<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4368: shes rab kyi pha rol tu phyin pa'i man ngag<br><table><tr><td>
<input type="button" onclick="location.href='tcompletep.php?id=N4368&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4368&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4368&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">so/ //rgya gar gyi mkhan po pradz+nyA ba rma dang/ zhu chen gyi lo tsA ba bande ye shes sdes bsgyur cing zhus te gtan la phab pa'o// //*/ /shes rab kyi pha rol tu phyin pa'i man ngag slob dgon shan+ti bas mdzad pa
 bzhugs so// //rgya gar skad du/ pradz+nya pA ra mi to ba de sha/ bod skad du/ shes rab kyi pha rol tu phyin pa'i man ngag /dkon mchog gsum la phyag 'tshal lo/ /byang chub sems dpa' 'jig rten dbang phyug la phyag 'tshal lo/ /stobs bcur ldan pa gang gi
 zhabs kyi rdul/ /lha rnams cod pan gyis ni btung gyur la/ /thar sgor mchod yon me tog rdul lta bur/ /shes ldan rnams kyis mgos brgyan rgyal gyur cig /gser bzang sbyangs pa dang ni mtshungs pa yi/ /'od 'phro'i dkyil 'khor gyis ni mtshal
 gyur la/ /thugs ni yon tan sna tshogs kyis brgyan pa/ /rnam dag gsung ldan sangs rgyas phyag 'tshal lo/ /pha rol rgol pa'i mthar pa srid phyogs gcig /nyan thos thar pa srid thar zad mi 'gyur/ /srid dang mya ngan 'das
 la ga rung drung la/ /mnga' brnyes mthar thug go 'phang thub chen gyi/ /'khor ba'i snod bzhin srid pa ma dag dang/ /dman par gyur kyang shel dang dag zhi dang/ /'od dang nyi 'od khyad 'phags yon tan gyis/ /blo gyur byang chub zhi dang
 de bzhin no/ /yon tan rgya mtsho skyon bsal srid gcod cing/ /rtag tu 'jig rten pa na pa gcig bu'i rgyu/ /bla med byang chub don du dpa' bo rnams/ /dman pa'i go 'phang dor nas don du gnyer/ /pha rol phyin pa'i tshul la yun
 ring? dka' pas 'bras bur smin/ /sngags tshul dka' ba med par myur du byang chub reg par 'gyur/ /'di na brtson 'grus 'bar ba'i stobs ldan lam ni dang po ste/ /dad pas rnam par 'phel ba'i blo can rnams la cig shos
 yin/ /byang chub phyir ni shin tu dga' bas yun rings spyod byed pa/ /thub pa rnams kyi sras po de ni dpa' po yin snyam byed/ /go 'phang de nyid myur du bde ba ster bar byed pa'i sngags/ /bde gshegs rin chen de ni sus rig de ni skal
 bzang po/ /gang gis bcom ldan pha rol phyin mchog ma/ /nyin re bzhin du bsgom par gyur pa yis/ /de'i lag na pha rol phyin pa lnga/ /gnas shing sngags kyang rab tu 'grub par byed/ /'di ni dkon mchog gsum la gcig tu
 skyabs su song ba/ /dad pa dang brtse bar ldan pa byang chub tu sems bskyed pa byang chub sems dpa' i sdom pa blangs pas/ tshogs bsags pa'i phyir dang/ bsags pa yongs su thob par bya ba'i phyir/ bcom ldan 'das ma shes rab
 kyi pha rol tu phyin pa thos pa las byung pa dang/ bsam pa las byung bar shes rab bskyed de/ bsgom par bya'o/ /de la byang chub sems dpa' i sde snod dang/ shes rab kyi pha rol tu phyin pa la sogs pa'i mdo sde gzhan nam/ mdo sde du ma'i phyog
 'ga' las btus te bsdus pa 'di la yang rung ste/ de dag nyid legs par mnyan pa dang/ bdag nyid kyis kyang legs par cung zad tshig dang don brtags te/ /dgra dang don gyi 'brel ba'i sgrub pas yang dag par nges pa dang 'dzin pa ni
 thos pa las byung ba'i shes rab bo/ /gcig tu dben par gnas nas/ don de nyid yang dag pa nyid kyi rigs pas rnam par dpyad la/ rigs pa'i sgrub pa des don de bden pa nyid dang/ yang dag pa nyid du de 'di kho na ltar yin kyi gzhan du
 ma yin no zhes gcig tu nges pa ni/ bsam pa las byung ba'i shes rab bo/ /'dir mdor bsdus na de kho na nyid rnam pa gnyis su chos rnams shes par bya ste/ 'di dag ni 'di rnyed do zhes brnyed yod par gyur pa dang/ 'di dag ni 'di
 lta bu kho na'o zhes ji lta bu bzhin du gyur pa'o/ /de gnyis rim pa ji lta ba bzhin du brjod par bya ste/ bcom ldan 'das kyis bram ze thams cad thams cad ces bya ba ni/ phung po lnga dang/ skye mched bcu gnyis dang/ khams bco
 brgyad po ji snyed po 'di dag go zhes gsungs te/ de la gzugs dang/ sgra dang dri dang/ ro dang reg bya dang/ chos de yul gyi khams drug po 'di dag ni gzugs kyi khams nas chos kyi khams kyi bar dag yin no/ /mig dang/ rna ba dang
 sna dang/ lce dang/ lus dang/ yid de dbang po'i khams drug ni mig gi khams nas yid kyi khams kyi bar dag yin no/ /dbang po rnams dang 'brel pa'i rnam par shes pa'i khams drug ni/ mig gi rnam par shes pa'i khams nas
 yid kyi rnam par shes pa'i khams kyi bar dag yin te de ltar khams bco brgyad las/ dang po khams bcu gcig ni gzugs kyi skye mched nas lus kyi skye mched kyi bar du bcu gcig go/ /yid kyi khams nas yid kyi
 rnam par shes pa'i khams kyi bar khams lhag ma bdun ni yid kyi skye mched de/ de ltar skye mched bcu gcig las yid kyi skye mched ni rnam par shes pa'i phung po'o/ /yul lnga dang/ dbang po lnga dang/ chos kyi skye mched du gtogs
 pa'i gzugs ni gzugs kyi phung po'o/ /chos kyi skye mched las sems las byung ba gnyis ni tshor ba'i phung po'o/ /'du shes kyi phung po'o/ /sems las byung ba lhag ma rnams dang/ sems dang mtshungs par mi ldan pa'i 'du byed
 rnams ni 'du byed kyi phung po'o/ /'dus ma byas dag ni phung pos bsdus pa ma yin te/ de dag la phung po'i don med pa'i phyir ro/ /de dag ni khams bco brgyad dang/ skye mched bcu gnyis dang/ phung po lnga zhes bya ste ji snyed yod
 bar gyur pa'i thos pa las byung ba'i shes rab po/ /nyes pa thams cad bag chags dang bcas par spangs pa dang/ yon tan thams cad mchog du phung du byung ba dang/ rtag tu don rnams thams cad kyi thams cad du yang dag par
 gzigs pa dang/ rtsom pa thams cad gzhan gyi don yin pas sangs rgyas bcom ldan 'das ni tshad ma dam par gyur pa'o/ /de bas na gang de bzhin gshegs pas ji lta ba bzhin du gsungs pa de ni/ de bzhin yin gyi gzhan du
 ma yin te/ tshad ma'i de kho na nyid rig par gyur pa'i slob dpon rnams kyi pha rol gyi gzhung lugs bkag pa'i phyir de dag gzhan kho na'o/ /gzhan yang pha rol pa rnams ni dngos po rnams skad cig pa ma yin par 'dod do/ /de'i phyir
 de dag ni yod pa ma yin te/ 'di ltar gang bya ba byed nus pa de dag ni yod pa ma yin gyi/ rta'i rwa dang khyad par med par ci yang mi byed pa dag ni ma yin no/ /nus pa ni byed bzhin pa'i nus pa can gyi rang bzhin yin la/ skad cig pa ma
 yin pa rnams ni/ sngon gyi rang bzhin gang yin pa phyis kyang de bzhin te/ nges 'ga' la bya ba byed nus par gyur na/ sngon nus pa bzhin du phyis kyang nus par gyur la/ /de na des 'bras bu de yang sngar byas pa bzhin du phyis kyang byed
 par gyur na/ byas pa yang bya bar mi 'os pa'i phyir de yang rigs pa ma yin no/ /de bas na skad cig pa ma yin pa'i rang bzhin ni nus pa med pa nyid yin la/ gang nus pa med pa de ni bung bu'i rwa ltar yod pa ma yin pa'i phyir/ pha
 rol pos khas blangs pa'i dngos po skad cig pa ma yin pa rnams ni yod pa ma yin no/ /gang yang kha cig gis blo dang/ me lce la sogs pa skad cig mar 'dod mod kyi de lta na yang de dag skad cig pa ma yin pa dang 'bral bar 'dod la/
 skad cig pa ma yin pa yang bsal bas 'di yang bsal to/ /ci ste pha rol po yang thams cad skad cig mar 'dod do zhe na/ bstan bcos byed pas de dag khas ma blangs la/ bstan bcos byed pa'i 'dod pa gang yin pa de 'dir
 dpyad par bya ba yin gyi/ skyes bu rang dga' i 'dod pa tsam ni ma yin te/ de rnams mdza' med pa'i phyir dang/ de rnams la thams cad mthong ba nyid kyang shin tu mi srid pa'i phyir ro/ /de bas na thams cad ces bya ba 'di lta ste/
 phung po lnga dang/ skye mched bcu gnyis dang/ khams bco brgyad po 'di dag nyid kho na tsam ste/ ji snyed yod par gyur pa'i bsam pa las byung ba'i shes rab po/ /theg pa chen po 'di la mang du brjod pa yod mod kyi/ bdag gis
 mdo sde du ma dag las /kha cig la ni don dang tshig dang/ /kha cig la ni don kho na slangs te/ mdor bsdus nas phyogs 'ga' zhig brjod par bya'o/ /'dir bcom ldan 'das kyis gdul bya rnams rnam par
 nyams par mi 'gyur par bya ba'i phyir rton pa rnam pa bzhi gsungs pa ni 'di lta ste/ chos la rton par bya'i gang zag la rton par ma byi'o/ /don la rton par bya'i yig 'bru la rton par mi bya'o/ /des pa'i don gyi mdo sde
 la rton par bya'i/ drang ba'i don gyi mdo sde la rton par mi bya'o/ /ye shes la rton par bya'i/ /rnam par shes pa la rton par mi bya'o/ /'di rnams kyi bshad pa mdo sde rgyan la sogs pa las 'di ltar /ston pas gsungs
 pa'i chos tshad ma yin gyi/ sun 'byin pa'i skye bo rnams kyi ni ma yin no/ /dgongs pa can gyi don tshad ma yin gyi/ mngon par 'dod pa ma yin pa sgra ji bzhin pa'i yi ge'i don ni ma yin no/ /de bzhin gshegs pa dang/
 de bzhin gshegs pas tshad mar snang ba'i byang chub sems dpa' la sogs pas nges par mdzad pa'i don tshad ma yin gyi gzhan gyi log par bsam pa ni ma yin no/ /ye shes tshad ma yin gyi/ rnam par shes
 pa ni ma yin no zhes gsungs so/ /de la ye shes ni 'jig rten las 'das pa'i shes rab ste/ rnam par mi rtog pa'o/ /rnam par shes pa ni 'jig rten pa'i thos pa la sogs pa la sogs pa'i shes rab ste/ rtog pa dang bcas
 pa'i shes rab bo/ /de la rton pa dang po ni/ chos dang don dag la lhag par mos pa las nyams par mi 'gyur ro/ /gnyis pa ni dgongs pa tsam gyi don la rang gi rigs pas rnam par dpyad pa las so/ /
 gsum pas phyin ci ma log pa'i don de gzhan las mnyan pa las so/ /bzhi pas ni 'jig rten las 'das pa'i ye shes las so/ /rton pa gsum pa'i nges pa'i don ni bshad pas nges par byas pa'o/ /drang ba'i don ni bshad par
 bya ba ste/ mdo gang dag gi don dgongs pa ji lta ba bzhin du gzung bar bya'i/ /sgra ji bzhin par ni ma yin te/ 'di'i don gzhan du drang bar bya ba yin pas drang ba'i don to/ /gang gis drang bar bya zhe na/ rig pa dang nges pa'i don du bshad
 pa'i mdo rnams kyi ste/ dper na don rnam par nges pa'i mdo las phyi rol gyi don yod par gsungs pa dang/ dam pa'i chos pad+ma dkar po'i mdo las theg pa gcig tu gsungs pa lta bu ste/ gang gi phyir mdo sde gzhan dag du de drangs nas
 gzhan du nges par mdzad pa'i phyir ro/ /nyan thos kyi theg pa'i chos gang yin pa nyid de bzhin nyid du ro gcig pa'i phyir theg pa chen po'i yang yin te/ de bas na theg pa ni gcig nyid do zhes dgongs pa nges par 'grel pa las gsungs
 pa'i phyir ro/ /mdo gzhan dag las kyang/ lam gyi theg pa la ni bdag med par mtshungs pa yin la/ 'bras bu'i theg pa las rnam par grol ba mtshungs pa de bas na/ theg pa ni gcig nyid do zhes bya ba la sogs pa gsungs so/ /gang yang
 der nyan thos rnams lung bstan pa yod mod kyi/ de yang gang gi phyir byang chub tu gyur pa'i nyan thos rnams dang ba las dogs pa yin gyi?/ gzhan du na zhi ba phyogs pa ni ma yin no/ /zhes mdo gzhan dag las gsungs pa'i phyir ro/ /nges
 ba'i don gyi mdo sde rnams las sems can rnams kyi bsam pa dang/ brag la nyal ba dang/ lhag par mes pa dang/ dbang po sna tshogs las rigs sna tshogs gsungs par snang/ de dag rigs ji lta ba bzhin du theg pa gsum la bslabs
 pas byang chub rnam pa gsum la reg par 'gyur la/ rigs med pa rnams kyang dge ba dang mi dge ba rnams la sbyang bas 'khor ba na 'khyam ste/ lcags dang zangs dang/ de la sogs pa'i rigs dang/ rigs ma yin pa'i rdo dag bzhu ba
 las /lcags dang/ zangs dang/ dngul dang/ gser dang/ /tsha che 'ba' zhig tu 'gyur ba bzhin no/ /mthu dang ldan pa'i sangs rgyas thams cad 'dus par gyur kyang/ zhi ba phyogs gcig pa'i nyan thos rnams bla na med pa yang dag par rdzogs pa'i
 byang chub tu mngon par 'tshang rgya bar bya ba 'am/ rigs med pa'i sems can rnams mya ngan las zla bar mi spyod do zhes gsungs so/ /mdo gang dag gi don sgra ji bzhin ba de ni nges pa'i don kho na'o/ /don de la ni don gnyis pa ma yin te/ 'di'i
 don nges pa kho na'o zhes bya ba nas nges pa'i don to/ /gang gi don nges zhe na/ mdo de nyid dang da las gzhan pa dang/ gnyis kas kyang ngo/ /gang dag de nyid yin zhe na/ 'phags pa dgongs pa nges par 'grel pa dang/ 'phags pa lang kar
 gshegs pa la sogs pa'o/ /gang dag de las gzhan pas yin zhe na/ 'phags pa brgyad stong pa la sogs pa'o/ /gang dag gnyis kas yin zhe na/ 'phags pa nyi khri lnga stong pa la sogs pa ste/ de'i tshas kyi sku'i le'u las/ gang gi
 phyir phyin ci ma log pa la dgod pa'i 'phrin las/ sgra ji bzhin pa'i don la mngon par zhen pa'i mtshan nyid kyi phyin ci log yongs su spangs pa'i mtshan nyid kyi drang ba'i don gyi bshad pa yod pa'i phyir ro/ /gang yang de bzhin gshegs pa dang/ /
 das tshad mar snang ba'i byang chub sems dpa' la sogs pa'i byang chub sems dpa' rnams kyis nges par mdzad pa'i don ni de las gzhan pa'i don du drang bar mi bya ste/ bcom ldan 'das nyid tshad ma'i dam par gyur pa dang su?
