<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4351: rnam par bshad pa'i rigs pa<br><table><tr><td>
<input type="button" onclick="location.href='tcompletep.php?id=N4351&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4351&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4351&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">shud+ha sid+d+ha dang/ sarba dz+nyA de ba dang/ lo tsA ba dande ? de ben+ta rak+Shi tas bsgyur cing/ zhu chen byi la tsa ba bande ma sdu shing? ba rmas zhus te gtan la phab pa// //rnam bshad rigs pa dbyig gnyen gyis mdzad pa bzhugs// //
 rgya gang skad du/ byA khyA yugti/ bod skad du/ rnam par bshad pa'i rigs pa/ bam po dang po/ /'jam dpal gzhon nur gyur pa la phyag 'tshal lo/ /blo ldan rnams kyi spyi la bzhugs/ /gti mug bzhin? gnyis zar phyir dang/ /blo rgyus phyir nas sangs
 rgyas ba/ /thub la sbyi bos phyag 'tshal te/ /gang dag bdag pas blo chung ba/ /mdo rnams 'chad 'dod de dag la/ /de la phan par bya ba'i phyir/ /man dag cung zad bstan par bya/ /mdo rnam par 'chad par 'dod pas thog ma kho nar thos pa mang ba dang/
 thos pa'i bzhi can dang/ thos ba bsag par bya'o/ /ji ltar na thos pa mang ba dang/ thos pa'i gzhi can dang/ thos ba bsags pa yin zhe na/ chos gang dag thog mar dge ba zhes bya ba mdo las rgya cher ji skad bstan ba lta bu'o/ /de la chos ni mdo la sogs
 ba ste/ rigs ba ston pa'i don dang/ don phyin ci ma log par nges par 'dzin pa'i don gyis so/ /tshangs par sbyod ba ni mya ngan las 'das pa'i lha ma yin no/ /mya ngan las 'das ba ni mchog tu gtso bo yin pa'i don gyis tshangs pa yin te/ zhi ba dang
 bsil bar gyur pa dang tshangs par gyur pa zhes gsungs pa'i phyir ro/ /der gang gis spyod par byed pa dang/ 'gro bar byed pa dang/ thob par byed par ni tshangs par spyod pa yin te/ 'dis myos par 'gyur bas chang zhes bya ba bzhin no/ /de'i thog ma dang bar
 dang tha ma dag ni tshul khrims dang ting nge 'dzin dang/ shes rab kyi phung po dag yin te/ 'di ltar 'od srungs pa'i sde bdag gi mdo las/ dge slong dag byed la nges par chos thog mang dge ba/ bar du dge ba/ tha mar dge ba dag bstan pa yin te/ tshangs bar spyod
 pa'i thog ma gang zhe na/ tshul khrims dang ldan par gnas pa dang zhes rgya cher 'byung ba dang/ tshangs bar spyod pI par gang zhe na/ 'dod pa dag las dben ba zhes bya ba nas rgyas par bsaM gtan? zhi pa'i bar du rdzogs par byas te gnas pa yin no zhes 'byung ba dang/ tshangs pI
 spyod pa'i tha ma gang zhe na/ 'di ni sdug bsngal 'phags pa'i bden pa yin no zhes yang dag ba ji lta ba bzhin du rab tu shes pa nas/ rnam par grol ba la rnam par grol la snyam du ye shes mthong ba 'byang ba yin na zhes bya ba'i bar du rgya cher 'byung ba yin no/
 dge ba yang yongs su nyam ba med pas mi bslu ba'i phyir ro/ /don bzang po tshig 'bru bzang bo ni go rimS bzhin du phyin ci ma log ba dang go bar byed pa gnyis kyis brjod par bya ba dang/ brjod pa phun sum tshogs pa'i phyir ro/ /ma 'dres pa la sogs pa ni thun mong ma yin pa'i phyir
 dang/ nyon mongs pa thams cad kyi gnyen po'i phyir dang/ ngo bo nyid dang rgyud rnam par grol ba gnyis kyis rnam par grol pa'i phyir te/ go rims bzhin no/ /gzhan yang thog ma dang par dang/ tha mar dge ba ni don bzang po dang tshig 'bru bzang po dang ma 'dres pa la
 sogs pa yin pa'i phyir ro/ /gzhan yang phyi rol pa'i chos kyi gnyen por 'di pa'i chos rnams kyi che ba'i bdag nyid yongs su bstan pa yin te/ phyi rol pa dag gi chos rnams ni thog ma dang bar dang tha ma dag tu tshangs par spyod pa rab tu mi ston te/ phyi 'gal ba'i phyir ro//
 dge ba yang ma yin no/ /don dang tshig 'bru sbyon dang ldan pa'i phyir ro/ /na 'dres pa yang ma yin te/ gzhan dang thun mong yin pa'i phyir ro/ /yongs su rdzogs pa yang ma yin te/ nye tshe'i gnyen po yin pa'i phyir ro/ /yongs su dag pa yang ma yin te/ rang gis pa'i
 nyon mongs pa kun tu spyod pa'i rten du gyur pa'i phyir ro/ /yongs su byad bra yang ma yin te/ sa gzhan pa'i nyon mongs pa'i bag la nyal dang ldan pa'i phyir ro/ /'di pa'i chos rnams ni de las bzlog pa yin no/ /kha cig ni don dang ldan pa dang/ tshig 'bru dang ldan pa
 zhes 'don te/ de las ni don dang bcas pa dang/ /tshig 'bru dang bcas pa dang dge ba yin par ston te/ /mngon par brjod pas mngon par rjod bar byed ba zhes pa ni rtogs ? byed pa yin te/ 'di dag gis ni bshad pa'i chos bstan pa yin no/
 de kun nas slong bar byed pa'i chos rnams ni dag gi rang bzhin ma yin pa'i phyir rang gi sa don go bar ? mi nus ki rgyud bas go bar byed de/ /gzhan yang gang dag pa'i rang bzhin yin pa'i phyir mngon par brjod pas mngon par brjod pa yin gyi/ yi ge bsgyur
 te/ rnam par bshad bas mngon par brjod bas ni ma yin te/ ha cang lang thal bar gyur na mi rung ba'i phyir ro/ /gang dag mngon par brjod pa na mngon par brjod par byed ba zhes de skad du 'don ba de'i don ni tshig gi don grags bas bdag nyid brjod
 ba na yin gyi/ yi ge bsgyur te rnam par bshad pas mngon bar brjod pa ni na ma yin te /ji ltar bdud kyis smras pa'i tshigs su bcad pa las/ mi rnams che ni ring pa ste/ skyes bu dam pa slu mi byed/ 'dir ni 'chi bdag 'ong ba med/ /'phyed ba dang ni bag nor?
 sbyor ces bya ba/ mi rnams che ni mi ring bas/ /skyes bu dam pa rnams la bslu/ 'dir ni 'chi bdag 'od yod bas/ 'phyar dang bag med sbyad mi bya zhes yi ge rnams bsgyur nas rnam ba gzhan du rnam par bshad par nus ba lta bu'i bya ba 'di yin to/ /
 gzhan yang tshangs par spyod pa mngon par brjod pa na mngon par brjod par byed pa rjes bya ba ni gzhan ma yin par brjod pa nyid du bstan pa yin no/ /thos pa zhes bya ba nas/ /mthong bas shin tu rtogs pa yin no zhes bya ba'i bar ni nyan ba dang/ 'dzin pa dang
 'jug bar byed pa dang/ don sems pa dang/ de dmigs gyis byed pa'i sgo nas ni go rims bzhin no/ /de la gnyis kyis ni mang du thos pa dang/ thos pa'i gzhi can yin no/ /lhag ma rnams kyi ni thos pa bsags pa yin te/ brtan par byed pa'i phyir ro//
 lung las ni bstan bar 'dzin pa dang/ glog ba dang/ 'don ba dang/ sems dang ba dang ldan ba dang/ gtsug lag nyid du dmigs kyis phyed pa'i sgo nas thos pa nas mthong bas shin tu rtogs pa'i bar yin no zhes 'byung ngo/ /bshad pa 'di ni gang las ji ltar na
 mang du thos ba la sogs pa yin ba de yongs su ston pa yin par rig bar bya'o/ /de lta bur gyur ba des ji ltar mdo sde rnam par bshad par bya zhe na/ rnam pa lnga dag gis te/ mdo sde'i dgos pa dang/ bsdus pa'i don dang/ tshig gi don dang/ mtshams sbyar ba
 dang/ brgal ba dang lan gnyis brjod par bya'o/ /'dir smras pa/ mdo don smra ba dag gis ni/ dgos pa bsdus pa'i don bcas dang/ /tshig don bcas dang mtshams sbyor bcas/ brgal lan bcas par bsnyad par bya/ /brgal ba dang lan gnyis gcig
 tu bya ba ni brgal ba'i lan gdab pa'i don gyi phyir ro/ /ci'i phyir 'di dag brjod par bya zhe na/ mdo sde'i don bcas kyi che ba nyid thos na nyan pa dang 'dzin pa la 'bang par byed pas dgos pa brjod par bya'o/ /dgos pa de'ang mdo sde'i bsdus pa'i ngan las
 rtogs? par 'gyur ro/ /bsdus pa'i don yang/ tshig gi don las so/ /tshig gi don gyi go rims mi 'gal ba ni mtshams sbyar ba las so/ /rigs pa dang mi 'gal ba dang/ snga phyi mi 'gal ba ni brgal ba dang lan las y in pas na bsdus pa'i don la
 sogs pa yang brjod par bya'o/ /'di ltar smras pa/ mdo don che ba nyid thos na/ nyan pa dang ni 'dzin pa la/ /nyan pa po ni gus byed pas/ /thog mar dgos pa brjod par bya /de 'grub de ni bsdus don las/ /bsdus pa'i don ni tshig don las//
 po'i mas rigs ba snga phyi dag /mi 'gal ba ni gnyis las so/ /gzhan yang dgos pa brjod pa las ni mdo sde'i 'bras bu phun sum tshogs pa shes par 'gyur zhing/ bsdus pa'i don brjod pa las ni don gyi dbang du byas pa yin la/ tshig gi don
 brjod pa las ni bsdus pa'i don dang/ chos kyi mtshan nyid dang/ dgongs ba'i mtshan nyid yin la mtshams sbyar ba brjod pa las ni tshig rnams kyi go rims 'brel pa'o/ /brgal pa dang lan brjod pa las ni rigs pa dang snga phyi mi 'gal
 ba'i/ /'dir smras ba/ lnga po bstan pa byas pa las/ 'bras bu phun sum dbang byas dang/ /de bzhin bsdus don la sogs gsum/ /'brel dang mi 'gal shes par 'gyur/ /de la chos kyi mtshan nyid ni ji ltar gzugs ni mi rtag ba'o zhes bya ba lta bu'o/
 tshig 'di yi rang dang sbyi'i mchan nyid kyi don bstan pa na dgongs pa'i mtshan nyid ni ji ltar mi rtag pa gang yin pa de ni sdug bsngal ba'o zhes bya ba lta bu ste/ zag pa dang bcas pa dang/ 'du byed kyi sdug bsngal la dgongs pa yin no/ /de bzhin du rnyed pa dang
 bkur stis ni pags pa nas rkang gi bar du 'chad do zhes bya ba lta bu ni 'dir dbang po lnga po dag tu dgongs pa ste/ dad pa la sogs pa ni pags pa la sogs ba bzhin du 'og ma 'og ma nang du gyur pa'i phyir dang/ gces rims yin pa'i phyir ro/ /lung las kyang dang
 pa tsam ni pags pa lta bu yin te/ srab ba'i phyir ro/ /brtson 'grus ni sha lta bu yin te/ rtag tu brtson bas sdug ba'i phyir ro/ /dran pa ni rgyus pa lta bu yin te/ thos pa dang bsams pa'i don 'brel par byed pa'i phyir ro/ /ting nge 'dzin ni dus pa lta bu yin te/ rtog
 ba ngan pas phyed par dka' ba'i phyir ro/ /shes rab ni rkang lta bu yin te/ mnyam par bzhag pa'i sems la gnas pa'i phyir ro zhes 'byung ngo/ /de la mdo sde'i dgos pa ni bsdu na rnam pa bzhir rig par bya ste/ kun tu rmongs pa rnams la yang dag par bstan pa
 dang/ bag med pa rnams la yang dag par len du gzhug pa dang/ kun tu zhum ba rnams la yang dag bar gzeng bstong pa dang/ yang dag par zhugs pa rnams la yang dag par dga' bar bya ste/ ji ltar rigS bar kha cig tu ni gcig yin pa nas/ kha cig tu ni
 bzhi yin pa'i bar du sbyang bar ba'o/ /de'i phyir de dang de las yang dag par ston par mdzad/ yang dag par len du 'jug par mdzad/ yang dag par gzer bstod par mdzad/ yang dag par dga' bar mdzad ces bya ba smos so/ /gang zag kha cig gcig bu yin
 yod don kha cig la kun tu rmongs la/ kha cig la zhes bya ba nas yang dag par zhugs pa'i bar du yin pas gcig la yang bzhi 'thad do/ /de la kun tu rmongs pa rnams ni ma shes pa dang the tshom dang log par shes pa dang ldan pa'i phyir ro/ /bag med pa
 rnams ni le la dang 'dun pa med pa dang g.yon sbyo ba dang ldan pa'i phyir ro/ /kun tu zhum pa rnams ni dman pa la mos pa dang bdag nyid mi nus par sems pa dang 'gyod pa dang bya ba mang pos 'jigs pa dang ldan pa'i phyir ro/ /yang dag par zhugs pa
 rnams ni phyin ci ma log pa dang mnyam pa dang mchog ma shes pa'i brtson 'grus bsgrub pa dang ldan pa'i phyir ro/ /nag po'i phyogs las 'dun pa bzlog pa yang dgos pa yin no/ /yang na de yang yang dag par len du 'jug pa nyid yin te/ de bzlog pa
 la 'dzud pa'i phyir ro/ /yang dag par bstan pa la sogs pa de dag kyang yon tan gyi khyad bar gyi don nam/ yongs su spong bar byed pa'i don nam/ /rten bar byed pa'i don nam/ skye bo'i don nam/ dang ba'i don nam/ de lta bu la sogs pa yin par ci rigs par
 rig par bya'o/ /mdo las ma dang ba gnyis ni dang pa phun sum tshogs pa la yang dag par len du 'jug 'dul bar byed/ 'dzud par byed/ rab tu 'jog par byed ces 'byung ba gang yin pa de ci don gcig pa zhig yin nam 'on te tho dad pa yin/ de laS
 cing 'gyur/ gal te don gcig ba zhig yin na ni don zlos ba nyid kyi skyon du 'gyur ro/ /'on te don tha dad pa zhig yin na ni ji ltar na yang dag bar bstan pa la sogs pa kho na mdo sde'i dgos brtag tu 'gyur zhe na/ re zhig don gcig pa zhig yin med
 don zlos na skyon cir 'gyur/ /don med bar 'gyur te/ tshig 'jug la don med pa yin na ni ci'i phyir bzlog par 'gyur la/ ci'i phyir rnam grangs rnams kyi bstan gyi de nyid kyis ma yin zhe na/ gal te sangs rgyas rnams kyi rnam grangs gsungS
 ba dgos pa med ba zhig yin na ni skyon der 'gyur ro/ /'dir dgos pa gang/ yin zhe na/ dgos pa dag ni brgyad de rnam grangs gsungs ba ni 'dul ba tha dad pa'i phyir te/ de'i tshe dang phyi ma'i tshe kha cig la las khong du chud bar bya ba'i phyir dang/ de'i tshe rnam par
 g.yengs ba rnams la brjod pa de nyid kyis ni gzhan dag gi smad bar 'gyur bas rnam grangs kyis de'i don bstan bar bya ba'i phyir dang/ yid mi gzhungs pa rnam la yang dang yang du de'i don yang dag bar mtshon bas mi brjed bar bya ba'i phyir dang/ tshig
 gcig la don du ma byung bas don gzhan du rtog pa bsal ba'i phyir dang/ gzhan du ming de rnams kyis de'i don yang dag par bsgrub pa'i phyir sgra nges par sbyor ba lta bu dang/ chos sgrogs ba rnams don gyi bshad sbyar dang go bar byed pa gnyis la thabs
 mkhas pa nyid du bsgrub pa'i phyir dang/ nyid la chos so so yang dag par rig pa mnga' bar bstan pa'i phyir dang/ gzhan dag la de'i sa bon bskyed pa'i phyir te/ rnam par ba thad? pa byed ba thams cad kyang/ rnam grangs bshad pa dag gi slob ma
 rnams la go ba byed pas na de lta bu'i rang bzhin can la zlos pa'i skyon du mi 'gyur ro/ /yang na don tha dad pa yin du chug ste/ 'di ltar byos shig ces bya ba ni yang dag par len du 'jug pa'o/ /'dul bar byed pa nyid du sgrub pa'i phyir ro/ /'dzud par byed ba mi sgrub pa
 la 'jog par byed pa'i phyir ro/ /rab tu 'jog par byed pa ni mi 'phrogs pa nyid kyis rnam par mi g.yos par bya ba'i phyir ro/ /rnam grangs gzhan yang 'dul bar byed ba na bgegs sel ba'i phyir ro/ /da lta na mdo sde las dgos ba mang po mi 'byung zhe na/ mi
 'byung ste/ 'dul bar byed pa la sogs pa rnams kyi 'bras bu ni nye bar 'dun par byed pa yin pa'i phyir ro/ /'o na rnam grangs kyi nye bar 'dun par byed par byed ba 'am/ 'dun pa zlog par byed pa 'di lta ste/ sbyor bar bya ba ni rigs so/ /bag yod par bya ba ni
 rigs so/ /ston pa'i bstan pa la rnal 'byor du bya ba ni rigs so zhes bya ba dang/ kun dga' po dge slong 'du 'dzil kun dga' ba dang/ 'du 'dzi la kun dga' bI sbyor ba dang mngon par brtson zhing gnas pa de ni legS pa ma yin no zhes bya ba gang yin pa
 ji lta bu zhe na/ de dag kyang gdul ba bag med pa'i rang bzhin can gyi dbang du mdzad nas ni yang dag par len du 'jug pa yin no/ /kun tu rmongs pa'i dbang du mdzad nas ni yang dag par bstan pa yin te/ rigs pa dang rigs pa ma yin pa nyid gnyis yang dag par
 ston pa'i phyir ro/ /de la mdo sde'i dum bu dang po 'di ni gang la brten nas gang bya ba de la nye bar 'dun par byed pa yin te/ ci la brten nas zhe na/ brtson 'grus brtsams ba la'o/ /ci zhig bya zhe na/ mi mthun pa'i phyogs spang ba dang/ gnyen po'i phyogs bsten par
 bya'o/ /gzhan yang gdul ba la la can gyi dbang dang/ brnyed pa dang bkur sti'i don du thos pa dang/ bsam pa la brtson pa dang/ ting nge 'dzin tsam gyis tshog par 'dzin pa'i rang bzhin can las brtsams nas nye bar 'dun bar byed pa 'di yin par rig par bya'o/ /gzhan
 yang ting nge 'dzin dang de la ngo myang ba med pa dang de tsam gyis chog mi shes par nye bar 'dun bar byed pa yin no/ /lung las ni go rims bzhin du bslab ba gsum la brtsams nas zhes 'byung ngo/ /a lam zhes bya ba'i sgra 'di ni nus pa la yang mthong ste/ lam
 'di yang shes par nus pa ma yin zhes bya ba ste/ mi phod cing mi nus so zhes bya ba'i tha tshig go /bzlog pa'i don la yang ma thob ste/ rgyal po chen po re shig bdag la pa ni zhes bya ba naS seMs rab tu dang bas ni chog go /'du byed thams cad kyis ni tshog go zhes bya ba'o//
 rgyan gyi don la yang mthong ste/ rus ba'i lus ni mngon par brgyan byas shing/ /mig sman bskus ba ji ltar gsar bris bzhin zhes bya ba'o/ /rigs ba'i don la yang mthong ste/ dmag ldan pa khyod som nyi zab na rigs pa yin no/ /the tshom za ba ni rigS
 ba yin no zhes bya ba ste/ the tshom za bar bya ba'i gnas la the tshom skyes pa yin pas so/ /skyo bar rigs ba yin no/ /'dod chags dang bral bas rigs pa yin no/ /rnam par grol bar bya ba ni rigs pa yin no zhes bya ba ni rung ba zhes bya ba'i tha tshig go /'dir yang sbyor
 bar bya ba ni rigs so zhes bya ba ni rung ba'i don du blta bar bya'o/ /mdo sde'i dum bu gnyis pa las 'byung ba ni da ltar byung ba dang/ 'das pa dang ma 'ongs ba'i 'bu 'ji las brtsams nas tshigs gsum po dag rigs par bya ste/ de la dga' ba dang ro myang bar byed pa dang
 mngon par dga' ba'i phyir ro/ /sbong ba la kun dga' ba zhes bya ba de la yang de bzhin no/ /dgos pa bshad zin te/ /bsdus pa'i don ni mdo sde'i lung yin te/ 'di lta ste/ yang dag par ldan pa'i lung las/ dge slong dag gzugs yod pa 'di la zheS bya ba la sogs pa'i
 mdo sde lta bu ste/ de las ni bsdun gang zhig ji ltar yongs su shes par bya ba dang/ yongs su shes pa gang yin pa dang/ yongs su shes pa'i 'bras bu gang yin pa dang/ de brjod par byed pa gang yin pa de bstan pa ni bsdus pa'i don no/ /ci zhig yongs su shes par bya zhe na/
 gzugs la sogs la sdug bsngal gyis bden pas bsdus pa'o/ /ji ltar yongs su shes bar bya zhe na/ mi rtag par ro/ /yongs su shes pa gang zhe na/ yang dag ba'i lta ba'o/ /yongs su shes pa'i 'bras bu gang zhe na/ skyo ba la sogs pa'i rims kyis sems shin tu rnam
 par grol ba nyid do/ /de brjod par byed pa gang yin zhe na/ bdag gi skye ba zad do zhes bya ba de lta bu la sogs pa'o/ /gzhan yang bsdus pa'i don ni bsdun 'dir yang dag pa ji lta ba bzhin du mthong ba dang/ skyo ba dang/ 'dod chags dang bral ba dang/ rnam par grol ba dang/ rnam
 par grol pa'i ye shes mthong ba yin par bstan to/ /de lta bu'i rang bzhin can ni mdo sde rnams kyis bsdus pa'i don du rig par bya'o/ /tshig gi don ni brjod pa gang gi brjod par bya ba gang yin pa ste /de yang kha cig ni gcig la du ma 'byung ba dang/ kha cig ni dum la gcig
 'byung ba ste/ re zhig gcig la dun 'byung ba ni dper na/ mi zla ba'i bu mo'i mdo las/ de'i sems de 'dod chags dang bral ba dang/ zhe sdang dang bral ba dang/ gti mug dang bral ba yin no/ zhes bya ba 'byung ba lta bu ni de dag dang mi ldan par shes par bya ste/ kun tu chags
 ba ma yin pa'i chos can zhes bya ba la sogs pa gsungs pa'i phyir dang/ phyir mi ldog pa'i chos can zhes gsungs pa'i phyir te/ yongs su nyams pa med pa dang/ phyir ldog pa med pas phyi rol pa'i 'dod chags dang bral ba dang chos mi mthun pa'i phyir ro/ /yan lag lnga
 pa'i phywa mkhan gyi mdo las/ dge ba'i tshul khrims 'di dag ni sems kyis kun nas bslang ba dag ste/ sems de gang zhe na/ 'dod chags dang bral ba dang zhe sdang dang bral ba dang/ gti mug dang bral ba yin no zhes bya ba ni ma chags pa sogs pa dag dang mtshungs par ldan par
 shes par bya'o/ /'dod chags la sogs pa dag dang mi ldan pa yang ma yin la/ lung du ma bstan ba yang ma yin te/ so so thar ba'i sdom pa'i dbang du mdzad pa'i phyir ro/ /sems kyi rnam grangs mngon par shes pa bstan pa las/ sems 'dod chags dang bral na sems
 'dod chags dang bral lo snyam du yang dag pa ji lta ba bzhin du rab tu shes pa dang/ zhe sdang dang bral ba dang/ gti mug dang bral ba zhes bya ba ni 'dod chags la sogs pa dag dang mchungs par ldan pa ma yin par shes par bya'o/ /mi ldan pa yang ma yin la gdon mi za bar mchags
 pa la sogs pa dang mtshungs par ldan pa yang ma yin no/ /ci'i phyir mi ldan pa ma yin zhe na/ 'dod chags dang sogs pa dang bral ba nyid rnam par grol ba nyid du 'gyur bas so/ /cir 'gyur zhe na/ de logs shig tu bstan bar mi 'gyur la/ mngon par shes ba byi bo
 dag la yang 'dod chags la sogs pa dang bral bar smos par mi 'gyur te/ rnam par grol ba bzhin no/ /gal te 'dod chags la sogs pa dang bral ba de dang mi ldan pa yin na/ 'o na ni 'dod chags sogs pa dang bcas pa yang de dang ldan pa yin
 gyi de dang mtshungs par ldan pa ni ma yin no/ /cir 'gyur zhe na/ tha dad pa smod par mi 'gyur te/ gcig la yang gsum char dang ldan pa'i phyir ro/ /rnam par ma grol ba yang logs shig tu smos par mi 'gyur ro/ /gal te 'dod chags dang bral ba mi ldan pa
 yin yang 'dod chags dang bcas pa ldan pa tsam la mi brjod par mtshungs par ldan pa la bya'o zhes pa ni gal te nag po'i phyogs dang mthun pa de dang mtshungs par ldan pa yin la/ dkar po'i phyogs dang mthun pa ni de dang mi ldan pa yin na cing? 'gyur zhe na/ rnam par grol
 ba logs shig tu smos par mi 'gyur zhing/ 'dod chags la sogs pa dang mtshungs bar ldan pa yang ma yin mi ldan pa yang ma yin pa'i dge ba zag pa dang bcas pa dang/ lung du ma bstan pa gang yin pa de yin pa de yang smos par mi 'gyur ro/ /re zhig nyon mongS
 pa gzhan dang nye ba'i nyon mongs pa dang mtshungs par ldan ba'i sems kyang ji ltar smos bar 'gyur te/ de la yang de bzhin du 'gyur ro zhe na/ tshor ba rnam pa gsum la gnas pa'i sems kyi dbang du byas nas de dang mtshungs par ldan pa'i nyon mongs pa'i rtsa ba
 gsum po dag smos pa'i phyir/ de la gnas pa'i sems dang mtshungs par ldan pa'i nyon mongs pa dang nye ba'i nyon mongs pa dang/ nye ba'i nyon mongs pa de'i phyogs dang mthun pa gzhan rnams kyang smos pa kho na yin pas de dang mtshungs par ldan pa'i semS
 ma smos pa ma yin no/ /gal te 'o na 'dod chags dang mtshungs par ldan pa ma yin pa 'dod chags dang bral ba yin na/ zhe sdang rang mtshungs par ldan pa yang 'dod chags dang bral ba yin no zhe na/ de la de ltar gzung ba go ba ma yin no/ de la ni zhe sdang dang
 bcas pa nyid du gzung ste/ ji lta bu dang mtshungs par ldan par bzung ba'i phyir de kho na bzhin du bstan to/ /'dod chags la sogs pa dang/ bral ba ni tha dang ba ni tha dang bar yang gzung ste/ /? dang tshungs par ldan ba de dang bral ba dang/ gzhan dang yang mtshungs par ldan pa ma yin
 pa las so/ /tha dad ba ma yin par yang yin te/ thams cad dang mtshungs bar mi ldan pa'i las so/ /gang zhig 'di skad du/ gal te 'dod chags dang ldan pa 'dod chags dang bcas pa yin na de ni pha rol gyi sems shes par 'dzin par mi 'thad de/ ci'i phyir zhes
 'dod chags dang ldan pa ni des dmigs pa 'am de thob pa'i sgo nas yin grangs na/ de gnyis kyang des mi 'dzin te/ pha rol gyi sems shes bas de la dmigs pa can dang/ sems dang mi ldan pa la dmigs pa can du gyur na mi rung bas so zhes zer bde la 'di skad ?
 re zhig ji ltar na pha rol gyi sems shes pas sems rnam par ma grol ba 'dzin par 'gyur te/ da la yang de bzhin du 'gyur ro zhes brjod par bya'o/ /de yang ji ltar 'dzin bar 'gyur zhe na/ 'di ni bsam gyis mi khyab ba sems pa ste/ bcom ldan 'das kyis bsam
 gtan pa rnams kyis bsam gtan gyi yul ni bsam gyis mi khyab bo zhes gsungs so/ /'on kyang 'dod chags la sogs pa'i bag chags dang bcas pa'i sems khyad par can la 'dzin to/ /de ltar na tshig gcig la don du ma byung ba yin no/ /yang dper brjod par
 bya ste/ dper na gzugs shes bya ba gzugs phung dang/ /kha dog bsam gtan rnam bar 'dren/ /gzugs zhes bya ba gzugs kyi phung po la ni gzugs la bdag tu rjes su lta zhing rnam par shes pa'i bar du zhes 'byung ba lta bu'o/ /kha dog la ni mig gis
 gzugs rnams mthong nas zhes 'byung ba lta bu'o/ /bsam gtan rnams la ni gzugs kyi 'dod chags dang/ gzugs med pa'i 'dod chags zhes 'byung ba lta bu'o/ /rnam pa la ni gzugs rnams kyi sdug pa'i gzugs ngag la kun tu chags zhes 'byung ba
 lta bu'o/ /mdza' ni zad dang 'jug cha dang/ /nye dang phyogs dang smad la'o/ /mdza' i sgra zad pa la ni sdug bsngal thar 'byin zhes 'byung ba lta bu'o/ /'jug la ni 'tsho ba'i mdza' ni 'chi ba zhes 'byung ba dang/ 'dir ni 'gro bas 'jig rten mthar
 nam yang phyin par mi 'gyur ro/ /zhes 'byung ba lta bu'o/ /cha la ni mdza' gsum ste/ 'jig tshogs kyi mdza' dang/ 'jig tshogs kun 'byung ba'i mdza' dang/ 'jig tshogs 'gog pa'i mdza' o/ zhes 'byung ba lta bu'o/ /nye ba la ni sa slangs nas chu'i mthar
 'gro'o zhes 'byung ba lta bu'o/ /phyogS la ni mdza' gang du phyin zhes 'byung ba dang/ mdza' gcig tu 'dug go zhes 'byung ba lta bu'o/ /smad pa la ni 'di ni 'tsho ba rnams kyi mdza' ste/ 'di lta ste/ slongs mo'i zhes bya ba lta bu ste/ tha chad do zhes bya bar
 mngon no/ /mchog gi sgra ni gtso bo dang/ /dad po rtse mo mdun don dang/ /tshig dang mang po dag dang ni/ /dmigs pa la yang yod bar mthong/ /gtso bo la ni sems can gang su dag yod pa de rnams kyi mchog ni de bzhin gshegs pa yin par bshad ces
 'byung ba lta bu'o/ /dang po la ni stan gyi thog ma dang/ chu'i thog ma dang/ bsod snyoms kyi thog ma zhes 'byung ba lta bu'o/ /rtse mo la ni sgra'i rtse mos sam/ rtsa mchog mas sam zhes 'byung ba lta bu'o/ /mdun gyi don la ni mdun du 'gro'o zhes 'byung ba
 lta bu'o/ /tshigs la ni tshigs kyi sa bon zhes 'byung ba lta bu'o/ /mang po la ni khrom gyi ru zhes 'byung ba lta bu'o/ /dmigs pa la ni sems rtse gcig pa nyid dang/ sems mi 'brel ba zhes 'byung ba lta bu'o/ /nye bar bsgyur ba dang bcas na yid bde
 ba la yang mthong ste/ mgu ba nyid du gyur/ yid rangs pa nyid du gyur zhes 'byung ba lta bu'o/ /blo gcig pa nyid la yang yod de/ nyan thos kyi dge 'dun rnams mthun pa rnams la ltos zhes 'byung ba lta bu'o/ /mdza' dag nyid la yod yod de/ rkyen rnams
 tshogs pa zhes 'byung ba lta bu'o/ /gzhon pa nyid la yang yod de/ lang cho gzhon nu dang ldan pa zhes 'byung ba lta bu'o/ /'jig rten zhes bya sems can dang/ /snod dang sdug bsngal 'gro 'dod pa'o/ /sems can dag la ni chos gsum po 'di dag ni 'jig rten mi 'dod
 pa dang/ mi sdug pa dang/ mi dga' ba dang/ yid du mi 'od ba'o zhes 'byung ba lta bu'o/ /snod la ni 'jig rten gyi bar gyi 'jig rten dag yod ngo zhes 'byung ba lta bu'o/ /sdug bsngal gyi bde ba la ni 'jig rten gang zhe na/ nye bar len pa'i phung po lnga rnams so zhes
 'byung ba lta bu'o/ /'gro ba la ni lan cig 'jig rten 'dir 'ongs na sdug bsngal gyi mthar 'byin to/ zhes 'byung ba lta bu'o/ /'dod pa rnams la ni kun tu rgyu dag 'dod pa'i yon tan lnga po 'di dag ni 'phags pa'i chos 'dul ba la ni 'jig rten zhes bya'o zhes
 'byung ba lta bu'o/ /zang zing zhes bya rnyed pa dang/ /'dod yon gzugs dang zas la yod/ /rnyed pa la ni dge slong dag nga ni chos kyi bgo skal la sbyong cing gnas pa yin gyi zang zing gi bgo skal la spyod pa ni ma yin no zhes 'byung ba lta bu'o/ /'dod pa'i yon tan
 rnams la ni gang la so so'i skye bo rnams chags pa 'di ni 'jig rten gyi zang zing drag po yin no/ zhes 'byung ba lta bu'o/ /gzugs la ni zang zing dang bcas pa'i rnam par thar pa gang zhe na/ gzugs dang ldan pa gang yin pa'o zhes 'byung ba lta bu'o/ /zas la
 ni lag pa zas dang 'bags pas chu snod la ma bzung zhes 'byung ba lta bu'o/ /'jig rten na zang zing gi sgra ni shal yang yod de/ sha med pa'i zas dang zhes 'byung ba lta bu'o/ /'byung ba zhes bya skyes bden dang/ /sa khams sogs dang 'dus byas dang/
 yod dang sems can rnams dang ni/ /me ma yin pa rnams la yod/ /skyes pa la ni zas bzhi ni sems can 'byung ba rnams gnas pa'i phyir ro zhes 'byung ba lta bu ste/ skyes pa rnams shes bya bar shes so/ /bden pa la ni de yang dus bzhin du smra ba dang/ yang
 dag par smra ba yin zhes 'byung ba lta bu'o/ /sa'i khams la sogs pa ni 'byung ba chen po bzhi dag ces 'byung ba lta bu'o/ /'dus byas pa ni dge slong byung ba la skye bar bya ba'i phyir dang/ 'dod chags dang bral bar bya ba'i phyir dang/
 'gog par bya ba'i phyir zhugs pa yin no zhes 'byung ba lta bu'o/ /yod pa la ni bdag nyid la ji ltar yod pa bzhin du smra ba yin zhes 'byung ba lta bu'o/ /sems can rnams la ni 'byung po thams cad dbyug pa spangs nas zhes 'byung ba lta bu'o/ /mi ma yin
 pa rnams la ni/ 'byung po gang dag 'dir ni lhags gyur cing/ /sa 'am 'on te bar snang 'khor ba dag ces 'byung ba dang/ 'byung pos zin pa dang/ 'byung ba'i sman pa zhes 'byung ba lta bu'o/ /pA ba zhes bya mya ngan 'das/ /rkang pa cha dang yud cam dang/ /bzhi
 dang bden gnyis rkang ba'i phyogs/ /rjes dang tshig la yod pa yin/ /mya ngan las 'das pa la ni zhi ba'i go 'phang bla na med pa zhes 'byung ba lta bu'o/ /rkang pa la ni sems can gang dag rkang ba med pa'am/ rkang gnyis sam/ rkang mangs sam zhes
 'byung ba lta bu'o/ /cha la ni chos kyi rnam grangs tshig bzhi ba zhes 'byung ba ste bu'o/ /yud tsam la ni sems yud tsam yud tsam la nyid chad cing rnam par rtog pa rnams kyi dbang du song zhes 'byung ba lta bu'o/ /gzhi la ni bag yod pa ni mi 'chi ba'i
 gzhi yin te/ bag med pa ni 'chi ba'i gzhi yin zhes 'byung ba lta bu'o/ /bden pa rnams la ni slob pa'i gzhi mthong ba zhes 'byung ba lta bu'o/ /rkang pa'i phyogs bram ze pho bo dang rus gcig bas bcom ldan 'das kyi gom gnas su zhabs la
 'khor lo dag mthong ngo zhes 'byung ba lta bu'o/ /rjes la ni mkha' la byi'i rjes bzhin du/ de dag rtogs par dka' ba yin zhes 'byung ba lta bu'o/ /tshig pa ni legs par bshad pa'i tshig gcig gi don kyang shes par byas nas zhes 'byung ba
 lta bu'o/ /chos ni shes bya lam dang ni/ /mya ngan 'das dang yid kyi yul/ /bsod nams tshe dang gsung rab dang/ /'byung 'gyur des dang chos lugs la'o/ /chos kyi sgra zhes bya ba la ni chos gang la la 'dus byas sam 'dus ma byas sam de rnams kyi mchog
 ni 'dod chags dang bral ba yin par bshad do zhes 'byung ba lta bu'o/ /lam la ni dge slong dag log ba'i lta ba ni chos ma yin la yang dag pa'i lta ba ni chos yin no zhes rgyas par 'byung ba lta bu'o/ /mya ngan las 'das pa la ni chos la skyabs su song ba zhes 'byung
 pa lta bu'o/ /yid kyi yul la ni chos kyi skye mched ces 'byung ba lta bu ste/ de ni yid kho na'i yul yin zhing yul kho na yin gyi rten ni ma yin no/ /bsod nams la ni btsun mo'i 'khor dang gzhon nu rnams dang lhan cig tu chos spyod ces rgyas par 'byung ba lta bu'o//
 tshe 'di la ni mthong ba'i chos la myong bar 'gyur ba dang/ byis pa ni mthong ba'i chos gces par 'dzin pa yin zhes 'byung ba lta bu'o/ /gsung rab la ni 'di la dge slong chos shes pa ni 'di lta ste/ mdo'i sde dang/ dbyangs kyi snyed pa'i sde dang zhes rgya cher 'byung ba
 lta bu'o/ /'byung bar 'gyur pa la ni 'du byed kyi rdzas rnams ni de'i chos so zhes 'byung ba dang/ de ltar 'di lta ste/ lus 'di ni rga ba'i chos yin no zhes 'byung ba lta bu'o/ /nges pa la ni dge slong gi chos bzhi rnam shes 'byung ba dang/ de bzhin du dge slong
 dag srog gcod pa ni chos ma yin la srog gcod pa spong ba ni chos yin no zhes rgya cher 'byung ba lta bu'o/ /chos lugs la ni yul chos dang rigs chos zhes 'byung ba lta bu'o/ /spangs pa zhes bya ba btang ba dang/ /bral dang gnon dang bag la nyal/ /bton pa'o spangs pa sogs
 pa'i/ /spangs pa zhes bya gnyis su bzhed/ /spangs pa zhes bya ba btang ba la ni longs spyod kyi phung po che ba 'am/ chung ba yang spangs nas zhes 'byung ba lta bu'o/ /rgyun dang bral ba la ni sdig pa mi dge ba'i chos skyes pa rnams pa
 bu'o/ /'jig rten pa'i lam gyis gnon pa la ni/ /'dod pa'i 'dun pa spangs nas nges lan mang du gnas shing/ tshangs pa'i 'jig rten dang skal pa mnyam par skyes zhes 'byung ba lta bu'o/ /bag la nyal yang dag par bcom pa la
 ni kun tu sbyor ba gsum spangs pa las/ rgyun tu zhugs pa yin no zhes 'byung ba lta bu'o/ /de bzhin du spangs par spong ba dang/ sdom pas spong ba dang/ rjes su bsrung bas spong ba dang/ bsgom pas sdong ba ste/ nyan thos la bshad pa'i mdo sde gnyis las
 rnam pa gnyis su rnam pa phye'o/ /tshul gyi sgra ni bden pa dang/ lam dang 'brel 'byung rig pa dang/ /nges 'byed cha dang mya ngan 'da' / /thabs dang rigs pa nyid la yod/ /sdom gyi tshigs su bcad pa/ bden dang yan lag brgyad dang 'byung zhes bya ba 'di
 las/ 'phags ba'i tshul gyi sgra ni bden pa rnams dang/ lam dang rten cing 'byung ba la yang mthong ngo/ /rig pa rnams la yang mthong ste/ bram ze nga ni 'phags pa'i chos 'dul ba 'di la 'phags pa'i tshul gyi gsum rig pa yin par smra'o/ /zhes 'byung ba lta bu ste/
 'di las so/ /nges par 'byed pa'i cha dang mthun pa rnams la yang mthong ste/ gang su dag dran pa nye bar gzhag pa bzhi rnams dang mi mthun ba'i byed pa de dag ni 'phags pa'i tshul la de dag gis mi mthun par byas pa yin no zhes 'byung ba lta bu'o/ /tshul gyi sgra ni
 mya ngan las 'das pa la yang mthong ste/ khyim pa 'am rab tu byung ba 'am/ /gang zhig yang dag sgrub byed la/ /des ni bla med tshul nyid kyi/ /chos ni kun tu thob par 'gyur zhes 'byung ba lta bu'o/ /thabs la yang mthong ste/ tshul gyis brtson 'grus brtsams pa
 la/ /bya bar dka' ba ci yang med ces 'byung ba lta bu'o/ /rigs pa la mi tshul bzhin byed do zhes 'byung ba lta bu'o/ /las mdza' zhes bya nor tshol dang/ /gsum bdun spangs pa rnams la'ang yod/ /las kyi mdza' zhes pa ni nor tshol ba la ni nges gal te zhing dang/
 gal te ? gi las gyi mdza' de dang de byed do zhes rgyas par 'byung ba lta bu'o/ /gsum spangs pa la yang yod de 'jig rten ba'i yang dag pa'i las kyi mdza' gang zhen zhes rgyas par 'byung ba nas/ srog gcod pa'i bar du spangs nas srog gcod pa las phyir ldog pa yin/
 de bzhin du 'dod pa la log par g.yem pa las zhes bya ba'i bar du 'byung ba lta bu'o/ /bdun spangs pa la yang yod de las kyi mdza' phun sum tshogs pa gang zhe na/ srog gcod pa spangs pa nas srog gcod pa las phyir log pa yin zhes bya ba'i bar dang/ de bzhin du
 tshig 'khyal ba smra ba las zhes bya ba'i bar du 'byung ba lta bu'o/ /las kyi mdza' i sgra ni mtshams med pa la yang yod de/ log pa'i las kyi mdza' med pa nyid ces gsungs pa'i phyir te/ chos 'dul ba 'di las log cing drang du mi rung ba rnams ni gang zag lnga ste/ ma
 gsod ba dang zhes mdo las rgyas par gsung ba las so/ /log pa de rnams kyi las kyi mdza' ni log pa'i las kyi mdza' ste/ mtshams med pa lnga po dag go /'di la log pa'i las kyi mdza' med pas na log pa'i laS kyi mdza' med pa ste/ de dngos po ni log pa'i las kyi
 mdza' med pa nyid do/ /phung po zhes bya spungs pa dang/ /phrag pa sdong po cha nyid la'o/ /phung po zhes bya ba spungs pa la ni de thams cad gcig tu bsdus na gzugs gyi phung po zhes bya ba'i grangs su 'gro'o zhes bya ba dang/ de bzhin du nor gyi phung po chen po bsgrubs nas gnas so
 zhes 'byung ba lta bu'o/ /phrag pa la ni dper na mi zhig sa las khre'u'i steng du 'dzegs nas rta'i steng nas glang po che phrag pa la zhon no zhes bya ba'i bar du 'byung ba lta bu'o/ /sdong po la ni shing ljon ba rtsa ba dang ldan pa dang/ sdom pa dang ldan pa chen po'o zhes 'byung ba lta bu'o/ /cha
 la ni sbyin par bya ba phung po gsum dag tu sbyin no zhes 'byung ba lta bu'o/ /bsdu ba zhes bya rang bzhin dang/ /rjes su mthun dang dga' ba dang/ /nyams med khongs su gtogs pa dang/ 'dzin par byed dang don drug go /rang bzhin la ni gzugs kyi phung po ni skye mched bcu
 dang gcig gi phyogs kyis bsdus so zhes 'byung ba lta bu'o/ /rang bzhin dang rjes su mthun pa la ni 'phags pa'i lam yan lag brgyad ni phung po gsum dag gis bsdus so zhes 'byung ba lta bu'o/ /dga' ba la ni bsdu ba'i
 dngos po bzhi po dag ces 'byung ba lta bu'o/ /yongs su nyams pa med pa la ni 'di ni dbang po lnga po de dag sdud par byed pa yin te/ 'di lta ste/ shes rab kyi dbang po zhes 'byung ba lta bu'o/ /khongs su gtogs pa la ni 'gro ba dud 'gro'i skye gnas su
 song ba'i srog chags gang su yang rung ba de thams cad kyi rjes ni glang po che'i rjes su 'dus shing 'du ba yin no zhes 'byung ba lta bu'o/ /'dzin par byed pa la ni khang ba brtsegs pa'i phyam dgu po gang dag yin pa de dag gi mchog ni spyi rten yin te/ 'di lta ste/
 sdug pa'i phyir ro zhes 'byung ba lta bu ste/ de lta bu ni dper brjod pa tsam du zad do/ /de ltar tshig gcig la don du ma byung ba yin te/ gang la gang rig pa de la de brjod par bya'o/ /chig du ma la don gcig pa ni dper na grangs kyi tshig lta bu'o/ /gzhan yang don rnam pa gsuM
 ste/ so so re re la brjod par bya ba'i don dang/ bsdus pa'i don dang dgos ba'i don no/ /de la so so re re la brjod par bya ba'i don ni brjod pa gang gi brjod par bya ba yang yin te/ dper na ma rig pa'i rkyen gyis 'du byed rnams shes bya ba lam rig pa gang zhe
 na /'du byang rnams gang zhe na zhes bya ba de lta bu la sogs pa bshad pa gang yin pa'o/ /bsdus pa'i don ni don tha dad pa'i tshig rnams kyi don bsdus pa gang yin pa ste/ ji ltar srid pa'i yan lag bcu gnyis pa'i tshig rnams kyi mdor kun
 nas nyon mongs pa gsum po nyon mongs pa dang/ las dang/ skye ba'i kun nas nyon mongs pa rnams bstan pa lta bu dang/ de bzhin du ma dang pa ni dang pa phun sum tshogs pa la yang dag par len du 'jug pa nas/ shes rab 'chal pa ni shes rab phun
 sum tshogs pa'i bar tshig 'di rnams kyis ni mdor na 'jug pa dang bcas pa'i mngon par mtho ba dang nges par legs pa'i rgyu yang dag par len du 'jug pa yongs su bstan pa yin te/ 'di ltar dang bas tshul khrims la tshul khrims dang gtong ba
 gnyis kyis ni lus dang longs spyod phun sum tshogs pas bsdus pa'i mngon par mtho ba 'thob bo/ /shes rab kyis ni nges par lags pa 'thob bo zhes de lta bu la sogs pa'o/ /dgos pa'i don ni rnam grangs gsungs pa rnams kyi don brjod pa gang yin
 ba ste/ de dag la ni so so re re la brjod par bya ba'i don kyang med la/ bsdus pa'i don kyang med de/ brjod par bya ba gcig tu zad pa'i phyir dang/ de bzhin du bstan ba'i tshig rnams kyang bshad pa las brjod par bya ba'i don tha dad pa med pa'i phyir ci'i phyir bstan
 ba byas zhes dgos pa'i don brjod dgos te/ ji ltar dge slong ma'i mdo sde las kun dga' bo yid phyi rol tu bzhag nas yid phyi rol tu bzhag go snyam pa dang/ de'i 'og tu snga ma bzhin du mngon par bsdus nas bdag gi yid phyi rol tu bzhag cing rnam par grol lo
 snyam du yang dag pa ji lta bzhin rab tu shes so zhes bya ba ni bstan pa'o/ /lhag ma ni bshad pa'o/ /de bzhin du dge slong dag nga ni shin tu gzhon nur rab tu byung ngo zhes bya ba ni bstan pa'o/ /mchog tu gzhon nu dang rab tu gzhon nu zhes bya ba ni bshad pa
 yin te/ rang bzhin dang dus kyi khyad par gnyis kyis shin tu gzhon pa nyid rdzogs par bshad pa'i phyir ro/ /lhag med bde ba phun sum tshogs pa yang dag pa bsngags pa ni rgyas par bshad pa yin te/ mchog tu rab tu shin tu gzhon pa de nyid rgyas par
 bshad pa'i phyir ro/ /de bzhin du rten cing 'brel bar 'byung ba gang zhe na/ 'di lta ste /'di yod pas 'di 'byung 'di skyes ba'i phyir 'di skye zhes bya ba ni bstan pa'o/ /'di lta ste/ ma rig pa'i rkyen gyis 'du byed rnams zhes rgyas par 'byung ba ni bshad pa'o//
 de bzhin du tshe dang ldan pa dag bcu gnyis bo 'di dag ni khom par gyur ba yin no zhes 'byung ba 'di las bdag dang gzhan phun sum tshogs pa zhes 'byung ba ni bstan pa yin la/ lhag ma ni bshad pa yin te/ bstan pa dang bshad pa
 gnyis kyis bcu gnyis su 'gyur te/ de lta bu la sogs pa bstan pa'i tshig rnams kyi dgos pa'i don yang brjod dgos so/ /ji skad du phung po lnga rnams dang/ nad gi snye mched drug rnams zhes bya ba de lta bu la sogs pa grangs gsungs pa lta bu dag kyang de
 dag gi brjod bar bya ba'i don mi go ba ni ma yin no/ /ci'i phyir grangs gsungs pa'i dgos pa'i don yang brjod dgos so/ /de bzhin du tshig gzhan gang dag gi brjod par bya ba'i don ni grags na/ de'i don gyi nus pa nyid ni ma yin pas de dag gis
 dgos pa'i don yang brjod dgos te/ dper na gnyan yod ga la bar der rgyu zhing gshegs so zhes bya ba'i brjod par bya ba'i don ni 'jig rten na grags na/ ci'i phyir sangs rgyas saM nyan thos ljongs rgyu zhing gshegs pa dang/ de bzhin du ci'i phyir bcoM
 ldan 'das zla ba phyed dang gsum nang du yang dag bar 'jog par mdzad pa dang/ ci'i phyir tshe dang ldan pa gsus po che chen po tshe dang ldan pa shA ri'i bu ga la ba der song ngo zhes bya ba de lta bu la sogs pa'i dgos pa yang brjod dgos so zhe na/ de la rnam
 grangs gsungs pa dag gi dgos pa'i don ni sngar bshad par zad kyi lhag ma rnams brjod par bya ste/ re zhig bstan pa'i tshig ni mngos 'grel ba'i don 'dzin par byed pa bzhin du bstan ba tsam gyis de bshad pa'i don 'dzin par bya ba'i phyir dang/ gdul
 ba mgo smos pas go ba rnams rjes su bzung ba'i phyir dang/ de las gzhan pa rnams la tshe phyi ma la mgo smos pas go ba gnyis kyis bsags ba'i phyir dang/ bsdu ba dang rgyas par bshad pa la mnga' ba dang/ ldan pa yang dag pa bstan pa'i phyir dang/ /gzhan rnams
 de lta bu la goms pa las de'i sa bon bskyed pa'i phyir ro/ /lung las bstan ba tsam la ni rnal 'byor pa rnams kyi sems mnyam par bzhag pa yin na/ ji ltar na de rgyas ba'i don thams cad la mnyam par bzhag par 'gyur zhig gu zhes de'i don du bstan
 pa dang bshad pa gnyis kyis bstan te zhes 'byung ngo/ /grangs gsungs pa ni kha cig ni bgrang bar bya ba nges par bzung ba'i phyir te/ dper na phung po lnga rnams dang/ nang gi skye mched drug rnams zhes 'byung ba lta bu'o/ /grangs smos pas mi brjod pa'i phyir
 kha cig ni bde blag tu gzung ba'i phyir te/ dper na gang la la'i sems nye ba'i nyon mongs pa nyi shu gcig gis nye bar nyon mongs pa can yin na zhes 'byung pa dang/ bcur bskyed pa las kyang/ chos gcig ni gcig spras su byed pa yin te zhes bya ba nas sa
 bcu'i bar du 'byung ba lta bu'o/ /kha cig mi gang dag rgyas par bshad par dgos pas nyan par mi byed pa mang du mnyan pa dang/ bzung bas 'jigs pa nyan du gzhug pa'i phyir te/ dper na 'di dag ni dbang po gsum po dag ste/ mo'i dbang po dang po'i dbang
 po dang/ srog gi dbang po zhes 'byung ba lta bu'o/ /kha cig ni bya ba mang pos 'jigs pa dag spro ba bskyed pa'i phyir te/ dper na dge slong dag chos gcig spongs shig dang khyed phyir mi 'od bar 'gyur bar khas len te zhes 'byung ba lta bu'o/ /kha cig ni
 gcig gis gcig bston pa bstan pa'i phyir te/ dper na 'di dag ni lnga dag tu gyur na gsum dag tu 'gyur la gsum dag tu gyur na lnga dag tu 'gyur ro zhes 'byung ba lta bu'o/ /kha cig ni tshad shes par bya ba'i phyir te/ dper na bzang po'i sde ba drug cu dag gi
 tshogs shes 'byung ba lta bu'o/ /kha cig ni dngos po gcig tu shes par bya ba'i phyir te/ chos gnyis kyi bya ba dang zas dang gnyen po mtshungs pa'i phyir na/ dper na sgrib pa lnga rnams 'byung ba lta'o/ /kha cig ni 'di la lnga nas so so yang dag par rig par gyur
 pa'i don gsung pa nyid du yang dag par bstan pa'i phyir te/ ji skad du bshad pa'am gzhan las kyang rung ste gar rigs pa'o/ /de lta bu la sogs pa'i grongs gsungs pa'i dgos pa yin no/ /sangs rgyas rnams rgya zhing gsheD
 pa ni rgyu bdun dag gis rig par bya ste/ yul gzhan 'khor ba rnams 'dul ba'i phyir dang/ de na 'khod pa rnams skom par bya ba'i phyir dang/ nyan thos rnams gcig na ha cang yun ring du gnas pa spangs pa'i phyir dang/ nyid la chags pa mi mda' bar yang
 dag par bstan pa'i phyir dang/ yul rnams mchod rten du 'gyur ba'i phyir dang/ srog chags mang po rnams de'i drung du blta ba dang 'gro ba la sogs pas bsod nams bskyed ba'i phyir dang/ yams kyi nad dang than pa la sogs pa'i skyon rab tu zhi bar
 bya ba'i phyir ro/ /bsdus pa'i tshigs su bcad pa'i/ /yul gzhan 'dul bar bya phyir dang/ /de na 'khod pa skom bya'i phyir/ /nyan thos du ma gnas bya'i phyir/ /chags pa mi mnga' bstan phyir dang/ /yul rnams mchod rten 'gyur bya'i phyir//
 lus can rnams kyi bsod nams phyir/ /yams nang la sogs zhi bya'i phyir/ /sangs rgyas rgyu zhing gshegs par mdzad/ /nyan thos dag ni rgyu bco lnga dag gis rgyu bar rig par bya ste/ ji skad du bcom ldan 'das kyi nyes dmigs lnga dag ste/ ha
 cang yun ring du gnas na bya ba mang zhing byed pa mang ba yin pa dang/ snod spyad mang zhing 'tshog chos mang ba yin pa dang/ gnas la ser sna byed cing gnas la zhen pa yin pa dang/ khyim la ser sna byed cing khyim la zhen pa yin pa dang/ chags pa dang
 bcas bzhin du gnas de nas 'gro bar byed do zhes 'byung ba'i nyes dmigs lnga bstan pa'i phyir dang/ de bzhin du chos gos la sogs pa dang mi ldan pa'i phyir dang/ mi dga' bas gnod pa'i phyir dang/ nad kyis gzhir ba'i phyir dang/ 'dod
 chags kyis gzer ba'i phyir dang/ mi dang mi ma yin bas byas paS gzhan gyis lus dang sems la gnod pa byed pa'i phyir dang/ rnyed pa la sogs pa 'dod pa'i phyir dang/ gzhan la dga' ba'i phyir dang/ gzhan la snying rtse pa'i phyir dang/ bla ma la zhes
 bya ba'i phyir dang/ yul la sogs pa la ltang mo lta ba'i phyir dang/ dge ba'i phyogs khyad par du bya ba'i phyir dang ltung ba bshags pa'i phyir dang/ dkon mchog gsum la bkur sti bya ba'i phyir dang/ mchod rten la phyag 'tshal ba'i phyir ro/ /bsdus
 pa'i tshigs su bcad pa ni/ nyes dmigs lnga dang mi ldan dang/ /mi dga' nang chags gnod pa'i phyir/ /rnyed sogs sred dang dga' ba dang/ /snying brtse bla ma zhes dang/ /ltang mo khyar bar bya phyir dang/ /btung ba dkon mchog bkur ste'i phyir/ /
 mchod rten phyag ni bya ba'i phyir/ /dge slong rgyu zhing 'gro bar byed/ /bcom ldan 'das zla ba phyed dang gsum nang du yang dag par 'jog par mdzad pa ni nyan thos rnams skom par bya ba'i phyir te/ 'dir /de ltar nga ni snying brtse ba/ /mi chung chos la'ang
 ser sna med/ /dpe mkhyud med cing mi nus med/ /nga ni sdug bsngal rang bzhin min/ /nga'i bstan pa ma zad la/ /khyed las re ba 'ang yod min te/ /'dul bas nga'i shes mi nus shing/ /gus dang bcas pa'ang med pas na/ /des na bstan par mi bya bar//
 mkhyen cing skom par bya ba'i phyir/ /zla ba phyed dang gsum dag tu/ /bcom ldan nang du yang dag 'jog ces gsungs pa lta bu'o/ /bsod nams ye shes zang zing bskyab/ /dga' dang klan ka btsal ba dang/ /bshes dang byas gzo yon gnas dang//
 de dang gzhan dang gnyis brtse dang/ /'jigs dang ltad mo gnyis dang ni/ /gzhan gyis rjes su 'brang ba'i phyir/ /rgyu ni bcu dang lnga rnams kyis/ /song ba yin par rab tu 'dod/ /de ni ci rigs par rig par bya'o/ /rnam par bshad pa'i rigs pa las/
 le'ur byas pa dang po'o// //bam po gnyis pa/ /'di man chad ni gzhan dag la tshig gi don bshad pa le mkhas pa nyid bskyed ba'i phyir mdo sde'i? dum bu kha cig gi tshig ni don bshad pa'i phyir phyogs phal cher
 bstan par bya ste/ sangs rgyas kyi bsngags pa las brtsams nas ni 'di ltar yang bcom ldan 'das de ni zhes rgyas par 'byung ba dang/ de'i tshe lha dang bcas ba dang zhes rgya cher 'byung ba dang /ma dul ba rnams dul bar mdzad pa zhes rgyas par 'byung pa dang
 de bzhin gshegs pa ni lam mkhyen ba lam zugs su chud pa zhes rgyas bar 'byung ba mdo sde'i dum bu bzhi dag ste/ de la mdo sde'i dum bu dang po las 'byung ba'i chig rnams kyi bsdus ba'i don de ni bgegs bcom nas ston pa phun sum
 tshogs pa gang du gang gis/ /ji ltar gshegs pa dang/ ston pa'i phrin las gang yin pa dang/ gang dag gis yongs su bzung? pa zhes bya ba 'di yongs su bstan to/ /de la bgegs ni bdud sdig can du 'dod de/ de bcom pa dang ldan pa'i
 phyir bcom ldan 'des zhes bya'o/ /ston pa nyid phun sum tshogs pa ni ji lta ba bzhin du gsung ba nyid dang sgrub pa nyid de/ go rims bzhin du ma nor bar gsung ba'i phyir dang/ spangs pa dang mkhyen pa phun sum tshogs pa'i phyir te nyon mongs pa
 ma lus par spangs pa'i phyir dang/ thams cad mkhyen pa nyid kyis yang dag par ji lta ba bzhin du rdzogs bar byang chub pa'i phyir ro/ /gzhan yang ma nor ba dang/ nyon mongs pa can ma yin pa dang/ ji tsam du gsung bar bya ba gsung ba nyid
 ston pa nyid phun sum tshogs pa yin te/ de ni de bzhin gshegs pa la sogs pa nyid kyi rni pa gnyis ka yang yin bar bstan to/ /gang gis gshegs pa zhes bya ba ni rig pa dang zhabs su ldan pa nyid kyis te /re la rig pa ni yang dag pa'i
 lta ba ste/ yang dag ba ji lta bzhin bu lta ba'i phyir te/ zhabs ni lam gyi yan lag lhag ma dag ste/ de ltar na 'phags pa'i lam yan lag brgyad kyis gshegs pa yin par bstan pa yin te mi mthong ba 'am /rkang pa med pa ni 'gro bar mi nus pas
 so/ /gzhan yang rig pa ni yang dag pa ji lta ba bzhin gyis shes rab yin la/ de'i zhabs ni tshul khrims dang ting nge 'dzin ni yin te/ de ltar na bslab pa gsum po dag gis gshegs pa yin par bstan pa yin no/ /shes rab sngar smos pa ni
 gtso bo nyid yin pa'i phyir te/ de'i dbang gi tshul khrims la sogs pa rtsom pa rnam par dag ba'i phyir la/ rig pa mig dang 'dra bas mthong ste/ zhabs rkang pa lta bus gshegs pa'i phyir te/ gzhan yang mi slob pa'i rig pa gsum dag
 ni rig pa zhes bya ba la/ zhabs ni tshul khrims nas bzung nas mngon par shes pa gsum po'i bar dag ste/ de ltar na rig pa gsum tshogs dang bcas pa rnams kyis ston pa phun sum tshogs pa mnyes par bstan pa yin no/ /ji ltar
 gshegs pa zhes bya ba ni phyir mi ldog pa dang/ ji tsam du gshegs bar bya bar te/ des na bde bar gshegs pa zhes bya ba ste/ phyi rol pa'i 'dod chags dang bral ba dang/ de las gzhan pa dgra bcom pa dag las khyad par du bya ba'i phyir ro//
 ston pa nyid kyi phrin las ni rnam pa gnyis te/ 'jig rten skal ba dang mi ldan pa la gzigs par mdzad pa ste/ des na 'jig rten mkhyen pa zhes bya ba'o/ /gdul ba gdul ba yang yin te/ des na skyes bu 'dub ba'i kha lo sgyur ba bla na med pa
 zhes bya ste/ skyes bu 'dul ba chu klung 'od sungs dang/ dga' bo dang/ sor mo'i phreng ba la sogs pa gdul dka' ba rnams kyang thabs sla ba dang kha na ma tho ba med pas 'dul ba'i phyir dang/ gtan du don gyi mchog mya ngan las 'ongs par 'dul ba'i
 phyir ro/ /gang dag gi yongs su bzung ba zhes bya ba ni lha dang mi rnams kyis bstan pa nyid yongs su bzung ba ston te/ lha dang mi rnams kyis ston pa zhes gsungs pa'i phyir ro/ /de ni zhes gsungs pa de gang yin zhe na/ sangs rgyas
 bcom ldan 'das so zhes bya ba gsungs te/ gang zhig sangs rgyas so zhes de ltar grags pa ste/ grags pa dang bcom pa rnam grangs yin pa'i phyir ro/ /'dir bshad pa/ dbang phyug dang ni gzugs bzangs dang/ /grags dang dpal dang ye shes dang
 brtson 'grus phun sum ldan pa yin /drug po dag la bcom zhes bshad/ /gzhan yang bsdus pa'i don ni de ni rgyas pa dang mdor bstan pa'i yon tan bsngags pa yin te /rgyas pa ni tshig dgu po dag gis ji skad gsungs pa lta bu'o/ /mdor ni sangs
 rgyas bcom ldan 'das te/ shes bya thams cad thugs su chud pa'i phyir dang/ bdud dang phas kyi rgol ba thams cad rab tu 'joms pa'i phyir ro/ /mdo sde'i dum bu gnyis pa las mdor na bstan pa dang bshad pa gnyis kyis nyid kyi nyon mongs pa'i sgrib
 ba dang/ shes bya'i sgrib pa las rnam par grol ba'i khyad par ston par mdzad de/ de la lha dang bcas pa'i 'jig rten zhes bya ba ni bstan pa yin to/ /de la rnam par grol ba'i khyar par ni lha dang mi'i gtso bo dang/ gtso bo ma yinpa rnams las rnam par
 grol ba la sogs pas ston te/ lha gtso bo rnams ni 'dod pa'i dbang phyug bdud rnams dang/ rnal 'byor gyi dbang phyug tsh+ngs pa rnams so/ /mi'i gtso bo rnams ni dge sbyong dang bram ze rnams te/ rgyal pos kyang mchod pa'i phyir ro/ /lha dang mi'i gtso bo ma
 yin pa rnams ni de las gzhan pa'i lha dang mi rnams dang bcas pa'i skye dgu ste/ lha dang bcas pa'i 'jig rten de las so/ /so so'i skye bo 'dod chags dang ma bral ba rnams ni mgrol ba dag yin la/ 'jig rten pa'i lam gyi 'dod chags dang bral ba
 mthong ba'i chos las yongs su nyams ba'i chos can rnams ni grol ba ni yin na nges par 'byung ba dag ni ma yin zhing yongs su mi nyams pa'i chos rnams ni grol ba dang nges par 'byung ba dag ni yin na bral ba dag ma yin te/ ru sbal gyi phru gu snyis zin
 pa bzhin du bag la nyal rjes su 'brang ba'i phyir ro/ /rab tu rnam par grol ba dag kyang ma yin te/ slar 'ong ba'i phyir la slar 'ong ba dang bral bar 'gro ba ni rnam par grol ba dag yin pas so/ /de dag dang chos mi mthun pas bcom ldan 'das kyis
 nyid kyi grol ba la sogs pa nyid ston par mdzad do/ /rnam grangs gzhan yang 'di las phyi rol pa rnams ni tshangs pa dang bcas ba'i 'jig rten gyis de ba'i nyon mongs pa kun nas dkris pa'i 'chad ba chad ba las grol ba yang yin/ sa de'i bcon rab
 nas nges par 'byung ba yang yin mod kyi/ phyi bzhin 'brang ba'i mi lta bu'i kun tu sbyor ba gsum rnams kyis bral ba ma yin pa nyid do/ /de nas 'og ma pa'i nyom mongs pa kun nas dkris ba'i 'ching ba dang/ skye bo'i btson ra nas rab tu rnam par ma
 grol ba yang yin te/ yang slar sdog ba'i phyir ro/ /de dag las khyad par du bya ba'i phyir bcom ldan 'das kyis rnam par grol ba rnam pa bzhi ston par mdzad do/ /rnam grangs gzhan yang 'di yang phyi rol pa rnams zhes 'og ma pa'i nyon mongs pa'i 'ching
 pa las grol bdag kyang yin/ sdug bsngal gyi btson ra nas nges par 'byung ba dag kyang yin mod kyi/ sa gzhan ba'i nyon mongs pa dang yang ma bral ba yin la/ sdug bsngal las kyang rab tu rnam par ma grol ba dag yin te/ de dag ls khyad par du
 bya ba'i phyir snga ma bzhin no/ /'di ltar yang yin te /'di las phyi rol ba dag ni de ltar nyon mongs ba'i 'ching ba las grol zhing skye ba'i btso nar nas nges par 'byung ba yin la/ de las bral ba ni ma yin te/ pedma'i rtsa ba gcag pa rtsa ba rgyud kyis bdag?
