<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4332: rnal 'byor spyod pa'i sa las rnam par bshad pa bsdu ba<br><table><tr><td>
<input type="button" onclick="location.href='tcompletep.php?id=N4332&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4332&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4332&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">brgya nyi shu rtsa lnga yod do// //*/ /rnam bshad bsdu ba thogs med kyis mdzad pa bzhugs so/ /*/ /rnal 'byor spyod pa'i sa las rnam par bshad pa bsdu ba/ dkon mchog gsum la phyag 'tshal lo/ /rnam par bshad pa bsdu ba gang zhe na/
 spyi sdom ni lus dang rnam par bshad pa dang/ tshig 'bru dang ni don nyid dang/ /chos dang kun nas slong ba dang/ don dang rgol ba'i lan dang ni/ /mtshams sbyar ba dang smra ba dang/ /bshad dang 'khor dang nyan pa dang/ /sangs rgyas bsngags pa bsdus ba 
 dang/ /rgyas dang bslab ba'i phan yon yin/ /de la mdo sde'i lus ni mdor bsdu na/ rnam pa gnyis te/ tshig 'bru dang don to/ /de la tshig 'bru ni gnas yin la don ni de gnas ba yin par rig bar bya'o/ /de gnyis ka bsdus pa ni shes par bya ba yin no
 rnam par bshad pa gang zhe na/ mdor bsdu na rnam pa lngar blta bar bya ste/ chos dang kun nas slong ba dang don dang rgol ba'i lan dang mtshams sbyar ba'o/ /de la tshig 'phru ni rnam pa drug ste/ ming gi tshogs dang tshig gi tshogs dang/ yi ge'i tshogs dang/ ngag dang rnam
 pa dang bstan pa'o/ /de la ming gi tshogs rnams ni yang dag par shes bar byed ba'i tshig bla dags yin no/ /de yang rnam pa bcu gnyis te/ nye bar btags pa las byung ba dang/ yang dag pa'i dngos bo dang/ rig dung? 'brel ba dang/ so so dang 'brel ba dang/
 yin? tan las byung ba dang tha snyad las byung ba dang/ grags pa dang ma grags pa dang/ gsal ba dang mi gsal ba dang/ bsdus pa dang rgyas ba'o/ /da la nye bar btags pa las byung ba'i ming ni re zhig nang gi dag la sems can dang srog ces bya ba la sogs pa dang/
 phyi rol gyi dag la bum pa dang snam bu zhes bya ba la sogs ba'o/ /yang dag ba'i dngos po'i ming ni 'di lta ste/ mig la sogs pa dang gzugs la sogs ba'i dbang po'i dang don rnams kyi'o/ /rigs dang 'brel ba'i ming ni sems can dang gzugs dang tshor ba dang
 'byung ba chen po zhes bya ba la sogs pa'o/ /so so dang 'brel ba'i ming ni sangs rgyas byin dang yon tan bshes gnyen dang sngon bo dang ser bo zhes bya ba la sogs pa'o/ /yon tan las byung ba'i ming ni 'di lta ste/ gzugs su rung bas gzugs dang/ tshor bar
 byed pas tshor ba dang/ nyin mor byed pas nyi ma dang sreg par byed pas me zhes bya ba la sogs pa'o/ /tha snyad las byung ba'i ming ni 'di lta ste/ dbul po la phyug po zhes bya ba lta bu dang/ gzhan yang don la mi bltos par ming rnam par bzhag pa gang yin pa'o?
 grags ba'i ming ni yongs su rtogs ba'i ming gang yin pa'o/ ba grags ba'i ming ni de las bzlog pa yin no/ /gsal ba'i ming ni gang gi don shes ba'o/ /mi gsal ba'i ming ni gang gi don mi shes pa ste/ /'gro lngar? ba'i rig sngags? lta bu'o/ /bsdus pa'i ming ni yi ge gcig
 gang yin pa'o/ /rgyas pa'i ming ni yi ge mang pa gang yin pa'o/ /de la tshig gi tshogs rnams ni ming dang yi ge yongs su rdzogs pa gang yin pa'o/ /de yang rnam pa drug ste/ yongs su ma rdzogs pa'i tshig dang/ yongs su rdzogs pa'i? tshig dang/ sgrub par bya ba'i tshig dang
 bsgrub pa'i tshig dang/ bstan pa'i tshig dang/ bshad pa'i tshig go /de la yongs su ma rdzogs pa'i tshigs ni tshig 'bru ma rdzogs pa dang/ don ma rdzogS pa las blta bar bya'o/ /yongs su rdzogs pa'i tshig ni tshig gnyis pas yongs su rdzogs par 'gyur ba gang yin pa
 ste/ 'di lta ste dper na/ sdig pa thams cad ces bya ba'i tshig 'bru ni ma rdzogs pa yin la/ sdig pa thams cad ces bya ba'i don kyang yongs su ma rdzogs pa yin pas mi bya ste zhes bya ba'i tshig su? yongs su rdzogs par 'gyur ba lta bu'o/ /bsgrub pa'i tshig ni gong ma'i
 'og mas sgrub pa gang yin pa ste/ 'di lta ste dper na/ kye ma 'du byed mi rtag ste zhes bya ba de skye zhing 'jig pa'i chos can yin zhes bya bas bsgrub par bya ba lta bu'o/ /de la snga phyi'i bsgrub par bya ba gang yin pa de ni bsgrub pa'i tshig yin la gang gi sgrub par byed pa
 de ni sgrub pa'i tshig yin no/ /de la bstan pa'i tshig ni 'di lta ste/ dper na dam pa rnams zhes bya ba lta bu'o/ /bshad pa'i tshig ni yang dag par song ba rnams dang skyes bu dam ba rnams zhes bya ba lta bu'o/ /yang na yongs su rdzogs pa dang yongs su ma rdzogs ba'i ming
 ni tshig yin te/ gang la de gnyis kyis mthar thug par 'gyur ba yin no/ /de la yi ge'i tshogs rnams ni yi ge bzhi bcu rtsa dgu ba dag go /de la 'dun pa sngon du btang ba ni ming ngo/ /ming ston du btang ba ni tshig dang yi ge'i tshogs rnams so/ /tshig gang yin pa
 de ni mi'i gang yin la/ yi ge yang yin no/ /yi ge gcig gang yin pa de ni tshig ma yin no/ /ming gi ma bsdus pa'i yi ge gang yin pa de ni yi ge kho na yin gyi ming ma yin no/ /de'i phyir ming gi tshogs la sogs pa 'dog par mdzad ce na/
 'di lta ste tshig bla dags kyi 'dus te reg pa las byung ba'i tshor ba so sor myong bar bya ba'i phyir ro/ /ming zhes bya ba'i don gang zhe na/ ming sna tshogs su legs par shes par byed pa'i phyir ming ngo/ /yang yid kyis mtshan mar byed pa'i phyir ming ngo/ /
 lkog tu gyur pa'i don bstan pa'i phyir tshig gis brjod par byed ba'i phyir ming ngo/ /ming gi mdza' blangs pa'i phyir tshig go /ming dang tshig rjes su gsal bar byed pa'i phyir yi ge'i tshogs rnams so/ /bcom ldan 'das kyis tshig bla dags dang tshig bla dags zhes
 rgya cher gang gsungs pa de la tshig bla dags ni sde pa mdza' dag las byung ba dang rigs dang 'brel ba'i ming ngo/ /tshig bla dags kyi lam ni sde pa de dang rigs de dang 'dun pa ste de kun nas slong bar byed pa'i phyir ro/ /nges pa'i tshig ni bstan pa dang bshad pa de
 dang de dag re re la de bsgrub pa'i tshig gang yin pa'o/ /de'i rten de ni lam mo/ /'dogs pa ni re re nas rnam par dbye ba 'dogs par byed pa'o/ /de'i rten de ni lam mo/ /'dun pa ni ngas bshad zin te 'dun pa gud na med do/ /de'i tshig bla dags 'dogs par byed
 pa ni lam mo/ /ming gi tshogs la sogs pa de dag gi rten ni mdor bsdu na rnam pa drug ste/ 'di lta ste/ chos dang don dang gang zag dang dus dang grangs dang skabs so/ /de dag gi rab tu dbye ba ni 'di lta ste/ thos pa las byung ba'i sar bstan pa bzhin du rig par bya'o/ /
 de la dag gi mdor bsdu na grong khyer ba dang snyan cing 'jebs pa la sogs pa yan lag brgyad dang ldan pa yin par rig par bya ste/ de tshig dang yi ge 'byor pa zhes bya ba nas 'grus skyong gi yan lag gi tshogs zhes bya ba'i bar gyis chos ston par byed pa'o/ /de
 la dag grong khyer ba ni mya ngan las 'das pa'i grong khyer gyi dbang du byas pa yin pa'i phyir ro/ /snyan cing 'jebs pa ni sgra mnyen zhing snyan pa nyid kyi phyir ro/ /rnam par gsal ba ni tshig dang yi ge legs par 'byor pa nyid kyi phyir ro/ /mnyan par 'os pa na chos dang don dang ldan
 pa nyid kyi phyir ro/ /mi rten pa ni dad pa'i bya ba la mi rten pa nyid kyi phyir ro/ /mi mthun pa med pa ni ran bar smra ba nyid kyi phyir ro/ /ma gtugs pa ni rgya che zhing mkhas pa nyid kyi phyir ro/ /ngag rnam pa brgyad po de dag gi yon tan yang mdor bsdu na rnam ba gsum du rig
 par bya ste/ dbang du bya ba ni rnam pa gcig gis so /ngo bo nyid ni rnam pa gnyis kyis so/ /sbyor ba ni lhag ma rnams kyis so/ /de la 'byor ba ni ming dang tshig dang yi ge'i tshogs kyi go rims legs par 'byor pa nyid kyi phyir ro/ /yang rigs pa bzhi la brten pa'i phyir 'byor
 pa yin no/ /'brel pa ni sgrub pa dang 'brel pa'i phyir ro/ /rjes su mthun pa ni rnam par bshad pa dang rjes su mthun pa'i phyir ro/ /rjes su 'phrod ba ni tshig dang yi ge gsal ba rnams dang dang ba rnams kyis so/ /thabs dang ldan pa ni snying la 'bab pa nyid kyi phyir ro/ /
 'tshams ni 'khor dang 'tsham pa'i phyir ro/ /mthun pa ni chos dang ldan pa dang dus dang mthun pa'i phyir ro/ /'grus skyong gi yan lag gi tshogs zhes bya ba la 'grus skyong zhes bya ba ni gus par byed pa dang rtag tu byed pa'o/ /de'i yan lag rnams ni yang dag pa'i lta ba la
 sogs pa ste/ de dag tshogs su gyur pa yin pa'i phyir ro/ /de la rnam pa ni 'di lta ste/ phung po dang ldan pa rnams dang khams dang ldan ba rnams dang skye mched dang ldan pa rnams te/ rten cing 'brel par 'byung ba dang ldan pa rnams dang/ gnas dang gnas ma yin pa
 dang ldan pa rnams dang/ dran pa nye bar bzhag pa dang ldan pa rnams dang/ dran pa de lta bu la sogs pa dang ldan pa rnams dang/ de bzhin du nyan thos kyis bshad pa 'am/ de bzhin gshegs pas gsungs pa 'am/ byang chub sems dpas bshad ba rnams pa zhes bya'o
 de la bstan pa ni gang la brten nas gtam zir ba'o/ /de yang dbang bo la sogs pa'i dbye bas gang brag rnam pa nyi shu rtsa bdun du rig par bya ste/ de la dbang po'i dbye bas ni dbang po rtul po dang/ dbang bo rnon po'o/ /spyad ba'i dbye ba ni bdun te/ 'di
 lta ste/ nyan thos kyi sar 'dod chags spyad pa la sogs pa bstan pa bzhin no/ /phyogs kyi dbye bas khyim pa dang rab tu byung ba'o/ /smon lam gyi dbye bas ni nyan thos dang rang sangs rgyas dang byang chub sems dpa' o/ /bsgrub tu rung ba dang bsgrub tu mi rung ba'i dbye bas
 ni yongs su mya ngan las 'das pa'i chos can dang/ yongs su mya ngan laS mi 'da' ba' i chos can no/ /sbyor ba'i dbye bas ni ma zhugs pa dang bsgribs pa dang ma bsgribs pa dang/ yongs su ma smin pa dang/ yongs su smin pa dang/ 'ching ba mdza' dag yod ba dang/
 'ching ba ma tshang ba dang 'ching ba med pa'o/ /rigs kyi dbye bas ni mi dang mi ma yin pa'o/ /tshig 'bru de dag thams cad bsdus na rnam pa bzhis tshig 'bru zhes bya ste/ gang ston pa ni 'di lta ste/ ming la sogs pa nas rnam bar thar thug pa'i bar dag go /gang la
 ston pa ni 'di lta ste/ gang zag nyi shu rtsa bdun la ston pas bsdus pas so/ /gang gis ston pa ni 'di lta ste dag gis so/ /su ston pa ni sangs rgyas dang nyan thos dang byang chub sems dpa' ste/ de dag thams cad ni tshig 'bru rnam pa drug
 gis yongs su bstan pa yin no/ /gang yang rung ba zhig ma tshang na don mngon par gsal bar mi 'gyur la de dag gis don mngon par gsal bar byed bas de'i phyir tshig 'bru ni gsal bar byed ces bya'o/ /don gang zhe na/ mdor bsdu
 na rnam pa bcur blta bar bya ste/ 'di lta ste/ sa'i don dang mtshan nyid kyi don dang/ yid la byed pa'i don dang/ dbang du bya ba'i don dang/ phan yon gyi don dang nyes dmigs kyi don dang/ mi mthun pa'i phyogs kyi don dang/ gnyen po'i
 don dam? bsdus pa'i don dang/ rgyas pa'i don to/ /de la sa'i don ni mdor bsdus na sa lnga ste/ tshogs kyi sa dang sbyor ba'i sa dang mthong ba'i sa dang bsgom pa'i sa dang/ mthar thug bar 'gro ba'i sa'o/ /rgyas par bya na sa bcu bdun to/ rnam par
 shes ba tshogs lnga dang ldan pa la sogs pa phung po med pa'i mthar thug pa'i bar dag go /de la mtshan nyid kyi don ni rnam lngar blta bar bya ste/ rang gi mtshan nyid dang spyi'i mtshan nyid dang/ brda'i mtshan nyid dang
