<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4320: mdo sde rgyan gyi 'grel bshad<br><table><tr><td>
<input type="button" onclick="location.href='tcompletep.php?id=N4320&coll=TN&volcur=1';" value="show page break" />
<td width=150><td>
<input type="button" onclick="location.href='tcompletel.php?id=N4320&coll=TN&volcur=1';" value="show line break" />

<td width=150><td>
<a href="tcompleteu.php?coll=TN&id=N4320&volcur=1" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">text in 2 volumes<br><br><a href="tcomplete.php?id=N4320&coll=TN&volcur=0">volume 1  (sems tsam (mi）)</a> - <span style="color:red;border: 2px solid red;border-radius: 5px;padding:3px;">volume 2 (sems tsam (tsi）)</span> - <br><br>thabs dang ldan pa'i las rnam par dbye ba'i tshigs su bcad pa bzhi ste zhes bya ba la/ gdams pa dang
 rjes su bstan pa'i skabs kyi rjes la thabs kyis bsdus pa'i las bshad par 'brel ci yod ce na/ gong du gang la bslab
 pa dang/ ji ltar bslab pa dang/ gang gis bslab pa gsum las 'di yang ji ltar bslab pa'i skabs yin te/ de la yang/
 gang bslab pa'i khyad par zhes smos pa de yang brjod dgos la/ bslab pa de yang gang la dmigs nas slob bar byed pa de yang
 smra dgos te/ de la bslab pa'i khyad par de zhes brjod par bya'o/ /de la bslab pa ni gang bslab pa'i
 khyad par ni gang zhe na/ rang gi bya ba bsgrub pa ni bslab pa'o/ /nyan thos la sogs pa dang thun mong du ma gyur pa ni khyad par ro//
 rang gi bya ba bsgrub pa la yang rnam pa gnyis te/ spyi dang khyad par ro/ /de la spyi ni lus la sogs pa'i las la phyin ci ma log par
 'jug pa ste/ de ni thabs kyis bsdus pa'i las nyid de las de dge pa'i las mngon par 'du byed pa thams cad la khyab pas na
 spyi zhes bya'o/ /khyad par ni pha rol tu phyin pa drug sgrub pa ste/ de ni phyis 'chad do/ /tshal dang ri dang lus can chu bo dag /thams cad ji ltar sa
 la gnas pa bzhin/ /de bzhin sbyin pa la sogs dge ba dag /mdor na blo can las rnams gsum las brjod zhes bya ba'i tshigs su bcad pa 'dis
 dge ba rnams ldang ba'i thabs bstan te/ dper na tshal dang/ ri dang/ lus can te sems can dang/ chu bo dag sa chen po'i steng na gnas shing/
 sa la brten pa dang sa la skye ba de bzhin du/ mdor na blo can byang chub sems dpa' rnams kyi lus dang/ ngag dang/ yid gsum gyi las rnam
 par dag pa la sbyin pa la sogs pa la pha rol tu phyin pa'i chos rnams dang/ byang chub kyi phyogs sum cu rtsa bdun la sogs pa'i chos rnams
 de la gnas shing/ las rnam pa gsum dag las skye'o zhes bya ba'i don to/ /dpe'i skabs don rnam pa bzhi bstan te/ longs spyod dang/
 zab po dang/ brtan pa dang/ mi brtan pa'o/ /de la tshal smos pas ni longs spyod kyi dngos po bstan te/ mdo las kyang bcom ldan 'das dze ta'i tshal na bzhugs
 zhes 'byung ba'i phyir ro/ /lus can zhes bya bas zab po bstan to/ /ri zhes bya bas brtan pa bstan to/ /chu bo zhes bya bas mi brtan pa brtan to/ /de yang mdor
 na rnam pa gnyis su bzhag ste/ ri dang tshal gyis ni brtan pa'i dngos po bstan/ lus can dang chu bos ni mi brtan pa'i dngos po bstan to/ /sems can dang/
 sems can ma yin pa'i grangs su dbyen lus can ni sems can gyi grangs su gtogs pa'i/ /tshal dang ri dang chu bo ni sems can gyi grangs su ma gtogs pa'o//
 da tshigs su bcad pa gnyis kyis ldang ba'i thabs bstan te/ de yang rnam pa gnyis las bslang ba'i thabs bstan no/ /rnam pa gnyis ni theg pa chen po la skyob las bslang ba dang/ theg pa gzhan du ltung pa las
 bslang ba'o/ /sna tshogs rang bzhin bskal ba mang pos mthar phyin pa'i/ /rab tu dka' ba'i las la brtson pa'i bdag nyid de/ /lus dang ngag dang sems kyi mtshan nyid las rnams la/ /rgyal ba'i sras dag zhum par
 yongs su mi 'gyur ro zhes bya ba la/ sems can rnams kyi don dang ched du byang chub sems dpa' bsod nams dang ye shes kyi tshogs yongs su rdzogs par bya ba'i phyir/ lus dang ngag dang yid gsum gyi sgo nas
 phyi'i dngos po bu smad dang/ nor rdzas la sogs pa gtong pa dang/ nang gi dngos po mgo dang rkang lag dang mig la sogs pa yan lag dam pa gtong ba ni sna tshigs kyi rang bzhin zhes bya'o/ /de lta bu yang lo dang zla ba
 rnams kyis spyad pas/ bsod nams dang ye shes kyi tshogs rdzogs par mi 'gyur gyi/ bskal pa grangs med pa gsum du spyad cing btang na/ gdod bsod nams dang ye shes kyi tshogs rdzogs shing mthar
 phyin par 'gyur bas na/ bskal pa mang pos mthar phyin pa zhes bya ste/ de 'dra ba'i bar du dka' ba'i las la brtson pa'i bdag nyid nyan thos dang rang sangs rgyas dang 'jig rten pa ma yin gyi byang chub sems
 dpa' la yin no zhes bya ba'i don to/ /de ltar lus dang ngag dang yid gsum gyi mtshan nyid kyis rab tu dka' ba'i las la spyad cing zhugs kyang rgyal ba'i sras byang chub sems dpa' rnams la zhum par
 mi 'gyur te/ brtson 'grus zhan par mi 'gyur zhing skyo bar mi 'gyur ro zhes bya ba'i don to/ /ci'i phyir zhe na/ dus ring por spyad pa'i phyir te/ theg pa chen po la dus ring por goms par byas na bdag nyid theg pa chen po'i
 rang bzhin dang ngo bo nyid du 'gyur ro/ /mdo gzhan dag las kyang dge ba'i chos rnams la sngon goms par byas pa'i rgyus/ de dang 'dra ba'i rnam par smin pa mngon par 'grub ste/ /de lta bu'i
 rnam par smin pa grub pas/ gang gi phyir ma brtags par yang de spyad pa la dag par 'gyur ro zhes gsungs so/ /de ltar bskal pa mang por theg pa chen po la spyad na theg pa chen po'i rang bzhin
 du 'gyur ba rnams ni/ rmi lam na yang de la spyod par rmis te/ de bas na theg pa chen po la skyo bar mi 'gyur ba'i phyir 'dis ni theg pa chen po la skyo ba las bslang ba bstan to/ /ji ltar dug dang mtshon dang
 dgra dang gnam lcags dag/ bdag la phan phyir rang gi gnam las bzlog pa bzhin/ de bzhin las rnam gsum yang rgyal ba'i sras dag gis/ theg pa ngan pa rnam pa gnyis las bzlog par bya zhes bya ba la/ dper na skyes bu la zhig bdag la phan
 par 'dod pa bdag gi lus dang sems la mi gnod par bya ba dang/ srog gi bar chad du mi 'gyur bar bya ba'i phyir/ lus dang sems la gnod par 'gyur ba'i dngos po/ /dug dang mtshon dang dgra dang gnam lcags dag la bdag gi gnam las bzlog cing skyo bar byed de/ dug
 mi za? mtshon gyis mi 'debs dgra dang gnam lcags la sogs pa byung na bzlog par byed de/ /de dang 'dra bar byang chub sems dpa' yang/ theg pa ngan pa ste/ nyan thos kyi theg pa dang/ rang sangs rgyas kyi theg pa gnyis kyi spyod pa la lus dang ngag dang yid gsum mi
 'jug cing las gsum gyi sgo nas dge ba spyad pa theg pa gnyis su bsngo bar mi byed do/ /ci'i phyir zhe na/ 'di ni byang chub sems dpa' i zhi ba ste/ gang byang chub sems dpa' i spyod pa btang nas/ nyan thos kyi theg pa la brten pa dang/ lus la sogs pa'i sgo nas dge ba spyad pa
 rnams theg pa ngan par bsngo ba ste/ de ltar bsngos? na theg pa chen po'i dge ba'i rtsa ba rtsa ba nas chad cing med bar 'gyur ba'i phyir ro/ /theg ba chung dur bsngo ba ni dug dang mtshon la sogs pa dang 'dra bar rig na der bsngo bar mi byed de/ 'dis ni theg pa gzhan du ltung ba las
 bslang ba'i thabs bstan to/ /tshigs su bcad pa de gnyis kyi ldang ba'i thabs bstan to zhes bya ba la/ tshigs su bcad pa gnyis pa dang/ gsum pas ni ldang ba'i thabs bstan te/ de la yang tshigs su bcad pa gnyis pas ni theg pa chen po las skye ba las bslang ba'i thabs
 bstan gsum pas ni theg pa gzhan du ltung ba las bslang ba'i thabs bstan te rim ba bzhin du sbyar ro/ /dug la sogs pa dang 'dra ba ni zhes bya ba la sogs pa la/ dper na dug dang mtshon la sogs pas sems can dang sems can ma yin pa dag ma rung zhing 'chi bar byed pa
 de bzhin du lus dang ngag dang yid gsum gyi las theg pa ngan par bsngo pa yang de dang 'ra ste/ theg pa ngan par bsngos pas theg pa ngan pa'i dge ba'i rtsa ba skyer zad kyi/ byang chub chen po 'thob pa'i dge ba'i rtsa ba 'chad par 'gyur ro/ /theg pa chen po la dge ba'i rtsa gcod ba 
 dang/ ma skyes pa'i dge ba'i rtsa ba rnams mi skyed pa dang/ skyes ba'i dge ba'i rtsa ba rnams 'jig pa dang/ sangs rgyas pa phun sum tshogs pa thob pa'i bgegs byed pa'i phyir ro zhes bya ba la/ theg pa ngan bar bsngos pa'i las rnams ni dug
 dang mtshon cha dang 'dra ste/ dge ba'i rtsa ba gcod do zhes bshad pa de ji ltar gcod pa bshad de/ dper na mtshon chas shing gi rtsa ba bcad na lo ma dang/ sdong bu dang/ me tog dang/ 'bras bu rnams mi skye ba de bzhin du/ lus la sogs pa'i sgo nas dge ba spyad pa theg pa
 ngan pa gnyis su bsngos na/ byang chub chen po'i rtsa ba byang chub kyi sems gcod pa dang/ byang chub kyi sems kyi rtsa ba dang myu gu bcad na pha rol tu phyin pa 'dab ma dang 'dra ba dang/ sa bcu'i sdong bu dang 'dra ba dang/ byang chub kyi phyogs sum cu rtsa bdun mi tog dang 'dra ba dang
 stobs dang mi 'jigs pa la sogs pa'i yon tan dang ldan pa byang chub chen po 'bras bu dang 'dra ba mi skye bas na mtshon dang 'dra bar rig par bya'o/ /dper na dugs phyogs gang du phog pa dang lo tog ma skyes brnams mi skye ba de bzhin du/ dge ba'i las theg pa ngan pa
 gnyis su bsngos na theg pa chen po'i dge pa'i rtsa ba ma skyes pa rnams mi skye bas na dug dang 'dra'o/ /dper na gnam lcags kyis mthu dang lo tog rnams skyes pa 'jig cing med par byed pa bzhin du las rnam pa gsum gyi dge ba spyad pa theg pa ngan par bsngos na theg pa
 chen po'i dge pa'i rtsa ba skyes pa'i 'bru rnams 'jig cing med par 'gyur bas gnam lcags dang 'dra'o/ /dper na dgras longs spyod dang dge ba sna tshogs kyi bgegs dang bar chad byed pa de bzhin du las gsum gyi sgo nas dge ba spyad pa theg pa ngan par bsngos na
 sangs rgyas bcom ldan 'das kyi phun sum tshogs pa'i bde ba stobs dang mi 'jigs pa la sogs pa'i yon tan thob pa la bgegs su 'gyur bsan dgra dang 'dra'o zhes bya ba'i don to/ /tshigs su bcad pa bzhi pas ni las gsum rnam par dag pa'i thabs bstan to/
 de'i phyir/ byed pa dang las dang las kyi bya ba gsum du/ rtog pa rtag tu dmigs pa med ces bya ba smos te/ byed ba ni byang chub sems dpa' nyid de/ de yang yod pa'i rtog pa'i dmigs pa med de/ ci'i phyir zhe na/ gang zag la bdag med par rtogs pas yod par rtog
 go zhes bya ba'i don to/ /las ni bsgrub par bya ba'i chos pha rol tu phyin pa drug ste/ de la yang yod par rtog pa'i dmigs pa med do/ /las kyi bya ba ni brtson 'grus gang gis pha rol tu phyin pa sgrub par byed de la yang yod par rtog pa'i dmigs pa med de/ ci'i phyir zhe na/
 chos la bdag med par rtog pas de dag la yod par mi rtog go zhes bya ba'i don to/ /de bas de'i las 'di rnam dag pha rol tu/ 'gro bar 'gyur ba mdza' yas thabs ni gzung ba'i phyir zhes bya ba la/ de bas na byang chub sems dpa' byed pa dang/ las dang/ las kyi bya ba
 gsum la mi rtog cing mi dmigs pa de ni/ byang chub sems dpa' de'i las rnam gsum rnam par dag pa yin te/ ci'i phyir zhe na/ rnam par mi rtog pa'i ye shes kyi thabs kyis zin pa'i phyir las rnam par dag pa zhes bya ste/ las des ni yon tan mdza' yas pa'i pha rol tu 'gro ba
 ste/ 'khor ba'i mthar yang mi zad pa'i mtshan nyid sangs rgyas par 'gyur ro zhes bya ba'i don to/ /thabs dang ldan pa'i las kyi skabs bshad pa rdzogs so// //pha rol tu phyin pa dbye ba bsdu ba'i tshigs su bcad pa ste zhes bya ba la/ thabs dang ldan pa'i las kyi
 skabs bshad pa'i rdzas la/ pha rol tu phyin pa'i skabs bshad pa'i 'brel pa ci yod ce na/ gong du bslab pa gnyis te/ spyi dang khyad par ro zhes smos pa las/ bslab pa'i spyi ni thabs dang ldan pa'i las kyi skabs su bshad de/ de ni dge ba'i las mngon par 'du
 byed pa thams cad la khyab pa yin par bstan to/ /da ni khyad par brjod par bya ste/ de bsan de bshad par bya'o/ /bslab pa'i khyad par ni bdag nyid sangs rgyas kyi tshogs bsags pa la phan par byed de/ de ni pha rol tu phyin pa rnams kyis byed do/ /pha rol tu
 phyin pa rnams ni bdag gi rgyud kyi dge ba kun la khyab pa ste/ de ni phyis 'chad do/ /de la grangs dang/ de bsgrubs na bdag nyid yongs su grol bar 'gyur ro/ /bdag grol na gzhan yang grol yang nus te/ de bsan bdag la phan par bya
 pa'i phyir ni sngar pha rol tu phyin pa bshad do/ /de nas gzhan la phan par bzhag pa'i phyir ni/ bsdu ba'i dngos po bsgrub ste/ de ni phyis 'chad do/ /de la grangs dang de'i mtshan nyid ces bya ba la sogs pa tshigs su bcad pa gcig gis pha rol tu phyin pa'i don bshad
 do/ /longs spyod dang ni bdag lus zhes bya ba la sogs pas pha rol tu phyin pa'i dbye ba bstan to/ /grangs dang de'i mtshan nyid go rim dang zhes bya ba la/ spyi don rnam pa bcus pha rol tu phyin pa 'chad de de ni grangs la sogs pa'o/ /de la pha rol tu phyin pa drug nyid
 du grangs nges kyi/ de las mang du yang mi rung nyung du yang mi rung bar bstan pa ni grangs kyi don gyis bshad pa'o/ /sbyin pa'i mtshan nyid gang yin pa nas/ shes rab kyi mtshan nyid gang yin pa bstan pa ni mtshan nyid kyi don to zhes bshad pa'o/ /dang por ci'i phyir
 sbyin pa/ de'i 'og tu ci'i phyir tshul khrims bshad ces pa'i don bstan pa ni go rim gyi don gyis bshad pa'o/ /nges pa'i tshig dang goms dang yon tan dang zhes bya ba la/ ci'i phyir sbyin pa zhes bya ba nas/ ci'i phyir shes rab ces bya zhes bstan pa ni nges pa'i
 tshig gi don gyis bshad pa'o/ /sbyin pa la ci'i phyir bsgoms pa nas shes rab la ji ltar bsgom pa bstan pa ni goms pa'i don gyis bshad pa'o/ /sbyin pa la yon tan ci yod pa nas shes rab la yon tan ci yod pa bstan pa ni yon tan gyi bshad pa'o/
 de'i dbye ba bsdu dang mi mthun phyogs zhes bya ba la/ sbyin pa la phye na du yod pa nas shes rab la phye na du yod pa bstan p ni de'i dbye bas bshad pa'o /pha rol tu phyin pa drug bsdus na drug las kyang bsdus na 'di tsam zhig ston to zhes bstan ba ni bsdu bas bshad pa'o
 sbyin pa'i mi mthun pa'i phyogs gang yin pa bstan pa nas/ shes rab kyi mi mthun pa'i phyogs gang yin pa bstan pa ni mi mthun pa'i phyogs kyis bstan pa'o/ /yon tan phan tshun nges par shes par bya zhes bya ba la/ sbyin pa'i nang du yang pha rol tu phyin pa drug 'dus pa nas/
 shes rab kyi nang du yang sbyin ba la sogs pa drug 'dus par bstan pa ni yod tan phan tshun nges par bshad pa zhes bya ba'o/ /grangs rnam par dbye ba'i tshigs su bcad ba rnam pa drug ste zhes bya ba la/ 'di ltar pha rol tu phyin pa'i grangS ni drug nyid du bshad/? bdun pa la sogs par mang
 du yang mi bshad/ lnga la sogs pa nyung du yang mi bshad par ci'i phyir grangs drug tu bshad ce na/ grangs nges par bshad pa ni tshigs su bcad pa drug gis bstan to zhes bya ba'i don to/ /dang po ni zhes bya ba la/ pha rol tu phyin pa'i grangs nges pa'i tshigs su bcad pa drug
 gis bstan to zhes glengs pa las tshigs su bcad pa dang po bstan no/ /mngon par 'byung ba'i rgyu dang/ nyon mongs pa'i dbang du mi 'gro ba dang/ bya ba dag la phyin ci log med pa'i dbang du byas nas/ pha rol tu phyin pa drug nyid du bzhag gi /de las grangs mang yang mi mang
 nyung yang mi nyung ngo/ /zhes bya ba'i don to/ /longs spyod dang ni bdag lus phun sum tshogs/ /g.yog 'khor phun sum tshogs pa mngon par 'byung/ /zhes bya ba la mngon par 'byung ba ni 'khor ba'i longs spyod dang bde ba la bya ste/ de'i rgyu ni sbyin pa dang tshul khrims dang
 bzod pa dang brtson 'grus te bzhi'o/ /ji ltar rgyur 'gyur zhe na/ bram ze dang khyim bdag dang gdol ba la sogs pa yod byad kyis phongs ba rnams la/ bza' ba dang bgo ba la sogs pa'i yo byad byin pas longs spyod chen por 'gyur te/ gter dang 'bru la sogs pa phun sum
 tshogs bar 'gyur ro/ /srog gcod pa spangs pa la sogs pa tshul khrims bsrung bas ni bdag gi lus phun sum tshogs par 'gyur te/ ngan song gsum du mi skye ba'i lha dang mi'i nang du skyes nas lha dang mi'i lus 'thob par 'gyur ba'i phyir ro/ /gzhan gyis gnod par
 byas kyang zhe sdang mi ldang zhing slar gnod bar ma byas pa'i bzod pa'i pha rol tu phyin pas ni g.yog phun sum tshogs par 'gyur te/ tshe 'dir sems can la gnod pa ma byas te/ dga' bar byas pas/ tshe rabs gzhan du skye bo mang
 po'i snying du sdug bar 'gyur zhing/ skye bo mang po de'i thad du 'du bar 'gyur bas 'khor phun sum tshogs par 'gyur ro/ /dge ba la sems sbro ba'i mtshan nyid kyis brtson 'grus kyi pha rol tu phyin pa spyad pas ni rtsom pa phun sum tshogs par 'gyur te/
 brtson 'grus dang ldan pa rnams dge ba'i las bya ba dang/ zhing dang tshong la sogs pa 'jig rten gyi bya ba gang dang gang brtsams pa de dang de dag thams cad mthar phyin par 'gyur ba'i phyir ro/ /nyon mongs dbang du mi 'gro dang zhes bya ba la/ lnga ba bsam gtan gyi
 pha rol tu phyin pas ni nyon mongs pa'i dbang du mi 'gro bar byed de/ ci'i phyir zhe na/ sems rtse gcig pa'i mtshan nyid kyi bsam gtan gyi sems kyi rgyud la nyon mongs pa byung ba rnams 'jil zhing gnod ba'i phyir ro/ /bya ba dag la rtag tu log pa med ces bya ba la/
 drug pa ste/ shes rab kyi pha rol tu phyin pas ni bya ba dag la rtag tu phyin ci log med de zhes bya ba ni spang bar bya ba dang blang bar bya ba ste rnam pa gnyis so/ /de la spang bar bya ba la yang shes rab kyis spang bar bya bar shes nas de la mi 'jug go/ blang bar bya ba la yang
 shes rab kyis blang bya bar shes nas len par byed de de bas na bya ba la phyin ci log med do/ /yang na bya ba ni rnam pa bzhi ste/ shes bar bya ba dang/ spang bar bya ba dang/ bsgom par bya ba dang/ mngon du bya ba'o/ /de la sdug bsngal gyi bden pa ni shes par bya ba yin par yongs su
 shes/ kun 'byung ni spang bar bya ba yin par shes/ lam ni bsgom par bya ba yin bar shes/ 'gog pa ni mngon du bya ba yin par shes bas na bya ba la phyin ci log med pa zhes bya'o/ /de la pha rol tu phyin pa bzhi dag gis ni mngon par byung ba rnam pa bzhi ste zhes bya ba la/
 sbyin pa dang/ tshul khrims dang/ bzod pa dang/ brtson 'grus bzhi ni longs spyod chen po la sogs pa 'khor ba'i 'byor pa rnam ba bzhi'i rgyur 'gyur ro zhes bya ba'i don to/ /rtsom pa'i dbang du byas nas zhes bya ba la/ 'di ltar mngon bar 'byung ba la rtsom pa dang/
 kun nas nyon mongs pa med pa la rtsom pa dang/ bya ba ma nor ba la rtsom pa'i dbang du byas nas pha rol tu phyin pa drug nyid du bzhag ste/ mi mang mi nyung ngo zhes bya ba'i don to/ /de la sbyin ba dang/ tshul khrims dang/ bzod pa dang/ brtson 'grus bzhis ni mngon par 'byung
 ba la rtsom mo/ /lnga pa bsam gtan gyi pha rol tu phyin pas ni kun nas nyon mongs pa med ba rtsom mo/ /drug ba shes rab kyi pha rol tu phyin pas ni bya ba la nor pa med par rtsom mo/ /sems can don la rab brtson ba/ /gtong dang mi gnod bzod pas byed/ ces bya ba la tshigs su
 bcad pa gnyis bas ni bdag gi don byed pa dang gzhan gyi don byed pa'i dbang du byas nas/ pha rol tu phyin ba drug nyid du bshad de mi mang mi nyung ngo zhes bya ba'i don to/ /de la sems can gyi don la brtson pa'i byang chub sems dpa' ni/ sbyin pa dang tshul khrims dang/ bzod ba dang gsum
 gyi ni/ gzhan gyi don byed de/ ji lta zhe na/ sbyin pas ni bza' ba dang bgo ba la sogs pa gtong bas don byed do/ /tshul khrims kyis ni/ gzhan gyi srog mi gcod/ nor ma byin par mi len/ chung ma la mi tshangs par mi spyod/ /gnod par mi byed pas don byed do/ /bzod pas ni bdag gi
 grog dang/ nor dang chung ma la gzhan gyis gnod pa byas kyang/ lan mi ldan te bzod pa byas bas don byed do/ /gzhi dang bcas nas grol ba yis/ /rnam pa kun tu bdag don spyod ces bya ba la/ brtson 'grus dang/ bsam gtan dang/ shes rab gsum gyis ni/ rnam pa thams cad du bdag gi
 don byed de/ ji lta zhe na/ gzhi dang bcas pa'i sems gnas pas sems grol bar byas ba'i phyir bdag gi don byed do/ /de la gzhi ni brtson 'grus kyi pha rol tu phyin pa'o/ /gnas ni bsam gtan gyi pha rol tu phyin pa'o/ /grol ba ni shes rab kyi pha rol tu phyin pa ste/ de'i rim pa yang brtson
 'grus brtsams na bsam gtan thob par 'gyur ro/ /bsam gtan gyis sems mnyam par ma bzhag pa mnyam par 'jog par byed do/ /sems mnyam par bzhag na shes rab skye bar 'gyur ro/ /shes rab kyis ni nyon mongs pas sems grol bar byed de/ de
 ltar na gzhan gyi don dang/ bdag gi don gyi dbang du byas nas pha rol tu phyin pa drug nyid du bshad de mi mang ni nyung ngo zhes bya ba'i don to/ /phongs ba med dang mi 'tshe 'tshe ba shin tu bzod pa dang/ bya bas mi sbyo? mgu byed legs par bshad/ /gzhan don bdag gi don 'gyur gsum
 pa'o zhes bya ba la/ tshigs su bcad pa gsum pas ni byang chub sems dpa' rnams sbyin pa la sogs pa pha rol tu phyin pa drug gis gzhan gyi don rdzogs par byed pa de ston te/ ji ltar zhe na/ sbyin pas ni sems can la yo byed gang dang gang phongs pa'i yo byad de dang de dag byin te/
 phongs pa med par byas pas gzhan gyi don byed do/ /tshul khrims kyis ni gzhan gyi srog dang nor dang chung ma la gnod pa mi byed cing/ mi 'tshe bas don byed do/ /bzod bas ni bdag gi srog dang nor dang chung ma la gnod pa byas te/ gtses kyang bzod pas don byed do/ /brtson
 'grus kyis ni sems can gyi las su bya ba rnams kyi grogs bya ba la skyo ba med pas don byed do/ /bsam gtan gyis ni 'bar ba dang 'phur ba la sogs ba'i rdzu 'phrul bsgrubs nas sems can mgu bar byas shing dad pa bskyed pas don byed do/ /shes rab kyis ni chos rnams kyi rang dang
 spyi'i mtshan nyid phyin ci ma log par bshad nas sems can gyi the tshom sel bar byed de/ de ltar pha rol tu phyin pa drug gis gzhan gyi don byas pa de nyid byang chub sems dpa' i bdag gi don te/ ci'i phyir zhe na/ de ltar gzhan gyi don byas pa las bdag nyid bla na med pa'i byang chub
 thob pa'i phyir ro/ /de ltar rang dang gzhan gyi don rdzogs pa'i dbang du byas nas pha rol tu phyin pa drug nyid du bshad de/ mi mang mi nyung bar sbyar ro zhes bya ba'i don to/ /longs spyod dag la mi dga' zhing zhes bya ba la sogs pa tshigs su bcad pa bzhi pas ni theg pa chen po byang chub
 sems dpa' i spyod pa ma lus pa bsdu pa'i dbang du byas nas pha rol tu phyin pa drug nyid du bshad de/ mi mang mi nyung ngo zhes bya ba'i don to/ /de la longs spyod kyi sgras ni gzugs la sogs pa 'dod pa lnga'i yon tan la bya'o/ /de la longs spyod la mi dga' ba ni sbyin pa'i pha rol tu phyin pa
 ste/ ci'i phyir zhe na/ sbyin pa la gnas dang longs spyod la mi lta ste/ phyi dang nang gi dngos po gang la yang mi btang du mi rung ba'i chags pa med pa'o /shin tu gtsor byed ces bya ba la/ byang chub sems dpa' i gtsor byed pa ni tshul khrims kyi pha rol tu phyin pa ste/ ci'i phyir zhe na/
 tshul khrims yang dag par blangs pa dang/ byang chub sems dpa' i bslab tshig la nyes byas phra mo rdul tsam la yang bag byed cing bsrung ba'i phyir ro/ /gnyis mi skyo zhes bya ba la/ gnyis kyi sgras ni sems can dang sems can ma yin pa la bya ste/ de gnyis kyis mi skyo ba ni bzod pa'i
 pha rol tu phyin pa dang/ brtson 'grus kyi pha rol tu phyin pa'o/ /de la bzod pa'i pha rol tu phyin pas ni sems can gyis mi skyo ste/ sbrang bu dang sha sbrang dang mi la sogs pa gnod par byas kyang bzod pa la gnas pa rnams slar gnod ba mi byed cing/ sems can mi gtong ba'i phyir ro//
 sems can ma yin pas mi skyo ba ni brtson 'grus kyi pha rol tu phyin pa ste/ brtson 'grus kyis nyan pa dang/ sems pa la sogs pa'i dge ba la zhugs pa na/ rlung dang tsha ba dang char pa dang grang ba dang bkres pa la sogs pa'i phyi'i sdug bsngal 'byung yang dge ba la brtson 'grus mi
 gtong pa'i phyir ro/ /yang na gnyis kyi sgras ni/ ye shes kyi ctshogs dang bsod nams kyi tshogs la ya ste de la mi skyo ba ni bzod pa dang brtson 'grus kyi pha rol tu phyin pa ste/ de la bzod pas ni/ ye shes kyi tshogs la mi skyo'o/ /ji ltar zhe na/ gnod pa nyams su len pa'i bod pa dang/ sdug
 bsngal la ji mi snyam pa'i bzod pa dang/ chos la nges par rtog pa'i bzod pa gsum las/ chos la des par rtog pa'i bzod pas/ chos thams cad mi rtags dang/ sdug bsngal ba dang/ stong pa dang/ bdag med par bzod do/ /de bas na bzod pas ni ye shes kyi tshogs la mi skyo'o/ / 
 brtson 'grus kyis ni bsod nams kyi tshogs la mi skyo ste/ sbyin pa dang/ tshul khrims la sogs pa bsod nams kyi tshogs bsags pa na brtson 'grus mi gtong ba'i phyir ro/ /rnam par mi rtog rnal 'byor zhes pa la/ tha ma'i bsam gtan dang/ shes
 rab kyi pha rol tu phyin pa gnyis kyis ni rnam par mi rtog pa'i ting nge 'dzin sgrub ste/ ci'i phyir zhe na/ de gnyis kyis zhi gnas dang lhag mthong zung du 'brel ba'i bsam gtan bsgoms pa'i phyir ro/ /de la bsam gtan ni zhi gnas so/ /shes rab ni lhag mthong ngo/ /'dis
 ni ma lus theg pa mchog ces bya zhes bya ba la/ theg pa mchog ni theg pa chen po la bya ste/ longs spyod la mi dga' ba dang/ bslab pa la/ gtsor byed pa gnyis kyis mi skyo ba dang/ rnam par mi rtog pa la rnal 'byor pa ste/ theg pa chen po'i don ni 'di tsam du zad do/ /de las
 lhag pa med do zhes bya ba'i don to/ /bzod pa dang brtson 'grus gnyis kyis ni seMs can dang sems can ma yin pas zhes bya ba la sogs pa la/ bzod pas mi dang sbrang bu la sogs pa/ sems can gyis gnod par byas pa dang tsha ba dang rlung la sogs pa sems can ma yin pas gnod
 par byas ba'i sdug bsngal bzod do/ /brtson 'grus kyis ni nyan ba dang sems ba la sogs ba'i dge ba la mi skyo ba ste/ brtson 'grus kyi dge ba la sbyor ba'i (yang)? mi gtong bar byed ba'i phyir ro/ /yul rnams la ni ma chags lam zhes bya ba la sogs pa tshigs su bcad pa lnga pas ni/ lam thams
 cad bsdus pa'i dbang du byas nas/ pha rol tu phyin ba drug nyid du bshad de/ mi mang mi nyung ngo/ /de la yul gyi sgras ni 'dod pa lnga'i yon tan la bya ste/ de lam chags pa'i lam ni sbyin ba'i pha rol tu phyin pa'o/ /ji ltar zhe na/ sbyin pa la gnas pas ni rtag tu phyi dang nang gi
 dngos po gtong pa la goms pas yul thams cad gtong bar byed kyi/ yul la chags par mi byed pas na yul lam chags ba'i lam du 'gyur ro/ /de thob g.yeng ba bsdam pa gzhan zhes bya ba la/ gzhan gyi sgras ni tshul khrims kyi pha rol tu phyin pa la bya ste/ de thob pa g.yeng ba
 sdom? ba'i lam ni tshul khrims kyi pha rol tu phyin pa'o/ /de la de'i sgras ni 'dod pa lnga'i yon tan la bya ste/ g.yeng ba ni 'dod pa lnga'i yon tan thob par bya ba'i phyir bya ba mang po la 'jug pa'i phyir ro/ /tshul khrims kyis ni de sdom ste/ 'dod pa lnga'i yon tan thob par bya ba'i phyir
 'jig rten gyi las kyi g.yeng ba'i bya ba mang po la mi 'jug pas so/ /sems can mi gtong zhes bya ba la sems can mi gtong ba'i lam ni bzod pa'i pha rol tu phyin pa ste/ bzod pa la gnas na sems can gyis brdeg par bya ba dang/ bcing ba la sogs pa'i
 gnod pa byas shing sdug bsngal bskyed kyang/ sems can mi gtong zhing sdug bsngal gyis mi skyo ba'i phyir ro/ /'phel ba dang zhes bya ba la/ dge ba 'phel ba'i lam ni brtson 'grus kyi pha rol tu phyin ba ste/ brtson 'grus la gnas na dge ba'i chos chu bo'i rgyun bzhin du rgyun
 mi 'chad bar 'phel ba'i phyir ro/ /sgrib pa rnam sbyong? gzhan yin no/ zhes bya ba la/ gzhan gyi sgras ni bsam gtan dang shes rab kyi pha rol tu phyin pa gnyis la bya ste/ sgrib pa spyod ba'i lam ni bsam gtan dang shes rab gnyis te/ ji ltar zhe na/ bsam gtan gyis ni nyon
 mongs pa'i sgrib ba sbyong bar byed/ shes rab kyis ni shes bya'i sgrib pa sbyong bar byed do/ /yang na bsam gtan dang shes rab kyis nyon mongs pa dang/ shes bya'i sgrib pa 'jil bar byed/ shes rab kyis ni nyon mongs pa dang shes bya'i sgrib ba rtsa ba nas 'byin par byed do/ /lam
 gyi sgra ni thabs la bya ste/ yul lam chags pa'i thabs zhes bya ba nas/ sgrib pa sbyong ba'i thabs zhes bya bar sbyar ro/ /bslab pa gsum gyi dbang byas te/ /pha rol tu phyin drug rgyal bas gsungs zhes bya ba la/ tshigs su bcad pa drug pas lhag pa'i tshul khrims kyi bslab
 pa dang/ lhag pa'i sems gyi bslab pa dang/ lhag pa'i shes rab kyi bslab pa'i dbang du byas nas rgyal ba sangs rgyas bcom ldan 'das kyis pha rol tu phyin pa drug nyid du bshad de mi mang mi nyung ngo zhes bya ba'i don to/ /thog ma gsum zhes bya ba la/ thog ma'i pha rol tu phyin
 pa gsum ni lhag ba'i tshul khrims kyi bslab pa zhes bya ste/ thog ma'i pha rol tu phyin pa gsum gang zhe na/ sbyin pa dang tshul khrims dang bzod ba'o/ /rnam gnyis tha ma'i gnyis zhes bya ba la/ rnam gnyis ni lhag pa'i sems kyi bslab
 pa dang/ lhag pa'i shes rab kyi bslab ba ste/ de gnyis ni pha rol tu phyin ba tha ma gnyis kyis bstan to/ /pha rol tu phyin pa tha ma gnyis ni bsam gtan gyi pha rol tu phyin ba dang/ shes rab kyi pha rol tu phyin ba'o/ /de la bsam gtan gyi pha rol tu phyin pa la ni
 lhag ba'i sems kyi bslab pa zhes bya ste/ bsam gtan gyis sems pa dang nye bar gnas pa la sogs pa byed pa'i phyir ro/ /shes rab kyi pha rol tu phyin ba la ni lhag pa'i shes rab kyi bslab pa zhes bya'o/ /de la lhag pa'i tshul khrims kyi bslab pa ni dang po'i pha rol tu yin
 pa gsum zhes bya ba las/ sbyin pa dang tshul khrims dang/ bzod ba dang gsum ni lhag ba'i tshul khrims kyi bslab par gtogs so zhes bya ba'i don to/ /smas pa/ tshul khrims la ni/ lhag pa'i tshul khrims kyi bslab pa zhes byar rung na/ sbyin pa dang bzod pa gnyis ji ltar
 lhag ba'i tshul khrims kyi bslab par bsdu zhe na/ de'i phyir/ tshogs dang bcas pa dang 'khor du bcas gzung ba'i phyir ro/ /zhes bya ba la/ tshul khrims kyi tshogs dang bcas pa dang/ tshul khrims kyi 'khor dang bcas pa gzung ba'i phyir/ sbyin pa dang bzod ba gnyis
 kyang lhag pa'i tshul khrims su gtogs so/ /de la tshogs zhes bya ba ni rgyu dang gzhi la bya ste/ tshul khrims kyi gzhi dang rgyu ni sbyin pa'i pha rol tu phyin pa'o/ /tshul khrims kyi 'khor dang grogs ni/ bzod pa'i pha rol tu phyin pa'o/ /sbyin ba ji ltar tshul khrims kyi rgyur
 'gyur zhe na/ de'i phyir/ sbyin ba ni longs spyod la mi lta bas tshul khrims yang dag par len to/ /zhes smos te sbyin pa la gnas na bu smad dang nor rdzas la sogs pa'i longs spyod la mi lta zhing mi chags te/ longs spyod la ma chags na tshul khrims len par byed de/ de bas na
 tshul khrims kyi rgyu dang tshogs su 'gyur ro/ /bzod pa ji ltar 'khor du 'gyur zhe na/ de'i phyir/ yang dag par blangs bar bzod pas gshe ba las slar mi gshe ba la sogs pa'o zhes smos te/ tshul khrims yang dag par blangs pa rnams la bzod pa yod ba dang/ gshe ba la
 slar mi gshe ba dang/ brdeg ba la slar mi brdeg pa la sogs pa'i tshul khrims kyis bzod pas tshul khrims srung bar byed pas na tshul khrims kyi 'khor du 'gyur ro/ /mtshan nyid rnam par dbye ba'i tshigs su bcad pa drug ste/ zhes bya ba la/ grangs dbye ba tshigs su bcad pa drug
 gis bstan nas/ da ni pha rol tu phyin pa drug gis mtshan nyid dbye ba tshigs su bcad ba drug gis ston te/ pha rol tu phyin pa drug re re'i mtshan nyid tshigs su bcad pa re res bstan te/ de ltar na pha rol tu phyin pa drug yod bas tshigs bcad kyang drug tu 'gyur ro/ /de la sbyin
 pa'i pha rol tu phyin pa'i mtshan nyid ni rnam pa bzhi ste/ mi mthun pa'i phyogs spangs pa'i mtshan nyid dang/ rnam par mi rtog pa'i ye shes kyis zin pa'i mtshan nyid dang/ 'dod ba thams cad yongs su rdzogs par byed pa'i mtshan nyid dang/ sems can rnam par smin pa'i mtshan nyid do/ /sbyin
 pa'i mi mthun phyogs spangs dang zhes bya ba la/ byang chub sems dpa' i sbyin pa'i mi mthun pa'i phyogs ni ser sna te/ de thams cad nas thams cad du spangs bas na mi mthun pa'i phyogs spangs ba'i mtshan nyid ces bya'o/ /rnam par mi rtog ye shes ldan zhes bya ba la/ byang chub sems
 dpas gang zag dang chos la bdag med bar khong du chud bas/ gtong ba po dang/ rdzas dang/ len ba po mi dmigs te/ de bas na rnam par mi rtog pa'i ye shes kyis zin pa zhes bya'o/ /de la gang zag la bdag med par khong du chud pas ni gtong ba po mi dmigs so/ /chos la bdag
 med par khong du chud pas ni rdzas dang len ba po mi dmigs so/ /'dod ba thams cad yongs rdzogs byed ces bya ba la/ bram ze dang tshor ba dang gdol ba la sogs pa/ bza' ba dang bgo ba la sogs pa gang 'dod pa bsam pa bzhin du de dang de dag gtong bar byed de /de bas
 na 'dod ba thams cad yongs su rdzogs pa'i mtshan nyid do/ /sems can rnam bar smin byed gsum zhes bya ba la/ de ltar sbyin pas bsdus nas nyan thos dang/ rang sangs rgyas dang/ theg pa chen po la 'jog par byed de/ de bas na sems
 can yongs su smin par byed pa'i mtshan nyid do/ /mi mthun phyogs spangs tshul khrims dang zhes bya ba la/ tshul khrims kyi mi mthun pa'i phyogs ni srog gcod pa la sogs pa tshul khrims ngan ba ste/ de thams cad nas thams cad du spangs pas na mi mthun pa'i phyogs spangs
 pa'i mtshan nyid ces bya'o/ /rnam par mi rtog ye shes ldan zhes bya ba la/ gang zag dang chos la bdag med bar khong du chud pas/ skyes bu dang/ tshul khrims dang/ tshul khrims sgrub par byed pa gsum mi dmigs pas ni/ rnam bar mi rtog pa'i ye shes dang ldan pa'i mtshan
 nyid do/ /'dod pa thams cad yongs rdzogs byed ces bya ba la/ sems can 'di dag 'di snyam du sems te/ e ma'o/ /'di ltar byang chub sems dpa' i lus dang/ ngag dang yid gsum gyis bdag cag gi lus dang/ longs spyod dang/ chung ma la sogs pa la gnod ba ma byas na legs
 so snyam sems ba las byang chub sems dpas de snyam du gnod pa mi byed de/ de bas na 'dod pa thams cad yongs su rdzogs par byed ba'i mtshan nyid do/ /sems can yongs su smin byed gsum zhes bya ba la/ tshul khrims kyis bsdus nas sems can theg pa gsum la 'jog par
 byed de/ de bas na sems can yongs su smin par byed pa'i mtshan nyid do/ /mi mthun phyogs spangs bzod pa dang zhes bya ba la/ bzod pa'i mi mthun pa'i phyogs ni zhe sdang ste de med pas na mi mthun pa'i phyogs spangs ba'i mtshan nyid do/ /rnam par mi rtog ye shes ldan zhes bya
 pa la/ gang zag dang chos la bdag med par khong du chud bas na/ skyes bu dang/ bzod ba dang/ sgrub ba gsum mi dmigs bas na rnam par mi rtog pa'i ye shes dang ldan pa'i mtshan nyid do/ /'dod ba thams cad yongs su rdzogs byed ces bya ba la/ gal te gzhan dag
 gis lus la sogs pas byang chub sems dpa' la gnod par byed de/ gnod par byas nas sems can 'di snyam du/ e ma'o/ /byang chub sems dpa' 'dis bdag cag la gnod bar mi byed cing bzod kyang ci ma rung snyam du sems pa las sems can gyi bsam pa bzhin du
 sems can la gnod pa mi byed cing nyes pa bzod par byed pas na 'dod pa thams cad yongs su rdzogs par byed pa'i mtshan nyid do/ /sems can rnam par smin byed gsum zhes bya ba la/ bzod pas bsdus nas theg pa gsum du bkod pas na/ sems can yongs su
 smin par byed pa'i mtshan nyid do/ /mi mthun phyogs spangs brtson 'grus dang zhes bya ba la/ brtson 'grus kyi mi mthun pa'i phyogs ni le lo ste/ de med pas mi mthun pa'i phyogs spangs pa'i mtshan nyid do/ /rnam par mi rtog ye shes ldan zhes bya ba la/ chos dang
 gang zag la bdag med par khong du chud pas na skyes bu dang/ brtson 'grus dang/ sgrub ba gsum mi dmigs pa'i phyir rnam par mi rtog pa'i ye shes dang ldan pa'i mtshan nyid do/ /'dod pa thams cad yongs rdzogs dang zhes bya ba la/ brtson 'grus kyis
 sems can gyi las su bya ba gang dang gang yod pa'i grogs byed pas na 'dod pa yongs su rdzogs pa'i mtshan nyid do/ /sems can yongs su smin byed gsum zhes bya ba la/ brtson 'grus kyis bsdus nas sems can rnams theg pa gsum du rdzogs par byed pas na/ sems
 can yongs su smin par byed pa'i mtshan nyid do/ /mi mthun phyogs spangs bsam gtan dang zhes bya ba la/ bsam gtan gyis mi mthun pa'i phyogs ni sems g.yengs pa ste/ de med pas na/ mi mthun pa'i phyogs spangs pa'i mtshan nyid do/ /rnam par mi rtog ye
 shes ldan zhes bya ba la/ gang zag dang chos la bdag med par khong du chud pa/ skyes bu dang/ bsam gtan dang/ sgrub par byed pa gsum mi dmigs par byed pa'i phyir/ rnam par mi rtog pa'i ye shes dang ldan pa'i mtshan nyid ces bya'o/ /'dod pa
 thams cad yongs rdzogs byed ces bya ba la/ bsam gtan gyis rdzu 'phrul sprul nas/ sems can gyi yid bzhin du rdzu 'phrul rnam pa sna tshogs ston pas 'dod pa thams cad yongs su rdzogs pa'i mtshan nyid do/ /sems can
 rnam par smin byed gsum zhes bya ba la/ bsam gtan gyis bsdus nas theg ba gsum du bkod pas na/ sems can yongs su smin par byed pa'i mtshan nyid do/ /mi mthun phyogs spangs shes rab dang zhes bya ba la/ shes rab kyi mi mthun pa'i phyogs
 ni/ rtag pa dang chad pa la sogs par lta ba'i 'chal ba'i shes rab ste/ de med pas na mi mthun pa'i phyogs spangs pa'i mtshan nyid do/ /rnam par mi rtog ye shes ldan zhes bya ba la/ skyes bu dang/ shes rab dang/ sgrub pa gsum mi dmigs pa'i
 phyir/ rnam par mi rtog pa'i ye shes dang ldan pa'i mtshan nyid do/ /'dod pa thams cad yongs rdzogs byed ces bya ba la/ shes rab kyis chos rnams kyi rang dang spyi'i mtshan nyid phyin ci ma log par shes par byas nas/ sems can gyi the tshom bcad
 na 'dod ba thams cad yongs su rdzogs pa'i mtshan nyid do/ /sems can rnam par smin byed gsum zhes bya ba la/ shes rab kyis bsdus nas sems can rnams theg pa gsum la bkod pas na/ sems can yongs su smin par byed pa'i mtshan nyid do/ /go
 rim rnam par dbye ba'i tshigs su bcad pa zhes bya ba la/ pha rol tu phyin pa drug gi mtshan nyid bshad nas/ da ni go rim 'chad de/ de la dang por sbyin pa bshad/ de nas tshul khrims/ de nas bzod pa/ de nas brtson 'grus/ de nas bsam gtan/ de nas
 shes rab ste/ go rim ji ltar bkod ce na/ rgyu rnam pa gsum gyi phyir go rim de ltar bkod do zhes bstan pa'i phyir tshigs su bcad pa gcig rtsom mo/ /rgyu dang por bstan pa'i phyir ro/ /sngon la phyi ma brten las skye zhes bya ba smos te/ pha rol tu phyin pa snga ma snga
 ma la brten nas pha rol tu phyin pa phyi ma phyi ma 'byung ste/ snga ma snga ma ni rgyu phyi ma phyi ma ni 'bras bu yin pas rgyur gyur ba ni sngar bshad/ 'bras bur gyur ba ni phyis 'chad do/ /ji ltar zhe na/ longs spyod rnam pa sna tshogs la chags na ni khyim gyi gnas btang nas tshul
 khrims len par mi nus kyi/ longs spyod la chags pa med pa dang/ khyim nas khyim med par rab tu 'byung ste/ de bas na sbyin pa rgyur 'gyur ba'i phyir sngar bshad/ tshul khrims 'bras bu yin pas ni phyis bshad de/ /don pa'i ngang tshul dag gis ni gshe ba dang brdeg pa la mi brdeg par bzod
 par mi nus kyi tshul khrims dang ldan pa gshe ba la slar mi gshe ba dang/ brdeg ba la slar mi brdeg bar bzod pas/ tshul khrims rgyu yin bas/ bzod pa 'bras bu yin pas na tshul khrims gyi 'og tu bzod ba bshad do/ /de ltar grang ba dang tsha ba dang bkres pa dang skom ba la sogs
 pa mi bzod na ni brtson 'grus rtsom par mi nus kyi/ grang ba dang tsha ba dang bkres pa dang skom ba la sogs pa bzod na gdod brtson 'grus rtsom nus bas na bzod pa rgyu yin la/ brtson 'grus 'bras bu yin pas/ bzod ba'i 'og tu brtson 'grus bshad do/ /dge ba la rgyun tu brtson 'grus
 brtsams na/ sems rtse gcig pa'i mtshan nyid ting nge 'dzin skye ste/ brtson 'grus rgyu yin la/ bsam gtan 'bras bu yin pa brtson 'grus kyi 'og tu bsam gtan bshad do/ /ting nge 'dzin gyis sems mnyam par bzhag na 'phags pa'i bden pa bzhi yang dag pa ji lta ba bzhin du shes
 pa'i shes rab 'byung ste/ bsam gtan ni rgyu yin la shes rab ni 'bras bu yin bas bsam gtan gyi 'og tu shes rab bshad de/ de'i phyir go rim de ltar bkod do/ /rgyu gnyis pa bstan ba'i phyir/ tha ma dang ni dam pa'i gnas zhes bya ba smos te/ gang tha ma'i gnas su gyur pa ni
 sngar bshad la/ gang dam ba'i gnas su gyur ba ni phyis bshad de/ sbyin ba tha mar byung bas na sngar bshad la/ tshul khrims dam par gyur pas ni phyis bshad pa nas/ bsam gtan tha mar gyur bas na sngar bshad la shes rab dam par gyur bas na phyis bshad de 
 de'i phyir yang pha rol tu phyin pa drug gi go rim de ltar bzhag go/ ji ltar snga ma tha ma la phyi ma dam pa zhe na/ 'di ltar sbyin pa gtong zhing byed kyang 'dod chags dang zhe sdang la sogs ba'i rgyas srog gcod ba la sogs ba'i bas byed pas na nyon
 mongs ba dang 'dres ba'i phyir tha ma'o/ tshul khrims ni lus dang ngag dang yid gsum bsngams te/ srog gcod pa la sogs pa'i las mi 'byung bas dam pa'i gnas so/ /tshul khrims kyis gzhan gyi srog dang nor la gnod pa mi byed btsam du zad/ bdag la
 gzhan gyis srog dang nor la gnod bar byas kyang bzod par mi nus kyi/ bzod pas ni bdag gi srog dang nor la gzhan gyis gnod ba byas kyang bzod de/ gnod par mi byed pas tshul khrims pas nyon mongs pa chud ste/ dam bar gyur pas na de'i 'og tu
 bzod pa bshad do/ /bzod ba'i dus na yang gzhan la gnod pa mi byed pa tsam du zad de/ dag? ba'i chos la rgyun du 'jug ba med bar zad kyi/ brtson 'grus kyis ni dge ba la rgyun du bsgom ba bzod bas dam par gyur ba'i phyir/ de'i 'og tu brtson 'grus
 bshad do/ /brtson 'grus kyi dus na dge ba la rgyun du bsgrub ba tsam du zad de nyon mongs pa 'jil bar mi byed kyi/ bsam gtan gyis ni nyon mongs pa 'jil bar byed bas na brtson 'grus pas dam bar gyur pa'i phyir/ de'i 'og tu bsam gtan bshad do//
 bsam gtan gyis nyon mongs ba 'jil? bar byed pa tsam du zad de/ nyon mongs pa rtsa ba nas mi 'byin gyi/ shes rab kyis nyon mongs pa rtsa ba nas 'byin te/ bsam gtan pas dam bar gyur pa'i phyir de'i 'og tu shes rab bshad do/ /rgyu gsum pa bstan pa'i phyir/ chen po
 dang ni phra ba'i phyir zhes smos te/ gang che zhing rigs pa rnams ni sngar bshad la/ gang phra zhing dka' ba rnams ni phyis bshad de/ sbyin ba ni rags shing sbom pas na sngar bshad la/ de bas na tshul khrims phra bas gyis bshad pa nas/ bsam gtan sgom pas sngar bshad /de
 bas shes rab phra bas na phyis bshad do/ /sbom ba zhes bya ba ni 'jug bla zhing sbyang sla ba'i don la/ phra ba ni 'jug dka' zhing spyad dka' ba'i don tog? de la sbyin ba ni bya ste/ rgyal po dang blon po la sogs pas sbyin pa gto ba bzhin du/ gdol ba dang gdol bu la sogs pas kyang sbyin pa gtong rab ni
 nus kyi tshul khrims bsrung bar mi nus bas na sbyin pa ni bya sgra'i/ tshul khrims ni bya dka' o/ /tshul khrims kyis gzhan gyi srog dang nod la gnod pa mi byed pa tsam du zad pas bya sla'i/ bzod pas ni bdag gi srog dang nor la gnod pa byas kyang slar gnod pa mi byed de bzod pa ni byed dka' o/ /bzod
 pas ni bdag la gnod pa byas pa la lan mi glan zhing bzod bar bya ba tsam du zad pas bya sla'i/ brtson 'grus kyis ni de bas kyang lhag bar dge ba la rgyun du bsgrub pas ni bya dka' / /brtson 'grus kyis ni dge ba la rgyun du 'jug ba tsam du zad de/ nyon mongs pa mi 'jil bas bya sla'i/ bsam gtan
 gyas? ni nyon mongs pa 'jil bar byed bas na bya dka' o/ /bsam gtan gyis ni nyon mongs pa 'jil btsam du zad bas bya sla'i/ shes rab kyis ni 'phags pa'i bden pa la sogs pa'i tshes rnams shes par byed pas na bya dka' o/ /nges pa'i tshig rab tu dbye ba zhes bya ba'i tshigs su bcad ba zhes bya ba la/ go
 rim kyi don bshad nas/ da ni pha rol tu phyin pa drug gi nges ba'i tshig bshad de/ ci'i phyir sbyin pa zhes bya ba nas/ ci'i phyir shes rab ces bya ba'i don bshad do zhes bya ba'i don to/ /dbul ba 'dor bar byed pa dang zhes bya ba la/ rgya gar skad du sbyin pa la dam? zhes 'byung ste/ de'i tshig gi don ni dA ni
 dbul ba'i don to/ /na ni 'dor ba'am med par byed pa'i don to/ /bram ze dang tshor ba la sogs pa bza' ba dang bgo ba gang dang gang gis phongs pa de dang de byin nas len pa po tshe 'dir 'ongs pa dang dbul ba med par byas pas dbug ba 'dor bar byed do/ /gtong ba bos tshe 'dir phye dang nang gi dngos po btang nas tshe
 ? gzhan du cis? kyang phongs pa med cing longs spyod phun tshogs par 'gyur te/ dbul ba 'dor bar byed bas na sbyin ba zhes bya'o/ /bsil ba thob bde ba zhes bya ba la/ tshul khrims la rgya gar skad du shI ba zhes 'byung ste/ shI ni bsil ba'i don la/ ? ni thob pa'am len ba'i don to/ /tshul khrims dang ldan ba rnams
 tshe 'dir yul la chags pa'i don du 'dod chags dang zhe sdang la sogs pa'i rgyus lus dang dag gi sgo nas bya ba sna tshogs kyi sdug bsngal ba'i gdung bar byed pa mi 'thob ? 'gyur ba dang/ de'i rgyus tshe rabs gzhan du yad? ngan song gi gnas su mi myong zhing/ lha dang mi'i
 bsil? ba'i bde ba 'thob bar 'gyur ba dang/ mjug tu mya ngan las 'das pa'i bde ba'i bsil ba 'thob par byed bas na tshul khrims zhes bya'o/ /bro bzad ces bya ba la/ bzod ba'i sgra rgya gar skad du ? zhes 'byung ste/ k+ShAn ni zad pa la bya/ ti ri byed ba la bya ste/ bzod pa la gnas na bzod ba des bdag gi
 sems kyi rgyud la yod pa'i zhe sdang zad par byed pas na bzod pa zhes bya'o/ /dam bar sbyor ba dang zhes bya ba la/ brtson 'grus kyi rgya gar skad du bIrya zhes 'byung ste/ de la bI ni dam ba'i don la/ rya ni sbyor ba'i don to/ /'jig rten las 'das pa'i dge ba'i rtsa ba dam pa la sbyor bas na/ brtson 'grus
 zhes bya'o/ /yid 'dzin dang zhes bya ba la/ bsam gtan gyi sgra rgya gar skad du d+hya na zhes 'byung ste/ d+hya la ya btags yod ba de'i don du drangs na/ 'dzin ba'i don du 'gro ste/ sems phyi rol tu mi g.yeng bar nang du 'dzin bar byed bas na bsam gtan zhes bya'o/ /don dam shes pa rnams
 gsum bshad ces bya ba la/ shes rab kyi sgra rgya gar skad du badzrA zhes 'byung ste/ de la don dam par ni bar mar tha zhes bya bas/ pa la ra btags pa/ pa'i 'og tur bzhag na par mar tha zhes don dam pa'i tshig du brjod la/ dz+nyA ni shes ba la bya ste/ skye 'gag med pa'i don dam pa shes?