 'brel ba bzhin du bag la nyal dang 'brel ba'i phyir ro/ /rab tu rnam par ma grol ba dag kyang yin te /yang sa der slar 'ong ba'i phyir ro/ /de dag las khyad par du bya ba'i phyir snga ma bzhin no/ /de dag ni gnas skabs de dag na bdag nyid
 yang dag pa ji lta ba bzhin du rab tu mi shes nas grol ba la sogs par mngon pa'i nga rgyal gyi sems phyin ci ma log dang ldan pas lan mang du gnas pa yin gyi/ bcom ldan 'das la ni de mi mda' ba' i phyir sems phyin ci ma log pas so/ /de ltar nyon mongs
 pa'i sgrib pa las rnam par grol ba'i khyad par bstan nas/ shes bya'i sgrib pa las rnam par grol ba'i khyad par ni de'i che bdag ni bla na med pa yang dag par rdzogs pa byang chub mngon par sangs rgyas par shes so zhes bya ba ston te/ thugs su chung
 bas mkhyen pa'i phyir ro/ /mdo sde'i dum bu gsum pa las 'dul bar mdzad pa ni nyon mongs pa spangs pa la rab tu 'jog par mdzad pa'i phyir ro/ /zhi bar mdzad ba ni zhi ba'i nyon mongs bar 'jug pa'i bde bar gnas pa la rab tu 'jog par mdzad pa'i
 phyir ro/ /de gnyis dang ldan pa'i phyir mdo sde gzhan las thugs dul ba dang/ rnam par zhi ba mchog dang ldan pa zhes gsungs so/ /dbugs 'byin par mdzad pa ni ngan 'gro las yang dag par 'das pa la rab tu 'jog par mdzad pa'i phyir /yongs su
 mya ngan las 'das par mdzad pa ni yang srid pa las yang dag par 'das pa la rab tu 'jog par mdzad pa'i phyir ro/ /mdor na dul ba dang dul ba'i phan yon la rab tu 'jog par mdzad pa nyid du bstan pa yin te/ dul ba ni nyon mongs pa spangs
 pa'o/ /dul ba'i phan yon ni mthong ba'i chos la zhi ba'i bde bar gnas pa dang tshe phyi ma la ngan song dang yang srid ba mi 'byung ba'o/ /gzhan yang go rims bzhin du nyon mongs pa dang sdug bsngal las/ gtan dang ma lus grol mdzad phyir/ /phyi rol ba
 ? gtan duAng mi/ /ma lus las kyang grol byed min/ /gzhan yang lus ngag dbang po dul ba dang/ /bsam gtan bden mthong zad pa la/ /'jog phyir 'dul mdzad la sogs nyid/ /rig bya n+ya gro d+ha'i mdo bzhin/ /de la
 bsam gtan ni shes bzhin du gnas pa las bzung nas bsam gtan bzhi dag gi bar dag yin par rig par bya ste/ sbyor ba dang bcas par gzung ba'i phyir ro/ /lung las ni 'dul bar mdzad pa ni dbang po dul bas tshul khrims rnaM par dag pa la
 rab tu 'jog par mdzad pa'i phyir ro/ /zhi bar mdzad pa ni ting nge 'dzin ni rnam par dag pa la rab tu 'jog par mdzad pa'i phyir ro/ /dbugs 'byin par mdzad ba ni shes rab rnam par dag pas dbugs 'byin pa dang/ dbuD mchog tu phyin pa gnyis
 la rab tu 'jog par mdzad pa'i phyir ro/ /yongs su mya ngan las 'das par mdzad pa ni de nyid kyi bsil bar gyur pa dang/ mchog tu bsil bar gyur ba gnyis la rab tu 'jog par mdzad pa'i phyi ro zhes 'byung ngo/ /'dis ni mdor na rgyu dang bcas bI
 bslab pa gsum yongs su rdzogs pa la rab tu 'jog par mdzad pa nyid du bstan pa yin no// //mdo sde'i dum po bzhi pa las ni mdor tshig dang po gnyis dang gsum gyis bcom ldan 'das kyi rang gi don phun sum tshogs pa dang/ gzhan gyi don sgrub pa phun suM
 tshogs pa yongs su bstan to/ /de la lam mkhyen pa lam thugs su chud pa ni lam dang lam ma yin pa gnyis mkhyen ba'i phyir ro/ /lam ston pa laM gsung ba ni lam dang lam ma yin pa gnyis yang dag par rab tu ston pa'i phyir ro/ /gzhan yang 'jig tshogs kun
 'byung ba dang 'gog par 'gyur ba gnyis kyi sgrub pa gnyis yongs su mkhyen ba'i phyir dang/ /thugs su chud pa'i phyir dang/ yang dag par rab tu ston pa'i phyir te/ go rims bzhin no/ /lam yongs su 'dren pa ni lam mthong ba rnams lam gyi gong nas gong du khyad pr
 du 'gro bas lam gyi mthar thug par 'dren pa'i phyir ro/ /gzhan yang lam mkhyen pas na lam mkhyen pa'o/ /lam nyid thugs su chud pas na lam thugs su chud pa'o/ /bsam pa yongs su smin pa rnams la
 lam ston par mdzad pas na lam ston pa'o/ /lam nyid du gsung ba'i dang tshul can yin pas na lam gsungs pa'o/ /lam yongs su 'dren pa mi bsam pa yongs su ma smin pa rnams la rnam par grol ba yongs su smin par byed pa'i shes
 rang yongs su smin par mdzad pa'i phyir ro/ /gzhan yang lam mkhyen pa mi mkhyen pa'i phyir ro/ /lam thugs su chung ba ni de brnyes pa'i phyir te thugs su chud ba ni rnyed pa'i don yin pa'i phyir ro/ /lam ston pa ni de'i dus na 'gro ba rnams
 la'o/ /lam gsung ba ni dus gzhan na 'gro ba rnams la'o/ /lam yongs su 'dren pa ni de nas 'gro ba'i par du gcod ba sel ba'i phyir ro/ chos kyi sngags pa las brtsams na ni bcom ldan 'das kyi chos ni legs par gsungs pa yang
 dag par mthong ba zhes rgyas par 'byung ba dang/ bcom ldan 'das kyi legs par gsungs pa'i chos 'dul ba ni legs par bstan pa zhes rgyas bar 'byung ba dang/ dge slong dag nga'i chos ni legs par gsungs pa gsal ba che ba zhes rgyas
 par 'byung ba mdo sde'i dum bu gsum ste/ de la mdo sde'i dum bu dang po las 'byung ba'i bsdus pa'i don gyi phyi rol pa dag gi chos las sangs rgyas pa'i chos khyad par yongs su bstan te/ de la phyin ci ma log par yang dag par gsungs pa'i phyir
 legs par gsungs pa'o/ /don mthong ba'i phyir yang dag par mthong ba yin gyi dad pa cam khod du chud par bya ba ni ma yin te/ ji skad du sa ra'i mod las dge slong dag khyed kyi gang dang gang yang dag ba ji lta ba bzhin du yang dag pa'i shes
 rab kyis mthong ba ni zhes rgyas par gsungs pa lta bu'o/ /nyon mongs pa'i bag la nyal gyi gnyen por gyur pa'i phyir nang med pa'o/ /yongs su nyams pa med pas dus chad pa med pa ste/ dus nges pa med pa'i phyir ro/ /sdug bsngal ma lus ba las
 nges par 'byung ba la nye bar gtong ba'i phyir nye bar gtong pa'o/ /thun mong ma yin pa'i phyir 'di mthong ba la yod pa ste/ 'di mthong ba rnams la yod pa'i phyir ro/ /brtag mi nus pa'i phyir mkhas pa rnams kyi rang gi rig par bya'o/ /phyi rol pa rnams
 kyi chos ni de las bzlog pa'i phyir ro/ /gzhan yang dus thams cad du bya sla ba'i phyir dus chad pa med pa ste ji skad du sangs rgyas kyi gsung ni 'gro ba na yang byas ba yin la zhes bya ba rgyas par gsungs pa lta bu'o/ /slob dpon gyi dpe mkhyud dang bral
 ba'i phyir chung shog ltos shig pa yang yin te/ tshur shog ltos shig ces bya ba'i skabs dbye ba rang ldan pa'i phyir te/ ji skad du nga'i nyan thos kyi dge slong dag tshur shog cig dang zhes bya ba rgyas par gsungs pa lta bu'o/ /lhag min snga ma bzhin
 no/ /'dir bshad pa/ 'phags pa'i lam gyi yan lag brgyad po ni/ yang dag don dang don ni mthong ba dang/ /gnyen po dang ni gtan dang ma lus dang/ /thun mong min dang rtog ge'i yul min dang/ /gzhan yang de ni dus chad med pa'i phyir/ /bya sla ba dang
 tshur shog ltos shig ces /slob dpon dpe mkhyud bral ba shes bya zhing/ /lhag ma snga ma bzhin du shes par bya /lud las ni legs par gsungs pa zhes bya ba ni bstan pa yin la lhag ma ni bshad pa yin no/ /de la gzhan gyi rkyen gyi kha na
 ma lus pa'i phyir yang dag par mthong ba'o/ /zag pa med pa lin dpa' i phyir nang med pa'o/ /dus yongs su chad pa med ba'i phyir dus chad pa med ba ste/ yongs su nyams pa mi srid pa'i phyir ro/ /mya ngan las 'das pa la nye bar gtong pa'i phya nye? bar
 gtong pa'o/ /thun mong ma yin pa'i phyir 'di mthong ba la yod pa'o/ /brjod par bya ba ma yin pa'i phyir mkhas pa rnams kyis rang gis rig par bya'o zhes 'byung ba'o// //mdo sde'i dum bu gnyis pa
 las ni phyi rol pa dang chos mi mthun pas chos 'dul ba 'dul ba 'di'i yon tan yang dag par bstan pa yin te/ phyi rol bdag gi chos 'dul ba ni nyes par bstan pa nyid kyis nyid kyis nyes par bshad pa yin no/ /rdzogs pa'i byang
 chub tu 'gro bar mi 'gyur ba nyid kyis nges par mi 'byung ba yin no/ /'dus pa dang mi ldan pa nyid kyis mi mthun pa yin te/ 'dus pa dang ldan pa ni tshogs pa yin pa'i phyir ro/ /ston ba de bzhin gshegs pa la sogs pa ma yin
 ba nyid kyis rten pa med pa yin/ mdor na skyon rnam pa 'di bzhi bstan pa yin te/ bstan pa'i chos la don phyir ci log pa nyid kyi skyon dang/ sgrub pa'i chos la mya ngan las 'das bar mi 'gro ba nyid kyi skyon dang/ nyan pa po rnams la blo
 du ma ldan ba'i skyon dang/ ston ba la the tshom thams cad gcod mi nus pa'i skyon no/ /rnam grangs gzhan yang/ tshig 'bru bzang min don bzang min/ /grol dang rig pa'i thabs ma yin/ /snga ma phyi ma 'gal ba yin/ /de bzhin
 bsdu ba bzhi dang ni/ /bstan pa bzhi dag spangs pa dang/ /ston pa'ang ston pa'i mtshan nyid med/ /de ltar gzhan gyi bstan bcos dang/ /slob ma ston pa skyon can yin/ /chos 'dul ba 'di ni de las bzlog pas skyon med pa yin no//
 don phyin ci ma log pa nyid kyis rig pa yin pa'i phyir chos so/ /nyon mongs pa 'dul ba'i phyir 'dul ba'o/ /de ltar na sangs rgyas kyi bstan pa ni yang dag pa'i ye shes dang spangs pa 'dren pa nyid yin par bstan pa yin no// //
 mdo sde'i dum bu gsum pa las 'byung ba ni rnam pa drug dag gis chos kyi yon tan yongs su bstan pa yin te/ don phyin ci ma log pa nyid dang/ bde bar 'jug ba nyid dang/ gong na med pa nyid dang/ lta dang mis yang dag par bzung ba nyid dang
 ji ltar 'os pa'i gdul ba la bstan pa nyid dang/ slob dpon gyi dpe mkhyud med bar rgyun tu bstan pa nyid kyis so/ /de la bde bar 'jug pa nyid ni gsal ba nyid kyis te/ tshig dang yig 'brugs pa ba'i phyir ro/ /phye ba nyid kyis kyang yin te/ don
 shin tu rnam par bye ba'i phyir ro/ /gong na med pa nyid ni rgyu ba bcad pa nyid kyis te/ chos shin tu mchog tu 'gro ba ni rgyu ba'o/ /de 'dir yang dag par chad bas na rgyu ba bcad pa'o/ /lhag ma gsum ni go rims bzhin du lta dang mi'i bar dag la yang dag
 par shin tu bstan pa las rig par bya'o/ /bsdus pa'i tshigs su bcad pa/ de nyid don ni legs gsungs phyir/ /bde bar 'jug phyir bla med phyir/ /rab tu bzung phyir ji ltar 'os/ /ma lus par ni bstan phyir ro/ /phyi rol pa'i chos ni 'di las
 bzlog pa'i phyir ste/ bcom ldan 'das kyis nyid kyi chos kyi yon tan thun mong ma yin pa nyid du yongs su bstan pa yin no// //dge 'dun gyis bsngags pa las brtsams nas ni/ bcom ldan 'das kyis nyan thos kyi dge 'dun ni legS
 par zhugs pa zhes bya ba'i mdo sde'i dum bu ste 'dis ni nyan thos gyi dge 'dun ni dge sbyong gi tshul gyi don dang/ dge sbyong gi tshul dang/ dge sbyong gi tshul bstan pa las brtsams nas legs par zhugs pa nyid du ston to/ /dge sbyong gi tshul
 gyi don ni mya ngan las 'das pa ste/ der zhugs pa ni rigs bar zhugs pa ste/ de yis rigs pa'i chos ni bla na med pa kun tu 'thob par 'gyur ba nyid yin la zhes bya ba gsungs ba'i phyir ro/ /nges pa'i tshig tu ni gnar par bya ba ni gnas
 ten? rtag tu gnas su gyur pas na rigs pa'o/ /dge sbyong gi tshul ni 'phags pa'i lam yan lag brgyad de/ der zhugs pa ni drang por zhugs pa ste/ bdud rtsi'i sgo ni phye mdzad cing/ /drang po'i lam ni rab tu bstan zhes
 gsungs pa'i phyir ro/ /de bzhin du drang po ci zhe na/ 'phags pa'i lam mo/ /gya gyu ba ci zhe na/ lta ba sdig pa can no zhes 'byung ba lta bu'o/ /dge sbyong rnams la yang dag pa'i rang bzhin du zhugs pa ni mthun par zhugs pa ste/ yang dag
 pa'i rang bzhin yang byams pa'i lus la sogs pa'i las kyis mthun par gyur pa nyid dang/ longs spyod dang/ tshul khrims dang lta ba mthun pa nyid kyis so/ /dge spyod gi tshul bstan pa ni chos yin te/ de la ji skad bstan pa bzhin du spyod par
 byed pas na chos dang rjes su mthun par spyod pa'o/ /rnam grangs gzhan gyi don gyi mchog sgrub pa dang/ phyin ci ma log pa sgrub pa dang/ tha mi dang ba sgrub pa dang/ ji ltar rjes su bstan pa bzhin du bsgrub pa la brtsams nas legs par zhuD
 pa nyid du ston to/ /lung las ni mu stegs can gyi 'khor rnams la ni log par bsgrub pa rnam pa bzhi yod de/ chos 'dul pa nyes par bshad pa la zhugs ba nyid dang/ tshul 'chos pa nyid dang/ bdag gi lta ba mchog tu 'dzin pa nyid dang/
 rnyed pa dang bkur sti la lhag par chags pa nyid do/ /de med pa'i phyir bcom ldan 'das kyi nyan thos kyi dge 'dun ni rigs par zhugs pas na chos dang rjes su mthun par spyod pa'o/ zhes bya ba'i bar du 'byung ngo/ /kun nas nyon mongs
 ba'i phyogs las brtsams nas ne dge slong gang tshul khrims 'chal pa sdig pa'i chos can zhes bya ba ni mdo sde'i dum bu ste/ de la tshul khrims 'chal pa ni rtsa ba'i ltud ba lhag par spyod pa'i phyir ro/ /sdig pa'i chos can ni ngo tsha sheS
 dang/ khrel yod pa chud gson pa'i phyir ro/ /khod myags pa ni kha na ma tho ba de 'chab pa'i phyir ro/ /'dzag ? kun tu spyod pa mi spyod pa nyid kyi phyir ro/ /shing rul pa lta bu ni dam ba'i chos mi skye ba'i phyir ro/ /bod bu ltar kun tu spyod pa ni/
 lung pod ltar kun tu spyod pa'i phyir te/ ji skad du long bod gi mdo las gsungs pa lta bu ste/ ji ltar dung gi kha can skad po che zhes tshogs su bcad pa lta bu'o/ /de yang rgyu rnam pa gnyis kyis te/ sdig pa 'dod pa la brten nas don dam pa'i dge
 sbyong gi tshul khas 'che ba'i phyir ram/ 'khrig pa spong bar khas 'che ba'i phyir ro/ /mdor na dge slong tshul khrims log par bsgrub pa la skyon rnam pa drug yongs su bstan pa yin te/ sbyor ba log pa'i skyon dang/ bsam pa log pa'i skyon
 dang/ kha na ma tho ba de las mi ldang ba'i skyon dang/ thal ba'i skyon dang/ rtogs pa'i skal pa med pa nyid kyi skyon dang/ log par 'tsho ba'i skyon no/ /gzhan yang khong myags pa ni rtog pa mi bzang ba sbrang rkyag la gnas par byed pa'i phyir ro/ /
 'dzag pa ni dbang po drug gi rm nas mi sbed pa'i phyir ro/ /rnam grangs 'dis ni log pa rnam pa drug yongs su bstan pa yin te/ sbyor ba log pa dang/ bsam pa log pa dang/ gnas pa log pa dang/ rgyu ba log pa dang/ skal ba log pa dang/
 'tsho ba log ba'o// //gau ta ma dag khyed ni skye dgu nyon mongs pa can/ sdug bsngal can/ mya ngan can/ 'khrug pa can yin na/ khyed cag la rnyed pa de dag ni ci dag yod/ legs par rnyed pa dag ni ci dag yod ces bya ba 'byung ba
 ni mdo sde'i dum bu ste/ de la rnyed pa dag ni ci dag yod ces bya ba ni dge ba'i chos dang ldan pa nyid du ston to/ /legs par rnyed pa dag ni ci dag yod ces bya ba ni de dang mi ldan pa nyid kyi phyir sngon gyi dge ba'i 'bras bu mi la sogs pa rnyed pa
 legs par rnyed pa ma yin pa nyid du ston to/ /nyon mongs pa la sogs pa can nyid kyis ni sdug bsngal gyi rgyu dang/ sdug bsngal rnam pa mang po la skye dgu gnas par ston to/ /de la nyon mongs pa mang ba nyid kyi phyir nyon mongs
 pa can te/ ji ltar phal cher thams cad chom rkun tu gyur to zhes bya ba lta bu'o/ /skye ba dang/ rga ba dang/ na ba dang/ 'chi ba dang/ mi sdug pa dang/ phrad ba'i sdug bsngal phal che ba nyid kyi phyir sdug bsngal can no/ /sdug pa dang bral pas mya
 ngan mang ba nyid kyi phyir mya ngan can no/ /yongs su tshor ba na 'dod pa mi rnyed pa mang ba nyid kyi phyir 'khrug pa can no/ /de ni dus gsum dag tu sdug bsngal la soD pa can yin te/ mi sdug pa'i dang po dang phrad pa dang/ sdug pa'i dngos po dang bral ba dang/ sdug
 bI dngos po dang mi ldan pas tshol ba na'o/ /nyon mongs pa can de dag gsum char la khong khro ba dang/ sdug pa'i dngos po dang phrad pa la 'dod chags pas so/ /gzhan yang dbul ba dang/ phyug ba dang/ 'bring ni sdug bsngal la sogs pa can dang go rims
 bzhin du rig par bya ste/ 'tsho bas phongs pa dang/ rgud pa dang/ des dgos pa dang/ tshegs chen pos 'tsho ba 'byor pas go rims bzhin no/ /dge spyod dam bram ze gang la la mig gi ro myang bar byed pa ni zhes bya ba ni mdo sde'i dum bu'o/
 de la nyon mongs pa kun tu spyod pa'i phyir ni bdud kyi dbang du shas kyis song ba yin par rig par bya ste/ shas zhes bya ba ni cung zad kyi don yin pa'i phyir shes kyis sor skya zhes bya ba bzhin no/ /de dang du len pa'i phyir ni dbang du song ba'o/ /
 de'i dbang gis las kun nas slong bar byed pa'i phyir ni lag tu song ba'o/ /des mi 'dzem pa'i phyir ni ci 'dod dgur bya ba'o/ /bdud kyi bcing ba dag gis ni gnas skabs de thams cad du bcings pa'o/ /bdud kyi zhags pa dag las ni mngon
 sum du ma gyur pa yin yang ma spangs pa dag yin pas rab tu ma grol ba'o/ /thams cad la rnam pa thams cad 'byung ba ma yin gyi ro myang bar byed pa dag la de 'byung ba'i phyir gang la la zhes bya ba gsungs so/ /dge sbyong dang bram ze smos pa'i
 thar pa ni de dag gi dbang du bya ba yin pas bcings pa nyid kyi skyo bar bya ba'i phyir ro/ /mdor na 'dir nyon mongs pa'i rten dang/ dmigs pa dang/ rang bzhin dang/ gnas skabs kyi dbye ba las nyes dmigs bstan pa yin te/ dge sbyong braM
 ze ni rten yin no/ /dmigs pa la sogs pa ni dmigs pa yin no/ /ro myang bar byed pa ni rang bzhin yin te/ de yang sred pa yin par rig par bya'o/ /gnas skabs kyi dbye ba ni rnam pa drug ste/ kun tu spyod pa dang/ dang du len pa dang/
 zil gyis gnon pa dang/ yon tan du lta ba dang/ mngon du gyur ba dang/ ma spangs pa'i gnas skabs kyi dbye ba las so/ /mi dge ba'i chos rnams yang dag par blang pa'i rgyus mthong ba'i chos nyid la sdug bsngal bar gnas pa dang zhes bya
 ba ni mdo sde'i dum bu'o/ /de la sdug bsngal ba zhes bya ba ni bstan pa'o/ /lhag ma ni bshad pa'o/ /de la sdug bsngal dang bcas pa ni yongs su tshol ba'i tshe grang ba na ltags pas sbrebs pa dang zhes bya brgyas par 'byung bas so/ /phongs pa dang
 bcas pas ni 'dod pas phongs pa dang ldan pa'i phyir 'byor ba med pa'i tshe na'o/ /gnod pa dang bcas pa ni rgyal po dang chom rkun la sogs ba'i gnod pa dang ldan pa'i phyir kun tu bsrung ba'i tshe dbyug pa dang mtshon cha'i gnod pa la sogs pas so//
 yongs su gdud ba dang bcas pa ni mya ngan dang/ mi tshim pa dang yid la gcags pa'i yongs su gdud ba dang ldan pa'i phyir te/ rgud pa dang longs spyod dang/ 'chi ba'i dus dag tu ste go rims bzhin no/ /srog gcod pa kun tu bsteg cing
 bsgoms la lan mang du byas pas shes bya ba ni mdo sde'i dum bu'o/ /de la kun tu bsten cing zhes bya ba ni byas pa nyid du ston la/ bsgoms la lan mang du byas bas shes bya ba ni bsags pa nyid de brtson pa
 dang/ phyir zhing byed pa gnyis bsam pa dang sbyor bas de rtas par byed pa'i phyir ro/ /'di la bsgoms pa byas pa dang/ sgom pa byung bas sam des pa'i tshig gis na bsgoms par gyur pas na bsgoms pa ste/ bsam pa nyid kyis te/ ji skad du/ sdig
 pa byas par gyur na yang/ de la yang dang yang mi bya/ /sdig pa kun bsag sdug bsngal las/ /'di la 'dun pa mi bya'o zhes gsungs pa lta bu'o/ /'dir 'dun pas ni brtson pa ston to/ /yang dang yang du byed pa dang/ 'dun par byed pas ni bsags pa
 yin te/ kun tu bsags pa'i rnam grangs kyi yin no/ /bsags pa'i las gang yin pa de ni rnam par smin pa nges par 'gyur ro/ /kha cig la ni byas pa yang 'gyur te/ skal pa chud ba'i phyir dang/ zhing dang sems pa'i khyad par las so/ /gal te kun
 tu bstan pa la sogs pas byas pa dang bsags pa nyid du ston na/ mi sdug pa kun tu bsten zhing bsgoms la lan mang du byas pas ni 'bras bu chen por 'gyur ro zhes bya ba ji ltar rung zhe na/ de la yang brtson pa dang kha na mang du bya ba bya dgos so/ /'di
 ltar yang yin te/ de la skye ba dang gnas pa dang 'phel ba dang ldan par yang ston to/ /gzhan yang sbyor ba dang/ rnyed pa dang/ 'grub pa'i gnas skabs so/ /gzhan yang stobs dang skabs dang bcas pa dang/ skabs med pa 'byung ba'i yid la byed
 pa'i gnas skabs te/ ting nge 'dzin ma thob pa dang/ thob pa dang/ goms pa na'o/ /gzhan yang rnal 'byor spyod pa rnam pa gsum gyi gnas skabs yin te/ rnal 'byor spyod pa rnam pa gsum ni las dang po ba dang/ yongs su sbyang ba byas pa
 dang/ yid la byed pa las 'das pa'o/ /rnam grangs gzhan yang mngon sum du byed pa'i phyir dang/ sems la de'i sa bon rtas par byed pa'i phyir dang/ rtas pa de phyir zhing mngon du gyur pa nyid kyi phyir kun tu bsten pa la sogs pa gsum yin no//
 brjod par bya ba rnam pa du ma yin kyang brjod pa ni gcig yin no zhes bya ba de ni bsgrubs zin to/ /sgrib pa lnga po zhes bya ba ni mdo sde'i dum bu'o/ /de la lnga kho na'i dgos pa ni ting nge 'dzin la sbyor ba la sgrib pa gnyis yin no/ /ting nge 'dzin du zhugs pa'i
 sgribs pa ni gsum yin te/ sems nang du sdud pa'i phyir dang/ phyi rol tu rnam par g.yeng ba'i phyir dang/ yang dag par sbyor ba la nges pa ni mi rnyed pa'i phyir ro/ /gzhan yang zhi gnas dang lhag mthong la sbyor ba'i sgrib pa ni sgrib pa gnyis yin la/
 zhi gnas la lhags pa'i ni zhum pa'i skyon yod pa'i phyir zhig nas kyi sgrib pa ni gcig yin zhing/ lhag mthong la zhugs pa yi ni rnam par ma zhi ba dang/ ma des pa'i skyon yod pa'i phyir lhag mthong gi sgrib pa ni gnyis so/ /gzhan yang
 tshul khrims kyi sgrib pa ni gnyis te/ 'dod chags dang/ zhe sdang gnyis kyis 'chal pa'i tshul khrims kun nas slong bar byed pa'i phyir ro/ /ting nge 'dzin gyi sgrib pa yang gnyis te/ /sems nang du sdud pa'i phyir dang/ phyi rol tu rnampar g.yed
 pa'i phyir ro/ /shes rab kyi sgrib pa ni gcig ste/ yang dag par nges pa mi rnyed pa'i phyir ro/ /lung las tshul khrims kyi sgrib pa ni gcig ste/ tshangs bar spyod pa las nyams par byed pa'i phyir ro/ /gdam dag gi sgrib pa yang gcig ste/ des
 chig mi bzod ba'i phyir ro/ /zhi gnas dang rab tu 'dzin pa dang btang snyoms kyi dus dag tu de 'grub pa'i sgrib pa gsum mo zhes 'byung ngo/ /sgyu rtsa la shas dag gsum po 'di dag ni sems can rnams kyi las kyi gzhi dang kun 'byung ba zhes bya ba ni
 mdo sde'i dum bu'o/ /de la las kyi gzhi dang kun 'byung ba dag ces bya ba ni rab tu 'jug bar byed ba dang/ rjes su 'jug bar byed pa'i rgyu ston pa yin te/ chags pa la sogs pa gang dang du len pa na nyes bar spyod pa
 kun nas slong bar byed pa dang/ gang gi mi 'jom pa na nyes par spyod ba las mi ldog pa yin no/ /de ltar na de byas pa dang bsags pa yin no/ /gzhan yang chags pa la sogs pa ni kun tu spyod pa'i gnas skabs dang zil gyis gnon
 pa'i gnas skabs kyang yin par ston to/ /de nyid kyi phyir chags pa dang chags pas zil gyis gnon pa zhes bya ba gsungs te/ zil gyis mngon na ni des de las skyes pa'i las slong bar mi byed do/ /gzhan yang sbyor ba'i gnas skabs
 dang/ mthar thug pa'i gnas skabs kyang yin no yid kyi nyes par spyod ba la sbyor pI skabs gang yin zhe na /chags pa la sogs pa gang gis gzhan gyi rdzas bdag gir bya ba la sogs pa la phyis nges pa rnyed pa'o/ /gzhan yang tshigs pa la sogs
 pa ni lus dang ngag dang yid byed pa dang smra ba dang rtog pa'i gzhi sems kyi kun 'byung bdag go /de lta na mi dkar po'i phyogs la yang kun nas 'byung ba smos par 'gyur ro/ /rnam grangs dang po dag tu ni gzhi zad pa zhes 'byung ba nyid kyis
 kun 'byung ba zad pa yang rab tu grub pa'i phyir na mi 'gyur la/ btsun pa 'od srungs pa'i gzhung las/ gzhi gsum dag ni las kun 'byung bar bya ba'i phyir zhes 'don pa de dag gi ltar na zlos pa'i skyon yang med pa kho na yin no/ /ma chags
 pa la sogs pa yang dge ba'i rtsa ba yin pa'i phyir las kyi gzhi dang kun 'byung ba dag ces ci'i phyir ma smos she na/ chags pa la sogs pa'i gnyen po nyid yang dag par bstan pa'i phyir te/ gzhan du na ni de dag gi gnyen po yang dag par
 ma bstan bar 'gyur ro/ /de ltar na rnam par rtog pa 'di dag ni mi dge ba rnams dang/ sdug bsngal ba rnams dang/ 'phags pa ma yin pa rnams dang/ don med ba dang ldan pa rnams so zhes bya ba ni mdo sde'i dum bu'o/ /de la mi dge ba rnams
 ni 'bras bu mi sdug pa'i phyir ro/ /sdug bsngal ba rnams ni mthong ba'i chos la sdug bsngal gyi rgyu yin pa'i phyir ro/ /'phags pa ma yin pa rnams ni dge ba'i chos yongs su nyams par 'gyur ba nyid kyi rnam par byang ba dang 'gal ba can nyid
 yin pa'i phyir ro/ /don med pa dang ldan pa rnams ni kun nas nyon mongs pa dang mthun pa'i phyir ro/ /mi dag 'dod pa dag rnams ni mi gtsang ba rnams dang/ dri mi zhim pa rnams dang/ dring ba rnams dang/ mi mthun pa rnams yin no/ /zhes
 bya ba ni mdo sde'i du mo bu'o/ /de la 'khrig pa'i gzhi'i 'dod pa rnams ni mi gtsang ba rnams te/ lus dri ma can du 'gyur ba nyid kyis bkru dgos pa'i phyir ro/ /dri mi zhim pa rnams ni gcin dang phyis 'dzag pa'i phyir ro/ /dring ba rnams
 ni rang bzhin gyis sha dang khrag la sogs pa'i rang bzhin yin pa'i phyir ro/ /mi mthun pa rnams ni rdzas re re yang skyug bro ba'i gzhi yin pa'i phyir dang/ 'khrig pa bsten pa'i 'jug du mi mthun pa skye ba'i phyir ro/ /de ltar na tshig gcig
 dang gnyis kyis 'dod pa rnams kyi 'brel pa dang/ 'dzag pa dang/ rang gi mtshan nyid kyi skyon yongs su bstan pa yin no/ /'dir yang/ 'di ltar 'dod pa mi gtsang rnams/ /dri mar 'gyur bas bkru ba dang/ /chu ser gcin skyag dri mi/
 zhim/ /dre nga rnams ni rang bzhin gyis/ /mi mthun rnams ni rdzas re yang/ /gang phyir de dag smad pa dang/ /'khrig pa brten pa'i 'jug tu yang/ /mi mthun pa na skye phyir ro zhes bya ba smos so/ /gzhan yang mi gtsang ba nyid rnam pa
 gnyis te/ rnag mi gtsang ba nyid dang/ nyon mongs ba mi gtsang ba nyid de/ ji skad du /lus 'di nyid mi gcong ba rnam ba sna tshogs kyis gang bar so sor rtog go zhes gsungs ba lta bu'o/ /nyon mongs pa
 mi gtsang ba nyid ni ji skad du /mig chung mi gtsang bar byed pa zhes 'byung ba lta bu'o/ /de phyir rnag mi gtsang ba nyid yang dag par bstan pa'i phyir dri ma zhim ba rnams zhes bya ba gsungs so/ /dri mi zhim pa nyid kyi rnam pa'i byad par
 bstan ba'i phyir dring pa rnams zhes bya ba gsungs so/ /mi mthun pa rnams ni snga ma bzhin no/ /mi gtsang ba ma brjod na ni rnag mi gtsang ba nyid kyi dri mi zhim ba'i mtshan nyid ma bstan par 'gyur bas so/ /dri mi zhim ba ma brjod na ni dri
 da ba? smad ba nyid du ma bstan par 'gyur bas so/ /lung las ni mi gtsang ba rnams ni bstan ba yin la/ lhag ma ni bshad ba yin te/ de la mngon na 'dod ba dag ni rnam ba gnyis dag ste/ kha zas kyi 'dod ba rnams dang/ 'khrig pa'i
 'dod ba rnams te/ ji skad du/ ral pa can gyi mdo sde las/ /zas rnams dang ni skom rnams dang/ /yang na de bzhin do rnams dang/ /bud med rnams ni 'dod rnams yin/ /'di na kha cig 'chi zhes gsungs pa lta bu'o/ /de la kha zas kyi
 'dod pa rnams ni yongs su 'gyur ba nyid kyis dri mi zhim pa rnams dang/ dring ba rnams te/ gcin dang phyi sa'i dngos po dang/ sha la sogs pa'i dngos por yongs su 'gyur ba'i phyir ro/ /'khrig pa'i 'dod ba rnams ni yongs su 'gyur ba
 nyid kyis mi mthun pa rnams te/ yongs su gdung ba dang bral na mi mthun pa skye ba'i phyir ro zhes 'byung ngo/ /'dod ba'i rgyu dang 'dod pa'i gzhi zhes bya ba ni mdo sde'i dum bu'o/ /de la nyon mongs pa'i 'dod ba ni rnam pa gnyis su rig par
 bya ste/ 'dun ba dang 'dod chags so/ /gzhi'i 'dod pa yang rnam pa gnyis te/ thob pa dang/ ma thob pa'o/ /de la 'dod pa'i rgyu dang 'dod pa'i gzhi nyon mongs pa'i 'dod pa rnam pa gnyis kyis so/ /'dod pa'i dbang du bya ba dang/
 'dod pa rnams kho na'i rgyu zhes bya ba ni gzhi 'dod pa rnam pa gnyis kyi don du ste/ lus de ltar na rgyu gang gis dang gang gi don du rtsod pa de yongs su bstan ba yin no/ /chags pa dang/ zhen pa dang/ 'chums pa dang/ mdud pa por ba dang /rgyal
 ba dang/ lhag bar chags pa dang/ lhag par zhen par gyur ba zhes bya ba ni mdo sde'i dum bu ste/ 'dod chags kyis kun nas dkris pa skyes pa'i phyir dang/ skyes ba dang du len pa'i phyir dang/ thob pa dang/ longs spyod 'dod ba'i phyir dang/
 de'i thabs la lan mang du rdzas su rnam par rtog pa'i phyir dang/ nyes dmigs mi mthong ba'i phyir dang/ yongs su gzung ba kun tu 'dzin pa skye ba'i phyir dang/ mi tshim ba nyid kyi rgyus de bsten pa la sems gzhol bas lan mang du gnas pa'i
 phyir go rims bzhin du rig par bya'o/ /'dod pa la 'dod chags dang/ lhag par zhen pa dang/ rnam bar bcings pa dang/ yongs su zhen pa dang/ kun tu 'dod chags kyi rgyus zhes bya ba ni mdo sde'i dum bu ste/ kun tu spyod pa dang/ dang du len
 pa dang/ zil gyis gnon pa dang/ des mi 'jam pa dang/ de la kun tu dga' ba nyid dang go rims bzhin no/ /gzhan yang rang gi 'dod pa la mngon par dga' ba dang/ yongs su bzung ba dang/ mi 'bral bar 'dod pa dang/ gzhan gyi
 'dod pa la mngon bar dga' gang byed ba dang/ kun tu 'dod chags pa gnyis te/ 'dod pa la 'dod chags dang/ lhag par zhen pa dang/ rnam par bcings pa dang/ yongs su zhen pa dang/ kun tu 'dod chags dang go rims bzhin no//
 lta ba rnams la yang lta ba la 'dod chags dang/ lhag bar zhen ba dang/ rnam bar bcings pa de ni de bzhin no/ /lta ba ni mi mthun pa rnams yin na ni rang gi lta bar mngon par dga' bar byed pas yongs su zhen
 ba'o/ /lta ba mthun pa dag yin na ni de'i lta ba la rjes su chags pas kun tu 'dod chags su rig par bya'o/ /de lta bu'i tshig rnams ni rnam grangs su gsungs ba yin kyang nyes pa med de/ dgos pa dang bcas pa yin pa'i phyir sngar ji
 skad bshad pa lta bu'o/ /dge slong dag sems can de dag la ni don spyod pa med/ /chos spyod pa med/ bsod nams spyod pa med/ dge ba spyod pa med/ dge legs spyod pa med do zhes bya ba ni mdo sde'i dum bu'o/ /mdo sde'i don
 'tshol ba dang/ nyan pa dang/ sems pa dang/ rab tu ston pa dag ni don spyod pa'o/ /chos 'tshol ba dang nyan pa dang klog pa dang 'don pa dang ston ba ni chos spyod pa'o/ /de gnyis ka la brten nas mngon par mtho ba las brtsams te/
 bsod nams kyi las byed pa ni bsod nams spyod pa'o/ /mi g.yo ba'i las byed pa ni dge ba spyod pa ste mi dge ba spangs pa'i phyir ro/ /nges par legs pa las brtsams te byang chub kyi phyogs sgom pa ni dge legs spong ba ste/
 dri ma med pa'i phyir dang/ yongs su nyams pa med ba nyid kyis 'gyur ba med pa'i phyir ro/ /gzhan yang sbyin pa ni bsod nams spyod ba'i/ /tshul khrims ni dge ba spyod pa ste/ /bde ba'i don gyis na gzhan la mi gnod ba'i phyir ro//
 sgom ba ni dge legs spyod ba'o/ /dge slong dag de ni chu gter chen bo zhes bya ba ni mdo sde'i dum bu'o/ /de la snod che ba nyid kyi phyir chu gter chen po'o/ /ye nas chu tsha ba nyid kyi phyir chu'i chu bo chen po'o/ /chu klung sna tshogs
 nas glo bur du 'bab pa'i phyir chu'i tshogs chen po'o/ /skams par mi 'gyur ba nyid kyi phyir chu'i chu chen po ste/ rtag tu chur 'dug pa'i phyir ro/ /lung las ni chu chen bo sdud ba'i don dang/ mi skye ba'i don dang/ gcig tu 'gyur ba'i don
 dang/ mi zad pa'i don gyi chu gter chen po dang/ chu'i chu chen po'i bar dag yin no zhes 'byung ngo/ /thags 'khrugs pa lta bu zhes bya ba ni mdo sde'i dum bu'o/ /de la nor dang khyim dang bu dang chung ma la sogs pa la sred bas phan
 tshun du sems 'phros pa nyid kyi phyir thags 'khrugs pa lta bu'o/ /de dang 'brel ba'i rnam par rtog ba mang du byed ba'i phyir rnam par grol ba dka' ba nyid kyis dru bu 'dzings ba lta bu'o/ /de yongs su bzung ba la kun tu 'dzin pas
 sdug bsngal mang bos gzhir ba'i rten du gyur pa nyid kyi phyir rtswa mun dza dang/ ba la ba dza lta bur gyur pa'o/ de lta bu dang gyur pa'i sgra gnyis ni rnam pa'i don rnams/ dpe'i don gnyis su rig par bya'o/ /de ltar na 'dun pa dang rnam par rtog
 ba dang/ ltag par zhen pa dang ldan pa'i phyir go rims bzhin du thags 'khrugs pa la lta bu la sogs pa yin par rig bar bya'o/ /gzhan yang phrad pa dang mi 'bral ba la sred pa dang/ nyes dmigs kyi gnod pa dang ldan pa'i phyir yang
 go rim bzhin no/ /sdug bsngal ba mi bzad pa zhes bya ba'i mdo sde'i dum bu'o/ /de la sdug bsngal ba ni rang bzhin gyis mi mthun pa nyid kyis so/ /mi zad pa ni che ba nyid kyis so/ /rtsub pa ni rtag tu rtse mi 'jil ba'i rgyun nyid kyis so//
 tsha ba ni phrad ba'i dus na mi bzod pa nyid kyis so/ /yid du mi 'ong ba ni dran pa'i dus na brjod du mi btub ba nyid kyis so/ /srog 'phrog ba ni srog gi dbang po dang 'gal ba nyid kyis so/ /mdor na rang bzhin dang/ rnam ba dang /gnas pa dang/
 las kyi khyad par gyis tshor ba'i khyad par ston par byed do/ /de la las kyi khyad bar ni lus dang sems dang srog la gnod pa nyid kyis rig par bya'o/ /gang las drag pa sdug bsngal ba zhes 'byung ba der ni rang bzhin
 la sogs pa'i khyad par gyis drag ba nyid khyad par du byed do/ /'bral zhing mi skye la zhes bya ba ni 'bral ba 'am mi ldan pa 'dri ba yin no/ /de 'bral zhing mi skye bar mngon pa yin nam zhes bya ba ni skabs skabs su de yod par 'dri ba'o//
 yang nam lus par bral ba dang/ mi ldan pa'i skabs 'dri ba'o/ /sdug bsngal nyid gsum ste zhes bya ba mdo sde'i dum bu'o/ /de la 'du byed rnams kyi rang gi mtshan nyid mi mthun pa nyid kyis sdug bsngal gyi sdug bsngal nyid do/ /spyi'i
 mtshan nyid 'byung ba dang 'jig pa mi mthun pa nyid kyis 'du byed kyis sdug bsngal nyid do/ /gzhan du 'gyur ba'i mtshan nyid mi mthun pa nyid kyis 'gyur ba'i sdug bsngal nyid yin no/ /ji skad du/ 'du byed sdug bsngal nyid dang ni/ /'gyur ba
 nyid du mkhyen nas ni/ /rdzogs sangs rab tu mkhyen pa yis/ /tshor ba sdug bsngal nyid du gsungs shes bya ba ni gang zhig sdug bsngal nyid dgongs pa can yin pa de'i dgongs pa stong pa yin no/ /lung las ni rang dang spyi'i mtshan nyid gnyis
 kyis rang bzhin gyis sdug nyid kyi dbang du mdzad de/ sdug bsngal dang 'du byed kyi sdug bsngal nyid gnyis gsungs la/ 'gyur ba'i sdug bsngal nyid kyi dbang du mdzad nas ni/ 'gyur ba'i sdug bsngal nyid gsungs so zhes 'gyur ro/ /srog
 gcod ba dang drag shul can dang lag pa khrag dmar ba dang zhes bya ba ni mdo sde'i dum bu'o/ /de la bsad pa'i bsam ba nyid dang/ gsad par sbyor ba nyid dang /de gnyis ka la mngon par dga' ba nyid dang/ de'i gzhi nyid dang/ de dang rjes
 su 'brel ba nyid kyis srog gcod ba yongs su bstan to /de'i gzhi yang kha na ma tho ba de la ngo tsha ba med pa dang/ snying mi brtse ba yang yin te/ srog chags phra mo sdug bsngal ba mi ma kho ba rnams la yang ngo/ /de dang rjes su 'bral ba nyid ni ji srid
 du mi spong ba'o/ /gsod pa ni gsod par byed pa ste 'chi bar byed pa zhes bya'o/ /rab tu gsong ba ni rnam pa nas gsod ba ste/ rnam ba re re nas 'chi bar byed pa'o/ /rnam grangs gzhan yang drag shul can nyid kyis ni shan pa la sogs pa'i srog gcod pa nyid khyad par du byed pa yin no/ /drag shul can nyid kyang lus drag shul can nyid dang/ sems drag shul can nyid dang/ der gcig tu nges pa nyid dang/ der gtan du nyid kyis ston par byed do/ /de la ngo tsha ba med ba dang/ snying mi
 brtse ba dang ldan pa nyid kyis ni der gcig tu nges pa nyid yin la/ mi spong ba nyid kyis ni der gtan du ba nyid yin par rig par bya'o/ /dge slong dag gson pa rnams las gnyid log ba ni stong pa dang zhes bya ba ni mdo sde'i dum bu'o//
 gson pa rnams las gnyid log pa stong ba zhes bya ba ni bstan ba yin la/ lhag ma rnams ni bshad pa yin no/ /de la gang la gang dag la nyid mi 'byung ba gson pa'i bya ba dag ni rnam pa bzhi ste/ gson pa dag ni brtson 'grus rtsom?
 de las phyi mar 'bras sdug dang/ dge slong tshul don rnams gzhan yang/ /'di la longs spyod bde ba 'byung/ /de dag med phyir gnyid log pa'i/ /srog ni gsog dang 'bras med dang/ /don med pa dang de bzhin du/ /phan yon med
 ba nyid du 'dod/ /gzhan yang skyes bu'i rtsal med pa'i phyir gsog yin no/ /phal cher rnam par smin par mi 'gyur ba'i phyir 'bras bu med pa'o/ /yang dag pa yul du ma gyur ba nyid phyir don med pa'o/ /dus ma yin par gnyid 
 log pa ni lus dang sems las su mi rung ba nyid 'du byed pa'i phyir phan yon med pa'o/ /rnam grangs gzhan yang gnyis kyi gnas skabs sems med pa ni stong ba yin la/ gnyid kyi gnas skabs
 sems dang bcas ba'i ni lhag ma ste snga ma bzhin no/ /byis ba rmongs ba mi gsal ba mi mkhas pa zhes bya ba ni mdo sde'i dum bu'o/ /de la byis ba zhes bya ba ni bstan pa yin la/ /lhag ma bshad pa yin te/ mi shes pa dang/ the
 tshom dang/ log ba'i shes pa dang ldan pa'i phyir ro/ /tshul bzhin ma yin pa la mkhas pa ni mi mkhas pa'o/ /rnam grangs gzhan yang gnyis te/ byis pa ni nyes bar bsam pa sems pa la sogs bas so/ /rmongs ba dang
 mi gsal ba dang mi mkhas pa ni thos ba dang/ bsam pa dang/ bsgoms pa las byung ba'i shes rab rnams dang mi ldan pa'i phyir go rim bzhin no/ /lhan cig skyes pa dang/ thos ba dang/ bsam ba dang/ bsgoms las byung
 ba'i shes rab rnams dang mi ldan pa'i phyir yang byis pa nas mi mkhas pa'i bar ro/ /byis pa'i rang bzhin can/ rmongs ba'i rang bzhin can/ shes rab 'chal ba'i rang bzhin can zhes bya ba ni mdo sde'i dum bu ste/ de ni go rims
 bzhin du mi shes ba dang/ the tshom dang log pa'i shes pa dang ldan pa las rig par bya'o/ /gzhan yang shes rab ma byad ba dang/ zhan pa dang/ log ba rnams dang go rim bzhin no/ /gzhan yang rang gis legs par gsungs
 ba dang/ nyes bar bshad pa'i chos rnams kyis don shes par mi nus pa nyid kyi phyir byis pa'i rang bzhin can no/ /thos kyang mi nus pa nyid kyi phyir rmongs pa'i rang bzhin can no/ /phyin ci log tu mngon du zhen pa'i phyir shes rab 'chal
 ba'i rang bzhin can no/ /gro bzhin skyes dge sbyod dam bram ze gang la la dag gzugs mi rtag pa zhes bya ba ni mdo sde'i dus bu'o/ /de la gzugs mi rtag pa nas rnam bar shes ba mi rtag pa nyid kyi bar gyis ni lus
 skye ba dang 'jig ba nyid ston par byed la/ mi brtan pas ni dus yun mi ring bar 'jigs pa nyid do/ /yang yid la stan du mi rung bas ni dus ma nges par 'jig ba nyid do// //'gyur ba'i chos can gyis ni gnas skabs mi 'dra ba
 nyid kyi 'jig pa'i nyid yin te/ gnas skabs mi 'dod pa nyid du 'gro ba'i phyir ro/ /gcig gis ni 'dus byas kyi mtshan nyid gnyis dang ldan par ston par byed la/ gnyis kyis ni gnas pa'i khyad par te/ rgyun ni yun
 mi ring ba dang/ dus ma des pa nyid kyi phyir ro/ /bzhi pas ni gnas ba de nyid gzhan du 'gyur ba nyid do/ /gzhan yang gcig gis ni lus mi 'jig par 'gog par byed la/ gnyis bas yun ring po nas 'jig pa'o//
 gsum bas ni dus nges par 'jig pa'o/ /bzhi bas ni 'gyur ba med par 'jig pa'o/ /gzhan yang gcig gis ni skad cig mar 'jig pa'i mi rtag pa nyid ston par byed la/ gnyis kyis ni rgyun 'jig pa'i mi rtag pa
 nyid de ris mthun ba las yun ring du mi gnas pa nyid kyi phyir dang/ dus ma yin par 'chi srid pa'i phyir ro/ /bzhi pas ni 'gyur ba'i mi rtag pa nyid do/ /dang po ni rang gi sgras bstan pa yin te/ don dam pa yin pa'i phyir ro//
 'dir smras pa/ mi 'jig yun ring 'jig pa dang/ dus dang 'gyur ba med pa bkag /skad cig dang ni tshe dang na /'gyur zad rnam ba gsum yang bstan// //bam po gsum pa /gzugs gang rtag pa dang
 brtan pa dang ther zug ba zhes bya ba ni mdo sde'i du ma bu'o/ de la rtag pa ni mi rtag pa nyid med pa'i phyir ro/ /bstan pa ni skad cig mar 'jig pa med pa'i phyir te dus gzhan du gnas pa nyid kyis so/ /thed zug ni
 rgyud 'jig pa med pa'i phyir ro/ /mi 'gyur ba'i chos can ni 'gyur ba med pa'i phyir ro/ /yang dag par de bzhin du gnas par 'gyur pa zhes bya ba ni ji ltar 'dod pa ste/ rnam pa snga ma mi srid na phyi ma 'dri ba yin no/ /rnam grangs gzhan
 yang skad cig mar 'jig pa la sogs pa med pa'i phyir yang brtan pa la sogs par rtag pa nyid 'dri bar byed pa yin no/ /rnam grangs gzhan yang rtag pa ni ther zug gi don gyis yin la/ brtan pa ni mi 'gyur ba'i don gyis yin te/
 tshig gnyis ni tshig gnyis kyis rnam par bshad pa yin par yang 'og nas bstan par bya'o/ /'phags pa nyan thos shes nas dad pa bzhi dag dang ldan ba ni 'tsho ba dag gis dbul ba ma yin zhes bya ba ni mdo sde'i dum bu'o/ /de la 'phags
 pa'i nor bdun dang ldan pa'i phyir 'tsho ba dag gis dbul ba ma yin no/ /'tsho ba med pa'i 'jigs pa spangs pa'i phyir bkren pa ma yin no/ /log pa'i 'tsho ba spangs pa'i phyir phongs pa ma yin no/ /nor dang sems dang 'tsho ba ngan pa dang
 ldan pa'i phyir ni dbul ba dang/ bkren pa dang/ phongs pa nyid du rig par bya'o/ /gal te ting nge 'dzin 'du byed pas zin zhing zhes bya ba ni mdo sde'i dum bu'o/ /'du byed pas zin pa ni yun ring po nas mngon du 'gyur ba'i phyir ro/ /chu
 bzhin du 'tsho ba ni myur bar 'bral ba'i phyir ro/ /chos nyid kyis zin pa ni rtag tu bag yod pas bsrung bar bya ba nyid kyi phyir ro/ /zhi ba ma yin ba ni de'i mi mthun pa'i phyogs sa 'og ma pa'i nyon mongs pa shin tu mthul ba'i phyir ro//
 gya nom pa ma yin pa ni rang gis pa'i nyon mongs pa dang 'dres pa nyid kyi phyir ro/ /lam bag yangs su 'gyur ba thob pa ma yin pa ni shin tu ma goms ba nyid kyi rgyas rang gi rang gis mi 'byung ba'i phyir ro/ /sems rgyud cig tu gyur pa rtogs
 pa ma yin pa ni g.yo ba dang bcas pa nyid kyi phyir ro/ /de la rtag tu bag yod pas bsrung bar bya ba nyid ma zhi ba la sogs pa'i rgyus rig bar bya'o/ /dkar po'i phyogs ni de las bzlog par rig par bya'o/ /'dir smras pa/
 myur du mngon du 'gyur ba dang/ /myur du 'bral bar mi 'gyur ba dang/ /rtag tu bag yod bsrung bya min/ /de yi mi mthun phyogs bcom phyir/ /rang gi nyon mongs ma 'dres phyir/ /shin tu goms 'bad med 'byung phyir//
 dang byed za ni la sogs pa min/ /rgyud gcig yin te mi g.yo phyir/ /lung las ni/ myur bar mngon 'gyur nyid kyi phyir/ /mi nyams phyir dang rtag bsrung phyir/ /nyon mongs min phyir dge nyid phyir/ dang gis 'byung phyir
 yongs rdzogs phyir/ /go rim bzhin du 'du byed bas ma zin pa nas rgyud gcig tu gyur pa rtogs pa'i bar du yin no zhes 'byung ngo/ /de de ltar sems mnyam par gzhag pa yongs su dag ba dang zhes bya ba mdo sde'i dum bu'o/ /de las
 yongs su dag ba ni yongs su byad ba'i don gyis te/ de'i mi mthun pa'i phyogs sa 'og ma pa'i dri ma spangs pa'i phyir ro/ /nyon mongs pa med pa ni nye ba'i nyon mongs ba dang bral ba'i don gyis te/ rang gi sa pa'i nyon mongs pas nyon mongs pa
 can ma yin pa'i phyir ro/ /drang por gyur pa ni las su rung ba'i don gyis te/ 'bad ba med par 'gyur ba nyid kyi phyir ro/ /gnas pa ni g.yo ba thob ba'i don gyis te/ bsam gtan bzhi pa na g.yo ba med pa'i phyir ro/ /de
 ltar ting nge 'dzin de ni dge ba nyid dang/ ji ltar na de dge ba nyid dang dbang du bya ba nyid dang/ yongs su grub pa nyid rnam grangs kyi mtshan nyid dang bcas pa yongs su bstan pa yin no/ /res 'ga' tshig
 gnyis na gzhan gnyis kyi rnam par 'chad de/ dper na sems mgu ba dang sems nyams bde ba zhes bya ba ni sems dga' ba dang/ sems sgrib pa med pa zhes bya ba 'dis so zhes 'byung ba lta bu'o/ /re 'ga' tshig gcig gzhan
 gcig gis yin te/ dper na yang dag phul gyis chos bstan pa kun tu shes par skal ba yod cing nus ba yin zhes 'byung ba lta bu ste/ 'di ni dper brjod pa tsam du zad do/ /'dir yang smras ba/ mi mthun phyogs dri grol phyir
 dang/ /nyon mongs med sgrib med 'byung phyir/ /g.yo ba med phyir gnyis bos ni/ /yongs dag la sogs rig par bya/ /gnyis dang gnyis kyis ting 'dzin gyis/ /de dag nyid dang de ji lta/ /dbang bya nyid dang grub pa nyid//
 mtshan nyid bcas bar rab tu bstan/ /rnam grangs gzhan yang yongs su dag pa ni nyon mongs pa med pa dang/ nye ba'i nyon mongs ba dang bral ba nyid kyis te/ go rim bzhin du rnyed pa dang bkur sti dang tshigs su bcad ba dang ldan pa'i
 'dod pa rgya ba dang/ sred pa dang/ lta ba dang/ nga rgyal dang/ the tshom gyi nye ba'i nyon mongs ba dang bral ba'i phyir ro/ /yongs su byang ba ni drang por gyur ba la sogs pa nyid kyis te/ de la drang por gyur ba ni 'bad pa med par 'byung ba nyid
 kyis shin tu thal ba'i phyir ro/ /las su rung ba ni mngon par shes pa bsgrub bar rung ba nyid kyi phyir ro/ /gnas ba ni yongs su nyams bar mi 'gyur ba nyid kyi phyir ro/ /mi g.yo ba thob pa ni bsam gtan bzhi pa ni g.yo ba thams
 cad dang bral ba'i phyir ro/ /'dir yang sgras ba/ gnyis kyis yongs dag yin la tshig /gzhan dag gis ni yongs byang nyid/ /rnyed 'dod la sogs sred la sogs/ /bral phyir shin tu thul ba'i phyir/ /mngon shes yon tan rung nyid
 byed/ /nyams med phyir g.yo zad ba'i phyir/ /don grub dag gis go rim bzhin/ /nyon mongs med sogs nyid shes bya/ /rnam grangs gzhan yang yongs su dag pa ni de'i mi mthun pa'i phyogs sa 'og ma pa spangs ba'i phyir ro/ /yongs
 su byang ba ni de thag ring du byas pa'i phyir ro/ /nyon mongs pa med pa ni rang gi sa pa'i phyogs nyon mongs pa dang ma 'dres pa'i phyir ro/ /nye ba'i nyon mongs pa dang bral ba ni de kun tu rgyu ba thag ring du byas pa'i phyir ro/ /drang por gyur
 ba mi 'bad ba med pa dang ji ltar 'dod bar 'byung ba'i phyir ro/ /las su rung ba ni mngon bar shes pa rung ba nyid kyi phyir ro/ /gnas pa ni mi nyams pa'i cha dang mthun pa'i phyir ro/ /mi g.yo ba thob ba ni snga ma bzhin no/ /ting nge
 'dzin dang gnas dang ldang zhes bya ba ni sdom gyi tshigs su bcad pa ste/ de la gnas pa ni ji srid 'dod pa rjes su 'jug pa yin no/ /ldang ba ni mnyam bar ma gzhag pa'i sems mngon bar rjes su 'jug pa 'am sa gzhan pa'o/ /nyams
 bde ba ni las su rung ba nyid dang nye ba'i nyon mongs pa dang bral ba nyid do/ /spyod yul ni dmigs pa yin no/ /mngon par bsgrub pa ni skyed ba yin no/ /'phrod ba ni rnyed pa dang mthun pa yin no/ /mi 'phrod pa ni de dang mi mthun pa
 yin no/ /gnyis ka ni de gnyis ka dang bcas pa'o/ /skye ba ni 'phel ba yin no/ /'bri ba ni 'grib pa yin no/ /thabs ni de gnyis ka'i bzhi yin no/ /sred ba yang srid bar 'byung bar byed pa dga' ba'i 'dod chags dang ldan pa
 zhes bya ba ni mdo sde'i bum bu'o/ /de lam lus bar spangs pa zhes bya ba ni bstan pa yin pa la lhag ma ni bshad pa yin te/ gnas skabs thams cad kyi spong ba kun tu bstan pa'i phyir ro/ /gnas
 skabs thams cad kyi spong pa ni sel ba'i gnas skabs dang /rnam par gnon pa'i gnas skabs dang/ mthong ba'i lam gyi gnas skabs dang/ bsgom pa'i lam gyi gnas skabs dang/ mi slob pa'i lam gyi gnas skabs dang
 kun nas dkris pa dang bral ba'i gnas skabs dang/ bag la nyal ba dang bral ba'i gnas skabs so/ /sred pa langs pa ni kun nas dkris pa yin te/ des sems rnam par ma zhi bar 'dug go /de'i phyir de dang bral ba ni
 rnam par zhi ba yin no/ /sred pa nyal ba ni sa bon gyi gnas skabs bag la nyal yin te/ de yang rtag tu rgyud la gnas so/ /de'i phyir de dang bral ba ni nub pa yin no/ /rnam pa gcig kyang ma brjod na sred pa'i
 gnas skabs thams cad spong ba'i rab tu dbye ba kun tu ma bstan par 'gyur bas so/ /de lta bu'i tshig rnams ni rnam grangs su brjod pa yin kyang skyon med par sngar ji skad bstan ba lta bu yin no/ /rtog ge pa dang zhes bya ba ni
 mdo sde'i dum bu'o/ /de la rnam pa gnyis kyis rtog ge ba yin te/ mngon par rtog pa nyid dang/ de'i spyod yul las mi 'da' ba nyid kyis so/ /des na spyod ba pa dang/ rtog ge la zhugs pa'i sa la gnas pa zhes bya ba smos so//
 rtog ge la zhugs pa'i sa gang zhe na/ rang gi spobs pa dang ldan pa rnams dang/ so so'i skye bo rnams kyi sa mngon par rtogs pa dang ldan pa gang yin pa ste/ de kho na'i lung dang ldan pa yin no/ /sa ni yul zhes bya ba'i tha tshig go /de
 ltar tshig gcig ni bstan ba yin la gnyis ni bshad pa yin zhing/ tshig gsum ni bstan ba yin la/ gsum ni bshad pa yin par rig par bya'o/ /gzhan yang rtog ge pa ni rnam grangs nyid dang/ mtshan nyid nyid kyis kun tu bstan
 pa yin no/ /sbyor ba pa zhes bya ba ni rnam grangs yin te/ khyad par du bya ba'i phyir te don du gnyer ba der gang yin pa yang rtog par byed ces bya ba yin pas der thal bar gyur na mi rung bas so/ /rtog ge la zhugs pa'i sa la gnas
 pa zhes bya ba ni mtshan nyid yin te/ de yang tshe rabs snga ma la rtog ge la goms pas bsgoms pa'i rgyud dang/ de kho na mthong ba dang bral ba dang/ rtog ge la 'dris par bya ba thog ma med pa nas zhugs pa'o/ /gzhan yang lung
 las ni rtog ge ba lngar rig par bya ste/ de'i dang phyir brtag rtog phyir dang/ sngon goms phyir mngon ma byas phyir/ /lung la mi brte nyid phyir dang/ /brtson phyir yid la byed phyir dang/ /sngon phangs phyir dang yongs bzung phyir//
 yongs su bya ba byas pa'i phyir/ /rtog ge phun sum rnam lngar 'dod/ /de de dang ldan pa ni rtog ge pa yin no/ /zhes 'byung ba'o/ /de la yid la byed phyir zhes bya ba ni brtag par bya ba'i gnas yid la byed ba'i phyir ro/ /yongs su
 bzung phyir zhes bya ba ni tshad ma'i rigs pa rnam pa gsum yongs su bzung ba'i phyir ro de ni so so'i skye bo rnams kyis yin no/ /'chi ba ni bzang po ma yin zhes bya ba ni mdo sde'i dum bu'o/ /de la sems nyams pa dang rmongs pas
 'chi ba'i phyir dang/ bsod nams ma byas pa'i 'chi 'pho ba'i phyir dang/ 'gro ba mi 'dod par 'gro ba'i phyir go rims bzhin du 'chi ba ni bzang po ma yin/ dus byed ba ni bzang po ma yin/ tshe phyi ma ni bzang po ma yin zhes bya bar 
 rig par bya'o/ /bzlog pa'i phyir dgra bcom pa ni bzlog pa ste/ sems ma nyams pa dang/ ma rmongs pa 'chi ba'i phyir dang/ bsod nams byas nas 'chi 'pho ba'i phyir dang/ phung po lhag ma med par mya ngan las
 'das ba'i phyir bzang po gsum yin no/ /tsher ma phyung ba zhes bya ba ni mdo sde'i dum bu'o/ /de la so sor rtog pa'i stobs la brten nas nyon mongs pa'i kun nas dkris pa bsal ba'i phyir tsher ma phyung ba rnams yin no/ /bsgoms pa'i
 stobs la brten nas 'jig rten pa'i lam gyis nyon mongs pa'i bag la nyal 'joms pa'i phyir tsher ma dkrigs pa rnams yin no/ /mthong ba'i lam gyi bag la nyal gyi phyogs yang dag par bcom pa'i phyir tsher ma dang bral ba rnams
 yin no/ /bsgom pa'i lam gyi bag la nyal thams cad yang dag par bcom pa'i phyir tshe ma med pa rnams yin no/ /gzhan yang 'bras bu dang po la mthong bas spangs par bya ba'i bag la nyal yang dag par bcom pa'i phyir tsher
 ma phyung ba rnams yin no/ /gnyis pa la 'dod pa na spyod pa'i bsgom pas spang bar bya ba nyung zad cig lus pa'i phyir tsher ma dkrugs pa rnams yin no/ /gsum pa la de mdza' dag spang pa'i phyir tsher ma dang bral ba rnams yin no/ /
 bzhi pa khams gsum pa'i nyon mongs pa thams cad spangs pa'i phyir tsher ma med pa rnams yin no/ /dad pa skyes nas 'gro bar byed song na chos nyan par byed do zhes bya ba ni mdo sde'i dum bu'o/ /de la nyan par byed do zhes bya ba ni tshig
 'bru dang don gyis/ /sems par byed pa ni ji ltar thos pa'i don nges par sems pa'i phyir ro/ /'jal bar byed pa ni reg ba ste/ legs par gsungs ba nyid kyis khyad par dmigs kyis 'byed pa'i phyir ro/ /nye bar rtog par byed pa
 ni bsgoms pa'i rnam pa ste/ ji ltar gzung ba'i don so sor rtog pa'i phyir ro/ /bden pa de yang lus kyis mngon sum du byed pa ni gnas gyur pa'i tshe yang dag pa ji lta ba bzhin du mngon par rtogs pa'i phyir ro/ /shes rab kyis so sor
 'bigs par byed pa ni bdag gi mngon suM du byas so zhes 'jig rten las 'das pa'i ye shes kyi rjes las thob pa 'jig rten pa'i ye shes kyis nges par 'dzin pa'i phyir ro/ /gzhan yang nyan pas ni thos pa las byung ba'i
 ye shes ston par byed do/ /sems pas ni bsam pa las byung ba'o/ /'jal ba dang nye bar rtog pa gnyis kyis ni mthong ba dang sgom pa'i lam gyis bsgoms pa las byung ba ste/ mthong ba'i lam gyis ni de bzhin nyid so sor rtogs
 pa'i phyir sgro 'dogs pa dang skur pa 'debs pa med pa gnyis kyis mnyam pa la 'jog par byed pa'i phyir 'jal bar byed pa yin no/ /sgoM ba'i laM gyiS ni ji ltar 'jal ba la yang dang yang du rtog par byed pa'i phyir nye bar rtog par byang pa yin no/ /bden pa
 de yang zhes bya ba ni gang gi dbang du mdzad nas chos bstan pa'i mya ngan las 'das pa yin no/ /lus kyis mngon sum du byed cing zhes bya ba ni gnas gyur pa nyid kyis te/ rnam par grol ba thob pa'i phyir ro/ /shes rab kyis
 so sor 'bigs par byed do zhes bya ba ni rnam par grol pa'i ye shes kyis so/ /de ltar na dad pa la brten nas tshogs dang bcas pa'i lam dang/ lam gyi 'bras bu rnam par grol ba dang/ rnam par grol ba'i ye shes kun tu
 ston par byed do/ /gzhi de las sbyin pa po dang sbyin bdag gis bsod nams rgyun rgyas pa zhes bya ba ni mdo sde'i dum bu'o/ /de la sbyin pa po ni gzhan gyi nor kyang bdag gis sbyin par byed do/ /sbyin bdag ni gang gis nor sbyin
 byed bsod nams kyi las byed pa na rgyud la bag chags rnam pa gnyis gnas te/ /'bras bu rnam par smin pa yid du 'ong ba 'grub par byed pa dang/ dad pa la sogs pa dge ba'i chos kyi rgyu mthun
 pa'i 'bras bu 'grub par byed pa ste/ yon gnas kyi khyad par gyis de'i sbyin par bya ba'i dngos po yongs su spyad pa'i phyir ro/ /de gnyis rtag pa'i khyad par du 'gro ba ni go rims bzhin du bsod nams su rgyun rgyas pa dang/ dge pa
 rgyun rgyas pa tshad med pa rig par bya'o/ /de rgyun rgyas pa yang bde pa'i rgyun yin pa'i phyir bde ba 'dren pa zhes bya ba ni phan yon yongs su ston par byed pa yin no/ /gzhan yang sbyin pa las byung ba'i bsod nams gang yin pa dang
 da rab tu 'jug par byed pa'i dge ba yang dag pa'i lta ba gang yin pa de gnyis kyis khams rtas pa ni go rim bzhin du bsod nams rgyun rgyas pa dang/ dge ba rgyun rgyas pa yin no/ /de gnyis kyis 'bras bu yid du 'ong ba'i sa bon rtas pa
 ni bde ba 'dren pa yin no/ /gzhan yang sbyin pa las byung ba'i bsod nams rgyun rgyas pa de nyid dge ba rgyun rgyas pa yin te/ dge ba'i rgyu mthun pa'i 'bras bu'i rgyu yin pa'i phyir ro/ /bde ba 'dren pa yang yin te/ 'bras bu
 rnam par smin pa yid du 'ong ba'i rgyu yin pa'i phyir ro/ /rdzu 'phrul gyi yul rnam pa du ma nyams su myong bar 'gyur ba yin te/ zhes bya ba ni mdo sde'i dum bu'o/ /de la rdzu 'phrul gyi yul rnam pa du ma nyams su myong bar 'gyur ba
 yin no zhes bya ba ni bstan pa yin la/ lhag ma ni bshad pa yin no/ /dbang rnam pa lnga thob pas de nyams su myong bar ston te/ dbang rnam pa lnga ni rdzu 'phrul la dbang ba ni de rgyas par byed pa dang bsdus pa'i phyir ro/ /ston pa dang
 mi ston pa la dbang ba ni lus snang bar byed pa dang snang bar mi byed pa'i phyir ro/ /'gro ba la dbang ba ni thang ka dang bla dang 'og thogs par can la yang 'gro ba'i phyir ro/ /gnas pa la dbang ba ni thogs pa med pa las kyang mi ltung ba'i
 phyir ro/ /'gro ba dang khams khyad par du 'phags pa gnyis su rang gi lus 'jug pa la dbang ba'o/ /rtsig pa dang ri dang ra ba smos pa ni gtsug lag khang dang ri dang/ /grong na gnas pa na rig par bya'o/ /'jig tshogs
 'gog pa mya ngan las 'das pa la sems 'jug par byed ces bya ba ni mdo sde'i dum bu'o/ /de la mi skrag phyir dang mngon dga' i phyir/ /rtse gcig ma chags 'byung ba'i phyir/ /sems ni 'jug par byed pas na/ /grol byed par
 du shes par bya/ /bzlog pa'i phyir ni bzlog pa yin no/ /gzhan dag na re 'jug par byed pa ni thos pa las byung ba'i shes rab kyis so/ /dad par byed pa ni bsam pa las byung bas so/ /kun tu gnas par byed pa ni 'jig
 rten pa'i bsgoms pa las byung bas so/ /rnam par grol bar byed pa ni 'jig rten las 'das pas so zhes zer ro/ /de lta na ni rgyu bstan pa yin gyi don ni ma yin no/ /che dang ldan pa 'dun pas kyang 'on kyang bdag 'du byed
 thams cad zhi bar gnas pa dang/ stong ba nyid du dmigs pa dang/ sred pa zad pa dang/ 'dod chags dang bral ba dang/ 'gog pa dang/ mya ngan las 'das pa la sems 'jug par mi byed/ dad par mi byed do zhes smras pa ni de la
 thos pa las byung ba dang bsam pa las byung ba'i shes rab kyang med pa na ma yin te/ gnas brtan bdag kyang 'di snyam du 'du byed thams cad ni mi rtag pa/ chos thams cad ni bdag med pa/ zhi ba ni mya ngan las 'das pa'o snyam du semS
 so zhes kyang 'byung ba'i phyir te/ mang du thos pa nyid kyis phyir dang/ rgyud yongs su smin pa nyid kyi phyir ro/ /de lnga bas na shes rab rnam pa gsum chad dang ldan pa dag yin yang nam yang mya ngan las 'daS
 pa la sems mi 'jug ste/ nga'o snyam pa'i nga rgyal dags pa bar chad dang bcas pa dang/ bar ched med par kun tu rgyu ba'i phyir ro/ /de nyid kyi phyir 'on pa'i bdag gang yin snyam du yongs su yi chad pa'i rgyu yid phyir ldog go/
 gang gi tshe na bsgoms pa las byung ba'i shes rab kyis nga'o snyam pa'i nga rgyal kun tu rgya ba de gnyen pos bsal ba de'i tshe de la mi skrag pa la sogS pa dang ldan pa'i phyir 'jug par byed pa nas rnam par grol bar byed pa'i bar du yin no//
 mig gi dbang po bsrung ba'i phyir dang/ sba ba'i phyir dang/ dul bar gnas par bya ba'i phyir rab tu zhugs ba yin no zhes bya ba ni mdo sde'i dum bu'o/ /de la dran pa dang/ ting nge 'dzin dang/ shes rab la brten nas go rim bzhin
 du mig gi dbang po bsrung ba'i phyir dang/ sba ba'i phyir dang/ dul bar gnas par bya ba'i phyir rab tu zhugs pa yin no/ /gzhan yul gang la 'jug par bya ba de la bsrung bar bya ba'i phyir te/ dran pas byin gyis brlabs pa'i
 phyir ro/ /gang la 'jug par bya ma yin pa de las ni sba ba'i phyir te/ de mi 'jug pa'i phyir ro/ /de'i sgo nas nyon mongs pas kun tu rgyu ba'i bag la nyal yang dag par gzhom pa'i phyir gnyen po bsgom pas na dul bar
 gnas par bya ba'i phyir rab tu zhugs pa yin par rig par bya'o/ /dbang po drug po 'di dag shin tu dul ba dang/ shin tu sbas pa dang zhes bya ba ni mdo sde'i dum bu'o/ /de la nyon mongs pa'i bag la nyal thams cad yang
 dag par bcom pa'i phyir shin tu dul ba yin no/ /so sor rtog pa'i stobs la brten nas dran pa dang shes bzhin gnyis kyiS nyon mongs? pI kun nas dkris pa mi skyed pa'i phyir shin tu sbas pa yin la/ skyes ba dang du mi len pa'i phyir shin tu
 bsrungs ba yin no/ /'jig rten pa'i bsgom pa'i stobs la brten nas shin tu bsdams pa yin no/ /'jig rten las 'das pa la brten nas shin tu bsgoms pa yin no/ /de ltar sems dul ba thabs dang bcas pa yongS
 su bstan pa yin no/ /'dir yang smras pa/ dran pas ma skyes phyir sbas shing/ /shes bzhin gyis ni skyes las bsrungs/ /gnon dang rtsa ba bcom gnyis kyis/ /bsdams dang bsgomS pa yin par 'dod/ /lung las ni
 'jug par bya ba ma yin pa la mi 'jug pa'i phyir shin tu sbas pa yin no/ /'jug par bya ba la dran pa shin tu nye bar gzhag pas 'jug pa'i phyir shin tu bsrungs pa yin no/ /rang nyid yul la mi rgyug pa'i phyir shin tu
 bsdams pa yin no/ /rang nyin kun nas nyon mongs par mi 'gyur ba'i phyir shin tu bsgoms pa yin no/ /de ltar na shin tu dul ba yin no zhes 'byung ngo/ /de byams pa dang ldan pa'i sems kho na med pa 'gran zla med pa zhes
 bya ba ni mdo sde'i dum bu'o/ /de la sems can pha rol dag la phan pa dang bde ba'i bsam pa ni byams pa'o/ /de dang mtshungs par ldan pa'i sems ni byams ba dang ldan pa'o/ /de ni nye ba'i don mongs pa rnam pa gsum gyi gnyen po
 yin pa'i phyir kho na med pa dang 'gran zla med pa dang/ gnod pa med pa'o/ /nye ba'i nyon mongs pa rnam pa gsum ni sems can mnyam pa dang khyad par du 'phags pa gnod pa byed pa dag la khon du 'dzin pa dang/ gnod pa mi byed pa dag la
 phrag dog dang / de gnyis dang ldan pa dman pa dag la ni gang giS ni de dag la gnod par 'gyur ba'i zhe sdang ngo/ /'bras bu che ba nyid yin pa'i phyir yangs pa'o/ /gzugs na spyod pa nyid yin pa'i phyir rgya chen por gyur
 pa'o/ /sems can dpag tu med pa la dmigs pa nyid yin pa'i phyir tshad med pa'o/ /mi mthun pa'i phyogs shin tu thul ba'i phyir shin tu bsgoms pa'o/ /de ltar na gnyen po nyid dang/ 'bras bu nyid dang sa nyid dang/ dmigs?