 thug ba med par thal bar 'gyur ba'i yang phyir ro/ /drad ba'i don ni de bzhin gshegs pas bstan pa rnams dgongs pa bzhi dang/ ldem por dgongs pa bzhi bshad de/ de la dgengs pa bzhi ni/ mnyam pa nyid la dgongs
 pa dang/ dus gzhan la dgongs pa dang/ don gzhan la dgongs pa dang/ gang zag gi bsam pa la dgongs pa rnams so/ /ldem por dgongs pa bzhi ni/ gzhug pa la ldem por dgongs pa dang/ gnyen po la ldem por dgongs pa dang
 mtshan nyid la ldem por dgongs pa dang/ bsgyur ba la ldem por dgongs pa rnams so/ /de la brjod par 'dod pa'i don bshad pa ni dgongs pa'o/ /bstan pa'i sgra'i dgongs pa bshad pa ni ldem por dgongs pa'o/ /de la mnyam pa nyid
 la dgongs pa ni/ dper na nga nyid de'i tshe de'i dus na/ de bzhin gshegs pa rnam par gzigs su gyur to zhes bya ba lta bu ste/ chos kyi sku mnyam pa nyid la dgongs pa'o/ /dus gzhan la dgongs pa ni/ dper na bde ba can du smon lam
 'debs par byed pa de de ru skye bar 'gyur ro zhes bya ba dang/ de bzhin gshegs pa zla ba'i 'od dri ma med pa'i mtshan 'dzin pa gang yin pa de des par bla na med pa'i byang chub thob par 'gyur ro zhes bya ba lta bu ste/ dus gzhan du zhes bya
 bar dgongs so/ /don gzhan la dgongs pa ni dper na/ gang+gA'i klung gi bye ma snyed kyi sangs rgyas rnams bsnyen bkur byas nas/ kun nas byang chub par theg pa chen po rtogs par 'gyur ro zhes bya ba lta bu ste/ chos kyi dbyings so sor rig
 pa'i rtogs pa skye'o zhes bya bar dgongs so/ /gang zag gi bsam pa la dgongs pa ni/ dper na la lar chos 'ga' la smad nas/ gzhan dag la bsngags pa mdzad pa lta bu ste/ gcig gis chog par 'dzin pa rnams gzhan 'dzin du gzhug pI
 phyir/ de dag gi bsam pa'i ngor de bzhin du brjod par bzhed pa yin/ gzhug pa la ldem por dgongs pa ni/ dper na rdzus te byung ba'i sems can yod do zhes bya ba dang/ gzugs dang sgra la sogs pa'i chos yod do zhes bya ba
 lta bu ste/ go rims bzhin du gang zag dang chos la bdag med pas 'jigs pa rnams bstan pa la gzhug pa'i phyir ro/ /gnyen po la ldem por dgongs pa ni/ dper na tshigs su bcad pa gnyis pa'i gzungs lta bu ste /'og nas brjod par
 bya'o/ mtshan nyid la ldom por dgongs pa ni dper na/ gzugs nas sangs rgyas kyi chos kyi bar du med do zhes bya ba dang /gzugs nas sangs rgyas kyi chos kyi bar du sgyu ma lta bu'o zhes bya ba dang/ gzugs nas sangs rgyas kyi chos
 gyi bar du nam mkha' dang mtshungs pa'o zhes bya ba lta bu ste/ kun brtags pa dang gzhan gyi dbang dang/ yongs su grub pa'i mtshan nyid gsum gyi ngo bo nyid de dag gis go rims bzhin du chos thams cad yod pa ma yin pa dang/ sgyu ma lta
 bu dang/ nam mkha' dang mtshungs so zhes rab tu bstan pa'i phyir ro/ /bsgyur ba la ldem por dgongs pa ni dper na/ snying po med pa la snying por 'dod/ /phyin ci log la rab tu gnas/ /nyon mongs pa yis kun nyon mongs/ /byang chub dam
 pa rnyed bar 'gyur zhes bya ba lta bu ste/ don zab mo'i phyir seng ge rnam par bsgyur ba'o/ /de dag rnam par bsgyur ba yang 'di ltar snying po med pa ni sems rnam par 'phro med pa ste/ ting nge 'dzin to/ /snying por 'dod pa ni de la snying
 po'i blo bskyed pa'o/ /'jig rten pa'i zhen pa las zlog bas na /phyin ci log ni mi rtag pa dang/ sdug bsngal ba dang mi gtsang pa dang/ bdag med pa rnams te/ de dag la rab tu gnas pas so/ /nyon mongs pa ni yun
 ring por dka' ba rnams la 'bad pas ngal ba ste/ des shin tu gzir ba'o/ /shin tu rgyas pa stong phrag brgya ba'i mdo tshigs su bcad pa gnyis pa'i gzung las/ tshigs su bcad pa gnyis pa ni dngos gzhi yin la/ tshigs su
 bcad pa gsum ni phan yon yin te/ sangs rgyas chos la brnyas pa dang/ /snyoms las cung zad tsam gyis mgu /'dod chags nga rgyal la spyod cing/ /'gyod dang ma des ldog gyur pa/ /bar du gcod pa'i nyes pa kun/ /sems can
 rnams kyi sgrib pa ste/ /de'i gnyen po theg pa mchog /bshad de rnam par spong bar 'gyur zhes bya ba la rigs nges pa'i byang chub sems dpa' dang/ nyan thos rnams theg pa chen po la kha phyir bltas pa ni ma nges pa dang bral ba'o/ /
 de spangs nas byang chub sems dpa' rnams theg pa chen pos gzung bar bya ba'i phyir dang/ nyan thos rnams drang bya ba'i phyir theg pa mchog bshad pa ste/ theg pa mchog bstan pa'o/ /bar du gcod pa 'di dag nyid sangs rgyas la brnyas
 pa la sogs pa'i sgrib pa brgyad do/ /de la sangs rgyas la brnyas pa'i sgrib pa'i gnyan por thos pa'i mchog bshad pa ni/ dper na nga nyid de'i tshe de'i dus na rnam par gzigs nas 'ong srungs kyi bar du gyur to zhes bya ba lta bu'o/ /
 chos thams cad sgrib pa'i gnyen po ni gang+gA'i klung gi bye ma snyed kyi zhes pa la sogs pa snga ma bzhin no/ /snyom las kyi sgrib pa'i gnyen po ni/ gang bde ba can gyi zhes bya ba dang/ zla ba'i 'od dri ma med pa zhes bya ba la sogs pa snga ma
 bzhin no/ /cung zad tsam gyi mgu ba'i sgrib pa'i gnyen po ni gang du bcom ldan 'das kyis sbyin pa la sogs pa kha cig la ni smad pa/ gzhan dag la ni bsngags pa lta bu'o/ /'dod chags spyod pa'i sgrib pa'i gnyen po ni gang du sangs rgyas kyi
 zhing /bkod pa phun sum tshogs pa brjod pa lta bu'o/ /nga rgyal sbyor ba'i sgrib pa'i gnyen po ni gang du sangs rgyas kha cig phun sum tshogs par lhag par brjod pa lta bu'o/ /'gyod pa'i sgrib pa'i gnyen po ni gang dag byang chub sems dpa' 
 gsum la gnod pa byed pa'i sems can de dag mtho ris su nyi bar 'gro'i? zhes bya ba lta bu'o/ /ma nges pa dang bral ba'i sgrib ba'i gnyen pon nyin thos chen po rnams sangs rgyas su lung bstan pa dang/ theg pa gcig kho nar zad de gnyis pa ni
 med do zhes bsngan pa dag go /'dir sgrib pa rnams spangs par dgongs pa ni ldem por dgongs pa'o// //dgongs pa nges par 'brel pa la sogs pa'i mdo las/ kun tu brtags pa dang gzhan gyi dbang dang yongs su grub pa
 ste/ ngo bo nyid gsum gsungs la/ de nyid bcom ldan 'das ma phyin ci ma log pa la dgongs pa lus/ kun bstags pa dang/ rnam par brtags pa dang/ chos nyid kyis sgras gsungs te/ kun brtags pa'i gzugs dang/ rnam par brtags pa'i
 gzugs dang/ chos nyid kyi gzugs dang zhes bya ba nas/ sangs rgyas kyi chos kyi bar du'o zhes bya ba'o/ /de dag mtshan nyid la sogs pa mdo rnams las rgyas bar nges par bstan pa de rnams 'dir mdor bsdus nas brjod par bya ste/ chos
 gang dag gi ngo bo nyid ming dang 'dris pa'i yid kyi brjod pas brtag pa de rnams ni mtshan nyid ji lta ba bzhin du med pa'i phyir kun brtags pa'i ngo bo yin te/ 'di ltar gzugs dang/ sgra dang mig dang rna ba dang zhes bya ba la sogs pa lta bu'o
 de yang mdor bsdus na rnam pa gnyis te gzung ba dang 'dzin pa'o/ /gang du na brtags pa'i ngo bo nyid la mngon par zhen pa'i bag chags kyi dbang gis gnyis po med par gyur kyang/ gnyis su snang bar skye la de spangs na ni skye bar mi 'gyur ba'i
 rnam par shes pa de ni rgyu rkyen la rags las pa'i phyir chos thams cad kyi gzhan gyi dbang gi ngo bo nyid do/ /gang yang gzhan gyi dbang de kun brtags pa des dus thams cad du stong zhing dben pa ste bral bar 'gyur ba de ni dus thams cad du de
 bzhin du gcig tu grub par 'gyur bas na chos thams cad kyi yongs su grub pa'i ngo bo nyid do/ /chos gang nam yang gnyis kyis mi stong ba de ni cung zad tsam yang med la/ stong pa nyid de yang nam yang 'gyur ba med pas /thams cad
 nas thams cad du nam mkha' lta bur ro gcig par 'gyur ba ste/ gang gi phyir nam mkha' ni gzugs med pa'i mtshan nyid pas thams cad du rtag tu ro gcig pa yin no/ /de bzhin du stong pa nyid kyang gnyis po med pa'i mtshan nyid kyi rang bzhin
 yin pas /rtag tu thams cad ro gcig pa'i ngo bo nyid de/ de bas na yongs su grub ba'i ngo bo nyid brjod do/ /de la dang po ni byis pa rnams kyis de bzhin kho nar btags pas /btags pa yod pa nges/ rdzas su yod pa yang ma yin
 la/ don dam par yod pa yang ma yin no/ /gnyis pa ni rten cing 'brel par 'byung bas rdzas su yod pa yin te/ btags par yod pa ni ma yin no/ /gsum pa ni rnam par dag pa'i don du dmigs pas don dam par yod pa ste
 rnam par dag par bya ba'i phyir/ de la dmigs pa yin gyi kun nas nyon mongs par bya ba'i phyir ni ma yin no/ /gzhan gyi dbang gi ngo bo nyid la yang yongs su grub pa'i rang bzhin gyis dmigs na /don dam par 'gyur la kun
 brtags pa'i rang bzhin gyis dmigs na ni kun rdzob du yod par 'gyur te /kun nas nyon mongs pa'i don du dmigs pa'i phyir ro/ /kun nas nyon mongs pa'i phyir dmigs pa ni rnam par byang ba'i phyir ma yin no/ /gzhan gyi dbang
 gi ngo bo nyid de ni yang dag pa'i kun tu rtog par brjod de 'di la yang dag pa ma yin par kun brtags pa 'am/ 'dis yang dag pa ma yin par kun rtog par byed pa ste/ bcom ldan 'das byams pas/ kun brtags
 gzhan gyi dbang dang ni/ /yongs su grub pa nyid dag ste/ /don phyir yang dag mi rtog phyir/ /gnyis po med pa'i phyir bshad do zhes gang gsungs pa lta bu'o/ /de nyid yang khams gsum pa'i sems dang sems las byung ba yin te/
 de la don gyi ngo bo la dmigs pa'i sems so/ /khyad par la dmigs pa ni sems las byung ba ste/ yang dag ma yin kun rtog ni/ /sems dang sems byung khams gsum pa/ /de la don mthong rnam par shes/ /de'i khyad par
 sems las byung zhes gsungs so/ /yang de ni rnam pa gsum ste kun gzhi rnam par shes pa dang/ nyon mongs pa can gyi yid dang/ 'jug pa'i rnam par shes pa'o/ /de la kun nas nyon mongs pa'i chos thams cad kyi
 sa bon gyi rten du gyur bas kun gzhi yin la/ rang gi ngo bo la nye bar dmigs pas rnam par shes ba'o/ /bdag tu rmongs pa dang/ bdag tu lta ba dang/ bdag la chags pa/ bdag tu nga rgyal ba ste/ nyon mongs pa bzhi po de
 dag dang/ rtag tu mtshungs par ldan pas nyon mongs pa yin la /bdag go zhes rtag tu rlom pa'i bdag nyid yin pas yod do/ /yang dang yang du 'byung bas 'jug pa yin la /yul la nye bar dmigs pas rnam par shes ba'o/ /
 de la dang po ni lus dang gnas dang/ longs spyod du snang ba ste/ lus ni dbang po rnams so/ /gnas ni snod kyi 'jig rten no/ /longs spyod pa ni yul lnga ste/ de'i snang ba ni de'i rnam pa can no/ /'jug pa'i rnam par shes pa ni rnam
 par shes pa'i chogs drug go /yang dag pa ma yin pa'i kun du rtog pa ni/ yang rnam pa bzhi ste /don du snang ba dang/ sems can du snang ba dang/ bdag tu snang ba dang/ rnam par rig par snang ba'i rnam par shes pa ste bzhi ba'o/ /
 de la longs spyod dang gnas su snang ba'i kun gzhi rnam par shes pa ni don du snang ba'o/ /gang lus su snang ba de ni sems can du snang ba'o/ /gang nyon mongs ba can gyi yid de ni bdag tu snang ba ste /kun gzhi rnam par shes pa
 nyid la des bdag tu 'dzin pa'i phyir ro/ /'jug pa'i rnam par shes pa gang yin pa de ni rnam par rig par snang ste/ yul rnams 'dzin pa snang ba'i phyir ro/ /yang dag pa ma yin pa'i kun tu rtog pa ni rnam pa gnyis dang /rnam pa
 drug tu yang 'gyur te/ ji ltar rnam pa gnyis yin zhe na/ gzung ba'i mtshan nyid dang/ 'dzin pa'i mtshan nyid de/ gzung ba dang 'dzin pa'i mtshan nyid du snang ba'i phyir ro/ /ji ltar rnam pa drug yin zhe na/ de dag nyid so sor
 rnam pa gsum gsum du byas pa ste/ lus dang gnas dang longs spyod tu snang ba dang/ yid dang nye bar 'dzin pa dang/ rnam par rtog pa rnams so/ /de la yid ni nyon mongs pa can gyi yod do/ /nye bar 'dzin pa ni 'jug
 pa rnam par shes pa lnga rnams so/ /rnam par rtog pa ni yid kyi rnam par shes pa ste /gcig tu rnam par rtog pa'i ngo bo nyid yin pa'i phyir ro/ /yang dag pa ma yin pa'i kun tu rtog pa ni rnam pa brgyad du yang 'gyur
 te/ kun gzhi dang/ nyon mongs pa can gyi yid dang/ 'jug pa'i rnam par shes pa drug ste brgyad do/ /yang dag pa ma yin pa'i kun tu rtog pa de dag ni/ zag pa dang bcas pa'i 'du byed thams cad dang/ kun nas nyon
 mongs pa thams cad dang/ 'khor ba thams cad kyang yin no/ /yongs su grub pa'i ngo bo nyid gang yin pa de ni/ yang dag pa ma yin pa'i kun tu rtogs pa'i stong pa nyid kyi ngo bo yin no/ /gang gis stong zhe na/ gnyis
 kyis te/ gzung ba dang 'dzin par kun tu rtog pas so/ /stong pa de'i mtshan nyid ni yang dag pa ma yin pa'i kun tu rtog pa gang yin pa la gnyis med pa dang/ gnyis su med pa'i ngo bo yin par dgongs so/ /gang gi phyir stong pa nyid
 'di ni/ gnyis kyi dngos po med pas dngos po ma yin la/ gnyis po med pa'i ngo bo yin pa de'i phyir med pa yang ma yin no/ /'phags pa dgongs pa nges par 'grel pa la sogs pa las/ de ni 'du byed rnams las gzhan nam/ gzhan
 ma yin pa ma yin par gsungs te/ 'di ltar gal te de dag las gzhan ma yin par gyur na/ byis pa rnams kyi 'du byed rnams mthong bas na/ stong pa nyid kyang mthong bar 'gyur la/ des na bden pa mthong bas dgra bcom pa
 nas yang dag par rdzogs pa'i sangs rgyas kyi bar du 'gyur ro/ /gzhan yang 'du byed rnams kun nas nyon mongs pa yin pa de bzhin du/ stong pa nyid kyang kun nas nyon mongs par 'gyur la/ stong pa nyid rtag pa bzhin du
 'du byed rnams kyang rtag par 'gyur ba dang/ ji ltar stong pa nyid rnams la bye brag med pa de bzhin du/ de rnams kyi rang gi mtshan nyid kyang bye brag med par 'gyur ro/ /gzhan yang rnal 'byor pa rnams kyis stong pa nyid las
 mchog tu gyur pa'i de kho na nyid btsal du med pa de bzhin du/ 'du byed kyi mtshan nyid las mchog tu gyur pa'i de kho na nyid btsal du med par 'gyur bas/ de'i phyir de ni de rnams las gzhan ma yin pa ma yin no/ /gzhan pa yang ma
 yin te gang las zhe na/ gang gi phyir de ni de rnams kyi bdag med pa tsam ste/ dung gi dkar po bzhin du/ rang bzhin med pa tsam yin pa'i phyir ro/ /gzhan yang de rnams las gzhan par 'gyur na/ bden pa mthong ba rnams kyis kyang 'du byed rnams kyi mtshan ma zil
 gyis gnon par mi 'gyur la/ des na mtshan ma'i 'ching ba dang/ gnas ngan len gyi 'ching ba las grol bar mi 'gyur ro/ /des na mya ngan las 'das pa dang/ yang dag pa'i sangs rgyas kyi bar 'di dag du yang mi 'gyur ro/ /gzhan yang 'di ni 'du byed
 rnams kyi spyi'i mtshan nyid du yang mi 'gyur la kun nas nyon mongs pa dang rnam par byang ba'i mtshan nyid dag kyang cig car tha dad par 'gyur ro/ /de bas na 'di ni de dag las gzhan pa ma yin te/ gang yang/ gnyis dngos med pa'i dngos med pa'i/ /dngos po
 stong pa'i mtshan nyid de/ /dngos po ma yin dngos med min/ /tha dad gcig gi mtshan min zhes gsungs so/ /de lta bu'i stong pa nyid kyi mtshan nyid ji lta bu bzhin du/ ming gi rnam grangs ni/ de bzhin nyid dang/ yang dag pa'i mdza' dang/ mtshan ma med pa
