བོད་ཡིག

e-texts based on the ACIP/ALL Input

rgya gar skad du/ tridsha ki TI kA/ bod skad du/ sum cu pa'i 'grel bshad/ bam po dang po/ /'jam dpal gzhon nur gyur pa la phyag 'tshal lo/ /chos dang gang zag bdag med par/ /yang dag mkhyen gyur thub pa gang/ /nyes pa ma lus spangs pa yis /thugs rje'i bdag la phyag 'tshal lo/ /gang zhig gzhan don rtag tu brtson/ / rang don zhor la bsgrub pa gang/ /'gro gnyer de la phyag 'tshal te/ /sum cu pa ni gsal bshad bya/ /gang zag dang chos la bdag med par ma rtogs pa rnams dang log par rtogs pa rnams la zhes bya ba tshig dang po 'dis ni yul dang/ 'brel pa can dang/ brjod par bya ba dang/ dgos pa dang/ 'brel pa dang/ dngos po lnga po dag bzhag ste/ rab tu byed pa'i 'brel pa dang brjod par bya ba dang dgos pa rnams gdon mi za bar thog mar brjod dgos so/ /gzhan du na 'brel pa med pa dang/ /brjod par bya ba med pa dang dgos pa med pa'i rab tu byed pa ni nyan pa po rtog pa sngon du gtong ba rnams nyan par khas mi len te de'i phyir nyan pa po'i skye bo spro ba bskyed pa'i don du 'di gsum brjod par bya'o/ /de la gang zag dang chos la bdag med par zhes bya ba 'dis ni yul bstan to/ /ma rtogs pa dang log par rtogs pa rnams la zhes bya ba 'dis ni 'grel pa can brjod do/ /gang zag dang chos la bdag med pa ma log pa zhes bya ba 'dis ni brjod par bya ba bstan to/ /rnam par rig pa'i rab tu byed pa sum cu brtsams so/ /zhes bya ba 'dis ni 'brel pa bstan to/ /de la gang zag dang chos la bdag med par rigs pa dang lung gis ma log par bstan par bya ba de ni brjod bya'o/ /de rtogs pa ni dgos pa'o/ /dgos pa de yang rab tu byed pa 'dis byed pas na/ rab tu byed pa 'di ni dgos pa 'di'i thabs yin te/ de'i phyir rab tu byed pa dang dgos pa gnyis ni/ thabs dang thabs las byung ba'i mtshan nyid kyis 'brel to/ /gang dag la gang zag dang chos la bdag med pa de ma log par bstan snyam du de ltar dogs pa la/ ma rtogs pa dang/ log par rtogs pa rnams la zhes bya ba 'di smras so/ /ci zhig ma rtogs shing log par rtogs snyam pa'i dogs pa de bsal ba'i phyir/ gang zag dang chos la bdag med pa zhes bya ba 'dis bstan to/ /'di ni re zhig bsdus pa'i don te/ yan lag gi don brjod par bya'o gang zag dang chos la bdag med pa zhes bya ba la/ gang zag dang chos rnams ni gang zag dang chos rnams so/ /gang zhing zag pas na gang zag ste/ de ni sngon med pa'i las brtsams pa'i phyir gang ba'o/ /sngon byas pa'i las yongs su spyad pas zad pa'i phyir zag pa'o/ /yang dang yang 'gro ba de dang der 'gro bas na yang gang zag go /yang na gang ngam bltas nas 'phen pa dang rdzogs par byed pa'i las rnams kyis 'gro bar 'gro bas na gang zag go /rang gi ngo bo 'dzin pas chos rnams so/ / 'di ltar bdag dang dral ba de ni bdag med de/ de'i dngos po ni bdag med pa'o/ /bdag med pa dang bdag med pa ni bdag med pa ste/ gang zag dang chos rnams la bdag med pa ni gang zag dang chos la bdag med pa'o/ /de'i phyir de dag ni gang zag dang/ chos la bdag med pa dag go /ma rtogs pa dang log par rtog pa rnams zhes bya ba ni ma rtogs pa rnams dang/ log par rtogs pa rnams zhes tshig sdud pa'o/ /ma rtogs pa rnams zhes bya ba ni gang dag gis gang zag dang/ chos la bdag med par ma rig pa'o/ /log par rtogs pa dag ni rnam pa gnyis te/ kha cig ni gang zag dang chos la bdag med par phyin ci log tu rtogs te/ gang gis phyin ci log ces bya ba dag go /kha cig gis rnam pa gnyis su rtogs te/ gang gis the tshom za zhes bya ba dag go /de'i phyir mi shes pa dang phyin ci log dang the tshom gyi blo can rnams la zhes bya bar bstan par 'gyur ro/ /gang zag dang chos la bdag med pa ma log par bstan pa'i phyir zhes bya ba ni gang zag dang chos la bdag med pa de dag phyin ci ma log par zhes bya bar tshig rnam par sbyar ba ste/ de gnyis bstan par bya ba'i phyir ro zhes tshig sdud pa'o/ /kha cig ni gang zag la bdag med pa phyin ci log tu 'dod de/ 'di lta ste kun gyis bkur ba rnams te/ 'di ltar de dag ni bdag med par 'dod kyi gang zag med par ni ma yin no/ /kha cig ni chos la bdag med pa yang phyin ci log tu 'dod de 'di lta ste dbu ma pa rnams so/ /de dag ni chos rnams rnam pa thams cad du med par 'dod de/ brtags pa'i bdag nyid kyis med par ni mi 'dod do zhes grag go /de'i phyir de'i gnyen por chos dang gang zag la bdag med pa phyin ci ma log par bstan par bya ste /de'i phyir phyin ci ma log pa zhes bya ba smos so/ /rnam par rig pa'i rab tu byed pa sum cu pa brtsams so zhes bya ba ni de sum cu yang yin la/ rnam par rig pa'i rab tu byed pa yin no zhes tshig rnam par sbyar ba'o/ /rab tu byed pa de'i tshig le'ur byas pa sum cu yod pas 'di ni tshig le'ur byas pa sum cu pa'o/ /rnam par rig pa tsam du yongs su ston par byed pa'i rab tu byed pa yin pas rnam par rig pa'i rab tu byed pa'o/ /de brtsams pa ni rnam par rig pa'i rab tu byed pa sum cu pa brtsams pa ste/ de ni 'di skad du sems can gang dag gang zag dang chos la bdag med par mi shes ba rnams dang/ gang dag dogs pa rnams dang/ gang dag phyin ci log tu gyur pa de dag la gang zag dang chos la bdag med pa ma log par bstan pa'i phyir rnam par rig pa'i rab tu byed pa sum cu pa brtsams so zhes bstan par 'gyur ro/ /ci'i phyir gang zag dang chos la bdag med pa bstan pa mdzad snyam pa la/ de la gang zag dang chos la bdag med par bstan pa yang/ zhes bya ba la sogs pa smras so/ /gang yang 'dir gang zag dang chos la bdag med par bstan par byed pa de ni nyon mongs pa dang shes bya'i sgrib pa dag spang ba'i phyir te/ gang zag la bdag med par bstan pa'i nyon mongs ba'i sgrib pa spangs pa'i phyir ro/ /chos la bdag med par bstan pa ni shes bya'i sgrib pa spang ba'i phyir ro/ /nyon mongs pa rnams dang shas? bya'i sgrib pa spang zhes bya bar tshig rnam par sbyar bar bya ste/ de dag spang ngo zhes bya bar tshig bsdud pa'o/ /gang zag la bdag med par bstan pa ni nyon mongs pa spangs ba'i phyir ro zhes bya ba de ji lta bu snyam pa la/ 'di ltar 'dod chags la sogs ba nyon mongs pa rnams ni bdag tu lta ba las byung ngo zhes smras so/ /'di ltar 'dod chags la sogs pa ni 'jig tshogs la lta ba las 'byung ngo/ /de ltar na bzhe 'am/ nga'i zhes yang dag par rjes su lta ba dang mthun pa dang/ mi mthun pa rnams la rjes su chags pa dang zhe sdang la sogs pa skye'o/ /bdag dang bdag gir lta ba spangs pa 'dod chags dang bral ba/ ste'u dang tsan dan du 'dra ba rnams ni gang la yang rjes su chags pa dang khong khro ba la sogs pa mi skye'o/ /gal te bdag ces bya ba las 'dod chags la sogs pa 'byung na de ji lta bu zhig snyam pa la/ de'i phyir/ gang zag la bdag med par khong du chud ba ni zhes bya ba la sogs pa smras so/ /'di ltar bdag tu lta ba las 'dod chags la sogs pa 'byung ste/ gang zag la bdag med pa khong du chud pa ni bdag du lta ba de'i dngos kyi gnyen po yin no/ /de'i phyir gang zag la bdag med par mthong na bdag tu lta ba spong ngo/ /de spangs na de las byung ba'i 'dod chags la sogs pa thams cad spang bar 'gyur ro/ /de bas na gang zag la bdag med par bstan pa ni nyon mongs pa spangs pa'i phyir ro/ /chos la bdag med pa bstan pas ji ltar shes bya'i sgrib pa spong snyam pa la/ chos la bdag med par shes pa yang zhes bya ba la sogs pa smras so/ /'di ltar chos la bdag med par shes pa na shes bya'i sgrib pa'i gnyen po ste/ de'i phyir chos la bdag med par shes pas shes bya'i sgrib pa spong bar 'gyur ro/ /nyon mongs pa dang shes bya'i sgrib pa spangs pa 'dis ci zhig bya snyam pa la/ nyon mongs pa dang shes bya'i sgrib pa spangs pa yang zhes bya ba la sogs pa smos so/ /'dod chags la sogs pa nyon mongs pa rnams spang pa ni thar pa thob par bya ba'i phyir ro/ /shes bya'i sgrib pa spang ba ni thams cad mkhyen pa thob par bya ba'i phyir ro/ /nyon mongs pa spong ba ni thar pa thob par bya ba'i phyir zhes bya ba de ji lta bu snyam pa la/ nyon mongs pa spang ba ni zhes bya ba la sogs pa smras so/ /'di ltar 'dod chags la sogs pa nyon mongs pa rnams ni thar pa 'thob pa la sgrib par byed de/ de'i phyir 'dod chags la sogs pa de dag spangs na thar pa 'thob par 'gyur ro/ /'o na shes bya'i sgrib pa'i rang bzhin ji lta bu zhig /de spangs pas thams cad mkhyen pa thob par ni ji ltar 'gyur snyam pa la/ de'i phyir shes bya'i sgrib pa ni zhes bya ba la sogs pa smras so/ /shes bya thams cad la ye shes 'jug pa'i bar du gcod par byed pa nyon mongs pa can ma yin pa'i mi shes pa gzung ba dang/ 'dzin pa la med zha par zhen pa'i bag chags zhes bya ba gang yin pa de ni 'dir shes bya'i sgrib pa 'dod do/ /shes bya'i sgrib pa rnam bde lta bu de spangs par gyur na 'di ltar 'jig rten pa dang/ 'jig rten las 'das pa'i shes bya'i rnam pa thams cad kun la chags pa med pa dang/ thogs pa med pa'i ye shes 'jug ste/ de'i phyir shes bya'i sgrib pa spangs na thams cad mkhyen pa thob par 'gyur ro/ /shes bya'i rnam pa thams cad ces bya ba la rnam pa thams cad ni mi rtag pa dang sdug bsngal ba dang stong pa dang/ bdag med par shes par bya ba gang yin pa ste/ de ni shes bya'i rnam pa thams cad ces bya'o/ /chags pa med pa dang/ thogs pa med pa'i ye shes zhes bya ba la/ gang res 'ga' 'jug la res 'ga' mi 'jug pa de ni rgyu gzhan la bltos pa'i phyir chags pa zhes bya'o/ /gang rgyu gzhan la bltos pa med par 'jug pa de ni chags pa med pa zhes bya'o/ /gang la lar 'jug la la lar mi 'jug pa zhes bya ba de ni thogs pa zhes bya'o/ /gang thams cad du 'jug pa de ni thogs pa med pa zhes bya'o/ /de ltar re zhig dgos pa'i yang dgos pa bshad pa rnam pa gcig go /yang dgos pa'i yang dgos pa gzhan du rnam pa gzhan gyis bstan pa'i phyir yang na chos dang gang zag la mngon par zhen 'dag? ces bya ba la sogs pa smras so/ /smra ba kha cig ni phung po dang/ khams dang skye mched la sogs pa brtags pa'i chos rnams la'am rdzas su mngon par zhen/ /kha cig ni gang zag la 'ang mngon par zhen te/ gang dag de ltar chos dang gang zag la mngon par zhen pa de dag 'di ltar sems tsam du yang dag pa ji lta ba bzhin du rab tu mi shes te/ de'i phyir de dag la chos dang gang zag la bdag med par ston te/ ci nas kyang de dag rnam par rig pa tsam 'bras bu dang bcas pa la mthar gyi 'jug par bya ba de'i don du chos dang gang zag la bdag med par bstan pa'i phyir rab tu byed pa brtsams so/ /rnam par rig pa tsam 'bras bu dang bcas pa zhes bya ba la gzung ba dang/ 'dzin pa dang bral ba'i sems dang sems las byung ba rnams ni rnam par rig pa tsam mo/ /de'i 'bras bu ni sa rab tu dga' ba la sogs pa'o/ /mthar gyis 'jug par bya ba'i phyir zhes bya ba ni thog mar gzung ba dang/ 'dzin ba rnam par gzhig pa'i thabs su gyur pa rab tu byed pa sum cu pa la sogs pa nyan to/ /thos nas de'i 'og tu phyin ci ma log par rigs pas sems so/ /bsams nas de'i 'og tu gzung ba rnam par gzhig par thog mar dran pa nye par gzhag pa nas brtsams te/ bzod pa'i bar du goms par byed ngo/ /de nas gzung ba rnam par bshig nas gzung ba med pas 'jin pa yang med do zhes chos kyi mchog gi dus na 'dzin pa yang rnam par 'jig gi /rnal 'byor pas de ltar gzung ba dang 'dzin pa rnam par bshigs pa'i phyir/ /chos kyi dbyings sgrib pa re re bral bas sa rab tu dga' ba la sogs pa la sbyar te/ de ltar na rnam bar rig pa cam 'bras bu dang bcas pa la mthar gyis 'jug pa yin no/ /yang dgos pa'i yang dgos pa gzhan du rnam pa gzhan gyis bstan pa'i phyir/ yang na rnam par shes pa bzhin du shes bya yang zhes bya ba la sogs pa smras so/ /phyi rol gyi don du smra ba kha cig ni ji ltar rnam par shes pa rdzas su yod pa de bzhin du shes bya yang rdzas nyid du yong do snyam du sems/ /dbu ma pa kha cig ni ji ltar shes bya kun rdzob tu yod kyi don dam par med pa de bzhin du/ rnam par shes par ? kun rdzob nyid du yod kyi/ don dam par ni med do snyam du sems zhes grags ste/ de'i phyir mdza' gcig tu smra ba 'dri rnam gnyis dgag par gang zag dang chos la bdag med par bstan pa'i phyir rab tu byed pa brtsams so/ /mdza' gcig smra ba 'di rnam pa gnyis zhes bya ba ni thams cad yod par smra ba dang/ thams cad med par smra ba zhes bya ba'i tha tshig go /de ltar rab tu byad ba brtsams pa'i dgos pa brjod do// //'o na ji ltar chos dang gang zag la la bdag med par shes par bya snyam pa la/ bdag dang chos su nyer 'dogs pa/ /zhes bya ba la sogs pa smras te/ 'di ltar bdag tu nye bar 'dogs pa dang chos su nye bar 'dogs pa rnam pa du ma gang 'byung ba zhes mdor byas pa'i don to/ /ni zhes bya ba ni 'di ltar zhes bya ba'i don to/ /dogs pa dang bcas pa yin pas tshig khong nas dbyung ba bstan pa'i phyir/ 'jig rten dang bstan bcos la'o zhes bya ba la sogs pa smras te/ 'jig rten dang bstan bcos las bdag tu nye bar 'dogs ba dang chos su nye bar 'dogs pa rnam pa du ma gang 'byung ba zhes bya ba'i tha tshig go /gang la blta bar bya snyam pa la/ de ni rnam par shes par gyur zhes bya ba smos te/ de ni rnam par shes pa'i gzung ba'i cha la 'byung do zhes mdor byas pa'i zhon to/ /de zhes bya ba'i sgra gang dang sbyar snyam pa la/ de'i phyir bdag dang chos su nye bar 'dogs pa zhes bya ba dang sbyar ro zhes bya ba smos te/ de zhes bya ba'i sgra ni bdag dang chos su nye bar 'dogs pa la bya'o zhes bya ba'i tha tshig go /de las ni tshig gi don 'di 'byung ste/ bdag dang chos su nye bar 'dogs pa 'jig rten dang bstan bcos las rnam pa du ma gang 'byung ba de ni rnam par shes pa'i gzung ba'i cha nyid la 'byung ste/ phyi rol gyi bdag gam chos rnams la nye bar 'dogs? pa 'byung ba ni ma yin no/ /de bas na gang zag dang chos rnams la bdag med par shes par bya'o/ /'grel ba byed pas yan lag gi don dgrol ba'i phyir bdag dang chos su nye bar 'dogs pas zhel bya ba ? sogs pas smras te/ gang gis bdag tu nye bar 'dogs pa de ni bdag du nye bar 'dogs pa'o/ /de bzhin du gang gis sa su nye bar 'dogs pa ni chos su nye bar 'dogs pa'o/ /nye bar 'dogs pa'i sgra'i don bstan pa'i phyir/ de yang zhes bya ba la sogs pa smras te/ bdag tu nye bar 'dogs pa'i sgra ni bdag tu btags par rig par bya'o/ /chos su nye bar 'dogs pa'i sgra yang chos su btags pa'o/ /nye bar 'dogs pa dang btags pa dang tha snyad ces bya ba'i rnam grangs su gtoT pa ste/ shes pa dang brjod pa zhes bya ba'i tha tshig go /sna tshogs kyi sgra'i don bstan pa'i phyir/ sna tshogs zhes bya ba ni rnam pa du ma ste zhes bya ba la sogs pa smras te/ kha cig bdag ces tha snyad 'dogs pa nas kha cig shed pu zhes tha snyad 'dogs pa'i bar du ste/ de lta bu ni bdag tu nye bar 'dogs pa rnam pa du ma'o/ /chos su nye bar 'dogs pa yang rnam pa du ma yin par bstan pa'i phyir phung po dang khams zhes bya ba la sogs pa smras te/ de ni go sla bsam bshad do/ /de la gzhan gyis slar brgal pa'i tshig /nye bar 'dogs pa 'di rnam gnyis ni zhes bya ba la sogs pa smras so/ /nye bar 'dogs pa 'di rnam gnyis ni rnam par shes pa'i gzung ba'i cha nyid de/ bdag gam chos rnams dngos la nye bar 'dogs pa ni ma yin no zhes bya bar de ji ltar shes par bya/ dngos zhes bya ba ni don dam pa'o/ /bdag la sogs par tha snyad 'dogs pa dngos su yul nyid ma yin par bstan pa'i phyir/ chos rnams dang bdag ni zhes bya ba la sogs pa smras so/ /'di ltar rnam par shes pa gyur pa las phyi rol na bdag dang chos rnams yod pa ma yin te/ de'i phyir bdag dang chos su nye bar 'dogs pa 'di'i dngos su yul ma yin no/ /mu stegs can gyi 'gyur ba yin du dgos nas dri ba'i phyir/ gyur ces bya ba de gang zhe na zhes smras te/ ci gang grangs can rnams kyis yongs su brtags pa rnam par gnas pa'i rdzas kyi chos gzhan log na gzhan 'byung zhes bya ba'i 'gyur ba de 'dir 'gyur bar 'dod dam/ 'on te gzhan 'ga' zhig ces byas pa dang/ grub pa'i mdza' smras pas/ gyur ba'i rang gi ngo bo bstan pa'i phyir gzhan du gyur pa ste/ zhes bya ba smras so/ /gyur pa'i sgra ni gzhan du gyur pa la bya'i/ grangs can gyis yangs su brtags pa ni ma yin no/ /de nyid bstan pa'i phyir rgyu'i skad cig ces bya ba la sogs pa smras so/ /gang gi tshe rgyu'i skad cig 'gag la/ de 'gags pa dang dus mnyam du rgyu'i skad cig dang mi 'dra ba 'bras bu'i bdag nyid thob pa gang yin pa de gyur par 'dod do/ /de ni 'di skad du rgyu dang mi 'dra ba'i 'bras bu nyid la gyur pa'i sgrar brjod do zhes bstan par 'gyur ro/ /de ltar gyur pa'i rang gi ngo po bstan nas/ rnam par shes par gyur pa la ji ltar bdag dang chos su nye bar 'dogs pa de bstan pa'i phyir/ de la bdag la sogs par rnam par rtog pa'i bag chags yongs su rtas shing/ zhes bya ba la sogs pa smras so/ bdag la sogs par rnam par rtogs pas bag chags gang bskyed pa de dag gi cho yongs su rtas par gyur pa de'i tshe rkun gzhi rnam par shes pa las bdag la sogs pa'i rnam pa'i rnam par rtog pa skye'o/ /bdag la sogs pa'i rnam pa gzung ba'i cha de yang rnam par rtog pa de las phyi rol tu gyur ba lta bur rtogs nas/ phyi rol na bdag med par yang/ thog ma med pa'i dus nas bdag la sogs par nye bar 'dogs par 'jug go /de bzhin du gzugs la sogs par rnam par rtog pas bag chags gang skyed pa de yang gang gi tshe yongs su brtags par gyur pa de'i tshe/ kun gzhi rnam par shes pa las gzugs la sogs pa'i rnam pa'i rnam par rtog pa 'byung do/ /gzugs la sogs pa'i rnam pa gzung pa'i cha de yang rnam par rtog pa de las phyi rol tu gyur pa lta bur rtogs nas/ phyi rol na chos rnam med par yang gzugs la sogs pa chos su nye bar 'dogs pa thog ma med pa'i dus nas 'jug go /bag chags yongs su rtas ba zhes bya ba'i sgra ni de ma thag tu 'bras bu bsgrub nus pa la bya'o/ /snang ba zhes bya ba'i sgra ni gzung ba'i cha la bya'o/ /'dir dpe smos pa/ dper na rab ri? can gyi skra shad 'dzings pa la sogs pa bzhin no zhes bya ba ste/ dper na rab rib can gyi skra shad la sogs pa'i rnam pa gzung ba'i cha la skra shar 'dzangs pa la sogs par nye bar 'dogs pa de bzhin du 'dir yang bdag dang chos kyi rnam pa gzung ba'i cha la bdag dang chos su nye bar 'dogs so/ skra shad 'dzings pa'i sgra ni skra'i tshogs la bya'o/ /de la 'dir 'gyur te/ 'di ltar gzung ba'i cha nyid dngos su bdag dang chos du 'gyur te/ de'i phyir bdag dang chos rnams dngos su grub po snyam du sems su dags nas/ nye bar 'dogs pa zhes bya ba ni gang la gang med pa te la de nye bar 'dogs te/ zhes bya ba la sogs pa smras so/ /bdag dang chos rnams ni gzung ba'i cha la nye bar 'dogs so/ /gal te de dag de na dngos su yod du zin na ci'i phyir nye bar 'dogs/ gang la gang med pa de la de nye bar 'dogs ba ni dber na mi blun po la ba lang zhes bya ba lta bu ste/ ba lang ma yin yang mi blun po la ba lang zhes nye bar 'dogs pa lta bu'o/ /nye bar 'dogs pa zhes bya ba ni sgro 'dogs pa yin na da ji ltar dngos su dngos po yul du 'gyur/ de ltar bdag dang chos su nye bar 'dogs pa'i dngos kyi yul bkag nas 'jug bsdu ba'i phyir/ de ltar rnam par shes pa'i rang gi ngo bo dang phyi rol na yang bdag dang chos rnams med pas zhes bya ba la sogs pa smos so/ /'di ltar rnam pa de lta bu bstan pas rnam par shes pa'i gzung ba'i cha dang shes pa las phyi rol na bdag dang chos rnams dngos su yod pa ma yin no/ /de bas na bdag dang chos rnams kun brtags pa nyid do/ /don dam par de dag gang na yang yod pa ma yin no/ /de'i phyir gang 'di shes bya yang rnam par shes pa bzhin du rdzas nyid do zhes mdza' gcig tu smra ba 'di las mi blang do/ /mdza' cig tu smra ba cig shos bsal ba'i phyir/ nye par 'dogs pa ni zhes bya ba la sogs pa smras te/ nye bar 'dogs pa ni 'di ltar gzhi med par mi srid do/ /de bas na gang la bdag dang chos nye bar 'dogs pa 'byung ba'i rnam par shes pa gyur pa rdzas nyid du nges par khas blang ngo/ /de ltar na rnam par shes pa yang shes bya bzhin du kun rdzob nyid de/ don dam par med do zhes khas len pa de rigs pa la mi mdzad par mi nus so/ /ci'i phyir rigs pa mi mnyam ba la kun rdzob du 'ang dngos po med par 'gyur ba'i phyir ro zhes bya ba smras so/ /de nyid dgrol ba'i phyir/ rten med na kun rdzob tu mi rung ste/ zhes bya ba smras so/ /'di ltar rten med par ni kun rdzob tu mi rung ste/ gdon mi za bar 'ga' zhig la brten nas 'ga' zhig gdags par 'gyur ro/ /gzhan du na ni nges pa med pas thams cad la thams cad gdags par thal par 'gyur ro/ /de yi phyir thal ches bya ba'i skyon du gyur te re zhes kun rdzob tu gzhi ci zhig gcig khas blang bar bya'o/ /de'i gzhi gang yin pa de ni rnam par shes pa'o/ /de bas na rnam par shes pa rdzas nyid du khas blang ngo/ /rten med ces bya ba ni gzhi med ces bya ba nas rgyu mtshan ces bya ba'i bar du'o/ /gong du bshad pa'i mjug bsdu ba'i phyir/ /de bas na mdza' gcig tu smra ba rnam pa 'di gnyis ka yang mi rigs pa'i phyir btang ngo zhes slob dpon gyi tshig go zhes bya ba smras so/ /'di ltar phyogs 'di lta bu gnyis ka la yang rigs pa med de/ de bas nam mdza' gcig tu smra ba rnam pa 'di gnyi ga yang rigs pa med pas gtang bar bya bar slob dpon rnams kyis bshad do zhes 'grel pa byed pas rang ma gtogs par gsangs nas slob dpon rnams la khungs phyung ngo/ /de ltar mdza' gcig tu smra ba de bkag nas rang gyi phyogs brjod pa'i phyir/ de ltar na shes bya thams cad kun brtags pa'i ngo bo nyid yin pas dngos po med do zhes bya ba smras so/ /gang gi phyir 'di ltar shes bya ni rnam par shes pa'i rang gi ngo bo kho na yin pas/ phyi rol na bdag dang chos kyi dngos bo med pa rten med par ni kun rdzob tu yang mi rung bas de bas na shes bya thams cad kun brtags pa'i ngo bo nyid yin pa'i phyir dngos por yod pa ma yin na/ /'di ltar rten med pa'i kun rdzob med de/ de'i phyir rnam par shes pa rten cing 'brel par 'byung bas rdzas su yod ces bya ba de khas blang bar bya'o/ /rnam par shes pa rten cing 'brel par 'byung ba zhes bya ba de ji ltar shes par bya zhe na/ rnam par shes pa rten cing 'brel bar 'byung ba ni zhes bya ba la sogs pa smras so/ /rnam par shes pa rten cing 'brel par 'byung ba ni gyur ba'i sgra nyid kyis bstan te/ 'di ltar rgyu dang mi 'dra ba 'bras bu'i bdag nyid thob par ni gyur pa'o zhes bstan pa'o/ /de ltar dngos su bdag dang chos rnams bkag pa dang/ phyi rol gyi don du smra bas phyir brgal ba'i phyir phyi rol gyi don med par rnam par shes pa nyid ngon gyi rnam par 'byung ba 'di ji ltar shes par rung zhe na/ zhes bya ba smras so/ /phyi rol gyi don gzugs la sogs pa med par rnam par shes pa nyid gzugs la sogs pa'i don gyi rnam par 'byung ba de ji ltar shes she na/ grub pa'i mdza' smra bas/ phyi rol gyi don ni zhes bya ba la sogs pa smras te/ 'di ltar phyi rol gyi don gang gi cho bdag gi rnam pa'i rnam par shes pa bskyed pa de'i tshe rnam par shes pa'i dmigs pa'i rkyen du 'dod kyi/ byed rgyu tsam 'ba' zhig tu 'dod pa ni ma yin no/ /gal te byed rgyu tsam gyis dmigs pa nyid du 'gyur na ni/ de'i tshe rgyu dang de ma thag pa dang/ bdag po'i rkyen dang bye brag med par 'gyur te/ 'di ltar de dag ni byed rgyu tsam du rnam par 'jog go/ gal te 'di yang byed rgyu tsam du rnam par gzhag na ni de'i tshe de dag dang bye brag med par 'gyur ro/ de ni 'di skad du gang la byed rgyu kho na dang rang gi rnam pa bskyed pa kho na yod pa de ni chos nyid gnyis dang ldan pa yul du 'dod do zhes bstan par 'gyur ro/ /byed rgyu tsam gyi phyir yul nyid du 'dod na ni de ma thag pa'i rkyen la sogs pa rkyen rnams kyang dmigs pa nyid du 'gyur ro/ /chos nyid gnyis dang ldan pa'i yul du gyur du zin kyang 'dis cir 'gyur zhe na/ rnam par shes pa'i tshogs lnga bo dag ni bsags pa la dmigs pa ste/ zhes bya ba la sogs pa smras so/ /rnam par shes pa'i tshogs lnga bo dag ni bsags pa la dmigs par gzhan 'dod de/ 'di ltar de dag ni bsams pa rnam pa dag rig pa'o/ /bsags pa'i sgra ni 'dus pa la bya'o/ /de'i phyir rnam par shes pa'i tshogs lnga pa dag rags pa'i rnam par snang bar bshad pa yin no/ /bsags pa'i rnam par gyur na ci nyes zhe na/ de'i phyir bsags pa ni cha shas 'dus pa tsam las gung na med de zhes bya ba la sogs pa smras so/ /cha shas bsags pa rnams 'dus pa tsam las bsags pa gung na med do/ /ji ltar med ce na/ cha shas de dag bsal na zhes bya ba la sogs pa smras te/ 'di ltar cha shas re re nas bsal na bsags pa'i rnam pa'i rnam par shes pa mi 'byung ngo/ /gal te de na 'dus ba zhes bya ba rdzas ci yang rung ba zhig yod na ni/ de'i tshe cha shas re re nas bsal na yang 'dus pa'i rnam pa'i blo skye ba zhig na/ cha shas can gyi rdzas yod pa ni slob dpon rnams kyi dgag pa mang du brjod do/ /de ltar 'dus pa'i rdzas yod pa bkag nas mjug sdu ba'i phyir/ de bas na phyi rol gyi don med par rnam par shes pa bsags pa'i rnam pa 'byung ngo zhes bya ba smras so/ /gang gi phyir de ltar bsags pa ni cha shas 'dus pa tsam las gung na yod pa ma yin par yang bsags pa'i rnam pa'i rnam par shes pa 'di myong ste/ de bas na phyi rol gyi bsags pa'i don med par spros pa'i bag chags yongs su smin pa'i dbang gis rnam par shes pa bsags pa'i rnam par 'byung bar grub po/ /'dus pa'i rdzas med pa dmigs par mi rung du zin yang rdul phra rab rnams 'dus pa'i rnam par shes pa de'i dmigs par 'gyur ro zhe na yang de'i phyir/ rdul phra rab bsags pa dag nyid ni zhes bya ba sogs pa smras te/ rdul phra rab 'dus pa dag kyang rnam par shes pa de'i dmigs ma yin no/ /bsags pa zhes bya ba ni 'dus pa zhes bya ba'i tha chig go/ /ci'i phyir dmigs pa ma yin zhe na/ rdul phra rab dag ni de'i rnam pa ma yin pa'i phyir ro zhes bya ba smras te/ 'di ltar gang 'di shes pa la rags pa'i rnam par snad ba rnam pa de dag rdul phra rab so so la ni ma yin no/ /so so de'i rnam pa ma yin yang 'dus pa ni de'i rnam par 'gyur ro zhe na/ de'i phyir/ rdul phra rab rnam pa ma bsags pa'i dus las zhes bya ba la sogs pa smras te/ ji ltar ma bsaD ba'i dus na rags pa'i rnam pa med pa de ltar rdul phra rab rnams bsags pa'i dus na yang rags pa'i mtshan nyid du 'gyur bar rang bzhin bye brag tu gyur ba ci yang med do/ /de'i phyir ji ltar rdul phra rab bsags pa ma yin pa dag dmigs par mi 'gyur ba de bzhin du bsags pa rnams kyang dmigs par mi 'gyur te/ de ma 'dus pa bzhin du 'dus pa yang dmigs pa ma yin no zhes bya ba'i tha tshig go/ de ni 'di skad du/ ji ltar de dag ma 'dus na dags pa med de/ de'i phyir dmigs par ma gyur pa de bzhin du 'dus su zin kyang rags par mi 'gyur ro/ /da bas na dmigs par ji ltar 'gyur te/ 'di ltar de dag tha dad dam 'dus kyang rung zlum ril mi 'dor ro zhes bstan par 'gyur ro/ /yang la la rdul phra rab rnams dmigs pa yin par rnam pa gzhan du 'dod de de'i phyir de'i lugs bstan par gzhan dag rdul phra rab re re zhes bya ba la segs pa smras te/ rdul phra rab de de rdul phra rab gzhan la mi bltos pa ni dbang po'i yul du mi 'gyur gyi/ gang gi tshe phan tshun bltos pa dang bcas pa de dbang po'i yul du 'gyur bar sems zhe sa grag ste/ phyogs snga ma'o/ /phyogs 'di yang rigs pa bzod pa ma yin par bstan pa'i phyir/ de dag gi yang zhes bya ba la sogs pa smras te/ de skad smra ba de dag gi gzhung ltar na yang rdul phra rab rnams nyams su 'ong zhes rdul phra rab rnams bltos pa dang bcas pa dang mi bltos pa'i dus na yang rags pa'i mtshan nyid du 'gyur bar rang bzhin bye brag du gyur pa med do/ /de'i phyir rang bzhin bye brag du gyur pa med pas yang na ni dus thams cad du dbang pos gzung ba nyid du 'gyur ro/ /yang na ni nams kyang dbang pos mi rtogs par 'gyur ro/ /yang de nyid la nyes pa gzhan bstan pa'i phyir/ gal te phan tshun bltos pa'i rdul phra rab nyid ces bya ba la sogs pa smras so/ /gal te phan tshun bltos pa'i rdul phra rab dag nyid rnam par shes pa'i yul du 'gyur du zin na ni/ de ltar na bum pa dang zangs bum dang rdza ma dang kham por la sogs pa'i rnam pa tha dang pa gang yin pa de rnam par shes pa la snang bar mi 'gyur te/ 'di ltar rdul phra rab dag bum pa la sogs pa'i rnam pa ma yin pa'i phyir ro/ /'di la 'dir 'gyur te/ rdul phra rab rnams nyid bum pa la sogs pa shes pa'i dmigs par 'gyur ro/ snyam pa la/ de'i phyir rnam par shes pa la snang ba yang gzhan las? zhes bya ba la sogs pa smras so/ /bum pa dang rdzam la sogs pa'i rnam pa yin pas/ phra mo'i rnam pa ni rags pa'i rnam par shes pa'i yul du mi rung ste ha cang thal bar 'gyur ro/ /de lta na ni sbrang bu yang glang po che la sogs pa'i rnam pa rnam par shes pa'i yul du 'gyur ro/ /de ltar re zhig rdul phra rab dag yod par khas blangs te/ dmigs par bkag go /de ni de dag kyang yod par mi 'thad par bstan pa'i phyir/ phra rab dag kyang zhes bya ba la soT pa smras so/ /rdul phra rab kyang tshul la dang pha rol dang dpung gi cha yod pas ka pa la sogs pa bzhin du don dam par yod pa ma yin te/ ka ba la sogs pa ni btags pa'i yod pa'o/ /tshe rab la sogs pa ni mi 'dra ba'i chos so/ /brgya la gzhan gtan tshigs ma grub ces zer du dogs pa'i phyir/ de khas mi len na ni zhes bya ba la sogs pa smras so/ /gal te rdul phra rab rnams kyi tshu rol dang pha rol dang dpung gi cha shas khas mi len na ni/ de'i tshe rdul phra rab las bltos nas 'di ni shar phyogs/ 'di ni byang phyogs zhes bya ba la soT phyogs tha dad pa dag rdul phra rab rnams kyi yin par mi 'gyur ro/ /de med par gyur na shar dang byang la sogs pa yang rdul phra rab kyi char mi 'gyur ro/ /de ltar gyur na ci nyes she na/ de'i phyir rnam par shes pa bzhin du zhes bya ba la sogs pa smras so/ /gal te rdul phra rab kyi phyogs cha tha dad pa khas mi len na de tshe ji ltar rnam par shes pa lus med pa dang/ yul na mi gnas pa bzhin du rdul phra rab dag kyang de ltar 'gyur ro/ /de ltar phyi rol gyi don bkag nas mjug bsdu ba'i phyir de ltar na phyi rol gyi don med pa'i phyir zhes bya ba la sogs pa smras so/ /gang de skad bstan pa'i rnam pas phyi rol gyi don mi 'thad de/ de bas na spros pa'i bag chags yongs su smin pa'i dbang gis rnam par shes pa nyid gzugs la sogs pa'i don gyi rnam par 'byung ste/ dper na rmi lam gyi rnam par shes pa bzhin du khas blang bar bya'o/ /de ltar na re zhig rnam par shes pa'i tshogs lnga rnams kyi yul bkag go /yid kyi rnam par shes pa'i yul yang dgag pa'i phyir/ tsher ba la sogs pa dag kyang zhes bya ba la sogs pa smras so/ /tshor ba la sogs pa dag ni dus gsum du gtogs pa ste/ de la re zhig gang dag 'das dang ma 'ongs pa de dag ni rang gi rnam pa'i rnam par shes pa skyed pa ma yin te/ 'das pa rnams ni 'gag pa'i phyir ro/ /ma 'ongs pa rnams ni ma skyes pa'i phyir ro/ /'gags pa dang ma skyes pa ni rdzas su yod pa ma yin na/ ji ltar rnam par shes pa skyed par 'gyur/ de la 'di 'gyur te/ da ltar gyi dag skyed par 'gyur ro zhe na/ de'i phyir/ da ltar gyi dag kyang da ltar gyi rnam par shes pa skyed pa ma yin te zhes bya ba smras so/ /da ltar gyi tshor ba la sogs pa dag kyang rang gi rnam pa'i rnam par shes pa mi skyed do/ /ci'i phyir zhe na/ skye ba'i tshe na ni med pa'i phyir ro zhes bya ba smras so/ /de la skye ba'i tshe na skyed pa 'gyur ram/ skyes pa'i tshe skyed par 'gyur zhes gnyis su rtag grang na/ skye ba'i tshe na ni tshor ba la sogs pa yod pa ma yin te/ de'i phyir yod pa ma yin pas skyed par ji ltar 'gyur/ gang gi tshor ba la sogs pa skyed pa'i tshe na ni rnam par shes pa yang de'i rnam par skyes pa nyid do/ /de'i phyir de la bya ba cung zad kyang med pas de dag ni de'i skyed pa ma yin no/ /de bas na yid kyis rnam par shes pa'i dmiT pa yang ci yang med par grub po/ /de ltar na gzung ba med pas rnam par shes pa 'dzin par mi 'gyur te/ gzung ba dang 'dzin pa med pa'i mtshan nyid chos la bdag med par grub po/ /gang zag la bdag med pa ni rnam par shes pa rten cing 'brel bar 'byung ba nyid du bstan pas bstan pa yin te/ 'di ltar rnam par shes pa rten cing 'brel bar 'byung ba'i phyir yod do/ /gal te gang zag dag kyang rten cing 'brel par 'byung bar 'dod na ni de'i tshe mi rtag par 'gyur ro/ /mi rtag pa la bdag tu rtog pa ni don med de lus dang mtshungs pa'i phyir ro/ /ji ste rten cing 'brel par 'byung bar mi 'dod na ni de lta na rtag par 'gyur ro/ /rtag pa ni dge ba dang mi dge ba'i las byed pa dang de'i 'bras bu la spyod par mi nus te/ 'gyur ba med pa'i phyir ro/ /lhan cig byed pa la bltos shes byar ni bye brag tu gyur pa med pa'i phyir mi 'dod do/ /de'i phyir cung zad kyang byed pa med pa yongs su brtags pa 'dis ci zhig bya ste/ gang zag la bdag med pa yang grub po/ /de ni slob dpon snga ma dag gis kyang mang du bstan zin te/ de bas na 'dir mngon du ma bshad do/ /'dir brnga spros pa pa la sogs pas phyir rgol ba ston ste/ gzhan dag na re zhes bya ba la sogs pa'o/ / gal te bdag dang chos dngos su med na de'i tshe rnam par shes pa'i gzung ba'i cha la de nye bar 'dogs par mi rung ste/ 'di ltar nye bar 'dogs pa ni gsum yod na 'gyur gyi gsum pa dag las gang yang rung ba zhig med na/ mi 'gyur ro gsum gang zhe na/ don gyi dngos dang zhes bya ba la sogs pa smras so/ /gal te don gyi dngos yod pa dang/ /gal te dngos dang 'dra ba gzhan 'ga' zhig yod pa dang/ dngos dang da dang 'dra ba gnyis ga dang 'dra ba yang yod de/ gal te 'dra ci yang rung ba zhig yod na ni de'i tshe nye bar 'dogs par byed do/ /'dir dpe smos pa dper na dngos med dang zhes bya ba la sogs pa'o/ /dngos med yod la me dang 'dra ba bram ze'i khye'u dang me dang bram ze'i khye'u gnyis ka'i thun mong gi chos yang na ser ba nyid dam/ yang na rno ba nyid yod na 'jig rten na bram ze'i khye'u la mer nye bar 'dogs par byed do/ /gal te de ltar rnam par shes pa gyur pa la bdag dang chos nye bar 'dogs par byed na/ yang de'i tshe bdag dang chos rnam dngos su yod par 'gyur te/ gzhan du na ni nye bar 'dogs par mi 'gyur ro zhes phyogs snga ma'o/ /grub pa'i mdza' smra bas thog ma nyid du dpe sun dbyung ba'i phyir/ 'di la bram ze'i khye'u la me nye bar 'dogs pa ni zhes bya ba la sogs pa smras so/ /gang 'di bram ze'i khye'u la me zhes dper bzhag pa 'di la rigs me nyid ces bya ba'am/ 'on te me'i rdzas bram ze'i khye'u la nye bar 'dogs/ de ni 'di skad du/ ci 'di la me'i spyi'am 'on te me'i rang gi mtshan nyid nye bar 'dogs shes bstan par 'gyur ro/ /de lta na de la nyes pa ci yod ce na de'i phyir/ nye bar 'dogs pa gnyi ga yang med do zhes bya ba smras te/ phyogs gnyi ga yang nye bar 'dogs par mi rung ngo/ /rigs kyi phyogs kyi dbang du byas nas/ de la re zhig thun mong ser ba nyid dam/ rno ba nyid ni rigs kyi ma yin no zhes bya ba smras so/ /bram ze'i khye'u dang mthun mong pa ser ba nyid dam rno ba nyid ni rigs me nyid la med de/ 'di ltar gzhan dag rigs ni ser ba'am rno bar mi 'dod do/ /'di ltar yon tan 'di dag ni rdzas kyi yin gyi rigs kyi ni ma yin par 'dod do/ /de la 'dir 'gyur te/ thun mong gi chos med kyang rigs nye bar 'dogs par 'gyur ro zhe na/ de'i phyir/ thun mong gi chos med par zhes bya ba la sogs pa smras te/ thun mong gi chos med par ni bra ze'i khye'u la rigs nye bar 'dogs par mi rung ngo/ /ci'i phyir mi rung snyam pa la/ ha cang thal bar 'gyur ro zhes bya ba smras so/ /gal te thun mong gi chos med par yang nye bar 'dogs par byed na ni de'i tshe thams cad la thams cad nye bar 'dogs par thal bar 'gyur ro/ /de ni 'di skad du/ 'dra ba ni nye bar 'dogs pa'i gzhi yin no/ /gal te 'dra ba med par yang nye bar 'dogs par byed na ni de'i tshe nges par byed pa med pas thams cad la thal bar 'gyur ro zhes bstan par 'gyur ro/ /brgya la gzhan nye bar 'dogs pa'i gzhi gzhan smra bar dogs nas rigs chos nyid de gnyis dang ldan pa ma yin yang zhes bya ba la sogs pa smras so/ /rigs ni rno ba la sogs pa'i chos can ma yin du zin kyang/ rno ba nyid dang ser? pa nyid ni rigs me nyid med na med de/ de'i phyir rno ba nyid dang ser ba nyid rigs med na med pas bram ze'i khye'u la rigs me nyid nye bar 'doT par 'gyur ro/ /de ni 'di skad du thun mong gi chos med du zin kyang med na ni 'byung ba ni 'dir nye bar 'dogs pa'i rgyu yin te/ de'i phyir ha cang thal bar mi 'gyur ro zhes bstan par 'gyur ro/ /chos nyid de gnyis dang ldan pa ma yin yang zhes bya ba la/ rno ba nyid dang ser ba nyid de gnyis ni chos so/ /rigs gang yin pa de ni chos de gnyis dang ldan pa'o/ /de'i dngos po ni de'i chos nyid do/ /chos de nyid de gnyis dang mi ldan pa ni chos nyid de gnyis dang ldan pa ma yin pa'o/ /de'i phyir chos nyid de gnyis dang ldan pa ma yin pa de ni rigs la rno ba nyid dang ser ba nyid kyi chos med do/ zhes bya ba'i tha tshig go /med par mi 'byung ba yang 'dir med par bstan pa'i phyir/ rigs med par yang rno ba nyid dang ser ba nyid bram ze'i khye'u la mthong ba'i phyir zhes bya ba la sogs pa smras te/ 'di ltar rno ba nyid dang ser ba nyid ni rigs med nyid med par yang bram ze'i khye'u la snang ste/ de bas na med par mi 'byung ba de gnyis kyang mi rigs so/ /'di ltar rigs me nyid ni bram ze'i khye'u la med la rno ba nyid dang ser ba nyid ni de la yod na/ de gnyis rigs me nyid med par mi 'byung bar ji ltar 'gyur ro/ brgya la nyes pa de nyid kyis 'jigs nas gzhan bram ze'i khye'u la yang rigs med par mi 'byung ba de gnyis yod par 'dod na de'i phyir/ med par me 'byung ba ni nye bar 'dogs pa med de zhes bya ba smras so/ /gal te bram ze'i khye'u la yang rno ba nyid dang ser ba nyid rigs med par mi 'byung ba yang yod par 'dod na ni de'i tshe bram ze'i khye'u la rigs nye bar gdags par mi bya'o/ /ci'i phyir zhe na/ me bzhin du zhes bya ba la sogs pa smras so/ /'di ltar ji ltar me la rigs me nyid dngos su yod pa de bzhin du/ bram ze'i khye'u la yang yod na ni de'i phyir nye bar gdags ci dgos/ de ni 'di skad du/ gal te bram ze'i khye'u la yang rno ba nyid dang ser ba nyid rigs med par mi 'byung ba yang yod par 'dod na ni/ de'i tshe de las de yod pa nyid du khas blangs pa yin te/ de'i phyir yod pas nye bar gdags ci dgos te/ gang la gang med pa de la de nye bar 'dogs pa ni rigs so zhes bstan par 'gyur ro/ /de ltar nye bar 'dogs pa'i gzhi bsal nas mjug bsdu ba'i phyir/ de bas na bram ze'i khye'u la rigs nye bar gdags su mi rung ngo zhes bya ba smras te/ 'di ltar nye bar gdags pa'i gzhi de lta bu rnam pa gnyis ka yang rigs la mi 'thad pas de'i phyir bram ze'i khye'u la rigs nye bar 'dogs pa mi srid par gnas so/ /rigs nye bar 'dogs par mi 'gyur du zin kyang rjes nye bar 'dogs par 'gyur ro zhe na de'i phyir/ rdzas kyang nye bar gang gas su mi rung ste/ zhes bya ba smras te/ me'i rdzas kyang bram ze'i khye'u la nye bar 'dogs mi srid do/ /ci'i phyir zhe na/ spyi'i chos med pa'i phyir ro/ /zhes bya ba smras te/ 'di ltar me dang bram ze'i khye'u yi thun mong gi chos ni gang yang med do/ /yon tan rno ba dang ser ba thun mong ba yod pa ma yin nam ce na/ thun mong gi chos med ces smra zhe na/ de'i phyir me'i yon tan rno ba dang zhes/ bya ba la sogs pa smras so/ /yon tan rno pa dang ser ba ni de gnyis kyi thun mong ma yin te/ 'di ltar me'i yon tan rno ba'am ser ba gang yin pa de nyid bram ze'i khye'u'i yin par mi 'dod do/ /de'i phyir bram ze'i khye'u'i yon tan rno ba'am ser ba ni me'i yon tan rno ba'i ser ba las gzhan no/ /de de las gzhan bar ji ltar shes she na/ de'i phyir bye brag ni rang gi gnas dar 'bral ba'i phyir ro zhes bya ba smras so/ /'di ltar bye brag gang yin pa de dag ni rang gi gnas dang 'brel pa yin gyi/ gnas gzhan du 'gro bar mi nus te/ 'di ltar me ni shing bsregs par nus pas rno ba'i sgrar brjod do/ /bram ze'i khye'u ni byed pa rnams la g.yer bas rno ba'i sgrar brjod do/ /de bzhin du yon tan ser ba yang tha dad du brjod par bya'o/ /de la 'dir 'gyur te/ bram ze'i khye'u yi yon tan rno ba'am ser ba gang yin pa de nyid la brten te/ bram ze'i khye'u la mer nye bar 'dogs so zhe na/ de'i phyir/ me'i yon tan med par bram ze'i khye'u la me nye bar gdags pa ni mi rigs so zhes bya ba smras so/ /bram ze'i khye'u'i yon tan rno ba'am ser ba gang yin pa de ni me'i yon tan ma yin te/ de'i phyir ji ltar gzhan gyi yon tan gyis bram ze'i khye'u la mer nye bar gdags par rung/ de ltar gyur na ni ha cang thal bar 'gyur ro/ /brgya la gzhan gyis de gnyis kyi 'dra ba gzhan du brjod du dogs pas/ gal te me'i yon tan dang 'dra bas rigs so zhe na zhes bya ba smras so/ /yon tan rno ba'am ser ba gnyis rang gi gnas la des pa'i phyir bram ze'i khye'u la mer nye bar gdags su mi rung yang me'i yon tan dang 'dra bas nye bar 'dogs par 'gyur te/ 'di ltar me'i yon tan rno ba 'am ser ba gang yin pa dang/ bram ze'i khye'u yon tan rno ba 'a ser ba gang yin pa de dag ni 'dra ba yod pas de'i phyir 'dra ba de la brten te bram ze'i khye'u la mer te bar 'dogs par 'gal ba med do/ /me'i yon tan dang 'dra bas rigs so zhes bya ba 'di la yon tan dang 'dra ba zhes bya ba'i sgra ni yon tan gyi rigs su 'dod do/ /'dra ba rnams pa 'di lta bu 'di ni skabs kyi skyabs su cung zad kyang mi 'gyur bar bstan pa'i phyir/ de lta na yang 'dra ba'i phyir zhes bya ba la sogs pa smras so/ /gal te yon tan 'dra ba de yod du zin kyang de dag yon tan 'dra ba'i phyir/ me'i yon tan rno ba nyid dam ser ba nyid bram ze'i khye'u'i yon tan rno ba nyid dam ser ba nyid la nye bar gdags su ni rung gi bram ze'i khye'u la me nye bar gdags su ni mi rung te/ 'di ltar me ni yon tan gyi rigs dang 'brel ba nyid med do/ /'di ltar yon tan gyi rigs ni yon tan rnams dang ldan gyi/ rdzas dang ni ma yin no/ /de ltar rdzas nye bar gdags pa bkag nas mjug bsdu ba'i phyir/ gang gi phyir 'di rdzas la yang thun mong gi chos gang yang med de/ de bas na bram ze'i khye'u la me'i rdzas nye bar gdags su yang mi rung ngo zhes bya ba smras so/ /de ltar dpe la nye bar 'dogs pa bkag nas/ don gyi dngos dgag pa'i phyir don gyi dngos kyang med de zhes bya ba smras so/ /dngos yod na nye bar 'dogs par 'gyur ro zhes gang smras pa de yang rigs pa ma yin te/ 'di ltar don gyi dngos nyid gang yang med do/ /ci'i phyir med snyam pa la de'i rang gi ngo bo ni zhes bya ba la sogs pa smras te/ 'di ltar dngos kyi rang gi ngo bo gang yin pa de ni shes pa thams cad dang brjod pa thams cad kyi yul las 'das pa'i phyir ro/ /ci'i phyir 'das zhe na de'i phyir gtso bo la zhes bya ba la sogs pa smras so/ /'di ltar gtso bo la shes dang brjod pa yon tan can gyi tshul gyis rtag tu 'jug par zad de/ de'i rang gi ngo bo la mi rag go /'di ltar gtso bo la ni rtag tu yon tan dang ldan na rtogs kyi/ rang gi ngo bo ni mi rtogs so zhes 'di ni pha rol gyi grub pa'i mdza' o/ /gtso? bo'i sgra ni 'dir bye brag gi gzhir brjod pa yin te rdzas la sogs pa'o/ /yon tan gyi sgra ni 'dir bye brag tu brjod pa yin te/ dkar po la sogs pa'o/ /de la 'dir 'gyur te/ gtso bo'i rang gi ngo bo la yang shes pa dang brjod pa gnyis kyis reg go /snyam pa la de'i phyir/ gzhan du na yon tan don med par 'gyur ro zhes bya ba smras so/ /gal te gtso bo'i rang gi ngo bo la yang shes pa dang brjod pa gnyis kyis reg par nus na/ de'i tshe ci'i phyir yon tan rnams yongs su brtag / gal te gtso bo la shes pa dang/ brjod pa gnyis dngos su 'jug pa med na ni de'i tshe gtso bo ni yon tan gyi ngo bor gyur pa shes te/ yon tan yongs su brtags pa rigs so/ /gang gi tshe gtso bo'i rang gi ngo bo shes pa dang brdod pa gnyis kyis mngon sum du shes na ni de'i tshe yon tan rnams ci dgos/ de la 'dir 'gyur te/ shes pa dang brjod pa gnyis gtso bo'i rang gi ngo bo la mngon sum du 'jug pa ni med mod kyi/ 'on kyang thabs gzhan 'ga' zhig gi gtso bo'i rang gi ngo bo shes par byed do snyam pa la de'i phyir/ shes pa dang brjod pa ma gtogs par zhes bya ba la sogs pa smras so/ /blo dang sgra ma gtogs par gang gis gtso bo de shes pa'i gtso bo'i rang gi ngo bo yongs su gcod ba'i thabs gzhan med do/ /de ltar gtso bo'i rang gi ngo bo yongs su gcod pa'i thabs med par bstan nas mjug bsdu ba'i phyir/ de'i phyir gtso bo'i rang gi ngo bo'i yul zhes bya ba la sogs pa smras so/ /gang gi phyir 'di ltar gtso bo de'i rang gi ngo bo yongs su gcod pa'i thabs gzhan ni gang yang med la/ shes pa dang brjod pa gnyis ni de la mi 'jug pa de'i phyir don gyi dngos me la sogs pa gang yang med par khong du chud par bya'o/ /me'i rdzas la blo dang sgra mngon sum du 'jug pa med pas/ de dngos nyid ma yin du zin kyang me nyid kyi rigs la blo dang sgra mngon sum du 'jug ste/ de'i phyir de nyid dngos su 'gyur ro zhe na/ kye de yang rdzas nyid du mi rung ste/ 'di ltar de yang sgra'i rang gi ngo bos bsgyur nas shes pa dang brjod pa gnyis kyis shes kyi rang gi ngo bo ni mi shes na/ de ji ltar dngos nyid du 'gyur/ sgra la blo dang sgra gnyis mngon sum du 'jug ste/ de'i phyir sgra de nyid dngos su 'gyur ro/ /snyam pa la/ de'i phyir de bzhin du sgra'i bar du zhes bya ba la sogs pa smras so/ / ji ltar rdzas dang rigs la shes pa dang brjod pa gnyis mngon sum du 'jug pa de bzhin du/ sgra la yang de gnyis mngon sum du 'jug pa med pa nyid de/ 'di ltar sgra'i rang gi ngo bo dang brjod pa ni 'brel pa med de/ sgra'i rang gi ngo bo dang brjod pa tha dad pa med pa'i phyir ro/ / tha dad pa ni 'brel pa'i gnas yin na ni/ tha dad pa med pas de ji ltar rung bar 'gyur/ gzhan dag ni 'brel pa med par gang du yang brjod pa mi 'jug ste/ gang du brjod pa 'jug pa med pa der shes pa yang mi 'jug par 'dod do/ /'di ltar gzhan dag ni shes pa thams cad rnam par rtog pa dang bcas par 'dod pas/ de ji ltar mngon par brjod pa la mi bltos par 'jug /rigs dang yon tan dang/ byed pa yang sgra'i rang gi ngo bo la mi bltos par shes pas mi 'dzin/ / de'i phyir rtog pa de dag kyang gzhan la mi srid do/ /de ltar shes pa dang brjod pa med par bstan nas mjug bsdu ba'i phyir/ de ltar na zhes bya ba la sogs pa smras te/ gang gi phyir de ltar shes pa dang/ brjod pa gang du yang mngon sum du ni 'jug pa de'i phyir/ rjod pa dang brjod par bya ba med pas don gyi dngos med bar grub bo/ /de ltar dngos nyid bkag nas btags ba mngon sum du bstan pa'i phyir/ yang 'di dag thams cad ni btags pa nyid ces bya? ba la sogs pa smras so/ /khyed kyi gzhung ltar na dngos po gang ji snyed pa thams cad ni btags pa kho na yin gyi/ dngos ni med de 'di ltar gang na gang med pa'i tshul gyis 'jug pa de ni btags pa zhes bya'o/ /sgra thams cad 'jug pa na gtso bo med par btags pa'i ngo bo gang yin pa'i btags pa'i ngo po des de la 'jug go /de ni 'di skad du gtso bo ni btags pa'i ngo bor gyur nas sgras shes par byed kyis rang gi ngo bos shes par byed pa na mi yin na/ de dngos su ji ltar 'gyur zhes bstan par 'gyur ro/ /dang po nas mjug bsdu pa'i phyir/ de la bdag dang chos dngos su med na zhes bya ba la sogs pa smras so/ /de ltar khyed kyi gzhung ltar na dngos po gang yang med de/ de? bsam bdag dang chos dngos su med na nye bar 'dogs par mi rigs so zhes gang smras pa de mi rigs so// //bam po gnyis pa/ de ltar skabs su bshad pa rdzogs par byas te dkyus ma brjod pa'i phyir rnam par shes pa gyur pa zhes bya ba la sogs pa smras so/ /rnam par shes pa gyur pa gong du bstan pa gang yin pa de'i dbye ba mi shes pas de'i phyir de ston to/ /tshig gang gis bstan zhes dris pa dang pa'i phyir gyur pa de yang rnam pa gsum ste zhes bya ba smras so/ /rnam par shes pa gyur pa gang la bdag nye bar 'degs pa dang chos nye bar 'dogs par byed pa de rnam pa gsum du blta bar bya'o/ /rnam pa gsum po'i rab dang/ tha mar bstan pa'i phyir rgyu'i dngos po dang 'bras bu'i dngos pos tha dad do zhes bya ba smras so/ /rnam par shes pa gyur pa rnam pa gsum po de ni rgyu kho na dang 'bras bu kho nas tha dad de/ rgyur gyur ba dang 'bras bu gyur pa zhes bya ba'i tha tshig go /dang po ba bstan pa'i phyir/ de la rgyu gyur pa ni zhes bya ba la sogs pa smras te/ kun gzhi rnam par shes pa la rnam par smin pa'i bag chags dang rgyu mthun pa'i bag chags rgyas pa gang yin pa de rgyu gyur pa zhes bya ste bag chags yongs su rtas pa'i kun gzhi'i rnam par shes pa la rgyu gyur pa zhes bya ba'i tha tshig go /rnal 'byor spyod pa rnams kyi lo rgyus rnam pa gsum ste/ kha cig ni sngon med pa nyid kyi bag chags skyed do zhes zer/ gzhan dag na re bag chags ni dus thams cad na yong la de ni kun nas nyon mongs pa'i chos rnams kyis yongs su rtas par byang bar zad de yongs su rtas nas de'i 'bras bu mngon par bsgrub nus so zhes zer/ gzhan dag ni snga ma nas yong ba'i bag chags kyang yongs su rtas bar byed la sngon med pa dag kyang skyed do snyam du sems so/ /'di ni 'grel pa byed pas phyogs par ma bzhag go /gyur pa gnyis pa bston ba'i phyir 'bras bu gyur pa ni zhes bya ba la sogs pa smras so/ /sngon gyi las kyi ngags mthun pa gang du kun gzhi rnam par shes pa 'phangs par gyur pa de yongs su rdzogs la/ rnam par smin pa'i bag chags 'byung ba rnyang nas res mthun pa gzhan dag tu kun gzhi'i rnam par shes pa mngon par 'grub pa gang yin la de 'bras bu gyur pa'o/ /de bzhin du rgyu mthun pa'i bag chags 'byung ba rnyed nas 'jug pa'i rnam par shes pa dag dang/ nyon mongs pa can gyi yid kun gzhi rnam par shes pa las mngon par 'grub pa gang yin pa de 'bras bu gyur pa'o/ /'byung? brnyed ces bya ba'i sgra ni de ma thag tu 'bras bu skyed nus pa la bya'o/ /rnam par shes pa gyur pa gsuM po de dag gi nang nas gang zhig gis bag chags gang skyed ce na/ de'i phyir/ de la 'jug pa'i rnam par shes pa dge ba dang mi dge ba ni zhes pa la sogs pa smras so/ /'jug pa'i rnam par shes pa dge ba dang mi dge ba ni rnam par smin pa'i 'bras bu sgrub pa'i phyir kun gzhi rnam par shes pa la rnam par smin pa'i bag chags skyed do/ /de las gzhan pa dge ba dang mi dge pa'i rnam par shes pa sgrub pa'i phyir rgyu mthun pa'i bag chags skyed de/ de'i stobs kyis tshe 'di nyid dang gzhan na de'i rigs kyi sems 'byung ngo/ /'jug pa'i rnam pa'i shes pa lung du ma bstan pa dang/ nyon mongs pa can gyi yid de gagn? ni? rang dang mthun pa'i 'bras bu bsgrub pa'i phyir/ rgyu mthun pa'i bag chags nyid skyed do/ /tshig le'ur byas pa'i gzhi gding ba'i phyir/ gyur pa rnam gsum bshad pa gang yin pa de zhes bya ba la sogs pa smras so/ /grangs tsam bstan pas bye brag mi shes te/ de bas na bye brag bstan pa'i don du rang gi ming gis gyur pa gsum po bstan pa'i phyir/ rnam par smin dang dar sems dang zhes bya ba la sogs pa smras so/ /de dgrol ba'i phyir gyur ba rnam pa gsum po de dag ni zhes bya ba la sogs pa smras te/ de ni ge sla bas ma bshad do/ /rnam par shes pa gyur pa gsum po rnams kyi rang gi ngo bo mdor bstan par bya ba'i phyir/ de la las dge ba dang mi dge ba'i bag chags zhes bya ba la sogs pa smras so/ /las dge ba dang mi dge ba'i bag chags yongs su smin pa rnams kyi 'bras bu mngon par bsgrubs pa gang yin pa de rnam par smin pa zhes bya'o/ /nyon mongs pa can gyi yid gang yin pa de ni dus thams cad du ngar sems pa'i ngo'o nyid yin pas/ dar sems ba zhes bya'o/ /gzugs la sogs pa'i yul ltar so sor snang bas mig la sogs pa'i rnam par shes pa drug po gang yin pa de ni yul la rnam par rigs pa zhes bya'o/ / gzugs la sogs pa yul ltar so sor snang ba zhes bya ba ni gzugs la sogs pa yul gyi rnam pa zhes bya ba'i tha tshig go /tshig le'ur byas pa'i gzhi gding ba'i phyir/ de'i rang gi ngo bo bshad pa med par zhes bya ba la sogs pa smras so/ / ji tsam du de dag gi rang gi ngo bo rgya cher ma bshad pa de tsam du mi shes te/ de bas na gang gi rang gi ngo bo gang yin pa de rab tu bstan pa'i phyir de la kun gzhi rnam par shes pa ni zhes bya ba la sogs pa smras so/ /kun gzhi rnam par shes pas bon thams cad pa gang yin pa de rnam par smin pa gyur pa'o zhes mdor byas pa'i don to/ /de la zhes bya ba'i sgra'i don bstan pa'i phyir de la zhes bya ba ni zhes bya ba smras te/ de ni go sla bas ma bshad do/ /'di ci'i phyir kun gzhi zhes bya snyam pa la/ kun gzhi zhes bya ba ni zhes bya ba la sogs pa smras te/ kun gzhi rnam par shes pa zhes bya ba la kun gzhi zhes bya'o/ /de skad ces bya ba'i rnam par shes pa gang yin pa de ni rnam par smin pa gyur pa'o/ /'on ci'i phyir rnam par shes pa 'di la kun gzhi zhes bya snyam pa la/ de kun nas nyon mongs pa'i chos thams cad kyis ngon zhes bya ba la sogs pa smras te/ 'di ltar rnam par shes pa 'di ni kun na nyon mongs pa'i chos thams cad kyi rten du gyur pa ste/ /de bas na kun gzhi zhes bya'o/ /'di ltar kun gzhi dang gnas zhes bya ba 'di gnyis ni rnam grangs su gtogs pa'o/ /'di nyid la bshad pa gzhan bya ba'i phyir/ yang na de ya chos thams cad ces bya ba la sogs pa smras so/ /rnam par shes pa 'di la chos thams cad 'bras bu nyid du 'jug ste/ de'i phyir kun gzhi'o/ /'jug ces bya ba ni 'brel pa dang 'dre ba zhes bya ba'i bar du'o/ /yang na rnam par shes pa de nyid chos thams cad la rgyu nyid du 'jug ste/ de'i phyir kun gzhi'o/ /'jug pa'i don ni snga ma bzhin no/ /ci'i phyir 'di rnam par shes pa zhes bya snyam pa la/ rnam par shes par byed pas rnam par shes pa'o/ /zhes bya ba smras te/ 'di ltar yul la rnam par shes par byed pas de bas na rnam par shes pa'o/ /'o na kun gzhi rnam par shes pa ci'i phyir rnam par smin pa zhes bya ba snyam pa la/ khams dang/ 'gro ba dang skye gnas dang/ rigs thams cad du zhes bya ba la sogs pa smras te/ 'di ltar khams gsum dang/ 'gro ba lnga dang/ skye gnas bzhi dang/ bram ze'i rigs la sogs pa thams cad du kun gzhi rnam par shes pa las dge ba dang mi dge ba'i rnam par smin par 'gyur te/ de bas na rnam par smin pa zhes bya'o/ /ci'i phyir 'di sa bon thams cad pa zhes bya snyam pa la/ chos thams cad kyi sa bon zhes bya ba sogs pa smras so/ /'di ltar 'di ni chos thams cad kyi sa bon gyi gnas yin te/ de bas na sa bon thams cad pa'o/ /'dir mdo sde bas phyir brgal ba'i phyir/ gal te 'jug pa'i rnam par shes pa las gung nas zhes bya ba la sogs pa smras te/ 'jug pa'i rnam par shes pa ma gtags bar/ rnam par shes pa gzhan ni mi rig go /gal te de dag ma gtogs par kun gzhi rnam par shes pa gzhan zhig 'dod na/ de'i tshe de'i dmigs pa yang brjod dgos/ rnam pa yang brjod dgos te/ 'di ltar dmigs pa med pa dang/ rnam pa med pa'i rnam par shes pa ni mi rung ngo/ /grub pa'i mdza' smras pas/ de dmigs pa med pa dang zhes bya ba la sogs pa smras te/ kun gzhi'i rnam par shes pa dmigs pa med pa dang/ rnam pa med par ni khor bo yang mi 'dod mod kyi/ 'on kyang de ni dmigs pa yongs su mi gsal ba dang/ rnam pa yongs su mi gsal ba ste/ de'i phyir de 'jug pa'i rnam par shes pa las gzhan yod par mi rig go /rnam par shes pa ni dmigs pa dang rnam pa yongs su ma chad par mi srid pas/ ci'i phyir zhes dris pa dang/ grub pa'i mdza' smra bas gtan tshigs bstan pa'i phyir/ 'di ltar kun gzhi rnam par shes pa ni zhes bya ba la sogs pa smras te/ de ltar kun gzhi rnam par shes pa ni nang gi nye bar len par snang ba dang/ phyi rol gyi rnam pa yongs su mi gsal ba snod du snang ba dang rnam pa gnyis su 'byung ngo/ /rnam bar rig pa zhes bya ba ni snang ba dang rnam pa zhes bya ba'i bar du'o/ /nang gi nye bar len pa de ji lta bu snyam pa la/ de la nang gi nye bar len pa ni zhes bya ba la sogs pa smras so/ /kun brtags pa'i ngo bo nyid la mngon par zhen pa'i bag chags gang yin pa dang/ gnas dang bcas pa'i dbang po'i gzugs gang yin pa dang/ ming gang yin pa 'di ni nang gi nye bar len pa'o/ /kun brtags pa'i ngo bo nyid rnams la mngon par zhen pa gang yin pa des bag chags gang bskyed pa de nyid brjod do/ /gnas dang bcas pa zhes bya ba la gnas ni lus la bya'o/ /ming zhes bya ba ni tshor ba la sogs pa phung po bzhi po rnams so/ /dmigs pa'i rang gi ngo bo bshad nas mi gsal ba nyid kyi gtan tshigs bstan pa'i phyir/ de'i dmigs pa shin tu phra ba'i phyir zhes bya ba smras so/ /de'i dmigs pa rnam pa gnyis gang bshad pa de shin tu phra bas kun gzhi rnam par shes pa de ni len pa mi rig pa dang/ gnas su rnam par rig pa mi rig par 'dod do/ /'grel pa'i tshig rnams ni tshig sdud pa sngon du btang nas don khong du chud par 'gyur bas/ tshig sdud pa bstan pa'i phyir smras pa/ kun gzhi rnam par shes pa gang la nye bar len pa'i rnam par rig pa mi rig pa dang/ gnas kyi rnam par rig pa mi rig pa yod pa'i kun gzhi rnam par shes pa de len pa dang gnas kyi rnam par rig pa mi rig par 'dod do/ /gnas kyi rnam par rig pa ni gnas kyi rnam pa dang/ gnas su snang ba zhes bya ba'i bar du'o/ /len pa zhes bya ba 'di gang yin snyam pa la/ len pa de ni len par byad ba'o zhes bya ba smras te/ nang gi nye bar len pa bstan pa gang yin pa de nyid len pa'i sgrar brjod do zhes bya ba'i tha tshig go /de nyid bstan pa'i phyir de yang bdag la sogs par rnam par rtog pa'i bag chags zhes bya ba la sogs pa smras so/ /bdag la sogs par rnam par rtog pa rnams kyis bag chags bskyed pa gang yin pa dang/ gzugs la sogs pa chos rnams su rnam par rtog pa rnams kyis bag chags bskyed pa gang yin pa de 'dir len pa zhes bya'o/ /ci'i phyir bag chags de len pa zhes bya zhe na/ de'i phyir de yod pa'i phyir zhes bya ba la sogs pa smras te/ 'di ltar bag chags rnam pa 'di lta bu yod bas kun gzhi rnam par shes pas bdag la sogs par rnam par rtog pa dang/ gzugs la sogs pa chos su rnam par rtog pa 'bras bur len pas de'i phyir bdag la sogs par rnam par rtog pa dang/ gzugs la sogs pa chos su rnam par rtog pa de dag gi bag chags de ni len pa zhes bya'o/ /de las tshig gi don 'di 'byung ste/ de yong na ji skad brjod pa'i 'bras bu len par byed de/ de bas na bag chags la len pa zhes bya ba'o/ /len pa bshad nas ji ltar kun gzhi rnam par shes pa len pa mi rig pa zhes bya ba de bstan pa'i phyir/ de ni 'di la 'di'o zhes tshor ba'i rnam par mi rig pas zhes bya ba la la sogs pa smras te/ len pa zhes bstan pa gang yin pa de kun gzhi rnam par shes pas 'di la 'di'o zhes so sor rang gis rig pa'i rnam par mi rig ste/ de bas na kun gzhi rnam par shes pa de len pa ma rig pa zhes bya'o/ /len pa gnyis pa'i don len pa la sbyar ba'i phyir/ yang na gnas nye bar len pas len pa'o zhes bya ba smras so/ /gnas zhes bya ba yang nye bar len pas len pa zhes bya'o/ /gnas zhes bya ba de gang yin snyam pa la/ gnas ni lus so zhes bya ba smras so/ /lus nyid gnas su bstan to/ /gnas de yang gnas dang bcas pa'i dbang po'i gzugs dang ming du rig par bya'o/ /de'i phyir phung po lnga po dag ni gnas zhes bstan pa yin ne/ /ji ltar na gnas len pa zhes bya snyam pa la/ de'i nye bar len pa gang yin pa ni nye bar 'gro ba ste zhes bya ba la sogs pa smras so/ /gnas de'i len pa gang yin pa de ni nye bar 'gor ba ste/ de grub pa dang bde ba gcig pas len pa'o/ /len pa ni nye bar 'gro ba'i sgrar bstan te/ 'di ltar nye bar len pa dang/ nye bar 'gro ba dang/ 'byung ba ni rnam grangs su gtogs pa'o/ /de las tshig gi don 'di 'byung ste/ phung po lnga po dag grub pa dang bde ba gcig pas len te nye bar 'gro ba dang 'byung ba'o/ /khams kyi bye brag gis gnas nye bar len pa tha dad par bstan pa'i phyir/ de la 'dod pa dang gzugs kyi khams na ni gnyig? len to zhes bya ba la sogs pa smras so/ /'dod pa dang gzugs kyi khams na ni ming dang gzugs gnyi ga grub pa dang bde ba gcig pas nye bar 'gro ste/ 'di ltar de na ming dang gzugs mdung khyim lta bur phan tshun brten te 'byung ngo/ /gzugs kyi 'dor chags dang bral bas gzugs med pa'i khams na ni gzugs su rnam par smin pa mngon par mi 'grub ste/ de'i phyir de ni ming zhes bya ba phung po bzhi po dag phan tshun grub pa dang/ bde ba gcig pas nye bar 'gro ba'o? de na gzugs thams cad du thams cad med pa ni ma yin gyi/ bag chags kyi dus nyid de gzungs rnam par smin pa'i dus ni ma yin no/ /de ltar gnas nye bar len pa bshad nas de'i mi rig pa bstan pa'i phyir/ len pa de la 'di 'o? zhes rig par mi nus pas zhes bya ba la sogs pa smras te/ gnas nye bar len pa de la 'di'o zhes rigs par mi nus pas de'i phyir mi rig pa zhes bya'o/ /'di'o zhes bya ba ni rwa la 'dzin pa lta bu'o/ /len pa mi rigs pa bshad nas/ gnas kyi rnam par rig pa bshad pa'i phyir/ gnas kyi rnam par rig pa ni zhes bya ba la sogs pa smras te/ snod kyi 'jig rten gnas pa'i rnam par rig pa gang yi pa de 'dir gnas kyi rnam par rig pa zhes bya'o/ /de'i mi rig pa bstan pa'i phyir de yang dmigs pa dang rnam pa yongs su ma chad par 'byung bas zhes bya ba la sogs pa smras so/ /gnas kyi rnam par rig pa bshad pa gang yin pa de yang 'di ltar dmigs pa dang/ rnam pa yongs su ma chad par 'byung ste/ /de'i phyir mi rig pa zhes bya'o/ /yang mdo sde bas phyir brgal ba'i phyir/ ji ltar na rnam par shes pa dmigs pa dang rnam pa yongs su chad par 'gyur zhes bya ba smras te/ dmigs pa dang rnam pa yongs su ma chad pa'i rnam par shes pa las su zhig yid ches par 'gyur/ 'di ltar rnam par shes pa ni dus thams cad du yul gyi rnam pa'i ngo bor 'byung bas de ni rang rig pa'i rang gi ngo bo yin na de ji ltar ni de'i dmiT pa dang rnam pa yongs su mi gcod par 'gyur grub pa'i mdza' smra bas nyes pa mtshungs par sgrub pa'i phyir/ 'di ni rnam par shes pa smra ba gzhan dag gi zhes bya ba la sogs pa smras so/ /gang dag rnam par shes pa drug po rnam nyid 'dod kyi/ kun gzhi rna par shes pa ni mi 'dod pa rnam par shes par smra ba gzhan mdo sde ba la sogs pa de dag gis 'gog pa'i snyoms par 'jug