 pa nyid dang/ rnam par dag pa nyid kyi sems de yongs su bstan pa yin no/ /phyogs gcig tu zhes bya ba ni gnas kyis gnas pa po bstan pa yin te/ dper na khri dag 'bod do/ /ri dags tshig go zhes bya ba lta bu'o/ /mos te zhes
 bya ba ni mos pa yid la byed pa nyid ston pa yin no/ /khyab par byas nas zhes bya ba ni khyab par sten pa yin te/ cig car du mdza' dag la mos pa'i phyir ro/ /rdzogs par byas te zhes bya ba ni dngos gzhi'o snyoms par 'jug pa
 mngon du gyur pa yin par ston pa yin no/ /gnas so zhes bya ba ni dus gzhan du yang rjes su 'jug par ston pa yin no/ /brtson 'grus brtsams shing zhum pa med pa yin/ lus shin tu spangs shing nyes par brtsams pa
 med pa yin zhes bya ba ni mdo sde'i dum bu'o/ /de la tshig phyi mas rnam par bshad pa dang bcas pa'i tshig bzhi po dag ni go rim bzhin du sems rnam pa bzhi'i gnyen por rig par bya'o/ /sems rnam pa bzhi ni ha cang zhum
 pa dang/ ha cang rab tu bzung ba dang/ nang du bsdus pa dang/ phyi rol tu rnam par g.yangs pa ste/ de kho na'i gnyen por spong ba'i 'du byed rnam pa gnyis gnyis yin no/ /gzhan yang zhi gnas dang rab tu 'dzin pa'i nye ba'i
 nyon mongs pa'i gnyen por tshig gnyis te/ zhum pa dang/ rgod pa'i gnyen po yin pa'i phyir ro/ /btang snyoms kyi nye ba'i nyon mongs pa'i gnyen po yang tshig gnyis yin no/ /de gnyis kyang gang gis na dran pa kun tu rmongs
 par 'gyur ba'i ma rig pa dang/ gang gis na ro myang ba la sems rnam par g.yengs par 'gyur ba'i sred pa'o/ /gzhan yang skyon rnam pa bzhi'i gnyen por tshig bzhi dag yin no/ /skyon rnam pa bzhi ni brtson 'grus
 ma brtsams na sems zhum par 'gyur ba dang/ ha cang brtsams na lus dub par 'gyur ba dang/ brjed pas pa dang sems nyams pa ste gang gis na lus nye bar brtsams pa dang/ dran pa kun tu rmongs pa dang sems rtse gcig
 pa ma yin pa ste yul la rnaM par g.yengs pa'i phyir ro/ /de nyid kyi phyir de'i gnyen po nyid yang dag par bstan pa'i phyir brtson 'grus la sogs pa tshig phyi mas khyad par du byed pa yin par rig par bya'o/ /tshul bzhin yid
 la byed pa ni mig skyes shing zhes bya ba ni mdo sde'i dum bu'o/ /de la don mngon sum du gyur pa'i phyir zag pa med pa'i shes rab ni mig go /the tshom med pa'i phyir shes pa'o/ /yang dag pa don du gyur ba'i phyir rig
 pa'o/ /rnam par dag pa'i phyir blo ste/ des pa'i tshig gi chos nyid kyi rgyas na rnam par dag pa'i phyir blo yin no/ /mig la gzhan pa dang/ nor pa dang/ rnyog pa nyid med pa yang dag par bstan pa'i phyir rnam gsum
 gyis khyad par du byed pa yin no/ /gzhan yang phyi rol pa rnams kyi lta ba ni bden pa rnams la ngan par lta ba dang/ the tshom dang/ ma rig pa rnams kyis gnyen po ma yin pa dang/ zag pa dang bcas pa yin pas de las khyad par du bya
 ba'i phyir mig la sogs pa smos so/ /gzhan yang bzlas pa gsum dag la thog mar mthong ba ni mig go/ ji ltar mthong ba la rnam par dpyod pa ni shes pa'o/ /gnyis po de nyid ji snyed yod pa can
 nyid la brten nas rig pa ste/ ji snyed yod pa la 'dzin pa'i phyir ro/ /ji ltar yod ba can nyid la brten nas blo ste/ yang dag pa ji lta ba gzhan du rtogs pa'i phyir ro/ /gzhan yang chos ma thos pa rnams la rjes su dpag pa
 dgag pa'i phyir mig ces bya ba gsungs so/ /mos pa las byung ba'i mthong ba dgag pa'i phyir shes pa'o/ /mngon pa'i nga rgyal dgag pa'i phyir rig pa'o/ /zag pa dang bcas pa nyid dgag pa'i phyir blo ste/ rnam
 par dag pa'i don gyis so/ /kha cig na re bzod pa ni mthong ba nyid yin pa'i phyir mig la/ shes pa ni shes pa nyid yin no zhes zer te/ de ni bzlas pa gsum dag la 'thad pa ma yin te/ de dag ni mthong ba dang/ sgom pa
 dang/ mi slob pa'i lam gyis bsdus pa'i phyir ro/ /dge slong dag 'di ni khyed la phan pa'i phyir dang zhes bya ba ni mdo sde'i bu'o/ /phan pa'i phyir ni 'dod pa bsod nyams kyi rjes su sbyor pa'i mdza' yongs su spong ba yin no/ /
 bde ba'i phyir ni bdag nyid dub par gnas pa'i rjes su sbyor ba'i mdza' yongs su spong ba yin no/ /phan pa dang bde ba'i phyir ni gnyis ka'i mdza' spangs nas dbu ma pa'i lam bsgom pa yin no/ /gzhan yang phan pa'i phyir ni sdug
 bsngal dang bcas pa'i nye ba'i nyon mongs pa'i gnyen po brten pa yin no/ bde ba'i phyir ni nyon mongs pa rnams med par sdug bsngal gyis gnyen po brten pa yin no/ /phan pa dang bde ba'i phyir ni bde ba dang bcas pa'i nyon
 mi ngos pa'i gnyen po brten pa yin no/ /gzhan yang phan pa'i phyir ni lhag pa'i sems mthong pa'i chos la bde bar gnas pa rnams ma rtogs par nyon mongs pa zad pa'i lam mo/ /bde ba'i phyir ni 'dir nyon mongs pa zad pa'i lam ma rtogs pa'i
 lhag pa'i sems mthong ba'i chos la bde par gnas pa'i lam mo/ /phan pa dang bde ba'i phyir ni lhag pa'i sems mthong ba'i chos la bde bar gnas pa rnams dang bcas pa'i nyon mongs pa zad pa'i lam mo/ /gzhan yang phan pa'i phyir ni
 slob pa rnams kyis dka' ba'i lam mo/ /bde ba'i phyir ni mi slob pa rnams kyi sla ba'i lam yin no/ /phan pa dang bde pa'i phyir ni slob pa rnams kyi sla ba'i lam yin te go rim bzhin no/ /shing thags btsugs pa ni zhes bya ba ni
 mdo sde'i dum bu'o/ /de la thabs ring ba ni zab ring du bcug pa yin pa'i phyir ro/ /legs par btsugs pa ni blo nas legs par brtan por byas pa'i phyir ro/ /sra ba ni mi 'drul pa'i phyir ro/ /brtan pa ni yun ring du gnas
 pa'i ? yin pa'i phyir ro/ /mkhregs pa dang ldan pa ni shun pa med pa dang/ khong na lu med pa'i phyir ro/ /mi g.yo ba ni mi 'gul ba'i phyir la/ mi chags pa ni mi chog pa'i phyir te/ zabs ring ba dang legs par btsugS
 pa'i gzhi'i khyad par gyis ni mi g.yo ba yin la/ /sra ba dang brtan pa dang 'khregs pa dang ldan pa'i rang bzhin gyi khyad par gyis mi chags pa yin pas gzhi dang rang bzhin gyis khyad par de gnyis dang go rim bzhin no/ /de ltar na
 de dag ni rnam pa gnyis dang/ gsum dang gnyis kyi gzhi nyid dang/ rang bzhin nyid dang/ des byas pa'i phan yon gyi phyir phun sum tshogs pa ni phyi rol pa rnams kyis mi thob pa yin no/ /longs spyod bskyod pa dang brtson 'grus
 kyis thob pa zhes bya ba ni mdo sde'i dum bu'o/ /de la bskyod pa dang brtson 'grus kyis thob pa zhes bya ba ni sems kyis rtsal gyis bsgrubs pa nyid du yongs su bstan pa yin te/ gnyid kyi bde ba dang/ glos
 'bebs pa dang nyal ba'i bde ba gnyis kyis gnyen por go rim bzhin no/ /lag mthus bsgrubs zhes bya ba ni lus kyi rtsal gyis bsgrub pa nyid yin no/ /rdul cing dri ma chags chags su bsgrubs pa zhes bya ba ni ngal bas bsgrubs
 pa yin no/ /chos dang ldan zhing chos kyis thob pa zhes bya ba ni rigs pas bsgrubs pa nyid yin te/ yang dag pa'i 'tsho ba dang ma bral ba nyid gyi phyir chos dang ldan zhing ngo/ /bsod nams kyis thob pa'i phyir chos kyis thob pa'o//
 gzhan yang sangs rgyas la sogs pa yir gtogs pa nyid ma yin pa'i phyir chos dang ldan zhing do/ /log pa'i 'tsho bas thob pa ma yin pa'i phyir chos kyis thob pa'o/ /phan yon tshe phyi ma la 'gro ba gong mar 'gyur zhes bya ba
 ni mdo sde'i dum bu'o/ /de la 'gro ba 'og ma ni ngan song rnams yin no/ /de'i 'gro ba gong mar gyur pa ni mi rnams te/ der 'gro bar byed pa'i phan yon ni 'gro ba gong mar 'gyur ba'o/ /de las kyang gang zhig mi'i bskal pa
 bzang po'i 'bras su smin par byed pa de ni bskal pa bzang por 'gyur ba'o/ /de las kyang gang zhig lus dang longs spyod yid du 'ong ba'i 'bras bu smin par byed pa de ni rnam par smin pa bde 'gyur ba'o/ /gang zhig lhar skye bar byed pa de ni
 mtho ris 'grub par byed pa'o/ /gzhan yang 'gro ba gong mar 'gyur ba de nyid lhag mas gsal bar byed pa yin no/ /skyes bu dam pa'i 'gro ba bdun dag gang zhe na zhes bya ba ni mdo sde'i dum bu'o/ /'dir 'gro ba ci zhe na 'jig rten pha
 rol tu 'gro ba'i skye ba gzhan gyis gnas skobs so/ /bdun nyid ni mya ngan las 'das pa 'thob pa'i dus kyis dbye ba las so/ /'phags pa ma yin pa yang srid pa bdun dag gis sam/ lan cig phyir 'od bas yongs su mya ngan las 'das
 pa'i phyir la/ bar ma dor yongs su mya ngan las 'da' ba ni ma yin pa nas gong du 'pho ba'i bar du yang mi 'gyur bas 'di dag kho na skyes bu dam pa'i 'gro ba bdun dag yin no/ /mya ngan las 'das pa yang 'gro ba kun tu gcod pa
 yin pa'i phyir 'gro ba ma yin no/ /'o na tshigs su bcad pa las/ dgra bcom 'gro ba mya ngan 'das zhes gang gsungs pa ji lta bu zhe na/ de las ni ston pa la 'gro ba zhes bya bar bstan pa yin no/ /bdag ma byung yang rung bdag
 mi yang srid pa ma byung yang rung zhes bya ba rnaM pa'i phyir smon pa med pa la sbyor ba yin no/ /rnam grangs gzhan yang smon pa /dang ngas pa'i dus gnyis su mya ngan las 'das pa la sems rab tu 'jug par byed pa'i phyir gnyis ka yang
 mtshan ma med pa la sbyor ba kho na yin no/ /de ltar na gang yod pa zhes bya ba ni phung po tsam mo/ /gang 'byung ba zhes bya ba ni 'dus byas so/ /de spong ngo zhes bya ba ni 'dus byas mi rtag pa tsam 'gog par mthor ba'i phyir btang snyoms
 'thob kyis bdag mi 'byung bar 'gyur ro snyam du dang bar mi 'gyur ro/ /len pa med par mya ngan las 'das pa ni kha cig ni las ni phung po'i lhag ma med pa yin par 'byung ste/ dper na rnam par grol ba'i rgyus len pa med par yongs su
 mya ngan las 'das pa yin no zhes 'byung ba lta bu'o/ /kha cig las ni phung po'i lhag ma dang bcas pa yin par 'byung ste/ dper na kye ma dge slong nye bar zhi ba zag pa med pa dang ldan pa/ 'dod chags dang
 bral pa mi ldan par gyur pa/ len pa med par mya ngan las 'das pa 'di ni legs so zhes 'byung ba lta bu'o/ /'di ni phung po'i lhag ma med pa la bya bar mngon te/ tshe phyi ma'i 'gro ba'i dbang du mdzad pa'i phyir dang/ shar
 phyogs su 'gro bar mi smra zhing zhes bya ba rgyas par gsungs pa zhes bya ba'i phyir ro/ /yod pa la yod pa nyid dang zhes bya ba ni mdo sde'i dum bu'o/ /de la stong pa nyid kyis yod pa la/ yod nyid med la med nyid rig /de nas ji
 ltar gang yod la/ /gnyis kyi bla bcas bla med rig /gnyis kyi zhes bya ba ni mtshan ma med pa dang smon pa med pa gnyis kyis so/ /stong pa nyid la sogs pa'i ting nge 'dzin rnams kyi go rim kyang de nyid kyi phyir ro/ /yod pa
 dang med pa'i dngos por shes pa ni yod pa la bla ma dang bcas pa dang bla ma med pa gnyis su shes par nus kyi/ gyi na ni ma yin la/ shes na yod pa bla ma dang bcas pa yin na ni yid kyis smon par mi byed la/ bla na med pa
 yin na ni smon par byed do/ /gzhan yang smras pa/ bdag 'dzin phyir dang srid la sred/ /des na srid za mi 'dod de/ /gsum po de'i gnyen por ni/ /stong nyid la sogs ting nge 'dzin rnams/ /gcig gis yod dang med pa dang/
 gnyis kyi yod la skyon yon rig /de phyir gsum ste de dag gis/ /rim pa snga mas phyi ma drangs/ /de ltar na yod la skyon yon zhes bya ba ni 'dus byas dang 'dus ma byas la ste go rims bzhin no/ /lung las ni med dang de bzhin
 skyod ldan dang/ /de bzhin yon tan ldan dngos la/ /yod 'dzin yon tan ldan 'dzin dang/ /lton mi ldan 'dzin gzhom phyir/ /go rim bzhin du stong pa yin la sogs pa'i ting nge 'dzin rnams so zhes 'byung ngo/ /legs par mthong ba
 legs par rig pa zhes bya ba ni mdo sde'i dum bu'o/ /de la legs par mthong ba ni bstan pa yin la/ lhag ma ni bshad pa yin no/ /de legs par rig pa ni thos pa las byung ba'i shes rab kyis so/ /legs par yid la
 byas pa ni bsams pa las byung bas so/ /legs par brten pa ni 'jig rten pa'i bsgoms pa las byung ba ste/ dga' ba dang bcas pa yin pa'i phyir ro/ /legs par rtogs pa ni 'jig rten las 'das pa ste don dam pa la 'jug
 pa'i phyir ro/ /de ltar na legs par mthong ba yin no/ /'dun pa bskyed par byed rtsol bar byed ces bya ba ni mdo sde'i dum bu'o/ /mnyam par ma bzhag pa'i sbyor ba spang ba la sogs par 'dod pa nyid kyi phyir dang/ de'i thabs yongs su bzung ba nyid
 kyi phyir dang/ de lan mang du bya ba dang/ brtan por bya ba nyid kyi phyir dang/ mnyam par bzhag pa'i sbyor ba zhum pa dang/ rgod pa'i gnyen po'i bsgom pa nyid kyi phyir de dag go rim bzhin du rig par bya'o/ /gzhan yang spang ba la sogs
 par 'dod pa nyid kyi phyir dang/ de dag la sbyor ba nyid kyi phyir dang/ de la brtson pa'i lus dang sems dub par gyur na brtson 'grus rgyun mi 'chad pa nyid kyi phyir dang/ zhi gnas dang lhag mthong gi nye ba'i nyon mongs pa spang ba nyid kyi phyir
 yang go rim bzhin no/ /gzhan yang brtsol bar byed pa ni so sor rtog pa'i dus na brtson 'grus brtsams pa la brten pa nyid kyi phyir dang/ sgom pa'i dus ni ting nge 'dzin la brten pa nyid kyi phyir te/ sems zhum pa rab tu bzung nas
 nang du rab tu 'jog pa'i phyir na dge slong ma'i mdo sde las 'byung ba bzhin no/ /'dus pa dang ldan pa tshogs dang ldan pa zhes bya ba ni mdo sde'i dum bu ste/ /'khor dang/ blo dang/ yid ches pa dang
 mchod pa phun sum tshogs pa nyid du ston to/ /'dus pa dang ldan pa tshogs dang ldan pa zhes bya ba ni 'khor phun sum tshogs pa nyid yin te/ nyan pa po'i tshogs 'dus pa dang 'khod ba dang go rim bzhin no/ /tshogs kyi slob
 dpon zhes bya ba ni blo phun suM tshogs pa nyid yin te/ de rnams la rang gi bstan bcos kyis rjes su ston pa'i phyir ro/ /skye bo mang pos dge ba'i rang bzhin du kun tu shes pa zhes bya ba ni yid ches pa phun sum tshogs pa yin
 te/ mang po rnams kyis rtogs pa la yid ches pa nyid yin pa'i phyir ro/ /tshogs chen pos mdun gyis bdar ba zhes bya ba ni mchod pa phun sum tshogs pa nyid yin no/ /dmag ldan chos 'di ni zab pa zhes bya ba ni mdo
 sde'i dum bu'o/ /de yang de las bcom ldan 'das kyis chos bdag med pa thugs su chud pa gang yin pa de'i dbang du mdzad pa yin pa'i phyir ro/ /de ni mngon shes rab ma sbyangs pas rang gis mthong bar dakA pa yin te des
 na zab pa'o/ /ston pa na khong du chud par dka' ba yin te/ de na rdzab par snang ba'o/ /rang gis brtags par mi nuspa yin te/ des na mthob par dka' ba'o/ /ston pa na rtog ge'i spyod yul ma yin te/ des na khong du
 chud par bka' ba ste/ de ni rtog ge la ma grags pa nyid yin pa'i phyir ro/ /gzhan yang 'dir bdag med pa ston pa kho na chos yin te/ don dam par mthong bar dka' ba nyid kyi phyir zab pa'o/ /kun rdzob kyi don khong du chud par
 dka' ba nyid kyi phyir zab par snang ba'o/ /don dam par brtag par mi nus pa nyid kyi phyir mthong dka' ba'o/ /kun rdzob gyi don du rtog ge spyod pa ma yin pa nyid kyis phyir khong du chud par dka' ba ste/ don dam pa'i dbang du
 mdzad pas de'i rtog ge la rgyu pa ma yin pa'i phyir ro/ /de ltar ma ji ltar na zab bzab par snang ba dang/ rgyu gang gi yin pa da tshig gnyis dang gnyiS kyi yongs su bstan pa yin no/ /da mi de lta bu'i chos de sus rig par nus she na/ zhib mor
 brtags pa'i mkhas ba dang 'dzangs pas rig par zhes bya ba smras te/ de la zhib mo ni nga kho na'i don la 'jug pa'i phyir la/ brtags pa ni don mdza' dag la 'jug pa'i phyir te/ ji lta ba bzhin dang ji snyed yod pa nyid can gyis
 rgyus so/ /de gnyis kyang rnam pa gnyis te/ /mkhas pa rnams te so so'i skye bo gang dag sngon blo yongs su smin par byas pa skye bas thob pa de gnyis ka'i don la 'jug nus pa'i shes rab dang ldan pa rnams dang/ 'dzangs pa rnams te
 bden pa mthong ba rnams so/ /de rnams ni de gnyis ka'i don la zhugs pa'i shes ma can nyid yin pa'i phyir 'dzangs pa rnams so/ /de bzhin gshegs pas phan yon bcu gzigs nas 'dul ba la nyan thos rnams kyi
 bslab pa'i gzhi 'cha' bar mdzad do zhes bya ba ni mdo sde'i dum bu'o/ /de la bslab pa ni gang yin/ /bslab pa'i gzhi ni yang yin zhe na/ yang dag par blang ba dang/ rjes su srung ba dang/ sor zhugs pa rnams ni bslab pa
 yin no/ /bya ba ma yin pa dang/ bya ba yang dag par blang bar bya ba dang/ rjes su bsrung bar bya ba dang/ sor bzhugs par bya ba ni bslab pa'i gzhi yin no/ /gzhan yang spang ba dang/ blang ba dang/ so sor bshags pa dang/
 nyin mtshan du slob pa ni bslab pa yin te/ sgra gcan zin gyi mdo sde las byung ba bzhin no/ /tshul khrims kyi yan lag rnams ni bslab pa gzhi yin no/ /gzhan yang bslab pa nyid gzhi yin te/
 bslab pa 'dod pa rnams khyad par du 'gyur ba'i phyir ro/ /dge 'dun bsdu ba'i phyir ni bslab pa mthun pa nyid kyis so/ /dge 'dun legs par bya ba'i phyir ni mdzes pa nyid kyis so/ /dge 'dun bde bar bya ba'i phyir ni yang dag par
 slang ba sgrub pa mchog tu dga' ba mang ba nyid kyis so/ /mngon par ma dad pa rnams dad par bya ba'i phyir ni mdzes pa nyid kyis dad pa skyes pas so/ /mngon par dad pa rnams phyir zhing 'byung bar bya ba'i phyir ni de nyid kyi de 'phel bar
 byed pa nyid kyis so/ /gang zag gnod mi bkur ba rnams tshar bcad pa'i phyir bslab pa las bzla ba mi mdzes pa rnams te/ bslab pa ni 'dod pa rnams gnas nas dbyung ba dang bskrad pa nyid kyis so/ /ngo tsha shes pa rnams bde bar
 gnas par bya ba'i phyir ni bslab pa 'dod pa rnams tshul khrims mtshungs pa nyid kyis bskyod pa med par 'grogS na bde ba nyid kyis so/ /mthong ba'i tshos kyi zag pa rnams bsdams pa'i phyir ni da ltar byung ba'i zag pa rnams bzlog pa'i
 phyir bslab pa'i gzhi 'cha' ba' o/ /tshe rabs phyi ma'i zag pa rnams bzlog pa'i phyir ni ma 'ongs pa'i gang zag lam 'jug par bya ba'i phyir bsam ba'i gzhi 'cha' ba' o/ /tshangs bar spyod pa rjes su bzung ba'i phyir dang/ tshangS
 par spyod pa yun ring du gnas par bya ba'i phyir te/ de'i tshangs par spyod pa yun ring du gnas par 'gyur ba ni tshangs par skyod pa brnga can dang don dam pa'i rjes su 'jug pa ste/ rab tu byung ba dang rtogs par brgyud pa gnyis so/ /de rnams
 las gcig /ni bstan pa mi phyed par bya ba'i dbang du mdzad nas so/ /gcig ni kha na ma tho ba nyid kyi'o/ /gcig ni rgyu phun sum tshogs pa'i'o/ /gnyis ni zang zing gi longs spyod phun sum tshogs pa'i'o/ /gnyis ni chos kyi longs
 spyod phun sum tshogs pa'i'o/ /gnyis ni mya ngan las 'das pa 'thob pa phun sum tshogs pa'i'o/ /gcig ni bstan pa'i don che ba nyid du phun sum tshogs pa'i 'o/ /dge slong dgra bcos pa zag pa zad pa'i sdug bsngal gang
 yin pa de 'gag pa zhes bya ba ni mdo sde'i dum bu'o/ /de la yang 'byung ba pI sdug bsngal gang yin pa de 'gags pa ste/ 'jug pa'i gags su gyur pa'i phyir ro/ /de nye bar zhi ba ni gtan du mi skye ba'i chos nyid yin pa'i phyir ro/ /'jig
 rten pa'i 'gog pa las khyad par du bya ba'i phyir nye bar zhi ba smos te/ bsrabs pa'i dngos por nye bar zhi ba laS? khyad par du bya ba'i phyir 'gog pa smos so/ /tshe 'di pa'i gang yin pa re ni bsil bar gyur pa ste/ nyon mongs pa'i bag la gyi
 nyal gyi drod dang bral ba'i phyir na bum pa'i gyo mo tsha ba bsil bar gyur pa bzhin no/ /de nub pa ni phung po'i lhag ma med pa'i mya ngan las 'das par ro/ /gzhan yang 'jig rten pa'i 'dod chags dang bral ba rnams ni sa 'og ma ba'i
 sdug bsngal 'gags pa yin gyi nye bar zhi ba ni ma yin te/ phyis skye ba'i chos nyid yin pa'i phyir ro/ /gsil bar gyur pa yang ma yin te/ bag la nyal lus pa'i phyir ro/ /sa gong ma pa yang ma nub pa yin no/ /dgra bcom pa'i ni
 de las bzlog nas nye bar zhi ba dang nub pa'i bar du yin no/ /gzhan yang 'jig rten pa rnams kyi 'gog pa ni zhi ba ma yin te/ sa 'og ma'i sdug bsngal gyi sdug bsngal dang bcas pa yin pa'i phyir ro/ /phyag la nyal ma spangs pas gya?
 nom pa yang ma yin no/ /yang 'jug pa nyid kyis nges par 'byung ba yang ma yin no/ /de laS log nas 'phags pa rnams kyi sdug bsngal 'gog pa'i zhi ba dang/ gya nom pa dang/ nges par 'byung ba yin no/ /de'i rnaM
 pa dang mthun par dgra bcom pa'i sdug bsngal 'gags pa dang nub pa zhes bya ba'i bar yin par bstan to/ /bram ze ni 'di lta ste som nyi med cing zhes bya ba ni mdo sde'i dum bu ste/ 'di las ni ye shes dang spangs pa phun sum tshogs
 pas don dam pa'i bram ze'i mtshan nyid bstan to/ /som nyi med pa nyid kyis ye shes phun sum tshogs pa ste/ don dam pa dang rang gis thob pa la som nyi med pa'i phyir ro/ /lhag mas ni spangS pa phun sum tshogs pa ste/ ngan song ba dang
 yang 'byung ba pa'i kun nas nyon mongs pa spangs pa'i phyir ro/ /'gyod pa chad pa nyid kyis ni nyon mongs par 'gyur ba'i las spangs pa'i phyir ngan song ba'i kun nas nyon mongs pa spangs par yongs su ston to/ /lhag mas ni yang 'byung ba pa'i kun nas
 nyon mongs pa spangs pa yin te/ 'dun pa dang 'dod chags spangs par yongs su bstan pa'i phyir ro/ /'byung ba dang 'jig pa la sred pa ni 'byung bar 'gyur bar bya'o/ /mi 'byung bar 'gyur bar bya'o snyam du 'dun pa'o/ /chags pa ni de nyid la
 'dod pa dang gzugs dang gzugs med pa'i 'dod chags rnams so/ /sred pa thams cad rnam spangs nas/ /'du byed thams cad zad phyir dang/ /phung po thams cad yongs shes na/ /yang srid par mi 'dod mi 'gyur/ /zhes bya ba'i tshigs su bcad
 pa 'di dang/ las dang sred dang de bzhin ma rig pa/ /tshe rabs phyi ma'i 'du byed rnams kyi rgyu zhes bya ba 'di yang sbyar bar bya ste/ go rim tha dad pa tsam zhig khyad par yod do/ /gzhan yang som nyi med pa nyid kyis ni shes nas dad pa gsum 'thob par
 ston la/ 'gyod pa chad pa nyid kyis ni 'phags pa dgyes pa'i tshul khrims 'thob par ston te/ de ltar na mthong ba'i lam gyis bram ze'i tshul gyis ni slob pa'i bram ze'i mtshan nyid yongs su bstan to/ /lhag mas ni mi slob pa'i bram ze'i mtshan
 nyid yongs su bstan te/ 'dun pa dang 'dod chags spangs par yongs su bstan pa'i phyir ro/ /'byung ba dang 'jig pa la sred pa dang bral ba zhes bya ba ni gson pa dang 'chi ba la mngon par mi dga' ba'i phyir 'dun pa spangs pa yin te/ ji skad du/ 'chi la
 mngon par mi dga' la/ /gson la'ang mngon bar mi dga' o zhes tshigs su bcad pa gsungs pa lta bu'o/ /chags pa rgyas par mi 'gyur ba zhes bya ba ni 'dod pa dang gzugs dang gzugs med pa'i 'dod chags spangs pa yin no/ /rnam grangs gzhan
 yang mngon pa'i nga rgyal can gyi nye ba'i nyon mongs gnyen por bram ze nyid la mngon pa'i nga rgyal med pa nyid du yongs su bstan pa yin te/ mngon pa'i nga rgyal can ni zab mo stong pa nyid dang ldan pa rten cing 'brel bar 'byung ba rkyen 'di pa nyid dang mthun pa'i gtam
 brjod pa na som nyi za la/ phyis kyang yid la gcags par 'gyur te/ ji skad du lha'i mdo las gsungs pa lta bu yin zhing/ lus sam snyoms par 'jug pa la sred pa kun tu rgyu la/ 'dod chags kyi bag la nyal yang rtag tu rjes su 'brang ba kho na yin no/
 mi rtag pa'i 'du shes zhing ba la sogs pa'i dpe dang bcas pa ni mdo sde'i dum du'o/ /'dir zhing pa'i dpes ni mi rtag pa'i 'du shes bag la nyal gyi gnyen po nyid du yongs su bstan la/ rtsa bal ba dza'i dpes ni kun nas dkris pa'i gnyen po
 nyid du yongs su bstan pa yin te/ nyon mongs pa ma byung ba dang/ byung ba'i dbang du byas pa'i phyir ro/ /a mra'i dog pa'i dpes ni de las gzhan bag la nyal gyi gnyen po smon pa med pa dang/ mtshan ma med pa'i 'du shes dag 'dren par byed pa nyid
 spyi rten gyis ni de las gzhan pa kun nas dkris pa'i gnyen po mi sdug ba la sogs pa'i 'du shes dag kun tu 'dzin par byed pa nyid yin te/ yongs su mi nyams par 'gyur ba'i phyir ro/ /glang po che'i rjes kyis ni de dag mi
 rtag pa'i 'du shes kyis spyod yul gyi nang du chud pa nyid yin te/ mi rtag pa nyid du yongs su brtag par bya ba nyid yin pa'i phyir ro/ /'bab chu rnams kyis ni de las gzhan pa sun 'byin pa'i rnam pa de dag der thug pa nyid yin te/ 'du byed kyi
 sdug bsngal nyid la 'jug pa nyid yin pa'i phyir ro/ /nyi ma dang khams kyis rgyal pos ni mi slob pa'i gnas skabs na go rim bzhin du mi brjed pa'i chos nyid du byed pa dang/ 'jig rten pa'i 'du shes gzhan la dbang sgyur ba nyid yin no/ /de ltar
 na ji ltar mi rtag pa'i 'du shes ni mdza' dag gi gnyen po yin pa yang yin te/ bag la nyal dang kun nas dkris pa'i gnyen po nyid yin pa'i phyir ro/ /ji ltar na gnyen po'i rtsa ba yin pa yang yin te/ gnyen po gzhan 'dren pa'i phyir ro/ /ji
 ltar na kun nas dkris pa'i gnyen po gzhan las khyad par rnam pa gsum dag gis khyad par du 'phags pa yin pa yang yin no/ /ji ltar na gnyen po bla na med pa nyid yin pa de yang yongs su bstan pa yang yin te/ ma rig pa dang rig pa gzhan thamS
 cad zil gyi gnon pa'i phyir ro/ /rnam pa nyi shu po 'di dag dang ldan pas gtam bya'o/ /zhes bya ba ni mdo sde'i dum bu'o/ /de la dus su zhes bya ba ni nyan 'dod pa nyid dang bshad pa'i 'os su gyur pa nyid du shes nas te/ ka tya'i nu mo smyug? ma can bzhin no/
 bsgrim pa zhes bya ba ni brnyas pa med pa ste/ seng ge mchod pa bzhin no/ /go riM zheS bya ba ni dus sngar bya ba sbyin pa la soD pa dang/ yang dag phul can gyi gtam las brtsams nas so/ /mtshams sbyar ba zhes bya ba ni mdo sde rnam bar bshad pa'i? las brtsams
 nas so/ /rjes su mthun pa zhes bya ba ni 'dri ba lung bstan pa las brtsams nas te/ mgo gcig tu lung bstan pa la sogs pa rnams la de bzhin du lung ston pa'i phyir ro/ /dga' bar bya ba ni dad pa can rnams la'o/ /'dod par bya ba ni sngar gnas pa
 dang zhe 'gras pa rnams la'o/ /mgu bar bya ba ni the tshom can rnams la'o/ /spro ba mi bskyed pa dang mi smad pa ni gang su dag 'di 'dra ba thams cad ni yang dag pa la zhugs pa dag go zhe 'am/ log pa la zhugs pa dag go zhes bya ba lta bu ste/ ji skad du
 nyon mongs pa med pa'i mdo las gsungs pa lta bu ste/ gdul bar khyad par mngon par mi shes pa de lta bur byed pa ni nges gdul ba ma yin pa rnams snying na bar 'gyur ro/ /rig pa ni tshang ma dang mi 'gal ba'i phyir ro/ /'brel pa ni snga phyi 'brel pa'i
 phyir ro/ /ma 'dres pa ni gtam gzhan du 'phro ba spangs pa'i phyir ro/ /chos dang ldan pa ni dge ba dang mthun pa'i phyir ro/ /'khor ji lta ba bzhin ni gdul ba dang 'tsham pa'i phyir ro/ /byams pa'i sems ni nyan pa po bd bar smos pas so/ /phan pa'i
 sems ni de la nyon mongs pa med par smos pas so/ /snying brtse ba'i sems ni de la sdug bsngal med par smos bas so/ /gzhan yang dge ba dang mi dge ba la sbyogs? pa dang/ tha mal pa dag la byams pa la sogs pa'i sems kyi te go rim
 bzhin no/ /rnyed pa dang bkur sti tshigs su bcad pa mi bnyen pa ni de 'dod pa nyid spangs pas so/ /bdag la bstong par mi bya zhing gzhan la smad par mi bya ba ni smra ba po nyid kyi bdag la lhag par yid ches par byed 'dod pa nyid spangs pas so/ /de ltar na
 ji lta bur dang/ gang gi don du dang/ gang 'dra ba dang/ gang 'dra bas gtam bya ba de lnga lnga dag gis yongs su bstan to/ /lung las ni skyon bcu gcig gi gnyen por gtam rnam pa nyi shu dang ldan pa zhes 'byung ngo/ /skyon bcu gcig ni snod ma yin pa la
 brjod pa'i skyon dang/ brjod pa yongs su ma rdzogs pa'i skyon dang/ brjod pa bar chad pa'i skyon dang/ brjod pa go bar mi byed pa'i skyon dang/ brjod pa mchod par ma 'gyur ba'i skyon dang/ don 'thad pa med par brjod pa'i skyon dang/ spyod
 yul ma yin pa brjod pa'i skyon dang/ rnam par g.yengs nas brjod pa'i skyon dang/ don med pa dang ldan pa brjod pa'i skyon dang/ mi 'tsham par brjod pa'i skyon dang/ nyon mongs pa can gyi bsam pas brjod pa'i skyon no/ /de la snod ma yin pa ni
 spyod lam mi sdug par 'dug pa'o/ /brjod pa bar chad pa'i skyon gyi gnyen por ni go rim la sogs pa rnam pa gsum po dag yin par rig par bya ste/ bstan pa dang rgol ba'i tshig dang/ lan gyi tshig gis dbang du mdzad nas so/ /brjod pa go bar
 mi byed pa'i skyon gyi gnyen por drug pa dang/ bdun pa dang brgyad pa dag ste/ dad pa can dang/ zhe 'gras pa dang/ bar na gnas pa'i dbang du mdzad nas so/ /brjod pa mchod par mi 'gyur ba'i skyon gyi gnyen por dgu pa dang bcu pa gnyis te/ sdig pa'i
 las can la ni spro ba bskyed par 'os pa ma yin la/ smad na yang mchod par mi 'gyur ba'i skyon du 'gyur bas so/ /spyod yul ma yin pas ni don bzang mo ste/ dbang po tha ma la'o/ /nyon mongs pa can gyi bsam pa ni rnam pa gsum ste/ yid ches par
 bya ba'i bsam pa dang/ dang nas bkur sti byed pa'i bsam pa dang/ phrag dog gi bsam pa'o/ /dang bo'i gnyen par byams pa dang/ phan pa dang/ snying brtse ba'i sems kyi rnam pa dag ste/ mya ngan las 'das pa dang/ de'i lam rtogs par bya ba'i bsaM
 pa nyid dang/ bshad pa'i don du chud par bya ba'i bsam pa nyid kyis so/ /gzhan yang mdor na 'di las gtam gyi sbyor ba dang/ gtam gyi las dang/ gtam gyi yon tan dang/ smra ba po'i yon tan las brtsams nas rnam pa lnga lnga dag tu
 rig par bya'o// //bam po bzhi pa/ rnam pa bcu drug po 'di dag dang ldan pas chos mnyan par bya'o zhes bya ba ni mdo sde'i duM? bu'o?/ de la rnam pa bcu drug po dag ni skyon rnam pa bcu gsum gyi gnyen po yin par rig par bya'o/ /skyon rnam pa bcu
 gsum ni smra ba po la bdag nyid kyis bskyod pa dang spyod lam gyi skyon dang/ /'gyid ba'i skyon dang/ don du mi gnyer ba'i skyon dang/ gzhan gyi phyogs byed pas snying na ba'i skyon dang/ mchod par mi 'gyur bas smra ba po rab tu mi 'dzin pa'i skyon dang/ sun ci phyin du
 brgal ba'i bsam pa'i skyon dang/ chos dang chos smra ba la yid la mi byed sa'i phyir rim gro mi byed pa'i skyon dang/ skyon yid la byed pa'i phyir bsnyas pa'i skyon dang/ smod pa'i skyon dang/ rnyed pa dang bskur sti 'dod pa nyid kyi skyon dang/ rnam par g.yengs pa
 dang bsdus pa gnyis kyi mi nyan pa'i skyon dang/ len par yid la mi byed pa'i skyon dang/ rab tu yin la mi byed pa'i skyon dang/ de la nang du yang 'jog pa'i tshe spyod lam gyi mi sdug pa'i phyir skyon dang po yin no/ /rigs mthon po nyid la sogs par nga
 rgyal 'byung ba'i phyir 'gyid ba'i skyon no/ /chos la ni yon tan dang legs par gsungs pa dang 'bras bu chen po nyid du'o/ /chos smra ba la ni dge ba'i bshes gnyen nyid du'o/ /chos la skyon ni tshig dang yig 'brum 'brel ba nyid du'o/ /chos smra ba la ni
 tshul khrims dang/ rigs dang/ byang gzugs dang/ tshig dang/ tshig 'byin pa ma tshang ba nyid du'o/ /rnam par g.yengs pa ni sems gzhan du 'phros pa'o/ /bsdus pa ni rmugs pa dang/ gnyid kyis sems zhum pa nyid do/ /legs par yid la mi byed pa
 ni dgongs pa dang chos nyid la phyin ci log pa nyid kyis so/ /rab tu yid la mi byed pa ni 'dun pa dang 'jug pa zhan pa nyid kyis so/ /lung las ni skyon rnam pa drug gi gnyen por rnam pa bcu drug dag yin no zhes 'byung ste/ skyon drug dag ni las kyi skyon 
 dang/ mos pa med pa'i skyon dang/ mchod par mi 'gyur ba'i skyon dang/ bsam pa'i skyon dang/ mi mthun pa nyid kyi skyon dang/ 'dzin pa'i skyon no/ /de la las kyi skyon ni rnam pa gsum ste/ lus kyi las kyi
 skyon ni spyod lam mi btsug par 'dug pa'i phyir ro/ /lus dang ngag gi skyon ni de gnyis kyis skul bar mi byed pa'i phyir ro/ /yid kyi las kyi skyon ni nye bar mi 'dod pa nyid kyis so/ /bsam pa'i skyon ni gzhan la klan ka btsal ba dang/
 'di lta bu zhig tu rgol ba las thar bar bya ba'i bsam pa nyid kyis so/ /mi mthun pa nyid kyi skyon ni rnam pa lnga dag ste/ de la chos la ni nges par 'byin pa ma yin par go ba nyid kyis gus pa med pa dang/ tshig dang yi ge ma 'brel ba nyid
 kyis brnyas pa'o/ /gang zag la ni tshul khrims dang/ tshig dang/ tshig 'byin pa'i skyon gyis gus pa med pe dang/ rigs kyi skyon gyis brnyas pa'o/ /khong du chud pa dang bsgrub pa'i nus pa mi 'byung snyam pa'i bdag nyid kyis brnyas pa'o/ /'dzin
 pa'i skyon yang rnam pa lnga ste/ log par 'dzin pa dang/ don mi 'dzin pa dang/ tshig 'bru mi 'dzin pa dang/ brnga ma sprang par 'dzin pa dang/ ma lus par mi 'dzin pa'o/ /lhag ma ni go sla ba'i phyir rnaM par ma phye'o/ /gsung grong khyer ba dang zhes bya ba
 ni mdo sde'i dum bu ste/ 'dis ni yang dag par sdud par byed pa rnams kyis gsung yon tan drug dag dang ldan par yongs su ston pa yin te/ gsung snyan? pa nyid dang tshig 'bru bzang po nyid dang/ don bzang po nyid dang/ zang zing med pa nyid dang/ ji ltar 'os
 pa nyid dang/ rgya che ba nyid do/ /de la rnam pa gnyis kyis na gsung snyan pa nyid du rig par bya ste/ gsung rgya che ba nyid kyi ste/ 'khor la tshub par mdzad pa'i phyir dang/ gsung 'jam pa nyid kyis so/ /gnyis kyi na tshig 'bru bzang po nyid yin te/ tshig 'bru'i
 nges pa'i tshig legs pa nyid dang/ brjod pa go bar mdzad pa nyid kyis so/ /lhag ma rnams ni re res te rigs pa'i don dang ldan pa nyid kyis te/ mnyan par 'os pa'i phyir dang/ rnyed pa la sogs pa'i bzhed pa dang mi ldan pa nyid kyis dang/ 'khor ji lta
 ba bzhin du sbyor ba nyid kyis dang/ spobs pa dpag tu med pa dang ldan pa nyid kyis so/ /lung las ni mya ngan las 'das pa'i grong khyer gyi dbang du mdzad pa nyid dang/ gsung 'jam pa nyid dang/ tshig 'bru'i nges pa'i tshig legs pa nyid dang/
 go bar mdzad pa nyid dang/ chos dang don dang ldan pa nyid dang/ dang nas bkur sti byed pa la mi brten pa nyid dang/ ran par gsungs pa nyid dang/ rgya che zhing thabs mkhas pa nyid kyi rgyus na gsung grong khyer bsal ba nas yongs su gtuD pa
 med pa'i bar yin par 'byung ste/ gsung rnam pa brgyad dang ldan pa 'di ni mdor na yon tan gsum dang ldan par rig par bya ste/ dbang du mdzad pa nyid ni rnam pa gcig gis so/ /rang bzhin nyid ni gnyis kyis so/ /sbyor ba nyid ni lhag ma rnams
 kyis so zhes 'byung ngo/ /de nas tshe dang ldan pas ga dge slong rab tu mang po dag rim gro'i gnas su tshogs shing 'dus par gyur pa dag la zhes bya ba ni mdo sde'i dum bu'o/ /de la bkur sti byas zhes bya ba ni bstan pa'o/ /bla mar byas pa nas semS
 thams cad kyis bsams nas zhes bya ba'i bar ni bshad pa'o/ /'dis ni bkur sti byas nas nyan pa skyon drug dang bral bar bstan pa yin no/ /skyon drug ni nga rgyal gyi skyon dang/ ma dad pa'i skyon dang/ ma mos pa'i skyon dang/ phyi rol tu rnam par
 g.yengs pa'i skyon dang/ nang du bsdus pa'i skyon dang/ skyo ba'i skyon no/ /'dir yang smras pa/ nga rgyal dang ni ma dang dang/ /don du gnyer ba med pa nyid dang/ /phyi rol rnam g.yengs nang bsdus? dang/ /skyo ba nyan pa'i dri ma yin/ /chos mngon pa dang 'dul ba mngon
 ba dri ba dris pa yang shes shing tshig dang yig 'bru rigs pa dang 'brel pa dang zhes bya ba ni mdo sde'i dum bu ste/ 'di las ni 'dri ba rnam pa gsum la len gdab pa yon tan brgyad dang ldan par yongs su bstan pa yin no//
 don dang mtshams sbyar ba'i dbang du byas nas mi shes nas 'dri ba la ni don phyin ci ma log pa nyid kyis dang/ mtshams sbyar ba 'brel bar bya ba nyid kyis so/ /chos nyid dang snga phyi'i dbang du byas nas 'gal ba'i dri ba la chos nyid kyi rjes su mthun pa
 nyid kyis dang/ dgongs pa bstan pa nyid kyis so/ /'dri ba gnyis ka la yang go bar byed pa nyid kyis dang/ gdul ba ji lta ba bzhin du 'char pa nyid kyis so/ /rtog pa'i dbang du byas nas gdams ngag 'dri ba la ni 'jig rten pa'i yon tan mngon
 par bsgrub pa dang rjes su mthun pa nyid kyis dang/ 'jig rten las 'das pa'i yon tan mngon par bsgrub pa dang rjes su mthun pa nyid kyis te/ rtag 'grus skyong gi 'phags pa'i lam gyi yan lag gi tshogs yin pa'i phyir ro/ /rtag pa dang
 'grus par skyong ba ni rtag 'grus skyong ste/ rtag tu dang bsgrim pas zag pa rnams las bsrung ba'i phyir ro/ /gzhan yang rigs pa nyid ni 'brel pa nyid kyis gsal par byed pa yin te/ snga phyi ma 'brel pa med pa nyid kyis so/ /rjes su mthun ba
 nyid ni 'byor pa nyis kyis te/ chos nyid dang mi mthun pa med pa nyid kyis so/ /thabs dang ldan pa nyid ni 'tsham pa nyid kyis te/ gdul ba dang rjes su mthun par 'chad pa nyid kyis so/ /mthun pa nyid ni rtag 'grus skyong gi yan lag gi tshogs nyid
 kyis te/ tshangs par spyod pa'i rjes su mthun pa nyid kyis so/ /ji ltar gsung dbyangs yan lag lnga dang ldan pa bshad pa las 'byung ba lta bu ste/ tshig snga ma phyi mas gsal bar byed pa yin no/ /tshig phyi ma rnam par bshad pa dang bcas pa bzhi po
 'di rnams kyis ni 'dri ba thams cad la lan gdab pa yon tan bzhi dang ldan par bstan pa yin te/ snga phyi mi 'gal ba dang/ chos nyid dang mthun pa dang/ gdul ba dang mthun pa dang/ don gyi mchog dang mthun pa'o/ /lung las ni tshig brgyad po
 dag gis lan gdab pa yon tan brgyad dang ldan par yongs su bstan pa yin no zhes 'byung ngo/ /yon tan brgyad dag ni don la 'jug pa nges par 'byin pa nyid dang/ 'jig rten la grags pa'i tshig dang yag 'bru dang 'brel ba nyid dang/ rgol ba
 'gal ba'i rjes su mthun pa nyid dang/ tshig zab mo'i don nges par byas pa nyid dang/ nyan pa po la phan 'dogs pa'i tshig dang yig 'bru rnam par g.yeng ba med pa'i gzhir gnas pa nyid dang/ gdul ba'i bsam pa dang mos pa ji ba bzhin du rab
 tu rnam par che ba nyid dang/ lung 'bog pa dang/ kha ton byed pa dang/ mos pa dang sems pa dang bsgom pa dang mthun pa nyid dang/ sgra ji lta ba bzhin du mngon par mi zhen par gtan la dbab par bstan pa nyid do/ /dge slong dag gtam la 'jug par byan
 'dun pa dang zhe sdang dang zhes bya ba ni mdo sde'i dum bu ste/ 'di las ni nyon mongs pa can gyi gtam gzhi dang bcas pa spangs nas gtam gang bya ba dang/ gang gi don du bya ba de yongs su ston to/ /de la kun nas nyon mongs pa can gyi gtaM gyi gzhi ni
 rnam pa dgu ste/ rang gi phyogs rgyal bar 'dod pa dang/ rang 'phaMn? phyir rgol ba la khong khro ba nyid dang/ rang gi phyogs grub na sems khengs pa nyid dang/ phyir rgol pas skyon byung ba glengs na de bcad par 'dod pa nyid dang/ skyon ma byung ba glengs
 na khro ba dang/ khros nas sha glan pa'i phyir khon du 'dzin pa dang/ pham na yid mi bde ba'i mtshan nyid sems mi gsal ba nyid do/ /'di thams cad kyi rtsod pa'i sngon du 'gro ba ni gnyis yin te/ rab tu byung ba'i yang sems kyi tha ba dang/ 'chab
 pa'i gzhi ni zag pa'i gnas dang mthun pa snying pa dang bkur sti dang ldan pa'i yul rnams yin te/ de la bltos pa dang bcas pa ni de'i dgra bor gyur pa dag la zhe sdang skyed pa'i phyir dang/ bdag nyid kyi skyon 'chab par byed
 pa'i phyir ro/ /de la mi bltos pa nyid kyis ni de spangs pas ni brtsod pa'i rtsa ba dang po yongs su spangs pa yin no/ /gnyis pa ni lta ba'i yongs su gdung ba bsal ba'i phyir ro/ /lta ba ngan pa'i sems yongs su gdung ba yin te/ rab tu ma
 zhi ba'i mtshan nyid yin pa'i phyir ro/ /'dir yang smras pa/ rgyal dang phan byed 'dod grub dang/ /byung dang ma byung glengs pa dang/ /ma byung glegs na khro ba las/ /khon du 'dzin pa 'byung ba dang/ /pham na gdug ba la sogs pa/ /bdun ni
 spangs nas gtam bstan bya/ /rtsod pa'i gzhi gnyis snga ma ste/ gang las skyon 'di 'byung ba'o/ /de la kun nas nyon mongs pa can gyi gtam ni rnam pa gsum dag gis yongs su bstan pa yin te/ ma zhi zhing chod mi 'dzin par smra ba nyid kyi phyir
 dang/ grub pa'i mdza' las 'das par byed pa nyid kyi phyir dang/ gzhan la smod pa nyid kyi phyir ro/ /gtam rgyu dang bcas pa 'di lta bu spangs nas gtam ci zhig smra bar bya zhe na/ don dang chos te gang zhig gang don du gnyer ba 'am/ chos dang don
 gang gi yul la 'bab pa'o/ /ci'i phyir gtam smra bar bya zhe na/ gzhan dag la shes rab rnam pa gsum nye bar bsgrub pas bzod pa chung ngu dang 'bring dang chen po bskyed pa'i phyir/ bdag dang gzhan gnyis dad pa bskyed pa'i phyir ro/ /'phaD
 pa rnams ni de ltar brjod cing zhes bya ba ni gzhan dag ma yin pa'o/ /'phags pa rnams kyi brjod pa ni da lta bu yin no zhes bya ba ni rnam pa gzhan du ma yin no/ /'di ni gang zag nges par gzung ba dang/ gtam nges par gzung bar rig par bya'o/
 gzhan yang 'dod chags dang ma bral ba rnams ni so sor brtags nas de ltar brjod la/ 'dod chags dang bral ba rnams kyi rang bzhin gyis brjod pa ni de lta bu yin no/ /'dis ni gang zag so sor rtogs pa dang/ sgom pa'i stobs can gnyis nges par
 gzung ba yin no/ /gzhan yang da ltar byung ba dang lkog tu gyur pa 'das pa dang/ ma 'ongs pa'i dus la'o/ /gzhan yang de dag ji ltar brjod pa dang/ 'bras bu brjod pa de ji lta bu yin pa yongs su bstan pa yin te/ gang zag dang 'bras bu khyad par
 can dang ldan pas gtam rab tu sngags par bya ba'i phyir ro/ lung las ni gtam la 'jug pa rnam pa gsum dang bcas pa yin te/ phyir rgol ba dang/ bar na gnas pa dang/ chos mthun pa dang ngo zhes 'byung ste/ de las ni mdo sde'i dum bu
 'dis dge slong gi sems yongs su dag pa dang/ ngag yongs su dag pa yongs su ston pa yin no/ /phyir rgol ba ni rgol ba la sbyor ba rnam pa gsum gyis nye bar gnas pa yin te/ phyir rgol ba'i sbyor ba dang/ bkur sti ma yin pa'i sbyor ba dang/
 tshig rtsub pa'i sbyor bas so/ /de la dge slong gi ni phyir rgol ba'i sbyor ba byung na/ de pham par 'dun pa spangs shing phyir rgol ba de nyid la yang zhe sdang spangs la gtam bya'o/ /ma byung ba dang byung pI skur ba gnyis kyis bkur sti ma yin pa'i
 sbyor ba byung na nga rgyal dang 'chab pa spangs nas so/ /tshig rtsub po'i sbyor ba byung na kun nas mnar sems te/ sems 'khrugs pa dang/ mi bzod pa ste slar gshe ba dang/ khro ba la sogs pa 'dod pa nyid dang/ yid mi ches pa ste rang gi
 sems kyi yang dag par sdom pa ma nges pa yang spangs pa'o/ /bar na gnas pa dang ldan tshig gtam la 'jug pa na sems kyi tha ba dang 'chab pa'i gzhi ste/ 'di lta ste/ slob dpon gyi dpe mkhyud las byung ba bar chad dang bcas par bstan pa'i
 bsam pa dang/ ngang? nas bkur sti byed 'dod pa yang bor te'o/ /lta ba'i yongs su gdul bste rang gi lta ba mchog tu 'dzin pa yang bsal nas so/ /'di ni de'i sems yongs su dag pa yin no/ /ha cang brjod pa yang mi bya
 zhing 'gal bar yang mi bya la/ tshig rtsub po smra bar ma bya ste zhes bya ba ni phyir rgol ba dang lha na cig gtam la zhugs pa na nyes rtsom gyi tshig dang/ mi rigs pa dang ldan pa'i tshig dang/ kha na ma tho dang bcas pa'i tshig las zlog par byed
 pa'o/ /bar na gnas pa dang lhan cig gtam la 'dzug pa na the tshom can dang/ bye brag mi phyed pa las brtsams nas don dang chos bstan par bya'o/ /bye brag phyed pa la ni kun tu shes par bya ba nas yongs su mgu bar bya ba'i bar du drug bya'o
 'di ni de'i ngag yongs su dag pa yin no/ /de la bsam gyis mi khyab pa'i gnas la sems pa la ni kun tu shes par bya/ bsam gyis mi khyab pa'i gnas la the tshom zos pa la ni yang dag par sheS par bya/ rtog par bya ba rtogs par bya
 ba'i phyir bsgom pa la ni nges par sems su gzhug par bya'o/ /de ngag kho nas mchog tu dga' ba rnam pa gsum bskyed pa'i phyir na mgu bar bya/ /yang dag par mgu bar bya/ yongs su mgu bar bya ba yin no/ /mchog tu dga' ba rnam pa
 gsum ni sems g.yengs pa spong ba'i mchog tu dga' ba dang/ the tshom gcod pa'i mchog tu dga' ba dang/ 'bras bu yongs su 'dzin pa'i mchog tu dga' ba'o/ /chos mthun pa dang lhan cig gtam la 'jug pa ni dad par bya ba ni
 sems yongs su dag pa ste legs par yongs su dri ba'i phyir ro/ /dad pa bskyed par bya ba ni ngag yongs su dag pa yin te/ legs par lung ston pa'i phyir ro/ /dge slong dag bdag nyid gling du gyur? ba dang zhes bya ba ni mdo sde'i dum bu'o/ /ji ltar na
 bdag nyid gling du 'gyur ba dang/ bdag nyid skyabs su 'gyur bar gnas she na/ nang gi sems kyi zhi gnas la brtson pa'i phyir ro/ /ji ltar na chos gling dang chos skyabs su 'gyur ba yin zhe na/ lhag pa'i shes rab chos kyi lhag mthong la brtson
 pa'i phyir ro/ /ji ltar na gling gzhan ma yin pa dang/ skyabs gzhan ma yin pa yin pa dang/ de'i mi mthun pa'i phyogs 'dod pa'i bsod nyams dang/ bdag nyid dub bar gnas pa la brtson pa gnyis yongs su spangs pa'i phyir ro/ /de ltar na sred
 pa dang ma rig pa'i gnyen po zhi gnas dang lhag mthong gnyis so sor brten pa'i phyir dang/ de'i mi mthun pa'i phyogs mdza' gnyis yongs su spangs pa'i phyir bdag nyid la sogs pa gling dang skyabs su 'gyur ba nyid du yongs su ston pa yin no/ /
 gzhan yang rang gi skyes bu'i rtsal dpung gnyen nyid yin pa'i phyir ni bdag nyid gling du 'gyur ba yin te/ 'dis ni brtson 'grus brtsams pa nyid la sbyor bar mdzad pa yin no/ /lung dang rtogs pa'i chos dpung gnyen nyid yin pa'i phyir ni chos
 gling du 'gyur ba yin te/ 'dis ni thabs shes par bya ba la sbyor bar mdzad pa yin no/ /de dag la gcig tu nges pa nyid kyi phyir ni gling gzhan ma yin pa ste/ 'dis ni gnyis la skyon mi 'byung ba nyid du sbyor bar mdzad pa yin no/ /dran pa nye bar
 bzhag pa sgom pas de ltar gnas par 'gyur ro zhes yang dag par ston pa yin te/ 'di la dge slong nang gi lus la lus kyi rjes su lta zhing zhes rgyas par gsungs pa'i phyir ro/ /sdud pa'i tshigs su bcad pa ni/ brtson 'grus ldan dang thabs shes
 dang/ /rtag tu de la dga' ba gang/ /de ni bdag la sogs pa gsum/ /gling 'gyur go rims bzhin shes bya/ /rnam grangs gzhan yang/ /rang gi tshul bzhin yid byad dang/ /gzhan gyi sgra la brten pa dang/ /bsgom pa gcig tu nges pa 'di// 
 bdag sogs gling 'gyur shes par bya/ /'di gsum don gang gi na gling du 'gyur/ /don gang gis na skyabs su 'gyur zhe na/ chu bo bzhis deng ba las yongs su skyob pa'i don gyi na gling du 'gyur ba yin la/ skye ba la sogs pa'i
 sdug bsngal las yongs su skyob pa'i don gyis na skyabs su 'gyur ba yin no/ /gzhan yang go rims bzhin du nyon mongs pa skyes pa dang/ ma skye ba'i gnyen po nyid yin pa'i phyir ro/ /bsdus pa'i tshigs su bcad pa ni/ de dang chu dang thang 'dra
 pa'i/ /nyon mong sdug bsngal skyob phyir dang/ /nyon mongs skyes dang ma skyes dang/ /'di'i gnyen po yin pa'i phyir ro/ yang gzhan dag na re/ bdag nyid skyabs min 'dod pa rnams la brten/ /chos skyabs 'gyur min sdug bsngal rnams la ste/
 bdag la rag las mkhas dang de gnyi ga /skyabs su 'gyur byed pa ni zhi bar 'gyur zhes 'chad de/ de dag ni mdza' gnyis kyi gnyen po la brten pa'i phyir dang/ sring pa gzhan nye bar mi len pa'i phyir bdag nyid la sogs pa gling du 'gyur ba nyid du
 yongs su ston pa yin no/ /lung las ni grogs la sred pa dang/ rnyed pa la sred pa dang/ yang srid pa la sred pa'i gnyen por go rims bzhin du bdag nyid dang chos dang gleng gzhan ma yin pa nyid du bstan to/ /dge slong dag log par lta ba spongs
 shig ces bya ba ni mdo sde'i dum bu'o/ /de la log par lta ba spongs shig ces bya ba ni bka' yin no/ /lhag mas ni bka' bzhin du bsgrub pa'i rgyu rnam pa gsum ston pa yin te/ nus pa nyid dang/ skyon med pa nyid dang/ yon tan mang ba nyid do/ /skyon med pa
 nyid ni don med pa la sogs pa mi 'grub pa yin pa'i phyir ro/ /yon tan mang ba nyid ni don la sogs pa 'grub pa'i phyir ro/ /mi sgrub na yang skyon mang ba nyid kyi rgyu rnam pa bzhi pa glengs pa yin te/ ma spangs na don med pa la sogs pa 'grub par glengs
 pa'i phyir ro/ /de la don ni dge ba'i chos 'byung ba ste/ ji ltar yang dag par spong ba phyi ma gnyis lta bu ste/ rgyan can gyi gu'i mdo sde las gsungs pa lta bu'o/ /phan pa ni mi dge ba'i chos dang 'brel ba ste/ ji ltar yang dag par spong ba snga ma gnyis lta bus so/ /bde
 ba ni mthong ba'i chos la bde bar gnas pa yin te/ lus dang sems shin tu sbyangs pa'i khyad par dang ldan pa'i phyir ram/ rnam par grol ba'i dga' ba dang bde ba myong ba'i phyir ro/ /don ni dge sbyong gi don tshul gyi don te/ gang gi don du rab tu byung ba rnams yin no//
 phan pa ni de 'dren par byed pa dge sbyong gi tshul yin no/ /bde ba ni snga ma bzhin no/ /gzhan yang don ni bstan pa yin la/ phan pa dang bde ba zhes bya ba ni bshad pa yin te/ de la dge ba'i don gyi de la phan pa yin la/ rjes su 'dzin pa'i don gyis na bde ba
 yin te/ de dag la ni sems can thams cad kyi don du gnyer bar byed pa yin pas de'i phyir 'di gnyis kho na don yin no/ /rnam grangs gnyis ka yang lung yin no/ /dge slong dag gang zag gis gang zag la tshong ma gzung zhig ces bya ba ni mdo sde'i dum bu'o//
 nga la yon tan yod pa dang/ med pa gnyis kyis gang zag la tshod 'dzin pa yin la/ yon tan gyi tshad 'dzin pas ni gang zag la tshad 'dzin pa yin no/ /gzhan yang 'di ni 'di ji lta ba de lta bu yin no zhes gzhan brten nas gang zag la tshod 'dzin pa yin la
 gzhan la mi brten par 'di la yon tan 'di snyed cig yong ngo zhes gang zang la tshong 'dzin pa'o// //de 'di snyam du kye ma bdag gi 'di lta ste/ lus dang ngag dang yid kyis sdig pa bya sa shing zhes bya ba ni mdo sde'i dum bu'o/ /de la sdig pa ni tha
 chad kyi don gyis na nyes par spyad pa yin te/ ji skad du/ lus kyi nyes par spyad pa'i rnam par smin pa sdig pa zhes bya ba dang/ cho ge mo da ni khyed la mi 'jigs kyi nyis na khyod dang reg na sdig par 'gyur ro zhes gsungs pa lta bu yin pas tha chad yin par mngon no/ /nyes
 par spyad ba de nyid drag shul yin te/ gzhan la gnod pa byed pa'i don gyis so/ /de nyid gdug pa yin te/ tshe phyi ma la gang gi lus la gnod pa byed pa'i don gyis so/ /bsod nams ni bkra shis pa'i don gyis na lags par
 spyad pa yin te/ ji skad du drin bsod pa yin no zhes bya ba lta bu'o/ /de nyid dge ba yin te/ tshe phyi ma la 'bras bu yid du 'ong ba'i don gyis so/ /de nyid 'jigs pas bag tsha ba rnams las skyob pa yin te/ ngan 'gro'i 'jigs pas bag tsha ba las
 yongs su skyob pa'i don gyis so/ /'di ni don tha dad pas de skad gsungs pa yin gyi/ gzhi tha dad bas ni ma yin no/ /'di ji ltar shes she na/ kye ma bdag gis 'di lta ste/ lus dang/ ngag dang/ yid kyi sdig pa byas shing/ kye ma bdag gi 'di lta ste/
 lus dang ngag dang yid kyi bsod nams ma byas pas zhes thog mar sdig pa dang bsod nams gnyis kho na smos pa'i phyir ro/ /thab mo dang mtshang 'bru ba dang rtsod pa dang 'byed pa zhes bya ba ni mdo sde'i dum bu'o/ /de la nyes bar rtsom pa rnams kyis smra ba dang/
 slar smra ba tsam ni thab mo yin no/ /gcig la gcig skyon smra ba ni mtshang 'bru ba yin no/ /de mi bzod pa ni rtsod pa yin no/ /rtsod pa rnams zhal che grang phan tshun mi mthun par smra ba ni 'gyed pa yin no/ /gshe yang slar mi gshe zhes bya ba ni mdo sde'i dum
 bu'o/ /de la khros pas tshogs mi dbyung ba'i skur pa gleng ba ni 'dir gshe ba yin no/ /khro ba bskyed pa'i bsams pas dag dang byed pa yid du mi 'ong ba ni khro ba yin no/ /sdug bsngal bar bya ba'i bsams pas snun? par byed pa ni rdeg pa yin no/ /mtshang 'grub
 ni snga ma bzhin no/ /tshul khrims 'di dag ni mnyams pa skyon med pa zhes bya ba ni mdo sde'i dum bu'o/ /de la ma nyams pa ni bslabs pa las mi 'da' ba' i phyir ro/ /skyon med pa ni bar bar du yang yongs su mi gtong ba'i phyir ro/ /'dren par ma gyur pa ni 'chal
 pa'i tshul khrims dang ma 'dres pa nyid kyi phyir ro/ /thun tshags ma yin pa ni de'i rgyu rnam par rtog pa dang ma 'dres pa nyid kyi phyir ro/ /rang dbang can ni de'i gnyen po yongs su bzung bas bdag gis dbang nyid du gyur pa'i phyir te/ rkyen gyis mi 'phrogs pa nyid
 kyis rgyas so/ /nog nog por ma gyur pa ni lta ba ngan pa dang smon lam gnyis kyis te/ nges par 'byin pa nyid kyi rgyus so/ /'dis ni tshul khrims yon tan bzhi dang ldan par ston te/ tshul khrims de'i rgyus mi thub dang/ de'i gnyen po la brten pa ste/ tshig
 gsum dag gis dang lhag ma rnams kyis na re re dang go rims bzhin du sbyar ro/ /rnam pa gsum po dag gis ni legs par chub pa yin te/ yongs su rdzogs pa nyid kyi phyir ro/ /gsum po gzhan dag gis ni legs par brtsams pa yin te/ legs par
 yongs su dag pa nyid kyi phyir ro/ /mkhas pa rnams kyis bsngags pa ni 'phags pa rnams kyis bsngags pa nyid kyi phyir te/ dge ba nyid kyis rgyus so/ /mkhas pa rnams kyis ma smad pa ni rnam grangs kyis kyang ma smad pa nyid kyi phyir te/ zag pa med pa nyid
 kyi rgyus so/ /gang zag bden pa mthong ba 'bras bu thob par mngon par rtogs pa dang ldan pa zhes bya ba ni mdo sde'i dum bu ste/ 'di las ni dmigs pa dang/ las dang rang bzhin gyis lta ba phun sum tshogs par yongs su bstan pa yin te/ bden pa
 la dmigs pa dang/ 'bras bu thob par byed pa dang/ mngon par rtogs pa'i mtshan nyid kyi lta ba phun sum tshogs pa ni lta ba phun sum tshogs pa'o/ /de la mngon par rtogs pa ni bdag nyid kyi yang dag pa ji lta ba bzhin du rtogs pa yin par rig par bya'o//
