dang/ spyod lam pa dang bzo'i gnas pa dang/ sprul pa rnams ni ci rig par rnam par smin pa ma yin no/ /lhag ma rnams ni rnam
 par smin pa yin no/ /srog gi dbang po dang/ mig la sogs pa bcu gnyis ma gtogs pa lhag ma rnams ni rnam par smin pa ma yin pa zhes bya bar grub bo/ /gal te yid mi bde ba rnam par smin pa ma yin na las ni gsum ste/ yid bde ba myong bar 'gyur ba'i las dang/ yid mi bde ba
 myong bar 'gyur pa'i las dang/ btang snyoms myong bar 'gyur ba'i las zhes gsungs pa'i mdo 'di ji ltar dang? zhe na/ mtshungs par ldan pa myong bar 'gyur ba'i dbang du mdzad nas gsungs pa yin te/ yid mi bde ba dang mtshungs par ldan pa'i las ni yid mi bde ba myong bar 'gyur
 ba ste/ dper na bde ba dang mtshungs par ldan pa'i reg pa bde ba myong bar 'gyur ba'i yin pa bzhin no/ /'o na ni yid bde ba dang btang snyoms myong bar 'gyur ba'i las dag kyang de dang 'dra bar 'gyur ro zhe na/ ji ltar dga' ba de ltar yin la rag ste/ mtshungs par ldan pa yin na yang
 nyes pa med la/ rnam par smin pa yin na yang nyes pa med do/ /go skabs med pas na de ni de ltar shes so/ /yid mi bde ba rnam par smin pa ma yin no zhes bya ba 'di la rig pa ci zhig yod ce na/ yid mi bde ba ni kun tu rtog pa'i khyad par dag gis skyed par byed cing rnam par smin pa ni de lta ma
 yin no/ yid bde ba yang de dang 'dri bas rnam par smin pa ma yin par 'gyur ro/ /'o na gal te yid mi bde ba rnam par smin pa yin par gyur na mtshams med pa byed pa rnams de'i phyir yid mi bde ba bskyed pas las de rnam par smin par 'gyur ro zhe na/ yid bde ba yang
 de dang 'dra ste/ gal te yid bde ba rnam par smin par gyur na bsod nams byed pa rnams de'i phyir yid bde ba bskyed pas las de rnam par smin par 'gyur ro/ /'o na 'dod chags dang bral ba rnams la yid mi bde ba mi srid pa'i phyir te/ rnam par smin pa ni de lta ba ma yin no zhe na/ de ngag gi yid
 bde ba lung du ma bstan pa rnam par smin pa yang ji lta bu zhig yin/ bye brag tu smra ba rnams na re/ ci 'dra yang rung ste/ yid bde ba la rnam pa smin pa'i go skabs yod pa srid du zin kyang/ yid mi bde ba ni rnam pa thams cad du yang kun tu mi 'gyur bas yid mi bde ba la rnam par smin pa med ces zer
 ro/ /de la brgyad pa srog gi dbang po dang/ gzhan rnams bde 'gro na ni bde ba'i rnam par smin pa yin la/ ngan 'gro na ni mi bde ba'i rnam par smin pa yin no/ /yid kyi dbang po ni gnyi ga'i rnam par smin pa yin no/ /bde ba dang/ yid bde ba dang/ btang snyoms kyi dbang po rnams ni dge ba'i
 rnam par smin pa yin no/ /sdug bsngal gyi dbang po ni mi dge ba'i rnam par smin pa yin no/ /bde 'gro na mi dge bas mtshan gnyis po de'i gnas rnyed pa yin gyi dbang po ni ma yin te/ dge bas 'phangs pa yin pa'i phyir ro/ /de ni rdzogs so// /'di brjod par bya ste/ dbang po
 ni du rnam par smin pa dang bcas pa dag yin/ du ni rnam par smin pa med pa dag yin zhe na/ gang 'di yid mi bde ba bshad ma thag pa/ de gcig ni rnam par smin bcas/ de gcig pu ni rnam par smin pa dang bcas pa kho na yin no/ /ni zhes bya ba'i sgra ni khon zhes bya ba'i don dang
 rim pa gzhan du sbyar ba yin par rig par bya ste/ de ni lung du ma bstan pa yang med la/ mnyam par bzhag pa ma yin pa'i phyir zag pa med pa yang med de/ de'i phyir yid mi bde ba rnam par smin pa med pa ma yin no/ /bcu rnam gnyis/ rnam par smin pa dang bcas pa dag
 kyang yin/ rnam par smin pa med pa dag kyang yin no/ /bcu gang zhe na/ yid dang tshor gzhan dang la sogs/ /tshor gzhan zhes bya ba smos pas ni yid mi bde ba las gzhan pa'i tshor ba bzung ngo/ /dad la sogs ni dad pa dang brtson 'grus dang dran pa dang ting nge 'dzin dang shes rab bo/ /de la yid
 dang bde ba dang yid bde ba dang btang snyoms mi dge ba dang dge ba zag pa dang bcas pa rnams ni rnam par smin pa dang bcas pa yin no/ /zag pa med pa rnams ni rnam par smin pa med pa dag yin no/ /sdug bsngal gyi dbang po ni dge ba dang mi dge ba ni rnam par smin pa dang bcas pa yin no//
 lung du ma bstan pa ni rnam par smin pa med pa yin no/ /dad pa la sogs pa zag pa dang bcas pa rnams ni rnam par smin pa dang bcas pa yin no/ /zag pa med pa rnams ni rnam par smin pa med pa dag yin no/ /gzhan ni rnam par smin pa med pa yin no zhes bya bar grub po du ni dge ba dag
 yin/ du ni mi dge ba dag yin zhe na/ re zhig cig tu/ dge ba brgyad/ dad pa la sogs pa lnga dang/ kun shes par byed pa'i dbang po la sogs pa gsum mo/ /yid mi bde ba/ rnam gnyis/ dge ba yang yin mi dge ba yang yin no/ /yid dang tshor ba gzhan ni/ rnam gsum/ dge ba dang
 mi dge ba dang lung du ma bstan pa dag go /gzhan ni rnam pa gcig /gzhan de yang gang zhe na/ mig la sogs pa dang/ brgyad pa srog ste/ de dag ni lung du ma bstan pa kho na yin no/ /dbang po 'di rnams las dbang po gang zhig khams gang du gtogs she na/ dri med ma gtogs
 'dod par gtogs/ /re zhig cig tu zag pa med pa kun shes par byed pa'i dbang po la sogs pa gsum ma gtogs pa'i dbang po rnams ni 'dod pa dang ldan par rig par bya ste/ de ni ldan pa ma yin pa kho na yin no/ /pho mo'i dbang dang sdug bsngal dag /ma gtogs
 gzugs gtogs/ dri ma med pa yang ma gtogs zhes bya bar sbyar te/ sdug bsngal dag ces bya ba ni sdug bsngal dang yi mi bde ba dag go /gzugs kyi khams de na 'khrig pa'i chos kyi 'dod chags dang bral ba'i phyir dang/ mi mdzes par byed pa'i phyir pho dang mo'i dbang po
 dag med do/ /nga ni ji ltar na de dag pho zhes bya/ ga las 'byung/ ma tshangs pa nyid byed par 'gyur pa gang yin pa de ni gnas ma yin zhing skabs med de pho gang yin pa de ni gnas yod do/ /zhes gsungs te/ pho'i ngo bo gzhan 'dod pa'i khams na pho rnams la yod pa gang
 yin pa ni yod do/ /lus dad pa'i phyir dang/ mi dge ba med pa'i phyir sdug bsngal gyi dbang po med do/ /rgyud zhi gnas kyis brlan pa'i phyir dang/ kun nas mnar sems kyi bzhi med pa'i phyir yid mi bde ba'i dbang po med do/ /gzugs can dang/ bde ba 'am ma gtogs gzugs med
 gtogs/ pho dang mo'i dbang po dag dang/ bde ba dag dang dri ma med pa yang ma gtogs zhes bya bar sbyar ro/ /re? zhig lus she na/ yid dang srog dang btang snyoms kyi dbang po dag dang/ dad pa la sogs pa lnga po de dag ni gzugs med pa dang ldan par yod do/ /gzhan dag ni med do//
 dbang po du ni mthong bas spang bar bya ba dag yin/ du ni bsgom pas spang bar bya ba dag yin/ du ni spang bar bya ba ma yin pa dag yin zhe na/ yid dang tshor ba gsum rnam gsum tshor ba gsum gang zhe na/ bde ba dang/ /yid bde ba dang/ btang snyoms rnams so/ /gnyis kyis spang
 bya yid mi bde/ /yid mi bde ba ni mthong ba dang bsgom pa dang gnyis kyis spang bar bya ba yin no/ /dgu ni bsgom pas spang bar bya ba dag yin no zhes bya ba'i skabs yin te/ mig la sogs pa dang/ brgyad pa srog dang/ sdug bsngal gyi dbang po ni bsgom pas spang bar bya
 ba dag kho na yin no/ /lnga po ni/ spang bar bya ba min yang/ dad pa la sogs pa lnga ni zag pa dang bcas pa dang zag pa med pa yin pa'i phyir bsgom pas spang bar bya ba dag kyang yin la/ spang bar bya ba ma yin pa dag kyang yin no/ /gsum min/ kun shes par byed pa'i
 dbang po la sogs pa gsum ni zag pa med pa'i phyir spang bar bya ba ma yin pa nyid de/ nyes pa med pa ni spang bar 'os pa ma yin no/ /rnam pa'i bye brag bshad zin to/ /da ni rnyed par dpyad par bya ste/ khams gang du dang po nyid du dbang po rnam par smin pa du zhig
 rnyed ce na/ 'dod par dang por rnam smin gnyis/ rnyed de/ lus kyi dbang po dang/ srog gi dbang po'o/ /de dag kyang/ brdzus te skye bas min/ brdzus te skye ba bkag pas sgo nga las skye ba dang/ mngal nas skye ba dang/ drod gsher las skye ba dag gis rnyed par rig par bya'o/ /ci'i phyir yid
 dang btang snyoms kyi dbang po dag ma yin zhe na/ de gnyis ni nying mtshams sbyor ba'i tshe gdon mi za bar nyon mongs pa can yin pa'i phyir ro/ /yang brdzus te skye ba dag gis du zhig 'thob ce na/ de yis drug gam zhes bya ba ni gal te mtshan ma med pa zhig yin te/ 'di ltar bskal
 pa dang po ba rnams lta bu'o/ /drug gang zhe na/ mig dang rna ba dang sna dang/ lce dang lus dang srog gi dbang po rnams so/ /bdun nam zhes bya ba ni gal te mtshan gcig pa zhig yin na ste/ 'di ltar lha la sogs pa dag na'o/ /brgyad ces bya ba ni gal te mtshan gnyis yod dam zhe na ngan song
 dag na yod do/ /re zhig 'dod pa'i khams na ni de lta bu yin no/ /'o na gzugs kyi khams dang/ gzugs med pa'i khams na ji lta bu zhe na/ gzugs na drug go zhes bya ba smos te/ 'dod pa'i khams ni 'dod pa gtso bo yin pa'i phyir 'dod pa rnams zhes bstan la/ gzugs kyi khams
 ni gzugs gtso bo yin pa'i phyir gzugs rnams shas bstan te/ mdo las kyang/ gang yang gzugs med pa'i rnam par thar pa zhe bya gang dag gzugs rnams las 'das te zhes gsungs so/ /gzugs kyi khams de na ni dang po nyid du dbang po drug rnam par smin pa 'thob ste/ 'dod pa'i khams
 na brdzus te skye ba mtshan med pa dag gis rnyed pa gang dag yin pa de dag nyid do/ /gong mar gcig /gzugs kyi khams pas ni gzugs med par snyoms par 'jug pas rig pa'i phyir dang/ skye bas ches mchog yin pa'i phyir gong ma ste/ der ni dang po nyid du srog gi dbang po
 gcig kho na rnam par smin pa thob ste/ gzhan ni ma yin no/ /rnyed pa bshad zin to/ /da ni stong pa brjod par bya ste/ khams gang du 'chi ba na dbang po du zhig thams cad kyi tha mar gtong zhe na/ gzugs med dag tu 'chi ba ni/ /srog dang yid dang btang snyoms nyid/ /'gag par 'gyur ro
 gzugs na brgyad/ /gzugs kyi khams su 'chi na phun po de dag dang/ mig la sogs pa lnga dang/ dbang po brgyad 'gag ste/ brdzus te skye ba thams cad ni dbang po rnams tshang bar skye zhing 'chi'o/ /'dod par bcu 'am dgu 'am
 brgyad 'dod pa'i khams su 'chi na mtshan gnyis pa zhig yin na ni brgyad po de dag dang/ pho dang mo'i dbang po dang dbang po bcu 'gag par 'gyur ro/ /mtshan gcig pa zhig na ni dgu'o/ /mtshan med pa zhig na ni brgyad de/ gcig cir 'chi ba la ni tshul de
 lta bu yin no/ /rim gyis 'chi ba dag la bzhi/ /rim gyis 'chi na lus dang srog dang yid dang btang snyoms kyi dbang po dag dang dbang po bzhi 'gag ste/ de rnams la ni so sor 'gag pa med do/ /nyon mongs pa can dang lung du ma bstan pa'i sems
 kyis 'chi ba la ni tshul de lta bu yin par rig par bya'o/ /gang gi tshe dge ba'i sems la gnas te 'chi ba de'i tshe ni/ dge ba thams cad dag tu lnga/ /dge ba'i sems la gnas te 'chi na thams cad du ji skad bshad pa'i dbang po rnams dang/
 lhag par dad pa la sogs pa lnga 'gag ste/ de rnams ni dge ba'i sems la gdon mi za bar yod do/ /de ltar na gzugs med pa na ni brgyad 'gag par 'gyur ro/ /gzugs na ni bcu gsum mo zhes rgyas par brtsi bar bya'o/ /dbang po'i skabs su
 dbang po'i chos thams cad dpyad par bya ste/ dge sbyong gi tshul gyi 'bras bu gang zhig dbang po du dag gis 'thob ce na/ 'bras bu mdza' ma gnyis dgus 'thob/ 'bras bu tha ma gnyis ni dbang po dgus 'thob bo/ /yang tha ma gang dag yin zhe na/ rgyun
 tu zhugs pa dang/ dgra bcom pa nyid kyi 'bras bu'o/ /bar ma gang dag min zhe na/ lan cig phyir 'ong ba'i 'bras bu dang/ phyir mi 'ong ba'i 'bras bu dang/ de la rgyun du zhugs pa'i 'bras bu ni dad pa la sogs pa dang/ kun shes par byed pa'i dbang
 po ni bar? chad med pa'i lam la rig par bya'o/ /kun shes pa'i dbang po ni rnam par grol ba'i lam la rig par bya'o/ /gnyi gas kyang de 'thob ste/ go rims bzhin pa 'dren par byed pa dang/ rten yin pa'i phyir ro/ /dgra bcom pa nyid ni dad pa la sogs pa dang/ kun shes par byed pa'i
 dbang po ma gtogs pa dag dang/ yid kyi dbang po dang/ bde ba dang/ yid bde ba dang/ btang snyoms kyi dbang po rnams las gang yang rung ba zhig dang/ dbus 'thob bo/ /gnyis ni bdun dang brgyad dang dgus/ /lan cig phyir 'ong ba dang mi 'ong ba'i 'bras bu dag ni re re zhing dbang po bdun
 rnam brgyad dam dgu dag gis 'thob ste/ ji lta zhe na re zhig gal te lan cig phyir 'ong ba'i 'bras bu mthar gyis 'thob pa de yang 'jig rten pa'i lam gyis 'thob na ni de dad pa la sogs pa lnga dang/ btang snyoms dang yid kyi dbang po dang dbang po bdun dag gis 'thob bo//
 'o na te 'jig rten las 'das pa'i lam gyis 'thob na ni de dbang po brgyad dag gis 'thob ste/ brgyad pa ni kun shes pa'i dbang po yin no/ /ci ste phal cher la 'dod chags dang bral ba zhig gis 'thob na ni de dgus 'thob ste/ gang dag kho nas rgyun tu zhugs pa'i 'bras bu 'thob
 pa kho na yin no/ /gal te phyir mi 'ong ba'i 'bras bu mthar gyis 'thob la de yang 'jig rten pa'i lam gyis 'thob na ni de dbang po bdun gyis 'thob ste/ lan cig phyir 'ong ba'i 'bras bu'i ji lta ba bzhin no/ /'on te 'jig rten las 'das pa'i lam gyis 'thob na ni
 de brgyad kyis 'thob ste/ de dang 'dra'o/ /ci ste 'dod chags dang bral ba zhig gis 'thob na ni de dgus 'thob ste/ rgyun tu zhugs pa'i 'bras bu'i ji lta ba bzhin no 'di ni khyad par yin te/ rten gyi bye brag las bde ba dang yid bde ba dang btang snyoms kyi dbang po rnams las gang
 yang rung ba zhig yin no/ /gang gi tshe 'di mthar gyis pa zhig yin la/ rnam par grol ba'i lam dgu pa la 'jig rten pa'i lam gyis bsam gtan la 'jug pa de'i tshe yang dbang po brgyad kyis phyir mi 'ong ba'i 'bras bu 'thob ste/ de la rnam par grol ba'i lam dgu pa la ni yid bde 
 pa'i dbang po brgyad pa yin no/ /bar chad med pa'i lam la ni rtag tu btang snyoms kyi dbang po kho na te/ de ni gnyi gas kyang 'thob bo/ /'on te 'jig rten las 'das pas 'jug na ni de dbang po dgus 'thob ste/ dgu pa ni kun shes pa'i dbang po yin no/ /'o na
 chos mngon pa las dbang po du zhig gis dgra bcom pa nyid 'thob ce na/ smras pa/ bcu gcig gis 'thob bo zhes bshad pa gang yin pa de ji ltar dgu dag gis 'thob ces bshad ce na/ de ni dgu kho nas 'thob ste/ bcu gcig dag gis dgra bcom nyid/ /'ga' zhig
 srid phyir bshad pa yin/ /gang zag gcig tu 'ga' zhig yongs su nyams shing yongs su nyams nas bde ba dang/ yid bde ba btang snyoms kyi dbang po dag gis dgra bcom pa nyid 'thob pa srid pa yod pas de'i phyir bcu gcig gis zhes bshad kyi/ bde ba la
 sogs pa dus gcig tu srid pa ni med do/ /'di phyir mi 'ong ba la yang ji ltar thal bar mi 'gyur zhe na/ 'di ni yongs su nyams phan chad nam yang bde ba'i dbang pos 'thob pa med do/ /'dod chags dang bral ba sngon du 'gro ba la ni yongs su nyams par 'gyur ba yang
 med de/ de'i 'dod chags dang bral ba ni lam gnyis kyis 'thob pa'i phyir ro/ /dbang po gang zhig dang ldan na gdon mi za bar dbang po du dag dang ldan pa dag yin zhes bya ba 'di dpyad par bya ste/ de la btang snyoms dang ni srog dang ni/ /yid dang ldan pa nges gsum ldan
 gang zhig btang snyoms la sogs pa 'di dag las gang yang rung ba zhig dang ldan pa de ni gdon mi za bar dbang po gsum dag dang ldan pa yin te/ de dang nyid dang ngo/ /'di dag ni phan tshun med na mi ldan pa yin gyi lhag ma rnams dang ni ma nges te/ ldan pa yang
 yod mi ldan pa yang yod do/ /de la re zhig mig dang rna ba dang sna dang lce'i dbang po dag dang ni gzugs med par skyes pa dang mi ldan no/ /'dod pa'i khams na ni gang gis ma thob pa dang rnam par nyams pa dag dang mi ldan no/ /lus kyi dbang po dang ni gzugs med par
 skyes pa dang mi ldan no/ /mo'i dbang po dang ni gzugs dang gzugs med par skyes pa dang mi ldan no/ /'dod pa'i khams na ni gang gis ma thob pa dang/ rnam par nyams pa dang mi ldan te/ pho'i dbang po yang de bzhin no/ /bde ba'i dbang po dang ni bsam gtan bzhi pa dang gzugs med par
 skyes pa'i so so'i skye po dang mi ldan no/ /yid bde pa'i dbang po dang ni bsam gtan bsam gtan gsum pa dang/ bzhi pa dang/ gzugs med par skyes pa'i so so'i skye bo kho na dang mi ldan no/ /sdug bsngal gyi dbang po dang ni gzugs dang gzugs med par skyes pa mi
 ldan no/ /yid mi bde ba dang ni 'dod chags dang bral ba mi ldan no/ /dad pa la sogs pa dang ni dge ba'i rtsa ba kun tu chad pa mi ldan no/ /kun shes par byed pa'i dbang po dang ni so so'i skye bo dang/ 'bras bu la gnas pa dag mi ldan no/ /kun shes pa'i dbang po
 dang ni so so'i skye bo dang/ mthong ba dang mi slob pa'i lam la gnas pa rnams mi ldan no/ /kun shes pa dang ldan pa'i dbang po dang so so'i skye bo dang slob pa dag mi ldan no/ /ma bkag pa'i gnas skabs dag tu ni ji skad bshad pa dang ldan par rig par bya'o/ bde
 lus ldan la bzhi dag dang/ /gang zhig bde ba'i dbang po dang ldan pa de ni gdon mi za bar btang snyoms la sogs pa gsum po de dag dang/ bde ba'i dbang po dang dbang po bzhi dang ldan la/ gang zhig lus kyi dbang po dang ldan pa de yang gsum po de dag dang/ lus kyi
 dbang po dang dbang po bzhi dang ldan na/ /mig sogs ldan la lnga dang ldan/ /gang zhig mig gi dbang po dang ldan pa de ni gdon mi za bar btang snyoms dang srog dang yid dang lus kyi dbang po dag dang/ de dang dbang po lnga dang ldan te/ rna ba dang sna dang lce'i dbang po
 dag dang ldan pa de yang de dang 'dra bar rig par bya'o/ /yid bde ldan yang/ gang zhig yid bde ba'i dbang po dang ldan pa de yang gdon mi za bar btang snyoms dang srog dang yid dang bde ba dang yid bde ba dang dbang po lnga dang ldan no/ /bsam gtan gnyis par skyes pa
 bsam gtan gsum pa la thob pa bde ba'i dbang po gang dang ldan pa yin zhe na/ bsam gtan gsum pa'i nyon mongs pa can dang ldan no/ /sdug bsngal ldan bdun dang gang zhig sdug bsngal gyi dbang po dang ldan pa de ni gdon mi za bar lus dang srog dang yid
 dag dang/ tshor ba'i dbang po bzhi dang bdun dang ldan no/ /mo'i dbang sogs ldan/ brgyad dang/ gang zhig mo'i dbang po dbang po dang ldan pa de ni gdon mi za bar bdun po de dag dang mo'i dbang po dang brgyad ldan no/ /sogs pa zhes bya ba'i sgras ni pho'i dbang po dang
 yid mi bde ba dang dad pa la sogs pa bzung ste/ /de dag ldan pa ni re re zhing yang brgyad dang ldan pa yin te/ bdun lo de dag dang pho'i dbang po dang ldan no/ /yid mi bde ba'i dbang yang de dang 'dra'o/ /dad pa la sogs pa dang ldan pa ni dbang po de dag dang btang
 snyoms dang srog dang yid dag dang ldan no/ /kun shes ldan pa'i/ /dbang po ldan la bcu gcig ldan/ /kun shes pa la dbang byed pas na kun shes pa dang ldan pa'i dbang po'o/ /gang zhig kun shes pa'i dbang po dang ldan pa de ni gdon mi za bar bde
 ba dang yid bde ba dang btang snyoms dang srog dang yid dang dad pa la sogs pa dag dang/ kun shes pa'i dbang po dang bcu gcig dang ldan no/ /de bzhin du kun shes pa dang ldan pa'i dbang po dang ldan pa yang bcu po de dag nyid dang/ kun shes pa
 dang ldan pa'i dbang po dang ldan no/ /kun shes byed pa'i dbang ldan la/ bcu gsum dag dang ldan pa yin/ bcu gsum gang dag dang ldan zhe na/ yid dang srog dang lus kyi dbang po dag dang/ tshor ba'i dbang po bzhi dag dang/ dad pa la sogs pa dag dang/ kun
 shes par byed pa'i dbang po dang ldan no/ /yang gang zhig nang na nyung ba dag dang ldan pa de dbang po ji snyed cig dang ldan zhe na/ dge med nang na nyung ldan pa/ /lus tshor srog yid brgyad dang ldan/ /dge med ni dge ba'i rtsa ba kun tu chad pa ste/ de nang na nyung ba dag
 dang ldan na tshor ba lnga dag dang/ lus dang yid dang srog dag dang dbang po brgyad dang ldan no/ /tshor bar byed pa ni tshor ba ste myong bar byed pa'i phyir ro/ /yang na tshor ba ni tshor ba ste/ dper na phun sum tshogs pa la phun sum tshogs pa zhes bya ba bzhin no/ /ji ltar dge ba mang
 pa nang na nyung ba dag dang ldan na dbang po brgyad dag dang ldan pa ltar/ gzugs med byis pa'ang de bzhin te/ byis pa zhes bya ba ni so so'i skye bo'i ming ngo/ /brgyad gang dag dang ldan zhe na btang snyoms srog yid dag rnams dang/ btang snyoms dang srog dang yid dang
 dad pa la sogs pa dang ldan no/ /dge ba smos pas ni dad pa la sogs pa gzung bar bya ste/ gcig tu dge ba yin pa'i phyir ro/ /kun shes par byed pa'i dbang po la sogs pa yang bsdus par thal bar 'gyur ro/ zhe na/ ma yin te/ brgyad kyi skabs yin pa'i
 phyir dang/ byis pa'i skabs yin pa'i phyir ro/ /yang gang zhig nang na dbang ba mang po dag dang ldan pa de ji snyed cig dang ldan zhe na/ mang por ldan na bcu dgu ste/ dri ma med rnams ma gtogs so/ /zag pa med pa gsum ma gtogs so/ /de yang mtshan gnyis mchog
 gnyis pa dbang po tshang ba gang yin pa de ni bcu dgu dang ldan no/ /gzhan yang gang zhig ce na/ 'phags pa chags bcas te/ slob pa chags dang ma bral ba yang nang na med po dang ldan na bcu dgu dang ldan te/ mtshan gcig dri med gnyis ma gtogs/ mtshan
 gcig dang zag pa med pa gnyis te/ kun shes pa dang ldan pa'i dbang po dang/ gnyis po las gang yang rung ba zhig ma gtogs so/ /khams rab tu dbye ba'i zhar la 'ongs pa dbang po rnams kyi rab tu dbye ba rgyas par bshad zin to/ /da ni 'di dpyad bar bya ste/ ci
 'dus byas kyi chos 'di dag ji ltar mtshan nyid tha dad pa de bzhin du tha dad par skye ba zhig yin nam/ 'on te kha cig nges par lhan cig skye ba'ang yang ce na/ smras pa yod de/ chos 'di dag thams cad ni gzugs dang sems dang/ sems las byung ba dag dang/ sems
 dang ldan pa ma yin pa dag dang/ 'dus ma byas dang lngar 'gyur ro/ /de la 'dus ma byas la ni skye ba med pa nyid do/ /chos gzugs can rnams kyi des pa ni 'di yin te/ 'dod na dbang po med pa dang/ sgra med phra rab rdul rdzas brgyad/ /thams cad pas
 phra ba'i gzugs ni bsags pa'i rdul phra rab ces bya ste/ de las ches chung ba ni mi mngon no/ /de 'dod pa'i khams na sgra yang med dbang po yang med pa zhig yin na ni rdzas brgyad dang ldan par skye ste/ gang yang rung ba zhig med par ni ma yin no/ /rdzas brgyad ni 'byung ba chen po
 bzhi dag dang/ rgyur byas pa'i gzugs bzhi ste/ gzugs dang/ dri dang/ ro dang/ reg bya rnams so/ /rdul phra rab dbang po dang bcas la sgra med pa zhig yin na ni rdzas dgu 'am/ rdzas bcu dang ldan par skye ste/ de la re zhig /lus dbang ldan la rdzas dgu'o/ /'di la lus kyi dbang po
 yod pas na 'di ni lus dbang ldan no/ /de la rdzas dgu ni brgyad po dag dang lus kyi dbang po'o/ /dbang po gzhan ldan rdzas bcu'o/ /dbang po gzhan gyi rdul phra rab gang la yod pa de la rdzas bcu ste/ dgu po de dag nyid dang/ mig dang/ rna ba dang/ sna dang/ lce'i dbang po rnams las
 gang yang rung ba zhig go /rdul phra rab de dag sgra dang bcas pa zhig tu skyon ni go rims bzhin du rdzas dgu dang/ bcu dang/ bcu gcig dang ldan par skye ba na skye'o/ /dbang po dang tha mi dad pa'i sgra yang yod de/ zin pa'i 'byung ba chen po'i rgyu las byung ba gang yin pa'o/ /ji ltar na
 'byung ba rnams tha mi dad pa las 'di na 'dus pa la cig kho na ni sra bar dmigs/ kha cig kho na ni gsher ba 'am dro ba 'am g.yo bar dmigs she na/ gang zhig gang na chos gsal zhing mthu'i sgo nas shes che ba de ni de na dmigs te/ dper na khab dang sdong bu'i tshogs
 la reg pa lta bu dang/ phye dang lan tshwa'i phyi ma'i do bzhin no/ /yang ji ltar de dag na lhag ma rnams yod par khong du chud par bya zhe na/ las kyi sgo nas te/ sdud pa dang/ 'dzin pa dang/ smin pa dang/ g.yo ba'i phyir ro/ rkyen dang phrad na sra ba la sogs pa yang gsher ba la sogs
 par 'gyur ba'i phyir ro/ /gzhan dag na re chu dag la grang ba'i khyad par gyi sgo nas dro ba yod par khong du chud do zhes zer ro/ /ma 'dres kyang khyad par yod par 'gyur te/ sgra dang tshor ba'i khyad par bzhin no/ /gzhan dag na de de dag las de dag sa bon gyi sgo nas yod kyi rang?
 gir? dor ni ma yin te/ shing gi phung po 'di las khams rnam pa sna tshogs yod do/ zhes gsungs pa'i phyir ro zhes zer ro/ /rlung la kha dog ji ltar yod ce na/ don 'di ni dad par bya ba yin gyi rjes su dpag par bya ba ni ma yin no/ /yang na 'dres par dri 'dzin pa'i phyir
 te/ de la ni kha dog 'khrul pa med pa'i phyir ro/ /gzugs kyi khams na ni dri dang ro dag med par bshad pas des na yod pa'i rdul phra rab rnams ni rdzas drug dang/ bdun dang brgyad dang ldan ba zhes bshad zin pa dang 'dra ba'i phyir yang mi bshad do/ /yang ci 'dir rdzas
 kho na la rdzas su bzung ngam/ /'on te skye mched kyi rdzas la rdzas su bzung/ /des cir 'gyur/ gal te rdzas kho na la rdzas su bzung nas ni rdzas brgyad dang ldan pa dang rdzas dgu dang bcu dang ldan pa zhes bya ba 'di ha cang nyungs par smras pa yin te/ de yang rtul phra rab
 bsags pa yin pa'i phyir gdon mi za bar de la dbyibs kyang yang ngo/ /lci ba nyid dang yang ba nyid dag las gang yang rung ba zhig dang/ 'jam pa nyid dang rtsub pa nyid dag las gang yang rung ba zhig kyang yod do/ /kha cig la ni drang ba yang yod la/ bkres pa dang
 skom pa yang yod do/ /'on te skye mched la rdzas su bzung na ni rdzas brgyad dang ldan pa zhes bya ba 'di ha cang mangs par smras pa yin te/ rdzas bzhi dang ldan pa zhes brjod par bya ste/ 'byung ba ji snyed pa dag kyang reg bya'i skye mched yin no/ /'dir cung zad cig ni
 rdzas kho na la rdzas su gzung ste/ rten du gyur pa gang yin pa'o/ /'dir cung zad cig ni skye mched kyi rdzas la rdzas su gzung/ ste rten can du gyur pa gang yin pa'o/ /de lta na yang 'byung ba'i rdzas rnams mang por 'gyur te/ rgyur byas pa'i gzugs rnams re re
 zhing 'byung ba bzhi tshan la brten ba'i phyir ro/ /'dir ni rigs la rdzas su gzung ste/ 'byung ba bzhi po gzhan dag kyang rigs las mi 'da' ba' i phyir ro/ /de ltar 'bad de bye brag tu bshad ci dgos/ tshig ni 'dun pa'i sgo nas 'jug pa yin pas
 don la brtag par bya'o/ /gzugs can rnams kyi nges par lhan cig skye ba bshad zin te/ /lhag ma rnams kyi brjod par bya ste/ de la re zhig/ sems dang sems byung nges lhan cig /'di dag ni phan tshun med na 'byung bar mi nus so/ /thams cad 'dus byas mtshan nyid
 dang nges par lhan cig ces bya bar sbyar te/ gzugs sam/ sems sam/ sems las byung ba ngag gam/ ldan pa ma yin pa dag kyang rung/ gang cung zad skye ba de thams cad ni 'dus byas kyi mtshan nyid rnams dang lhan cig skye'o/ /thob pa'am/ thob pa dang ni sems
 can du ston pa kho na dang lhan cig skye'o gzhan dang ni ma yin no zhes bye brag tu bya ba'i phyir ram zhes bya ba'i sgra smos so/ /sems las byung ba rnams shes brjod pa sems las byung ba de dag gang zhe na/ sems byung rnam lnga ste/ sa mang la sogs tha dad phyir/ sems las
 byung ba rnams ni rnam pa lnga ste/ sa mang po dag dang/ dge ba'i sa mang po pa rnams dang/ nyon mongs pa'i sa mang po ba rnams dang/ mi dge ba'i sa mang po ba rnams dang/ nyon mongs pa'i chung ngu'i sa pa rnams so/ /sa zhes bya ba ni go skabs kyi yul te/ gang zhig gang gi go skabs
 kyi yul yin pa de ni de'i sa zhes bya'o/ /de la 'di dag las mang po pa yod pas na sa mang po pa rnams te/ gang dag sems thams cad la 'byung ba'o/ /gang dag sems thams cad la 'byung ba de dag gang zhe na/ tshor dang sems pa 'du shes dang/ /'dun dang reg dang
 blo gros dran?/ /yid la byed dang mos pa dang/ /ting nge 'dzin sems thams cad la/ /chos bcu po 'di dag ni sems kyi skad cig ma thams cad la tshogs par 'byung ngo zhes grag go /de la tshor ba ni myong ba rnam pa gsum ste/ bde ba dang/ sdug bsngal dang/ bde ba
 yang ma yin sdug bsngal yang ma yin pa'o/ /sems pa ni sems mngon par 'du byed pa'o/ /'du shes ni 'dus nas shes pa ste/ yul la mtshan mar 'dzin pa'o/ /'dun pa ni byed 'dod pa'o/ /reg pa mi yul dang dbang po dang rnam par shes pa 'dus pa las
 skyes pa'i reg pa'o/ /blo gros ni shes rab ste/ chos rab tu rnam par 'byed pa'o/ /dran pa ni dmigs pa mi brjed pa'o/ /yid la byed pa ni sems kyi 'jug pa'o/ /mos pa ni 'dod pa'o/ ting nge 'dzin ni sems rtse gcig pa nyid do/ /sems dang sems las byung
 ba rnams kyi bye brag ni phra bas de ni re zhig rgyun rnams la yang yongs su gcad par dka' na skad cig ma dag la lta smos kyang ci dgos/ re zhig sman la sogs pa gzugs can rnams la yang ro mang po kha cig gi ro'i khyad par dbang pos gzung bar bya ba rnams
 nges par gzung bar dka' na/ chos gang dag gzugs can ma yin zhing blos gzung bar bya ba rnams lta smos kyang ci dgos/ 'di dag la dge ba'i sa mang po yod pas 'di dag ni dge ba'i sa mang po pa dag yin te/ gang dag dge ba'i sems la rtag tu
 'byung ba'o/ /de dag kyang gang zhe na/ dad dang bag yod shin tu sbyangs/ /btang snyoms ngo tsha shes khral yod/ /rtsa ba gnyis rnam mi 'tshe dang/ /brtson 'grus rtag tu dge las 'byung/ /chos 'di dag ni dag pa'i sems la rtag tu 'byung ngo/ /de la dad pa ni
 sems dang ba'o/ /gzhan dag na ni bden pa dang dkon mchog dang las dang 'bras bu rnams la mngon par yid ches pa yin no zhes zer ro/ /bag yod pa ni dge ba'i chos rnams sgom pa'o/ /de dag las gzhan pa bsgom pa de gang zhig yin zhe na/ de dag gnyis
 la sems gces su 'dzin pa nyid gang yin pa'o/ /sde ba gzhan dag gi mdo las ni sems kun tu bsrung ba'o zhes 'don to/ /shin tu sbyangs pa ni sems la su rung ba nyid do/ /mdo las shin tu sbyangs pa zhes kyang gsungs pa ma yin nam zhe na/ ma gsung
 na ni ma yin mod kyi de ni lus kyi tshor ba ji lta ba de bzhin du rig par bya'o/ /de ji ltar na byang chub kyi yan lag tu rung bar 'gyur zhe na/ 'o na der ni lus las su rung ba kho na lus shin tu sbyangs pa yin par rig par bya'o/ /de ji ltar na byang chub kyi yan lag
 ces bya zhe na/ byang chub kyi yan lag dag mthun pa'i phyir te/ lus las su rung ba de ni sems las su rung ba byang chub kyi yan lag 'dren par byed do/ /de lta bu gzhan la lar snang ba yod dam zhe na/ smras pa yod de/ dper na bcom ldan 'das kyis dga' ba dang dga' 
 ba'i gnas lta bu'i chos rnams dga' ba yang dag byang chub kyi yan lag tu gsungs pa dang/ khong khro ba dang khong khro ba'i rgyu mtshan gnod sems kyi sgrib par gsungs pa dang/ yang dag pa'i lta ba dang rtog pa dang rtsol ba rnams shes rab kyi phung por gsungs pa
 dag lta bu ste/ rtog pa dang rtsol ba dag shes rab kyi rang bzhin ma yin yang de dang mthun pa'i phyir de'i sgra 'thob bo/ /de bzhin du lus shin tu sbyangs pa yang byang chub kyi yan lag dang mthun pa'i phyir/ byang chub kyi yan lag ces bya ba'i sgra thob par 'gyur
 ro/ /btang snyoms ni sems mnyam pa nyid dang/ sems lhun gyis grub pa nyid do/ /nga ni ji ltar na sems de nyid la rtsol ba'i bdag nyid yid la byed pa yang 'byung/ rtsol ba med pa'i bdag nyid btang snyoms kyang 'byung zhes bya ba 'di rung bar 'gyur zhe na/ 'di
 dag gi bye brag ni shes par dga' o zhes bshad pa ma yin nam/ shes par dga' ba yang shes pa ni yod kyi/ gang 'gal bzhin du yang mi 'gal lo zhes bya ba ni shin tu shes par dka' o/ /rtsol ba yang gzhan du 'byung la/ rtsol ba med pa yang gzhan du 'byung ngo
 zhes bya ba 'di la 'gal ba ci yod ce na/ 'o na ni mtshungs par ldan pa thams cad dmigs pa gcig tu mi 'gyur/ /'di las 'di lta bu'i rigs gzhan yang 'byung bar 'gyur pas de'i tshul gang yin pa de 'di la yang rig par bya'o/ /ngo tsha shes pa dang
 khrel yod pa ni 'og nas 'chad par 'gyur ro/ /rtsa ba gnyis ni dge ba'i rtsa ba gnyis po chags pa med pa dang/ zhe sdang med pa dag yin no/ /ti mug med pa yang yod mod kyi de ni shes rab kyi bdag nyid yin la/ shes rab ni sa mang po pa yin pas 'di dag pa'i sa
 mang po pa kho na yin par ni mi brjod do/ /rnam par mi 'tshe ba ni rnam par tho ma 'tsham pa'o/ /brtsun 'grus ni sems mngon par spro ba'o/ /dge ba'i sa mang po pa rnams bshad zin to/ /sa mang po ni sa mang ba yin no/ /'di dag la nyon mongs pa'i sa mang
 po yod pas/ 'di dag ni nyon mongs pa'i sa mang po pa dag yin te/ chos gang dag nyon mongs pa can gyi sems la rtag tu 'byung ba yin no/ /nyon mongs pa can gyi sems la rtag tu 'byung ba de dag kyang gang zhes na rmongs dang bag med le lo dang/ /ma dad pa dang
 rmugs dang rgod/ /nyon mongs can la rtag tu 'byung/ /de la rmongs pa zhes bya ba ni ma rig pa ste/ mi shes pa dang mi gsal ba'o/ /bag med pa ni dge ba'i chos rnams mi sgom pa ste/ bsgom pa'i mi mthun phyogs kyi chos so/ /le lo ni sems mngon
 par mi spra ba ste/ brtsun 'grus kyi mi mthun pa'i phyogs so/ /ma dad pa ni sems ma dad pa ste/ dad pa'i mo mthun pa'i phyogs so/ /rmugs pa gang zhe na/ lus lci ba nyid dbang sems lci ba nyid de/ lus las su mi rung ba nyid dang/ sems las su ma rung ba nyid
 gang yin pa'o/ /chos mngon pa las lus kyi rmugs pa dang/ sems kyi rmugs pa zhes bshad pa ji ltar na sems las byung ba'i chos lus kyi zhes bya zhe na/ lus kyi tshor ba ji lta ba bzhin no/ /rgod pa ni sems rnam par ma zhi ba ste/ de ltar ma drug po
 'di dag ni nyon mongs pa'i sa mang po pa dag yin no/ /chos mngon pa las nyon mongs pa'i sa mang po la bcu 'don pa ma yin nam/ de las rmugs pa ming byung ste/ ma dang pha dang/ le lo dang/ brjed nges pa dang/ sems rnam par g.yeng ba dang/ ma rig
 pa dang/ shes bzhin ma yin pa dang/ tshul bzhin ma yin pa yid la byed pa dang/ log par mos pa dang/ rgod pa dang/ bag med pa'o zhes 'byung ngo zhe na/ 'gyur ba shes pa ni lha rnams dga' ba yin gyi/ 'dod pa shes pa ni ma yin no/ /'di la
 'dod pa gang yin zhe na/ brjed ngas pa dang/ rnam par g.yeng ba dang/ shes bzhin ma yin pa dang/ tshul bzhin ma yin pa yid la byed pa dang/ log par mos pa rnams ni sa mang po pa yin pa'i phyir/ /dper na gti mug med pa shes rab kyi rang bzhin yin pa'i
 phyir de dge ba'i sa mang po bar nges par ma gzung ba ltar nyon mongs pa'i sa mang po pa dag kho na yin par nges par mi gzung ste/ dran pa nyon mongs pa can kho na brjed ngas pa yin la/ ting nge 'dzin nyon mongs pa can kho na rnam par g.yeng ba yin no zhes bya ba de lta bu la
 sogs pa yin no/ /de nyid kyi phyir gang dag sa mang po pa yin pa de dag nyon mongs pa'i sa mang po pa yang yin nam zhe na/ mu bzhi ste/ mu dang po ni tshor ba dang/ 'du shes dang/ sems pa dang/ 'dun pa dang/ reg pa'o/ /gnyis pa ni ma dad pa dang/ le lo dang/ ma
 rig pa dang/ rgod pa dang/ bag med pa'o/ /gsum pa ni dran pa la sogs pa nyon mongs pa can lnga ji skad bshad pa rnams so/ /bzhi pa ni rnam pa de dag ma gtogs pa'o zhes 'byung ngo/ /kha cig ni sems rnam par g.yeng ba log pa'i ting nge 'dzin las gzhan du
 'dod de/ de dag gi mu bzhi la ni de lta ma yin no/ /rmugs pa ni nyon mongs pa thams cad dang mtshungs par ldan par 'dod pa de nyon mongs pa'i sa mang po pa dag tu ma bton pa su zhig gis nyes/ 'di skad du gdon par bya ba ni yin mod kyi ting nge 'dzin dang
 mthun pa'i phyir ma gton de/ rmugs pa dpyod pa ni ting nge 'dzin shin tu myur du skyed par 'gyur gyi rgod pa spyod pa ni ma yin no zhes zer ro zhes grag go /gang zhig rgod pa mi spyod la rmugs pa spyod pa yangs su zhig yod/ /yang na gang zhig rmugs pa mi spyod la rgod pa spyod
 pa yangs su zhig yod de/ 'di dag ni nam du yang lhan cig spyod pa nyid 'dor bar mi 'gyur mod kyi/ 'on kyang gzhan gang la shas che ba de ni spyod par shes par bya ste/ de'i phyir nyon mongs pa'i sa chen po pa ni drug po kho nar 'grub bo/ /de dag kyang rtag tu nyon mongs pa can gyis
 sems kho na la 'byung gi gzhan du ni ma yin no/ /mi dge la ni khrel med dang/ ngo tsha med pa'o/ /ngo tsha med pa dang khrel med pa mi dge ba'i sems la rtag tu 'byung bas chos 'di gnyis ni mi dge ba'i sa chen po pa dag ces bya'o/ /de gnyis kyi mtshan nyid ni 'og nas
 'chad do/ /khro ba dang/ khon du 'dzin dang g.yo dang ni/ /phrag dog 'tshig 'chab ser sna dang/ /sgyu dang rgyags dang rnam 'tshe ni/ /nyon mongs chung ngu'i sa pa rnams so// //'di dag la nyon mongs pa chung ngu'i sa yod pas 'di ni nyon mongs pa chung ngu'i sa pa rnams te/
 ma rig pa tsam dang bsgoms pas spang bar bya ba dang/ yid kyi sa pa kho na dang mtshungs par ldan pa'i phyir ro/ /'di dag ni nye ba'i nyon mongs pa dag gi nang nas ston par 'gyur ro/ /sems las byung ba rnam pa lnga po de dag bshad zin to/ /rtog pa dang spyod pa
 dang 'gyod pa dang gnyid la sogs pa ma nges pa gzhan dag kyang yod pas/ de la sems gang zhig la sems las byung ba du zhig gdon mi za bar 'byung ba brjod par bya ste/ re zhig 'dod pa na spyod pa'i sems ni rnam pa lnga ste/ dge ba dang mi dge ba
 rnam pa gnyis te/ ma 'dras pa dang/ nyon mongs pa gzhan dang mtshungs par ldan pa dang/ lung du ma bstan pa rnam pa gnyis te/ bsgribs la lung du ma bstan pa dang/ ma bsgribs la lung du ma bstan pa'o/ /de la re zhig 'dod pa na spyod pa'i sems ni
 nges par rtog pa dang dpyod pa dang bcas pa yin pas de'i phyir 'di la/ 'dod pa'i dge ba'i sems la ni/ /rtag dang/ dpyod dang bcas pa'i phyir/ /sems las byung ba nyi shu gnyis/ /gdon mi za bar 'byung ste/ sa mang po pa bcu dang/ dge ba'i sa mang po la bcu
 dang/ rtog pa dang dpyod pa'o/ /la la dag tu 'gyed pa bsnan/ /dge ba'i sems thams cad la ni 'gyod pa med pas gang la yod pa der de nyid kyis bla/ gos na sems las byung ba nyi shu rtsa gsum 'byung ngo/ /'gyod pa zhes bya ba 'di ci zhig ce na/ ngan par byas pa'i ngo
 bo ni 'gyod pa'o/ /'dir ni 'gyod pa la dmigs pa'i chos yid la gcags pa la 'gyod pa zhes bya ste/ dper na stong pa nyid la dmigs pa'i rnam par thar pa'i sgo la stong pa zhes bya ba dang/ mi sdug pa la dmigs pa'i ma chags pa la mi sdug pa zhes bya ba bzhin no//
 'jig rten na yang grong thams cad lhags so/ /yul thams cad lhags so zhes gnas kyis gnas bstan pa yang mthong la/ 'gyod pa yang yid la bcags pa'i gnas su gyur pa yin no/ /yang na 'di ni 'bras bu la rgyu btags pa yin te/ dper na reg pa'i skye mched
 drug po 'di dag ni sngon gyi las yin par rig par bya'o zhes gsungs pa lta bu'o/ /'o na gang ma byas pa la dmigs pa de ji ltar 'gyod pa yin zhe na/ ma byas pa la yang byas pa zhes bya ba yod de/ bdag gis ma byas pa gang yin pa de ma lags pa byas so zhes bya ba
 lta bu'o/ /'gyod pa dge ba gang zhe na/ dge ba ma byas pa dang mi dge ba byas nas gdung ba gang yin pa'o/ /bzlog pa ni 'gyod pa mi dge ba yin te/ de gnyi ga yang gnyi ga la rten pa yin no/ /mi dge ba ni ma 'dres dang/ /lta dang ldan pa'ang nyi shu 'byung/ /mi dge ba'i
 sems ma 'dres pa gang yin pa de la ni sems las byung ba nyi shu 'byung ste/ sa mang po pa bcu dang/ /nyon mongs pa'i sa mang po pa drug dang/ mi dge ba'i rtsa ba'i sa mang po pa gnyis dang/ rtog pa dang dpyod pa'o/ /ma 'dres pa zhes bya ba ni/ sems gang la
 ma rig pa 'ba' zhig yod kyi 'dod chags la sogs pa gzhan med pa'o/ /mi dge ba'i sems lta ba dang ldan pa la yang nyi shu 'byung ste/ ma 'dres pa la gang dag 'byung ba kho na'o/ /lta ba lhag pa'i phyir nyi shu rtsa gcig 'byung ba ma yin nam zhe na/ ma yin te//
 'di ltar sa mang po pa kho na'i shes rab kyi khyad par 'ga' zhig la lta ba zhes bya'o/ /de la mi dge ba lta ba dang ldan pa ni gang la log par lta ba 'am/ lta ba mchog tu 'dzin pa 'am/ tshul khrims dang brtul zhugs gis mchog tu 'dzin pa yod pa'o/ /nyon mongs bzhi dang khro
 sogs dang/ /'gyod pa dang ni nyi shu gcig/ mi dge ba'i sems 'dod chags kyang rung/ /khong khro ba yang rung/ nga rgyal yang rung/ the tshom yang rung/ nyon mongs pa bzhi dang mtshungs par ldan pa gang yin pa de la ni nyi shu rtsa gcig 'byung ste/ nyon mongs pa de
 dang ma 'bras par bshad pa nyi shu'o/ /khro ba la sogs pa nye ba'i nyon mongs pa ji skad bshad pa dag dang mtshungs par ldan pa'i sems la yang nyi shu po de dag dang/ nye ba'i nyon mongs pa de dang nyi shu rtsa gcig 'byung ngo/ /'gyod pa dang ldan pa la yang
 nyi shu pa gcig 'byung ste/ /'gyod pa de nyid nyi shu rtsa gcig pa yin no/ /mdor na mi dge ba'i sems ma 'dres pa dang/ lta ba dang mtshungs par ldan pa la yang nyi shu 'byung la/ nyon mongs pa dang nye ba'i nyon mongs pa gzhan dang mtshungs par
 ldan pa la ni nyi shu rtsa gcig 'byung/ /ngo/ /bsgribs la bco brgyad/ 'dod pa'i khams na 'jig tshogs la lta ba dang/ mthar 'dzin par lta ba dang/ mtshungs par ldan pa'i sems ni bsgribs la lung du ma bstan pa'o/ /de la ni sems las byung ba bco brgyad
 'byung ste/ sa mang po pa bcu dang/ nyon mongs pa'i sa mang po pa drug dang/ rtog pa dang dpyod pa'o/ /lta ba ni snga ma dang 'dra ba nyid de lhag pa ma yin no/ /lung ma bstan/ gzhan la bcu gnyis dag tu 'dod/ sgribs la lung du ma bstan pa las gzhan pa ni ma bsgribs
 la lung du ma bstan pa'o/ /de la ni sems las byung ba bcu gnyis 'byung bar 'dod de/ sa mang po la bcu dang/ rtog pa dang dpyod pa dag go /nyi 'og pa dag ni 'gyod pa lung du ma bstan par yang 'dod la yid mi bde ba yang yid bde ba dang 'dra bar lung du ma bstan
 par 'dod de/ de dag gi ltar na de dang mtshungs par ldan pa'i sems la bcu gsum 'byung bar 'gyur ro/ /gnyid ni kun la mi 'gal phyir/ /gang la yod pa nges bsnan no/ /gnyid ni dge ba dang/ mi dge ba dang/ lung du ma bstan pa'i phyir ji skad bshad
 pa'i sems thams cad dang mi 'gal bas/ de'i phyir gang la de yod pa de la des bsnan par rig par bya ste/ gang la nyi shu rtsa gnyis bzung ba de la ni nyi shu rtsa gsum/ gang la nyi shu rtsa gsum 'byung ba de la ni nyi shu rtsa bzhi zhes bya ba de lta bu la sogs pa'o/ /gang de ltar 'dod
 pa'i khams kyi sems las byung ba nges par bshad pa/ de las 'gyod gnyid mi dge rnams/ bsam gtan dang po dag na med/ /bsam gtan dang po na ni ji skad bshad pa de las 'gyod pa dang gnyid dang/ gang yang cung zad mi dge ba 'di lta ste/ gal lo dang rgyud brgyad sa pa ma gtogs
 pa khro ba la sogs pa dang/ khong khro ba dang ngo tsha med pa dang khrel med pa dag thams cad du med de/ gzhan thams cad ni de dang 'dra'o/ /bsam gtan dang po na med pa gang dag yin pa de dag kho na dang/ tog pa'ang bsam gtan khyad par can na med de/ lhag ma ni de dang 'dra'o/ /de
 yi gong na spyod pa yang/ bsam gtan khyad par can las gong ma bsam gtan gnyis pa la sogs pa dang/ gzugs med pa dag na ni ji skad bkag pa dang/ dpyod pa yang med do/ /yang zhes bya ba'i sgras ni g.yo dang rgyu yang med/ lhag ma ni de dang 'dra'o/ /tshangs pa'i bar
 du sgyu yod par 'byung gi /'khor dang 'brel pa ma yin pa'i phyir gong na ni med de/ de ni rang gi 'khor gyi nang du dge slong rta thul gyis 'byung ba chen po 'di dag yongs su ma lus par gang du 'gag par 'gyur zhes dri ba dris pa dang/ mi shes pas kho bo ni tshangs pa'o//
 tshangs pa chen po'o/ /dbang phyug go /byed pa po'o/ /sprul pa po'o/ /'byin par byed pa po'o/ /'byin pa po'o/ /dngos po rnams kyi pha lta bu yin zhes gtam rlung la bskur ro/ /sa gang na sems gang la sems las byung ba ji snyed cig 'byung ba de ni bshad zin to/ /da ni gzhung
 las sems las byung ba zhig gi tha dad du bya ba 'byung ba brjod par bya ste/ ngo mi med pa dang khrel med pa la tha dad du bya ba ci zhig yod ce na/ ma gus ngo tsha med/ yon tan rnams dang yon tan can rnams la ma gus pa nyid de/ bkur pa med pa nyid dang/ 'jigs pas dbang mi
 bsgyur ba nyid ni ngo tsha med pa nyid nga gus pa'i mi mthun pa'i chos so/ /khrel med/ kha na ma tho 'jigs mi lta/ /kha na ma tho ba zhes bya ba ni dam pa rnams kyis smad pa ste/ de la 'jigs par mi lta ba ni khrel med pa'o/ /'dir 'jigs pa ni mi 'dod pa'i 'bras bu
 ste?/ 'di las 'jigs par 'gyur ba'i phyir ro/ /'di ji ltar shes par bya/ mi 'jigs par lta ba 'jigs par mi lta ba nyid yin nam 'on te 'jigs par mi lta ba 'jigs par lta ba nyid yin de las cir 'gyur/ gal te mi 'jigs par lta ba yin na ni shes rab yin pa
 shes par 'gyur ro/ /gal te 'jigs par mi lta ba yin na ni ma rig pa yin par shes par 'gyur ro/ /lta ba yang lta ba nyid ma yin la mi lta ba yang lta ba nyid ma yin no/ /'o na ci zhe na/ de gnyis kyi rgyun tshan ce ba'i nyon mongs pa gang yin pa ste/ de khrel med pa
 zhes bya'o/ /gzhan dag na re ni bdag la bltos nas nyes pa rnams kyis mi 'dzem pa ni ngo tsha med pa yin la/ /gzhan la bltos nas ni khrel med pa yin no zhes zed do/ /de ltar na yang ltos pa gnyis cig car ji ltar 'grub par 'gyur zhe na bdag dang gzhan la bltos pa cig car
 ro zhes ni mi zed do/ /'on kyang mi 'dzem pa kha cig bdag la bltos nas kyang 'jug pa yong? ngo bo gang yin pa de ni ngo tsha med pa yin no/ /gzhan la bltos nas 'jug pa yod la gang yin pa de ni khrel med pa yin no/ /bzlog pa mi ngo tsha shes pa dang khrel yod pa yin par rig par
 bye snga? re zhig rtog pa dang po ltar na gus pa dang bcas pa nyid de/ dgung ba dang bcas pa nyid dang/ 'jigs pas dbang sgyur ba dang bcas pa nyid ni ngo tsha shes pa yin la/ kha na ma tho ba dag la 'jigs par lta ba nyid ni khrel yod pa yin no rtog pa gnyis pa ltar na ni
 bdag dang gzhan la bltos pa dag las 'dzem pa dag yin no/ /dga' ba dang/ gus pa la tha dad du bya ba ci zhig yod ce na/ dga' dad ces bya ba smos te/ dga' ba ni rnam pa gnyis te/ nyon mongs pa can dang/ nyon mongs pa can ma yin pa'o/ /de la nyon
 mongs pa ni sred ba ste/ dper na bu dang chung ma la sogs pa dag la dga' ba lta bu'o/ /nyon mongs pa can ma yin pa ni dad pa ste/ dper na ston pa dang bla ma dang yon tan can rnams la dga' ba lta bu'o/ /dad pa yin la dga' ba ma yin pa yang yod do/ sdug bsngal dang kun
 'byung ba la dmigs pa'i dad pa lta bu'o/ /dga' ba yin la dad pa ma yin pa yang yod de/ dga' ba nyon mongs pa can lta bu'o/ /gnyi ga yin pa ni 'gog pa dang lam la dmigs pa'i dad pa lta bu'o/ /gnyi ga ma yin pa ni rnam pa de dag ma gtogs pa'o/ /gang
 zag dag la ni dga' ba yin la gus pa ma yin pa ni bu dang chung ma dang lhan cig gnas pa dang/ nye gnas dag la dga' ba lta bu'o/ /gus pa yin la dga' ba ma yin pa ni bla ma gzhan dag la gus pa lta bu'o/ /gnyi ga yin pa ni rang gi bla ma dag la gus pa lta bu'o/
 gnyi ga ma yin pa ni rnam pa de dag ma gtogs pa'o/ /gzhan dag na re dad ba zhes bya ba ni yon tan la yid ches pa yin la/ de sngon du 'gro ba'i dga' ba ni dga' ba yin te/ de lta bas na de nyid dga' ba ma yin no zhes zer ro/ /gus nyid ngo tsha shes/ gus pa ni ngo tsha shes
 pa ji skad bshad pa yin no/ /gzhan dag na re gus pa zhes bya ba ni bkur ba dang bcas pa nyid la/ de sngon du 'gro ba'i 'dzem pa ni ngo tsha shes pa yin te/ de'i phyir gus pa nyid ngo tsha shes pa ma yin no zhes zer ro/ /de gnyis 'dod dang gzugs dag na/ gzugs
 med pa'i khams na ni dga' ba dang gus pa dag med do/ /dad pa dang po tsha shes pa dag pa'i sa mang po pa yin pa'i phyir de na yang yod pa ma yin nam zhe na/ dad pa ni rnam pa gnyis te/ chos dag dang gang zag la dad pa yin la/ bkur ba dang bcas pa nyid kyang de dang
 'dras so/ /de la gang dag gang zag la dmigs pa'i dad pa dang ngo tsha shes pa de dag de na med do/ 'dir ni dga' ba dang gus pa de dag la bsam pa yin no/ /rtog pa dang dpyod pa dag la tha dad du bya ba ci yod ce na/ rtog dang dpyod pa rtsing zhib nyid/ /gang gi zhe na/ sems kyi'o zhes
 'og nas 'chad de/ rtog pa ni sems rtsing ba'o/ /dpyod pa ni sems zhib pa'o/ /sems gcig la de gnyis ji ltar ldan zhe na/ kha cig na re dper na mar sar chu dag gi nang du bor bsten gnas nyi ma'i 'od zer dag gis reg na ha cang yang mi 'khyag la/ ha cang yang mi 'ju
 ba de bzhin du/ sems kyang rtog pa dang dpyod pa dang ldan pa'i phyir ha cang zhib par yang mi 'gyur/ ha cang rtsing bar yang mi 'gyur la/ de la gnyi ga'i bya ba yang yod do zhes zer ro/ /de lta na ni ji ltar nyi ma dang chu mar sar 'khyag pa nyid dang 'ju ba nyid dag gis rgyu mtshan
 yin gyi de dag gi ngo bo nyid ni ma yin pa ltar rtog pa dang dpyod pa dag kyang rtsing ba dang zhib pa nyid dag gi rgyu mtshan du gyur pa yin no/ /rtsing ba dang zhib pa sa dang rnam pa'i bye brag gis ltos pa can yang yin pas srid pa'i rtse mo'i bang du rtog pa dang/ dpyod pa dag yod par
 'gyur ro/ /rtsing ba dang zhib pa nyid kyis rang bzhin tha dad par yang rigs pa ma yin no/ /gzhan dag na re mdo las rtog pa dang dpyod pa dag ni dag mngon par 'du byed pa yin par gsungs te/ brtags shing dpyad nas tshig tu smra'i ma brtags ma dbyad par ni ma
 yin no zhes 'byung ngo/ /de la rtsing ba gang dag yin pa de dag ni rtog pa yin no/ /zhib pa gang dag yin pa/ de dag ni dpyod pa yin no zhes zer ro/ /gal te sems rtse gcig la rtsing ba yang chos gzhan yin/ zhib pa yang gzhan yin na 'di la 'gal ba ci zhig yod ga'i?
 te tshor ba dang 'du shes bzhin du rigs tha dad pa zhig yin na ni 'gal ba med do/ /rigs gcig pa ni chung ngu dang tshan po nyid cig car 'byung ba mi srid do/ /rigs tha dad pa yang yod do/ /'o na ni de brjod par bya dgos so/ /de brjod par dka' ste/ de'i phyir chung
 du dang chen po nyid kyis gsal bar 'gyur ro/ /de lta na ni gsal bar mi 'gyur ro ste/ rigs re re la yang chung ngu dang chen po yod pa'i phyir ro/ /gzhan dag na re sems gcig la rtog pa dang dpyod pa dag mi 'byung ba nyid do zhes zer ro/ /da ni ji ltar bsam
 gtan dang po yan lag lnga par bshad ce na/ sa las de yan lag lnga par bshad kyi skad cig las ni ma yin no/ /nga rgyal dang rgyags pa dag la tha dad du bya ba ci zhig yod ce na/ nga rgyal khangs pa rgyags ba ni/ /rang gi chos la chags pa yi/ /sems ni yongs su
 gtugs pa'o/ /pha rol po las gang yang rung ba'i khyad par zhig yongs su brtags nas sems khengs pa ni nga rgyal lo/ /rgyags ba ni rang gi chos rnams kho na la chags pa'i sems yongs su gtugs pa gang yin pa'o/ /gzhan dag na re chad las skyes pa
 ji lta ba de bzhin du rgyags pa yang 'dod chags las skyes pa'i kun tu dga' ba'i bye brag yin no zhes zer ro/ /sems las byung ba rnams sems dang bcas te rnam pa re re nas bshad zin to/ /gsung rab las 'di dag gis tha snyad 'dogs pa'i
 phyir de dag gi ming 'di dag brjod de/ sems dang yid dang rnam shes ni/ /don gcig/ 'byed pas na sems so/ /shes pa nas yid do/ /rnam par shes pa nas rnam par shes pa'o/ /kha cig na re dge ba dang mi dge ba'i khams dag gis bsags pas
 na sems so/ /de nyid rten du gyur pa ni yod do/ /rten par gyur pa ni rnam par shes pa'o zhes zer ro/ /ji ltar sems dang yid dang rnam par shes pa zhes bya ba don gcig pa de bzhin du/ sems dang sems byung dang/ rten dang dmigs dang rnam bcas dang/
 mtshungs bar ldan pa'ang/ don gcig ste/ sems dang sems las byung ba de dag nyid dbang po la rten pa'i phyir rten dang bcas pa dang ces bya'o/ /yul la 'dzin pa'i phyir dmigs pa dang bcas bdag go/ dmigs pa de nyid la rnam par ring nas bye brag tu gcod
 pa'i phyir rnam pa dang bcas pa dag go/ mnyam par ldan pa'i phyir mtshungs par ldan pa dag go/ rnam pa gang dag gis mtshungs par ldan zhe na/ rnam pa lnga/ mtshungs pa rnam pa lnga po rten dang dmigs pa dang rnams dang dus dang rdzas mtshungs pa dag gis
 mtshungs par ldan no/ /rdzas mtshungs pa gang zhe na/ ji ltar sems gcig kho na yin pa de bzhin du sems las byung ba rnams kyang re re yin pa'o/ /sems dang sems las byung ba rgyas ba dang rab tu dbye ba dang bcas pa dag bstan zin to/ /
 mi ldan pa yi 'du byed rnams/ /thob dang ma thob skal mnyam dang/ /'du shes med snyoms 'jug dag dang/ /srog dang mtshan nyid rnams ni/ /ming gi tshogs la sogs pa yang/ /'du byed 'di dag ni sems dang mtshungs par ldan pa yang
 ma yin la gzugs kyi rang bzhin yang ma yin pas sems dang ldan pa ma yin pa dag ces bya'o/ /de la re zhig thob pa rnyed rang ldan pa'o/ /thob pa ni rnam pa gnyis te/ ma thob pa dang rnam par nyams pa las rnyed pa dang/ thob nas ldan pa'o/ /
 bzlog pa ni ma thob pa zhes bya ba 'grub po/ /thob pa dang ma thob pa 'di dag gang gi yin zhe na/ thob dang ma thob rang rgyud du/ /gtogs pa rnams kyi'o/ /gzhan gyi rgyud du gtogs pa rnams kyi ni ma yin te/ gzhan gyi dag ni 'ga' yang ldan pa med do//
 rgyud du ma gtogs pa rnams kyi yang ma yin te/ sems can du mi bgrang ba dag dang ni 'ga' yang ldan pa med do/ /re zhig 'dus byas dag gi nges pa yin no/ /'dus ma byas rnams kyi thob pa dang ma thob pa dag ni/ 'gog gnyis kyi/ so
 sor brtags pa ma yin pas 'gog pa dang ni sems can thams cad ldan no/ /de nyid kyi phyir chos mngon pa las/ zag pa med pa'i chos rnams dang su zhig ldan zhe na/ smras pa/ sems can thams cad do zhes 'byung ngo zhes grag go /
 so sor brtags pas 'gog pa dang ni 'ching ba mdza' dag dang ldan pa skad cig ma dang po la gnas pa ma gtogs pa 'phags pa thams cad dang/ so so'i skye bo kha cig kyang yin no/ /nam mkha' dang ni 'ga' yang ldan pa med de/ de bas na
 'di la thob pa med de/ gang la thob pa med pa de la ni ma thob pa yang med do zhes bya ba ni grub pa'i mdza' yin no/ /thob pa zhes bya ba rdzas gzhan cung zad cig yod do zhes bya ba 'di ga las/ smras pa mdo las te/ mdo las de mi slob pa'i chos bcu po 'di
 dag bskyed cing so sor thob la kun tu ldan pas na yan lag lnga rnam par spangs pa'i 'phags par 'gyur ro zhes rgyas par gsungs so/ /'o na ni des ni sems can du mi ston pa dag dang sems can gzhan dag dang yang ldan par 'gyur te/ ci'i phyir zhe na/ mdo
 las dge slong dag 'khor los sgyur ba'i rgyal po rin po che sna bdun dang ldan pa zhes rgyas par 'byung ba'i phyir ro/ /der ni dbang ba nyid la nyid la ldan pa'i sgrar gsungs te/ de rin po che sna bdun dag la dbang nyid dga' mgur byed pa'i phyir ro/ /ldan pa der
 ni dbang ba nyid yin/ gzhan du ni rdzas gzhan yin no zhes bya ba 'di ga las/ de lta na yang mi rung ba ci zhig yod/ mi rung ba 'di yod de/ gang gi phyir gzugs dang sgra la sogs pa ltar dam/ 'dod chags dang zhe sdang la sogs pa ltar 'di'i rang gi ngo bo
 yang mi snang la/ mig dang rna ba la sogs pa ltar bya ba yang mi snang ba de'i phyir rdzas kyi chos mi srid pas mi rung/ gal te chos rnams skye ba'i rgyu la thob pa zhes bya'o zhe na/ 'dus ma byas kyi ma yin par 'gyur ro/ /chos gang dag ma thob pa rnams
 dang/ gang dag sa 'phos pa dang/ 'dod chags dang bral bas btang ba de dag kyang ji ltar skye bar 'gyur/ 'on te lhan cig skyes pa'i thob pa'i rgyu can yin no zhe na/ de'i tshe skye ba 'am skye ba'i skye ba ci zhig byed par 'gyur/ 'ching ba mdza' dag dang ldan ba
 rnams kyi nyon mongs pa chung ngu dang 'bring dang chen po skye ba'i khyad par du yang mi 'gyur te/ thob pa bye brag med pa'i phyir ro/ /'on te de las de dag gi bye brag tu 'gyur na ni de kho na las de dag skye ba yin no/ /de lta bas na thob pa skye ba'i rgyu ma yin no/ /thob pa skye ba'i rgyu
 yin no zhes de skad du zer/ 'o na ci zhe na/ rnam par bzhag pa'i rgyu yin te/ thob pa med na 'jig rten pa'i yid dang ldan pa'i 'phags pa dang/ so so'i skye bo rnams la 'di dag ni 'phags pa'o/ /'di dag ni so so skye bo'o zhes rnam par bzhag par mi
 'gyur ro/ /de ni nyon mongs pa spangs pa dang ma spangs pa nyid kyi bye brag las 'gyur bar 'os so/ /'di dag ni nyon mongs pa spangs pa'o/ /'di dag ni nyon mongs pa ma spangs pa'o zhes bya ba 'di nyid du yang ji ltar 'gyur/ thob pa yod na ni de dang bral ma
 bral las 'di yang 'grub bo/ /'di ni rten gyi bye brag las 'grub par 'gyur te/ 'phags pa rnams kyi gnas de ni mthong ba dang bsgom pa'i lam gyi mthus ji ltar de dag gis spang bar bya ba'i nyon mongs pa rnams yang 'byung bar mi nus pa de ltar
 gyur pa yin te/ de'i phyir 'bru mes tshig pa bzhin du nyon mongs pa rnams kyi sa bon du ma gyur pa 'am/ 'jig rten pa'i lam gyi sa bon gyi dngos po nyams par byas na nyon mongs pa spangs pa zhes bya la/ bzlog pa ni ma spangs pa yin pas
 gang ma spangs pa de dang ni lam gang spangs pa de dang ni mi ldan no zhes gdags so/ /dge ba'i chos rnams kyang rnam pa gnyis te/ ma 'bad par skye ba rnams dang/ 'bad de skye ba rnams te/ gang dag skye bas thob pa dang/ sbyor ba las byung ba zhes bya
 ba de dag yin no/ de la 'bad par skye ba rnams dang ni rten la de dag gi sa bon gyi dngos po nyams par ma byas pa'i phyir ldan la/ nyams par byas pa'i phyir mi ldan pa zhes bya ste/ dge ba'i rtsa ba kun tu chad pa yin no/ /de yang log par lta bas
 yin par rig par bya'i rgyud la dge ba'i chos rnams kyi dngos po gtam du yang dag par bcom pa ni ma yin no/ /gang dag 'phrad de skye ba ni skyes pa de dag dan rgyud la de dag skye ba'i dbang nyid thogs pa med pa'i phyir ldan ba zhes bya'o/ /de'i phyir
 'dir sa bon kho na rtsa nas ma bton pa dang/ nyams par ma byas pa dang/ dbang nyid kyi dus na rgyas par gyur pa ni ldan pa zhes bya ba'i ming 'thab kyi rdzas gzhan ni med do/ /sa bon zhes bya ba 'di ni zhig yin/ 'bras bu bskyed par bya ba la rgyud 'gyur ba'i bye brag
 gi mngon sum mam brgyud pas nus pa'i ming dang gzugs gang yin pa'o/ /'gyur ba zhes bya ba 'di ci zhig yin/ rgyud gzhan nyid du 'gyur ba'o/ /rgyud ces bya ba 'di yang ci yin/ 'du byed dus gsum pa rgyu dang 'bras bur gyur pa rnams so/ /gang las
 chags pa dang ldan pa ni dran pa nye bar bzhag pa bzhi po dag bsgom pa'i skal pa dang mi ldan no zhes gsungs pa der ni ldan pa chags pa dang du lon pa'am mi sel ba yin te/ ji srid du de dang du len pa'am mi sel ba de srid du de dag bsgom pa'i skal pa
 dang mi ldan no/ /de ltar na ldan pa 'di dang de 'gog pa mi ldan pa ni rnam pa thams cad du btags pa'i chos yin gyi rdzas kyi chos ni ma yin no/ /bye brag tu smra ba rnams na re ni gnyis ga rdzas kho na yin no/ /zhes brjod do/ /ci'i phyir zhe na/ 'di ni kho bo cag gis
 grub pa'i mdza' yin no zhes zer ro/ /thob pa de ni/ dus gsum pa'i rnam pa gsum zhes grag ste/ chos 'das pa rnams kyi thob pa 'das pa yang yod/ ma 'ongs pa dang da ltar byung ba yang yod la/ de bzhin du ma 'ongs pa dang da ltar byung ba rnams kyi
 yang so sor rnam pa gsum mo/ /dge la sogs kyi dge la sogs/ /dge ba dang mi dge ba dang lung du ma bstan pa rnams kyi thob pa ni rim pa bzhin du dge ba dang mi dge ba dang lung du ma bstan pa yin no/ /der gtogs rnams kyi rang khams pa/ chos
 gang dag khams gang du gtogs pa de dag gi thob pa ni rang gi khams pa yin te/ 'dod ba dang gzugs dang gzugs med pa na spyod pa rnams kyi tho pa na rim pa bzhin du 'dod pa dang gzugs dang gzugs med pa na spyong pa yin no/ /ma gtogs rnams kyi rnam pa bzhi zag pa med
 pa'i chos rnams kyi thob pa ni mdor bsdu na rnam pa bzhi ste/ khams gsum pa dang/ zag pa med pa'o/ /de las so sor brtags pa ma yin pas 'gog pa'i ni khams gsum pa yin no/ /so sor brtags pas 'gog pa'i ni gzugs dang gzugs med pa na spyod pa yang yin
 la/ zag pa med pa yang yin no/ /lam gyi bden pa'i ni zag pa med pa nyid do/ /de ni mdor bsdus te rnam pa bzhi yin no/ /slob pa'i chos rnams kyi thob pa ni slob pa kho na yin no/ /mi slob pa rnams kyi ni mi slob pa kho na yin no/ /slob pa yang ma yin mi slob pa yang ma yin
 pa rnams kyi ni bye brag yod pas de bstan par bya ste/ slob dang mi slob min gyi gsum/ /slob pa yang ma yin mi slob pa yang ma yin pa'i chos zhes bya ba ni zag pa dang bcas pa'i chos rnams dang/ 'dus ma byas so/ /de dag gi thob pa ni slob pa las sogs
 pa'i bye brag gis rnam pa gsum ste/ re zhig zag pa dang bcas pa'i chos rnams dang/ so sor brtags pa ma yin pas 'gog pa dang/ 'phags pa ma yin pas thob pa so sor brtags pas 'gog pa'i thob pa ni slob pa yang mi slob pa ma yin no/ /de nyid
 slob pa'i lam gyis thob pa'i ni slob pa'o/ /mi slob pa'i lam gyis thob pa'i ni mi slob pa'o/ /mthong ba dang bsgom pas yang spang bar bya ba rnams kyi thob pa ni rim bzhin du mthong ba dang bsgom pas spang bar bya ba kho na yin no/ /spang bar bya ba ma yin pa rnams kyi ni
 bye brag yod pas de bstan par bya ste/ spang bya min pa'i rnam gnyis 'dod/ /sprang bar bya ba ma yin pa'i chos dag ni zag pa med pa rnams te/ de dag las sor brtags pa ma yin bas 'gog pa dang/ 'phags pa ma yin pas so sor brtags pas 'gog pa'i thob pa ni
 bsgom pas spang bar bya'o/ /de nyid 'phags pa'i lan gyis thob pa'i dang/ lam gyi bden pa'i ni zag pa med pa ste spang bar bya ba ma yin pa'o/ /dus gsum pa'i rnam pa gsum zhes spyir bstan pa gang yin pa de'i dmigs kyis bstan pa ni 'di yin te/ lung
 bstan min thob lhan cig skye/ /ma bsgribs la lung du ma bstan pa rnams kyi thob pa ni stobs chung ba'i phyir lhan cig skye ba kho na ste/ sngar skye ba yang med la dus phyis skye ba yang med do/ /des na de dag gi ni 'das pa rnams kyi yang 'das pa kho na yin la/ da ltar byung ba rnams
 kyi bar du yang da ltar byung ba kho na yin no/ /ci ma bsgribs la lung du ma bstan pa thams cad kyi de dang 'dra 'am zhe na/ mngon shes sprul pa ma gtogs pa thams cad kyi de dang 'dra ste/ mngon par shes pa lung du ma bstan pa gnyis dang/ sprul pa'i sems ma gtogs pa'o/
 de dag spyod pa'i khyad par gyis 'grub pas stobs dang ldan pa'i phyir sngar dang phyis dang lhan cig skye ba yang yod do/ /bza' i gnas pa kha cig dang/ spyod lam pa shin tu goms pa'i yang yod do/ /ci ma bsgribs la lung du bstan pa kho na'i thob pa lhan cig skye ba yin nam
 zhe na smras pa/ bsgribs pa'i gzugs kyi'ang/ gzugs kyi rnam par rig byed bsgribs la lung du ma bstan pa'i thob pa yang lhan cig skye ba kho na ste/ chen pos kyang rnam par rig byed ma yin pa mi slong bas stobs chung bas grub pa'i phyir ro/ /ci ji ltar lung du ma
 bstan pa'i chos rnams kyi thob pa'i bye brag 'di yin pa ltar dge ba dang mi dge ba rnams kyi thob pa la yang bye brag 'ba' zhig yod dam zhe na/ smras pa/ yod de/ 'dod pa na/ gzugs kyi sngar ni skye ba med/ /'dod pa na spyod pa'i gzugs kyi thob pa ni rnam pa thams
 cad du sngar skye ba med/ /lhan cig skye ba dang/ dus phyis skye ba ni yod do/ /ci ma thob pa yang thob pa bzhin du rnam pa'i bye brag yod dam/ smras pa/ med do/ 'o na ci zhe na/ ma thob ma bsgribs lung ma bstan/ /ma thob pa thams cad ni ma bsgribs la lung du ma bstan
 pa kho na min no/ /dus kyi bye brag gis ni/ 'das ma skyes kyi de rnams gsum/ /da ltar byung ba'i ma thob pa de ltar byung ba ni med do/ /'das pa dang ma 'ongs pa dag gi ni dus gsum pa yin no/ /'dod sogs gtogs dang dri med kyi'ang/ rnam gsum zhes bya bar sbyar te/ 'dod par
 gtogs pa rnams kyi ni 'dod pa dang gzugs dang gzugs med pa ni spyod pa yin la/ gzugs dang gzugs med par gtogs pa'i rnams dang/ ma gtogs pa rnams kyi yang de dang 'dra'o/ /ma thob pa zag pa med pa ni 'ga' yang med de/ 'di ltar/ lam ma thob pa so so yi//
 skye bor 'dod do/ /bstan bcos las/ so so'i skye bo nyid gang zhe na/ 'phags pa'i chos rnams kyi ma rnyed pa'o zhes 'don te/ gal te ma rnyed pa zhes bya ba ma thob pa yin pas so so'i skye bo nyid ni zag pa med pa yin par mi 'os so/ /'phags pa'i chos gang dag gi ma
 rnyed pa yin zhe na/ thams cad kyi yin te/ khyad par med par 'byung ba'i phyir ro/ /de ni rnyed pa med par ma rnyed pa gang yin pa ste/ de lta ma yin na sangs rgyas kyang nyan thos dang rang sangs rgyas kyi rigs can dag dang mi ldan pa'i phyir 'phags pa ma yin par 'gyur ro/ /'o na ni
 kho na zhes bya ba'i sgra gdon dgos so/ /gdon mi dgos te/ tshig gcig pu dag kyang nges par 'dzin pa yin te/ dper na chu 'thung ba'o/ /rlung za ba'o zhes bya ba bzhin no/ /gzhan dag na re sdug bsngal la chos shes pa'i bzod pa dang de dang lhan cig 'byung ba rnams
 kyi'o zhes zer ro/ /de dag btang bas 'phags pa ma yin pa nyid du thal bar yang mi 'gyur ro/ /de dag gi ma rnyed pa gtan du bcom pa'i phyir ro/ /'o na ni de dag kyang rigs gsum pa yin no gang dag gi ma rnyed pa yin/ thams cad kyi yin no/ /'o na ni nyes pa de nyid du
 'gyur ro/ /lan yang de nyid yin no/ /'o na ni 'bad pa don med par 'gyur bas mdo sde pa rnams kyi ji lta ba de lta bu ni legs pa yin no/ /mdo sde pa rnams kyi ji lta bu yin/ 'phags pa' chos rnams ma skyes pa'i rgyud de ni so so'i skye bo nyid yin no zhes bya ba'o//
 yang? ma thob pa 'di ji ltar rnam par nyams par 'gyur zhe na/ chos gang gi ma thob pa gang yin pa de ni/ de thob dang/ sa 'phos nas ni rnams nyams 'gyur/ re zhig 'di lta ste/ 'phags pa'i lam gyi ma rnyed pa ni so so'i skye bo nyid de/ de ni de rnyed pa dang sa 'phob
 pa las rnam par nyams par 'gyur te/ gzhan dag gi yang de bzhin du sbyar bar bya'o/ /rnam par nyams par 'gyur zhes bya ba ni ma thob pa de'i ma thob pa skye zhing thob pa 'chad par 'gyur ro/ /ci ma thob pa dang thob pa dag gi yang thob pa dang ma thob pa yod dam/
 smras pa/ gnyi ga'i yang gnyi ga yod do/ /de lta na thob pa rnams thugs pa med par thal bar 'gyur ba ma yin nam/ phan tshun ldan pa'i phyir thug pa med par thal ba mi 'gyur ro/ /chos bdag nyid gtogs pa gsum skye ste/ chos de dang/ de'i thob pa dang/ thob pa'i
 thob pa'o/ /de la thob pa skyes pas chos de dang/ thob pa'i thob pa dang ldan par 'gyur la/ thob pa'i thob pa skyes pas thob pa kho na dang ldan par 'gyur bas de'i phyir thug pa med pa ma yin no/ /de ltar byas na skad cig ma gnyis pa la dag pa'ang rung nyon mongs pa
 can yang rung chos bdag nyid gtogs par gsum gyi thob pa gsum skye bar 'gyur la/ de dag gis rjes kyi thob pa yang gsum yin pas drug tu 'gyur ro/ /skad cig ma gsum pa la ni skad cig dang po dang gnyis pa la skyes pa'i rdzas rnams kyi thob pa dgu po rjes
 kyi thob pa dang bcas pas bco brgyad du 'gyur ro/ /de ltar thob pa rnams gong nas gong du spel ba'i 'gres kyis bskyed na srog chags gcig la yang skad cig skad cig la 'das pa dang ma 'ongs pa'i nyon mongs pa dang/ nye ba'i nyon mongs pa dang/ skyes nas
 thob pa'i dge ba'i skad cig ma mtshungs par ldan pa dang lhan cig 'byung bar bcas pa thog ma dang tha ma med pa'i 'khor bar gtogs pa thams cad kyi mdza' yas pa dag skye bar 'gyur bas sems can rnams kyi so so'i rgyud kyi lus kyi skad cig ma la rdzas mdza' 
 yas pa can dag 'byung ngo/ /kye ma 'di ni thob pa rnams kyi dga' ston chen po zhig ste/ stes te thogs pa med pas 'di ltar go skabs rnyed kyi/ de lta ma yin na srog chags gnyis pa'i ni nam mkha' la go skabs yod par mi 'gyur ro/ /yang skal pa mnyam pa zhes bya ba 'di ci zhe na/
 skal mnyam sems can 'dra ba'o/ /skal ba mnyam pa nyid ces bya ba'i rdzas ni sems can rnams kyi 'dra ba yin te/ bstan bcos las ni 'di'i ming ris mthun pa zhes 'byung ngo/ /de yang tha dad pa ma yin pa dang/ tha dad pa ste/ tha dad pa ma yin pa ni/ sems can
 thams cad sems can du skal pa mnyam pa ste/ thams cad la yang sems can re re yod pa'i phyir ro/ /tha dad pa ni sems can de dag nyid khams dang/ sa dang 'gro ba dang/ skye gnas dang/ rigs dang/ pho dang/ mo dang/ dge bsnyen dang/ dge slong dang/ slob pa dang/
 mi slob pa la sogs pa'i bye brag gis so sor nges pa'o/ /chos kyi skal ba mnyam pa ni phung po dang skye mched dang khams kyi sgo nas so/ /gal te skal pa mnyam pa zhes bya ba'i rdzas khyad par med pa zhig med na phan tshun khyad par tha dad pa'i sems can rnams la bye brag
 med par sems can sems can zhes bya ba'i blo 'jug pa dang 'dogs par yang mi 'gyur te/ phung po la sogs pa'i blo dang 'dogs pa dag la yang de bzhin du sbyar bar bya'o/ /'chi 'pho bar yang 'gyur zhing skye bar yang 'gyur la/ sems can gyi skal pa mnyam pa
 nyid 'dor bar yang mi 'gyur thob par yang mi 'gyur ba yod dam zhe na/ mu bzhi ste/ mu dang po ni gang nas 'chi 'pho ba de nyid du skye ba na'o/ /gnyis pa ni nges pa la 'jug pa na ste/ de ni sems can gyi skal pa mnyam pa nyid 'dor zhing 'phags pa'i skal ba mnyam
 pa nyid 'thob bo/ /gsum pa ni 'gro ba'i 'pho ba las so/ /bzhi pa ni rnam pa de dag ma gtogs pa'o/ /gal te so so skye bo'i skal pa mnyam pa nyid ces bya ba'i rdzas shig yod na go so so skye bo nyid kyis ci zhig bya ste/ mi'i skal pa mnyam pa las ni mi
 nyid gung na brtag tu med do/ /'jig rten gyis ni skal pa mnyam pa nyid gzugs can ma yin pa'i phyir mi mthong ba nyid la/ 'di shes rab kyis ?kyang yongs su mi tshod med kyi sems can rnams kyi rigs tha mi dad pa yang khong du chud do/ /de yod du chug
 na yang de las ji lta bu zhig byed/ gzhan yang sems can ma yin pa'i skal ba mnyam pa nyid kyang ci'i phyir mi 'dod de/ sa lu dang/ nas dang/ mon sran sde'u dang/ mon sran gre'u dang/ a mra dang/ shing pa nas dang/ lcags dang/ gser la sogs pa rnams rang gi rigs
 'dra ba'i phyir ro/ /skal pa mnyam pa phan tshun tha dad pa de dag kyang ji ltar bye brag med par skal ba mnyam pa nyid du 'dogs par byed/ de ltar na ni bye brag pa rnams kyis gsal bar byas pa yin te/ de dag gi grub pa'i mdza' ni spyi zhes bya ba'i dngos po zhig yod de/ des
 na rnam pa mi 'dra ba rnams la yang shes pa mtshungs pa skye'o zhes bya ba 'di yin no/ /de dag gcig yin yang du ma la 'jug pa 'di ni de dag gi khyad par yin no/ /bye brag tu smra ba rnams na re gal te gsal bar byas kyang rung/ gal te gsal bar ma byas kyang
 rung ste/ mdo las 'byung ba'i phyir skal ba mnyam pa ni yod pa kho na ste/ bcom ldan 'das kyis kyang brgya la mi rnams dang skal pa mnyam pa 'di lta bu nyid du 'ong na zhes gsungs so zhes zer ro/ de skad gsungs mod kyi rdzas gzhan no zhes ni ma gsungs so/ /'o na
 ci zhe na/ gang dag la mi la sogs par 'dogs pa'i 'du byed de lta bur gyur ba de dag kho nar zad de/ sa lu la sogs pa'i skal ba mnyam pa dang 'dra'o/ /de skad du ni mi brjod do/ /yang 'du shes med pa pa zhes bya ba 'di ci zhe na/ 'du shes med
 pa pa 'du shes/ /med par sems dang sems byung rnams/ /'gog pa'o/ 'du shes med pa'i lha rnams kyi nang du skyes pa dag gi sems dang sems las byung ba rnams 'gog pa gang yin pa de ni 'du shes med pa pa zhes bya ba'i rdzas yin te/ gang gis
 ma 'ongs pa'i dus kyi sems dang sems las byung ba rnams dus gzhan gyi bar du rlung gi chu 'gog pa bzhin du 'gog cing skyer mi ster ba'o/ /de yang gcig tu rnam smin/ gang gi rnam par smin pa yin zhe na/ 'du shes med pa'i snyoms par 'jug pa'i yin no/ /gang dag na 'du
 shes med pa'i sems can rnams 'khod pa'i sems can de dag gang zhe na/ de 'bras che/ gang dag gi phyogs gcig na sems can 'du shes med pa kha cig 'khod pa'i lha de dag na 'bras bu che zhes bya ba yin te/ bsam gtan khyad par can bzhin no/ /ci de dag nam
 yang 'du shes can du mi 'gyur ram zhe na/ skye ba'i dus dang 'chi 'pho ba'i dus na 'gyur te/ mdo las/ sems can de dag dus ring mo zhig tu 'dug 'dug ste/ 'du shes skyes nas gnas de nas 'chi 'pho bar 'gyur ro zhes 'byung ngo/ /de dag kyang yun ring por
 gnyid kyi log pa las sangs pa bzhin du de nas shi 'phos nas sngon gyi snyoms par 'jug pa'i 'du byed yongs su zad pa'i phyir dang/ sngon med pa ma bsags pa'i phyir mnga' 'phangs pa shugs zad pa dag sa la ltung ba bzhin du 'dod pa'i khams su skye bar 'gyur
 te/ gzhan du ni ma yin no/ /gang zhig der skye bar 'gyur ba de la ni gdon mi za bar 'dod pa na spyod pa'i lan grangs gzhan la myong bar 'gyur ba'i las yod de/ dper na byang gi sgra mi snyan pa rnams kyi lhar skye ba myong bar 'gyur ba bzhin no/ /yang snyoms 'jug dag
 ces gang bshad pa/ snyoms par 'jug pa de dag gang yin zhe na/ 'du shes med pa'i snyoms par 'jug pa dang/ 'gog pa'i snyoms par 'jug pa'o/ /'du shes med pa'i snyoms par 'jug pa 'di ci zhe na/ ji ltar sems dang sems las byung ba rnams 'gog
 pa la 'du shes med pa bar bshad pa/ de bzhin 'du shes med snyoms 'jug /'du shes med pa rnams kyi snyoms par 'jug pa 'am 'du shes med pa can gyi yin pas 'du shes med pa'i snyoms par 'jug pa ste/ de yang sems dang sems las byung ba
 rnams kyi 'gog pa yin no/ /de bzhin zhes bya ba'i sgras ni de tsam zhig mthun par 'dren to/ /snyoms par 'jug pa de ni bsam gtan tha mar/ bsam gtan tha ma ni bzhi pa ste/ der ni der gtogs pa yin gyis gzhan pa ni ma yin no/ /ci'i phyir 'di
 la snyoms par 'jug ce na/ 'byung 'dod pas/ 'di la nges par 'byung bar sems te/ de'i phyir thar bar 'dod pas snyoms par 'jug go /'du shes med pa pa ni rnam par smin pa yin pa'i phyir lung du ma bstan pa zhes bya bar grub po/ /'di ni dge ba'o/ /'du shes
 med pa'i snyoms par 'jug pa ni dge ba kho na yin no/ /de'i rnam par smin pa ni 'du shes med pa'i sems can rnams kyi nang du phung po lnga 'grub po/ /de dge ba yin yang/ skyes nas myong 'gyur nyid/ skyes nas myong bar 'gyur ba kho na yin gyi mthong pa'i chos dang
 lan grangs gzhan la myong bar 'gyur ba yang ma yin no/ /gang zhig gis 'di bskyed nas yongs su nyams pa de yang gdon mi za bar yang skyes nas 'du shes med pa'i sems can rnams kyi nang du skye bar 'gyur ro/ /zhes grag go /de nyid kyi phyir
 de thob pa ni nges pa la mi 'jug go /de yang so so skye bo kho na'i yin par 'dod kyi/ 'phags pa'i ma yin/ 'phags pa rnams ni 'di la rnam par ltung ba'i gnas lta bur gzigs pas 'du shes med pa'i snyoms par mi 'jug gi nges par 'byung
 ba'i 'du shes can dag ni de la snyoms par 'jug go /yang ci 'phags pa bsam gtan bzhi pa thob nas bsam gtan bzhin du 'di 'das pa dad ma 'ongs pa dag kyang 'thob bam zhe na/ re zhig gzhan dag gis kyang mi 'thob bo/ /ci'i phyir zhe na/
 'di ni 'dras pa yin yang mngon par 'du bya ba chen pos bsgrub par bya ba yin pa'i phyir dang/ sems med pa pa yin pa'i phyir ro/ /dus gcig 'thob/ dus gcig pa zhes bya ba'i tha tshig ste/ so sor thar pa'i sdom pa ji lta ba bzhin du da ltar gyi dus
 pa kho na 'thob po/ /skad cig ma gnyis pa la sogs par ni ji srid mi gtong ba de srid du thob pa 'das pa dang yang ldan pa yin no/ /sems med pa pa yin pa'i phyir ma 'ongs pa ni mi 'thob bo/ /da ni 'gog pa'i snyoms par 'jug pa gang zhe na/ 'du shes med
 pa'i snyoms par 'jug pa ji lta bur/ 'gog pa zhes pa'ang de bzhin nyid/ /de bzhin zhes bya ba'i sgras rnam pa gang zhig gzung zhe na/ sems dang sems las byung ba rnams 'gog pa'o zhes bya ba gzung ngo/ /'di'i khyad par ni 'di yin te/ 'di gnas don
 du/ zhi bar gnas pa'i 'du shes sngon du btang ba'i yid la byed pas 'di la snyoms par 'jug gi /de la ni nges par 'byung ba'i 'du shes sngon du btang bas so/ /yang de ni bsam gtan bzhi pa'i sa pa yin gyi 'di ni/ srid rtse skyes/ 'du shes med 'du
 shes med min gyi skye mched kyi sa pa kho na yin no/ /'di ni dge ba'o/ /dge ba kho na yin gyi nyon mongs pa can yang ma yin la/ lung du ma bstan pa yang ma yin no/ /dge ba yin yang/ gnyis su myong 'gyur dang ma nges/ /skye nas myong bar 'gyur pa dang//
 lan grangs gzhan la myong 'gyur te/ /dus gnyis su myong bar 'gyur ba dang/ rnam par mi smin pa'i phyir ma nges pa yang yin te/ gal te 'dir yongs su mya ngan las 'da' bar byed na nam yang rnam par mi smin pa kho nar 'gyur ro/ /de'i rnam par smin pa
 ni srid pa'i rtse mo'i phung po bzhi yin no/ /de yang gcig tu so so'i skye bo rnams kyis ni 'gog pa'i snyoms par 'jug pa skyed mi nus te/ tshang? pas 'jigs pa'i phyir dang/ 'phags pa'i lam gyi stobs kyis bskyed pa'i yang phyir ro/ /mthong ba'i
 chos la mya ngan las 'das pa ni de la mos pa'i phyir ro/ /'phags pa'i yang 'di ni 'dod chags bral bas thob par bya ba ma yin te/ 'o na ji lta bu zhe na/ sbyor bas 'thob/ 'di ni sbyor bas 'thob par bya ba kho na yin pas/ 'das pa yang
 mi 'thob la ma 'ongs pa yang mi 'thob ste/ de ni sems? kyi stobs kyis 'thob pa'i phyir ro/ /ci bcom ldan 'das kyi yang sbyor ba las byung ba yin nam zhe na/ smras ba/ ma yin no/ /'o na ji lta bu zhe na/ thub pa'i byang chub kyis thob bya/ /sangs rgyas bcom
 ldan 'das rnams kyis ni 'di zad pa mkhyen pa dang dus mnyam du brnyas so/ /sangs rgyas rnams kyi ni sbyor ba las byung ba zhes bya ba cung zad kyang med de/ de dag gi yon tan 'byor pa mngon sum du 'gyur ba thams cad ni bzhed pa tsam la rag lus pa yin
 pas de lta bas na de dag gi thams cad ni/ 'dod chags dang bral bas brnyes pa yin no/ /nga ni yang bcom ldan 'das kyis 'gog pa'i snyoms par 'jug pa ma bskyed na zad pa mkhyen pa'i dus su gnyi ga'i cha las rnam par grol bar ji ltar 'grub ce na/
 'grub ste bskyed zin pa bzhin du de la mnga' ba'i phyir ro/ /nub phyogs pa dag na re de ni dang po kho nar byang chub sems dpa' slob pa'i gnas skabs na skyed par byed do/ /zhes zer ro/ /yang 'di ci'i phyir mi 'dod ce na/ de'i ltar na gnas brtan nye bsrungs
 kyi lus kyi tshig ni de bzhin gshegs pa ni 'gog pa'i snyoms par 'jug pa bskyed nas zad pa mkhyen pa bskyed par mdzad do zhes brjod par bya'o zhes bya ba 'byung ba 'di tshad mar byas pa yin no/ /dang por ma yin/ kha che ba rnams na re de ltar bskyed du mi rung
 ngo zhes zer ro/ /ci'i phyir zhe na/ skad cig ma/ sum cu rtsa bzhis 'thob pa'i phyir ro/ /byang chub sems dpa' ni sems kyi skad cig ma sum cu rtsa bzhis byang chub rjes su 'thob ste/ bden pa mngon par rtogs pa na bcu drug dang/ srid pa'i rtse mo'i 'dod tshogs
 bral ba na nyon mongs pa'i rnam pa dgu spong bar byed pa na bar chad med pa dang rnam par grol ba'i lam dgu dgu skye ba'i phyir bco brgyad de/ de dag ni sum cu rtsa bzhir 'gyur ro/ /ci yang med pa'i skye mched kyi 'dod chags dang bral ba de nges pa la 'jug
 pa'i phyir sa 'og ma pa'i nyon mongs pa rnams ni yang spang bar bya ba ma yin no/ /de'i phyir bar skabs 'dir mi 'dra ba'i sems mi srid pas 'gog pa'i snyoms par 'jug pa mi rung ngo zhes grag go/ gal te bar skabs su mi 'dra ba'i sems mngon du byas na cir 'gyur
 zhem? bsam pa ldang ba can du 'gyur te/ byang chub sems dpa' rnams ni bsam pa mi ldang ba can yin no/ /nyi 'og pa rnams na re bsam pa mi ldang can yin pa bden mod kyi/ zad pa med pa'i lam las ni ma yin no/ /'o na ci zhe na/ zag pa zad pa ma thob kyi
 bar du re shig skyil mo krung mi gshig go snyam pa'i bsam pa 'di mi ldang ba'i phyir te/ stan gcig kho na la don thams cad yongs su rdzogs pa'i phyir ro zhes zer ro/ /snga ma kho na yin no zhes ni brjod do/ /snyoms par 'jug par 'di gnyis kyi rnam pa'i bye brag
 med mod kyi/ gnyi ga 'dod dang gzugs rten can/ /'du shes med pa dang 'gog pa'i snyoms par 'jug pa 'di gnyi ga yang 'dod pa'i khams dang gzugs kyi khams su skyed do /gang dag 'du she med pa'i snyoms par 'jug pa gzugs kyi khams su mi 'dod
 pa de dag gi ltar na chos mngon pa'i gzhung gzugs kyi srid pa yin la/ srid pa de rnam par 'drid pa can snga ma yin pa yod dam zhe na/ yod de/ gzugs na spyod pa'i sems can lha 'du shes can sems mi 'dra ba la gnas pa rnams dang/ 'du shes med
 pa'i snyoms par 'jug pa dang/ 'gog ba'i snyoms par 'jug pa la snyoms par zhugs pa rnams dang/ lha 'du shes med pa 'du shes med pa pa thob pa rnam kyi srid pa gang yin pa'o zhes 'byung ba 'di dang 'gal te/ de'i phyir 'di gnyi ga yang 'dod pa dang
 gzugs la brten pa dag yin no/ /de la yang khyad par ni 'di yod de/ 'gog pa dang por mi'i nang du/ 'gog pa'i snyoms par 'jug pa ni dang po nyid du mi dag gis nang du skyed do/ /phyis ni sngar yongs su nyams pa dag gis gzugs kyi khams su yang skyed do/
 ci 'di las kyang yongs su nyams pa yod dam zhe na smras pa yod do/ /de lta ma yin na 'char byed kyi mdo tshe dang ldan pa dag 'di na dge slong tshul khrims phun sum tshogs pa yang yin/ ting nge 'dzin phun sum tshogs pa yang yin/ shes rab phun
 sum tshogs pa yang yin pa de ni yang dang yang du 'du shes dang tshor ba 'gog pa la snyoms par 'jug pa dang ldang ba'i gnas de yod do zhes bya bar yang dag pa ji lta ba bzhin rab tu shes so/ /de ni mthong ba'i chos kho na la dang po nyid du kun shes pa thob par yang
 mi byed cing 'chi ba'i dus kyi tshe yang ma yin la lus zhig nas kyang kham gyi zas za ba'i lha las 'das te/ yid las byung ba'i lha'i lus ga ba yang dung ba zhig tu skye bar 'gyur ro/ /de der skyes nas yang dang yang 'du shes dang tshor ba 'gog pa la snyoms par 'jug pa
 dang ldan pa'i gnas de yod do/ /zhes bya bar yang dag pa ji lta ba bzhin du rab tu shes so zhes 'byung ba dang 'gal lo/ /der yang bcom ldan 'das kyis yid las byung ba'i lus can gyi lha ni gzugs na spyod pa yin par gsungs la/ snyoms par 'jug pa li
 ni srid pa'i rtse mo ma yin na de ji ltar de thob pa yongs su ma nyams pa gzugs kyi khams su skye bar 'gyur/ sde pa gzhan dag 'gog pa'i snyoms par 'jug pa bsam gtan bzhi pa'i sa pa yang yin par 'dod par 'dod pa de dag gi ltar na 'di yongs su nyams pa med pa bzhin du yang 'grub
 pa 'dra med kyi/ 'di bsam gtan bzhi pa'i sa pa yang yod do zhes bya ba 'di ni mi 'grub bo/ /ci'i phyir zhe na/ mdo las mthar gyis gnas pa'i snyoms par 'jug pa dgu zhes 'byung ba'i phyir ro/ /gal te nges pa yin na ji ltar thod rgal du snyoms par 'jug pa dag yin
 zhe na/ 'di ni rtsom pa dang po pa la nges pa yin te/ dga' mgu'i dbang thob pa dag yin na ni rnam par rgal te yang snyoms par 'jug go/ /de ltar na snyoms par 'jug pa 'di gnyis ni sa las kyang khyad par yod de/ bsam gtan bzhi pa dang srid pa'i rtse mo'i sa pa yin
 ba'i phyir ro/ /sbyor ba las kyang nges par 'byung ba dang gnas pa'i 'du shes sngon du btab ba'i yid la byed pas sbyor ba'i phyir ro/ /rgyud las kyang so so'i skye bo dang 'phags pa'i rgyud la skye ba'i phyir ro/ /'bras bu las kyang 'du zhes med pa dang srid pa'i rtse mo'i 'bras bu yin pa'i phyir ro/ /myong
 bar 'gyur ba las kyang myong bar 'gyur bar nges pa dang gnyi ga yin pa'i phyir ro/ /dang po skyed pa las kyang/ khams gnyis dang mi'i nang du skyes pa'i phyir ro/ /yang ci'i phyir 'di dag sems dang sems las byung ba 'gog pa'i rang bzhin yin na 'du shes med pa'i snyoms par 'jug pa dang/ 'du
 shes dang tshor ba 'gog pa'i snyoms par 'jug pa zhes bya zhe na/ de dag dang mi mthun pas de dag la snyoms par 'jug par sbyor ba'i phyir te/ tshor ba la sogs pa yang shes mod kyi gzhan gyi sems shes pa shes bya ba bzhin no/ /da ni ji ltar 'gags nas yun ring du lon
 ba'i sems las yang sems skye bar 'gyur zhe na/ bye brag tu smra ba rnams ni 'das pa yan yod pa'i phyir mtshungs pa de ma thag pa'i rkyen du 'dod do/ /sngon gyi slob dpon gzhan dag na re ni re zhig gzugs med par skyes pa rnams kyi gzugs 'gags nas ring du long na yang gzugs ji
 ltar skye zhe na/ de ni sems kho na las skye pa'i gzugs las ni ma yin pa de bzhin du sems kyang dbang po dang bcas pa'i lus 'di kho na las skye ba'i sems las ni ma yin te/ 'di lta ste/ sems dang dbang po dang bcas pa'i lus gnyis ni phan tshun sa bon can yin no zhes zer ro
 btsun pa dbyig pa shes kyis ni yongs su dri ba las/ 'di ni gang gi ltar na 'gog pa'i snyoms par 'jug pa sems med pa yin pa de la skyon du 'gyur gyi kho bo ni 'gog ba'i snyoms par 'jug pa sems dang bcas pa yin zhes zer ro/ /btsun pa dbyangs sgrogs na re de
 ni mi? ? 'thad? de/ bcom ldan 'das kyis rnam par shes pa yod na gsum 'dus pa las reg pa/ rteg pa'i rkyen gyi 'tshor ba dang 'du shes dang sems pa zhes gsungs te/ de'i phyir 'di la 'du shes dang tshor ba dag kyang 'gag par mi 'gyur ro/ /'on te tshor ba'i rkyen gyis
 sred pa zhes gsungs mod kyi dgra bcom pa la tshor ba yod bzhin du sred pa mi skye ba'i bzhin du reg pa yod bzhin du tshor ba la sogs pa mi 'byung ngo/ /zhes khyad par du bya ba'i phyir de ni ma yin te/ ma rig pa'i 'dus te reg pa las skyes pa'i tshor ba
 la brtan nas sred pa skyes so zhes gsungs kyi/ tshor ba skye ba la reg pa ni bye brag tu ma byas pas 'di ni mi 'dra'o/ /de lta bas na bye brab? tu smra ba rnams ni 'gog pa'i snyoms par 'jug pa ni sems med pa yin no zhes zer ro/ /ji ltar na sems med pa'i snyoms par 'jug pa
 nyid yin zhe na/ 'byung ba chen po mnyam pa nyid du sgrub pa'i phyir rim/ yang na snyoms par 'jug pa'i sems kyis de la snyoms par 'jug cing 'thob par 'gyur bas na snyoms par 'jug pa yin no/ /yang ci snyoms par 'jug pa 'di dag rjes su yod dam 'on te btags
 par yod ce na/ sems skye ba la gegs byed pa'i phyir rdzas su yod do zhes zer ro/ /ma yin te/ snyoms par 'jug pa'i sems kho na de la gag byed pa'i phyir ro/ /snyoms par 'jug pa'i sems kho na de dang 'gal ba'i rten skyed pa'i phyir gang gis na dus gzhan gyi
 bar du sems mi 'jug pa tsam du 'gyur ba de las gzhan pa'i sems dang 'gal bar skye ste/ de la snyoms par 'jug pa zhes gdags so/ /mi 'jug pa tsam de yang sngon ma byung ba dang phyir langs par med pa yin pas snyoms par 'jug pa 'di ni 'dus byas su btags so//
 yang na rten nyid de ltar mnyam par sgrub pas na snyoms par 'jug pa yin no/ /'du shes med pa pa yang de bzhin du lta bar bya ste/ 'dis der sems kho na sems 'jug pa dang 'gal ba thob ste/ mi 'jug pa tsam de yang 'du shes med pa par gdags?/ /de skad du
 ni mi brjod do/ /snyoms par 'jug pa dag bshad zin to/ /srog gang she na/ srog ni tshe yin/ chos mngon pa las 'di skad du/ srog gi dbang po gang zhe na/ khams gsum pa'i tshe yin no zhes 'byung ngo/ /tshe zhes bya ba'i chos gang yin pa de yang mi shes pas
 drod dang ni rnam shes rten gang yin pa'o bcom ldan 'das kyis 'di skad du/ tshe dang drod dang rnam shes 'dis/ /gang tshe lus ni 'dor byed cing/ /bor nas de tshe 'dug pa ni/ /sems med ji ltar shing bzhin no zhes gsungs te/ de lta bas na drod dang rnam par shes pa'i rten du gyur
 pa'i chos gnas pa'i rgyu gang yin pa de ni tshe yin no/ /de ni tshe de'i rten du gyur pa gang yin zhe na/ drod dang rnam par shes pa de dag nyid yin no/ /'o na ni lan tshun bltos te 'jug pa'i phyir/ de dag las gang gis dbang gis na gzhan dag ldog par 'gyur ba gang zhig
 lnga ldog par 'gyur te/ rtag tu ldog pa med par thal par 'gyur ro/ /'o na ni tshe'i rten du gyur pa las yin te/ las kyis ji srid du 'phags pa de srid du rjes su 'jug pa'i phyir ro zhe na/ drod dang rnam par shes pa dag gi rten du gyur pa yang las kho na yin par ci'i
 phyir mi 'dod/ ma shi'i bar du rnam par shes pa thams cad rnam par smin par 'gyur du 'od do/ /'o na ni drod kyi rten du gyur pa la yin par 'gyur la/ drod kyang rnam par shes pa'i rten yin par 'gyur ro/ /de lta na ni gzugs med pa dag na drod med pa'i phyir rnam
 par shes pa rten med par 'gyur ro/ /de'i rten ni las yin par 'gyur ro/ /gang la lar ni rnam par shes pa'i rten drang kho na yin par 'gyur ro/ /la lar ni las kho na yin no zhes bya ba 'dod dgu mi 'thob pa nyid de bshad kyang zin to/ /ji skad du bshad ce na/
 ma shi'i bar du rnam par shes pa thams cad rnam par smin par 'gyur du 'ong ngo zhes bshad do/ /de lta bas na de gnyis kyi rkyen du gyur pa rtse ni yod pa kho na'o/ /med do zhes ni mi smra mod kyi rdzas su gzhan ni med do/ /'o na de ci yin zhe na/ khams gsum pa'i
 las kyis ris mthun pa gnas pa'i dus kyi 'byin? pa yin te/ dus 'di srid gcig tu gnas par bya'o zhes ji srid du las kyi ris mthun pa 'phangs pa de srid du de gnas pa de la tshe zhes bya ste/ 'bru rnams kyi smin pa'i dus kyi 'phen pa lta bu dang/ mda''phangs
 pa dag gi gnas pa'i dus kyi 'phen pa bzhin no/ /gang zhig 'du byed ces bya ba yon tan gyi khyad par 'ga' mda' la skye ste/ de'i dbang gi na ma lhun gi bar du gro bar 'gyur ro snyam du sems pa de'i de ni gcig bu yin pa'i phyir dang/ gegs byed
 pa med pa'i phyir yul gzhan dag tu mgyogs pa dang ches dang shin tu ches mgyogs par phyin pa'i dus kyi bye brag kyang mi 'thad la ltung ba yang mi 'thad do/ /gal te rlung gis de la gegs byed do zhe na/ rlung la khyad par med pa'i phyir drung du ltung ba'am yang na gzhar
 yang mi ltung bar thal bar 'gyur ro/ /'di skad du tshe rdzas gzhan kho na zhig yod do/ zhes ni brjod do/ /yang chi tshe zad pa kho nas 'chi bar 'gyur ram/ 'on te gzhan du yang yin zhe na/ btags pa las/ tshe zad par 'chi bar 'gyur la bsod nams zad pas ma yin
 pa yang yod ces bya ba mu gzhi gsungs te/ mu dang po ni tshe rnam par smin pa can gyi las yongs su gtugs pa las so/ /gnyis pa longs spyod rnam par smin pa can gyi las yongs su gtugs pa las so/ /gsum pa ni gnyi ga'o/ /bzhi pa ni yang? ba yongs su
 ma spangs pas so/ /tshe btang? ba las kyang brjod par bya'o/ /tshe zad na bsod nams zad pa 'chi bar bya ba la nus pa med de/ de lta bas na gnyi gzad? na gnyi gzad? pa las 'chi bar bshad do/ /ye shes la 'jug pa las/ tshe rgyud la rag lus te 'jug
 pa zhes brjod par bya 'am/ lan cig skyes nas gnas pa zhes brjod par bya smras pa/ 'dod pa ni spyod ba'i sems can 'du shes med pa'i snyom par 'jug pa dang/ 'gog pa'i snyoms par 'jug pa la snyoms par ma zhugs pa rnams kyi ni rgyud las rag lus
 te/ 'jug pa zhes brjod par bya'o/ /snyoms par zhugs pa rnams dang/ gzugs dang/ gzugs med pa na spyod pa'i sems can rnams kyi ni lan cig skyes nas gnas pa zhes brjod par bya'o zhes gsungs pa bshad pa 'di'i don gang yin zhe na/ ga la
 lus la gnod pas gnod par 'gyur ba de ni rgyud la rag lus pa'i phyir dang po yin no/ /gang gi lus la gnod pa nyid med pa de ni ji ltar skyes pa bzhin gnas pa'i phyir gnyis pa yin no/ /kha che ba rnams na re glo bur dang bcas pa ni dang po yin no/ /glo bur med pa ni gnyis
 yin no zhes zer to/ de lta bas nas dus ma yin par 'chi ba ni yod do/ /mdo las lus thob pa ci bzhi ste/ lus 'thob la gang la bdag nyid 'chi bar 'gyur gyi gzhan gyi gsod pas ma yin pa yang yod ces bya ba mu bzhir gsungs pa/ 'dod pa'i kham na lta rtsung?