pa la sogs pa'i dus dang/ rgol ba 'di mtshungs te/ 'gog pa dang/ 'du shes med pa'i snyoms par 'jug pa la sogs pa'i dus na yid kyi rnam par shes pa dmigs pa dang/ rnam pa yongs su mi gsal bar ji ltar 'gyur/ ci ste gzhan dag na re/ de'i tshe rnam par shes pa gzhan med ces zer ba ltar na/ de'i phyir 'gog pa la sogs pa'i dus na zhes bya ba la sogs pa smras to/ 'gog pa'i snyoms par 'jug pa la sogs pa'i dus na/ rnam par shes pa med bar yang rtogs par mi nus te/ zhes bya ba smras so/ /ci'i phyir mi nus snyam pa la/ rigs pa dang 'gal ba dang mdo dang 'gal ba'i phyir ro zhes bya ba smras so/ /gal te dus de na rnam par shes pa thams cad du thams cad med par gyur na/ de'i tshe snyoms par 'jug pa las langs ba na gang las 'byung bar 'gyur/ dbang po dang bcas pa'i lus ni riT mi mthun pa'i phyir/ sa bon ma yin no/ /sa bon med bar 'byung ba mi rigs te/ 'di ni rigs pa'o/ /chos byin gyi mdo sde dang yang 'gal te de las ni rna par shes pa lus las mi 'da' o zhes 'byung ngo/ /tshig le'ur byas pa'i gzhi gding ba'i phyir/ de la kun gzhi rnam par shes pa ni zhes smos pa zhes bya ba la sogs pa smras te/ de ni go sla bas ma bshad do/ /de ltar grangs dris pa dang/ dus dris ba dang/ rtag tu reg dang yid byed dang/ zhes bya ba la sogs pa smras so/ /rtag tu de nyid bgrol ba'i phyir/ rtag tu zhes bya ba ni zhes bya ba la sogs pa smras te/ kun gzhi rnam par shes pa ji srid du gnas pa nga srid du reg pa la sogs pa kun tu 'gro ba'i chos lnga po 'di dag dang mtshungs par ldan no/ /rig cas bya ba'i sgra rnam par bsgrub bar bya ba'i phyir/ rig pa ni tshor ba zhes bya ba smras so/ /rag pa zhes bya ba'i sgra ni 'ding tshor ba la bya bar bstan pa dgongs pa'o/ /reg pa zhes pa 'di gang yin snyam pa la/ de la reg pa ni zhes bya ba la sogs pa smras te/ dbang po dang yul dang rnam par shes pa gsum 'dus par gyur nas dbang po'i 'gyur ba yongs su gcod pa gang yin pa de ni reg pa zhes bya'o/ /'di'i byed pa bstan pa'i phyir/ tshong ba'i brten byed pa'i las can no/ /zhes bya ba smras te/ reg pa ni tshor ba'i brten gyi dngos por 'gyur te/ 'di ni 'di'i las so/ /gsum po 'di dag gang yin snyam pa la/ dbang po dang yul dang rnam par shes pa gsum nyid gsum mo zhes bya ba smras te/ don de ni brda phrad par zad do/ /'dus pa gang yin snyam pa la/ rgyu dang 'bras bu'i dngos por snyam du gnas pa ni zhes bya ba la sogs pa smras te/ dbang po la sogs pa gsum po de rgyu dang 'bras bu nyid du snyam par gnas pa gang yin pa de ni gsum 'jus pa'o/ /reg pa ji ltar 'byung ba de bstan pa'i phyir/ de yong na zhes bya ba la sogs pa smras so/ /gsum 'dus pa de yod na/ de dang dus mtshungs pa nyid na bde ba la sogs pa'i tshor ba 'byung ba dang mthun pa dbang po'i 'gyur ba gang yin pa de dang 'dra ba bdi pa la sogs pa myong bar 'gyur ba'i yul gyi/ 'gyur ba bde ba la sogs pa myong bar 'gyur ba'i rnam pa de yongs su gcod pa gang yin pa de reg pa'o/ /bde ba la sogs pa myong bar 'gyur ba zhes bya ba ni/ bde ba la sogs pa'i tshor ba 'gyur ba dang mthun pa zhes bya ba'i tha tshig go /dbang po'i 'gyur ba gang yin snyam pa la dbang po yang bye brag gang gis zhes bya ba la sogs pa smras te dbang po bye brag gang dang ldan na bde ba la sogs pa rgyu nyid du 'gyur ba de ni de'i 'gyur ba zhes bya'o/ /ci'i phyir 'di reg pa zhes bya snyam pa la/ reg pa yang zhes bya ba la sogs pa smras te/ 'di ltar reg pa 'di dbang po'i 'gyur ba dang 'dra bas dbang po la reg pa 'am/ dbang po de dang 'dra ba'i 'gyur bas reg pa ste/ de bas na reg pa zhes bya'o/ /dbang po'i 'gyur ba dang 'dra bas dbang po la reg pa zhes bya ba ni/ ji ltar dbang po bde la sogs pa 'byung ba dang mthun pa de bzhin du/ reg pa yang bde pa la sogs pa 'byung ba dang mthun pa ste/ de'i phyir 'gyur pa dang 'dra bas phan tshun reg pa dang mtshungs so/ /reg pa ni yul gyi 'gyur ba bde ba la sogs pa myong bar 'gyur ba yongs su gcod pa ste/ de la dmigs pa'i phyir ro/ /de la ma dmigs pa'i phyir dbang po'i 'gyur ba yongs su gcang pa ni ma yin pa snyam na reg pa de dbang po'i 'gyur ba yongs su gcod pa zhes ji skad du bya zhe na/ de'i phyir yul gyi 'gyur ba yongs su gcod pa'i bdag nyid yin du zin gyang zhes bya ba la sogs pa smras so/ /'di ltar 'gyur ba dang 'dra bas dbang po la reg pa 'am/ des reg pa nyid kyi phyir/ yul gyi 'gyur ba yongs su gcod pa'i ngo bo nyid yin du zin kyang/ dbang po'i 'gyur ba yongs su gcod pa zhes ba shad do/ /de ltar reg pa'i rang gi ngo bo brjod nas byed pa bstan pa'i phyir/ 'di'i las ni tshor ba'i rten te zhes bya ba smras te/ don de na brda' phrad par zad do/ /las de yang gyur gis bstan pa'i phyir/ de skad du mdo las kyang zhes bya ba la sogs pa smras te/ mdo las ni bde ba myong bar 'gyur ba'i reg pa ni bde ba'i tshor ba 'byung ba'i rgyu'o zhes gsungs te/ de bas na 'di'i las ni tshor ba'i rten nyid do/ /khong du chud sla bar bya ba'i phyir/ sems las byung ba rnams kyi las 'di brjod de/ 'di ltar 'di ltar 'di dag gis las brjod na so sor nges pa'i ngo bo bde blag tu rtog par nus so/ /sems las byung ba gnyis pa dgrol ba'i phyir/ yid la byed pa ni sems kyi 'jug pa'i zhes bya ba smras so/ /de nyid dgrol ba'i phyir/ 'jug par byed pas 'jug pa ste zhes bya ba smras so/ /'jug par byed bas na 'jug pa ste zhes bya ba 'dis ni nges pa'i tshig bstan te/ /dmigs pa la gang gis sems mngon du phyogs par byed pa de yid la byed pa zhes bya ste/ 'dzin 'dod pa'i yul la gang gis sems gtong zhes bya ba'i tha tshig gi/ nga'i byed pa bstan pa'i phyir/ de ni dmigs pa la sems 'dzin pa'i las can te zhes bya ba smras te/ 'di'i las ni dmigs pa la sems 'dzin pa'o/ /ji ltar 'dzin snyam pa la sems 'dzin pa ni zhes bya ba la sogs pa smras te/ mngon par 'dod pa'i dmigs pa de nyid la sems yang dang yang gtong pa ni 'dzin pa'o/ /de ci yid la byed pa thams cad kyi las sam/ 'o na te 'ga' zhig gi las yin zhe na/ de'i phyir las de yang/ zhes bya ba la sogs pa smras te/ dmigs pa gcig la sems kyi rgyun nges pa'i mtshan nyid de ni las su bstan to/ /de ni yid la byed pa bye brag can gyi dbang du byas te bshad kyi/ de sems kyi skad cig re re la 'jug pa ni ma yin te/ 'di ltar de ni sems kyi skad cig gcig nyid la las byed pa yin gyi/ skad cig gzhan la ni ma yin no/ /yid la byed ba bye brag can gyi dbang du byas zhes bya ba ni bsam gtan pa rnams kyi yid la byed pa gang yin pa de'i dbang du byas zhes bya ba'i tha tshig go /sems las byung ba gsum pa bstan pa'i phyir/ tshor ba ni myong ba'i rang bzhin no zhes bya ba smras so/ / yul yid du 'ong pa la sogs pa'i rang gi ngo bo myong ba'i ngo bo nyid ni tshor ba ste/ gang gis yul yid du 'ong ba la sogs pa myong bar byed pa de ni tshor bzhes bya ba'i tha tshig go /'di'i rab tu dbye ba bstan pa'i phyir/ de yang yul sim par byed pa zhes bya ba la sogs pa smras te/ 'di ltar nges yul sim par byed pa dang/ gdung bar byed pa dang gnyis ka'i rnam pa las dben pa'i rang gi ngo bo mngon du byed de/ de'i phyir bde ba la sogs pa'i bye brag gis rnam pa gsum du 'gyur ro/ /'di nyid la bshad pa gzhan bya ba'i phyir/ 'di snyam du sems te zhes bya ba la sogs pa smras so/ /kha cig ni 'di ltar las dge ba dang mi dge ba'i 'bras bu rnam par smin pa 'dis myong bar byed pas de bsan myong ba'o/ /snyam du sems so/ /las gang gi 'bras bu gang yin pa de bstan pa'i phyir/ de la bde ba myong ba ni las dag pa rnams kyi 'bras bu rnam par smin pa'o zhes bya ba la sogs pa smras so/ /las dge mi dge gnyi ga'i zhes bya ba ni 'dir chung ba la ste/ gang dag las dge ba nyid kyi chung ban rnam par smin pa sdug bsngal yang ma yin/ bde ba yang ma yin par 'dod pa de dag gi gzhung ltar na gnyis ka'i zhes ni brjod par mi bya'o/ /lhag ma ni go sla bas ma bshad do/ /de ltar tshor ba gsum po de dag gis las kyi rnam par smin pa nyid bshad do/ /da ni bye brag tu bstan pa'i phyir/ 'di na kun gzhi rnam par shes pa nyid ces bya ba la sogs pa smras ste/ 'di ltar kun gzhi rnam par shes pa nyid las dge ba dang mi dge ba rnams kyi rnam par smin pa ste de'i phyir yang dag pa'i don du/ kun gzhi rnam par shes pa dang mtshungs par ldan pa'i btang snyoms nyid/ las dge ba dang mi dge ba rnams kyi 'bras bu rnam par smin pa'o/ /bde ba dang sdug bsngal ni lan dge ba dang mi dge ba'i rnam par smin pa las byung ba'i phyir/ rnam par smin pa zhes nye bar 'dogs par byed do/ /bde ba la sogs pa'i rang gi ngo bo bstan pa'i phyir/ de la bde ba myong ba ni zhes bya ba la sogs pa smras te/ char ba gang byung na bral bar mngon du 'dod par mi 'gyur te/ bdag 'di da nga nam yang 'bral bar ma gyur cig snyam pa dang/ gang 'gags na 'phrad par mngon du 'dod pa skye ste/ bdag gi 'di'i yang skye par gyur cig snyam pa'i myong ba de ni bde ba zhes bya'o/ /de las bzlog pa ni sdug bsngal myong bar rig par bya'o/ /gang byung ngam 'gags kyang rung/ 'bral ba dang 'phrad par mngon du 'dod pa mi skye ba de ni sdug bsngal yang ma yin bde ba yang ma yin pa myong ba zhes bya'o/ /sems las byung ba bzhi pa bstan pa'i phyir/ 'du shes ni yul la mtshan mar 'dzin pa'o zhes bya ba smras so/ /de nyid 'grol pa'i phyir/ yul ni dmigs pa'o zhes bya ba la sogs pa smras te/ dmigs pa ni yul gyi sgrar bstan to/ /yul de'i bye brag ni mtshan ma'i sgrar bstan te/ sngon po dang/ ser po la sogs pa dmigs pa rnam par bzhag pa'i byed rgyu gang yin pa de ni rgyu zhes bya ba'i tha tshig go /'di ni sngon po nyid de ser po ma yin no zhes bya ba de lta bu rnam pa la rtag pa gang yin pa de ni de la mtshan mar 'dzin pa'o/ /de ni 'di skad du sngon po dang ser po la sogs pa rnam par bzhag pa'i rgyu gang gis 'dzin pa de ni 'du shes so zhes bstan par 'gyur ro/ /sems las byung ba lnga dang/ bstan pa'i phyir/ sems pa ni sems mngon par 'du byed pa zhes bya ba la sogs pa smras te/ sems la mngon par 'du byed pa'i mtshan nyid kyi chos sems g.yo bar byed pa'i ngo bo gang yin po de sems pa'o/ /mngon par 'du byed ces bya ba ni byed pa'o/ /g.yo bar byed ces bya ba ni bskyed pa dang/ byed pa zhes bya ba'i bar du/ /'bras bu'i sgo nas 'di'i rang gi ngo bo bstan pa'i phyir/ gang yod na zhes bya ba la sogs pa smras te/ dper na khab long gi dbang gis lcags g.yo par 'gyur bde bzhin du gang yod na dmigs pa la sems g.yo par 'gyur ba de sems pa zhes bya ba ni/ g.yo ba zhes bya ba ni 'gul pa'o/ /de ni 'di skad du gang gis dbang gis yul la 'dzin par sems kyi byed pa 'byung ba de sems pa'o/ /zhes bstan par 'gyur ro/ /tshig le'ur byas pa dang sbyar par bya ba'i phyir/ tshor pa ni rnam pa gsum ste zhes bya ba la sogs pa smras te/ gsung rab las ni cho rab rnam pa gsum 'byung na/ kun bzhi rnam par shes pa la ci'i phyir bshad/ do bas na de la tshor ba gang yin pa yang mi shes/ de bzhin du gsung rab las dge ba la sogs pa'i bye brag gis chos rnams bzhi 'byung na/ kun gzhi rnam par shes pa la gang 'du bar 'gyur pa yang mi shes pas de'i phyir/ de la tshor ba btang snyoms te zhes bya ba la sogs pa smras te/ de la zhes bya ba ni kun gzhi rnam par shes pa zhes bya ba la sogs pa smras te/ de ni go sla bsam bshad de/ kun gzhi rnam par shes pa de la tsher ba btang snyoms 'ba' zhig ste/ bde ba yang med sdug bsngal yang med do/ /ci'i phyir snyam pa la/ de gnyis kyi dmigs pa dang rnam pa yongs su chad pa'i phyir ro zhes bya ba smras te/ 'di ltar bde ba dang sdug bsngal dag gi dmigs pa dang rnam pa ni gsal ba yin la kun gzhi rnam par shes pa'i dmigs pa dang/ rnam pa yongs su mi gsal na/ ji ltar de gnyis dang mtshungs par ldan par 'gyur/ su dag 'dod chags dang zhe sdang bag la nyal bar byed pa'i phyir ro zhes 'dod pa de dag ni 'brel pa med par 'dod pa'o/ /bde ba dang sdug bsngal thams cad ni mtshungs par ldan pas/ 'dod chags dang zhe sdang bag la nyal bar byed pa ma yin te/ 'di ltar dge ba dang lung du ma bstan pa dang/ zag pa med pa'i bde ba yang yod do/ /de bzhin du sdug bsngal yang dge ba dang lung du ma bstan pa yang yod de/ de dag ni 'dod chags dang zhe sdang dang/ mtshungs par ldan pa ma yin na/ ji ltar na bde ba dang sdug bsngal de dag thams cad 'dod chags dang zhe sdang bag la nyal bar byed par 'gyur/ da ni lung du ma bstan pa nyid du bstan pa'i phyir/ de ni ma bsgribs lung ma bstan/ zhes bya ba smras te/ kun gzhi rnam par shes pa de ni ma bsgribs la lung du ma bstan pa yin par khong du chud par bya'o/ /de zhes bya ba ni kun gzhi rnam par shes pa dang sbyar te/ 'di ltar de'i skabs yin pa'i phyir/ /bye brag gnyis nye bar bzung ba'i 'bras bu bstan pa'i phyir/ de lam bsgribs pa smos pas ni zhes bya ba la sogs pa smras te/ ma bsgribs pa smos pas ni/ bsgribs pa las rnam par 'byed do/ /lung du ma bstan pa smos pa sa ni dge ba dang mi dge ba las rnam par 'byed do/ /'di ltar kun gzhi rnam par shes pa ni dge ba ma yin te/ dge ba'i rtsa ba chad pa rnams la yang yod pa'i phyir ro/ /'dir mi dge par yang gzung bar mi bya ste/ 'di ltar mi dge ba'i chos rnams ni ma bsgribs pa ma yin na/ /'di ci'i phyir ma bsgribs snyam pa la/ yid kyis ba'i zhes bya ba la sogs pa smras so/ /'di ltar yod kyi blo bur gyi nye ba'i nyon mongs pa rnams kyi bsgribs pa ma yin te/ de'i phyir ma bsgribs ba zhes bya'o/ /ma bsgribs pa zhes bya ba ni rnyog pa can du ma byas pa 'am/ ma g.yogs pa'i phyir ro/ /'di'i lung du ma bstan pa'i gtan tshigs smos pa rnam bar smin pa yin pas zhes bya ba la sogs pa'o/ /'di ltar kun gzhi rnam par shes pa 'di na rang gi rnam par smin pa'i ngo bo nyid de/ de'i phyir rnam par smin pa ni lung du mi ston te/ rnam par smin pa las rnam par smin pa gzhan mi 'byung ngo/ /de bas na lung du ma bstan pa zhes bya'o/ /rnam par smin pa'i ngo bo nyid yin pas dge ba 'am/ mi dge ba nyid du lung du mi ston te/ de'i phyir yang lung du ma bstan pa zhes bya'o/ /kun gzhi rnam par shes pa la dpyad pa byas pa ji snyad pa thams cad reg pa la sogs pa la yang bstan pa'i phyir/ reg pa la sogs pa'ang de bzhin no zhes bya ba smras so/ /de nyid dgrol ba'i phyir/ ji ltar kun gzhi rnam par shes pa gcig tu rnam par smin pa zhes bya ba la sogs pa smras te/ don de na brda phrad par zad do/ /reg pa la sogs pa sbyar ba'i phyir/ de bzhin du reg pa la sogs pa yang zhes bya ba la sogs pa smras te de yang go sla bas ma bshad do/ /ci'i phyir reg pa la sogs pa yang kun gzhi rnam par shes pa dang mtshungs snyam pa la/ rnam par smin pa dang mtshungs par ldan pa rnams/ rnam par smin pa ma yin pa dang/ dmigs pa dang rnam pa yongs su mchad pa yang dmigs pa dang rnam pa yongs su chad mi srid de zhes bya ba smras ste/ de yang go sla bsam bshad do/ /gzhan du yang de bzhin du brjed par bya'o/ /zhes bya ba la reg pa la sogs pa dang/ mtshungs par ldan pa ni kun gzhi rnam par shes pa dang mchungs par ldan pa rnam ni reg pa la sogs pa dang mtshungs par mi ldan ba ma yin no/ /de ltar btang snyoms dang mtshungs par ldan pa'i kun gzhi rnam par shes pa dang mtshungs par ldan pa rnams ni tshor ba gzhan dang mtshungs par ldan pa ma yin te/ 'di ltar kun gzhi rnam par shes pa ma bsgribs la lung du ma bstan pa dang mtshungs par ldan pa rnams ni dge ba dang mi dge ba nyid du mi rung ngo/ /kun gzhi rnam par shes pa brtag gam mi rtag pa la rmongs nas/ la la ci kun gzhi rnam par shes pa de zhes bya ba la sogs pa 'di ste/ kye ci kun gzhi rna par shes pa de gcig pu zhig 'khor ba'i mdza' ji srid pa de srid du mi 'jig par 'jug gam/ 'on te skad cig gcig nas gcig tu brgyud pa'i rgyun gyi 'khor ba ji srid pa'i rjes su 'jug pa zhig ce na/ grub pa'i mdza' smra bas/ de gcig pu tha dad pa med par 'jug pa ma yin te/ zhes bya ba la sogs pa smras so/ /kye kun gzhi rnam par shes pa de gcig pu tha dad pa med par ji srid 'khor gyi bar du rjes su 'jug pa ni ma yin te/ de ni skad cig ma gcig pu rjes su 'jug pa'o/ /gcig bu tha dad pa med pa zhes bya ba la tha dad pa med pa'i sgrin 'dra ba yang bsnyegs te/ de'i phyir gcig ces bya ba smos so/ /gcig pu'i sgra yang don gzhan gyi tshig tu mthong ste/ de'i tha dad pa med pa smras so/ /de bas na mi 'jigs pa ma yin pa'i rang gi ngo bor 'jug go zhes/ de skad bstan par 'gyur ro/ /ji ltar 'jug snyam pa la/ de ni rgyun 'bab chu po bzhin zhes bya ba smras te/ de ni kun gzhi rnam par shes pa de chu po'i rgyun bzhin 'bab pa'o/ /dngos po gcig po tha dad pa med pa de bstan pa'i phyir/ de ni zhes bya ba ni kun gzhi rnam par shes pa nyid dang zhes bya ba smras te/ de ni go sla bas ma bshad do/ /rgyun gyi rang gi ngo bo bstan pa'i phyir/ de la rgyun ni zhes bya ba la sogs pa smras so/ /rgyu dang 'bras bu/ bar chad med par rgyun tu 'byung ba ni rgyun zhes bya ba'o/ /chu bo'i rang gi ngo bo bstan pa'i phyir/ chu bo'i tshogs zhes bya ba la sogs pa smras te/ chu bo'i tshogs kyi snga phyi'i chu rgyun mi chad pa gang yin pa de ni chu bo zhes bya'o/ /de ltar tshig gi don bshad nas mdor byas pa'i don bstan pa'i phyir/ ji ltar chu bo rtsa dang zhes bya ba la sogs pa smras te/ ji ltar chu bo rtsa la sogs pa ded cing 'beb pa de bzhin du/ kun gzhi rnam par shes pa bsod tshams ma yin pa dang mi g.yo ba'i las kyi bar chags dang ldan pa yang reg pa la sogs pa bsdus nas/ rgyun mi chad par rgyun du 'byung de/ /yang gzhan de ltar rgyun du 'byung ba de zhes bya ba la sogs pa 'dri ste/ kun gzhi rnam par shes pa de ltar rgyun du 'byung ba gang gis dus na ldog par 'gyur pa brjod dgos so/ /grub pa'i mdza' smra bas/ dgra bcom pa nyid na de ldog go /zhes bya ba la sogs pa smras so/ /dgra bcom pa nyid thob pa'i dus na de ldog par 'gyur ro/ /dgra bcom pa nyid kyang mi shes nas/ dgra bcom pa nyid ces bya ba ci zhe na/ zhes 'dri'o/ /krub pa'i mdza' smra bas/ gang dang ldan na dgra bcom pa zhes bya ba/ zhes bya ba/ zhes bya ba smras te/ chos gang dang ldan na srog chags 'di dgra bcom pa'o zhes bya ba de dgra bcom pa nyid ces bya'o/ /gzhan gyis chos de yang ma shes nas/ ci dad ldan na zhes bya ba la sogs pa 'dri ste/ chos gang dang ldan na dgra bcom ba zhes bya zhe na/ grub pa'i mdza' smra bas/ zad pa shes pa dang zhes bya ba la sogs pa smres te/ zad pa shes pa dang/ /me skye ba shes pa thob pa'i phyir dgra bcom pa  zhes bya'o/ /kun gzhi rnam par shes pa de ji ltar ldog par 'gyur zhe na/ de'i tshe kun gzhi rnam par shes pa la/ zhes byab ba la sogs pa smras te/ 'di ltar dgra bcom pa'i dus de na kun gzhi rnam par shes pa la gnas pa'i gnas ngan len gang ci yod pa de thams cad ma lus par spong ngo/ /de'i phyir kun gzhi rnam par shes pa ldog par 'gyur te/ de'i tshe de nyon mongs pa'i sa bon gyi gzhi nyid dang bral bar 'gyur zhes bya ba'i tha tshig go /gang gi dus na kun gzhi rnam par shes pa ldog pa de nyid kyi dus na dgra bcom pa zhes bya ste/ 'di ltar rnam par grol ba'i sku 'am/ chos kyi sku thob pa na dgra bcom pa zhes bstan to/ /de ltar rnam par sman pa zhes bya ba'i gyur pa brgya cher bshad zin to// //rnam par 'byed pa dang bcas pa zhes bya ba ni rgya cher ro/ /gyur pa gnyis pa dang sbyar ba'i phyir/ da ni ngar sems zhes bya ba byas pa?? gnyis pa ste/ zhes bya ba smras te/ don go smra bsam bshad do/ /de gang zhig yin snyam pa la/ de la gnas te rab 'byung zhing zhes bya ba la sogs pa smras te/ 'di na phyis 'chad par 'gyur ro/ /de ni 'dir tshig le'ur byas pa dang sbyar ba bstan pa'i phyir/ de la ji ltar ma le soT ba'i rnar shes pa rnams kyi gnas zhes bya ba la sogs pa smras te ji ltar mig gi rnar shes pa sor pa'i gnas dang dmigs pa grags pa de bzhin du/ nyon mongs pa can gyi yid kyi de gnyis ma grags te/ gnas dang dmigs pa la mi bltos par 'jug pa ni mi rung ngo/ /de bas na de'i gnas dang dmigs pa bstan pa dang nges pa'i tshigs bstan pa'i phyir de la gnas te rab tu 'byung zhing zhes bya ba la sogs pa tshig la'ur byas la smos so/ /nyon mongs pa can gyi yod ni kun gzhi rnam par shes pa la brten cing dmigs nas 'byung ste/ de ni ngar sems pa' bdag nyid yin pas yid ces brjod do zhes mdor byas pa'i don to/ /yan lag bshad par bya ba'i phyir/ de la gnas te rab 'byung zhes bya ba la sogs pa smras te/ de la zhes bya ba ni 'dir kun gzhi rnam par shes pa dang sbyar ro zhes bya ba'i tha tshig go /ji ltar kun gzhi rnam par shes pa 'di'i gnas yin snyam pa la/ de'i bag chags kyi gnas yin te zhes bya ba la sogs pa smras te/ 'di ltar nyon mongs pa can gyi yid kyi bag chags gang yin pa de'i gnas ni kun gzhi rnam par shes pa ste/ de'i phyir nyon mongs pa can gyi yid kun gzhi rnam par shes pa la gnas bcas nas 'byung zhes bya'o/ /'byung zhes bya ba de'i bshed pa ni rgyun gyis skye zhes bya ba ste/ skyed cig gcig nas gcig tu brgyud pas skye zhes bya ba'i tha tshig go /'di nyid la bshad pa gzhan bya ba'i phyir/ yang na khams sam sa gang du zhes bya ba la sogs pa smras te/ 'dod pa la sogs pa'i khams gang dang/ bsam gtan dang po la sogs pas gang du kun gzhi rnam par shes pa rnam par smin pa thob pa der/ nyon mongs pa can gyi yid de yang rnam par smin pa 'thob ste/ gang gi phyir khams de dang/ sa de pa yin pa de'i phyir kun gzhi rnam par shes pa dang 'brel par 'byung bas na de la gnas te 'byung ba zhes bya'o/ /'di'i dpags pa bstan pa'i phyir/ de la dmigs pa zhes bya ba smras so/ /de nyid dgrol ba'i phyir/ kun gzhi rnam par shes pa nyid la dmigs pa ste/ zhes bya ba la sogs pa smras so/ /'di ltar nyon mongs pa can gyi yid ni 'jig tshogs la lta ba la sogs pa dang mtshungs ngar ldan pa ste/ de'i phyir nga dang nga'i zhes bya ba'i rnam pa 'dis kun gzhi rnam par shes pa nyid la dmigs so/ /gnas nyid la dmigs pa mi srid de zhes te gzhan gyis ji ltar na zhes bya ba la sogs pa dris te/ gnas su gyur pa'i sems gang las nyon mongs pa can gyi yid byung ba de nyid/ de'i dmigs par ji ltar 'gyur/ de dmigs pa'i don yang gzhan la/ gnas kyi don yang gzhan yin na da gnyis gcig tu ji ltar rung/ grub pa'i mdza' sma bas mtshung par bsgrub pa'i phyir/ ji ltar kha gcig de mi 'dod kyang zhes bya ba la sogs pa smras so/ /gang dag nyon mongs pa can gyi yid mi 'dod pa de dag gi gzhung ltar na yang/ ji ltar 'ga' zhig 'gags ma thab tu rang gi sems la so sor rtog pa'i dus na de ma thag pa'i rkyen du gyur pa'i sems gang las yid kyi rnam par shes pa 'byung ba sems de nyid dmigs pa yin zhing/ yid kyi rnam par shes pa de 'byung ste/ ji ltar yid kyi rnam par shes pa de rang gi gnas la dmigs pa de bzhin du/ nyon mongs pa can gyi yang rang gi gnas la dmigs par 'gyur ro/ /yang rang gi gnas la dmigs pa'i rnam par shes pa de ming cing? zhes bya snyam pa la/ yid ces bya ba'i rnam par shes pa zhes bya ba la sogs pa smras te/ de ni go sla bas ma bshad do/ /de ltar tshig gi don bshad nas mdor byas pa'i don bstan pa'i phyir/ kun gzhi rnam par shes pa gang yin pa de la brten te zhes bya ba la sogs pa smras te/ yid ces bya ba'i rnam par shes par brjod pa gang yin pa de kun gzhi rnam par shes pa la brten nas 'byung ngo/ /dmigs pa yang kun gzhi rnam par shes pa yin no/ /yid ces bya ba'i sgra'i rnam par bcad pa bstan pa'i phyir/ de la dmigs pa yid ces bya zhes bya ba 'dis ni zhes bya ba la sogs pa smras te/ yid smos pas ni rnam par shes pa 'di kun gzhi rnam par shes pa dang/ 'jug pa'i rnam par shes pa las rnam par 'byed par byed do/ /'di'i ngo bo nyid dre pa'i phyir/ yang de'i rang bzhin gang yin snyam pa la zhes bya ba smras so/ /ngar sems bdag nyid can zhes bya ba ni nga'o snyam pa dang nga'i snyam du rtag tu rlom sems pa ste/ de'i de ni ngar sems pa'i ngo bo nyid do/ /'di'i ngas pa'i tshig bstan pa'i phyir/ de ltar ngar sems pa'i bdag nyed pas zhes bya ba la sogs pa smras te/ gang gi phyir ngar sems pa'i bdag nyid yid pa de'i yid ces bya'o/ /nges pa'i tshig gi tshul gyis zhes bya ba ni nges pa'i tshig gis rigs pas so/ /tshig le'ur byas pa dang sbyar ba'i phyir rnam par shes pa'i rang gi nga bo yin pas zhes bya ba la sogs pa smras te/ de ni go sla bas ma bshad do/ /sems las byung ba rang gi ngo bo dang/ grangs dang dus khong du chud par bya ba'i phyir/ bsgribs la lung du ma bstan pa'i/ /nyon mongs bzhi dang rtag tu 'grogs zhes bya ba smras te/ nyon mongs pa can gyi yid ni bsgribs la lung du ma bstan pa'i ngo bo nyid kyi nyon mongs pa rnams dang dus thams cad du rtag tu mtshungs par ldan no zhes mdor byas pa'i don to/ /nyon mongs pa zhes smos pa'i rnam par bcad pa bstan pa'i phyir/ sems las byung ba dag ni rnam pa gnyis te zhes bya ba la sogs pa smras te/ de ni go sla bas ma bshad do/ /grangs kyi bye brag gi rnam par bcad pa bstan pa'i phyir/ nyon mongs pa'ang drug te zhes bya ba la sogs pa smras te/ de yang go slo bas ma bshad do/ /'grogs zhes bya ba'i sgra ni dga' ba yang bya'o snyam pa la/ 'grogs zhes bya ba ni zhes bya ba la sogs pa smras te/ don de ni brnga phrad par zad de/ bsgribs la lung du ma bstan pa smos pa'i rnam par bcad pa bstan pa'i phyir/ nyon mongs pa dang rnam pa gnyis te zhes bya ba la sogs pa smras te/ de yang go sla bsam bshad do/ /ci'i phyir de bsgribs la lung du ma bstan pa rnams dang mtshungs par ldan snyam pa la/ bsgribs pa'i rnam par shes pa ni zhes bya ba la sogs pa smras so/ /nyon mongs can khyi yid ni bsgribs la lung du ma bstan pa te/ de bas na bsgribs pa'i rnam par shes pa rnams dang/ mi dge bar mtshungs par ldan du mi rung ngo/ /ci'i phyir de dag bsgribs zhes bya ba snyam pa la/ bsgribs pa dag ni nyon mongs pa can gyi phyir ro zhes bya ba smras te/ gang gi phyir nyon mongs pa can yin pa de'i phyir bsgribs pa zhes bya ba'i tha tshig go /gal te bsgribs pa yin na ci'i phyir rgya cher?? lung du ma bstan zhes bya snyam pa la/ lung du ma bstan pa ni zhes bya ba la sogs pa smras te/ gang gi phyir dge ba nyid dang mi dge ba nyid du med pa de'i phyir lung du ma bstan pa zhes bya'o/ /'di'i dus bstan pa'i phyir/ rtag tu zhes bya ba ni zhes bya ba la sor pa smras te ji srid du nyon mongs pa can gyi yid de yod pa de srid du de dag dang dus thams cad du mtshungs par ldan no/ tshig le'ur byas pa dang sbyar ba'i phyir/ spyir bstan pa'i yang?? khyad par mi shes nas khyad par ston te zhes bya ba smras te/ nyon mongs pa bzhi zhes spyir bstan pas/ bzhi gang la bya ba'i bye brag mi shes te/ de'i phyir bye brag bstan pa'i phyir/ bdag tu lta dang bdag du rmongs zhes bya ba la sogs pa smras te/ bdag du lta ba dang/ bdag du rmongs pa dang/ bdag tu nga rgyal dang/ bdag la chags pa bzhi po 'di dag dang mtshungs par ldan no zhes mdor byas pa'i don to/ /bdag tu lta ba la sogs pa bstan pa'i phyir/ nye bar len pa'i phung po rnams la zhes bya ba la sogs pa smras te/ nye bar len pa'i phung po lnga po dag la bdag tu 'dzin pa gang yin pa de 'dir bdag tu lta ba'o/ /'jig tshogs la lta ba zhes bya ba 'dis ni de nyid rab tu sgrub pa'i rnam grangs ston te/ /rmongs pa ni mi shes pa'i sgrar brjod do/ /bdag gi yul la rmongs pa ni bdag tu rmongs pa'o/ /bdag la nga rgyal 'byung ba gang yin pa de ni bdag tu nga rgyal zhes bya'o/ /nga'o snyam pa'i nga rgyal zhes bya ba 'dis ni de nyid rab tu sgrub pa'i rnam grangs ston to/ /bdag la chags pa 'byung ba gang yin pa de ni bdag la chags pa zhes bya'o/ /bdag la dga' zhes bya ba 'dis ni de rab tu sgrub pa'i rnam grangs ston to/ /'di dang kun gzhi rnam par shes pa la ji ltar dmigs snyam pa la/ de la kun gzhi rnam par shes pa'i rang gi ngo bo la rmongs par gyur na zhes bya ba la sogs pa smras te/ kun gzhi rnam par shes pa'i rang gi ngo bo mi rtag pa la sogs pa mi shes pa gang yin pa de ni nga'i bdag gi snyam du bdag 'dzin par byed de/ mi shes pa gang yin pa de bdag du rmongs pa'o/ /bdag tu 'dzin pa gang yin pa de ni 'jig tshogs la blta ba'o/ /bdag tu lta ba'i 'og tu chos nyid kyi dbang gis sems khengs pa 'byung ba gang yin pa de dang snyam pa'i nga rgyal lo/ /bdag tu rmongs pa la sogs pa gsum po de dag yod na/ de'i 'og tu bdag tu bsams pa'i dngos po la mngon par chags pa 'byung ba gang yin pa de bdag la chags pa zhes bya'o/ /bshad zin pa'i don sdud pa'i tshigs su bshad pa smras pa yang smras pa zhes bya ba la sogs pa'o/ /ngar sems pa'i mtshan nyid kyi yid gang yin pa de ni ma rig pa la sogs pa nyon mongs pa bzhi po dag gis kun nas nyon mongs pa can du gyur to zhes tshigs su bcad pa'i don to/ /kun nas nyon mongs pa can du gyur pa'i bya ba ni dri ma can du byas pa'o/ /tshigs su bcad pa 'og mas nyon mongs pa can gyi yid yod par rigs pas bstan pa'i phyir/ phyir ci log gi rgyu byed pa'ang zhes bya ba la sogs pa smras te?? 