 yid ches ba las ni/ mngon sum nyid kyis don gyis su/ shes bya shes par phrad pa ste/ des na mngon par rtogs par 'dod ces 'byung ste/ de yang 'jig rten las 'das pa'i shes rab yin no/ /dge slong dag gsum po 'di dag ni nang gi dri ma yin/ nang gi
 'gran zla dang bcas pa yin zhes bya ba ni mdo sde'i dum bu'o/ /'dod chags dang zhe sdang dang gti mug rnams ni nang gi sems skye ba na skyon rnam pa bzhi dag byed de/ sems dri ma can du byed pa ste kun nas nyon mongs par byed pa'i phyir dang/ dge
 ba'i chos ma skyes pa rnams skye ba'i gegs byed pa dang/ dge ba'i chos skyes pa rnams las yongs su nyams par byed ba dang/ gang gi ngan song rnams su yun ring por 'gro bar gyur ba de 'dra ba'i mi dag pa'i las kun nas slong bar byed pa'o/ /de'i phyir nang gi
 dri ma yin/ /nang gi 'gran zla dang bcas pa yin nang gi phyir rgol ba yin/ nang gi dgra bo yin no zhes bya ba ste go rim bzhin no/ /de ni mig gi rgya mtsho dpa' rlabs dang bcas ba glong dang bcas pa 'dzin khrid? bcas pa srin po dang bcas pa las brgal ba yin no zhes bya
 ba ni mdo sde'i dum bu'o/ /de dpa' rlabs su shes bya ba ni rnam par rtog pa nyon mongs pa can yin te/ sems kun tu 'khrug par byed pa'i phyir ro/ /glong ni nyon mongs pa dag gis bslab pa btang nas nyams par bya ba'i phyir gnas pa'o/ /'dzin khri ni nyon
 mongs pa gang gis rnyed pa dang bkur sti la bying bar byed pa'o/ /srin po ni gang gis 'chal ba'i tshul khrims bskyed nas ngan song rnams su skye bar 'gyur ba'o/ /de ltar na bstan pa 'di la rab tu byung ba'i mig gis bdag po byas na chung za ba bzhi dang
 bcas ba rnam pa gnyis yang dag par bstan pa yin te/ bslab pa gtong ba dang nyams par byed pa yin no/ /shes rab myur bar shes rab mgyogs pa zhes bya ba ni mdo sde'i dum bu'o/ /de la de bzhin bshegs pas gsungs pa'i chos 'dul
 ba la don myur ba dang/ mang po dang/ phra ba la 'jug pa'i phyir shes rab myur ba dang mgyogs pa dang rno ba yin te go rim bzhin no/ /mang po dag tu 'gro ba la ni mgyogs pa zhes bya'o/ /'di la shes rab 'khor ba las nges par 'byung ba dang/ de kho na
 nges par 'byed pa yod pas nges par 'byung ba'i shes rab can yin no/ /'di la shes rab chen po yod de/ 'dir ba dang lan gdab pa la phugs thug par ma 'gyur ba'i phyir ro/ /yangs pa yang yin te/ mngon par shes pa lnga rgya che ba dang yongs su rdzogs pa'i
 phyir ro/ /zab pa yang yin te/ gzhan dag gis rtogs par dka' ba'i phyir ro/ /mnyam pa med pa yang yin te/ 'jig rten pa thams cad las khyad par du 'phags pa'i phyir ro/ /rin po che lta bu yang yin te/ rnyed par dka' ba'i phyir dang/ don chen
 po yang dag par bsgrub pa'i phyir dang/ dga' bar byed pa'i phyir te/ rang dang gzhan gyi rgya dag la rnam par grol ba dang dga' ba bskyed pa'i phyir ro/ /de'i phyir shes rab tshe ba shes rab yangs pa/ shes rab zab pa/ shes rab mnyam pa med pa/ shes
 rab rin po che dang ldan pa yin te go rim bzhin no/ /'dir gnyis ka'i don gyi dbang du mdzad pa'i chos kyi don la brtsams nas shes rab kyi yon tan gsum dag tu rig par bya'o/ /gnyis ni rang gi don te/ 'jig rten las 'das pa yin pa'i phyir ro/ /lhag ma
 rnams ni gzhan gyi don yin te/ the tshom gcod pa'i phyir dang/ 'dud pa'i phyir dang/ ri mo'i khyad par skye ba'i phyir dang/ don gyi mchog thob par bya ba'i phyir ro/ /zab pa dang mnyam pa med pa gnyis kyis ni ri mo'i khyad par bskyed pa yin par rig par bya'o//
 gzhan yang 'phags pa shA ri'i bu dbang du mdzad nas tshig 'di dag gsungs pa yin te/ de la shes rab myur ba ni tshe dang ldan ba rta thul las lan cig tshigs su bcad pa thos sa don la zhugs pa'i phyir ro/ /shes rab mgyogs pa ni de thos pa na
 mang po la zhugs pa'i phyir ro/ /shes rab rno ba ni don phra ba la zhugs pa'i phyir ro/ /nges par 'byung ba'i shes rab can nges par 'byed pa'i shes rab can ni de nyid las 'jig rten las 'das pa'i shes rab thob pa'i phyir te/ nyon mongs pa spangs pa dang
 de kho na rtogs pa'i phyir ro/ /shes rab che ba ni ji skad du bdag ni dri ba dris na don 'di kho na yang nyin mtshan bdun du tshig gzhan dang yig 'bru gzhan dag gis lan 'debs so zhes gsungs pa lta bu yin no/ /shes rab
 yangs pa ni rnam par thar pa brgyad la bsam gtan byed pa'i phyir te/ ji skad du skyes bu 'dul ba'i kha lo sgyur ba bla na med pas skyes bu gdul ba thul ba ni phyogs thams cad du rnam par rgyug par byed do zhes gsungs pa lta bu'o/ /'o na mdo sde las
 'di la dge slong 'dod pa dag las dben pa nas/ bsam gtan bzhi pa'i bar la snyams bar zhugs te gnas na 'di tsam gyis/ dge slong mkhas pa yid na gzhungs pa shes rab yangs pa zhes bya'o zhes gang gsungs pa ji lta bu yin zhe na/ der yang
 bsam gtan rnams la mngon par shes pa dang rnam par thar ba brten pa nyid kyi phyir rig par bya'o/ /shas rab zab pa ni ji skad du/ khyod ni ji la gnas te bsam gtan pa/ /khyod la mngon par rtog par mi 'gyur bas/ /skyes bu cang shes khyod la phyag 'tshal lo/
 skyes bu dam pa khyod la phyag 'tshal lo zhes gsungs pa lta bu'o/ /shes rab mnyam pa med pa ni ji skad du/ de bzhin gshegs pa ma gtogs pa/ /'jig rten kun gyi shes rab gang/ /shA ri'i bu yi shes rab kyi/ /bcu drug char yang mi phod do zhes gsung
 pa lta bu'o/ /shes rab rin po che dang ldan pa ni shes rab rin po che la bu yin pa'i phyir te snga ma bzhin du sbyar ro/ /'di la 'phags pa nyan thos thos pa dang ldan ba ni bdag ni skye dgu ser sna'i dri mas kun nas dkris pa rnams las sems dri ma'i ser sna dang bral
 bas lhug bar gtong ba dang lag brkyang ba dang zhes bya ba ni mdo sde'i dum bu'o/ /de la dri ma gang las ser sna 'byung pa de'i rgyu de na ser sna'i dri ma zhes bya ste/ sbyin pa dang 'gal ba chags pa'i rnam pa yin pas 'bras bu'i shing lta bu dang ser ba'i sprin lta bu'o/ /de nyid
 kyi phyir sems dri ma'i ser sna dang bral ba zhes bzlog nas gsungs pa yin te/ ser sna'i rgyu chags pa dang sngar bral ba'i phyir ro/ /de ltar na ser sna sngar dang phyis smos pa ni khyad par dug pa'i phyir dang/ ldog pa'i go rim yang dag par bstan pa'i phyir ro/ /lhug
 par gtong ba dang/ lag brkyang ba dang/ rnam par gtong ba la dga' ba dang/ sbyin pa rgyun mi 'chad pa dang/ gtong pa phun sum tshogs dang/ sbyin pa la 'god par dga' ba dang zhes bya ba 'dis ni mi gnas par sbyin pa byed pa nyid dang/ rgya cher sbyin pa byed pa nyid dang/
 dga' bas sbyin pa byed pa nyid dang/ legs par 'tsho ba med par sbyin pa byed pa nyid dang/ phyogs med par sbyin pa byed pa nyid ston to/ /mi gnas par sbyin pa nyid ni lan dang rnam par smin pa mi 'dod par nyid yin par rig par bya'o/ /phyogs med par byed pa nyid ni dge
 spyod rnams las slong mo ba rnams kyi bar dag la kun tu 'god pa'i phyir ro/ /de la rigs kyi bu dga' bo'i zas tshod zin ba ni 'di yin te zhes bya ba ni mdo sde'i dum bu'o/ /so sor brtags nas zas za'o zhes bya ba ni bstan pa yin la/ lhag min bshad pa yin no//
 da la kha cig na re longs pa'i phyir ma yin pa ni gzhan nu rnams lta bu ste/ de rnams ni rgod ba dang rtsed mo'i bsam pa nyid kyis longs pa'i phyir za'o/ /rgyags pa'i phyir ma yin pa ni rgyad rnams lta bu ste/ de rnams kyi lus kyi stobs rtas par bya ba dang/ yeng yeng por
 bya ba'i bsam pa nyid kyis rgyags pa'i phyir za'o/ /cha ba'i phyir ma yin/ rgyan pa'i phyir ma yin pa ni 'dod pa la longs spyod pa rnams lta bu ste/ de rnams ni mdzes par bya ba'i bsam ba nyid kyis cha pa'i phyir dang/ brgyan pa'i phyir za'o/ /de la khrus dang byi dor byed pa
 dang/ nyug pa ni cha ba'o/ /gos dang phreng ba dang rin po ches klub pa ni brgyan pa'o zhes kyang zer te/ 'di thams cad ni 'dod pa longs spyod pa kho na dag la 'byung bas de lta bu'i bsam pas zas kyi bya ba 'gog par byed do/ /lus 'di kho na gnas par bya ba'i phyir dang/
 gso ba'i phyir zhes bya ba ni 'ba' zhig sog yod par bya ba'i phyir dang/ stobs yod par bya ba'i phyir ro/ /shing rta'i srog shing bskur ba bzhin no/ /bkres pa dang bral bar bya ba'i phyir zhes bya ba ni za 'dod pa'i sdug bsngal bzlog
 pa'i phyir te rma bsku ba bzhin no/ /tshangs par spyod pa rjes su gzung ba'i phyir zhes bya ba ni lus gnas pa dang/ lus kyi stobs dang lus kyi nyon mongs pa med pa de dag la brten nas 'phags pa'i lam bsgrubs pa'i phyir te/ tshangs par spyod pa gang zhe na
 'phags pa'i lam yan lag brgyad pa'o zhes mdo sde gzhan dag las byung ba'i phyir ro/ /de lta bus tshor ba rnying ni gzhal bar bya ba zhes bya ba ni dkres pa kun nas blang pa gang yin pa'o/ /tshor ba gsar ni ma skye par byas nas zhes bya ba ni ha cang bza' 
 drags pa las skye ba gang yin pa'o/ /'dis ni zas chung du dang lhag par za ba yongs su spong bar byed do/ /de lta bus zhes bya ba ni tshod yang dag par bstan pa'i phyir ro/ /tshor ba rnying bcil bas bcir 'gyur snyam pa la/ bdag 'tsho ba dang/ stobs dang bde
 bar 'gyur ro snyam du so sor rtog ste/ de dag kyang lus gnas pa la sogs pa sngar bstan pa gang yin pa'o/ /tshor ba gsar mi bskyed na cir 'gyur snyam pa la/ kha na ma tho ba med pa dang/ reg par gnas par 'gyur ro snyam du so sor rtog ste/ de dag kyang
 tshangs par spyod pa rjes su gzung ba ltar sngar bstan pa gang yin pa'o/ /de la ha cang bza' drags skyon med pa'i phyir kha na ma tho ba med pa nyid yin par rig par bya'o/ /de la skyon ni lnga dag ste/ snyoms pa dang/ mi dga' ba dang/ glal ba dang/ zas kyis gsung pa dang/
 sems zhum pa nyid do/ /lus za mdog bde bas shin tu sbyangs pa dang mthun pa nyid kyis bde bar gnas pa'i reg par gnas pa nyid yin par rig par bya'o/ /de ltar na bsam pa gang gis mi bza' ba dang bsam pa gang gis dang/ tshod ji tsam du bza' ba dang/ zas
 la tshod zin pa'i phan yon gang yin pa de la so sor brtags nas za ba'i phyir so sor brtags nas zas za ba yin no/ /gzhan dag na re so sor? brtags pa bzhi dag gis so sor brtags nas yin zhes zer te/ so sor brtags pa bzhi la spang par bya ba so sor
 brtags pa ni tshig bzhi dag gis so/ /ched so sor brtag pa yang bzhi dag gis so/ /tshong bzang ba so sor brtags pa ni gnyis kyis so/ /tshod zin pa'i phan yon so sor brtags pa ni lhag ma rnams kyis so/ /yod ni tshig bzhi dag gis 'dod pa'i bsod
 nyams la rjes su sbyor pa'i mdza' yongs su spong ba yin la gsum dag gis ni bdag nyid dub bar gnas pa la rjes su sbyor pa'i mdza' spor ba yin no/ /gcig gis ni dbu ma'i lam sgrub pa yin no/ /lnga dag gis ni mdza' gnyis yongs su spangs pa'i phan
 yon rtogs par byed pa yin la/ gnyis kyis ni dbu ma'i lam sgrub pa'i phan yon yin no/ /shing rta'i srog shing dang rma'i dpe gnyis ni sngar sbyar ba kho na'o/ /de la rigs kyi bu dga' o dran pa dang shes bzhin mchog dang ldan pa ni 'di yin te zhes bya ba ni mdo sde'i
 dum bu'o/ /de la sems thams cad kyi bsams nas rnam par lta ba ni rgyu ba na yin par rig par bya'o/ /tshor ba dang 'du shes shes bzhin po ni bsam gtan pa dang gzugs med pa'i mnyam par gzhag pa la gnas pa na ste/ go rim bzhin no/ /rnam par
 rtog pa shes bzhin pa ni langs shing mnyam par ma gzhag pa la gnas pa yin no/ /gzhan yang sems thams cad kyis bsams nas rnam par lta ba ni gsum 'dus pa las reg pa 'byung ba'i rkyen tshor ba dang/ 'du shes dang/ sems pa 'byung ba
 gang yin pa de dag shes bzhin du skye ba nas gtugs pa'i bar du 'gyur ro/ /sems pa'i mtshan nyid ni 'dir rnam par rtog par yin par rig par bya'o/ /gzhan yang sems thams cad kyis bsams nas rnam par lta ba kun nas nyon mongs pa med
 pa'i phyir gzugs dang shes bzhin du tshor ba la sogs pa skye ba la sogs pa nyid kyis tshor ba dang 'du shes dang 'du byed rnams la dran pa dang shes bzhin mchog dang ldan pa nyid yin par yongs su bstan to/ /de ltar na rnam par
 shes pa gnas pa bzhi dag la dran pa dang shes bzhin mchog dang ldan pa nyid yin par yongs su bstan pa yin no/ /de la tshor ba la sogs pa skad cig pa yin yang rgyun 'dra ba dus gzhan du yang rdzas su 'jug pas gnas par rig par bya'o/ /nub pa
 ni dal gyis ma yin par rkyen gyi dbang gis 'phral dgag pa'i phyir ro/ /zad pa dang gtugs par 'gyur ba ni phyin nas dal gyis ma lus par rgyun 'dra ba dgag pa'i phyir ro/ /dge slong dag rgyal po legs mthong chen po ni ha cang mi grang zhing ha cang mi dro ba dang/
 dus tshigs bde ba dang/ gnod pa med ba dang/ gang gis na de zos pa dang 'thungs pa dang/ 'chos pa dang/ myangs pa rnams legs par bde bar 'ju ste/ pho ba'i drod snyoms shing 'jug par byed pa dang ldan pas gnod pa nyung ba dang/ nad med pa'i rang bzhin can
 du gyur to zhes bya ba ni mdo sde'i dum bu'o/ /de la gnod pa nyung ba ni zas dang gnas 'phrod pa la sbyor ba dang mngon par brtson pa'i phyir yin la/ rang bzhin gyi nad med pa'i rang bzhin can ma yin pa yang yod/ /nad med pa'i rang bzhin can yin la/ rang
 bzhin gyi gnod pa nyung ba ma yin pa yang yod de/ zas dang gnas mi 'phrod pa mang ba nyid kyis phyir ro/ /de'i phyir gnyis ka brjod pa ni gcig gis gcig khyad par du bya ba'i phyir ro/ /de la yang rgyu ni pho ba'i drod snyoms shing 'du bar byed pa dang ldan pa zhes bya
 bas yang dag par ston te/ /lus dang bcas pa'i snyoms pa nyid du ston to/ /snyoms pa de yang ha cang mi grad ha cang mi dro ba nyid dang dus tshigs bde ba dang/ gnod pa med pa dang zhes bya bas ston to/ /'dis ni ma stoms? pa nyid rnam pa gsum med pa'i
 phyir pho ba'i drong snyoms pa nyid du yang dag par ston to/ /ma snyoms pa nyid rnam pa gsum la me ma snyoms pa nyid kyis ni nges me'i drong chung zar ha cang grang ba 'am/ me'i drod ches pas ha cang drong che bar 'gyur ro/ /dus tshigs ma snyoms pa nyid kyis ni des tshigs
 rnams 'pho ba ni skyon rnams rab tu 'khrugs par byed pa'i phyir mi bde bar 'gyur pa'o/ /zas ma snyoms pa nyid kyis ni des zas mi 'phrod pa'i skyon las gnod pa skye ba'o/ /snyoms pa nyid bshad nas 'ju bar byed pa nyid ni gang gis na nges zos pa dang
 'thungs pa dang 'tshos pa dang/ myangs pa rnams legs par bde ba 'jug zhes bya ba 'chad de/ 'dis ni zas kyi rnam pa thams cad dus su dal ba med par 'jug par byed pa ston to/ /de la zos pa dang mthungs pa dang chos pa dang myangs pa ni bza' ba dang btung ba
 dang bca' ba dang ba ldag pa dang bzhi ba pa'i dbye bas rig par bya'o/ /ci 'dod pa bzhin thob pa tshogs med par thob pa ngan don ma yin par thob zhes bya ba ni mdo sde'i dum bu ste/ ji srid 'dod pa dang nam 'dod pa dang/ ji lta bu 'dod pa mngon sum du bya ba la dbang
 ba nyid kyi phyir rig par bya ste/ yun ring po dang/ ring por mi thogs pa dang/ mchog tu byung ba rnams mngon sum du bya ba la dbang ba nyid kyi phyir zhes bya ba'i tha tshig ste/ tha chad ni ngan don zhes bya ba'i phyir ro/ /gzhan dag na re ni chags dang nyams lnge ba? nyid ngan
 don ma yin pa yin no zhes zer ro/ /yid ches pa'i lung las ni/ /gang zhig rdzogs snyoms zhugs dang myur/ /brtan nyid de ni ci 'dod bzhin/ /sogs thob yin par bzhed 'dir ni/ /cung zad tsam gyis gtod bsam /de phyir ngan don zhes 'byung ngo/ /dper na
 me tog utpa la'i phreng ba zhes bya ba rgyas par 'byung ba nas/ zegs pa nyid du 'gyur/ rnyings pa nyid du 'gyur/ skams pa nyid du 'gyur zhes bya ba'i bar ni mdo sde'i dus bu'o/ /de la zegs pa nyid du 'gyur ba ni rnam par 'gyur ba'i phyir ro/ /rnyings pa
 nyid du 'gyur ba ni sa'i khams zhum pa'i phyir ro/ /skams pa nyid du 'gyur ba ni chu'i khams zad pa'i phyir ro /tshigs gcig ni bstan pa yin la/ tshigs gnyis ni bshad pa yin par rig par bya'o/ /ji srid du rnyings pa'am
 skams? par ma byung pa de srid du me tog gi 'od dang/ dri bsung chung bar 'gyur ba'i phyir ni rnam par 'gyur ba yin par rig par bya'o/ /'dod ba la rnam par rtog pa byung ba dang du mi len zhes bya ba ni mdo sde'i dum bu'o/ /de la dang du mi len pa ni ro myang bar
 mi byed pa'i phyir ro/ /spong bar byed pa ni de'i dmigs pa'i mchan ma sel ba'i phyir ro/ /bzlog tu zin yang ? bsags pa las byung ba'i rnam par rtog pa rnam pa kun tu rgyu ba nyid yin pas sel bar byed de/ so sor brtags pa'i stobs kyis rgyun
 gcod pa'i phyir ro/ /bsal du zin kyang brtson pa lhod pas yang skye ba'i phyir byang bar byed de/ bsdom pa'i stobs kyis rnam par gnon pa'i phyir ram/ sa bon yang dag par 'joms pa'i phyir ro/ /'dir yang smras pa/ 'di dag bzhi ni rnam rtog la/ mi thun
 nyid dang de yi rgyu/ /rnam spong phyir dang rgyun dang ni/ /rjes su 'ching ba gcod phyir ro/ /rnam grangs gzhan yang skyon nyid du 'dzin pa'i phyir na dang du mi len pa yin no/ /byung ba'i shugs dang bral ba'i phyir na spang bar byed pa yin no/ /yang dang yang du kun
 tu rgyu ba dang bral ba'i phyir ni sel bar byed pa yin no/ /dge ba'i phyogs kyis rgyud bstan pa nyid kyis kun tu mi rgyu ba'i phyir na byad bar byed pa yin no/ /bram ze'i khye'u sems can rnams ni las bdag gir bya ba/ las kyi bgo skal la spyod pa/ las kyi
 skye gnas pa/ las la brten pa zhes bya ba ni mdo sde'i dum bu'o/ /mi dag ni phal cher nor dang khyim dang bu dang chung ma la sogs pa dag la bdag gir bya bar 'du shes byas na sred pa bskyed par byed de/ de'i phyir myos nas bsod nams kyi las ni mi byed
 bsod nams ma yin pa'i las ni byed do/ /phal cher lha rnams las bgo skal te longs spyod dang bdag gi skye pa'i khyad par don du gnyer bar byed cing rgud par gyur na lha rnams la ston pa yin par rten par byed do/ /de ltar byed ban? rgyu ma yin pa la rgyur lta bas
 bslung par 'gyur ro/ /bcom ldan 'das kyis de'i gnyen por sems can rnams kyis las kho na bdag gir bya ba yin zhing sems can rnams ni sngon gyi las kho na la bgo skal spyod pa yin la de rnams ni las kho na'i skye gnas las byung ba yin no zhing rgyud
 par gyur pa na las kho na ston pa yin gyi lha rnams ni ma yin no zhes bya ba gsungs so/ /'di la rig pa ci yod ce na/ las ni rgyal po la sogs pa rnams dang thun mong ma yin pa'i phyir dang/ shi ba'i tshe yang mi gtong ba'i phyir ro/ /lha la gus pa
 dad ma gus pa rnams longs spyod rkung pa dang phun sum tshogs par dmigs pa'i phyir dang/ skye ba dman pa dang khyad par du 'phags pa dmigs pa'i phyir dang/ yams kyi nad dang gnod pa nye bar ma zhi ba dang nye bar zhi ba dmigs pa'i phyir ro/ /'dod pa
 rnams la yid byung bar bya ba'i phyir dang/ 'dod chags dang bral bar bya ba'i phyir dang/ 'gegs par 'gyur bar bya ba'i phyir sgrub pa yin no zhes bya ba ni mdo sde'i dum bu'o/ /de la 'dod pa rnams la zhes bya ba ni 'dod pa'i khams la'o/ /gzugs
 rnams la zhes bya ba ni gzugs kyi khams la'o/ /rnam pa gcig tu ni sdug bsngal gyi phung po can gyi mdo dang po las 'dod pa rnams dang gzugs rnams gsungs ba bzhin no/ /yid byung bar bya ba'i phyir dang/ 'dod chags dang bral bar bya ba'i phyir dang/
 'gog par 'gyur par bya ba'i phyir zhes bya ba ni sdug bsngal nyid yongs su shes par bya ba'i phyir dang/ kun 'byung ba spang bar bya ba'i phyir dang/ 'gog pa mngon sum du bya ba'i phyir de go rim bzhin no/ /sgrub pa yin no zhes bya ba la sgrub pas ni lam sgoM pa
 yongs su ston to/ /gzhan yang dga' ba'i 'dod chags kyi rgyu las byung pa'i tshe phyi ma las sdug bsngal skye ba de'i gnyen por go rim bzhin du gsum gsungs pa yin no/ /chags pa zad par bya ba'i phyir dang/ sred pa zad par
 bya ba'i phyir dang/ sdug bsngal zad par bya ba'i phyir dang/ phung po zad par bya ba'i phyir sgrub pa yin no zhes bya ba ni mdo sde'i dum bu'o/ /'dis ni ngan song gi sdug bsngal yang srid pa rgyu dang bcas pa zad par bya ba'i phyir zhes bya pa yongs su bstan
 pa yin te/ chags ba ni rgyu yin no/ /sdug bsngal ni ngan song ba'i sdug bsngal yin te/ ji skad du bcom ldan 'das kyis 'jig rten 'di dang pha rol na ngan 'gro gang ji snyed pa de dag thams cad ma rig pa'i rtsa ba las byung ba 'dod pa dang chags pa laS
 kun tu byung pa min no zhes gsungs pa lta bu'o/ /'dir ni mi dge pa'i rtsa bas bsdus pa'i chags pa yin par rig par bya'o/ /de snod pa yang 'phrog par byed pa'i phyir ro/ /yang srid pa la sred pa ni rgyu yin no/ /phung po ni srid pas bsdus pa'i nyes len pa'i
 phung po lnga rnams te/ de ni sred pas spungs pa'i phyir ro/ /gzhan yang chaD ba dang sred pa gnyis ni 'dod pa dang srid pa'i 'dod chaD gnyis yin te go rim bzhin no/ /sdug bsngal ni 'dod pa'i khams yin te/ sdug bsngal gyi sdug bsngal dang ldan pa'i phyir ro/ /phung po
 ni gzugs dang gzugs med pa'i khams gnyis yin no/ /gro bzhin skyes de bas na mnyam pa nyid du rtogs par byas la de la yang mtshan mar zung zhig /des rlom sems kyang ma byed la/ de la bag med par yang ma byed cig ces bya ba ni mdo sde'i du ma bu'o//
 'dis ni mnyam pa nyid du yongs su shes par bya ba dang/ mi brjed pa'i rgyu dang/ kun nas nyon mongs pa med pa'i rgyu la sbyor bar mdzad do/ /de la yongs su shes pa ni rtogs pa'o/ /mi brjed pa'i rgyu ni mtshan mar 'dzin pa'o/ /kun nas nyon mongs pa med
 pa'i rgyu ni nga rgyal med pa ste mnyam pa nyid des khengs par mi 'gyur ba'i phyir dang/ bag yod pa ste ro myang bar mi byed pa'i phyir dang/ nga rgyal dang sred pa shas che ba'i bsam gtan pa'i gnyen por go rim bzhin no/ /'phags pa gro bzhin skyes kyis de'i tshe
 bden pa gzigs pa'i phyir lta ba dang the tshom shas che ba'i bsam gtan pa ni ma yin te de gnyis spangs pa nyid kyis phyir ro/ /bcom ldan 'das kyi rgyad ring po nas shing gi sdong po chen po zhig 'bar zhing rab tu 'bar la kun tu rab tu mchod cing me lce
 gcig tu gyur te lam mer 'bar ba gzigs so zhes bya ba ni mdo sde'i dum bu'o/ /'dis ni shing gi sdod po la mes rig pa nyid dang/ mi'i mdog dang/ kun tu 'bar ba nyid dang/ 'dril te 'bar ba nyid dang/ mi g.yo bar 'bar ba nyid du yang dag par sdud par
 byed pa ston te go rim bzhin no/ /dge slong dag byis pa so so'i skye bo thos ba dang mi ldan pa rnams ni phung po lnga po 'di dag la rtag pa nyid dang brtan pa nyid du yang dag par rjes su lta/ bde ba nyid dang/ nang med pa nyid dang/ bdag dang bdag gi nyid du yang dag par
 rjes su lta'o zhes bya ba ni mdo sde'i dum bu'o/ /de ba nye bar len pa'i phung po lnga rnams ni 'dus byas kyi mtshan nyid skye ba dang 'jig pa gnyis dang yang ldan pa yin la/ rgyun gyi 'byung ba na gnas skabs gzhan du 'gyur ba'i phyir 'dus byas kyi mtshan nyid gnas
 pa las gzhan du 'gyur ba dang yang ldan pa yin no/ /de dag mtshan nyid de ltar gnas pa yin pa na sems las byung ba'i sdug bsngal gyi gzhi dang/ lus kyi sdug bsngal gyi gzhi dang/ rang bdag ma yin la bdag gzhan gyis kyang stong ba yin na/ de la kun tu rmongs
 pa'i go rim bzhin du rtag pa la sogs pa nyid du zhes bya ba yin par rig par bya'o/ /gzhan yang phyi rol gyi gnod pa'i sdug bsngal gyi gzhi nyid dang/ rang gi khams la snyoms pa'i sdug bsngal gyi gzhi nyid du ma mthong na bde ba nyid dang nad med pa nyid du
 lta zhes bya ba yin par rig par bya'o/ /de dag ni mdor na nye bar len pa'i phung po lnga rnams kyi mi rtag pa la sogs pa rnam pa bzhi'i mi mthun pa'i phyogs su rtag pa dang/ bde ba dang /bdag tu phyin ci log pa rnams te/ lta ba gnyis dang
 gnyis kyis yongs su bstan pa yin par rig par bya'o/ /de nyid kyi phyir 'dir gtsang bar phyir ci log par ma smos so/ /tshul 'chos pa dang/ kha gsag dang /gzhag slongs dang /thob kyi 'thal ba nyid dang/ rnyed pas rnyed par byed 'dod ba zhes bya ba ni mdo
 sde'i dum bu'o/ /de la tshul 'chos pa ni rnam ba gsum du rig par bya ste/ rnyed pa dang bkur sti 'dod pa nyid kyi gzhan la yon tan yid ches par byed pa'i bsam pas spyod lam legs par gnas pa dang/ yul dben par gnas pa dang rnyed pa la khyad
 par can mi len pa nyid kyis dang/ ngan pa dang/ gya nom pa brten pa dang mi brten pa nyid kyis la byad bsnyungs ba kun tu ston pa'o/ /kha gsag kyang rnam ba gsum ste/ rnyed ba dang bkur sti'i bsam pas rjes su mthun par snyan par smra ba dang/ rang gi yon
 tan smra ba dang/ chos smra ba'o/ /gzhog slongs kyang rnam pa gsum ste/ rnyed pa'i bsam pas lus kyis gnod pa'i gzhi kun tu ston pa dang/ phongs pa'i gzhi kun tu ston pa dang /tshig gis bsam pa'i gzhi bsngags bar byed pa nyid do/ /thob
 kyis 'jal pa yang rnam pa gsum ste/ rnyed pa'i bsam pas de la sbyin bar mi byed pa la smod ba dang/ gzhan la sbyin par byed pa la smod pa dang/ ha cang phyi bzhin 'brang zhing slong ba'o/ /rnyed bu rnyed par byed 'dod pa yang rnam pa gsum ste/ rnyed pa'i bsam pas
 gzhan las rnyed pa rgya che bar kun tu ston pa dang/ sbyin par byed pa rgya che bar bsngags par byed pa dang/ zang zing gi rnyed pa bsngags par byed pa'o/ /'di ni dge slong gi 'tshe ba log pa rnam pa lnga yin te/ gcig ni lus kyis yin te gnyis ba ni dag gis
 yin zhing lhag ma rnams ni dus dang ngag gis yin no/ /tshig yin pa de dag ji ltar kha gsag ma yin zhe na/ gzhan mgu bar bya ba'i phyir smra ba 'dir kha gsag yin bar dgongs kyi thams cad ni ma yin no/ /ji ltar mi'i 'jig rten na mar 'dzin pa dang
 phar 'dzin pa dang/ dge slong du 'dzin pa dang/ bram zer 'dzin pa dang/ rigs kyi nang na rgan rabs la ri mo byed pa dang/ don byed pa dang/ bya ba byed pa dang/ bsod nams byed pa dang/ 'jig rten 'di dang 'jig rten pha rol gyi kha na ma tho ba rnams la
 'jigS par lta ba dang /sbyin pa byed pa dang/ bsod nams byed ba dang /bsnyen gnas la nye bar gnas pa dang/ tshul khrims yang dag par blangs nas gnas pa'i ming gam? dang ma zhes bya ba ni mdo sde'i dum bu'o/ /de la ji ltar shes par bya ba lta bus mar
 shes pa ni mar 'dzin pa ste /de la gus par bya ba nyid kyi phyir ro/ /mar 'dzin pa ji lta ba bzhin du phar 'dzin pa yang de bzhin no/ /dge sbyor rnams la ldang ba dang /thal mo sbyar ba dang/ phyag bya ba dang /chos gos dang/ bsod snyoms la sogs pas ri
 mo dang/ sbyin pa bya ba'i phyir legs par byed pa ni dge sbyong du 'dzin pa'o/ /dge sbyong du 'dzin pa ji lta ba bzhin du bram zer 'dzin pa yang de bzhin no/ /rigs kyi nang na brgan rabs pho nu bo dang/ sring mo dang nye du rnams la bkur ste byed ba ni rgan rabs la
 ri mo byed pa ste/ ldang ba dang snyan par smra ba la sogs pa bya ba'i phyir ro/ /rgud pa rnams la rgud pa las yongs su bskyab pa dang/ dgos pa bsgrub pa'i phyir don byed pa'o/ /rang gi las la 'tsho ba log pa ma yin pas legs par sbyor ba'i phyir bya ba byed
 pa'o/ /sbyin pa dang tshul khrims las byung ba'i bsod nams sgrub pa'i phyir bsod nams byed pa'o/ /'di man chad ni rgyu gang gis de dag de ltar gyur pa dang ji ltar bsod nams byed pa rnams kyi rgyu de dang rnam pa de 'chad do/ /rgyu gang gis de de ltar gyur zhe na/
 'di ltar 'jig rten 'di dang 'jig rten pha rol gyi kha na ma tho ba rnams la 'jig bar ltar bas so/ /de la kha na ma thob ni 'phags pas smad ba gang yin pa'o/ /'jigs pa ni nyes dmigs yin pa rigs par bya ste de las 'jig par
 'gyur ba'i phyir ro/ /ji ltar na bsod nams byed ba dag yin zhe na/ zas dang skom ba dang bza' ba dang bca' ba dang/ bzhon pa dang gos la sogs pa sbyin bar byed pa gang yin pa ste/ de ni sbyin par bya bas na sbyin pa yin pa'i phyir ro/ /bsod namS
 byed pa ni kun dga' ra? ba dang/ nags tshal dang/ ste ka dang/ rdzing bu dang/ chu mig dang/ bsod nams kyi khang ba la soD ba bya ba la sogs baS ting 'dzin rjes su 'dzin pa'i phyir ro/ /'di gnyis ka yang sbyin pa las byung ba'i bsod nams bya ba'i gzhi yin mod kyi/ tha
 dad par smos pa ni khyad pa dang khyad par med par sbyin pa'i dbye ba yang dag bar bstan pa'i phyir ro/ /khyad bar du sbyin pa ni lan ba po 'ga' zhig /kho na la rang gi dbya ba'i phyir sgrub pa gang yin pa'o/ /khyad par med par sbyin pa ni seMs can rnams la yongs su
 longs spyod du gzhug pa'i phyir dbye ba med bar gtong ba gang yin pa'o/ /bsnyen gnas la nye bar gnas pa dang/ tshul khrims yang dag bar blang nas gnas pa ni nyin zhag gcig pa dang/ ji srid 'tsho ba'i bar du tshul khrims yang dag par len pa'i
 phyir ro/ /mdor mdo sde'i dum bu 'di ni mi rnams bla ma dang/ yon gnas dang /rgan po rnams dang /rgan po rnams dang/ rgud pa rnams dang/ rang gi las dang/ bsod nams byed pa la go rim bzhin tshig gnyis dang gnyis dang bzhi rnams kyis ni re res yang dag par grub par
 bstan pa yin no/ /lhag ma rnams kyis ni yang dag par sgrub pa de nyid kyi rgyu dang/ bsod nams bya ba'i rnam pa'i dbye ba yang dag par bstan ba yin no/ /'jig rten na chos smra ba ni su dag yin/ legs par zhugs pa ni su dag yin/ bde bar gsheD
 ni su dag yin zhes bya ba rgyas par 'byung ba nas 'di ni 'jig rten na bde bar gshegs pa zhes bya ba'i bar ni mdo sde'i dum bu'o/ /'dir ni nges par legs ba las brtsams nas yang dag par smra ba dang/ byed ba po gnyis dris pa dang /lan
 btab pa yin no/ /byed pa po yang rnam pa gnyis te/ brtson pa rnams ni gang dag yang dag par rab tu brtson pa rnams so/ /grol ba rnams ni gang dag mthar phyin pa rnams so/ /'dod chags dang zhe sdang dang gti mug rnams kho na smos pa ni de rnams
 kyi go rim bzhin du tshor ba gsum la bcings pa'i phyir te/ 'di ltar bcom ldan 'das kyis bde ba'i tshor ba la ni 'dod chags rgyas par 'gyur la/ sdug bsngal la ni khong khro ba/ bde ba yang ma yin sdug bsngal ba ma yin pa la ni ma rig pa'o zhes
 gsungs so/ /gdul ba'i phyir zhes bya ba ni bral bar bya ba'i phyir te/ ma lus par sdang par bya ba'i phyir ro/ /gang su dag 'dod chags ma lus par spang ba zhes bya ba ni sa las dang/ sa bon las dang /rnam pa las ma lus par spangs pa yin par rig par
 bya'o/ /sa las ji ltar zhe na srid pa'i rtse mo'i bar du ji ltar rigs par spangs pa'i phyir ro/ /sa bon las ji ltar zhe na/ thob pa bag la nyal gyi mtshan nyid spangs pa'i phyir ro/ /rnam ba las ji lta bu zhe na/ mthong ba dang bsgoms pas spang par bya ba rnams  spangs pa'i phyir dang /chung du 'chung ngu la sog pa'i rnam pa spangs pa'i phyir ro/ /yongs su shes pa zhes bya ba la ji ltar yongs su shes zhen bdag gis 'dod chags nas gti mug gi bar du spangs so zhes bya bar ro/ /spangs pas ni rnam par grol
 bston la/ /yongs su shes pas ni rnam par grol ba'i ye shes mthong ba'o/ /de ltar na ma lus par spangs pa ni so sor rang gi rig par bya ba nyid du bstan pa yin te/ gzhan la dag pa dang /som nyid dang ldan ba rnams bsal ba'i phyir ro/ /'di ni 'jig
 rten na bde bar gshegs par dag ces bya'o zhes bya ba'i bde bar zhes bya ba 'di ni ma lus pa'i don la yang mthong ste/ dper na zas bde bar zhu'o/ /bum ba legs par gang ba'o zhes bya ba lta bu'o/ /bsngags pa'i don la yang
 mthong ste/ dper na gzugs bzang po cha lugs bzang bo zhes bya ba lta bu'o/ /phyir mi ldog pa'i don la yang mthong ste/ dper na gcin nad las bde bar thar to/ /'byung po'i gdon las bde bar thar to zhes bya ba lta bu'o/ /don rnam ba 'di gsum
 gyis bde bar gshegs pa dag yin te/ 'jig rten pa'i snyoms par 'jug pa dag las bzlog nas ji srid du bgrod par bya bar gshegs pa'i phyir dang/ 'gro ba bzang por gshegs ba'i phyir dang/ phyir mi ldog par gshegs pa'i phyir te /mya
 ngan las 'das par gshegs pa dag ni de ltar gshegs pa dag yin no/ /de ltar na mya ngan las 'das ba dag ni bla na med ba nyid dang/ dge ba nyid dang/ rtag pa nyid du bstan ba yin te go rim bzhin no// //bam po lnga ba/ 'di ltar laS
 kyang yod la nyen mongs ba rnams dang sred pa lta ba dang nga rgyal dang ma rig pa yang yod na de lta bu ni tshe phyi ma la 'du byed rnams 'byung bar 'gyur ro/ /zhes bya ba ni mdo sde'i dum bu ste/ 'dir ni skye ba'i rgyu grogs dang bcas pa yongs su bstan ba yin no/ /las la nyon
 mongs pa rnams grogs su gyur pas skye ba skyed bar byed de/ nyon mongs ba zad na mi skye ba'i phyir dang/ nyon mongs ba ma zad na las ji lta ba bzhin du skye ba'i phyir ro/ /nyon mongs pa de dag kyang sred ba la sogs pa'o/ /de la sred pa ni mngon par grub pa'i rgyu yin
 no/ /mdo sde gzhan las kyang las ni skye ba'i rgyu yin la/ sred ba ni mngon par 'grub pa'i rgyu yin no zhes gsungs ba'i phyir ro/ /ji ltar na sred pa mngon par 'grub pa'i rgyu yin zhe na/ lus thams cad kyi thun mong gi rgyur 'gyur ba nyid kyi mngon bar
 'grub pa'i rgyu yin pa'i phyir ro/ /lta ba dang nga rgyal dang ma rig pa ni de 'dren par byed pa dag yin te /bdag tu lta ba dang nga'o snyam pa'i nga rgyal gyi sgo nas bdag med ba nyid la kun tu rmongs na de kun tu rgyu ba dang mi spongs ba'i phyir ro/ /de'i phyir 'di dag kho
 na smos kyi/ khong khro ba dang the tshom gnyis ni ma yin no/ /gzhan yang 'dod pa'i khams kyi las kyi gogs? ni nyon mongs pa thams cad yin la/ gzugs dang gzugs med pa'i khams gnyis kyis ni sred pa la sogs ba grogs yin no/ /sred ba dang
 lta ba dang nga rgyal dang the tshom shas che ba'i bsam gtan gyi bag la nyal yod ba'i phyir ro/ /the tshom ni ma rig pas rab tu phye ba nyid kyi ste/ gti mug shas che ba la shes pa des ba mi 'byung bas so/ /dge slong dag dge slong gsar bu 'di dag ni dge sbyong
 gi gnod pas gcig pa/ tshangs par spyod ba'i 'dam gyis zil gyis non pa/ sdig pa mi dge ba'i chos kun nas nyon mongs pa can yang srid pa ba rims nad dang bcas pa sdug bsngal gyi rnam par smin ba can tshe phyi ma la skye ba dang rga ba dang 'chi bar 'gyur
 ba rnams kyis zil gyis non ba zhes bya ba'o zhes bya ba ni mdo sde'i dum bu'o/ /de la dge sbyong gi gnod pa ni rnyed ba dang bkur sti gang gis zil gyis non na dge sbyong gi dngos po las nyams par 'gyur ba ste/ bcom ldan 'das kyi dge slong dag 'di ltar
 'di na kha cig bslab pa btang nas nyams te gnas pa 'di ni 'phags ba'i chos 'dul ba la nyams pa yin no zhes gsungs pas so/ /tshangs par spyod pa'i 'dam ni rnyed pa dang bkur sti ? gang la chags na 'phags pa'i mya ngan las 'das pa'i lam
 yan lag brgyad bar mi 'dod ba ste/ de ni bcom ldan 'das kyis tshangs par spyod pa'i 'dam yin par gsungs so/ /sdig pa mi dge ba'i chos rnams ni kun nas nyon mongs pa can la sogs ba ste/ gang dag gis zil gyis non na tshul khrims
 nyams par byas nas ngan song du 'dod brnyed pa dang bkur sti'i rgyu ba rnam sems can nyid la sogs pa yang dag yin pa'o/ /'dis ni dge slong gsar bu rnyed pa dang bkur sti lhur 'dzin pa rnams la mthong ba'i chos la bslab ba
 gtong ba dang /mya ngan las 'das par mi 'gro ba dang/ tshe phyi ma la ngan 'gror 'gro ba'i nyes dmigs rnam pa gsum yod bar ston to/ /de la sdig pa ni 'phags pa'i skye bos smad ba'i don gyis so/ /mi dge ba ni mi dge ba'i don gyis so/ /de ltar na de rnams
 ni gzhan gyis dang/ rang nyid kyi skyon yin par bstan ba yin no/ /ji ltar smad pa dang mi bde ba de ni kun nas nyon mongs pa can yang srid pa pa nyid nyes dmigs dang bcas pas yang dag par ston to/ /de la mthong ba'i chos la yang dang yang du kun nas
 nyon mongs bar byed pa'i phyir kun ? mongs can no/ /cho phyi ma la yang srid pa mngon bar grub pa'i phyir yang srid pa pa'o/ /kun nas nyon mongs pa can dag yin pa la rims nad dang bcas pa dang /sdug bsngal gyi rnam par smin pa can gyi nyes dmigs
 yod de /mthong ba'i chos nyid la nyon mongs ba yongs su gdung ba rnams kyi lus dang sems yongs su gdungs par byed pa'i phyir dang/ tshe phyi ma la ngan 'gror 'gro ba'i phyir ro/ /yang srid par gyur pa la tshe phyi ma la skye ba dang rga ba dang 'chi bar 'gyur ba zheS
 bya ba'i nyes dmigs yod de/ yun ring bor skye ba dang rga ba dang 'chi ba 'dren pa'i phyir ro/ /'di ni ston pa'i bstan ba bzhin byed pa dang/ mi gtod bar sgom pa ang/ lhag mthong dang ldan pa khyim stong pa rnams rgyas par byed ba/ rang gang gi don gyi sbyor ba la
 rjes su brtson pa/ tshangs ba mtshungs par spyod pa mkhas pa rnams kyis ma smad ba/ yul 'khar gyi bsod nams 'bras bu yod bar za ba zhes bya ba ni mdo sde'i dum bu'o/ /de la bstan ba bzhin du bsgrub pa'i phyir ston pa'i bstan ba bzhin du byed pa'o/ /yang dang
 yang du bsgoms pas mi gtong bar sgom pa ste/ 'di ltar cung zad cung zad ces bya ba gsungs pa yin no/ /ji ltar thos pa bzhin du chos rab tu rnam par dbye ba'i phyir lhag mthong dang ldan pa'o/ /sems rtse gcig tu bya ba'i don du khyim stong pa rnams la mngon
 par dga' ba'i phyir phyi ma stong ba rnams rgyas par byed pa'o/ /mya ngan las 'das pa ni legs bar rab tu byung ba'i rang gi don yin te/ de'i don du rab tu 'byung ba'i phyir ro/ /de'i sbyor ba ni thabs yin te/ de thob par bya ba'i lam gang yin pa'o/ /de la rjes su
 brtson pa ni ji ltar de la brtson bar bya ba de ltar brtson 'grus mi gtong ba nyid kyis brtson pa'i phyir te/ de ltar na rang gi don gyi sbyor ba la rjes su brtson ba'o/ /mngon par 'dod pa nyid yin pa'i phyir tshangs pa mtshungs par spyod pa mkhas pa rnams kyis ma smad
 pa'o/ /de'i 'bras bu dang bcas ba nyid du byed pa'i phyir yul 'khor gyi bsod snyoms 'bras bu yod par za ba'o/ /mdor na tshig bdun po 'di rnams kyis ni ston pa dang/ bstan pa dang /tshangs pa mtshungs par spyod pa rnams dang/ sbyin par byed pa rnams la yang
 dag bar bsgrub par yongs su bstan pa yin no/ /ston pa la ni de'i bstan pa bzhin du sgrub pa'i phyir ro/ /bstan ba la ni rtag tu las khyad bar du 'phags pa la sbyor ba'i phyir dang/ phyin ci ma log par sbyor ba'i phyir dang/ rnam bar ma g.yengs par sbyor ba'i phyir
 dang/ chog mi shes par sbyor ba'i phyir ro/ /dge slong gi las khyad par du 'phags pa ni bsam gtan yin par rig par bya'o/ /gzhan yang rtag tu bsgom ba'i phyir dang/ kun nas nyon mongs pa can mo yin par bsgom ba'i phyir dang/ /bar chad med par bsgom
 pa'i phyir dang/ chog mi shes par bsgom pa'i phyir ro/ /tshangs ba mtshungs par spyod pa rnams la ni don mthun pa nyid sbyor ba'i phyir ro/ /sbyin par byed pa rnams la ni de'i sbyin pa 'bras bu chen po nyid du sbyor ba'i phyir ro/ /? mi rnams ni chos ma yin par 
 chags pas chags pa dang/ mi rigs bar chags pas zil gyis non pa dang/ chos log pas dkris pa yin no zhes bya ba ni mdo sde'i dum bu'o/ /de la chos ma yin bas yul yongs su spyad pa la chags pa ni chos ma yin par
 chags pas chags pa ste/ dper na 'dod pas log par g.yem pa 'am lings 'debs pa lta bu'o/ /mi rigs bas chags ba ni mi rigs bar chags pa ste/ chom rkun dang/ mthu stobs dang/ 'dring pa la sogs pas pha rol gyi nor don du gnyer ba
 gang yin pa'o/ /log pas byas pa'i chos ni log pa'i chos te/ 'di chos ma yin par bya ba pha rol la 'tshe ba dang ldan ba rgyal po'i chos sam bram za'i chos gang yin pa'o/ /des ni yul yongs su spyad pa dang/ longs spyod yongs su 'tshol ba dang/
 bde 'gro yongs su 'tshol ba la brtsams nas mi rnams la log par sgrub pa rnam pa gsum yod par bstan pa yin no/ /sangs rgyas bcom ldan 'das rnams kyis gtam dus sngar bya ba gang yin ba de ni 'di ni 'di lta ste/ sbyin pa'i gtam dang zhes
 bya ba rgyas par 'byung ba ni mdo sde'i dum bu'o/ /de la dus sngar bya ba ni rgyud yang dag phul can gyi gtam gyi snod du bya ba'i phyir ro/ /da ni mdor na longs spyod phun sum tshogs pa'i rgyu dang/ lus phun sum tshogs pa'i rgyu dang/ phun sum tshogs pa de
 gnyis ka'i khyad par dang /de la phyir phyogs par byed pa'i gzhi dang/ de las des par 'byung ba'i thabs las brtsams nas rig par bya'o/ /de las phyir phyogs par byed pa'i gzhi ni 'dod pa rnams ro chung ba nyid dang /nyes dmigs mang ba nyid
 yin no/ /de gnyis kyis kyang 'di ltar kun nas nyon mongs pa dang rnam par byang bar byed do/ /de las nges par 'byung ba'i thabs ni rab tu 'byung ba'i mtshan nyid nges par 'byung ba nyid dang /rab tu byung nas lus dang sems thag ring ba'i mtshan
 nyid rab tu dben pa nyid dang /rab tu dben bar gyur nas kyang mya ngan las 'das pa'i tshogs kyi mtshan nyid rnam par byang ba'i phyogs dang mthun ba'i chos dran ba nye bar gzhag ba la sogs pa rnams so/ /sbyin pa la sogs pa'i gtam rnams kyi go rimS
 ni mi rnams kyi bde ba ni longs spyod la rag las ba yin la/ longs spyod chen po yang sbyin pa'i 'bras bu yin te/ de'i phyir de rnams ni sbyin pa'i gtam kho na la dga' ba yin pas thog ma kho nar sbyin ba'i gtam mo/ /sbyin ba de yang tshul khrims med na ngan
 'gror 'bras bu smin bar 'gyur to/ gro bzhin skyes kyi mdo las/ glang po cher gyur kyang glang po che rgyan dang ldan ba thob pa yin no zhes gsungs pa lta bu yin pas de'i 'og tu tshul khrims kyi gtam mo/ /de'i 'og tu bde 'gror gyur du zin gyis kyang mi rnams
 kyi 'dod par bya ba dag ni mi gtsang ba dang/ dring ba dang/ dri bshung ba dang/ mi mthung ba dag yin la/ lha rnams kyi 'dod par bya ba dag ni 'phaD par cheS lhag pa dag dang cheS gyi no pa yin no zheS mtho ris kyi gtam mo/ /de'i 'og tu de rnams la ? chung ba dang/ nyes dmigs
 ches mang ba yin zhes 'dod ba rnams la ro myang ba dang /nyes dmigs yang dag bar rab tu bstan ba yin no/ /de'i 'og tu ro myang ba las gyur ba ni kun nas nyon mongs ba yin la/ nyes dmigs las gyur pa ni rnam bar byang ba yin no zhes kun nas nyon
 mongs ba dang/ rnam bar byang ba yang dag par rab tu bstan pa yin no/ /de'i 'og tu nyes dmigs kyis yid byung na de las nges par 'byung ba la mngon du phyogs par byed pa yin no zhes nges par 'byung ba dang /rab tu dben pa'i phan yon la sogs pa rab
 tu bstan pa yin no/ /gang gi tshe sems rangs pa dang sems nyams bde ba zhes bya ba ni gtam 'di'i phan yen yongs su bstan pa yin/ /sems dga' ba dang sems sgrib pa med ba zhes bya ba ni sems rangs ba dang/ nyams bde ba'i bshad pa yin par
 go rim bzhin te/ mchog tu dga' ba nyid dang ldan pa'i phyir dang /sgrib ba lnga dang mi ldan pa'i phyir te/ skyon med bar ni nyams bde ba zhes bya bas so/ /yang dag phul can gyi chos bstan pa kun tu shes bar bya bar skal ba dang
 ldan ba dang nus ba zhes bya ba ni sems de'i phan yon yongs su ston pa yin no/ /de la sems dga' ba nyid kyis ni skal ba dang ldan pa yin te/ dga' ba la sogs pa'i rgyu'i rim pas so/ /sems sgrib ba med ba nyid kyis ni nus pa kho na yin te/ sgrib pa nyon
 mongs pa'i gnyen po'i ting nge 'dzin thob pa'i phyir ro/ /gzhan yang skal pa dang ldan ba dang/ nus pa gnyis kyis ni rigs dang/ yongs su smin pa phun sum tshogs pa yongs su ston par rig par bya ste/ de'i tshe na de la gnyis ka phun sum tshogs pa yin no/ /riD
 ni ldan yod pa nyid yin no/ /rigs ma smos na sangs rgyas rnams kyis yang dag yul can gyi chos bstan pa ni gnyi ka la bltos pa'o zhes bstan par mi 'gyur ro/ /'phags pa'i bden pa'i gtan ni yang dag phul can te/ mthong ba dang bsgom pa'i lam gnyis
 kyis ngan 'gro ba dang 'khor ba las yang dag phul du byed ba'i phyir ro/ /mya ngan las 'das pa yang chos thams cad las mchog tu 'phags pa nyid kyi yang dag phul can yin no/ /'bras bu de dang ldan pa'i phyir yang dag phul can te/ yang 'byung ba ba'i sred pa
 bzhin no/ /'phags pa nyan thos thos ba dang ldan pas de ltar mthong na gzugs la yid 'byung bar 'gyur zhing tshor ba dang/ 'du shes dang/ 'du byed rnams dang/ rnam par shes pa la yid 'byung bar 'gyur ro/ /yid byung na 'dod chags dang bral bar
 'gyur ro/ /'dod chags dang bral na rnam bar grol bar 'gyur ro zhes bya ba ni mdo sde'i dum bu'o/ /'dir yang byung ba dang/ 'dod chags dang bral ba dang/ rnam bar grol ba rnams kyi rgyur 'gyur ba na go rim bzhin du yongs su bstan pa yin no/ /de la yid
 byung ba ni mi mthun pa nyid du 'dzin pa'o/ /'dod chags dang bral bar gyur pa ni 'dod chags dang bral ba ste de'i thob par char? go de'i thob pa la soD pa dang der mi ldan par gnas gyur pa ni rnam par grol ba'o/ /rnam grangs gzhan yang dga' ba sngon du song ba'i 'dod chags dang
 gzugs la sogs ba dag la 'dod chags sngon song ba'i sems rang dbang med par 'jug pa nyid kyi 'ching ba yod pas de'i phyir go rim bzhin du de'i gnyen po yid phyung ba la sogs pa rnams dus tha dad pa nyid ma yin yang mi mthun pa'i phyogs kyi go rimS
 kyis bshad pa yin te/ dper na ma rig pa 'gag pas 'du byed 'gag ces bya ba lta bu'o/ /gzhan yang kha cig na re bcom ldan 'das kyi chos de dag la nad nyid dang/ 'bras nyid dang /zug rngu nyid dang /sdig pa nyid dang/ mi rtag pa nyid dang/ sdug bsngal ba
 nyid dang/ stong pa nyid dang/ bdag med pa nyid du yid la byed do zhes gang gsungs ba 'di ni yang dag ba ji lta ba bzhin du lta ba yin la /de chos de dag la nang nyid nas bdag med pa nyid kyi bar du yid la byas nas chos de dag la sems skyo bar byed skrag par
 byed phyir bzlog bar byed do zhes gang gsungs pa 'di ni yid byung ba'o/ /nges chos de dag la skyo zhing skrag la phyir ldog nas 'di ni zhi ba 'di ni bya nom pa yin te/ 'di lta ste/ phung po kun spangs pa dang/ sred pa zad pa dang/ 'dod chags dang bral ba dang/
 'gog ba dang/ mya ngan las 'das pa'o zhes 'chi ba med pa'i dbyings la sems nye bar sbyor ba zhes gang gsungs pa 'di ni 'dod chags dang bral ba'o/ /des de ltar shes shing de ltar mthong ba na 'dod pa'i zag pa las sems rnam par grol bar 'gyur ro//
 srid ba'i zag pa dang/ ma rig ba'i zag pa las sems rnam par grol bar 'gyur ro zhes gang gsungs pa 'di ni rnam bar grol ba'o zhes zer te/ 'dir ji ltar mya ngan las 'daS pa yid la byed pa las 'dod chags dang bral bar 'gyur la/ phyis rnam par grol
 bar 'gyur ro zhes bya ba'i bsam pas brjod dgos so/ /byis ba so so'i skye bo thos pa dang mi ldan pas yun ring po nas byi dor byas shing zhes bya ba nas bzung ba yin no zhes bya ba'i bar ni mdo sde'i dum bu'o/ /de la byi dor byas
 ba ni phan pa'i dngos bo nye bar sgrub pa nyid kyis so/ /sngas pa ni gnod ba'i dngos po spong ba nyid kyis so/ /ci'i phyir zhe na/ bshad pa/ bdag gis byas pas so/ /ji ltar bdag gir byas ba yin zhe na/ bshad ba 'di ni bdag gi yin/ 'di nang bdag
 yin/ 'di ni bdag gi bdag yin zhes khas blangs la bzung ba yin no/ /de la khas blangs pa ni lta ba ste/ rnam pa gnyis kyis khas blangs pa'i phyir ro/ /bzung ba ni bsred ba ste/ de'i rjes su 'brang bas chags ba'i phyir ro/ /'di ni bdag gi
 yin zhes bya ba bdag gi ba'i rnam pa dang /'di ni nga bdag yin/ 'di ni bdag gi bdag yin no zhes bya ba bdag gi rnam pa ni bdag tu lta ba rnam pa gnyis bo lhan cig skyes pa dang/ kun tu brtags ba dang/ gzhan yang gzhi tha mi dad pa dang/ gzhi tha
 dad pa dang/ go rim bzhin yin pa dang /de'i rjes su mthun pa'i sred pa gnyis kyis so/ /rnam grangs gzhan yang ba'o snyam pa'i nga rgyal dang/ bdag tu lta ba gnyis kyis dang /de'i rjes su 'brang ba'i sred pa gnyis so/ /'di thams cad ni de'i rnam pa/ de'i
 rgyu nyid kyis bdag gir byas pa zhes bya'o/ /mdor na 'dis ni byis ba rnams kyi rnam par shes pa la bdag tu lta ba dang/ sred pa la log bar sgrub ba las dang bcas pa 'am/ bdag tu lta ba dang/ nga rgyal du lta ba dang/ sred ba las log par bsgrub pa
 yin par yongs su bstan pa yin no/ /ma dag ma'i klung dper brjod pa mdzad nas/ de de las bsring ba sems ba dang/ bsring ba don du gnyer ba dang/ bsring ba la brtags nas 'jog par byed do zhes bya ba ni mdo sde'i dum bu'o/ /de la bsring ba zhes bya ba
 ni thag ba sring ba'o/ /yon tan nyid du sems mngon par 'du byed pa ni sems pa'o/ /'dod pa ni rang bzhin gyis don du gnyer ba'o/ /so sor brtaD nas seMs 'jog pa ni yid la byed pa'o/ /yon tan nyid du gang bsam pa de la ni rang gi ngang gi don du gnyer
 ba 'am/ so sor brtags nas de la sems 'jog par byed do/ dper na sman ro zhim pa 'am cha ba la byed pa bzhin no/ /dge slong dag dge slong chos shes pa yang yin no/ /ji lta bu yin zhe na/ 'di la dge slong gis chos shes pa ni 'di lta ste/ mdo'i sde
 dang/ dbyangs kyis bsnyad pa'i sde dang zhes bya ba ni mdo sde'i dum bu'o/ /de la sangs rgyas kyis sam/ sangs rgyas kyis gnang ste nyan thos kyis bshad pa gang yin ba de'i don mdor gleng ba'i don gyis na mdo sde'o/ /de nyid tshigs su bcad pas phyis
 dbyangs su bsnyad ba dang bkri ba'i don gang yin ba ste dbyangs kyis bsnyad pa'i sde'o/ /lung du bstan ba'i sde ni gang las bcom ldan 'das kyis 'das ba dang ma 'ongs pa'i nyan thos la sogs pa rnams lung ston bar mdzad pa dang /nges pa'i don gang yin pa'o
 tshigs su bcad pa'i sde ni tshig gnyis dang gsum dang bzhi dang lnga dang drug tu tshigs su sbyar bas bshad pa gang yin pa'o/ /ched du brjod pa'i sde ni gang zag gi ched du gsungs pa ma yin gyi bstan pa gnas par bya ba 'ba' zhig gi phyir gang yin ba ste/ gang
 las bcom ldan 'das kyis ched du brjod pa ched du brjod par mdzad do zhes bya'o/ /gleng gzhi'i sde ni 'dul ba dang 'brel pa ste/ 'dul ba ni byung bas rab tu byi ba nyid kyis phyir te/ gang las bcoM ldan 'das kyis gleng gzhi 'di dang skabs 'di dang don dang byung ba 'di las
 bcom ldan 'das kyis 'di skad bshad pa ni 'di skad ces bya'o zhes 'byung ba yin no/ /rtogS pa brjod pa'i sde ni ring po len gyi rtogs pa brjod pa la sogs pa ste/ gang las rtogs par bya ba'i phyir dpe gzhan rgyas bar brjod ba 'byung ba yin no/ /de lta bu byung
 ba'i sde ni sngon gyi rgyu dang 'brel ba'o/ /skyes ba'i rabs kyi sde ni gang las bcom ldan 'das kyi sngon gyi byang chub sems dpa' i skyes ba'i rabs bstan pa 'byung ba yin no/ /shin tu rgyas pa'i sde ni theg ba chen po yin te/
 lung log pa gang gis byang chub sems dpa' rnams pha rol tu phyin pa bcu dag gis sa bcu dag tu yang dag par 'grub pa na stobs bcu'i rten sangs rgyas nyid 'thob pa'o/ /rmad du byung ba'i chos kyi sde ni gang las sangs rgyas
 rnams dang/ byang chub sems dpa' rnams dang/ nyan thos rnams kyis phul du byung ba bstan pa'o/ /gtan la dbab bstan pa'i sde ni gang las de kho na mthong ba rnams dang/ gzhan rnams kyis mdo sde'i don chos kyi rjes su mthun bar gtan la
 dbab par bstan pa'o/ /de nyid de'i don rnam bar 'chad pas ma mo zhes bya ste/ de las gzhan pa'i mdo sde'i don bshad pa'i rten yin pa'i phyir ro/ /chos mngon pa zhes kyang bya ste/ mtshan nyid phyin ci ma log par ston pa nyid kyi chos kyi mtshan nyid
 la mngon du phyogs par byed ba'i phyir ro/ /de ltar na sangs rgyas kyi gsungs ba yan lag bcu gnyis po 'di ni sde gnod gsum du bsdus pa yin no/ /ci'i phyir theg pa chen po la shin tu rgyas pa'i sde zhes bya zhe na/ tshig gi don gyis dang ming du
 chags pas so/ /ji ltar na tshig gi don gyis she na/ nges pa'i tshig gi tshul gyis na theg pa rgyas pa ni shin tu rgyas pa'i sde yin no/ /theg pa rgyas pa yang theg pa chen po yin te/ chen bo nyid rnam pa bdun dang ldan pa'i phyir ro/ /chen po nyid rnam
 la bdun pa chos chen po nyid ni stong phrag brgyab la sogs pa'i mdo sde'i tshad med pa dang ldan pa'i phyir ro/ /sems bskyed pa chen po nyid ni sems can thams cad kyi don bya ba'i yon tan dang skyon skye ba dang 'grib pa thabs cad kyi mthar thug pa'i
 gnas bla na med pa yang dag par rdzogs ba'i byang chub tu sems bskyed pa'i phyir ro/ /mos pa chen po nyid ni chos shin tu zab pa dang/ rgya che ba la mos pa'i phyir ro/ /bsam pa rgya chen bo nyid ni lhag pa'i bsam bdag pa'i sa la sems can thams cad la
 bdag dang gzhan du mnyam pa nyid kyi bsam pa thob pa'i phyir ro/ /tshogs chen po nyid ni sar chung pa na skad cig re re la bsod nams dang ye shes kyi tshogs dpag tu med ba sogs pa'i phyir ro/ /dus chen po nyid ni bskal ba grangs med ba gsum du yang
 dang yang du brtson pa'i phyir ro/ /yang dag par 'grub ba chen po nyid ni sems can thams cad dang mi mnyam pa'i sangs rgyas kyi sku yang dag par 'grub pa'i phyir ro/ /de lta bu ni tshig gi don gyis so/ /ji ltar ming du chags pas te na/ theg ba chen po de nyid ?