 sgyu'i mtshan nyid dang/ 'bras bu'i mtshan nyid do/ /de dag gis rnam par dbye ba ni 'di lta ste/ bsams pa las byung ba'i sar bstan pa bzhin no/ /mtshan nyid med pa yang snga ma kho na bzhin du bsams pa las byung ba'i sar ji skad bstan pa de bzhin du blta
 bar bya'o/ /de la yid la byed pa'i don ni yid la byed pa bdun te/ mtshan nyid so sor rig pa la sogs pa 'di lta ste/ nyan thos kyi sar? snga bstan pa bzhin no/ /shes pa bcuni sdug bsngal shes pa dang/ kun 'byun ba shes pa dang/ 'gog pa shes pa dang/
 lam shes pa dang/ chos shes pa dang/ rjes su rtogs pa shes pa dang/ pha rol gyi sems shes pa dang kun rdzob shes pa dang/ zad pa shes pa dang/ mi skye ba shes pa ste/ de dag gi rnam bar dbye ba yang 'di lta ste/ nyan thos kyi sar bstan pa bzhin no/ /rnam
 par shes pa'i tshogs drug ni mig gi rnam par shes pa nas yid kyi rnam par shes pa'i bar ste/ 'di lta ste/ rnam par shes pa'i tshogs lnga dang ldan pa dang yid kyi sar bstan pa bzhin no/ /yongs su shes pa ni dgu ste/ 'dod ba dang ldan pa'i sdug bsngal dang kun
 'byung pa mthong bas spang par bya ba rnam par spangs pa ni yongs su shes pa gcig go /gzugs dang gzugs med pa dang ldan pa'i sdug bsngal dang kun 'byung mthong bas spang bar bya ba rnams spangs pa ni yongs su shes pa gnyis pa'o/ /'dod pa dang ldan pa'i 'gog
 pa mthong bas spang bar bya ba rnams spangs ba ni yongs su shes pa gsum pa'o/ /gzugs dang gzugs med pa dang ldan pa'i 'gog pa mthong bas spang bar bya ba rnams spangs pa ni yongs su shes pa bzhi pa'o/ /
 'dod pa dang ldan pa'i lam mthong bas spang bar bya ba rnams spangs pa ni yongs su shes pa lnga'o/ /gzugs dang gzugs med pa dang ldan pa'i lam mthong bas spang bar bya ba rnams spangs pa ni yongs su shes pa drug pa'o/ /tha ma'i cha dang mthun pa'i
 kun tu sbyor ba rnam spangs pa ni yongs su shes pa bdun pa'o/ /gzugs kyi 'dod chags zad pa ni yongs su shes pa brgyad pa'o/ /gzugs med pa'i 'dod chags zad ba ni yongs su shes ba dgu ba ste/ de dag gi rnam bar dbye ba ni 'di lta ste/ mnyam
 bar bzhag pa'i sar bstan pa bzhin no/ /rnam bar thar pa'i sgo gsum ni stong pa nyid dang/ smon ba med pa dang mchan ma med ba ste/ de dag gi rnam par dbye ba yang 'di lta ste/ mnyam par bzhag pa'i sar bstan pa bzhin du rig par bya'o/ /de la yid
 la byed pa du dag gis yid la bya ba dang/ shes pa dag gis shes par bya ba dang/ rnam par shes pa du dag gis rnam par shes par bya ba dang yongs su shes bar bya ba du dag gis yongs su shes bar bya ba dang/ rnam par thar pa'i sgo du de dag gis rnam bar
 thar par bya ba de dang/ chos yongs su brtag pa brtsam par bya'o/ /de la dbang du bya ba'i don ni mdor bsdu na rnam pa gsum ste/ 'di lta ste/ dngos po'i dbang du bya ba dang/ dus kyi dbang du bya ba dang/ gang zag gi dbang du bya ba'o/ /de la dngos po'i dbang du bya
 ba yang rnam pa gsum ste/ dngos bzhi'i dngos po'i dbang du bya ba dang/ de 'thob pa'i thabs kyi dngos po'i dbang du bya ba dang/ gzhan gyis rjes su snying brtse ba'i dngos po'i dbang du bya ba'o/ /de la dngos gzhi'i dngos po'i dbang du bya ba ni rnam pa drug ste/ 'di lta
 ste/ bde 'gro dang/ ngan 'gro dang/ nyams pa dang/ khyad par dang/ 'khor ba dang/ mya ngan las 'das pa'o/ /de 'thob pa'i thabs kyi dngos po'i dbang du bya ba ni rnam pa bcu gnyis te/ 'di lta ste/ spyod ba bcu gnyis po 'dod pa'i spyod pa dang/ nges par 'byung
 ba'i spyod pa dang dge ba'i spyod pa dang/ mi dge ba'i spyod pa dang/ drag po'i spyod pa dang/ drag po ma yin pa'i sbyor ba dang/ nyams pa'i cha dang mthun pa'i spyod pa dang/ khyad par gyi cha dang mthun pa'i spyod pa dang/ kun nas nyon mongs pa'i spyod pa dang/ rnam par bya
 pa'i spyod pa dang/ bdag gi don gyi spyod pa dang/ gzhan gyi don gyi spyod pa'o/ /gzhan gyis rjes su snying brtse ba'i dngos po'i dbang du bya ba ni rnam pa lnga ste/ 'di lta ste/ /'dun pa zlog pa dang/ yang dag par ston pa dang/ yang dag par 'dzin du 'jug pa dang/
 yang dag par gzer bstod ba dang/ yang dag par rab tu dga' bar byed pa'o/ /de la bde 'gro ni mi rnams dang lha rnams so/ /ngan 'gro ni ngan song rnams so/ /de la nyams pa ni rnam pa gnyis te/ gzhan laS brten pa dang/ gzhan las brten ba ma
 yin no/ /de la dang po ni bdag nyid kyi tshe nyams pa'o/ /tshe ji lta ba bzhin du kha dog dang/ stobs dang/ longs spyod dang/ snyan pa dang/ bde ba dang spobs pa la sogs pa la yang de bzhin du rig par bya'o/ /gnyis pa ni dge ba nyams pa dang dbang phyug
 gi bdag gi nyams pa dang dbang chung bar grags ba nyid dang/ tshig mi btsun pa nyid dang/ shes rab 'chal pa nyid dang/ gzugs dang sgra dang dri dang ro dang reg bya rgya chen po ma yin pa 'thob pa dang/ de dag longs spyod rgya chen po dag la sems mi 'jug
 pa dang/ de lta bu dang/ mthun pa dag nyams par rig bar bya'o/ /khyad par zhi de las bzlog pa las ci rigs pa kho na rig par bya'o/ /de la 'khor ba ni bde 'khro dang nyams ba dang/ khyad par de dag nyid yin no/ /mya ngan las 'das pa ni phung po'i lhag 
 ma dang bcas pa phung po'i lhag ma med pa'i mya ngan las 'das pa'i dbyings so/ /de la 'dod pa'i spyod pa ni 'di lta ste/ 'dod pa la longs spyod pa bcu po dag ste bar ma las 'byung ba bzhin no/ /nges par 'byung ba'i spyod pa ni longs spyod de dag nyid
 mi rtag pa la sogs par shes nas rab tu byung zhing tshul khrims dang dbang po sdom pa la sogs pa gang yin pa'o/ /dge ba'i spyod pa ni sbyin pa dang tshul khrims dang bsgom pa dag gis zag pa dang bcas pa'i dge ba spyod pa gang yin pa'o/ /mi dge ba'i spyod pa/
 ni nyes par spyod pa rnam pa gsum spyod pa'o/ /drag po'i sbyod pa ni 'di lta ste/ gcer bu dang gos med pa la sogs pa dag go /drag po ma yin pa'i spyod pa ni 'di lta ste/ chos kyis thob pa'i bde ba yongs su mi spong zhing/ mdza' gnyis po 'dod pa'i bsod
 nyams kyi rjes su sbyor ba'i mdza' dang bdag nyid ngal ba'i rjes su sbyor ba'i mdza' yongs su spangs nas dbu ma'i lam la brten te/ chos kyi gos la sogs pa yongs su tshol zhing longs spyod pa gang yin pa'o/ /nyams pa'i cha dang mthun pa'i spyod pa ni 'di
 lta ste/ tshe la sogs pa'i khyad par gyi bar du gcod pa spyod pa'o/ /khyad par gyi cha dang mthun pa'i spyod ba ni 'di lta ste/ ne tso'i mdo las 'byung ba bzhin du de las bzlog pa las rig par bya'o/ /kun nas nyon mongs pa'i spyod pa mdor bsdu na rnam pa gsum ste/
 las kyi kun nas nyon mongs pa dang/ nyon mongs pa'i kun nas nyon mongs pa dang/ 'jug pa'i kun nas nyon mongs pa'o/ /de dag gi rtsa ba'i gzhi ni rnaM pa dgur rig par bya ste/ las kyi kun nas nyon mongs pa'i ni chags pa dang zhe sdang dang gti mug
 rnams so/ /nyon mongs pa'i kun nas nyon mongs pa'i ni phyin ci log bzhi'o/ /'jug pa'i kun nas nyon mongs pa'i ni ma rig pa dang srid pa'i srad pa'o/ /de ci'i phyir zhe na/ 'di ltar las kyi kun nas nyon mongs pa ni mi dge ba'i rtsa ba gsum po dag gis
 skye bar 'gyur la/ nyon mongs pa'i kun nas nyon mongs pa ni phyin ci log bzhis skye bar 'gyur pa dang/ nyon mongs pa skyes na rab tu byung ba rnams kyi 'jug pa'i kun nas nyon mongs pa ni ma rig pa'i sgo nas skye bar 'gyur la khyim na gnas pa rnams kyi 'jug pa'i
 kun nas nyon mongs pa ni srid pa'i sred pa'i sgo nas skye bar 'gyur ba'i phyir ro/ /rnam par byang ba'i spyod pa ni mdor bsdu na bslab pa gsum dang sa lnga ste tshogs kyi sa nas mthar thug par 'gro ba'i sa'i bar du snga ma bzhin no/ /bslab pa la sogs pa de dag gi
 rtsa ba'i gzhi yang rnam pa dgur rig par bya ste/ lhag pa'i tshul khrims dang lhag pa'i sems kyis ni chags pa med pa dang zhe sdang med pa dang/ gti mug med pa rnams so/ /tshogs kyi sa dang sbyor ba'i sa'i ni phyin ci ma log pa bzhi'o/ /lhag pa'i shes rab
 kyi bslab pa dang mthong ba'i sa dang bsgom pa'i sa dang mthar thug par 'gro ba'i sa'i ni rig pa dang rnam par grol ba'o/ /de la bdag gi don gyi spyod pa ni 'di lta ste/ bdag la phan pa sgrub pa gang yin pa ste/ 'di lta ste/ nyan thos dang rang sangs rgyas dag
 gi'o/ /'di ltar de dag ni lan 'ga' gzhan gyi don sgrub pa yang byed mod kyi gzhan gyi don kho na la 'jug pa ma yin pas de'i phyir bdag gi don gyi spyod pa kho na zhes bya'o/ /gzhan gyi don gyi spyod pa ni skye bo mang po la bde ba la sogs pa'i phyir gzhan la
 phan pa sgrub pa gang yin pa ste/ 'di lta ste/ byang chub seMs dpa' rnams dang/ de bzhin gshegs pa rnams kyi'o/ /de la 'dun pa zlog pa ni nag po'i phyogs kyi spyod pa drug gi mi bsngags pa brjod pa dang/ nyes dmigs yang dag par ston pa gang yin pa'o/ /
 de la yang dag par ston pa ni dkar po'i spyod pa rnams yang dag par 'dzin du gzhug pa'i phyir rig pa bzhi yang dag par ston pa gang yin pa'o/ /de la yang dag par 'dzin du gzhug pa ni yang dag par bstan cing mos par gyur pa rnams bslab pa'i gzhi
 gzung ba sgrub pa la 'di lta ste/ gdon mi za bar byas nas bdag gis bci zhig bgyi zer ba la khyod kyi 'di ltar bsgrubs shig ces yang dag par sbyor bar byed pa gang yin pa'o/ /de la yang dag par gzeng bstod pa ni kun shes pa 'am
 bsgrub pa 'am/ thob par bya ba la sems zhum pa'i tshe skal ba dang ldan zhing mthu yod pas sems yang dag par 'dzin pa nyid gang yin pa'o/ /de la yang dag par rab tu dga' bar byed pa ni chos kyi rjes su mthun pa'i chos sgrub pa la yang dag pa'i bsngagS
 pa brjod par byed pa gang yin pa'o/ /'dun pa zlog par byed pa yin la yang dag par ston par byed pa ma yin pa yang yod de 'di lta ste/ che ge mo zhig 'di skad zer gyis 'di ma byed ces gzhan gyi tshig gis 'dun pa bzlog par byed pa 'am/ gal te
 byed na 'di dang 'di ltar bya'o/ /zhes bsdigs par byed pa'am/ khor la byams pa'i phyir ma byed cig ces gsol pa 'debs par byed pa lta bu'o/ /yang dag par ston pa yin la 'dun pa bzlog par byed pa ma yin pa yang yod de/ 'di lta ste/ yon
 tan dang skyon tha mal pa la yang dag par ston par byed la de skyon las bzlog tu mi rung ba lta bu'o/ /yang dag par ston par yang byed 'dun pa bzlog par yang byed pa ni 'di lta ste/ skyon la gnas pa la yang dag par bstan nas 'dun pa bzlog par byed pa lta
 bu'o/ /de la yang dag par 'dzin du yang 'jug la yang dag par gzeng bstod par byed pa ni dang po nyid du bslab pa yang dag par ma blangs pa dang gong ma'i khyad par la zhum pa na khyad par rtsom pa la'o/ /yang dag par rab tu dga' ba la phan yon lnga yod de/
 yang dag par rab tu dga' ba na rang gi rtogs pa la nges par 'gyur ba dang/ gzhan dag de'i yon tan rtogs par bya ba la dga' ba skye ba dang zhe 'gras pa rnams de la dad par 'gyur pa dang/ ma dad pa rnams tha mal par gnas par 'gyur ba dang/ dad
 pa rnams phyir zhing 'byung bar 'gyur ba'o/ /yang dag par dga' bar byed pa'i gang zag ni yid du 'ong ba'i lha'i ris su skye bar 'gyur ba'i las byed cing sogs te/ de ni gang du skye ba de dang der yid du 'ong ba 'ba' shig thob par 'gyur gyi/ /yid du mi 'ong ba ni ma yin no/ /
 'dod pa'i spyod pas ni bde 'gror 'gro bar 'gyur ba yang yod de/ 'di lta ste phyi ma'i 'dod pa'i rgyur 'di la dge ba byed pa lta bu'o/ /ngan 'gror 'gro bar 'gyur ba yang yod de/ 'di lta ste chos ma yin pas 'dod pa nye bar bsgrub par byed pa lta bu'o/ /nges par