'di ltar nyon mongs pa can gyi yid ni dus thams cad du phyin ci log gi rgyu yin te/ de'i phyir de yod par khong du chud par bya'o/ /phyin ci log gang gi rgyu yin snyam pa la/ sems dge lung du ma bstan cho zhes bya ba la sogs pa smras so// dge ba'i sems kyi dus na ngar 'dzin pa'i dus ni nga sbyin pa sbyin no snyam pa la sogs pa'o/ /lung du ma bstan pa'i sems kyi dus na ngar 'dzin pa'i rgyu ni nga glegs bam 'dri ba la sogs pa byed do snyam pa'o/ /de'i phyir kun gzhi rnam par shes pa bdag ma yin pa la bdag go snyam du phyin ci log pa gang yin pa de rgyur bstan pa yin no/ /tshig le'ur byas pa dang sbyar bar bya ba'i phyir/ bdag tu rmongs pa la sogs pa nyon mongs pa de dag kyang zhes bya ba la sogs pa smras so/ /sa dgu ni 'dir 'dod pa'i khams dang bsam gtan bzhi dang gzugs med pa bzhir rig par bya'o/ /lhag ma ni go sla bas na/ bshad do/ /the tshom bzlog pa'i phyir/ gang du skyes pa de'i 'o zhes bya ba smras so/ /dgrol ba'i phyir gang du skyes pa ni zhes bya ba la sogs pa smras te/ khams gang dang sa gang du srog chags skyes par gyur pa'i khams de pa dang/ sa de pa nyid kyi 'jig tshogs la lta ba la sogs pa de mtshungs par ldan te/ khams gzhan dang so gzhan gyi dang ni ma yin no/ /mdor byas pa dang sbyar bar bya ba'i phyir/ ci nyon mongs pa bzhi nyid dang mtshungs par ldan nam zhes bya ba smras te/ de ni go sla bsam bshad do/ /bshad pa byed pas smras pa ma yin no zhes bya ba la sogs pa smras so/ /de dgrol ba'i phyir/ gzhan deg sogs kyang zhes bya ba la sogs pa smras so/ /de ni go sla bas ma bshad do/ /kyang zhes bya ba la sogs pa ni/ kyang gi sgra'i don ston te/ de'i phyir nyon mongs pa can gyi yid bdag tu lta ba la sogs pa nyi tshe dang mtshungs par ldan pa ma yin gyi/ reg pa la sogs pa gzhan dag dang yang mtshungs par ldan na zhes de skad bstan par 'gyur ro/ /reg sogs zhes bya ba ni zhes bya ba la sogs pas ni/ reg pa la sogs pa'i sgra'i don sten to/ ci'i phyir reg pa la sogs pa dang mtshungs par ldan snyam pa la/ chos lnga po de dag ni zhes bya ba la sogs pa smras te/ gang gi phyir reg pa la sogs pa chos lnga po 'di dag thams cad du 'gro bar 'dod pa de'i phyir/ rnam par shes pa thams cad dang mtshungs par ldan no/ /'di dag gi khams dang sa nges par bstan pa'i phyir/ de dag kyang zhes bya ba la sogs pa smras te/ don de ni brnga phrad par zad don 'dir bshad pa gzhan bya ba'i phyir yang na gzhan zhes bya ba ni zhes bya ba la sogs pa smras te/ rtsa ba'i rnam par shes pa dang mtshungs par ldan pa'i reg pa la sogs pa gang yin pa de dag las rnam par dbye ba'i phyir/ gzhan rig sogs zhes bya ba la sogs pa smras te/ 'di ltar rtsa ba'i rnam par shes pa la reg pa la sogs pa ma bsgribs la lung du ma bstan par 'dod do/ /nyon mongs pa can gyi yid la ni yid bzhin du bsgribs pa'i lung du ma bstan pa'o/ /mdor byas pa dang sbyan par bya ba'i phyir gal te nyon mongs pa can gyi yid de zhes bya ba la sogs pa smras so/ /gal te dge ba dag nyon mongs pa can dang/ lung du ma bstan pa'i dus thams cad du nyon mongs pa can gyi yid bye brag med par 'jug na ni 'o na de ldog pa med par 'gyur te/ ji srid du dmi ldog pa de srid du thar par ga la 'gyur/ de bsan srog chags rnams thar pa med par 'gyur ro snyam pa la tags pa'i mdza' sbabs mi 'gyur te/ zhes bya ba la sogs pa smras so/ /thar pa med par 'gyur ba ma yin te/ 'di ltar dgra bcom pa la nyon mongs pa can gyi yang med do/ 'gog pa'i snyoms par 'jug pa'i dus na med do/ /'jig rten las 'das pa'i lam na med do/ /ci'i phyir dgra bcom pa la de med snyam pa la/ dgra bcom pa ni zhes bya ba la la sogs pa smras so/ /'di ltar dgra bcom pa ni nyon mongs pa thams cad spangs pa ste/ de'i phyir nyon mongs pa can gyi yid med pa nyid do/ /ji ltar srid pa'i rtse mo ba'i nyon mongs pa sgom pas spang bar bya ba rnam pa dgu pa /dgra bcom pa nyid thob pa na bar chad med pa'i lam rdo rje lta bu zhes bya bas spong ba de bzhin du nyon mongs pa can gyi yid de yang bar chad med pa'i lam de nyid kyi thams cad du thams cad spong ngo/ /de'i phyir ji ltar nyon mongs pa de dag dgra bcom pa na med pa de bzhin du/ 'di yang med do/ /phyir mi 'ong ba la ci'i phyir med snyam pa la/ ci yang med pa'i skye mched kyi 'dod chags dang bral ba zhes bya ba la sogs pa smras so/ /phyir mi 'ong pa ci yang med pa'i skye mched kyi 'dod chags dang bral ba la 'gog pa'i snyoms par 'jug pa thob pa gang yin pa de'i 'gog pa'i snyoms par 'jug pa'i dus na nyon mongs pa can gyi yid med do/ /'di ltar lam gyi stobs kyis 'gog pa'i snyoms par 'jug pa thob ste/ de'i phyir lam bzhin du de na yang dus de tsam du med do/ /'o na langs na de gang las 'byung snyam pa la/ 'gog pa las langs nas yang zhes bya ba smras so/ /gang gi tshe 'gog pa'i snyoms par 'jug pa las langs par gyur pa de'i tshe yang/ kun gzhi rnam par shes pa nyid las 'byung ste/ de la de'i bag chags yod pa'i phyir ro/ /lam la de med par bstan pa'i phyir/ 'jig rten 'das pa'i lam na'ang med ces bya ba smras te/ de'i don ni bshad zin to/ /lam zhes brjod pas mi chog gam ce na/ 'jig rten las 'das pa smos snyam pa la/ 'jig rten las 'das pa smos pa ni 'jig rten pa rnam par bcad pa'i phyir ro zhes bya ba smras so/ /de ni go sla bas ma bshad do/ /ci'i phyir 'jig rten pa rnam par bshad snyam pa la/ 'jig rten pa'i lam la ni zhes bya ba la sogs pa smras so/ /ni zhes bya ba'i sgra ni 'di ltar zhes bya ba'i tha tshig te/ 'di ltar 'jig rten pa'i lam na nyon mongs pa can gyi yid 'byung bar 'dod pa nyid do/ /ci'i phyir 'jig rten las 'das pa'i lam ni mi 'byung snyam pa la/ bdag med par mthong ba ni zhes bya ba la sogs pa smras te/ 'di ltar bdag med par mthong ba ni bdag tu 'dzin pa'i gnyen po ste/ de'i phyir 'jig rten las 'das pa'i lam na nyon mongs pa can gyi yid 'byung mi nus te/ mi mthun pa'i phyogs dang gnyen po gcig car mi 'byung ngo/ /de'i phyir mi mthun pa'i phyogs dang gnyen po cig car mi 'byung bas/ 'jig rten las 'das pa'i lam na dus de tsam du nyon mongs pa can gyi yid mi 'byung ngo/ /gang gi tshe 'jig rten las 'das pa'i lam las langs par gyur pa de'i tshe yang kun gzhi rnam par shes pa nyid las 'byung ngo/ /mjug bsdu ba'i phyir/ 'di ni gyur pa gnyis pa'o zhes bya ba sogs pa smras te/ gong du bstan pa de bshad zin to zhes bya ba'i tha tshig go/ //bam po gsum pa/ /gyur pa gsum pa dang/ sbyar ba bstan pa'i phyir/ gyur gnyis pa'i 'og tu zhes bya nba la sogs pa smras te/ de ni go sla bas ma bshad do/ /de gang yin snyam pa la/ gsum pa yul rnam drug po la zhes bya ba la sogs pa smras te/ yul rnam pa drug la dmigs pa gang yin pa de ni rnam par shes pa gyur pa gsum pa'o zhes mdor byas pa'i don to/ /khong nas dbyung ba bstan pa'i phyir/ gsum pa ni rnam par shes pa gyur pa zhes bya ba la sogs pa smras te/ rnam par shes pa gyur pa'i sgra khong nas dbyung zhes bya ba'i tha tshig go /tshig gi don khong du chud pa ni dag gi don khong du chud pa'i sngon du 'gro bas tshig gi don bstan pa'i phyir /rnam drug ces bya ba ni zhes bya ba la sogs pa smras te/ de ni go sla bas ma bshad do/ /de yang zhes bya ba la sogs pa ni 'di'i rab tu dbye ba 'dri ba ste/ grub pa'i mdza' smra bas rab tu dbye ba bstan pa'i phyir/ dge dang mi dge gnyig min zhes bya ba smras so/ /de dgrol ba'i phyir dge pa dang mi dge ba zhes bya ba la sogs pa smras te/ gnyi ga ma yin pa smos pa ni lung du ma bstan pa la bya'o/ /lhag ma ni dgon sla bas ma bshad do/ /dge ba la sogs pa'i rang gi ngo bo bstan pa'i phyir ma chags pa dang zhe sdang med pa dang gti mug med pa zhes bya ba la sogs pa smras te/ de yang go sla bas ma bshad do/ /sems las byung ba'i rang gi ngo bo dang de'i grangs la the tshom za nas/ de yang sems las byung ba ci 'dra ba dang zhes bya ba la sogs pa 'dri ste/ the tshom gnyis gsal ba'i phyir/ kun tu 'gro dang zhes bya ba la sogs pa smos te/ kun tu 'gro ba la sogs pa dang mtshungs par ldan no zhes mdor bsdus te mdor byas pa'i don to/ /kun tu 'gro ba la sogs pa la yang gzhan the tshom za nas dri pa'i phyir/ kun tu 'gro ba la sogs pa gang zhes bya ba la sogs pa smras te/ de ni go sla bas ma bshad do/ /grub pa'i mdza' smra bas de rab tu bstan pa'i phyir/ dang po'i reg la sogs pa dang zhes bya ba smras te/ reg pa la sogs pa ni 'dir kun tu 'gro bar 'dod do/ /ci'i phyir kun tu 'gro ba dag dang por brjod snyam pa la/ thog mar bshad pas dang po ste zhes bya ba smras so/ /de dgrol pa'i phyir 'di ltar kun tu 'gro ba zhes bya ba la sogs pa smras te/ 'di ltar kun tu 'gro ba rnams ni tshig le'ur byas ba sngar 'das ma thag pa las/ thog ma nyid du bstan te/ de'i phyir dang po zhes bya'o/ /gang dag rig pa la sogs pa la dang po zhes 'chad par byed pa de dag ni/ shin tu 'brel pa med par smra ba ste 'di ltar tshig le'ur byas pa 'das ma thag las ni kun du 'gro ba rnams thog mar bstan gyi/ reg pa la sogs pa ni ma bstan to/ /'dir reg pa zhes bya ba la sogs pa'i tshig sdud par bya ba'i phyir/ de dag gi dang po ni reg pa yin pas zhes bya ba la sogs pa smras te don de ni brda phrad par zad do/ /ci'i phyir de dag kun tu 'gro ba zhes bya ba snyam par/ /reg pa dang yid la byed pa la sogs pa chos lnga po de dag ni zhes bya ba la sogs pa smras so/ /'di ltar reg pa la sogs pa de dag thams cad ni sems thams cad kyi rjes su 'gro ba ste/ de'i phyir kun tu 'gro ba zhes bya'o/ /ji ltar shes snyam pa la 'di ltar de dag ni kun gzhi rnam par shes pa dang zhes bya ba la sogs pa smras so/ /'di ltar kun gzhi rnam par shes pa dang/ nyon mongs pa can gyi yid dang/ 'jug pa'i rnam par shes pa rnams la 'byung ste/ de'i phyir sems thams cad kyi rjes su 'gro bar grub po/ /bye brag du nges pa'i dbang du byas nas zhes bya ba 'dis ni tshig le'ur byas pa dang sbyar ba bstan to/ 'dun mos dran dang bcas pa dang zhes bya ba la sogs pas ni bye brag tu nges par ston te/ 'dun pa la sogs pa lnga ni bye brag tu nges pa'o zhes mdor byas pa'i don to/ /ci'i phyir de dag bye brag tu nges zhes bya bsnyam pa la/ bye brag can la zhes bya ba la sogs pa smras so/ /'di ltar de dag ni bye brag can la nges pa te/ de'i phyir bye brag tu nges pa zhes bya'o/ /'di ltar de dag gi yul ni bye brag can nyid yin gyi thams cad ni ma yin no/ /'dun pa zhes bya ba 'di gang yin snyam pa la/ de la bdun pa ni zhes bya ba la sogs pa smras te/ bsam pa'i dngos po la 'dod pa gang yin pa de 'dun pa'o/ /bsams pa smos pas ni yul so sor nges par bstan pa yin te/ 'di ltar ma bsams pa la bdun pa mi 'byung ngo/ /bsams pa ji lta bu snyam pa la lta ba zhes bya ba la sogs pa smras te/ de ni go sla bsam bshad do/ /'dun pa'i rnam grangs gzhan bstan pa'i phyir/ de la mthong ba zhes bya ba la sogs pa smras te/ mthong ba dang thos pa la sogs par smos pa gang yin pa de 'dun pa dang 'dod pa zhes bya'o/ /'di'i las bstan pa'i phyir de ni brtson 'grus rtsom pa zhes bya ba la sogs pa smras te/ 'di'i las ni brtson 'grus rtsom pa'i rgyu'i dngos por nye bar 'gro ba'o zhes bya ba'i tha tshig go /mos pa gang yin snyam pa la/ mos pa ni nges pa'i dngos po la zhes bya ba la sogs pa smras te/ tshad mas yongs su mthong ba'i dngos bo la yid ches pa gang yin pa de ni mos pa zhes bya'o zhes mdor byas pa'i don to/ /ci'i phyir nges pa smos snyam pa la/ nges pa smos pa ni zhes bya ba la sogs pa smras te/ de ni go sla bsam bshad do/ /nges pa zhes bya ba 'di ji lta bu zhig yin snyam pa la/ rig pa 'am yid ches pa'i lung gi zhes bya ba la sogs pa smos te/ mngon sum dang rjes su dpag pa 'am yid ches pa'i lung gi the tshom med par byas pa'i dngos po gang yin pa de nges pa zhes bya'o/ /gang gis dngos po mi rtag pa la sogs pa'i rnam par nges pa'i rnam pa de nyid kyi dngos po de la sems 'jog ste/ 'di ni de bzhin gyi gzhan du ni ma yin no zhes nges par 'dzin pa gang yin pa de mos pa zhes bya'o/ /'di'i las bstan pa'i phyir/ de ni mi 'phrog pa nyid kyi las can te/ zhes bya ba la sogs pa smras te/ 'di'i las ni grub pa'i mdza' las mi 'phrogs pa zhes bya ba'i tha tshig go /de ji ltar 'di'i las yin zhe na/ de'i phyir/ mos pa gces su byed pa ni zhes bya ba la sogs pa smras te/ 'di ltar mos pa gces su byed pa de ni phas kyi rgol ba rnams kyis rang gi grub pa'i mdza' phrogs par mi nus te/ de'i phyir de ni las can no/ /dran pa de gang yin snyam pa la dran pa ni 'dris pa'i dngos po ma brjed pa ste zhes bya ba la sogs pa smras so/ /sngon myong ba'i dngos po las sems mi nyams pa gang yin pa dang/ yang sngon du byed pa gang yin pa de dran pa'o/ /'dris pa zhes bya ba 'di ji lta bu zhig snyam pa la/ 'dris pa'i dngos po ni sngon myong ba 'o zhes bya ba smras te/ de ni go bslabs ma bshad do/ /ci'i phyir dwan? pa lam brjed pa zhes bya snyam pa la/ dmigs pa la 'dzin pa zhes bya ba la sogs pa smras te/ 'di ltar dmigs pa la 'dzin pa sngon byung ba gang yin pa de/ chud mi za ba'i rgyu ni dran pa yin te/ de bas na ma brjed pa zhes bya'o/ /de'i phyir ma brjed pa'i rgyu yin pas ma brjed pa zhes bstan pa yin no/ /mngon par brjod pa'i rang gi ngo bo bstan pa'i phyir/ sngon gzung ba'i dngos po zhes bya ba la sogs pa smras te/ sngon gzung ba'i dngos po gang yin bde la dmigs pa'i rnam pa yang dang yang dran par byed pa gang yin pa de ni mngon par brjod pa nyid do/ /rang gi don la dngos po'i rkyen bstan pa'i phyir/ mngon par brjod pa kho na zhes bya ba la sogs pa smras te/ de ni go sla bas ma bshad do/ /'di'i las bstan pa'i phyir/ de ni zhes bya ba la sogs pa smras so/ /'di'i las ni dmigs pa las mi g.yeng bar byed pa ste/ 'di ltar gang gi tshe dmigs pa la sems mngon du gyur pa de'i tshe/ dmigs pa gzhan nam rnam pa gzhan la sems rnam par g.yeng bar mi 'gyur te/ de'i phyir dran pa ni rnam par g.yeng ba med pa'i las can zhes bya'o/ /ting nge 'dzin de gang yin pa la/ ting nge 'dzin brtag pa'i dngos po la zhes bya ba la sogs pa smras te/ dpyad par bya ba'i dngos po la sems rtse gcig pa nyid gang yin pa de ting nge 'dzin to/ /ci'i phyir brtag pa zhes bya ba snyam pa la/ brtag pa'i dngos po ni yon tan du 'am nyes par brtag par bya ba'o zhes bya ba smras te/ yon tan du 'am nyes par brtag par bya ba'o/ /'gog pa dang lam gyi bden pa la ni zhi ba dang/ gya nom pa la sogs pa'i rnam par yon tan du brtag par bya ba'o/ /sdug bsngal dang kun 'byung ba'i bden pa la ni mi brtag pa la sogs pa'i rnam par nyes par brtag par bya'o/ /de la dmigs pa gcig pa nyid gang yin pa de rtse gcig pa zhes bya'o/ /'di'i las bstan pa'i phyir shes pa'i brten byed pa'i las can no zhes bya ba smras so/ /'di'i las ni shes pa'i rgyu'i dngos por nye bar 'gro ba ste/ 'di ltar sems mnyam par bzhag na yang dag pa ji lta ba bzhin du rab tu shes par 'gyur ro/ /blo zhes bya ba de gang yin snyam pa la/ blo ni shes rab po zhes bya ba smras so/ /de dgrol ba'i phyir de yang brtag pa'i dngos po nyid ces bya ba la sogs pa smras te/ brtag pa'i dngos po nyid la rigs pas bskyed dang/ rigs pa ma yin pas bskyed pa dang/ gzhan pa'i rab tu rnam par 'byed pa gang yin pa de shes rab po/ /rnam par bsgrub pa bya ba'i phyir/ rab tu rnam par 'byed par byed pas zhes bya ba la sogs pa smras te/ rab tu rnam par 'byed pa'i don bstan pa'i phyir/ rang dang spyi'i mtshan nyid 'dres pa lta bu'i chos rnams zhes bya ba la sogs pa smras te/ rang dang spyi'i mtshan nyid 'dres pa lta bu'i chos rnams la yang dag pa 'am/ log pa so sor rtog pa gang yin pa de rab tu rnam par 'byed pa'o/ /rigs pas bskyed pa gang yin snyam pa la/ rigs pa ni gsha' ba ste zhes bya ba smras te/ rigs pa ni gsha' ba' i sgrar brjod do/ /de nyid rab tu dbye bas bstan pa'i phyir/ de yang yid ches pa'i lung zhes bya ba la sogs pa smras te/ de ni go sla bas ma bshad do/ /bskyed pa'i don bstan pa'i phyir/ rigs pa rnam pa de gsum gyis zhes bya ba la sogs pa smras te/ brtag pa'i dngos po la rab tu rnam par 'byed pas 'byed pa gang yin pa de rigs pas bskyed pa zhes bya'o/ /de'i rab tu dbye ba bstan pa'i phyir/ de yang thos pa las byung ba dang zhes bya ba la sogs pa smras te/ de ni go sla bas ma bshad do/ /thos pa las byung ba la sogs pa'i rang gi ngo bo bstan pa'i phyir/ de la yid ches pa'i gsung rab ces bya ba la sogs pa smras te/ yid ches pa tshad mar byed pa'i khong du chud pa skye ba gang yin pa de ni thos pa las byung ba zhes bya'o/ /rigs pas rtogs pa'i khong du chud pa skye ba gang yin pa de ni/ bsams pa las byung ba zhes bya'o/ /ting nge 'dzin gyi stobs kyis bskyed pa gang yin pa de ni bsgoms pa las byung ba zhes bya'o/ /tshad mar gyur pa'i skyes bu ni yid ches pa zhes bya'o/ /nges par sems pa ni spyod pa'i rigs pa ma yin pa'i rab tu dbye ba bstan pa'i phyir/ rigs pa ma yin pa ni zhes bya ba la sogs pa smras so/ /yang dag pa ma yin pa la bcug pa'i ting nge 'dzin ni/ log par bsams pa zhes bya'o/ /lhag ma ni go sla bas ma bshad do/ /bskyed pa'i don bstan pa'i phyir/ rigs pa ma yin pa des bskyed pa ni zhes bya ba la sogs pa smras te/ don de ni brda phrad par zad do/ /rnam pa gsum pa bstan pa'i phyir/ skye bas thob pa zhes bya ba la sogs pa smras te/ lhan cig skye ba'i shes rab kyis dngos po khong du chud pa gang yin pa dang/ 'jig rten pa'i tha snyad nyo ba dang/ 'tshong pa la sogs pa khong du chud pa gang yin pa de ni rigs pas bskyed pa yang ma yin/ mi rigs pas bskyed pa yang ma yin pa zhes bya'o/ /skyebs 'thob pa zhes bya ba ni/ skyes nas 'thob pas skye bas 'thob pa ste/ de 'di la yod pas skyes pas 'thob pa ste/ lhan cig skyes zhes bya ba'i tha tshig go /bskyed ces bya ba ni bskrun pa dang byas shes bya ba'i bar dul/ 'di'i las bstan pa'i phyir ro/ /'di na zhes bya ba la sogs ba smras so/ /'di'i las ni the tshom zlog pa ste/ 'di ltar shes rab kyis chos rnams rab tu rnam par phye nas nges pa 'thob bo/ /nges pa 'thob nas the tshom ldog go /ci 'di dag lhan cig 'byung ngam/ 'on te re re 'byung snyam pa la/ chos lnga po de dag ni zhes bya ba la sogs pa smos te chos lnga po de dag ni phan tshun tha dang du gyur nas skye ba yin gyi/ lhan cig skyes ba'i ma yin zhes ba ba'i tha tshig go /de ltar na gang la sems mos pa der gzhan dag gdon mi za bar 'byung ba ma yin no/ /de bzhin du gzhan dag la yang brjod par bya'o/ /bsams ba dang/ nges ba dang/ 'dras pa dang/ brtog pa mos pas ni 'di dog gi yul so sor nges pa nyid du bstan pa yin te/ 'di ltar ma bsams sol? 'dun pa med do/ /nges pa ma yin pa la mos pa med do/ /ma 'bris? pa la dran pa mong ngo/ /brtag pa ma yin pa la ting nge 'dzin dang shes rab med do/ /kha cig ni tshig 'di gzhan du 'dod de/ chos lnga po de dag ni phan tshun tha dad pa ma yin par gyur nas 'byung ngo/ /de ltar na gang du mos pa der gzhan dag kyang gdon mi za la 'byung ngo zhes de skad du log par 'dun te/ 'de ltar gang gi tshe ma 'ongs pa'i dngos po la 'dod pa skye ba de'i che de la dran pa med de/ de'i yul ni myong ba yin pa'i phyir ro/ /gang gi tshe brtag pa ma yin pa'i dngos po la 'dun pa la sogs pa 'byung pa de'i tshe/ de la ting nge 'dzin ming de/ de'i yul ni brtag pa'i dngos po yin pa'i phyir ro/ /gang gi tshe nges pa ma yin pa'i dngos po la bdun pa la sogs pa dang 'byung pa de'i tshe/ da la mos pa med do/ de'i yul ni nges pa'i dngos po yin pa'i phyir ro/ /de'i phyir phan tshun tha dad pa ma yin par gyur nas 'byung ngo/ /zhes bya ba ji ltar 'gyur/ 'og ma dang mtshams sbrar ba bstan pa'i phyir/ bye brag tu nges pa rnams ba shed zin po zhes bya ba la sogs pa smras te/ de ni go sla? bas ma bshad do/ /dge ba dag bstan pa'i phyir/ dad dang ngo tsha khrel yong dang zhes bya ba la sogs pa smras so/ /'di dag gi grangs bstan pa'i phyir/ de dag ni chos bcu gcig go zhes bya ba la sogs pa smras te/ de ni gos bsam bshad do/ /dang ba'i rang gi ngo bo bstan pa'i phyir/ de la dang pa ni zhes bya ba la sogs pa smras te/ dge ba dang mi dge ba'i las rnams dang/ 'dod pa dang mi 'dod pa'i 'bras bu rnams dang/ sdug bsngal la sogs pa'i bden pa rnams dang/ rdzogs pa'i sangs rgyas la sogs pa dkon mchog rnams la yid ches pa gang yin pa dang/ dang ba gang yin pa dang/ 'dod pa gang yin pa de dad pa ste/ 'di ltar dang pa na rnam pa gsum du 'gyur ro/ /yid ches pa la sogs pa'i yul gyi rnam par dbye ba bstan pa'i phyir/ dngos po yod pa yon tan can nam zhes bya ba la sogs pa smras te/ yon tan can nam yon tan can ma yin pa 'ang rung ste/ dngos po yod pa gang yin pa de la yod pa nyid du yid ches pa'i rnam pa'i dad pa dang/ dngos po yod pa yon tan dang ldan pa gang yin pa de la dang pa'i rnam pa dang/ dngos po yod pa yon tan can thob par byed dam/ skyed nus pa gang yin pa de la 'dod pa'i rnam pa'o/ /dang pa'i rang gi ngo bo bstan pa'i phyir/ sems dang pa zhes bya ba la sogs smras so/ /'di ltar dang ba ni sems kyi rnyog pa dang mi mthun pa ste/ de'i phyir de dang mtshungs par ldan na nyon mongs pa dang nye bar nyon mongs pa zhes ba'i dri ma'i rnyog pa med pas/ sems dang ba la brten te dang ba 'gyur ro/ /de lta bas na sems dang ba zhes bya'o/ /sems kyi rnyog pa'i sgra ni nyon mongs pa'i bag chags la bya'o/ /'di'i las bstan pa'i phyir/ de ni 'dun pa'i rten byed pa'i las can no zhes bya ba smras so/ /'di ni 'jug par 'dod pa skyed pa'i las can te/ 'di ltar yid ches par gyur cing/ nus pa'i dngos po 'dod pa skyes nas 'jug pa la 'dun pa byed do/ /ngo tsha shes pa'i rang gi ngo bo bstan pa'i phyir/ ngo tsha shes pa ni zhes bya ba la sogs ba smras te/ bdag dang chos la bltos nas kha na ma tho bas mdzem pa skye ba gang yin pa de ngo che shes pa zhes bya'o/ /kha na ma tho ba ji lta bu zhig snyam pa la/ dam pa rnams kyis smad pa zhes bya ba la sogs pa smras so/ /'di ltar dam pa rnams kyis smad pa dang/ rnam par smin pa mi 'dod pa yin te/ de'i phyir sdig pa nyid kha na ma tho ba zhes bya ba'o/ /byas kyang rung ma byas rung/ kha na ma tho bas des sems zhums pa skye ba gang yin pa de 'dzem pa ste/ de nyid ngo tsha shes pa zhes bya'o/ /'di las bstan pa'i phyir/ / 'di ni zhes bya ba la sogs pa smras te/ nye bar spyod pa zlog pa'i lam can no/ /zhes bya ba'i tha tshig go /khrel yod pa'i rang gi ngo bstan pa'i phyir/ /khrel yod pa ni zhes bya ba la sogs pa smras so/ /'jig rten la bltos nas kha na ma tho pas 'dzem pa gang yin pa de ni 'khrel yod pa'o/ /'di ltar 'jig rten na 'di smad pa ste/ bdag las 'di lta bu byed par rig na 'jig rten smad par 'gyur te/ de'i phyir mi snyam pa'i 'jigs pas kha na ma tho ba la 'dzem mo/ /smad pa ni bshud pa'o/ /tshigs su bcad pa ma yin pa ni mi snyan pa'i sgrar brjod do/ /las bstan pa'i phyir 'ji yang zhes bya ba la sogs pa smras te/ don de ni brda phrad par zad do/ /ma chags pa ni zhes bya la la sogs pa smras te/ chags pa'i gnyen por gyur pa'i chos gang yin pa de ni ma chags pa'o/ /chags pa zhes bya ba gang yin pa snyam pa la/ chags pa zhes bya ba ni zhes bya ba la sogs pa smras te/ 'khor ba dang/ 'khor pa'i yo byad la chags pa dang/ smon pa gang yin pa de chags pa'o/ /de'i gnyen po ni ma chags pa'o/ /de'i phyir 'khor ba dang de'i yo byad glang po che dang/ rta la sogs pa la ma chags pa dang/ mi phyogs pa dang mi 'dod pa dang/ mi smon pa ni/ ma chags pa'o zhes bstan par 'gyur ro/ zhe sdang med pa bstan pa'i phyir/ zhe sdang med pa ni zhes bya ba la sogs pa smras te/ zhe sdang gi gnyen por gyur pa'i chos byams pa'i ngo bo nyid ni zhe sdang med pa'o/ /zhe sdang nyid gang yin snyam pa la/ zhe sdang ni zhes bya ba la sogs pa smras te/ gnod pa byed pa'i sems can rnams dang/ sdug bsngal rnams dang/ sdug bsngal gyi rgyu dug dang/ tsher ma la sogs pa la kun nas mnar sems pa gang yin pa zhe sdang ngo/ /zhe sdang med pa ni zhe sdang gi gnyen po yin pas sems can rnams deng sdug bsngal dang sdug bsngal gyi rgyu rnams la kun nas mnar sems pa med pa'i ngo bor blta'o/ /las bstan pa'i phyir/ 'di yang zhes bya ba sogs pa smras te/ don de ni brda phrad par zad do/ /gti mug med par bstan pa'i phyir/ gti mug med pa ni zhes bya ba la sogs pa smras te/ gti mug gi gnyen por gyur pa yang dag pa ji lta ba bzhin du rtogs pa'i ngo bo nyid kyi chos gang yin pa de ni 'dir gti mug med pa'o/ /gti mug nyid gang yin snyam/ pa la/ gti mug ni las dang 'bras bu dang zhes bya ba la sogs ba smras te/ las la sogs ba mi shes pa gang yin pa de ni gti mug go/ gti mug med pa ni de'i gnyen pa yin pas/ bden pa la sogs brtogs pa'i ngo bo nyid du blta bar bya'o/ /'di yang zhes bya ba la sogs pas ni las ston te/ don de ni brnga? phrad par zad do/ /brtson 'grus kyi rang gi ngo bo bstan pa'i phyir/ brtson 'grus zhes bya ba la sogs pa smras so/ /le lo'i gnyen bar gyur ba dge ba'i las la sems spro ba gang yin pa de brtson 'grus yin gyi/ nyon mongs pa can gyi las la spro ba ni brtson 'grus ma yin te/ gang nyon mongs pa can gyi las la spro ba ni smad pa'i phyir/ le lo nyid yin gyi/ brtson 'grus ma yin no/ /smad pa'i dngos po la chags pa'i phyir de yang le lo nyid ngo/ /de'i phyir le lo na rnam pa gnyis te/ snyoms las kyi mtshan nyid nyon mongs pa can la spro ba'o/ /las bstan pa'i phyir 'di ni zhes bya ba la sogs pa smras te/ 'di las ni dge ba'i phyogs yongs su rdzogs par byed ba dang/ yongs su sgrub pa'o/ /shin tu sbyangs pa ni gang yin snyam pa la shin tu sbyangs pa ni zhes bya ba la sogs pa smras te/ gnas ngan len gyi gnyen por gyur pa lus dang sems las su rung ba nyid gang yin pa de shin tu sbyangs pa'o/ /gnas ngan len de ji lta bu zhig snyam pa la/ gnas ngan len ni zhes bya ba la sogs pa smras te/ lus dang sems su mi rung ba nyid gnas ngan len ces bya do/ /yang na kun nas nyon mongs pa'i chos rnams kyi sa bon ni gnas ngan len to/ /ci'i phyir snyam pa la de med na zhes bya ba la sogs pa smras te/ 'di ltar kun nas nyon mongs pa'i chos kyi sa bon med par gyur na shin tu sbyang bar 'gyur te de'i phyir de yang gnas ngan len to/ /lus las su rung ba nyid gang yin snyam pa la/ de la lus las su rung ba ni zhes bya ba la sogs pa smras te/ lus rang gi dgos pa rnams la ldang ba yang ba gang las 'byung ba de lus las su rung ba nyid ces bya'o/ /ldang ba yang ba zhes bya ba bde ba'o/ /sems las su rung ba bstan pa'i phyir/ sems las rung ba na zhes bya ba la sogs pa smras te/ yang dag ba yid la byed pa la zhugs pa'i rnal 'byor ba'i sems gang yin pa de'i sim pa dang yang ba'i rgyu sems las byung ba'i chos gzhan gang yin pa de sems las su rung ba nyid do/ /sim pa ni bde ba'o yang ba ni gsal ba'o/ /ci ri phyir snyam pa la de dang ldan na zhes bya ba la sogs pa smras te/ 'di lta sems las byung ba de dang ldan na dmigs pa la sems 'jug ste/ de'i phyir de sems las su rung ba nyid ces bya'o/ /'dir ni sems las byung ba'i chos gzhan shin tu sbyangs pa yin na/ lus shin tu sbyangs ba zhes ji skad du bya zhen/ lus kyi reg bya'i khyad par zhes bya ba la sogs pa smras te/ lus kyi reg bya'i khyad par nyid 'ga' zhig dga' ba sa zin pa la lus shin tu sbyangs par bya'o/ /ci'i phyir snyam pa la yid dka' na lus shin tu sbyangs par 'gyur ro zhes bya ba la sogs pa smras te/ 'di ltar gang gi tshe yid dga' bar gyur pa de'i tshe/ lus shin tu sbyangs bar 'gyur ro zhes mdo las gsungs so/ /'di'i las bstan pa'i phyir/ 'di ni de'i dbang gis zhes bya ba la sogs pa smras te/ 'di ltar shin tu sbyangs ba'i dbang gis gnas 'gyur te/ de'i phyir 'di'i las ni nyon mongs pa'i sgrib pa ma lus par sel ba'o/ /bag yod bcas pa ni zhes bya ba la sogs pa smras te/ de ni go sla bas ma/ bshad do/ /rnam par sgrub pa tsam gyis 'di'i rang gi ngo bo mi shes pas/ de yang gang zhe na zhes 'dri'o/ /grub pa'i mdza' smra bas btang snyoms so zhes smras te/ btal? snyoms ni 'dir bag yod pa dang bcas par 'dod do zhes bya ba'i tha tshig go/ gzhan gyis gtan tshig 'dri ba'i phyir/ de ci'i phyir zhes smras ba dang/ grub pa'i mdza' smra ba gtan tshigs bstan pa'i phyir/ gcig du dge ba dang zhes bya ba la sogs pa smras te/ 'di ltar btang snyoms ni gcig tu dge ba dang/ 'dir sems las byung ba dge ba thams cad bstan ba'i dbang du byas ba dang/ dang pa la sogs pa bzhin du 'dir dngos su ma bstan pa dang/ sems las byung ba dge ba bcu gcig la ma gtogs par sems las byung ba dge ba gzhan mi sred pas/ de'i phyir lhag ma lus ba ni btang snyoms nyid de/ bag yed ba dang bcas pa'i sgrar brjod do/ /de ni 'di skad du yongs ni btang snyoms gtogs pa dge ba bcu gcig yod na/ de la bcu na drang nas bzung ba'i tshul gyis bshad zin la/ btang snyoms ni 'dir rang gi ming gis ma bstan te/ de'i phyir de nyid 'dir bag yod pa dang bcas pa'i sgrar brjod de zhes bstan par 'gyur ro/ /bag yod pa gang yin snyam pa la de la bag yod pa ni bag med pa'i gnyen po'o zhes bya ba smras so/ /de nyid dgrol ba'i phyir ma chags pa nas brtson 'grus kyi bar ni bag yod pa ste/ zhes bya ba la sogs pa smras te/ gang ma chags pa la sogs pa la gnas nas mi dge ba'i chos rnams spong zhing mi dge ba'i chos kyi gnyen por gyur pa/ dge ba'i chos rnams kyang sgom pa ma chags pa la sogs pa de dag ni bag yod pa'i sgrar brjod do/ /de bsan 'di ni bag med pa'i gnyen po nyid yin no/ /'di ltar de ni bag med pa las bzlog pa ste 'di'i bzlog pa brjod do/ /las bstan pa'i phyir de ni zhes bya ba la sogs pa smras te/ 'di'i las ni 'jig rten pa dang 'jig rten las 'das pa'i yon tan phun sum tshogs pa thams cad yongs su rdzogs par byed pa'o/ /btang snyoms gang yin snyam pa la/ btang snyoms ni sems mnyam pa nyid dang zhes bya ba la sogs pa smras te/ bying ba dang rgod pa dang bral nas sems mnyam pa nyid gang yin pa dang/ bsgrim mi dgos par sems rang gi ngang gis rnal du 'dug pa 'jug pa gang yin pa dang/ bying ba dang rgod pa'i gnyen po mchog tu dga' ba dang/ kun tu skyo ba yid la byed pa dag la rtsol mi byed de/ sems lhun gyis grub pa gang yin pa de btang snyoms so/ /tshig 'di nyid ci dgos snyam pa la/ tshig 'di gsum gyis zhes bya ba la sogs pa smras te/ de ni go sla bas ma bshad do/ /sems mnyam pa nyid ces bya ba 'di gang yin snyam pa la/ de la bying ba dang rgod pa ni sems mi mnyam pa ste/ zhes bya ba la sogs pa smras te/ gang gi tshe sems bying ba 'am rgod par gyur ba de'i tshe mi mnyam pa zhes bya'o/ /gang gi tshe bying ba dang rgod pa med de/ thog mar sems bying ba yang ma yin/ rgod pa yang ma yin par gyur pa de'i tshe mnyam pa zhes bya ste/ 'di ni sems mnyam pa nyid do/ /sems rnal du 'dug pa nyid bstan pa'i phyir/ de'i 'og tu mngon par 'du byed pa med cing zhes bya ba la sogs pa smras te/ sems mnyam pa nyid kyi 'og tu bsgrem mi dgos par sems mnyam par bzhag pa'i rnal 'byor gyi rjes su mthun par mnyam pa nyid du 'jug ba gang yin pa de sems rnal du 'dug pa nyid de/ /de'i dus na rnal 'byor pa la bying ba dang rgod pa mi mnyam pa'i nyes pa'i bdag nyid de dag yang 'byung bar mi 'gyur grang snyam du de lta bu'i dogs pa yod de/ 'di ltar mnyam pa nyid de ni gdong thob ma thag ste/ ring por goms par byas pas de'i phyir rogs pa yod pa srid do/ /sems kyis ?? kyis? grub pa bstan pa'i phyir/ de'i 'og tu sgom pa khyad zhugs par gyur pas zhes bya ba la sogs pa smras te/ de'i 'og tu gang gi tshe sgom pa khyad zhugs par gyur pa de'i tshe de'i mi mthun pa'i phyogs bying ba dang rgod ?? thag ?? ?? pas mi mnyam pa'i dogs pa mi 'byung ngo/ /de'i phyir bying ba dang rgod pa'i gnyen po'i rgyu mchog tu dga' ba dang/ kun du skyo ba yid la byed pa rnams la rnal 'byor ba rtsol bar mi byed do/ /rnal 'byor ba rtsol bar mi byed de/ sems lhun gyis grub par gnas pa'i dus gang yin pa de sems lhun gyis grub pa nyid ces bya'o/ /'di'i las bstan pa'i phyir 'di ni zhes bya ba la sogs pa smras te/ 'di'i las ni nyon mongs ba dang nye ba'i nyon mongs ba dang nye ba'i nyon mongs ba dang nye ba'i nyin mongs pa thams cad kyi skabs mi 'byed pa'i rten byed pa'o/ /rnam par mi 'tshe ba gang yin snyam pa la/ rnam par mi 'tshe ba ni rnam par 'tshe ba'i gnyen po ste zhes bya ba smras so/ /de dgrol ba'i phyir gsod pa dang 'ching bzhes bya ba la sogs pa smras te/ gsod pa dang 'ching ba la sogs pa gnod pa'i rgyu rnams kyis sems can rnams la gnod pa mi byed pa ni mtho mi 'tsham pas rnam par 'tshe ba zhes bya ba ste/ de ni sems can rnams la snying rje ba'o/ /'di'i rnam par bsgrub par bya ba'i phyir/ bsod nyams sel bas snying rje ba'o zhes bya ba smras so/ /bsod nyams kyi sgra ni bde ba la bya ste/ de'i phyir bde ba sel ces bstan pa yin no/ /sel ces bya ba ni spong ba'o/ /de ji ltar shes snyam pa la/ / snying rje can ni zhes bya ba la sogs pa smras te/ 'di ltar snying rje can gang yin pa ni pha rol gyi sdug bsngal thams cad kyis sdug bsngal bar 'gyur te/ de'i phyir snying rjes bde ba sel to/ /'di'i las bstan pa'i phyir 'di ni rnam par mtho mi mtshams pa'i las can no zhes bya ba smras te/ 'di'i las ni sems la rnam par mtho mi mtshams pa'o /'og ma dang mtshams sbyar ba'i phyir dge ba bcu gcig bshad zin to zhes bya ba smras te/ ngon de ni brda phrad par zad do/ /nyon mongs pa rnams bstan pa'i phyir nyon mongs ni 'dod chags khong khro gti mug dang zhes bya ba la sogs pa smras so/ /tshig sdud pa bstan pa'i phyir/ 'dod chags dang zhes bya ba la sogs pa smras te/ don de ni brda phrad par zad do/ /'dod chags gang yin snyam pa la de la 'dod chags ni zhes bya ba la sogs pa smras te/ srid pa dang longs spyod rnams la lhag par chags pa gang yin pa dang/ smon pa gang yin pa de 'dod chags zhes bya ste/ da ltar byung ba rnams la ni lhag bar chags so/ /ma 'ongs pa rnams la ni smon to/ /'di'i las bstan pa'i phyir de ni sdug bsngal kun skyed pa'i las can te zhes bya ba smras so/ /de nyid dgrol ba'i phyir/ sdug bsngal ni 'dir zhes bya ba la sogs pa smras te/ sdug bsngal gsum dang ldan pa'i phyir/ phung po lnga ni khams gsum du ci rigs par sdug bsngal bar 'dod do/ /'dis srid pa gsum du skye ba 'am/ yang srid pa'i las 'byung bar byed pas/ sred pa la nye bar len pa zhes bya ste/ nye bar len pa des bskyed pa 'am/ de la ngag? las te 'byung ba 'am/ de dag las nye bar len pa 'de 'byung ba'i phyir nye bar len pa'i phung po rnams zhes bya'o/ /phung po de ni 'dod pa dang gzugs dang gzugs med pa'i sred pa'i dbang gsi mngon par 'grub pas/ de'i phyir 'dod chags kyi las ni sdug bsngal kun skyed par bshad do/ /khong khro ba gang yin snyam pa la khong khro ba ni sems can kun la kun nas mnar sems pa ste zhes bya ba la sogs pa smras te/ sems can rnams la kun nas mnar sems? pa gang yin pa dang/ sems can rnams la sems rtsub pa gang yin pa dang/ gang gis non na sems can rnams la gsad ba dang bcing ba la sogs pas gnod par bya bar sems pa de khong khro ba'o/ /'di'i las bstan pa'i phyir de ni zhes bya ba la sogs smras so/ /de dgrol ba'i phyir reg pa na bde ba ste zhes bya ba la sogs pa smras te/ de ni go sla bas ma bshad de/ /de ji ltar shes snyam pa la kun nas mnar sems kyi sems yod na zhes bya ba la sogs pa smras te/ 'di ltar sdang ba'i sems mod? na gdon mi za bar sdug bsngal dang yid mi bde ba kun tu 'byung ngo/ /de kun tu byung na sems la gdung bar 'gyur ro/ /sems la gdung bar gyur na de'i rjes su 'gyur ba'i phyir lus la yang gdung bar 'gyur te/ de'i phyir de spyod lam thams cad du sdug bsngal dang bcas shing 'phongs pa dang bcas par gnas par 'gyur ro/ /zhe 'gras ba'i sems gang yin bde ni nyes par spyod pa gang dang yang ring ba ma yin te /de'i phyir ji skad brjod pa de khong khro ba'i las su bshad do/ /gti mug gang yin snyam pa la/ gti mug ni ngan song rnams dang zhes bya ba la sogs pa smras te/ ngan song la sogs pa mi shes pa gang yin pa de gti mug go /rgyu dang 'bras bur 'brel pa phyin ci ma log pa zhes bya ba la /dge ba'i 'bras bu 'dod pa dang mi dge ba'i 'bras bu mi 'dod pa ni phyin ci ma logs pa nyid ngo/ /'di'i las bstan pa'i phyir 'di ni zhes bya ba la sogs pa smras so/ /de dgrol ba'i phyir/ de la nyon mongs pa dang las dang skye ba'i bdag nyid ni zhes bya ba las ?? pa smras te/ nyon mongs ba'i bdag nyid dang/ las kyi bdag nyid dang skye ba'i bdag nyid ni kun nas nyon mongs pa rnam pa gsum mo/ /kun nas nyon mongs pa de rnam pa gsum las kun nas nyon mongs pa snga ma snga mar rgyur gyur pa las kun nas nyon mongs pa phyi ma phyi ma'i bdag nyid rnyed pa de 'byung ba zhes bya ba brjod do/ /de 'byung ba'i rten byed pa ni 'di ltar rig par bya ste/ 'di ltar rmongs par gyur na log par shes pa la sogs pa kun nas nyin mongs 'byung ??