 mon? mos pa rnams dang/ yid rab tu 'khrugs pa rnams ni bdag nyid 'chi ba kho nar 'gyur ba yin te/ de rnams ni rab tu dga' ba dang yid dag tu 'khrugs pa dag gis gnas de nas 'chi 'pho par 'gyur gyi gzhan du ma yin no/ /sangs rgyas rnam kyis? ? ni
 bar brjod par bya ste/ bdag nyid 'grongs ba'i phyir ro/ /mngal dang sgo ngan 'dug pa rnams ni gzhan gyis gsod pa kho nar 'gyur ba yin no/ /'dod pa na spyod pa rnams gzhan dag phal cher ni gnyi ga yin mo srid pa bar ma pa thams cad dang/ gzugs dang gzugs
 med ba na sbyod pa rnams dang/ 'dod pa na spyod pa kha cig 'di lta ste dmyal ba pa rnams dang/ byang gi sgra mi snyan pa rnams dang/ mthong ba'i lam dang/ byams pa dang 'gog pa dang/ 'du shes med pa'i snyoms par 'jug pa la snyoms par zhugs pa rnams
 dang/ rgyal po'i drang srong dang/ rgyal po'i pho nya dang/ rgyal bas bstan pa/ chos len dang/ mchog can dang/ gang ga lan dang/ tshod dpon gyi bu grags pa gzhon nu dang/ 'tsho byed la sogs pa rnams dang/ srid pa tha ma'i byang chub sems dpa' rnams dang/ byang
 chub sems dpa' i yum de lhums na gnas pa dang/ 'khor los bsgyur ba dang/ 'khor los sgyur ba'i ma de mngal na gnas pa nyid gnyi ga ma yin no/ /yang ci'i phyir mdo las/ btsun pa gang dag bdag nyid 'gum par yang mi 'gyur gzhan gyis gsod pa yang
 ma lags pa'i sems can de dag gang lags/ shA ri'i bu 'du shes med 'du shes med min skye mched du nye bar 'gro ba rnams yin no zhes gsungs zhe na/ bsam gtan dang gzugs med pa gzhan dag ni bdag nyid 'chi ba ni rang gi sa pa'i 'phags
 pa'i lam yin la/ gzhan gyis gsod pa ni sa gong ma'i nyer bsdogs yin gyi/ de na ni gnyi ga med do zhes zer ro zhes grag go /de lta na 'o na de na yang gzhan gyi sa pa'i 'phags pa'i lam gzhan gyis gsod par 'gyur ba ma yin nam zhe na/ 'o na ni mthar
 smos pas de la sogs pa go'o/ /la lar ni mdza' yang dang pos go ste/ 'di lta ste tshangs ris kyi lha dag lta bu ste/ 'di ni bde ba skye ba dang po yin no zhes gang bshad pa lta bu'o/ /la lar ni dang po yang mdza' go ste/ 'di lta ste/ 'od gsal ba'i lha rnams lta
 bu ste/ 'di ni bde ba skye ba gnyis pa yin no zhes gang bshad pa lta bu'o/ /'dir ni 'di lta ste/ zhes bya ba'i sgra 'di dper brjod pa yin pas 'di las lhag ma go bar yang rig ste/ dpe'i chos ni gang gcig yin yang de dang 'dra ba yang ston par byed pa 'di
 yin na/ 'di lta ste zhes bya ba'i sgra de yang 'di na med pas 'di ni nye bar sbyar du mi rung ngo/ /gal te 'di la ste zhes bya ba'i sgra 'di dper brjod pa yin na ni sems can lus tha dad cing 'du shes tha dad kyang yod de/ 'di lta ste mi rnams dang lha kha cig go
 zhes bya ba 'dir thob par mi 'gyur te/ de lta bas na 'di ni nye bar bstan pa'i don kho nar blta bar bya'o/ /ha cang thal bas chog go /srog bshad zin to/ /mtshan nyid dag ni skye ba dang/ /rga dang gnas dang mi rtag nyid/ /bzhi po 'di rnams ni 'dus
 byas kyi mtshan nyid dag yin te gang la 'di dag yod pa'i chos de ni 'dus byas su mngon no/ /bzlog pa ni 'dus ma byas so/ /de la skye bas/ ni chos de skyed par byed par ro/ /gnas pas ni gnas par byed do/ /rga bas ni rnyings par byed do/ /mi rtag pa nyid kyis
 ni 'jig par byed do/ /mdo las gsum po 'di dag ni 'dus byas 'dus byas kyis mtshan nyid yin no zhes gsungs pa ma yin nam/ der bzhi pa yang brjod par bya dgos par 'gyur ro/ /der gang zhig ma gsungs/ smras pa/ gnas pa'o/ 'o na ni gnas pa gzhan du 'gyur ba zhes bya ba gang
 yin pa 'di yin no/ /'di ni rga ba'i rnam grangs yin te/ dper na skye ba'i 'byung ba zhes bya ba dang/ mi rtag pa nyid kyi 'jig pa zhes bya ba bzhin no/ /mdo las ni yid 'byung bar bya ba'i phyir chos gang dag 'du byed rnams kyi dus 'pho bar bya ba'i phyir zhugs ba de dag nyid mtshan nyid
 du gsungs te/ skye bas ni 'du byed rnams ma 'ongs pa'i dus nas da ltar byung ba'i dus su skyed par byed do/ /rga ba dang mi rtag pa nyid dag gis ni da ltar byung ba nas 'das par te/ nyams chung ngur byas te 'joms par byed pa'i phyir dper na thibs por zhugs pa'i mi
 zhig la dgra gsum yod de/ de las gcig gis ni de thibs po nas 'byin par byed/ gnyis kyis ni/ /srog gcod par byed pa de dang 'dra'o zhes zer ro zhes grag go /gnas pa ni mi 'bral bar 'dod pa bzhin du 'du byed de dag 'khyud nas gnas/ /de'i phyir 'di ni 'dus
 byas kyi mtshan nyid du rnam par ma bzhag go /'dus ma byas kyang rang gi mtshan nyid la gnas pa yod pa'i phyir ro/ /gzhan dag rtog par byed pa ni mdo las gnas pa dang rga ba bsdus te/ gnas pa gzhan du 'gyur ba nyid ces mtshan nyid gcig tu gsungs so/ /cir
 dgos she na/ 'di dag gi nad na 'di ni chags pa'i gzhi yin pa de'i phyir de la ma chags par bya ba'i don du de ni dpal dang 'di dang sna nag ma dang lhan cig tu bstan te/ de'i phyir 'dus byas kyi mtshan nyid ni bzhi kho na 'o snyam mo/ /skye ba la sogs pa de dag kyang 'dus
 byas yin pa'i phyir skye ba la sogs pa gzhan yang yod par 'gyur ro zhe na/ yod pa kho na ste/ de dag skye ba'i skye ba la sogs/ /de dag la yang skye ba'i skye ba dang/ rga ba'i rga ba dang/ gnas pa'i gnas pa dang/ mi rtag pa nyid kyi mi rtag pa nyid ces bya ba rjes su mthun
 pa'i mtshan nyid bzhi yod do/ /de dag la yang skye ba la sogs pa gzhan du thal ba'i phyir re re la yang mtshan nyid bzhi pa dang mthar thug pa med pa'i skyon du yang 'gyur ba ma yin nam zhe na/ mi 'gyur te/ 'di ltar/ de chos brgyad dang gcig
 la 'jug /skye ba la sogs pa de dag na tshes brgyad la 'jug go /'jug pa zhes bya ba 'di ci zhe na/ byed pa ste skyes bu'i rtsal lo/ /skye ba'i skye ba la sogs pa ni chos gcig la 'jug go /ji lta zhe na/ chos bdag nyid gtogs par mtshan nyid dang rjes su mthun pa'i mtshan
 nyid brgyad dang lhan cig tu dgu skye la/ de la skye bas ni bdag nyid ma gtogs pa chos gzhan brgyad skyed par byed do/ /skye ba'i skye bas ni skye ba de kho na skyed par byed do/ /dper ni khyim bya mo la las ni phru gu mang du 'brang la/ la las ni nyung ngu 'brang ba de dang 'dra'o//
 gnas pas kyang bdag nyid ma gtogs pa chos gzhan brgyad gnas par byed la/ gnas pa'i gnas pas ni gnas pa de kho na gnas par byed do/ /de bzhin du rga ba dang mi rtag pa nyid dag la yang ci rigs par sbyar bar bya ste/ de lta bas na thug pa med par thal bar mi
 'gyur ro zhes grag go /mdo sde ba rnams na re 'di ni nam mkha' la 'dral bar bskyod pa yin te/ skye ba la sogs pa'i chos de dag ni ji ltar rnam par 'byed ba ltar rdzas su yod pa ma yin no/ /ci'i phyir zhe na/ tshad ma med pa'i phyir te/ de dag rdzas su yod pa'i tshad ma
 ji ltar gzugs la sogs pa'i chos bzhin du mngon sum mam/ rjes su dpag pa 'am/ yid ches pa'i lung ni cung zad kyi med do/ /'o na gang mdo las/ 'dus byas skye bar yang mngon no/ /'jig par yang mngon no/ /gnas pa gzhan du 'gyur ba nyid du yang mngon
 no zhes gsungs so zhe na/ tshig shes pa ni lha rnams dga' ba yin gyi don shes pa ni ma yin no/ /bcom ldan 'das kyis ni don la rten par gsungs so/ /'di'i don gang zhe na/ ma rig pas ldongs pa'i byis pa rnams 'du byed kyi rgyun la bdag dang bdag gir mos
 pas mngon par zhen pas mos pa de bzlog pa'i phyir bcom ldan 'das kyis 'du byed kyi rgyun de 'dus byas nyid dang rten cing 'brel par 'byung ba nyid du bstan par gnas? nas/ gsum pa 'di dag ni 'dus byas kyi mtshan nyid dag yin no/ /zhes gsungs par zad kyi skad cig ma la
 ni ma yin no/ /skad cig ma la ni skye ba la sogs pa mi mngon no/ /mi mngon pa de dag ni mtshan nyid yin par 'os pa ma yin te/ /de nyid kyi phyir mdo de las/ 'dus byas skye bar yang mngon no zhes gsungs so/ /yang 'dus byas zhes smos pas ni ci nas kyang 'dus
 byas nyid kyi mtshan nyid dag yin no snyam du shes par bya'i chu dang chu skye? da ltar ram/ dge ba dang mi dge ba nyid kyi bu mo'i mtshan bzhan du 'dus byas kyi dngos po yod pa nyid kyi mtshan nyid dag yin no zhes bya ba de ltar shes na ni mi rung ngo snyam nas smos pa yin no/ /
 de la rgyun gyi dang po ni skye ba yin no/ /ldog pa ni 'jig pa yin no/ /rgyun de nyid rjes su 'jug pa ni gnas pa yin no/ /de'i snga phyi'i bye brag ni gnas pa gzhan du 'gyur ba nyid yin no/ /de lta yin pas na rigs kyi bu dga' bo'i tshor ba ni rig bzhin du skye'o/ /rig
 bzhin du gnas so/ /rig bzhin du nub pa dang/ yongs su zad pa dang/ yongs su gtugs par 'gyur ro/ zhes gsungs so/ /'dir smras pa rgyun gyi dang po skye ba yin/ /chad pa 'jig pa gnas pa ste/ de nyid snga phyi'i bye brag ni/ /gnas pa gzhan du 'gyur ba
 nyid/ /yang 'dir smras pa/ sngon med las byung skye ba ste/ /rgyun gnas de chad 'jig pa yin/ /rgyun gyi snga phyi'i bye brag ni/ /gnas pa gzhan du 'gyur bar 'dod/ /skad cig ma'i chos la ni/ /gnas pa med na 'jig par 'gyur/ de yang 'jig 'gyur de yi phyir/ /de yi
 der rtog don med do/ /de lta bas na gnas pa ni rgyun kho na yin no/ /de ltar bshad na chos mngon pa las/ gnas pa gang zhe na/ 'dus byas skye ba rnams mi 'jig pa yin no zhes bstan pa 'di yang 'thad pa yin te/ skyes pa skad cig ma la ni mi 'jig pa med pa'i
 phyir ro/ /gang yang ye shes la 'jug pa las/ sems gcig la 'byung ba gang zhe na/ smras pa/ skye ba'o/ /'jig pa gang zhe na/ 'chi ba'o/ /gnas pa gzhan du 'gyur ba? zhe na/ rga ba'o/ /zhes gsungs pa der yang ris mthun pa'i sems la
 rung bar 'gyur ro/ /skad cig ma re re la yang rdzas gzhan du rtog pa med bzhin du 'dus byas kyi de dag rung ste/ ji lta zhe na/ skad cig ma re? re la ma byung ba las byung ba ni skye ba'o/ /byung nas med pa ni 'jig pa'o/ /snga ma snga ma dang phyi ma phyi ma'i skad cig ma rjes su
 'brel pa ni gnas pa'o/ /de'i mi 'dra ba nyid ni gnas pa gzhan du 'gyur ba nyid do/ /'o na gang gi tshe 'dra bar yang skye'o zhe na/ de dag khyad par med pa ma yin no/ /'di ji ltar shes she na/ rdo rje la sogs pa 'phangs pa dang ma 'phangs pa dang/ stobs chen po
 dang/ stobs chung ngus 'phangs pa bul ba dang myur ba dang/ ches ngal ba dang/ ches myur bar ltung ba'i dus kyi bye brag las nga'i 'byung ba rnams yongs su gyur pa'i bye brag 'grub pa'i phyir ro/ /'dus byas rnams ni bye brag gi khyad par chen po mtshar cig med pas
 gzhan du 'gyur ba nyid du zin kyang 'dra ba bzhin du snang ngo/ /'o na ni sgra dang me lce'i skad cig ma tha ma dang/ yongs su mya ngan las 'da' ba' i tshe'i skye mched drug la skad cig ma phyi ma med pa'i phyir gnas pa gzhan du 'gyur bas med pas mtshan nyid rnam par
 bzhag pa ma khyab pa can du 'gyur ro/ /'dus byas kyi mtshan nyid ni gnas pa kho na yang ma yin gyi gnas pa gzhan du 'gyur ba nyid kyang yin no/ /de'i phyir gang la gnas pa yod pa de la gdon mi za bar gzhan du 'gyur ba nyid kyang yod pas rnam par bzhag
 pa nyams pa med do/ /mdor na bcom ldan 'das kyis ni mdo 'di la 'dus byas zhes bya ba ni gang ma byung ba las 'byung ba dang/ byung nas kyang mi 'byung ba 'di 'dus byas kyi mtshan nyid yin par gsungs la/ 'di'i gnas pa zhes bya ba rgyun gang yin pa de yang
 gzhan dang gzhan du 'gyur ba yin na/ 'dir skye ba la sogs pa rdzas gzhan dag gis ci zhig bya/ nga ni ji ltar na mtshan nyid kyi gzhi'i chos de nyid de nyid kyi mtshan nyid du rung bar 'gyur zhe na/ re zhig ji ltar na skyes bu chen po'i mtshan rnams skyes bu chen po'i las mi gzhan pa
 yin/ ba lang nyid kyi mtshan nyid lkog shal dang/ mjug ma dang/ nog dang/ rmig pa dang/ rwa rnams kyang ba lang las mi gzhan pa yin/ sa'i khams la sogs pa'i mtshan nyid sra ba nyid la sogs pa rnams kyang de dag las mi gzhan pa yin/ gzhan yang ji ltar gyen du 'gro ba las
 ni mi thag ring po nas du ba la du ba nyid du shes mod kyi/ de ni de las kyang mi gzhan pa ltar 'dir yang tshul de nyid yin no/ /'dus byas gzugs la sogs pa rang gi ngo bo bzung yang ji srid du snga na med pa dang phyis med pa dang rgyun gyi bye brag mi shes pa de srid du 'dus byas
 nyid du yi shes te/ de lta bas na de nyid kyis de mtshon pa yang ma yin la/ de dag las skye ba la sogs pa rdzas gzhan nyid du yod pa yang ma yin no/ /'on te skye ba la sogs pa rdzas gzhan zhig tu gyur na yang cir 'gyur zhe na/ de dag ni lhan cig 'byung ba'i phyir tshes gcig nas
 gcig tu skye ba dang gnas pa dang rgas pa dang zhig par 'gyur ro/ /ma yin te/ bya ba'i dus tha dad pa'i phyir ro/ /skye ba ma 'ongs pa'i ni bya ba byed de/ 'di ltar ma skyes bskyed do/ /bskyed zin pa'i chos la ni da ltar gnas pa la sogs pa bya ba byed pas gang gi tshe skye ba de'i tshe gnas pa 'am/
 rga ba 'am/ 'jig par mi 'gyur ro/ /re zhig 'dir ci ma 'ongs pa rdzas su yod dam med ces bya ba 'di dpyad dgos par 'gyur te/ phyis ni skyed par byed dam 'on te ma yin zhes bya ba 'grub par 'gyur ro/ /de yod du bcug na yang skye ba bya ba byed na ji ltar ma 'ongs pa 'grub par
 'gyur/ de lta bas na ma 'ongs pa'i mtshan nyid kyang brjod par bya'o/ /byung ba yang bya ba zhig pa yin na ji ltar na da ltar 'grub par 'gyur/ /de lta bas na da lta'i mtshan nyid kyang brjod par bya'o/ /gnas pa la sogs pa yang gcig car bya ba la 'jug pa yin na ni skad cig
 ma gcig kho na la chos gnas pa dang rga ba dang 'jig pa thal bar 'gyur te/ 'di gang gi tshe gnas pas gnas par byed pa de nyid kyi tshe rga bas rga bar byed cing mi rtags pa nyid kyis 'jig par byed pa'i phyir 'di ci dus der gnas sam/ 'on te rga 'am/
 'on te 'jig par 'gyur/ gang yang skye ba la sogs pa rnams kyang bya ba rim gyis byed do zhes zer ba de'i ltar na skad cig ma gcig la gnod par 'gyur ro/ /'on te ji skad du kho bo cag gi skad cig ma ni ji tsam gyis 'di thams cad rdzogs par 'gyur ba de yin no zhes
 brjod na/ de lta na yang de dag dang lhan cig 'byung ba las re zhig gnas pas ni gnas par byed kyi rga bas kyang rgas par mi byed la/ mi rtag pa nyid kyis kyang 'jig par mi byed do zhes bya ba 'di ga las/ gnas pa stobs dang ldan pa'i phyir ro/ /phyis ci'i phyir
 stobs dang mi ldan pa nyid du 'gyur/ gang gi phyir na 'di chos dang lhan cig tu mi rtag pa nyid kyis 'joms/ bya ba byas zin pas yang mi nus te skye ba bzhin no/ /skye bas ni mi nus par rigs te/ skye bas bskyed par bya ba da lta nyid du khyer te 'ongs nas yang bkur par
 mi nus so/ /gnas pas ni gnas par bya ba ye gnas par bya bar nus so/ /de lta bas na gang mi nus pa ni rigs pa ma yin no/ /yang na 'di la gegs byed pa yang gang zhig yin/ rga ba dang rtag pa nyid de dag kho na yin no/ /gal te de dag stobs dang ldan pa zhig
 yin na ni sngon kho na yin no/ /gnas pa'i bya ba log na yang de dag kyang mi gnas la chos de yang mi gnas na ji ltar ram gang la bya ba byed nus par 'gyur/ yang na de dag gis ci zhig bya ste/ gnas pas yongs su gzung ba'i phyir chos skyes pa tsam de ma zhig pa yin la/
 de des yal bar btang na ni nges par mi gnas pas 'di nyid 'di'i 'jig pa yin no/ /re zhig chos skyes pa gcig la mi 'jig pa ni gnas pa yin la/ 'jig pa ni mi rtag pa nyid yin la/ gcig la dga' ba ni rnam pa thams cad du mi srid de/ rga ba zhes bya ba
 ni gzhan nyid du 'gyur zhing rnam par 'gyur ba yin na de nyid las de'i rnam pa gzhan nyid du ni rung ba ma yin no/ /'dir smras pa/ de bzhin na ni rga mi 'gyur/ /gzhan du 'gyur na de gzhan nyid/ /de lta bas na dngos gcig la/ /rga zhes bya ba mi 'thad do/ /gang yang sde pa gzhan
 dag na re 'jig pa'i rgyud dang phrad nas mi rtag pa nyid kyis 'jig par byed do zhes zer ba de'i ni 'khru ba phrad nas lhas 'khru bar byed do zhes bya ba lta bur 'gyur te/ 'jig pa'i rgyud de nyid kyis 'jig na de brtags pas ci zhig bya/ sems dang sems las byung ba rnams
 skad cig ma nyid du khas blangs pas de dag gi mi rtag pa nyid 'jig pa'i rgyu la mi ltos pa'i phyir gnas pa dang mi rtag pa nyid dag dus tha dad par bya ba byed par 'gyur bas gcig la dus gcig tu gnas pa dang 'jig pa nyid du thal bar 'gyur ro/ /de lta bas na rgyun
 la 'dus byas kyi mtshan nyid 'di dag gsungs pa yin te/ de lta na mdo de legs par drangs pa yin no/ /gzhan yang gal te ma 'ongs pa'i skye ba skyed par bya ba skyed par byed pa yin na ma 'ongs pa thams cad cig car ci'i phyir mi bskyed/ 'di ltar/ rgyu dang rkyen dag med
 par ni/ /skye bas bskyed bya skyed byed min/ /rgyu dang rkyen tshogs pa med par ni skye bas skyed par byed pa ma yin no/ /'o na ni tshogs pa yod na ni 'byung la med na ni mi 'byung ba'i phyir rgyu dang rkyen rnams kho na'i mthu yin par blta bar bya ba'i skye ba ni ma yin pas rgyu
 dang rkyen kho na skyed par byed pa dag yin no zhes zer ro/ /kye yod pa thams cad dmigs sam ci chos kyi rang bzhin phra mo dag yod bzhin du yang mi dmigs so/ /skye ba zhig med na skyes zhes bya ba nyid dang/ gzugs kyi skye ba zhes bya ba drug pa'i tshig tu yang mi 'gyur
 te/ dper na gzugs kyi gzugs zhes mi bya ba bzhin no/ /de bzhin du mi rtag pa nyid kyi bar du ci rigs par brjod par bya'o/ /'o na ni des na bdag med pa'i blo 'grub par bya ba'i phyir bdag med pa nyid cig kyang 'dod par bya ba la/ gcig dang/ gnyis dang/ chen
 po dang/ chung ngu dang/ tha dad pa dang ldan pa dang/ rnam par phye ba dang/ gzhan dang/ gzhan ma yin pa dang/ yod pa la sogs pa'i blo 'grub par bya ba'i phyir dang/ drug par bya ba'i phyir mu stegs byed kyi yongs su brtags pa grangs dang tshad dang/ tha dad pa
 nyid dang/ ldan pa dang/ rnam par dbye ba dang/ gzhan nyid dang/ gzhan ma yin pa nyid dang/ yod pa la sogs pa dang/ gzugs kyi ldan pa zhes bya ba yang khas blang bar bya dgos so/ /gzugs kyi rang bzhin zhes bya ba drug pa 'di yang ji ltar brtags/ de lta bas na skye
 ba zhes bya ba 'di ni ma byung ba las byung ba kho nar shes par bya ba'i don du btags pa tsam mdzad pa yin no/ /ma byung ba las byung ba'i mtshan nyid kyi skye ba de yang rnam pa mang du yod pas de bye brag tu bya ba'i phyir gzugs kyi skye ba zhes drug par mdzad de/ ci nas
 kyang gzugs zhes bya ba kho na skye bar shes par bya ba'i gzhan du ni shes par mi 'gyur ba bya ba yin te/ dper na tsan dan gyi dri la sogs pa dang/ mtshig gu'i lus zhes bya ba bzhin no/ /de bzhin du gnas pa la sogs pa yang ci rigs par rig par bya'o//
 gal te skye ba med par skye na nam mkha' la sogs pa 'dus ma byas kyang ci'i phyir mi skye zhe na/ skye ba zhes bya ba ni ma byung ba las 'byung ba yin na 'dus ma byas ni rtag tu yod pa'i phyir mi skye'o/ /yang ji ltar chos nyid kyis thams cad skye ba dang ldan par mi
 'dod pa de ltar thams cad mi skye'o zhes bya bar 'dod par bya'o/ /yang na ji ltar skye ba dang ldan par mtshungs pa las de dag las gzhan pa'i rkyen rnams kyis de dag las gzhan bskyed par nus pa ma yin pa de bzhin du thams cad kyis kyang 'dus ma byas
 bskyed par mi nus par 'gyur ro/ /bye brag tu smra ba rnams ni de skye ba la sogs pa rdzas kyi dngos por grub pa nyid do/ /rang gi yod ces te nas mi rmo ba ma yin pa dang/ sbrang bu ngag yod ces te lag tu mi bza' ba ma yin pa ltar sun 'byin pa dag yod ces te
 lung dong du mi rung bas na de lta bas na skyon rnams la yang lan gdab par bya la grub pa'i mdza' i rjes su 'brang bar yang bya'o zhes zer ro/ /mtshan nyid rnams bshad zin to/ /ming gi tshogs la sogs pa gang zhe na/ ming gi tshogs la sogs pa ni/ ming dang dag rang yi ge'i tshigs
 sogs pa smos pas ni tshig dang yi ge'i tshogs gzung ngo/ /de la ming byed pa ni ming ste/ dper na gzugs sgra zhes bya ba de lta bu la sogs pa lta bu'o/ /ngag ni tshig ste/ dper na kye ma 'du byed rnams mi rtag ces bya ba de lta bu la sogs pa ji tsam gyi don yongs su rdzogs
 pa ste/ gang gis bya ba dang yon tan dang dus kyi 'brel pa'i khyad par rtogs par 'gyur ro/ /yi ge ni yi ge ste/ dper na a A zhes bya ba la sogs pa lta bu'o/ /yi ge rnams kyang yig 'bru'i yan lag dag gi ming dag ma yin zhe na/ yi ge 'bru'i yan lag rnams go
 bar bya ba'i phyir yi ge rnams byas pa ni ma yin gyi/ ji ltar na ming thos pa bris pas go bar 'gyur zhes yi ge rnams go bar bya ba'i phyir ni yig 'bru rnams byas pa yin pas/ yi ge rnams ni de dag gi ming ma yin no/ /ming la sogs pa de dag gi tshogs ni ming la
 sogs pa'i tshogs dag yin te/ mang po'i don gang yin pa'o/ /de la ming gi tshogs ni dper na gzugs/ sgra dri ro/ reg bya dag ces bya ba ste/ de lta bu la sogs pa'o/ /tshig gi tshogs ni dper na 'du byed thams cad mi rtag pa dag go /mya ngan las 'das pa ni zhi ba'o
 zhes bya ba ste/ de lta bu la sogs pa'o/ /yi ge'i tshogs ni dper na ka kha ga g+ha nga zhes bya ba ste/ de lta bu la sogs pa'o/ /de dag kyang dag gi rang bzhin yin pa'i phyir sgra'i bdag nyid yin pas gzugs kyi rang bzhin dag ma yin nam ci'i phyir sems dang ldan pa ma
 yin pa rnams shes bya zhe na/ de dag ni dag gi rang bzhin ma yin te/ ngag ni sgra yin na sgra tsam gyis ni don gang dag go bar mi 'gyur ro/ /'o na ci zhe na/ dag ni ming la 'jug la ming gis ni don rjod par byed do/ /sgra tsam kho na ni ngag ma yin gyi sgra gang gis don go bar
 'gyur ba'i sgra de dag yin no/ /sgra gang gis don go bar 'gyur zhe na/ gang gis smra ba po rnams kyis don dag la mtshams bcad pa ste/ dper na go zhes bya ba lta bu'o/ /sgra de ni don dgu dag la mtshams bcad pa yin te/ dag phyogs sa dang 'od zer
 dang/ /phyugs dang mig dang rdo rje dang/ /mtho ris chu dang don dgu la/ /mkhas pas go sgra nges gzung bya zhes bya ba lta bu'o/ /gang yang ming gis don rjod par byed do snyam du sems pa des kyang gdon mi za bar gal te don go bar byed pa yin na zhes bya ba 'di khas
 blang bar bya dgos te/ de ni don go bar byed pa'i sgra tsam kho nas 'grub na don gzhan rdzas ming btags te ci zhig bya/ ji ltar na dag ming la 'jug pa 'di yang mi shes so/ /ci re zhig skyed par byed dam/ 'on te gsal bar byed/ gal te skyed par byed na ni
 ngag ni sgra'i rang bzhin yin pa'i phyir sgra tsam thams cad kyis ming skyed par 'gyur ro/ /'on te sgra'i khyad par de lta bu zhig ming skyes par byed pa yin par 'dod na de nyid don brjod par byed pa yin par 'gyur ro/ /gal te gsal bar byed pa yin no zhe na ni dag
 ni sgra'i rang bzhin yin pa'i phyir sgra tsam thams cad kyis ming gsal bar byed par 'gyur ro/ /'on te sgra'i khyad par de lta bu zhig ming gsal bar byed pa yin par 'dod na ni de nyid don gsal bar byed pa yin par 'gyur ro/ /yang sgra rnams ni tshogs pa
 med la chos gcig la cha shas kyis skyed pa yang rigs ma yin la/ skyed par byed pa na ji ltar dag gis ming skyed par byed/ re zhig ji ltar na 'das pa la bltos pa'i rnam par rig byed kyi skad cig ma tha mas rnam par rig byed ma yin pa skyed par byed/ de lta
 na 'o na ni sgra tha ma kho nas ming skyed pa'i phyir gang gis de gcig kho nas thos pa des kyang don go bar 'gyur ro/ /'on te 'di snyam du dag gis yig skyed par byed la/ yi ges ni ming skyed par byed de snyam du rtog par byed na/ 'di la yang skyon de nyid yod de/ /yi
 ge rnams tshogs pa med pa'i phyir ro/ /dag ming gsal bar byed pa yin na yang skyon de nyid yod/ /yi ge yang dag las khyad par yod par shes rab dang ldan par yid brtan pas kyang mtshan nyid kyi sgo nas yongs su bcad par mi nus pas dag ni yi ge skyed par byed pa
 yin par yang mi rung la/ gsal bar byed pa yin par yang mi rung ngo/ /'on te ming don dang lhan cig skyed pa yin te/ skye ba la sogs pa bzhin no/ /zhes bya bar 'dod na ni de lta na don 'das pa dang ma 'ongs pa'i ming da lta yin par mi 'gyur ro/ /pha rnams kyi bu
 dag gis ming dga' mgur 'dogs na ming gang zhig de dang lhan cig skyes pa yin par 'gyur/ chos 'dus ma byas pa rnams kyi ming yang gang dang lhan cig skyes pa ma yin par 'gyur/ de lta bas na 'di nyid ma 'dod pa nyid do/ /gang yang bcom ldan 'das
 kyis/ tshigs bcad ming la brten pa ste/ tshigs bcad bzhi ni snyan ngag mkhan zhes gsungs pa der yang don rnams la mtshams bcad pa'i sgra ni ming yin la/ ming rnams bkod pa'i khyad par yang tshigs su bcad pa yin pas ming la brten pa yin no/ /
 bkod pa'i khyad par yang rdzas gzhan du mi 'thad de phreng ba lta bu dang sems kyi rim pa bzhin no/ /yi ge tsam zhig rdzas gzhan gyi dngos por yongs su rtog pa yod du chug na yang nga'i tshogs kho na ming gi tshogs la sogs pa yin par 'gyur bas de
 dag tu rtog pa don med pa yin no/ /bye brag tu smra ba rnams na re chos thams cad rtog ge'i spyod yul ma yin pas ldan pa yang ma yin pa'i 'du byed kyi rang bzhin ming gi tshogs la sogs pa ni rdzas su yod pa kho na'o zhes zer ro/ /yang ci ming gi tshogs la
 sogs pa 'di dag ldan pa 'am/ sems can du ston pa 'am/ sems can du ston pa ma yin pa 'am/ rnam par smin pa las skyes pa 'am/ rgyas pa las byung ba 'am/ rgyu mthun pa las byung ba 'am/ dge ba 'am mi dge ba 'am/ lung du ma bstan pa dag cig
 ces brjod par bya zhe na/ smras pa/ 'dod dang gzugs gtogs sems can ston/ /rgyu mthun las byung lung bstan min/ /'di dag ni 'dod par gtogs pa dang/ /gzugs su btogs pa dag yin no/ /gzhan dag na de gzugs med par gtogs pa yang yod
 mod kyi de dag ni brjod par bya ba ma yin no/ zhes zer ro/ /de dag ni sems can du ston pa yin no/ /gang zhig brjod par byed pa de dag dang ldan gyi brjod par bya ba gang yin pa dang ni ma yin no/ /rgyu mthun pa las byung ba dang/ /ma bsgribs la lung du ma bstan pa dag yin no/ /ji
 ltar ming gi tshogs la sogs pa 'di dag sems can du ston pa dang/ rgyu mthun pa las byung ba dang/ ma bsgribs la lung du ma bstan pa dag yin pa/ de bzhin skal mnyam de ni rgyu mthun pa las byung ba 'ba' zhig ma yin gyi/ rnam par smin pa las yin/ khams gsum
 pa ste/ 'dod pa dang gzugs dang gzugs med pa na spyod pa yin no/ /thob rnam gnyis/ thob pa rnams ni rgyu mthun pa las byung ba dang/ rnam par smin pa las skyes pa dag yin no/ /mtshan nyid rnams kyang/ rnam gnyis zhes bya bar sbyar te thob pa bzhin no/ /snyoms
 'jug dang/ mi ldan pa dag rgyu mthun pa/ sems med pa'i snyoms par 'jug pa 'jug pa gnyis dang mi ldan pa rnams ni rgyu mthun pa las byung ba dag kho na yin no/ /'di dag gi brjod par bya ba lhag ma dang/ lhag ma 'du shes med pa pa dang/ srog gi dbang po dag
 gi ni bshad zin pas de'i phyir yang mi brjod do/ /ji ltar thob pa rnams kyi sems can du ston pa nyid bshad zin ce na/ ldan pa zhes bshad pa'i phyir ro/ /ji ltar mtshan nyid rnams sems can du ston pa dang/ sems can du ston pa ma yin par bshad ce na/ 'dus
 byas thams cad dang lhan cig 'byung ba'i phyir ro/ ldan pa ma yin pa rnams bshad zin to/ /rgyu dang rkyen dag med par ni/ /skye ba bskyed bya skyed byed min zhes gang bshad pa de rgyu rnams ni gang/ rkyen rnams ni gang zhe na/ byed rgyu lhan cig 'byung ba dang/ /skal mnyam
 mtshungs par ldan pa dang/ /kun tu 'gro dang rnam smin dang/ /rgyu ni rnam pa drug tu 'dod/ /rgyu ni drug po 'di dag ste/ /byed pa'i rgyu dang lhan cig 'byung ba'i rgyu dang/ /skal pa mnyam pa'i rgyu dang/ mtshungs par ldan pa'i rgyu dang/ kun tu 'gro ba'i rgyu dang/ rnam par smin pa'i rgyu'o/ /de la
 ngang las gzhan pa byed rgyu'i rgyu/ rang gi ngo bo ma gtogs pa chos thams cad ni chos 'dus byas kyi byed rgyu'i rgyu yin te/ skye ba la gegs mi byed pa'i ngo bor gnas pa'i phyir ro/ /zag pa gang dag mi shes pa de la skye ba de dag shes pa de la mi skye'o zhes gsungs pas de
 dag skye ba la yang shes pa gags byed la/ skar ma rnams mthong ba la yang nyi ma'i 'od gegs byed pa ma yin nam/ ji ltar na rang gi ngo bo ma gtogs pa chos thams cad chos 'dus byas kyi byed rgyu yin zhe na/ skye ba la gegs byed pa'i ngo bo gnas pa'i phyir shes par bya'o//
 re zhig skye ba la gegs byed nus pa rnams ni gegs mi byed pa'i phyir rgyu nyid du yang 'gyur te/ dper na spyod par byed pa mi 'tshe ba'i dbang du byas grong mi rnams bdag cag ni rje bos bde bar byas so zhes 'dzer ba lta bu yin no/ /gang zhig gegs byed par mi nus pa dper na chos
 thams cad skye ba la mya ngan las 'das pa dang/ mi skye ba'i chos can rnams lta bu dang/ gzugs med pa'i sems can gyi phung po skye ba la dmyal ba pa la sogs pa dag lta bu de go ji ltar na rgyu'i dngos po yin/ de dag med du zin kyang de kho na bzhin du gegs byed mi nus
 par 'gyur te/ spyad par byed par mi nus bzhin du yang de skad du 'dzer ba yod pas 'dir dpe ni de nyid yin no/ /'di ni spyir bstan pa yin gyi/ byed rgyu'i rgyu gtso bo gang yin pa 'di ni bskyed par bya ba la yang nus pa yin te/ dper na mig gi rnam par shes pa la mig dang gzugs
 ngag dang/ lus la zas dang/ myu gu la sogs pa la sa bon la sogs pa bzhin no/ /gang zhig 'di skad du gal te mi sgrib pa'i ngo bos chos thams cad rgyu dag yin na/ ci'i phyir chos thams cad cig car skye bar mi 'gyur/ srog gcod pa la yang gshed ma pa bzhin du
 thams cad de sten par mi 'gyur zhes rgol bar byed pa de'i de ni glan kar mi rung ste/ 'di ltar mi sgrib pa'i ngo bos chos thams cad rgyu yin par dam 'cha'i/ byed pa po'i ngo bo ni ma yin pa'i phyir ro/ /gzhan dag na re thams cad skye ba
 la byed pa'i rgyu thams cad kyang nus pa yod de/ /'di lta ste mya ngan las 'das pa yang mig gi rnam par shes pa la nus pa yod pa lta bu'o zhes zer ro/ /ji lta bu zhe na/ dmigs pa des yid kyi rnam par shes pa dge ba dang mi dge ba skye la/
 des rim gyis mig gi rnam par shes pa skyed pa'i phyir rgyu rgyud pa'i sgo nas de yang rkyen du gyur pa'i phyir nus pa yod do/ /de bzhin du gzhan yang rtogs par bya ste/ 'di ni phyogs tsam du zad do/ /phyir rgyu bshad zin to/ /lhan cig 'byung gang phan tshun
 'bras/ /phan tshun zhes bya ba ni gcig la gcig ste/ chos gang dag phan tshun gyi 'bras bu yin pa de dag ni phan tshun lhan cig 'byung ba'i rgyu'o/ /dpe ji lta bu zhe na/ 'byung bzhin sems kyi rjes 'jug dang/ /sems dang mtshan nyid mtshan bzhi bzhin//
 'byung ba chen po bzhi dag ni/ /phan tshun lhan cig 'byung ba'i rgyu yin no/ /sems ni sems kyi rjes su 'jug pa'i chos rnams kyi yin la de dag kyang sems kyi yin no/ /'dus byas kyi mtshan nyid rnams ni mtshan gzhi'i yin la de yang de dag gi
 yin te/ /de ltar 'dus byas thams cad ni ci rigs par lhan cig 'byung ba'i rgyu nyid yin no/ /phan tshun 'bras bu nyid med bzhin du chos ni mthun pa'i mtshan nyid rnams kyi lhan cig 'byung ba'i rgyu yin la de dag ni nga'i ma yin pas kha bskang
 par bya'o/ /sems kyi rjes su 'jug pa'i chos de dag kyang gang zhe na/ sems las byung dang sdom gnyis dang/ /sems dang de dag gi mtshan nyid/ sems kyi rjes su 'jug dang/ sems dang mtshungs par ldan pa thams cad dang/ bsam gtan gyi
 sdom pa dang/ zag pa med pa'i sdom pa dang/ de dag dang/ sems kyi skye ba la sogs pa gang dag yin pa'i chos de dag ni sems kyi sems rjes su 'jug pa zhes bya'o/ /bde? dag ni ltar sems kyi rjes su 'jug ce na/ mdor sdu na/ dus dang ni/ 'bras sogs dge la sogs
 pas so/ /re zhig dus las ni sems dang lhan cig skye ba dang gnas pa dang 'gag pa gcig pa nyid dang dus gcig tu gtogs pa nyid kyis so/ /'bras bu la sogs pas ni 'bras bu dang rnam par smin pa dang/ rgyu mthun pa gcig nyid kyis te/ gcig ces bya ba'i sgra
 lnga bcu lhan cig tha'i don du rig par bya'o/ /dge ba la sogs pa ni dge ba dang mi dge ba dang lung du ma bstan pa nyid kyis te/ de ltar na rgyu bcus sems kyi rjes su 'jug pa zhes bya'o/ /de la sems nang na nyung ba ni chos lnga bcu rtsa brgyad kyi lhan cig 'byung ba'i rgyu
 yin te/ sa mang po pa bcu dang/ de dag gi mtshan nyid bzhi bcu dang/ rang gi mtshan nyid mthun pa'i mtshan nyid brgyad kyi yin/ /de'i lhan cig 'byung ba'i rgyu ni chos lnga bcu rtsa bzhi ste/ rang gi mthun pa'i mtshan nyid ma gtogs pa rnams/ /gzhan dag na re bcu
 bzhi yin te/ sa mang po la bcu dang/ rang gi mtshan nyid dag kho na'o zhes zer ro/ de skad du ni mi brjod de/ de ltar na rab tu byed pa'i gzhung/ sdug bsngal gyi bden pa la 'jig tshogs lta ba'i rgyu can yin la 'jig tshogs la lta ba'i rgyu ma yin pa yang yod de/ 'jig tshogs
 lta ba dang/ de dang mtshungs par ldan pa'i chos rnams kyi skye ba dang rga ba dang/ gnas pa dang mi rtag pa dag ma gtogs pa de dag las gzhan pa'i sdug bsngal gyi bden pa nyon mongs pa can gang yin pa'o/ /'jig tshogs la lta ba'i rgyu can yang yin la 'jig tshogs la lta ba'i
 rgyu yang min pa ni ma gtogs pa gang yin pa'o zhes 'byung ba dang r'gal bar 'gyur ro/ /kha che ba rnams na re 'o na ni gang dag de dang mtshungs par ldan pa'i chos rnams kyi zhes de skad du mi 'don pa de dag gis kyang de skad du 'don par bya ba 'am/ yang na don gyis de ltar go
 par bya'o/ /zhes zer ro/ /re zhig gang lhan cig 'byung ba'i rgyus rgyu yin pa des ni lhan cig 'byung ba yang yin no/ /lhan cig 'byung ba yin la lhan cig 'byung ba'i rgyus rgyu ma yin pa yang yod de/ chos kyi mthun pa'i mtshan nyid rnams dang/ de dag
 phan tshun dang/ sems kyi rjes su 'jug pa'i mthun pa'i mtshan nyid rnams nyid dang/ de dag phan tshun dang/ rgyur byas pa'i gzugs thogs pa dang bcas pa phan tshun dang/ thogs pa med pa cung zad dang/ thams cad 'byung ba dag dang lta bu'o/ /thob pa dang ldan pa'i thob pa lhan
 cig skyes pa rnams kyang lhan cig 'byung ba yin la lhan cig 'byung ba'i rgyu ni ma yin te/ 'bras bu dang rnam par smin pa dang rgyu ma thun pa ma yin pa'i phyir ro/ /de dag ni sems dang lhan cig spyod pa'i ngang tshul can yang ma yin te sngar yang skye la phyis yang skye ba'i phyir ro/ /de
 thams cad kyang rung mod kyi 'on kyang sa bon la sogs pa rgyu dang 'bras bu'i dngos por grags pa rnams la tshul 'di mi snang bas ji ltar lhan cig 'byung ba'i chos rnams rgyu dang 'bras bu'i dngos po yin pa de brjod par bya'o/ /dper na mar me dang 'od dag dang myu gu dang grib ma
 dag lta bu yin no/ /re zhig ci mar me 'od kyi rgyu yin nam/ 'on te tshogs pa sngar byung ba kho na mar me 'od dang bcas pa skye ba'i rgyu yin zhes bya ba 'di dpyad par bya'o/ /'o na ni yang dam med na de dag ldan pa de'i phyir rgyu smra ba rnams rgyu dang ldan pa'i rgyu mtshan nyid ni de yin no
 zhes zer ro/ /gang zhig yod dam med na gang zhig nges par yod dam med pa de ni rgyu yin zhing cig shos ni rgyu dang ldan pa yin la/ lhan cig 'byung pa'i chos rnams kyang gcig yod na thams cad yod pa gcig med na thams cad med pas rgyu dang 'bras bu'i dngos po
 rigs pa yin no/ /re zhig lhan cig 'byung ba rnams ni rung na phan tshun du go ji ltar rung/ de nyid kyi phyir ro/ /de lta na 'o na ni rgyur byas pa'i gzugs med na mi 'byung ba phan tshun dang 'byung ba rnams dang yang lhan cig der thal bar 'gyur la/ sems kyi mthun
 pa'i mtshan nyid la sogs pa sems la sogs pa dang thal bar 'gyur ro/ /'o na ni dbyug gu gsum phan tshun stobs kyi gnas pa bzhin du lhan cig 'byung ba rgyu dang 'bras bu'i dngos por 'grub po/ /re zhig ci 'di dag lhan cig 'byung ba'i stobs kyi gnas sam/ 'on te tshogs pa snga
 ma'i dbang gis de ltar 'byung zhes byas 'di dpyad par bya'o/ /de la gzhan yang sras bu'i gzer bu 'am rtan par byed pas yang cung zad yang ngo?/ /de la yang skal ba mnyam pa'i rgyu la sogs pa gzhan dag kyang yod pas lhan cig 'byung ba'i rgyu grub po/ /skal pa mnyam pa'i rgyu  
 gang zhe na/ skal mnyam rgyu ni 'dra ba'o/ /chos 'dra ba rnams ni chos 'dra ba rnams kyi skal ba mnyam pa'i rgyu yin te/ 'di lta ste/ dge ba'i phung po lnga po dag ni phan tshun dge ba rnams kyi yin no/ /nyon mongs pa can rnams ni nyon mongs pa can rnams kyi yin no/ /lung du ma bstan
 ba rnams ni lung du ma bstan pa rnams kyi yin no/ /gzhan dag na re lung du ma bstan pa'i gzugs ni lnga po dag gi yin la/ bzhi ni gzugs kyi ma yin te/ dman pa dang stobs chung ba'i phyir ro zhes zer ro/ /nur nur po ni nur nur bo la sogs par gnas skabs bcu po
 dag gi yin no/ /mer mer po la sogs pa ni ris mthun pa gcig la re re phri nas mer mer po la sogs pa'i yin no/ /rnam pa mthun pa gzhan dag tu ni gnas skabs bcu chad yang bcu po dag gi yin no/ /phyi'i dag la yang nas ni nas kyi yin la/ sa lu
 ni sa lu'i yin no/ zhes bya ba rgyas par sbyar bar bya'o/ /gang dag gzugs kyi skal ba mnyam pa'i rgyu gzugs yin par mi 'dod pa de dag la ni 'das pa'i 'byung ba chen po rnams ni ma 'ongs pa'i 'byung ba chen po rnams kyi rgyu dang bdag po yin no zhes
 bya ba'i gzhung 'di 'dod pa la gnod par gnas so/ /ci 'dra ba thams cad 'dra ba thams cad kyi skal ba mnyam pa'i rgyu yin nam zhe na/ smras pa ma yin no/ /'o na ji lta bu zhe na/ rang ris sa ba'o/ /'di dag la rang gi ris dang sa yod pas 'di dag ni rang gi ris
 dang sa pa dag go /ris ni lnga ste/ sdug bsngal mthong bas spang bar bya ba nas bsgom pas spang bar bya ba'i bar ro/ /sa ni dgu ste/ 'dod pa'i khams dang bsam gtan dang gzugs med pa brgyad do/ /de la sdug bsngal mthong ba spang par
 bya ba rnams ni sdug bsngal mthong bas spang bar bya ba rnams kyi skal ba mnyam pa'i rgyu yin gyi gzhan dag gi ni ma yin no/ /de bzhin du bsgom pas spang par bya ba'i du yang bsgom pas spang bar bya ba rnams kyi yin no/ /de dag kyang 'dod pa na spyod pa rnams ni 'dod
 pa na spyod pa rnams kyi yin la/ bsam gtan dang po'i sa pa rnams kyang bsam gtan dang po'i sa pa'i yin pa nas srid pa'i rtse mo'i sa pa'i bar dag kyang de'i sa pa'i rnams kho na'i yin gyis gzhan dag gi ni ma yin no/ /de dag kyang thams cad ni ma yin no//
 'o na ci zhe na/ sngar skyes pa rnams ni phyi ma skye ba dang ma skyes pa rnams kyi skal ba mnyam pa'i rgyu yin no/ /ma 'ongs pa kho na skal pa mnyam pa'i rgyu ma yin no/ /zhes bya ba 'di ga las smras pa/ bstan bcos las te/ skal ba mnyam pa'i rgyu gang zhe na/ dge ba'i rtsa
 ba sngar byung ba rnams ni rang gi khams na dge ba'i rtsa ba phyis 'byung ba rnams dang/ de dag dang mtshungs par ldan pa'i chos rnams kyi skal ba mnyam pa'i rgyus rgyu yin no/ /de ltar na 'das pa rnams ni 'das pa dang/ da ltar byung ba rnams kyi yin no/ /'das pa dang
 da ltar byung ba rnams ni ma 'ongs pa rnams kyi yin no/ /zhes brjod par bya'o/ /zhes 'byung ngo/ /chos gang chos gang gi rgyu'i yin pa'i chos de res 'ga' zhig chos de'i rgyu ma yin pa yin nam zhe na smras pa/ nam yang ma yin no zhes 'byung ba 'di yang bstan
 bcos yin no/ /lhan cig 'byung ba dang mtshungs par ldan pa dang rnam par smin pa'i rgyu las dgongs nas gsungs pa'i phyir de ni nyes pa med do/ /gang zhig chos ma 'ongs pa de yang skye ba'i tshe'i gnas skabs na skal ba mnyam pa'i rgyu nyid du nges par
 'gyur ba yin no/ /de'i phyir tha ma'i gnas skabs de la dgongs nas nam yang rgyu ma yin pa ma yin no zhes gsungs so snyam du sems pa de ni nga'i lan du mi rung ste/ 'di ltar chos de skye ba'i gnas skabs kyi sngon rol na skal ba mnyam pa'i rgyu ma yin pa las phyis
 yin pas so/ /chos gang zhig gang mtshungs pa de ma thag pa yin pa'i chos de res 'ga' zhig chos de'i mtshungs pa de ma thag pa ma yin pa yin nam zhes bya ba 'dri ba 'di yang yongs su rtogs pa 'dis res 'ga' ma yin pa yin no zhes brjod par nus na ci'i
 phyir 'di skad du gal te chos de ma skyes par gyur na'o zhes gsungs/ der ji lta ba de bzhin 'dir yang brjod par bya la/ 'dir ji lta ba de bzhin der yang brjod par bya'o zhes sgo gnyis su bstan par bya ba'i par ro/ /de lta yin na yon tan ci zhig 'thob par
 'gyur te/ de lta na 'di bstan bcos byed pa ni mkhas pa kho nar yid ches par 'gyur ro/ /de lta bas na 'dir lan snga ma kho na legs pa yin no/ /'o na gang 'di skad du 'jig tshogs la lta ba ma 'ongs pa dang/ de dang mtshungs par ldan pa'i sdug bsngal
 gyi bden pa ma gtogs pa de las gzhan pa'i sdug bsngal gyi bden pa gang yin pa de ni 'jig tshogs la lta ba'i rgyu las byung ba ni yin la/ 'jig tshogs la lta ba'i rgyu ni ma yin no/ /ma gtogs pa gang yin pa de ni 'jig tshogs la lta ba'i rgyu las
 byung ba yang yin la 'jig tshogs la lta ba'i rgyu yang yin no zhes gsungs so zhe na/ de ni 'di skad du 'jig tshogs la lta ba ma 'ongs pa dang mtshungs par ldan pa'i sdug bsngal gyi bden pa ma gtogs pa zhes brjod par bya ba 'am/ yang na don gyis
 na de ltar go bar bya'o/ /'o na btags pa'i bshad pa chos thams cad ni bzhi tshan du nges pa yin te/ rgyu dang 'bras bu dang/ rtan dang dmigs par nges su zhes bya ba 'di ji ltar drang/ 'dir rgyu ni mtshungs par lhan cig 'byung ba'i rgyu yin no/ /'bras bu ni
 skyes bu byed pa'i 'bras bu dang/ bdag po'i 'bras bu yin no/ /rten ni mig la sogs pa'o/ /dmigs pa ni gzugs la sogs pa yin no zhes bya bar blta bar bya'o/ /de ltar na skal pa mnyam pa'i rgyu ma yin pa las rgyu yin par 'gyur ba ma yin
 nam/ gnas skabs ni 'dod pa kho na yin gyi rdzas la ni ma yin te/ tshogs pa ni gnas skabs kyi 'bras bu can yin gyi/ rdzas kyi 'bras bu can ni ma yin no/ /gal te rnam par smin pa'i rgyu bzhin du skal pa mnyam pa'i rgyu yang ma 'ongs pa yin na cir 'gyur zhe
 na/ bstan bcos las de smos par 'gyur ro/ /'bras bu smin pa dang 'dzin par byed nus pa gang yin pa de kho na smos pa'i phyir nyes pa med do zhe na/ de ni ma yin te/ skal pa mnyam pa'i rgyu ni rgyu mthun pa'i 'bras bus 'bras bu dang bcas pa yin na de yang
 ma 'ongs pa la rigs pa ma yin te/ snga phyi med pa'i phyir ro/ /byung zin pa yang ma 'ongs pa'i rgyu mthun par mi rung ste/ dper na da lta'i 'das pa bzhin no/ /rgyu bas 'bras bu snga na mi rung bas skal pa mnyam pa'i rgyu ma 'ongs pa ni med do/ /de lta na rnam par
 smin pa'i rgyu yang ma 'ongs pa yin par mi 'gyur te/ rnam par smin pa'i 'bras bu snga ba dang lhan cig pa mi rung ba'i phyir la/ ma 'ongs pa'i dus la yang snga phyi med pa'i phyir ro zhe na/ de ni ma yin te/ skal ba mnyam pa'i rgyu ni snga phyi med par 'dra ba'i skal
 ba mnyam pa'i rgyu 'dra ba yin pas phan tshun du rgyur gyur ba'i phyir phan tshun mthun pa nyid du thal bar 'gyur te/ phan tshun rgyu mthun pa nyid dang rigs pa dang ldan pa ma yin no/ /rnam par smin pa'i rgyu ni snga phyi med bzhin du yang de ltar phan tshun 'bras bu
 nyid du thal bar mi 'gyur te/ rgyu dang 'bras bu dag mtshan nyid tha dad pa'i phyir ro/ /de lta bas na skal ba mnyam pa'i rgyu ni gnas skabs las rnam par gnas pa kho na yin la rnam par smin pa'i rgyu ni mtshan nyid las rnam par gnas pa yin pas ma 
 'ongs pa yang mi bzlog go /skal ba mnyam pa'i rgyu ni rang gi sa pa yin no zhes bshad pa gang yin pa ci de ltar nges sam zhe na/ de zag pa dang bcas pa la ni nges so/ /sa dgu'i lam ni phan tshun du/ skal ba mnyam pa'i rgyu yin no zhes bya bar skabs dang sbyar te/ mi lcogs pa med
 pa dang bsam gtan khyad par can dang/ bsam gtan bzhi dang/ gzugs med pa gsum dag gi lam gyi bden pa ni phan tshun du skal ba mnyam pa'i rgyu yin no/ /ci'i phyir zhe na/ 'di ni sa de dag tu blo bur du 'ongs pa yin la/ sa de pa'i srid pa dag gi bdag gir ma
 byas pa'i phyir khams de dag tu gtogs pa ma yin te/ de bas na sa gzhan pa'i rigs mthun skal ba mnyam pa'i rgyu yang yin no/ /de yang mnyam dang khyad par can gyi yin/ /chung ngus rgyu ni ma yin te/ /'di lta ste sdug bsngal la chos shes pa'i bzod pa ni de nyid ma 'ongs
 pa dang mi skye ba shes pa'i khyad par can gyi rgyu yang yin no/ /mi skye ba shes pa ni khyad par can gzhan med pa'i phyir mi skye ba shes pa kho na'i yin no/ /mthong ba dang bsgom pa dang mi slob pa'i lam rnams ni gsum dang gnyis dang gcig dag gi yin no/ /de la yang dbang
 po rtul po'i lam ni dbang po rtul po rnon po'i lam gyi rgyu yin la/ dbang po rnon po'i lam ni dbang po rnon po'i lam kho na'i yin te/ 'di lta ste dad pas rjes su 'brang tha dad dang bas mos pa dang dus kyis rnam par grol ba'i lam rnams ni drug dang bzhi dang gnyis dag
 gi yin no/ /chos kyi rjes su 'brang ba dang mthong bas thob pa dang/ dus dang mi sbyor bar rnam par grol ba'i lam rnams ni gsum dang gnyis dang gcig gi yin no/ /yang ji ltar na gong ma 'og ma pa'i lam dang mnyam pa 'am khyad par can yin zhe na/ dbang po dang
 rgyus rgyas par byas pa'i sgo nas te/ de la rgyus shin tu rgyas par byas pa ni mthong ba'i lam la sogs pa dang/ chung ngu'i chung ngu la sogs pa gong nas gong du'o/ /rgyud gcig la dad pas rjes su 'brang ba dang chos kyi rjes su 'brang ba'i lam dag mi srid mod kyi
 'byung ba ni ma 'ongs pa'i rgyu yin no/ /ci lam kho na mnyam pa dang khyad par can dag gi skal ba mnyam pa'i rgyu yin nam zhe na/ smras pa/ ma yin te/ 'jig rten pa dag kyang/ sbyor byung de nyid kho na'i yin/ mnyam pa dang khyad par can dag gi
 skal pa mnyam pa'i rgyu yin gyi dman pa'i ni ma yin no/ /dpe ji lta bu zhe na smras pa/ thos dang bsam byung la sogs pa/ /thos pa dang bsam pa dang bsgoms pa las byung ba sbyor ba las byung ba'i yon tan de dag kyang mnyam pa dang khyad par can dag kho na'i
 rgyu yin gyi dman pa rnams kyi ni ma yin te/ 'di lta ste/ 'dod pa na spyod pa'i thos pa las byung ba rnams ni thos pa las byung ba dang bsams pa las byung ba rnams kyi yin no/ /bsam pa las byung ba rnams ni bsams pa las byung ba rnams kyi yin te/
 bsgoms pa las byung ba ni med pa'i phyir ro/ /gzugs na spyod pa'i thos pa las byung ba rnams ni thos pa las byung ba dang bsgoms pa las byung ba rnams kyi yin te/ bsam pa las byung ba ni med pa'i phyir ro/ /bsgom pa las byung ba ni bsgoms pa
 las byung ba rnams kho na'i yin no/ /de dag kyang rnam pa dgu tha dad pa'i phyir chung ngu'i chung ngu dag ni thams cad kyi yin la/ chung ngu'i 'bring po dag ni brgyad kyi yin te/ lugs ni de lta'o/ /skyes nas thob pa can gyi dge ba'i chos rnams kyi rnam pa
 dgu po thams cad phan tshun du skal pa mnyam pa'i rgyu yin te/ nyon mongs pa can rnams kyang de dang 'dra'o/ /ma bsgribs la lung du ma bstan pa rnams ni rnam pa bzhi ste/ rnam par smin pa las skyes pa dang/ spyod lam pa dang/ bzo'i gnas pa
 dang/ sprul pa'i sems lhan cig skyes pa rnams te/ de dag ni go rims bzhin du bzhi dang/ gsum dang/ gnyis dang/ gcig drug? gi skal ba mnyam pa'i rgyu yin no/ /sprul pa'i sems bsam gtan bzhi'i 'bras bu 'dod pa na spyod pa'i yang
 yin te/ de la bsam gtan gong ma'i 'bras bu ni bsam gtan 'og ma'i 'bras bu'i yin no/ /'bras bu med par 'gyur du 'ong ba'i phyir skal pa mnyam pa'i rgyu mngon par 'du byed pa can gyi 'bras bu ni dman pa ma yin te/ dper na sa lu rang nas
 la sogs pa'i lta bu'o/ /de nyid kyi phyir zag pa med pa skyes pa zag pa med pa ma skyes pa'i rgyu ma yin pa yod dam zhe na yod de/ dper na sdug bsngal la chos shes pa sdug bsngal la chos shes pa'i bzod pa ma skyes ba rnams kyi lta bu dang/ khyad par can
 thams cad dman pa'i lta bu'o/ /rgyud gcig la nges pa'i zag pa med pa'i chos sngon thob pa phyis skyes pa'i rgyu ma yin pa yod dam zhe na/ yod de/ sdug bsngal la chos shes pa'i bzod pa ma 'ongs ba dag sdug bsngal la chos shes pa'i lta bu ste/ 'di lta
 'bras bu lnga pa'am/ skal pa mnyam pa'i rgyu ma 'ongs pa ni med do/ /zag pa med pa'i chos sngar skyes pa rnams zag pa med pa'i chos phyis skye ba'i rgyu ma yin pa yod dam zhe na yod de/ chen po chung ngu'i lta bu ste/ 'di lta ste/ 'bras bu gong ma las
 yongs su nyams pa 'bras bu 'og ma mngon du byed pa'i tshe dang/ sdug bsngal la chos shes pa'i bzod pa skad cig ma phyi ma dang lhan cig skyes pa sdug bsngal la chos shes pa'i bzod pa'i thob pa rnams kyi lta bu steg dman pa'i phyir ro zhes gsungs so/
 skal ba mnyam pa'i rgyu bshad zin to/ /mtshungs ldan rgyu ni sems dag dang/ sems byung/ de lta na ni dus dag rgyud tha dad pa las skyes pa rnams phan tshun du mtshungs par ldan pa'i rgyu nyid du thal bar 'gyur ro/ /'o na ni rnam pa dang dmigs pa gcig pa dag yin no
 de lta na yang de nyid du thal bar 'gyur ro/ /'o na ni dus gcig bdag yin no/ /de lta na zla ba tshes pa la sogs pa la lta ba'i lta bu'i rgyud tha dad pa las skyes pa rnams la yang thal bar 'gyur med de lta bas na rten mtshungs pa can rnams so/ /gang dag la rten mtshungs
 pa yod pa'i sems dang sems las byung ba de dag ni phan tshun du mtshungs par ldan pa'i rgyu yin no/ /mtshungs pa zhes bya ba ni tha mi dad pa ste/ 'di lta ste mig gi rnam par shes pa'i mig gi dbang po'i skad cig ma gang yin pa de nyid de dang
 mtshungs par ldan pa tshor ba la sogs rnams kyi yang yin pa lta bu ste/ yid kyi rnam bar shes pa dang de dang mtshungs par ldan pa rnams kyi yid kyi skad cig ma yin pa'i bar du yang de bzhin du rig par bya'o/ /mtshungs par ldan pa'i rgyu gang yin pa de
 ni lhan cig 'byung ba'i rgyu yang yin no/ /yang don gang gis na lhan cig 'byung ba'i rgyu yin gang gis na mtshungs par ldan pa'i rgyu gang yin zhe na/ phan tshun 'bras bu'i don gyis na lhan cig 'byung ba'i rgyu yin te/ 'dren pa rnams phan tshun gyi
 stobs kyi lhan cig lam du 'gro ba yin no/ /mtshungs pa lngas? mtshungs par ldan pa'i don gyis na mtshungs par ldan pa'i rgyu yin te/ 'dron ba de dag nyid zas la sogs pa yongs su longs spyod pa'i bya ba 'dra bar sbyor ba bzhin no/ /gcig med
 na yang thams cad mtshungs par mi ldan pas 'di ni de dag gi rgyu'i dngos bo yin no/ /kun tu 'gro ba'i rgyu gang zhe na/ kun 'gro zhes bya nyon mongs can/ /rnams kyi rang sa kun 'gro lnga/ /rang gi sa pa'i kun tu 'gro ba'i chos sngar skyes pa rnams ni
 nyon mongs pa can gyi chos phyi ma rnams kyi kun tu 'gro ba'i rgyu yin no/ /de dag kyang 'og nas phra rgyas bstan pa'i mdzod kyi gnas nyid nas bshad par bya'o/ /'di ni nyon mongs can gyi chos kyi thun mong gi rgyu nyid yin pas na skal pa mnyam pa'i rgyu las
 logs shig tu rnam par bzhag go ris gzhan dag gi yang rgyu yin ba'i phyir te/ de dag gi mthus ni ris gzhan pa'i nyon mongs pa dag kyang skye bar 'gyur ro/ /ci 'phags pa'i gang zag gi nyon mongs pa can gyi chos rnams kyang kun tu 'gro ba'i rgyu las
 byung ba gang yin nam zhe na/ kha che ba rnams na re nyon mongs pa can gyi chos thams cad kyang mthong bas spang bar bya ba'i rgyu las byung ba dag yin te/ 'di ltar rab tu byed pa dag las mthong bas spang par bya ba'i rgyu las byung ba'i chos rnams gang zhe na/ nyon mongs pa can
 kyi chos rnams dang/ mthong bas spang bar bya ba'i chos rnams kyi rnam par smin pa gang yin pa'o zhes bya ba dang/ lung du ma bstan pa'i rgyu las byung ba'i chos rnams gang zhe na/ lung du ma bstan pa'i chos 'dus byas rnams dang/ mi dge ba rnams so zhes bya ba
 dang/ sdug bsngal gyi bden pa la 'jig tshogs la lta ba'i rgyu can yin la 'jig tshogs la lta ba'i rgyu ma yin ba yang yod do zhes bya ba nas rgyas par 'jig tshogs la lta ba dang/ chos de dag gi skye ba dang rga ba dang gnas pa dang/ mi rtag pa nyid ma gtogs pa de dag las
 gzhan pa sdug bsngal gyi bden pa nyon mongs pa can gang yin pa'o zhes bya ba'i bar du gsungs so zhes zer/ /'o na btags pa'i bshad pa mi dge ba'i chos mi dge ba'i rgyu can kho na yin pa yod dam zhe na/ 'phags pa'i gang zag 'dod pa'i 'dod chags dang bral ba las yong
 su nyams pa de las dang por nyon mongs pa can gyi sems pa mngon du byed pa gang yin pa'o zhes gsungs pa 'di ji ltar drang/ de ni rgyu ma spangs pa las dgongs nas gsungs pa yin gyi de'i rgyu mthong bas spang bar bya ba ni spangs zin pa'i phyir ma gsungs so/ /kun tu 'gro
 ba'i rgyu bshad zin to/ /rnam par smin pa'i rgyu gang zhe na/ rnam smin rgyu ni mi dge dang/ /dge ba zag bcas rnams kho na/ /mi dge ba rnams dang/ dge ba'i chos zag pa dang bcas pa rnams ni rnam par smin pa'i rgyu yin te/ rnam bar smin pa'i chos can yin pa'i phyir ro/ /ci'i phyir
 lung du ma bstan pa'i chos rnams rnam par smin pa 'grub par mi byed ce na/ stobs chung ba'i phyir te sa bon rul ba bzhin no/ /ci'i phyir zag pa med pa rnams ma yin zhe na/ /de bas mngon par ma brlan pa'i phyir te/ mngon par ma brlan pa'i sa bon grung po bzhin no//
 ldan pa ma yin pa rnams gang dang ldan pa'i rnam par smin pa zhig mngon par 'grub par byed par 'gyur/ lhag ma rnams ni rnam pa gnyi ga yin pa'i phyir 'grub par byed de sa bon grung po mngon par brlan pa bzhin te/ 'di ji ltar shes par bya/ rnam
 par smin pa'i rgyu zhig rnam par smin pa'i rgyu yin nam/ 'on te rnam par smin pa nyid rgyu yin pas rnam par smin pa'i rgyu yin/ nges na cir 'gyur te/ gal te rnam par smin ba'i rgyu zhig rnam par smin ba'i rgyu yin na ni mig gi rnam par smin pa las skyes pa yin no
 zhes bya ba der mi 'gyur ro/ /ci'i phyir zhe na/ las las skyes pa'i phyir la las kyang rnam par smin pa'i rang bzhin ma yin pa'i phyir ro/ /'on te rnam par smin ba nyid rgyu yin pas rnam par smin pa'i rgyu yin na ni/ las kyi rnam par smin pa zhes bya ba der mi 'gyur ro/ /
 ci'i phyir zhe na/ rnam par smin pa ni rgyu yin pa'i phyir la rnam par smin pa yang kyi rang bzhin ma yin pa'i phyir ro/ /gnyi ga lta ba yang rung ngo zhes sngar bshad zin to/ /yang rnam par smin pa zhes bya ba'i don ci zhe na/ mi 'dra bar smin pa ni rnam par smin pa'o//
 'dod pa'i khams na rnam par smin pa'i rgyu phung po gcig la 'bras bu gcig pa can ni thob pa rnams dang de dag gi skye ba la sogs pa'o/ /phung po gnyis pa la 'bras bu gcig pa can ni lus dang ngag gi las dang de dag gi skye ba la sogs pa'o/ /phung po bzhi
 las 'bras bu gcig pa can ni sems dang sems las byung ba dge ba dang mi dge ba la sogs pa dang bcas pa de dag go/ gzugs kyi khams na rnam par smin pa'i rgyu phung po gcig la rnam par smin pa gcig pa can ni thob pa dang/ 'du shes med pa'i
 snyoms par 'jug pa skye ba la sogs pa dang bcas pa'o/ /phung po gnyis pa ni bsam gtan dang po'i rnam par rig byed skye ba la sogs pa dang bcas pa'o/ /phung po bzhi ba ni dge ba'i sems mnyam par ma bzhag pa na'o/ /phung po lnga pa ni mnyam par
 zhag pa na'o/ /gzugs med pa'i khams ni rnam par smin pa'i rgyus phung po gcig la 'bras bu cig pa can ni thob pa dang 'gog par snyoms par 'jug pa skye ba la sogs pa dang bcas ba'o/ /phung po bzhi pa ni sems dang sems las byung ba dge ba rnams dang de dag gi skye ba la
 sogs pa'o/ /gang gi rnam par smin pa chos kyi skye mched gcig kho na rnam par smin par 'gyur ba'i las kyang yod de/ gang gi srog gi dbang po yin pa'o/ /gang gi yid kyi skye mched yin pa de'i ni gnyis te/ yid dang chos kyi skye mched dag go/ gang gi reg bya'i skye mched yin pa
 yang de dang 'dra'o/ /gang gi lus kyi skye mched yin pa de'i ni gsum ste/ lus dang reg bya dang/ chos kyi skye mched dag go/ gang gi gzugs dang dri dang ro'i skye mched dag yin pa yang de dang 'dra'o/ /gang gi mig gi skye mched yin pa de'i ni bzhi ste/ mig dang/ lus dang reg
 bya dang chos kyi skye mched rnams so/ /gang gi rna ba dang sna dang/ lce'i skye mched dag yin pa yang de dang 'dra'o/ /gang gi rnam par smin pa lnga dang/ drug dang/ bdun dang/ brgyad dang/ dgu dang/ bcu dang/ bcu gcig smin par 'gyur ba'i las de yang yod/ las kyi 'bras bu sna
 tshogs dang/ sna tshogs ma min pa'i phyir phyi'i sa bon bzhin no/ /dper na phyi'i sa bon rnams las kha cig ni 'bras bu sna tshogs pa yin te/ 'di lta ste pad+ma dang/ bal po se'u dang/ shing n+ya gro d+ha la sogs pa dag gi lta bu'o/ /kha cig ni 'bras bu sna tshogs pa ma yin
 te/ 'di lta ste/ nas dang grol sogs ba dag gi lta bu'o/ /las dus gcig pa'i rnam par smin pa dus gsum pa rnam par smin par ni 'gyur gyi las dus gnyis pa'i dus gcig pa ni ma yin te/ rgyu bas 'bras bu ha cang nyung bar 'gyur du 'od ba'i phyir ro/ /de bzhin du skad
 cig ma gcig ba'i skad cig ma du ma pa ni yin kyi bzlog pa ni ma yin no/ /rnam par smin pa ni las dang lhan cig tu rnam par smin par yang ma yin la 'jug thogs su yang ma yin te/ mjug thogs kyi skad cig ma ni mtshungs pa de ma thag pa'i rkyen gyis drangs ba'i phyir ro/ /rnam
 par smin pa'i rgyu las 'bras bu smin pa ni rgyu la bltos pa yin no/ /yang rgyu 'di dag gi dus des pa gang zhe na/ 'di dag gi dus nges pa don gyis ni bshad mod kyi mdor byas nas ma bshad pas/ de'i phyir mdor byas te/ kun 'gro skal mnyam dus gnyis pa
 dang/ 'das pa dang da ltar byung ba kho na yin gyi ma 'ongs pa dag ni med do/ /'dir gtan tshigs ni bshad zin to/ /gsum po dag ni dus gsum po/ /lhan cig 'byung ba dang mtshungs par ldan pa dang rnam par smin pa'i rgyu dag ni dus gsum pa min no/ /byed rgyu'i rgyu ni dus des
 pa ma bstan pas dus thams cad pa dang/ dus dang bral bar yang rig par bya'o/ /rgyu rnams bshad zin to/ /rgyu de dag gang gi yin bsam 'bras bu de dag gang zhe na/ 'dus byas bral bcas 'bras bu yin/ bstan bcos las/ 'bras bu'i chos rnams gang zhe na/
 'dus byas kyi chos thams cad dang/ so sor brtags pas 'gog ba zhes 'byung ba'o/ /de lta na 'o na ni 'dus ma byas 'bras bu yin pa'i phyir de gang gi 'bras bu yin pa'i rgyur yang 'gyur la/ rgyu yin pa'i phyir de gang gi rgyu yin pa'i 'bras bur yang 'gyur ro/ /'dus byas
 kho na la rgyu dang 'bras bu dag yod kyi/ 'dus ma byas la de dag med/ /ci'i phyir zhe na/ rgyu rnam pa drug mi srid pa'i phyir dang/ 'bras bu rnam pa lnga mi srid pa'i phyir ro/ /ci'i phyir lam/ 'bral ba'i byed rgyu'i rgyur mi 'dod ce na/ 'di ltar de ni skye ba la gegs mi byed pa'i ngo bor
 rnam par bzhag pa yin na 'dus ma byas ni skye ba dang ldan pa ma yin no/ /da ni de gang gi 'am ji ltar na 'bras bu yin zhe na/ lam gyi 'bras bu yin te/ de'i stobs kyi thob pa'i phyir ro/ /'o na ni de de kho na la nus pa'i phyir thob pa kho na lam gyi 'bras bu yin gyi bral ba ni yin no//
 thob pa la yang de'i nus pa gzhan la/ bral ba yang gzhan te/ thob pa la de ji ltar nus she na/ skyed pa'i phyir ro/ /bral ba la ji ltar zhe na/ thob par byed pa'i phyir ro/ /de lta bas na re zhig lam ni ji ltar yang 'di'i rgyu ma yin gyi bral ba ni 'di'i? 'bras bu yin no/ /yang bdag
 po'i 'bras bu yang med na go ji ltar na 'dus ma byas byed rgyu'i rgyu yin zhe na/ skye ba la mi sgrib pa'i dngos pos byed rgyu'i rgyu yin gyi 'di la 'bras bu yod pa ni ma yin te/ dus las grol ba la 'bras bu 'dzin pa dang/ smin pa'i mthu med pa'i phyir ro/ /mdo sde pa rnams na re/
 bcom ldan 'das kyis gang las kyang 'dus ma byas rgyu yin no zhes ma gsungs kyi/ rgyu ma yin no zhes ni rnam grangs kyis gsungs/ /ji ltar gsungs she na/ gzugs skyes ba'i rgyu gang dag yin pa dang/ rkyen gang dag yin pa de dag kyang mi rtag pa yin na rgyu dang rkyen mi
 rtag pa dag la brten nas 'byung ba'i gzugs lta rtag par ga la 'gyur/ rnam par shes ba'i bar du yang de dang 'dra'o zhes gsungs so zhes zer ro/ /de lta na 'o na ni 'dus ma byas rnam par shes pa'i dmigs pa'i rkyen du yang mi 'gyur ro/ /skyed pa'i zhes bkar
 ba'i phyir 'gyur te/ rnam par shes pa bskyed pa'i rgyu gang dag yin pa de dag kyang mi rtag na zhes gsungs kyi rnam par shes pa'i rkyen gang dag yin par de dag kyang mi rtag na zhes ni ma gsungs so/ /rgyu rnams kyang gang dag skyed pa'i de dag kho na mi rtag go zhes 'byung ba'i rgyu'i
 'dus ma byas kyang mi sgrib pa'i dngos po tsam gyis byed rgyu'i rgyu nyid du mi dgag ma yin nam/ mdo las dmigs pa'i rkyen yin par gsungs kyi mi sgrib pa'i rgyu yin par ni ma gsungs pas/ mdo las 'dus ma byas rgyu'i dngos por mi 'grub po/ /ma gsungs
 mod kyi bkag pa ni med do/ /mdo rnams kyang phal cher nub na ma gsungs so zhes bya bar ji ltar nges par gzung yang bral ba zhes bya ba 'di ci/ sngar so sor brtags pas 'gog pa yin no zhes ma bshad dam/ de'i tshe ni so sor brtags pas 'gog pa gang zhe na/ gang
 bral ba'o zhes bshad/ da ni bral ba gang zhe na/ gang so sor brtags pas 'gog pa'o zhes bshad pas phan tshun rten pa'i bshad pa 'di ni de'i rang gi ngo bo gsal bar bya ba la nus pa ma yin te/ de lta bas na de'i rang gi ngo bo gzhan du brjod bar bya'o//
 de'i rang gi ngo bo ni 'phags pa rnams kho nas so so rang gis rig par bya ba yin te/ bral ba zhes bya ba dang/ so sor brtags pa'i 'gog pa zhes bya ba gang yin pa rtag pa dang dge ba'i rdzas gzhan zhig yod do zhes bya ba de tsam
 zhig ni brjod par nus/ /mdo sde pa rnams na re 'dus ma byas thams cad kyang rdzas su med zab kho na ste/ de ni gzugs dang tshor ba la sogs pa bzhin du rdzas gzhan du ni med do/ /'o na ci zhe na/ reg bya med pa tsam ni nam mkha' yin te/ 'di
 ltar mun pa'i nang? dag na thogs pa ma rnyed na nam mkha' o zhes 'dzor to/ /phra rgyas dang skye ba skyes pa 'gag nas so sor brtags pa'i stobs kyis gzhan mi skye ba ni so sor brtags pas 'gog pa yin no/ /so sor brtags pa med pa kho nar rkyen ma tshang bas
 mi skye ba ni so sor brtags pa na ma yin pas 'gog ba ste dper na bar mdor 'chi ba'i ris mthun pa lhag ma lta bu'o zhes zer ro/ /sde pa gzhan dag na re phra rgyas rnams mi skye bar bya ba la shes rab kyi nus pa yod de/ de'i phyir de ni so sor brtags
 pas 'gog pa yin no/ /sdug bsngal mi skye ba gang yin pa de ni skye ba'i rkyen phra rgyas med pa kho na'i phyir de la shes rab kyi nus pa med de/ /de'i phyir de ni so sor brtags pa ma yin pas 'gog pa yin no zhes zer te de yang so sor brtags pa med bas
 mi 'grub pas ni de so sor brtags pas 'gog pa kho na yin no/ /gzhan dag na re skyes po phyis med pa gang yin pa de nyid rang gi dang gis 'gag pa'i phyir so sor brtags pa ma yin pas 'gog pa yin no/ /zhes zer to/ /rtog pa de la ni so sor
 brtags pa ma yin pas 'gog pa mi rtag pa kho nar 'gyur te/ ma zhig na de med pa'i phyir ro/ /so sor brtags pas 'gog pa yang so sor brtags ba sngon du 'gro ba'i phyir mi rtag par 'gyur ba ma yin nam/ de ni so sor brtags pa sngon du 'gro ba ma
 yin te/ so sor brtags pa yin la phyis skye ba rnams kyi mi skye ba ni ma yin no/ /'o na ci zhe na/ de dag mi skye ba de ni snga nas yod pa kho na yin na/ chos gang dag so sor brtags pa med na skye bar 'gyur ba/ de dag so sor brtags pa skyes na yang mi skye'o/ /'di la so sor
 brtags pa'i mthu ni 'di yin te/ 'di lta ste gegs ma byas la can rnams skye ba la gegs byed pa'i dngos po yin no/ /gal te mi skye ba kho na mya ngan las 'das pa yin na 'o na mdo'i tshig dbang po lnga po 'di dag kun tu rten goms par byas lan mang du byas na 'das
 pa dang ma 'ongs pa dang/ da ltar byung ba'i sdug bsngal spangs par 'gyur ro/ /zhes bya ba 'di ji ltar drang/ spangs pa ni mya ngan las 'das pa yin no/ /mi skye ba ni ma 'ongs pa kho na yin gyi 'das pa dang/ da ltar byung ba ni ma yin no/ /de skad du 'byung ba yang yod mod
 kyi 'on kyang/ bcom ldan 'das kyis de la dmigs pa'i nyon mongs pa spangs pas sdug bsngal spong bar gsungs pa yin te/ gzugs la 'dun pa dang 'dod chags gang yin pa de spongs shig/ 'dun pa dang 'dod chags spangs na khyed kyi gzugs de lta bu de yang
 spangs pa dang/ yongs su shes par 'gyur ro zhes bya ba nas/ rgyas par rnam par shes pa'i bar du gsungs te/ de ltar na dus gsum pa'i sdug bsngal yang spangs par rung ngo/ /ci ste 'das pa dang ma 'ongs pa dang da ltar byung ba'i nyon mongs pa spangs par 'gyur ro
 zhes 'byung bar 'gyur na/ der yang tshul ni 'di kho na yin no/ /yang na dgongs pa ni 'das pa'i nyon mongs pa ni rabs snga ma pa yin la/ de ltar byung ba'i nyon mongs pa ni tshe 'di pa yin te/ dper na sred pa rnam par spyad pa dag la 'das pa'i dus la brten nas
 sred pa rnam par spyad pa bco brgyad do zhes 'byung ba 'das ba'i tshe rabs kyi dbang du mdzad nas gsungs pa dang/ da ltar byung ba'i bar du yang de dang 'dra ba lta bu'o/ /nyon mongs pa gnyis po 'dis kyang rgyud 'di la ma 'ongs pa bskyed pa'i sa bon kyi dngos po
 bzhag pa de spangs pas de yang spangs pa yin te/ dper na rnam par smin pa zad pa las zad par 'gyur ba lta bu'o/ /ma 'ongs pa'i sdug bsngal la nyon mongs pa ni sa bon med pa'i phyir gtan du mi skye ba spangs pa yin no/ /de lta ma yin
 na 'das pa dang da ltar la ci zhig spang du yod de/ 'gags zin pa dang/ 'gag pa la mngon du phyogs pa la ni 'bad pa don dang bcas par mi 'gyur ro snyam pa 'di yin par 'gyur ro/ /gal te 'dus ma byas med pa kho na yin na/ bcom ldan 'das kyis
 chos gang dag 'dus byas kyang rung 'dus ma byas kyang rung de dag gi mchog ni 'dod chags dang bral ba yin par bshad do zhes gang gsungs pa/ ji ltar na med pa rnams kyi mchog med pa yin par 'os/ 'dus ma byas pa med pa kho na'o zhes kyang mi
 smra'i de ni kho bo cag gis ji skad du bshad pa de lta bu yin no/ /dper na sgra la snga na med pa yang yod/ phyis med pa yang yod ces bya mod kyi 'on kyang med pa ni yod par mi 'grub pa ltar 'dus ma byas kyang de bzhin du blta bar bya'o/ /med pa yang kha cig
 shin tu bsngags pa yod de/ gang gnod pa thams cad dang bral ba de ni gdul ba rnams de la 'dun par bya ba'i phyir gzhan dag gi mchog yin no zhes bsngags pa 'thob par 'os so/ /gal te 'dus ma byas med pa tsam zhig yin na 'gog pa 'phags pa'i bden
 pa yin par mi 'gyur te/ de cung zad kyang med pa'i phyir ro/ /re zhig 'gog pa'i bden pa'i don 'di gang yin/ phyin ci ma log pa'i don ma yin nam/ 'phags pa rnams kyis 'di lta ste/ sdug bsngal la yang sdug bsngal kho na'o/ /sdug bsngal med pa la yang
 med pa kho na'o zhes 'di gnyi ga yang phyin ci ma log par gzigs na 'di 'phags pa'i bden pa nyid yin par 'gal ba ci zhig yod/ ji ltar med pa yang yin la 'phags pa'i bden pa gsum pa yang yin par 'gyur/ ji ltar 'phags pa'i bden pa yin
 pa ni bshad zin to/ /gnyis pa'i 'og tu mthong ba dang bstan pas na gsum pa yin no/ /gal te 'dus ma byas dngos po med pa tsam yin na nam mkha' dang mya ngan las 'das pa dmigs pa'i shes pa med pa la dmigs par 'gyur ro/ /'di ni 'das pa dang ma 'ongs pa yod
 pa nyid bsam par bya'o/ /gal te 'dus ma byas rdzas kho nar 'dod par 'gyur na cir 'gyur/ ci zhig tu yang 'gyur/ bye brag tu smra ba'i phyogs skyabs par 'gyur ro/ /gal te 'di bskyab par bya ba yin par sems na lha skyob par 'gyur grang/ yang dag pa ma yin pa kun tu
 brtags par 'gyur ro/ /ci'i phyir zhe na/ gzugs dang tshor ba la sogs pa bzhin du de'i rang gi ngo bo yang ma dmigs la mig la sogs pa bzhin du las kyang mi dmigs so/ /dngos po che ge mo zhig gi 'gog pa 'di yin no zhes rnam par bzhag pa yang ji ltar rab tu brtag ste/
 rgyu dang 'bras bu la sogs pa'i dngos po mi srid pa'i phyir de ni de dang lhan cig 'brel pa 'ga' yang med kyi che ge mo zhig med pa'o zhes 'gag pa tsam du mi rung ngo/ /dngos po gzhan nyid yin na yang nyon mongs pa gang gi 'thob pa chad nas 'gog pa gang thob pa
 de de'i yin no zhes tha snyad 'dogs so/ /'o na de thob par nges pa'i rgyu gang zhig yin mdo las mthong ba'i chos las mya ngan las 'das pa thob pa'i dge slong zhes gsungs pa de ji ltar na med pa thob par rung gnyen po thob pas nyon mongs pa dang/ yang srid
 pa'i skye ba dang shin tu 'gal ba'i rten thob pa'i phyir mya ngan las 'das pa thob pa zhes bya'o/ /lung las kyang dngos po med pa tsam nyid du brjod par mdzad de/ 'di skad du sdug bsngal 'di ma lus par spangs par byad bar 'gyur ba zad pa 'dod chags dang
 bral ba 'gog pa rnam par zhi ba nus pa sdug bsngal gzhan dang nying mtshams sbyor ba med pa len pa med pa 'byung ba med pa gang yin pa 'di lta ste/ phung po thams cad nges par spangs pa sred pa zad pa/ 'dod chags dang bral ba/ 'gog pa dang mya ngan
 las 'das pa 'di ni zhi ba'o/ /'di ni gya nom pa'o zhes gsungs so/ /'dir yin na 'byung bar mi 'gyur bas de'i phyir 'byung ba med pa'o zhes bya/ de ltar ci ste mi 'dod ce na/ bdun pa 'di ni nus pa med par lta'o/ /'dir yin na 'byung
 par mi 'gyur ro/ /zhes bya ba ji skad du bshad pa yin/ gal te mod na zhes bya bar sbyar na mya ngan las 'das pa ni rtag pa'i phyir rtag tu mi 'byung ba kho nar thal bar 'gyur ro/ /'on te thob na zhes bya bar sbyar na ni gang kho nas de 'thob par yongs su rtog
 pa de nyid yod dam? thob na sdug bsngal mi 'byung bar 'dod par gyis shig /de ltar na mar me shi bar gyur pa ltar/ de'i sems kyi rnam par thar zhes gsungs pa'i dpe 'di yang legs par drangs pa yin te/ ji ltar mar me shi bar med pa ltar bcom
 ldan 'das kyi sems kyi rnam par thar pa yang de dang 'bra'o/ /chos mngon pa las kyang dngos po med pa'i chos rnams gang zhe na/ 'dus ma byas kyi chos dag yin no zhes gsungs te/ dngos po med pa ni lus med pa dang/ rang gi ngo bo med pa ni zhes bshad
 pa yin no/ /bye brag tu smra ba rnams na re 'di'i don ni 'di'i ma yin no/ /'o na ci zhe na/ dngos po ni rnam pa lnga ste/ rang bzhin gyi dngos po ni ji skad du de dngos po gang zhig thob pa'i dngos po de dang ldan no zhes gsungs pa lta bu'o/ /dmigs pa'i dngos po ni ji skad du chos
 thams cad dngos po ji lta ba bzhin du shes pas shes par bya ba yin no zhes gsungs pa lta bu'o/ /ldan pa'i dngos po ni ji skad du dngos po gang la rjes su chags pa'i kun nas dkris pa ldan pa yang khor? khro ba'i kun nas dkris pa dang yang ldan zhes gsungs pa
 lta bu'o/ /rgyu'i dngos po ni skad du dngos po dang bcas pa'i chos rnams gang zhe na/ 'dus byas kyi chos rnams so zhes gsungs pa lta bu'o/ /yongs su bzung ba'i dngos po ni ji skad du zhing gi dngos po dang/ khyim gyi dngos po zhes gsungs pa lta bu ste/ de la 'dir ba?
 rgyu'i dngos por sbrar gsungs pa yin te/ de lta bas na 'dus ma byas rdzas su yod pa kho na yin de la yang rgyu dang 'bras bu dag ni med do zhes zer ro/ /re zhig de ni rdzogs so/ /yang 'bras bu 'di dag las 'bras bu gang zhig rgyu gang gi yin zhe na/ rnam smin 'bras bu tha ma'i yin
 rnam par smin pa'i rgyu ni tha mar bstan pa'i phyir tha ma ste/ rnam par smin pa'i 'bras bu ni de'i yin no/ /bdag po'i 'bras bu dang po'i yin/ byed rgyu'i rgyu ni dang por bstan pa'i phyir dang po ste bdag po'i 'bras bu ni de'i yin no/ /bdag po'i 'bras bu ni bdag po'i yin no//
 mi sgrib pa'i dngos po tsam du gnas pa go ci zhig dbang byed ce na/ de nyid dbang byed pa yin no/ /byed rgyu'i rgyu la skyed pa'i dngos po yang yod de/ 'di lta ste rnam par shes pa'i tshogs lnga po dag la skye mched bcu lta bu dang/ snod kyi 'jig rten la las rnams lta bu'o/ /rna ba
 la sogs pa la yang mig gi rnam par shes pa skye ba lo rgyud pas dbang byed pa yod de/ thos nas lta bar 'dod pa 'byung pa'i phyir ro/ /zhes bya ba de lta bu la sogs par sbyar bar bya'o/ /rgyu mthun skal mnyam kun 'gro pa'i/ /'di gnyis dang 'dra ba'i 'bras
 bu yin pa'i phyir rgyu mthun pa'i 'bras bu yin no/ /skyes bu pa ni gnyis kyi yin/ /skyes bu byed pa'i 'bras bu ni lhan cig 'byung ba dang mtshungs par ldan pa'i rgyu dag gi yin no/ /skyes bu'i ngo bo las mi gzhan pa'i phyir skyes bu byed pa ni skyes bu nyid yin no/ /de'i 'bras
 bu ni skyes bu ba'o/ /skyes bu byed pa zhes bya ba 'di ci zhig ce na/ chos gang gi byed pa gang yin pa de skyes bu'i byed pa lta bu ni skyes bu byed pa ste/ dper na sman bya rog skad dang/ mi glang po ches myos pa zhes bya ba bzhin no/ /ci gzhan dag la yang skyes pa'i 'bras bu
 yod dam/ 'on te gnyis kho na'i yin zhe na/ rnam par smin pa'i rgyu ma gtogs pa gzhan dag la yang yod de/ 'di ltar skyes bu byed pa'i 'bras bu ni lhan cig 'byung ba dang de ma thag tu 'byung ba yin na rnam par smin pa ni de lta ma yin no/ /gzhan dag na re re la
 yang skyes bu byed pa'i 'bras bu skal ba ni yod de/ dper na zhing pa rnams kyi 'bras bu lta bu'o zhes zer ro/ /yang rnam par smin pa'i 'bras bu zhes bya ba 'di ci yin bdag po'i 'bras bu'i bar du ci zhig yin zhe na/ rnam smin lung
 du ma bstan chos/ /rnam par smin pa ni ma sgribs la lung du ma bstan pa'i chos yin no/ /sems can du ston pa ma yin pa yang yod pas de'i phyir/ sems can brjod ces bya ba smos so/ /rgyas pa las byung ba dang rgyu mthun pa las byung ba yang yod pas
 de'i phyir/ lung bstan phyis byung zhes bya ba smos te/ dge ba dang mi dge ba ni rnam par smin pa'i phyir lung du bstan pa'o/ /gang zhig de las dus phyis ma gyu zhed de ma thag tu ma yin pa de ni rnam par smin pa ste/ 'di ni rnam par smin pa'i mtshan nyid yin no/ /ci'i
 phyir sems can du ston pa ma yin pa'i don las las skyes pa rnam par smin pa ma yin zhe na/ thun mongs pa'i phyir te/ de ni gzhen gyis kyang de bzhin yongs su spyad par nus so/ /rnam par smin pa ni thun mongs ma yin pa'i ste/ gzhan gyis byas pa'i las
 kyi rnam par smin pa gzhan gyis myong bar ni med do/ /bdag po'i 'bras bu ci'i phyir myong zhe na/ thun mong gi las las byung ba'i phyir ro/ /rgyu mthun rgyu dang 'dra ba'o/ /rgyu dang 'dra ba'i chos gang yin pa de ni rgyu mthun pa'i 'bras bu ste/ 'di lta ste skal ba mnyam pa
 dang kun tu 'gro ba'i rgyu dag gi lta bu'o/ /gal te kun tu 'gro ba'i rgyu lta bus bu yang 'dra ba yin na go ci'i phyir skal ba mnyam pa'i rgyu kho nar mi 'dod ce na/ 'di ltar de ni sa dang po nyon mongs pa can las 'dra ba yin gyi/ rnam pa las kyang ni ma yin no/ /gang
 zhig rnam pa las kyang 'dra ba de'i skal ba mnyam pa'i rgyu yin par khas len pa nyid do/ /de nyid kyi phyir gang zhig gis skal ba mnyam pa'i rgyu yin pa kun tu 'gro ba'i rgyu yang yin nam zhe na/ mu bzhir bya ste/ mu dang po ni skal pa mnyam pa'i rgyu ni kun tu 'gro ba ma
 yin pa'o/ /gnyis pa ni ris gzhan pa'i kun tu 'gro ba'i rgyu'o/ /gsum pa ni ris gcig pa'i kun tu 'gro ba'i rgyu'o/ /bzhi pa ni rnam pa de dag ma gtogs pa'o/ /bral ba blo yis zad pa'o/ /zad pa ni 'gog pa'o/ /blo ni shes rab ste/ des na so sor btags pas 'gog pa ni
 bral ba'i 'bras bu yin no zhes bshad par 'gyur ro/ /gang gi stobs kyis gang skye ba'i/ /'bras bu de skyes bu byed las skyes/ /dper na sa 'og ma pa'i sbyor ba de sems kyis gong ma'i ting nge 'dzin dang/ zag pa dang bcas pa'i zag pa med pa dang/ bsam gtan gyi sems kyi spu? ba pa'i
 sems so zhes bya ba de lta bu la sogs pa'o/ /so sor brtags pas 'gog ba ni gang gi stobs kyis thob pa zhes brjod par bya'o/ /sngon byung ma yin 'dus byus ni/ /'dus byas kho na'i bdag po'i 'bras/ /sngar byung ba las gzhan pa'i 'dus byas kyi ches ni 'dus byas thams
 cad kyi bdag po'i 'bras bu yin/ /skyes bu byed pa dang bdag po'i 'bras bu dag la tha dad du bya ba ci zhig yod ce na/ skyes bu byed pa'i 'bras bu ni byed pa'i yin no/ /bdag po'i 'bras bu ni byed pa po ma yin pa'i yang yin te/ 'di lta ste/ bzo bo rnams kyi bzo na skyes bu byed
 pa'i 'bras bu yang yin la bdag po'i 'bras bu yang yin no/ /gzhan dag gi ni bdag po'i 'bras bu kho na yin no/ /yang rgyu 'di dag las rgyu gang zhig dus gang du 'bras bu 'dzin tam 'byin ce na/ lnga po da ltar 'bras bu 'dzin/ /yongs su bzung/ zin pa'i phyir 'das pa rnams kyang
 ma yin la skyes bu byed pa ma yin pa'i phyir ma 'ongs pa rnams kyang ma yin no/ /byang rgyu'i rgyu yang de dang 'dra mod kyi de ni 'bras bu dang bcas par ma nges par ma brjod do/ /gnyis ni rab tu 'byin par byed/ lhan cig 'byung ba dang mtshungs par ldan pa'i rgyu dag ni da ltar 'bras
 bu 'byin par byad de/ 'di gnyis kyi 'bras bu 'dzin pa dang 'byin pa ni dus mnyam pa kho na yin no/ /da ltar gyi dang 'das pa dag /'bras bu 'byin par byed do /skal pa mnyam pa dang kun tu 'gro ba'i rgyu dag go /re zhig gang 'das pa dag ni rigs ni da ltar gyi dag go /rgyu mthun
 pa'i 'bras bu ji ltar 'byin ce na mjug thogs su sgrub pa'i phyir te/ 'bras bu grub na ni de dag kyang 'das pa yin la 'bras bu yang phyung zin pas yang de nyid mi 'byin to/ /dge ba'i skal pa mnyam pa'i rgyu 'bras bu 'dzin pa mi 'byin pa yod dam zhe na/
 mu bzhi ste/ mu dang po ni dge ba'i rtsa ba dag kun tu gcod pas thams cad kyi tha mar 'dor ba'i thob pa gang dag yin pa'o/ /gnyis pa ni dge ba'i rtsa ba dag gi nying mtshams sbyor bas thams cad kyi dang po 'thob pa gang dag yin pa'o/ /'di skad du de dag
 nyid kyis nying mtshams sbyor bar byed pa'i zhes brjod par bya ba ni ma yin no/ /gsum pa ni dge ba'i rtsa ba kun tu ma chad pa'i gnas skabs/ lhag ma rnams su'o/ /bzhi pa ni rnam pa de dag ma gtogs pa'o/ /mi dge ba'i mu dang po ni 'dod pa'i 'dod chags
 dang bral ba thob pa dang ldan pas thams cad kyi tha mar 'dor pa'i thob pa gang dag yin pa'o/ /gnyis pa ni 'dod pa'i 'dod chags dang bral ba las yongs su nyams pas thams cad kyi dang por 'thob pa gang dag yin pa'o/ /'di skad du de dag nyid kyis yongs su
 nyams pa'i zhes brjod par bya ba ni yin no/ /gsum pa ni 'dod pa'i 'dod chags dang ma bral ba'i gnas skabs lhag ma rnams su'o/ /bzhi pa ni rnam pa de dag ma gtogs pa'o/ /bsgribs la lung du ma bstan pa'i yang de bzhin du dgra bcom pa nyid thob par
 yongs su nyams pa las ci rigs par sbyar bar bya'o/ /ma bsgribs la lung du bstan pa'i ni tshig phyi ma dang sbyor ba ste/ /re zhig 'byin pa gang yin pa de ni 'dzin pa yang yin no/ /'dzin pa la ma 'byin pa yang yod de/ dgra bcom pa'i phung po tha ma rnams so/ /dmigs pa
 dang bcas pa'i des pas ni skad cig re re la ste/ dge ba'i skal pa mnyam pa'i 'bras bu 'dzin la mi 'byin pa zhes bya ba mu bzhi'o/ /mu dang po ni dge ba'i sems kyi mjug thogs su nyon mongs pa can nam lung du ma bstan pa'i sems mngon du byed pa'o//
 gnyis pa ni bzlog pa'o/ /gsum pa ni dge ba'i sems kyi mjug thogs su dge ba kho na'o/ /bzhi pa ni rnam pa de dag ma gtogs pa'o/ /mi dge ba la sogs pa yang de bzhin du sbyar bar bya'o/ /yang ji ltar na 'bras bu gzung ba zhe na/ de'i sa bon gyi dngos por nye bar 'gro ba'i phyir ro//
 gcig ni 'das pas 'byin par 'gyur/ rnam par smin pa'i rgyu ni 'das pa kho nas 'bras bu 'byin te/ 'di ltar lhan cig gam de ma thag tu rnam par smin pa ni mar ro/ /gzhan dag ni 'bras bu rnam pa bzhi zhig tu yang 'chad de/ rten gyi 'bras bu ni/ 'di lta ste rlung gi dkyil
 'khor lta bu nas sa gzhi'i rtsa la sogs pa'i bar lta bu'o/ /sbyor ba'i 'bras bu ni 'di lta ste mi sdug pa'i mi skye ba shes pa'i bar lta bu'o/ /tshogs pa'i 'bras bu ni 'di lta ste/ mig la sogs pa dag gi rnam par shes pa la sogs pa dag lta bu'o/ /bsgom pa'i 'bras
 bu ni 'di lta ste gzugs na spyod pa'i lam gyi sprul pa'i sems lta bu'o/ /'di thams cad ni skyes bu byed pa dang bdag po'i 'bras bu dag gi longs? su 'dus so/ /rgyu rnams dang 'bras bu rnams bshad zin to/ /de la chos gang zhig rgyu dag tu zhig gis skyed par byed ce na smras
 pa/ mdor bsdu na chos ni rnam pa bzhi po 'di dag yin te/ 'di lta ste chos nyon mongs pa can rnams dang/ rnam par smin pa las skyes pa rnams dang/ zag pa med pa'i dang po rnams dang/ de dag gi lhag ma rnams so/ /lhag ma yang gang dag yin zhe na/ rnam par smin pa ma
 gtogs pa'i lung du ma bstan pa rnams dang/ zag pa med pa'i skad cig ma dang pha ma gtogs pa'i dge ba rnams so/ /chos rnam pa bzhi po de dag ni/ nyon mongs can dang rnam smin skyes/ /lhag dang dang por 'phags rim bzhin/ /rnam smin kun 'gro de gnyis dang//
 skal mnyam ma gtogs lhag las skyes/ /chos nyon mongs pa can rnams ni rnam par smin pa'i rgyu ma gtogs pa lhag ma lnga las skye'o/ /rnam par smin pa las skyes pa rnams ni kun tu 'gro ba'i rgyu ma gtogs pa lhag ma lnga po kho na las skye'o/ /chos lhag ma rnams
 ni rnam par smin pa dang kun tu 'gro ba'i rgyu de dag ma gtogs pa lhag ma bzhi las skye'o/ /zag pa med pa'i dang po rnams ni rnam par smin pa dang kun tu 'gro ba'i rgyu de dag dang/ skal ba mnyam pa'i rgyu ma gtogs pa lhag ma gsum las skye'o/ /
 chos rnam pa bzhi po bstan pa de dag gang yin snyam pa la sems dang sems las byung ba yin zhes bya ba smos so/ /'o na gang sems ldan pa ma yin pa dang/ gzugs can gyi chos de dag ji lta bu zhe na/ mtshungs ldan ma gtogs gzhan de bzhin/ mtshungs par
 ldan pa'i rgyu gcig pu ma gtogs pa chos nyon mongs pa can la sog pa gzhan yang sems dang sems las byung ba rnams ji lta ba de kho na bzhin du skye ste/ de lta nyon mongs pa can rnams dang/ rnam par smin pa las skyes pa rnams na bzhi las so/ /
 lhag ma rnams ni gsum las so/ /zag pa med pa'i dang po ni gnyis las te/ rgyu gcig las byung ba'i chos ni ming ngo/ /rgyu rgya cher bshad pa rdzogs so/ /rkyen rnams gang zhe na/ rkyen ni bzhi po dag tu gsungs/ /gang nas gsungs she na/ mdo las rkyen nyid ni
 bzhi ste/ rgyu'i rkyen nyid dang/ de ma thag pa'i rkyen nyid dang/ dmigs pa'i rkyen nyid dang/ bdag po'i rkyen nyid do zhes gsungs/ /rkyen du 'dra ba ni rkyen nyid do/ /de las rgyu zhes bya ba rgyu lnga yin/ byed rgyu'i rgyu ma gtogs pa rgyu lnga ni rgyu'i rkyen yin no/ /sems dang sems
 byung skyes pa rnams/ /tha ma mi mtshungs pa de ma thag dgra bcom pa'i tha ma ma gtogs pa sems dang sems las byung ba rnams ni mtshungs pa de ma thag pa'i rkyen yin te/ rkyan 'di ni mtshungs pa yang yin la de ma thag pa yang yin pas mtshungs pa
 de ma thag pa'i rkyen to/ /de nyid kyi phyir mi mnyam par 'byung ba'i phyir gzugs ni mtshungs pa de ma thag pa'i rkyen ma yin te/ 'di ltar 'dod pa na spyod pa'i gzugs kyi mjug thags su res 'ga' 'dod pa na spyod pa dang/ gzugs na spyod pa'i rnam
 bar rig byed ma yin pa'i gzugs 'byung ngo/ /res 'ga' ni 'dod pa na sbyod pa dang zag pa med pa 'byung bas gzugs sngon du 'gyur ba 'tshol? ba yin no/ /mtshungs pa de ma thag pa'i rkyen ni 'tshol? ba ma yin no/ /bcun? pa dbyibs pa shes na re rgyas pa las byung ba'i gzugs kyi
 rgyud gcig ma 'gags pa kho nar gnyis pa 'byung ba'i phyir ro/ /zhes zer ro/ /btsun pa na re ches mang ba dang nyung ngu 'byung ba'i phyir te/ res 'ga' ni gzugs med pa las nyung ngu 'byung ste/ dper na sogs ma'i thal ba lta bu'o/ /ras 'ga' ni nyung du las mang po
 'byung ste/ dper na shing pa ta'i sa bon chung ngu las rim gyis yal ga du ma skye ba dang ba'i shing n+ya gro d+ha'i bar lta bu'o zhes zer ro/ /sems dang sems las byung ba rnams la yang dag ba dang mi dge ba dang lus du ma bstan pa'i sems dag dang/ rtog pa dang dpyod pa dang
 bcas pa la sogs pa'i ting nge 'dzin gsum la ches mang ba dang nyung ngu 'byung ba ma yin nam zhe na/ rigs gzhan la ni yod kyi rang gi rigs la ni med de/ nam yang tshor ba 'am 'du zhes la sogs pa ches mang du 'byung ba med do/ /yang ci rang gi rigs kho na'i
 mtshungs pa de ma thag pa'i rkyen yin nam zhe na/ de ni ma yin te/ 'dir ni tshogs mdza' dag kho na tshogs mdza' dag gzhan gyi mtshungs pa de ma thag pa'i rkyen yin gyi/ 'dir ni tshor ba la sogs pa'i rdzas nyung du la sogs pa'i rdzas mang po 'byung ba ni ma yin zhes
 bya ba de tsam zhig bshad pa zad do/ /rgyud 'dra ba dag ni rang gi rigs kho na mtshungs pa de ma thag pa'i rkyen yin te/ sems kyang sems kho na'i yin la/ tshor ba yang tshor ba kho na'i yin no snyam du rgyas par sems shing gang gi tshe nyon mongs pa can ma yin pa'i 'jug
 thogs su nyon mongs pa can ma yin pa'i nyon mongs pa de'i mtshungs pa de ma thag pa'i rkyen ni sngon 'gags pa'i nyon mongs pa yin te/ dper na ldang ba'i sems kyi 'gog pa la snyoms par 'jug pa'i sems lta bu'o zhes zer te/ de skad du ni mi brjod do/ /ldan pa ma yin
 pa'i 'du byed rnams kyang 'tshol par mngon du gyur pa de nyid kyi phyir mtshungs pa de ma thag pa'i rkyen ma yin te/ khams gsum pa dang ldan pa ma yin pa rnams cig car mngon du 'gyur ba'i phyir ro/ /ci'i phyir ma 'ongs pa mtshungs pa de ma thag
 pa'i rkyen du mi 'dod ce na/ ma 'ongs pa'i dus ni 'chol pa yin pa'i phyir te/ snga phyi med pa'i phyir ro/ /'o na bcom ldan 'das kyis ma 'ongs pa tshe ge mo zhig gi mjug tu ma 'ongs pa 'di 'byung ngo zhes bya bar ji ltar mkhyen ce na/ 'das pa dang da ltar gyi las
 rjes su spags pa'i phyir te/ bcom ldan 'das kyis las 'di lta bu'i rnam par smin pa ni 'di lta bu 'am chos las skyes so zhes bya bar 'das pa'i dus gzigs la/ da lta'i las 'di yang de lta bu yin pas de lta bas na 'di las kyang rnam par smin pa
 de lta buAm/ chos las skyes par 'gyur ro zhes bya bar mkhyen la/ de'i mkhyen pa de yang rjes su dpag pa las byung ba yang ma yin te/ 'di ltar bcom ldan 'das kyis 'das pa dang da ltar las rjes su dpags nas ma 'ongs pa'i rjes 'chol pa rnams
 mngon sum du brtags te/ gang zag 'dis las 'di lta bu byas pas ma 'ongs pa'i 'bras bu 'di yongs su 'byung ngo zhes bya bar mkhyen to zhes grag go/ de lta na bcom ldan 'das kyis sngon gyi tha ma gzigs par phyi ma'i mdza' mi mkhyen par 'gyur
 ro gzhan dag na re sems can rnams kyi rgyud las 'bras bu'i rtags su gyur pa sems dang ldan pa ma yin pa'i 'du byed kyi khyad pa zhig yod de bcom ldan 'das kyis de gzigs nas bsam gtan nam mngon par mkhyen pa mngon du ma mdzad
 bzhin du yang ma 'ongs pa mkhyen to zhes zer ro/ /mdo sde pa rnams na de de lta na bcom ldan 'das mtshon ma kho na yin par 'gyur gyi mngon sum du mdzad pa ni ma yin no/ /de lta bas na bcom ldan 'das ni bzhed pa tsam gyis thams cad mkhyen te/ bcom
 ldan 'das kyis yang sangs rgyas rnams kyi yul ni bsam gyis mi khyab bo zhes gsungs so zhes zer ro/ /ma 'ongs pa'i go rims nges par gnas pa med na ci'i phyir chos kyi mchog gi mjug thogs su sdug bsngal la chos shes pa'i bzod pa kho na skye'i gzhan ni ma yin no//
 de bzhin du rdo rje lta bu'i mjug thogs su zad pa shes pa kho na skye'i gzhan ma yin pa'i bar du yin zhe na/ gang zhig gang la rag las te skye ba de ni de'i mjug thogs su skye ste/ dper na mtshungs pa de ma thag pa'i rkyen med bzhin du yang sa bon la sogs pa'i myu gu
 la sogs pa bzhin no/ /ci'i phyir dgra bcom pa'i sems dang sems las byung ba tha mo rnams mtshungs pa de ma thag pa'i rkyen ma yin zhe na/ sems gzhan dang 'brel ba ma yin pa'i phyir ro/ /de lta na 'gags ma thag pa'i sems yid yin no zhes bya ba de ma
 thag pa'i rnam par shes pa med pa'i phyir sems tha ma yid du yang mi 'gyur ma yin nam/ yid ni rten gyi dngos pos rab tu phye ba ni ma yin pas rten ni yod pa nyid kyi rgyu ma tshang pas rnam par shes pa gzhan mi skye ba kho nar zad do/ /mtshungs pa de ma thag pa'i
 rkyen ni byed pas rab tu phye ba yin no/ /des chos gang 'bras bur bzung ba de ni chos thams cad dam srog chags thams cad kyis kyang ji ltar yang mi skye bar dgag par mi nus so/ /chos gang dag sems kyi mtshungs pa de ma thag pa can yin pa de dag sems
 kyi de ma thag pa can yang yin zhe na/ mu bzhi ste/ mu dang po ni sems med pa'i snyoms par 'jug pa las ldang ba'i sems dang/ snyom par 'jug pa'i skad cig ma gnyis pa la sogs pa dag go/ mu gnyis pa ni snyoms par 'jug pa'i skad cig ma
 dang po dang sems dang bcas pa'i gnas skabs kyi skye ba la sog pa'o/ /mu gsum pa ni snyoms par 'jug pa'i skad cig ma dang po dang/ sems dang bcas pa'i gnas skabs dag go/ mu bzhi pa ni snyoms par 'jug pa'i skad cig ma gnyis pa la sogs
 pa dang/ ldang ba'i sems kyi skye ba la sogs pa'o/ /chos gang dag sems kyi mtshungs pa de ma thag pa can yin pa de dag snyoms par 'jug pa'i de ma thag pa can yang yin nam zhe na/ mu bzhi ste/ gsum pa dang bzhi pa gang dag yin pa de dag
 ni dang po dang gnyis pa dag go/ dang po dang gnyis pa gang dag yin pa de dag ni gsum pa dang bzhi pa gang dag yin par bshad do/ /da ni ji ltar ldang ba'i sems yun ring mo zhig tu chad pa snyams? par 'jug pa'i sems kyi mtshungs pa de ma thag pa zhes
 bya zhe na/ sems gzhan gyis mchod pa'i phyir ro/ /mtshungs pa de ma thag pa'i rkyen bshad zin to/ /dmigs pa chos rnams thams cad do/ /ci rigs par mig gi rnam par shes pa mtshungs pa ldan pa dang bcas pa'i ni gzugs so/ /rna ba'i rnam
 par shas pa'i ni sgra'o/ /sna'i rnam par shes pa'i 'dri'o/ /lce'i rnam par shes pa'i ni ro'o/ /lus kyi rnam par shes pa'i ni reg bya'o/ /yid kyi rnam par shes pa'i chos thams cad do/ /chos gang zhig chos gang gi dmigs pa yin pa'i
 chos de ni mi dmigs kyang de lta bu'i mtshan nyid yin pa'i phyir nam yang dmigs pa ma yin te/ dper na shing la sogs pa mi sreg kyang de lta bu'i mtshan nyid yin pa'i phyir bung shing zhes bya ba yin no/ /sems dang sems las byung ba'i chos
 skye mched dang/ rdzas dang/ skad cig ma ngas pas dmigs pa la skad cig bdag nyid ji lta bar nges pa 'di dag ci rten nges pas kyang nges pa zhig yin nam zhe na/ smras pa de bzhin te/ skyes pa rnams na rten dang lhan cig pa dag yin no/ /ma skyes pa rnams
 dang/ 'das pa rnams ni rten dang ma 'brel pa dag yin no/ /gzhan dag na re 'das pa rnams kyang rten dang lhan cig pa dag yin no zhes zer ro/ /dmigs pa'i rkyen bshad zin to/ /byed rgyu zhes bya bdag por bshad/ /byed pa'i rgyu gang yin pa nga nyid bdag
 po'i rkyen yin no/ /rkyen di ni lhag pa yin pas bdag po'i rkyen to/ /dmigs pa'i rkyen yang chos thams cad yin la/ bdag po'i rkyen yang chos thams cad yin na 'di la lhag pa ci zhig yod ce na/ lhan cig 'byung ba'i chos rnams ni nam yang dmigs pa ma yin gyi
 bdag po'i rkyen ni yin pas 'di la lhag pa yod pa nyid do/ /yang na lhag pa'i rkyen yin te/ chos thams cad rang gi ngo bo ma gtogs pa'i 'dus byas thams cad kyi yin no/ /rkyen bzhi char gyis kyang chos kyi rkyen ma yin pa'i chos lta yod dam zhe na/ yod de/ rang gi ngo bos
 rang gi ngo bo lta bu'o/ /gzhan gyi ngo bo yang yod de/ 'dus ma byas kyi 'dus byas lta bu dang/ 'dus ma byas kyi 'dus ma byas lta bu'o/ /yang rkyen 'di dag bya ba byed pa na gnas skabs gang gi chos la byed ce na/ re zhig rgyu'i rkyen rnam pa lngar bshad pa de las/ rgyu gnyis po
 dag 'gag pa la/ bya ba byed do/ /'gag pa zhes bya ba ni ltar yin te/ 'gag pa la mngon du phyogs pa'i phyir ro/ /de la ni lhan cig 'byung ba dang/ mtshungs par ldan pa'i rgyu dag bya ba byed de/ de gnyis ni lhan cig 'byung ba'i 'bras bu la bya ba byed do/ /gsum po ni/ skye ba
 la'o/ /skye ba zhes bya ba ni ma 'ongs pa ste/ skye ba la mngon du phyogs pa yin no/ /de la ni skal pa mnyam pa dang/ kun du 'gro ba dang/ rnam par smin pa'i rgyu rnams bya ba byed/ re zhig rgyu'i rkyen ni ji lta bu'o/ /de las gzhan pa yi/ rkyen dag de las bzlog pa yin mtshungs pa de
 ma thag pa dang/ dmigs pa'i rkyen dag ni byed pa'i tshul gang gis rgyu'i rkyen rnam pa gnyis su byas nas bshad pa de las bzlog par rig par bya ste/ mtshungs pa de ma thag pa'i rkyen ni skabs 'byed pa'i phyir skye ba la bya ba byed do/ /dmigs pa'i rkyen ni da ltar gyi sems
 dang sems las byung ba rnams kyis 'dzin pa'i phyir 'gag pa la bya ba byed do/ /bdag po'i rkyen ni gnas skabs thams cad du mi sgrib pa'i ngo bor gnas pas 'di'i bya ba ni 'di nyid yin no/ /rkyen rnams byed pa dang bcas par bshad zin to/ /yang chos gang zhig rkyan du
 zhig gis bskyed ce na/ bzhi yis sems dang sems byung rnams/ /de la 'di dag gi rgyu'i rkyen ni rgyu lnga po thams cad do/ /mtshungs pa de ma rtag pa'i rkyen ni sems dang sems las byung ba snga ma gzhan dag gi bar du ma chod pa rnams so/ /dmigs pa'i rkyen ni ci rigs
 bar yul lnga po dag dang chos thams cad do/ /bdag po'i rkyen ni rang gi ngo bo ma gtogs pa chos thams cad do/ /gsum gyis snyoms par 'jug pa gnyis/ /'gog pa dang 'du shes med pa'i snyoms par 'jug pa dag la ni dmigs pa'i rkyen med de/ de dag ni dmigs pa byed
 pa ma yin no/ /de gnyis kyi rgyu'i rkyen ni rnam pa gnyis te/ lhan cig 'byung ba'i rgyu ni skye ba la sogs pa'o/ /skal ba mnyam pa'i rgyu ni mtshungs pa'i dge ba'i chos sngar byung ba rnams so/ /mtshungs pa de ma thag pa'i rkyen ni snyoms par 'jug pa'i sems mtshungs par ldan pa
 dang bcas pa'o/ /bdag po'i rkyen ni snga ma bzhin no/ /snyoms par 'jug pa 'di dag ni sems kyi mngon par 'du byed pa las skye ba'i phyir/ sems kyi mtshungs pa de ma thag pa can dag ni yin gyi sems skye ba la gegs byed pa'i phyir mtshungs pa de ma thag pa'i rkyen ni ma yin
 no/ /gzhan ni gnyis po dag las skye/ /chos gzhan ldan pa ma yin pa rnams dang gzugs can rnams ni rgyu dang bdag po'i rkyen dag las skye'o/ /dngos po rnams ni ji skad bshad pa'i rgyu dang rkyen rnams kho na las skye'i 'gro ba thams cad kyi rgyu gcig bu dbang phyug
 dang skyes bu dang/ gtso bo la sogs pa ni med do zhes bya ba 'di la gtan tshigs ci zhig yod/ gal te gtan tshogs kyis byas pa'i grub par sems na de nyid kyis thams cad kyis rgyu dbang phyug la sogs pa gcig bu zhig yin no zhes bya ba'i smra ba 'di brtsal ba ma
 yin nam/ gzhan yang dbang phyug sogs min rim sogs phyir/ gal te dbang phyug gam/ gzhan yang rung ste rgyu gcig bu kho na zhig yin na 'gro ba thams cad cig car du 'byung bar 'gyur ba zhig na/ dngos po rnams ni rim gyis 'byung bar yang snang ngo/ /de ni 'di ni
 da ltar skye bar gyur cig/ /'di ni 'gag par gyur cig/ 'di ni phyis skye bar gyur cig ces dbang phyug gi 'dod pa'i dbang gis yin no/ /'o na ni 'dod pa tha dad pa'i phyir rgyu du mar 'grub par 'gyur la 'dod pa tha dad pa de'i rgyu dbang phyug la tha dad pa med pa'i
 phyir cig car 'byung bar 'gyur ro/ /'on te rgyu gzhan la bltos na ni dbang phyug rgyu ma yin pa kho nar 'gyur la/ de dag kyang rim gyis skye ba la rgyu gzhan gyi bye brag la bltos pa'i phyir thug pa med par thal bar 'gyur bas rgyu cig nas gcig tu brgyud pa'i byed brag mdza' yas pa
 thog ma med pa nyid du khas blangs pa'i phyir dbang phyug gi rgyur mos pa 'di ni shAkya'i sras po'i lugs kho na las 'das pa yin no/ /gal te dbang phyug gi 'dod pa rnam cig car yin du zin kyang 'gro ba ni cig car ma yin te/ 'dod pa ji lta bar skye pa'i phyir ro zhe na/ ma yin te/
 de dag la phyis khyad par med pa'i phyir ro/ /re zhig dbang phyug gi 'byin pa'i tshegs 'di snyed la don ci zhig yod/ gal te dga' ba yin no zhe na/ 'o na ni thabs med par de byed par mi nus pas de la dbang phyug ma yin par 'gyur te/ gzhan la yang de kho na dang 'dra'o/ /gal
 te yang dbang phyug dmyal ba la sogs par skye dgu gnod pa mang po dang 'brel pa dag phyung nas des dga' bar 'gyur na ni de lta bu'i dbang phyug de la phyag 'tshal lo/ /de las brtsams nas/ gang phyir ma lus sreg pa dang/ /gang phyir rno dang gang phyir gtum/ /gang phyir gdung
 ldan gang gi phyir/ /sha dang khrag dang rkang za ba/ de phyir dag po zhes bya'o zhes bya ba'i tshigs su bcad pa 'di yang legs par smras pa yin no/ /yang 'gro ba'i rgyu gcig tu yongs su bzung bas don gzhan dag gi skyes bu'i byed pa mngon sum ni bsnyon par 'gyur ro/ /rgyu
 rnams dang bcas pa'i dbang phyug la yang rgyur rtog pa rnams ni gus pas smra ba 'ba' zhig tu zad de/ rgyu rnams las gzhan gyi byed pa mi snang ba'i phyir ro/ /dbang phyug de lhan cig byed pa'i rgyu dang rnams la yang dbang phyug ma yin par 'gyur ro/ /'on te dang po byung ba dbang
 phyug gi rgyu las byung ba yin no zhe na/ de yang rgyur zhen la mi bltos pa'i phyir dbang phyug bzhin du thog ma med pa ni nyid du thal bar 'gyur ro/ /de bzhin du gtso bo la yang ci rigs par brjod par bya'o/ /de lta bas nas 'jig
 rten gyi rgyu gcig pu ni med kyi 'di ni rang gi las rnams kho nas skye ba de dang der skye bar byed do/ /nyon mongs blo ma sbyangs ba ni rang rang gi rnam par smin pa'i 'bras bu dang/ skyes bu byed pa'i 'bras bu nyams su myong ba na log par gzhan dbang phyug tu yongs su
 rtog par byed do/ /de ni rdzogs so/ /yang gzhan ni gnyis po dag las skye zhes gang bshad pa de ji ltar na 'byung ba rnams 'byung ba rnams kyi rgyu'i rkyen yin zhe na/ de'i 'byung ba rnams pa gnyis 'byung ba'i rgyu zhes bya ba'i tha tshig ste/ skal ba mnyam pa dang
 lhan cig 'byung ba'i rgyu dag gis so/ /'byung las gyur pa'i rnam pa lnga/ /byung ba rnams 'byung ba las gyur pa'i ni rnam pa lnga yin te/ ji lta zhe na/ skyed phyir rten phyir gnas phyir dang/ /ston pa'i phyir dang 'phel byed phyir/ /de yang byed rgyu kho na rnam pa lnga
 tha dad pa yin te/ skyed pa'i rgyu ni de dag las skye pa'i phyir ro/ /rten pa'i rgyu ni skyes pa 'byung ba'i rjes su mthun par byed pa'i phyir te/ slob dpon la sogs pa la brten pa bzhin no/ /gnas pa'i rgyu ni rten du gyur pa'i phyir te/ ri mo'i rtsig pa bzhin no/ /ston
 pa'i rgyu ni rgyun mi 'chad pa'i rgyu yin pa'i phyir ro/ /'phel bar byed pa'i rgyu ni 'phel ba'i rgyu yin te/ de ltar na de dag gi skye ba dang/ rten pa dang gnas pa dang/ rton pa dang/ 'phel ba'i rgyu nyid du bstan pa yin no/ /'byung gyur rnams gsum phan tshun du/ rgyu yin te/
 lhan cig 'byung ba dang/ skal ba mnyam pa dang/ rnam par smin pa'i rgyu dag gis so/ /byed rgyu'i rgyu ni bye brag med par 'jug pa'i phyir rtag tu mi bgrang ngo/ /de la lhan cig 'byung ba'i rgyu ni lus dang ngag gi las sems kyi rjes su 'jug pa phan tshun du
 yin gyi rgyur byas pa'i gzugs gzhan ni ma yin no/ /skal ba snyam pa'i rgyu ni sngar byung ba thams cad skal pa mnyam pa'i rgyu yin no/ /rnam par smin pa'i rgyu ni lus dang ngag gi las gang gi rnam par smin pa mig la sogs pa yin no/ /'byung ba rnams
 kyi de rnams gcig /'byung ba las gyur pa'i gzugs 'byung ba rnams kyi ni rnam par smin pa'i rgyu kho na yin te/ lus dang ngag gi las gang gi rnam par smin pa rnams yin pa'o/ /sems dang sems las byung ba rnams bye brag med par mtshungs
 pa de ma thag pa'i rkyen du bshad kyis/ sems gang gi mjug thogs su gang 'byung zhes bya ba nges pa ni ma bshad pas nga ni de brjod par bya'o/ /de la re zhig mdor bsdu na sems bcu gnyis so/ /ji lta zhe na/ 'dod yid dge dang mi dge dang/
 bsgribs pa dang ni ma bsgribs pa zhes bya ba smos te/ 'dod pa'i khams na sems bzhi ste/ dge ba dang ni mi dge ba bsgribs la lung du ma bstan pa dang/ ma bsgribs la lung du ma bstan pa'o/ /gzugs dang gzugs med pa dag na/ mi dge
 las gzhan/ gzugs kyi khams na mi dge ba med kyi gsum yod do/ /gzugs med pa'i khams na yang de dang 'dra ste/ de ltar na bcu po dag ni zag pa dang bcas pa'i sems yin no/ /zag pa med gnyis/ slob pa dang mi slob pa ste/
 de ltar na de dag ni sems bcu gnyis yin no/ /de la/ 'dod sems dge ba las sems dgu/ mjug thogs su shes 'og nas 'chad de/ 'dod pa'i khams na dge ba'i sems gang yin pa de'i mjug thogs su ni sems dgu 'byung ste/
 rang gi sa pa bzhi dang/ gzugs na spyod pa gnyis te/ snyoms par 'jug pa'i tshe dge ba dang/ nying mtshams sbyor ba'i tshe bsgribs pa'o/ /gzugs med pa na spyod pa ni nying mtshams sbyor ba'i tshe bsgribs pa kho na ste/ shin tu bskal pa'i phyir dge ba ni ma