 'byung ba'i spyod pa ni nyams par byas pas ni ngan 'gror 'gro bar 'gyur la phun sum tshogs par byas pas ni bde 'gror 'gro ba dang mya ngan las 'da' ba' i tshogs su 'gyur ro/ /dge ba'i spyod pas kyang bde 'gror 'gro ba dang mya ngan las 'da' ba' i tshogs su 'gyur
 ro/ /mi dge ba'i spyod pas ni ngan 'gror 'gro bar 'gyur ro/ /drag po'i spyod pas kyang ngan 'gror 'gro bar 'gyur te/ log par lta ba la brten pas bdag nyid kun tu gdung ba byed pa nyid kyi phyir ro/ /drag po ma yin pa'i spyod pas ni mya ngan las 'da' ba' i chogs
 su 'gyur ro/ /nyams pa'i cha dang mthun pa dang khyad par gyi cha dang mthun pa'i spyod pas ni ci rigs par nyams pa dang khyad par du 'gro bar 'gyur ro/ /kun nas nyon mongs pa'i spyod pas ni 'khor bar 'gyur ro/ /rnam par byang ba'i spyod pas ni mya ngan las 'da' 
 bar 'gyur ro/ /bdag gi don gyi spyod pas ni bdag nyid bde 'gror 'gro ba dang khyad par du 'gro ba dang mya ngan las 'da' bar 'gro bar 'gyur ba'o/ /gzhan gyi don gyi spyod pas ni bdag dang gzhan dag bde 'gror 'gro ba dang/ khyad par du 'gro ba dang mya ngan
 las 'da' bar 'gro bar 'gyur ro/ /de dag ni dngos po gsum du 'gyur te/ dngos gzhi'i dngos po ni bde 'gro la sogs pa mya ngan las 'das pa'i mthar thug pa'i bar du rnam pa drug go /de 'thob pa'i thabs kyi dngos po ni spyod pa bcu gnyis so /gzhan
 gyi rjes su snying brtse ba'i dngos po ni gang gis gzhan gyi rjes su snying brtse pan? dngos gzhi'i dngos po'i dbang du byas nas spyod pa bcu gnyis po dag la ci rigs par 'dun pa zlog par byed pa nas yang dag par rab tu dga' bar byed pa'i bar ro/ /
 de la dus kyi dbang du bya ba ni mdor bsdu na gtam gyi dngos po gsum ste/ 'das pa'i gtam gyi dngos po dang ma 'ongs pa'i gtam gyi dngos po dang de ltar byung ba'i gtam gyi dngos po mdo las ji skad gsungs pa kho na bzhin no/ /de gang zag gi dbang
 du bya ba ni dbang po rtul po la sogs pa gang zag nyi shu rtsa bdun po dag yin par rig par bya'o/ /de ltar ji skad bstan pa'i dngos po dang dus dang gang zag de dag gi dbang du mdzad nas sangs rgyas bcom ldan 'das rnams kyi gtam 'byung bar 'gyur bas
 de'i phyir dbang du bya ba zhes bya'o/ /de la phan yon gyi don mdor bsdu na chos sam gang zag bsngags pa'i don bstod pa'o/ /de la nyes dmigs kyi don ni 'di lta ste/ chos sam gang zag mi bsngags pa'i don smad pa'o/ /de la mi mthun pa'i phyogs kyi don ni
 mdor bsdu na kun nas nyon mongs pa'i spyod pa thams cad do /de la gnyen po'i don ni rnam par byang ba'i spyod pa thams cad de 'di lta ste dper na/ 'dod chags ni mi mthun pa'i phyogs yin la/ de'i gnyen po ni mi sdug pa yin pa dang/ zhe sdang ni mi
 mthun pa'i phyogs yin la de'i gnyen po ni byams pa zhes bya ba la sogs pa lta bu'o/ /de la bsdus pa'i don ni 'di lta ste/ rigs dang 'brel pa'i chos bstan pa las so/ /de la rgyas pa'i don ni 'di lta ste/ so so dang 'brel pa'i chos bstan pa las
 so/ /yang drang ba'i don gyi mdo sde bstan pa dang/ /nges pa'i don gyi mdo sde bstan pa las so/ /yang bsdus pa'i don ni rnam pa gnyis te/ ming bsdus pa dang don bsdus pa las so/ /bsdus pa'i don ji lta ba de bzhin du rgyas ba'i don kyang
 rnam pa gnyis te/ ming rgyas pa dang don rgyas pa las te/ mdo las bcom ldan 'das kyis shA ri'i bu ni mdor bsdus te chos ston par yang byed mod kyi shes par byed pa shin tu dkon no zhes ji skad gsungs pa lta bu'o/ /de la bcom
 ldan 'das kyis mdo sde la ni tshig 'bru rgyas pa yin la don bsdus pa yin pa dang/ tshigs su bcad pa'i sde la ni don rgyas pa yin la tshig 'bru bsdus pa yin par yongs su bstan to/ /bar sdom ni/ sa dang mtshan nyid yid byed dang/ /
 dbang bya phan yon nyes dmigs dang/ /mi mthun phyogs dang gnyen po dang/ /bsdus pa dang ni rgyas pa yin/ /de ni sangs rgyas kyi bka' i lus yin te/ de'i phyir gsung rab la don bcu po de dag thams cad dam gang yang rung ba yongs su btsal
 bar bya'o/ /de ltar bdag nyid kyi don yongs su btsal nas gzhan dag la bstan par bya'o/ /de ltar tshig 'bru'i lus can dang/ don gyi lus can gyi mdo sde la chos smra bas rnam pa lngas rnam par bshad pas 'jug par bya ste/ dang por chos
 brjod par bya'o/ /de'i 'og tu kun nas slong ba brjod par bya'o/ /de'i 'og tu don brjod par bya'o/ /de'i 'og tu rgol ba'i lan brjod par bya'o/ /de'i 'og tu mtshams sbyar ba brjod par bya'o/ /de la chos ni mdor bsdu na mdo sde la sogs pa
 gsung rab tu gtogs pa yan lag bcu gnyis so/ /de la mdo sde ni smos ba'i don gyis te rkyang bar bshad pa yin pa'o/ /de yang phal cher dgongs pa gzung bar bya ba yin no/ /de la dbyangs kyis bsnyad pa'i sde ni tha mar tshigs su bcad pa'i
 dbyangs kyis bsnyad pa gang yin pa dang/ mdor bstan par bzhag pa nges pa'i don ma yin pa gang yin pa'o/ /de la lung bstan pa'i mdor bstan nas rnam bar phye ste lung stan par mdzad pa gang yin pa dang/ nyan thos dus las 'das pa rnams kyi
 skye ba lung ston pa gang yin pa'o/ /de la tshigs su bcad pa'i sde ni tshigs bcad du bshad pa gang yin pa ste/ de yang rtsa ba gnyis pa 'am rtsa ba gsum pa 'am rtsa ba bzhi pa 'am rtsa ba lnga pa 'am rtsa ba drug pa'o/ /de la ched du
 brjod pa'i sde ni gang las kyang ma brten pa 'di lta ste/ nyan thos rnams byang bar bya ba'i phyir bshad pa gang yin pa dang/ skye bo phyi ma la thugs brtse ba nye bar bzhag nas chul bshad pa gang yin pa de ni ched du brjod pa'i sde zhes bya ste/ ji skad
 du bcom ldan 'das ched du brjod pas ched du brjod do zhes gsungs pa lta bu'o/ /de la gleng gzhi'i sde ni brten nas bshad pa gang yin pa ste/ de yang bcom ldan 'das ri dags 'dzin gyi bu nag po las brtsams te dge slong rnams la chos dang ldan
 pa'i gtam gsung ngo/ /zhes ji skad gsungs pa lta bu dang/ so sor thar pa las brtsams te byung ba'i lam 'dul bar bsdus pa gang yin pa dang gang la bcom ldan 'das kyis gleng gzhi 'di dang skabs 'di la 'di skad gsungs zhes bya ba gang yin
 pa'o/ /de la rtogs pa brjod pa'i sde ni dpe dang bcas pa'i mdo sde gang yin pa ste des don ni rnam par byang bar 'gyur ba'o/ /de la de lta bu byung ba'i sde ni skyes pa'i rabs kyi sde ma gtogs pa sngon gyi tshul dang ldan pa gang yin pa'o/ /
 de la skyes pa'i rabs kyi sde ni byang chub sems dpa' i spyod ba la/ bdag nyid kyi rang gi skye ba yang dag par brjod pa gang yin pa'i/ de la shin tu rgyas pa'i sde ni byang chub sems dpa' i lam 'di lta ste/ sa bdun dang byang
 chub sems dpa' i spyod pa bzhi yang dag par brjod pa dang/ sangs rgyas kyi chos 'di lta ste/ rnam pa thams cad du yongs su dag ba bzhi dang/ rnam pa thams cad dang mchog mkhyen pa'i bar gyi sangs rgyas kyi chos ma 'bres pa brgya bzhi bcu
 'di lta ste/ byang chub sems dpa' i sar bstan pa dag yang dag bar brjod pa ste/ chos de dag ni mang ba dang/ rgya che ba dang yun ring po grangs med pa gsum gyis yang dag par bsgrubs pa'i phyir rgya che bas na de'i phyir shin tu rgyas pa'i sde zhes
 bya'o/ /de la rmad du byung ba'i chos kyi don ni sangs rgyas rnams dang nyan thos rnams dang khyim pa rnams kyi rmad du byung ba'i chos yang dag par brjod pa gang yin pa ste/ 'di lta ste rmad du byung ba'i rgyu'i mdo las gsungs pa lta bu'o/ /de la
 gtan la bab par bstan pa dag ni mdo sde las nges par drangs ba'i ma mo gang dag yin pa ste/ de la nges pa'i don gyi mdo sde thams cad ni ma mo zhes bya'o/ /gang du bcom ldan 'das kyis chos kyi mtshan nyid bstan pa dang gang du nyan thos gzhi mthong
 ba rtogs pa la gnas pas chos kyi mtshan nyid ma nor bar bstan pa de yang ma mo yin te chos mngon pa yang yin no/ /ji ltar yig 'bru dang bzo'i bstan bcos rnams kyi dang po yi ge'i phyi mo yin pa ltar chos kyi mtshan nyid rnam pa bshad pa yang rig
 par bya'o/ /ji ltar yi ge'i phyi mo med pa'i yi ge mngon par mi gsal ba de bzhin du mdo sde la sogs pa yan lag bcu gnyis kyang chos kyi mtshan nyid rnam par ma bzhag na mngon par mi gsal ba yin gyi rnam par bzhag na mngon par gsal bar
 'gyur ro/ /mtshan nyid tha mi dad par brjod pa'i phyir ma mo de nyid chos mngon pa zhes bya ste/ ma mo de la brten nas mdo sde gzhan dag rnam par bshad par byed pa gang yin pa de ni gtan la bab par bstan pa'i sde zhes bya'o/ /de la kun nas
 slong ba ni rnam pa gsum ste/ dngos po dang dus dang gang zag gi dbang du bya ba las ci rig par brjod par bya ba yin te/ gang zag che ge mo zhig spyod pa mang ge mo zhig 'dun pa bzlog par bya ba'i phyir dang yang dag par bstan par bya ba'i phyir dang/ 
 yang dag par rab tu dga' ba'i phyir ro/ /de la kun nas slong ba brjod nas don brjod par bya ste/ de na ni rnam pa gnyis te/ bsdus ba'i don dang/ tshig gi don to /de la bsdus pa'i de na ni rnam pa bzhis brjod par bya ste/ 'di
 lta ste/ nges pa'i don gyi mdo sde nye bar bsgrub pa dang/ dngos po'i mdza' bstan pa dang/ sgrub pa dang 'bras bus so/ /de la sgrub pa de rnam pa gnyis te/ log pa dang yang dag pa nyid do/ /de'i 'bras bu yang rnam pa gnyis te/ yang dag
 pa sgrub pa'i 'bras bu dang/ log par bsgrub pa'i 'bras bu'o/ /de la tshig gi don kyang rnam pa bzhis brjod par bya ste/ ming gi rnam grangs bstan pa dang/ mtshan nyid kyi ngo bo nyid kyis lus bstan pa dang/ nges pa'i tshig bstan pa dang/
 rnam pa rab tu dbye bas so/ /de la nges pa'i tshig bstan pa ni rnam pa lngas sbyar bar bya ste/ 'di lta ste/ rtags dang/ /ngo bo nyid dang/ las dang/ chos dang/ rgyu dang/ 'bras bus so/ /de la rnam pa rab tu dbye ba yang rnam pa lngas lta bar bya
 ste/ ngo bo nyid kyi rab tu dbye ba dang/ khams kyi rab tu dbye ba dang/ dus kyi rab tu dbye ba dang/ gnas skabs kyi rab tu dbye ba dang/ yang zag gi rab tu dbye bas so/ /de la ngo bo nyid kyi rab tu dbye ba ni 'di lta ste/ gzugs ni gzugs so
 can gyi skye mched bcu'o/ /tshor ba ni rnam pa gsum mo/ /'du shes ni 'du shes drug go /'du byed ni 'du byed gsum mo/ /rnam par shes pa ni rnam par shes pa drug go /zhes bya ba dang de lta bu dang mthun pa dag ni ngo bo nyid kyi rab tu
 dbye ba yin par rig par bya'o/ /de la khamS kyi rab tu dbye ba ni 'dod pa'i khams dang/ gzugs kyi khams dang gzugs med pa'i khams so/ /de la dus kyi rab tu dbye ba ni 'das pa dang/ ma 'ongs pa dang/ da ltar byung ba'i dus rnams so/ /
 de la gnas skabs kyi rab tu dbye ba ni rnam pa nyi shu rtsa lngar reg par bya ste/ 'di lta ste/ chung du'i gnas skabs dang/ chen po'i gnas skabs dang/ bde ba'i gnas skabs dang/ sdug bsngal gyi gnas skabs dang/ sdug bsngal yang ma yin
 bde ba yang ma yin pa'i gnas skabs dang/ dge ba'i gnas skabs dang/ mi dge ba'i gnas skabs dang/ lung du ma bstan pa'i gnas skabs dang/ thos pa'i gnas skabs dang/ bsam pa'i gnas skabs dang/ bsgoms pa'i gnas skabs
 dang/ lhag pa'i tshul khrims kyi gnas skabs dang/ lhag pa'i sems kyi gnas skabs dang/ lhag pa'i shes rab kyi gnas skabs dang/ nang gi gnas skabs dang/ phyi rol gyi gnas skabs dang/ gzung ba'i gnas skabs dang/ 'dzin pa'i
 gnas skabs dang/ mi mthun pa'i phyogs kyi gnas skabs dang/ gnyen po'i gnas skabs dang mngon sum du gyur pa'i gnas skabs dang/ mngon sum du gyur pas yin pa'i gnas skabs dang/ rgyu'i gnas skabs dang/ 'bras