 shin tu rgyas pa'i sde zhes bya ba'i ming 'di chags so/ /mtshungs pa med pa'i sde zhes kyang bya ste/ mtshungs pa dang bral ba'i phyir ro/ /sde pa gzhan dag las ni rnam bar 'joms pa'i gtsug phung kyi sde dang /rnam bar 'joms pa chen po'i sde ste/ de ni bag chagS
 dang bcas pa'i nyon mongs pa rnam par 'jom pa'i phyir ro/ /yang 'dir rgyas pa'i phyir na shin tu rgyas pa'i sde/ /mtshungs bral de phyir mtshungs med bde yang yin/ /lta ba thams cad rnam bar 'dzom pa'i phyir/ rnam bar 'jom pI sder yang shes par bya/ /de ltar
 mdo sde'i dum bu brgya'i tshig rnams kyi don bshad pa ni tshig gi don bshad pa'i phyogs shig bstan pa'i phyir ro/ /phyogs 'dis ni blo dang ldan pa rnams kyis tshig gzhan rnam skyi don yang brtag par bya'o/ /rnam bar bshad pa'i rig pa las le'u bcas ba gnyis
 pa'o// //gzhan yang rnam pa bzhi dag gis tshig gi don rig bar bya ste/ rnam grangs kyis dang /mtshan nyid kyis dang/ nges pa'i tshig gis dang/ rab tu dbye bas so/ /de la rnam grangs ni ming gzhan yin no/ /mtshan nyid ni don gang la ming
 de yod pa'i'o/ /des pa'i tshig ni ming gi rgyu mtshan brjod pa'o/ /rab tu dbye ba ni brjod par bya ba de gzugs can dang/ gzugs can ma yin pa dang/ bstan du yod pa dang/ bstan du med? pa la sogs pa'i rnam ba rab tu dbye
 bas so/ /de ltar na tshig gi don rnam pa thams cad dang ldan pa yongs su bstan pa yin la/ so sor yang dag par rig pa'i rgyu yang byas pa yin no/ /'dul ba'i khyad par la ltas nas lan?  'ga' ni kha cig bshad par bya ste/ bcom ldan 'das kyis kyang
 lan 'ga' ni rnam grangs tsam zhig bshad de/ dper na rten cing 'brel par 'byung ba'i mdo las/ de dang de las yang dag pa ji lta ba bzhin du mi shes pa dang/ mi mthong ba dang/ mngon par ma rtogs ba dang/ mun khung dang/ kun tu rmongs pa dang/ ma rig
 pa dang/ mun pa gang yin pa 'di ni ma rig pa zhes bya'o zhes 'byung ba lta bu'o/ /kha cig las ni mtshan nyid tsam zhig ste/ dper na de nyid las rnam par shes pa'i rkyen gyis ming dang gzugs zhes bya ba la/ ming gang zhe na/ gzugs can ma yin pa'i
 phung po bzhi dag ste/ tshor ba'i phung po nas rnam par shes pa'i phung po'i bar du'o/ /gzuD gang zhe na/ gzuD gang ci yang rung ste/ de thams cad 'byung ba chen po bzhi dag dang/ 'byung ba chen po bzhi dag rgyur byas pa ste zhes 'byung ba lta bu'o/ /kha cig las ni nges
 pa'i tshig tsam zhig ste/ dper na bza' ba lta bu las gzugs shi gzugs su rung bas na de'i phyir gzugs nye bar len pa'i phung po zhes bya ba zhes 'byung ba lta bu'o/ /kha cig las ni rab tu dbye ba tsam zhig ste/ dper na ma rig pI
 rkyen gyis 'du byed rnams zhes bya ba la/ 'du byed rnams gang zhe na/ 'du byed rnams ni gsum ste/ lus kyi 'du byed dang/ ngag gi 'du byed dang/ yid kyi 'du byed rnams so/ /'du byed kyi rkyen gyis rnam par shes pa zhes bya ba la/ rnam par shes pa gang
 zhe na/ rnam par shes pa'i tshogs drug rnams te zhes 'byung pa lta bu'o/ /tshig gi don bshad zin to/ /nga ni mtshams sbyar bshad par bya'o/ /de la mtshams sbyar ba ni rnam pa gnyis te/ don snga phyi 'brel ba'i mtshams sbyar ba ni dper na dge slong
 dag 'phags pa'i chos kyi phyag rgya rtogs pa dang/ mthong ba shin tu rnam par dag pa bshad par bya'o zhes gsungs nas/ dge slong dag gang zhig 'di skad du/ bdag gis ni stong pa nyid dang/ mtshan ma med pa can dang/ cung zad med pa nyid ma
 thob par zhes 'byung ba'i mtshams sbyar ba gang yin/ de bzhin du de laS sa chen po 'di tshig par 'gyur ba dang/ med par 'gyur ba dang/ mi 'byung ba 'gyur ba gang yin pa gzhi mthong ba ma rtogs par su zhig dad par 'gyur/ su zhig yid ches
 par 'gyur/ dge slong dag sngon 'byung ba ni ston pa spyan legs zhes bya ba zhig byung bar gyur to zhes 'byung ba'i mtshams sbyar ba yang gang yin zhes bya ba la sogs pa'o/ /snga phyi nyid kyis go rim gyi mtshams sbyar ba ni dper na 'phags ba'i bden
 pa rnams las ci'i phyir 'bras bu'i 'og tu rgyu bstan la/ de bzhin du bslab pa gsum rnams laS kyang ci'i phyir tshul khrims dang ting nge 'dzin gyi 'og tu teng nge 'dzin dang shes rab bstan zhes bya ba lta bu'o/ /dper brjod ba'i mdo sde'i dum bu 'di rnams kyi
 mtshams sbyar ba ni ji ltar rig bar bya zhe na/ 'phags pa'i chos kyi phyag rgya ste rtogs par bshad par bya'o zhes gsungs nas/ dge slong dag gang zhig 'di skad du zhes bya ba ni re zhig gang zhig togs pa brjod par bzheng pa'i 'phags pa'i chos
 kyi phyag rgya de 'chad pa yin te/ 'di ni de'i mtshams sbyar ba yin no/ /gzhi mthong ba ma gtogs par su zhig dang par 'gyur/ su zhig yid ches par 'gyur zhes gsungs nas spyan legs kyi skyes pa'i rabs bstan pa ni bdag nyid la dang pa nyid du
 'gyur bar yid ches par bya ba'i phyir ro/ /don 'di ston te/ de'i tshe na yang nges nyan thos rnams la ma bslus na blta smos kyir ci dgos zhes bya ba'o/ /mi rtag pa nyid bstan pa de yang don che ba nyid dang/ rnyed par dka' ba nyid du
 yongs su bstan pa'i phyir te/ 'di ni de'i mtshams sbyar ba yin no/ /'phags pa'i bden pa rnams kyi bshad pa'i mtshams sbyar ba ni ji ltar mngon par rtogs pa bzhin du yin te/ sdug bsngal sdug bsngal nyid du mthong nas 'di ga las byung zheS
 rgyu kun tu 'tshol bar byed do/ /de nas de 'gog pa la'o/ /de nas 'gog pa'i thabs la ste/ /de ltar na nang dang/ de'i gzhi dang/ nad med pa nyid dang/ sman 'tshol ba'i tshul gyis snga ma snga ma la rnam par dpyod pa'i phyir 'phags pa'i bden pa rnams ji
 ltar mngon par rtogs pa de ltar bshad pa yin te/ 'di ni de'i mtshams sbyar ba yin no/ /bslab pa gsum rnams zhes bya ba ni 'dir tshul khrims dang ldan na sems mnyam par 'jog go/ sems mnyam par bzhag na yang dag pa ji lta ba bzhin du shes so
 zhes 'byung bas 'di ni de'i mtshams sbyar ba yin no/ /gzhan yang rgyu rnam pa bcu dag gis bslab pa rnam pa gsum dag brjod par bya'o/ /yang ni go rim de gnyis bzang po yin no/ /sdom brtson rnam pa gsum gyi rgyu nyid kyis yin te/ sdom brtson
 rnam pa gsum ni 'chal pa'i tshul khrims yang dag par sdom pa'i phyir dang/ yul la yang dag par sdom pa'i phyir dang/ nyon mongs pa yang dag par sdom pa'i phyir ro/ /tshangs par spyod pa rnam pa gsum gyi rgyu nyid kyis kyang yin te/ tshangs par
 spyod pa rnam pa gsum ni spong ba yang dag par len pa dang/ de par skabs su spong ba dang/ de gtan du spong ba'o/ /kun nas nyon mongs pa rnam pa gsum gyi gnyen pos kyang yin te/ kun nas nyon mongs pa rnam pa gsum ni sdig pa byed pa rnams kyis nyes
 par spyod ba'i kun nas nyon mongs pa dang/ de las gzhan pa'i 'dod pa can rnams kyi sred pa'i kun nas nyon mongs pa dang/ mu stegs can rnams kyi lha ba'i nyon mongs pa'o/ /ngan 'gro dang bde 'gro gnod ba dang bcas pa dang/ gnod ba med pa'i gnyen poS
 kyang yin no/ /de la ngan 'gro ni ngan song rnams yin no/ bde 'brogs gnod dbang bcas pa ni 'dod pa na sbyong ba'i lha dang mi rnam so/ /gnod ba med pa ni gzugs dang gzugs med pa na spyod pa'i lha rnams so/ /las nag po dang/ 'dres ma dang dkar po'i
 gnyen pos kyang yin te/ nag po ni sems can/ dmyal bar snad par rnam par smin par byed ba yin no/ /'dres ma ni de las gzhan pa'i 'dod khams su rnam bar smin bar byed pa yin no/ /dkar po ni gzugs dang gzugs med par rnam par smin par
 byed pa yin no/ /nyon mongs so pa'i gnas skabs gsum gyis gnyen pos kyang yin te/ nyon mongs pa'i gnas skabs gsum ni zil gyis gnod pa'i gnas skabs dang/ kun nas rgyu ba'i gnas skabs dang/ bag la nyal gyi gnas skabs so/ /de'i
 gnyen pa nyid ni dug gi ljon shing ra pas bskor ba dang gcad pa dang dbyung ba'i tshul gyis yin no/ /sdig pa dang 'dod pa dang drag po spyod ba'i gnyen pos kyang yin te/ rab tu byung bas mdza' gnyis la bsnyen par mi bya zhes bya ba la sogs ba 'byung
 yin no/ /bde 'gro dang 'jig rten pa dang 'jig rten na las 'das pa'i rnam par dag pa'i rgyu nyid kyis kyang yin no/ /ting nge 'dzin dang/ shes rab dang/ rnam par grol ba'i rten nyid kyis kyang yin no/ /gnyis 'byung ba'i rgyu nyid dang mnyam par 'jog pa dang/
 rnam par grol bar byed pas kyang yin te/ gcig gis ni gnyis skye ba'i rgyu nyid yin la/ gnyis pas ni sems mnyam par ma bzhag pa mnyam par 'jog par byed pa yin zhing gsum bas ni sems mnyam par bzhag pa rnam par grol bar
 byed pa yin no/ /bsdus pa'i tshigs su bcad pa ni/ /sdoms brtson tshangs spyod kun nyon mongs/ /'gro dang lam rnam gsum phyir dang/ /nyon mongs skabs dang spyod dang dag /rten dang byed rnam gsum phyir ro/ /mtshams sbyar ba bshad
 zan to/ /brgal ba ni rnam pa gnyis te/ sgral brgal ba dang don la brgal ba'o/ /'di lta ste/ tshe dang ldan pa shA ri'i bu bzhugs zin kyang/ shA ri'i bu khyod da gzod dang gang nas 'od 'ong/ btsun pa da gzod thabs pa'i tshal nas gdugs la mchas pa
 las mchi mchi'o zhes bya ba'i sbyor ba 'di ni da ltar byung ba bzhin du 'das pa'i dus la bya ba rigs pa ma yin no/ /de bzhin du tshe dang ldan pa gsus po che chen po rab tu shes par byed cing rab tu shes par byed pas na de'i phyir shes rab ces bya'o/ /rnam
 par shes par byed cing rnam par shes par byed pas na rnam par shes pa zhes bya ba 'di yang dngos po tsam la las dang bcas pa'i byed ba por bshad pa ni rigS pa ma yin te/ dper na 'gro ba grong du 'gro bar byed ces bya ba lta bu'o/ /'di ltar shes
 rab dang rnam par shes pa gnyis las gzhan pa gang las bltos nas de gnyis la byed pa por bshad pa'i bya ba ni 'ga' yang med do/ /de bzhin du mig dang gzugs la brten nas mig gi rnam par shes pa skye bo zhes bya ba'i sbyor ba 'di yang rig
 pa ma yin te/ byed pa po gcig pu dag la bya ba gnyis shig yod na ni dus snga ma shes kyi bya ba la de lta bu'i sbyor ba yang 'byung ste/ dper na mkhar ba la 'jus nas ldang ba lta bu 'am/ gzhan dang gzhan phrad pa la ni dper na chu brgal nas ri yod do zhes
 bya ba lta bu yin na/ rnam par shes pa ni gang zhig gis brten nas phyis skye bar 'gyur ba'i skye ba snga rol na yang med cing 'di la gzhan dang gzhan phrad pa yang med par bsams so/ /de bzhin du gzugs gang yin pa ci yang rung ste/ de thams cad 'byung
 ba chen po bzhi dag dang 'byung ba chen po bzhi dag rgyur byas pa'o zhes ni gsungs shing tshor ba gang ci yang rung ste/ de thams cad ni tshor ba'i tshogs drug go zhes ni ma gsungs la/ de bzhin du skye mched bcu gnyis rnams las bcu char dang bcu gcig pa'i
 phyogs kyang gzugs yin bzhin du gcig pu zhig gzugs kyi skye mched du gsungs pa yang mtshan nyid 'dra ba la dogs pa med par bye brag tu bshad pa ni rigs pa ma yin no/ /sgra la brgal ba ni rnam pa de lta bu yin no/ /don la brgal ba yang rnam pa
 gnyis te/ snga phyi 'gal bar brgal ba dang/ rigs pa dang 'gal bar brgal ba'o/ /de la snga phyi 'gal bar brgal ba ni dper na/ kha cig las 'di skad du sems zhes bya ba 'am/ yid ces bya ba 'am/ rnam par shes pa zhes bya ba 'byung ba gang yin pa de ni
 mtshan mo dang nyin mo de dang de dag 'das shing skad cig dang/ thang cig dang/ yud tsam de dang de dag 'das pas rnam pa du ma dang/ rnam pa sna tshogs mang po gzhan skye zhing skye la/ gzhan 'gag cing 'gag go zhes bya ba gsungs ba dang/ kha cig las yang 'di
 skad du sems zhes bya ba 'am/ yid ces bya ba 'am/ rnam par shes pa zhes bya ba 'byung ba gang yin pa de ni yun ring po nas dad pas yongs su bsgos tshul khrims dang/ gtong ba dang/ shes rab kyis yongs su bsgos pas/ che rabs phyi ma la gong du 'gro zhing
 khyad par du 'gro ba dang/ mtho ris su nye bar 'gro ba yin no zhes gsungs pa la ji ltar na sems skad cig pa tshe phyi ma la gong du 'gro bar 'gyur/ de bzhin du kha cig las 'phags pa'i bden pa bzhi dag ces gsungs pa dang/ kha cig las bram za'i
 bden pa gsum dag ces gsungs pa dang/ kha cig las bden pa ni gnyis te/ gun rdzob kyi bden pa dang don dam pa'i bden pa'o zhes gsungs pa dang/ kha cig las bden pa ni gcig kho na ste gnyis pa med do zhes gsungs pa dang/ de bzhin du kha
 cig las mi rnams kyis ni 'di na bsod nams dang/ sdig pa gang yin gnyis ka byed pa ste/ de'i bdag gir bya ba yin zhing des/ de yang khyed te 'gro bar byed pa yin zhes gsungs pa dang/ kha cig las las kyang yod rnam par smin pa yang yod la
 byed pa po mi dmigs so zhes gsungs pa de lta bu'i rang bzhin ni snga phyi 'gal bar brgal ba yin no/ /rigs pa dang 'gal bar brgal ba ni dper na gzugs gang yin pa ci yang rung ba thams cad 'byung ba chen po bzhi dag dang 'byung ba chen po bzhi dag rgyur
 byas pa'o zhes bya ba la ci 'di rdzas kyi dbang du mdzad de gsungs sam 'on te gong buAm 'on te rigs las she na/ de las cir 'gyur/ gal te rdzas las yin na ni 'byung ba dang 'byung ba las gyur pa rnams kyi so so'i mtshan nyid med par thal bar 'gyur te/
 thams cad kyang mtshan nyid thams cad du 'gyur ba'i phyir dang/ dbang po thams cad kyis 'dzin par thal bar 'gyur ro/ /'on ta gong bu las yin na gzugs 'dus pa thams cad la 'byung ba bzhi char dmigs par thal bar 'gyur na 'od dag la yang
 sra ba mi dmigs la chul yang ma yin no/ /nyi ma'i 'od la yang gsher ba med la zla ba'i 'od la yang tsha ba med do/ /nor bu'i 'od la gnyis ka med cing rdo ba la sogs pa dag la yang med do/ /brtan ba dag la zhing g.yo ba med do/ /de rnams dmiD
 pa la bgeD byed ba ni 'ga' yang med do/ /ji ltar med de/ /'byung ba gzhan shas che bas 'byung ba gzhan zil gyis non na mi dmigs te/ dper na skyur ba'i ros chu lta bu dang/ nyi ma'i 'od kyis zla ba'i 'od lta bu'o zhe na/ yod par rab tu grub na ni 'di shes par yang
 nus na yod par rab tu grub pa ma yin te/ thams cad la kha dog la sogs pa'i bye brag thams cad yod par thal bar gyur na mi rung bas so/ /'od la sogs pa gang la yang srab la sogs pa nyid yod par rab tu grub pa ma yin na/ de dag mi dmigs pa ni
 med pa'i phyir ma yin gyi zil gyis non pa'i phyir ro zhes bya ba 'di ji ltar shes par bya/ chu skyur ba btab kyang de'i ro ni dmigs pa kho na yin te/ 'dzin pa tha dad pa'i phyir ro/ /'o na ni chu dang rdol sogs pa rnams la yang rkyen gyis khyad par dang phrad pas mtshan nyid
 ltas pa'i phyir sra ba nyid dang/ gsher pa nyid dang/ tsha ba nyid dag dmigs pa yin te/ sa'i dri dag bzhin no zhe na/ mtshan nyid ltas pa'i phyir yin gyi skyes pa'i phyir ma yin pa 'di ji ltar shes par bya/ de ltad ni ha cang thal ches par 'gyur te/ reg bya gzhan
 bzhin du gzugs dang dri dang ro gzhan rnams dang/ sgra yang rkyen rnyed pas dmigs pa'i snga rol nas yod pa nyid du thal ba'i phyir ro/ /mdo sde gzhan las kyang dge slong bsam gtan byed pa yin zhing rdzu 'phrul dang ldan pa yin la/ sems la dbang thob pa yin na shing
 gi sdod pa 'di la khams gang dang gang du mos pa de yang de la de bzhin du 'gyur te gzhan du ni ma yin no/ /de ci'i phyir zhe na/ shing gi sdong po 'di la khams sna tshogs yod pas so zhes gsungs pa'o/ /de ltar rkyen gyi khyad par dang phrad na sra ba nyid la sogs
 pa dag dang rang gi khams las 'byung bar 'gyur ro/ /khams dag dum bu dag kyang ma yin te/ cha shas gcig la yang ji ltar mos pa bzhin du yongs su 'gyur ba'i phyir dang/ de la yang dum bu mdza' yas pa mi srid pa'i phyir ro/ /sa'i dri ni snga nas kyang dmiD
 pa nyid yin na chus gtor na rtas par 'gyur bar shes par nus so/ /gang zhig rkyen dang phrad pas rtas par gyur par shes par rung ba sra ba la sogs pa rnams ni rkyen med na chu la sogs pa rnams la de ltar yod par mi dmigs so/ /de bas na gong bur bshad
 pa la skyon gyi gnas skabs de nyid yin no/ /'on te rigs las so zhe na/ rgyur byas pa'i gzugs thams cad 'byung ba chen po bzhi dag rgyur byas pa ma yin bar 'gyur te/ 'dus pa kha cig las 'byung ba chen po kha cig yod par khas ma blangs pa'i phyir ro/
 de ltar na ni mdo sde dang 'gal te skye mched so so ba'i mdo sde las skye mched dgu po rnams ni re re yang 'byung ba chen po bzhi dag rgyur byas pa'o zhes bshad pa'i phyir dang/ lag pa rdob pa lta bu las kyang mig gi sha'i gong bu la
 'byung ba chen po bzhi dag yod par bshad ba'i phyir ro/ /mdor na rigs pa ni 'dir tshad ma rnams pa gsum po mngon sum dang rjes su dpag pa dang yid ches pa'i gsung ngo/ /de dag las gang yang rung bzhig dang 'gal bar brgal ba yang rig pa dang 'gal
 bar brgal ba yin par rig par bya'o/ /dper na dge slong dag gzugs 'das pa yod do/ /gzugs ma 'ongs pa yod do/ /'das ba dang/ zad pa dang/ 'gags pa dang/ bral ba dang/ yongs su gyur pa gang yin pa de yod do zhes bya ba ni mngon sum dang 'gal ba
 yin no/ /'di ltar 'das pa dang ma 'ongs pa ni med pa nyid yin par mngon sum yin te/ dper na ru spal gyi spu bzhin no/ /'das pa'ang yin la yod pa'ang yin zhes bya ba 'di snga phyi 'gal ba yang yin te/ gal te yod na ji ltar 'das pa yin/ ma 'ongs
 pa yang de dang 'dra'o/ /mdo sde gzhan las mig skye ba na gang nas kyang mi 'od la/ 'gag pa na gang du yang sogs par mi 'gro'o/ /dge slong ngag de ltar na mig gi ma skyes pa las skye zhing skyes nas kyang 'jig go zhes gsungs pas de dang 'dir 'gal ba
 yin no/ /gzugs rnams kyi nges par 'byung ba ni gzugs med pa'o zhes bya ba ni rjes su dpag pa dang 'gal ba yin te/ tshor ba la sogs pa rnams ni gzugs la rag las te skye bar mthong ba'i phyir ro/ de bzhin du sbyin pa las byung ba'i bsod nams bya ba'i
 gzhi kun tu bsten cing bsgoms te lan mang du byas na longs spyod chen po nyid 'grub par 'gyur ro zhes bya ba yang rjes su dpag pa dang 'gal ba yin te/ ser sna can la phyug pa dang/ gtong ba la dbul po yang snang ste/ ser sna can yang phyug po nyid yin pa'i
 phyir dang/ gtong ba yang dbul po nyid yin pa'i phyir ro/ /sbyin ba la goms na yang ser sna can du 'gyur bar mi 'os la sbyin pa lam goms na yang gtong ba dang ldan pa ma yin no/ /de bzhin du gang zhig skye ba'i kun tu sbyor ba ni spangs la mngon par 'grub pa'i
 kun tu sbyor ba ni ma spangs pa'i gang zag yod do zhes bya ba yang rjes su dpag pa dang 'gal pa yin te/ gang zhig sa gang du skye ba'i srid ba las 'dod chags dang bral ba yin no/ /dge bsnyen gyi bslab pa'i gzhi lnga zhes bya ba so so'i tshig gi don rab tu dbye
 bshad pa de las chang 'thung ba bcas pa'i kha na mtho ba dang bcas pa yin no zhes bya ba ni lung dang 'gal ba yin te/ lus kyi nyes par spyad pa rnam pa bzhi ste/ srog gcod pa nas myos par 'gyur ba'i khu ba chang 'thun pa yin no zhes bya pa'i bar du
 'byung bas bcas pa'i kha na mtho ba dang bcas pa la ni nyes par spyod pa yin no zhes mi brjod do/ /de bzhin du shing tu rgyas pa'i sde ni theg pa chen po yin no zhes gang bshad pa yang lung dang 'gal ba yin te/ kha cig na re mdo sde'i le'u grangs rgyas pa rnams ni
 shin tu rgyas pa'i sde yin gyi theg pa chen po ni ma yin no zhes zer te/ ci'i phyir zhe na/ de ni sangs rgyas kyi gsung ma yin no/ /ji ltar sangs rgyas kyi gsung ma yin zhe na/ 'gal ba'i phyir te/ de ni sde ba thams cad la grags pa'i sangs rgyas kyi gsung dang 'gal
 ba? yin no/ /'di ltar de las ni chos thams cad ni rang bzhin med pa/ ma skyes pa/ ma 'gags pa/ chos thams cad mi gzod ma nas zhi ba/ rang bzhin gyi yongs su mya ngan las 'das pa zhes bya ba dang/ de bzhin du rab 'byor gzugs ni dngos po med do/ /rab
 'byor byang chub kyi bar du yang dngos bo med do zhes 'byung la/ sde pa thams cad la grags pa'i sangs rgyas kyi gsung las ni bcom ldan 'das kyi ma rig pa gang zhe na/ gang de dang sngon gyi mdza' me sheS pa zheS pa rgyas par 'byung ba nas/ rga shi'i bar du chos rnams kyi rang
 bzhin yang bstan/ 'di yod pas 'di 'byung/ 'di skyes ba'i phyir 'di skye/ mig dang gzugs la brten nas mig gi rnam par shes pa skye/ 'du byed 'di dag thams cad ni 'das pa zad pa 'gags pa bral ba yongs su gyur pa'o/ /kye ma 'du
 byed rnams mi rtag /skye zhing 'jig pa'i chos can yin/ /skyes nas 'jig par 'gyur bas na/ /de dag nye bar zhi ba bde/ /dge slong dag 'di lta ste/ 'du byed rnams ni sdug bsngal ba'o/ /mya ngan las 'das pa ni zhi ba'o zhes bya ba dang/ rgyu kun/
 'byung ba las sdug bsngal kun 'byung ba yin la/ rgyu 'gags pa las sdug bsngal 'gog pa yin no/ /rgyu dang bcas pas bde 'gror 'gro/ rgyur bcas nyid kyis ngan 'gror te/ /rgyu dang bcas pas mya ngan 'da' / /'di kun rgyu dang bcas las 'byung zhes bya ba dang
 de bzhin du gzugs ni mi rtag pa sdug bsngal ba 'gyur ba'i chos can no zhes bya ba dang/ 'jig rten na mkhas pa rnams kyi yod bar 'dod ba gang yin pa la ni nga yang yod par smra'o zhes bya ba de lta bu la sogs pa 'byung bas skye ba la sogs pa yang bstan to/ de'i
 phyir rab tu grags pa'i sangs rgyas kyi gsung dang 'gal bas theg pa chen po ni sangs rgyas kyi gsung ma yin no/ /de bas na shin tu rgyas ba'i sde ni theg pa chen po yin no/ /zhes bya ba ni lung dang 'gal ba yin no/ /brgal ba'i tshul ni de yin no/ /de la re zhig
 sbyor ba ni da ltar byung ba bzhin du 'das pa'i dus la bya ba rigs pa ma yin no zhes gang smras pa de la lan ni 'di yin te/ sbyor ba ni da ltar byung ba bzhin du don mang po zhig la 'byung ste/ ma zin nyid dang nye ba nyid/ /nus dang rgyun mi 'chad nyid dang/ /de dang chos nyid
 yang dang yang/ /srid dang 'dod rdzogs rnams la 'byung/ /ma zin pa nyid la ni re lde byed do zhes bya ba lta bu'o/ /da ltar byung ba dang nye ba nyid la ni gang nas 'ongs so zhes bya ba lta bu'o/ /nus pa nyid la ni lan cig smras pas 'dzin to zhes bya ba lta bu'o/ /rgyun mi 'chad pa nyid
 la ni de ni sha za'o zhes 'byung ba lta bu'o/ /de'i ngang can nyid la ni rten? srun pa ni sos za'o zhes bya ba lta bu'o/ /de'i chos nyid la ni skyes pa thams cad ni mchi'o zhes bya ba lta bu'o/ /yang dang yang nyid la ni mtshan mo zhing lud pa lu'o zhes bya ba lta bu'o/ /srid pa la ni rwa
 las 'dam bu skye zhing zhes bya ba lta bu'o/ /'dod pa la ni su skom 'thung zhing zhes bya ba lta bu'o/ /rdzogs pa la ni bram ze 'di ni rig byed bzhi 'don to zhes bya ba lta bu'o/ /de bas na 'das pa yin yang mdo sde las 'byung ba'i sbyor ba ni de ltar byung ba dang/ nye ba
 nyid yin pa'i phyir da ltar byung ba bzhin rig par bya'o/ /dngos po tsam la byad pa por bshad pa ni mi rung ste/ bya ba gzhan mi srid pa'i phyir ro zhes sdus? pa gang yin pa de yang dngos po zhes bya ba 'di ni ci zhig yin/ byed pa po na gang zhig yin/ ji ltar na byed
 pa po nyid du bshad pa yin/ dngos pho zhes bya ba ni bya ba yin la de la rang dbang yod pa gang yin pa de ni byed pa po yin te dper na 'gro ba ni bya ba yin la de la rang dbang yod pa lhas byin de ni byed pa po yin no/ /de byed pa po nyid du bshad pa ni 'gro bar byed ces
 bya ba de lta bu yin no zhe na/ 'o na sa bon las myu gu 'byung bar byed do zhes bya ba gang yin pa'i dngos po de la ji ltar byed pa po nyid du bshad/ byed do zhes bya ba gal te/ rang yod gsal byed yin na de nyid dngos/ /yod de'ang bdog go zhes ni ji skad bya/ ji ltar rang la
 gsal byed 'byung ba las bcas 'gyur/ /las dang byed po ma des rang 'dzin skyon der 'gyur/ /byed do zhes bya ba ni mi 'jig yin par min/ /yul gzhan du grib ma 'gro bar byed do/ /me 'bar zhing 'gro bar byed do zhes bya ba gang yin pa 'di la/ ci de gnyis
 la bya ba 'am/ rang dbang yod pa 'ga' zhig yod dam/ ci ste med na/ grib ma ni yul gzhan du 'pho ba med de/ de'i rgyu 'dug bzhin du yang nyi ma 'khor ba dang rgyang ring ba dang nye ba las de 'khor ba dang che ba dang chung bar 'gyur ba'i phyir ro/ /de nyid kyi phyir rang dbang
 yod pa ni med do/ /grib ma yang ci zhig yin par brjod par bya ba zhe na/ gang gis yul nyi ma dang bar du tshod ba na gzugs yod pa rnams gsal bar byed pa'o/ /me 'bar ba yang mi 'pho ste/ bud shing gi rang gi phyogs bsregs nas de nyid du 'chi ba'i
 phyir la/ bud shing gi phyogs tha dang pa las mchod pa dang/ 'bri ba dang/ rno ba dang/ zhan pa dag gis de tha dad pa'i phyir ro/ /de'i phyir rang dbang yod pa ni med do/ /rnam par shes pa yang gang gi rnam par shes pa'i bya bar brtag pa gang zhig gi rang dbang yod de/
 'di lta ste/ dbang po dang yul snang bar gyur pa dang yid la byed ba'i khyad par gsum las gzhan rnam par shes pa skyed bar nus pa ni ma grub la/ de rnams ni gcig la gcig bltos pa'i de la rang dbang yod pa nyid ga la yod/ de'i phyir rnaM par sheS pa ni gang gi bya ba ni
 ma yin no/ /rkyen gsum las rnam par shes pa zhes bya ba'i rdzas skye la/ bya ba med par yang yul gang la skye ba de'i rnam par skyes pas na de rnam par shes par byed do zhes bya ste/ dper na grib ma 'gro bar byed do/ /me 'bar zhing
 'gro bar byed de zhes bya ba bzhin no/ gal te de gnyis la bya ba med kyang bya ba ni yul re re skye bar/ khong du chud ba rnams kyis bsams nas grib ma 'gro bar byed do/ /ma 'bar zhing 'gro bar byed do zhes brjod par byed kyi/ rnam par shes pa la ni
 bsams pa'i bya ba 'ga' yang med do/ /de bas na 'di ni mi 'dra'o zhe na/ khong du chud pa rnams kyis kyang 'gro bar byed do zhes zer bas/ de bas na bsam pa'i bya ba med par yang dper na grib ma dang me 'bar zhing 'gro bar byed do zhes bya ba de bzhin
 du rnam par shes pas rnam par shes par byed do zhes bshad pa 'di yang mi rigs pa ma yin no/ /gal te de lta yin du zin gyis kyang smra ba'i tshul de ni mtshan nyid med pa yin no zhe na/ mtshan nyid ji lta bur ji ltar byA ka ra na las 'byung
 ba'i mtshan nyid bzhin te/ dngos po dang byed pa dang bzhi la rnam par shes pa zhes bya ba 'di 'byung ngo zhe na/ byA ka ra Na'i nang du brjod pa dang/ brjod par bya ba ril gyis ma shes par sgra rnams kyi mtshan nyid byas pa 'byung ba gang yin pa sus nyes/ byA
 ka ra cha zhes bya ba yang rig byed yan lag yin la/ rig byed nyid kyang nyes par bshad pa yin na/ byA ka ra Na lta ci smes/ de las sgra rnams kyi skad kyi mtshan nyid smras pa de la 'phags pa 'am/ 'jig rten gyis kyang rjes su bsnyag par cig nus re skran/
 'jig rten na yang tshig gi tshul de yod do// //bam po drug pa/ /gang gi yon tan dang ni skyon dag rtogs par mi byed pa de blo zhes ji skad bya/ rmongs pa med par gang gis yid la bdo bar mi byed pa de bde zhes ji skad bya/ gang gi de nyid
 shes pa'i shes rab kyi ni 'gro ba'i skye dang 'jig thob nyung thos kyang/ /yul mi nyung la 'jug pa'i blo can de ni 'jig rten dag na shes rab can du 'dod/ /gang gi blo ni mang du thos kyang skye ba shes par mi byed 'jig pa mi byed de/ snoD gtaM dag byas kyang 'khor
 ba 'jigs pa mang po dag las grol bar mi 'gyur ro/ /gang gis tshigs gi snying ni sdud nus dang/ /blos phra'i don mthong spyod pa thabs ldan pa/ /de ni skyes bu'o de las gzhan pa phyugs/ /byA ka ra Na las kyang 'di ma nges par smras pa yin te/
 mang du 'dren pa yin no zhes bshad pa'i phyir de ni mtshan nyid med pa yang ma yin no/ /gzhan yang byA ka ra Na de las byed pa po ni rang dbang yod pa'o zhes gang smras pa'i rang dbang yod pa zhes bya ba de ci zhig yin/ cir shig rang dgar?  'jug pa
 yin nam/ 'on te gzhan la mi bltos par 'jug pa yin/ de cir 'gyur zhe na/ rang dgar 'jug pa rang dbang yod min na/ sems dpa' med pa byed por mi 'gyur ro/ /de'i phyir mes sreg par byed do/ /shing gi 'tshed bar byed do zhes byed pa por tha snyad
 gdags par mi rung ste/ de gnyis la 'dod pa med pa'i phyir ro/ /gang zhig gnyid log dbugs ni 'byin pa dang/ mi 'dod pa gzhin du sdug bsngal myong byed ba/ /de yang byed pa por mi 'gyur te/ 'dod pa med par dbu? nas? dbyung
 ba'i phyir dang/ mi 'dod bzhin du sdug bsngal myong ba'i phyir ro/ /gal te gzhan la mi bltos 'jug yin na/ /gru 'gro ba dang ljon shing 'gul ba dang/ /ma byung ba dang bum pa dag dang ni/ /chu gnas zhes bya rigs pa ma yin no/ /'di ltar
 'phrul bar byed pa la ma bltos par ni gru 'gro ba yang med la ljon shing 'gul ba yang med do/ /skye ba'i rgyu las? bltos par me 'byung ba yang med la/ gzhi lam bltos par chu gnas pa yang med do/ /gal te de lta yin du zin kyang gru? ni rten? du
 gyur ba nyid kyi sa rang gi bya ba dag lta ltos pa med par 'jug go de sta bas na de ni de la rang dbang yod pa yin no/ /lhag ma rnams la yang de bzhin du sbyar ro zhe na/ de la byung ba'i phyir na rten gyur ba'i/ /de yang de dang gzhan dang 'brel phyir ro//
 'di ltar de de la 'byung ba gang yin pa'i gru de bya ba dag la rten du gyur bar brtag grang? na/ de yang de dang rgyu gzhan dang 'brel pa las 'byung ba'i phyir ji ltar de la rang dbang yod pa nyid du 'gyur/ bya ba gang byung ba ni de la gnas pa'i phyir de la gnas
 pa na gru dang rang dbang yod pa nyid yin no zhe na/ gang la de rang dbang yod pas de'i tshe de la ci zhig byar yod/ skye ba yang skye ba po'i bdag nyid du gyur pa yin na de de'i rten du ji ltar rigs/ /bdag nyid du gyur ba yang de las 'byung te skan/ skye ba
 yang skye ba thug pa med par gyur pas ha cang yang thal ches bar 'gyur ro/ /'o na brjod par 'dod pa de'i byed pa po rnams kyi sbyor bar 'gyur te/ gang gi tshe gru 'gro ba la rang dbang yod pa nyid du brjod par 'dod pa de'i tshe gru 'gro'o zhes bya ba'i sbyor
 bar 'gyur ro/ /gang gi tshe bdag nyid thob pa la rang dbang yod pa nyid du brjod par 'dod pa de'i? tshe de byung ngo zhes bya ba'i sbyor bar 'gyur? ro zhe na/ gal te brjod par 'dod ba las yin pa na gru 'dren pa na 'gro'o zhes zer ba ni gzhan gyi dbang nyid dam
 rang dbang yod pa nyid dam?/ ci zhig tu brjod par 'dod/ de bzhin du 'byin par byed pa na me 'byung ngo zhes bya ba yang ci zhig brjod bar 'dod pa yin/ smras pa/ gnyi ga yin no zhe na/ mtshan nyid med bzhin du yang mkhas pas ci dgar byed pa po rnams sbyar bar
 rung ngam/ smras pa rung ste/ 'di ltar nges ba'i tshig gi chos nyid kyis rang gi mtshan nyid 'dzin pas na chos zhes bya'o zhes bya ba de la byed pa po dang las dang bya ba'i dbye ba yang med la/ brjod par 'dod pa la ni de'i sbyor bar 'gyur ro zhe na/ gal te rung na
 byed pa po dang/ bya ba'i dbye ba med kyang rnam par shes par byed bas na rnam par shes pa'o zhes bya ba 'di yang ci'i phyir mi rung/ ci'i phyir na 'di la byed pa po med bzhin du brjod par 'dod ce na/ rnam par shes pa tsam la byed pa po nyid du tha snyad
 'dogs kyi bdag tu lta bas kun tu brtags pa'i byed pa po ni 'ga' yang yod pa ma yin no zhes bstan pa'i phyir ro/ /ji ltar rnam par shes par byed pas na rnam par shes pa'o zhes bya ba de bzhin du rab tu shes par byed bas na shes rab po zhes
 bya ba yang rig par bshad pa yin no/ /'jig rten na khyim gyi grwa zhum mo grwa rlos so/ /sgo 'di yul bcom brlag tu 'byung ngo/ /lam 'di yul bcom brlag tu 'gro'o zhes gang ji skad zer ba yang de dag la brjod par 'dod pa byed pa po 'ga' yang ci
 zhig yod de/ de lta bas na brjod par 'dod pa byed pa po med par yang byed pa po nyid du bshad pa ni legs pa yin no/ /mig dang gzugs la brten nas mig gi rnam par shes pa skye'o zhes bya ba de lta bu'i skyes ni byed pa po gcig la bya ba gnyis yod
 pa'i dus snga ma shos kyi bya ba la 'byung ba yin no zhes gang smras ba de ci khyed 'dod pa ma yin nam/ 'on te 'jig rten na /de ltar mthong ba yin/ smras pa 'jig rten na de ltar mthong ba yin no zhes na/ 'jig rten na ni gzhan du yang
 mthong ste/ 'di ltar de lta bu'i sbyor pa ni byed pa po tha dad ba la yang mthong ste/ dper na mar 'thung nas stobs 'byung ngo/ /seng ge mthong nas 'jigs pa 'byung zhes bya ba lta bu yin no/ /de bzhin du skar rgyal skyes sam/ rgyal la skyes gang yin pa
 de'i mig de la brten nas rnam par shes pa skye'o zhes bya bar 'gyur ro/ /dus snga ma shos ma yin pa la yang mthong ste/ dper na kha gdangs nas nyal zhes bya ba 'am/ mig btsums nas nyal zhes bya ba lta bu'o/ /ci kha gdangs nas sam/
 mig btsums nas dus phyi ma la nyal ba ma yin nam zhe na/ mi rung ste/ ji ltar sngar khrus byas nas phyis za ba lta bur sngar kha gdangS ba 'am/ mig 'dzums par byed la/ phyis nyal ba'i don 'dir ni khong du chud par mi 'gyur ro/ /'on kyang kha gdangs
 pa 'am/ mig 'dzums pa ni nyal ba dang dus mnyam du 'byung ba yin par mngon te/ 'dir kha gdangs nas phyis nyal bar byed pa gal te kha ma gdangs na kha gdangs nas nyal bar byed ces bya bar mi 'gyur ba'i phyir ro/ /de bzhin du 'od ldan
 rnams ni 'od dag gis/ /'jig rten bkang nas de shar to/ /gang gi cha shas zhugs nas kyang/ nang na yod pa'i mun pa bsal/ /zhes bya ba lta bu ste/ de ni 'gangs pa 'jug par byed pa phyis 'char ba 'am/ sel ba yang ma yin no/ /de
 bzhin du khar ba khrol zhes zer nas ltung zhes bya ba lta bu ste/ de yang sngar khrol zhes zer la phyis ltung ba yang ma yin te/ khar bar ltung ba na sgra khral zhes zer te/ brgya ba'i phyir ro/ /de lta bu'i sbyor ba ni rgyu'i don la yang mthong ste/ dper na bud
 shing la brten nas me 'byung til la brten nas til mar 'byung sprin la brten nas 'char pa 'bab ces bya ba lta bu ste/ mes sbar bud shing la'am/ til mar gyis til la brten cing phyis 'byung ba yang ma yin la/ char bas kyang sngar sprin la brten te
 phyis 'byung ba yang ma yin te/ rgyu de nyid kyis ji skad smos pa bzhin du 'byung bar mngon na/ /gzhan yang gang la snga phyi bya ba dmigs pa de kha cig la de lta bu'i sbyor ba'i rgyu'i don nyid du mthong ste/ dper na mar 'thungs nas stobs dang ldan par
 'gyur ro zhes bya ba lta bu ste/ 'di ltar mar 'thungs pa dang stobs dang ldan pa dag med ltar khrus bya ba dang/ zas za ba dag ltar snga phyi tsam du rtogs par bya ba ma yin gyis/ mar 'thungs pa'i rgyu las stobs dang ldan pa nyid 'byung bar shes
 par bya'o/ /de bzhin du mig dang gzugs kyi rkyen gyis mig gi rnam par shes pa skye ba na mig dang gzugs la brten nas skye'o zhes bya 'o/ /bcom ldan 'das kyis don de nyid gsal bar mdzad pa na 'di skad ces bka' stsal te/ rten cing 'brel ba
 'byung ba gang zhe na/ 'di lta ste/ 'di yod pas 'di 'byung/ 'di skyes pa'i phyir 'di skye ste/ 'di lta ste/ ma rig pa'i rkyen gyis 'du byed rnams zhes bya ba de lta bu la sogs pa bka' stsal pa/ sbyor ba 'di ci nas kyang rgyu'i don kho na yin par shes par
 bya'i/ /dus snga ma shos kyi bya ba'i don du ni ma yin no/ /re zhig 'di yang spang par bya ste/ gang gi tshe rnam par shes pa skye ba de'i tshe ci rnam par shes pa yod dam 'on te med/ des cir 'gyur zhe na/ gal te yod na de'i tshe de skyes pa nyid yin pas yang ji
 ltar skye/ byung ba ni skyes pa yin gyis yod pa ma yin no zhes na /gang gi tshe de zhig pa'i tshe skyes pa yin par 'gyur ro/ /nges pa'i tshig las kyang yod pa zhes bya ba ni sems can skyes pa nges par bzung ba la bya'o zhes bshad bas de yang
 'gal lo/ /gal te yang yod pa me skyes pa zhig yin na skye ba'i snga rol na yod pa zhes bya bar 'gyur ro/ /de'i phyir brten nas zhes bya ba yang grub po/ yang skye ba'i tshe yang ma skyes pa yin te/ skye ba'i 'og tu rnam bar
 shes pa skyes pa yin no/ /de'i tshe yang de zhig pa kho na yin pas gang gi tshe zhig pa de'i tshe skyes pa yin par 'gyur ro/ /'on te med ba zhig yin na ji ltar de med kyang skye ba de bzhin du skye ba'i snga rol nas med kyang brten naS zheS bya bar 'byung bar yang ci'i
 phyir mi 'dod na yang yod pa dang med pa zhes bya ba thal ches pa'i tshig mang po bor te/ ci de'i tshe rnam par shes pa rnam par shes pa'i bdag nyid kyis bdag tu bcas pa yin na/ bdag med pa yin zhes dbyad par bya'o/ /gal te bdag du
 bcas pa yin na/ de'i tshe skyes pa nyid yin pas yang skye bas ci zhig bya/ 'on te bdag med pa yin na ji ltar de bdag med par skye ba dag la byed pa po yin pa de bzhin du brten nas zhes bya ba yang grub pa yin no/ /re zhig skye zhes bya ba'i don 'di
 ci yin/ /'byung bar byed ces bya ba'i tha tshig go zhe na/ 'byung bar byed ces bya ba gang yin pa des ci zhig byed na 'di ltar byed pa por brjod/ skye bar byed do zhe na/ gal te skye ba bskyed bar bya ba'i bdag tu gyur pa yin na ji ltar rang la byed/ 'on te
 bdag tu gyur pa ma yin na ni de de las logs shig na mi dmigs so/ /yang na don gang gis na de byed ces bya/ byed pa la rang gi don ni 'ga' yang med de/ 'di ltar bde ba byed ces ba ni skyed ces bya bar rtogs so/ /kha spu byed ces bya ba ni
 'dreg par byed ces bya bar rtogs so/ /rkyal pa la byed ces bya ba ni nyid par byed ces bya bar rtogs so/ /gla byed ces bya ba ni gla byin nas 'tshol bar byed ces bya bar rtogs so/ /spyad du 'babs byed ces bya ba ni 'jog par byed ces bya
 bar rtogs so/ /pha'i tshig bzhin byed ces bya ba ni nges smras ba bzhin du sgrub par byed ces bya bar rtogs so/ /skabs byed ces bya ba ni sgrib pa sel bar byed ces bya bar rtogs so/ /de lta bas na skye ba'i byed pa po'i byed ces bya ba'i don brjod bar bya dgos so//
 gal te skyed par byed pa'i don yin no zhe na/ skye ba lang skye bar 'gyur bas de la yang skye ba gzhan yod de/ /thug pa med pas ha cang thal ches par 'gyur ro/ /yang na skye ba'i rag rus pa ci zhig yod na gang gi phyir skye bar byed ces bya/ /de lta bas na bya ba
 med na yang bdag nyid thob ba tsam la byed po bzhin du rnam par shes ba skye'o zhes bya brkyen rnyed pa tsam la brtan nas zhes bya ba bshad pa yin te/ 'di la bya ba 'ga' yang med la byed pa po yang mngon byed pa po gcig pu nyid lta
 ga la yod/ /de lta bsan brtan nas skye zhes bya ba'i sbyor ba 'di ni rigs pa kho na yin no/ /mtshan nyid 'dra ba la dgos ba med par bye brag tu bshad pa ni rigs pa ma yin no zhes gang bshad ba de ni dgos pa med ba ma yin de/ 'di ltar gzugs de la gang
 ci yang rung ba zhes bya ba bshad pa ni gzugs kyi don du mar rab tu bstan pa'i phyir ro/ /'di ltar gzugs kyi don ni rnam pa gsum ste yul brtag tu rung ba'i don dang/ lag pa la sogs pa'i 'dus te reg pa dag gis 'gyur ba skyed
 par gzugs su rung ba'i don dang/ gzugs kyi de gdags pa gzugs su rung ba'i don yin te/ 'di ltar bstan du yod pa'i gzugs 'di ? phag na'o? zhes yul brtag tu rung ba'i phyir gzugs yin pa dang/ thogs pa dang
 bcas pa'i gzugs lag ba la sogs pa'i 'dus te reg pa dag gi 'gyur ba bskyed pa gzugs su rung ba'i phyir gzugs yin pa dang/ bstan du med cing thogs pa med pa'i gzugs lus dang
 dag gi rnam par rig byed ma yin pa zhes bya ba gzugs kyi de gdags pa gzugs su rung ba'i phyir gzugs yin no/ /'di ltar de ni lus dang ngag gnyis med na gdags su med pa yin te/ gzugs med pa na de gdags pa med
 ba'i phyir ro/ /rnam par rig byed ma yin pa'i gzugs yod pa nyid du ji ltar shes par bya zhe na/ gang gi phyir skye mtshang so so pa'i mdo las chos kyi skye mched bstan du med cing thogs pa med ba zhes ni gsungs kyi gzugs can ma yin pa zhes ni ma
 gsungs ba yin la/ yang 'di ltar glang po che'i stabs lta bu las chos kyi skye mtshang bstan nas/ de la chos gzugs can gang dag yin pa 'di ni gzugs kyi phung po yin no zhes gsungs pa yin te/ rnam par rig byed ma yin pa bor na chos
 kyi skye mched du gyur ba chos gzugs can gang dag yod/ gzugs can 'das pa dang ma 'ongs pa gang yin pa dag chos yin pa de ltar ci'i phyir mi 'dod ce na/ skye mched so so ba'i mdo dang 'gal te/ chos kyi skye mched ni skye mched bcu gcig
 gis ma bsdus pa bstan du med cing thogs pa'o zhes 'byung la/ mig la sogs pa 'das pa dang ma 'ongs pa dag ni ji ltar rigs par bstan du yod cing thogs ba dang bcas pa'i phyir ro/ /yang na gzugs nyid du yang 'dod par mi bya ste/ 'di ltar
 de dag ni de'i tshe gzugs su med bas so/ /skye mched bcu bo dag kyang dus gsum pa nyid du mi 'gyur te/ mig la sogs pa 'das pa dang ma 'ongs pa dag ni chos kyi skye mched yin pa'i phyir ro/ /de bzhin du gzugs kyi skye mched mang po dag las gcig
 gzugs kyi skye mched dag tu gsungs pa yang skye mched rnam pa bcu gnyis kho nar rnam par bzhag pa'i phyir ro/ /de rnam par bzhag pa yang yul can dang yul nyid du gnyis gnyis 'brel bar rab tu bstan pa'i phyir/ /yid kyi skye mched dang chos kyi skye
 mched kyi phyogs gcig gi gzugs yul ni thams cad yin pas gnyis su nges pa nyams ma yin nam zhe na/ 'o na de lta na ni dbang po drug gi dbang du mdzad nas 'brel par rab tu bstan pa'i phyir te/ dbang po 'di'i yul ni 'di kho na yin gyi gzhan ni ma yin no zhes gnyis
 tshan lnga dag dang/ dbang po 'di kho sgra'i yul ni 'di yin gyi gzhan gyi ma yin no zhes gnyis tshan drug pa yin no/ /dbang po lnga bo dag kyang dbang po drug pa kho na'i yul yin pas gnyis tshan drug par nges pa yang nyams ma yin nam zhe na/ 'on ni dbang po gang kho ni 'gul?