 yin no/ /gzugs med pa na spyod pa rnams ni 'dod pa'i khams nas ring ba nyid bzhis ring ba yin te/ rten dang rnam pa dang/ gnyen po ring ba nyid dag gis so/ /de la rten ring pa nyid ni snyoms par 'jug pa'i mtshungs pa de ma thag pa'i rkyen gyi rten nyid du mi
 srid pa'i phyir ro/ /rnam par smin pa nyid ni 'dod pa'i khams rags pa la sogs pa'i rnam pa dag tu rnam par mi byed pa'i phyir ro/ /des na dmigs pa ring ba nyid kyang bshad pa yin te/ bsam gtan bzhi pa kho na la rags pa la sogs pa'i rnam pa dag tu dmigs so//
 gnyen po ring ba nyid ni 'dod pa'i 'dod chags dang ma bral ba la de mngon du 'gyur mi srid pa'i phyir ro/ /rnam par sun 'byin pa la sogs pa yang mi 'thad pa'i phyir te/ yul ma yin pa ni rnam par sun dbyung bar mi nus so/ /slob pa dang mi slob pa'o/ /de ni brgyad
 po kho na las 'dod pa na spyod pa'i dge ba'i sems de ni brgyad kyi mjug thogs su 'byung ste/ rang gi sa pa bzhi dang/ gzugs na spyod pa gnyis las te/ ldang ba'i tshe dge ba dang/ nyon mongs pa can gyi snyoms par 'jug pa can gyi snyoms par 'jug pas gzir pa sa 'og ma'i dge ba la
 brten pa'i phyir bsgribs pa dang/ ldang pa'i tshe slob pa dang mi slob pa dag las so/ /mi dge ba ni bcu dag las/ slob pa dang mi slob pa ma gtogs te/ 'dod pa'i khams su nying mtshams sbyor ba na gzugs dang gzugs med pa'i sems thams cad kyi mjug
 thogs su mi dge ba'i sems 'byung ngo/ /de las bzhi ste/ mi dge ba'i sems kyi mjug thogs su ni sems bzhi 'byung ste/ rang gi sa pa dag kho na'o/ /ji ltar 'dod pa'i khams kyi mi dge ba'i sems bshad pa/ bsgribs de bzhin/ bcu po kho na'i mjug thogs
 su 'byung la/ de las ni bzhi kho na'o/ /ma bsgribs pa ni lnga dag las/ 'dod pa na zhes bya bar sbyar ste/ ma bsgribs la lung du ma bstan pa'i sems ni lnga'i mjug thogs su 'byung ste/ rang gi sa pa bzhi dang/ gzugs na spyod pa'i dge ba las sprul pa'i sems
 so/ /de las mjug thogs su sems bdun no/ /'dod pa na spyod pa'i ma bsgribs la lung ma bstan pa las ni rang gi sa pa bzhi dang/ gzugs na spyod pa gnyis te/ sprul pa'i sems kyi mjug thogs su dge ba dang/ nying mtshams sbyor ba'i tshe nyon mongs pa can dang/ nying
 mtshams sbyor ba'i tsha gzugs med pa na spyod pa'i nyon mongs pa can kho na'o/ /gzugs na dge las bcu gcig go /gzugs kyi khams na dge ba'i sems gang yin pa de'i mjug thogs su sems bcu gcig kho na 'byung ste/ gzugs med pa na spyod pa'i ma bsgribs
 la lung du ma bstan pa ma gtogs so/ /de ni dgu yi mjug thogs su/ /gzugs na spyod pa'i dge ba'i sems de ni dgu'i mjug thogs su 'byung ste/ 'dod pa na spyod pa'i nyon mongs pa can gnyis dang/ gzugs med pa na spyod pa'i ma bsgribs la lung du ma bstan pa
 ma gtogs so/ /bsgribs pa brgyad las/ gzugs na spyod pa'i sems bsgribs la lung du ma bstan pa ni brgyad las 'byung ste/ 'dod pa na spyod pa'i nyon mongs pa can gnyis dang/ slob pa dang/ mi slob pa ma gtogs so/ /de las drug/ gzugs na spyod pa'i bsgribs
 la lung du ma bstan pa'i mjug thogs su ni drug ste/ rang gi sa pa gsum dang/ 'dod pa na spyod pa'i ma bsgribs la lung du ma bstan pa ma gtogs pa rnams so/ /ma bsgribs pa ni gsum las so/ /gzugs na spyod pa'i ma bsgribs la lung du ma bstan pa
 ni gsum kho na las 'byung ste/ rang gi sa pa dag kho na las so/ /de las drug ste/ rang gi sa pa gsum dang/ 'dod pa na spyod pa'i nyon mongs pa can dag dang/ gzugs med pa na spyod pa'i nyon mongs pa can no/ /gzugs kyi khams kyi ma bsgribs la lung
 du ma bstan pa ji skad du bshad pa ltar/ gzugs med pa'ang/ de'i tshul lo/ /de na yod pa'i ma bsgribs la lung du ma bstan pa yang rang gi sa pa/ gsum kho na las 'byung la/ de las kyang rang gi sa gsum dang/ sa 'og ma ba'i nyon mongs pa can
 rnams dang drug 'byung ngo/ /dge ba las sems dgu dag go /gzugs med pa na spyod pa'i dge ba'i sems las ni sems dgu 'byung ste/ 'dod pa na spyod pa'i dge ba'i dang/ 'dod pa dang gzugs na spyod pa'i lam la lung du ma bstan pa dag
 ma gtogs so/ /de drug gi /gzugs med pa na spyod pa'i dge ba'i ni rang gi sa pa gsum dang/ gzugs na spyod pa'i dge ba dang/ slob pa dang mi slob pa dag las so/ /bsgribs pa las bdun/ gzugs med pa na spyod pa'i bsgribs pa las ni rang gi sa pa gsum dang
 gzugs na spyod pa'i dge ba dang/ bsgribs pa dang/ 'dod pa na spyod pa'i nyon mongs pa can gnyis so de de bzhin/ de yang bdun kho na las 'byung ste/ 'dod pa dang gzugs na spyod pa'i nyon mongs pa can rnams dang/ slob pa dang mi slob pa dag ma gtogs so/ /slob
 pa bzhi las/ khams gsum pa'i dge ba dang/ slob pa las so/ /de las lnga/ bzhi po de dag nyid dang/ mi slob pa'o/ /mi slob pa na lnga las so/ /bshad ma thag pa'i lnga po de dag nyid las so/ /de las sems ni bzhi dag go /mi slob pa'i sems de'i mjug thogs su
 ni sems bzhi 'byung ste/ khams gsum pa'i dge ba dang/ mi slob pa'o/ /sems bcu gnyis rdzogs so/ /yang bcu gnyis de dag nyi shur yang bshad de/ ji ltar byas nas she na/ gsum du skyes na thob pa dang/ sbyor byung dge ba gnyis phye nas/ khams gsum po dang
 tu skyes nas thob pa dang sbyor ba las byung ba'i dge ba'i sems rnam pa gnyis su dbye'o/ /rnam smin skyes dang spyod lam ba/ /bzo yi gnas dang sprul pa dang/ /'dod na lung bstan min rnam bzhir/ /phye nas zhes bya bar sbyar te/ 'dod pa na spyod pa'i sgribs la lung du ma
 bstan pa ni rnam par skyes? pa las skyes pa dang/ spyod lam pa dang/ bzo'i gnas pa dang/ sprul pa'i sems dang rnam bzhir dbye'o/ /gzugs na bzo ma gtogs pa'o/ /gzugs kyi khams na ni rnam pa gsum du dbye ste/ de na bzo med pa'i phyir bzo'i gnas pa ma
 gtogs so/ /de ltar na sems bcu gnyis po de dag ni yang dge ba drug dang/ ma bsgribs la lung du ma bstan pa brgyad tu phye nas nyi shur 'gyur ro/ /gzugs med pa'i khams na ni spyod lam pa la sogs pa med pa'i phyir spyod lam pa la sogs pa'i sems med do/ /de dag
 gi dmigs pa ni gzugs dang/ dri dang ro dang reg bya rnams yin no/ /bzo'i gnas pa'i ni sgra yang yin no/ /yid kyi rnam par shes pa dag kho na yin no/ /spyod lam pa dang/ bzo'i gnas pa dag gi sbyor ba pa ni rnam par shes pa'i tshogs lnga yin no/ /gzhan dag na re bzo'i
 gnas pas mngon par bsgrubs pa'i yid kyi rnam par shes ba skye mched bcu gnyis la dmigs pa yang yod do zhes zer ro/ /yang sems nyi shu po 'di dag las gang gi mjug thogs su gang zhig 'byung zhe na/ re zhig 'dod pa na spyod pa'i brgyad las sbyor ba las
 byung ba'i mjug thogs ni sems bcu 'byung ste/ mngon par shes pa'i 'bras bu ma gtogs pa rang gi sa pa bdun dang/ gzugs na spyod pa'i sbyor ba las byung ba dang/ slob pa dang/ mi slob pa'o/ /de ni brgyad kyi mjug thogs su 'byung ste/ rang gi dge ba dang/
 nyon mongs pa can dag dang/ gzugs na spyod pa'i sbyor ba las byung ba dang/ nyon mongs can dag dang/ slob pa dang/ mi slob pa dag las so/ /skyes nas thob pa'i mjug thogs su ni dgu ste/ mngon par shes pa'i 'bras bu ma gtogs pa rang gi sa pa bdun
 dang gzugs dang gzugs med pa na spyod pa'i nyon mongs pa can dag go /de ni bcu gcig gi mjug thogs su 'byung ste/ snga ma bzhin du rang gi bdun dang/ gzugs na spyod pa'i sbyor ba las byung ba dang/ nyon mongs pa can dag dang/ slob pa dang/ mi slob pa dag
 las so mi dge ba dang/ bsgribs la lung du ma bstan pa'i mjug thogs su ni bdun te/ snga ma bzhin du rang gi dag kho na'o/ /de dag ni sems bcu bzhi'i mjug thogs su 'byung ste/ rang gi bdun dang/ sbyor ba las byung ba dang/ mngon par shes pa'i 'bras bu dag ma gtogs
 pa gzugs na spyod pa bzhi dang/ sbyor ba las byung ba ma gtogs pa gzugs med pa na spyod pa gsum las so/ /spyod lam pa dang/ rnam par smin pa las skyes pa'i mjug thogs su ni brgyad de/ sbyor ba las byung ba dang/ mngon par shes pa'i 'bras
 bu dag ma gtogs pa rang gi sa pa drug dang/ gzugs dang gzugs med pa na spyod pa'i nyon mongs pa can dag go /de dag ni sems bdun gyi mjug thogs su 'byung ste/ snga ma bzhin du rang gi bdun kho na las so/ /bzo'i gnas pa'i mjug thogs su ni drug ste/ sbyor ba las
 byung ba dang/ mngon par shes pa'i 'bras bu dag ma gtogs pa rang gi rnams kho na'o/ /de ni bdun gyi mjug thogs su 'byung ste/ mngon par shes pa'i 'bras bu ma gtogs pa rang gi dag kho na las so/ /mngon par shes pa'i 'bras bu'i mjug thogs su ni gnyis te/
 mngon par shes pa'i 'bras bu rang nyid dang/ gzugs na spyod pa'i sbyor ba las byung ba'o/ /de yang de gnyis kho na las so/ /da ni gzugs na spyod pa'i drug gi brjod par bya ste/ sbyor ba las byung ba'i mjug thogs su ni bcu gnyis te/ 'dod pa na spyod pa'i dge ba dang/ mngon
 par shes pa'i 'bras bu dang/ rang gi drug dang/ gzugs med pa na spyod pa'i sbyor ba las byung ba dang/ slob pa dang/ mi slob pa'o/ /de na sems bcu'i mjug thogs su 'byung ste/ 'dod pa na spyod pa'i sbyor ba las byung ba dang/ mngon par shes pa'i 'bras bu dag
 dang/ spyod lam pa dang/ rnam par smin pa las skyes pa'i dag ma gtogs pa rang gi bzhi dang/ gzugs med pa na spyod pa'i sbyor ba las byung pa dang/ nyon mongs pa can dag dang/ slob pa dang/ mi slob pa dag las so/ /skyes nas thob pa'i mjug thogs su ni brgyad de/
 'dod pa na spyod pa'i nyon mongs pa can dag dang/ mngon par shes pa'i 'bras bu ma gtogs pa rang gi lnga dang/ gzugs med pa na spyod pa'i nyon mongs pa can no/ /de ni lnga las te/ mngon par shes pa'i 'bras bu ma gtogs pa rang gi dag kho na las so//
 nyon mongs pa can gyi mjug thogs su ni dgu ste 'dod pa na spyod pa'i dge ba dag dang/ nyon mongs pa can bzhi dang/ mngon par shes pa'i 'bras bu ma gtogs pa rang gi lnga'o/ /de ni sems bcu gcig gi mjug thogs su 'byung ste/ 'dod pa na spyod pa'i skyes nas thob pa dang/ spyod
 lam pa dang/ rnam par smin pa las skyes pa dag dang/ mngon par shes pa'i 'bras bu ma gtogs pa rang gi lnga dang/ sbyor ba las byung ba ma gtogs pa gzugs med pa na spyod pa gsum las so/ /spyod lam ba'i mjug thogs su ni bdun te/ 'dod pa na spyod pa'i nyon mongs pa/
 can dag dang sbyor ba las byung ba dang/ mngon par shes pa'i 'bras bu ma gtogs pa rang gi bzhi dang/ gzugs med pa na spyod pa'i nyon mongs pa can no/ /de ni lnga'i mjug thogs su 'byung ste/ mngon par shes pa'i 'bras bu ma gtogs pa rang gi dag kho na las so/ /
 rnam par smin pa las skyes pa yang de dang 'dra bar brjod par bya'o/ /mngon par shes pa'i 'bras bu'i mjug thogs su ni gnyis te/ rang gi sbyor ba las byung ba dang/ mngon par shes pa'i 'bras bu dag kho na'o/ /de yang de dag kho na las so/ /da ni gzugs med pa
 na spyod pa'i bzhi'i brjod par bya ste/ sbyor ba las byung ba'i mjug thogs su ni bdun te/ gzugs na spyod pa'i sbyor ba las byung ba dang/ rang gi bzhi dang/ slob pa dang/ mi slob pa'o/ /de ni sems drug gi mjug thogs su 'byung ste/ gzugs na spyod pa'i sbyor ba las byung
 ba dang/ rnam par smin pa las skyes pa ma gtogs pa rang gi gsum dang/ slob pa dang mi slob pa dag las so/ /skyes nas thob pa'i mjug thogs su ni bdun te/ rang gi bzhi dang/ sa 'og ma ba'i nyon mongs pa can dag go /de ni bzhi las te/ rang gi dag kho na las so/ /nyon
 mongs pa can gyi mjug thogs su ni brgyad de/ rang gi bzhi dang/ gzugs na spyod pa'i sbyor ba las byung ba dang/ nyon t+mongs pa can dag dang/ 'dod pa na spyod pa'i nyon mongs pa can dag go /de ni bcu'i mjug thogs su 'byung ste/ rang gi bzhi dang/ 'dod pa dang gzugs na spyod
 pa'i skyes nas thob pa dang/ spyod lam pa dang/ rnam par smin pa las skyes pa dag las so/ /rnam par smin pa las skyes pa'i mjug thogs su ni drug ste/ sbyor ba las byung ba ma gtogs pa rang gi gsum dang/ 'og ma'i nyon mongs pa can gsum mo//
 de ni bzhi las te/ rang gi dag kho na las so/ /slob pa'i mjug thogs su ni drug ste/ khams gsum pa'i sbyor ba las byung ba rnams dang/ 'dod pa na spyod pa'i skyes nas thob pa dang/ slob pa dang/ mi slob pa'o/ /de ni bzhi las te/ sbyor ba las byung ba gsum dang slob pa las so//
 mi slob pa'i mjug thogs su ni lnga ste/ slob pa gcig du ma gtogs par slob pa'i mjug thogs ji lta ba bzhin du/ de ni lnga las te/ sbyor ba las 'byung ba gsum dang/ slob pa dang/ mi slob pa dag las so/ /ci'i phyir sbyor ba las byung ba'i sems kyi mjug thogs su ni rnam par
 smin pa las skyes pa dang/ spyod lam pa dang/ bzo'i gnas pa'i sems dga' byung la/ sbyor ba las byung ba ni de dag las ma yin zhe na/ de dag ni spyod lam dang/ bzo mngon par 'du bya ba la zhugs pa'i phyir dang/ stobs chung ba dang/ mngon par 'du bya ba med par 'jug
 pa'i phyir sbyor ba las byung ba'i rjes su mthun pa ma yin no/ /'byung ba'i sems ni mngon par 'du bya ba med pa'i 'jug pas de ni sbyor ba las byung ba'i sems kyi mjug thogs su 'byung bar rigs so/ /de lta na 'o na ni nyon mongs pa can dag las kyang sbyor ba las byung ba
 'byung bar mi 'gyur te/ mi mthun pa'i phyir ro/ /'on kyang nyon mongs byung bas yongs su skyo ba la ni de yongs su shes pa las sbyor ba las byung ba mngon du 'gyur par rigs so/ /'dod pa spyod ba'i skyes nas thob pa ni gsal ba'i phyir slob pa dang/ mi slob pa dang/ gzugs
 na spyod pa'i sbyor ba las byung ba'i mjug thogs su 'byung gi /mngon par 'du bya ba med par 'byung ba'i phyir de las ni de dag mi 'byung ngo/ /gzugs na spyod pa'i nyon mongs pa can gyi mjug thogs su ni 'dod pa na spyod pa'i skyes nas thob pa 'byung ste/ gsal ba'i phyir
 ro/ gzugs med pa na spyod pa'i nyon mongs pa can gyi mjug thogs su ni gzugs na spyod pa'i skyes nas thob pa mi 'byung ste/ mi gsal ba'i phyir ro/ /yid la byed pa ni gsum ste/ rang gi mtshan nyid yid la byed pa ni dper na gzugs ni gnod par bar rang ba'i mtshan
 nyid can no snyam pa de lta bu la sogs pa'o/ /spyi'i mtshan nyid yid la byed pa ni rnam pa bcu drug dang ldan pa'o/ /mos pa yid la byed pa ni mi sdug pa dang/ tshad med pa dang/ gzugs can gyi rnam par thar pa dang/ zil gyis gnon pa'i skye mched dang/ zad par gyi
 skye mched la sogs pa dag la'o/ /de la yid la byed pa rnam pa gsum gyi mjug thogs su 'phags pa'i lam mngon du byed la/ de las kyang yid la byed pa rnam pa gsum ste/ de lta na mi sdug pa dang/ lhan cig pa'i dran pa yang dag byang chub kyi yan lag sgom par
 byed do zhes bya ba 'di rigs pa yin no/ /gzhan dag na re spyi yid la byed pa kho na'i mjug thogs su 'phags pa'i lam mngon du byed la/ de las ni rnam pa gsum ste/ mi sdug pas sems brtul nas spyi yid la byed pa'i mjug thogs su 'phags pa'i lam mngon du byed pa
 de'i phyir brgyud pa las dgongs nas mi sdug pa dang lhan cig pa'i dran pa yang dag byang chub kyi yan? lag sgom par byed do zhes gsungs so zhes zer ro/ /gzhan dag na re 'phags pa'i lam gyi mjug thogs su yang spyi yid la bying ba kho na'o zhes zer ro/ /re zhig mi lcogs
 pa med pa la sogs pa sa gsum la sten nas nges pa la 'jug na ni lam de rnams kyi mjug thogs su 'dod pa na spyod pa'i spyi yid la byed pa mngon du byed par 'gyur na/ gal te bsam gtan gnyis pa la sogs pa la brten na des pa la mjug na go ji ltar te/ shin
 tu bskal ba'i phyir 'dod pa na spyod pa'i ni mi nus so/ /nges par 'byed pa'i cha dang mthun pa ma gtogs/ par de dag gi sa pa yang ma thob po/ /'phags pa ni yang nges par 'byed pa'i cha dang mthun pa mngon du mdzad pa yang ma yin te/ 'bras bu thob zin pa de'i sbyor
 ba mngon du byed pa ni rigs pa ma yin no/ /des ni de dang 'dra ba'i spyi yid la byed pa gzhan yang 'di lta ste/ 'du byed thams cad ni mi rtag pa'o/ /chos thams cad ni bdag med pa'o/ /mya ngan las 'das pa ni zhi ba'o snyam pas 'thob par 'gyur te/ de mngon
 du byed par 'gyur ro/ /de skad du ni mi brjod do/ /mi lcogs pa med pa la brten nas dgra bcom pa nyid 'thob pa'i ldang ba'i sems ni de'i sa 'am 'dod pa spyod pa yin no/ /ci yang med pa'i skye mched la brten nas 'thob pa'i ni de'i sa pa 'am srid pa'i rtse mo pa yin no
 sa lhag ma rnams su ni rang gi sa pa kho na'o/ /'dod pa'i khams ni yid la byed pa gsum ste/ thos pa dang bsams pa las byung ba dang/ skyes nas thob pa rnams so/ /gzugs kyi khams na ni gsum ste/ thos pa dang bsgoms pa las byung ba dang/ skyes nas thob pa rnams so/ /
 bsams pa las byung ba ni med do/ /gang gi tshe de dag sems par rtsom pa de'i tshe de dag gi ting nge 'dzin kho na nye bar gnas pa yin no/ /gzugs med pa'i khams na ni bsgoms pa las byung ba dang/ skyes nas thob pa dag go /de la skyes nas thob pa dag ma gtogs pa yid la
 byed pa rnam pa lnga'i mjug thogs su 'phags pa'i lam mngon du 'gyur te/ sbyor ba la rag lus pa'i phyir ro/ /lam gyi mjug thogs su ni 'dod pa na spyod pa'i skyes nas thob pa yang mngon du 'gyur te/ gsal ba'i phyir ro/ /gang dag sems bcu gnyis bshad pa de dag las sems
 gang la du zhig rnyed ce na/ khams gsum pa'i nyon mongs pa can/ /drug dang drug dang gnyis rnyed do/ /'dod pa na spyod pa'i nyon mongs pa can gyi sems mngon du gyur na sems drug po 'di dag dang mi ldan pa las rnyed de/ the tshom gyis dge ba'i rtsa ba'i nying mtshams sbyor ba
 dang/ khams su slar ldog pa las 'dod pa'i khams kyi dge ba dang/ khams su slar ldog pa dang/ yongs su nyams pa las mi dge ba dang/ bsgribs la lung du ma bstan pa dag dang/ gzugs na spyod pa'i nyon mongs pa can dang/ yongs su nyams pa las gzugs med pa na spyod pa'i
 nyon mongs pa can dang/ slob pa'o/ /gzugs na spyod pa'i nyon mongs pa can la yang drug rnyed de/ khams su slar ldog pa las gzugs na spyod pa gsum dang/ 'dod pa na spyod pa'i ma bsgribs la lung du ma bstan pa dang/ yongs su nyams pa las gzugs med pa na spyod pa'i nyon mongs pa
 can dang/ slob pa'o/ /gzugs med pa na spyod pa'i nyon mongs pa can la ni gnyis rnyed de/ yongs su nyams pa las nyon mongs pa can de nyid dang/ slob pa'o/ /gzugs skyes dge la gsum dag go /gzugs na spyod pa'i dge ba la sems gsum rnyed de/ dge ba de nyid dang/
 'dod pa dang gzugs na spyod pa'i ma bsgribs la lung du ma bstan pa dag go /slob pa la bzhi/ slob pa de nyid dang/ 'phags pa'i lam gyis 'dod pa dang gzugs kyi khams las 'dod chags dang bral bar byed pa na 'dod pa dang gzugs na spyod pa'i ma bsgribs la lung
 du ma bstan pa dag dang/ gzugs med pa'i dge ba'o/ /lhag la de/ lhag mar byas pas lhag ma ste/ sems gang la rnyed pa ma bshad pa de la ni de nyid rnyed par lta bar bya'o/ /gzhan dag ni khyad par med par nyon mongs pa can gyi sems la ni/ mkhas pa rnams kyis dgu
 rnyed brjod/ /dge ba'i sems la drug yin te/ lung ma bstan la de nyid do/ zhes 'chad de/ der mi dge ba'i sems la bdun yin te/ zhes brjod par bya ste/ yang dag pa'i lta bas dge ba'i rtsa ba'i nying mtshams sbyor ba las 'dod pa na spyod pa'i dge ba dang 'dod chags
 dang bral ba las 'dod pa/ dang gzugs na spyod pa'i ma bsgribs la lung du ma bstan pa dag dang/ de na yod pa'i ting nge 'dzin de thob pa las gzugs dang gzugs med pa na spyod pa'i dge ba dag dang/ des 'jug dgra bcom nyid kyi tsha?/ /slob pa dang ni mi slob pa'o//
 lhag ma ni rnam par bshad pa 'di nyid kyi khong du chud par bya'o/ /bsdu ba'i tshigs su bcad pa ni/ /skye dang snyoms pa 'jug pa dang/ /'dod chags bral dang yongs nyams dang/ /dge ba'i nying mtshams sbyor ba'i che/ /sems de ldan pa min las rnyed/ /rkyen gyi
 skabs rdzogs so// /dbang po bstan pa zhes bya ba mdzad kyi bshad pa las gnas gnyis pa rdzogs so// //da ni 'dod pa dang gzugs dang gzugs med pa'i khams kyi nges pa nyid kyi sems la sogs pa bstan pa byas pa de la
 'dod pa dang gzugs dang gzugs med pa'i khams de dag gang yin pa brjod par bya ste/ de'i phyir/ dmyal ba yi dags dud 'gro dang/ /mi rnams dang ni lha drug dag /'dod pa'i khams yin zhes bya ba 'di smos te/ 'gro ba bzhi dang/ lha'i ris drug po 'di lta ste/
 rgyal chen bzhi pa rnams dang/ sum cu rtsa gsum pa dang/ 'thab bral ba dang/ dga' ldan pa rnams dang 'phrul dga' ba rnams dang/ gzhan 'phrul dbang byed pa rnams te/ de ltar na de dag snod kyi 'jig rten dang bcas pa ni 'dod pa'i khams yin no/ /de la gnas du zhig
 yod ce na/ dmyal ba dang/ gling dbye ba las de nyi shu zhes bya ba smos te gnas rnams su zhes bya ba'i tshig gi lhag ma dang sbyor ro/ /dmyal ba chen po brgyad yod do/ /yang sos dang/ thig nag dang/ bsdus 'joms dang/ ngu 'bod dang/ ngu 'bod chen po dang/ tsha ba dang/
 rab tu tsha ba dang/ mnar med pa dang/ gling bzhi ste/ 'dzam bu'i gling dang/ shar gyi lus 'phags gling dang/ nub kyi ba lang spyod dang/ byang gi sgra mi snyan dang/ bshad ma thag pa'i lha'i ris drug dang/ yi dags rnams dang/ dud 'gro ste/ de ltar na gzhan 'phrul
 dbang byed pa dag nas mnar med pa'i bar gyi gnas nyi shu po de dag ni 'dod pa'i khams yin no/ /snod dang bcas par bzung na ni rlung gi dkyil 'khor gyi bar yin no/ /'dod pa'i khams 'di'i/ gong ma'i gnas dag bcu bdun ni/ gzugs khams yin/ ji
 lta zhe na/ der so so yi bsam gtan sa ni gsum pa yin zhes bya ba smos te/ bsam gtan dang po dang/ gnyis pa dang/ gsum pa dag ni re re zhing sa gsum pa dag yin no/ /bzhi pas ni brgyad pa yin/ /de la bsam gtan dang po ni tshangs ris rnams dang/ tshangs
 pa'i mdun na 'don rnams dang/ tshangs chen rnams so/ /gnyis pa ni 'od chung rnams dang/ tshad med 'od rnams dang/ 'od gsal rnams so/ /gsum pa ni dge chung rnams dang/ tshad med dge rnams dang/ dge rgyas rnams so/ /bzhi pa ni sprin med rnams dang/ bsod nams skyes rnams dang/
 'bras bu che ba rnams dang/ mi che ba rnams dang/ mi gdung pa rnams dang/ gya nom snang rnams dang/ shin tu mthong ba rnams dang/ 'og min rnams te/ de ltar na gnas bcu bdun po 'di dag de na gnas pa'i sems can rnams dang bcas pa ni gzugs kyi khams yin no/ /kha
 che ba rnams na re bcu drug yin no zhes zer ro/ /tshangs pa'i mdun na 'don kho na dag tshangs pa chen po'i gnas ches mchog tu gyur pa gtso bo gcig pa can cig spags pa bzhin du mngon par grub kyi sa gzhan ni med do zhes grag go gzugs med khams na gnas med do/
 chos gzugs can ma yin pa rnams la ni gnas med de/ 'das pa dang ma 'ongs pa dang/ rnam par rig byed ma yin pa dang/ chos gzugs can ma yin pa rnams ni yul na mi gnas zhes bya bar nges pa yin no/ /de yang skye ba las ni rnam pa bzhi/ /gzugs
 med pa'i khams skye ba'i bye brag gis ni rnam pa bzhi ste/ 'di lta ste nam mkha' mdza' yas skye mched dang/ rnam shes mdza' yas skye mched dang/ ci yang med pa'i skye mched dang/ 'du shes med 'du shes med min gyi skye mched do/ /de dag la yul gyis byas
 pa'i bla 'og ni med do ting nge 'dzin thob pa rnams yul gang du 'chi 'pho ba de nyid du skye la/ yang de nas 'chi 'pho ba rnams kyi srid pa bar ma yang de nyid du 'grub po/ /ji ltar sems can gzugs can rnams kyi sems kyi rgyud gzugs la brten nas 'jug pa de
 ltar gzugs med pa dag na ci la brten nas 'jug ce na/ der ni ris dang srog la yang/ /sems kyi rgyud ni brten pa yin/ /chos mngon pa pa rnams na re ris? mthun pa dang/ srog gi dbang po la brten nas so zhes zer ro/ /'o na ci'i phyir sems can gzugs can rnams
 kyi rgyun yang de gnyis kho na la brten nas 'jug par mi 'gyur/ stobs chung ba'i phyir ro/ /de na ci'i phyir stobs dang ldan pa nyid yin/ snyoms par 'jug pa'i khyad par las skyes pa'i phyir te/ snyoms par 'jug pa de ni gzugs dang bral
 pa'i 'du shes can yin no/ /'o na ni stobs dang ldan pa'i phyir de kho nas 'jug par 'gyur gyi rten gyis ci zhig bya/ ji ltar sems can gzugs can rnams kyi ris mthun pa dang/ srog gi dbang po gzugs la brten nas 'jug pa de ltar sems can gzugs
 can ma yin pa rnams kyi ci la brten nas 'jug pa 'di yang brjod par bya'o/ /de gnyis phan tshun du'o/ /'o na gzugs can rnams kyi yang de gnyis phan tshun du ci'i phyir mi rten de gnyis stobs chung ba'i phyir ro/ /de ni ci'i phyir stobs dang ldan pa nyid
 yin/ snyoms par 'jug pa'i khyad par la skyes pa'i phyir ro/ /mdo sde pa rnams na re de ni sems kyi rgyud dam/ sems kyang sems las byung ba dag la yang mtshungs te/ de lta bas na sems can gzugs can ma yin pa rnams kyi sems kyi rten gzhan ni
 med do zhes zer ro/ /gzhan yang sems kyi rgyun gang gi 'phen pa'i rgyu gzugs la sred pa dang ma bral ba de ni gzugs dang lhan cig 'byung ba'i phyir gzugs la brten nas 'jug gi /gang gi rgyu gzugs la sred pa dang bral ba de ni gzugs la mi bltos
 par 'jug ste/ rgyu de la rgyab kyis phyogs pa'i phyir ro/ /yang ci'i phyir 'di dag 'dod pa dang gzugs dang gzugs med pa'i khams rnams zhes bya zhe na/ rang gi mtshan nyid 'dzin pa'i phyir na khams so/ /'dod pa dang ldan pa'i khams ni 'dod pa'i
 khams so/ /gzugs dang ldan pa'i khams ni gzugs kyi khams so/ /bar gyi tshig mi mngon par byas pa'i phyir te/ rdo rje'i sor gdub lta bu dang/ /na le sham gyi btung ba zhes bya ba bzhin no/ /'di na gzugs med pas gzugs med pa'o//
 gzugs med pa'i ngo bo ni gzugs med pa nyid do/ /yang na gzugs su rung ba ni gzugs so/ /gzugs med pas na gzugs med pa'o/ /de'i ngo bo ni gzugs med pa nyid do/ /de dang ldan pa'i khams ni gzugs med pa'i khams so/ /yang na 'dod pa rnams kyi khams ni 'dod pa'i
 khams te/ gang zhig 'dod pa rnams 'dzin khams dag kyang de dang 'dra bar rig par bya'o/ /'dod pa zhes bya ba 'di ci yin zhe na/ mdor bsdu na khams kyi zas dang/ 'khrig pa dang ldan pa'i 'dod chags yin te/ 'jig rten sna tshogs dang de 'dod pa min skyes bu'i kun
 rtog 'dod chags 'dod pa yin/ /'jig rten dag na sna tshogs de bzhin gnas/ /'on kyang brtan rnams 'di la 'dun pa 'dul/ zhes tshigs su bcad de gsungs pa'i phyir/ /kun tu rgyu 'tsho byed kyi 'phags pa shA ri'i bu la/ 'jig rten sna tshogs gang de 'dod min gyi//
 kun rtog 'dod chags 'dir 'dod yin smra na/ /de ni mi dge'i rtogs pa kun rtog tshe/ /dge slong yang ni 'dod spyod can du 'gyur/ zhes smras pa dang/ 'phags pa shA ri'i bus/ gal te 'jig rten sna tshogs gang de 'dod/ /ci ste khyod kyi kun rtog 'dod chags ni/ /'dod pa
 min na gzugs rnams mthong nas ni/ /khyod kyi ston pa'ang 'dod spyod can du 'ong zhes smras so/ /yang ci chos gang dag 'dod pa dang gzugs dang gzugs med pa dag na spyod pa de dag thams cad 'dod pa dang gzugs dang gzugs med pa dang ldan pa dag cig yin nam
 zhe na/ smras pa ma yin no/ /'o na ci zhe na/ gang dag la 'dod pa dang gzugs dang gzugs med pa'i 'dod chags dag rgyas par 'gyur pa'o/ /'dod pa dang gzugs dang gzugs med pa'i 'dod chags de dag kyang gang yin zhe na/ gang dag 'dod pa dang gzugs dang
 gzugs med pa'i khams dag tu rgyas par 'gyur ba'o/ /da ni 'di rta dang bres lta bu de yin te/ rta'i bres 'di su'i yin zhes smras na/ rta 'di su'i yin pa'o zhes zer ro/ /rta 'di su'i yin zhes smos na/ rte'i bres 'di su'i yin pa'o/ /zhes zer bas gnyi ga yang mi
 shes pa lta bu yin no/ /'di ni rta dang bres lta bu ma yin te/ 'dod pa'i khams su gnas brtan pa de dag la 'dod chags dang ma bral ba'i 'dod chags gang yin pa de ni 'dod chags yin la de gang du rgyas par 'gyur ba'i chos de yang 'dod pa
 dang ldan pa yin no/ /de bzhin du gzugs med pa'i 'dod chags dang/ 'og ma'i 'dod chags dang bral ba'i dag kyang ci rigs par rig par bya'o/ /yang na mnyam par ma bzhag pa'i 'dod chags ni 'dod pa'i 'dod chags so/ /bsam gtan gzugs med
 pa dag la 'dod chags pa ni gzugs dang gzugs med pa'i 'dod chags so/ /sprul pa'i sems la ji ltar 'dod pa'i 'dod chags yin zhe na thos pa dang yongs su nyams nas de las chags pa'i phyir ro/ /yang na sprul pa'i dbang gis sprul pa byed pa'i sems
 la 'ang 'dod chags so/ /yang dri dang ro sprul pa'i phyir na de 'dod pa na spyod pa nyid yin te/ gzugs na spyod pas ni de gnyis ma sprul pa'i phyir ro/ /yang ci khams gsum gcig na zhig yin nam zhe na/ khams gsum rnams la mdza' med de/ nam mkha' ji tsam pa
 'jig rten gyi khams dag kyang de tsam mo/ /de nyid kyi phyir sngon med pa'i sems can 'byung ba yang med la/ sangs rgyas 'byung ba re res sems can grangs med pa yongs su mya ngan las 'das kyang sems can rnams yongs su gtugs pa med de nam mkha' bzhin no//
 'jig rten gyi khams rnams ji ltar gnas she na/ thad kar gnas te/ mdo las dper na char gyi rgyun gnya' shing tsam 'bab pa na bar snang las chu'i rgyun 'bab pa rnams kyi mtshams sam par med do/ /de bzhin du shar phyogs su 'jig rten gyi khams 'chags
 pa dang 'jig pa dang 'jig pa rnams kyi mtshams sam par med do/ /shar phyogs su ji lta bar lho dang nub dang byang gi bar du yang de dang 'dra'o zhes gsungs kyi steng dang 'og ces ni ma gsungs so/ /gzhan dag na re sde ba gzhan dag las 'byung ba'i phyir steng dang 'og
 dag na yang yod de/ 'og min gyi gong na yang 'dod pa'i khams yod la/ 'dod pa'i khams kyi 'og na yang 'og min yod do zhes zer ro/ /gang 'dod pa'i khams cig las 'dod chags dang bral ba de ni thams cad la 'dod chags dang bral ba yin no/ /gzugs dang gzugs med pa
 dag las kyang de dang 'dra'o/ /gang zhig bsam gtan dang po la brten pa'i rdzu 'phrul skyed par byed pa de ni des 'jig rten gyi khams gang du skyes pa nas skyed par byed pa de kho na na yod pa'i tshangs pa'i 'jig rten gyi bar du 'gro'i gzhan du ma yin no/ /khams gsum po dag
 bshad pa gang yin pa/ der ni dmyal sogs 'gro ba lnga/ /rang gi ming gis bstan/ de dag tu dmyal ba dang/ dud 'gro dang/ yi dags dang/ lha dang mi zhes bya ba 'gro ba lnga po rang gi ming dag kho nas bstan te/ 'dod pa'i khams na ni 'gro ba bzhi dang lnga pa'i phyogs so/ /gzugs
 dang gzugs med pa'i khams dag na ni lha'i 'gro ba gcig kho na'i phyogs so/ /gang gis na/ de dag khams dag tu zhes bya ba ci 'gro ba la ma gtogs pa'i khams dag cig yod dam zhe na/ yod de/ khams rnams ni dge ba dang/ nyon mongs pa can dang/ snod dang srid pa bar ma
 pa'i rang bzhin dag kyang yin gyi 'gro ba lnga po dag gang yin pa/ de dag /nyon mongs can min lung bstan min/ /sems can zhes bya bar srid min/ /'gro ba rnams ni ma bsgribs la lung du ma bstan pa kho na'o/ /de lta ma yin na 'gro ba lnga 'chol par 'gyur ro/ /sems can zhes bya ba kho
 na yin yang/ srid pa bar ma'i rang bzhin dag ni ma yin no/ /btags pa las kyang/ skye gnas bzhis ni 'gro ba lnga bsdus kyi 'gro ba lngas ni skye gnas bzhi ma bsdus she na/ srid pa bar ma'o zhes gsungs so/ /chos kyi phung po las kyang mig gi khams gang zhe na/ 'byung ba chen
 po bzhi dag rgyur byas pa'i gzugs dang ba gang yin pa dmyal ba 'am dud 'gro'i skye gnas pa dang/ yi dags pa'i yul pa 'am/ lha 'am mi 'am/ bsgoms pa las byung ba 'am/ srid pa par ma'i mig dang/ mig gi dbang po dang/ mig gi skye mched dang/ mig gi khams so zhes
 gsungs so/ /mdo las kyang srid pa bar ma 'gro ba rnams las logs shig tu mdzad do/ /mdo gang las she na srid pa ni bdun te/ dmyal ba'i srid pa dang/ dud 'gro'i srid pa dang/ yi dags kyi srid pa dang/ lha'i srid pa dang/ mi'i srid pa dang/ las kyi srid pa dang/ srid
 pa par ma'o zhes gsungs pa las te/ 'dir ni 'gro ba lnga po rgyu dang bcas par bshad do/ /de nyid kyi phyir ma bsgribs la lung du ma bstan par 'grub ste/ de'i rgyu las de dag logs shig tu mdzad pa'i phyir ro/ /kha che ba rnams kyang gnas brtan shA ri'i bus tshe dang ldan pa dmyal ba pa'i
 zag pa rnams mngon du gyur pa las dmyal ba myong bar 'gyur ba'i las rnams byed cing stsogs par 'gyur ro/ /tshe dang ldan pa lus dang ngag dang yid kyi dkyil 'khor dang/ lus dang ngag dang yid kyi skyon dang/ snyigs ma de dag gi rnam par smin pa gzugs dang/ tshor ba dang/ 'du
 shes dang/ 'du byed dang/ rnam par shes pa ni dmyal ba dag tu rnam par smin par 'gyur te/ rnam par smin pa grub nas dmyal ba zhes bya ba'i grangs su 'gro'o/ /tshe dang ldan pa de la chos de dag ma gtogs pa dmyal ba mi dmigs so zhes mdo 'don to/ /de'i phyir yang 'gro ba
 dag ni ma bsgribs la lung du ma bstan pa kho na yin no/ /'o na ni rab tu byed pa'i gzhung 'gro ba dag la phra rgyas thams cad rgyas par 'gyur zhes 'byung ba'i lan gdab par bya dgos so zhe na/ 'gro ba rnams su nying mtshams sbyor ba'i sems rnam pa lnga yod/ de'i phyir 'jug pa
 dang bcas pa'i 'gro ba smos pas de ni nyes pa med de/ grong smos na grong gi nye 'khor yang smos pa bzhin no/ /gzhan dag na re dge ba dang nyon mongs pa can dag kyang yod do/ /las de dag las logs shig tu mdzad pa'i phyir ro zhes gang bshad pa ni tha dad du gsungs pa'i
 phyir logs shig tu mdzad pa yin par nges pa med de/ dper na snyigs ma lnga po dag tu nyon mongs pa dang lta ba'i snyigs ma dag tha dad du gsungs kyang lta ba rnams nyon mongs pa dag ma yin pa yang ma yin pa de bzhin du las kyi srid pa yang yin 'gro ba yang yin
 'gro ba'i rgyu shes par bya ba'i phyir 'di tha dad du bstan pa yin no/ /zhes zer ro/ /'di ni srid pa bar ma yang thal bar 'gyur ro zhe na/ mi rung ba'i phyir ma yin te/ der 'gro bas na 'gro ba yin na srid pa bar ma ni 'gro ba ma yin te/ 'chi 'pho ba'i yul nyid du skye ba'i phyir ro/ /gzugs med pa rnams
 kyang 'gro ba ma yin par 'gyur te 'chi 'pho ba'i yul nyid du skye ba'i phyir ro/ /de lta na 'o na ni srid pa bar ma yin pa kho na'i phyir srid pa bar ma 'gro ba ma yin te/ 'gro ba'i bar ma do yin pa'i phyir ro/ /gal te 'gro ba yin par gyur na ni srid pa bar ma zhes bya ba nyid du yang mi
 'gyur ro/ /'o na gnas brtan shA ri'i bus rnam par smin pa grub nas dmyal ba zhes bya ba'i grangs su 'gro'o zhes gang bshad pa ji ltar drang/ rnam par smin pa grub nas zhes bshad kyi rnam par smin pa kho na'o zhes ni ma bshad pa ji ltar/ 'o na tshe dang ldan pa de la chos de dag ma
 gtogs pa dmyal ba mi dmigs so zhes gang bshad pa ji ltar drang/ phung po dag las gzhan pa dmyal ba mi dmigs zhes 'gro bar 'gro ba'i gang zag gi rdzas 'gog par byed pa yin gyi phung po gzhan 'gog pa ni ma yin no/ /bye brag tu smra ba rnams na re 'gro ba rnams ni ma bsgribs
 la lung du ma bstan pa dag kho na yin no zhes zer ro/ /de dag kyang kha cig na re rnam par smin pa'i rang bzhin dag kho na yin no zhes zer ro/ /gzhan dag na re rgyas pa las byung ba'i rang bzhin dag kyang yin no zhes zer ro/ /'gro ba lnga pa'i khams gsum 'di nyid du/ lus dang 'du shes
 tha dad dang/ /lus tha dad cing 'du shes gcig /bzlog dang lus dang 'du shes cig /gzugs can ma yin gsum po dang/ /rnam shes gnas pa bdun rim bzhin du rig par bya'o/ /mdo las sems can gzugs can lus tha dad cing 'du shes tha dad pa yang yod de/ 'di
 lta ste mi rnams dang lha kha cig go /'di ni rnam par shes pa gnas dang po'i zhes gsungs te/ lha kha cig gang zhe na/ 'dod pa na spyod pa rnams dang/ bsam gtan dang po pa dang por byung ba ma gtogs pa rnams so/ /de dag gi lus tha dad pa'i phyir ram/ de dag gi lus tha
 dad pa yin pas na lus tha dad pa dag ste/ kha dog dang rtags dang dbyibs du ma'i phyir ro/ /'du shes du ma'i phyir 'du shes tha dad pa'o/ /de 'di dag la yod pas 'du shes tha dad pa rnams te/ bde ba dang/ sdug bsngal ba dang/ sdug bsngal ba yang
 ma yin bde ba yang ma yin pa'i phyir ro/ /sems can gzugs can tha dad cing 'du shes gcig pa dag kyang yod de/ 'di lta ste tshangs ris kyi lha gang dag dang por byung ba de dag go /'di ni rnam par shes pa gnas pa gnyis pa'o/ /zhes gsungs te/ dang por byung ba de
 dag thams cad ni 'di snyam du bdag cag ni tshangs pa 'dis phyung ngo/ /snyam du 'du shes par 'gyur la/ tshangs pa yang 'di snyam du 'di dag ni bdag gis phyung po snyam du sems pas 'du shes kyi rgyu ba tha mi dad pa'i phyir 'du shes gcig pa dag yin no/ /tshangs pa chen po'i
 chu zheng dang dbyibs kyi lung dang/ tshig tu brjod pa dang/ gos gyon pa yang gzhan yin la/ de'i 'khor gyi yang gzhan yin pas na lus tha dad pa dag yin no/ /mdo las de dag 'di snyam du bdag cag gis sems can 'di tshe ring zhing dus ring por gnas pa mthong ba zhes
 bya ba nas sems can 'di yang sems la 'di snyam du kye ma sems can gzhan dag kyang 'dir bdag dang skal ba mnyam par skye bar gyur cig snyam du smon la/ bdag cag kyang 'dir skyes pas zhes bya bar shes so zhes gang gsungs pa/ de dag gis de ji ltar
 mthong zhe na/ kha cig na re 'od gsal la gnas pa rnams kyis te/ de dag ni de nas shi 'phos pa yin no zhes zer ro/ /de ni bsam gtan gnyis pa'i snyoms par 'jug pa ma thob na ni ji ltar na de'i sa pa'i sngon gyi gnas rjes su dran/ 'on te thob na ni ji ltar na tshangs
 pa chen po la dmigs pa'i tshul khrims dang brtul zhugs mchog tu 'dzin pa'i lta ba la zhen pa dag yin/ gzhin dag na re srid pa bar ma la gnas pa dag gis mthong ngo zhes zer ro/ /de na yang gegs byed pa med pa'i phyir dus ring por gnas pa mi srid na ji ltar
 na de dag 'di snyam du bdag cag gis sems can 'di tshe ring zhing dus ring por gnas pa mthong ngo snyam du shes par 'gyur/ de lta bas na de na gnas pa de dag kho nas de'i sngon gyi tshul rjes su dran zhing de ltar dus ring por gnas pa mthong ngo/ /mthong nas kyang phyis de dag mthong ngo snyam du shes
 pa yin no/ /sems can gzugs can lus gcig cing 'du shes tha dad pa dag kyang yod de/ 'di lta ste 'od gsal gyi lha rnams so/ /'di ni rnam par shes pa gnas pa gsum pa'o zhes gsungs te/ 'dir ni mdza' smos pas bsam gtan gnyis pa mdza' dag smos par rig par
 bya'o/ /de lta ma yin na 'od chung rnams dang/ tshad med 'od rnams rnam par shes pa gnas pa gang du rnam par bzhag par 'gyur/ de la kha dog dang/ rtags dang/ dbyibs tha mi dad pa'i phyir lus gcig pa dag go /bde bar 'du shes pa'i phyir dang/ bde ba yang ma yin sdug bsngal
 yang ma yin par 'du shes pa'i phyir 'du shes tha dad pa dag ste/ de dag ni dngos gzhi'i sa la yid bde ba'i dbang pos yongs su skyo nas nyer bsdogs las btang snyoms kyi dbang po mngon du byed la nyer bsdogs kyi btang snyoms kyi dbang pos yongs su skyo nas ni yang dngos
 bzhi'i sa la yid bde ba'i dbang po mngon du byed de/ dper na dbang phyug dag 'dod pa'i dga' bas yongs su skyo nas chas kyi dga' ba nyams su myong bar byed la chos kyi dga' bas yongs su skyo nas ni yang 'dod pa'i dga' ba nyams su myong bar byed pa bzhin no/ /zhes grag go/
 'di dge rgyas pa dag la yang thal bar 'gyur ba ma yin nam zhe na/ ma yin te/ de dag ni bde ba des yongs su skyo ba med do de ci'i phyir zhe na/ bde ba de ni zhi ba yin la/ yid bde ba ni sems g.yo bar byed pa yin pas ma zhi ba yin pa'i phyir ro/ /mdo sde ba rnams ni mdo las
 'od gsal ba'i lha'i ris de na sems can gang dag skyes nas ring po ma lon pa 'jig rten 'di 'jig pa la mi mkhas shing 'chags pa la mi mkhas pa de dag me lce de mthong na me lce des tshangs pa'i gzhal med khang stong pa bsregs nas de nyid du med par gyur to//
 'dir 'ong bar 'gyur na mi rung ngo zhes skrag nas yi chad cing skyo bar 'gyur ro/ /'od gsal ba'i lha'i ris de na sems can gang dag skyes nas ring du lon pa 'jig rten 'di 'jig pa la mkhas shing 'chags pa la mkhas pa de dag sems can skrag pa de dag
 la grogs po dag ma 'jigs shig /grogs po dag ma 'jigs shig /me lce 'di ni sngon yang tshangs pa'i gzhal med khang stong pa bsregs nas de nyid du med par 'gyur ro zhes dbugs 'byin par byed do zhes de dag ji ltar 'du shes tha dad pa dag yin par bshad de/ de lta
 bas na de dag me lce 'ong ba dang med par 'du shes pa'i phyir dang/ skrag pa dang mi skrag par 'du shes tha dad bdag yin gyi bde ba dang/ bde ba yang ma yin sdug bsngal yang ma yin par 'du shes pa'i phyir ni ma yin no/ /zhes 'chad do/ /sems can gzugs can lus gcig
 cing 'du shes gcig pa dag kyang yod de/ 'di lta ste/ dge rgyas kyi lha rnams so/ /'di ni rnam par shes pa gnas pa bzhi pa'o zhes gsungs te/ 'du shes gcig pa dag ces bya ba ni/ bde bar 'du shes pa dag go /de la bsam gtan dang po na ni nyon mongs pa can gyi
 'du shes su 'du shes gcig pa dag yin no/ /gnyis pa na ni dge ba'i 'du shes su 'du shes tha dad pa dag yin no/ /gsum pa na ni rnam par smin pa las skyes pa'i 'du shes su 'du shes gcig pa dag yin no/ /gzugs khams pa gsum ni mdo las ji skad 'byung
 ba ste/ de ltar na de dag gi ni rnam par shes pa gnas pa bdun yin no/ /'di la rnam par shes pa gnas pa gang yin zhe na/ ci rigs par de dag dang ldan pa'i phung po lnga dang bzhi yin no/ /ci'i phyir lhag ma rnam par shes pa gnas pa ma yin zhe na/ 'di ltar/
 lhag ma/ de 'joms byed ldan/ lhag ma gang zhig ce na/ ngan 'gro rnams dang/ bsam gtan bzhi pa dang/ srid pa'i rtse mo'o/ /'di dag na rnam par shes pa 'joms par byed pa dag yod pas de'i phyir 'di dag ni rnam par shes pa gnas pa ma yin no/ /'joms par
 byed pa zhes bya ba ci zhe na/ gang gis rnam par shes pa 'joms par byed pa ste/ de la dran song dag na ni 'joms par byed pa sdug bsngal gyi tshor ba yin te/ gnod pa byed pa yin pa'i phyir ro/ /bsam gtan bzhi pa na ni 'du shes med pa dang/ 'du shes med pa'i snyoms par 'jug pa
 yin no/ /srid pa'i rtse mo na ni 'gog pa'i snyoms par 'jug pa yin te/ sems kyi rgyud gcod pa'i phyir ro/ /yang smras pa/ gang du 'di na gnas pa rnams na 'gro bar 'dod la/ de na gnas pa rnams ni bskyod par mi 'dod pa de rnam par shes pa gnas par bshad na/ ngan song dag na
 ni gnyi ga med do bsam gtan bzhi pa na ni sems can rnams bskyod pa'i yid dang ldan pa dag yin te/ so so'i skye bo rnams ni 'du shes med par 'jug 'dod la 'phags pa rnams ni gnas gtsang mar ro/ /srid pa'i rtse mo ni rgyu ba mi gsal ba'i phyir rnam par
 shes pa gnas pa ma yin no/ /rnam par shes pa gnas pa bdun pa ji skad bshad pa de dag dang/ srid rtse dang/ 'du shes med pa'i sems can rnams/ /sems can gyi ni gnas dgur bshad/ /'di dag tu sems can rnams rang dags kun tu gnas so/ /mi 'dod bzhin
 gnas phyir gzhan min/ /gzhan gang zhe na/ ngan song rnams te/ de dag tu sems can rnams mi 'dod bzhin du las kyi srin po dag gis kun tu gnas su 'jug gi dga' ste gnas pa ni ma yin no de'i phyir de dag ni sems can rnams kyi gnas ma yin te btson ra bzhin
 no/ /mdo gzhan las ni rnam par shes pa gnas pa bdun zhes gsungs so/ /gzhan las ni/ gnas pa dag ni yang bzhi ste/ zhes gsungs pa/ bzhi gang zhe na rnam par shes pa gnas pa gzugs su nye bar 'gro ba dang/ tshor bar nye bar 'gro ba dang/ 'du shes su nye bar
 'gro ba dang/ 'du byed du nye bar 'gro ba'o/ /de dag gi rang bzhin ci zhe na/ de dag ni go rims bzhin du/ zag dang bcas pa'i phung po bzhi/ /de dag kyang/ rang gi sa pa nyid/ sa gzhan du ni ma yin no/ /ci'i phyir zhe na/ gnas pa'i brten pa yin na/ skal ba mi mnyam
 pa'i sa pa'i phung po dag la ni rnam par shes pa sred pa'i dbang gis mi brten pa'i phyir ro/ /ci'i phyir rnam par shes pa la rnam par shes pa gnas pa zhes mi bya zhe na/ bye brag tu smra ba rnams na re gnas pa po yongs su spangs nas gnas pa
 zhes bya ba'i phyir te/ gnas pa po nyid la ni gnas pa zhes mi bya ste/ dper na rgyal po nyid rgyal po'i stan ma yin pa bzhin no/ /yang na chos gang dag la rnam par shes pa gnas nas gru dang mnyan pa'i tshul du 'gro bar byad pa'i chos rnam par shes pa gnas
 pa dag ces bshad na/ rnam par shes pa nyid rnam par shes pa la gnas nas 'gro bar byed pa ni ma yin pas de'i phyir ma bshad do zhes zer ro/ /'o na mdo las/ rnam par shes pa'i zas la dga' ba yang yod 'dod chags kyang yod do/ /gang la
 dga' ba yod cing 'dod chags yod pa de la rnam par shes pa rten cing gnas so zhes gang gsungs pa de ni ji lta bu/ rnam par sheg? pa bdun phung po lnga'i rang bzhin dag yin no zhes bya ba de yang ji lta bu/ de lta na 'o na ni bye brag med par ni
 skye mched kyis bsdus pa'i phung po dag la mngon par dga' ba dang bcas pa'i rnam par shes pa 'jug na rnam par shes pa la rnam par shes pa gnas pa zhes bya'o/ /so sor dbye na ni ji ltar gzugs la sogs pa rnam par shes pa kun nas nyon
 mongs par byed pa yin pa ltar/ rnam par shes pa 'ba' zhig ni de lta ma yin te/ de lta pas na rnam par shes pa gnas pa bzhi dag tu/ rnam shes 'ba' zhig gnas par ma bshad do/ /gzhan yang bcom ldan 'das kyis rnam par shes pa gnas pa bzhi
 ni zhing gi ngo bor bstan la/ nye bar lam pa dang bcas pa'i rnam par shes pa zad par ni sa bon gyi ngo bo kho nar bstan gyi/ sa bon nyid sa bon gyi zhing gi ngo bor rnam par bzhag par gyur pa ni ma yin no zhes bya bar dgongs pa yongs su brtag go /chos gang dag
 rnam par shes pa dang lhan cig 'byung ba de dag ni 'di'i zhing gi ngo bo shin du legs pa yin pas de dag nyid 'di'i gnas pa dag ces bshad do/ /yang ci rnam par shes pa gnas pa bdun gyis bzhi bsdus sam/ 'on te bzhis bdun bsdus she na/ bdun gyi bzhi yang ma yin la
 bzhis kyang bdun ma yin gyi bsdun mu ni bzhi yin no/ /bsdu ba dpyad na bdun gyis bsdus la bzhis ma yin pa yang yod de zhes bya ba lta bu la sogs pa bzhir rig par bya ste/ mu dang po ni bdun dag du rnam par shes pa gang yin pa'o/ /gnyis pa ni ngan song rnams
 dang/ bsam gtan bzhi pa dang/ srid ba'i rtse mo na rnam par shes pa ma gtogs pa'i phung po rnams so/ /gsum pa dag ni bdun dag tu phung po bzhi rnams so/ /bzhi pa ni rnam pa de dag ma gtogs pa'o/ /'gro ba la sogs pa'i bye brag gis tha dad pa'i khams gsum
 bshad pa 'ang yin pa/ der ni sgo nga las skyes sogs/ /sems can skye gnas bzhi dag tu/ /rig par bya ste/ sgo nga las skyes pa'i skye gnas dang/ mngal nas skyes pa'i skye gnas dang/ dror gsher las skyes pa'i skyes gnas dang/ brdzus te skyes pa'i skyes gnas so/ /skye gnas
 zhes bya ba ni skye bo yin te/ 'dir sems can rnams 'chol bar 'gyur zhing skye ba thun mongs pa'i phyir 'dre bar 'gyur bas gnas so/ /sgo nga las skyes pa'i skye gnas gang zhe na/ sems can gang dag sgo nga las skyes pa rnams te/ 'di lta ste/ dang po dang/ khrung khrung dang/ rma bya
 dang/ ne tso dang ri skegs la sogs pa'o/ /mngal nas skyes pa'i skyes gnas gang zhe na/ sems can gang dag mngal nas skyes pa rnams te/ 'di lta ste/ glang po che dang/ rta dang/ ba lang dang/ ma he dang/ bong bu dang/ phag la sogs pa lta bu'o/ /drod gsher las skyes pa'i skye
 gnas gang zhe na/ sems can gang dag 'byung ba'i drod gsher las skye ba rnams te/ 'di lta ste srin bu dang spur ba dang/ phye ma leb dang/ sbrang bu la sogs pa lta bu'o/ /rdzus te byung ba'i skye gnas gang 'o na/ sems can gang dag dbang po ma tshang ba ma yin zhing dman
 pa ma yin la yan lag dang nyid lag thams cad dang ldan par cig car du skye ba rnams so/ /de nyid kyi phyir de dag skye ba la mdzes par byed pa'i phyir brdzus te byung ba rnams zhes bya ste/ 'di lta ste/ lha dang/ dmyal ba dang/ srid pa par ma la sogs pa
 lta bu'o/ /yang 'gro ba gang na skyes gnas du zhig yod ce na/ smras pa mi dang dud 'gro rnam pa bzhi dang/ /mi rnams dang ni rnam bzhi ste/ /re zhig sgo nga las skyes pa ni 'di lta ste/ khrung khrung mo las skyes pa brag dang nye brag dang/ ri dags 'dzin gyi ma'i sum cu rtsa gnyis dang/
 rgyal po lnga len gyi bu lnga brgya rnams so/ /mngal nas skyes pa ni ji ltar da ltar gyi lta bu'o/ /drod gsher las skyes pa ni 'di lta ste/ nga las mu dang/ mdzes pa dang/ nye mdzes dang/ thi pa'i phreng ba can dang/ a mra skyong ma la sogs pa lta bu'o/ /brdzus te skye pa ni bskal
 pa dang po pa rnams kho na'o/ /dud 'gro yang rnam pa bzhi ste/ rnam pa gsum ni snang ba kho nar zad do/ /brdzus te skye ba rnams ni glu dang/ 'dab bzangs la sogs pa lta bu'o/ /dmyal ba rnams dang lha rnams dang/ /srid pa bar ma brdzus te skye/ /dmyal ba dang/ srid pa par ma
 dang/ lha thams cad ni brdzus te skye ba kho na yin no/ /yi dags mngal nas skye ba yang yin/ 'ang? zhes bya ba'i sgras ni brdzus te skye ba dag yin no zhes bya ste/ tshe dang ldan pa maung+gal gyi bu chen po la yi dags mo zhig na re/ bdag gis mtshan mo bu lnga dang/ /de bzhin nyin mo
 gzhan lnga dag/ bskyed nas de dag za mod kyi/ /'on kyang bdag ni tshim pa med/ /ces smras pa'o/ /skye gnas thams cad kyi nang na bzang po gang yin zhe na/ brdzus te skye ba yin no/ /'o na ci'i phyir srid pa tha ma pa'i byang chub sems dpa' skye ba la dbang thob pa yang mngal
 nas skye ba'i skye gnas la brten ce na/ de ltar mdzad na don chen po gzigs pa yin te/ nye du dang 'brel bas shAkya'i rigs chen po chos la gzung ba'i phyir dang/ 'di ni 'khor los sgyur ba'i rigs yin no zhes gzhan dag rim gro bskyed du gzhug pa'i phyir dang/
 mir gyur pa dag gis kyang grub pa 'di thob? po zhes gdul bya rnams spro ba skyed pa'i phyir ro/ /de lta ma yin te/ rigs dang gdung med na/ ji ltar gzhan mu stegs can na re bskal pa brgya 'das nas sgyu ma mkhan 'di lta bu zhig 'jig rten du byung nas sgyu mas 'jig rten za'o zhes
 la zer pa ltar 'di su zhig yin/ sgyu ma'i skyes bu 'am/ 'on te sha za zhig ces de snyam du yongs su rtog par 'gyur ro/ /gzhan dag na re gang dag la mi rnams dang/ gzhan dag gis mchod pa byas nas/ stong phrag gis mtho ris dang byang grol 'thob pa ring bsrel
 sku gdung rnams bzhag pa'i phyir te/ brdzus te skye ba'i sems can rnams la ni phyi'i sa bon med pa'i phyir shi ba rnams kyi lus mi gnas te/ tho ris kyi til mar gyi mar me shi bar gyur pa bzhin no zhes zer te/ bcom ldan 'das kyi byin gyis brlabs las byung
 ba'i rdzu 'phrul yin par 'dod pa rnams la ni lan de rigs ba ma yin no/ /dri ba las dri ba gzhan 'byung ste/ gal de rdzus te skye ba rnams kyi lus zhig pa med na/ ji ltar mdo las brdzus te skye ba'i nam mkha' lding gis rdzus te skye ba'i klu bza' ba'i phyir byin to zhes
 gsungs na/ za'o zhes gsungs pas ma shes nas bza' ba'i phyir 'byin pas nyes pa med do/ /yang na ji srid ma shi'i bar du za bar byed kyi shi ba de'i tshim par 'gyur pa ni ma yin no/ /skye gnas thams cad kyi nang nas mang ba gang yin zhe na/ brdzus te skye
 ba yin te de ni 'gro ba gnyis dang gsum gyi phyogs dang/ srid pa bar ma thams cad yin/ /srid pa bar ma zhes bya ba 'di ci zhe na/ 'dir gang mchi dang skye ba yi/ /srid pa'i bar du 'byung ba'o/ /lus dang yul gzhan du skye ba thob par bya ba'i phyir
 'chi ba'i srid pa dang skye ba'i srid pa'i bar du mngon par 'grub pa de ni srid pa bar ma zhes bya ba ste/ 'gro ba'i bar ma yin pa'i phyir ro/ /ji ltar na 'di skye ba yang yin la byung ba yang ma yin zhe na/ bgrod pa'i yul du ma yin phyir/ /srid pa par ma byung ba min
 son pa ni byung pa yin na srid pa par ma 'di ni bgrod par bya ba'i yul du son pa ma yin te/ de lta bas na byung ba ma yin no/ /bgrod par bya ba'i yul de gang zhig ce na/ gang du rnam par smin pa 'phangs pa mngon zhing rdzogs pa'o/ /sde pa gzhan dag na re/
 'chi ba'i srid pa chad pa kho na las skye ba'i srid pa 'byung ngo zhes zer te/ de ni mi 'dod do/ /de ci'i phyir zhe na/ rigs pa dang lung las te/ re zhig rigs pa la brten nas/ 'bru yi rgyun dang chos mthun phyir/ /srid pa chad las 'byung ba min/ /rgyun gyis 'jug pa'i
 chos rnams ni rgyun mi 'chad par yul gzhan dag tu 'byung ba mthong ste/ dper na 'bru'i rgyun lta bu'o/ /de lta bas na sems can gyi sems kyi rgyu ni 'di yang rgyun mi 'chad par yul gzhan du 'byung ba'i tshul can yin no/ /tshad nas 'byung pa yang mthong ste/
 dper na me long la sogs pa dag gi nang du gzugs las gzugs brnyan lta bu'o/ /de bzhin du 'chi ba'i srid pa las kyang skye pa'i srid pa rung ngo zhe na/ gzugs brnyan ma grub phyir ba dang/ mi 'dra ba'i phyir na dpe ma yin/ gzugs brnyan zhes bya ba kha dog gi khyad
 par gzhan kho na zhig 'byung ngo zhes bya ba de ni ma grub po/ grub tu zin kyang mi 'dra ba'i phyir dpe ni ma yin no/ /re zhig ji ltar ma grub ce na/ gcig na lhan cig gnyis med phyir/ /yul de nyid na me long gi gzugs kyang snang/ gzugs brnyan yang snang ste/ rten gyi 'byung ba'i
 tha dad pa'i phyir yul gcig tu gnyis lhan cig 'byung ba med do/ /de bzhin du phyogs tha dad pa gnas pa rnams kyis mtshe'u'i chu'i yul gcig na rang gi mdun rol gyi yul na gnas pa'i gzugs rnams kyi gzugs brnyan phan tshun dmigs te/ gzugs gcig
 la lta ba po gnyis kyis lhan cig mthong ba ni ma yin pas der gzhan 'byung bar rigs pa ni ma yin no/ /grib ma dang nyi ma gnyis kyang lhan cig 'byung ba ma mthong na grib ma na 'dug pa'i me long gi nang na nyi ma'i gzugs brnyan yang dmigs pas
 der de 'byung bas rigs pa ni ma yin no/ /yang na/ gcig na lhan cig gnyis med phyir zhes bya ba gnyis gang zhe na/ me long gi ngos dang zla ba'i gzugs brnyan te/ me long gi ngos kyang gzhan kho na yod la/ zla ba'i gzugs brnyan nang du song ba yang khron pa'i
 chu bzhin du gzhan kho na na snang ngo/ /de yang de'i nang du song? ba yang khron pa'i chu bzhin du gzhan kho na na snang ngo/ /de yang de'i nang du 'byung na ni gzhan na dmigs par mi 'gyur ro/ /de lta bas na de ni cung zad kyang med kyi gang de ltar snang ba de ni tshogs pa de'i mthu
 de 'dra ba yin te/ chos rnams kyi mthu'i bye brag ni bsam gyis mi khyab po/ /re zhig ma grub pa'i phyir de lta bu ma yin no/ /ji ltar na mi 'dra ba'i phyir dpe ma yin zhe na/ rgyun min phyir/ ji ltar 'chi ba'i srid pa skye ba'i srid pa lta bur gzugs brnyan ni gzugs
 kyi rgyun du gyur pa ma yin te/ me long gi rgyud dang 'brel pa'i phyir dang/ lhan cig 'byung pa'i phyir ro/ /rgyun la rgyun mi 'chad par yul gzhan dag tu 'byung bar brjod kyi rgyun ma yin pa la ni ma yin pas dpe mi 'dra ba yin no/ /gzugs brnyan ni/ gnyis
 las 'byung phyir/ gzugs brnyan ni gzugs dang me long dang rgyu gnyis las 'byung bar 'gyur te/ gtso bo'i rgyu gang yin pa de la brten nas 'byung na/ skye ba'i srid pa yang de ltar 'chi ba'i srid pa dang/ gtso bo'i rgyu gang yang rung ba zhig dang rgyu gnyis las
 'byung ba ni med de/ de'i phyir yang de'i 'di ni mi 'dra ba yin no/ /phyi'i khu chu dang khrag la sogs pa med pa gtso pa'i rgyu yin par yang rigs pa ma yin te/ gang du brdzus te skye ba rnams nam mkha' kho na la 'byung ba der ci zhig yongs su brtag /de ltar re zhig rigs
 pa las 'chi ba'i srid pa rgyun chad nas skye ba'i srid pa 'byung bar mi 'dod do/ /de lta bas na srid pa bar ma ni yod pa nyid do/ /mgur nas gsungs phyir yod mdo las/ srid pa ni bdun te/ dmyal ba'i srid pa dang/ dud 'gro'i srid pa dang/ yi dags kyi srid
 pa dang/ lha'i srid pa dang/ mi'i srid pa dang/ las kyi srid pa dang/ srid pa bar ma'o zhes gsungs so/ /mdo 'di ni de dag mi 'don to zhe na/ 'o na/ dri za zhes bya ba 'di las te/ gnas gsum mngon du gyur pas pa'i? mngal du bu chags par gyur
 te/ ma rung zhing zla mtshan dang ldan pa dang/ pha ma chags par gyur cing phrad pa dang/ dri za yang nye bar gnas par gyur na'o zhes gsungs pa/ srid pa bar ma ma gtogs pa dri za gzhan gang zhig yin/ 'di yang de dag 'di skad du mi 'don to/ /'o na de ltar
 zhe na/ phung po zhig pa nye bar gnas par gyur na'o zhes 'don to/ /gal te de lta na rta len gyi bu'i mdo/ /khyod kyis dri za nye bar gnas pa gang yin pa 'di rgyal rigs sam/ bram ze 'am/ rje'u rigs sam/ dmangs rigs sam/ 'on te shar phyogs nas 'ongs
 ba zhig gam/ 'on te lho dang nub dang/ byang nas 'ongs pa zhig shes sam zhes bya ba ji ltar drad/ phung po zhig pa ni 'ong bar rung ba ma yin no/ /'on te 'di yang mi 'don to zhe na/ 'o na/ sngar gsungs/ zhes bya ba 'di las te/ bcom ldan 'das kyis phyir
 mi 'ong ba ni lnga ste/ bar ma dor yongs su mya ngan las 'das pa dang/ skyes nas yongs su mya ngan las 'da' ba dang/ mngon bar 'du byed pa med par yongs su mya ngan las 'da' ba dang/ mngon par 'du byed pa dang bcas par yongs su mya ngan las
 'da' ba dang/ gong du 'pho ba'o zhes gsungs pa srid pa bar ma med na ji ltar bar ma dor yongs su mya ngan las 'da' ba zhes bya bar 'gyur/ kha cig na re bar ma dor zhes bya ba'i lha dag cig yod do zhes zer ro/ /de lta na skyes pa zhes bya ba la sogs pa yang
 lha dag gcig yin par thal bar 'gyur ro/ /de lta bas na rtog pa 'di ni bzang po ma yin no/ /'gro mdo zhes bya ba 'di las kyang 'grub ste/ skyes bu dam pa'i 'gro ba bdun zhes bya ba'i mdo las kyang dus dang yul gyi khyad par gyi bye brag gis bar mdor
 yongs su mya ngan 'da' ba gsum du bshad de/ dper na zhogs ma'i me chung ngu mngon par 'grub bzhin du 'chi bar 'gyur ba de lta bu ni dang po yin no/ /dper na lcags kyi tsha tsha gnam du yar bzhin du 'chi bar 'gyur ba de lta bu ni gnyis pa'o/ /dper na lcags kyi tsha tsha gnam du
 yar nas sa la ma lhung ba nyid du 'chi bar 'gyur ba de lta bu ni gsum pa'o zhes gsungs la/ bar mdo zhes bya ba'i lha ni yul dang dus kyi khyad par gyis tha dad pa rnam pa gsum po de lta bu med pas 'di ni rtog pa 'ba' zhig tu zad do/ /gzhan dag na re gang zhig tshe'i tshad kyi bar
 duAm/ lha dang nye ba'i bar du nyon mongs pa spong bar byed pa gang yin pa de ni bar ma dor yongs su mya ngan las 'da' ba yin te/ de yang khams kyi gnas skabs pa 'am/ 'du shes kyi gnas skabs pa 'am/ rnam par rtog pa'i gnas skabs pa zhig yongs su mya ngan las
 'da' ste/ des na rnam par gsum yin no/ /yang na dang po ni gzugs kyi khams su ris mthun pa yongs su blangs nas mya ngan las 'da' ba yin no/ /gnyis pa ni lha rnams kyi 'byor pa nyams su myong nas so/ /gsum pa ni lha rnams kyi chos yang dag par 'gro ba'i nang du zhugs
 nas so/ /skyes nas yongs su mya ngan las 'da' ba ni yang dag par 'gro ba mchog tu ldan pa'i nang du zhugs nas yongs su mya ngan las 'da' ba 'am/ skyes ba tsam kho nar ma yin gyi tshe phal cher bcom nas yongs su mya ngan las 'da' ba' o zhes zer te/ de dag thams cad
 kyang yul du 'gro ba'i bye brag med pa'i phyir zhogs ma la sogs pa'i dper dag dang mi 'byor ro/ /tshe tshad kyi bar du yongs su mya ngan las 'da' ba' i phyir gzugs med pa dag tu yang bar ma dor yongs su mya ngan las 'da' bar gsungs par 'gyur ba zhig na/ bsam
 gtan dag gis bcu tshan bzhi/ /gzugs med dag gis bdun tshan gsum/ /'du shes kyis ni drug tshan du/ /mdzad nas tshoms su yang dag bsdabs/ /zhes gsungs pa'i sdom gyi tshigs su bcad pa 'di las kyang mi 'byung ngo/ /de lta bas na de dag thams cad kyang rtog pa tsam
 du zad do/ /'on te de dag ni mdo de dag kyang mi 'don to zhe na/ ston pa gang yin pa ni yongs su mya ngan las 'das/ bstan pa 'di'i 'dren pa ni med/ rnam pa mang po ni tha dad kyi steng du da dung yang tshig dang don la dga' mgur byed na go/ de ci
 zhig byar yod de/ re zhig gang dag la lung 'di tshad ma yin pa de dag la ni lung las kyang srid pa bar ma grub po/ /'o na mdo las/ de nas bdud sun 'byin byed rang gi lus kho nas mnar med pa'i dmyal ba chen por lhung ngo zhes gang gsungs pa ji ltar
 drang/ 'dir dgongs pa ni de gson po kho nar dmyal ba'i me dag gis bskor te shi nas srid pa bar mas mnar med par song ngo snyam du dgongs pa yin no/ /las shin tu drag po yongs su rdzogs pa rnams ni lus 'dor ba la mi sdod pas de'i phyir 'di'i mthong ba'i chos la
 myong bar 'gyur ba'i las ni dang por smin la/ skyes nas myong bar 'gyur ba'i las ni phyis smin to/ /da ni mtshams med pa lnga'i las gang dag byas shing bsags nas de ma thag tu dmyal ba dag tu skye'o zhes gsungs pa 'di ji ltar drang/ dgongs pa ni 'gro ba gzhan du
 mi 'gro bar zhes bya ba yin te/ der ni skyes nas myong bar 'gyur ba'i las su gsungs so/ /'on te sgra ji bzhin du brtag na ni lnga kho na byas nas yin gyi gcig ces bya bar yang mi 'gyur la/ byas ma thag tu yin gyi dus gzhan gyi bar du gson por 'dug nas
 kyang ma yin no/ /srid pa bar ma skye ba nyid yin par gos su zhig mi 'dod de/ 'di 'chi ba'i srid pa'i mjug thogs su skye ba la mngon du phyogs pa'i phyir srid pa bar ma kho nas dmyal ba dag tu skye ba pa yin gyi skyes pa yin no zhes ni mi smra'o/ /'o na/ bram ze na
 tshong khyer zin rga ba dang/ /na ba yin te gshin rje'i drung du phyin/ /bar na khyod kyi gnas kyang yod min zhing/ /khyod kyi lam rgyags kyang ni yod ma yin/ zhes gsungs pa'i tshigs su bcad pa 'di ji ltar drang/ 'dir yang dgongs pa ni mi dag gi nang na gnas su med do
 snyam pa yin no/ /yang na skye ba'i yul du phyin par bya ba'i phyir 'gro ba la gegs byed pa med pa'i phyir srid pa bar ma na yang 'di gnas pa med do snyam pa yin no/ /'di la 'di ni dgongs pa yin gyi 'di ni dgongs pa ma yin no zhes bya ba 'di ga las/ brtag pa 'di ni khyod la yang mtshungs te/
 de lta bas na gnyis ka'i phyogs la yang ji skad gsungs pa'i mdo mi 'gal ba'i phyir 'di ni srid pa bar ma med pa'i khungs ma yin no/ /khungs zhes bya bar ni shes par byed pa gzhan du shes par mi byed pa yin no/ /yang 'gro ba gang du 'gro bar 'gyur ba'i srid pa bar ma'i sha
 tshugs ji lta bu zhig mngon par 'grub ce na/ de ni 'phen pa gcig pa'i phyir/ sngon dus srid 'byung sha tshugs can/ /las gang gis 'gro ba 'phen pa de nyid kyis der phyin par bya ba'i phyir srid pa bar ma yang 'phen te/ de'i phyir de ni 'gro ba gang du 'gro bar 'gyur ba'i
 'gro ba der dus snga ma'i srid pa 'byung bar 'gyur ba gang yin pa de'i sha tshugs lta bur 'gyur ro/ /de lta na 'o na khyi mo la sogs pa'i mngal cig tu 'gro ba lnga pa'i srid pa bar ma mngon par 'grub pas dmyal ba'i srid pa bar mas ma'i mngal 'tshig par 'gyur ro zhe
 na/ re zhig srid pa snga ma la yang dmyal ba pa rnams lhag pa dag na 'phyin pa na rtag tu 'bar ba ma yin na srid pa bar ma pa rnams lta smos kyang ci dgos/ yang na 'bar du chug na yang de ni lus dang ba'i phyir ji ltar bltar mi nus pa de ltar reg par yang mi nus pas 'di
 ni klan kar mi rung ngo/ /srid pa bar ma rnams kyang mngal na phan tshun mi reg pa'i phyir dang/ las la rag lus pa'i phyir mi 'tshig go /bong tshod ni/ dper na byis pa lo lnga 'am drug lon pa lta bu ste/ de yang dbang po gsal ba yin no/ /byang chub sems dpa' 
 ni dper na gzhon nu thor bu lta ba mtshan dang dpe byad dang bcas pa yin no/ /de nyid kyi phyir srid pa bar ma la gnas pa yum gyi lhums su 'jug pas gling bzhi pa bye ba phrag brgya snang bar mdzad do/ /'o na gang byang chub sems dpa' i yum gyi rmi lam na
 lhums su glang po che phru gu dkar po zhugs par gzigs pa ji lta bu zhe na/ dud 'gro'i skye gnas bzlog nas yun ring du lon pa'i phyir de ni mtshan ma tsam du zad de/ dper na rgyal po kri kis glang po dang/ khron pa dang/ phye dang/ tsan dan dang/
 tshal dang/ glang po che'i phru gu dang/ spre'u gnyis dang/ ras yug dang/ 'thab mo zhes bya ba rmi lam bcu mthong ba lta bu'o/ /srid pa bar ma ni lto ba brtol te 'jug pa ma yin gyi skye gnas kyi sgo nas 'jug ste/ de nyid kyi phyir mtshe ma las gang phyis byung
 ba de ni phung po zhes bya'o/ /gang sngar byung pa de ni nu bo zhes bya'o/ /'o na chos ldan rab 'byor gyis/ /glang chen dkar po mche ba drug dang ldan pa/ /rkang bzhi mdzes dang ldan par zhal ba zhes nas/ /drang srong gnas shes pa ni ji bzhin du/ /yum gyi lhums kyi
 gnas su zhugs par gyur/ ces bshad pa 'di ji ltar drang zhe na/ 'di ni gdon mi za bar drang bar bya ba ma yin te/ 'di ni mdo ste yang ma yin 'dul ba yang ma yin/ chos mngon pa yang ma yin gyi 'di ni rang bzo yin te/ rang bzo mkhan rang bzo
 sbyor ba rnams kyi bsam pa kha cig ni sgro 'dogs par yang 'gyur ro/ /'on te gdon mi za bar drang bar bya'o zhe na yang ji ltar yum gyi rmi lam na de zhugs par gzigs pa ltar des kyang tshigs su bcad par de ltar byas so zhes de ltar drang bar bya'o/ /gzugs na
 spyod pa'i srid pa'i bar ma yang bong tshad rdzogs pa dang/ ngo tsha shes pa'i shas che ba'i phyir gos dang bcas par 'byung ngo/ /byang chub sems dpa' i yang gos dang bcas pa yin no/ /dge slong ma dkar mo'i yang gos dang bcas pa yin te/ smon lam gyi dbang
 gis de nyid kyis dkris nas bsregs pa'i bar du yin no/ /'dod pa'i khams na ngo tsha med pa shas gzhan ni gcer bu yin no/ /yang srid pa snga ma zhes bya ba 'di gang yin zhe na/ de ni 'chi ba'i sngon rol te/ /skye ba'i skad cig phan chad do/ /srid pa zhes bya ba ni
 bye brag med par nye bar len pa'i phung po lnga po dag go /de ni rnam pa bzhir dbye ste/ srid pa bar ma ni ji skad bshad pa'o/ /skye ba'i srid pa ni 'gro ba rnams su nying mtshams sbyor ba'i skad cig ma'o/ /de phan chad 'chi ba'i skad cig ma ma gtogs pa'i srid pa gzhan thams
 cad ni dus snga ma'i srid pa yin no/ /skad cig ma tha ma ni 'chi ba'i srid pa yin te/ gal te sems can gzugs can dag gi nang du skye na gang gi 'og tu srid pa bar ma 'byung ba yin no/ /srid pa bar ma de yang/ ris mthun lha mig dag pas mthong/ /srid pa
 bar ma ris mthun pa dag gis mthong ngo/ /gang dag la lha'i mig shin tu rnam par dag pa mngon par shes pa las byung ba yod pa de dag gis 'di mthong gi/ shin tu dad pa'i phyir skyes nas thob pa'i mig gis ni mi mthong ngo/ /gzhan dag na re lha'i srid pa
 bar ma pas ni thams cad mthong ngo/ /mi dang/ yi dags dang/ dud 'gro dang/ dmyal pa'i srid pa bar ma rnams kyis ni gong ma gtogs pa'o zhes zer ro/ /las kyi rdzu 'phrul shugs dang ldan/ /rdzu 'phrul ni nam mkha' la 'gro ba'o/ /las kyi rdzu 'phrul byed pa
 ni las kyi rdzu 'phrul lo/ /de'i shugs ni las kyi rdzu 'phrul gyi shugs de mgyogs pa nyid do/ /de 'di la yod pas na las kyi rdzu 'phrul gyi shugs dang ldan pa'o/ /des na 'di ni sangs rgyas rnams kyis kyang dgag par mi spyod de/ las stobs dang ldan pa'i phyir ro//
 dbang po kun tshad dbang po lnga char tshang ba'o/ /thogs med ldan/ thogs pa ni rdugs pa'o/ /de 'di la yod pas thogs pa dang ldan pa'o/ /thogs pa med pa dang ldan pas na thogs med ldan te/ rdo rje la sogs pas kyang mi bzlogs pa'i phyir ro/ /'di ltar
 lcags kyi thu lum 'bar ba bshags pa de'i nang nas byung ba'i srin bu dmigs so zhes grag go /de 'gro ba gang du skye bar 'gyur ba las rnam pa thams cad du/ mi bzlogs te mi'i srid pa bar ma med par gyur nas lha'i srid pa bar ma 'am/ gzhan du 'gyur
 ba na nam yang med kyi 'gro bar gang gis dbang du byas nas mngon par 'grub pa de kho nar skye bar 'gyur gyi gzhan du ni ma yin no zhes bya bar nges so/ /yang ci 'dod pa na spyod pa'i srid pa bar ma yang lam gyi zas za 'am zhe na/ smras pa de bzhin
 te/ rags pa ni ma yin no/ /'o na ji lta bu zhe na/ de ni dri za'o/ /de nyid kyi phyir dri za zhes bya'o/ /dbang chung bar grags pa ni dri mi zhim pa za ba'o/ /dbang che bar grags pa ni dri zhim po za ba'o/ /dus ji srid kyi bar du gnas she na/ btsun pa na re nges pa med de/
 ji srid du skye ba'i tshogs pa ma rnyed kyi bar du'o/ /de'i tshe 'phen pa logs shig na med do/ /ris mthun pa gcig pa'i phyir ro/ /de lta ma yin na de'i tshe zad pa las 'chi ba'i ?srid par yang thal bar 'gyur ro zhes zer ro/ /gal te ?sha'i phung po ri rab tsam du gyur
 la de dag thams cad srin bu rnams kyis gang bar gyur na/ de ci de dag gis srid pa bar ma rnams der sdod pa kho nar gyur tam/ de dag ga las 'ongs pa brjod par bya'o zhe na/ 'di mdo 'am bstan bcos dag las ni mi byung mod kyi/ 'di ltar dri dang ro la mngon
 par chags pa'i skye ba phra mo tshe thung ngu rnams mdza' med pas de dag dri tshor nas dri dang ro la mngon par chags pa rnams 'chi ba na srin bu'i ngo bor 'gyur ba'i las sad par byas nas/ srid pa nges srin po'i nad dag tu skye bar 'gyur bar ni rung ngo/ /yang na
 gdon mi za bar de'i rkyen mang po kho na'i dus su der 'gyur ba'i las rnams rnam par smin pa mngon par 'grub par bya ba la 'jug pa rnyed kyi gzhan du ni ma yin te/ 'di ltar 'khor los sgyur ba'i las yod du zin kyang skye dgu'i tshe lo brgyad khri 'am/ tshe
 lo ches mang ba na 'khor los sgyur ba 'byung gi ches mang ba na 'khor los sgyur ba gzhan du ma yin pa lta bu'o/ /de nyid kyi phyir bcom ldan 'das kyis sems can rnams kyi las kyi rnam par smin pa ni bsam gyis mi khyab po zhes gsungs so/ /btsun pa
 dbyig bshes na re zhig bdun du gnas so/ /gal te de nyid kyi tshogs pa ma rnyed na shi 'phos shing 'phos nas yang de nyid du skye bar 'gyur ro zhes zer ro/ /gzhan dag na re zhig bdun phrag bdun du'o zhes zer ro/ /bye brag tu smra ba rnams na re de ni srid pa tshol ba yin pa'i
 phyir myur ba kho nar song ste nying mtshams sbyor bas na dus thung ngur gnas/ /gang gi tshe rkyen tshogs pa yang ma yin la'ang nges par yul der skye ba der skye bar 'gyur ba yang yin na de'i tshe las kho nas rkyen dag tshogs ba 'dren par byed do/ /'on te ma nges na ni de las
 gzhan pa'i yul du skye ba der skye bar 'gyur ro zhes zer ro/ /gzhan dag na re de 'dra bar 'gyur te/ 'di lta ste/ ba lang dag ni dbyar rnams su 'khrig pa med la/ khyi rnams ni ston dkar ro/ /dom rnams ni dgun dkar ro/ /rta rnams ni sos dkar ro/ /ba men dang/ lce spyang dang/ bong bu
 dang/ dred mo rnams la ni dus med pas dus gzhan pa lang rnams kyi nang du skye bar 'gyur ba gang yin pa de ni ba min rnams kyi nang du skye/ khyi rnams kyi nang du gang yin pa de ni lce spyang rnams kyi nang du'o/ /rta rnams kyi nang du gang yin pa de ni bong bu rnams kyi nang du'o//
 dom rnams kyi nang du gang yin pa de ni dred mo rnams kyi nang du skye bar 'gyur ro zhes zer ro/ /'phen pa gcig pa'i phyir ris gzhan gyi srid pa bar mas mthun pa gzhan du skye bar mi nus pas de ni brjod par bya ba yin no/ /yang 'gro ba'i yul du phyin bar bya ba'i phyir
 'byung ba'i srid pa bar ma de ni/ blo ni phyin ci log gyur pas/ /rtse dags 'gro ba'i yul du 'gro/ de ni las kyi mthu las byung ba'i mig gis rang gi skye ba'i yul thag ring po na 'dug kyang mthong ngo/ /des de na pha ma nyal po byed pa de mthong nas pho zhig yin
 na ni ma la 'dod chags skye'o/ /mo zhig yin na ni pha la mo'i 'dod chags skye'o/ /bzlog pa ni khong khro ba ste/ btags pa las 'di skad du de'i tshe dri za la sems gnyis las rjes su chags pa dang ldan pa 'am/ khong khro ba dang ldan pa'i sems gang yang rung ba zhig
 mngon du gyur pa yin no zhes 'byung ngo/ /des de gnyis kyis phyin ci log tu gyur pas yul der phyin pa dang/ dga' bar 'dod pas gnas skabs ded? bdag nyid mos so/ /mngal gyi gnas mi gtsang ba der phyin nas dga' ba skyes nas gnas so/ /de nas de'i
 phung po mkhrang por 'gyur la srid pa bar ma yang 'gag par 'gyur bas na skyes pa yin no/ /gal te de pho zhig yin na ni ma'i lto'i g.yas phyogs su brnyes nas rgyab rol tu kha bltas te tsog tsog por skye'o/ /gal te mo zhig yin na ni de ma'i lto'i g.yon phyogs
 su brnyes nas lto'i mdun rol tu kha lta'o/ /'on te de ma ning zhig yin na ni de 'dod chags gang dang ldan pa de bzhin du gnas so/ /srid pa bar ma ni dbang po thams cad tshang ba yin pa'i phyir dbang po ma tshang ba ma yin te/ de'i phyir mor gyur pa dang/ phor gyur pa
 zhugs nas gnas pa ji lta ba bzhin du gnas so/ /phyis lus skye zhing ma ning du 'gyur ro/ /da ni 'di dpyad par bya ste/ ci las kyi dbang gis khu chu dang khrag gi 'byung ba chen po dag kho na 'di'i dbang po'i rten du 'gyur ram/ 'on te las rnams las de dag la brten nas
 'byung ba gzhan kho na zhig skye bar 'gyur zhe na/ kha cig na re de dag kho na yin te/ khu chu dang khrag dbang po med pa ni 'gag la/ sa bon dang myu gu 'gag pa dang skye ba'i tshul du dbang po dang bcas pa nur nur po zhes bya ba gang yin pa de ni skye'o/ /de ltar bshad na pha ma'i
 nur nur po mi gtsang ba las skyes pa zhes bya ba dang/ de bzhin du dge slong dag khyed kyis ni yun ring po nas dur khrod bskyed do/ /khrag gi thigs pa blangs so zhes gsungs pa'i mdo'i tshig legs pa yin no zhes zer ro/ /gzhan dag na re 'byung ba gzhan dag kho na
 yin te/ dper na lo ma'i srin bu lta bu yin la/ mi gtsang ba la brten nas skye ba la dgongs te gsungs pa'i phyir mdo dang yang mi 'gal lo zhes zer ro/ /re zhig sgo nga las skye ba dang mngal nas skye ba'i skye gnas su 'jug pa ni de lta bu'o/ /gzhan la ni ci rigs par brjod
 par bya'o zhes zer te/ de la rigs pa ni 'di yin par snang ngo/ /dri dang gnas la mngon 'dod gzhan/ drod gsher las skyes pa'i skye gnas su skye ba ni las ji lta ba bzhin du skye pa'i gnas gtsang ma 'am mi gtsang bar dri 'dod pas 'gro'o/ /brdzus te skye ba'i skye gnas su skye ba
 ni gnas 'dod pas so/ /ji ltar dmyal ba dag tu gnas 'dod ce na/ blo phyin ci log tu gyur pa'i phyir te/ de ni bdag nyid rlung dang char pa shin tu grang mo dag gis btabs nas nyen pa dang dmyal ba dag na me 'bar ba mthong ste/ de'i phyir dro bar 'dod de brgyug go /yang bdag nyid
 rlung tsha ba dang nyi ma dang me'i gdud ba dag gis nyen pa dang dmyal ba dag na bsil ba mthong bas bsil ba 'dod pas brgyug go /sngon gyi slob dpon dag na re bdag nyid gnas skabs gang gis ded skye bar 'gyur ba'i las byas pa'i gnas skabs de yin pa dang sems can de
 dag kyang mthong nas brgyug go ces zer ro/ /de la lha'i srid pa bar ma ni stan las sdang ba bzhin du gyen du 'gro'o/ /mi dang dud 'gro dang/ yi dags rnams kyi ni mi la sogs pa bzhin no/ /dmyal ba yi ni spyi'u tshugs yin/ /yang dag sdom dang dka' thub can/
 drang srong rnams la skur 'debs pa/ /de dag spyi'u tshugs dag ptu ni/ /dmyal bar kho nar ltung bar 'gyur/ zhes tshigs su bcad de 'byung ba'i phyir ro/ /blo ni phyin ci log gyur pas/ /rtse dags 'gro ba'i yul du 'gro zhes bshad pa/ ci nges par srid pa bar ma
 pa thams cad ma'i mngal du de ltar 'jug bam zhe na/ smras pa ma yin no/ /'on kyang mdo las mngal du 'jug pa ni bzhi zhes gsungs te/ bzhi gang zhe na/ gcig ni shes bzhin du 'jug go /gnas pa dang 'byung ba ni shes bzhin du ma yin no/ /gzhan ni
 gnas pa yang shes bzhin du zhes bya bar sbyar te/ yang zhes bya ba'i sgras ni 'jug pa yang ngo/ /gzhan ni/ 'byung ba'ang/ shes bzhin du ste/ yang zhes bya ba ni 'jug pa dang/ gnas pa'o/ /gzhan ni thams cad rmongs/ la la ni thams cad shes bzhin ma yin
 par 'gyur te/ 'jug pa yang shes bzhin ma yin la/ gnas pa dang 'byung ba yang shes bzhin ma yin no/ /mngal du 'jug pa de bzhi ni tshigs su bcad pa bsdeb pa dang mthun par bya ba'i phyir bzlog te bstan to/ /sgo nga las skyes rtag tu'o/ /sems
 can sgo nga las skyes pa ni thams cad rmongs pa kho nar 'gyur ro/ /sgo nga las skyes pa ji ltar skye gnas su 'jug ce na/ gang zhig skye bar 'gyur ba de yang sgo nga las skyes pa zhes bya'o/ /yang na 'byung bar 'gyur ba'i ming gis bstan te/ dper na mdo las 'dus byas
 mngon par 'du byed do zhes gsungs pa dang/ 'jig rten na 'bras chan 'tshod do/ /phye 'thag go zhes 'dzed ba lta bu ste/ de lta bas na de ni nyes pa med do/ /yang ji ltar na shes bzhin ma yin par ma'i mngal du 'jug cing 'byung ba'i bar du yin pa 'am/ ji ltar
 na shes bzhin du yin zhe na/ re zhig sems can dbang thang chung bar grags pa ma'i mngal du 'jug pa la 'di snyam du rlung langs pa 'am/ char 'bab pa 'am/ grang ba 'am/ yul ngan nam/ skye bo phal po che'i tshogs ku co 'don pa snyam byed nas/ ma la rtswa
 thibs po 'am/ nags thibs po 'am/ rtswa'i spyil po'am/ lo ma'i spyil por 'jug pa 'am/ shing drung ngam/ rtsig pa'i drung du 'gro'o/ /gnas na yang 'di dag tu gnas par bya'o/ /'byung na yang 'di dag nas 'byung ngo snyam du log pa'i 'du shes dang mos
 pa dag 'byung bar 'gyur ro/ /sems can dbang thang che bar grags pa ni kun dga' i ra ba 'am/ skyed mos tshal lam/ khang bzangs su 'jug pa 'am khang pa brtsegs pa 'am/ khri la 'dzeg go /de bzhin du gnas so/ /'byung ngo snyam du sems so re zhig shes bzhin ma yin
 par 'jug pa nas 'byung ba'i bar ni de lta bu yin no/ /shes bzhin pa ni ma'i mngal du 'jug go /de nyid du gnas so/ /de nyid nas 'byung ngo snyam du yang dag pa ji lta ba bzhin du rab tu shes te/ 'di la phyin ci log gi 'du shes dang mos pa dag mi 'byung ngo/ /yang 'dir
 bstan pa/ mngal du 'jug pa gsum dag ste/ 'khor los sgyur dang rang byung gnyis/ /'khor los sgyur ba dang rang byung rang sangs rgyas dang/ rdzogs pa'i sangs rgyas dag ste/ 'og nas go rims bzhin zhes 'chad par 'gyur ro/ /de la 'khor los sgyur ba ni dang po ste de ni 'jug
 pa kho nar shes bzhin yin gyi gnas pa ma yin la/ 'byung ba yang ma yin no/ /rang sangs rgyas ni gnas pa yang ngo/ /sangs rgyas ni 'byung ba yang ngo/ /'dir yang 'byung bar 'gyur ba'i ming gis bstan to/ /las sam ye shes sam gnyi ga /rgya che'i phyir na go rims
 bzhin/ /las rgya chen po bsod nams rgya chen po byed pa rnams ni dang po yin no/ /ye shes rgya chen po thos pa mang ba dang/ rab tu 'byed pa byas pa rnams ni gnyis pa yin no/ /bsod nams kyi las dang ye shes rgya che ba rnams ni gsum pa yin te/ de lta bur gyur
 pa de ni rim bzhin du 'khor los sgyur ba la sogs pa yin par rig par bya'o/ /lhag ma rnams ni bzhi pa yin no zhes bya bar grub po/ /da ni 'dir phyi rol pa rnams gal te sems can 'jig rten gzhan du 'pho'o/ /zhes bya bar dam 'cha' na bdag grub pa yin no//
 zhes bdag tu smra ba yongs? su bzung nas rgol te/ de dgag pa'i phyir/ bdag med/ ces bya ba smos so/ /bdag ji lta bu zhig ce na/ gang phung po 'di dag 'dod zhing phung po gzhan dag tu nying mtshams sbyor ro/ /zhes bya bar yongs su rtog pa nang gi byed pa'i skyes bu
 de lta bu de med de/ bcom ldan 'das kyis 'di skad du/ las ni yod do/ /rnam par smin pa ni yod do/ /chos brdar btags pa ma gtogs pa gang phung po 'di dag 'dor zhing phung po gzhan dag tu nying mtshams sbyor bar byed pa po ni mi dmigs so/ /de la chos
 su brdar btags pa ni 'di yin te/ 'di lta ste 'di yod pas 'di 'byung ba'o zhes rten cing 'brel par 'byung ba rgyas par gsungs so/ /'o na bdag ji lta bu zhig mi dgag ce na/ phung po tsam nyid do/ /gal te phung po tsam kho na la bdag ces 'dogs na de la ni dgag pa
 med do/ /de lta na 'o na phung po dag nyid 'jig rten gzhan du 'pho'o zhes bya bar gyur to zhe na/ de dag ni mi pho'i phung po tsam ni/ nyon mongs las kyis mngon 'dus byas/ /srid pa bar ma'i rgyun gyis ni/ /mar me bzhin du mngal
 du 'gro/ /phung po rnams ni skad cig ma te/ de dag la ni 'pho ba'i mthu med kyi nyon mongs pa rnams dang/ las rnams kyis yongs su bsgom pa'i phung po tsam gyis srid pa bar ma zhes bya ba'i rgyun gyis ma'i mngal du 'gro ste/ dper na mar me skad
 cig ma yin yang rgyun gyis gzhan du 'gro ba lta bu yin pas na de ni nyes pa med do/ /de lta bas na bdag med bzhin du yang nyon mongs pa dang/ las rnams kyis mngon par 'dus byas pa'i phung po rnams kyis rgyun ma'i mngal du 'jug go zhes
 bya ba 'di grub po/ /de yang/ ji ltar 'phangs bzhin rim gyi rgyun/ /skyes nas las dang nyon mongs kyis/ /'jig rten pha rol dag tu 'gro/ /tshe'i las tha dad pa'i phyir phung po'i rgyun thams cad kyi 'phen pa 'dra ba ni ma yin pas/ de'i phyir
 gang zhig ji srid du 'phags pa de de srid du rim gyis skye bar 'gyur ro/ /rim pa gang gis she na/ gtsug lag las/ dang por nur nur po yin no/ /nur nur po las mer mer skye/ /mer mer po las nar nar skye/ /nar nar po las mkhrang 'gyur
 skye/ /mkhrang las rkang lag 'gyus pa dang/ /skra spu sen mo la sogs dang/ /dbang po gzugs can rnams dang ni/ /mtshan ma rim gyis skye bar 'gyur zhes 'byung ngo/ /nur nur po dang/ mer mer po dang/ nar nar po dang/ mkhrang 'gyur
 dang/ rkang lag 'gyus pa'i gnas skabs de dag ni mngal gyi gnas skabs lnga yin no/ /yang dus gzhan mngal gyi zug rngu yongs su smin par gyur pa de ma'i mngal gyi nang na gang dag gis mngal gyi zug rngu de bsgyur nas ma'i lus kyi mi gtsang
 ba'i sgo logs su kha bstan nas 'jog par byed pa las kyi rnam par smin pa las skyes pa'i rlung dag ldang te/ de gnas nas sped pa na mi gtsang ba mkhrang po shin tu chen po btsir ba bzhin du spo dka' ba yin no/ /gal te na res 'ga' ma'i zas dang gnas pa'i bya ba mi mthun par
 spyod pa 'am sngon gyi las kyi nyes pas mngal kho nar 'chi bar 'gyur ro/ /de nas 'di de shes pa'i bud med dam/ gzhon nu'i sman pas mar sar ram/ til mar 'jam tsam mam/ shing shal ma li legs par btags pa'i phyir ma 'am/ gzhan yang rung bas lag
 pa bskus nas/ de la mtshon rnon po srab mo btags te/ skyag dong lta bur mi bzad pa brid? mun khung brtsog pa'i 'dam rdzab srin bu'i shin tu mang po stong phrag gi gnas/ rtag tu 'dzag par 'gyur ba/ rtag tu byi dor bya dgos pa/ khu chu dang khrag dang chu ser dang dri
 ma'i kun tu myags pa/ rnam par myags pa/ rul pa rnags pa/ 'greng pa/ mthong na 'jigs su rung na phags pa rdol ba srab mos g.yogs pa/ sngon gyi las kyi rnam par smin pa las skyes pa lus kyi rma 'khyims pa chen po der lag pa bcug ste/ yan lag dang nying lag
 bcad nas 'byin to/ /de yang sngon gyi las lan grangs gzhan la myong bar 'gyur bas gshed du khrid par byed do/ /'on te bde bar btsa' bar 'gyur na ni de nas 'di bu 'dod pa'i ma 'am/ de'i g.yogs bud med rnams kyis bcas ma thag pa'i lus rma sar pa lta
 bu mtshon dang thal ba'i sman lta bu'i reg pa dang ldan pa'i lag pa gnyis kyis blangs nas 'khru bar byed do/ /nu zho dang mar sar gyis skyed par byed cing rim gyis kha zas rags par za bar goms par yang byed do/ /de skye ba'i rgyus dbang po rnams yongs su smin
 nas ni yang nyon mongs pa rnams kun tu spyod cing/ las rnams kyang sogs par 'gyur ro/ /de de dag gis lus zhig nas yang snga ma bzhin du srid pa bar ma'i rgyun gyis 'jig rten pha rol tu 'gro ste/ srid pa'i 'khor lo thog ma med/ /rnam pa des na las dang
 nyon mongs pa'i rgyu las byung ba'i skye ba dang/ yang de las byung ba'i las dang nyon mongs pa rnams dang/ yang de dag las skye ba rnams yin pas na srid pa'i 'khor los thog ma med pa yin par rig par bya'o/ /thog ma zhig brtag na ni de'i rgyu med
 med pa nyid du thal bar 'gyur ro/ /rgyu med pa nyid gcig yin na ni 'di thams cad kyang rgyu med pa kho nar 'gyur ba zhig na yul dang dus so sor nges pa las myu gu la sogs pa las sa bon la sogs pa dang/ chos pa la sogs pa la sogs pa'i nus pa yang
 mthong bas rgyu med pa las byung ba ni med do/ /rgyu rtag pa yod par smra ba ni sdang bsal zin pa nyid do/ /de lta bas na 'khor ba'i thog ma med pa kho na'o/ /skye ba ni rgyu la rag lus pa'i rgyu zad pa'i las mdza' dang ldan par ni rigs te/ sa bon zad pas myu gu
 bzhin no/ /de ltar phung po'i rgyun skye ba'i gnas skabs gsum bstan pa gang yin pa de ni rten cing 'brel 'byung ba'i/ /yan lag bcu gnyis cha gsum mo/ /de la yan lag bcu gnyis ni ma rig pa dang/ 'du byed dang/ rnam par shes pa dang/ ming dang
 gzugs dang/ skye mched drug dang/ reg pa dang/ tshor ba dang/ sred pa dang/ len pa dang/ srid pa dang/ skye ba dang/ rga shi'o/ /cha gsum ni sngon gyi mdza' dang/ phyi ma'i mdza' dang/ bar dag ste/ 'das pa dang/ ma 'ongs pa dang/ da ltar byung ba'i skye ba dag
 yin no/ /cha gsum po 'di dag tu yan lag bcu gnyis ji ltar rnam par bzhag ce na/ sngon dang phyi mthar gnyis gnyis dang/ bar du brgyad/ ma rig pa dang/ 'du byed rnams ni sngon gyi mthar ro/ /skye ba dang/ rga shi ni phyi ma'i mthar ro/ lhag ma brgyad ni
 bar du'o/ /yang ci thams cad kyi skye ba 'di la yan lag brgyad po 'di dag yod dam zhe na/ smras pa/ ma yin no/ /'on su la yod ce na/ yongs rdzogs ldan la/ 'di la yongs su rdzogs pa yod pas na yongs rdzogs ldan no/ /'dir ni gang zag gang
 zhig gnas skabs kyi bye brag 'di thams cad la reg pa de la dgongs pa yin gyi/ gang bar ma do kho nar 'chi ba yang ma yin la/ gzugs dang gzugs med pa na spyod pa yang ma yin te/ 'di ltar gleng gzhi chen po'i rnam grangs kyi mdo las kun dga' bo gal te rnam par
 shes pa ma'i mngal du zhugs par ma gyur na zhes gsungs pa'i phyir 'dod pa na spyod pa'i gang zag kho nar bstan pa yin no/ /gang gi tshe rten cing 'brel par 'byung ba sngon gyi mdza' ba dang/ phyi ma'i mdza' pa zhes rnam pa gnyis su brjod pa de'i tshe ni tshor ba la thug pa'i
 par yan lag bdun ni sngon gyi mdza' pa yin la/ lnga ni phyi ma'i mdza' 'bras bu dang rgyu dang bcas pa dag smos pa'i phyir ro/ /yang ma rig pa la sogs pa 'di dag gang yin zhe na/ ma rig nyon mongs sngon gnas skabs/ /tshe snga ma la nyon mongs pa'i gnas
 skabs gang yin pa de ni 'di la ma rig pa zhes bya ste/ lhan cig spyod pa'i phyir dang/ de'i dbang gis de dag kun tu 'byung ba'i phyir rgyal po gshegs so zhes byas na de'i zham 'bring pa yang 'ong bar 'grub pa bzhin no/ /'du byed dag ni sngon las kyi/ gnas skabs
 zhes bya bar sbyar te/ tshe snga ma la bsod nams la sogs pa'i las kyi gnas skabs gang yin pa de ni 'di la 'du byed rnams zhes bya ste/ las gang gi 'dir rnam par smin pa'o/ /rnam shes mtshams sbyor phung po yin ma'i mngal du nying mtshams
 sbyor ba'i skad cig ma la phung po lnga ni rnam par shes pa yin no/ /mi 'dod gzugs ni de phan chad/ skye mched drug dong tshun chad do/ mtshams sbyar ba'i sems phan chad nas ji srid du skye mched drug ma dong kyi bar gyi gnas skabs de ni ming dang gzugs
 zhes bya'o/ /skye mched bzhi dang tshun chad do zhes brjod par bya ba yin pa las skye mched drug ces brjod pa ni de'i tshe der rnam par 'jig pa'i phyir ro/ /de ni gsum 'dus tshun chad do/ /skye mched drug dong nas ji srid du dbang po dang yul dang rnam
 bar shes pa dang gsum ma 'dus pa de nyid kyi gnas skabs de ni skye mched drug ces bya'o/ /reg pa bde sdug la sogs kyis/ /rgyu shes nus pa tshun chad do/ /reg pa ni gsum 'dus te de ji srid du tshor ba gsum gyi rgyu yongs su
 gcod par mi nus pa'i gnas skabs de ni reg pa zhes bya'o/ /yongs su gcod nus nas ni/ /tshor 'khrig tshun chad/ tshor ba'i gnas skabs ni ji srid du 'khrig pa'i 'dod chags kun tu mi spyod pa'i bar ro/ /sred pa ni/ longs spyod 'khrig pa'i chags
 can gyi/ 'dod pa'i yon tan dang/ 'khrig pa'i 'dod chags kun tu dpyod pa'i gnas skabs ji srid du yul yongs su tshol ba la ma zhugs pa ni sred pa zhes bya'o/ /nye bar len pa longs spyod rnams/ /thob par bya phyir yongs rgyug pa'i/ /gnas
 skabs gang du yul thob par bya ba'i phyir yongs su tshol ba la zhugs nas thams cad du rgyu ba de ni len pa zhes bya'o/ /da ltar yongs su rgyug pa na/ de srid 'bras bu 'byung 'gyur ba'i/ /las byed de ni srid pa yin/ /de yul rnams thob par bya ba'i
 phyir yongs su rgyug pa na yang srid pa'i la sogs de ni de'i srid pa yin no/ /las de yang 'di nas shi 'phos nas tshe phyi mar nying mtshams sbyor bar 'gyur te/ nying mtshams sbyor ba de ni skye ba yin/ /'di la rnam par shes pa'i yan lag gang
 yin pa de ni tshe gzhan du skye ba yin no/ /de phan chad tshor ba'i bar ni rga shi yin/ skye ba phan chad tshor ba'i gnas skabs kyi bar ni rga shi te/ 'di la yan lag bzhi po ming dang gzugs dang/ skye mched drug dang/ reg pa dang/ tshor ba gang dag
 yin pa de dag nyid gzhan dag tu rga shi yin no/ /de ltar na de dag ni yan lag bcu gnyis yin no/ /rten cing 'brel par 'byung ba de ni rnam pa bzhir brjod de/ skad cig pa dang/ rgyun chags pa dang/ 'brel pa can dang/ gnas skabs pa'o/ /skad cig
 pa ji lta bu zhe na/ skad cig ma gcig la yan lag bcu gnyis yod pa ste/ 'di lta ste chags pa'i dbang gis srog gcod pa'i rmongs pa gang yin pa de ni ma rig pa'o/ /sems dpa' gang dag yin pa de dag ni 'du byed rnams/ /dngos po so sor rnam par rig pa
 ni rnam par shes pa'o/ /rnam par shes pa dang lhan cig 'byung ba'i phung po bzhi ni ming dang gzugs so/ /ming dang gzugs la rnam par gnas pa'i dbang po rnams ni skye mched drug go /skye mched drug 'dus pa ni reg pa'o/ /reg pa nyams su myong ba ni tshor pa'o
 chags pa gang yin pa de ni sred pa'o/ /de dang mtshungs par ldan pa'i kun nas dkris pa rnams ni len pa'o/ /des kun nas blang ba'i lus dang/ dag gi las ni srid pa'o las de rnams skye ba na skye ba'o/ /yongs su smin pa ni rga ba'o/ /zhig pa ni shi
 pa'o/ /yang smras pa/ skad cig pa dang/ 'brel pa can ni rab tu byed pa dag las ji skad 'byung ba bzhin no/ /rab tu byed pa dag las ji skad du 'byung zhe na/ rten cing 'brel par 'byung ba gang zhe na/ 'dus byas kyi chos thams cad do/ /rten cing 'brel par
 'byung ba'i chos rnams gang zhe na/ 'dus byas kyi chos thams cad do zhes 'byung ngo/ /gnas skabs pa ni bcu gnyis dang ldan pa'i phung po lnga'i gnas skabs tshe gsum par chad med par 'brel pa dag yin no/ /de nyid rgyun chags pa yang yin no/ /de rnams las
 bcom ldan 'das kyis 'di gang la dgongs she na/ 'di ni gnas skabs par 'dod lo/ /gal te yan lag dang yan lag la phung po lnga char yod na ci'i phyir ma rig pa la sogs pa'i chos rnams kho nar bsgrags she na/ gtso bo'i phyir na yan lag bsgrags/
 ma rig pa gtso bo yin pa'i gnas skabs su ni ma rig par bshad la/ 'du byed gtso bo yin par ni 'du byed nas rga shi gtso bo yin pa'i bar du ni rga shi kho na bshad pas nyes pa med de/ yang ci'i phyir mdo sde las ni yan lag bcu gnyis su gsungs la/
 rab tu byed pa dag las ni rten cing 'brel par 'byung ba gang zhe na/ 'dus byas kyi chos thams cad do zhes gzhan du 'byung zhe na/ mdo las gsungs pa ni dgongs pa can yin no/ /chos mngon pa las ni mtshan nyid pa yin te/ de bzhin du gnas
 skabs pa dang/ skad cig pa dang/ rgyun chags pa dang/ 'brel pa can dang sems can du ston pa dang/ sems can ma yin par ston pa zhes bya ba tha dad pa yin no/ yang ci'i phyir mdo las sems can du ston pa kho na gsungs she na/ sngon dang phyi mdza' bar dag la/ /rmongs pa
 rnam par bzlog phyir ro/ /de nyid kyi phyir cha gsum pa yin no/ /de la sngon gyi mdza' la rmongs pa la ni 'di ltar ci bdag 'das pa'i dus na byung bar gyur tam/ 'on te byung bar ma gyur/ bdag ci zhig tu ni byung bar gyur/ bdag ji ltar na ni byung bar gyur snyam pa'i the tshom 'di
 skye'o/ /phyi ma'i mdza' la rmongs pa la ni 'di ltar ci ma 'ongs pa'i dus na 'byung bar 'gyur ram snyam pa rgyas par the tshom 'di skye'o/ /bar du rmongs pa la ni 'di ltar ci zhig yin/ 'di ji ltar yin/ yod pa ni ci zhig yin/ 'gyur ba ni ci zhig yin snyam pa'i the tshom 'di
 skye'o/ /de ltar rmongs pa rnam pa gsum po 'di bzlog pa'i phyir mdo las rten cing 'brel par 'byung ba sems can du ston pa kho na cha gsum du bstan to/ /ma rig pa dang/ 'du byed rnams dang/ skye ba dang/ rga shi dang/ rnam par shes pa nas srid pa'i bar dang go
 rims bzhin no/ /'di ltar mdo nyid las dge slong dag dge slong gis gang phan chad rten cing 'brel par 'byung ba'i chos rnams yang dag pa'i shes rab kyis de ltar yang dag pa ji lta ba bzhin mthong ba de ni ci bdag 'das pa'i dus na byung bar gyur tam snyam
 du sngon gyi mdza' la 'brang bar mi 'gyur ro zhes bya bar rgyas par gsungs so/ /gzhan dag na re phyi ma'i mdza' la rmongs pa zlog pa'i phyir sred pa dang/ len pa dang/ srid pa dag kyang bstan te/ 'di dag ni 'di kho na'i rgyu yin no zhes zer ro/ /yang rten cing 'brel bar
 'byung ba yan lag bcu gnyis pa de ni nyon mongs pa dang/ las dang/ gzhi dag dang/ gsum gyi rang bzhin du rig par bya ste/ de la nyon mongs pa gsum mo/ /yan lag gsum ni nyon mongs pa'i rang bzhin dag ste/ ma rig pa dang/ sred pa dang/ len pa rnams so/ /las
 gnyis so/ /yan lag gnyis ni las kyi rang bzhin yin te/ 'du byed dang/ srid pa'o/ /bzhi bdun yan lag bdun po rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ skye ba dang/ rga shi rnams ni las dang nyon mongs pa'i
 rten yin pa'i phyir gzhi'i yan lag yin no/ /ji ltar yan lag bdun bzhi yin pa de bzhin 'bras bu yin/ yan lag bdun po nyid 'bras bur gyur pa dag yin no/ /lhag ma lnga ni las dang nyon mongs pa'i rang bzhin yin pa'i phyir rgyur gyur pa dag yin no/ /yang ci'i phyir
 gzhi rnam pa lnga dang nyon mongs pa rnam pa gnyis tha dad pa'i phyir dbus su ni rgyu dang 'bras bu dag rgya skyed la/ ma 'ongs pa'i dus ni rnam pa gnyis tha dad pa'i phyir 'bras bu mdor bsdus/ 'das pa'i dus su ni nyon mongs pas sgo gcig tu bstan pa'i phyir rgyu mdor bsdus
 she na/ gnyis kyi rgyu 'bras mdor bsdus pa/ /bar ma'i rjes su dpag pa la/ /bar ma kho nas sngon gyi mdza' dang phyi ma'i mdza' dag gi rgyu dang 'bras bu rgyas par rjes su dpag par nus pas ma bshad de/ yang don med pa'i 'bad pa ma byas so/ /gal te yang rten
 cing 'brel par 'byung ba yan lag bcu gnyis kho na yin na de lta na go ma rig pa'i rgyu ma bstan pa'i phyir 'khor ba thog ma can du yang gyur la/ rga shi'i 'bras bu ma bstan pa'i phyir mdza' dang ldan par yang 'gyur ba 'am/ yang na ni yan lag gzhan gyis kha bskangs
 dgos so/ /de la yang gzhan zhig yod na ni thug pa med par 'gyur ro zhe na/ kha bskang par bya mi dgos te/ 'di ltar 'dir bcom ldan 'das kyis/ nyon mongs pa las nyon mongs dang/ /bya ba nyid do de las gzhi/ /de las gzhi dang nyon mongs skye/ 'di ni srid
 ba'i yan lag yugs zhes bstan zin to/ /nyon mongs pa las nyon mongs pa ste/ sred pa las len pa'o/ /nyon mongs pa las las te/ len pa las srid pa dang/ ma rig pa las 'du byed rnams so/ /las las gzhi ste/ 'du byed rnams las
 rnam par shes pa dang/ srid pa skye ba'o/ /gzhi las gzhi ste/ rnam par shes pa las ming dang gzugs nas reg pa la tshor ba'i par dang skye ba la rga shi'o/ /gzhi las nyon mongs pa ste/ tshor ba las sred pa'o/ /gang gi srid pa'i yan lag rnams kyi lugs de ltar rnam par
 bzhag pa'i de'i phyir ma rig pa nyon mongs pa med pa'i rang bzhin yang gzhi 'am nyon mongs pa las skye bar 'gyur ro zhes bstan pa yin la/ /rga shi tshor ba la thug pa'i gzhi las kyang nyon mongs pa 'byung ngo zhes bstan pa gang bas yang 'di la kha bskang bar bya ba cung
 zad kyang med de/ de ltar na sdug bsngal gyi phung po chen po 'di 'ba' zhig yang dag par 'byung bas 'gyur ro zhes gsungs pa'i phyir ro/ /de lta ma yin na de 'di nus pa ci zhig yod par 'gyur/ gzhan dag na re mdo gzhan las ma rig pa yang tshul bzhin ma yin pa
 yid la byed pa'i rgyu las byung ba yin no/ /tshul bzhin ma yin pa yid la byed pa yang ma rig pa'i rgyu las byung ba yin no zhes gsungs la/ de ni 'dir yang len pa'i nang du 'dus pa'i phyir bshad pa yin no zhe zer te/ tshul bzhin ma yin pa yid la byed pa len
 ba'i nang du ji ltar 'dus/ gal te mtshungs par ldan pa las yin no zhe na ni sred pa dang ma rig pa dag gi nang du yang 'dus par thal bar 'gyur ro/ /nang du 'dus pa yin du chug na yang ji ltar 'dir ma rig pa ni tshul bzhin ma yin pa'i rgyu las byung ba yin no
 zhes bya bar bstan pa yin/ gal te nang du 'dus pa kho nas rgyu dang 'bral bu'i dngos por shes par 'gyur na/ 'o na ni srid pa dang ma rig pa dag kyang de'i nang du 'dus pa'i phyir yan lag gzhan nyid du mi bya bar nus so/ /gzhan dag na re mdo gzhan las ma rig
 pa'i rgyu tshul bzhin ma yin pa yid la byed pa yin par gsungs te/ de yang ming gang gzugs rnams la brten nas gti mug las skyes pa'i yid la byed pa rnyog pa skye'o zhes gsungs pa'i phyir rig pa'i dus su bstan pa yin la/ mdo gzhan las ma rig pa'i 'dus te reg
 pa las byung ba'i tshor ba la brten nas sred pa skye'o zhes gsungs pa'i phyir tshir ba'i dus su yang ma rig pa gdon mi za bar yod do/ de lta bas na reg pa'i dus na yod pa'i tshul bzhin ma yin pa yid la byed pa ni tshor ba dang lhan cig 'jug pa'i ma rig pa'i rkyen gyis
 ngo bor gyur pas ma rig pa rgyu med pa nyid kyang ma yin zhing/ yan lag gis kha bskang par yang mi bya'o/ /thug pa med par thal bar 'gyur ba yang ma yin te/ gti mug las skyes pa'i yid la byed pa rnyog pa zhes byung bas tshul bzhin ma yin pa yid la byed pa de yang
 gti mug las skyes par gsungs pa'i phyir ro/ /'o na ni de ni gzhan du gsungs pas 'dir yang brjod par bya dgos so zhe na/ brjod par bya mi dgos so/ /ma brjod du ji ltar go zhe na/ rig pa gang gi zhe na/ dgra bcom pa rnams kyi tshor ba ma rig pa med pa ni sred pa'i
 rkyen ma yin no/ /phyin ci log med pa'i reg pa yang nyon mongs pa can gyi tshor ba'i rkyen ma yin la/ dgra bcom pa la ma rig pa med pa'i reg pa med pa yang phyin ci log ma yin no zhes bya ba'i rig pa 'dis so/ /ji snyed rig pas 'thad pa de snyed ma bshad bzhin du
 yang go bar gyur na/ de lta na ni ha cang thal bar 'gyur te/ de lta bas na 'di ni ldan? ma yin no/ /ma rig pa dang rga shi ngag las gzhan ma bstan pa'i phyir 'khor ba la thog ma dang tha ma dang ldan par bral bar 'gyur ro zhes bya ba 'di ni klan kar mi rung ba kho na
 yin la ma tshang bar bstan pa yang ma yin no/ /ci'i phyir zhe na/ 'dir ni ji ltar na 'jig rten pha rol nas 'jig rten 'dir/ 'jig rten 'di nas yang 'jig rten pha rol tu 'brel snyam du 'jug pa la rmongs pa'i gdul ba rnams la de tsam zhig brjod
 par bzhed pa'i phyir la/ de ni sngon dang phyi mdza' bar? dag la/ /rmongs pa rnam par bzlog pa'i phyir ro/ /zhes bya ba 'dis sngar bshad zin pa'i phyir ro/ /bcom ldan 'das kyis dge slong dag byed la rten cing 'brel par 'byung ba dang/ rten
 cing 'brel par 'byung ba'i chos rnams kyang bstan par bya'o zhes gsungs pa yang de dag la khyad par ci zhig yod ce na/ re zhig bstan bcos las ni khyad par cung zad kyang med de gnyis ga yang 'dus byas kyis chos thams cad yin par gsungs so/ /da ni ji ltar na ma
 'ongs pa ma byung ba rnams rten cing 'brel par 'byung ba dag ces bya/ re zhig ma 'ongs pa ma byas pa rnams kho na yang ji ltar na 'dus byas dag ces bya/ mngon par 'du byed pa pa'i sems pas bsam pa'i phyir ro/ zag pa med pa rnams ji ltar/ /de dag
 kyang thob par bya ba'i phyir sems pa dge bas bsam pa dag yin no/ /mya ngan las 'das pa la yang thal bar 'gyur ro/ /de dang rigs mthun pa'i phyir de kho na bzhin du mthun par bsgres pa yin te/ dper na re zhig gzugs su mi rung ba yang de dang rigs mthun
 pa'i phyir gzugs zhes bya ba bzhin pas de ni nyes pa med do/ /mdo'i dgongs pa ni/ 'dir ni 'byung ba rgyu yin te/ /byung ba 'bras bu yin par 'dod ces pa 'di yin te/ rgyur gyur pa'i yan lag ni rten cing 'brel par 'byung ba yin te/ 'di las 'byung ba'i phyir ro//
 'bras bur gyur pa'i yan lag ni rten cing 'brel par 'byung ba yin te/ 'di las 'byung ba'i phyir ro/ /'bras bur gyur pa'i yan lag ni rten cing 'brel par 'byung ba ste/ de ltar na yan lag thams cad kyang rgyu dang 'bras bur gyur pa'i phyir gnyi gar 'grub par
 'gyur ro/ /de lta yin yang ltos pa'i bye brag gis rnam par bzhag pa med pa yang ma yin te/ gang la bltos nas rten cing 'brel par 'byung ba yin pa de nyid la bltos nas rten cing 'brel par 'byung ba ma yin te/ rgyu dang 'bras bu bzhin dang pha? dang bu bzhin no/