 bu'i gnas skabs so/ /de la gang zag gi rab tu dbye ba ni gang zag nyi shu rtsa bdun gyis snga ma bzhin du rig bar bya'o/ /de la rang gis glengs pa 'am gzhan gyis brgal ba na rgol ba'i lan gdab bar bya'o/ /de yang mdor bsdu na rnam pa lngas rgol
 te/ don ma rtogs pa ni ma rtogs pas tshigs 'bru 'di'i don ci yin zhes rgol lo/ /tshig 'gal bas ni 'di lta ste/ bcom ldan 'das kyis sngar ni gzhan du gsungs la 'dir ni gzhan du gsungs so/ /zhes bya ba lta bus so/ /rigs pa
 dang 'gal bas ni gang la rigs pa bzhi dang 'gal ba kun tu snang bas so/ /cha du ma kun tu snang bas ni 'di lta ste/ bcom ldan 'das kyis de dang der rnam grangs du mas don de nyid yongs su bstan pa lta bus so/ /shin tu lkog tu gyur
 baS ni 'di lta ste/ /nang gi bdag gang yin pa de ni rtag pa dang brtan pa dang ther zug dang yang dag pa de kho na bzhin du gnas bar 'gyur ba de lta bu yod dam zhes bya ba la sogs pas so /de dag gi lan yang rnam pa lngar go rimS
 bzhin du rig par bya ste ma rtogs pa la ni rtogs par bya ba'o/ /tshig 'gal ba la ni dgongs pa yang dag par bstan pas rjes su mthun pas bya ba'o/ /tshig 'gal ba la dgongs pa yang dag par bstan pas rjes su mthun par bya ba ji lta bar cha
 du mar snang ba rang shin tu lkog tu gyur pa la yang de dang 'dra'o/ /rigs pa dang 'gal ba ni nag po bstan pa dang rig pa bzhi bstan pa dang che ge mo zig gis ni 'bras bu ni 'di yin no/ /zhes rgyu dang 'bras bu 'brel pa bstan pas lan gang ba par
 bya ba'o/ /de la mgo gcig tu lan gdab pa ni tshul bzhin du yongs su 'dri ba la chos kyi mtshan nyid yang dag par rnam par gzhag par bya ba'i phyir ro/ /rnam par phye ste lan gdab pa ni tshul bzhin ma yin par yongs su 'dri ba rnams la
 khyad par gyi mtshan nyid rtog par bya ba'i phyir ro/ /yongs su dris te lan gdab pa ni klan ka tshul ba la phyogs khas blang bar bya ba'i phyir ro/ /gzhag par lan pa gdab pa ni med pa'i phyir dang/ zab pa'i phyir zhes bya ba la sogs pa
 rgyu bzhis lan gdab par bya ba gzhag pa ste/ 'di lta ste/ bsams pa las byung ba'i sar de bzhin gshegs pa shi phan chad yod ces bya ba la sogs pa sngar bstan pa bzhin te kun rdzob kyi bden pa'i tshul gyis kyang lan gdab par rigs
 pa ma yin la/ don dam pa'i bden pa'i tshul gyis kyang rigs pa ma yin pas kyang de'i phyir de ni gzhag par bya ba zhes bya'o/ /de la de bzhin gshegs pa med pa'i phyir ron dam par dngos po ma yin no/ /gnas dang gnas ma yin pa dang lam dang
 'gal ba'i phyir dang de'i 'bras bu spangs pa yongs su ma grub pa'i phyir kun rdzob tu yang de bzhin gshegs pa shi phan chad yod ces bya ba la sogs par drang bar mi nus so/ /de la mtshams sbyar ba ni rnam pa gsum ste/ 'di lta ste/ yongs su rdzogs pa'i
 mtshams sbyar ba dang/ rnam par bshad pa'i mtshams sbyar ba dang/ bsgrub pa'i mtshams sbyar ba'o/ /rnam pa de gsum gyi mtshams sbyar ba'i dpe ni bcom ldan 'das kyis da ni shin tu gzhon nu dang mchog tu gzhon nu dang/ rab tu shin tu gzhon
 nur rab tu byung ngo zhes ji skad gsungs pa des ni shin tu gzhon nu yongs su rdzob sa pa yin no/ /yab zas gtsang gis da'i gnas khang bzang ba brtsig tu bcug par gyur to/ /zhes rgya cher gsungs pa nges ni shin tu gzhon nu de nyid rnam par bshad pa yin no/ /
 ci'i phyir shin tu gzhon nur rab tu byung zhe na/ na ba'i chos nyid la sogs pa mthong ba'i phyir ro/ /zhes bya ba ni bsgrub pa'i mtshams sbyar ba yin no/ /gang du bsdus te mdor bstan pa tsam 'di lta ste/ tshor ba gsum po bde ba dang sdug bsngal dang/
 sdug bsngal yang ma yin bde ba yang ma yin zhes bya ba la sogs pa gsungs pa der ni yongs su rdzogs pa'i mtshams sbyar ba kho na yin te/ der ni tshor ba de nyid tshig lhag ma rnams kyi yongs su rdzogs par brjod pa yin no/ /tshor ba ji lta bar
 bden pa bzhi la sogs pa la yang de dang 'dra ste tshig dang po dang rjes su mthun par tshig phyi ma phyi ma bshad pa'i go rims yin par rig par bya'o/ /de la bsgrub pa'i mtshams sbyar ba ni rnam pa gnyis te/ lan 'ga' ni tshig snga ma tshig phyi ma'i
 bsgrub pa yin la/ rnam par bshad pa'i mtshams sbyar ba yang de bzhin du blta bar bya'o/ /de la chos bcu dang ldan pa'i ches smra ba ni rnam pa thams cad yongs su rdzogs shing chos dang don la mkhas pa yin te/ de la chos ni rnam pa drug go /
 don ni rnam pa bcu'o/ /gtam la rgya che ba yin te/ ji skad zhe na mang du thos pa dang thos pa 'dzin pa dang thos pa bsags pa'i phyir ro/ /'khor gyi nang du mi 'jig pa yin te/ rgyal rigs la sogs pa'i 'khor rnams la
 chos ston pa na zhum pa med cing de'i rgyu las byung ba'i skad 'dar ba dang mchan khung rdul ba dang dran pa brjed pa med pa'i phyir ro/ /tshig dge zhing tshig gi bya ba dang ldan pa yin te/ yan lag brgyad dang ldan pa'i tshig dang ldan zhing 'khor la tshig dang
 yi ge 'byor pa dang 'brel pa la sogs pa rgyas pas chos ston par byed pa'i phyir te/ yan lag brgyad dang ldan pa'i tshig ni grong khyer ba dang snyan zhing 'jebs pa la sogs pa'o/ /gtam gyi sbyor ba la mkhas pa yin te/ dus su gus pa la
 sogs pa rnam pa nyi shus gtam la sbyor bar byed pa'i phyir ro/ /chos kyi rjes su mthun pa'i chos la zhugs pa yin te/ thos pa dang tshig lhur mi len cing ji skad smras pa de bzhin byed pa'i phyir ro/ /sbyod lam phun sum tshogs pa yin te/
 de gtam zer ba na lag pa brgul bar mi byed/ rkang pa sgul bar mi byed/ smin ma bskyod par mi byed mgo bsgyur bar mi byed/ bzhin bsgyur bar mi byed/ lus bsgyur bar mi byed pa yin no/ /mdzes pa yin te/ 'gro ba dang ldog pa
 la sogs pa la mdzes pa yin no/ /brtson 'grus brtsams pa yin te/ de ma thos pa'i chos rnams ni nyan par byed/ thos pa'i chos rnams ni yongs su byang bar byed la/ rnal 'byor mi gtong ba dang/ yid la byed pa mi gtong ba dang/
 nang gi sems kyi zhi gnas mi gtong ba yin no/ /ngal ba med pa yin te/ 'khor bzhi po dag la chos ston pas yid la yongs su skyo ba med pa'i phyir ro/ /bzong ba dang ldan pa yin te/ de khros kyang phyir mi khro ba dang/ mtshang grus kyang
 phyir mtshor 'bru bar mi byed pa dang/ brgal gtam phyir brgal gtam khyad du gsang na yang nang par mi 'gyur 'khrug par mi 'gyur ba'i phyir ro/ /de la bshad pa ni rnam pa brgyad de/ brjid pa dang/ rnaM par 'grel pa dang ldan pa dang/ rgol ba'i lan dang ldan pa
 dang/ rab tu dbye ba dang ldan pa dang/ de dang 'brel pa dang/ de las gzhan pa las drangs pa dang/ spobs pa las byung ba dang/ grub pa'i mdza' i rjes su 'brang ba'o/ /de la 'khor ni rnam pa lnga ste/ khyim na gnas pa'i 'khor dang/ rab tu byung ba'i
 'khor dang/ dang pa dang ldan pa'i 'khor dang/ zhe 'gras pa'i 'khor dang/ tha mal par gnas pa'i 'khor to/ /de la brjid pa'i gtam ni rnam pa lngar rig par bya ste/ gtan tshigs dang ldan pa dang/ dpe dang ldan pa dang/ tshig dang/ yig 'bru sna
 tshogs pa dang/ go sla ba'o/ /de la rnam par 'brel pa dang ldan pa'i gtam ni zab mo gsal bar byed pa'i phyir dang/ gsal ba yang zab mo dang ldan par rnam par sgrogs par byed pa'i phyir ro/ /de la rgol ba'i lan dang ldan pa'i gtam ni mdor
 bsdu na rgol ba rnam pa lnga spangs pa dang ldan par rig par bya'o/ /de la rab tu dbye ba dang ldan pa'i gtam ni chos re re la yang gcig las 'khros pa'i tshul gyis rnam pa bcu'i bar lam de'i gong ma rab tu dbye ba rnam par sgrogs pa'i phyir te/ 'di lta ste/
 chos gsum las brtsams nas de skad gsungs pas dran pa nye bar bzhag pa bzhi zhes rgya cher bya ba dag go /de la de dang 'brel pa'i gtam ni mdo'i sde dang dbyangs kyi bsnyad pa'i sde la sogs pa de dag nyid las rnam par bshad pa nye bar sbyor bar byed cing
 gzhan dag las mjug sdud par byed pa gang yin pa'o/ /de la de las gzhan pa las drangs pa'i gtam ni de las gzhan pa'i mdo sdes de nye bar bsgrub pa gang yin pa'o/ /de spobs pa las byung ba'i gtam ni ji ltar 'dod pa'i don de ltar rnam par
 'byed pa'o/ /de la grub pa'i mdza' i rjes su 'brang ba'i gtam ni ma mo la brten nas rnam par 'byed par byed pa 'am de las gzhan las gtan la bab par ston pa'i sde la brten nas rnam par 'byed par byed pa gang yin pa'o/ /
 de la khyim na gnas pa'i 'khor la ni nyes par spyad pa smad pa dang legs par sbyar ba bstod pa nye bar gnas pa'i chos bstan par bya ste/ de las ldog pa dang 'jug par bya ba'i phyir ro/ /de la rab tu byung ba'i 'khor la ni bslab pa la nye bar
 gnas pa lhag pa'i tshul khrims la sogs pa bslab pa gsum las brtsams te myur ba myur ba kho nar bsgrub par bya ba'i phyir chos bstan par bya'o/ /dad pa dang ldan pa la sogs pa'i 'khor rnams la ni phyir zhing 'byung ba dang/ tha mal par gnas
 par 'gyur ba dang/ dad bar bya ba'i phyir bstan pa'i che ba nyid dang mthu dang ldan pa'i gtam bya'o/ /de ltar smra bas chos ston pa na gzhan dag gus par nyan pa la sbyar bar bya ste/ ji ltar sbyar bar bya zhe na/ rnam pa gcig gis kyang yod la rnam pa
 bcu'i bar gyis kyang yod do/ /de la re zhig rnam pa gcig gis ni chos ni phan pa dang bde bar nye bar gnas pa yin pa'i phyir te/ de la phan pa yin la bde ba ma yin pa'i mu bzhi ni 'di lta ste/ byang chub sems dpa' i sar chos yang
 dag par blang ba'i dbang du byas te bstan pa bzhin no/ /gnyis kyis kyang yod de/ dam pa'i chos ni gya nom pa'i phyir te/ gya nom pa de yang skyon med pa dang don che bas rig par bya ba dang/ smra ba nyan pa'i ngal ba 'bras bu dang bcas par byed
 pa'i phyir te/ gzhan du na rang gi bya ba gzhan spangs te smra ba nyan pa'i ngal ba don med par 'gyur ro/ /gsum gyis kyang yod de/ chos ni ngan song las ldog par byed pa'i phyir dang/ bde 'gro thob par byed pa'i phyir dang/ mya ngan las
 'das pa thob bar byed pa'i rgyu yin pa'i phyir te/ gsum po de ni gus par byas te mnyan pas 'thob par 'gyur ro/ /bzhis kyang yod de gus par byas te chos mnyan pas mdo'i sde la sogs pa'i chos de dag nyid rnam par shes par 'gyur ba dang/
 chos de yang sdig pa mi dge ba'i chos rnam pa du ma spong ba dang/ /dge ba'i chos rnam pa du ma yang dag par len par smra ba dang/ de nas mnyan pas thos na spong ba dang/ len par byed pa dang de spabS pa dang/ blangs pa'i phyir sdig pa de'i rgyus phyi mar
 sdug bsngal ba spong bar byed pa dang/ de spang ba'i rgyu dang/ dge ba yang dag par blangs pa'i rgyus mya ngan las 'das pa 'thob par 'gyur ro/ /lngas kyang yod de/ bcom ldan 'das kyi chos de ni gzhi dang bcas pa dang/ nges par 'byung ba
 dang bcas pa dang/ ston pa dang bcas pa dang/ pha rol gnod pa dang bcas pa dang/ cho 'phrul dang bcas pa yin no/ /zhes bya ba ste/ tshig de dag gi rnam par dbye ba rgyas pa ni 'di lta ste/ rnam grangs bsdu ba las 'byung ba bzhin no/ /yang lnga ste/
 ma thos pa mnyan par bya'o/ /zhes bya ba dang/ thos pa rnam par byang bar bya'o/ /zhes bya ba dang som nyi spang bar bya'o/ /zhes bya ba dang/ lta ba drang por bya'o/ /zhes bya ba dang/ don dang tshig zab mo shes rab kyis rtogs par bya'o/ zhes bya ba ste/
 bcom ldan 'das kyis rnam pa de dag gis thos pa dang bsam pa dang bsgoms pa las byung ba'i shes rab rnam par byang ba'i thabs yongs su bstan pa yin te/ rnam pa gnyis kyis na thos pa las byung ba'i shes rab kyi'o/ /gnyis kyi ni bsams pa
