བོད་ཡིག

e-texts based on the ACIP/ALL Input

la gnas pa'i rim pa'o/ /pi kra ma shI la'i paN+Di ta ratna kI rtis mdzad pa dge ba'i sdong po zhes bya ba rdzogs so// //paN+Di ta bi dyA ka ra saMd+ha dang/ lo tsA ba many+dzu sh+rI wa rmas bsgyur ba'o// // byang chub sems dpa' i sdom pa nyi shu pa tsaN+Da go mis mdzad pa bzhugs// //rgya gar skad du/ bo d+hi satwa sa ma ba ra bidshi ka/ bod skad du/ byang chub sems dpa' i sdom pa nyi shu pa/ 'jam dpal gzhon nur gyur pa la phyag 'tshal lo/ /sangs rgyas sras dang bcas pa la/ gus pas phyag 'tshal ci nus mchod/ /phyogs dus kun na bzhugs pa yi/ /byang chub sems dpa' rnams kyi khrims/ /bsod nams kun gyi gter gyur gang/ /de ni bsam pa dam pa yis/ /bla ma sdom la gnas shing mkhas/ /nus dang ldan la blang bar bya/ /de tshe de la dge ba'i phyir/ /rgyal ba sras dang bcas rnams kyis/ /dge ba'i thugs kyis rtag par yang/ /bu sdug 'dra bar dgongs par 'gyur/ /gzhan rnams dang ni bdag la'ang rung/ /sdug bsngal yin yang gang phan dang/ phan pa bde ba rnams bya ste/ /bde yang mi phan mi bya'o/ /nyon mongs drag las byung ba yi/ /sdom pa bzhag par gang gyur pa/ /de yi nyes pa bzhi po ni/ /'pham pa 'dra bar dgongs pa yin/ /rnyed dang bkur ste chags pa yis/ / bdag bstod gzhan la smod pa dang/ /sdug bsngal mgon med gyur pa la/ /ser snas chos nor mi ster dang/ /gzhan gyis bshags kyang mi nyan par/ /khros nas gzhan la 'chog pa dang/ /theg pa chen po spong byed cing/ /dam chos 'drar snang ston pa'o/ /sdom pa slar yang blang par bya/ /zag pa 'bring ni gsum la bshags/ /gcig gi mdun du lhag ma rnams/ /nyon mongs mi mongs mi mongs bdag sems bzhin/ /dkon mchog gsum la gsum mi mchod/ /'dod pa'i sems kyi rjes su 'jug /rgan pa rnams la gus mi byed/ /dris pa la ni lan mi 'debs/ /mgron pos bdag gir mi byed cing/ /gser la sogs pa len mi byed/ /chos 'dod pa la sbyin mi byed/ /tshul khrims 'chal rnams yal bar 'dor/ /pha rol dad phyir slob mi byed/ /sems can don la bya ba chung/ /snying brtser bcas na mi dge med/ /'tsho ba log pa dang du len/ /'phyar nas rab tu rgod la sogs/ /'khor ba gcig bu 'grod par sems/ /grags pa ma yin mi spong ba/ nyon mongs bcas kyang 'chos mi byed/ /gshe la lan du gshe la sogs/ /khros pa rnams ni yar bar 'jog /pha rol shad kyis 'chags pa spong/ /khro ba'i sems kyi rjes su 'jug /bsnyen bkur 'dod phyir 'khor rnams bsdud/ /le lo la sogs sel mi byed/ /chags pas bre mo'i gtam la brten/ /ting nge 'dzin gyi don mi tshol/ /bsam gtan sgrib pa spong bar byed/ /bsam gtan ro la yon tan lta/ /nyan thos theg pa spong bar byed/ /ngang tshul yod bzhin de la brtson/ /brtson min phyi rol bstan bcos brtson brtson par byas kyang de la dga' / /theg pa chen po spong bar byed/ /bdag la bstod cing gzhan la smod/ /chos kyi don du 'gro mi byed/ /de la smod dang yi ge rton/ /dgos pa'i grogs su 'gro mi byed/ /nad pa'i rim gro bya ba spong/ /sdug bsngal sel bar mi byed pa/ bag med rnams la rigs mi ston/ /byas pa lan du phan mi 'dogs/ /gzhan gyi mya ngan bsang mi byed/ /nor 'dod pa la sbyin mi byed/ /'khor rnams kyi ni don mi byed/ /gzhan gyi blo dang mthun mi 'jug /yon tan bsngags pa smra mi byed rkyen du 'tshams par tshar mi gcod/ /rdzu 'phrul sdig la sogs mi byed/ /snying rjer ldan zhing byams phyir dang/ /sems dge ba la nyes pa med/ /byang chub sems dpa' i sdom pa nyi shu pa/ /slob dpon tsan+d+ra go mis mdzad pa rdzogs so// //