 gnas brtan bsam rdzogs na re/ rten cing 'brel par 'byung ba yin la/ rten cing 'brel par 'byung ba'i chos dag ma yin pa yang yod de zhes bya ba ma bzhi ste/ mu dang po ni chos ma 'ongs pa rnams so/ /gnyis pa ni dgra bcom pa'i chos tha ma 'das pa dang/ da ltar byung
 ba rnams so/ /gsum pa ni de las gzhan pa'i chos 'das pa dang/ de ltar byung ba rnams so/ /bzhi pa ni chos 'dus ma byas rnams so zhes zer ro zhes grag go /'dir mdo sde pa rnams rgol bar byed de/ ci 'di dag gang zhig gang 'dod pa'i 'dod rgyal du 'chad pa zhig gam/
 'on te mdo'i don yin smras pa/ 'on te mdo'i don yin no zhe na/ 'di ni mdo'i don ma yin no/ /ji ltar na re zhig gnas skabs pa'i rten cing 'brel par 'byung ba 'di ni bcu gnyis dang ldan pa'i phung po lnga'i gnas skabs kyi yan lag bcu gnyis pa dag
 yin no zhes gang smras pa ni mdo dang 'gal ba yin na/ /mdo las ni ma rig pa gang zhe na/ smras pa/ sngon gyi mdza' mi shes pa gang yin pa'o zhes rgyas par gsungs te/ nges pa'i don gang yin pa de ni drang pa'i don ma yin pas 'di ni mdo'i don ma
 yin no/ /bstan pa'i sgo nas thams cad nges pa'i don kho na yang ma yin gyi/ gtso bo ji lta bar bstan par yang mdzad de/ dper na glang po'i che'i rjes lta bu las sa'i khams gang zhe na zhes bya ba'i dbang du mdzad nas 'di lta ste/ skra dang spu dag
 ko zhes gsungs pa lta bu ste/ de dag la ni gzugs la sogs pa gzhan yang yod do/ /de bzhin du 'dir yang gtso bo ji lta bu bzhin du bstan pa yin no/ /'di ni dpe na yin te/ de las ni gang gis ni de dag ma rdzogs par bstan par 'gyur
 pa sa'i khams kyis skra la sogs pa ston pa ni ma yin gyi 'on kyang de las ni skra la sogs pa dag kho nas sa'i khams ston pa yin te/ skra la sogs pa ma btogs par yang sa'i khams med pas 'di rdzogs par bstan pa kho na yin no/ /de bzhin du
 'di las kyang ma rig pa la sogs pa rnams yongs su rdzogs pa kho nar bstan pa yin gyi lhag ma dang bcas par ni ma yin no/ /skra la sogs pa ma gtogs par yang mchi ma dang/ mchil ma dang/ snabs la sogs pa dag la sa'i khams
 yod pa ma yin nam zhe na/ de yang bstan zin pa nyid de/ lus 'di la gzhan yang zhes gsungs pa'i phyir ro/ /yang na gal te de kho na dang 'dra bar bstan par nus na ma rig pa'i lhag ma yod la rag go /rig tha dad pa na ma rig par ci'i phyir bstan/ gnas
 skabs de dag la phung po lnga char yod du zin kyang gang zhig yod dam med na gang yod pa dang med par nges pa de kho na yan lag yin no/ /dgra bcom pa la phung po lnga yod kyang 'du byed rnams kyang mi 'byung la/ bsod nams dang/ bsod nams ma yin pa
 dang/ mi g.yo bar nye bar 'gro ba'i rnam par shes pa dang/ sred pa la sogs pa yang ma yin pas mdo 'don ji skad bstan pa kho na yin no/ /mu bzhir bshad pa gang yin pa de la yang/ gal te chos ma 'ongs pa rnams rten cing 'brel par byung ba ma
 yin na rten cing 'brel par byung ba'i chos rnams gang zhe na/ ma rig pa nas rga shi'i bar dang yin no zhes gsungs pa'i mdo dang 'gal lo/ /yang na skye ba dang rga shi'i yan lag dag ma 'ongs pa'i dus su rnam par bzhag par mi 'dod par bya dgos
 pas cha gsum du dgong pa rnam par nyams par 'gyur ro/ /sde pa gzhan dag na re/ de bzhin gshegs pa rnams byung yang rung ma byung yang chos nyid 'di ni gnas pa kho na'o zhes gsungs pa'i phyir rten cing 'brel par 'byung ba ni 'dus ma byas yin no
 zhes zer ro/ /de ni dgongs pa'i dbang gis de bzhin yang yin la de bzhin yang ma yin no/ /re zhig ji ltar de bzhin yin/ yang na ji ltar na de bzhin ma yin zhe na/ gal te dgongs pa 'di de bzhin gshegs pa rnams byung yang rung ma byung
 yang rung rtag tu ma rig pa la sogs pa dag la brten nas 'du byed la sogs pa rnams kun tu 'byung gi ma brten par ram/ gzhan dag la brten nas ni nam yang ma yin pas rten cing 'brel par ni rtag pa'o zhes bya ba yin no zhes gzung bar bya'o/ /'on te dgongs
 pa 'di rten cing 'brel par 'byung ba zhes bya ba dngos po gzhan rtag par cung zad cig yod do zhe na ni/ de de lta ma yin no zhes dgag par bya'o/ /ci'i phyir zhe na/ 'byung ba ni 'dus byas kyi mtshan nyid yin pa'i phyir ro/ dngos po gzhan rtag pa ni mi rtag pa'i
 mtshan nyid yin par yang mi rung ngo/ /'byung ba zhes bya ba ni skye ba yin pa'i phyir 'di ma rig pa la sogs pa dang ci zhig 'brel na gang gi phyir de dag rten cing 'brel par 'byung ba zhes brjod par 'gyur/ rtag pa zhes kyang bya la/ rten cing 'brel par 'byung
 ba zhes kyang bya bas tshig gi don kyang nus pa med par 'gyur ro/ /yang rten cing 'brel par 'byung ba zhes bya bar tshig gi don gang yin zhe na/ rten cing 'brel pa zhes bya ba ni phrad ba'i don to/ /i ti ni 'gro ba'i don to/ nye bar bsgyur ba'i dbang gis
 skad kyi byings kyi don yongs su bsgyur ba'i phyir phrad nas zhes bya ba'i don gang yin pa de ni rten cing 'brel te zhes bya ba'i don yin no pa ta ni yod pa'i don to/ /sam dang ud gong na 'byung ba'i don to/ /sam dang ud gdon 'byung ba'i don to/ /des na phrad nas 'byung ba ni rten cing 'brel par 'byung ba
 yin no/ /tshig gi don 'di ni rigs pa ma yin no/ /ci'i phyir zhe na/ byed pa po gcig gi bya ba gnyis ni dus sngar te zhes bya ba'i rkyen yin te/ dper na khrus byas te bza' bo zhes bya ba lta bu yin na snga phrad nas phyis skye bar 'gyur ba gang yin pa de ni
 skye ba'i sngon rol na 'ga' yang med la/ byed pa po ming pa'i bya ba yang med do/ /'dir smras pa/ gal te 'byung sngon phrad nas yin/ /med phyir rung ba ma yin no/ /gal te lhan cig 'dir te ni/ /ma grub sngon du byed phyir ro/ /'di ni nyes pa med de/ re
 zhig sgra pa la gnas skabs gang gi chos shig skye/ da lta'i 'am 'on te ma 'ongs pa zhig ces bya ba 'di dri bar bya'o/ /de las cir 'gyur/ ci ste da lta'i zhig skye'o zhe na ni/ gal te ma skyes na ji ltar da ltar yin/ 'on te skyes zin pa zhig yang skye na
 ni thug pa med par thal bar 'gyur ro/ /ci ste ma 'ongs pa zhig skye'o zhe na/ med pa ji ltar byed pa po nyid dam/ byed pa po med pa'i bya ba 'grub/ de'i phyir gnas skabs gang skye ba'i gnas skabs de nyid dang phrad nas zhes bya ba yin no/ /gnas skabs gang
 zhig skye zhe na/ skye ba la mngon du phyogs pa'i ma 'ongs pa ste/ gnas skabs de kho na rkyen dang phrad nas zhes bya'o/ /sgra pa'i 'di lta ste/ byed pa po dang bya ba rnam par 'jog pa 'di yang grub pa ma yin te/ skye bo zhes bya ba 'di ni byed pa po yin la/ skye
 zhes bya ba 'di ni bya ba yin na 'di las skye'o zhes bya ba'i don las bya ba gzhan yang ma mthong ngo/ /de lta bas na tha snyad dag la klan ka med do/ /tshig gi don ni 'di yod na 'di 'byung/ /'di skyes pas 'di skye/ zhes bya ba'i don gang yin pa de ni rten
 cing 'brel par 'byung ba'i don to zhes bya ba 'di yin no/ /'dir bshad pa/ ji ltar med pa skye ba ltar/ /med pa phrad pa'ang de dang 'dra/ /skyes pa skye na mdza' thug med/ /'on te snga na yod na'ang rung/ lhan cig pa la'ang de yod de/ /mar me byung nas mun pa
 med/ /kha gdangs nyal bzhin gal te phyis/ /btsums pa la yang ci phyir min/ /gzhan dag ni klan ka 'di yongs su spang bar bya ba'i phyir don gzhan du yongs su rtog par byed do/ /rten cing 'brel pa ni zlos pa'i don yin no/ /saM ni 'du pa'i don yin no/ /a'i
 t+ya ni 'gro bar rung ba ste mi sdong pa'o/ /ud gong na yod pa'i pa de ni 'byung ba'i don te/ 'di skad du tshogs pa de dang de na 'gro bar rung ba rnams 'dus nas skye ba ni rten cing 'brel par 'byung ba'o zhes bshad pa yin no/ /rtog pa 'di ni 'di kho na la
 rab tu brtag tu rung gi mig dang gzugs rnams la brten nas mig gi rnam par shes pa skye'o zhes bya ba 'di la ji ltar rung/ yang ci'i phyir bcom ldan 'das kyis 'di yod na 'di 'byung/ 'di skye bas 'di skye'o zhes rnam grangs gnyis gsungs she na/ nges par gzung ba'i
 don te/ dper na gzhan las ma rig pa yod na 'du byed rnams 'byung gi/ ma rig pa'i rkyen med par 'du byed rnams ma yin no zhes gsungs pa lta bu'o/ /yang na yan lag 'di yod na 'di 'byung ngo/ /yan lag 'di skyes pas yan lag gzhan 'di skye'o
 zhes yan lag brgyud par bstan pa'i phyir ro/ /yang na sngon gyi mdza' yod na da ltar gyi mdza' 'byung ngo/ /da ltar gyi mdza' skyes pas phyi ma'i mdza' skye'o zhes tshe brgyud par bstan pa'i phyir ro/ /yang na res 'ga' ni 'du byed rnams ma rig pa'i mjug
 thogs su 'byung ngo/ /res 'ga' ni rgyud nas so zhes mngon sum dang brgyud nas rkyen gyi ngo bor bstan pa'i phyir ro/ /gzhan dag na re rgyu med na dngos po mi 'byung la/ rang bzhin dang skyes bu la sogs pa skye ba med pa dang ldan pa rtag pa las kyang cung zad kyang mi skye'o
 zhes rgyu med pa dang/ rgyu rtag par smra ba dgag pa'i phyir ro zhes zer te/ rtog pa 'di la ni tshig snga ma smos pa don med par 'gyur te/ 'di skyes pas 'di skye'o zhes bya ba 'di kho nas smra bas gnyi ga dgag pa 'grub pa'i phyir ro/ /'o na ni gang la la dag bdag rten du
 gyur pa yod pas 'du byed la sogs pa rnams 'byung ngo/ /ma rig pa la sogs pa skyes pas de dag skye bar rtog par byed pa yod pas de'i phyir rtog pa de btsal bar bya ba'i phyir gang zhig skyes pas gang skye pa ni de nyid yod pas de 'byung gi /gzhan
 las ni ma yin no zhes nges par gzung ba mdzad pa yin te/ 'di lta ste/ ma rig pa'i rkyen gyis 'du byed rnams dang/ sdug bsngal gyi phung po chen po 'di 'ba' zhig yang dag par 'byung bar 'gyur ro/ /zhes bya ba'i bar yin no/ /slob dpon dag na re/ ma
 rig pa ma spangs na 'du byed rnams mi spongs la de nyid skyes pa skye par 'gyur ro/ /zhes ma spangs pa dang skye bar 'gyur ba rgyas par bstan pa'i phyir ro zhes zer ro/ /gzhan dag na re rgyu'i rgyun ji srid pa de srid du 'bras bu'i rgyun 'byung
 bar 'gyur ro/ /rgyu nyid skyes pas 'bras bu skye bar 'gyur ro zhes gnas pa dang skye ba yang dag par bstan pa'i phyir ro zhes zer te/ 'byung ba'i dbang du mdzad pa yin na gnas pa'i tshig tu thal ba ci zhig yod/ bcom ldan 'das kyis kyang ci'i phyir rim
 pa mi mthun par sngar ni gnas pa dang phyis ni skye ba gsungs par 'gyur/ yang smras pa/ 'di yod na 'di 'byung ngo zhes bya ba ni 'bras bu yod na rgyu 'jig pa 'byung ba yin no/ /'o na ni rgyu med pa las 'bras bu 'byung ngo snyam du sems par 'gyur pas/
 smras pa/ de'i phyir rgyu med pa las byung ba ma yin te/ 'di ltar 'di skyes pas 'di skye'o zhes bka' stsal to/ /gal te mdo'i don de yin par gyur na ni 'di yod pas 'di mi 'byung ngo zhes bya ba kho nar bka' stsal par 'gyur la/ re zhig sngar
 ni 'bras bu skye ba kho na yin la/ phyis ni 'di yod na 'di mi 'byung bar 'gyur ro zhes bka' stsal par 'gyur te/ de lta na go rims legs pa yin no/ /gzhan du na rten cing 'brel par 'gyur ba gang zhe na/ zhes bya ba'i skabs su 'jig pa zhes bya ba'i
 rim pa gang zhig yin/ de lta bas na de ni mdo'i don ma yin no/ /yang ji ltar na ma rig pa'i rkyen gyis 'du byed rnams yin pa nas skye ba'i rkyen gyis rga shi'i bar dag yin zhe na/ 'brel pa tsam zhig bstan par bya ste/ byis pa ni rten cing 'brel par
 'byung ba 'du byed tsam 'di mi shes pas bdag tu lta ba dang/ nga'o snyam pa'i nga rgyal la mngon par zhen cing bdag nyid bde ba'i don tam/ bde ba yang ma yin sdug bsngal yang ma yin pa'i don du lus la sogs pa dag gis las rnam pa gsum rtsom ste/ tshe
 phyi ma la bde ba'i don du ni bsod nams/ bde ba dang/ bde ba yang ma yin sdug bsngal ba yang ma yin pa'i don du ni mi g.yo ba/ tshe 'di la bde ba'i don du ni bsod nams ma yin pa rtsom ste/ de dag ni 'di'i ma rig pa'i rkyen gyis 'du byed dag yin no/ /las kyi 'phen pa'i dbang gis rnam par
 shes pa'i rgyun srid pa bar ma dang 'brel ba'i phyir me 'bar ba 'gro ba'i tshul du 'gro ba de dang der 'gro bar 'gyur te/ de ni 'di'i 'du byed kyi rkyen gyis rnam par shes pa yin no/ /de ltar bshad na rnam par shes pa'i yan lag bstan pa las/ rnam par shes pa'i tshogs drug go zhes
 bshad pa de 'thad pa yin no/ /yang rnam par shes pa sngon du 'gro ba'i ming dang gzugs phung po lnga po 'gro ba de dang der skye bar 'gyur te/ rnam par 'byed pa las de skad bstan pa'i phyir ro/ /de'i 'og tu ming dang gzugs yongs su smin pa'i rim gyis skye mched drug go /de'i 'og tu
 yul dang phrad na rnam par shes pa skye bas gsum 'dus pa las bde ba la sogs pa myong bar 'gyur ba'i reg pa'o/ /de'i 'og tu tshor ba rnam pa gsum mo/ /de'i 'og tu sred pa ste/ sdug bsngal gyis gzing ba'i tshor ba bde ba la ni 'dod pa'i sred pa'o/ /bde ba dang/ bde ba yang ma yin
 sdug bsngal yang ma yin pa la ni gzugs kyi sred pa'o/ /bde ba yang ma yin sdug bsngal yang ma yin pha la ni gzugs med pa'i srid pa'o/ /de'i 'og tu tshor ba yid du 'ong ba la sred pa las 'dod pa la sogs pa nye bar len te/ de la 'dod pa rnams ni 'dod pa'i yon tan lnga dag
 go/ lta ba dag ni drug cu rtsa gnyis te/ tshangs pa'i dra ba las ji skad 'byung ba bzhin no/ /tshul khrims ni 'chal pa'i tshul khrims spong ba'o/ /brtul zhugs ni khyi dang ba lang gi brtul zhugs la sogs pa dang/ ji skad du gcer bu pa la sogs pa rnams ni sgren mo gos med pa yin no
 zhes rgyas par gsungs pa lta bu dang/ bram ze dang/ byugs bdag pa dang/ kun tu rgyu la sogs pa dag dbyu gu dang g.yang gzhi dang/ ral bu dang/ thal ba dang/ dbyug gu gsum dang sgre bo la sogs pa yang dag par len pa'o/ /bdag tu smra ba ni lus te/ de la bdag tu smra ba
 yod pas na bdag tu smra ba'o/ /gzhan dag na re bdag tu lta ba dang/ nga'o snyam pa'i nga rgyal yin no zhes zer te/ 'di gnyis ji ltar bdag tu smra ba nyid yin no zhe na/ 'di gnyis kyis bdag go zhes smra ba'i phyir ro/ /bdag med pa'i phyir bdag tu smra ba nye
 bar len pa zhes bya ste/ ji skad du dge slong dag bdag dang bdag gi zhes bya ba ni byis pa so so'i skye po thos pa dang mi ldan pa btags pa'i rjes su lhung bar zad kyi/ 'di la bdag gam bdag gi ni med do zhes gsungs pa lta bu'o/ /de dag nye bar len pa ni de dag la
 'dun pa dang/ 'dod chags gang yin pa ste/ bcom ldan 'das kyis thams cad las ji skad du nye bar len pa gang zhe na/ 'di la 'dun pa'i 'dod chags gang yin pa'o zhes bshad pa lta bu'o/ /yang len pa'i rkyen gyis yang srid pa pa'i la sogs par byed
 pa de ni srid pa yin te/ mdo las/ kun dga' bo tshe phyi ma la yang srid pa mngon par 'grub par byed pa'i las gang yin pa de ni srid pa yin no zhes gsungs pa lta bu'o/ /srid pa'i rkyen gyis rnam par shes pa 'jug pa'i tshul du ma 'ongs pa'i skye ba ni skye ba
 ste/ phung po lnga pa yin no/ /skye ba yod na rga shi 'byung ste/ mdo las ji skad bstan pa lta bu'o/ /de ltar 'di 'ba' zhig ces bya ba ni bdag dang bdag gi dang bral ba'o/ /sdug bsngal gyi phung po chen po zhes bya ba ni sdug bsngal gyi tshogs thog ma dang tha ma med
 pa'o/ /yang dag par 'byung bar 'gyur zhes bya ba ni skye ba'o/ /bye brag tu smra ba'i lugs ni sngar bshad pa gang yin pa de kho na yin no/ /yang ma rig pa zhes bya ba'i don gang yin/ rig pa ma yin pa gang yin pa'o/ /mig la sogs pa dag la yang thal bar 'gyur
 ro/ /'o na ni rig pa med pa yin no/ /de lta na ni ci yang ma yin par 'gyur te/ de yang rigs pa ma yin no/ /de lta bas na/ rig pa'i mi mthun phyogs chos gzhan/ /ma rig mi mdza' brdzun sogs bzhin/ /ji ltar mdza' bo las bzlog na de'i mi mthun pa'i phyogs su
 gyur pa mi mdza' ba 'ga' zhig yod kyi/ mdza' bo las gzhan pa gang yin pa yang ma yin la/ mdza' bo med pa yang ma yin pa dang/ bden pa zhes bya ba ni bden pa'o/ /de mi mthun pa'i phyogs su gyur pa'i tshig ni mi bden pa yin pa dang/ chos ma yin pa dang/ bya ba ma yin
 pa la sogs pa las chos la sogs pa'i mi mthun par gyur pa de bzhin du ma rig pa yang rig pa'i mi mthun par gyur pa chos gzhan zhig tu blta bar bya'o/ /'di ga las she na/ rkyen gyi dngos por bstan pa'i phyir ro/ /gzhan yang/ kun sbyor sogs tshig phyir/ mdo
 dag las ma rig pa ni kun tu sbyor ba dang/ 'ching? ba dang/ phra rgyas dang/ chu bo dang/ sbyor ba zhes bya'o zhes gsungs te/ med pa tsam ni de lta bu yin par 'os pa ma yin la mig la sogs pa yang ma yin no/ /de lta bas na ma rig pa la sogs pa'i chos gzhan
 kho na zhig yin no/ /'o na ni dper na chung ma ngan pa la chung ma ma yin zhes bya ba dang/ bu ngan pa la bu ma yin zhes bya ba ltar ma rig pa yang de dang 'dra'o/ /gal te/ shes rab ngan pa'o min lta phyir smad pa'i shes rab ni nyon mongs pa can yin na de yang lta ba'i rang
 bzhin yin pas ma rig pa yin par mi rung ngo/ /'o na ni gang lta ba'i rang bzhin ma yin pa de yin par 'gyur ro/ /de yang yin par mi 'os so/ /de ci'i phyir zhe na/ lta ba de dang mtshungs ldan phyir/ /gal te ma rig pa shes rab yin par gyur na shes rab kyis
 rdzas gnyis mtshungs par mi ldan pa'i phyir lta ba de dang mtshungs par ldan par mi 'gyur ro/ /shes rab nyon mongs bstan phyir ro/ /zhes bya ba 'di las kyang 'grub ste/ mdo las/ 'dod chags kyis nye bar nyon mongs pa can du gyur pa'i sems ni rnam par
 mi 'grol lo/ /ma rig pas nye bar nyon mongs pa can du gyur pa'i shes rab ni rnam par mi 'dag go zhes gsungs te/ shes rab de nyid shes rab de'i nyon mongs pa yin par yang rigs pa ma yin pas ji ltar sems kyi nye bar nyon mongs pa 'dod chags rigs so tha
 dad pa gzhan yin pa ltar shes rab kyis ma rig pa yang de dang 'dra'o/ /yang ci'i phyir 'di ltar shes rab nyon mongs pa can dang/ shes rab dge ba 'dren na rnam par mi 'dag pas de'i phyir 'di de'i nye ba'i nyon mongs pa yin par mi 'dod/ 'dod
 chags kyis nye bar nyon mongs pa can du gyur pa'i sems rnam par mi 'grol ba gang yin pa de yang gdon mi za bar 'dod chags kyis kun nas dkris pa yin nam ci/ gang rnam par mi 'grol ba de ni 'dod chags kyis de ltar nye bar bcom pa yin la/ bag chags de
 rnam par bzlog pa ni rnam par grol bar 'gyur ro/ /de bzhin du ma rig pas nye bar nyon mongs pa can du gyur pa'i shes rab rnam par mi 'dag pas ma rig pas nye bar bcom pa yin par yongs su brtag par bya'o/ /yongs su rtog pa la ni su zhig bzlog ste/
 ma rig pa rigs gzhan kho na zhig yod do zhes brjod do/ /gang yang nyon mongs pa thams cad ma rig pa yin no snyam du sems pa de'i yang 'di nyid kyi bsal ba yin te/ /nyon mongs pa thams cad kyi rang bzhin yin na kun tu sbyor ba la sogs pa'i nang du yang
 logs shig tu bshad par mi 'gyur zhing/ lta ba la sogs pa phan tshun mtshungs par ldan pa med pa'i phyir lta ba 'am nyon mongs pa gzhan dang mtshungs par ldan par mi 'gyur la/ sems kyang ma rig pas nye bar nyon mongs pa can du gyur pa kho nar
 bshad par 'gyur ro/ /'on te bye brag tu bya ba'i phyir de skad du bshad do zhes bya bar 'dod na ni shes rab la yang ma rig pa bye brag tu bya dgos par 'gyur ro/ /ma rig pa chos gzhan zhig yin la ni rag na de'i rang bzhin ci yin/ bden pa dang/ dkon
 mchog dang/ las dang 'bras bu rnams mi gsal ba'o/ /mi gsal ba zhes bya ba 'di ci yin pa 'di yang mi shes so/ /gal te gsal ba ma yin pa zhig gam/ gsal ba med pa zhig yin na ni ma rig pa la ji lta ba de kho na bzhin du skyon du 'gyur ro//
 'on te gsal ba'i mi mthun pa'i phyogs su gyur? pa chos gzhan zhig yin no zhe na yang de bzhin du de ci yin pa 'di mi shes so zhe na/ chos rnams bstan pa de lta bu yang yod de/ dper na mig gang zhe na/ gzugs dang ba mig gi rnam par shes pa'i rten gang yin pa'o zhes
 gsungs pa lta bu'o/ /btsun pa chos slob nar nga'o snyam du sems can la 'jug pa ni ma rig pa'o zhes zer ro/ /nga'o snyam pa'i nga rgyal las gzhan pa'i mjug pa gang zhig yin zhe na/ mdo las bdag gis de ltar shes/ de ltar mthong ste/ sred pa thams cad dang/ lta ba
 thams cad dang/ 'jug pa thams cad dang/ dar 'dzin pa dang/ nga yir 'dzin pa dang/ nga'o snyam pa'i nga rgyal la mngon par zhen pa'i phra rgyas thams cad spangs shing yongs su shes nas grib ma med par mya ngan las 'das so zhes gsungs pa gang yin pa de
 yin no/ /'dug pa de yod kyang de ni ma rig pa 'di yin no zhes bya ba 'di ga las she na 'di ltar 'di nyon mongs pa gzhan yin no zhes brjod par mi nus pa'i phyir ro/ /nga rgyal gzhan yang yod pa kho na ma yin nam zhe na/ 'di la dpyad par chad na brjod pa
 mang por 'gyur te/ de lta bas na 'di ni bzhag go /yang ming dang gzugs zhes bya ba 'di'i don ci zhe na/ gzugs ni rgya cher bshad pa yin no/ /ming ni gzugs can min phung po/ /ci'i phyir zhe na/ ming dang dbang po dang don gyi dbang gis don rnams la gzhol
 bas na ming ngo/ /ming gang gi dbang gis she na/ 'jig rten grags pa gang yin pa ste/ don de dang de dag go bar byed pa ba lang dang/ rta dang/ gzugs dang/ ro zhes bya ba de lta bu la sogs pa'o/ /de yang ci'i phyir ming nyid yin zhe na/ don de dang de dag la ming
 de gzhol bar byed pa'i phyir ro/ /gzhan dag na re 'dir lus por nas skye ba gzhan du gzhol pa'i phyir ming ni gzugs can ma yin pa'i phung po dag yin no/ zhes zer ro/ /skye mched drug ni bshad zin to/ /reg pa brjod par bya ste/ reg drug /mig gi
 'dus te reg pa nas yid kyi 'dus te reg pa'i bar ro/ /de dag kyang/ 'dus te byung ba yin/ /dbang po dang yul dang rnam par shes pa dang gsum 'dus pa las skyes pa'o/ /re zhig lhan cig skye ba'i phyir dbang po lnga ni don dang
 rnam par shes pa dag dang 'du bar yang rigs na/ yid kyi dbang po 'gags pa go chos dang yid kyi rnam par shes pa ma 'ongs pa dang da ltar gyi dag dang ji ltar zhe na/ rgyu dang 'bras bu'i dngos po gang yin pa de nyid de dag gi 'du ba yin no/ /yang na gsum
 po de dag thams cad kyang reg pa bskyed par bya ba la mthun pa yin pa'i phyir 'bras bu gcig pa'i don ni 'du ba'i don to/ /'di la slob dpon rnams kyi blo tha dad par gyur/ /kha cig na re 'dus pa nyid reg pa yin no zhes zer te/ 'dir mdo'i khungs de lta na
 chos gsum po 'di dag 'brel cing 'dus la tshogs pa gang yin pa de ni reg pa yin no/ /zhes gsungs pa yang khyed te 'ong bar byed do/ /kha cig na re ni sems dang mtshungs par ldan pa'i chos gzhan kho na zhig reg pa yin no zhes zer te/ 'dir mdo'i khungs
 chos kyi rnam grangs drug tshan drug gang zhe na/ nang gi skye mtshang drug dang/ phyi'i skye mched drug dang/ rnam par shes pa'i tshogs drug dang/ reg pa'i tshogs drug dang/ tshor ba'i tshogs drug dang/ sred pa'i tshogs drug go zhes gsungs pa yang khyer te 'ong bar
 byed do/ /'dir ni reg pa'i tshogs dbang po dang don dang rnam par shes pa dag las logs shig tu bstan to/ /de la gang dag 'dus pa nyid reg pas yin no zhes zer ba de dag ni 'di skad du logs shig tu bstan pa'i phyir logs shig na yod pa kho yang ma
 yin te/ tshor ba dang sred pa dag kyang chos kyi skye mched las logs shig na yod par 'gyur du 'od do zhes lan 'debs par byed do/ /de ni nyes pa med do/ /de dag la ma gtogs pa'i chos kyi skye mched kyang yod pa'i phyir ro/ /de lta bur 'dir lhag ma
 gang zhig smos su rung ba reg par gyur pa gsum las gzhan gsum ni med do/ /gal te rnam par shes pa med pa'i dbang po dang don dag yod du zin kyang dbang po dang don med pa'i rnam par shes pa med do/ /de lta bas na gsum bstan zin pas yang reg pa smos pa ni don
 med par 'gyur ro/ /kha cig na re mig dang gzugs thams cad kyang mig gi rnam par shes pa thams cad kyi rgyu ma yin la/ mig gi rnam par shes pa thams cad kyang mig dang gzugs thams cad kyi 'bras bu ma yin pas de'i phyir gang dag rgyu dang 'bras bu'i dngos po
 yin pa de dag ni reg pa'i dngos por rnam par bzhag go zhes zer ro/ /gang dag reg pa ni 'dus pa las gzhan no zhes zer ba de dag chos gsum po 'di dag 'brel zhing 'dus la tshogs pa gang yin pa de ni reg pa yin no zhes gsungs pa'i mdo 'di la ji ltar lan
 'debs she na/ de skad du mi 'don to/ /yang na ni 'di rgyu la 'bras bu btags pa yin no zhes zer ro/ /brjod pa 'di rgya che ba'i rnam pa ha cang mang por 'phro ba yin pas zhar la 'ongs pas chog go /chos mngon pa pa rnams na de reg pa gzhan kho na yin no zhes zer ro/ /
 reg pa drug po de dag las/ /lnga ni thogs pa'i reg pa yin/ /drug pa bla dags tshig ces bya/ /mig dang/ rna ba dang/ sna dang/ lce dang/ lus kyi 'dus te reg pa lnga ni thogs pa dang bcas pa'i dbang po la brten pa'i phyir thogs pa'i reg pa zhes bya'o/ /drug pa yid kyi
 'dus te reg pa ni tshig bla dags kyi reg pa zhes bya'o/ /ci'i phyir zhe na/ tshigs bla dags zhes bya ba ni ming yin no/ /de lhag par 'di'i dmigs pa yin pas/ de'i phyir tshig bla dags kyi 'dus te reg pa zhes bya'o zhes grag ste/ ji skad du mig gi rnam
 par shes pas ni sngon po rnam par shes kyi sngon po'o zhes bya bar ni rnam par mi shes so/ /yid kyi rnam par shes pas ni sngon po yang rnam par shes la sngon po'o zhes bya bar yang rnam par shes so zhes gsungs pa lta bu ste/ gcig ni rten gyis rab tu phye
 ba yin no/ /gnyis pa ni dmigs pas rab tu phye ba yin no/ gzhan dag na re yid kyi rnam par shes pa ni tshig gi dbang du byas nas don rnams la mjug gi lnga po dag ni ma yin te/ de'i phyir de ni tshig bla dags yin no/ /de dang mtshungs par ldan pa'i
 reg pa ni tshigs bla dags kyi reg pa zhes bya bas gcig ni rten gyis rab tu phye ba yin no/ /gnyis pa ni mtshungs par ldan pa'i rab tu phye ba yin no zhes zer ro/ /yang reg pa drug po de dag nyid gsum du 'gyur te/ rig dang ma rig dang gzhan reg/ rig pa'i reg
 pa dang/ ma rig pa'i reg pa dang/ de gnyis las gzhan pa rig pa yang ma yin ma rig pa yang ma yin pa'i reg pa'o/ /de dag kyang go rims bzhin du/ /dri med nyon mongs can lhag ma/ /yin par rig par bya ste/ rig pa'i reg pa ni zag pa med pa'i reg pa'o/ /ma
 rig pa'i reg pa ni nyon mongs pa can gyi reg pa ste/ rig pa dang ma rig pa dang mtshungs par ldan pa'i phyir ro/ /lhag ma ni gnyis ka dang mtshungs par mi ldan pa'i phyir rig pa yang ma yin ma rig pa yang ma yin pa'i reg pa'o/ /lhag ma yang gang zhig zhe na/
 dge ba zag pa dang bcas pa dang ma bsgribs la lung du ma bstan pa'o/ /ma rig pa'i reg pa yang dang yang du kun tu 'byung ba'i phyogs gcig smos pas reg pa gnyis su 'gyur te/ gnod sems rjes su chags pa'i reg /gnod sems dang/ rjes su chags pa dang
 mtshungs par ldan pa'i phyir ro/ /yang thams cad bsdu na/ bde ba myong 'gyur la sogs gsum/ /bde ba myong bar 'gyur ba'i reg pa dang/ sdug bsngal myong bar 'gyur ba dang/ bde ba yang ma yin sdug bsngal yang ma yin pa myong par 'gyur ba ste/ bde ba dang
 mthun pa'i phyir ro/ /yang na de myong bar bya ba 'am/ myong bar nus pa'i phyir myong par 'gyur pa ste/ de gang zhe na/ tshor ba yin no/ /'di la bde ba myong bar 'gyur ba yod pas na bde ba myong bar 'gyur ba'i reg pa ste/ gang la bde ba'i tshor ba yod pa'o/ /de bzhin du sdug
 bsngal ba dang/ bde ba yang ma yin sdug bsngal yang ma yin pa myong bar 'gyur ba dag la yang sbyar bar bya ste/ de dag ni reg pa bcu drug yin no/ /reg pa bshad zin to/ /tshor ba bshad par bya ste/ de la reg pa rnam pa drug sngar bshad pa gang yin pa/ de las byung ba'i
 tshor ba drug /mig gi 'dus te reg pa las byung ba'i tshor ba dang/ rna ba dang/ sna dang/ lce dang/ lus dang/ yid kyi 'dus te reg pa las byung ba'i tshor ba'o/ /de dag las/ lnga ni lus kyi'o sems kyi gzhan/ mig dang rna ba dang/ sna dang/ lce dang/ lus kyi 'dus te
 reg pa las byung ba'i tshor ba lnga ni dbang po gzugs can la brten pa'i phyir lus kyi tshor ba zhes bya'o/ /yid kyi 'dus te reg pa las byung ba'i tshor ba ni sems tsam la brten pa'i phyir sems kyi zhes bya'o/ /yang ci tsher ba reg pa'i 'og tu 'byung dam 'on te/
 dus mnyam du 'byung zhe na/ bye brag tu smra ba rnams na re phan tshun du lhan cig 'byung ba'i rgyu yin pa'i phyir dus mnyam mo zhes zer ro/ /ji ltar na lhan cig 'byung ba gnyis skyed par byed pa dang bskyed par bya ba'i dngos por 'grub/ ji ltar mi 'grub/ mthu med
 pa'i phyir te/ chos skyes zin pa la ni chos kyi nus pa med do/ /lhan cig 'byung ba gnyis skyed par byed pa dang bskyed par bya ba'i dngos po med do zhes bya ba gang yin pa de nyid chos skyes zin pa la ni chos kyi nus pa med do zhes bya ba yin pas dam bcas pa dang bye
 brag med pa yin no/ /'o na ni phan tshun du skyed par byed par thal bar 'gyur ba'i phyir ro/ /'dod pa'i phyir nyes pa med do/ lhan cig 'byung ba'i rgyu la phan tshun gyi 'bras bu nyid du mi 'dod pa kho na'o/ /'di ni 'dod mod kyi reg pa dang tshor ba dag phan tshun 'bras bu nyid du
 'dod pa 'di ni mdo las mi bzhed te/ mig gi 'dus te reg pa la brten nas mig gi 'dus te reg pa las gyur ba'i tshor ba skye'i/ mig gi 'dus te reg pa las byung ba'i tshor ba la brten nas mig gis 'dus te reg pa skye ba ni ma yin no zhes gsungs pa'i phyir ro/
 skyed par byed pa'i chos dang 'gal ba'i phyir yang rigs pa ma yin te/ chos gang zhig chos gang gi skyed par byed par gnas pa de ni de dang dus tha dad par grags te/ dper na sa bon snga la myu gu 'phyi ba dang/ 'o ma snga la zho 'phyi ba dang/ bsnun ba snga la sgra
 'phyi ba dang/ yid snga la yid kyi rnam par shes pa 'phyi ba zhes bya ba de lta bu la sogs pa'o/ /rgyu dang 'bras bu dag snga phyi'i dngos por ma grub pa yang ma yin mod kyi lhan cig pa'i dngos po yang 'grub ste/ dper na mig gi dbang po rnam par shes pa la sogs pa rnams dang/
 mig dang gzugs dag dang/ 'byung ba dang 'byung ba las gyur pa rnams lta bu'o/ /de la yang dbang po dang don snga ma rnam par shes pa 'phyi ba dang/ 'byung ba dang 'byung ba las gyur pa rgyu tshogs pa snga ma las phyi ma 'byung ngo zhes bya bar 'dod na dgag pa ci zhig yod/
 bye brag tu smra ba rnams na de 'o na ni myu gu dang grib ma dag ji lta bar reg pa dang tshor ba dag kyang de dang 'dra'o zhes zer ro/ /gzhan dag na re reg pa'i 'og tu tshor ba 'byung ste/ dbang po dang don dag ni snga la de'i 'og tu ni rnam par shes pa ste/ gsum 'dus pa de ni reg
 pa yin no/ /reg pa'i rkyen gyis skad cig ma gsum pa tshor ba 'byung ngo zhes zer ro/ /de lta na ni rnam par shes pa thams cad la tshor ba yod par mi 'gyur la/ rnam par shes pa thams cad reg pa yin par yang mi 'gyur ro/ /de ni nyes pa med de/ reg pa phyi ma la yod
 pa'i tsher ba reg pa snga ma'i rgyu las byung ba yin pas reg pa thams cad kyang tshor ba dang bcas pa yin no/ /rnam par shes pa thams cad kyang reg pa yin no/ 'di ni rigs pa ma yin par 'gyur ro/ /'di la mi rigs pa ci zhig yod ce na/ 'di lta ste reg pa dang
 tshor ba dmigs pa tha dad pa dag reg pa phyi ma la yod pa'i tshor ba reg pa snga ma'i rgyu las byung ba yin no zhes bya ba ste/ ji lta zhe na/ rigs mi 'dra ba la dmigs pa'i reg pa las byung ba'i tshor ba gzhan la dmigs par 'gyur ba 'am yang na sems gang dang mtshungs
 par ldan pa de las gzhan pa la dmigs par 'gyur/ 'o na ni de'i tshe reg pa gyur pa'i rnam par shes pa tshor ba med pa yin la/ de'i sngon rol gyi rnam par shes pa tshor ba dang bcas pa gang yin pa de ni reg pa ma yin te/ rkyen ma tshang ba'i phyir ro/ /de lta yin na nyes pa ci zhig yod/ sems can
 thams cad las mang po pa bcu yod do zhes bya ba sa mang po pa'i nges pa nyams pa yin no/ /nges pa 'di ga la grub/ bstan bcos las so/ /kho bo cag ni mdo tshang mar byed pa yin gyi/ kho bo cag bstan bcos tshang mar byed pa ni ma yin te/ bcom ldan 'das kyis mdo sde la brten par bya'o
 zhes gsungs so/ /yang na sems thams cad la yod do zhes bya ba 'dis mang po pa'i don ma yin no/ /'o na sa mang po ba'i don gang zhe na/ sa gsum ste/ rtog pa dang bcas shing dpyod pa dang bcas pa'i sa dang/ rtog pa med la dpyod pa tsam dang/ rtog pa yang med dpyod pa yang med pa'i
 sa dang/ dge ba'i sa dang/ mi dge ba'i sa dang/ lung du ma bstan pa'i sa dang/ yang sa gsum ste/ slob pa'i sa dang/ mi slob pa'i sa dang/ slob pa yang ma yin mi slob pa yang ma yin pa'i sa'o/ /de la gang dag sa 'di dag thams cad na yod pa de dag ni sa mang po pa yin no/ /gang dag dge ba
 kho na la yod pa de dag ni dge ba'i sa mang po pa yin no/ /gang dag nyon mongs pa can kho na la yod pa de dag ni nyon mongs pa'i sa mang po pa yin no/ /gzhan dag na re de dag ni ci rigs par rnam grangs kyis yin gyi/ thams cad cig car ni ma yin no zhes zer ro/ /mi dge ba'i sa mang po rnams
 ni 'don pa'i zhar la de khong nas drangs kyi sngon ni ma bton to/ /gal te reg pa'i 'og tu tshor ba 'byung ngo zhe na/ mig dang gzugs rnams la brten mig gi rnam par shes pa dang/ gsum 'dus pa'i reg pa dang/ lhan cig skyes pa'i tshor ba dang/ 'du shes dang/ sems pa skye'o zhes gsungs
 pa'i mdo'i lan gdab par bya dgos so/ /lhan cig skyes pa zhes gsungs kyi dge ba dang lhan cig skyes pa zhes ni ma gsungs na/ 'di la lan gdab tu ci zhig yod/ lhan cig ces bya ba'i sgra 'di ni de ma thag pa la yang mthong ste/ dper na byams pa dang lhan cig par gyur
 pa'i dran pa yang dag byang chub kyi yan lag sgom par byed do zhes bya ba lta bu yin pas 'di ni khungs su mi rung ngo/ /'o na mdo las tshor ba gang yin pa dang/ sems pa gang yin pa dang/ 'du shes gang yin pa dang/ rnam par shes pa gang yin pa'i chos
 de dag ni 'dres pa yin gyi ma 'dres pa ni ma yin no zhes gang gsungs pa ji ltar drang/ de lta bas na tshor ba la sogs pa dag kyang ma 'dres pa'i rnam par shes pa ni med do/ /re zhig 'dres pa'i don ci yin pa 'di dbyar par bya ste/ /mdo de nyid las 'di skad du gang
 myong bar byed pa de sems par byed do/ /gang sems par byed pa de 'dus te shes par byed do/ /gang 'dus te shes par byed pa de rnam par shes par byed do zhes gsungs na/ ci re zhig 'di de dag gi dmigs par ngas par gsungs sam/ 'on te skad cig ma la
 nges par gsungs pa de mi shes so/ /tshe dang drod dag lhan cig pa la 'dres pa zhes gsungs pa'i phyir skad cig ma la nges pa yin par grub po/ /gang yang mdo las gsum 'dus pa'i reg pa zhes gsungs pas de yang ji ltar na rnam par shes pa ni yod la/
 gsum 'dus pa ni ma yin pa 'am/ yang na 'dus pa yin la reg pa ma yin/ de lta bas na gdon mi za bar rnam par shes pa thams cad la reg pa dang/ reg pa dang lhan cig skyes pa'i tshor ba yang 'dod par bya'o/ /ha cang thal bar 'gyur pa'i gtam gyis
 chog gi dkyus ma kho na rim gyis brjod par bya'o/ /sems las byung ba tshor ba mdor bshad zin to/ /de yid nye bar rgyu ba las rnam pa dag ni yang bco brgyad/ /yang sems las byung ba'i tshor ba de nyid yin gyi nye bar rgyu ba bco brgyad rnam par bzhag pa
 las rnam pa bco brgyad du dbye'o/ /yid kyi nye bar rgyu ba bco brgyad gang zhe na/ yid bde ba'i nye bar rgyu ba drug dang/ yid mi bde ba'i nye bar rgyu ba drug dang/ btang snyoms kyi nye bar rgyu ba drug go /de dag ji ltar rnam par bzhag/ gal te ngo bo nyid las ni gsum
 du 'gyur te/ yid bde ba dang/ yid mi bde ba dang/ btang snyoms kyi nye bar rgyu ba dag yin no/ /'on te mtshungs par ldan pa las ni yid dang mtshungs par ldan pa'i phyir gcig tu 'gyur ro/ /'on te dmigs pa las na ni gzugs la sogs pa yul drug la dmigs pa'i phyir
 drug tu 'gyur ro zhe na/ gsum kar yang bzhag ste/ de dag las bco lnga ni gzugs la sogs pa la nye bar rgyu ba yin te/ gzugs la sogs pa so sor des pa la dmigs pa'i phyir ma 'dres pa la dmigs pa yin no/ /chos la nye bar rgyu ba gsum ni rnam pa gnyi
 ga yin no/ /yid kyi nye bar rgyu ba zhes bya ba'i don ci zhe na/ yid la brten nas yid bde ba la sogs pa de dag yul la nye bar rgyu ba'i phyir ro/ /zhes grag go /gzhan dag na re/ yul dag la yid nye bar rgyu bar byed pa'i phyir te/ tshor ba'i dbang gis yid yul dag la
 yang dang yang du rnam par rgyu ba'i phyir ro/ /zhes zer ro/ /lus kyi tshor ba ci'i phyir yid kyi nye bar rgyu ba ma yin zhe na/ 'di ni yid kho na la brten pa yang ma yin la/ rnam par mi rtog pa'i phyir nye bar rgyu bar byed pa yang ma yin pas mi rung ngo/ /bsam gtan
 gsum pa'i bde ba ci'i phyir yid kyi nye bar rgyu ba'i nang dag tu ma smos she na/ dang po 'dod pa'i khams na yid kyis pa'i bde ba'i dbang po med pa'i phyir dang/ de'i mi mthun pa sdug bsngal gyi nye bar rgyu ba med pa'i phyir ro zhes grag go /gal te 'di dag yid kyi sa
 pa kho na zhig yin na/ 'o na mdo las mig gis gzugs dag mthong nas yid bde ba'i gnas lta bu'i gzugs rnams la nye bar rgyu'o zhes bya ba de lta bu la sogs pa gang gsungs pa de ji ltar drang/ de ni rnam par shes pa'i tshogs lngas mngon par
 bsgrubs pa nyid la dgongs te gsungs par zad kyi/ 'di dag ni yid kyi sa pa yin te/ dper na mi sdug pa lta bu mig gi rnam par shes pas mngon par bsgrubs pa yang yin la/ yid kyi sa pa yang yin pa bzhin no/ /gzhan yang mthong nas zhes bya ba'i bar du
 gsungs pa'i phyir de ni klan kar mi rung ba nyid do/ /gang gi sa mthong ba nas ma reg pa'i bar du nye bar rgyu ba de yang yid kyi nye bar rgyu ba yin no/ /gzhan du na 'dod pa'i khams na gzugs kyi khams la dmigs pa dag kyang gzugs la sogs pa la
 nye bar rgyu ba yin par mi 'gyur la/ gzugs kyi khams na 'dod pa'i khams la dmigs pa dag kyang dri dang ro dang reg bya la nye bar rgyu ba yin par mi 'gyur ro/ /ji ltar ches gsal ba de ltar bshad de/ gang gzugs dag mthong nas sgra rnams la nye bar rgyu ba de
 yang yid kyi nye bar rgyu ba yin mod kyi dbang po dang don rnam par chad pa'i sgo nas ji ltar mi 'tshol ba de ltar bshad do/ /ci gzugs gang yid bde ba'i gnas lta bu kho na yin pa nas btang snyoms kyi gnas lta bu kho na yin pa'i bar yod dam zhe na/ rgyud nges pas
 ni yod kyi dmigs pas ni ma yin no/ /yang yid kyi nye bar rgyu ba 'di dag las du zhig ni 'dod pa'i khams dang ldan pa yin de dag las kyang du zhig gi dmigs pa ni ci zhig yin/ de bzhin du gzugs med pa dang ldan pa'i bar du brjod par bya'o/ /zhe na smras
 pa/ 'dod na thams cad rang dmigs can/ 'dod pa'i khams na ni bco brgyad po thams cad yod la/ de dag thams cad kyi dmigs pa yang de yin no/ /de dag nyid kyi spyod yul gzugs can bcu gnyis so/ /gzugs kyi khams ni bcu gnyis kyi dmigs pa yin no//  
 dri dang ro la nye bar rgyu ba drug ma gtogs pa ste/ de gnyis med pa'i phyir ro/ /gong ma gsum gyi spyod yul zhes bya bar sbyar te/ gzugs med pa ni chos la nye bar rgyu ba gsum gyi dmigs pa yin te/ de na gzugs la sogs pa med pa'i phyir ro/ /'dod pa dang
 ldan pa bshad zin to/ /gzugs dang ldan pa brjod par bya ste/ de la re zhig/ bsam gtan ni/ gnyis na bcu gnyis/ yid mi bde ba'i nye bar rgyu ba rnams ma gtogs so/ /bcu gnyis po de dag kyang/ 'dod 'gro rnams/ 'dod par 'gro bas na 'dod 'gro
 rnams te/ 'dod pa'i khams la dmigs zhes bya ba'i tha tshig go /yul rnam par 'dzin pa'i don la yang 'gro ba sbyor ba mthong ste/ 'di ji ltar 'gro zhe na/ 'di ni 'di ltar 'gro'o zhes bya ba lta bu'o/ /rang la dmigs brgyad/ gzugs kyi khams de nyid ni de dag gi rang
 bzhin yin te/ de ni yid kyi nye bar rgyu ba brgyad kyi dmigs pa yin te/ dri dang ro la nye bar rgyu ba bzhi ma gtogs so/ /gzugs med pa gnyis kyi'o ste/ chos la nye bar rgyu ba dag gi dmigs pa yin no/ /bsam gtan gnyis na drug/ bsam gtan gsum pa dang bzhi ba
 dag na ni btang snyoms kyi nye bar rgyu ba drug kha na yod kyi gzhan dag ni med do/ /de dag drug gi/ dmigs pa ni/ 'dod pa'o/ /'dod pa'i khams ni drug car gyi yang dmigs pa yin no/ /rang ni bzhi'i/ gzugs kyi khams ni bzhi'i yin te/ de na dri dang ro med pa'i phyir
 ro/ /gong ma gcig gi dmigs pa yin/ gzugs med pa'i khams ni chos la nye bar rgyu ba gcig kho na'i dmigs pa yin no/ /gzugs dang ldan pa dag bshad zin to/ /da ni gzugs med pa dang ldan pa brjod par bya ste/ gzugs med pa'i nyer bsdogs
 na bzhi/ gzugs med pa'i nyer bsdogs ni 'dir nam mkha' mdza' yas skye mched kyi nyer bsdogs yin te/ de na ni gzugs dang sgra dang reg bya dang chos la nye bar rgyu ba bzhi'o/ /de dag kyang/ gzugs 'gro/ de dag gi dmigs pa ni bsam gtan bzhi pa
 yin te/ gang dag gi ltar na de rnam par chad pa la dmigs pa yod pa yin no/ /gang dag gi ltar na ni de na bzlums te dmigs dag gi ltar na ni de na chos la nye bar rgyu ba 'dres pa la dmigs pa gcig kho na yod do/ /gong mar 'gro ba gcig /de na gzugs
 med pa'i khams la dmigs pa ni gcig kho na ste/ chos la nye bar rgyu ba'o/ /dngos gzhi na gcig/ gzugs med pa'i dngos gzhi na ni chos la nye bar rgyu ba gcig kho na yod kyi gzhan ni med do/ /de yang rang yul can/ gzugs med pa'i khams
 kho na la dmigs pa yin te/ gzugs med pa'i dngos gzhi rnams kyi dmigs pa ni khams 'og ma ma yin no zhes 'og nas bshad par bya'o/ /yid kyi nye bar rgyu ba de dag kyang/ /bco brgyad thams cad zag dang bcas/ /zag pa med pa ni
 'ga' yang med do/ /gang zhig du dag dang ldan zhe na/ 'dod pa'i khams su skyes pa gzugs na spyod pa'i dge ba'i sems ma thob pa ni 'dod pa na spyod pa thams cad dang ldan no/ /bsam gtan dang po dang gnyis pa'i sa pa ni dri dang ro la dmigs pa ma
 gtogs pa nyon mongs pa brgyad brgyad dang ldan no/ /bsam gtan gsum pa dang bzhi pa'i sa pa ni bzhi bzhi dang ldan no/ /gzugs med pa na spyod pa ni nyon mongs pa can cig kho na dang ldan no/ /gzugs na spyod pa'i dge ba'i sems thob pa 'dod/
 chags dang ma bral ba ni 'dod ba na spyod pa thams cad dang ldan no/ /bsam gtan dang po'i sa pa ni bcu dang ldan te/ yid bde ba'i nye bar rgyu ba dri dang ro la dmigs pa ma gtogs pa nyon mongs pa can bzhi dang/ mi lcogs pa med pa'i sa pa'i
 btang snyoms kyi nye bar rgyu ba drug dang ldan no/ /bsam gtan gnyis pa dang/ gsum pa dang/ bzhi pa dang/ gzugs med pa las skyes pa rnams dang ni snga ma bzhin te/ srol 'dis lhag ma yang khong du chud par bya'o/ /bsam gtan du skyes pa ni 'dod
 pa na spyod pa'i btang snyoms chos la nye bar rgyu ba sprul pa'i sems dang mtshungs par ldan pa gcig dang ldan par rig par bya'o/ /gzhan dag na re yid kyi nye bar rgyu ba rnams kyi don bye brag tu smra ba lta bu 'di yang yod mod kyi mdo'i don ni gzhan du
 snang ngo/ /gang zhig gang las 'dod chags dang bral ba de ni dmigs pa de ma nye bar rgyu bar rigs pa ma yin no/ /de lta bas na yin pa la sogs pa zag pa dang bcas pa dag kyang thams cad ni nye bar rgyu ba ma yin no/ /'o na ci zhe na/ kun nas nyon
 mongs pa rnams yin te/ de dag gis yid yul rnams la nye bar rgyu bar byed pa'o/ /ji ltar nye bar rgyu bar byed ce na/ rjes su chags par yang byed/ so sor ma brtags par btang snyoms su yang byed pa ste/ gang dag gi gnyen por rtag tu yod pa drug gnas pa yin pa
 ste/ /mig gi gzugs rnams mthong nas yid bde bar yang mi 'gyur zhing/ yid mi bde bar yang mi 'gyur la/ dran pa dang ldan zhing shes bzhin du btang snyoms su gnas so zhes bya ba nas/ de bzhin du yid kyis chos rnams shes nas zhes bya ba'i bar du gsungs
 pa lta bu'o/ /dgra bcom pa la yang 'jig rten pa'i dge ba'i chos la dmigs pa'i yid bde ba med pa ma yin pas 'di ni kun nas nyon mongs pa ba'i yid nye bar rgyu ba de dgag pa yin par mngon no zhes zer ro/ /yang yid bde ba la sogs pa de dag
 nyid zhen pa la brten pa dang/ nges par 'byung ba nyid la brten pa'i bye brag gis ston pa'i bka' sum cu rtsa drug tu 'gyur te/ /de dag gi bye brag ston pas bka' stsal ba'i phyir ro/ /de la zhen pa la rten pa rnams ni nyon mongs pa can dag go /nges par 'byung ba
 pa brten pa rnams ni dge ba dag yin no/ /de ltar na tshor zhes bya ba sred pa'i yan lag 'di'i rab tu dbye ba ni du ma yod par rig par bya'o/ /yan lag lhag ma rnams ni yang mi brjod do/ /ci'i phyir zhe na/ bshad dang 'chad par 'gyur ba gzhan//
 'dir yan lag kha cig ni bshad zin/ kha cig ni 'og nas 'chad de/ de de la re zhig rnam par shes pa ni/ rnam shes so sor rnam rig pa/ yid kyi skye mched kyang de yin zhes bshad zin to/ /skye mched drug kyang/ de dag rnams kyi rnam shes rten/
 mig la sogs pa gzugs dang ba rnam shes bshad zin to/ /'du byed dang srid pa ni las kyi mdzod kyi gnas nas 'chad par 'gyur ro/ /sred pa dang len pa rnams ni nyon mongs pa'i mdzod kyis gnas nas 'chad par 'gyur ro/ /sngar rten cing
 'brel par 'byung ba de yang mdor bsdu na nyon mongs pa dang/ las dang/ gzhi rnams so zhes bstan pa/ 'dir ni nyon mongs sa bon bzhin/ /klu bzhin rtswa bzhin ljon shing bzhin/ /de bzhin shun pa bzhin du 'dod/ /'di'i sa bon la sogs pa dang
 chos mthun pa gang zhig yin zhe na/ dper na sa bon las sdong bu dang/ lo ma la sogs pa skye bar 'gyur ba de bzhin du/ thon mongs pa las kyang nyon mongs pa dang las dang gzhi rnams skye bar 'gyur ro/ /dper na klu gnas pa'i mtsho ni skam par mi 'gyur ba ltar/ nyon
 mongs pa'i klu gnas pa'i skye ba'i mtsho yang de dang 'dra'o/ /dper na nags tshal rtsa ba nas ma phyung ba rnams ni bcad cing bcad kyang slar skye bar 'gyur ba ltar/ nyon mongs pa rtsa ba nas ma bton pa'i 'gro ba rnams kyang de dang 'dra'o/ /dper na shing ljon pa rnams
 dus dus su me tog dang 'bras bu rnams skyed par byed pa de bzhin du/ nyon mongs ba rnams kyang lan cig ma yin par nyon mongs pa dang las dang gzhi rnams kyi rgyu yin no/ /dper na shun pa dang bcas pa'i 'bras bu thug po che rnams kyi ni skye bar nus kyi
 'ba' zhig dag ni ma yin pa de bzhin du/ nyon mongs pa'i thob pa'i shun pa dang bcas pa'i las skye ba gzhan du skye bar nus kyi 'ba' zhig ni ma yin no/ /de ltar re zhig nyon mongs pa sa bon la sogs pa dang 'dra bar rig par bya'o/ /las ni shun bcas
 'bras dang 'dra/ /de bzhin sman dang 'bras sogs me tog bzhin/ /'di la shun pa yod pas na shun pa dang bcas pa ste/ shun pa lta bu'i nyon mongs pa ni bshad zin to/ /da ni shun pa dang bcas pa'i 'bras lta bu'i las brjod par bya'o/ /dper na
 'bru dang sman dag 'bras bu smin pa mthar phyin pa dang ldan pa de bzhin du las rnams kyang rnam par smin pa nas yang rnam par smin pa mngon par mi 'grub pa'i phyir ro/ /dper na me tog 'bras bu bskyed par bya ba la nye ba'i rgyu yin pa ltar las rnams
 kyang rnam par smin pa bskyed par bya ba la de bzhin du rig par bya'o/ /gzhi ni bza' btung grub pa bzhin/ /dper na bza' ba dang btung ba grub zin pa yongs su longs spyad par bya ba 'ba' zhig yin gyi yang bskyed par bya ba ma yin pa ltar rnam par smin pa zhes bya ba'i
 gzhi yang de dang 'dra ste/ rnam par smin pa las tshe rabs gzhan dag tu rnam par smin pa gzhan dang 'brel pa ni med do/ /gal te 'brel par gyur na ni thar par yang mi 'gyur ro/ /yang? tshe'i rgyu na de de ltar rten cing 'brel bar 'byung ba na 'di lta ste smid? pa bar ma dang/
 skye ba'i srid pa dang/ dus snga ma'i srid pa dang/ 'chi ma'i srid pa dang srid pa bzhi las mi 'da' ste/ de dag ni bshad zin to/ /srid pa bzhi po de dag las/ gcig tu skye ba'i srid pa nyon mongs can/ /nyon mongs pa gang gis she na/ /rang gi sa pa'i nyon mongs kun
 chos mngon pa pa rnams na re skye ba'i srid pa sa gang yin pa de'i sa pa'i nyon mongs pa thams cad kyi yin pa nyid de/ gang gis nying mtshams sbyor bar dgag par bya ba'i nyon mongs pa de ni med do zhes zer ro/ /nyon mongs pa can rnams kho nas yin gyi kun nas
 dkris pa tshig? rgya thub pa rnams kyis ni ma yin no/ /gnas skabs de zhan pa yin mod kyi/ gang zhig gis gang la yang dang yang du dang/ nye bar dpyad pa de la ni de'i tshe nyon mongs pa de nyid nye bar gnas par 'gyur te/ sngon 'phangs pa'i phyir ro/ /srid pa bar
 mar nying mtshams sbyor ba yang de bzhin du gdon mi za bar nyon mongs pa can du rig par bya'o/ /gzhan rnam pa gsum mo/ /srid pa bar ma la sogs pa srid pa gzhan gsum ni dge ba dang/ nyon mongs pa can dang/ lung du ma bstan pa dang gsum char yin no/
 yang srid pa 'di rnams las gang zhig gang dang ldan zhe na/ gzugs med gsum/ srid pa bar ma ma gtogs te/ gzugs med pa'i khams ni gang du phyin par bya ba'i phyir srid pa bar ma mngon par 'grub par 'gyur ba gnas gzhan du yongs su chad pa ni med do//
 'dod pa dang gzugs kyi khams dag gis ni chad pa ma smos pas srid/ bzhi po thams cad yod do zhes bya bar gnad bar byas pa yin no/ /sems can rnams kyi rten cing 'grel bar 'byung ba ji lta ba bzhin rgyas par bshad zin to//
 yang sems can rnams ji ltar gnas pa yin zhe na/ 'gro ba zas kyis gnas pa yin/ /bcom ldan 'das kyis mngon par mkhyen cing mngon par rdzogs par sangs rgyas nas chos gcig bka' stsal pa 'di lta ste/ sems can thams
 cad ni zas kyis gnas pa'o zhes bya ba ni mdo'i tshigs yin no/ /zas rnams kyang gang dag ce na/ zas ni bzhi ste/ khams gyi zas ni rags pa dang phra ba'o/ /phra ba ni srid pa bar ma ba rnams kyi yin te/ dri za ba'i phyir ro/ /lha rnams dang/ bskal pa
 dang po pa rnams kyi yang yin te/ bye ma dag gi nang du til mang blugs pa bzhin du yan lag rnams kyi nang du 'jug pas rgyu mthun pa med pa'i phyir ro/ /yang na phra mo rnams kyi yin pas phra mo ste/ byis pa dang/ drod gsher las skye ba la
 sogs pa'i'o/ /reg pa'i ni gnyis pa'o/ /yid la sems pa'i ni gsum pa'o/ /rnam par shes pa'i zas ni bzhi pa'o/ /de la kham kyi zas ni 'dod pa na/ gzugs dang gzugs med pa'i khams dag na ni med de/ de'i 'dod chags/ dang bral
 ba der skye ba'i phyir ro/ /de yang/ skye mched gsum gyi bdag nyid do/ /'dod pa na spyod pa'i dri dang ro dang reg bya'i skye mched rnams ni sna dang lce dang lus kyis kham du bcad nas kham du byas de ming pa'i phyir thams cad khams kyi zas kho na
 yin no/ /grib ma dang/ nyi ma dang/ me dang/ 'od dag la yod pa de dag ji ltar zas nyid yin zhe na/ 'di ni phal che ba bstan pa yin no zhes grag go /gang dag gi ming la gnas par yang byed pa de dag kyang zas phra mo yin te/ khrus
 dang lus mnye ba bzhin no/ ci'i phyir gzugs kyi skye mched zas ma yin/ de yang kham du byas nas ming? par ni byed do zhe na/ gzugs kyi skye mched ma yin des/ rang dbang grol la mi phan phyir/ /zas zhes bya ba ni gang dbang po dang/ 'byung ba chen po rnams la phan
 'dogs par byed pa yin na gzugs kyi skye mched ni mid pa'i tshe rang gi dbang po 'am/ de'i 'byung ba chen po rnams la yang phan mi 'dogs na yul ma yin pa'i phyir gzhan dang gzhan dag la lta smros kyang ci dgos/ gang gi tshe mthong ba na bde ba dang/ yid bde bar
 byed pa de'i tshe yang de la dmigs pa bde ba myong bar 'gyur ba'i reg pa zas yin gyi gzugs ni ma yin no/ /grol pa'i phyir mi 'ong ba dang/ dgra bcom pa zas shin tu yid du 'ong ba mthong ba rnams la yang phan 'dogs pa med pa'i yang phyir ro/ /rig dang
 sems pa rnams shes ni/ /zag bcas zas yin gsum dag na/ /reg pa gsum 'dus pa las byung ba dang/ sems pa yid kyi las dang/ rnam par shes pa zag pa dang bcas pa dag kho na zas yin te/ khams gsum char na yang yod do/ /ci'i phyir
 zag pa med pa rnams ma yin zhe na/ bye brag tu smra ba rnams na re 'di ltar srid pa gso bar byed pa'i don ni zas kyi don yin na de dag ni srid pa zad pa'i phyir skyes pa dag yin no zhes zer ro/ /gzhan yang mdo las/ sems can byung ba rnams gnas par byed
 pa dang/ 'tsho bar byed pa dang/ srid pa tshol ba rnams la phan par byed pa yin no zhes gsungs na zag pa med pa'i chos rnams ni de lta ma yin pas zas dag yin no/ /re zhig byung ba ni sems can skyes pa rnams la bya bar yang shes na/ srid pa tshol ba
 rnams gang zhe na/ yid las byung dang srid tshol dang/ /dri za srid pa bar ma dang/ /'grub pa'o/ /bcom ldan 'das kyis srid pa bar ma ni brjod pa 'di dag gis gsungs so/ /de ni yid las skyes pa'i phyir yid las byung ba zhes bya ste/ phyi'i khu chu dang khral 
 la sogs pas cung zad kyang rgyur byas pa med ba'i phyir ro/ /srid pa tshol ba'i ngang tshul can yin pa'i phyir srid pa tshol ba'o/ /dri za ba'i phyir na dri za'o/ /skye ba la mngon du phyogs pa'i phyir mngon par 'grub pa ste/ mdo las/ gnod pa dang
 bcas pa'i lus mngon par grub nas gnod pa dang bcas pa'i 'jig rten du skye bar 'gyur ro zhes gsungs pa'i phyir ro/ /de bzhin du mdo las/ gang gi mngon par grub pa'i kun tu sbyor ba ni spangs la skye ba'i kun tu sbyor ba ni ma yin pa'i gang zag kyang yod
 de zhes bya ba mu bzhi gsungs pa'i phyir te/ mu dang po ni phyir mi 'ong ba khams gnyis las 'dod chags dang bral ba'o/ /gnyis pa ni bar ma dor yongs su mya ngan las 'da' ba' o/ /gsum pa ni dgra bcom pa'o/ /bzhi pa ni rnam pa dag ma gtogs pa'o/ /yang byung ba ni
 dgra bcom pa'o/ /srid pa tshol ba rnams ni srid pa dang bcas pa dag go /yang zas du zhig ni sems can byung ba rnams gnas par byed pa yin/ du zhig ni srid pa tshol ba rnams la phan 'dogs par byed pa yin zhe na/ bye brag tu smra ba rnams na re thams cad kyang gnyi
 ga yin no zhes zer ro/ /kham gyi zas kyang de la chags pa rnams kyi yang 'byung bar byed pa yin te/ bcom ldan 'das kyis zas bzhi ni nad dang/ 'bras dang/ zug rngu'i rtsa ba yin no/ /rga shi'i rkyen yin no zhes gsungs so/ /yid la sems pa yang 'dir gnas
 par byed pa yin bar snang ste/ 'di skad du lo nyes kyis nyen pa'i pha zhig gis thal ba'i rkyal ba kha thur mas gtur te phye yin no/ /bar du gnyis shig yid ches par byas pa dang/ de gnyis kyang de la rtog par byed cing ring mo zhig tu gnas par gyur
 to/ /gcig gis kha phye nas thal ba yin no snyam ste re ba med par gyur pa dang shi'o/ /yang rgya mtshor gru chag pa'i mi zhig thang yin no snyam nas dbu ba'i phung po chen po zhig gi drung du song ste/ de la kun tu mnabs nas re ba med pa dang shi'o zhes grag go /zhes
 brjod do/ /'gro ba'i rnam grangs las kyang rgya mtsho chen po nas srog chags che long rnams chu'i nang nas skam la 'thon te bye ma can gyi thang la sgo nga rnams bzhag nas bye mas bkab ste slar yang rgya mtsho'i nang du 'gro'o/ /de las ma gang dag gis sgo nga las brtsams te dran pas ma brjed
 pa'i sgo nga de dag ni 'drul bar mi 'gyur ro/ /gang dag gis brjed pa de dag ni 'drul par 'gyur ro zhes bshad de/ gzhan gyi zas kyis zas dang bcas par 'gyur du 'ong ba'i phyir de ni mi brjod kyi/ 'di skad du sgo nga gang dag gis ma las brtsams nas dran pas mi brjed pa de dag
 ni reg pa'i gnas skabs de dran pas 'drul bar mi 'gyur la/ gang dag gis brjed pa de dag ni 'drul bar 'gyur ro zhes ni rjod do/ /yang ci'i phyir zas bzhi kho na yin/ zag pa dang bcas pa'i chos thams cad srid pa rnams gas bar byed pa dag ma yin nam zhe na/ de ni de lta
 yin mod kyi 'on kyang gtso bor bshad de/ 'di la gnas dang ni/ rten pa rgyas pa'i don du gnyis/ /srid gzhan 'phen dang 'grub pa yi/ /don du gnyis te go rims bzhin/ /gnas ni dbang po dang bcas pa'i lus so/ /de rgyas par byed pa ni kham gyi zas so/ /rten pa ni sems
 dang sems las byung ba'i chos rnams so/ /de dag rgyas par byed pa ni reg pa ste/ re zhig 'di gnyis ni 'dir skyes pa'i srid pa gso bar bya ba la gtso bo yin no/ /yid la sems pas ni yang srid pa 'phen par byed do/ /'phangs zin pa ni las kyis yongs su bsgos
 pa'i rnam par shes pa'i sa bon las mngon par 'grub pas 'di gnyis ni ma skyes pa'i srid pa skyed pa la gtso bo yin te/ de'i phyir bzhir gsungs so/ /snga ma gnyis ni skyes zin pa gso bar byed pa yin pa'i phyir ma ma lta bu dag yin no/ /phyi ma gnyis ni skyed par
 byed pa yin pa'i phyir ma lta bu dag yin no/ /gang la la kham yan pa de thams cad zas kyang yin nam zhe na/ kham yin la zas ma yin pa yang yod do zhes bya ba mu bzhi ste/ mu dang po ni kham gang la brten nas dbang po rnams nyams par 'gyur la/ 'byung ba chen po
 rnams kyang yongs su 'jig par 'gyur ba'o/ /mu gnyis pa ni zas gsum dag go /gsum pa ni kham gang la brten nas dbang po rnams rgyas par 'gyur zhing 'byung ba chen po rnams kyang 'phel bar 'gyur ba'o/ /bzhi pa ni rnam pa de dag ma gtogs pa'o/
 de bzhin du reg pa la sogs pa la yang ci rigs par mu bzhir rig par bya'o/ /reg pa la sogs pa la brten nas dbang po rnams rgyas par 'gyur zhing 'byung ba rnams kyang 'phel bar 'gyur la de dag zas kyang ma yin pa lta yod dam zhe na/ yod de/ gzhan gyis pa dang/
 zag pa med pa rnams so/ /bye brag tu smra ba rnams na re/ gang zhig zas nas za ba po la gnod par byed pa de yang dang po phan 'dogs pa'i phyir zas yin no/ /zas ni dus gnyis su zas kyi bya ba byed de/ yongs su longs spyod pa'i tshe dang/ 'ju ba'i tshe'o zhes zer ro//
 'gro ba gang na zas du gzhig yod ce na/ thams cad na thams cad yod de/ skye gnas dag na yang de dang 'dra'o/ /dmyal ba dag na kham gyi zas ji lta bu zhe na/ lcags kyi thu lum 'bar ba dang/ zangs zhun ma yin no/ /gal te gnod par byed pa yang zas yin na ni mu
 bzhi la yang gnod par 'gyur la rab tu byed pa'i gzhung kham gyi zas gang zhe na/ kham gang la brten nas dbang po rnams rgyas par 'gyur zhing 'byung ba chen po rnams kyang 'phel ba dang 'tsho dang nye bar 'tsho bar 'gyur ba'o zhes bya ba nas/ rnam par shes pa'i bar du rgyas par
 gsungs pa la yang gnod par 'gyur ro zhe na/ rgyas par 'gyur ba'i zas la dgongs te gsungs pa'i phyir 'gal ba med do/ /nyams par 'gyur ba'i zas ni dmyal ba dag tu zas kyi mtshan nyid thob pa'i phyir te/ des kyang bkres pa dang skom pa dag 'joms par nus pa'i
 phyir ro/ /gzhan yang nyi tshe ba'i dmyal ba dag na mi dang 'dra bar kham gyi zas yod pa'i phyir 'gro ba lnga pa nyid du rigs so/ /bcom ldan 'das kyis/ gang gis phyi pa'i drang srong 'dod pa las 'dod chags dang bral ba brgya la zas byin pa bas gang gis 'dzam bu'i tshal na
 'dug pa'i so so'i skye ba gcig la byin na byin pa de pas sbyin pa 'di 'bras bu ches che'o zhes gsungs pa 'dzam bu'i tshal na 'dug pa'i so so'i skye bo zhes bya ba 'di gang zhe na/ kha cig na re 'dzam bu'i gling na gnas pa lto ba dang ldan pa dag yin no zhes zer ro/ /de ni rigs ma yin te/ /
 gcig ces gsungs pa'i phyir ro/ /so so'i skye bo mang po la zas byin na bsod nams mang por 'gyur gyi 'dod chags dang bral ba nyung ngu la zas byin pa ni ma yin no zhes bya ba 'di la khyad par ci zhig yang/ gzhan dag na re byang chub sems dpa' nye ba yin no zhes zer ro/ /bye brag tu
 smra ba rnams ni de skad du mi brjod de/ de la byin na dgra bcom pa bye ba la byin pa bas bsod nams ches mang ba'i phyir ro/ /de lta bas na 'di ni nges par 'byed pa'i cha dang mthun pa thob pa so so'i skye bo yin par dgongs so zhes zer ro/ /'di'i ming yang don dang mthun pa ma yin
 la mdo'am bstan bcos gang las kyang 'dzam bu'i tshal du gtogs pa ni nges par 'byed pa'i cha dang mthun pa 'thob pa'o zhes 'ol spyir ma bshad pas 'di ni yongs su rtog pa 'ba' zhig tu zad kyi/ 'di ni byang chub sems dpa' 'dzam bu'i tshal na bzhugs pa
 kho na yin par rigs te/ so so'i skye bo de ni 'dod pa'i 'dod chags dang bral par 'dra bas de'i tshe de dag las khyed par du 'phags par gsungs so/ /de ni de dag mdza' yas pa bas kyang khyad par du 'phags na/ brgya smos pa ni dang po'i dbang du byas pa'i phyir ro/ /de ni
 gdon mi za bar de lta yin par shes par bya ste/ 'di ltar de ma gtogs pa'i phyi rol ba rnams las rgyun du zhugs pa'i 'bras bu la zhugs pa khyad par du 'phags par mdzad par gyur to/ /de lta ma yin na 'dzam bu'i tshal du gtogs pa las kyang khyad par du 'phags
 ba kho nar 'gyur ro/ /sems can rnams kyi rten cing 'brel par 'byung ba ji lta ba dang/ ji ltar gnas pa ba shing? zin to/ /ji ltar tshe zad ba la sogs pas 'chi 'pho ba yang bshad zin to/ /da ni sems can gang la gnas te mchi 'pho ba dang skye bar 'gyur pa 'di brjod par bya ste/
 'chad dang mtshams sbyor 'dod chags bral/ /nyams dang 'chi 'pho ba skye ba rnam/ /yid kyi rnam shes kho nar 'dod/ /ces bya ba smos so/ /dge ba'i rtsa ba yang dag par 'chad pa dang/ /dge ba'i rtsa ba nying mtshams sbyor ba dang/ khams dang sa las
 'dod chags bral ba dang/ yongs su nyams pa dang/ 'chi 'pho ba dang/ skye ba dang/ chos drug po 'di dag ni yid kyi rnam par shes pa kho na yin par 'dod kyi gzhan du ni ma yin no/ /skye ba smos pa ni srid pa bar mar nying mtshams sbyor ba yang bshad zin pa'i ngo bor
 rig par bya'o/ /tshor ba ni/ 'chi 'pho skye ba btang snyoms la/ 'chi 'pho ba ni 'chi 'pho ba nyid yin no/ /skye ba ni skye ba yin no/ /'di gnyis bde ba yang ma yin sdug bsngal yang ma yin pa'i tshor ba la yin te/ de ni mi gsal ba'i phyir ro/ /tshor ba gzhan dag ni
 gsal ba yin te/ rnam par shes pa gsal ba dag gis 'chi 'pho ba dang skye bar ni rung ba ma yin no/ /yid kyi rnam par shes pa de la yang/ /rtse gcig sems med la de med/ /'chi 'pho ba dang skye ba zhes bya bar sbyor ro/ /skal ba mi mnyam pa'i sa pa
 yin pa'i phyir dang/ mngon par 'du byed pa las byung ba nyid yin pa'i phyir dang/ phan 'dogs par byed pa yin pa'i phyir mnyam par bzhag pa'i sems la 'chi 'pho ba 'am skye ba med do/ /sems med pa la yang med/ sems med pa la ni gnod pa bya
 bar mi nus so/ /gang gi tshe de'i lus yongs su 'jig par rtsom pa de'i tshe yang de las gdon mi za bar de'i lus dang 'brel pa'i sems mngon du gyur nas phyis 'chi 'pho bar 'gyur gyi gzhan du ni ma yin no/ /skye ba la yang sems 'chad pa'i rgyu med
 pa'i phyir dang/ nyon mongs pa med par mi skye pa'i phyir sems med par rigs pa nyid ma yin no/ /'chi ba'i srid pa rnam pa gsum du bshad pa la/ dgra bcom pa ni/ mya ngan 'das lung bstan min gnyis/ spyod lam pa dang/ gal te 'dod pa'i khams
 rnam par smin pa btang snyoms yod na rnam par smin pa'i sems la gnas nas so/ /ci ste med na ni spyod lam pa kho na la'o/ /ci'i phyir lung du ma bstan pa kho na la yin gyi gzhan la ma yin zhe na/ de ni nyam chung ba'i phyir sems 'chad pa'i rjes su mthun pa yin no/ /yang 'chi ba na
 lus kyi phyogs gang du rnam par shes pa la 'gag ce na/ cig car 'chi na ni yid dang bcas pa'i lus kyi dbang po mdo la 'gag par 'gyur ro/ /gal te rim gyis 'chi 'pho na ni de'i tshe/ 'og mi ltar 'gro mi skye rnams/ /rim gyis 'chi na rkang pa dang/ /lte ba snying
 gar yid 'chi 'pho/ /'og tu 'gro bas na 'og tu 'gro ba ste/ ngan srong du 'gro ba rnams so/ /mir 'gro bas na mir 'gro bas te/ mi'i nang du 'gro ba rnams so/ /ltar 'gro bar na ltar 'gro ba ste/ lha'i nang du 'gro ba rnams so/ /de dag gi rnam par shes pa ni grangs?
 bzhin du rkang pa dang/ lte ba dang/ snying gar 'gag go /yang mi skye bas na mi skye ba ste/ dgra bcom pa dag go /de dag gi rnam par shes pa yang snying gar 'gag go /gzhan dag na re spyi bor ro zhes zer ro/ /de dag tu lus kyi dbang po 'gag pa'i phyir ro/ /'chi ba'i lus
 kyi dbang po ni rdo leb bsregs pa'i thog tu chus btab bzhum par 'gyur bzhin du rkang pa la sogs par nub par 'gyur ro/ /gnad 'chad pa'i tshor bas nyen pa'i srog chags rnams ni phal cher de ltar de ltar rim gyi 'chi bar 'gyur ro/ /gnad gcod pa ni chu sogs
 kyis/ /lus kyi phyogs 'ga' zhig nyams na 'chi bar 'gyur ba de dag ni gnad rnams zhes bya'o/ /de dag kyang chu dang me dang rlung gi khams rnams las gang yang rung ba bzhig drag tu 'khrugs par gyur pa mtshon cha bdar? bas btab pa dang 'dra bas tshor ba
 mi bzad pa dag gis bcad pa lta bu yin gyi/ de dag shing gcod pa lta bur ni ma yin no/ /yang na bcad pa dang 'dra bar yang g.yo ba med pas na bcad pa zhes bya'o/ /ci'i phyir sa'i khams kyis ma yin zhe na/ skyos bzhi pa med pa'i phyir te/ rlung dang mkhris
 pa dang bad kan rnams ni skyon gsum yin na de dag gi gtso bo ni ci rigs par chu dang me dang rlung gi khams dag yin no/ /gzhan dag na de snod kyi 'jig rten 'jig pa dang chos mthun pas so zhes zer ro/ /lha dag gi nang na ni gnad 'chad pa med
 mod kyi/ 'on kyang lha'i bu 'chi ba'i chos can la ni nye ba'i ltas lnga 'byung bar 'gyur te/ gos rnams dang rgyan rnams las sgra yid du ma 'ong ba 'byung bar 'gyur/ lus kyi 'od chung bar 'gyur/ khrus byas pa'i chu'i thigs pa dag lus la 'chags par
 'gyur/ g.yo ba'i bdag nyid can yang blo yul gcig la gnas par 'gyur/ mig gnyis 'dzums pa dang 'byed pa dag srid par 'gyur te/ de dag ni 'khrul pa can yin no/ /'chi ba'i ltas lnga las ni mi 'da' ste/ gos dri ma can du 'gyur/ me tog phreng
 rnyings par 'gyur/ mtshan khung gnyis nas rdul 'byung bar 'gyur/ lus la dri nga ba dag 'byung bar 'gyur/ lha'i bu rang gi stan la mi dga' bar 'gyur ba'o/ /sems can gyi 'jig rten 'di ltar skye ba dang/ gnas pa dang/ 'chi 'pho ba na bcom ldan 'das
 kyis tshogs gsum du bzhag ste/ tshogs gsum ni yang dag pa nyid du nges pa'i tshogs dang/ log pa nyid du nges pa'i tshogs dang/ ma nges pa'i tshogs so/ /de la/ 'phags dang mtshams med byed pa dag /yang dag log pa nyid du nges/ /yang dag pa nyid gang
 zhe na/ mdo las/ gang 'dod chags gtan nas spangs pa dang/ zhe sdang gtan nas spangs pa dang/ gti mug gtan nas spangs pa dang/ nyon mongs pa thams cad gtan nas spangs par nyid ni yang dag pa nyid do zhes 'byung ngo/ /'phags pa rnams gang zhe na/
 gang dag la zag pa med pa'i lam skyes pa'o/ /sdig pa'i chos las ring du song bas na 'phags pa rnams te/ gtan du bral ba'i thob pa rnyed pa'i phyir ro/ /de dag ni nyon mongs pa zad par nges pa'i phyir yang dag pa nyid du nges pa dag yin no/ /thar pa'i
 cha dang mthun pa thob pa yang gdon mi za bar yongs su mya ngan las 'das pa'i chos can yin na ci'i phyir yang dag pa nyid du nges pa dag ma yin zhe na/ de dag ni log pa nyid du yang nges par 'gyur la/ de dag ji ltar re ltar thogs na srid pa lan bdun pa la sogs pa ltar
 dus nges par yang dag pa nyid du nges pa yang ma yin no/ /log pa nyid gang zhe na/ dmyal ba rnams dang/ dud 'gro dang/ yi dags te/ 'di ni log pa nyid ces bya'o/ /de la mtshams med pa byed pa rnams ni dmyal bar nges pa'i phyir log pa nyid du nges
 pa dag yin no/ /nges pa de dag las gzhan pa ni ma nges pa'o zhes bya bar grub ste/ de dag ni rkyen la bltos na gnyi ga la rten pa nyid dang/ gnyi ga la mi brten pa nyid kyang yin no/ /sems can gyi 'jig rten bshad zin to// //da
 ni snod kyi 'jig rten bshad par bya ste/ /de la snod kyi 'jig rten gyi gnas par 'dod pa'i 'og dag gi /rlung gi dkyil 'khor rngams su ni/ sa ya drug 'bum grangs med do/ /stong gsum gyi stong chen po'i 'jig rten gyi khams ni 'di ltar gnas par 'dod
 de/ 'di lta ste/ sems can rnams kyi las kyi dbang gis 'og na nam mkha' la brten pa'i rlung gi dkyil 'khor mngon par 'grub ste/ de'i rngams su ni dpag tshad sa ya drug 'bum mo/ /rgyar ni grangs med de/ 'di ltar gang tshan po che chen po'i rdo rjes kyang gzhig bar
 mi nus par sra ba yin no/ /de'i steng na/ chu rngams 'bum phrag bcu gcig dang/ stong phrag dag ni nyi shu'o/ /dkyil 'khor zhes bya bar sbyar te/ sems can rnams kyi las dag gis rlung gi dkyil 'khor der sprin rnams 'dus nas char gyi rgyun gnya' shing
 tsam bab pa de chu'i dkyil 'khor du 'gyur te/ de'i rngams su ni dpag tshad 'bum phrag bcu gcig dang nyi khri'o/ /ji ltar na chu de dag thad kar mi 'bo zhe na/ kha cig na re sems can rnams kyi las kyi dbang gis te/ dper na bza' pa dang btung ba zos pa dang 'thungs 
 pa ma zhu ba long kar mi ltung ba bzhin no zhes zer ro/ /sde pa gzhan dag na re sbyad gi tshul du rlung gis 'dzin to zhes zer ro/ /yang sems can rnams kyi las kyi mthu las byung ba'i rlung dag gis chu de kun nas dkrugs pa na 'o ma bskol
 ba bris ma chags pa'i tshul du steng ma gser du 'gyur ro/ /chu'i dkyil 'khor de/ phyis ni rngams su 'bum phrag brgyad/ /lhag ma dag ni gser du 'gyur/ /lhag ma yang gang zhig ce na/ chu'i steng rim dpag tshad sum 'bum nyi khri gser gyi rang
 bzhin gyis gzhir gyur pa de'i/ chu dang rlung gi dkyil 'khor gyi rngams bshad zin to/ /chu dang gser gyi dkyil 'khor gyi/ /thad kar 'bum phrag bcu gnyis dang/ /stong phrag gsum dang brgya phrag ni/ /phyed dang lnga rnams kho na'o/ /'di gnyi ga
 rgya mnyam mo/ /khor yug tu ni sum 'gyur ro/ khor ra khor yug tu brtsi na ni sum 'gyur du 'gyur ste/ dpag tshangs ya phrag sum dang/ 'bum phrag drug dang/ khri sum brgya lnga bcu'o/ /gser gyi sa gzhi'i dkyil 'khor chu'i steng na
 gnas pa gang yin pa/ de la lhun po gnya' shing 'dzin/ gshol mnga' 'dzin dang seng ldeng can/ /de bzhin lta na sdug ri dang/ rta rna dang ni rnam 'dus dang/ mu khyung 'dzin ri'o/ /ri chen po brgyad po 'di dag ni gser gyi dkyil
 'khor la brten pa yin te/ ri rab ni dbus na'o/ /lhag ma rnams kyis ni ri rab bskor te gnas so/ /ri bdun gyis ni ra bas bskor ba de phyi rim gang yin pa de ni ri mu khyung 'dzin no/ /de nas ne/ gling rnams yin no/ /de'i phyi rol na
 ni gling bzhi dag go /de dag gi /yang/ phyi rol na ni khor yug ste/ des ni gling bzhi khor yug tu bskor to/ /de dag las/ bdun ni gser yin de lcags so/ /gnya' shing 'dzin la sogs pa'i ri bdun ni gser gyi rang bzhin yin
 no/ /khor yug ni lcags kyi rang bzhin yin no/ /lhun po rin chen bzhi'i rang bzhin/ /gser gyi rang bzhin dang/ dngul gyi rang bzhin dang/ bai DU rya'i rang bzhin dang/ shel gyi rang bzhin te/ ngos bzhi dag tu grangs bzhin no/ /ri rab kyis ngos gang zhig gang gi rang bzhin ni yin pa
 de'i mthus de'i ngos kyi nam mkha' yang de'i ga dog? tu snang ste/ de'i ngos 'dzam bu'i gling logs bai DUrya'i rang bzhin yin la/ de'i 'od kyi kha dog gis 'di'i nam mkha' yang bai DUrya'i kha dog tu snang ngo zhes brjod do/ /yang de dag ji ltar 'byung zhe na/ gser gyi rang bzhin
 gyi sa bzhi la char ba'i rgyun dag 'bab ste/ sa bon rnam pa sna tshogs khong na yod pa'i chu de dag mthu rnam pa du ma'i bye brag dang ldan pa'i rlung dag gis bshig pa na rigs de dang de dag tu 'gyur ro/ /'di ltar 'gyur ro/ /'di ltar 'gyur te/ gang rigs tha dad pa'i
 'bras bu'i khyad par bskyed par bya ba lam phrad par rkyen du 'gyur ba yin gyi/ ji ltar grangs can pa rnams kyi 'gyur ba lta bu ni ma yin no/ /grangs can pa rnams kyi 'gyur ba ji lta bu zhe na/ rdzas gnas pa la chos gzhan log na chos gzhan 'byung ba'o/ /'di la
 nyes pa ci zhig yod ce na/ gnas pa gang gi chos rnams kyi bye brag brtag par bya ba'i chos can nyid med do/ /chos rnams las chos can gzhan no zhes de skad du zer/ chos de nyid gzhan du 'gyur ba tsam ni 'gyur ba yin no zhe na/ de ltar na yang rigs pa ma yin no/ /'di la
 mi rigs ci zhig yod ce na/ de nyid 'di yin la/ 'di de lta bu yang ma yin no zhes bya ba'i tshig gi lugs 'di ni sngon ma byung ba yin no/ /da ltar byung ba'i sa gser la sogs pa las kyi mthus bskyed pa'i rlung dag gis bsdus nas phung por byed de/ de dag ni ri dag tu yang
 'gyur la/ gling rnams su yang 'gyur ro/ /ri rab la sogs pa khor yug la thug pa'i ri de dag ni/ chu yi nang du brgyad khri dag /nub po/ de dag gser gyi sa gzhi'i steng na chu dpag tshad brgyad khri yod pa der nub? po/ /de bzhin du yang/ dpag tshad dag ni brgyad khri'o/ /de ltar na ri rab ni
 'phang du dpag tshad 'bum drug khri'o/ /brgyad po'i 'phang du phyed dbri/ ri rab chu'i steng du ji tsam 'phags pa de'i phyed ni gnya' shing 'dzin te/ dpag tshad bzhi khri yin la/ de'i phyed ni gshol mnga' 'dzin to zhes bya ba nas/ de bzhin du gzhan dag la yang
 mu khyung 'dzin gyi phyed ni khor yug ste/ 'phang du dpag tshad sum brgya rtsa phyed dang bcu gsum yin no zhes bya ba'i bar du phyed phyed kyis dbri bar rig par bya'o/ /de dag rngams su 'ang 'phang dang mnyam/ /de dag chu las gyen du ji tsam 'phags pa rngams su yang de tsam ste/ ?rtsar
 zhes bya ba'i tha tshig go /de dag bar bdun rol mtsho yin/ mu khyung 'dzin la thug pa'i ri de dag gi bar bdun ni rol mtsho bdun zhes bya ste/ yan lag brgyad dang ldan pa'i chus gang ngo/ /chu de ni bsil ba dang/ zhim pa dang/ yang ba dang/ 'jam pa dang/ dad pa dang
 dri nga ba med pa dang/ 'thung ba na mgrin pa la mi gnod pa dang/ 'thung na lto la mi gnod pa'o/ /yang de dag las dang po stong phrag brgyad bcu'o/ /ri rab dang gnya' shing 'dzin gyi bar gyi rol mtsho rab po ni kha tshon dpag tshad brgyad khri'o/ /de ni nang gi rgya mtsho
 yin/ rgya mtsho ni gnyis te/ nang gi dang/ phyi'i'o/ /rol mtsho de ni nang gi rgya mtsho yin no/ /de'i ngos la sum 'gyur ro/ /kha tshon ni dpag tshad brgyad khrir bshad do/ /ngos la ni gnya' shing 'dzin gyi 'gram nas bgrangs na sum 'gyur te/ dpag tshad nyi 'bum
 bzhi khri'o/ /rol mtsho gzhan ni phyed phyed dbri/ /gnya' shing 'dzin nas gshol mnga' 'dzin gyi bar gyi rol mtsho gnyis pa ni dang po'i phyed de/ dpag tshad bzhi khri yin la/ gsum pa ni de'i phyed do zhes bya ba nas/ de bzhin du rol mtsho bdun pa ni dpag tshad
 stong nyis brgya brgyad cu'o zhes bya ba'i bar du rol mtsho gzhan rnams phyed phyed kyis dbri'o/ /de dag gi srid du ni ha cang 'jam slas pa'i phyir ma bgrangs so/ /lhag ma phyi'i mtsho chen yin/ /lhag ma gang zhig ce na/ mu khyung 'dzin dang khor yug gi bar de'i ni phyi'i rgya
 mtsho chen po yin te/ tshwa rgo'i tshwa chus gang ngo/ /de yang kha tshon du ni dpag tshad/ 'bum phrag gsum dang stong phrag ni/ nyi shu gnyis so/ /de la ri rab kyi ngos bzhin gling bzhi ste/ de la ni/ 'dzam bu'i gling ste ngos gsum la/ stong phrag gnyis so shing rta'i
 dbyibs/ de'i ngos gsum la dpag tshad nyis stong nyis stong yod la dbyibs kyang shing rta dang 'dra'o/ /de'i dbus su gser gyi rang bzhin gyis bzhi la gang du byang chub sems dpa' bzhugs nas rdo rje lta bu'i ting nge 'dzin bskyed par mdzad pa rdo rje'i gdan? mngos
 par 'grub ste/ de ni lus sam sa phyogs gzhan gyis bzod par mi nus so/ /gcig la dpag tshad phyed dang pa ni/ de'i ngos bzhi pa la ni dpag tshad phyed dang bzhi ste/ de nyid kyi phyir 'di ni shing rta'i dbyibs lta bu yin no/ /shar gyi lus 'phags zla gam
 'dra/ 'di nas shar phyogs kyi ri rab kyi ngos rol na shar gyi lus 'phags kyi gling yod do/ de ni zla gam lta bur mngon par grub po/ /rgyar ni ngos gsum 'di dang 'dra/ ji ltar 'dzam bu'i gling la dpag tshad nyis stong nyis stong yod pa bzhin no/ /gcig la/
 dpag tshad sum brgya lnga bcu'o/ /ngos bzhi pa la ni dpag tshad sum brgya lnga bcu'o/ /ba lang spyod gling zlum po ste/ stong phrag phyed dang brgyad yin no/ /'di nas nub phyogs kyi ri rab kyi ngos rol na ba lang spyod kyi gling yod de/ dpag tshad bdun stong lnga brgya'o//
 de ni zla ba bzhin du kun nas zlum po yin te/ de dbus stong phrag phyed dang gsum/ /chu zheng du ni dpag tshad stong phrag phyed dang gsum sgra mi snyan brgyad gru bzhi mnyam/ /'di nas byang phyogs kyi ri rab kyi ngos rol na byang gi sgra mi snyan gyi gling yod de/ kun du dpag
 tshad brgya stong yod do/ /dbyibs ni khri'u bzhin du kun tu gru bzhi ste/ ji ltar ngos gcig la dpag tshad nyis stong yod pa ltar gzhan dag kyang de dang 'dra ste/ cung zad kyang lhag pa med do/ /gling gang gi dbyibs ci 'dra ba de na gnas pa'i mi rnams kyi gdong
 gi dbyibs kyang de dang 'dra'o/ /yang de dag gi bar bar na bar gyi gling rnams mngon par grub pa de dag ni gang yin/ du zhig ni yod ce na/ de yi bar gyi gling brgyad ni/ /lus dang lus 'phags sgra mi snyan/ /sgra mi snyan gyi zla dang ni/ /rnga yab dang
 ni rnga yab gzhan/ /g.yo ldan dang ni lam mchog 'gro/ /de la lus dang lus 'phags ni shar gyi lus 'phags kyi lus 'phags kyi 'khor yin no/ /sgra mi snyan dang sgra mi snyan gyi zla ni byang gi sgra mi snyan gyi'o/ /g.yo ldan dang lam mchog 'gro na nub kyi ba lang spyod kyi'o//
 rnga yab dang rnga yab gzhan ni 'dzam bu'i gling ste/ thams cad na yang mi rnams gnas so/ /kha cig na re/ gcig na srin po dag gnas so zhes zer ro/ /'di nas byang du ri nag po/ /dku 'das gangs ri'o/ /'dzam bu'i gling 'di'i byang phyogs 'dzam bu'i gling 'di nyid na
 ri nag po gsum yod do/ /de dag 'das nas yang gsum yod do/ /de dag 'das nas yang gsum yod de/ ri nag po dgu 'das pa'i pha rol na gangs ri yod do/ /de nas ni/ spos dang ldang ba'i tshu rol na/ chu zheng lnga bcu yod pa'i mtsho/ gangs ri de'i pha rol ri spos kyi
 dang ldan pa'i tshu rol na mtsho ma dros pa zhes bya ba gang las chu bo chen po bzhi po gang+gA dang/ sind+hu dang/ si ta dang/ puk+Sha 'bab pa yod do/ /de ni zheng du yang dpag tshad lnga bcu yod la tshur? yang dpag tshad lnga bcu yod de/ yan lag brgyad dang ldan pa'i chus gang ngo/ /der
 ni rdzu 'phrul dang mi ldan pa'i mis 'gro bar dka' o/ /de nyid kyi drung na gang la 'bras bu mngar po dag yod pa shing 'dzam bu zhes bya ba mngon par 'grub ste/ de'i dbang gis 'di 'dzam bu'i gling zhes bya bar grags so/ /yang na de'i 'bras bu'i dbang gis 'dzam bu'i gling
 bya bar grags so/ /dmyal ba rnams phyogs ni gang rol na yod/ tshad ni ji tsam zhe na/ 'di 'og stong phrag nyi shu na/ /mnar med pa'o de nam mo/ /'dzam bu'i gling 'di nyid kyi 'og dpag tshad nyi khri na dmyal ba chen po mnar med pa yod do/ /gnas 'phang dang rgyar
 ni dpag tshad nyi khri'o de'i 'og gzhi yang de dang 'dra ste/ 'di nas ni dpag tshad bzhi khri yod do/ /sdug bsngal la par chad med pas na mnar med pa'o/ /gzhan ni sdug bsngal bar chad dang bcas pa yin te/ 'di lta ste/ yang sos na ni lus rnams bcad cing phug la btags kyang
 rlung grang mongs langs na sems can de dag yang sos par 'gyur bas de'i phyir yang sos yin no/ /gzhan dag na re de na bde ba'i gnas skabs med pas na mnar med pa zhes bya ste/ gzhan dag na yang bde ba'i tshor ba rnam par smin pa ni med kyi rgyu mthun pa las byung ba
 ni dgag pa med do zhes zer ro/ /de yi steng na dmyal ba bdun/ /mnar med pa de'i steng na dmyal ba bdun po rab tu tsha? ba dang/ tsha ba dang/ ngu 'bod chen po dang/ ngu 'bod dang/ bsdus 'joms dang/ thig nag dang/ yang sas dag gong nas gong du gnas so/ /gzhan dag na re mnar
 med pa'i glo dgag na gnas so zhes zer/ /brgyad po kun la lhag bcu drug /bcom ldan 'das kyis/ de ltar de dag dmyal ba ni/ /brgyad ces bya ste brgal bar dka' / /dgra po'i las kyis kun du gang/ /re re la yang lhag bcu drug /rtseg pa bzhi dang sgo bzhi ste/ /rnam phye ris su chad
 pa yin/ /lcags kyi ra bas kun tu bskor/ /lcags dag gis ni gang ba yin/ /de la lcags 'bar sa gzhi ste/ /'bar pa'i me dang ldan pa yin/ /dpag tshad brgya phrag du mar ni/ /me lce dag gis khyab par gnas zhes gsungs so/ /lhag pa bcu drug ga? zhe na/ de dag gi ni ngos
 bzhin/ /me ma mur dang ro myags dang/ spu gri lam sogs chu bo yin/ /de dag gi sgo re re na lhag pa bzhi bzhi yod de/ me ma mur bus mo nub tsam gang du sems can de dag gi rkang pa bzhag na ni pags pa dang sha dang khrag zhig par 'gyur la/ rkang pa bteg na ni pags
 pa dang sha dang khrag slar skye ba dang/ ro myags skyag pa'i 'dam rdzab gang du 'bu mchu rnon zhes bya ba lus thams cad dkar zhing mgo gnag la chu smyur ba'i srog chags dag gnas shing de dag gis sems can de dag gi rus pa'i bar du 'bigs par byed pa dang/
 spu bri so gtams pa'i lam po che gang du sems can de dag 'gro ba dang rkang pa bzhag na ni pags pa dang sha dang khrag zhig par 'gyur zhes bya ba snga ma bzhin no/ /lo ma ral gri lta bu'i nags gang du ral gri rnon po
 rnams lhung zhing/ sems can de dag gi yan lag dang nying lag rnams gcod par 'gyur zhing/ khyi sre bo rnams kyang za bar byed pa dang/ lcags kyi shal ma li nags tsher ma rnon po sor bcu drug pa gang du sems can de dag 'dzeg? pa
 na ni tsher ma de rnams kha thur du lta bar 'gyur zhing lus 'bigs par byed la/ 'bab pa na ni kha gyen du lta bar 'gyur zhing/ khra lcags kyi mchu can rnams kyis mig dag byung zhing phyung nas za bar byed pa ste/ spu gri'i lam la sogs pa
 gsum po de ni mtshon cha mngon par 'bab par 'dra ba'i phyir gcig tu bya'o/ /lhag pa bzhi pa ni chu bo rab med thal chu khol mas gang ba ste/ gang du sems can de dag 'gram gnyis skyes bu lag na ral gri dang/ mdung thung dang/ thag
 mdung thogs pa dag gis 'gog cing/ dper na phru ba chu mang pos bkang ba thab tu btsugs pa'i nang du til dang 'bras thug po che la sogs pa blugs pa bzhin du/ steng du 'gro na yang gdung zhing 'tshed la/ 'og dang thad kar 'gro na yang
 gdung zhing 'tshed par byed pa'o/ /des kyang dmyal ba chen po 'obs bzhin du bskor to/ /lhag pa bzhi po 'di dag ni phyogs kyi bye brag gis bcu drug ces bya'o/ /gnod pa lhag pa'i gnas pa yin pa'i phyir lhag pa zhes bya ste/ dmyal ba
 dag tu gnod pa byas nas yang 'di dag tu gnod par byed do/ /gzhan dag na re dmyal ba'i 'chid bu'i 'og tu 'di dag tu 'bying bas na lhag pa'o zhes bya'o zhes zer ro/ /dri ba las dri ba gzhan 'byung ste/ ci dmyal ba'i srung ma de dag sems can du bgrang ba zhig yin nam/
 'on te ma yin zhe na/ kha cig na re ma yin no zhes zer ro/ /da ni ji ltar na de dag g.yo ba yin zhe na/ sems can rnams kyi las dag gis te/ 'chags pa'i rlung bzhin no/ /'o na btsun pa chos ldan rab 'byor gyis/ /gang dag khro zhing gtum las dang/ /sdig la mngon
 par dga' ba dang/ /sdug bsngal pa la dga' de dag /gshin rje srin por skye bar 'gyur/ zhes gang bshad pa ji ltar drang zhe na/ gshin rjes bsgo ba gang dag gis sems can rnams dmyal ba dag tu khrid par byed pa de dag gshin rje srin po zhes bshad kyi/
 gang dag las rnams byed pa ni ma yin no/ /gzhan dag na re sems can dag tu bgrang ba yin no zhes zer ro/ /da ni las de dag gang du rnam par smin zhe na/ dmyal ba de dag nyid du ste/ gang dag tu mtshams med pa byed pa rnams kyi rnam par smin pa'i go skabs yod pa de
 dag tu de dag gi su zhig 'gog /me'i nang na gnas pa rnams ji ltar mi 'tshig ce na/ me ni gdon mi za bar las dag gis mtshams bcad pa'i phyir ro/ /yang na 'byung ba'i khyad par grub pa'i phyir ro/ /re zhig de dag ni tsha ba'i sems can dmyal ba chen
 po rnams zhes bya'o/ /chu bur can sogs grang brgyad gzhan yang grang ba'i dmyal ba brgyad de/ 'di lta ste/ chu bur can dang/ chu bur rdol pa dang/ so thams thams dang/ a chu zer ba dang/ kyi hud zer ba dang/ ud pa ltar gas pa dang/ pad+ma ltar gas pa
 dang/ pad+ma ltar tshar gas pa'o/ /ming 'di rnams ni sems can grang ba mi bzad pas nyen pa de dag gis lus dang sgra 'gyur ba dang sgra mthun pa dag yin no/ /de dag kyang 'dzam bu'i gling 'di nyid kyi 'og dmyal ba chen po rnams kyi thad ka na yod do/ /'dzam
 bu'i gling 'di tsam gyi 'og na mnar med pa la sogs pa'i go skabs gal yod ce na/ gling rnams ni 'bru'i phung po bzhin du zhabs rgya che ba yin te/ de nyid kyi phyir rgya mtsho chen po rim gyis gzhol ba yin no/ /de ltar na sems can dmyal ba bcu gdrug po de
 rnams ni sems can thams cad kyi las kyi dbang gis mngon par grub pa dag yin no/ /nyi tshe ba'i dmyal ba rnams ni mang po 'am gnyis sam gcig gi so so'i las dag gis mngon par grub pa yin te/ de dag gi rnam pa'i bye
 brag ni rnam pa du ma yod do/ /gnas ni nges pa med de/ chu bo dang/ ri dang/ mya ngam gyi phyogs dag dang/ gzhan dag dang/ 'og na yang yod pa'i phyir ro/ /re zhig 'di ni dmyal ba'i snod rnams kyi gnas pa yin no/ /dud 'gro ni thang dang/ chu dang/ nam mkha' i spyod yul pa
 dag yin no/ /de dag gi gnas kyi rtsa ba ni rgya mtsho chen po yin te/ gzhan ni de dag las 'phros pa dag yin no/ /yi dags rnams kyi rgyal po ni gshin rje zhes bya ba yin no/ /de dag gi gnas kyi rtsa ba rgyal po'i khab ni 'dzam bu'i gling 'di 'og dpag tshad lnga
 brgyas bcad pa na yod de/ gzhan ni de las 'phros pa dag yin no/ /de las yi dags rdzu 'phrul chen po kha cig ni lha'i dpal lta bu yang nyams su myong ngo/ /lhag ma ni ji ltar yi dags kyi rtogs pa brjod pa dag las 'byung ba yin no/ /yang nyi ma dang zla ba 'di
 dag ci la brten zhe na/ rlung la ste/ sems can thams cad kyi thun mong gi las kyi dbang gis bar snang la nyi ma dang/ zla ba dang/ skar ma rnams 'phrul bar byed pa'i rlung dag grub ste/ ri rab la rlung gi 'khor lo bzhin du 'khor ro/ /nyi ma dang zla ba dag 'di nas
 thag ji srid ce na/ nyi zla lhun po'i phyed na'o/ /ri gnya' shing 'dzin gyi rtse mo dang/ mnyam pa nas rgyu'o/ /tshad ji tsam zhe na/ go rims bzhin du/ dpag tshad lnga bcu gcig dang bcas/ /zla ba'i dkyil 'khor gyi tshad ni dpag tshad lnga bcu'o/ /nyi ma'i dkyil
 'khor gi ni gcig dang bcas pa'i lnga bcu ste/ lnga bcu rtsa gcig ces bya ba'i tha tshig go/ skar ma'i gzhal yas khang rnams kyi nang gi tshad chung ba de'i ni rgyang grags gcig go /srog chags rnams kyi las dag gis nyi ma'i gzhal med khang 'og gi phyi rol ni
 me shel gyi dkyil 'khor tsha bar byed pa dang/ snang bar byed pa mngon par grub po/ /zla ba'i gzhal med khang gi ni chu shel bsil bar byed pa dang/ snang bar byed pa mngon par grub ste/ ci rigs par mig dang/ lus dang 'bras bu dang/ me tog dang/ lo tog dang/ sman rnams
 la phan 'dogs par byed pa dang/ gnas par byed pa dag yin no/ /gling bzhi pa gcig tu ni zla ba gcig kho nar/ nyi ma gcig gis bya ba byed do/ /ci gling bzhi po dag tu nyi mas gcig car bya ba byed dam zhe na/ ma yin no/ /'o na ci zhe na/ de dag tu nam phyed nyi ma nub pa dang/ nyi
 ma phyed dang 'char dus gcig /gang gi tshe byang gi sgra mi snyam du nam phyed pa de'i tshe shar gyi lus 'phags su ni nyi ma nub po/ /'dzam bu'i gling du ni nyi ma phye'o/ /ba lang spyod du ni nyi ma shar te/ de bzhin du gzhan dag la yang sbyar bar bya'o/ /nyi ma'i 'gros kyi bye
 brag las 'di na nyin mo dang mtshan mo rnams ring thung ngu 'gyur te/ de la dbyar gyi zla ba gnyis pa yi/ /tha ma'i tshe dgu nas mtshan ring/ dbyar rnams kyi zla ba gnyis pa ston zla ra ba yar gyi ngo'i tshes dgu nas mtshan mo ring ngo/ /dgun rnams kyi ni bzhi pa la/ /thung
 du 'gyur ro/ /de bzhin du dgun rnams kyi zla ba bzhi pa'i tha ma'i tshes dgu nas thung ngu 'gyur zhes bya bar sbyar te/ dpyid zla ra ba yar gyi ngo'i tshes dgu nas so/ /nyin mo bzlog /gang gi tshe mtshan mo ring ba de'i tshe nyin mo thung bar 'gyur ro/ /gang gi tshe mtshan mo thung ba de'i tshe nyin
 mo ring bar 'gyur ro/ /ji tsam zhig gis ring por 'gyur zhe na/ nyin mtshan ring ba thang cig go /nyin mo 'am mtshan mo thang cig thang cig gis ring bar 'gyur ro/ /ring ba de dag kyang go rims bzhin du/ nyi ma lho byang 'gro tshe'o/ /nyi ma 'dzam bu'i gling gi lho phyogs kyi ngos su 'gro ba na
 mtshan mo ring ngo/ /byang phyogs su 'gro ba na nyin mo ring ngo/ /zla ba yar gyi ngo'i dang po'i zla ba'i dkyil 'khor ma rangs par snang ba de la rgyu ci yod ce na/ nyi ma dang ni nye ba las/ rang gi grib mas 'grib par snang/ brtags pa las/ gang gi tshe zla ba'i gzhal med khang nyi ma'i
 gzhal med khang dang nye bar rgyu ba de'i tshe nyi ma'i 'od kyis de'i gzhal med khang la 'bab ste/ des na de'i phyi rol gyi ngos su grib ma bab pas dkyil 'khor ma rangs par snang ngo zhes bstan to zhes grag go lo/ /sngon gyi slob dpon rnams na re gang res
 'ga' gzhal med khang gi phyed snang ba de lta bu de ni rgyu ba'i tshul yin no zhes zer ro/ /yang nyi ma la sogs pa'i gzhal med khang 'di dag ni sems can gang dag gcig nas she na/ rgyal chen bzhi'i rigs pa'i lha rnams so/ /ci de dag gi 'di dag kho na 'am zhe na/ gzhal
 med khang na gnas pa rnams kyi ni 'di dag go /sa la gnas pa rnams kyi ni ri rab kyi bang rim la sogs pa'o/ /'di la bang rim ni du zhig yod/ /thag ni ji srid ce na/ 'di la bang rim bzhi yod de/ /bar gyi thag ni stong phrag bcu/ /dpag tshad ni khri'i ltag na gcig yod de/
 bzhi'i bar du yang de dang 'dra'o/ /de dag gis ni ri rab kyi phyed man chad du phyin to/ /de dag kyang de las grangs bzhin du/ /stong phrag dag ni bcu drug dang/ /brgyad dang bzhi dang gnyis 'phags so/ /bang rim dang po ri rab las dpag tshad stong phrag bcu drug 'phags so/ /gnyis
 pa ni brgyad do/ /gsum pa ni bzhi'o/ /bzhi pa ni gnyis so/ /de la lag na gzhong thogs dang/ /phreng thogs dang ni rtag myos dang/ /rgyal chen bzhi pa'i lha rnams gnas bang rim dang po la ni gnod sbyin lag na gzhong thogs zhes bya ba rnams gnas so/ /gnyis pa la ni phreng
 thogs rnams gnas so/ /gsum pa la ni rtag tu myos rnams gnas te/ lha 'di dag thams cad kyang rgyal chen bzhi pa'i ris pa dag yin no/ /bzhi pa la ni rgyal po chen po bzhi bdag nyid dang/ de'i 'khor rnams gnas te/ de'i phyir na rgyal chen bzhi pa'i lha rnams zhes
 bshad do/ /ji ltar bang rim dag la rgyal po chen po bzhi'i ris kyi lha dag gnas pa de bzhin du/ ri ni bdun po dag la yang/ ri gnya' shing 'dzin la sogs pa na yang de dag gi grong dang/ grong brdal dag yod de/ de nyid kyi phyir lha'i ris de ni thams cad pas
 che ba yin no/ /lhun po'i rtse na sum cu gsum/ /yang lhun po'i rtse mo ji tsam zhe na/ de yi ngos la brgyad khri'o/ /thur du ji lta bar nges re re la yang brgyad khri brgyad khri'o/ /gzhan dag na re de yi ngos la nyi khri'o zhes zer te/ 'di la ngos bzhir phyogs bzhi yod de/ ngos re re zhing yang dpag tshad nyi
 khri nyi khri yod la kun tu bskor na ni brgyad khri'o zhe'o phyogs mtshams brtsegs pa bzhi la ni/ lag na rdo rje gnas/ ri rab rtse mo'i phyogs mtshams ni grwa bzhi ste/ de dag las dpag tshad lnga brgya'i tshad tsam gyis brtsegs pa bzhi gyen du 'phags te/ de dag la gnod spyan lag na
 rdo rje zhes bya ba rnams so/ /ri rab kyi rtse mo de'i/ dbus na/ grong khyer lta na sdug ces pa/ ngos la nyis stong lta brgya pa/ dpag tshad phyed dang gnyis gser gyi/ /rang bzhin gzhi bkra mnyen pa yod/ /ri rab kyi gzhi'i dbus na lha rnams kyi dbang po brgya byin gyi rgyal po'i pho brang grong khyer
 lta na sdug ces bya ba ngos re re zhing yang dpag tshad nyis stong lnga brgya pa/ 'phang du dpag tshad phyed dang gnyis pa/ gser gyi rang bzhin 'di'i sa gzhi tshon rgyas bkra bar byas la/ sa gzhi de yang shing bal gyi 'dab ma bzhin du reg na 'jam pa rkang pa bzhag pa dang
 bteg pa dag gis na nems/ zhes byed pa dang par zhes byed pa yod do/ /de na rnam par rgyal byed de/ ngos la nyis brgya lnga bcu'o/ /grong khyer gyi dbus na lha rnams kyi dbang po brgya byin gyi khang bzang rnam par rgyal byed ces bya ba rin po che dang gnas rnam pa du ma phun sum tshogs pa
 gnas gzhan thams cad kyi dpal gyi che ba'i bdag nyid ngo mtshar bar byed pa ngos ngos kyi srid du dpag tshad nyis brgya lnga bcu pa zhig yod/ /re zhig gi ni grong gi mngon par dga' ba yin no/ /de'i/ phyi rol shing rta sna tshogs dang/ /rtsub 'gyur 'dres pa dga' bas brgyan/ /grong khyer
 de'i phyi rol gyi ngos bzhi dag na lha rnams kyi rtsed mo'i sa skyed mos tshal bzhi yod de/ 'di lta ste skyed mos tshal shing rta sna tshogs can dang/ rtsub 'gyur dang/ 'dres pa dang/ dga' ba'i tshal te/ de dag gis grong khyer de'i phyi rol brgyan to/ /de dag gi ni phyogs bzhi na/ /nyi shus bcad na
 sa gzhi bzang/ /skyed mos tshal de dag gi phyogs bzhi dpag tshad nyi shus bcad pa na lha rnams kyi rtse ba'i gnas sa gzhi bzang po phan tshun 'gran pa lta bur mdzes pa dang ldan pa bzhi yod do/ /grong khyer gyi phyi rol gyi ngos/ byang shar mtshams
 na yongs 'du ste/ lho nub mtshams na chos bzang ngo/ /shing sa brtul yongs 'du zhes bya ba sum cu rtsa gsum pa'i lha rnams kyi 'dod pa'i dga' ba mchog gi gnas shig yod de/ de'i rtsa ba ni dpag tshad lnga bcu zug go /gnam 'phang du ni dpag tshad brgya 'phags so/ /
 yal ga dang/ 'dab ma dang/ lo ma ni dpag tshad lnga bcur khyab par gnas so/ /de'i me tog dang 'dab ma thams cad rgyas pa'i dri dang rdzi phyogs su ni dpag tshad brgyad ldang ngo/ /phyogs ma yin par ni dpag tshad lnga bcur ldang ngo/ /re zhig rdzi 'phyogs su ni
 rig na rdzi phyogs ma yin par go ji ltar zhe na/ kha cig na re shing las mi 'da' ba las dgongs te gsungs so zhes zer ro/ /de rdzi phyogs su ma yin par 'gro ba ma yin gyi/ dri de nyid kyi phun sum tshogs pa lha'i rlung chung ngu dag gis bkag bzhin du yang dri gzhan
 gyi rgyun 'byung ba de lta bur 'dod par bya'o/ /rgyun chung ba dang/ ches chung ba dang/ ches shin tu chung bar 'gyur pa'i phyir myur ba kho nar kun tu chad par 'gyur te/ de bzhin du lam ring por mi 'gro'o/ /ci me tog gi dri'i rgyun de rang gi 'byung ba kho na la brten
 nas 'jug gam/ 'on te rlung la bsgos nas kyang skye zhe na/ slob dpon gyi 'dod pa ni de la nges pa med de/ gnyi ga ltar yin pa'o/ /'o na bcom ldan 'das kyis/ me tog dri ni rdzi phyogs min mi 'gro/ /rtsa ba 'am rgya spos tsan dan yang ma yin/ /mkhas
 rnams dri ni rdzi phyogs min 'gro ste/ /skyes bu dam pa phyogs rnams kun tu 'gro/ /zhes gang gsungs pa ji ltar drang zhe na/ mi'i me tog gi dri'i dbang du byas nas gsungs pa yin no/ /de ni 'jig rten na grags pa yin te/ de la mthu de lta bu ni med do/ /sa
 ston sde rnams ni rdzi phyogs su ni dpag tshad brgyar dri'i rang ldang ngo/ /rlung med na ni dpag tshad lnga bcur ldang ngo zhes 'don to/ /lho nub kyi phyogs cha na gang du lha rnams 'khong nas bya ba dang bya ba ma yin pa 'gro bar byed pa lha'i 'du nas chos bzang zhes bya ba yod do/ /re zhig de ni sum cu
 rtsa gsum pa rnams kyi snod gnas pa yin no/ /de'i steng lha rnams gzhal med khang/ /sum cu rtsa gsum gyi steng gi lha rnams ni gzhal yas khang dag na gnas te/ de dag kyang 'thab bral rnams dang dga' ldan rnams dang/ 'phrul dga' rnams dang/ gzhan 'phrul dbang byed
 rnams dang/ sngar bshad pa tshangs rigs la sogs pa gnas gzhan bcu drug tu gtogs pa rnams te/ de ltar na gang dag gis snod mngon par mdor bsdu na lha'i ris nyi shu rtsa gnyis pa de dag yin no/ /'dod pa spyod pa drug yin no/ /de dag las 'dod pa na spyod pa'i lha'i
 ris drug po 'di lta ste/ rgyal chen bzhi'i ris nas gzhan 'phrul dbang byed kyi bar rnams ni 'dod pa dag la spyod kyi lhag ma rnams ni ma yin no/ /de dag kyang/ gnyis gnyis 'khyung dang lag bcangs dang/ /rgod dang bltas pas 'khrig pa yin/ /sa dang 'brel par gnas pa
 rgyal chen bzhi pa dang/ sum cu rtsa gsum pa rnams ni mi rnams ji lta ba bzhin du gnyis gnyis kyis 'khrig go /de dag la yang khu chu med pa'i phyir rlung btang bas yongs su gdung ba dang 'bral lo/ /'thab bral ba rnams ni 'khyud pas 'khrig pa yin te/ 'khyud pa
 tsam gyis yongs su gdung ba dang bral ba'i phyir ro/ /dga' ldan pa rnams ni lag bcangs byas pas so/ /'phrul dga' ba rnams ni rgod pas so/ /gzhan 'phrul dbang byed pa rnams ni bltas pas so/ /bye brag tu smra ba rnams na re thams cad kyang gnyis kyi gnyis spros pas
 yin no/ /btags pa las bshad pa ni dus kyi tshad yin te/ ji tsam ji tsam du yul rnams ches shas che ba de tsam de tsam du 'dod chags kyang ches shas che'o zhes zer ro/ /lha'am lha mo gang gi pang du lha gzhon nu 'am lha'i bu mo skye bar 'gyur ba de gnyis kyi bu yang yin
 la/ de'i bu mo yang yin no/ /bong tshang ji tsam du skye zhe na/ byis pa lo lnga lon pa nas/ /lo bcu lon pa lta bu'i bar/ de dag tu skye/ lha'i ris dag tu grangs bzhin te/ de dag kyang myur ba nyid du skye'o/ /gzugs can rnams/ /kun rdzogs gos
 dang bcas pa nyid/ /gzugs na spyod pa'i lha rnams ni lus kun rdzogs pa dang gos gyon bzhin du skye'o/ /lha thams cad kyang 'phags pa'i skad du smra'o/ /de la 'dod pa skye ba gsum po ni/ 'dod pa'i lha dang ming bcas rnams/ 'dod pa'i khams su rig par bya
 ste/ ji lta zhe na/ sems can 'dod pa nye bar gnas pa rnams 'dod pa nye bar gnas pa dag la dbang phyug gi dbang byed pa dag kyang yod de/ 'di lta ste/ mi rnams dang/ lha kha cig go /de dag kyang lha'i ris bzhi rnams so/ /sems can 'dod pa sprul pa rnams 'dod
 sprul zhing dbang phyug gi dbang byed pa dag kyang yod do/ /dper na 'phrul dga' i lha rnams lta bu'o/ /sems can 'dod pa gzhan gyis sprul pa rnams 'dod pa gzhan gyis sprul pa dag la dbang phyug gi dbang byed pa dag kyang yod de/ 'di lta ste/ gzhan 'phrul dbang
 byed kyi lha rnams so/ /de dag ni ji ltar byung ba las yongs su longs spyod pa nyid kyi phyir dang/ ji ltar 'dod pa bzhin bdag nyid kyis sprul pa la yongs su longs spyod pa nyid kyi phyir dang/ ji ltar 'dod pa bzhin bdag dang gzhan gyis sprul pa la yongs su longs spyod pa'i
 phyir 'dod pa skye ba gsum zhes bya'o/ /gzugs kyi khams na ni/ bde ba skye ba gsum po ni/ /bsam gtan gsum la sa dgu yin/ /bsam gtan gsum dag na sa dgu po gang dag yin pa de dag ni bde ba skye ba gsum yin te/ lha de dag ni dben pa las skyes
 pa dang/ ting nge 'dzin las skyes pa'i dga' ba'i bde ba dang dga' ba med pa'i bde bas bde bar gnas pa na yun ring mo zhig tu gnas te/ de'i phyir bde ba skye ba de dag ni sdug bsngal ba med pa dang/ yun ring mo bde ba'i phyir bde ba skye ba dag yin no//
 bsam gtan khyad par can du skyes pa la ni dga' ba bde ba med pa'i phyir bde ba skye ba nyid dpyad par bya'o/ /gang dag lha rnams kyi gnas nyi shu rtsa gnyis bshad pa de dag la 'og ma nas gong mar thag ji srid ce na/ de thams cad dpag tshad kyi grangs kyi bgrang bar ni sla ba ma yin
 mod kyi 'on kyang/ gnas dang gnas 'og ji srid pa/ /de nas de'i gong de srid/ /'dzam bu'i gling nas bzung ste gong ma'i gnas gang yin pa ni de nas 'og ma 'dzam bu'i gling du ji srid par de nas gong ma'i gnas gzhan du yang de srid de/ 'di lta te/ 'di nas dpag tshad bzhi khri na
 rgyal po chen po bzhi'i rtsa ba'i gnas bang rim bzhi pa yod pa de nas 'og ma 'dzam bu'i gling du/ ji srid par gong ma sum cu rtsa gsum pa rnams kyi gnas su yang de srid do/ /de nas kyang 'og ma 'dzam bu'i gling du ji srid par gong ma 'thab bral ba rnams kyi gnas su yang de srid
 do/ /de nas kyang 'og ma 'dzam bu'i gling du ji srid par gong ma dga' ldan pa rnams kyi gnas su yang de srid do/ /de bzhin du rgyas par thams cad go rims dang mthun par bya ste/ shin tu mthong ba dag nas 'og ma 'dzam bu'i gling du ji srid par gong ma 'og min pa rnams
 gyi gnas su yang de srid do/ /de'i gong na ni gnas med do/ /de nyid kyi phyir de dag gi thu bor gyur pa'i phyir 'og min zhes bya'o/ /gzhan dag na re thogs mdza' zhes bya ste/ thogs pa ni bsags par gnas pa'i gzugs te/ de ni 'dir mthar thug go zhes zer ro lo/ /yang
 ci gnas 'og mar skyes pa rnams gong ma'i gzhal med khang du dod nas mthong bar 'gyur ram zhe na/ rdzu 'phrul gzhan rten ma rtogs par/ /de dag gong ma mthong ba med/ /rdzu 'phrul gyis sam/ gzhan la brten nas te/ rdzu 'phrul dang ldan pa 'am/ de na gnas pa'i lhas
 khrid par gyur na sum cu rtsa gsum pa rnams 'thab bral ba'i nang du 'gro bar 'gyur te/ lhag ma rnams kyang de dang 'dra'o/ /gong du skyes pa 'ongs pa mthong bar 'gyur gyi/ khams gong ma pa yang ma yin la/ sa gong ma pa yang ma yin te/ dper na yul ma yin pa'i
 phyir reg bya reg par mi 'gyur ba bzhin no/ /de nyid kyi phyir rang gi lus kyis mi 'ong ngo/ /'o na ji lta bu zhe na/ sa 'og ma'i sprul pas so/ /sde pa gzhan dag na re/ de'i 'dod pas 'di na 'khod pa bzhin du mthong bar 'gyur ro zhes zer ro/ /yang 'thang?