/ /??bar ma gyur na mi 'byung ngo/ /nga rgyal gang yin snyam pa la/ nga rgyal zhes bya ba smras so/ /de dgrol ba'i phyir/ nga rgyal zhes bya ba zhes bya ba la sogs pa smras te/ nga rgyal thams cad kyang 'jig tshogs la lta ba la brten nas 'byung ngo/ /'di'i ngo bo nyid ni sems khengs ba'i ngo bo nyid do/ /'jig tshogs la lta ba la nga rgyal gnas zhes bya ba 'di ci'i phyir snyam pa la/ 'di ltar phung po rnams la zhes bya ba la sogs pa smras so/ /'di ltar phung po rnams la bdag dang bdag gi ngo bo nyid du sgro btags nas 'di ni da ste 'di ltar mkhas so/ /'di ni nga'i ste 'di ltar phyug go snyem pa la sogs pa'i bye phrag gis bdag khengs shing gzhan dag la lhag par rlom sems pa ste/ de'i phyir nga rgyal ni 'jig chags la gnas zhes bya'o/ /'di'i las bstan pa'i phyir/ de ni mi gus ba dang zhes bya ba la sogs pa smras te/ 'di'i las ni mi gus pa dang/ sdug bsngal 'byung ba'i rten byed pa'o/ /mi gus pa zhes bya ba 'di ji lta bu zhig snyam pa la/ mi gus pa ni bla ma rnams dang zhes bya ba la sogs pa smras te/ slob dpon la sogs pa bla ma rnams dang/ de las gzhan pa gang zag yon tan can rnams la 'gying zhing/ lus dang ngag gi sri zhu mi byed pa gang yin pa de ni mi gus pa'o/ /'gyid ba zhes bya ba ni mi 'dud pa'o/ /sri zhu mi byed ces bya ba ni lus mi ldang ba dang/ tshig gis legs bar 'ongs sam zhes bya ba la sogs pa mi zer ba'o/ /sdug bsngal 'byung ba zhes bya ba 'di gang yin snyam pa la/ sdug bsngal 'byung ba ni zhes bya ba la sogs pa smras te/ tshe dang gzhan 'byung ba gang yin pa de ni 'dir sdug bsngal 'byung zhes bya bar 'dod do/ /'di'i rab tu dbye ba bstan pa'i phyir de ni de sems khengs pa'i rang gi ngo bor bye brag med kyang zhes bya ba la sogs pa smras te/ sems khengs pa'i rang gi ngo bor bye brag med kyang/ de'i rgyu'i bye brag gis rnam pa bdun du tha dad de/ nga rgyal dang che ba'i nga rgyal dang zhes bya ba la sogs pa de'i dbye ba ston to/ /nga rgyal gang yin pa la/ rigs dang shes rgya dang nor la sogs pas dma' ba bas zhes bya ba la sogs pa smras te/ rigs la sogs pas dma' ba bras bdag che'o snyam pa 'am/ rigs la sogs pas mtshungs so snyam du sems khengs pa gang yin pa de ni nga rgyal lo/ /rigs la sogs pas mtshungs ba bas/ gtong ba 'am tshul khrims la sogs bas bdag che'o snyam pa 'am/ rigs la sogs pas che ba la shes rgya dang nor la sogs pa bdag dang mtshungs so snyam du de ltar sems khengs pa gang yin pa de ni che ba'i nga rgyal lo/ /rigs la sogs bas che ba bas kyang/ shes rgya dang nor la sogs pas bdag che'o snyam du de ltar sems khengs pa gang yin pa de ni nga rgyal las kyang nga rgyal lo/ /gsum po de dag ni dngos po bcas pa ste/ 'di ltar de dag ni rigs la sogs pa yod pa rnams las 'byung ngo/ /gzhan du na ni logs pa'i nga rgyal dang bye brag med par 'gyur ro/ /dang po ni chung du las bltos/ /gnyis pa ni mtshungs pa las bltos/ /gsum pa ni khyad par 'phags pa las bltos nas/ bdag khyad zhugs par sems ba ste/ bye brag go /shes rgya ni 'dir ri mo la sogs pa las mkhas pa la bya'o/ /nor gyi sgra ni rdzas la bya'o/ /da'o snyam pa'i nga rgyal gang yin snyam pal/ da'o snyam pa'i nga rgyal ni zhes pa la sogs pa smras te/ nye bar len pa'i phung po lnga po yang dag pa'i don du na/ bdag dang bdag gi med pa rnams la bdag dang bdag gir mngon par zhen nas/ sems khengs pa gang yin pa de nga'o snyam pa'i nga rgyal zhes bya'o/ /mngon pa'i nga rgyal gang yin snyam pa la/ mngon pa'i nga rgyal ni zhes bya ba la sogs pa smras te/ 'dod chags dang zhe sdang dang gti mug la sogs pa de las byung ba'i lus dang yid kyi las ni mi'i chos so/ /de'i gnyen por gyur pa gang bsam gtan dang snyoms par 'jug pa la sogs pa ni mi'i chos de dag las bla mar gyur pa de las khyad par zhes bya ste/ khyad par de lta bu ma thob par bdag gis yang dag par thob po snyam du sems khengs pa gang yin pa de ni mdon pa'i nga rgyal zhes bya'o/ /cung zad snyam pa'i nga rgyal gang yin snyam pa la/ cung zad snyam pa'i nga rgyal ni zhes bya ba sogs ba smras te/ rigs la sogs pa khyad ches 'phags pa bas rigs la sogs pa cung zad cig gis bdag chung du snyam du sems khengs ba skye ba gang yin pa de chung zad snyam pa'i nga rgyal zhes bya'o/ /log pa'i nga rgyal gang yin snyam pa la/ log ba'i nga rgyal ni zhes bya ba la sogs pa smras te/ yon tan ma yin pa dang ldan la/ bdag yon tan dang ldan na snyam du sems khengs ba skye ba gang yin pa de log pa'i nga rgyal zhes bya'o/ /ci'i phyir log pa'i nga rgyal zhes bya snyam pa la/ yon tan ma yin pa la zhes bya ba la sogs smras te/ tshul khrims 'chal pa la sogs pa ni yon tan ma yin pa ste/ de dag mi su la yod pa de yon tan ma yin pa dang ldan pa'o/ /de'i phyir bdag yon tan dang ldan no snyam pa 'dis sbyin pa dang tshul khrims la sogs pa med kyang/ 'di ltar yon tan dang ldan par khas blangs pa yin te/ de bas na dngos po med pa'i phyir log pa'i nga rgyal zhes bya ba /nyes pa rnams kyi gzhi yin du zin kyang /de dag yon tan ma yin pas yon tan rnams la bltos nas/ dngos po med pa nyid yod pa kho na'o/ /dngos po med pas na zhes bya bas ni gzhi med pas na zhes bya ba'i tha tshig go /lta ba gang yin snyam pa la/ lta ba zhes bya ba ni zhes bya ba la sogs pa smras so/ /lta ba zhes bya ba'i spyir bshad pa byas su zin kyang lnga kho na ste/ 'jig tshogs la lta ba zhes bya ba la sogs pa'i lta ba lnga dang sbyar te/ 'di ltar 'dir nyon mongs pa'i skabs yin pa'i phyir ro/ /de dag ni nyon mongs pa'i ngo bo nyid de/ 'jig rten pa'i yang dag pa'i lta ba'am zag pa med pa ni mi bzung ngo/ /ci'i phyir 'di dag gi bye brag 'di bya snyam pa la/ de dag ni nyon mongs pa can dang rtog pa'i tshul du bye brag med kyang zhes bya ba la sogs pa smras te/ de dag nyon mongs pa can dang rtogs pa'i tshul du bye brag med du zin kyang/ dmigs pa'i bye brag dang rnam pa'i bye brag gis phan tshun tha dang ngo/ /'jig tshogs la lta ba gang yin snyam pa la/ de la 'jig tshogs la lta ba ni zhes bya ba la sogs pa smras te/ nye bar len pa'i phung po lnga po dag la/ bdag gi rnam pa dang/ bdag gi ba'i rnam par mthong ba gang yin pa de 'jig tshogs la lta ba'o/ /zag pa dang bcas pa'i phung po rnams ni nye bar len pa'i phung po rnams zhes bya'o/ /mthar 'dzin par lta ba gang yin snyam pa la/ mthar 'dzin par lta ba ni zhes bya ba la sogs pa smras te/ nye bar len pa'i phung po lnga po rnams la/ bdag dang bdag gir sngar bzung ba rnams la phyis chad pa'i rnam pa'am/ rtag pa'i rnam par mthong ba gang yin pa de mthar 'dzin par lta ba'o/ /'dzin pa sngon du gtong ba'i lta ba ni mthar 'dzin pa'i lta bas te/ 'jig tshogs la lta ba sngon du btang zhes bya ba'i tha tshig go /mdza' gnyis par lta ba ni mthar 'dzin par lta ba'o/ /log par lta ba gang yin snyam pa la/ log par lta ba ni zhes bya ba la sogs pa smras te/ lta ba gang gi sbyin pa dang mchod sbyin dang/ sbyin bsreg dang legs par spyod pa dang/ nyes par spyod pa'i mtshan nyid kyi rgyu la skur pa 'debs pa dang/ 'bras bu rnam par smin pa 'jig rten 'di dang/ 'jig rten pha rol gyi mtshan nyid kyi 'bras bu la skur pa 'debs pa dang/ pha ma'i byed pa la skur pa 'debs pa dang/ lta ba gang gis dgra bcom pa la sogs pa yod pa'i dngos po 'jig pa de ni lta ba thams cad pas ches sdig pa'i phyir log par lta ba zhes bya'o/ /lta ba mchog tu 'dzin pa gang yin snyam pa la/ lta ba mchog tu 'dzin pa ni zhes bya ba la sogs pa smras so/ /nye bar len pa'i phung po lnga po dag la mchog dang /khyad par du 'phags pa dang/ gtso bo dang dam pa'i rnam par lta ba yang yin pa de lta ba mchog tu 'dzin pa ste/ phul du phyin pas mchog go /gzhan dag las kyang khyad zhugs pas khyad par du 'phags pa'o/ /lhag ma med pas gtso bo'o/ /mtshungs pa med pas dam pa'o/ /tshul khrims dang brtul zhugs mchog tu 'dzin pa gang yin snyam pa la tshul khrims dang brtul zhugs mchog tu 'dzin pa ni zhes bya ba la sogs pa smras so/ /nye bar len pa'i phung po lnga po dag la 'dags pa dang 'grol ba dang/ nges par 'byin pa'i rnam par lta ba gang yin pa de ni tshul khrims dang brtul zhugs mchog tu 'dzin pa ste/ sdig pa'i dri ma 'khru bas 'dag pa'o/ /nyon mongs pa'i 'ching ba dang bral bas 'grol ba'o/ /mya ngan las 'das par phyin par byed pas nges par 'byin pa'o/ /the tshom grang yin snyam pa la/ the tshom ni zhes bya ba la sogs pa smras te/ las rnams dang 'bras bu rnams dang/ bden pa rnams dang/ dkon mchog rnams la yid gnyis za ba gang yin pa de the tshom mo/ /rnam par sgrub pa bstan pa'i phyir/ blo sna tshogs su byed pa ni zhes bya ba la sogs pa smras te/ de ni go sla bas ma bshad do/ /gal te blo sna tshogs su byed pa la yid gnyis zhes bya ba ni/ de ltar na shes rab tu 'gyur ro snyam pa la 'di ni shes rab las rang bzhin gzhan nyid do zhes bya ba smras te/ shes rab ni rab tu rnam par 'byed pa'i ngo bo nyid do/ /'di ni rnam pa gnyis su 'jug pa ste/ de'i phyir shes rab las don gzhan no/ / 'og ma dang mtshams sbyar bar bya ba'i phyir/ nyon mongs pa drug bshad zin to zhes bya ba smras te/ don de ni brnga phrad par zad do/ /nye ba'i nyon mongs pa rnams bstan pa'i phyir/ khro dang khon du 'dzin pa dang zhes bya ba la sogs pa smras so/ / gnyis rnam gnyis zhes bya ba ni gnyis gnyis pa rnam gnyis te/ de'i phyir gzhi la rnam pa gnyis su bstan pa yin no/ /khro ba gang yin snyam pa la/ de la khro ba ni zhes bya ba la sogs pa smras so/ /'phral du gnod par byed pa la gnas te/ sems kyi kun nas mnar sems skye ba gang yin pa de khro ba'o/ /khro ba 'di ni kun nas mnar sems kyi ngo bo nyid yin pas khong khro ba dang tha dad pa ma yin mod kyi/ khong khro bde nyid kyi gnas skabs kyi bye brag 'ga' zhig la gdags so/ /de ltar na khong khro ba'i char gtogs pa de nyid da gud na med do/ /gnas skabs kyi bye brag gang la gdags snyam pa la/ 'phral du gnod pa byed pa la gnas te zhes bya ba la sogs pa smras so/ /ji srid du gnod par byed pa mi ldog pa'i de srid du sems can dang/ sems can ma yin pa'i yul la sems kyi kun nas mnar sems skye ba gang yin pa de khro ba zhes gdags so/ /de'i las ni chad pas gcod pa la sogs pa'i rten byed pa'o/ /sems can dang sems can ma yin pa'i yul la zhes bya ba ni yul srog chags dang/ yul dug dang/ mtshon cha dang/ tsher ma la sogs pa'o/ /zhes bya ba'i tshig go /chad pas gcod pa zhes bya ba ni nor 'bul du 'jug pa la bya'o/ /sogs pa bya ba ni gsod pa dang/ 'ching ba la sogs pa'o/ /kho na du 'dzin pa gang snyam pa la/ khon du 'dzin pa ni zhes bya ba la sogs pa smras so/ /de dgrol ba'i phyir/ khros pa'i 'og tu zhes bya ba la sogs pa smras te/ khros pa zhi nas bdag ni mi 'di lta bu yin na 'dis bdag la gnod pa 'di lta bu byas kyi gal te bdag gis 'di la sha ma blan na gson pa'i mi grangs te/ mir yang mi rtsi'o snyam du sems mdud par 'dzin pas bdag nyid shar gnyer ba'i rnam pa de lta bu de mi gtong bar rgyun du 'byung ba gang yin pa de khon du 'dzin pa zhes bya'o/ /'di yi las bstan pa'i phyir/ 'di ni mi bzod pa'i rten byed pa'i las can no zhes bya ba smras te/ 'di'i las ni mi bzod pa'i rgyu nyid do/ /mi bzod pa bstan pa'i phyir/ gnod par byed pa la ci mi mnyam par zhes bya ba la sogs pa smras te/ lan du gnod pa byed 'dod pa ni mi bzod pa zhes brjod do/ /'di brtags pa'i yod pa bstan pa'i phyir/ 'di yang khro ba'i bzhin du zhes bya ba la sogs pa smras so/ /de ni go sla bas ma bshad do/ /'chab pa gang yin snyam pa la/ 'chab pa ni shes bya ba la sogs pa sgras te/ de dgrol ba'i phyir/ 'dun pa yang/ zhe sdang dang 'jigs pa la sogs pa bsal te zhes bya ba la sogs pa smras te/ gleng ba po gang 'dun pa la sogs pas 'gro bar bya ba ma yin par mi 'gro ba gleng bar bya ba la phan par 'dod pa'i gleng ba bo rnam pa de lta bu des gleng ba'i dus shes nas khyod 'di lta bu byed pa'o zhes smras shing/ gleng na gti mug gi char gtogs pas/ kha na ma tho ba mkhyud ma skye ba gang yin pa de 'chad pa zhes bya'o/ /'di ji ltar gti mug gi char gtogs snyam pa la/ 'chab pa ni gti mug gi char gtogs pa nyid de zhes bya ba la sogs pa smras so/ /'di ltar 'chab pa ni mkhyud pa'i rnam pa yin te/ de'i phyir gti mug gi char gtogs pa'o/ / 'di'i las bstan pa'i phyir/ 'di ni 'gyod pa dang zhes bya ba la sogs pa smras so/ /de dgrol ba'i phyir/ 'di ni chos nyid yin te zhes bya ba la sogs pa smras so/ /'di ni skye bo'am chos rnams kyi rang bzhin yin te/ 'di ltar sdig pa mkhyud pa'i mi la 'gyod pa skye'o/ /'gyod pa ni gdon mi za bar yid mi bde ba dang mtshungs par ldan no/ /de'i phyir yid mi bde ba dang mtshungs par ldan na reg par mi gnas par 'gyur ro/ /'tshig pa gang yin snyam pa la/ 'tshig pa ni zhes bya ba la sogs pa smras te/ tshig brlang po zher 'debs pa ni 'tshig pa'o/ /tshig brlang po bstan pa'i phyir/ tshig brlang po ni zhes bya ba la sogs pa smras te/ 'tshang 'bru ba'i tshul gyis zhe gcod pa dang drag pa gang yin pa de tshig brlang po'o/ / drag pa zhes bya ba ni 'jebs pa'o/ /zher 'debs pa nyid bstan pa'i phyir/ zher 'debs par byed pa'i ngang tshul ni zhes bya ba la sogs pa smras so/ /sems las 'byung ba 'di ni zher 'debs pa'i rang bzhin te/ de'i phyir zher 'debs pa'o/ /de'i dngos po ni zher 'debs pa nyid do/ /de bas na sems las byung ba de nyid tshig brlang po za ba dang 'dra bas tshig brlang pos zher 'debs pa nyid kyi sgrar brjod do/ /'di btags pa'i yod par bstan pa'i phyir/ 'di yang khro ba dang zhes bya ba la sogs pa smras te/ khro ba dang khon du 'dzin pa sngon du 'gro ba ni khro ba dang khon du 'dzin pa rgyu yin no/ /lhag ma ni go sla bas bshad do/ /'di'i las bstan pa'i phyir/ 'di ni dag gi nyes par spyod pa skyed pa'i las can no zhes bya ba smras te/ de ni go sla bas ma bshad do/ /las cig shos kyi gtan tshigs bstan pa'i phyir/ de dang ldan pa'i gang zag dang 'grogs par dka' ba'i phyir ro zhes bya ba smras so/ /'di ltar gang zag gang zher 'debs pa dang ldan pa de lhan cig gnas par dka' te/ de'i phyir der 'debs pa ni reg par mi gnas pa'i las can no/ /phrag dog gang yin snyam pa la/ phrag dog ni zhes bya ba la sogs pa smras so/ /de dgrol ba'i phyir 'thob pa dang bkur sti la lhag par chags pas zhes bya ba la sogs pa smras so/ /rang gi 'thob pa dang bkur sti la lhag par chags pas gzhan dag gi 'thob pa dang/ bkur sti dang rigs dang tshul khrims la sogs pa'i yon tan gyi khyad par dmigs nas/ zhe sdang gi char gtogs pa mi bzod par byas pa'i sems khong nas 'khrugs pa skyed gang yin pa de phrag dog go /rnam par sgrub pa bstan pa'i phyir/ rang gi gnas la khyab par 'khrug pas khong nas 'khrug pa ste/ zhes bya ba smras te/ de ni go sla bas ma bshad do/ /'di'i las bstan pa'i phyir/ yid mi bde ba zhes bya ba la sogs pa smras te/ gang gi phyir yid mi bde ba dang mtshungs par ldan pa dang/ gang gi phyir yid mi bde ba sngon du 'gro ba ni reg par mi gnas pas/ de'i phyir na gnyi ga'i las can zhes bya'o/ /ser sna gang yin snyam pa la/ ser sna ni zhes bya ba la sogs pa smras te/ sbyin pa dang mi mthun pa sems kyi kun tu 'dzin pa gang yin pa de ser sna'o/ /sbyin pa bstan pa'i phyir/ zin pa'i dngos po zhes bya ba la sogs pa smras te/ chos dang zang zing dang mkhas pa'i bdag nyid kyi dngos po bdag gir yongs su bzung ba rnams sems gang gis mchod ba'i phyir ram/ phan gdags pa'i phyir 'dod pa'am mi 'dod pa yang rung ste/ sbyin par byed pa de ni sbyin pa'o/ /ji ltar na sbyin pa dang mi mthun pa zhes bya snyam pa la/ de la yod na sbyin pa med par 'gyur ba'i phyir zhes bya ba la sogs pa smras so/ /'di ltar ser sna yod na sbyin pa med par 'gyur te/ de'i phyir de dang mi mthun pa zhes bya'o/ /'di nyid la bshad pa gzhan bya ba'i phyir/ rnyed pa dang bkur sti la chags nas zhes bya ba la sogs pa smras te/ rnyed pa dang bkur sti 'am 'tshor ba'i yod byang rnams la 'dod chags kyi char gtogs pa'i sems kyi kun tu 'dzin pa dang/ /yongs su mi gtong bar 'dod pa'i mtshan nyid gang yin pa de ser sna'o/ /'di'i las bstan pa'i phyir/ de ni zhes bya ba la sogs pa smras so/ /de dgrol ba'i phyir/ yo byad ma bsnyungs pa ni zhes bya ba la sogs pa smras te/ /mi mkho ba'i yo byad lhag pa gang yin pa de dag ser snas sogs pa gang yin pa de ni 'dir yo byad ma bsnyungs pa'o/ /sgyu gang yin snyam pa la/ sgyu ni zhes bya ba la sogs pa smras so/ /de dgrol ba'i phyir/ rnyed pa dang bkur sti la lhag par chags pas zhes bya ba la sogs pa smras te/ /rnyed pa la lhag par chags pas gzhan dag bslu'o snyam pa'i bsam pa des tshul khrims dang rigs la sogs pa gzhan du gnas la/ /gzhan du ston par byed pa gang yin pa de rgyu ste/ /bslu zhes bya ba'i tha tshig go /'di btags pa'i yod pa bstan pa'i phyir/ /'di ni 'dod chags dang gti mug 'dus pas zhes bya ba la sogs pa smras so/ / 'di ltar 'dod chags dang gti mug 'dus las yang dag ma yin pa'i yon tan rnams ston te/ de'i phyir de gnyis 'dus pa la gdags so/ /de bas na khro ba la sogs pa bzhin du btags pa nyid du yod kyi rdzas su ni med do/ /'di'i las bstan pa'i phyir/ log pas 'tsho ba'i rten byed pa'i las can no zhes bya ba smras te/ 'di'i las ni log pas 'tsho ba'i rgyu nyid de/ /g.yo gang yin snyam pa la/ g.yo ni zhes bya ba la sogs pa smras te/ rang gi nyes pa rnams mkhyud pa'i thabs gang yin pa der gtogs pa'i sems gyu gyu pa gang yin pa de g.yo'o/ /thabs gang yin snyam pa la/ rang gi nyes pa bcabs pa'i thabs ni zhes bya ba la sogs pa smras te/ rnam pa gang gi gzhan mgo rmongs par byed pa ni rang gi nyes pa mkhyud ba'i thabs so/ /ci'i phyir gzhan mgo rmongs par byed pa zhes snyam pa la/ de yang gzhan nas gzhan du bsgyur ba dang/ zhes bya ba la sogs pa smras te/ gzhan nas gzhan du bsgyur ba dang/ gtam rlung bskur ba dang/ gsal bar mi byed pa gang yin pa de gzhan mgo rmongs par byed pa'o/ /gzhan nas gzhan du bsgyur ba zhes bya ni gzhan dris na gzhan gyis lan 'debs shes bya ba'i tha tshig go /gtam rlung bskur zhes bya ba ni gtam de gzhan du sgyur ba'o/ /gsal bar mi byed de bya ba ni ngas byas so zhes nog nog po'i tshul du smra ba'o/ /de ni 'di skad du ci dris kyang bdag gi nyes pa mi smra ba dang/ gsal por mi smra ba'i tshul du byed pa'o zhes bstan par 'gyur ro/ /'chab pa dang 'di'i bye brag bstan pa'i phyir/ de'i phyir zhes bya ba la sogs pa smras te/ 'di ltar g.yo ni gtam rlung bskur ba dang/ gsal bar mi byed pa yin gyi/ gcig tu 'chab par mi byed de/ de'i phyir de 'chab pa dang tha dad do/ /'chab pa ni 'di ltar gsal por mkhyud par byed kyi/ thabs kyis ni ma yin no/ /zur gyis ni ma yin no zhes bya ba ni thabs kyis ma yin no/ /zhes bya ba'i tha tshig go /'di'i btags pa'i yod pa bstan pa'i phyir/ 'di ni zhes bya ba la sogs pa smras te/ rnyed pa dang bkur sti la lhag par chags nas chags pa dang gti mug de gnyis kyi rang gis nyes pa mkhyud pa'i phyir/ gzhan mgo rmongs par byed pas de gnyis 'dus pa nyid la gdags so/ /'di'i las bstan pa'i phyir/ 'di ni zhes bya ba la sogs pa smras so/ /de dgrol ba'i phyir/ yang dag pa'i gdams ngag ni zhes bya ba la sogs pa smras te/ g.yo ni tshul bzhin yid la byed pa yang dag pa'i gdams ngag rnyed pa de la bar chad byed do/ /de ltar g.yo ni yang dag pa'i gdams ngag tshul bzhin yid la bya ba de thob pa'i bar chad byed par rung ste/ 'di ltar gang dag g.yo med pa de dag bla ma rnams yang pa'i lung 'bog go/ /bam po bzhi pa/ / rgyags pa gang yin snyam pa la/ rgyags pa ni zhes bya ba la sogs pa smras te/ bdag gi phun sum tshogs pa la lhag par chags pa'i dga' ba'i khyad par gyis sems bdag gi dbang du byed pa gang yin pa de rgyags pa'o/ /bdag gi phun sum tshogs pa de gang yin snyam pa la/ rigs dang nad med pa la zhes bya ba la sogs pa smras te/ rigs la sogs pa mchog tu gyur pa gang yin pa de bdag gi phun sum tshogs pa'o/ /rab tu dga' ba de gang yin snyam pa la/ rab tu dga' ba ni zhes bya ba la sogs pa smras te/ dga' ba'i bye brag nyid 'ga' zhig la rab tu dga' ba zhes bya'o/ /yongs su 'dzin pa de ji lta bu zhig snyam pa la/ dga' ba'i bye brag gang gis zhes bya ba la sogs pa smras te/ dga' ba'i bye brag gang gis /sems rang gi dbang du byed cing/ dge ba'i phyogs kyi bya ba la 'jug pa mi rnyed pa'i dga' ba'i bye brag gis sems de bdag gi dbang du byed pas yongs su zin par 'gyur ba de sems yongs su 'dzin pa'o/ /las bstan pa'i phyir 'di ni zhes bya ba la sogs pa smras so/ /'di'i las ni nyon mongs pa dang/ nye ba'i nyon mongs pa thams cad kyi rgyu nyid de/ 'di ltar rgyags pa las ni nyon mongs pa dang nye ba'i nyon mongs pa thams cad 'byung ngo/ /rnam par 'tshe ba gang yin snyam pa la/ rnam par 'tshe ba ni zhes bya ba la sogs pa smras so/ /de dgrol ba'i phyir/ gsad pa dang bcing ba dang brdeg pa dang bsdig pa la sogs pa sna tshogs kyis zhes bya ba la sogs pa smras te/ gsang ba dang bcing ba la sogs pa rnam pa sna tshogs kyis sems can rnams la 'tshe bas rnam par 'tshe ba'o/ /rnam par mtho 'tsham pa ji lta bu zhig snyam pa la/ 'dis gsad pa dang bcings pa la sogs pas sems can rnams la rnam par mtho 'tsham pa zhes bya ba la sogs pa smras te/ de ni go sla bas ma bshad do/ /'di btags pa'i yod par bstan pa'i phyir/ de ni khong khro ba'i char gtogs pas te zhes bya ba la sogs pa smras so/ /'di ni khong khro ba'i char gtogs pa ste sems can rnams la snying rje med pa dang/ sems rtsub pa 'di gnyis ni de'i rnam grangs su gtogs pa'o/ /las bstan pa'i phyir/ sems can rnams la rnam par mtho 'tsham pa'i las can zhes bya ba la sogs pa smras te/ don de ni brnga phrad par zad do/ /ngo tsha med pa gang yin snyam pa la/ ngo tsha med pa ni kha na ma tho bas bdag la mi 'jom pa'o/ /zhes bya ba smras so/ /de dgrol ba'i phyir/ las de dag gi cha ma yin par shes bzhin du yang zhes bya ba la sogs pa smras te/ sdig pa'i las gang byed par 'dod pa de bdag la mi 'os shing bdag gi cha ma yin par shes la/ shes bzhin du yang kha na ma tho ba des mi 'dzem pa gang yin pa ngo tsha med pa ste/ 'di ni ngo tsha shes pa'i mi mthun pa'i phyogs su gyur pa'o/ /shes bzhin du yang zhe bya ba ni mthong bzhin du yang zhes bya ba'i tha tshig go /khrel med pa gang yin snyam pa la/ khrel med ba ni zhes bya ba la sogs pa smras so/ /de dgrol pa'i phyir 'jig rten dang bstan bcos dang mi mthun pa 'di dag ces bya ba la sogs pa smras te/ bdag las byed par zhugs pa gang yin pa 'di ni 'jig rten dang/ bstan bcos dang mi mthun pa yin par de ltar shes bzhin du yang sdig pa byed pa des mi 'dzem pa gang yin pa de 'khrel med pa ste/ 'di ni 'khrel yod pa'i mi mthun pa'i phyogs su gyur ba'o/ /'di gnyis kyi las bstan pa'i phyir de gnyis ni zhes bya ba la sogs pa smras te/ de gnyis kyi las ni nyon mongs pa dang/ nye ba'i nyon mongs pa thams cad kyi grogs byed pa'o/ /gtags pa'i yod ba bstan pa'i phyir/ 'dod chags dang zhe sdang dang zhes bya ba la sogs pa smras so/ /bya ba ma yin pa thams cad 'byung ba'i rgyu 'dod chags dang zhe sdang dang/ gti mug gang yin pa de dag nyid la 'di gnyis gdags te rang gi rgyud med do/ /de la yang 'dod chags dang zhe sdang gnyis ni cig char 'byung mi srid pas ji ltar mthun mthun du gdags shes bstan pa'o/ /rmugs pa gang yin snyam pa la rmugs pa ni zhes bya ba la sogs pa smras te/ sems las su mi rungs ba gang yin pa dang/ blong ba nyid gang yin pa de rmugs ba'o/ /blong ba nyid gang yin snyam pa la/ blong ba'i dngos po ni zhes bya ba la sogs ba smras so/ /blong ba'i dngos po ni blong ba nyid de/ 'di ltar de dang ldan na sems blun pa'i phyir blong bar 'gyur te/ dmigs pa rtogs par mi nus bas dang phyir blong ba nyid ces bya'o/ /las bstan pa'i phyir/ 'di ni nyon mongs pa dang zhes bya ba la sogs pa smras te/ don de ni brda phrad par zad do/ /'di brtags pa'i yod par bston pe'i phyir/ gtis mug gi cha la btags pas zhes bya ba la sogs pa smras te/ don de ni go bla bas ma bshad do/ /rgod pa gang yin snyam pa la/ rgod pa ni zhes bya ba la sogs pa smras te/ sems rnam par ma zhi ba gang yin pa de rgod pa'o/ /ci'i phyir snyam pa la/ rnam par zhi ba ni zhi gnas te zhes bya ba la sogs pa smras so/ /'di ltar rnam par zhi ba'i sgra ni zhi gnas la bya ste/ de dang mi mthun pa de ni rnam par ma zhi ba'o/ /de ni 'dod chags mthun pa sngon rgod rgod pa dang dga' dga' ba dang/ rtse rtse ba la sogs pa rjes su dran pas sems rnam par ma zhi ba'i rgyu'o/ /mtshan nyid kyi tshigs kyang rnam par ma zhi ba'i rgyu yin pas rnam par ma zhing la rgod pa zhes bshad do/ /las bstan pa'i phyir/ zhi gnas kyi bar du gcod pa'i las can no zhes bya ba smras so/ /zhig nas ni ting nge 'dzin te/ de la de sgrib par byed do/ /ma dad ba gang yin snyam pa la/ ma dad pa ni zhes bya ba la sogs ba smras te/ las la sogs pa la yid mi ches shing dad pa'i mthun pa'i phyogs su gyur pa'i chos ni ma dang pa'o/ /ci'i phyir de dad pa'i mi mthun pa'i phyogs yin snyam pa la/ dad pa ni zhes bya ba la sogs pa smras te/ don de ni brda phrad par zad do/ /ma dad pa ni da las zlog pa ste zhes bya ba la sogs pa yang go sla bas ma bshad do/ /las bstan pa'i phyir/ le lo'i rten byed pa'i las can no zhes bya ba smras so/ /de dgrol ba'i phyir/ ma dad pa ni sbyor pa la 'dun pa med pa'i phyir zhes bya ba la sogs pa smras te/ 'di ltar ji srid du ngo bo 'ga' zhig la yid ches pa dang/ 'dod pa ma skyes pa de srid du sbyor ba la 'dun pa nyid mi skye ste/ de'i phyir 'di'i las ni le lo'i rgyu nyid do/ /le lo gang yin snyam pa la/ le lo ni dge ba la sems mngon par mi spro ba ste zhes bya ba sogs pa smras so/ /de dgrol ba'i phyir/ nyal ba dang gnyis pa dang 'phros pa'i bde ba la brten nas gti mug gi char gtogs pas lus dang ngag dang yid kyi las dge ba la sems mngon par spro ba med pa gang yin pa'o/ /zhes bya ba smras te/ nyal ba'i bde ba dang/ gnyes pa dang/ 'phres pa'i bde ba la brten nas gti mug gi char gtogs pa lus la sogs pa'i las dge ba la sems mngon par spro ba mi skyed gang yin pa de le lo'o/ /'di ni zhes bya ba la sogs pa smras te/ dge ba'i phyogs la spro ba gang yin pa de la sgrib par byed do/ /bag med pa gang yin snyam pa la/ bag med pa ni zhes bya ba la sogs pa smras te/ chags pa la sogs pa gang yin pa dag gis zin na/ 'dod chags la sogs pa nyon mongs pa la sems mi ldog cid 'dod chags la sogs pa'i