 na shes rab ces bya'o/ sgom pa rnam par dbye ba zhes bya ba'i tshigs su bcad pa la/ pha rol tu phyin pa drug gi nges ba'i tshig bshad nas da ni bsgom ba bshad de/ sbyin pa'i pha rol tu phyin pa la/ ji ltar bsgom pa nas/ shes rab kyi pha rol tu phyin pa la ji ltar bsgom pa tshigs
 su bcad pa gcig gis bstan to/ /zhes bya ba'i don to/ /bsgom pa dngos la gnas pa dang/ yid la byed pa de bzhin bsam/ /thabs dang dbang yod dag la yang zhes bya ba la/ sbyin pa'i pha rol tu phyin pa la bsgom pa rnam ba lnga ltar bsgom ste/ lnga ni dngos
 pas gnas te bsgom pa dang/ yid la byed pa la gnas te bsgom pa dang/ de bzhin du bsam pa la gnas te bsgom pa dang/ thabs pa gnas te bsgom pa dang/ dbang yod pa la gnas te bsgom pa'o/ /de ni dngos po la gnas te bsgom pa rnam pa bzhi'o/ /yid la byed pa la gnas te bsgom ba rnam
 pa bzhi'o/ /bsam pa la gnas te bsgom ba rnam pa drug go /thabs la gnas te bsgom ba rnam pa gsum mo /dbang yod pa la gnas te bsgom pa rnam pa gsum mo/ /de dag de bzhin thams cad bshad ces bya ba la/ ji ltar sbyin pa la rnam pa lnga ltar bsgom pa de bzhin du/ tshul khrims nas shes rab kyi
 bar du lhag na rnams la yang dngos bo la gnas te bsgom pa nas/ phyin pa drug sgrub cing bsgom ba la dga' ste/ pha rol tu pa/ bshad do zhes bya ba'i don to/ /de la dngos po la gnas pa rnam pa bzhi ste zhes bya ba la/ dngos po zhes bya ba dang/ don zhes bya ba dang/ rdzas zhes bya ba dag don gcig ste/
 dngos po la rdzas zhes bya bar ci mngon zhe na/ mdo las rdzas kyi dngos po bdun dang ldan pas bsod nams byed pa'i rigs kyi bu dang rigs kyis bu mo ni bsod nams rtag tu 'phel lo zhes gsungs pa'i phyir ro/ /dngos bo la gnas te bsgom pa yang rnam pa bzhi ste/ rgyu la
 gnas pa dang/ rnam par smin pa la gnas pa dang/ smon lam la gnas pa dang/ so sor rtog pa'i stobs la gnas pa'o/ /rigs kyi stobs kyis zhes bya ba la sogs pa la/ rgyu la gnas ba ni 'di ltar dge ba'i bshes gnyen la sogs bas
 sbyin bar bya ba'i rigs so zhes bsten cing bsnyen pa med par yang byang chub sems dpa' rigs yod pa'i stobs kyi tshe rabs gang dang gang du skyes pa de dang de dag tu gtong ba la dga' ste/ 'di ltar 'khor ba thog ma med pa'i dus nas gnas gcig nas
 gcig tu brgyud de 'ongs pa chos nyid kyis thob pa mig la sogs pa skye mched drug gi khyad par 'di lta bu dang ldan te/ gang gi phyir dge ba'i bshes gnyen gyis ma bstan kyang pha rol tu phyin pa drug sgrub cing bsgom ba la dga' ste/ pha rol tu phyin pa sgrub bar byed ba ni rgyu la gnas ba zhes
 bya'o/ /gang gi bdag gi lus phun sum tshogs pa'i stobs kyis zhes bya ba la sogs pa la/ rnam par smin pa la gnas pa ni byang chub sems dpa' tshe rabs gzhan dag tu sbyin pa la sogs pa'i pha rol tu phyin pa la
 goms par bya ste/ de ltar goms bar byas pas de'i dbang gis tshe rabs phyi mar sbyin pa la sogs pa'i pha rol tu phyin pa byed cing sgrub par dga' ba'i lus mngon par 'grub cing smin bar 'gyur te/ de ltar rnam par smin pa'i dbang gis ma
 brtags ma bsams par yang pha rol tu phyin ba la 'jug ste/ de ni rnam bar smin ba la gnas pa zhes bya'o/ /gang sngon gyi smon lam gyi stobs kyis zhes bya ba la sogs ba la/ smon lam la gnas pa ni nges sngon gyi sbyin pa la sogs pa'i pha rol tu phyin
 ba ni ma bsgrubs te smon lam tsam zhig btab pa tsam du zad de/ ji ltar smon lam btab ce na/ 'di ltar bdag tshe rabs gang dang gang du skyes ba de dang dge? dud? dang bdag gi rtog pa dang bral gnang dang phyi'i dngos bo thams cad la mi brten pa/ sems can thams
 cad kyi don du sbyin pa la sogs ba'i pha rol tu phyin pa sgrub par gyur cig ces smon lam btab pa las/ smon lam de'i dbang gis gang drang gang du skyes par sbyin pa la sogs pha rol tu phyin pa sgrub par 'gyur te/ de ni smon lam la gnas pa zhes bya'o/ /
 shes rab kyi stobs kyis zhes bya ba la sogs pa la/ so sor rtog pa'i stobs la gnas pa ni/ 'di ltar shes rab kyi stobs kyis sbyin pa la sogs pha rol tu phyin pa bsgom zhing sgrub par byed de ci ltar zhe na/ longs spyod 'di dag ni rmi lam lta bu mi
 brtan pa/ dbugs 'byung du med pa/ 'jig cing 'bral bar 'gyur ba'i chos can no zhes shes rab kyi stobs kyis yongs su dpyad nas/ de ltar dpyad pa'i stobs kyis pha rol tu phyin pa rnams la 'jug cing sgrub par byed de/ de ni so sor rtog pa'i stobs la gnas pa
 zhes bya'i/ /tshul khrims la sogs pa la yang/ tshul khrims la sogs ba bsungs shing bsgrubs nas/ bsod nams dang ye shes kyi tshogs sogs shing/ lha dang mi'i nang du skye ba dang/ mthar bla na med pa'i byang chub tu 'tshang rgya bar 'gyur ro zhes shes rab kyis
 brtags nas tshul khrims la sogs pa la 'jug bar byed pa ni so sor rtog ba'i stobs zhes bya'o/ /pha rol tu phyin pa yid la byed ba ni gnas pa ni rnam ba bzhi ste zhes bya ba la yid la byed pa la gnas te/ pha rol tu phyin pa sgom pa rnam pa bzhi ste/ mos ba yid la byed
 pa dang/ ro myang ba yid la byed pa dang/ rjes su yi rang ba yid la byed pa dang/ mngon bar dga' ba yid la byed pa'o/ /pha rol tu phyin pa dang ldan pa'i mdo sde zhes bya ba la sogs pa la/ mos pa yid la byed pa ni/ mdo sde gang la pha rol tu phyin pa drug 'byung zhing 'chad ba'i mdo sde
 'phags pa dkon mchog sprin la sogs pa la 'di ni de kho na bzhin du ma nor te bden ba yin no zhes mos par byed de/ ji lta ji ltar mos pa de lta de ltar pha rol tu phyin pa'i khams rtas bar 'gyur te/ de ni mos pa yid la byed ba zhes bya'o/ /pha rol tu phyin pa rten ba rnams la
 zhes bya ba la sogs pa'o/ /ro myang pa yid la byed ba ni sngon bdag gis sbyin pa la sogs pa'i pha rol tu phyin pa spyad cing bsgrubs te/ sngon bsgrubs ba la 'di ltar bdag gis sngon sbyin pa la sogs pa'i pha rol tu phyin pa bsgrubs pa ni legs so zhes yon tan du lta
 zhing sngon byas pa dran nas mngon par dga' ba ni ro myang ba yid la byed pa zhes bya'o/ /'jig rten gyi khams thams cad na zhes bya ba la sogs pa la rjes su yi rang ba yid la byed pa ni phyogs bcu'i 'jig rten gyi khams na gnas pa'i sems can thams cad kyis spyan pa
 la sogs ba pha rol tu phyin ba bsgrubs pa rnams la bdag gis byas pa dang 'dra bar dga' zhing yid rang ba ni rjes su yi rang ba yid la byed pa zhes bya'o/ /bdag dang sems can rnams kyi zhes bya ba la sogs pa la/ mngon bar dga' ba yid la byed ba ni ma 'ongs ba nyid
 la yang pha rol tu phyin pa drug la bsgrub bar dga' zhing/ gar skyes gar skyes kyang pha rol tu phyin ba drug bsgrub bar gyur cig ces smon pa dang/ ma 'ongs ba na sems can gzhan la yang pha rol tu phyin pa drug ? dga' zhing/ sems can
 rnams kyang gar skyes gar skyes kyang pha rol tu phyin ba drug bsgrub bar gyur cig ces smon pa ni mngon par dga' ba yid la byed pa zhes bya'o/ /bsam pa la gnas te pha rol tu phyin pa drug bsgom pa ni chog mi shes pa'i bsam pa la sogs pa'o rnam pa
 drug 'grel ba nyid las 'byung ba bzhin du blta'o/ /de la byang chub sems dpa' i sbyin pa la chog mi shes pa'i bsam ba ni zhes bya ba la sogs pa la/ bsam pa yid la byed pa la rnam pa drug du byas pa las/ sbyin pa'i pha rol tu phyin ba dang sbyar te je
 'chad de de la tshog mi shes pa'i bsam pa la yang chog mi shes pa rnam pa bzhi ste/ dngos po gtong ba la chog mi shes ba dang/ lus gtong ba la chog mi shes pa dang/ dus chog mi shes pa dang/ sems can chog mi shes pa'o/ /byang chub sems dpa' sems can gcig la zhes bya ba
 la sogs ba la byang chub sems dpa' sems can gcig la phan btags shing yongs su smin par bya ba'i phyir/ gang+gA'i klung gi bye ma sned kyi 'jig rten gyi khams rin po sna bdun gyis bkang nas sems can gcig bu de la gtong bar byed de/ de ltar btang na bdag gis 'di snyed cig byed kyis
 btang nas/ da ni chog ge? snyam pa'i bsam pa med de 'dis ni dngos po gtong ba la chog mi shes pa bstan to/ /gang+gA'i klung gi phyi ma dang mnyam ba'i lus zhes bya ba la sogs pa la/ de bzhin du sems can gcig la dus skad cig ma re la yang gang+gA'i klung gi bye ma snyed kyi lus gtong zhing sbyin bar
 byed de/ lus de snyed cig bdag gis sems can gcig la byin pas da ni chog go snyam du sems ba med de/ 'dis ni lus gtong ba chog mi shes pa bstan to/ /de bzhin gang+gA'i klung gi bye ma dang mnyam pa'i bskal par zhes bya ba la sogs ba la/ de ltar btang ba de
 yang lo 'am zla ba'i bskal ba 'gar gtong ba ma yin gyi gang+gA'i klung gi bye ma dang mnyam ba'i bskal bar skad cig yud tsam yang rgyun mi 'chad bar gtong ste/ de ltar btang yang bdag gis bskal ba 'di snyed cig tu phyi dang nang gi dngos bo btang bsad ni chog go snyam
 pa'i bsam pa med de/ 'dis ni dus chog mi shes pa bstan to/ /sems can gcig la ji lta ba bzhin du zhes bya ba la sogs pa la/ de ltar sems can gcig la gang+gA'i klung gi bye ma snyed kyi 'jig rten gyi khams rin po che sna bdun gyis bkang ste sbyin pa dang/ gang+gA'i klung gi bye ma
 snyed kyi lus yongs su btang ba dang/ de la gang+gA'i klung gi bye ma snyed kyi bskal par sbyar de sems can de bla na med pa'i byang chub tu bkod de/ yongs su smin par byas ba de bzhin du tshul de dang 'dra bar sems can gnyis pa gsum pa la yang de ltar byas ba nas mthar sems can thams cad la
 tshul de lta bur smin bar byas te/ sems can zad par byas kyang byang chub sems dpa' 'di snyam du bdag gis gang+gA'i klung gi bye ma snyed kyi 'jig rten gyi khams rin po che sna bdun gyis bkang ste byin pa dang/ gang+gA'i klung gi bye ma snyed kyi lus yongs su btang ba dang/ de yang gang+gA'i klung gi bye ma snyed kyi
 bskal bar btang ste/ tshul de lta bus sems can thams cad bla na med ba'i byang chub tu sangs rgyas bar byas bas don chog go snyam du bsam ba med de/ bsam pa de lta bu ni byang chub sems dpa' i chog mi shes ba'i bsam ba zhes bya'o/ /byang chub sems dpa' de lta bu sbyin pa gcig nas gcig
 tu zhes bya ba la sogs pa la rgyas ba'i bsam ba 'chad de/ byang chub sems dpa' gong ma lta bu'i phyi dang nang gi sbyin ba yang nyin 'ga' tsam ni sbyin bar byed nyin 'ga' ni sbyin par mi byed skad cig ma gcig la ni sbyin bar mi byed bar sems pa ni ma yin gyi phyi dang nang gi dngos po yang nyi ma re re skad cig
 ma re re la cung zad kyang mi 'dug par byang chub kyi snying po la 'dug gi bar du rgyun mi 'chad par gtong bar byed de /de ltar sems ba ni byang chub sems dpa' i rgyas pa'i bsam pa zhes bya'o/ /sems can rnams de lta bu sbyin pas bsdus nas zhes bya ba la sogs ba dga' ba'i bsam ba 'chad de/ mdza' yas pa'i 
 sems can rnams la gong du bshad pa lta bu'i phyi nang gi dngos po tshad med ba sbyin zhing/ dus 'gyangs par btang nas sems can bsdus te yongs su smin par byas par mthong ste/ de ltar mthong nas byang chub sems dpa' nyid bdag gis sems can 'di snyed
 cig smin par byas so zhes byang chub sems dpa' i dga' ba'i bye brag skye ba ltar/ byang chub sems dpa' sbyin pa la sogs pa'i pha rol tu phyin pas ban btags pa'i sems can de dag tsam du dga' ba'i sems mi skye ste/ de ni dga' ba'i bsam pa zhes bya'o/ /de rnams bla na med
 ba yang dag par rdzogs pa'i byang chub tu ston ba'i phyir zhes bya ba la sogs pa la/ phan 'dogs pa'i bsam pa 'chad de/ 'di ltar byang chub sems dpa' des gong du bshad pa lta bu'i phyi nang gi sbyin pas sems can la phan btags te legs par byas kyang byang chub
 sems dpa' 'di snyam du bdag gis ni sbyin pa 'di lta bus sems can la phan btags so zhes bdag nyid la de ltar mi sems kyi gang gis sbyin pa blangs pa'i sems can des bdag la phan btags so snyam du sems te/ ci'i phyir zhe na/ gal te sbyin pa len pa'i sems can med na ni
 bdag gis bla na med pa'i byang chub kyi chos rdzogs par mi 'gyur gyi gang gi phyir sems can 'di dag gis bdag gi phyi nang gi sbyin pa blangs pas/ de'i phyir bdag bla na med pa'i byang chub tu 'grub pa'i rgyu dang tshogs pa yin te/ de bas na 'di dag gis bdag la phan btags so snyam du
 dgongs ba ni phan btags pa'i bsam pa zhes bya'o/ /byang chub sems dpa' bsod nams zhes bya ba la sogs pa la mi chags ba'i bsam pa 'chad de/ byang chub sems dpa' gong du bshad pa lta bu'i phyi nang gi sbyin pa rgya chen po bsod nams kyi tshogs kyi rgyur 'gyur ba de dag sems
 can la sbyin zhing btang nas kyang tshe 'dir phan btags ba'i lan la yang re ba med la/ tshe rabs gzhan du yang sbyin pa'i rnam par smin pa'i 'bras bu longs spyod chen po lam chags bzhin du gtong ste/ de ni ma chags pa'i bsam pa zhes bya'o/ /gang byang chub sems dpa' sbyin pa'i
 phung po de lta bu yangs pa zhes bya ba la sogs ba la dge ba'i bsam ba 'chad de/ byang chub sems dpas gong du bshad pa lta bu'i phyi nang gi dngos po'i sbyin pa rgya chen po sbyin pa'i tshogs de 'dra ba btang ba'i 'bras bu bdag gcig pus myong bar shog cig ces mi smon gyi/
 bdag gis phyi nang gi sbyin pa rgya chen po byas pa 'di'i 'bras bu sems can gyi phyir btang nas bdag gi sbyin pa byas pa'i 'bras bu 'di la bdag dang sems can gnyigs bla na med pa'i byang chub kyi 'bras bu thob par gyur cig ces sngo bar byed de de ni dge ba'i bsam pa zhes bya'o/ /de la byang
 chub sems dpa' tshul khrims kyi pha rol tu phyin pa bsgom pa nas zhes bya ba la sogs pa la/ bsam pa la gnas te bsgom pa la rnam pa drug tu phye nas sbyin pa'i pha rol tu phyin pa la sbyar te bshad nas/ nga ni tshul khrims dang shes rab kyi pha rol tu phyin pa dang sbyar zhing 'chad de/
 de la tshul khrims kyi pha rol tu phyin pa bsgom pa nas shes rab kyi pha rol tu phyin pa bsgom pa la chog mi shes pa'i bsam pa ji lta bu zhe na/ sems can kyi don du 'jig rten gyi khams me'i phung pos gang ba'i nang du/ tsho'i tshang gang+ga'i klung gi bye mar gnas bas bsgrubs nas
 tshul khrims gcig snyed pa yang de bzhin du bsgrubs na skad cig ma gcig gis tshul khrims grub ba nas/ tha ma tshul khrims kyi phung po yongs su rdzogs kyang/ da ni tshul khrims kyi phung po rdzogs bas chog ces chog par 'dzin pa med pa dang/ shes rab la yang tshul de ltar bsgrubs nas shes
 rab kyi phung po rdzogs kyang/ shes rab kyi phung po yongs su rdzogs pas da ni chog go zhes 'dzin pa med pa ni chog mi shes pa'i bsam pa zhes bya'o/ /gal te de ltar me'i phung po'i nang du tshul khrims sgrub kyang me zhi bar byed ba'i gnyen po tsan dan dang/ ga pur dang/ chu la sogs yod na shin tu dga' 
 ba ma yin no snyam pa la/ yo byang thams cad rtag tu phongs pa zhes bya ba sos te/ me'i gnyen po tsan dan dang/ ga pur dang/ chu la sogs pa'i yo byad kun kyang med pas rtag tu lus tshig pa'i phyir lhag par yang spyad dka' bar ston to/ /de ltar na yang bdag gi lus gcig gis sdug bsngal myong na shin tu
 bya dka' ba ma yin no snyam pa la/ bdag gi lus gang+gA'i klung gi bye ma rnyed? dang mnyam pa zhes bya ba smos te/ bdag gi lus gcig gis sdug bsngal myong ba ni ma yin gyi bdag gi lus gang+gA'i klung gi bye ma snyed gcig gis sdug bsngal myong bas
 lhag par bya dka' bston to/ /gal te de ltar na yang tshe'i tshad lo brgya 'am stong tsam gyis sgrub na tshe'i yun thung pas lhag par bya dka' ba ma yin no snyam pa la/ gang+gA'i klung gi bye ma dang mnyam pa'i tshe'i tshad ces bya ba la sogs pa smos te/ tshe'i tshad kyang gang+gA'i klung gi bye
 ma dang mnyam pa'i bskal par bsgubs pas/ dus kyi tshad ring ba'i phyir lhag par sgrub dka' par ston to/ /de ltar na yang 'jig rten gyi khams 'ga' tsam mes gang bar spyod na/ lhag par bya dka' ba ma yin no snyam pa la stong gsum gyi stong chen po'i 'jig rten gyi
 khams mes rab tu gang ba zhes bya ba smos te/ mes gang ba yang 'jig rten gyi khams 'ga' tsam mes gang ba ma yin gyis stong gsum gyi stong chen po'i 'jig rten gyi khams kun mes gang bar spyod de/ des na lhag pas spyad dka' ba ston to/ /de ltan yang spyod lam gcig
 gis bsgrubs na bya dka' ba ma yin no snyam pa la de'i phyir/ spyod lam bzhir spyod cing zhes bya ba smos te/ de la spyod lam gcig gis spyod pa ma yin gyi/ 'gro ba dang/ 'dug pa dang/ nyal ba dang/ 'chag pa ste/ spyod lam bzhir? spyod cing bsgrubs pas na lhag par bya dka' 
 ba ston te/ de ltar bsgrubs na skad cig ma gcig gis tshul khrims bsgrubs pa nas mthar tshul khrims kyi phung po ji tsam gyis bla na med pa'i byang chub tu 'tshad rgya bar 'gyur ba'i tshul khrims kyi phung po yongs su rdzogs kyang/ nga? tshul khrims kyi phung po yongs su rdzogs pas da? ni chog go
 snyam pa'i bsam pa de med de de ni chog mi shes pa'i bsam pa zhes bya'o/ /shes rab kyi pha rol tu phyin pa la yang tshul de dang 'dra bar sbyar ro/ /gang byang chub sems dpa' i tshul khrims kyi pha rol tu phyin pas zhes bya ba la sogs pa smos te/ gong du bshad pa'i tshul khrims dang/ shes rab
 kyi pha rol tu phyin pa bsgrub dka' ba de'ang/ nyin gcig ni sgrub/ nyin gcig ni mi bsgrub/ skad cig ma gcig la ni mi bsgrub pa ma yin gyi/ mthar bla na med pa'i byang chub kyi snying po lam 'dug gi bar du skad cig ma gcig nas gcig gi bar du rgyun mi gcod
 cing bar chad med par sgrub par byed de/ de lta bu ni tshul khrims kyi pha rol tu phyin pa nas shes rab kyi pha rol tu phyin pa bsgom pa la rgyas pa'i bsam pa zhes bya'o/ /byang chub sems dpa' i tshul khrims kyi pha rol tu phyin pa bsgom pa nas shes rab kyi pha rol tu phyin pa'i bar gyis sems
 can bsdus nas zhes bya ba la sogs pa la/ tshul khrims kyi pha rol tu phyin pa nas shes rab kyi pha rol tu phyin pa bsgom pa la dga' ba'i bsam pa ji lta bu yin pa ston te/ 'di ltar byang chub sems dpa' tshul khrims kyi pha rol tu phyin pa bsgom gnas shes rab kyi pha rol tu phyin pa bsgom pa de dag gis
 sems can bsdus te/ pha rol tu phyin pa de dag la sems can bkod nas sems can la phan 'dogs par byed do/ /de ltar sems can la phan thogs par mthong nas byang chub sems dpa' dga' pa'i khyad par skye ba ltar sems can tshul khrims kyi pha rol tu phyin pa la soD pa la bkod de phan
 btags pa rnams de de tsam du dga' ba'i khyad par mi skye ste/ de lta bu'i bsam pa ni dga' pa'i bsam pa zhes bya'o/ /byang chub sems dpa' de bla na med pa yang dag par rdzogs pa'i byang chub tu brtan pa'i phyir zhes bya ba la soD pa'o/ /tshul khrims kyi pha rol tu phyin pa nas shes rab kyi pha rol tu phyin pa
 bsgom pa la phan pa'i bsam pa ston to/ /gong du bshad pa lta bu tshul khrims bshad pa nas/ shes rab bshad pa'i bar du de dag gis seMs can? rnams la phan btags na 'di ltar byang chub sems dpa' bdag gis ni sems can la phan btags so snyam du bdag nyid la de ltar mi sems kyi tshul khrims la soD
 pas sems can gang la phan btags pa'i sems de dag gis bdag la phan btags so snyam du byang chub sems dpa' de ltar dgongs te/ ci'i phyir zhe na/ gang gi phyir sems can 'di dag gis bdag?  gis bstan pa bzhin du tshul khrims la sogs pa bsgrubs pas bdag bla na med pa'i
 byang chub tu 'tshang rgya ba'i tshogs bsags par 'gyur te/ de bas na sems can de dag gis bdag la phan btags so snyam du sems pa ni phan pa'i bsam pa zhes bya'o/ /byang chub sems dpa' bsod nams kyi tshul khrims zhes bya ba la sogs
 pa la/ tshul khrims kyi pha rol tu phyin pa nas shes rab kyi pha rol tu phyin pa bsgom pa la mi chags pa'i bsam pa ston te/ 'di ltar bsod nams kyi tshogs kyi rgyur 'gyur ba'i tshul khrims kyi pha rol tu phyin pa bsgom pa nas/ shes rab kyi tshogs kyi rgyur 'gyur pa shes
 rab kyi pha rol tu phyin pa bsgom pa gong du bshad pa lta bur rgya chen por bsgrubs shing sems can la phan btags kyang/ tshe 'dir phan btags pa'i lan la re ba med la tshe rabs gzhan du de dag gi 'bras bu mtho ris la sogs par rnam par smin par 'gyur ba la re ba
 med de de lta bu'i bsam pa ni mi chags pa'i bsam pa zhes bya'o/ /de la gang byang chub sems dpa' de bzhin du bsod nams kyi phung po zhes bya ba la sogs pa la/ byang chub sems dpa' tshul khrims bsgom pa nas shes rab kyis sgom pa la dge ba'i bsam pa ston
 te/ 'di ltar bdag gis bsod nams dang ye shes kyi tshogs kyang gzhir 'gyur ba tshul khrims bsgom pa nas/ shes rab bsgoms ba'i bar du rgya che ba de 'dra ba bsgoms shing bsgrubs pa de'i 'bras bu bdag 'ba' zhig gis thob par shog cig ces mi
 smon gyi sems can thams cad dang thun med du byas nas bsngos te/ bdag gis gong du bshad pa lta bu'i tshul khrims kyi phung po bsgrubs pa nas/ shes rab kyi pha rol tu phyin pa'i bar dag bsgrubs ba'i rgyus/ bdag dang sems can thams cad bla na med pa
 yang dag par rdzogs pa'i byang chub tu 'tshang rgya ba'i rgyu dang rten du gyur cig ces smon te/ de lta bu ni dge ba'i bsam pa zhes bya'o/ /thabs la gnas pa'i pha rol tu phyin pa bsgom pa rnam pa gsum ste zhes bya ba la/ thabs la gnas nas pha rol tu phyin pa drug bsgom
 pa yang rnam pa gsum yod de/ gtong ba po dang/ rdzas dang/ len ba po mi dmigs pa'o/ /don de nyid bstan pa'i phyir/ rnam par mi rtog pa'i ye shes kyi 'khor gsum yongs su dag par so sor rtog pa'i phyir te zhes bya ba smos te/ /gtong ba po dang/ rdzas dang/ len pa po gsum la
 yod par mi rtog pa'i rnam par mi rtog ba'i ye shes kyis gtong ba po dang/ rdzas dang/ len pa po gsum yod par so sor rtog pa la thabs la gnas ba'i pha rol tu phyin pa zhes bya'o/ /de la ci'i phyir thabs zhes bya zhe na/ de'i phyir/ de ltar thabs de ni yid la byed pa thams cad bsgrub pa'i
 phyir ro zhes bya ba smos so/ /'khor gsum yongs su dag pa'i mtshan nyid mi dmigs pa des ni gong du bshad pa'i yid la byed pa thams cad dang/ sangs rgyas kyi chos thams cad 'grub cing dag par byed de/ de bas na de la thabs zhes bya'o/ /dbang yod pa la gnas ba'i pha rol tu
 phyin pa bsgom pa ni zhes bya ba la/ sangs rgyas kyi sar sku dang gsung dang thugs phun sum tshogs pa brnyes nas sems can gyi don du pha rol tu phyin pa drug la 'jug pa ni dbang yod ba la gnas pa'i pha rol tu phyin pa bsgom pa zhes bya ste/ de la rnam pa gsum yod pa ni 'grel ba nas 'byung
 ba bzhin du blta'o/ /de bzhin gshegs pa'i sku gnyis su blta bar bya ste/ ngo bo nyid dang/ rdzogs par longs spyod pa dang zhes bya ba la/ de bzhin gshegs pa'i sku gnyis la lus la dbang yod pa zhes bya ste/ sku gnyis ni/ ngo bo nyid kyi sku chos kyi sku dang/ rdzogs par longs spyod pa'i sku'o//
 de la chos kyi sku ni/ 'phags pa rnams so so rang gis rig pa nam mkha' bzhin du kun tu khyab pa sangs rgyas kyi chos thams cad gyi rgyur gyur pa nyid do/ /rdzogs par 'ongs spyod pa'i sku ni byang chub sems dpa' sa brgyad pa yan chad theg pa chen po'i chos kyi longs spyod phun sum tshogs par mdzad
 pa'o/ /gang gis sems can thams cad la chos dang mthun pa'i zhes bya ba la soD pa la/ sngon spyad pa la dbang yod pa ni sprul pa'i sku la bya ste/ sprul ba'i sku gang gis lha dang mi la sogs pa'i sems can thams cad dang mthun pa'i lus dang spyod pa ston pa ste/ sku gnyis kyis ni sku dang thugs
 phun sum tshogs pa bstan to/ /ston pa dbang yod pa ni zhes bya ba la sogs pa la/ ston pa la dbang yod pa ni gsung phun sum tshogs pa gang gis pha rol tu phyin pa drug la lhag tshad med bar thogs pa med pa ston te/ 'dis ni gsung phun sum
 tshogs pa bstan te/ /mdo sde rgyan bam po bzhi pa'i bshad pa rdzogs so// //rab tu dbye ba'i tshigs su bcad pa zhes bya ba la sogs pa la/ pha rol tu phyin pa drug bsgom pa bstan nas/ da ni rab tu dbye ba bstan te/ pha rol tu phyin pa drug la phye na
 dpag tu med pa zhig gi? tu 'gyur med kyi de la yang bsdus te dbyen pha rol tu phyin pa re re zhing yang rang bzhin la sogs pa rnam pa drug drug tu shes te/ de la yang pha rol tu phyin pa re re zhing tshigs su bcad pa gnyis gnyis kyis ston te/ de ltar na tshigs su bcad pa bcu gnyis su 'gyur ro//
 don rnams gtong bar byed pa dang zhes bya ba la/ sdug bsngal ba'i zhing dang yon tan gyi zhing gsum la phyi dang nang gi dngos po gtong ba ni sbyin pa'i rang bzhin no/ /gnas pa'i rtsa ba sems pa dang zhes bya ba la/ rtsa ba'i sgras ni dge ba'i rtsa ba gsum la bya ste/ 'dod ma chags pa dang
 zhe mi sdang ba dang/ gti mi mug pa'i dge ba'i rtsa ba gsum dang ldan pa'i sems pa ni sbyin pa'i gnas dang rgyu yin te de gsum la sbyin pa 'byung ba'i phyir ro/ /lus dang longs spyod phun sum tshogs zhes bya ba la/ lus phun sum tshogs pa thob pa dang longs spyod phun sum tshogs pa thob pa ni
 sbyin pa'i 'bras bu ste/ nang gi dngos po gtang bas ni kha dog dang dbyibs dang tshe ring po dang ldan pa'i lus thob par 'gyur ro/ /phyi'i dngos po btang bas ni gter dang 'bru la sogs pa lo? byang phun sum tshogs pa dang ldan pa'i longs spyod phun sum tshogs pa dang ldan bar 'gyur ro/ /bsdu ba gnyis
 dang bskad ba dang zhes bya ba la/ bdag dang gzhan gnyis sdud par byed pa dang bsod nams dang ye shes kyi tshogs skong bar byed pa ni sbyin ba'i las te/ phongs pa rnams la zang zing byin pas sems can gzhan bsdu zhing sems can gzhan la phan btags pa dang/ de'i rgyus ma 'ongs pa na
 bdag nyid longs spyod chen por 'gyur bas na gzhan bsdu zhing bdag la phan btags so /de la chos sbyin bas ni ye shes kyi tshogs skong bar byed/ mi 'jigs pa dang/ zang zing byin pas ni bsod nams kyi tshogs skong bar byed do/ /gnas lnga ba'i mdo sde bzhin no zhes bya ba la/ gnas lnga pa'i mdo
 sde las/ gzhan la kha zas byin pas ni/ /gnas lnga dag ni kun thob ste/ /tshe dang kha dog stobs dang bde/ /sbobs pa phun sum tshogs dang ldan zhes gsungs pa lta bu'o/ /ser sna med bar ldan pa dang zhes bya ba la/ gang la ser sna yod pa de la ni sbyin pa med kyi/ gang la sbyin bcod? pa de la ser
 sna med pa'i chos yod pas ldan pa ni ser sna med pa'i chos dang ldan no/ /chos dang zang zing mi 'jigs mthong zhes bya ba la/ sbyin pa la phyin? rnam pa gsum du 'jug ste/ chos sbyin pa la 'jug pa dang/ zang zing sbyin ba la 'jug pa dang/ mi 'jigs pa sbyin pa la 'jug pa'o/ /de la
 gsungs kyi don dang tshig ma nor bar 'chad pa ni chos sbyin pa la 'jug pa'o/ /phyi dang nang gi dngos po gtong ba ni zang zing sbyin pa la 'jug ba'o/ /rgyal po dang/ rkun po dang/ me dang/ chu'i 'jigs pa'i skyabs byed pa ni mi 'jigs pa sbyin pa la 'jug pa ste/ 'dis ni 'jug pa'i don bstan to/ /sbyin
 pa de ltar shes nas su/ /mkhas pa yang dag sgrub par byed ces bya ba la/ de ltar zhes bya ba ni gong du bshad pa ltar te/ sbyin pa'i rang bzhin dang/ rgyu dang/ 'bras bu dang/ las la sogs pa gong du bshad pa lta bu yin bar shes nas mkhas pa byang chub sems dpa' rnams sbyin pa'i pha
 rol tu phyin pa sgrub par byed do zhes bya ba'i don to/ /ser sna med pas 'jug pa'i phyir ro zhes bya ba la ser sna can rnams la ni sbyin pa la 'jug pa med kyi/ ser sna med pa rnams sbyin pa la 'jug par byed pas na ser sna med pa'i chos dang ldan no/ /yan lag drug dang zhes bya ba la/ yan
 lag drug dang ldan pa'i tshul khrims ni tshul khrims kyi rang bzhin no/ /de yang yan lag drug dang ldan pa'i tshul khrims ni tshul khrims dang ldan pa so sor thar pa'i sdom pas bsdams pa/ chog phun sum tshogs pa/ sbyod pa dang sbyod yul phun sum tshogs pa/ kha na ma
 thob phra rab tsam la yang 'jigs par lta pa/ yang dag bar blangs pa'i gnas la slob po zhes 'byung ba'o/ /zhi sems blangs zhes bya ba la/ zhi ba'i sems kyis blangs pa ni rgyu ste/ 'phags pa rnams dang po tshul khrims len pa ni mya ngan las
 'das pa thob par bya'o snyam du bsams nas len te/ de bsan sems kyi rgyu'o/ /bde bar 'gro dang gnas len dang zhes bya ba la/ bde 'gro len pa dang/ gnas len par byed pa ni 'bras bu ste/ tshul khrims dang ldan na gang dang gang du skyes pa thams cad du
 lha dang mir skye ba'i phyir bde 'gro len pa'o/ /gnas kyi sgras ni ting nge 'dzin la bya ste/ tshul khrims dang ldan na 'gyod pa med par 'gyur ro/ /'gyod pa med na sems bde'o/ /sems bde na lus bde'o/ /lus bde na yang sems bde ste/ sems bde na sems rtse
 gcig pa 'thob ste/ de bas na gnas len to/ /gnas zhi 'jigs pa med pa dang/ zhes bya ba la/ gnas byed pa dang/ zhi bar byed pa dang/ 'jigs pa med par byed pa ni gnas so/ /de la gnas byed pa ni/ sa gzhi chen po la lo thog? thams cad kyi gnas byed pa
 bzhin du/ tshul khrims kyang byang chub kyi phyogs la sogs pa'i don kun gyi gnas byed do/ /tshul khrims dang ldan na 'dod chags la sogs pa'i gdud bsel bar byed bas na zhi bar byed do/ /tshul khrims dang ldan na tsher bas gzhan gyi 'jigs pa dang/ tshe 'di'i
 'jigs pa med pas na 'jigs pa med bar byed pa'o/ /de la tshe rabs gzhan gyi 'jigs pa ni ngan song gsum du 'jigs pa ste/ tshe rabs gzhan du lha dang mi'i nang du skye bas na ngan song du skye ba'i 'jigs pa med do/ /tshe 'di'i 'jigs pa yang rnam pa gnyis
 te/ kha na ma tho ba'i 'jigs pa dang/ sha kho na gnyer ba'i 'jigs pa ste/ tshul khrims dang ldan na de la su yang mi snyan par mi smra bas kha na ma tho ba'i 'jigs pa med do/ /tshul khrims dang ldan na srog gcod pa la sogs pa'i rkyen las byung ba'i brdeg btsog
 mi 'byung bas na sha kho na gyi 'jigs pa med do/ /bsod nams kyi tshogs dang ldan pa dang zhes bya ba la/ tshul khrims blangs pa dang/ lus dang ngag dang yid gsum gyi sgo nas sdig pa mi dge ba'i chos mi 'byung bar? bsdams pa dang/ de ltar bsdams pa dang/
 dge ba'i chos 'ba' zhig 'phel bas na/ ldan pa ni bsod nams kyi tshogs dang ldan no/ brda dang chos nyid thob pa ni/ sdom la gnas pa dag la yod ces bya bas 'jug pa bstan te/ 'jug pa la yang rnam pa gnyis so/ /gang zhe na/ /dbye ba'i 'jug pa dang/ gzhi'i
 'jug ba'o/ /de la tshul khrims la phye na rnam pa gsum du 'jug ste/ so sor thar pa'i sdom pa dang/ bsam gtan gyi sdom pa dang/ zag pa med pa'i sdom pa'o/ /de la mkhan po dang slob dpon la gsol ba dang zhu pa'i las kyis so sor thar ba'i sdom pa blangs pa ni brda'i
 tshul khrims zhes bya'o/ /bsam gtan gyi sdom pa dang/ zag pa med pa'i sdom pa gnyis ni chos nyid kyi tshul khrims zhes bya ste/ 'dis ni dbye ba'i 'jug pa bstan to/ /sdom pa gnas pa dag la yod ces bya bas gzhi'i 'jug pa bstan te/ gong du bshad pa'i tshul khrims
 lta bu yang sdom pa la gnas rten pa rnams la yod kyi gzhan la med do zhes bya ba'i don to/ /tshul khrims de bzhin gshegs nas su/ /mkhas pa yang dag sgrub par byed ces bya ba la/ tshul khrims kyi rang bzhin dang rgyu la sogs pa gong du bshad pa lta bu yin par shes nas
 mkhas pa byang chub sems dpa' rnams de bzhin du sgrub bar byed do zhes bya ba'i don to/ /mi mdzad ji mi snyam sems dang zhes bya bas/ bzod pa'i rang bzhin bstan te/ mi mdzad ces bya bas ni gnod pa la mi mdzad pa'i bzod pa bstan/ /ji mi snyam zhes bya bas bdag sdug
 bsngal la ji mi snyam pa'i bzod pa bstan/ shes pa zhes bya bas chos la nges par rtog pa'i bzod pa bstan to/ /snying rje chos la gnas pa'i phyir zhes bya ba la/ snying rje dang chos gnyis ni bzod pa'i rgyu ste/ su la snying rje med pa de ni sems can gyis gnod par byas pa rnams bzod par
 mi nus kyi snying rje can gyis bzod par nus pas na snying rje ni rgyu'o/ /chos la gnas pa la yang rnam pa gnyis te/ tshul khrims yang dag par blangs te/ de rnams bdun zhes bya bas 'jug pa bstan te/ de rnams la zhes bya bas ni gzhi'i 'jug pa
 bstan te/ gong du bshad pa'i brtson 'grus kyang gang zag brtson 'grus brtsams pa rnams la yod kyi brtson 'grus ma brtsams pa la med pas na brtson 'grus rtsom pa'i gang zag ni brtson 'grus kyi gzhi dang rten yin no/ /de rnams bdun zhes bya bas rab tu dbye ba'i
 'jug pa bstan te/ brtson 'grus la phye na bslab pa gsum la rtag pa dang rim gro byed ba'i sgo nas rnam pa bdun du 'gyur ro/ /de la mig gi rnam par shes pa nas lus kyi rnam par shes pa'i bar du rnam par shes pa lnga'i tshogs kyi srog gcod pa la sogs pa mi
 dge ba spong zhing dge ba la 'jug bar byed de/ rnam par shes pa lnga'i tshogs la brtson 'grus lngar gzhag ste/ de rnams lhag pa'i tshul khrims kyi bslab par bsdu'o/ /de'i steng du lhag pa'i sems kyi bslab pa dang/ lhag pa'i shes rab kyi bslab pa gnyis bsnan te
 bdun no/ /de yang lus kyi brtson 'grus dang sems kyi brtson 'grus gnyis su bsdu ste/ lhag ba'i tshul khrims kyi bslab pa ni lus kyi brtson 'grus so/ /lhag pa'i shes rab kyi bslab pa ni sems kyi brtson 'grus so/ /brtson 'grus de ltar shes nas ni/ /mkhas pas yang
 dag bsgrub par byed ces bya ba la/ brtson 'grus kyi rang bzhin dang/ rgyu dang/ 'bras bu la sogs pa gong du bshad pa lta bu yin par shes nas byang chub sems dpa' rnams de bzhin du sgrub par byed do zhes bya ba'i don to/ /ji ltar brtson 'grus brtsams pas sdig pa mi
 dge ba'i chos dang ma 'dres shing bde ba la reg bar spyod ces bya ba gsungs so zhes bya ba la/ brtson 'grus nyon mongs pa'i gnyen por gyur ba'i mdo'i gtan tshigs ston te/ mdo las kyang brtson 'grus brtsams na sdig pa mi dge ba'i chos spong ngo/ /sdig pa mi dge ba'i chos
 spangs nas de dang ma 'dres par gnas pa'o/ /sdig pa mi dge ba'i chos dang ma 'dres na/ gzugs kyi khams kyi bsam gtan gyi bde ba la reg par spyod do zhes gsungs so/ /sems ni nang du gnas pa dang zhes bya ba la/ gzugs la sogs pa phyi'i yul la sems g.yeng ba
 las blang nas sems nang du rtse gcig bar 'jog pa ni bsam gtan gyi rang bzhin no/ /dran dang brtson la gnas pha dang zhes bya ba la/ rgyu bstan te/ gang dag dran pa nyams pa dang/ le lo can la ni bsam gtan mi 'byung gi /gang la bsgom par bya ba'i yul sems la ma
 brjed ba'i dran pa yod pa dang/ de nyid la rgyun tu sgom bar byed pa'i brtson 'grus yod pa de la ni ting nge 'dzin 'byung bar 'gyur bas na dran pa dang brtson 'grus ni rgya'o/ /bde pa dag ni skye ba'i rgyu zhes bya bas 'bras bu bstan te/ bde ba skye ba ni gzugs kyi khams kyi lha rnams kyi
 nang du skye ba'o/ /bsam gtan bsgrubs ni gzugs kyi bsam gtan dang po la sogs pa'i lha'i nang du skye bar 'gyur te/ de bas na de ni 'bras bu'o/ /mngon shes spyod pa'i dbang byed pa'o zhes bya ba la mngon par shes pa la dbang byed pa dang/ spyod pa la dbang byed pa ni las te/
 bsam gtan bsgrubs na rdzu 'phrul gyi mig dang/ rna ba la sogs pa'i mngon par shes pa lnga la dbang byed par 'gyur ba dang/ 'phags pa'i spyod pa dang/ lha'i sbyod pa dang/ tshangs ba'i spyod pa la dbang byed par 'gyur te/ de la bden pa bzhi dang/ rnam par thar ba'i sgo gsum
 la sogs pa ni 'phags pa'i spyod pa'o/ /gzugs kyi khams kyi bsam gtan bzhi dang/ gzugs med pa'i snyoms par 'jug pa bzhi ste/ lha'i spyod ba'o/ /tshad med pa bzhi ni tshangs pa'i spyod pa'o/ /chos rnams kyi ni gtso bo dang zhes bya ba la/ ldan pa ni chos rnams kyi gtso bor
 gyur pa dang ldan te chos rnams kyi gtso bor gyur pa ni bsam gtan no/ /de la gtso bo zhes bya ba dang sngon du 'gro ba zhes bya ba don gcig ste/ bsam gtan ni chos rnams kyi sngon du 'gro ba'o/ /ji ltar sngon du 'gro zhe na/ sems mnyam bar bzhag na yang dag pa ji lta ba bzhin du shes
 pa'i shes rab skye'o/ /shes rab skyes na rnam par grol bar 'gyur ro/ /rnam par grol na rnam par grol ba'i ye shes skye ba'i phyir ro/ /de la yod dang de gsum mo zhes bya bas 'jug pa bstan to/ /de la yod ces bya bas gzhi'i 'jug pa bstan te/
 gong du bshad pa'i bsam gtan de las bsam gtan bsgom pa'i gang zag rnams la yod kyi gzhan la med pa'i phyir/ gang zag ni bsam gtan gyi gzhi'o/ /gsum zhes bya bas rab tu 'jug pa bstan te/ bsam gtan la phye na rnam pa du yod pa ni 'brel ba las 'byung ba
 bzhin du blta'o/ /bsam gtan de bzhin shes nas ni/ /mkhas pas yang dag sgrub par byed ces bya ba la/ bsam gtan gyi rang bzhin dang rgyu la sogs pa gong du bshad pa bzhin bshad nas byang chub sems dpa' rnams de bzhin du sgrub par byed do zhes bya ba'i don to/ /
 rnam par rtog pa dang bcas pa dang rnam par dpyod pa dang bcas pa zhes bya ba la sogs pas/ bsam gtan la phye na rnam pa gsum yod pa ston te/ mi lcogs su mi rung ba dang/ bsam gtan dang po dang gnyis pa ni rtog pa dang bcas dpyod pa dang bcas pa'i bsam
 gtan zhes bya'o/ /bar gyi bsam gtan dang/ bsam gtan gnyis pa ni/ rnam par mi rtog la dpyod pa tsam gyi bsam gtan zhes bya'o/ /bsam gtan gsum pa dang/ bzhi pa ni rnam par mi rtog mi dpyod pa'i bsam gtan zhes bya'o/ /yang dga' ba dang lhan cig ldan pa dang zhes bya
 ba la/ bsam gtan la rnam pa gsum yod pa rnam pa gzhan du 'chad de/ bsam gtan dang po dang gnyis pa ni dga' ba dang lhan cig ldan pa zhes bya ste/ lus kyi sim pa yod pa'i phyir ro/ /bsam gtan gsum pa ni bde ba dang lhan cig ldan pa zhes bya ste/ sems kyi sim pa yod pa'i phyir ro//
 bsam gtan bzhi pa nas srid pa'i rtse mo man chad ni btang snyoms dang ldan pa zhes bya'o/ /shes bya yang dag rab 'byed ni zhes bya ba la/ shes bya'i sgras ni bden pa bzhi dang/ theg pa gsum dang/ rig ba'i gnas la sogs pa la bya ste/ de rnams kyi rang dang spyi'i mtshan nyid
 byin ci ma log par shes shing 'byung ba ni shes rab kyi rang bzhin no/ /yang dag pa smos pas ni mu stegs pa 'di las phyi rol tu gyur pa rnams bdag pa rtag pa la sogs pa'i mtshan nyid du shes bya la 'chal pas log pa'i shes pa'i phyir/ shes rab ma yin pa sel to/ /mnyam par
 bzhag la rab gnas pas zhes bya bas rgyu bstan te/ shes rab kyi rgyu ni ting nge 'dzin yin te/ mdo las kyang sems mnyam par bzhag na yang dag pa ji lta ba bzhin du shes pa'i shes rab 'byung ngo zhes gsungs pa'i phyir ro/ /nyon mongs pa las rnam grol zhing zhes bya ba la/ nyon
 mongs pa las rnam par grol bar byed pa ni shes rab kyi 'bras bu ste/ 'jig rten pa'i shes rab kyis nyon mongs pa 'jig par byed/ 'jig rten las 'das pa nyan thos dang rang sangs rgyas kyi shes rab kyis ni nyon mongs pa'i sgrib pa bag la nyal ba spong bar byed/ 'jig rten las 'das pa gang zag dang chos
 la bdag med par shes pa theg pa chen po'i shes rab kyis ni nyon mongs pa dang shes bya'i sgrib pa bag? la nyal tshun chod spong bar byed de ni 'bras bu'o/ /shes rab 'tsho bston pa ste zhes bya ba la/ shes rab kyis 'tsho bar byed pa dang sems can la chos ston par byed pa gnyis ni las yin te/ 'jig rten na tshor?
 dang zhing rmed pa la sogs pas lus rnag can gyi srog mi 'chad pa 'tsho bar byed mod kyi/ de dag las shes rab kyi 'tsho ba bla na med pa ste/ bla na med pa'i byang chub tu 'tshang rgya ba'i dge ba'i rtsa ba'i srog mi 'chad par byed pa'i phyir ro/ /shes rab dang ldan na sems can la chos ston par byed do chos
 rnams kyi rang dang phyi'i mtshan nyid ma nor bar 'chad pa'i phyir ro/ /chos rnams kyi ni dam pa dang zhes bya ba la/ ldan pa ni chos rnams kyi dam pa dang ldan te/ pha rol tu phyin pa thams cad kyi dam pa ni shes rab kyi pha rol tu phyin pa ste/ shes rab kyi pha rol tu phyin pa 'bum la sogs pa'i mdo las
 kyang/ shes rab kyi pha rol tu phyin pa ni pha rol tu phyin pa rnams kyi dam pa'o/ /gtso bo'o/ /khyad par can no zhes gsungs so/ /de la yod dang de gsum dang zhes bya bas 'jug pa bstan to/ /de la yod ces bya bas gzhi'i 'jug pa bstan to/ /gong du bshad pa'i shes rab de yang gang zag shes
 rab tsan rnams la yod kyi gzhan la med de/ de bas na gang zag shes rab can ni shes rab kyi gzhi'o/ /de gsum zhes bya bas rab tu dbye ba'i 'jug pa bstan te/ shes rab la phyen yang rnam gsum du 'jug go /gsum po ni 'jig rten pa'i shes rab
 dang/ 'jig rtan las 'das pa chung du nyan thos dang rang sangs rgyas kyi shes rab dang/ 'jig rten las 'das pa chen po ste byang chub sems dpa' shes rab po/ /shes rab de bzhin shes nas ni/ /mkhas pa yang dag sgrub par byed ces bya ba la/ shes rab kyi rang bzhin dang rgyu la sogs
 pa gong du bshad pa lta bu yin par shes nas byang chub sems dpa' rnams de bzhin du sgrub par byed do zhes bya ba'i don to/ /bsdu ba rnam par dbye ba'i tshigs su bcad pa zhes bya ba la/ pha rol tu phyin pa drug gi dbye ba bshad nas/ sa dang/ pha rol tu phyin pa dang/ byang chub kyi phyogs dang/
 dge ba bcu la sogs pa'i chos thams cad pha rol tu phyin pa drug gi nang du bsdus par dbye zhing bstan pa'i phyir tshigs su bcad pa gcig rtsom mo zhes bya ba'i don to/ /dkar po'i chos kun mnyam par ma bzhag dang/ /mnyam par bzhag dang gnyi ka shes par bya zhes pa la/ sa dang/ pha rol
 tu phyin pa dang/ byang chub kyi phyogs la sogs pa'i dkar po'i chos kun pha rol tu phyin pa drug gi nang du 'dus te dkar po'i chos kyang cha gsum du bzhag go /gang zhe na/ mnyam par ma bzhag pa'i rang bzhin dang/ mnyam par bzhag pa'i rang bzhin dang/ gnyi ga ste/ mnyam par bzhag pa'i
 rang bzhin yang yin/ mnyam par ma bzhag pa'i rang bzhin yang yin pa'o/ /gnyis su pha rol tu phyin pa rnams zhes bya ba la/ sbyin pa dang/ tshul khrims kyi pha rol tu phyin pa gnyis kyi nang du ni mnyam par ma bzhag pa'i dge ba rnams bsdu ste/ ci'i phyir zhe na/ sbyin pa yang lus kyi
 sgo nas yongs su gtong ba yin pas mnyam par ma bzhag pa'i ngo bo yin pa la tshul khrims rnam pa gsum ste/ yang dag par blangs pa'i tshul khrims so sor thar pa'i sdom pa dang/ bsam gtan gyi sdom pa dang/ zag pa med pa'i sdom pa las/ so sor thar pa'i sdom pa yang
 srog mi gcod pa la sogs pa lus dang ngag gis bsrung ba yin gyi/ sems kyis bsrung ba ma yin pas na mnyam par ma bzhag pa'i rang bzhin no/ /gnyis gnyis rab tu bsdu bar 'gyur ces bya ba la/ bsam gtan dang/ shes rab gnyis kyis ni mnyam par bzhag pa'i chos
 rnams bsdu ste/ bsam gtan ni dngos su mnyam par bzhag pa'i rang bzhin yin pas de'i nang du bsam gtan gyi sdom pa dang/ zag pa med pa'i sdom pa yang bsdu la/ shes rab ji ltar mnyam par bzhag par bsdu zhe na/ shes rab rnam pa gsum ste/ mnyan pa'i shes rab dang/
 bsam pa'i shes rab dang/ bsgoms pa'i shes rab gsum las/ mnyan pa dang bsams pa'i shes rab gnyis ni mnyam par ma bzhag pa'i nang du bsdu la/ bsgom pa'i shes rab ni sems mnyam par bzhag pa las yang dag pa ji lta ba bzhin du bsgom pa'i shes rab 'byung bas
 na/ mnyam par bzhag pa'i nang du bsdu ste/ bsam gtan ni zhi gnas kyi rang bzhin yid la shes rab ni lhag mthong gi rang bzhin yin pas mnyam par bzhag par gtogs par rig par bya'o/ /bzod pa dang/ brtson 'grus gnyis ni mnyam par ma bzhag pa'i rang bzhin yang
 yin la/ mnyam par bzhag pa'i rang bzhin yang yin te/ ji lta zhe na/ byang chub sems dpa' sbyin pa gtong zhing tshul khrims bsrung ba'i dus na yang bzod pa dang/ brtson 'grus yod pas/ mnyam par ma bzhag par yang gtogs la/ zhi gnas dang lhag mthong gi bsgom
 pa'i dus na yang bzod pa dang/ brtson 'grus yod pas na mnyam par bzhag par yang gtogs so/ /mi mthun pa'i phyogs rnam par dbye ba'i tshigs su bcad pa zhes bya ba la/ bsdu ba bshad nas/ da ni pha rol tu phyin pa drug gi mi mthun pa'i phyogs phye na du yod pa bstan pa'i
 phyir/ tshigs su bcad pa rtsom ste/ de la pha rol tu phyin pa re re zhing phye na mi mthun pa'i phyogs bdun bdun yod ming la longs spyod la chags pa la sogs pa 'grel pa las 'byung ba'o/ /phyi dang nang gi dngos po gtong mi phod pa ni longs spyod la chags pa zhes bya ste de med pas na/ byang
 chub sems dpa' i sbyin pa ni/ ma chags mi chags chags pa med ces bya'o/ /sbyin pa gtong ba yang slong ba po la? 'ongs ma thag tu mi gtong gi /de ring dam sang btang zhe 'am/ byis btang ngo snyam du sems dpa' ni bshol pa la chags ba zhes bya ste/ de lta
 bu byang chub sems dpa' la mi mnga' bas na mi chags pa zhes bya'o/ /sbyin pa 'di tsam zhig btang bas chog ste/ phan chad btang mi dgos she bas/ nye du gnyen bshes dang bran g.yog la sbyin gyi kun la mi sbyin zhe 'am/ phyogs 'dir sbyin gyi phyogs kun tu mi sbyin zhe 'am/
 dus 'di'i tshe na sbyin gyi dus thams cad du mi sbyin no snyam du sems ba ni de tsam gyis chog ba la chags pa zhes bya ste/ byang chub sems dpa' ni sems can kun la/ phyogs bcu kun tu dus thams cad du gtong ste/ /de tsam gyis de chog pa le chags pas na chags pa med pa zhes
 bya'o/ /bdag gis 'di la phyi nang gi dngos po btang na/ byin na bdag la slar phan 'dogs so snyam du sems shing byin pa ni kha na re ba la chags pa zhes bya ste/ de lta bu byang chub sems dpa' la mi mnga' bas na/ chags pa nyid du 'gyur ba'ang med la zhes bya'o/ /sbyin pa 'di btang bas
 ma 'ongs pa na 'bras bu longs spyod chen po thob par shog cig ces smon pa ni rnam par smin pa la chags pa zhes bya ste/ 'di lta bu'i chags pa med pas na/ ma chags pa zhes bya'o/ /mi mthun pa'i phyogs la chags pa zhes bya ba ni/ ser sna dang chags pa'i bag la nyal ma bcom ba
 ste/ ji srid du bag la nyal bcom pa de srid du yo byad la chags pa 'byung ngo/ /byang chub sems dpas ser sna'i bag la nyal ba bcom pas na/ /mi chags pa zhes bya'o/ /de bas na mngon pa'i chos bsdus pa'i bstan bcos las kyang/ nyon mongs pa'i bag la nyal ma spangs pa
 dang/ tshul bzhin ma yin pa'i yid la byas pa dang/ nyon mongs pa'i gnas kyi chos snang bar gyur ba las nyon mongs pa skye bar 'gyur ro zhes kyang gsungs so/ /rnam par g.yeng ba'i chags pa la gnyis te/ yid la byed pa'i g.yeng ba dang/ rnam par rtog pa'i g.yeng ba'o//
 de la yid la byed pa'i g.yeng ba ni sbyin pa la sogs pa nyan thos kyi mya ngan las 'das pa thob par bya ba'i phyir spyod cing bsngo ba ste/ de ltar bsngos bas ni mya ngan las 'das pa'i mthar ltung bar 'gyur ro/ /rnam par rtog pa'i g.yeng ba ni/ gtong ba po dang/ len pa dang/ rdzas
 gsum yod par rtog pa ste/ /des ni sbyin pa la sogs pa 'khor bar ltung bar 'gyur ro/ /byang chub sems dpa' ni sbyin pa byas pa bla na med pa'i byang chub tu bsngo bas yid la byed pa'i g.yeng ba med pa dang/ gtong ba po dang/ len pa dang/ rdzas gsum yod par mi rtog
 ste/ 'khor gsum yongs su dag pa'i tshul gyis gtong bas rnam par rtog pa'i g.yeng ba med de/ de ltar rnam par g.yeng ba med pa la chags pa med pas na/ chags pa ma yin pa zhes bya'o/ /de ltar sbyin pa'i mi mthun pa'i phyogs rnam pa bdun gyi dbang du byas nas
 'phags pa blo gros mi zad pa'i mdo las kyang/ gzhan yang btsun pa shA ra dwA ti'i bu/ /byang chub sems dpa' rnams la mi mthun ba'i longs spyod yongs su tshol ba'i spyin pa med do/ /byang chub sems dpa' rnams la sems can la gnod pa'i sbyin pa med do/ /nga rgyal skyed cing
 sbyin pa med do zhes bya ba la sogs pa rgya cher gsungs so/ /byang chub sems dpa' i tshul khrims ni/ ma chags mi chags chags pa med ces bya ba la sogs pa la/ byang chub sems dpa' i tshul khrims? kyi mi mthun pa'i phyogs ni srog gcod pa dang/ ma byin par len pa la
 sogs pa dngos su spyod pa la chags pa ste/ kha cig ni 'dod chags kyi sgo nas srog gcod pa la sogs pa byed pa la chags/ kha cig ni zhe sdang gi sgo nas chags/ kha cig ni gti mug gi sgo nas chags so/ /de bas na las kyi lam rnam pa bcu rnams ni rnam gsum du 'dod de/
 'dod chags las skyes pa'i srog gcod pa dang/ zhe sdang dang gti mug las skyes pa'i srog gcod pa'o/ /de lta bur dngos su spyod pa'i phyogs byang chub sems dpa' la mi mnga' bas na ma chags pa zhes bya'o/ /tshul khrims yang dag par len pa yang brtun de de ma thag tu
 mi len gyi sems shing phyis len par byed pa ni bshol ba la chags ba zhes? bya ste/ /de lta bu mi mnga' ? bas na mi chags pa zhes bya'o/ /nyi ma gcig gnyis zhe 'am/ lo gcig gnyis shig bsrung zhe 'am/ sems can 'di dag gi srog
 mi gcad/ longs spyod la ma byin par mi blang gi /de las ma gtogs pa gzhan dag gi srog la gnod pa bya zhing/ longs spyod lam byin par len to/ /zhes sems pa ni de tsam gyis chog pa la chags pa zhes bya ste/ /de lta bu byang chub sems dpa' la mi mnga' 
 bas na chags pa med pa zhes bya'o/ /sems can 'di dag gi srog ma bcad cing/ nor la ma byin par ma blangs na bdag la phan 'dogs par 'gyur ro snyam du sems shing tshul khrims bsrung ba ni lan re ba la chags pa zhes bya ste/ de lta bu byang chub sems dpa' la
 mi mnga' bas na chags pa nyid du 'gyur ba med pa zhes bya'o/ /tshul khrims bsrungs na lha dang mi'i nang du skye bar 'gyur ro snyam du sems nas tshul khrims srung bar byed pa ni rnam par smin pa la chags pa zhes bya ste/ de lta bu byang chub sems dpa' la mi mnga' baS
 na ma chags pa zhes bya'o/ /'dod chags dang/ zhe sdang dang/ gti mug la sogs pa'i nyon mongs pa'i bag la nyal ma spangs pa ni mi mthun pa'i phyogs la chags pa zhes bya ste/ byang chub sems dpas dang tshul ngan ba skyed par byed pa'i rgyu bag la nyal kun bcom ste med
 par byed pas na mi chags pa zhes bya'o/ /tshul khrims yang dag par bsrungs pa nyan thos la sogs pa'i theg par mi bsngo pas yid la byed pa'i g.yong ba med pa dang/ gang zag dang/ tshul khrims dang/ bsrung? ba gsum du mi rtog pas rnam par rtog ba'i g.yeng
 ba med de/ de ltar rnam par rtog pa'i g.yeng ba la chags ba med pas na chags pa med pa zhes bya'o/ /byang chub sems dpa' i bzod pa ni zhes bya ba la sogs pa la/ /bzod pa'i mi mthun pa'i phyogs ni zhe sdang gis dngos su sems can la gnod pa byed
 pa ste/ /de lta bu byang chub sems dpa' la mi mnga' bas na ma chags pa zhes bya'o/ /sems can 'ga' zhig la zhe sdang langs na de ma thag tu zhe sdang gi sems spong bar mi byed kyi bsams shing brtags nas phyis gnod pa bzod par byed pa ni bshol pa la chags
 pa zhes bya ste/ /de lta bu byang chub sems dpa' la mi mnga' bas na mi chags pa zhes bya'o/ /bzod ba cud zad tsam byas pa yis chog go snyam du sems pa 'am/ /bdag gis bshes pa 'am/ mdza' ba rnams la ni bzod par bya'i gzhan la mi bya'o snyam du sems
 pa'am/ phyogs 'di dang dus 'dir bzod par bya'o/ /phyogs kun dang/ dus kun tu bzod par mi bya'o snyam du sems pa ni de tsam gyis chog ba la chags pa zhes bya ste/ /de lta bu byang chub sems dpa' la mi mnga' bas na chags pa med pa zhes bya'o/ /sems can 'di
 dag gis bdag la gnod pa byas pa rnams bdag gis bzod par byas na 'di dag bdag la phan 'dogs par byed do snyam du bsams nas bzod par byed pa ni lan re ba la chags pa zhes bya ste/ /de lta bu byang chub sems dpa' la mi mnga' bas na chags pa nyid du 'gyur
 ba med pa zhes bya'o/ /bzod ba bsgoms na ma 'ongs pa na g.yog 'khor mang po dang/ /byang gzugs bzang po 'gyur ro snyam du sems nas bzod pa bsgom pa ste/ rnam par smin pa la chags zhes bya ste/ /de lta bu byang chub sems dpa' la mi mnga' bas na ma chags pa zhes bya'o//
 bzod ba'i mi mthun pa'i phyogs zhe sdang gi bag la nyal ma spangs pas ni mi mthun pa'i phyogs la chags pa zhes bya ste/ byang chub sems dpa' zhe sdang gi bag la nyal spangs pas ni mi chags pa'i zhes bya'o/ /bzod pa bsgoms pa yang theg pa chung dud mi bsde la// /yi ral?
 byed pa'i g.yeng ba med pa dang/ /gang zag dang/ /bzod pa dang/ /bsgom pa gsum mi dmigs pas rnam par rtog pa'i g.yed ba med pa'i phyir ni chags pa med zhes bya'o/ /byang chub sems dpa' i brtson 'grus ni zhes bya ba la sogs pa la/ /brtson 'grus kyi mi mthun pa'i phyogs ni
 nyal ba dang 'bres ba la sogs pa'i bde ba la chags shing le lo byed pa dang/ 'jig rten gyi las bya ba mang po la zhugs shing dge ba la mi 'jug pa'i le lo la chags pa ste/ de lta bu byang chub sems dpa' la mi mnga' bas na ma chags pa zhes
 bya'o/ /? bsdad nas dge tha la 'jug gi /dge ba'i phyogs la myur du mi 'jug pa ni bshol ba la chags ba zhes bya ste/ de lta bu byang chub sems dpa' la mi mnga' bas na/ mi chags pa zhes bya'o/ /brtson 'grus cung zad tsam zhig brtsams pas chog ce 'am/ bshes
 dang grogs rnams kyi las ni bya'i gzhan gyi ni mi bya zhe 'am/ dus phyogs 'dir ni brtson 'grus brtsam gyi/ dus dang phyogs ni gzhan du mi brtsam mo snyam du sems pa ni de tsam gyis chog ba la chags pa zhes bya ste/ de lta bu byang chub sems dpa' la mi mnga' bas na chags pa
 mi mnga' ba zhes bya'o/ /sems can 'di dag gi las su bya ba'i grogs byas na bdag la phan 'dogs par 'gyur ro snyam du ba mas nas gyogs byed pa ni lan re ba la chags ba zhes bya ste/ de lta bu byang chub sems dpa' la mi mnga' ? man chags pa nyid du gyur pa'ang med ces bya'o/ /
 brtson 'grus brtsams nam 'ongs par las kyi thams cad 'grub par 'gyur ro snyam du bsams nas de'i tshe brtson 'grus brtsom pa ni rnam par smin pa la chags pa zhes bya ste/ de lta bu byang chub sems dpa' la mi mnga' bas na ma chags pa zhes bya'o/ /brtson 'grus kyi mi mthun pa'i phyogs ni la lo
 ste/ le lo'i bag la nyal ma spangs kyi bar du ni mi mthun pa'i phyogs ma spangs pa'o/ /byang chub sems dpa' le lo'i bag ma? nyal? bcom bas na mi chags pa zhes bya'o/ /brtson 'grus brtsams pa yang nyan thos la sogs pa'i theg par mi bsngo bas yid la byed pa'i g.yeng ba spangs pa dang/ gang
 zag dang/ brtson 'grus dang/ bsgrub ba gsum du mi rtog pas rnam par rtog ba'i g.yeng ba spangs te med bas na chags pa min ba zhes bya'o/ /byang chub sems dpa' i bsam gtan ni zhes bya ba la sogs pa la/ bsam gtan gyi mi mthun pa'i phyogs ni sems g.yeng ? chags pa ste/ ji
 srid du sems phyi rol tu g.yeng ba 'gyur ba de srid du sems rtse gcig pa mi 'byung ste/ de byang chub sems dpa' la mi mnga' bas na ma chags ba zhes bya'o/ /bsam gtan bsgom pa la myur du brdzun? te mi 'jug gi /phyis 'jug par byed pa ni bshol pa la chags pa zhes bya ste/ de byang chub
 sems dpa' la mi mnga' bas na mi chags pa zhes bya'o/ /bsam gtan chung zhes byas ba chog par 'dzin pa 'am/ sems can kha cig gi don du bsam gtan byed pa dang/ kha cig gi don du mi byed pa'am/ dus dang phyogs kha cig tu bsgom gyi/ dus dang phyogs thams cad du
 mi bsgom ba ni de tsam gyis chog ba la chags zhes bya ste/ de lta bu byang chub sems dpa' rnams la mi mnga' bas na chags pa med pa zhes bya'o/ /sems can 'di dag gi don byed pa'i bsam gtan bsgoms na bdag la phan 'dogs par 'gyur ro snyam nas bsam gtan bsgom na ni lan la
 re ba la chags ba zhes bya ste/ de lta bu byang chub sems dpa' la mi mnga' bas na chags pa nyid du gyur pa 'ang med pa zhes bya'o/ /bsam gtan bsgoms na lus la nad med pa la sogs pa dang/ gzugs kyi khams kyi lha rnams su skye bar 'gyur te/ de'i bsgom pa ni rnam par smin pa la chags
 ba zhes bya ste/ de lta bu byang chub sems dpa' la mi mnga' bas nam chags pa zhes bya'o/ /bsam gtan gyi mi mthun pa'i phyogs sems g.yeng ba'i bag la nyal ma spangs ba ni mi mthun pa'i phyogs la chags pa zhes bya ste/ de lta bu byang chub sems dpa' la mi mnga' bas na mi chags ba zhes
 bya'o/ /bsam gtan bsgom pa yang nyan thos la sogs pa'i mya ngan las 'das bar mi bsngo bas/ yid la byed pa'i g.yeng ba med pa dang/ gang zag dang/ bsam gtan dang/ bsgom pa gsum mi dmigs pas/ rnam par rtog pa'i g.yeng ba med de de'i phyir/ chags pa min pa zhes bya'o/ /
 byang chub sems dpa' i shes rab ni zhes bya ba la sogs pa la ? shes rab kyi mi mthun pa'i phyogs ni rtag pa dang chang pa la sogs par rtog pa'i lta ba la chags shing dag ba'i bshes gnyen la bsnyen bkur bya ba'i phyir brtson par mi byed pa ste/ de lta bu byang chub sems dpa' la mi mnga' bas
 na ma chigs pa zhes bya'o/ /de bas na mdo dag la/ klog go/ 'dri'o/ rtog go gzhan la 'dri'o/ /thos pa'i rnam pa 'dzin no zhes bya ba la sogs pa gsungs so/ /mnyan pa dang bsams pa la sogs pa la myur du mi 'jug gi /bshol te 'jug pa ni
 bshol ba la chags pa zhes bya ste/ de lta bu byang chub sems dpa' la mi mnga' pas na mi chags pa zhes bya'o/ /shes rab cung zad tsam bsgrubs pas chog go snyam pa 'am/ chos kha cig shes kha cig mi shes kyang rung ste chog go snyam pa la/ yul dang phyogs kha cig tu shes
 rab bsgrub kyi yul dang phyogs kun tu bsgrub mi dgos so snyam du sems pa ni de tsam gyis chog pa la chags pa zhes bya ste/ de lta bu byang chub sems dpa' la mi mnga' bas na chags pa med pa zhes bya'o/ /bdag gis chos rnams kyi rang dang spyi'i mtshan nyid gzhan la bshad
 na gzhan gyis bdag la phan 'dogs par 'gyur ro snyam du sems pa ni lan re ba la chags pa zhes bya ste/ de lta bu byang chub sems dpa' la mi mnga' bas na chags pa nyid du 'gyur pa'ang med pa zhes bya'o/ /bdag gis shes rab bsgrubs pas ma 'ongs pa na bdag rig pa'i gnas
 lnga la mkhas par 'gyur snyam du bsams nas shes rab bsgrub pa ni rnam par smin pa la chags pa zhes bya ste/ de lta bu byang chub sems dpa' la mi mnga' bas na ma chags pa zhes bya'o/ /shes rab kyi mi mthun pa'i phyogs rtag char du rtogs pa'i 'chal pa'i shes rab kyi bag la nyal ma
 spangs pa ni mi mthun pa'i phyogs la chags pa zhes bya ste/ de lta bu byang chub sems dpa' la mi mnga' bas na mi chags pa zhes bya'o/ /shes rab bsgrubs kyang nyan thos la sogs pa'i theg pa dma' bar mi bsngo bas yid la byed pa'i g.yang ba med pa dang/ gang zag dang/ shes rab
 dang/ sgrub pa gsum du mi rtog pas rnam par rtog pa'i g.yeng ba med pa'i phyir chags pa min pa zhes bya'o/ /yon tan rnam par dbye ba'i tshigs su bcad pa nyi shu rtsa gsum ste zhes bya ba la/ pha rol tu phyin pa drug gi mi mthun pa'i phyogs bstan nas/ da ni pha rol tu phyin pa drug gi
 yon tan gang yin pa dang/ yon tan la phye na rnam pa du yod pa'i tshigs su bcad pa nyi shu rtsa gsum gyis bstan to zhes bya ba'i don to/ /de la pha rol tu phyin pa re re zhing yang phye na yon tan rnam pa bzhi bzhi yod de/ bzhi po ni rgya che ba dang/ zang zing med pa dang/ don che ba dang
 mi zad pa'o/ /sangs rgyas sras rnams srog la mi lta snying rjes slong la rnam par gtong zhes bya ba la/ snying rje zhes bya ba'i chig tshigs su bcad pa rkang pa dang po la 'byung mod kyi/ tshigs su bcad pa'i rkang pa gnyis pa gzhan la lan mi re zhes 'byung ba'i skabs
 su sbyar ro/ /sangs rgyas kyi sras ni byang chub sems dpa' rnams te/ byang chub sems dpa' rnams gal te don du gnyer ba'i sems can slong ba yod na lus dang srog la yang mi lta bar gtong bar byed na/ bza' ba dang bgo ba la sogs pa phyi'i dngos po lta ci zhig
 smos te gtong ces bya'o/ /de ltar gtong pa de'ang nyin 'ga' gtong/ nyin 'ga' mi gtong/ lo 'ga' gtong/ lo 'ga' mi gtong/ skad cig ma gcig la gtong skad ma cig la mi gtong ba ma yin gyi/ 'khor ba'i mdza' dang/ nam mkha' i mdza' ji tsam du
 ji srid kyi bar du rgyun tu gtong bar byed pas rtag par gtong ba zhes bya ste/ de lta bur phyi dang nang gi dngos po gnyi ga gtong la dus thams cad du gtong bas na tshig rkang dang po 'dis ni rgya che ba bstan to/ /gzhan la lan mi re zhing 'bras bu don du gnyer ba med ces bya ba la/
 bdag gis phyi dang nang gi dngos po btang bas bdag la sems can rnams phyis phan 'dogs par 'gyur ro zhes lan re ba'i phyir sbyin pa med kyi/ sems can brel phongs pa rnams la snying rje pa'i dbang gis gtong pa dang/ sbyin pa byas pa'i 'bras bus longs spyod chen
 por 'gyur ro zhes sbyin pa byed pa med/ 'bras bu don du gnyer ba med pas na tshe 'dir lan la re ba med pa dang/ tshe rabs gzhan du rnam par smin pa la chags pa med pa'i phyir tshigs bcad gnyis pas ni zang zing med par bstan pa'o/ /sbyin pa des kyang skye bo thams
 cad byang chub gsum la bkod ces bya ba la/ de ltar phyi dang nang gi sbyin pas sems can rnams bsdus nas 'jig rten gyi longs spyod kyi 'bras bu la bkod pa ni ma yin gyi/ skal pa ji lta ba bzhin du nyan thos kyi byang chub dang/ rang
 sangs rgyas kyi byang chub dang/ byang chub chen po la bkod de/ chig rkang pa gsum pa 'dis ni don che bar bstan to/ /shes pas gzung ba'i sbyin pas 'jig rten mi zad bzhag ces bya ba la/ so so skye bo rnams kyi sbyin pa ni rnam par mi rtog pa'i ye shes kyi sam
 zin pas/ gtong ba po dang/ len pa dang/ rdzas gsum yod par rtog cing longs spyod thob par bya ba'i phyir gtong ste/ sbyin pa de 'khor bar ltung bas rnam par smin pa'i longs spyod zad na sbyin pa yang zad par 'gyur te/ /byang chub sems dpa' i sbyin pa ni 'khor
 par mi ltung bas na mi zad pa yin te/ de bas na 'phags pa blo gros mi zad pa'i mdo las kyang/ sbyin pa de ni yang dag par ma zin pa ste/ de'i phyir mi zad pa'o/ /sbyin pa da ni khams gsum pa dang yang dag par ma 'dres pa ste/ de'i phyir mi zad pa'o zhes
 bya ba la sogs pa gsungs so /'phags pa nyan thos rnams ni gang zag la bdag med pa tsam khong du chud la snying rje chen po spangs pas/ /phung po'i ldag? ma ma lngas pa'i mya ngan las 'das pa'i dbyings su zhugs pa na zad par 'gyur te/ mya ngan las 'das
 pa 'ba' zhig gi phyogs gcig tu ltung? ba yin gyi/ byang chub sems dpa' ni gang zag dang chos la bdag med par khong? du chud cing/ snying rje chen pos yongs su zin pas 'khor ba'i mdza' dang sems can gyi mdza' ji srid du rgyun mi 'chad par 'byung ste/ de bas
 na tshig rkang pa bzhi pas ma zad pa bstan to/ /de'i phyir 'phags pa blo gros mi zad ba'i mdo las kyang/ sbyin pa de ni gtong ba nyid kyi rnam pas bsgrubs te/ de'i phyir mi zab pa'o zhes bya ba la sogs pa gsungs so/ /sangs rgyas sras rnams sdom dang brtson pa'i tshul
 khrims gsum rtag 'dzin ces bya ba la/ /byang chub sems dpa' i bslabs tshigs rnam pa gsum ste/ sdom pa'i tshul khrims dang/ dge ba chos sdud pa'i tshul khrims dang/ sems can gyi don byed pa'i tshul khrims so/ /de la sdom ba zhes bya bas sdom pa'i tshul khrims
 bston/ brtson zhes bya ba'i sgras dge ba chos sdud pa dang sems can gyi don byed pa'i tshul khrims bstan to/ /de la nyan thos rnams ni sdom pa'i tshul khrims len par zad kyi don byed pa'i sems can gyi don byed pa dang/ dge ba sdud pa'i tshul khrims mi len mi bsrung
 zhing/ de yang tshe gsum du bsrung bar zad kyi/ /byang chub sems dpa' ni tshul khrims rnam pa gsum 'dzin cing bsrung la de'ang byang chub kyi snying po la 'dug gi bar du srung bar byed de tshig 'dis ni rgya che ba bstan to/ /mtho ris mi 'dod yang dag blangs kyang de la chags
 mi byed ces bya ba la/ tshul khrims bsrungs pa 'dis lha dang mi'i gnas mtho ris thob par shog cig ces mtho ris 'dod pa'i tshul khrims srung bar byed pa ma yin pa dang/ tshul khrims bsrungs pa'i 'bras bu mtho ris su skyes shing/ mtho ris kyi gnas blangs kyang
 mtho ris kyi gnas kyi bde ba la chags shing zhen pa med de rkang ba gnyis pa 'dis ni zang zing med pa bstan to/ /tshul khrims des kyang skye bo thams cad byang chub gsum la bkod ces bya ba la/ gong du bshad ba'i tshul khrims rnams gsum gyis skye ba rnam pa bzhir skyes pa'i
 sems can rnams bsdus nas theg pa gsum gyis byang chub gsum la bkod de rkang pa gsum pa 'dis ni don che ba bstan to/ /shes pas bsrung ba'i tshul khrims kyis ni 'jig rten mi zad gzhag ces bya ba la/ 'jig rten pa rnams kyi tshul khrims ni gang zag dang/ tshul
 khrims dang/ bsrung ba gsum du dmigs te/ 'khor bar ltung ba yin pas rnam par smin pa zad nas tshul khrims zad par 'gyur ro/ /byang chub sems dpa' i tshul khrims ni 'khor gsum mi dmigs pa ? ste/ rnam par ma rtog pa'i ye shes kyis zin pas na mi zad par
 'gyur te/ de'i phyir 'phags pa blo gros mi zad pa'i mdo las kyang/ gang 'dod pa'i khams la mi brten pa dang/ gzugs kyi khams la mi gnas pa dang/ gzugs med pa'i khams na mi 'dug pa de ni tshul khrims so zhes bya ba la
 sogs pa gsungs so/ /'phags pa nyan thos rnams kyi tshul khrims ni snying rje chen po dang bral bas mya ngan las 'das pa 'ba' zhig mthar ltung ba'i phyir/ phung po'i lhag ma ma lus par spangs pa'i mya ngan las 'das pa'i dbyings su zhugs pa dang zad par 'gyur
 gyi/ byang chub sems dpa' i tshul khrims ni thugs rje chen pos yongs su zin pas phung po lhag ma ma lus pa'i mya ngan las 'das bas zhugs kyang dag pa 'jig rten pa'i ye shes kyis 'khor ba dang nam mkha' i mdza' ji srid kyi bar du tshul khrims kyi bya ba zang mi shes
 par 'byung ste/ rkang pa bzhi pa 'dis ni mi zad ba bstan to/ /de bas na 'phags pa blo gros mi zad pa'i mdo las kyang/ btsun pa shA radwA ti'i bu tshul khrims ma zad pa ni rgyun mi zad pa'i phyir pa lta'o/ /de ci'i phyir zhe na/ so so'i skye bo rnams kyi tshul khrims ni skye
 ba'i gnas kyis zad par 'gyur ro/ /phyi rol gyi lnga mngon par shes pa rna?/ mas kyi tshul khrims ni mngon par shes pa nyams pas zad par 'gyur ro/ /mi rnams kyi tshul khrims ni dge ba bcu'i las kyi lam zad pas zad par 'gyur ro/ /'dod pa'i khams kyi lha'i bu
 rnams kyi tshul khrims ni bsod nams zad pas zang bar 'gyur ro/ /gzugs kyi khams kyi lha'i bu rnams kyi tshul khrims ni tshad med pa dang bcas gtan zad bas zad par 'gyur ro/ /gzugs med pa'i lha'i bu rnams kyi tshul khrims ni ji lta bu snyoms par
 zhugs pas skyes ba zang na zang bor 'gyur ro/ /nyan thos dang slob pa pa mi slob pa'i tshul khrims ni mya ngan las 'das pa'i mthar zad par 'gyur ro/ /rang sangs rgyas kyi tshul khrims ni snying rje chen po dang bral bas zad par 'gyur ro/ /btsun pa shA radwA ti'i bu byang chub sems
 dpa' rnams kyi tshul khrims ni mi zad pa ste/ de ci'i phyir zhe na/ 'di ltar tshul khrims de las tshul khrims thams cad 'byung ste zhes bya ba la sogs pa gsungs so/ /sangs rgyas sras rnams mi'i gnod pa bya dka' thams cad bzod ces bya ba la/ byang chub sems dpa' i
 bzod ba rnams gsum ste/ gnod pa la mi mjed pa'i bzod pa dang/ sdug bsngal la ji mi snyam pa'i bzod pa dang/ chos la nges par rtog pa'i bzod pa'o/ /de la byang chub sems dpa' rnams sems can rnams la bu gcig pa lta bur byams pas na sems can gyis dbyig pa dang
 rdo? ba la sogs pa'i gnod pa thams cad bzod pa ste/ de ni gnod pa la ji mi snyam pa'i bzod pa yin no/ /spyad dka' ba ni sems can smin par bya ba dang/ bdag nyid sangs rgyas kyi chos sbyin par byas pa la zhugs pa na grangs ba dang tsha ba dang bkres pa dang bskom pa la sogs pa'i
 sdug bsngal thams cad bzod pa ni spyad dka' ba thams cad bzod pa ste/ de ni sdug bsngal la ji mi snyam pa'i bzod pa zhes bya ste/ de ltar phyi nang gi sdug bsngal kun 'thad pas na rkang pa dang po 'dis ni rgya che ba bstan to/ /de bas na 'phags pa blo gros mi zad pa'i mdo las kyang/ btsun
 pa shA radwA ti'i bu rnam pa sum cu rtsa gnyis kyis byang chub sems dpa' rnams kyi brjod par blta'o/ /sum cu rtsa gnyis gang zhe na/ bag la nyal spangs pa'i phyir bzod par blta'o/ /mi gnod pa'i phyir bzod bar blta'o zhes bya ba la sogs pa rgya cher gsungs so/ /mtho ris mi
 nus ba dang 'jigs pa phan btags lta bas min ces bya ba la/ byang chub sems dpa' rnams bzod pa la gnas pa yang mtho ris kyi bde ba thob par bya ba'i phyir bzod pa la gnas par byed pa ma yin gyi/ mngon par shes pa drug thob pas na mthu dang ldan pa yin te/ de bas
 na mthu chen po rnams la sogs par mi nus pa'i phyir/ bzod par bya ba ma yin 'jigs pa lnga dang bral bas rgyal po dang rkun pos 'jigs pa'i phyir bzod pa ma yin/ bdag gi sems can 'di dag la bzod par byas nas bdag la phan 'dogs par 'gyur ro zhes bzod par bya ba ma
 yin te/ de bas na rkang pa gnyis pa 'dis ni zang zing med pa bstan to/ /zla med bzod pas skye bo thams cad byang chub gsum la bkod ces bya'i rkang pa gsum pa 'dis don chen po bstan to/ /bzod pa rnam pa gsum la bla na med pa'i bzod pa zhes bya'o
 shes pa bzung pa'i bzod pa yis ni 'jig rten mi zad gzhag ces bya ba'i rkang pa bzhi pa 'dis mi zad pa bstan te/ chos la nges par rtog pa'i bzod pa yang bshad do/ /tshig gi don zhib tu bshad pa ni sngar bshad pa bzhin du sbyar bar bya'o/ /de'i don kyang 'phags
 pa blo gros mi thad pa'i mdo las/ des bzod pa yongs su dag pa gang zhe na/ gang brag ca'i sgra dang mtshungs par shin tu rtogs pa'i phyir spyos pa las mi spyo ba dang/ lus gzugs brnyan dang mtshungs par rtogs pa'i phyir/ rdeg pa las sngar mi rdeg pa dang zhes
 bya ba la sogs pa gsungs pa dang/ gzhan yang da la shin tu bzod pa gang zhe na/ gang stong pa nyid rtogs pa de la lta bar gyur pa la yang bsam pa med stong pa nyid du sgro 'dogs pa yang med do/ lta bar gyur pa nyid stong pa'i zhes gang 'di la bzod pa 'di ni shin tu
 bzod pa'o zhes bya ba la sogs pa gsungs so/ /sangs rgyas sras rnams go cha sbyor ba'i brtson 'grus dpe med byas zhes bya ba la/ go cha'i sgras ni go cha'i brtson 'grus bstan/ sbyor ba'i sgras kyang sbyor ba'i brtson 'grus bstan to zhes bya ba ni brtsums? pa bya
 ste/ byang chub sems dpa' rnams kyis go cha'i brtson 'grus dpe med par brtsams pa dang/ sbyor ba'i brtson 'grus dpe? med pa brtsams te/ dpe med pa'i sgras ni 'jig rten pa dang/ nyan thos dang/ /rang sangs rgyas ? brtson 'grus las byang chub sems
 dpa' i brtson 'grus khyad zhugs par ston de/ 'jig rten ba rnams kyis brtson 'grus ni nyon mongs pa'i phyogs dang 'dre pa dang/ nyan thos dang/ rang sangs rgyas kyi brtson 'grus dpe med pa brtsams pa dag kyang gang zag la bdag med pa tsam rtogs
 par bya ba dang bdag gi don la zhugs pa yin la/ byang chub sems dpa' rnams kyi brtson 'grus ni nyon mongs pa'i phyogs dang ma 'dres pa dang/ gang zag dang chos la bdag med pa rtogs par bya ba'i phyir zhugs pa dang/ bdag dang gzhan gyi don gyi phyir zhugs pa med pa'i phyir
 zhes bya ste/ rkang pa dang po 'dis ni rgya che ba bstan to/ /go cha'i brtson 'grus dpe med pa yang 'phags pa blo gros mi zad pa'i mdo las/ btsun ba shA radwA ti'i bu de la byang chub sems dpa' rnams kyis go cha mi zad pa gang zhe na/ gang 'di 'khor ba na mi skyo ba ste/ de
 bskal pa 'di snyed cig tu go cha bgo'o/ /bskal pa 'di snyed cig tu mi bgo'o zhes bskal pa bgrang bas byang chub mi tshul gyi bar ma gyis mi khyab pa'i go che gyon par byed de/ gal te de nyin zhag gcig pa yang 'khor ba'i sngon gyi mdza' tsam la de lta bu'i nyin zhag
 gis zhag bco lnga zhing zla ba phyed ces bya ba la sogs pa rgyas par gsungs pa'o/ /sbyor ba'i brtson 'grus dpe med pa yang 'phags pa blo gros mi zad pa'i mdo las/ de la byang chub sems dpa' rnams kyi pha rol gnon pa mi zad pa gang zhe na/ stong gsum gyi stong chen po'i
 'jig rten gyi khams mes yongs su gang ba las kyang 'bogs te de bzhin gshegs pa lta bar mos pa'o zhes bya ba la sogs pa gsungs so/ /bdag dang gzhan gyi nyon mongs tshogs 'joms byang chub mchog thob pa zhes bya ba la/ /'phags pa nyan thos la sogs pa ni bdag gi
 rgyud la yod pa'i nyon mongs pa 'joms par byed cing/ bdag mya ngan las 'das pa thob par bya ba'i phyir zhugs pa yin la/ byang chub sems dpa' rnams ni bdag gi rgyud la yod pa'i nyon mongs pa yang 'joms par byed la/ gzhan gyi rgyud la yod pa'i nyon mongs
 pa yang 'joms par byed cing/ bdag nyid kyang byang chub mchog ste thams cad mkhyen pa'i ye shes thob par byed la/ sems can gzhan yang thams cad mkhyen pa'i ye shes la 'jog par byed de/ de ltar bdag gi don 'ba' zhig tu ma zhugs kyi gzhan gyi don la
 yang zhugs pas/ rkang pa gnyis pa 'dis ni zang zing med pa bstan te/ bdag lta bus sred pas yongs su zin pa de dag ni zang zing dang bcas pa zhes bya'o/ /de la nyon mongs tshogs 'joms zhes bya bas ni spangs pa phun sum tshogs pa
 bstan/ byang chub mchog thob ce bya bas ni ye shes phun sum tshogs pa de bstan to/ /brtson 'grus des kyang skye bo thams cad byang chub gsum la bkod ces bya ba'i rkang pa gsum bas don che ba bstan te/ /shes pas bzung ba'i brtson 'grus kyis ni 'jig rten
 mi zad pa bzhag ces bya ba'i rkab? pa bzhi pas mi zad pa bstan te/ shes pas bzung ba'i chig gis ni rnam par mi rtog pa'i ye shes dang ldan pa bstan te/ 'jig rten mi zad bzhag ces bya bas snying rje dang ldan pa bstan te/ de'i don kyang 'phags pa blo gros
 mi zad pa'i mdo las/ sems kyi brtson 'grus de gang zhe na/ sems 'gro ba dang sems gnas pa ste/ de la sems 'gro ba gang zhe na gang byang chub kyi sems kyi rtsam pa'o/ /de la sems gnas pa gang zhe na/ gang sems kyi zhi ba'o/ /de la sems 'gro ba gang zhe
 na/ gang sems can la snying rje ba'o/ /sems gnas pa gang zhe na/ gang bdag med pa la bzod pa'o/ zhes bya ba la sogs ba rgya cher gsungs so/ /sangs rgyas sras rnams ting 'dzin mang po'i bsam gtan kun tu bsgrubs zhes bya ba la/ byang chub sems dpa' 
 rnams kyis gzugs kyi khams kyi bsam gtan dang po dang/ gnyis pa dang/ /gsum pa la sogs pa bsgrubs te/ de dag mngon sum du byas so zhes bya ba'i don to/ /bsam gtan de dag kyang ci 'dra ba zhig ce na/ de'ang theg pa chen po'i ting nge 'dzin
 dpa' bar 'gro ba dang/ nam mkha' mdzod la sogs pa dpag tu med pa dang ldan pa'i bsam gtan bsgrubs te/ rkang pa dang po 'dis ni rgya che ba bstan to/ /de bas na mngon pa'i chos bsdus pa'i bstan bcos las kyang/ sangs rgyas dang byang chub sems dpa' 
 rnams bsam gtan dang pos bsdus pa'i ting nge 'dzin la snyoms par 'jug pa de dag nyan thos dang rang sangs rgyas kyis ming yang mi shes te/ ji ltar bsam gtan dang po ba de bzhin du bsam gtan gnyis pa la sogs pa dang gzugs med pa rnams kyis bsdus pa yang
 de dang 'dra bar blta'o zhes bshad do/ /'phags pa blo gros mi zad pa'i mdo las kyang/ de la byang chub sems dpa' rnams kyi bsam gtan mi zad pa gang zhe na/ byang chub sems dpa' rnams kyi bsam gtan mi zad ba ni rnam pa bcu drug ste/ de ni nyon thos
 dang rang sangs rgyas thams cad la med do zhes gsungs so/ /yang gsungs te/ de ltar ting nge 'dzin 'di dag mdza' yas dpag med de/ bsam gtan bye ba phrag dag ni pha rol song zhes bya ba gsungs so/ /bsam gtan bde ba'i mchog spyod snying rjes skye bor tha mar
 gnas zhes bya ba la/ gzugs kyi khams kyi bsam gtan thob na lus si ma pa dang/ sems bde ba'i mchog gi 'bras bu 'thob par 'gyur ro/ /de lta bu'i bde ba mchog thob kyang byang chub sems dpa' i bsam gtan gyi bde ba'i mchog la ma chags shing/
 gzugs kyi khams su mi gnas par snying rje'i dbang gis khams gsum tu skye bo mang po dang ngan song gi gnas su sems can gyi don du skye bar mdzad de/ rkang pa gnyis pa 'dis ni bsam gtan gyi ro la ma chags bas zang zing med bar bstan to/ /de bas na 'phags
 pa blo gros mi zad ba'i mdo las kyang/ bdag bde ba la ma chags ba'i phyir byang chub sems dpa' rnams kyi bsam gtan ni ro mi myang pa'o/ sems can thams cad kyi nyon mongs pa spangs pa'i phyir byang chub sems dpa' rnams kyi bsam gtan ni snying rje chen bo la
 dmigs pa'o/ /'dod pa'i khams su dmigs pa'i phyir byang chub sems dpa' rnams kyi bsam gtan ni ting nge 'dzin zlog pa'o zhes gsungs so/ /bsam gtan des kyang skye bo thams cad byang chub gsum la bkod ces bya ba la/ bsam gtan gyis mngon par shes ba dang/
 bsgrubs nas mngon par shes pas sems can bsdus te/ theg pa gsum gyi byang chub la bkod pas na/ rkang pa gsum pa 'dis don che ba bstan to/ /'phags pa blo gros mi zad pa'i mdo las kyang/ sems can thams cad
 bsgral ba'i phyir byang chub sems dpa' rnams kyis bsam gtan ni sems can gyi bsam pa sngon du 'gro ba'o zhes bya ba la sogs pa gsungs so/ /shes pas gzung ba'i bsam gtan gyis ni 'jig rten mi zad bzhag ces bya ba'i rkang ba bzhi bas mi
 zad pa bstan te/ shes pas bzung zhes bya bas ni rnam par mi rtog pa'i ye shes dang ldan par ston te/ 'jig rten mi zad bzhag ces bya ba'i tshig gis snying rje chen po dang ldan pas dag pa 'jig rten pa'i ye shes kyis sprul pa'i sku sems can gyi don byed par
 ston to/ /'di yang 'phags pa blo gros mi zad pa'i mdo las bshad de/ /ji lta zhe na/ de la bsam gtan yongs su sbyang ba gang zhe na/ gang mngon bar shes pa dang ye shes yongs su rdzogs pa'o/ /de la mngon par shes pa ni gang ye shes ni gang zhe na/ gang gis
 gzugs su snang ba thams cad mthong ba 'di ni mngon par shes pa zhes bya'o/ /gang gis gzugs thams cad kyi chos nyid mi zad par shes kyang zad ba'i chos mngon sum du mi byed pa 'di ni ye shes zhes bya'o zhes bya ba la sogs pa gsungs so/ /sangs rgyas
 sras rnams de nyid shes bya ma lus thams cad shes zhes bya ba la/ bden pa rnam pa gnyis te/ don dam pa'i bden pa dang kun rdzob kyi bden pa'o/ /de la de nyid ces bya bas don dam pa'i bden pa ston te/ de'ang chos rnams kyi spyi'i mtshan nyid gang zag la bdag
 med pa dang/ chos la bdag med pa ste/ rnam par mi rtog pa'i ye shes kyis gang zag dang chos la bdag med par khong du chud de/ de dang rnam par mi rtog pa'i ye shes kyis chos thams cad nam mkha' i ngos lta bu bzhin du rtogs so/ shes bya'i gnas de dang de dag
 gi lha dang mi dang rigs ngan dang gdol pa la sogs pa'i mir? skad rnam pa sna tshogs pa'i tha snyad rnams rnam par mi rtog pa'i rjes la rgyab nas thob bas dag pa 'jig rten pa'i ye shes kyis tha snyad de dag thams cad shes te/ de'ang sgyu ma dang smig rgyu dang chu'i zla ba
 lta bur shes nas chos kyi mtshan nyid la rmongs ba rnams bsal pa'i phyir/ chos 'di dag 'jig ba can 'di dag ni zag pa med pa 'di dag 'dus byas 'di dag 'dus ma byas zhes 'jig rten la tha snyad du gsungs te/ de ltar don dam pa'i bden pa dang/
 kun rdzob kyi bden pa gnyis thugs su chud pas na rkang pa dang po 'dis ni rgya che ba bstan to/ /'di'i don yang 'phags pa blo gros mi zad pa'i mdo las/ de la kun rdzob kyi bden pa gang zhe na/ ji snyed du 'jig rten gyi tha snyad yi ge dang sgra dang brdar
 bstan pa'o/ /don dam pa'i bden pa ni gang la sems kyi rgyu ba yang med na yi ge rnams lta ci smos zhes gsungs pa'o/ /mya ngan 'das la blo chags mi skyer 'khor bar ga la zhig ces bya ba la/ byang chub sems dpa' i shes rab kyis mya ngan las 'das pa dang
 'khor ba gnyis ka yang sgyu ma'i mtshan nyid du sgong? du chung pas mya ngan las 'das pa'i bde ba yang sgyu ma lta bur shes pa'i phyir/ mya ngan las 'das pa la yang chags pa mi skyed na/ sgyu ma'i mtshan nyid sdug bsngal gyi gnas su gyur pa'i 'khor ba'i chos
 lta ga la zhig chags pa skyed de/ nyan thos ltar mya ngan las 'das pa la chags pa'i sems kyang mi skyed/ so so'i skye bo ltar 'khor ba la chags pa'i sems kyang mi skyed de/ gang du yang ma chags pas na/ rkang pa gnyis pa 'dis ni zang zing med pa bstan
 to/ /de bas na 'phags pa blo gros mi zad ba'i mdo las kyang/ chos kyi dbyings dang/ 'khor ba'i khams dang/ mya ngan las 'das pa'i dbyings de ni mtshungs so/ /chos kyi dbyings dang/ sems can gyi khams dang/ nam mkha' i khams dang/ chos
 thams cad kyi khams ni mtshungs so/ /ci'i phyir mtshungs she na/ stong pa nyid du mtshungs pas na de ni mtshungs so zhes bya ba la sogs pa gsungs so/ /ye shes des kyang skye bo thams cad byang chub gsum la bkod ces bya pa'i
 rkang pa gsum pas don che ba bstan to/ /shes pas bzung ba'i shes rab kyis ni 'jig rten mi zad bzhag ces bya bas mi zad pa bstan te/ shes pas bzung zhes bya pa'i tshig gis ni rnam par mi rtog pa'i ye shes zin par rtog /'jig rten mi zad bzhag ces
 bya bas snying rje chen pos yongs su zin par ston te/ shes pas zin pa ni 'khor bar ma lhung ba'i phyir so so skye bo bzhin du mi zad do/ /snying rje chen pos zin pas na nyan thos bzhin du mya ngan las 'das pa'i dbyings su mi zad de/ 'di'i don kyang 'phags pa blo gros mi
 zad pa'i mdo las/ gzhan yang 'dus byas la mkhas pa rnams ni/ gang sems can thams cad la thogs pa med pa'i 'od zer mnyam par gtong pa'i phyir/ bsdu pa'i dngos po bzhir sems can spung pa 'di ni 'dus byas la mkhas pa'o/ /gang la sems can med
 pa dang bdag med pas mi 'dzin mi len reg par mi byed cing bsdu pa'i dngos po la mkhas pa de yang 'dus ma byas la mos pas thams cad mkhyen pa'i phyir bsngo ba 'di ni 'dus byas la mkhas pa'o zhes bya ba la sogs pa gsungs pa'o/ /ye shes kyis sems can yongs su 'dzin
 pa ni snying rjes sems can mi gtong ba'i phyir zhes bya ba la/ byang chub sems dpa' shes rab ye shes kyis zin pas mi zad pa yang ye shes de snying rje chen pos yongs su zin pas mya ngan 'das pa phyogs so gcig tu ma ltung gi /sprul pa'i sku 'khor ba'i mdza' i bar du chos kyi 'khor
 lo bskor bas shes rab mi zad par rig par bya'o/ /pha rol tu phyin pa drug la tshigs su bcad pa drug gi yon tan bstan pa'i don ni/ rgya che zang zing med pa dang zhes bya ba la sogs ba tshigs su bcad pa drug gis bstan to/ /slong ba mthong rdzogs dga' ba dang/ /mi dga' ba dang sems
 re dang/ /gtong ba snying rje can rnag sang/ /lhag pa'i tshul gyis zil gyis gnon ces bya ba la/ /yang 'di man chad pha rol tu phyin pa drug gi yon tan rnam pa gzhan du 'chad de/ de la dang po sbyin pa'i pha rol tu phyin pa'i yon tan ston to/ /de la slong ba po'i gang zag rnams gtong ba po'i
 gang zag mthong na dga' ba dang/ slong ba po'i gang zag kyang gtong ba po las bdag gi yo byad 'di lta bu zhig thob par bya'o zhes bsams pha las gtong ba po'i gang zag las ci 'dod pa thob ste/ bsam pa yid bzhin du rdzogs na dga' ba dang/ slong ba po'i gang zag de gtor?