 kho na gang yin pa'o zhes gnyis tshan drug pa yin no/ /de ltar na dbang po lnga po dag ni chos kyi skye mched nyid yongs spangs pa yin no/ /'di ltar de dag ni yin kyi yul 'ba' shig ma yin gyi rten gyi rten yang yin te/ yid ni rnam par shes pa'i tshogs drug gi mtshan nyid yin
 pa'i phyir ro/ /sdus pa'i tshigs su bcad pa/ dbang po gang gi don gang de nyid/ /in pa gnyis tshan lnga dag go/ gang nyid kyi ni don nyid gang/ /gnyis tshan skye mched dug pa yin/ /gal te mig la sogs pa lnga po dag chos kyi skye mched nyid 'gyur na cir 'gyur zhe na/ skye mched
 so so ba'i mdo las dge slong dge chos phyi'i skye mched ni skye mched bcu gcig dag gis ma bsdus pa bstan du med cing thogs pa med pa'o zhes nges bar mdzad pa mi mdzad par 'gyur ro/ /sems ni skad cig pa zhes bya ba yin la/ gong du 'gro ba yang yin no zhes gang
 gang gsungs ba yang de'i rgyun la dgongs nas gsungs pa'i phyir 'gal ba med de/ /grib mdang med 'bar ba 'gro bzhin no// bden pa rnam bzhi dang/ gsum dang / gnyis dang/ gcig ces grangs tha dad
 par gsungs pa gang yin pa der yang dgongs pa tha dad pa'i phyir 'gal ba yang med de/ kun nas nyon mongs pa dang
 rnam par byad pa'i phyogs gnyis mdod bsdus na rgyu dang 'bras bu phyin ci ma log pa nyid yin par dgongs te bden pa bzhi dag tu gsungs pa yin no/ /ming gi zab ze rnams mngon par mtho ba'i rgyu'i skabs
 su las dang las kyi 'bras bu dang bdag ni de'i bdag po yin pa'i dbang du byas nas go rim bzhin du mchod sbyin rnams la sems can de dang de dag ni gsang par bya ba yin no zhes bya ba dang/ 'jig rten rtag pa pa dag 'thob po zhes bya ba dang/ de'i
 'bras bu bdag la 'byung bas bdag ni de'i 'bras yul zab yin no zhes bram ze'i bden pa gsum dag tu rnam bar 'jog par byed do/ /de yang don yang dag pa'i bram ze rnams la brdzun pa yin no/ /bzlog na ni bden pa yin pa'i phyir de la dgongs nas bram
 ze'i bden pa gsum du gsungs so/ /'jig rten pa'i shes pa ma 'khrul pa'i yul dang 'jig rten las 'das pa'i shes pa'i yul la dgongs nas bden pa gnyis po kun rdzob kyi bden pa dang/ don dam pa'i bden pa gsungs so/ /brjod pa ni kun
 rdzob yin pas des khong du chud par bya ba'i bden pa ni kun rdzob kyi bden pa yin te/ gang la brjod par 'jug pa ste/ dper na rkang pa gnyis brkal bar bya ba'i 'bab stegs la rkang pa'i 'bab stegs zhes bya ba dang/ ko grus brgal par bya ba'i 'bab
 stegs la ko gru'i 'bab stegs zhes bya ba lta bu'o/ /'jig rten las 'das pa'i ye shes dam pa yin no/ /de'i don yin pas don dam pa ste/ de'i yul gang yin pa'o/ /ston pa rnams kyi lugs tha dad pa la dgongs nas bden pa ni gcig kho na ste
 gnyis pa med do zhes gsungs pa yin te/ 'di ltar gnyis phan tshun 'gal bdag ni bden par bya ba ni mi nus so/ /de lta bas na dgongs pa tha dad pa'i phyir bden pa rnams la grangs tha dad par bstan pa la snga phyi 'gal ba med do/ /kha cig las/
 mi rnams kyis ni 'dzin bsod nams dang/ /sdig ba gang yin gnyis ka byed pa de zhes gsungs pa dang/ kha cig las byed pa po mi dmigs so zhes gang gsungs pa gang yin pa der yang dgongs pa tha dad pa'i phyir 'gal ba med de/ 'di ltar bung po'i rgyud
 gang la mi rnams zhes bya ba de la de gnyis kyi rgyu yod cing de kho na la de gnyis kyi 'bras bu 'byung bas 'di las dgongs nas/ mi rnams gyis ni 'di na bsod nams dang/ sdig pa gang yin gnyis ka byed pa de/ /de'i bdag gir bya ba yin zhing des/ /de
 yang khyer te 'gro bar byed pa yin/ zhes gsungs pa yin no/ /bdag tu lta bas kun tu brtags pa'i byed pa po rang dbang yod pa la dgongs nas ni byed pa po mi dmigs so zhes gsungs pa yin gyi rgyu tshogs pa'i mtshan nyid las ni ma yin te/ 'di ltar
 gang zhig phung po 'di dag 'dor zhing phung po gzhan dag tu mtshams sbyor bar byed pa'i zhes khyad par du mdzad pa yin no/ /de bas na dgongs pa tha dad pa'i phyir snga phyi 'gal ba med do/ /'dir yang bshad pa/ ras bal gyis ni sa bon dang/ ma tu
 lung ga'i me tog la/ rgya skyegs kyis ni kha bsgyur na/ tshon de nub par gyur kyang ni/ /rgyud pa bsgoms pa'i rim pa las/ /ras bal ze ba dmar skye ltar/ /las rnams nub kyang de'i 'bras bu/ /skye la de yi chos nyid do/ /gzugs gang yin pa ci'ang
 rung ste/ de thams cad 'byung ba chen po bzhi de ga dang 'byung ba chen po bzhi dag rgyur byas pa'o zhes bya ba 'di la ci rdzas kyi dbang du mdzad de gsungs sam/ 'on te gong bu 'am/ rigs las zhe na zhes smras pa gang yin pa yang rigs kyi dbang du
 mdzad nas gsungs pas 'di la ji skad smras ba'i nyes pa med de/ de kho na bzhin du khas blangs pa'i phyir ro/ /de lta na ni mdo sde dang yang mi 'gal te/ skye mched so so ba'i mdo sde las skye mched dgu po rnams ni re re yang rigs smos pas ji ltar 
 srid bar 'byung ba chen po bzhi dag rgyud byas pa'o zhes bshad pa ni phyir 'dus pa re re ni ma yin no/ /lag pa rdzob pa lta bu las ji skad gsungs pa de kho na bzhin du khas blangs pa'i phyir te/ 'di ltar mig gi sha'i
 gong bu la 'byung ba thams cad rgyu las byas pa dmigs pa'i phyir ro/ /de lta bas ni ji skad smras pa'i rigs pa dang 'gal ba med do/ /gzugs 'das pa yod do/ /gzugs ma 'ongs pa yod do zhes gsungs pa gang yin
 pa yang 'di lta ste/ de 'das pa'am ma 'ongs ba de lta bur ni yod ces bya ba'i gzugs kyis bdag nyid kyis ni ma yin no/ /ji ltar na de 'das pa yin zhe na/ sngon byung ba nyid kyis so/ /ji ltar na ma 'ongs pa yin zhe na/ 'byung bar 'gyur ba nyid
 kyis te/ sa bon yod pa'i phyir ro/ /de ltar na de yod pa'i zhes bya ste/ de ltar snang ba'i phyir ro/ /gzhan yang gzugs gang zhig med par yang de yod do zhes bya ba rigs sam zhe na/ ji ltar gzhan du brjod par bya bar 'gyur/ /gzugs
 'das pa med do/ /gzugs ma 'ongs pa med do zhes brjod par bya'o zhe na/ de ltar brjod pa gzugs sngon byung ba nyid dang 'byung bar 'gyur ba nyid la skur bar 'gyur ro/ /'o na de ltar na ni gzugs 'das pa sngon byung ba dang/ gzugs ma
 'ong bar 'byung bar 'gyur ba zhes brjod bar bya'o zhe na/ de ltar brjod na sngon byung ba na de 'das pa yin gyi/ de ltar ni 'das pa ma yin pas 'das pa nyid las rab tu nyams pa yin par bstan par 'gyur la/ 'byung bar 'gyur ba ni de ma 'ongs
 pa yin gyi/ da ltar ni ma 'ongs par mi 'gyur la/ ma 'ongs pa nyid myang ba byin ba zhes bya bar bstan par 'gyur ro/ /'das pa dang ma 'ongs ba zhes brjod pa nyid kyis kyang byung ba dang 'byung bar 'gyur ba'i don smos pa'i phyir zlos bur
 bstan par 'gyur ro/ /gal te de ltar bstan pa la dga' na ni yod pa zhes bya ba'i sgra de nyid tshig gi phrang yin pa'i phyir ji ltar rigs par dus gsum gyi yul yin par rig par bya'o/ /de lta bas na ji ltar bkod pa nyid rig pa yin no/ /gal
 te gzugs kyi mtshan nyid thal pa'am/ ma re de pa yin na de ji ltar gzugs zhes bya zhe na/ sngon byung ba dang 'byung bar 'gyur ba'i tha snyad kyis te/ dper na sa bon nyams pa zhes bya ba dang/ phye brtag go zhes bya ba lta bu'o/ /las zad pa dang/ 'das pa
 dang/ 'gag pa dang/ bral ba dang/ yongs su gyur pa gang yin pa de yod do zhes gsungs pa gang yin pa de ni nges sems kyis rgyud la 'bras bu 'byin pa'i nus pa bskyed pa la dgongs nas gsungs pa yin pa'i don rtogs pas gzhan du mi 'thad
 pa'i phyir ro/ /de las skyes pa la de gdags pa ni grong la spyod do/ /pa na za'o zhes bya ba yin zhing ji skad du reg pa'i skye mched drug po de sngon mngon par 'dus byas pa mngon par bsams pa 'di dag ni sngon gyi las yin par rig par bya'o zhes
 'byung ba lta bu yang yin no/ /dgongs pa 'dis 'das pa dang ma 'ongs pa yong ba nyid du gsungs pa de dang/ mig ni ma skyes pa las skye zhing skyes nas kyang 'jig go zhes bya ba yang de rigs pa yin no/ /de lta bas na 'di yang mngon sum dang 'gal ba
 med cing snga phyi 'gal ba yang med do/ /gzugs rnams kyi nges par 'byung ba ni gzugs med pa'o zhes pra ba'i ces su dpag pa yang 'gal ba yin te/ tshor ba la sogs pa rnams ni gzugs la rag las te skye bar mthod pa'i phyir ro phyir ro zhes smras pa
 gang yin pa de yang de yin te/ de la gzugs las 'dod chags dang ma bral ba rnams gzugs dang lhan cig tu lus mngon par 'grub pa ni mthong ngo/ /gzugs las 'dod chags dang bral ba rnams ni gzugs med bzhin du lus mngon par
 'grub pa yin pas rjes su dpag pa de mi 'thad do/ /yang gzugs las 'dod chags dang bral ba yin no zhes bya bar khas blang bar mi bya'am/ yang na gzugs las 'dod chags dang bral ba de la yang phyis gzugs
 mngon par 'grub pa kho na yin no zhes bya ba khas blang bar bya grang na de yang mi rigs te/ gzugs med pa'i snyoms par 'jug pa rnams ni 'di nyid du? rab tu grags pa yin no/ /'dod pa rnams la rnam par sun 'byin par byed pa na 'dod
 pa rnams las 'dod chags dang bral ba yin la/ gzugs rnams la rnam par sun 'byin par byed pa na gzugs rnams las ma yin no zhes bya ba'i rigs pa med pa'i phyir ro/ /'phags pa la yang phung po mngon par 'grub pa
 spangs su zin kyang thar pa med par thal bar 'gyur ba'i phyir ro/ /sbyin pa las byung ba'i bsod nams bya ba'i gzhi kun tu brten na longs spyod chen po nyid 'grub par 'gyur ro zhes bya ba yang rjes su dpag pa dang 'gal ba yin te/ ser
 sna can yang phyug po nyid yin pa'i phyir dang/ gtong ba yang dbul po nyid yin pa'i phyir ro zhes smras pa gang yin pa de yang 'gal ba ci yod de/ ser sna can yang kha cig gis sngon lan cig snod khyad par can la phul ba'i phyir 'di la
 phyug po nyid gang yin pa thob pa yin no/ /gtong ba kha cig gis gzhan dag longs spyod dang bral bas 'di la phyug po ma thob pa yin pas 'bras bu 'byin pa la ni de rnams kyi las stobs dang stobs med pa yin par brtag par bya'o//
 gang zhig skye ba'i kun tu sbyor ba ni spangs pa mngon bar 'grub pa'i kun tu sbyor ba ni ma spangs pa'i gang zag yod do zhes bya ba yang rjes su dpag ba dang 'gal ba yin te zhes smras pa/ gang yin pa de yang 'dir lha rnams dga' bas ni spangs
 pa'i don mi shes te/ 'dir don ni skye ba'i srid pa las 'dod chags dang bral ba srid pa par mdo las ni ma yin pa'i gang zag y od do zhes bya ba 'di yin no/ /de ltar yang yin te/ 'dir don ni gang zhig srid pa bar ma dor kho na'i zag pa zad pa mngon/
 sum du byed pa'i phyir mi 'ong ba kha cig rgyud yongs su smin cing mngon pa ba shes pa myur ba yin pa de la skye ba'i srid par nying mtshams sbyor bar byed pa'i nyon mongs pa ni mi skye ba kho na yin la srid pa bar ma dor nyid mtshams sbyor bar byed pa ni skye pa yin/
 te/ de ni mi skye ba'i chos nyid du gnas pa'i phyir skye ba'i srid pa ni spangs pa zhes bya la/ mngon bar 'grub pa'i kun tu sbyor ba ni ma yin no zhes bya ba 'di yin no/ /de ltar na mi 'gal ba yin no/ /gzhan dag na re/ spangs pa zhes bya ba ni so sor brtag
 pa ma yin pa'i 'gog pas thob pa kha dgongs nas gsungs pa yin no zhes zer ro/ /yang 'dir bshad pa/ bar ma dor ni zad pa yi/ /kun nas sbyor ba gang dag gis/ /skye ba'i srid par mtshams sbyor te/ de'i so sor brtags min pa yi/ /'gogs
 pas 'gags te des na de'i/ /de spangs pa zhes bya bar brjod/ /gnyis po'i so sor brtags pa yin /'gog pa cig car yin par 'dod/ /chang 'thung ba bcad pa'i kha na ma tho ba dang bcas pa yin no zhes bya ba ni lung dang 'gal ba yin te
 lus kyi nyes par spyad pa'o zhes 'byung ba'i phyir ro/ zhes smas pa gang yin pa de la yang re shig 'di dpyad par byas te/ ji tsam gyis na rang bzhin gyis kha na ma tho ba dad bcas pa 'am/ bcas pa'i kha na ma tho ba dang bcas pa yin/ /gang nyon mongs pa
 can gyi sems kho nas spyod pa de ni rang bzhin gyis kha na ma tho ba dang bcas pa yin no/ /gang nyon mongs ba can ma yin pa'i sems kyis kyang sprud par nus bzhin du nyes pa gzhan spang ba'i phyir bcom ldan 'das kyis dpyad bde ni bcas pa'i
 kha na ma tho ba dang bcas pa yin no/ /da ni 'di dpyad par bya ba ste ci chang gang zhig mi 'dod bzhin du gang nyon mongs pa can ma yin pa'i sems kyis sman pa'i lung las so sor brtags nas 'thung ba srid pa yod dam/ 'on te
 med/ des cir 'gyur zhe na/ gal te yod na nyon mongs pa can ma yin pa'i sems ji ltar nyes par spyad par 'thad/ 'on te med na de ltar 'thub pa la ji ltar nyon mongs pa can gyi sems su 'thad ce na/ des gang la char ngo snyam du rig nas ngo tsha
 med pa nyid kyi/ kha na ma tho ba dang bcas 'thung ngam/ yang na kha na ma tho ba dang bcas pa'i chang la kha na ma tho ba med pa'o snyam du sems na'o/ /gang zhig chod zin pas 'thung ba ni myos par mi nus la/ de ltar yang shes nas 'thung ba gang yin pa de
 gang gis na kha na ma tho ba dang bcas par 'gyur te/ dper na dug tshod zin pas zos pa ni dug gi nyes pa'i bya ba mi nus pas kha na ma tho ba dang bcas pa mi 'byung ba lta bu'o/ /de lta bas na chang 'thung ba thams cad nyes par spyod pa ma yin no/ chang
 'thung ba rnams ni phal cher rgyags par bya ba'i phyir ji ltar na dga' bar 'gyur snyam pa 'am/ bdag myos par 'gyur ro snyam du sems bzhin du chad 'thung ste/ de dag gi de ni lus kyi nyes par spyad par rnam par bzhag ste/ nyon mongs so pa can gyi
 sems yin pa'i phyir ro/ /de la dgongs pa ni de yin par rig par bya'o/ /de yang rang bzhin gyi kha na ma tho ba dang bcas pa yin te/ dgag pa bcas pa med kyang kha na ma tho ba dang bcas pa nyid yin pa'i phyir ro/ /rnam par bshad pa'i
 ri gag ba las le'ur bcas pa gsum pa'o// //grags pa'i sangs rgyas kyi gsung dang 'gal ba'i phyir theg pa chen po ni sangs rgyas kyi gsung ma yin no/ /de lte bas na shin tu rgyas pa'i sde ni theg pa chen po yin no zhes bya ba de
 lung dang 'gal ba yin no zhes smras pa gang yin pa yang gal te de lta bu'i rang bzhin dang 'gal ba'i phyir theg pa chen po sangs rgyas kyi gsung ma yin na/ khyed la grags pa'i sangs rgyas kyi gsung gang yin pa gzhan yang de bzhin du
 sangs rgyas kyi gsung du mi 'gyur ro/ /ci'i phyir zhe na/ 'gal pa'i phyir ro/ /de las ni kha cig tu tshor ba ni gsum ste/ bde ba dang sdug bsngal ba dang/ bde ba yang ma yin sdug bsngal yang ma yin no zhes bya ba dang/ de bzhin du bde ba'i
 tshor ba tshor ba na bde ba'i tshor ba tshor ro snyam du yang dag pa ji lta ba bzhin du rab tu shes so zhes gsungs la/ yang gang ci tshor yang rung ste/ de ni 'di ltar sdug bsngal lo zhes bya ba dang/ de bzhin du bde ba'i tshor ba ni sdug bsal ba nyid du bal
 bar bya'o zhes bya ba dang/ de bzhin du sdug bsngal la bde bar 'du shes pa ni phyin ci ma log pa yin no zhes gsungs pa dang/ kha cig tu chos thams cad ni bdag med pa'i? zhes bya ba dang/ de bzhin du/ 'di na bdag gam sems can med do//
 chos 'di rgyu dang bcas las 'byung zhes bya ba dang/ srid pa'i yan lag bcu gnyis dang/ phung po dang ni skye mched khams/ /de dag thams cad rnam phye na/ /gang zag dmigs pa ma yin no zhes gsungs la/ yang bdag nyid bdag gi mgon
 yin gyi/ /gzhan ni su zhig mgon du 'gyur/ /bdag nyid legs par dul bas ni/ /mkhas pas mtho ris thob par 'gyur zhes bya ba dang/ de bzhin du/ sor phreng ni kun nas sems can thams cad la/ /dbyug pa dag ni spang bar
 byas nas 'dug pa yin zhes bya ba dang/ de bzhin du 'jig rten du skye ba na gang zag gcig skye'o zhes gsungs pa dang/ kha cig tu 'di na kha cig mtshams med pa lnga'i las byas shing bsags pas lus zhig ma thag tu sems can dmyal ba
 rnams su skye bar 'gyur ro zhes gsungs pa la yang/ pha dang ma ni bsang byas shing/ /rgyal po bral ze gtsang sbra can/ /yul 'khor 'khor dang bcas bsad na/ /bram ze sdig ba med par 'gyur zhes gsungs
 pa yin te/ de ltar phan tshun 'gal pa'i phyir dang/ sngar brgal ba bstan pa gang yin pa'i 'gal ba'i phyir de la ni kha cig sangs rgyas kyi gsung du mi 'gyur ro/ /de la ni 'gal ba med de/ 'di ltar de ni nges pa'i don yin te/ kun
 dga' bo ngas 'du byed mi rtag pa nyid dang/ 'du byed 'gyur ba nyid la dgongs nas gang ci tshor yang rung ste/ de ni 'di ltar sdug bsngal lo zhes pa gsungs pa yin no/ /de bzhin du de ltar na gzugs can ma yin pa'i phung po bzhi po
 'di dag dang/ mig gi dbang po gzugs dang/ 'di snyed cig la mi rnyed ces bya'o/ /'di la sems can dang/ ming dang shed las skyes dang/ shed bu dang/ gso ba dang/ skyes bu dang/ gang zag dang/ srog dang/ skye ba po zhes de skad
 ces bya'o zhes 'byung ba dang/ de bzhin du/ 'di dag yod na sems can mi 'am shed las skyes/ shed bu shes par de skad dag tu kun tu 'dogs/ /de dag dang ni de bzhin gzhan yang mi mang po/ /phung po'i gzhi dang rgyu las byung
 bar 'gyur ba yin zhes bya ba yin no/ /tshigs su bcad pa las 'byung ba yang/ sred pa ni ma/ las kyi srid pa ni pha zhes bya ba nas bshad de/ skyed pa po yin pa'i phyir ro/ /gzhan dag na re/ nga'o snyam pa'i nga rgyal yin no zhes
 zer ro/ /gzhan du na ni mdo sde snga ma don med par 'gyur ro/ /de lta bas na mdo sde 'di dag dang gzhan rnams ni dgongs pa can gyi don yin pa'i phyir 'gal ba med de/ /theg pa chen po la ni gang gis 'gal ba med par nges par gzung
 ba'i nges pa'i don cung zad kyang med do zhe na/ ci lha rnams dga' pas theg pa chen po mdza' dag shes sam/ smras pa/ ma yin no zhe na/ mdza' dag mi shes pas nges pa'i don med pa nyid du ji ltar shes/ da ltar mi snang bas de'i phyir spang
 par byar mi rung ngo/ /de bzhin du nyan thos kyi theg pa la yang da ltar sangs rgyas kyi gsung mdza' dag ni mi snang ngo/ /mdza' dag ma yin par 'di ji ltar zhe na/ zla ma kun dga' 'ong sel dang/ /sdug bsngal phung ston sa ston dang/ /'char ka stong
 nyid chu las skyes/ gang po sa mtsho chu shing dang/ /mya ngan 'das dang yul 'khor skyod/ /'gro ba'i mdo dang de bzhin gzhan/ /yang dag bsdus pa'i gzhi nyams phyir/ /mdza' dag min par rtogs pa yin/ /bla ma'i mdo las lta rnams kyi dbang po
 po brgya byin gyis smras/ btsun pa bla ma bcom ldan 'das kyis nyan thos 'dzam bu'i gling na ji snyed 'khor ba de dag thams cad bdag gis sems kyis khyab par byas te brtag na/ btsun pa bla ma ma gtogs par dge slong gcig kyang chos kyi rnam
 grangs 'di 'dzin pa med do/ /btsun pa bla ma khyod kyi nga chos kyi rnam grangs 'di zung shig /chos kyi rnam grangs 'di ni bcom ldan 'das kyis gsungs pa yin no zhes bya ba 'byung ste/ rjes su dpag pa 'dis na de'i tshe gzhan yang med par
 gyur par mngon no/ /yang na sangs rgyas bcom ldan 'das mya ngan las 'das nas ring po ma lon zhing 'phags pa kun dga' bo yang bzhugs bzhin du bdag sangs rgyas kyi gsung mdza' dag mi snang na/ /de ngas ngan? lta smos kyang ci dgos
 kun dga' po'i mdo las bcom ldan 'das bgres pa'i gnas skabs na da'i bstan pa yang 'dzin par 'gyur ro snyam nas 'phags pa kun dga' bo rim gro bar bskos zhes bya ba dang/ sems kyang smras pa/ bdag gi lo nyi shu lhag btsun pa la 
 rim gro bgyid do zhes bya ba dang/ de nyid las yang smras pa/ bdag gis chos kyi phung po brgyad khri lhag ni bcom ldan 'das las gzung gnyis ni dge slong dag las so zhes 'byung bas de'i phyir sngar bcom ldan
 'das kyis bshad pa gang yin pa de ni nges ma bzung bar shes par bya'o/ /de ni dge slong rnams las bzung ba gang yin pa de kho nar zad do zhes bya bar rigs pa ni ma yin te/ dus de srid bu bzhi bcu cha bas kyang nyung ba'i chos bshad pas
 ni mi rung bas so/ /gal te 'phags pa kun dga' bos thams cad rtogs bar gyur na ni bla ma'i mdo las lha rnams kyi dbang po brgya byin gyis dge slong gcig kyang chos kyi rnam grangs 'di 'dzin pa med do zhes de skad smos bar yang mi 'gyur ro//
 de lta bas na de thams cad gzug ba ma yin la/ des smras pa gang yin pa de yang dag par sdud par byed pa rnams kyis yang dag par bsdus pa yin no/ /de lta bas na deng sangs rgyas kyi gsung mdza' dag mi snang ngo/ /'od sel gyi mdo las
 bcom ldan 'das kyis bka' stsal ba/ 'od sel gang gi tshe ngas dge slong gi dge 'dun la rta cang shes bzhon bzangs kyi chos kyi rnam grangs bshad pa de'i tshe khyed rnams nyung ba yin no zhes bya ba'i mdo sde de mi snang ngo/ /sdug bsngal gyi
 phung po ston pa las bcom ldan 'das kyis shAkya ming can la brtsams nas bka' stsal ba/ dus de gcig na rgyal po'i khab ri bgrod bya la 'dug pa las/ nga ri ngos yangs pa ga la ba der phyin pa dang/ de na ngas gcen bu lag pa
 bsgred ba dag mthong ba nas de dag la 'di skad ces smras so zhes bya ba'i bar du rgya cher 'byung ba'i mdo sde ni snang ngo/ /sa ston gyi mdo las bcom ldan 'das kyis bka' stsal pa/ dus de gcig gi tshe rgyal po'i kha ba ri bgrod bya la 'jug go/
 de nas gzhan mu stegs can kun tu rgyu ba rab tu mang po dag dag la ba der ltags so/ /lhags nas nga la don 'di zhes bya ba rgya cher 'byung ba'i mdo sde de ni snang ngo/ /'char ka'i mdo las/ ngas tshor bzhi bshad pa'i rnam grangs yod do zhes bya bI
 mdo sde de mi snang ngo/ /stong ba nyid kyis mdo las/ 'phags pa kun dga' bos smras pa/ dus de gcig na bcom ldan 'das shAkya rnams kyi nang na shAkya rnams kyi grong rdal grong khyer zhes bya ba na bzhugs so/ /de na bdag gis kun dga' bo
 da? ni da ltar stong pa nyid kyi lan mang du gnas so zhes bya ba de lta bu'i bcom ldan 'das kyi bshad pa bdag gis shes so zhes bya ba'i mdo sde de mi snang ngo/ /chu las skyes pa'i mdo las/ rgyal po chen po bdag gis ni dge slong dam bram ze gang
 la las lan cig shes par 'gyur ba 'am/ mthong bar 'gyur ba gang ma byung zhing mi 'byung la/ da ltar yang med de/ gnas de yod pa ma yin pa de lta bu smras pa dran no zhes bya ba'i mdo sde de mi snang ngo/ /gang po'i mdo las gnas
 brtan kun dga' bos smras pa tshe dang ldan pa dag dge slong gnas brtan byams ma'i bu gang po zhes bya ba 'byung ba gang gis sngon bdag gsar bur gyur ba na zhes bya ba nas/ zab cing zab pa'i chos ldan pa'i gtam 'di lta bu 'di bshad do
 zhes rgya cher 'byung ba'i mdo sde de mi snang ngo/ /sa mtsho'i mdo las/ dbyar tshul gyis smras pa/ dus de gcig na dge slong gau ta ma sgra sgrogs na 'ol ma se can gyi nang na bzhugs so zhes bya ba nas/ de na bcom ldan 'das gau ta ma des bdag la bsaM
 gtan thams cad bsngags so zhes bya ba'i bar du rgya cher 'byung ba de lta bu la sogs pa'i mdo sde de mi snang ngo/ /chu shing gi mdo las/ bcom ldan 'das kyis bka' stsal ba/ de na das dge slong rten lnga rnams la bka' stsal ba/ rten lnga
 dag bsngon rab tu 'byung bar sa rab tu ma byung ba ma 'di ltar slob ste/ khyim pa ni nyam nga'o zhes rgya cher 'byung ba'i mdo sde de mi snang ngo/ /yongs su mya ngan las 'das la chen po'i mdo las/ gnas brtan kun dga' bos smras pa/ tshe
 dang ldan pa ma 'gags pa bdag gis bcom ldan 'das las sangs rgyas bcom ldan 'das spyan dang ldan pa dag bsam gtan bzhi ba la snyoms par zhugs shing mi g.yo ba'i zhi ba la brten nas yongs su myang/ las 'das so zhes mngon
 sum du bzung ngo zhes bya ba'i mdo sde de mi snang ngo/ /'phags pa yul 'khor skyong gis smas ba/ rgyal po chen po 'di dag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen pa gzigs
 bas lam brtan pa bshad pa yin no zhes bya ba nas/ rgyal po chen po 'jig rten 'di ni dang gir bya bar med ba dmos mi shes pa sred pas 'khol ba yin no zhes bya ba'i mdo sde de mi snang ngo/ /'gro ba'i mdo las/ mgon med zas sbyin gyis
 smras pa/ bdag gis bcom ldan 'das la kun dga' rab phul ba'i rgyus lus zhig nas bde 'gro mtho ris kyi 'jig rten lha rnams su skye bar 'gyur ba'i sems can yod zhes bya ba nas/ yon sngo ba byas pa'i rgyas zhes bya ba'i bar du rgya cher
 'byung ba'i mdo sde de mi snang ngo/ /de bzhin du mdo sde gzhan gyis kyang mngon te/ dper na cang mi smra ba'i mdo las/ mau dgal gyi bus sangs rgyas kyi gsung sngon gsungs pa brtan pa na mau? gyi bu mod do gal? gyi bu 'di na'i paD pa'i cad mi smra ba yin pas
 de la bag med par ma byed cig ces bya ba dang/ gnas pa'i mdo las/ ting nge 'dzin 'di ni 'phags pa'i gnas pa yin pas 'di la bdag med par ma byed cig ces bya ba'i mdo sde de mi snang ngo/ /yongs su mya ngan las 'das pa chen po la soD
 pa'i mdo gzhan dag gi nang nas 'byung ba'i mdo sde mang po rnams ni 'dom pa tha dad par snang ngo/ /gti mug med de lta bas na 'di dag dang mdo sde'i shes par byed pa gzhan mang po dag gis nyan thos kyi theg pa la yang da ltar sangs rgyas kyi
 gsung mdza' dag pa ni mi snang bar mngon no/ /yang dag par bsdus pa'i gzhi po 'od srungs chen po la sogs pa dgra bcom pa rnams kyis mdzad pa gang yin pa de yang da ltar nyams te/ sde pa gzhan dag las lung dang/ le'u dang/
 mdo rnam par gzhag pa tha dad pa'i phyir dang/ lung dang le'u gzhan yang dag par bsdus ba'i mdo rnams kyang yang sde pa de nyid las yang dag par bsdus ba'i phyin pa dang/ mal du 'jug pa dang/ dga' byed dang che'i mdza' la sogs pa
 zhes bya ba dag gis mdo sil bu dang mi 'gal bar snang ba'i phyir ro/ /de ltar na yang dag par bsdus pa nyams na da ltar sangs rgyas kyi gsung mdza' dge yod do zhes bya ba 'di ji ltar shes par nus/ /thos pa rgyud ba las ni gcig las 'phros
 pa de yang brgya la thug pa dag gcig yod par gyur ces thos so/ /de lta bas na theg pa chen po la yang da ltar nges pa'i don gyi mdo sde mi snang ba'i phyir nges pa'i don nyid med par nges par gzung bar mi bya'o// //bam po bdun pa/ /
 ci 'di bkri ba'i don nam/ 'on te sgra ji bzhin gyi don yin zhes dpyad par bya ste/ nges pa'i don bshad pa mi snang bar yang 'di sgra ji bzhin gyi don ma yin no zhes shes par ni mi nus so/ /'on kyang dgongs pa can yin no/ /ci'i phyin zhe na
 'gal ba'i phyir ro/ /shes rab kyi pha rol tu phyin pa las chos thams cad ni ngo bo nyid med pa zhes bya ba de lta bu la sogs pa 'di lan mang du bstan la/ yang de nyid las bshad pa/ byang chub sems dpa' i sngon? med pa la 'jug par 'dod pa
 dang/ nyan thos dang rang sangs rgyas kyi sa las 'das bar 'dod pa dang/ phyir mi ldog pa'i sa la gnas par 'dod pa dang/ mngon par shes pa drug thob par 'dod pa dang/ sems can thams cad kyi sbyod
 pa dang/ rnam par g.yo ba shes par 'dod pa dang/ nyan thos dang rang sangs rgyas kyis shes pa thams cad zil gyis mnan par 'dod pa dang/ gzung dang/ ting nge 'dzin gyi sgo thob bar 'dod pa dang/ nyan thos dang/ rang sangs
 rgyas thams cad la sbyin pa sbyin par byed pa na/ rjes su yi rang ba dang ldan pa'i sems gcig gis zil gyis mnan par 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o zhes 'byung
 ba dang/ de bzhin du sangs rgyas kyi sku mngon par bsgrub par 'dod pas shes rab kyi pha rol tu phyin pa la bslab par bya'o/ /dpe byad bzang po brgyad cu dang/ skyes bu chen po'i mtshan sum cu rtsa gnyis bsgrub bar 'dod pas shes rang
 kyi pha rol tu phyin pa la bslab par bya'o zhes 'byung ba dang/ de bzhin du byang chub sems dpa' sems dpa' chen po shes rab kyi pha rol tu phyin pa la spyod pa na sbyin pa 'di ltar byin na ni/ longs spyod chen po nyid kyi 'bras bu 'byung ngo
 de bzhin du sbyin pa 'di ltar byin na ni rgyal rigs shing sA la chen po lta bu'i rigs su skye'o de bzhin du gzhan 'phrul dbang byed kyi lha rnams kyi nang du skye'o zhes bya ba'i bar du 'byung ba dang/ de bzhin du ser sna'i sems tshar gcod par
 'dod pas shes rab kyi pha rol tu phyin pa la bslab par bya'o/ /'chal ba'i tshul khrims kyi sems 'dor bar 'dod pa dang/ gnod sems kyi sems 'dod bar 'dod ba dang/ le lo'i sems 'dor bar 'dod pa dang/ rnam par g.yeng ba'i sems
 'dor bar 'dod pa dang/ 'chal ba'i shes rab kyi sems mi sbro bar/ 'dod pas pha rol tu phyin pa la bslab par bya'o/ /de bzhin du spyan lnga skyed par 'dod pas shes rab kyi pha rol tu phyin pa la bslab par bya'o/ /lnga gang zhe na/ sha'i
 spyan dang/ lha'i spyan dang/ 'phags pa'i shes rab kyi spyan dang/ chos kyi spyan dang/ sangs rgyas kyi spyan no/ /de bzhin du shar phyogs na sems can long ba gang dag bdag gis mthus mig gis gzugs mthong bar bya na shes rab kyi pha
 rol tu phyin pa la bslab par bya'o/ /'on pa rnams rna bas sgra thos par bya ba dang/ smyon pas dran pa thob par bya ba dang/ gcer bu rnams gos thob par bya ba dang/ sems can bkres pa rnams 'drangs par bya ba dang/ skom pa rnams ngoms
 par bya ba dang/ ngan song du skyes pa rnams ngan song nas thar bar bya zhing mi'i lus thob par bya ba dang/ tshul khrims 'chal pa rnams tshul khrims kyi phung po la dgong par bya ba dang/ mnyam par ma bzhag rnams ting nge 'dzin
 gyi phung po dang/ rnam par grol ba'i phung po dang/ rnam par grol ba'i ye shes mthong ba'i phung po la dgong pa dang/ bde ba ma mthong ba rnams rgyun tu zhugs pa'i 'bras bu la 'god pa dang/ lan cig phyir 'ong ba'i 'bras bu dang/ phyir
 mi 'ong ba'i 'bras bu dang/ dgra bcom pa nyid dang/ rang sangs rgyas kyi byang chub dang/ bla na med pa yang dag par rdzogs pa'i byang chub la dgong par bya na/ byang chub sems dpa' sems dpa' chen pos shes rab kyi pha rol tu phyin pa la bslab
 par bya'o zhes bya ba 'byung ba de la sogs pa dang/ sdig pa thams cad so sor bshags pa la sogs pa yang bstan to/ /gal te ngo bo nyid med pa la sogs pa'i tshig rnams sgra ji bzhin kho na'i don yin na/ 'di thams cad dang
 'gal bar 'gyur te/ blang bar bya ba rnams ci yang mang pa'i phyir rgyu 'di las 'di lta bur 'gyur ro zhes yang de ltar blang ba ni rung ba ma yin no/ /yang na de ltar blang bar bya ba ni ci zhig bla bar byas pa seMs can
 de lta bas na tshig de rnams kyi ni sgra ji bzhin gyi don du nges par gzung ba mi bya'o/ /'o na ci zhe na/ dgongs pa can yin no/ /dper na pha dang ma ni gsang byas shing zhes bya ba'i tshigs su bcad pa 'di dang/ ma dang byas pa mi shes
 dang zhes bya ba'i tshigs su bcad pa 'di la nges pa'i don bshad pa med par yang sgra ji bzhin gyi don tu nges par gzung bar mi bya ste/ mdo sde gzhan dang 'gal pa'i phyir ro/ /'o na ci zhe na/ dgongs pa can yin no/ /yang 'di
 'gal du zin yang 'ga' zhig gis de ltar bslus pa na med par lta ba de la brten par 'gyur ram snyam nas blo zhan pa rnams chung gsan pa'i phyir gzhung du byas pa yin par de ltar ci ste mi 'dod/ 'di ltar de ltar smras ba yang de thams
 cad med bar lta ba de la mngon par zhen pa kha cig snang ba kho na yin no zhe na/ de ni de dag gi shes rab kyi nyes pa yin pa 'am/ sngon chos kyi phongs par 'gyur ba'i la sogs pa des de dag de ltar nyams pa yin gyi/ 'di ni nyams par
 byed pa yin no/ /'di ji ltar shes zhe na/ gong du 'gal ba'i phyir ro zhes smos pa nyid dang sbyar ro/ /mdo gzhan las gang dag de bzhin gshegs pas gsungs pa'i don dang/ tshig dang yi ge zab mo dag rtogs par khong du chud par byed/
 dgongs pa rtogs par byed/ rjes su mthun par byed/ mi mthun par mi byed/ sbyor bar byed/ gnod par mi byed/ don rtogs par khong du chud par byed kyi/ tshig 'bru'i rjes su rgyug par mi byed pa de dag la yon tan 'di dag dang de bas lhag dag 'byung
 bar rig par bya'o zhes gsungs pa yid yin te/ gang zhig sgra ji bzhin gyi don du 'dzin par byed pa nyid kyis sems can chung gsan par zhugs pa de la ni 'di 'gal ba yin te/ ji ltar na sgra ji bzhin gyi don du yang gzung bar bya zhing/ dgongs
 pa yang rtogs par bya ba dang/ snga phyi sbyor bar bya ba nyid du yang bstan par 'gyur/ de nyid las kyang tshangs pa gzhan yang de bzhin gshegs pa ni dgongs pa'i rnam grangs kyis rtag pa gsungs pa yin par nyid zhal gyis 'ches par mdzad/
 kun nas nyon mongs pa gsung ba dang/ chad pa gsung ba dang/ mi bya ba gsung ba dang/ log par lta ba can dang/ ma dang pa dang/ phyi ba mi shes pa dang/ khyim 'bugs pa dang/ skyugs pa za ba dang/ go skabs bcom pa yin par nyid zhal gyis
 'che bar mdzad kyang de bzhin gshegs pa ni bstan pa de dag la med cing mi snang ste/ de bzhin gshegs pas dgongs nas gsungs pa yin no/ /de bzhin gshegs pa ni dgongs pa gang gis sems can mngon pa'i nga rgyal gtong ba'i
 dgongs pa dag ston par mdzad pa yin no/ /tshangs pa nga lar na de bzhin gshegs pa ni dgongs nas chos ston par mdzad pa yin pas de la byang chub sems dpas sgra thams cad la sgrag par mi bya'o/ /zhes gsungs pa 'di yang gal te
 bstan pa la sgra ji bzhin gyi don ma yin pa nyid du mi 'dod na 'gal ba yin no/ /yang na 'dod na ni ji ltar na chung gsan par bu ba'i theg pa chen po gzhung du byas pa yin/ gzhan yang byang chub sems dpa' chos bzhi dang ldan pa rnams ni mgo
 gcig tu smra ba yin zhing gdud ba med par smra ba yin no/ /bzhi po gang dag gang zhe na/ byang chub sems dpa' rnams ni mgo gcig tu chos thams cad gang zag med par smra ba yin/ byang chub sems dpa' rnams ni mgo gcig tu skye ba thams
 cad kyi skye mched rnams la mngon par dga' ba med par smra ba yin/ byang chub sems dpa' rnams ni mgo gcig tu theg pa chen po'i bsngags pa smra ba yin/ byang chub sems dpa' rnams ni mgo gcig
 tu dge ba dang/ mi dge ba'i las rnams chud mi za bar smra ba yin no zhes gsungs pa'i gsung 'di yang med pa lta ba 'dzin du 'jug pa la 'gal ba yin no/ /'phags pa dri ma med par grags pas bstan pa las yod pa'ang ma
 yin/ med pa'ang ma yin te chos 'di kun/ /rgya la brten nas 'byung ba yin/ /'di la bdag med cing/ byed pa po 'am tshor ba bo med/ dge ba dang mi dge yi/ las ni ci yang chud mi za bar gsung ba lags shes bcom ldan 'das
 la byang chub sems dpa' sems dpa' chen po dkon mchog 'byung gnas kyis bstod pa sbyar ba 'di yang 'gal bar 'gyur ro/ /kun tu snang ba'i mdo sde las kyang/ sgra ji bzhin gyi don du 'dzin na nyes pa lnga yod de/ lnga gang zhe na/ mi
 mos pa'i gnas su 'gyur ba'i nyes pa dang/ btsal ba nyams pa'i nyes pa dang/ gzhan la slu bar byed pa'i nyes pa dang/ ston pa la skur ba 'debs pa'i nyes pa dang/ chos spong bar byed pa'i nyes pa'o zhes rang gi sgras bstan pa yin no//
 byang chub sems dpa' legs par rnam par byang brtog pas kyang/ sgra bzhin don ni kun tu brtags pa na/ /rang dga' dag gis blo ni nyams 'gyur la/ /legs par gsung la skur cing smad bar 'gyur/ /chos la khong khro sgrib
 par 'gyur ba yin/ /zhes gsungs pa de yang 'gal bar 'gyur ro/ /theg pa chen po'i mdo dad pa chen po skye ba las kyang/ bcom ldan 'das kyi bu sgra ji bzhin du tshul bzhin ma yin pas chos pas chos rnams la rab tu rnam par
 'byor na theg pa chen po la dad pa'i 'byung gnas su mi 'gyur ro/ /dgongs pa can gyi don ni sgra bzhin ma yin par tshul bzhin yid la byed na theg pa chen po la dad pa'i 'byung gnas su 'gyur ro/ /rigs kyi bu 'di ltar byang chub sems
 dpa' sgra ji bzhin du tshul bzhin ma yin pas chos rnams la rab tu rnam par 'byed na/ lta ba bzang po ma yin pa nyi shu rtsa brgyad skye ste/ 'di lta ste/ mtshan mar lta ba dang/ lta ba la lta ba ma yin par lta ba dang/ tha snyed la skur ba 'debs
 pa'i lta ba dang/ kun nas nyon mongs pa la skur ba 'debs pa'i lta ba dang/ de kho na nyid la skur ba 'debs pa'i lta ba dang/ sbyor ba gtong ba'i lta ba dang/ yongs su 'dzin pa'i lta ba dang/ bsgrub pa'i lta ba dang/ nges par 'byin pa ma yin
 pa'i lta ba dang/ kha na ma tho ba med pa nyid du lta ba dang/ nges par 'byung bar lta ba dang/ sgrib pa la sogs pa'i lta ba dang/ brnyas pa'i lta ba dang/ 'khrugs pa'i lta ba dang/ bsod nams ma yin pa bskyed pa'i lta ba dang/ phyin ci log gi lta
 ba dang/ ngal ba 'bras bu med pa'i lta ba dang/ skyed pa'i lta ba dang/ slu ba'i lta ba dang/ khas mi len pha'i lta ba dang/ ngan g.yo ba'i lta ba dang/ tshar gcod pa'i lta ba dang/ bkur sti'i lta ba dang/ skur ba'i lta ba dang/ rmongs pa nyid tshabs che bI
 lta ba dang/ kha na ma tho ba nyid kyi lta ba dang/ lta ba chen po dang/ mngon pa'i nga rgyal gyi lta ba'o/ /rigs kyi bu de la mtshan mar lta ba gang zhe na/ ngas kun tu sbyor ba las byung ba'i ngo bo nyid la dgongs nas chos rnams kyi med pa nyid bstan pa
 gang yin pa de la sgra ji bzhin gyi don du mngon par zhen cing kun nas nyon mongs pa'i chos rnams dang/ rnam par byang ba'i chos rnams la yang med pa nyid du mngon par zhen pa na med pa nyid du mtshan mar bzung nas med par lta ba 'byung de ste/ de lta
 bas na mchan mar lta ba zhes bya'o/ /de la lta ba la lta ba ma yin par lta ba ni byang chub sems dpa' med par lta ba de la mngon par zhen pa ni lta ba ma yin pa'i 'du shes 'byung ba yin no/ /med par lta ba gang yin pa de ni de'i
 lta ba chen po yin te de lta bas na lta ba la lta ba ma yin par lta ba zhes bya'o/ /de la tha snyad la skur ba 'debs pa'i lta ba dang/ kun nas nyon mongs pa la skur ba 'debs pa'i lta ba dang/ de kho na nyid la skur ba 'debs ba'i lta ba ni mtshan
 mang lta ba ngas thams cad la skur ba 'debs pa na tha snyad la skur ba 'degs par lta ba la yang mngon par zhen par byed/ /kun nas nyon mongs pa la skur ba 'debs pa'i lta ba la yang mngon par zhen par byed/ de kho na nyid la skur pa
 'debs pa'i lta ba la yang mngon par zhen par byed do/ /de lta bas na tha snyad la skur ba 'debs pa'i lta ba zhed kyang bya'o/ /kun nas nyon mongs pa la skur ba 'debs pa ni lta ba zhes kyang bya'o/ /de kho na nyid la skur ba 'debs
 pa'i lta ba zhes kyang bya'o/ /de la sbyor ba gtong ba'i lta ba ni skur ba 'debs pa'i lta ba can de nyid phyis gang gis khyad par du 'gro ba las yongs su nyams par 'gyur ba rab tu rnam par 'byor ba'i sbyor pa gtong ba'o/ /de la yongs su
 'dzin pa'i lta ba ni lta ba la lta ba ma yin par lta ba dang/ skur ba 'debs pa'i lta ba dang/ sbyor ba gtong ba'i lta ba can de nyid gzhan dag dang lhan cig tu chos kyi mtshan nyid rnam par gtan la dbab par byed pa na med pa'i phyogs kho nar
 yongs su 'dzin pas na de lta bas na yongs su 'dzin pa'i lta ba zhes bya'o/ /de la sgyur ba'i lta ba ni gal te theg pa chen po'i mdo sde'i don gyi bsngags bar brjod pa na 'di dag thams cad ni mong pa'i don stom pa yin no zhes don de
 ga sta ba de kho nar sbyor bar byed pa yin te/ de lta bas na sgyur ba'i lta ba zhes bya'o/ /rigs kyi bu de la nges par 'byin pa ma yin pa'i lta ba ni yongs su 'dzin pa'i lta ba gang yin pa dang/ sbyar ba'i lta ba gang yin pa de ni bdag gam gzhan
 gyi phyir ro zhig theg pa dman pas rdzogs pa'i byang chub tu nges par 'byin pa ma yin na bla na med pa yang dag par rdzogs pa'i byang chub tu lta ci smos pa ste/ de lta bas na nges par 'byin pa ma yin pa'i lta ba zhes bya'o/ /de la kha na ma
 tho ba med pa nyid du lta ba ni med pa'i mtshan ma nyid du lta bar gyur nas 'di lta ste/ byang chub sems dpa' gang zhig lta ba 'di dang ldan na 'khrul pa'i nyes byas cung bar sbyad kyang de la thams cad du kha na ma tho bar mi 'gyur bar lta ba 'byung ba ste/
 de bas na kha na ma tho ba med pa nyid du lta ba zhes bya'o/ /de la nges par 'byung bar lta ba ni byang chub sems dpa' med pa'i mtshan mar lta ba can de n yid 'di snyam du med pa'i mtshan mar lta ba 'di ni nyes byas kyi kha na ma tho ba thams cad las nges
 bar 'gyur ba yin no snyam du sems pa gang yin pa ste/ de nges par 'byung ba ni ma yin no/ /de lta bas na nges par 'byung bar lta ba zhes bya'o/ /kha na ma tho ba nyid pa nyid dang/ nges par 'byung bar lta ba dag nyid sgrib pa la sogs pa'i lta ba yin te/
 sgrib pa'i rgyu de la de'i gnyen po yin par blo 'byung ba'i phyir ro/ /de la brnyas pa'i lta ba ni byang chub sems dpa' med pa'i mtshan mar lta ba can de nyan thos kyi theg pa la chos 'di dag ni byang chub sems dpas goms par mi bya'o/ /chos 'di dag
 ni dman pa yin pas 'di dag la byang chub sems dpas mkhas pa nyid du mi bya'o/ /chos 'di dag ni byang chub sems dpas thag ring du spang bar bya'o zhes brnyas pa'i sems skye ba gang yin pa ste/ de bas na brnyas pa'i lta ba zhes bya'o/ /de la 'khrug
 pa'i lta ba ni byang chub sems dpa' med pa'i mtshan mar lta ba can de nyid gang zag nyan thos kyi theg pa pa de dag la 'di dag dang lhan cig gnas par mi bya/ gleng ba dang/ kun tu gleng ba dang/ smra ba dang/ gos
 la sogs pa kun tu sbyar ba dang/ longs spyod par mi bya'o zhes khong khro ba'i sems ston pa gang yin bde/ de bas na 'khrug pa'i lta ba zhes bya'o/ /de la bsod nams ma yin pa bskyed ba'i lta ba ni de nyid brnyas pa'i lta ba dang/ 'khrug pa'i
 lta ba can du gyur nas bsod nams ma yin pa mang du bskyed pa yin te/ de lta bas na bsod nams ma yin pa skyed pa'i lta ba zhes bya'o/ /de la phyin ci log gi lta ba ni byang chub sems dpa' med pa'i mtshan mar lta ba can de nyid gang gis na
 de'i ting nge 'dzin rnam pa gsum sgob de mi 'grub pa stong pa nyid la stong pa nyid du mi rtog pa dang/ mtshan ma med pa la mtshan ma med pa nyid du mi rtog pa dang/ smon pa med pa la smon pa med pa nyid du mi rtog pa gang yin pa ste/ de lta bas na phyin ci
 log gi lta ba zhes bya'o/ /de la ngal ba 'bras bu med pa'i lta ba ni byang chub sems dpa' phyin ci log gi lta ba can de'i ting nge 'dzin sgom pa ngal ba 'bras bu med pa gang yin pa ste/ de lta bas na ngal ba 'bras bu med pa'i lta ba zhes bya'o/ /de la
 skyed pa'i lta ba ni byang chub sems dpa' med pa'i mtshan nyid lta ba can de nyid 'di ltar byang chub sems dpa' gang lta ba de la skye bo'i tshogs chen po yang dag par len du 'jug cing skye bo'i tshogs chen po dang par byed pa de ni bsod nams mang
 po skyed pa yin no zhes 'byung ba gang yin pa ste/ de lta bas na skyed pa'i lta ba zhes bya'o/ /de la bslu ba'i lta ba ni byang chub sems dpa' skyed ba'i lta ba can bsod nams kyi bsam pa can de 'dab gam gzhan las bsod nams bslu ba 'byung ba
 gang yin pa ste/ de bsan bslu ba'i lta ba zhes bya'o/ /del? khas mi len pa'i lta ba ni byang chub sems dpa' med pa'i mtshan mar lta ba can de nyid 'di snyam du bdag gis chos thams cad med pa nyid 'di la gzhan dag dang rtsod bar byad pa na yang phyogs
 'ga' yang khas blang bar mi bya zhing/ bdag gis sun ci phyin pa 'ba' zhig bya'o snyam du sems pa gang yin pa ste/ de lta bas na khas mi len pa'i lta ba zhes bya'o/ /de la don g.yo'i blta ba ni byang chub sems dpa' med pa mtshon mar lta ba can phyogs
 khas mi len cing sgra ji bzhin gyi med pa nyid de rnam par 'jig pa de nyid tshig dor dang/ ltag tshor smra ba'i sbyor ba phyir do/ /tshig dor dang ltag chod smra ba'i sbyor ba ni ngan g.yo smra ba zhes bya'o/ /de lta bas na ngan g.yo'i lta ba zhes bya'o/ /de la tshar bcad pa'i lta ba ni byang chub sems
 dpa' khas mi len pa'i lta ba dang/ /ngan g.ye'i lta ba can de nyid smra ba snying po med pa'i phyir mkhas pa rnams kyis dus thams cad du tshar bcad pa yin te/ de lta bas na tshar bcad pa'i lta ba zhes bya'o/ /de la bkur sti'i lta ba ni byang chub sems dpa' 
 med pa'i mtshan mar lta ba can de nyid lad ltar 'di ltar gang zhig de bzhin gshegs pas gsungs pa'i lta ba 'di la rtem? pa ni ston pa la bkur sti byed pa yin/ bla mar byed pa yin/ ri mor byang pa yin/ mchod par byed pa yin no zhes bya bar lta ba 'byung
 ste/ bkur sti byed pa ni ma yin no/ /de lta bas na bkur sti'i lta ba zhes bya'o/ /de la skur ba'i lta ba ni byang chub sems dpa' ba kur sti'i lta ba can de nyid de bzhin gshegs pa la skur ba 'debs par byed pa gang yin pa ste bkur sti mi byed pa
 'ba' zhig ni ma yin no/ /de lta bas na skur pa'i lta ba zhes bya'o/ /de la rmongs pa nyid tshabs che ba'i lta ba ni byang chub sems dpa' med pa'i mtshan mar lta ba can de nyid byang chub sems dpa' sgra ji bzhin du mngon par ma zhen pa lta la phyin ci ma logs?
 gzhan rnams kyi rigs pa yang dag par bstan pa yang byas/ rnam pa du mar bzlog pa yang byas bzhin du lta ba de las bzlog par mi nus pa gang yin pa ste/ de lta bas na rmongs pa nyid tshabs che ba'i lta ba zhes
 bya'o/ /de la kha na ma tho ba nyid kyi lta ba ni byang chub sems dpa' rmongs pa nyid tshabs tshe ba'i lta ba de nyid kha na ma tho ba nyid kyi lta ba zhes bya'o/ /de la lta ba chen po ni lta ba nyi shu rtsa drug pa 'di thams cad lta ba chen po zhes bya'o/ /
 de ci'i phyir zhe na/ lta ba 'di ji lta bu yin pa ltar 'jig tshogs kyi lta ba'i gzhi can lta ba'i rnam pa drug cu rtsa gnyis po dag ni de ltar kha na mtho ba chen po dang bcas pa ma yin no/ /de lta bas na lta ba chen po zhes bya ste/ ji ltar byang
 chub sems dpa' chos ma yin pa la chos su 'du shes pa don ma yin pa la don du 'du shes nas 'di ltar lta ba can med par lta ba ston par byed pa na/ chos kyis phongs bar 'gyur ba'i las tshad med par sgrib pa yongs su 'dzin par
 byed ba dang/ 'jig rten kun tu sbyor bar byed pa de ltar 'jigs chogs la lta ba'i rtsa ba can gyi lta ba'i rnam pa dag ni chos kyis phongs par 'gyur ba'i las dang 'jig rten ni kun tu sbyor pang mi byed do/ /de la mngon pa'i nga rgyal gyi lta ba ni lta
 ba chen po de nyid la mngon pa'i nga rgyal gyi lta ba zhes pa ste/ theg pa chen po'i chos rnams la sgra ji bzhin gyi don du mngon pa'i nga rgyal byed pa na log pa'i lta ba 'di 'byung bas so/ /de lta bas na mngon pa'i nga rgyal zhes bya'o zhes gsungs so/
 de lta bas na theg pa chen po ni dgongs pa can gyi don yin pa'i phyir nyams par byed ba'i gzhung du byas pa ma yin no/ /yang ci'o phyir zhe na/ lta ba mi bzang ba bkag pa'i phyir ro/ /ji ltar bkag pa'i phyir zhe na/ shes rab kyi pha rol tu
 phyin pa brgyad stong ba las/ rab 'byor byang chub sems dpa' sems dpa' chen po'i drung du bdud sdig can dge slong gi cha byed du 'ongs nas 'di skad du/ chos de ni ni kha' dang 'dra ste/ 'di lta ste thams cad mkhyen pa nyid do/ /chos dmi? med pa/ 'di lta
 ste/ thams cad mkhyen pa nyid do/ /chos de ni yod pa ma yin ste/ 'di lta ste/ thams cad mkhyen pa nyid yin pa 'di la su zhig shes par 'gyur/ 'di la su zhig mngon par rdzogs par 'tshang rgya bar 'gyur/ de su yang nges par 'byin par mi
 byed de/ gang zhig mngon par rdzogs par 'tshang rgya bar byed pa dang/ gang gis mngon par rdzogs bar 'tshang rgya ba'i chos de thams cad ni nam mkha' dang 'dra ba yin pas khyod don med par rnam par nyams so/ /'di lta ste/ bla na med pa yang dag par
 rdzogs pa'i byang chub tu mngon par rdzogs par 'tshang rgya bar bya'o zhes bya ba 'di ni bdud byis bstan pa yin gyi/ de ni sangs rgyas kyis gsungs pa ma yin zhes 'dun pa zlog par byed na/ rigs kyi bu 'am/ rigs kyi bu mo nges 'di ni bdud kyi
 las yin no zhes de ltar shes par bya zhing de ltar rig par bya'o zhes 'byung ba yin no/ /gal te theg pa chen po med par lta ba 'jug pa'i phyir gzhung du byas ba yin na 'di ni bdud kyi las yin no zhes med par lta ba de bkag par mi
 'gyur ba zhig go /ci'i phyir gzhan du don dam pa zhes bya ba gang yin pa de nyid gzhan du bdud kyi las zhes bstan ce na/ dgongs pa can gyi don la dgongs nas don dam pa zhes gsungs la/ sgra ji bzhin gyi don la dgongs nas bdud kyi las
 zhes gsungs pa yin no/ /gzhan yang mi dge ba'i las gyi lam dgag par yang 'byin pa ni med do zhes bya ba de lta bu la sogs pa log par lta ba lan mang du bkag pa yin/ gang zhig thams cad med do zhes bya ba 'dzin du gzhug par
 zhugs pa de ji ltar na byin pa ni med do zhes bya ba de lta bu la sogs pa 'gog par byed de/ de'i phyir na yang 'di lta ba bzang po ma yin ba 'dzin du gzhug pa'i phyir nyams par byed pa'i gzhung du byas pa ma yin no/ /yang
 ci'i phyir zhe na/ phan pa'i thabs bstan pa'i phyir ro/ /bsod nams thams cad bsags pa'i mdo las/ rigs kyi bu gzhan yang byang chub sems dpa' chos bzhi dang ldan na myur du mi skye ba'i chos la za zod pa 'thob po/ /bzhi po gang dag dang zhe
 na/ lta ba spangs pas bdog pa thams cad yongs su gtong ba nyid dang/ nyon mongs pa thams cad rab tu zhi bas tshul khrims yongs su dag pa nyid dang/ chos la 'jug pa'i bzed ba'i stobs dang ldan pa nyid dang/ dben pa'i chos la mos pas
 brtson 'grus brtsams pa nyid dang ngo/ /bzhi po gzhan dag gis kyang yin te/ sems can thams cad yongs su skyob ba nyid kyis byams pa chen po dang/ 'khor ba la yongs su mi skyo ba nyid kyi snying rje chen po dang/ chos la dga' ba dang/ rab tu
 dga' ba nyid kyis dga' ba chen po dang/ rjes su chags pa dang khong khro ba spangs pas btang snyoms nyid dang ngo zhes gsungs pa yin na gang zhig sems can chung gsan par zhugs pa de ji ltar na med pa can gyi lta ba thob par bya ba'i phyir
 sems can rnams la phan pa nyid kyi thabs ston par byed/ /yang dag par bsgrub par de med par yang med pa'i lta ba 'thob par 'gyur ba ma yin nam/ de ltar bas na theg pa chen po sems can rnams med par lta ba ji lta ba 'dzin du 'jug
 pa'i phyir nyams par byed pa'i gzhung du byas pa yin no zhes bya ba de rigs pa ma yin no/ /de'i phyir yang theg pa chen po ni sangs rgyas kyi gsung ma yin no zhes bya ba ma grub bo/ /bsdus pa'i tshigs su bcang ba dag ni/ ji ltar
 sangs rgyas gsung ma yin no/ /'gal ba'i phyir ro gzhan de bzhin/ /de nges don yin ril mi shes/ /nges don med par ji ltar shes/ /de sgra ji bzhin don min no/ /'gal ba'i phyir ro nyams byed yin/ /lta ba mi bzang bkag phyir ro/ /phan
 pa'i thabs kyang bstan phyir ro/ /de ni nges pa'i don yin gyi theg pa chen po la ni nges pa'i don med do zhes smras pa gang yin pa de yin pa yang thos pa nyung ba'i phyir de skad smras pa yin te/ dgongs pa nges par 'grel ba'i mdo las/ chos thams cad ni
 ngo bo nyid med ba zhes bya ba de lta bu la sogs pa de thams cad nges pa'i don ma yin par 'byung la/ mdo sde gzhan gyi khyad par gzhan mang po dag las kyang don de nyid yongs su bstan to/ /mdo sde'i dum bu de dag ni gzhung mang ba yongs su spang ba'i
 phyir ma bkod do/ /de dag las tshigs su bcad pa tsam ni re zhig brjod par bya'o/ /re zhig dgongs pa nges par 'grel pa las/ chos rnams ngo po nyid med chos rnams ma skyes dang/ /chos rnams ma 'gags chos rnams gzong nas zhi ba dang
 chos rnams thams cad rang bzhin mya ngan 'das par ni/ dgongs pa med par mkhas pa su zhig smra bar byed/ /mtshan nyid ngo bo nyid med skye ba ngo bo med/ /don dam ngo bo nyid med do zhes nges bshad de/ /mkhas pa gang zhig dgongs pas 'di
 dag shes pa ni/ /rab tu nyams par 'gyur ba'i lam du de mi 'gro /zhes gsungs pa yin no/ /gzhan las kyang phung po dag la bdag med de/ /phung po dag ni bdag ma yin/ /de dag brtags pa bzhin du med /de dag med pa'ang ma yin no//
 ji ltar byis pas brtags pa bzhin/ /dngos po thams cad yod pa ste/ /ji ltar mthong bzhin de yin na/ /thams cad yang dag mthong par 'gyur/ /dngos po thams cad med pa'i phyir/ /kun nas nyon mongs dag pa med/ /ji ltar mthong
 bzhin de med do/ /de dag med pa yang ma yin no/ /yang gsungs pa/ kun tu brtags pa'i rang bzhin gyis/ /chos rnams thams cad ma skyes pa/ /gzhan gyis dbang la gnas nas ni /mi yi rnam rtog 'khyam pa
 yin/ /nam zhig gzhan gyi dbang dag ste/ /rnam par rtog dang bral ba ni/ /shin tu gyur pa de bzhin nyid/ /rtog pa spangs par gnas pa'o/ /rnam brtags bden bar yod min gyis/ /rnam par rtog pas ma rtog cig /gzung dang 'dzin
 ba'i mtshan nyid du/ /nor par de dag rnam rtog na/ /phyi rol don mthong brtags na ni/ /kun tu brtags ba'i rang bzhin no/ /rtogs pa gang gis rtog byed pa/ /rkyen las skyes pa'i rang bzhin no/ /phyi rol don mthong log pa ste/ /don med
 sems ni 'ba' zhig go /rig pas rnam par gzhigs nas ni/ /bzung ba dang ni 'dzin pa 'gag /ji ltar byis pas brtags pa ltar/ /phyi rol gyis ni don med do/ /bag chags kyis ni dkrugs pa'i sems/ /don du snang ba shin
 tu 'byung/ /de lta bu la sogs pa nges pa'i don bshad pa la don nam tshig gi khong du chud par ma byas par theg pa chen po las nges pa'i don bshad pa med do zhes zer ba ni gya chom tsam 'ba' zhig go /de de lta bas na 'gal pa'i
 phyir theg pa chen po ni sangs rgyas kyi gsung ma yin no zhes bya ba de ma grub bo/ /gzhan yang theg pa chen po sangs rgyas kyi gsung ma yin no zhes zer na/ sangs rgyas kyi gsung gi mtshan nyid ci yin zhes brgal zhig brtag par bya'o//
 smras pa/ sangs rgyas kyi gsung nyid du sde pa bco brgyad dag gis yongs su bzung ba gang yin pa'o zhe na/ 'on don dam pa stong pa nyid la sogs pa'i mdo sde bdag med pa dang ldan pa 'phags pa kun gyis bkur pa'i sde pa dag gis khas
 mi len pa dag dang/ /srid ba bar ma do dang ldan ba srid pa bcu zhes bya pa de lta bu la sogs pas ston pa'i sde la sogs pa rnams kyis khas mi len pa gang yin pa de dag sangs rgyas kyi gsung du mi 'gyur ro/ /sde pa phan tshun tha dad pa'i mdo
 sde gang ngag yin pa de dag yang sde pa bco brgyad po dag gis yongs su bsdu bar ji ltar nus pas de dag sangs rgyas kyi gsung du mi 'gyur ro/ /'dul ba dang chos mngon pa dag kyang sde ba thams cad la tshig dang/ don gyis tha dad pas de gnyis
 sangs rgyas kyi gsung nyid du ji ltar rtogs bar bya/ /'o na slob dpon gyi rigs 'ga' zhig gis yongs su bzung ba gang yin ba de sangs rgyas kyi gsung yin no zhe na/ ji re zhig gang smras pa de legs par sgras bas sa ma 'on te rigs pa 'ga' 
 zhig phong/ 'di la mi rigs pa ci yod ce na/ ji ltar na phan tshun 'gal ba thams cad sangs rgyas kyi gsung du 'gyur la/ sangs rgyas kyi gsung mdza' dag ni deng sang mi snang ngo zhes de skad kyang bstan zin to/ /de lta bas na de ni mtshan nyid
 dang bral ba yin no/ /'o na mdo sde la 'jug / /'dul ba la snang/ chos nyid dang/ mi mthun pa med pa gang yin ba de sangs rgyas kyi gsung yin te/ chen po bstan ba tshad ma nyid yin pa'i phyir ro zhe na/ mdo sde'am 'dul
 ba ni gang la chos nyid ni gang yin/ yang dag par sdud bar byed pa rnams kyis mdo sde 'am/ 'dul ba yang dag par bsdus pa gang yin pa dang/ de gnyis las grags pa'i chos rnams kyi mtshan nyid kyi chos nyid gang yin pa'o zhe na/ yang dag par
 bsdus pa'i gzhi po deng sang nyams so zhes ma bstan tam/ 'o na sde pa gang la yang dag bar bsdus pa gang yin pa der rab tu grub pa'i chos nyid gang yin pa'o zhe na /ci ltar na phan tshun 'gal ba thams cad sangs rgyas kyi gsung du 'gyur zhes ma
 bkag gam/ 'o na 'phags pa'i bden pa'i mdo sde la 'jug /nyon mongs pa 'dul ba snang/ rten cing 'brel bar 'byung ba'i chos nyid dang mi mthun pa ma yin pa gang yin pa'o zhe na/ ji ltar gang zhig 'phags
 pa'i bden pa'i mdo sde la 'jug /ci re zhig tshig gis sam/ 'on te don gyis yin/ gal te tshig gis so zhe na/ de las gzhan pa'i mdo sde thams cad mi 'jug go /'on te don gyis so zhe na/ ji ltar theg pa chen po de la don
 gyis mi 'jug /nyon mongs pa 'dul ba la mi snang/ /rten cing 'brel par 'byung ba'i chos nyid dang mi mthun pa yin/ gal te 'gal ba'i phyir ro zhe na/ nyes pa de ni sngar bsal zin to/ /de lta bu'i tshigs rnams ni sgra ji bzhin gyis don ma
 yin pa'i phyir ro/ /de lta bas na gang gis na theg ba chen pos sangs rgyas kyi gsung ma yin par 'grub par 'gyur ba'i mtshan nyid de med do/ /ci'i phyir gang dag sgra ji bzhin gyis don ma yin no zhes de skad bstan pa'i tshig de dag bstan zhe