 pa dang/ don dam pa dang/ chos kyi dbyings dang/ chos nyid ces bya ba dag yin no/ /de nas rnam grangs kyi don ni 'gyur ba med pas na de bzhin nyid de dus thams cad du gnas pa'i phyir ro/ /yang dag pa ni de kho na nyid yin la/ de'i mdza' ni mchog tu gyur
 pa ste/ des na yang dag pa'i mdza' o/ /'di la mtshan ma rnams med pas na mtshan ma med pa ste/ spos pa'i mtshan ma thams cad nub pas de la dmigs pa'i phyir ro/ /dam pa ni 'jig rten las 'das pa'i ye shes yin la/ don ni de'i yul yin te/
 des na don dam pa'o/ /chos ni 'phags pa'i chos rnams so/ /de rnams kyi rgyu yin pas na dbyings te/ de la dmigs pas de rnams skye ba'i phyir chos kyi dbyings so/ /dngos po rnams kyi chos kyi rang bzhin yin pas na chos nyid do/ /de ni de'i dbye ba brjod
 sngon gyi gnas skabs su ni kun nas nyon mongs pa de'i bdag nyid ma yin pa'i blo bur gyi dri ma can yang yin la/ phyis ni 'phags pa'i lam gyis de rnams spangs pas rnam par dag par 'gyur zhing dri ma med pa yin te/
 dper na chu'i khams dang gser dang nam mkha' i rnams rang bzhin dag pa la blo bur gyi rnyog pa zangs dang khug rna la sogs pas dri ma can du gyur pa de rnams dang bral ba bzhin no/ /de bas na de ni kun nas nyen mongs pa yang ma yin la/ ma dag
 pa yang ma yin te/ sems kyi chos nyid rang bzhin gyis 'od gsal ba'i phyir kun nas nyon mongs pa yang ma yin la/ dag pa yang ma yin te/ blo bur gyi dri mas bsags pa'i phyir ro/ /de yang de ni dri bcas dri ma med/ /kun nas nyon mongs
 rnam par dag /chu khams gser dang nam mkha' rnams/ /dag pa bzhin du dag par 'dod/ /gal te nyon mongs de ma gyur/ /lus can thams cad grol bar 'gyur/ gal te rnam dag de ma gyur/ /'bad pa 'bras bu med par 'gyur
 nyon mongs ma yin mi mongs min/ /de ni dag dang ma dag min/ /sems kyi rang bzhin 'od gsal la/ /nyon mongs rnams ni blo bur phyir zhes gang gsungs pa'o// //rnam par shes pa brgyad bstan pa de dag
 las/ gang zhig ji ltar ji srid du 'khor bar 'jug ce na/ re zhig kun gzhi rnam par shes pa ni dge ba'i las kyis bde 'gror sman te/ sngon gyi las kyi rnam par smin pa zad nas/ gzung ba dang 'jin pa la mngon par zhen pa'i
 bag chags dang bcas pa'i las kyi bag chags kyis bskyed de/ bskyed nas kyang chu bo'i rgyun bzhin du ji srid 'tsho'i bar du 'jug par 'gyur la/ de'i 'og tu yang gzhan du de bzhin du skyes nas rgyun du 'jug par 'gyur te/ bcom
 ldan 'das kyis len pa'i rnam par shes pa zab cing phra/ /chu rgyun bzhin 'bab sa bon thams cad pa/ /bdag tu rtog par gyur na mi rung zhes/ /'di ni byis pa rnams la ngas ma bstan zhes gsungs te/ de ni dgra bcom pa nyid las ldog par 'gyur ro/ /
 nyon mongs pa can gyi yid ni kun gzhi rnam par shes pa de nyid la skyes nas 'jug par 'gyur te/ 'jig rten las 'das pa'i lam mngon du byas pa dang/ 'gog pa'i snyoms par 'jug pa mi ldog par 'gyur la/ de dag las langs nas kyang kun
 gzhi nyid las 'jug par 'gyur te/ dgra bcom pa nyid las thams cad du ldog par 'gyur ro/ /yid kyi rnam par shes pa yang skad cig re re zhing kun gzhi las byung nas 'jug par 'gyur la sams med pa'i gnyid dang/ brgyal ba dang/ 'du
 shes med pa'i snyoms par 'jug pa dang/ 'du shes med pa ba dang/ 'gog pa'i snyoms par 'jug pa dag las mi skye'o/ /rnam par shes pa lhag ma lnga ni chu las rlabs dang 'dra bar kun gzhi nyid las rkyen ji lta ba bzhin du cig car ram/ rim
 gyis 'byung bar 'gyur te/ kun gzhi rnam par shes pa de nyid sa bon thams cad kyi rten yin pa'i phyir ro/ /de ltar 'khor ba ji srid pa'i bar du'o/ /ji ltar na mya ngan las 'das par 'gyur zhe na/ 'dir rnal 'byor pa rnams ba sgoms pa'i stobs
 kyis 'jig rten las 'das pa'i ye shes skye bar 'gyur ro/ /de yang nyan thos dang/ rang sangs rgyas rnams ni chos thams cad la bdag dang bdag gi rang bzhin gyis stong pas dmigs la/ byang chub sems dpa' rnams ni gzung ba dang 'dzin pa
 rang bzhin gyis stong pas kyang dmigs so/ /de ltar bsgoms pas dang po skyes pa'i ye shes de ni don dam pa'i bden pa ma mthong bas mthong ba'i lam zhes brjod do/ /de'i 'og tu de nyid yang dang yang mngon du byed pa rnams ni bsgom pa'i lam zhes
 bya ste/ mthong ba'i lam dang/ bsgom pa'i lam 'di dag gis spang bar bya ba'i nyon mongs pa thams cad kyi bag la nyal yang dag par bcom pas/ nyan thos dang sangs rgyas dag ni dgra bcom par 'gyur la/ byang chub
 sems dpa' rnams ni sa bcu rnams la ji ltar rigs par nyon mongs pa'i bag la nyal spangs pa dang/ shes bya'i sgrib pa'i bag chags gang gis tshe yang dag par bcom par byas pa de'i tshe/ de bzhin gshegs pa
 dgra bcom pa yang dag par rdzogs pa'i sangs rgyas su 'gyur te/ dgra bcom pa 'di gsum la kun gzhi rnam par shes pa ldog par 'gyur ro/ /log pa ji lta bu zhig ce na/ gnas gyur pa ste sems kyi rgyun gyi mtshan nyid
 kun nas nyon mongs pa'i gnas su gyur pa'i cha log nas rnam par byang ba'i cha na mkha' ji srid pa'i bar du 'jug pa ste/ kun nas nyon mongs pa'i chos thams cad kyi sa bon du gyur pa'i bag chags yang dag par bcas pas/
 kun gzhi rnam par shes pa de'i dngos po de'i gnas su gyur pa spangs pa na sa bon zad pas kun nas nyon mongs pa'i chos thams cad skye bar mi 'gyur te/ de'i che brten de ni nam mkha' ltar ro/ /gcig pa nyid kyi zag pa med
 pa'i dbyings zhes brjod la/ sa bon zad pas lus dang/ gnas longs spyod du snang ba'i rnam par shes pa skye bar mi 'gyur te/ rnam par grol ba'i sku zhes bya bar yang brjod do/ /de nyid kyis na sangs rgyas bcom ldan 'das
 rnams kyi rnam par grol ba'i sku ni nyan thos dang/ rangs rgyas dag las bye brag med de/ thams cad kyi rnam par grol bI sku shel dag pa lta bu khyad par med pa'i phyir ro/ /chos kyi sku ni de dag las khyad par 'phags te/ 'di ltar
 lta bur dgongs pa 'byung ngo zhes bston pa yin no/ /ci'i phyir yin bzhes bya ba ni dgongs pa ci zhig yod de/ sangs rgyas bcom ldan 'das rnams kyi bstan pa sku?? dgos pa med pa yin no/ /lus gang yin zhes bya ba ni lus kyi sgras ci zhig gsungs zhes
 bya ba'i tha tshig go /las ci yin zhes bya ba ni las kyis kyang ci zhig gsungs zhes bya ba'i tha tshig go /don gang gis zhes bya ba la sogs pa 'di ni sgra'i don gyi dbang du mdzad nas dri ba yin te/ rgyu gang gis na de la lus la sogs pa'o sgra 'jug ces bya ba'i
 tha tshig go /de bzhin du zhes bya ba la sogs pas ni mtshan nyid mthun pa'i phyir/ las gnyis la yang rtsis mgos bsgre pa yin te/ de la yang dag 'di gang yin zhes bya ba la sogs pa dri bar bya'o/ /zhes bya ba'i tha tshig go /de bzhin du
 ci'i phyir zhes bya ba la sogs pa gzhan 'di yang brjod dgos so/ /mig la sogs pa'i las rnams ni 'dir lta ba la sogs par rig par bya'o/ /da ni re zhig bstan pa 'di ci'i phyir yin zhe na zhes bya ba la sogs pas dri ba re re'i lan
 gdab par mdzad do/ /las kyi lam bcu po dag ces pa ni srog gcod pa la sogs pa dang/ de dag spong ba rnams so/ /las gsum dag gis bsdus pa bstan pa'i phyir te zhes bya ba ni lus la sogs pa'i las rnams kyis bsdu ba rab tu
 bstan pa'i phyir te/ 'di ltar lus kyi las kyis bsdus pa ni gsum ste/ srog gcod pa dang/ ma byin par len pa dang/ 'dod pas log par g.yem pa rnams dang/ de spong ba rnams so/ /dag gi las kyis ni bzhi ste/ brdzun du smra ba dang/ phra ma
 dang tshig scu ba po dang/ tshig kyal ba rnams dang/ de spang ba rnams so/ /yid kyi las kyis ni gsum ste/ brnab sems dang/ gnod sems dang/ log par lta ba rnams par? de spong ba rnams bsdus so/ /gang zig ci 'dra ba dag la zhe na/ de'i phyir
 ma gang du gang 'di gzungs zhes bya ba nas/ sangs rgyas kyi chos kyi bar zhes bya ba/ blo bur gyi ming gi brjod cing btags pa 'di ni rnam par rtog pa tsam mo/ /yang de dag rnam par mi rtog pa'i
 dbyings su zhugs te/ rnam par rtog pa rnams dang bral na yod pa'am/ med pa dag ni ci zhig tu dmigs par 'gyur na/ gang 'di gzugs zhes bya ba nas/ sangs rgyas kyi chos zhes bya ba'i bar gyi blo bur gyi ming du
 brjod pa 'di dag gang du 'dog par byed ces gsungs te/ gang gi phyir 'dir rnam par mi rtog pa la mi dmigs pas/ 'di dag rnam par rtog pa tsam yin pa'i phyir/ ming dang mtshan ma 'di kun brdzun yin par gsal
 bar mdzad do/ /gcig dang du ma'i rang bzhin dang bral ba'i phyir yang brdzun pa nyid yin te/ 'phags pa lang kar gshegs pa las ji skad du/ ji ltar me long la ni gzugs/ /gcig dang gzhan pa rnams
 spangs pa/ /snang yang de na yod ma yin/ /de bzhin dngos rnams ngo bo nyid/ /ces gsungs te/ 'dir ngo bo'i sgras ni mtshan ma'i ngo bo bstan te/ rang gi mtshan nyid rnams kyi dbye ba rnam par bzhag pa ni/ mtshan
 ma'i dbye ba la rag las pa'i phyir ro/ /de bas na chos thams cad sems tsam dang/ rnam par shes pa tsam dang/ gsal ba tsam yin pas rnam par rig pa'i gzung ba phyi rol gyi don yod pa ma yin pas/ rnam par rig pa
 rnams kyang 'dzin pa'i rang bzhin du yod pa ma yin te/ 'di gnyis ni yid kyi mngon par brjod pa'i phyir/ chos thams cad kyi kun brtags pa'i rang bzhin can? no/ /gang la brtags she na/ don med par yang
 bdag la'o/ /de gnyis kyang zhes bya ba ni lus dang ngag gi las gnyis so/ /bstan pa 'di ni de lta bu'i phyir yin no/ /zhes bsgrubs nas da ni lus kyi sgra'i brjod par bya ba bstan pa'i phyir/ lus ni zhes bya ba la sogs pa gsungs so/ /dbang po dang bcas pa'i
 khog pa zhes bya ba ni mdor bstan pa yin no/ /'byung ba dang 'byung ba las gyur pa 'dus pa'i khyad par zhes bya bas ni de nyid rgyas par bstan pa yin no/ /las ni zhes bya ba la sogs pas ni las kyi sgra'i brjod par bya ba bstan to/ /bsags
 pa'i don gyis zhes bya ba la sogs pa 'dis ni lus kyi sgra bsdus pa bstan to/ /ji ltar bsags pa'i don gyis she na/ de'i phyir/ 'byung ba dang zhes bya ba la sogs pa gsungs so/ /kha cig na re zhes bya ba ni smra ba kha cig go/ ngan pa bsags pa'i
 don gyis te zhes bya ba ni smad pa'i don gyis so/ /ji ltar smad pa yin zhe na/ de'i phyir/ mi gtsang ba'i zhes bya ba la sogs pa smos so/ /phyogs 'di glags dang bcas pa'i phyir slob dpon gyis de dag gi ltar na zhes bya ba la sogs pas
 sun dbyung ba gsungs te/ gang dag dan pa'i don gyis lus yin par 'dod pa de dag gi ltar na lha'i lus ni lus su mi 'gyur te/ lus kyi phyi nang bcas pa yin du 'ong ba'i phyir ro/ /byed pa po'i zhes bya ba la sogs pas ni las kyi sgra
 sgrub pa yin no/ /lus g.yo bar byed pa'i zhes bya ba la sogs pas ni lus kyi las kyi sgra sgrub pa yin no/ /gal te lus g.yo bar byed pa yin na de ji ltar lus kyi las zhes bya ste/ de lta na lus g.yo bar byed pa'i las zhes de skad bya
 ba sogs?? zhes bya ba'i phyogs snga mas dogs nas de'i phyir de'i gzhung gzugs pa'i phyir/ sems pa ni rnam pa gsum ste zhes bya ba la sogs pa gsungs te/ 'dis kyang re zhig sems pa kho na rnam par 'byed de/ lan ni phyis 'debs so/ /'gro
 pa'i mtshan ma rnams la ni rgyu dang 'bras bu 'gag par bya ste/ de rnams brdzun pa yin pa'i phyir ro/ /gzhan du na sems dang sems las byung ba gsal ba'i lus can ni dgag pa ma
 yin te/ 'phags pa lang kar gshegs pa las ji skad du/ rgyu dang rkyen ni bzlog pa dang/ byed pa yang ni bkag pa yis/ /skye ba med par ngas bshad de/ /sems tsam du ni rnam par bzhag /ces gsungs
 so/ /klu bsgrub kyi zhal snga nas kyang/ dngos rnams skye ba yod min zhing/ /'gag pa'ang gang na yod min zhing/ /shes pa 'di nyid kho na ni/ /skye zhing 'gag par 'gyur pa yin/ /'byung ba che la sogs bshad pa/ /
 rnam par shes su yang dag 'du/ /ye shes kyis ni de bral na/ /log par rnam brtags cis ma yin/ /zhes bya bas 'di thams cad gsungs te/ 'byung ba chen po la sogs pa gang gsungs pa de dag rnam
 shes su yang dag par 'du ba ste/ de'i nang du gtogs par 'gyur ba ste/ phyi rol gyis 'byung ba chen po la sogs pa med bzhin du yang/ byis pa rnam der snang ba'i rnam phar shes pa skyes la/ shin tu ma
 'khrul pa'i ye shes kyis de nub par gyur pas/ log par brtags te 'khrul pa'i rtog pas sngar gyi dus su brtags pa nyid kyi phyir/ brdzun pa nyid yin no zhes bya ba ni tshigs su bcad pa gnyis pa'i don yin no/ /
 de nyid kyis na rnal 'byor spyod pa pa rnams dang/ dbu ma pa grub pa'i mdza' mtshungs pa yin no/ /cha 'di tsam gyis ni tha dang pa yin te/ rnal 'byor spyod pa pa rnams ni byis pas gzung ba'i chos rnams brdzun pa'i phyir
 de lta bur brjod pa'i phyir ro/ /lan 'di ni phyi ma dag gi las la yang blta bar bya'o/ /sems pa'i khyad par kho na la lus la sogs pa'i las rnam par bzhag pa dang/ 'dir yang gzhan gyis 'gal bar bstan pa'i phyir/ las kyi lam rnams las zhes
 bya ba la sogs pa smras so/ /de skad ces bya bar 'gyur zhe na/ zhes bya ba ni srog gcod pa la sogs pa zhes bya bar ro/ /'di skad du las kyi lam rnams kyi nang nas srog gcod pa la sogs pas lus kyis rnam pa gsum du rnam par phye la/ khyed kyi
 lugs kyis ni lus kyis las kyang sems pa la bya bas de'i phyir ji iltar na de la de ltar tha snyad gdags te/ des na srog gcod pa dang/ ma byin pang len pa dang/ 'dong pa bud med rnams la log par g.yem par mi byed kyi/ 'on kyang
 lus kyi rnam par rig byed kyis de lta bur byed do zhes bstan pa yin no/ /des de zhes bya ba la sogs pas ni slob dpon gyis lan bstan pa yin te/ des zhes bya ba ni sems pas so des bskyed pa'i zhes bya ba la sogs pas ni tshig smos
 pa 'di nyid 'grel pa yin no/ /ji ltar zhes bya ba la sogs pa ni ji ltar chom rkun gyis sbar ba'i mes grong bsregs pa dang/ de bzhin du rtswa las byung ba'i mes 'bras chan chos pa na chom rkun rnams kyis grong bsregs pa dang/ rtswa ba 'bras
 chen tshos zhes zer te/ 'dir yang de bzhin no zhes bya ba'i tha tshig go /ji ltar na zhes bya ba la sogs pa la/ 'dir gzhan gyi bsam pa ni gang gi ltar na srog gcod pa la sogs pa lus dang ngag gi las kyi rang bzhin yin pa'i phyir las
 sems pa zhes bya ba'i lam yin pas las kyi lam nyid du rigs kyi/ gang gi ltar na sems pa nyid lus la sogs pa'i las yin pa de'i ltar na las kyi lam du mi rigs so zhes bya ba 'di yin no/ /de ni las kyang yin la zhes bya ba la soT
 de dag ni thag bsrings te spang bar bya'o/ /ci te kun rdzob kyi bden pa gang yin zhe na/ byis pa rnams kyi yul du gyur ba'i don no/ /don dam pa'i bden pa gang zhe na/ 'phags pa rnams kyi yul du gyur ba'i don
 no/ gnyi ga la yang rnam pa gsum gsum ste/ brtags pa'i kun rdzob ni kun brtags pa'i ngo bo nyid de tha snyad tsam yin pa'i phyir ro/ /rtog pa'i kun rdzob ni gzhan gyi dbang gi ngo bo nyid de log pa'i shes pa yin pa'i phyir ro/ /