 las byung ba'i shes rab kyi'o/ /tha mas ni bsgoms pa las byung ga'i shes rab kyiS rnam par byang ba'i thabs yongs su bstan pa yin no/ /drug gis kyang yod de/ ston pa la byas pa gzo zhing rjes su srung ba des chos 'di bdag cag gi don du tshegs 
 chen pos yang dag par bsgrubs so snyam pa rnams dang/ rang gi don du yang dag par ma mthong ba rnams kyis bcom ldan 'das kyi chos 'di ni yang dag par mthong ba dang nad med pa dang/ dus chad pa med pa dang/ nye bar gtong
 ba dang/ 'di mthong ba la yod pa dang/ mkhas pa rnams kyi so so rang gis rig pa yin no snyam du shes pa'o/ /bdun gyis kyang yod de/ rnam pa bdun gyis chos bdun yang dag par bsgrub par bya'o snyam pa ste chos shes par bya'o snyam pa dang/
 don shes par bya'o snyam pa nas gang zag mchog dang mchog ma yin pa shes par bya'o snyam pa'i bar dag go /brgyad gyis kyang yod de/ chos kyi rnyed sla ba yin te gdol pa la sogs pa yan chad la yang bshad pa'i phyir dang/ sla ba yin te 'gro yang
 rung sdod kyang rung 'dug kyang rung nyal yang rung ste/ sla ba'i phyir dang don dang ldan pa'i phyir dang/ mngon par mtho ba dang/ nges par legs pa'i 'bras bu dang ldan pa'i phyir dang/ thog mar dge ba'i phyir dang bar du dge ba'i phyir dang tha mar dge
 ba'i phyir dang/ med la 'bras bu bde ba'i phyir dang/ phyi ma la 'bras bu bde ba'i phyir ro/ /dgus kyang yod de/ gnod pa rnam pa dgu las thar pa'i dbang du bya ba las te 'khor ba'i btson ra nas thar pa ste/ 'dod chags la sogs pa'i 'ching ba
 bcad pa'i phyir dang/ nor bdun gyis dbul ba bzlog pa ste/ nor bdun gyi dbang phyug la rab tu 'god pa'i phyir dang/ dge ba'i spyod pa dang dam pa'i chos mnyan pa'i mu ge las rgal te dam pa'i chos kyi lo legs pa la rab tu 'god pa'i phyir dang ma rig
 pa'i mun pa bzlog pa ste shes rab kyi snang ba bskyed pa'i phyir dang/ chu bo bzhi las sgrol ba'i phyir dang/ mya ngan las 'das pa'i thang la 'god pa'i phyir dang/ nyon mongs pa'i nad gtan du gso ba'i phyir dang srid pa'i bran las thar bar byed pa'i
 phyir dang/ 'khor ba'i 'phrog dgon pa thog ma med pa las thar bar byed pa'i phyir te/ thams cad du yang btson ra dam po rnams kyi nang na 'di lta ste/ 'khor ba'i btson ra 'di ni mchog yin pas dang po kho nar dgod par bya'o/ /bcus kyang yod de/
 gus par byas te chos mnyan pas ni so sor rtog pa'i stobs 'thob par 'gyur zhing nges thos pa'i phan yon nyams su myong bar 'gyur ba dang/ chos kyi longs spyod yang dag par bsgrub par byed cing ba bcol gyis yin pa dang/ nyes dmigs
 su lta zhing longs spyod par byed la nges par 'byung ba rab tu shes pa dang/ longs spyod rgud pas mya ngan mi byed sgyid lug par mi byed smre sngags 'don par mi byed ces rgyas par bya ba dang/ nye du rgud pas mya ngan mi byed sgyid lug par mi byed smre sngaD
 'don par mi byed ces rgyas par bya ba dang/ nad med pa dang lang tso dang gson pa rgud pas mya ngan mi byad de/ sgyid lug par mi byed smre sngags 'don par mi byed ces rgyas par bya ba dang/ 'dod pa rnams la nyes dmigs su mthong zhing nges par
 'byung ba la phan yon du mthong nas rab tu 'byung ba dang/ bas mdza' i gnas mal dben par gnas shing bsam gtan rnams la snyoms par 'jug pa'i bar dang gus par byas te chos mnyan cing zab mo zab par snang ba rkyen 'di pa nyid kyi rten cing
 'brel par 'byung ba dang rjes su mthun pa rtogs pa dang/ dga' ba dang mchog tu dga' ba rgya chen po dge ba nges par 'byung ba dang ldan pa 'thob par 'gyur ba ste/ bcom ldan 'das kyis kyang 'phags pa nyan thos sems rtse gcig tu rna ba
 blags te chos nyan pa ni chos lnga spong zhing chos bdun gyi bsgom pa yongs su rdzogs par 'gyur ro/ /zhes gsungs so/ /de bzhin du 'phags pa nyan thos gus par byas te chos nyan pas ni kun 'byung ba'i chos gang ci yang rung ba de dag
 thams cad 'gog pa'i chos can du rig nas chos rnams la chos kyi mig rdul med cing dri ma dang bral ba skyed par byed cing rgyun du zhugs pa'i 'bras bu 'thob pa'i tshogs rab tu 'dzin pa 'am de bzhin du dgra bcom pa nyid kyi bar du 'thob
 pa 'am/ dgra bcom pa nyid kyi 'bras bu'i tshogs rab tu 'dzin pa 'am/ de bzhin du rang byang chub bam byang chub sems dpa' i tshogs rab tu 'dzin pa 'am/ de bzhin du bla na med pa yang dag par rdzogs pa'i byang chub kyi tshogs rab tu 'dzin
 pa 'am/ de bzhin du 'jig rten pa dang 'jig rten las 'das pa'i bsam gtan dang rnam par thar pa dang/ ting nge 'dzin dang snyoms par 'jug pa mngon par 'grub par yang 'gyur ro/ /zhes gsungs so// //bam po gnyis pa/
 de la smra pas gleng slong ba'i dus na dang po kho nar sangs rgyas kyi bsngags pa brjod par bya'o/ /de yang bsdus pa dang/ rgyas pa ste/ de la bsdus pa ni rnam pa lngas rig par bya ste/ gzugs bzang ba dang/ nye bar zhi ba dang/ mkhyen pa dang/
 sgrub pa dang/ mthus so/ /de la gzugs bzang ba ni skyes bu chen po'i mtshan bzang po sum cu rtsa gnyis dang dpe byad bzang po brgyad cus rig par bya ste/ de la nye bar zhi ba ni dbang po rnams kyi sgo bsdams pa la sogs pa dang/ bag chags
 dang bcas pa'i nyon mongs pa yang dag par bcom pas reg par bya'o/ /de la mkhyen pa ni 'das pa dang ma 'ongs pa dang da ltar byung ba'i dus rnams dang dus kyis ma bsdus pa'i chos rnaMs la mkhyen pa thogs pa med cing chags pa med pa las rig
 par bya'o/ /de la sgrub pa ni rang dang gzhan la phan pa yongs su rdzogs par sgrub pa las rig par bya'o/ /de la mthu ni de bzhin gshegs pa'i mngon par shes pa rnams kyis rig par bya'o/ /yang bcom ldan 'das kyis bsngags pa bsdus te
 brjod pa ni rnam pa drug gis rig par bya ste/ yon tan rnams mdza' dag yin pa'i phyir dang/ dri ma med pa'i phyir dang/ g.yo ba'i phyir dang/ mtshungs pa med pa'i phyir dang/ bdag dang sems can gyi don gyi phrin las can gyi phyir dang/ las de la
 mthu mnga' ba'i phyir te/ de dag gi rnam par dbye ba rgyas pa ni 'di lta ste/ rnam par gtan la dbab pa bsdu bar bstan pa bzhin no/ /de la bcom ldan 'das kyis bsngags pa rgyas pa ni bcom ldan 'das de ni yon tan dpag tu med pa'i phyir bsngags pa
 mdza' yas pa yin no/ /de bzhin du ye shes kyi snang ba mdzad pa'i phyir snang ba stsol ba dang/ mi shes pa'i mun pa 'joms pa'i phyir mun pa sel ba yang yin no/ /de bzhin du spyan gsum dang ldan pa'i phyir spyan dang ldan pa dang/ mi mnyam pa'i 'phags
 pa'i bden pa mkhyen pa'i phyir don dam pa gzigs pa dang/ tshul khrims phun sum tshogs pa'i phyir tshul khrims 'byor pa'i brtul zhugs grub pa yang yin no/ /de bzhin du rkang gnyis kyi mchog dang ded dpon rnams kyi mchog dam pa dang/ dge sbyong
 rnams kyi nang na dge sbyong shin tu gzhon pa dang/ 'jig rten na rin po che dkon pa yang yin no/ /de bzhin du rjes su thugs brtse ba dang/ thugs rje dang ldan pa dang/ don du bzhed pa dang/ phan par bzhed pa dang/ thugs rje bar mdzad pa yang yin no//
 de bzhin du spyan du gyur pa dang/ ye shes su gyur pa dang/ don du gyur pa dang/ chos su gyur pa dang/ don gsal ba ston pa dang/ don la rton pa yang yin no/ /de bzhin du 'phags pa'i lam yan lag brgyad pa dang por rtogs pa'i phyir dang
 rang gis rtogs pa'i don phyir ma rtogs pa'i don rtogs pa dang/ tshangs par spyod pa ma bzhag pa 'jog pa'i phyir lam rig pa dang/ lam ston pa dang/ lam gsung ba dang/ lam 'dren pa yang yin no/ /de bzhin du bsnyengs pa dang snyengs su rung ba
 dang bral ba'i phyir skyes bu seng ge dang/ tshogs chen po yongs su 'dren ba'i phyir skyes bu khyu mchog dang/ tshogs kyi mchog yin pa'i phyir skyes bu gtso bo dang/ skyon mi mnga' ba'i phyir skyes bu glang po che dang/ thugs
 shin tu dul ba'i phyir skyel bu cang shes dang/ rigs dang brgyu dang gdung la sogs pas mi thams cad zil gyi gnan pa'i phyir skyes bu dam pa dang/ tshul khrims dang sgrub pa dang mkhyen ba dang mthu la sogs pas mi thams cad zil gyis
 gnan pa'i skyes bu rab mchog dang/ 'jig rten ba'i chos rnams kyis ma gos pa'i phyir skyes bu pad+ma dkar po yang yin no/ /de bzhin du mnyam pa med pa'i phyir mi mnyam pa dang/ 'das pa dang ma byon pa mi mnyam ba rnams dang mnyam pa'i
 phyir mi mnyam pa dang mnyam pa dang sems can thams cad kyi mchog yin pa'i phyir mchog dang/ tshul khrims 'byor pa'i phyir dang yun ring po nas tshangs par spyod pa rnam par sbyang ba'i phyir dang drang srong rnying pa rnams kyis rtogs pa'i lam thugs su
 chud pa'i phyir drang srong chen po dang/ mu stegs can thams cad dang nyon mongs pa'i bdud la sogs pa las rnam par rgyal ba'i phyir rnam par rgyal ba dang/ g.yo ba dang rlom sems la sogs pa thams cad mi mnga' ba'i phyir dang thub pa gsum dang
 ldan pa'i phyir thub pa dang/ skye ba la sogs pa dang phas kyi rgol ba la sogs pa thams cad kyis mi 'phrogs pa'i phyir mi bkri ba dang/ sdig pa thams cad nges par bkrus pa'i phyir khrus can dang 'jig tshogs thams cad las rgal ba'i
 phyi rol tu byon pa yin no/ /de bzhin du/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa/ skyes bu 'dul ba'i kha lo sgyur ba bla na med
 pa lha dang mi rnams kyi ston pa sangs rgyas bcom ldan 'das kyang yin no/ /da? bzhin du dam pa'i chos legs par rdzogs pa dang/ thams cad mkhyen pa dang/ thams cad kyi rje dang/ bsnyel ba mi mnga' ba'i chos can dang/ sems can gyi snying po
 dang/ thu bo dang/ bde ba dang sdug bsngal dag gis thugs yongs su ma gtugs pa dang/ dbang po'i sgo ba bsdams pa dang/ legs par ldan pa'i phyir rdul ba dang/ tshul khrims yang dag par slangs pa dang legs par ldan pa'i phyir zhi ba dang/
 nges pa'i sa la zhugs ba'i phyir dbugs phyin pa dang/ byang chub thugs su chud pa'i phyir mya ngan las 'das pa dang/ sred pa'i zug rngu 'byin pa'i phyir zug rngu 'byin pa dang ma dul ba la sogs pa dul bar mdzad pa dang/ zhi bar mdzad pa lnga ma lta bu dang/
 so so'i skye bo rnams rgyun tu zhugs pa dang/ lan cig phyir 'ong ba'i 'bras bu la bkod pa'i phyir dbugs ma phyin pa rnams kyi dbugs phyung ba dang/ 'bras bu dang po dang gnyis pa la gnas pa rnams phyir mi 'ong ba dang dgra bcom pa nyid kyi 'bras bu
 la rab tu bkod pa'i phyir yongs su mya ngan las ma 'das pa rnams mya ngan las 'das par mdzad? pa dang/ gtan pa med pa dang/ 'obs bral ba dang/ 'obs las brgal ba dang/ tshol pa spangs ba dang/ 'phags pa dang rgyal mtshan bsnyal
 ba dang/ rtag tu cher gnas pa yang yin no/ /de bzhin du dgra bcoM pa zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba
 byas pa byed pa byas pa/ khur por ba/ bdag gi don rjes su brnyed pa/ yang dag pa'i sems shin tu rnam par grol ba/ sems kyi dbang thams cad kyi pha rol tu byon pa/ srid pa kun tu sbyor ba yongs su zad pa yang yin no/ /de bzhin du yan
 lag lnga spangs ba dang/ yan lag drug dang ldan pa dang/ rgyas par ma 'dres pa dang/ bsten pa dang ldan pa dang/ skyes bu ltag na med pa zhes bya ba'i bar yang yin no/ /de bzhin du chos mkhyen pa dang/ gang zag mchog dang
 mchog ma yin pa mkhyen zhes bya ba'i bar yin no/ /de bzhin du dge sbyong dang/ bram ze dang/ dri ma med pa dang/ dri ma bral ba dang/ sman pa dang/ ded? dpon dang/ rnam par gzigs pa dang/ 'jig rten gyi mgon po dang/ 'gro ba'i mchog kyang
 yin no/ /de la dri ma med pa ni nyon mongs pa'i sgrib pa spangs pa'i phyir ro/ /dri ma dang bral ba ni shes bya'i sgrib pa spangs pa'i phyir ro/ /yang dri ma med pa ni kun nas dkris brtse bcil pa'i phyir ro/ /dri ma dang bral ba ni bag chags yang dag