 ba po'i gang zag ma mthong na mi dga' ba dang/ gang bsams pa'i bsam pa ni rdzogs na yang mi dga' bar 'gyur ro/ /gzhan yang slong ba po de gtong ba po'i gang zag mthong yang ci ma rung snyam du sems pa dang/ mthong nas kyang bdag gis gang dang gang du thob par bya bar sems pa de dang de thob
 kyang ci ma rung snyam du sems pa las/ bsam pa bzhin du re ba rdzogs na dga' / re ba ma rdzogs na ni mi dga' ba skye'o/ /de las bzlog ste byang chub sems dpas gtong pa pos slong pa po mthong na dga' ba skye la/ slong ba pos dngos po gang dang gang 'dod par bsams pa'i dngos po de dang de
 dag btang ste/ slong ba po'i bsam pa rdzogs na dga' ba skye'o/ /de bzhin du gtong ba pos slong ba po ma mthong na mi dga' la/ de'i bsam pa ma rdzogs na mi dga' pa'o/ /gzhan yang gtong ba po'i byang chub sems dpa' slong ba po mthong yang ci ma rung snyam du sems re ba dang/ mthong nas
 kyang de'i bsam pa rdzogs par byas kyang ci ma rung snyam du re ba las re ba rdzogs na ni dga' bar 'gyur la/ re ba ma rdzogs na mi dga' bar 'gyur te/ de la slong ba bos gtong ba po mthong na dga' ba dang/ bsam pa rdzogs nas dga' ba dang/ sems kyi re ba rdzogs nas dga' pa dang/
 gtong pa po byang chub sems dpa' i slong ba po mthong na dga' ba dang/ de'i bsam pa rdzogs na dga' ba dang/ sems kyi re ba bzhin du grub na dga' ba/ slong ba po bas gtong ba so dga' ba lhag par che ste/ de bas na gtong ba po snying rje? can byang chub sems dpa' slong ba po rnams kyis
 dga' ba zil gyis gnon to/ /de bzhin du slong pa pos gtong ba po ma mthong na mi dga' ba dang/ bdag gis bsam pa ma rdzogs na mi dga' pa dang/ sems kyi re ba ma rdzogs na mi dga' bas byang chub sems dpa' gtong ba po ma mthong na mi dga' ba dang/ de'i
 bsam pa ma rdzogs na mi dga' ba dang/ re ba ma rdzogs na mi dga' bslong pa po bas gtong ba po che ste/ des kyang gtong ba po snying rje can rnams mi dga' ba'i khyad par gyis stong?  pa'i mi dga' ba zil gyis gnon te/ tshigs su bcad pa gcig po 'dis ni sbyin pa'i pha rol tu phyin
 pa'i yon tan gyis khyad par bstan to/ /snying rjes lus dang longs spyod chung ma dag /nam zhig sems can dag la gtong byed cing/ /chi dgar? rjes su yi rang de las 'bral bar cir mi srung zhes bya ba la sogs pa'i tshigs su bcad pas tshul khrims rnam par dag pa'i yon tan bstan
 te/ tshul khrims rnam par dag pa yang dge pa bcu'i las kyi lam rnam par dag par rig par bya'o/ /de la byang chub sems dpa' thugs rje can rnams gzhan gyi don du bdag gi? lus dang srog kyang yongs su btang nas ci dgar rjes su yi rang ste/ sems mchog tu bga' pa skyen sems
 can gzhan gyi srog gcod pa las bral pa cir mi srung ste/ bdag gi don du sems can gzhan gyi sog? gcod ba lta ga la zhig byed ces bya ba'i don to/ /snying rje chen po dang ldan pa'i byang chub sems dpa' rnams sems can gyi don du bdag gi longs spyod thams cad kyang yongs su btang nas
 ci dgar rjes su yi rang ba skye ste/ mchog tu dga' ba'i sems skye na sems can gyi longs spyod las bral par cir mi srung ste/ gzhan gyi longs spyod las byin par len pa ga la 'dod ces bya ba'i don to/ /byang chub sems dpa' thugs rje can rnams ma 'ongs pa na tshangs par spyad pa'i phyir bdag gi
 chung ma yang gzhan la gtang nas ci dgar rjes su yi rang ste/ mchog tu dga' ba'i sems skye na gzhan gyi chung ma la mi tshangs par spyod pa las dral pa cir mi srung ste/ gzhan gyi chung ma las mi tshangs par spyod par ga la byed ces bya ba'i don to/ /tshigs su bcad pa des ni? lus kyi
 nyes pa gsum spangs pa'i yon tan bstan to/ /mi? lta sems mnyam 'jigs pa med/ /snying rje'i rgyud kyis kun gtong na/ /'phags pa gzhan la gnod pa'i phyir/ /log pa'i tshig ni ga la smra zhes bya pas/ tshig gi nyes pa bzhi yod pa las/ tshigs su bcad pa 'dis brdzun du
 smra ba'i nyes pa bstan to/ /brdzun du smra ba ni lus dang srog la lta ste/ lus phangs pa dang srog phangs na lus dang srog mi btang pa'i phyir brdzun du smra ba bgrang na byang chub sems dpa' ni lus dang srog la mi lta ste/ de gnyis ka la phangs par mi 'dzin na 'phags pa
 byang chub sems dpa' rnams sems can gzhan la gnod par bya ba'i phyir/ log pa'i tshig ga la smra ste/ brdzun mi smra'o zhes bya ba'i don to/ /gzhan yang brdzun du smra ba ni nye du gnyen bshes la sogs pa kha cig la byams pas de dag la phan gdags
 pa'i phyir brdzun smra ba 'am/ dgra la sogs pa kha cig la zhe sdang ste de dag la gnod pa'i phyir brdzun du smra ba yin te/ byang chub sems dpa' sa dang po thob pa'i tshe na chos kyi dbyings thams cad du 'gro ba'i mtshan nyid rtogs te/ bdag dang gzhan mnyam pa nyid kyi
 sems thob pas/ de la byams par bya ba dang/ zhe sdang bar bya ba su zhig yod na/ 'phags pa byang chub sems dpa' rnams gang la phan pa'i phyir brdzun smra la/ su la gnod par bya pa'i phyir brdzun smra ste/ de bas na log pa'i tshig brdzun mi smra'o zhes bya ba'i don
 to/ /brdzun smra ba ni rgyal po'am rkun po'i 'jigs pa 'am/ bu smang dam nor 'phrog pa la sogs pa'i 'jigs pas brdzun smra bar byed pa yin na/ byang chub sems dpa' sa dang po la zhugs phan chad 'jigs pa lnga dang bral te/ 'jigs pa lnga med na 'phags pa
 byang chub sems dpa' gzhan la gnod par bya ba'i phyir log pa'i tshig brdzun ga la smra ste mi smra'o zhes bya ba'i don te/ /brdzun smra ba ni rnyed pa'i phyir to/ /bza' ba dang bgo ba la sogs pa'i zang zing cung zad tsam gyi phyir brdzun smra bar byed pa yin na/ byang chub
 sems dpa' thugs rje can ni bdag la yod pa'i phyir nang gi dngos po kun yang gtong bar byed pa yin na cung zad kyi phyir ram/ gzhan la gnod par bya ba'i phyir brdzun gyi tshig ga la smra ste mi spra'o? zhes bya ba'i don to/ /snying rje can ni
 bdag la phan 'dod pa/ /gzhan dag sdug bsngal skye bas shin tu 'jigs/ /sems can gdul la rab tu brtson 'gyur ba/ /gang gi nyes gsum las ni shin tu ring zhes bya ba'i tshigs su bcad pa 'dis phra ma dang/ tshig rtsub po dang/ tshig 'khyal pa gsum
 spangs pa'i yon tan ston te/ phra ma smra ba ni 'ga' zhig la phan gdags 'ga' zhig la gnod pa bya ba'i phyir dbyen gyi tshig phra ma smra na/ byang chub sems dpa' snying rje can rnams ni bdag dang sems can mnyam par thugs su chud pa dang/ mdza' pa dang dgra
 mnyam par thugs su chud pas mtshungs pa kho nar sems can thams cad phan pa dang bde bar bzhed pa yin na/ sems can gzhan la gnod par bya ba'i phyir/ sems can dbye bar 'gyur ba'i phra ma'i tshig ga la smra ste mi smra'o/ /byang chub sems dpa' thugs rje
 can rnams ni sems can sdug bsngal bar gyur na ma legs so snyam du thugs mi dgyes shing 'jigs par dgongs pa yin na bdag nyid kyis sems can gyi sems dang/ lus la gnod par 'gyur ba'i tshig ga la zhig smra ste mi smra'o/ /byang
 chub sems dpa' thugs rje can rnams ni sems can gyi 'dod chags dang zhe sdang la sogs pa'i nyon mongs pa gdul bar bya ba la brtson pa yin na/ de lta bu'i byang chub sems dpa' de bdag nyid bdag dang gzhan nyon mongs pa skye bar 'gyur ba'i rgyu/ rgyal po dang
 rkun po la sogs pa'i tshig 'khyal pa ga la zhig smra ste/ de bas na bdag? gi nyes pa gsum ni byang chub sems dpa' rnams la shin tu thag ring ste spangs pa yin no zhes bya ba'i don to/ /thams cad gtong ba'i snying rje can/ /rten 'byung chos la shin tu mkhas/ /
 yid kyi nyon mongs rnam pa kun/ /des ni dang du ga la len ces bya ba'i tshigs su bcad pa 'dis yid kyi nyes pa gsum spangs pa'i yon tan bstan te/ byang chub sems dpa' rnams ni 'dod chags dang bral ba yin pas/ phyi'i dngos po bdag la yod pa rnams kyang
 yongs su gtong ba dang/ nang gi dngos po mgo dang rkang lag la sogs pa yang yongs su gtong na yid kyi nyon mongs pa chags sems kyis sems can la gnod pa'i nor dang chung ma la sogs pa la chags pa'i sems dang dug la len te chags sems cung zad kyang
 skyed par mi byed do zhes bya ba'i don to/ /byang chub sems dpa' rnams ni zhe sdang dang bral ba yin te/ sems can thams cad la bu gcig pa bzhin du snying rje ba dang ldan pa yin no/ /yid kyi nyon mongs pa gnod sems kyi sems can gzhan dag la rdeg pa dang
 gsang bar bya'o snyam du sems pa'i zhe sdang gi sems dang du ga la len te/ de lta bu'i sems bskyed par mi byed do zhes bya ba'i don to/ /byang chub sems dpa' ni gti mug dang bral bas phyi nang gi chos thams cad rten cing 'brel te 'byung ba'i mtshan nyid yin par
 rab tu mkhas pa yin na/ chos rnams dbang phyug dang byed pa po la sogs pas byas so zhes yid kyi nyon mongs pa log pa'i lta ba dang du ga la len te/ log pa'i lta ba cung zad kyang mi mnga' o zhes bya ba'i don to/ /tshul khrims ngan pa'i gnyen po chos kyi khyad par dang
 ldan pas zhes bya ba la sogs pa la/ tshul khrims ngan pa ni srog gcod pa la sogs pa lus kyi mi dge ba gsum dang/ brdzun la sogs pa dag gnyis pa bzhi dang/ chags sems la sogs pa yid kyi nyes pa rnam pa gsum rnams te/ de dag gi gnyen po chos kyi khyad
 par ni phyi nang gi dngos po kun gtong pa nas rten 'brel gyi chos la mkhas pa'i bar du ste/ gnyen po de dag dang ldan pas na byang chub sems dpa' i tshul khrims rnam par dag pa'i yon tan dang ldan pa bstan to/ /nam zhig snying rje can gnod dang/ /gzhan la phan pa'i 
 sdug bsngal la/ /rtags na 'du shes dga' thob na/ /de ni ga las ci zhig bzod ces bya ba'i tshigs su bcad pa 'dis bzod pa'i yon tan bstan te/ yod bzod pa zhes bya ba ni sems can gzhan gyi rdeg pa dang 'tshog ba la sogs pa'i gnod pa byas pa la
 mi 'khrug cing nyams su blangs na gdod bzod pa zhes bya ba yin na/ byang chub sems dpa' snying rje can rnams ni sems can gzhan gyis rdeg pa dang gsang pa la sogs pa'i gnod pa byas na sems can 'dis bdag la gnod pa byas pas 'di ni dgra yin no snyam pa'i 'du shes mi 'byung gi/
 gnod pa byed pa rnams la 'dis bla na med pa'i byang chub kyi tshogs rdzogs bar 'gyur ba'i grogs byas pas na 'dis ni bdag la phan btags so zhes dgra la phan btags pa'i 'du shes 'byung ste/ /gang la yang dgra'i 'du shes mi 'byung na/ byang chub sems dpa' de dgra gang zhig la
 bzod par byas pa yod de/ /gang las kyang bzod par byas pa med do zhes bya ba'i don to/ /'dis ni gnod pa la ji mi snyam pa'i bzod pa bstan to/ /gzhan yang bzod pa zhes bya ba ni grang ba dang tsha ba dang bkres pa dang skom pa la sogs pa'i sdug bsngal nyams su blangs nas gdod bzod pa
 zhes bya ba yin na/ byang chub sems dpa' gzhan la phan pa dang bde ba'i don du grang ba dang tsha ba la sogs pa'i sdug bsngal byung ba rnams la sdug bsngal gyi 'du shes mi 'byung gi sdug bsngal 'di gnyis kyis dga' ba dang bde bar shes te/ des sdug bsngal ji zhig nyams su blangs na byang
 chub sems dpa' de la bzod pa la gnas pa zhes bya ste/ de la sdug bsngal gang yang med pas na bzod par byas pa cung zad kyang med do zhes bya ba'i don to/ /gnod par byed pa la yang bzod par bya ba yin te zhes bya ba la sogs pa la/ bzod pa bya ba la gnod par byed pa nyams su blangs na bzod
 pa zhes bya ba yin na/ byang chub sems dpa' sems can gzhan gyis gnod par byas pa rnams la/ sems can 'di dag gis ni bzod pa'i tshogs rdzogs par 'gyur ba'i grogs byas pas bdag la phan 'dogs so snyam ba'i 'du shes 'byung na/ des dgra gang zhig la bzod par byas pa yod/
 gang ba dang tsha ba la sogs pa'i sdug bsngal nyams su blangs na bzod pa zhes bya ba yin na/ byang chub sems dpa' sems can gyi don sdug bsngal byung ba rnams de la sdug bsngal par mi 'gyur gyi/ dga' zhing bde bar 'gyur na des sdug bsngal gang zhig las bzod par bya zhes
 bya ba'i don to/ /gzhan la gzhan pa'i 'du shes bral/ /bdag bas lhag par gzhan rtag byams/ /dka' spyod snying rje ldan pa yi/ /brtson 'grus mi dka' shin tu dka' zhes bya ba'i tshigs su bcad pa 'dis byang chub sems dpa' i brtson 'grus gzhan gyi don gyi byid? dka' ba spyod
 pa rnams mi dka' ba yang yin/ dka' ba yang yin pa'i brtson 'grus kyis yon tan ston to/ /'di ltar byang chub sems dpa' gzhan gyi don du mgo dang rkang lag la sogs pa btang ba'i dka' bar spyod pa rnams mi dga' ba yin te/ ci'i phyir zhe na/ gzhan la gzhan pa'i
 'du shes med des dang por chos kyi dbyings kun tu 'gro ba rtogs pas bdag dang gzhan du tha dad par 'du shes pa med de/ de bas na gzhan gyi don du dka' ba spyod pa'i brtson 'grus de mi dka' ba yin no/ /gzhan yang byang chub sems dpa' rnams ni bdag pas lhag par sems can
 gzhan la byams zhing sdug pa dang phangs par byed de/ de bas na gzhan gyi don du dka' bar spyod pa'i brtson 'grus rnams kyi dka' ba yang yin no/ /de'i don kyang skyab pa bshad pa'i skabs su/ gzhan dang bdag tu mnyam pa'i sems rnyed pa/ /yang na bdag pas gzhan mchog sdug
 byed pa/ /de ltar bdag pas gzhan don mchog 'du shes/ /bdag gi don gang gzhan gyi don kyang gang/ /ji ltar snying rje'i bdag nyid gzhan don phyir/ /de bzhin bdag la sdug bsngal gdung byed ltar/ /de ltar 'jig rten pa dag dgra dag la/ /gdung bar bya phyir snying brtse yod?
 ma yin zhes bshad do/ /de lta mod kyi shin tu dka' bar spyod pa yang yin te/ ji lta zhe na/ gzhan la gzhan pa'i 'du shes mi skyed par gzhan gang yin pa de nyid bdag yin no zhes sems pa yang dka' ba dang/ /bdag pas kyang gzhan la byams pa drang sdug par 'du shes
 'gyur ba rnyed dka' ba ste/ de bas na dka' bar spyod pa yang yin no/ /bde ba chung dang bdag nyid bde/ /zhan nyams zhan dang myos ldan pa/ /bsam gtan rnam pa gsum du shes/ /byang chub sems dpa' i bzlog pa'o zhes bya ba'i tshigs su bcad pa 'dis
 ni bsam gtan gyi yon tan bstan te/ bsam gtan gsum ni 'jig rten pa'i bsam gtan dang/ nyan thos kyi bsam gtan dang/ rang sangs rgyas kyis bsam gtan no/ /de la 'jig rten pa rnams kyi bsam gtan ni bde ba chung ba ste/ zag pa can gyi bde ba tsam yod par
 zad kyi zag pa med pa'i bde ba med pa'i phyir ro/ /nyan thos dang rang sangs rgyas kyi bsam gtan ni bdag nyid bde ba ste/ zag pa med pa'i bsam gtan gyi bdag gi rgyud tsam sim par byed par zad kyi/ sems can thams cad kyi rgyud la sim par mi byed pa'i phyir ro/ /'jig rten pa
 dang/ nyan thos dang/ rang sangs rgyas kyi bsam gtan rnams zhen pa can zhes bya ste/ 'jig tshogs su lta ba yod pas 'khor bar zhen pa dang/ nyan thos dang rang sangs rgyas kyi snying rje chen po dang ldan pas mya ngan las 'das pa 'ba' zhig gi phyogs su zhen pa'i phyir ro/ /'jig
 rten pa'i bsam gtan ni nyams pa zhes bya ste/ 'chi 'phos nas med par 'gyur ba'i phyir ro/ /nyan thos dang rang sangs rgyas kyi bsam gtan ni zad pa zhes bya ste/ phung po'i lhag ma ma lus par spangs pa'i mya ngan las 'das par mthar thug med par 'gyur ba'i phyir ro/ /'jig
 rten pa dang/ nyan thos dang/ rang sangs rgyas kyi bsam gtan ni nyon mongs pa can ma yin pa'i ma rig pa dang ldan pas na myong ba dang ldan pa zhes bya ste/ gang zag la bdag med par ma rtogs pa ni nyon mongs pa can gyi ma rig pa'o/ /chos la bdag med par ma rtogs pa ni nyon mongs
 ba can ma yin pa'i ma rig pa ste/ 'jig rten pa'i bsam gtan la ni nyon mongs pa can dang/ nyon mongs pa can ma yin ba'i ma rig pa gnyis ka dang ldan bas na myos pa can no/ /nyan thos dang rang sangs rgyas kyis bsam gtan la/ nyon mongs pa can gyi ma rig pa med kyang nyon
 mongs pa can ma yin pa'i ma rig pa yod pas myong ba dang bcas pa'o/ /byang chub sems dpa' rnams kyi bsam gtan ni de las bzlog ste/ theg pa chen po'i bsam gtan dpag tu med pa dang ldan pas bde ba med pa dang/ nyan thos ltar bdag gi don du zhugs pa ma yin gyi/
 bdag dang gzhan gyi don du zhugs pas bdag dang gzhan la bde ba dang/ rnam par mi rtog pa'i ye shes kyis 'khor ba la mi gnas pa dang/ snying rje chen pos mya ngan las 'das pa la mi gnas pa'i phyir zhen pa med pa dang shi 'phos nas med par 'gyur ba ma yin gyi/ tshe
 rabs thams cad du 'byung bas nyams par mi byed pa dang/ phung po'i lhag ma ma lus par spangs pa'i mya ngan las 'das par zhugs kyang rgyun mi zad par 'byung bas mi zad pa dang nyon mongs pa dang shes bya'i sgrib pa spangs pas/ nyon mongs pa can dang nyon mongs pa
 can ma yin pa'i ma rig pa med pas rmongs pa dang mi ldan pa'o/ /ji ltar mtshan mo lag tshong ba/ /khebs sgron de bzhin shes pa gsum/ /snying rje can gyi shes pa ni/ /nyi ma'i zer bzhin mtshungs pa med ces bya bas shes rab kyi yon tan bstan te/ de la 'jig rten pa'i shes rab
 dang/ nyan thos kyi shes rab dang/ rang sangs rgyas kyi shes rab gsum ni mtshan mo lag tshod kyis nom pa dang/ khang bu 'am/ phug tu mar me bus pa dang 'dra bar ston te/ 'di ltar 'ga' zhig mtshan mo mun pa stug po'i nang na lag pas bsnams pa dang/ bum pa 'am snam
 bu la sogs pa dngos po 'ga' zhig la reg nas lus kyi rnam par shes pa skye'o/ /de'i rjes la sngon bum ba mthong ba ma brjed pa'i dran pa skye ste/ de nas dran pa des 'di lta bu'i bum pa zhig ce 'am/ snam bu zhig yin no zhes rjes su dpog ste/ de'i tshe dngos po gang la reg pa de tsam
 zhig shes pas na spyod yul chung ba'o/ /bum pa la sogs pa mig gi ma mthong bas na mngon sum ma yin pa'o/ /bum pa'i kha dog sngon po dang dmar po la sogs pa ma bcad pas na mi gsal ba zhes bya ste/ kha dog ma bcad ba yang mun pas bsgribs pas nam bcad do/ /de dang 'dra
 bar 'jig rten pa'i nyan pa dang sems pa dang sgom pa'i shes rab kyang de lta bur blta ste/ nyan pa'i dus na gang thos pa'i chos tsam las mi shes pas spyod yul tshung ba'o/ /sems pa'i dus na yang mi rtag pa dang sdug bsngal ba la sogs pa'i don la
 rjes su dpog pa tsam du zad kyi/ mi rtag pa la sogs pa'i don mngon sum du ma mthong bas na mngon sum ma yin pa'o/ /sgom pa'i dus na shes bya dang/ nyon mongs pa'i sgrib pa'i mun pa chen pos bsgribs bzhin du bsgoms pas na mi gsal ba zhes bya'o/ /ji ltar phug
 gam khang bur sgron ma bus na gang du bus pa'i gnas nyi tshe tsam gyi mun pa bsal nas de nyi tshe tsam du snang bar byed pa dang 'dra bar nyan thos dang rang sangs rgyas rnams kyi shes rab kyis kyang/ bdag gi rgyud la yod pa'i nyon mongs pa'i sgrib pa tsam nyi tshe bas la nas bdag gi nye bar len pa'i
 phung po lnga tsam bdag med par ye shes kyis shes shing snang bar byed pas na khebs sgron dang 'dra'o/ /dper na nyi ma shar na 'od zer dpag tu med pa dang 'jig rten gyi khams kyi mun pa kun sel ba dang/ snang bar bya ba'i gnas thams cad du 'od zer gyi snang bar byed pa dang 'dra bar byang chub
 sems dpa' i shes rab dang shes pa dpag tu med pa dang ldan pa dang/ shes bya dang nyon mongs pa'i sgrib pa kun sel ba dang/ kun rdzob dang don dam pa'i chos la sogs pa ji snyed shes par bya ba ma lus par shes pa'i ye shes kyi snang ba chen po 'byung bas na nyi ma shar ba dang 'dra'o/ /gzhan
 yang 'di man chad tshigs su bcad pa drug gis pha rol tu phyin pa drug rnams pha rol tu phyin pa dang/ mchog dang/ dam pa dang/ yon tan can yin par ston te/ de'i phyir/ gzhi dang dngos po mtshan ma dang/ /bsngo dang rgyu dang ye shes dang/ /zhing dang gnas pa bdag gis kyang/ /sbyin pa
 mchog tu shes par bya zhes bya ba la sogs pa smos so/ /de la mchog rnam pa brgyad dang ldan pas sbyin pa mchog ces bya'o/ /mchog rnam pa brgyad ni gzhi mchog dang/ dngos po mchog dang/ mtshan ma mchog dang/ bsngo ba mchog dang/ rgyu mchog dang/ ye shes mchog dang/ zhing mchog
 dang/ gnas pa mchog go /de la gzhi zhes bya ba ni byang chub sems dpa' o zhes bya ba la/ gzhi ni gtong ba po la bya ste/ gtong pa po dang/ so so'i skye bo dang/ nyan thos dang/ rang sangs rgyas lta bu ma yin gyi/ byang chub sems dpa' la btang bas gzhi
 mchog go /dngos po ni zang zing gi sbyin pa'i nang nas nang gi dngos po mchog go zhes bya ba la/ sbyin pa'i dngos po yang rnam pa gsum ste/ zang zing sbyin pa dang/ mi 'jigs pa sbyin pa dang/ chos sbyin pa'o/ /zang zing sbyin pa la yang rnam pa gnyis te/
 nor dang 'bru la sogs pa phyi'i dngos po gtong ba dang/ mgo dang rkang lag la sogs pa nang gi dngos po gtong ba'o/ /de yang nang gi dngos po mgo dang rkang lag la sogs pa gtong ba ni zang zing gi sbyin pa'i nang na mchog go /ngan song dang 'khor bar
 'jigs pa med pa'i sbyin pa de 'jigs pa med pa'o zhes bya ba la/ mi 'jigs pa sbyin pa la yang rnam pa gnyis te/ 'phral du mi 'jigs pa sbyin pa dang/ yul du mi 'jigs pa sbyin pa'o/ /'phral du mi 'jigs pa sbyin pa ni rgyal po dang rkun po dang me dang chu la sogs
 pas 'jigs pa'i skyabs byed pa'i/ /yul du mi 'jigs ba sbyin pa ni ngan song du skye ba'i 'jigs pa dang/ 'khor bar skye ba'i 'jigs pa ste/ de gnyis su mi skye bar skyabs byas pas ni yun du mi 'jigs pa sbyin pa ste/ ngan song dang 'khor bar skye ba'i 'jigs ba
 med pa byin na mi 'jigs pa sbyin pa'i mchod /de la so so'i skye bo rnams kyi rgyud la 'phags pa'i bden pa mthong ba skyed de/ rgyun zhugs pa'i 'bras bu la bkod pa 'am/ sa dang po la bkod na ngan song gi 'jigs pa las bskyabs pa yin te/ ci'i phyir zhe
 na/ bden pa mthong ba rnam pa 'jigs pa lnga las yang dag par 'das pa'i phyir ro/ /rgyun tu zhugs pa dang/ sa dang po la zhugs pa rnams dgra bcom pa'i 'bras bu la bzhag pa 'am/ sangs rgyas la bkod pa ni 'khor ba'i 'jigs pa las bskyabs pa yin te/ de
 ci'i phyir zhe na/ de phan chad nyon mongs ba'i dbang gis mi skye ba'i phyir ro/ /chos kyi sbyin pa ni theg pa chen po'o zhes bya ba la/ chos kyi sbyin pa la yang 'jig rten gyi gtsug lag dang sman dpyad dang/ byang dang gtar? ga sbyin pa dang/ nyan thos
 dang rang sangs rgyas kyis chos sbyin pa yang yod mod kyi/ theg pa chen po'i chos bshad de byin na chos sbyin pa'i mchog yin no zhes bya ba'i don to/ /mtshan ma snying rje'o zhes bya ba la/ mtshan ma dang rgyu ngag ces bya ba don gcig ste/ tshe 'dir sbyin ba yongs su gtong bar
 byed pa'i mtshan ma ni snying rje ste/ sems can yo byad kyi phongs te sdug bsngal ba rnams mthong nas snying rje'i dbang gis gtong bar byed de/ snying rje'i rgyus gtong bas na mtshan ma mchog ces bya'o/ /bsngo ba des byang chub chen po'i 'bras bur 'dod pa'o zhes bya ba la/ byang chub sems
 dpa' sbyin pa yongs su btang ba yang lha dang mi la sogs pa'i longs spyod 'dod pa'i phyir bsngo ba ma yin zhing/ nyan thos kyi mya ngan las 'das pa thob par bya ba'i phyir bsngo bar byed pa ma yin gyi/ byang chub chen po'i 'bras bur thob par bya ba'i phyir bsngo ste de bas na bsngo ba mchog ces
 bya'o/ /rgyu ni sngon sbyin ba'i pha rol tu phyin pa bsgoms pa'i bag chags so zhes bya ba la/ 'di ltar tshe rabs gzhan du 'dod la ma chags pa la sogs pa'i dge ba'i rtsa ba gsum gyis yang dag par zin pa'i sems pa sbyin pa la sogs pa yang dag par spyad pa las goms par byas
 nas kun gzhi la bag chags brlan? te/ bag chags kyi dbang gis sbyin pa'i pha rol tu phyin pa la 'jug par byed pa de ni rgyu mchog ces bya'o/ /mtshan ma dang rgyu gnyis la khyad par ci zhig yod nas rnam pa gnyis su bzhag ce na/ rgyu ni thun mong ma yin pa'i rgyu ste/ dper na myu gu las kho na
 lta bu'o/ /mtshan ma ni grogs su byang ba'i rgyu ste/ dper na myu gu de nyid bskyed par bya ba las? chu me rlung bzhi lta bu'o/ /de bzhin sbyin pa'i skabs su yang tshe rabs gzhan du sbyin pa la sogs pa de dag ba la goms ba'i bag chags ni sa bon lta bu ste/ thun mong ma yin pa'i rgyur bzhag go /
 tshe 'dir? sems can rnams la snying rje ngan? grogs su byed pa'i rgyu ste/ sa chu me rlung lta bur gzhag? go/ ye shes ni rnam par mi rtog pa ste zhes bya ba la/ ye shes mchog ni rnam par mi rtog ba'i ye shes kyis zin pas na ye shes mchog ste/ ye shes gang gis gtong ba po'i byang chub sems dpa' dang/
 sbyin pa'i nor dang len pa'i gang zag gsum yod par mi rtog pas 'khor gsum mi dmigs pa'i tshul du sbyin pa byed pa nas ye shes mchog go /slong ba dang zhes bya ba la/ sbyin pa'i zhing lnga ste/ bram ze dang tshod pa la sogs pa cung zad yod kyang slong bar byed pa ni slong pa'i zhing zhes bya'o/ /
 nad pa la sogs ba ni sdug bsngal ba'i zhing zhes bya'o/ /bza' ba dang bgo ba la sogs pa'i phongs pa rnams ni mgon med pa'i zhing zhes bya'o/ /zang zing gi phyir srog gcod pa la sogs pa sdig pa byed pa rnams ni log par spyod pa'i rang bzhin gyi zhing zhes bya'o/ /tshul khrims dang ldan pa dang
 shes rab la sogs pa'i yon tan dang ldan pa'i gang zag ni yon tan dang ldan pa'i zhing zhes bya'o/ /zhing ni gcig pas gcig dam pa ste zhes bya ba la/ nyan thos dang/ 'jig rten pa'i tshul gyis ni slong ba'i zhing pas sdug bsngal gyi zhing dam pa nas log par spyod pa'i zhing pas yon tan dang
 ldan pa'i zhing dam par bzhag go /de lta mod kyi byang chub sems dpa' ni slar bzlog pa ste/ yon tan dang ldan pa'i zhing pas log par spyod pa'i zhing dam pa yin pa nas sdug bsngal ba'i zhing pas kyang slong ba'i zhing dam pa yin te/ de bas na byang chub sems dpa' rnams ni zhing gong ma bzhi po rnams
 la gtong bar byed do/ /gal te gong ma bzhi po med na lnga pa ste yon tan gyi zhing la gtong bar byed do/ /de ci'i phyir zhe na/ gang dag bsod nams 'phel zhing longs spyod 'dod pa de dag ni yon tan can byi zhing la gtong bar byed pa yin na/ byang chub sems dpa' ni bsod nams 'phel ba dang longs
 spyod kyi don du sbyin pa gtong ba ma yin gyi/ sems can sdug bsngal ba dang brel ba dang phongs pa rnams kyi sdug bsngal gsal bar bya ba'i phyir sbyin pa gtong bar byed pas slong ba'i zhing dang sdug bsngal gyi zhing la gtong bar byed kyi yon tan gyi zhing la mi gtong ngo/ /gnas pa ni gang la gnas nas 
 gtong ba rnams te zhes bya ba la/ gnas pa ni yid la byed pa gang la gnas nas phyi nang gi dngos po gtong bar byed pa ste/ de yang mos pa la gnas pa dang/ yid la byed pa la gnas pa dang/ ting nge 'dzin la gnas pa ste gsum mo/ /mos pa ni ji
 ltar bsgom pa rnam par dbye ba las mos pa yid la byed pa gsungs pa'o zhes bya ba la/ mos pa la gnas pa ni gong du bsgom pa rnam par dbye ba bshad pa'i rjes su mos pa yid la byed pa gsungs pa de la bya ste/ de'i skabs su yang ji ltar bshad ce na/ sbyin pa'i pha rol tu phyin ba nas
 shes rab kyi pha rol tu phyin pa'i bar du pha rol tu phyin pa drug dang ldan pa'i theg pa chen po'i mdo sde la/ 'di ni ma nor bar bshad pa legs par gsungs pa yin no zhes dang ba dang dad pa stug pos mos shing dad par byed pa'o/ /yid la byed pa ni ji ltar de nyid las zhes bya ba la sogs
 pa la/ yid la byed pa la gnas pa ni ji ltar sgom pa rnam par dbye ba bshad pa'i skabs de nyid las yid la byed pa rnam pa gsum bshad pa ste/ de yang ro myang ba yid la byed pa dang/ rjes su yi rang ba yid la byed pa dang/ mngon bar dga' ba yid la byed pa'o/ de la sngon sbyin pa la sogs
 pa'i pha rol tu phyin pa btang ba dran nas bdag gis sngon sbyin pa btang ba ni legs so snyam du yon tan gyi tshul du lta ba ni/ ro myang ba yid la byed pa zhes bya'o/ /phyogs bcu'i 'jig rten gyi khams nas sems can rnams kyis sbyin pa byas pa la sems dga' ba ni rjes su yi rang
 ba yid la byed pa'o/ /ma 'ongs pa na gar skyes gar skyes kyang sbyin pa byed par 'gyur bar dga' ba dang/ sems can rnams kyang ma 'ongs pa nas gar skyes gar skyes kyang sbyin pa byed par 'gyur bar dga' ba ni mngon par dga' ba yid la byed pa zhes bya'o/ /ting nge 'dzin ni nam
 mkha' mdzad la sogs pa ste/ de ltar de nyid la 'byor pa yod par gsungs pa'o zhes bya ba la/ ting nge 'dzin la gnas pa ni sa brgyad pa la sogs pa la zhugs pa'i byang chub sems dpa' rnams mngon par 'du byed pa med pa'i lam gyis nam mkha' mdzod la sogs pa'i
 ting nge 'dzin bsgrubs nas dngos po ci dang ci 'dod pa dag nam mkha' la blangs shing gtong bar byed pa ste/ de yang sgom pa rnam par dbye ba'i skabs su 'byor pa rnam pa gsum bshad pa ste/ nam mkha' mdzod la sogs pa'i ting nge 'dzin kyang 'byor ba rnam pa
 gsum gyi phyogs gcig tu gtogs so/ /'byor pa rnam pa gsum ni sku la dbang ba dang/ spyod pa la dbang ba dang/ ston pa la dbang ba'o/ /de la sku la dbang ba ni de bzhin gshegs pa'i chos kyi sku dang/ rdzogs par longs spyod pa'i sku ste/ sku de
 gnyis kyis sbyin pa thogs pa med par mdzad do/ /spyod pa la dbang ba ni sprul pa'i sku ste/ sprul pa'i sku gang gis sems can rnams la sna tshogs kyi lus su sprul nas sbyin pa la sogs pa 'jug par byed pa'o/ /ston pa la dbang yod pa ni pha rol tu phyin pa
 drug thogs pa med pa dang chags pa med pa dang chad pa'o/ /de yang gang gis zhes bya bas bstan par rig par bya ste zhes bya ba la/ mchog rnam pa brgyad kyang gang gis gtong zhes bya ba la sogs pa las brtsams nas bstan par rig par bya ste/ gang gis gtong
 zhe na/ gzhis gtong ngo/ /gang gtong zhe na/ dngos po gtong ngo/ /gang gis gtong zhe na/ mtshan mas gtong ngo/ /gang gi phyir gtong zhe na/ bsngo ba ste byang chub mchog gi phyir gtong ngo/ /gang las gtong zhe na/ tshe rabs snga ma la sbyin pa la goms pa'i
 bag chags kyi rgyus gtong ngo/ /gang gis bzung zhe na rnam par mi rtog pa'i ye shes kyis bzung ngo/ /gang du gtong zhe na/ zhing rnam pa lnga gtong ngo/ /rnam pa ji snyed kyis gtong zhe na/ mos pa la sogs pa rnam pa gsum la gnas nas gtong ngo/ /de la tshul khrims la sogs pa pha
 rol tu phyin pa lhag ma rnams la gzhi dang mtshan ma la sogs pa ni sbyin pa'i pha rol tu phyin pa'i bshad pa dang mthun pas tshul de bzhin du bshad do/ /dngos po dang zhing gnyis ni mi mthun te de'i bye brag ci yod pa bshad do/ /de la tshul khrims kyi dngos po ni sdom ba'i tshul khrims
 dang/ sems can gyi chan gyi don byed pa'i tshul khrims dang/ dge bar spyod ba'i tshul khrims so/ /bzod pa'i dngos po ni gnod pa nyams su len pa'i bzod pa dang/ sdug bsngal la ji mi snyam ba'i bzod pa dang/ chos la nges par rtog pa'i bzod pa'o//
 brtson 'grus kyi dngos po ni go cha'i brtson 'grus dang/ sbyor ba'i brtson 'grus la sogs pa'o/ /bsam gtan gyi dngos po ni mthong ba'i chos la bde bar gnas pa'i bsam gtan dang/ mngon par shes pa yang dag par sgrub par byed ba'i bsam gtan dang/ sems
 can gyi don byed pa'i bsam gtan no/ /shes rab kyi dngos po ni kun rdzob kyi bden ba shes pa'i shes rab dang/ don dam pa'i bden pa shes pa'i shes rab dang/ sems can gyi don sgrub bar shes pa'i shes rab po/ /pha rol tu phyin pa de dag thams cad kyi zhing ni theg pa
 chen bo'i chos te/ nyan thos dang rang sangs rgyas la dmigs shing sems can rnams der bkod na ni zhing mchog la bkod pa zhes mi bya'i/ theg pa chen po'i chos la dmigs shing theg pa chen po'i chos la sems can bkod na zhing mchog ces bya'o/ /tshul khrims kyi
 nang na mchog ni byang chub sems dpa' i sdom pa'o zhes bya ba la/ sbyin ba'i dngos po la mchog dang mchog ma yin par phye ba bzhin du/ pha rol tu phyin pa lhag ma rnams kyi dngos po la mchog dang mchog ma yin par dbye ba ston te/ 'jig rten ba'i dge ba bcu'i tshul khrims
 dang/ nyan thos dang rang sangs rgyas kyi tshul khrims pas/ byang chub sems dpa' i sdom pa'i tshul khrims dang/ sems can gyi don byed ba'i tshul khrims dang/ dge ba sdud pa'i tshul khrims ni tshul khrims kyi nang na mchog ces bya'o zhes bya ba'i don to/ /bzod
 pa yi ni ngan pa dang/ /nyam chung ba dang srog gcod ba'o zhes bya ba la/ bzod ba'i dngos po'i mchog ni rgyal po dang blon po la sogs pa'i mthu che ba'i mchog dang dbang che ba rnams kyis gnod par byas pa bzod pa ni ngo mtshar du bya ba ma yin gyi/ sbrang po dang gdol bu la
 sogs pa mthu chung zhing dbang chung ba rnams kyis gnod pa byas pa bzod pa mchog yin pa dang/ thal mo dang khu tshur gyis brdeg pa tsam bzod pa ni ngo mtshar du bya ba ma yin gyi/ gang gis srog la gnod par 'gyur ba'i gnod pa byas kyang bzod pa ni bzod pa'i nang na/
 mchog go /brtson 'grus kyi pha rol tu phyin pa sgom pa dang de'i mi mthun pa'i phyogs spangs pa'o zhes bya ba la/ brtson 'grus la yang dge ba bsdu ba tsam sgrub pa 'am/ nyan thos dang rang sangs rgyas kyi dge ba tsam sgrub pa ni mchog ma yin gyi byang chub sems
 dpa' i spyod pa sbyin pa la sogs pa'i pha rol tu phyin pa drug sgrub cing/ pha rol tu phyin pa'i mi mthun pa'i phyogs ser sna la sogs pa'i spong bar byed pa ni brtson 'grus kyi mchog yin no/ bsam gtan gyi ni byang chub sems dpa' i ting nge 'dzin to zhes bya ba la/ nyan
 thos dang 'jig rten pa'i bsam gtan ni mchog ma yin te/ dpa' bar 'gro ba la sogs pa byang chub sems dpa' i ting nge 'dzin rnams mchog go /shes rab kyi ni yang dag pa nyid ces bya ba la/ shes rab kyang 'jig rten gyi tha snyad dang kun rdzob kyi chos shes pa mchog
 ma yin gyi/ gang zag dang chos la bdag med pa'i shes pa ni shes rab kyi mchog go /sbyin pas sems can gcig bde phyir/ /bskal ba mang po gnod byed kyang/ /byang chub sems dpa' dbang? 'gyur na/ /de las bzlog pa ci zhig smos zhes bya ba la sogs pa tshigs
 su 'chad pa bdun zhig gis sbyin pa'i yon tan bstan te/ byang chub sems dpa' bdag la bdag pa'i longs spyod thams cad btang nas sems can gcig cig bde bar gyur la/ de gtang ba'i 'og tu bdag nyid ni bskal pa brgya stong grangs med par brel ba dang phongs pa'i
 sdug bsngal gyis gnod par gyur kyang sems can gcig bde bar mthong nas thugs dgyes pa skye na de las bzlog pa lta ci zhig smos te/ chos gtang ba'i sbyin pas sems can mdza' yas pa yang bde ba dang phan par 'gyur la/ bdag nyid kyang mthar yun du phan pa dang bde ba
 'gyur ba gtang nas dgyes par 'gyur ba dang/ byang chub sems dpa' i longs spyod thams cad gtang nas sems can dpag tu med pa yang bde bar 'gyur la/ bdag kyang bskal pa mang po bde bar 'gyur ba sems can gzhan la btang nas byang chub sems
 dpa' dgyes pa skye ba lta ci smos te/ dbyes pa cher skyes so zhes bya ba'i don to/ /snying rje'i khyad par gyi phyir ro zhes bya ba ni dgongs pa de lta bu skye ba dang/ sbyin pa de lta bu gtong ba yang snying rje'i rgyas gtong ngo zhes bya ba'i don to/ /gang gis don du lus can nor
 'dod pa/ /sems can rnams la de nyid blo can gtong zhes bya ba la sogs pa'i tshigs su bcad pa gcig gis tshigs su bcad pa snga ma rkang pa phyed kyi don phyi ma tshigs su bcad pa phyed kyis bstan to/ /lus can ni sems can la bya ste/ sems can rnams
 gang gis don dang/ gang gi ched dang/ gang la phangs pa dang/ gang gces bar bya ba'i don du nor dang longs spyod bcal ba'i gces pa'i dngos po de nyid blo can byang chub sems dpa' rnams lus can te/ sems can rnams la gtong zhing sbyin bar byed do/ /don de
 nyid bstan pa'i phyir/ skye bo lus kyi phyir ni nor 'dod pa/ /blo can gyis ni de nyid rnam brgyar gtor zhes bya ba smos te/ sems can rnams ni lus dang srog gi don dang ched du nor tshol zhing nor sog bar byed na/ byang chub sems dpa' blo can gyis ni lus dang srog
 gi don du nor btsal ba'i lus dang srog de nyid slong ba po rnams la lan brgya stong du mar gtong zhing sbyin bar byed do/ /gang tshe lus nyid gtong byed kyang/ /yid kyi sdug bsngal mi 'byung na/ /nor ngan ci smos da'i 'jig rten 'das/ /de des dga' rnyed de ni de'i
 mchog ces bya ba'i tshigs su bcad pa 'dis byang chub sems dpa' i sbyin pa 'jig rten las 'das pa yin pa dang/ 'jig rten las 'das pa'i mchog yin par ston to/ /'di ltar 'jig rten pa rnams ni phyi'i dngos po btang nas kyang sdug bsngal ba dang yid mi
 bde ba skye la/ byang chub sems dpa' ni slong ba po rnams la phangs pa med par lus de nyid lan brgya stong du mar btang yang sems la sdug bsngal ba dang yid mi bde ba mi 'byung na/ nang gi dngos po la bltos na tha shal du gyur ba'i nor dang/ longs spyod btang
 nas yid mi bde ba mi 'byung ba lta ci zhag? smos te/ de ltar nang gi dngos po btang nas kyang yid mi bde ba mi 'byung bas na byang chub sems dpa' i sbyin pa de 'jig rten las 'das pa zhes bya'o/ /yid mi bde ba mi 'byung bar yang ma zad kyi nang gi dngos po btang
 na sems can rnams la phan 'dogs par mthong ste dga' ba skye bar 'gyur ro/ /gang dga' ba'i sems skyes pa de ni 'jig rten las 'das pa'i mchog ces bya'o/ /blo can 'di la sbyin pa kun yod pas/ /slong ba dga' bas ji ltar dga' 'gyur ba/ /byin
 blangs 'dod pa chag par 'dod pa ni/ /de ltar slong bar byed ba'ang dgar mi 'gyur zhes bya ba la/ byang chub sems dpa' blo can gyis slong ba po rnams la lus dang srog man chad longs spyod yan chad ci 'dod pa kun btang ste/ 'gro ba slong ba rnams longs spyod thob
 bas slong ba po dga' bar gyur pa mthong nas/ ji ltar byang chub sems dpa' thugs la dgyes pa'i bye brag skye ba ltar/ /gtong ba po byang chub sems dpa' slong ba po la nor byin nas phyin pa de slong pa po blangs te/ slong ba po gang 'dod ba'i nor yang rnyed/ ji
 snyed 'dod bar bya ba thams cad chog par yang thob ste/ bsam pa rdzogs nas dga' ba'i bye brag skyes nas kyang ji ltar byang chub sems dpa' i dgyes ba'i bye brag tsam gyis dga' ba slong ba po rnams la mi 'byung ngo zhes bya ba'i don to/ /blo can kun yod
 byin pas nor med kyang/ /ji ltar bdag nyid yod par ldan lta ba/ /slong ba byed pa longs spyod kun rdzogs pa'ang/ /de ltar bdag nyid yod par ldan lta min zhes bya ba la blo can byang chub sems dpa' rnams slong ba po rnams la phyi dang nang gi dngos
 po kun btang ste byon nas phyi dang nang du byang chub sems dpa' la nor dang longs spyod cung zad kyang med par gyur kyang thugs rje chen pos yongs su zin par gyur ba dang/ bsam brlabs bo che dang ldan pas da dung longs spyod dang ldan no snyam
 du dgongs pa ltar/ slong ba po rnams byang chub sems dpa' i sbyin pas longs spyod phun sum tshogs ba rdzogs par byas kyang byang chub sems dpa' i dgongs pa ltar/ slong ba po nor dang ldan pa rnams bdag cag la nor yod cing longs spyod dang ldan no snyam du dgongs
 pa ltar/ bsam pa de tsam gyi blabs po che mi 'byung ngo zhes bya ba'i don to/ /ji ltar blo can tshul bzhin 'di la sbyin dam pas/ /slong ba sim byas 'di la phan chen 'du shes brtsi/ /ji ltar shin tu rgya chen dag ni rnyed nas su/ /slong ba btang bas rnyed rgyus
 phan pa yin zhes bya ba la/ rnam pa gzhan du yang byang chub sems dpa' blo ldan gyis sbyin pa btang ba yang tshul bzhin du gus pa dang/ brnyas ba med pa'i tshul gyis slong ba po rnams la sbyin pa dam pa mgo dang rkang lag la sogs pa btang nas/ slong ba po rnams
 kyi bsam ba rdzogs shing tshim par byas te/ byang chub sems dpa' slong ba po 'di rnams kyis byang chub kyi tshogs rdzogs pa'i grogs byas ba'i phyir 'di dag gis bdag la phan btags so snyam du brtsi zhing drin du gzo ba ltar slong ba po rnams byang chub sems dpa' i
 sbyin pa shin tu rgya chen po dag nor dang longs spyod dag rnyed nas bsam ba rdzogs par gyur kyang/ de'i rgyu las byang chub sems dpa' i dgongs pa lta bur phan btags pa dang/ drin du gzo ba'i bsam pa de tsam mi skye'o/ /snying rje'i khyad par gyi phyir ro zhes bya
 ba ni/ dgongs pa de lta bu skye ba dang/ sbyin pa de lta bu gtong ba yang snying rje'i rgyus gtong ngo zhes bya ba'i don to/ /ji ltar lam la longs spyod shing 'bras mchog ldan pas/ /bdag nyid the tshom med pa lus can tha mal ba/ /gang nor shin tu rgya
 chen po yang blangs spyod de ces bya ba la/ dper na khri lam chen po na bdag pos yongs su ma bzung ba'i kun gyis longs spyod du spyad par bya ba'i 'bras bu'i shing/ 'bras bu dang kha dog dang dri dang ro phun sum tshogs pa'i mchog dang ldan pa la yang
 'gron po phan tshun 'gro ba rnams the tshom med pa dang tha mal pa ste/ 'jigs pa dang bag tshe ba med par blangs shing spyod do/ /de bzhin du byang chub sems dpa' longs spyod phun sum tshogs shing rin po che la sogs pa nor rgya chen po dang
 ldan pa'i byang chub sems dpa' i longs spyod dang nor la yang sems can rnams bdag gi nor la spyod pa bzhin du/ the tshom dang 'jigs shing bag tsha ba med par spyod do zhes bya ba'i don to/ /byang chub sems dpa' lag brkyang dag la
 longs las gzhan ma yin zhes bya ba la/ dus kha cig tu gtong dus kha cig du mi gtong/ bsems can kha cig la gtong kha cig la mi gtong/ rdzas kha cig gtong kha cig mi gtong ba ma yin gyi/ dus thams cad du gtong/ kun la
 gtong/ dngos po kun gtong ba ni lag brkyang ba zhes bya'o/ /de ltar lag brkyang zhing gtong ba nyid byang chub sems dpa' i dga' ba'i longs spyod yin te/ gong ma lta bu'i sbyin pa de yang byang chub sems dpa' i lag brkyang ba'i dga' ba'i longs
 spyod la gnas pa rnams las 'byung gi /so so'i skye bo dang/ nyan thos dang/ rang sangs rgyas la sogs pa gzhan la ni de lta bu mi 'byung ngo zhes bya ba'i don to/ /gtso dang de'i rgyu las kyi bye brag dang/ /rnam pa'i bye brag gnas kyi bye brag dang/ /
 bar chad rnam pa bzhi'i gnyen bo'i bye brag gis/ /brtson 'grus su ni shes par bya zhes pa la de la bye brag rnam pa brug gis byang chub sems dpa' i brtson 'grus kyi mtshan nyid dang yon tan bstan te/ tshigs su bcad pa 'di ni mdo tsam du bstan
 tshigs su bcad pa lhag ma rnams kyis ni de nyid kyi don zhib du 'chad do/ /rnam pa drug gi bye brag ni gtso bo'i bye brag dang/ de'i rgyu'i bye brag dang/ las kyi bye brag dang/ rnam pa'i bye brag dang/ gnas kyi bye brag dang/
 bar chad rnam pa bzhi'i gnyen po'i bye brag ste/ byang chub sems dpa' i brtson 'grus kyi bye brag ni de lta bu yin par de bzhin gshegs pa rnams kyis gsungs so/ /de la gtso bo'i bye brag ni chos thams cad kyi gtso bo dang/ mchog ni brtson 'grus yin
 bar bshad do/ /ji ltar brtson 'grus chos thams cad kyi gtso bo yin zhe na/ de'i tshigs su bcad pa de'i rgyu'i bye brag bstan te/ gang gi phyir dge ba'i chos thams cad thob cing skye ba'i rgyu ni brtson 'grus yin te/ de bas na brtson 'grus dge ba'i chos thams
 cad kyi mchog yin par bshad do/ /las kyi bye brag ni brtson 'grus kyis 'jig rten dang 'jig rten las 'das pa'i phun sum tshogs pa thams cad 'grub par byed do/ /rnam pa'i bye brag ni brtson 'grus kyi ni rnam pa 'phel ba dang 'bri ba'i brtson 'grus la sogs pa brtson
 'grus kyi rnam grangs rnam pa mang du phye ste bshad pa'o/ /gnas kyi bye brag ni nyan thos kyi brtson 'grus ni nyan thos pa rnams kyi lus la gnas/ rang sangs rgyas kyi brtson 'grus ni rang sangs rgyas kyi lus la gnas/ byang chub sems dpa' i brtson 'grus ni byang chub
 sems dpa' i lus la gnas so/ /bar chad rnam pa bzhi'i gnyen po'i bye brag ni pha rol tu phyin pa drug la bar du gcod pa'i chos bzhi ste/ longs spyod la chags pa dang/ nyon mongs pa la chags pa dang/ brtson 'grus las skyo ba dang/ cung zad tsam gyis dga' bar
 'dzin pa ste/ de'i gnyen po yang brtson 'grus yin bar bshad do/ /dge ba'i tshogs kyi nang na brtson 'grus mchog ces bya ba la/ sbyin pa la sogs pa dkar po'i chos thams cad kyi nang na brtson 'grus mchog tu bshad do zhes bya ba'i don to/ /'di ltar bsam gtan gyis
 nyon mongs pa 'jil bar byed/ shes rab kyis nyon mongs pa brtsa ba nas 'joms par byed pas/ de dag dge ba'i chos thams cad kyi nang na mchog yin na ji ltar brtson 'grus dge pa'i mchog tu bshad ce na/ de'i phyir/ gang phyir de la brten nas de 'thob 'gyur zhes
 bya ba smos te/ 'di brtson 'grus mchog yin pa'i gtan tshigs su bshad pa'o/ /gang gi phyir sbyin pa la sogs pa'i dge ba'i chos rnams ni brtson 'grus la brten nas skye ste de bas na brtson 'grus mchog yin no/ /brtson 'grus kyis ni myur du de mchog spyod/ 'jig
 rten 'das dang 'jig rten rtogs pa 'grub ces bya ba las kyi bye brag bshad de/ brtson 'grus kyis tshe 'di la bde ba 'thob par byed ba dang tsher bas gzhan du bde ba thob par byed do/ /tshe 'di la bde ba thob par byed pa ni gang gi phyir brtson 'grus dang ldan na sdig pa
 mi dge ba'i chos dang ma 'dres pa'i bde ba rnyed cing de bzhin du gnyid las sad pa dang/ de bzhin du gnyid kyis log pa'i bde ba mchog myong bar 'gyur/ tshe rabs gzhan gyi bde ba ni 'jig rten gyi bde ba dang/ 'jig rten las 'das pa'i bde ba'o/ /de la
 'jig rten gyi bde ba ni rnam pa gsum ste/ 'dod pa'i khams kyi bde ba dang/ gzugs kyi khams kyi bde ba dang/ gzugs med pa'i khams kyi bde ba'o/ /'jig rten las 'das pa'i bde ba yang rnam pa gsum ste/ nyan thos kyi mya ngan las 'das pa dang/
 rang sangs rgyas kyi mya ngan las 'das pa dang/ mi gnas pa'i mya ngan las 'das pa'o/ /de dag kyang brtson 'grus la gnas pas 'thob bo/ /brtson 'grus kyis ni srid spyod 'dod pa 'thob ces bya ba la/ srid pa'i sgras ni khams gsum la bya ste/ 'dod pa'i khams
 kyi lha dang mi'i longs spyod kyi bde ba yang brtson 'grus la gnas pas 'thob bo zhes bya ba'i don to/ /brtson 'grus kyis ni dag par rab 'gyur ldan zhes bya ba la/ rab 'gyur zhes bya ba ni mi brtan zhing 'gyur ba la bya ste/ 'dod pa'i khams kyi sdig pa mi dge ba'i
 chos thams cad spangs pa'i gzugs kyi khams kyi bsam gtan bzhi dag pa dang/ gzugs med pa'i snyoms par 'jug pa bzhi dag pa yang brtson 'grus bla rten nas 'thob bo zhes bya ba'i don to/ /brtson 'grus kyis ni
 'jig tshogs 'das nas grol zhes bya ba la/ 'jig tshogs lta ba la sogs pa'i nyon mongs pa thams cad spangs pa'i mtshan nyid nyan thos dang rang sangs rgyas kyi mya ngan las 'das pa yang brtson 'grus la brten nas 'thob bo zhes bya ba'i don to/ /brtson
 'grus kyis ni byang chub mchog rtogs so zhes bya ba la/ spangs pa phun sum tshogs pa dang/ ye shes phun sum tshogs pa'i mtshan nyid bla na med pa'i byang chub kyang brtson 'grus la brten nas rtogs par 'gyur ro zhes bya ba'i don to/ /de la rab tu nges
 pa ma yin pa'i phyir zhes bya ba la/ gzugs dang gzugs med pa'i khams kyi bsam gtan dang/ snyoms par 'jug pa rnams ni shi 'phos nas med par 'gyur bas brtan pa dang nges pa ma yin pa'i phyir 'gyur ba zhes bya'o/ /brtson 'grus 'bri dang 'phel zhes
 bya ba la sogs pas brtson 'grus kyi rnam pa'i bye brag ston te/ brtson 'grus kyi rnam pa ni yang dag par spong ba bzhi dang ldan pa'i brtson 'grus dang/ dbang po lnga dang ldan pa'i brtson 'grus dang/ stobs lnga dang ldan pa'i brtson 'grus dang/ byang chub
 sems kyi yan lag bdun dang ldan pa'i brtson 'grus dang/ lam gyi yan lag brgyad dang ldan pa'i brtson 'grus la sogs pa'o/ /de la yang dag par spong ba bzhi dang ldan ba'i brtson 'grus ni 'bri ba dang 'phel ba'i brtson 'grus zhes bya ste/ ci'i phyir zhe na/ brtson
 'grus des sdig pa mi dge ba'i chos ma skyes pa rnams mi skyed par byed/ skyes pa rnams ni spong bar byed pas 'bri ba zhes bya'o/ /dge ba'i chos ma skyes ba ni skyed par byed/ skyes pa ni rgya cher byed bas na 'phel ba zhes bya'o/ /thar pa'i dbang dang zhes bya ba la/
 dbang po lnga dang ldan pa'i brtson 'grus ni thar pa la dbang byed pa'i brtson 'grus zhes bya ste/ des mya ngan las 'das pa thob bar 'gyur ba'i dge ba'i rtsa ba la dbang byed pa'i phyir ro/ /mi mthun phyogs spangs gzhan zhes bya ba la/ stobs lnga dang ldan pa'i
 brtson 'grus ni mi mthun pa'i phyogs spong ba'i brtson 'grus zhes bya ste/ ci'i phyir zhe na/ brtson 'grus des ma dad pa dang le lo dang dran pa nyams pa dang sems g.yengs pa dang 'chal pa'i shes rab rnams zil gyis gnon cing spong bar byed
 pa'i phyir ro/ /de nyid 'jug pa dang zhes bya ba la/ byang chub kyi yan lag dang ldan pa'i brtson 'grus la ni de nyid la 'jug pa'i brtson 'grus zhes bya ste/ byang chub kyi yan lag bdun ni sa dang po thob ste mthong ba'i lam skyes pa dang/ mthong
 ba'i lam gyi tshe byang chub kyi yan lag bdun la sgom par bzhag go /brjes pa dang zhes bya ba la/ 'phags pa'i lam gyi yan lag brgyad dang ldan pa'i brtson 'grus la ni brjes pa'i brtson 'grus zhes bya ste/ ci'i phyir zhe na ni yang dag stobs/ /bdag 
 nyid rjes su 'jug par bshad ces bya ba 'dis bsdu ba'i dngos po bzhi'i mtshan nyid 'chad de/ bsdu ba'i dngos po bzhi las/ sbyin pas bsdu ba'i dngos po ni pha rol tu phyin pa drug gi skabs su sbyin pa'i pha rol tu phyin pa'i mtshan nyid ji ltar bshad
 pa dang don mtshungs shing 'dra ste/ de bas na 'dir mi bshad do/ /phyi na snyan bar smra ba dang/ don spyod pa dang/ don mtshungs pa gsum gyi mtshan nyid bshad par bya ste/ sbyin pa nas shes rab kyi bar du pha rol tu phyin pa drug gi rang dang spyi'i mtshan nyid gzhan
 la tshig tu 'chad de snyan par smra ba'i mtshan nyid do/ /pha rol tu phyin pa drug la sems can bstabs te/ pha rol tu phyin pa drug la bkod? pha rol tu phyin pa drug sgrub du bcug pa ni don sbyong pa'i mtshan nyid do/ /pha rol tu phyin pa gang la sems can bkod
 cing sgrub du bcug pa'i pha rol tu phyin pa de nyid la bdag nyid rjes su 'jug cing bdag nyid kyang de sgrub bar byed pa ni don mtshungs pa'i mtshan nyid de/ bsdu ba'i dngos po bzhi'i mtshan nyid de de ltar bshad do zhes bya ba'i don
 to/ /pha rol tu phyin pas bsdus pa'i phyir zhes bya ba la/ pha rol tu phyin pa bshad pa'i skabs yin pas pha rol tu phyin par gtogs pa'i chos gzhan la bstan pa ni snyan par smra ba yin no zhes bya ba'i don to/ /bsdu ba'i dngos po bzhi rnams ci'i phyir
 bzhir bshad ce na zhes bya ba la/ bsdu ba'i dngos po'i mtshan nyid bshad nas bsdu ba'i dngos po bzhir grangs nges pa ci'i phyir bshad pa'i grangs la spyod de/ bsdu ba'i dngos po lnga la sogs pa mang du yang ma bshad/ gsum la sogs pa nyung du yang
 ma bshad ma bstan par ci'i phyir grangs rnam pa bzhi kho nar bzhag ces bya ba'i don to/ /de dag pha rol rnams kyi thabs/ /phan par byed dang 'jin pa dang/ /rab tu 'jug dang de ltar rjes su 'jug /bsdu ba'i dngos por shes par bya zhes bya ba la/ 'di
 ltar bsdu ba'i dngos po rnams ni sems can bstan pa la ma zhugs pa bstan pa la gzung ba dang/ bstan pa la zhugs pa rnams yongs su smin par bya ba dang/ smin par byas pa rnams grol bar bya ba'i thabs yin te/ de la thabs kyang rnam pa bzhi'o/ /gang
 zhe na/ phan par byed ba'i thabs dang/ 'dzin par byed pa'i thabs dang/ rab tu 'jug par byed pa'i thabs dang/ rjes su 'jug pa'i thabs te/ de ltar thabs bzhi yod bas na bsdu ba'i dngos po yang bzhi kho nar zad de mi mang mi nyung ngo zhes bya ba'i
 don to/ /de la ban bar byed pa'i thabs ni sbyin pa ste/ bza' ba dang bgo ba la sogs pa'i sbyin pas sems can gyi bkres pa dang grang ba la sogs pa med par bya ba'i phyir sems can gyi lus la phan btags so/ /'dzin par byed pa'i thabs ni
 snyan par smra ba ste/ 'dzin bar byed ces bya ba dang/ khong du chud bar byed ces bya ba don gcig go /'di ltar snyan par smra bas pha rol tu phyin pa rnams kyi rang dang spyi'i mtshan nyid bshad bas pha rol tu phyin ba'i mtshan nyid mi shes pa dang/ log bar
 shes pa dang/ the tshom du gyur pa rnams bsdus nas pha rol tu phyin pa'i mtshan nyid ma nor bar byed pas na 'dzin bar byed pa'i thabs so/ /rab tu 'jug ba'i thabs ni don spyod pa ste/ pha rol tu phyin pa mi shes pa dang/ the tshom du gyur ba rnams
 kyi mi shes pa dang the tshom bsal nas pha rol tu phyin pa'i don khong du chud ba rnams kyang pha rol tu phyin pa rnams spyod pa la 'jog cing/ pha rol tu phyin pa spyod du bcug pas na rab tu 'jug par byed ba'i thabs so/ /rjes su 'jug par byed ba'i thabs
 ni don mtshungs pa ste/ dge ba'i rtsa ba gang la sems can bkod pa'i dge ba de las mi nyams shing rgyun tu spyod du gzhug pa'i phyir/ bdag nyid kyang pha rol tu phyin pa de nyid sgrub bar byed de 'di ltar bdag nyid kyis bsgrubs nas sems can pha rol tu byin
 pa spyod du bcug pa rnams 'di snyam du sems te/ pha rol tu phyin pa dge ba gang la bdag cag bkod pa'i pha rol tu phyin pa de la byang chub sems dpa' nyid kyang de la sgrub pas na bya ba 'di ni dam pa yin no zhes sems can dag nan tan gyis pha rol tu phyin pa
 la sgrub par byed do/ /yang dag par bstan pa la ji ltar smra ba de bzhin byed bar shes nas zhes bya ba la sogs pa la/ byang chub sems dpa' pha rol tu phyin pa'i chos rnams ni dam pa dang gtso bo yin pas sgrubs pa'i rigs so zhes smras nas/ pha rol 
 tu phyin pa rnams la sems can bkod pa'i sems can de dag byang chub sems dpa' i tshig tu ji skad smra ba de bzhin du byang chub sems dpa' nyid kyang de la sgrub par shes nas sems can rnams kyang nan tan gyi pha rol tu phyin pa sgrub par byed de/ de bas na
 sems can sgrub tu gzhug pa'i phyir bdag nyid kyang pha rol tu phyin pa sgrub par byed ba ni rjes su 'jug pa'i thabs zhes bya'o/ /thog ma kho nar snod du gyur zhes bya ba la sogs pa tshigs su bcad pa gcig gis bsdu
 ba'i dngos po bzhi'i las 'chad de/ de la dang po kho nar pha rol tu phyin pa rnams sgrubs pa'i snod du byed pa ni sbyin pa ste/ byang chub sems dpas sbyin pas sems can la phan btags na byang chub sems dpas ji ltar dge ba byed du bcug pa de bzhin du
 sems can dge ba byed pas ni sbyin pa'i las ni sems can snod du gyur bar byed pa'o/ /gnyis pas su ni mos par byed ces bya ba la/ gnyis pa ni snyan par smra ba ste/ nyan par smra bas ni pha rol tu phyin pa dang yang dag par ldan pa'i chos rnams la
 mos par byed de/ ji lta zhe na/ pha rol tu phyin pa'i mtshan nyid mi shes pa dang/ log par shes pa dang/ the tshom du gyur pa rnams la pha rol tu phyin pa'i mtshan nyid ma nor bar bshad pas/ mi shes pa dang/ log par shes pa dang/ the
 tshom bas? na pha rol tu phyin pa dang ldan pa'i chos la mos shing dad pa skye bar 'gyur ba'i phyir ro/ /gsum pas yang dag sgrub par byed ces bya ba la/ gsum pa ni don spyod pa ste/ don spyod pas ni yang dag par sgrub par byed de/ pha rol tu phyin pa yang
 dag par sgrub pa la sems can 'jog par byed pa'i phyir ro/ /bzhi pas rnam par spyod bar byed ces bya ba la/ bzhi pa ni don mtshungs pa ste/ des ni rnam par spyod bar byed de/ /ji lta zhe na/ sems can pha rol tu phyin pa sgrub pa la brtan por bya ba'i
 phyir yun ring por bdag nyid pha rol tu phyin pa sgrub par byed de/ sems can gyi don du yun ring por bdag gis pha rol tu phyin pa sgrubs nas pha rol tu phyin pa'i mtshan nyid dri ma med cing dag par 'gyur ro zhes bya ba'i don to/ /bsdu ba rnam pa bzhi dag ni/ /
 bsdu? ba rnam pa gnyis su 'dus/ /zang zing dang ni chos kyis kyang/ /dmigs pa'i chos la sogs pas so zhes bya ba'i tshigs su bcad pa 'dis bsdu ba'i dngos po bzhi rnams don gnyis su sdud par ston to/ /bcom ldan 'das kyis mdo kha cig las bsdu
 pa'i dngos po bzhi zhes bshad/ kha cig las bsdu ba'i dngos po gnyis zhes bshad de/ bsdu ba'i dngos po bzhir gsungs pa de yang bsdu pa'i dngos po rnam pao gnyis su 'dus te/ bsdu ba'i dngos po gnyis ni zang zing gis bsdu ba dang/ chos
 kyis bsdu ba'o/ /de la sbyin pas bsdu ba'i dngos po ni zang zing gis bsdu ba'i nang du 'dus so/ /snyan par smra ba dang/ don sbyong pa dang/ don mtshungs pa gsum ni chos kyi bsdu ba'i nang du 'dus so/ /gsum ji ltar chos kyi bsdu ba'i nang du bsdu zhe
 na/ ji ltar chos rnam pa gsum ste/ dmigs pa'i chos dang/ sgrub pa'i chos dang/ de rnam par dag pa'i chos so/ /de la dmigs pa'i chos ni pha rol tu phyin pa drug dang ldan pa'i mdo sde la sogs pa la bya ste/ don dmigs pa'i chos kyi nang dus?