 gsal bar byed pa'i kun rdzob ni/ yongs su grub pa'i ngo bo nyid de/ de ni mtshan mar gyur pa de las yongs su grub pa'i ngo bo nyid ston pa'i phyir ro/ /de la don dam pa ni/ stong pa nyid ye shes dam pa'i yul yin pa'i phyir
 ro/ thob pa don dam pa ni/ mya ngan 'das pa ste/ ye shes dam pa'i 'bras bu yin pa'i phyir ro/ /rtog pa don dam pa ni/ yang dag pa'i ye shes ste/ 'di la don dam yod pas zhes bya ba'i phyir ro/ /gang yang mdo las sems
 de ni sems ma yin te/ de ni yod pa dang med pa las 'das pa'i phyir ro/ /zhes gsungs pa/ de'i don gsal ba'i rang bzhin yin pa de'i phyir sems tsam mo/ /'dzin pa'i ngo bo med pa'i phyir sems ma yin no/ /de bzhin
 du 'dzin pa'i mtshan nyid kyis ni yod pa ma yin no/ /gsal ba'i mtshan nyid kyis med pa yang ma yin no/ zhes bya ba 'di yin no/ /de skad du 'phags pa lang kar gshegs pa las/ blo yis rnam par gzhigs na
 ni/ ngo bo nyid du gzung du med/ /de phyir de dag brjed med dang/ /rang bzhin med par bstan pa yin/ /blo yis rnam par dpyad na ni/ /gzhan dbang med cing kun brtags med/ /yongs su grub pa dngos med na/ /
 blo yis ji ltar rnam par brtag /rang bzhin med cing rnam rig med/ /dngos po med cing kun gzhi med/ /byis pa'i ro dang mtshungs pa yis/ /rtog ge ngan pas 'di dag brtags/ /dngos po mtshan ma rnam rig gi /yid log g.yo ba gang
 yin las/ nga? yi sras rnams rab 'das nas/ /rnam par mi rtog pa yis dpyod ces gsungs so/ /'di'i don gang yin zhe na/ 'di'i don blo zhes bya ba bsams pa las byung ba'i shes rab po/ /ngo bo zhes bya ba ni chos rnams
 kyi rang gi mtshan nyid de/ gzung ba dang 'dzin pa gnyis kyis bsdus pa'o/ /de ni zhes bya ba ni chos rnams te/ /'di tsam gyis ni kun brtags pa'i ngo bo nyid med par bstan to/ /gang gi phyir kun brtags pa med pa de bas na/
 rang gi blo las tha dad pa'i gzung ba rnam par dpyad na/ gzhan dbang dang yongs su grub pa'i ngo bo dag kyang/ kun brtags pa'i ngo bo nyid du 'gyur bas med pa yin na/ de ji ltar rnal 'byor pa don dam pa don du gnyer bas
 blo yis brtag par bya zhing bsgom par bya ste/ nus par ci'i phyir mi bya zhes bya ba'i don to/ /'di ni tshigs su bcad pa gnyis pa'i don to/ /rang bzhin ni gnyis kyi mtshan ma'o/ /rnam rig dang dngos po ni gnyis so/ /
 kun gzhi ni mngon par zhen pa'i yul te/ kun tu brtags pa bzhi pa nas/ don dam pa'i bar du thams cad yod pa ma yin te/ byis pa rnams kyis rnam par brtags pa 'ba' zhig tu zad do/ /dro zhes bya ba ni 'phags
 pa'i ye shes med pa'i phyir ro/ /rtog ge ngan pas brtags zhes bya ba ni/ rnam par rtog pa las ma 'das pa'o/ /de dag ni rnam par rtog pa las ma 'das pa'i rnal 'byor pa la smad pa te tshigs su bcad pa gsum
 pa'i don to/ /de las 'das pa'i bsngags pa ni/ tshigs su bcad pa bzhi pa'i don to/ /theg pa chen po'i don mdor bsdus pa ni 'di yin te/ 'phags pa lang gar gshegs pa las
 ji skad du chos lnga dang ni rang bzhin dang/ /rnam par shes pa brgyad nyid dang/ /bdag med gnyis kyi dngos pos ni/ /theg pa chen po ma lus bsdus/ /zhes gsungs so/ /de la chos lnga ni ming dang rgyu mtshan
 dang/ rnam par rtog pa dang/ de bzhin nyid dang /yang dag pa'i ye shes so/ /'dir yid kyis brjod pa la gnas pa'i sgra ni ming ngo/ /don ni rgyu mtshan no/ /rnam par rtog pa ni yang dag pa ma yin pa'i
 kun tu rtog pa'o/ /de bzhin nyid ni stong pa nyid do/ /yang dag pa'i ye shes ni/ 'jig rten las 'das pa'i ye shes so/ /bdag med pa gnyis ni/ gang zag la bdag med pa dang/ chos la bdag
 med pa'o/ /de dag ni ji lta bzhin du gyur pa'i thos pa las byung ba'i shes rab bo// //bcom ldan 'das kyis chos thams cad ni rang bzhin med pa'o/ /zhes gsungs pa 'di ji lta
 bu zhe na/ gang gi phyir gzugs ni gzugs kyi rang bzhin gyis stong zhes bya ba nas/ ji srid sangs rgyas kyi chos kyi bar ni sangs rgyas kyi chos rnams kyi rang bzhin gyis stong pa'o zhes bya ba'i bar du ste/ gang gi rang
 bzhin nye bar bzung nas/ 'di gzugs so zhes gzugs kyi rang gi ngo bo dang/ mi phyed pa nyid du skye bo rnams kyis rtogs te/ gzugs de'i rang bzhin yin pas na gzugs nyid do/ /de yang ming tsam yin pa 'am/
 ming dang dbyer med pa'i spyi'i gzugs nyid du 'gyur grang na/ de la ming gang yin pa de ni/ de'i ngo bo ma yin pa'i phyir de ni de'i rang bzhin gyis stong pa nyid do/ /spyi'i ngo bo nyid kyang/ skad cig ma ma yin pa nyid bkag pas rang
 gi ngo bor med la ming dang tha mi dad pa yang/ shin tu med pa yin pas gcig tu gzugs kyi ngo bo nyid ma yin te/ gzugs kyi rang bzhin des gzugs stong pa nyid do/ /de bzhin du sangs rgyas kyi chos kyi bar du'o/ /ci ste dngos
 po'i ngo bo nyid kho na tshig dang rnam par rtog pa'i yul du gyur ba yin na/ dngos po med par de dag yod par mi 'gyur bas/ sngon gyi dus su rgyal po mang pos bkur ba 'byung ngo zhes bya ba dang/ ma 'ongs pa'i dus su 'khor los
 sgyur ba'i rgyal po dung zhes bya ba 'byung bar 'gyur ro/ /zhes bya ba la sogs par mi 'gyur zhing/ brdzun du smra ba dang/ log par zhen pa yang med par 'gyur la/ sgra rtag ces bya ba dang/ mi rtag ces bya ba 'dod pa tha dad
 par mi 'gyur te/ rang bzhin 'gal ba dag ni gcig la mi rung ba'i phyir ro/ /de bas na dngos po rnams ming gis nye bar mtshon pa'i rang bzhin med pas rang bzhin med pa nyid do/ /'di skad du 'phags pa lang
 gar gshegs pa las/ ming ni gang dang gang dag gis/ /chos gang zhig ni mngon brjod pa/ /de ni de la yod min te/ /chos rnams kyi ni chos yin zhes gsungs te/ 'di'i bshad pa ni rab tu byed pa sum cu pa las/
 rnam par rtag pa gang gang gis/ /dngos po gang gang rnam brtags pa/ /de nyid kun tu brtags pa yi/ /rang bzhin yin te de med do/ /zhes gsungs so/ /bcom ldan 'das kyis kyang/ phyi rol gzugs ni yod ma
 yin/ rang gi sems ni phyi rol snang zhes bya ba dang/ rgyal ba'i sras dag khams gsum pa 'di ni sems tsam mo/ /zhes gsungs te/ sems dang/ yid dang/ rnam par shes pa dang/ rnam par
 rig pa zhes bya ba ni rnam grangs so/ /de ltar gang gi phyir chos thams cad rnam par rig pa tsam gyis rang bzhin yin phyir ro/ /gzung ba dang 'dzin pa'i ngo bo nyid dang bral pas rang bzhin med pa nyid do/ /ci ste 'di dag rnam
 par shes pa tsam gyi rang bzhin no zhes bya ba 'di la rigs pa ci yod ce na/ brjod par bya ste/ 'di la chos rnams bdag nyid kyi gsal ba'i ngo bo nyams su myong ba grub pa yin la/ gsal ba de yang rab tu snang ba
 dang/ so sor snang ba dang/ gsal bzhin pa zhes bya bo/ /de yang bems po yang ma yin pa ste/ lkog tu gyur pa ma yin zhing yongs su gsal ba'o/ /de grub pa ma yin na ni/ gang yang snang bar mi 'gyur bas/
 thams cad ma grub par thal bar 'gyur ro/ /grub na ni de nyid shes pa yin pas chos thams cad shes pa'i rang bzhin du grub par 'gyur ro/ /'dir spyod pa can dag na re/ gzung ba'i yul gyi chos gsal ba yin zhes
 bya ba ni/ bdag nyid kyis myong bas bden na/ de yang shes par bya ba yin gyi/ shes pa'i mtshan nyid ni ma yin no zhes zer na/ de yang mi rigs te/ gang gi phyir gsal ba'i bdag nyid so so nges pa nyams su myong
 na/ sngon po la sogs pa so sor nyams su myong ba grub kyi/ de las ma gtogs pa'i rgyu stong snyed tshogs par gyur kyang ma yin no/ /de bas na 'di nyid tha dad par 'jog par byed pa dang/ rgyu'i tshogs kyi mthar thug pa yin pas/ myong
 bar byed pa'i byed pa po yin pa nyid de/ 'dis shes par byed pas shes pa zhes bya ba 'am/ 'di nyid rig cing shes pa'i ngo bo yin pas shes pa yin par rigs so/ /de gnyi gas chos thams cad shes pa'i rang bzhin gyi ngo bor grub pas ???
 de las mi gtogs pa'i shes pa sgrub pa'i tshad ma med pa'i phyir/ shes pa'i rgyu rnams nye ba las de nyid skyes par mthong ba'i phyir ro/ /rigs pa can la sogs pa na re/ gsal ba bstan pa 'di ni shes bya dang/ shes pa'i chos nyid
 ma yin te/ phyi rol gyi yul la shes pa dang nas skyes pas gsal bar gyur pa yin la/ shes pa la yang de shes pas gsal bar gyur pa'o zhes zer na/ de yang shin tu rigs la ma yin te/ don rnams kyi gsal ba nyams su
 myong bas grub pa 'di gsal bar ni tshangs pas kyang mi nus pa'i phyir dang/ de med par gyur na sngon po la sogs pa myong bar bya ba ni/ brgya byin gyis kyang nus te/ shes pa skyes par gyur kyang sngon po la sogs pa'i rang bzhin yongs su
 gsal ba ma yin pa lkog tu gyur pa de bzhin du gnas pa'i phyir/ /de ltar shes pa la yang shes pa gzhan skyes su zin kyang gsal ba ma yin pas/ shes pa yang gsal ba ma yin la/ 'gro ba thams cad long ba dang/ lkug
 par thal bar 'gyur ro/ /ma yin te shes pas don gsal bar myong ngo zhes smras so zhe na/ rnam par shes pa gsal ba las tha dad par 'gyur la/ ji ltar gsal bar 'gyur/ yongs su bcad pas so zhe na/ gsal ba ma
 yin par ji ltar gcod par 'gyur/ ci ste gsal ba yin nam zhe na/ gsal ba de nyid yongs su gsal ba dang/ gsal bzhin pa dang/ myong ba zhes bya na/ gsal ba de ji ltar shes bya'i chos ma yin/ shes bya'i chos su
 grub pa nyid kyis na lhag ma sngar bshad pa yin du 'gyur ro/ /gzhan dag na re shes pa ni gsal ba'i rang bzhin pas/ rang gi ngang gis gsal ba yin la/ yul ni de'i rang bzhin ma yin pas shes pa
 dang 'brel ba'i dbang gis gsal bar 'gyur ro zhes zer te/ de dag ltar na yang de'i rang bzhin ma yin pas gsal ba ma yin la/ gsal bar byas pas gsal ba yang gyur ces bya ba ni phan tshun 'gal bar yang 'gyur ro/ /
 yang ji ltar 'brel bas nges don rig par 'gyur/ tshogs pa gcig la rag las ba'i 'brel pas bsdus pas so zhe na/ mig kyang mig gis rnam par shes ps rig par 'gyur ro/ /yul ma yin par
 'gyur ro zhe na/ gsal ba med na gzugs kyang ji ltar yul du gyur 'dis yul yin pa'i phyir rig go zhes bya ba yang gsal to/ /gzhan dag na re mar me'i 'od reg pa'i bum pa la sogs pa bzhin du/ shes pa'i gsal ba dang
 phrad pas gsal bar 'gyur ro zhes zer te/ de ltar na 'ang me tog dang 'bras bu la sogs pa'i gzugs mig gi rnam par shes pas myong ba de ni de'i dri dang ro dang reg bya yang myong bar 'gyur te/ phrad pa las bye brag med pa'i
 phyir ro/ gal te yul ma yin pa'i phyir ro zhe na/ de yang bshad zin to/ /de'i phyir sngon po la sogs pa myong ba thams cad ni shes pa nyid yin gyi phyi rol gzung ba'i don ni ma yin no/ /mdo sde pa rnams nar 'di ni kho bo cag kyang mi
 'dod pa ma yin te/ rnam par shes pa thams cad rnam pa dang bcas pa yin te/ 'di ltar don gang dag gis rnam par shes pa'i me long la gzugs brnyan bzhag par gyur pas/ rnam par shes pa des de'i gzugs brnyan myong yang
 nye bar brtags pa byas na/ me long gi ngos la rang gi byad kyi gzugs brnyan mthong ba bzhin du de myong bar gzhag go /de yang me long la phyi rol gyi don mthong ba ni shin tu mthun pa ma yin pas cung zad 'khrul ba yin la/ blo'i me long la snang ba ni shin
 tu mthun pa'i phyir cung zad kyang shin tu 'khrul pa ma yin no zhes zer te/ de dag gi yang shes pa des 'brel pa gang gis don de myong bar 'gyur/ de las byung ba'i 'brel pas so zhe na/ mig kyang mig gis rnam shes pas myong bar 'gyur ro/ /'on te
 'dra ba'i dbang gis so zhe na/ don gcig mthong ba'i skye bo mang po rnams kyi shes pa yang phan tshun mthong bar thal bar 'gyur ro/ /'on te de las skye ba dang/ der snang gnyi gas so zhe na/ mtshungs pa de ma thag pa'i rkyen yang yul mtshungs
 bar yul du 'gyur ro/ /yang bdag nyid kun gyis mtshungs na ni/ shes pa yang bems po nyid du 'gyur ro/ /phyogs 'ga' zhig gis mtshungs so zhe na/ kun gyis thams cad rig par 'gyur/ mi bslu ba'i shes pa yang don las gcig du skye ba ma
 yin te/ rmi lam bden pas 'khrul pa'i phyir ro/ /de'i phyir phyi rol gyi don ni yod pa ma yin pa nyid do/ /ci ste don rnams bden pa ma yin te/ rnam par shes pa don du snang ba'i yin na/ yul dang dus la sogs pa des bar ji ltar snang bar 'gyur
 zhe na/ don med par yang thog ma med pa nas kun tu brtags pa'i bag chags kyis dkrugs pa'i sems nyid yul dang dus la sogs pa nges pa'i don du snang ba'i shes pa skye bar 'gyur te/ gnyid kyis nyams pa'i rmi lam bzhin no/ /de skad du
 'phags pa lang kar gshegs pa las/ ji ltar byis pas rnam brtags pa'i/ /phyi rol don ni yod min yang/ /bag chags kyis ni dkrugs pa'i sems/ /don du snang ba rab tu 'byung zhes gsungs te/ bag chags kyis dkrugs pa na nye bar bcom
 pa'o/ ji ltar na gcig la mang po rnams kyi shes pa 'khrul ba mtshungs zhe na/ nye bar bcom pa mtshungs pa'i phyir te/ rab rib kyis mig nye bar bcom pa mtshungs pa rnams la skra shad dang/ sha sprang la sogs pa la snang ba mtshungs pa bzhin te/
 la lar rmi lam mi bden pa zhin du/ bag chags mthug po'i dbang gis mi slu bar snang ngo/ /de'i phyir yang gzung ba yang ci yang med la 'dzin pa yang cung zad kyang med do/ /chos thams cad gzung ba dang 'dzin pas stong pa'i rnam par shes pa tsam mo/ /gzhan yang
 khams bco brgyad po 'di tha dad pa'i gcig ma yin no/ /gzugs kyi khams kyang gcig ma yin no/ /lus dang khyim dang/ ljon shing la sogs pa tha dad pa'i phyir ro/ /lus kyang gcig ma yin te/ lag pa dang rkang pa la sogs pa tha dad pa'i phyir ro/ /lag pa
 yang gcig ma yin te mdzub mo la sogs pa tha dad pa'i phyir ro/ /mdzub mo yang gcig ma yin te tshigs la sogs pa tha dad pa'i phyir ro/ /tshig kyang gcig ma yin te/ de'i cha tha dad pa'i phyir ro/ /tshigs la sogs pa'i cha yang cha shas dang bcas
 pa gcig ma yin no/ /ci ste rdul phra rab cha shas med pa gcig tu 'gyur ro zhe na/ ma yin te rtag tu rags par snang ba'i phyir dang/ rdul phra rab gcig mthong ba med pa'i phyir ro/ /rdul phra rab mang po phan tshun ldan pas de ltar mthong ba bzhin no zhes zer
 na/ gal te cha shas kyis sbyor ba ni/ cha shas med pa'i rdul phra rab tu mi 'gyur la/ ci ste cha shas med par sbyor ba na ni/ de'i tshe de dag tha mi dad pas/ sa'i dkyil 'khor yang rdul phra rab gcig tu 'gyur la/ sa'i dkyil 'khor dang
 'bres pa'i gzugs gzhan snang ba rnams kyang/ sa'i dkyil 'khor dang gnyis su med par thams cad rdul phra rab gcig gi tshad du 'gyur la de ltar ni ma yin te/ de bas na rdul phra rab mang po 'am/ cig shos kyang rung ste/ gcig
 tu gyur pa ni 'ga' yang med do/ /gzugs gcig med pas na/ de 'dus pa yin pa'i phyir du ma yang med de/ de bas na gzugs kyi khams gang yang gcig gam/ du ma 'am/ gcig kyang ma yin du ma yang ma yin pa 'am/ dngos po 'grod
 pa gzhan yang med pas gzugs kyi khams ni dngos po med de brdzun pa kho na yin no/ /gzugs kyi khams ji lta ba bzhin du/ sgra dang dri dang ro dang reg bya'i khams dang/ mig dang rna ba dang/ sna dang lce dang lus kyi khams kyang rdul phra rab 'dus?