 par bcom pa'i phyir ro/ /rnam par gziD pa ni nyin mtshan lan drug 'jig rten la so sor rig pa'i phyir ro/ /de bzhin du skyes bu chen po'i mtshan dang dpe byad bzang po rnams thams cad du shin tu rnam par dag pas sku mtshan cing gsal
 bar bya ba dang/ stobs bcu'i stobs dang ldan pa dang/ mi 'jigs pa bzhis mi bsnyengs ba dang/ thugs rje chen po dang ldan pa dang/ dran pa nye bar gzhag ba gsum la dran ba legs par nye bar bzhag pa dang/ bsrung ba med pa gsum dang
 ldan pa dang/ bsnyel ba mi mnga' ba'i chos can/ nyon mongs pa'i bag chags thams cad yang dag par bcom pa dang/ rnam pa thams cad dang mchog mkhyen pa yang yin no/ /de la bskal pa grangs med pa gsum gyis yang dag par bsgrubs
 shing dus yun ring por yongs su 'dris par mdzad pa'i phyir dang/ sems can thams cad kyi gzhi la dmigs pa'i phyir dang/ sdug bsngal rnam pa thams cad la mi dmigs pa'i phyir dang/ sems can thams cad kyi byas pa'i gnod pa
 rnam pa thams cad phrad pas phyir mi ldog pa'i phyir dang/ sems can thams cad la mnyam pa nyid du 'jug pa'i phyir thugs rje chen po dang ldan pa yin no/ /de la chos smra bas mdo sde rnam par bshad pa'i chos kyi mtshan nyid de ltar rnam par gzhag pa dang
 po kho nar tshig 'bru dang don yongs su btsal bar bya'o/ /de'i 'og tu ji skad bstan pa'i bya bas chos ston pa na gzhan dag la rnam par bshad pa rnam pa lngas 'jug par bya'o/ /de ltar gyur nas bdag nyid chos smra ba'i mtshan nyid rnam pa bcu dang ldan
 ba'i ji skad bstan pa ngag la chos dang don la mkhas pa la sogs pas rnam par bzhag par bya'o/ /de ltar bdag nyid rnam par bzhag nas 'khor rnam pa lnga po dag la snga ma kho na bzhin du brjid pa'i gtam la sogs pa rnam pa brgyad po dag gis
 de rnam ba de lta bu'i gtam bya'o/ /gtam de dag zer ba na gzhan dag rna gtong ba la sbyar bar bya zhing dang por ston pa'i sngags pa brjod par bya'o/ /de ltar yan lag lnga dang ldan pa'i chos bstan pa ni yan lag lnga dang ldan pa'i sil snyan dang 'dra par
 bdag dang gzhan dag la dga' ba chen po skyed par 'gyur zhing/ bdag dang gzhan dag la phan pa'i phyir 'jug par yang 'gyur ro/ /de ltar mkhas par 'gyur ba la ni phan yon rnam pa lnga yod de/ tshogs chung dus sangs rgyas kyi bka' i don
 rtogs par 'gyur ba dang/ rnam pa thams cad yongs su rdzogs pa'i gtam ngag la 'jug par 'gyur ba dang/ bdag dang gzhan gyis rgyud la dga' ba dang/ mchog tu dga' ba dge ba dang nges par 'byung ba dang ldan pa rgya chen po skyed
 par 'gyur ba dang/ lha dang mi rnams kyi bar dag la snyan ba dang grags ba dge ba nges par 'byung ba dang ldan pa nges par 'gyur ba dang/ bsod nams tshad med pa skye bar 'gyur ba'o/ /dge slong dag bslab pa la phan yon du gnas par 
 gyis shig ces gsungs pa ni mdo'o/ /de'i lus ni tshig 'bru dang don to/ /de la dge slong dag bslab pa la phan yon du gnas par gyis shig ces gsungs pa ni yi ge bcu gnyis dang/ ming bzhi dang tshig cig yin te/ de
 dag ni re shig ming dang tshig dang yi ge'i tshogs yin no/ /bslab pa'i gzhi rnam par bstan pa gang yin pa de ni rnam pa yin no/ /dge slong rnams la brten nas de bzhin gshegs pas brtan pa gang yin pa de ni bstan pa yin no/ /de bzhin
 gshegs pas gsungs pa'i bka' gang yin pa de ni ngag yin no/ /rnam pa drug po de dag ni tshig 'bru yin te/ shes rab dam pa zhes bya ba la sogs pa'i tshig rnams la yang de bzhin du lta bar bya'o/ /don ni nyan thos kyi sa bstan pa 'di
 'am sa lnga po bstan pa 'di 'am sa lnga po thams cad de/ de la bslab pa'i phan yon zhes bya ba ni tshogs kyi sa'o/ /she rab dag pa zhes bya ba ni sbyor ba'i sa'o/ /rnam par grol ba'i snying po dang dran pa'i dbang zhes bya ba i mthong ba'i sa dang
 bsgoms pa'i sa dang mthar thug par 'gro ba'i sa'i don yin no/ /de la bslab pa'i phan yon zhes bya ba ni tshul khrims kyi rang gi mtshan nyid do/ /shes rab dam pa zhes bya ba de ni she rab kyi rang gi mtshan nyid do/ /de'i brtan dang grogs la sogs
 pa lus tsam ni rang gi mtshan nyid do/ /shes rab dmigs pa dang bcas pa ni spyi'i mtshan nyid do/ /nyon mongS pa dang gnas ngan len dang bral ba ni rnam par grol ba'i snying por rang gi mtshan nyid do/ /dran pa'i dbang zhes bya ba ni dran pa'i rang gi
 mtshan nyid do/ /de ltar de ni mtshan nyid kyi don yin no/ /de la bslab pa'i phan yon zhes bya ba ni yid la byed pa 'ga' yang ma yin te/ de ni yid la byed pa'i rten yin par yongs su bstan to/ /shes rab dam pa zhes bya ba ni mtshan nyid
 so sor rig pa dang moS pa yid la byed pa yin par rig par bya'o/ /rnaM par grol ba'i snying po zhes bya ba ni rab tu dben pa dang/ dga' ba sdus pa dang/ sbyor ba mdza' thug pa dang/ sbyor ba mthar thug pa'i 'bras bu yin par yongs su bstan to dran pa'i dbang zhes bya ba
 ni dpyod pa'i yid la byed pa yin te de ltar de ni yid la byed pa'i don yin no/ /tshul des shes pa la sogs pa la yang sbyar bar bya'o/ /dbang du bya ba ni mya ngan las 'das pa'i dbang du byas nas bslab pa'i gzhis bsdus pa rnam par byang ba'i spyod pa
 yin no/ /yang dag par 'dzin du gzhug par bya ba la sogs pa ci rigs par yang dag par 'dzin du bzhugs pa nas yang dag par rab tu dga' bar bya ba'i bar dang dge ba la sogs pa'i spyod pa dag kyang 'di la yod mod kyi gtso cher rnam
 par byang ba'i spyad pa yin no/ /gang zag gi dbang du bya ba ni gang zag khyim med pa'o/ /dbang po rtul po la sogs pa gang zag thams cad ni yang dag par dga' ba'o/ /'das pa dang da ltar gyi dus su yang dag par rab tu dga' bar bya ba dang
 tshul khrims yang dag par blangs pa rnams la ni da ltar gyi dus su yang dag par bstan pa dang/ ma 'ongs pa'i dus su yang dag par 'dzin du gzhug pa dang/ yang dag par gzengs bstod par bya ste/ de ltar de ni dbang du bya ba'i don yin no/ /
 de la phan yon ni bslab pa gsum po dag gi bsgom pa yongs su rdzogs par 'gyur ba'o/ /nyes dmigs ni de ltar ma byas na mi 'gyur ba dang rab tu byung ba don dang ldan par mi 'gyur ba'o/ /mi mthun pa'i phyogs ni tshul khrims 'chal pa mi
 shes pa dang brjed ngas pa dang nyon mongs pa dag go /de dag gi gnyen po ni tshul khrims la sogs pa yin par rig par bya'o/ /yang mi mthun pa'i phyogs ni kun nas nyon mongs pa'i spyod pa thams cad do/ /gnyen po ni bslab pa gsum po dag go /
 bsdus pa'i don ni bslab pa'i phan yon la gnas par gyis shig ces bya ba nas dran pa'i dbang zhes bya ba'i bar dag ste/ de ni mdor bstan pa'i las bsdus pa yin no/ /rgyas pa ni de rnam par 'byed pa yin par rig par bya'o/ /de ltar de
 ni bsdus pa dang rgyas pa'i don yin te de las gong na yang med la de las lhag pa yang med do/ /de la rnam par bshad pa'i chos ni gsung rab tu gtogs pa yan lag bcu gnyis po dag las re zhig de ni mdo'i sde bsdus pa dang lung du bstan pa'i sde
 yin par blta bar bya ste nges pa'i don yin pa'i phyir ro/ /kun nas slong ba ni dbang du bya ba las brjod par bya ste/ bdag nyid thams cad du 'gro ba'i lam shes pa'i stobs ston par 'dod pas mdo sde rtsom par byed pa dang/ yang gdul ba rnam par
 byang ba'i spyod pa la brtson pa zang zing la gdu zhing de la mos pa rnams bslab pa'i phan yon la sogs pa la gnas pa la bslab pa gsum yongs su rdzogs par 'gyur ba'i phan yon yang dag par bstan par bya ba'i phyir dang/ yang dge slong gi dngos po
 bzhi yang dag par bstan par bya ba'i phyir te/ de la bslab pa'i phan yon zhes bya ba ni kha dog dang rtags dang dbyibs kyi dge slong nyid dang/ cho ga bsrung zhing tshul 'chos pa'i dge slong nyid las bdun pa bzlog par byed pa'o/ /shes rab dam
 pa zhes bya ba ni grags pa dang sgra dang tshigs su bcad pa'i dge slong nyid la 'dun pa bzlog par byed pa'o/ /rnam par grol ba'i snying po dang dran pa'i dbang zhes bya ba nges ni yang dag par sgrub pa'i dge slong nyid yang dag par 'dzin du 'jug pa ste/
 'di ltar grags pa la sogs pa 'dod pa ni so sor brtags nas thos pa 'dzin par byed kyi/ shes rab 'phel bar mi byed pa dang/ nyes pa sngar ma spangs pa gang yin pa de ni yang dag pa'i sgrub pas bsdus pa'i rnam par grol ba yang dag par
 'dzin par byed pa'i phyir ro/ /yang dman pas mchog par 'dzin pa la zhugs pa rnams gong ma bas kyang ches gong ma yang dag par 'dzin du gzhug pa'i phyir ro/ /'jig rten rgyad 'phan pa'i gsang tshig yongs su tshol zhing lhod pa rnams la ni bslab
 pa'i phan yon zhes gsungs so/ /tshul khrims dang ldan pa thos pa la mi bltos pa rnams la ni shes rab dam pa zhes gsungs so/ /thos pa dang bsams pa tsam gyis chog par 'dzin pa rnams la ni rnam par grol ba'i snying po zhes gsungs so/ /tshul
 khrims dang shes rab dang rnam par grol bas mngon pa'i nga rgyal byed pa rnams la ni dran pa'i dbang zhes bya ba gsungs te/ de ltar rnam pa de lta bu dag gis kun nas slong ba brjod par bya'o/ /de la bsdus pa'i don ni 'dir yang dag pa'i sgrub pa dang 'bras bu
 yin par bstan te/ 'di lta ste/ tshul khrims la sogs pa gsum po de tsam gyis na bslab pa'i mthar thug pa yin no/ /de ltar gnas par gyis shes gsungs pas ni yang dag pa'i sbyor ba rnal 'byor rnam pa bzhis bsdus pa yongs su bstan to/ /
 de ltar gnas pa rnams kyi bslab pa gsum zhes gsungs pas ni yang dag par bsgrub pa'i 'bras bu yongs su bstan to/ /de la dad pa dang 'dun pa ni tshul khrims yang dag par blang ba'i sngon du 'gro ba yin no/ /thos pa 'dzin pa'i dus na ni brtson
 'grus so/ /shes rab la sogs pa ni thabs yin no/ /de la tshig gi don ni bslab pa dang/ rjes su brtson pa dang/ ji ltar gdams pa bzhin sgrub pa dang/ goms pa dang/ sgom pa zhes bya ba ni rnam grangs so/ /sgrub pa de ni lus dang ngag dang 'tsho
 ba yongs su dag par kun tu sbyor ba'i mtshan nyid kyi tshul khrims kyi rab tu phye ba dang bzod pas rab tu phye ba yin pas de'i phyir bslab pa zhes bya'o/ /yang zhi ba'i phyir 'gro bas bslab pa zhes bya ste/ de ltar de lta bu dang mthun pa dag ni nges pa'i tshig gi
 yin no/ /rtags dang ngo bo nyid dang las dang chos dang rgyu dang 'bras bu ni snga ma bzhin du brjod par bya'o/ /de la rab tu dbye bas re zhig ngo bo nyid kyi rab tu dbye bas bslab pa'i phan yon ni tshul khrims rnam pa bdun dang bslab pa'i gzhi
 nyis brgya lnga bcu yongs su bstan pa yin no/ /de la khams kyi rab tu dbyi bas ni 'dod pa na spyod pa so sor thar ba'i sdom pa dang/ gzugs dang gzugs med pa ni spyod pa bsam gtan gyi sdom pa dang mi ldan pa'i zag pa med pa'i sdom
 pa'o/ /dus kyis/ rab tu dbye bas ni 'das pa'i dus su yang bslab pa'i phan yon 'di lta bu kho nar gyur la ma 'ongs pa'i dus su yang 'di lta bu kho nar 'gyur ba dang/ de ltar byung ba'i dus na yang bslab pa'i phan yon 'di lta bu kho na yin par
 rig par bya'o/ /de la gnas skabs kyi rab tu dbye bas na gang zag zhugs pa yongs su ma smin pa rnams kyi bslab pa'i phan yon ni chung ngu'i gnas skabs yin no/ /yongs su smin pa rnams kyi ni 'bring gi gnas skabs yin no/ /yongs su
 smin bar gyur pa rnams kyi ni chen po'i gnas skabs yin no/ /so sor brtags nas mngon par mi dga' bzhin du tshangs par spyod pa la gnas pa rnams kyi bslab pa'i phan yon ni sdug bsngal ba'i gnas skabs yin no/ /mngon par dga' 