gnyen por gyur pa dge ba la goms par mi byed de/ 'dod chags dang zhe sdang dang gti mug dang le lo dag la bag med pa btags so/ /las bstan pa'i phyir/ 'di ni zhes bya ba la sogs pa smras te/ mi dge ba 'phel ba dang dge ba 'grib pa'i rgyu nyid do/ /brjed ngas pa gang yin snyom pa la/ brjed ngas ni zhes bya ba la sogs pa smras te/ nyon mongs pa dang mtshungs ldan pa'i dran ba gang yin pa de brjed ngas pa'o/ /las bstan pa'i phyir/ 'di ni zhes bya ba la sogs pa smras te/ de ni go sla bas ma bshad do/ /rnam par g.yeng ba gang yin snyam pa la/ rnam par g.yeng ba ni zhes bya ba la sogs pa smras so/ /de dgrol ba'i phyir/ 'dis sems sna tshogs su g.yeng par byed pas rnam g.yeng ba'o zhes bya ba smras te/ 'dis rnam pa mang po dag gis dmigs pa la sems rnam par g.yeng bar byed pas sems rnam par g.yeng ba'o/ /gtags pa'i yod par bstan pa'i phyir/ 'dod chags dang zhe sdang gti mug de dag gis zhes bya ba la sogs pa smras te/ 'dod chags la sogs pa gang dag gis ting nge 'dzin gyi dmigs pa las sems phyi rol du khrid pa de dag la/ ji ltar mthun mthun du rnam par g.yeng ba gdags par bya'o/ /las bstan pa'i phyir/ 'di ni zhes bya ba la sogs pa smras so/ /sems rnam par g.yengs pa la 'dod chags dang bral ba nyid med pa'i phyir/ 'dod chags dang bral ba la sgrib par byed do/ / shes bzhin ma yin pa gang yin snyam pa la/ shes bzhin ma yin pa ni zhes bya ba la sogs pa smras te/ nyon mongs pa can gyi shes rab la shes bzhin ma yin pa zhes bya'o/ /nyon mongs pa can gyi shes rab bstan pa'i phyir/ de lus dang ngag sems kyi spyod pa zhes bya ba la sogs pa smras te/ shes rab gang gis 'od pa dang 'gro ba la sogs la/ lus dang ngag dang sems kyi spyod pa mi shes bzhin du 'byung ba gang yin pa de nyon mongs pa can gyi shes rab ces bya ste/ de ni shes bzhin ma yin pa'o/ /las bstan pa'i phyir bya ba ma yin pa mi shes pas zhes bya ba la sogs pa smras so/ /shes bzhin med par byed pa ni/ bya ba dang bya ba ma yin pa la rtog par mi byed de/ de'i phyir 'di'i las ni ltung ba'i rgyu nyid do/ /'gyod pa gang yin snyam pa la/ 'gyod pa ni yid la gcags pa'o zhes bya ba smras so/ /de dgrol ba'i phyir/ smad pa byas pas 'gyod de zhes bya ba la sogs pa smras so/ /dngos po gang ji lta bzhin du bya ba de gang gi tshe rnam pa gzhan du byed pa de'i tshe nyes par byas pa zhes bya'o/ /de la byed pa smad pa gang yin pa de yang dag pa'i don dun 'gyod pa'o/ /'dir ngan par byas pa'i dngos po'i yul la sems mi dga' ba dang yid la gcags pa gang yin pa de 'gyod pa ste/ 'di ltar sems las byung ba rnams kyi skyabs yin pa'i phyir ro/ /las bstan pa'i phyir/ 'di ni zhes bya ba la sogs pa smras so/ /sems gnas pa ni ting nge 'dzin te/ de la sgrib par byed do/ /gnyid gang yin snyam pa la/ gnyid ni zhes bya ba la sogs pa smras so/ /de dgrol ba'i phyir/ 'jug pa ni dmigs pa la 'jug pa'o zhes bya ba la sogs pa smras te/ gang gi dbang gis dmigs pa las/ sems rang dbang med par 'jug te gnyid ces bya'o/ /de nyid la bshad pa gzhan bya ba'i phyir/ lus 'dzin mi nus pa'i sems kyi 'jug pa zhes bya ba la sogs pa smras te/ sems kyi 'jug pa gang gis lus 'dzin pa de rang dbang med par gang las 'gyur ba de gnyid do sdud pa bstan pa'i phyir/ sems sdud pa ni zhes bya ba la sogs pa smras te/ gang gi tshe mig la sogs pa dbang po'i sgo nas rnam par shes pa rnams mi 'byung ba de dag ni sdud pa'o/ /'jug pa rang dbang med pa smos pas ni ting nge 'dzin las dbye ba ston to/ /sdud pa smos pas ni rmugs pa las dbye ba ston to/ /btags pa'i yod ba bstan pa'i phyir/ de ni gti mug gi cha la gdags pa gti mug gi char gtogs pa zhes bya ba smras te/ don de ni phrad par zad do/ /las bstan pa'i phyir/ bya ba shor ba'i rten byed pa'i las can no zhes bya ba smras te/ nyal ba ni bya ba nyams par 'gyur ro/ /rtog pa gang yin snyam pa la/ rtog pa ni zhes bya ba la sogs pa smras te/ 'di ci yin de ltar rtog pa'i rnam par zhugs pa shes rab dang sems pa'i bye brag gi bdag nyid kyi brjod pa gang yin pa de rtog pa'o/ /yid kyis brjod pa bstan pa'i phyir/ yid la brjod pa ni zhes bya ba la sogs pa smras te/ de ni go sla bas ma bshad do/ /brjod pa'i rang gi ngo bo bstan pa'i phyir/ brjod pa ni don bstan pa'o zhes bya ba smras te/ sems kyi don brjod ces bya ba'i tha tshig go /sems pa la sogs pa ji ltar 'di'i ngo bo nyid yin snyam pa la/ sems pa dang shes rab kyi bye brag ces bya ba la sogs pa smras te/ 'di ltar sems pa ni sems kun tu g.yo bar byed pa'i ngo bo yin la/ shes rab ni yon tan dang nyes pa la rtog pa'i rnam par zhugs pa yin te/ de gnyis kyi dbang gis sems 'jug pas na/ de'i phyir bar 'ga' ni sems dang sems pa gnyis la rtog pa zhes gdags te/ gang gi tshe yang mngon par mi rtog pa'o/ /bar 'ga' ni shes rab dang sems gnyis la gdags te/ gang gi tshe mngon par rtogs pa'o/ /'di nyid la bshad pa gzhan bya ba'i phyir/ yang na sems pa dang shes rab gnyis kho na la zhes bya ba la sogs pa smras te/ yang na sems pa dang shes rab gnyis kho na la rtog pa gdags par bya yi/ sems la ni ma yin te/ 'di ltar shes rab dang sems dpa' i dbang gis sems de ltar mngon par rtog pa dang/ mngon par mi rtog pa'i rnam par 'jug par 'gyur ro/ /'di'i rnam grangs bstan pa'i phyir/ de nyid sems rtsid ba'o zhes bya ba smras te/ de ni go bas ma bshad do/ /rtsing ba zhes bya ba gang yin snyam pa la/ rtsid ba zhes bya ba ni che long ste/ zhes bya ba la sogs pa smras so/ /che yod ni rtsid ba nyid de/ 'di ltar dngos po tsam kun du 'tshol ba yin gyis/ bye brag du kun du 'tshol ba ma yin no/ /rig pa 'di gzhan la yang bstan pa'i phyir/ tshul 'di ni zhes bya ba la sogs pa smras so/ /de nyid bstan pa'i phyir/ dpyod pa yang sems pa dang zhes bya ba la sogs pa smras so/ /'di ltar spyod pa yang shes rab dang sems dpa' i bye brag gi ngo bo nyid de/ so sor rtog pa'i rnam par rtog pa'i yid kyi brjod pa nyid do/ /ci'i phyir so sor rtog pa la spyod ba zhes bya snyam pa la/ so sor rtog pa'i yid kyis brjod pa nyid de zhes bya ba la sogs bsmras so/ /'di ltar sngar khong du chud pa'i don la 'di'o zhes dpyod pa'i rnam par zhugs pa no? spyod pa ste/ de'i phyir spyod pa sems zhib ba zhes bya'o/ /'di gnyis kyi las bstan pa'i phyir/ 'di gnyis ni reg par gnas pa dang/ zhes bya ba la sogs pa smras te/ mngon par 'byung ba la rtog pa la sogs pa ni reg par gnas pa'i rgyu dag go /'dod pa la rtog pa dag la sogs pa ni reg par mi gnas pa'i rgyu dag go /gal te 'di gnyi pa/ yang shes rab dang sems pa'i ngo bo nyid yin na/ ci'i phyir tha dad du bshad ce na/ 'di gnyis ni rtsing pa dang zhes bya ba la sogs pa smras so/ /'di ltar 'di gnyis ni rtsing ba dang zhib par dbye ste/ de'i phyir tha dad du bshad do/ /gnyis rnam gnyis shes gang smos pa 'di'i don gang yin snyam pa la/ gnyis rnam gnyis zhes bya ba smras so/ /de dgrol ba'i phyir/ gnyis gnyis pa gnyis zhes bya ba smras te/ gnyis pa rnam gnyis zhes bya ba'i tha tshig go /gnyis de dag gang yin snyam pa la/ de dag ni zhes bya ba la sogs pa smras te/ 'gyod pa dang gnyid ni gnyis pa gcig go /rtog pa dang spyod pa ni gnyis pa gcig go /'di dag ni rnam pa gnyis su bstan pa'i phyir/ chos de bzhi ni rnam pa gnyis te/ nyon mongs pa can dang nyon mongs pa can ma yin pa'o/ /zhes bya ba smras te/ de ni go slabs ma bshad do/ /nyon mongs pa can rnams ni gang nyon mongs pa can ma yin pa rnams ni gang yin snyam pa la/ /de la mi dge ba ma byas te zhes bya ba la sogs pa smras so/ /srog chags de ma bsad pa dang/ sbyin pa spyin pa ni bdag gis ma legs pa zhig byas so snyam du de ltar yid la gcags pa skye ba gang yin pa de ni 'gyod pa nyon mongs pa can no/ / de las bzlog pa ni 'gyod pa nyon mongs pa can ma yin par rig par bya'o/ /gnyid kyang nyon mongs can gyi sems dang mtshungs par ldan pa 'am/ nyon mongs pa can gyi sems kyis 'phangs pa gang yin pa de nyon mongs pa can no/ /de las bzlog pa ni nyon mongs pa can ma yin par rigs par bya'o/ /de bzhin du rtog pa yang 'dod pa la rtog pa la sogs pa gang yin pa de dag ni nyon mongs pa can rnams so/ /gang dag mngon par 'byung ba la rtog pa la sogs pa de dag ni nyon mongs pa can ma yin pa rnams so/ /de bzhin du dpyod pa yang bdag gis gzhan la gnod par bya ba'i thabs spyod pa de ni nyon mongs pa can no/ /gang gis gzhan la phan gdags pa'i thabs dpyod pa ni nyon mongs pa can ma yin pa'o/ /de dag gi nang na nyon mongs pa gang yin pa la/ de la 'gyod pa dang gnyid dang zhes bya ba la sogs pa smras te/ de ni go sla bas ma bshad do/ /rab tu byed pa'i don mdza' dag 'jug bsdu pa'i phyir/ de la ji ltar gzugs dang sgra la sogs pa dmigs pa drug po dag ces bya ba la sogs pa smras so/ /yid bde ba'i gnas zhes bya ba la gnas zhes bya ba'i sgra ni 'dir rjes su mthun pa'am rgyu la bya'o/ /lhag ma ni go sla bas ma bshad do/ /gong du smos pa'i don gyi 'jug sdu ba 'di ni bde blag du dran par bya ba dang/ zin par bya ba'i phyir byas so/ /de ltar skabs rdzogs par byas nas skabs gzhan bya ba'i phyir/ da ni 'di bsam par bya ste zhes bya ba la sogs pa smras so/ /gang gi tshe mig gi rnam par shes pa la sogs pa lnga po dag cig car dmigs pa'i rkyen dang phrad kyang de'i tshe/ ci kun gzhi rnam par shes pa las rnam par shes pa gcig kho na 'byung bar 'gyur gyi/ gnyis dang mang po ni mi 'byung dam snyam pa la/ phyogs 'di yod pa'i dbang bstan pa'i phyir/ ji ltar kha cig sems pa zhes bya ba la sogs pa smras te/ mdo sde pa la sogs pa ni rnam par shes pa gnyis dang/ mang po dag cig car 'byung du de ma thag pa'i rkyen med de/ de'i phyir rnam par shes pa cig kho na 'byung bar 'gyur te/ gang gi mang po cig car 'byung bar 'gyur ba rnam par shes pa mang po rnams kyi de ma thag pa'i rkyen rnam par shes pa gcig gis mi nus so snyam du sems so/ /phyogs gnyis pa bstan pa'i phyir/ 'on te nges pa med de zhes bya ba la sogs pa smras so/ /gal te rkyen gcig dang phrad na/ rnam par shes pa gcig kho na 'byung la/ gal te gnyis dang mang po dag gi rkyen dang phrad par gyur na yang/ de'i tshe gnyis dang mang po dag 'byung bar 'gyur ro zhes phyogs snga ma'o/ / grub pa'i mdza' smra bas/ lnga rnams rtsa ba'i rnam shes las zhes bya ba la sogs pa smras te/ rnam par shes pa lnga po dag ni rkyen ji lta ba bzhin du rtsa ba'i rnam par shes pa las 'byung bar 'gyur te/ res 'ga' ni cig car res 'ga' ni rim gyis so/ /dper na rkyen ji lta ba bzhin du chu la rlabs rnams 'byung ba dang mtshungs so zhes mdor byas pa'i don to/ tshig gi don rnams ni dag gi don rtogs pa'i sngon du 'gro bas/ tshig gi don bstan pa'i phyir/ lnga rnams zhes bya ba ni zhes bya ba la sogs pa smras te/ de ni go slabs ma bshad do/ /rtsa ba'i rnam par shes pa ji lta bu zhig ci'i phyir de la de skad ces bya snyam pa la/ lnga po rnams kyi sa bon gyi gnas yin pas zhes bya ba la soT pa smras te/ 'di ltar kun gzhi rnam par shes pa ni rnam par shes pa lnga po dag gis sa bon gyi gnas yin pa dang/ 'di ltar yang de ni 'gro ba rnams su skye ba yongs su 'dzin par byed de/ de'i phyir kun gzhi rnam par shes pa ni rtsa ba'i rnam par shes pa zhes bya'o/ /de las skye bas na de ni sa bon gyi gnas nyid de rgyu yin no/ /rkyen gyi rjes su mthun par bstan pa'i phyir/ ji lta'i rkyen las zhes bya ba ni zhes bya ba la sogs pa smras te/ de ni go sla bas ma bshad do/ /bdag thob pa'i sgras ni skyes par bstan to/ /lhan cig gam ma yin zhes bya ba 'dis ni cig char dang rim gyis shes bstan te/ /cig car dang rim gyis ji ltar 'byung snyam pa la/ chu la rlabs rnams ji bzhin no zhes bya ba la sogs pa smras te/ de ni go sla bas ma bshad do/ /dpe 'di gang nas 'byung snyam pa la/ ji skad du blo gros yangs pa dper na zhes bya ba la sogs pa smras so/ /bcom ldan 'das kyis byang chub sems dpa' blo gros yangs pa zhes bya ba la sa bon nas dpe 'di dag gsungs so/ /rgyu ni 'bab pa'i sgrar bstan to/ /chad pa ni rgyun chad pa'i sgrar bstan to/ /yongs su zad pa ni zad pa'i sgrar bstan to/ /mdor byas pa'i blon lhag ma ni go sla pas ma bshad do/ /kun bzhi rnam par shes pa chu po dang mtshungs pa nyid du rab tu sgrub pa'i phyir/ lungs gnyis pa 'di la tshigs su bcad zhes bya ba la sogs pa smras so/ /len pa'i rnam par shes pa gang yin pa de ni zab cing phra ba ste/ chu bo ltar dus thams cad du 'jug go /sa bon thams cad kyi gnas kyang de yin no/ so so'i skye bo dag kun gzhi rnam par shes pa la bdag tu 'dzin par 'gyur na mi rung ngo/ /zhes so so'i skye bo'i 'khor gyi nang du ngas de ma bstan to/ /byis pa rnams kyi yul ma yin pas zab pa'o/ /'phags pa rnams kyi yul yang ma yin bas phra ba'o/ /de ltar re zhig lung gis rnam par shes pa mang po dag cig car 'byung bar bstan nas/ rigs pas kyang bstan pa'i phyir/ rnam par shes pa dmigs pa'i rkyen so sor nges pa bzhin du zhes bya ba la sogs pa smras te/ ji ji ltar mig la sogs pa'i rnam par shes pa rnams kyi dmigs pa'i rkyen so sor nges pa/ mig gi rnam par shes pa'i gzugs dang/ de bzhin du rna ba'i rnam par shes pa'i sgra nyid ces bya ba la sogs pa de bzhin du/ mig gi rnam par shes pa la sogs pa'i de ma thag pa'i rkyen ni so sor nges par mi 'dod de/ 'di ltar mig gi rnam par shes pa skye ba la rnam par shes pa drug po dag kyang ri ma gyis de ma thag pa'i rkyen gyi dngos po byed do/ /de bzhin du drug po dag ni rim gyis yid kyi rnam par shes pa'i bar gyi de ma thag pa'i rkyen du khas len to/ /de'i phyir gang gi tshe dmigs pa'i rkyen dang phrad par gyur pa de'i tshe/ de ma thag pa'i rkyen gcig bu las kyang rnam par shes pa gnyis dang mang po 'byung ste/ 'gal ba med do/ /ci ste de ltar mi 'dod na de'i tshe de ma thag pa'i rkyen kyang des pa med la/ lnga po dag gi dmigs pa'i rkyen dang cig car phrad kyang rnam par shes pa gcig kho na 'byung gi/ lnga char mi 'byung ngo zhes bya ba 'di la gtan tshigs ci yod brjod dgos so/ /de ltar 'di la nges pa'i gtan tshigs cung zad kyang mi snang ste/ de bas kyang dmigs pa yod par gyur na/ yang na ni rnam par shes pa lnga char 'byung bar 'gyur ro/ /yang na ni gcig kyang 'byung bar mi 'gyur ro/ /yang skabs gzhan bya ba'i phyir/ da ni 'di brjod par bya ba ste/ zhes bya ba la sogs pa smras pa ni 'bri ba'i don te/ don de ni go sla bas ma bshad do/ /grub pa'i mdza' smra bas yid kyi rnam par shes 'byung ba ni zhes bya ba la sogs pa smras so/ /'du shes med pa la sogs pa ma gtogs par dus thams cad du yid kyi rnam par shes pa 'byung ngo zhes mdor byas pa'i don to/ /tshig gi don bstan pa'i phyir rtag tu'o zhes bya ba ni zhes bya ba la sogs pa smras te/ gang na yid kyi rnam par shes pa mi 'dod pa der bzlog pa'i phyir spyi btang pa 'di'i zhes bya ba la sogs pa smras so/ /yid kyi rnam par shes pa dus thams cad du 'byung bar khas blangs mod kyi/ 'on kyang 'du shes med pa pa ma gtogs/ 'gog pa dang 'du shes med pa'i snyoms par 'jug pa gnyis ma gtogs/ sems med pa'i gnyid dang/ sems med pa'i brgyal pa ma gtogs par yid kyi rnam par shes pa 'byung par 'dod do/ /spyi bya ba ni spyir btang ba zhes bya'o/ / bye brag du bya ba ni dmigs kyis bsal ba zhes bya'o/ /'o na 'du shes med pa bzhes bya ba de gang yin snyam pa la/ de la 'du shes med pa pa ni zhes bya ba la sogs pa smras so/ /'du shes med pa pa'i sems can dag ni lha rnams las kha cig go zhes 'byung ste/ de dag gi nang du skyes pa'i sems dang sems las byung ba rnams 'gog pa gang yin pa de 'du shes med pa pa zhes bya'o/ /sus 'dod pa'i khams su 'du shes med pa'i snyoms par 'jug pa bskyed pa de ni 'du shes med pa'i lha rnams kyi nang du skye'o/ /sus 'dod pa'i khams su 'gog pa'i snyoms par 'jug pa bskyed pa de ni srid pa'i rtse mor skye'o/ /'du shes med pa pa ni ci yang mi shes te/ don med par gnas so/ /snyoms par 'jug pa gnyis gang yin snyam pa la/ snyoms par 'jug pa gnyis ni zhes bya ba la sogs pa smras te/ de ni go sla bas ma bshad do/ /'du shes med pa'i snyoms par 'jug pa gang yin snyam pa la/ de la 'du shes med pa'i snyoms par 'jug pa ni zhes bya ba la sogs pa smras so/ /bsam gtan gsum pa'i 'dod chags dang bral ba la gong ma'i 'dod chags dang ma bral ba'i rnal 'byor pa'i thar pa'i lam snyam du 'du shes sngon du gtang pa'i yid la byed pas/ yid kyis rnam par shes pa dang de mtshungs par lngan pa'i sems las byung pa rnams 'gog pa gang yin pa ste/ gsungs pa 'di la 'du shes med pa'i snyoms par 'drug pa zhes bya'o/ /rnam par bsgrub pa bstan pa'i phyir/ 'dis 'gog par 'gyur bas 'gog ba'o/ /zhes bya ba smras te de ni de nyid kyis bshad zin to/ /de 'dra ba de gang yin snyam pa la/ de yang yang kyi rnam par shes pa mtshungs par ldan ba dang bcas pa zhes bya ba la sogs pa smras te/ yid kyi rnam par shes pa 'khor dang bcas par 'byung ba gang gis 'gog pa zhes bya'o/ /de ni gnas skabs kyi bye brag 'ga' zhig yin gyi/ ji ltar gcig gis yongs su btags pa ltar rdzas ni med do/ /dge ba las sems rtse gcig pa nyid snyoms par 'jug ba zhes mi bya 'am/ 'o na ji ltar sems pa sems las byung ba 'gog pa la snyoms par 'jug ba zhe na/ de'i phyir snyoms par 'jug pa de yang sems kyi 'og tu zhes bya ba la sogs pa smras so/ 'di ltar snyoms par 'gog pa ni sems kyi 'og tu sems gzhan 'byung ba dang mi mthun ba'i gnas thob par byed de/ de'i phyir sems dang sems las byung ba 'gog pa de snyoms par 'jug pa zhes bya'o/ /gnyis pa bstan pa'i phyir zhes bya ba la sogs pa smras so/ /ci yang med pa'i skye mched kyi 'dod chags dang bral ba'i rnal 'byor ba'i zhi bar gnas pa'i 'du shes sngon du gter pa'i yid la byed pas/ yid kyi rnam par shes pa 'khor dang bcas pa dang nyon mongs pa can gyis yid 'gog pa gang yin pa de/ 'gog pa'i snyoms par 'jug pa zhes bya'o/ /zhi bar gnas pa'i 'du shes sngon du btang ba zhes bya ba ni gnas pa 'di ni zhi ba'o snyam du rnam pa de lta bu'i blo sngon du byas nas/ phyis snyoms par 'jug go zhes bya ba'i tha tshig go/ 'di yang btags pa'i yong par bsten pa'i phyir/ 'di yang 'du shes med pa'i snyoms par 'jug pa bzhin du zhes bya ba la sogs pa smras te/ ji ltar 'du shes med pa'i snyoms par 'jug pa gnas kyi gnas skabs kyi bye brag la gdags pa de bzhin du/ 'di yang de la gdags zhes bya ba'i tha tshig go/ sems med pa'i gnyid ji lta bu zhag yin snyam pa la/ sems med pa'i gnyid ni zhes bya ba la sogs pa smras te/ 'di ltar gang gi tshe gnas gnyid stug pos non par gyur pa de'i tshe/ dus de srid gcig tu yid kyi rnam par shes pa mi 'byung ste/ de'i phyir sems med bzhes bya'o/ /sems med pa'i brgyal pa ji lta bu zhig yin gang la rnam pa gzhag snyam pa la/ sems med pa'i brgyal ba ni zhes bya ba la sogs pa smras te/ blo bur du snang ba dang/ yang na khams shes ma mnyam pas dus de srid cig tu yid kyi rnam par shes pa 'byung pa dang/ mi mthun pa'i lus ma snyoms bar 'gyur ba gang yin pa'i gnas mi mnyam pa de la sems med pa'i brgyal ba nyi bar 'dogs so/ /mjug bsdus te bstan pa'i phyir/ gnas skabs lnga po dag ma gtogs la zhes bya ba la sogs pa smras ba ni 'jug bsdu ba'i don te goms bsam bshad de/ /yid kyi rnam par shes pa'i dbang du byas te 'dri ba'i phyir/ de ltar 'du shes med pa pa la sogs pa smras te/ gang gi tshe 'du shes med pa ba la sogs pa dang bral ba de'i tshe/ gang gi rnal 'byor ba de thal byung du 'chi ba'i dus byed par mi 'gyur ba'i rnam par shes pa de gang las 'byung zhe na/ grub pa'i mdza' smra bas de ni kun gzhi rnam par shes pa nyid las 'byung ste/ zhes bya ba la sogs pa smras so/ /'du shes med pa la sogs pa las langs pa'i yid kyi rnam par shes pa de ni rkun gzhi rnam par shes pa nyid las 'byung ste/ 'di ltar kun gzhi rnam par shes pa de ni rnam par shes pa thams cad kyis bon dang ldan pa'o/ / 'og ma dang mtshams sbyar bar bya ba'i phyir rnam par shes par gyur pa gang la zhes bya ba la sogs pa smras te/ don de ni go slabs ma bshad do/ /de ni bdag dang chos rnams rnam par shes pa gyur pa las phyi rol na med ngo zhes gang de med bcas pa de rab tu sgrub pa'i phyir/ rnam par shes pa gyur pa 'di zhes bya ba la sogs pa smras so/ /rnam par shes pa gyur pa gang yin pa de ni rnam par rtog pa ste/ rnam par rtog pa des dngos po gang ci rnam par brtags pa de thams cad ni med pa'o/ /de bas na 'gro ba 'di thams cad ni rnam pa rig pa rtsam mo zhes mdor byas pa'i don to/ /yan lag gi don bstan pa'i phyir/ rnam par shes pa gyur ba rnam pa gsum bshad ma theg pa gang yin pa de na zhes bya ba la sogs ba smras so/ /don de ni brda phrad par zad do/ /rnam par rtog pa'i dang gi ngo bo bstan pa'i phyir sgro btags pa'i don gyis rnam pa zhes bya ba la sogs pa smras te/ khams gsum ba'i sems dang sems las byung ba sgro btags pa'i don gyi rnam par 'byung ba gang yin pa de dag rnam par rtog pa'i sgrar brjod do/ /'dir dbus dang mdza' rnam par 'byed pa khungs su bya ba'i phyir/ ji skad du zhes bya ba la sogs pa smras te/ de las khams gsum pa'i sems dang sems las byung ba rnams ni yang dag pa ma yin pa kun du rtog pa zhes 'byung ngo/ /ci'i phyir rnam par shes pa gyur pa rnam par rtog pa'i sgrar brjod snyam pa la/ rnam par rtog pa rnam pa gsum po zhes bya ba la sogs pa smras te/ 'di ltar kun gzhi rnam par shes pa la sogs pa dang mtshungs par ldan pa dang bcas pa rnam par rtog pa rnam pa gsum bo de snod la sogs ba'i dngos po gang rnam par brtags pa de yang dag pa'i don du na med do/ /de bas ni rnam par shes pa gyur pa de ni rnam par rtog pa zhes bya ste/ 'di ltar de ni dmigs ba ni dngos por yod pa ma yin no/ /phyi rol gyi don du smra ba yid ma ches nas/ de'i dmigs ba med par ji ltar shes zhe na zhes 'dri ste/ rnam par rtog pa'i dmigs pa dngos po med pa yin no zhes bya ba de ji ltar shes grub pa'i mdza' smra bas gang gi rgyu gang yin pa de zhes bya ba la sogs pa smras so/ /gang gi rgyur gang 'dod pa de tshogs pa dang 'gal ba yang med na/ de 'byung par 'gyur gyi/ gzhan du na ni ma yin te/ 'di ni 'di lta bu'i tshul du gnas pa'o/ /rnam par shes pa ni sgyu ma la sogs pa don med par yang 'byung ste/ de bas na don gyi khar ma las par rnam par shes pa 'byung bas kho bos shes so/ /gal te rnam par shes pa 'byung ba dmigs pa'i khar las pa yin na ni/ de'i tshe sgyu ma la sogs pa dag la don med pas rnam par shes pa 'byung bar mi 'gyur ro/ /mjug bsdu ba'i thabs kyis rnam par shes pa'i gtan tshig bstan pa'i phyir/ de bas na snga ma 'gags pa de dang zhes bya ba la sogs pa smras te/ de ltar rnam par shes pa phyi'i don gyi khar rag las pa ma yin no/ /de bas na snga ma 'gags pa dang 'dra ba'i rnam pa nyid las rnam par shes pa 'byung gis/ phyi'i ngon las ni 'byung ba ma yin te/ 'di ltar phyi'i don med kyang rnam par shes pa de 'byung ba'i phyir ro/ /de ltar re zhig ma tshang ba bstan nas/ 'gal ba bstan pa'i phyir/ don tha dad pa ma yin pa la yang rtog par byed pa rnams shes bya ba la sogs pa smras te/ dngos po gcig la yang rtog par byed pa rnams kyi rtog pa la ro dang 'dod pa can dang/ bza' ba la sogs pa'i rnam pa phan tshun mi mthun pa snang ngo/ /'di la 'di ltar 'gyur te/ dngos po gcig kho na la du ma'i rnam par rig ba 'byung ngo zhe na/ de'i phyir/ gcig ni zhes bya ba la sogs pa smras te/ dngos po gcig ni phan tshun 'gal bdu ma'i bdag nyid du mi rung ngo/ /de ltar na de'i phyir sgro btags pa'i rnam pa yin pas rnam par rtog pa'i dmigs pa med par khong du chud par bya'o/ /'jug bsdu ba bstan pa'i phyir 'dis/ re zhig ces bya ba la sogs pa smras te/ rnam par rtog pa'i yul med pa'i tshig gis sgro btags pa'i mdza' spangs so/ /da ni skur pa 'debs pa'i mdza' spangs par 'dod nas/ des na 'di thams cad rnam par rig tsam zhes bya ba la sogs pa smras so/ /de dgrol ba'i phyir des na zhes bya ba ni de bas na'o zhes bya ba la sogs pa smras te/ 'di ltar gyur ba'i ngo bo nyid kyi rnam par rtog pas bdag la sogs pa dngos po gang rnam par btags pa de/ yang dag pa'i don du na med do/ /rnam par rtogs pa de ni yod do/ /de bas na yul ni med la rnam par rtog pa ni yod pas thams cad rnam par rig pa tsam mo/ /yan lag gi don bstan pa'i phyir/ thams cad ces bya ba ni zhes bya ba la sogs pa smras te/ khams gsum pa dang 'dus ma byas ni thams cad kyi sgrar bstan to/ zhes bya ba'i tha tshig go/ tsam gyi sgra gang yin pa de ni rnam par rig pa las lhag pa'i yul rnam par gcad pa'i phyir ro/ /pa zhes bya ba ni 'dir chung du dang thung du dang snang ba dang bsngags pa'i don ma yin gyi/ tshigs su bcad pa'i rtsa ba kha bskang pa'i don to/ /pha rol gyi tshig gi blags su 'gyur du dogs nas gal te thams cad rnam par rig pa tsam kho nas te zhes bya ba la sogs pa smras so/ /gal te yang dag pa'i don du na thams cad rnam par rig pa tsam nyid de rnam par rig pa tsam de las byed pa po 'am byed pa gzhan med na/ rtsa ba'i rnam par shes pa byed pa po gang gis kyang byin gyis ma brlabs pa las byed pa med par rnam par rtog pa sna tshogs dag ji ltar 'byung ba brjod dgos so snyam pa la/ 'dir grub ba'i mdza' smra bas rnam par shes pa sa bon thams cad pa zhes bya ba la sogs pa smras te/ kun gzhi rnam par shes pa nyid phan tshun gyi stobs kyis de lta de ltar 'gyur bar 'gro ste/ byed pa po dang byed pa med par yang de la rnam par rtog pa de dang de dag skye'o zhes mdor byas pa'i don to/ /'gro la pa byed pas yan lag gi don bstan pa'i phyir/ de la chos thams cad skyed nus pa dang zhes bya ba la sogs pa smras so/ /'di ltar kun gzhi rnam par shes pa ni chos thams cad skyed nus pa dang ldan te/ de'i phyir sa bon thams cad pa zhes bya'o bye brag gnyig smos pa'i dgos pa bstan pa'i phyir/ rnam par shes pa ni zhes bya ba la sogs pa smras so/ /'di ltar sa bon thams cad pa ma yin pa'i rnam par shes pa yang yod do/ 'jug pa'i rnam par shes pa zhes bya'o/ /de bas na de las rnam par dbye ba'i phyir/ sa bon thams cad ces bye brag 'di byas so/ /rnam par shes ba ma gtogs bar gtso bo la sogs pa la/ sa bon thams cad par kha cig kun tu rtog ste/ de bas na de rnam par gcad pa'i phyir rnam par shes pa smos so/ /'di nyid la bshad pa gzhan bya ba'i phyir/ yang na tshig gcig la 'khrul pa yod pa'i phyir zhes bya ba la sogs pa smras so/ /dper na utpa sngon po zhes bya ba 'di la ni tshig gnyi ga 'khrul pa yod pas bye brag dang bye brag gi gzhi'i dngos por 'gyur te/ thams cad la de lta ma yin no/ /la lar ni tshig gcig la 'khrul pa yod kyang bye brag dang bye brag gi gzhi nyid du 'gyur te/ dper na sa'i rdzas dang chu'i rdzas zhes bya ba lta bu'o/ /'di ltar chu la ni rdzas su 'khrul pa med mod kyi/ 'on kyang bye brag rdzas smos so/ /de bzhin du 'dir yang sa bon thams cad ni rnam par shes pa nyid yin par la brul ba med kyi/ 'o na kyang rnam par shes pas bye brag du dbye'o/ /yan lag gzhan bshad pa bya ba'i phyir/ de de ltar 'gyur bar 'gro zhes bya ba la sogs pa smras so/ /snga ma'i gnas skabs dang mtshan nyid mi 'dra bar 'gyur ba ni 'gyur ba ste/ de ni rnam par rtog pa de dang de'i 'og ma skyed nus pa'i gnas skabs thob pa'i mtshan nyid do/ /phan tshun dbang gis zhes bya ba de ni 'di ltar zhes bya ba la sogs pas brjod do/ /mig la sogs pa'i rnam par shes pa gang gi tshe rang gi nus pa yongs su gso ba'i phyir 'jug pa de'i tshe kun gzhi rnam par shes pa nus pa khyad par can gyi rgyu'i dngos por 'gyur ro/ /kun gzhi rnam par shes pa 'gyur ba de yang mig la sogs pa'i rnam par shes pa de'i rgyur 'gyur ro/ /de ltar na gang gi phyir phan tshun gyi stobs kyis gnyi ga 'jug pa de'i phyir kun gzhi rnam par shes pa sus kyang byin gyis ma brlabs pa nyid las rnam par rtog pa du ma de dang de skye bar gnas so/ /'og ma dang mtshams sbyar bar bya ba'i phyir/ 'dir ni da ltar gyi tsha la zhes bya ba la sogs pa smras te/ kun gzhi rnam par shes pa dang 'jug pa'i rnam par shes pa dag rgyu dang 'bras bu'i dngos por bstan pa gang yin pa de'i tshe 'di nyid la ltas te bstan pa'o/ /da na di ltar gyi tshe las ma 'ongs pa'i tshe ji ltar 'byung bar 'gyur ba de rab tu bstan pa'i phyir/ las kyi bag chags 'jin gnyis kyi zhes bya ba la sogs pa smras te/ kun gzhi rnam par shes pa zhes bya ba rnam par smin pa sngon gyi las rnams kyis 'phangs bar 'gyur ba gang yin pa de zad nas/ las kyi bag chags dang 'dzin pa gnyis kyi bag chags dang bcas pas rnam par smin pa gzhan kun gzhi rnam par shes ba nyid skyed do zhes ba nyid skyed do zhes mdor byas pa'i don to/ /'grel pa byed pas yan lag gi don bstan pa'i phyir/ bsod nams dang bsod nams ma yin pa zhes bya ba la sogs pa smras te/ bsod nams dang bsod nams ma yin pa dang mi g.yo ba'i sems pa gang yin ba de ni las so/ /rnam pa de lta bu'i las de ma 'ongs pa'i lus mngon par 'grub par kun gzhi rnam par shes pa la nus pa skyed pa gang yin pa de las kyi bag chaD zhes brjod do/ /'jig pa gnyis bstan pa'i phyir/ 'dzin pa ga nyis ni zhes bya ba la soD pa smra ste/ gzung bar mngon par zhe na pa dang/ 'dzid par mngon par zhen pa de ni 'dzin pa gnyis so/ /'di gnyis kyi so so rang gi ngo bo bstan pa'i phyir/ de la rnam par shes pa las gung na zhes bya ba la sogs pa smras te/ rnam par shes pa ma gtogs par rang yod pas gnas pa'i bzung ba bdag nyid kyis yod par lhag par chags pa gang yin pa de ni bzung bar 'dzin pa'o/ /gzung ba rnam ba de lta bu de yang rnam par shes pas 'dzin par nges pa gang yin pa de ni 'dzin par 'dzin pa'o/ /de'i bag chags bstan pa'i phyir sngon du byung ba'i 'dzin pa dang zhes bya ba la sogs pa smras te/ sngon byung ba'i 'dzin pa gnyis kyis btab 谡 ma 'ongs pa de'i rigs kyi 'dzin pa gnyis 'byung ba'i sa bon gang yin pa de 'dzin pa gnyis kyi bag chags so/ /de ltar bag chags de bshad nas de gnyis kyi las rab tu bstan po'o phyir/ de las kyi bag chags kyi bye brag gis zhes bya ba ba sogs pa smras te/ dge ba'i las kyis bag chags rnams kyis mi la sogs pa ba'i 'gro ba tha dad par lus tha dad par 'gyur/ mi dge ba'i las kyi bag chags kyi sems can dmyal ba la sogs pa'i 'gro ba tha dad par lus tha dad par 'gyur te/ dper na 'bras bu la sogs pa'i sa bon tha dad bas myu gu tha dad par 'gyur ba bzhin no/ /'di la 'dzin pa gnyis kyi bag chags gang yin pa de ni las kyi bag chags ji ltar rang gis 'phangs pa'i lus skyed pa la zhugs pa thams cad kyi lhan cig byed pa nyid du 'gyur te/ dper nas bon gyi myu gu skye ba na sa dang chu la sogs pa lhan cig byed pa'i rkyen du 'gyur ba bzhin no/ /mjug bsdu ba bstan pa'i phyir/ de ltar na las kyi bag chags 'ba' zhig ma yin gyis zhes bya ba la sogs pa smras so/ /las kyi bag