 bcom yin pa'i phyir ro/ /de ltar dmigs pa rnam pa lnga dang/ rten rnam pa lnga med pas/ mig la sogs pa'i rnam par shes pa lnga'i khams kyang yod par mi 'gyur ro/ /de dag med pas yid kyi rnam par shes pa'i khams yod par mi
 'gyur te/ srid na yang de'i tshe rnam par shes pa zhes brjod par bya'i/ yid kyi rnam par shes pa zhes bya ba'i bye brag gi don ni med do/ /yid kyi khams kyang yod pa ma yin te/ 'di ltar rnam par shes pa drug po gang yin pa 'gags pa de
 nyid yid kyi rnam par shes pa phyi ma skye ba'i rten du gyur pas yid kyi khams zhes bya bar 'dod pas/ rnam par shes pa drug las t+ma gtogs pa rdzas su yod pa ma yin te/ btags par yod pa tsam mo/ /rnam par shes pa drug po bkag pas
 de yang med par 'gyur ba?/ de bas na yid kyi khams kyang yod pa ma yin no/ /de med pas kyang yid kyi rnam par shes pa'i khams med do/ /chos kyi khams ma lus par 'gyur ro zhe na de yang skye mched bcu las ma gtogs pa'i gzugs dang sems las
 byung ba'i chos rnam dang/ sems dang ldan pa ma yin pa'i 'du byed rnams dang/ 'dus ma byas rnams so/ /de la re zhig gzugs ni gzugs ki khams bzhin du yod pa ma yin te/ rdul phra rab 'dus pa tsam yin pa'i phyir ro/ /ci ste rnam par
 rig byed ma yin pa'i gzugs rdul phra rab 'dus pa ma yin no zhe na/ 'o na gzugs can ma yin par ci'i phyir mi 'dod de/ slob dpon gyis kyang rnam par rig byed ma yin pa rdzas su 'dod pa bkag zin to/ /sems las skyes pas ni sems las
 byung ba ste/ sems dang yid dang rnam par shes pa rnam grangs yin la/ des na rnam par shes pa drug bkag pas sems las byung ba yang bkag par 'gyur ro/ /gzhan yang sems las byung ba dag ni sems dang rten dang/ dmigs pa tha dad pa med par 'dod
 do/ /des na rten drug bkag pas kyang de dag dgag par bya'o/ /dmigs pa drug kyang bkag pa dang 'gegs par 'gyur bas so/ /sems dang mi ldan pa'i 'du byed gzhan dag las gung na med par ci rigs par shes par bya'o/ /'dus ma byas rnams kyang
 'dus ma byas kyis dngos po rnams las tha dad par 'gyur ba'i lus kyi rdzas yod pa ma yin no/ /de'i phyir chos kyi khams kyang med la de med pas de'i dmigs pa bkag pa'i phyir yid kyi rnam par shes pa'i khams kyang med do/ /de ltar khams bco
 brgyad med la/ khams rnams bkag pas/ skye mched rnams kyang/ phung po rnams bkag pa yang grub pa yin no/ /da ni ji ltar phung po la sogs pa med na/ der snang bar 'gyur zhe na/ de dag med kyang bag chags kyis dkrugs pa'i sems nyid der
 snang ba'i shes pa skye par 'gyur ba ni sngar bshad pa bzhin no/ /de skad du lang kar gshegs pa las/ /ji ltar me long la ni gzugs/ /gcig dang gzhan pa rnams spangs pa/ /snang yang de na yod ma yin/ /de bzhin dngos rnams ngo bo nyid ces
 gsungs so/ /sngon po la sogs pa 'di dag shes pa'i rnam pa yin gyur kyang/ dngos por med cing brdzun pa yin te/ shes pa'i bdag nyid yin yang gcig dang du ma nyid dang bral ba'i gnas skabs su gyur pa'i phyir dang/ bag chags kyis bcom pa'i
 sgras kyang bag chags kyis nyams pa las skyes pa'i 'khrul pa'i mtshan mar gsungs pa'i phyir ro/ /'o na brdzun pa de ji ltar snang bar 'gyur zhe na/ gsal pa dang/ lhan cig tu brdzun pa'i bdag nyid du 'brel pa'i dbang gis so/ /'di ltar rnam par shes pa nyid gsal
 ba'i rang bzhin yin pa las gsal bzhin pa yin la/ thog ma med pa'i bag chags kyis bslad pa'i dbang gis 'khrul nas/ sngon po la sogs pa'i rnam pa brdzun pa yang/ rmi lam bzhin du snang ba yin pas sngon po la sogs pa gsal bar grub te/ gsal ba'i
 bdag nyid ma gtags par de mi rung ba'i phyir ro/ /sngon po la sogs pa de gsal bzhin pa yin yang gnod pa yod pa'i phyir brdzun pa yang grub po/ /de brdzun par grub pas na de'i bdag nyid de yang brdzun par grub po/ /yang gsal ba de rigs pa ni 'khrul pa
 dang bral bas mngon sum yin pa'i phyir dngos po nyid du grub pa yin te/ gang gi phyir gsal ba ni gsal ba nyid kyis gnyug ma'i rang bzhin yin te/ gang gi myong ba 'di 'khrul par 'jog pa'i bslad pas bzhag pa med pa'i phyir ro/ /yang sngon po la sogs pa'i rang bzhin
 yin pa'i phyir bslad pas byas par 'gyur la/ de ltar gyur pas na de myong ba yang 'khrul par 'gyur ro/ /de bas na sngon po la sogs pa la ni gnod pa 'jug pa'i skabs yod kyi gsal ba la ni ma yin no/ /rnal 'byor spyod pa pa dang/ dbu ma pa shes pa rnam pa
 dang bcas par smra ba kha cig na re/ sngon po dang gsal ba dag brdzun pa dang brdzun pa ma yin par gyur na/ chos 'gal ba nyid kyis na de'i bdag tu 'thad par mi 'gyur la/ de'i bdag nyid ma yin na yang sngon po la sogs pa gsal bar mi 'gyur na sngon po
 la sogs pa ni gsal ba yin te/ sgro btags pa'i dngos por gyur pa'i gsal ba las gzhan ma yin pa'i phyir sngon po la sogs pa ni sgro ma gtags pa'i dngos por gyur pa yin zhes zer te/ de dag gi ltar na gsal ba thams cad phyin ci ma log pI
 rang gi ngo bo myong ba'i phyir/ thams cad 'khrul pa med par 'gyur ro/ /des na sems can thams cad rtag tu grol bar 'gyur la/ rtag tu yang dag par rdzogs pa'i sangs rgyas nyid du 'gyur ro/ /ci ste rnam par rtog pa'i blo 'khrul pas dang
 gi snang ba don med pa la don du mngon par zhen pa'i nyes pa yod pa'i phyir ma yin no zhe na/ gsal bas mngon par zhen par bya ba yin bzhin du/ ji ltar de la de gsal bar mi 'gyur/ ci ste gsal na ni gsal ba nyid dang/ de'i don de dag nyid de'i
 bdag nyid du 'gyur bas/ don med bzhin du zhes bya bar yang mi 'gyur bas/ /'das pa'i mang po bkur ba dang/ ma 'ongs pa'i dud dag dang/ sgra rtag pa dang/ bdag yod pa dang/ ba lang nyid do snyam pa la sogs pa thams cad rang gi mtshan nyid
 gsal bar myong ba'i nges pa'i bdag nyid du 'gyur ro/ /rang gi mtshan nyid kyang rta dang 'dre bar mi rigs pas rnam par rtog pa'i blo yang med par 'gyur ro/ /de bas na ba lang gsal ba thams cad kyi thun mong du gyur pa/ ba lang nyid ces bya ba'i blo
 mngon par brjod pa'i rang bzhin can/ bslad pa'i dbang gis brdzun par snang ba yin la/ de ltar snang ba la 'di ni ba lang yin no/ /mngon par zhen par 'dod par bya ste/ rang gi mtshan nyid snang ba ma yin yang/ 'khrul pa'i dbang gis mngon par
 zhen pa de lta bu la ni nyes pa med pa'i phyir ro// //gang gi phyir bslad pa'i dbang gis blo 'khrul ste/ de la gang gi tshe ba lang ma yin pa la sogs pa'i log pa'i mtshan nyid ba lang nyid ces bya ba ni blo dang rang gi
 mtshan nyid gnyi ga de'i bdag nyid du 'gyur ba/ de'i bdag nyid du gyur pas snang ba dang mngon par zhen pa yin te/ 'di dag thams cad blo yis bslad pa yin gyi/ dngos po'i de kho na nyid ma yin pas nyes pa med do/ /blo yis bslad pa yang ji
 ltar grags pa bzhin du rnam par bzhag pa yin gyi/ yang dag pa ji lta ba bzhin du ma yin te/ nyams su myong bas grags pa de bzhin du tha snyad kyi yan lag tu grub pa ni bzlog par dka' la de kho na nyid ji lta ba bzhin du rigs pa ma yin no/ /ba lang log par zhen pa tsam
 kyis de tsam dang 'drel pa'i phyir mi bslu bar 'thad pa yin no/ /ji ltar ba lang nyid brdzun pa la/ /ba lang gi blo gsal zhing de'i bdag nyid du gyur ba dang/ de las tha dad pa ma yin bzhin du yang dngos po med pa dang/ sgro btags pa ma yin pa de bzhin du/ dgal
 ba yang sngon po la sogs pa gsal bzhin pa dang/ bdag nyid du grub kyang brdzun pa yin te/ brdzun pa dang brdzun pa ma yin pa dag rang bzhin sna tshogs kyi mthar thug pas rdzas gcig la 'gal ba ma yin no/ /ci ste de'i bdag nyid kyi gtan tshigs tsam gyis
 dngos po nyid dang/ sgro btags pa nyid du sgrub na ni/ /ba lang nyid la sogs pas ma nges par 'gyur la/ yang sgro ma btags pa de'i bdag nyid du gtan tshigs nyid du 'dod na ni ma grub par 'gyur ro/ /de bas na chos 'di dag thams cad ni gzung ba dang/
 'dzin bas stong pa'i rnam par rig pa tsam zhes bya ba 'di gnas pa yin no/ /de la khams gsum gyi chos gnyis gang yin pa med gnyis su snang ba 'di ni yang dag pa ma yin pa'i kun tu rtog pa yin pa/ ji lta ba de la yid kyi brjod pas gzung ba dang gnyis
 su brtags pa'i rang bzhin no/ /ngo bo nyid do/ /gnyis po de nyid kyis de stong pa ni yongs su grub pa'i ngo bo nyid do/ /de yang dngos po stong pas dngos po ma yin la/ gnyis med pa'i mtshan nyid yin pas dngos po med pa yang ma yin no/ /gang gi phyir 'di gnyis
 po med cing gnyis kyis stong pa'i rnam par rig pa tsam yin pa nyid kyis na ma yin par dgag pa yin no// //ci ste med pa dgag pa yin na ni gcig kho nar med pa yin te/ de ltar na kun brtags par 'gyur la/ gzhan du
 ma yin par dgag par 'gyur ro/ /de bas na don dam pa ni ji ltar bstan pa bzhin du ma yin par dgag pa nyid do/ /gang gi phyir yang dag pa ma yin pa'i kun tu rtog pa'i chos nyid yin pa'i phyir/ de las tha dad pa ma yin la/ mtshan
 nyid kyis dbye bas tha dad pa yang ma yin no/ /chos rnams kyi thun mong ma yin pa'i mtshan nyid gang yin pa de ni/ de nyid de ma yin te thun mong ma yin pa'i phyir ro/ /'di ni 'di dag gi mtshan nyid kyi dbye ba gcig go/
 yang rang gi mtshan nyid rnams ni mtshan mas nye bar bzung ba yin la/ stong pa nyid ni mtshan ma thams cad nub pa yin te/ 'di ni 'di dag gi mtshan nyid kyi dbye ba gnyis pa'o/ /gnyis po stong pa tsam gyis mtshan nyid ji ltar pa nyid ni chis?
 thams cad la thams cad du khyad par med pas khyab pa dang rtag tu ba dang/ 'gyur ba med pa zhes brjod de/ /ming dang mtshan ma'i dri ma brdzun pa dang/ mtshan mas nye bar blangs pa'i dri ma rnams ni de'i rang bzhin ma yin pas de la blo bur
 gyi dri ma yin la/ chos rnams kyi chos nyid ni rang bzhin gnyug ma yin no/ /dri ma rnams ni kun tu brtags pa la mngon par zhen pa la rab tu 'byung bas/ de bsal nas bsal bar nus pa yin pa'i phyir yang de la blo bur yin no/ /gang zhig
 gus par yun ring du bsgoms pas/ bsgom pa rab kyi mthar phyin pa na/ gsal bar snang ba srid par 'gyur te/ 'dod pa dang/ mya ngan dang/ 'jigs pa la sogs pa'i rgyun gyi blo la bud med la sogs pa snang ba bzhin no/ /chos 'di dag
 thams cad kyang tshad las grub pa 'di dag tsam mo zhes bya ba dang/ sems tsam dang/ mtshan ma dang bcas pa'i stong pa nyid dang/ mtshan ma med pa'i stong pa nyid de/ rnal 'byor gyi sa bzhi la goms par byis pa yin no/ /de la rma/ byur
 spyod pa rnams dang de bzhin du dbu ma pa rnams ni/ rnal 'byor gyi sa bzhi pa/ chos thams cad stong pa nyid kyis dmigs su med cing shin tu snang ba med pa/ gcig tu dri ma med cing mdza' yas pa/ nam mkha' lta bu'i snang ba 'jig rten las 'das pa'i ye shes
 yin par 'dod do/ /de skad du klu sgrub kyi zhal snga nas kyang/ /'byung ba che la sogs bshad pa/ /rnam par shes su yang dag 'du/ /ye shes kyis ni de bral na/ /leg par rnam brtags cis ma yin zhes gsungs so/ /'di ltar rnal 'byor spyod pa pa ni chos rnams
 kyi rang bzhin gnyug ma bsal ba tsam ni rdzas su yod par 'dod pa yin la/ dbu ma pa ni rdzas de yang mi 'dod de/ khyad par 'di yang ming tsam du rtogs so/ /des na rtsa ba med par rnal 'byor spyod pa pa rnams dang/ dbu ma pa rnams lhan cig tu rtsod pa ni skye
 bo shin tu gnas ngan pa nyid/ 'dir tshigs su bcad pa ni/ /gang dag gang dang lhan cig de nyid ma mthong 'dir spyod pa ni kun mtshungs shing/ /de nyid mthong tshe mun pa'i dri ma rab bzang ye shes kyang ni gcig tu gyur pa'i/ /rtsa lag mchog gi rnal 'byor
 spyod ba pa la sdang bar sems ni 'dir bcas ste/ /rtsod par sems pa'i dbu ma mchog 'dzin 'di dag ci'i phyir rtsod cing shin tu smad/ /de la phyi rol gyi don yod par smra ba dang/ shes pa rnam pa dang bcas par smra ba dbu ma pa dag ni/ lung dang bstan bcos
 dang tshad ma dag las phyi rol tu gyur pas sngar bzlog zin to/ /rnam pa med par smra ba'i sems tsam pa 'ba' zhig lus par 'gyur te/ de dag kyang ci'i phyir gsal ba brdzun pa yin par 'dod do/ /sngon po la sogs pa'i rnam pa brdzun pa dang tha mi
 dad pa'i phyir/ sngon po la sogs pa bzhin no zhe na/ sgro ma btags pa'i tha dad pa med pa ni ma grub la/ 'on te tha mi dad pa tsam nyid yin na ni/ mi mthun pa'i phyogs las ldog pa la the tshom za ba'i ma nges par 'gyur ro/ /yang dag pa ma yin pa
 dang yang dag par 'gyur ba dag la sgro 'dogs pa'i bdag nyid sred de/ ba lang nyid dang/ bdag nyid la sogs pa dang de dag gi blo bzhin no/ /yang na stong pa nyid kyis 'khrul pas kyang ma nges par 'gyur ro/ /de nyid kyang brdzun no zhes
 na/ sngon po la sogs pa mthong bzhin du/ stong pa nyid mthong ba'i ye shes kyang 'khrul par thal bar 'gyur ro/ /brdzun pa ni 'khrul pas sgro btags pa yin na/ gsal ba ni gsal bzhin nyid kyi gnyug ma'i rang bzhin du cha shas med par mngon sum
 gyis grub pa yin pa'i phyir/ dngos po rnams la rang bzhin gnyug ma 'di ni gnyi ga la yang tshad mas grub pa yin no/ /rang bzhin gnyug ma 'di grub pa nyid kyis na sgro ma gtags pa dang/ brdzun pa ma yin pa grub pa'o/ /brdzun pa dang yang
 dag pa ma yin pa dang/ 'khrul pa dang/ sgro btags pa rnams ni rnam grangs yin no/ /ci ste yod par gyur pa'i chos gzhan dang bral bas/ med pa zhes bya ba la de nyid brdzun pa'i sgrar brjod kyi/ sgro btags pa la ni ma yin no zhe na/ de lta
 na yang snga ma bzhin du gtan tshigs ma grub pa dang/ ma nges par yang 'gyur ro/ /gzhan yang gal te gnod pa can gyis med pa sgrub kyi sgro btags par ni ma yin na/ de'i tshe gnod pa med pa'i rang bzhin dang/ de'i blo rnams gnyug med
 rang bzhin du 'gyur la/ des na 'khrul pa gtan med par 'gyur te/ de'i skyon kyang bshad zin to/ /ye shes kyis ni de bral na/ /log par rnam brtags cis ma yin zhes bya ba 'di dang 'gal bar 'gyur ro/ /de bas na grags pa'i yul med
 pa la ni/ sgro btags pas khyab pa grub pas na/ khyab pa mi dmigs pas gsal ba'i med pa bkag pa 'gyur la/ de pas yod pa grub po/ /gzhan yang ngo bo nyid dang/ dmigs pa la yang gnod pa med pas/ gsal pa la de gnyi
 ga yod par grub pas 'di yod pa dgag pa ni mi nus la/ sngon po la sogs pa ni gnyi ga la gnod pa yod pas sgro btags par grub pa'i phyir/ de dag yod pa ni rigs pa yin no/ /gzhan yang khyod gsal ba'i yod pa ci zhig dgag par 'dod/ rkyen la brten te skye ba
 nyid dang/ don byed nus pa nyid dgag par 'dod do zhe na/ 'di dag la gnod par byed pa'i tshad ma gang yin/ gcig dang du ma dang bral ba yin no zhe na/ de yang dngos po'i rang gi ngo bo la dngos su gnod pas nus pa la shugs kyis gnod pa yin la gsal ba'i rang
 gi ngo bo la gnod pa med pa'i phyir/ nus pa la gnod pa med par 'gyur ro/ /sngon po la sogs pa'i yang rang gi ngo bo tsam la gnod pa ma yin te/ 'o na ji ltar zhe na/ sngon po'i rang bzhin la gnod pa med do/ /de yang nus pa nyid yin no zhe na/ de lta na ni sngon po dang
 gsal ba la bye brag med pa'i phyir rnam pa dang bcas pa'i tshul khas blangs par 'gyur te/ de yang sngar bzlog zin to/ /de bas na gcig dang du ma dang bral ba 'di ni sgro btags pa la 'jug par 'gyur te/ de ni ji ltar grags pa bzhin du rnam par bzhag pa'i
 phyir ro/ /sgro ma btags ba la ni ma yin te/ de ni de kho na nyid ji lta ba bzhin du bzhag pa'i phyir ro/ /de bas na 'di ni dngos su sgro btags pa'i rang bzhin la gnod kyis nus pa la ni ma yin no/ /de dag kyang gnod pas sngon po la sogs pa'i rang bzhin sgro btags pa
 tsam nyid du grub po/ /de dang bral ba'i gsal ba'i rang bzhin la ni gnod pa ma yin no/ /sngon po la sogs pa'i don byed nus pa ni shugs kyis bkag pa yin gyi gsal ba ni ma yin no/ /de ltar na 'o na 'da' i nus pa dang skye ba 'di dag zhig pa dang ma
 zhig pa dag gis skyed par mi byed pa'i phyir dang/ yod pa dang med pa mi skye ba'i phyir med do zhe na/ 'di yang gnod pa ma yin te/ ma grub pa'i phyir ro/ /'di ltar sgyu ma zhig pa las de ma thag pa'i 'bras bu skyed par byed pa mi 'gal ba dang/ rgyu la med
 pa'i 'bras bu skye ba mi 'gal ba'i phyir ro/ /gzhan yang nus pa dang/ rten cing 'brel te 'byung ba med pa ga las shes/ re zhig mngon sum gyis ni ma yin te de rnam par mi rtog pa yin pa'i phyir ro/ /rtogs pa tsam gyis kyang ma yin
 te/ shin tu thal bar 'gyur ba yin pa'i phyir ro/ /ci ste mngon sum las skyes pa dang/ rtags las skyes pa'i nges pas rang gi rgyur gyur pa'i yul la nges te 'brel pa'i phyir ro/ /de'i tshe rgyu dang 'bras bu dag tshad mas grub pas ji ltar de gnod pa can
 yin/ rgyu dang 'bras bu'i dngos po ma grub na/ phan pa dang gnod pa thob pa dang/ spangs pa'i don du yul des pa can la 'jug pa dang ldog pa'i 'bad pa med par yang 'gyur ro/ /yang rgyu dang 'bras bu'i dngos po grub mod kyi/ 'on kyang kun rdzob
 pa yin gyi/ don dam pa ni ma yin te/ chos rnams kyi rang bzhin brtag mi bzod pa'i phyir ro zhe na/ chod mas grub pa'i nus pa ji ltar brtag mi bzod pa yin/ sgrub par byed pa dang/ gnod par byed pa'i tshad ma dag stongs mtshungs pa'i phyir ro?
 de nyid kyi phyir rnam par dbye bar bya ste/ sngon po la sogs pa ni grangs su zin kyang/ gnod pa'i phyir kun rdzob tu yod pa yin la/ sngon po la sogs pa'i snang ba'i rnam par shes pa'i lus ni gnod pa dang bral ba'i
 phyir dang/ tshad mas grub pa'i nus pa can yin pa'i phyir don dam par yod pa yin no/ /gang yang chos rnams kyi rang gi ngo bo grags pas grub pa yin pa'i phyir gnod pa yod pa ma yin na/ tshad mas grub pa'i phyir nus pa la yang
 gnod par mi 'gyur ro/ /'dis ni chos thams cad kyi rang bzhin yod par grub pas/ rang bzhin med pa nyid bzlog par 'gyur ro/ /de bas na sngon po la sogs pa'i rang bzhin gnod par byed pa'i tshad mas sgro btags pa nyid du bsgrubs
 pa na/ dngos su rang gi ngo bo la gnod pa byas na shugs kyis bum pa la sogs pa la gnod par 'grub bo/ /sgro btags pa ma yin pa'i phyir gsal ba la ni ma yin te/ rnal 'byor spyod pa'i lugs 'di ni shin tu bzlog par dka' bar 'gyur ro/ /'dir gsal ba ni
 sgro ma gtags pa dang/ sgro btags pa yod pa ma yin pa'i phyir/ don dam par yod pa dang/ kun rdzob tu yod pa ma yin te/ stong pa nyid bzhin no zhes bya ba ni rang bzhin gyi gtan tshigs dang/ khyab par byed pa 'gal ba dmigs pa'am/ khyab par byed pa
 mi? dmigs par 'gyur ro/ /gal te gsal ba rdzas su yod par 'gyur na/ 'phags pa lang kar gshegs pa las/ blo gros chen po chos thams cad ni skye ba med pa yin te/ yod pa dang med pa mi skye ba'i phyir ro zhes bya ba 'di'i don gang yin zhe na/ 'di'i don
 ni nges par gzung ba yin te/ gang rtag tu yod pa'i chos kyi dbyings dang/ gang rtag tu med pa kun brtags pa gnyis mi skye ba'i skye ba med pa yin gyi/ rnam par shes pa'i bdag nyid kyang mi skye ba ni ma yin no zhes bya ba 'di yin no/ /de nyid kyi phyir de nyid las/ /rgyu?