 bral ba sogs pa'i gzhal med khang de dag gi tshad ji tsam zhe na/ re zhig kha cig na re bzhi rnams kyis ni ri rab kyi rtse mo ji tsam pa de tsam mo zhes zer ro/ /gzhan dag na re gong ma nyis 'gyur ro zhes zer ro/ /kha cig na re bsam gtan dang po'i ni gling bzhi pa tsam mo//
 gnyis pa'i ni stong chung ngu'i 'jig rten gyi khams tsam mo/ /gsum pa'i ni stong gnyis pa tsam mo/ /bzhi pa'i ni stong gsum pa tsam zhes zer ro/ /gzhan dag na re dang po la sogs pa ni stong la sogs pa'i tshad tsam mo/ /bzhi pa ni tshad med do zhes zer ro/ /yang stong chung ngu'i
 'jig rten gyi khams 'di ci/ stong gnyis pa 'am/ gsum pa ni ci zhe na/ gling bzhi pa dang nyi zla dang/ /ri rab dang ni 'dod lha dang/ /tshangs pa'i 'jig rten stong la ni/ /stong ni spyi phung yin par 'dod/ /'dzam bu'i gling dang/ shar gyi lus 'phags dang/ nub kyi
 ba lang spyod dang/ byang gi sgra mi snyan stong dang/ nyi ma dang/ zla ba dang/ ri rab stong dang/ rgyal chen bzhi'i ris kyi lha rnams nas gzhan 'phrul dbang byed kyi bar stong dang/ tshangs pa'i 'jig rten stong 'di ni stong spyi phung gyi 'jig rten gyi khams zhes bya'o/ /de stong la ni
 stong gnyis pa/ bar ma'i 'jig rten khams yin no/ /stong chung ngu'i 'jig rten gyi khams de dag stong ni stong gnyis pa bar ma'i 'jig rten gyi khams yin no/ /de stong la ni stong gsum mo/ /stong gnyis pa'i 'jig rten gyi khams de dag stong ni stong gsum gyi stong
 chen po 'jig rten gyi khams yin te/ 'di thams cad ni/ mnyam du 'jig cing 'byung ba yin/ mnyam du 'jig cing mnyam du 'byung ste/ 'byung ba ni 'chags pa yin no zhes 'og nas bshad par bya'o/ /yang ji ltar snod rnams kyi tshad bye brag yod pa de bzhin du
 de na gnas pa'i sems can rnams kyi tshad kyang bye brag yod pa de bzhin du de na gnas pa'i sems can rnams kyi tshad kyang bye brag yod dam zhe na/ smras pa/ yod de/ de la re zhig/ 'dzam bu'i gling pa rnams kyi chad/ /khru bzhi pa dang phyed dang bzhi/ /'dzam bu'i gling pa'i mi
 rnams ni phal cher khru phyed dang bzhi pa'o/ /kha cig ni khru bzhi pa dag yin no/ /shar dang ba lang spyod dar ni/ /byang zhes bya ba nyis 'gyur bskyed/ /shar gyi lus 'phags pa rnams dang/ nub kyi ba lang spyod pa rnams dang/ byang gi sgra mi snyan pa rnams ni rim bzhin
 du khru brgyad pa dang/ bcu drug pa dang/ sum cu rtsa gnyis pa dag yin no/ /'dod dang ldan pa'i lha yi lus/ /bzhi cha nas ni rgyang grags dag /phyed dang gnyis kyi bar du bskyed/ /bzhi cha zhes bya ba ni rgyang grags kyi bzhi cha ste/ rgyal chen bzhi'i ris pa rnams kyi
 lus ni de tsam mo/ /sum cu rtsa gsum pa rnams kyi ni bzhi cha gnyis so/ /'thab bral ba rnams kyi ni bzhi cha gsum mo/ /dga' ldan pa rnams kyi ni rgyang grags gcig go /'phrul dga' ba rnams kyi ni rgyang grags gcig dang bzhi cha gcig /gzhan 'phrul dbang byed pa rnams
 gyi rgyang grags phyed dang gnyis so/ /gzugs can dang po dpag tshad phyed/ /gzugs can gyi lha rnams kyi gnas kyi dang po tshangs ris pa rnams kyi lus ni dpag tshad phyed tsam mo/ /de yi gong ma phyed phyed bskyed/ /gnas gsum dag na tshangs pa'i mdun na 'don rnams
 kyi dpag tshad gcig go /tshangs pa chen po'i ni phyed dang gnyis so/ /'od chung ba rnams ni dpag tshad gnyis so/ /'od chung rnams kyi lhag yan chad/ /lus ni nyis 'gyur nyis 'gyur te/ /sprin med dpag tshad gsum dor ro/ /tshad med 'od rnams kyi dpag tshad bzhi'o/ /'od
 gsal ba rnams kyi ni brgyad de/ de bzhin du dge rgyas pa rnams kyi ni drug cu rtsa bzhi yin pa'i bar du nyis 'gyur du bskyed do/ /sprin med pa rnams kyi ni nyis 'gyur du bsgyur nas de las dpag tshad gsum phri nas dpag tshad brgya nyi shu rtsa lnga'o/ /de yan chad
 bsod nams skyes pa la sogs pa nas 'og min pa rnams kyi lus khri drug stong yin pa'i bar du nyis 'gyur nyis 'gyur du 'gyur ro/ /ci de ltar bod? chod? tha dad pa rnams kyi che yang bye brag yod dam zhe na/ smras pa yod de/ sgra mi snyan
 na tshe stong ste/ lo rnams so/ /gnyis na phyed phyed spangs pa'o/ /gnyis la ni phyed phyed spangs nas ba lang spyod pa rnams kyi ni lo lnga brgya'o/ /shar gyi lus 'phags pa rnams kyi ni nyis brgya lnga bcu'o/ /'di ni ma nges/ 'dzam bu'i gling na
 ni tshe nges pa med de/ ras 'ga' ni ring por 'gyur ro/ /res 'ga' ni thung ngo/ /tha mar ni lo bcu/ lo zhes bya ba ni lo bskor yin te/ tha ma thung ngur gyur pa na tshe lo bcu par 'gyur ro/ /dang po dpag tu med/ bskal pa dang po pa'i mi rnams kyi
 tshe ni dpag tu med pa yin te/ stong la sogs pa'i grangs kyis yongs su tshad bzung bar mi nus so/ /mi rnams kyi bshad zin to/ /lha rnams brjod par bya ste/ de yang nyin zhag rnam par bzhag nas brjod par nus pas re zhig de dag gi de nyid rnam
 par bzhag par bya ste/ mi rnams kyi lo lnga bcu la/ /'dod pa dag gi lha rnams las/ /'og ma dag gi nyin zhag gcig /mi rnams kyi lo lnga bcu gang yin pa de dag ni 'dod pa na spyod pa'i lha rgyal chen bzhi'i ris pa rnams kyi nyin zhag gcig go /des
 na tshe lo lnga brgya'o/ /de pa'i nyin zhag des na de rnams kyi tshe'i tshang ni zhag sum cu lnga zla ba gcig go /zla ba bcu gnyis la lo gcig tu brtsis pa'i lha'i lo lnga brgya'o/ /gong ma gnyi ga nyis 'gyur ro/ /lnga po gong ma rnams ni nyin zhag dang tshe gnyis gnyis
 'gyur te/ ji lta zhe na/ mi rnams kyi tshe lo brgya gang yin pa de ni sum cu rtsa gsum gyi lha rnams kyi nyin zhag gcig yin la/ nyin zhag des na tshe lha'i lo stong thub po/ /de bzhin du mi rnams kyi lo nyis brgya dang/ bzhi brgya dang/ brgyad brgya dang/ stong
 drug brgya ni 'thab bral la sogs pa 'di ni zhag gcig yin la/ nyin zhag des na tshe'i tshad lha'i lo nyis stong dang/ bzhi stong dang/ brgyad stong dang/ khri drug stong thub bo/ /gnya' shing 'dzin yan chad na nyi ma dang zla ba med pa'i phyir lha rnams kyi nyin zhag rnam par bzhag pa
 dang/ snang ba'i bya ba ji lta bu zhe na/ ku mu da dang pad+ma bzhin du me tog na? las kha 'dzum pa dang/ kha 'bye ba dang/ bya rnams skad 'byin pa dang skad mi 'byin pa dang/ gnyid sangs pa dang/ bro ba las so/ /snang ba'i bya ba ni bdag nyid la 'od yod pa'i phyir ro/ /'dod pa dang ldan
 pa rnams kyi tshe'i tshad bshad zin to/ /gzugs can nyin mtshan med do/ /rang lus gzhal ba'i bskal ba yis/ /gzugs can gang dag gi lus dpag tshad phyed yin pa de dag gi tshe ni bskal pa phyed yin la/ gang dag gi dpag tshad gcig yin pa de dag
 gi ni bskal pa gcig yin pa nas/ de bzhin du 'og min pa rnams kyi tshe'i tshad bskal pa khri drug stong yod pa'i bar du lus dpag tshad ji snyed pa de'i tshe bskal pa de snyed do/ /gzugs med bskal pa stong phrag ni/ /nyi shu lhag pa lhag pa yin/ /nam mkha' mdza' yas skye
 mched na ni tshe'i tshad bskal pa nyi khri'o/ /rnam shes mdza' yas skye mched na ni de las nyi khri lhag go /ci yang med pa'i skye mched na ni de las nyi khri lhag go /srid pa'i rtse mo na ni de las nyi khri lhag pa'o/ /de ltar na de dag gi tshe'i tshad ni go rims bzhin du bskal pa nyi khri
 dang/ bzhi khri dang/ drug khri dang/ brgyad khri yin no/ /'dir bskal pa gang zhig yin par rig par bya/ ci bar gyi bskal pa 'am/ 'on te 'jig pa'i bskal pa 'am/ 'on te 'chags pa'i bskal pa 'am/ 'on te bskal pa chen po zhig yin zhe na/ 'od chung nas bzung
 bsal chen te/ /de yi 'og ma phyed yin no/ /lha'i ris 'od chung nas bzung ba'i tshe'i tshad ni bskal pa chen por rig par bya'o/ /de'i 'og ma tshangs chen la sogs pa'i tshe'i tshad ni bskal pa chen po phyed la bskal par byas nas rnam par bzhag go /ji lta bu zhe na/ gang
 yang 'jig rten par gyi bskal pa nyi shur 'chags pa dang/ gang yang chags nas par gyi bskal pa nyi shur 'dug pa dang/ gang yang bar gyi bskal pa nyi shur 'jig pa dang/ bar gyi bskal pa drug po de dag la tshangs pa chen po'i bskal pa phyed dang
 gnyis su bshad do/ /de ltar byas na bskal pa chen po'i phyed par gyi bskal pa bzhi bcu la bskal par byas nas de dag gi tshe'i tshad du byas nas bshad pa yin no/ /bde 'gro'i tshe'i tshad bshad zin to/ /nga ni ngan 'gro'i brjod par bya ste/ de la re zhig /yang so so? la sogs drug
 rim bzhin/ /'dod lha'i tshe dang nyin zhag mnyam/ /'dod pa na spyod pa'i lha'i ris drug po de dag gi tshe ji tsam par bshad pa de dang go rim bzhin du yang sos dang/ thig nag dang/ bsdus 'joms dang/ ngu 'bod dang/ ngu 'bod chen pa dang/ tsha ba dang/ dmyal ba
 drug gi nyin zhag dang mnyam par rig par bya ste/ des na de dag rnams kyi tshe/ /'dod pa'i lha dang 'dra ba yin/ /da ni rang gi nyin zhag de dag gis de dag gi tshe'i tshad gang yin pa de ni dmyal ba chen po yang sos 'dod pa na spyod pa'i lha drug po de dag gi tshe ji lta
 ba de bzhin du rig par bya'o/ /ji ltar zhe na/ rgyal chen bzhi'i ris pa rnams kyi tshe'i tshad gang yin pa de mi dmyal ba chen po yang sos kyi nyin zhag gcig yin la/ des na zla ba bcu gnyis pa'i los tshe de na yod pa'i lo lnga brgya zhes bya ba'i bar du yin no/ /sum cu
 rtsa gsum pa rnams kyi tshe'i tshad gang yin pa de ni sems can dmyal ba chen po thig nag gi nyin zhag gcig yin la/ nyin zhag des na de'i tshe lo stong ste/ de bzhin du gzhan 'phrul dbang byed pa rnams kyi tshe'i tshad dang mnyam pa'i nyin zhag gis dmyal ba
 chen po tsha? ba na tshe'i tshad lo khri drug stong yin par du gzhan dag la ci rigs par sbyar bar bya'o/ rab tu tsha phyed/ dmyal ba chen po rab tu tsha ba na ni tshe'i tshad bar gyi bskal pa phyed do/ /mnar med ni/ bar gyi bskal pa'o/ /dud 'gro rnams kyi ni nges pa med de
 dud 'gro rnams/ mchog ring bskal pa'o/ /dud 'gro'i tshe mchog ring? ba ni bar gyi bskal pa gcig ste/ klu dga' bo dang/ nye dga' bo dang/ rta mgo la sogs pa dag ste/ bcom ldan 'das kyis/ dge slong dag klu ba rgyang po 'di dag ni klu chen po ste/ bskal par gnas pa/ sa 'dzin pa'o
 des rgyas par gsungs so/ /yi dwags rnams/ zla ba nyin zhag gi lnga brgya'o/ /mi rnams kyi zla ba gcig gang yin pa de ni yi dwags rnams kyi nyid zhag yin la/ nyin zhag des na tshe lo lnga brgya'o/ /yang grang ba'i dmyal ba dag na tshe'i tshad ji tsam zhe na/ ji srid tu/ til sbyangs nas mi
 lo brgya zhing/ /til cig byung bas zad gyur pa/ /chu bur can gyi tshe yin te/ /gzhan gyi tshe ni nyi shus bsgyur/ /bcom ldan 'das kyis de dag gi tshe'i tshad kyi dpe tsam du dge slong dag dper na 'di na yul ma ga d+ha'i til gyi rdzang khal brgyad cu pa zhig til dag gis byur bur bkang
 ste/ de nas la la zhig gis lo brgya brgya 'das shing til re re bor na dge slong dag rim pa de na yul ma ga d+ha'i til gyi rdzang khal brgyad cu pa de ma lus par yongs su zad par gyur pa ni chas myur gyi/ chu bur can du skyes pa'i sems can rnams kyi tshe yongs su gtugs par ni nga
 mi smra'o/ /dge slong dag chu bur can nyi shu ji lta ba de bzhin du chu bur rdol pa gcig yin no zhes bya ba nas/ rgyas par dge slong dag pad+ma ltar gas pa nyi shu ji lta ba de bzhin du pad+ma ltar gas pa chen po gcig yin no/ /zhes gsungs so/ /de ltar na tshe dang ldan pa'i sems can de
 dag tshe yongs su ma rdzogs par bar ma dor 'chi pa yod dam 'on te/ med ce na/ thams cad la yod de/ sgra mi snyan ma gtogs par 'chi/ byang gi sgra mi snyan ni sems can rnams tshangs pa yin te/ gdon mi za bar tshe rangs par 'tsho'o/ /gzhan dag na ni ma nges so/ /gang zag
 rnams las par ma dor 'chi ba med pa yang mang ste/ byang chub sems dpa' skye ba gcig gis thogs pa dga' ldan na bzhugs pa dang/ sems can srid pa tha ma dang/ rgyal bas bstan pa dang/ rgyal ba'i thad du btang ba'i pho nya dang/ dad pa dang chos kyi rjes su 'brang ba dag dang
 byang chub sems dpa' dang/ 'khor los bsgyur ba'i yum de dag lhums na yod pa dang/ de lta bu la sogs pa'o/ /dpag tshad kyi tshad kyis gnas rnams dang/ lus rnams bshad/ lo'i tshad kyis tshe'i yang bshad na/ de gnyis kyi tshad ni ma bshad
 pas brjod par bya la/ de dag thams cad kyi rnam par bzhag pa yang ming yin pas de'i mdza' yang brjod par bya ste/ de rnams yang dag par bstan pa'i phyir dang po'i rim pa brtsam mo/ /gzugs ming dus mdza' i rdul yig dang/ skad cig /gzugs 'grib pa'i mdza' ni
 rdul phra rab yin no/ /dus kyi mdza' ni skad cig ma'o/ /ming gi mdza' ni yi ge ste/ dper na ba lang zhes bya ba lta bu'o/ /skad cig ma'i tshad ji tsam zhe na/ rkyen rnams tshogs na ji srid du chos kyi bdag nyid thob pa 'am/ chos 'gro ba na ji srid du rdul phra rab nas rdul phra rab
 gzhan du 'gro ba yin no/ /chos mngon pa pa rnams na re skyes bu stobs dang ldan pa'i se gol gtogs pa tsam gyis skad cig ma drug cu rtsa lnga 'da' o/ /zhes zer ro/ /de la phra rab rdul dang ni/ /rdul phran dang ni de bzhin du/ /lcags chu ri bong lug dang glang/ /nyi zer rdul dang sro ma
 dang/ /de las byung dang de bzhin du/ /sor tshigs zhes bya gong bdun 'gyur/ /rdul phra rab la sogs pa 'di dag ni gong nas gong du bdun 'gyur du rig par bya ste/ rdul phra rab bdun la ni rdul phran no/ /rdul phran bdun la ni lcags rdul lo/ /de dag bdun la ni chu rdul lo//
 de dag bdun la ni ri bong rdul lo/ /de dag bdun la ni lug rdul lo/ /de dag bdun la ni glang rdul lo/ /de dag bdun la ni nyi zer rdul lo/ /de dag bdun la sro ma'o/ /sro ma bdun la ni de las byung ba ste/ sro ma las byung ba ni shig ces bya ba'i tha tshig go /shig bdun
 pa ni nas so/ /nas bdun la ni sor mo'i tshigs so/ /sor mo'i tshigs gsum la ni sor mo zhes bya bar grags pa nyid bsam bshad do/ /ngos su byan ni/ sor ni nyi shu bzhi la khru/ /khru bzhi la gzhu gang ngo/ /'dom gang ngo zhes bya ba'i tha tshig go /de dag lnga brgya rnams la ni
 rgyang grags de la dgon par 'dod/ /gzhu lnga brgya la ni rgyang grags te/ /grong nas rgyang grags tsam gyi thag la ni dgon pa yin par 'dod do/ /de brgyad dpag tshad ces bya'o/ /rgyang grags de dag brgyad la dpag tshad ces bya'o/ /dpag tshad kyi tshad ni bshad zin to/ /da ni lo'i brjod par bya
 ste/ skad cig ma brgya nyi shu la de'i skad cig go /de dag kyang/ drug cu la ni thang cig go /de'i skad cig drug cu la ni thang cig ces bya'o/ /yud tsam nyin zhag zla gsum ni/ /gong nas gong du sum cu 'gyur/ /thang cig sum cu la yud tsam mo/ /yud tsam sum cu la nyin zhag
 cig go /res 'ga' ni mtshan mo ring ngo/ /res 'ga' ni thung ngo/ /res 'ga' ni mnyam mo/ /nyin zhag sum cu la ni zla ba gcig go /zhag mi thub dang bcas pa yi/ /zla ba bcu gnyis la lo gcig /dgun rnams kyi zla ba bzhi dang/ dpyid rnams kyi zla ba bzhi
 dang/ dbyar rnams kyi zla ba bzhi ste/ de ltar zla ba bcu gnyis po de dag zhag mi thub dang bcas pa la lo gcig go /lo la ni zhag gi shol drug dor te/ ji ltar zhe na/ dgun dang dpyid dang dbyar rnams kyi/ /zla ba phyed dang gnyis 'das nas/ zla ba phyed ni lus pa na/ /mkhas
 pas zhag mi thub par dor/ /lo'i tshad bshad zin to/ /da ni bskal pa'i brjod par bya ste/ bskal pa rnam pa mang bshad pa/ /bar gyi bskal pa dang/ 'jig pa'i bskal pa dang/ 'chags pa'i bskal pa dang/ bskal pa chen po'o/ /de la re zhig /'jig pa'i bskal pa
 dmyal ba yi/ /srid pa med nas snod zad pa/ /dmyal ba dag nas sems can mi srid pa nas bzung ste snod zad pa'i bar ro/ /ji lta bu zhe na/ 'jig pa ni gnyis te/ 'gro ba 'jig pa dang/ khams 'jig pa'o/ /yang gnyis te/ sems can 'jig pa dang/ snod 'jig
 pa'o/ /gang sems can rnams dmyal ba dag nas 'chi 'phro bar 'gyur zhing skye bar mi 'gyur ba de lta bu'i dus kyang yod de/ de ni 'jig pa'i bskal pa mgo rtsom pa yin te/ gang 'jig rten khams 'di chags nas bar gyis bskal pa nyi shur 'dug pa de las ni nges par 
 'byung ba zhes brjod par bya la/ gang bar gyis bskal pa nyi shur 'jig par 'gyur ba de la ni zhugs pa zhes brjod par bya ste/ gang gi tshe dmyal ba dag na sems can 'ga' yang ma lus par gyur na de tsam gyis 'di lta ste/ dmyal ba 'jig
 pas 'jig rten 'di zhig pa yin no/ /de'i tshe gang la nges par dmyal dmyong? bar 'gyur pa'i las yod pa de ni 'jig rten gyi khams gzhan dag tu 'phen par 'gyur te/ dud 'gro myong bar 'gyur ba dang/ yi dags myong bar 'gyur ba yang de bzhin du brjod par bya'o/ /rgya
 mtsho chen po na 'khod? pa'i dud 'gro rnams ni sngar 'jig go/ mi dang lhan cig brgyu ba rnams ni de dag mi dang lhan cig tu'o/ /gang mi rnams dag gi nang na sems can gang yang rung ba bdag nyid kyis slob dpon med pa chos nyid kyis thob pa'i bsam gtan dang po
 la snyoms par 'jug pa de lta bu'i dus kyang yod de/ de de las langs nas tshig tu kye ma dben pa las skyes pa'i dga' ba dang bde ba ni bde ba yin no/ /dben pa las skyes pa'i dga' ba dang bde ba ni zhi ba yin no/ /zhes kyang smra la/ bsgra de thos nas sems can gzhan dag
 kyang snyoms par 'jug cing/ shi nas tshangs pa'i 'jig rten du skye bar 'gyur te/ gang gi tshe 'dzam bu'i gling na sems can 'ga' yang ma lus par gyur na de tsam gyis 'di lta ste/ 'dzam bu'i gling 'jig pas 'jig rten 'di zhig pa yin no/ /shar gyi lus 'phags dang/
 nub kyi ba lang spyod dang/ byang gi sgra mi snyan 'jig pa dag kyang de bzhin du brjod par bya ste/ gang gi tshe mi dag gi nang na sems can 'ga' yang ma lus par gyur pa de tsam gyis na 'di lta ste mi 'jig pas 'jig rten 'di zhig pa yin no/ /byang gi sgra mi snyan pa rnams
 ni 'dod pa na spyod pa'i lha dag gi nang du skye bar 'gyur te/ de na 'dod chags dang bral ba med pa'i phyir ro/ /de bzhin du rgyal chen bzhi'i ris kyi lha dag na yang bsam gtan dang po bskyed pa nas tshangs pa'i 'jig rten du skye bar 'gyur te/ gang gi tshe de na sems
 can 'ga' yang ma lus par gyur na de tsam gyis 'di lta ste/ rgyal chen bzhi'i ris 'jig pas 'jig rten 'di zhig pa yin no/ /gzhan 'phrul dbang byed 'jig pa'i bar du yang de bzhin du brjod par bya ste/ gang gi tshe 'dod pa na spyod pa'i lha dag gi nang na sems can 'ga' yang ma
 lus par gyur pa de tsam gyis na 'di lta ste 'dod pa'i khams 'jig pas 'jig rten zhig pa yin no/ /tshangs pa'i 'jig rten na yang sems can gang yang rung ba zhig chos nyid kyis thob pa'i bsam gtan gnyis pa la snyoms par zhugs te/ langs nas tshig tu kye ma ting nge
 'dzin las skyes pa'i dga' ba dang bde ba ni bde ba yin no/ /kye ma ting nge 'dzin las skyes pa'i dga' ba dang bde ba ni zhi ba yin no zhes smra la/ sems can gzhan dag gis kyang sgra de thos nas snyoms par 'jug cing shi nas kyang 'od gsal gyi lha dag gi nang du skye bar 'gyur
 te/ gang gi tshe chongs pa'i 'jig rten na sems can 'ga' yang ma lus par gyur na de tsam gyis 'di lta ste/ sems can 'jig pas 'jig rten 'di zhig pa yin no/ /de'i 'og tu sems can rnams kyi de 'phen pa'i las yongs su zad pa dang/ snod stongs pas 'di nyid nas
 kun nas nyi ma bdun byung nas rim gyis sa dang ri rab kyi bar du ma lus par sreg par byed do/ /rab tu 'bar ba de nyid las me lce rlung gis khyer nas tshangs pa'i gzhal med khang gi par du sreg par 'gyur ro/ /me lce de yang de'i sa pa kho nar rig par bya ste/ ris mi mthun pa'i
 skyon dag 'gro ba ni med do/ /de dang 'brel pa las byung ba nyid kyi phyir de nyid las zhes bshad de/ 'dod pa na spyod pa'i me ni gzugs na spyod pa dang 'brel par byed do/ /de gzhan du 'jig pa gzhan dag la yang ci rigs par brjod par bya'o/ /de ltar na dmyal ba dag na
 sems can rnams 'chi 'pho ba dang mi skye ba nas bzung ste/ snod rnams zab pa'i bar gyi dus de ni 'jig pa'i bskal pa zhes bya'o/ /'chags pa dang po'i rlung nas ni/ /dmyal ba srid pa'i bar du'o/ /dang po'i rlung nas gzung ste dmyal ba dag nas sems can
 srid pa'i bar te/ de ltar 'jig rten zhig pa ni nam mkha' tsam lus par yun ring du gnas so/ /yang rim gyis sems can rnams kyi las kyi dbang gis nam mkha' la snod rnams kyi snga ltas su gyur pa rlung 'jam po 'jam po dag ldang ste/ de'i tshe 'jig rten 'di zhig nas
 bar gyi bskal pa nyi shur 'dug pa gang yin pa de las ni nges par byung ba zhes brjod par bya la/ bar gyi bskal pa nyi shur 'chags par 'gyur ba gang yin pa de ni nye bar 'ongs par brjod par bya'o/ /de nas rlung de dag skye ba na ji skad bshad pa'i rlung gi dkyil 'khor du
 'gyur ro/ /de'i 'og tu rim gyis chu'i dkyil 'khor dang/ gser gyi rang bzhin gyi sa gzhi chen po dang/ gling rnams dang/ ri rab la sogs pa ji skad bshad pa'i rim pa dang tshul du thams cad 'byung ngo/ /dang por ni tshangs pa'i gzhal med khang 'byung ngo/ /de'i 'og tu
 ni 'thab bral ba'i bar du 'byung ngo/ /de'i 'og tu ni rlung gi dkyil 'khor la sogs pa ste/ de tsam gyis na 'di lta ste snod chags pas 'jig rten 'di chags pa yin no/ /de nas sems can gang yang rung ba zhig 'od gsal dag nas shi 'phos nas tshangs pa'i
 gzhal med khang stong par skye bar 'gyur la/ sems can gzhan dag kyang de nas shi 'phos nas tshangs pa'i bdun na 'don dag tu skye bar 'gyur ro/ /de'i 'og tu tshangs ris dag dang/ gzhan 'phrul dbang byed dag dang/ 'phrul dga' dag nas rim gyis 
 byang gi sgra mi snyan pa dang/ ba lang spyod dang/ shar gyi lus 'phags po dang/ 'dzam bu'i gling dang/ yi dwags rnams dang/ dud 'gro rnams dang/ dmyal ba dag gi nang du skye bar 'gyur te/ gang mjug tu 'jig pa de dang por 'chags pa 'di ni chos
 nyid yin no/ /gang gi dmyal ba dag na sems can 'ga' zhig skyes par gyur pa'i tshe 'jig rten 'di bar gyi bskal pa nyi shur 'chags pa gang yin pa de las ni nges par byung ba yin la/ chags nas par gyi bskal pa nyi shur 'dug par
 'gyur ba gang ba gang yin pa de ni nye bar 'ongs pa yin no/ /bar gyi bskal pa dpag med nas/ /tshe lo bcu pa'i bar du'o/ /'jig rten 'chags pa na mi rnams kyi tshe dpag tu med pa la bar gyi bskal pa bcu dgur 'da' bar 'gyur ro/ /tshe dpag tu med pa nas 'grib
 pa na tshe lo bcu pa'i bar du 'gyur te/ 'di ni chags nas gnas pa rnams kyi bar gyi bskal pa dang po yin no/ /de nas yang skye mar 'bri ba'i/ /bskal pa gzhan ni bco brgyad dang/ /de nas yang skye ba dang mar 'bri ba gzhan bco brgyad de/ bar gyi bskal pa
 bco brgyad du 'gyur ro/ /ji lta zhe na/ tshe lo bcu pa de dag las yar skye bar 'gyur ba na rim gyis tshe lo brgyad khri bar 'gyur la/ yang mar 'bri bar 'gyur ba na tshe lo bcu par 'gyur ba 'di ni bar gyi bskal pa gnyis pa yin te/ de lta bu bco brgyad
 kyi bar dang/ yar skye ba ni gcig yin te/ bar gyi bskal pa nyi shu pa gcig ni yar skye ba kho na yin gyi mar 'bri ba ni ma yin no/ /mi rnams kyi tshe lo bcu pa dag las tshe lo brgyad khri bar 'gyur ro/ /yang yar skye ba de dag ji tsam du yang skye bar
 'gyur zhe na/ de dag tshe ni brgyad khri'i bar te/ de las yar ni mi skye'o/ /bar gyi bskal pa gzhan rnams kyi yar skye ba dang mar 'grib pa'i dus ji srid par bar gyi bskal pa dang po'i mar 'grib pa dang tha ma'i yar skye ba'i dus kyang de srid pas thams
 cad dus mnyam pa yin no/ /de ltar 'jig rten chags pa 'di/ /bar gyi bskal pa nyi shur gnas/ /de ltar na bar gyi bskal pa'i tshul 'dis 'jig rten 'di bar gyi bskal pa nyi shur chags nas gnas so/ /dus ji srid du chags nas gnas pa'i
 dus de srid kho nar/ 'chags pa dang ni 'jig pa dang/ /zhig nas 'jug pa dag mnyam mo/ /bar gyi bskal pa nyi shu kho nar 'chags so/ /nyi shur 'jig go /nyi shur zhig nas 'dug go /gal te yang de'i tshe yar skye ba dang mar 'grib pa mi mjug tu
 zin kyang dus ni mnyam par yongs su brtsi'o/ /de la bar gyi bskal pa gcig na snod 'chags so/ /bar gyi bskal pa bcu dgur gnas par byed do/ /bar gyi bskal pa gcig tu snod rnams 'jig par 'gyur ro/ /bcu dgur stongs par 'gyur ro/
 bar gyi bskal pa nyi shur phrag bzhi po de dag ni brgyad cur 'gyur te/ de dag brgyad cu la bskal chen/ bskal pa chen po'i tshad ni de yin no/ /bskal pa'i rang bzhin ci zhe na/ phung po lnga'i rang bzhin no/ /bskal pa grangs med pa gsum gyi sangs rgyas nyid thob
 par 'gyur ro zhes gang gsungs pa de bskal pa de dag gang zhe na/ bskal pa chen por bshad pa gang yin pa/ de grangs med gsum la sangs rgyas 'byung ngo/ /bskal pa grangs med pa gsum gyis so/ /grangs med pa la grangs kyi mdza' med na ji ltar
 gsum nyid du brjod ce na/ de ni de ltar rig par mi bya'o/ /'o na ci zhe na/ mdo sil bu las/ grangs ni gnas gzhan drug cu dag go ces 'byung ngo/ /drug cu gang zhe na/ gcig ste gnyis pa ma yin pa ni gnas gzhan dang po yin no/ /gcig bcu ni
 gnyis pa yin no bcu phrag bcu la brgya ste gsum pa yin no/ /brgya phrag bcu la ni stong ngo/ /stong phrag bcu la ni khri'o/ /khri phrag bcu la ni 'bum mo/ /'bum phrag bcu la ni sa ya'o/ /sa ya phrag bcu la ni bye ba'o/ /bye ba phrag bcu la ni dung phyur ro/ /dung
 phyur phrag bcu la ni ther 'bum mo/ /ther 'bum phrag bcu la ni ther 'bum chen po'i/ /ther 'bum chen po phrag bcu la ni khrag khrig go /khrag khrig phrag bcu la ni khrag khrig chen po'o/ /khrag khrig chen po phrag bcu la ni rab bkram mo/ /rab bkram phrag bcu la
 ni rab bkram chen po'o/ /rab bkram chen po phrag bcu la ni gtams so/ /gtams phrag bcu la ni gtams chen no/ /gtams chen phrag bcu la ni dkrigs so/ /dkrigs phrag bcu la ni dkrigs chen no'o/ /dkrigs chen phrag bcu la ni mi 'khrugs
 pa'o/ /mi 'khrugs pa phrag bcu la ni mi 'khrugs pa chen po'o/ /mi 'khrugs pa chen po phrag cu la ni khyad phyin no/ /khyad phyin phrag bcu la ni khyad phyin chen po'o/ /khyad phyin chen po phrag bcu la ni pang steng ngo/ /pang steng phrag bcu la ni pang steng chen po'o/ /pang steng chen po
 phrag bcu la ni ded 'dren no/ /ded 'dren phrag bcu la ni ded 'dren chen po'o/ /ded 'dren chen po phrag bcu la ni mdza' snang ngo/ /mdza' snang phrag bcu la ni mdza' snang chen po'o/ /mdza' snang chen po phrag bcu la ni rgyu rig go /rgyu rigs phrag bcu la ni rgyu rig chen po'o/
 rgyu rig chen po phrag bcu la ni 'od mdzes so/ /'od mdzes phrag bcu la ni 'od mdzes chen po'o/ /'od mdzes chen po phrag bcu la ni dbang po'o/ /dbang po phrag bcu la ni dbang chen no/ /dbang chen phrag bcu la ni legs phyin no/ /legs phyin phrag bcu la ni
 legs phyin chen po'o/ /legs phyin chen po phrag bcu la ni rtogs 'gro'o/ /rtogs 'gro phrag bcu la ni rtogs 'gro chen po'o/ /rtogs 'gro chen po phrag bcu la ni 'bying rdul lo/ /'bying rdul phrag bcu la ni 'bying rdul chen po'o/ /'bying rdul chen po phrag bcu la
 ni rgya rtags so/ /rgya rtags phrag bcu la ni rgya rtags chen po'o/ /rgya rtags chen po phrag bcu la ni stobs 'khor ro/ /stobs 'khor phrag bcu la ni stobs 'khor chen po'o/ /stobs 'khor chen po phrag bcu la ni brda shes so/ /brda shes phrag bcu la ni brda shes
 chen po'o/ /brda shes chen po phrag bcu la ni rnam 'byung ngo/ /rnam 'byung phrag bcu la ni rnam 'byung chen po'o/ /rnam 'byung chen po phrag bcu la ni stobs mig go /stobs mig phrag bcu la ni stobs mig chen po'o/ /stobs mig chen po phrag bcu la ni grangs
 med pa ste/ bar nas brgyad ni ma rnyed do/ /de ltar na gnas gzhan drug cur phyin pa de dag tu phyin pa'i bskal pa ni bskal ba grangs med pa zhes bya'o/ /de nas yang bzlog nas bgrang ste/ de ltar na grangs med pa gsum zhes bya ba'i rnam pa thams cad du
 yongs su bgrang bar mi nus pas ni ma yin no/ /'o na yang ci byang chub sems dpa' smon lam btab pa rnams dus ring po? kho? nas mngon par rdzogs par 'tshang rgya bar 'gyur ram/ zhe na/ ci de ltar 'gyur ram/ byang chub sems dpa' ni bskal pa
 grangs med pa gsum du dka' ba brgya stong gis bsod nams dang ye shes kyi tshogs chen po pha rol tu phyin pa drug gis mngon par rdzogs par 'tshang rgya bar 'gyur ro/ /gal te thar pa'i go skabs gzhan de lta ma yin pa yang yang na go de dag ci'i phyir
 'bad pa 'di snyed cig rtsom par byed ce na/ de dag ni ji ltar na gzhan dag kyang sdug bsngal gyi chu bo chen po las longs su bskyab par nus par 'gyur snyam du gzhan gyi don du 'bad pa rtsom par byed do/ /'di dag gi gzhan gyi don gyis bdag gi don du
 'gyur ba gang zhe na/ de dag gi gzhan gyi don yang yin pa de nyid bdag gi don to/ /de 'dod pa'i phyir ro/ /da ni su zhig 'di la dad par 'gyur zhe na/ bdag gso bar byed pa'i snying rje med pa rnams kyis 'di la dad par dka' ba ni bden no/ /snying rje rnams kyis
 dad par byas zin pa yin te/ dper na 'di na snying rje med pa la goms pa kha cig rang gi don med bzhin du yang gzhan nyon mongs pa la mngon par dga' ba dmigs pa de gzhan du snying rje la goms pa dag rang gi don med bzhin du yang gzhan la
 phan par bya ba la mngon par dga' ba yod do snyam du yid ches par bya'o/ /yang dper na 'dus byas kyi mtshan nyid mngon par mi shes pa dag goms pa'i dbang gis 'dus byas bdag med par gyur pa dag la bdag tu chags pa bskyed nas rgyu des
 sdug bsngal dag nyams su myong bar 'gyur ba de bzhin du goms pa'i dbang gis de dag las bdag tu chags pa bzlog nas gzhan dag la lta ba bskyed de/ rgyu des sdug bsngal dag myong bar 'gyur ro snyam du yid ches par bya'o/ /gang gzhan dag gi sdug
 bsngal gyis sdug bsngal bar 'gyur zhing/ gzhan dag gi bde bas bde bar 'gyur gyi/ bdag nyid kyi ni ma yin pa de lta bu'i rigs gzhan kho na yang 'grub ste/ de dag ni rang gi don du mi blta'o/ /'dir smras pa/ dman pa de dang de'i thabs kyis rang gi rgyud du gtogs
 pa'i bde ba don du gnyer/ 'bring po sdug bsngal ldog pa kho na'o/ /bde min gang phyir de ni sdug bsngal gnas yin phyir/ /dam pa rang gi rgyud la yod pa'i sdug bsngal rnams kyis gzhan dag la ni bde ba dang/ sdug bsngal dag gtan ldog kho na don gnyer gang phyir
 de yi sdug bsngal gyis de sdug bsngal phyir/ yang ci sangs rgyas bcom ldan 'das rnams yar skye ba'i tshe 'byung ngam/ 'on te mar 'grib pa'i tshe 'byung zhe na/ mar ni 'grib pa yi/ brgya yi bar la de dag 'byung/ skye dgu rnams kyi tshe lo brgyad khri mar 'grib
 pa nas brtsams pa nas mi rnams kyi tshe lo brgya pa yin pa'i bar 'dir sangs rgyas rnams 'byung bar 'gyur ro/ /ci'i phyir yang skye ba'i dus su ni ma yin zhe na/ de'i tshe sems can rnams skyo bar dka' ba'i phyir ro/ /ci'i phyir brgya las mar 'grib pa'i tshe
 ma yin zhe na/ de'i tshe snyigs ma lnga po 'di lta ste/ tshe'i snyigs ma dang/ dus kyi snyigs ma dang/ nyon mongs pa'i snyigs ma dang/ lta ba'i snyigs ma dang/ sems can gyi snyigs ma shin tu lhag pa yin te/ mar 'grib pa'i 'og tu ni tshe la sogs
 pa za? chad yin no/ /don? snyigs su 'gyur ba'i phyir snyigs ma dag ces bya'o/ /gnyis kyis ni go rims bzhin du srog dang yo byad rgud par byed do/ /gnyis kyis ni 'dod pa'i bsod nyams dang/ bdag ngal ba la rtsom pa 'am/ yang na khyim pa dang rab tu byung
 pa'i phyogs kyi dbang du byas nas dge ba'i phyogs rgud par byed do/ /gcig gis ni lus rgud par byed de/ bong tshod dang/ gzugs dang/ nad med dang/ stobs dang/ blo dang/ dran pa dang/ brtson 'grus dang/ brtan pa nyams pa'i phyir ro/ /yang rang sangs rgyas rnams dus gang du 'byung 
 zhe na/ rang sangs rgyas rnams gnyi ga pa/ yar skye ba la yang 'byung/ mang 'grib pa la yang 'byung ngo/ /rang sangs rgyas rnams ni rnam pa gnyis te/ tshogs shing spyod pa rnams dang/ bse ru lta bu rnams so/ /de la tshogs shing spyod pa rnams ni nyan thos kyi rigs
 su gyur pa sngon du 'gro ba'i rang rgyal ba rnams zhes bya'o/ /gzhan dag na re so so'i skye bo sngon du 'gro ba dag kyang yod de/ gang dag gzhan du nges par 'byed pa'i cha dang mthun pa rnams bskyed pa tshe 'di la bdag nyid kyis lam mngon par rdzogs par 'tshang rgya'o zhes zer
 zhing/ 'di skad du re zhig ri la dka' thub can lnga brgya zhig dka' thub drag po dag gis gdung bar byas pa na rang sangs rgyas dang lhan cig nas gnas pa'i spre'u zhig dang phrad nas de'i spyod lam bstan pas rang sangs rgyas kyi byang chub mngon par rdzogs par sangs rgyas pa'i bar
 du grag go zhes sngon gyi gtam 'don par byed do lo/ /'phags pa dag cig yin na ni dka' thub drag po dag gis gdung bar mi 'gyur ro zhe'o/ /bse ru lta bu rnams ni re re gnas pa dag yin no/ /rang sangs rgyas de dag las/ bse ru bskal pa brgya yi rgyus/ bskal pa chen po brgyad
 byang chub kyi tshogs dag la spyad pas bse ru lta bur 'gyur ro/ /lung med par bdag cig pu'i phyir sangs rgyas pas rang sangs rgyas dag ste/ de ni bdag nyid 'dul bar byed kyi gzhan dag ni ma yin no/ /'di la rgyu ci zhig yod/ re zhig so so yang dag par rig pa thob pa'i phyir chos
 ston par mi spyod pa yang ma yin la/ de dag gis sngon gyi sangs rgyas rnams kyi bstan pa rjes su dran nas yang chos ston par spyod do/ /thugs rje med pa yang ma yin te/ sems can thams cad la phan gdags pa'i don du rdzu 'phrul ston pa'i phyir ro/ /sems can
 rnams skal pa dang mi ldan pa'i phyir yang ma yin te/ 'di ltar 'jig rten pa'i lam gyis 'dod chags dang bral ba dag kyang yod do/ /'o na ji lta zhe na/ sngon goms pa'i dbang gis bsod nyams la mos pa'i phyir sems can rnams chos zab mo 'dzin du 'jug pa'i
 don du byed par mi spro ste/ skye dgu rgyun phyogs 'gro ba rnams ni rgyun phyogs las bzlog par bkri? bar dka' o/ /rnam par g.yong ba dang 'du 'jis skrag pas 'khor yongs su gsung bar 'gyur ba spang ba'i yang phyir ro/ /'khor los sgyur ba rnams nam 'byung zhe na/ 'khor los
 sgyur ba 'byung ba ni/ stong phrag brgyad cu las ni 'phyi/ /mi rnams kyi tshe dpag tu med pa nas brgyad khri'i bar du 'khor los sgyur ba rnams 'byung ngo/ /'og tu ni ma yin te/ de bas thung ba'i tshe ni phun sum tshogs pa de'i snod ma yin pa'i phyir ro/ /de dag ni rgyal srid 'khor los
 sgyur ba'i ngang tshul can yin pas 'khor los sgyur ba rnams so/ /de dag kyang rnam pa bzhi ste/ gser dngul zangs lcags 'khor lo can gang dag la gser dang/ dngul dang/ zangs dang/ lcags kyi 'khor lo dag yod pa ste/ de dag gi dang po ni mchog yin no/ /gnyis pa
 ni nye ba'i mchog yin no/ /gsum pa ni 'bring ngo/ /bzhi pa ni tha ma'o/ /de dag gling gcig gling gnyis dang/ gsum dang bzhi la mas rim bzhin/ /gang la lcags kyi 'khor lo yod pa de ni gling gcig gi bdag po yin no/ /gang la zangs kyi yod pa de ni gnyis kyi'o/ /gang la
 dngul gyi yod pa de ni gsum gyi'o/ /gang la gser gyi yod pa de ni gling bzhi la dbang ba yin te/ 'di ni btags pa las bstan pa yin no/ /mdo la ni gtso bo smos pa'i phyir rgyal po rgyal rigs spyi bo nas dbang bskur ba gang zhig tshes bco lnga la gso sbyong gi dus de kho nar
 mgo bkrus gso sbyod bsten nas khang bzangs kyi thog tu blon po'i tshogs kyis yongs su bskor ba la shar phyogs nas 'khor lo rin po che rtsi bas stong pa/ lte ba dang bcas pa/ mu khyud dang bcas pa/ rnam pa thams cad du yongs su rdzogs pa/ mdzes pa/ mkhan bzos ma byas pa/
 lha rdzas thams cad gser gyi rang bzhin 'byung bar 'gyur ba de ni 'khor los sgyur ba'i rgyal po yin no zhes gser gyi 'khor lo gcig kho na gsungs so/ /'khor los sgyur ba'i rgyal po de dag ni 'di ltar 'byung ste/ lhan cig gnyis min sangs rgyas bzhin/ /mdo las gang da
 bzhin gshegs pa dgra bcom pa yang dag par rdzogs pa'i sangs rgyas gnyis snga phyi med par 'jig rten du 'byung ba ni gnas ma yin zhing go skabs med de/ 'di ni gnas med kyi/ gcig gang yin pa de ni gnas yod do/ /de bzhin gshegs pa dag
 ji lta bar 'khor los sgyur pa dag kyang de bzhin no zhes gsungs so/ /'dir 'di dbyad par bya ste/ ci 'dir stong gsum gyi 'jig rten gyi khams la 'jig rten du 'dod dam/ 'on te 'jig rten gyi khams thams cad yin zhe na/ kha cig na re gzhan du sangs rgyas dag mi 'byung
 ngo/ /ci'i phyir zhe na/ bcom ldan 'das kyi mthu thogs pa yod par 'gyur du 'ong ngo/ /bcom ldan 'das gcig kho nas thams cad du spyod do/ /gang du bcom ldan 'das gcig gis gdul bya rnams gdul bar mi spyod pa de ni gzhan gyis kyang mi spyod do/ /mdo las kyang/
 shA ri'i bu gal te la la zhig khyod kyi thad du 'ongs nas 'di skad du/ da ltar dge slong ngam/ bram ze gang yang rung/ dge sbyong go'u ta ma dang 'di lta ste/ mngon par rdzogs par 'tshang rgya bar bya ba la mnyam zhing mnyam pa 'ga' zhig yod dam zhes 'dri bar 'gyur na/ de skad
 du dris na ji skad du lan gdab/ btsun pa gal te la la zhig bdag gi thad du mchis nas de skad du 'dri bar 'gyur na/ de la bdag gis 'di skad ces da ltar dge slong ngam/ bram ze yang rung/ bcom ldan 'das dang mnyam zhing mnyam pa ni 'ga' yang med do zhes dris pa'i
 lan gdab par bgyi'o/ /btsun pa ci'i slad du zhe na/ gang de bzhin gshegs pa dgra bcom pa yang dag par rdzogs pa'i sangs rgyas gnyis snga phyi med par 'jig rten du 'byung ba ni gnas ma yin zhing go skabs med de/ 'di ni gnas med do zhes bcom ldan 'das las thos
 shing mngon sum du bzung ba'i slad du'o zhes gsungs so zhes zer ro/ /'o na gang bcom ldan 'das kyis tshangs pa'i mdo las/ da ni stong gsum gyi stong chen po'i 'jig rten gyi khams kyi bar 'di la dbang sgyur ro zhes gang gsungs pa ji ltar drang zhe na/ bstan pa 'di dgongs
 pa can yin no/ /'di la dgongs pa gang yin zhe na/ mngon par 'du mdzad pa mi mnga' bar de srid du rnam par gzigs pa'i phyir ro/ /mngon par 'du mdzad na ni sangs rgyas rnams kyi spyan gyi yul mdza' yas pa yin no/ /sde pa gzhan dag na re 'jig rten gyi khams gzhan dag na
 yang sangs rgyas rnams bzhugs so/ /ci'i phyir zhe na/ mang po zhig mnyam du tshogs dag la zhugs pa snang la/ gcig tu sangs rgyas mang po zhig cig car 'byung bar yang mi rung la/ 'byung ba la gegs byed pa 'ga' yang med pas gdon mi za bar 'jig rten gzhan
 dag tu 'byung ngo/ /'jig rten gyi khams dag kyang mdza' yas pas bcom ldan 'das kyi sku tshe bskal par bzhugs kyang/ 'dir ji lta bar mdza' yas pa gzhan dag tu mdzad par mi spyod na mi'i tshes lta smos kyang ci dgos 'dir bcom ldan 'das ji ltar mdzad ce na/
 gang zag 'di'i dbang po 'di ni dus 'di srid kyi yul che ge mo zhig tu gang zag 'di la brten nas nyes pa 'di yongs su spangs shing yan lag 'di nye bar bsgrubs pa'i phyir sbyor ba 'dis nam skyes pa ni skye bar 'gyur ro/ /ma rdzogs pa ni yongs su rdzogs par 'gyur ro/ /zhes bya
 bar mkhyen pa lta bu yin no/ /'di la khungs su gang de bzhin gshegs pa dgra bcom pa yang dag par rdzogs pa'i sangs rgyas gnyis snga phyi med par 'jig rten du 'byung bar 'gyur ba ni gnas ma yin zhing go skabs med do zhes bya ba'i mdo 'di phyung ba gang yin pa de nyid
 kyang 'jig rten gyi khams gcig gi dbang du mdzad nas gsungs pa zhig gam/ 'on te thams cad kyi dbang du mdzad nas gsungs pa zhig ces dpyad par bya'o/ /'khor los sgyur ba rnams kyang 'jig rten gyi khams gzhan du 'byung bar mi 'gyur te/ lhan cig 'byung ba
 bkag pa'i phyir sangs rgyas bzhin no/ /'on te de bzod na ni sangs rgyas rnams 'jig rten du 'byung ba ni bsod nams kyi gzhi yin pas 'di yang ci'i phyir mi bzod de/ gal te mang mo zhig tu phal po che zhig byung bar gyur na yang skyon du mi 'gyur gyi 'jig rten phal
 cher mngon par mtho ba dang nges par legs pa dang ldan par 'gyur ro/ /'on te gcig tu yang de bzhin gshegs pa gnyis ci'i phyir 'byung bar mi 'gyur zhe na/ dgos pa med pa'i phyir dang/ smon lam gyi dbang gis te/ byang chub sems dpa' 
 rnams ni 'di skad du kye ma bdag ni 'dren pa med pa ldongs pa'i 'jig rten du mgon med pa rnams kyi mgon du sangs rgyas su 'byung bar gyur cig ces smon lam 'debs par byed do/ /gus pa dang rings par bya ba'i yang sangs rgyas gcig la ni shin tu yang
 gus par 'gyur la/ 'di lta bu gzhan ni rnyed par dka' o snyam du sems pa ni 'di gshegs sam yongs su mya ngan las 'das na mgon med par 'gyur du 'ong ngo zhes bstan pa sgrub pa la shin tu rings par yang byed do/ /yang 'khor los sgyur ba'i rgyal po de dag
 gser la sogs pa'i 'khor lo dag gis sa las rgyal bar byed pa na ji ltar rgyal bar byed ce na/ go rims bzhin du/ phas bsu rang 'gro g.yul bshams dang/ mtshon brtsams pas rgyal/ gang la gser gyi 'khor lo yod pa de la ni khams kyi rgyal
 phran rnams 'byor pa dang/ rgyas pa dang/ gang lo legs pa dang/ skye bo dang/ mi phal po ches bstam pa'i ljongs 'di dag ni lha'i lags kyi lhas de dag rjes su bstan du gsol/ /bdag cag ni lha'i zham 'bring 'tshal lo zhes pas bsu bar byed do/ /gang la dngul gyi
 'khor lo yod pa de la ni bdag nyid de dag gi thad du 'gro ste/ phyis 'dud par 'gyur ro/ /gang la zengs kyi 'khor lo yod pa da ni de dag gi thad du song nas g.yul gshom par byed de/ phyis 'dud par 'gyur ro/ /gang la lcags kyi 'khor lo yod pa de ni de dag
 gi thad du song nas phan tshun mtshon brtsams pa las phyis 'dud par byed do/ /'khor los sgyur ba thams cad kyang/ gnod pa med/ mtshon chas rgyal yang gsod du mi 'jug go /rgyal nas yang sems can rnams dge ba bcu'i las kyi lam dag la 'jog
 bar byed do/ /de nyid kyi phyir de dag ni nges par lha rnams kyi nang du skye bar 'gyur ro/ /mdo las/ 'khor los sgyur ba'i rgyal po dag 'jig rten du byung bas 'jig rten du rin po che sna bdun po 'di lta ste/ 'khor lo rin po che dang/ glang po rin po dang/ rta rin po che dang/
 nor bu rin po che dang/ bud med rin po che dang/ khyim bdag rin po che dang/ blon po rin po che 'byung bar 'gyur ro/ /zhes gsungs pa ji ltar na sems can zhes bya ba glang po che la sogs pa gzhan gyi las kyis 'byung zhe na/ gzhan gyi las kho nas 'byung ba
 ni ma yin gyi/ sems can gang dag gis de dang 'brel par 'gyur ba'i las bsags pa de ni de 'byung na rang gi las dag kho nas de skyed par byed do/ /ci 'khor los sgyur ba rnams rgyal po gzhan dag las khyad par de kho na yod dam zhe na/ khyad par gzhan
 yang yod de/ de dag las skyes bu chen po'i mtshan sum cu rtsa gnyis kyang yod de/ dper na sangs rgyas rnams kyi bzhin no/ /de la ni/ thub mtshan yul na gnas pa dang/ /gsal la rdzogs pas 'phags pa yin/ /sangs rgyas rnams kyi mtshan ni shin tu
 yul la gnas pa dang/ shin tu gsal ba dang/ shin tu kun rdzogs pa dag yin pas de dag khyad par ni de yin no/ /yang ci bskal pa dang po pa'i mi rnams kyang rgyal po dang bcas par gyur tam zhe na/ smras pa ma yin no/ /'o na ji lta bu zhe na/ sngar byung sems
 can gzugs can bzhin/ /bskal ba dang po pa'i mi rnams ni gzugs na spyod pa bzhin du gyur te/ /mdo las/ de dag ni gzugs dang ldan pa/ yid la byung ba yan lag dang nying? lag thams cad dang ldan pa/ dbang po ma tshang ba med pa/ ngan pa ma yin
 pa/ mdzes pa/ kha dog la gnas pa/ rang gi 'od can nam mkha' la 'gro zhing/ dga' ba za zhing zas dga' ba za ba/ tshe ring ba/ yun ring po gnas pa yin zhes gsungs so/ /de nas rim gyis rol chags/ /le los gsog 'jog byas nas ni/ /'dzin bcas
 rnams kyis zhing dpon bstabs/ /de bzhin du byung ba de dag las sa'i ro sbrang rtsi'i ro bro ba zhig byung ba dang/ sems can brkam pa'i rang bzhin can gang yang rung ba zhig gis de'i dri man bas nas ro myangs shing zos so/ /de nas
 sems can gzhan dag kyang de bzhin du byed par 'gyur te/ kham gyi zas za ba'i rtsom pa ni de yin no/ /de dag zas de goms pa'i phyir lus la rtsub pa nyid dang/ lci ba nyid ni zhugs/ 'od ni nub par gyur to/ /de'i 'og tu mun pa byung ba dang nyi
 ma dang zla ba dag kyang byung bar gyur/ ro la chags pa de dag las sa'i re de yang rim gyis nub nas sa'i zhag cig byung bar gyur to/ /de la yang chags par gyur pa dang/ de yang nub nas myu gu'i tsha la zhig byung bar gyur to/ /de la yang chags bar
 gyur ba dang de yang nub nas ma smos ma btab pa'i 'bras sa lu zhig byung bar gyur to/ /de'i tshe de zos pa dang de ni ches? rags pa yin pa'i phyir rgyu mthun pa 'byung bar bya ba'i phyir sems can rnams kyi gcin dang phyi sa'i lam pho dang mo'i dbang po
 dang bcas pa dang/ dbyibs tha dad pa yang byung bar gyur to/ /de dag phan tshun mthong ba dang sngon goms ba'i dbang gis tshul bzhin ma yin pa yid la byed pa chu srin 'dzin khri'i kham du gyur pa rnams 'dod pa'i 'dod chags shas cher skyes nas
 de nas log par zhugs pa yin te/ 'dod pa can rnams kyi 'dod pa'i 'byung po'i gdon gyis rlom pa'i rtsom pa ni de yin no/ yang de dag gi 'bras sa lu de nang bza' bar bya ba yang nang/ nub bza' bar bya ba yang nub len len pa las yang le lo'i
 rang bzhin can gang yang rung ba zhig gis gsog 'jog byas pa dang/ sems can gzhan dag kyang gsog 'jog byed par gyur to/ /de dag de la bdag tu 'dzin ba skyes pa dang/ 'bras sa lu de brngas shing brngas pa dang yang mi skye bar gyur to/ /de nas zhing
 rnams bgos nas bdag gi ni kun tu bzung nas gzhan gyi la ni dbrog pa rtsom mo/ /tshem rkun gyi rtsom pa dang po ni de yin no/ /de dag gis de dag dgag pa'i phyir 'dus nas mi'i khyad par gang yang rung ba zhig zhing rnams srung bar drug shas bstabs te/ de la zhing rnams kyi
 dpon po zhing rnams kyi dpon po rgyal rigs rgyal rigs zhes bya ba'i ming byung ngo/ /skye bo'i tshogs phal po ches bkur ba dang/ skye dgu yang dga' bar byed pas rgyal po mang pos bskur ba zhes bya ba'i ming byung ste/ rgyal po gcig nas gcig tu brgyud pa'i rtsom
 pa ni de yin no/ /de la gang dag khyim dag nas yid phyir phyogs pa de dag la ni bram ze zhes bya ba'i ming byung ngo/ /de nas gang yang rung ba'i rgyal po zhig gis sems can rnams lam bgos pa dang rkun po mang du gyur te/ des de dag la mtshon gyis 'debs par
 gyur to/ /de nas gzhan dag na re yang bdag cag gis de lta bu bgyis pa ma mchis so zhes brdzun du smra bar brtsams so/ /de nas las kyi lam lhag pas/ tshe thung lo ni bcu yin no/ /de nas de ltar las kyi lam rnams 'phel ba dang mi rnams kyi tshe khang kyis thung ngur
 gyur te/ tha mar mi tshe lo bcu par 'gyur ro/ /de'i phyir phung khrol gyi chu bo 'di mdza' dag gi rtsa ba'i skye gnas ni chos gnyis te/ ro la chags pa dang/ le le'o/ /mi rnams kyi tshe lo bcu pa na bar gyi bskal pa tshar phyin pa yin no/ /ji ltar yin zhe na/ bskal pa
 mtshon dang nang dang ni/ /mu ge dag gis tshar phyin to/ /bar gyi bskal pa ni mtshon dang/ /nang dang/ mu ge dang gsum gyis tshar phyin te/ /bar gyi bskal pa tshar phyin pa'i tshe mi rnams che ba bcu ba dang/ chos ma yin pa la 'dod chags kyis chags pa dang/ ya nga ba
 la chags par zil gyis non pa dang/ log pa'i chos kyis kun nas dkris par 'gyur ro/ /de dag gi gnod sems yang skye bar 'gyur pa na gcig gis gcig ma thong na dper na da ltar ri dags kyi rngon pas dgon pa'i ri dags mthong ba bzhin du gnod pa mi bzang
 ba'i sems nye bar gnas par 'gyur la/ de dag gis shing ngam bong ba yang rung gang dang gang blangs pa de dang de dag gi mtshon cha rnon po 'byung bar 'gyur zhing de dag gcig la gcig srog gcod par byed do/ /yang mi tshe lo
 bcu pa rnams la bar gyi bskal pa tshar? phyin pa'i tshe nyes pa de dag nyid kyi mi ma yin pa rnams kyis yams kyi nad dag gtong bar byed do/ /de dag las gang las 'chi bar 'gyur zhing gsor mi rung pa'i nad dag 'byung bar 'gyur ro/ /yang mi tshe lo bcu
 pa rnams la nyes pa de dag nyid kyi lhas char pa mi 'bebs te/ des na mu ge gab tshe zhes bya ba dang/ rus gong dkar po zhes bya ba dang/ thur mas 'tsho ba zhes bya ba'i mu ge 'byung bar 'gyur ro/ /ji ltar gab tshe yin zhe na/ rgyu gnyis kyis yin te/
 deng sang 'du ba gang yin pa de ni de'i tshe gab tshe zhes bya la/ gab tshe la yang gab tshe zhes bya ste/ bkres pa dang/ nyam chung pas bkres pa'i mi de dag 'du zhing 'dus nas 'chi bar 'gyur ba dang/ ma 'ongs pa'i skye bo rnams la phan gdags pa'i
 phyir gab tshe dag gi nang du sa bon dag 'jog par byed de/ de'i phyir mu ge de ni gab tshe zhes bya'o/ /ji ltar rus gong dkar po yin zhe na/ rgyu gnyis kyis yin te/ lus skams? shing rtsub po de dag shi ba dang myur ba kho nar rus pa dkar por
 'gyur ba dang/ bkres sas nyen pa rnams kyi rus gong dkar po de dag bsdus te bskol nas 'thung bar byed pa'o/ /ji ltar na thur mas 'tsho ba yin zhe na/ rgyu gnyis kyis yin te/ sems can de dag thur mas bsgo bas khyim dag tu de ring
 ni khyim bdag za ba'i res la bab? po/ /sang ni khyim pa dag mo zhes pa de lta bu la sogs pas zas 'gyed par byed pa dang/ 'bru'i gnas kyi gso ba dag nas 'bru dag thur mas brus te chu mang por bskol nas bskol ba de 'thung bar byed do/ /'di
 skad du gang gis nyi ma 'ga' zhig srog gcod pa spangs pa legs par srungs pa dang/ dge 'dun la a ru ra 'ga' dang/ bsod snyoms 'ga' zhig gus par byas te/ phul ba de ni mtshon dang/ nad dang/ mu ge dang/ bar gyi bskal pa de dag tu skye bar mi 'gyur ro zhes
 brjod do/ /yang sems can de dag la mtshon gyis gsod pa dang/ nad dang/ mu ge dag dus ji srid tu 'byung zhe na/ zhag rnams dang ni zla ba dang/ lo bdun dag tu go rims bzhin/ /mtshon chas gsod pa zhag bdun du byung ngo/ /nad ni zla ba bdun no/ /mu ge ni
 lo bdun dang zhag bdun du'o/ /dang zhes bya ba ni bsdus pa'i don to/ /de'i tshe na gling gnyis su ni de dag dang cung zad 'dra ba dag 'byung ste/ gnod sems lhag par 'gyur pa yin/ kha dog ngan pa dang/ nyam chung ba dang/ bkres pa dang bskom par 'gyur ba yin no//
 de bzhin du 'jig pa gzhan la yang ci rigs par rig par bya'o/ /zhes gang bshad pa 'jig pa de dag tu zhe na/ me dang chu dang rlung dag gis/ /'jig pa dag ni yang gsum yin/ /de'i tshe sems can rnams bsam gtan gcig tu 'du bas na 'jig pa yin no//
 nyi ma bdun gyis ni mes 'jig pa yin no/ /char gyi chus ni chus 'jig pa yin no/ /rlung rab tu 'khrugs pas ni rlung gis 'jig pa yin te/ de dag gis ni snang rnams kyi cha shas phra mo yang ma lus par byed do/ /'di la mu stegs byed kha cig ni rdul phra rab rnams ni rtag
 pa yin pas de'i tshe de dag lus so/ /zhes bya bar 'dod do/ /de dag ci'i phyir de ltar 'dod ce na/ rags pa rnams rgyu med pa can du 'byung bar 'gyur na mi rung ngo snyam mo/ /sems can rnams kyi las las skyes pa'i mthu'i bye brag can gyi rlung sa bon yin no zhes ma bshad dam/
 yang na 'jig pa'i rlung gi rtse mo ni de'i rgyu yin par 'gyur ro/ /sa ston pa'i sde'i mdo las ni rlung gis 'jig rten gyi khams gzhan dag nas sa bon dag khyer te 'ongs zhes 'byung ngo/ /de lta yin yang de dag sa bon la sogs pa las myu gu la sogs pa skye bar ni mi 'dod do//
 'on ci zhe na/ rang gi yan lag dag kho na las skye la/ de dag kyang rang gi kho na dag pas skye ste/ rdul phra rab dag las skyes pa'i bar du yang de dang 'dra'o zhe'o/ /da ni myu gu la sogs pa dag las sa bon la sogs pa'i nus pa ci zhig yod
 ce na/ de'i rdul phra rab rnams phrad pa las ma gtogs par cung zad kyang med do/ /yang ci'i phyir de dag da ltar 'dod ce na/ rigs mi mthun pa las skye bar ni rigs pa ma yin no snyam mo/ /ci'i phyir mi rigs she na/ nges pa med par 'gyur ro/ /nus pa med pa'i phyir
 da ltar mi 'gyur te/ sgra dang chos byed la skye bar 'gyur ba bzhin no/ /yon tan gyi chos ni sna tshogs yin gyi dbus kyi chos ni de lta ma yin te/ rigs mthun pa dag kho na las rigs mthun pa rnams 'byung ba mthong ste/ dper na 'jag? ma dag las re lde dang/ skud
 pa dag las ras yug 'byung ba bzhin no/ /'di ni rigs pa ma yin no/ /'di la mi rigs pa gang zhig yin zhe na/ gang ma grub pa bsgrub pa'i phyir dper na brjod pa ma grub pa yin no/ /'di la ci zhig ma grub ce na/ 'jig ma dag las re lde gzhan pa dang/ skud pa dag las
 ras yug gzhan zhes bya ba ma yin te/ de dag dang de dag kho na de ltar gnas pa de la de dang de'i ming thob ste/ grog ma'i phreng ba bzhin no/ /ji ltar khong du chud ce na/ skud pa gcig dang ldan na ras yug mi dmigs pa'i phyir te/ de'i tshe ras yug yod na ni dmigs
 par bya ba la su zhig gegs byed/ zad par yod pa ma yin na ni de las ras yug gi cha yod kyi ras yug ni ma yin pas 'dus pa tsam ras yug yin no/ /skud pa dag las gzhan pa ras yug gi cha yang gang zhig yod/ /rten du na zhig dang ldan pa la bltos na ni kha tshar
 mthong ba tsam dang ldan na ras yug dmigs par 'gyur ro/ /yang na nam yang mi dmigs par 'gyur te/ dbus dang pha rol gyi cha rnams dbang po dang ma brel ba'i phyir ro/ /mig dang reg pa dag rim gyis yan lag rnams dang phrad na yang yan lag can ni shes
 par mi 'gyur ro/ /de lta bas na rim gyi yan lag can shes pa'i phyir yan lag kho na la de'i blo skye bar zad de/ mgal me'i 'khor lo bzhin no/ /gzugs dang rigs dang bya ba tha dad pa'i skud pa dag las ras yug gi gzugs la sogs pa med pa'i yang phyir ro//
 gzugs la sogs pa sna tshogs pa yin na ni rigs mi mthun pa rtsom par yang 'gyur ro/ /ngos gcig shos mi bkra na yang ras yug me mthong pa 'am/ khra bo'i ngo bor mthong bar 'gyur ro/ /bya ba yang sna tshogs pa yin pas shin du sna tshogs pa yin par 'gyur ro//
 me'i 'od kyi tsha ba dang/ snang ba dang po dang bar ma dang tha ma dag tu tha dad pas de'i gzugs dang reg bya dag kyang mi 'thad do/ /rdul phra rab dbang po'i spyod yul ma yin pa yang 'dus pa dag ni mngon sum nyid yin te/ dper na de dag gi 'bras bu rtsom pa dang/ mig la sogs pa
 'bras bu rtsom pa dang/ rab rib can rnams la skra gram pa'i tshogs dmigs pa lta bu ste/ skra nyag ma gcig ni rdul phra rab bzhin du de dag gi dbang po'i spyod yul du mi 'gyur ro/ /gzugs la sogs pa dag kho na la rdul phra rab kyi ming du 'dogs pa'i phyir re zhig na rdul phra
 rab kyang zhig par grub pa yin no/ /rdul phra rab ni rdzes yin la rdzes kyang gzugs la sogs pa dag la gzhan yin pas zhig na de zhig par mi 'grub po zhe na/ 'di gzhan pa nyid yin par ni rigs pa ma yin te/ 'di ltar 'di sus kyang 'di dag ni sa dang chu dang me dang rlung dag
 yin no/ /'di dag ni de dag gi gzugs la sogs pa yin no zhes nges par mi zin la/ mig dang reg pa'i gzung pa dag yin par yang dam bca' o/ /bal dang ras bal dang lab rgan rtsi dang gu gum tshig pa dag la de dag gi blo med pa'i phyir gzugs la sogs pa kho na la de'i
 blo 'jug par zad do/ /chos byed las skye ba byung ba la bum par yongs su shes pa ni dbyibs 'dra ba'i phyir phreng ba bzhin te/ rtags ma mthong bar yongs su mi shes pa'i phyir ro/ /yang na byis pa bla brdol ba lta bu dag las su zhig gus par 'gyur te/ de dag dag pa ni re zhig
 bzhag go /yang 'jig pa de dag gi rtse mo gang yin zhe na/ bsam gtan gnyis sogs gsum po ni/ de dag gi rtse go rims bzhin/ 'jig pa'i rtse mo gsum la mes 'jig pa'i rtse mo ni bsam gtan gnyis pa yin te/ man chad sreg par
 byed do/ /chus 'jig pa'i rtse mo ni bsam gtan gsum pa yin te man chad srul bar byed do/ /rlung gis 'jig pa'i rtse mo ni bsam gtan bzhi pa yin te/ man chad 'thor bar byed de/ 'jig pa'i lhag ma gang yin pa de ni rtse mo zhes bya'o/ /yang ci'i? phyir
 bsam gtan dang po dang gnyis pa dang gsum pa dag me dang chu dang rlung dag gis 'jig ce na/ de'i skyon dang chos mthun phyir/ bsam gtan dang po na ni rtog pa dang dpyod pa dag skyon yin te/ de dag kyang yid yongs su gdung bar byed pa dag yin pa'i phyir
 me'i bskal pa dag yin/ /gnyis pa ni dga' ba skyon yin te/ de yang shin tu sbyangs pa dang ldan pas lus gnyen par byed pa yin pa'i phyir chu'i bskal pa yin no/ /de nyid kyi phyir mdo las/ de ni lus kyi mkhrang po zad par med pa'i phyir sdug bsngal gyi
 dbang po 'gags so zhes gsungs so/ /bsam gtan gsum pa na ni dbugs rdub pa dang dbugs dbyung ba dag ste/ de dag kyang rlung kho na yin pas snyoms par 'jug pa'i bsam gtan gang na nang gi skyon ji lta bar skye ba'i bsam gtan de la phyi rol gyi
 yang de lta bu yin no/ /ci'i phyir sas 'jig pa ma yin zhe na/ snod ces bya ba ni sa kho na yin la de ni me dang chu dang rlung dag dang mi mthun gyi sa dang ni ma yin no/ /bsam gtan bzhi pa na ji ltar mi 'jig ce na/ bzhi pa na med mi g.yo'i phyir/ bcom ldan 'das
 kyis bsam gtan bzhi pa ni nang gi skyon dang bral ba'i phyir mi g.yo ba zhes gsungs te de'i phyir de'i phyi'i skyon yang mi 'jug pas de ni 'jig pa med do/ /gzhan dag na re gnas gtsang ma'i mthu yin te/ de dag gis gzugs med pa dag tu 'jug par yang
 mi nus la/ gzhan du yang 'gro bar mi nus zhes zer ro/ /'o na bsam gtan bzhi pa'i snod rtag par 'gyur ro zhe na/ mi rtag de yi gzhal med khang/ /sems can bcas te 'byung 'jig phyir/ /bsam gtan bzhi pa ni sa gcig tu 'brel pa ma yin no/ /'o na ji lta bu zhe
 na/ gnas gzhan du rnam par chad pa yin te skar ma bzhin no/ /de na sems can gang dang gang skye ba 'am 'chi 'pho yang rung ste/ de ni gzhal med khang dang bcas te skye zhing 'chi 'pho bas de la rtag pa nyid do/ /yang 'jig pa de dag go rims go rims gang gi 'byung zhe
 na/ re zhig bar chad med par ni/ /me yis bdun/ /mes 'jig pa bdun 'byung ngo/ /de'i 'og ni/ chu yis gcig /mes 'jig pa bdun gyis mjug thogs su chu dag gis 'jig pa 'byung ngo/ /de ltar chu bdun thal nas kyang/ /me yis bdun no/ /rim pa des na
 chus 'jig pa bdun thal nas yang mes 'jig pa bdun 'byung ngo/ /de nas ni/ mjug tu rlung gis 'jig pa yin/ de nas ni mjug tu rlung gi 'jig pa gcig 'byung ngo/ /ci'i phyir zhe na/ sems can de dag gi snyoms par 'jug pa'i khyad par las lus dag gnas
 pa'i khyad par ji lta bar snod rnams kyang de bzhin no/ /mes 'jig pa lnga bcu rtsa drug dang/ chus 'jig pa bdun dang rlung gis 'jig pa gcig yin te/ de ltar bshad na btags pa'i bshad pa dag rgyas kyi lha rnams kyi tshe'i tshad ni bskal pa drug cu rtsa bzhi'i
 zhes bya ba legs par drangs pa yin no/ /chos mngon pa'i mdzod kyi bshad pa las 'jig rten bstan pa zhes bya ba mdzod kyi gnas gsum pa'o// //yang sems can dang snod kyi 'jig rten rnam pa mang po sna tshogs pa bshad pa gang
 yin pa de sus byas she na/ sus kyang blo sngon du btang ste byas pa ni med do/ /'o na ji lta bu zhe na/ sems can rnams kyi/ las las 'jig rten sna tshogs skyes/ gal te las las skyes na ci'i phyir sems can rnams kyi las dag gis gur gum dang/ tsan dan
 la sogs pa ches dga' dga' lta bur skye bar 'gyur la de dag gi lus ni ma yin zhe na/ sems can 'dren mar byed pa rnams kyi las de lta bu dag kho nas gang rma lta bur gyur pa'i lus ngag dang/ de'i gnyen por gyur pa longs spyod
 dga' dga' lta bur dag skye'i/ lha 'dren mar byed pa ma yin pa rnams kyi ni gnyi ga yang dga' dga' lta bu dag yin no/ /las de yang gang zhig ce na/ de ni sems pa dang des byas/ /mdo la las ni gnyis te/ sems pa dang bsam pa'i las so zhes gang gsungs pa
 la/ bsam pa gang yin pa de ni sems pas byas pa de yin no/ /las gnyis po de dag ni gsum yin te/ lus dang ngag dang yid kyi las rnams so/ /las 'di dag ji ltar rnam par bzhag /ci rten las sam/ 'on te ngo bo nyid las sam/ 'on te kun nas slong ba las
 gal te rten las yin na ni thams cad lus la brten pa'i phyir lus kyi las gcig pur 'gyur ro/ /gal te ngo bo nyid las yin na ni de dag gi las gcig pur 'gyur ro/ /gal te kun nas slong ba las yin na ni thams cad kyang yid kyis kun nas bslang ba'i
 phyir yid kyi las gcig pur 'gyur ro zhe na/ bye brag tu smra ba rnams na re rgyu gsum gyis go rims bzhin du gsum rnam par bzhag go zhes zer ro/ /de la/ sems pa yid kyi las yin no/ /sems pa ni yid kyi las yin no zhes bya bar rig par bya'o/ /des
 bskyed lus dang ngag gi las sems pas bskyed pa gang yin pa bsam pa'i las zhes gsungs pa de dag ni lus dang ngag gi las su rig par bya'o/ /de dag rnam rig rnam rig min/ /lus dang ngag gi las de dag ni so sor rnam par rig byed dang/ rnam par
 rig byed ma yin pa'i rang bzhin dag tu rig par bya'o/ /de la lus rnams rig byed dbyibs su 'dod/ /sems kyi dbang gis lus de dang de ltar gnas pa ni lus kyi rnam par rig byed yin no/ /gzhan dag na re 'gro ba yin te/ lus g.yo ba las yin gyi mi g.yo ba ni
 ma yin pa'i phyir ro/ /zhes zer te/ de dag la/ 'gro min gang phyir 'dus byas ni/ skad cig pa yin zhes bya ba brjod do/ /skad cig ces bya ba 'di ci zhe na/ bdag nyid du red ma thag tu 'jig pa'o/ /de 'di la yod pas skad cig pa ste dbyug pa pa bzhin no/ /'dus byas thams cad
 bdag nyid thob pa las phan chad du med pa'i phyir gang du skyes pa de nyid du 'jig par 'gyur ro/ /de ni yul gzhan du 'pho bar rigs pa ma yin te/ de ltar bas na lus kyi las ni 'gro ba ma yin no/ /gal te thams cad skad cig par grub par gyur na ni de de lta yin no/ /'di
 ni grub pa kho nar khong du chud par gyis shig /gang las she na/ 'dus byas ni gdon mi za bar 'jig phyir ro/ /dngos po rnams 'jig pa ni rgyu med pa las byung ba yin no/ /ci'i phyir zhe na/ bya ba'i rgyu yin na 'jig pa yang med pa yin pas med pa gang yin pa de la ni
 ci zhig byar yod/ rgyu med pa las byung ba'i 'jig pa de ni dngos po skyes pa tsam la ma yin na phyis kyang mi 'gyur te/ dngos po mtshungs pa'i phyir ro/ /'on te gzhan du gyur pa yin no zhe na/ de nyid gzhan du 'gyur bar ni rigs pa ma yin te/ de nyid de dang mtshan nyid
 mi mthun par ni mi rung ngo/ /shing la sogs pa dag me dang 'brel pa las 'jig par yang mthong la mthong ba las brling ba'i tshad ma yang med pas thams cad kyi 'jig pa ni rgyu med pa las byung ba ma yin no zhe na/ re zhig khyod shing sogs pa dag me dang
 'brel pa las 'jig par blta'o zhes bya ba ji lta bur sems/ de yod na de dag las yang mi snang pa'i phyir ro/ /re zhig 'di dpyad par bya ste/ ci me dang 'brel pa las shing la sogs pa zhig ste/ de'i phyir mi snang ba zhig yin nam/ 'on te rang nyid zhig las
 gzhan dag kyang ma skyes pas de'i phyir mi snang ste dper na rlung dang phrad pa las mar me dang lag pa dang phrad pa las dril bu'i sgra lta bu zhig yin/ de lta bas na don 'di ni rjes su dpag pas bsgrub par bya ba yin no/ /'di la rjes su dpag pa gang zhe na/ re 
 zhig med pa ni bya ba ma yin pa'i phyir zhes ni bshad zin to/ /yang/ rgyu med pa las 'ga' mi 'byung/ /gal te 'jig pa rgyu dang ldan pa zhig tu gyur na skye ba bzhin du 'ga' yang rgyu med pa las mi 'gyur ba zhig na skad cig ma blo dang
 sgra dang me lce dag 'jig pa rgyu med pa las byung ba yang mthong bas 'di rgyu la bltos pa ma yin no/ /gang zhig blo yang blo gzhan gyis 'jig la sgra yang sgra gzhan gyis 'jig go snyam du sems pa de ni rigs pa ma yin te/ blo gnyis phrad pa med pa'i phyir ro//
 the tshom can nges pa'i shes pa dag dang/ bde ba dang sdug bsngal ba dag dang/ 'dod chags dang zhe sdang dag phrad par ni rigs pa ma yin no/ /gang gi tshe blo dang sgra gsal ba dag gi mjug thogs su blo dang sgra mi gsal ba 'byung ba de'i tshe ji ltar na mi gsal ba
 rigs mthun pa'i chos kyis gsal ba 'jig par 'gyur/ gang yang gnas pa'i rgyu med pa 'am/ chos dang chos ma yin pa'i dbang gis me lce dag 'jig go snyam du sems pa de yang rigs pa ma yin te/ med pa ni rgyu yin par 'os pa ma yin
 no/ /skye ba dang 'jig pa'i chos dang chos ma yin pa dag kyang skad cig skad cig nyid la 'jug pa thob pa dang gegs byed par 'os pa ma yin no/ /rgyu yongs su brtags pa 'di yang 'dus byas thams cad la bya bar nus pas brtsad mi dgos so/ /
 gal te shing la sogs pa dag 'jig pa me dang 'brel pa'i rgyu las byung ba zhig yin na de lta na ni chos byed las skyes pa rnams kyi tshos pa dang/ ches tshos pa dang/ ches cher tshos pa byung ba la/ rgyu yang 'jig pa por 'gyur ro/ /rgyu nyid 'jig pa
 por 'gyur/ /ji lta zhe na/ me dang 'brel pa gang las tshos byed las skyes pa byung ba de nyid dam de dang 'dra ba las tshos pa dang/ ches tshos pa dang/ ches cher tshos pa byung na de dag 'jig pas rgyu nyid de dag gi 'jig pa por 'gyur ba 'am/ yang na
 rgyu bye brag med par 'gyur ro/ /gang las sam/ gang dang 'dra ba las de dag 'byung ba de nyid dam/ de dang 'dra ba las yang med par 'gyur bar rigs pa yin nam/ re zhig me lce gzhan dag la rgyu tha dad par yongs su brtag par ni bya la rag na/ thal ba dang/ ba? ba
 dang rtswa dang nyi ma dang chu dang sa dang 'brel pa las smin byed las skyes pa'i bye brag byung ba la gang la brtag par bya/ 'o na chu bskol ba zad par 'gyur ba de la me dang 'brel pa dag ci zhig byed ce na/ mthu'i sgo nas me'i khams 'phel bar byed cing
 de'i mthus na chu'i tshegs nyam chung zhing nyam chung bar 'gyur la/ shin tu nyam chung ba'i bar du gyur ba dang mjug tu rgyun yang rgyun chags par mi byed de/ 'di la me dang 'brel pa dag gis ni 'di byed do/ /de lta bas na dngos po rnams 'jig
 ba la ni rgyu med kyi rang nyid 'jig pa'i ngang can yin pa'i phyir 'jig pa na byung ba tsam gyis 'jig pa'i phyir 'di dag skad cig ma la 'jig par yang grub la skad cig ma la 'jig pa'i phyir 'gro ba yang med do/ /yul gzhan dag tu 'dab chags
 par 'byung ba la 'gro bar mngon pa'i nga rgyal byed par zad de rtswa'i me bzhin no/ /'gro ba mad? na lus kyi rnam par rig byed dbyibs yin no zhes bya bar grub po/ /mdo sde pa rnams na re dbyibs ni rdzas su med de/ phyogs gcig gi sgor kha dog phal cher
 byung ba la gzugs ring po zhes 'dogs par byed/ de nyid la bltos nas nyung ngur byung ba la thung ngu zhes 'dogs par byed/ phyogs bzhir mang por byung ba la gru bzhi zhes 'dogs par byed/ thams cad du mnyam na lham pa zhes 'dogs par
 byed de/ thams cad kyang de dang 'dra'o/ /dper na mgal me phyogs gzhan cig tu myur du mdab chags par snang ba ni ring po'o snyam du shes la/ thams cad du snang na zlum po'o snyam du shes kyi dbyibs rdzas gzhan yod pa ni ma yin pa bzhin no//
 gal te yod na ni/ gnyis gzung 'gyur/ mig gis mthong na yang ring po'o snyam du shes par 'gyur la/ lus kyi dbang pos reg na yang shes par 'gyur bas 'di dbang po gnyis kyis gzung bar 'gyur pa zhig na/
 gzugs kyi skye mched la ni gnyis kyis 'dzin pa med do zhes zer ro/ /yang ji ltar reg bya la ring po la sogs par 'dzin pa ltar kha dog la yang de bzhin du yid ches par bya'o/ /de la ni reg bya dang lhan cig spyod pa'i phyir dran pa tsam
 yin gyi mngon sum du 'dzin pa ni ma yin te/ dper na me'i gzugs mthong nas de'i/ tsha ba'i dran pa 'byung ba dang/ me tog gi dri bsnams nas de'i kha dog gi dran pa 'byung bzhin no/ /'di la ni 'khrul pa med pa'i phyir gzhan gyis
 gzhan dran par rigs kyi gang las 'di nges par dran par 'gyur ba reg bya ni cung zad kyang dbyibs gang la yang nges par med do/ /'on te lhan cig spyod par nges pa med kyang nges par dbyibs dran par 'gyur na ni kha dog kyang 'gyur ro/ /yang na
 ni kha dog bzhin du dbyibs kyang nges par mi 'gyur ba zhig na de lta yang ma yin pas reg bya las 'di dran par ni rigs pa ma yin no/ /ri mo bkram pa las dbyibs su ma snang ba'i phyir mang po yang phyogs cig par 'gyur ba zhig na de yang rigs
 pa ma yin te/ kha dog bzhin no/ /de lta bas na dbyibs ni rdzas su med do/ /gang yang thogs pa dang bcas pa'i gzugs cung zad yod pa de ni gdon mi za bar rdul phra rab la yod pa yin na/ de rdul la med/ ring po la sogs pa'i dbyibs ni rdul phra rab
 la med do/ /de lta bas na mang po de ltar gnas pa dag kho na la ring po la sogs pa 'dogs par zad do/ /'on te dbyibs kyi rdul phra rab dag kho na de ltar gnas pa la ring po la sogs par ming 'dogs par 'dod na ni de dag ma grub pa'i phyir
 de ni phyogs 'dzin pa 'ba' zhig tu zad do/ /rang gi mtshan nyid rnams grub na ni de dag bsags pa rung bar 'gyur na dbyibs kyi yan lag rnams ni kha dog la sogs pa bzhin du rang gi ngo bo grub pa yang med na de dag bsags pa lta zhig ga la yod/ 'o na gang kham
 ba'i snod rnams kha dog kyang tha mi dad pa la dbyibs kyang tha dad par snong zhe na/ ji ltar gnas par gyur pa'i kha dog la ring po la sogs par ming 'dogs par zad do zhes ma bshad dam/ dper na grogs ma la sogs pa tha mi dad bzhin du 'khor lo la sogs
 pa tha dad par 'dog sa ltar dbyibs kyang de dang 'dra'o/ /'o na gang mun khung dang thag ring po nas sdong dum la sogs pa'i kha dog ma mdza' o bar ring po la sogs pa mthong bar 'gyur zhe na/ de dag gis de kha dog mi bsal ba kho na mthong nas ring po la sogs
 bar yongs su rtag par byed de/ phreng ba dang dmag la yongs su rtog pa bzhin no/ /de ni gdon mi za bar de ltar shes par bya ste/ gang res 'ga' yongs su chad pa nges par mi zin pa ni tshogs pa tsam dang mi gsal ba snang ba yin no/ /yang da ni mdo sde pa khyed rnams kyi
 lugs kyis lus kyi 'gro ba dang dbyibs kyang gsal nas gang la lus kyi rnam par rig byed du 'dogs par byed ce na/ de dag ni dbyibs kho na lus kyi rnam par rig byed 'dogs par byed la rdzas su ni ma yin no/ /de 'dogs par byed pa na ji ltar lus kyi las
 su 'dogs par byed ce na/ lus la brten pa'i las ni lus kyi las te/ de dang der lus 'jug par byed pa'i sems pa gang yin pa'o/ /de bzhin du ngag dang yid kyi las gang la yang ci rigs par rig par bya'o/ /'o na gang sems pa dang/ bsams pa'i las so zhes
 gsungs so zhe na/ 'di dang 'di lta bu zhig snyam pa'i kun tu rtog pa ni sngar 'byung la/ de ltar bsams nas de'i 'og tu gang gis 'jug par byed par bya ba'i sems pa skye bar 'gyur te/ de ni bsams pa'i las zhes bya'o/ /de lta na ni 'o na rnam par rig byed med pa'i
 phyir 'dod pa na spyod pa'i rnam par rig byed ma yin pa yang med pas nyes pa chen por thal bar 'gyur ro/ /thal ba rnams la yang thal ba'i gnyen po dag yod de/ gal te lus kyi las zhes bya ba sems dpa' i khyad par de nyid las rnam par rig byed
 ma yin pa 'byung bar gyur na yang ci 'gyur mnyam par bzhag pa'i rnam par rig byed ma yin pa bzhin du sems kyi rjes su yongs su 'brang ba yin par 'gyur ro/ /de ltar mi 'gyur te/ sems pa'i khyad par gyis de'i 'phen pa khyad par yod pa'i phyir ro/ /rnam par rig
 byed de yod na yang de 'phang par bya ba ni sems pa'i stobs la rag las pa yin te de blun pa'i phyir ro/ /bye brag tu smra ba rnams na re dbyibs kyang rdzas kho na yin la/ lus kyi rnam par rig byed kyang dbyibs kyi bdag nyid yin no zhes zer ro/ /ngag rnams rig byed 'di ngag sgra//
 dag gi rang bzhin gyi sgra gang yin pa de nyid dag gi rnam par rig byed yin no/ /rnam par rig byed ma yin pa ni sngar bshad pa ni kho na yin no/ /mdo sde pa rnams na re de yang rjes su med de/ khas blangs nas mi byed pa tsam gyi phyir dang/ 'das pa'i 'byung ba chen po rnams
 la yang brten nas 'dogs pa'i phyir dang/ de dag kyang rang gi ngo bo med pa'i phyir dang/ gzugs kyi mtshan nyid med pa'i phyir ro zhes zer ro/ /bye brag tu smra ba rnams na re yod zhes zer ro/ /ji ltar shes she na/ rnam gsum dri med gzugs gsungs dang/ /'phel dang ma byas la sogs
 phyir/ /mdo las/ gnas gsum gyi gzugs kyi gzugs bsdus pa yin te/ bstan du yod la thogs pa dang bcas pa'i gzugs kyang yod/ /bstan du med la thogs pa dang bcas pa'i gzugs kyang yod/ bstan du yang med la thogs pa yang med pa'i gzugs kyang
 yod do zhes gzugs rnam pa gsum gsungs so/ /zag pa med pa'i chos rnams gang zhe na/ gzugs 'das pa dang ma 'ongs pa dang da ltar byung ba gang dang rnam par shes pa'i bar gang la rjes su chags pa 'am khong khro ba mi skye ba 'di dag ni zag pa med pa'i chos rnams zhes bya'o
 zhes gzugs zag pa med pa yang gsungs te/ rnam par rig byed ma yin pa ma gtogs par ni bstan du yang med la thogs pa yang med pa'i gzugs kyang med pa zag pa med pa yang med do/ /rdzas las byung ba'i bsod nams bya ba'i dngos po bdun po 'di dag dang ldan pa'i dad
 pa'i rigs kyi bu 'am rigs kyi bu mo ni rgyu yang rung 'dug kyang nyal yang rung mi nyal yang rung ste/ rtag tu rgyun mi chad par bsod nams mngon par 'phel ba kho nar 'gyur zhing bsod nams nye bar skye ba kho nar 'gyur te/ rdzas las byung ba ma yin pa dag dang ldan pa yang de
 dang 'dra'o zhes 'phel ba yang gsungs te/ rnam par rig byed ma yin pa ma gtogs par ni yid gzhan dang ldan pa'i bsod nams kyang mngon par 'phel bar mi rung ngo/ /rnam par rig byed ma yin pa med na bdag nyid kyis ma byas la/ gzhan dag byed du bcug pa'i las kyi las
 dag 'grub par mi 'gyur te/ lung sgo ba tsam ni las kyi lam du mi rung ste/ las de ma byas pa'i phyir ro/ /zas su zin kyang de'i rang gi ngo bo la khyad par med pa'i phyir ro/ /bcom ldan 'das kyis yang dge slong chos ni phyi'i skye mched yin te/ skye mched bcu gcig gis ma bsdus
 pa bstan du med pa thogs pa med pa'o zhes gsungs kyi gzugs can ma yin pa'o zhes ni ma gsungs te/ der gal te chos kyi skye mched kyi khongs su gtogs pa rnam par rig byed ma yin pa'i gzugs shig ma gzigs na dgos pa ci zhig yod par 'gyur/ rnam
 par rig byed ma yin pa'i gzugs med na lam yan lag brgyad par yang mi 'gyur te/ snyoms par 'jug pa la dag dang/ las kyi mdza' dang/ mtsho ba rnams mi rung ba'i phyir ro/ /'o na 'di skad du de ltar shes shing de ltar mthong ba de'i yang dag pa'i lta ba dang/ yang
 dag pa'i rtsol ba dang/ yang dag pa'i dran pa dang/ yang dag pa'i ting nge 'dzin bsgom pa yongs su rdzogs par 'gyur ro/ /'di'i dag dang/ las kyi mdza' dang/ 'tsho ba rnams ni sngon yongs su dag cing yongs su byang ba yin no zhes gang gsungs so zhe na/ 'di ni sngon 'jig
 rten pa'i lam gyis 'dod chags dang bral bar byas pa la dgongs te gsungs pa yin no/ /rnam par rig byed ma yin pa med na so so thar pa'i sdom pa yang med par 'gyur te/ /yang dag par blangs pa'i 'og tu gang gis na yid gzhan dang
 ldan pa 'di yang dge slong ngam dge slong mar 'gyur ba de ni med do/ /mdo las spong ba ni 'chal pa'i tshul khrims kyi gegs byed pa'i phyir chu lon du yang gsungs na/ med pa ni chu lon yin par 'os pa yang ma yin pas rnam par rig byed ma yin pa ni yod pa
 kho na'o/ /'di la mdo sde pa rnams na re 'di ni mang po yin la/ 'di ni sna tshogs pa yang yin mod kyi 'di de lta yang ma yin no zhes zer ro/ /ci'i phyir zhe na/ re zhig gang gzugs rnam pa gsum gsungs pa'i phyir ro zhes smras pa/ de la rnal 'byor spyod pa
 dag na re bsam gtan pa rnams kyi ting nge 'dzin gyi mthus ting nge 'dzin gyi yul gyi gzugs skye ste/ de yang dbang po'i yul ma yin pa'i phyir ni bstan du med pa yin la/ yul la mi sgrib pa'i phyir ni thegs pa med pa yin no zhes bstan par byed do/ /da ni de ji
 ltar gzugs yin snyam du sems na de ni rnam par rig byed ma yin pa la yang mtshungs so/ /gang yang gzugs zag pa med pa gsungs pa'i phyir ro/ /zhes smras pa ni rnal 'byor spyod pa rnams na re ting nge 'dzin gyi mthu la skyes pa'i gzugs de nyid zag pa med
 pa'i ting nge 'dzin la zag pa med pa yin no/ zhes brjod do/ /gzhan dag dang re dgra bcom pa'i gzugs dang/ phyi rol gang yin pa ste/ zag pa rnams kyi rten ma yin pa'i phyir ro zhes zer ro/ /'o na gang mdo las zag pa dang bcas pa'i chos rnams gang zhe na/ mig ji
 snyed pa dang/ gzugs ji snyed pa dag yin no zhes rgyas par gsungs so zhe na/ de ni zag pa rnams kyi gnyen po ma yin pa'i phyir zag pa dang bcas par gsungs pa yin no/ /'o na ni rnam grangs kyis de ? zag pa dang bcas pa yang yin la zag pa med
 pa yang yin par 'gyur ro/ /cir 'gyur/ mtshan nyid 'tshol bar 'gyur ro/ /ji ltar de zag pa dang bcas pa yin pa de ltar nam yang zag pa med pa ma yin pas 'di la 'tshol pa ci zhig yod/ gal te yang gzugs la sogs pa'i skye mched rnams gcig tu zag pa
 dang bcas pa dag yin par gyur na/ /ci'i phyir mdo las gzugs zag pa dang bcas pa'i nye bar len par 'gyur ba gang dag yin pa de dag ni sems kyi tha ba dang spags pa'i gzhi yin no/ /zhes rgya cher khyad par du mdzad par 'gyur/ gang yang bsod nams mngon
 par 'phel bar gsungs pa'i phyir ro/ /zhes smras pa de la yang sngon gyi slob dpon dag na re ji lta ji ltar sbyin pa po rnams kyi sbyin par bya ba dag yongs su spyad pa de lta de ltar zab po rnams kyi khyad par dang/ phan btags pa'i khyad par gyis yid gzhan dang ldan pa'i
 sbyin pa po rnams la yang gang gi tshe phyi ma la 'bras bu ches mang po mngon par sgrub nus par 'gyur ba de la dmigs pa'i sbyin pa'i sems pas yongs su bsgos pa'i rgyud yongs su 'gyur ba'i khyad par phra mo 'thob pa 'di ni chos nyid yin te/ bsod nams
 mngon par 'phel ba kho nar 'gyur zhing bsod nams nye bar skye ba kho nar 'gyur te zhes bya ba 'di las dgongs te gsungs pa srid do zhes ston par byed do/ /'on te nga ji ltar na rgyud gzhan gyi khyad par gyis yid gzhan dang ldan pa'i rgyud gzhan yongs su 'gyur bar
 'gyur snyam du sems na/ da ni ji ltar na rgyud gzhan gyi khyad par gyis rgyud gzhan la chos gzhan rnam par rig byed ma yin pa yang mtshungs so/ /da ni rdzas las byung ba ma yin pa'i bsod nams bya ba'i dngos po dag la ji ltar 'gyur zhe na/ yang dang yang du de
 la dmigs pa'i sems pa la goms pas rmi lam dag na yang de dag rjes su 'brel bar 'gyur ro/ /rnam par rig byed ma yin par smra pa'i ltar na rdzas las byung ba ma yin pa gang la rnam par rig byed med pa de la ji ltar rnam par rig byed ma yin par
 'gyur/ gzhan dag na ra rdzas las byung ba dag la yang dang yang du de la dmigs pa'i sems pa la goms par 'gyur ro zhes zer ro/ /'o na mdo las gang drag shul can dge slong tshul khrims dang ldan pa/ dge ba'i chos dang ldan pas
 gang gi bsod snyoms yongs su zos nas sems kyi ting nge 'dzin tshad med pa lus kyi mngon du byas te rdzogs par byas nas gnas na/ de'i gzhi las sbyin pa po sbyin pa dag gi bsod nams kyi rgyu mthun pa dang/ dge ba'i rgyu mthun pa dang bde ba'i gzhi tshad med
 par/ re bar bya'o zhes gsungs pa de la de'i tshe sbyin ba po'i sems pa'i khyad par gang zhig yin/ de lta bas na rgyud yongs su 'gyur ba'i khyad par kho na rigs pa dang ldan pa yin no/ /gang yang byed du bcug pa'i las kyi lam du ji ltar/ 'gyur zhes
 smras pa de la yang 'di skad du de'i sbyor bas gzhan la gnod pa'i bye brag gis sbyor ba po la rgyud yongs su 'gyur pa'i khyad par phra mo gang las/ sa na tshe phyi ma la 'bras bu la ches mang po mngon par 'grub nus pa'i rgyud de skye bar 'gyur ro zhes brjod
 de/ bdag nyid kyis byed pa la'ang bya ba 'bras bu yongs su rdzogs na tshul 'di nyid yin par rig par bya'o/ /rgyud yongs su 'gyur ba'i khyad par 'di ni las kyi lam zhes bya ste/ 'bras bu la rgyu btags pa'i phyir ro/ /lus kyi dang dag gi ni de dag gi bya ba'i
 'bras bu yin pa'i phyir dper na rnam par rig byed ma yin par smra ba rnams kyi rnam par rig byed ma yin pa lta bu'o/ /btsun pa na re 'di gang gi tshe zin pa'i phung po dag la gsang par bya'o/ /gsod do/ /bsad do snyam du sems pa na dus gsum pa'i
 sems pas srog gcod pa'i kha na ma tho bas reg par 'gyur zhes zer te/ me la sogs pa ma bsad par bsad do snyam pa'i mngon pa'i nga rgyal can rnams la mtshams med pa'i las kyi lam du 'gyur du 'ong bas de tsam gyi las kyi lam yongs su rdzogs
 pa ni ma yin gyi 'di la bsam pa ni bdag nyid kyis gsod pa la sems pa de snyed cig kun tu 'byung ngo/ /zhes bya ba 'di yin par rigs pa'i ngo bo yin no/ /da ni gang rnam par rig byed ma yin pa ni spong bar byed cing de kho na dang 'dra bar mi mngon par rgyud yongs su 'gyur pa'i
 bye brag khas len par byed pa'i rab tu sdang ba de gang zhe na/ rab tu sdang ba ni ci yang med mod kyi 'on kyang sems kyi rgyu las byung ba'i las kyi sbyor ba yongs su rdzogs na sbyor ba po de dag dang tha dad par gyur pa'i chos gzhan zhig skye'o zhes bya ba ni yongs su dga' ba mi skye'o//
 gang gis byas pa'i sbyor ba las byung ba'i bya ba yongs su rdzogs pa de kho na la de'i rgyu can gyi rgyud yongs su 'gyur ba 'byung ngo/ /zhes bya ba ni yongs su dga' bar 'gyur te/ sems dang sems las byung ba'i rgyud las tshe phyi ma la 'bras bu 'byung ba'i yang phyir ro/ /'di
 la bshad kyang zin to/ /ji skad du bshad ce na/ rnam par rig byed med pa'i phyir ro zhes bya ba de lta bu la sogs pa'o/ /gang yang 'di ltar chos kyi skye mched gzugs can ma yin par ma gsungs so zhes smras pa na bstan du yang med la thogs pa yang med pa'i gzugs
 gang yin pa de nyid chos kyi skye mched du gtogs pa yin no/ /gang yang 'phags pa'i lam yan lag brgyad par mi 'gyur ro zhes smras pa ni re zhig ji ltar na lam la snyoms par zhugs pa la yang dag pa'i ngag dang/ las kyi mdza' dang/ 'tsho ba dag yod
 pa khyod smos shig /ci 'di tshig tu smra 'am/ 'on te bya ba byed dam/ 'on te chos gos la sogs pa dag tshol bar byed/ smras pa/ ma yin no/ /'o na ji lta bu zhe na/ gang zhig thob pa'i phyir langs na yang log pa'i ngag la sogs pa dag la ni mi 'jug la/ yang
 dag pa'i dag la sogs pa dag la ni 'jug par 'gyur pa de lta bu'i rnam par rig byed ma yin pa zag pa med pa 'thob ste/ de'i phyir rgyu mtshan can btags nas rnam par rig byed ma yin pa la der bshad do/ /gal te de lta na go 'di la yang de bzhin
 dul ma la snyoms par zhugs pas rnam par rig byed ma yin pa med bzhin du gang zhig thob pa'i phyir langs na yang log pa'i dag la sogs pa dag la ni mi 'jug pa la/ yang dag pa'i ngag la sogs pa dag la ni 'jug
 par 'gyur ba de lta bu'i bsam pa dang lus thob par 'gyur te/ de'i phyir rgyu mtshan la rgyu mtshan can nye bar btags pa byas nas lam gyi yan lag brgyad rnam par bzhag go zhes bya bar ci'i phyir mi gzung gzhan dag na re de dag mi byed pa tsam
 'dir yan lag tu gsungs pa yin te/ 'dis 'phags pa'i lam gyi mthus nges par mi byed pa 'thob pa gang yin pa de yang zag pa med pa'i lam la brten nas 'thob pa'i phyir zag pa med pa yin no/ /thams cad du rdzas su yod pa'i
 chos yongs su bgrang ba yang ma yin te/ dper na 'jig rten pa'i chos brgyad po rnyed pa dang ma rnyed pa dang/ snyan pa dang mi snyan pa dang/ bstod pa dang smad pa dang/ bde ba dang sdug bsngal ba bzhin te/ de la ni chos gos la sogs pa dag ma rnyed pa
 zhes bya ba rdzas gzhan ni yod pa ma yin no zhes zer ro/ /so sor thar pa'i sdom par yang 'gyur te/ sems pa gang gis cho ga sngon du btang ba'i khas blangs te las bkag pas lus dang ngag dang? sdom par byed do/ /gal te sems gzhan dang
 ldan na ma bsdams par 'gyur ro zhe na/ ma yin te de la goms par byas pa'i dus su dran pa nye bar gnas pa'i phyir ro/ /chu lon gyi ngo bor yang 'gyur te/ ngo tsha shes pas mi bya bar dam bca' ba yang dag par dran zhing yang dag par dran nas
 'chal ba'i tshul khrims mi byed pa'i phyir te/ de lta bu kho na'i don du de yang dag par len pa yin no/ /gal te rnam par rig byed ma yin pa kho na 'chal pa'i tshul khrims kyi gegs byed pa yin par gyur na ni brjed ngas pa 'gas kyang tshul
 khrims 'bral bar mi 'gyur ro/ /rgyas par ni mi dgos so/ /bye brag tu smra rnams na re rnam par rig byed ma yin pa'i gzugs rdzas gzhan kho nar yod do zhes zer ro/ /gal te yod la de yang 'byung ba chen po dag rgyur byas pa yin no zhes bshad na de ci rnam par rig
 byed kyi 'byung ba dag kho na 'gyur byas nas rnam par rig byed ma yin pa skye 'am/ /'on te gzhan dag kyang yin zhe na/ smras pa/ ma yin no/ /de ni 'byung ba chen po gzhan dang gzhan dag kho na rgyur byas nas skye bar 'gyur te/ tshogs pa de nyid 'bras bu phra mo
 can yang yin la/ 'bras bu rags pa can yang yin par ni mi rung ngo/ /yang ci de gang gi tshe rnam par rig byed ma yin pa yod pa de'i cha yod pa'i 'byung ba chen po dag kho na rgyur byas nas 'byung ba ma zhe na/ rgyur byas pa'i gzugs phal cher thams cad ni
 de lta bu yin no/ /de ltar dang ma 'ongs pa cung zad cig ni 'das pa'i 'byung ba chen po dag rgyur byas nas 'byung ngo/ /de yang gang zhe na/ /'dod gtogs rnam rig min skad cig /phyin chad 'das pa'i 'byung las skye/ /'dod pa spyod pa'i rnam par rig byed ma
 yin pa ni skad cig dang po phyin chad 'das pa'i 'byung ba chen po dag rgyur byas nas skye'o/ /de dag ni 'di'i gzhi don du 'gyur la lus kyi 'byung ba chen po de ltar byung ba rnams ni rten gyi don du 'gyur te/ 'jug pa dang rjes su 'jug pa'i rgyu yin pa'i
 phyir go rims bzhin te/ 'khor los la 'dril ba la lag pas 'phrul ba dang sa'i phyogs bzhin no/ /yang gang na yod pa'i lus dang ngag gi las gang na yod pa'i 'byung ba chen po dag rgyur byas pa yin zhe na/ zag bcas lus dang ngag gi las/
 rang gi 'byung ba dag rgyur byas/ /'dod pa na spyod pa'i lus dang ngag gi las ni 'dod pa na spyod pa'i 'byung ba dag kho na rgyur byas pa yin la/ de bzhin du bsam gtan bzhi pa'i sa pa'i bar du yang de'i sa pa'i 'byung ba dag kho na rgyur byas pa yin no/ /zag med
 gang du skyes pa yin/ /zag pa med pa'i lus dang ngag gi las de ni sa gang du skyes te de skyed par byed pa de'i sa pa'i 'byung ba chen po dag rgyur byes pa yin te/ khams su ma gtogs pa'i phyir dang/ zag pa med pa rnams las 'byung
 ba dag med pa'i phyir dang/ de'i stobs las skye ba'i phyir ro/ /rnam par rig byed dang/ rnam par rig byed ma yin pa'i las de las kyang/ rnam rig byed min ma zin dang/ /rgyu mthun las byung sems can ston/ /gzhan yang/ rgyu mthun zin pa'i 'byung
 las skyes/ /rnam par rig byed ma yin pa ni rgyu mthun pa dang zin pa'i 'byung ba dag kho na rgyur byas nas skye ste/ 'di ni mnyam par bzhag pa ma yin pa'i sa pa'i rnam pa yin no/ /ting nge 'dzin skyes 'byung ma zin dang/ /rgyus byung tha dad min las skye/
 ting nge 'dzin las skyes pa ni bsam gtan dang zag pa med pa'i sdom pa'i rnam par 'byed pa ma yin te de ni ting nge 'dzin pas skyes pa rgyas pa las byung ba dang ma zin pa'i 'byung ba chen po dag rgyur byas nas skye'o/ /tha dad pa dag kyang yin
 te/ 'byung ba chen po gang dag kho nar rgyur byas nas srog gcod pa spong ba skye ba de dag kho na las tshig 'khyal pa spong ba'i bar du skye'o/ /ci'i phyir zhe na/ sems bzhin du 'byung ba tha mi dad pa'i phyir ro/ /so sor thang ba'i sdom pa ni 'byung ba gzhen
 dang gzhan dag rgyur byas nas rnam par rig byed ma yin pa bdun skye'o/ /rnam par rig byed ni rgyu mthun pa las byung ba ste/ lus kyi ni zin pa yin no/ /yang ci rnam par rig byed 'di skye ba na dbyibs snga ma'i rgyud bshig nas skye 'am/ 'on te
 ma yin/ de las cir 'gyur/ gal te bshig nas skye na ni/ rnam par smin pa'i gzugs chad pa yang rgyun chags pa'i phyir 'di bye brag tu smra ba ma yin par 'gyur ro/ /'on te ma bshig par skye na ni ji ltar 'byung ba'i tshogs cig la dbyibs
 gnyis 'grub par 'gyur pa de'i tshe gang dag rgyur byas nas rnam par rig byed skye bar 'gyur ba rgyu mthun pa las byung ba'i 'byung ba chen po gzhan dang/ gzhan de dag skye bar 'gyur ro/ /de dag de lta na ni 'o na de'i 'byung ba chen po dag gis mngon par khyab pa'i
 phyir yan lag gang dang gang la brten nas rnam par rig byed skye bar 'gyur ba'i yan lag de dang de chen por 'gyur ro/ /mngon par ma khyab na ni ji ltar na yan lag zad par gyis rnam par rig par byed par 'gyur/ lus la gseng yod pa'i phyir de
 dag gi go skabs yod do/ /yang gang las de rnam grangs kyi rnam pa gnyis te/ rnam pa gsum dang/ rnam pa lngar bshad pa des rnam par rig byed ma yin pa ni dge ba dang/ mi dge ba rnam pa gnyis so/ /rnam rig min lung bstan min med/ /ci'i phyir zhe na/ lung du
 ma bstan pa'i sems ni stobs chung ba yin te/ de'i phyir gang 'gags kyang de'i rjes su 'bral par 'gyur ba'i las stobs dang ldan pa 'phel bar mi nus so/ /gzhan ni rnam gsum/ las gzhan ni dge ba dang/ mi dge ba dang/ lung du ma bstan pa dang/ rnam pa
 gsum yin no/ /gzhan de yang gang zhe na/ rnam par rig byed dang/ sems pa'o/ /mi dge ba'i las ni 'dod pa'i khams na yod par rig par bya'o/ /gzhan dag ni med de/ mi dge ba'i rtsa ba rnams dang/ ngo tsha med pa dang/ khrel med pa ngag spangs pa'i phyir ro/ /dge ba dang
 lung du ma bstan pa ni bkag pa'i phyir thams cad na yod do/ /de la gzugs na'ang rnam rig min/ /'ang gi sgras ni 'dod pa na yang yod do/ /gzugs med pa dag na ni 'byung ba med pa'i phyir med do/ /gang na lus dang ngag 'jug pa de na lus dang ngag gi sdom pa yod do/ /'o
 na 'dir snyoms par zhugs pa la yod par 'gyur te/ zag pa med pa'i rnam par rig byed ma yin de bzhin no zhe na/ ma yin te/ de ni khams su ma gtogs pa'i phyir ro/ /gzugs me pa na spyod pa'i rnam par rig byed ma yin pa ni skal pa mi mnyam pa'i 'byung brgyur
 byas nas skye ba ni 'os pa ma yin no/ /gzugs thams cad la rgyab kyis phyogs pa'i phyir yang gzugs med pa'i snyoms par 'jug pas gzugs bskyed par mi nus te/ gzugs kyi 'du shes dang bral ba'i phyir ro/ /bye brag tu smra ba rnams
 na re tshul khrims ni 'tshal? pa'i tshul khrims kyi gnyen po yin la/ 'chal ba'i tshul khrims de yang 'dod pa na spyod pa yin na gzugs med pa rnams ni 'dod pa'i khams nas rten dang rnam pa dang dmigs pa dang gnyen po ring bdag gis ring ste/ de'i phyir 'di dag
 na rnam par rig byed ma yin pa med do zhes zer ro/ /rnam rig dpyod dang bcas dag na/ rnam par rig byed ni sa gnyis po 'dod pa'i khams dang/ bsam gtan dang po kho na na yod kyi de yan chad na ni med do/ /'dod pa na yang sgribs pa med do/ /bsgribs
 pa'i rnam par rig byed ni 'dod pa'i khams na yang med kyi tshangs pa'i 'jig rten kho na na yod do/ /tshangs pa chen po la yang g.yos kun nas bslang ba'i ngag gi las yod de/ nges rang gi 'khor gyi nang du tshe dang ldan pa rta thul la gtam
 rlung bskur ba'i phyir bdag nyid rnam par bsngags so zhes grag go/ de yan chad na dag gi rnam par rig byed med na sgra'i skye mched ji ltar yod ce na/ phyi'i 'byung ba chen po rgyur byas pa yod do/ /gzhan dag na re bsam gtan gnyis pa la sogs
 pa dag na re yang ma bsgribs la lung du ma bstan pa'i rnam par byed pa'i rig byed ni yod kyi dge ba yang med la/ nyon mongs pa can yang med la/ ci'i phyir zhe na/ de dag tu skyes pa ni sa 'og ma'i sems gang gis na rnam par rig byed kun nas slong bar
 'gyur ba de lta bu ni mngon sum du mi byed de/ dman pa dang spangs zin pa'i phyir ro zhes zer te snga ma kho na brjod do/ /ci'i phyir tshangs pa'i 'jig rten yan chad na rnam par rig byed med la/ 'dod pa'i khams na yang bsgribs la lung du ma
 bstan pa med ce na/ gang phyir kun slong med/ rtog pa dang dpyod pa dang bcas pa'i sems kyis rnam par rig byed kun nas slong bar byed na/ de yang bsam gtan gnyis pa la sogs pa dag na med do/ /bsgom pas spang par bya bas slong bar byed kyi de kha nang du bltas
 pa'i phyir mthong bas spang bar bya ba ni ma yin na bsgribs la lung du ma bstan pa'i sems de yang 'dod pa'i khams na med do/ /yang rtsa kun nas slong ba'i dbang kho na las chos rnams kyi dge ba dang mi dge ba nyid du rig par bya ba 'am zhe na/ spras pa/ ma yin no
 'o na ji lta bu zhe na/ rnam pa bzhis te/ don dam pa dang/ ngo bo nyid dang/ mtshungs par ldan pa dang/ kun nas slong bas so/ /de la re zhig /thar pa dam pa'i don du dge/ mya ngan las 'das pa ni sdug bsngal thams cad nye bar zhi ba yin te/ de bas na mchog tu bde ba'i phyir
 ro don dam par dge ba ste nad med pa bzhin no/ /ngo tsha khrel yod bdag nyid kyis/ /dge ba'i rtsa ba gsum dang ngo tsha shes pa dang khrel yod pa ni gzhan mtshungs par ldan pa dang/ kun nas slong ba la mi bltos pa'i phyir ngo bo nyid kyi dge ba yin te 'phrod pa'i sman bzhin no//
 de dag dang ldan mtshungs ldan gyis/ /dge ba'i rtsa ba dang ngo tsha shes pa dang khrel yod pa de dag nyid dang mtshungs par ldan pa'i chos rnams ni mtshungs par ldan pas dge ba dag yin te/ de dag dang mtshungs par ldan pas dge ba dag yin te/ de dag mtshungs par ma ldan pa
 rnams la dge ba nyid med pa'i phyir sman dang sbyar ba'i btung ba bzhin no/ /bya ba la sogs kun slong bas/ /dge ba'i rtsa ba la sogs pa dang mtshungs par ldan pa'i chos de dag kho nas bslang ba'i lus dang ngag gi las dang/ skye ba la sogs pa dang/ thob pa dang/ 'gog pa dang/
 'du shes med pa'i snyoms par 'jug pa rnams ni kun nas slong ba'i dge ba yin te sman dang sbyar ba'i btung ba las byung ba'i 'o ma bzhin no/ /skal pa mi mnyam pa'i sems kyis kun nas bslang ba'i thob pa rnams ji ltar dge ba nyid yin pa ni brjod gos so/ /dge ba ji
 skad du bshad pa de las/ bzlog pa mi dge/ ji ltar byas pas she na/ 'khor ba ni sdug bsngal thams cad 'jug pa'i bdag nyid kyi mchog tu mi bde ba'i phyir don dam par mi dge ba yin no/ /mi dge ba'i rtsa ba dang ngo tsha med pa dang khrel med pa rnams
 ni ngo bo nyid kyis so/ /de dag dang mtshungs par ldan pa'i chos rnams ni mtshungs par ldan pas so/ /de dag gis kun nas bslang ba'i lus dang ngag gi las dang/ skye ba la sogs pa dang/ thob pa rnams ni kun nas bslang ba las te nad dang mi 'phrod pa'i sman la sogs pa dper
 bya'o/ /de lta na 'o na ni 'khor ba'i khongs su gtogs pa'i phyir zag pa dang bcas pa cung zad kyang lung du ma bstan pa 'am/ dge bar mi 'gyur ro zhe na/ don dam par de skad du bshad kyi zag pa dang bcas pa gang zhig rnam par smin pa'i phyir lung du ma bsten pa de ni lung du ma bstan pa
 zhes bya la/ rnam par smin pa yid du 'ong ba can ni dge ba can zhes bya'o/ /gal te don dam pa lung du ma bstan pa btsal na ni de la/ don dam par lung ma bstan pa dag /'dus ma byas gnyis po nam mkha' dang so sor ma brtags pas 'gog pa ni rnam grangs med par lung du ma
 bstan pa dag yin no/ /da ni 'di dpyad par bya ste/ gal te kun nas slong ba'i dbang gis lus dang ngag gi las dag dge ba dang mi dge ba nyid yin na/ ci ste 'byung ba chen po rnams ma yin zhe na/ byed pa po ni las la sems pa yin gyi 'byung ba rnams la ni ma yin no/ /mnyam
 par ma bzhag pa'i rnam par rig byed ma yin pa la ni bsam pa med do/ /mnyam par ma bzhag pa'i sems ni skal ba mi mnyam pa'i phyir de kun nas slong bar byed pa ma yin na ji ltar de dge ba nyid yin/ yang na lha'i mig dang rna ba ngag kyang dge ba nyid du thal bar 'gyur bas 'di la
 'bad par bya dgos so/ /mthong bas spyad par bya ba'i sems ni rnam par rig byed kun nas slong bar byed pa ma yin zhes gang bshad pa/ 'o na ci'i phyir bcom ldan 'das kyis log par lta ba de las ni log par rtog pa dang log pa'i ngag dang lag pa'i las kyi mdza' 'byung bar
 'gyur ro/ /zhes bya ba de lta bu la sogs pa gsungs she na/ 'di ni 'gal ba med de/ 'di ltar kun slong rnam gnyis rgyu dang ni/ /de yi dus kyis slong zhes bya/ /kun nas slong ba rnam pa gnyis te/ rgyu'i kun nas slong ba dang/ de'i dus kyi kun nas slong ba ste/ de'i dus kha na ni ? pa'i phyir//
 gnyis las dang po rab 'jug byed/ /gnyis pa rjes su 'jug byed yin/ /rgyu'i kun nas slong ba ni 'phen par byed pa yin pa'i phyir rab tu 'jug par byed pa yin no/ /de'i dus kyi kun nas slong ba ni bya ba'i dus su mthun par 'jug pa'i phyir rjes su 'jug par byed pa yin no/ /nga ni
 bya ba de'i nus pa ci zhig yod/ 'phangs su zin kyang kyang de med na shi ba bzhin du de yod par mi 'gyur ro/ /'o na sems med pa'i sdom pa skye ba la ji ltar yod/ 'o na ni sems dang bcas pa la ches gsal ba yin pas nus pa ni de yin no/ /de la yang/ mthong bas spang bya'i rnam shes
 ni/ /rab tu 'jug byed yin/ mthong bas spang bar bya'i sems ni de kun nas slong bar byed pa rtog pa dang dpyod pa dag gi gzhir gyur pa'i phyir rnam par rig byed rab tu 'jug par byed pa yin gyi/ sems kha phyir bstan pa'i bya ba'i dus na de med pa'i phyir rjes su 'jug par byed pa
 ni ma yin no/ /des kun nas bslang ba'i gzugs kyang mthong bas spang bar bya ba yin par 'gyur ro/ /cir 'gyur/ chos mngon pa la gnod par 'gyur ro/ /gzugs ni rig pa dang ma rig pa dag dang mi 'gal bas mthong bas spang bar bya ba ma yin no/ /phyogs 'di ni bsgrub par bya ba
 yin no/ /'o na ni sems mtshungs pas bslang ba'i phyir 'byung ba rnams kyang mthong ngas spang bar bya bar 'gyur ro/ /de ltar ni mi 'gyur te/ ji ltar dge ba dang mi dge ba dag tu mi 'gyur ba bzhin no/ /yang na gyur du zad mod/ de skad brjod par ni mi nus te/ nyon mongs pa can ma yin pa'i
 chos ni rig pa dang ma rig pa dag dang mi 'gal ba'i phyir mthong bas spang bar bya ba yang ma yin la spang bar bya ba yang ma yin no/ /de lta bas na mdo las rgyu'i kun nas slong ba'i dbang du mdzad nas gsungs pa'i phyir mi 'gal lo/ /yid ni/ bsgom pas spang bya gnyi ga yin/ /yid
 kyis rnam par shes pa bsgom par spang bar bya ba ni gnyi ga yin te/ rab tu 'jug par byed pa yang yin la/ rjes su 'jug par byed pa yang yin no/ /lnga ni rjes su 'jug byed yin/ /rnam par shes pa'i tshogs lnga ni rjes su 'jug par byed
 pa kho na yin no/ /de lta bas na 'di ni mu bzhir 'gyur te/ mthong bas spang bar bya ba'i sems ni rab tu 'jug par byed pa kho na yin no/ /rnam par shes pa'i tshogs lnga ni rjes su 'jug par byed pa kho na yin no/ /yid kyi rnam par shes pa'i bsgom pas spang bar bya ba ni gnyi ga
 yin no/ /zag pa med pa ni gnyi ga ma yin no/ /yang ci rab tu 'jug par byed pa ji ltar bar rjes su 'jug par byed pa yang de dang 'dra ba 'am zhe na/ 'di ni nges pa med do/ rab tu 'jug byed dge sogs las/ /rjes 'jug byed kyang rnam gsum 'gyur/ /rab tu 'jug par
 byed pa dge ba las kyang rjes su 'jug par byed pa dge ba dang mi dge ba dang lung du ma bstan par 'gyur la/ mi dge ba dang lung du ma bstan pa la yang de dang 'dra'o/ /thub pa'i 'dra ba 'am/ sangs rgyas bcom ldan 'das kyi ni rab tu 'jug par byed pa dang rjes su
 'jug par byed pa 'dra ste/ dge ba las kyang dge ba yin la lung du ma bstan pa las kyang lung du ma bstan pa yin no/ /de dge ba/ yang na rab tu 'jug par byed pa lung du ma bstan pa las kyang rjes su 'jug par byed pa dge bar 'gyur gyi/ rab tu 'jug par byed pa
 dge ba las rjes su 'jug par byed pa lung du ma bstan par ni nam yang mi 'gyur te/ sangs rgyas rnams kyi ston pa ni dman par 'gyur ba ma yin no/ /sde pa gzhan dag na re sangs rgyas rnams la lung du ma bstan pa'i sems med de/ sangs rgyas rnams kyi rgyud ni rtag tu
 mnyam par bzhag pa'i phyir dge bar rgyud gcig pa yin no/ /mdo las kyang/ glang chen gshegs na'ang mnyam par zhig/ glang chen bzhed na'ang mnyam par bzhag /glang chen pa rnal na'ang mnyam par bzhag /bzhugs na'ang mnyam par bzhag pa yin zhes
 gsungs so zhes zer ro/ /bye brag tu smra ba rnams na re 'di'i thugs mi bzhed bzhin du mi 'gro ba'i phyir de skad gsungs kyi sangs rgyas rnams la lung du ma bstan pa rnam par smin pa las skyes pa dang/ spyod lam pa dang/ sprul pa'i sems mi mnga' ba ni ma yin no zhes zer ro//
 bsgom pas spang bar bya ba'i yid ni rab tu 'jug par byed pa yang yin la rjes su 'jug par byed pa yang yin zhes bshad pa de thams cad ni dge ba dang mi dge dang lung du ma bstan pa yin par rig par bya'o/ /rnam smin las skyes gnyi ga min/ /rnam par smin pa las
 skyes pa'i sems ni mngon par 'du bya ba med par 'jug pa nyid kyi phyir rab tu 'jug par byed pa yang ma yin la rjes su 'jug par byed pa yang yin no/ /da ni ci rab tu 'jug par byed kyang ji lta ba rnam par rig byed kyang de dang 'dra 'am/ 'on te rjes su 'jug par byed pa
 ji lta ba bzhin yin/ de las cir 'gyur/ gal te rab tu 'jug par byed pa ji lta ba bzhin no zhe na ni 'jig tshogs dang/ mthar 'dzin par lta bas rab tu 'jug pa'i phyir 'di na yang bsgribs la lung du ma bstan pa'i rnam par rig byed yod par 'gyur/ /yang na mthong
 bas spang bar bya ba thams cad ni rab tu 'jug par byed pa ma yin no zhes khyad par brjod dgos so/ /gal te rjes su 'jug par byed pa ji lta ba bzhin no zhe na ni sems mi dge ba dang lung du ma bstan pa can gyi so sor thar pa'i rnam par rig byed dge bar mi 'gyur ro/ /rab tu 'jug
 par byed pa ji lta bar rnam par rig byed kyang de dang 'dra mod kyi bsgom pas spang bar bya bas bar du chod pa'i phyir mthong bas spang par bya ba ji lta ba bzhin ni ma yin no/ /gal te rjes su 'jug par byed pa'i dbang gis dge ba la sogs pa nyid ma yin no/ /'o na ni mod las
 rgyu'i kun nas slong ba las dgongs te gsungs kyi de'i dus kyi kun nas slong ba las ni ma yin pas de'i phyir 'di ni bsgribs la lung du ma bstan pa'i rnam par rig byed med do zhes bya ba 'di brjod par mi bya'i 'di skad du gzhan gyis chod pa'i rgyu'i kun nas slong ba las dgongs
 nas gsungs so zhes brjod par bya'o/ /zhar la 'ongs pa rdzogs so// //sngar bshad pa'i/ rnam rig min/ de ni rnam gsum zhes bya/ sdom dang sdom pa min dang gzhan/ /sdom pa dang sdom pa ma yin pa dang de dag las gzhan pa
 sdom pa yang ma yin sdom pa ma yin pa yang ma yin pa ste/ 'chal pa'i tshul khrims kyi rgyun sdom zhing 'gog pa nas na sdom pa'o/ /de la sdom pa so sor thar ces bya/ /de bzhin zag med bsam gtan skyes/ /sdom pa rnam pa gsum ste/ so sor thar pa'i sdom pa ni/
 'di pa rnams kyi 'dod pa na spyod pa'i tshul khrims so/ /bsam gtan gyi sdom pa ni gzugs na spyod pa rnams kyi tshul khrims kyi tshul khrims yin no/ /zag pa med pa'i sdom pa ni zag pa med pa'i tshul khrims so/ /de la so sor thar ces bya rnam brgyad/ /dge slong gi sdom pa dang/ dge slong
 ma'i sdom pa dang/ dge slong ma'i sgom pa dang/ dge tshul gyi sdom pa dang/ /dge tshul ma'i sdom pa dang/ dge bsnyen gyi sdom pa dang/ dge bsnyen ma'i sdom pa dang/ bsnyen gnas pa'i sdom pa dang/ sdom pa rnam pa de brgyad ni so sor thar pa'i sdom pa zhes bya ste/ ming du
 ni rnam pa de brgyad yin no/ /rjes su rnam pa bzhi yin no/ /dge slong gi sdom pa dang/ dge tshul gyi sdom pa dang/ dge bsnyen gyi sdom pa dang/ bsnyen gnas kyi sdom pa'o/ /de ltar na so sor thar pa'i sdom pa ni mchod nyid so sor nges pa'i phyir rdzas nyid du rnam pa de bzhin yin te/
 dge slong gi sdom pa las ni dge slong ma'i sdom pa gzhan yin no/ /dge tshul gyi sdom pa las kyang dge slong ma dang/ slong ma dang/ dge tshul ma'i sdom pa gzhan ma yin no/ /dge bsnyen gyi sdom pa las kyang dge bsnyen ma'i sdom pa gzhan ma yin no/ /ji ltar shes she na/ mtshan las ming ni
 'pho ba'i phyir/ mtshan shes bya ba ni rtags shes bya ba ste/ gang gis skyes pa dang bud med dag tu mtshon par byed pa'o/ /mtshan las ni dge slong dang dge slong ma la sogs pa'i ming 'pho bar 'gyur te/ ji ltar byas pas she na/ mtshan gyur na dge slong ni dge slong ma zhes
 bya/ /dge slong ma yang dge slong zhes bya'o/ /dge tshul ni dge tshul ma zhes bya la dge tshul ma dang dge slong ma yang dge tshul zhes bya'o/ /dge bsnyen ni dge bsnyen ma zhes bya la dge bsnyen ma yang dge bsnyen zhes bya ste/ mtshar gyur pa las sngon gyi sdam pa gtong ba'i rgyu yang
 yod pa ma yin la sngon med pa'i sdom pa 'thob pa'i rgyu yang yod pa ma yin no/ /de lta bas na sdom pa bzhi po de dag ni gsum po las rang bzhin tha mi dad do/ /gang gis dge bsnyen gyi sdom pa las dge tshul gyi sdom pa yang dag par blangs la/ de las yang dge slong gi sdom
 pa yang dag par blangs na/ ci spong ba'i 'phel ba dang ldan pa'i phyir sdoms de dag lnga dang bcu dang nyi shu zhes bya ba lta bu dang/ dong rtse gcig dang gnyis zhes bya ba bzhin du gzhan dang gzhan zhes bya ba'am/ 'on te de dag thams cad tha dad pa nyid gcig tu skye zhe na/ smras pa/
 tha dad/ de dag ni mi 'dres pa nyid de/ sdom pa gsum dag la srog gcod pa spong ba gsum nas myos par 'gyur ba'i btung ba spong ba gsum gyi bar du mtshan nyid tha dad par skye ste/ lhag ma rnams kyang de dang 'dra'o/ /de dag khyad par ci zhig yod ce na/ gzhi'i khyad par las
 khyad par yod do/ /ji ltar byas pas she na/ ji lta ji ltar bslab pa'i gzhi ches mang po dag yang dag par len par 'dod pa de lta de ltar rgyags pa dang bag med pa'i gnas ches mang po dag las ldog pa na srog gcod pa la sogs pa'i gzhi ches mang po dag las ldog par
 'gyur zhing slong ba'i gzhi rnams la yang 'jug par 'gyur bas gzhi'i khyad par las spong ba rnams khyad par yod do/ /de lta ma yin na dge gnyi ga yang der 'dus pa'i phyir dge slong gi sdom pa btang bas sdom pa gsum char yang btang bar 'gyur ba zhig na de ni mi
 'dod do/ /de lta bas na sdom pa de dag ni tha dad pa kho na'o/ /de dag 'gal ba med/ de gsum char yang lhan cig par 'gyur gyi sdom pa phyi ma yang dag par blangs pas snga ma gtong ba ni ma yin te/ de lta ma yin na dge slong gi sdom pa yongs su btang bas dge bsnyen yang ma yin
 pa kho nar 'gyur du 'ong ngo/ /'di ji ltar na dge bsnyen yin/ /ji ltar na bsnyen gnas pa nas dge slong gi bar du yin zhe na/ spang bya lnga brgyad bcu dang ni/ /thams cad spong ba mnos pa las/ /dge bsnyen dang ni bsnyen gnas dang/ /dge tshul
 chad dang dge slong nyid/ /grangs bzhin du bstan par rig par bya ste/ spang bar bya ba lnga po srog gcod pa dang/ ma byin par len pa dang/ 'dod pas log par g.yem pa dang/ rdzun du smra ba dang/ 'bru'i chang dang sbyar ba'i chang myos par 'gyur pa'i btung ba spong ba yang dag
 par blangs pas ni dge bsnyen gyi sdom pa la gnas pa yin no/ /brgyad po srog gcod pa dang/ ma byin par len pa dang/ mi tshangs par spyod pa dang/ rdzun du smra ba dang/ myos par 'gyur ba'i btang ba dag dang/ spos dang me tog phreng dang/ byug pa dang/ gar dang/ glu dang/
 rol mo dang/ khri stan mthon po dang/ khri stan chen po dang/ dus ma yin pa'i zas spong ba yang dag par blangs pas ni bsnyen gnas la gnas pa yin no/ /de dag nyid dang gser dang dngul 'dzin pa dang bcu spong ba yang dag par blangs pas ni dge tshul yin te/ 'di gar dang/
 glu dang rol mo dang/ spos dang me tog phreng dang byug pa gnyis su byas nas bcur 'gyur ro/ /lus dang ngag gi las spang bar bya ba thams cad sdod par bya ba yang dag par blangs pas ni dge slong yin no/ /so sor thar pa'i sdom pa de ni/ tshul khrims dang ni legs sbyang dang/ /las dang sdom
 pa zhes bya'o/ /las mi mnyam pa can rnams yang dag par 'jog par byed pa nas tshul khrims so/ /nges pa'i tshig tu na bsil ba'i phyir te/ tshigs su bcad pa las/ lus las yongs su gdung med pas/ /tshul khrims yang dag blangs pa bde/ /zhes 'byung ba'i
 phyir ro/ /mkhas pa rnams kyis sngags pa'i phyir legs par spyad pa'o/ /bya ba'i rang bzhin yin pa'i phyir las so/ /rnam par rig byed ma yin pa bya ba ma yin/ /zhes mi bya ba 'am de ji ltar na bya ba yin zhe na/ ngo tsha shes pa rnams yang dag par blangs pa des sdig pa mi byed pas
 na bya ba ma yin pa zhes bya la/ de yang rnam par rig byed dang sems pa dag gis byed pas na bya ba yin no/ /gzhan dag na re bya ba'i rgyu yin pa dang/ bya ba'i 'bras bu yin pa'i phyir ro zhes zer ro/ /lus dang ngag sdom pa'i phyir so sor thar pa'i sdom pa zhes kyang bya'o/ /de ltar re zhig bye brag
 med par so sor thar pa'i sdom pa yang dag par bstan to/ /yang dang po'i rnam rig min/ /so sor thar dang bya ba'i lam/ /sdom pa yang dag par blangs pa'i rnam par rig byed dang/ rnam par rig byed ma yin pa dang po dag ni so sor thar pa zhes bya ste/ des sdig pa las so sor thar
 pa'i phyir te/ spangs pa'i phyir zhes bya ba'i tha tshig go /so sor thar pa'i sdom pa zhes kyang bya ste/ lus dang ngag sdom pa'i phyir ro/ /las kyi lam zhes kyang bya'o/ /skad cig ma gnyis pa la sogs pa la ni so sor thar pa'i sdom pa kho na yin gyi so sor thar pa ni ma yin no/ /mjug
 yin gyi las kyi lam dngos ni ma yin no/ /yang sdom pa 'di rnams las gang zhig gang dang ldan zhe na/ so sor thar dang ldan pa brgyad/ /so sor thar pa'i sdom pa dang ni ris brgyad po dge slong dang/ dge slong ma nas brgyad pa bsnyen gnas pa'i bar dang ldan no/ /yang ci phyi rol pa rnams
 la yang dag par blangs pa'i tshul khrims med dam zhe na/ yod mod kyi so sor thar pa'i sdom pa ni ma yin no/ /ci'i phyir zhe na/ de ni srid pa la rten pa'i phyir gtan du sdig pa las so sor thar par byed pa ma yin no/ /bsam gtan skyes dang de dang ldan pa/ bsam gtan las
 bsam gtan gyis bskyed pas na bsam gtan skyes te/ gang bsam gtan dang ldan pa de gdon mi za bar bsam gtan gyi sdom pa dang ldan no/ /'dir ni nyer bsdogs kyang bsam gtan du brjod nas bstan te/ dper na grong 'di ni sa lu'i zhing yod do/ /'bru'i zhing yod do
 grong gi nye 'khor la yang grong zhes bya ba bzhin no/ /zag med 'phags pa'i sems can dang/ /zag pa med pa'i sdom pa dang ni 'phags pa'i gang zag rnams ldan te/ de dag kyang slob pa dang mi slob pa rnams so/ /lhan cig 'byung ba'i rkyen bshad par sems kyi rjes su 'brang
 pa'i sdom pa gnyis zhes gang bshad pa de gnyis gang yin zhe na gsum po 'di dag nyid las/ tha ma gnyis ni sems rjes 'brang/ /bsam gtan gyi sdom pa dang/ zag pa med pa'i sdom pa'o/ /so sor thar pa'i sdom pa ni ma yin no/ /ci'i phyir
 zhe na sems can gzhan dang ldan pa dang/ sems med pa la 'jug pa'i phyir ro/ /yang bsam gtan gyi sdom pa dang/ zag pa med pa'i sdom pa de gnyis la spong ba'i sdom pa zhes bya ba'i ming 'thob po/ /bar chad med lam skyes de gnyis/ /mi lcogs med la spong zhes
 bya/ /mi lcogs pa med pa la bsam gtan dang zag pa med pa'i sdom pa de gnyis bar chad med pa'i lam dgu dag tu spong ba'i sdom pa zhes bya ste/ de gnyis kyis 'tshol pa'i tshul khrims dang/ de kun nas slong bar byed pa'i nyon mongs pa rnams spong ba'i phyir ro//
 de gnyis kyi phyir bsam gtan gyi sdom pa yin la spong ba'i sdom pa ma yin pa yang yod ces bya ba mu bzhir bya ste/ mu dang po ni mi lcogs pa med pa'i bar chad med pa'i lam ma gtogs pa zag pa dang bcas pa'i bsam gtan gyi sdom pa'o/ /gnyis pa ni mi lcogs
 pa med pa'i bar chad med pa'i lam dgu dag tu zag pa med pa'o/ /gsum pa ni mi lcogs pa med pa'i bar chad med pa'i lam dag tu zag pa dang bcas pa'o/ /bzhi pa ni mi lcogs pa med pa'i bar chad med pa'i lam ma gtogs pa zag pa med pa'i sdom
 pa'o/ /de bzhin du zag pa med pa'i sdom pa yin la spong ba'i sdom pa ma yin pa yang yod ces bya ba mu bzhir ci rigs par rig par bya'o/ /'o na bcom ldan 'das kyis/ lus kyi sdom pa legs pa ste/ /ngag gi sdom pa legs pa yin/ /thams cad du ni
 sdom pa legs/ zhes gang gsungs pa dang/ gang yang mig gi dbang po sdom pas bsdams te gnas so/ zhes gsungs pa yid dang dbang po'i sdom pa 'di gnyis kyi rang bzhin ci zhe na/ 'di gnyis rnam par rig byed ma yin pa'i rang bzhin ni ma yin no/ /'o na ci
 zhe na shes bzhin dang ni dran dag gnyis/ /yid dang dbang po'i sdom pa yin/ /grangs bzhin du shes par 'gyur du 'ong bas so sor gnyis kyi rang bzhin yin par bstan pa'i phyir yang gnyis zhes bya ba smos te/ yid kyi sdom pa yang dran pa dang shes bzhin gyi rang bzhin yin la//
 dbang po'i sdom pa yang dran pa dang shes bzhin no/ /gang zhig rnam par rig byed dam/ /rnam par rig byed ma yin pa gang zhig dang dus ji srid cig tu ldan zhes bya ba 'di dpyad par bya ste/ de la so sor thar nas ji srid du/ /ma btang bar rtag da ltar gyi/ /rnam rig
 min ldan so sor thar pa'i sdom pa la gnas pas bshad pa'i gang zag gang yin pa de ni ji srid du rnam par rig byed ma yin pa de mi gtong ba de srid du rtag tu da ltar gyi de dang ldan no/ /skad cig ma/ dang po phyin chad 'das pa dang/ /skad cig ma dang po phyin chad ni
 'das pa dad yang ldan te/ thams cad du yang ji srid du ma btang bar zhes bya ba'i dbang du byas par rig par bya'o/ /so sor thar pa'i sdom pa la gnas pa'i ji skad du bshad pa/ sdom min gnas pa'ang de dang 'dra/ /sdom pa ma yin pa la gnas pa yang ji srid du sdom
 pa ma yin pa mi gtong ba de srid du rtag tu da ltar gyi rnam par rig byed ma yin pa dang ldan no/ /skad cig ma gcig man chad ni 'das pa dang yang ldan no/ /bsam gtan sdom dang ldan pa ni/ /rtag tu 'das dang ma 'ongs dang/ /bsam gtan gyi sdom pa thob pa ni ji srid
 du ma gtang gi bar du rtag tu 'das pa dang ma 'ongs pa'i rnam par rig byed ma yin pa dang ldan te/ des ni skad cig ma dang po la yang tshe rabs gzhan dag tu btang ba'i bsam gtan gyi sdom pa 'das pa thob po/ /'phags ni dang po 'das dang min/ /'phags pa'i
 gang zag kyang zag pa med pa dang de bzhin du ldan la/ 'di ni khyad par yin te/ lam sngon ma skyes pa'i phyir skad cig ma dang po la 'das pa dang mi ldan no/ /mnyam gzhag 'phags lam gnas de gnyis/ /da ltar dang ldan/ bsam gtan dang zag pa med pa'i sdom pa dang
 ldan pa mnyam par bzhag pa dang/ 'phags pa'i lam la snyoms par zhugs pa de dag ni go rims bzhin du da ltar gyi rnam par rig byed ma yin pa dang ldan gyi langs pa dag ni ma yin no/ /re zhig sdom pa dang sdom pa ma yin pa la gnas pa rnams
 kyi gtam ni de lta'o/ /yang nga ni bar ma la gnas pa brjod bar bya ste/ bar gnas la/ yang na dang po bar gyi dang/ /gang sdom pa yang ma yin sdom pa ma yin pa yang ma yin pa la gnas pa de ni bar ma la gnas pa ste/ de la rnam par rig byed ma yin pa gdon mi za bar yod
 pa ni ma yin gyi gang la 'chal pa'i tshul khrims dang tshul khrims kyi yan lag la sogs pas bsdus pa yod pa de ni dang pa bar gyi dang ldan no/ /da ltar gyi rnam par rig byed ma yin pa ni 'das pa dang/ ma 'ongs pa gnyis kyi bar ma yin no/ /phyin chad
 dus ni gnyis dang ngo/ /skad cig ma dang po phyin chad ni 'das pa dang yang ldan da ltar gyi ngang yang ldan te/ ma btang gi bar du zhes bya bar sbyar ro/ /ci res 'ga' sdom pa ma yin pa la gnas pa dge ba'i rnam par rig byed ma yin pa dang ldan par 'gyur ba
 'am/ sdom pa la gnas pa mi dge ba'i rnam par rig byed ma yin pa la gnas par 'gyur ram zhe na/ 'gyur ro/ /nam zhig tu ji srid gcig tu 'gyur zhe na/ smras pa/ sdom min gnas pa dge ba dang/ /sdom la gnas pa mi dge ba'i/ /rnam rig
 mi ldan ji srid du/ /rab dang nyon mongs shugs ldan par/ /sdom pa ma yin pa la gnas pa ni rab tu dad pa'i shugs gang gis mchod rten la phyag 'tshal ba la sogs pa'i bya ba byed pa na dge ba'i rnam par rig byed ma yin pa skye la/ sdom pa la gnas
 pa na nyon mongs pa'i shugs gang gis/ gsod pa dang 'ching ba dang brdeg pa la sogs pa'i bya ba byed pa na mi dge ba'i rnam par rig byed ma yin pa skye ste/ de gnyis ji srid du rjes su 'brang ba de srid du rnam par rig byed ma yin pa yang rjes su
 'brang ngo/ /de yang skad cig ma dang po la ni da ltar gyi rnam par rig byed ma yin pa kho na dang ldan par 'gyur la/ gzhan dag tu ni 'das pa dang yang yin? no/ /rnam par rig byed ma yin pa'i skabs rdzogs so// //rnam rig byed ni thams cad la/ /byed pa dag la da ltar ldan/ /
 sdom pa dang sdom pa ma yin pa dang bar ma la gnas pa thams cad ji srid du rnam par rig byed byed pa de srid du da ltar gyi de dang ldan no/ /ma btang bar du skad cig ma/ /phyin chad 'das ldan/ skad cig ma dang po phyin chad ni ji srid ma btang gi bar du 'das pa'i rnam par rig
 byed dang yang ldan no/ /ma 'ongs med/ ma 'ongs pa'i rnam par rig byed dang ni su yang mi ldan no/ /bsgribs pa dang ni ma bsgribs pa/ /'das pa ngag dang ldan pa med/ /bsgribs pa dang ma bsgribs la lung du ma bstan pa'i rnam par rig byed 'das pa dag dang yang 'ga' 
 yang ldan pa med de/ chos nyams chung ba'i thob pa yang nyam chung ba yin pas rjes su 'brel pa can ma yin no/ /des cis nyams chung bar byas she na/ sems kyis byas so/ /'o na ni bsgribs la lung du ma bstan pa'i sems kyi dang yang mi ldan par 'gyur ro/ /de ni de lta
 ma yin te/ rnam par rig byed blun pa dang/ gzhan gyi dbang yin pa ltar sems ni de lta ma yin la/ nyam chung ngus bslang ba de ni ches nyam chung bar 'gyur ro/ /sdom pa ma yin pa la gnas pa zhes gang bshad pa/ sdom pa ma yin pa zhes bya ba 'di ci zhe na/ sdom pa min dang
 nyes spyad dang/ /'chal ba'i tshul khrims las de'i lam/ 'di dag ni sdom pa ma yin pa'i rnam grangs kyi sgra ste/ de la lus dang ngag mi sdom pa'i phyir sdom pa ma yin pa'o/ /dam pa rnams kyis smad pa'i phyir dang/ 'bras bu yid du mi 'ong ba'i nyes par spyad pa yin no//
 tshul khrims kyi mi mthun pa'i phyogs yin pa'i phyir 'chal pa'i tshul khrims yin no/ /lus dang ngag gi las yin pa'i phyir las so/ /dngos kyis bsdus pa'i phyir las kyi lam yin no/ /rnam par rig byed dang ldan la rnam par rig byed ma yin pa dang mi ldan pa
 yang yod ces bya ba mu bzhi ste/ de la re zhig /bar ma dor gnas sems gzhan pas/ /byed na rnam rig nyid dang ldan/ /sdom pa yang ma yin sdom pa ma yin pa yang ma yin pa la gnas pa zhig sems zhan pas dge ba 'am mi dge ba
 zhig byed na rnam par rig byed kho na dang ldan gyi rnam par rig byed ma yin pa dang ni ma yin na/ lung du ma bstan pa lta smos kyang ci dgos te/ rdzas las byung ba'i bsod nams bya ba'i dngos po dang/ las kyi lam ni ma gtogs so/ /rnam rig btang dang ma skyes
 pa'i/ /'phags pa'i gang zag rnam rig min/ /'phags pa'i gang zag 'ga' zhig tshe gzhan du yongs su gyur nas da dung du rnam par rig byed ma byung ba 'am/ rnam par rig byed rnam par nyams na rnam par rig byed ma yin pa kho na dang ldan gyi rnam par rig byed dang ni ma yin no//
 sdom pa dang sdom pa ma yin pa dang bar ma la gnas pa rnams kyi rnam par rig byed dang rnam par rig byed pa ma yin pa dang ldan pa rnam par bzhag pa bshad zin to/ /yang sdom pa de dag ji ltar 'thob ce na/ bsam gtan las skyes bsam gtan gyi//
 sa nyid kyis 'thob?/ gang gi tshe bsam gtan gyi sa pa'i sems zag pa dang bcas pa dang ?mo gzhi pa'am/ nyer bsdogs pa 'thob pa de'i tshe bsam gtan gyi sdom pa yang 'thob ste/ lhan cig 'byung ba yin pa'i phyir ro/ /zag med ni/ 'phags des/ zag pa med
 pa'i bsam gtan gyis pa thob pa de nyid kyis zag pa med pa'i sdom pa yang 'thob bo/ /de la zag pa med pa ni bsam gtan gyis drug po bsam gtan bzhi dang/ mi lcogs pa med pa dang/ bsam gtan khyad par can yin no zhes 'og nas bshad par
 bya'o/ /so sor thar ces pa/ gzhan gyi rnam rig byed sogs kyis/ /so sor thar pa'i sdom pa ni gal te 'di la gzhan gyis rnam par rig? /par byed la/ 'di yang gzhan la rnam par rig byed las 'thob bo/ /de yang dge 'dun nam gang zag las te/ dge
 slong dang/ dge slong ma dang/ dge slob ma'i sdam pa rnams ni dge 'dun las so/ /gzhan dag ni gang zag las so/ /bye brag tu smra ba 'dul ba rnams na re rnam pa bcus bsnyen par rdzogs so/ /zhes zer ba bsdu ba'i phyir sogs pa'i sgra smos te/ rang byung gis ni sangs rgyas dang rang
 sangs rgyas rnams so/ /nges par 'jug pas ni sten lnga po rnams so/ /dge slong tshur shog ces byas pas ni grags pa la sogs pa rnams so/ /sten par khas blangs pas ni 'od srungs chen po'o/ /dri bas mnyes pas ni legs sbyin no/ /bla ma'i chos khas blangs pas ni skye dgu'i
 bdag mo chen mo'o/ /pho nyas ni chos sbyin no/ /'dul ba 'dzin pa btogs pa lngas ni mdza' 'khob kyi me rnams so/ /bcu'i tshogs kyis ni dbus kyi mi rnams so/ /skyabs su 'gro ba lan gsum bzlas pas ni sde bzang drug cu'i tshogs kyis bsnyen par rdzogs par byas pa rnams
 te/ de dag pa'i so sor thar pa'i sdom pa ni gdon mi za bar rnam par dag par byed la rag lus pa ma yin no/ /yang so sor thar pa'i sdom pa de yang dag par blang ba na dus ji srid gcig gi bar du yang dag par blang bar bya zhe na/ ji srid 'tsho dang nyin zhag tu/ /sdom pa yang
 dag blang bar bya/ /ris bdun gyi so sor thar pa'i sdom pa ni ji srid du 'tsho'i bar du yang dag par blang bar bya'o/ /bsnyen gnas kyi sdom pa ni nyin zhag tu'o zhes bya ba de ltar nges so/ /ci'i phyir zhe na/ dus kyi mdza' ni gnyis te/ srog gi mdza' dang/ nyin zhag gi mdza' o//
 zla ba phyed la sogs pa ni nyin zhag bzlas pas so/ /dus zhes bya ba'i chos de ci zhig ce na/ de ni 'du byed yongs su ston pa'i tshig bla dags yin te/ gnang ba'i gnas skabs la ni gling dag na nyin par zhes bya la/ mun pa'i gnas skabs la ni mtshan mo zhes bya'o/ /re zhig
 ji srid 'tsho'i 'og tu ni yang dag par blangs pa yod kyang lug ska la?/ /pa mi 'dra ba'i phyir dang/ des kyang/ de sbyor ba ma byas pa'i phyir dang/ mi dran pa'i phyir sdom pa mi skye bar rigs na/ yang nyin zhag gi 'og zhag lnga 'am zhag bcu yang rung ste/ bsnyen gnas kyi sdom pa yang
 dag par blangs pa'i bsnyen gnas kyi sdom pa mang po skye ba la su zhig gegs byed/ bcom ldan 'das kyis mdo las gang nyin zhag gi bsnyen gnas kho na bstan pa 'dis na gegs byed pa yod do/ /da ni 'di dpyad par bya ste/ re zhig
 ci bcom ldan 'das kyis nyin zhag gi 'og tu sdom pa mi skye bar gzigs nas nyin zhag pa'i bsnyen gnas bstan tam/ 'on te dbang po gdul dka' ba rnams nyin zhag pa'i sdom pa yang dag par blangs pa la yang dag par sbyar ba'i ched gcig
 yin/ de de ltar brtag ga la nus/ phyin chad sdom pa skyes pa la yang rigs pa dang 'gal ba ni med pa'i phyir ro/ /phyin chad po 'di su la yang ma bstan pas bye brag tu smra ba rnams ni mi 'dod do/ /da ni sdom pa ma yin pa'i dus nges pa gang yin zhe
 na/ nyin zhag pa yi sdom min med/ ji srid 'tsho'i bar du sdig pa'i chos khas blangs pa las sdom pa ma yin pa skye'i ji ltar bsnyen gnas pa bzhin du nyin zhag pa ni med do/ /ci'i phyir zhe na/ de de ltar nor med ces grag /ji ltar bsnyen gnas pa
 ltar bdag ni nyin zhag gcig tu sdom pa ma yin pa la gnas par gyur cig ces sdom pa ma yin pa yang dag par len pa ni su yang med de/ las smad pa yin pa'i phyir ro zhes grag go /de lta na bdag ni ji srid 'tsho'i bar du sdom pa ma yin pa
 la gnas par gyur cig ces len pa yang su yar med pas ji srid 'tsho'i bar du yang de 'thob par mi 'gyur ro/ /gal te de ltar mi len mod kyi 'on kyang gtan du log par zhugs pa'i bsam pas bya ba de byed pa na sdom pa ma yin pa 'thob par
 'gyur gyi dus gzhan gyi bar du log par zhugs pas ni ma yin no/ /bsnyen gnas pa'i sdom pa ni gtan du pa'i bsam pa ma yin yang sdom pa don du gnyer ba'i phyir yang dag par len pa'i stobs bskyed pas 'thob pa nyid do/ /gal te 'ga' zhig
 sdom pa ma yin pa don du gnyer zhing dus gzhan gyi bar du sdom pa ma yin pa yang dag par len par 'gyur na des kyang gdon mi za bar 'thob par 'gyur ro/ /de ni ma mthong bas de ltar rnam par mi bzhag go /mdo sde pa rnams na re sdom pa ma yin pa yang rnam par rig byed?