chags 'phen par byed pa 'dzin pa gnyis kyi bag chags kyi lhan cig byed pa gang yin pa de las tshig gi don 'di 'byung ste/ 'dzin pa gnyis kyi bag chags med par las kyi bag chags 'ba' zhig gis rnam par smin pa skyed mi nus so zhes bya bar 'gyur ro/ /de'i phyir zhes bya ba la sogs pas ni don de nyid bstan par byed do/ /yang yan lag gzhan bshad par bya ba'i phyir/ snga ma'i rnam par smin pa zad nas zhes bya ba la sogs pa smras te/ sngon gyi tshe rabs dag na bsags pa'i las gang yin pa'i las des tshe 'di la rnam par smin pa bsgrubs pa gang yin pa de 'phangs pa'i dus kyi mdza' la gnas pa na las kyi bag chags stobs dang ldan par gyur pa gang yin pa te/ de'i tshe 'dzin pa gnyis kyi bag chags dang bcas pas rnam par smin pa gzhan kun gzhi rnam par shes pa de nyid skyed do/ /de'i phyir kun gzhi rnam par shes pa ma gtogs par/ rnam par smin pa gzhan med do/ /tshig le'ur byas pa'i don gyi mjug bsdu ba bstan pa'i phyir/ snga ma'i rnam par smin pa zad nas zhes bya ba la sogs pa smras te/ de ni go sla bas ma bshad do/ /'dir mdo sde bas phyir brgal? ba'i phyir/ mig la sogs pa'i rnam par shes pa ma gtogs par zhes bya ba la sogs pa smras te/ kun gzhi rnam par shes pa yod de/ sa bon thams cad pa yin na ni rig pa brjod dgos so zhes bya ba'i tha tshig go /grub pa'i mdza' smra bas/ gnyig yang sgrub pa'i phyir/ lung dang rigs pas yod par mngon te zhes bya ba la sogs pa smras te/ 'di ltar theg pa chen po'i chos mngon pa'i mdo las/ bcom ldan 'das kyis thog ma med pa'i dus kyi dbyings dang/ kun nas nyon mongs pa'i chos thams cad kyi gnas te de yod na 'gro ba lnga bo thams cad yod do/ /de yod na mya ngan las 'das pa yang thob par 'gyur ro zhes gsungs te/ de'i phyir kun gzhi rnam par shes pa yod de de yang sa bon thams cad par grub po/ /kun gzhi rnam par shes pa ma gtogs pa ni thog ma med pa'i dus kyi dbyings dang/ kun nas nyon mongs pa'i chos thams cad kyi gnas su gang yang mi 'thad do/ /dbyings ni 'dir rgyu'i sgrar bstan to/ /sa bon thams cad pa ni chos thams cad kyi gnas kyi sgrar bstan to/ /rigs pa bstan pa'i phyir/ kun gzhi rnam par shes pa med na zhes bya ba la sogs pa smras te/ de ni go sla bas ma bshad do/ /'jug pa dang ldog pa gnyis kyi rang gi ngo bo bstan pa'i phyir/ de la 'khor bar 'jug pa ni zhes bya ba la sogs pa smras te/ rigs 'thun pa gzhan dag tu mtshams sbyar bar byed pa gang yin pa de ni 'khor bar 'jug pa'o/ /phung po'i lhag ma dang bcas pa phung po'i lhag ma med pa'i mya ngan las 'das pa'i dbyings gang yin pa de ni 'khor ba de ldog pa'o/ /phung po'i lhag ma dang bcas pa ni phung po'i lhag ma dang lhan cig pa'o/ /'di ltar phung po'i lhag ma dang bral ba de ni phung po'i lhag ma med pa'o/ /phung po'i sgra ni phung po rnams la bya'o/ /lhag ma'i sgra ni cha la'o/ /cha ni gnyis te/ nyon mongs pa'i cha dang/ phung po'i cha'o/ /de'i phyir phung po'i cha yod bzhin du nyon mongs pa'i cha spangs pa'o zhes bstan pa yin no/ /bcas pa'i sgra ni yod pa la bya bar yang mthong ste/ dper na pong mo bong phrug bcu dang bcas ba lhan cig kha la khyer ro zhes bya ba lta bu ste/ de la yod par bshad do/ /ji ltar na 'jug pa med par 'gyur snyam pa la/ de la kun gzhi rnam par shes pa las/ gzhan zhes bya ba la sogs pa smras te/ 'du byed kyi rkyen gyis rnam par shes pa zhes 'byung ba gang yin pa de ni kun gzhi rnam par shes pa ma gtogs par gzhan mi srid/ 'du byed kyi rkyen gyis rnam par shes pa med par ni 'jug pa mi 'thad do/ /rnam par shes pa gzhan 'du byed kyi rkyen las 'byung bar ci'i phyir mi rung snyam pa la/ kun gzhi rnam par shes pa khas mi len na zhes bya ba la sogs pa smras te/ gang dag kun gzhi rnam par shes pa khas mi len pa de dag nyid mtshams mi sbyor bar rnam par shes pa ni 'du byed kyi rkyen las 'byung bar rtog ste/ dper na bye brag tu smra ba rnams kyis btags pa lta bu 'am 'du byed kyis yongs su bsgos pa'i rnam par shes pa'i tshogs drug yin par yongs su rtog ste/ dper na mdo sde pa lta bu yin grang na/ rnam par rtog pa dang po'i dbang du byas te/ de la 'du byed gang yin pa de dag ni zhes bya ba la sogs pa smras te/ 'du byed gang yin pa de dag ni nying mtshams sbyor ba'i rnam par shes pa'i rkyen nyid du mi 'dod de/ de dag ni 'gags nas yun ring du lon pa'i phyir ro/ /de bas na rdzas su yod pa ma yin no/ /med pa ni rkyen du mi 'thad do/ /de lta bas na 'du byed ni nyid mtshams sbyor ba'i rnam par shes pa'i rkyen du mi rung ngo/ /'di nyid la nyes ba gzhan bstan pa'i phyir/ nying mtshams sbyor ba'i tshe ni zhes bya ba la sogs pa smras so/ /nying mtshams sbyor ba'i dus ni ming dang/ gzugs mdza' dag kyang yod de/ rnam par shes pa 'ba' shig ni ma yin na/ de la nyid mtshams sbyor ba'i tshe/ 'du byed rnam par shes pa nyid kyi rkyen yin gyis/ ming dang gzugs kyi rkyen ni ma yin no/ /zhes bya ba 'di la rigs pa gang yang med do/ /de'i phyir 'du byed kyi rkyen gyis ming dang gzugs nyid yin gyis/ de rnam par shes pa'i rkyen ni ma yin no zhes brjod par bya'o/ /brgya la gzhan nyid mtshams sbyor ba'i ming dang gzuT kyi rkyen rnam par shes pa yin par mi 'dod do/ /zhe na/ de'i phyir rnam par shes pa'i rkyen gyis ming dang gzugs zhes bya ba gzhan gang yin zhes bya ba smras so/ /ji ste de ltar mi 'dod na de'i tshe rnam ba shes pa ming dang gzugs kyi rkyen gang yin pa brjod dgos so/ /gzhan gyi tshig gi glags su 'gyur du dogs nas/ gal te dus phyi ma pa gang yin pa de'i rkyen to zhe na zhes bya ba smras te/ nying mtshams sbyor ba'i skad cig ba'i 'og gi dus kyi ming dang gzugs gang yin pa de rnam par shes pa'i rkyen gyis byung ba'o/ /grub pa'i mdza' smra bas/ de nyid mtshams sbyor ba'i ming dang gzugs las rang bzhin bye brag tu gyur ba ci yod na zhes bya ba la sogs pa smras te/ dus phyi ma'i ming dang gzugs de dang nying mtshams sbyor ba ba'i ming dang gzugs bye brag ci yod na/ khyod gang gi phyir phyi ma'i ming dang gzugs gang yin pa de nyid ni rnam par shes pa'i rkyen las byung bar 'dod la/ snga ma ni ma yin snga ma 'du byed kyi rkyen las byung bar 'dod la/ phyi ma ni ma yin mjug bsdus nas bstan pa'i phyir/ de'i phyir 'du byed kyi rkyen gyis ming dang gzugs nyid du gyur gyi zhes pa la sogs pa smras so/ /gang gi phyir ming dang gzugs bye brag med pa de'i phyir/ 'du byed kyi rkyen gyis ming dang gzugs nyid du gyur na/ nying mtshams sbyor ba'i rnam par shes pa'i yan lag gzhan yongs su brtag cing dgos rnam par rtog pa snga ma mjug bsdu ba'i phyir/ de bas na nying mtshams sbyor ba'i rnam par shes pa ni zhes bya ba la sogs pa smras te/ don de ni brda phrad par zad do/ /rnam par rtog pa gnyis pa'i dbang du byas nas/ rnam par shes pa'i tshogs drug po yongs su bsgos pa dag kyang bya ba la sogs pa smras te/ don de ni brda phrad par zad do/ /mdo sde pa yid ma ches nas/ ci'i phyir zhe na zhes 'dri ba la/ grub pa'i mdza' smra bas/ rnam par shes pa ni zhes bya ba la sogs pa smras te/ 'di ltar rnam par shes pa ni bdag nyid la rnam par smin pa'i bag chags sam rgyu 'thun pa'i bag chags skyed mi nus te/ 'di ltar bdag nyid la byed pa 'gal ba'i phyir ro/ /de la 'di snyam du phyi ma la skyed par 'gyur ro snyam pa la de'i phyir/ mjug thogs su 'byung ba yang ma yin te zhes bya ba la sogs pa smras te/ mjug thogs su 'byung ba'i rnam par shes pa la yang bag chags rnam pa gnyis mi skyed de/ 'di ltar de'i tshe na mi 'byung ngo/ /de ma byung ba'i phyir de rjes su yod pa ma yin no/ /gang gi tshe byung ba de'i tshe skyed par 'gyur ro zhe na de'i phyir/ 'byung ba na yang ma yin te zhes bya ba la sogs pa smras so/ /mjug thogs su byung ba de la yang mi skyed de/ 'di ltar rnam par shes pa snga ma bag chags skyed par byed pa de ni skad cig yin bas de'i tshe 'gags so/ /de'i phyir gang du bag chags skyed par 'gyur/ 'di nyid la nyes pa gzhan bstan pa'i phyir/ sems med pa'i snyoms par 'jug pa la sogs pa'i dus na ni zhes bya ba la sogs pa smras te/ sems med pa'i 'gog pa'i snyoms par 'jug pa la sogs pa'i dus gang yin pa de dag na/ 'du byed rnams kyis yongs su bsgos pa'i sems 'byung mi srid de/ de bas na rnam par shes pa'i rkyen gyis ming dang gzugs med bar 'gyur ro/ /ming dang gzugs med pas skye mched drug la sogs pa rga shi la thug gi bar du med par 'gyur ro/ /de'i phyir 'khor bar 'jug pa nyid med par 'gyur te/ sems can thams cad bsgrim mi dgos par grol bar 'gyur ro/ /de ltar gzhan gyi phyogs bkag nas mjug bsdu ba'i thabs kyis rang gi phyogs bstan pa'i phyir/ de bas na ma rig pa'i rkyen gyis 'du byed rnams so zhes bya ba la sogs pa smras te/ gang gi phyir de ltar gzhan gyi phyogs rnam pa gnyi ga la 'khor bar 'jug pa mi rung ba de'i phyir/ ma rig pa'i rkyen gyis 'du byed rnams te/ de dag gis bsgos pa'i kun gzhi rnam par shes pa nyid kyi rkyen 'du byed do/ /kun gzhi rnam par shes pa'i rkyen gyis nying mtshams sbyor ba'i tshe/ ming dang gzugs zhes bya ba la sogs pa ste/ 'di la nyes pa med do/ /ldog pa mi 'thad par bstan pa'i phyir/ 'khor ba ldog pa yang zhes bya ba la sogs pa smras te/ gal te kun gzhi rnam par shes pa med na/ de'i tshe 'khor ba ldog par mi rung ngo/ /ci'i phyir mi rung snyam pa la/ 'khor ba'i rgyu ni zhes bya ba la sogs pa smras te/ 'di ltar 'khor ba'i rgyu ni las dang nyon mongs pa rnams so/ /de gnyis kyi nang na yang nyon mongs pa rnams ni rgyu'i gtso bo'o/ /ci'i phyir de dag gtso bo yin snyam pa la/ 'di ltar nyon mongs pa'i dbang gis na zhes bya ba la sogs pa smras te/ 'di ltar nyon mongs pa'i stobs kyis las yang srid pa 'phen nus par 'gyur gyi/ gzhan du ni ma yin no/ /de ltar las gang gis yang srid pa 'phen par 'gyur ba de yang/ nyon mongs pa nyid kyi dbang gis 'gyur gyis gzhan gyi ni ma yin no/ /de'i phyir nyon mongs pa nyid gtso bo yin pas 'khor bar 'jug pa'i rtsa pa'i rgyu yin no/ /de lta bas na de dag spangs na 'khor ba'ang ldog par 'gyur te/ de'i ldog pa gzhan du me yin no/ /gal te de lta yin na yang nges cir 'gyur snyam pa la/ kun gzhi rnam par shes pa med par shes bya ba la sogs pa smras so/ /gal te kun gzhi rnam par shes pa mi 'dod na/ de'i tshe nyon mongs pa rnams spang du mi dung ngo/ /yid ma ches nas ji ltar mi rung zhe na zhes 'dri ba la/ grub pa'i mdza' smra bas/ nyon mongs pa mngon du gyur pa 'am/ zhes bya ba la sogs pa smras so/ /de ni go sla bas ma bshad do/ /rnam par rtog pa dang po'i dbang du byas nas/ de la mngon du gyur pa spong ngo zhe na ni zhes bya ba la sogs pa smras so/ /gang gi tshe rnal 'byor pa la lam la snyoms par zhugs par gyur pa de'i tshe/ nyon mongs pa rnams mngon du ga la 'gyur te/ 'di ltar mngon du 'gyur ba spong ngo zhes bya ba 'di ni 'dod pa ma yin pa nyid do/ /rnam par rtog ba gnyis pa'i dbang du byas te/ de spong ba'i lam la gnas pa'i phyir zhes bya ba la sogs pa smras te/ 'di ltar rnal 'byor pa ni nyon mongs pa spong ba'i lam la gnas te/ de'i phyir sa bon gyi tshe yang mi spong ngo/ /ci'i phyir snyam pa la de'i tshe na ni gnyen po las gzhan ci yang khas ma blangs pa'i phyir ro zhes bya ba la sogs pa smras te/ 'di ltar gang la nyon mongs ba'i sa bon gnas pa de ni de'i gnyen pos spong na/ khyed ni de'i tshe gnyen po ma rtogs par gzhan ci yang khas mi len to/ /gzhan gyi tshig gi blags su 'gyur du dogs nas/ ci ste gnyen po'i sems nyid ces bya ba la sogs pa smras so/ /gal te gnyen po'i sems nyid nyon mongs pa'i sa bon dang ldan par 'dod na de ni mi rigs so/ /'di ltar nyon mongs pa'i sa bon dang ldan pa nyid nyon mongs pa/ de'i gnyen por 'gyur ba ni mi rigs te/ dri mas dri ma bkrur mi rung ba dang 'dra'o/ /nyon mongs pa'i sa bon ma spangs na des cir 'gyur snyam pa la/ nyon mongs pa'i sa bon ma spangs pa rnams kyi zhes bya ba la sogs pa smras te/ ji srid du nyon mongs pa'i sa bon ma spangs pa de srid du/ 'khor ba ldeg mi srid do/ /mjug bsdu ba'i thabs kyi rang gi phyogs bstan pa'i phyir/ de lta bas na gdon mi za bar zhes bya ba la sogs pa smras te/ gang gi phyir de ltar kun gzhi rnam par shes pa med par sa bon gyi gzhi gang yang med pa de'i phyir gdon mi za bar kun gzhi rnam par shes pa la/ de bas gzhan pa'i rnam pa shes pa dang lhan cig 'byung ba'i nyon mongs pa dang/ nye ba'i nyon mongs pa rnams kyis rang gis bon yongs su gso ba'i phyir bag chags bsgo bar khas blangs par bya'o/ /de khas blangs na des ci zhig 'grub ced/ de'i phyir bag chags stobs ji lta ba bzhin du/ 'jug pa de rnyed na zhes bya ba la sogs pa smras te/ gang gi tshe kun gzhi rnam par shes pa la/ gang nyon mongs pa dang nye ba'i nyon mongs pa rnams kyi bag chags bsgos par gyur pa de'i phyir/ stobs dang ldan pa'i bag chags rnams 'jug pa rnyed par gyur na kun gzhi rnam par shes pa zhes bya ba rgyur gyur pa'i bye brag rnyed pa'i sems nyid las nyon mongs pa dang/ nye ba'i nyon mongs pa gang dag 'byung ba dag gis sa bon kun gzhi rnam par shes pa la gnas pa ni kun gzhi rnam par shes pa dang lhan cig 'byung ba/ nyon mongs pa'i gnyen pos sel te/ de ltar kun gzhi rnam par shes pa yang na nyon mongs pa spong ba 'grub par 'gyur ro/ /nyon mongs pa'i sa bon de bas pa na gnas des yang nyon mongs pa rnams mi skye ste/ de'i phyir phung po'i lhag ma dang bcas pa'i mya ngan las 'das pa'i dbyings thob bo/ /de thob nas gang gi tshe/ sngon gyi las kyis 'thangs pa'i tshe zad par gyur pa de'i tshe/ gzhan dang nyid mtshams sbyor ba med pas/ phung po'i lhag ma med pa'i mya ngan las 'das pa'i dbyings 'thob bo/ /nyon mongs pa rnams spangs su zin kyang/ las yod na de skye ba gzhan dang nyid mtshams sbyor bar 'gyur ro zhe na de'i phyir/ las yod du zin kyang zhes bya ba la sogs pa smras te/ gang gi tshe nyon mongs pa rnams spangs par gyur ba de'i tshe/ las yod du zin kyang lhan cig byed pa'i rgyu med pas/ yang 'byung ba'i nyid mtshams sbyor ba'i mthu med de/ de'i phyir de'i tshe skye ba gzhan dang mtshams sbyor bar mi 'gyur ro/ /rang gi phyogs kyi mjug bsdus nas bstan pa'i phyir/ de ltar kun gzhi rnam par shes pa yod na/ zhes bya ba la sogs pa smras te/ gang gi phyir de ltar kun gzhi rnam par shes pa yod na/ 'khor bar 'jug pa dang ldog pa yod par 'gyur te/ gzhan du ma yin ba de'i phyir/ mig la sogs pa'i rnam par shes pa las gung na kun gzhi rnam par shes pa yong de/ de nyid sa bon thams cad par 'dod par bya yi gzhan ni ma yin par gdon mi za bar khas blangs par bya'o/ /rgya cher spyad pa gang yin pa de ni phung po lnga po'i bshad sbyar gnas brtan blo brtan gyis byas pa las rig par bya'o// //bam po lnga pa ste tha ma'o/ /'og ma dang mtshams sbyar bar bya ba'i phyir/ gal te 'di dag rnam par rig pa tsam yin na zhes bya ba la sogs pa smras te/ de ni go sla bas ma bshad do/ /grub pa'i mdza' smra bas rnam par rig pa tsam nyid la ngo bo nyid gsum rnam par bzhag pas 'gal ba med do zhes bya ba la sogs pa smras so/ /'di ltar rnam par rig pa tsam nyid la ngo bo nyid gsum po de dag rnam par bzhag ste/ de'i phyir 'dir med dang 'gal ba med do/ /gcig la gsum rnam par bzhag pa yid mches nas ji lta bu zhe na zhes 'dri ba la/ grub pa'i mdza' smra bas rnam par rtog pas gang mos bya ba la sogs pa smras so/ /rnam par rtog pa gang yang rung ba gang gis/ dngos ci yang rung ba gang rnam par brtags pa de thams cad kun brtag pa'i ngo bo nyid du blta bar bya ste/ 'di ltar de yang dngos po med do zhes mder byas pa'i di don to/ /'gal? pa byed bas yan lag gi don bstan pa'i phyir/ nang dang phyi'i dngos po rnam par brtag pa'i bye brag gis zhes bya ba la sogs pa smras so/ /'di ltar rnam par brtag par bya ba kha cig ni nang gi yin kha cig ni phyi rol gyi yin te/ de'i phyir de'i bye brag gis rnam par rtog pa dag mdza' yas par bstan pa'i phyir/ slob dpon gyis rnam par rtog pa gang gis zhes bya ba smras so/ /gnyis pa'i yan lag gis don bstan pa'i phyir/ dngos po gang gang rnam brtags pa zhes bya ba la sogs pa smras so/ /gal te rnam par brtag par bya ba nang gi dngos po 'am/ 'on te phyi'i dngos po 'am/ tha na sangs rgyas kyi chos kyi bar du rnam par brtag par bya ba gang yin pa de ni kun brtags pa'i ngo bo nyid du lta bar bya'o/ /brgya la 'ga' zhig yid ma ches par 'gyur bas de'i phyir 'di slob dpon gyis kun brtags pa'i ngo bo nyid kyi gtan tshigs smras te de med do zhes bya ba'o/ /de bgrol ba'i phyir rnam par brtag pa'i yul gyi dngos po gang yin pa de zhes bya ba la sogs pa smras te/ 'di ltar lus la sogs pa'i dngos po gcig kho na la ro dang 'dod pa can gyi bye brag gis rnam par rtog pa phan tshun mi mthun pa rnam pa du ma 'byung bar mthong ste/ dper na stag la sogs pa med par stag 'ongs so zhes thos nas/ dpa' po dang sngar ma la sogs pa rgol 'dod pa dang/ 'jigs pa la sogs pa skye ba lta bu'o/ /de la 'di snyam du dngos po nyid kyis de rnam bde ltar 'gyur ro zhe na/ de'i phyir dngos po gcig pa'i med pa la zhes bya ba la sogs pa smras te/ dngos po gcig po de nyid ni phan tshun mi mthun pa du ma'i ngo bo nyid du mi rung ngo/ /de med pa yang rnam pa de lta bu mi rung ngo/ /mjug bsdu ba'i phyir de bas na 'di dag thams cad ces bya ba la sogs pa smras te/ gang gi phyir de ltar rnam par rtog pa rnams kyi dmigs pa dngos po med pa de'i phyir 'gro ba 'di dag thams cad rnam par rtog pa tsam kho na ste/ rnam par rtog pa'i yul sgro btags pa'i rang gi ngo bo yin pa'i phyir ro/ /'dir khungs smras pa/ mdo sde las kyang zhes bya ba la sogs pa smras te/ gzugs la sogs pa de dag la ji ltar byis pa so so'i skye bo rnams mngon par zhen pa de bzhin du don dam par yod pa ma yin no zhes mdor byas pa'i don to/ /'og ma dang mtshams sbyar bar bya ba'i phyir/ kun brtags pa'i 'og tu zhes bya ba la sogs pa smras so/ /de gang yin snyam pa la/ gzhan dbang gi ngo bo nyid zhes bya ba la sogs pa smras te/ 'dis rnam par brtag par bya ba yin pas rnam par rtog pa ste/ sems dang sems las byung ba rnams so/ /rnam par rtog pa'i ngo bo nyid ni gzhan gyi dbang du blta bar bya ste/ 'di ltar de ni rkyen rnams las 'byung ngo/ zhes mdor byas pa'i don to/ /rnam par rtog pa dang rkyen las 'byung zhes bya ba'i sgra gnyis kyis ci zhig ston snyam pa la/ rnam par rtog pa zhes bya ba ni 'dir zhes bya ba la sogs pa smras te/ 'dir zhes bya ba ni mtshan nyid kyi tshig la bya'o/ /rnam par rtog pa'i sgras ni gzhan gyi dbang gi rang gi ngo bo nyid bstan to/ /rkyen las byung ba'i sgras ni gzhan gyis dbang zhes brjod pa 'byung ba'i rgyu bstan to/ /kun rtog pa de gang yin snyam pa la/ de la kun rtog pa ni zhes bya ba la sog pa smras so/ /dge ba la sogs pa'i bye brag gis khams gsum pa'i sems dang sems las byung ba tha dad pa dag ni kun rtog pa'i sgrar brjod do/ /'dir khungs smos pa ji skad du zhes bya ba la sogs pa smras te/ dbus dang mdza' rnam par 'byed pa las kyang/ khams gsum pa'i sems dang sems las byung ba rnams ni yang dag pa ma yin pa kun rtog pa zhes bshad de/ rnam par rtog pa zhes bya ba dang yongs su rtog pa zhes bya ba ni don gcig go /ci'i phyir rnam par rtog pa de gzhan gyi dbang zhes bya snyam pa la/ rgyu dang rkyen gzhan dag gis zhes bya ba la sogs pa smras te/ 'di ltar rgyu dang rkyen gzhan dag gis dbang byas pas na gzhan gyi dbang zhes bya ste/ dbang zhes bya ba ni skyed pa dang bskrun zhes bya ba'i tha tshig go /de nyid gsal bar bya ba'i phyir/ bdag las gzhan pa'i rgyu rkyen zhes bya ba la sogs pa smras te/ de ni go sla bas ma bshad do/ /'og ma dang mtshams sbyar bar bya ba'i phyir gzhan gyi dbang bshad zin to zhes bya ba la sogs pa smras te/ don de ni brda phrad par zad do/ /de gang yin snyam pa la/ grub na ni de la snga ma pa'o/ zhes bya ba la sogs pa smras te/ kun brtags pa dang gzhan gyi dbang du thams cad du bral ba gang yin pa de yongs su grub pa'i ngo bo nyid do zhes mdor byas pa'i don to/ /ji ltar na yongs su grub pa zhes bya snyam pa la/ mi 'gyur bar yongs su grub pas zhes bya ba la sogs pa smras so/ /'di ltar de la 'gyur ba med de de'i phyir yongs su grub pa'o/ /yan lag gi don bstan pa'i phyir de la zhes bya ba ni zhes bya ba la sogs pa smras te/ de la zhes bya ba 'di ni gzhan gyi dang sbyar ro/ /snga ma po zhes bya ba 'di ni kun brtags par sbyar te/ gang gi phyir rnam par rtog pa de la gzung ba dang 'dzin pa'i dngos por brtag pa de'i phyir de ltar sbyar ro/ /ci'i phyir gzung ba 'dzin pa la kun brtags pa zhes pa snyam pa la/ de la 'di ltar de la zhes bya ba la sogs pa smras te/ 'di ltar rnam par rtog pa la gzung ba dang 'dzin pa gnyis med bzhin du kun tu rtogs pa ste/ de'i phyir gnyi ga yang brtags pa zhes bya'o/ /yan lag gi don bshad nas mdor byas pa'i don bstan pa'i phyir/ gzung ba dang 'dzin pa de dang zhes bya ba la sogs pa smras te/ bshad ma thag pa'i gzung ba dang 'dzin pa de dang gzhan gyi dbang dus thams cad du gtan du bral ba gang yin pa de yongs su grub pa'i ngo bo nyid ces bya'o/ /de ltar rnam par rig pa tsam kho na la ngo bo nyid gsum ste/ 'di ltar rnam par rig pa tsam ni bdag nyid kyis gzhan gyis dbang gi ngo bo nyid do/ /de la gzung ba dang 'dzin par sgro btags pa gang yin pa ni kun brtags pa'i ngo bo nyid do/ /de nyid de gnyis dang gtan du bral ba gang yin pa de ni yongs su grub pa'i ngo bo nyid do/ /ci yongs su grub pa 'di gzhan gyi dbang las gzhan nam 'on te gzhan ma yin snyam pa la/ de'i phyir de nyid gzhan dbang las zhes bya ba la sogs pa smras te/ de nyid dgrol ba'i phyir/ de'i phyir de nyid ces bya ba la sogs pa smras te/ 'di ltar kun brtags pa'i ngo bo nyid dang/ gzhan gyi dbang rtag tu bral ba nyid gang yin pa de yongs su grub par 'dod do/ /bral ba nyid ni chos nyid ces bya'o/ /chos nyid de yang dpyad na gzhan du yang mi rung ngo/ /yongs su grub pa 'di ni gzhan gyi dbang gi chos nyid de/ de'i phyir gzhan gyi dbang las yongs su grub pa gzhan yang ma yin la/ gzhan ma yin pa'ang ma yin par khong du chud par bya'o/ /ci'i phyir snyam pa la gal te zhes bya ba la sogs pa smras so/ /'di ltar gal te yongs su grub pa gzhan gyi dbang las gzhan yin na ni de lta na ga kun brtags pas gzhan gyi dbang stong par mi 'gyur te/ de ltar na dngos po gzhan du 'gyur ro/ /de'i phyir ji ltar de la bsdu bar bya chos nyid ni bsdu bar bya ba yin te/ sgra la sogs pa la mi rtog pa bsdu bar bya ba lta bu'o/ /phyogs gnyis pa la nyes par bstan pa'i phyir/ ji ste gzhan ma yin na de lta na yang zhes bya ba la sogs pa smos te/ gal te yongs su grub pa gzhan gyi dbang las gzhan ma yin par gyur na ni de lta na yang yongs su grub pa rnam par dag pa'i dmigs par mi 'gyur te/ ji ltar gzhan gyi dbang kun nas nyon mongs pa'i bdag nyid yin pa'i phyir/ de'i dmigs pa ma yin pa ltar yongs su grub pa yang de bzhin no/ /ji ste gzhan gyi dbang yang kun nas nyon mongs pa'i bdag tu mi 'gyur na ni yongs su grub pa las gzhan ma yin pa'i phyir yongs su grub pa dang 'dra'o/ /lam ni 'dir rnam par dag pa'i sgras bstan to/ /de nyid dam gzhan nyid du mi brjod pa'i dpe smos pa/ mi rtag la sogs bzhin du brjod ces bya ba la sogs pa'o/ /de dgrol ba'i phyir/ dper na mi rtag pa nyid dang zhes bya ba la sogs pa smras te/ de ni go sla bas ma bshad do/ /mi rtag pa 'di nyid dam gzhan nyid dam gzhan nyid yin pa la nyes pa bstan pa'i phyir/ gal te 'du byed rnams las zhes bya ba la sogs pa smras so/ /gal te mi rtag pa nyid 'du byed rnams las gzhan yin na ni de lta na go 'du byed rnams mi rtag pa nyid mi 'gyur te/ de dag la de bsdu bar mi bya'o zhes bya ba'i tha tshig go /ci sti gzhan ma yin par gyur na de lta na yang 'du byed rnams zhig nas med pa'i ngo bor gyur te/ ji ltar mi rtag pa nyid 'jig pa'i ngo bo nyid yin pa dang 'dra'o/ /rig pa 'di ni sdug bsngal nyid la sogs pa la yang brjod par bya ste/ 'di ltar gal te sdug bsngal nyid 'du byed rnams las gzhan yin na ni de'i tshe 'du byed rnams sdug bsngal nyid mi 'gyur ro/ /ji ste gzhan ma yin na yang de'i tshe 'du byed rnams sdug bsngal nyid kyi ngo bor 'gyur ro zhes phyogs ni de'o/ /tshig le'ur byas pa dang mtshams sbyar ba'i phyir/ gal te gzhan gyi dbang la gzung ba dang 'dzin pa med na zhes bya ba la sogs pa smras so/ /gal te gzhan gyi dbang la gzung ba dang 'dzin pa yang dag pa'i don du med na ji ltar gang gis 'dzin/ mi 'dzin na yang de yod par ji ltar shes par bya ba brjod dgos so zhe na de'i phyir/ de ma mthong bar de mi mthong zhes bya ba la sogs pa smras te/ ji srid du yongs su grub pa ma mthong ba de srid du gzhan gyi dbang mi mthong ngo zhes mdor byas pa'i don to/ / yan lag gi don bstan pa'i phyir/ de ma mthong bar bya ba ni zhes bya ba la sogs pa smras te/ de ma mthong bar zhes bya ba 'di ni yongs su grub pa dang sbyar bar bya'o/ /de mi mthong zhes bya ba 'di ni gzhan gyi dbang dang sbyar bar bya'o/ /de ma mthong bar ci'i phyir mi mthong snyam pa la/ 'jig rten las 'das pa'i ye shes rnam par mi rtog pas zhes bya ba la sogs pa smras te/ 'di ltar ji srid du 'jig rten las 'das pa'i ye shes rnam par mi rtog pas mthong bar bya ba yongs su grub pa'i ngo bo nyid ma mthong ba de srid du/ shes pa gzhan gyis dbang mi 'dzin te/ 'di ltar gzhan gyi dbang gi ngo bo nyid ni 'jig rten las 'das pa'i ye shes kyi rjes la thob pa dag pa 'jig rten pa 'jig rten las 'das pa'i ye shes kyi spyod yul lo/ /de ma mthong ba ni de ma rtogs pa dang/ mngon sum du ma byas pa'o zhes bya ba la ma mthong ba ni 'phags pa'i shes rab kyi mig gis ma mthong ba'o/ /ma rtogs pa ni zag pa med pa'i ye shes kyi thur mas ma thigs pa'o/ /mngon sum du ma byas pa ni 'jig rten las 'das pa'i mngon sum gyis mngon sum ma byas pa'o/ /yang na phyi mas snga ma bshad do/ /de'i rjes la thob pa dag 'jig rten pa'i ye shes kyi spyod yul yin pas zhes bya ba ni de'i rjes la thob pas de'i rjes las thob pa'o/ /de zhes bya ba ni 'jig rten las 'das pa'i ye shes la bya'o/ /rjes zhes bya ba ni stobs la bya'o/ /'di ni dag pa yang yin pa 'jig rten pa yang yin pas dag pa 'jig rten pa ste/ 'jig rten las 'das pa'i ye shes kyi stobs kyis rnyed pa'i phyir dag pa'o/ /gzung ba dang 'dzin pa'i rnam par 'byung bas 'jig rten pa'o/ /de ni de'i rjes la thob pa yang yin la/ dag pa 'jig rten pa yang yin no zhes tshig bsdud pa'o/ /de'i 'jig rten las 'das pa'i ye shes kyi stobs kyis rnyed pa dag pa 'jig pa'i ye shes kyis gzhan gyi bang 'dzin to zhes bstan pa yin no/ /gang dag gzhan gyi dbang 'jig rten las 'das pa'i ye shes kyi spyod yul du 'dod pa de dag gis ni gzhan gyis dbang gi mtshan nyid ma rtogs te/ ji ltar gzhan gyi dbang ni rnam par rtog pa'i ngo bo nyid du bstan pa yin na/ de 'jig rten las 'das pa'i ye shes kyi spyod yul du ga la 'gyur/ gal te 'di skad du 'chad do/ brgyal la la zhig de'i rjes la thob pa dag pa 'jig rten pa de nyid tha mal pa phal ba kun rdzob kyi ngo bo nyid du yongs su spyod par 'gyur bas de la rnam par dbye ba'i phyir/ 'jig rten las 'das pa zhes bya ba 'dis tha mal pa ngo bo ma yin par bstan pa'i phyir bye brag tu byas so zhe na/ de'i tshe nyes pa med do/ /mjug bsdus nas bstan pa'i phyir/ de'i phyir yongs su grub pa ma mthong bar zhes bya ba la sogs pa smras te/ gang gi phyir 'di ltar gzhan gyi dbang 'jig rten las 'das pa'i ye shes kyi stobs kyis thob pa dag pa 'jig rten pa'i ye shes kyi spyod yul yin pa de'i phyir yongs su grub pa ma mthong bar de mi mthong gi /rnam pa thams cad du mi mthong ba ni ma yin no/ /'dir khungs smos pa rnam par mi rtog par 'jug pa'i gzungs las ji skad du zhes bya ba la sogs pa'o/ /de las ni de rjes las thob pa'i ye shes kyis chos thams cad sgyu ma la sogs pa dang mtshungs par rtogs so zhes gsungs so/ /de ni 'di skad du/ ji ltar shing la sogs pa la glang po che la sogs pa'i rnam pa dang/ smig rgyu la chu'i rnam pa dang/ brag cha la sgra'i rnam pa dang/ chu zla la zla ba'i rnam pa dang/ sprul pa la sems can gyi rnam par rtog pa de dag kyang rnam pa des med par rtog pa po rnams kyis shes so/ /de bzhin du dag pa 'jig rten pa'i ye shes kyis kyang sems dang sems las byung ba gzung ba dang 'dzin par snang ba rnams rnam pa de dang bral bar rtogs so/ /yang na ji ltar sgyu ma la sogs pa rkyen gzhan gyis byung ba de bzhin du/ gzhan gyi dbang yang rkyen gzhan gyi dbang gis byung ste/ de'i phyir sgyu ma la sogs pa dag dang mtshungs zhes bya'o/ /ji ltar na des gzhan gyi dbang bstan par 'gyur zhe na/ de'i phyir chos ni 'dir zhes bya ba la sogs pa smras so/ /gzungs las 'byung ba'i chos rnams ni gzhan gyi dbang du bsdus pa rnams su bzhed de/ 'di ltar theg pa chen por sgyu ma la sogs par gang ji snyed bshad pa de dag thams cad ni gzhan gyi dbang gi ngo bo nyid la brten nas bshad pa ste/ de ltar gzhan gyi dbang ni dag pa 'jig rten pa'i ye shes kyi 'dzin par bstan to/ /yongs su grub pa ji lta bu zhig snyam pa la/ yongs su grub pa ni zhes bya ba la sogs pa smras te/ yongs su grub pa'i ngo bo nyid gang yin pa de ni nam mkha' ye shes ro gcig pa'o/ /der ye shes ro gcig pas ye shes ro gcig pa'o/ /ro gcig pa zhes bya ba na rnam pa gcig pa ste/ dper na nam mkha' sna tshogs ma yin pa'i phyir rnam pa gcig pa'i ye shes kyi spyod yul yin pa ltar yongs su grub pa yang de bzhin no/ zhes bya ba'i tha tshig go /yi ge kha cig las yongs su grub pa dang/ ye shes ni nam mkha' ltar ro gcig pa zhes 'byung ngo/ /de la 'di'i don ni 'di yin te/ yongs su grub pa'i ngo bo nyid ni nam mkhar ltar ro gcig pa ste/ rnam pa gcig pa'o/ /ye shes kyang der ro gcig pa ste/ rnam pa gcig pa zhes bya'o/ /bshad pa ni 'di la ni tshul gyis sngar smos pa nyid kyi don du bstan pa yin no/ /'dir khungs smos pa/ ji skad du zhes bya ba la sogs pa smras te/ bshad ma thag pa'i chos de dag thams cad ni 'jig rten las 'das pa'i ye shes rnam par mi rtog pas nam mkha' i dkyil dang 'dra bar mthong zhes gzungs de nyid las gsungs so/ /ji ltar chos dag de ltar mthong zhe na/ de'i phyir gzhan gyi dbang gi chos rnams kyi de bzhin nyid tsam mthong ba'i phyir ro/ zhes bya ba smras te/ 'di ltar 'jig rten las 'das pa'i ye shes kyis gzhan gyis dbang zhes bya ba'i chos rnams kyi de bzhin nyid tsam zhig mthong ngo/ /de bzhin nyid tsam de ni nam mkha' ltar gcig pu'i ngo bo ste/ sems dang sems las byung ba thams cad la gzung ba dang 'dzin pa'i dngos po med par mtshungs pa'i phyir de bzhin nyid la ni sna tshogs med do/ /yang mdo dang 'gal ba gzhan gyi lan gdab par 'dod nas phyogs snga ma bzhag pa'i phyir/ gzhan gyi