 dang rkyen ni bzlog pa dang/ /byed pa yang ni bkag pa yis/ /skye ba med par ngas bshad nas/ sems tsam du ni rnam par bzhag ces gsungs te/ sems las gzhan du gyur pa'i rgyu dang rkyen dang byed pa rnams bkag nas sems tsam du rnam par bzhag pa ni skye rang?
 med pa zhes bya ba'i tshig gi don yin no/ /nA ga rdzu na'i zhal snga nas kyang/ /chos rnams gang yang skye ba med/ /'gag pa cung zad yod min te/ /shes pa 'ba' zhig kho na ni/ /skye ba dang ni 'gag 'gyur yin zhes gsungs so/ /'o na 'phags pa sA lu ljang pa'i?
 sogs pa las/ /de la myu gu ni 'di ni rang gis ma byas/ /gzhan gyis ma byas/ gnyis kas ma byas/ rgyu med pa las skyes pa yang ma yin zhes bya ba 'di'i don gang yin zhe na/ de'i don ni rgyu tsam gyis byas pa yang ma yin/ rkyen tsam gyis byas pa yang
 ma yin/ gnyi gas byas pa yang ma yin/ blo sngon du btang ba'i bya ba dang/ byed pa med pa'i phyir ro/ /dngos po gang yang med pa ma dmigs pa dang/ mi dmigs pa'i phyir ro/ /'phags pa lang kar gshegs pa las/ 'du byed thams
 cad skad cig ma/ /mi gnas bya ba ga la yod/ /gang yang 'di rnams skye ba nyid/ /bya ba de nyid byed por brjod ces gsungs te/ sa bon 'di snyam du bdag gis myu gu bskyed par bya snyam du sems par mi 'gyur la/ rgyu de byed pa'i ngo bor yang yod pa ma
 yin te/ gang gi phyir rgyu dang rkyen la ma bltos pa'i rang dbang can gyi byed pa 'ga' yang yod pa'i phyir dgag pa yin gyi rgyu dang 'bras bu tsam du gyur pa ni dgag pa ma yin te/ rgyu med pa las skye ba ma yin zhes gsungs pa'i phyir ro/ /de bas na
 yang de nyid las de'i 'og tu 'di 'byung/ 'di skyes pas 'di skye'o zhes gsungs ste/ gang gi phyir 'dis ni rgyu yod pa'i rjes la 'bras bu skye bar zhal gyis bzhes pas/ rjes su 'gro ba dang/ de bsgrub pa'i mi dmigs pa dang/ mngon sum gsungs
 par 'gyur la/ yod pa nyid na zhes nges pa gzung ba mdzad pas rgyu log pas 'bras bu mi skye bar zhal gyis bzhes pas na/ ldog pa dang de bsgrub pa'i mi dmigs pa yang gsungs par 'gyur ro/ /de tsam gyis ni don gyis na blo sngon du btang ba'i
 bya ba yang dgag par 'gyur ro/ /'di skye'o zhes bya ba 'dis ni rgyu rkyen gzhan la rag las pas byed pa yang bkag pa yin no/ /de ltar thun mong du rgyun la rgyu dang 'bras bur grub pas/ khyad par du gyur pa de dag kyang grub cing mthod pa gnyis
 las kyang 'gyur te/ gang gi phyir dang yang?? mthong ba gnyis po de nyid yul gyi dbye bas mngon sum dang/ mi dmigs pa gsum du 'gyur ro/ /mngon sum rtog pa med pa dang/ skad cig ma yin pas/ gcig pa yin pa des ji ltar rgyu dang 'bras bu yongs
 su gcod par byed ce na/ ji ltar rigs pa snga ma nyams su myong ba'i stobs las skyes pa'i nges pa phyi mas de mngon du byad par 'gyur ro/ /gang yang dbu ma ba kha cig na re/ 'jig rten la grags pa ni kun rdzob yin te/ phyi rol gyi don yang 'jig rten la grags
 pas/ sems dang sems las byung ba bzhin du/ de yang kun rdzob tu yod pa yin la/ don dam par ni ral gri'i sos rang gcod pa 'gal ba bzhin du sems dang sems las byung ba rnams rang rig par 'gal la/ gzhan rig pa yang bslad? pa tsam
 'u bu cag gnyi ga 'dod do/ /de bag na 'khrul pa zad pas don dam pa rtogs pa'i phyir/ sangs rgyas rnams kyi sems dang sems las byung ba zad pa nyid de/ gang gi tshe de rnams ma skye ba de'i tshe/ chos thams cad skye ba med pa'i don dam pa rjes su byed
 pa thob pas myong bar bzhag go /mi gnas ba'i mya ngan las 'das pa ni sems can gyi don sna tshogs bya ba'i phyir gzugs kyi sku byin gyis brlabs te bzhag nas don dam par mngon du byed do/ /zhes zer ba de dag ni sdig pa can las kyang sdig pa
 can du gyur pa yin te/ gang gi phyir 'di ltar sems dang sems las byung ba 'di dag med pa'i phyir byang chub nyid kyang med na/ dom dam rtogs pa'i byang chub lta la yod/ /ci ste yang 'di ni rtogs pa kho na yin no zhe na/ de nyid sems yin mod/
 de yang sems dang sems las byung ba med na/ mi srid pas sems dang sems las byung ba med pa ma yin no/ /gzhan yang don dam pa de bzhin du gyur pa myong na ni 'khrul par 'gyur la/ tha mi dad na ni rang gi rig par 'gyur ro/ /ci ste yang sngon
 po zhes bya ba'i ming tsam yang med do/ /zhe na/ de'i tshe don dam pa dang don dam pa rtogs pa med pas grags pa las 'das par 'gyur ro/ /gzhan yang don dam pa ni chos thams cad ni rtag tu skye ba med pa ste/ gzhal bya yin la sems dang sems
 las byung ba ni/ kha cig tsam zhig yun ring por kun tu skyes nas phyis skye ba med pa ste/ tshad ma ma yin na/ ji ltar de dag gi rjes su byed/ skye ba med tsam du mtshungs so zhe na/ sems dang sems las byung ba 'gags
 pa dang ma skyes pa'i skye ba med pa yang thams cad la yod pas/ rtag tu sems can thams cad kyis don dam pa'i bden pa rtogs par 'gyur ba zhig na/ de ltar yang ma yin no/ /de bas na sems dang sems las byung ba 'gags pa ni
 don dam pa'i bden pa rtogs pa ma yin no/ /ci ste sems dang sems las byung ba thams cad 'khrul pa yin na/ de'i de rnams kyi gnyen po gang yin/ 'khrul pa de nyid rigs pa shos ni mi mthun pa'i phyogs yin la/ phra ba ni gnyen po yin no
 zhe na/ de ltar na ni sems dang sems las byung ba 'khrul pa tha ma ni gnyen po med pas med par 'gyur ro/ /gzhan yang lkog tu gyur pa ma yin pa nyid rang rig pa yin no/ /de yang gsal ba dang 'brel pa ma gtogs pa med de/ gsal
 ba ni yongs su gsal ba bzhin pa yin pas/ gsal ba'i gsal bzhin pa'i rang bzhin gyi 'brel pa ni de'i bdag nyid kho na yin no/ /gang med par gang rigs pa ma yin pa de ni des de'i rigs pa yin pa/ rang rig pa la 'gal ba ci yang
 med do/ /gang gis ci zhig rig pa de nyid shes pa yin la/ shes pa'i rang bzhin yang sems dang sems las byung ba nyid yin te/ des na rang rig pa'i ngo bo yin no/ /gsal ba dang 'brel pa yang de'i bdag nyid las ma gtogs pa med pas
 rnam par shes pa tsam du grub ste/ de bas rnam par shes pa ma gtogs pa'i gzung ba phyi rol gyi don ci yang med par grub bo/ /de med pas gzugs kyi sku byin gyis brlabs nas mi gnas pa'i mya ngan 'das par smra ba de yang rigs pa ma yin
 te/ 'di'i phyir yang sems dang sems las byung ba med pa ni yang dag par rdzogs pa'i byang chub ma yin no/ /ci ste yang ral gri'i sos rang mi gcod pa dang/ ji ltar sor mo'i rtse mos rang la mi reg pa de bzhin du rang rang byed par 'gal ba'i phyir/ /sems kyi rang
 mthong ba med pas rang rig pa med de/ de skad du 'phags pa lang kar gshags pa las/ ji ltar ral gri rang so dang/ /ji ltar sor mo'i rtse mos rang/ /gcod pa min zhing reg pa min/ /de bzhin sems kyi rang mi mthong zhes gsungs so zhe na/ 'dir brjod par bya ste
 tshigs su bcad pa 'di'i don ni sems rang rig pa'i gzung ba dang/ 'dzin pa'i dngos po dgag pa yin te/ de ni bcas pa dang rig pa bzhin du tha dad pa las gyur pa'i phyir ro/ /gsal ba'i rang bzhin yin pa'i phyir myong ba'i ngo bo dgag pa ni ma yin te/ gang gi
 phyir gsal ba ni rang rig pa yin la/ de yang tha dad pa 'gal te/ tha mi dad pas nges pa'i phyir dgag par 'os pa ma yin no/ /de bas na de bzhin sems kyis rang mi mthong zhes bya ba der ngar 'dzin pa ma yin no zhes bya ba lhag ma yin no/ /de skad du
 yang 'phags pa dgongs pa nges par 'grel pa las/ byams pas gsal ba/ bcom ldan 'das gal te de'i spyod yul gzugs brnyan lags na/ sems las gzhan ma lags pa'i slad du ji ltar sems de nyid kyis sems nyid la blta bar
 bgyid/ bcom ldan 'das kyis bka' stsal pa/ byams pa 'di la chos gang gis chos gang la yang lta ba med mod kyi/ 'on kyang sems de nyid de lta bur snang ba skye bar 'gyur ro zhes gsungs so/ /gzhan yang rnam par rig pa tsam gyi gnyug ma'i rang gi ngo
 bo ni rang rig pa'i bdag nyid du skye ste/ de nyid du mngon sum gyi tshad ma nyid kyis ma 'khrul pa yang yin la/ sgro btags pa'i rang gi ngo bo myong bas na 'khrul pa yang yin no/ /de bas na 'khrul pa'i mtshan ma de thams cad rim gyis dor te/ nam mkha' gcig tu
 dri ma med cing mdza' med pa lta bur chos thams cad kyi gsal ba'i lus gnyis kyis stong pa myong ba gang yin pa de nyid don dam pa yang dag par rtogs pa yin gyi/ sems dang sems las byung ba 'gags pa ni rigs pa ma
 yin no/ /tshogs bsags pa'i 'phen shugs kyis rig pa'i rang gi ngo bo'i sangs rgyas kyis chos rnams mi zad pa'i phyir yang/ sems dang sems las byung ba zad par mi rigs te/ sems dang sems las byung ba'i rgyun gyi mtshan nyid zang ba med
 pa de nyid ni gnas zhes bya la/ zag pa dang bcas pa'i chos thams cad kyi sa bon ma zad pas de srid du ni kun gzhi zhes brjod do/ /zad nas ni zag pa med pa'i dbyings dang rnam par grol ba'i sku dang/ chos kyi sku zhes kyang brjod de/ de'i phyir yang
 sems dang sems las byung ba zad par mi rigs so/ /bcom ldan 'das kyis kyang gzugs 'jig pa'i mi rtag pa nyid nas rnam par shes pa'i bar du 'jig pa'i mi rtag pa nyid do zhes bya ba 'di dag ni/ shes rab kyi pha rol tu phyin pa bcos ma yin
 no zhes gsungs pa'i phyir yang sems dang sems las byung ba 'gag pas ni yang dag par rtogs par mi rigs so/ /'jig rten las 'das pa'i ye shes 'khrul pa med pa rab tu dga' ba la sogs pa'i sa khas mi len
 pas chos dkon mchog shes rab kyi pha rol tu phyin pa la skur pa btab pa la/ de nyid kyis na byang chub sems dpa' i dge 'dun dang/ sangs rgyas dkon mchog la yang skur pa btab par 'gyur ro/ /'on te khas len na ni sems
 dang sems las byung ba 'gags pa yang dag par rtogs pa'i byang chub tu mi rigs so/ /gang dag rnam pa med pa'i shes rab kyi pha rol tu phyin pa spong ba de dag gi nyes pa ni de dag nyid do/ /gzhan yang snang med gnas pa'i rnal 'byor
 ba'i yis theg pa chen po mthong zhes gsungs te/ shin tu spos pas chog go /'dir tshigs su bcad par gyur pa ni/ gsal ba'i rang bzhin gsal bzhin pa/ /de dang 'brel pas lkog gyur min/ /gang dang 'bral pas gang rig pa/ /de yi rig bya de rigs 'byung/ /ral
 gri so dang sor rtse bzhin/ /blo yis ngar 'dzin dor yin gyi /rang nyid snang gsal dor min par/ /dgongs pa des par 'grel las gsungs/ /de phyir blo yi mtshan nyid ni/ /rang rig par ni grub pa yin/ /gsal dang de'i bdag nyid kyi/ /'grel pa yin phyir blo tsam
 yin/ /shes pa'i rang bzhin mngon sum te/ /brdzun pa snang bas 'khrul pa yin/ /mtshan ma de ni spangs nas/ /ye shes nam mkha' lta bur bsgom/ /sems kyi rgyun mi zad pa med/ /zag bcas chos kyi sa bon ni/ /ma zad kun gzhi sngon gnas skabs/ /zad
 nas zag pa med pa'i dbyings/ /rnam par grol ba'i sku dang ni/ /rtag tu nyi zer nyi ma bzhin/ /sangs rgyas chos rnams gnas yin pas/ /skyab pa rnams kyi chos skur bshad ces bya ba yin no/ /ji lta ba bzhin du gyur pa'i bsam pa'i shes rab ste/ thos
 pa dang bsams pa las byung ba'i shes rab bshad zin to/ /de dag rnyed nas shes rab kyi pha rol tu phyin pa bsgom par bya'o/ /zhes sngar bstan nas de nas 'di'i bsgom pa brjod par bya'o/ /thos pa dang bsams pa dang/ bsgoms pa rnams kyi rab tu sbyor ba ni/
 gnyis te/ gus pas sbyor ba dang/ rgyun tu sbyor ba'o/ /rab tu sbyor bar byed pa'o/ /rab tu sbyor ba ni sbyor ba byed pa'o/ /'grus pa dang dga' ba dang spro bas sbyor ba na gus par sbyor ba yin la/ bar ma chad pas sbyor ba ni rgyun tu sbyor ba'o/ /sgom pa yang rnam pa
 gsum ste/ /zhi gnas dang/ lhag mthong/ zhi gnas dang lhag mthong zung du 'brel par 'jug pa'i sgom pa'o/ /de la ji rnyed yod par gyur pa dang/ /ji lta ba bzhin du gyur pa la rnam par mi rtog pa'i gzugs brnyan du gyur pa ni zhi gnas
 kyi dmigs pa'o/ /ji snyed yod par gyur pa dang/ ji lta ba bzhin du gyur pa la rtog pa dang bcas pa'i gzugs brnyan du gyur pa ni lhag mthong gi dmigs pa'o/ /'di na byang chub sems dpa' gcig pu dben par gnas la ji ltar bsams pa'i don
 yid la bya ba ste/ yid kyi brjod pa spangs nas sems nyid de ltar snang ba la lan mang du yid la bya ste/ ji srid du lus dang sems shin tu sbyangs pa ma skyes kyi bar du zhi gnas dang rjes su mthun pa'i yid la byed pa yin la/ gang gi tshe skyes pa de'i tshe zhi gnas yin no/ /des
 lus dang sems shin tu sbyangs pas nye bar thob pa de nyid la gnas te/ ji ltar bsams pa de nyid kyi don nang gi ting nge 'dzin gyi gzugs brnyan gyi spyod yul lhag par mos pas so sor brtags par bya ste/ ji srid du lus dang sems shin tu sbyangs pa ma skyes pa de srid du
 ni lhag mthong dang rjes su mthun pa'i yid la byed pa yin la/ gang gi tshe de'i lhag mthong yin no/ /de'i 'og tu rnam par rtog pa dang bcas pa'i gzugs brnyan de nyid la dmigs te/ sems de nyid la gang gi tshe rgyun mi 'chad pa dang/ bar ma chad pa'i yid la byed
 pa'i rgyun gyis gnyi ga yang nyams su myong ba de'i tshe/ zhi gnas dang lhag mthong zung 'jug pa'i lam zhes brjod de/ de la zhi gnas dang lhag mthong ni zung yin la/ 'brel pa dang ni ldan pa ste/ phan tshun bcings nas 'jug pa'o/ /'dir sgrib pa lnga rnams
 kyi nang nas/ rgod pa dang/ 'gyod pa dag ni zhi gnas la sgrib pa'o/ /rmugs pa dang gnyi dang the tshom ni lhag mthong la sgrib pa'o/ /'dod pa la 'dun pa dang/ gnod sems ni gnyi ga la sgrib pa'o/ /gang gi tshe rmugs pa dang gnyid yang dag par bsal bar
 gyur pa de'i tshe zhi gnas yongs su dag par gyur pa yin la/ gang gi tshe rgod pa dang/ 'gyod pa shin tu gsal bar gyur pa yin pa de'i tshe lhag mthong yongs su dag par gyur pa yin no/ /de la bcom ldan 'das kyis zhi gnas ni rnam pa dgu ru bka' 
 stsal te/ ji lta ba bzhin du sems de nang du 'jog par byed kun tu 'jog par byed/ yongs su 'jog par byed/ nye bar 'jog par byed /'dul bar byed/ zhi bar byed/ nye bar zhi bar byed/ /rgyud gcig du byed/ sems mnyam par 'jog par byed ces gsungs so/ /de la
 dang por phyi rol gyi dmigs pa rnams las sems blan de/ nang du rab tu bsdus nas btags pa ni nang du 'jog pa'o/ /de nas rang bzhin gyis g.yo ba'i sems de nyid la rgyun tu gtod cing 'jog pa ni/ kun tu 'jog pa'o/ /de nas dran pa nyams pas phyi rol
 tu rnam par g.yeng ba shes par byas la slar blan nas sems de la 'jog pa ni yongs su 'jog pa'o/ /de nas sems rang bzhin gyis rgya che ba las yang dang yang du mngon par bsdus te/ phra bar byas nas gong nas gong du 'jog pa ni nye bar 'jog pa'o/ /de nas
 ting nge 'dzin gyi yon tan la bltas te de nyid la dga' ba ni 'du bla'o/ /de nas rnam par g.yo ba'i skyon bltas nas yid phyir phyogs pa rab tu zhi bar byed pa ni zhi ba'o/ /chags sems dang yid mi bde ba la sogs pa la'ang rnam pa zhi bar byed bzhi nye bar zhi ba'o
 dmigs pa gcig pa la rang gi rang gis 'jug pa ni rgyud gcig pa ste/ yang dag pa ma yin par gyur pa las 'bad pas yang dag par byed pa ni rgyud gcig tu byed pa goms pas lhun gyis grub par rang gis rang gis 'jug pa yang dag par rang dbang