 ba rnams kyi ni bde ba'i gnas skabs yin no/ /mngon par dga' ba yang ma yin mngon par mi dga' ba yang ma yin pa rnams kyi bslab pa'i phan yon ni sdug bsngal yang ma yin bde ba yang ma yin pa'i gnas skabs yin no/ /bslab
 pa'i phan yon de dag thams cad ni dge ba'i gnas skabs yin gyi/ mi dge ba'i gnas skabs kyang ma yin/ lung du ma bstan pa'i gnas kyang ma yin no/ /thos pa gzung ba rnams kyi ni thos pa'i gnas skabs yin no/ /bsams pa rnams
 kyi ni bsams pa'i gnas skabs yin no/ /bsgoms pa rnams kyi yang bsgoms pa'i gnas skabs yin no/ /lhag pa'i sems dang ldan pa'i shes rab ma thob pa rnams kyi ni lhag pa'i tshul khrims kyi gnas skabs kho na yin no/ /de dag thob pa rnams kyi
 ni de dag gi gnas skabs kyang yin te/ /de ltar de lta bu dang mthun pa dag ni gnas skabs kyi rab tu dbye ba yin no/ /de la gang zag gi rab tu dbye ba ni 'dir gang zag rab tu byung ba yin par dgongs so/ /de yang dbang po rtul po yang yod dbang
 po rnon po yang yod do/ /'dod chags la sogs pa spyad pa yang yod cha snyam par spyad ba yang yod do/ /nyon mongs pa chung ba yang yod do/ /nyan thos kho na'i yin gyi rang sangs rgyas kyi yang ma yin/ byang chub sems dpa' i yang ma yin te/ /rang
 sangs rgyas ni rang gi mngon par rdzogs par byang chub ba'i phyir dang/ byang chub sems dpa' ni rnam par grol ba'i snying po 'di la gnas par mi ston pa'i phyir ro/ /yongs su mya ngn las 'da' ba' i chos can kho na'i yin te/ zhugs pa dang ma
 bsgribs pa dang 'ching ba mdza' dag yod pa dang 'ching ba ma tshang ba yang yin gyi/ 'ching ba med pa'i ni ma yin no/ /mir gyur ba'i yin gyi/ lhar gyur ba'i ni ma yin te/ de ltar de ni gang zag gi rab tu dbye ba yin no/ /bslab pa'i phan
 yon la ji lta ba de bzhin du shes rab dman pa dang rnam par grol ba'i snying po dang dran pa'i dbang la yang rab tu dbye ba rnam pa lnga po dag ci rigs par rig par bya'o/ /de la phan yon dang/ yon tan dang/ mtho ba dang/ phun sum tshogs pa
 zhes bya ba ni rnam grangs so/ /phan yon bcu yang dag par gzigs nas zhes ji skad gsungs pa la chos 'di ni lus la phan 'dogs par byed pa dang/ /bstod par 'os na phan yon yin no/ /yang mthun par skyes pa'i sems can rnams 'di'i rjes
 su 'gro bar 'gyur bas phan yon no/ /yang legs su smon par bya ba'i rjes su 'gro ba'i phyir yang phan yon yin no/ /rnam par dbye ba ni rnam pa bcur dbye bas rig par bya ste/ dge 'dun bsdu ba'i phyir dang/ dge 'dun legs
 bar bya ba'i phyir zhes bya ba la sogs pa'o/ /de la dge slong rnams dang/ dge sbyod rnams dang/ rab tu byung ba rnams dang/ khyim med pa rnams zhes bya ba ni rnam grangs so/ /de'i kha dog dang dbyibs dang bral ba'i phyir dang/ bdag nyid ngan song las
 srung zhing ma smas par yongs su skyong bar byed ba'i phyir dge slong ngo/ /de la rnam par rab tu dbye ba ni rgyal rigs la sogs pa'i dbye ba dang/ rigs mthon po dang dma' ba' i dbye ba dang/ gsar bu dang/ bar ma dang/ gnas brtan gyi dbye bas
 rigs par bya'o/ /gnas par gyis shig ces bya ba dang/ dus yol bar gyis shig ces bya ba dang/ bsgoms shig ces bya ba dang/ goms par gyis shig ces bya ba ni rnams grangs so/ /de'i lus ni bslab pa legs par bshad pa las gud
 na med do/ /nges pa'i tshig ni spyod lam sna tshogs kyi dus yol bar gnas so/ /de la rnam par rab tu dbye ba ni spyod lam gyi dbye ba dang/ snga dro dang gung tshigs dang phyi dro dang/ mtshan mo gnas pas dbye bas blta bar bya'o/ /de la shes rab
 dang/ ye shes dang mthong ba dang/ snang ba dang/ mngon par rtogs pa zhes bya ba ni rnam grangs so/ /de yang rab tu dbye ba'i mtshan nyid sems las byung ba'i chos yin no/ /nges pa'i tshig ni rab tu byed pa'i bdag nyid yin pa'i phyir dang/
 mi shes pa'i gnyen po yin pa'i phyir shes rab bo/ /yang rnam pa las shes pas na shes rab yin no/ /yang mkhas pa rnams kyi mkhas pa ni des rab tu phye ba'i phyir shes rab bo/ /de la rab tu dbye ba ni snga ma bzhin du ci rigs bar sbyar
 bar bya'o/ /de la rnam par grol ba dang spangs ba dang mi ldan ba dang rnam par dag pa dang zad pa dang 'dod chags dang bral ba zhes bya ba la sogs pa ni rnam grangs so/ /de la ngo bo nyid ni gnas ngan len yang dag bar bcom pa dang nyon mongs pa spangs pa
 yin no/ /nges pa'i tshig ni 'dod chags la sogs pa'i 'ching ba rnam pa sna tshogs las grol ba'i phyir rnam par grol ba'o/ /yang bcom ldan 'das kyis thub pa rnam pa gnyis kyi dngos po'i phyir gsungs pas rnam par grol ba'o/ /de la rab tu dbye ba
 ni dus dang sbyor ba dang/ mi g.yo ba dang/ mthong bas spang bar bya ba dang/ bsgom pas spang par bya ba dang/ 'dod ba na spyod pa dang/ gzugs na spyod ba dang/ gzugs med pa na spyod pa'i nyon mongs pa rnams las rnam par grol ba dang/ de ltar
 de lta bu dang mthun pa snga ma lta bu dag ni rab tu dbye ba yin par rig par bya'o/ /de la dran pa dang sems kyi mi brjed pa dang mngon par brjod pa zhes bya ba ni rnam grangs so/ /de la ngo bo nyid ni sems las byung ba'i chos yin no/ /nges pa'i tshig ni chos rjes
 su dran pa'i phyir dran pa'o/ /yang ji ltar 'dris pa'i dngos po yid la byed pa 'dis mngon par brjod par byed pa'i phyir dran pa'o/ /dran pa'i rab tu dbye ba ni sangs rgyas rjes su dran pa dang/ chos rjes su dran pa dang/ dge 'dun rjes su dran pa la sogs
 pa rjes su dran ba drug pa dag yin par rig par bya'o/ /de bzhin du dran pa nye bar gzhag ba'i dbye bas kyang rab tu dbye bar rig bar bya'o/ /rgyas bar ni snga ma bzhin du ci rigs par sbyar bar bya'o/ /de la bslab pa'i phan yon zhes bya ba'i don gang yin zhes rgol
 na de? ni lhag pa'i tshul khrims kyi bslab pa yon tan du blta zhing gnas par yongs su ston pa'i tshig bla dags yin no/ /shes rab dam pa zhes bya ba'i don gang yin zhe na/ de ni de las gzhan ba'i dbang po thams cad pas shes rab kyi dbang po mchog 
 nyid du yongs su ston pa'i tshig bla dags yin no/ /rnam par grol ba'i snying po zhes bya ba'i don gang zhe na/ de ni mthong ba dang bsgom pas spang bar bya ba'i nyon mongs pa spong ba yongs su ston pa'i tshig bla dags yin no/ /dran pa'i dbang po
 zhes bya ba'i don gang zhe na/ de ni chung du dang ngan don tsam gyis chog mi shes par yongs su ston pa'i tshig bla dags yin no/ /gang gi tshe bcom ldan 'das kyis mdo sde gzhan dag tu bslab pa gsum go rims bzhin du bstan na/ 'dir ci'i phyir
 lhag pa'i sems kyi bslab pa'i phan yon ma gsungs par lhag pa'i tshul khrims kyi mjug thogs su lhag pa'i shes rab bstan ce na/ thos pa las byung ba la sogs pa'i shes rab kyis yongs su bsdus pa bstan pa 'di nyid kyis 'gyod pa med
 pa la sogs pa'i rim gyis ting nge 'dzin yongs su bstan pas lhag pa'i sems kyi bslab pa yang yongs su bstan pa yin te/ bcom ldan 'das kyis kyang dbang po 'di dag gi nang nas sdud par byed pa ni 'di yin/ 'dus par byed pa ni 'di
 yin te/ 'di lta ste/ shes rab kyi dbang po'o/ /shes rab kyi dbang po dang ldan pa'i dge slong ni ting nge 'dzin gyi dbang po'i bar du sgom par byed de/ de ltar na de ni 'di lta ste/ shes rab kyi dbang pos ting nge 'dzin gyi dbang po'i bar dang yang
 ldan par 'gyur ro/ /zhes ji skad gsungs pa lta bu ste/ de bas na mdo der bcom ldan 'das kyis ting nge 'dzin 'dren pa'i rgyu gang yin pa dang nyon mongs pa spong ba 'dren pa'i rgyu gang yin pa de yongs su bstan te/ lhag pa'i sems ni lhag
 pa'i shes rab kyi bslab pa kho na dang lhan cig bstan pa yin no/ /gang gi tshe bslab pa gsum gyi bsgom pa yongs su rdzogs par 'gyur ro/ /zhes gsungs na/ ci'i phyir lhag pa'i sems kyi bslab pa'i bsgom pa pa ma bstan ce na/ 'dir yang
 tshul snga ma kho na bzhin du blta bar bya'o/ /ci'i phyir bslab pa'i phan yon la gnas par gyis shig ces gsungs la shes rab kyi phan yon la gnas par gyis shig ces kyang ma gsungs rnam par grol ba'i phan yon la gnas par gyis shig ces kyang
 ma gsungs she na/ dman pa la phan yon smos pas gdul ba rnams gya nom pa la yang phan yon du 'dzin du bcug par 'gyur ba dang/ phan yon bcu po dge 'dun bsdu pa'i phyir dang/ dge bdun leD par bya ba'i phyir zhes bya ba la sogs pa gsal bar yongs su bstan pas
 phan yon de dag la 'jug par sla ba'i phyir ro/ /gang gi rnaM par grol ba ni thams cad bla na med pa'i chos yin na/ ci'i phyir shes rab dam pa la gnas par gyis shig ces gsungs la rnam par grol ba dam pa la gnas par gyis shig
 ces ma gsungs she na/ dman pa la dam pa smos pas gdul ba rnams gya nom pa la yang 'dzin du bcug par 'gyur ba dang/ rnam par grol ba'i khyad par thun mong ma yin pa gang yin pa de yang yongs su bstan par 'gyur ba'i phyir ro/ /
 'dir khyad par gang yin zhe na/ bla na med pa'i shes rab mi rtag pa gang yin pa de bas rnam par grol ba ni rtag pas snying po nyid yin pa'o/ /de la bslab pa'i phan yon la gnas pa gang zhe na/ bslab pa'i gzhi ji ltar bcas pa dag la phan
 yon bcu yang dag par mthong ba'i nges pa'i tshul khrims nyid dang/ brtan pa'i tshul khrims nyid dang/ rtag tu byed pa nyid dang/ rtag tu 'jug pa nyid gang yin pa de ni bslab pa'i phan yon la gnas pa yin no/ /de la dge 'dun bsdu ba'i phyir
 bya ba la sogs pa'i tshig rnams kyi don gang zhe na/ dge 'dun bsdu pa'i phyir zhes bya ba ni mdor bstan pa'i tshig yin no/ /dge 'dun legs par bya ba'i phyir zhes bya ba ni 'dod pa'i bsod nyams kyi rjes su brtson pa'i mdza' rnam par
 spangs pa'i phyir ro/ /dge 'dun bde bar gnas par bya ba'i phyir zhes bya ba ni bdag nyid ngal ba'i rjes su brtson pa'i mdza' rnaM par spangs pa'i phyir ro/ /mngon par ma dad pa rnams mngon par dad par bya ba'i phyir zhes bya ba ni ma
 zhugs pa rnams gzhug pa'i phyir ro/ /mngan par dad pa rnams phyir zhing dad par bya ba'i phyir zhes bya ba ni zhugs pa yongs su smin par bya ba'i phyir ro/ /gnod mi bkur ba'i gang zag rnams tshar bcad pa'i phyir zhes bya ba ni tshul khrims
 'chal pa rnams la nan tur du bya ba'i phyir ro/ /ngo tsha shes pa rnams bde bar gnas par bya ba'i phyir zhes bya ba ni tshul khrims dang ldan pa rnams 'gyod pa med par bya ba'i phyir ro/ /tshe 'di'i zag pa rnams bsdams par bya ba'i phyir
 zhes bya ba ni kun nas nyon mongs pa'i kun nas dkris pa rnam par gnon pa dang rjes su mthun par bya ba'i phyir ro/ /tshe rabs phyi ma'i zag pa rnams gzhom pa'i phyir zhes bya ba ni smon nas tshangs par spyod pa la gnas pa gsal bar bya ba'i phyir
 dang/ nyon mongs pa'i bag la nyal spangs pa dang rjes su mthun par bya ba'i phyir ro/ /nga'i tshangs par spyod pa skye bo mang po la phan pa yangs par gyur pa lha dang mi rnams kyi bar la yang dag par rab tu bstan pa yun ring du gnas par
 'gyur ba'i phyir zhes bya ba ni bstan pa'i rgyun mi 'chad par bya ba'i phyir ro/ /phan yon bcu po de dag gis mdor bsdu na phan yon gsum bsdus pa yin la gsum gyis kyang bcu bsdus pa yin te/ dge 'dun kun nas nyon mongs pa
 can ma yin par gnas pa nyid dang/ bde ba la reg par gnas pa nyid dang/ dus yun ring du rjes su 'jug pa nyid do/ /de la rjes su bsrung ba rnam pa bdun gyis ni kun nas nyon mongs pa can ma yin par gnas pa nyid dang/