 snyan par smra ba 'dus te/ ji lta zhe na/ snyan par smra bas pha rol tu phyin pa'i chos 'chad par byed pa'i phyir ro/ /sgrub ba'i chos ni pha rol tu phyin pa drug nyams su len cing sbyong bar byed pa ste/ de'i nang du ni spyod pa 'dus so/ /ji lta zhe na/
 don sbyong bas sems can pha rol tu phyin pa sgrub tu bcug pa'i phyir ro/ /rnam par dag pa'i chos ni pha rol tu phyin pa rnams ser sna la sogs pa'i mi mthun pa'i phyogs dang bral ba ste/ de'i nang du ni don mtshungs pa 'dus so/ /rnam dbye ba
 ma dang ni bar ma mchog ces bya ba la sogs pa tshigs su bcad pa gcig gis bsdu ba'i dngos po bzhi'i rab tu dbye ba 'chad de/ de la nyan thos rnams kyi bsdu ba'i dngos po bzhi ni tha ma zhes bya ste/ gzhan gyi don mi byed pa'i phyir ro//
 rang sangs rgyas kyi bsnga ba'i dngos po bzhi ni bar ma zhes bya ste/ dad pa la sogs pa'i dbang po bar ma dang ldan pa'i phyir ro/ /byang chub sems dpa' rnams kyi bsdu ba'i dngos po bzhi ni mchog ces bya ste/ bdag
 dang gzhan gyi don du zhugs pa'i phyir ro/ /yang na byang chub sems dpa' bsdu ba'i dngos po bzhis bsdus nas nyan thos kyi theg pa la bkod pa'i bsdu ba'i dngos po bzhi ni tha ma zhes bya'o/ /bsdu ba'i dngos po bzhis sems can bsdus te
 rang sangs rgyas kyi theg pa la bkod na bsdu ba'i dngos po bzhi po de dag bar ma zhes bya'o/ /bsdu ba'i dngos po bzhis sems can bsdus te/ theg pa chen po la bkod na bsdu ba'i dngos po de dag mchog ces bya'o/ /bsdu ba phal cher
 stongs mi stongs/ /rnam kun mi stongs shes bar byas zhes bya ba la/ mos pa spyod pa'i sa la gnas pa'i byang chub sems dpa' rnams kyis bsdu ba'i dngos po bzhis sems can bsdus shing smin par byed pa ni phal cher smin par mi 'gyur
 la/ chung shes shig smin par 'gyur bas phal cher stongs pa zhes bya ste/ chal kyi de kho na ma mthong ba dang sems can gyi bsam ba mi shes pas na phal cher don med par 'gyur ro/ /sa dang po nas sa bdun man chad kyi byang chub sems dpas
 bsdu pa'i dngos po bzhis sems can yongs su smin bar byed pa ni phal cher smin bar 'gyur gyi/ chung zad tsam smin par mi 'gyur bas na phal cher mi stongs ba zhes bya ste/ phal cher don yod par 'gyur ro zhes bya ba'i don to/ /sa brgyad dang/
 dgu dang/ bcu pa'i byang chub sems dpa' dag gis bsdu ba'i dngos po bzhis sems can bsdu zhing smin bar byas pa rnams ji ltar smin par byas pa de bzhin du thams cad smin par 'gyur te/ gcig kyang chud mi za bas rnam pa kun tu mi stongs pa
 yin par shes par bya'o/ /'khor srung pa la zhugs pa rnams/ /tshul 'di nyid la gnas pas na/ /thams cad don ni 'grub pa'i phyir/ /kun tu thabs su 'di bsngags so zhes bya? ba'i tshigs su bcad pa 'dis bsdu pa'i dngos po bzhi sems
 can smin par byed pa'i thabs su gyur par ston to/ /byang chub sems dpa' 'khor rnam pa bzhi bsdu zhing smin par byed pa rnams kyang bsdu ba'i dngos po'i tshul 'di nyid la gnas shing thabs 'di nyid kyis sems can yongs su smin par byed de/
 sems can smin par bya ba'i thabs 'di las ma gtogs par gzhan med do/ /ci'i phyir zhe na/ bsdu ba'i dngos po bzhis ni sems can thams cad kyi don 'grub par byed pa'i phyir te/ de bas na sems can gyi don grub par byed pa'o
 thabs slab ni bsdu ba'i dngos po bzhi yin par de bzhin gshegs pa rnams kyis bsngags shing bshad do zhes bya ba'i don te/ /tshigs su bcad pa 'di nyid kyis don gsal bar bshad pa'i phyir/ bsdus pa dag dang sdug 'gyur dad/ da ltar
 sdud par byang ba dang/ /thams cad de bzhin de bas na /sems can smin phyir de lam mo zhes smos te/ 'das pa'i sangs rgyas dang byang chub sems dpa' rnams kyis sems can thams cad bsdus pa yang bsdu ba'i dngos po bzhi po 'di nyid la gnas
 nas bsdus shing smin par byas pa dang/ /ma 'ongs pa'i sangs rgyas dang byang chub sems dpa' rnams kyis sems can thams cad bsdu zhing smin par bya ba yang/ bsdu ba'i dngos po 'di nyid la gnas nas bsdus shing smin par byed par 'gyur ba dang/ da?
 ltar gyi sangs rgyas dang byang chub sems dpa' rnams kyis sems can sdud cing smin par byed pa lang /bsdu ba'i dngos po da nye? po 'di nyid la gnas nas sems can bsdus shing smin par byed de/ /de bas na bsdu ba'i dngos po bzhi po 'di dag ni sems can yongs su
 smin par bya ba'i lam gcig du theg pa gcig bu ste/ sha ri las sems can bsgral ba bya ba'i lam gzhan med do zhes bya ba'i don to/ /pha rol tu phyin pa drug dang/ /bsdu ba'i dngos po bzhi bshad pa'i don mjug
 bsdus te bstan pa'i phyir/ de ltar longs spyod rtag tu mi chags blo/ /zhes bya ba la sogs pa tshigs su bcad pa smos so/ /de ltar zhes bya ba ni gong du bshad pa de ltar na zhes bya ba'i don to/ /byang chub sems dpa' sbyin pa'i pha rol tu phyin pa
 dang ldan pas na longs spyod la rtag tu mi chags pa'i blo dang ldan pa zhes bya ste/ longs spyod gang la yang chags pa'i sems mi skye pa'i phyir ro/ /tshul khrims kyi pha rol tu phyin pa dang ldan pas na zhi ba zhes bya ste/ 'dod chags la sogs pa'i rgyu
 las byung ba'i srog gcod pa la sogs pa'i lam ma zhi bar mi byed pa'i phyir ro/ /bzod pa'i pha rol tu phyin pa dang ldan pas sdom pa zhes bya ste/ zhe sdang gis sems mi 'khrugs par bsdams pa'i phyir ro/ /brtson 'grus kyi pha rol tu phyin pa dang ldan
 pas/ /brtson 'grus kyi pha rol tu phyin pa zhes bya ste/ /brtson 'grus kyi pha rol tu phyin pas bsgrub pa mthar phyin pa byed pa'i phyir ro/ /bsam gtan gyi pha rol tu phyin pa dang ldan pas gnas nyid ces bya ste/ sems phyi rol tu mi g.yeng zhing
 sems rtse cig tu gnas pa thob pa'i phyir ro/ /shes rab kyi pha rol tu phyin pa dang ldan pas/ srid pa'i yul la mtshan mar rnam mi rtog ces bya ste/ srid ba ni nang gi dngos po phung po lnga'o/ /yul ni phyi'i dngos po gzugs la sogs pa'o/ /mtshan ma
 ni phyi nang gnyi ga'i dngos po'o/ /bdag gi rgyud la ma gtogs pa'i sems can gzhan te de dag la yod par mi rtog go zhes bya ba'i don to/ /de ltar pha rol tu phyin pa drug bsgrubs pa las bdag yongs su smin par 'gyur pa'i byang chub sems
 dpa' ? 'di? bsdu pa'i dngospo bzhis sems can gzhan yang yongs su smin par byed de/ de bas na nges ni sems can tshogs rnams bsdus pa yin zhes smos te/ pha rol tu phyin pa dang/ de ldan pa'i byang chub sems dpa' des bsdu ba'i dngos po bzhis sems
 can yongs su smin par byed do zhes bya pa'i don to/ /pha rol tu phyin pa'i skabs rdzogs so// //sangs rgyas la mchod pa'i rnam par dbye ba'i tshigs su bcad pa bdun te zhes bya ba la/ pha rol tu phyin pa dang bsdu ba'i dngos po'i rjes
 la sangs rgyas la mchod pa dang/ dge ba'i bshes gnyen la brten pa dang/ tshad med ba bzhi la 'jug pa 'chad de/ de la pha rol tu phyin pa dang bsdu ba'i dngos po'i rjes la sangs rgyas la mchod pa dang/ dge ba'i bshes gnyen la brten pa
 dang/ /tshad med pa la 'jug pa'i skabs 'chad par 'brel pa ci yod ce na/ sngar bdag la phan pa bsgrub pa'i phyir pha rol tu phyin pa rnams bstan te/ pha rol tu phyin pa bsgrubs pas ni bdag phun sum tshogs pa thams cad dang ldan par 'gyur/ /sems can gzhan
 la phan par bya ba'i phyir ni bsdu pa'i dngos po bshad de/ /bsdu ba'i dngos pos ni sems can la phan 'dogs par 'gyur ro /de la bdag la phan pa phun sum tshogs shing bdag gi 'byor pa la chags par gyur na tshogs kyi bar du gcod de/ de bas na bdag la
 chags pa bsal bar bya ba'i gnyen por sangs rgyas la mchod pa dang/ dge ba'i bshes gnyen la brten par bya'o/ /sangs rgyas la chos gos dang lhung bzed la sogs pa phyi'i dngos po gtong ba la goms na longs spyod la chags pa'i bsam pa mi skye bar
 'gyur ro/ /lus dang srog la yang mi 'phangs par dge pa'i bshes gnyen la brten te/ dge ba'i bshes gnyen mgu bar byas na bdag gi lus dang lus la yod pa'i bde ba'i longs spyod la chags par mi 'gyur te/ de bas na chags pa rnam pa gnyis
 spang bar bya ba'i phyir sangs rgyas la mchod pa dang/ dge ba'i bshes gnyen la brten par bya'o/ /bsdu pa'i dngos po bzhis gzhan gyi don du zhugs pa na yang sems can gyi log par spyod pa dang/ 'khor ba'i sdug bsngal
 dag byung na byang chub sems dpa' tshad med pa bzhi dang mi ldan pa dang sems can rnams la btang snyoms su 'dor sems can 'dul bar mi byed de/ de bas na de'i gnyen por tshad med pa rnams bshad do/ /tshad med pa bzhis yongs su zin cing
 tshad med pa bzhi la goms bar byas na gnas skabs thams cad du yang byang chub sems dpa' sems can yongs su mi gtong ste/ de bas na pha rol tu phyin pa dang/ bsdu ba'i dngos po bshad pa'i rjes la/ sangs rgyas la mchod pa dang/ dge ba'i
 bshes gnyen la brten pa dang/ tshad med pa bshad pa'i skabs bshad pa'i phyir 'brel to/ /de la sangs rgyas la mchod pa phye nang du yod pa'i mchod pa'i rab tu dbye ba tshigs su bcad pa bdun zhig gis je? ston to/ /mngon sum lkog nas mchod pa ni zhes
 bya ba la sogs pa tshigs su bcad pa bzhi'i bsdus pa'i don ni/ /mchod pa bzhi dang dngos po dang/ /mtshan ma dang ni bsngo pa dang/ /rgyu dang ye shes zhing dang ni/ gnas pas kyang ni bstan pa'o zhes bya ba'i tshigs su bcad pa lnga pas bstan to/ /de la
 sangs rgyas la mchod pa rnam pa gnyis te/ mngon sum nas mchod pa dang/ /lkog nas mchod pa'o/ /mngon sum dang lkog ni sangs rgyas rnams ni mchod pa'i gzhi'o/ /de la dus bzang po'i tshe na ni sems can bsod nams can dag gis mngon par sangs
 rgyas pa'i sangs rgyas nyid la mchod par byed de/ de? ni mngon sum gyi mchod pa zhes bya'o/ /dus ngan pa'i tshe na ni de bzhin gshegs pa mngon sum du mi bzhugs pas de bzhin gshegs pa'i sku gzugs dang ri mo dang mchod rten la sogs pa la mchod pa
 byed de/ de la ni lkog nas mchod pa zhes bya'o/ /sangs rgyas rnams la gos la sogs zhes byas bas dngos po bstan te/ sangs rgyas la mchod pa yang chos gos dang lhung bzed dang gdugs dang rgyal mtshan la sogs pas mchod de sogs pa'i nang du
 ni nyan pa dang sems pa la sogs pa byed pa yang bsdu'o/ /shin tu dang pa'i sems kyis te zhes bya pas mtshan ma bstan te/ de ltar de mchod pa de yang rgyu gang gis mchod ce na/ de bzhin gshegs pa ni nyes pa thams cad spangs pa yon tan phun
 sum tshogs pa yin pas bsod nams kyi zhing yin no snyam du dad cing mos pa'i shugs kyis mchod par byed do zhes bya ba'i don to/ /tshigs gnyis rdzogs par bya ba'i phyir zhes bya bas bsngo ba'i mtshan ma bstan te/ sangs rgyas la mchod pa byed ba de 
 yang bsod nams dang ye shes kyi tshogs rdzogs par bya ba'i phyir bsngos nas mchod de/ de yang ji ltar bsngo zhe na/ bdag gi mchod ba byas pa des myur du bsod nams dang ye shes kyi tshogs rdzogs par gyur cig ces bsngo'o/ /sangs rgyas skye bas mi stongs?
 pa/ /smon lam dang ni ldan pa ste zhes bya bas rgyu bstan te/ de bzhin gshegs pa rnams la mchod pa byed pa dang/ mchod pa byed pa rnams bsod nams dang ye shes kyi tshogs rdzogs par bya ba'i phyir bsngo ba yang tshor bas snga ma dag na gar skyes
 gar skyes kyang sangs rgyas skye bas mi stongs par skye bar smon lam btab pa'i rgyu las mchod pa byed pa dang bsngo ba 'byung ste/ smon lam yang sangs rgyas skye ba dang lkol? bar ma gyur cig pa dang/ der yang sangs rgyas rnams la mchod pa bye par gyur cig pa
 dang/ mchod pa byas pa rnams kyang 'bras bu med pa dang don med par ma gyur cig ces smon lam btab pa'o/ /dmigs pa med pa gsum dag ni/ /sangs rgyas mchod par rdzogs pa'o zhes bya bas ye shes gang gis zin pa ston te/ byang chub sems dpa' 
 rnams kyis sangs rgyas mchod pa yang rnam par mi rtog pa'i ye shes kyis zin pas mchod par bya ba'i sangs rgyas dang/ mchod par byed pa'i byang chub sems dpa' dang/ mchod pa'i lo byas chos gos la sogs pa yod par mi
 dmigs pas mchod de/ dmigs su med pa'i tshul gyis mchod pa ni sangs rgyas la mchod pa rdzogs pa zhes bya'o/ /tshad med pa yi sems can rnams/ /yongs su smin par bya phyir gzhan zhes bya bas zhing bstan te/ gzhan yang sems can
 tshad med pa rnams yongs su smin par bya ba'i phyir mchod pa la 'jug ste/ ji ltar yongs su smin par bya zhe na/ sems can zhing dang 'dra ba'i sems kyi rgyud la de bzhin gshegs pa la ji ltar mchod par bya pa'i chos bshad nas/ ma 'ongs pa na
 mchod pa byed par 'gyur ba'i sa bon bskrungs pa dang/ /mchod pa'i las dang byed du btsun pas sems can yongs su smin par byed do/ /dngos po dag dang sems pa gzhan zhes bya pas gnas bstan te/ de la mchod par bya ba'i gnas ni rnam pa gnyis te/
 dngos po la gnas pa dang/ sems la gnas pa'o/ /de la dngos po la gnas pa ni nor rdzas la brten nas chos gos la sogs pas mchod par byed pa'o/ /sems pa la gnas pa ni sems kyi khyad par gyis mchod pa ste/ de yang gang dag yin pa bstan pa'i
 phyir mos pa dag dang rten gyis so zhes bya ba la sogs pa smos te/ sems pa la gnas pa yang mos pa dang rten dang/ snying brtse ba dang/ bzod pa dang/ gzhan yang dag par spyod pa dang/ dngos po la spyod ba dang/ rtogs pa dang/ rnam par
 thar pa dang/ yang dag pa'o/ /de dag gis mtshan nyid ni 'grel pa'i skabs su bshad par bya'o/ /bdag sangs rgyas skye ba 'bras bu yod par gyur cig ces sngon smon pa'o zhes bya ba la// rgya ni tshe rabs snga mar smon lam btab ste/ ji ltar smon lam btab
 ce na/ 'jig rten du sangs rgyas bcom ldan 'das byung bar gyur pa na bdag dang lkol bar ma gyur cig pa dang/ sangs rgyas rnams dang phrad nas kyang sangs rgyas la mchod pa byed par gyur cig pa dang/ mchod pa byas pa rnams kyang 'bras bu yod pa dang/
 don yod bar gyur cig ces smon lam btab pa'o/ /zhing tshad med pa'i sems can rnams te zhes bya ba la sogs pa la/ mchod pa'i sa bon 'debs pa'i zhing ni sems can tshad med pa rnams te/ sems can de dag yongs su smin par bya ba'i phyir chos
 bshad nas/ sems can gyi sems kyi zhing la mchod pa ji ltar bya ba'i chos bshad nas mchod pa'i sa bon bskungs ba dang/ sems can rnams kyang mchod pa'i las byed du 'dzud pa'o/ /sems la gnas nas ro myang ba dang zhes bya ba la sogs pa la/ de la
 sems la gnas pa ni ro myang ba la sogs pa nas yang dag pa nyid kyi bar dag la gnas pa'o/ /de la sngon de bzhin gshegs pa rnams la mchod pa byas nas mchod pa byas pa de nyid la yon tan du mthong zhing des dga' ba skyes pa ni ro myang ba zhes bya'o/ /
 phyogs bcu na sems can rnams kyis de bzhin gshegs pa la mchod pa byas pa la sems dga' ba ni rjes su yi rang ba zhes bya'o/ /bdag dang sems can rnams ma 'ongs pa na yang sangs rgyas la mchod pa byed par 'gyur bar dga' zhing de ltar smon pa
 na mngon par dga' ba yid la byed pa zhes bya'o/ ji ltar gsungs pa'i mos pa la sogs pa ste zhes bya ba la/ gzhan yang mos pa dang/ bsam pa dang/ 'byor pa rnyed pa dag kyang sems pa la gnas nas mchod pa zhes bya'o/ /de la mos pa ni/
 de bzhin gshegs pa la mchod pa ji ltar bya ba'i chos dang don 'chad pa'i theg pa chen po'i mdo sde la mos shing dang pa ste ? kyang de bzhin gshegs pa la mchod pa yin no/ /bsam pa yang rnam pa dgu ste/ ro myang ba dang/ rjes su yi rang
 ba dang/ mngon par dga' ba dang/ cho ga mi shes pa dang/ rgya che ba dang/ dga' ba dang/ phan 'dogs pa dang/ nyon mongs pa med pa dang/ dge ba'i bsam pa ste/ de dag gi mtshan nyid ni pha rol tu phyin pa'i skabs su bshad pa
 bzhin du sbyar ro/ /'byor pa ni nam mkha' mdzod kyi ting nge 'dzin la sogs pa la brten nas de bzhin gshegs pa la mchod pa byed pa'o/ /byang chub kyi sems bskyed nas so zhes bya ba la/ bla na med pa'i byang chub tu sems bskyed nas tshe rabs gar
 skyes gar skyes kyang bdag dang gzhan la phan pa bsgrub pa dang/ de bzhin gshegs pa la mchod pa byed par gyur cig ces smon lam btab pa la brten pa zhes bya ste/ des kyang de bzhin gshegs pa la mchod pa byas par 'gyur ro/ /smon
 lam ci'i phyir ming du brten pa zhes btags she na de'i phyir/ smon pa ni tshigs su bcad pa sbyar ba'i phyir 'dir rten du gsungs so zhes smos so/ /smon pa la smon pa nyid ma bcug par brten pa'i tshig bcug pa ni/ tshigs bcad rkang pa
 sbyar ba la mi bde pas na smon lam gyi tshig brten naS par btags nas tshigs su bcad ba'i nang du brten pa'i tshig bcug go /sems can rnams la snying brtse ba dang zhes bya ba la/ sems can sdug bsngal ba mthong na snying rje skye zhing de dag gi sdug bsngal
 bsal bar 'dod pa ni snying brtse ba zhes bya ste/ snying brtse ba'i sems nges kyang sangs rgyas rnams la mchod par 'gyur ro zhes bya ba'i don to/ /bdag dang sems can yongs su smin par byed pa'i phyir grang ba dang tshe pa dad bkres pa dang skom pa la sogs
 ba'i sdug bsngal nyams su len pa la ni dka' bar spyod pa'i sdug bsngal nyams su len pa zhes bya ste/ des sangs rgyas mchod par 'gyur ro/ /sbyin pa'i pha rol tu phyin pa nas shes rab kyi pha rol tu phyin pa'i bar du pha rol tu phyin pa drug sgrub pa ni pha rol tu
 phyin pa yang dag par spyod pa zhes bya ste/ des kyang sangs rgyas la mchod par 'gyur ro/ /tshul bzhin du chos yid la byed pa ste zhes bya ba la sogs pa la/ chos rnams la mi rtag pa dang/ sdug bsngal ba dang/ stong pa dang bdag med pa tshul bzhin du yid
 la byed pa la dngos por spyod pa zhes bya ste/ dngos po spyod pa la ci'i phyir tshul bzhin zhes bya zhe na/ das chos thams cad mi rtag pa dang/ sdug bsngal ba la sogs pa'i mtshan nyid du phyin ci ma log par shes par byas pas na/ dngos po spyod pa la tshul
 bzhin yid la byed pa zhes bya'o/ /mthong pa'i lam la yang dag pa'i lta ba ste zhes bya ba la sogs pa la/ sa dang po thob nas mthong ba'i lam skyes ba na bdag med pa gnyis khong du chud pa'i yang dag pa'i lta ba skyes pa la dngos po chud pa zhes bya ste/ ci'i phyir yang dag
 pa'i lta ba de la dngos po chud pa zhes bya zhe na/ yang dag pa'i lta ba nges gang zag la bdag med pa dang/ chos la bdag med pa'i don phyin ci ma log par chud pa'i phyir te/ de ltar yang dag pa'i lta ba skyes pa des kyang de bzhin gshegs pa la mchod par 'gyur ro/ /nyan
 thos rnams kyi nyon mongs pa las rnam par grol bas zhes bya ba la sogs pa la/ nyan thos rnams kyis shes bya'i sgrib pa ma spangs nyon mongs pa'i sib? pa spangs nas mya ngan las 'das pa thob pa la rnam par thar pa zhes bya ste/ des kyang nyan thos rnams kyis de bzhin
 gshegs pa la mchod pa byas pa yin no zhes bya ba'i don to/ /byang chub chen po thob pa'i phyir yang dag pa nyid kyis te zhes bya ba la/ byang chub sems dpa' rnams dang pha rol tu phyin par mi gyis bsgrubs pa dang/ de bzhin gshegs pa la mchod pa byas pa'i
 rim pas bla na med pa'i byang chub thob pa ni yang dag pa nyid ces bya ste/ byang chub chen po thob pa des kyang phyogs bcu'i de bzhin gshegs pa la mchod pa byas pa yin no/ /de ltar de bzhin gshegs pa la mchod pa'i rab tu dbye pa rnam pa gcig bshad
 zin to/ /yang 'das pa dang/ ma 'ongs pa dang/ da ltar dang/ nang dang phyi dang/ rags pa dang/ phra pa dang/ bzang po dang/ ngan pa dang/ nye ba dang/ ring pa'i dbye ba 'am/ de bzhin gshegs pa la mchod pa'i rab tu dbye ba bstan
 pa'i phyir /rgyu dang 'bras bu de bzhin te zhes bya ba la sogs pa smos so/ /de la 'das pa'i dus na mchod pa byas pa ni rgyu/ da ltar gyi dus na mchod pa byas pa ni 'bras bu ste/ sngon mchod pa byas pa'i sa bon yod paS da ltar gyi dus na mchod pa byed bar 'gyur ro/ /da ltar gyi
 dus na mchod pa byed pa ni rgyu/ ma 'ongs pa'i dus na mchod pa byed pa ni 'bras bu ste/ da ltar gyi dus na mchod pa byas pa'i rgyus ma 'ongs pa na mchod pa byed par 'gyur te/ de ltar na rgyu dang 'bras bu'i tshul gyis 'das pa dang ma 'ongs pa dang da ltar byung ba'i
 mchod pa rnam par bzhag go /bdag nyid byed dang gzhan gyis kyang zhes bya ba la/ bdag nyid kyi lus dang yan lag 'bul ba dang/ nyan pa dang sems pa la sogs pa byed pa ni bdag nyid kyi zhes bya ste de ni nang gi mchod pa'o/ /mdza' bo dang nye du gnyen
 bshes la sogs pa gzhan dag mchod pa byed du bcug pa dang/ chos gos la sogs pa 'bul ba ni gzhan gyi zhes bya ste de ni phyi'i mchod pa'o/ /rnyed pa dang ni bkur stis? kyang/ /sgrub pa de yang rnam pa gnyis/ /mchod pa chung du chen po ste zhes bya
 ba la/ gzhan yang mchod pa rnam pa gnyis te/ mchod pa chung du dang chen po'o/ /de la rnyed pa ni chos gos dang ma la chal sogs pa 'bul ba'o/ /bkur ste ni phyag bya ba dang/ thal mo sbyor ba dang/ bsdu ba dang/ bstod pa byed pa la sogs pa
 ste de ni mchod pa chung du zhes bya'o/ /sgrub pa ni dam pa'i chos nyan pa dang/ sems pa dang/ bsgom pa la sogs pa byed pa ste/ de ni mchod pa chen po zhes bya'o/ /yang na rnyed pa dang bkur stis mchod pa ni chen po zhes bya'o/ /sgrub pas mchod pa ni
 phra mo zhes bya'o/ /ngar bcas da med pa zhes bya ba la/ 'dis ni tha ma dang mchog gi mchod pa ston te/ mchod pa byed pa bdag nyid dang/ mchod par bya ba'i sangs rgyas dang/ mchod pa chos gos la sogs pa gsum char yod par dmigs pa ni dang bcas
 pa zhes bya ste de ni tha ma'o/ /ci'i phyir tha ma zhe na/ dngos por dmigs shing rtog pa dang bcas pa'i phyir tha ma'o/ /mchod par byed pa bdag nyid dang/ mchod par bya ba'i sangs rgyas dang/ mchod pa'i rdzas gsum yod par mi rtog pas mchod pa ni
 de med pa zhes bya ste de ni mchog go /ci'i phyir zhe na/ dngos po la rnam par rtog pa spangs pa'i phyir ro/ /sbyor ba dang ni zhes bya ba la/ sbyor bas mchod pa yang rnam pa gnyis te/ dus gzhan du mchod par sbyor ba dang/ de'i tsho mchod par sbyor ba'o/ /de la dus
 gzhan du mchod par sbyor ba ni lo dang zla ba dag gis bcad nas phyis mchod par sbyor te de ni thag ring zhes bya'o/ /de'i tshe? mchod par sbyor ba ni gang gi tshe na mchod bar bsams pa de nyid kyi tshe na mchod par byed pa ste de ni nye ba'o/ /'gro de bzhin zhes bya ba la/ 'gro pas
 mchod pa yang de gnyis te/ 'gro ba chad nas mchod pa dang/ de ma thag tu mchod pa'o/ /de la 'gro ba chang nas mchod pa ni che rabs gnyis sam gsum mam brgya 'am stong dag gi bar du chod nas de nas phyis mchod pa byed pa zhes bya ba'i don to/ /de de la byang chub
 sems dpa' gcig gis sems can yongs su smin par byas nas de zhugs pa'i byang chub sems dpa' gzhan gyis smin par byas pa yin pas bya ba thams cad 'dres pa zhes bya pa'i don to/ /byang chub sems dpa' gcig gis de bzhin gshegs pa la mchod pa
 byas nas der zhugs pa'i byang chub sems dpa' thams cad kyis kyang mchod pa byas pa yin te/ de bas na nye bar 'dres pa zhes bya'o/ /brten pa rnams par bye ba'i tshigs su bcad pa rnam pa bdun te zhes bya ba la/ phyi'i dngos po la chags pa spangs pa'i phyir
 de bzhin gshegs pa la mchod pa bya ba bstan nas/ da ni bdag gi lus la chags pa spangs pa'i phyir dge ba'i bshes gnyen la brten pa bstan te/ dge ba'i bshes gnyen la brten pa yang rnam pa dus bstan pa phye ste tshigs/
 su bcad pa bdun gyis bstan to zhes bya ba'i don to/ /de la tshigs su bcad pa phyed dang lngas ni zhes bya ba la/ dge pa'i bshes gnyen la brten pa rnam par dbye pa'i tshigs su bcad pa rnam pa bdun gyis bstan to zhes glengs pa las/ /tshigs su bcang pa
 phyed dang lngas ni bsten pa'i gzhi la sogs pa don rnam pa brgyad bstan to zhes bya pa'i don to/ /bshes gnyen dul ba zhib nyer zhi ba/ /yon tan lhag pa brtson 'grus lung dang ldan/ /de yid rab tu rtogs pa'i tshig dang ldan/ /snying rje yod dang skyo
 ba rnam par spangs zhes bya ba'i tshigs su bcad pa 'dis yon tan ji lta bu dang ldan pa'i dge ba'i bshes gnyen la brten par bya ba'i brten pa'i gzhi dge ba'i bshes gnyen gyi mtshan nyid ston to/ /de la lhag pa'i tshul khrims gyi bslab pa dang
 ldan pas chags par 'gyur ba'i dngos po rnams mtshan mar mi 'dzin cing dpe byang du mi 'dzin pas/ mig la sogs pa'i dbang po drug yul la mi 'jug par sbas pa dang ldan pas dul ba zhes bya'o/ /ting nge 'dzin dang ldan pas na gang gi tshe sems
 phyi rol tu g.yengs par gyur pa na yang zhi gnas sgom pas sems mi 'phro bas nang du sdud bar byed de/ de bas na zhi ba zhes bya ba ste/ 'dis ni lhag pa'i sems kyi bslab pa dang ldan pa ston to/ /gang gi tshe nyan pa dang sems pa la sogs pa'i
 tshe dge ba la zhugs pa na/ rnam pa 'ga' zhig gis sems phyi rol tu g.yengs nas 'dod chags dang zhe sdang la sogs pa'i nyon mongs pa zhig skyes par gyur na shes rab kyis myur bar shes par byas nas de'i gnyen po mi gtsang ba dang byams
 ba la sogs pa bsgoms pas zhi bar byed pas na nye bar zhi bzhes bya ste/ 'dis ni lhag pa'i shes rab dang ldan par ston to/ /dge pa'i bshes gnyen de yang tshul khrims la sogs pa'i yon tan dang mang du thos pa la sogs pa bdag dang mnyam pa
 'am/ bdag bas chung ba ma yin gyi/ tshul khrims la sogs pa'i yon tan dang/ thos pa la sogs pa bdag pas 'phags pa la brten te/ /de bas na yon tan lhag pa zhes bya'o/ /dge ba'i bshes bnyen de yang slob ma'i don dang/
 gzhan gyi don bya ba la btang snyoms su 'dor zhing g.yel bar byed pa ma yin gyi/ /gcig tu gzhan gyi don bya pa la sems spro zhing 'bad pa la brten te/ de bas na brtson 'grus dang ldan pa zhes bya'o/ /dge ba'i bshes gnyen de yang
 thos ba chung ba ma yin gyi bshad par bya ba'i gsung rab kyi chos mang du thos dang ldan pa la brten par bya ste/ de bas na lung dang ldan pa zhes bya'o/ /dge pa'i bshes gnyen de 'phags pa'i bden pa bzhi'i rnam par thar pa'i sgo gsum ma ma/ mi rtag
 pa dang sdug bsngal ba la sogs pa'i chos 'ga' rtogs pa yod pas na de nyid rab tu rtogs pa zhes bya ste/ de lta bu la brten par bya'o zhes bya ba'i don to/ /gang la brten par bya ba'i dge ba'i bshes gnyen de tshig 'brel cing smra mkhas la
 tshig 'jebs pa smra ba la brten par bya ste/ de bas na tshig dang ldan ba zhes bya'o/ /dge ba'i bshes gnyen de slob ma la chos ston pa yang rnyed pa dang bkur sti'i phyir ston pa ma yin gyi/ gang la chos bsten par bya ba'i slob ma rnams kyi nyon mongs pa
 spang bar bya ba'i phyir chos ston te/ de bas na snying rje yod pa zhes bya'o/ /chos ston pa nam gus pa dang brnyas pa'i tshul du ston pa dang/ res 'ga' ston res 'ga' mi ston pa ma yin gyi/ gus par byas nas rtag tu rgyun mi 'chad par ston par byed de/ de bas
 na skyo ba rnam par spangs ba zhes bya'o/ /bkur sti rnyed dang rim gro byed pa dang/ sgrub par byed pas bshes gnyen bsten par bya zhes bya ba la/ bsten pa'i dngos po bstan te/ dge ba'i bshes gnyen la bstan na dngos po
 gang gi bsten zhe na/ bkur sti'i dngos po dang/ rim gro byed pa'i dngos po dang/ sgrub par byed pa'i dngos pos bsten to/ /de la dge ba'i bshes gnyen gyi yon tan bsgrags pa dang/ bsdu ba dang/ bskyal pa dang/ phyag 'tshal ba dang/ thal mo sbyor ba
 la sogs ba ni/ bkur sti'i dngos po zhes bya'o/ /chos gos dang bsod snyoms la sogs pa 'bul ba ni rnyed pa'i dngos po zhes bya'o/ /mnye ba dang bkru ba la sogs ba las su bya ba thams cad byed pa ni rim gro byed pa'i dngos po zhes bya'o/ /'di dag
 gis ni phyi'i dngos pos bsten pa bstan to/ /dge ba'i bshes gnyen gyis ji ltar bstan cing bsgo ba dang/ ji ltar bshad pa bzhin du nyams su len cing nyan pa dang sems pa dang bsgom pa la sogs pa byed pa ni sgrub par byed pa'i dngos po zhes bya ste
 'dis ni nang gi dngos pos bsten pa bstan to/ /blo can chos la de bzhin shes bsam dang/ /bshes gnyen drung du dus su 'dud par 'gro zhes bya ba 'dis/ /dge ba'i bshes gnyen la brten pa'i mtshan ma bstan te/ mtshan ma yang rnam pa gsum mo/ /
 de la blo can ni dge ba'i bshes gnyen la brten par byed pa'i gang zag go /chos la de bzhin sems bsam dang zhes bya ba ni mtshan ma gcig ste/ chos dang chos smra ba'i gang zag la brnyas pa'i bsam pa 'am/ chos rku ba'i bsam pa 'am/ klan ka btsol?
 ba'i bsam pas dge ba'i bshes gnyen bcel bar mi bya'i/ bdag nyid kyis chos kyi don rtogs shing shes par bya ba'i bsam pas shes par bya'o zhes bya ba'i don to /dus dus su 'gro ba ni mtshan ma gnyis pa ste/ dge ba'i bshes gnyen gyi drung du 'gro na
 yang bsam gtan byed pa dang/ zas za ba la sogs pa skabs su ma bab pa'i tshe 'gro bar mi bya'i/ skabs su bab par byas na 'gro bar byed de/ skabs su bab pa'i tshe bsten cing 'gro bar byed do zhes bya ba'i don to/ /'dud pas 'gro ba'i mtshan ma
 gsum pa ste/ dge ba'i bshes gnyen gyi gan du 'gro ba yang lus dang sems dul bar byas shing gus pa dang bcas pa'i sems kyis 'gro bar bya'i/ lus dang sems ma dul ba dang/ ma gus pa dang/ nga rgyal gyi spyod lam gyis ni 'gro bar mi
 bya'o zhes bya ba'i don to/ /de ni bkur sti rnyed la 'dod pa med/ /bsgrub par bya phyir de ni bsngo bar byed ces bya ba 'dis bsngo ba bstan te/ dge ba'i bshes gnyen la brten pa de yang khe dang bkur sti dang rnyed pa 'dod pa'i phyir dge ba'i bshes gnyen
 la brten cing bsngo bar byed pa ma yin gyi/ bsgrub par bya ba'i phyir bsngo bar byed de/ ji ltar bsngo zhe na/ bdag gis dge pa'i bshes gnyen la brten pa 'dis rnyed pa dang bkur sti thob par gyur cig ces ni mi bsngo'o/ /bdag gis dge ba'i bshes gnyen
 la brten bas na ma zhig na bdag thos pa dang/ sems pa dang/ bsgom pa'i shes rab gsum gyi sgo nas 'phags pa'i lam sgrub cing chos nyid kyi don rtogs par gyur cig ces sngo bar byed pa'i phyir ro/ /ji ltar bstan nas sgrub par byed pas na/ blo
 can de bas de'i sems mgur byed ces bya bas rgyu bstan te/ dge ba'i bshes gnyen la brten par bya ba'i rgyu gang zhe na/ gang gis dge ba'i bshes gnyen de'i sems mgu ba dang dga' bar byed pa de ni rgyu'o/ /ji ltar dge ba'i bshes gnyen gyi sems
 mgu bar bya zhe na/ dge ba'i bshes gnyen gyis ji lta ji ltar bstan cing bsgo ba dang/ bshad cing gtams pa de lta de ltar nyams su len cing sgrub par byed pas dge ba'i gnyen gyi sems mgu bar 'gyur te/ /de ltar dge ba'i bshes gnyen gyi sems
 mgu na bdag la 'doms pa dang ston bar byed bas na dge ba'i bshes gnyen gyi sems mgu ba ni bsten pa'i rgyu'o/ theg ba gsum la mkhas bar blo chud nas nang gi theg ba bsgrub phyir 'bad bar byed ces bya ba la/ blo dang shes
 rab kyis nyan thos dang rang sangs rgyas dang theg pa chen po'i mtshan nyid khong du chud nas theg pa gsum la mkhas ba ni dge ba'i bshes gnyen la brten pa'i ye shes so/ /de ltar theg pa gsum la mkhas pa byas nas kyang/ byang chub
 sems dpa' rnams ni nyan thos dang rang sangs rgyas kyi theg pa mi sgrub kyi/ bdag dang sems can gyi don du theg pa chen po'i don rtogS bar bya ba'i phyir theg pa chen po nyid sgrub par byed do zhes bya ba'i don to/ /sems can dpag med smin
 bar bya phyir dang/ zhing dag par yang sbyar bar bya ba'i phyir zhes bya bas/ dge ba'i bshes gnyen la brten pa'i zhing bstan te/ dge ba'i bshes gnyen la brten pa'i zhing rnam pa gnyis so/ /gang zhe na/ sems can gyi zhing dang/ snod kyi
 'jig rten gyi khams so /de la sems can gyi zhing ni yongs su smin par byas te/ sems can dpag tu med pa rnams dge ba tshad med ba spyod du bcu gnas sems can yongs su smin bar bya ba'i phyir dge ba'i bshes gnyen la brten to/ /snod kyi
 'jig rten gyi zhing ni yongs su dag cing sbyang bar bya ba'i phyir dge ba'i bshes gnyen la brten te/ sangs rgyas kyi zhing gser dang bai Durya la sogs ba'i sa gzhi dang/ dpag bsam gyi shing la sogs pa'i rgyan phun sum tshogS pa rdzogs par bya ba'i phyir dge
 ba'i bshes gnyen la brten to zhes bya ba'i don to/ /chos kyi bgo skal? yon tan ldan pa de/ /bshes gnyen de la zang zing med bas brten ces bya bas/ brten pa'i gnas bsten te/ dge ba'i bshes gnyen la brten na gang la gnas te brten can 'di ltar
 pha ma'i nor lta bu dang/ phu nu dang spyi nor lta bu ji dgar spyod du dbang ba la bgo skal zhes bya ste/ 'di yi skabs su bgo skal gyi don ni lhur len pa la bya ste/ chos lhur len cing chos bdag gir byed pa'i yon tan dang ldan pa la gnas nas dge ba'i bshes
 gnyen la brten par bya'i/ zang zing lhur len cing zang zing bdag gir byed pa la gnas nas dge ba'i bshes gnyen la brten par bya ba ni ma yin no zhes bya ba'i don to/ /'di man chad tshigs bcad phyed dang gsum gyis brtan pa'i rnam par dbye
 ba'i rig bar bya ste zhes bya ba la/ tshigs su bcad pa bdun gyis dge ba'i bshes gnyen la brten ba'i rab tu dbye ba bshad do zhes glengs pa la/ tshigs bcad phyed dang lngas gnas dang dngos bo la sogs pa'i don brgyad dang sbyar nas dge
 ba'i bshes gnyen la brten pa'i rab tu dbye ba bstan te/ da tshigs bcad gsum gyis 'das pa dang ma 'ongs ba la sogs pa'i rab tu dbye ba'i sgo nas dge ba'i bshes gnyen la brten pa'i 'bras bu'o/ /da ltar gyi dus la rab tu dbye ba tshul de 'dra ba ston to zhes
 bya ba'i don to/ /rgyu dang 'bras bu zhes bya ba ni 'das pa la sogs pa phye ba ste snga ma bzhin no zhes bya ba la/ /'di ltar tshe rabs snga mar dge ba'i bshes gnyen la brten pa ni rgyu yin la/ /da ltar gyi dus na dge ba'i bshes gnyen la brten pa ni 'bras bu'o//
 da ltar gyi dus na dge ba'i bshes gnyen la brten pa ni rgyu yin la/ /ma 'ongs pa'i dus na dge ba'i bshes gnyen la brten bar 'gyur ba ni 'bras bu ste/ /de ltar na rgyu'i 'bras bu'i tshul gyis ni dge ba'i bshes gnyen la brten pa yang 'das pa dang nga?
 ltar dang/ ma 'ongs pa dang rnam pa gsum du bzhag ste/ /snga ma bzhin no zhes bya ba'i don ni de lta bu'o/ /chos kyi sgo ni rjes rtogs bas/ /blo can phyi rol gyis kyang bshes gnyen bsten zhes bya ba la/ /phyi'i? bsten pa dang/ nang gi bsten
 ba bstan te/ dge ba'i bshes gnyen la brten pa'i sgo nas chos kyi sgo'i ting nge 'dzin rtogs de ji ltar rtogs pa'i ting nge 'dzin de nyid la yang nas yang du goms bar bya bas kyang dge ba'i bshes gnyen la brten
 par 'gyur te 'di ni rang gi bsten pa'o/ /chos gos dang bsod snyoms la sogs pa 'bul ba ni phyi rol gyi bsten ba ste/ des phyis bsten pa bstan to/ /chos la nyan pa sems kyi rnal 'byor ni zhes bya bas/ dge ba'i bshes gnyen
 la rtsing bas bsten pa dang phra bas bsten pa bstan te/ de la dge ba'i bshes gnyen la nyan pa'i sgo nas bstan pa ni rtsing ba zhes bya ste/ ci'i phyir zhe na/ gzhan gyi sgra tsam la bsten nas sems phyi rol tu rgyug pa'i phyir ro/ /sems pa dang
 sgom pa'i sgo nas brten pa ni phra ba zhes bya ste/ sems nang du lta ba'i phyir ro/ /de nyid sems kyi rnal 'byor to zhes bya ba la/ sems pa dang sgom pa'i sgo nas bsten pa nyid sems kyi rnal 'byor gyi brten pa zhes bya'o/ /dar bcas pa dang nga med
 yid ldan ni/ /tha ma dang ni mchog gi rnam pa'o zhes bya ba 'dis dge ba'i bshes gnyen la tha mas bsten pa dang/ mchog gis bsten pa ste/ dge ba'i bshes gnyen dang/ bdag dang chos gos la sogs pa bsten par bya ba'i dngos
 po yod par mthong nas dge ba'i bshes gnyen 'di la dngos po 'dis bdag gis bsten to zhes lta ba ni ngar bcas pa'i yid dang ldan ste tha ma'o/ /dge ba'i bshes gnyen dang bdag dang bsten par bya ba'i dngos po gsum car ma mthong bas
 dge ba'i bshes gnyen 'di la dngos po 'di bdag gis bsten to zhes mi lta ba ni nga med pa'i yid dang ldan pa ste mchog go /'gro bar sbyor dang smon lam dag gis kyang/ /blo ldan dge ba'i bshes gnyen bsten pa'o zhes bya ba la/ thag nye
 bar bsten pa dang/ thag ring bar bsten pa ston to/ /tshe rabs du mas chod nas 'gro ba mang po zhig gi lus blangs te bsten pa ni thag ring ba'o/ /tshe de nyid kyi 'gro bas bsten pa ni thag nye ba'o/ /tshe 'di nyid dam tshe rabs phyi ma nyid du dge ba'i bshes
 gnyen la brten bar sbyor ba ni thag nye ba'o/ /tshe 'di nyid la yang lo dang zla ba du mas chod nas bsten par sbyor ba 'am/ tshe phyi mar yang tshe rabs du mas chod nas bsten par sbyor ba ni thag ring ba'o/ /tshe rabs phyi mar dge ba'i bshes gnyen la brten
 par gyur cig ces smon lam 'debs shing bsten par byed pa ni thag ring ba'o/ /tshe 'di nyid la dge ba'i bshes gnyen la bsten bar gyur cig ces smon lam 'debs shing tshe 'di nyid la brten par byed pa ni thag nye ba'o/ /bsten pa'i mchog gang zhe na /tshigs
 su bcad pa bdun ba ste zhes bya ba la/ /bstan pa'i rab tu dbye ba bstan nas bsten ba gang gis bsten na dge ba'i bshes? gnyen la bsten pa mchog /bsten pa dam pa bsten pa bla na med pa ging? yin ba de tshigs su bcad pa bdun pas bstan to zhes bya ba'i don to/ /dam ba'i
 bshes la brten pa ni/ /rang gi sems kyis mchog yin te/ /chos la mos par gyur pa dang/ /bsam pa dang ni 'byor pa'o zhes bya ba la dge ba'i bshes gnyen dam pa la bsten ba'i mchog ni dad pa dang dge ba'i sems kyis bsten na bsten pa'i mchog/ bsten ba bla na med pa yin te/ de yang gang zhe na/ chos la mos pa dang/ bsam pa dang/ 'byor ba'o/ /de la dge ba'i bshes gnyen la brten pa 'chad pa'i theg pa chen po'o/ /chos la dad pa ni chos la mos pa zhes bya ste/ /de yang bsten pa bla na med
 pa'o/ /bsam pa ni bsam pa rnam pa dang/ /ro myang ba'i bsam pa nas dge ba'i bsam pa'i bar du sems bsam pa de lta bu dang ldan pa ni bsten pa'i mchog /bsten pa bla na med ba yin no/ /'byor ba ni nam mkha' mdzod kyi ting nge 'dzin la sogs pa bsgrubs
 nas nam mkha' i khams thams cad yo byad kyis bkang ste/ dge ba'i bshes gnyen la 'bul bar byed de/ de yang bsten pa'i mchog go /'khor sum yongs su dag pa'i tshul du dmigs nas rnam par mi rtog pa'i ye shes kyis
 zin pa yang brten pa'i mchog go /sa brgyad pa yan chad mi skye ba'i chos la bzod pa thob pas bya ba gcig tu gyur ba yang bsten pa'i mchog ste/ snga ma bzhin zhes bya ba'i don ni de lta bu'o/ /tshad med ba la rnam par dbye ba'i tshigs su bcad pa bcu
 gnyis so zhes bya ba la/ bsdu ba'i dngos pos sems can smin par byed pa la zhugs kyang tshad med pa'i sems dang mi ldan na sems can log par spyod pa rnams kyis skyo bar gyur nas sems can gtong bar byed de/ de bas na de'i gnyen por tshad med pa la gnas pa
 bshad do/ /tshad med pa'i bsam pa dang ldan na sems can thams cad la bu gcig pa bzhin du sems pas sems can yongs su mi gtong bar byed de/ de bas na tshad med pa rnam par dbye ba tshigs su bcad pa bcu gnyis kyis bstan to zhes bya ba'i don to/ /bstan pa'i
 tshangs pa mi mthun spangs/ /rnam par mi rtog ye shes ldan/ /dmigs pa rnam pa gsum la 'jug /sems can thams cad smin par byed ces bya ba'i tshigs bcad 'dis tshad med pa bzhi'i mtshan nyid bstan te/ de yang mtshan nyid rnam pa bzhir rig par bya'o/ /gang
 zhe na/ mi mthun pa'i phyogs spangs pa dang/ /gnyen pa'i khyad par dang ldan pa dang/ 'jug pa'i khyad par dang ldan pa dang/ las kyi khyad par dang ldan pa'o/ /de la bstan pa'i tshangs pa mi mthun pa spangs zhes bya bas mi mthun pa'i phyogs spangs pa bstan te/ bstan
 pa ni byang chub sems dpa' la bya ste/ tshad med pa bzhi dang ldan pas sems can gyis gnod pa byas kyang sems can gyi gtong ba'i phyir ro/ /tshangs pa ni tshangs pa'i gnas tshad med pa bzhi ste/ byams pa dang/ snying rje dang/ dga' ba dang/ btang snyoms so/ /tshad med
 pa bzhi'i mi mthun pa'i phyogs ni gnod sems dang/ 'tshe ba dang/ mi dga' ba mang ba dang/ chags pa dang/ khong khro bas sems nyon mongs par gyur ba ste/ mi mthun pa'i phyogs de dag tshad med pa bzhi bsgoms pa 'am/ rnam par mi rtogs ba'i ye shes kyis
 zin pas med par byas ba'i phyir spangs ba zhes bya'o/ /rnam bar mi rtog pa'i ye shes dang ldan bas zhes bya bas/ /gnyen po'i khyad bar dang ldan pa bstan te/ byang chub sems dpa' dang/ sems can dang/ tshad med pa bzhi la yod bar mi rtog pa'i ye shes
 kyis zin pa'i phyir ro/ /dmigs pa rnam pa gsum la 'jug ces bya bas 'jug pa'i khyad par dang ldan pa bstan te/ byang chub sems dpa' i tshad med pa bzhi ni rnam pa gsum du 'jug ste sems can la dmigs par 'jug pa dang/ chos la dmigs par
 'jug pa dang/ /dmigs pa med bar 'jug pa'o/ /de la rnal 'byor spyod pa'i sa las ni/ so so'i skye bo dang/ mu stegs pa rnams kyi byams pa ni sems can la dmigs pa ste/ bdag dang sems can yod par dmigs nas byams pa 'byung ba'i phyir ro/
 nyan thos dang rang sangs rgyas kyi byams pa ni/ chos la dmigs pa'i byams pa zhes bya ste/ dngos po 'di dag gzugs la sogs pa phung po lnga'i chos tsam du zad kyi/ /bdag gam sems can zhes bya ba med la/ phung po lnga yang mi rtag pa dang/ sdug
 bsngal ba la sogs pa'i rang bzhin no zhes dmigs nas byams pa 'byung ba'i phyir ro/ /byang chub sems dpa' sa la zhugs pa dang/ de bzhin gshegs pa rnams kyi byams pa ni/ dmigs pa med pa'i byams pa zhes bya ste/ gang zag la bdag
 med par khong du chud pas sems can du mi dmigs pa dang/ /chos la bdag med par khong du chung bas phung po lnga'i chos tsam du yang dmigs pa med par sems can la phan 'dogs pa dpag tu med par mdzad ba'i phyir ro/ /de la sems can la dmigs
 pa tshad med pa bzhi ni so so'i skye bo dang/ bu stegs dang/ nyan thos dang/ rang sangs rgyas dang/ byang chub sems dpa' dang/ de bzhin gshegs pa rnams thun mong ngo/ /chos la dmigs ba'i byams pa ni nyan thos dang/
 rang sangs rgyas dang/ byang chub sems dpa' dang/ de bzhin gshegs pa rnams thun mong ngo/ /mi dmigs pa'i byams pa ni/ gang dang yang thun mong ma yin pa'o zhes bshad do/ /'phags pa blo gros mi zad pa'i mdo las kyang/ byams ba ni
 gsum po 'di dag ste/ gsum gang zhe na/ 'di lta ste/ sems can la dmigs pa'i byams pa dang/ chos la dmigs pa'i byams pa dang/ dmigs pa med pa'i byams pa'o/ /de la thog ma sems bskyed pa'i byang chub sems dpa' rnams kyi byams ba ni
 sems can la dmigs pa'o zhes gsungs te/ de'i don kyang sems can gyi dngos po yod par lta zhing gang zag dang chos la bdag med par ma rtogs pa'i phyir ro/ /spyod pa la zhugs pa'i byang chub sems dpa' rnams kyi byams pa ni chos la dmigs pa'o zhes
 gsungs te/ sa dang po yan chad nas bdun pa man chad ni spyod pa la zhugs pa zhes bya ste/ de dag gi tshe chos kyi dbyings rnam par dag pa la dmigs pas na chos la dmigs pa zhes bya'o/ /mi skye ba'i chos la bzod pa rab tu thob pa'i byang chub sems dpa' rnams
 kyi byams pa ni dmigs pa med pa zhes gsungs te/ rnam par mi rtog pa lhun gyis grub pas rtsol ba dang 'bad pa med par byams pa 'byung ba'i phyir ro/ /sems can dang chos la dmigs pa yang/ sems can gyi ris dang chos gang la rab tu 'jug pa dang zhes bya ba
 la/ gong du byang chub sems dpa' i tshad med pa bzhi ni sems can la dmigs pa dang/ /chos la dmigs pa zhes bshad na/ tshad med pa bzhis sems can la dmigs na sems can gyi ris gang dag la dmigs pa dang/ chos la dmigs pa yang
 chos gang la dmigs shen zhes bya ba'i don to/ /mi dmigs ba yang mi dmigs pa gang zhe na zhes bya ba la/ mi dmigs pa'i byams pa la sogs pa bshad na/ ci zhig la dmigs shen zhes bya ba'i don to/ /bde 'dod ces bya ba la/ byams pas ni
 bde ba 'dod pa'i sems can la dmigs te/ ci'i phyir zhe na/ byams pa ni sems can la bde bar sbyor ba'i rnam pa yin pas sems can rnams bde ba dang ldan par gyur cig ces dmigs so/ /sdug bsngal gyis gzir dang zhes bya ba la/ snying rje ni
 sdug bsngal gyis gzir ba'i sems can rnams la dmigs te/ ci'i phyir zhe na/ snying rje ni sdug bsngal dang bral bar 'dod pa'i rnam pa yin pas sems can rnams sdug bsngal dang bral bar gyur cig ces dmigs pa'i phyir ro/ bde ldan zhes bya ba la/ dga' bas ni bde ba
 dang ldan pa'i sems can la dmigs te/ ci'i phyir zhe na/ dga' ba ni bde ba dang mi 'bral bar 'dod pa'i rnam pa yin pas/ bde ba dang ldan pa'i sems can rnams kyang bde ba dang bral bar ma gyur cig ces dmigs so/ /nyon mongs zhes bya ba la/ btang snyoms
 kyis ni tshor ba bde ba dang phrad pa dang/ mdza' pa la sogs pa dang phrad nas 'dod chags skye ba dang/ tshor ba sdug bsngal ba dang dgra la sogs pa dang phrad nas zhe sdang bar 'gyur bas nyon mongs par gyur pa'i sems can rnams la dmigs te/ ci'i phyir zhe na/
 btang snyoms ni tshor ba de rnams la sems nyon mongs pa med pa'i sbyor ba'i rnam pa yin te/ de bas na tshor ba bde ba dang/ mdza' ba la sogs pa dang phrad na yang 'dod chags skye bar ma gyur cig /tshor ba sdug bsngal ba dang dgra la sogs pa dang phrad na
 yang zhe sdang bar ma gyur cig ces dmigs pa'i phyir te/ de dag gis tshad med pa gang gis sems can gyi tshogs gang la dmigs pa bstan to/ /de bstan chos zhes bya ba la/ de'i sgras ni tshad med pa bzhi la bya ste/ chos la dmigs 
 pa'i byams pas ni tshad med pa bzhi ston pa'i theg pa chen po'i mdo sde la dmigs so zhes bya ba'i don to/ /de'i de nyid la ni brten pa rnams 'jug go zhes bya ba la/ de'i zhes bya ba'i sgras ni bde ba 'dod pa dang/ sdug bsngal
 gyis gzir ba dang/ bde ba dang ldan pa dang/ nyon mongs pa'i sems can rnams dang/ tshad med pa bzhi ston pa'i mdo sde la snyegs? te/ de nyid ces bya ba ni/ sems can rnam pa bzhi'i stong pa nyid dang/ theg pa chen po'i chos kyi stong pa nyid la bya ste/ mi
 dmigs pa'i byams pas ni/ de dag gi stong pa nyid la dmigs kyi sems can so so dang chos la ni dmigs par mi byed do zhes bya ba'i don to/ /mi dmigs pa ni de'i de bzhin nyid la ste zhes bya ba la sogs pa la/ mi dmigs pa'i byams pas ni sems
 can dang chos kyi stad? pa nyid la dmigs te/ de'i tshe sems dang sems las byung pa'i tshogs rnams ci la yang mi stog pa'i mtshan nyid du ro gcig par gnas bas sems can tha dad pa dang/ chos tha dad pa byed pa med bas na mi dmigs pa'i byams pa zhes bya'o/ /gzhan
 yang zhes bya bas/ dmigs su med pa'i byams pa'i rab tu dbye ba ston to/ /dmigs su med ba'i byams pa la phye na rnam pa bzhi yod par 'dod do/ /de yang de bzhin nyid kyi phyir zhes bya ba 'dis rnam pa gcig bstan te/ sems can rnams dang chos
 rnams kyi stong pa nyid la dmigs pa'i byams pa la mi dmigs pa'i byams pa zhes bya ste/ bdag dang chos su dmigs pa 'am/ phyi dang nang du dmigs pa med pa'i phyir ro/ /bzod pa thob bas rnam par dag ces bya bas/ rnam pa gnyis pa bstan te/ sa brgyad
 pa'i byang chub sems dpa' rnams mi skye ba'i chos la bzod pa thob pas/ byams pa la sogs pa tshad med pa'i sa bon rtas pa'i phyir tshad med pa rnam par dag ste/ rnam par dag ces bya ba ni brtsal 'bad dang rtog dpyod med par tshad med pa bzhi lhun gyis grub ste/ de bas nas
 brgyad kyi dus kyi tshad med pa bzhi ni mi dmigs par bzhag go /las gnyis zhes bya bas rnam pa gsum pa bstan te/ byams ba'i rgyu mthun pa las byung ba'i lus kyi las brdeg 'tshog la sogs pa mi byed pa dang/ dag gi las tshig rtsub mo la sogs ba mi 'byin
 pa la yang mi dmigs pa'i byams pa zhes bya ste/ ci'i phyir zhe na/ sems dang sems las byung ba rnams la ni dmigs pa dang rtog pa yod na lus dang ngag gnyis ni 'byung ba chen po bzhi las gyur ba gzugs kyi phung por gtogs pas rtog ba med pa'i phyir/
 mi dmigs pa'i byams par bzhag go /byams pa ni sems kyi chos yin yang lus dang dag gnyis byams pa'i sems las byung ba dang/ brdeg 'tshog la sogs pa'i gnod pas sems can la gnod bar mi byed pas na mi dmigs pa'i byams
 par btags so/ /nyon mongs zad pas kyang zhes bya bas rnam pa bzhi pa bstan to/ /'dod chags dang zhe sdang la sogs pa nyon mongs pa ni sems dang sems las byung ba'i dmigs pa yin la/ /nyon mongs pa spangs te zad na sems kyis dmigs
 bar bya ba'i yul med pas nyon mongs pa zad pa rnams kyi 'phags pa byams pa yang mi dmigs pa'i byams pa zhes bya'o/ /sa brgyad pa la mi skye ba'i bzod pa thob pa'i phyir khams rgyas pas de rnam par dag pa dang zhes bya ba la/ sa brgyad pa'i dus na byang chub
 sems dpa' rnams mi skye ba'i chos la bzod pa thob pas dkar po'i chos 'phel zhing mi mthun pa'i phyogs spangs pas khams rgyas ba zhes bya'o/ /byams pa la sogs pa'i sa bon rtas pa zhes bya ba'i don to/ /de ltar sa bon rtas pas nas brgyad pa la
 sogs pa'i dus na byams pa la sogs pas rnam par dag ste/ rnam bar dag ces bya ba'i don ni brtsal 'bad med par lhun gyis grub par 'byung zhes bya ba'i don to/ /de bas na dmigs su med ba'i byams par bzhag go /rgyu mthun pa zhes bya ba la/
 byams ba'i sems kyis rgyu byas nas lus dang dag gi las skyed ces bya ba'i don to/ /de la nyon mongs pa ni dmigs par gsungs te zhes bya ba la/ 'dod chags dang zhe sdang la sogs pa'i nyon mongs ba rnams ni sems kyis
 dmigs bar bya ba'i yul du bshad la/ nyon mongs pa zad na yul dmigs su med pas na mi dmigs pa'i byams bar bshad do/ /nyon mongs pa la dmigs pa zhes bya bar yang ci mngon zhen/ de'i phyir/ sems kyi mdud ba spangs pa'i phyir dmigs
 pa chad do zhes gsungs pa'i phyir ro zhes bya ba smos te/ mdo las kyang/ sems la yod pa'i 'dod chags dang zhe sdang la sogs pa'i nyon mongs pa spangs pas sems kyi dmigs pa med do zhes gsungs pas na nyon mongs pa la dmigs pa zhes bya bar mngon no/ /
 de ni g.yo dang mi g.yo dang/ /chags bas myong dang mi myong shes zhes bya ba 'dis tshangs pa'i gnas kyi rab tu dbye ba rnam ba bzhi ston te/ rnam pa bzhi ni 'bri ba'i cha can dang/ gnas pa dang khyad bar gyi cha can dang/ nyon mongs pa dang bcas pa dang/ nyon
 mongs pa med pa'o/ /de la 'bri ba'i cha can gyi tshad med pa bzhi la ni g.yo ba zhes bya ste/ ci'i phyir zhe na/ phyis nyams shing med bar 'gyur ba'i phyir ro/ /gnas pa dang khyad par du 'gyur ba'i cha can gyi tshad med ba bzhi la ni mi g.yo ba zhes bya ste/ nyams
 pa med cing khyad par du 'phags kyi nyams pa dang med bar mi 'gyur ba'i phyir ro/ /tshad med pa bzhi'i ting nge 'dzin thob nas ting nge 'dzin gyi rol chags pa'i 'dod chags kyi ting nge 'dzin gyi ro myang ba'i bde bar byed ba rnams la ni nyon mongs ba
 dang bcas ba zhes bya'o/ /tshad med ba bzhi'i bsam gtan thob kyang de'i bde ba'i ro la myang bar mi byed pa ni/ nyon mongs ba med pa zhes bya'o/ /chags ba zhes bya ba ni bde ba la zhen pa dang/ sems rgya chung ba'o zhes bya ba la/ chags ba'i don 'chad de/
 byams pa'i ting nge 'dzin gyis bde ba la chags shing zhen bar gyur na gong nas gong du yon tan rgya chen po la sems mi 'jug pas na chags pas myong ba ni nyon mongs ba can zhes bya'o/ /bsam gtan gyi bde ba cung zad tsam gyis chog bar 'dzin cing/
 gong nas gong du yon tan rgya chen po mi tshol ba yang nyon mongs pa can zhes bya'o/ /de rnams kyang zhes bya ba la/ tshad med de bzhi la phye na 'bri ba'i cha can dang/ gnas shing khyad bar du 'gro ba'i cha dang/ nyon mongs pa can dang/ nyon mongs pa
 med pa ste rnam pa bzhi yod pa las/ byang chub sems dpa' rnams gang la gnas shi sgom par byed ces bya ba'i don to/ /de'i phyir/ byang chub sems dpa' mi g.yo ba/ /chags ba med pa gnas pa ni/ /g.yo lam yin ro myang ba la min ces bya ba
 smos te/ de ltar tshangs pa'i gnas la rnam pa bzhi bstan pa las/ byang chub sems dpa' rnams ni gnas pa dang khyad par gyi cha can la gnas pas na mi g.yo ba la gnas pa dang/ nyon mongs pa med ba la gnas bas na chags ba med ba la gnas kyi/ g.yo bas
 de 'bri bo'i cha can la mi gnas/ ro myang ba ste nyon mongs ba can ro myang ba la gnas pa ni ma yin no zhes bya ba'i don to/ /tshad med pa bzhi chung du dang chen po'i rab tu dbye ba bstan pa'i phyir/ mnyam par ma bzhag rang bzhin dang zhes bya ba la sogs
 pa tshigs su bcad ba gnyis smos so/ /de la mnyam bar ma bzhag pa ni mnyam par ma gzhag pa'i sa pa ste 'dod pa'i khams la bya'o/ /de la mnyam bar ma bzhag pa'i tshad med pa bzhi ni thams cad kyang chung ngur rnam par bzhag ste/ 'di ni chung du?