 thob pas 'dzin pa ni sems mnyam par 'jog pa'o/ /de skad du/ mdo sde'i rgyan las/ sems ni dmigs pa la sbyar te/ rgyun de las ni g.yeng ma byed/ /rnam par g.yeng ba shes nas su/ /slar yang myur du blan nas ni/ /nang du sems ni bsdu bar bya/ /
 blo ldan gong nas gong du sbyor/ /ting 'dzin yon tan la bltas nas/ /de nyid pa ni dga' bar bya/ /rnam par g.yeng pa'i skyon bltas nas/ /phyir phyogs pa ni zhi bar bya/ /chags sems yid mi bde la sogs/ /langs pa de bzhin du ni 'dul/ /de nas mngon
 par 'du byed pas/ /sems ni rnal du 'jug par bya/ /sngon brtson can gyis gus byas nas/ 'bad med 'jug pa thob par 'gyur/ /zhes gsungs so/ /lhag mthong yang rnam pa bzhir gsungs te/ ji ltar yang de chos rnams rnam par byed do rab
 tu rnam par byed do/ /yongs su rtog go yongs su spyod par byed do zhes gsungs so/ /de la ji snyed yod par gyur pa la so sor rtog pa ni rnam par byed pa'o/ /ji lta ba bzhin du gyur ba la so sor rtog pa ni rab tu rnam par byed pa'o/ /rnam par mi rtog pa'i yid la byed
 pa shes rab dang lhan cig tu gyur pas mtshan ma'i rnam pa bzung ba ni yongs su rtog pa'o/ /kun tu dpyod pa ni yongs su dpyod pa'o/ /'di dag gi bshad pa ni 'phags pa byams pas gsungs pa'i theg pa chen po'i chos mngon pa kun las btus pa las/
 lhag mthong gang zhe na/ ji ltar yang de chos rnam par 'byed/ rab tu rnam par 'byed/ yongs su rtog par byed/ yongs su dpyod par byed de/ gnas ngan len gyi mtshan ma'i gnyen por blangs pa dang/ phyin ci log nges par bsal ba dang/ phyin ci ma log pa
 la sems rnam par bzhag pa dag nye bar blangs nas so zhes gsungs te/ 'dir tshig 'di dag gi don ni gnas ngan len ni phyin ci log gi bag chags te/ da yang phyin ci log gong du skyed par byed pa'i nus pa'i sems kyi rgyud la gnas pa'i
 mtshan nyid do/ /de'i mtshan ma ni gang gi tshe yongs su gso bar byed pa ste/ phyin ci log la mngon par zhen pa snga ma snga ma dag go /de zad pas gnas dan len zad de/ phyin ci log skye bar mi 'gyur te/ mchan ma'i gnyen po goms pa las mtshan ma zad pa
 yin te/ gnyen po de ni rnam par 'byed/ rab tu rnam par 'byed pa ste/ de bas 'di gnyis ni gnas ngan len gyi mtshan ma'i gnyen po nye bar blangs te bstan pa'o/ /yongs su rtog pa ni phyin ci log nges par bsal ba nye bar blangs nas bstan te/
 gang gi phyir de ni ji lta ba bzhin du rab tu rnam par phye ji lta ba bzhin du rab tu rnam par phye bas phyin ci log gi dogs pa gcig tu bsal nas/ brjod pa med pa yid la byed pas yongs su bsal nas lhag par dmigs pa ste/ de bas 'di ni phyin ci log nges par
 bsal ba zhes bya'o/ /de ltar 'dis phyin ci log nges par bsal bas/ phyin ci ma log par byas la/ phyin ci log pa der mngon sum bzhin du mthong ba'i don la sems gzhag nas so sor rtogs pa ni yongs su dpyod pa ste/ de bas na 'di ni phyin
 ci ma log pa la sems gzhag pa nye bar blangs te bstan pa'o zhes bya ba 'di yin no/ /de ltar lhag mthong rnam pa bzhi pa'i bsgom pa yongs su rdzogs pa ni gnas ngan len gyi 'ching ba las grol ba yin la/ zhi gnas rnam pa dgu'i
 bsgom pa yongs su rdzogs pas ni mtshan ma'i 'ching ba las grol bar 'gyur te/ phyin ci log gi mtshan ma phyin ci log gi don rnam par 'gags pa'i mtshan nyid yin pa'i phyir ro/ /de skad du yang/ zhi gnas dang ni lhag mthong dag /bsgoms
 pas gnas ngan len dang ni/ /mtshan ma yi ni 'ching ba las/ /rnal 'byor pa ni grol bar 'gyur zhes gsungs te/ tshigs su bcad pa 'di'i don ni ci rigs par sbyar la go rims bzhin du ma yin no/ /de bas na rnal 'byor dang bsgom pa ni rnam grangs
 yin la zhi gnas dang lhag mthong zung du 'jug pa ni rnal 'byor gyi thun mong gi dbye ba'o/ /'dir shes rab kyi pha rol tu phyin pa'i rnal 'byor don du gnyer ba rnams la/ rnal 'byor gyi sa rnam pa bzhi brjod par bya ste/ dngos po ji snyed yod pa la/
 dmigs pa dang/ sems tsam la dmigs pa dang/ de bzhin nyid la dmigs pa dang/ dmigs su med pa'o/ /de la re zhig dang po brjod par bya ste 'dir byang chub sems dpa' thos pa dang bsams pa'i shes rab phun sum tshogs pas gcig bu
 dben par gnas te/ skyil mo dkrungs bcas te/ shin tu sgu pa yang ma yin shin tu dgye ba yang ma yin par lus drang por bsrang nas sems shin tu zhum pa yang ma yin shin tu 'phro ba yang ma yin par dran pa dang shes
 bzhin mngon du bzhag la/ rang bzhin gyis rnam par g.yeng pa'i mig dang rna ba dang sna dang lce dang lus dang rnam par shes pa yongs su bsdus la/ snang ba dang bcas pa'i 'du shes kyis mnyam par bzhag ste/ sna tshogs 'di dag yid
 la bya ba ni 'di lta ste/ sngon po dang ser po la sogs pa'i gzugs dang rgod pa dang bsdu ba la sogs pa'i sgra dang/ ga bur dang/ rnag la sogs pa'i dri dang/ mngar ba dang sgyur ba la sogs pa'i ro dang/ drang ba dang dro ba la sogs pa'i
 reg bya dang/ bde ba dang sdug bsngal dang/ 'dod chags dang/ zhe sdang dang/ nam mkha' dang/ mya ngan las 'das pa la sogs pa ni chos ste/ de ltar bzung bar snang pa'i yul kyi khams drug go /yang de dag la 'dzin par snang ba'i nang
 na gsal ba'i rang bzhin rnam par shes pa'i khams drug ni 'di lta ste/ mig gi rnam par shes pa dang/ rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa'i
 rnam par shes di 'khams drug po de dag gi rten ni dbang po'i khams drug ste/ de la lnga na gzugs can no/ /gcig ni gzugs med pa ste/ 'di lta ste/ mig 'bras kyi nang na zar ma'i me tog lta bu dang/ rna ba'i gting na gro ga'i mdud pa lta bu dang
 sna'i rtsa ba na thur ma lta bu dag dang/ lce'i dkyil 'khor la skra'i rtsa mo'i tshad tsam gyis bar mchod pa'i zla ba phyed pa lta bu gnyis dang/ lus lta bu'i lus kyi dbang po dang/ rnam par shes pa 'gags ma thag pa'i yid kyi dbang po'i khams te
 de ltar bdag dang sems can thams cad kyi yul rnams dang/ rnam par shes pa rnams dang dbang po rnams drug drug yongs su bsdus ba ni khams bco brgyad de/ phyogs bcu'i 'jig rten ni khams su gnas pa sna tshogs yid la byas la/ sna tshogs snang pa'i
 sems de nyid dmigs pa nas yid kyi brjod pa spangs la zhi gnas bsgom par bya ste/ ji tsam na lus dang sems shin tu sbyangs pa thob pa zhi gnas rzogs pa yin no/ /de nas zhe gnas de nyid la brten te de nyid du sna tshogs kyi gzugs brnyan
 'di dag nyid 'di lta ste/ gzugs kyi khams nas yid kyi khams kyi bar 'di dag na chos thams cad ces bya ste/ de ltar lan mang du rnam par phye nas yongs su brtag par bya/ yongs su dbyad par bya bas lhag mthong rdzogs par bya'o/ /de nas de'i
 'og tu rnam par rtog pa dang bcas pa'i gzugs brnyan la dmigs pa'i sems de nyid la/ gnyi ga mnyam par dmigs pa'i sems kyis rgyun mi 'chad pa yid la byed pa'i rgyun 'jug pa ni zhi gnas dang lhag mthong
 zung du 'brel par 'jug pa'i lam zhes bya'o/ /shes rab kyi pha rol tu phyin pa'i man ngag las/ ji snyed yod par gyur pa la dmigs pa'i rnal 'byor gyi sa sne? dang po'o// //de nas gnyis ba ni sna tshogs snang pa'i sems de bzhin du
 bskyed la/ 'di ltar nye bar brtag par bya ste/ gzugs zhes bya ba 'di ming tsam zhes bya ba nas/ ji srid kyi bar gyi chos thams cad kyang ming tsam ste/ ming dang don dag ni shin tu tha dad pa'i phyir ming ni don du yod pa ma yin te/ don mngon par mi
 shes par ming tsam du snang la/ ming mngon par mi shes par yang don tsam du snang ba'i phyir ro/ /de bas na ming ji lta bu bzhin du don med pas gzugs ni ming tsam ste/ don du ma yin na zhes bya ba nas/ chos thams cad kyi bar du yang ming tsam
 yin no/ /'jig rten pa rnams ni tha snyad kyi don du blo bur du ming bsdebs te/ btags pa la gzubs zhes bya ba'i don du rtog pa nas/ chos thams cad kyi bar du rtog ste/ de bas na gzugs nas chos thams cad kyi bar du ming gi don
 du yod pa ma yin no/ /yang 'di dag ni sems tsam ste/ don 'di dag med bzhin du don snang ba la don du mngon par zhes pa'i bag chags kyi dbang gis skye bar snang ste/ rgyan po la sogs pa'i dbang gis/ rmi lam na rgyan po rtse bar snang ba bzhin no/ /de bas
 na blo bur du ming du bsdebs te/ bdags pa'i don 'di dag sems tsam yin gyi/ sems las phyi rol tu gyur pa'i gzung ba'i don ni 'ga' yang yod pa ma yin no/ /gzungs ba de med par 'dzin ba yang yod pa ma yin no/ /de bas na sna tshogs 'di
 dag ni brjod du med cing gzung ba dang 'dzin pas stong pa'i sems tsam du des par byas la /yid kyi brjod pa thams cad spangs te/ chos thams cad sems tsam pa de nyid la sems bsdus ste/ zhe bar btags nas mi gyo bar byas la/ ji srid
 lus dang sems shin tu sbyangs pa thob kyi bar du zhi gnas bskyed par bya'o/ /shin tu sbyangs pa so sor thob nas de nyid la gnas te/ ting nge 'dzin gyi sbyod yul gyi gzugs brnyan la yang dang yang du rnam par phye la/ yang rnam pa sna tshogs pa 'di
 dag ni khams bco brgyad gzung ba dang/ 'dzin pas stong pa'i rang bzhin med pa'i sems tsam mo zhes pa yang dang yang du rab tu rnam par phye la yongs su brtag par bya/ yongs su dpyad par bya bas lus dang sems shin tu sbyangs pa'i bar du
 lhag mthong bskyed bar bya'o/ /de'i 'og tu rnam par rtog pa dang bcas pa'i gzugs brnyan la dmigs pa'i sems de nyid gnyig mnyam pa'i sems kyis rgyun mi 'chad pa'i yid la byed pa'i rgyun 'jug pa ni/ zhi gnas dang lhag mthong zung du 'jug
 par 'brel ba'i lam zhes bya'o/ /shes rab kyi pha rol tu byin pa'i man ngag las/ ji lta bar gyur pa'i sems tsam la dmigs pa'i rnal 'byor byis ste gnyis ba'o// //de nas gsum ba ni/ sna tshogs snang ba'i sems de bzhin du bskyed
 la/ 'di ltar nye bar brtag par ba ste/ khams bco brgyad po sna tshogs pa 'di dag ni/ /gzung ba dang/ 'dzin pas stong pa'i rang bzhin med pas sems tsam ste/ gang yang 'di gzugs zhes bya ba nas chos thams cad kyi chos zhes bya ba'i bar du mid du snang ba/
 dang/ de na du snang ba gang yin ni 'di lta ste/ phung po dang/ khams dang/ skye mched nas/ chos thams cad kyi bar du snang ba ste/ chos lta bur snang ba'i phyir 'di dag na chos thams cad kyi mtshan ma'o/ /'khrul pa'i dmigs pa yin pa'i phyir/ 'di dag thams cad ni
 'khrul pa'i mtshan ma dang/ spros pa'i mtshan ma dang/ phyin ci log gi mtshan ma yin te/ snang ba de yang blos bslad pa'i dbang yang dag pa ma yin pa'i snang ba yin yang/ yang dag pa ma yin pa de nyid dmigs par snang bas 'khrul pa'i dmigs pa
 zhes brjod do/ /de ltar snang ba 'di ji ltar ji snyed de snyed du ni 'khrul pa yin te/ yang dag pa ma yin pa mthong ba dang/ don dam pa ma mthong ba'i phyir ro/ /de bas chos thams cad kyi don dam pa mthong bar 'dod pa nges/ de bzhin du zhi gnas
 de nyid la brten te/ snang ba med par gyur ba'i sbyor bas/ mngon du gyur ba'i snang ba'i 'khrul pa'i mtshan ma 'di dag spang bar bya ste/ dper na bsam gtan pa 'ba' zhig gcig bu dben par gnas te/ bsam gtan la gnas nas/ gzugs kyi 'du
 shes las yang dag par 'das te/ nam mkha' i 'du shes kyis thams cad la nye bar gnas te/ nam mkha' mdza' yas skye mched rdzogs par byas nas gnas pa de bzhin du/ byang chub sems dpa' 'di yang khams bco brgyad po sna tshogs sems
 kyi snang ba tsam la mnyam bar bzhag la/ yid kyi brjod pa thams cad spangs nas/ 'khrul pa'i mtshan ma 'di dag thams cad dang/ rnam par rtog pa'i mtshan ma 'di dag thams cad spang bar bya ba ni 'di lta ste/ lus dang/ ljon
 shing dag dang/ grong dang/ grong khyer dang/ chu bo dang/ rgya mtsho dang/ sa gzhi dang/ nam mkha' dang/ snang ba dang/ mun pa dang/ zla ba dang/ nyi ma dang/ gza' dang/ rgyu skar la sogs pa'i snang ba 'ga' yang med cing/ de bzhin du gzugs dang/ sgra dang/ dri dang/ ro
 dang/ reg bya yang 'ga' yang med la/ mig dang/ rna ba dang/ sna dang/ lce dang/ lus kyi dbang po yang 'ga' yang med de/ de bzhin du mig dang rna ba dang/ sna dang/ lce dang/ lus kyi rnam par shes pa dang/ yid kyi rnam par shes pa yang med cing/ yid dang
 chos kyi khams kyang med do/ /khams rnams med pa de bzhin du/ skye mched rnams dang phung po rnams dang ji srid sangs rgyas kyi chos rnams kyi bar du yang med de/ de ltar chos thams cad kyi rnam par rtog pa'i mtshan
 gzung par gyur pa'i mtshan ma rnams spangs pas/ de la bltos pa'i 'dzin pa'i mtshan ma yang nub par gyur nas/ nam mkha' gcig tu dri ma med cing mdza' med pa lta bur chos thams cad kyi chos nyid gnyis kyis stong pa nyid gsal ba tsam nyid du
 blta'o?/ /chos thams cad stong pa nyid du snang ba la lta ba'i sems de nyid la sems bsdus nas mi gyo bar bya ste/ ji srid du lus dang sems shin tu sbyangs bar gyur ba de srid du zhi gnas mngon du bya'i/ /de nas zhi gnas de nyid la brten te/ ting nge
 'dzin de nyid kyi spyad yul chos thams cad stong pa nyid kyi gzugs brnyan de nyid rab tu dam par phye la/ chos 'di dag thams cad ni ldan pa yang ma yin mi ldan pa yang ma yin la/ gzugs med ba dang/ bstan du med pa/ thogs pa med pa
 'di lta ste/ mtshan nyid med par mtshan nyid gcig pa'o zhes bya ste/ de la ldan pa yang ma yin zhes bya ba ni/ don dam par dbyer med pa'i mtshan nyid gcig tu yod par gyur ba snang ba ma yin pa'o/ /mi ldan pa yang ma yin zhes bya ba ni/ mtshan nyid tha dad
 bar yod par 'gyur ba nyid snang ba yang ma yin te/ 'on kyang rang gi mtshan nyid sna tshogs ba rnams rtog pa'i mtshan ma brdzun pa'i rnam pa tha dad par snang ba tsam ste/ don dam par gnyis kyis stong ba zhes bya ba thun mong gi mtshan nyid kyi snang bar ro gcig tu snang ba zhe
 bya ba'i don to/ /den dam pa'i rang bzhin de dag gi rnam bar rtog pa'i yal las 'das shing rang gis brtags bar mi nus bas 맺ugs med pa'o/ /gzhan la tshig gos bstan par me nus bas bstan du med pa'o/ /nam mkha' gcig tu dri ma med cing mdza' med
 pa lta bur snang bas na thogs pa med pa'o/ /stong pa nyid ces bya ba'i spyi'i mtshan nyid du snang bas mtshan nyid gcig pa'o/ /de yang de rnams kyi thun mong gi mtshan nyid de/ de las gzhan yang ma yin te/ spyi rdzas su yong pa dang med par dgag pa tsam yang
 des snang ba ma yin te/ de dag la rigs pa med pa'i phyir ro/ /'o na ji lta bu zhe na/ gsal ba tsam gyi lus te/ rang gi mtshan nyid kyi dbye ba rnams brdzun pa'i rnam pa'i mtshan ma las gyur pa'i phyir de dag don dam par med de/ de dag du snang ba med pa nyid stong pa nyid
 du snang ba yin no/ de nyid kyi phyir 'di lta ste/ mtshan nyid med pa'o zhes so/ /de ltar rab tu rnam par phye nas ji srid du lus sems shin tu sbyang par gyur pa de srid du yongs su brtag pa dang/ dpyad pas lhag mthong rdzogs par bya'o/ /de nas de'i 'og tu rnam par rtog ba
 dang bcas pa'i ting nge 'dzin gyis spyod yul stong pa nyid kyi gzugs brnyan de nyid la dmigs pa'i sems de nyid du bar ma chad pa dang/ rgyun ma chad par yid la byed ba'i rgyun 'jug pa ni/ zhi gnas dang lhag mthong zung du 'brel pa 'jug pa'i