dbang rdzas nyid yin na zhes bya ba la sogs pa smras so/ /gal te gzhan gyi dbang ngo bo nyid gcig tu rdzas su 'dod na/ mdo las chos thams cad ngo bo nyid med do zhes ji skad du bshad/ ma skyes pa dang ma 'gags pa zhes kyang ji skad du bshad snyam pa la/ grub pa'i mdza' smra bas/ 'gal ba med de zhes bya ba smras te/ mdo sde dang 'gal ba ci yang med do/ /ji ltar med ces pa 'di ltar ngo bo nyid ni rnam gsum gyi zhes bya ba la sogs pa smras te/ 'di ltar gzhan gyi dbang po la sogs pa ngo bo nyid rnam gsum gyi ngo bo nyid med pa rnam gsum la dgongs nas chos thams cad ngo bo nyid med par bstan to/ zhes mdor byas pa'i don to/ /yan lag gi don bstan pa'i phyir/ ngo bo nyid rnam gsum kho na ste zhes bya ba la sogs pa smras te/ de ni go sla bas ma bshad do/ /rdzas su yod pa'i phyir gzhan gyi dbang gi ngo bo nyid ni rigs grang na/ gzhan gnyis ji ltar rang gi ngo bo nyid du 'gyur zhe na/ rang rang gi mtshan nyid kyis yod pa lta bur 'gyur bas zhes bya ba la sogs pa smras te/ gang gi mtshan nyid du gang bstan pa'i rang gi mtshan nyid des de dag thams cad yod pa dang 'dra bas/ yod pas phyir gsum po yang ngo bo nyid ces bya'o/ /ngo bo nyid med pa rnam gsum gyi ming bstan pa'i phyir/ ngo bo nyid med pa rnam gsum ni zhes bya ba la sogs pa smras te/ de ni go sla bas ma bshad do/ /chos thams cad gang yin zhe na/ chos thams cad ni zhes bya ba la sogs pa smras te/ de ltar yan lag brjod nas/ da ni ngo bo nyid rnam gsum ni ngo bo nyid med pa ci 'dra bstan pa'i phyir/ dang po pa ni mtshan nyid kyis zhes bya ba la sogs pa smras te/ dang po ba ni mtshan nyid kho nas ngo bo nyid med pa'o/ /gnyis pa ni rang mi 'byung bas ngo bo nyid med pa'o/ /gsum pa ni don dam pa ngo bo nyid med pa'o/ /gsum pa ni don dam pa ngo bo nyid med pa ste/ de nyid de bzhin nyid ces bya'o/ zhes mdor byas pa'i don to/ /'grel pa byas pas de dgrol ba'i phyir/ dang po pa ni kun brtags pa'i ngo bo nyid do zhes bya ba la sogs pa smras so/ /kun brtags pa'i ngo bo yin pa de ni mtshan nyid kho nas ngo bo nyid med pa ste/ de'i mtshan nyid ci 'dra bar byas pa de nyid kyis de ngo bo nyid med pa de nyid du bstan te/ 'di ltar de'i mtshan nyid ni brtags pa'o/ /brtags pa'i mtshan nyid de bstan pa'i phyir/ gzugs kyi mtshan nyid ni gzugs su yod pa'o/ zhes bya ba la sogs pa smras te/ skye bo me shes pa la bstan pa'i phyir/ 'di lta ste/ gzugs kyi mtshan nyid ni gzugs su yod pa'o/ /tshor ba'i mtshan nyid ni myong ba'o zhes bya ba la sogs pa dngos po rnams rtogs par bya ba'i thabs rnam pa de lta bu 'di byas kyi/ de chos rnams kyi don dam pa'i ngo bo nyid ma yin no/ /'di ltar spyi'i mtshan nyid du byed de/ spyi ni dngos po yod pa ma yin no/ /dper na khyim la sogs pa mtshon pa'i phyir rgyal mtshan la sogs pa mtshon par byed kyang/ rgyal mtshan la sogs pa de dag ni khyim la sogs pa'i ngo bo nyid ma yin no/ /de bzhin du gzugs su yod pa la sogs pa yang dngos po rnams rtogs par bya ba'i phyir mtshan nyid du byed kyi/ de dag de'i ngo bo nyid ni ma yin no/ /de'i phyir gzugs la sogs pa ni rang gi ngo bo med pas kun brtags pa ni nam mkha' i me tog bzhin du rang gi ngo bos ngo bo nyid med pa'o/ gzhan gang yin snyam pa la/ gzhan gyi dbang gi ngo bo nyid do zhes bya ba la sogs pa smras te/ de ni 'di ltar gzhan gyi stobs kyis 'byung gi de rang gi dngos po yod pa ni ma yin te/ de bas na ngo bo nyid med pa'o/ /de'i phyir 'di las rang gi dngos po dang bral bas ngo bo nyid med ces bstan pa yin no/ / dngos po'i sgra ni 'dir skye ba la bya'o/ /'di nyid la bshad pa gzhan bya ba'i phyir/ 'di ltar yang zhes bya ba la sogs pa smras te/ 'di ltar gzung ba dang 'dzin pa'i rnam par ji ltar snang ba de bzhin du gzhan gyi dbang du skye ba med de/ de'i phyir de bas na yang skye ba ngo bo nyid med pa zhes bya'o/ /de'i phyir de ni snang ba'i rnam pa dang bral ba'i ngo bo nyid yin pas/ ngo bo nyid med par bstan pa yin no/ /'dir ngo bo nyid kyi sgra ni skye ba la bya'o/ /ngo bo nyid med pa gsum pa bstan pa'i phyir/ chos kyi don gyi dam pa yang de zhes bya ba la sogs pa smras te/ 'di ltar gzhan gyi dbang gi chos rnams kyi don dam pa gang yin pa de yongs su grub pa'i ngo bo nyid de/ de bas na gzung ba dang 'dzin pa med pa'i ngo bo nyid yin pa'i phyir/ ngo bo nyid med pa'o/ /'o na ci'i phyir yongs su grub pa don dam pa zhes bya snyam pa la/ dam pa ni zhes bya ba la sogs pa smras so/ /'di ltar bla na med pa'i phyir dam pa ste/ 'jig rten las 'das pa'i ye shes so/ /de ni de'i don yin te/ de'i phyir don dam pa'o/ /'dir don ni dmigs pa la bya'o/ /'di nyid la bshad pa gzhan bya ba'i phyir/ yang na nam mkha' ltar zhes bya ba la sogs pa smras te/ dper na nam mkha' ni thams cad du ro gcig pa rnam pa gcig pa'o/ /de bzhin du yongs su grub pa yang dri ma med pa nyid dang mi 'gyur ba nyid du ro gcig cing rnam pa gcig pa'o/ /de'i phyir don dam pa zhes bya ste/ de ni don kyang yin la dam pa yang yin pa'i phyir ro/ /de bas na dag pa dang bstan pa'i phyir don dam pa zhes bstan pa yin no/ /yan lag gi don bshad nas mdor byas pa'i don bstan pa'i phyir/ 'di ltar yongs su grub pa'i ngo bo nyid de ni zhes bya ba la sogs pa smras te/ 'di ltar yongs su grub pa'i ngo bo nyid gang yin pa de ni gzhan gyi dbang gi bdag nyid kyi chos thams cad kyi don dam pa yin te/ de'i phyir yongs su grub pa'i ngo bo nyid ni don dam pa ngo bo nyid med pa zhes bya'o/ /de'i chos nyid ces smos pas ni yongs su grub pas gzhan gyi dbang dang 'brel pa'i gtan tshigs bstan pa ste/ 'di ltar de ni gzhan gyi dbang rnams kyi chos nyid yin te/ de'i phyir de dag gi don dam pa'o/ /de gal te de dag gi don dam pa yin na ci'i phyir dngos po med par 'gyur zhe na de'i phyir yongs su grub pa ni zhes bya ba la sogs pa smras so/ /'di ltar yongs su grub pa ni dngos po med pa'i ngo bo nyid yin te/ de'i phyir ngo bo nyid med pa zhes bya'o/ /yang na dngos po med pa'i sgra ni gzhan dang bral ba'i stong pa nyid de/ dngos po'i ngo bo la bya'o/ /tshig le'ur byas pa lhag ma bshad par 'dod de mtshams sbyar bar bya ba'i phyir ci don dam pa zhes bya ba 'ba' zhig gis zhes bya ba la sogs pa smras pa ni 'dri ba'i don de dgo sla bas ma bshad do/ /grub pa'i mdza' smra bas/ smras pa ma yin te/ de bzhin nyid kyang de'o zhes bya ba smras so/ /de bzhin nyid kyi sgra ni yongs su grub pa de la bya ste/ don dam pa'i sgra 'ba' zhig kho nar ni ma yin no/ /kyang zhes bya ba'i sgra'i don bstan pa'i phyir/ kyang gi sgra ni zhes bya ba la sogs pa smras te/ brjod pa 'di 'ba' zhig tu brjod par bya ba ma yin gyi chos kyi dbyings kyi rnam grangs su gtogs pa ji srad pa de dag thams cad du brjod par bya ste/ 'di ltar stong pa nyid dang yang dag pa'i mdza' dang mtshan ma med pa dang/ mi gnyis pa nyid dang/ rnam par mi rtog pa'i dbyings dang/ brjod du med pa nyid dang/ mi 'gag pa dang mi skye ba dang/ 'dus ma byas pa dang mya ngan las 'das pa zhes bya ba la sogs par yang brjod par bya'o/ /'o na ci'i phyir de bzhin nyid ces bya bsnyam pa la/ dus thams cad na de bzhin du yod pas de bzhin nyid do/ /zhes bya ba la sogs pa smras so/ /de dgrol ba'i phyir 'di ltar so so'i skye bo dang zhes bya ba la sogs pa smras te/ gang gi phyir so so'i skye bo la sogs pa'i dus dag na dus thams cad du de bzhin du yod pa de'i phyir de bzhin nyid ces bya'o/ /don 'di skad du so so skye bo dang slob slob mi slob pa'i dus dag na/ dus thams cad du sems dang sems las byung ba rnams ni gzung ba dang 'dzin pa dang bral ba ste/ rang bzhin de ni de dag gis nam yang yod mi 'dor bas de'i phyir gzung ba dang 'dzin pa dang bral ba nyid de/ de dag la de bzhin du yod cing nam yang gzhan du mi 'gyur bas de bzhin ces bya ste/ dper na chu la sogs pa ni rnyog pa la sogs pa'i dus na yang rang gi ngo bor gnas pa lta bu'o zhes bstan par 'gyur ro/ /'og ma dang mtshams sbyar ba'i don du dri ba bya ba'i phyir dang/ ci de bzhin nyid bzhin du zhes bya ba la sogs pa smras te/ ji ltar yongs su grub pa'i ngo bo nyid de bzhin nyid ces bya ba de bzhin du/ ci rnam par rig pa tsam nyid kyang de bzhin nyid ce 'am/ 'o na te rnam par rig pa tsam nyid kyang gzhan la/ yongs su grub pa'i ngo bo nyid kyang gzhan nam zhe na grub pa'i mdza' smra bas/ de nyid rnam par rig pa btsam zhes bya ba smras te/ yongs su grub pa'i ngo bo de nyid rnam par cam nyid zhes bya ba'i gzhan du ma yin no/ /ci'i phyir snyam pa la/ shin tu rnam par dag pa'i mtshan nyid khong du chud pa'i phyir ro zhes bya ba smras te/ 'di ltar yongs su grub pa'i ngo bo nyid khong du chud pas shin tu rnam par dag pa'i mtshan nyid khong du chud par 'gyur te/ de'i phyir de nyid rnam par rig pa tsam nyid do/ /shin tu rnam par dag pa'i mtshan nyid khong du chud pa'i gtan tshigs smos pa/ 'di skad du/ de'i tshe de tsam mthong ba'i phyir/ ming la sems de gnas pa yin zhes bya ba la sogs pa smras te/ gang gi tshe rnal 'byor pas dro bar gyur pa dang/ rtse mo'i dus dag na gzung ba rnam par bshig par gyur pa de'i tshe/ bzod pa'i dus na ming la sems te gnas te/ 'di ltar gzung ba'i rnam pa dang bral ba de'i tshe ming tsam du mthong ngo/ /de ni 'di skad du gang gi tshe/ gzung ba rnam par bshig par gyur pa de'i tshe rnam par rig pa tsam la sems gnas te/ rnam par rig pa 'di tsam nyid gzugs la sogs par snang bar 'byung gi/ gzugs la sogs pa'i don ni med par shes pa'i phyir ro zhes bstan par 'gyur ro/ /ming zhes bya ba'i sgra ni 'dir rnam par rig pa tsam la bya ste/ ming ni gzugs can ma yin pa'i phung po rnams so zhes gsungs pa'i phyir ro/ /de ltar ming la sems gnas pas chos kyi mchog gi dus na rnam par rig pa la sogs pa spong bar 'gyur te/ gzung ba mi dmigs na 'dzin pa mi dmigs pa'i phyir ro/ /rnam par rig pa'i sgra ni 'dzin pa rnam pa la bya'o/ /gang gi tshe de ltar gzung ba dang 'dzin pa rnam par bshig par gyur pa de'i 'og tu mthong ba'o lam 'byung ba de'i tshe sgom pa'i stobs kyi dmigs pa med pa'i dbyings la reg ste/ chos kyi dbyings rtogs zhes bya ba'i tha tshig go /dmigs pa med pa'i dbyings kyi sgra ni chos kyi dbyings la bya'o/ /reg ces bya ba ni rtog pa dang/ mngon sum byed ces bya ba'i bar du'o/ /bsgoms pa'i rgyu yis zhes bya ba ni bsgoms pa'i stobs kyis shes bya ba'i tha tshig go/ gang gi tshe chos kyi dbyings rab tu rtogs par gyur pa de'i tshe/ gong nas gong du khyad par du 'gro bas/ sgrib pa thams cad las rnam par grol ba 'thob bo/ /ting nge 'dzin la sogs pa yon tan rnams la dbang 'byor pa yang thob bo/ /de'i tshe dmigs pa med pa'i dbyings la reg ces bya ba de ni 'dir khungs so/ /de nyid rnam par rig pa tsam zhes bya ba 'dis ci bstan par 'gyur zhe na/ de nyid ces bya ba la sogs pa smras te/ de nyid rnam par rig pa tsam zhes bya ba 'dis ni mngon par rtogs pa'i dus bstan to/ /yang na lam yang yongs su grub pa'i ngo bo nyid yin pas/ / de nyid rnam par rig pa tsam nyid du bstan te/ de'i phyir 'jig rten las 'das pa'i ye shes ni rnam par rig pa tsam nyid kyi sgrar bstan pa yin no/ /'di ltar des shin tu rnam par dag ba'i mtshan nyid khong du chud par 'gyur te/ shin tu rnam par dag pa'i mtshan nyid chos kyi dbyings rtogs zhes bya ba'i tha tshig go/ /don 'di nyid bstan pa'i phyir tshigs su bcad pa gnyis te/ tshigs su bcad pa'i don 'di snga ma bzhin no/ /bshad pa 'di la ni mngon par rtogs pa'i don gsal bar 'thad do/ /'og ma dang mtshams sbyar bya ba'i don du dri ba'i phyir/ gal te 'di dag rnam par rig pa tsam yin na zhes bya ba la sogs pa smras te/ gal te rnam par rig pa tsam gzung ba dang 'dzin pa dang bral ba yin na/ ci'i phyir 'gro ba 'di mdza' dag mig la sogs pas gzugs la sogs pa 'dzin to/ snyam du lhag par chags par 'gyur zhe na/ grub pa'i mdza' smra pas/ ji srid rnam rig cam nyid la zhes bya ba la sogs pa smras te/ ji srid du srog chags rnams kyi rnam par shes pa rnams rnam par rig pa tsam nyid la mi gnas pa de srid du/ de dag gi 'dzin pa gnyis kyi bag la nyal mi ldog ste/ de ma log na 'dis 'di 'dzin to snyam du/ lhag par chags so/ /yang tshig le'ur byas pa'i mtshams sbyar ba gzhan bya ba'i phyir/ yang na gang zhes bya ba la sogs pa smras te/ de'i don ni bshad zin to/ /grub pa'i mdza' smra bas/ ji srid rnam rig tsam nyid la zhes bya ba la sogs pa smras so/ /de dgrol ba'i phyir/ ji srid du sems kyi chos nyid ces bya ba la sogs pa smras te/ sems kyi chos nyid rnam par rig ba tsam nyid ces bya ba la/ ji srid du rnal 'byor pa'i rnam par shes pa mi gnas kyi/ gzung ba dang 'dzin pa la mngon par zhen pa de srid du 'dzin pa gnyis kyi bag chags mi spong do/ /'dzin pa gnyis gang yin snyam pa la/ 'dzin pa gnyis ni zhes bya ba la sogs pa smras te/ gzung ba la mngon par zhen pa dang/ 'dzin pa la mngon par zhen pa ni 'dzin pa gnyis so/ /bag la nyal bstan pa'i phyir/ de'i bag la nyal ni zhes bya ba la sogs smras te/ ma 'ongs pa'i 'dzin pa gnyis skye bar bya ba'i phyir 'dzin pa gnyis kyis kun gzhi rnam par shes pa las sa bon btab bkad yin pa de bag la nyal te/ bag chags zhes bya ba'i tha tshig go/ de ltar tshig gi don brjod nas tshig le'ur byas pa'i don bstan pa'i phyir/ ji srid du gnyis med pa'i mtshan nyid ces bya ba la sogs pa smras te/ gzung ba dang 'dzin pa'i mtshan nyid gnyis dang bral ba'i rnam par rig pa tsam la ji srid du rnal 'byor pa'i sems gnas par ma gyur pa de srid du 'dzin pa gnyis kyi bag chags mi spong ngo/ /tshig le'ur byas pa'i don gnyis pa bstan pa'i phyir/ 'dir ni phyi rol gyi dmigs pa zhes bya ba la sogs pa smras te/ bshad pa rnam pa 'di lta bu 'dir ni don 'di bstan pa yin te/ ji srid du phyi'i yul la dmigs pa ma spangs pa de srid du nang gi 'dzin pa'i dmigs pa yang spong bar mi 'gyur te/ de'i phyir srog chags de 'di snyam du bdag ni mig la sogs bas gzugs la sogs pa 'dzin to snyam du sems so/ /'og ma dang mtshams sbyar ba'i don du dri ba'i phyir/ da ni 'di brjod par bya ste? zhes bya ba la sogs pa smras so/ gang gi tshe rnal 'byor pas don dang bral ba'i sems tsam dmigs pa de'i tshe ci sems kyi chos nyid la gnas pa yin nam zhe na/ grub pa'i mdza' smra bas/ smras pa ma yin te zhes bya ba la sogs pa smras so/ /'di lta bu ni sems kyi chos nyid la gnas pa ma yin par rig par bya ste/ gang gi che 'di dag rnam par rig pa tsam nyid do snyam pa de lta bu de'i rnam pa 'byung bas 'dzin pa de'i tshe dmigs pa ci yang rung ba zhig mdun du 'jog go/ ci yang rung ba zhig mdun du 'jog nas sems tsam la gnas pa ma yin te/ 'di ltar 'di dmigs pa gzhan thams cad bkag nas sems tsam de nyid la dmigs ba byas pa'i phyir ro/ /ji srid du nang gi 'am phyi'i yang rung ste/ dmigs pa ci yang rung ba zhig la rtog pa de srid du sems kyi chos nyid la gnas par ga la 'gyur yang tshig le'ur byas pa'i mtshams sbyar ba gzhan bya ba'i phyir yang na mngon pa'i nga rgyal can zhes bya ba la sogs pa smras so/ /rnal 'byor spyod pa nyes par bslabs pa gang rnam par rig pa tsam yongs su brjod pa'i rab tu byed pa thos ba tsam gyis bsnyems nas nga ni rnam par rig pa tsam nyid dag pa la gnas te/ nga gzung ba 'am 'dzin pa gcig la yang kun tu mi rtog go snyam du sems pa de'i log pa'i nga rgyal gsal ba'i phyir 'di dag rnam rig tsam nyid ces zhes bya ba la sogs pa smras so/ /yang rnam par rig pa tsam nyid la dmigs pa bya ste/ mdun du bzhag pas de la gnas pa ma yin gyi gcam bu gzung ba dang 'dzin pa la dmigs pa gsal ba la spyod pa'o/ /ji ltar dmigs snyam pa la/ 'di dag rnam rig tsam nyid ces zhes bya ba la sogs pa smras so/ /'di dag rnam par rig pa tsam zhes bya ba'i rnam pa 'dis dmigs par zang do/ / 'di'i rnam grangs bstan pa'i phyir/ 'dzin pa dang zhes bya ba la sogs pa smras te/ 'dzin pa mtshan mar byed pa dang/ mngon par zhon pa dang/ de'i rnam pa 'byung zhes bya ba'i bar du'o/ /mdun du zhes bya ba 'di ni mngon du zhes bya ba 'di yin te/ sems la mngon du zhes bya ba'i tha tshig go/ 'jog na zhes bya ba 'di'i bshad pa ni ji ltar thos pa bzhin du yid kyis 'jog pa zhis bya ba 'di yin te/ ji ltar thos pa bzhin du rnam par rig pa tsam 'di la yid kyis dmigs pa byas nas/ mdun du 'jog pa zhes bya ba'i tha tshig go/ /yang yan lag gzhan bshad par bya ba'i phyir/ rnal 'byor spyod pa'i dmigs pa rnam pa mang bas zhes bya ba la sogs te/ 'di ltar dmigs pa mang bas da'i phyir ci yang rung ba zhes bya ba smos so/ /gal te rnam par rig pa tsam nyid kyi rgya'i cha tsam zhig de dmigs pa byas te/ mdun du 'jog na yang de la gnas pa ma yin te/ don de bstan pa'i phyir ci yang rung ba zhes bya ba smos so zhes bya ba'i tha tshig go/ gang dag 'dir keng rus la sogs pa 'don pa de dag gis ni skabs ma rtogs te/ 'di ltar rnam par rig pa tsam nyid kyi ci yang rung ba zhig mdun du 'jog na zhes bya ba'i skabs yin pas/ skabs 'di la keng rus la sogs pa dang 'brel pa ci zhig yod na/ des de dag nye bar dgos/ 'di ltar de dag ni phyi rol gyi bzhin du dmigs par snang ste/ de ni 'dis sngar bsal zin to/ /de ma yin pa'i yan lag gzhan bstan pa'i phyir/ de ni tsam la mi gnas pa ni zhes bya ba la sogs pa smras te/ 'di ltar rnam par rig pa tsam gyi dmigs pa ma spangs na/ rnam par rig pa tsam nyid du dmigs pa nyid de/ de'i de la mi gnas so/ /'og ma dang mtshams sbyar ba'i don du gzhan gyis dri ba'i phyir/ nam zhig na rnam par shes pa'i 'dzin pa spangs shing zhes bya ba la sogs pa smras te/ gal te de ltar shes pa yang rnam par shes pa 'dzin pa ma log cing rnam par rig pa tsam la yang mi gnas pa de'i tshe/ nam zhig rnam par shes pa'i 'dzin pa spong bar 'gyur ba dang/ nam zhig na chos nyid la sems gnas par 'gyur ba brjod dgos so snyam pa la/ grub pa'i mdza' smra bas/ nam zhig shes pas dmigs pa rnams zhes bya ba la sogs pa smras te/ gan gi tshe dmigs pa yongs su bsal nas sems las phyi rol tu rnam par shes pas mi dmigs pa de'i tshe/ sems de rnam par rig pa tsam la gnas pa yin te/ 'di ltar gzung ba med na 'dzin pa'ang med do zhes bsdus te mdor byas pa'i don to/ /'grel pa byed pas rgya cher bstan pa'i phyir/ gang gi tshe bstan pa la dmigs pa dang zhes bya ba la sogs pa smras te/ gang gi tshe bstan pa la sogs pa la dmigs pa'i sems las phyi rol gyi rnam par shes pas mi mthong mi 'dzin cing mngon par zhen pa med la/ gal te de yang dag pa ji lta ba bzhin mthong ste mi dmigs kyang/ dmus long bzhin du mthu med pa ni ma yin pa de'i tshe rnam par shes pa'i 'dzin pa spangs shing/ sems kyi chos nyid la yang sems gnas pa yin no/ /rnam par shes pa'i sgra ni 'dir 'dzin pa la bya'o/ /'dzin pa'i sgra ni mngon par zhen pa la bya ste/ de'i phyir de'i tshe na 'dzin pa la mngon par zhen pa spangs so zhes bstan par 'gyur ro/ /ci'i phyir de'i tshe sems kyi chos nyid la sems gnas par 'gyur zhe na/ 'dir gtan tshigs smos pa/ gzung ba med ces bya ba la sogs pa smras so/ /de dgrol ba'i phyir/ gzung ba yod na zhes bya ba la sogs pa smras te/ 'di ltar gzung ba yod na ni 'dzin par 'gyur gyi/ gzung ba med na ni ma yin te/ de'i phyir gzung ba med na 'dzin pa yang med par rtags kyi gzung ba med ba 'ba' zhig tu rtog pa ni ma yin no/ /gzung ba dang 'dzin pa rnam par bshig pas yon tan ci zhig 'thob snyam pa la/ de ltar na dmigs par bya ba dang zhes bya ba la sogs pa smras te/ de ltar na gzung ba dang 'dzin pa rnam par bshig par gyur pa de'i tshe/ dmigs par bya ba dang dmigs par byed pa la rnam par mi rtog pas mnyam pa nyid 'jig rten las 'das pa'i ye shes 'byung ste/ gzung ba dang 'dzin pa la mngon par zhe na pa'i bag la nyal yang spong zhing/ rang gi sems kyi chos nyid rnam par rig pa tsam zhes bya ba la sems gnas par 'gyur ro/ /dmigs par bya ba dang dmigs par byed pa mnyam pas mnyam pa zhes bya ba ni 'jig rten las 'das pa'i ye shes te/ ji ltar dmigs par bya ba la rnam par mi rtog cing mngon par zhen pa med pa de bzhin du/ dmigs par byed pa la yang rnam par mi rtog cing/ mngon par zhen pa med ces bya ba'i tha tshig go mnyam pas mnyam zhes bya ba ni shin tu mtshungs pa la bya'o/ /'og ma dang mtshams sbyar ba'i don du dri ba'i phyir/ gal te de ltar rnam par rig pa tsam nyid la zhes bya ba la sogs pa smras te/ gang gi che gzung ba dang 'dzin pa rnam par bshig nas rnam par rig pa tsam nyid la sems gnas pa de'i tshe/ sems de la ji skad ces bya zhe na/ grub pa'i mdza' smra pas/ de ni sems med mi dmigs pa zhes bya ba la sogs pa smras te/ sems med pa dang mi dmigs pa dang/ 'jig rten las 'das pa'i ye shes dang/ gnas gyur pa dang/ zag pa pmed pa'i dbyings dang/ bsams gyis mi khyab pa dang/ dge ba dang brten pa dang bde ba dang/ rnam par grol ba'i sku dang chos kyi sku zhes bya'o zhes bsdus te mdor byas pa'i don to/ / 'grel pa byed pas tshigs su bcad pa gnyis kyis bsdus pa'i don bstan pa'i phyir tshigs su bcad pa 'di gnyis kyis zhes bya ba la sogs pa smras so/ /tshogs su bcad pa 'di gnyis kyis rnam par rig pa cam nying la zhugs pa'i rnal 'byor pa'i mthong ba'i lam la brten nas/ gong nas gong du bye brag tu 'gro bas 'bras bu phun sum tshogs pa bstan to/ /sems med par dang mi dmigs pa dang/ 'jig rten las 'das pa'i ye shes la sogs pa na mthong ba'i lam gyi tshe'o/ /gnas gyur pa la sogs pa ni gong nas gong du bye brag tu 'gro'o/ /sku gnyis ni 'bras bu phun sum tshogs pa'o/ /sems nyid ni rtogs pa yin na de sems med pa dang mi dmigs pa zhes ji skad du bya snyam pa la/ de la 'dzin pa'i sems med zhes bya ba la sogs pa smas te/ 'di ltar 'jigs rten las 'das pa'i sems de la 'dzin pa'i sems gzhan med pas de'i phyir sems med pa'o/ /'di ltar 'jig rten las 'das pa'i sems des gzung ba ci yang mi dmigs pas/ de'i phyir mi dmigs so pa'o/ /'on ci'i phyir/ 'jig rten las 'das pa zhes bya snyam pa la/ 'jig rten 'dras par mi byas pa zhes bya ba la sogs pa smras te/ 'di ltar 'dris par ma byas te/ ma goms pa dang/ 'di ltar yang 'jig rten na kun tu 'byung ba med pa dang/ 'di ltar yang rnam par mi rtog pas/ de'i phyir 'jig rten las brgal ba ste/ de bas na 'jig rten las brgal ba ste/ de bas na 'jig rten las brgal ba'i phyir 'jig rten las 'das pa'i ye shes so/ /gnas gyur pa bstan pa'i phyir/ ye shes de'i 'og tu zhes bya ba la sogs pa smras te/ 'di ltar 'jig rten las 'das pa'i ye shes de'i 'og tu gnas 'gyur bas/ de'i phyir gnas 'gyur ba'i skras de nyid brjod do/ /gnas ni gang yin 'gyur ba ni gang yin zhe na/ de'i phyir gnas kyang zhes bya ba la sogs pas so/ /skabs 'dir ni gnas kyi sgra kun gzhi rnam par shes pa sa bon dang bcas pa la bya bar lta'o/ /gnas rnam pa de lta bu'i gnas ngan len gyi ngo bo dang/ rnam par smin pa'i ngo bo dang/ gzung ba dang 'dzin pa gnyis su snang ba'i ngo bo log par gyur na/ go rims bzhin du las su rung ba'i ngo bo dang/ chos sku'i ngo bo dang mi gnyis pa'i ye shes kyi ngo bor gyur pa de ni gnas rgyur ba zhes bya'o/ /gnas ngan len log na las su rung ba'i dngos por 'gyur ro/ /rnam par smin pa log na chos kyi skur 'gyur ro/ /gnyis su snang ba log na med pa'i ye shes kyi dngos por 'gyur ro/ /gnas ngan len gyi sgra ni nyon mongs pa'i sa bon te las su mi rung ba la bya'o/ /gnyis snang ba'i sgra ni gzung ba dang 'dzin par snang ba la bya'o/ /gnyis med pa'i sgra ni rnam par mi rtog pa'i ye shes la bya'o/ / 'di ji ltar 'thob ce na/ de'i phyir/ gnas gyur pa de yang zhes bya ba la sogs pa smras te/ gnas gyur pa zhes gang bshad pa de gang spangs na 'thob par 'gyur ba brjod dgos so/ /grub pa'i mdza' smra bas/ gnas ngan len gnyis spangs pas so zhes bya ba la sogs pa smras so/ /gnas ngan len rnam pa gnyis spangs na de thob par 'gyur ro/ /rnam pa gnyis bstan pa'i phyir/ gnyis zhes bya ba ni zhes bya ba la sogs pa smras te/ nyon mongs pa'i sgrib pa'i gnas ngan len dang/ shes bya'i sgrib pa'i gnas ngan len ni 'dir gnas ngan len gnyis su bzhed do/ /gnas ngan len ces bya ba 'di ci zhig snyam pa la/ gnas ngan len ni zhes bya ba la sogs pa smras te/ gnas las su mi rung ba ni gnas ngan len ces bya'o/ /yang dag pa'i don du na gnas ngan len ni nyon mongs pa dang/ shes bya'i sgrib pa'i sa bon la bya'o/ /'di'i rab tu dbye ba bstan pa'i phyir gnas su gyur pa de yang zhes bya ba la sogs pa smras so/ /gcig ni nyan thos dang rang sangs rgyas kyi rigs la yod pa'i gnas ngan len spangs pas 'thob ste/ gang rnam par grol ba'i sku zhes smos pa'o/ /gcig shos ni byang chub sems dpa' la yod pa'i gnas ngan len spangs pas 'thob ste/ gang thub pa chen po'i chos zhes bya ba smos pa'o/ /de nyid 'dir sgrib pa rnam pa gnyis spong ba'i bye brag gis gnas gyur pa bla na yod pa dang/ bla na med pa bstan par rig par bya'o/ /sgrib pa rnam gnyis bstan pa'i phyir khungs smos pa/ 'dir tshigs su bcad pa zhes bya ba la sogs pa'o/ /sgrib pa gnyis kyi ngo bo nyid ni len pa'i rnam par shes pa ste/ 'ching bar shes par bya'o/ /su 'ching pa snyam pa la/ der ni gnyis la gnyis 'ching ngo zhes bya ba smras so/ /kun gzhi rnam par shes sgrib pa'i mtshan nyid des ni nyan thos la sogs pa'i rigs dang/ byang chub sems dpa' gnyis la 'ching ngo zhes bya ba'i tha tshig go /nyon mongs sa bon kun sa bon zhes bya ba 'dis sgrib pa gnyis bstan to/ /kun gzhi rnam par shes pa gang la sgrib pa la gnyis kyi sa bon yod pa de/ de skad brjod de/ kun gzhi rnam par shes pa de kun gyi sa bon yod pa dang/ de la nyon mongs pa'i sa bon yod pas de la de skad ces bya'o/ /'grel pa byed pas yan lag gi don bstan pa'i phyir/ gnyis zhes bya ba ni zhes bya ba la sogs pa smras te/ nyon mongs pa'i sa bon ni nyan thos la sogs pa'i rigs kyi 'ching ba'o/ /sgrib pa gnyis kyi sa bon ni byang chub sems dpa' i 'ching ba'i sgrib pa gnyis kyi sa bon gyi sgra ni kun gyi sa bon du bstan to/ /ci'i phyir 'di byang chub sems dpa' i sgrib pa zhes bya zhe na/ de'i phyir de dag bcom pa zhes bya ba la sogs pa smras te/ 'di ltar sgrib pa gnyis spangs na/ thams cad mkhyen pa nyid 'thob pas de'i phyir sgrib pa gnyis ni de'i 'ching ba'o/ /tshigs su bcad pa bshad nas/ gong ma'i skabs kyi 'phro lus pa bshad pa bya ba'i phyir/ de nyid zag pa med pa dang dbyings zhes bya ba ni zhes bya ba la sogs pa smras so/ /gnas gyur pa de gnyis kyi bye brag la zag pa med pa dang dbyings zhes bya ste/ 'di ltar gnas ngan len med pas zag pa thams cad dang bral te/ de'i phyir zag pa med pa'o/ /de yang 'phags pa'i chos kyi rgyu yin pas dbyings zhes bshad do/ /'di ltar rgyu'i don ni 'dir dbyings kyi sgrar gzung ste/ de ni 'phags pa'i chos thams cad kyi rgyu yin no/ /ji ltar bsam gyis mi khyab zhe na/ de'i phyir bsam gyis mi khyab pa ni zhes bya ba la sogs pa smras te/ 'di ltar rtog ge pa'i spyod yul ma yin pa dang/ 'di ltar 'phags pa rnams kyis so so rang gi rig pa dang/ 'di ltar de la dpe med pas de'i phyir bsam gyis mi khyab pa'o/ /ji ltar dge zhe na/ de'i phyir dag pa ni zhes bya ba la sogs pa smras te/ 'di ltar rnam par dag pa'i dmigs pa dang/ 'di ltar bde ba dang/ 'di ltar zag pa med pa'i chos nyid yin pas de'i phyir dge ba'o/ /ji ltar brtan zhen de'i phyir bstan pa ni zhes bya ba la sogs pa smras te/ 'di ltar bde bar gshegs pa bstan pa dang/ mi zad pas de'i phyir bstan pa'o/ /ji ltar bde zhe na de'i phyir bde ba ni zhes bya ba la sogs pa smras te/ gang gi phyir rtag pa de'i phyir bde ba'o/ /'di ltar gang mi rtag pa de ni sdug bsngal ba'o/ /'di ni rtag pa ste de'i phyir bde ba'o/ /gang zag gi bye brag gi gnas gyur pa'i bye brag bstan pa'i phyir nyon mongs pa'i sgrib pa spangs pa zhes bya ba la sogs pa smras te/ gnas gyur pa'i bye brag de ni nyan thos rnams par grol ba'i sku zhes bya ste/ 'di ltar de dag ni nyon mongs pa'i sgrib pa spangs pa tsam gyi de dag rnam par grol ba thob par byed de/ de'i phyir gnas rnam par grol ba ni rnam par grol ba'i skur bstan pa yin no/ /gnas gyur ba'i mtshan nyid de ni thun pa chen po'i chis kyi sku zhes bya'o/ /de'i phyir bcom ldan 'das de chos kyi sku zhes bya snyam pa la/ sa dang pha rol tu phyin pa bsgoms nas zhes bya ba la sogs pa smras te/ 'di ltar sa rnams dang/ pha rol tu phyin pa rnams bsgoms pas nyon mongs pa dang/ shes bya'i sgrib pa spong bar 'gyur/ gnas gyur pa yang yang dag par 'grub par 'gyur te/ de'i phyir thub pa chen po'i chos kyi sku zhes bya'o/ /de ni 'di skad du 'di ltar sa dang pha rol tu phyin pa'i chos rnams kyis bsags pas chos kyi sku zhes bya'o/ /zhes bstan par 'gyur ro/ /'di nyid la bshad pa gzhan bya ba'i phyir/ 'khor ba yongs su mi gtong zhing zhes bya ba la sogs pa smras te/ 'di ltar 'di gnas gyur ba rnyed na byang chub sems dpa' rnams 'khor ba yongs su mi gtong zhing/ 'khor ba'i nyes pa rnams kyis kyang kun nas nyon mongs par mi 'gyur la/ chos thams cad la dbang 'byor pa yang thob ste/ de'i phyir chos kyi sku zhes bya'o/ / chos de dag gi gnas yin pas na chos kyi sku zhes bya ba'i tha tshig go /bcom ldan 'das la ci'i phyir thub pa chen po zhes bya zhe na de'i phyir/ thub pa chen po zhes bya ba ni zhes bya ba la sogs pa smras te/ 'di ltar lus dang ngag dang yid thub pa mchog dang ldan pas/ de'i phyir bcom ldan 'das la thub pa chen po zhes bya ste/ nyon mongs pa dang nye ba'i nyon mongs pas byas pa'i smra ba dang bral ba'i phyir thub pa chen po zhes bya ba'i tha tshig go /'jig rten na'ang su dag tshig bsdams te 'dug pa de thub pa zhes bya'o/ /bcom ldan 'das kyang nyon mongs pas non pa'i tshig cung zad kyang mi gsung ste/ de bas na nyon mongs pa las byung ba'i tshig legs par bsdams pas de bzhin gshegs pa ni thub pa chen po/ /thub pa'i dbang po/ /thub pa'i mchog /thub pa'i rgyal po/ /thub pa'i dbang phyug ces bya'o/ /bdag gis blo gros brtan pa yi/ /sum cu'i bshad pa rnam phye bas/ dge ba thob ba gang yin nges/ /'gro ba sangs rgyas grub gyur cig/ mi shes dbang gis 'di dag tu/ /mi 'drar chung zad gang smras te/ /'di ltar bdag ni khang blun pas/ /mkhas pa rnams kyis bzod par mdzod/ /'di 'dra'i bstan bcos lam la ni/ 'khrul pa ngo mtshar mi che ste/ dper na long pa gcig pu zhig /nyam nga'i lam la rgyug pa bzhin/ /bdag 'dra'i blo las 'ga' tsam zhig /legs pas smras na de rab mang/ /dper na phub khrod sA lu yi/ /'brum gcig na yang mang dang mtshungs/ /slob dpon dul ba'i lhas sum cu pa'i 'grel las grub pa'i rab tu byed pa'i 'grel pa dge slong blo bzang dang tshul gyis mdzad pa bzhugs so/ /rgya gar skad du/ karma sing d+ha TI kA /bod skad du/ las grub pa bshad pa/ bam po dang po'o/ /'phags pa 'jam dpal gzhon nur