 rnam pa gcig go /chung du bar ma zhes bya ba la/ gzugs dang gzugs med pa'i khams ni mnyam bar bzhag pa'i sa pa zhes bya ste/ mnyam par bzhag pa'i sa pa'i tshad med pa la yang/ chung ngu dang/ bar ma dang/ chen bo ste rnam pa gsum yod do/ /de
 la gzugs kyi khams kyi bsam gtan bzhi la/ /tshangs ris dang/ tshangs lha nye phan dang/ tshangs chen de sa gsum mo/ /de bzhin du bsam gtan gnyis pa la yang sa gsum/ gsum ba la yang sa gsum/ bzhi
 pa la sa brgyad do/ /de la tshangs ris kyi tshad med pa bzhi ni chung du'o/ /tshangs lha nye phan gyi tshad med pa bzhi ni 'bring po'o/ /tshangs chen gyi tshang med pa bzhi ni chen po'o/ /de ltar mnyam par bzhag pa'i sa la tshad med pa che chung rnam pa gsum du bzhag
 ba las mnyam par bzhag pa tshad med ba chung du dang/ bar ma gnyis kyang chung du'i nang du bsdu'o bya ba'i don to/ /'og ma'i sa zhes bya ba la/ sa dang bo la ltos na mos bas spyod pa'i sa 'og ma yin la/ sa gnyis ba las bltos nas dang po ?
 sa 'og ma yin te/ de bas na sa dang po las ni mos pas spyod pa'i sa 'og ma yin pas mos pas spyod ba'i tshad med ba na chung du'i nang du bsdus te/ de bzhin dus gnyis pa dang/ gsum pa la sogs pa yang gong ma las bltos nas sa 'og ma rnams chung
 dur gzhag go /bsam ba tha ma zhes bya ba la/ nyan thos dang rang sangs rgyas kyi sems ni bsam pa chung du yin te/ de dag gi tshad med pa yang chung dur bzhag go zhes bya ba'i don to/ /ngar bcas zhes bya ba la/ sa dang po yan chad/ sa bdun pa
 man chad kyi tshad med pa ni brtsal 'bad dang bcas pas na dar bcas ba zhes bya ste/ de dag kyang chung ngur bzhag go zhes bya ba'i don to/ /de dag tha ma gzhan mchog go zhes bya ba la/ mnyam bar ma bzhag ba thams cad dang/ mnyam bar bzhag
 pa'i yang chung du dang/ bar ma dang/ sa 'og ma dang/ bsam pa tha ma dang/ ngar bcas ba ste/ de drug tha mar gzhag na de las bzlog pa thams cad mchog tu 'gyur ro/ /ji lta zhe na/ mnyam par ma bzhag pa'i sa tha mar bzhag pa dang/ mnyam
 bar bzhag pa thams cad mchog dang chen por bzhag go /mnyam par bzhag pa yang chung du dang 'bring dang tha mar bzhag dang chen po rnams mchog tu bzhag go /sa 'og ma tha mar bzhag dang/ sa 'og ma rnams mchog tu bzhag go /bsam pa
 tha mal tha mar bzhag dang/ byang chub sems dpa' dang/ de bzhin gshegs pa rnams kyi dgongs pa chen po'i tshad med pa rnams mchog tu bzhag go /sa bdun pa dar bcas pas chung ngur bzhag dang/ sa brgyad pa yan chad mi skye ba'i chos la bzod pa
 thob ba rnams tshad med pa mchog tu bzhag go /da ni tshigs su bcad pa gnyis shig gis tshad med pa'i rgyu dang 'bras bu dang mtshan ma'i rnam pa gsum ston to/ /tshangs pa'i gnas bas gnas nas su zhes bya bas rgyu bstan te/ byams pa dag snying rje dang/ dga' ba dang btang
 snyoms te tshad med pa bzhi la gnas shing bsgoms na 'bras bu rnam pa lnga 'thob pa 'gyur ro zhes bya ba'i don to/ /'bras bu rnam pa lnga ni rnam bar smin pa'i 'bras bu dang/ dbang byed pa'i 'bras bu dang/ skyes bu'i rtsal gyis 'bras bu dang/ rgyu mthun pa'i
 'bras bu dang/ bral ba'i 'bras bu'o/ /mkhas pa 'dod pa'i gnas su skye zhes bya ba la tshad med ba bzhi la bsgoms na gzugs kyi khams su skye pa yin pa las/ byang chub sems dpa' rnams ni bsam gyis mi khyab ba'i ting nge 'dzin dang ldan pas sems can
 rnams kyi don dang ched du 'dod pa'i khams su skye bar byed de/ de ni rnam par smin pa'i 'bras bu'o/ /des ni tshogs rnams rdzogs pa dang zhes bya ba la/ byang chub sems dpa' rnams kyi tshad med pa bzhi bsgoms? na de'i dbang gis bsod nams kyi tshogs dang ye
 shes kyi tshogs yongs su rdzogs par 'gyur te/ de ni dbang byed pa'i 'bras bu'o/ /sems can rnam par smin byed ces bya ba la/ tshad med pa bzhi dang ldan pa'i byang chub sems dpa' rnams sems can bstan pa 'di la/ ma zhugs pa dag bstan pa la bzhug
 pa dang /bstan pa la zhugs pa rnams rim par bkod nas yongs su smin par byed de/ /'di ni skyes bu'i rtsal gyi 'bras bu'o/ skyes bu'i rtsal ni brtson 'grus kyi khyad par med bar mi 'gyur? la/ brtson 'grus kyi khyad bar gyis sems can
 yongs su smin par 'gyur bas na/ skyes bu'i rtsal gyi 'bras bur bzhag go /tshangs dang ma bral thams cad du zhes bya ba la/ tshe 'dir byang chub sems dpa' tshad med pas bzhi? bsgoms na/ tshe rabs gar skyes gar skyes kyang tshad med pa bzhi dang ldan zhing
 dus thams cad du tshad med pa bzhi dang mi 'bral bar 'gyur te/ /de ni rgyu mthun pa'i 'bras bu'o/ /de la rgyu mthun pa zhes bya ba'i don yang rgyu ci 'dra ba btab pa 'bras buAng de 'dra bar skye ste/ dper na tshe 'dir sbyin pa byas na tshe rabs gzhan du yang sbyin pa la
 dga' bar 'gyur ba'o/ /de yi mi mthun phyogs spangs pa zhes bya ba la/ /tshad med pa bzhi'i mi mthun pa'i phyogs ni gnod sems dang/ 'tsho ba dang/ mi dga' ba mang ba dang/ 'dod chags dang khong khro ba ste/ /tshad med ba bzhi dang ldan na de bzhi med par 'gyur
 bas na mthun pa'i phyogs spangs ba zhes bya ste/ de ni bral ba'i 'bras bu'o/ /bag med de de'i rkyen drag gis/ /rnam par 'gyur bar mi 'gyur ro zhes bya bas mtshan ma bstan te/ bag med pa zhes bya ba ni tshad med ba rnams kyi mi mthun pa'i phyogs gnod sems la sogs
 pa'i gnyen po byams pa la sogs pa mngon sum du ma byas pa ni bag med pa zhes bya ste/ /gnyen po mngon sum du ma byas kyang/ gnod sems dang 'tsho ba la sogs pa skye ba'i rkyen drag po mngon sum du 'ongs kyang yul kyi dbang du mi 'gyur zhing/ /gnod sems
 dang 'tshe ba la sogs ba mi 'byung na tshad med pa thob ba yin par rig par bya ste/ rnam par 'gyur bar mi 'gyur ba ni tshad med ba thob pa'i mtshan ma dang rtags yin no/ /tshigs su bcad pa bzhi bo gzhan dag gis ni nyes pa dang yon tan gyi rnam ba ste zhes bya ba'o/ /'di man
 chad tshigs su bcad pa bdun zhig gis tshad med pa bzhi'i nyes pa dang skyon gang yin pa dang/ tshad med pa bzhi'i yon tan gang yin pa de ston to zhes bya ba'i don to/ /byang chub sems dpa' gnod sems 'tshe ba gnyis/ zhes bya ba la sogs pa'i dmigs su bcad
 pa gcig gis tshad med pa bzhi'i nyes pa dang skyon dag ston te/ sems can la bsad ba dang brdeg pa la sogs pa'i gnod ba bya bar sems pa'i gnod sems ni byams pa'i mi mthun pa'i phyogs so/ /lus kyi sgo nas bsad pa dang brdeg pa la sogs pa'i
 'tshe ba byed pa ni snying rje'i mi mthun pa'i phyogs so/ /mi dga' zhes bya ba la/ sems can rnams bde ba dang stan par mthong nas sems can phrag dog ?/ ma mos min ? ba ni dga' ba'i mi mthun pa'i phyogs so/ /gnod sems 'dod ba'i 'dod chags zhes bya ba la/
 FFtshor ba sdug bsngal ba dang dag la sogs pa mthong nas gnod sems skye ba dang/ tshor ba bde ba dang mdza' ? ba la sogs ba mthong nas 'dod chags skye ba ni btang snyoms kyi mi mthun pa'i phyogs so/ /ldan pas nyes pa rnam mang myong zhes bya ba la/ tshad med pa
 bzhi'i mi mthun pa'i phyogs dang ldan na lus dang sems la gnod pa'i sdug bsngal rnam pa sna tshogs 'byung bar 'gyur ro zhes bya ba'i don to/ /nyes pa rnam ba mang po ji ltar myong zhen zhes bya ba la/ tshad med pa bzhi'i mi mthun pa'i phyogs bzhi dang ldan na
 nyes pa rnam pa mang po myong ngo zhes bya ba la nyes pa gang dang gang myong zhe na zhes bya ba'i don to/ /nyon mongs pas ni bdag nyid bcom zhes bya ba la/ /gnod sems dang 'tsho pa la sogs pa tshad med pa'i mi mthun pa'i phyogs kyi nyon mongs pa rnams kyis srog
 gcod pa dang ma byin par len ba la sogs pa byas na/ bdag nyid bcom la zhes bya ste/ ji ltar zhe na/ de'i rkyen gyis tshe 'di la yang gsang pa dang bcing ba la sogs pa'i gnod pa 'byung la/ tshe rabs gzhan du yang sems can dmyal ba la sogs par 
 skye pa'i gnod ba 'byung ba'i phyir ro/ /sems can bcom zhes bya ba la/ de ltar tshul khrims 'khrugs pa dang/ sems can gyi srog gcod pa dang/ nor lam byin par len pa la sogs pa'i gnod pa byed pas na sems can
 bsam? pa zhes bya'o/ /tshul khrims bcom zhes bya ba la/ de ltar srog gcod pa dang/ ma phyin par blangs pas/ tshul khrims yang dag par blangs pa rnams nyams par 'gyur bas tshul khrims bcom pa zhes bya'o/ /'gyod bcas zhes bya ba la/ de lta tshul khrimS
 nyams pa'i gang zag de 'di snyam du sems par 'gyur te/ 'di ltar bdag gis ni 'phags pa rnams kyis bstod pa'i lam mtho ris su skye ba ni bor la/ so so'i skye bo sdig can gyis bsten pa'i lam ngan song gi lam du zhugs pas bdag gi brlag pa
 yin no snyams nas sems la gdung ba skye ste/ de bas na 'gyod pa dang bcas pa zhes bya'o/ /rnyed dang bral zhes bya ba la/ tshul khrims nyams pa de sngon sbyin bdag gis chos gos dang lhung bzed la sogs pa 'bul ba de yang de yan chad gang zag 'di ni
 sdig ba byed pa yin pas sbyin gnas ma yin no zhes ci yang 'bul? bar mi byed de/ de bas na rnyed pa dang bral ba zhes bya'o/ /srung ba bral dang zhes bya ba la/ sngon tshul khrims dang ldan pa'i dus na lha la sogs pas srung bar byed pa yang de phan chad srung bar mi
 byed de/ /de bas na srung ba dang bral ba zhes bya'o/ /de bzhin ston zhes bya ba la/ ston pa sangs rgyas bcom ldan 'das kyis kyang gang zag de de phan chad gtong bar byed de/ gang zag 'di ni tshul khrims nyams pas shi ba'i ro dang 'dra'o zhes rnam
 du mar smod par mdzad do/ /rtsod pa'i gzhi bcas zhes bya ba la/ tshul khrims nyams pa de tshangs pa mtshungs pa rnams kyis chos nyid kyis rtsod par byed de chad pas gcod pa dang/ skrod pa la sogs ba'i las byed pa'i phyir ro/ /grags ldan med ces bya ba la/
 tshul khrims nyams pa'i gang zag de gang zag che ge mo zhig gis bslab pa nyams zhing sdig pa'i chos byed pa'o zhes phyogs phyogs kun tu mi snyan par grags par 'gyur bas na grags ldan med ces bya'o/ /de'ang gzhan du mi khom skye zhes bya ba la/ tshe 'dir
 sdug bsngal rnam pa sna tshogs myong bar 'gyur bar ma zad kyi/ /tshe rabs gzhan duAng sems can dmyal ba la sogs pa'i gnas su skye bar 'gyur ro zhes bya ba'i don to/ /thob dang ma thob rnam par spangs zhes bya ba la/ tshul khrims nyams na tshe 'dir tshad med
 pa rnam pa bzhi yang med par 'gyur bas thob pa las nyams pa dang/ /tshe rabs gzhan du tshad med pa bzhi thob par 'gyur ba yang mi thob par 'ongs pas na ma thob pa las nyams pa'o/ /sems las sdug bsngal chen po thob ces bya ba la/ /gzhan yang bslab pa nyams na sems
 can la sdug bsngal chen pos kyang gzir bar 'gyur te/ /ji lta zhe na/ 'di snyam du sems te bdag gis ni bslab pa dral zhing khrims nyams par byas pas bdag ni mi rigs par byed pa'o snyam nas sems la gdud ba chen po skye bar 'gyur ro/ /de la tshig thog ma gsum gyis
 ni bdag la gnod pa dang/ /pha rol la gnod pa dang/ /gnyi ga la gnod pa'i phyir zhes bya ba la sogs pa la/ /bdag nyid bcom pa dang/ /sems can bcom pa dang/ tshul khrims bcom pa gsum gyis bdag la gnod pa dang/ /pha rol la gnod pa dang/ gnyi ga
 la gnod pa 'gyur bas nyes pa dmigs su 'gyur ston to/ /de la gnod sems dang 'tshe ba la sogs pa la gnas pa rnams ni mi mthun phyogs mthu che zhing/ gnyen po'i stobs chung bas gnod sems dang 'tshe ba la sogs pa spyad pas tshul khrims yang dag par blangs pa de mi
 dge ba'i chos la bzhugs pas tshul khrims nyams te/ de bas na tshul khrims bcom mo/ /bdag bcom pas ni bdag la gnod par ston to/ /ji lta zhe na/ /srog gcod pa dang/ ma byin par len pa la sogs pa byas pa'i rkyen gyis tshe 'dir yang gsad pa dang/
 cing ba la sogs pa gnod ba rnam pa sna tshogs 'byung par 'gyur la/ tshe rabs gzhan du yang ngan song gsum la sogs pa'i sdug bsngal myong bas bdag la gnod do/ /sems can bcom pas gzhan la gnod pa
 ston te/ tshul khrims 'khrugs pa gyur na ni sdig pa'i las la 'dzem pa med par 'jug ste/ gzhan gyi srog gcod pa dang/ nor? la ma byin par len pas na gzhan la gnod do/ /de lta bdag la yang sdug bsngal bskyed/ gzhan la yang
 sdug bsngal bskyed pas na/ gnyi ga la gnod do/ /'gyod pa dang bcas pa la sogs pa tshig rnam pa drug gis so zhes bya ba la sogs pa la 'gyod pa dang bcas pa dang/ rnyed pa dang bral ba dang/ bsrung ba dang bral ba dang/ ston bas smad ba dang/ rtsod
 pa'i gzhir bcas pa dang/ grags ldan pu? dang drug gis tshe 'di la kha na ma tho ba 'phel bar 'gyur ba ston te/ ji ltar 'phel bar 'gyur zhe na/ de'i phyir ji ltar 'gyur zhe na/ /de bdag dang pha rol rnams lha dang ston yang slu 'phya ba byed ces
 bya ba la sogs pa smos te/ 'gyod pa dang bcas pas ni bdag gis bdag bslus ba dang/ bdag la bdag smod par byed pa ston te/ /ji ltar zhe na/ sdig pa mi dge ba byas pa'i gang zag de ni 'di snyam du sems te/ bsod nams byed pa'i
 gang zag dag ni thar ba'i lam bzhugs pa yin la/ 'phags pa dag ni 'jigs pa med pa yin no/ /sdig pa byed pa dag ni ngan song gi lam du zhugs pa yin la/ sdig pa byed pa'i gang zag dag ni 'jigs pa dang bcas pa yin te/ bdag
 gyis? kyang sdig pa byas pa yin pas/ ngan song gi lam du zhugs pa 'jigs pa dang bcas pa yin pas bdag ni brlag pa'o chud zos pa'o zhes bdag nyid kyis bdag nyid kyi lus dang sems la smod par byed do/ /rnyed pa dang bral ba zhes bya bas/
 pha rol slu zhing pha rol gyis smod par byed pa bstan te/ 'di ltar sdig pa byed pa'i gang zag de la sbyin pa'i bdag po rnams kyang 'di skad du zer te/ tshe dang ldan ba 'di ni 'di ltar sdig pa byed pa mi gtsang ba grong gi tsher ma dang 'dra bar gyur pa
 'di la chos gos dang bsod snyoms la sogs pa sbyin pa'i gnas kyang ma yin no zhes zer zhing/ bsod snyoms la sogs pa yang mi ster la/ mthong na yang kha zer zhing smod par byed pa na/ gzhan slu zhing 'phya bar byed pa'o/ /srung ba dang bral
 zhes bya bas/ lha slu zhing ltas smod par byed pa ston te/ 'di ltar sngon tshul khrims dang ldan par gyur pa dang/ tshul khrims kyi lha rnams kyis srung bar byed ba de phan chad lta de dag srung bar mi byed la/ gang zag 'di ni tshul khrims nyams pa/ sdig pa'i
 chos spyod pa'o zhes smod par byed do/ /de bzhin ston pa zhes bya bas ston pa sangs rgyas kyang slu zhing smod par mdzad pa ston to/ ston pa sangs rgyas kyis kyang gang zag 'di ni tshul khrims nyams pa bong bu'i sgra skad can yang dag pa'i rjes su mi 'brang ba ste/ shi ba'i ro dang
 'gra'o zhes rnam pa du mar smod par mdzad do/ gzhan yang tshangs pa mtshungs par spyod pa bshes pa dang/ chos nyid kyis smod par byed do zhes bya ba la/ rtsod pa'i gzhir gyur pas gzhan yang tshangs pa mtshungs pa spyod pa mkhas pa shes pa rnams kyis chos nyid kyis smod
 par byed pa ston te/ 'di ltar tshangs pa mtshungs par sbyor pa dag kyang gang zag de la/ gang zag de ni 'di ltar sdig pa byed pa bslab pa nyams pa ste/ shi ba'i ro dang 'dra'o zhes smod par byed cing/ gtsug lag khang nas bskrad pa la sogs pa'i las
 kyang byed ba'i phyir ro/ /phyogs dang mtshams su zhes bya? ba la sogs pa la/ grags pa dang ldan pa med pas phyogs mtshams su de'i sdig pa byed pa'i sgra mi snyan pa'i sgra 'byung ba ston te/ bslab pa nyams pa'i gang zag de phyogs kun tu yang/ /gang zag che ge mo
 zhig gis tshul khrims nyams pa/ ngan pa'i dang tshul can/ sdig pa'i las byed pa'o zhes mi snyan pa kun tu grags par 'gyur ro/ /tshe rabs gzhan du mi khom par skye bas tshe rabs gzhan du kha na ma tho bar 'byung ba ston te/ tshe phyi mar yang
 ngan song gsum du skye ba'i phyir ro/ /thob pa dang mtho ba rnam par spangs pa dang/ sems la sdug bsngal chen po thob pa nyid kyis tshe 'di dang tshe rabs phyi mar kha na ma tho ba 'byung ba ston te/ tshe 'dir tshad med pa bzhi thob pa las nyams pa dang/ tshe 'dir lus
 dang sems la gdud ba chen po myong bar gyur ba ni tshe 'di'i kha na m tho ba 'byung ba'o/ /tshe rabs gzhan du tshad med pa bzhi thob pa las mi 'thob par 'gyur pa las tshe rabs gzhan du lus dang sems la gnod par 'byung ba 'di tshe rabs gzhan du kha
 na ma tho ba 'byung ba'o/ /de ltar mi mthun pa'i phyogs kyi nyes pa rnam pa mang po 'byung ba bstan nas/ nga ni yon tan ston te/ yon tan ni nyes pa med pa dang/ sems can gyi don du 'khor ba las yongs su mi gtong ba'o/ /de bstan pa'i phyir/ nyes pa de dag thams
 cad ni/ byams pa la sogs gnas mi 'byung zhes bya ba la sogs pa smos te/ gong du bshad pa'i nyes pa bdag bcom pa dang/ gzhan bcom pa la sogs pa'i nyes pa de dag /byams pa dang/ snying rje dang/ dga' ba dang/ btang snyoms la gnas pa rnams la
 mi 'byung ste/ /'dir ni nyes pa med pa bstan to/ /nyon mongs med pas sems can don/ /'khor ba 'dor bar mi byed do zhes bya ba la/ shes rab dang ldan pa 'khor ba la gnas kyang 'khor ba'i skyon 'dod chags dang zhe sdang la sogs pas mi gos te/ de bas na
 nyon mongs pa med pa zhes bya ste/ 'dis ni 'khor ba na mi gnas pa bstan to/ /snying rje dang ldan pas sems can gyi don du 'khor ba yongs su mi gtong ste/ des ni mya ngan las 'das pa la mi gnas pa bstan te/ dper na tshigs bcad rkang pa gnyis kyis sems can gyi don
 du 'khor ba yongs su mi gtong ba bstan te/ ji ltar rgyal ba'i sras rnams kyis/ /byams la sogs pas sems can la/ /yon tan ldan pa'i bu gcig la/ /sems can kun gyis de ltar min zhes bya ba'i tshigs bcad gcig gis byang chub sems dpa' i
 byams pa la sogs pa rgya cher ston to/ /ji ltar byang chub sems dpa' rnams byams pa dang/ snying rje dang/ dga' ba dang/ btang snyoms kyis sems can thams cad la byams pa dang/ phan pa dang bde ba mdzad pa ltar pha ma gnyis bdag gis bu gcig pa yon tan
 dang ldan zhing 'dzangs pa dang/ /mkhas pa yod pa la yang byams pa dang phangs? pa'i bsam pa mi 'byung ngo/ /gzhan yang byang chub sems dpa' sems can thams cad la byams pa la sogs pa mdzad ba ltar/ sems can thams cad kyi byams pa dang snying rje la
 sogs pa gcig tu bsdus kyang/ byang chub sems dpa' gcig gis byams pa dang/ snying rje tsam mi 'byung ngo/ /snying rje'i dbye ba dang/ de'i dmigs pas brtsams te zhes bya ba la/ byang chub sems dpa' i snying rje la phye na du yod pa dang/ byang chub sems
 dpa' i snying rje'i dmigs pa bya ba'i lus gang yin pa bstan pa'i phyir tshigs su bcad pa gnyis rtsom mo zhes bya ba'i don te/ byang chub sems dpa' i snying rjes dmigs par bya ba'i yul ni sems can rnam pa bcu ste/ de ltar na snying rje yang phye na rnam pa bcur 'gyur ro//
 rab tu 'bar dang/ zhes bya ba la/ 'dod pa'i khams kyis sems can 'dod pa lnga yon tan la chags pa rnams ni/ /rab tu 'bar ba zhes bya ste/ de dag la yang byang chub sems dpa' e ma'o sems can 'di dag ni 'dod pa'i 'dod chags kyi me rab tu 'bar bas
 rang dbang med par byas so zhes byang chub sems dpa' thugs rje rab tu skye'o/ /dgra dbang song zhes bya ba la/ dge ba la zhugs pa rnams bdud kyi dbang du song nas dge ba byed pa btang ste/ /bar chad byas pa rnams ni dgra'i dbang du song zhes pa ste/ de dag la
 byang chub sems dpa' e ma'o sems can 'di dag ni bdud kyi dbang du song bas rang dbang med par byas so zhes byang chub sems dpa' thugs rje chen po skye'o/ /sdug bsngal gzir dang zhes bya ba la/ sems can dmyal ba la
 sogs pa ngan song gsum du skyes pa rnams ni sdug bsngal gyis gzir ba zhes bya ste/ de dag la yang byang chub sems dpa' e ma'o sems can 'di dag ni man pa med pa'i sdug bsngal sna tshogs kyis gzir cing/ nyam thag go zhes thugs rje chen po skye'o/ /mun
 pas bsgribs zhes bya ba la/ bshan pa dang rngon? pa la sogs pa sreg gcod pa la sogs pa'i lam la zhen pa rnams ni de las de'i skyen gyis ma 'ongs pa na sems can dmyal ba la sogs par skye bar ma mthong bas na mun pas bsgribs pa zhes bya ste/ de dag
 la byang chub sems dpa' rnams sems can 'di dag gi srog gcod pa la sogs pa'i lam la zhen bas ma 'ongs pa na ngan song gsum du skye bar 'gyur ro zhes byang chub sems dpa' thugs rje chen po skye'o/ /lam ngan par ni zhugs pa dag ces bya ba la/ gang
 zag rigs pa yongs su mya ngan las mi 'da' ba' i chos can ni lam ngan par zhugs pa zhes bya ste/ rtag tu 'khor ba 'ba' zhig tu skye ba'i phyir ro/ /de dag la byang chub sems dpa' e ma'o sems can 'di dag ni 'khor ba 'ba' zhig tu rgyun ma chad
 par skye yi/ nams kyang mya ngan las 'da' ba' i skal ba med do zhes thugs rje chen po skye'o/ /bcing ba che dang ldan pa rnams zhes bya ba la/ mu stegs pa bdag dang bdag gir rtogs lta ba sna tshogs kyis thar pa tshol pa rnams ni/ bcing pa dam pos
 bcings pa zhes bya ste/ de dag la yang byang chub sems dpa' e ma'o sems can 'di dag ni bdag gir lta ba'i bcing ba dam pos bcings sa? zhes byang chub sems dpa' thugs rje chen po skye'o/ /zas mchog dug dang 'dras la zhen ces bya ba la/ gzugS
 dang gzugs med pa'i khams kyi ting nge 'dzin gyi ro la chags pa rnams ni/ kha zas dam pa dug dang 'dres pa za ba dang 'dra ste/ dper na khams zhim po dug dang 'dres pa za ba'i tshe na bde yang/ zos pa'i 'og tu shi bar 'gyur ba de bzhin du /bsam gtan
 dang ting nge 'dzin gyi re la chags pa rnams kyang thang cig bde zhing tshim mod kyi/ phyis bde ba la chags zhing zhen pa'i shugs kyis bsam gtan las nyams shing 'pho bar 'gyur bas na nyon mongs pa zhes bya ste/ de dag la yang byang chub sems dpa' 
 e ma'o sems can 'di dag ni chags pa ma yin pa la mngon par chags so zhes byang chub sems dpa' thugs rje chen po skye'o/ /lam ni rab tu stor ba dag /ces bya ba la/ mu stegs pa brag kha nas mchod pa dang/ me lnga'i dka' thub byed pa la sogs
 pa thar pa'i lam ma yin pa la thar pa'i lam du mngon pa'i nga rgyal byed pa rnams ni lam stor pa zhes bya ste/ de dag la yang byang chub sems dpa' e ma'o sems can 'di dag ni lam ma yin pa lam du nga rgyal byed do zhes byang chub sems dpa' thugs rje
 chen po skye'o/ /lam log zhugs pa/ zhes bya ba la/ nyan thos kyi rigs ma nges pa dang/ byang chub sems dpa' i rigs ma nges pa nyan thos kyi theg par zhugs pa zhes bya ste/ de dag la byang chub sems dpa' e ma'o sems can 'di dag ni
 bdag dang gzhan gyi don du zhugs pa'i theg pa chen po'i lam btang nas/ bdag 'ba' zhig thar bar 'gyur ba'i lam du zhugs so zhes byang chub sems dpa' thugs rje chen po skye'o/ /nyam chung ba yi/ zhes bya ba la/ mos pa spyod pa'i sa la
 gnas pa'i byang chub sems dpa' nyon mongs pa'i zil gyis non pas bsod nams dang ye shes kyi tshogs myur du rdzogs par mi nus pa rnams ni nyam chung ba zhes bya ste/ de dag la yang byang chub sems dpa' e ma'o sems can 'di dag ni bsod
 nams dang ye shes kyi tshogs kyi stobs chung ngo zhes byang chub sems dpa' thugs rje chen po skye'o/ /snying rje chen po pa'i dmigs pa'i 'bras bu lnga bstan pa'i tshigs su bcad pa/ zhes bya pa la/ snying rje'i dmigs pa'i yul bstan
 nas/ snying rjes sems can la dmigs na 'bras bu ci 'thob par 'gyur ba bstan pa'i phyir tshigs su bcad pa rtsom ste/ 'bras buAng rnam pa lnga 'thob po zhes bya ba'i don to/ /'tshe spangs zhes bya ba la/ snying rje dang ldan pa rnams ni
 sems can la rdeg pa dang 'tshog pa la sogs pa'i 'tshe ba mi byed bas 'che ba zhes bya ste/ 'dis ni bral pa'i 'bras bu bstan to/ /byang chub mchog gi sa bon dang zhes bya ba la/ snying rje'i dbang gis bla na med pa'i byang chub tu 'tshang
 rgya ba'i rgyu bsod nams dang ye shes kyi tshogs sogs par 'gyur ro/ /'di ni dbang gi 'bras bu'o/ /bde thob dka' thub pa dang zhes bya ba la/ snying rje dang ldan pa rnams sems can gzhan sdug bsngal las bsgral nas bde ba la 'gong par
 byed pa dang/ sems can gyi don du bdag nyid grang ba dang tsha ba dang bkres pa dang skom pa la sogs pa'i sdug bsngal dka' thub sna tshogs nyams su len par byed de/ 'dis ni skyes bu byed pa'i 'bras bu'o/ /'dod pa'i rgyu zhes bya ba la/ snying
 rje dang ldan pa rnams gang dang gang du skye ba 'dod pa re dang der skye bar 'gyur te/ de ni rnam par smin pa'i 'bras bu'o/ /rang bzhin gtong ba zhes bya ba la/ snying rje can rnams snying rje la goms par byas pas/ tshe 'dir yang snying rje'i khyad par zhugs pa
 'byung ba dang/ tshe rabs gzhan du yang snying rje'i rang bzhin sems la rgyun du 'byung bas rang bzhin gtong ba zhes bya ste/ 'di ni rgyu mthun pa'i 'bras bu'o/ /chos la gnas pa'i rgyal ba'i sras kyi byang chub thag mi ring zhes bya ba la/ snying rje gnas pa ni
 chos la gnas pa zhes bya ste/ de lta bu'i chos la gnas pa'i byang chub sems dpa' rnams ni bla na med pa'i byang chub thob pa thag? mi ring ste/ myur du 'thob bo zhes bya ba'i don to/ /'khor ba dang mya ngan las 'das pa la mi gnas pa'i tshigs su bcad pa ste
 zhes bya ba la/ snying rje'i dmigs pa dang 'bras bu bstan nas snying rje dang ldan pa'i byang chub sems dpa' rnams so so'i skye bo bzhin du 'khor bar gnas pa yang ma yin/ nyan thos dang rang sangs rgyas bzhin du mya ngan las 'das pa la gnas pa yang ma
 yin par bstan pa'i phyir tshigs su bcad pa rtsom mo zhes bya ba'i don to/ /'khor bar gtogs pa thams cad sdug bsngal nyid ces bya ba la/ nyid kyi sgra ni rang bzhin la bya ste/ khams gsum du gtogs pa'i phyi dang nang gi chos thams cad mi rtag pa
 dang sdug bsngal bar mkhyen nas zhes bya ba'i don to/ /bdag med pa ni shes par byas nas kyang zhes bya ba la mi rtag pa dang sdug bsngal ba 'ba' zhig tu mkhyen par ma zad kyi/ stong pa dang bdag med pa yang thugs su chud do zhes bya ba'i don to/ /snying rje yod
 pa'i blo mchog skyo mi 'gyur/ nyes bdag gis gzir bar 'gyur ba med ces bya ba la/ byang chub sems dpa' 'khor ba'i chos thams cad mi rtag pa la sogs bar thugs chud nas snying rje dang ldan pa'i phyir sems can gyi don dang 'khor ba'i sdug bsngal
 gyis skyo bar mi 'gyur te/ 'dis ni nyan thos bzhin du mya ngan las 'das pa la mi gnas par bstan to/ /gang zag dang chos la bdag med par khong du chud pa'i blo mchog dang ldan pas 'khor ba'i skyon skye rga na 'chi la sogs pas kyang gzir bar mi 'gyur la/
 'dod chags dang zhe sdang la sogs bas kyang gos par mi 'gyur te/ 'dis ni so so'i skye bo bzhin du 'khor ba na mi gnas ba bstan to/ /de ltar na mya ngan las 'das pa dang/ 'khor ba la gnas pa ma yin te/ zhes bya ba la/ snying rje yod pas mya ngan las
 'das la gnas ba ma yin/ shes rab spyod pas 'khor ba la gnas pa ma yin no zhes go rim bzhin du sbyar ro/ /'khor ba yongs su shes bar bya ba'i tshigs su bcad pa ste zhes bya ba la/ snying rje can kyi byang chub sems dpa' 'khor ba'i rang bzhin
 phyin ci ma log par shes par bya ba la/ tshigs su bcad pa gcig gis bstan to/ /zhes bya ba'i don to/ 'jig rten sdug bsngal nyid du blta ba na/ /sdug bsngal 'gyur zhes bya ba la/ khams gsum gyi sems can sdug bsngal gyi sdug bsngal
 dang/ 'gyur ba'i sdug bsngal dang/ 'du byed kyi sdug bsngal gyi rang bzhin du lta zhing gzigs pa na? byang chub sems dpa' sdug bsngal bar 'gyur te/ brtse bar 'gyur ro zhes bya ba'i don to/ /'dis ni sdug bsngal gyi bden pa mthong nas thugs rje
 skye bar bstan to/ /yang dag pa ji lta ba bzhin shes bya ba la/ sdug bsngal 'ba' zhig tu mkhyen par ma zad kyi/ sdug bsngal gyi rgyu kun 'byung gi bden pa las dang nyon mongs pa yang yin par mkhyen nas zhes bya ba'i don to/ /yongs su spangs phyir
 de'i thabs shes nas zhes bya ba la/ gzhan yang sdug bsngal dang kun 'byung spangs te/ 'gog pa'i bden pa dang mngon sum du bya ba'i phyir/ thabs lam gang gis 'gog pa'i bden pa mngon sum du 'gyur ba'i lam dang thabs shes nas zhes bya ba'i
 don to/ /'gog pa'i bden pa thob par bya ba'i thabs lam gyi bden pa yin par thugs su chud par ston te/ snying rje can ni skyo bar mi 'gyur ro zhes bya ba la/ de ltar thabs? thugs su chud bas byang chub sems dpa' thugs rje can rnams sems can gyi
 sdug bsngal spang bar bya ba la/ skyo bar mi mdzad do zhes bya ba'i don to/ /thabs shes pa dang skyo bar mi 'gyur ro zhes bya ba la/ skyo ba mi mnga' ba yang sdug bsngal las bsgrl bar bya ba'i thabs thugs su chud bas ni mi skyo'o zhes bya ba'i don to/ /
 gang gis de'i sdug bsngal 'gog par byed pa'o zhes bya ba la/ thabs gang gis sems can rnams kyi sdug bsngal bkag nas 'gog pa mngon sum du byed pa'i thabs dang lam mkhyen ces bya ba'i don to/ /snying rje'i rab tu dbye ba'i tshigs su bcad pa
 gnyis te/ zhes bya ba la/? byang chub sems dpa' i snying rje la phye na rnam pa du yod pa bstan pa'i phyir tshigs su bcad pa gnyis rtsom te/ byang chub sems dpa' i snying rje ni rnam pa bzhi ste/ rigs kyi khyad par dang/ yon tan dang nyes pa kun brtagS
 pa dang/ tshe gzhan la yongs su bsgom pa dang/ 'dod chags dang bral ba thob pa'o/ /rang bzhin dang ni zhes bya ba la/ rang bzhin ni rigs la bya ste/ snying rje'i rigs yod pa las snying rje'i 'byung ba ni rang bzhin zhes bya ste/ 'dis ni rigs kyis khyad
 par bstan to/ /so sor rtog pa dang zhes bya ba la/ kha cig theg pa chen po'i mdo sde'i snying po chen po 'chad ba dag thob nas yon tan dang nyes pa kun tu brtags pa las snying rje 'byung ba ni/ yon tan dang nyes ba kun tu brtags pa'i snying rje zhes bya ste/ de
 la nyes pa brtags pa ni 'di ltar byang chub sems dpa' rnams sems can la 'che ba dang/ zhe sdang skye bar byed pa ni snying rje can gyi cha ma yin te/ nyes pa dang skyon yin no zhes rtogs pa'o/ /yang na snying rje med dang/ bdag bcom pa dang sems can bcom pa la sogs
 pa'i skyon 'byung bar rtog pa ni nyes pa kun tu rtog pa'o/ /yon tan kun tu rtog pa ni sems can la byams pa dang snying rje byed pa ni snying rje dang rjes su mthun pa'i byang chub sems dpa' i cha yin no zhes rtog tan du rtog pa'o/ /yang na gong du bshad
 ba ltar nyes pa de dag thams cad ni/ byams pa la sogs gnas mi 'byung/ /nyon mongs med pa sems can don/ /'khor ba 'dor bar mi byed do zhes bya ba la sogs pa'i tshul tu rtogs pa ni yon rtog pa'o/ /sngon de bsgom pa'i rnam par ldan pa dang
 zhes bya pa la/ tshe rabs snga mar snying rje chen po goms par byas pas gar skyes gar skyes kyang sngon goms pa'i mthus snying rje dang ldan bar 'gyur ba ni tshe rabs gzhan la yongs su bsgom pa las byung ba'i snying rje zhes bya'o/ /mi
 mthun phyogs spangs rnam par dag pa thob phyir zhes bya ba la/ snying rje'i mi mthun pa'i phyogs ni gnod sems dang 'tshe ba la sogs pa ste/ de dag spangs na rnam par dag pa'i snying rje 'thob ste/ rnam par dag ces bya ba ni/ gang la yang chagS
 ba dang zhe sdang mi skye ba'i 'dod chags dang bral ba'i snying rje thob ces bya ba'i don to/ /mnyam med rtag med snying rje can ma yin/ zhes bya ba la/ mnyam pa'i snying rje med na yang snying rje chen po can ma yin te/ dper na so so'i skye bo dang/ nyan thos dang/ rang
 sangs rgyas kyi snying rje lta bu'o/ /de dag ni sdug bsngal ba'i sems can sdug bsngal gyi tshor bas zil gyis non pa rnams la snying rje skye ba'i bde ba'i tshor ba dang/ bde pa yang ma yin sdug bsngal ba yang ma yin pa'i tshor ba dang ldan pa'i sems can rnams la snying rje mi
 skye ba'i phyir mnyam pa nyid kyi snying rje med do/ /byang chub sems dpa' rnams ni gang cung zad tshor ba bde ba myong ba dang/ cung zad sdug bsngal myong ba dang/ cung zad tshor ba bde ba yang ma yin pa myong ba de dag thams cad sdug bsngal yin par thugs su chud nas ji
 ltar mnar med pa'i sems can rnams la thugs rje skye ba de bzhin du/ srid pa'i rtse mor skyes pa'i sems can rnams la yang thugs rje skye ste/ khams gsum gyi sems can thams cad la thugs rje skye bas na/ byang chub sems dpa' i thugs rje ni mnyam pa nyid de/
 de bas na thugs rje chen por gzhag go /bar 'ga' 'byung la/ bar 'ga' ni mi 'byung ste/ rtag pa ma yin pa'i snying rje ni snying rje chen po can ma yin te/ dper na rang sangs rgyas kyi snying rje lta bu'o/ /de dag gi lhag ma ni phung po'i lhag ma ma lus par
 spangs pa'i mya ngan las 'das pa'i dbyings su zhugs na zad par 'gyur ba'i phyir rtag pa ma yin no/ /sangs rgyas dang byang chub sems dpa' rnams kyi thugs rje chen po phung po'i lhag ma ma lus pa spangs pa'i mya ngan las 'das pa'i dbyings su zhugs kyang/ zad
 bar mi 'gyur bas na rtag pa ste/ de bas na snying rje chen por bzhag go /lhag pa'i bsam pa med de zhes bya ba la/ gang la bdag dang gzhan du mnyam pa nyid de lhag pa'i bsam pa ma thob pa/ de dag ni snying rje chen po dang ldan pa ma yin te/ dper na
 nyan thos dang rang sangs rgyas lta bu'o/ /de dag ni chos la bdag med pa khong du ma chud bas bdag dang gzhan du mnyam pa nyid kyi sems ma thob po/ /byang chub sems dpa' sa dang po la zhugs pa yan chad ni bdag dang gzhan du mnyam pa nyid kyi sems thob pa'i
 phyir/ bdag bzhin du sems can gyi sdug bsngal yang sgol bar byed pas lhag pa'i bsam pa la gnas pa dang/ de bas na de ni snying rje chen por bzhag go /sgrub pa yang zhes bya ba la/ med ces bya bar sbyar te/ gang la sems can sdug bsngal ba mthong nas
 sems la brtse ba yod pa tsam du zad kyi/ sdug bsngal las bskyab pa'i phyir sgrub par mi byed na snying rje chen po can ma yin te/ dper na 'phags pa nyan thos dang rang sangs rgyas so/ /de dag ni sems can sdug bsngal bar shes kyang sdug bsngal las
 bskyab pa'i phyir sgrub par mi byed kyi/ byang chub sems dpa' rnams ni sems can sdug bsngal mkhyen nas sdug bsngal bskyab pa'i phyir sgrub par mdzad de/ de bas na snying rje chen por bzhag go /'dod chags bral dang zhes bya ba la/ gang la
 snying rje yod kyang snying rje'i mi mthun pa'i phyogs zhe sdang 'tshe ba dang bcas pa zhe sdang dang 'tshe ba'i bag la nyal dang ma bral pa de dag snying rje chen po zhes mi bya ste/ dper na so so'i skye bo dang/ nyan thos dang/ rang sangs rgyas lta
 bu'o/ /de la so so skye bo de dag ni kha cig la snying rje yod kyang/ de nyid la bar 'ga' zhe sdang 'byung ba dang/ mdza' ba la snying rje yod kyang dgra la zhe sdang yod do/ /'phags pa nyan thos dang rang sangs rgyas rnams la zhe
 sdang dngos su mi 'byung yang zhe sdang gi bag la nyal phra mo ma spangs so/ /sangs rgyas dang byang chub sems dpa' rnams kyis ni 'che ba dang zhe sdang gi bag la nyal mi mthun cha'i phyogs thams cad spangs pas 'dod chags dang bral ba ste/ de'i phyir snying
 rje chen por bzhag go /mi dmigs ma yin dang zhes bya ba la/ gang la dmigs pa dang bcas pa dang/ brtsal 'bad dang bcas pa de dag snying rje can ma yin no/ /sa brgyad pa'i byang chub sems dpa' rnams ni mi skye ba'i chos la bzod pa thob pa?