 na/ re zhig tshigs su bcad pa las/ pha dang ma ni bsang byas shing zhes bya ba de lta bu la sogs pa bstan pa ji lta bu yin/ de ni gdon mi za bar bshad par bya ste/ sred pa la soD pa ni ma la soD pa dang 'dra ba'i chos nyid yin par bstan pa'i phyir ro zhe na/
 chos thams cad ni ngo bo nyid med pa/ ma skyes pa ma 'gags pa zhes bya ba de lta bu la sogs pa de yang bshad par bya'o/ /ci'i phyir zhe na/ byis pas kun tu brtags pa'i ngo bo nyid yod pa nyid du 'dzin pa bsal ba'i phyir ro/ /rang bzhin gyis
 mig skyon can du gyur pa dag la kun tu brtags pa'i rang bzhin de yod pa nyid du 'dzin pa bsal ba'i phyir de med pa nyid yin pa dang 'dra bar de sgra ji bzhin gyis don ma yin no zhes 'di skad kyang gdon mi za bar bshad bar bya'o/ /de ci'i phyir zhe na
 mgo smos pa mi shes pa rnams brjod du med pa'i ngo bo'i chos med par 'dzin pa gsal ba'i phyir ro/ /de ltar na kha cig ni sgro 'dogs pa'i mdza' dang/ kha cig ni skur pa 'debs pa'i mdza' spangs pa yin no/ /gzhan yang lung 'di yang yod de rgyu
 lnga dag gis de bzhin gshegs pa rnams kyis smos pa'i rnam pa bstan pa mdor bsdus pa yin par rig par bya ste/ legs par tha snyad gdags pa'i rjes su mthun pa nyid dang/ dgongs pa sna tshogs kyi thabs dang mthun pa nyid dang/ sgrim pa
 drag po de kho na nyid rtogs pa dang mthun pa nyid dang/ de'i don khong du chud pas las dga' ba'i khyad par gyis bde bar gnas pa dang mthun pa nyid dang/ 'brel ba'i gtam nyid rnam par gtan la dbab pas shes rab kyis spyod pa'i thabs dang mthun pa
 nyid kyis so/ /gal te/ de skad gdon mi za bar bstan par bya ba yin na ci'i phyir nyan thos rnams la yang nyan thos kyi theg par de skad ma bstan zhe na/ de dag la ni de skad bstan bar mi bya'o/ /de ci'i phyir zhe na/ de dag ni chos la bdag med pa nyid la
 mos pa la gzud par mi bya ste/ /skyo bar bya ba yin pa'i phyir ro/ /'di ltar de dag ni rang bzhin gyi sdug bsngal la 'jig pa dang snying rje chung pa yin no/ /gang zag la bdag med pa nyid la bzung bab bya ste/ de la bdag tu 'dzin pa'i dbang gi lus la
 sred pas sdug bsngal las rnam par? ma grol ba'i phyir ro/ /de lta bas na de dag la gang zag med pa kho na bstan gyi chos med pa ni ma yin no/ /bcom ldan 'das kyi nyan thos rnams la phyed ni bden pa bstan/ phyed ni brdzun pa ste/ gang zag med do zhes bya
 ba ni bden pa'o/ /chos rnams yod do zhes bya ba ni brdzun pa ste/ ji skad du 'di na bdag gam sems can med chos 'di rgyu dang bcas las 'byung/ /las yod rnam par smin pa yod/ /byed pa po ni mi dmigs so zhes gsungs pa lta bu'o zhe na bcom
 ldan 'das kyi sems can brdzus te byung ba yod do zhes gang bshad pa de ci brdzun rnams bcom ldan 'das kyis dgongs pa gang gis bshad pa de ltar na brdzun no zhe na/ bcom ldan 'das kyis dgongs pa gang gis chos
 rnams yod do zhes bshad pa 'di yang de ltar ma brdzun no/ /ci dgongs pa de nyan thos rnams kyis rtogS pa ma zhe na/ bden pa ma mthong ba rnams kyi mi rtogs so/ /ji ltar na de dag gi ji ltar kun tu brtags pa bzhin du 'dzin na bslus par mi
 'gyur zhe na/ bcom ldan 'das kyis dgongs pa gang gis 'jig rten pa'i yang dag pa'i lta ba la bzung par bya ba'i 'dul ba rnams kyi dbang du mdzad na brdzus te byung ba'i sems can yod do zhes bshad pa 'di yang ji de dag gi dgongs pa de
 rtogs sam/ smras pa/ ma yin no zhe na ji ltar ni ji ltar kun tu brtags pa bzhin du 'dzin na bslus bar mi 'gyur/ de rnams kyi lhan cig skyes pa sems can du lta ba de ni bde 'gror 'gro ba'i bar du gcod par mi byed pas de'i phyir de bshad pa
 yin no zhe na/ de rnams kyi lhan cig skyes pa'i chos su lta ba de yang mya ngan las 'das pa'i bar du gcod par mi byed pas de'i phyir yang de bshad pa yin no/ /gal te 'khor ba la ni sdug bsngal ba nyid dam/ mya ngan las 'das pa la ni zhi ba
 nyid du yang dag par ji lta ba bzhin du ma yin par kun tu rtog na ji lta mi byed cen/ yang dag pa ji lta ba bzhin ma yin par kun tu rtog pa yang gang 'phags pa'i ye shes kyi rgyu mthun pa bstan pa'i rten can kha cig rnam par byang ba dang mthun
 pa yin te/ de'i gzhi ni brjod du med pa'i mtshan nyid du yod pa'i phyir ro/ /dper na mi dag 'dod pa dang/ gzugs dang gzugs med pa na spyod pa rnams kyi lus dang gnas dang/ ting nge 'dzin dang/ snyoms par 'jug pa 'am/ 'jig rten
 las 'das pa'i rnaM par? grol ba gang yin pa dag ? thos nas rtog par byed na/ ci de dag yang dag pa ji lta ba bzhin du kun tu rtog yin nam/ 'on kyang rtog pa de de la brtson pa rnams kyis de thob par bya ba'i pyir mthun pa ma yin nam/ de
 bzhin du so so'i skye ba rnams mi rtog pa la sogs pa'i rnam pa dag gis chos rnams la kun tu rtog pa na yang dag pa ji lta ba bzhin du rtog pa ma yin te/ sgyu ma'i 'dra ba las bcom ldan 'das kyis 'phags pa 'jig rten las 'das pa ni
 bden pa yi par gsungs so zhes 'byung ba'i phyir ro/ /rtog pa de yang ji lta ba bzhin gyi chos rtogs pa thob par bya ba'i phyir ma mthun pa ma yin no/ /gzhan yang theg pa chen po las/ yang dag min rtogs yang dag min/ yang dag min rtog
 na mi rtog rtog min mi rtog ma yin bar/ shes bya thams cad yin par bstan zhes chags su bcad pa bstan pa yang yin no/ /de la yang dag min rtog ni gang zhig thar pa dang mi mthun pa'o/ /yang dag min yang dag min pa min ni zag pa dang
 bcas pa'i thar pa dang mthun pa ste/ brjod du med pa'i mtshan nyid mi rtogs pa'i phyir dang/ de rtogs pa dang mthun pa'i phyir ro/ /mi rtog ni 'jig rten las 'das pa'i lam dang/ chos rnams kyi de bzhin nyid de gang zag dang chos la bdag
 med pa nyid kyi rnam par rtog pa'i mtshan nyid med pa'i phyir ro/ /rtog min min rtog ma yin pa ni 'phags pa rnams kyi 'jig rten las 'das pa'i rjes las thob pa dag pa 'jig rten pa'i ye shes yin te/ yang dag pa ji lta ba yul yin pa'i
 phyir dang/ chos kyi mtshan nyid rnam par 'jog pa'i phyir ro/ /gal te chos la bdag med pa nyid bstan pa med par yang nyon mongs pa rnams spongs na/ ci'i phyir byang chub sems dpa' rnams la bdag med pa nyid bstan zhe na 'khor ba la yongs su 
 mi skyo zhing kun nas nyon mongs pa med par bya ba'i phyir dang/ shes bya'i sgrib pa thams cad spang ba'i phyir ro/ /de dag ni chos la bdag med pa nyid la mos pa'i sbyor ba la goms pas yang dag pa sgrub pa na ci nas dus ring
 por 'khor ba la yang mi skyo zhing kun nas nyon mongs par mi 'gyur ba de lta bu ni sems kyi ting nge 'dzin zhi ba mtshan ma thams cad dang bral pa thob bo/ /bsod nams dang ye shes kyi chags chen po yang bas gags nas thos pa mdza' yas pa
 yongs su bsgoms pa'i gzungs dang/ ting nge 'dzin gyi sgo stong phrag zad mi shes pa'i snying po can thams cad la mngon 'du byed pa med pa rnam par mi rtog pa'i ye shes ro gcig pa zhi ba'i ting nge 'dzin rab kyi mthar byin pa bsgrubs te/ rdo rje
 lta bu'i ting nge 'dzin gyi mjug thogs su nyon mongs pa dang/ shes bya'i sgrib pa thams cad spangs pas chos thams cad la rnam pa thams cad mkhyen pa nyid 'thob bo/ /gzhan du na ni nyan thos dag dang 'dra bar gang mi rtag pa de ni sdug bsngal lo//
 gang sdug bsngal ba de ni bdag med pa'o/ /zhes gang zag la bdag med pa'i rnam pa 'ba' zhig yid la byed pa'i sor ba la goms pa las/ 'khor ba la yid byung ba mang ba'i shas che ba'i rgyud kyi mya ngan las 'das pa kho na la zhi bar lta zhing/
 sems can rnams la snying rje btang ste/ myur ba kho nar zag pa zad pa mngon sum du byed par 'gyur gyi/ rgyud chos kyi mtshan ma la 'du shes pas gzir bas dus ring por 'jug kyang gang gis mthar phyin pas shes bya thams cad la
 ye shes dbang ba 'thob pa de bzhin gshegs pa'i ting nge 'dzin gyi rigs zhi ba sems kyi ting nge 'dzin ni 'thob par mi 'gyur ro/ /'dir yang bshad pa/ brtag pa'i chos kyi rnam rtog ni/ shes bya kun lam spangs par
 thams cad mkhyen nyid yod min pas/ de phyir chos la bdag med bstan/ /gang gi tshe byang chub sems dpa' rnams rnam par grol ba ni ci de dag chos la bdag med pa shes pas rnam par grol lam/ 'on te gang zag la dang pa med par shes pas
 zhe na/ bshad pa chos la bdag med par shes par? so/ /ci'i phyir nyan thos kyi theg par khams mang po pa dang/ dgra bcom pa'i mdo la sogs pa dag la sangs rgyas rnams dang nyan thos rnams su rnam par grol ba'i thabs mtshungs par
 bstan zhe na/ rnam par grol ba mtshungs pa nyid du bstan na de'i thabs mtshungs pa nyid kyang bstan bar bya ba yin no/ /sangs rgyas rnams kyis rnam par grol ba ni khyad par yod de/ nyon mongs pa'i sgrib pa las ni nyon mongs pa bag chags ? dang
 bcas pa spangs pa'i phyir ro/ /shes bya'i sgrib pa spangs pa las kyang yin te/ /shes pa thams cad kyi rnam pa thams cad mngon par rdzogs par byang chub ba'i phyir ro/ /thabs kyi khyad par yang yod de/ dran pa nye bar gzhag pa la sogs pa
 khyad par yod pa'i phyir ro/ /'o na sangs rgyas rnams kyis ma yin bzhin du de mtshungs pa nyid du nyid kyis snying po mdzad pa na nyan thos rnams la bslu bar mdzad mod ce na/ sangs rgyas rnams kyi ni mtshungs pa nyid kyang yod la/ khyad par du/
 'phags pa nyid kyang yod pas 'di pa bslu ba ga la yod/ /sangs rgyas rnams kyi sal par byam pa nyid bu gshegs pas sems can gang dag 'dul bar mdzad pa ste/ ji ltar smad du byung pa dang po'i mdo? las gsungs pa lta bu yin na ci
 de dag bslu pa yin nam/ bcom ldan 'das kyis don dam pa stong pa nyid las/ las kyang yod rnam par smin pa yang yod la byed pa po ni mi dmigs so zhes gsungs pa gang yin pa de ci don dam pa nyid du 'am/ 'on te kun rdzob nyid du yin zhe na/
 de las cir 'gyur/ gal te don dam pa nyid du yin na/ ji ltar chos thams cad ngo bo nyid pa yin/ gal te kun rdzob tu yin na byed pa po yang kun rdzob tu yod bas byed pa po ni mi dmigs so zhes brjod par mi bya'o
 zhe na/ re zhig kun rdzob ces bya ba 'di ci yin/ don dam ni gang zhig yin/ de las ci kun rdzob du yod dam/ ci don dam par yod par shes par bya'o/ /ming dang brjod pa dang/ gdags pa dang/ tha snyad ni kun rdzob yin la chos
 rnams kyi rang gis mtshan nyid ni don dam pa ma yin no zhe na/ 'o na de lta na las dang rnam par smin pa gnyis ming du yang yod/ rang gi mtshan nyid du yang yod pas de gnyis ji ltar 'dod par yod du rtog la dag go /ded ni gang zag kun rdzob tu
 yod kyi rdzas sum yin te/ /phung po rnams la de'i ming gdags pa'i phyir ro/ /las dang rnam par smin pa dag ni kun rdzob du rdzas su yod don dam par ni med de/ 'jig rten pa'i shes pa'i yul yin pa'i phyir/ dam pa ni ye shes
 'jig rten las 'das pa yin te/ de'i don yin pas don dam pa'o/ /de gnyis kyis rang gi mtshan nyid ni de'i yul ma yin te/ de'i yul ni brjod du med pa'i spyi'i mtshan nyid yin pa'i phyir ro/ /'dir 'jig rten pa'i shes pa
 'am/ 'jig rten las 'das pa tshad ma yin zhe na/ gcig kho nar ni 'jig rten las 'das pa yin no/ /'jig rten pa ni dbye ba yod de/ 'jig rten las 'das pa'i rjes las thob pa gang yin pa de ni tshad ma yin no//
 gzhan ni tshad ma ma yin no/ /de ltar na dge 'dun phal chen sde ba rnams kyi tshigs su bcad pa/ mig dang rna ba sna yang tshad ma min/ /lce dang lus dang sems kyang tshad ma min/ gal te dbang po de dag tshad yin na/ 'phags pa'i lam
 gyi bya ba med par 'gyur zhes bya ba 'di dang mthun bar byas pa yin no/ /yang theg pa chen po pa kha cig thams cad rang gi mtshan nyid du ni med pa kho na yin la/ kun rdzob tu ni bcom ldan 'das kyi chos rnams yod pa nyid du bstan to/ /zhes sgra
 ji bzhin pa nyid kyi don yin par brjod pa gang yin pa de dag la ji skad bstan pa'i rtsod pa 'di yang 'byung bar 'gyur/ //bam po brgyad pa/ /kun rdzob ces bya ba yang brjod pa yin la/ de yang kun nas
 nyon mongs pa dang mthun pa nyes par bshad ba zhes bya ba la/ rnam par byang ba dang mthun pa ni legs par bshad pa zhes bya ba yin no zhe na brjod pa tsam du zad na ji ltar na legs par bshad pa 'am/ nyes par bshad par 'gyur/ kun
 rdzob kyang kha cig gdon mi za bar dngos su khas blang bar bya bar 'gyur ro/ /yang na de yang med na ni ji ltar kun rdzob tu yod pa nyid du gsungs pa yin/ kun nas nyon mongs pa dang rnam par byang ba thams cad la skur pa btab pas gnas dang gnas
 ma yin pa gnyis la mi gnas pa'i phyir dang rang gi rang smra ba bkag pa'i phyir brjod du med par 'gyur ro/ /dgongs pa can yin par smra ba na ni nyes pa 'di dag tu mi 'gyur ro/ /'o na kun rdzob sgra tsam du mi 'dod na theg pa chen po las
 'byung ba'i tshigs su bcad pa/ 'di dag thams cad ming tsam ste/ 'du shes tsam la gnas pa yin/ /brjod pa las ni logs shig na/ brjod par byaba yong ma yin ces bya ba 'di ji ltar 'grub ce na 'dir brjod pa la logs shig na brjod pa bya
 ba med par bkag pa yin gyi brjod du med pa'i mtshan nyid kyi dngos po ni ma yin te/ /de ltar de ni 'di kho na ltar yin te 'du shes tsam la gnas pa yin zhes gsungs pa yang 'dir sems las byung ba'i 'du shes la 'du shes zhes
 gsungs te/ mdo las ji ltar 'du shes 'byung ba de ltar rjes su tha snyad 'dogs zhes 'byung ba'i phyir ro/ /ming nyid ming la gnas par ni mi rung ngo/ /'di ltar mjug thogs su yang/ /ming ni gang dang
 gang gis su/ /chos ni gang dang gang brjod pa/ /de la yod pa ma yin te/ /de ni chos rnams chos nyid do zhes gsungs pa yang yin no/ /gal te/ brjod du med pa'i mtshan nyid kyi chos med na de la zhes ma gsungs kyis yod pa ma yin
 no zhes bya ba nyi tshe gsungs par 'gyur ro/ /byis pa rnams kyi kun tu brtags pa bzhin du chos brjod par bya ba de yang kun tu brtags pa'i mtshan nyid de la med do/ /de la med na ming ? med pas de'i phyir de la yod pa ma yin te/
 zhes gsungs so/ /'di skad du/ de ni chos rnams chos nyid do zhes gsungs pa gang yin pa yang 'dir brjod du med ba nyid kyi chos nyid la dgongs so/ /brjod ba tsam du zad na ni chos gang dag gis chos nyid gang yin par 'gyur
 yang ming gis kyang ni ming nyid stong zhes gang gi gsungs pa de yang 'di thams cad ming tsam mo zhes dam bcas nas ming yang med do zhes bya ba 'dir ji ltar rigs pa yin zhe na/ kun tu brtags pa'i ngo bo nyid dgag pa yin na ni/
 brjod ba'i bdag nyid du kun tu brtags pa'i brjod pa yang bkag pa yin pas rigs pa'i ngo bor 'gyur ro/ /de ltar yang mi 'dod na ni chos rnams thams cad ming med cing ming gis yongs su brjod pa yin zhes gang gsungs pa yang
 gal te med pa kho na yin na/ chos med med pa de dag gang yin/ brjod du med pa'i mtshan nyid dag chos rnams thams cad yin na ni/ byis ba rnams kyi kun tu brtags pa bzhin du brjod pas/ rjod par byed pa de'i rjes su 'brangs
 nas 'phags pa rnams kyang ming gis yongs su brjod pa yin par rung ngo/ /de ltar dgongs pa nges par 'grel ba'i mdo las/ rigs kyi bu 'dus byas zhes bya ba de ni ston pa rtags pa'i tshig yin te/ ston pas brtags pa'i
 tshig gang yin pa de ni kun tu rtog pa las byung ba tha snyad du brjod ba yin la/ kun tu rtog pa las byung ba tha snyad du brjod ba gang yin pa de ni kun tu rtog pa sna tshogs kyi tha snyad du brjod pa gtan yongs su ma grub pa'i phyir
 'dus byas ma yin no/ /'dus byas ji lta ba bzhin du 'dus ma byas kyang de bzhin no/ /zhes de bzhin du sbyar ro/ /'dus byas dang 'dus ma byas su ma gtogs ba ci brjod kyang de mang de dang 'dra ba nyid du 'gyur ro/ /brjod pa ni dngos po
 med pa can yang ma yin te/ dngos po de yang gang zhe na/ 'phags pa rnams kyis 'phags pa'i shes pa dang/ 'phags pa'i mthong bas brjod du med par mngon par rdzogs bar sangs rgyas ba gang yin pa ste/ zhes 'byung ba'i mdo
 sde'i dum bu dang yang sbyar ba yin no/ /re zhig chos thams cad ni ngo bo nyid med pa ma skyes pa/ ma 'gags pa zhes bya ba de lta bu la sogs pa dang/ tshigs su bcad pa be gongs pa can yin du chug na/ yang theg pa chen po las/ bram
 ze'i khyi'u blo ma nas bzung ste yongs su mya ngan las 'das ba chen po'i bar du sprul pa tsam zhig yin par bstan pa de la dgongs pa ci yod ce na/ 'di la nyes pa ci yod/ sangs rgyas kyi gsung grags ba dang 'gal te/ nyan thos kyi theg par
 sde ba thams cad las zas gtsang ma'i sras shAkya thub ba gang yin ba de ni sangs rgyas dang byang chub sems dpa' yang de zhes bya'o/ /zhes 'byung ngo zhe na/ ci nyan thos kyi theg pa las sangs rgyas kyi sbrul pa mi 'dod dam gal te mi 'dod na 'dul
 ba la 'phags ba ma 'gags pas lha'i mig gis bar mdo'i srid pa mang po thams cad dang sangs rgyas kyi sprul pa rnams mthong ngo zhes gsungs pa dang 'gal bar 'gyur la/ dus gcig tu phyogs dang
 yul sna tshogs la sangs rgyas kyi 'dul ba 'khor ba rnams 'dul bar mdzad pa mi 'grub par 'gyur ro/ /ci sangs rgyas kyi sprul ba de gdul ba rnams la 'di skad du/ da ni sangs rgyas kyi phrul pa yin gyi sangs rgyas sam? byang chub sems dpa' ni ma yin
 no zhes gsungs sam/ /smras ba/ ma yin no zhe na/ nyid sangs rgyas yin par ston mong/ /smras pa de bzhin no zhe na/ /ci'i phyir yin/ sangs rgyas kyi mcah+n la gdul ba rnams dga' ba dang/ rab tu dga' ba dang gus pa
 dang/ zhes dang dang pa lo sogs pa'i khyad par bskyed pa'i phyir ro zhe na/ de bzhin du sangs rgyas kyi sprul pa shAkya thub pa 'di yang gal te nyid sangs rgyas yin par yang gsungs la/ /nyan thos rnams kyis kyang de bzhin du bzung na
 de la 'gal ba ci yod/ /sprul pa de gang gi yin pa'i ngo bo nyid kyi sangs rgyas de gang yin zhe na/ byang chub sems dpa' sa bcu pa las sangs rgyas kyi dbang bskur ba thob pa gang yin pa ste/ /sa de yongs su sgyangs pa'i phyir spong nams
 dang ye shes kyi tshogs yongs su rdzogs pa dang/ nyon mongs pa dang shes bya'i sgrib pa thams cad spangs pa'i phyir gnas gyur ba bsam gyis mi khyab ba brnyed pa dang/ sems can thams cad kyi shes pa'i yul las 'das pa'i
 bdag nyid de ni ngo bo nyid kyi sangs rgyas yin te/ sprul pa de ni de'i yin no/ /de'i phyir gzhal yas grangs ni med pa ste/ /bsam yas bstan du med pas na/ /khyod ni nyid kyi rang nyid kyi/ /nyid ni mkhyen pa kho nar 'os zhes bstod pa
 yin no/ /mi'i skye ba med par sangs rgyas nyid med na ji ltar mi rnams su ma skyes pa mngon par rdzogs bar sangs rgyas shes na med do zhes bya ba de gang du gsungs nyan thos kyi theg par zhe na/ gang du ming sprul ba kho nas mngon par rdzogs bar
 byang chub pa ston pa der ji ltar gzhan du brjod par bya/ gal te sprul pa de mi 'dod na cir 'gyur zhe na/ ci zhig tu 'gyur te/ theg pa chen po skyon med pa la yang gnod par byas par 'gyur mod/ gzhan yang mi rigs pa mang por 'gyur te/
 byang chub sems dpa' thams cad mkhyen pa'i ye shes dang nyon mongs pa bag chags dang bcas par spangs pa dang nye bar gyur cing pa gang gis ni yul gyi lhums su 'jug pa dang/ /'byung bas na de las 'jig rten thams cad snang brgya
 chen pos khyab par 'gyur pa de lta bu'i mthu phun sum tshogs pa yin la thos pa dang ting nge 'dzin gyi snyoms par 'jug ba mdza' yas pa'i dbang thob pa ma yin zhing/ nyon mongs pa'i kun tu rgyu ba thams cad rnam par ma bsal ba yin no
 zhes 'byung ba mi rigs pa yin no/ /yang na de ltar gyur na yang nyon mongs pa'i dbang gis 'dod pa'i khams su skye zhing mngal gyi gzims mal du gzims so zhes 'byung ba mi rigs so/ /byang chub sems dpa' bltam pa'i med las sus
 kyang ma bzung bar gom pa bdun 'dor ba dang/ phyogs bzhir gzigs pa dang 'di ni da'i srid ba dag du skye ba tha ma yin no zhes tshig du gsungs la/ phyis bgres ba'i rgyas dbang po yongs su smin nas 'dod pa'i dga' ba'i longs sbyor bag
 med pa la zhugs so zhes 'byung ba mi rigs so/ /rang gzhin gyis skye ba du ma'i tshe rabs dgongs pa yang yin/ /bcom ldan 'das 'od srungs la tshangs par spyod pa sbyang nas/ byang chub kyi lam la goms par yang mdzad la/ dga' 
 ldan nas kyang lha'i ris drug la bka' stsal nas gshegs pa bdag nyid dang/ gzhan dag gi rga ba dang/ na ba dang 'chi ba'i chos nyid mi mkhyen bar gyur ba dang/ gzhan mu stegs can rnams las byang
 chub kyi lam tshol bar zhugs pa dang/ bdag nyid dub par gnas pa la rjes su sbyor bar mdza' la lam yin bar 'du shes mdzad nas dka' thub drag po dag giS bdag nyid nyon mongs par gyur to zhes 'byung ba mi rigs so /yang
 na tshe rabs mi dgongs na ni de lta na bskal ba mi nyung bar bsod nams dang ye shes kyi tshogs bskyed bas/ sku yang dag par grub pa dran pa dang/ blo gros chen po'i stobs bskyed ba thob pa/ mngal na yang bsnyel ba mi mnga' ba
 bltam ma thag tu tshig de lta bu gsungs so/ /zhes bya ba mi rigs so/ /byang chub sems dpa' srid pa tha ma pa bsam gtan dang/ gzugs med pa'i snyoms par 'jug pa bskyed nas/ yongs su nyams so zhes 'byung ba mi
 rigs so/ /yang na yongs su mnyams par gyur na ni dka' ba sbyad pas/ dag par thugs su chud pa'i phyir 'dod pa na sbyod pa'i tshul khrims dang/ brtul zhugs mchog tu 'dzin pa'i lta ba la mchog tu 'dzin bar gyur to zhes 'byung
 ba mi rigs so/ /'on kyang rung ste/ byang chub sems dpa' de skad bstan pa de thams cad zhal gyis bzhes pa ni sems can 'dul ba'i thabs kyi rnam pa yongs su 'dzin du gzhug pa'i phyir ro/ /blo sngon du gtang ba yin no zhe na/
 de thams cad ni sbrul pas kyang mdzad bar spyad pas rgyu med par skye ba len pa dang/ 'dod pa'i bsod nams kyi rjes su sbyor ba'i mdza' dang/ bdag nyid dub bar gnas pa la rjes su sbyor ba'i mdza' la rten par mi rigs so/ /gal
 te de thams cad sprul ba yin na ci phyir dka' ba spyang ba na/ /nga bram ze'i khye'u bla ma'i gnas skabs na yang dag par rdzogs pa'i sangs rgyas 'od srungs la dge sbyong mgo reg la byang chub ga la yod/ byang chub ni mchog tu dka' ba yin no/ /zhes
 kha byas ba'i las de'i rnam par smin pas ni nga la drug tu dka' ba sbyang ba gang yin ba 'di yin no zhes las kyi rgyu bshad ce na/ nga la da ltar rigs 'di gsal bar bya'o snyam na shin tu mun ba byas pa yin no/ /ji ltar na khyim bdag mgon
 med zas sbyin byas ni sangs rgyas zhes bya ba sngon ma thos pa'i sgra thos nas ba spu thams cad zing zhes byang cing/ shin tu lta ba la sbro bar gyur ba gang yin pa dang/ bram za'i khye'u bla ma che bar gsum na sangs rgyas su 'gyur ba gang yin pas
 ni sangs rgyas nyid la skur ba btab pa 'di dgongs pa can ma yin par khyed yid ches bar spro/ sprul pa'i dngos po ni mi ston kyang las kyis rgyu ba ni gdon mi za bar bstan bar bya ste/ /sems can rnams las kyi 'jigs pa nyid yongs su
 bskyed ba'i phyir ro/ /sangs rgyas rnams sbul ba gang dag ? brdzun gsungs pa yin bar 'gyur ro zhe na kye mnyes bar 'dzin ba rnams gdul bka' ba nyid yin/ /sangs rgyas rnams ni sams la ji lta ji ltar phan pa de lta de ltar sprul ba mdzad ba
 'am gsungs pa yin na 'di la ci zhig mi rangs par bya/ gzhan du ji ltar gdul ba dang/ skal ba mnyam ba'i sprul ba rnams kyis de dag sgal ba mnyam ba'i rigs la sogs pa dam bcas pa 'gal bar mi 'gyur re zhig 'di yang dpyad bar
 bya'o/ /ci de bzhin gshegs ba rnams chig rtsub po 'am mdza' bo dang dbye bar byed pa gsung dam/ smras pa sems can rnams la phan par bya ba'i phyir gsungs te/ gzhan du na 'char ka dang ci zhig gsung ba'i mdo la sogs pa dag dang
 'gal bar 'gyur ro zhe na/ ci dag gi las kha na ma tho ba dang bcas par brjod par bya ba 'am smras pa ma yin te de ci'i phyir zhe na/ dge ba'i sem las byung ba'i phyir ro zhe na/ brdzun yang de kho na bzhin du ci'i phyir
 mi 'dod/ 'o na bla ma la sogs pa sprul pa yin par bstan pa la dgongs pa ci zhig yod ce na/ thabs la mkhas pa'i mdo sde dang/ /'jig rten las 'das pa'i le'u la sogs pa dag ji ltar 'os par nges par gzung
 bar bya'o/ /thabs la mkhas ba'i mdo sde tshad ma nyid yin na ni ha cang thal bar 'gyur te/ de la thabs mkhas pa nyid kyi srog gcod ba ni kha na ma tho ba med pa zhes gsungs so de lta yin na ni gang dag phan bar 'dod pas
 de rnams mtho ris thob bar bya ba'i phyir dang/ 'khor ba las thar bar bya ba'i phyir/ /phyugs dang dud 'gro sna tshogs gsod par byed pa/ mchod sbyin pa rnams 'khor ba las thar bar bya ba rnams la ci'i phyir kha na ma tho bar
 med bar mi 'gyur zhe na/ ci 'o thug dang khar 'dra ba nyid yin nam/ de rnams kyi/ srog gcod de ni gti mug las skyes ba dang/ chags pa las skyes pa yin no/ /phyugs dang srog chags gzhan dag la mchod sbyon can gyi sdug
 bsngal gyi 'chi bar byed pa 'am/ bsad pas mtho ris sam thar pa 'thob bo snyam pa ni gti mug ste/ las dang 'bras bu phyin ci log pa la mngon par zhen pa'i phyir ro/ /bdag la 'dis mtho ris su 'gro bar 'gyur snyam pa ni gti
 mug dang chags pa'o/ /bcom ldan 'das kyi dge slong dag srog gcod pa ni rnam pa gsum ste/ /chags pa las skyes pa dang/ zhe sdang las skyes pa dang/ gti mug las skyes ba'o/ /log par lta ba'i bde la yang de bzhin no
 des mi dge ba'i las kyi lam rnams kyi mtshan nyid spyi rnam par bzhag bas de'i phyir ji ltar na de kho na ma tho ba med par 'grub/ thabs la mkhas pa'i mdo sde las ni ma chaD ba la soD bar byung ba'i srog gcod ba kha na ma tho ba med pa'o zhes
 yongs su bstan pas de dang der ji ltar na 'dra ba nyid yin/ ji ltar mi chags pa la sogs pa las 'byung zhe na gal te gzhan mchams med pa'i las byed ba la mngon du phyogs ba mthod na/ las de ni yun ring bor rnam bar smin pa drag por
 'gyur bar rigs nas/ snying rje byed ba na de bsad pas bdag nyid sems can dmyal bar skye ba yang khas blangs nas/ de yongs su bskyab ba'i phyir dge ba 'am lung du ma bstan pa'i sems kyis gnas skabs byas te/ bdag sems can
 dmyal ba rnams su skyes pa ni bla'i/ de sdug bsngal gyi phung po chen po dang 'brel bar gyur na mi rung ngo snyam nas gsod bar byed ba ste/ /de lta bu ni dge ba'i sems las byung ba'i phyir ro/ /'di ltar dge ba'i sems kyang ma chags pa la
 sogs pa dang mtshungs bar ldan ba yin no/ /'on te ma chags pa la sogs pa las byung yang srog gcod ba'i skyon du 'gyur na ni tshig rtsub bo dang/ mdza' bo 'byed pa dang/ ji skad du gsungs ba'i mdo sde yang skyon du 'gyur ro/ /de yongs su
 gtong ba'i sems nyid gang yin ba de nyid 'dir zhe sdang ma yin nam zhe na/ /'di sdug bsngal gyi chu bo chen po las yongs su bskyab par 'dod bas bdag la byams ba byas kyang lha bar byas pas/ /de 'di nges par myong bar 'gyur ba'i
 las byed pa la mngon tu phyogs pa'i lus las phul du byung ba lus gang thob par byed ba na/ de yongs su btang ba gang yin/ gzhan yang snying brtse ba'i bdag nyid dag gis sbyor ba gang gis/ phan phyir gzhan gsod de ni skyon can na/
 gang gis dge sbyong drug bcu la sogs shis mdo gnyis thub pas bstan pa de ci'i phyir/ /mdo gnyis kyang gang las chos kyi rnam grangs 'di bshad pa na dge slong drug bcu kha nas khrag dron mo byung ste/
 gnod pa de nyid kyis dus byas so zhes 'byung ba ldan shing gi phung po lta bu dang/ gang las de na bcom ldan 'das kyi dge slong rnams la dge slong ngag mi sdug pa bsgoms shig /mi sdug ba bstan cing zhes bya ba nas phan yon che'o
 zhes bya ba'i bar du mi sdug pa bsten cing/ mi sdug ba'i sgom pa'i bsngags pa bshad pa dang/ de'i che dge slong dag mi sdug pa bsgoMs shing/ /mi sdug pa bsgoM na/ rnag gi lus 'dri 'dzeM zhing zhes bya ba nas mtshon 'debs par byed cing dge slong gi deg
 slong gsod pa'i bar du 'byung ba ri dags zlog gi mdo yin no ci'i phyir theg pa chen po las sprul pa shAkya thub ba sangs rgyas kyi sprul pa yin par bstan la/ theg pa chen po ma yin pa la ma yin zhe na/ byang chub sems dpa' rnams ni rgya
 chen po la mos ba yin bas/ /de rnams la sangs rgyas kyi ngo bo nyid dang/ mthun na bdag nyid chen po'i khyad par bstan ba'i phyir de bzhin gshegs pa skye ba bstan pa'i mdo bzhin ni du de ltar bstan par bya'o/ /gzhan du na ni de rnams
 de ltar sems mngon par 'du byed par mi 'gyur lam rig par 'gyur ba ji skad du bstan pa de'i lan yang ji ltar btab par 'gyur/ nyan thos gang dag de lta bu la mos pa'i skal ba can de dag ni de nyid las thos par 'gyur ro/ /
 gang dag skal ba med pa de rnams la ni de bstan pa nyid skyon du 'gyur ro/ /de bas na theg pa chen po sangs rgyas kyi gsung yin no zhes bya ba de ni mi 'gal lo/ /de'i phyir shin tu rgyas pa'i sde theg pa chen po yin no zhes bya ba 'gal ba
 ba med do/ /rnam par bshad pa'i rigs pa las le'ur bcad pa bzhi pa'o// //brgal ba dang lan gyi rnam pa yang bstan/ ji ltar mdo sde bshad par bya ba'i rig pa yang bstan to/ /gzhan yang chos smra ba pos thog ma kho
 nang mdo sde bkod nas brgal zhing brtag par bya ste/ 'khor len rnams la sred pa bskyed ba'i phyir ro/ /'on kyang sred pa chung ba yin pa rnams la yang rna blag tu gzhag pa'i phyir gus par mnyan ba dang ldan ba bshad par bya'o/ /gus par
 mnyan ba dang ldan ba 'di ci zhig ce na/ gtam gang las gus pas mnyan ba bstan pa'o/ /rna blags na dgos pa la sogs pa'i rim pas mdo sde bshad par bya'o/ /brgal zhing brtags pa byas na yang brgal ba ci'i phyir smos she na/
 brgal ba'i 'jug thogs su lan rnams bde bar khong du chud par bya ba'i phyir ro/ /sngar med sde'i che ba nyid thos na/ mnyan pa dad ni bzung ba la/ /nyan pa po ni gsu byed 'gyur/ /de phyir thog mar dgos pa brjod ces bstan pa yin na/
 de ci'i phyir thog mar gus par mnyan pa dang ldan pa bshad par bya zhe na/ bgos pa bstan pa la yang gus par mnyam par bya ba'i phyir ro/ /kha cig mdo sde'i don kheng du chud par mi nus pa dag 'byung bas de dag la chos tsam la yang gus
 bar mnyan bas bsod nams bskyed bar bya ba'i phyir dang/ don khong du chud pa la smon pas shes rab kyi khams bskyed bar bya ba'i phyir/ /gdon mi za bar thog mar gus pa mnyan pa dang ldan pa bshad par bya'o/ /ji ltar bshad par
 bya zhe na/ rnam pa gsum dag gis te/ yang dag par 'dzin tu bzhug pa nyid dang/ dogs pa yang dag par bstn pa nyid dang rmugs pa dang/ gnyid dang log pa'i rnam par rtog pa rnams kyi zhum pa dang/ sems rnam par g.yengs ba rnams la ya mtshan
 dang/ rab tu dga' ba dang/ skyo ba'i gtam nyi bar bsgrub pa nyid kyis so/ /ji ltar na yang dag bar 'dzin du gzhug ba nyid kyis zhe na/ gus par chos mnyan par bya'o/ /zhes bya bas yang dag par 'dzud ba'i
 phyir ro/ /'dir yang dag bar 'dzud ba ni yang dag par 'dzin du gzhug pa yin par rig par bya'o/ /sangs rgyas bcom ldan 'das ni 'khor la chos ston par mdzad pa na dbyangs yan lag lnga dang ldan pa zhal nas 'byung ngo/ /re
 zhig de yang da lta bu'i yon tan dang ldan pa'i gsung gis chos ston pa na/ dge slong dag khyed la chos bstan gyis de'i phyir nyon la legs par rab tu yid la byos shig ces de ltar yang dag par 'dzin tu gzhug par mdzad pa yin na
 bdag cag la lta smos kyang ci dgos bas so/ /dbyangs kyi yan lag lnga ni 'brug sgra ltar zab ba dang/ snyan cing 'jobs? la rnam snyan ba dang/ /yid du 'od zhing dga' bar byed ba dang/ rnam pa gsal zhing rnam par rig par bya
 ba dang/ mnyan bar 'os shing mi mthun pa med pa ste/ 'dis de bzhin gshegs pa'i dbyangs kyi yon tan lnga po rgya che ba nyid dang snyan pa nyid dang/ rigs pa'i don dang ldan pa nyid dang/ bzung bla ba nyid dang/ sna tshogs ci 'dod pa nyid
 yongs su bstan te/ /yon tan lnga po 'di dag ni mnyan pa dang/ rnam par mi g.yengs pa dang/ rnam par grol ba dang/ /bong du chung bar byed pa dang/ yongs su smin par byed ba'i yan lag tu go rims bzhin du 'gyur ro/ /bsdus
 pa'i tshigs su bcad pa dag ni/ /yon tan lnga ni rgya chen dang/ /snyan dang rigs don ldan nyid dang/ /bzung bla sna tshogs ci 'dod nyid/ /'di dag lnga'i yan lag ste/ /mnyan dang rnam par mi g.yangs dang/ /rnam grol khong du chud pa dang
 sman bar byed ba yin te nges/ /thub chen gsung ni yan lag lnga/ /'phags pa shA ri'i bus che dang ldan pa dag dge slong smra ba bos gzhan dag la chos dang ldan pa'i gtam smra ba na/ rnam pa nyi shu dag dang ldan bas gtam bya ste/ /dus su gtaM
 bya ba dang/ gus pa dang/ go rims dang zhes bya ba de lta bu la sogs pa dang tshe dang ldan pa dag chos mnyan par bya ste/ dus su chos mnyan bar bya ba dang/ /gus ba dang sri zhu dang zhes bya ba de lta bu la sogs pa gsungs pa yin no/ /dang dam
 khyed kyi de ni bsgrub par dka' bas de'i phyir rnam pa nyi shu 'am bcu drug lta zhog gi re zhig rnam pa gcig tsam yang byas la ngas kyang gus par chos bshad par bya/ khyod kyis kyang gus par chos nyon cig /ji ltar theg pa chen po'i mdo sde/
 bsdus pa las 'byung ba de ltar lang dag par 'dzin du gzhug pa nyid kyis so /de las ji skad gsungs shes re'i phyir shes ldan rgyal ba'i sras dag ma chags shi sems dang zhe sdang med pa'i sems dang/ las su rung ba'i sems dang/ rnam par
 ma rmongs pa'i sems dang/ zhi ba'i sems dang/ rtsub pa med pa'i sems dang/ rgyud gcig tu gyur pa'i sems dang/ dge ba'i sems dang/ bye brag phyang pa'i sems dang/ gus pa'i sems dang/ mos pa'i sems dang/ legs par rnam
 par gnas pa'i sems dang/ le lo med pa'i sems dang/ bzung ba'i sems dang/ phan 'dogs pa'i sems dang/ rab tu 'dzin pa'i sems dang/ sgrub pa'i sems dang/ don la lta ba'i sems dang/ skyon yid la mi byed pa'i sems dang/ don
 la ston pa'i sems dang/ ri mor bya ba'i sems dang/ zhum pa med pa'i sems dang/ khengs pa med pa'i sems dang/ mnyam par gzhug ba'i sems dang/ tshig 'bru la mi 'phro ba'i sems dang/ don mi gtong ba'i sems dang/ yid la byed pa
 drag po'i sems byos shig ces 'byung ba yin no/ /yang dag par 'dzin du gzhug pa 'dis gang la yang dag par 'dzin bu gzhug pa 'dis gang la yang dag par 'dzin tu bcug pa ce na/ /tshig bdun dag
 gi ni sgrib pa lnga yongs su spong ba la ste/ rmugs pa dang/ gnyid dang/ rgod pa dang/ 'gyod pa rnam pa gnyis su byas te'o/ /tshig bzhing ga ni bcom ldan 'das kyis khye'u lta bu'i gang zag bzhi bstan pa rgang yin bdag ste gsum ni
 nag po'i phyogs dang mthun pa yin no/ /gcig ni dkar po'i phyogs dang mthun pa yin te/ de lta bu nyid yongs su spang ba dang/ de lta bu nyid la'o/ /tshig lhag ma bcu drug po dag gis ni don rgyas pa las 'phags pa shA ri'i
 bus rnam pa bcu drug po gang dag gis chos mnyan par bya bar gsungs ba'i rnam pa bcu drug ngag la yang dag par 'dzin du bcug pa yin no/ /de la chos mnyan pa dang mthun pa'i spyod lam la rnam par gnas pa'i
 phyir legs par rnam par gnas pa'i sems so/ /le lo spangs te/ nyan pa'i phyir/ le lo med pa'i sems dang/ gzung ba'i bsam pa ni gzung ba'i sems so/ /chos smra ba la gus pa dang bcas pa'i phyir phan 'dogs pa'i
 sems so/ /de nyid kyis sems kyi rjes su 'jug pas lus dang/ dag dag gi sems yang dag par rab tu 'dzin pa'i phyir rab tu 'dzin pa'i sems so/ /chos 'di ni don chen po'i snyam pa ni don la lta ba'i sems so/ /tshul
 khrims dang/ rigs dang/ rus kyi skyon yid la mi byed pa'i phyir/ skyon yid la mi byed pa'i sems so/ /gzhung gi tshig 'bru nyams pa la don la rton pa'i sems dang/ ngag gi las phun sum tshogs pa la sangs rgyas dang 'dra ba nyid
 ? rim bya ba'i sems so/ /lhag ma ni go sla pa di phyir ma bshad do/ /de lta bu ni yang dag par 'jug pa nyid kyis so/ /ji ltar na dgos pa yang dag pa bstan pa nyid kyis yin/ ci'i phyir gus par chos mnyan par bya zhe na/ snod gsuM
 dag tu ni lhas tshar phab kyang? chu'i bya ba mi byed de/ kha gzhan du phyogs pa 'am bcad pa gang du mi 'bab pa nyid dang/ mig cing ba gang du bab kyang skyon can du 'gyur ba dang/ bu ga dang bcas pa gang du mi gnas pa'o/ /de bzhin du
 skye bo nyan pa po'i yid kyi/ snang gsum dag tu chos smra bas chos kyi chang phab kyang/ chos gyi chu'i bya ba mi byed de/ rnam par g.yeng ba dang rmugs pa dang/ gnyid dag gis mi nyan pa'i phyir/ gang du mi 'bab pa dang/ tshul bzhin yid la
 Fmi byed ba'i phyir/ gang du bab kyang skyon can du 'gyur ba dang/ dran pa rjed bas pa'i gang du mi gnas pa'o/ /de lta bas na de'i skyon longs su spang ba'i phyir bcom ldan 'das kyis de'i phyir nyon la lags bar rab tu nyon la yid la byos shig ces gsungs ba yin pas mnyam pa'i skyon de bdag cag la 'byung na mi rung ba'i phyir/ gus par chos mnyan bar bya'o/ /nad pa gcig gis ni sman pa'i lung ma shes la/ gnyis pas ni nyes bar bzung ste/ dper na 'khrus gal 'bras khu lung cig
 ces bsgo ba las/ zho kha chu blung ba dang/ drod chung ba la phye ma sbyar ba las phyung ste/ pho sum re re 'goms shig ces bsgo ba las rgyun mi 'chad par thams cad 'gams pa dang/ 'di ltar snum thod la 'di ltar bkru sman 'thungs shig/
 'thungS naS kyang 'di ltar 'bras khu dang/ thug pa la sogs pa rim gyis longs sbyod cig ces bsgo ba las nyi ma gcig nyid la thams cad byas so/ /gsum pas ni lags bar bzung nas chud gzan pa lta bu ste/ de rnams las bar ma ni
 thams cad bas tha tshad yin no/ /bstan pa 'di la yang gang zag de lta bu gsum yod pas de'i gnyen por bcom ldan 'das kyi nyon la legs par dang/ rab tu yid la bya bas mnyan pa la yang dag pa gzung ba
 mdzad do/ /de lta bas na nad pa lta bur gyur na mi rung bas gus par chos mnyan par bya'o/ /nad pa gsum po dag ni pha la gnod de zas mi za ba gang yin pa dang/ mi 'phro ba zos pa skyug pa gang yin pa'o/ /de bzhin du nyon mongs pa'i nad
 Fpa rnams kyang chos kyi yab sangs rgyas la gnod de/ dam pa'i chos mi nyan pa gang yin pa dang/ tshul bzhin yid la mi byed pa gang yin pa dang/ legs par yid la med pa'i phyir brjed pa gang yin pa'o/ /de lta bas na chos kyi yab sangs rgyas
 la gnod ba gyur na mi rung bas/ /gus bar mnyan par bya'o/ /bcom ldan 'das kyis chos mnyan pa la phan yon lnga gsungs te/ ma thos pa thos par 'gyur ba dang/ thos pa yongs su byang bar 'gyur ba dang/ som nyi spong ba dang lta ba
 drang bor byed pa dang/ shes rab kyi don dang/ tshig zab mo rtogs par 'gyur ba'o/ /de la ji ltar na ma thos pa thos par 'gyur ba yin zhen thog ma mang pa can gyi 'khor ba nas bstan gcos gzhan thams cad las ma thos pa po dang/ /skye
 mched dang/ khams dang/ rten cing 'brel par 'byung ba dang/ 'phags pa'i bden pa dang/ dran pa nye bar gzhag pa dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang phung dbugs
 rdub pa dang/ 'byung ba dran pa dang/ bslab pa dang/ shes nas dang ba rnam par gzhag pa dang/ kun nas nyon mongs pa dang/ rnam par byang ba'i chos rnams kyi rang dang spyi dang rgya dang 'bras bu'i mtshan nyid phyin ci ma logs pa ston pa dang/ bdag tu
 lta ba'i nye bar len ba slong ba yongs su ston pa dang/ gang zag slob pa dang/ mi slob pa'i bar du dbye ba dang/ che ba'i bdag nyid dang/ dge sbyong gi 'bras bu dang rnam par thar pa dang/ zil gyis non pa'i skye mched dang/ zad par khyi skye mched
 dang/ nyon mongs pa med pa dang/ smon nas shes pa la sogs pa dang/ /de bzhin gshegs pa'i stobs dang/ mi 'jigs pa dang/ sangs rgyas kyi chos ma 'dres pa dang/ chi ba'i bdag nyid la sogs pa gang yin pa de thos par 'gyur ro/
 de ltar na mthos pa thos par 'gyur ro/ /ji ltar na thos ba yongs su byang bar 'gyur zhe na/ sangs rgyas 'byung ba gzhan dag las sam/ 'dir thos par brjod dam/ dri ma can du gyur ba gang yin pa de mnyan bas bsal bar byed cing
 dri ma med par byed do/ /de ltar na thos pa yongs su byang bar 'gyur ro/ /ji ltar na so ma nyi spong bar 'gyur zhe na/ de sems pa na the tshom 'gyur ba gang yin pa de/ chos mnyan bas nges pa 'thob ba/ /ji ltar na lta ba drang por byed ce na/
 'dir sems pa na log par rtog pa 'byung ba gang yin pa de yang dag par rtog go/ ji ltar na shes rab kyi don dang tshig zab mo rtogs par 'gyur zhe na/ rten cing 'brel bar 'byung ba'i chos nyid gang thos nas/ chos nyid rtogs par
 'gyur zhing/ 'phags pa'i bden pa mngon par rtogs par byed do/ /phan yon lnga po 'di dag gis shes rab gsum yongs su dag par bstan pa yin te/ ma thos pa thos pas 'gyur ba dang/ thos pa yongs su byang par 'gyur ba
 gang yin pa des ni thos pa las byung ba'i shes rab yongs su dag par 'gyur ro/ /som nyi spong pa dang/ lta ba drang por byed pa gang yin pa des ni bsam pa las byung ba'o/ /shes rab yis don dang/ tshig zab mo rtogs par 'gyur ba gang
 yin pa des ni bsgom pa las byung ba'i shes rab yongs su dag par 'gyur ro/ /phan yon 'di dag yang dag par mthong bas dam ba'i chos mnyan pa la gus par mnyam par bya'o/ /yang ci'i phyir zhe na bcom
 ldan 'das kyis/ thos pas chos rnams shes par 'gyur/ /thos pas sdig las ldog par 'gyur/ /thos bas don med spong bar 'gyur/ /'thos pas mya ngan 'das pa 'thob ces gsungs pas so/ /de la ji ltar na thos pas chos rnams
 shes par 'gyur zhe na/ 'di lta ste'i de na kha cig de bzhin gshegs pas gsungs pa'i chos 'dul ba thos na yang dag pa'i tshul khrims dang/ ting nge 'dzin dang/ shes rab yongs su ston pa gang yin pa 'di de kho na chos yin gyi/
 gzhan mu stegs can gyis smras pa/ me dang chur 'jug pa dang/ zas mi za pa dang/ brtul zhugs drag po dang/ 'tshe ba dang/ mchod sbyin la sogs pa yongs su ston pa ni ma yin no zhes rnam par shes so/ /ji ltar na thos pas
 ba las sdig pa las ldog par 'gyur zhe na/ 'di lta ste/ 'di na kha cig de bzhin gshegs pas gsungs pa'i chos 'dul ba las lhag pa'i tshul khrims kyi bslab pa thos na/ de la brten pas nyes par yod? pa las ldog go/
 ji ltar na thos pas don med pa spong bag 'gyur zhe na/ 'di lta ste/ 'di na kha cig de bzhin gshegs pas gsungs pa'i chos 'dul ba las/ lhag pa'i sems kyi bslab pa thos na/ de la brten pas gang dag la byis pa rnams
 don du 'ang shes pa 'dod pa don med par gyur ba rnams spong bar 'gyur ro/ /ji ltar na thos pas mya ngan las 'das pa 'thob ce na/ 'di lta ste/ 'di na kha cig de bzhin gshegs pas gsungs pa'i chos 'dul ba las lhag pa'i
 shes rab kyi bslab pa thos na/ de la brten pas zag pa zad pa mngon sum du byed do/ /'dis ni dam pa'i chos mnyan pa la phan yon rnam pa bzhi po yang dag pa'i lta ba rnyed pa dang/ bslab pa gsum la yang dag par brten pas/ sdig pa las yang
 dag par brgal ba rab/ 'dod pa las yang dag par rgal ba dang/ yang srid ba las yang dag par brgal ba yod par go rim bzhin du yongs su bstan to/ /yang nyon mongs pa'i gnod pa'i rgyu la phan yon rnam pa bzhi pa yang dag pa'i rta pha
 rnyed pa dang/ las kyi kun nas nyon mongs pa las brgal ba dang/ nyon mongs pa'i kun nas nyon mongs pa las brgal ba dang/ skye ba'i kun nas nyon mongs pa las brgal ba yod par yongs su bstan to/ /yang rnam pa bzhi te/ de bzhin
 gshegs pas gsungs pa'i chos 'dul ba la dad pa rnyed pa dang/ rab tu 'byung ba dang/ dbang po'i sgo sangs pa nyid kyi rim pas bsam gtan bzhi pa'i bar du ste/ de ni 'dod pa'i khams las 'dod chags dang bral ba'i phyir/ gnod pa
 Fspong dang 'phags pa'i bden pa yang dag par ji lta ba bzhin du rab tu shes pa'i rim pas zag pa zad pa'i bar du ste/ n+ya gro d+ha la sogs pa'i mdo sde rnams kyis bsgrub par bya'o/ /de ltar phan yon rnam pa mang po yang dag par mthong
 ba nyid kyi gus par chos mnyan par bya'o/ /yang ci'i phyir zhe na/ 'di ltar bcom ldan 'das kyi chos 'dul ba ni legs par gsungs pa yin pas so/ /yang ji ltar na legs par gsungs pa yin zhe na/ rnam pa bcu dag
 gis te/ yang dag par bslang ba nyid gyis dang/ dbang du mdzad pa nyid kyis dang/ /'jug pa nyid kyis dang/ rab tu bstan pa nyid kyis dang/ rab tu dbye gnyid kyis dang rten nyid kyis dang go bar mdzad pa nyid
 kyis dang/ gdags pa nyid kyis dang dus nyid kyis dang/ yon tan yongs su 'dzin pa nyid kyis so/ /ji ltar na yang dag par bslang ba nyid kyis zhe na/ yang dag par mngon par rdzogs par sangs rgyas
 nas gsungs pa'i phyir ro/ /ji ltar na dbang du mdzad pa nyid kyis zhe na/ sems can thams cad kyi dbang du mdzad nas gsungs pa'i phyir ro/ /ji ltar na 'jug pa nyid kyi sa zhe na/ res 'ga' ma yin gyi/ yang dang yang du rgyun tu
 gsungs pa'i phyir/ ji ltar na rab tu bstan pa nyid kyis zhe na/ slob dpon gyis dpe mkhyud kyis 'ga' la yang bar chad ma byas par bar chad med par yang dag par gsungs pa'i phyir ro/ /ji ltar na rab tu dbye ba nyid kyis
 zhe na/ sems can gyi bsam pa ji lta ba bzhin yang dag par gsungs pa'i phyir ro/ /ji ltar na rten nyid kyis zhe na/ dbyangs yan lag lnga dang ldan pa can yang dag par gsungs pa'i phyir ro/ /ji ltar na go bar mdzad pa nyid kyis zhe na/
 dbyangs gcig gis 'jig rten gyi khams mdza' yas par go par mdzad pa yang dag par gsungs pa'i phyir dang/ 'khyor gyi dkyil 'khor ji snyed pa la thug par go bar mdzad pa yang dag par gsungs pa'i phyir ro/ /ji ltar na
 gdags pa nyid kyis zhe na/ mdza' gnyis spangs pa'i lam gsungs pa'i phyir ro/ /ji ltar na dus nyid kyis zhe na/ 'dul ba yongs su smin pa rnams la gsungs pa'i phyir ro/ /ji ltar na yon tan yongs su 'dzin pa nyid kyis zhe na/ gsung yon
 tan rnam pa drug cu dang ldan pa yang dag par gsungs ba'i phyir te/ /ji skad du theg pa chen po'i mdo sde de bzhin gshegs pa'i gsang ba las/ zhi ba'i blo gros gzhan yang de bzhin gshegs pa'i gsung ni rnam pa drug cu dang
 ldan par 'byung ste/ mnyen pa dang/ 'jam pa dang yid du 'ong ba dang/ yid du thad pa dang/ dag pa dang/ dri ma med pa dang/ gsal ba dang/ snyan cing 'jebs pa dang/ mnyan par 'os pa dang/ mi tshugs pa dang/ snyan pa dang/ 'dul ba dang/
 mi rtsub pa dang/ mi brlang ba dang/ rab tu dul ba dang/ rnar snyam pa dang/ lus tshim par byed pa dang/ sems tshim par byed pa dang/ snying dga' bar byed ba dang/ dga' ba dang/ bde ba bskyed ba dang/ yongs su gdung ba med pa dang/ kun tu shes par
 bya ba dang/ rnam par rig par bya ba dang/ rnam par gsal ba dang/ dga' bar byed pa dang/ mngon par dga' bar byed ba dang/ kun shes par byed pa dang/ rnam par rig par byed ba dang/ rigs pa dang/ 'brel ba dang/ zlos pa'i skyon med pa dang/ seng ge'i
 sgra'i shugs dang/ glang po che'i sgra skad dang/ 'brug gi sgra dbyangs dang/ klu'i dbang po'i sgra dang/ dri za'i glu dbyangs dang/ ka la bingka'i sgra dbyangs dang/ tshangs pa'i sgra dbyangs bsgrags pa dang/ shang? shing ti'u'i sgra sbyangs su grags pa dang/ lha'i
 dbang po'i sgra dbyangs ltar snyan pa dang/ rnga'i sgra dang/ ma khangs pa dang/ mi dma' ba dang/ sgra thams cad kyi rjes su zhugs pa dang/ tshig zur chag med pa dang/ ma tshang ba med pa dang/ ma zhum pa dang/ /mi zhan pa dang/ rab
 tu dga' ba dang/ khyab pa dang/ chub pa dang/ rgyun chags pa dang/ 'brel ba dang/ sgra thams cad rdzogs par byed pa dang/ dbang po thams cad tshim par byed pa dang/ ma smad pa dang/ mi 'gyur ba dang/ ma brtag pa dang/ 'khor kun tu grags pa dang
 rnam pa thams cad kyi mchog dang ldan pa'o/ /de la mnyen po ni sems can gyi khams kyi dge ba'i rtsa ba ston pa'i phyir ro/ /'jam pa ni mthong ba'i kho na la reg na bde ba'i phyir ro/ /yid du 'ong ba ni don bzang ba'i phyir ro/ /yid du 'thad pa ni
 yi ge bzang ba'i phyir ro/ /dag pa ni 'jig rten las 'das ba gong na med pa'i rjes su thob ba'i phyir ro/ /dri ma med pa ni nyon mongs ba'i bag la nyal dang/ bag chags thams cad dang bral ba'i phyir ro/ /gsal ba ni tshig
 dang yi ger rab tu grags pa'i phyir ro/ /snyan cing 'jibs pa ni mu stegs can blo gros ngan pa thams cad kyi lta ba 'joms pa'i stobs kyi yon tan dang ldan pa'i phyir ro/ /mnyan bar 'os kyi ni bsgrubs pas nges par 'byin pa'i phyir ro/ /mi tshugS
 pa ni phas kyi rgol ba thams cad kyis mi rdzi ba'i phyir ro/ /snyan ba ni dga' bar byed pa'i phyir ro// //bam po dgu pa/ /'dul ba ni 'dod chags kyi gnyen po yin pa'i phyir ro/ /mi rtsub ba ni bslab pa bca' ba'i
 thabs bde ba'i phyir ro/ /mi brlang ba ni de las 'das na nges par 'byung ba'i thabs yang dag par ston pa'i phyir ro/ /rab tu dul ba ni theg pa gsum char gyis 'dul ba ston ba'i phyir ro/ /rnar snyan pa ni rnam par g.yeng ba'i gnyen po yin
 pa'i phyir ro/ /lus tshim par byed pa ni ting nge 'dzin bskyed pa'i phyir ro/ /sems tshim bar byed pa ni lhag mthong gis rab tu dga' ba bskyed ba'i phyir ro/ /snying dga' bar byed pa ni the tshom gcod par byed pa'i phyir ro/ /dga' ba dang bde ba bskyed pa
 ni log par nges par sel ba'i phyir ro/ /yongs su gdung ba med ba ni bsgrub pa la 'gyod pa med pa'i phyir ro/ /kun tu shes par bya ba ni thos pa las byung ba'i shes pa phun sum tshogs pa'i rten yin pa'i phyir ro/ /rnam par rig par bya ba ni bsam pa las byung ba'i shes
 rab phun sum tshogs pa'i rten yin pa'i phyir ro/ /rnam par gsal ba ni slob dpon gyis dpe ma khyud med par chos ston ba'i phyir ro/ /dga' bar byed ba ni rang gi don rjes su thob pa rnams dga' bar byed pa'i phyir ro/ /mngon par dga' bar byed pa ni rang
 gi don rjes su ma thos ba rnams kyis dga' bar bya ba yin pa'i phyir ro/ /kun shes bar byed ba ni bsam gyis mi khyab ba'i chos yang dag bar ston ba'i phyir ro/ /rnam par rig par byed pa ni bsam gyis mi khyab pa'i chos yang dag par ston pa'i phyir ro//
 rigs pa ni tshad ma dang mi 'gal ba'i phyir ro/ /'brel ba ni 'dul ba la ji ltar rig par ston ba'i phyir ro/ /zlos pa'i skyon med pa ni don med pa ma yin pa'i phyir ro/ /seng ge'i sgra'i shugs ni mu stegs can gyi tshogs thams cad skrag par byed ba'i phyir ro//
 glang po che'i sgra skad ni rgya che ba'i phyir ro/ /'brug gi sgra dbyangs ni zab pa'i phyir ro/ /klu'i dbang po'i sgra ni gzung bar 'os pa'i phyir ro/ /dri za'i glu dbyangs ni snyan pa'i phyir ro/ /ka la pingka'i sgra dbyangs ni rgyun mi 'chad ba dang 'jig bI phyir ro/ /tshangs pa'i sgra dbyangs
 bsgrags pa ni thag ring por grag pa'i phyir ro/ /shang shang te'u yi sgra dbyangs su grags pa ni grub pa thams cad kyi sngon du 'gro ba'i bkra shis yin pa'i phyir ro/ /lha'i dbang po'i sgra dbyangs ltar snyan pa ni mi 'da' bar bya ba yin pa'i phyir ro/ /
 rnga'i sgra ni bdud dang phyir rgol ba thams cad las rnam par rgyal pa'i sngon du 'gro ba yin pa'i phyir ro/ /ma khengs pa ni bstod kyang kun nas nyon mongs pa med pa'i phyir ro/ /mi dga' ba ni smad kyang kun nas nyon mongs pa med pa'i phyir ro/ /sgra thams
 cad kyi rjes su zhugs pa ni/ brda sprod pa thams cad kyi mtshan nyid kyi rnam pa thams cad la rjes su zhugs pa'i phyir ro/ /tshig zur chag ba med pa ni bsnyel te mi gsungs pa'i phyir ro/ /mtshar ba med pa ni gdul ba'i bya ba la dus thams cad du nye bar
 gnas pa'i phyir ro/ /ma zhum pa ni rnyed pa dang bkur sti la mi brten pa'i phyir ro/ /mi zhan pa ni bsnyengs pa dang bral ba'i phyir ro/ /rab tu dga' ba ni mi skyo ba'i phyir ro/ /khyab pa ni rig pa'i gnas thams cad la mkhas pa dang ldan pa'i phyir ro/ /chub pa ni
 sems can rnams kyi de dag gi don thams cad sgrub par byed pa'i phyir ro/ /rgyun chags pa ni rgyan mchad pa'i phyir ro/ /'brel ba ni rnam pa sna tshogs su nye bar gnas pa'i phyir ro/ /sgra thams cad rdzogs par byed pa ni/
 gsung gcig las sgra'i rnam par rig pa rnam pa du ma nye bar gnas pa'i phyir ro/ /dbang po thams cad tshim par byed pa ni gcig las don du ma'i rnam par rig pa nye bar gnas pa'i phyir ro/ /ma smad pa ni dam bcas pa ji lta ba bzhin pa'i phyir ro//
 mi 'gyur ba ni dus la bab par rab tu sbyor ba'i phyir ro/ /ma brtag pa ni rtab rtab por mi gsung ba'i phyir ro/ /'khor kun tu grags pa ni/ 'khor nye ba dang/ ring bas mtshungs bar thos pa'i phyir ro/ /rnam pa thams cad kyis mchog dang ldan pa
 ni 'jig rten pa'i don thams cad dpe'i chos su sbyar ba'i phyir ro/ /yang ci'i phyir zhe na/ 'khor lo legs par sbyar ba yang phul bar byed pa dang/ sa dang gnyis kyi yon tan gyis 'dril te/ gal te 'bul bar byed pas kyang legs par phul ba la
 gang du dbul bar bya ba'i sa yang mi mnyam ba med pa yin na'o/ /de bzhin du de bzhin gshegs pas chos kyi 'khor lo? legs par bshad pa yang ston pa po dang/ nyan pa po dang/ gnyis kyis yon tan gyis bskor te/ gal te ston pa bos yang
 dag par ston la gang la bstan par bya ba'i nyan pa po yang dag nyan na'o/ /de nyid kyi phyir bcom ldan 'das kyis gang zag gnyis ni/ de bzhin gshegs pa'i chos dang ldan pa'i chos kyi 'khor lo bskor ba'i rjes su bskor bar byed pa yin
 te/ gang zhig gus par chos 'chad pa dang/ gang zhig de gus par nyan ba'o/ /chos dang ldan pa chos kyi 'khor lo zhes bya ba 'di ci zhig yin zhe na/ don dam pa'i chos dang ma bral ba ni/ chos dang ldan pa yin la kun rdzob kyi chos kyi ngo bo bstan pa'i
 rang bzhin gyi 'khor lo ni chos kyi 'khor lo yin no/ /gzhan yang bstan pa yang chos zhes bya ste/ ji skad du/ ji ltar na dge slong chos shes pa yang yin zhe na/ 'di la dge slong chos shes pa ni 'di lta ste/ mdo sde dang/ dbyangs kyis bsnyad
 pa'i sde dang zhes rgya chen gsungs pa lta bu'o/ /rigs pa yang yin te/ ji skad du chos kyi gos tshol bar byed de/ chos ma yin bas ma yin no zhes 'byung ba lta bu'o/ /de lta bas na rigs pa'i chos dang ma bral ba'i bstan pa ni chos kyi 'khor lo zhes
 pa yin no/ /'khor lo dang chos 'thun pas 'khor lo te/ 'dul ba'i rgyud gzhan dag la skor ba'i phyir ro/ /gzhan mu stegs can dag la yang chos kyi 'khor lo yod mod kyi/ chos dang ldan pa ni ma yin te/ rigs pa'i chos dang bral ba'i phyir ro//
 de lta bas na de bzhin gshegs pa'i chos kyi 'khor lo kho na chos dang ldan pa zhes bya bar nges par bzung bar 'bya'o/ /de lta bas na ji ltar sangs rgyas bcom ldan 'das kyis chos kyi 'khor lo rjes su bskor bar byed par 'gyur snyam nas
 gus par chos mnyan bar bya'o/ /'phags pa shA ri'i bus/ de ltar 'phags pa nyan thos chos yang dag par nyan na 'chad pa po la mtho mi 'tsham pa dang/ gtam gyi bcud gtogs ba dang chos nyid kyis ston ba la bsnyen bkur byed ba dang/ bdag gi don
 rjes su 'thob ba dang/ mya ngan las 'das pa 'thob bo zhes gsungs pa 'dis ci zhig bstan pa yin zhe na/ chos yang dag par mnyan na dus gsum dag tu phan yon gsum yod par bstan pa yin te/ nyan pa'i dus na 'chad pa po'i bsam pa
 gang yin ba rdzogs par byed cing/ bdag nyid kyis kyang chos kyi don gyi bcud 'thob pas gzhan dang/ bdag rjes su 'dzin pa dang/ bsgrub ba'i dus su ston ba'i dgongs pa gang yin pa rdzogs par byed cing bdag nyid kyis kyang zag pa zad pa/
 rjes 'thob pas bdag dang gzhan rjes su 'dzin pa dang/ tha ma'i dus su sdug bsngal thams cad kyi mthar phyin pa phung po'i lhag ma mod pa'i mya ngan las 'das pa 'thob bo/ /gal te dus gsum dag tu yin na
 ci'i phyir nyan na zhes gsungs zhe na/ ji ltar smra zhing 'gro bar byed ces bya ba'i bya ba gnyis dus gcig pa nyid du bsams pa de lta bur ni nyan na ji skad smos pa bzhin du byed pa ni ma yin no/ /'on kyang nyan ba'i rgyu nyid la dgongs pa yin te/
 dper na mar zos na rta bar byed do zhes bya ba lta bu'o/ /de ltar na phan yon rnam pa 'dod pas gus bar chos mnyan par bya'o/ /ji ltar long ba dang mig btsums pa la mar me sbar ba mtshungs pa ltar skal ba med pa lta ba log par zhugs