 ma yin pa bzhin du rdzas su ni med kyi sdig pa bya ba'i bsam pa rjes su 'brel pa dang bya ba pa de nyid sdom pa ma yin pa yin te/ des na sems dge ba la yang de ma spangs pa'i phyir de dang ldan pa zhes bya'o/ /yang bsnyen gnas nyin zhag tu gnod na ji ltar gnod par bya zhe
 na/ dma' bar 'dug smras bzlas pa yis/ /mi brgyan nam ni nangs par du/ /bsnyen gnas yan lag tshang bar ni/ /nang par gzhan las gnod par bya/ /dma' bar 'dug pa ni tsog? tsog? por 'dug pa 'am pus mo btsugs nas/ thal mo snol ba 'am thal mo sbyar ba
 ste/ nad pa ni ma gtogs so/ /ma gus pa ni sdom pa mi skye'o/ /'bog pa pos tshig ma smras par sngar yang smra bar mi bya la kha snyams te smra bar yang mi bya ste/ de ltar na 'di gzhan las gnos pa yin gyi gzhan du 'bog pa dang nod pa 'grub par mi 'gyur ro/ /mi brgyan pa
 ni brgyan nar ma gtogs te rgyan nar ma ni mtshar cig rgyags par mi byed do/ /nam nangs kyi bar du mnod par bya ba ni nyi ma shar gyi bar du'o/ /yan lag brgyad tshang bar nod bar bya'i yan lag ma tshang bar ni ma yin no/ /nad par ni re zhig nyi ma shar pa'i tshe ste/ nyin zhag
 pa'i sdom pa yin pa'i phyir ro/ /gang gis tshes brgyad la rtag tu bsnyen gnas la gnas par bya'o zhes sngon yang dag par blang bar byas pa res ni zas zos nas kyang gnod par bya'o/ /gzhan las gnod par bya'i bdag nyid las ni ma yin te/ gzhan la bltos pas
 ni rkyen yod kyang mi 'da' bar bya ba'i phyir ro/ /de las gzhan du mnos pa ni legs par spyad pa tsam du 'gyur gyi bsnyen gnas kyi sdom pa ni ma yin no/ /de ltar byas na shen pa dang byi ba byed pa dag gi mtshan mo dang nyin mo'i bsnyen gnas dag kyang 'bras bu yod par
 rung ngo/ /'dis dgra bcom pa dag dang nye bar gnas par byed pas na bsnyen gnas te/ de dag gi rjes su slob pa'i phyir ro/ /gzhan dag na re 'di srid 'tsho'i bar gyi sdom pa dang nye bar gnas par byed pa'i phyir ro zhes zer ro/ /yang na dge ba'i rtsa ba
 chung ngu rnams kyi dge ba'i rtsa ba gsos 'debs pa'i phyir te/ gang gi phyir yid kyi dge ba gsos 'debs pa de'i phyir/ 'di ni bcom ldan 'das kyis gso sbyong bshad ces grag ces 'byung bas na gso sbyong yin no/ /ci'i phyir yan lag brgyad nod ce na/ tshul khrims
 yan lag bag yod pa'i/ /yan lag brtul zhugs yan lag ste/ /bzhi gcig de bzhin gsum rim bzhin/ /re zhig rdzun du smra ba spong ba'i bar bzhi ni rang bzhin gyi kha na ma tho ba spong ba'i tshul khrims kyi yan lag yin no/ /myos par 'gyur ba'i
 btung ba spong ba gcig pu ni bag yod pa'i yan lag ste myos par 'gyur ba 'thung ba'i mi tshul khrims rdzogs kyang bag med par 'gyur ro// dus ma yin pa'i zas spong ba'i bar gsum ni skyo ba'i rjes su mthun pa'i phyir brtul zhugs kyi yan lag yin no//
 ci bag yod pa'i yan lag dang/ brtul zhugs kyi yan lag 'di dag ma mnos pas cir 'gyur zhe na/ de yis dran nyan dregs par 'gyur/ /myos par 'gyur ba 'thungs pas ni bya ba dang bya ba ma yin pa'i dran pa nyams pa nyid du 'gyur ro/ /khri stan mthon  
 po dang khri stan chen po dang/ gang dang glu la sogs pa bsten bas ni dregs par 'gyur la/ dregs par gyur pa la ni 'tshal ba'i tshul khrims thag mi ring bar 'gyur ro/ /dus su za zhing zas nar ma'i dus su yongs su spangs pa las ni bsnyen gnas kyi dran pa dang
 skyo ba'i dran pa nye bar gnas par 'gyur te/ de med na gnyi ga yang med do/ /yang kha cig ni dus ma yin pa'i zas spong ba kho na 'dir bsnyen gnas yin la/ lhag ma rnams ni 'di'i yan lag yin te gang dang glu dang rol mo dang/ spos dang me tog phreng dang phyug
 pa 'dir gnyis su bya'o snyam du sems so/ /de lta yin na ni dus ma yin pa'i zas spong ba bka' stsal nas yan lag brgyad pa 'dis 'phags pa dgra bcom pa de dag gi bslab pa la rjes su slob bo/ /rjes su bgyid do zhes gsungs pa'i mdo'i tshig mi rung bar 'gyur ro/ /'o na
 yan lag brgyad po 'di dag gang gi yin pa'i bsnyen gnas gzhan de gang zhig yin bye brag tu smra ba rnams na re 'dus pa'i yan lag rnams ni yan lag yin te/ shing rta'i yan lag dang/ dbung? gi tshogs yan lag bzhi pa dang/ phye ma yan lag lnga pa ji lta bar
 bsnyen gnas yan lag brgyad pa yang de dang 'dra bar blta bar bya'o/ /dus ma yin pa'i zas spong ba ni bsnyen gnas kyi yan lag kyang yin te/ dper na yang dag pa'i lta ba lam yang yin la lam gyi yan lag kyang yin pa dang/ chos rnam par 'byed pa yang
 dag byang chub kyang yin la byang chub kyi yan lag kyang yin pa dang/ ting nge 'dzin bsam gtan kyang yin la bsam gtan gyi yan lag kyang yin pa bzhin no zhes zer ro/ /de dag nyid yang dag pa'i lta ba la sogs pa de dag nyid kyi yan lag nyid du rung ba ni ma yin no//
 gal te yang dag pa'i lta ba la sogs pa snga ma rnams phyi ma rnams gyi yan lag tu 'gyur na ni skad cig ma dang po skyes pa'i 'phags pa'i lam yan lag brgyad par mi 'gyur ro/ /yang ci bsnyen gnas 'di dge bsnyen kho na la yod dam/ 'on te gzhan la yang
 yod ce na/ gzhan la 'ang bsnyen gnas yod mod kyi/ skyabs su ma song ba la med dge bsnyen ma yin pa la yang gang zhig nyin zhag de la sangs rgyas dang chos dang dge 'dun la skyabs su song ste/ bsnyen gnas nod pa de la bsnyen gnas kyi sdom pa skye ba 'gyur te/ gzhan
 du ni ma yin no/ /mi shes pa ni ma gtogs so/ /mdo las/ mi tshan 'di ltar khyim pa gos dkar po dgos pa skyes pa pho'i dbang po dang ldan pa zhig sangs rgyas la skyabs su 'gro chos dang dge 'dun pa skyabs su 'gro zhing /bdag la dge bsnyen du gzung du gsol zhes tshig tu yang smra na 'di tsam gyis
 dge bsnyen du 'gyur ro zhes gsungs pa de ci skyabs su 'gro ba kho nas dge bsnyen du 'gyur ram zhe na/ nyi 'og pa rnams na re 'gyur ro zhes zer ro/ /kha che ba rnams na re ni sdom pa med par mi 'gyur ro zhes zer ro/ /'o na gang mdo las gsungs pa ji lta
 bu zhe na/ 'di la 'gal ba med de 'di ltar dge bsnyen nyid du khas blangs pa/ kho na 'di'i sdom pa skye bar 'gyur te/ gang gi tshe bdag la dge bsnyen du gzung du gsol/ deng slan chad nam 'tsho'i bar du srog gcod pa spong ngo zhes dge bsnyen du khas blangs pa kho nas
 'di'i dge bsnyen gyi sdom pa skye bar 'gyur ro/ /srog gcod pa spong zhes bya ba'i tha tshig ste/ bar gyi tshig mi mngon par byas pa'i phyir ro/ /sdom pa thob kyang bslab pa'i gzhi rnams shes par bya ba'i phyir/ bstan pa dge slong bzhin/ ji ltar dge slong dang dge sbyong
 gi sdom pa thob zin kyang shes par bya ba'i phyir khyod kyis 'di dang 'di lta bu bsngam mo zhes bslab pa'i gzhi rnams yang 'dzin du 'jug pa ltar dge bsnyen yang de dang 'dra bas sdom pa med pa'i dge bsnyen ni med do/ /gal te thams cad bsngams yin na/ sna
 gcig spyod sogs ji lta bu/ /gal te dge bsnyen thams cad dge bsnyen gyi sdom pa la gnas pa yin na bcom ldan 'das kyis sna gcig spyod pa dang/ phyogs gcig spyod pa dang/ phal cher spyod pa dang/ yong ssu rdzogs par spyod pa'i dge bsnyen zhes gsungs
 pa/ ji lta bu yin/ de bsrung ba la gsungs zhes grag/ gang zhig bslab pa'i gzhi gang bskud par byed pa ni de spyod pa zhes gsungs par zad kyi thams cad kyang sdom pa la gnas bar ni 'dra'o/ /'di ni mdo las 'das pa yin no/ /'dir ci zhig mdo las
 'das/ /'di ltar srog gcod spong ngo zhes dge bsnyen du khas blangs pa kho nas sdom pa 'thob par gsungs so zhes bya ba ste/ mdo'i tshig ni de lta ma yin no/ /mdo'i tshig ji lta bu zhe na/ ji ltar ming chen gyi mdo las gsungs pa las 'byung ba bzhin te/ /
 de nyid las dge bsnyen gyi mtshan nyid bstan gyi gzhan du ni ma yin no/ /gang las 'di skad du nam 'tsho'i bar du srog dang bsngo ba skyabs su song ba mngon par rab tu dang ba zhes 'byung ba der ni bden pa mthong ba de dag bdag cag gis srog la thug kyang chos 'di btang du mi
 rung ngo zhes shes nas dang pa'i rgyus srog gi phyir yang dam pa'i chos la khas 'che bar ston pa yin gyi de sdom pa'i mtshan nyid ston pa ni ma yin no/ /srog spong ba zhes ni gang nas kyang mi 'byung na su zhig yongs su mi gsal ba'i don 'di 'don par byed/ /tshul khrims
 nyams pa'i dbang du byas nas ni sna gcig spyod pa la sogs pa zhu ba nyid kyang mi 'thad na lan lta smos kyang ci dgos te/ dge bsnyen gyi sdom pa zhes pa su zhig gang zhig bslab pa'i gzhi gang nyams pa rmi byed? pa de ni de spyod pa yin no zhes bya bar mi shes so/ /dge
 bsnyen gyi sdom pa'i tshang mi shes pa bslab pa'i gzhi de tsam zhig bzod pa la ni btsun pa ji tsam gyis na sna gcig spyod pa'i dge bsnyen du 'gyur ba lags zhes bya ba nas yongs su rdzogs par spyod pa lags zhes bya ba'i bar du zhu ba 'di rung ngo/ /gal te sdom pa
 med pa 'am mtshang bar yang dge bsnyen du 'gyur na/ dge slong dang dge sbyong dag tu yang 'gyur ro/ /re zhig ji ltar na dge bsnyen gyi sdom pa la sogs pa 'di dag gi yan lag nges pa yin ston pas btags pa'i dbang gis so/ /dge bsnyen nyid la sogs pa yang ston
 bas btags pa'i dbang gi so sor nges par 'dod par gyis shig /dge bsnyen ni sdom pa med par yang btags kyi dge slong dang dge sbyong dag ni ma yin no/ /kha che ba rnams ni 'di mi 'dod do/ /sdom pa thams cad kyang chung ngu la sogs pa yid ji bzhin/ chung ngu
 dang/ 'bring dang chen po nyid ni yang dag par len pa'i sems kyi dbang gis te/ de ltar byas na dgra bcom pa yang so sor thar pa'i sdom pa chung ngu yod la/ so so'i skye bo la yang chen po yod par 'gyur ro/ /yang ci skyabs su 'gro ba med par yang sdom pa mnos ba
 kho nas dge bsnyen du 'gyur ram zhe na/ mi 'gyur te/ mi shes pa ni ma gtogs so/ /gang zhig sangs rgyas dang chos dang dge 'dun la skyabs su 'gro ba de ci la skyabs su 'gro zhe na/ gang zhig gsum la skyabs 'gro de/ /sangs rgyas dge 'dun byed?
 pa'i chos/ /mi slob pa dang gnyi ga dang/ /mya ngan 'das la skyabs su 'gro/ /gang zhig sangs rgyas la skyabs su 'gro ba de ni sangs rgyas byed pa'i chos mi slob pa la skyabs su 'gro ba yin te/ gang dag gtso bor gyur pas sku de sangs rgyas zhes brjod pa 'am/ yang na
 gang dag brnyes pas thams cad thugs su chud par spyod pa'i phyir sangs rgyas yin pa'o/ /de dag kyang gang zhe na/ zad pa shes pa la sogs pa 'khor dang bcas pa yin no/ /gzugs kyi sku ni snga ma dang phyi mar yang bye brag med pa'i phyir ro/ /ci sangs rgyas
 thams cad la 'am/ 'on te gcig la zhe na/ mtshan nyid kyi sgo nas ni sangs rgyas thams cad la ste/ lam mtshan nyid mi 'dra ba med pa'i phyir ro/ /gang zhig dge 'dun la skyabs su 'gro ba de ni dge 'dun du byed pa'i chos slob pa dang/ mi slob
 pa la skyabs su 'gro ba yin te/ gang dag thob pas gang zag brgyad po mi byed pa'i phyir dge 'dun du 'gyur ba'o/ /ci dge 'dun thams cad la 'am/ 'on te gcig la zhe na/ mtshan nyid kyi sgo nas ni thams cad la ste/ lam mtshan nyid mi 'dra ba med pa'i
 phyir ro/ /gang mdo las gang yang ma 'ongs pa'i dus na dge 'dun zhes bya ba 'byung bar 'gyur ba de la yang skyabs su song zhig ces gsungs so zhe na/ de dag gi mngon sum du 'gyur ba'i dge 'dun dkon mchog brjod pa'i phyir ro/ /gang zhig chos la
 skyabs su 'gro ba de ni mya ngan las 'das pa so sor brtags pas 'gog pa la skyabs su 'gro ste/ bdag dang gzhan gyi rgyud kyi nyon mongs pa rnams dang/ sdug bsngal zhi bar mtshan nyid gcig pa nyid kyi phyir ro/ /gal te mi slob pa'i chos dag kho na
 sangs rgyas yin na ji srid de bzhin gshegs pa la ngan sems kyis khrag phyung bas mtshams med par 'gyur/ bye brag tu smra ba rnams na re/ rten la gnod pa byas pas de dag la yang gnod pa byas pa yin no zhes zer ro/ /bstan bcos las ni mi slob pa'i chos kho na
 sangs rgyas yin no zhes de skad du mi 'byung ngo/ /'o na ji skad du 'byung zhe na/ sangs rgyas su byed pa'i chos zhes 'byung ste/ de'i phyir rten sangs rgyas nyid du ma bklag pas de ni klan kar mi rung ba nyid do/ /de lta ma yin na 'jig rten pa'i sems la sems la gnas pa/
 sangs rgyas kyang ma yin par 'gyur/ dgra bcom pa yang ma yin par 'gyur la/ dge slong du byed pa'i tshul khrims kho na yang dge slong du 'gyur ro/ /ji ltar gang zhig dge slong la mchod pa byed pa de dge slong du byed pa'i tshul khrims la mchod pa byed pa yin
 pa de bzhin du/ gang zhig sangs rgyas la skyabs su 'gro ba de yang mi slob pa sangs rgyas su byed pa'i chos dag la skyabs su 'gro ba yin no/ /gzhan dag na re gang zhig sangs rgyas la skyabs su 'gro ba de ni sangs rgyas kyi chos ma 'dres pa bco brgyad la skyabs su 'gro ba
 yin no/ zhes zer ro/ /skyabs su 'gro ba rnams kyi rang bzhin ci zhe na/ dag gi rnam par rig byed kyi ngo bo nyid dag yin no/ /yang skyabs kyi don ci zhe na/ de la brten nas sdug bsngal thams cad las gtan du nges par thar pa'i phyir ro/ /bcom ldan 'das kyis kyang/
 'jigs pas skrag pa'i mi rnams ni/ /phal cher ri dang nags tshal dang/ /kun dga' dang ni mchod gnas kyi/ /ljon shing rnams la skyabs 'gro sde/ /skyabs de gtso bo ma yin zhing/ /skyabs de mchog gyur ma yin la/ /skyabs de la ni rten nas kyang/ /sdug bsngal kun
 las mi grol gyi/ /gang tshe gang zhig sangs rgyas dang/ /chos dang dge 'dun skyabs song la/ /sdug bsngal sdug bsngal kun 'byung dang/ /sdug bsngal yang dag 'das pa dang/ /'phags lam yan lag brgyad bde ba/ /mya ngan 'das par 'gro 'gyur dang/ /'phags pa'i bden
 pa bzhi po dag/ shes rab kyis ni lta byed pa/ /skyabs de gtso bo yin pa ste/ /skyabs de mchog tu gyur pa yin/ /skyabs de la ni brten nas kyang/ /sdug bsngal kun las grol bar 'gyur zhes gsungs te/ de nyid kyi phyir skyabs su 'gro ba
 rnams ni sdom pa yang dag par blangs pa thams cad la sgor gyur pa yin no/ /yang ci'i phyir sdom pa gzhan dag las ni mi tshangs par spyod pa spong ba bslab pa'i gzhir rnam par bzhag la/ dge bsnyen la ni 'dod par log par g.yem pa spong ba bslab pa'i gzhir rnam
 par bzhag ce na/ log g.yem shin du smad phyir dang/ /sla phyir ma byed thob phyir ro/ /'dod pas log par g.yem pa ni gzhan dag gi chung ma sun 'byin pI phyir dang/ ngan song ba'i rgyu yin pa'i phyir 'jig rten na shin tu smad pa yin gyi mi tshangs par spyod pa ni de lta
 ma yin pa dang/ khyim na gnas pas 'dod pa log par g.yem pa las bsdam bla'i mi tshangs par spyod pa las ni dka' ba'i phyir/ dka' bar byed par mi spro bar 'gyur ba dang/ 'phags pa rnams tshe rabs gzhan dag tu yang mi spyod pa'i phyir 'dod pas log par
 g.yem pa mi byed pa'i sdom pa thob kyi mi tshangs par spyod pa ni ma yin pas slob pa tshe rabs gzhan du gyur pa dge bsnyen gyi sdom pa la gnas pa ma yin par 'gyur du 'ong bas dge bsnyen la yang de kho na las ldog pa sdom pa rnam par bzhag go /mi byed par
 nges pa ni mi byed pa'i sdom pa'o/ /gang dag dge bsnyen yin bzhin du chung ma len par byed na ci de dag gis de las kyang sdom pa thob bam/ 'on te ma yin zhe na/ nyi tshe ba'i sdom pa thob par 'gyur du 'ong bas 'thob bo/ /ji ltar na sdom pa nyams par mi 'gyur zhe
 na/ 'di ltar sdom pa ji ltar khas blang bzhin/ /'thob kyi rgyud las ma yin no/ /de dag gi sdom pa ni ji ltar khas len pa de bzhin 'thob po/ /de dag ji ltar khas len ce na/ bdag 'dod pas log par g.yem pa spong ngo zhes khas len gyi/ bdag gi rgyud 'di
 la mi tshangs par spyad par mi bya'o zhe na ma yin te/ de'i phyir de dag gis gzhi de las 'dod pas log par g.yem pa'i yan lag kho na sdom pa 'thob kyi mi tshangs par spyod pa ni ma yin pas chung mar gyur pa la sdom pa nyams pa rmed do/ /yang ci'i phyir brdzun du
 smra ba spong ba kho na dge bsnyen gyi sdom pa la bslab pa'i yan lag tu bzhag la phra mo la sogs pa las ni ma yin zhe na/ rgyu gsum po de dag nyid kyi phyir te/ rdzun smra shin tu smad phyir dang/ /sla phyir mi byed 'thob phyir ro/ /bslab pa thams cad 'das gyur na/ /brdzun du
 thal bar 'gyur ba'i phyir/ /bslab pa thams cad du 'das na dri bar bya ba la bdag gis de lta bu ma byas so zhes bya ba 'di nye bar gnas par 'gyur te/ rdzun du smra bar thal bar 'gyur bas de'i phyir ji ltar na 'das par byas kyang bdag nyid 'chags par 'gyur
 snyam nas rdzun du smra ba las ldog pa bshad do/ /yang ci'i phyir bcad pa'i kha na ma tho bas 'dir bslab pa'i gzhir rnam par ma bzhag ce na/ bcad pa'i kha na ma tho ba/ myos 'gyur las/ rnam par bzhag go /ci'i phyir myos par 'gyur ba kho na las yin gyi gzhan
 las ma yin zhe na/ gzhan srung phyir ro/ /myos par 'gyur ba 'thungs na yan lag gzhan dang gzhan dag kyang mi srung par 'gyur ro/ /ji ltar na myos par 'gyur ba 'thung ba bcad pa'i kha na ma tho ba yin par shes she na/ rang bzhin gyi kha na ma tho ba'i mtshan
 nyid med pa'i phyir te/ rang bzhin gyi kha na ma tho ba ni sems nyon mongs pa can kho nas spyod pa yin na chad ni ji srid myos pa mi 'gyur bar gnyen po'i blo kho nas btung bar nus so/ /gang myos par 'gyur ba yin par shes nas/ 'thung ba'i sems de nyid nyon
 mongs pa can yin no/ /gang myos par mi 'gyur ba'i drod rig nas 'thung ba de ni nyon mongs pa can ma yin no/ /'dul ba 'dzin pa rnams na re myos par 'gyur ba 'thung ba ni rang bzhin gyi kha na ma tho ba yin te/ btsun pa ji ltar bro g.yog bgyi/ 
 'khor rang bzhin gyi kha na ma tho ba ma gtogs pa zhes bcom ldan 'das kyis gsungs la/ shAkyas nad pa rnams la yang myos par 'gyur ba 'thung ba ma gnang ngo/ /'di skad du dge slong dag bston pa yin par smra ba rnams kyis myos par
 'gyur ba rtswa'i rtse mos kyang btung bar mi bya'o/ /zhes kyang gsungs te/ de'i phyir rang bzhin gyi kha na ma tho ba yin par mngon no/ /srog gcod pa la sogs pa bzhin du 'phags pa rnams tshe 'phos kyang mi spyod pa'i phyir dang/ lus kyi nyes par spyod pa
 zhes kyang 'byung ba'i phyir ro/ /zhes zer ro/ /chos mngon pa pa rnams na re ma yin te/ nad pa rnams la bcad pa'i kha na ma tho ba spyir bstan mod kyi yang myos par 'gyur ba'i drod ma nges par thal bar 'gyur ba yongs su spang ba'i phyir myos par 'gyur ba dmigs
 kyis bstan te/ de 'di kyi phyir rtswa'i rtse mos 'thung pa bkag pa yin no/ /'phags pa rnams mi spyod pa ni ngo tsha dang ldan pa'i phyir dang/ des kyang dran pa nyams par byed pa'i phyir cung zad kyi mi gsol te/ dug bzhin du ma nges pa'i phyir ro/ /nyes par spyod pa zhes
 'byung ba ni bag med pa'i gnas yin pa'i phyir te/ de nyid kyi phyir 'di la bag med pa'i gnas zhes smos kyi gzhan dag la ni ma yin te/ de dag ni rang bzhin gyi kha na ma tho ba yin pa'i phyir ro/ /ha cang kun tu brten pas ngan 'gror 'gro bar gsungs
 pa ni de'i zhar la mi dge ba'i rgyun yang dang yang du 'jug pas ngan song ba'i las 'phen pa 'am 'jug pa thob pa'i phyir ro/ /'bru'i chang dang sbyar ba'i chang myos par 'gyur ba bag med pa'i gnas zhes bya ba'i don ci zhe na/ 'bru'i chang ni zad las sbyar
 ba'i btung ba'o/ /sbyar ba'i chang ni rdzas las sbyar ba'i btung ba'o/ /de dag kyang ras 'ga' myos par 'gyur ba'i dngos por ma reg pa 'am yal bar 'gyur bas de'i phyir myos par 'gyur ba zhes bya bar smos so/ /sla gor zho sha dang khrel rgod la
 sogs pa yang myos par byed pas 'bru'i chang dang sbyar ba'i chang zhes bya ba smos so/ /bcad pa'i kha na ma tho ba yin yang bag med pa thams cad kyi gnas su gyur pas bsgribs te spang bar bya ba nyid yin pa'i rgyu shes par bya ba'i phyir bag med pa'i gnas zhes smos so//
 ci so sor thar pa dang bsam gtan dang zag pa med pa'i sdom pa dang gsum po 'di dag gang las gcig 'thob pa de las lhag ma dag 'thob pa 'am zhe na/ ma yin no/ /'o na ji lta bu zhe na/ 'dod gtogs thams cad gnyi ga dang/ /da ltar dag las 'thob
 par 'gyur/ /'dod gtogs zhes bya ba ni so sor thar pa'i sdom pa yin no/ /thams cad zhes bya ba ni sbyor ba dang dngos dang mjug las so/ /gnyi ga las zhes bya ba ni sems can dang sems can ma yin par ston pa dang/ rang bzhin dang bcas pa'i kha na
 ma tho ba las so/ /sems can gyi rten la 'jug pa'i phyir da ltar gyi phung po dang khams dang skye mched kho na las 'thob kyi 'das pa dang ma 'ongs pa dag las ma yin te/ de dag ni sems can du mi bgrang ba'i phyir ro/ /bsam gtan zag med sdom pa ni/
 dngos dang dus ni thams cad la/ /bsam gtan zag pa med pa'i sdom pa ni las kyi lam dngos kho na las 'thob kyi sbyor ba dang mjug las kyang ma yin na bcad pa'i kha na ma tho ba las lta smos kyang ci dgos/ dus thams cad kyi phung po dang khams dang skye mched
 las 'thob ste/ 'das pa dang ma 'ongs pa dag las 'thob bo/ /de nyid kyi phyir gang dag las so sor thar pa'i sdom pa 'thob la bsam gtan dang zag pa med pa'i sdom pa dag ma yin pa'i phung po dang khams dang skye mched de dag kyang yod ces bya ba rgyas
 par mu bzhir 'gyur te/ mu dang po ni da ltar byung ba'i nyer sdogs dang 'jug dag dang/ bcad pa'i kha na ma tho ba las so/ /gnyis pa ni 'das pa dang ma 'ongs pa'i las kyi lam dngos dag las so/ /gsum pa ni da ltar byung ba'i las kyi lam dngos dag
 las so/ /bzhi pa ni 'das pa dang ma 'ongs pa'i nyer sdogs dang mjug las so/ /sdom pa 'thob pa'i tshe da ltar gyi las kyi lam rnams med pas da ltar gyi gzhi can las zhes brjod par bya'o/ /ma 'ongs pa rnams kho na las sdom par
 rung gi 'das pa dang da ltar gyi rnams la ni ma yin no/ /yang ci sdom pa dang sdom pa ma yin pa dag sems can thams cad dang/ yan lag thams cad dang/ rgyu thams cad kyis 'thob bam/ 'on te bye brag cig yod ce na/ re zhig nges par sdom pa sems can
 thams cad las/ 'thob la/ yan lag rgyu la dbye ba yod/ /sdom pa ni sems can thams cad las 'thob pa nyid de 'ga' las ma yin no/ /yan lag las ni dbye ba yod de/ la la ni thams cad las 'thob ste dge slong gi sdom pa'o/ /la la ni gzhi las
 te de las gzhan pa'o/ /las kyi lam rnams ni sdom pa'i yan lag yin no/ /rgyu las kyang rnam grangs la las ni thams cad kyis so/ /la las ni gcig gis so/ /re zhig gang gis na thams cad kyi yin zhe na/ gal te ma chags pa dang zhe sdang med pa
 dang gti mug med pa rgyu 'dod na'o/ /gang gis na gcig gis she na/ gal te sems chung ngu dang 'bring dang chen po dag rgyur 'dod na'o/ /rnam grangs tha ma nges pa la brten te/ smras pa/ sdom pa la gnas pa sems can thams cad la bsdams la
 yan lag thams cad dang/ rgyu thams cad kyi ma yin pa yang yod de/ gang zhig sems chung ngu 'am 'bring ngam chen pos dge bsnyen dang bsnyen gnas pa dang/ dge tshul gyi sdom pa yang dag par len pa'o/ /sems can thams cad dang/ yan lag
 thams cad kyis bsdams la rgyu thams cad kyi ma yin pa yang yod de/ gang zhig sems chung ngu 'am 'bring ngam chen pos dge slong gi sdom pa yang dag par len pa'o/ /sems can thams cad dang/ yan lag thams cad dang/ rgyu thams cad kyi
 bsdoms pa yang yod de/ gang zhig sems rnam pa gsum gyis sdom pa rnam pa gsum yang dag par len pa'o/ /sems can thams cad dang/ rgyu thams cad kyis bsdoms la yan lag thams cad kyis ma yin pa yang yod do/ /gang zhig sems chung ngu dang 'bring dang
 chen po dag gis dge bsnyen dang dge bsnyen gnas dang dge tshul gyi sdom pa yang dag par len pa'o/ /gang zhig sems can thams cad lam bsdams pa de lta bu ni med de/ 'di ltar sems can thams cad kyi rjes su song ba'i sems dge ba la gnas pas
 sdom pa thob kyi gzhan du ni ma yin te/ sdig pa'i bsam pa dang ma bral ba'i phyir ro/ /nges pa lnga po sems can dang/ yan lag dang/ yul dang/ dus dang/ tshe nges pa mi 'byed na so sor thar pa'i sdom pa 'thob ste/ sems can che ge mo zhig las spong ngo zhes bya ba ni
 sems can nges pa'o/ /yan lag che ge mo zhig las zhes bya ba ni yan lag nges pa'o/ /yul che ge mo zhig tu zhes bya ba ni yul nges pa'o/ /zla ba'i bar du zhes bya ba ni dus nges pa'o/ /thab mo ma gtogs so zhes bya ba ni tshe nges pa ste/ de ltar mnos na
 legs par spyad pa tsam du mi 'gyur ro/ /ji ltar na mi nus pa dag las sdom pa 'thob ce na/ sems can thams cad kyi srog la mi gnod pa'i bsam pas khas blangs pa'i phyir ro/ /bye brag tu smra ba rnams na re gal te nus pa dag kho na las sdom pa 'thob
 na ni sems can nus pa dang mi nus pa rnams ni phan tshun 'pho bas 'phel ba dang 'grib pa dang ldan par 'gyur te/ de ltar na 'thob pa dang gtong ba'i rgyu dag med par yang sdom pa 'thob pa dang/ gtong bar 'gyur ro zhes zer ro/ /de ltar ni mi 'gyur te/ ji
 ltar sngon med pa'i rtswa la sogs pa skyes sam skams na sdom pa 'phel ba dang 'grib pa mi 'gyur ba de bzhin du nus pa dang ma nus pa dang mi nus pa 'phos su zin kyang mi 'gyur ro/ /ma yin te/ sems can rnams ni sngon yang yod la phyis kyang yod pa'i
 phyir la rtswa la sogs pa ni med pa'i phyir ro/ /'di la de ltar mi nus par gyur pa dang zad par ci zhig yod/ gang gi tshe yongs su mya ngan las 'das nas med pa kho nar gyur pa de'i tshe ji ltar sdom pa 'grib par mi 'gyur te/ lan 'di ni
 mi rung ngo/ /de lta bas na gtan tshigs snga ma nyid bzang ngo/ /de ltar na 'o na ni sngon gyi sems can sangs rgyas su gyur nas yongs su mya ngan las 'das pa rnams la sangs rgyas phyi ma rnams kyis so sor thar pa'i sdom pa ma thob pa'i phyir ji ltar tshul khrims
 nyung bar mi 'gyur zhe na/ thams cad kyis sems can thams cad las thob pa'i phyir te/ gal te de dag kyang yong na ni de rnams kyis de dag las kyang 'thob par 'gyur ro/ /sdom pa gang las 'thob pa bshad zin to/ /sdom pa min pa thams cad dang/ /yan
 lag kun las rgyus min no/ /sems can thams cad dang las kyi lam thams cad las 'thob ste/ sdom pa ma yin pa ma changs? pa'i sdom pa ma yin pa can ni med do zhes grag go /rgyu thams cad kyis ni ma yin te/ sems chung ngu la sogs pa cig car du mi
 'byung ba'i phyir ro/ /gang zhig sems chung ngus sdom pa ma yin pa 'thob ste/ sems chen pos srog chags kyi srog gcod par byed na yang sdom pa ma yin pa ni chung ngu kho na da ltar ldan la/ srog gcod pa'i rnam par rig byed ni chen po dang ldan
 no/ /de bzhin du 'bring dang chen po la yang sbyar bar bya'o/ /de la 'di dag ni sdom pa ma yin pa can yin te/ 'di lta ste/ bshan pa rnams dang/ bya gag gsod pa rnams dang/ phag gsod pa rnams dang/ bya ba rnams dang/ nya pa rnams dang/ ri dags 'tshor
 ba rnams dang/ tshom rkun pa rnams dang/ gshed ma rnams dang/ btson rdzi rnams dang/ glang po che 'tshor ba rnams dang/ khyi 'tshor ba rnams dang/ ba gu ri 'tshor ba rnams so/ /rgyal po dang/ blon po dang/ shags zin po rnams kyang don gyis na sdom pa ma
 yin pa can yin no/ /de la gnas pas sdom pa ma yin pa yod pa'i phyir ram/ 'di dag la sdom pa ma yin pa yod pas na sdom pa ma yin pa can rnams so/ /lug gsod pas na bshan pa rnams te/ gzhan dag la yang de bzhin du sbyar ro/ /re zhig sdom pa ni sems can
 thams cad la phan pa'i bsam pas zhes smos pas sems can thams cad las 'thob par yang rigs na/ bshad pa la sogs pa pha dang ma dang bu dang bran la sogs pa la log par ma zhugs pa'i bsam pa can 'tsho ba'i phyir yang gsod par mi 'dod
 pa rnams go ji ltar sems can thams cad las sdom pa ma yin pa 'thob par rung/ de dag ni ma la sogs pa lug tu gyur pa yang gsod do/ /re zhig de dag nyid de dag yin par shes nas ni mi gsod do/ /ma 'phags mar gyur pa rnams yang phyugs su 'gyur
 ba'i go skabs med na ji ltar de dag las sdom pa ma yin pa 'thob/ /gal te ma 'ongs pa'i lus las bltos te da ltar gyi las sdom pa ma yin pa zhig tu 'gyur na ni de dag lug bur gyur pa rnams kyang gtan mi gsod pas de dag las sdom pa ma yin par
 mi 'gyur ro/ /ji ltar na gsod par 'dod bzhin du de dag las sdom pa ma yin par mi 'gyur/ de ni ma la sogs pa la yang mtshungs te/ ji ltar na gsod par mi 'dod bzhin du de dag las sdom pa min par 'gyur/ bshan pa gang zhig tsher yang ma byin par
 yang mi len/ rang gi chung mas kyang chog shes/ lkug pa yang yin na ji ltar na de yan lag thams cad las sdom pa ma yin par 'gyur/ bsam pa log par zhugs pa'i phyir te/ lkug bzhin du ngag gis thob par bya ba'i don lus kyi thob par nus so/ /'o na gang
 zhig gis bslab pa'i gnas gnyis sam gsum zhig yang dag par blangs na ji lta bur 'gyur/ bye brag tu smra ba rnams na re sdom pa ma yin pa la ma tshang ba dang/ nyi tshe ba ni rnam pa thams cad du med do zhes zer ro/ /mdo sde pa rnams na re de ni ji ltar khas blangs
 pa bzhin du sdom pa ma yin pa dang rnam pa brgyad ma gtogs pa sdom pa yang tshang bar yod de/ tshul khrims dang 'tshal pa'i tshul khrims de tsam gyi gegs byed pa'i phyir ro/ /zhes zer ro/ /sdom pa ma yin pa gang dag las 'thob
 pa de ni bshad zin to/ /ji ltar 'thob pa ma bshad pas/ /de'i phyir 'di brjod par bya ste/ /sdom pa min pa bya ba 'am/ /khas len pa las 'thob par 'gyur/ /sdom pa ma yin pa ni rgyu rnam pa gnyis kyis 'thob ste/ de'i rigs su skyes pa rnams ni gsod
 par sbyor ba'i bya ba las so/ /gzhan gyi rigs su skyes pa rnams ni bdag cag kyang 'tsho ba 'dis tshor bar bya'o zhes khas len pa las so/ /lhag ma'i rnam rig min bzhin dang/ /len dang gus par byed pas 'thob/ /gang du kun dga' ra ba la sogs pa phul ba tsam
 gyis rnam par rig byed ma yin pa skye bar 'gyur ba de lta bu'i zhing yang yod de/ 'di lta ste/ rdzes las byung ba'i bsod nams bya ba'i dngos po dag lta bu'o/ /yang sangs rgyas la phyag ma 'tshal gyi bar du zas mi za'o/ /tshes sam zla ba gcig gam
 zla ba phyed cing rtag tu zas dag sbyin par bya'o zhes bya ba da lta bu la sogs pa'i yi dam bcas pa 'am/ dge ba 'am mi dge ba gang las 'di'i rnam par rig byed ma yin pa skye bar 'gyur ba de lta bu'i gus pas las byed pa las so/ /sdom pa dang
 sdom pa ma yin pa rnams ji ltar 'thob pa 'di ni bshad zin to/ /da ni gtong ba brjod par bya ste/ de la re zhig /bslab pa phul dang shi 'phos dang/ /mtshan gnyis dag ni byung ba dang/ /rtsa ba chad dang mchan 'das las/ /so sor thar pa'i 'dul
 ba gtong/ /'dis 'dul bar byed pas 'dul ba ste/ nges dbang po 'dul bar byed pa'i phyir so sor thar pa'i sdom pa yin par dgongs pa'o/ /bsnyen gnas ma gtogs pa'i so sor thar ba'i sdom pa ni rgyu rnam pa bzhis gtang bar 'gyur te/ mi
 brda phrad pa'i drung du bslab pa'i gzhi rnams bsam pa thag pa nas slar phul ba dang/ ris mthun pa btang ba dang/ mtshan gnyis cig car du 'byung ba dang/ dge ba'i rtsa ba kun du chad pa las so/ /bsnyen gnas kyi sdom pa ni rgyu de dag dang/ mtshan mo 'das pa las
 te/ de dag ni mdor bsdu na gtong ba'i rgyu lnga yin no/ /ci'i phyir rgyu de dag gis gtong bar 'gyur zhe na/ yang dag par blangs pa dang/ 'gal ba'i rnam par rig byed bskyed pa dang/ rten por ba dang/ rten nyams pa dang/ gzhi chang ba dang/ de srid du 'phangs pa'i
 phyir ro/ /kha cig ltung bar 'gyur las smra/ /gzhan dag na re ltung bar 'gyur ba bzhi las gang yang rung ba zhig gis dge slong dang dge sbyong gi sdom pa gtong ngo zhes zer ro/ /gzhan dag dam chos nub pa las/ /gzhan dag na re dam pa'i chos nub pa las te/ 'di
 ltar dam pa'i chos nub na bslab pa'i mtshams thams cad dang/ las kyi mdza' rnams med par 'gyur ro zhes zer ro/ /kha che rnams ni byung ba la/ /bu lon nor bzhin gnyis su 'dod/ /kha che bye brag tu smra ba rnams ni 'di ltar 'dod de/ rtsa ba'i ltung ba byung ba
 la yang sdom pa gtong ba med do/ /ci'i phyir zhe na/ phyogs gcig nyams pas sdom pa zad par gtong ba ni mi rigs so/ /ltung ba gzhan byung ba la yang tshul khrims 'tshal ba mang ngo/ /'o na ji lta bu zhe na/ 'di la tshul khrims dang 'tshal ba'i tshul khrims
 gnyi ga yang yod de/ dper na mi 'ga' zhig la nor yang bdog bu lon yang chags pa bzhin no/ /ltung ba de bshags na tshul khrims dang ldan pa yin gyi tshul khrims 'tshal ba ni ma yin te/ dper na bu lon bcal? nas nor dang ldan pa yin gyi bu lon
 chags pa ma min pa bzhin no zhes bya bar 'dod do/ /'o na bcom ldan 'das kyis dge slong ma yin/ dge sbyong ma yin/ shAkya'i bu ma yin/ dge sbyong gi dngos po las nyams par 'gyur te/ de'i dge sbyong gi tshul zhig par 'gyur/ nyams pa dang bcom pa
 dang/ ltung ba dang/ pham par 'gyur zhes gang gsungs pa ji lta bu/ de ni don dam pa'i dge slong nyid las dgongs te gsungs pa yin no/ /'di ni ha cang thugs thung tshes par 'gyur ro/ /'di la thugs thub ci zhig byas she na/ bcom ldan 'das kyi nges
 pa'i don gang yin pa gzhan du 'dran pa'o/ /nyon mongs pa mang po rnams la 'chal pa'i tshul khrims su bya ba'i phyir rkyen byed pa mang yin no/ /de ji ltar na nges pa'i don yin zhe na/ 'dul ba las 'di skad du dge slong ni rnam pa bzhi ste/ ming gi dge slong dang/
 khas 'chi ba'i dge slong dang/ dge slong bas na dge slong dang/ nyon mongs pa bcom pas na dge slong ngo/ /don 'di la ni gsol pa dang/ bzhi'i las kyis bsnyen par rdzogs pa'i dge slong yin no zhes gsungs te/ de sngon don dam pa'i dge slong du gyur la gang gis na/
 phyis dge slong ma yin par 'gyur ba ni ma yin no/ /phyogs gcig nyams pas zhes gang smras pa de ni ston pa nyid kyis/ dper na shing ta la'i mgo bcad na sngon por 'gyur du mi btub 'phal? zhing rgyas pa dang yangs pa mi btub pa bzhin no zhes bya ba dper na mdzad
 pas lan btab pa yin no/ /dpe'i don yang ji lta bu zhe na/ rtsa bar gyur pa phyogs gcig chad pas kyang sdom pa lhag ma 'phel du mi btub ces bya ba yin te/ de yang dge slong gi dngos po'i 'tshams 'jig par byed pa rtsa ba'i ltung ba lci ba byung na khrel? med
 pa shas chen po dang ldan pa'i phyir sdom pa'i rtsa ba 'chad pas sdom pa zad pas gtong bar rigs so/ /ston pas gang la dge 'dun gyi zhal zas dang gtsug lag khang dag la kham cig 'dor ba'i phyogs longs spyad par yang ma gnang ba ni dge slong gi
 longs spyod thams cad las kyang bkang to/ /gang gis dbang du mdzad nas/ dge slong min la dge slong du/ /smra ba sre te bsal bar gyis/ /shing rul dag ni spang bar gyis/ /snying po med pa dor bar gyis/ zhes gsungs pas de'i dge slong gis dngos po
 ci 'dra ba zhig yin/ ci 'dra yang rung dge slong gi dngos po ni yod de/ 'di ltar bcom ldan 'das kyis btsun te/ dge sbyong bzhi ste lnga pa med/ /lam gyis rgyal dang lam ston dang/ /lam phyir 'tsho dang lam sun 'byin/ zhes gsungs so/ /de skad du gsungs pa yod mod
 kyi/ de ni sha tshugs tsam lus pa'i phyir dge sbyong zhes gsungs par zad de/ shing tshig pa dang/ mtshe'u skams pa dang/ ne tso'i mchu dang/ sa bon rul pa dang/ mgal ma'i 'khor lo dang/ sems can shi ba bzhin na/ /gal te 'chal pa'i tshul khrims las dge
 slong ma yin par 'gyur na bslab pa sbyin pa med par 'gyur ro/ /thams cad ltung ba byung ba'i mdo las phas pham pa yin no zhes mi zer gyi/ gang phas pham pa de ni gdon mi za bar dge slong ma yin no/ /la la rgyud kyi khyad par las phas pham pa ma yin te/ sems
 'gas kyang mi 'chab pa'i phyir de ni chos kyi rje rnam par bzhag go /gal te phas pham pa dge slong ma yin na ci ste yang rab tu mi 'byung/ rgyud khrel med pa shas chen pos nyams par byas pas sdom pa'i skal pa med pa'i phyir yin gyi/ dge slong gi dngos po las
 bltos te ma yin te/ 'di ltar de ni bslab pa phul yang rab tu mi 'byung ngo/ /don med pa 'di la ci zhig 'bad de/ gal te de lta bur gyur pa yang dge slong yin na dge slong nyid de 'dra ba de la phyag 'tshal lo/ /dam pa'i chos nus na 'dul ba'i las med
 pa'i phyir sngon med pa'i 'dul ba 'thob pa ni med kyi thob zin pa ni gtong ba med do/ /yang bsam gtan dang zag pa med pa'i sdom pa dag ji ltar gtong zhe na/ bsam gtan gtogs pa'i dge ba ni/ /sa 'phos nyams pa dag gis gtod/ /bsam gtan du gtogs
 pa'i dge ba thams cad ni rgyu gnyis kyis gtong ste/ gong dam 'og tu skye ba ste sa 'phos pa las sam/ snyoms par 'jug pa las yongs su nyams pa las so/ /ris mthun pa pa nyid? pa las kyang cung zad gtong bar 'gyur ro/ /ji ltar gzugs su gtogs
 pa'i dge ba sa 'pho ba dang/ yongs su nyams pa dag gis gtong ba ltar/ /de bzhi gzugs med gtogs 'phags pa/ /'bras bu thob sbyangs nyams pa las/ /dge ba zag pa med pa'i rgyu gsum gyis gtong bar 'gyur te/ 'bras
 bu thob pa las ni lam snga ma gtong bar 'gyur ro/ /dbang po sbyangs pa las ni dbang po rtul po'i lam mo/ /yongs su nyams pa las ni lam gong ma 'bras bu 'am 'bras bu khyad par can te/ re zhig sdom pa rnams ni de ltar gtong ngo/ /sdom min sdom
 pa thob pa dang/ /shi dang mtshan nyid byung ba las/ /sdom pa ma yin pa ni rgyu gsum gyis 'chad de/ sdom pa thob pa las ni gal te sdom pa yang dag par blangs pa las sam/ rgyu dang rkyen gyi stobs kyis ting nge 'dzin thob pas/ bsam gtan gyi sdom pa thob na
 gnyen po stobs dang ldan pa'i phyir des sdom pa ma yin pa 'chad par 'gyur ro/ /lus por ba'i phyir shi ba dang/ rten nyams pa'i phyir mtshan gnyis byung ba las 'dor bar 'gyur ro/ /mtshan dang rgya mi bya ba'i bsam pa thag pa nas bor du zin kyang sdom pa
 med par sdom pa ma yin pa 'chad pa med de/ gzhi yongs su spangs kyang sman med par nang rnying mi bzlogs pa bzhin no/ /sdom pa ma yin pa can gang zhig bsnyen gnas kyi sdom pa mong na ci 'di sdom pa de las yang sdom pa ma yin par 'gyur ram/ 'on te
 sdom pa yang ma yin sdom pa ma yin pa yang ma yin pa zhig tu 'gyur zhe na/ kha cig na re gtan du gtong ba'i bsam pa med pa'i phyir sdom pa ma yin par 'gyur te/ lcags kyi thu lum 'bar ba yang sngon por 'gyur ba bzhin no/ /zhes zer ro/ /gzhan dag na re de
 'thob pa ni rnam par rig byed la rag lus pa'i phyir sbyor ba mi byed na mi 'gyur ro zhes zer ro/ /yang sdom pa dang sdom pa ma yin pa ma gtogs pa'i rnam par rig byed ma yin pa ji ltar gtong zhe na/ bar ma shugs blangs bya ba dang/ /don tshe rtsa ba chad pa las/
 rab tu dang ba dang nyon mongs pa'i shugs gang gis rnam par rig byed ma yin pa'i 'di 'phangs pa de chad pas de yang rnam par 'chad par 'gyur te/ rdzas mkhan gyi 'khor lo dang/ mnga' i 'gros bzhin no/ /gal te yang dag par blangs pa 'dis chog go zhes yang dag par
 len pa gtong na kun du blangs pa btang ba las kyang rnam par 'chad par 'gyur ro/ /ji ltar blangs pa bzhin ma byas pa'i bya ba rnam par chad pa las kyang rnam par 'chad par 'gyur ro/ /don rnam par 'chad pa las kyang rnam par 'chad par 'gyur ro/ /don gang zhe na/
 mchod rten dang/ kun dga' ra ba dang/ gtsug lag khang dang/ mal cha dang/ stan dang/ gongs dang/ rgyal sogs pa'i dngos po'o/ /tshe chad pa las kyang 'chad par 'gyur ro/ /dge ba'i rtsa ba rnams chad pa las kyang rnam par 'chad par 'gyur te/ gang gi tshe dge ba'i rtsa
 ba rnams kun du gcod par rtsom pa na'o/ /de ltar na rgyu de drug gis rnam par rig byed ma yin pa gtong bar 'gyur ro/ /'dod gtogs dge ba gzugs min ni/ rtsa chad gong du skyes pa las/ 'dod pa na spyod pa'i dge ba gzugs can ma yin pa'i rang bzhin ni rgyu
 gnyis kyis te/ dge ba'i rtsa ba kun du chad pa 'am/ gzugs dang gzugs med pa'i khams su skye ba las so/ /nyon mongs pa can gzugs min ni/ /gnyen po skyes pas rnams nyams 'gyur/ /nyon mongs pa can gzugs can ma yin pa'i rang bzhin khams
 gsum pa thams cad ni gnyen po skyes pas rnam par nyams par 'gyur te/ nye ba'i nyon mongs pa'i rnam pa gang gi spong ba'i lam gang gis yin pa nges 'di 'khor dang bcas pa yongs su spong bar byed kyi gzhan du ni ma yin no/ /yang sdom pa ma yin pa ni sems
 can gang dag la yod/ sdom pa ni gang dag la yod ce na/ /za ma ma ning sgra mi snyan/ /mtshan gnyis ma gtogs mi rnams la/ /sdom min sdom pa ma yin pa ni mi'i 'gro ba kho na la yod kyi gzhan dag la ni ma yin no/ /de la yang za ma ma ning dang mtshan gnyis pa
 dang byang gi sgra mi snyan pa rnams ni ma gtogs so/ /sdom pa'ang de bzhin la/ /lha la'ang/ sdom pa yang ji skad bshad pa ma gtogs pa mi rnams dang/ lha rnams la yod pas 'gro ba gnyis na sdom pa yod do/ /za ma la sogs pa la sdom
 pa med do zhes bya ba ji ltar shes she na/ mdo dang 'dul ba las te/ mdo las/ ming chen 'di ltar khyim pa gos dkar po gyon pa skyes pa pho'i dbang po dang ldan pa zhig sangs rgyas la skyabs su 'gro ba nas bdag la dge bsnyen du gzung du gsol zhes
 tshig tu smra ba'i bar du yang byed na 'di tsam gyis dge bsnyen du 'gyur ro zhes gsungs so/ /'dul ba las de lta bu bsal bar bya'o zhes gsungs so/ /ci'i phyir zhe na/ de dag las sdom pa med ce na/ rten gnyi ga'i nyon mongs pa shas che ba'i phyir dang/ so
 sor rtog pa mi bzod pa'i phyir dang/ ngo tsha shes pa dang khrel yod pa shas chen po med pa'i phyir ro/ /'o na sdom pa ma yin pa ci'i phyir med ce na/ sdig pa la yang bsam pa mi brtan pa'i phyir dang/ gang la sdom pa yod pa de la sdom pa ma yin pa
 yang yod de/ gnyen por gyur pa'i phyir ro/ /byang gi sgra mi snyan pa rnams la ni yang dag par len pa dang ting nge 'dzin med pa'i phyir dang/ sdig pa bya ba'i bsam pa med pa'i phyir sdom pa dang sdom pa ma yin pa med do/ /ngan song ba rnams la yang gang dang
 ldan pa dang gang med pas sdom pa dang sdom pa ma yin pa dag tu 'gyur ba ngo tsha shes pa dang khrel yod pa shas chen po med do/ /gzhan yang za ma dang/ ma ning dang/ mtshan gnyis pa dang/ ngan song ba de dag gi lus nyid lus gang la sdom pa yang
 mi skye sdom pa ma yin pa yang mi skye ba zhing tshe sgo can lta bur gyur pa yin te/ zhing tshwa sgo can la yang 'bru yang mtshar cig mi skye/ rtswa yang mtshar cig mi skye ba bzhin no/ /'o na mdo las dge slong dag sgo nga las skyes pa'i klu ni zla ba phyed kyi tshes
 brgyad la gnas nas byung nas yan lag brgyad dang ldan pa'i bsnyen gnas la nye bar gnas so zhes gang gsungs pa ji lta bu zhe na/ de ni de dag gis legs par spyad pa tsam yin gyi sdom pa ni ma yin no/ /de lta bas na sdom pa ni lha dang mi rnams kho na la yod do/ /de la yang/
 mi rnams la gsum mo/ /mi rnams la ni so sor thar pa'i sdom pa la sogs pa thams cad yod do/ /'dod dang gzugs skyes lha rnams la/ /bsam gtan skyes yod bsam gtan gyi/ sdom pa ni gzugs kyi khams su skyes pa rnams la yod la/ bsam gtan khyad par
 can dang 'du shes med pa'i sems can du skyes pa rnams ma gtogs pa gzugs med pa'i khams su skyes pa rnams la yod de/ de dag gi ni ldan pa'i sgo nas yod kyi mngon sum gyur pa las ni ma yin no/ /las bstan pa'i dbang du byas pa yin pas 'di man chad
 ni mdo las bstan pa'i las rnams bshad par brtsam mo/ /las ni gsum ste/ las dge ba dang/ mi dge ba dang/ lung du ma bstan pa zhes 'byung ba de la/ las bde mi bde dang gzhan ni/ /dge dang mi dge dang gzhan yin/ /'di ni dge ba la sogs pa'i
 mtshan nyid yin te/ las bde ba ni dus re zhig dang gtan du sdug bsngal las yongs su skyob pa'i phyir dge ba yin te/ 'bras bu yid du 'ong pa dang mya ngan las 'das pa thob par byed pa yin no/ /mi dge ba ni mi mthun pa'i phyogs kyis mi dge ba yin
 te/ gang gi rnam par smin pa yid du mi 'ong ba'o/ /de gnyis las gzhan pa bde ba yang ma yin mi bde ba yang ma yin pa gang yin pa de ni dge ba dang mi dge ba las gzhan pa yin par rig par bya ste/ lung du ma bstan pa zhes bya ba'i tha tshig go /
 yang/ bsod nams bsod nams min mi g.yo/ /bde ba myong 'gyur la sogs gsum/ /las ni gsum ste/ bsod nams dang/ bsod nams ma yin pa dang/ mi g.yo ba'o/ /yang gsum ste/ bde ba myong bar 'gyur ba'i las dang/ sdug bsngal
 myong bar 'gyur ba'i las dang/ bde ba yang ma yin sdug bsngal yang ma yin pa myong bar 'gyur ba'o/ /de la re zhig bsod nams dge ba'i las/ /mi g.yo gong ma las skyes pa'i/ /dge ba zhes bya bar sbyar te/ gzugs dang
 gzugs med pa na spyod pa'i las dge ba ni mi g.yo ba yin no/ /bcom ldan 'das kyis/ 'di la rnam par brtags pa dang rnam par dpyad pa gang yin pa 'di ni 'dir 'phags pa rnams kyis g.yo ba'i zhes gsungs so zhes bya ba de lta bu la sogs
 pa bsam gtan gsum po g.yo ba dang bcas par gsungs pa ma yin nam zhe na/ de dag gi ting nge 'dzin skyon dang bcas pa las dgongs nas de skad gsungs par zad kyi/ de dag ni g.yo ba'i mdo las mi g.yo ba dang mthun par 'gro ba'i lam
 las brtsams te mi g.yo bar gsungs so/ /yang ci'i phyir g.yo ba dang bcas pa kho na yin bzhin du mi g.yo bar gsungs she na/ gang phyir sa ni de dag tu/ las rnams smin phyir mi g.yo'i phyir/ /'dod pa na spyod pa'i las ni rnam par
 smin pa'i phyir g.yo ba yin no/ /ji ltar g.yo zhe na/ rnam par mi gnas pa'i phyir 'gro ba gzhan yang 'gro ba gzhan du rnam par smin par 'gyur la/ lha'i ris gzhan pa yang lha'i ris gzhan du rnam par smin par 'gyur te/ bong tshong dang
 stobs dang stobs dang kha dog dang bde ba dang longs spyod la sogs par 'gyur ba'i las lha dag gi nang du rnam par smin par 'gyur ba gang yin pa de nyid res 'ga' rkyen gzhan gyi dbang gis mi dang dud 'gro dang yi dwags kyi nang du rnam
 par smin par 'gyur ro/ /gzugs dang gzugs med pa na spyod pa'i las ni sa gzhan las gzhan du rnam par smin par nam yang mi nus so/ /de lta bas na rnam par smin pa rnam par gnas pa'i phyir mi g.yo ba zhes bya'o/ /bsod nams ma yin
 pa'i las ni mi dge ba'o zhes 'jig rten na grags pa gang yin pa de la 'bad pas ci zhig bya/ bsod nams la sogs pa'i las bstan zin to/ /bde ba myong bar 'gyur ba la sogs pa bshad par bya ste de la brtsam mo/ /bsam gtan gsum
 pa'i bar dge ba/ bde ba myong 'gyur/ bsam gtan gsum pa'i bar gyi las dge ba ni bde ba myong bar 'gyur ba yin pas bde ba'i tshor ba'i sa ni 'di yin te/ 'di lta ste/ 'dod pa'i khams dang bsam gtan gsum mo/ /de yan chad/ sdug min bde min
 myong 'gyur ba/ /bde ba zhes bya bar sbyar te/ bsam gtan gsum pa yan chad kyi las dge ba ni bde ba yang ma yin sdug bsngal yang ma yin pa myong bar 'gyur ba yin te/ de na bde ba dang sdug bsngal gyi tshor ba med pa'i phyir ro/ /sdug bsngal myong
 'gyur 'di'i mi dge/ lam mi dge ba ni sdug bsngal myong bar 'gyur ba'o/ /'di'i zhes smos pa ni 'dod pa'i khams kho na na de yod par bstan pa'i phyir ro/ /'di dag gi 'bras bu tshor ba 'ba' zhig tu ni ma zad do/ /'o na ji lta bu zhe na/ tshogs dang bcas
 pa yin no/ /'og na 'ang bar ma yod do zhes/ kha cig zer te/ gzhan dag na re bde ba yang ma yin sdug bsngal yang ma yin pa myong bar 'gyur ba'i las su bshad pa gang yin pa de ni bsam gtan bzhi pa man chad na yang yod do zhes zer ro//
 ci'i phyir zhe na/ gang gi phyir/ bsam gtan khyad par rnam smin las/ /de lta ma yin na bsam gtan khyad par can gyi las kyi rnam par smin pa med pa 'am/ las gang gis kyang bsam gtan khyad par can du rnam par smin par mi 'gyur te/ de na
 bde ba dang sdug bsngal dag med pa'i phyir ro/ /kha cig na re bsam gtan khyad par can gyi las kyi rnam par smin pa ni bsam gtan gyi bde ba'i dbang po kho na yin no zhes zer ro/ /gzhan dag na re de'i rnam par smin pa tshor ba med pa nyid do zhes zer
 ro/ /'di ni bstan bcos dang 'gal ba yin te/ bstan bcos las ni las kyi rnam par smin pa sems kyi tshor ba kho na rnam par smin par 'gyur ba yod dam zhe na/ yod de/ rtog pa med pa'i las dge ba yin no zhes 'byung ngo/ /snga phyi med
 gsum smin 'dod phyir/ /ji ltar las gsum po rnams kyi rnam par smin pa snga phyi med par smin par 'gyur ba yod dam zhe na/ yod de/ bde ba myong bar 'gyur ba ni gzugs so/ /sdug bsngal myong bar 'gyur ba ni sems dang sems las sems las byung ba'i chos rnams so/ /bde ba
 yang ma yin sdug bsngal ba yang ma yin pa myong bar 'gyur ba ni sems dang ldan pa ma yin pa'i 'du byed rnams so zhes 'byung ste/ 'di'i phyir yang 'og na bde ba yang ma yin sdug bsngal yang ma yin pa myong bar 'gyur ba'i las yod de/ 'dod pa'i
 khams las gzhan ni las gsum gyi rnam par smin pa dang cig car du ldan pa med do/ /nga ni ci las de dge ba yin nam/ 'on te mi dge ba yin zhe na/ dge ba ste stobs chung ngu ni yin no/ /de lta na ni 'o na/ bsam gtan gsum pa'i bar dge ba/ /bde
 ba myong 'gyur zhes bya dang/ /rnam par smin pa yid du 'ong ba ni dge ba yin no zhes bya ba 'di dang 'gal lo/ /de ni phal che ba bstan pa yin par lta bar bya'o/ /ji ltar na tshor ba'i rang bzhin ma yin pa'i las bde ba myong bar 'gyur ba zhes bya zhe na/ bde
 ba myong bar 'gyur ba dang mthun pa 'am 'di'i bde ba myong bar bya ba yin pas na bde ba myong bar 'gyur ba yin no/ /myong bar bya ba yang gang zhig yin zhe na/ rnam par smin pa ste/ de myong bar byed pa yin no/ /yang na bde ba myong bar 'gyur ba
 yin pas bde ba myong bar 'gyur ba ste/ gang gis bde ba myong bar 'gyur ba ste/ 'khru bar byed pa'i 'dag pa'i chal bzhin no/ /sdug bsngal myong bar 'gyur ba dang/ sdug bsngal yang ma yin bde ba yang ma yin pa myong bar 'gyur ba la yang de
 bzhin du blta bar bya'o/ /gzhan yang ngo bo nyid dang mtshungs ldan dang/ /dmigs pa dang ni rnam smin dang/ /mngon sum du ni gyur pa las/ /myong 'gyur rnam pa lnga yin no/ /ngo bo nyid kyis myong bar 'gyur ba ni tshor ba rnams so/ /mtshungs par ldan pas myong bar 'gyur ba
 ni reg pa ste/ bde ba myong bar 'gyur ba'i reg pa zhes bya ba'o/ /dmigs pa myong bar 'gyur ba ni yul rnams te/ ji skad du/ ming gis gzugs rnams mthong nas gzugs so sor yang dag par myong bar 'gyur gyi gzugs la 'dod chags so sor
 yang dag par myong ba ni ma yin no zhes bya ba de lta bu la sogs pa gsungs pa ste/ dmigs pa ni tshor bas de dag so sor yang dag par myong bar byed do/ /rnam par smin pa myong bar 'gyur ba ni las yin te/ mthong ba'i chos la myong bar 'gyur ba'i las zhes
 bya ba rgyas par 'gyur pa'o/ /mngon sum du gyur pa myong bar 'gyur ba ni ji skad du/ gang gi tshe bde ba'i tshor ba myong bar byed pa de'i tshe de'i tshor ba gnyis 'gag par 'gyur zhes gsungs pa ste/ gang tshe bde ba'i tshor ba 'jug pa de'i tshe gang gis na re myong
 bar 'gyur ba tshor ba gzhan ni med kyi nges mngon sum du byed na ni de myong bar 'gyur zhes bya ste/ de'i phyir rnam par smin pa myong bar 'gyur ba yin pa'i phyir las kyang bde ba myong bar 'gyur zhes bya ba la sogs par brjod do/ /de yang nges dang ma nges pa/
 bde ba myong bar 'gyur ba la sogs pa'i las rnam pa gsum po de yang nges pa dang/ ma nges pa yin par rig par bya ste/ gdon mi za bar myong bar 'gyur ba ni ma yin no/ /mthong ba'i chos la sogs pa la/ /myong 'gyur phyir na nges rnams gsum/ /mthong ba'i
 chos la myong bar 'gyur ba dang/ skyes nas myong bar 'gyur ba dang/ /lan grangs gzhan la myong bar 'gyur ba ste/ las rnams 'di gsum ni nges pa'o/ /de ltar na de ni myong bar 'gyur ba ma nges pa dang bcas pa ste las rnam pa bzhi yin no/ /kha cig las rnams/
 lnga zhes zer ro/ /gzhan dag ni myong bar 'gyur bar ma nges pa la rnam par smin pa nges pa dang ma nges pa rnam pa gnyis su phye nas las rnam pa lngar 'dod do/ /de la mthong ba'i chos la myong bar 'gyur ba ni skye ba gang du byas pa de nyid du rnam par
 smin par 'gyur ba'o/ /skye gnas myong bar 'gyur ba ni skye ba gnyis pa'o/ /lan grangs gzhan la myong bar 'gyur ba ni de phan chad du'o/ /gzhan dag na re chos stobs dang ldan pa'i las gang yin pa de'i rnam par smin pa chung ches par 'gyur du
 'ong bas mthong ba'i chos la myong bar 'gyur ba'i las kyi rnam par smin pa tshe rabs gzhan dag na yang yod mod kyi rtsom pa'i dbang gis ming de rnam par bzhag go zhes zer ro/ /bye brag tu smra ba rnams ni de mi 'dod do/ /'bras bu nye la 'bras bu ring ba
 ma yin pa'i las kyang yod/ bzlog pa yang yod de phyi'i sa bon bzhin no/ /ji ltar lcam pa la sogs pa ni zla ba phyed dang gnyis kyis 'bras bu smin la/ nas dang gro la sogs pa ni zla ba drug gis 'bras bu smin pa bzhin no/ /gzhan dag mu ni bzhi zhes
 zer/ dpes ston pa rnams ni gnas skabs la nges pa rnam par smin par ma nges pa yang yod de/ mthong ba'i chos la sogs pa la myong bar 'gyur la rnam par smin pa ni ma nges pa'i las gang yin pa'o/ /rnam par smin par nges la gnas skabs
 dag tu ma yin pa yang yod de/ rnam par smin par nges la myong bar 'gyur bar ni ma nges pa'i las gang yin pa'o/ /gnyi ga nges pa yang yod de/ mthong ba'i chos la sogs pa la myong bar 'gyur la rnam par smin par yang nges pa'i las gang
 yin pa'o/ /gnyi ga ma nges pa yang yod de/ myong bar 'gyur ba yang ma nges la rnam par smin par yang ma nges pa'i las gang yin pa'o zhes bya ba mu bzhir byed de/ de dag gi ltar na las rnam pa brgyad de/ mthong ba'i chos la myong bar 'gyur bar
 nges pa dang/ ma nges pa nas myong bar 'gyur par ma nges pa'i bar du yang de dang 'dra'o/ /mthong ba'i chos la myong bar 'gyur ba la sogs pa ni nges pa kho na yin no/ /bzhi pa ni ma nges pa yin no zhes brjod do/ /skad cig ma gcig la las rnam pa bzhi 'phen par
 'gyur ba lta yod dam zhe na/ yod de/ pha rol po gsum la sbyar nas bdag nyid 'dod pas log par g.yem pa la zhugs te/ de dag cig car mthar phyin par gyur na'o/ /las bzhi po de dag las/ gsum gyis ris ni 'phen par byed/ mthong ba'i chos la myong
 bar 'gyur ba'i las kyis ni ris mthun pa 'phen par mi byed do/ /khams gang ngam/ 'gro ba gang las kyi 'phen pa rnam pa du zhig yod ce na/ thams cad na ni 'phen pa bzhi/ /khams gsum po thams cad dang/ 'gro ba thams cad na dge ba dang mi dge ba rnams
 ci rigs par las bzhi'i 'phen pa yod de/ spyir bstan pa 'di'i dmigs kyis bstan pa ni 'di yin te/ dmyal ba na ni dge ba'i gsum/ /dmyal ba dag na ni las dge ba rnam pa gsum gyis 'phen pa yod kyi mthong ba'i chos la myong bar 'gyur ba ni
 med de/ de na rnam par smin pa yid du 'ong ba med pa'i phyir ro/ /gang las 'dod chags bral brtan pa'i/ /byis pa der skyes myong mi byed/ /so so'i skye bo yin la de yang brtan pa yin te yongs su mi nyams pa'i chos can zhig na de ni sa gang las 'dod
 chags dang bral ba der skyes nas myong bar 'gyur ba'i las mi byed do/ /gzhan rnam pa gsum ni byed do/ /'phags pa gzhan duAng myong mi byed/ brtan pa zhes bya bar sbyar te/ 'phags pa'i gang zag yin la yongs su mi nyams pa'i chos can yang yin
 nas gang las 'dod chags dang bral ba der skyes nas myong bar 'gyur ba dang/ lan grangs gzhan la myong bar 'gyur ba'i las yang mi byed de/ 'di ni yang sa 'og mar 'ong ba'i rung ba ma yin no/ /gang du skyes par ma nges pa dang mthong ba'i chos la
 myong bar 'gyur ba ni byed do/ /'dod rtse'i mi brtan pa yang min/ /'dod pa'i khams sam/ srid pa'i rtse mo las 'dod chags dang bral ba'i 'phags pa'i gang zag de dag tu yongs su nyams pa'i chos can yin yang skyes nas myong bar 'gyur
 ba dang/ lan grangs gzhan la myong bar 'gyur ba'i las byed par rung ba ma yin no/ /ci'i phyir zhe na/ de ni 'bras bu las yongs su nyams pa las ni 'chi ba med do zhes 'og nas bshad par bya'o/ /ci srid pa bar man yang las kyi 'phen pa yod dam zhe na smras pa/
 yod de/ srid pa bar ma 'dod khams su/ /'phen pa rnam pa nyi shu gnyis/ /'dod pa na spyod pa'i srid pa bar ma ni las rnam pa nyi shu rtsa gnyis 'phen te/ ji ltar byas pas she na/ mngal gyi gnas skabs lnga ste/ nur nur po dang/ mer mer po dang/ nar nar po dang/
 gor gor po dang/ rkang lag 'gyus pa'i gnas skabs rnams so/ /skyes pa'i gnas skabs lnga ste/ byis pa dang gzhon nu dang/ dar la bab pa dang/ dar yol ba dang/ rgan pa'i gnas skabs rnams so/ /de la srid pa bar ma ni nur nur po myong bar 'gyur
 bar nges pa dang ma nges pa'i las kyang 'phen par byed pa nas/ de bzhin du rgan po myong bar 'gyur ba dang/ srid pa bar ma myong bar 'gyur ba'i bar du 'phen par byed do/ /de ni mthong chos 'bras bu yin/ /srid pa bar ma las nges pa rnam pa bcu cig bshad
 pa gang yin pa de ni mthong ba'i chos las myong bar 'gyur ba yin par rig par bya'o/ /ci'i phyir zhe na/ de ni ris gcig kho na yin/ de ni ris mthun pa gcig kho na yin te/ srid pa bar ma gang yin pa dang/ de'i rgyu las byung ba gnas skabs bcu po gang
 dag yin pa de ni las gcig gis 'phangs pa yin no/ /de nyid kyi phyir srid pa bar ma myong bar 'gyur ba'i las gzhan ma bshad de/ de ni skye gnas myong bar 'gyur ba kho nas 'phangs pa'i phyir ro/ /yang nges pa'i las ci 'dra bar rig par bya zhe na/
 nyon mongs rab dang drag po dang/ /yon tan zhing dang rgyun chags su/ /byas pa gang zhig yin pa dang/ /pha ma gsod gang de nges so/ /nyon mongs pa drag pos byas pa'i las gang yin pa dang/ rab tu dang ba drag pos byas pa gang yin pa dang/ rgyun du byed pa gang yin pa dang/
 yon gyi zhing la byed pa gang yin pa de ni nges pa yin par rig par bya ste/ de la yon tan gyi zhing ni dkon mchog gsum mam/ 'ga' zhig gi 'bras bu dang/ snyoms par 'jug pa khyad par can thob pa'i gang zag khyad par can te/ de la ni nyon mongs pa dang rab tu
 dang ba drag po dang/ rgyun du byed pa med par yang dge ba 'am mi dge ba'i las nges par 'gyur ro/ /pha ma ni pha dang ma ste/ pha dang ma gnyis gsod pa'i las de ni ci 'dra yang rung ste/ nges par 'gyur ro/ /gzhan ni ma yin no/ /yang mthong ba'i chos la myong bar 'gyur ba'i
 las ci 'dra bar rig par bya zhe na/ mthong chos 'bras bu can gyi las/ /zhing dang bsam pa'i khyad par las/ /mthong ba'i chos la myong bar 'gyur ba'i las/ /zhing gi khyad par las 'gyur ba ni dper na dge slong zhig gis dge 'dun la bud med do zhes thab mo
 brgal ba las mtshan gyur to zhes grag pa lta bu'o/ /bsam pa'i khyad par las ni dper na nyung ru ma zhig gis glang zhig rlig pa de byung ba las thar bar byas pas skyes pa nyid du gyur pa lta bu'o/ /yang na sa de'i 'dod chags gtan bral phyir/ yang na las
 dge ba 'am mi dge ba'i sa gang yin pa de las gtan du 'dod chags dang bral ba'i phyir las de mthong ba'i chos la myong bar 'gyur ro/ /las ji lta bu zhig ce na/ rnam smin nges pa gang yin pa'o/ /las gang rnam par smin par nges la/ gnas skabs su yang
 ma yin pa/ ma nges pa yang ma yin pa de ni de ltar nges kyi gnas skabs gzhan du nges pa gang yin pa de ni de dang ldan bzhin du gtan du 'dod chags dang 'bral mi srid pas de nyid du rnam par smin par 'gyur ro/ /ma nges pa gang yin pa de ni gtan du 'dod
 chags dang bral ba'i phyir rnam par smin pa nyid do/ /gang du gdon mi za bar mthong ba'i chos la myong bar 'gyur ba'i las su 'gyur ba'i zhing de ji lta bu zhig ce na/ smras pa/ sangs rgyas la sogs pa dge slong gi dge
 'dun dang gang zag lnga po/ /gang dag 'gog byams nyon mongs med/ /mthong dang dgra bcom 'bras langs pa/ /de na phan gnod byas pa yi/ /'bras bu 'phral du myong bar 'gyur/ /'gog pa'i snyoms par 'jug pa las langs pa ni snyoms
 par 'jug pa mya ngan las 'das pa dang 'dra ba'i phyir sems mchog tu zhi ba 'thob ste/ de ni mya ngan las 'das par son pa las slar log pa dang 'dra ba yin no/ /nyon mongs pa med pa las langs pa'i rgyud ni sems can tshad med pa la nyon
 mongs pa med pa dang ldan pa'i lhag pa'i bsam pa dang rjes su 'brel ba dang/ shin du gsal ba'i bsod nams tshad med pas yongs su bsgos pa dang rjes su 'brel pa yin no/ /byams pa las langs pa'i rgyud ni sems can tshad med pa la phan pa'i
 lhag pa'i bsam pa dang rjes su 'brel pa dang/ shin tu gsal ba'i bsod nams tshad med pas yongs su bsgos pa dang rjes su 'brel pa yin no/ /mthong ba'i lam las langs pa'i rgyud ni mthong bas spang bar bya ba ma lus par spangs pa'i phyir
 gnas yongs su gyur pa sar pa yin pa dri ma med pa yin no/ /dgra bcom pa nyid kyi 'bras bu las langs pa'i rgyud ni bsgom pas spang bar bya ba ma lus par spang ba'i phyir gnas yongs su gyur pa ser pa yin pas dri ma med pa yin no/ /de nyid
 kyi phyir de dag las phan pa dang gnod pa byas pa rnams kyi 'bras bu mthong ba'i chos kho na la nges pa 'thob par 'gyur/ /lhag ma bsgom pa'i lam ni rang bzhin dang 'bras bu yongs su ma rdzogs pa can nyid kyi phyir de las langs pa rnams kyi
 rgyud de ltar gnas yongs su gyur pa sar pa dang dag pa ma yin pas de dag ni de ltar bsod nams kyi zhing ma yin no/ /rnam par smin pa'i gtso bo ni tshor ba yin pas de'i phyir 'di spyad par bya ste/ las kyi rnam par smin pa sems kyi tshor ba kho na yin la lus kyi
 ma yin pa yod dam/ lus kyi kho na yin la sems kyi ma yin pa yang yod dam zhe na/ smras pa/ yod de/ rnam par rtog pa med pa yi/ /dge ba'i las kyi rnam smin ni/ /sems kyi tshor ba kho nar 'dod/ /rnam par rtog pa med pa'i las ni bsam gtan khyad
 par can nas srid pa'i rtse mo'i par dag na yod de/ dge ba'i las rnam par rtog pa med pa de'i rnam par smin pa ni sems kyi tshor ba kho na yin no/ /ci'i phyir lus kyi ma yin zhe na/ de ni gdon mi za bar rtog pa dang dpyod pa dang bcas pa yin pa'i phyir ro/ /
 mi dge ba'i ni lus kyi yin/ /mi dge ba'i ni las kyi rnam par smin pa ni lus kyi tshor ba kho na yin no/ /ci'i phyir sems kyi ma yin zhe na/ de'i rnam par smin pa ni sdug bsngal gyi tshor ba yin la/ sems kyi sdug bsngal gyi tshor ba ni yid mi bde ba yin te/ yid
 mi bde ba ni rnam par smin pa ma yin no zhes de ni bshad zin to/ /'o na sems can rnams kyi sems g.yeng bar 'gyur ba gang yin pa de ni sems gang zhig la gnas pa yin/ rgyu ni ci zhig gis 'gyur zhe na/ g.yengs pa'i sems ni yid sems la/ /yid
 kyi rnam par shes pa zhes bya ba'i tha tshig go /rnam par shes pa'i tshogs lnga la gnas pa la ni g.yengs pa med de/ rnam par mi rtog pa'i phyir ro/ /de ni las kyi rnam smin skyes/ /g.yengs pa'i sems de ni sems can rnams kyi las kyi rnam par smin pa las skyes
 pa yin te/ rdzas dang gsang sngags kyi sbyor bas pha rol gyi sems g.yeng bar byed pa 'am/ mi 'dod bzhin du dus dang myos par 'gyur ba sdud pa 'am/ ri dags la sogs pa skrag par byed pa 'am/ nags mes gtong pa 'am/ g.yang du 'dor bar byed
 pa 'am/ gzhan gang yang rung bas pha rol po dag gi sems nyams par byed pa de dag las de'i rnam par smin pas tshe phyi ma la sems g.yengs par 'gyur ro/ /skrag gnod ma nyam mya ngan gyis/ /re zhig skrag pas ji lta bu zhe na/ mi ma yin
 pa gzugs mi sdug pas mi'i gan du nye bar 'ongs la/ de dag gis skrag pa rnams sems g.yengs par 'gyur ro/ /gnod pa ji lta bu zhe na/ /mi ma yin pa de dag nyid 'khrugs nas gnad du snun par byed pas so/ /'byung ba chen po ma mnyam pas ji lta
 bu zhe na/ rlung dang mkhris pa dang bad kan dag 'khrugs par gyur pa'o/ /mya ngan gyi ji lta bu zhe na/ dper na gnas byed kyi bu la sogs pa lta bu'o/ /gal te yid kyi rnam par shes pa g.yengs par 'gyur la/ sems g.yengs pa yang las kyi rnam
 par smin pa las skyes pa yin pa yin na go /ji ltar sems kyi tshor ba rnam par smin pa ma yin par 'gyur zhe na/ sems de nyid rnam par smin pa yin no zhes ni mi zer ro/ /de lta mod kyi 'byung ba chen po rnams 'khrugs pa gang yin pa
 de rnam par smin pa yin la de las skyes pas de'i phyir rnam par smin pa yin te/ las las skyes pa'i khams rnams 'khrugs pas sems 'khrugs pa dang/ dbang med pa dang/ dran pa nyams par 'gyur bas na sems g.yengs pa zhes bya'o//
 de ltar na 'di ni sems g.yengs la rnam par ma g.yengs pa yang yod ces bya bar mu bzhir rung ste/ re zhig g.yengs la rnam par ma g.yengs pa ni sems g.yengs pa'i nyon mongs pa can ma yin pa'o/ /rnam par g.yengs la sems ma g.yengs
 pa ni sems rnal du 'dug pa'i nyon mongs pa can no/ /gnyi ga yin pa ni sems g.yengs pa'i nyon mongs pa can ma yin pa'o/ /sems can gang dag gi sems par 'gyur zhe na/ sgra mi snyan mi 'dod ldan rnams sgra mi snyan ma yin pa
 'dod pa dang ldan pa rnams ni lha dag gi nang na yang lha smyon pa yod na mi dang dud 'gro dang yi dags kyi nang na lta smos kyang ci dgos/ dmyal ba rnams ni rtag tu sems pa kho na yin te/ gnod pa sna tshogs stong phrag dag gis gnad bcom pa'i tshor ba drag po dang/
 gis mngon par nyen pa de dag ni re zhig bdag nyid kyang mi dran na bya ba dang bya ba ma yin pa lta smos kyang ci dgos te/ 'dir kyi hud sems shes smre sngags 'don pa'i dmyal ba dper bya'o/ /sangs rgyas ma gtogs pa'i 'phags pa rnams la yang 'byung
 ba ma nyams pas sems g.yeng ba yod do/ /las kyis ni ma yin te/ nges pa ni sngon rnam par smin zin pa'i phyir ro/ /ma nges pa ni rnam par mi smin pa'i phyir ro/ /'jigs pas kyang ma yin te/ 'jigs pa lnga las yang dag par 'das pa'i phyir ro//
 gnod pas kyang ma yin te/ mi ma yin pa 'khrugs pa'i rgyu mi mdzes pa mi byed pa'i phyir ro/ /mya ngan gyis kyang ma yin te/ chos nyid mngon par shes pa'i phyir ro/ /mdo las/ yon po gsum gsungs te/ lus kyi yon po dang/ ngag gi yon po dang/
 yid kyi yon po dang/ nyes pa gsum ste/ lus kyi nyes pa dang/ ngag gi nyes pa dang/ yid kyi nyes pa'o/ /snyigs ma gsum ste/ lus kyi snyigs ma dang/ ngag gi snyigs ma dang/ yid kyi snyigs ma'o/ /de la/ yon skyon snyigs mar gsungs pa ni/
 de dag kyang rim bzhin du/ g.yo dang zhe sdang 'dod chags skyes/ lus kyi las g.yo las skyes pa ni gya gyu'i rgyu las byung ba yin pa'i phyir lus kyi yon po zhes bshad de ngag dang yid kyi yon po yang de dang 'dra'o/ /lus kyi las zhe sdang las skyes
 pa ni sdang ba'i rgyu las byung ba yin pa'i phyir lus kyi nyes pa zhes bshad de/ ngag dang yid kyi nyes pa yang de dang 'bra'o/ /lus kyi las 'dod chags las skyes pa ni chags pa'i rgyu las byung ba yin pa'i phyir lus kyi snyigs ma zhes bshad
 de/ ngag dang yid kyi snyigs ma yang de dang 'dra'o/ /dkar nag la sogs bye brag gis/ /las ni rnam pa bzhi yin no/ /gnag la rnam par smin pa gnag pa'i las kyang yod/ /dkar la rnam par smin pa dkar ba'i las kyang yod/ dkar
 gnag la rnam par smin pa dkar gnag pa'i las kyang yod/ mi dkar mi gnag cing rnam par smin pa med la las zad par byed pa'i las kyang yod de/ de la mi dge gzugs dang 'dod gtogs pa'o/ /dge ba nyid ni rim bzhin du/ /gnag dang dkar
 dang gnyi ga'i las/ /de zad byed pa zag med min/ /las mi dge ba ni nyon mongs pa can yin pa'i phyir gcig tu gnag pa yin la/ rnam par smin pa yid du mi 'ong ba'i phyir rnam par smin pa yang gnag pa yin no/ /gzugs su gtogs pa'i dge ba ni//
 mi dge ba dang ma 'dres pa'i phyir gcig tu dkar ba yin la/ rnam par smin pa yid du 'ong ba'i phyir rnam par smin pa yang dkar ba yin no/ /ci'i phyir gzugs med par gtogs pa ma bshad ce na/ gang na rnam par smin pa rnam par gnyis po srid
 pa bar ma pa dang/ skye ba'i srid pa pa yod pa dang/ lus dang ngag dang yid kyi las rnam pa gsum char gyi yod pa de kho nar bshad do zhes grag ste/ mdo gzhan las de yang bshad do/ /'dod par gtogs pa'i dge ba ni mi dge ba dang
 'dres pa'i phyir dkar gnag yin la/ rnam par smin pa 'dres pa'i phyir rnam par smin pa yang dkar gnag yin no/ /'di ni rgyud kyi sgo nas rnam par bzhag gi ngo bo nyid kyi sgo nas ni ma yin te/ las sam rnam par smin pa gcig la dkar po
 yang yin nag po yang yin pa de lta bu ni med de/ phan tshun 'gal ba'i phyir ro/ /de lta ni mi dge ba yang dge ba dang dkar gnag tu 'gyur ba ma yin nam zhe na/ 'dod pa'i khams ni mi dge ba gdon mi za bar dge ba dang 'dre ba ni ma yin te/ de stobs
 dang ldan pa'i phyir ro/ /dge ba ni stobs chung ba'i phyir 'dre bar 'gyur ro/ /zag pa med pa'i las ni las gsum po de dag zad par byed cing spong bar byed pa yin no/ /de ni nyon mongs pa can ma yin pa'i phyir mi gnas pa'o/ /rnam par smin pa dkar po nyid med pa'i
 phyir mi dkar pa'o/ /mi dkar pa zhes bya ba'i sgra ni dgongs pa can yin te/ bcom ldan 'das kyis stong pa chen po'i mdo las mi slob pa'i chos las brtsams te/ kun dga' bo chos 'di dag ni gcig tu dkar ba gcig tu dge ba/ gcig tu kha na ma tho ba med pa
 yin no zhes gsungs so/ /bstan bcos las kyang/ chos dkar po rnams gang zhe na/ dge ba'i chos rnams dang/ ma bsgribs la lung du ma bstan pa rnams yin no zhes 'byung ngo/ /'jug pa dang 'gal bas khams su ma gtogs pa'i phyir rnam par smin pa med pa
 yin no/ /ci zag pa med pa'i las dang las thams cad las rnam pa gsum po 'di dag thams cad zad par byed pa yin nam zhe na/ smras pa/ ma yin no/ /'o na ji lta bu zhe na/ chos bzod 'dod chags 'dral ba yi/ /bar chad med lam brgyad kyi gang/ /sems
 dpa' rnam pa bcu gnyis te/ /nag po zad par byed pa'i las/ /mthong ba'i lam la chos shes pa'i bzod pa bzhi dang/ 'dod pa las 'dod chags dang bral ba las bar chad med pa'i lam brgyad kyi sems pa gang yin pa ste/ sems rnam pa bcu gnyis po de ni
 nag po'i las zad par byed pa'i las yin no/ /dgu pa'i sems pa gang yin pa/ /de ni dkar nag zad byed yin/ /'dod pa las 'dod chags dang 'bral ba la bar chad med pa'i lam dgu pa'i sems dpa' gang yin pa de ni dkar gnag ste dge ba dang mi dge ba
 nag po rnam pa dgu po spong bar byed pa yin no/ /dkar po bsam gtan chags bral la/ /bar chad med lam skyes tha mas/ /bsam gtan dang bsam gtan las 'dod chags dang 'bral bar byed pa'i bar chad med pa'i lam tha ma dgu pa de'i sems pa gang yin
 pa ste/ sems dpa' rnam pa bzhi po de ni dkar po'i las spong bar byed pa yin no/ /ci'i phyir bar chad med pa'i lam tha ma kho na ste spong bar byed la gzhan gyis ni ma yin zhe na/ de'i rang gi ngo bo ni spong ba ma yin te/ spangs kyang mngon sum du byed
 pa'i phyir ro/ /'o na ji lta bu zhe na/ de la dmigs pa'i nyon mongs pa spangs pa'i phyir te/ de'i phyir ji srid du de la dmigs pa'i nyon mongs pa'i rnam pa gcig yod pa de srid du de mi spong ba mi 'thad do/ /gzhan ni dmyal ba myong 'gyur dang/ /'dod gzhan
 myong 'gyur gnyis su rig /slob dpon gzhan dag ni dmyal ba myong bar 'gyur ba dang/ dmyal ba las gzhan pa'i 'dod pa'i khams myong bar 'gyur ba'i las ni rim bzhin du nag po dang dkar gnag yin te/ dmyal ba na ni las mi dge ba kho
 na'i rnam par smin pa yod pas de'i phyir de myong bar 'gyur ba ni nag po zhes bya'o/ /de las gzhan pa'i 'dod pa'i khams na ni las dge dang mi dge ba'i rnam par smin pa yod pas de'i phyir de myong bar 'gyur ba ni dkar nag ces bya bar lta'o/ /gzhan
 ni mthong bas spang bya gnag /gzhan dag na re mthong bas spang bar bya ba'i las ni dge ba dang ma 'dres pa'i phyir nag po yin no zhes zer ro/ /'dod pa las skyes gzhan dkar gnag /'dod pa na spyod pa'i las gzhan ni dkar gnag yin no/ /de las
 gzhan pa ci zhig ce na/ bsgom pas spang bar bya ba ste/ de ni dge ba yang yin la mi dge ba yang yin no/ /mdo las thub pa'i ni gsum ste/ thub pa'i lus dang/ thub pa'i ngag dang/ thub pa'i yid do zhes gsungs pa de la/ mi slob lus ngag las yid
 nyid/ /thub pa'i gsum ste go rims bzhin/ /mi slob pa'i lus dang ngag gi las dag ni thub pa'i lus dang ngag yin no/ /mi slob pa'i yid kho na yid kyi thub pa yin te/ yid kyi las ni ma yin no/ /ci'i phyir zhe na/ sems ni don dam par thub pa yin
 la/ de ni lus dang ngag gi las dag gi sgo nas rjes su dpag par bya ba yin no/ /zhes grag go /gzhan yang lus dang ngag gi las dag ni spong ba'i rang bzhin yin gyi sems la rnam par rig byed ma yin pa med pa'i phyir yid kyi las ni ma yin no/ /thub pa'i yang spong
 ba'i don gyis yin te/ de'i phyir yid spang ba la thub pa zhes bya'o/ /ci'i phyir mi slob pa kho na yin gyi gzhan ni ma yin zhe na/ dgra bcom pa ni nyon mongs pa'i brjod pa thams cad med pas don dam par thub pa yin pa'i phyir ro/ /mdo las lung gtsang byed dang/
 ngag gtsang byed dang/ yid gtsang byed dang/ gtsang byed gsum gsungs pa de la/ legs spyad gsum po thams cad ni/ /gtsang byed rnam pa gsum yin no/ /lus kyi legs par spyad pa thams cad ni lus gtsang byed yin no/ /ngag dang yid kyi legs par spyod
 pa thams cad ni ngag dang yid gtsang byed yin te/ dus re zhig dang gtan du nye bar spyad pa'i nyon mongs pa'i dri ma spong ba'i phyir ro/ /de ltar bstan pa 'di ni log pa'i thub pa dang gtsang sgra la mos pa rnams bsgar? ba'i phyir/ nyes par spyad pa gsum gsungs pa
 de la/ lus kyi la sogs mi dge ba/ /nyes par spyad pa gsum du 'dod/ /lus dang ngag dang yid kyi las mi dge ba ni rim pa bzhin du lus dang ngag dang yid kyi nyes par spyad pa yin no/ /brnab sems la sogs las smin spang/ /yid kyi nyes spyad rnam
 gsum mo/ /las kyi rang bzhin ma yin pa yang yid kyi nyes par spyod pa rnam pa gsum yod de/ sems pa las don gzhan du gyur pa brnab sems dang/ gnod sems dang/ log par lta ba'o/ /dpes ston pa rnams na re ched du bsam par bya ba'i mdo las
 gsungs pa'i phyir brnab sems la sogs pa kho na yid kyi las yin no zhes zer ro/ /de lta na ni las dang nyon mongs pa dag gcig tu 'gyur ro/ /gal te nyon mongs pa 'ga' zhig las su gyur na yang cir 'gyur/ bye brag tu smra ba rnams na re mdo
 dang 'gal ba'i phyir de ni med de/ mdo las ni de'i sgo nas sems pa zhugs pa'i phyir de dag gi de ston par byed do zhes zer ro/ /lus dang ngag dang yid kyi spyod pa smad pa ni 'bras bu yid du mi 'ong ba yin pa'i phyir nyes par spyad pa
 yin no/ /bzlog pa legs par spyad pa yin/ nyes par spyad pa las bzlog pa ni legs par spyad pa yin par 'dod de/ lus dang ngag dang yid kyi las dge ba dang/ brnab sems med pa dang/ gnod sems med pa dang/ yang dag pa'i lta ba rnams so/
 pha rol la phan 'dogs pa dang gnod pa bya ba'i bsam pa med par na ji ltar yang dag pa'i lta ba dang log pa'i lta ba dag dge ba dang mi dge ba nyid yin zhe na/ de'i rtsa ba yin pa'i phyir ro/ /nyes par spyad pa dang/ legs par spyad par bshad pa
 gang dag yin pa/ de las tshe long bsdus nas ni/ /dge dang mi dge ci rigs par/ /las kyi lam ni bcur gsungs so/ /nyes par spyad pa dang/ legs par spyad pa de dag nyid las tshe long bsdus te ci rigs par mdo las lam nyid kyi bcur
 gsungs te/ dge ba rnams ni legs par spyad pa dag las so/ /mi dge ba rnams ni nyes par spyad pa dag las so/ /'dir nyes par spyad pa ci zhig gam/ /legs par spyad pa ci zhig ma bsdus she na/ re zhig mi dge ba'i las kyi lam rnams su ni lus kyi nyes
 par spyad pa'i phyogs sbyor ba dang 'jug dang/ nyon mongs can gzhan yang ma bsdus te/ de ni shin du rags pa ma yin pa'i phyir ro/ /lus kyi nyes par spyad pa gzhan dag 'tsho ba dang longs spyod dang/ chung ma rnams dang 'bral bar byed pa gang yin pa de ni
 de dang 'bral bar bya ba'i phyir las kyi lam du bshad do/ /ngag gi nyes par spyad pa yang tshabs po che gang yin pa de kho na nyid kyi phyir las kyi lam du bshad do/ /yid kyi nyes par spyad pa'i phyogs sems pa yang ma bsdus so/ /dge ba la yang lus
 kyi legs par spyad pa'i phyogs sbyor ba dang mjug dang/ myos par 'gyur ba la sogs pa spong ba dang/ sbyin pa dang/ mchod sbyin la sogs pa ma bsdus so/ /ngag gi legs par spyad pa'i yang snyan par smra ba la sogs pa ma bsdus so/ /yid kyi legs par spyad pa'i yang sems
 pa ma bsdus so/ /las kyi lam de rnams las/ /mi dge drug ni rnam rig min/ /mi dge ba'i las kyi lam drug po srog gcod pa dang/ ma byin par len pa dang/ rdzun du smra ba dang/ phra ma dang/ tshig rtsub po dang/ ngag kyal pa rnams ni gzhan byed du 'jug pa la
 dngos kyi rnam par rig byed med pa'i phyir gdon mi za bar rnam par rig byed ma yin pa'i rang bzhin drag yin no/ /gcig rnams gnyis so/ /'dod pas log par g.yem pa de ni bdag nyid kyi mthar phyin par byed pa'i phyir rtag tu rnam par rig byed dang rnam
 par rig byed ma yin pa'i rang bzhin yin te/ de gzhan byed du bcug pa ni de dang 'dra bar dga' ba ma yin no/ /de dag kyang byed na/ las kyi lam/ drug po de dag kyang bdag nyid byed pa la ni dus de'i tshe shin rnam par rig byed dang/ rnam par rig byed ma
 yin pa dang rnam pa gnyis su 'gyur ro/ /phyis shin ni rnam par rig byed ma yin pa kho na yin no/ /dge ba'i las kyi lam rnams las ni/ dge ba bdun nam gnyis/ yang dag par blangs pa'i tshul khrims ni rnam par rig byed la rag lus pa'i phyir
 las kyi lam gzugs can bdun ni gdon mi za bar rnam par rig byed dang rnam par rig byed ma yin pa dang rnam pa gnyi ga yin no/ /ting 'dzin las skyes rnam rig min/ /bsam gtan dang zag pa med pa'i sdom pas bsdus pa rnams ni ting nge
 'dzin las skyes pa zhes bya ste/ de dag ni sems tsam la rag lus pa'i phyir rnam par rig byed ma yin pa kho na yin no/ /nyer sdogs rnams ni rnam rig byed/ /las kyi lam nyer sdogs rnams ni gdon mi za bar rnam par rig byed kyi rang bzhin ni 
 yin no/ /rnam rig byed min 'gyur ba 'am/ /ma yin /gal te kun nas dkris pa drag po 'am/ rab tu dang ba lhur len pa chen pos sbyor ba rtsom na rnam par rig byed ma yin par 'gyur gyi gzhan ni ma yin no/ /bzlog pa 'jug
 yin no/ /nyer sdogs las bzlog pa ni las kyi lam rnams kyi mjug yin par blta bar bya ste/ de dag ni gdon mi za bar rnam par rig byed kyi rang bzhin ni ma yin no/ /rnam par rig byed du ni 'gyur ba 'am/ yang na ma yin te/ gal te las kyi
 lam byas nas de'i rjes su mthun pa'i chos spyod na ni rnam par rig byed du 'gyur gyi gzhan du ni ma yin no/ /yang ji tsam gyis na sbyor ba dang dngos dang mjug 'di dag rnam par bzhag ce na/ 'di ltar re zhig 'di na kha cig phyugs gsod par 'dod
 la khri la sogs pa las lta bar byed/ /rin len par byed/ 'gro bar byed/ nom par byed/ phyugs nyo bar byed/ 'khrid par byed/ dran par byed/ 'dzud par byed/ gnod par byed/ mtshon len par byed/ mtshon lan gcig gam lan gnyis 'debs
 par byed pa nas ji srid du srog gcod par mi byed pa de srid du ni sbyor ba yin no/ /bsnun pa gang gis srog gcod par byed pa de'i tshe'i rnam par rig byed dang/ de'i skad cig gi rnam par rig byed ma yin pa de ni las kyi lam dngos yin no/ /rgyu gnyis kyis
 ni srog gcod pa'i kha na ma tho bas reg par 'gyur te/ sbyor ba dang 'bras bu yongs su rdzogs pas so/ /de phyin chad kyi rnam par rig byed ma yin pa'i skad cig ma rnams ni mjug yin no/ /ji srid du phyugs de'i pags pa 'chu ba 'am/ bkru bshal
 byed pa 'am/ 'tshong ba 'am/ 'tshed pa 'am/ za ba 'am/ rjes su sgrogs pa de srid du ni de'i rnam par rig byed kyi skad cig ma dag kyang mjug yin no/ /de bzhin du gzhan drug la yang ci rigs par sbyar bar bya'o/ /brnab sems la sogs
 pa ni mngon du gyur pa tsam gyis las kyi lam du 'gyur ba'i phyir sbyor ba yang med la mjug kyang med do/ /'dir ci re zhig srog chags de 'chi ba'i srid pa la gnas pa de'i tshe'i rnam par rig byed dang rnam par rig byed ma yin pa gang dag yin pa de dag las
 kyi lam yin nam/ 'on te shi ba'i srid pa la gnas pa de'i che'i yin zhes bya ba 'di brjod par bya'o/ /de las cir 'gyur/ re zhig gal te 'chi ba'i srid pa la gnas pa yin na ni gsod pa 'am/ gsod du 'jug pa lhan cig shi ba yang srog gcod pa'i
 kha na ma tho ba dang ldan par 'gyur te/ grub pa'i mdza' las ni de skad du mi 'byung ngo/ /'on te shi ba yin na ni bsnun pa gang gis srog gcod par byed pa de'i tshe'i rnam par rig byed dang/ /de'i skad cig gi rnam par rig byed ma yin pa gang yin pa de ni
 las kyi lam dngos yin no zhes gang smras pa de brjod par mi bya'o/ /gang yang bstan bcos las 'di skad du/ srog chags bsad la srog gcod pa ma 'gag pa yod dam zhe na/ yod de/ 'di lta ste/ dper na srog chags kyi srog bcad la sbyor
 ba med par ma gyur pa lta bu'o zhes gsungs pa 'dir 'jug sbyor ba'i sgrar gsungs zhes bya ba bye brag tu smra ba'i don ni 'gal te/ de'i tshe dngos kho na ma 'gags pa'i phyir ro/ /ji ltar nyes pa med pa de lta bu yin no/ /ji ltar na nyes pa med pa/ de dag
 dngos kho na sbyor ba'i sgrar gsungs zhes bya ba'o/ /'o na de'i tshe rnam par rig byed ji ltar las kyi lam dngos su 'gyur/ ji ltar na mi 'gyur/ mi nus pa'i phyir ro/ /nga ni rnam par rig byed ma yin par ji ltar 'gyur te/ de'i phyir sbyor ba'i 'bras
 bu yongs su rdzogs pa'i tshe gnyi ga las kyi lam yin no/ /las kyi lam gzhan gyi sbyor ba 'am 'jug las kyi lam gzhan yin pa yang yod dam zhe na/ yod de/ srog gcod pa'i sbyor ba las kyi lam bcu car yin te/ dper na dgra bsad pa'i
 phyir gshed byed sped par gzhan gyi nor phrogs nas phyugs kyi gtor ma byed pa dang/ de nyid kyis de gsod du gzhug pa'i phyir de'i chung ma la nyal po byed pa dang/ de la gang dag yongs su skyob par 'gyur ba de'i mdza' bo la
 rdzun dang/ phra ma dang/ tshig rtsub po dang/ brkyal pa dag gis dbyen byed pa dang/ de'i nor la brnab sems byed pa dang/ de nyid la gnod sems byed pa dang/ de bsad pa'i phyir log pa'i lta ba 'phel bar byed pa lta bu ste/ de bzhin du gzhan dag la yang ci
 rigs par sbyar bar bya'o/ /brnab sems la sogs pa ni sbyor ba yin par mi rung ste/ bya ba ma brtsams pa'i phyir sems bskyed pa tsam gyis ni sbyor ba byas pa ma yin no/ /mdo las/ dge slong dag srog gcod pa ni rnam pa gsum ste/ chags
 pa las skyes pa dang/ zhe sdang las skyes pa dang/ gti mug las skyes pa'o zhes bya ba nas log par lta ba'i bar du gsungs pa de la srog gcod pa chags pa las skyes pa ni ci 'dra ba zhig ces bya ba de la sogs pa brjod par bya ste/ 'di la las
 kyi lam thams cad chags pa la sogs pas mthar phyin par byed pa ni ma yin gyi/ sbyor ba rtsa ba gsum la skyes/ /de dag gi sbyor ba ni mi dge ba'i rtsa ba gsum las skyes pa yin pas na dang po'i kun nas slong ba'i tshig las de skad bshad do//
 de la srog gcod pa chags pa las skyes pa ni 'di lta ste/ de'i dus kyi yan lag gi phyir ram/ /nor gyi phyir ram/ rtsed mo'i phyir ram/ bdag gam mdza' bo yongs su bskyab pa'i phyir srog gcod par byed pa'o/ /zhe sdang las skyes pa ni 'di lta ste/ kho na
 las nges par 'byung bar bya ba'i phyir gsod par byed pa'o/ /gti mug las skyes pa ni 'di lta ste/ mchod sbyin byed pa rnams dang/ rgyal pos chos 'don pa tshad mar byas nas chos kyi blos gsod pa dag ste/ mi bsgrungs pa rnams chad pas
 bcad na/ rgyal po bsod nams kyi snod du 'gyur ro zhes grag pa lta bu dang/ par sig pa rnams kyi lta bu ste/ de dag ni 'di skad du/ pha dang ma rgas sam nad tshabs chen pos thebs na bsad par bya'o zhes zer ro/ /gang yang 'di skad du sprul dang sdig pa dang sbrang bu
 trai ma bu ka la sogs pa rnams ni mi rnams la gdung bar byed pa yin pas bsad par bya'o/ /ri dags dang phyugs dang bya dang ma he la sogs pa rnams ni longs spyad par bya ba'i phyir gsad par bya'o zhes zer ba dang/ gang yang log par lta bas rab tu bcug pa'i
 srog gcod pa'o/ /ma byin par len pa chags pa las skyes pa ni gang zhig gang don du gnyer ba des 'phrog pa 'am/ gzhan gyi rnyed pa 'am bkur sti grags pa'i phyir ram/ bdag gam mdza' bo yongs su bskyab pa'i phyir 'phrog pa'o/ /zhe sdang las
 skyes pa ni kho na las nges par 'byung bar bya ba'i phyir 'phrog pa gang yin pa'o/ /gti mug las skyes pa ni 'di lta ste rgyal pos chos 'don pa tshad mar byas nas mi sgrungs pa chad pas bcad pa'i phyir 'phrog pa lta bu dang/ 'di lta ste/ bram ze
 rnams na re 'di thams cad ni tshangs pas bram ze rnams la byin pa yin na/ bram ze rnams ngams pas dmangs rigs rnams yongs su spyod par zad do/ /de lta bas na bram ze 'phrogs pa na bram ze bdag nyid kyis len pa yin/ bdag nyid kyi za
 ba yin/ bdag nyid kyi gyon pa yin/ bdag nyid kyi sbyin pa yin no zhes zer ba lta bu'o/ /de dag la bdag gzhan gyi 'du shes mi 'byung ba ni ma yin no/ /gang yang log par lta bas rab tu bcug pa'i ma byin par len pa'o/ /'dod pas log par
 g.yem ba chags pa las skyes pa ni gzhan gyi chung ma la sogs pa la de la chags pa 'am/ rnyed pa 'am bkur sti'i phyir ram/ bdag gam mdza' bo yongs su bskyab pa'i phyir mi tshangs par spyod pa'o/ /zhe sdang las skyes pa ni kho na las nges
 par 'byung bar bya ba'i phyir nyal po byed pa gang yin pa'o/ /gti mug las skyes pa ni 'di lta ste/ par sig pa la sogs pa ma la sogs pa la nyal ba dang ba lang 'brang gi mchod sbyin la cho ga can gyi chu btung ngo/ /rtswa bcad do/ /ma'i gan du nyal
 po la 'gro'o/ /sring mo'i gan du 'gro'o/ /rus gcig pa'i gan du 'gro'o zhes bya ba dang/ gang dang gang na 'di dag rnyed pa de dang der 'gro bar bya ste/ de lta na ba lang 'di 'jig rten las rgyal par 'gyur ro zhes bya ba lta bu dang/ gang dag bud med ni
 gtun dang/ me tog dang/ 'bras bu dang/ zas smin pa dang/ ngogs dang/ lam dang 'dra'o zhes zer ba lta bu'o/ /rdzun du smri ba la sogs pa chags pa las skyes pa dang/ zhe sdang las skyes pa ni snga ma bzhin no/ /rdzun du smra ba gti mug las
 skyes pa ji skad du/ rgyal po gzhad gang ldan dang bud med dang/ /bag ma len pa'i tshe dang gsod pa dang/ /nor kun 'phrog tshe rdzun byas gnod med do/ /rdzun lnga ltung bar byed pa min zhes bshad ces smra ba lta bu dang/ gang yang log par lta
 bas rab tu bcug pa'i rdzun du smra ba'o/ /phra ba la sogs pa gti mug las skyes pa ni log pa'i lta bas rab tu bcug pa dang/ /gang yang rig byed la sogs pa bstan bcos ngan pa brdol ba'o/ /ji ltar na brnab sems la sogs pa
 chags pa la sogs pa las skyes pa yin zhe na/ de yi mjug thogs las byung phyir/ /brnab sems sogs rtsa gsum las skyes/ /chags pa'i mjug thogs su byung ba ni chags pa las skyes pa dag yin no/ /zhe sdang gi mjug
 thogs su byung ba ni zhe sdang las skyes pa dag yin no/ /gti mug gi mjug thogs su byung ba ni gti mug las skyes pa dag yin no/ /mi dge ba'i las kyi lam rnams bshad zin to/ /dge ba'i las kyi lam rnams ji lta bu zhe na/ dge ba
 sbyor dang mjug bcas rnams/ /chags sdang gti mug med las skyes/ /dge ba'i las kyi lam sbyor ba dang mjug dang bcas pa rnams ni dge ba'i sems kyis kun nas bslang ba'i phyir dang/ de yang gdon mi za bar ma chags pa la sogs pa dang mtshungs par
 ldan pa'i phyir ma chags pa dang zhe sdang med pa dang gti mug med pa las skyes pa dag yin no/ /de la mi dge ba'i las kyi lam gyi sbyor ba spong ba ni/ dge ba'i las kyi lam gyi sbyor ba yin no/ /dngos spong ba ni dngos yin no/ /mjug spong ba ni mjug yin
 te/ 'di lta ste dge tshul bsnyen par rdzogs par byed pa gnas sna tshogs par 'jug par byed/ dge 'dun rnams la phyag 'tshal bar byed/ /mkhan po la gsol ba 'debs par byed pa nas las lan cig brjod pa dang/ lan gnyis brjod pa'i bar 'di ni
 sbyor ba yin no/ /lan gsum pa brjod pa'i tshe rnam par rig byed dang de'i skad cig gi rnam par rig byed ma yin pa 'di ni las kyi lam dngos yin no/ /de'i 'og tu ji srid du gnas bsgo ba dang/ de'i brten rnam par rig par byed pa dang/ ji srid du rnam
 par rig byed pa ma yin pa rjes su 'brang ba 'di ni 'jug yin no/ /las kyi lam thams cad chags pa la sogs pas mthar phyin par byed pa ni ma yin no zhes gang bshad na/ 'o na gang zhig gang gis mthar phyin par byed ce na/ gsod dang gnod sems tshig rtsub
 po/ /zhe sdang gis ni mthar phyin byed/ /srog gcod pa dang/ gnod sems dang/ tshig rtsub po dang 'di dag ni zhe sdang gis mthar phyin par byed de/ yongs su 'dor ba dang/ rtsub pa'i sems mngon du gyur pa'i phyir ro/ /log g.yem brnab sems
 ma byin len/ /chags pa yi ni rdzogs par byed/ /'dod pas log par g.yem ba dang/ /brnab sems dang/ ma byin par len pa rnams ni chags pas rdzogs par byed do/ /log par lta ba gti mug gis/ /chen rmongs par gyur na mthar phyin
 bar byed do/ /lhag ma gsum gyis rdzogs par byed/ lhag ma yang gang dag cig ce na/ /rdzun du smra ba dang/ phra ma dang/ tshig brkyal ba ste/ de dag ni chags pa 'am/ zhe sdang ngam/ gti mug gsum gyis kyang mthar phyin par byed
 do/ /gang 'di las kyi lam cha bzhir bshad pa de dag ni gsum dang/ gsum dang/ gcig dang/ gsum dang/ go rims bzhin te/ bzhi ni sems can longs spyod dang/ /ming dang gzugs dang ming yin no/ /srog gcod pa la sogs pa'i gzhi ni sems
 can yin no/ /gzhan gyi bud med kyi gan du 'gro ba la sogs pa'i gzhi ni longs spyod yin no/ /log par lta ba'i gzhi ni ming dang gzugs yin no/ /rdzun du smra ba la sogs pa'i gzhi ming gi tshogs yin no/ /gang zhig gis pha rol po 'chi bar
 nges par byas nas de dang mgo mnyam du 'am sngar shin ci de la las kyi lam dngos yod dam 'on te med ce na/ snga dang mnyam du shi ba la/ dngos med/ de nyid kyi phyir/ sbyor ba yang byas la 'bras bu yang yongs su rdzogs par gyur kyang srog gcod
 pa'i kha na ma tho bas reg par mi 'gyur ba lta mchis sam/ bka' stsal pa yod de/ 'di lta ste gsod pa po sngar ram mnyam du shi bar gyur pa lta bu'o zhes gsungs so/ /de la rgyu ci zhig yod ce na/ gsad par bya ba gson bzhin du gsod pa go
 la kha na ma tho ba dang ldan pa yang med la/ gsod pa po shi ba la yang ma yin te/ lus gzhan skyes phyir ro/ /lus gang gis de la sbyor ba byas pa de ni chad la ris mthun pa tha dad pa gzhan gyi lus kho na zhig byung ste/ de ni sbyor ba po ma yin pa'i phyir las
 kyi lam dang ldan par rigs pa ma yin no/ /gang dmag gi gdab pa dang/ lings 'debs pa dang/ ma 'phrigs par gdab pa dag tu pha rol po gsod par bya ba'i phyir mang po'i tshogs pas btab pa la gcig cig gis srog gcod na de dang su zhig ldan
 par 'gyur zhe na/ dmag la sogs pa don gcig phyir/ /thams cad byed pa po bzhin ldan/ /don gcig pa'i phyir thams cad byed pa po ji lta ba bzhin ldan par 'gyur te/ de dag ni don gyis na phan tshun du sbyor bar byed pa na yin no/ /'o na gang zhig nan gyis khrid pa de ji lta
 bu zhe na/ de yang ldan par 'gyur te/ gang zhig 'di snyam du srog gi phyir yang srog chags mi gsad do zhes bya bar nges par byas te 'gro ba ni ma gtogs so/ /rang gis srog gcod par byed pa la ji tsam gyis las kyi lam du 'gyur zhes bya ba nas ji tsam gyis na log
 par lta ba'i bar gyi las kyi lam du 'gyur zhes bya ba'i mtshan nyid brjod par bya ste/ de brjod do/ /srog gcod pa ni bsams bzhin du/ ma nor par ni gzhan gsang ba'o/ /gal te 'di gsang ngo snyam du bsams nas gsod par byed la/ gzhan dang ma nor
 par de nyid kyang gsod par byed na de tsam gyis srog gcod par yin no/ /'o na gang zhig 'di ci srog chags sam srog chags ma yin/ de 'am gzhan zhig yin snyam du the tshom zos nas gsod par byed pa de ji lta bu zhe na/ de yang gdon mi za bar gang yin
 pa yin zhes bya ba'i nges pa 'di rnyed nas de la snun par byed pas des na 'dor ba'i sems su byas pa kho na yin no/ /phung po skad cig ma rnams la ji ltar srog gcod pa yin zhe na/ srog ces bya ba ni lus dang sems la brten nas 'jug pa'i rlung
 yin te/ de gcod par byed do/ /dper na mar me 'am/ dril bu'i skad 'gag par byed pa dang 'dra'o/ /yang na srog gi dbang po srog yin te/ de 'gag par byed do/ /gal te srog gi dbang po'i skad cig ma gcig skye ba la bar chad byed na yang srog gcod pa'i kha
 na ma tho bas reg par 'gyur gyi gzhan du ni ma yin no/ /de med pas gang zhig 'chi bar 'gyur ba'i srog de gang gi yin zhe na/ gang gi zhes bya ba'i drug pa ni gang zag tu smra ba dgag par dpyad par bya'o/ /bcom ldan 'das kyis kyang/ gang tshe tshe dang drod
 rnams shes/ /'di dag gis ni lus 'dor zhing/ /bor nas de tshe 'dug pa ni/ /ji ltar shing la sems med bzhin/ zhes gsungs te/ de lta bas na dbang po dang bcas pa'i lus ni gson po zhes bya ba gnas pa? po? med? pa ni shi ba zhes
 bya'o/ /gcer bu pa rnams na re blo sngar ma btang ba'i srog gcod pas kyang byed pa po chos ma yin pa dang ldan par 'gyur te/ dper na me dang reg pa las tshig bar 'gyur ba bzhin no zhes zer ro/ /de dag gi ltar na gzhan gyi chung? ma mthong ba dang reg pa la
 yang de ltar thal bar 'gyur ro/ /gcer bu pa skra 'bal ba dang/ dka' thub drag po'i lung 'bog pa dang/ de dag gsang de shin yang sbyin pa po la de ltar thal bar 'gyur ro/ /ma dang bu lto na yod pa dag kyang phan tshun sdug bsngal gyi rgyu mtshan du gyur pa'i phyir
 de ltar thal bar 'gyur ro/ /gsad par bya ba yang de'i bya ba dang 'brel pa'i phyir de ltar thal bar 'gyur te/ mes rang gi rten bsreg pa bzhin no/ /byed du 'jug pa la yang thal bar 'gyur te/ gzhan me la reg tu 'jug pa des mi 'tshig pa bzhin no/ /khyim
 sdib na srog chags dag 'chi ba'i phyir shing la sogs pa sems pa med pa rnams kyang sdig pa dang ldan par thal bar 'gyur ro/ /nad pa la gnod pa dang/ shi ba na sman pa rnams la yang de ltar thal bar 'gyur ro/ /yang na dpe tsam gyis ni 'grub par mi 'gyur
 ro/ /srog gcod pa bshad zin to/ /ma byin len pa gzhan gyi nor/ /mthu dang 'jab bus bdag gir byed/ /ma nor pa zhes bya bar sbyar te/ gal te gzhan gyis bdag gir byas pa la mthu dang 'jab bus bdag gir byed cing/ gang du mthu dang 'jab bus bya bar
 bsam pa de las gzhan du 'du shes kyang ma 'khrul na de tsam gyis ma byin par len pa yin no/ /mchod rten las phrogs pa ni sangs rgyas las ma byin par blangs pa yin te/ bcom ldan 'das yongs su mya ngan 'da' ba' i tshe de dag thams cad yongs su
 bzung ba'i phyir ro/ /gzhan dag na re srungs ma gang dag yin pa las so zhes zer ro/ /bdag po med pa'i gter brus na ni yul gyi bdag po las so/ /shi pa'i nor phrogs na las byas pa zhig yin na ni 'tshams kyi nang du gtogs pa rnams las so/ /ma byas pa zhig yin na ni
 sangs rgyas kyi slob ma thams cad las so/ /bgrod min 'gro ba 'dod pa yis/ /log par g.yem pa rnam pa bzhi/ bgrod par bya ba ma yin par 'gro ba 'dod pas log par g.yem pa rnam pa bzhi ste/ bgrod par bya ba ma yin pa gzhan gyis yongs su gzung ba 'am/
 ma 'am/ bu mo 'am/ pha dang ma dang 'brel ba'i gan du 'gro ba 'am/ rang gi chung ma yin yang yan lag ma yin bar 'gro ba ste/ kho 'am rkub tu 'jug pa 'am/ yul ma yin par 'gro ba ste/ snang ba 'am? mchod rten nam/ gtsug lag khang ngam/ dus ma yin par 'gro
 ba ste/ dus ma yin pa gang zhe na/ sbrum ma 'am/ nu zho 'thung ba 'am/ nges pa dang bcas pa'i gan du 'gro pa'o/ /kha cig na re gal te khyod gnang na nges pa dang bcas pa yin no zhes zer ro/ /ma nor pa zhes bya bar sbyar ro/ /gal te bdag gi yin pa'i 'du shes kyis
 gzhan gyi chung ma'i gan du song na las kyi lam du mi 'gyur ro/ /gal te gzhan gyi chung ma yin pa'i 'du shes kyis gzhan zhig gi gan du song na/ kha cig na re gzhan gyi chung ma la sbyor ba byas pa'i phyir dang/ dngos po yang yongs su longs spyad pa'i phyir 'gyur ro zhes
 zer ro/ /gzhan dag na re sbyor ba byas pa'i phyir mi 'gyur te/ srog gcod pa bzhin no zhes zer ro/ /dge slong ma'i gan du 'gro ba su las 'dod pas log par g.yem pa yin zhe na/ yul gyi bdag po las te/ des ni nga mi bzod par bya ba yin no/ /de ni rang gi chung
 ma nges pa dang bcas pa bzhin du bgrod par byas pa ma yin pa yang yin no/ /gzhon nu ma'i gan du 'gro ba ni gang la byin pa las so/ /gal te byin pa med na srung ba gang yin pa dang/ tha na rgyal po las so/ /rdzun tshig 'du shes gzhan bsgyur ba'i/ /tshig don
 mngon par go ba'o/ /don smra ba gang yin pa de la 'du shes gzhan du bsgyur ba de gang gi dbang du byas nas smra ba'i tshig de'i don yang go na tshig de ni rdzun du smra ba'i yin no/ /mngon par ma go na cir 'gyur zhe na/ tshig brkyal par 'gyur ro/ /tshig
 ces bya ba ni res 'ga' yi ge mang po zhig las tshig tu 'gyur na de la las kyi lam gang zhig yin zhe na/ tha ma rnam par rig byed ma yin pa dang bcas pa'o/ /yang na gang las don go bar 'gyur ba ste/ yi ge snga ma rnams ni sbyor ba yin no/ /don mngon par
 go ba yin pas/ 'on te mngon par nus pa zhig yin/ de la cir 'gyur/ gal te don mngon par go ba yin na ni tshig gi don yid kyi rnam par shes pa'i yul yin pa'i phyir dang/ ngag gi rnam par rig byed rna ba'i rnam par shes pa dang lhan cig 'gags
 pa'i phyir/ /rnam par rig byed ma yin pa kho na las kyi lam du 'gyur ro/ /'on te mngon par go bar nus pa yin na ni de lta ni nyes par mi 'gyur te/ ji ltar na mngon par go bar nus pa yin zhe na/ skad? byang ba dang rna ba'i rnam par shes pa skyes pa'o//
 ji ltar nyes pa med pa lta bu yin no/ /mdo las tha snyad bcu drug gsungs pa las ma mthong pa la mthong zhes smras pa dang/ ma thos pa dang/ ma rtogs pa dang/ rnam par ma shes pa la rnam par shes zhes smra ba dang/ mthong ba la ma mthong ngo zhes smra ba
 dang/ rnam par shes pa'i bar la rnam par ma shes so zhes smra ba dang brgyad po 'di ni 'phags pa la yin pa'i tha snyad dag yin no/ /mthong ba la mthong ngo zhes smra ba nas rnam par shes pa la rnam par shes so zhes smra ba'i bar dang/ ma mthong ba la
 ma mthong ngo zhes smra ba nas rnam par shes pa la rnam par ma shes so zhes smra ba'i bar brgyad po 'di ni 'phags pa'i tha snyad dag yin no/ /de la mthong ba dang/ thos pa dang/ rtogs pa dang/ rnam par shes pa de dag gi mtshan nyid ci zhe na/ mig rna yid kyi
 rnam par shes dang/ /gsum gyis nyams su myong gang de/ /mthong thos rnam par shes pa dang/ /rtogs pa yin te rim bzhin bshad/ /mig gi rnam par shes pas nyams su myong ba gang yin pa de ni mthong ba zhes bshad do/ /rna ba'i rnam par shes pas nyams su myong
 ba gang yin pa de ni thos pa zhes bshad do/ /yid kyi rnam par shes pas nyams su myong ba gang yin pa de ni rnam par shes pa zhes bshad do/ /sna dang lce dang lus kyi rnam par shes pas nyams su myong ba gang yin pa de ni rtogs pa zhes bshad do/ /ci'i phyir zhe na/ bye
 brag tu smra ba rnams na re/ dri dang ro dang reg bya rnams ni lung du ma bstan pa'i phyir shi ba dang 'dra ste/ de'i phyir de dag la ni rtogs pa zhes bya'o zhes zer ro/ /'di la khungs ci zhig yod ce na/ mdo dang/ rigs pa yod de/ re zhig mdo ni mchod byed kyi ma can
 'di ji snyam du sems/ gzugs gang dag khyod kyi mig gis mthong ste sngon ma mthong zhing mi lta la khyod 'di snyam du lta bar bya'o snyam du yang mi sems na/ gzhi de las khyod 'dun pa 'am/ 'dod chags sam/ 'dod pa 'am/ dga' ba 'am/ chags pa 'am/
 'chums pa 'am/ lhag par chags pa skye 'am/ btsun pa ma lags so/ /sgra gang dag khyod kyis rna bas ma thos te/ sngon ma shes bya ba dang/ rgyas par yid kyis chos rnams rnam par ma shes te zhes bya ba nas rgyas par btsun pa ma lags so zhes bya ba'i
 bar du'o/ /mchod byed kyi ma can khyod 'di la mthong na yang mthong ba tsam du 'gyur la/ thos pa dang/ rtogs pa dang/ rnam par shes pa yang rnam par shes pa tsam du 'gyur ro zhes gsungs pa yin te/ de'i phyir yul gsum la mthong ba dang/ thos
 pa dang/ rnam par shes pa'i sgras bstan pa'i phyir dri la sogs pa la? rtogs pa zhes bya bar go? /de ltar mi 'dod na mthong ba la sogs pa'i dngos po'i nang du ma gtogs pa'i phyir dri la sogs pa la tha snyad 'dogs par yang mi 'gyur te/ 'di ni
 rigs pa yin no/ /re zhig mdo ni? don gzhan yin pa'i phyir khungs ma yin te/ bcom ldan 'das kyis mdo 'di las tha snyad rnams kyi mtshan nyid bstan pa ni ma yin no/ /'o na ji lta bu zhe na/ 'dir ni khyod yul rnam pa drug po 'di la
 mthong ba la sogs pa'i tha snyad bzhi la mthong ba la sogs pa'i tha snyad tsam du 'gyur gyi sdug pa dang mi sdug pa'i mtshan mar sgro 'dogs pa ma yin no zhes bya ba 'di mdo'i don yin par snang ngo/ /yang mthong ba ni ci zhig yin/ rnam par shes
 pa'i bar du yang ci zhig yin zhe na/ re zhig kha cig na re dbang po lngas mngon sum du byas pa gang yin pa de ni mthong ba'o/ /pha rol las 'ongs pa gang yin pa de ni thos pa'o/ /bdag nyid kyis rigs pas rjes su dpag pa'i sgo nas 'dod pa
 gang yin pa de ni rtogs pa'o/ /yid kyi mngon sum du gyur pa bsgoms nas rtogs pa so so rang gis rigs par bya ba gang yin pa de ni rnam par shes pa'o/ /yang yul lnga po 'di dag re re la yang mthong ba 'am/ thos pa 'am/ rtogs pa 'am/
 rnam par shes pa yin no zhes tha snyad gdags la/ drug pa la ni mthong ba ma gtogs te/ de ltar na dri la sogs pa la tha snyad 'dogs pa med par thal bar 'gyur ba yang med de/ de lta bas na rigs pa de yang rigs pa ma yin
 no zhes zer ro/ /sngon gyi slob dpon rnams ni 'di skad du/ mig gis mngon sum du byas pa gang yin pa de ni mthong ba'o/ /rna bas thos pa dang/ pha rol las 'ongs pa gang yin pa de ni thos pa'o/ /bdag nyid kyis bsam
 pa gang yin pa de ni rtogs pa'o/ /bdag nyid kyis so sor yang dag par rig pa dang/ rtogs pa gang yin pa de ni rnam par shes pa'o zhes zer ro/ /zhar las 'ongs pa rdzogs so// //
 bstan bcos la 'jug par bya ste/ gang zhig lus kyis don gzhan go bar byed na rdzun du smra bar 'gyur ram zhe na/ 'gyur ro/ /de nyid kyi phyir/ lus kyi mi byed na srog gcod pa'i kha na ma tho bas reg par 'gyur ba yod dam zhe na/ yod do/ /ngag gi byed par 'gyur na'o/ /ngag
 gis mi byed na rdzun gyis kha na ma tho bas reg par 'gyur ba yod dam zhe na/ yod de/ lus kyis byed par 'gyur na'o/ /lus kyis kyang mi byed/ ngag gis kyang mi byed na/ kha na ma tho ba gnyi gas reg par 'gyur ba yod dam zhe na/ yod de/ 'dir drang srong rnams yid rab
 tu khros pa dang/ gso sbyong dper bya'o/ /zhes gsungs so/ /gnyi ga yang mi byed na/ 'dod pa na spyod pa'i rnam par rig byed ma yin pa rnam par rig byed med pa can yang med pas ji ltar na de gnyis kyis lam du 'grub ste/ 'di la 'bad par bya'o/ /rdzun du smra ba
 rdzogs so// //phra ma pha rol dbye ba'i phyir/ /nyon mongs can gyi sems kyi tshig /pha rol po dag dbye zhing mi 'dza' bar bya ba'i phyir sems nyon mongs pa can gyi tshig gang yin pa da ni phra ma yin te/ don mngon par go ba dang/ ma nor bzhes
 bya bar sbyar ro/ /tshig rtsub po ni mi snyan pa/ /sems nyon mongs pa can gyi tshig dang/ don mngon par go ba dang/ ma nor ba zhes bya bar sbyar te/ sems nyon mongs pa can gyi tshig mi snyan pa pha rol po la smras shing don mngon par go la gang la smra bar
 'dod pa de nyid la smra ba gang yin pa de ni tshig rtsub po yin no/ /nyon mongs can kun bkyal pa nyid/ /tshig ces bya ba'i dbang du byas par sbyar te/ nyon mongs pa can gyi tshig thams cad ni tshig bkyal ba yin no/ /de nyid bkyal ba nyid yin te/ de dang ldan pa
 ni tshig bkyal ba can yin no/ /gzhan ni de las gzhan nyon mongs/ /gzhan dag na re dag gi las rdzun du smra ba la sogs pa de dag las gzhan pa nyon mongs pa can gyi tshig gang yin pa de ni tshig bkyal ba yin no zhes zer te/ kha gsag glu dang zlos
 gar bzhin/ /bstan bcos ngan zhing/ dper na dge slong log pas 'tsho ba can kha gsag byed pa dang/ chags pas kha cig glu len pa dang/ zlos gar mkhan rnams zlos gar gyi tshe gzhan dag mgu bar bya ba'i phyir 'khyal pa dang/ de'i
 lta bar gyur nas bstan bcos ngan pa dag 'don pa dang/ de bzhin du smre sngags 'don pa dang/ 'du 'dzi'i gtam la sogs brdzun du smra ba la sogs pa las gzhan pa nyon mongs pa can gyi tshig gang yin pa de yang tshig bkyal ba yin no//
 ji ltar na 'khor los sgyur ba'i tshe glu yang yod la tshig bkyal pa yang ma yin zhe na/ de'i tshe nges par 'byung ba dang ldan pa'i glu dag blangs kyi stegs sngags dang ldan pa dag ni ma yin no/ /gzhan dag na re de'i tshe yang bag ma len pa dang/ bag