 rnam par mi rtog pa lhun gyis grub pa'i phyir ro/ /bdag dang gzhan du dmigs pa dang/ brtsal dang 'bad pa med par lhun gyis grub pa'i bdag nyid du snying rje 'byung bas na snying rje chen por bzhag go /de bzhin gang la snying rje med pa byang chub min
 zhes bya ba la/ gong du bshad pa lta bu'i mnyam pa med pas na/ mi dmigs pa ma yin pa'i bar dag gi snying rje med pa de dag gi byang chub sems dpa' ma yin no zhes bya ba'i don to/ /shing ljon pa lta bu snying rje bstan pa'i phyir tshigs su bcad pa lnga
 ste zhes bya ba la/ 'di man chad tshigs su bcad pa lngas shing ljon pa la dpe blangs nas/ snying rje'i shing dang 'dra bar ston te/ shing ljon pa la rtsa ba dang/ sdong po dang/ yal ga dang/ 'dab ma dang/ me tog dang/ 'bras bu yod pa bzhin
 du/ snying rje'i shing gi rtsa ba dang/ sdong po dang/ yal ga dang/ 'dab ma dang/ me tog dang/ 'bras bu gang yin pa ston to/ /snying rje bzod pa sems pa dang/ /smon lam skye ba sems can smin/ /'di ni snying rje'i shing yin te zhes bya ba
 la/ snying rje'i shing gi rtsa ba ni byang chub sems dpa' i snying rje chen po'o/ /sdong po ni bzod pa'o/ /yal ga ni sems can gyi don la sems pa'o/ /lo ma ni smon lam mo/ /skye ba ni me tog go /sems can smin par byed pa ni 'bras bu'o zhes bya ba'i don to/ /
 rtsa ba che sogs 'bras bu chen po'i mchog ces bya ba la/ snying rje'i shing la snying rje nyid rtsa ba yin pas na rtsa ba che'o/ /sogs pa'i nang du ni bzod pa sdong por gyur bas na sdong po che'o zhes bya ba la sogs par sbyar te/ tha mar yang sems can yongs su smin
 par byed pas na 'bras bu mchog yin no zhes bya ba'i don to/ /de ni rtsa ba dang sdong po dang yal ga dang lo ma dang me tog dang 'bras bu'i gnas te zhes bya ba la/ dper na shing ljon pa'i rtsa ba bzang po las sdong po 'byung ngo/ /sdong po las yal ga 'byung ngo/
 yal ga las lo ma 'byung ngo/ /lo ma las me tog 'byung ngo/ /me tog las 'bras bu 'byung ngo/ /de bzhin du byang chub sems dpa' i snying rje chen po'i shing las yang/ snying rje chen po nyid ni rtsa ba'i gnas su gzhag ste/ byang chub sems dpa' i yon tan
 thams cad kyi rtsa ba snying rje chen po yin pa'i phyir ro/ /de bas na 'phags pa blo gros mi bzad pa'i mdo las kyang/ gzhan yang btsun pa shA radwA ti'i bu byang chub sems dpa' i snying rje chen po yang mi zad pa ste/ ci'i phyir zhe na/ sngon du 'gro ba'i phyir ro/ btsun
 ba shA radwA ti bu 'di lta ste/ dper na dbugs phyir 'byung ba dang rngub pa ni skyes bu'i srog gi dbang po'i sngon du 'gro ba'o/ /de bzhin du theg pa chen po yang dag par sgrub pa'i phyir/ byang chub sems dpa' i snying rje chen po sngon 'gro ba'o zhes gsungs so/ /'phags pa
 g.ya'? rtse mo'i mdo las kyang/ byang chub kyi sems kyi rtsa ba ni snying rje chen po'o/ /sems can ni dmigs pa'i zhes bshad do/ /gang la snying rje yod pa de dag sems can gyi don du sdug bsngal rnam pa sna tshogs bzod kyi/ su la snying rje med pa de dag ni sems can gyi don
 du sdug bsngal rnam pa sna tshogs bzod bar mi 'gyur te/ de bas na snying rje las sems can gyi don du grang ba dang/ tsha ba la sogs pa bzod par 'byung ste/ bzod pa ni sdong po'i gnas lta bu'o/ /de ltar bzod pa sdong po lta bu'i
 shugs kyis sems can rnams bsgral bar bya ba'i bas na pas rnam pa sna tshogs la sems pa'i bsam pa 'byung 'byung/ bsam bde de ni yal ga'i gnas lta bu'o/ /de ltar sems can gyi don la sems pa'i bsam pa de las tshe rabs gang skyes gang skyes
 kyang sems can rnams la phan thog pa bar 'gyur ba'i lus dang longs spyod dang 'khor dang gnas phun sum tshogs par skye bar gyur cig ces smon lam 'debs pa 'byung ste/ smon lam ni lo ma'i gnas lta bu'o/ /de ltar smon lam lo ma lta bu'i shugs
 kyi tshe rabs gang skyes gang skyes kyang bdag dang gzhan la phan 'dogs par 'byung ba'i gnas bzang por skye ste/ skye ba bzang po len pa ni me tog gi gnas lta bu'o/ /de ltar skye ba bzang po blangs pa las sems can rnams yongs su smin par byed pa 'byung ste/ de ni 'bras
 bu'i gnas lta bu'o/ /de ltar tshigs su bcad pa gcig gis snying rje yod na snying rje las brjod? pa la sogs pa'i chos 'byung ste/ rjes su 'jug pa bstan nas/ da ni snying rje med na bzod pa la sogs pa phyi ma mi 'byung ste log par bstan ba'i phyir/ rtsa ba
 snying rje med gyur na/ dka' bar spyod pa bzod pa med zhes bya ba la sogs pa smos so/ /dper na shing gi rtsa ba med na sdong po med par 'gyur ro/ /sdong po med na yal ga med bar 'gyur ro/ /yal ga med na 'dab ma med par 'gyur ro/ /
 'dab ma med na me tog med par 'gyur ro/ /me tog med na 'bras bu med par 'gyur ro/ /de bzhin du byang chub sems dpa' i snying rje'i shing la yang/ snying rje rtsa bar gyur pa med na sems can gyi don phyi nang gi sdug bsngal dka' bar
 spyod pa thams cad bzod pa'i bzod pa sdong po lta bur gyur pa med par 'gyur ro zhes bya ba'i don to/ /blo ldan sdug bsngal mi bzod na/ /sems can don zhig ga la sems/ zhes bya ba la/ de ltar bzod pa sdong por gyur pa lta bur med de sdug
 bsngal ba la mi bzod na sems can gyi don la sems pa'i bsam pa yal ga lta bur gyur pa ga la zhig yod de/ bsam pa de yang med par 'gyur ro zhes bya ba'i don to/ /bsam pa rnam par spangs pa'i blo/ /tshe rabs bzang por smin mi byed ces bya ba la/
 de ltar sems can gyi don du bsams pa spangs te med na/ sems can gyi don du tshe rabs bzang po de dang de dag tu skye bar gyur cig ces smon lam mi 'debs te/ de bas na smon lam 'dab ma lta bur gyur pa mi 'byung ngo/ /de ltar smon lam btab na
 yang tshe rabs bzang por skye bar mi 'gyur te/ de bas na tshe rabs bzang por skye ba me tog lta bu mi 'byung ngo/ /tshe rabs bzang po ma thob na/ /sems can yongs su smin byed med ces bya ba la/ de ltar tshe rabs bzang po me tog lta bu ma thob na sems
 can yongs su smin par byed mi nus te/ de bas na sems can yongs su smin par byed pa 'bras bu lta bur gyur pa med par 'gyur ro zhes bya ba'i don to/ /'di ltar shing ljon pa'i rtsa ba chus brlan na/ rtsa ba brtan pa dang rgyas par gyur pas de'i zhar gyis
 sdong po la sogs pa yang 'phel bar 'gyur ba bzhin du 'dir yang tshigs su bcad pa gnyis shig gis snying rje chen po rtsa bar gyur pa la/ de brlan cing rtas par byed pa'i chu yang yin pa bstan pa'i phyir/ snying rje'i chu ni byams pa ste/ sdug bsngal bde ba rgya cher rgyas
 zhes bya ba la sogs pa smos so/ /dper na shing gi rtsa ba la chus brlan na 'phel zhing rgyas pa bzhin du/ snying rje'i rtsa par gyur pa la byams pa'i chus brlan na/ snying rje'i rtsa bar gyur pa rtas shing 'phel bar 'gyur te/ de las bzod pa sdong po lta bur gyur pa la sogs pa yang
 rtas shing 'phel bar 'gyur ro zhes bya ba'i don to/ /ji lta zhe na/ byams pa dang ldan pa'i byang chub sems dpa' rnams ni byams pa'i sems chu dang 'dra ba snying rjes brlan na/ snying rje 'phel bar 'gyur te/ snying rje 'phel dang 
 byang chub sems dpa' pha rol gyi sdug bsngal mthong nas bdag nyid sdug bsngal bar 'gyur ro/ /de ltar na sems can gyi don du zhugs pa las sdug bsngal 'byung ba de nyid sdug bsngal ma yin gyi bde ba rgya chen po yin te/ de bas na ci la gang mi
 bzod pa med pas na/ bzod pa sdong po lta bu dang ldan par 'gyur te/ rgyas pa zhes bya ba ni 'di'i skabs su bzod pa la bya'o/ /yal ga 'phel zhing gyes pa ni/ /tshul bzhin yid byed shes par bya zhes pa la/ theg pa chen po'i don gang zag dang
 chos la bdag med pa dang/ bdag dang gzhan gyi don bya ba la sems pa ni tshul bzhin yid la byed pa zhes bya ba de pas na sems pa ni yal ga lta bur 'phel zhing gyes par blta'o/ /smon lam rgyun ni mchad pas/ /'dab ma dag ni lhags shing skye zhes bya
 ba la/ dper na shing ljon pa yang 'dab ma brnyings pa ngag ni 'dor zhing 'dab ma gsar pa dag skye zhing 'dzin pa dang 'dra bar/ byang chub sems dpa' sngar btab pa'i smon lam rgya chung ngu dang skye brgya chung ngu rnams ni bor nas/ phyis smon lam rgya chen po dang skye ba rgya chen
 po dag rgyun tu len cing 'dzin par byed de/ de ltar smon lam snga ma 'dor zhing phyi ma len pa'i rgyun mi gcod pa ni 'dab ma snga ma lhags shing phyi ma skye ba bzhin no/ /rnam pa gnyis kyis rkyen grub phyir/ /me tog mi stongs de las 'bras zhes bya ba
 la 'di ltar shing ljon pa yang rkyen rnam pa gnyis kyis grub ste/ nang gi rkyen gyis grub pa dang/ phyi'i rkyen gyis grub pa'o/ /de la nang gi rkyen gyis grub pa ni rtsa ba las sdong po grub/ sdong po las yal ga grub pa la sogs pa'o/ /de bzhin du
 byang chub sems dpa' i snying rje'i shing la nang gi rkyen smon lam yongs su grub pas rang gi skye ba bzang por yongs su smin pa'i phyir me tog lta bur skye ba yang ma stongs te/ skye ba don med bar ma gyur to zhes bya ba'i don to/ /dper na shing ljon pa las chu
 me rlung la phogs pa phyi rol gyi rkyen gyis grogs byas na me tog las 'bras bu skye ba bzhin du/ byang chub sems dpa' i snying rje'i shing la yang phyi rol gyi rkyen du grub ste tshe rabs gang nas gang du skyes par yongs su smin par byed ba'i 'bras bu grub pas na 'bras bu
 yongs su ma stongs so zhes bya ba'i don to/ /snying rje'i bsngags pa'i tshigs su bcad pa ste zhes bya ba la/ nga ni tshigs su bcad pa gcig cig gis snying rje'i legs pa dang/ yon tan ston ta zhes bya ba'i don to/ /snying rje chen po'i yon tan
 byed pa yi/ /sems can rnams ni snying rjer su mi byed/ ces bya ba la snying rje chen po ni de bzhin gshegs pa'i thugs kyi rgyud la mnga' ba'i thugs rje la bya'o/ /'di ltar stobs dang mi 'jigs pa la sogs pa de bzhin gshegs pa'i yon tan yin pa
 bzhin du/ thubs rje chen po yang de bzhin gshegs pa'i yon tan no/ /thugs rje chen po'i yon tan de yang sems can thams cad la dmigs na 'dod pa thob par 'gyur bas na/ sems can rnams ni snying rje chen po'i yon tan byed pa zhes bya ste/ de lta bur
 snying rje chen po yon tan thob par byed pa'i sems can la snying rje bar su zhig mi byed de kun gyis kyang snying rje bar bya ba'i rigs so zhes bya ba'i don to/ /nga ni tshigs su bcad pa phyed kyis snying rje'i yon tan nyid bstan pa'i phyir/ snying rje skyes pa gang yin de dag ni/ sdug bsngal
 na yang mtshungs med bde bar 'gyur zhes bya ba smos te/ byang chub sems dpa' i snying rje chen po las skyes pa'i sdug bsngal rnam pa mang po gang yin pa de dag sdug bsngal bar mi 'gyur gyis/ lha dang mi la sogs pa'i 'jig rten pa'i bde ba dang/ nyan thos dang rang sangs rgyas la
 sogs ba'i 'jig rten las 'das ba'i bde ba las kyang 'das shing 'phags pa'i bde bar 'gyur ro zhes bya ba'i don to/ /mdo sde rgyan bam po lnga'i bshad pa rdzogs so// //snying rje chags pa med ba'i tshigs su bcad pa ste zhes
 bya ba la/ snying rjes zin pa'i byang chub sems dpa' rnams/ so so'i skye bo bzhin 'khor ba la yang ma chags mi gnas/ nyan thos dang rang sangs rgyas bzhin du mya ngan las 'das pa la yang ma chags mi gnas par bstan pa'i phyir/ tshigs su bcad pa gcig rtsom mo
 zhes bya ba'i don to/ /snying rje sa brlabs pa'i snying rje can/ /zhi ba la yang mi gnas na/ /'jig rten bde dang rang srog la/ /chags par 'gyur ba smos ci dgos/ zhes bya ba la/ 'jig rten ba dag ni 'jig rten pa'i 'dod pa lnga'i yon tan gyi bde ba la chags ba
 dang/ rang gi srog dang lus la chags te/ de bas na 'khor ba la gnas pa'o/ /'phags pa nyan thos dang rang sangs rgyas rnams 'jig rten gyi bde ba dang srog la chags ba med kyang sdug bsngal thams cad spangs ba'i mya ngan las 'das pa la chags pas mya ngan las 'das ba
 la gnas pa'o/ /byang chub sems dpa' thugs rje can thugs rje yis byin gyis brlabs shing thugs rje'i dbang du gyur la thugs rjes zin pa rnams ni nyan thos dang rang sangs rgyas rnams kyi zhi ba phyogs gcig pa'i mya ngan las 'das pa 'jig rten gyi bya ba thams
 cad kyi phul du phyin pa de la yang ma chags mi gnas te/ 'dis ni mya ngan las 'das pa la mi gnas ba bstan to/ /de lta bu la yang ma chags na 'jig rten pa'i 'dong ba lnga'i bde ba dang lus dang srog la chags bar 'gyur ba lta ci smos te/ ma chags ches so
 zhes bya ba'i don to/ /'dis ni 'khor ba na mi gnas par bstan to/ /snying rjes sdug ba'i khyad bar la tshigs su bcad ba gsum mo/ zhes bya ba la/ ji ltar 'jig rten bdag pham bu che gnyen bu tsha la sdug ba yod kyang 'jig rten pa'i sdug pa thams cad
 sangs rgyas rnams sems can sdug bsngal ba rnams la sdug pa yod mod kyi/ de bas kyang byang chub sems dpa' thugs rje'i rgyus sems can thams cad la sdug bar byed pa sdug pa gzhan dang khyad zhugs par bstan pa'i phyir/ tshigs su bcad pa gsum rtsom mo
 zhes bya ba'i don to/ /kha na ma tho med pa yi/ /sdug pa med de 'jig rten min zhes bya ba la/ 'jig rten pha ma la sogs pa bu tsha la sdug ba yod kyang 'jig rten pa'i sdug pa thams cad ni kha na ma tho ba med pa'i sdug pa gang yang med de/ 'jig rten
 pa'i sdug pa thams cad kha na ma tho ba dang bcas shing sdig pa dang skyon dang bcas pa sha stag go /de ci'i phyir zhe na/ ma byin par len pa dang/ srog gcod pa la sogs pa'i las la 'dzud pas sdug bsngal gyi chu bo chen po la 'jog pa dang/ mi shes pa'i chu bo
 chen pos non pa'i phyir/ thams cad kyang kha na ma tho ba dang bcas pa sha stag go /'jig rten gyi sdug ba la 'jig rten las 'das pa yang med de/ 'jig rten pa sha stag go zhes bya ba'i don to/ /de ci'i phyir zhe na/ gang zag dang chos la bdag med par ma rtogs pas
 bdag dang gzhan mnyam ba nyid kyi sems ma thob pa'i phyir ro/ /blo ldan snying rje'i sdug pa ni/ /kha na ma tho med cing 'jig rten 'das zhes bya ba la/ byang chub sems dpa' rnams kyi snying rje'i rgyu las byung ba'i sems can la sdug par byed ba ni kha na ma tho ba yang med la
 'jig rten las 'das ba yang yin no zhes bya ba'i don to/ /'jig rten ba'i snying rje la gnas pa rnams kyis kha na ma tho ba med kyang 'jig rten pa'o zhes bya ba la/ mos pa spyod pa'i sa la gnas pa'i byang chub sems dpa' rnams kyi snying rjes sems can sdug bar byed pa dang/
 'jig rten pa drang srong la sogs pa'i snying rjes sems can la sdug par byed pa ni sdig ba la mi 'jog ste/ kha na ma tho ba med kyang bdag dang gzhan du mnyam pa nyid kyi sems ma thob pas 'jig rten par 'jog go /ji ltar kha na ma tho ba med ces na zhes bya ba la/ byang chub
 sems dpa' rnams kyi snying rje'i rgyu las byung ba'i sems can la sdug par byed par kha na ma tho ba med do zhes bshad pa ji ltar kha na ma tho ba med ces zhes? bya ba'i don te/ de'i phyir smras pa/ sdug bsngal chu ngo chen po dang/ mi shes mun
 nag gnas ba'i 'jig rten dang/ /drang ba'i thabs rnams shom pa nges/ /ji ltar kha na ma tho med ma yin zhes bya ba smos te/ sdug bsngal rnam pa gsum dang brgyad la sogs pa'i chu bo chen po la gnas pa dang/ 'phags ba'i bden pa bzhi yang dag ji
 lta ba bzhin mi shes pa'i mun pa la gnas pa ni kha na ma tho ba dang bcas pa zhes bya ste/ de lta bu'i 'jig rten sdug bsngal gyi chu bo la gnas pa dang mi shes pa'i mun pa la gnas pa rnams drang zhing gdon par bya ba'i thabs chen po bshams pa mkhas pa
 byang chub sems dpa' rnams kyi snying rje las 'byung ba sdug pa ste/ ji ltar na kha na ma tho ba med pa ma yin ste/ kha na ma tho med ba yid ches so zhes bya ba'i don to/ /ji ltar na 'jig rten las 'das pa zhe na zhes bya ba la/ byang chub sems dpa' i sdug pa 'jig
 rten las 'das shes bshad na/ byang chub sems dpa' i thugs rje las byung ba'i sdug pa ste/ ji ltar na 'jig rten las 'das pa yin zhe na zhes bya ba'i don to/ de'i phyir/ rang byang chub tu sangs rgyas dang/ 'jig rten dgra bcom de sdug med/ /de las gzhan
 la smos ci dgos/ /ji ltar 'jig rten 'das ma yin zhes bya ba smos te/ 'di ltar byang chub sems dpa' thugs rje'i rgyu las byung ba'i sdug pa de lta bu ni 'jig rten na gang thag mchag dang gtso bor bya ba rang sangs rgyas dang 'phags pa dgra bcom pa rnams
 la yang/ byang chub sems dpa' i snying rje las byung ba'i sems can thams cad la sdug pa de lta bu de med na 'jig rten phal pa rnams la de lta bu'i sdug par lta ba ga la zhig yod de med ces so zhes bya ba'i don to/ /de ltar byang chub sems dpa' i sems can
 la sdug bar lta ba 'phags pa rnams la yang med na/ 'jig rten pa la lta ba la yod med na/ byang chub sems dpa' i sdug par lta ba de 'jig rten las 'das pa ji ltar ma yin te/ 'jig rten las 'das pa yid ches so zhes bya ba'i don to/ /
 rang byang chub tu sangs rgyas pas na zhes bya ba la/ mkhan bo dang slob dpon med par rang gi blos mya ngan las 'das pa mngon du byas pas na rang byang chub tu sangs rgyas pa zhes bya'o/ /sgrag pa dang mngon par dga' ba'i rgyu la tshigs su bcad pa zhes bya
 ba la/ byang chub sems dpa' thugs rje'i rgyus/ sems can gyi don du mgo dang rkang lag la sogs pa btang ba'i sdug bsngal la kha cig skrag pa yod la/ byang chub sems dpa' kha cig sdug bsngal de nyid la bde bar 'dzin cing dga' ba
 yod de/ de bstan pa'i phyir tshigs su bcad pa gcig rtsom mo zhes bya ba'i don to/ /byang chub sems dpa' sdug bsngal med/ /snying brtse ba yi sdug bsngal 'gyur/ /de ni thog mar shin tu skrag ces bya ba la/ byang chub sems dpa' thugs rje'i rgyus
 sems can gyi sdug bsngal med par bya ba'i phyir zhugs pa de sems can sdug bsngal ba mthong bas snying rje'i rgyus bdag nyid kyang sdug bsngal bar 'gyur la/ dang po mos pa spyod pa'i sa na ni sdug bsngal de ltar bu las bsgral bar mi nus so snyam nas
 skrag? pa skye ste/ de ci'i phyir zhe na/ bdag dang gzhan du mnyam pa nyid kyi sems ma thob pa dang/ sdug bsngal thams cad stong pa nyid du khong du ma chud pa'i phyir ro/ /reg nas rab tu mngon par dga' zhes bya ba la/ de la reg pa ni sa dang po rab tu dga' ba la reg pa
 ste/ sa dang po rab tu dga' ba thobs? chos kyi dbyings kun tu 'gro ba'i mtshan nyid du rtogs pa na bdag dang gzhan du mnyam pa nyid kyi sems thob ba dang/ sdug bsngal thams cad stong pa nyid du khong du chud pas na sems can gyi don du sdug bsngal myong bar 'gyur
 ba yin yang shin tu dga' ba dang bde ba'i sems skye'o zhes bya ba'i don to/ /sdug bsngal gyi mtshan ma sems can la sdug bsngal med bar bya ba'i phyir zhes bya ba la/ sdug bsngal med ces bya ba'i don
 'chad de/ med ces bya ba ni mtshan ma'i don to/ /mtshan ma'i don yang phyir gyi don du 'dren te/ sems can gyi sdug bsngal rnam ba 'dun dang brgyad la sogs pa med par bya ba'i phyir zhugs pa de sems can gyi sdug bsngal mthong
 nas byang chub sems dpa' i snying rje'i shugs kyis bdag nyid sdug bsngal skye bar 'gyur te/ mos ba spyod pa'i sa na ni sdug bsngal des skrag bar 'gyur ro/ /bdag dang gzhan mnyam ba nyid du zhes bya ba la sogs pa la mos pa spyod pa'i sa
 na sdug bsngal gyis skrag ba ni bdag dang gzhan du mnyam pa nyid ma rtogs pa dang/ sdug bsngal thams cad stong par ma rtogs pas na skrag go zhes bya ba'i don to/ /reg ba ni lhag ba'i bsam pa rnam par dag pa'i sa la zhes bya ba la/ reg
 pa zhes bya ba ni lhag pa'i bsam pa rnam par dag ba'i sa la reg pa ste sa dang po yan chad thob pa'o/ /de dag gi tshe na ni chos kyi dbyings kun tu 'gro ba'i mtshan nyid rtogs pas bdag dang gzhan mnyam pa nyid kyi sems thob pa dang/ sdug bsngal
 thams cad stong pa nyid du rtogs pas sdug bsngal la skrag pa mi skye ste bde bar 'dzin ba'i bsam pa skye'o zhes bya ba'i don to/ /snying rje'i sdug bsngal gyis bde ba zil gyis gnon ba'i tshigs su bcad pa zhes bya ba la/ byang chub sems dpa' 
 rnams sems can gyi don du sdug bsngal rnam pa sna tshogs 'byung ba ni snying rje'i rgyu las byung ste/ sdug bsngal de nyid la byang chub sems dpa' bde bar 'dzin to/ /sdug bsngal las byung ba'i bde ba de ni bde ba thams cad kyi dam pa dang mchog
 yin te/ des 'jig rten gyi bde ba thams cad zil gyis gnon cing 'jig rten ? bde ba thams cad las 'phags bar bstan pa'i phyir tshigs su bcad pa rtsom mo zhes bya ba'i don to/ /snying brtses bskyed pa'i sdug bsngal ni/ /'jig rten bde ba thams cad
 zil gnon cing zhes bya ba la/ gang skye ba dang rga ba la sogs pa sdug bsngal sna tshogs kyis mgo myos pa'i sems can rnams bskyab par bya ba'i don du byang chub sems dpa' snying rje'i rgyu las skyes pa'i sdug bsngal sems can dmyal ba la sogs pa'i sdug
 bsngal myong ba yang/ sems can gyi sdug bsngal skyob pa las bltos nas de nyid byang chub sems dpa' rnams bde ba chen por 'gyur te/ bde ba de ni bde ba thams cad kyi mchog dang phul yin pas bde ba de 'jig rten gyi lha dang mi la sogs pa'i bde ba
 thams cad dril gyis gnon te bde ba thams cad pas lhag go zhes bya ba'i don to/ /byang chub sems dpa' i sdug bsngal nyid bde ba'i mchog tu gyur ba 'di ngo mtshar du bya ba yin par bstan pa'i phyir/ don byas pa yang de dang bral ba yin pas na/ de las
 ngo mtshar che ba gzhan ci smos zhes bya ba smos te/ 'di ltar 'phags pa dgra bcom pa sdug bsngal thams cad ni spangs/ bde ba thams cad ni phun sum tshogs te/ rnam pa thams cad du bdag gi don bsgrubs te de dag la yang byang chub sems dpa' i thugs rje las byung ba'i
 sdug bsngal nyid bde bar gyur ba'i bde ba de lta bu med na 'jig rten phal ba lta zhig ga la yod de/ de bas na gang sdug bsngal ba de nyid bde ba mchog tu gyur ba de las ngo mtshar che ba ci zhig yod de/ ngo mtshar gyi mchog tu bya ba yin no zhes bya ba'i don to/ /snying
 rje byas pa'i sbyin pa la rjes su bsngags ba'i tshigs su bcad pa zhes bya ba la/ 'jig rten na sbyin pa gtong bar byed pa yod kyang phan btags pa'i lan la re bas gtong ba dang/ sngon phan btags pas lan du phan gdags ba'i phyir gtong ba yod de/ byang chub
 sems dpa' sbyin pa gtong bar byed pa ni de lta bu ma yin gyi/ snying rje'i shugs kyis gtong bas de ltar btang pa'i sbyin pa la yon tan dang legs pa yod pa bstan pa'i phyir/ tshigs su bcad pa rtsom mo zhes bya ba'i don to/ /snying
 rje dag dang ldan pa'i sbyin pas ni/ /brtan pa rnams la sbyin pa bde byed pa/ /khams gsum pa'i longs spyod de dag gis/ /bde ba de la de'i char mi 'gro zhes bya ba la/ byang chub sems dpa' sbyin pa gtong ba ni sems can brel pa dang phongs pa rnams la thugs
 brtse ba'i dbang gis sbyin pa btang nas de'i 'og tu byang chub sems dpa' dga' ba dang bde ba skye bar 'gyur te/ dga' ba dang bde ba de la ni khams gsum pa'i lha dang mi'i bde ba gang gis kyang brgya'i cha 'am stong gi cha'am bye ba'i cha 'am bye ba brgya stong
 gi char yang mi phod do/ /zhes bya ba'i don to/ /snying rje dag dang ldan pa'i sbyin pas ni/ /brtan pa rnams la bde byed pa zhes bya ba'i tshigs su bcad pa phyed kyi don sla bsam bshad kyi/ khams gsum pa'i longs spyod dag gi ni/ zhes bya ba yan chad kyi tshigs su bcad
 pa phyed kyi don 'grel pas bkrol te bshad do zhes bya ba'i don to/ /snying rjes sdug bsngal khas len pa la tshigs su bcad pa zhes bya ba la/ kha cig 'di snyam du byang chub sems dpa' sems can gyi don du 'khor pa khas blangs kyang 'khor ba'i sdug bsngal khas ma blangs
 so snyam pa la/ byang chub sems dpa' rnams kyis 'khor ba khas blangs pas na/ 'khor ba'i sdug bsngal rnams kyang khas blangs pa bstan pa'i phyir/ tshigs su bcad pa rtsom mo zhes bya ba'i don to/ /'khor ba dag ni sdug bsngal rang bzhin te/ /sems can don du snying rje
 gang mi gtong/ /gzhan dag la ni phan phyir sdug bsngal ni/ /snying rje can gyis khas kyang ma blangs sam zhes bya ba la/ bcom ldan 'das kyi mdo dag las/ skye ba sdug bsngal ba dang/ rga ba dang/ na ba dang/ 'chi ba sdug bsngal ba dang/ 'dod pa ji snyed pa sdug bsngal ba
 dang/ mi mdza' ba dang phrad pa sdug bsngal ba dang/ mdza' ba dang bral pa sdug bsngal ba dang/ mdor na nye bar len pa'i phung po lnga sdug bsngal ba'o zhes 'khor ba yang sdug bsngal gyi rang bzhin du bshad la/ sdug bsngal thams cad kyang 'khor bar ma 'dus pa gang yang
 med de de bas na byang chub sems dpa' sems can gyi don du snying rje'i shugs kyis 'khor ba yongs su ma btang ste/ 'khor ba khas blangs na sems can gzhan la phan pa bya ba'i phyir/ snying rje can gyis 'khor ba'i sdug bsngal thams cad khas ma blangs pa ci zhig
 yod de/ sdug bsngal thams cad kyang khas blangs ches so zhes bya ba'i don to/ /de'i 'bras bu dang gsum 'phel ba'i tshigs su bcad pa zhes bya ba la/ byang chub sems dpa' snying rje can rnams chos gsum 'phel ba dang/ chos gsum gyi 'bras bu 'phel ba
 bstan pa'i phyir/ tshigs su bcad pa rtsom mo zhes bya ba'i don to/ /snying rje dang ni sbyin dang longs spyod rnams/ /snying rje can gyis rtag tu rnam 'phel 'gyur zhes bya ba la/ snying rje can gyi byang chub sems dpa' rnams rtag tu chos rnam pa gsum 'phel bar 'gyur te/
 chos gsum ni snying rje 'phel ba dang/ sbyin pa 'phel ba dang/ longs spyod 'phel ba'o/ /byams ni phan pa bskyed pa dang/ /de mthus byas bde de yang de las so zhes bya ba la/ 'bras bu gsum 'phel ba ni snying rje'i dbang gis sems can kun la phan par
 sems pa'i byams pa 'phel bar gyur pa dang/ sbyin pa'i dbang gis phongs pa rnams la yo byad kyis phan btags pas phan pa skyed pa 'phel ba dang/ longs spyod kyi dbang gis longs spyod las ni sems can la bde ba'i mthu bskyed pas 'phel bar 'gyur te/ longs
 spyod yod na gdod sems can la yo byad kyis phan gdags pa'i mthu yod pa'i phyir ro/ /byang chub sems dpa' rnams skye ba thams cad du gsum 'phel bar 'gyur ba ni zhes bya ba la sogs pa la/ byang chub sems dpa' tshe rabs kun tu snying rje 'phel ba dang/
 sbyin pa 'phel ba dang?/ longs spyod 'phel ba ni snying rje'i stobs kyis 'phel te/ de la snying rje nyid la goms par byas pa ni tshe rabs gzhan du snying rje nyid shas cher 'phel bar 'gyur ba'i phyir ro/ /sbyin pa yang snying rje'i
 stobs las so/ /zhes bya ba la/ sbyin pa 'phel ba yang snying rje'i stobs kyis 'phel te/ sems can brel ba dang phongs pa rnams la snying rje yod na gdong phyi dang nang gi dngos po gtong ba'i phyir ro/ /longs spyod kyang sbyin pa'i stobs las te zhes bya
 ba la/ tshe rabs gzhan du longs spyod 'phel bar 'gyur ba yang tshe 'dir sbyin pa byas pa'i stobs kyis 'phel bar 'gyur te/ tshe 'dir sbyin pa btang ba dang/ gdod tshe phyi mar longs spyod chen por 'gyur ba'i phyir ro/ /de gsum las 'bras bu bde ba gsum
 du 'gyur te zhes bya ba la/ chos rnam pa gsum 'phel bas 'bras bu bde ba rnam pa gsum myong bar 'gyur ro zhes bya ba'i don to/ /snying rje las ni byams pa bskyed pa'o zhes bya ba la/ sems can gyi sdug bsngal bsal lo snyam du sems pa'i snying rje'i
 chos las ni sems can rnams bde ba la gzhag par bya'o snyam du sems pa'i byams pa'i sems bskyed pa'i 'bras bu myong bar 'gyur ro zhes bya ba'i don to sbyin pas ni sems can la phan 'dogs pa skyed pa'o zhes bya ba la/ sbyin pa'i chos 'phel bas ni sems
 can la zang zing gis phan 'dogs pa'i 'bras bu myong bar 'gyur ro zhes bya ba'i don to/ /longs spyod las ni de la phan btags par bya ba'i mthu byas pa'i 'o zhes bya ba la/ longs spyod kyi chos 'phel bas na sems can la yod kyis phan 'dogs par bya
 ba'i mthu yod pa'i 'bras bu myong bar 'gyur te/ longs spyod yod na gdod sems can la zang zing gis phan 'dogs pa'i mthu yod pa'i phyir ro/ /sbyin pa la spro bar bya ba'i tshigs su bcad pa zhes bya ba la/ dper na mi le lo can 'ga' zhig la de
 la phan par 'dod pa'i mi 'ga' zhig gis le lo spang bar bya ba'i phyir sems gzed bstod cing spro ba skyed par byed pa de bzhin du/ sbyin pa le lor gyur nas sems can la mi 'jug pa la/ snying rjes sbyin pa byas na yon tan phun sum tshogs par 'gyur bas
 sbyin pa la khyod ci'i phyir le lo byed ces sbyin pa la gzed bstod cing spro bar byed pa'i phyir tshigs su bcad pa rtsom mo zhes bya ba'i don to/ /'phel pa dang ni rab tu spel bar bya/ /sbyin pas rab tu bde bya smin par bya/ /drang bar bya zhing kun tu bkri bar bya/ /snying rje
 le lo can la smra ba bzhin zhes bya ba la/ snying rje le lo can la smra ba bzhin zhes bya ba'i tshig dang por bshad de/ dper na le lo can 'ga' zhig la de la phan par 'dod pa'i mi la la zhig gis le lo bya bar mi rigs par smra bar byed pa dang 'dra bar sbyin pa le lo can la
 snying rje smra bar byed de ji ltar smra bar byed ce na/ sbyin pa byas dang yon tan drug 'phel bar 'gyur bas na sbyin pa khyod le lo byed par mi rigs so zhes sbyin pa la smra bar byed do/ /de la 'phel ba dang zhes pa ni/ sbyin pa khyod kyis sbyin pa byas pa dang/ byang chub sems dpa' 
 rnams kyi snying rje 'phel bar 'gyur bas sbyin pa bya ba'i rigs te/ 'dis ni snying rje'i rang bzhin 'phel bar 'gyur ba bstan to/ de la spel bar bya zhes bya ba ni snying rje'i shugs kyis sbyin pa byas na rnam pa gnyis 'phel bar 'gyur te/ longs spyod 'phel bar 'gyur ba dang/
 sbyin pa nyid 'phel bar 'gyur ba'o/ /de la longs spyod 'phel bar 'gyur ba ni sbyin pa'i mthus ma 'ongs pa na longs spyod chen po rnam par smin par 'gyur te/ des ni longs spyod spel bar bya ba yin no/ /sbyin pa spel bar byas pa ni/ sbyin pa'i mthus ma 'ongs pa
 na rgyu mthun ba'i 'bras bu yang sbyin pa gtong ba la dga' bar 'gyur te/ de ltar sbyin pa spel bar byas pa yin no/ /sbyin pas rab tu smin bya zhes bya ba ni/ sbyin pa btang nas sems can bsdus te/ dge ba la bzhag pa'i sgo nas sems can
 smin par bya'o zhes bya ba'i don to/ /bde bar byas zhes bya ba ni/ len pa po'i gang zag rnams bde ba dang dga' ba bskyed par bya ba dang/ gtong ba po'i gang zag rnams kyang bde ba dang dga' ba bskyed par bya'o zhes bya ba'i
 don to/ /drang bar bya zhes bya ba ni/ sbyin pa btang ba'i sgo nas bsod nams dang ye shes kyi tshogs bsags par bya'o zhes bya ba'i don to/ /de la zang zing dang mi 'jigs pa'i sbyin pas ni bsod nams kyi tshogs sogs so/ /chos sbyin pas ni ye shes kyi
 tshogs sogs so/ /bkri bar bya zhes bya ba ni/ bla na med pa'i byang chub kyi gnas su bkri ba 'am der bzhag par bya zhes bya ba'i don to/ /sbyin pa bya ba le lo can zhes bya bar sbyar ro zhes bya ba la/ mi le lo can dang/ de la phan par 'dod pa gnyis
 phan tshun smra pa dang 'dra bar sbyin pa le lor gyur nas sems can la mi 'jug pa la snying rje smra bar byed de/ ji ltar smra bar byed ce na/ snying rje 'phel bar bya sbyin pas longs spyod dang sbyin pa nyid spel bar bya'o zhes bya ba la sogs pa'i tshul gyis smra bar byed
 do zhes bya ba'i don to/ gzhan bde bas bde ba rjes su myong ba'i tshigs su bcad pa zhes bya ba la/ 'jig rten pa rnams ni phrag dog gi bsam pa yod pas gzhan bde ba mthong na bdag sdug bsngal bar 'gyur la/ sems can rnams sdug par mthong na bdag
 dga' bar 'gyur gyi/ byang chub sems dpa' ni de lta bu ma yin te/ sems can gzhan sdug bsngal na byang chub sems dpa' sdug bsngal bar 'gyur la/ sems can gzhan bde na byang chub sems dpa' ci'ang mi bdog kyang bde bar 'gyur ba bstan pa'i
 phyir tshigs su bcad pa rtsom mo zhes bya ba'i don to/ /snying rjes sdug bsngal bas ni sdug bsngal na/ /gzhan bde ma bskyed ci phyir bde bar 'gyur zhes bya ba la/ byang chub sems dpa' snying rje can rnams ni snying rje'i shugs kyis sems can gzhan sdug
 bsngal ba mthong bas bdag nyid sdug bsngal bar mthong ste/ de ltar na byang chub sems dpa' bdag nyid bde ba 'dod pas sems can bde ba la ma bkod par bdag nyid bde bar ga la 'gyur te nams kyang bde bar mi 'gyur ro zhes bya ba'i don to/ /de
 bas na 'phags pa dri ma med par grags pa'i byang chub sems dpas kyang sems thams cad kyi nang ji srid kyi bar du bdag gi nang kyang de srid du mi 'tsho'o zhes bshad pa lta bu'o/ /de bas bdag ni bde bar 'gyur 'dod na/ /snying rje gzhan gyi bde bar bskyed
 par bya'o zhes bya ba la/ de ltar sems can sdug bsngal na byang chub sems dpa' sdug bsngal la sems can bde na byang chub sems dpa' bde bas byang chub sems dpa' snying rje dang ldan pa bdag nyid bde ba myong zhing thob par 'dod na sems can sdug bsngal ba
 rnams bde ba la dgod par bya ste/ gzhan bde ba bskyed dang gdod byang chub sems dpa' bde ba myong bar 'gyur ro zhes bya ba'i don to/ /byang chub sems dpa' i snying rje bas/ zhes bya ba ni/ snying rje dang ldan pa'i byang chub sems dpa' i snying rje'i shugs kyis zhes
 bya ba'i don to/ /gzhan gyi sdug bsngal gyi sdug bsngal bar 'gyur zhes bya ba ni/ gzhan sdug bsngal ba mthong na byang chub sems dpa' nyid sdug bsngal bar 'gyur ro zhes bya ba'i don to/ /sems can rnams la bde ba skyed par ji ltar bde bar 'gyur zhes bya ba
 ni/ de ltar na byang chub sems dpa' nyid la sdug bsngal mi 'byung zhing bde ba thob par 'dod nas sems can rnams kyi sdug bsngal bsal zhing sems can bde ba la dgong par bya ste/ de ltar ma byas kyi bar du byang chub sems dpa' bdag nyid kyis bde ba myong bar mi 'gyur
 ro zhes bya ba'i don to/ /snying rjes sbyin pa rjes su ston pa la tshigs su bcad pa drug ste zhes bya ba la/ dper na mkhan po dang slob dpon gyi slob ma la 'di ltar gyis shig ces ston cing slob? par byed pa bzhin du/ snying rje slob dpon du gyur pas sbyin pa slob ma
 lta bur gyur ba la 'di lta 'di ltar gyis shig ces ston cing slob par byed de/ de bstan par bya ba'i phyir tshigs su bcad pa drug rtsom mo zhes bya ba'i don to/ /sbyin pa ni phyi'i dngos po yin pas de la sems med na ji ltar bstan cing
 bslab ce na/ yang lan du sems med par bden mod kyi/ slob pa bzhin zhes bya bar sbyar te/ ji ltar slob dpon gyis slob ma la bslabs nas slob ma las dam pa dag la 'jug par byed pa bzhin du/ snying rjes sbyin pa bskyod nas sbyin pa las dam pa dag la
 'jug par byed pa ni snying rjes ni sbyin pa la slob pa bzhin no/ /snying rje can ni bdag gi sbyin pa la/ bdag bde mi 'dod rtag tu slob par byed zhes bya ba la/ snying rje dang ldan pa'i byang chub kyi sems kyi snying rje ni bdag bde ba mi 'dod pa ste/ rnam pa thams cad du
 bdag gi bde ba sems can la stobs par byed pa'i phyir ro/ /de ltar snying rje bdag bde ba mi 'dod pa de rtag tu bdag nyid kyi sbyin pa la slob cing ston par byed do zhes bya ba'i don to/ /ji ltar slob par byed ce na/ de'i phyir/ longs spyod kyis ni bde ba pha rol
 lam zhes bya ba smos te/ snying rje de sbyin pa la 'di ltar slob de/ 'di ltar sbyin pa btang ba'i 'bras bu longs spyod chen po'i bde ba de'ang sbyin pa khyod kyis longs spyod kyi 'bras bu de sems can gzhan gyis myong bar bgyis pa de ltar gyis shig /gal te sbyin
 pa'i 'bras bu rnam par smin pa de sems can gzhan la ma smin de bdag la smin de bdag la smin par gyur na/ de ltar na ni rnam par smin pa de bdag la ma smin yang rung ngo zhes sbyin pa la de ltar slob par byed do/ /sning rje de sbyin pa'i 'bras bu longs spyod chen po ci'i phyir sems can
 la stobs par byed ce na/ de'i phyir/ bdag dang bde ba tha dad ma yin pas zhes bya ba smos te/ sems can sdug bsngal na byang chub sems dpa' sdug bsngal bar 'gyur te/ sems can dang byang chub sems dpa' sdug bsngal gcig ste ba mi dad pa'i
 phyir dang/ gzhan bden byang chub sems dpa' bde ste/ sems can dang byang chub sems dpa' bde ba gcig cing tha mi dad pas na sbyin pa'i 'bras bu longs spyod chen po sems can rnams la bsngo bar byed do/ /de med par bdag gi sbyin pa'i 'bras bu mi 'dod do zhes bya ba
 la/ byang chub sems dpa' dang sems can du bde ba tha mi dad de gcig pas na snying rjes sbyin pa la 'di ltar slob par byed de/ gal te sbyin pa khyod kyi 'bras bu longs spyod chen po zhig smin par byas na 'bras bu sems can rnams kyis myong bar 'gyur bar bya ba de ltar
 smin par gyis shig /gal te rnam par smin pa de sems can la sbyin pa med de sems kyis myong bar ma gyur na ni/ de ltar na sbyin pa'i 'bras bu rnam par smin pa la 'dod pa med pas bdag la ni ma smin yang rung ngo zhes sbyin pa la zer ro/ /'bras bu bcas pa'i sbyin
 pa sbyin byed na/ /sems can sbyin pa'i bde bas bdag bder 'gyur zhes bya ba la/ byang chub sems dpa' sbyin pa yongs su gtong ba na sbyin pa'i rdzas kyi dngos po 'ba' zhig gtong bar ma zad kyi/ sbyin pa de'i 'bras bu longs spyod chen po rnam par smin pa yang sems
 can gyis myong bar gyur cig ces sems can la bsngo zhing sbyin par byed do/ /de ltar sems can rnams la rdzas kyi dngos po sbyin pa dang/ sbyin pa de'i 'bras bu longs spyod chen po yang byin nas sems can bde bar gyur na de nyid kyis byang chub sems dpa' bde bar
 'gyur gyi/ rdzas kyi dngos po btang ste sems can bde la sbyin pa'i 'bras bu longs spyod byang chub sems dpa' nyid kyis myong ba la ni byang chub sems dpa' bde bar mi 'dzin to zhes bya ba'i don to/ /gal te khyod kyis bya ba nga la yod/ de rnams la ni shin tu
 'bras bur 'gyur zhes bya ba la/ snying rje de sbyin pa la 'di ltar slob par byed de/ gal te sbyin pa khyod kyis nga la phan btags shing/ sbyin pa'i 'bras bu longs spyod chen po zhig sbyin par bya ba yod/ 'bras bu de rnams khyod kyi sems can rnams la sbyin te/
 sems can rnams kyis ji nas kyang myong bar 'gyur ba de ltar khyod kyis gyis shig dang/ de ltar byas na gdod khyod kyis nga la phan btags pa yin zhes snying rje sbyin pa la de ltar stong cing slob par byed do/ /sbyin pa byin na sbyin pa dang
 sbyin pa'i 'bras bu de dag bdag gis sems can byin pas zhes bya ba la sogs pa la/ byang chub sems dpa' sbyin pa gtong ba'i dus na yang tshul 'di ltar gtong ste/ sbyin ba'i dngos po dang/ sbyin pa de btang ba'i 'bras bu gnyis ka sems can gyis
 myong bar gyur cig ces bsngo zhing sbyin par byed de de ltar zang zing dang 'bras bu gnyis ka sems can gyis myong ste/ sems can bde bar gyur na gdod byang chub sems dpa' bde bar 'gyur ro zhes bya ba'i don to/ /gang gi phyir de nyid kyis ji tsam du 'bras
 bur bya ba de tsam du 'bras bur 'gyur te zhes bya ba la sogs pas/ gang gi phyir sbyin pa'i dngos po dang/ 'bras bu gnyi ga sems can la btang nas sems can bde bar gyur na byang chub sems dpa' yang bde bar 'gyur bas/ sbyin pa khyod kyis sbyin pa ji
 snyed cig btang ba'i 'bras bu bdag la ji tsam zhig sbyin bar bya ba'i 'bras bu'i 'bras bu de dag thams cad sems can la smin bar gyis shig dang/ de nyid kyis nga la phan btags pa yin no zhes snying rjes sbyin pa la ston cing slob par byed do/ /sbyin pa
 yi ni longs spyod mi 'dod pas zhes bya ba la/ byang chub sems dpa' i sbyin ba gtong ba yang/ sbyin pa'i 'bras bu longs spyod chen por 'gyur ba de dag bdag gis myong bar ni mi 'dod de 'bras bu la thams cad nas thams cad du rgyab kyis lta zhing longs
 spyod myong bar bya ba la zhes bya ba'i don to/ /longs spyod mang po mchog dang phrad gyur na zhes bya ba la/ de ltar 'bras bu la mos pa med na/ /'bras bu mi 'dod du zin kyang byang chub sems dpa' i rgya chen po dang ldan pa dang/ chos nyid kyis na sbyin pa btang ba
 dang/ longs spyod chen po mi myong du mi rung ba yin pas gang dang gang du skyes par longs spyod mang po rgya chen po rnams dang byang chub sems dpa' rtag tu phrad bar 'gyur ro zhes bya ba'i don to/ /de'i bde ba dag ni bdag mi 'dod/ /sbyin pa rgyun de yang ni sbyin
 par 'dod/ /ces bya ba la/ de ltar longs spyod rgya chen po dang phrad du zin kyang longs spyod kyi bde ba de dag ni byang chub sems dpa' ni mi 'dod kyi ci zhig 'dod ce na/ ji ltar btang ba'i sbyin pa'i 'bras bu'i tshe rabs gzhan du yang sbyin pa rgyun du gtong?
 zhib? sbyin ba byed par 'gyur ba tsam 'dod par zad do zhes bya ba'i don to/ /gang gi phyir sbyin brgyun du byed pa de rgyun du mi 'dod kyi zhes bya ba la sogs pa la/ de ltar longs spyod chen po longs spyod dam pa dang rtag tu phrad kyang longs spyod kyi bde ba la cung zad
 kyang 'dod pa med kyi/ gzhan du na bdag gi sbyin pa yongs su btang ba'i 'bras bu tshe rabs gzhan du sems can rnams la sbyin pa rgyun du gtong ba dang/ sbyin pa gtong ba ngo rgyun mi 'chad par gtong ba tsam du zad do/ /bdog pa thams cad yongs su gtong
 ba la/ snying rjes bdag la rtag tu rab ltan zhes bya ba la/ gzhan snying rje ni sbyin pa la 'di ltar slob ste/ snying rje lag na bdog pa'i dngos po phyi dang nang gi dngos po thams cad gtang ba yang sbyin pa'i 'bras bu 'dod pa'i phyir gtong ba ni ma yin gyi
 sems can la snying rje bas na bdag gi lag na yod pa rnams la chags pa med par gtong ste/ de'ang phyi dang nang gi dngos po 'ba' zhig gtong bar ma zad kyi/ sbyin pa'i 'bras bu longs spyod chen po yang sems can la yongs su gtong ngo/ /de ltar 'bras bu yang
 btang na sbyin pa khyod 'bras bu sems can la smin par mi byed bar ci'i phyir 'bras bu bdag la rtag tu lta zhing bdag la 'khor la 'bras bu bdag la smin par byed ces bya ba'i don to/ /khyod kyis yang dag shes par byos/ /bdag ni 'bras bu don mi gnyer
 zhes bya ba la/ de bas na sbyin pa khyod kyis snying rje 'di ni sbyin pa'i 'bras bu la chags pa med de/ sbyin pa'i 'bras bu la don du mi gnyer bas na snying rje 'bras bu sbyin pa ni mi rigs kyi/ sbyin ba'i 'bras bu yang
 sems can la sbyin ba'i rigs so zhes sbyin pa khyod kyis de ltar shes bar gyis shig ces sbyin pa la slob par byed do/ /gang bdag gis snying rjes sbyin pa'i 'bras bu thams cad yongs su gtong bar shes par bya'o zhes bya ba la sogs pa la/ snying
 rjes bdag gi phyi nang gi dngos po thams cad dang de'i 'bras bu sems can la rtag bar btang ba yang sems can rnams la snying rje'i sgo nas rtag par gtong bar zad kyi/ sbyin pa'i 'bras bu la ni cung zad kyang chags pa med do zhes khyod kyis de ltar shes bar
 gyis shig ces bya ba'i don to/ /de ltar byang chub sems dpas sbyin pa la rjes su bstan to zhes bya ba la/ gong du bshad pa ltar na sbyin pa khyod kyis 'di ltar shes par bya ba'i rigs te/ snying rje 'di ni sbyin pa'i 'bras bu la chags pa med pas/ 'di la
 'bras bu sbyin par bya ba'i mi rigs kyi de'i 'bras bu sems can rnams kyis myong bar bya ba'i rigs so zhes sbyin pa khyod kyis de ltar shes par gyis shig ces sbyin pa la de ltar ston cing 'doms? so/ /khyod kyis 'bras bu thob pa ma spangs na/ sbyin pa
 la ni mngon bar mos ma yin zhes bya ba la/ gzhan yang snying rjes sbyin pa la 'di skad smra bar byed de/ gal te ngas sbyin pa'i dngos po ni btang gi sbyin pa khyod kyis 'bras bu longs spyod chen po thob pa de bdag gis ma spangs te ma btang na/ de ltar na ni
 snying rje 'di sbyin pa gtong pa la ma mos pa yin no zhes sbyin pa khyod kyi de ltar rig bar bya ba'i rigs so/ /ji ltar skad cig tsam yang sbyin med par/ /sbyin pa la ni mngon par dga' ma yin zhes bya ba la/ de ltar ma yin te snying rje bdag ni sbyin pa'i dngos po ni
 gtong la/ de'i 'bras bu mi gtong ba de lta bu'i sbyin pa la yang bdag dga' ba ma yin la/ bdag ni sbyin pa mi gtong zhing sbyin pa byed pa med par skad cig tsam yang gnas par mi dga' zhing ma mos pa yin te/ de bas na 'bras bu thob pa rnams kyang
 gtong ba dang sbyar ni snying rje sbyin pa gtong ba la mngon par dga' ba yin no zhes khyod kyis de ltar shes bar gyis shig ces ston to/ /ma byas 'bras bar mi 'gyur bas/ /de ltar lan de yod bas nga? mi mtshungs zhes bya ba la/ rnam pa gzhan du yang snying rjes ni
 sbyin pa la 'di ltar slob par byed de/ sbyin pa khyod ni sbyin pa la byas pa rnams ni 'bras bur mi 'gyur zhing 'bras bu smin par mi byed bas de ltar na khyod ni lan la re ba ma yin no/ /snying rjes ni gang byin yang rung mi byin yang rung/ 'bras bu smin yang rung ma
 smin yang rung ste/ sems can kun la phan pa dang bde ba byed pa dang sems can kun gyi don sgrub par byed pas na nga ni lan la re ba med pa'i phyir khyod dang mi mtshungs so zhes bya ba'i don to/ /gang gis byas pa de las 'bras bur smin/ /de'i phyir khyod lan
 re bas nga mi mtshungs zhes bya ba la/ gzhan yang sbyin pa khyod ni gang gi sbyin pa byas pa de la 'bras bu smin cing sgrub par byed pas na khyod la ni lan re ba yod kyi/ nga ni sbyin pa ma byas pa la yang 'bras bu sgrub par byed de/ byas pa dang ma byas pa kun
 la phan 'dogs pa la lan re ba med pa'i phyir khyod dang mi mtshungs so zhes bya ba'i don to/ /snying brtse ba sbyin pa la tshigs su bcad pa gnyis te zhes bya ba la/ sbyin pa gang btang na tshe 'di dang tshe rabs gzhan du phan par 'gyur gyi gnod par
 mi 'gyur ba'i sbyin pa ni snying brtse ba'i sbyin pa zhes bya ste/ de lta bu'i sbyin pa btang ba'i phyir tshigs su bcad pa gnyis rtsom mo zhes bya ba'i don to/ /rgyal sras rnams kyi brtse bas sbyin pa ni/ /kha na ma tho med cing dag pa'i gnas zhes bya
 ba la sogs pa la/ byang chub sems dpa' rnams kyi tshe 'di dang tshe rabs gzhan du phan par 'gyur ba'i snying brtse ba'i sbyin pa ni rnam pa drug ste/ kha na ma tho ba med pa sbyin pa dang/ dag pa'i gnas sbyin pa dang/ phan
 par byed pa sbyin ba dang/ rjes su srung bar byed pa sbyin pa dang/ tshol ba med bar sbyin pa dang/ chags pa med bar sbyin pa'o/ /de la kha na ma tho ba med pa ni/ gzhan la mi gnod par sbyin ba'o zhes bya ba la/ skye bo gzhan dag la phrogs shing gnod
 par byas nas gzhan dag la gtong ba dang/ sems can dag bsad cing sha gzhan la sbyin par byed pa dang/ slong ba'i gang zag rnams la bkren pa dang ltogs pa zhes bya ba'i tshig ngan pa la sogs pa smras nas/ sdug bsngal bskyed de sbyin par byed? pa? ni kha
 na ma tho ba zhes bya ste/ de lta bu'i gnod pa med pa byas nas sbyin par byed bas na kha na ma tho ba med pa zhes bya'o/ /dag ba'i gnas ni brtags ba'i dngos po sbyin ba'i phyir zhes bya ba la sogs pa la/ dug dang tshon cha la sogs pa ma brtags ba'i dngos po mi
 gtong gi dngos po gtsang ma sbyin par byed kyi/ dug dang mtshon cha dang chang lta bu sbyin bar mi byed bas na dag ba'i gnas sbyin pa zhes bya'o/ phan par byed pa ni sbyin bas kun tu bsrungs shing dge ba la sbyor ba'o zhes bya ba la/ sbyin pas sems can rnams bsdus nas tshe phyi mar lta
 dang mi'i 'bras bu thob par bya ba'i phyir dge ba byed du bcug pa ni phan bar byed ba'i sbyin pa zhes bya'o/ /bsrung bar bcas pa ni 'khor gyi 'gro ba la gnod pa med par gzhan la sbyin pa'i phyir ro zhes bya ba la/ bsrung bar bcas pa'i sbyin pa ni sbyin pa gtong ba de
 yang thams cad btang nas cung zad kyang med par byas te/ bdag gi bu med dang bran g.yog la sogs pa 'khor la gnod pa lta bur sbyin yang 'khor la gnod pa med bar cung zad 'jog ba'o/ /yang na bsrungs dang bcas pa'i sbyin pa ni gang zag
 byang chub sems dpa' de bu med dang bran g.yog la sogs pa gzhan la gtong par byed pa yang gnod sbyin dang srin po la sogs pa sems can la gnod pa byed pa rnams la gtong bar mi byed pa'o/ /tshol ba med pa ni phongs pa'i don shes nas ma blangs par
 bdag nyid kyis sbyin zhing sbyin gnas yongs su mi tshol ba'o zhes bya ba la/ tshol ba med pa'i sbyin pa ni sems can phongs pa dang brel ba'i skabs shes nas gzhan gyis ma blangs par yang bdag nyid kyi la gnas gtong bar byed pa dang/ 'di la sbyin
 'di la ma sbyin zhes bsod nams kyi zhing mi tshol gyi snyoms par sems can kun la gtong bar byed pa'o/ /chags pa med pa na lan dang rnam par smin pa la mi re ba'i phyir ro zhes bya ba la/ chags pa med pa'i sbyin pa ni bdag gis sbyin pa 'di btang bas slar bdag
 la phan 'dogs par shog cig ces lan la chags ba med pa dang/ sbyin pa btang ba 'dis tshe rabs gzhan rnam par smin ba'i longs spyod dang ldan par gyur cig ces rnam par smin pa la chags pa med par gtong bas na mi chags pa'i sbyin pa zhes bya'o/ /rnam pa
 gzhan du na/ zhes bya ba la/ byang chub sems dpa' i thugs rjes sbyin pa rnam pa gcig bshad nas gzhan yang tshe rabs 'di dang tshe rabs gzhan du phan bar 'gyur ba'i thugs rjes sbyin pa'i rnam grangs gzhan yang bstan pa'i phyir zhes bya ba'i don to/ /thams cad
 rgyas dang gtso bo dang zhes bya ba la/ thams cad gtong ba dang/ rgyas par gtong ba dang/ gtso bor gtong ba zhes bya bar sbyar ro/ /de la phyi nang gnyi ga gtong bas na/ thams cad gtong ba'o/ /chung du dang nyung du mi gtong gi chen po dang mang po gtong bas
 ni rgyas par gtong pa zhes bya'o/ /dngos po zhigs pa dang/ rtul ba dang/ sbyang du mi rung ba mi gtong gi kha dog dang dbyibs dang/ dri phun sum tshogs shing bzang po gya nom pa gtong bas na gtso bo gtong ba zhes bya'o/ /rtag dang dga' dang zang zing med ces
 bya ba la/ rtag tu gtong ba dang/ dga' bar gtong ba dang/ zang zing med par gtong ba zhes bya bar sbyar ro/ /de la skad cig ma gcig la gtong/ skad cig ma gcig la mi gtong/ nyin gcig gtong nyin
 gcig mi gtong/ lo 'ga' gtong lo 'ga' mi gtong ba ma yin gyi/ rgyun mi 'chad par gtong bas na rgyun du gtong ba zhes bya'o/ /ser sna'i sems med par dga' ba dang mgu ba'i sems kyis 'di la gtang 'di la mi gtang zhes
 brtags ba med kyi/ thams cad la snyoms bar gtong bas na gtong ba zhes bya'o/ /tshe 'dir lan la re ba med pa dang/ tshe rabs gzhan du rnam par smin pa la re ba med pas na zang zing med bar gtong ba zhes bya'o/ /dag dang byang chub bsngo dang dge ba bsngo
 zhes bya ba la/ dag pa gtong ba dang/ byang chub tu bsngo ba gtong ba dang/ dge ba bsngo ba'i gtong ba zhes bya bar sbyar ro/ /de la dag pa gtong ba ni gong du dag pa'i gnas sbyin pa dang don gcig ste/ /dug dang mtshon cha dang chang? la sogs pa
 brtags pa'i dngos po mi gtong bas na dag pa gtong ba zhes bya'o sbyin pa byas pa rnams 'jig rten gyi lha 'am mi 'am nyan thos kyi mya ngan las 'das par bya ba'i phyir mi bsngo'i bla na med pa'i byang chub thob par bya ba'i phyir bsngo bas na byang chub tu bsngo ba gtong
 ba zhes bya'o/ /dge ba la bsngo ba'i don ni gong du phan par byed pa'i sbyin pa bshad pa dang don gcig ste/ sbyin bas bsdus nas dge ba la bkod pa ni dge ba la bsngo ba'i gtong ba zhes bya'o/ /spyad par bya ba'i khyad par gyi tshigs su bcad pa zhes
 bya ba la/ 'jig rten ba dag sbyin pa byas nas longs spyod dag myong bar 'gyur ba dang/ 'phags pa nyan thos dang rang sangs rgyas dag sbyin pa btang nas zag pa med ba'i bde ba myong ba yod mod kyi/ byang chub sems dpa' rnams thugs rje dang ldan ba'i
 thugs kyis sbyin pa btang ba'i 'bras bu de dag pas longs spyod khyad par can 'byung bar 'gyur ro zhes bstan pa'i phyir tshigs su bcad pa rtsom mo zhes bya ba'i don to/ /ji ltar bde ba gsum kyis tshim ba'i yid/ /snying rje can gyi gtong bdag rnyed ltar/
 longs spyod can dag longs spyod dag gis ni/ /de ltar dga' bar 'gyur ba ma yin no zhes bya ba la/ /byang chub sems dpa' sbyin pa gtong ba na bde ba gsum gyis yid tshim bar 'gyur te/ bde ba gsum ni sbyin na dga' ba'i bde ba dang/ pha rol
 la phan btags pa'i dga' ba'i bde ba dang/ byang chub kyi tshogs rdzogs bas dga' ba'i bde ba'o/ /de ltar bde ba gsum gyis tsham pa'i yid dang ldan pa'i byang chub sems dpa' snying rje dang ldan pas sems can la sbyin pa yongs su btang nas btang ba'i 'og tu sems can la phan thogs par mthong ste/ sems dga' ba dad bde ba rnyed pa ltar/ byang chub sems dpa' sems can rnams la phyi nang gi dngos po kun btang ste/ sems can rnams longs spyod dang ldan par byas ba'i sems can longs spyod can de dag
 de tsam gyis dga' ba dang bde ba mi skye'o zhes bya ba'i don to/ /yang na byang chub sems dpa' snying rje can rnams gzhan la sbyin pa yongs su btang nas sems can la phan thogs bar mthong ste dga' ba'i khyad par skyes pa ste/ byang chub sems dpa' sbyin pa/
 yongs su btang ba'i sgo nas longs spyod can du byas ba'i sems can longs spyod can dag de tsam gyi dga' ba mi skye ste/ ci'i phyir zhe na/ byang chub sems dpas sbyin pa yongs su btang nas bde ba rnam pa gsum gyis tshim par 'gyur ba'i phyir te/ bde
 ba rnam pa gsum ni sbyin pas dga' ba dang/ /pha rol la phan btags pas dga' ba dang/ byang chub kyi tshigs rdzogs pas dga' ba'o/ /sbyin pas dga' ba dang/ zhes bya ba la/ sbyin pa gtong ba na slong ba rnams tshogs shing 'dus? pa mthong nas dang
 por dga' ba ni sbyin pas dga' ba zhes bya'o/ /pha rol la phan btags pas dga' ba dang zhes bya ba la/ slong ba 'dus pa'i 'og tu zang zing rnams gzhan la byin nas/ des sems dga' ba ni/ phan btags pas dga' ba zhes bya ste/ bar du dga' 
 dga' ba ni/ phan btags pas dga' ba zhes bya ste/ bar du dga' ba'o/ /byang chub kyi tshogs rdzogs pas dga' ba'o zhes bya ba la/ dngos po btang ste dga' ba la gzhan la phan thogs pa'i rgyus bsod nams dang ye shes kyi tshogs rdzogs par mthong nas
 dga' ba ni byang chub kyi tshogs rdzogs pas dga' ba zhes bya ste/ 'di ni tha mar dga' ba'o/ /pha rol tu phyin pa rnams mngon par sgrub pa la snying brtse ba'i tshigs su bcad pa zhes bya ba la/ pha rol tu phyin pa drug gi mi mthun pa'i phyogs ser sna la sogs
 pa la gnas pa rnams la thugs brtse nas sbyin pa la sogs pa byed du bcug pa ni pha rol tu phyin pa rnams mngon par sgrub pa la snying brtse ba zhes bya ste/ de bstan par bya ba'i phyir tshigs su bcad pa rtsom mo zhes bya ba'i don to/ /ser snas snying rje ma rungs
 snying rje dang zhes bya ba la/ ser sna ni phyi dang nang gi dngos po gtong bar mi nus shing zang zing mi dgos pa dag sdud par byed pa ste/ de dag la byang chub sems dpa' thugs brtse nas/ ser sna'i skyon dag brjod cing sbyin pa'i chos la 'jog par mdzad
 do/ /ma rungs pa ni ngan ba'i ngang tshul can ste srog gcod pa dang ma byin par len pa byed pa'i sgo nas sems can la gnod par byed ba'o/ /de dag la byang chub sems dpa' thugs brtse nas tshul khrims ngan ba'i skyon dog brjod nas tshul khrims la
 'jog par mdzad do/ /'khrug pa bag med snying rje dang zhes bya ba la zhe sdang gi sems 'tshig par byas ba ni 'khrug pa zhes bya ste/ de dag la byang chub sems dpa' thugs brtse nas zhe sdang gi skyon dag smos zhing bzod pa la 'jog par mdzad do/ /bag med
 nga? ni nyal ba dang 'phres pa la sogs pa'i las la dga' bas le lo'i dbang gis dge ba'i las mi byed pa ste/ da dag la byang chub sems dpa' thugs brtse nas le lo'i skyon dag brjod cing brtson 'grus la 'god par mdzad do/ /yul gyi dbang du song la
 snying rje dang zhes bya ba la/ gzugs dang sgra la sogs pa 'dod pa lnga'i yon tan la sems g.yengs pa ni yul gyi dbang du song ba zhes bya ste/ de dag la byang chub sems dpa' thugs brtse nas sems g.yengs pa'i skyon dag
 brjod cing bsam gtan la 'jog par mdzad do/ /log par mngon par zhen la snying rje'o zhes bya ba la/ log par mngon par zhen pa ni bdag dang rtag pa la sogs par 'dzin pa ste/ mu stegs pa la sogs pa log par shes rab dang ldan pa rnams so /de dag la byang
 chub sems dpa' thugs brtse nas log pa'i shes rab kyi skyon dag brjod cing yang dag pa'i shes rab la 'jog par mdzad do/ /'di dag ni pha rol tu phyin pa'i mi mthun pa'i phyogs kyi zhes bya ba la sogs pa la/ ser sna nas log par la mngon par zhen pa rnams
 ni sbyin pa nas shes rab kyi pha rol tu phyin pa'i bar gyi mi mthun pa'i phyogs te/ mi mthun pa'i phyogs la gnas pa'i sems can de dag la byang chub sems dpa' snying brtse ba ni snying rje zhes bya'o/ /de'ang de dag gi mi mthun pa'i phyogs rnam par sun 'byin pa
 ni zhes bya ba la sogs pa la/ ser sna la sogs pa de dag kyang sbyin pa la sogs pa'i mi mthun pa'i phyogs yin te/ snying rjes ser sna la sogs ba'i skyon brjod cing sbyin pa la sogs pa pha rol tu phyin pa byed du bcug pa ni pha rol tu phyin pa rnams mngon par
 sgrub pa la snying brtse ba zhes bya'o/ /snying rje'i rkyen bstan pa'i tshigs su bcad pa zhes bya ba la/ 'di ltar mig la sogs pa rnam par shes pa rnams dmigs pa dang/ rgyu dang bdag po dang/ de ma thag pa'i rkyen las skye ba bzhin du byang chub sems dpa' i
 snying rje yang dmigs pa dang rgyu dang bdag po dang de ma thag pa ste rkyen bzhi las skye ba bstan ba'i phyir tshigs su bcad brtsom mo zhes bya ba'i don to/ /bde dang mi bde de'i rgyu las byung byang chub sems dpa' i snying rje ste zhes bya ba la/
 tshigs su bcad pa phyed kyis snying rje'i dmigs pa'i rkyen bstan to/ /de la snying rje'i dmigs par bya ba'i yul ni tshor ba bde ba dang tshor bsdug bsngal ba dang/ sdug bsngal yang ma yin bde ba yang ma yin pa la bya'o/ /rgyu dang bshes gnyen rang
 bzhin las/ /byang chub sems dpa' i snying rje'i zhes bya ba la/ /tshe rabs gzhan du snying rje la goms par byas pas kun gzhi la snying brtse ba'i bag chags bsags pa ni snying rje'i rgyu'i rkyen to/ /dge ba'i bshes gnyen la brten nas/ dam ba'i
 chos nyan pa'i dbang gis snying rje skye ste/ de ni bdag po'i rkyen to/ /snying rje dang ldan pa'i sems dang sems las byung ba snga ma 'gags/ de dang rang bzhin gcig la snying rje dang ldan pa'i sems dang sems las byung ba phyi ma 'byung ste/ snga ma 'gags pa
 ni de ma thag ba'i rkyen to/ /tshor ba rnam pa gsum la dmigs nas sdug bsngal gsum gyis snying rje bar byed do zhes bya ba la/ byang chub sems dpa' tshor ba bde ba dang/ tshor ba sdug bsngal ba dang/ tshor ba bde ba yang ma yin sdug bsngal ba yang
 ma yin ba la dmigs nas snying rje skye ste/ ci'i phyir zhe na/ tshor ba gsum la sdug bsngal rnams kyis khyad par gzigs pa'i phyir ro/ /de la tshor ba bde ba la ni 'gyur ba'i sdug bsngal gyis khyad par dmigs so/ /sdug bsngal gyi tshor ba la ni sdug
 bsngal gyi sdug bsngal gyis khyad par dmigs so/ /bde ba yang ma yin sdug bsngal ba yang ma yin ba'i tshor ba la ni 'du byed kyi sdug bsngal gyis khyad par dmigs so/ /sdug bsngal dang bde ba'i tshor ba'i rgyu ni bde ba dang mi bde ste/ phyir zhing de
 skyed ba'i phyir ro zhes bya ba la/ /sdug bsngal gyi tshor ba bskyed ba'i rgyu dang/ /byed ba'i tshor ba bskyed ba'i rgyu ni ba de ba'i tshor ba'i bag la nyal dang/ /sdu bsngal gyi tshor ba'i bag la nyal ba la bya ste/ don du bde ba yang ma yin sdug bsngal ba yang ma yin
 ba'i tshor pa bag chags kyi rang bzhin la de'i rgyu zhes bya ste/ ci'i phyir bag la nyal la rgyu zhes bya zhe na/ /'di ltar bag chags de las tshor ba bde ba dang sdug bsngal gnyis yang nas yang du 'byung zhing skye ba'i phyir ro/ /snying rje chen po'i rang bzhin gyi tshigs
 su bcad pa zhes bya ba la/ 'jig rten pa la snying rje yod kyang pha ma la sogs pa bu dang gnyen bshes rnams la snying rje skye yi/ dgra la sogs ba la snying rje mi skye bas snying rje chen po ma yin pa la/ nyan thos dang rang sangs rgyas la snying rje yod kyang sems can sdug
 bsngal ba la snying rje skye'i sems can bde ba rnams la snying rje mi skye bas snying rje chen po ma yin gyi/ /byang chub sems dpa' rnams ni cung zad tshor ba gang yin pa thams cad sdug bsngal bar gzigs nas ji ltar mnar med pa'i sems can dmyal ba ba rnams la snying
 rje ba bzhin du/ srid pa'i rtse mo'i lha rnams la yang snying rje bas na snying rje chen po'i rang bzhin can zhes bya ste/ de bstan par bya ba'i phyir tshigs su bcad pa rtsom mo zhes bya ba'i don to/ /byang chub sems dpa' i snying rje ni/ /mnyam pa yin par rigs par bya
 zhes bya ba la/ /byang chub sems dpa' rnams kyi snying rje ni sems can thams cad la mnyam par dmigs pa'i snying rje can yin bar rig par bya ste/ ji ltar zhe na/ /bde ba'i tshor ba dang/ sdug bsngal gyi tshor ba dang/ bde ba yang ma yin sdug bsngal ba yang
 ma yin pa'i tshor ba myong ba la sogs ba gang ci tshor yang rung ste/ tshor ba thams cad sdug bsngal ba'o zhes mkhyen nas sems can dmyal ba pa la thugs brtse ba bzhin du/ srid ba'i rtse mo ba rnams la yang thugs brtse bas na thugs rje chen por rig
 par bya ste/ ci dang ci mnyam zhe na/ de'i phyir de'i bsam pa mnyam pa las sgrub ba dang ni chags bral bas/ /mi dmigs dang ni rnam dag las zhes bya ba smos te/ mnyam ba ni bsam pa mnyam pas snying rje mnyam pa dang/
 bsgrub pa mnyam pas snying rje mnyam pa dang/ 'dod chags dang bral ba'i phyir snying rje mnyam pa dang/ mi dmigs pas snying rje mnyam pa dang/ rnam par dag pa thob pas snying rje mnyam pa'o/ /de la bsam pa mnyam pas snying rje mnyam pa ni ji ltar
 sems can dmyal ba rnams la thugs brtse bar dgongs pa bzhin du/ srid pa'i rtse mo pa rnams la yang thugs brtse ba dgongs ba'i phyir ro/ /bsgrub pa mnyam pas snying rje mnyam pa ni ji ltar sems can dmyal ba pa rnams kyi skyabs mdzad pa
 bzhin du srid pa'i rtse mo'i sems can rnams la yang de bzhin du skyabs mdzad pa'i phyir ro/ /'dod chags dang bral bas snying rje mnyam pa ni snying rje'i mi mthun pa'i phyogs zhe sdang dang sems can la brdeg btsog la sogs pa 'tshe ba byed pa spangs pa'i phyir su
 la yang zhe sdang ba med/ gang la yang byams par byed pa yang med de kun la snyoms par lta ba'i phyir ro/ /ma dmigs pa snying rje mnyam pa ni sems can dang bdag dang snying rje gsum cad yang stong pa nyid du ro gcig par khong du chud ba'i phyir ro/ /rnam par
 dag pa thob bas snying rje mnyam pa ni sa brgyad pa la byang chub sems dpa' rnams mi skye ba'i chos la bzod pa thob pas brtsol ba dang 'bad ba med par snying rje lhun gyis grub pa'i phyir ro/ /de la gzugs kyi khams kyi lha rnams kyang byams pa la sogs
 pa'i tshad med pa bzhi sgom/ nyan thos dang rang sangs rgyas kyang ched med bsgom mod kyi/ de bas byang chub sems dpa' rnams tshad med pa bzhi bsgom pa mchog tu gyur pa bstan pa'i phyir/ rang gi sems chos la mos dang zhes bya ba la sogs pa tshigs
 su bcad pa gcig smos te/ tshe rabs snga ma la byams pa bsgom pa'i bag chags sems la brlan pa'i sems de nyid la brten nas tshe 'di la byams pa la sogs pa bsgom na bsgom pa de mchog tu gzhag go /chad med pa bzhi dang yang dag par ldan pa'i
 mdo sde rnams la mos shing dang na byams pa la sogs pa sgom pa mchog tu bzhag go /bsam pa dang ni rnam par 'byor pa las zhes bya ba la/ ro myang ba dang/ rjes su yid rang ba dang/ mngon par dga' ba la sogs pa'i bsam pa rnam pa dgu
 dang ldan pa'i yang byams pa la sogs pa bsgom pa mchog tu bzhag go /sa brgyad pa la sogs pa'i dus na brtsol ba dang 'bad pa med par byams pa la sogs pa lhun gyis grub par 'byung ba ni rnam par 'byor ba zhes bya ste/ de lta bur gnas pa yang
 sgom pa mchog tu bzhag go /rnam par mi rtog dang gcig gnyis las zhes bya ba la/ bdag dang sems can dang tshad med pa rnams rnam pa rim rtog par bsgom pa yang byams pa la sogs pa sgom pa mchog tu bzhag go /sa brgyad pa'i dus na byang chub
 sems dpa' rnams bya ba 'dres pa dang/ nye bar 'dres par gyur bas byang chub sems dpa' gcig gis tshad med pa sgoms na byang chub sems dpa' gzhan gyis kyang bsgoms pa yin te/ bya ba gcig tu gyur ba yang byams pa la sogs pa sgom pa na chog tu
 bzhag go /de ni sangs rgyas la mchod pa dang/ dag ba'i bshes gnyen la bsten pa dang/ tshad med bsgom pa rnams kyi don gong du bshad pa gzung sla bar bya ba'i phyir tshigs su bcad pa gcig gis mdor bsdus te bstan pa/ bcom ldan
 'das la dad pa rab bskyed dang/ /dngos po chen por rtag tu gus mchod par zhes bya ba la sogs pa smos so/ /de la sangs rgyas bcom ldan 'das rnams la/ sangs rgyas bcom ldan 'das rnams ni de bzhin gshegs pa dgra bcom pa yang dag par zhes
 bya ba la sogs pa'i yon tan dang ldan par shes nas sems dad pa dang/ dad pa bskyed de dngos po chen por rtag tu mchod ba dang gus pas rtag tu mchod na grub ba kun thob par 'gyur ro zhes bya ba sbyar ro/ de la chos gos dang lhung bzed dang phyag
 'tshal ba dang bskor ba la sogs pas mchod pa ni dngos po chen pos rtag tu mchod pa zhes bya ste/ /de ni rnyed pa dang bkur stis mchod pa'o/ /nyan pa dang sems pa dang bsgom pas mchod pa ni gus bas mchod pa zhes bya ste/ de ni bsgrub pa'i mchod pa'o/
 de ltar tshigs su bcad pa phyed kyis sangs rgyas la mchod pa'i don mdor bstan to/ /yon tan mang po'i phan bshes rtag bsnyen na zhes bya ba la/ dge ba'i bshes gnyen yon tan gong du bshad pa dang ldan pa dang/ de las gzhan yang mdo sde dang
 gtsug lag dag gi nang nas 'byung ba'i yon tan mang po dang ldan par bdag la tshe 'dir yang phan par byed/ tshe rabs gzhan du phan par byed pa'i dge ba'i bshes gnyen la rtag tu bsnyen na grub pa kun thob ces bya bar sbyar te/ des ni dge
 ba'i bshes la bsten pa mdor bstan to/ /grub ba kun thob 'gro ba snying rje can zhes bya ba la/ gzhan yang tshad med ba bzhi byams pa dang/ snying rje dang/ dga' ba dang/ btang snyoms kyi sgo nas sems can la phan btags na grub ba kun
 thob bar 'gyur te/ grub pa kun ni bdag gi don grub pa dang/ gzhan gyi don grub pa dang/ de la sangs rgyas la mchod ba dang/ dge ba'i bshes gnyen la bsten pas ni bdag gi don grub pa 'thob bo/ /tshad med pa bsgoms pas ni gzhan
 gyi don grub pa thob bo/ /go rim dang yon tan bstan to zhes bya ba la/ dngos po chen pos sangs rgyas la mchod pa dang/ dge ba'i bshes gnyen la bsten pa dang/ tshad med ba sgoms bas ni go rims bstan to/ /bdag dang gzhan gyi don grub
 pas ni yon tan bstan to/ /dngos po chen pos rtag tu gus par rab tu mchod pa zhes bya ba la/ /dngos po chen pos rtag tu mchod pa dang/ gus pas rtag tu mchod pa zhes bya ba sbyar te/ dngos po chen pos mchod pa ni rnyed pa dang bkur stis mchod pa
 bstan to/ /grub? pas mchod pas ni sgrub pas mchod ba bstan to/ /mchod pa dang/ bsten pa dang/ tshad med pa'i skabs bshad pa rdzogs so// //do che ba rnam par dbye ba'i tshigs su bcad pa bcu drug ste zhes bya ba la/ mchod
 ba dang bsnyen pa dang tshad med pa'i skabs bshad pa'i 'og tu ngo tsha ba dang brtan pa la sogs pa'i skabs bshad bar 'brel ba ci yod ce na/ /'di ltar mchod pa dang bsnyen pas bdag la phan bar bya ba'i phyir zhugs/ tshad med pas gzhan la
 phan par bya ba'i zhugs ba des bdag dang gzhan gyi don rdzogs shing mthar phyin par bya ba'i phyir de dang rjes su mthun pa'i lam bsgom dgos pas na tshad med pa la sogs pa'i 'og tu ngo tsha shes pa la sogs pa byang chub kyi phyogs kyi chos rnams
 bshad par 'brel to/ /de yang bslab pa'i dmigs pa dang/ rnam ba dang/ rang bzhin dang/ khyad par rnams kyis byang chub sems dpa' rnams kyi rjes su mthun pa'i bslab pa'i lam bstan te/ de la dang po ngo tsha shes ba nas brtsams nas gang
 zag la bdag med pa'i skabs kyi bar du thams cad kyang byang chub kyi phyogs kyi chos yin par rig par bya'o/ /ngo tsha la sogs pa'i phyogs spangs pa dang zhes bya ba la sogs pa'i tshigs su bcad pa gcig gis ngo tsha shes pa'i rang bzhin dang/ grogs
 dang/ dmigs pa dang/ las phun sum tshogs pa'i sgo nas/ ngo tsha shes pa'i mtshan nyid bstan to/ /de la ngo tsha shes pa dang khrel yod pa'i mi mthun pa'i phyogs ni ngo tsha mi shes pa dang khrel med pa ste/ de gnyis spangs na ngo tsha shes pa dang/ khrel
 yod pa'i rang bzhin du 'gyur bas na 'dis ni rang bzhin bstan to/ de la ngo tsha? shes ba'i mtshan nyid ni byang chub sems dpa' bdag la bltos nas byang chub sems dpa' i spyod pa ma yin pa nyan thos la sogs pa'i chos spyod pa
 ni byang chub sems dpa' chi ma yin no snyam nas theg pa de dag la mi 'jug pa ni ngo tsha shes pa'o/ /khrel yod pa'i mtshan nyid ni byang chub sems dpa' bslab pa ma yin pa nyan thos kyi bslab pa la zhugs na skyes bu dam pa byang chub sems
 dpa' gzhan dag gis kyang smod bar 'gyur ro snyam nas nyan thos la sogs pa'i theg pa las mi 'jug pa ni khrel yod pa zhes bya'o/ /rnam par mi rtog ye shes ldan zhes bya ba la/ grogs bstan de/ de la sems can dang/ bdag
 dang/ ngo tsha shes pa dang/ khrel yod pa'i chos rnams yod par ma mthong zhing de de dag la yod par ma dmigs pa ni rnam par mi rtog pa'i ye shes zhes bya ste/ ldan zhes bya ba ni byang chub sems dpa' i ngo tsha shes pa dang khrel yod pa de
 ye shes dang grogs zhes bya ba'i don to/ /ngan cing sdig ba med pa'i yul zhes bya bas dmigs pa bstan te/ ngan cing sdig ba med pa'i yul ni nyan thos dang rang sangs rgyas kyi theg pa la bya ste/ theg pa chen po la bltos nas bdag gi don
 tsam byed kyi sems can thams cad kyi don mi byed pas na ngan pa zhes bya la/ khams gsum du skye ba'i las mi rtsom gyi/ khams gsum las byung las rtsom ste/ /kha na ma tho ba med pas sdig pa med pa'i yul zhes bya ste/ nyan thos dang rang
 sangs rgyas kyi theg pa bdag gi don du zhugs pa de byang chub sems dpa' sgrub cing spyod na des ngo tsha shing khrel ba zhes bya ba yin no/ /sems can sbyin byed brtan pa rnams zhes bya ba la/ ngo tsha ba dang khrel ba des sems can theg pa gsum du bkod
 nas smin par byed de de ni las so/ /de ltar na brtan pa byang chub sems dpa' rnams kyi ngo tsha ba dang khrel yod pa'i mtshan nyid ni de lta bu yin no zhes bya ba'i don to/ /des byang chub sems dpa' ngo tsha byed do/ /zhes bya ba la/ byang chub sems dpa' nyan
 thos dang rang sangs rgyas kyi theg pa sgrub na de nyid kyis ngo tsha ba dang khrel bar 'gyur ba yin no zhes bya ba'i don to/ /ngo tsha de nyid la gzhan rnams rab tu 'god pa yin no zhes bya ba la/ sems can yongs su smin par byed pa'i don 'chad de/ byang chub sems?