 lam zhes bya'o/ /shes rab kyi pha rol tu phyin pa'i man ngag las/ ji lta bu bzhin du gyur pa'i chos thams cad kyi de bzhin nyid la dmigs pa'i rnal 'byor gyi sa ste gsum pa'o// //rnal 'byor gyi sa gsum
 pa la zhugs pa'i rnal 'byor pa chos kyi rnam par rtog pa shin tu phra ba la yang spod pa de srid du ni sa gsum pa rdzogs pa ma yin la/ gang gi tshe chos nyid 'ba' zhig gi rnam par rtog pa shen tu phra ba la spyod pa de'i tshe yongs su rdzogs par brjod
 par bya'o/ /yang gang gi tshe yongs su rdzogs pa de la mnyam par bzhag pas mngon par bsgoms pa'i stobs kyis rjes su 'gro bas 'bad pa med cing mngon par 'du byed pa med par chos thams cad kyi de bzhin nyid mngon sum su nyams su myong bar mngon
 du gyur pa na/ rnam par mi rtog pa'i ye shes chos dang chos nyid kyi mtshan ma rnams yang dag par nub pas/ gnyis su med cing ma mkhrul pas/ snang ba med cing dmigs su med pa/ rnam par mi rtog pa'i zhi gnas dang lhag mthong gi bdag nyid mchog
 gsal bar rgyu ba/ 'jig rten las 'das shing zag pa med pa'i ye shes mngon du gyur pa de ni rnal 'byor gyi sa bzhi pa ste/ ji srid du don dam pa'i bden pa las ma mthong ba las mthong ba de snyed du ni mthong ba'i lam yin la/ mthong ba de nyid lta
 pa ni bsgoms pa'i lam yin no/ /sa gsum pas yang dag par bsdus pa'i de bzhin nyid kyi ye shes ji snyed pa ni/ des de bzhin nyid la rnam par rtog cing/ rnam par mi rtog pa ma yin mod kyi/ 'on kyang yang dag pa la so sor rtog pa yin
 pas rnam par mi rtog pa skye ba dang rjes su mthun pa yin no/ /de bzhin nyid la des rtog pa'i phyir ro/ /de skad du yang/ rnam par mi rtog ba la 'jug pa'i gzungs las/ de ltar byang chub sems dpa' des rnam par mi rtog pa'i mtshan ma
 mngon du byas pa rnams/ snang ba med par gyur pa'i sbyor bas/ ji srid du mi rtog pa'i dbyings la ma reg pa de srid du spang bar bya zhing yid la mi bya'o/ /de yang des rnam par mi rtog pa'i dbyings la reg par bya ba'i phyir/ de bzhin nyid kyi skye gnas can gyi
 ting nge 'dzin yang dag pa'i sbyor bas kun tu bsten pas rjes su 'gro bar byed/ bsgoms pas rjes su 'gro bar byed/ lan mang du byed pas rjes su 'gro bar byed/ yang dag par yid la byed pas rjes su 'gro bar byas na/ 'bad pa med cing mngon par 'du byed pa med
 par rnam par mi rtog pa'i dbyings la reg par 'gyur te/ rim gyis yongs su sbyong bar byed do zhes gsungs te/ 'dir rnam par mi rtog pa'i dbyings ni rnam par mi rtog pa'i ye shes so/ /reg pa ni thob bo/ /skye gnas ni de bzhin nyid do/ /ji ltar skye gnas
 yin zhe na/ de la dmigs pas skye ba'i rgyur gyur pa'i phyir ro/ /gang gi skye gnas yin zhe na/ 'phags pa'i chos rnams kyi 'o/ /kun tu bsten pa ni lung las bsten pa ste/ thos pa las byung ba'i shes rab bo/ /bsgom pa mngon par rtogs
 pa ste/ bsams pa las byung ba'i shes rab bo/ /lan mang du byed pa ni yang dang yang du yid la byed pa ste/ bsgoms pa las byung ba'i shes rab bo/ /gsum po de dag nyid ni yang dag par yid la byed pa'o/ /de dag thams cad kyis bsgoms pa'i nus ba dang
 bag chags dang stobs dang po bzhag pa gang yin ba chu bo bzhin du rjes su 'jug cing rjes su 'brel pa ni/ de dag gi rjes su 'gro ba'o/ /'bad pa med cing mngon par 'du bya ba med ces bya ba ni so so'i 'bad rtsol la ma bltos par ro/ /reg par gyur ces bya
 ba ni rab tu dga' ba'i sa thob pa'o/ /rim gyis zhes bya ba de las gong ma'i rnams mngon du byed pa'o/ /yang rnam par mi rtog pa'i ye shes de ni/ mtshan nyid ni ci 'dra ba/ rtags ni gang yin/ phan yon ni ci zhig yod ce na/ gsum pa 'di dag
 kyang gzungs de nyid las ji lta ba bzhin du gsungs te/ de la re zhig mtshan nyid ni/ ji ltar rnam par mi rtog pa'i dbyings la mi rtog pa zhes brjod ce na/ rnam par rtog pa thams cad las yang dag par 'das pa nye bar 'byung? nas/
 rang bzhin la nye bar rtog pa las yang dag bar 'das pa dang/ dbang po'i rtog pa thams cad las yang dag par 'das ba dang/ yul gyi rtog ba thams cad las yang dag par 'das pa dang/ rnam par rig pa'i rtog pa thams cad las yang dag par
 'das pa dang/ sgrib pa thams cad kyi gnas ma yin ba rnams nye bar gzung nas/ rnam par mi rtog pa dang/ nges par mi rtog ba dang/ bstan du med ba dang/ mi gnas pa dang/ snang ba med ba dang/ rnam par rig pa med pa dang/ gnas med pa'o zhes gsungs te
 'dir tshig phyi ma bdun ni/ mtshan nyid yin la/ tshig snga ma bdun ni de dag nyid rnam par bshad pa yin no/ /rnam par rtog pa rnams las 'das pa ni rnam par rtog pa ni mtshan ma rnams 'das pa'o/ /de la thun mong du rnam par rtog pa thams cad las
 'das bas rnam par mi rtog pa ste/ 'di ni bstan pa'o/ /nges par rtog pa la sogs pa lnga ni khyad par te/ de dag las 'das pa ni nges par bshad pa'o/ /gang gi phyir 'dir dmigs shing dpyad pas na nges par rtog pa ste/ rang gi nges bar rtog pa'o/ /de
 las 'das pa na nges par mi rtog pa'o/ /bstan pa ni chig nis gzhan la nges par bstan cing gsal par byas pa ste/ de las 'das pas na bstan du med pa'o/ /sems can du brtags pa'i dbang po'i khams drug ni gnas so/ /'dir mi snang bas mi
 gnas pa'o/ /rab tu snang bas na snang ba ste/ yul gyi khams drug go/ /de rnams su mi snang bas na snang ba med pa'o/ /rnam par rig pa ni rnam par shes pa'i khams drug go/ de rnam su mi snang pas na rnam par rig pa med pa'o/ /rtog pa de dag thams cad
 ji snyed pa las 'das pa na rnam par mi rtog pa'o/ /gzhan yang rnam bar rtog pa'i gnyen po yin pa'i phyir yang rnam par mi rtog pa bstan pa ni gnas med pa'o zhes gsungs te/ gzhi yin pas na gnas te/ nyon mongs pa dang/ shes bya'i sgrib pas bsdus pa'i rnam
 par rtog pa rnams kyi gzhi yin la /de de la yod pa ma yin te/ gnyen po de nyid kyis de rnams bcom pa'i gnas med pa'o/ /de'i rnam par mi rtog pa zhes gsungs so/ /de nas de snyed pa'i mtshan ma ni rnam par mi rtog pa'i dbyings la rab tu gnas pa'i byang chub sems
 dpa' i shes bya dang khyad par med pa'i ye shes kyis chos thams cad nam mkha' i ngos dang 'dra bar mthong la/ de'i rjes las theb pas ni chos thams cad sgyu ma dang/ smig rgyu dang/ rmi lam dang/ mig yor dang/ sgra brnyan dang/ gzugs brnyan dang/ chu zla dang/ sbrul pa dang
 mtshungs par mthong ngo zhes gsungs te/ 'dir shes bya ba dang/ khyad par med pa zhes bya ba la/ shes bya ni chos thams cad do/ /de dang khyad par med pa ni de rnams kyi ro gcig pa'i de bzhin nyid tsam mthong ba ste/ 'jig rten las 'das pa'i ye shes so/ /yang
 na shes bya de bzhin nyid tsam yin la/ de dang khyad par med pa ni de dang 'dra bar ro gcig pa'o/ /yang na shes bya de bzhin nyid tsam de dang khyad par med cing dbyer med pa ste/ de dang tha mi dad par snang bas chos dang chos can gyi mtshan ma rnams nub pa'i phyir/
 de bzhin nyid gzung bar byas nas de 'dzin ba por mi snang ba'i phyir ro/ /nam mkha' i ngos dang mtshungs par zhes bya ni nam mkha' i ngos dang mnyam pa ste/ /ngos ni sgrib pa med pa yin la/ mnyam pa ni thams cad de chos gang dag gi ngos mnyam pa de la de skad cas
 bya'o/ /de'i rjes las skyes pa zhes bya ba ni 'jig rten las 'das pa'i stobs kyis thob pa yang dag pa 'jig rten pa'i ye shes kyis so/ /de la sgyu ma lta bur mthong ba ni sems can gyi 'jig rten te/ bden pa ma yin ba'i skyes pa dang/ bud med la sogs
 par snang ba'i phyir ro/ /smig sgyu lta bu ni snod kyi 'jig rten te/ brdzun pa'i chu la sogs pa snang ba'i phyir ro/ /rmi lam lta bu ni yul rnams la nye bar spyod pa ste/ dngos po med pa'i phyir ro/ /mig yor lta bu ni grib ma lta bu lus kyi las te/
 g.yo ba med pa'i phyir ro/ /sgra brnyan lta bu ni ngag gi las te/ sgra med pa'i phyir ro/ /gzugs brnyan ni me long gi ngos la snang ba'i gzugs so/ /mnyam par bzhag pa'i sa pa'i yid kyi las rnams ni sprul pa lta bu ste/ don med par don gyi gzugs
 brnyan de la snang ba'i phyir ro/ /mnyam par bzhag pa'i sa pa'i yid kyi las rnams ni chu zla lta bu ste/ shin tu sbyangs pa'i chus brlan pa'i phyir ro/ /gzhan gyis byin gyis brlabs pa'i yid kyi las ni sprul pa lta bu ste/ gzhan la rag las pa'i phyir ro/ /de
 nas 'di thos pa'i phan yon ni mdor bsdus pa'i tshigs su bcad pa gcig dang/ rgyas par phye ba'i 'gres gcig gis gsungs te/ rab zhi mi g.yo dam pa ste/ /dbang sgyur mi g.yo dam pa yin/ /rnam par mi rtog bde ba ni/ /byang chub sems dpa' 
 de las thob ces bya ba ni tshigs su bcad pa'o/ /bde ba chen pos gnas pa shin tu rgyas pa'ang rnyed par 'gyur ro/ /sems chen po phun sum tshogs pas gnas shin tu rgyas pa dang/ shes rab kyi ye shes chen po shin tu rgyas pa dang bstan pa yangs pa
 shin tu rgyas pa dang/ sems can gyi don bya ba rgya chen po shin tu rgyas pa dag kyang rnyed par 'gyur ro/ /zhes bya ba ni 'gres so/ /'dis nyon mongs pa med pas na rab zhi'o/ /nyams pa med pas na mi g.yo ba'o/ /de las gzhan pa'i bde ba las khyad par
 du 'phags pas na dam pa'o/ /ji ltar 'dod pa dang/ ji snyed 'dod pa mngon du byed pa'i phyir dbang sgyur ro/ /de las gzhan pa'i bde ba dang/ rigs ma tshungs pas mnyam pa'o/ /khyad par bzhi po de dag gis khyad par du byas pas na mi mnyam pa yang yin
 no/ /de las bya ba ni rnam par mi rtog pa'i ye shes las so/ /chen po dang yangs pa ni rgya che ba'o/ /ting nge 'dzin des zhugs pa ni gnas pa'o/ /sems phun tshogs pa ni bsam gtan la sogs pa'i rang bzhin no/ /bstan pa ni chos bshad pa'o/ /don byed pa ni nyon
 mongs pa 'dul ba shin tu rgyas pa ni de dag la dbang bar gyur pa'o/ /shes rab kyi pha rol tu phyin pa'i man ngag las/ snang ba med pa'i rnal 'byor gyis ste bzhi pa'o// //mngon par rtogs pa 'di dag ni bcom ldan 'das kyis 'phags pa lang kar
 gshegs pa las/ tshigs su bcad pa gsum gyis gsungs te/ sems tsam la ni brten nas su/ /phyi rol don la brtag mi bya/ /de bzhin nyid la dmigs nas ni/ /sems tsam las kyang bzla bar bya/ /sems tsam las ni bzlas nas kyang/ /snang ba med las bzla bar bya//
 snang med gnas pa'i rnal 'byor pa/ /de yis theg pa chen po mthong/ /lhun gyis grub pas zhi bar 'jug /smon lam gyis ni rnam par sbyangs/ /ye shes dam pa bdag med pa/ /theg pa chen pos mthong bar 'gyur zhes bya ba dang/ /dpal gsang ba 'dus pa las
 kyang/ de nyid tshigs su bcad pa gcig gis gsungs te/ /rang gi sems ni brtags pas na/ /chos kun sems la rab tu gnas/ /chos 'dir nam mkha' i rdo rjer gnas/ /chos dang chos nyid med pa'o zhes so/ /gnyi ga la yang rnal 'byor gyis dang po ni shugs kyis
 bstan par 'gyur te/ ji srid du chos thams cad ni 'di dag go zhes ma bzung ba de srid du/ /de dag gi stong pa nyid bzung bar mi nus pa'i phyir ro/ /de bas na chos thams cad 'di dag go zhes bya bar yongs su gcod pa ni rnal 'byor gyis dang po'o// //
 de dag kyang gzung ba dang/ 'dzin pas stong pa'i sems tsam nyid du lhag par mos te/ snang ba dang bcas pa ni gnyis pa'o/ /de nyid la chos rnams kyi mtshan ma mi snang bar lhag par mos pas gsal ba bzhin du lta ba ni gsum pa'o/ /de nyid la chos rnams dang
 chos nyid kyi mtshan ma thams cad shin tu mi snang bas mthong bas ni bzhi pa'o/ /de la sems tsam zhes bya ba ni sems tsam du dmigs pa'i shes pa ste/ rnal 'byor gyis gnyis pa zhes bya ba'i don to/ /brtag mi bya zhes bya ba ni de la brtag pI
 rnal 'byor gyi sa dang po'i phyi rol gyi don rnams dang cig shos la 'da' bar bya'o zhes bya ba'i don to/ /de bzhin nyid dmigs zhes bya ba ni/ ye shes gang gis de bzhin nyid dmigs pa ste/ rnal 'byor gyis gsum pa zhes bya ba'i don to/ /sems tsam las ni bzlas
 nas kyang zhes bya ba ni snga ma nyid rjes su slob pa yin te/ sngar med pa bsgrub pa ni ma yin no/ /snang ba med las bzla bar bya zhes bya ba ni sngar med pa'i bsgrubs pa'o/ /'dir yang snang ba med pa zhes bya ba ni rnams kyi mtshan ma mi snang ste/ de bzhin nyid la dmigs
 pa zhes bya ba'i don to/ /ji ltar de las 'das pa yin zhe na/ snang ba med la gnas pa ste/ chos dang chos nyid kyi mtshan ma rnams shin tu mi snang bar mthong ba dang ldan pa ste/ rnal 'byor gyi sa bzhi pa la gnas pa zhes bya ba'i don to/ /rnal 'byor pa zhes bya
 ba'i tshig ni snga ma rnams la yang sbyar bar bya'o/ /de yis zhes bya ba ni rnal 'byor gyi sa bzhi pa la gnas pa'i rnal 'byor pas zhes bya ba'i don to/ /theg pa chen po la zhes bya ba la 'dis 'gro bas na theg pa yin zhing/ nyan thos dang rang sangs rgyas
 kyi theg pa las khyad par du gyur pas chen po ste/ byang chub sems dpa' rnams kyi zag pa med pa'i lam mo/ /de mthong ba ni mngon sum du byas pa ste/ gang gi phyir ye shes de nyid theg pa chen po yin pa'i phyir ro/ /ji ste theg pa chen po 'dis ji
 ltar 'gro/ /su zhig gang du 'gro bar 'gyur zhe na/ de'i phyir tshigs su bcad pa gsum pa gsungs te/ lhun gyis grub zhes bya ba ni 'jig rten las 'das pa'i sa rnams su 'bad pa med par 'phro ba'o/ /zhi ba zhes bya ba ni sa de dag nyid nyon
 mongs pa med pa dang/ rnam par rtog pa med pa'i phyir ro/ /smon lam gyis ni rnam par sbyangs shes bya ba ni byang chub dman pa'i gnas dgag pa'o/ /des ni ji ltar 'gro ba bstan to/ /ye shes bdag med pa zhes bya ba ni shin tu snang ba med pa'i phyir ro/ /dam pa
 zhes bya ba ni sgrib pa rnams bag chags dang bcas par spang ba'i phyir te/ sangs rgyas kyi byang chub sems bya ba'i don to/ /de theg pa chen po des rnal 'byor pas mthong bar 'gyur ba ste/ mngon sum byed par 'gyur ba'o/ /'dis ni su zhig gang du 'gro sa
 bstan to/ /yang sems brtags pa zhes pa ni rnal 'byor gyis gnyis pa'o/ /rab tu gnas pa ni chos thams cad rang gi sems kyi snang ba ste/ rang ste bdag gi sems 'di nyid med bzhin du snang ba yin no zhes nges par byas pa'o/ /nam mkha' rdo rje zhes
 bya ba ni snang ba med pa gnyis so/ /der gnas pa ni go rims bzhin du chos rnams dang/ chos nyid du snang ba med pa las gnas pa'o/ /de la chos rnams rang bzhin mi snang ba ni sa gsum pa yin la/ chos nyid rang bzhin mi snang ba ni sa bzhi pa'o/ /
 shes rab kyi pha rol tu phyin pa'i man ngag las mngon par rtogs pa'i tshigs su bcad pa rnams so/ /thos dang bsams dang bsgoms pa las byung sbyor ba sngon 'gro'i shes rab pha rol phyin/ /dri med nam mkha' lta bur gyur ba'i dngos gzhi de ltar
 bdag gis bshad pa las/ /thob pa'i dge ba gang yin de yis bdag ni bde gshegs go 'phang thob gyur nas/ /sna tshogs khams ldan skye bo ma lus rnams kyang theg pa gsum gyis nges 'byung shog /shes rab kyi pha rol tu phyin pa'i man ngag
 paN+Di ta chen po ratnA ka ra shIn+tas mdzad pa rdzogs so// //paN+Di ta chen po zhi ba bzang po dang/ zhu chen gyi lo tsA ba 'gos ltas bcos kyis bsgyur cing zhus te gtan la phab pa'o// //