 mar gtong ba la sogs pa'i mngon par brjod pa yod pas tshig bkyal ba ni yod mod kyi las kyi lam ni ma yin no zhes zer ro/ /brnab sems ni/ log pas gzhan gyi nor la chags/ /pha rol po dag gi gang yin pa de bdag gi yin par gyur
 kyang ci ma rung snyam nas gzhan gyis nor dag la mthu 'am 'jab bu 'ang rung log pa mi srid pas bdag gis byed 'dod pas gang yin pa de ni brnab sems kyi las kyi lam yin no/ /gzhan dag na re 'dod pa na spyod pa'i sred pa thams cad
 brnab sems min te/ 'di ltar sgrib pa'i skabs su 'dod pa la 'dun pa'i dbang du mdzad nas mdo las de 'jig rten na brnab sems spangs te zhes bya ba de la sogs pa gsungs so/ /zhes zer ro/ /gzhan dag na re 'khor los sgyur ba rnams dang/
 byang gi sgra mi snyan pa rnams la yang brnab sems kyi las kyi lam yod par 'gyur du 'ong bas/ gal te thams cad brnab sems yin na yang thams cad las kyi lam ni ma yin te/ nyes par spyad pa tshe? long bsdus pa'i phyir ro/ /zhes zer ro//
 gnod sems sems can la sdang ba/ sems can dag la zhe sdang ba pha rol la gnod pa'i rnam par zhugs pa ni gnod sems yin no/ /dge dang mi dge med lta ba/ /log par lta ba yin/ las dge ba dang mi dge ba med do zhes lta ba de ni log par lta ba yin te/ 'di
 lta ste sbyin pa med do/ /mchod sbyin med do/ /sbyin sreg med do/ /legs par spyod pa med do/ /nyes par spyad pa med do/ /zhes bya ba de lta bu la sogs pa nas 'jig rten na dgra bcom pa med do zhes bya ba'i bar las dang 'bras bu dang 'phags pa la skur ba
 'debs pa 'di ni rim gyis log par lta ba yin no/ /tshigs su bcad par ni dang po tsam zhig bstan par zad do/ /las kyi lam bcu po de dag gi mtshan nyid ni de lta bu yin no/ /las kyi lam zhes bya ba'i don ce zhe na/ 'di la/ gsum mam bdun ni las kyang
 yin/ /brnab sems la sogs pa gsum ni las kyi lam dag yin no/ /de dag dang mtshungs par ldan pa can gyi sems pa ni de dag gi rgyu bas rgyu ste/ de dag gi dbang gis de bzhin du mngon par 'du byed pa'i phyir de dag gi 'gros kyis 'gro'o/ /srog
 gcod pa la sogs pa bdun ni lus dang ngag gi las yin pa'i phyir las kyang yin/ /las kyi lam yin pas las kyi lam yang yin te/ de dag kun nas slong ba'i sems pa ni de dag la brten nas 'jug pa'i phyir ro/ /de ltar na las kyi lam dang/ las dang las
 kyi lam yin pas na las kyi lam ste/ mi 'dra ba rnams la yang gcig lus par 'grub pa'i phyir ro/ /brnab sems med pa la sogs pa dang/ srog gcod pa spong ba la sogs pa yang de bzhin du shes par bya'o/ /ci'i phyir sbyor ba dang mjug dag las kyi lam
 ma yin zhe na/ 'di ltar de dag ni de'i don dang/ de'i rtsa ba can du 'jug pa yin no/ /sngar yang tshe long bsdus pa'i phyir zhes bshad pa yang yin no/ /'jig rten na gang dag 'phel ba dang/ 'grib pas phyi nang gi dngos po rnams 'phel ba dang 'gribs pa yang yin
 no/ /'o na mdo sde ba gang dag brnab sems la sogs pa kho na yid kyi las su 'dod pa de dag gi ltar na de dag ji ltar las kyi lam yin zhe na/ de dag nyid la dris shig /de lta mod kyi brjod par nus te/ de dag bde 'gro dang ngan 'gro rnams
 kyi las kyi yin la lam yang yin pas las kyi lam yin pa 'am/ yang na gcig gis gcig 'dren pas na las kyi lam yin no/ /mi dge ba'i las kyi lam bcu po gang dag yin pa de dag thams cad kyang dge ba'i chos rnams kun tu spyod pa dang 'gal ba
 yin la/ med par lta ba rtsa ba gcod/ dge ba'i rtsa ba gcod pa ni log par lta ba chen po yongs su rdzogs par gcod do/ /'o na ci'i phyir bstan bcos las dge ba'i rtsa ba chen po rnams gang dag yin zhe na/ mi dge ba'i rtsa ba gang dag gis dge ba'i rtsa
 ba gcod par byed pa dang/ 'dod pa las 'dod chags dang bral ba thob par byed pa na dang po nyid du spong ba gang dag yin pa'o zhes bshad ce na/ log par lta ba mi dge ba'i rtsa bas drangs pa'i phyir de dag kho na la las kyi lam de bstan par mdzad de/ dper na
 kho nas grong srog par byed na rkun po rnams me 'dren par byed pa yin pas rkun po rnams kyis grong bsregs so zhes bya ba bzhin no/ /dge ba'i rtsa ba gang dag cig kun tu 'chad par 'gyur zhe na/ 'dod gtogs skyes nas thob pa rnams/ 'dod pa na spyod pa'i
 dge ba'i rtsa ba rnams kun du 'chad par 'gyur te/ gzugs dang gzugs med pa na spyod pa dag dang mi ldan pa'i phyir ro/ /'o na btags pa las 'di tsam gyis na gang zag 'dis khams gsum pa'i dge ba'i rtsa ba rnams kun du bcad pa yin no zhes bshad
 pa ji ltar dang/ de ni de'i thob pa thag sring bar byed pa las dgongs nas gsungs pa yin te/ rgyud de'i snod ma yin pa nyid du byed pa'i phyir ro/ /skyes nas thob pa kho na dag kun du 'chad par 'gyur te/ sbyor ba las byung ba dag las ni sngar yongs su nyams
 jin pa'i phyir ro/ /ci la dmigs pa'i log par lta bas kun du gcod par byed ce na/ rgyu dang 'bras bu la skur 'debs pas/ legs par spyad pa med do/ /nyes par spyad pa med de zhes rgyu la skur pa 'debs pa gang dag yin pa dang/ legs par spyad pa dang nyes par
 spyad pa'i las rnams kyi 'bras bu rnam par smin pa med do zhes 'bras bu la skur pa 'debs pa gang dag yin pa'o/ /gzhan dag na re de dag ni bar chad med pa'i lam dang/ rnam par 'grel ba'i lam lta bu yin no zhes zer ro/ /kha cig na re zag pa dang bcas pa
 la dmigs pa kho nas yin gyi zag pa med pa la dmigs pas ni ma yin no/ /skal ba mnyam pa'i khams la dmigs pa kho nas yin gyis skal pa mi mnyam pa'i khams la dmigs pas ni ma yin te/ mtshungs par ldan pa tsam gyi sgo nas rgyas pas nyams
 chung ba'i phyir zhes zer ro/ /'di skad du kun gyis kha cig na re dge ba'i rtsa ba rnam pa dgur char yang cig car du 'chad de mthong bas spang bar bya ba dag bzhin no zhes zer ro/ /'di skad du rim gyis shes brjod de/ bsgom pas spang bar bya ba'i nyon mongs pa bzhin
 du chen po'i chen pos chung ngu'i chung ngu gcod par byed pa'i bar du log par lta ba rnam pa dgus dge ba'i tsa ba rnam pa dgu gcod par byed de/ de ltar na phra mo dang lhan cig tu gyur pa'i dge ba'i rtsa ba rnams gang zhe na/ dge ba'i rtsa ba rnams kun du gcod par
 byed pa na/ thams cad kyis mar 'dor ba gang dag yin pa de/ gang dag med pas dge ba'i rtsa ba kun du chud pa zhes bya ba'i grangs su 'gro ba yin no zhes bya ba'i gzhung 'di bskyab pa yin no/ /'o na mi dge ba'i rtsa ba chen po gang dag yin zhe na/ mi dge
 pa'i rtsa ba gang dag gis dge ba'i rtsa ba rnams kun du gcod par byed pa'o zhes bya ba gzhung 'di'i tshul ji lta bu zhe na/ de dag gis ma lus par gcod pa'i phyir de ni rdzogs pa las dgongs te/ gsungs pa yin te/ de dag las rnam pa gcig ma chad na
 yang thams cad skye ba'i rgyur 'gyur ro/ /kha cig na re mthong ba'i lam bzhin du ma langs par gcod par byed do zhes zer ro/ /'di skad du gnyi gar gcod par byed do zhes brjod do/ /kha cig na re sngar sdom pa spong ba phyis dge ba'i rtsa ba rnams
 kun du gcod do zhes zer ro/ /'di skad du sdom pa sems gang gi 'bras bu yin pa de btang bas de yang gtong ngo zhes brjod do/ /gang du dge ba'i rtsa ba rnams kun du gcod ce na/ mi'i nang du/ mi'i nang kho na dag tu gcod kyi ngan song dag na ni ma yin te/ shes
 rab nyon mongs pa can dang nyon mongs pa can ma yin pa dag mi brten pa'i phyir ro/ /lha dag gi nang ma yang med de/ las kyi 'bras bu mngon sum du gyur pa'i phyir ro/ /gling gsum dag na yod kyi byang gi sgra mi snyan na yang med de/ sdig pa'i bsam pa ma
 yin pa'i phyir ro/ /gzhan dag na re/ 'dzam bu'i gling kho na na yod do zhes zer te/ 'dzam bu gling pa thams cad pas nyung na dbang po brgyad dang ldan pa yin te/ shar gyi lus 'phags po dang/ nub kyi ba lang spyod pa yang de dang 'dra'o zhes bya ba'i
 gzhung 'di dang 'gal bar 'gyur ro/ /de dag kyang/ skyes pa bud med kyis gcod do/ /skyes pa dang bud med kyis kun du gcod par byed de/ gzhan dag na re 'dun pa dang brtson 'grus zhan pa'i phyir bud med kyis ni ma yin no zhes zer te/ gong ma'i
 dbang po dang ldan pa de gdon mi za bar dbang po brgyad dang ldan no zhes bya ba'i gzhung 'di dang 'bral bar 'gyur ro/ /de dag las kyang sred pa spyad pas ni kun du gcod par mi byed de/ bsam pa g.yo ba yin pa'i phyir ro/ /'o na ci zhe na/ lta spyad/ sdig pa'i
 bsam pa brtan pa dang/ 'khyud pa can yin pa'i phyir ro/ /de nyid kyi phyir ma ning la sogs pas kyang ma yin te/ sred pa'i spyad pa'i phyogs dang mthun pa'i phyir dang/ ngan song ba bzhin no/ /dge ba'i rtsa ba kun tu 'chad pa'i rang bzhin ji lta bu zhig yin
 zhe na/ de ni mi ldan pa'o/ /gang gi tshe dge ba'i rtsa ba rnams kyi thob pa yang mi skye la ma thob pa skye ba ste/ mi ldan pa de skyes na dge ba'i rtsa ba rnams kyang kun du chad pa zhes bya'o/ /kun du chad pa de dag ji ltar na yang nying mtshams sbyor zhe na/ mtshams ni the tshom yod lta bas/ /na ma
 zhig 'di la rgyu dang 'bras bu la the tshom skyes pa'am/ yang dag pa'i lta ba zhes bya ba'i don te/ yod par lta ba skyes pa de'i tshe yang de'i thob pa kun du spyod pa'i phyir dge ba'i rtsa ba rnams nying mtshams spyar zhes bya'o/ /nying mtshams ni rnam pa dgu cig car du sbyor ba la/
 mngon sum du ni rim gyis 'gyur te/ nad med nas stobs rnyed pa bzhin no/ /yang de dag gi nying mtshams sbyor ba ni/ mtshams med byed pa'i 'di la min/ /gzhan gyi ni 'di nyid la 'gyur mtshams med pa byed pa'i ni ma yin te/ de nyid la dgongs nas/ gang zag
 'di ni mthong ba'i chos kho na la dge ba'i rtsa ba rnams nying mtshams sbyor ba'i skal ba dang ldan pa ma yin gyi 'di ni nges par dmyal ba dag nas 'chi 'pho ba 'am skye ba na dge ba'i rtsa ba rnams nying mtshams sbyor bar 'gyur ro zhes gsungs te/ skye ba ni srid pa bar
 ma la gnas pa'o/ /'chi 'pho ba ni 'chi 'pho ba la mngon du phyogs pa'o/ /de la gang zhig rgyu'i stobs kyis kun du gcod pa de ni 'chi 'pho ba ni nying mtshams sbyor bar 'gyur ro/ /gang zhig rkyen gyi stobs kyis kun du gcod pa de ni skye ba na nying mtshams sbyor bar
 'gyur te/ rang gi stobs kyis gcod pa gang yin pa dang/ gzhan gyi stobs kyis gcod pa gang yin pa de yang de dang 'dra'o/ /yang smras pa/ gang zhig bsam pa nyams pas kun du gcod par byed pa de ni mthong ba'i chos kho na la nying mtshams sbyor bar 'gyur ro//
 gang zhig bsam pa dang sbyor ba nyams pas gcod par byed pa de ni lus zhig nas nying mtshams sbyor bar 'gyur te/ lta ba nyams pa gang yin pa dang/ lta ba dang tshul khrims nyams pa gang yin pa de yang de dang 'dra'o/ /dge ba'i rtsa ba kun du chad pa yin la
 log pa nyid du nges pa ma yin pa yang yod ces bya ba mu bzhi ste/ mu dang po ni 'od srungs rdzogs byed la sogs pa'o/ /gnyis pa ni ma skyes dgra'o/ /gsum pa ni lhas byin no/ /bzhi pa ni rnam pa de dag ma gtogs pa'o/ /dge ba'i
 rtsa ba kun du gcod par byed pa'i log par lta ba'i rnam par smin pa ni mnar med pa yin no/ /mtshams med par byed pa rnams kyi ni der ram gzhan du'o/ /'di ni las kyi skabs yin pas de la las kyi lam du zhig dang sems dpa' lhan cig
 'byung bar 'gyur ba brjod par bya ste/ mi dge brgyad kyi bar dag dang/ /sems pa cig car lhan cig 'byung/ /re zhig sems dpa' gcig dang lhan cig 'byung ba ni gzhan med par brnab sems la sogs pa mngon du gyur pa 'am/ sems pa nyon
 mongs pa can ma yin pa can de'i sbyor bas gzugs can rnams las gang yang rung ba zhig mthar phyin par byed na'o/ /gnyis dang lhan cig tu 'byung ba ni gnod sems su gyur ba srog gcod pa dang/ brnab sems dang ldan pa ma yin par len pa'am/
 'dod pas log par g.yem pa'am/ /tshig bkyal pa smra na'o/ /gsum dang lhan cig tu 'byung ba ni gnod sems dang ldan pa cig car du gzhan yi srog chags gsad pas 'brog na'o/ /'o na ni chags pa kho nas ma byin par len pa mthar
 phyin par byed pa mi 'grub pa ma yin nam zhe na/ nges pa de ni sems gzhan dag mi ldan pa'i de rdzogs pa la shes par bya'o/ /brnab sems mngon sum du gyur pa de'i sbyor bas gzugs can gnyis mthar phyin par byed na yang gsum kho
 na dang lhan cig 'byung ngo/ /bzhi dang lhan cig 'byung ba ni dbyen bya ba'i bsam pa dang ldan bsdu na gyi tshig gi ma tshig rtsub po smran ste de la ni yid kyi gcig yin la ngag gi gsum yin no/ /yang na brnab sems la sogs par gyur pa de'i sbyor pas gzhan
 gsum mthar phyin par byed na te/ lnga dang drug dang bdun dang yang de bzhin du sbyar bar bya'o/ /brgyad dang lhan cig 'byung ba ni brnab sems la sogs pa sngon du gyur pa kho na drug la sbyor ba byas nas 'dod pas log par g.yem pa bdag nyid kyis byed la
 mnyam du mthar phyin par gyur na'o/ /re zhig mi dge ba dag dang ni de lta bu yin no/ /dge ba bcu'i bar dag dang/ /dge ba'i las kyi lam dag ni bcu'i bar dang sems pa lhan cig 'byung ngo zhes spyir bstan nas dmigs kyis ston par byed de/ gcig dang
 brgyad dang lnga dang min/ /las kyi lam gcig dang brgyad dang lnga dang lhan cig tu mi 'byung ngo/ /de la gnyis dang lhan cig 'byung ba ni dge ba'i rnam par shes pa lnga la gnas pa dang/ gzugs med pa'i snyoms par 'jug pa'i zad pa dang mi skye
 ba shes pa'i gnas pa'o/ /gsum dang lhan cig 'byung ba ni yang dag pa'i lta ba dang mtshungs par ldan pa'i yid kyi rnam par shes pa la gnas pa'o/ /bzhi dang lhan cig 'byung ba ni mi dge ba dang/ lung du ma bstan pa'i sems dang ldan
 pa dge tshul gyi sdom pa yang dag par len pa na'o/ /drug dang lhan cig 'byung ba ni dge ba'i rnam par shes pa lnga la gnas pa de yang dag par len pa na'o/ /bdun dang lhan cig 'byung ba ni dge ba'i yid kyi rnam par shes pa la gnas te de kho na
 yang dag par len pa dang/ mi dge ba yang lung du ma bstan pa'i sems dang ldan pa dge slong gi sdom pa yang dag par len pa na'o/ /dgu dang lhan cig 'byung ba ni dge ba'i rnam par shes pa lnga la gnas pa dang/ zad pa dang mi skye ba shes pa
 dang mtshungs par ldan pa'i yid kyi rnam par shes pa la gnas pa de yang dag par len pa dang/ de nyid bsam gtan gyis bsdus pa'o/ /bcu dang lhan cig 'byung ba ni de las gzhan pa'i yid kyi rnam par shes pa gnas pa dge slong gi
 sdom pa yang dag par len pa kho na dang/ zad pa dang mi skye ba shes pa dag kho na ma gtogs pa bsam gtan dang zag pa med pa'i sdom pa dang lhan cig 'jug pa'i sems pa thams cad yin no/ /sdom pa ma gtogs par ni gcig
 dang lhan cig 'byung ba yang yod do/ /sems gzhan dang ldan pa spong ba'i yan lag gcig yang dag par len pa na'o/ /lnga dang brgyad dang lhan cig 'byung ba yang yod de/ dge ba'i yid kyi rnam par shes pa dang ldan pa cig car du yan lag gnyis
 dang lnga yang dag par len pa na'o/ /'gro ba gang na dge ba 'am mi dge ba'i las kyi lam du zhig mngon sum du gyur pa 'am ldan pa'i sgo nas yod ce na/ dmyal ba na ni bkyal pa dang/ /tshig brtsug gnod sems rnam gnyis so/ /dmyal ba na ni las kyi lam
 'di gsum mngon sum du gyur pa dang ldan pa dang rnam pa gnyis ka'i sgo nas yod de/ smre sngags 'don phyir tshig bkyal ba yin no/ /phan tshun brgyad gag byad pa'i phyir tshig rtsub po yin no/ /gcig la gcig sems kyi rgyud rtsub pas
 zhe sdang ba'i phyir gnod sems yin no/ /brnab sems log lta ldan pas so/ /chags par bya ba'i dngos po med pa'i phyir dang/ las kyi 'bras bu mngon sum du gyur pa'i phyir mngon sum du gyur pa'i sgo nas ni med do/ /las zad nas 'chi ba'i
 phyir dang/ rdzas dang bud med yongs su bzung ba med pa'i phyir srog gcod pa dang/ ma byin par len pa dang/ 'dod pas log par g.yem pa dag med do/ /dgos pa med pa'i phyir rdzun du smra ba med do/ /de nyid kyi phyir dang/ rtag tu byed zin
 pa'i phyir phra ba med do/ /sgra mi snyan gsum yod do/ /brnab sems dang/ gnod sems dang/ log par lta ba dag ste/ ldan pa'i sgo nas yod par sbyar gyi nga yir 'dzin pa med pa'i phyir dang/ rgyud 'jam pa'i phyir dang/ kun nas mnar sems kyi
 dngos po med pa'i phyir dang/ sdig pa can gyi bsam pa ma yin pa'i phyir mngon sum du gyur pa'i sgo nas ni med do/ /de na bdun pa dngos su yang/ de ni tshig bkyal pa mngon sum du gyur pa'i sgo nas ni kyang yod de/ nyon mongs pa can gyi sems su gyur pa de dag ni
 ras 'ga' klu dag kyang len to/ /sdig pa can gyi bsam pa ma yin pa'i phyir dang/ tshe nges pa'i phyir dang/ rdzas dang bud med yongs su gzung ba med pa'i phyir dang/ dgos pa med pa'i phyir srog gcod pa la sogs pa ni med do/ /ji ltar 'di dag mi tshangs par
 spyod pa yin zhe na/ de dag ni dud med gang la lhan cig dga' bar 'dod la de'i lag nas gzung nas shing gi drung du 'gro ste/ gal te bgrod par bya ba zhig yin na shing gis sgrib par byed pas de dag de la nyal ba byed do/ /ci ste bgrod par bya ba ma
 yin nga zhig yin na ni sgrib par mi byed pas de dag de la nyal po mi byed do/ /'dod pa gzhan na mi dge bcu/ /dngos su yang yod ces bya bar sbyar te/ dmyal ba dang/ byang gi sgra mi snyan dag las gzhan pa'i 'dod pa'i khams na ni mi dge ba'i
 las kyi lam bcu mngon sum du gyur pa'i sgo nas kyang yod de/ dud 'gro dang yi dags lha dag gi nang na ni sdom pa ma yin pa ma gtogs so/ /mi dag gi nang na ni sdom pa ma yin pas bsdus pa yang yod do/ /gal te yang lhas lha mi gsod kyang
 'gro ba gzhan gnas pa ni gsad par byed do/ /gzhan dag na re lha yang mgo dang rked pa bcad na 'chi'o zhes zer ro/ /mi dge ba rnams bshad zin to/ /dge ba gsum ni thams cad na/ /rnyed dang mngon du gyur sgo nas/ /brnab sems med pa dang/
 gnod sems med pa dang yang dag pa'i lta ba rnams ni khams gsum pa thams cad na dang/ 'gro ba lnga char na mngon du gyur pa dang ldan pa'i sgo nas yod do/ /gzugs med 'du shes med sems can brnyed pas bdun yod/ gzugs med pa dang 'du shes
 pa'i sems can dag na ni lus dang ngag gi dge ba las kyi lam bdun ldan pa'i sgo kho na nas yod de/ gzugs med par skye ba'i 'phags pa rnams la zag pa med pa'i sdom pa 'das pa dang ma 'ongs pa dang ldan phyir dang/ 'du shes med pa'i
 sems can rnams kyang bsam gtan gyi sdom pa dang ldan pa'i phyir ro/ /gzugs med pa dag na 'phags pas gang la brten pa can gyi zag pa med pa'i tshul khrims bskyed de 'phags pa ni 'das pa de dang ldan na/ /sa lnga char la brten pa can dang/
 ni ma 'ongs pa dang ldan no/ /lhag par byas na mngon du gyur pa'i sgo nas kyang/ dmyal bcas sgra mi snyan ma gtogs/ /lhag mar byas pas na lhag byas te lhag mar byas pa ni khams sam 'gro ba gzhan gang yin pa'o/ /dmyal ba dang byang gi
 sgra mi snyan pa dag ma gtogs pa de dag na ni dge ba'i las kyi lam bdun po 'di dag mngon du gyur pa'i sgo nas kyang yod do/ /de dag kyang dud 'gro dang yi dags kyi nang dag na ni sdom pas bsdus pa ma gtogs pa rnams so/ /gzugs kyi khams
 na ni sdom pas bsdus pa rnams so/ /gzhan na ni gnyis ka yod do/ /dge ba dang mi dge ba'i las kyi lam bcu po 'di dag ni/ thams cad bdag po rgyu mthun dang/ rnam smin 'bras bu 'byin par 'dod/ /re zhig mi dge ba kun du
 bsten pa dang goms par byas pa dang/ lan mang du byas pa thams cad kyis ni dmyal ba dag gi nang du skye bar 'gyur te/ 'di ni de dag gi rnam par smin pa'i 'bras bu yin no/ /brgya la 'di lta bur mi rnams dang skal ba mnyam
 par 'ongs nas yang srog gcod pas ni tshe thung bar 'gyur ro/ /ma byin par len pas ni longs spyod kyis phongs par 'gyur ro/ /'dod pas log par g.yem pas ni dgra dang bcas pa'i chung ma can du 'gyur ro/ /rdzun du smra ba ni skur
 pa mang por 'gyur ro/ /phra mas ni da mdza' bo dang dbye bar 'gyur ro/ /tshig rtsub pos ni yid du mi 'ong ba'i sgra thos par 'gyur ro/ /tshig bkyal pas ni tshig bzung bar mi 'os par 'gyur ro/ /brnab sems kyis ni 'dod chags shas che bar 'gyur ro/ /gnod
 sems kyis ni zhe sdang shas che bar 'gyur ro/ /log par lta bas ni gti mug shas che bar 'gyur to/ de la ni gti mug mang ba'i phyir ro/ /'di ni de dag gi rgyu mthun pa'i 'bras bu yin no/ /mi dag gi nang na tshe thung ba yang dge ba'i las kyi rnam par
 smin pa yin na de ji ltar srog gcod pa'i rgyu mthun pa'i 'bras bu yin zhe na/ tshe de nyid de'i 'bras bu yin no/ /zhes ni mi zer ro/ 'o na ci zhe na/ nges tshe thung ngur 'gyur bas de'i phyir srog gcod pa ni tshe de'i bar chad byed pa'i rgyu yin par rig par bya'o//
 srog gcod pa ha cang kun du bsten pas ni phyi'i dngos po rnams gzi mthu chung bar 'gyur ro/ /ma byin par len pas ni ser ba dang char pa mang bar 'gyur ro/ /'dod pas log par g.yem pas ni rdul gyis 'khrigs par 'gyur ro/ /rdzun du smra bas ni dri
 nga bar 'gyur ro/ /phra bas ni mtho dma' can du 'gyur ro/ /tshig rtsub pos ni sa tshwa rgo can dang/ dgon dung dang/ tha chad dang/ sdig pa can gyi sar 'gyur ro/ /tshig bkyal pas ni dus log can du 'gyur ro/ /brnab sems kyis ni 'bras bu phra mor 'gyur ro//
 gnod sems kyis ni 'bras bu kha bar 'gyur ro/ /log par lta bas ni 'bras bu yin chung ngu 'am 'bras bu med par 'gyur te/ 'di ni de dag gi bdag po'i 'bras bu yin no/ /ci las de kho nas de 'dir tshe thung ngur 'gyur ram/ 'on te gzhan zhig ce na/
 kha cig na re de kho nas te/ de ni rnam par smin pa'i 'bras bu yin la 'di ni rgyu mthun pa'i 'bras bu yin no zhes zer ro/ /gzhan dag na re der ni sbyor bas yin la/ 'dir ni dngos kyis yin te/ 'khor dang bcas pa smos pa'i phyir srog gcod par zhes
 gsungs pa zad do zhes zer ro/ /rgyu mthun 'bras bur bshad pa gang yin pa de yang rnam par smin pa'i 'bras bu dang/ gnyis po 'di las ni mi 'da' i/ 'dra ba'i khyad par las de skad du bshad par zad do/ /yang ci'i phyir las kyi
 lam 'di dag gi 'bras bu rnam pa gsum mngon par 'grub ce na/ re zhig srog gcod par byed pas ni gsad par bya ba sdug bsngal bskyed pa dang/ gsad pa dang gzi byin med par byas pa yin te/ de nyid kyi phyir 'di/ sdug bsngal phyir dang gsang
 phyir dang/ /gzi byin med phyir 'bras rnam gsum/ /pha rol po sdug bsngal bar byas pa'i phyir rnam par smin pa'i 'bras bus dmyal ba dag tu sdug bsngal myong bar 'gyur ro/ /gsang ba'i phyir rgyu mthun pa'i 'bras bus tshe thung ngur 'gyur ro//
 gzi byin med par byas pa'i phyir bdag po'i 'bras bus phyi'i sman rnams gzi mthu chung par 'gyur te/ gzhan dag la yang de bzhin du sbyar bar bya'o/ /dge ba'i las kyi lam rnams kyi 'bras bu gsum yang de bzhin du rig pa bya ste/ srog
 gcod pa spong ba kun tu brten pa dang/ goms par byas pa dang lan mang du byas pas ni lha dag gi nang du skye bar 'gyur ro/ /brgyal 'di lta bur mi rnams dang skal ba mnyam par 'ongs na yang tshe ring por 'gyur te/ thams cad mi dge ba las bzlog
 ste sbyar bar bya'o/ /bcom ldan 'das kyis log pa'i ngag dang/ log pa'i las kyi mdza' dang/ log pa'i 'tsho ba zhes gang gsungs pa de gnyis las gzhan pa'i log pa'i 'tsho ba gang zhig yin zhe na/ 'di gzhan ni med kyi de nyid yin te/ lus dang
 ngag las chags las skyes/ log 'tsho lus dang ngag gi las kyi mdza' zhe sdang las skyes pa dang/ gti mug las skyes pa ni log pa'i ngag dang/ log pa'i las kyi mdza' yin no/ /de ni/ spyad dka' i phyir/ de gnyis las logs shig tu bstan
 to/ /chags pa'i chos ni 'phrog par byed pa yin pa des kun nas bslang ba'i las las sems srung par sla ba ma yin te/ de'i phyir ji srid 'tsho'i bar du spyad dka' bas bsgrim par bya ba'i phyir de ni der logs shig tu bstan to/ /'dir smras pa/ rtag tu lta ba sna tshogs
 kyi/ /khyim pas lta ba spyad par dka' / /gzhan la 'tsho ba rag lus pa'i/ /dge slong gis ni 'tsho ba nyid/ /gal te yo byad la chags bslang/ /gang zhig 'tsho ba'i yo byad la chags pas bslang ba'i lus dang ngag gi las kho na log pa'i 'tsho ba yin gyi gzhan ni ma
 yin te/ bdag dga' bar bya ba'i ched du gar dang glu len pa la sogs pa ni log pa'i 'tsho ba yin par mi rigs so snyam du sems pa de ni/ mdo dang 'gal phyir min/ bcom ldan 'das kyis tshul khrims kyi phung po'i med do las/ glang po che 'thab pa la lta ba la sogs
 pa la yang log pa'i 'tsho bar bzhag ste/ ci'i phyir zhe na/ log pa'i yul la yongs su longs spyod pa'i phyir ro/ /'di ni rdzogs so// //gong du 'bras bu lnga bshad pa gang dag yin pa de dag las las gang zhig 'bras bu du zhig gis 'bras bu du
 zhig 'bras bu dang bcas pa yin zhe na/ drir bcas spong ba'i lam dag gis/ las ni lnga'i 'bras bur bcas/ /spong ba'i phyir lam yin pa 'am/ /'dis nyon mongs pa spong bar byed pas spong ba'i lam ste/ bar chad med pa'i lam yin no/ /zag pa dang bcas
 pa'i de'i las gang yin pa de ni 'bras bu lngas 'bras bu dang bcas pa yin te/ de'i rnam par smin pa'i 'bras bu ni rang gi sar gtogs pa'i rnam par smin pa yid du 'ong ba yin no/ /rgyu mthun pa'i 'bras bu ni ting nge 'dzin las skyes pa'i chos 'dra ba phyi ma rnams
 so/ /bral ba'i 'bras bu ni bral ba kho na yin te/ spangs pa gang yin pa de yin no/ /skyes bu byed pa'i 'bras bu ni des drangs pa'i chos 'di lta ste/ rnam par grol ba'i lam dang/ de dang lhan cig 'byung ba dang/ gang yang ma 'ongs pa 'thob pa dang/ spangs
 pa de yang yin no/ /bdag po'i 'bras bu ni sngar byung ba rnams ma gtogs pa rang gi ngo bo las gzhan pa'i 'du byed thams cad do/ /dri med bzhi yis/ spong ba'i lam zag pa med pa'i las gang yin pa de ni 'bras bu bzhis 'bras bu
 dang bcas pa yin te/ rnam par smin pa'i 'bras bu ma gtogs so/ /zas bcas gzhan/ dge dang mi dge gang yin pa'ang/ spong ba'i lam las gzhan pa'i las dge ba zag pa dang bcas pa gang yin pa dang/ mi dge ba gang yin pa de yang 'bras bu bzhis 'bras bu
 dang bcas pa yin te/ bral ba'i 'bras bu ma gtogs so/ /zag pa med pa lhag ma dang/ lung bstan min gang gsum gyis so/ /spong ba'i lam las gzhan pa'i las zag pa med pa dang lung du ma bstan pa'i las gang yin pa de ni 'bras bu gsum gyis 'bras
 bu dang bcas pa yin te/ rnam par smin pa dang bral ba'i 'bras bu ngag ma gtogs so/ /dge ba'i dge la sogs pa ni/ /bzhi dang gnyis dang de bzhin gsum/ /rim pa bzhin no zhes 'og nas 'chad do/ /las dge ba'i 'bras bu chos dge ba ni bzhi ste/ rnam
 par smin pa'i 'bras bu ma gtogs so/ /mi dge ba gnyis te/ skyes bu byed pa dang/ bdag po'i 'bras bu'o/ /lung du ma bstan pa gsum ste/ rgyu mthun pa'i 'bras bu ma gtogs so/ /mi dge ba'i dge sogs gnyis dang ni/ /gsum dang bzhi ste rim pa
 bzhin/ /go rims ji lta ba bzhin zhes bya ba'i tha tshig ste/ las mi dge ba'i 'bras bu chos dge ba gnyis te/ skyes bu byed pa dang bdag po'i 'bras bu dag go /mi dge ba ni gsum ste/ rnam par smin pa dang bral ba'i 'bras bu ma gtogs so/ /lung
 du ma bstan pa ni bzhi ste bral ba ma gtogs so/ /lung du ma bstan pa 'jig tshogs dang mthar 'dzin par lta ba dag ni mi dge ba kun tu 'gro ba rnams dang/ sdug bsngal mthong bas spang bar bya ba rnams kyi rgyu mthun pa'i 'bras bu yin no/ /lung bstan
 min gyi dge la sogs/ /de dag gnyis dang gsum dang gsum/ /las lung du ma bstan pa'i 'bras bu chos dge ba gnyis te/ skyes bu byed pa dang bdag po'i 'bras bu dag go /mi dge ba ni gsum ste/ bral ba dang rnam par smin pa'i 'bras bu ma gtogs
 so/ /sdug bsngal la sogs pa mthong bas spang bar bya ba'i mi dge ba rnams ni lung du ma bstan pa'i lta ba gnyis kyi rgyu mthun pa'i 'bras bu yin no/ /lung du ma bstan pa'i lta ba gnyis kyi rgyu de dag kho na yin no/ /'das pa'i thams cad bzhi yin no/ /thams
 cad ces bya ba ni dus gsum pa rnams te/ 'das pa'i las kyi 'bras bu dus gsum pa'i chos ni bzhi ste/ bral ba'i 'bras bu ma gtogs so/ /bar ma yi ni ma 'ongs pa'ang/ da ltar byung ba'i las kyi 'bras bu chos ma 'ongs pa yang bzhi ste/ de dag nyid do/ /bar
 ma gnyis so/ /da ltar byung ba'i 'bras bu da ltar byung ba'i chos ni gnyis te/ skyes bu byed pa dang bdag po'i 'bras bu dag go /ma skyes pa'i 'bras bu ma 'ongs gsum yin no/ /ma 'ongs pa'i 'bras bu ma 'ongs pa'i chos ni gsum ste/ rgyu mthun pa dang
 bral ba'i 'bras bu dag ma gtogs so/ /rang gi sa pa bzhin no/ /rang gi sa pa'i las kyi 'bras bu rang gi sa pa'i chos ni bzhi ste/ bral ba'i 'bras bu ma gtogs so/ /gzhan gyi sa pa gsum dang gnyis/ /gal te gzhan gyi sa pa'i chos zag pa med pa
 zhig yin na ni 'bras bu gsum ste/ rnam par smin pa dang bral ba'i 'bras bu dag ma gtogs so/ /khams su ma gtogs pa'i phyir ro/ /gal te zag pa dang bcas pa zhig yin na ni gnyis te/ skyes bu byed pa dang/ bdag po'i 'bras bu dag go /slob pa'i
 slob la sogs pa gsum/ /slob pa'i las kyi 'bras bu slob pa'i tshes ni gsum ste/ rnam par smin pa dang bral ba'i 'bras bu dag ma gtogs so/ /mi slob pa yang de dang 'dra'o/ /slob pa yang ma yin mi slob pa yang ma yin pa yang gsum ste/ rnam par smin
 pa dang rgyu mthun pa'i 'bras bu dag ma gtogs so/ /mi slob las kyi 'bras bu ni/ /slob pa yi ni chos la sogs/ /gcig dang gsum dang gnyis yin no/ /mi slob pa'i las kyi 'bras bu slob pa'i chos ni gcig ste/ bdag po'i 'bras
 bu'o/ /mi slob pa ni gsum ste/ rnam par smin pa dag bral ba'i 'bras bu ma gtogs so/ /slob pa yang ma yin mi slob pa yang ma yin pa ni gnyis te/ skyes bu byed pa dang bdag po'i 'bras bu dag go /de las gzhan pa'i 'bras bu ni/ slab sogs
 gnyis dang gnyis dang lnga/ /slob pa dang mi slob pa dag las gzhan pa slob pa yang ma yin mi slob pa yang ma yin pa'i las kyi 'bras bu slob pa'i chos ni gnyis te/ skyes bu byed pa dang bdag po'i 'bras bu dag go /mi slob pa 'ang de dang 'dra'o/ /slob
 pa yang ma yin mi slob pa yang ma yin pa ni 'bras bu lnga char yin no/ /mthong bas spang bya'i de la sogs/ /gsum dang bzhi dang gcig yin no/ /mthong bas spang bar bya ba'i las kyi 'bras bu mthong bas spang bar bya ba'i chos ni gsum ste/ rnam
 par smin pa dang bral ba'i 'bras bu dag ma gtogs so/ /bsgom pas spang bar bya ba ni bzhi ste/ bral ba'i 'bras bu ma gtogs so/ /spang bar bya ba ma yin pa ni gcig ste/ bdag po'i 'bras bu'o/ /bsgom pas spong bar bya ba las kyi de dag gnyis
 dang bzhi dang gsum dang/ /bsgom pas spang bar bya ba'i las kyi 'bras bu mthong bas spang bar bya ba ni gnyis te/ skyes bu byed pa dang bdag po'o/ /'bras bu dag go /bsgom pas spang bar bya ba ni bzhi ste/ bral ba'i 'bras bu ma gtogs so//
 spang bar bya ba ma yin pa ni gsum ste/ rnam par smin pa dang rgyu mthun pa'i 'bras bu dag ma gtogs so/ /spang bya min pa'i de dag gcig /gnyis dang bzhi ste go rims bzhin/ /spang bar bya ba ma yin pa'i las kyi 'bras bu mthong bas spang bar
 bya ba ni gcig ste bdag po'i 'bras bu'o/ /bsgom pas spang bar bya ba ni gnyis te/ skyes bu byed pa dang bdag po'i 'bras bu'o/ /spang bar bya ba ma yin pa bzhi ste/ rnam par smin pa'i 'bras bu ma gtogs so/ /yang go rims bzhin zhes smos pa ni dbus su yang thog
 ma dang tha ma bzhin shes par bya ba'i phyir te/ de ni mthun par sbyar pa'i chos yin no/ /las bstan pa'i skabs su 'di yang yongs su dri bar bya ste/ bstan bcos dag las/ rigs pa ma yin pas bskyed pa dang/ rigs pas bskyed pa dang/ rigs pas bskyed
 pa yang ma yin rigs pa ma yin pas bskyed pa yang ma yin pa'i las zhes gsungs pa de'i mtshan nyid ci zhe na/ rigs min bskyed pa nyon mongs can/ /kha cig cho ga nyams pa zhe'o/ /kha cig na re rigs pa ma yin pas bskyed pa ni las nyon mongs
 pa can yin te/ tshul bzhin ma yin pa yid la byed pa las byung ba nyid kyi phyir ro/ /zhes zer ro/ /gzhan dag na re cho ga nyams pa yang yin te/ gang gis ji ltar 'gro bar bya ba dang/ gnas par bya ba dang/ bza' bar bya ba dang/ bgo bar bya ba dang/
 de la sogs pa de gzhan du byed na ni rigs pa ma yin pas byed pa'i phyir rigs pa ma yin pas bskyed pa zhes bya'o/ /rigs pas bskyed pa ni las dge ba yin no/ /gzhan dag na re cho ga ma nyams pa yang yin no zhes zer ro/ /de gnyis las gzhan
 nga ni gnyi ga ma yin pa'o/ /ci las gcig gis skye ba gcig kho na 'phan tam/ 'on te du ma yang 'phen de bzhin du las du mas kyang skye ba gcig 'phan tam 'on te du ma kho na zhig 'phen ce na/ 'di ni grub pa'i mdza' yin te/ gcig gi skye ba gcig
 'phel to/ /las gcig kho nas skye ba gcig kho na 'phen gyi du ma ni ma yin no/ /skye ba zhes bya ba ni ris mthun pa la bya ste/ der phyin nas skye ba zhes brjod do/ /'o na gnas brtan ma 'gags pas bdag ni bsod snyoms gcig po de'i rnam par
 smin pas lan bdun gyi bar du sum cu rtsa gsum pa'i lha rnams kyi nang du skyes pa nas da ltar shAkya phyug po'i rigs su skyes pa'i bar du yin no zhes gang smras pa de ji lta bu zhe na/ 'di des 'byo pa rnyed nas tshe rabs dran
 pa dang yang bsod nams gzhan byas pas de'i slong ba sten par byed pa yin te/ dper na mi zhig gis dong tshe gcig gis stong du sgyur te bdag ni dong rtse gcig gis dbang phyug 'di thob par gyur ro zhes smra ba lta bu'o/ /yang smras pa/ de
 bsod snyams la brten te sems pa rnams kyi rgyun mang po byung nas 'ga' zhig gis 'bras bu 'ga' yongs su gzung ba yin no/ /ris mthun pa dum bur 'phen par 'gyur du 'ong bas du mas kyang cig 'phen pa ma yin gyi las gcig
 gis 'phangs pa'i ris mthun ba la/ las yongs su rdzogs byed pa du ma yin par 'dod de/ dper na ri mo mkhan gyis ri lu gcig gis gzugs kyi sa bcad nas yongs su rdzogs par byed pa dang 'dra ste/ 'di ltar mir mtshungs mod
 kyi/ kha cig dbang po dang yan lag dang nying lag thams cad tshang bar 'gyur zhing/ kha dog dang sha tshugs dang bong tshong dang nyams stobs phun sum tshogs pas mdzes pa yin la/ kha cig ni de dag las la la ma tshang ba yin no/ /las
 'ba' zhig tshe 'phen par byed pa yang ma yin te/ 'o na ji lta bu zhe na rnam par smin pa dang bcas pa gzhan yang yin no/ /rnam pa thams cad du/ sems med snyoms par 'jug pa dang/ 'phen byed ma yin thob pa'ang yin/ /rnam par smin
 pa dang bcas pa sems med par snyoms par 'jug pa dag gis kyang ris mthun pa 'phen par mi byed do/ /las dang lhan cig mi 'byung ba'i phyir ro/ /thob rnams kyis kyang ma yin te/ las dang 'bras bu mi gcig pa'i phyir ro//
 bcom ldan 'das kyis las kyi sgrib pa dang/ nyon mongs pa'i sgrib pa dang/ rnam par smin pa'i sgrib pa dang sgrib pa gsum gsungs pa de dag gi rang bzhin ci zhe na/ mtshams med pa'i las rnams dang/ nyon mongs shas chen ngan 'gro dang/ /'du shes med
 pa'i sems can dang/ /sgra mi snyan sgrib gsum du 'dod/ /mtshams med pa'i las rnams ni las kyi sgrib pa yin te/ 'di lta ste/ ma gsod ba dang/ pha gsod pa dang/ dgra bcom pa gsod pa dang/ dge 'dun gyi dbyen byed pa dang/ de bzhin gshegs
 pa'i sku la ngan sems kyis khrag 'byin pa'o/ /nyon mongs pa shas chen po ni nyon mongs pa'i sgrib pa'o/ /nyon mongs pa ni rnam pa gnyis te/ nyon mongs pa shas che ba dang rno ba'o/ /de la shas che ni rgyun du 'byung ba gang yin pa'o/ /rno ba ni
 chen po gang yin pa'o/ /de la shas che ba gang yin pa de ni sgrib pa yin te/ dper na za ma la sogs pa rnams kyi lta bu'o/ /nyon mongs pa res 'ga' 'byung ba ni shugs drag kyang gzhom par nus kyi rgyun du 'byung ba ni ngal yang ma yin te/ nyon
 mongs pa rgyun du 'byung ba ni de nges par gzhom pa'i phyir rtsol ba'i dus mi rnyed do/ /de ni chung ngu la brten nas 'bring skye'o/ /'bring la brten nas chen po skye ste/ de lta bas na de nyid sgrib pa yin no/ /ngan 'gro rnam pa gsum dang/ bde 'gro'i phyogs byang
 gi sgra mi snyan pa rnams dang/ 'du shes med pa'i sems can rnams ni rnam par smin pa'i sgrib pa yin no/ /'di dag gang la sgrib ce na/ 'phags pa'i lam dang/ 'phags pa'i lam la sbyor par byed pa'i dge ba'i rtsa ba rnams la sgrib po/ /ngan song
 la sogs par nges par 'gyur ba dang/ sgo nga las skye bar 'gyur ba dang/ drod gsher las skye par 'gyur ba dang/ bud med nyid du 'gyur ba dang/ srid pa brgyad par nges par 'gyur ba'i las gzhan dang gzhan dag gang brjod par bya bar 'gyur ro zhe na/
 gang dag gzhi dang/ 'bras bu dang/ 'gro ba dang/ skye ba dang/ gang zag dang/ rgyu lngas bstan par sla zhing btags par sla ba de dag kho na bshad kyi gzhan dag ni ma yin no/ /de dag las nyon mongs pa'i sgrib ni thams cad kyi tha shal yin no//
 de'i log tu ni las kyi sgrib pa ste/ de gnyis kyis ni tshe phyi ma la yang gsor mi rung bar 'gyur ro/ /bye brag tu smra ba rnams na re phyi ma phyi ma 'dren pa'i phyir ro zhes zer ro/ /mtshams med pa zhes bya ba'i don ci zhe na/ tshe rabs gzhan gyi 'bras bu can
 gyi las dag gis rnam par smin par 'gyur ba'i bar du gcod par mi nus pas mtshams med pa rnams te/ zil gyis mi non ces bya ba'i tha tshig go/ yang na de byed pa'i gang zag 'di nas shi 'phos pa dang dmyal bar skye bar 'gyur ba la bar
 chad med pas de ni bar chad med pa'o/ /de'i dngos po ni bar chad med pa de nyid de/ chos gang dang ldan pa'i phyir de bar chad med pa yin te/ dge sbyor gi tshul bzhin no/ /yang sgrib pa 'di dag las gang zhig khams gdan yod par rig par bya zhe na/
 re zhig gcig tu/ mtshams med gling gsum dag na yod/ /byang gi sgra mi snyan dang/ 'gro ba gzhan dag na yang med na yang khams gzhan na lta smos kyang ci dgos/ de dag na yang skyes pa dang bud med rnams kho na la yod kyi/ za ma sogs la mi
 'dod do/ /ci'i phyir zhe na/ sdom pa med pa'i gtan tshigs gang yin pa de nyid kyi phyir ro/ /gzhan yang/ phan dang ngo tsha chung ba'i phyir/ /pha ma dang de dag dang go rims bzhin te/ pha ma ni de dag gi lus ma tshang ba'i bdag por gyur pa'i phyir
 dang/ byams pa chung ba'i phyir phan pa chung ba yin no/ /de dag kyang pha ma la gang med par byas pas mtshams med pa'i kha na ma tho bas reg par 'gyur ba ngo tshe shes pa dang khrel yod pa'i shes chen po nye bar mi gnas te/ de nyid kyi phyir
 yid dags dang/ dud 'gro rnams la yang mi 'dod do zhes grag go/ /bcun pa na re blo gsal ba rnams la 'gyur te rtsa cang shes bzhin no zhes zer ro/ /mi'i yang pha ma mi ma yin ba bshad na mtshams med par mi 'gyur ro/ /las kyi sgrib pa bshad zin to//
 lhag ma 'gro ba lnga dag na/ lhag ma gang dag gcig yin zhe na/ nyon mongs pa dang rnam par smin pa'i sgrib pa ste/ mi dag gi nang na ni sgra mi snyan pa rnams rnam par smin pa'i sgrib pa yin no/ /lha dag gi nang na ni 'du shes med pa'i sems
 can rnams so/ /mtshams med pa rnams kyi rang bzhin ci zhe na/ bzhi ni lus kyi las yin la/ gcig ni ngag gi las yin te/ gsum ni sreg gcod pa yin no/ /gcig ni rdzun du smra ba yin no/ /gcig ni srog gcod pa'i sbyor ba ste/ de bzhin
 gshegs pa rnams ni nye bar mi brdzi ba'i chos can yin no/ /rgyu la 'bras bu btags pa 'am/ 'dis 'byed par byed bas na dge 'dun gyi dbyen la mtshams med pa zhes bshad kyi/ dge 'dun dbyen ni mi 'phrod ba'i/ /rang bzhin ldan pa
 ma yin chos/ /nyon mongs can min lung bstan min/ /dge 'dun gyi dbyen ni mi 'phrod pa zhes bya ba sems dang ldan pa ma yin pa'i du byed de /ma bsgribs la lung du ma bstan pa yin na de ji ltar mtshams med par 'gyur/ de dang 'byed pa
 por yang mi ldan pa kho na yin no/ /'o na ji lta bu zhe na/ de dang dge 'dun yang dag ldan/ /gang bye ba de dbyen dang ldan gyi/ 'byed pa po la ni ma yin no/ /'o na 'byed pa po ci dang ldan zhe na/ de yi kha na ma tho brdzun/ /de dang 'byed po yang dag ldan/ /'byed
 pa po ni dge 'dun gyi dbyen gyi kha na ma tho ba dang ldan te/ de ni brdzun yin no/ /de yang dge 'dun gyi dbyen dang lhan cig skyes pa'i ngag gi rnam par rig byed dang/ rnam par rig byes ma yin pa dag yin no/ /kha na ma tho ba de dang ldan 'byed po de ni/
 bskal bar mnar med par smin 'gyur/ /bar gyi bskal par mnar med pa'i sems can dmyal ba chen por smin par 'gyur ro/ /gzhan gyis ni mnar med par ma nges so/ /yang gang zhig gis mtshams med pa mang po
 byas pa yin la/ de dag par chad med pa kho nar smin par 'gyur na de la de dag gis ci zhig tu 'gyur zhe na/ lhag pas gnod pa lhag par 'gyur de mtshams med pa mang pos mnar med pa der gang gis na gnyis dang gsum dang bzhi
 dang lnga gyur gyi tshor ba myong bar 'gyur ba'i lus chen po dang/ shin tu gzhon sha can gyi lus 'thob cing/ gnod pa yang rab tu mang ba dang shin tu mi bzad par 'gyur ro/ /dge 'dun 'byed par byed pa de su zhig yin zhe na/ dge slong lta spyad
 tshul ldan pas/ /'byed do/ /dge slong gis 'byed kyi khyim pa yang ma yin la/ dge slong ma la sogs pa yang ma yin no/ /de yang lta ba spyad ba kho nas 'byed kyi sred pa spyad pas ni ma yin no/ /tshul dang ldan pas 'byed kyi tshul nyams pas ni
 ma yin te/ de'i tshig mi btsan pa'i phyir ro/ /gang du 'byed ce na/ gang na bcom ldan 'das mngon sum du bzhugs pa de las/ gzhan du'o/ /de bzhin gshegs pa rnams ni bzod par dka' ba'i phyir dang/ bka' btsan pa'i phyir ston pa
 mngon sum du bzhugs pa nyid du dbye bar mi nus so/ /su dag cig 'byed ce na/ byis pa rnams/ byis pa rnams kho na yin gyi 'phags pa rnams ni ma yin te/ chos mngon sum du gyur pa'i phyir ro/ /kha cig na re de dag las kyang
 bzod pa thogs pa rnams ni ma yin zhes zer ro/ /ji tsam gyis na dge 'dun bye ba yin zhe na/ ston dang lam gzhan la bzod pa byed pa'o/ /gang gi tshe de dag gis de bzhin gshegs pa las gzhan pa'i ston pa dang des bstan pa'i lam
 la gzhan pa'i lam la bzod na de tsam gyis dge 'dun bye ba zhes brjod do/ /bye nas dus ji srid 'du 'dug ce na/ de nyid kyi nub gcig tu de ni mi gnas so/ /dge 'dun bye na gdon mi za par nam langs pa nyid du dge 'dun slar 'dum par 'gyur ro/ /dge 'dun
 gyi dbyen du bshad pa gang yin ba/ de ni 'khor lo'i dbyen du 'dod do/ /de'i tshe lam 'jug pa'i gegs su gyur pa'i phyir de'i tshe bcom ldan 'das kyi chos kyi 'khor lo yang phye ba yin te/ de nyid kyi phyir 'khor lo dbye na zhes kyang bya la/ dge 'dun gyi dbye na zhes
 kyang bya'o/ /'khor lo'i sbyen yang gang na yod ce na/ 'dzam bu'i gling na'o/ /gling gzhan dag na ni med do/ /dge slong du zhig gis she na/ dgu sogs kyis/ /gu la sogs pa smos pas yan chad ni ma nges so/ /dge slong brgyad ni dge 'dun yin no/ /dgu pa ni
 'byed pa po yin te/ gdon mi za bar dge 'dun phyogs gnyis su gnas par 'gyur ba de lta bu bya ba yin no/ /dge 'dun gyi dbye na gzhan ni las kyi dbye na las 'gyur te/ gal te mtshams gcig ni nang du mi mthun pas las dag byed na'o/ las kyi dbye na ni
 gling gsum na'o/ /yod de/ gang dag na bstan pa yod pa kho na'o/ /dge slong du zhig gis she na/ de ni brgyad dag yan chad kyis/ /'khor lo'i dbyen ni dus drug dag tu mi 'byung ste/ gang dag tu zhe na/ dang po mdza' skyon zung gcig gi/ snga rol thub pa nongs
 pa dang/ /mtshams ma bcad pa dag tu yang/ /'khor lo'i dbyen ni mi 'byung ngo/ /dang po chos kyi 'khor lo bskor nas ring po ma lon pa dang/ tha ma bcom ldan 'das yongs su mya ngan las 'das pa'i tshe dang/ gnas skabs de gnyis su ni dge 'dun sha gcig
 pa yin no/ /bar du yang skyon ma byung ba'i sngon rol tu dbye bar mi 'gyur te/ ji srid du bstan pa la tshul khrims kyi skyon dang/ lta ba'i skyon ma byung gi bar du'o/ /zung gcig byung ba'i sngon rol du yang dbyer mi 'gyur te/ ji srid du nyan thog kyi mchog
 zung gcig ma byung gi bar du ste/ bye ba yongs su ma gnas pa'i phyir dang/ des phyir sdum par 'gyur pa'i phyir ro/ /thub pa nongs na yang mi 'byung ste/ ston pa yongs su mya ngan las 'das na 'gran zla med pa'i phyir ro/ /mtshams ma
 bcad pa dag tu yang ste/ ji srid du mtshams ma bcad par mi 'byung ste/ mtshams gcig gi nang du phyogs gnyis su gnas pa'i phyir bye ba zhes bya'o/ /de ltar na dus drug po de dag tu 'khor lo'i dbyen mi 'byung ngo/ /las la rag lus pa'i phyir
 sangs rgyas thams cad kyi 'khor lo la yang dbyen mi 'byung ngo/ /ci'i phyir ma bsad pa la sogs pa mtshams med pa yin la gzhan ni ma yin zhe na /phan 'dogs pa dang yon tan zhing/ /spangs dang med par byas phyir ro/ /re zhig pha ma bsad pa ni
 phan 'dogs pa med par byas pa'i phyir ro/ /ji ltar de gnyis phan 'dogs pa yin zhe na/ de dag lus lus skyes pa'i phyir ro/ /de dag spangs pa ji lta bu zhe na/ yongs su bor ba'o/ /yon tan gyi zhing yin pa'i phyir dgra bcom pa bsad pa la sogs
 pa yang mtshams med pa yin no/ /gal te pha 'am ma mtshan gyur na yang lus gcig pa de la ni/ mtshan ni gzhan du gyur kyang 'gyur/ /de nyid kyi phyir pha yang ma yin dgra bcom pa yang ma yin pa'i skyes pa zhig bsad na mtshams med pa'i kha
 na ma tho bas reg bar 'gyur ba yod dam zhe na/ yod de/ ma mtshan gyur pa bsad na mtshams med pa'i kha na ma tho bas reg par 'gyur ro ma yang ma yin dgra bcom pa yang ma yin pa'i bud med gcig bsad na mtshams med pa'i kha na ma tho/
 bas rag par 'gyur ba yod dam zhe na/ yod de pham chen 'gyur ba bsad na mtshams med pa'i kha na ma tho bas reg par 'gyur ro zhes bshad do/ /bud med gzhan la nur nur po zags nas bud med gzhan gyi mngal du blugs na gang zhig
 bsad na mtshams med par 'gyur ba de'i ma gang yin zhe na/ gang gi zla mtshan las byung ma/ /sems can de dag gi zla mtshan las byung ba de ni de'i ma yin no/ /gnyis ba yang bya ba thams cad zhu bar bya ba yin te/ de ni nu zho ldud pa dang/ gso bar byed pa dang/
 skyed par byed pa yin no/ /gal che ma la sbyor ba byas nas gzhan bsad na yang mtshams med par mi 'gyur pa ma ma yin pa la sbyor ba byas nas ma bsad na yang mtshams med par mi 'gyur te/ ma khri'u'i 'og na 'dug pa bsad pa dang/ khrus pa'i bus
 sbrad bu la sbyor ba byas pas pha bsad pa dper bya'o/ /mtshon thabs gcig gis ma dang gzhan zhig bsad na rnam par rig byed ma yin pa ni gnyis yin la/ rnam par rig byed ni mtshams med pa kho na yin te/ las de stobs che ba'i phyir ro/ /btsun pa
 dbyangs sgrogs na ri rdul phra rab ba sogs pa yin pa'i phyir rnam par rig byed kyang rnam pa gnyis so zhes zer ro/ /dgra bcom pa ma yin pa'i 'du shes kyis dgra bcom pa bsad na yang mtshams med par 'gyur te/ 'di bsad do snyam du rten nges par
 bzung ba'i phyir ro/ /gang zhig gis pha dgra bcom pa bsad na yang de la mtshams med pa ni gcig kho nar 'gyur te/ rten gcig pa'i phyir ro/ /song la skra can la khyod kyis ni mtshams med pa gnyis byas te pha bsad pa gang yin ba dang/ gang yang dgra
 bcom pa bsad pa'o zhes smos shig ces bya ba'i rtogs pa brjod par 'di ji lta bu zhe na/ rgyu gnyis kyis zhes brjod par bya'o/ /yang na sgo gnyis kyis nas sbyod pa yin no/ /de bzhin gshegs pa la ngan sems kyis khrag phyung bas gdon mi za bar mtshams
 med par 'gyur ram zhe na/ bgrongs par sems pa la ni 'gyur gyi/ sangs rgyas brdeg pa'i sems la min/ /gal te dgra ma choms pa'i tshe bsnun la bsnum pa'i 'og tu bcom par gyur na/ bsnum 'og dgra bcom pa la min/ /mtshams med par 'gyur 
 ba zhes bya bar sbyar te/ des ni de la sbyor ba byas so/ /ci mtshams med pa'i sbyor ba byas te/ de yang bzlog par 'dod chags dang bral ba'i 'bras bu 'thob par 'gyur ram zhe na mtshams med sbyor ba byas pa la/ /'dod chags bral ba 'bras
 mi srid do/ /ci'i phyir zhe na/ bsam pa shin du 'gal ba'i phyir ro/ /las kyi lam gzhan gyi sbyor ba byas nas 'phags pa'i lam skyes pa la ni yang las kyi lam mi skye ste/ rten de dang shin tu 'gal ba'i phyir ro/ /mtshams med pa'i las 'di dag las thams cad
 kyi nang na kha na ma tho ba dang bcas pa chen po gang yin zhe na/ dge 'dun dbyen phyir rdzun smra ba/ /kha na ma tho rab chen 'dod/ /gang zhig chos dang chos ma yin pa shes bzhin du dge 'dun dbye ba'i phyir rdzun du smra na log par ston pa'i phyir nyes par spyad pa
 thams cad kyi nang na kha na ma tho ba dang bcas pa rab tu che ba yin no/ /de ci'i phyir zhe na/ de bzhin gshegs pa rnams kyi chos kyi sku la bsnum pa'i phyir dang/ 'jig rten rnams kyi mtho ris dang byang grol gyi bar du gcod par byed pa'i phyir te/ dge 'dun
 bye na ji srid du slar ma thum gyi bar du 'jig rten nges pa la 'jug pa dang/ 'bras bu 'thob pa dang/ 'dod chags dang bral ba dang/ zag pa zad par bya ba rnams la gegs su gyur pa yin zhing/ bsam gtan dang klog pa dang kha ton dang sems pa'i
 lam rnams kyang mi mjug cing/ lha dang klu dang mir bcas pa'i 'gro ba yang 'khrugs pa dang/ yid mi bde ba dang/ rang dbang med pa dang/ dran pa nyams par 'gyur la/ 'di ltar 'di'i rnam par smin pa yang bskal pa gcig tu mnar med par skye ba
 yin no/ /mtshams med pa lhag ma rnams las ni go rims bzhin du lnga pa dang gsum pa dang po rnams ches lci ba yin te/ pha gsod pa ni thams cad kyi nang na yang ba yin no/ /'o na bcom ldan 'das kyis nyes pa gsum gyi nang na yid kyi nyes pa
 kha na ma tho ba dang bcas pa chen por gsungs pa dang/ yang log par lta ba ni kha na ma tho ba dam pa yin no zhes gsungs pa ji lta bu zhe na/ mtshams med pa rnams nges par mdzad nas ni dge 'dun gyi dbye na kha na ma tho ba dang bcas pa chen por gsungs la/ las
 gsum nges par mdzad nas ni yid kyi nyes pa gsungs/ lta ba rnams nges par mdzad nas ni log par lta ba gsungs pa 'am/ yang na rnam par smin pa rgya che ba dang/ skye bo phal po che 'chi ba dang/ dge ba'i rtsa ba kun du gcod pa'i dbang du mdzad nas go rims
 bzhin du gsungs pa yin no/ /legs par spyad pa rnams las 'bras bu rab tu che ba gang yin zhe na/ 'jig rten pa dge ba la/ /srid rtse'i sems 'bras rab tu che/ /las dge ba la ni thams cad kyi nang na srid pa'i rtse mo'i sems pa 'bras bu rab tu che
 ba yin te/ de'i rnam par smin pa ni bskal pa brgyad khrir rab tu zhi ba yin no/ /rnam par smin pa'i 'bras bu'i dbang du byas nas de skad du bshad kyi/ bral ba'i 'bras bu'i dbang du byas nas ni thams cad kyi nang na rdo rje lta bu'i ting nge 'dzin gyi sems dpa' 
 'bras bu che ba yin te/ kun tu sbyor ba thams cad gtan du gtugs pa 'bras bu yin pa'i phyir ro/ /de nyid kyi phyir 'jig rten pa'i zhes bshad do/ /ci mtshams med pa rnams kho nas dmyal ba dag tu gdon mi za bar skye bar 'gyur ram/ 'on te gzhan
 dag gis kyang skye bar 'gyur zhe na/ mtshams pa med pa dang 'dra ba rnams kyis kyang gdon mi za bar skye bar 'gyur ro/ /gzhan dag na re bar chad med par lo nar ni ma yin no zhes zer ro/ /de dag kyang gang zhe na/ /smras pa/ ma dgra bcom ma sun byas dang
 byang chub sems dpa' des gnas dang/ /slob pa gsod dang dge 'dun gyi/ /'du ba'i sgo ni 'phrog pa dag /mtshams med pa dang cha 'dra ste/ /lnga pa mchod rten 'jig pa yin/ /lnga po 'di dag ni go rims bzhin du mtshams med pa lnga dang cha 'dra
 ba yin te/ gal te mi tshangs par spyod pas ma dgra bcom ma sun 'byin par byed pa dang/ nges par rtogs pa'i byang chub sems dpa' gsod pa dang/ slob pa gsod pa dang/ dge 'dun gyi zhal du 'du ba'i sgo 'phrog pa dang/ mchod
 rten 'jig par byed pa'o/ /rnam par smin pa dang bcas pa'i las gzhan yang dus gsum po dag tu shin du gegs byed de/ gsum po gang dag tu zhe na/ bzod dang phyir mi 'ong dgra bcom/ /'thob pa las gegs shin du byed/ rtse mo
 las bzod pa thob pa la ni de'i rnam par smin pa'i sa las 'da' ba' i phyir ngan song ba'i las rnams gegs bya ba'i phyir nye bar gnas te/ dper na mi zhig yul 'dor bar byed pa la bu lon pa dag ldang ba bzhin no/ /de bzhin du phyir mi 'ong ba'i
 'bras bu 'thob pa la ni 'dod pa na spyod pa'i las rnams gegs bya ba'i phyir nye bar gnas te/ mthong ba'i chos la myong bar 'gyur ba'i las ni ma gtogs/ /de bzhin du dgra bcom pa nyid 'thob pa la ni gzugs dang gzugs med pa na
 spyod pa'i las rnams gegs bya ba'i phyir nye bar gnas so/ /byang chub sems dpa' gsad pa zhes bshad pa gang yin pa gang nas byang chub sems dpa' yin/ gang nas bzung ste byang chub sems dpa' zhes brjod par bya/ gang nas
 mtshan gyi las byed pa/ /gang phan chad nas mtshan rnam par smin par 'gyur ba'i las rnams byed par rtsom pa de'i tshe nges par rtogs pa yin no/ /ji lta zhe na/ de ni dus de phan chad rtag tu/ bde 'gror rigs mthor skye dbang tshad/ /
 phor 'gyur tshe rabs dran mi ldog pa yin no/ /'di'i 'gro ba rab tu sngags pa yin pas ni bde 'gro ste/ lha dang mi'i nang du skye pa'i phyir ro/ /'gro ba de dag tu yang rgyal rigs dang bram ze dang khyim bdag gi rigs shing sA la chen po lta
 bur skye ba yin gyi rigs dma' bar ni mi skye'o/ /'di'i dbang po rnams ma tshang bas na dbang po ma tshang ba'o/ /dbang po tshang bas na dbang po tshang ba ste/ dbang po ma tshang ba med ces bya ba'i tha tshig go /pho kho nar 'gyur gyi mor yang mi 'gyur na za ma la sogs
 par lta smos kyang ci dgos/ skye ba thams cad du yang tshe rabs dran par 'gyur ro/ /nur pas na ldog pa'o/ /nur ba med pas na mi ldog pa ste/ ldog pa med ces bya ba'i tha tshig ste/ sems can thams cad la phan pa'i don du sdug bsngal gyi rnam pa
 thams cad dang/ log par sgrub pa thams cad kyis skyo ba med pa'i phyir ro/ /'jig rten zod gis mnyes pa'i bran zhes brjod pa gang yin pa de ni byang chub sems dpa' de dag yin te/ bdag nyid chen po de dag ni/ 'byor ba'i mchog khyad par can
 thams cad brnyes kyang thugs rje'i gzhan gyi dbang du gyur ba'i phyir bdag nyid sems can thams cad kyi drung du khyi dang 'dra bar nga rgyal med par gnas te/ sems can thams cad kyis brnyas gnod byas pa thams cad bzod cing ngal pa dang mnags
 pa thams cad kyang nyams su len pa yin no/ /mtshan rnam par smin pa can gyi las su bshad pa gang yin pa/ de ni 'dzam bu gling por gyur nyid/ /mngon sum sangs rgyas la sems pa/ /bsams pa las byung bskal pa brgya/ /lus pa ngag tu
 'phen par byed/ /byang chub sems dpa' ni 'dzam bu gling kho nar mtshan rnam par smin pa can gyi las 'phen par byed kyi gzhan du ni ma yin te/ 'dzam bu'i gling pa rnams blo rno ba'i phyir ro/ /pho kho nas 'phen gyi mos ni ma yin no/ /ston pa mngon sum
 du gyur pa dang/ sangs rgyas la dmigs pa'i sems dpa' kho nas bskal pa brgya lus pa'i tshe 'phen gyi mang po lus pa'i tshe ni ma yin no/ /las de yang bsams pa las byung ba yin gyi thos pa las byung ba yang ma yin la bsgoms
 pa las byung ba yang ma yin no/ /bcom ldan 'das shAkya thub pas ni brtson 'grus sbyangs pas bskal pa dgu bsdums te/ bskal pa dgu bcu rtsa gcig lus pa'i tshe 'phangs so/ /de nyid kyi phyir grong dpon ngas 'di nas bzung
 ste bskal pa dgu bcu rtsa gcig gi bar du yang dag par rjes su dran te/ zas smin pa ster bar bya ba'i phyir khyim 'ga' la yang mi bde ba'am gnod par 'gyur ba gang yin pa de ni mngon par mi mkhyen to zhes gsungs te/ de tshun chad rang bzhin
 gyis tshe rabs dran pa'i phyir ro/ /sngon gyi slob dpon rnams na re bskal pa dang po tshar phyin pa'i byang chub sems dpa' kho nas skyon bzhi po 'di dag ni bzlog par byed la/ yon tan gnyis ni 'thob bo zhes zer ro/ /mtshan de dag kyang/ re
 re 'ang bsod nams brgya las skyes/ /bsod nams kyi tshad ji tsam zhe no/ kha cig na re byang chub sems dpa' nye ba ma gtogs pa sems can thams cad kyi longs spyod kyi 'bras bu can ji snyed pa de tsam mo zhes zer ro/ /gzhan dag na
 re sems can thams cad kyi las kyi dbang gis stong gsum 'chags pa ji snyed tsam mo zhes zer ro/ /gzhan dag na re de'i tshad ni sangs rgyas kho nas mkhyen par zad do zhes zer ro/ /yang bcom ldan 'das byang chub sems par gyur pa
 na sangs rgyas ji snyed gcig la bsnyen bkur byas she na/ bskal pa grangs med pa dang po la ni sangs rgyas bdun khri lnga stong la bsnyen bkur byas so/ /gnyis pa la ni bdun khri drug stong la bsnyen bkur byas so/ /gsum pa la ni bdun
 khri bdun stong la bsnyen bkur byas so/ /bskal pa grangs med pa gang gis tha mar sangs rgyas gang zhig byung bar 'gyur ce na/ bzlog pa'i go rims kyi go rims bzhin du/ rnam gzigs mar me rin chen gtsug /grangs med
 gsum gyi tha mar byung/ /yang dag par rdzogs pa'i sangs rgyas rin chen gtsug tor can gyi tshe ni bskal pa grangs med pa dang po rdzogs so/ /bcom ldan 'das mar me mdzad kyi tshe ni gnyis pa rdzogs so/ /de bzhin gshegs pa rnam par gzigs kyi che ni
 gsum ba rdzogs so/ /de thams cad kyi dang po shAkya thub pa yin/ sngon shAkya thub pa zhes bya ba yang dag par rdzogs pa'i sangs rgyas gang la bcom ldan 'das byang chub sems dpar gyur pa'i tshe bdag kyang 'di 'dra ba'i rnam pa kho nar sangs rgyas par
 shog cig ces dang por smon lam btab pa byung ste/ de yang 'di bzhin du rtsod pa'i dus kho na la byung la/ de'i bstan pa yang lo stong gi mdza' i bar du gnas par gyur to/ /yang byang chub sems dpa' gnas skabs gang dag pha rol du phyin pa gang
 yongs su rdzogs par byed ce na/ kun la thams cad snying rje yis/ /sbyin par byed pas sbyin pa rdzogs/ /gang gi tshe gang la kun la ni mig gi bar dang rkang gi bar thams cad mngon par mtho ba'i khyad par mi re bar snying rjes sbyin par byed na
 de tsam gyis sbyin pa'i pha rol tu phyin pa yongs su rdzogs pa yin no/ /chags bcas yan lag bcad kyang ni/ /mi 'khrug bzod dang tshul khrims kyi/ /gang gi tshe 'dod chags dang ma bral bzhin du yan lag bcad kyang cung zad kyang mi
 'khrug pa de'i tshe 'di'i tshul khrims dang bzod pa'i pha rol tu phyin pa dag yongs su rdzogs pa yin no/ /skar rgyal bstod pas brtson 'grus kyi/ bcom ldan 'das byang chub sems dpar gyur pa'i tshe de bzhin gshegs pa skar rgyal ri'i phug
 cig na me'i khams la snyoms par zhugs pa mthong nas rkang pa gcig gis 'greng ste zhag bdun gyi par du/ skyes bu khyu mchog khyod 'dra'i dge sbyong chen po gzhan dag lha yul sa la med/ /'jig rten 'di na'ang yod pa ma yin rnam
 thos bu'i gnas na'ang yod ma yin/ /lha'i pho brang gnas mchog dag na'ang yod min phyogs sam mtshams dag na'ang med/ /ri dang nags su bcas pa'i sa steng rgyas pa yul gcig gal yod/ /ces bya ba'i tshigs su bcad
 pa gcig gis bstod pa de'i tshe brtson 'grus kyi pha rol tu phyin pa yang yongs su rdzogs la/ bskal pa dgu yang bsdums so zhes grag go /de ma thag la ting nge 'dzin blo'i byang chub sems dpa' i sngon rol gyi de ma thag rdo rje lta bu'i ting nge 'dzin
 gyi tshe bsam gtan dang shes rab kyi pha rol du phyin pa dag yongs su rdzogs te/ rang rang gi phun sum tshogs pa'i pha rol tu phyin pa'i phyir pha rol tu phyin pa dag yin no/ /mdo las sbyin pa las byung ba'i bsod nams bya ba'i gzhi dang/ tshul khrims las byung ba'i
 bsod nams bya ba'i gzhi dang/ bsgom pa las byung ba'i bsod nams bya ba'i gzhi dang bsod nams bya ba'i bzhi gsum gsungs pa/ ji ltar na gsum po 'di dag bsod nams bya ba'i gzhi yin zhe na/ gsum po bsod nams bya ba dang//
 de'i gzhi dper na las lam bzhin/ /gsum po 'di dag ni ci rigs par bsod nams kyang yin/ bya ba yang yin la/ gzhi yang yin pas bsod nams bya ba'i gzhi ste/ dper na de dag ni las kyang yin la las kyi lam yang yin pa
 dang/ las kyi las lam kho na yin pas las kyi lam mo zhes bshad pa bzhin no/ /de la re zhig sbyin pa las byung ba'i bsod nams bya ba'i gzhi la lus dang ngag gi las ni rnam pa gsum char yin no/ /de kun nas slong bar byed pa'i
 sems pa ni bsod nams kyang yin la bya ba yang yin no/ /de dang lhan cig 'byung ba'i chos rnams ni bsod nams kho na yin no/ /tshul khrims las byung ba ni lus dang ngag gi las kho na yin pas rnam pa gsum chad yin no//
 bsgoms pa la byung ba la byas pa ni bsod nams kyang yin la/ bsod nams bya ba'i gzhi yang yin te/ byams pa'i sgo nas de dang mtshungs par ldan pa'i sems pa mngon par 'du byed pa'i phyir ro/ /de dang lhan cig 'byung ba'i sems pa dang/ tshul
 khrims ni bsod nams kyang yin la bya ba yang yin no/ /de dang lhan cig 'byung ba gzhan ni bsod nams kho na yin no/ /yang na bsod nams byed pa ni bsod nams bya ba ste sbyor ba'o/ /'di dag sgrub pa'i ched du bsod nams kyi 'byor ba rtsom pa'i phyir gsum
 po 'di dag ni de'i gzhi yin no/ /gzhan dag na re bsod nams bya ba ni don dam par na sems pa dge ba yin la/ 'di dag ni de'i gzhi yin no zhes zer ro/ /sbyin pa zhes bya ba 'di ci yin zhe na/ gang sbyin par bya ba de yang sbyin pa yin mod kyi 'dir ni/ gang
 gis sbyin byed de sbyin pa/ /'jigs pa dang/ lan la re ba dang/ 'dod chags pa la sogs pas kyang sbyin par byed mod kyi/ de ni 'dir mi 'dod pas de'i phyir khyad par du bya ba'i phyir/ mchod dang phan gdags 'dod pa yes/? zhes bya ba smos te/ gang gis
 gzhan dag la mchod pa dang/ phan gdags par 'dod pa dag gis sbyin par byed pa'o/ /gang gis sbyin par byed pa de yang gang zhig ce na/ lus dang ngag las slong dang bcas/ /slong ba yang gang zhig ce na/ tshogs pa gang gis de slong bar byed pa'o/ /
 'dir smras pa/ gang tshe skyes bu dge yid kyis/ /rang gi rdzas dag sbyin byed pa/ /de tshe dge ba'i phung po rnams/ /sbyin pa zhes ni brjod pa yin zhes bya ba'o/ /de 'bras longs spyod chen po can/ /sbyin pa las byung ba'i bsod nams bya ba'i gzhi gang
 yin pa de ni 'bras bu longs spyod chen po can yin no/ /byung ba zhes bya ba 'di ni rang bzhin yin par rig par bya ste/ dper na rtsa las byung ba'i khyim dang/ lo? ma las byung ba'i snod ces bya ba bzhin no/ /yang sbyin pa de ni/ bdag gzhan don phyir
 gnyis don phyir/ /gnyi ga'i don du min phyir sbyin/ /de la 'dod chags dang ma bral ba'am/ so so'i skye bo 'dod chags dang bral bas mchod rten la sbyin par byed pa gang yin pa de'i des pha rol po dag la phan 'dogs pa med
 pa'i phyir de'i bdag nyid kho na'i don gyi phyir sbyin pa yin no/ /'phags pa 'dod chags dang bral bas sems can pha rol po dag la sbyin par byed pa'i sbyin pa gang yin pa'i de ni mthong ba'i chos la myong bar 'gyur ba ma gtogs par nges de dag
 la phan btags pa'i phyir gzhan gyi don gyi phyir yin gyi bdag gi don gyi phyir ni ma yin te/ de'i rnam par smin pa'i sa las shin tu yang dag par 'das pa'i phyir ro/ /'dod chags dang ma bral pa 'am/ so so'i skye bo'i 'dod chags dang bral bas sems
 pha rol dag la sbyin par byed pa'i sbyin pa gang yin pa de ni gnyi ga'i don gyi phyir yin no/ /'phags pa 'dod chags dang bral bas mchod rten la 'bul bar byed pa'i sbyin pa gang yin pa de ni mthong ba'i chos la myong bar 'gyur ba ma gtogs par gnyi
 ga'i don gyi phyir yang ma yin te/ de ni bkur sti dang/ byas pa gzo pa 'ba' zhig 'bul bar zad do/ /sbyin pa'i 'bras bu longs spyod chen po can zhes spyir bstan pa/ de'i khyad par sbyin bdag dang/ /dngos dang zhing gi khyad par las/ /de la re zhig /sbyin bdag khyad
 'phags dang sogs kyis/ /dad pa dang tshul khrims dang thos pa la sogs pa'i yon tan dang ldan pa'i sbyin bdag ni khyad par du 'phags pa yin no/ /sbyin bdag de'i sbyin pa de ni sbyin bdag gi khyad par gyis 'bras bu 'byin pa la khyad par du 'phags
 par 'gyur te/ sbyin bdag de lta bu de ni/ gus pa la sogs pas sbyin par byed/ gus pa dang/ rang gi lag dang/ dus su dang/ gzhan la mi gnod par sbyin par byed de/ de'i phyir bkur sti rgya chen dang/ /dus dang bar chad med par rnyed/ /de'i phyir sbyin
 bdag 'di'i sbyin pa de lta bur byin pas go rims bzhin du khyad par bzhir 'gyur te/ bkur sti rnyed par 'gyur/ longs spyod rgya chen po la dad pa rnyed par 'gyur/ longs spyod dus la mi yol bar dus su rnyed par 'gyur/ longs spyod bar chad med par 'gyur te/ 'di'i longs
 spyod gzhan dag gis bar du mi chod cing/ me la sogs pas med par mi 'gyur ro/ /ji ltar na sbyin bdag khyad par du 'phags pa yin pa dang/ de'i khyad par gyis sbyin pa'i khyad par yang bshad zin to/ /ji ltar na dngos po khyad par du 'phags pa yin zhe na/ kha dog
 la sogs phun sum dngos/ khyad par du 'phags par zhes bya bar sbyar te/ gal te gang sbyin par bya ba de kha dog dang dri dang ro dang reg pa rnams las gang yang rung ba zhig phun sum tshogs pa yin na/ de lta bu ni dngos po khyad par du 'phags pa yin no/ /dngos po de lta bu  
 byin pas cing 'gyur zhe na/ rim pa bzhin du/ de las gzugs bzang grags ldan dang/ /dga' dang shin du gzhon sha can/ /dus su reg na bde lus 'gyur/ /kha dog phun sum tshogs pa byin pas ni gzugs bzang por 'gyur ro/ /dri phun sum tshogs pa byin pas ni dri
 bzhin du grags pas phyogs su rgyas par 'gyur ro/ /re phun sum tshogs pa byin pas ni ro zhim po bzhin du dga' bar 'gyur ro/ /reg bya phun sum tshogs pa byin pas ni lus shin tu gzhon sha can dang/ bud med rin po che ji lta ba bzhin du 'di'i dus su reg na bde
 ba'i lus su 'gyur ro/ /yang na ji ltar na zhing khyad par du 'phags pa yin zhe na/ 'gro dang sdug bsngal phan 'dogs dang/ /yon tan rnams kyis zhing khyad 'phags/ /re zhig 'gro ba'i khyad par gyi 'phags pa 'di ltar bcom ldan 'das kyis dud 'gro'i skye gnas
 su song ba la sbyin pa byin na slar rnam par smin pa brgya 'gyur du re? par bya'o/ /tshul khrims 'chal par gyur pa'i mi la sbyin pa byin na stong 'gyur du re bar bya'o zhes gsungs pa lta bu'o/ /sdug bsngal gyi khyad par gyi khyad par du 'phags pa ni 'di ji ltar rdzas las byung
 ba'i dngos po la dag tu nad pa la sbyin pa dang/ g.yog la sbyin pa dang/ grang ba la sogs par sbyin pa gsungs nas/ rdzas las byung ba'i bsod nams bya ba'i dngos po 'di 'dun dang ldan pa'i dad pa'i rigs kyis bu 'am/ rigs kyi bu ma'i bsod
 nams kyi tshang gzung bar mi nus so zhes gsungs pa lta bu'o/ /phan 'dogs pa'i khyad par las ni 'di lta ste pha ma dang/ phan 'dogs ma gzhan rnams la sbyin pa byin pa ste/ de ma dang ri dags la sogs pa'i skyes pa'i ra bas dper bya'o/ /yon tan gyi khyad
 par las ni 'di lta ste/ tshul khrims dang ldan pa la ni byin na rnam par smin pa 'bum 'gyur zhes bya ba de lta bu la sogs pa'o/ /sbyin pa thams cad kyi nang na/ mchog ni grol bas grol ba la'ang 'dod chags dang bral bas 'dod chags dang bral ba la byin
 ba'i sbyin ba gang yin pa de ni bcom ldan 'das kyis/ zang zing gi sbyin pa rnams kyi nang nas mchog yin no zhes gsungs so/ /byang chub sems dpa' yis/ yang na byang chub sems dpas ni sems can thams cad la phan par bya ba'i phyir sbyin pa sbyin pa
 gang yin pa de ni grol ba ma yin pas ma grol ba rnams la mchog yin no/ /de ma gtogs pa bcom ldan 'das kyi gang dag sbyin pa brgyad gsungs pa de dag gi nang na ni/ brgyad pa mchog yin no zhes bya bar sbyar ro/ /brgyad gang zhe na nye ba la sbyin pa dang/ 'jigs pas sbyin
 pa dang/ bdag la byin pas sbyin pa dang/ bdag la sbyin par 'gyur bas sbyin pa dang/ sngon bdag gi pha dang mes po dag gis sbyin pa byin pas sbyin pa byin pa dang/ mtho ris kyi don du sbyin pa dang/ grags pa'i don du sbyin pa dang/ sems kyi rgyan gyi don
 dang/ sems kyi yo byad kyi don dang/ rnal 'byor gyi tshogs kyi don dang/ don gyi mchog thob par bya ba'i phyir sbyin pa sbyin pa'o/ /de la nye ba la sbyin pa ni snga ma dag na re nam nye bar gyur cing nye bar lhags pa dag la sbyin pa'o zhes zer ro /'jigs pas
 sbyin pa ni med par byed pa mngon sum du mthong nas dam pa sbyin no zhes sbyin par byed pa gang yin pa'o/ /lhag ma ni go sla bas rnam par ma phye'o/ /mdo las rgyun du zhugs pa'i 'bras bu la zhugs pa la sbyin na byin na rnam par smin pa gzhal du med do/ /rgyun du zhugs pa la
 byin na de bas kyang ches gzhal du med do zhes bya ba rgyas par gsungs mod kyi/ gzhan yang/ 'phags pa min yang pha ma dang/ nad pa dang ni chos smra dang/ skye mdza' i byang chub sems dpa' la/ /yon ni gzhal du med pa yin/ /lnga po 'di dag la ni so so'i skye bor gyur
 ba yin yang 'bras bu'i sgo nas yon gzhal du med pa yin no/ /de la skye ba tha ma'i byang chub sems dpa' ni srid pa tha ma pa yin no/ /chos smra ba zhing gi khyad par rnam pa bzhi po'i phyogs gang du gtogs par bya zhe na/ phan 'dogs pa'i phyogs su gtogs te/ de ni
 skye dgu ma rig pas ldongs pa rnams la shes rab kyi mig sbyin par byed pa dang/ mthun pa dang mi mthun pa rab tu ston par byed pa dang/ chos kyi sku zag pa med pa mngon par sgrub par byed pa dang/ mdor na sangs rgyas kyi mdzad pa thams cad byed pa yin pas
 dge ba'i bshes gnyen chen po yin no/ /las rnams kyi lci ba dang yang ba nyid shes par 'dod pas mdor na rgyu drug shes par bya ste/ 'di lta ste/ mjug dang zhing dang gzhi dang ni/ /sbyor dang sems pa bsam pa ste/ de dag chung dang che ba la/ /las kyang chung dang che
 ba nyid/ /mjug ces bya ba ni byas pa'i rjes la byed pa gang yin pa'o/ /zhing zhes bya ba ni gang du phan pa dang gnod pa dag byed pa'o/ /gzhi ni las kyi lam mo/ /sbyor ba ni de'i don du lus dang ngag gi las byed pa'o/ /sems pa ni gang gis las kyi lam mthar phyin par byed pa'o
 bsam pa ni de dag la de dang 'di lta bu zhig ni bya'o/ /de dang 'di lta bu zhig ni phyis bya'o/ /snyam du sems pa ste/ la la'i mjug yongs su bzung ba kho nas las de lci bar 'gyur te/ rnam par smin pa nges par gnas pa'i phyir ro/ /la la'i ni zhing gi dbang kho nas so/ /zhing de
 nyid la gzhi'i dbang gis lci bar 'gyur gyi gzhan du ni ma yin te/ ji ltar pha dang ma la srog bcad pas lci bar 'gyur ba ltar ma byin par blangs pa la sogs pas ni de lta ma yin no/ /de bzhin du gzhan la yang sbyar bar bya'o/ /gang gi
 thams cad che ba yin pa de ni las kyang shin tu ches lci ba yin par rig par bya'o/ /gang gi chung ngu yin pa de ni shin tu chung ba yin par rig par bya'o/ /las byas pa dang bsags pa zhes bya ba ji ltar na las bsags pa yin zhe na/ bsams bzhin pa dang
 rdzogs pa dang/ /mi 'gyod gnyen po med pa dang/ /'khor dang rnam par smin pa las/ /bsags pa'i las zhes bya ba bzhin/ /bsams bzhin las ji lta bu zhe na/ ched du bsams nas byas pa yin gyi blo sngon du ma btang ba yang ma yin la bab col du byas
 pa yang ma yin pa'o/ /rdzogs pas ji lta bu zhe na/ kha cig ni nyes par spyad pa cig gis ngan song du 'gro la/ kha cig ni gsum gyi bar gyis 'gro ba dang/ kha cig ni las kyi lam gcig gis ngan song du 'gro la/ kha cig ni bcu'i bar gyis 'gro ba
 de la gang zhig gis ji tsam gyis der 'gro bar 'gyur ba rdzogs par ma byas na yang las de byas pa yin gyi bsags pa ni ma yin no/ /rdzogs na ni bsags pa yin no/ /mi 'gyong ba dang/ gnyen po med pas ji lta bu zhe na/ las de la yid la bcags
 pa med pa dang/ gnyen po med pa yin no/ /'khor las ji lta bu zhe na/ mi dge ba la 'khor yang mi dge ba yin no/ /rnam par smin pa las ji lta bu zhe na/ rnam par smin pa 'byin par nges pa yin no/ /de bzhin du dge ba la yang sbyar bar bya'o/ /de las
 gzhan du byas pa'i las ni ma bsags pa yin no/ /'dod chags dang bcas pas mchod rten la sbyin pa byin pa ni bdag gi don du'o zhes bshad pa/ de la longs spyod par byed pa med na ji ltar bsod nams su 'gyur zhe na/ bsod nams ni rnam pa
 gnyis te/ btang ba'i rgyu las byung ba ni btang ba kho na las byung ba gang yin pa'o/ /yongs su longs spyad pa las byung ba ni sbyin par bya ba'i chos yongs su longs spyad pa las byung ba gang yin pa'o/ /de la mchod rten la btang rgyus byung ba'i bsod nams yongs su
 longs spyod pa'i rgyu las byung ba ni med do/ /de la len pa su yang med na ji ltar bsod nams yin zhe na/ len par byed pa yod na ni bsod nams su 'gyur la/ med na ni ma yin no zhes bya ba la yang rgyu ci zhig yod/ su la yang btags pa med pa'i phyir ro//
 'di ni rgyu ma yin te/ gal te phan btags pa kho nas bsod nams su 'gyur na ni/ byams pa la sogs pa tshang med pa dang/ yang dag pa'i lta ba bsgom pa rnams su mi 'gyur te/ de lta bas na mchod rten la yang bsod nams su 'dod par bya'o/ /len med
 byams sogs bzhin/ ji ltar byams pa la sogs pa la len par byed pa 'am/ gzhan la phan 'dogs pa med kyang rang gi sems kyi mthus bsod nams su 'gyur ba de bzhin du yon tan dang ldan pa 'das kyang de la dad pa byas pa rang gi sems las bsod
 nams su 'gyur ro/ /'o na ni sbyin pa dang mchod pa bya ba don med par 'gyur ro zhe na/ ma yin te/ las de kun nas slong bar byed pa'i dad pa ni ches mchog yin pa'i phyir te/ ji ltar dgra bsad pa'i bsam pa can des kun nas bslang ba'i lus dang ngag gi las de shi
 bzhin du dgra'i 'du shes kyis byed na bsod nams ma yin pa ches mang du skye bar 'gyur gyi bsam pa tsam gyis ni ma yin pa de bzhin du/ ston pa 'das kyang de la dad pas kun nas bslang ba'i sbyin pa dang/ mchod pa'i bya ba byed na bsod nams ches
 mang du skye bar 'gyur gyi dad pa tsam gyis ni ma yin no/ /gal te zhing bzang po la sbyin par bya ba'i sa bon 'bras bu yid du 'ong ba can yin no/ 'o na zhing ngan pa la byin na 'bras bu yid du mi 'bong bar 'gyur ro zhe na/ rgyu las 'bras bu mi 'khrul
 phyir/ /ngan pa'i zhing la'ang 'bras yid 'ong/ /zhing ngan pa la yang sa bon las 'bras bu mi 'khrul pa mthong ste/ rgun gyi sa bon las ni rgun gyi 'bras bu mngar ba kho na skye la/ nim pa'i sa bon las ni nim pa'i 'bras bu
 kho na skye'o/ /de bzhin du zhing ngan pa la yang gzhan la phan pa'i lhag pa'i bsam pa la zhugs pa'i sbyin pa'i sa bon gyi 'bras bu yang yid du 'ong ba kho na 'grub kyi yid du mi 'ong ba ni ma yin no/ /zhing gi skyon gyis ni sa bon de'i 'bras
 bu chung ba 'am/ 'bras bu med par 'gyur ro/ /sbyin pa las byung ba'i bsod nams bya ba'i gzhi zhar la 'ongs pa dang bcas te rdzogs so// //tshul khrims las byung ba brjod par bya ste/ de smras pa/ 'chal pa'i tshul khrims mi
 dge'i gzugs/ /de spong tshul khrims gzugs mi dge ba ni 'chal pa'i tshul khrims zhes bya'o/ /de spong ba ni tshul khrims yin no/ /spong ba de yang rnam gnyis so/ /rnam par rig byed gang gis spong bar byed pa dang/ rnam par rig byed ma yin
 pa spong ba gang yin pa'o/ /tshul khrims 'chal pa'i tshul khrims las spong ba'i ba'i zhig kyang ma yin no/ /'o na ji lta bu zhe na/ sangs rgyas kyis ni bcad pa yang/ /rang bzhin gyis 'chal pa'i tshul khrims ma yin yang sangs rgyas bcom
 ldan 'das kyis bcad pa dus ma yin pa'i zas la sogs pa gang dag yin pa de dag spong ba rnam pa gnyis kyang tshul khrims yin te/ bslab pa mnos pas de dag spyad na 'chal pa'i tshul khrims su 'gyur ro/ /tshul khrims mdor bshad zin
 to/ /rnam dag yon tan bzhi ldan no/ /yon tan bzhi dang ldan pa'i tshul khrims de ni rnam par dag pa yin no/ /bzlog pa ni rnam par ma dag pa yin no/ /ji ltar na yon tan bzhi dang ldan pa yin zhe na/ tshul? khrims de rgyus 'phan ma phyung//
 de'i gnyen po dang gzhi la rten/ re zhig 'chal pa'i tshul khrims kyis 'phan ma byung ba ni ji skad du bshad pas 'phan ma byung ba yin no/ 'chal pa'i tshul khrims kyi rgyus 'phan ma byung ba ni chags pa la sogs pa nyon mongs pa dang/ nye ba'i nyon mongs pa rnams
 kyis 'phan ma byung ba'i phyir ro/ /'chal pa'i tshul khrims kyi gnyen po la brten pa ni dran pa nye bar bzhag pa la rten pa'i phyir ro/ /zhi ba la rten pa ni skye ba'i khyad par la mi brten gyi mya ngan las 'das par yongs su bsngos pa'i phyir ro/ /gzhan dag na re rgyu
 lnga ste/ las kyi lam dngos kyis rnam par dag pa yin pa dang/ nyer sdogs dag gis rnam par dag pa dang/ rnam par rtog pa rnams kyis 'phan ma phyung ba dang/ dran pas yongs su bzung ba dang/ mya ngan las 'das par yongs su bsngos pa yin no zhes
 zer ro/ /gzhan dag na re tshul khrims ni rnam pa bzhi ste/ 'jigs pa'i tshul khrims ni 'tsho ba med pa dang/ tshigs su bcad pa med pa dang chad pa dang/ ngan 'gros 'jigs nas srung ba gang yin pa'o/ /legs su smon pa'i tshul khrims ni srid pa dang/ longs
 spyod dang/ bkur sti la chags nas srung ba gang yin pa'o/ /byang chub kyi yan lag gi rjes su mthun pa'i tshul khrims ni yang dag pa'i lta ba can rnams thar pa'i don du srung ba gang yin pa'o/ /yongs su dag pa'i tshul khrims ni dri ma med pa'i phyir zag
 pa med pa'i tshul khrims yin no zhes zer ro/ /tshul khrims rdzogs so// //mnyam par bzhag pa'i dge ba ni/ /bsgom pa'o/ /mnyam par bzhag pa zhes bya ba 'di zhig ce na/ ting nge 'dzin gyi rang bzhin dang/ /de dang lhan cig
 'byung ba gang yin pa'o/ /'di ci'i phyir bsgom pa zhes bya zhe na/ sems la sgo phyir ro/ /mnyam par bzhag pa'i dge ba de ni rgyud yon tan rnams kyis de'i bdag nyid du byed pa'i phyir sems la shin tu sgo bar byed pa yin te/ me tog rnams kyis
 til la bsgos pa bzhin no/ /re zhig sbyin pas ni longs spyod chen por 'gyur ro zhes bshad na/ yang tshul khrims dang bsgoms pas cir 'gyur zhe na/ mtho ris don du tshul khrims dang/ /'bral ba'i don du bsgom gtso'i phyir/ /sbyin
 pa yang mtho ris kyi don du ni 'gyur mod kyi tshul khrims ni gtso bo yin pa'i phyir/ /tshul khrims kyis kyang 'bral bar ni 'gyur mod kyi bsgom pa ni gtso bo yin pa'i phyir ro/ /mdo las gang zag bzhi ni tshangs pa'i bsod nams skyed do zhes gsungs
 pa/ tshangs pa'i bsod nams gang zhig yin zhe na/ bye brag tu smra ba rnams na re/ mtshan rnam par smin pa can gyi las kyi tshad shes par bya ba'i phyir bshad pa gang yin pa'o/ /zhes zer ro/ /sngon gyi slob dpon rnams na re/ bskal par mtho ris dga' 
 gnas phyir/ /bzhi yi tshangs pa'i bsod nams yin zhes zer te/ bsod nams ji tsam gyis ni bskal par mtho ris su dga' bar nas par 'gyur ba 'di ni tshangs pa'i bsod nams yin te/ tshangs pa'i mdun du 'don pa rnams kyi tshe bskal
 par thub pa'i phyir ro/ /sde pa gzhan dag las kyang tshangs pa'i bsod nams bskyed pa ni/ bskal par mtho ris dga' bar gnas zhes tshigs su bcad de 'byung ngo/ /zang zing gi sbyin bshad zin to/ /chos kyi sbyin pa brjod par bya ste/ de
 smras pa/ chos sbyin nyon mongs can min pas/ /mdo sogs yang dag ji bzhin ston/ /chos kyi spyod pa ni mdo la sogs pa nyon mongs can ma yin pas yang dag pa ji lta ba bzhin ston pa'o/ /de'i phyir gang dag chos log par 'chad par
 byed pa'am/ sems nyon mongs pa rnyed pa dang bkur sti dang/ grags pa 'dod pas 'chad pa de dag ni bdag nyid kyi bsod nams chen po nyams par byed pa yin no/ /bsod nams bya ba'i gzhi'i bye brag gis dge ba rnam pa gsum
 bshad zin to/ /yang bsod nams mya ngan 'das pa dang/ /nges 'byed cha mthun dag rnam gsum/ /bsod nams kyi cha dang mthun pa ni rnam par smin pa yid du 'ong ba can gang yin pa'o/ /thang pa'i cha dang mthun pa ni gang skyes na yongs su mya ngan las 'da' ba' i chos
 su 'gyur ba ste/ gang la 'khor ba'i nyes dmigs pa dang/ bdag med pa dang mya ngan las 'das pa'i yon tan brjod pa'i gtam thos nas spu zing zhes bya pa dang/ mchi ma 'khrug ces bya ba de la ni thar pa'i cha dang mthun pa'i dge ba'i rtsa ba yod par shes par
 bya ste/ dbyur? myu gu skye ba las na g.yul gyi gseb na sa bon yod par shes pa bzhin no/ /nges par 'byad? pa'i cha dang mthun pa ni dro bar gyur pa la sogs pa rnam pa bzhi yin te/ 'og nas bshad par bya'o/ /'jig rten na yig 'bru dang/ rgya dang/ bgrang
 ba dang/ snyan ngag dang/ grangs zhes bya ba gang yin pa 'di dag gi rang bzhin ci zhe na /rigs pas rab tu bcug pa'i las/ /rnam gsum kun slong bcas pa ni/ /yig bru? rgya dang grangs bcas pa'i/ /snyan ngag grangs te/ go rims bzhin rigs pas bcug
 pa zhes bya ba ni thabs kyi bye brag gis bcug pa'o/ /las rnam gsum zhes bya ba ni lus dang ngag dang yid kyi las so/ /de la yig 'bru dang rgya ni lus kyi las rigs pas rab tu bcug pa kun nas slong bas dang bcas pa yin no/ /bgrang ba dang/ snyan ngag
 gi las te/ de ltar na de dag ni phung po lnga'i rang bzhin yin no/ /grangs ni yid kyi las te/ yid kyis chos rnams sdom par byed pa gang yin pa'o/ /da ni rnam grangs kha cig brjod par bya ste/ bsgribs ngan kha na ma tho bcas/ /nyon mongs can gyi chos/ kha na ma tho ba dang
 bcas pa dang/ bsgribs pa dang/ ngan pa zhes bya ba ni nyon mongs pa can gyi chos rnams kyi rnam grangs dag yin no/ /dri med dge/ gya nom pa zhes bya ba ni dge ba zag pa rnams kyi rnam grangs yin no/ /ngan pa dang gya nom pa dag las gzhan pa ni bar
 ma zhes bya bar grub pa yin no/ /'dus byas dge bsten bya/ bsten par bya zhes bya ba ni 'dus byas kyi chos dge ba rnams kyi rnam grangs yin no/ /lhag ma rnams ni brtan par bya ba ma yin pa zhes bya bar grub pa yin no/ /ci'i phyir 'dus
 ma byas brten par bya ba ma yin zhe na/ goms par byar mi rung ba'i phyir dang/ 'bras bu'i don du bsten par bya ba yin na 'bras bu yang med pa'i phyir ro/ /chos gzhan thams cad ni bla ma dang bcas pa yin gyi/ thar pa bla na med pa yin/ mya ngan las
 'das pa las chos khyad par du 'phags pa ni med kyi/ de ni reg ba dang rtag pa yin pa'i phyir thams cad pas khyad par du 'phags pa yin no/ /chos mngon pa'i mdzod kyi bshad pa las las bstan pa zhes bya ba mdzod kyi gnas bzhi pa'o// //
 las las 'jig rten sna tshogs skyes zhes bshad pa/ las de dag kyang phra rgyas kyi dbang gis bsags par 'gyur gyi/ phra rgyas med par ni srid pa mngon par mi nus pa de'i phyir/ srid pa'i rtsa ba phra rgyas yin par rig par bya ste/ nyon mongs
 pa 'jug pa na bya ba bcu byed de/ rtsa ba bstan par byed do/ /rgyud gnas par byed do/ /zhing du sgrub par byed do/ /rgyu mthun pa sgrub par byed do/ /las kyi srid pa mngon par sgrub par byed do/ /rang gi chags yongs su 'dzin par byed do/ /dmigs pa la kun du rmongs
 par byed do/ /rnam par shes pa'i rgyun 'khrid par byed do/ /dag pa'i phyogs las g.yo bar byed do/ /khams las mi 'da' ba' i tshul gyis 'ching ba'i don du khyab par byed do/ /phra rgyas de dag kyang du zhing ce na/ mdor bsdu na/ drug drug gang zhe na/ 'dod chags de
 bzhin khong khro dang/ /nga rgyal ma rig lta ba dang/ /the tshom yin te/ de bzhin zhes smos pas ni 'dod chags kyi dbang gis gzhan dag dmigs pa la rgyas par 'gyur ba shes par bya ba'i phyir te/ de ni 'og nas bshad par bya'o/ /de drug kyang/ 'dod chags dbye bas bdun
 du bshad/ phra rgyus drug po bdag kyang mod las 'dod chags phye nas bdun du bshad de/ 'dod pa'i 'dod chags kyi phra rgyas dang/ khong khro ba'i phra rgyas dang/ srid pa'i 'dod chags kyi phra rgyas dang/ nga rgyal gyi phra rgyas dang/ ma rig pa'i phra rgyas dang/ lta ba'i phra rgyas dang/ tha
 tshom gyi phra rgyas so/ /ji ltar shes par bya/ 'dod pa'i 'dod chags nyid phra rgyas yin pas 'dod ba'i 'dod chags kyi phra rgyas yin nam/ 'on to 'dod pa'i 'dod chags kyi phra rgyas yin/ de las cir 'gyur/ gal te 'dod pa'i 'dod chags nyid pa rgyas yin na ni/ 'di
 na la la 'dod pa'i 'dod chags kyi kun nas dkris ba'i sems kyis lan mang du mi gnas la/ 'dod pa'i 'dod chags kyi kun nas dkris la byung na yang byis nges par 'byung ba yang dag pa ji lta ba bzhin rab tu shes shing/ de'i 'dod pa'i 'dod chags kyi kun nas
 dkris pa de'i mthus yang dag par shin tu yang dag par shin kun nas 'jogs shing phra rgyas dang bcas par spong bar byed do zhes gsungs pa'i mdo dang 'gal lo/ /gal te 'dod pa'i 'dod chags kyi phra rgyas yin na ni phra rgyas ldan pa ma yin par thal bar 'gyur bas 'dod
 pa'i 'dod chags kyi phra rgyas ni dbang po gsum dang mtshungs par ldan pa yin no zhes 'byung ba'i chos mngon pa dang 'dra'o/ /bye brag tu smra ba rnams ni re 'dod pa'i 'dod chags nyid phra rgyas yin te/ the tshom nyid phra rgyas yin pa'i bar du yang de dang 'dra'o zhes zer
 ro/ /de lta mdo dang 'gal lo zhes bshad pa ma yin nam/ 'gal ba med de/ phra rgyas dang bcas pa ni rjes su 'brel pa dang bcas pa zhes bya ba'i don yin pa'i phyir ro/ /yang na mdo las phra rgyas zhes bya ba'i sgra 'byung ba ni thob pa la nye bar btags pa yin te/
 dper na me sdug bsngal zhes bya ba bzhin no/ /chos mngon pa las phra rgyas rgyas zhes bya ba'i sgra 'byung ba ni nyon mongs pa kho na la mtshan nyid ba yin te/ de lta bas na phra rgyas rnams ni mtshungs par ldan pa kho na yin no/ /'di ji ltar shes she na/ phra rgyas rnams ni/ sems
 ni nyon mongs med phyir dang/ /sgrib phyir dge dang 'gal phyir dang/ /gang gi phra rgyas rnams kyis sems nyon mongs pa can du 'gyur ba dang/ sngon med pa'i dge ba mi skye ba dang/ skyes pa las kyang yongs su nyams par 'gyur ba de'i phyir ldan pa
 ma yin pa ma yin no/ /'on te ldan ba ma yin pa rnams kyis kyang de ltar 'gyur na ni de dag rtag tu nye ba'i phyir dag pa nam yang dmigs par mi 'gyur ba zhig na dmigs te/ de lta bas na dge ba 'ang dmigs pa'i phyir na 'dir/ /phra rgyas ldan pa ma yin min//
 'di ni gtan tshigs su mi rung ste/ 'di ltar gang zhig phra rgyas ldan pa ma yin par 'dod pa de yang 'di thams cad phra rgyas kyis byas par ni mi 'dod kyi nyon mongs par byas pa kho nar 'dod do/ /mdo sde pa rnams kyi ji ltar ba bzhin du lta bu ni legs pa yin no//
 mdo sde pa rnams kyi ji lta bu zhe na/ 'dod pa'i 'dod chags kyi phra rgyas ni 'dod pa'i 'dod chags kyi phra rgyas yin la/ de rdzas gzhan ma yin pa'i phyir phra rgyas ni mtshungs par ldan pa yang ma yin la/ ldan pa ma yin pa yang ma yin gyi/ nyon mongs pa nyal ba la ni
 phra rgyas zhes bya la/ sad pa la ni kun nas dkris pa zhes bya'o/ /de la nyal ba gang yin zhe na/ mngon sum du ma gyur pa sa bon gyi dngos pos rjes su 'bral pa'o/ /sad pa gang yin zhe na/ mngon sum du gyur pa'o/ /sa bon gyi dngos po zhes bya ba 'di ci zhe na/ lus kyi
 nyon mongs pa las skyes pa nyon mongs pa skyes pa'i mthu yin te/ dper na nyams su myong ba'i shes pa las skyes pa dran pa skyed pa'i mthu dang/ yang dper na myu gu la sogs pa sa lu'i 'bras las skyes pa sa lu'i sras bu skyed pa'i mthu dang 'dra'o/ /gang zhig
 nyon mongs pa rnams kyi sa bon gyi don du phra rgyas ldan pa ma yin pa don gzhan du rtogs par byed pa des na dran pa'i sa bon yang don gzhan du brtag par bya bar 'gyur ro/ /'o na mdo las nyon mongs pa nyid phra rgyas su gang gsungs pa de ji lta bu ste/ drug chan
 drug pa las 'di'i 'dod pa'i 'dod chags de bde ba'i char ba rgyas par 'gyur te/ rgyas par gsungs so zhe na/ 'gyur zhes gsungs pa'i phyir de kho na ni phra rgyas ma yin no/ /'on nam 'gyur zhe na/ gang gi tshe nyal ba na 'gyur ro/ /yang na 'di ni rgyu la nye bar brtags pa yin par blta par
 bya'o/ /zhar la 'ongs pa bzhag nas bstan bcos la 'jug par bya ste/ mdo las 'dod pa'i 'dod chags dang/ srid ba'i 'dod chags zhes 'dod chags phye ba gang yin pa/ srid pa'i 'dod chags zhes bya ba 'di ci zhe na/ khams gnyis las skyes srid 'dod chags/ /gzugs
 dang gzugs med pa'i khams las skyes pa'i 'dod chags ni srid pa'i 'dod chags zhes bshad do/ /ci'i phyir de skad du bshad ce na/ kha ni nang du bltas phyir der/ /thar pa'i 'du shes bzlog phyir bshad/ /de dag ni phal cher sloms par 'jug pa la 'dod chags pa
 yin la/ de yang kho nar du bltas pa yin te/ de lta bas na kha cig khams de gnyis las thar pa yin no snyam pa'i 'du shes bzlog pa'i phyir srid pa'i 'dod chags zhes bshad do zhes grag go lus kho na srid pa yin la sems can de dag kyang snyoms par 'jug pa rten dang
 bcas pa ro myang bar byed pa na 'dod pa'i 'dod chags dang bral ba'i phyir lus kho na ro myang bar byed pa yin te/ de'i phyir 'dod chags de ni srid pa'i 'dod chags zhes bshad do/ /yang chos mngon pa las phra rgyas drug po de las bcur 'chad de/ ji ltar byas pas she na/ lta
 ba lnga ste 'jigs tshogs dang/ /log dang mthar 'dzin lta ba dang/ /lta ba dang ni tshul khrims dang/ /brtul zhugs mchog tu 'dzin dang bcu/ /phra rgyas drug las lta ba rnam pa lngar byas na bcur 'gyur te/ lta ba'i rang bzhin lnga ni 'jig tshogs la lta ba dang/ mthar 'dzin
 par lta ba dang/ log par lta ba dang/ lta ba mchog tu 'dzin pa dang/ tshul khrims dang brtul zhugs mchog tu 'dzin pa'o/ /lta ba'i rang bzhin ma yin pa lnga ni 'dod chags dang/ khong khro ba dang/ nga rgyal dang/ ma rig pa dang/ the tshom/ /yang chos mngon pa las phra rgyas bcu po
 de dag las 'dod pa na spyod ba sum cu rtsa drug dang/ gzugs na spyod pa sum cu rtsa gcig dang/ /gzugs med pa na spyod pa sum cu rtsa gcig ste/ dgu bcu rtsa brgyad du yang 'chad do/ /ji ltar byas pas she na/ phra rgyas de
 dag ni mdor bsdu na khams gsum pa'i mthong bas spang bar bya ba dang/ bsgom pos spang bar bya ba dag yin no/ /de la re zhig 'dod ba'i khams na spyod pa mthong bas spang bar bya ba ni sum cu rtsa gnyis so/ /de dag gang zhe na/ de dag bcu dang
 bdun bdun brgyad de/ /lta ba gsum gnyis ma gtogs pa/ /'dod na sdug bsngal la sogs pa/ /mthong bas rim bzhin spong bar byed/ /ces bya ba smos te/ phra rgyas bcur bshad pa gang dag yin la de dag 'dod pa'i khams na sdug bsngal mthong
 bas spang bar bya ba ni bcu char yod do/ /de dag nyid la kun 'byung mthong bas spang bar bya ba bdun dang/ 'gog pa mthongs bas spang bar bya ba bdun te/ 'jig tshogs la lta ba dang/ mthar 'dzin par lta ba dang/ tshul khrims dang brtul
 zhugs mchog tu 'dzin pa ma gtogs so/ /lam mthong bas spang bar bya ba ni brgyad de/ 'jig tshogs la lta ba dang/ mthar 'dzin par lta ba ma gtogs so/ /de ltar na phra rgyas sum cu rtsa gnyis po de dag ni mthong bas spang bar bya ba
 dag yin te/ bden pa rnams mthong ba tsam gyis spong ba'i phyir ro/ /bzhi ni bsgom pas spang bya yin/ 'di lta ste/ 'dod chags dang/ khong khro ba dang/ ma rig pa dang/ nga rgyal te/ bden pa mthong bas phyis lam goms par byas bas
 spong ba'i phyir ro/ /de ltar 'jig tshogs la lta ba ni rnam pa gcig ste/ sdug bsngal mthong bas spang bar bya ba yin la/ mthar 'dzin par lta ba yang de dang 'dra'o/ /log par lta ba ni rnam pa bzhi ste/ sdug bsngal dang/ kun 'byung dang/ 'gog
 pa dang/ lam mthong bas spang bar bya ba yin la/ lta ba mchog tu 'dzin pa dang/ the tshom yang de 'dra'o/ /tshul khrims dang/ btul zhugs mchog tu 'dzin pa ni rnam pa gnyis te/ sdug bsngal dang/ lam mthong bas spang bar bya ba yin no//
 'dod chags dang/ khong khro ba dang/ nga rgyal dang/ ma rig pa rnams ni rnam pa lnga ste/ bden pa bzhi mthong bas spang bar bya ba dang/ bsgom pas spang bar bya ba yin no/ /sdug bsngal mthong bas spang bar bya ba ched du ni ji lta bu yin zhe na/ gang dag gang
 zhig mthong bas spang bar bya ba'i dmigs pa can de dag ni mthong bas spong bar bya ba yin la/ lhag ma ni bsgom pas spong bar bya ba dag yin no/ /de dag la lta ba ni bcu gnyis yin no/ /the tshom ni bzhi yin no/ /'dod chags ni lnga yin no/ /khong khro
 ba ni lnga yin no/ /ma rig pa ni lnga yin te/ de ltar na phra rgyas sum cu rtsa drug po de dag ni 'dod pa ni spyod pa yin no/ /khong khro ma gtogs de dag nyid/ /gzugs khams khong khro ba lnga bor nas gzugs na spyod pa'i phra rgyas sum cu rtsa gcig po de
 dag nyid yin no/ /gzugs khams na ji lta bar/ gzugs med de dang 'dra/ phra rgyas sum cu rtsa gcig yin te/ de ltar dgu bcu brgyad du 'dod/ de ltar na chos mngon pa pa dag na re phra rgyas drug po de dag rnam pa dang/ bye brag dang/ khams
 kyi dbye bas dgu bcu rtsa brgyad du 'dod do/ /ci mthong ste spang bar bya ba'i phra rgyas su bshad pa gang dag yin pa de dag nges par mthong ba kho nas spong ngam zhe na/ smras pa/ ma yin no/ /'o na ci zhe na/ srid rtse las skyes bzod pa yis/ /gzhom
 pa mthong bas spang bya nyid/ /srid pa'i rtse mo'i las skyes pa'i phra rgyas gang dag rjes su shes pa'i bzod pas gzhom par bya ba de dag ni mthong bas spang bar bya ba kho na yin gyi bsgom pas spang bar bya ba ni ma yin no/ /lhag skyes mthong dang
 bsgom gnyis kyis/ /bzod pas gzhom par bya ba zhes bya bar sbyar te/ sa lhag ma dag na chos dang rjes su shes pa'i zod pas spang bar bya ba'i phra rgyas yod pa rnams ni ci rigs par 'phags pa rnams kyis
 ni mthong bas spang bar bya ba yin la/ so so'i skye bo rnams kyis ni bsgom pas spang bar bya ba dag yin no/ /bzod pas gzhom min bsgom kho nas/ sa thams cad na phra rgyas gang dag shes pas gzhom pas bya ba yod pa de dag ni gnyi
 ga'i yang rtag tu bsgom pas spang bar bya ba yin no/ /gzhan dag na re phyi rol pa rnams kyis ni mthong bas spang bar bya ba rnams mi spong ba kho na ste/ 'di ltar las rnam par 'byed pa'i mdo dang/ sngon gyi mdza' la rtog pa rnams las
 rtag par smra ba rnams dang/ la la rtag par smra ba rnams dang/ rgyu med pa las kun tu 'byung bar smra ba 'dod chags dang bral ba rnams las 'dod pa'i khams las dmigs pa'i lta ba kun 'byung bar gsungs te/ gzugs na spyod pa'i
 nyon mongs pa rnams 'dod pa'i khams la dmigs pa ni ma yin te/ 'dod chags dang bral ba'i phyir ro/ /de lta bas na 'dod pa dang ldan pa de dag kho na ma spangs pa yin no zhes zer ro/ /bye brag tu smra ba rnams na re de dag lta ba skyed pa
 dang dus mnyam du yongs su nyams pa'i phyir te/ lhas byin bzhin no zhes zer ro/ /lta ba lnga ming gi sgo nas bstan gyi rang gi ngo bo'i sgo nas ni ma bstan pas 'di dag gi rang gi ngo bo ci zhe na/ bdag dang bdag gi rtag chad dang/ /med dang
 dman la mchog lta dang/ /rgyu min lam min der lta ba/ /de dag lta ba lnga yin no/ /bdag gam bdag gir lta ba ni 'jig tshogs la lta ba'o/ /'jig pas na 'jig pa'o/ /bsags pas na tshogs te/ mang po dang phung po zhes bya
 ba'i tha tshig go /'di ni 'jig pa yang yin la tshogs kyang yin pas 'jig tshogs te/ nye bar len pa'i phung po lnga'o/ /rtag par 'du shes pa dang/ ril bor 'du shes pa spang ba'i phyir de skad du bshad de/ de dag la bdag tu 'dzin pa ni de dag sngon du 'gro ba
 can yin no/ /'jig tshogs la lta bas 'jig tshogs la lta ba'o/ /zag pa dang bcas pa la dmigs pa thams cad kyang 'jig tshogs la lta ba yin mod kyi/ ci nas kyang 'di ni 'jig tshogs la lta ba yin gyi/ bdag gam bdag gir ni ma yin no/
 zhes rtogs par bya ba'i phyir bdag dang bdag gir lta ba kho na 'jig tshogs kyi lta bar bshad de/ ji skad du/ dge slong dag dge sbyong ngam bram ze gang la la bdag go snyam du yang dag par rjes su lta ba na yang dag par rjes su lta ba de dag thams
 cad ni nye bar len pa'i phung po 'di dag la lta ba kho nar zad do zhes gsungs pa lta bu'o/ /bdag tu mngon par 'dod pa'i dngos po de nyid la rtag par lta ba 'am chad par lta ba ni mthar 'dzin par lta ba ste/ rtag pa dang chad pa'i mthar 'dzin
 pa'i phyir ro/ /sdug bsngal la sogs pa'i bden pa yod na med do zhes lta ba ni log par lta ba'o/ /log par zhugs pa'i lta ba thams cad log par lta ba yin pa las mar dri nga ba bzhin du ha cang tshabs chen po dang ldan pa'i phyir gcig
 kho na bshad de/ 'di ni sku pa 'debs par byed pa yin la/ gzhan dag ni sgro 'dogs par byed pa yin no/ /dman pa la mchog tu 'dzin pa'i lta ba ni lta ba mchog tu 'dzin pa'o/ /dman pa yang ci zhig yin zhe na/ zag pa dang bcas pa thams cad
 de/ 'phags pa rnams kyis spangs pa'i phyir ro/ /de la mchog tu 'dzin pa ni lta ba mchog tu 'dzin pa yin te/ lta ba la sogs pa mchog tu 'dzin pa zhes brjod par bya ba'i rigs pa la sogs pa'i sgra mi mngon par byas so/ /rgyu ma yin pa
 la rgyur lta ba dang/ lam ma yin pa la lam du lta ba ni tshul khrims dang brtul zhugs mchog tu 'dzin pa ste/ 'di lta ste/ dbang phyug chen po 'am/ skye dgu'i bdag po 'am/ gzhan yang rung ste/ 'jig
 rten rnams kyi rgyu ma yin na de la yang rgyur lta ba dang/ me dang chur 'jug pa la sogs pa mtho ris kyi rgyu ma yin na de dag la yang rgyur lta ba dang/ tshul khrims dang brtul zhugs tsam dang/ grags? can dang rnal 'byor gyi shes pa la sogs pa
 thar pa'i lam ma yin na de dag la yang lam du lta ba lta bu ste/ 'dir yang sogs pa'i sgra mi mngon par byas so/ /zhes grag go /de ltar na de dag ni lta ba lnga yin par rig par bya'o/ /gal te rgyu ma yin pa la rgyur lta ba tshul khrims dang brtul
 zhugs mchog tu 'dzin pa yin na/ ci'i phyir kun 'byung mthong bas spong bar bya ba ma yin zhe na/ gang la la dbang phyug gam skye dgu'i bdag po la rgyur lta ba de ni de la rtag pa dang gcig pu dang bdag dang byed pa bor mngon par zhe na
 nas lta ste/ de lta bas na 'di ltar/ dbang phyug la sogs rgyur mngon zhen pa/ /de ni rtag bdag phyin ci log pa yis/ /rab tu 'jug pas de phyir ro/ /sdug bsngal mthong bas spang bya nyid/ /de dag la rtag pa dang/ bdag tu 'dzin pa
 de gnyis ni sdug bsngal mthong ba kho nas spong bar 'gyur te/ de lta bas na nges byas pa rgyur mngon par zhen pa yang de nyid spong bar 'gyur ro/ /'o na gang ma dang chur 'jug pa la sogs pas mtho ris su skye ba 'am/ tshul khrims
 dang brtul zhugs kyis la dag par lta ba ji lta bu yin/ de yang sdug bsngal mthong bas spang bar bya ba yin te/ bstan bcos las 'di skad du/ gang dag skyes bu gang zag gang zhig ba lang gi tshul khrims dang/ ri dags kyi tshul khrims
 dang/ bya gag gi tshul khrims yang dag par blangs te gnas pa de/ des dag par 'gyur/ grol bar 'gyur/ nges par 'byung bar 'gyur/ bde ba dang sdug bsngal las rnam par 'da' bar 'gyur zhing/ bde ba dang/ sdug bsngal las rnam par 'das pa yang/ rjes su
 'thob par 'gyur ro zhes de ltar lta zhing de skad du smra ba ni rgyu ma yin pa la rgyur mngon par yid ches pas tshul khrims dang brtul zhugs mchog tu 'dzin pa ste/ sdug bsngal mthong bas spang bar bya ba yin no zhes bya ba rgyas par 'byung ngo/ /de ci'i phyir
 sdug bsngal mthong bas spang bar bya ba yin/ sdug bsngal la log par zhugs pa'i phyir ro/ /zag pa dang bcas pa la dmigs pa thams cad sdug bsngal la log par zhugs pa'i phyir ha cang thal bar 'gyur ro/ /yang na tshul khrims dang brtul zhugs mchog
 tu 'dzin lam mthong bas spang bar bya ba gzhan ji lta bu zhig yod/ lam mthong bas spang bar bya ba la dmigs pa gang yin pa'o/ /de yang sdug bsngal la log par zhugs pa yin no/ /yang gang la lam la dmigs pa log par lta ba 'am/ the tshom yod pa
 de thar pa'i lam med do zhes lta ba 'am/ the tshom za ba ni ji ltar de dag par yid ches par 'gyur/ 'on te thar pa'i lam gzhan mchog tu bzung nas 'di ni thar pa yin gyi lam ni med do zhes smra'o zhe na/ de yang gzhan de kho nas dag par yid ches kyi log
 par lta ba des ni ma yin pas de'i de yang lam mthong bas spang bar bya ba la dmigs par mi 'grub bo/ /yang gang zhig kun 'byung dang 'gog pa mthong bas spang bar bya ba la dmigs pa'i log par lta bas dag par yid ches par 'gyur ba de yang/ ci'i
 phyir de dag mthong bas spang bar bya ba ma yin/ de lta bas na don 'di ni brtag par bya bas yin no/ /rtag bdag phyin ci log pa yis zhes gang bshad pa/ ci phyin ci log de gnyis kho nar zad dam zhe na/ phyin ci log ni bzhi ste/ mi rtag pa la rtag pa dang/ sdug bsngal
 ba la bde ba dang/ mi gtsang ba la gtsang ba dang/ bdag med pa la bdag tu phyin ci log pa'o/ /yang phyin ci log bzhi tshon 'di'i rang bzhin ci zhe na/ lta ba gsum las phyin ci log /bzhi tshon/ mthar 'dzin par lta ba las rtag
 par lta ba ni rtag par phyin ci log go /lta ba mchog tu 'dzin pa las ni bde ba dang gtsang bar phyin ci log dag go /'jig tshogs su lta ba las ni bdag tu lta ba phyin ci log go /gzhan dag na re thams cad yin no zhes zer ro/ /ji ltar na bdag gir lta
 ba phyin ci log yin/ ji ltar na phyin ci log ma yin/ phyin ci log gi mdo las mi 'byung ba'i phyir ro/ /de las ni bdag kho na dbang byed pa lta ba na/ bdag gir lta bar 'gyur ba bshad pa yin pas/ bdag tu lta ba 'di nyid sgo gnyis pa can yin no//
 'on te bdag ces bya ba 'di las/ bdag ces bya ba lta ba gzhan na ni bdag gi zhes bya ba dang/ bdag gi phyir zhes bya ba 'di yang 'gyur ro/ /ci'i phyir nyon mongs pa gzhan dag phyin ci log ma yin zhe na/ 'di ltar rgyu gsum gyis rten phyin ci log
 rnams rnam par bzhag ste/ gsum gang gis she na/ phyin ci log phyir dang/ nges rtog phyir dang sgro 'dogs phyir/ /dmigs pa la gcig tu phyin ci log pa'i phyir dang/ nges par rtog pa'i phyir dang/ sgro 'dogs pa'i phyir de/ chang par lta ba dang/ log par lha
 ba ni med pa'i sgor zhugs pa'i phyir sgro 'dogs par byed pa ma yin no/ /tshul khrims dang brtul zhugs mchog tu 'dzin pa ni de zhig gis/ 'dag par dmigs pa'i phyir gcig tu phyin ci log pa ma yin no/ /nyon mongs pa gzhan dag ni nges par rtog
 par byed pa ma yin pas de'i phyir phyin ci log dag ma yin no/ /'o na mdo las mi rtag pa la rtag go snyam du/ 'du shes phyin ci log pa dang/ sems phyin ci log pa dang/ lta ba phyin ci log pa zhes gang gsungs pa ji lta bu zhe na/ 'dir ni lta ba kho na phyin
 ci log pa yin la/ sems dang 'du shes de'i dbang gis/ lta ba phyin ci log gi dbang kho nas de dang mtshungs par ldan pa 'du shes dang/ sems phyin ci log tu bshad do/ /tshor ba la sogs pa yang ci'i phyir ma bshad ce na/ 'jig rten ma grags pa'i phyir te/
 'jig rten na ni 'du shes phyin ci log /sems phyin ci log ces grags kyi tshor ba phyin ci log ces ni ma grags so/ /phyin ci log de thams cad kyang/ /rgyun du zhugs pas spangs pa yin te/ lta ba gsungs par ldan pa dang bcas pa rnams ni mthong bas spang
 bar bya ba yin pa'i phyir ro/ /sde pa gzhan dag na re mi rtag pa la rtag go snyam du 'du shes dang/ sems dang/ lta ba phyin ci log gsum nas/ de bzhin du bdag med pa la bdag go snyam pa'i bar gsum ste/ phyin ci log ni bcu gnyis yin no/ /de la brgyad na
 mthong bas spang bar bya ba yin no/ /sdug bsngal dang/ mi gtsang ba la 'du shes dang/ sems phyin ci log pa bzhi ni bsgom pas spang bar bya ba dag yin no/ /de lta ma yin na bde ba dang/ gtsang ba'i 'du shes dag med par ji ltar na/ 'phags pa 'dod chags
 dang ma bral ba la 'dod pa'i 'dod chags skye bar 'gyur zhes zer ro/ /bye brag tu smra ba rnams ni 'di mi 'dod de/ gal te 'phags pa la bde ba dang gtsang ba'i 'du shes dang/ sems kun du 'byung bas de dag gi phyin ci log dag tu 'dod na ni/ sems can
 gyi 'du shes dang/ sems kun tu 'byung bas de dag gi phyin ci log tu yang ci'i phyir mi 'dod/ /bud med dang bdag la sems can du 'du shes med par ni 'dod pa'i 'dod chags skye bar rigs pa ma yin no/ /mdo las kyang/ 'di ltar 'phags pa nyan thos
 pa dang ldan pa 'di ni sdug bsngal 'phags pa'i bden pa'o zhes bya bar yang dag pa ji lta ba bzhin du rab tu shes so zhes bya ba nas/ de'i tshe de'i mi rtag pa la rtag go snyam du 'du shes phyin ci log pa dang/ sems phyin ci log pa dang/ lta ba phyin ci log pa gang
 yin pa de spong par byed zhes bya ba rgyas par gsungs so/ /de lta bas na lta ba kun nas bslang pa'i 'du shes dang/ sems kho na phyin ci log yin gyi gzhan dag ni ma yin te/ de'i dus su 'khrul pa tsam yin pa'i phyir mgal me'i 'khor
 lo dang/ ri mo'i gnang sbyin la 'khrul bzhin no zhes zer ro/ /gzhan dag na re 'o na gnas brtan kun dga' bos/ 'phags pa ngag gi dbang phyug gi dbang du byas nas/ 'du shes phyin ci log pa yis/ /khyod kyi sems ni yongs su gdung zhes gang smras
 pa ji lta bu de phyir slob pas 'du shes dang/ sems phyin ci log brgyad po thams cad ma spangs pa kho na'o/ /nga dag kyang 'phags pa'i bden pa rnams yang dag pa ji lta ba bzhin shes pas spong bar 'gyur gyi/ de med par ni ma yin no/ /zhes thabs yang