 dpa' ngo tsha bar bya ba'i yul nyan thos dang rang sangs rgyas kyi theg pa de nyid la sems can 'god par byed pa ni sems can yongs su smin par byed pa zhes bya'o/ /yang na ngo tsha bar byed pa'i gnas nyan thos dang rang sangs rgyas kyi theg pa la sems can mi
 'god kyi/ theg pa chen po la sems can rab tu 'god na sems can yongs su smin bar byed ba yin no/ /pha rol phyin drug mi mthun 'phel/ /de yi gnyen po 'grib pa la/ /byang chub sems dpa' rnams dag ni/ /mi bzang ngo tsha skyed pa byed/ ces
 bya ba 'dis 'phel ba dang 'grib pa la ngo tsha ba bstan to/ /pha rol tu phyin pa rnams kyi mi mthun pa'i phyogs ni ser sna nas 'chal pa'i shes rab kyi bar du ste/ de dag 'phel zhing rgyas bar 'gyur ba byang chub sems dpa' shin tu ngo tsha ba skyes te/ des ni
 'phel ba la ngo tsha yod/ ser na la sogs pa'i gnyen po ni sbyin pa'i pha rol tu phyin pa nas shs rab kyi pha rol tu phyin pa'i bar drug ste/ de dag 'gribs shing nyis par 'gyur na byang chub sems dpa' rnams shin tu ngo tsha bar 'gyur te/ 'dis ni 'gri bar yod
 tsha ba'o/ /pha rol phyin pa drug rnams la/ /goms par bya phyir le lo dang/ /nyon mongs chos mthun sbyor ba la/ /brtan pa rnams ni ngo tshar byed ces bya ba 'dis sbyor ba dang/ mi sbyor ba la ngo tsha bar bstan te/ pha rol tu phyin pa drug rnams la goms par bya ba
 ni pha rol tu phyin pa drug rnams la bsgom par bya ba ste/ pha rol tu phyin pa drug la ni ltar bsgom par bya ba ni pha rol tu phyin pa drug bsgom pa rnam par dbye ba'i skabs su bshad pa bzhin no/ /'di ltar pha rol tu phyin pa rnams
 bsgom shing goms par bya ba la/ le lo'i dbang du byas nas sgom pa la mi sbyor na/ brtan pa byang chub sems dpa' rnams ngo tsha bar byed de/ 'di ni mi sbyor ba la ngo tsha ba'o/ /'dod chags dang zhe sdang la sogs pa'i nyon mongs pa rnams skye ba dang
 rjes su mthun pa'i chos mig gi dbang po nas yid kyi dbang po'i bar du dbang po'i sgo mi sdom zhing 'dod pa lnga'i yul la 'jug pa sbyor na byang chub sems dpa' rnams ngo tsha ba ste/ 'di ni sbyor ba'i ngo tsha ba'o/ /mnyam par ma bzhag rang bzhin
 dang/ /mgo ma'i sa dang 'bring gnyis dang/ /bsam pa ngan dngang can dang/ /chung dang gzhan ni de las lhag /ces bya ba 'dis/ ngo tsha ba chud du'i rang bzhin dang/ /chen po'i rang bzhin bstan te/ mnyam par ma bzhag pa'i sa ba 'dod
 pa'i khams kyi ngo tsha ba dang khrel yod pa thams cad ni chung dud? bzhag go /sa gong ma gong ma rnams las bltos nas sa 'og ma 'og ma rnams kyi ngo tsha ba dang khrel yod pa yang chung dud bzhag go /sa dang po la bltos nas mos pas spyod pa'i sa
 pa'i ngo tsha ba dang khrel yod ba chung dud bzhag go /de bzhin dus gnyis pa la bltos nas sa dang po'i ngo tsha ba dang khrel yod ba rnams chung dur bzhag ste/ de bzhin du sa gong ma rnams la yang sbyar ro/ /gzugs dang gzugs med pa'i khams mnyam
 par bzhag pa'i sa la yang ngo tsha ba dang khrel ba chung ngu dad 'bring bo dang/ chen po rnam pa gsum yod pa las/ chung du dang 'bring po yang chung dur bzhag go /nyan thos dang rang sangs rgyas lta bu bsam ba ngan pa'i rgyud la yod pa'o ngo tsha ba dang khrel ba yang
 chung ngur bzhag ste/ de dag gi ngo tsha ba dang khrel yod pas bdag gi don tsam las mi grub pa'i phyir ro/ /sa dang po nas sa bdun ma chad kyi nga rgyal dang bcas pa'i ngo tsha ba dang khrel yod pa yang chung dud bzhag ste/ nga rgyal dang bcas pa zhes bya ba ni rtsal
 'bad dang bcas zhes bya ba'i don to/ /ni zhes bya ba'i don ni gong ma las bzlog pa zhes bya ba'i don to/ /de las lhag ces bya ba ni gong ma las bzlog na chen por 'gyur te zhes bya ba'i don to/ /ji ltar chen por 'gyur zhe na/ mnyam par ma
 bzhag pa'i sa pa thams cad chung ngu'i nang du bsdud dang mnyam par bzhag pa'i sa ba thams cad chen por 'gyur ro/ /sa 'og ma thams cad chung dud bzhag dang sa gong ma thams cad chen por 'gyur ro/ /mnyam par bzhag pa'i sa pa yang chung du dang 'bring
 po ctshur du'i ngan du bzhag dang mnyam par bzhag pa'i sa pa'i ngo tsha ba dang khrel yod pa chen po chen por 'gyur ro/ /bsam pa ngan pa'i ngo tsha ba dang khrel yod pa chung du'i nang du bzhag dang bsam pa chen po byang chub sems dpa' dang sangs rgyas kyi ngo
 tsha ba dang khrel yod pa chen por 'gyur ro/ /sa bdun man chad nga rgal dang bcas ba chung dud bzhag dang sa brgyad pa yan chad mi skye ba'i chos la bzod pa thob ste/ ngo tsha ba dang khrel yod pa rtsal 'bad med bar lhun gyis grub par 'byung bas na chen por 'gyur
 ro/ /'di man chad tshigs su bcad pa bzhi dang gsum gyis rigs bzhin du zhes bya ba la sogs pa la/ tshigs su bcad pa bzhis ni ngo tsha ba'i mi mthun pa'i phyogs dang ngo tsha ba'i nyes pa bstan to/ /tshigs su bcad pa gsum gyis ni ngo tsha ba'i yon tan gyi
 bye brag bstan to zhes bya ba'i don te/ blo ldan ngo tsha med pa ni/ /tshul bzhin min pas nyon mongs bzod/ /ces bya ba la sogs pa'i tshigs su bcad pa gcig gis bdag la gnod pa dang/ sems can la gnod pa dang/ gnyi ga la gnod pa bstan to/
 de la blo dang ldan pa'i byang chub sems ba ngo tsha ba med par gyur pa dang khrel med par gyur na srog gcod pa dang/ ma byin bar len ba la sogs pa'i tshul bzhin ma yin pa'i chos dag yod de/ nyon mongs pa
 rnams byung ba la bzod par byas pa'i sdig pa'i chos mi spong zhing srog gcod pa dang/ ma byin par len ba la sogs pa'i lam byas na bdag la gnod par 'gyur te/ ji lta zhe na/ /de'i rkyen gyis tshe 'dir yang gsang ba dang bcing pa la
 sogs pa'i gnod pa byung la/ tshe rabs gzhan du yang sems can dmyal ba la sogs par skye bar 'gyur te/ /'dis ni bdag la gnod pa bstan to/ /khong khro zhes bya bas gzhan la gnod pa bstan to/ /ngo tsha ba dang khrel med
 par gyur dang/ khong khro ba dang 'dod chags kyi sgo nas sems can gzhan gyi srog gcod cing gzhan gyi nor la ma byin par len pas sems can la gnod do/ /btang snyoms nga rgyal gyis zhes bya ba la/ btang snyoms dang nga rgyal gnyis
 kyi ni gnyi ga la gnod de de bas na/ sems can dang ni tshul khrims gnod/ ces bya ba smos so/ /de la btang snyoms kyis ni sems can gyi don la bag med de sems can dag yal par 'dod bas na sems can la gnod do/ /nga rgyal
 gyis kyang gdol pa la sogs ba sems can dman pa rnams dge ba la dgong pa mi byed cing shes pa cing zad tsam yod kyang nga rgyal gyi dbang du song bas gzhan la mi 'chad la/ grong dang ljongs la sogs pa de dang de dag tu song ste/ sems
 can gyi don mi byed pas na sems can la gnod do/ /btang snyoms dang nga rgyal gyis bdag la yang gnod de/ ji ltar zhe na/ btang snyoms kyis bdag nyid dge ba'i chos la 'jug par bya ba la yal bar 'dor zhing mi dge ba'i chos spang bar bya
 ba la/ yang yal bar 'dor bas/ tshul khrims nyams bas bdag la gnod pa dang/ /nga rgyal gyis dge ba'i bshes gnyen gyi drung du nye bar mi 'gro zhing dam pa'i chos la sogs pa ma byed pas/ bya ba dang mi bya ba'i dmigs mi shes pa'i phyir
 mi bya ba dag byas ba dang/ bya ba dag ma byas pa'i sgo nas tshul khrims nyams par 'gyur te/ de ltar bdag la gnod par 'gyur ro/ /'gyod? las gdung dang bcas par 'gyur zhes bya bas bdag la smod par bstan te/ gong du bshad
 pa bzhin du/ ngo tsha ba dang khrel med bar byung nas 'dod chags dang zhe sdang la sogs bas srog gcod ba la sogs ba'i las byas na/ las byas pa'i 'og tu bdag gis ni ngan song du skye bar 'gyur ba'i las mi cha ba ? byas so zhes
 sems la gnod pa dang/ gdung ba skye bar 'gyur zhing bdag ni tha shal lo zhes bya ba dag la bdag smod par byed do/ /mchod pa thob par mi 'gyur dang zhes bya bas/ gzhan gyis smod par byed pa bstan to/ /de ltar sdig ba'i chos dag
 spyad pa dang/ grong dang mi dang/ sbyin bdag la sogs pa yang gang zag 'di la ni rnyed ba dang/ bkur sti la sogs ba sbyin par mi rigs te/ 'di ni sdig ba'i chos can yin gyi bsod nams kyi zhing ma yin no zhes rnyed pa la sogs pa mi ster
 cing mi snyan par grags ba'i phyir ro/ /dang can mi min tshogs chen gyis zhes bya bas lhas smod pa bstan te/ tshul khrims nyams par byed na sngon tshul khrims srung bar byed pas na lha dad pa can rnams bdag la srung bar byed pa de dag kyang de phan
 tshun? 'di ni tshul khrims 'chal pas shi ba'i ngo dang 'dra'o zhes srung bar mi byed cing rgyab kyis lta bar byed pa'i phyir ro/ h/de'i phyir ston pas btang snyoms 'jog ces bya bas ton pas smod pa bstan te/ de ltar tshul khrims nyams par gyur
 bas na sangs rgyas bcom ldan 'das rnams kyis kyang gang zag 'di ni nyes pa byed pa ste/ dung gi sgra skad kyi spyod pa 'dzin pa de bzhin gshegs pa'i bstan pa la gnod pa du ma gyur pa yin no zhes sngon
 bslab pa ma nyams pa'i tshe dgongs pa la de phan chad mi dgongs shing btang snyoms su 'dor bar 'gyur ro/ /chos mthun rgyal ba'i sras rnams kyis/ /smad dang zhes bya bas/ mkhas pa tshangs ba mtshungs par spyod pa rnams kyis smod par bstan te/
 bslab pa nyams pa de la sde snod gsum la mkhas pa de bzhin gshegs pa'i sras su gyur ba'i byang chub sems dpa' i mtshungs par spyod pa rnams kyis kyang bdag cag gi grogs po 'di ni sdig pa'i lam du zhugs pa'i de bzhin gshegs pa'i
 gsung rab kyi bslab pa las nyams pa yin no zhes smod cing 'dul ba dang gzhung las 'byung ba bzhin du bskrad pa la sogs pa'i las kyang byed do/ /'jig rten mi snyan sgrogs zhes bya bas phyogs dang phyogs mtshams su yang sdig ba mi snyan par
 grags par 'gyur ba bstan te/ bslab pa nyams pa'i gang zag de la kun gyis kyang mi snyan par sgrogs par 'gyur te/ phyogs bcu kun tu yang gang zag che ge mo zhig ni sdig pa mi dge ba'i chos 'di lta bu dag byed pa yin no zhes 'jig rten
 ba kun 'phya zhing smod par byed pa'i phyir ro/ /'di yan chad kyis tshe 'di la kha na ma tho ba skye bar 'gyur ba bstan to/ /gzhan yang phyir zhing mi khom skye bar 'gyur zhes bya bas tshe phyi mar kha na ma tho ba skye bar bstan te/ tshe 'dir kha na ma thob skye
 bar yang ma zad tshe rabs gzhan du gar skyes gar skyes kyang sems can dmyal ba la sogs pa mi khom pa brgyad kyi gnas su skye bar 'gyur te/ de ni tshe phyi mar kha na ma tho ba 'phel ba yin no/ /dge ba yi ni chos rnams kyang/ /thob dang ma thob nyams bar
 'gyur zhes bya bas tshe 'di dang phyi mar kha na ma tho ba skye bar bstan to/ /ngo tshe ba med pa'i gang zag gis srog gcod pa la sogs pa'i las byas na sngon dang pa dang tshul khrims la sogs pa'i dge ba'i chos yod pa yang med par 'gyur te/ de ni dge ba'i chos thob
 pa las nyams pa'o/ /tshe phyi mar yang dad pa dang tshul khrims la sogs pa'i dge ba'i chos thob par 'gyur ba yang mi thob bar 'gyur te/ de ni dge ba'i chos ma thob pa las nyams pa'o/ /de'i phyir sdug bsngal gnas pa dang/ /yid la mi bde gnas
 pa 'thob ces bya ba la/ de ltar bdag la gnod pa dang/ sems can la gnod pa dang/ gnyi ga la gnod ba dang/ tshe 'dir kha na ma tho ba skye ba dang/ tshe 'di dang phyi ma gnyi kar kha na ma tho ba skyes pas rtag tu yang lus sdug bsngal bar gnas pa dang
 sems sdug bsngal bar gnas pa thob bar 'gyur ro/ /de la mig gi rnam par shes ba nas lus kyi rnam pa shes pa'i bar du rnam par shes ba lnga'i tshogs kyis mi bde ba myong par ni sdug bsngal ba zhes bya'o/ /yid kyi rnam ba la mi bde ba myong ba ni yid mi
 bde ba zhes bya ba ste/ 'di yan chad kyis ngo tsha ba dang khrel pa'i mi mthun pa'i phyogs dang nye bar bstan to/ /nyes pa 'di dag thams cad ni/ /khrel ldan rgyal sras rnam mi 'byung zhes bya ba la/ gong du bstan pa'i nyes pa dag la gnod pa byas pa nas yid la
 mi bde bar gnas bar thob bde dag thams cad khrel ba dang ngo tsha ba dang ldan pa'i byang chub sems dpa' la mi 'byung ste/ de ni ngo tsha ba'i yon tan no/ /mkhas pa mi dang lha rnams su/ stag tu legs par skye bar 'gyur zhes bya ba la/ ngo tsha ba dang ldan zhing khrel
 yod pa'i byang chub sems dpa' de tshe rabs gzhan du yang lha dang mi'i nang du skye bar 'gyur te/ de ni rnam par smin pa'i 'bras bu'o/ /blo ldan byang chub tshogs de na/ /khral las myur du rdzogs par 'gyur zhes bya ba la/ blo dang ldan pa'i byang
 chub sems dpa' khrel pa dang ldan zhing ngo tsha ba yod pa ste/ khrel ba dang ngo tsha ba'i dbang gis bsod nams dang ye shes kyi tshogs myur du rdzogs par 'gyur te/ de ni bdag po'i 'bras bu'o/ /sems can rnams ni smin
 bya la/ /rgyal sras mnyam pa med par 'gyur zhes bya ba la/ ngo tsha ba dang khrel yod pa'i byang chub sems dpa' i tshe rabs gang skyes na yang theg pa gsum du sems can 'god cing smin par bya ba la skyo ba med de/ de ni skyes bu'i rtsal gyi 'bras
 bu'o/ /de ni mi mthun gnyan po dang/ /bral dang ma bral rtag tu skye zhes bya ba la/ khrel yod pa dang ngo tsha ba'i mi mthun pa'i phyogs ni ngo tsha med cing khrel med pa ste/ tshe rabs thams cad du ngo tsha ba dang ldan pa'i byang chub sems dpa' ni khrel med cing ngo tsha mi
 shes pa dang bral bar 'gyur te/ /de ni bral ba'i 'bras bu'o/ /khrel med cing ngo tsha pa med pa'i gnyen po ni khrel yod pa dang ngo tsha ba yod pa ste/ tshe rabs thams cad du khrel yod pa dang ngo tsha yod pa dang mi 'bral bar 'gyur te/ de ni rgyu mthun pa'i
 'bras bu'o/ /yon tan ngo tsha thob gyur pa/ /de ni rgyal ba'i sras rnams so zhes bya bas ngo tsha ba'i yon tan mdor bsdus nas bstan te/ ngo tsha pa dang ldan pa'i rgyal ba'i sras rnams ni gong du bshad pa'i nyes pa thams cad kyang mi 'byung la/ rnam par
 smin pa'i 'bras bu la sogs pa 'bras bu lnga'i yon tan yang 'thob par 'gyur ro zhes bya ba'i don to/ /byis pa rnams ni gos g.yogs kyang/ /ngo tsha ba dang bral bas na/ /nyes pas dri ma can du byas zhes bya ba la sogs pa tshigs su bcad pa
 rkang pa lngas/ /so so'i skye bo rnams ngas rang snam bu la sogs pa'i gos pas byang chub sems dpa' i ngo tsha ba dang khrel yod pa'i gos khyad zhugs pa bstan te/ byis pa so so'i skye po rnams lus mi mdzes pa spa ba dang/ lus la rdul la sogs
 pas mi gos par bya ba'i phyir gos gyis g.yogs shing dkris pas phyi'i dri mas mi gos su zin kyang/ ngo tsha ba cing khrel med pas na nang gi sems la 'dod chags la sogs pa'i dri mas dri ma can du byas pas na lus dri ma med pa ma yin no zhes bya
 pa'i don to/ /rgyal sras gos ni ngo tsha bas/ /g.yog pa med kyang nyes dri bral zhes bya ba la/ rgyal ba'i sras byang chub sems dpa' rnams kyi gos ni ngo tsha ba dang khrel yod pa ste/ de dag ting nge 'dzin bsgoms pa'i dus na bgo ba bzang po med de
 phyags pa khrod kyi tshem bu la sogs pa bgos kyang ngo tsha ba dang khrel yod pas g.yogs pa'i phyir/ 'dod chags dang zhe sdang la sogs pa dang/ srog gcod pa dang ma byin par len pa la sogs pa'i dri mas ma gos pas na dri ma med pa zhes bya'o
 'di las gzhan pa'i gos kyis g.yogs kyang zhes bya ba la sogs pa'i tshigs su bcad pa 'di'i don ni so so'i skye bo dag ngo tsha ba dang khrel yod pa'i gos las gzhan pa'i snam bu la sogs pa'i gos kyis g.yogs te/ rdul la sogs pa'i phyirI dri
 mas mi gos kyang/ ngo tsha ba dang khrel yod ba dang bral ba'i phyir rtag tu 'dod chags dang zhe sdang la sogs pa'i nang gi dri ma can du 'gyur ro zhes bya ba'i don to/ /khrel yod rgyal sras nam mkha' bzhin/ /chos kyi gos pa med par 'gyur zhes bya ba
 'dis ni ngo tsha ba dang khrel yod pa nam mkha' dang 'dra bar bstan te/ dper na nam mkha' rang bzhin gyis dag pas sprin dang khug rna la sogs pa'i dri mas mi gos pa bzhin du/ ngo tsha ba dang khrel yod pa'i chos kyang rang bzhin gyis nam mkha' bzhin
 du dag pa'i rang bzhin yin pas/ khrel yod pa dang ngo tsha ba shes pa dang ldan pa'i byang chub sems dpa' yang bsod snyoms la sogs pa spyod pa'i dus na rnyed pa dang ma rnyed pa dang/ grags pa dang ma grags pa la sogs pa 'jig rten gyi chos brgyad
 kyis ma gos te/ rnyed na yang dga' ba mi skye/ ma rnyed na yang mi dga' ba mi skye ba'i phyir ro/ /sten cing 'grogs pa'i rgyal sras rnams/ /ngo tshas brgyan pa mdzes pa bzhin zhes bya ba 'dis ngo tsha ba dang khrel
 yod pa rgyan dang 'dra bar bstan te/ dper na skye bo la la zhig rgyan rnam pa sna tshogs kyis brgyan te grogs sam 'gro ba mang po'i nang du mdzes pa bzhin du/ byang chub sems dpa' i khrel yod pa dang ngo tsha ba'i rgyan gyis brgyan pa de yang rgyal ba'i sras dang
 gi grogs su gyur pa byang chub sems dpa' i tshogs kyi dbus su sor na mdzes ba dang bzang bar snang ngo zhes bya ba'i don to/ /ma bzhin byams pa 'dul pa la/ /khrel yod byang chub sems dpa' rnams zhes bya ba 'dis/ khrel yod pa dang ngo tsha
 ba 'jig rten gyi ma dang 'dra bar bstan te/ dper na 'jig rten gyi ma bu la byams pa dang gces pa dang sdug par byed de bu btang snyoms su mi 'dod pa bzhin du/ /ngo tsha ba dang khrel yod pa'i byang chub sems dpa' yang sems can thams cad la bu dang 'dra
 bar byams pa dang gces pa dang phangs pa byed de sems can yal bar mi 'dor zhes bya ba'i don to/ /bskyab par rigs pa'i sems can rnams btang snyoms su byed na ngo tsha bar 'gyur ro zhes bya ba la/ ngo tsha ba dang khrel yod pa ma lta bur bzhag pa ni
 gal te sems can rnams 'khor ba'i sdug bsngal las bskyab cing bsgral ba'i rigs pa dang btang snyoms su bor te bsgral na byang chub sems dpa' ngo tsha ba skye bar 'gyur te/ de bas na btang snyoms su mi 'dor ba'i phyir ma dang 'dra'o zhes bya ba'i don
 to/ /'khor ba'i nyes pa thams cad las/ khrel yod pa na srung bar byed ces bya ba 'dis/ ngo tsha ba dang khrel yod pa rta dang glang po la sogs pa lta bur 'gyur ba bstan te/ dper na rta dang glang po che dang dpung bu tshung la sogs pa dmag gi
 tshogs kyis rgyal srid dang yul phyogs dgras mi 'phrogs par srung bar byed pa de bzhin du/ /byang chub sems dpa' i ngo tsha ba dang khrel yod pa'i dmag gis kyang 'khor ba na sems can gyi don byed pa'i tshe 'dod chags la sogs pa'i nyon mongs
 pa'i dgra'i dbang du mi 'gyur bar srung bar byed do/ /gos la sogs pa'i dpe 'di rnams kyis ni zhes bya ba la/ gos kyi dpe dang/ nam mkha' i dpe dang/ rgyan gyi dpe dang/ ma'i dpe dang/ rta dang glang po'i dpe lngas ni ngo tsha ba dang khrel ba'i
 don rnam pa lnga byed par bstan to zhes bya ba'i don to/ /gnas pa la nyon mongs pa'i gnyen po dang zhes bya ba la/ gnas pa ni skyil mo krung bcas nas rnal 'byor yid la byed pa bsgom pas bya ste/ gos kyi dpes ni byang chub sems
 dpa' rnal 'byor yid la byed pa'i bsgom pa'i tshe na ngo tsha ba dang khrel yod pa'i chos nyon mongs pa rnams skye ba'i gnyen po byed par bstan to/ /spyod pa la 'jig rten pa'i chos kyi gnyen po dang zhes bya ba la/ spyod pa ni grong du bsod snyoms len pa
 la sogs pa la bya ste/ nam mkha' i dpes ni ngo tsha ba dang khrel yod pa de bsod snyoms la sogs pa spyod pa'i dus na rnyed pa dang ma rnyed pa la sogs pa'i 'jig rten gyi chos brgyad kyis mi gos pa'i gnyen por 'gyur bar bstan to/ /chos can
 gnas mthun pa dang zhes bya ba la/ chos can gyi chos mthun pa'i byang chub sems dpa' i grogs la bya ste/ rgyan gyi dpes ni ngo tsha ba dang/ khrel yod na byang chub sems dpa' i tshogs kyi nang na gnas kyang de dag dang spyod pa mthun zhing mdzes par gnas
 pa bstan to/ /sems can yongs su smin par mthun pa dang zhes bya ba la/ ngo tsha ba dang khrel yod pa de sems can yongs su smin pa dang mthun par bstan to/ /dper na mas bu yal bar mi 'dor ba bzhin du ngo tsha ba dang khrel yod pa ldan par
 'gyur na yang sems can yal bar mi 'dor ba'i phyir ro/ /nyon mongs pa med par 'khor ba dang mthun par zhes bya pa la/ /rta dang glang po'i dpon sems can gyi don 'khor bar 'zug? kyang 'khor ba na nyon mongs pa
 med bar goms pa bstan te/ dper na glang po la sogs pas yul srung bar byed pa bzhin bu khrel ba dang/ ngo tsha bas zin na 'khor ba na gnas kyang byang chub sems dpas 'dod chags la sogs pa'i nyon mongs bas mi gos bar srung bar
 byed pa'i phyir ro/ /kun la bzod par mi 'gyur dang/ /kun la bzod cing 'jug pa dang/ /thams cad la yang 'jug pa ste/ /khrel yod ngo tshas bskyed pa'i mtshan zhes bya ba 'dis khrel yod pa dang ngo tsha ba las mtshan ma rnam pa bzhi skye ste/
 mtshan ma rnam pa bzhi snang na byang chub sems dpa' khrel ba dang ngo tsha ba'i chos yod par rig par bya bar bstan to/ /de la mi mthun pa'i phyogs khrel med pa dang ngo tsha ba med pa dang/ /'dod chags dang zhe sdang la sogs pa'i nyes pa sems la byung na bzod
 par mi byed de myur du spong bar byed de/ de ni mtshan ma gcig go /sbyin pa dang tshul khrims la sogs pa'i yon tan sems la 'byung na bzod cing sems la 'jog par byed de/ 'di ni mtshan ma gnyis pa'o/ /phyis kyang sdig pa mi
 dge'i chos thams cad la mi 'jug mi byed de/ de ni mtshan ma gsum pa'o/ /dge ba dang yon tan gyi chos mi bsgrubs pa rnams la sgrub cing 'jug par byed de/ 'di ni mtshan ma bzhi pa ste/ ngo tsha ba dang khrel yod pa las skyes
 pa'i mtshan ma bzhi snang na ngo tsha ba dang khrel yod pa thob par rig par bya pa yin no/ /khrel yod bsgom pa gtso bo dang/ /bdag sems c hos la mos pa dang/ /bsam pa dang ni sbyor ba dang/ /rtog pa mang dang gcig ba las zhes bya ba'i tshigs
 su bcad ba 'dis khrel yod pa dang ngo tsha shes pa la ji ltar bsgoms na bsgom pa dam pa dang gtso bor bsgom pa yin pa de bstan te dper na sangs rgyas bcom ldan 'das la yang dri dang/ phreng ba dang byug pa la sogs pa phyi'i dngos pos mchod pa bas/ nyan
 pa dang sems la sogs pa sems kyis mchod pa dam ba yin pa bzhin du/ sems can gzhan gyis skyon btags su dogs nas gzhan la bltos te ngo tsha pa skye ba ni mchog ma yin gyi/ bdag gis sems nyid la bltos nas bdag gis bdag khrel
 pa bsams te ngo tsha shes pa skyes pa na ngo tsha bsgoms pa bsgom ba mchog tu bzhag pa'o/ /sems kyis ngo tsha bsgoms pa yang rnam pa lnga ste/ chos la mos pa dang/ bsam pa dang/ 'byor pa dang/ rtog pa med pa dang bya ba gcig par gnas pa'i/
 de la chos la mos pa ni ngo tsha ba dang khrel yod pas yang dag par bsdus pa'i theg pa chen po'i chos la mos shing dad pa ste/ de ltar bsgoms pa yang bsgom pa'i mchog tu bzhag go /bsam pa rnam pa dgu ste/ ro myang ba dang/ rjes su yi rang ba
 dang/ mngon par dga' ba dang/ chog mi shes pa dang/ spangs pa dang/ dga' ba dang/ gna' dags pa dang/ nyon mongs pa med pa dang/ dge ba'i bsam pa ste/ de ltar bsgom pa yang bsgom pa'i mchog tu bzhag go /'byor pa ni/ sa brgyad pa
 la zhugs pa'i byang chub sems dpa' rnams brtsal ba dang 'bad pa med par ngo tsha pa dang khrel ba yod pa lhun gyis grub bar 'byung ste/ de ltar bsgom pa yang bsgom pa'i mchog tu bzhag go /rtag ba med pa ni ngo tsha bar bya ba'i gnas sems can dang/ ngo tsha bar
 byed pa byang chub sems dpa' dang/ ngo tsha ba'i chos gsum char yod par mi rtog ste/ de ltar bsgom pa yang bsgom pa'i mchog tu bzhag go /bya ba gcig ba ni sa brgyad pa la zhugs pa'i byang chub sems dpa' rnams gcig gis ngo tsha ba dang khrel yod pa'i
 chos bsgoms na gzhan gyis kyang bsgoms pa yin te/ de ltar bsgom pa yang bsgom pa'i mchog tu bzhag go /brtan pa rnam par dbye ba'i tshigs su bcad pa bdun te zhes bya ba la/ ngo tsha ba'i skabs kyi 'og tu brtan pa
 rnam par dbye ba'i skabs bshad par 'phel ba ci yod ce na/ byang chub kyi phyogs kyi chos sum bcu rtsa bdun bsgom ba dang/ rjes su mthun pa'i chos rnams kyi gtso bo ni ngo che shes pa'o/ /de ltar ngo tsha shes pa dang ldan pa'i byang chub sems dpa' 
 bsgom pa la zhugs pa na/ le lo dang/ g.yeng ba dang/ 'chal pa'i shes rab gsum gyis nyon ma mongs pa'i brtson 'grus dang/ ting nge 'dzin dang/ shes rab kyi chos gsum brtan pa dang dpa' ba zhes bya ba 'byung ste/ brtan ba de yang
 ngo tsha shes pa las 'byung zhing 'grub par 'gyur bas na ngo tsha ba'i rjes la brtan pa'i skabs bshad par 'brel to/ /yang na ngo tsha ba dang/ /brel ba dang ldan ba'i byang chub sems dpa' la 'dod chags dang zhe sdang la sogs pa'i nyon mongs pa'i rlung
 gis bskyod par mi nus par 'gyur te/ de bas na ngo tsha ba'i rjes la brtan pa'i skabs bshad pa 'brel to/ /byang chub sems dpa' i brtan pa ni/ /mtshan nyid dang ni dbye ba dang/ /mi 'gyur ba dang de las gzhan/ /thams cad las mi khyad par
 zhugs zhes bya ba'i tshigs su bcad pa 'dis byang chub sems dpa' i brtan pa rab tu dbye ba'i don mdor bsdus nas ston te/ brtan pa'i skabs 'dir yang byang chub sems dpa' i brtan pa'i don ni rnam pa gsum zhig ston te/ brtan ba'i mtshan
 nyid dang/ brtan pa'i dbye ba dang/ brtan pa'i mig 'gyur ba ste/ de la 'jig rten pa la yang brtan pa yod/ /nyan thos dang rang sangs rgyas la yang brtan pa yod mod kyi/ de dag brtan pa bas kyang byang chub sems dpa' i brtan ba'i mtshan nyid
 dang/ dbye ba dang/ mi 'gyur ba gsum gzhan las 'phags shing khyad zhugs pa yin no zhes bya ba'i don to/ /brtson 'grus ting nge? 'dzin shes rab dang/ /sems pa mi g.yo brtan par 'dod/ /byang chub sems dpa' rnam dag ni/ /'jigs ba med pa gsum
 las 'byung zhes bya ba 'dis mtshan nyid dang mtshan nyid kyi ming gi rnam grangs dang mtshan nyid kyi sgrub pa gsum 'chad do/ /de la brtan pa zhes bya ba yang/ brtson 'grus dang/ ting nge 'dzin dang/ shes rab ste chos de gsum la ming du brtags pa zhes bya'o
 de la dge pa'i chos la sems spro zhing mi ldog pa ni brtson 'grus so/ /'phags pa'i bden pa bzhi bsgom pa'i sems rtse gcig pa dang/ rnam par rtog pa'i rlung gis ma bskyod pa ni ting nge 'dzin to/ /chos rnams kyi rang dang spyi'i mtshan nyid shes
 pa ni shes rab ste 'di ni mtshan nyid kyi mtshan nyid bstan to/ /brtan pa de la ming du lta ba zhes kyang bya/ mi g.yo ba zhes kyang bya/ brtan pa zhes kyang bya ste/ 'dis ni mtshan nyid kyi ming gi rnam grangs bstan to/ /byang chub sems dpa' rnams la brtson 'grus
 dang/ ting nge 'dzin dang/ shes rab kyi tshogs gsum la zhum pa dang/ g.yo ba dang/ gti mug gis 'jig pa gsum la 'jigs pa med pa 'byung ste/ 'dis ni mtshan nyid kyi sgrub pa bstan to/ /'jigs pa med pa gsum la 'jug pa gang zhe na
 zhes bya ba la/ gong du brtson 'grus la sogs pa'i chos gsum gyis chos gsum la 'jigs pa med par 'jug go zhes bshad pa'i chos gsum po gang zhe na zhes bya ba'i don to/ /zhum dang g.yo dang gti mug las/ bya ba rnams la 'jigs pa skye zhes
 bya ba rnam pa gsum gyis ni 'jigs ba skye ste/ zhum pas 'jigs pa skye ba dang/ g.yo bas 'jigs ba skye ba dang/ gti mug pas 'jigS pa skye ba'o/ /de la brtson 'grus med ba na byang chub sems dpa' i bya ba spyod pa rlabs po tshad gal ?
 gis spyad bar mi nus so snyam nas zhum pa la 'jigs ba skye'o/ /sems g.yo bar gyur na sems rtse gcig bar bzhag bar mi nus so snyam nas 'jigs ba skye'o/ /gti mug las 'jigs pa skye ste/ bla na med ba'i byang
 chub thob par bya ba'i thabs mi shes na yang byang chub kyi spyod pa rnams la ji ltar bya gtol med pas 'jigs pa skye bar 'gyur ro/ /de bas rtan pa rnam gsum la/ brtan ba yin bas shes bar bya zhes bya ba la/ de ltar zhum pa la
 g.yo? ba'i 'jigs pa dang/ gti mug gis 'jigs pa mi 'byung ste/ de bas na lhun gyis grub pa rnam ba gsum la byang chub sems dpa' i brtan pa yin bar shes bar bya'o zhes bya'i don to/ /de la brtson 'grus lhun gyis grub bas na zhum
 ba'i 'jigs ba med do/ /ting nge 'dzin lhun gyis grub bas na g.yo ba'i 'jigs pa med do/ /shes rab lhun gyis grub bas na gti mug gi 'jigs ba med do/ /rtag pa ma brtan ba zhes bya'o zhes bya ba'o// brtson 'grus la sogs pa'i
 chos gsum lhun gyis grub pa la ming du brtan pa zhes bya ba'i don to/ /rtag pa ni so so ma brtags pa'o zhes bya ba la/ so sor rtag cing 'ba' mi dgos par chos gsum lhun gyis grub par rtag pa zhes bya'o zhes bya ba'i don to/ /'di yan chad du
 brtan pa'i mtshan nyid bshad do/ /brtan pa'i dbye ba bstan ba'i phyir/ /rang bzhin dang ni smon lam dang zhes bya ba la sogs pa smos so/ /de la brtan pa la dbye na rigs kyis brtan pa nas byang chub dam pa la brten pa'i bar du brgyad
 yod do/ /de la rang bzhin dang ni zhes bye bas rigs kyi brtan pa bstan te/ la la ni brtson 'grus dang/ ting nge 'dzin dang shes rab kyi rigs yod pas zhum pa la sogs pa'i 'jigs pa med cing mi 'gyur ro/ /smon lam dang zhes bya bas sems
 bskyed pas brtan pa bstan te/ /dang po byang chub tu sems bskyed pa nas bdag bla na med pa'i byang chub thob par bya ba dang/ sems can yongs su bsgral bar bya ba la mi ldog cing mi 'gyur bar shog cig ces smon lam btab ba las gar skyes
 kyang mi 'gyur zhing brtan bar 'gyur ba'o/ /chags pa med pa'ang de bzhin te zhes bya bas bdag gi don la brtan ba bstan te/ bdag gi don sgrub pa la lus dang srog btang ba la yang 'jigs ba dang chags ba med bar gtong bas brtan pa'o//
 sems can log par sgrub pa yang zhes bya bas sems can gyi don la brtan pa bstan te/ byang chub sems dpa' sems can gyi don la zhugs pa ni sems can log bar zhugs pa rnams kyis gnod ba rnam ba sna tshogs byas kyang sems can mi
 'khor ba'i phyir ro/ /zab cing zhes bya bas de bzhin nyid kyi don la brtan par bstan te/ ma skyes ma byung ba dang stong pa nyid la sogs pa'i chos zab mo thog pa yang skrag cing dang ba'am? sems ldog pa med pa'i phyir ro/ /rgya che nyan pa dgra zhes bya
 bas mthu la bstan pa bstan te/ stobs dang mi 'jigs pa la sogs pa yon tan rgya chen po dag thob kyang de sgrub par mi nus bo snyam pa'i 'jigs pa mi 'byung ba'i phyir ro/ /'du la ba shin tu gdul dka' dang zhes bya bas sems can yongs su smin par
 bya ba la/ brtan ba bstan te/ 'dod chags dang zhe sdang gti mug chen po'i sems can sus kyang gdul bar mi nus te/ /gdul dka' ba rnams kyang gdul bar mjed cing sems can de dag kyang yal bar mi 'dod ba'i phyir ro/ /bsam gyis mi khyab
 rgyal ba'i sku zhes bya bas byang chub dam pa la brtan pa bstan te/ /sangs rgyas bcom ldan 'das rnams kyi chos kyi sku dang/ longs spyod rdzogs pa'i sku dang/ sprul pa'i sku bsam gyis mi khyab pa'i mtshan nyid bsgrub bar bya
 ba la gyud pa dang log ba med pa'i phyir ro/ /brtan pa'i rnam grangs gzhan yang bstan pa'i phyir/ dka' ba rnam pa sna tshogs dang zhes bya ba la sogs ba smos te/ /dka' ba rnam ba sna tshogs zhes ba bas dka' ba spyod pa la brtan pa bstan to/ /
 bla na med pa'i byang chub bsgrub pa'i phyir grang pa dang/ tsha ba dang/ bskyes pa dang/ skom pa la sogs pa'i sdug bsngal rnam pa sna tshogs byung yang byang chub sems dpa' i spyod pa mi 'dor ba'i phyir ro/ /'khor ba'i mi 'dod te gzhan te zhes bya
 bas bsams bzhin du srid pa skye ba la brtan pa bstan te/ sems can gyi don du sems can dmyal ba'i don dang byol song gi gnas su skye ba la sogs pa yang mi gtong ba'i phyir ro/ /de nyid la ni nyon mongs med/ /ces bya bas nyon mongs med pa la brtan
 pa bstan te/ sems can gyi don du 'khor bar skyes na yang 'khor ba'i nyes pa 'dod chags la sogs pas mi gos shing nyon mongs pa'i bdang du mi 'gyur ba'i phyir ro/ brtan pa'i dbye ba bstan zin to/ /brtan ba'i mi 'gyur ba bstan ba'i phyir/ grogs dan?  sdug
 bsngal? bar thob pas/ /brtan pa 'khrugs bar mi nus pa/ /phye ma leb dang 'dab rlung dang/ rgya mtshos ri rab mi sgul ba gzhin zhes bya ba smos te/ byang chub sems dpa' i brtan pa ni ri rab dang 'dra'o/ /dper na phye ma leb kyis ri rab mi sgul ba bzhin
 du/ brtan pa dang ldan pa'i byang chub sems dpa' de la mi dge ba'i grogs bo ngan pa rnams kyis log pa'i rnam pa du mas bsgyur cing bstan kyang/ byang chub sems dpa' i bstan ba de 'khrugs pa'am bsgyur bar mi nus so/ /dper na nam mkha' lding dang bya
 rnams kyi gshog? pa dang rlung gis ri rab sgul bar mi nus pa bzhin du byang chub sems dpa' i sprad pa spyod pa na grang ba dang tsha ba la sogs pa'i sdug bsngal sna tshogs 'byung yang des 'khrugs par mi 'gyur te/ byang chub sems dpa' i spyod pa
 'dor? bar mi byed do/ /dper na rgya mtshos ri rab mi bsgul ba bzhin du brtan pa dang ldan po'i byang chub sems dpa' de stong ba dang de bdag med pa'i chos zab mo thos kyang 'khrugs par mi 'gyur te/ chos zab mos skrag bar mi 'gyur
 ro/ /mi skyo ba rnam par dbye ba'i tshigs su bcad pa gnyis so zhes bya ba la/ brtan pa'i skabs bshad pa'i rjes la mi sgro?  ba rnam par dbye ba'i skabs bshad pa 'brel ba ci yod ce na/ byang chub sems dpa' brtson 'grus dang ting nge 'dzin
 dang/ shes rab lhan gyis grub ste brtan por gyur na byang chub sems dpa' i spyod pa mang po dang/ dka' bar spyod pa rnam pa sna tshogs kyis skyo bar mi 'gyur te/ de bas na bstan pa'i rjes la mi skyo ba'i skabs bshad bar 'brel to/ /de la tshigs su
 bcad ba gnyis kyi don ni mi skyo ba'i dngos bo dang/ mi skyo ba'i gnas dang/ mi skyo ba'i rang bzhin dang/ mi skyo ba'i rab tu dbye ba'i ste/ don bzhi bstan to/ /byang chub sems dpa' i mnyam med pa/ /dngos bo gsum la skyo ba med/ ces bya ba la/ dngos
 po'i sgra ni yul la bya ste/ byang chub sems dpa' yul la skyo ba med ces bya ba'i don to/ /de la 'jig rten pa dag kyang rang gi bya ba la skyo ba med pa yod pa dang/ nyan thos dang rang sangs rgyas dag kyang rang gi mya ngan las 'das pa thob bar bya ba la skyo ba
 med pa yod mod kyi/ byang chub sems dpa' rnams dngos po gsum la skyo ba med pa ni gzhan bas 'phags pas na mnyam pa med pa zhes bya'o/ /dngos po gsum po gang zhe na/ de'i phyir/ sdug bsngal rab 'grus nyan mi ngoms/ /zhes bya ba smos te/ dngos po
 gsum gyi sdug bsngal gyi dngos po dang/ rab tu 'grus pa'i dngos po dang/ nyan bas mi doms? pa'i dngos po'o/ /de la byang chub sems dpa' sems can gyi don du grang ba dang tsha ba la sogs pa'i sdug bsngal rnam pa sna
 tshogs 'byung yang mi ldog pa ni sdug bsngal gyi dngos bos skyo ba med pa'o/ /bskal pa grangs med pa gsum du gtsub shing gis med byung ba bzhin du/ brtson 'grus rtsom yang brtson 'grus mi gtong ba ni rab tu 'grus pa'i dngos po la mi skyo ba'o
 dge ba'i bshes gnyen de dang de dag thams cad las/ tshod dpon gyi bu nor bzangs bzhin du dam pa'i chos de dang de dag thams cad nyan kyang chog mi shes pa ni nyan pa'i dngos po la mi ngoms shing mi skyo ba ste/ 'di ni skyo ba med pa'i dngos po bstan to//
 khrel yod brtan pa gnas pa dang zhes bya ba la/ gnas zhes bya ba dang rgyu zhes bya ba don gcig ste/ byang chub sems dpa' i skyo ba med pa ni gong du bshad pa'i khrel yod pa dang/ brtan pa gnyis las gnas nas de gnyis las 'byung ste/ des ni mi skyo
 ba'i gnas bstan to/ /byang chub tshe la rab mos pas zhes bya ba la/ mos ba dang 'dod pa don gcig ste/ byang chub sems dpa' i mi skyo ba de nyan thos dang rang sangs rgyas kyi byang chub thob par bya bar 'dod pa mod kyi/ bla na med pa'i byang chub thob par bya bar
 mos shing dang de/ des ni mi skyo ba'i rang bzhin bstan to/ /blo ldan rnams kyi mi skyor 'dod ces bya ba la/ blo ldan ni byang chub sems dpa' ste/ byang chub sems dpa' i mi skyo ba'i dngos po dang gnas dang rang bzhin ni de lta bu yin par 'dod do zhes
 bya ba'i don to/ /ma rdzogs pa dang rdzogs pa dang/ shin tu rdzogs pas rnams la zhes bya ba la/ mos pa spyod pa'i sa yan chad sa bcu man chad na byang chub sems dpa' i skyo ba med pas kha cig na ni ma rdzogs/ sa kha cig na ni rdzogs/
 ? cig na ni shin tu rdzogs par bzhag go /de la mos pas spyod pa'i sa bzhin ni byang chub sems dpa' i mi skyob ma rdzogs pa zhes bya ste/ bdag dang gzhan du mnyam ba nyid ma thob pas skyo ba'i sems skabs 'byung ba'i phyir ro/ /sa dang
 po yan chad sa bdun man chad ni skyo ba med pa rdzogs pa zhes bya ste/ /brtsal 'bad yod kyang bdag dang gzhan du mnyam pa nyid thob pas skyo ba'i sems mi 'byung ba'i phyir ro/ /sa brgyad dang sa dgu dang/ sa bcu pa la ni shin tu rdzogs
 pa zhes bya ste/ /brtsal 'bad med par skyo ba med pa lhun gyis grub pa'i phyir ro/ /'dis ni mi skyo ba'i dbye ba bstan to/ /ngo tsha ba skyes na ngo tsha ba dang brtan pas mi skyo ba'o zhes bya ba la/ skyo ba med pa'i gnas ni khrel yod pa dang brtan pa
 gnyis yin te/ /ji ltar de gnyis skyo ba med pa'i gnas yin zhe na/ /khrel yod pas ni byang chub sems dpa' i spyod pa la skyo pa med na ngo tsha bar byed la/ brtan pas ni skyo ba mi skye bar byed pas na de gnyis gnas su 'gyur/ byang chub che lar pa mos zhes
 bya ba ni rab tu mos pa med pa na skyo bas skyo ba'i phyir ro zhes bya ba la/ byang chub chen po la mos pas skyo ba med pa'i rang bzhin du bshad pa de gal te 'dod pa dang mos pa ni skyo ba med pa'i rgya yin na/ rgya nyid ji ltar rang bzhin du gzhag ce na/ 'di ltar mos
 pa dang 'dod pa med na ni skyo ba skye bar 'gyur la/ bla na med pa'i byang chub tu 'dod pa yod na don skyo ba med cing brtson 'grus te/ de bas na brtson 'grus rtsom pa dang skyo ba med pa'i rgyu mos pa yin pas rgyu la 'bras bur ming btags nas mos pa la skyo ba med pa'i rang
 bzhin du bshad do/ /'dod pa brtson 'grus kyi rgyu yin pas na gtsug lag las kyang/ mos pa ni brtson 'grus kyi gnas kyi sbyin pa'i las can no zhes bshad do/ /gtsug lag shes pa la tshigs su bcad pa la gnyis te zhes bya ba la/ /rig pa'i gnas lnga la 
 thabs ba ni gtsug lag shes pa zhes bya ste/ skyo ba med pa'i skabs kyi 'og tu gtsug lag shes pa'i skabs bshad par 'brel ba ci yod ce na/ de ltar skyo ba med par gyur ba dang/ byang chub sems dpa' de dge ba'i bshes gnyen la
 bsten pa dang/ dam ba'i chos nyan ba la sogs ba gdon mi za ba byed do/ /'di ltar dam ba'i chos nyan na rig ba'i gnas lnga la mkhas bar 'gyur bas skyo ba med pa'i 'og tu gtsug lag shes pa'i skabs bshad bar 'brel to/ /dngos po dang ni ched du dag
 las rnams kyis ni 'phags pa'o/ /mtshan nyid dang ni mi zad dang/ /'bras bu thob pa rnams kyis kyang/ /brtan pa rnams kyis gtsug lag shes zhes bya ba la/ rig pa'i gnas lnga la nyan thos dang/ rang sangs rgyas dang/ 'jig rten pa dag la
 yang mkhas pa yod mod kyi brtan pa byang chub sems dpa' rnams kyi gtsug lag shes pa ni dngos pos kyang gzhan pas 'phags/ las kyis kyang gzhan las 'phags/ mtshan nyid kyis kyang gzhan las 'phags/ mi zad bas kyang gzhan las
 'phags/ 'bras bu thob pas kyang gzhan las 'phags so zhes bya ba'i don to/ /ting 'dzin gzungs kyi rang bzhin ni/ /sems can rnam bar smin pa dang/ /dam pa'i chos kyang 'dzin pa'i phyir zhes bya ba la/ byang chub sems dpa' i rig pa'i gnas
 lnga la mkhas ba yang/ kha cig ni ting nge 'dzin gyi rang bzhin yin la/ ting nge 'dzin gyis zin cing ting nge 'dzin dang 'brel pa dang/ kha cig ni gzungs kyi rang bzhin yin la gzungs kyis zin cing gzugs dang 'brel pa'o/ /de la ting
 nge 'dzin ni dpa' bar 'gro ba'i ting nge 'dzin la sogs pa ste/ ting nge 'dzin gyi rang bzhin rig pa'i gnas lnga la mkhas pas ni sems can yongs su smin par byed do/ /gzungs kyi rang bzhin gyi rig ba'i gnas lnga la mkhas bas ni dam ba'i chos kyi
 don dang tshig thams cad 'dzin pas byed do/ /de la gtsug? lag shes ba'i dngos po ni zhes bya ba la/ dngos bo dang yul zhes bya ba don gcig ste/ gtsug lag shes pas shes bar bya ba'i yul ni rnam ba lnga yod do zhes bya ba'i don to/ /de bzhin
 gshegs ba'i gsung rab la mkhas pas ni nang shes pa zhes bya'o/ /tar ka'i phyogs la mkhas pa ni/ /gtan tshigs shes ba zhes bya'o/ /byA ka ra Na'i gtsug lag la mkhas ba ni sgra shes ba zhes bya'o/ /tsa ra ka la sogs ba sman dpyad kyi gtsug
 lag la mkhas pa ni sman dpyad shes ba zhes bya'o/ /b+ha ra ta'i gtsug lag la sogs ba glu dang gar dang mtshon cha 'dzin pa la mkhas po'i gtsug lag la mkhas ba ni bzo'i las kyi gnas shes ba zhes bya'o/ /bdag gi don dang gzhan gyi ched du
 byed pa'o zhes bya ba la/ byang chub sems dpa' rnams dge ba'i gnas lnga la mkhas bar byed ba yang bdag 'ba' zhig gi ched du slob pa ni ma yin gyi/ bdag dang gzhan gnyis ka'i don du bslab ste/ de bas na ched du byed pa 'phags so/ /dngos po
 dang po la bdag kyang shes shing gzhan la yang de bzhin du ston pa dang zhes bya ba la/ rig pa'i gnas lnga'i las 'chad de/ de la dang po ni rig ba'i las ni bdag nyid kyang shes pa dang/ spang ba dang mngon du bya ba dang/ bsgom ba'i dngos po shes ba'i sgo
 nas nyon mongs pa spang bar bya ba dang/ gzhan la yang shes ba dang/ spang ba dang/ mngon du bya ba dang/ bsgom ba'i chos ston bar byed de/ las rnam ba gnyis byed do/ /de la sdug bsngal ni shes bar bya ba'o/ /kun 'byung ni spang bar bya ba'o/ /'gog ba ni
 mngon du bya ba'o/ /lam ni/ bsgom par bya ba'o/ /gnyis pas ni nyes ba rnams yongs su rtogs shing rgol ba tshar gcod ba dang zhes bya ba la/ gnyis ba ni gtan tshigs rig ba la bya ste/ des ni mu stegs ba la sogs ba bdag dang dag bar yod ba la sogs
 bar grub pa'i gtan tshigs su mngon sum dang/ rjes su dpag pa'i tshad ma dag smra ba la/ tshad mar mi rung ba'i nyes pa yod par rtog pa dang/ mu stegs pa la sogs pa'i phas kyi rgol ba rnams sangs rgyas kyi chos la sun
 la byin ba dag mngon sum dang rjes su dpag pa la sogs pa'i tshad mas tshar gcod cing mu stegs pa'i bdag tu smra ba'i gzhung sun 'byin par byed de/ las rnam ba gnyis byed do/ /gsum ba ni bdag nyid kyang tshig nges par smra ba dang/ gzhan
 yang go bar byed ba dang zhes bya ba la/ gsum pa ni sgra rig ba la bya ste/ sgra rig pas ni bdag nyid chos 'chad ba'i dus na yang thogs ba dang bcas pas kyang gzugs shes bya la/ myong ba'i bdag nyid kyi phyir tshor ba'o zhes bya ba tshig bzang
 pos chos 'chad par byed pa dang/ tshig zur chag pa med pas gzhan la chos ston na gzhan dag don myur du go bar 'gyur zhing/ de'i sgo nas 'di ni mkhas pa yin no/ /zhes yid ches bar 'byung ste/ las rnam pa gnyis byed do/ /bzhi pa ni
 gzhan gyi nang rnams zhi bar byed ba dang zhes bya ba la/ bzhi ba ni sman dpyad la mkhas pa ste/ des ni byang chub sems dpa' rnams sems can rnams kyi nad dang nad kyi gzhi dang/ nad med ba dang/ nad med ba'i thabs shes nas sems can
 rnams kyi nad zhi bar byed de/ las rnam pa gcig byed do/ /lnga pa ni pha rol la ston ba'o zhes bya ba la/ lnga pa ni bzo'i las kyi gnas kyi las shes pa ste/ des ni bzo rnam pa sna tshogs kyis sems can rnams la phan 'dogs shing
 bzo'i gnas shes par 'dod pa rnams la bzo'i gnas ston bar byed de/ las rnam pa gcig byed do/ /gtsug lag shes pa'i mtshan nyid ni dngos po rnam pa lnga bo 'di thos ba dang zhes bya ba la sogs pa la/ rig pa'i gnas lnga thos pa/
 dang/ 'dzin pa dang/ tshig gis goms par byed ba dang/ yid kyis rtogs pa dang/ shes rab kyis khong du chud par bya ste/ rnam pa lnga ltar byas na gtsug lag la mkhas ba'i mtshan nyid gzhag go /tshig lnga bo 'di yi don bstan ba'i phyir/
 thos bas de bzhin du 'dzin pa dang zhes bya ba la sogs pa smos so/ /gong ma'i tshig lnga dang/ 'og nas de'i don 'chad ba'i tshig lnga rim bzhin du sbyar te/ thos pa dang zhes bya ba'i don thos zhes bya bas bshad de/ dang por dge ba'i bshes
 gnyen bas rig pa'i gnas lnga rnams dang po nyan pa ni thos pa zhes bya'o/ /thos nas ji ltar thos pa'i chos kyi don dang tshig mi brjed bar sems la 'dzin pa zhes bya'o/ /tshig gis goms par byed ces bya ba'i don to/ /kha ton byed ba zhes bya bas bstan te/
 rig pa'i gnas lnga kha ton byed pa la tshig gis goms par byed pa zhes bya'o/ /yid kyis rtogs pa zhes bya ba'i don ni dad pas yid la 'dzin pa zhes bya bar bshad de/ dad ba zhes bya ba ni gsal ba 'am sems rnon po zhes bya ba'i don te/ sems gsal bas
 rig pa'i gnas lnga'i don ci dang ci yin pa shes pa ni yid kyis rtogs ba zhes bya'o/ /shes rab kyis khong du chud ces pa'i don ni dge bar smra ba dang/ ngan bar smra ba'i yon tan dang nyes pa ji ltar sbyar ba des bar shes pa'o zhes bya bar bshad de/ dge bar smra
 ba ni mi nor bar shes pa'o/ /ngan bar smra ba ni nor bar smra ba ste/ sangs rgyas kyi chos thams cad ni ma nor bar bshad pas yon tan can du shes ba dang/ mu stegs pa'i chos thams cad ni nor bde bshad bas nyes ba can du shes pa'i shes rab kyis khong du chud pa
 zhes bya'o/ /ji ltar sbyar ba des bar shes pa zhes bya ba ni dge bar smra ba la yon tan du shes par sbyar ba dang/ ngan bar smra ba la nyes ba can du shes par sbyar ro/ /yang na zang zing 'dod pa'i phyir rig ba'i gnas lnga smra ba ni ngan par smra ba ste/ de la ni nyes bar shes
 so zang zing med bar rig pa'i gnas lnga 'chad ba ni dge bar smra ba ste/ de la ni yon tan can du shes so zhes bya bar sgyur ro/ /yang na don dang yi ge bzang bo ston ba ni dge bar smra ba ste de ni yon tan can no/ /don dang yi ge
 ngan bar smra ba ni ngan bar smra ba ste/ nyes pa can du sbyar ro/ /ma zang mi zang pa ni lhag ma ma lus ba'i mya ngan las 'das bar yang zad mi shes ba'i phyir ro zhes bya ba la/ nyan thos dang rang sangs rgyas kyi rig pa'i gnas lnga la mkhas pa ni lhag ma
 ma lus ba'i mya ngan las 'das pa'i mthar zad par 'gyur la/ byang chub sems dpa' i rig ba'i gnas lnga la mkhas pa ni phung po'i lhag ma ma lus ba'i mya ngan las 'das bar yang zad par yang mi 'gyur te/ de bas na mi zad bas 'phags so//
 'bras bu thob bas ni chos thams cad kyi rnam pa thams cad shes pa'o zhes bya ba la/ phung po dang khams dang skye mched dang zag pa dang zag pa med pa la sogs pa'i chos thams cad ma lus bar shes ba ni thams cad mkhyen pa'i ye shes la bya ste/ rig pa'i
 gnas lnga la mkhas par byas na mjug tu 'bras bu thams cad mkhyen pa'i ye shes thob par 'gyur te/ de bas na 'bras bu thob bas 'phags so/ /sems can rnam bar smin bar byed ba yin te zhes bya ba la sogs ba la/ ting nge 'dzin gyi rang bzhin dang
 ting nge 'dzin gyis yongs su zin ba'i rig ba'i gnas lnga ni sems can yongs su smin bar byed de/ ji lta zhe na/ ting nge 'dzin gyi rdzu 'phrul gyi cho 'phrul dang/ bstan pa'i cho 'phrul dang/ rjes su gdams pa'i cho 'phrul gyis sems can gyi don bsgrub pa'i
 phyir ro/ /dam pa'i chos gzung bar bya ba la sogs ba la/ don dang tshig mi brjed pa'i gzungs kyis yongs su zin cing/ gzungs kyi sgo'i rang bzhin gyi rig pa'i gnas lnga ni dam pa'i chos yongs su zin par byed/ ji lta zhes/ gzungs kyis theg ba gsum gyi
 don dang/ tshig mi brjed pa'i phyir ro/ /'jig rten shes ba la tshigs su bcad pa bzhi ste zhes bya ba la/ gtsug lag shes pa'i skabs kyi 'og tu 'jig rten shes pa'i skabs bshad par 'brel ba ci yod snyam na/ de ltar rig pa'i gnas lnga la mkhes par
 gyur kyang gtsug lag thams cad la mi shes so snyam pa'i 'jigs ba mi 'byung ngo/ /de ltar gtsug lag thams cad la 'jigs pa med ba de ni 'jig rten gyi bya ba thams cad la yang mkhas shing/ 'jig rten gyi rang bzhin gang yin pa yang shes
 la/ 'jig rten pa gang la chos gang bstan pa bya ba yang shes nas de bzhin du ston bar byed de/ de bas na gtsug lag shes pa'i 'og tu 'jig rten shes pa bshad bar 'brel to/ /de la rnam ba gsum ltar shes na 'jig rten shes ba zhes bya ste/ rnam
 pa gsum ni 'jig rten gyi tha snyad shes ba dang/ 'jig rten 'byung ba shes pa dang/ 'jig rten 'gag pa shes pa'o/ /lus dang ngag gi rnam ba dag /bden ba shes ba mnyam med pa/ /brtan ba rnams kyis 'jig rten shes/ /gzhan dag las ni khyad
 zhugs so zhes bya ba la/ 'jig rten pa dang/ nyan thos dang/ rang sangs rgyas dag la yang 'jig rten shes ba yod mod kyi/ byang chub sems dpa' rnams kyi lus dang ngag gi rnam pas 'jig rten shes ba dang/ bden ba bzhi shes pas 'jig rten shes pa
 gzhan dang mi mtshungs pas na nyan thos la sogs pa gzhan las khyad zhugs ba zhes bya'o/ /de la lus kyi rnam ba ni lus kyi tshul bya ste/ lus kyi tshul gyis 'jig rten rnams dga' ba dang mgu bar byed pa'o/ /dag gi rnam ba ni dag gi tshul la bya ste/ dag gi
 tshul gyis 'jig rten rnams dga' ba dang mgu bar byed ba ste/ de ni 'jig rten gyi tha snyad kyi sgo nas 'jig rten shes pa yin no/ /gzhan yang sdug bsngal ba dang/ kun 'byung ba dang/ 'gog ba dang/ lam shes na 'jig rten shes pa zhes bya'o/ /ji
 ltar lus kyis shes zhe na zhes bya ba ni lus kyi sgo nas 'jig rten dga' bar bya ba dang mgu bar bya ba ji lta bu yin zhe na zhes bya ba'i don to/ /brtan ba rnams rtag tu 'dzum bar mdzad ces bya ba la/ byang chub sems dpa' 
 rnams gang zag bla ma dang/ bdag dang 'dra ba dang/ bdag bas dman ba rnams dang brad na lus kyi sgo nas gzhan 'jug ba ston ba dang/ ldan pa dang/ phyag 'tshal ba la sogs pa'i las byed pa ni lus kyi sgo nas 'jig rten dga' bar bya ba shes
 pa'o/ /ji ltar dag gis she na zhes bya ba ni dag gi sgo nas ji ltar 'jig rten mgu bar bya zhe na zhes bya ba'i don to/ /brtan pa rnams kyis sngar smra ba'o zhes bya ba la/ gang zag bla ma dang/ mnyam pa dang/ dman ba rnams dang phrad na
 dang po nyid du bde par 'ongs sam zhes bya ba la sogs ba'i tshig gsod bor smra ba ni dag gi sgo nas gzhan dga' bar byed pa'o/ /ci'i phyir zhe na/ zhes bya ba ni bzhin 'dzum pa dang/ tshig gsong por smra ba la sogs pa'i sgo nas 'jig rten
 dga' ba dang mgu bar byed pa de'ang ci'i phyir de ltar bya zhe na zhes bya ba'i don to/ /sems can rnams ni snod 'gyur phyir zhes bya ba la/ 'dul ba'i sems can rnams dam pa'i chos kyi snod du bya ba'i phyir/ lus dang ngag gi sgo nas
 sems can dga' ba bskyed bar bya'o zhes bya ba'i don to/ /don gang gis snod du 'gyur ba'i phyir zhe na zhes bya ba'i sems can rnams snod du bya ba'i phyir zhes bshad na/ chos gang gi snod du bya ba'i phyir dga' ba dang mgu ba
 bskyed ce na zhes bya ba'i don to/ /dam chos bsgrub bar bya ba'i phyir zhes bya ba la/ theg pa chen po'i don rtogs shing/ de bsgrub tu gzhug pa'i snod du 'gyur par bya ba'i phyir lus dang ngag gi sgo nas gzhan la dga' bar byed do//
 'di yan chad kyi tha snyad shes pa'i sgo nas 'jig rten shes bar bstan to/ /ji ltar na bden ba rnams shes zhe na zhes bya ba ni bden ba bzhe shes na yang 'jig rten shes pa brtan ba la/ ji ltar shes na bden ba bzhi shes ba yin zhe na zhes
 pa'i don te de yang 'byung ba shes pa dang/ 'gog pa shes na bden pa bzhi shes bar gzhag go /bden pa rnam ba gnyis las ni/ /'jig rten rnams kyang rtag 'byung dang zhes bya ba la/ 'jig rten 'byung ba shes ba ni sdug
 bsngal gyi bden pa dang/ kun 'byung gi bden ba gnyis las 'jig rten 'byung bar shes nas 'byung ba shes ba yin no/ /gnyis po de yis 'gog shes pa zhes bya ba la/ 'gog pa'i bden pa dang/ lam gyi bden pa gnyis
 las 'jig rten 'gog par shes ba ni 'jig rten 'gog bar shes ba'o/ /de'i phyir 'jig rten shes zhes bya ba la/ bden ba gnyis las ni 'jig rten 'byung bar shes/ bden ba gnyis kyis ni 'jig rten 'gog bar shes pas na 'jig rten
 shes ba zhes bya'o/ /bden pa gnyis kyis 'jig rten shes ba ni zhes bya ba la sogs pa la/ sdug bsngal dang kun 'byung gi bden ba gnyis kyis ni 'jig rten 'byung ba shes te/ 'di ltar 'khor ba yang nas yang du 'byung bas ni gang skye ba dang gang gis
 bskyed ba ni 'jig rten 'byung ba'o/ /de la gang skye ba ni sdug bsngal gyi bden pa skye'o/ /gang gis skyed ba ni kun 'byung gi bden bas bskyed do/ /gnyis kyis 'gog ba ni zhes bya ba la sogs ba la/ bden ba gnyis kyis ni 'jig rten 'gog bar shes
 te/ de'ang 'gog ba dang lam gyi bden ba'o/ /de'ang gang 'gog ba dang gang gis 'gog ba ste/ gang 'gog ba ni 'gog pa'i bden ba sdug bsngal rnams 'gog go /gang gis 'gog ba ni lam gyi bden pas 'gog pa ste/ bden ba gnyis 'jig 
 rten shes par shes pa dang/ bden ba gnyis kyis 'jig rten 'gog par shes pa ni 'jig rten shes pa zhes bya'o/ /brgal ba sdug bsngal dang kun 'byung ni 'jig rten gyi rang bzhin yin pas/ de shes bya ba ni 'jig
 rten shes pa zhes bya bar rigs na/ 'gog pa dang lam lta bu 'jig rten las 'das ba'i chos yin na/ de shes pa la 'jig rten shes bya bar rigs she na/ de'i lan du smras pa/ 'jig rten skye ba dang/ 'gog par 'gyur ba shes pa dang ldan
 pas na zhes bya ba la sogs pa smos te/ sdug bsngal dang kun 'byung zhes bya ba yang nye bar len pa'i phung po lnga nyid la bya bar zad pa/ 'gog pa dang lam zhes bya ba yang nye bar len pa'i phung po lnga nyid la gnas kyi/ de las logs shig na mi
 gnas pas na bden pa bzhi shes pa dang/ 'jig rten gyi rang bzhin thams cad shes par 'gyur ro/ /zhi bar bya dang thob bya'i phyir/ /blo ldan de dag bden la brtson/ /gang phyir bden pa shes pa yin/ /blo ldan 'jig rten shes zhes bya ba la/ de la bden
 pa bzhi shes par bya ba yang/ sdug bsngal dang kun 'byung zhi bar bya ba dang/ 'gog pa dang lam gnyis thob par bya ba'i phyir bden pa bzhis brtson par byed de/ sdug bsngal dang kun 'byung zhi bar byed de/ 'gog pa dang lam thob par byed pa ni 'jig rten
 shes pa'i las so/ /de ltar bden pa bzhi shes na 'jig rten pa'i rang bzhin thams cad ma lus par shes pas bden pa bzhi shes na 'jig rten shes pa zhes bya'o/ /so sor rten pa rnam par dbye ba la tshigs su bcad pa gsum ste zhes bya ba la/ gong du
 bshad pa ltar gtsug lag kyang shes la/ 'jig rten gyi tha snyad dang/ 'jig rten 'byung ba dang/ 'jig rten 'gog pa shes te/ 'jig rten skyabs dang mgon gyi rten du 'gyur te/ de bas na 'jig rten shes pa'i skabs kyi 'og tu so sor rten
 pa'i skabs bshad par 'brel to/ /de la so sor rten pa ni bzhi ste/ chos la rten gyi gang zag la ma yin pa dang/ don la rten gyi tshig la ma yin pa dang/ nges pa'i don gyi mdo sde la rten gyi dkri ba'i don gyi mdo sde la ma yin pa dang/ ye shes la rten gyi rnam par
 shes pa la ma yin pa'o/ /zhal nas gsungs pa'i chos ston dang zhes bya ba la/ /drang srong chen po sangs rgyas bcom ldan 'das kyis bshad pa'i gsung rab las ji skad 'byung ba bzhin du de'i rjes su 'brang gi gang zag so so tha dang pa mi mthun pa ston pa'i
 tshig la mi snyegs ba ni zhal nas gsung ba'i chos ston pa zhes bya ste/ 'di ni chos la rten gyi gang zag la mi rten pa zhes bstan to/ /dgongs pa yin don rnams dang zhes bya ba la/ bcom ldan 'das kyis gsungs pa'i chos la yang rnam pa gnyis te/ don
 dang tshig go /de la pha bsad ma bsad dgra bcom pa bsad na 'tshang rgya'o zhes bshad pa la sogs pa de'i don gang yin pa la rtog par byed kyi/ pha bsad ma bsad 'tshang rgya bar 'gyur ba'i tshig thad kar rjes su snyegs par mi byed pa ni dgongs pa'i don la
 brten pa zhes bya ste/ des ni don la rten gyi tshig la mi rten pa bstan to/ /de la dgongs pa'i don ni pha zhes bya ba ma rig pa la bya ba dgongs/ /ma zhes bya ba 'dod chags la bya bar dgongs zhes rtog pa ni dgongs pa'i don la rten pa yin no/ /tshad mar gyur pas
 bshad pa'i don zhes bya ba la/ mdo sde la yang rnam pa gnyis te/ nges pa'i don gyi mdo sde dang/ bkri ba'i don gyi mdo sde'o/ /de la tshad mar gyur pa ni sangs rgyas bcom ldan 'das lta bu 'am/ sangs rgyas bcom ldan 'das kyis tshad mar gyur pa'i gang
 zag byang chub sems dpa' 'am/ nyan thos chen po 'am/ de bzhin gshegs pas lung stan pa slob dpon klu sgrub la sogs pa lta bus gnyis su med par bshad pa'i don la rten pa ni tshad mar gyur pas bshad pa'i don la brten pa zhes bya ste/ /'dis ni nges
 pa'i don gyi mdo sde la rten gyis bkri ba'i don gyi mdo sde la mi rten pa bstan te/ phung po dang khams la sogs pa yod par bshad pa la mi rten pa'i phyir ro/ /brjod du med pa thob pa'o/ /zhes bya ba la/ brjod du med pa yi
 ni 'jig rten las 'das pa rnam par mi rtog pa'i ye shes te/ ye shes de rtog pa thams cad dang bral ba dang tshig gi spyod yul ma yin pas na brjod du med pa zhes bya'o/ /rnam par mi rtog pa'i ye shes thob par bya ba'i phyir 'bad cing rtsom par
 byed kyi zag pa dang bcas pa'i rnam par shes pa brgyad kyi rjes su ma 'brang zhing de la chags pa med ba ni brjod du med pa thob pa la rten pa zhes bya ste/ 'dis ni ye shes la rten gyi rnam par shes pa la mi rten par bstan to/ /gang tshad mar gyur pas
 bshad cing rnam par shes pas ston pa 'am zhes bya ba la/ tshad mar gyur pa ni sangs rgyas bcom ldan 'das te/ des bshad cing stong ba nyid kyi mtshan nyid mnon par phye ba ni nges pa'i don gyi mdo sde zhes bya'o/ /des chad mar byas pa zhes bya ba
 la/ des zhes bya ba ni sangs rgyas bcom ldan 'das la bya ste/ sangs rgyas bcom ldan 'das kyis tshad mar gzhag pa'i gang zag byang chub sems dpa' 'am/ nyan thos la sogs pa stong pa nyid bshad pa'i don la yang nges pa'i don gyi mdo sde
 zhes bya'o zhes bya ba'i don to/ /brjod du med pa'i phyir ro zhes bya ba la/ rnam par mi rtog pa'i ye shes ni sems kyi rtog pa'i spyod yul las kyang 'das shing/ tshig gis kyang brjod du mi nus pas na brjod du med ba zhes bya'o/ /tshigs su
 bcad pa nges so sor rten pa'i mtshan nyid bstan to/ /yang na gang zag gi rjes su 'brang ba ni ji lta bu chos kyi rjes su 'brang ba yang ji lta bu zhe na/ gang zag kyang yod par bltas/ chos kyang yod par bltas nas/ gang zag 'dis dge ba byas
 na ni bden pa mthong bar 'gyur/ mi dge ba byas na ni mi dge ba'i sdug bsngal mthong bar 'gyur ro zhes lta ba ni gang zag gi rjes su 'brang ba zhes bya'o/ /gang zag dang chos gnyi ga rang bzhin med par khong du chud pas gnyi ga la mi lta ba ni chos kyi rjes su
 'brang ba zhes bya ste/ de bas na 'phags pa blo gros mi zad pa'i mdo las kyang/ de la chos ni gang/ gang zag ni gang zhe na/ gang zag tu lta pha la gnas te/ chos kha cig la rtsom pa 'di ni gang zag ces bya'o/ /gang zag tu lta ba de'i rtsom pa yongs
 su shes pa de ni chos nyid ces bya ba la sogs pa rgya cher gsungs so/ /de la don ni gang/ tshig ni gang zhe na/ 'jig rten las 'das ba'i chos ni don te/ de la rten pa ni don la rten pa zhes bya'o/ /'jig rten gyi chos thams cad ni tshig ces bya ste/ de la
 rten pa ni tshig la rten pa zhes bya'o/ /de bas na 'phags pa blo gros mi zad pa'i mdo las kyang/ de la don ni gang/ yi ge ni gang zhe na/ yi ge zhes bya ba ni gang 'jig rten gyi chos dang/ bya ba la 'jug pa bstan pa'o/ /don ces bya ba ni gang 'jig rten las
 'das pa'i chos rtogs pa'o zhes gsungs so/ /yang na kun rdzob kyi chos thams cad la ni chos zhes bya'o/ /don dam pa'i chos thams cad la don zhes bya'o/ /de bas na 'phags pa blo gros mi zad pa'i mdo las kyang/ yi ge zhes bya ba ni gang sbyin pa dang/ dul ba dang
 sdom pa dang/ nges pa bstan to/ /don ces bya ba ni sbyin pa dang/ dul ba dang/ sdom pa dang/ des pa'i mnyam pa nyid shes pa'o zhes bya ba la sogs pa rgya cher gsungs so/ /de la nges pa'i don gyi mdo sde ni ji lta bu/ rung ba'i don gyi mdo sde ni ji lta bu zhe na/ mya ngan
 las 'das pa'i 'bras bu 'am/ chos kyi don rtogs par bya ba'i lam dang thabs su bstan pa rnams ni drang ba'i don gyi mdo sde zhes bya'o/ /gang 'bras bu'i chos gang pa nyid dang/ chos kyi don nyid ston pa ni nges pa'i don gyi mdo sde zhes bya'o/ /yang na kun rdzob
 kyi chos ston ba ni bkri ba'i don gyi mdo sde zhes bya'o/ /don dam pa'i mtshan nyid bstan pa ni nges pa'i don gyi mdo sde zhes bya'o/ /de bas na 'phags pa blo gros mi zad pa'i mdo las kyang/ de la nges pa'i don gyi mdo
 sde ni gang/ drang ba'i don gyi mdo sde ni gang zhe na/ mdo gang lam la 'jug par bstan pa de dag ni drang ba'i don ces bya'o/ /mdo gang 'bras bu la 'jug pa'i phyir bstan pa de dag ni nges pa'i don ces bya'o/ /mdo gang kun rdzob bstan
 pa de dag ni drang ba'i don ces bya'o/ /mdo gang don dam bstan pa de dag ni nges pa'i don ces bya'o zhes bya ba la sogs pa rgya cher gsungs so/ /de la rnam par shes pa ni gang ye shes ni gang zhe na/ 'dod pa'i khams kyi sems can gyi
 rnam par shes pa ni gzugs kyi phung po la rten to/ /gzugs kyi khams kyi sems can gyi rnam par shes pa ni tshor ba'i phung po la rten te/ /gzugs med pa nam mkha' mdza' yas skye mched dang rnam shes mdza' yas skye mched dang/ cung zad
 med pa'i skye mched dang gsum gyi sems can gyi rnam par shes pa ni 'du shes kyi phung po la rten to/ /cung zad med min skye mched kyi sems can gyi rnam par shes pa ni 'du byed kyi phung po la rten to/ /'di ni rnam par shes pa zhes bya'o/ /rnam par shes
 pa de dag rang bzhin gyis stong par khong du chud cing gzugs la sogs pa'i yul la mi rtog ba ni ye shes zhes bya ste/ de bas na 'phags pa blo gros mi zad ba'i mdo las kyang/ /rnam par shes pa ni gang/ ye shes ni gang zhe na/
 rnam par shes pa zhes bya ba ni rnam par shes pa la gnas pa bzhi ste/ bzhi gang zhe na/ 'di lta ste/ rnam par shes pa gnas pa na gzugs la nye bar 'gro zhing gnas so/ /rnam par shes pa gnas ban tshor ba la nye bar 'gro ba
 dang/ 'du shes la nye bar 'gro ba dang/ 'du byed la nye bar 'gro zhing gnas ba ste/ 'di ni rnam par shes pa zhes bya'o/ /de la ye shes gang zhe na/ gang phung po bzhi la gnas pa'i rnam par shes pa'i phung po kun shes pa ste/ 'di ni ye shes
 zhes bya ba la sogs pa rgya cher gsungs so/ /ci'i phyir bcom ldan 'das kyis so sor rten pa bzhi bshad pa la dgos pa ci yod ce na de'i phyir smod pa dang ni ji skad gsungs/ phyin ci ma log tu shes pa dang/ /brjod par bcas pa thob pa dang 'dir
 bdag dgag par bshad pa'o zhes bya ba gsungs te/ so sor rten pa bzhi bshad pa yang gsung rab la smod pa'i gang zag dgag pa dang/ ji skad du gsungs pa 'dzin pa'i gang zag dgag pa dang/ phyin ci log tu shes pa'i gang zag
 dgag pa dang/ brjod pa dang bcas pa'i ye shes 'chags ba'i gang zag dgag pa'i phyir so sor rten ba bzhi bshad do/ /de la so sor rten pa dang po ni bcom ldan 'das kyi zhal nas gsungs pa'i mdo sde la ma yin no/ /nor ro bdud
 kyis smras pa'o zhes smod par byed pa'i gang zag dgag par bya ba gsungs te/ gang zag skur pa 'debs pa rnams kyi tshig ni tshad ma ma yin gyi bcom ldan 'das kyi bka' tshad ma yin te/ de bas na chos kyi rjes su 'brang bar bya'i gang zag la ma yin no
 zhes gsungs so/ /so sor rten pa gnyis pa ni ma skyes pa dang ma byung pa dang/ pha bsad pa dang ma bsad pa la sogs pa'i don la 'bru dang sgra ji bzhin du 'dzin gyi/ de la dgongs pa'i don la mi rtog pa'i gang zag dgag pa phyir gsungs te/ de bas na
 don la rten pa'i bya ba'i tshig la ni ma yin te zhes gsungs te/ pha bsad ma bsad ces bya ba la sogs pa gsungs pa yang/ 'dod chags dang zhe sdang la sogs pa'i nyon mongs pa'i tshogs spad bar bya ba la dgongs pa yin gyi/ pha dang ma dngos bsad par
 bya ba la/ ji ltar tshig thad kar drang ba ni ma yin no/ /so sor rten pa gsum pa ni bcom ldan 'das kyis so so'i skye bo'i gang zag dang/ dgra bcom ba'i gang zag dang/ rang sangs rgyas kyi gang zag dang/ gang zag gcig
 'jig rten du 'byung ba na 'jig rten kun la phan ba dang bde bar 'gyur te/ gang zhe na de bzhin gshegs pa'o zhes gsungs pa la gang zag yod de zhes log par shes nas yod pa'i don du log par drangs pa dgag pa'i phyir gsungs te/ de bas na nges
 pa'i don gyi mdo sde la rten gyi bkri ba'i don gyi? mdo sde la ni ma yin no zhes bshad do/ /de la gang zag yod par bshad pa ni bkri ba'i don to/ /gang zag med par bshad pa nges pa'i don to/ /gang zag med par bshad pa yang bcom ldan
 'das kyis mdo gzhan dag las mig dang gzugs la rten nas mig gi rnam par shes pa skye ste zhes bya ba la sogs pa rgya cher gsungs pas 'di tsam la sems can dang/ bdag dang/ gang zag ces bya bar zad kyi/ yang dag par na gang zag yod pa ma
 yin no zhes gsungs so/ /so sor rten pa bzhi pas ni gzung ba dang 'dzin pa'i bag chags dang bcas pa sngon po dang ser po la sogs pa'i yul la rnam par rtog pa'i zag pa dang bcas shing 'khor ba'i rgyur gyur pa'i rnam par shes pa rnam par mi rtog pa'i ye shes
 kyi rang bzhin ma yin ba la chags pa dgag pa'i phyir gsungs te/ de bas na ye shes la rten gyi rnam par shes pa la ma yin no zhes gsungs so/ /dang dang rnam par spyod pa dang/ /ji bzhin gzhan las nyan pa'i phyir/ /brjod du med pa'i ye shes las/ /
 blo ldan rnams ni nyams mi 'gyur/ /zhes bya ba'i tshigs su bcad pa 'dis so sor rten pa bzhi yi yon tan bstan te/ so sor rten pa dang bos ni zhal nas gsungs pa'i chos la dad par gyur bas nyams par mi 'gyur ba'i yon tan bstan te/ gsung
 pa rnams la sangs rgyas kyi bka' ma yin no zhe 'am/ nor to zhes skur pa mi 'debs shing zhal nas gsungs par yid ches pas bsod nams ma yin pa mi 'phel ba'i phyir nyams par mi 'gyur ro/ /so sor rten pa gnyis pas ni pha bsad ma bsad ces bya ba la
 sogs pa dgongs pa bzhi dang/ ldem po dag bzhi las pha dang ma bsad pa la sogs pa ni 'jig rten na yang kha na ma tho bar bya ba yin na de bzhin gshegs pa'i gsung rab gcig tu dkar ba la pha bsad pa dang ma bsad na 'tshang rgya bar bshad pa
 sgra ji bzhin gyi don ma yin gyi/ dgongs pa gzhan yod do/ /bdag nyid kyi shes rab kyis gang la dgongs pa dpyod pas na nyams par mi 'gyur te/ ci'i phyir zhe na/ sgra ji bzhin du bzung nas dgongs pa log par drangs? pa ni nyams par 'gyur gyi/ dgongs
 pa'i don phyin ci ma log par bzung na nyams bar mi 'gyur ba'i phyir ro/ /so sor rten pa gsum pas ni stong pa dang bdag med par bshad pa'i chos dag bdag gis khong du ma chud na nga rgyal med par byas nas de'i don shes pa dag las bdag med pa dang
 stod pa'i don gyi? tshul nyan par byed de/ mnyan na nges pa'i don gyi mdo sde rtogs par 'gyur bas na nyams par mi 'gyur ro/ /so sor rten pa bzhi pas ni rnam bar mi rtog pa'i ye shes thob par bya ba'i phyir 'bad cing rtsol bar byed kyi rnam par shes
 pa rnams la rten cing chags bar mi byed de/ des ni 'jig rten las 'das pa'i ye shes mngon sum du gyur ba'i phyir nyams par mi 'gyur ro/ /so sor yang dag par rig pa'i tshigs su bcad ba bzhi ste zhes bya ba la/ so sor rten pa'i skabs bshad
 pa'i 'og tu so so yang dag pa'i skabs bshad bar 'brel pa ci yod ce na/ so sor rten pa bzhi dang ldan na 'jig rten pa rnams kyi rten du gyur pa ste/ so so yang dag par rig pa bzhis sems can kyi don du chos ston par byed pas na so sor rten pa'i/
 'og tu so so yang dag par rig pa bzhi bshad par 'brel to/ /byang chub sems dpa' i mnyam med pa/ /so so yang dag rig pa bzhi zhes bya ba la/ byang chub sems dpa' rnams kyi so so yang dag par rig pa ni bzhi ste/ chos
 so so yang dag par rig pa dang/ /don so so yang dag par rig pa dang/ des pa'i tshig so so yang dag par rig pa dang/ spobs pa so so yang dag par rig pa ste/ byang chub sems dpa' rnams kyi so so yang dag par rig pa bzhi ni nyan thos dad dang
 sangs rgyas kyi so so yang dag par rig ba bzhi pas 'phags shing khyad zhugs pas na mnyam pa med pa zhes bya'o/ /rnam grangs mtshan nyid tshig rnams dang/ /ye shes shes pa de dag 'dod/ /ces bya ba la/ chos gcig la ming gi rnam grangs du yod
 pa dang/ chos rnams la dge ba dad mi dge ba la sogs pa'i chos kyi rnam grangs du yod pa shes pas ni chos so so yang dag par rig pa zhes bya ste/ chos kyi ming gi rnam grangs shes pa ni dper na ma rig pa la med du ma rig ba dang/ gti mug dang/ mi
 shes pa dang/ mun pa dang/ mun nag ces bya ba la sogs pa'i ming gi rnam grangs du yod pa thams cad shes pa ste/ 'di ni chos so so yang dag par rig pa'i mtshan nyid do/ /de bas na 'phags pa blo gros mi zad pa'i mdo las kyang/ chos so so yang
 dag par rig pa gang zhe na/ gang chos thams cad la rjes su 'jug pa shes pa ste/ dge ba dang mi dge ba dang/ kha na ma tho ba dang bcas pa dang/ kha na ma tho ba med pa dang/ zag pa dang bcas pa dang/ /zag pa med pa dang/ 'dus byas dang/ 'dus
 ma byas zhes bya ba la sogs pa rgya cher gsungs so/ /chos rnams kyi rang dang spyi'i mtshan nyid la thogs pa med par shes pa ni don so so yang dag par rig pa zhes bya ste/ rang gi mtshan nyid ni sa'i rang gi mtshan nyid sra ba dang/ chu'i rang gi mtshan nyid
 gsher ba la sogs pa'o/ /spyi'i mtshan nyid ni mi rtag pa dang/ sdug bsngal ba dang/ stong pa dang/ bdag med pa ste/ 'di ni don so so yang dag par rig pa'i mtshan nyid do/ /de bas na 'phags pa blo gros mi zad pa'i mdo las kyang/ de la don so so
 yang dag par rig pa gang zhe na/ gang chos thams cad la don dam pa shes pa ste/ chos shes pa dang/ so sor rtog pa shes pa dang/ rjes su 'gro ba shes pa dang/ rgyu shes pa dang/ rkyen shes pa dang/ gnyis su med pa shes pa dang zhes bya ba
 la sogs brgya cher gsungs so/ /sems can so so'i skad dang tshig rnam pa sna tshogs la thogs pa med par shes pa ni nges pa'i tshig so so yang dag par rig pa zhes bya ste/ lha dang klu la sogs pa sems can kun kyi skad shes pa'o/ /de bas na 'phags
 pa blo gros mi zad pa'i mdo las kyang/ de la nges pa'i tshig so so yang dag par rig pa gang zhe na/ gang sems can thams cad kyi skad la 'jug pa shes pa ste/ lha'i skad dang/ klu'i skad dang/ dri za dang/ lha ma yin dang zhes bya ba la sogs pa rgya
 cher gsungs so/ /yang na sgra'i gtsug lag thams cad kyi tshig la thogs pa med par shes pa ni nges pa'i tshig so so yang dag par rig pa zhes bya ste/ de bas na 'phags pa blo gros mi zad pa'i mdo las kyang/ gzhan yang nges pa'i tshig so so yang dag par
 rig pa ni chos 'di dag 'di lta bur brtag par bya/ chos 'di dag 'di lta bur brtul bar bya/ /chos 'di dag 'di lta bur mtshams sbyar bar bya zhes bya ba la sogs pa rgya cher gsungs so/ /bskal pa 'am bskal pa'i mthar chos gcig bshad pa la sogs te
 bshad kyang tshig zad par mi 'gyur ba dang/ sems can thams cad kyis brgal kyang rgol ba kun gyi lan thebs par nus pa'i ye shes dang ldan pa la sogs pa ni spobs pa so so yang dag par rig pa zhes bya ste/ de bas na 'phags pa blo gros mi zad
 pa'i mdo las kyang/ de la spobs pa so so yang dag par rig pa gang zhe na/ /'di lta ste/ chags pa med par lud bsgo ba shes pa dang/ mtshang ba med pa lung bsgo ba bstan pa dang/ thogs pa med par lung bsgo?