 pa dang/ rna ba blags pa yang de lta bu yin pas/ de lta bas na long ba dang 'dra bar gyur na mi rung ngo snyam nas gus par chos mnyan par bya'o/ /brda' mi phrang bas kyang sangs rgyas kyi gsung gus par mnyan par bya ste/ 'di ltar dad ba tsam
 gyis kyang nyan na bsod nams chen po nyid dang ldan pa dang/ shes rab kyi khams rtas par 'gyur na don rtogs pa la lta smos kyang ci dgos te/ ba lang rdzi dga' bos sbal ba khar bas mnan pa'i rtogS pa brjod pa yang brjod par bya'o/ /
 'dir yang bshad pa/ dad pas mnyan bas gang gis na/ /mtho ris dga' bI bsod nams dang/ /gang gis mya ngan 'das 'thob pa'i/ /shes rab sa bon rtas bar 'gyur/ /'dzin pa pos snod gzung ba ni sla'i ldums pa pos bcud kyi
 len blugs par mi dka' bas khyed kyis ni sems gtad par bya bas rna ba'i snod gzung ba 'ba' zhig bya zhing/ bdag cig gi ni dam pa'i chos kyi bcud kyis nas len blugs par bya ste/ khyed kyi bya ni sla ba yin/ ded kyi bya ba ni bka' ba yin no/ /sla ba
 rigs pa dang ldan pa mi byed pa ni smad par bya ba yin pas de lta bas na gus par chos mnyan par bya'o/ /sangs rgyas kyi gsung 'di ni chu dang 'dra'o/ /chu ni phan pa rnam pa lnga byed de/ 'bras thug po che la sogs pa 'das par bya ba rnams pa ngas
 par byed pa dang/ lus dang gos dang/ snod dag gis dri ma sel ba dang/ sos ka'i lus kyi yongs su gdung ba sel ba dang/ skom dang che zhing la byed pa dang/ rtswa dang 'bru dang/ nags tshal skyed cing 'phel bar byed ba yin no/ /de bzhin du sangs
 rgyas kyi gsung la dad pa bskyed pas gdung ba'i rgyud bangs? par byed ba dang/ 'chal ba'i tshul khrims kyi dri ma sel ba dang/ 'dod pa'i yongs su gdung pa sel ba dang/ yang 'byung ba pa'i sred pa zhi bar byed pa dang/ byang chub kyi phyogs dang mthun
 pa'i yon tan gyi rtsa dang/ 'bru dang naD tshal skyed cing 'phel bar byed pa yin no/ /phan pa rnam pa lnga bo de yang dad pa rnyed pa dang/ las dang bcas ba'i bslab pa gsum las brtsams bar rig par bya'o/ /de lta bas na phan pa rnam pa lnga po de 'dod pas
 gus par sangs rgyas kyi gsung mnyan bar bya'o/ /mes bya ba bzhi byed de/ /sreg par byed pa dang/ chos par byed pa dang/ dro par byed ba dang/ gsal bar byed pa'o/ /de bzhin du sangs rgyas kyi gsung gi mes kyang/ rgyud smin pa rnams la nyon mongs pa rnams
 sreg pa dang/ rgyud ma smin pa rnams la dge ba'i rtsa ba rnams smin par byed pa dang/ srid pa la mngon par dga' ba rnams skye bar byed ba'i phyir gdung bar byed pa dang/ skyo bar gyur ba rnams dang/ the tshom zos ba dang/ lam ngan par zhugs pa rnams
 la lam dang lam ma yin pa yang dag par rab tu ston pa'i phyir gsal bar byed ba yin no/ /de lta bas na gus par chos mnyan par bya'o/ /gzhi ldang ga gis 'jug dogs bde ba la brten par bya ste/ dri ma med par bya ba'i phyir dang/ tsha ba
 rab tu zhi bar bya ba'i phyir dang/ skom pa rab tu zhi bar bya ba'i phyir dang/ dga' ba'i rtsed mo nyams su myong bar bya ba'i phyir dang tsha rol gyi 'gram nas pha rol gyi 'gram du phyin par bya ba'i phyir ro/ /sangs rgyas kyi gsum
 'jug dogs bde ba la yang de bzhin te/ 'chal pa'i tshul khrims kyi dri ma med par bya ba'i phyir dang/ 'dod ba'i yongs su gdung ba rab tu zhi bar bya ba'i phyir dang/ mang 'byung ba'i sred pa zhi bar bya ba'i phyir dang/ bsam gtan dang/ mngon
 par shes pa dang/ tshad med pa dang/ rnam par thar pa la sogs pa yon tan khyad par can gyi dga' ba'i rtsed mo nyams su myong bar bya ba'i phyir dang/ tshu rol gyi 'gram 'jig tshogs nas pha rol gyi 'gram mya ngan las 'das par 'gro bar
 bya ba'i phyir ro/ de lta bas na 'jug dogs bde ba la brten ba'i yon tan 'dod pa rnaMs kyi gus par sangs rgyas kyi gsung mnyan par bya ba'o/ /rgyu gsum dag gis ras la gzugs su bri ba mi 'grub ste/ ras 'gus ba dang/ dri ma can dang/ thag thug
 nyid kyi skyon gyi phyir dang/ tshon mi bzang ba'i phyir dang/ ri mo mkhan mi mkhas pa'i phyir ro/ /nyan pa po'i skye bo'i yid kyi ras la yang dag pa'i ye shes kyi gzugs su bri ba yang de bzhin te/ rnam par g.yeng ba dang/ sgrib pa dang/ sngon gyi
 sgrib pas de g.yo ba dang/ dri ma can dang/ mi mnyam pa nyid kyi skyon gyi phyir dang/ nyes par bshad pa'i chos kyi tshon mi bzang ba'i phyir dang/ chos smra ba'i ri mi mkhan mi mkhas pa'i phyir dang/ /de lta bas na tshon gyi skyon ni med de/ chos ni
 lags par gsungs pa yin pa'i phyir ro/ /khyed dam bdag cag la skyon 'byung ste/ /de yongs su sbang ba'i phyir khyed kyis kyang gus par sangs rgyas kyis gsung mnyan bar bya zhing/ bdag cag gis kyang gus bar bshad bar bya'o/ /dam
 ba'i chos mnyan pa la yon tan lnga yod de/ rnam par mi shes pa rnam par shes par byed pa dang/ nyes par bzung ba 'dor ba dang/ the tshom thso pa nges par byed pa dang/ nges par byas pa snying por byed pa dang/ 'phags pa'i shes rab kyi
 mig sbyong bar byed pa'o/ /de lta bas na gus par dam pa'i chos mnyan bar bya'o/ /long ba ni ston ba bo'i yon tan gyi lam yang rnyes pa yang srid kyi/ blun po ni log par ltung nam yin no/ /de lta bas na long ba ni sla'i/ blun po'i rgyu ni mi nyan
 pa yin no/ /de lta bas na/ ji ltar na blun por mi 'gyur bar bya snyam nas/ gus par chos mnyan bar bya'o/ /sems spre'u 'dra bar g.yo ba ni gnyis te/ rnam par g.yang ba dang/ gnyid log pa'o/ /de tshar bcad pa'i phyir 'di skad
 ces gus par sangs rgyas kyi gsung mnyan bar bya'o/ /zhes brjod par bya'o/ /'ga' zhig lam log par ni zhugs na yang/ /rim gyis bsgrub pa byas na sman du 'gyur/ /dge dang mi dge gnyis ka dbyang byas na/ /gang 'dod de nas
 rtog byed 'gro bar gyis/ /'ga' la 'khrul pa byung na bdag nyid ni/ /dag 'gyur 'di yin shes nas 'dod pa'ang srid/ /yon tan de gsum brtags nas thub dbang gi/ gsung ni gus par nyon ces brjod mpar bya/ /de yang gang
 zag gsum po dag la dgongs nas gsungs pa yin te/ gang zag gsum dag ni nges par legs pa la log par zhugs pa dang/ bsgrub bar 'dod pa mngon par mi shes pa dang/ bsgrub par mi 'dod pa gcig tu bag med par gyur ba
 dri ma can gyi las can yin no/ /nyi ma gnam la 'char ba ni bya ba lnga byed de/ mi la sogs pa dag gi lta ba bskyed ba dang/ 'ug ba la sogs pa dag g is lta ba zlog pa dang/ 'bru la sogs pa smin par bya ba smin par byed pa dang/ 
 'dam la sogs pa skam par bya ba skems pa dang/ lus dang chu la sogs pa dro par bya ba dro bar byed pa'o/ /de bzhin du sangs rgyas kyi gsung gi nyi mas kyang yang dag pa'i lta ba bskyed ba dang/ log par
 lta ba ldog pa dang/ gdul ba'i zhing rnams la dge ba'i rtsa ba'i 'bru la sogs pa smin par byed pa dang/ sred ba'i 'dam skems par byed pa dang/ bdud rnams 'dod bas phongs par byed pa dang/ gdul bya bag med pa rnams
 skye bar byed bas gdud bar byed pa yin no/ /de lta bas na gus par sangs rgyas kyi gsung mnyan bar bya'o/ /rdo thal gyi rdo mes sregs pa chus 'jig bar byed ba dang/ /'dra bar nyon mongs pa'i bag la nyal? gyis? rdo shes rab kyi mes
 yongs su bsregs pa ting nge 'dzin gyi chus spangs nas 'jig go/ shes rab de yang dam ba'i chos mnyan ba med par ni ma yin pas/ /de lta bas na gus par chos mnyan par bya'o/ /tshig gi khur thogs kyang don mngon par
 mi shes na/ de'i don mi 'thob ste/ khye'u yi mgul du gter gyi kha chems kyi yi ge btags pa dang 'dra'o/ /de lta bas na mang du thos kyang don shes pa nyid du bya ba'i phyir mdo sde'i don mnyan pa la 'bad pa dang ldan par bya'o//
 mel tsha ba so sor mi rtog pa ni mnyal zhes zer bzhin du chom po rnams kyis bcom mo/ /de bzhin du sgra tsam la brtson ba'i mang du thos pa so sor mi rtog pa yang nyon mongs pa'i dgra rnams kyis 'joms so/ /so sor rtog pa de yang don shes nyid med na med
 pas? de lta bas na don bzung ba la 'bang ba dang ldan par bya'o/ /de bzhin du rol mo mkhan rkun pos 'jigs nas mi nyal bar bya ba'i phyir glu len bzhin du bcom mo zhes bya ba yang dper brjod par bya'o/ /ji ltar long ba me mar 'dzin
 pa ni gzhan dag la phan par 'gyur ba dang 'dra bar don mngon par mi shes pa'i thos pa 'dzin pa yang de lta bu yin pas de lta bas na mngon shes pa nyid du bya ba'i phyir don mnyan ba la 'bad bar bya'o/ /sangs rgyas kyi gsung bstan
 bcos kyi mtshan nyid du 'thad pa'i phyir ro/ /des pa'i tshig du 'chos pa dang/ skyob par byed pas/ de'i phyir bstan bcos so/ /nyon mongs dgra rnams ma lus 'chos pa dang/ /ngan 'gro srid las skyob pa gang yin de/ /'chos skyob
 yon tan phyir na bstan bcos te/ /gnyis po 'di dag gzhan gyi lugs la med/ /de lta bas na sangs rgyas kyi gsung kho na don dam par bstan bcos yin pas 'chos pa dang/ skyob ba'i yon tan gyi phyir yang don bzung ba la
 'bad pa dang ldan par bya'o/ /legs pa ston pa la brten nas phan yon lnga yod de/ lam ngan pa yongs su spong ba dang/ lam bzang po la yang dag par gnas par byed pa dang/ 'brog dgon pa las brgal ba'i dbugs 'byin
 ba dang/ bde bar 'gro ba dang/ 'dod pa'i yul du yang dag par phyin par byed pa yin no/ /de bzhin du dam pa'i chos ston pa la brten log par lta ba la sogs pa lam ngan pa yongs su spong ba dang/ yang dag pa'i lta ba la sogs pa
 lam bzang bo la yang dag par gnas bar byed pa dang/ 'khor ba'i 'brog dgon pa las brgal ba'i dbugs 'byin pa dang/ ngan song las mchongs te bde bar 'gro ba dang/ 'dod pa mya ngan las 'das pa'i yul du yang dag par phyin
 pa byed pa yin no de dag kyang mnyan pa las 'byung gi/ ma mnyan pa las ma yin bas gus par mnyan par bya'o/ /rgyus bsags pa rnams ni cung zad mnyan pas bsod nams chen po dang ldan par 'gyur te/ dper na 'phags pa shA ri'i
 bus bsnyen par rdzogs par bya ba la rjes su bstan pa bram ze zhig gis thos nas gab ste 'dug nas/ rab tu byung ba dang tshul khrims nyams pa la sdug bsngal rnam pa bcu gnyis 'byung ngo zhes thos nas /
 'chal ba'i tshul khrims bya ba la mngon du phyogs pa laS log blta bu'o/ /sdug bsngal rnam pa bcu gnyis ni/ nyon mongs pas yongs su gdungs pa'i sdug bsngal dang/ kun tu tshol ba'i sdug bsngal dang/ gnod ba'i sdul dang 'dod
 las 'phongs pa'i sdug bsngal dang/ dogs pa'i sdug bsngal dang/ gleng ba'i sdug bsngal dang/ kun tu spong ba'i sdug bsngal dang/ bkur sti med pa'i sdug bsngal dang/ rnam pa smad pa'i sdug bsngal dang/ yid la bcags pa'i sdug
 bsngal dang/ tshe phyi ma la ngan song rnams su rnam par smin pa'i sdug bsngal dang/ bde 'gro dag tu yang nyon mongs pa mang ba nyid kyi phyir tshangs par spyod pa dka' ba nyid kyis rgyu mthun ba'i sdug bsngal lo/ /'bab par 'dod pa yang
 nur ma rab tu 'bab pa'i bu gar sbal pa 'jug par mngon par phyogs pa ltos shig /khyod me rab tu 'bar bar 'jug par 'dod dam zhes spyo ba thos nas log pa yin no/ /chos dga' chu srin du gyur na/ sangs rgyas kyi sgra tsam
 zhig thos pa las sngon phyag 'tshal ba tsam la goms pa'i phyir kha btsums te/ 'dug pa yin no/ /de lta bas na cung zad cig thos pas kyang rgyu bsags pa rnams kyis dge ba rab tu rgyas pa'i phyir sangs rgyas kyi gsung mnyan pa la
 'bad pa dang ldan par bya'o/ /byas stobs mkhan gyis bod bur byas pa'i mis de shes pa'i bud med kyi dag snyan nas/ de'i sman 'dod bas ldam ldum thams cad zos pa dang/ dngul 'khrul pa rnams kyi gser gyi phyir 'byung khungs
 thams cad sbyong bar byed do/ /de bzhin du bdag nyid thar ba'i chos 'dod pas/ chos gang thar par 'gyur ba la/ /chos de ni dam pa'i chos thams cad mnyan pa las 'byung ngo snyam nas mnyan par bya'o/ /sdug bsngal myong dang khyab pa dang/ /rtag pa
 dang ni thabs med dang/ /gnod pa mang dang 'jom byed pa'i/ /lus dang 'dra ba'i nad med do/ /'dis ni lus kyi nad 'di la skyon drug po na ba dang 'brel ba nyid dang/ lus thams cad la khyab pa nyid dang/ bar chad med par 'jug pa nyid dang/
 gser mi rung ba nyid dang/ gnod pa med ba nyid dang/ srog 'phrog pa nyid spong bar yongs su bstan to/ /sman pa'i phul gyis nad 'di dag gtan du 'byin bar byed ba yi/ /sman ni yan lag brgyad ldan pa/ /rdzas kyi tshogs yin gsungs
 pa yod/ /'di ni lhag pa'i rnyed pa ste/ /rin med par yang rnyed pa yin/ /bdag nyid 'bad pa med par ni/ /nam yang bsgrub par mi nus so/ /ji ltar skyon rnams ma bsal na/ /bcud kyis len ni mi 'grub bzhin/ /de bzhin rnam par ma
 zhi ba'i/ /sems la lam ni mi gnas so/ /de yang rim med par dam pa'i chos mnyan pa las rnyed kyis gzhan las ni ma yin no/ /de lta bas na gus par sangs rgyas kyi gsung mnyan par bya'o/ /rgyu gsum dag gis pha rol gyi dngos po rnams
 mnyen pa'i dngos por 'gyur te/ /spangs pas ni bong ba dang pags pa skam po la sogs pa dag go /tsha bar bya bas ni lcags dang zangs la sogs pa dag go /brdungs pas ni rtswa muny+dza dang ba la ba dza la sogs pa dag go/ de bzhin du/ sdang
 dang bag med mongs rnams ni/ /dad dang skyo dang rtog pa ste/ /mnyan pa'i dngos po'i rgyu gsum du 'gyur ro/ /de yang gang las 'byung zhe na/ skal ldan rnams kyis mnyan byas na/ /yon tan skyon don des las 'byung/ /gang gis yon tan nam
 gang gis skyon thos pas zhe na/ dkon mchog gsum gyi yon tan te/ /skyon ni sdig 'dod srid rten can de/ sdig pa dang 'dod pa rnams dang srid pa'i yin no/ /don gang gis nges pa thob pas zhe na/ mtshan nyid rnam
 gnyis de rgyu dang/ 'bras bur nges pa 'brel pa yin/ mtshan nyid rnam pa gnyis ni phung po la sogs pa dag gi rang gi mtshan nyid dang spyi'i mtshan nyid do/ /rgyu dang 'bras bur 'brel pI mtshan nyid ni ma rig pa dang 'du byed la sogs
 pa dag gi dang sdug bsngal dang/ kun 'byung ba la sogs pa dag gi'o/ /de lta bas na yon tan 'di dag ni dam pa'i chos mnyan na yod par rig par bya ste/ de la gus par bya'o/ /nyan pa'i skye bo dag ni phal cher phyir phyogs dang/ yongs
 su 'dzin par byed pa phal cher 'das pa dang/ nyes par rnam par bshad pa dag gi mthu bcom pas/ deng sang legs par bshad pa mthar gyur to/ /tshigs su bcad pa 'dis ni deng sang phyogs gnyis la sangs rgyas kyi bstan pa
 yongs su nyams pa rnam pa bzhi dang/ nub la thug pa nyid ston pa yin no/ /nyan ba'i skye bo dag ni phal cher phyir phyogs dang zhes bya bas ni khyim ba'i phyogs la nyan pa yongs su nyams par ston pa yin te/ de dag ni phal cher nyan
 pa po yin bas so yongs su 'dzin par byed pa phal cher 'das pa dang zhes bya bas ni rab tu byung ba'i phyogs la 'don pa yongs su nyams par ston pa yin te/ de dag ni phal cher yongs su 'dzin par byed pa yin te/ thos la 'dzin
 pa'i phyir ro/ /nyes par rnam par bshad pa dag gi zhes bya bas ni de nyid la don bshad pa yongs su nyams par ston pa yin te/ don log par 'chad pa'i phyir ro/ /mthu bcom pas zhes bya bas ni rtogs pa nyams par ston pa yin
 te/ gang gi don du ste/ dge slong gi tshul gyi 'bras bu rtogS pa'i don du bshad pa ste/ de nus par mi byed pa'i phyir ro/ /'di ni mdor bsdus nas yongs su nyams pa rnam pa gnyis su 'gyur te/ tshig dang don gnyis kyi lung yongs su nyams pa
 dang/ rtog pa yongs su nyams pa'o/ /gzhan yang nyan pa'i skye bo phyir phyogs pa nyid dang/ yongs su 'dzin par byed pa phal cher 'das pa nyid kyis ni thos pa yongs su nyams pa yin la/ nyes par bshad pa nyid kyis ni yang dag par bsi
 pa yongs su nyams pa yin no/ /mthu bcom pa nyid kyis ni yang dag par bsgom pa yongs su nyams pa yin no/ /deng sang legs par bshad pa mthar gyur to zhes bya ba ni chub la thug pa nyid du ston pa yin no/ /de ltar sangs rgyas kyi gsung ni
 yongs su nyams pa dang yun ring du mi gnas par rig par byas nas ji srid du cung zad lus pa de srid du 'di mnyan pa dang bzung ba don mthun par bsgrub ba la dad pa can rnams kyi rab tu 'bad par bya'o/ /deng sang thub pa'i gsung gi smra bar bye ba 'ang
 nyung dngul dang gser du 'byed bar 'gyur ba'ang nyung bar gyur/ /de ltar lung dang rtogs pa dag la 'bang zhan pas/ /sangs rgyas nyi ma mthar phyin dri ma med 'di nub/ /de lta bas na ji srid thams cad ma nub pa/ /de srid ji bzhin don rnams dbye la
 'bad par gyi/ /thub pa'i gsung gi snang ba nub bar gyur na ni/ /'gro ba kun tu mun pa gcig po'i thibs por 'gyur/ /de lta bas na ji srid du mun pa gcig pu'i thibs po mi 'byung ba de srid du yang dag pa ji lta ba bzhin gyi don rab tu rnam par
 dbye ba'i phyir sangs rgyas kyis gsung mnyan pa la dad pa can rnams kyis shin tu rings par bya'o/ /ston pa'i zhal nas byung ba skye bo'i mig gi rab rib ni gsung zhi bar mdzad pa bkra shis kyi 'byung gnas sems la zhog cig gang phyir 'di ni
 lus can rnams kyi rna ba'i bdud rtsi dang/ nyon mongs pa'i dug kun sel bar mdzad pa yin pas de'i don yang dag par bsam par gyis/ rgyu 'di rnams kyis rtag tu gus par sangs rgyas kyi ni gsung dag
 mnyan par bya ba'i rigs/ rgyu gang gis zhe na/ gang gis phyir 'di ni de lta bu'i zhal nas byung ba dang/ mig zhi bar mdzad pa'i phyir dang/ bkra shis kyi 'byung khungs yin pa'i phyir dang/ gang gi phyir dang/ tshig 'bru bzang po nyid kyis
 lus can rnams kyi rna ba'i bdud rtsi yin pa dang/ gang gi phyir 'di don bzang po yid kyis nyon mongs pa'i dug thams cad sel bar mdzad pa'i don gyis te/ rgyu 'di rnams kyis so/ /de ltar na gsung ba po dang/ gsung dang don
 phun sum tshogs pa bstan pa yin no/ /sangs rgyas kyi gsung 'di na mnyan na sim par byed pa dang/ bsams nas rtog par byed pa dang/ rtogs nas grol bar byed pa dang/ rjod na bzang ba dang/ 'phags pa'i nor bdun bsgrub pa'i
 phyir nor dang ldan pa dang/ skyon bdun 'khru pa'i phyir bsod nams dang yon tan thams cad sngon du 'gro ba'i phyir bkra shis pa nyid dang/ gtan gyi tshangs par spyod ba'i dbang du mdzad pa'i phyir tshe la phan pa dang/ rang bzhin gyis
 rnam par dag pa dang/ dgongs pa 'jam pa dang/ don dang mthun pa dang/ 'dul ba dang mthun pa dang/ dus la bab pa dang/ ran par bshad pa dang/ bsod nams 'dren pa dang/ ye shes 'dren pa dang/ dga' ba 'dren pa dang/ skrag pa
 sel ba dang/ mya ngan sel ba dang/ nyon mongs pa sal ba ste/ mdor na sangs rgyas kyi gsung ni yon tan mdza' yas pa yin la skyon ni chen po gnyis te/ shin tu rnyed par dka' ba dang/ yun ring du mi gnas pa'o/ /de lta bas na
 shin tu rings par gus par mnyan par bya'o/ /rgyu gsum dag gis pags pa las su rung bar 'gyur te/ snum bsku ba dang/ mnye ba dang/ bsro ba rnams kyis so/ /de bzhin du sems kyang thos pa dang/ bsams pa dang/ sgom pa
 rnams kyis so/ /de lta bas na sems las su rung ba nyid du bya ba'i phyir thos pa la sogs pa dag la brtson 'grus bya'o/ /gsum po dag gi stobs kyis man du 'gro ba rnams 'brog dgon ba'i lam las bde bar brgal bar 'gyur te/ lam
 rgyags kyi stobs dang/ bzhon pa'i stobs dang/ ston pa po'i stobs kyis so/ /de bzhin du 'khor ba'i 'brog dgon pa'i lam las de'i lam du 'gro ba rnams sbyin pa dang/ tshul khrims dang/ ye shes kyi stobs so/ /'di gsum char yang thos
 pa las rag lus so/ /sangs rgyas gsung la dad pa tsam gyis kyang sdig pa chen po dag zil gyis gnon te/ 'di ltar mi dge ba las dge ba stobs dang ldan bas so/ /'di ji ltar shes par bya zhe na/ khyad par rna ba bcu dag gis te/ 'du byed
 pa'i khyad par gyis ni dge ba dang/ mi dge ba gnyis 'bad pa dang ma 'bad par mngon par 'dus byas pa'i phyir ro/ /rnam pa'i khyad par gyis ni yang dag pa ji lta ba bzhin dang phyin ci log gi rnam pa yin pa'i phyir ro/ /mtshungs par ldan pa'i khyad
 par gyis ni dge ba'i rtsa ba gsum dag dang/ mi dge ba'i rtsa ba gnyis sam gcig gis kyang mtshungs par ldan pa'i phyir ro/ /sa'i khyad par gyis ni sa thams cad dang sa gcig pa nyid yin pa'i phyir ro/ /'bras bu'i grangs kyi khyad par gyis ni
 'bras bu rnam pa lnga dang bzhi yin pa'i phyir ro/ /'bras bu'i mthar phyin pa'i khyad par gyis ni dus khyad par du 'phags pa dang ngan pa yin pa'i phyir ro/ /'di ltar dge ba'i 'bras bu ni bskal pa chen po brgyad khri'i bar du 'byung la/ mi dge ba'i 
 ni bar gyi bskal pa'i bar du yin pas so/ /yang dag par 'chad pa'i khyad par gyis ni 'di ltar dge ba ni mi dge bas dus re zhig du yang dag par 'chad pa yin gyi mi dge ba ni dge bas gtan du yin pas so/
 chung dus mang po yang dag par 'joms pa'i khyad gyis ni 'di ltar spong ba'i lam skad cig ma gcig gis thog ya med pa'i dus nas zhugs pa'i mi mthun pa'i phyogs rnam pa mang po yang dag par 'joms pas so/ /spong ba'i khyad par
 gyis ni 'di ltar gnyen po skyes pas mi dge ba spong gis dge ba ma yin bas so/ /phyogs kyi khyad par gyis ni 'di ltar dge ba dang mi dge ba'i chos yongs su 'dzin pa la sangs rgyas 'khor dang bcas pa'i phyogs dang bdud yin te/
 go rims bzhin no/ /de rnams ni snang ba dang mun pa dang/ bkru sman dang/ skyon dang/ rdo rje dang/ ri dang seng ge dang ri dags kyi khyu zhes bya ba de lta bu la sogs pa yin no/ /dge ba de dang sa gcig pa yin yang dang po'i khyad par rnam
 pa gsum pa rnams kyo mi dge ba bas stobs dang ldan par rig par bya'o/ /mi dge ba zil gyis mnan nas de'i gnyen po dge ba gzhan 'dren pa'i phyir ro/ /bsdus pa'i tshigs su bcad pa ni/ /'du byed rnam pa mtshungs par ldan/ /sa nyid
 'bras bu rnam gnyis nyid/ /'chad dang chung dus yang dag 'joms/ /spong dang phyogs kyi khyad bar nyid/ /sangs rgyas kyi ni gsung 'di? ni/ /sman dang grub dang gtan du dang/ /nang kun 'joms dang gnyis med dang/ /legs 'thob leD
 brten bsgrub dka' na/ /nad drag yun rings su mi ston/ /mi shes pa ni bstan nus kyi/ /gang zhig de mi 'dod pa ni/ /gnyen po bya ba'i dgra yin pas/ /de bcos mi rung rig par bya/ /de lta bas na bcos su mi rung bar gyur na mi rung ngo
 snyam nas sangs rgyas kyi gsung la brten pa la 'bad pa rang ldan ba dag tu bya'o/ /dam pa rnams las gang zag gnyis smad par bya ba yin te/ gang zhig dam pa'i chos mi nyan pa dang/ gang zhig phan yon gang yin pa de mi 'thob pa de lta bur
 nyan pa'o/ /de la don tu mi gnyer rgyud g.yeng dang/ /rmugs dang gnyid log mi nyan pa'o/ /phan yon la ni shes rab 'tshal/ /rnyed sogs 'dod sdang bcas mi brten/ /de lta bas na mi nyan par gyur na mi rung ba dang/ /phan yon la
 mi brten par gyur na mi rung ngo snyam nas ji skad du bstan pa'i skyon bsal ba la 'bad pa dang ldan pa dag tu bya'o/ /gsung dang rna ba nyid dang ni/ /'ong dang shes rab bgegs med pa/ /lnga ni gang phyir rnyed bka' bas/ /de phyir thub pa'i gsung
 mnyan bya/ /dam pa'i chos ni rnyed gyur cing/ /dang dang ldan yang blo chung dag /yi dags mgrin pa khab 'dra bar/ /de ni btung bar mi nus so/ /de lta bas na ji srid du lnga po rnyed pa dang/ de btung bar nus pa de ji srid du dam pa'i chos mnyan pa la
 'bad par bya'o/ /zab mo goms par ma byas pas/ /thub pa'i gsung ni rnyed dka' ste/ /de med par ni thar pa med/ /thar pa 'dod pa rnams kyis ni/ /de phyir gus par mnyan par gyis/ /'di ltar 'di la brten nas myur sdug kha na ma tho
 med/ /phul byung nges par 'bras bu mi zad 'thob pa der nus kyis/ /thabs gzhan med la sgrub pa po yang med cing gang zhig la/ /ma byas na yang bde ba med pa'o na de bya mong/ /thub pa'i gsung ni 'bras bu dang/ /don dang tshig
 'bru ldan pa ni/ /thos pa'i dus dang bsams pa dang/ /bsgoms pa dag na'ang rjes su 'dzin/ /go byed nges tshig bzang po yi/ /yon tan gnyis ldan thub pa'i gsung/ /don dang ldan zhing ji 'os dang/ /phan dang gtan gyi 'bras bur
 ldan/ /gang phyir 'di don kun 'grub 'byung gnas yin/ /thabs bde ba dang shin tu rnyed dka' bas/ /de phyir 'grub pa don gnyer srog 'gyur ba/ /dad dang ldan pas 'di la brtun par bya/ /mi shes pa
 dang the tshom shes/ /log pa'i shes pa ldog pa dang/ /bde ba rnams ni rtogs 'gyur ba/ /dam chos mnyan pa'i yon tan no/ /dam pa'i chos mnyan pa la phan yon lnga gsungs pa gang dag yin pa ni bzhi po 'di dag tu 'dus te
 gnyis kyis mi shes pa ldog pa'i phyir/ sems ni srog chags par ma 'dra/ /stobs kyis dam pa'i chos la bla na/ /de phyir don gyi ro rnyed na/ /de lta bas na stobs kyis kyang dam pa'i chos mnyan pa la blan par bya'o/ /ci'i phyir zhe na/
 dam pa'i chos ni gtan du phan pa dang bde ba'i phyir dang/ shin tu rnyed par dka' ba'i phyir dang/ dka' ba med par bsgrub par bya ba'i phyir dang/ chos dang tshe g.yo ba'i phyir dang/ yang dag yang du bsgrub par bya ba dang/ sbyor ba gcig
 pa'i phyir ro/ /mdor na byang chub sems dpa' yis/ /chags zad chags pa 'phel bya ste/ /nges ni bdag la chags zad bya/ /gzhan la chags pa 'phel ba bya/ /nyon mongs mya ngan 'das pa spangs phyir te/ /de dag gnyis kyis byang
 chub mi 'thob bo/ /shes rab snying brtse de zad 'phel rgyu yin/ /de phyir byang chub rtsa ba gnyis su gsungs/ /de 'phel rgyu ni de bzhin gshegs pa'i chos/ /'di ma gtogs par gzhan ni 'ga' yang med/ /de phyir ci nas gyod la chos
 'di ni/ /'bras bur bcas 'gyur de ltar 'bad par gyis/ /ji ltar sbrang bu kha chu'i zar bus bcings pa gang dag 'chi pa der bcings pa'i/ /rgyu ni stobs ma yin gyi bde dag nyam chung yin ltar de bzhin dman pa dag/ /yongs su
 gzung la 'dzin dang ldan pa'i 'ching ba rang gi nyam chung nyid las skyes/ /de phyir sbrang bu 'dra bar blo ldan rang lus bcing pas 'chi bar 'os ma yin/ /de lta bas na sbrang bu dang 'dra bar lus kyis bcings pas 'chi bar mi bya'o snyam nas/
 rang? gi blo'i stobs bskyed pa'i phyir gus pa chos mnyan par bya'o/ /skye dgu g.yang sar 'bab pa dang/ /long ba bcings dang dbul po dang/ /nang btab dpung gnyen med pa dang/ /'phrog dgon yun ring lam zhugs dang/ /dgra rnams
 mang po rnam mang dang mang po dag gis gzhom bya ba/ /de la sangs rgyas ma gtogs par skyob pa med pas de'i gsung mnyan de la g.yang sar 'bab ni ngan song du skye bar mngon du phyogs pa'i phyir ro/ /long ba ni ma rig pas ldongs pa
 nyid kyis so/ /bcings pa ni srid pa'i 'ching bas so/ /dbul ba ni 'phags pa'i nor bdun dang bral ba'i phyir ro// //bam po bcu pa ste tha ma'o/ /nad kyis btab pa ni nang 'bras dang/ 'dra ba'i nye bar len
 pa'i phung po rnams kyis so/ /dpung gnyen med pa ni mgon med pa'i phyir ro/ /'brog dgon pa yun ring du lam du zhugs pa ni yun ring du 'khor ba'i lam du zhugs pa'i phyir ro/ /dgra rnams mang po ni nyon mongs pa dang/ nye ba'i nyon
 mongs pa rnams dang/ de las byung ba'i las rnams so/ /rnam mang ni sdug bsngal gsum pa dag dang/ mya ngan la sogs pa dag dang/ brang ba rang/ tsha ba dang/ bkres ba dang skom pa dang gnod pa dang/ 'ching ba dang/ rdeg pa dang/ na ba
 dang/ rga shi dag la sogs pa dag go /mang po dag gis gzhom bya ba ni dus ring por ro/ /de lta bas na sangs rgyas kyi gsung mnyan pa dang/ 'jog pa ni skye dgu de lta bur gyur pa rnams kyis skyabs yin pas de'i phyir sangs rgyas kyi
 gsung mnyan pa la gus pa brtson par bya'o// /gus par brtson pa ni dge ba stobs dang ldan bar 'gyur ro/ /de ltar na rgyu bcu dag gis dge ba'i stobs dang ldan par 'gyur ro//
 zhes 'chad do/ /bcu po gang gis zhe na/ rten nyid kyis ni rten la tshul khrims dang thos pa dang 'dod pa chung ba la sogs pa'i yon tan gyis yongs su bskos pa'i phyir ro/ /dang po kun nas bslang ba nyid kyis ni rgyus kun nas bslang
 bas byed par 'dod pa nyid kyis sems chen po dang ldan ba yin pa'i phyir ro/ /brtson pa drang po nyid kyis ni byed pa'i tshe gus par brtson pa'i phyir dang/ yang dang yang du ma rtson pa'i phyir te rtog tu brtson
 pa'i phyir ro/ /zhing nyid kyis ni zhing rnam pa bzhi ste/ 'gro ba dang/ sdug bsngal ba dang/ phan 'dogs pa dang/ yon tan byad par du 'phags pas so/ /gzhi nyid kyis ni dngos po mang po dang gya nom pa'i khyad par gyi phyir
 dang/ srog gcod pa dang/ ma byin par len pa la sogs pa spong ba'i khyad par gyi phyir dang/ sbyin pa dang/ tshul khrims dang/ bsgoms pa'i khyad par gyi phyir ro/ /bya ba nyid kyis ni phan pa byed pa'i khyad par gyi phyir ro/ /'jug
 nyid kyis ni byas nas rab tu dga' ba yid la byed pa'i kun tu rtog bas rgyas pa'i phyir ro/ /'khor nyid kyis ni gzhan de la yang dag par 'dzin du 'jug cing bsngags pa brjod pa dang/ chos mthun pa'o/ mthong na shin
 yid dga' ba nyid dag gis so/ /yongs su bsngo ba nyid kyis ni mya ngan las 'das pa dang/ bla ma med pa yang dag par rdzogs pa'i byang chub tu yongs su bsngo ba'i phyir ro/ /bsdus pa'i tshigs su bcad pa ni/ de na dang? dang po
 kun nas bslang/ /drag dang yang dang yang brtson nyid/ /zhing dang gzhi dang bya ba dang/ /'jug nyid dang ni 'khor nyid dang/ /yongs su bsngo ba nyid kyis ni dge ba stobs dang ldan par 'dod/ /mi dge ba la yang de bzhin du ci rigS
 par bya'o/ /drang srong chen po gnas ma mthong ba yis ni sngon/ /legs gsungs 'di thos nas ni rang srog nor nyos pa/ /ba lang rdzis ni gos kyi tha mar ba ni cig /bcings ltar zod med dgos la brtags te sems la 'dzin/ /thub
 pa yis ni legs par gsungs pa tshigs cad kyi/ /phyed tsam dag kyang rang gi sku yi rin gyis bsgrubs/ /rin thang chen pos mnyes na 'on kyang mi shes pa/ /de dag rin med par yang bstan par mi byed do/ /legs ldan 'di ni
 tshul bzang chu po tshol ba can/ /mchog dang mchog tshol mchog dang mchog min shes pa'i yin/ /de yi snying po nyid ni rab tu rnam phye nas/ /rang gi srog gi rin gyis legs gsungs nyo ba mdzad/ /sring ba yod na gdon mi za bar
 tshe 'phel la/ /de yang phal cher don med par ni zad par 'gyur/ /legs par gsungs pas steng 'ga' na lan 'ga' zhig /u dum ba ra'i me rtog bzhin du snang ba yin/ /ji ltar nyi ma dag ni shar ba na/ /pad+ma yongs su smin pa kha 'byed
 ltar/ /de bzhin gshegs pa dag kyang shad pa na/ /bsam pa yongs su smin pa dag bar 'gyur/ /bsam pa yongs su smin pa de'i rgyu'i rtsa ba yang daM pa'i chos nyan pa yin no/ /de lta bas na bsam pa yongs su ma smin pa'i phyir/
 sangs rgyas mang po 'gyur ba dag mi mnyes par mi bya'o snyam nas rgyud yongs su smin par bya ba'i phyir dam pa'i chos nyan pa la 'bad par bya'o/ /sbyangs pa'i yan lag rnam 'gyur da ltar ni/ /dge slong tshogs kyang byams las
 phyir phyogs shing/ /sdom brtson skye po dge 'dun nad ngag tu/ /dogs mang thag mtshan can dang bya thogs rgyu/ /sngon gyi bsaM gtan sa ni gang yin pa/ /kye ma ji ltar 'bras kyis bdag byed/ /'dir ni thub
 ba'i bstan pa dus ring du/ /gnas par mi 'gyur bar ni dogs par 'gyur/ /'dis ni bstan pa 'di la dge slong rnams kyis yongs su nyams pa rnam pa bzhir yongs su bstan te/ yo byad rnams la zad zad ltur byed pa nyid kyi yo byang
 bsnyungs pa yongs su nyams pa dang/ tshangs pa mtshungs par spyod pa rnams la byams pa yongs su nyams pa dang/ rang gi sa bon thob par bya ba la mngon par brtson pa yongs su nyams pa'o/ /de ltar na bstan pa yun thung du
 gnas par shes par bya ste/ dad pa can rnams kyis de la mnyan pa dang bzung ba dang/ bcang ba dang don dang mthun par bsgrub pa dag gis 'bad par bya'o/ /'gro ba 'di yi don du ni/ /sdug bsngal mang po gang bstan pa/ ?
 dag dran nas khyod nyid kyi/ /bstan pa ngan pa'ang gnas bgyi na/ phan par gsungs dang phan mdzad pa'i/ /khyod kyis bstan pa ci smos te/ mgo la me ni 'bar gyur kyang/ /ji lta bur na mi bgyi lags/ /de ltar so sor nas kyang
 sangs rgyas bcom ldan 'das rnaMs kyi bstan pa la gnas par bya'o// lus can 'di nas shi nas yang/ /dam chos dkon mchog 'phrad 'gyur ram/ /mi 'gyur rna ba 'thob pa dang/ /su zhig dam chos 'chad 'gyur ba/ /de ni sus
 kyang mi shes bas/ /de phyir khyed kyis 'bad pa yis/ /ston pa'i gsung ni mnyan par bya/ /gnas skabs 'gyur zhing gnas par mi mngon la/ /so zhing song ba mi 'ong gser du skye/ /'on kyang bdag sa bdag gir 'dzin?
 'jug pa/ /'gro ba 'di ni ma rig pa yis ming/ /tshigs su bcad pa 'dis ji zhig? bstan zhe na/ 'du byed rnams ni rnam 'jig cing/ /rang gi dang gis skad cig yin/ /gtan dang tshad min de dag la/ /mi shes bdag dang
 bdag gis 'dzin/ /gzhan yang mi 'jig pa lta dang/ /yun ring 'jig pa lta zhig na/ /mya ngan byed dang zhig lta gang/ /de yi ched du 'du byas dag la ni/ /de yi rtsa ba bzhi yis mi rtag nyid 'di bstan/ /de la rtsa ba gnyis byi ni 'dus
 byas rnams la bdag med pa dang bdag gi med pa nyid du yongs su bstan to/ /gcig gis ni dpag? pa bdag dang bdag gi? snyam pa'o?/ /gcig gis de'i rgyu ma rig pas zin pa nyid do/ /de ltar na tshigs su bcang pa 'di las mdor na
 bdag tu phyin ci log pa'i gzhi dang/ rang bzhin dang/ rgyu yongs su bstan pa yin no de'i rgyu ma rig pa de yang dam pa'i chos mnyan pa las ma gtogs par spang bar mi nus so/ /de lta bas na bdag ni ma rig pas ming par gyur na mi rung ngo
 snyam nas gus par chos mnyan par bya'o/ /de ltar na dam pa'i chos mnyan pa'i dgos pa rnams kyi mdza' med de/ 'di ni phyogs tsam zhig go /phyogs 'dis dgos pa yang dag par bstan pa nyid kyis gus par mnyan pa dang ldan pa
 brjod par bya'o/ /ji ltar na ya mtshan dang bar tu dga' ba dang skyo ba'i nye bar bsgrub pa nyid kyis zhe na/ rmugs pa dang gnyid dang ldan ba dag la sems bsal bar bya ba'i phyir ya mtshan skye ba 'am/ rab tu dga' ba'i gtam bya'o/ /sems rnaM
 par g.yeng ba rnams la skyo bar bya ste/ skyo bar gyur pa rnams sems rtse gcig pa nyid du bya ba'i phyir ro/ /ji skad du bya zhe na/ re zhig ya mtshan skye ba ni/ /sangs rgyas rnams kyis bstan pa la/ /khyod kyi byas pa kun mi bya/ /de phyir
 rab dga' skyed par bya/ /byas pa bya yin nyams par 'gyur/ /'di yi don ci yin zhe na/ sangs rgyas kyi bstan pa la byang chub gsum la brtsams nas thos pa las byung ba 'am/ bsams pa las byung ba'i
 bsgoms pa las byung bra? rgyud yongs su smn par gang byas pa de thams cad yang mi bya ba yin te/ dge ba'i rtsa ba de las nyams pa yang dus ring du len na yang gang gi tshe brtson par byed pa de'i tshe khyad par kho na 'thob bo/ /de lta bas na
 bdag la yongs su smin par byas pa las nyamS pa med do/ /snyam du sems dga' ba bskyed par bya'o/ /gang zhig gis byas pa yang bya ba yin pa de ni nyams par 'gyur te/ ji ltar phyi rol ba'i snyoms par 'jug par byed pa lta bu'o/ /gang
 byas pa ni mi byangs/ /yun ring na yang zhi ba 'thob/ /gang byas bya yin de yis ni/ /shin tu yun ring zhi mi 'thob/ /gang byas pa ni mi byas nges/ /sangs rgyas nyid du srid pa yod/ /gang byas bya yin de yis ni/ /thar pa'ang srid bar mi
 'gyur ro/ /tshigs su bcad pa 'di gnyis kyi don yang snga ma dang mthun par brjod par bya'o/ /rab tu dga' ba'i gtam ji ltar brjod par bya zhe na/ gnyid sangs par bya ba'i phyir rab tu dga' ba'i gtam brjod pa lags so/ /re zhig
 gtam nyon cig bong bu khur gyis dub pa zhig la rte'u yis bro brdung ngo zhes smras pa dang/ de na re khyod kyis ni bro brdungs shig ngas ni rna ba bsgul lo zhes smras nas/ de bro brdungs pa dang/ rte'u dang mthun par bya ba'i phyir des rna ba bsgul lo
 zhes grag go /khyed kyis ning chos ston na/ /rna pa gnyis kyang bsgul bar mi spro 'am zhes bya ba dang/ wa seng ge'i god kyis sha 'dod pa zhig /seng go'i phye bzhin 'brangs la seng ge lan cig 'drangs te/ phag rgod chen po zhig
 bsang nas de wa? de yi 'di khyer cig ces smras ba dang/ de stobs chung ba'i phyir ? de la teg? par yang mi sgrol/ /bdag la khros te bsang na mi rung ngo snyam nas de'i tshig bzlog par mi nus nas/ 'di ni blun pa dang/ nga rgyal can yin
 par shes te/ de na de bdag gis khur 'di bkur na bya ba gnyis bya dgos te/ khur yang bkur dgos/ skud kyang dbyung dges bas de'i phyir bdag gis cig car las gnyis bya ba mi nus pas gcig khyod kyis byos shig cis smras
 pa dang/ seng ge ni nga rgyal can yin ba'i phyir skad 'byung bar yang ma 'dod nas/ 'on khyod kyi skad phyung shig /ngas khur bkur ro zhes smras te/ seng ge ni khur thog seng ge dang mthun par bya ba'i phyir wa skad 'byin par byed do zhes grig?
 gong bzhin du ngas ni chos bshad pa'i phyir khur bkur ro/ /nga dang rjes su mthun par bya ba'i phyir khyod kyis ni re zhig de lags tsam yang byas shig dang dge bar 'gyur ro/ /zhes bya ba dang/ rgan zhugs zhig thabs ma yin pa byed bas
 bud med don du gnyer ba las des de la ma btub ba dang/ de na re? bcom ldan 'das kyis bud med kyi bsam pa ni skyes pas so zhes gsung la 'di ni mi btub pas mdo sde dang 'gal lo/ /zhes smras so zhes grag go /de bzhin du khyed
 dang ba can yin la dad pa'i chos nyan mi 'dod pas dang ba'i rtags rnams las dam pa'i chos mnyan par 'dod pa yin zhes gsungs pa'i mdo sde dang 'gal lo zhes bya ba dang bud med rgan mo dbul mo sngon gyi khyim phyug po na 'dug 'dug
 pa zhig yod la der rkun bo zhig re bas mtshan mo khyim phug ste zhugs nas mun khung na lag pa gnyis rdzas btsal pa las kham stong dag gcig la thug ste/ sgra byung ba dang/ bud med de na re bu re zhig ngas nyi mo'i gung la btsal na yang
 ci yang mi rnyed na/ khyod kyis mun khung nag la rnyed ces smras so zhes grag go /de bzhin du blo rnam par gsal ba dang bcas pas kyang re zhig sangs rgyas kyi gsung gi dgongs pa can gyi don rnyed par dka' 
 na/ gnyid kyi mun pas non pa'i yid kyis lta ga la zhig ces bya ba dang/ b+ha ra ta'i gzhung klog pa na lus skyes dus pa dang/ legs ldan ci ste/ bshums/ smras pha rol rnyed mas ji snyed kyi sdug bsngal nyams su myong ba la ltos
 zhes smras pa dang 'di ni b+ha ra ta'i gzhung yin gyi/ 'di dga' byed 'gro ba'i gzhung ni ma yin no zhes smras pa/ bdag gis dus pa don med par dus pa yin no zhes smras so zhes grag go/ de bzhin du gal te chos 'chad par byed na khyed
 gnyid 'go pa ni ngas bshad pa'i don med pa yin no zhes bya ba dang/ de bzhin du rgan zhugs bsnyen par rdzogs su gzhug par ma nus so zhes bya ba dang/ de lta bu dang mthun pa mong rtul po'i gtam dag kyang ci rigs par bsgrub par
 bya zhing khyod nyan du gzhug ma nus so zhes bya ste/ gnyid sangs par bya ba'i phyir rnam pa de lta bu'i rab tu dga' ba'i gtam bya'o/ /skyo pa'i gtam ji ltar bya zhe na/ mi rnams tshe ni lo brgya la/ /mtshan mo nyal bas phyed du byas/ /de ni nyin
 par yang nyal bas/ /de yi phyed kyang dum bur byas/ /phrog ni gshin rje'i 'khor lo sog ler ldan na gson 'drar gang phyir nyal byed pa/ /ci zhig rnyed pa las ni dbugs phyin ci zhig rtogs shing bgegs ni ci dag spangs/ /ngan
 'gro rnams las brgal gtam ci yin mi bya'i nges ba'i las ni gang zhig thob/ /phra rgyas me rnams kyis sregs srid pa rnams kyis sa ni gang zhig 'das pa smros/ /'dis ci zhig bstan pa yin zhe na/ rgyu gnyis ngag gis srog dbuD
 ma phyin pa las dbugs phyin pa thob pa gson pa dang 'dra bar nyal bar rung gis gzhan du ni ma yin no/ /gnyis po gang dag gis zhe na/ lung bstan pa thob pa nyid kyis rtogs pa med par yang dper na kha cig la skal ba 'di snyed du log par ltung bar mi 'gyur zhing yongs su mya ngan las 'das par 'gyur ro zhes lung bstan pa lta bu'o/ /'bras bu thob pa nyid kyis rtogs pa thob pas ngan song pa'i nyon mongs ba dang/ skye ba dang/ las kyi kun nas nyon mongs pa mthong bas spang bar
 bya ba rnams dang/ yang 'byung ba'i nyon mongs pa dang/ skye ba'i kun nas nyon mongS pa gnyis zad pa yin no/ /ngan song pa'i las spangs pa la ni yang 'byung ba pa'i las kyi kun nas nyon mongs pa rnam par mi bzhag ste/ yang 'byung ba ni dge
 pa'i 'bras bu yin pa'i phyir ro/ /de la gshin rje'i 'khor lo ngang sog la dang bldan pa nyid kyis ni srog dbugs ma phyin pa nyid du ston pa yin no/ /ci zhig rnyed pa las ni dbugs phyin zhes bya bas ni lung bstan pa 'thob pa nyid du ston
 pa yin no/ /ci zhig rtog zhes bya ba ni 'bras bu ma thob pa'i phyir ro/ /bgegs ni ci dag spangs/ ngan 'gro rnams las rgal gtam ci yin mi bya'i nges pa'i las ni gang zhig thob ces bya ba ni 'bras bu thob las ngan song ba'i nyon mongs
 pa dang/ skye ba dang las kyi kun nas nyon mongs pa gang dag zad ba yin ba de dag ma zad pa nyid du yongs su ston pa yin no/ /nyon mongs pa mthong ba spang bar bya ba rnams ni mngon par rtogs par bgegs yin pa'i phyir bgegs zhes
 bstan to/ /nyon mongs pa la yang skye ba'i kun nas nyon mongs pa de'i sa yod par bstan pa'i phyir bar du de smos pa yin no/ /ngan song ba'i skye ba dang las kyi kun nas nyon mongs pa gnyis bdag dang gzhan la gnod pa'i dbang du mdzad pa'i phyir
 yang yin no/ /rgyu phra rgyas me rnams kyi bsregs srid pa rnams kyis ni gang zhig 'das pa smos zhes bya ba ni yang 'byung ba'i nyon mongs pa dang/ skye ba'i kun nas nyon mongs pa gnyis ma zad pa nyid du
 ston pa yin no/ /bsdus pa'i tshigs su bcad pa na ji lta bzhin ba'i yid ni dbugs phyin pa'i/ /lung bstan pa ni thob pa med pa dang/ /ngan song dang ni yang 'byung 'gyur ba gang/ /nyon mongs yan lag gsum gnyis zad bya phyir/ /
 de kho na nyid rtog pa med pa'o/ /yang rgyu gnyis dag gis dbugs phyin pa thob pa zhes bya ba snga ma bzhin te/ yongs su nyams pa med par sbyor ba'i lam thob pa nyid kyis ni nges par 'byed pa'i cha dang mthun pa'i bzod pa thob pa'i phyir ro//
 'bras bu thob pa nyid kis ni gang zhig thob pa de snga ma bzhin no/ /yang rgyu gsum dag gis dbugs 'byin pa thob pa zhes bya ba snga ma bzhin no/ /gsum po gang dag gi zhe na/ lud bstan pa thob pa nyid kyis dang/ ye shes kyis
 khyad par thob pa nyid kyis dang/ spangs pa'i khyad par nyid kyis so/ /yang ngan song ba'i kun nas nyon mongs pa rnam pa gsum spangs pa ji skad bstan pa dang/ yang 'byung ba pa'i kun nas nyon mongs pa rnam pa gnyis spang ba ji skad bstan
 pa lta bu'o/ /yul la rnam par rtogs pas rnam par g.yengs pa rnams la yul gyi skyon brjod pa dang ldan pa'i kun tu skyo ba'i gtam brjod par bya'o/ /'jig rten dag na 'dod pa rnams mi rtag /dge ba'i don 'phrog gsog der sgyu
 ma 'dra/ /smon pa na yang mi rnams kyi ni sems/ /rmongs na bdag nyid phrad na smos ci dgos/ de la 'dod pa rnams mi rtag pa nyid kyis ni mthong ba'i chos nyid la mya ngan la sogs pa'i rgyu nyid yin par ston to/ /dge ba'i don 'phrogs pa
 nyid kyis ni tshe phyi ma la? ngan 'gro'i rgyu yin bar ro/ /gsog nyid kyis ni dge ba dang bral ba nyid du'o/ /sgyu ma dang 'dra ba nyid kyis ni bde ba ltar snang ba nyid du ste bde bar 'du shes phyin ci log gi gzhi nyid yin pa'i phyir ro/ /phyi ma'i phyed kyi
 ni 'di ltar de rnams ni ma phrad kyang srid pa dang bcas pa rnams kyi sems bde par 'du shes pas rmongs par byed na phrad na lta smos kyang ci dgos zhes bya bar ston to/ /bsdus pa'i tshigs su bcad pa gnyis ni/ 'dod pa rnams ni sdug
 bsngal rgyu/ /de dga' ni bde ba med/ /bde bar 'du shes log pa yi/ /bzhi yin bar na rab tu bstan/ /mdze bzhi yongs su gdung pas na/ /mya ngan ngan 'gro'i rgyu yi phyir/ /ma phrad phrad pa'i gnas skabs su/ sgyu bzhin log par ston
 phyir ro/ /shes dka' bzlog dka' dpung thub dka' ba can rgyu ba/ /rtogs dka' 'dod chags rang dga' i dbang po can rnams kyi/ /bzang po'i lam rnams 'joms dang rdul ni bsags rnams kyi/ /mos dang blo ? dag yin yid
 'khrul rnams kyi ni/ /tshul khrims zad byed yin zhing 'byung po rnams kyi rdzas/ /lta bu'i dge ba 'joms pa mi dge'i yul rnams yin/ /de lta bas na khyod ni dam pa'i chos mnyan pa'i tshe bdag la gzhom par bya ba ni mi rigs so//
 de la ji ltar na shes par dka' ba yin zhe na/ 'dod pa 'di dag ni mnog chung zhing sdug bsngal mang ba yin no/ /zhes bya ba de lta ba la sogs par shes dka' ba nyid kyis so/ /ji ltar na bzlog par dka' ba dang/ dpung thub par
 dka' ba dang/ rgyu ba rnams rtogs par dka' ba yin zhe na/ brtsal ba dang rnam par mnan pa dang/ bag la nyal yang dag par gzhom pa'i spong pa dka' ba nyid kyis yin te go rims bzhin no/ /ji ltar bzang po rnams kyi lam 'joms pa
 yin zhe na/ khyim pa'i phyogs la 'dod chags dang rang dga' i dbang po rnams kyis dge ba bcu'i las kyi lam gyi khrims la sogs pa las 'da' bar byed pa nyid kyis so/ /ji ltar mos pa dang blo gros kyi dgra
 rnams dang/ tshul khrims zad par bya ba yin zhe na/ rab tu 'byung ba'i phyogs la sngon rdul bsags pa dang 'dir yid 'khrul pa rnams kyis ting nge 'dzin dang shes rab dang tshul khrims kyi bar du gcod pa'i phyir te/ go rims bzhin no//
 mos pa ni sems gnas pa yin pas ting nge 'dzin to/ /ji ltar na 'byung po rnams kyis rdzas dang 'dra ba'i dge ba yin zhe na 'di dang phyi mar bde ba dang sdug bsngal gyi rgyu dang yongs su skyob pa nyid kyis nor dang 'dra ba'i phyir ro/ /ji ltar na mi dge
 ba'i yul rnams kyis 'joms pa yin zhe na/ tshul bzhin ma yin pa'i yid la byed pa na/ de'i mi mthun pa'i phyogs nyid kyi dge ba'i chos rnams yas thob pa dang/ ma thob pa yongs su nyams pa nyid kyis yongs su nyams par byed pa'i
 phyir ro/ /yang mdor bsdu na 'dis ni 'dod pa rnams yongs su shes par dka' ba nyid dang/ spang bar dka' ba nyid dang/ yongs su shes shing ma spang pa dang/ ji ltar gang dang gang dag la gnod pa byed pa de yongs su bstan te/ /tshi gcig dang gsuM
 dang gsum dang lhag ma ste go rims bzhin no/ /rnam grangs gzhan yang 'dod pa rnams ni chom rkun dang chos mthun par yongs su bstan pa yin no/ /chom kun gyi rgyu bdun dag gis rkun po'i bya ba mthar byin pa yin te/ mi 'phrigs pa'i rang bzhin
 yin/ 'phrigs na yang mi ldog pas bstan yin/ /'gro ba dang 'ong ba dang pha rol gnon pa dag la ngal ba med pas stobs dang ldan pa yin/ mi mngon pa dang bgrod dka' ba'i gnas su thag ring zhing thibs por rgyu ba yin/ ma lus par
 'phrogs pas snying brtse ba med pa yin/ /gnyid log cing ra ro ba na 'joms pas dus shes pa yin/ /mi mthun zhing sha kho na can yin no/ /dngos po'i 'dod pa nyon mongs pa'i 'dod pa dang bcas pa rnams kyang de
 dang chos mthun pa yin te/ de la mi 'phrigs pa'i rang bzhin nyid ni shes par dka' ba nyid kyis ston te/ nyes dmigs yongs su mi shes pa'i phyir ro/ /brtan pa nyid ni bzlog par dka' ba nyid kyis te/ bsal bar dka' ba'i phyir ro//
 stobs dang ldan pa nyid ni dpung thub par dka' ba nyid kyis te/ kun tu rgyu ba rnam par mnan par dk+ka' ba' i phyir ro/ /thag ring zhing thibs por rgyu ba nyid ni rgyu ba rtogs par dka' ba nyid kyis te/ bag la nyal ba ni thag ring du zhugs shing mi mngon
 par song ba'i phyir ro/ /snying brtse ba med pa nyid ni bzang po'i lam 'joms pa la sogs pa nyid kyis te/ dge ba ma lus par med par byed pa'i phyir ro/ /dus shes pa nyid ni gnyid log pa dang ra ro zhing myos pa lta bu'i 'dod chags dang/
 dga' ba'i dbang po can rnams la 'joms pa'i phyir ro/ /mi mthun pa nyid ni/ mi dge ba nyid kyis dge ba dang 'gal ba'i phyir ro/ /nang par mar me rlung gis bskyod pa 'dra ba dang/ /chu bo'i 'gram gyi ljon shing rtsa ba 'gul 'dra dang/ /snod chag
 yod pa'i chu ni 'dzag par byed pa ltar/ /'gro ba 'di ni dbang med 'jig pa'i chos can yin/ /de ltar 'gro ba rab tu 'jig pa'i chos can yin na/ khyed dam pa'i chos mnyan par g.yeng ba'i mi rigs so/ /ci'i phyir tshigs su bcad pa 'di
 las dpe gsum dag gis bstan zhe na/ 'di lta ste/ 'gro ba zhes bya 'di ni tshe yi dbang gis ming dang gzugs/ /'jug yin gsum po de phyir ji lta bur/ /mi brtan pa de 'chi ba gyel zad la/ /phyogs pa'i mar me ljon shing chu yis bstan/ /
 gzhan yang rgyu brgyad dag gis chos 'di la shin tu btsal bar mi bya bar 'gyur te/ gal te thar pa don du mi gnyer ba yin ba dang/ nang med ba ma yin pa'i phyir ram/ rang dbang med pa nyid kyis phyir gnyer
 ? yang mi nus pa yin pa dang/ gal te nus na yang btsal ba ma byas par 'bras bu yod ba ma yin pa dang/ gzhan gyis byed pa po gzhan yin ba dang/ brtsal ba byas kyang des bar 'grub bar mi 'gyur ba dang/ 'dis grub ba snyam du yid ches
 bar mi byed pa yin pa dang/ bdag gis ji ltar brtson par bya zhes thabs mi shes ba yin ba dang/ ngan song las yang dag bar brgal ba'i dbugs byin pa thob pa yin no/ /'on te yang don gnyer nus dang ma byas bar/ /'bras
 med bo gzhan med ba dang/ /nges bar 'grub dang yid ches dang/ /thabs shes log par ltung ba yi/ /mdza' gnas pa yi skye bo gang/ /shin tu rtsol bar mi byed pa/ /de ni nges bar sdig las kyis/ /bsgrib shing sdug bsngal
 mang bsten yin/ /ngan song thos la yid ches shing/ /de yid gnyen po mi byed la/ /'jigs shing nus dang ldan pa dag /tshe thung de yang ma nges dang/ /mi bya bar ni bya min dang/ /byed po gzhan med ma byas bar/ /bde las med cing
 byas pa dang/ /mi 'jigs de byed mi shes min/ /gal te so so'i skye bo dag /'dod ba yi ni zang zing gi /phub ma la ni yongs 'jus nas/ /kye ma 'di ni rab myos pa'i/ /glang chen nyal ba byed dam ci/ /byis pa kun ni rten yod dam/ /kye
 ma mi bzad kye ma dka' / /kye ma'o sdug bsngal gyis mi 'jigs/ /kye ma'o brlag la phyogs ba yin/ /sangs rgyas gsungs zhes bya ba gang/ /dkon mchog 'dod don sgrub mdzad pa/ /skye bo ser sna med 'dug bas/ /gaN+Di
 brdungs te sgrogs byed na/ /gti mug nga rgyal ldongs pa yi/ /byis pa 'di dag bar? gnyid la/ dgra bo bzhin du brlag pa'i rgyu/ /grong ba'i dgra la mngon par dga' / /bdag la phan par brtson rnams kyis ni dgra yin na yang legs bshad bzung
 ngan pa yin kyang skye bos phan 'dogs skye bo'i nga ro dpyad bya na/ /dgra bcom pa nyid 'gro ba phan pa dpung gnyen phan pa gsungs pa yi/ /gsung ni gal te mi 'dzin kyi hud? kyi hud? tshig ni 'dir byas legs/ /tshigs su bcad pa 'di rnams
 kyis ni ji ltar byis pa rnams la mya ngan du byas de yongs su bstan to/ /ji ltar na byis pa rnams mya ngan du bya ba yin zhe na/ log bar bsgrub pa skyon lnga dang ldan pa la gnas pa'i phyir ro/ /log bar sgrub pa de yang tshigs su bcad pa gzhan gsuM
 ngag gis bstan pa yin no/ /de yang mdor bsdu na sangs rgyas kyi gsung mi nyan dang/ mi 'dzin ba las brtsams nas rig bar bya'o/ /sangs rgyas kyi gsung gang rnyed par dka' ba dang/ don tshe ba dang/ 'bad pa med 'thob ba bzhin du
 gti mug gi ldongs pa nyid kyis bag med pa'i rgyu 'khrig pa dang ldan pa'i sgra dag la chags nas mdu? mi 'dod pa dang/ thos na yang phan pha bzhed pa dang/ phan pa'i bla mas gsungs pa la mi bsgrub bas mi 'dzin pa'o/ /skyon lnga gang
 dag ce na/ mi bzang pa nyid dang/ dka' ba nyid dang/ sdug bsngal ba nyid dang/ 'jigs pa nyid dang/ brlag pa la phyogs pa nyid do/ /gnyen po srid pa yod kyang log par sgrub pa gang la skyon lnga yod pa de yang mi zad ba la sogs pa'i
 sgrar bstan to/ /ci mi bzad pa ni de phyis gdud ba'i rgyu yin pa'i phyir te/ 'di ltar gang gis gdungs par 'gyur ba de byas nas mi bzang pa byas so zhes zer ro/ /dka' ba ni mang po kun tu 'tshol bas dub pa'i rgyu yin pa'i phyir ro/ /sdug
 bsngal ba ni lus dang sems la gnod pa'i rgyu yin pa'i phyir te/ gsod pa dang/ 'ching ba dang/ rdag pa la sogs pa gzhan gyi gnod pa dang mya ngan gyi gnas yin pa nyid kyis so/ /'jigs pa ni ngan 'gror
 'gro ba'i rgyu yin ba'i phyir ro/ /brlag pa la phyogs pa nyid ni mya ngan las 'das pa'i lam dang thag ring bar 'gyur ba'i rgyu nyid yin pa'i phyir ro/ /kye ma'o zhes bya ba'i tshig gi phrad 'di ni ya mtshan gyi don la yang mthong ste//
 dper na bde sa'i bus mngon par dad nas kye ma'o chos ni legs par gsungs pa zhes smras pa lta bu'o/ /mya ngan byed pa'i don la yang sa'i bcud nub pa dang/ kye ma'o sa'i bcud kye ma'o sa'i bcud ces mya ngan byas pa lta bu'o/ /smon
 pa'i don la yang ma la kye ma'o/ /bdag mi skal ba bzang po pa rnaMs dang skal pa mnyaM pa nyid du skye bar shog cig ces bya ba lta bu'o/ /smad ba'i don la yang dper na rkun po byed pa na kye ma bram ze'i legs pa yin no zhes bya ba lta bu ste/ de ni
 'dir mya ngan byed pa'i don du blta bar bya'o/ /rkun po zhig gis rab brgyad phug ste/ rgyal po'i mdzod du zhuD naS skoM pas chang zhi po 'thungS ter don nyal ba dang nang par bzung nas sdug bsngal bar byas zhes grag go /de bzhin du khyed kyis mi kho
 ba'i ras brgyad phug ste/ dal bas skyes pa'i rgyal po'i mdzod du zhugs nas 'dod pa la dga' ba'i chang 'thungs ter ro ba nyid kyis srog gi mtshan mo'i nam nangs na bdag nyid la sdug bsngal bskyed par mi rigs so/ /phag mo thi?
 ba'i phreng ldan ma'i sngon gyi tshul yang brjod par bya ste/ de bzhin du dam pa'i chos ma nyams pas sems can rnams mngon par mtho ba'i 'gro bar skyes nas shugs zad pas mnga' gnam du 'phangs ba slar bas la ltung ba bzhin
 du yang ngan 'gror 'gro bar 'gyur ro/ /de lta bas na rnam pa de lta bu'i tshigs su bcad pa dang/ gtam dang/ sngon gyi sbyor ba la sogs pa dag gis skyo bI gtaM nye bar bsgrub par bya'o/ /de lta bu'i ya mtshan dang/ rab tu dga' ba dang/
 skyo ba'i gtam nye bar sgrub ba nyid kyis gus par nyan pa dang ldan pa brjod bar bya'o/ /mdo sde'i rgyan las kyang mdo sde rnam par bshad pa'i tshul bstan to/ /gces ba dang ni dgongs ba can gyi gsungs dag rnam pa mang du brjod/ /tshig gi don
 dang mtshams sbyar sdeb dang 'dra bar mang du brjod par bya/ /'gal ba dag dang lan gdab thabs kyang mang du brjod cing shes par bya/ /yon tan 'di dag rnams dang ldan pas gal te sman legs smra yin/ /tshigs su bcad pa 'dis ni sangs
 rgyas kyi gsung yon tan lnga dag tu bstan par grag ste/ dgos pa dang bcas pa dang/ dgongs pa zab pa nyid dang/ mtshan nyid zab pa nyid dang/ snga phyi 'brel ba nyid dang /riD pa dang 'brel ba nyid do/ /gzhan yang bstan pa/ gang zhig gzhan
 gyis brgal na snyan par smra byed rtsub pa ma yin dang/ /bstod dam grub par gyur kyang gang gi yid ni rgyags par mi byed dang/ /gang zhig don rgyas pa dang sna tshogs 'brel dang go byed smra ba dang/ /gang zhig snying la dge rtsa bskyed pa de ni smra byed
 mkhas pa yin/ /tshigs su bcad ba 'dis ni smra ba po rnam pa gnyis kyi yon tan rnam pa gnyis bstan par grag ste/ smra ba po rnam pa gnyis ni rang gi phyogs 'dzugs pa dang/ chos ston pa'o/ /yon tan rnam pa gnyis ni dag yongs su dag
 pa dang/ sems yongs su dag pa'o/ /de la dang po'i ngag yongs su dag pa ni gzhan gyis brgal ba na snyan par smra ba nyid dang/ mi snyan pa mi smra ba nyid kyis so/ /sems yongs su dag pa ni bsngags pa dang/ rgyal ba thob kyang de'i nye ba'i nyon
 mongs pa mi skye bas so/ /gnyis pa'i ngag yongs su dag pa ni yongs su rdzoD pa dang mi bzlos pa dang/ tshang ma dang mi 'gal ba'i don dang/ gsal ba'i tshig brjod pa nyid kyis so/ /sems yongs su ngag ba ni bdag dang
 gzhan gyi rgyud la dge ba'i rtsa ba bskyed pa'i bsam ba'i sems zang zing med pa nyid kyis so/ /ji ltar me'i sgo bud shing yin/ /ji ltar chu'i lam gtod pa ltar/ /de bzhin blo dang ldan rnams la/ /mdo sde bshad pa'i shan 'di bstan
 rnam par bshad pa'i rigs pa las le'ur bcad pa lnga pa ste/ rnam par bshad ba'i rigs pa/ slob dpon dbyig gnyen gyis mdzad pa rdzogs so// //rgya gar gyi mkhan po bi shud+d+ha sid+ha dang/ shAkya sid+ha
 dang/ zhu chen gyi lo tsa ba bande rtsangs de ban+d+ra rak+Shi tas bsgyur cing zhus te gtan la phab pa'o// //las grub pa'i rab tu byed pa slob dpon dbyig gnyen gyis mdzad pa bzhugs so/ /rgya gar skad du/ karma