 dag par bstan pa yin pa'i phyir/ mdo dang 'gal ba med do zhes zer ro/ /yang ji lta ba'i phra rgyas kho na la dbye ba yod kyi gzhan la med dam zhe na/ nga rgyal la yang yod de/ ji lta zhe na/ nga rgyal bdun/ zhes bya ba smos te/ nga rgyal dang/ lhag pa'i nga rgyal dang
 nga rgyal las kyang nga rgyal dang/ nga'o snyam pa'i nga rgyal dang/ mngon pa'i nga rgyal dang/ cung zad snyam pa'i nga rgyal dang/ log pa'i nga rgyal lo/ /bye brag med par sems khengs pa la nga rgyal zhes bshad do/ /de 'jug pa'i bye brag las ni rnam pa bdun
 yin te/ chung ngu bas bdag khyad par du 'phags pa 'am/ mnyam pa dang mnyam ma snyam du sems pa'i khengs pa ni nga rgyal lo/ /mnyam pa bas bdag khyad par du 'phags so mnyam pa ni lhag pa'i nga rgyal lo/ /khyad par du 'phags pas kyang
 bdag khyad par du 'phags so snyam pa ni nga rgyal las kyang nga rgyal lo/ /nye bar len pa'i phung po lnga la bdag gam bdag gir sems pa ni nga'o snyam pa'i nga rgyal lo/ /khyad par thob par bya ba ma thob par bdag gis thob po snyam pa ni mngon pa'i nga rgyal
 lo/ /chos khyad par du 'phags pa bas bdag cung zad gcig gis dman no snyam pa ni cung zad snyam pa'i nga rgyal lo/ /yon tan ma yin pa dang ldan pa la bdag yon tan dang ldan no snyam pa ni log pa'i nga rgyal lo/ /'o na bstan bcos las nga rgyal rnam pa dgu ste/
 bdag mchog yin na snyam pa'i nga rgyal gyi rnam pa dang/ bdag dang 'dra'o snyam pa'i nga rgyal gyi rnam pa dang/ bdag dman no snyam pa nga rgyal gyi rnam pa dag bdag pas mchog yod do/ /bdag dang mnyam pa yod do/ /dag pas dman pa med? do/ /bdag pas mchog med do/ /bdag dang
 mnyam pa med do/ /bdag pas dman pa med do snyam pa nga rgyal gyi rnam pa zhes gang bshad pa ji lta bu zhe na/ rnam dgu po de dag ni/ gsum po/ /'di dag nyid las 'byung ste/ gsum gang las she na/ nga rgyal dang/ lhag pa'i nga rgyal dang/ cung zad snyam pa'i
 nga rgyal dag las so/ /de la dang po'i gsum ni lta ba la brten pa'i nga rgyal gsum ste/ lhag pa'i nga rgyal dang/ nga rgyal dang/ cung zad snyam pa'i nga rgyal rnams so/ /gnyis pa'i gsum ni cung zad snyam pa'i nga rgyal dang/ nga rgyal dang/ lhag pa'i nga rgyal rnams so//
 gsum pa'i gsum ni nga rgyal dang/ lhag pa'i nga rgyal dang/ cung zad snyam pa'i nga rgyal rnams so/ /re zhig ches khyad par du 'phags pa bas bdag cung zad cig gis dman no snyam pa ni khengs pa'i gnas yin pa'i phyir cung zad snyam pa'i nga rgyal du rigs na/
 bdag pas dman pa med do snyam pa 'di la go khengs pa'i gnas ci zhig yod ce na/ gang zhig mngon par 'dod pa'i sems can gyi tshogs dam pa'i nang na bdag nyid dman yang tha gi'o snyam du sems pa de lta bu de yod do/ /gzhan yang 'di ni ye shes
 la 'jug pa las bshad pa'i lugs yin gyi/ rab tu byed pa las bstan pa yongs su bzung ste/ bdag mchog yin no snyam pa 'di ni dman pa dang/ mnyam pa dang/ khyad par 'phags pa la bltos nas nga rgyal yang yin la/ lhag pa'i nga rgyal dang/
 nga rgyal las kyang nga rgyal yang yin no/ /yang nga rgyal bdun po 'di dag ci zhig gis spang bar bya ba yin zhe na/ smras pa/ mthong dang bsgom pas zad bya ba/ /de dag ni mthong ba dang bsgom ba dag gis zad par bya ba
 ste/ de nas 'di skad du thams cad mthong ba dang bsgom pas spang bar bya ba dag yin no zhes bshad par 'gyur ro/ /ci 'phags pa rnams bsgom pas spang bar bya ba ma spangs pa gang yin pa de kun du spyod dam zhe na/ nges pa med de 'di
 ltar/ bsgom pas spang bar bya ba ni/ gsod sogs kun nas dkris pa'o/ /nyon mongs pa kun nas dkris pa gang gis ched du bsams te srog chags kyi srog gcod par byed pa nas rdzun du smra bar byed pa'i bar de ni bsgom pas spang bar
 bya ba'i chos la dmigs pa'i phyir ro/ /de bzhin 'jig sred/ 'jig pa'i sred pa yang bsgom pas spang bar bya ba yin no/ /'jig pa'i sred pa zhes bya ba'i chos 'di ci zhig yin zhe na/ khams gsum pa'i mi rtag pa ste/ de la don du
 gnyer ba ni 'jig pa'i sred pa'o/ /de bzhin zhes bya ba'i sgras ni skye ba'i sred pa'i phyogs bdag ni glang po che'i rgyal po sa srung gi bur gyur kyang ci ma rung zhes bya ba de lta bu la sogs pa gzung ngo/ /bsgom pas spang bar bya ba ni nga rgyal
 gyi rnam pa rnams kyang yod do zhes bshad la/ nga'o snyam pa'i nga rgyal yang yod mod kyi/ 'phags pa la/ rnam sogs nga'o snyam mi 'byung sogs smos pas ni 'jig pa'i sred pa'i bar gzung ngo/ /ci'i phyir de dag ma spangs kyang mi 'byung
 zhe na/ lta bas rgyas par 'gyur phyir ro/ /nga rgyal gyi rnam pa rnams dang/ nga'o snyam pa'i nga rgyal ni 'jig tshogs la lta bas rgyas par 'gyur ba yin no/ /de'i phyir skad pa bcag pa'i phyir yang ldang bar mi nus so/ /gsod pa la sogs pa'i
 kun nas dkris pa ni log par lta bas rgyas par 'gyur ba'i phyir ro/ /'jig pa'i sred pa ni chad par lta bas rgyas par 'gyur ba'i phyir ro/ /skye ba'i sred pa'i phyogs ni rtag par lta bas rgyas par 'gyur ba'i phyir ro/ /mi dge'i 'gyod pa 'ang ma yin
 no/ /'gyod pa mi dge yang bsgom pas spang bar bya ba ma yin na 'phags pa la ni de mi 'byung ste/ de the tshom gyis kun nas bslang ba'i phyir ro/ /yang phra rgyas dgu bcu rtsa brgyad po de dag las du ni kun du 'gro ba dag yin/ du ni kun du 'gro ba ma yin zhe na/
 sdug bsngal rgyu mthong spang bya ba/ /lta dang de bzhin the tshom dang/ /gang de lhan cig ma 'dres pa'i/ /ma rig gang yin kun du 'gro/ sdug bsngal dang kun 'byung mthong bas spang par bya ba'i lta ba rnams dang/ the tshom dang/ de dag dang mtshungs par
 ldan pa'i ma rig pa dang/ sdug bsngal dang kun 'byung mthong bas spang bar bya ba'i ma rig pa ma 'dres pa kho na ste/ de ltar na lta ba bdun dang/ the tshom gnyis dang ma rig pa gnyis dang/ phra rgyas bcu gcig? po de dag ni rang gi khams
 mdza' dag la dmigs pa'i phyir/ skal pa mnyam pa'i khams kun du 'gro ba yin no/ /ci re zhig rim gyis sam 'on te/ cig car dmigs/ gal te rim gyis na ni gzhan dag la yang thal bar 'gyur ro/ /'on te cig car ro zhe na ni/ su zhig 'dod
 pa'i khams mdza' dag gi dag pas yid ches par 'gyur ba'am/ mdza' dag rgyu ma yin pa la rgyur yid ches par 'gyur/ /mdza' dag la cig car du dmigs so zhes ni mi zer ro/ /'on kyang rnam pa lnga po thams cad kyang cig car du dmigs
 so/ /de lta na yang gang la bdag tu lta ba yod pa de la bdag la sred pa yod pa gang la mchog dang dag par lta ba yod pa de la de'i don du gnyer ba yod cing/ des kyang nga rgyal du 'gyur bas srid pa dang nga rgyal dag kyang kun du 'gro ba yin
 par 'gyur ro/ /de lta yin na de gnyi ga mthong ba dang bsgom pas spang bar bya ba la dmigs pa'i phyir ci zhig gis spang bar bya ba yin zhe na/ 'dren ma la dmigs pa'i bsgom pas spang bar bya ba yin no/ /yang
 na lta ba'i stobs bskyed pas bcug pa can nyid yin pa'i phyir mthong bas spang bar bya ba yin no/ /bye brag tu smra ba rnams na de nyon mongs pa 'di gnyis rang gi mtshan nyid pa yin gyi nyon mongs pa spyi pa ni ma yin te/ de lta bas na kun
 du 'gro ba dag ma yin no zhes zer ro/ /skal pa mnyam nga'i khams kun du 'gro ba dag tu phra rgyas bcu gcig bshad pa gang dag yin pa/ de dag las dgu gong du dmigs/ /lta ba gnyis po ma gtogs so/ /'jig tshogs la lta ba dang/
 mthar 'dzin par lta ba ma gtogs pa phra rgyas gzhan dgu ni skal pa mi mnyam pa'i khams kun du 'gro ba dag yin no/ /res 'ga' ni skal pa mi mnyam pa'i khams gcig la dmigs so/ /res 'ga' ni gnyis la
 dmigs te/ 'dod pa dang ldan pa gzugs dang ldan pa la dmigs pa rnams dang/ 'dod pa dang ldan pa gzugs med pa dang ldan pa la dmigs pa rnams dang/ 'dod pa dang ldan pa gzugs dang gzugs med pa dang ldan pa la
 dmigs pa'i phra rgyas gang dag yin pa zhes 'byung ba'i phyir ro/ /gang gi tshe 'dod pa'i khams na gnas pa tshangs pa la sems can du lta ba dang/ rtag par lta ba skyed par byed pa de'i tshe ji ltar 'jig tshogs dang/ mthar 'dzin par
 lta ba skal ba mi mnyam pa'i khams la dmigs pa dag ma yin zhe na/ bdag dang bdag gir mi 'dzin pa'i phyir dang mthar 'dzin par lta ba yang des kun nas bslang ba'i phyir dang/ 'o na 'di lta ba gang zhig yin zhe na/ chos mngon
 ba pa rnams na re 'di ni lta ba ma yin gyi 'di ni log pa'i shes pa yin no zhes zer ro/ /de la dmigs pa gzhan dag ni lta ba yin gyi 'di ni lta ba ma yin no zhes pa 'di ga las she na/ grub pa'i mdza' ni tshad? mar bya dgos so/ /yang ci phra
 rgyas kho na kun du 'gro ba dag yin nam zhe na/ smras pa/ ma yin te/ de dag dang ni lhan cig dang/ /'byung de'ang kun 'gro thob ma gtogs/ /chos gzhan phra rgyas kun du 'gro ba rnams dang lhan cig 'byung ba gang dag yin pa de dag kyang kun du 'gro
 ba yin no/ /thob pa rnams ni 'bras bu du ma'i phyir de lta ma yin no/ /de nyid kyi phyir phra rgyas kun du 'gro ba dag yin la phra rgyas kun du 'gro ba'i rgyus rgyu ma yin pa dag kyang yod ces bya ba mu bzhir bya ste/ mu dang po ni ma 'ongs pa'i phra rgyas
 kun du 'gro ba rnams so/ /gnyis pa ni 'das pa dang da ltar byung ba'i lhan cig 'byung ba rnams so/ /gsum pa dang/ bzhi pa dag ni sbyor bar bya'o/ /phra rgyas dgu bcu rtsa brgyad po de dag las du ni zag pa dang bcas pa la dmigs pa
 dag yin/ du ni zag pa med pa la dmigs pa dag yin zhe na/ 'gog dang lam mthong spang bya ba/ /log lta the tshom de dag dang/ /ldan dang 'ba' zhig ma rig dang/ /drug ni zag med spyod yul can/ /'gog pa mthong bas spang bar bya ba'i
 phra rgyas gsum po log par lta ba dang/ the tshom dang/ de dag dang mtshungs par ldan pa dang ma 'dres pa'i ma rig pa dang/ lam mthong bas spang bar bya ba gsum po de dag nyid de/ de ltar na drug po de dag ni zag pa med pa la dmigs pa yin
 no/ /lhag ma rnams ni zag pa dang bcas pa la dmigs pa yin no zhes bya bar grub po/ /de la yang/ rang gi sa pa'i 'gog pa dang/ /lam ni phan tshun rgyu yin pas/ /sa drug sa dgu'i lam ni de'i/ spyod yul can gyi yul yin no/ /'gog
 pa la dmigs pa log par lta ba la sogs pa'i dmigs pa ni rang gi sa pa'i 'gog pa kho na yin te/ 'dod pa na spyod pa rnams kyi yang 'dod pa'i khams kyi kho na yin la/ srid pa'i rtse mo'i sa pa rnams kyi bar du yang srid
 pa'i rtse mo'i kho na yin no/ /lam la dmigs pa 'dod pa na spyod pa rnams kyi dmigs pa ni sa drug gi chos shes pa'i phyogs dang mthun pa'i lam thams cad yin te/ gang yang gzugs dang gzugs med pa'i gnyen po yang yin no/ /gzugs
 dang gzugs med pa na spyod pa sa brgyad po rnams kyi dmigs pa yang sa dgu'i rjes su shes pa'i phyogs dang mthun pa'i lam thams cad yin te/ lam ni phan tshun rgyu yin pa'i phyir ro/ /gal te chos shes pa dang/ rjes su shes pa dag
 kyang phan tshun rgyu yin mod kyi rjes su shes pa 'dod pa'i khams kyi gnyen po ni ma yin pas lam la dmigs pa 'dod pa na spyod pa rnams rjes su shes pa'i phyogs dang mthun pa'i lam la ni mi dmigs so/ /'o na ni chos shes pa
 gzugs dang gzugs med pa'i gnyen po yin pa nyid kyi phyir lam la dmigs pa de'i sa pa rnams kyi dmigs par dam 'gyur ro/ /zhe na sdug bsngal dang kun 'byung la chos shes pa dag de dag gi gnyen po ma yin pa'i phyir de mdza' dag
 kyang gnyen po ma yin la/ mthong bas spang bar bya ba rnams kyi gnyen po ma yin pa'i phyir gzugs dang gzugs med pa mdza' dag gi yang ma yin te/ de lta bas na dang po med pa'i phyir dang/ dang po rnams kyi ma yin pa'i phyir dmigs
 yin no/ /ci'i phyir 'dod chags dang/ khong khro ba dang/ nga rgyal dang/ lta ba mchog tu 'dzin pa dang/ tshul khrims dang brtul zhugs mchog tu 'dzin pa dag zag pa med par dmigs pa de dag tu mi 'dod ce na/ 'dod chags min te spang bya'i phyir
 'dod chags ni spang bar bya ba yin na gal te zag pa med pa la dmigs pa yin na go spang bar bya ba ma yin par 'gyur te/ dge ba'i chos la 'dun pa bzhin no/ /gnod mi byed phyir zhe sdang min/ gnod par byed pa'i dngos po la ni khong khro ba skye na 'gog
 pa dang lam dag ni de lta ma yin no/ /zhi dad dag dang mchog gyur phyir/ /nga rgyal ma yin mchog 'dzin min/ /'gog pa dang lam dag ni zhi ba yin pa'i phyir de dag gis khengs par 'gyur bar 'os pa yang ma yin la/ yang dag pa'i don du
 dag pa yin pa'i phyir de gnyis la dag par 'dzin pa ni tshul khrims dang brtul zhugs mchog tu 'dzin pa yang ma yin no/ /dman pa la mchog tu 'dzin pa ni lta ba mchog tu 'dzin pa yin na de gnyis ni mchog kyang yin te/ de lta bas na da dag
 gi dmigs pa zag pa med pa yin par rigs pa ma yin no/ /phra rgyas dgu bcu rtsa brgyad po de dang las du ni dmigs pa'i sgo nas rgyas par 'gyur/ du ni mtshungs par ldan pa kho na'i sgo nas rgyas par 'gyur zhe na/ phra rgyas kun du 'gro rnams ni//
 dmigs pa'i sgo nas rang gi sa/ /thams cad du ni rgyas par 'gyur/ /kun 'gro ma yin rang gis su/ /phra rgyas gang dag kun du 'gro ba de dag ni dmigs pa'i sgo nas rang gi sa pa'i rnam pa lnga po thams cad la yang rgyas par 'gyur ro/ /thams cad
 du 'gro ba ma yin pa rnams ni dmigs pa'i sgo nas rang gi sar rang gi ris kho na la rgyas par 'gyur gyi gzhan du ni ma yin te/ 'di lta ste sdug bsngal mthong bas spang bar bya ba rnams kyang sdug bsngal mthong bas spang bar bya ba'i ris kho na la
 rgyas par 'gyur la/ de bzhin du bsgom pas spang bar bya ba rnams kyang bsgom pas spang bar bya ba kho na la rgyas pa'i bar du 'gyur gyi/ gzhan du ni ma yin no/ /spyir btang bar byas nas dmigs kyis ston par byed de/ zag med gong ma'i yul can
 min/ /zag pa med pa la dmigs pa'i phra rgyas rnams ni dmigs pa'i sgo nas rgyas par mi 'gyur ba kho na yin la/ sa gong ma la dmigs pa rnams kyang ma yin no/ /ci'i phyir zhe na/ de dag gi dmigs pa'i
 dngos po ni/ bdag gir ma byas gnyen po'i phyir/ /dngos po gang zhig bdag tu lta ba dang sred pa dag gis bdag gir byas pa de la phra rgyas gzhan dag kyang rgyas par 'gyur par nus te/ snam bu gsher ba la rdul chags pa bzhin
 no/ /zag pa med pa yang de lta ma yin la/ sa 'og ma la yang ma yin pas de'i phyir de dag la dmigs pa rnams ni de dag la rgyas par mi 'gyur ro/ /gang zhig 'di na gnas pa las de don du gnyer bar byed pa de ni dge ba'i chos la 'dun
 pa yin no/ /mya ngan las 'das pa dang lam ni de dag la dmigs pa'i nyon mongs pa rnams kyi gnyen por gyur pa yin la/ sa gong ma yang 'og ma rnams kyi gnyen po yin pas de'i phyir yang de dag tu gnas mi thod de/ rdo bseg pa la rkang
 mthil dag gi gnas mi thod pa bzhin no/ /gzhan dag na re phra rgyas kyi don ni rjes su mthun pa'i don yin na de dag nyid de rnams kyi rjes su mthun pa ma yin te/ rlung nad can la/ kha zas rtsub po rgyas par mi 'gyur ba bzhin no zhes zer ro/
 dmigs pa'i sgo nas rgyas par 'gyur ba gang yin pa de ni bshad zin to/ /gang zhig gang dang mtshungs ldan pa/ /de ni der mtshungs ldan sgo nas/ /rgyas par 'gyur zhes bya bar sbyar te/ phra rgyas gang zhig chos gang dang mtshungs par ldan
 ba de ni der mtshungs par ldan pa'i sgo nas rgyas par 'gyur ro/ /ni zhes bya ba'i sgra ni ji srid du ma spangs pa zhes khyad par du bya ba'i phyir ro/ /zag pa med pa la dmigs pa dag kyang ma yin skal pa mi mnyam pa'i khams kun du 'gro ba dag
 kyang ma yin la/ phra rgyas de dag kyang mtshungs par ldan pa'i sgo nas rgyas par 'gyur gyi dmigs pa'i sgo nas ni ma yin pa'i phra rgyas dag lta yod dam zhe na yod de/ skal pa mi mnyam pa'i sa la kun du 'gro ba'i phra rgyas rnams so/ /phra rgyas dgu bcu
 rtsa brgyad po de dag las du ni mi dge ba yin/ du ni lung ma bstan pa yin zhe na/ gong ma thams cad lung ma bstan/ /re zhig gzugs dang gzugs med pa na spyad pa thams cad ni lung du ma bstan pa kho na yin no/ /chos nyon mongs pa can
 rnams kyi rnam par smin pa ni sdug bsngal yin na de yang de gnyis na med de/ pha rol po la yang gnod pa'i rgyu med pa'i phyir ro/ /'dod na 'jig tshogs lta ba dang/ /mthar 'dzin lhan cig ma rig pa/ /'dod pa'i khams na ni 'jig tshigs la
 lta ba dang/ mthar 'dzin par lta ba dang/ de dang mtshungs par ldan pa'i ma rig pa lung du ma bstan pa dag yin no/ /ci'i phyir zhe na/ sbyin pa la sogs pa dang mi 'gal ba'i phyir te/ bdag 'jig rten pha rol du bde bar 'gyur bar bya'o zhes
 sbyin pa sbyin par byed/ tshul khrims srung bar byed do/ /chad par lta ba yang thar pa'i rjes su mthun pa dag yin te/ de nyid kyi phyir bcom ldan 'das kyis/ phyi rol pa'i lta bar gyur pa'i rnams kyi nang na ni 'di lta ste/ bdag med par gyur cig /
 bdag gi med par gyur cig /bdag 'byung bar ma gyur cig /bdag gi 'byung bar ma gyur cig /ces lta ba 'di mchog yin no zhes gsungs so/ /gzhan yang lta ba 'di gnyis ni rang gi rdzas la kun tu rmongs pa'i phyir dang/ pha rol po la gnod
 pa'i rnam par zhugs pa ma yin pa'i phyir ro/ /mtho ris la sred pa dang/ nga'o snyam pa'i nga rgyal dag kyang de ltar thal bar 'gyur ro/ /sngon gyi slob dpon rnams na re/ lhan cig skyes pa'i 'jig tshogs la lta ba ri dags dang bya rnams la yang 
 mod pa gang yin pa ni lung du ma bstan pa yin no/ /rnam par brtag pa ni mi dge ba yin no zhes zer ro/ /lhag ma rnams 'dir mi dge ba'o/ /phra rgyas lhag ma rnams ni 'dod pa'i khams na mi dge ba dag yin no/ /du ni mi
 dge ba'i rtsa ba dag yin/ du ni ma yin zhe na/ 'dod na 'dod chags khong khro dang/ /rmongs rnams mi dge'i rtsa ba yin/ /'dod pa'i khams na 'dod chags thams cad dang/ khong khro ba thams cad dang/ 'jig tshogs dang/ mthar 'dzin par
 lta ba dang mtshungs par ldan pa ma gtogs pa'i rmongs pa thams cad ni go rims bzhin du mi dge ba'i rtsa ba gsum po chags pa mi dge ba'i rtsa ba dang/ zhe sdang mi dge ba'i rtsa ba dang/ gti mug mi dge ba'i rtsa ba yin te/ gang zhig mi
 dge ba yang yin la mi dge ba'i rtsa ba yang yin pa de kho na mi dge ba'i rtsa ba yin par 'dod do/ /phra rgyas lhag ma rnams ni mi dge ba'i rtsa ba dag ma yin no zhes bya bar grub po/ /du ni lung du ma bstan pa'i rtsa ba dag yin/ du ni ma yin
 zhe na/ lung du ma bstan pa'i rtsa ba gsum/ gsum gang zhe na/ de ni sred dang ma rig blo/ /de zhes bya ba ni lung du ma bstan pa yin par ston te/ kha che ba rnams na re sred pa dang ma rig pa dang shes rab tha na rnam par smin pa las skyes pa
 yang rung ste/ gang cung zad lung du ma bstan pa de thams cad ni lung du ma bstan pa'i rtsa ba dag yin no zhes zer ro/ /rnam gnyis mthor mjug phyir de las/ gzhan min/ the tshom ni rnam pa gnyis nyid du 'jug pa'i phyir rtsa bar 'ong? pa
 ma yin te/ g.yo ba'i phyir ro/ /nga rgyal ni khengs pa'i mtshan nyid kyis mthon por 'jug pa'i phyir ma yin te/ rtsa ba dang chos mi mthun pa'i phyir ro/ /'jig rten na rtsa ba rnams ni brtan pa dang 'og na gnas pa dag yin par mthong ngo zhes
 drag go /bzhi zhes nyi 'og pa/ nyi 'og pa rnams ni lung du ma bstan pa'i rtsa ba bzhir 'dod de/ de dag sred lta nga rgyal rmongs/ /de dag ces bya ba ni lung du ma bstan pa dag ces bya bar ston te/ lung du ma bstan pa'i sred pa dang/ lta ba dang/ nga rgyal dang/ ma rig
 pa'o/ /ci'i phyir de dag kho na lung du ma bstan pa'i rtsa ba rnams su 'dod ce na/ bsam gtan sa gsum ma rig las/ /'di ltar bsam gtan pa ni gsum ste/ sred pa dang/ lta ba dang/ nga rgyal shas che ba'i bsam gtan pa dag yin la/ de dag kyang ma rig
 pa'i dbang gis 'gyur ro/ /mdo las lung du ma bstan pa'i dngos po bcu bzhi gsungs pa ci de dag lung du ma bstan pa'i phyir yin nam/ smras pa ma yin no/ /'o na ji lta bu zhe na/ bzhag par bya ba'i 'dri ba la lung du ma bstan pa zhes bshad do/ /'dri ba ni
 rnam pa bzhi ste/ mgo gcig tu lung bstan par bya ba dang/ rnam par phye ste lung bstan par bya ba dang/ dris nas lung bstan par bya ba dang/ gzhag par bya ba'o/ /de la go rims bzhin du/ mgo gcig dang ni rnam phye dang/ /dri dang gzhag par lung bstan pa//
 'chi dang skye dang khyad par 'phags/ /bdag gzhan la sogs lta bu yin par rig par bya ste/ ci sems can thams cad 'chi bar 'gyur ram zhes 'dri na/ 'chi bar 'gyur ro zhes mgo gcig tu bstan par bya'o/ /ci sems can thams cad skye bar 'gyur ram
 zhes 'dri na/ nyon mongs pa dang bcas pa rnams ni skye bar 'gyur gyi nyon mongs pa med pa rnams ni ma yin no/ zhes rnams par phye ste/ lung bstan par bya'o/ /ci mi 'di khyad par du 'phags pa yin nam dman pa yin zhes 'dri na/ gang las bltos te
 'dri zhes dris nas lung bstan par bya ste/ gal te lha rnams las bltos te'o/ /zhes zer na ni dman no zhes lung bstan par bya'o/ /'on te ngan song rnams las bltos te'o zhes zer na ni khyad par du 'phags so zhes lung bstan par
 bya'o/ /ci phung po rnams las sems can gzhan nam gzhan ma yin zhes 'dri na/ sems can gyi rdzas med pa'i phyir bzhag par bya ste/ mo gsham gyi bu sngo bsangs sam dkar gzham zhes bya ba bzhin no/ /'di ji ltar
 na lung du bstan pa yin zhe na/ de ni lung mi bstan to zhes de ltar lung bstan pa'i phyir ro/ /gzhan dag na re thams cad skye bar mi 'gyur ro zhes bya ba 'di yang mgo gcig tu lung bstan par bya ba yin no zhes zer ro/ /gang zhig ci gang dag 'chi bar
 'gyur ba de dag skye bar 'gyur ram zhes 'dri ba de la ni rnam par phye ste lung bstan par bya ba yin no/ /mi la yang dman pa dang khyad par du 'phags pa gnyi ga yod de/ ltos pa yin pas mgo gcig tu gnyis kar lung bstan par bya dgos te/ dper na
 rnam par shes pa ni rgyu yang yin la 'bras bu yang yin pa bzhin no/ /gcig tu 'dri ba la gcig tu lung bstan du mi rung bas rnam par phye ste lung bstan par rigs so/ /phung po dag las sems can gzhan nam zhes 'dri ba 'di lung du ma bstan
 pa kho na ma yin te/ lung du bstan par mi rung ngo/ /gzhag par bya ba'i 'dri ba gang yin pa gzhag par bya ba nyid du lung ston pa de ji ltar na lung ma bstan pa yin/ chos mngon pa pa rnams na re bcom ldan 'das de bzhin gshegs pa dgra bcom
 pa yang dag par rdzogs pa'i sangs rgyas dang/ de'i legs par bshad pa'i chos dang/ nyan thos kyi dge 'dun legs par zhugs pa dang/ gzugs mi rtag pa nas rnam par shes pa'i bar mi rtag pa dang/ sdug bsngal gdags pa nas lam gdags
 pa'i bar don dang ldan pa yin pa'i phyir mgo gcig tu lung bstan par bya'o/ /rnam par phye ste lung bstan pa zhes bya ba ni gal te 'ga' zhig chos dag smros shig ces zer na/ de la 'das pa dag dang/ ma 'ongs pa dag dang/ da ltar byung ba dag
 dang/ chos mang mo zhig yod na gang dag smra bar bya zhes brjod par bya'o/ /gal te 'das pa dag smros shig ces zer na/ de la 'das pa rnams la yang gzugs nas rnam par shes pa'i bar du mang du yang na zhes brjod par bya'o/ /'on te gzugs smros shig ces zer
 na/ gzugs la yang dge ba dang/ mi dge ba dang/ lung du ma bstan pa rnam pa gsum yod na zhes brjod par bya'o/ /gal te dge ba smros shig ces zer na/ de la yang srog gcod pa las spong pa nas tshig bkyal pa las spong ba'i bar du rnam pa
 bdun yod na zhes brjod par bya'o/ /gal te srog gcod pa las spong ba smros shig ces zer na/ de la yang ma chags pa dang/ zhe sdang med pa dang/ gti mug med pa las skyes pa dang/ rnam pa gsum yod la/ ma chags pa las skyes pa la yang
 rnam par rig byed dang/ rnam par rig byed ma yin pa'i bye brag gis rnam pa gnyis yod na zhes bya ba de lta bu la/ sogs pa rnam par phye ste brjod par bya'o/ /g.yon can gyi 'dri ba lung bstan pa yang de nyid yin te/ de la ni chos mang mo zhig
 yod na zhes brjod par bya'i rnam par dbye bar ni mi bya ste/ cang mi smra ba 'am/ bdag nyid lung ston du gzhug ces bya ba'i tha tshig go zhes zer ro/ /gang gi tshe de gnyis cung zad kyang mi 'dri'i gsol ba 'debs pa 'ba' zhig tu zad la/ de gnyis
 la yang cung zad kyang lung mi ston gyi 'dri ba 'ba' zhig tu zad na de ji ltar na de gnyis kyi 'dri ba yin/ ji ltar na lung du ston pa yin/ gang zhig lam smros shig ces zer na/ ci nges lam dris pa yin nam/ dri ba nyid kyis de lung bstan pa'i phyir
 ji ltar dris nas lung bstan pa ma yin/ bzhag par bya ba ni dper na 'jig rten mdza' yod pa zhig gam/ mdza' med pa zhig ces bya ba de lta bu la sogs pa'o/ /dri ba lung bstan pa rnams kyi mtshan nyid ni mdo kho na las blta bar bya ste/
 btsun pa dge 'dun phal chen sde pa rnams mdo dge slong dag bzhi po 'di dag ni dri ba lung du bstan pa dag yin te/ bzhi gang zhe na/ dge slong dag mgo gcig tu lung bstan par bya ba'i dri ba yang yod/ bzhag
 par bya ba'i bar du yang yod do/ /dge slong ngas mgo gcig tu lung bstan par bya ba'i 'dri ba gang zhe na/ 'du byed thams cad mi rtag pa yin nam zhes 'dri ba 'di ni dge slong dag mgo gcig tu lung bstan par bya ba'i 'dri ba yin no//
 dge slong dag rnam par phye ste lung bstan par bya ba'i 'dri ba gang zhe na ched du bsam par bya ba'i las ci zhig so sor yang dag par myong bar 'gyur zhes 'dri ba 'di ni dge slong dag rnam par phye ste/ lung bstan par bya ba'i 'dri ba
 yin no/ /dge slong dag dris nas lung bstan par bya ba'i 'dri ba gang zhe na/ 'du shes skyes bu'i bdag yin nam/ 'on te 'du shes kyang gzhan zhig la bdag kyang gzhan zhig yin zhes dris na/ tshe dang ldan pa dag gang yin
 par yid ches zhes dri bar bya'o/ /gal te 'di skad du tshe dang ldan pa bdag gis ni rigs pa bdag yin par shes so zhes zer na/ de lta yin na 'di skad du 'du shes kyang gzhan la bdag kyang gzhan no zhes brjod par bya ste/
 'di ni dge slong dag dris nas lung du bstan par bya ba'i dri ba yin no/ /dge slong dag gzhag par bya ba'i 'dri ba gang zhe na/ dper na 'jig rten rtag pa zhig gam/ mi rtag pa zhig gam/ rtag kyang rtag la mi rtag pa zhig gam/
 rtag pa yang ma yin mi rtag pa yang ma yin pa zhig gam/ mdza' yod pa zhig gam/ mdza' yod pa ma yin pa zhig gam/ mdza' yod kyang yod la mdza' med kyang med pa zhig gam/ mdza' yod pa yang ma yin mdza' med
 pa yang ma yin pa zhig gam/ de bzhin 'ongs pa shi nas yod pa zhig gam/ zhes bya ba nas srog kyang gzhan la lus kyang gzhan zhig gam zhes bya ba'i bar 'dri ba lta bu ste/ 'di ni dge slong bzhag par bya ba'i 'dri ba yin no zhes 'don to/ /gang zag
 gang gi phra rgyas gang zhig dmigs pa gang la rgyas par 'gyur ba de ni des de dang ldan pa yin no/ /'das pas ni gang dang ldan zhes bya ba nas da ltar byung bas ni gang dang ldan zhes bya ba'i bar 'di brjod par bya ste/ mdor bsdu na nyon mongs pa
 ni rnam pa 'di gnyis te/ rang gi mtshan nyid pa'i nyon mongs pa ni 'dod chags dang khong khro ba dang nga rgyal rnams so/ /nyon mongs pa spyi pa ni lta ba dang/ the tshom dang/ ma rig pa rnams so/ /de la re zhig /'das dang nyer gnas 'dod chags dang/ /khong
 khro nga rgyal dag gis ni/ /gang la de skyes ma spangs pa'i/ /dngos po de dang ldan pa yin/ /dngos po gang la 'das pa dang da ltar byung ba'i 'dod chags dang/ khong khro ba dang/ nga rgyal rnams skyes pa ma spangs pa de dag gis dngos po de dang ldan te/
 de dag ni rang gi mtshan nyid pa'i nyon mongs pa yin pa'i phyir gdon mi za bar thams cad la thams cad du 'byung ba ma yin no/ /yid kyi de dag ma 'ongs pas/ kun dang/ gang la ma spangs pa de dag ces bya bar sbyar te/ yid kyi sa pa'i 'dod
 chags dang/ khong khro ba dang/ nga rgyal ma 'ongs pa de dag nyid kyis dus gsum pa'i dngos po thams cad dang ldan te/ yid dag gi yul ni dus gsum pa yin pa'i phyir ro/ /gzhan gyis rang dus pa dang/ 'dod chags dang khong khro ba
 gzhan dag gis ni ma 'ongs pa'i dngos po kho na dang ldan no/ /gzhan yang gang dag yin zhe na/ gang dag rnam par shes pa'i tshogs lnga po'i 'dod chags dang/ khong khro ba ste/ skye ba'i chos can rnams kyis de lta bu yin no/ /de dag
 nyid mi skye rnams kyis thams cad dang/ mi skye ba'i chos can rnams kyis rnam par shes pa'i tshogs lnga po dag gis kyang dus gsum pa'i dngos po thams cad dang ldan no/ /lhag ma kun gyis kun dang ldan/ /lhag ma yang
 gang dag gcig yin zhe na/ lta ba dang/ the tshom dang/ ma rig pa rnams te/ nyon mongs pa spyi pa yin pa'i phyir dus gsum pa thams cad kyis kyang dngos po thams cad dang ldan no/ /ji srid du ma spangs pa zhes bya ba'i dbang? du byas
 pa kho na yin no/ /ci 'das pa dang/ ma 'ongs pa 'di rjes su yod dam/ 'on te med/ gal te yod na ni dus thams cad du yod pa'i phyir 'du byed rnams rtag pa nyid du 'gyur ro/ /'on te med na ni ji ltar na de dang 'am/ des ldan pa
 'am bral ba yin zhe na/ bye brag tu smra ba rnams ni 'dus byas kyi mtshan nyid ldan pa'i phyir 'dus byas rnams rtag pa nyid du dam mi 'cha'i/ dus rnams kun du yod par ni gsal bar dam 'cha'o/ /ci'i phyir zhe na/ gsungs phyir bcom
 ldan 'das kyis dge slong dag gal te 'das pa'i gzugs shig yod par ma gyur na 'phags pa nyan thos thos pa dang ldan pa 'das pa'i gzugs la mi lta bar yang mi 'gyur ba zhig na/ gang gi phyir 'das pa'i gzugs yod pa de'i
 phyir 'phags pa nyan thos thos pa dang ldan pa 'das pa'i gzugs lam lta ba yin no/ /gal te ma 'ongs pa'i gzugs shig yod par ma gyur na 'phags pa nyan thos thos pa dang ldan pa ma 'ongs pa'i gzugs la mngon par dga' ba
 med par yang mi 'gyur ba zhig na/ gang gi phyir ma 'ongs pa'i gzugs yod pa zhes rgyas par gsungs so/ /gnyis phyir/ rnam par shes pa ni gnyis la brten nas skye'o zhes gsungs pa/ gnyis gang zhe na/ mig dang gzugs rnams
 nas yid dang ches rnams kyi bar yin te/ 'das pa dang ma 'ongs pa gang med na de la dmigs pa'i rnam par shes pa gnyis la rten par mi 'gyur ro/ /re zhig lung las 'das pa dang ma 'ongs pa yod pa ni de lta bu yin no/ /rigs pas kyang/ yul
 yod phyir/ yul yod na rnam par shes pa skye bar 'gyur gyi med par ni ma yin na/ gal te 'das pa dang ma 'ongs pa med na ni dmigs pa med pa'i rnam par 'gyur te/ de bas na dmigs pa med pa'i phyir rnam par shes pa nyid du yang mi 'gyur
 ro/ /'bras phyir/ gal te 'das pa zhig med na tshe phyi ma la las dge ba dang mi dge ba'i 'bras bur yang ji ltar 'gyur te/ 'bras bur skyed pa'i tshe ni da ltar rnam par smin pa'i rgyu med do/ /de lta bas na bye brag tu smra ba rnams na re 'das pa dang
 ma 'ongs pa yod pa kho na'o zhes zer ro/ /thams cad yod par smra ba yin phan chad gdon mi za bar 'di khas blang bar bya dgos so zhes grag ste/ 'di ltar/ de yod smra ba'i phyir thams cad/ yod par smra bar 'dod/ gang dag 'das pa dang ma 'ongs
 pa dang da ltar byung ba thams cad yod par smra ba de dag ni thams cad yod par smra ba yin gyi/ gang dag da ltar byung ba dang 'bras bu ma skyed pa'i las 'das pa gang yin pa cung zad cig ni yod/ ma 'ongs pa dang 'bras bu bskyed zin pa'i 'das
 pa gang yin pa cung zad cig ni med do/ /zhes rnam par phye ste smra ba de dag ni rnam par phye ste smra ba dag yin no/ /thams cad yod par smra ba de dag kyang du zhig ce na/ smras pa/ de dag /rnam bzhi dngos dang mtshan nyid dang/ gnas skabs gzhan
 gzhan 'gyur zhes bya/ dngos po gzhan du 'gyur ba pa ni btsun pa chos skyo ba yin te/ de na re chos dus rnams su 'jug pa ni dngos po gzhan du 'gyur gyi rdzas gzhan du 'gyur ba ni ma yin te/ dper na gser gyi snod bcom nas gzhan du byed
 pa na dbyibs gzhan du 'gyur gyi kha dog gzhan du 'gyur ba ni ma yin pa dang/ yang dper na 'o ma zho nyid du 'gyur ba na ro dang mthu dang smin par byed pa dag yongs su 'dod gyi kha dog ni ma yin pa de bzhin du chos kyang ma 'ongs pa'i
 dus na sa da ltar byung ba'i dus su 'ong ba na ma 'ongs pa'i dngos po 'dor gyi rdzas kyi dngos po ni ma yin no/ /de bzhin du da ltar byung ba nas 'das pa'i dus su 'gro ba na yang da ltar byung ba'i dngos po 'dod gyi rdzas kyi dngos po na ma yin no zhes zer ro/
 zhes grag go/ mtshan nyid gzhan du 'gyur ba pa ni btsun ba dbyangs sgrogs yin te/ de na re chos dus rnams su 'jug pa na 'das pa ni 'das pa'i mtshan nyid dang ldan la ma 'ongs pa dang da ltar byung ba'i mtshan nyid dag dang ni mi ldan pa ma yin no/ /ma 'ongs
 pa ni ma 'ongs pa'i mtshan nyid dang ldan pa 'das pa dang da ltar byung ba? dag ni mi ldan pa ma yin no/ /de bzhin du da ltar byung ba yang 'das pa dang da ltar byung ba dag dang mi ldan pa ma yin te/ dper na skyes bu bud med gcig la chags pa lhag ma rnams
 la 'dod chags dang bral ba ma yin pa bzhin no zhes zer ro zhes grag go/ gnas skabs gzhan du 'gyur ba pa ni btsun pa dbyig bshes yin te/ de na re chos dus rnams su 'jug ba na gnas skabs dang gnas skabs su phyin nas gnas skabs gzhan
 gyi sgo nas gzhan dang gzhan zhes ston gyi rdzas gzhan gyi sgo nas ni ma yin te/ dper na ri bu gcig gcig gi shong mig tu bzhag na gcig ces bya/ brgya'i shod mig tu bzhag na brgya/ stong gi shing mig tu bzhag na stong zhes bya ba bzhin no zhes zer ro zhes
 grag go/ /gzhan dang gzhan du 'gyur ba pa ni btsun pa sangs rgyas lha yin te/ de na re chos dus rnams su 'jug pa na snga ma dang phyi ma la bltos nas gzhan dang gzhan zhes brjod de/ dper na bud med gcig la ma zhes kyang bya bu mo zhes kyang bya ba bzhin
 no zhes zer ro zhes grag ste/ de ltar na bzhi po de dag ni thams cad yod bar smra ba dag yin no/ /de dag las dang po ni yongs su 'gyur bar smra ba'i phyir grangs can gyi phyogs la bslan par bya'o/ /gnyis pa'i yang thams cad la mtshan nyid thams cad dang
 ldan ba'i phyir dus 'tshol bar 'gyur te/ skyes bu bud med la la la ni 'dod chags kun du 'byung la/ la la la ni ldan pa 'ba' zhig go zhes bya ba 'di ci zhig mtshungs/ bzhi pa'i yang dus gcig la dus gsum char du 'gyur te/ 'das pa'i nges
 la snga ma dang phyi ma'i skad cig ma dag ni 'das pa dang ma 'ongs pa yin la/ dbus kyi skad cig ma ni da ltar byung bar 'gyur ro/ /de lta bas na de dag thams cad kyi mngon/ gsum pa bzang ste/ gnas skabs gzhan du 'gyur ba pa gang yin pa'o/ /de'i
 ni/ bya ba yis/ dus rnams rnam bzhag/ gang gi tshe chos de bya ba mi byed ba de'i tshe ma yin la/ gang gi tshe byed ba de'i tsha ni da ltar byung ba yin/ /gang gi tshe byas nas 'gags pa de'i tshe ni 'das pa yin no zhes grag go/ de thams cad ni
 yongs su ga na gal te 'das pa yang rdzas su yod la ma 'ongs pa yang rjes su yod na/ ci'i phyir 'das pa 'am ma 'ongs pa zhes bya ba brjod par bya dgos so/ /bya ba yis/ dus rnams rnam gzhag ces bshad pa ma yin nam/ gal te de lta na
 da ltar byung ba'i mig da dang 'dra ba'i bya ba gang zhig yin 'bras bu 'byin pa dang 'dzin pa yin no/ /'on ni skal ba mnyam pa'i rgyu la sogs pa 'das pa rnams kyang 'bras bu 'byin pa'i phyir bya ba 'am/ bya ba phyed du thal bar 'gyur bas mtshan nyid
 'tshol bar 'gyur ro/ /'di yang brjod par bya dgos te/ gal te chos de'i bdag nyid kho nas yong/ rtag tu bya ba byed ba la gegs su byed/ gang gis na res 'ga' ni bya ba byed la res 'ga' ni ma yin zhes bya/ gal te rkyen rnams ma tshogs pa yin
 no zhe na/ mi rung ste/ rtag tu yod pa nyid dus bas blangs pa'i phyir ro/ /bya ba 'das pa dang ma 'ongs pa dang da ltar byung ba zhes bya ba gang yin pa/ de yang ji ltar/ bya ba la yang bya ba gzhan zhig yod dam ci/ 'on te
 'das pa yang ma yin ma 'ongs pa yang ma yin da ltar byung ba yang ma yin la/ yod pa yang yin na ni des na 'dus ma byas yin pas rtag tu yod do zhes bya bar 'gyur te/ de'i phyir gang gi tshe/ chos bya ba mi byed pa de'i tshe ma 'ongs pa yin
 no zhes brjod par mi bya'o/ /gal te chos las bya ba gzhan zhig yin na ni skyon der yang 'gyur ba zhig na /de ni gzhan ma yin te/ de'i phyir skyon der mi 'gyur ro/ /de lta na 'o na de nyid/ dus su mi rung ste/ gal te chos kho na
 bya ba yin na chos de de'i bdag nyid kho nar yod bzhin du ci'i phyir res 'ga' ni 'das pa zhes bya /res 'ga' ni ma 'ongs pa zhes bya ste/ dus rnam par bzhag pa mi 'grub po/ /chos gang ma skyes pa de ni ma 'ongs pa yin no/ /gang skyes lam
 zhig pa de ni da ltar byung ba yin no/ /gang zhig pa de ni 'das pa ma yin no zhes bya ba 'di la mi 'grub pa ci zhig yod/ /'dir de nyid brjod par bya dgos te/ gal te ji ltar da ltar gyi rdzas su yod pa de bzhin du/ 'das pa dang ma 'ongs pa
 yang yod na ni/ de bzhin du/ yod na ci'i phyir ma skye zhig/ chos de'i rang gi ngo bo kho nar yod na ji ltar na ma skyes pa zhes bya ba 'am/ zhig pa zhes bya ba 'di 'grub bar 'gyur/ /gang zhig med pas ma skyes pa zhes bya ba 'di sngon
 ci zhig ma byung bar gyur /gang zhig med pas zhig pa zhes bya ba yang phyis ci zhig med de/ de lta bas na gal te ma byung ba las byung ba dang/ byung nas kyang yang mi 'gyur par mi 'dod phan chad dus gsum rnam pa thams cad du
 mi 'grub bo/ /gang yang 'du byed kyi mtshan nyid dang ldan pa'i phyir rtag ba nyid du thal bar mi 'gyur ro zhes smras pa de yang skye ba dang/ 'jig pa dag mi rung ba'i phyir tshig tsam ste/ chos de rtag par yang yod la mi rtag pa yang yin no zhes bya ba'i tshig
 gi lugs 'di ni sngan? ma byung ba yin no yang smras pa/ rang bzhin yang ni rtag tu yod/ /dngos po yang na rtag mi 'dod do/ /rang bzhin las kyang dngos mi gzhan/ /dbang phyug tha snyad yin par gsal/ /gang yang gsungs phyir zhes smras pa/ /kho
 bo cag kyang 'das pa dang ma 'ongs pa yong ngo zhes smra ste/ sngon byung ba gang yin pa de ni 'das pa yin la/ rkyen yod na 'byung bar 'gyur ba gang yin pa de ni ma 'ongs pa yin no zhes de ltar byas nas yod do zhes bya'i/ rdzas su ni ma yin
 no/ /da lta bzhin du yod do zhes de skad du zer /gzhan du na ji ltar yod/ 'das pa dang ma 'ongs pa'i bdag nyid du yod mdo?/ gal te rtag tu yod na de ji ltar 'das pa dang ma 'ongs pa zhes bya ba de nyid nye bar gnas so/ /de lta bas na bcom
 ldan 'das kyis rgyu dang 'bras bu la skur ba 'debs pa'i lta ba dgag pa'i phyir sngon byung ba rgyu dang phyis 'byung bar 'gyur ba'i 'bras bu sngon byung ba nyid dang 'byung bar 'gyur ba nyid du shes par bya bar 'das pa yod do/ /ma 'ongs pa yod
 do zhes gsungs par zad do/ /yod ces bya ba'i sgra ni tshig gi phrad yin pa'i phyir te/ dper na smra ba po mar me med yod do/ /phyis med pa yod do/ zhes smra ba dang/ yang dpar na mar me shi ba ni yod mod kyi kho bos ni ma bsad do zhes
 'dzer ba de bzhin du 'das pa dang ma 'ongs pa yod do zhes gsungs kyi/ de lta ma yin na 'das pa dang ma 'ongs pa mi 'grub pa kho nar 'gyur ro/ /'o na bcom ldan 'das kyis kun du rgyu dbyug? thogs thor tshugs can rnams kyi dbang du mdzad nas
 las 'das pa dang/ zad pa dang/ 'gags pa dang/ bral ba dang/ rnam par gyur pa gang yin pa de ni yod do zhes gang gsungs pa ji lta bus ci de dag las de sngon byung ba nyid du mi 'dod par gyur tam/ de las ni
 rgyud de la nges kun du drangs pa 'bras bu skyed ba'i mthu yod pa las dgongs te gsungs pa yin no/ /de lta ma yin te/ rang gi ngo bo kho nar yod na 'das par 'grub par mi 'gyur ro/ /de ni gong na mi za bar de lta bu yin bar
 shes par bya ste/ 'di ltar bcom ldan 'das kyis don dam pa stong pa nyid kyi mdo las/ mig ni skye ba na yang gang nas mi 'ong la/ 'gag pa na yang gang du yang sogs par mi 'gyur ro/ /de lta bas na dge slong dag mig
 ni ma byung ba las 'byung zhing byung nas kyang slar 'jig par 'gyur ro zhes gsungs te/ gal te ma 'ongs pa'i mig cig yod par gyur na ma byung ba las 'byung ngo zhes gsung bar mi 'gyur ro/ /gal te da ltar gyi dus su ma byung
 ba las 'byung ngo zhe na/ mi rung ste/ dus ni dngos po las don gzhan ma yin pa'i phyir ro/ /'on te rang gi mtshan nyid du ma byung ba las 'byung ngo zhe na mi ma 'ongs pa'i mig med do/ /zhes bya ba 'di grub pa yin no/ /gang yang rnam
 par shes pa ni gnyis la brten nas skye ba'i phyir ro zhes smras pa ni re zhig 'dir yid dang chos rnams la brten nas yid kyi rnam par shes pa skye ba gang yin pa de ji ltar yid skyed par byed pa'i rkyen yin pa ltar chos rnams kyang de
 dang 'dra 'am/ 'on te chos rnams dmigs pa tsam zhig yin zhes bya ba 'di dpyad par bya ste/ re zhig gal te chos rnams skye par byed pa'i byed yin no zhe na ni ji ltar na ma 'ongs pa bskal pa stong na 'byung bar 'gyur ba
 'am/ yang na mi 'byung ba gang yin pa de de ltar gyi rnam par shes pa bskyed par 'gyur/ mya ngan 'das pa yang 'jug pa thams cad dang 'gal ba'i phyir skyed par byed pa yin par mi 'thad do/ /'on te? chos rnams dmigs pa tsam zhig yin zhe na
 ni 'das pa dang ma 'ongs pa yang dmigs pa yin no zhes smra'o/ /gal te med pa ji ltar dmigs pa yin zhe na/ da ni 'dir de ji ltar na dmigs pa yin pa de ltar yod do zhes smra'o/ /de ji ltar na dmigs pa yin zhe na/ byung bar gyur pa dang/
 'byung bar 'gyur ro zhes bya ba ste/ 'das pa'i gzugs sam/ tshor ba dran pa na yod do zhes bya bar ni su yang mi lta'o/ /'o na ci zhe na byung bar gyur to zhes bya bar blta'o/ /yang ji ltar da ltar gyi gzugs nyams su myong ba de ltar 'das pa
 yang dran no/ /ma 'ongs pa ji ltar da ltar du 'gyur ba de lta bu ni sangs rgyas rnams kyis mkhyen to/ /gal te de de bzhin du yod do zhe na na de ltar du 'gyur ro/ /'on te med do zhe na ni med pa yang dmigs pa yin no/ /zhes bya bar grub pa yin no//
 gal te de nyid sil bu yin no zhe na/ ma yin te/ sil bu la mi 'dzin pa'i phyir ro/ /gal te yang de ni gzugs de kho na yin te/ rdul phra rab tu gyes pa 'ba' zhig tu zad do zhe na/ de lta na ni rdul phra rab rnams rtag par 'gyur te/ de lta na rdul
 phya rab bsags pa dang gyes pa tsam du 'gyur gyi cung zad kyang skye ba yang med la 'gag pa yang med pas 'tsho byed kyi rtsod pa blangs pa yin no/ /mig ni skye ba na yang gang nas kyang mi 'ong zhes rgyas par gsungs pa'i mdo yang bor bar
 'gyur ro/ /cher ba la sogs pa rdul phra rab bsags pa ma yin pa rnams kyang ji ltar na sil bu nyid yin/ de dag kyang ji ltar byung zhing nyams su myong ba dran te/ gal te yang de dag de bzhin du yod do zhe na ni rtag par 'gyur ro/ /'on te
 med do zhe na ni med pa yang dmigs pa yin no zhes bya bar grub pa yin no/ /gal te med pa yang dmigs pa yin na skye mched bcu gsum pa yang dmigs pa yin par 'gyur ro/ /'o na skye mched
 bcu gsum pa med do snyam pa'i rnam par shes pa 'di'i dmigs pa ci zhig yin/ ming de nyid dmigs pa yin no/ /de lta na ni'o? na ming nyid mod do zhes bya bar rtogs par 'gyur ro/ /gang zhig sgra'i snga na med pa la dmigs pa de'i
 dmigs pa yang ci zhig lin?/ sgra kho na yin no/ /de lta na ni'o na gang zhig sgra med pa don du gnyer ba dang de la sgra dbyung dgos pa kho nar 'gyur ro/ /gal te ma 'ongs pa'i gnas skabs yin no zhe na ni yod na ji ltar na med pa'i blor
 'gyur/ gal te da ltar med pa yin no zhe na ni ma yin te/ gcig pa'i phyir ro/ /yang na de'i bye brag gang yin pa de ma byung ba las 'byung bar 'grub ste/ de lta bas na rnam par shes pa'i dmigs pa ni yod pa dang med pa gnyi ga
 yin no/ /'o na byang chub sems dpas 'jig rten na med pa gang yin pa de bdag gis shes pa'am mthong ba 'di ni gnas med do/ /zhes gang smras pa ji lta bu/ 'dir bsam pa ni mngon pa'i nga rgyal can gzhan dag snang ba
 med bzhin du yang par lta'i bdag ni yod pa kho na la yod do zhes bya bar lta'o zhes bya ba 'di yin no/ /de lta ma yin te/ blo thams cad kyi dmigs pa yod pa nyid yin na 'di rtog pa ga la 'gyur/ yang na khyad par ci zhig
 yod/ de ni gdan? mi za bar de lta bu yin par shes par bya ste/ 'di ltar bcom ldan 'das kyis gzhan du de'i nyan thos kyi dge slong tshur shog ces bya ba nas de ngas nad btags na nub khyad par du 'gro/ nub gtams na
 nad khyad par du 'gro ste/ yod pa la yang yod par shes la/ med pa la yang med par shes so/ /bla na yod pa la yang bla na yod par shes la/ bla na med pa la yang bla na med par shes so zhes bya ba'i bar du gsungs te/ de lta bas na rnam par shes pa
 ni rod? pa la dmigs pa'i phyir ro zhes bya ba de yang gtan tshigs su mi rung ngo/ /gang yang 'bras phyir zhes smras pa/ mdo sde pa rnams ni las 'das pa las 'bras bu 'byung bar mi brjod pa kho na'o/ /'o na ji lta bu zhe na/ de sngon du 'gro ba'i rgyud
 kyi khyad par las te/ bdag tu smra ba dgag nas bshad par bya'o/ /gang gi 'das pa dang ma 'ongs pa rdzas su yod pa de'i 'bras bu rtag tu yod pa kho na las de la las kyi nus pa ci zhig yod/ bskyed par nus so/ /'o na ni skye ba ma byung ba las
 'byung ba zhes bya bar grub pa yin no/ /yang thams cad yod pa kho na yin na da ni gang la gang zhig nus te/ de lta na lo rtsi ba pa rnams kyi rtsod pa skad du gang yod pa de ni yod pa kho na'o/ /gang med pa de ni med pa kho na'o/ /med pa la ni skye ba yang med do//
 yod pa la ni 'jig pa yang med do zhes brjod pa yin no/ /'o na nga ltar du byed nus pa yin no/ /de ltar du byed pa zhes bya ba 'di ci yin/ /gal te yul gzhan du 'dren pa yin no/ /zhe na ni rtag par thal bar 'gyur ro/ /gzugs can ma yin
 pa rnams la de ji lta bu/ de 'dren pa gang yin pa de yang ma byung ba las byung ba yin no/ /gal te rang gi ngo bo'i khyad par zhig yin no zhe na ni ma byung ba las 'byung ba grub pa yin no/ /de lta bas na 'di skad du gang 'das pa dang ma 'ongs pa rdzas
 su yod par smra ba'i thams cad yod par smra ba'i bstan pa la legs pa ma yin gyi/ ji skad du mdo las thams cad yod do zhes gsungs pa de bzhin du smra ba de lta bu ni legs pa yin no/ /mdo las ji lta bur thams cad yod ces gsungs
 she na/ thams cad yod ces bya ba ni bram ze skye mched bcu gnyis kho na'o/ /zhes bya ba'i tha tshig go zhes gsungs so/ /yang na dus gsum ste/ de ji ltar yod pa de bzhin du ni bshad zin to/ /yang 'das pa dang ma 'ongs pa
 dag med na ji ltar des sam/ /der ldan pa yin zhe na/ de las skyes pa de'i rgyu'i phra rgyas yod pa'i phyir nyon mongs pa des ldan pa/ de la dmigs pa'i nyon mongs pa'i phra rgyas yod pas dngos po dang ldan pa yin no/ /bye brag tu smra ba
 rnams na re 'das pa dang ma 'ongs pa ni yod pa kho na yin no/ /gang zhig drang bar mi nus pa de la ni 'di ltar/ chos nyid dag ni zab pa yin de gdon mi za bar rtog pas sgrub pa ma yin no zhes bya bar rig par bya'o zhes zer ro/ /gang skyes
 pa nges 'gag pa'i rnam grangs kyang yod de/ gzugs skye la gzugs 'gag go /gzhan skye la gzhan 'gag pa'i rnam grangs kyang yod de/ ma 'ongs pa skye la da ltar 'gag go /dus kyang skye ste/ skye ba dus kyis bsdus pa'i
 phyir ro/ /dus las kyang skye ste/ /ma 'ongs pa'i dus skad cig ma du? ma yin pa'i phyir ro/ /zhar ba 'ongs pa 'di rdzogs so/ //da ni dngos po gang zhig spangs na de dngos po de dang bral ba yin nam/ gang dang bral
 na de dngos po de spangs pa yin zhes bya ba 'di dpyad par bya ste/ re zhig gang dang bral na nges dngos po de spangs pa ni yin no/ /spangs pa de dang ma bral ba yang yod de/ 'di lta ste/ sdug bsngal mthong spang bya spangs kyang/ /kun 'gro lhag
 ma rnams kyis ldan/ /dang po'i rnam pa spangs kyang de'i/ /yul can dri ma lhag rnams kyis/ /sdug bsngal shes pa ni skyes la kun 'byung shas pa ni ma skyes pa'i tshe sdug bsngal mthong bas spang bar bya ba'i ris spangs pa yin no/ /de spangs
 kyang de la dmigs pa kun du 'gro ba kun 'byung mthong bas spang bar bya ba rnams kyis ldan no/ /bsgom pas spang bar bya ba'i ris la yang rnam pa dgu las dang po'i rnam pa spangs na de spangs kyang de la dmigs pa'i nyon mongs pa lhag ma rnams kyis lhag par
 rig par bya'o/ /dngos po gang la phra rgyas du zhig rgyas par 'gyur zhes bya ba'i tshig 'di re re nas bshad na ni brjod par bya ba mang por 'gyur te/ de lta bas na ci nas kyang 'bad pa chung ngu chung dus dri ba'i tshogs mang po go bar 'gyur bar bsdus te rnam
 par 'chad par byed do/ /mdor bsdu na chos ni bcu drug po 'di lta ste/ 'dod pa dang gzugs dang gzugs med pa na spyod pa rnam pa lnga lnga dang/ zag pa med pa'o/ /sems kyang bcu drug ste/ de dag nyid do/ de la chos gang zhig sems gang gi dmigs
 pa yin pa shes par byas nas 'di la ni phra rgyas 'di snyed cig rgyas par 'gyur ro zhes bya ba 'di ni brtag bar bya'o/ /de la re zhig /sdug bsngal rgyu mthong goms pa yis/ /spang bya 'dod khams las skyes pa/ /rang gi gsum dang gzugs gtogs
 gcig /dri med rnam shes spyod yul lo/ /de dag ni rang gi yang yin la gsum yang yin pas rang gi gsum mo/ /de ni gcig kyang yin la gzugs su gtogs pa yang yin pas gzugs gtogs gcig ste/ de ni tshig rnam par
 sbyar pa'i rnam pa yin no/ /re zhig sdug bsngal dang kun 'byung mthong bas spang bar bya ba dang/ bsgom pas spang bar bya ba'i chos 'dod pa na spyod pa rnams ni sems lnga'i dmigs pa yin te/ rang gi khams gsum ste/ de dag nyid dang/ /
 gzugs na spyod pa gcig ste/ bsgom pas spang bar bya ba kho na dang/ zag pa med pa'i dmigs pa yin no/ /gzugs khams las skyes rang gi dang/ /'og gsum gong gcig dri med kyi/ /chos rnam pa gsum po de dag nyid gzugs na spyod
 pa ni sems brgyad kyi dmigs pa yin te/ rang gi khams pa gsum ste/ de dag nyid dang/ khams 'og ma pa gsum ste/ bsgom pas spang bar bya ba kho na dang/ zag pa med pa'i dmigs pa yin no/ /gzugs med las
 skyes khams gsum gtogs/ /gsum dang zag med spyod yul lo/ /chos rnam pa gsum po de dag nyid gzugs med pa na spyod pa ni sems bcu'i dmigs pa yin te/ khams gsum pa rnam pa gsum gsum ste/ de dag nyid dang/ zag pa med
 pa'i dmigs pa yin no/ /sdug bsngal dang kun 'byung mthong bas spang bar bya ba dang/ bsgom pas spang bar bya ba'i chos khams gsum pa dag bshad zin to/ /'gog dang lam mthong spang bya kun/ /rang gis glags pa'i spyod yul lo/ /'gog
 pa dang lam mthong bas spang bar bya ba'i chos rnams kyi rang gi sems ni 'gog pa dang lam mthong bas spang bar bya ba kho na yin te/ chos de dag ni nges glags pa'i spyod yul yin par shes par bya ste/ ji ltar byas pas she na/ 'gog
 pa mthong bas spang bar bya ba'i chos 'dod pa na spyod pa rnams ni rnam par shes pa drug gi dmigs pa yin te/ sngar bshad pa lnga dang/ 'gog pa mthong bas spang bar bya ba glags pa de nyid kyi dmigs pa yin no/ /lam mthong bas
 spang bar bya ba rnams kyang de dang 'dra ste/ sngar bshad pa lnga dang/ lam mthong bas spang bar bya ba glags pa de nyid kyi dmigs pa yin te/ de bzhin du/ 'gog pa dang/ lam mthong bas spang bar bya ba gzugs dang gzugs
 med pa na spyod pa rnams kyang 'gog pa dang lam mthong bas spang bar bya ba'i sems glags pa de'i dmigs pa yin pas sems dgu dang/ bcu gcig gi dmigs pa yin no/ khams gsum pa'i chos rnam pa lnga lnga bshad zin
 to/ /zag med khams gsum mthar gsum dang/ zag pa med pa'i spyod yul lo/ /chos zag pa med pa rnams ni sems bcu'i dmigs pa yin te/ khams gsum pa'i tha ma gsum ste/ 'gog pa dang lam mthong ba dang bsgom pas spang bar bya ba dang
 zag pa med pa'i dmigs pa yin no/ /yang don de nyid tshigs su bcad pa phyed dang gnyis kyis bsdus pa yin te/ khams gsum sdug bsngal rgyu mthong dang/ /goms pas spang bya zag pa med/ /rnam shes lnga brgyad bcu dang ni/ /rnam shes bcu yi spyod
 yul te/ /'gog dang lam mthong spang bya kun/ /rang gis bklags pa'i spyod yul lo/ /de ltar sems bcu drug po de dag gi dmigs par chos bcu drug rnam par bzhag par rig nas/ ji ltar na phra rgyas kyi dgos pa yin pa sbyar bar bya ste/ phyogs
 tsam zhig bstan par bya'o/ /bde ba'i dbang po la dmigs pa'i rnam par shes pa la phra rgyas du zhig rgyas par 'gyur zhes bya ba'i dri ba 'ongs pa la dpyad par bya ste/ bde ba'i dbang po ni rnam pa bdun te/ 'dod pa na spyod pa bsgom pas spang bar
 bya ba dang/ gzugs na spyod pa rnam pa lnga dang/ zag pa med pa'o/ /de dag kyang mdor bsdu na rnam par shes pa rnam pa bcu gnyis kyi dmigs pa yin te/ 'gog pa mthong bas spang bar bya ba ma gtogs pa 'dod pa na spyod pa rnam pa bzhi dang/
 gzugs na spyod pa rnam pa lnga/ gzugs med pa na spyod pa rnam pa gnyis te/ lam mthong ba dang bsgom pas spang bar bya ba dang/ zag pa med pa'i dmigs pa yin te/ rnam pa bcu gnyis po 'di ni bde ba'i dbang po la dmigs pa'i rnam par shes pa'i
 yin no/ /de la ci rigs par phra rgyas 'dod pa na spyod pa ris bzhi dang/ gzugs na spyod pa 'dus byas la dmigs pa rnams dang/ gzugs med pa na spyod pa ris gnyis dang/ kun du 'gro ba rnams rgyas par 'gyur bar shes par bya'o/ bde ba
 dbang po la dmigs pa la dmigs pa'i rnam par shes pa la phra rgyas du zhig rgyas par 'gyur zhe na/ bde ba'i dbang po la dmigs pa'i rnam par shes pa rnam pa bcu gnyis pa de dag rnam par shes pa gang
 gi dmigs pa yin zhe na/ rnam pa bcu gnyis po de nyid dang/ yang gzugs med pa na spyod pa rnam pa gnyis te/ sdug bsngal dang kun 'byung mthong bas spang bar bya ba'i dmigs pa yin te/ rnam pa bcu bzhi po 'di ni bde ba'i dbang
 po la dmigs pa la dmigs pa'i rnam par shes pa yin no/ /de la gzugs med pa na spyod pa sdug bsngal dang kun 'byung mthong bas spang bar bya ba dag skyed nas 'dod pa dang spyod pa dang gzugs med pa na spyod pa ris bzhi bzhi dang/ gzugs
 na spyod pa 'dus byas la dmigs pa rnams rgyas par 'gyur ro zhes bya bar shes par bya ste/ lam 'dis gzhan yang khong du chud par bya'o/ /phra rgyas gang dag gis sems phra rgyas dang bcas pa'i phra rgyas de dag sems de la
 rgyas par 'gyur ram zhe na/ rgyas par 'gyur ba dag kyang yod de/ sems de dang mtshungs par ldan zhing ma spangs la dmigs pa yang ma spangs pa'i phra rgyas gang dag yin pa'o/ /rgyas par mi 'gyur ba dag kyang yod de/ sems
 de dang mtshungs par ldan pa spangs pa'i phra rgyas gang dag yin pa'o/ /de ltar byas na/ nyon mongs phra rgyas can rnams gnyis/ /yin la/ nyon mongs can min rgyas 'gyur gyis/ /sems nyon mongs can ni de dang mtshungs par ldan pa
 dang/ de la dmigs pa'i phra rgyas rgyas par 'gyur ba rnams dang/ de dang mtshungs par ldan pa rgyas par mi 'gyur ba rnams kyi phra rgyas dang bcas pa yin te/ de dang lhan cig ba'i phyir ro/ /sems nyon mongs pa can ma yin pa ni de
 la dmigs pa ma spangs pa phra rgyas par 'gyur ba dag kho nas phra rgyas dang bcas pa yin no/ /yang phra rgyas bcu po 'di dag ji ltar 'jug par 'gyur zhe na/ re zhig dang po kho nar mi rig pa dang ldan pa las bden pa rnams la kun du rmongs par 'gyur te/
 de sdug bsngal nas lam gyi bar du mi 'dod do/ /de'i 'og tu/ rmongs las the tsom/ rmongs par gyur pa phyogs gnyis thos nas 'di sdug bsngal yin nam/ 'di sdug bsngal ma yin pa snyam pa de lta bu la sogs pa'i the tshom skye bar 'gyur
 ro/ /de nas ni log lta/ the tshom las log pa'i lta ba 'jug ste/ the tshom skyes pa log par thos pa dang bsams pa las sdug bsngal med do zhes bya ba de lta bu la sogs pa log par nges pa skye ba'i phyir ro/ /de nas 'jig tshogs lta/ log par lta
 ba las 'jig tshogs la lta ba 'jug ste/ sdug bsngal las phung po bsal nas bdag tu mngon par zhen pa'i phyir ro/ /zhes grag go /de nas mthar 'dzin/ 'jig tshogs la lta ba las mthar 'dzin par lta ba 'jug ste/ bdag rtag pa dang
 chad pa'i mthar 'dzin pa'i phyir ro/ /de nas ni/ tshul khrims mchog 'dzin/ mthar 'dzin pa las tshul khrims dang/ brtul zhugs mchog tu 'dzin pa 'jug ste/ gang kho na la mthar 'dzin pa nges dag par yid ches pa'i phyir ro/ /de nas lta/
 mchog tu 'dzin ces bya bar sbyar te/ tshul khrims dang brtul zhugs mchog tu 'dzin pa las lta ba mchog tu 'dzin pa 'jug ste/ gang gis dag par yid ches pa de la mchog tu 'dzin pa'i phyir ro/ /de nas ni/ gang gi lta la nga rgyal chags//
 de la chags pa'i phyir dang/ nges khengs par 'gyur ba'i phyir ro/ /gzhan la zhe sdang rang gi lta ba la lhag par zhen par gyur pa de'i dgra bor gyur pa gzhan gyi lta ba la zhe sdang 'jug go /gzhan dag ni rang gi lta ba blangs nas por ba gzhan la zhe
 sdang bar 'dod de/ 'dod chags la sogs pa mthong bas spang bar bya ba rnams kyi dmigs pa ni rang gi rgyud la yod pa'i lta ba yin pa'i phyir ro/ /de ltar rim/ 'di ni phra rgyas bcu po de dag gi 'jug pa'i
 rim pa yin no/ /skye ba na rgyu gsum gyis skye ste/ phra rgyas spangs pa ma yin dang/ /yul ni nye bar gnas pa dang/ /tshul bzhin ma yin yid byed las/ /nyon mongs skye ste/ 'di lta ste 'dod chags kyi phra rgyas ma spangs shing yongs su ma shes pa
 yin/ 'dod pa'i 'dod chags kyi kun nas dkris pa dang/ mthun pa'i chos rnams kyang snang bar gyur pa yin/ de la yang tshul khrims ma yin pa yid la byed pa yin te/ de ltar na 'dod pa'i 'dod chags skye bar 'gyur ro/ /de dag ni go rims
 bzhin du rgyu dang yul dang sbyor ba'i stobs dag yin te/ nyon mongs pa gzhan yang de bzhin du skye bar rig par bya'o/ /gang zhig rgyu ni tshang ba yin/ res 'ga' yul gyi stobs kho nas skye'i rgyu'i stobs kyis ma yin te/ dper na dgra bcom
 pa yongs su nyams pa'i chos can gyi lta bu'o zhes grag go /phra rgyas de dag nyid bcom ldan 'das kyis zag pa gsum du gsungs te/ 'dod pa'i zag pa dang/ srid pa'i zag pa dang/ ma rig pa'i zag pa'o/ /chu bo ni bzhi ste/ 'dod
 pa'i chu bo dang/ sred pa'i chu bo dang/ lta ba'i chu bo dang/ ma rig pa'i chu bo'o/ /sbyor ba ni bzhi ste/ de dag nyid do/ /nye bar len pa ni bzhi ste/ 'dod pa nye bar len pa dang/ lta ba nye bar len pa dang/ tshul khrims dang brtul zhugs nye bar
 len pa bdag tu smra ba nye bar len pa'o/ /de la re zhig /'dod na gti mug ma gtogs pa'i/ /nyon mongs kun nas dkris bcas zag /ma rig pa rnams ma rtogs pa 'dod pa na spyod pa'i nyon mongs pa kun nas dkris pa dang bcas pa rdzas bzhi
 bcu rtsa gcig ni 'dod pa'i zag pa yin par rig par bya ste/ ma rig pa rnam pa lnga ma gtogs pa phra rgyas sum cu rtsa gcig dang kun nas dkris pa bcu'o/ /gzugs dang gzugs ni med pa na/ /phra rgyas kho na sred pa'i zag /ma rig pa ma gtogs
 zhes bya bar sbyar te/ ma rig pa rnams ma gtogs pa gzugs dang gzugs med pa na spyod pa'i phra rgyas rdzas lnga bcu rtsa gnyis ni srid pa'i zag pa yin te/ ma rig pa rnam pa lnga ma gtogs pa gzugs na spyod pa'i phra rgyas nyi shu rtsa drug dang/
 gzugs med pa na spyod pa'i nyi shu rtsa drug go /de na yang rmugs pa dang/ rgod pa dang kun nas dkris pa gnyis yod ma yin nam/ rab tu byed pa dag las kyang/ srid pa'i zag pa gang zhe na/ ma rig pa rnams ma gtogs pa de las
 gzhan pa gzugs dang gzugs med pa dang ldan pa'i kun du sbyor ba dang/ 'ching ba dang/ phra rgyas dang/ nye ba'i nyon mongs pa dang/ kun nas dkris pa gang dag yin pa'o zhes bshad na ci'i phyir 'dir de ma smos she na/ kha che ba rnams na re
 rang dbang can ma yin pa'i phyir ro zhes zer ro/ /ci'i phyir gzugs dang gzugs med pa na spyod pa'i phra rgyas rnams gcig tu bsdus nas srid pa'i zag par bshad ce na/ de lung ma bstan kha nang bltas/ mnyam gzhag sa pa'i phyir gcig byas/
 de gnyi ga yang lung du ma bstan pa dang/ kha nang du bltas te 'jug pa dang/ mnyam par bzhag pa'i sa pa dag yin pa'i phyir chos mthun pa rnam pa gsum gyis gcig tu byas te/ rgyu gang gis srid pa'i 'dod chags zhes bshad
 pa de nyid kyis srid pa'i zag pa zhes bya'o/ /de ni ma rig pa khams gsum pa rdzas bco lnga ni ma rig pa'i zag pa zhes bya bar grub po/ /ci'i phyir 'di logs shig tu rnam par bzhag ce na/ de dag thams cad kyi/ rtsa ba ma rig
 yin pas na/ /logs shig tu ni zag par bstan/ /zag pa de dag ji skad du bshad pa ltar/ chu bo sbyor ba yang de bzhin du/ rig par bya'o/ /lta rnams bsal phyir logs shig bstan/ lta ba rnams ma gtogs pa 'dod
 pa'i zag pa kho na 'dod pa'i chu bo dang/ 'dod pa'i sbyor ba yin la/ de bzhin du srid pa'i zag pa kho na srid pa'i chu bo dang/ srid pa'i sbyor ba yin no/ /de dag ni bsal ba'i phyir chu bo dang sbyor ba dag gi nang du logs shig tu rnam par
 bzhag go zhes grag go /zag pa ma yin grogs med rnams/ /'jog pa'i rjes su mi mthun lo/ /zag pa rnams kyi nges pa'i tshig ni 'jog par byed pas na zhes 'og nas 'chad na/ lta ba rnams 'ba' zhig ni gsal ba'i phyir 'jog
 pa'i rjes su mthun pa ma yin pas de'i phyir zag pa dag tu logs shig tu ma bzhag gi bsres te ni bzhag go zhes zer ro/ zhes grag go /de ltar na 'dod pa'i chu bo ni rdzas nyi shu rtsa dgu ste/ 'dod chags dang/ khong khro ba dang
 nga rgyal bco lnga dang/ the tshom bzhi dang/ kun nas dkris pa bcu'o/ /srid pa'i chu bo ni rdzas nyi shu rtsa brgyad de/ 'dod chags dang/ nga rgyal nyi shu dang/ the tshom brgyad do/ /lta ba'i chu bo ni rdzas sum cu rtsa drug go /ma rig pa'i chu
 bo ni rdzas bco lnga ste/ sbyor ba yang chu bo bzhin du rig par bya'o/ /ji skad bshad nyid ma rig bcas/ /nyer len rnams te lta rnams gnyis/ phye ba'i phyir ro/ /'dod pa'i sbyor ba ma rig pa dang bcas pa rdzas sum cu rtsa bzhi kho na
 'dod pa nye bar len pa yin te/ 'dod chags dang/ khong khro ba dang/ nga rgyal dang/ ma rig pa nyi shu dang/ the tshom bzhi dang/ kun nas dkris pa bcu'o/ /srid pa'i sbyor ba ma rig pa dang bcas pa rdzas sum cu rtsa brgyad kho na bdag
 tu smra ba nye bar len pa yin te/ 'dod chags dang/ nga rgyal dang/ ma rig pa sum cu dang/ the tshom brgyad do/ /lta ba'i sbyor ba las tshul khrims dang brtul zhugs mchog tu 'dzin pa phyung ste/ lta ba nye bar len pa rdzas sum cu yin no/ /tshul khrims
 dang brtul zhugs nye bar len pa ni rdzas drug go /ci'i phyir lta ba rnams las phyung zhe na/ lam gyi dgrar gyur pa'i phyir dang/ phyogs gnyi ga slu ba'i phyir te/ 'dis khyim pa rnams kyang lam ma yin la lam du 'du shes pas zas mi za ba la sogs
 pas bslus la/ rab tu byung ba rnams kyang yul yid du 'ong ba yongs su spangs pas dag par yid ches pas bsdus so/ /ci'i phyir ma rig pa bsres te nye bar len par bshad la logs shig tu ma bshad ce na/ srid pa 'dzin pa'i
 phyir nye bar len pa dag yin na/ ma rig pa/ 'dzin par byed pa min phyir bsres/ /ma rig pa ni mi shes pa'i mtshan nyid kyis mi gsal ba'i phyir 'dzin par byed pa ma yin te/ de'i phyir bsres so zhes grag go /bcom ldan 'das kyis
 mdo las ni 'dod pa'i sbyor ba gang zhe na zhes bya ba nas rgyas par 'di'i 'dod pa rnams la 'dod pa la 'dod chags ba dang/ 'dod pa la 'dun pa dang/ 'dod pa la sred pa dang/ 'dod pa la dad pa che ba dang/ 'dod pa la 'dod pas brgyal ba dang/
 'dod pa la zhen pa dang/ 'dod pa la yongs su zhen pa dang/ 'dod pa la dga' ba dang/ 'dod pa la 'chums pa dang/ 'dod pa la lhag par chags pa yod pa gang yin pa des 'di'i sems yongs su gtugs te gnas pa 'di ni 'dod pa'i
 sbyor ba zhes bya'o zhes bya ba'i bar dang/ lta ba'i sbyor ba yang de 'dra ba'i bar du gsungs so/ /mdo gzhan dag las 'dun pa'i 'dod chags kyang nye bar len pa yin par gsungs te/ de'i phyir 'dod pa la sogs pa la 'dun pa'i 'dod chags gang yin pa
 de ni 'dod pa nye bar len pa la sogs pa yang yin par shes so/ /mdo dag las phra rgyas rnams kho na zag pa dang/ chu bo dang/ sbyor ba dang/ nye bar len pa'i ming du gsungs pa 'di ni bshad zin to/ /yang phra
 rgyas kyi don ni ci yin/ nye bar len pa'i bar gyi don ni ci yin zhe na/ gang phyir de dag phra ba dang/ /rjes 'brel rnam gnyis rgyas 'gyur ??/ /rjes su 'brang? ba ni? yi phyir/ /phra rgyas dag tu bshad pa yin/ de la phra ba ni rtogs par dka' bas gyu?
 ba phra ba'i phyir ro/ /rjes su 'brel ba ni thob pa dang rjes su 'brel pas so/ /rgyas par 'gyur ba ni rnam pa gnyis te/ dmigs pa dang/ mtshungs par ldan par sgo nas so/ /rjes su 'brang ba ni sbyong ba med par te/ bzlog bzhin du yang
 yang dang yang du mngon du 'gyur ba'i phyir ro/ /rgyu de dag gis na phra rgyas rnams zhes bya'o/ /de dag 'jog byed zag byed dang/ /'khyer bar byed dang 'byar? byed dang/ /nye bar 'dzin phyir zag la sogs/ /de dag gi ni nges tshig yin//
 'khor bar 'jog par byed pa dang/ srid pa'i rtse mo nas mnar med pa'i bar du skye mched drug gi rma nas 'dzag pas na zag pa dag yin no/ /'khyer bar byed pa na chu bo dag yin no/ /'byad? bar byed pas na sbyor ba dag yin no/ /nye
 bar 'dzin pas nye bar len pa dag yin no/ /'di skad du 'di dag gis rgyus yul rnams la 'dzag par byed pas na zag pa rnams yin te/ tshe dang ldan pas dper na gru mngon par 'du bya ba chen pos chu'i bzlog phyogs su bkri ba
 de mngon par 'du bya ba de dag nyid med par tshegs chung ngus chu'i 'bab phyogs su 'khyer bar 'gyur ba bzhin no/ /zhes gsungs pa'i mdo'i tshig dang mthun pa'i phyir ro/ /shugs chen po dang ldan pa'i phyir chu bo dag
 ste/ de'i rjes su byed pa'i phyir de dag gis de dang ldan pa 'khyer bar 'gyur ro/ /tshe thang du kun du mi byung ba rnams ni sbyor ba dag ste/ sdug bsngal sna tshogs dang sbyod pa'i phyir ram/ yang na yang dang yang du rjes su 'brel pa'i sgo nas so/ /'dod pa la sogs pa nye bar
 len pa'i phyir nye bar len pa rnams yin no zhes bya ba ni ches legs pa yin no/ /de dag kun du sbyor sogs kyi/ /dbye bas yang rnam lngar bshad do/ /phra rgyas de dag nyid kun du sbyor ba dang/ 'ching ba dang/ phra rgyas dang/ nye ba'i nyon mongs pa dang/ kun nas
 dkris pa ni dbye bas yang rnam pa lngar phye nas bshad de/ de la kun du sbyor ba ni dgu ste/ rjes su chags pa dang/ khong khro ba dang/ nga rgyal dang/ ma rig pa dang/ lta ba dang/ mchog tu 'dzin pa dang/ the tshom dang/ phrag dog dang/ ser sna'i kun du sbyor ba
 rnams so/ /de la rjes su chags pa'i kun du sbyor ba ni khams gsum pa'i 'dod chags te/ de bzhin du gzhan dang gzhan dag kyang ci rigs par sbyar bar bya'o/ /lta ba'i kun du sbyor ba ni lta ba gsum mo/ /mchog tu 'dzin pa'i kun du sbyor ba ni lta ba
 gnyis so/ /de nyid kyi phyir lta ba dang/ mtshungs par ldan pa'i chos rnams la rjes su chags pa'i kun tu sbyor bas ldan zhing lta ba'i kun tu sbyor bas ma yin la/ de la lta ba'i phra rgyas rgyas bar? mi 'gyur ba yang ma yin pa lta yod dam zhe na/ smras pa/ yod
 de/ kun 'byung shes pa skyes la 'gog pa shes pa ma skyes pa'i tshe 'gog pa dang lam mthong bas spang bar bya ba lta ba mchog tu 'dzin pa dang/ tshul khrims dang brtul zhugs mchog tu 'dzin pa dang/ mtshungs par ldan pa'i chos rnams dang
 ste/ de dag ni rjes su chags pa'i kun tu sbyor ba de la dmigs pas ldan la lta ba'i kun du sbyor bas ni mi ldan te/ kun tu 'gro ba ni spangs pa'i phyir la kun du 'gro ba ma yin pa de la dmigs pa dang mtshungs par ldan pa can lta ba'i kun du
 sbyor ba ni med pa'i phyir ro/ /de dag la lta ba'i phra rgyas dag ni rgyas par 'gyur te/ mchog tu 'dzin pa'i lta ba de dag kho na mtshungs par ldan pa'i sgo nas rgyas par 'gyur ro zhes bya'o/ /yang ci'i phyir kun du sbyor
 ba dag gi nang du lta ba gsum ni logs shig tu lta ba'i kun du sbyor bar bshad la/ gnyis ni logs shig tu mchog tu 'dzin pa'i kun du sbyor ba'i nang du bshad ce na/ rdzas dang mchog 'dzin 'dra ba'i phyir/ /lta gnyis kun du sbyor ba gzhan
 no/ /lta ba gsum yang rdzas bco brgyad yin la/ mchog tu 'dzin pa'i lta ba gnyis kyang rdzas bco brgyad kho na yin te/ de'i phyir rdzas mnyam pas 'di gnyis kun du sbyor bas gzhan du byas so zhes grag go /'di gnyis ni mchog tu
 'dzin pa'i rang bzhin yin la/ lhag ma rnams ni ma yin pas mchog tu 'dzin par 'dra ba'i phyir yang 'di gnyis logs shig tu bshad de/ gzung ba dang 'dzin pa tha dad pa'i phyir ro/ /yang ci'i phyir kun du sbyor ba dag tu phrag dog dang/ ser
 sna ni logs shig tu kun tu sbyor ba gnyis su bshad la/ kun nas dkris pa gzhan ni ma yin zhe na/ gang phyir gnyi ga gcig tu ni/ /mi dge rang dbang de yi phyir/ /phrag dog ser sna de dag las/ /logs shig kun sbyor gnyis su bshad
 gang la gcig tu mi dge ba dang rang dbang can 'di gnyi ga yod pa de lta bu'i kun nas dkris pa gzhan ni med do/ /gzhan dag na re gang gi kun nas dkris pa brgyad yin pa de'i ni de ltar 'gyur gyi/ gang gi bcu yin pa de ni khro ba
 dang 'chab pa yang rnam pa gnyi ga yin pas de'i phyir 'di lan ma yin no zhes zer ro/ /yang bcom ldan 'das kyis gzhan du kun du sbyor ba/ tha ma'i cha dang mthun rnam lnga/ /gsungs te/ 'di lta ste/ 'jig tshogs la lta ba dang/ tshul
 khrims dang/ brtul zhugs mchog tu 'dzin pa dang/ the tshom dang/ 'dod pa la 'dun pa dang/ gnod sems so/ /ci'i phyir 'di dag tha ma'i cha dang mthun pa rnams zhes bya zhe na/ tha ma'i cha dang ldan pa'i phyir te/ tha ma'i cha ni 'dod pa'i khams yin la/
 'di dag kyang de'i rjes su mthun pa yin te/ 'di ltar/ gnyis kyis 'dod las mi 'da' la/ /gsum pa yis ni phyir zlog byed/ /'dod pa la 'dun pa dang/ gnod sems dag gis na 'dod pa'i khams las mi ?/ /'jig tshogs la lta ba
 la sogs pa dag gis ni 'das kyang phyir zlog par byed de/ sgo ba dang/ rjes su 'brang ba dang chos mthun pa'i phyir ro/ /gzhan dag na re gsum gyis ni sems can gyi tha ma so so'i skye bo nyid las mi 'da' la/ gnyis kyis ni khams kyi tha ma
 'dod pa'i khams las mi 'da' ste/ de'i phyir 'di dag tha ma'i cha dang ma thun pa rnams zhes bya'o zhes zer ro/ /gang gi tshe rgyun du zhugs pas nyon mongs pa drug spangs pa yin na/ ci'i phyir lta ba gsum bor la/ 'jig tshogs la lta ba dang/
 tshul khrims dang brtul zhugs mchog tu 'dzin pa dang/ the tshom gsum kho na gsungs she na/ de thams cad brjod par bya ba ni yin mod kyi 'on kyang/ sgo dang rtsa ba bsdus phyir gsum du bshad de/ nyon mongs pa rnams ni rnam pa gsum ste/
 rnam pa gcig dang rnam pa gnyis dang/ rnam pa bzhi dag yin la/ de dag gi sgo ni 'di gsum gyis bsdus so/ /gzhan yang/ mthar 'dzin par lta ba ni 'jig tshogs la lta bas rab tu bcug la/ lta ba mchog tu 'dzin pa ni tshul khrims dang
 brtul zhugs mchog tu 'dzin pas rab tu bcug /log par lta ba ni the tshom gyis rab tu bcug ste/ de'i phyir rtsa ba bsdus so zhes zer ro zhes grag go /gzhan dag na re/ 'gro mi 'dod dang lam nor dang/ /lam la the tshom de snyed cig /thar bar
 bgrod la gegs byed pa/ /de yi phyir na gsum bstan to/ yul gzhan du bgrod par bya ba la bar chad byed pa ni gsum yod de/ 'gro mi 'dod pa dang/ lam gzhan la rten pa'i phyir la ma nor ba dang/ lam la
 the tshom za ba'o de bzhin du thar pa bgrod par bya ba la yang gsum po de dag nyid bar chad byed de/ de la 'jig tshogs la lta bas ni thar pas skrag par gyur pas 'gro mi 'dod par 'gyur ro/ /tshul khrims dang brtul zhugs mchog tu
 'dzin pas ni lam gzhan la yang dag par brten pa'i phyir lam nor bar 'gyur ro/ /the tshom gyis ni lam la the tshom za bar 'gyur te bcom ldan 'das kyis rgyun du zhugs pas thar ba bgrod pa'i bar chad byed pa de dag spangs par ston pa na
 nyon mongs pa gsum kho na spangs par bstan to zhes zer ro/ /bcom ldan 'das kyis 'di ji ltar kun tu sbyor ba tha ma'i cha dang mthun pa lnga bshad pa de bzhin du yang/ gong ma'i cha dang mthun lnga nyid/ ji lta zhe na/ gzugs dang gzugs med
 las skyes pa'i/ /'dod chags gnyis rgod nga rgyal rmongs zhes bya ba smos te/ 'di dag ni kun du sbyor ba gong ma'i cha dang mthun pa lnga yin te/ 'di lta ste gzugs kyi 'dod chags dang/ gzugs med pa'i 'dod chags dang/ rgod ba dang/ nga
 rgyal dang/ ma rig pa ste/ de dag ma spangs par gong ma las mi 'da' ba' i phyir ro/ /kun tu sbyor ba'i skabs rdzogs so// //'ching ba rnams gang zhe na/ 'ching ba ni gsum ste/ 'ching ba 'dod chags thams cad dang/
 'ching ba zhe sdang dang/ gti mug thams cad do/ /ci'i phyir gsum po 'di 'ching bar bshad ce na/ tshor ba'i dbang gis 'ching ba gsum/ /tshor ba gsum gyis dbang gis 'ching ba gsum ste/ bde ba'i tshor ba la ni 'dod chags dmigs
 pa dang mtshungs par ldan pa'i rgo nas rgyas par 'gyur la/ sdug bsngal ba la ni zhe sdang ngo/ /bde ba yang ma yin sdug bsngal yang ma yin pa ni gti mug ste/ 'dod chags dang/ zhe sdang dag ni de lta ma yin no/ /yang na rang gi rgyud la yod pa'i dmigs
 pa'i sgo nas nges pa yin no/ /phru rgyas rnams mi sngar bshad pa kho nar zad do/ /nye ba'i nyon mongs pa rnams brjod par bya ste/ da las re zhig gang dag nyon mongs pa yin pa de dag ni nye ba'i nyon mongs pa yang yin te/ sems nye bar nyon mongs
 bar byed pa'i phyir ro/ /nyon mongs las gzhan nyon mongs can/ /sems byung 'du byed phung zhes pa/ /gang de'ang nye ba'i nyon mongs te/ /de dag nyon mongs zhes mi bya/ /nyon mongs pa rnams las gzhan la chos nyon mongs pa can sems las
 byung ba 'du byed kyi phung pos bsdus pa gang dag yin pa de dag ni nye ba'i nyon mongs pa kho na yin gyi nyon mongs pa dag ni ma yin te/ de dag kyang gzhi phran tshegs las byung ba gang dag yin pa'o/ /'dir ni kun nas dkris pa dang nyon mongs
 ba'i dri mas bsdus pa kho na bstan par bya ste/ kun nas dkris pa rnams gang zhe na/ smras pa/ nyon mongs pa yang kun nas dkris pa yin te/ mdo las/ 'dod pa'i 'dod chags kyi kun nas dkris pa sdug bsngal gyi rkyen zhes 'byung ba'i phyir
 ro/ /bstan bcos rab tu byed pa las ni/ ngo tsha med dang khrel med dang/ /phrag dog ser sna rgod pa dang/ /'gyod dang rmugs dang gnyid/ dang ni/ /kun nas dkris pa rnam pa brgyad 'byung ngo/ /bye brag tu smra ba'i lugs kyis ni kun dkris pa
 bcu ste/ brgyad po de dag dang/ khro dang 'chab pa'o/ /de la ngo tsha med pa dang/ khrel med pa ni bshad zin to/ /phrag dog ni gzhan gyi phun sum tshogs pa la sems khong nas 'khrug pa'o/ /ser sna ni chos dang zang zing dang mkhas pa 
 rab tu sbyin pa dang 'gal ba can sems kyi kun tu 'dzin pa'o/ /rgod pa ni sems rnam par ma zhi ba'o/ /'gyod pa dang rmugs pa ni bshad zin to/ /gnyid ni lus yang dag par 'dzin mi nus pa sems mngon
 par sdud ba'o/ /de dang/ 'byod pa ni nyon mongs pa can kho na kun nas dkris pa yin no/ /khro ba ni gnod sems dang/ rnam par 'che ba ma gtogs pa sems can dang sems can ma yin pa la kun nas mnar sems pa gang yin pa'o//
 'chab pa ni kha na ma tho pa 'khyud pa'o/ /kun nas dkris pa de rnams las/ /'dod chags kyis/ ngo tsha med rgod ser sna bslang/ /nye ba'i nyon mongs pa gsum po 'di dag ni 'dod chags kyi rgyu mthun pa yin no/ /'chab pa rtsod do//
 kha gcig na re/ sred pa'i rgyu mthun ba'o zhes zer ro/ /gzhan dag na re ma rig ba'i rgyu mthun pa'o zhes zer ro/ /gzhan dag na re gnyi ga'i yin te/ go rims bzhin du shes pa dang mi shes pa rnams kyi yin no zhes zer ro/ /ma
 rig las/ rmugs dang gnyid dang khrel med do/ /gsum po 'di dag ni ma rig pa'i rgyu mthun ba yin no/ /the tshom las 'gyod khro pa dang/ /phrag dog khong khro'i rgyu las byung/ /khong khro bas kun nas bslab pa dag yin te/ de ltar na nye ba'i
 nyon mongs pa bcu po de dag ni nyon mongs pa'i rgyu mthun pa dag yin no/ /gzhan yang nyon mongs dri ma drug/ 'di lta ste/ sgyu dang g.yo dang rgyags pa dang/ /de bzhin 'tshig dang khon 'dzin dang/ /rnam 'tshe?/ de la rgyu ni gzhan 'drid pa'o/ /g.yo ni
 sems gya gyu ba ste/ gang gis yang dag ba ji lta ba gzhan mi 'chags kyi gtam rlung skur ba 'am mi gsal bar byed pa'o/ /rgyags pa ni sngar bshad zin to/ /'tshig ba ni kha na ma tho ba dang bcas pa'i dngos po dam du 'dzin pa ste
 gang gis rigs par gtams pa mi 'dzin pa'o/ /khon du 'dzin ba ni kun nas mnar sems kyi dngos po lan mang du byed pa'o/ /rnam par 'che ba ni rnam par tho 'tsham pa ste/ gang gis mtshon cha dang tshig rtsub po dag gis phra rol po rnam par tho
 'tsham par byed pa'o/ /nyon mongs pa'i dri ma drug po de dag las/ sgyu dang rgyags pa ni/ 'dod chags las skyes kho na 'dzin dang/ /rnam 'tshe khong khro las spyes? so/ /'tshig pa lta ba mchog 'dzin las/ /g.yo ni lta bas kun nas bslang/ /gya gyu
 ci yin sdig can lta/ /zhes tshigs su bcad de 'byung ba'i phyir g.yo ni lta ba'i rgyu mthun pa yin par rung ngo/ /'di dag ci zhig gis spang bar bya ba yin zhe na/ re zhig kun nas dkris pa bcur bshad pa gang dag yin pa/ de las ngo tsha med
 pa dang/ khrel med rmugs gnyid rgod rnam gnyis/ /chos lnga po 'di dag ni nyon mongs pa rnam pa gnyis ka dang mtshungs par ldan pa'i phyir mthong ba dang bsgom pas spang bar bya ba rnam pa gnyis yin te/ gang zhig gang mthong bas spang
 bar bya ba dang mtshungs par ldan pa de ni de mthong bas spang bar bya ba yin no/ /de las gzhan ni bsgom spang bya/ /de dag las gzhan pa'i nye ba'i nyon mongs pa kun nas dkris pas bsdus pa phrag dog dang/ ser sna dang/ 'gyod pa dang/
 khro ba dang/ 'chab pa ni bsgom pas spang bar bya ba kho na dang/ /nye ba'i nyon mongs pa lnga po de dag ni/ rang dbang can yin te/ ma rig pa tsam dang mtshungs par ldan pa'i phyir ro/ /ji ltar phrag dog la sogs pa nye ba'i nyon mongs
 pa lnga po de drag bsgom pas spang bar bya ba dang/ rang dbang can yin pa/ de bzhin dri ma rnams/ nyon mongs pa'i dri ma drug kyang de dang 'dra'o/ /nye ba'i nyon mongs pa ji skad du bshad pa de dag ni/ 'dod na mi dge/ 'dod pa'i
 khams na ni mi dge ba dag yin de las kyang/ gsum rnam gnyis rmugs ba dang rgod pa dang/ gnyid rnams ni mi dge ba dang lung du ma bstan pa dag yin no/ /de yan chad ni lung ma bstan/ 'dod pa'i khams yang
 chad kyi nyi ba'i nyon mongs pa rnams ni ci rigs par lung du ma bstan pa dag yin no/ /de dag las du zhig gang na yod par rig par bya zhe na/ 'dod dang bsam gtan dang po ni/ /g.yo sgyu/ 'di gnyis ni 'dod pa'i khams dang//
 bsam gtan dang po ni yod do/ /tshangs pa'i 'jig rten na sgyu ji ltar yod ce na/ /tshangs pas 'drid phyir ro/ /tshangs pa chen po de ni de na bdag nyid log par kun du ston pas tshe dang ldan pa rta thul la 'drid par zhugs so/ /
 g.yo ni bshad da zin mod kyi zher la 'ongs pas yang smos so/ /rmugs rgod rgyags pa khams gsum na/ /gsum po 'di dag ni khams gsum pa dag yin no/ /gzhan dag 'dod khams las skyes pa/ bcu drug las lnga por
 te/ nye ba'i nyon mongs pa bcu gcig ni 'dod pa na spyod pa kho na yin no/ /nyon mongs pa dang nye ba'i nyon mongs pa rnams bshad zin to/ /yang de rnams las yid kyi sa pa ni du zhig yin/ rnam par shes pa drug gis ba ni du
 zhig yin zhe na/ mdor bsdu na/ mthong spang bya gnyid nga rgyal bcas/ /yid rnam shes kyi sa pa yin/ /mthong bas spang bar bya ba thams cad ni yid kyi sa pa dag yin te/ gnyid dang nga rgyal bsgom pas spang bar bya ba dang yang bcas
 pa de dag ni thams cad yid kyis pa dag yin no/ /nye ba'i nyon mongs rang dbang yang/ /nyon mongs rang dbang can gang dag yin pa de dag ni bsgom pas spang bar bya ba yin yang yid kyi sa pa kho na yin par blta bar bya'o/ /gzhan
 ni rnam shes drug rten can/ /nyon mongs pa dang nye ba'i nyon mongs pa gzhan dag ni rnam par shes pa drug gi sa pa dag yin par rag par bya'o/ /gzhan yang gang dag gcig yin zhe na/ bsgom pas spang bar bya ba'i 'dod chags dang/
 khong khro ba dang/ ma rig pa rnams dang/ de dag dang mtshungs par ldan pa nye ba'i nyon mongs pa ngo tsha med pa dang/ khrel med pa dang/ rmugs pa dang/ rgod pa rnams dang/ nyon mongs pa'i sa mang po bdag gi nang du bshad pa gang dag
 yin pa'o/ /bde pa la sogs pa'i dbang po lnga pa gang dag yin pa de dag las dbang po gang zhig nyon mongs pa 'am nye ba'i nyon mongs pa gang dang mtshungs bar ldan zhe na/ bde ba dag dang 'dod chags su/ /mtshungs ldan/ 'dod chags
 ni bde ba dang yid bde ba dag dang mtshungs par ldan no/ /zhe sdang bzlog pa'o/ /sdug bsngal ba dag dang zhes bya ba'i mtshig ste/ sdug bsngal dang yid mi bde ba dang mtshungs bar ldan te/ 'dod chags dang zhe sdang dag ni dga' ba dang skyo ba'i rnam
 par 'jug pa'i phyir dang/ rnam par shes pa drug gi sa pa yin pa'i phyir ro/ /ma rig pa dag thams cad dang/ mi rig ba rnams ni nyon mongs pa thams cad dang mtshungs par ldan pa'i phyir dbang po lnga char dang yang mtshungs par
 ldan no/ /med lta yid bde sdug bsngal dang/ /yid sdug bsngal ba ni yid mi bde ba'o/ /yid bde ba ni yid bde ba ste/ log par lta ba ni de dag dang mtshungs par ldan te/ bsod nams kyi las can rnams dang/ sdig pa'i las can
 rnams kyi dang go rims bzhin no/ /yid mi bde dang the tshom mo/ /the tshom zos ba nges pa don du gnyer ba na/ yid mi bde ba 'gyur ro/ /gzhan yid bde ba dang/ phra rgyas gzhan dag ni yid bde ba kho na dang mtshungs par ldan no/ /gzhan
 yang gang dag cig yin zhe na/ lta ba bzhi dang/ nga rgyal te/ dga' ba'i rnam par 'jug pa'i phyir ro/ /phra rgyas su bshad pa de dag gang zhig dang ldan zhe na/ 'dod las skyes/ de ltar mtshungs par ldan pa
 so sor nges pa bshad nas sbyar smras pa/ btang snyoms dang kun/ phra rgyas 'di dag thams cad ni btang snyoms kyi dbang po dang mtshungs par ldan te/ nyon mongs pa rnams kyi rgyun 'chad pa'i dus na gdon mi za bar btang snyoms
 kun tu gnas so zhes grag go /yang sa gong ma pa rnams ji lta bur zhe na/ sa gong ma/ sa ji bzhin du rang rang dang/ sa gong ma'i phra rgyas rnams ni sa gang na dbang po ji snyed yod pa rang rang gi dbang po rnams dang mtshungs par
 ldan te/ de na yang ci rigs par rnam par shes pa'i tshogs bzhi pa rnams ni rnam par shes pa'i tshogs bzhi pa rnams dang mtshungs par ldan la/ yid kyi sa pa rnams ni yid kyi sa pa rnams kho na dang mtshungs par ldan no//
 nyon mongs pa rnams dbang po dang mtshungs par ldan ba bshad zin to/ /nye ba'i nyon mongs pa rnams las/ 'gyod dang phrag dog khro ba dang/ /rnam 'tshe kho na du 'dzin pa dang/ 'tshig pa yid mi bde ba dang/ /mtshungs par ldan zhes bya bar sbyar
 te/ 'di dag ni skyo ba'i rnam par 'jug pa'i phyir dang/ yid kyi sa pa yin pa'i phyir ro/ /ser sna dag ni bzlog pa yin/ /yid bde ba dang mtshungs par ldan pa zhes bya ba'i tha tshig ste/ chags pa'i rgyu las byung bas dga' ba'i
 rnam par 'jug pa'i phyir ro/ /g.yo dang sgyu dang 'chab dang ni/ /gnyi ga dang ldan/ yid bde ba dang yid mi bde ba dag dang mtshungs par ldan te/ res 'ga' ni yid bde ba dag gis pha rol po 'drid par byed la/ res 'ga' ni
 yid mi bde ba dag gis te/ gnyid kyi bar du yang de dang 'dra'o/ /bde dag dang/ rgyags pa/ bsam gtan gsum pa na ni bde ba dang mtshungs par ldan no/ /man chad na ni yid bde ba dang mtshungs par ldan no/ /yan chad na ni btang snyoms dang
 mtshungs par ldan to/ /'di ltar btang snyoms kun du 'gro/ /thams cad btang snyoms dang mtshungs par ldan te/ de ni ma rig pa bzhin du gang la yang dgag pa med do/ /bzhi po gzhan ni lnga dag dang/ ngo tsha med pa dang/ khrel med
 pa dang/ rmugs pa dang/ rgod pa dang/ kun nas dkris pa bzhi po 'di dag ni dbang po lnga char dang mtshungs par ldan te/ mi dge pa'i sa mang po pa yin pa'i phyir dang/ nyon mongs pa'i sa mang po yin pa'i phyir ro/ /mdo
 las/ 'dod pa la 'dun pa dang/ gnod sems dang/ rmug pa dang/ gnyid dang/ rgod pa dang/ 'gyod pa dang/ the tshom dang sgrib pa lnga gsungs pa gang dag yin pa de la ci rmugs pa dang/ rgod pa dang/ the tshom/ khams gsum
 ba dag gzung ngam/ 'on te 'dod pa dang mtshungs par ldan pa dag kho na gzung zhe na/ mdo las/ 'di ni mi dge ba'i phung po ma 'dres pa yongs su rdzogs pa yin te/ 'di lta ste/ sgrib pa lnga'o zhes gcig tu mi dge bar gsungs
 pa'i phyir/ 'dod na sgrib rnams/ yod kyi khams gzhan na ni med do/ ci'i phyir rmugs pa dang gnyid gnyis kyang sgrig pa gcig tu bshad la/ rgod pa dang 'gyod pa gnyis kyang gcig tu bshad ce na/ mi mthun dang/ zas dang bya ba
 gcig pa'i phyir/ gnyis gcig/ gnyis gcig tu byas pa ni gnyis gcig go /mi mthun pa dang/ gnyen po dang/ zas ma yin pa zhes bya ba ni don gcig go /mdo las rmugs pa dang gnyid dag gi zas kyang gcig/ zas ma
 yin ba yang gcig tu gsungs te/ rmugs pa dang gnyid kyi sgrib pa'i zas gang zhe na/ chos lnga ste/ rmya? ba dang/ mi dga' ba dang/ bya smyangs dang/ kha zas kyi drod mi zin pa dang/ sems zhum pa nyid do/ /rmugs dang gnyid kyi sgrib pa'i zas ma yin
 pa gang zhe na/ snang ba'i 'du shes so/ /'di gnyis kyi bya ba yang gcig ste/ 'di gnyi gas kyang sems zhum par byed do/ /rgod pa dang 'gyod ba dag gi yang thos kyang gcig /zas ma yin pa yang gcig tu gsungs te/ rgod pa dang 'gyod ba'i sgrib pa'i zas gang zhe na/
 chos bzhi ste/ nye? du'i rnam par rtog pa dang/ yul gyi rnam par rtog pa dang/ mi 'chi ba'i rnam par rtog pa dang/ sngon rgod pa dang/ rtses pa dang rga ba dang/ dga' mgur yongs su spyad pa rnams rjes su dran pa yin no/ /rgod ba dang 'gyod pa'i sgrib pa'i zas ma yin pa gang
 zhe na/ zhi gnas so/ /'di gnyis kyi bya ba yang gcig ste/ 'di gnyi gas kyang sems rnam par ma zhi bar byed do/ /de lta bas na mi mthun pa dang zas dang bya ba gcig ba'i phyir gnyis gcig tu bshad do/ /gang gi tshe nyon mongs pa thams cad kyang sgrib pa yin
 na ci'i phyir lnga kho nar bshad ce na/ phung po gnod byed dang/ the tshom phyir na lnga nyid do/ /'dod pa la 'dun pa dang/ gnod sems dag gis ni tshul khrims kyi phung po la gnod bar byad do/ /rmugs pa dang gnyid kyis ni shes rab kyi phung po la gnod par byed do//
 rgod ba dang 'gyod pas ni ting nge 'dzin gyi phung po la gnod bar byed do/ /ting nge 'dzin dang shes rab dag med na bden pa dag la the tshom za bar 'gyur te/ de'i phyir sngar bshad do/ /gzhan dag na de rtog pa 'di lta na ni ting nge 'dzin gyi phung po dang 'gal ba rgod pa dang
 'gyod ba'i sgrib pa sngar smos par 'gyur te/ de'i phyir grangs bzhin du 'di gnyis kyis ting nge 'dzin dang shes rab kyi phung po la gnod pa byed pa yin te/ ting nge 'dzin la brtson pa ni rmugs pa dang gnyid kyis 'jigs la/ chos rab tu rnam par 'byed ba la brtson
 ba ni rgod pa dang 'gyod bas 'jigs so zhes zer ro/ /gzhan dag ni gzhan du brjod do/ /ji skad du brjod ce na/ rgyu bar gyur pas gzugs sdug pa dang mi sdug pa'i yul dag la mtshan mar gzung ba'i phyir gnas par gyur pa'i ting nge 'dzin du 'jug pa la de sngon du 'gro ba'i 'dod pa
 la 'dun pa dang gnod sems dag dang po nyid du bar chad byed do/ /de'i 'og tu ting nge 'dzin du zhugs pas rigs pa ma yin par zhi gnas lhag mthong brten pa'i phyir go rims bzhin du rmugs pa dang gnyid dang/ rgod pa dang 'gyod pa dang the tshom ni zhi gnas dang lhag mthong dag
 la bar chad byed la/ langs pa la yang chos la nges par rtog pa'i tshe the tshom gyis bar chad byed de/ de'i phyir sgrib pa lngar bshad do zhes brjod do/ /'di dpyad par bya ste/ skal pa mi mnyam pa'i khams kun du 'gro ba rnams dang/ 'gog pa dang lam mthong bas spang bar bya ba zag pa
 dang bcas pa la dmigs pa rnams gang gi tshe dmigs pa yongs su shes pa de'i tshe ni spong bar mi 'gyur la/ gang gi tshe spong bar 'gyur ba de'i tshe ni dmigs pa yongs su mi shes na ji ltar de dag spong zhe na/ nyon mongs pa rnams ni dmigs pa yongs su shes pas zad par nges
 pa ma yin no/ /'o na ji lta bu zhe na/ rnam pa bzhis so/ /rnam pa bzhi po gang dag gis she na/ re zhig mthong bas spang bar bya ba rnams ni/ dmigs pa yongs su shes ba dang/ de la dmigs pa yang dag par/ zad dang dmigs pa spangs bas so/ /de la dmigs pa yongs su
 shes bas ni sdug bsngal dang kun 'byung mthong bas spang bar bya ba rang gi sa la dmigs pa rnams dang/ 'gog ba dang lam mthong bas spang bar bya ba zag pa med pa la dmigs pa rnams zad bar 'gyur ro/ /de la dmigs pa yang dag bar zad pas ni skal pa mi mnyam
 pa'i khams kun du 'gro ba rnams zad par 'gyur te/ de la dmigs pa ni skal pa mnyam pa'i khams kun du 'gro ba dag yin pas de dag spangs na de dag kyang spangs pa yin no/ /dmigs pa spangs pas ni 'gog pa dang lam mthong bas spang bar bya ba zag pa dang bcas
 pa la dmigs pa rnams zad par 'gyur te/ zag pa med pa la dmigs pa de dag ni de dag gi dmigs pa yin bas de dag spangs na de dag kyang spangs pa yin no/ /bsgom pas spangs par bya ba rnams ni/ gnyen po skyes bas zad par 'gyur/ nyon mongs
 pa'i rnam pa gang gi gnyen po lam gang yin pa skyes pa de spong bar byed do/ /gang gi tshe gnyen po gang zhig yin zhe na/ chen po'i chen po'i chung ngu'i chung ngu zhes bya ba ste/ rgyas par ni 'og nas bshad par bya'o/ /gnyen po yang rnam pa du zhig yod ce na/ smras pa/ gnyen po
 rnam bzhi spong ba dang/ /gzhi dang srid nyid rnam par ni/ /sun 'byin zhes bya spong ba gnyen po ni bar chad med pa'i lam mo/ /gzhi gnyen po ni de yan chad kyi lam gang yin pa ste/ gang gis nges spangs pa'i thob pa kun du 'dzin par byed pa'o/ /thag srid pa'i ngo bo gnyen po
 na rnam par grol ba'i lam yan chad kyi lam gang yin pa ste/ rnyed pa chad pa thag srid ba'i phyir ro/ /gzhan dag na re rnam par grol ba'i lam yang yin te/ des kyang thob pa de dag srid bar byed do/ /zhes zer ro/ /rnam bar sun 'byim? pa gnyen po ni lam gang gis khams
 de la skyon du mthong nas rnam par sun 'byin par byed pa'o/ /gzhan yang 'di dag gi go rims rnam bar sun 'byin pa gnyen po ni sdug bsngal dang kun 'byung la dmigs pa sbyor ba'i lam mo/ /spong ba gnyen po ni ba chad med pa'i lam thams cad do/ /gzhi gnyen po ni rnam par
 grol ba'i lam mo/ /thag srid ba'i ngo bo gnyen po na khyad par gyi lam mo zhes bya ba 'di ni tshes legs par 'gyur ro/ /nyon mongs pa spong ba na gang las spangs bar bya zhe na/ dmigs pa las/ nyon mongs pa ni spang byar 'dod/ /mtshungs par ldan pa las ni nyon mongs pa
 rnam bar dbye bar mi nus so/ /dmigs pa las ni nus te/ 'di ltar yang de la dmigs nas mi skye'o/ /re zhig ma 'ongs pa ni dmigs pa las rnam par dbye bar yang nus grang na 'das pa go ji ltar nus/ 'on te 'di'i don ni dmigs pa yongs su shes pas spang bar bya ba 'di
 yin no zhe na/ de yang ma nges te/ de lta bas na 'di brjod par bya dgos so/ /ji tsam gyis na nyon mongs pa spangs pa zhes brjod ce na/ rang gi rgyud la yod pa ni thob pa chad pas so/ /gzhan gyi rgyud la yod ba'i nyon mongs pa dang/ gzugs thams cad dang nyon mongs pa can ma yin pa'i chos ni de dag
 la dmigs pa'i nyon mongs pa rang gi rgyud la yod pa spangs pas so/ /thag srid ba'i ngo bo rnam pa du yod ce na/ thag srid pa'i ngo bo ni rnam bzhi yod grag ste/ mtshan nyid mi mthun mi mthun phyogs/ /yul rnam chad dang dus kyis te/ 'byung dang tshul khrims phyogs dang
 ni/ /dus gnyis ring ba nyid lta bu'o/ /mtshan nyid kyis ring ba nyid ni dper na 'byung ba chen po rnams lhan cig skyes pa yin yang mtshan nyid mi mthun pas ring ba nyid lta bu'o/ /gnyen pos ring ba nyid ni dper na 'chal pa'i tshul khrims las tshul khrims lta bu'o//
 yul gyis ring ba nyid ni dper na bskal pa'i yul rnams yul rnam bar chad pas te/ shar dang nub kyi rgya mtsho bzhin no/ /dus kyi ring ba nyid ni 'das pa dang ma 'ongs pa lta bu'o/ /ring ba zhes bya ba de gang las ring ba yin/ /da lta las so/ /'das ma thag pa dang/ skye bar
 'gyur ba gang yin pa de ji ltar na ring ba yin/ de ni dus tha dad pa nyid kyis ring ba yin gyi yun ring mo zhi na byung ba dang/ 'byung ba nyid kyis ni ma yin no/ /da ltar yang de bzhin du ring bar 'gyur ro/ /'o na ni byed pas ring ba yin no/ /'dus ma byas ji ltar na nye ba nyid du
 'grub de thams cad du thob pa'i phyir ro/ /'das pa dang ma 'ongs pa dag la yang thal bar 'gyur ro/ /nam mkha' yang ji ltar nye ba yin/ de lta na ni 'o na 'das pa dang ma 'ongs pa ni de da ltar gyis chod pa'i phyir phan tshun du ring ba yin no/ /da ltar ni gnyi ga dang nye ba'i phyir nye ba
 yin la/ 'dus ma byas kyang chod pa med pa'i phyir nye ba yin no/ /de lta na yang 'das pa dang ma 'ongs pa da ltar dang nye ba'i phyir gnyi gar 'gyur ro/ /'di skad du ma 'ongs pa ni ma thob pa'i phyir chos kyi rang gi mtshan nyid las ring ba yin la/ 'das pa ni zhig ba'i phyir
 ring ba yin no zhes bya ba ni rigs par 'gyur ro/ /ci lam khyad par du 'gro ba'i phyir nyon mongs pa rnams kyi spangs pa yang yang dang yang du khyad par du 'gyur ram zhe na/ de ni med de nyon mongs pa thams cad ni lan cig tu zad/ gang gi spong pa'i lam gang
 yin pa de kho nar de zad pa yin no/ /de dag gi bral ba'i thob ba yang dang yang dus du zhig tu zhe na/ smras pa dus drug tu ste/ gnyen po skyes dang 'bras thob dang/ /dbang po rnam par 'phel rnams su/ /'dir ni gnyen po rnam par grol pa'i lam yin par bsams pa'o/ /'bras
 bu dag ni dge sbyong gi tshul gyi 'bras bu bzhi'o/ /dbang po rnam par 'phel ba ni dbang po 'pho ba'o/ /dus de dag tu nyon mongs pa'i bral ba 'thob bo/ /de yang ci rigs bar kha cig gi ni dus drug tu 'thob pa nas kha cig gi ni dus gnyis kyi bar du 'thob par blto bar
 bya'o/ /bral ba de nyid gnas skabs de dang de dag tu yongs su shes pa zhes bya ba'i ming 'thob bo/ /yongs su zhes pa ni gnyis te/ ye shes kyi yongs su shes ba dang/ spangs pa'i yongs su shes pa'o/ /de la ye shes kyi yongs su shes pa ni zag pa med pa'i shes pa'o/ /spangs
 pa'i yongs su shes pa ni spangs pa kho na ste/ 'bras bu la rgyu btags pa'i phyir ro/ /ci spangs pa thams cad yongs su shes pa gcig kho na yin nam zhe na/ smras pa ma yin no/ /'o na ci lta bu zhe na/ yongs su shes dgu/ de la re zhig/ 'dod ba na dang po'i rnam gnyis zad
 la gcig/ 'dod pa'i khams na dang po'i rnam pa gnyis te/ sdug bsngal dang kun 'byung mthong bas spang bar bya ba spangs pa ni yongs su shes pa gcig yin no/ /gnyis zad pa ni de gnyis/ /'dod pa'i khams kho na na 'gog pa mthong pas spang par bya ba'i
 rnam pa spangs pa ni yongs su shes pa gcig yin la/ lam mthong bas spang bar bya ba'i rnam pa spangs pa yang gcig yin no/ /ji ltar 'dod pa na spyod pa mthong bas spang bar bya ba rnams spangs pa yongs su shes pa gsum yin pa ltar/ de bzhin gong ma'i
 de gsum nyid/ /de bzhin du gzugs dang gzugs med pa na spyod pa mthong bas spang bar bya ba'i rnam par spangs pa yang yongs su shes pa gsum yin te/ sdug bsngal dang/ kun 'byung ma mthong pas spang bar bya ba rnams spangs pa ni gcig yin no/ /'gog pa mthong bas spang bar
 bya ba rnams spangs pa ni gnyis pa yin no/ /lam mthong bas so/ spang bar bya ba rnams spangs pa ni gsum pa yin no/ /de ltar na khams gsum pa'i mthong bas spang bar bya ba rnams spangs pa ni yongs su shes pa drug yin no/ /yongs su shes pa gzhan gsum ste/ tha ma'i cha
 dang mthun gzugs dang/ /zag pa kun zad/ tha ma'i cha dang mthun pa spangs pa yang/ /yongs su shes pa gcig yin no/ /gzugs kyi zag pa spangs pa yang gcig yin te/ gzugs kyi 'dod chags zad pa'i yongs su shes pa'o/ /zag pa thams cad spangs
 pa yang gcig yin te/ kun tu sbyor ba thams cad yongs su gtugs pa'i yongs su shes pa'o/ /ci'i phyir gzugs dang gzugs med pa na spyod pa bsgom pas spangs pas bya ba rnams spangs pa'i yongs su shes pa ni tha dad par bstan la mthong bas spang bar bya
 ba rnams kyi ni ma yin zhe na/ bsgom pas spang bar bya ba rnams kyi gnyen po mi 'dra ba'i phyir ro/ /de ltar na yongs su shes pa ni de dgu yin no/ /de dag las snga ma/ /drug bzod 'bras/ mthong bas spang par bya ba spangs pa'i rang bzhin gang dag yin pa'i
 lhag ma rnams ni shes pa'i yin/ /tha ma'i cha dang mthun pa spangs pa la sogs pa'i yongs su shes pa ste/ bsgom pa'i lam gyi 'bras bu yin pa'i phyir ro/ /ji ltar yongs su shes pa'i bzod pa'i 'bras bu yin zhe na/ bzod pa rnams ni shes pa'i
 'khor can yin pa'i phyir te/ rgyal po'i 'khor la rgyal po nye bar btags pa bzhin pa dang/ shes pa dang 'bras bu gcig ba'i phyir ro/ /mi lcogs med 'bras thams cad do/ /bsam gtan rnams kyi lnga 'am brgyad/ /bye brag tu smra ba'i lugs kyi sa ni
 bsam gtan dngos gzhi'i 'bras bu yongs su shes pa lnga ste/ gzugs dang gzugs med pa na spyod pa'i nyon mongs pa spangs pa'i rang bzhin gang dag yin pa'o/ /'dod pa na spyod pa'i nyon mongs pa spangs pa ni mi
 lcogs pa med pa'i 'bras bu yin pa'i phyir ro/ /btsun pa dbyangs sgrogs kyi lugs kyis ni brgyad de/ de ni 'dod chags dang bral bas 'dod pa na spyod pa'i mthong bas spang bar bya ba rnams spangs pa yang bral ba'i thob pa zag pa med
 pa rnyed pa'i phyir mthong ba'i lam gyi 'bras bur 'dod do/ /tha ma'i cha dang mthun pa spangs pa'i yongs su shes pa ni mi lcogs pa med pa'i 'bras bu kho na yin no/ /bsam gtan khyad par can yang bsam gtan bzhin du blta bar bya'o/ /gzugs
 med pa rnams kyi ni/ nye ba'i bsdogs ba'i gcig yin te/ nam mkha' mdza' yas skye mched kyi nyer bsdogs kyi 'bras bu ni gcig yin te/ gzugs kyi 'dod chags zad pa'i yongs su shes pa'o/ /gzugs med dngos gzhi gsum gyi
 yang/ /gzugs med pa'i dngos gzhi gsum gyi 'bras bu yang gcig kho na ste/ kun du sbyor ba thams cad yongs su gtugs pa'i yongs su shes pa yin no/ /yongs su shes pa dgu po/ /thams cad 'phags pa'i lam gyi/
 'bras bu yin no/ /'jig rten pa'i gnyis/ 'jig rten pa'i lam gyi 'bras bu ni gnyis te/ tha ma'i cha dang mthun pa dang/ gzugs kyi 'dod chags zad pa'i yongs su shes pa dag go /rjes kyi yang/ rjes su shes pa'i 'bras
 bu yang yongs su shes pa gnyis te tha ma ngag go /chos shes pa'i ni gsum yin no/ /tha ma dag kho na te/ khams gsum pa'i bsgom pas spang bar bya ba'i gnyen po yin pa'i phyir ro/ /de'i phyogs mthun gyi drug dang lnga/ /
 chos shes pa'i phyogs dang mthun pa'i 'bras bu ni yongs su shes pa drug ste/ chos kyi bzod pa dang shes pa rnams kyi 'bras bu gang dag yin pa kho na'o/ /rjes su shes pa'i phyogs dang mthun pa'i ni lnga ste/ rjes kyi bzod pa dang shes pa/
 rnams kyi 'bras bu gang dag yin pa kho na'o/ /phyogs dang mthun pa smos pas ni bzod pa dang shes pa rnams gzung ngo/ /ci'i phyir spangs pa re re yongs su shes par rnam par mi bzhag ce na/ 'di ltar re zhig bzod pa'i 'bras bu bral ba ni /bral
 ba'i thob pa zag med dang/ srid rtse nyams par byas pa dang/ /rgyu gnyis kun du bcom pa'i phyir/ yongs shes su rnam par bzhag go/ gang la rgyu 'di gsum yod pa/ /de spangs pa'i yongs su shes pa zhes bya na/ re zhig so so'i skye bo la
 ni bral ba'i thob pa zag pa med pa dang/ srid pa'i rtse mo nyams par byed pa med pas 'di'i sdangs? pa yongs su shas pa zhes bya ba'i ming gi 'thob po/ /'phags pa la yang bzod pa'i 'bras bu spangs pa gang yin pa de ni de la ji srid du
 sdug bsngal la rjes su shes pa'i bzod pa la gnas pa de srid du bral ba'i thab ba zag pa med pa yod mod kyi srid pa'i rtse mo nyams par byas pa ni ma yin no/ /sdug bsngal la rjes su shes pa la ni gnyi ga yod mod kyi rgyu gnyis kun du bcom
 pa ni ma yin te/ rgyu kun 'byung mthong bas spang bar bya ba kun du 'gro ba ma spangs pa'i phyir ro/ /chos dang rjes su shes pa gzhan dag la ni gsum po thams cad yod pas de'i phyir gnas skabs de dang de dag tu spangs pa'i yongs su shes
 pa'i ming 'thob bo/ /shes pa'i 'bras bu spangs pa ni rgyu gsum po de dang/ bzhi pa/ khams las 'das pa las/ yongs su shes pa'i ming 'thob ste/ khams mdza' dag las 'dod chags dang bral ba'i phyir gang gi cha khams las yang dag
 par 'da' ba na'o/ /gnyis kun tu sbyor ba dang bral ba rgyu lnga pa smras pa/ rnam pa gang zhig spangs la gal te de la dmigs pa'i nyon mongs pa gzhan dang bral bar gyur na'o zhes bya ba ni nga rgyu gnyi ga yang dag par bcom pa dang/
 khams las yang dag par 'das pa las gzhan ma yin pas mi brjod do/ /gang zhig yongs su shes pa du zhig dang ldan zhe na/ gcig min mthong la gnas pa ni/ /lnga pa'i bar dang yang dag ldan/ /re zhig so so'i skye bo ni mi ldan pa kho na'o/ /
 'phags pa mthong lam la gnas pa yang kun 'byung ba la chos shes pa'i bzod pa la gnas pa'i bar du mi ldan pa nyid do/ /kun 'byung la chos shes pa ni gcig dang ldan no/ /kun 'byung la rjes su shes pa ni gnyis dang ldan no//
 'gog pa la chos shes ni gsum dang ldan no/ /'gog pa la rjes su shes pa ni bzhi dang ldan no/ /lam la chos shes pa ni lnga dang ldan no/ /bsgom la gnas pa drug gam ni/ /gcig gam yang na gnyis dang ngo/ /'phags pa'i gang
 zag bsgom pa'i lam la gnas pa lam la rjes su shes pa la gnas pa ji srid du 'dod pa la 'dod chags dang bral ba ma thob pa 'am/ de las yongs su nyams pa ni yongs su shes pa drug dang ldan no/ /sngon nam phyis 'dod pa la
 'dod chags dang bral ba 'thob pa ni tha ma'i cha dang mthun pa spangs pa'i yongs su shes pa gcig pu dang ldan no/ /dgra bcom pa nyid thob pa ni kun du sbyor ba thams cad yongs su gtugs pa'i yongs su shes
 pa gcig kho na dang ldan no/ /gzugs na spyod pa'i kun nas dkris pas yongs su nyams nas yang tha ma'i cha dang mthun pa spangs pa'i yongs su shes pa gcig dang ldan no/ /gzugs kyi 'dod chags dang bral ba thob
 pa ni tha ma'i cha dang mthun pa spangs pa dang/ gzugs kyi 'dod chags zad pa'i yongs su shes pa gnyis dang ldan no/ gzugs med pa na spyod pa'i kun nas dkris pas yongs su nyams pa yang gnyis po de dag dang ldan no/ /ci'i
 phyir mi 'ong ba dang dgra bcom pa dag gi yongs su shes pa gcig kho nar rnam par bzhag gi mang du ni ma yin zhe na/ 'di ltar/ khams las 'dod chags bral ba dang/ /'bras bu thob phyir de dag bsdoms/ /yongs su shes pa
 rnams sdom zhing gcig tu rnam par 'jog pa ni khams las 'dod chags dang bral ba dang/ 'bras bu thob dang rgyu gnyis kyis yin la/ de gnyi ga yang gnas skabs de gnyis na srid pas de'i phyir spangs pa thams cad bsdoms te yongs
 su shes pa gcig ces bya'o/ /yang gang zhig gis/ yongs su shes pa du zhig yongs su gtong ngam/ 'thob ce na/ la la gcig gnyis lnga dang drug/ gtong ste 'thob pa lnga min no/ /dgra bcom pa nyid dam /'dod pa la 'dod chags
 dang bral ba las/ yongs su nyams na gcig gtang ngo/ /phyir mi 'ong pa gzugs kyi 'dod chags dang/ bral ba zhig 'dod pa la 'dod chags dang bral ba las yongs su nyams na/ yongs su shes pa gnyis
 gtong ngo/ /'dod chags dang bral ba sngon du 'gro ba/ lam la rjes su shes pa la gnas pa la ni lnga gtong ste/ de ni tha ma'i cha dang mthun pa spangs pa'i yongs su shes pa thob na/ yongs su shes pa snga ma
 lnga gtong ngo/ /mthar gyis pa 'dod pa las 'dod chags dang bral bar byed pas ni/ yongs su shes pa drug gtong ngo/ /de bzhin du thob pa la yang la las ni yongs su shes pa gcig 'thob ste/ gang la la/
 zhig gis sngon med pa thob pa'o/ /la las ni gnyis te/ gang zhig gzugs med pa'i khams las 'dod chags dang bral ba 'ba' 
 zhig las yongs su nyams pa'o/ /kha cig gis ni drug ste/ gang zhig phyir mi 'ong ba'i 'bras bu las yongs su nyams pa'o/ /lnga 'thob pa 'ga' yang med pa nyid do/ /yongs su shes pa'i skabs rdzogs so// //chos mngon pa'i mdzod kyi bshad pa las/ phra rgyas bstan
 pa zhes bya ba mdzod kyis gnas lnga pa'o/ /mang+gA laM//