 bde ba la reg pa gnas pa nyid yongs su bstan te/ rnyed pa dang bkur bsti rjes su bsrung ba dang/ bka' thub drag pos gdung pa rjes su srung ba dang/ yo byad kyi phongs pa rjes su bsrung ba dang/ phan tshun gnod pa rjes su bsrung ba dang/
 sems la 'gyod pa rjes su bsrung ba dang/ nyon mongs pa'i kun nas dkris pa rjes su bsrung ba dang/ log par smon pa rjes su bsrung bas so/ /tshig tha mas ni bstan pa dus yun ring du 'jug pa nyid yongs su bstan to/ /de la ji ltar na nges
 pa'i tshul khrims can yin zhe na/ bslab pa'i gzhi mi 'bul ba'i phyir ro/ /ji ltar na bstan pa'i tshul khrims can yin zhe na/ bslab pa'i gzhi nyams par mi byed pa'i phyir ro/ /ji ltar na rtag tu byed pa yin zhe na/ bslab pa'i gzhi
 'dral bar ma byed pa'i phyir ro/ /ji ltar na rtag tu 'jug pa yin zhe na/ ral na yang phyir gso bar byed pa'i phyir ro/ /ji ltar na bslab pa'i gzhi rnams yang dag par blangs te slob pa yin zhe na/ bslab pa mdza' dag rjes su bsrung ba'i
 phyir ro/ /de ltar nges pa'i tshul khrims can dang/ bstan pa'i tshul khrims can de chos thos nas gcig tu dben bar song ste 'di lta ste/ lhag pa'i sems dang lhag pa'i shes rab las brtsams nas sems par byed/ 'jal par byed/ nye bar
 rtog par byed cing/ de thos pa dang bsam pa dang bsgom pa las byung ba'i shes rab la brten nas rnam par grol pa la rag par byed de/ rnam par grol ba de yang yongs su mi nyam pa'i chos nyid yin pa'i phyir snying po zhes bya ste/
 'jig rten las 'das pa'i shes pa'i 'bras bu yin pa'i phyir ro/ /rnal 'byor pa de dran pa'i stobs kyis bdag gi tshul khrims kyi phung po yongs su rdzogs sam 'on te ma rdzogs/ bdag gi shes rab kyi chos 'di dag shin tu lags par
 rtogs sam 'on te ma rtogs/ gdag gi rnam par grol bas shin tu legs par reg gam 'on te ma reg ces de ltar dran pa'i stobs bskyed pa nyid la brten nas bslab pa'i phan yon dang/ shes rab dam pa dang rnam
 par grol ba'i snying por 'gyur bas de'i phyir dran pa'i dbang yin no/ /dran pa de yang mdor bsdu na rnam pa gsum du blta bar bya ste/ chos bstan pa la brten pa dang/ gdams dag la brten pa dang/ byas ba dang ma byas pa la so sor
 rtog pa la brten pa'o/ /de la bcom ldan 'das kyis tshul khrims ni dge bsnyen gyi tshul khrims dang/ dge slong gi tshul khrims dang/ bsnyen gnas pa'i tshul khrims dang/ bsam gtan gyi tshul khrims dang/ snyoms par 'jug pa'i
 tshul khrims dang/ 'phags pa dgyes pa'i tshul khrims la sogs pa rnam pa du ma gsungs na/ de la 'dir tshul khrims gang las brtsams nas bslab pa'i phan yon la gnas par gyis shig ces gsungs she na/ gtso cher dge slong gi
 tshul khrims las so/ /bcom ldan 'das kyis shes rab kyang 'di lta ste/ thos pa las byung ba dang/ bsams pa las byung ba dang/ bsgoms pa las byung ba la sogs pa rnam pa du ma gsungS na/ de la 'di shes rab gang las brtsams nas
 shes rab dam pa la gnas par gyis shig ces gsungs she na/ rnam pa gsum char las so/ /bcom ldan 'das kyis rnam par grol ba yang 'jig rten pa dang/ 'jig rten las 'das pa dang/ slob pa dang mi slob pa dang/ g.yo ba dang mi
 g.yo ba'i rnam par grol ba la sogs pa rnam pa du ma gsungs na/ de la 'dir rnam par grol ba gang las brtsams nas rnam bar grol ba'i snying po la gnas par gyis shig ces gsungs she na/ 'jig rten las 'das pa dang/ mi g.yo
 ba las so/ /bcom ldan 'das kyis dran pa yang lus dran pa nye bar gzhag pa dang tshor ba dang sems dang chos rnams la dran pa nye bar gzhag pa dang/ byas nas yun ring du lon pa dang/ smras nas yun ring du lon pa rjes su dran pa dang/ de bzhin du chos
 bstan pa rnams dran pa dang/ gdam ngag rjes su dran pa dang/ byas pa dang ma byas pa rjes su dran pa dang/ sangs rgyas rjes su dran pa la sogs pa rnam par du ma gsungs na/ de la 'dir dran pa gang las brtsams nas dran pa'i dbang zhes
 gsungs she na/ gtso cher byas ba dang/ ma byas pa la so sor rtog pa rjes su dran pa las so/ /de la mtshams sbyar ba ni 'di na dge slong tshul khrims la brten nas thos pa 'dzin par byed cing de yang tshul bzhin du yid la byed de/ /tshul khrims
 dang ldan pa de la ni 'gyod pa med par 'gyur te/ 'gyod pa med pa la sogs pa'i rim gyis thabs kyis yongs su bsdus pa'i shes rab kyis tshul bzhin yid la byed pa la ting nge 'dzin skye bar 'gyur te de ltar de dag ni lhag pa'i sems yongs su 'grub par
 yin no/ /yongs su rdzogs pa'i mtshams sbyar ba ni 'di yin te/ gong nas gong du yongs su rdzogs par 'gyur ba'i phyir bslab pa'i phan yon ni shes rab dam pa'i phyir yin la shes rab dam pa ni rnam par grol pa'i snying po'i phyir yin pa'o/ /
 ji ltar bslab pa'i phan yon yin pa nas rnam par grol ba'i snying po'i par du yin zhe na/ smras pa dran pa'i dbang gis so zhes bya ba de ni bsgrub pa'i mtshams sbyar ba yin no/ /de ltar gnas pa'i bslab pa gsum po de dag bsgom pa yongs su rdzogs
 par 'gyur ro zhes bya ba de yang bsgrub pa'i mtshams sbyar ba yin no/ /nyan thos rnams la bya ba dang bya ba ma yin pa'i bsgrub pa rjes su ston pa mdzad pa ston pa'o/ /yang skye bo mang po'i sdug bsngal nye bar zhi bar bya ba'i phyir ston par mdzad pas
 ston pa'o/ /yang mu stegs can ro dang 'dra ba nub par bya ba'i phyir 'di shar bas ston pa'o/ /de las gzhan las nyan cing rjes su sgrogs par byed pas nyan thos rnams so/ /ci'i phyir nyan thos rnams kho na las brtsams she na/ 'di ltar
 nyan thos rnams ni bcom ldan 'das kyi sras su gyur ba yin pas bslab pa rnams las brtsams nas so/ /de la chos ni ming dang tshig dang yi ge'i tshogs rnams zhes bya ba yin par blta bar bya'o/ /de la bslab pa'i gzhi ni 'di lta ste ltung ba
 sde lnga bstan pa yin no/ /de la rjes su thugs su brtse ba ni yun ring po nas sems can rnams la byams pa la sogs pa tshad med pas gnas pa'i phyir ro/ /thugs rje dang ldan pa ni sdug bsngal gyi chos mang po rnams sel par mdzad pa'i phyir ro/ /don du
 bzhed pa ni bde ba'i chos mang po sgrub pa'i phyir ro/ /phan par bzhed pa ni dge ba'i chos rnam pa du mnye bar sgrub pa'i phyir ro/ /thugs rje par mdzad pa ni zhes bya ba ni sdig pa mi dge ba'i chos rnam pa du ma sel bar mdzad pa'i phyir ro/ /da la tshangs
 par spyod pa skye bo mang po la phan pa zhes bya ba ni rgyal rigs la sogs pa'i rigs dang rus rnams kyi phyir ro/ /yangs par gyur pa zhes bya ba ni sems can gyi rigs ba de dag nyid gong du 'phel par 'gyur ba las brtsams nas so/ /lha dang
 mi rnams kyi bar la zhes bya ba ni de dag nyid la mthu yod pa'i phyir yin gyi bcom ldan 'das kyi thugs rje nyi tshe bar 'gyur ba ni ma yin no/ /yang dag par rab tu bstan pa zhes bya ba ni ji lta ba bzhin du yod pa nyid dang/ ji snyed yod pa nyid
 kyis so/ /de la chos ston zhes bya ba ni gsung rab tu gtogs pa yan lag bcu gnyis so/ /gzung zhing kun chub par byas nas bcang bar bya/ man ngag tu bya zhes bya ba ni tshig dben par song nas so/ /nges par rtag par bya zhes bya ba ni chos
 so/ /'di ni khyed la phan pa'i phyir zhes bya ba ni lhag pa'i tshul khrims kyi dbang du byas pa gang yin pa'o/ /'di ni bde ba'i phyir zhes bya ba ni mya ngan dang mi dga' ba rang la phyir ni phan pa yin la phan 'dog pa'i phyir ni bde ba yin no/ 
 zhes bya ba ni 'dod chaD dang bral ba rnams kyi lhag pa'i sems dang lhag pa'i shes rab kyi spyod pa'o /de yang dge ba'i phyir ni phan pa yin la phan 'dogs pa'i phyir ni bde ba yin no/ /yang 'di ni phan pa'i phyir zhes bya ba ni gang du bcom ldan
 'das kyis sbyangs pa'i yon tan rnams bsngags pa'o/ /'di ni bde ba'i phyir zhes bya ba ni gang du ro brgya dang ldan pa'i zas dang gos 'bum ri ba rjes su gnang bar mdzad pa'o/ /'di ni phan pa dang bde ba'i phyir zhes bya ba ni gang la bslab
 pa gsum bcas pa'o/ /de bzhin gshegs pas de dang der chos de dag shes rab kyis legs par rtogs pa yin zhes bya ba ni phan pa'i phyir dang bde ba'i phyir gang dag yin pa dang/ lhag pa'i tshul khrims kyi bslab pa'i dbang du byas nas
 lhag pa'i sems dang lhag pa'i shes rab gang yin pa'o/ /de la rgyu gnyis kyis na legs par rtogs pa yin te/ yun ring po nas goms pa dang phyin ci ma log par rtogs pas so/ /de dang der rnam par grol bas shin tu legs par reg
 ces bya ba ni lhag pa'i sems dang lhag pa'i shes rab las brtsams nas so/ /de la rgyu gnyis kyis ni shin tu legs par gnas pa yin te/ mthar thug par 'gro ba dang/ phyir mi ldog pa'i chos nyid kyis te yongs su ma nyams pa'i chos nyid yin
 pa'i phyir ro/ /bdag gi tshul khrims kyi phung po yongs su ma rdzogs zhes bya ba ni tshul khrims de nyid la phyogs gcig byed p+pa'i phyir ram/ des tshul khrims la brten nas mnyam par bzhag pa'i sa pa'i tshul khrims dag yongs su rdzogs par
 ma gyur pa'o/ /bdag gis chos 'di dag shin tu legs par ma rtogs zhes bya ba ni mtshan nyid rnam pa gnyis kyis snga ma bzhin no/ /shin tu legs par ma reg ces bya ba ni rnam pa gnyis kyis te snga ma bzhin no/ /de ltar na ngas smras pa gang
 yin pa de so sor bshad pa yin no/ /zhes gang gsungs pa ni de ltar bstan pa rnam par dbye ba'i mjug bsdu ba yin par rig par bya'o/ /gzhan yang mdo sde rnam par bshad pa ni rnam pa drug po 'di dag gis sbyar bar bya ste/ dngos po yongs su shes pa
 dang/ nyes pa spyad pa dang nyon mongs pa dang/ nye ba'i nyon mongs pa spong ba dang/ legs par spyad pa yang dag par blang ba dang/ nad la sogs pa'i rnam pa dag gis shes pa dang/ yongs su shes pa rab tu rtog pa dang/ de'i 'bras bu dang/ bdag
 nyid dang/ gzhan dag gis de'i 'bras bu rtogs pa ste/ de ltar rnam pa de dag dang/ sngar ji ltar rnam par bzhag pa dag gis mdo sde rnam par bshad pa sbyar bar bya'o/ /'di la dngos po ni 'di lta ste/ phung po rnams dang/ khams rnams dang/
 skye mched rnams dang/ rten cing 'brel par 'byung ba dang/ dran pa nye bar gzhag pa rnams dang/ yang dag par spong ba rnams dang/ de la sogs pa'o/ /de'i 'bras bu ni 'di lta ste/ skyo ba dang/ 'dod chags dang bral ba dang/ rnam par grol ba dang/
 yongs su grol ba'o/ /de lar dag nyid dang/ gzhan dag gis 'brus rtogs pa ni bdag gi skye ba zad do/ /zhes bya ba la sogs pa ste/ de'i rnam par bshad pa bsdu ba zhes bya'o/ /rnal 'byor spyod pa'i sa las rnam par bshad pa bsdu ba rdzogs te/ rnal
 'byor spyod pa'i sa thams cad rdzogs so// //rnal 'byor spyod pa'i sa 'di ni 'phags pa thogs med bdag dang gzhan gyi grub pa'i mdza' rgya mtsho'i pha rol tu byon pa chos kyi rgyun gyi ting nge 'dzin byang bar brnyes pa/ 'phags pa
 mi pham pa'i zhabs kyi pad+ma rnyog ba'i ze'u'i 'bru sbyi bos len par mdzad pa ste/ rnal 'byor pa bdag dang gzhan gyi don sgrub par byed pa bla na med pa'i byang chub kyi phyir go cha chen po bgos pa rnams kyis dang du blang bar bya'o/ /rgya gar gyi mkhan po pradz+nyA wArma
 dang/ su ren+d+ra bo d+hi dang/ zhu chen gyi lo tsa ba bande ye shes sdes zhus te gtan la phab pa/ bande cog ro klu'i rgyal mtshan gyis bsgyur/ 'di la shlo ka lnga brgya bdun cu rtsa lnga yod do/ /spyor shlo ka bzhi khri lnga snyod yod do/ /bam po ni brgya dang lnga bcu yod
 do// // */ /rnal 'byor spyod pa'i sa'i rnam bshad/ /*/ /rgya gar skad du/ yo ga tsarya b+hU mi bi byA khyA/ bod skad du/ rnal 'byor spyod pa'i sa rnam par bshad pa/ tshig gi mnga' bdag 'jam dpal gzhon nur gyur pa la phyag 'tshal lo/ /