 ba bstan pa shes pa dang/ spobs pa myur ba dang/ spobs pa drang ba dang/ spobs pa mgyogs pa dang zhes bya ba la sogs pa rgya cher gsungs so/ /dang po ni rnam grangs shes pa ste zhes bya ba la/ chos so so yang dag par rig pas ni chos
 gcig la ming gi rnam grangs du yod pa shes pa ste/ chos rnams la dge ba dang/ mi dge ba la sogs pa'i rnam grangs du yod pa shes pa'o/ /don gang gi ming de'i 'o zhes bya ba la/ phung po dang khams la sogs pa'i chos gang la/
 ming gang dang gang btags pa'i ming de'i don ni rang dang spyi'i mtshan nyid shes pa ni don shes pa zhes bya'o/ /ljongs kyi skad du tha dad pa'o zhes bya ba la/ lha dang mi la sogs pa'i skad sna tshogs shes pa ni nges pa'i tshig so so yang dag par
 rig pa zhes bya'o/ /bdag nyid kyi spobs pa'o zhes bya ba la ming dang tshig dang/ yi ge sna tshogs kyis 'khor ba'i mdza' i bar du chos bshad kyang zad par mi 'gyur ba ni spobs pa so so yang dag par rig pa zhes bya ste/ tshig de dag gis
 so so yang dag par rig pa bzhi'i mtshan nyid bstan to/ /de la so so yang dag bar rig ba lnga la sogs bar mang du mi bshad/ gsum pa la sogs pa nyung du yang mi bshad bar ci'i phyir bzhi kho nar grangs nges par bshad ce na de'i phyir/ bstan pa
 la ni rab brtson pa'i/ /gang dang gang gis bstan pa ni/ /chos dang don de rnam pa gnyis/ /tshig dang ye shes gnyis ston pa'o zhes bya ba la sogs pa tshigs su bcad pa gnyis smos so/ /byang chub sems dpa' 'dus byas dang 'dus ma byas dang
 zag pa dang bcas pa dang zag pa med pa'i chos sems can la bstan pa la zhugs ba na gang ston pa dang/ gang gis ston pa ste/ rnam pa gnyis kyis ston pas na so so yang dag par rig pa bzhi kho nad bshad de mi mang mi nyung ngo/ /de la gang 'chad cing
 ston ces chos dad don gnyis 'chad do/ /gang gis 'chad cing ston ce na/ tshig dang po gnyis kyis ston to/ /don du na nges pa'i tshig so so yang dag par rig pa dang/ spobs pa so so yang dag par rig pa gnyis kyi ston to zhes bya ba'i don to/ /chos ni
 bstan dang bshad pa las zhes bya ba la chos ston pa yang byang chub sems dpa' dang por chos rnams mdo tsam bsdus nas ston to/ /des na de'i 'og tu zhib tu phye nas 'chad do/ /de la mdo tsam du bstan pa la ni don so so yang dag par rig pa
 zhes bya'o/ /de nyid zhib tu phye ste bshad pa la ni chos so so yang dag par rig pa zhes bya'o/ /gnyis kyang rnam kun shes byed phyir zhes bya ba la nges pa'i tshig so so yang dag par rig pas ni chos dang don gnyis sems can kun la shes par
 byed de/ ji lta zhe na/ so so'i skad gang dang gang gis bstan no/ brda phrad par 'gyur ba'i skad de dang des bshad pas kun gyis khong du chud par byed do/ /brgal ba la ni lan glon pa'i/ so sor rig pa rnam pa bzhi zhes bya ba la/ spobs pa so so
 yang dag par rig pas ni phas kyi rgol ba mu stegs la sogs pa dang/ 'khor rnams kyis brgal ba thams cad kyi rgol ba'i lan blon par byed de/ de'i phyir na so so yang dag par rig pa bzhi nyid du bzhag go zhes bya ba'i don to/ /chos ni bstan
 dang bshad pa'i phyir zhes bya ba la/ mdo tsam du ston pa ni don so so yang dag par rig pa'o/ /de nyid zhib tu bkrol te bshad pa ni chos so so yang dag par rig pa zhes bya'o/ /tshig gis bshad pas ni zhes bya ba la sogs pa la nges pa'i tshig so so yang
 dag par rig pas ni chos dang don gnyis gzhan gyis shes par byed do zhes bya ba'i don to/ /ye shes kyis bshad par ni zhes bya ba la/ spobs pa so so yang dag par rig pas ni rgol ba rnams kyis lan 'debs par
 byed do zhes bya ba'i don to/ /de bas na gang dang? gang gis bshad pa de shes pa'i phyir zhes bya ba la gong du bshad pa lta? ngan? gang bshad pa ni chos dang don bshad pa'o/ /gang gis bshad ce na nges ba'i tshig dang spobs pas bshad do/ /de yang ji
 ltar bshad ce na mdor bsdus te bshad pa ni don so so yang dag par rig pa yin no?/ de nyid rgyas par 'chad pa ni chos so so yang dag par rig pa ni de nyid gzhan la bstan nas gzhan gyis shes par byed pa ni nges pa'i tshig so so yang dag par rig
 ba'o/ /gzhan gyis brgal ba'i lan 'debs bar byed ba ni spobs pa so so yang dag par rig pa ste/ de'i phyir so so yang dag par rig pa bzhi nyid du bshad do/ /so so rang rig mnyam pa nyid/ /phyis kyang rab tu shes pa'o/ /the tshom thams
 cad bsal ba'i phyir/ /so so yang dag rig ces bya'o zhes bya ba 'dis so so yang dag par rig pa bzhi'i nges pa'i tshig dang las bstan to/ /de la so so yang dag par rig pa zhes bya ba'i sgras/ rgya gar skad du ba ti saM bi ta zhes 'byung ste/ /de la pra ti zhes
 bya ba so sor zhes bya ba'i don du 'gro ste/ de ni rnam par mi rtog pa'i ye shes la bya'o/ /saM? zhes bya ba ni mnyam pa nyid la bya ste/ chos thams cad kyi de bzhin nyid stong pa nyid la bya'o/ /bi ta zhes bya ba ni shes par bya ste don du na rnam par mi rtog
 pa'i ye shes kyi mnyam pa nyid mngon sum du byas nas phyis dag pa 'jig rten pa'i ye shes kyis chos kyi rnam grangs dang/ /mtshan nyid la sogs pa gzhan du bstan nas gzhan gyi de dag shes par byed go bar byed pas na so so yang dag par rig pa
 zhes bya ste/ /de ni nges pa'i tshig go ? so so yang dag par rig pas phung po rang khams la sogs pa'i chos kyi mtshan nyid la the tshom thams cad gcod par byed de 'di ni las so/ /tshogs rnam par dbye ba'i tshigs su bcad pa bzhi ste zhes bya ba la/ tshogs
 rnam pa dang bye ba'i skabs kyi bshad par 'brel pa ci yod ce na/ de ltar so so yang dag par rig pa dang ldan pa byang chub sems dpa' de byang chub kyi phyogs sum cu rtsa bdun bsgom par bya ba'i phyir/ /de'i rten du gyur pa bsod nams dang ye shes kyi/
 tshogs sogs par byed de/ /de bas na so so yang dag par rig pa bshad pa'i rjes la chos kyi skabs bshad par 'brel to/ /byang chub sems dpa' i tshogs dag ni/ /mi mnyam bsod nams ye shes so zhes bya ba'i tshigs su bcad pa gcig
 gis tshogs gang yin pa dang/ /gang gi phyir tshogs su gyur pa de ston te/ /de la byang chub sems dpa' i tshogs ni rnam pa gnyis te/ /bsod nams? kyi tshogs dang ye shes kyi tshogs so/ /byang chub sems dpa' i bsod nams dang/ ye shes kyi tshogs
 ni bdag dang sems can thams cad kyi don du bsags pas ni nyan thos la sogs pa'i tshogs las 'phags pa'i phyir mi mnyam pa zhes bya'o/ /de bas na dkon mchog brtsegs pa'i mdo las kyang/ byang chub sems dpa' rnams kyi ye shes kyi tshogs ni
 phyogs bcu'i nam mkha' lta bur blta'o/ /nyan thos rnams kyi ye shes kyi tshogs ni yungs 'bru srin bus zos pa'i nang gi nam mkha' i khyon tsam du blta'o/ /byang chub sems dpa' i bsod nams kyi tshogs ni phyogs bzhi'i rgya mtsho'i chu lta bur blta'o/ /
 nyan thos kyi bsod nams kyi tshogs ni brjes kyi rmig chu lta bur blta'o zhes gsungs so/ /'dis ni tshogs gang yin pa bstan to/ /gcig ni 'khor ba rnams las 'byung zhes bya ba la/ /gcig mi bsod nams kyi tshogs la bya ste/ bsod nams kyi
 tshogs kyi ni 'khor ba skye pa 'khor ba na yang sems can kun las 'phags pa brgya byin dang tshangs pa dang 'khor los sgyur ba'i rgyal po la sogs pa'i 'byor pa phun sum tshogs pa
 gyi ni 'khor bar nyon mongs med zhes bya ba la bsod nams kyi bar nyon mongs med zhes bya ba la bsod nams kyi tshogs las gzhan pa ni ye shes kyi tshogs la ba ste/ ye shes kyi tshogs kyis ni sems can gyi don du bsams pa bzhin du 'khor bar skye ba na 'khor pa'i nyes pas mgos par byed de/ las
 dang nyon mongs pa'i dbang du mi 'gyur ro zhes bya ba'i don to/ /'dis ni gang gi phyir tshogs bsags pa bstan to/ /de pha rol tu phyin pa drug gis tshogs gnyis bsdus pa 'am/ chogs gnyis kyis pha rol tu phyin pa drug bsdus par bstan pa'i phyir
 sbyin pa tshul khrims bsod nams te zhes bya ba la sogs pa tshigs su bcad pa gcig smos so/ /de la pha rol tu phyin pa drug las dang po sbyin pa'i pha rol tu phyin pa dang/ gnyis pa tshul khrims kyi pha rol tu phyin pa gnyis ni bsod nams kyi tshogs zhes
 bya ste/ /ci'i phyir zhe na/ sbyin pas ni longs spyod chen por 'gyur bar byed/ tshul khrims kyis ni lha dang mi'i lus thob par byed pa'i phyir ro/ /ye shes tshogs ni shes rab po zhes bya ba la/ /tha ma shes rab kyi pha rol tu phyin pa ni ye shes tshogs
 zhes bya ste/ chos thams cad stong bar rtogs pa dang/ nyon mongs pas mi gos pa'i phyir ro/ /gsum pa gzhan ni gnyis su ste zhes bya ba la bzod pa dang/ brtson 'grus dang/ /bsam gtan gsum ni tshogs gnyis su bzhag ste/ bsod
 nams kyi tshogs su bzhag /ye shes kyi tshogs su yang bzhag go /ji lta zhe na/ gnod pa la ji mi snyam pa dang/ sdug bsngal nyams su len pa'i bzod pa gnyis ni bsod nams kyi tshogs su bsdu'o/ /cho la nges par rtog pa'i bzod pa ni
 ye shes kyi tshogs su bsdu'o/ /brtson 'grus la yang sems can gyi zhing rmo pa dang tshong bya ba la sogs pa'i las la grogs byed pa'i brtson 'grus ni bsod nams kyi tshags su bsdu'o/ /dge ba'i bshes gnyen la brten pa dang/ /dam pa'i chos nyan pa dang/
 sems pa dang/ /bsgom pa la sogs pa byed pa'i brtson 'grus ni ye shes kyi tshogs su bsdu'o/ /bsam gtan la yang 'jig rten pa'i bsam gtan dang/ /gzugs med pa'i snyoms par 'jug pa dang/ /zag pa med pa'i bsam gtan rnams kyis sems
 can gyi don bya ba la zhugs pa dang/ bsod nams kyi tshogs su bsdu'o/ /bsam gtan la rten nas rnam par mi rtog pa'i ting nge 'dzin bsgom na ye shes kyi tshogs su bsdu'o/ /lnga car ye shes tshogs su'o zhes bya ba la pha rol tu phyin pa drug las shes rab
 kyi pha rol tu phyin pa ni ye shes kyi tshogs nyid do/ /sbyin pa'i pha rol tu phyin pa nas bsam gtan gyi pha rol tu phyin pa'i bar du pha rol tu phyin pa lnga po rnams thams cad mkhyen pa'i ye shes thob par bya ba'i phyir bsngos sam/ /'khor gsum yongs su dag
 pa'i tshul du spyod na lnga car yang ye shes kyi tshogs su 'gyur ro/ /gzhan yang sdig pa bshags pa dang/ bsod nams kyi rjes su yi rang ba dang/ /chos kyi 'khor lo bskor ba gsol ba gdab ba la sogs pa yang bsod nams kyi tshogs su bsdu
 ste /de bas na 'phags pa blo gros mi zad pa'i mdo las byed/ byang chub sems dpa' rnams kyi bsod nams kyi tshogs mi zad pa gang zhe na/ /sbyin pa bsod nams bya ba'i dngos po dad/ tshul khrims dang/ /bsgom pa bsod nams bya ba'i dngos po
 dang zhes bya ba la sogs pa rgya cher gsungs so/ /gzhan yang dge ba'i bshes gnyen la brten pa dang/ /dam pa'i chos nyan ba la sogs pa byed pa yang ye shes kyi tshogs su bsdu ste/ /de bas na 'phags pa blo gros mi zad pa'i mdo las kyang/ de
 la byang chub sems dpa' rnams kyi ye shes kyi tshogs mi zad pa gang zhe na/ rgyu gang dang rkyen gang gis ye shes rtog par 'gyur ba'i rgyu de dag dang rkyen de dag byang chub sems dpa' yang dag par bsgrub ste/ de la
 rgyu ni gang rkyen ni gang zhe na/ gang 'di ye shes yongs su tshol ba la rab tu mos pa dang/ /ye shes rtogs pa'i dge ba'i bshes gnyen la rtag tu brten pa dang/ 'grogs pa dang/ bsnyen bkur byed pa dang zhes bya ba la sogs pa
 rgya cher gsungs so/ /rgyun tu bsgom pa thob nas ni/ /dge la yang dang yang du'o/ /gang kun sgrub par tshogs yin zhes bya ba las tshogs zhes bya ba'i des pa'i tshig ston to/ /tshogs zhes bya ba la rgya gar skad du sa b+haM ra
 zhes 'byung ste/ /de la si zhes bya ba ni si tad+d+ha'i don ni rgyun tu zhes bya bar 'gro'o/ /b+hA zhes bya ba ni don du 'dren pas sgrom pa'i don du 'gro'o/ /de zhes bya ba a har zhes pa'i don du 'gro bas kun tu bsgrub pa'i don du 'gro'o/ /
 mdor na sbyin pa la sogs pa la rgyun tu bsgom pa la brten nas pha rol tu phyin pa drug gi dge ba la yang nas yang du bsgom pas sangs rgyas kyi sku gsum sgrub par byed pa la tshogs zhes bya ste/ 'di ni des pa'i tshig bstan to/
 bstan pa thams cad don sgrub pa zhes bya ba la/ de ltar sangs rgyas kyi sku gsum thob par byas nas bdag gi don yang sgrub par byed/ /gzhan gyi don yang sgrub par byed de/ de ni tshogs gnyis kyi las so/ /tshogs kyi rab tu dbye ba
 bstan pa'i phyir/ /'jug pa'i phyir dang mtshan med phyir zhes bya ba la sogs pa smos te/ so so'i skye bo'i dus nas mos pas spyod pa'i sa 'jig rten gyi chos mchog man chad kyi tshe bsod nams dang ye shes kyi tshogs bsags pa ni sa dang
 po la 'jug cing sa dang po thob par bya ba'i phyir sogs par byed do/ /sa gnyis pa nas drug pa man chad kyi tshe tshoD sogs pa ni mtshan ma med pa'i sa bdun pa la 'jug cing sa bdun pa thob par bya ba'i phyir sogs par byed de/ /sa bdun pa'i dus na ni mdo
 sde la sogs pa'i chos rnam pa sna tshogs la don tha dad par yid la mi byed cing/ mi rtog pas na mtshan ma med pa zhes bya'o/ /lhun gyis grub phyir tshogs rnams te/ /zhes bya ba la sa bdun ba'i bsod nams dang ye shes kyi tshogs ni sa brgyad
 pa dang dgu pa'i bsod nams dang ye shes kyi tshogs lhun gyis grub par sgrub pa ni sa de thob par bya ba'i phyir sogs pa zhes bya ba'i don to/ /dbang bskur phyir dang zhes bya ba la/ sa brgyad pa dang dgu pa'i bsod nams dang ye shes kyi tshogs ni
 dbang bskur ba'i sa bcu pa thob par bya ba'i phyir sogs te/ /sa bcu par phyogs bcu'i de bzhin gshegs pa thams cad kyis chos kyi rgyal tshab tu dbang bskur ba'i phyir dbang bskur ba'i sa zhes bya'o/ mthar thug phyir zhes bya ba la/ sa bcu ba'i tshe bsod
 nams dang ye shes kyi tshogs bsags pa ni ye shes bzhi dang/ /chos kyi dbyings rnam par dag pa dang ldas bsdus pa mthar thug pa'i sangs rgyas kyi sa thob par bya ba'i phyir sogs par byed do zhes bya ba'i don to/ /dran pa nye bar gzhag pa rnam par
 dbye ba'i tshigs su bcad pa gsum ste zhes bya ba la/ /tshogs kyi skabs bshad pa'i rjes la byang chub kyi phyogs kyi chos sum cu rtsa bdun bshad par 'brel ba ci yang snyam na de ltar chogs bsags ba des nyon mongs pa dang shes bya'i sgrib pa spang ba'i phyir
 byang chub kyi phyogs la bsgom par byed de de bas na tshogs kyi rjes la byang chub kyi phyogs kyi skabs bshad par 'brel to/ /de la yang dran pa nye bar gzhag pa bzhi bsgom pa ni tshigs su bcad pa gsum gyis bstan to/ /rnam pa bcu bzhir blo ldan gyis/ /dran pa nye
 bar gzhag sgom pa/ /de ni mnyam pa med pa'i phyir/ /de dag gzhan las khyad zhugs so zhes bya ba la/ byang chub sems dpa' rnams kyi dran pa nye bar gzhag pa sgom pa de rnam pa bcu bzhi ltar sgom pas/ rnam pa bcu ba ni
 ltar ni nyan thos la sogs mi sgom pa'i phyir/ /nyan thos la sogs pa'i sgom pa dang mi 'dra ste/ /de bas na byang chub sems dpa' dran pa nye bar gnag? bsgom pa ni nyan thos la sogs pa gzhan las khyad zhugs pa'o/ /rnam pa bcu bzhi gang zhe na/ rten
 dang gnyan po rnam dag dang zhes bya ba la sogs pa smos te/ rnam pa bcu bzhi ni rten gyi rnam pa khyad zhugs pa dang/ /gnyen po'i rnam pa khyad zhugs pa dang/ /de bzhin du 'jug pa'i rnam pa khyad zhugs pa dang/ /dmigs pa'i rnam pa khyad zhugs pa dang/
 yid la byed pa'i rnam pa khyad zhugs pa dang/ /thob pa'i rnam pa khyad zhugs pa dang/ rjes su mthun pa'i rnam pa byang zhugs pa dang/ rjes su 'jug pa'i rnam pa khyad zhugs pa dang/ /shes pa'i rnam pa khyad zhugs pa dang/ gzhan yang skye ba'i rnam pa khyad
 zhugs pa dang/ ched kyi rnam pa khyad zhugs pa dang/ /mchog gi gnas pa khyad zhugs pa dang/ bsgom pa'i rnam pa byang zhugs pa dang/ /thob pa'i rnam pa khyad zhugs pa dang/ /ji ltar na rten pa zhe na/ theg pa chen po nyan pa dang zhes bya ba la sogs pa la/
 nyan thos rnams dran pa nye bar gzhag pa bzhi bsgom pa ni nyan thos kyi sna? snod gsum nyan pa dang/ /sems pa dang/ sgom pa'i shes rab la brten nas sgom par byed kyi/ /byang chub sems dpa' rnams kyi dran pa nye bar gzhag pa bzhi bsgom pa ni theg
 ba chen po'i chos nyan pa dang/ /sems pa dang/ sgom pa'i shes rab la brten nas sgom pas na rten gyi khyad zhugs so/ /ci'i phyir gnyen po zhe na/ /phyin ci log bzhi'i gnyen por dmigs cing dang/ bsdug bsngal ba dang zhes bya ba la sogs
 pa la/ /gnyen po'i rnam par bsgom pa yang nyan thos la sogs pas ji ltar khyad zhugs she na/ nyan thos la sogs pa ni phyin ci log bzhi'i gnyen por phyin ci ma log pa bzhi sgom pa ste/ /gcod par 'dzin pa'i gnyen por ni lus la mi gtsang ba bsgom
 pa ste/ /glang pa'i rgyas nas rkang ba'i rting ba'i bar du rnag dang khrag la sogs pa sgom pa'i phyir ro/ /bde bar 'dzin pa'i gnyen por tshog ba thams cad sdug bsngal bar sgom ste/ /gang cung zad tshor ba de dag sdug bsngal lo zhes bsgom pa'i phyir ro/ /
 rtag par 'dzin pa'i gnyen por sems mi rtag pa sgom ste/ /sems ni skad cig skad cig par 'dod chags par 'gyur ba dang/ /zhe sdang bar 'gyur ba'i phyir ro/ /bdag tu 'dzin pa'i gnyen por chos thams cad la bdag med par sgom ste/ /'dod chags
 ni kun nas nyon mongs par 'gyur/ /'di la kun nas nyon mongs pa dang rnam par byang bar 'gyur pa'i bdag gang yang med zhes bsgom pa'i phyir ro/ /byang chub sems dpa' rnams ni de las khyad zhabs te/ /de bas na lus la sogs pa la yod/ chos la bdag
 med par rtog pa'i phyir ro zhes bya ba smos te/ /byang chub sems dpa' rnams la ni mi gtsang ba dang/ /sdug bsngal ba'i rnam pa lta bur bsgom pa nyid mi mthun pa'i phyogs yin te/ /de bas na de'i gnyen por lus dang tshor ba la sogs pa ji ltar byis pa so so'i
 skye bos bzung ba dang/ 'dzin pa'i rnam par yid la byed pa bzhin du ma yin gyi/ /thams cad kyang nam mkha' i ngos bzhin du chos la bdag med pa'i rang bzhin du rtogs pas na gnyen po'i rnam pas khyad zhugs so/ /ji ltar na 'jug pa zhe na/ /dran pa nye bar
 gzhag pa bzhi rnams kyis rim bzhin du sdug bsngal ba dang zhes bya ba la sogs pa la/ /ji ltar na 'jug pa'i rnam pas nyan thos la sogs pa las khyad zhugs she na/ /'di ltar lus dran pa nye bar gzhag pa bsgoms pas ni sdug bsngal gyi bden pa'i
 'jug ste/ lus kyi rang bzhin ji lta bu yin pa khong du chud nas lus 'di skye ba dang rga ba dang na ba dang 'chi ba la sogs pa'i sdug bsngal mang po dang ldan par rtogS par 'gyur bas sdug bsngal gyi bden pa la 'jug go/
 tshor ba dran pa nye bar gzhag pa bsgoms pas kun 'byung gi bden pa la 'jug par 'gyur te/ /ji ltar na tshor ba bde ba myong ba ni 'dod chags bag la nyal bar 'gyur/ tshong ba sdug bsngal bar myong na ni zhe sdang bag la nyal bar 'gyur/ /tshed
 ba bde pa yang ma yin sdug bsngal ba yang ma yin pa myong na ni gti mug bag la nyal bar 'gyur te/ de ltar bag la nyal bar 'gyur ba de rnams kyis tshe phyi ma la len pa'i rgyu byed pas na kun 'byung gi bden pa la 'jug par 'gyur ro/ /sems dran
 pa nye bar gzhag pa bsgom par 'gog pa'i bden pa la 'jug bar 'gyur te/ /ji ltar zhe na/ 'di dag ni sems tsam du zad kyi bdag ces bya ba gang yang med kyi/ sems de skad cig ma ste/ rang skye zhing rang 'gag par mthong na/ 'gog pa'i
 bden pa'i dus na bdag ces bya ba med de/ 'chad par 'gyur ba'i 'jig pa mi skye bas na 'gog pa'i bden pa la 'jug go /chos dran pa nye bar gzhag pa bsgom pas lam gyi bden nga la 'jug ste/ /ji lta zhe na/ /'dod chags la sogs pa ni
 kun nas nyon mongs ba'i chos yin te 'khor ba'i rgyu yin par mthong/ /dad pa la sogs pa ni rnam par byang ba'i chos yin te mya ngan las 'das pa'i rgyu yin par mthong nas dad pa la sogs pa'i chos la sgom par byed bas na lam gyi bden par
 'jug go /bdag dang gzhan rnams 'jug par byed ba'i phyir te zhes bya ba la/ nyan thos rnams ni bdag nyid bden pa bzhi la 'jug par bya ba'i phyir dran pa nye bar gzhag bsgom gyi byang chub sems dpa' rnams ni bdag dang gzhan gnyi ga bden
 pa bzhi la 'jug par bya ba'i phyir dran pa nye bar gzhag pa bzhi sgom par byed pas na 'jug pa khyad zhugs so/ dbus dang mdza' rnam par 'byed pa las ji skad bshad pa bzhin no zhes bya ba la/ /dran pa nye bar gzhag pa bzhi bsgoms na/ bden
 pa bzhi la 'jug pa yang/ /dbus dang mdza' rnam par 'byed pa las 'byung bzhin du blta ste/ /dbus mdza' las ji skad 'byung zhe na/ /lus ni gnas ngan len gyis yongs su bsgos pa ste/ /de brtags na sdug bsngal gyi bden pa la 'jug go /de
 la gnas ngan lan ni 'du byed kyi mtshan nyid yin pas/ gang gi phyir gnas ngan len rnams ni 'du byed kyi sdug bsngal gyis zag pa dang bcas pa thams cad sdug bsngal ba'o/ /tshor ba ni srid pa'i rgyu ste/ /de brtags pas kun 'byung gi bden pa la 'jug
 go /sems ni bdag tu mngon bar chags pa'i dngos po ste/ /de brtags na 'gog pa'i bden pa la 'jug pa ste/ /bdag chad par 'jigs pa dang bral ba'i phyir ro/ /chos la brtags pas kun nas nyon mongs pa dang/ rnam par byang ba'i chos la kun tu
 gti mug med pas lam gyi bden pa la 'jug go /ji lta dmigs she na/ sems can rnams kyi lus la sogs pa la dmigs pa'i phyir ro zhes bya ba la/ /ji ltar dmigs pa'i rnam bas khyad zhugs she na/ nyan thos la sogs pa ni bdag gi lus dang tshad
 ba la sogs pa tsam zhig la dmigs shing sgom par byed kyi/ byang chub sems dpa' rnams ni bdag dang sems can thams cad kyi lus dang/ tshor ba la sogs pa la dmigs bar byed do/ /de bas na dmigs pa khyad zhugs so/ /de bas na 'phags pa blo gros mi
 zad pa'i mdo las kyang/ /ji ltar na byang chub sems dpa' lus la ltas kyi rjes su lu zhing gnas zhe na/ /de bdag gi lus dang gzhan gyi lus la lus kyi rjes su lta zhing gnas te zhes bya ba la sogs pa gsungs so/ /ji ltar yid la byed pas cen/ lus la sogs
 pa la mi dmigs pa'o zhes bya ba la/ /ji ltar yid la byed ba'i rnam pas khyad zhugs she na/ 'di ltar nyan thos dag ni lus la mi gtsang ba'i tshul du byed tshor ba la sdug bsngal bar yid la byed/ sems mi rtag
 par yid la byed/ /chos la bdag med bar yid la byed do/ /byang chub sems dpa' lus la sogs pa thams cad mi gtsang ba la sogs ba'i rnam pa yid la mi byed kyi/ thams cad kyang nam mkha' i ngos bzhin du dmigs su med pa nyid du yid
 la byed ba'i phyir/ yid la byed pa'i khyad zhugs so/ ji ltar thob pa zhe na/ lus la sogs pa dang bral ba yang ma yin ma bral ba yang ma yin ba'i phyir ro zhes bya ba la/ ji ltar thob par khyad zhugs shen nyan thos la sogs pa ni lus dang tshor ba la sogs pa
 dang bral bar bya ba'i phyir sgom gyi/ byang chub sems dpa' rnams ni bral bar bya ba'i phyir sgom pa yang ma yin te/ mi 'bral bar bya ba'i phyir sgom par yang ma yin pas thob ba'i rnam pa'i khyad zhugs so/ /ji ltar 'bral ba yang ma yin zhe na/
 de bzhin gshegs pa'i sku gsum dang/ /mi 'bral zhing de thob bar bya ba'i phyir bsgom pas 'bral ba yang ma yin no/ /ji ltar mi 'bral ba yang ma yin zhe na/ /las dang nyon mongs pas bskyed ba'i lus dang bral bar bya ba'i
 phyir bsgom pas mi 'bral ba yang ma yin no/ /yang na sku gsum thob par bya ba'i phyir lus 'di dang yang bral bar mi byed de/ lus la brten nas sku gsum dgos pas na'o zhes bya ba la mi 'bral ba yang ma yin to/ lus dang
 nyon mongs pas bskyed pa'i lus sdug bsngal ba'i rang bzhin dbu ba'i gong bu lta bu 'di la chags par byas na so so'i skye bo bzhin du rtag tu 'khor bar gnas par 'gyur ba'i phyir lus 'di na 'di dang 'bral bar yang byed do/
 de bas na 'phags pa blo gros mi zad pa'i mdo las kyang/ /lus kyi sngon gyi mdza' la yang rtog /lus kyi phyi ma'i mdza' i la yang rtog ces bya ba nas/ /lus 'di la bdag gir mi bya ba'i bdag lus snying po med pa 'di la snying po mngon par ?
 brgya bar bya'o/ /'di lta ste/ /snying po gang zhe na/ /gang 'di de bzhin gshegs pa'i sku/ /chos kyi sku/ /rdo rje'i sku/ mi shigs ba'i sku/ /brtan pa'i sku/ khams gsum thams cad las bye brag tu 'phags pa'i sku de bdag gis
 bsgrub par bya'o/ /bdag gi lus nyes pa du ma'i skyon chags mod kyi/ /de bzhin gshegs pa'i sku nyes pa thams cad dang bral ba rab tu thob par bya'o/ /des legs pa mthong bas na so sor rtog pa'i stobs kyis 'byung ba chen po'i gnas
 kyi lus la sbyong? ngo zhes bya ba la sogs pa gsungs so/ /ji ltar na rjes su mthun zhe na/ /pha rol tu phyin pa dang rjes su mthun pas zhes bya ba la sogs pa la/ ji ltan rjes su mthun pa'i rnam pas khyad zhugs she na/ /byang chub sems dpa' lus la
 sogs dran pa nye bar gzhag pa bsgoms pa dang/ /pha rol tu phyin pa drug gi mi mthun pa'i phyogs ser sna la sogs pa spang ba'i gnyen por 'gyur bas pha rol tu phyin pa drug dang rjes su mthun par 'gyur te/ /ji lta zhe na/ /lus dang tshor ba la
 sogs pa sgyu ma dang smig rgyu ba lta bur yang dag pa ma yin zhing stong par mthong na phyi nang gi dngos po la chags pa mi skye'o/ /chags pa ma skyes na phyi nang gi dngos po gtong bar byed pas sbyin pa dang mthun no/ /phyi nang gi dngos po gtong bar nus na
 tshul khrims yang dag par len pas tshul khrims dang mthun no/ /tshul khrims la gnas pa rnams ni rjeg pa la slar mi rdeg pa dang/ /gshe ba la slar mi gshe bas bzod pa grub pa'i phyir bcod pa dang rjes su mthun na/ /bzod pa la gnas
 pa rnams ni grang pa dang tsha ba byung ba yang dge ba byed pa mi gtong bas brtson 'grus grub pa'i phyir brtson 'grus dang rjes su bstan no/ /brtson 'grus la gnas pa rnams ni lus la sogs pa la mi rtag pa dang/ stong pa
 yin par khong du chud cing de la yang rtse gcig tu sgom par byed pas ting nge 'dzin dang shes rab rjes su mthun pa yin no/ /ji ltar rjes su 'jug zhe na/ 'jig rten pa dang nyan thos dang zhes bya ba la sogs pa la/ rjes su 'jug pa'i rnam
 pas ji ltar nyan thos la sogs pa las khyad zhugs she na/ dran pa nye bar gzhag pa bzhi la 'jig rten pa dag kyang bsgom/ nyan thos dang rang sangs rgyas kyang bsgom ste/ mdo las/ 'jig rten pa dang/ nyan thos dang/ rang sangs rgyas kyi dran pa
 nye bar bzhag pa ji ltar bsgom pa bstan pa ltar/ byang chub sems dpas kyang de ltar bsgom te/ ci'i phyir de dag gi dran pa nye bar gzhag pa bsgom zhe na/ 'jig rten pa'i dran pa nye bar gzhag pa'i bsgom pa'i lung 'dod pa dang/ nyan thos dang/ rang sangs
 rgyas kyi dran pa nye bar gzhag pa bsgom pa'i lung bstan cing sgom pa'i phyir/ de dag dran pa nye bar gzhag pa la sgom par byed de/ de bas na rjes su 'jug pa'i rnam pas khyad zhugs so/ /ji ltar shes zhe na/ lus sgyu ma lta bur shes pas zhes bya
 ba la sogs pa la/ ji ltar shes pa'i rnam pas khyad zhugs she na/ lus ni sgyu ma lta bur shes te/ ji lta zhe na/ ji ltar sgyu ma'i rta dang/ glang po'i gzugs su med kyang rta dang glang po'i gzugs 'dra ba yang dag pa ma yin par snang ba de bzhin du/
 gzugs kyi phung po de yang ji ltar snang ba de bzhin du yod pa ma yin yang yod pa 'dra ba yang dag pa ma yin par snang bas na sgyu ma lta bu'o/ /tshor ba rmi lam lta bur shes pas de bzhin du log pas rjes su myong ba dang zhes bya ba la/ tshor ba ni rmi lam lta bur
 shes te/ dper na rmi lam gyi dus na dgra la sogs pa mthong nas 'jigs pa dang sdug bsngal skyes pa dang/ mdza' ba la sogs pa mthong nas dga' ba dang bde ba skyes shing myong ba de dag yod pa ma yin yang rjes su myong ba de bzhin du/ tshong ba bde
 ba dang sdug bsngal dang bde ba yod ma yin sdug bsngal ba yang ma yin pa dag /yod pa ma yin yang myong bas na rmi lam lta bur shes so/ /sems kyi rang bzhin gsal bar shes pas nam mkha' bzhin dang zhes bya ba la/ sems kyi rang bzhin 'di'i
 skabs su gzhan dbang gi sems la mi bya'o/ /sems kyi chos nyid yongs su grub pa'i mtshan nyid la bya ste/ dper na nam mkha' rang bzhin gyis gsal zhing dag pa bzhin du/ yongs su grub pa'i mtshan nyid kyang rang bzhin gyis 'od gsal zhing dag
 par shes so/ /chos rnams glo bur du byung bar shes pas nam mkha' la rdul dang zhes bya ba la sogs pa la/ 'dod chags la sogs pa kun nas nyon mongs pa'i chos dang/ dad pa la sogs pa rnam par byang ba'i chos rnams ni glo bur du byung bar shes te/
 dper na nam mkha' la sprin dang du ba dang khug rna la sogs pa snang ba nam mkha' i rang bzhin ma yin gyi/ brnyan ma glo bur du byung ba yin pa de bzhin du/ sems la kun nas nyon mongs pa'i chos dang/ rnam par byang ba'i chos byung ba de dag kyang sems kyi rang bzhin
 ma yin gyi/ brnyan ma glo bur du byung ba yin par shes so/ /ji ltar skye bas zhe na/ bsams bzhin du srid par skye ba na/ zhes bya ba la sogs pa la/ ji ltar skye ba'i rnam pas khyad zhugs she na/ so so'i skye bo bzhin du las dang nyon mongs pa'i dbang giS
 ni mi skye'o/ /dogs pa'i dbang gis sems can gyi don du bsams ba zhin du srid par skye ba na 'khor los sgyur ba dang/ brgya byin dang/ tshangs pa la sogs par skyes pa'i lus phun sum tshogs pa dang/ tshor ba bde ba myong bar 'gyur ba'i rgyu longs spyod phun sum
 tshogs pa dang ldan yang/ 'dod chags dang zhe sdang la sogs pa'i nyon mongs pa'i chos mi skye ste/ nyon mongs pas mi gos pas na skye ba'i rnam pas khyad zhugs so/ /ji ltar tshad zhe na/ rang bzhin gyis dbang po rno ba'i phyir
 zhes bya ba la sogs pa la/ ji ltar tshad kyi rnam pas khyad zhugs she na/ ji ltar byang chub sems dpa' ni rang bzhin gyis dbang po rno ba yin pas/ yun thung du sgom zhing so so skye bo'i dus na sgom pa dang/ 'phags pa'i dus na thob phyir sgom pa
 ma yin pas/ sgom ba chung yang nyan thos dang rang sangs rgyas kyis dran pa nye bar gzhag pa bsgom pa bas khyad zhugs par 'phags te/ de ci'i phyir zhe na/ bdag dang gzhan gyi don du bsgom pa dang/ gang zag dang chos la bdag med
 pa'i rnam par sgom pa'i phyir tshad kyi rnam pas khyad zhugs so/ /ji ltar mchog ce na/ yongs su rdzogs pa rnams zhes bya ba la sogs pa la/ ji ltar mchog gi rnam pas khyad zhugs she na/ sa brgyad pa la dran pa nye bar gzhag pa bzhi bsgom
 pa yongs su rdzogs te/ brtsal 'bar med par lhun gyis grub par bsgom pas na 'dres pa dang nye bar 'dres pa'i rnam pas bsgom pas mchog gi rnam pas khyad zhugs so/ /de las brgyad pa la zhugs pa'i byang chub sems dpa' rnams gcig
 gis dran pa nye bar gzhag pa bzhi bsgom na gzhan gyis kyang bsgom pa yin la/ gzhan gyis bsgoms pa yang bdag gis bsgom pa yin pas/ 'dres pa dang nye par 'dres pa zhes bya'o/ /yang na sa bdun pa las dang por sa brgyad pa thob pa'i
 skad cig ma la ni 'dres pa zhes bya'o/ /de nas sa brgyad pa'i skad cig ma gnyis pa nas bsams te/ sa dgu pa la ma zhugs kyi bang la ni nye bar 'dres pa zhes bya'o/ /ji ltar bsgom pa dang shin tu bsgom pa'i phyir zhes bya ba la sogs pa la/ ji
 ltar bsgom pa'i rnam pas khyad zhugs she na/ byang chub sems dpa' rnams ni dran pa nye bar gzhag pa bzhi shes rab kyi khyad par dang snying rje'i khyad par gyis zin par bsgoms pas na phung po'i lhag ma ma lus pa'i mya ngan las 'das kyang dran pa nye bar
 gzhag pa bsgom pa mi zad pas na sgom pa'i rnam pas khyad zhugs pa'o/ /de la shes rab kyi khyad par ni gang zag dang chos bdag med par khong du chud pa'i phyir ro/ /snying rje'i khyad par ni sems can yongs su mi gtong ba'i snying rje dang ldan pa'i phyir ro/ /ji ltar
 thob pa zhe na/ sa bcu dang sangs rgyas gyi sa grub pa'i phyir ro zhes bya ba la/ nyan thos rnams kyis dran pa nye bar gzhag pa bzhi bsgom pas ni rgyun tu zhugs pa dang/ lan cig phyir 'ong ba dang/ phyir mi 'ong ba dang/ dgra bcom pa'i 'bras bu thob kyi
 byang chub sems dpa' rnams kyi dran pa nye bar gzhag pa bsgoms pas ni sa bcu thob pa dang/ sangs rgyas kyi sa thob ste/ de bas na thob pa'i rnam pas khyad zhugs so/ /yang dag par spong ba rnam par dbye ba la tshigs su bcad pa lnga ste zhes bya ba la/ dran pa nye bar
 gzhag pa'i skabs bshad pa'i 'og tu yang dag par spong ba'i skabs bshad par 'brel pa ci yod ce na/ dran pa nye bar gzhag pa'i bsgom pa la gnas pa ste/ dran pa nye bar gzhag pa bsgoms pas thob par bya ba'i bar du gcod pa'i sgrib pa yod pas sgrib pa de bsal
 bar bya ba'i gnyen por yang dag par spong ba bsgom ste/ de bas na dran pa nye bar gzhag ba'i 'og tu yang dag par spong ba'i skabs bshad par 'brel to/ /brtan pa'i yang dag spong ba ni/ /lus can kun dang mnyam pa min zhes bya ba la/ yang dag pa'i spong ba ni
 rnam pa bzhi ste/ sdig pa mi dge ba'i chos ma skyes pa mi skyed pa dang/ sdig pa mi dge pa'i chos skyes pa spang ba dang/ dge ba'i chos ma skyes pa bskyed pa dang/ dge ba'i chos skyes pa 'phel ba bya ba'o/ /de la brtan pa byang chub sems dpa' rnams kyis
 yang dag par spong ba bzhi'i bsgom pa ni bdag dang sems can thams cad kyi don du bsgom pas nyan thos dang rang sangs rgyas kyi yang dag par spong ba bzhi bsgom pa las kyang khyad zhugs pas na/ lus can kun dang mnyam pa ma
 yin pa zhes bya'o/ /dran pa nye bar gzhag nyes pa'i gnyan po shin tu sgom par byed ces bya ba la/ byang chub sems dpa' rnams yang dag pa'i spong ba bzhi sgom pa ni dran pa nye bar gzhag pa bzhi bsgom pa la nyes pa dang skyon yod pa rnams
 spang bar bya ba'i phyir gnyen po sgom ste/ dran pa nye bar gzhag pa'i nyes pa ni gong du theg le? chen po'i chos nyan pa dang sems pa dang bsgom pa'i shes rab rten du bshad pa la/ theg pa chen po'i chos mi nyan mi sems mi sgom pa ni nyes pa'o 
 de bzhin du thob pa'i rnam pa la sa bcu dang sangs rgyas kyi sa ma thob na sgrib pa'o zhes bya bar sbyar te/ tshigs bcad 'dis ni yang dag par spong ba'i don gyi phyir bshad pa 'am/ mdor bsdus te bshad pa'o/ /dran ba nye bar gzhag pa ji
 snyed du bshad pa de dag gi zhes bya ba la sogs pa la/ dran pa nye bar gzhag pa la brten pa la sogs pa rnam pa bcu bzhir bshad pa de dag gi mi mthun pa'i phyogs ji snyed yod pa de dag spang ba'i phyir de'i gnyen por yang dag par spong
 ba bsgom mo/ /rab tu dbye ba ni zhes bya ba la/ yang dag par spong ba bzhi mdor bstan nas de yang dag pa'i spong ba phye ste bstan na zhes bya ba'i don to/ /'khor ba la ni longs spyod dang zhes bya ba la/ byang chub sems dpa' sems can gyi don du
 'khor ba na brgya byin dang tshangs pa la sogs pa'i lus blangs nas longs spyod phun sum tshogs pa myong ba'i dus na 'dod chags la sogs pa'i nyon mongs pas mi gos shing nyon mongs pa'i dbang du mi 'gyur bar bya ba'i phyir yang dag par
 spong ba bzhi bsgom mo zhes bya ba'i don to/ /sgrib pa dag ni gtong ba dang zhes bya ba la/ gtong ba ni spong ba la bya ste/ sgrib pa lnga spang bar bya ba'i phyir yang dag par spong ba bzhi bsgom mo zhes bya ba'i don to/ /sgrib pa lnga ni 'dod pa'i 'dod chags dang/ gnod
 sems dang/ gnyid dang rmugs pa dang/ rgod pa dang 'gyod pa dang/ the tshom mo/ /yid la byed pa gtong ba dang zhes bya ba la/ 'dir yang gtong pa'i sgras spong ba la bya ste/ theg pa chen? po'i don yid la mi byed kyi/ nyan thos dang rang sangs rgyas kyi yid la
 byed pa spang ba'i phyir yang dag par spong ba bzhi bsgom mo zhes bya ba'i don to/ /sa nyid la ni 'jug pa dang zhes bya ba la/ mos pas spyod pa'i sa nas sa dang po la 'jug par bya ba la sgrib par 'gyung ba'i chos spang bar bya pa'i phyir/ yang dag par spong ba bzhi
 bsgom mo zhes bya ba'i don to/ /mtshan ma med par gnas pa dang zhes bya ba la/ mtshan ma med pa ni sa bdun pa ste/ sa gnyis pa nas so drug pa man chad la gnas te/ sa bdun pa thob par bya zhing sa bdun pa la gnas par bya ba la bar du gcod pa'i nyes pa spang
 bar bya ba'i phyir yang dag par spong ba bsgom mo zhes bya ba'i don to/ /lung bstan pa yang thob pa dang zhes bya ba la/ lung bstan pa ni sa brgyad pa ste/ sa brgyad pa thob par bya ba'i phyir/ sa brgyad pa thob par bya ba la bar du gcod pa'i nyes pa spang bar bya ba'i phyir
 yang dag pa'i spong ba bsgom mo zhes bya ba'i don to/ /sems can yongs su smin byed dang zhes bya ba la sems can yongs su smin byed pa ni sa dgu pa ste/ sa dgu pa'i tshe so sor yang dag par rig pa bzhi thob pas sems can la chos bstan pa'i sgo nas sems can
 yongs su smin par byed pa'i phyir/ sa dgu pa thob par bya ba la bar du gcod pa'i sgrib pa spang bar bya ba'i phyir yang dag pa'i spong ba bzhi bsgom mo/ /blo ldan rnams kyi dbang bskur dang zhes bya ba la/ byang chub sems dpa' rnams rgyal tshab tu dbang bskur ba thob pa
 la ni sa bcu pa rnams te/ sa bcu thob par bya pa la ni sgrib pa spang bar bya ba'i phyir yang dag par spong ba bzhi bsgom mo zhes bya ba'i don to/ /zhing rnams rnam par spyod ba'i phyir zhes bya pa la/ sa brgyad pa dang dgu pa dang bcu pa nyid la
 sangs rgyas kyi zhing sa gzhi shel la sogs pa'i kha dog lta bur yongs su sbyong bar byed de/ sa gsum la sangs rgyas kyi zhing yongs su spyod par bya ba la/ bar du gcod pa'i sgrib pa spang bar bya ba'i phyir yang dag pa'i spong ba bzhi bsgom mo zhes bya ba'i don
 to/ /mthar ni thug par 'gro bar 'gro ba dang zhes bya ba la/ mthar thug par 'gro ba'i sa ni sa bcu gcig pa sangs rgyas kyis ste/ sangs rgyas kyi sa thob par bya ba la bar du gcod pa'i sgrib pa spang bar bya ba'i phyir yang dag pa'i spong ba bzhi bsgom mo zhes
 bya ba'i don to/ /byang chub sems dpa' bsgom pa ni/ mi mthun phyogs kyi gnyen po'o zhes bya ba la/ byang chub sems dpa' rnams yang dag pa'i spong ba bzhi bsgom pa ni 'khor ba na longs spyod pa nas brtsams te/ mthar thug pa'i 'gro bdag la sgrib pa'i mi
 mthun pa'i phyogs spong ba'i phyir bsgom mo zhes bya ba'i don to/ /'di dag ni yang dag pa'i spong ba bzhi bsgom pa'i rab tu dbye ba'o/ /dad la brten nas rnal 'byor bsgom/ /mtshan ma dang ni bcas pa'o/ /yang dag spong ba thams cad la/ /gnyen po gang du
 bshad pa yin/ /zhes bya ba'i tshigs su bcad pa 'dis yang dag pa'i spong ba bzhi bsgom pa bstan te/ de la dad pa la brten cing gnas nas zhi gnas dang lhag mthong bsgom pa ni rnal 'byor bsgom pa zhes bya'o/ /zhi gnas dang lhag mthong bsgom pa yang/
 zhi gnas kyi mtshan ma dang/ gzeng bstod pa'i mtshan ma dang/ btang snyoms kyi mtshan ma dang bcas par bsgoms te/ de ltar bsgom ba ni gong du yang dag pa'i spong ba rab tu dbye ba ? bar du gcod pa thams cad kyi gnyen po yin par bshad do/ /'dis
 ni dad pa bskyed pa dang/ rtsol ba dang zhes bya ba la sogs pa la/ dad pa la brten nas rnal 'byor bsgom zhes bya ba la sogs tshigs su bcad pa gcig gis mdo sde las dad pa bskyed pa dang/ rtsol ba dang/ brtson 'grus brtsom pa dang/ sems rab tu 'dzin cing/
 yang dag par 'jog ces bya ba'i tshig lnga'i don 'chad de de la dad pa bskyed pa ni brtson 'grus kyi bzhi'o/ /rtsol ba dang/ brtson 'grus rtsom pa dang/ rab tu 'dzin pa dang/ yang dag par 'jig pa bzhi ni brtson 'grus kyi rang bzhin no/ /dad pa la brten nas zhi gnas dang
 lhag mthong zhes bya ba la sogs pa la/ 'di ltar sdig pa mi dge ba'i chos ma skyes pa mi skyed pa dang/ skyes pa spang ba dang/ dge ba ma skyes pa skyed pa dang/ skyes pa spel bar 'dod pa'i mos pa la brten nas/ rnal 'byor bas nyon mongs pa spang bar bya ba'i phyir/ dang
 pong? zhi gnas lhag mthong zhes bya ba'i rnal 'byor bsgom pa ni rtsol zhes bya ba'o/ /bsgom pa de dang zhi gnas dang gzing bstod pa dang zhes bya ba la sogs pa la/ zhi gnas lhag mthong bsgom pa la yang zhi gnas dang lhag mthong bsgom pa 'ba' zhig bsgom bar ma
 zad kyi/ zhi gnas dang lhag mthong gi rgyu zhi gnas kyi mtshan ma dang/ gzeng bstod pa'i mtshan ma dang/ btang snyoms kyi mtshan ma dang bcas par bsgoms te/ de ltar bsgom pa ni mtshan ma dang bcas pa zhes bya ba'o/ /ji ltar bsgom par bya zhe na/ gang nye ba'i
 nyon mongs pa zhum pa dang/ rgod ba'i gnyen por zhes bya ba la sogs pa la/ ji ltar na zhi gnas dang/ gzeng bstod pa dang/ btang snyoms kyi mtshan ma dang bcas par bsgom pa na nye ba'i nyon mongs pa zhum pa dang/ rgod pa dag 'byung zhing bar du gcod de/
 nam gnyid dang rmugs pa la sogs pas sems non na zhum bar 'gyur ba de na de bzhin gshegs pa'i yon tan nam/ bsam gtan gyi 'bras bu dag yid la byed pa'i gzengs bstod pa'i mtshan ma yid la byas nas sems spro ba bskyed par bya'o/ /nam? 'dod pa'i
 yon tan dag la sems phros nas g.yengs par 'gyur na/ 'khor ba'i skyon skye rgan 'chi ba la sogs pa yid la byas nas sems gzhil bar bya ste/ de ltar mthong gi mtshan ma la brtson 'grus rtsom pa zhes bya'o/ /ji ltar
 rtsom zhe na/ sems rab tu 'dzin pa dang/ yang dag bar 'jog pa ste zhes bya ba la/ zhum pa dang rgod pa'i gnyen por zhi gnas kyi mtshan ma dang/ lhag mthong gi mtshan ma la brtson 'grus rtsom pa yang/ ji ltar brtsom zhe na/ sems rab tu
 'dzin pa dang/ yang dag par 'jog pa'i tshul du brtson 'grus rtsam ste/ de la zhum pa rgod pa gnyis spangs nas sems mnyam pa nyid thob pas ni sems rab tu 'dzin pa zhes bya'o/ /de'i 'og tu sems mi bskyod pa btang snyoms nyid du 'jog
 pa ni yang dag par 'jog pa zhes bya'o/ /ji skad du bshad pa'i rnal 'byor du bsgom pa 'di dag ni zhes bya ba la/ dad pa bskyed pa dang/ rtsol ba la sogs pa rnam pa lnga'i tshul du bsgom pa de dag ni gong du yang dag pa'i spong ba rab tu dbye ba bshad pa
 la/ bar du gcod pa'i gnyen pa yin par bshad do/ /rdzu 'phrul gyi rkang pa rnam par dbye ba la tshigs su bcad pa lnga ste zhes bya ba la/ yang dag ba'i spong ba'i skabs kyi rjes la rdzu 'phrul gyi rkang pa'i skabs bshad pa 'brel ba ci yod ce na/ de ltar
 sdig pa mi dge ba'i chos ma bskyed pa mi skyed pa dang/ skyes pa spang ba dang/ dge ba'i chos ma skyes ba bskyed pa dang/ skyes pa 'phel bar bya ba'i phyir/ brtson 'grus brtsams pa'i sdig pa'i chos la sems mi 'jug pa'i ting nge 'dzin thob ste/ de bas na yang
 dag pa'i spong ba'i 'og tu rdzu 'phrul gyi rkang pa'i skabs bshad par 'brel to/ /de la rdzu 'phrul ni nam mkha' la 'phur ba la sogs pa ste/ de thob par byed pa'i rgyu mos pa la sogs pa bzhi la rdzu 'phrul gyi rkang pa zhes bya ste/ rkang pa ni rgyu la bya'o/ /yang
 na gang zag gang la rkang pa yod pa des gang du bgrod par bya ba'i gnas su phyin par byed pa de bzhin du gang la mos pa la sogs pa'i chos bzhi yod pa des 'jig rten las 'das pa'i chos thob par 'gyur bas na rdzu 'phrul gyi rkang pa zhes bya'o/ /rdzu
 'phrul gyi rkang pa rnam par dbye ba yang tshigs su bcad pa lngas ston to/ /rdzu 'phrul rkang pa bzhi rnams ni/ /brtan pa rnams kyi mtshan nyid mchog ces bya ba la/ nyan thos dang rang sangs rgyas la sogs pa'i rdzu 'phrul rkang pa bzhi pas
 brtan pa byang chub sems dpa' rnams kyi dngos po dang/ brtson 'grus dang/ sems ba dang/ dpyod pa'i rdzu 'phrul gyi rkang pa'i mtshan nyid mchog yin te/ de dag pas khyad zhugs so zhes bya ba'i don to/ /ji ltar mchog yin zhes na de'i
 phyir/ bdag dang gzhan dag rnams kyi yang/ /don rnams thams cad 'grub 'gyur ba zhes bya ba smos te/ nyan thos dang rang sangs rgyas kyi sa rnams kyis rdzu 'phrul gyi rkang pa bsgom pa ni bdag gi don bsgrub par bya ba'i phyir bsgom gyi/ byang
 chub sems dpa' rnams rdzu 'phrul gyi rkang pa sgom pa ni bdag dang gzhan gnyi ga'i don thams cad 'grub par bya ba'i phyir bsgom ste/ de bas na nyan thos la sogs pa bas 'phags so/ /don thams cad ni 'jig rten gyi don dang/ 'jig
 rten las 'das pa'i don te/ 'jig rten gyi don ni brgya byin dang tshangs pa la sogs pa'i 'byor pa thob pa'o/ /'jig rten las 'das pa'i don ni byang chub rnam pa gsum 'thob pa'o/ /rten dang rab tu dbye ba dang/ /thabs dang mngon par bsgrub pa yis//
 blo ldan rdzu 'phrul rkang pa rnams/ /thams cad rnam par bzhag par 'dod zhes bya ba la/ blo ldan byang chub sems dpa' rnams kyi mos pa dang/ brtson 'grus dang/ sems dang/ dpyod pa'i rdzu 'phrul gyi rkang pa thams cad ni rnam pa bzhi ltar rnam par gzhag
 cing/ rnam pa bzhi lta bur 'dod de/ rnam pa bzhi ni rten dang rab tu dbye ba dang/ thabs dang mngon par bsgrub pa'o/ /tshigs su bcad pa 'dis ni rdzu 'phrul gyi rkang pa rnam par bzhag pa'i don mdor bstan to/ /tshigs su
 bcad lhag ma rnams kyis ni de'i don zhib tu bshad do/ /bsam gtan pha rol phyin la gnas zhes bya ba la/ 'dis ni brten bstan te/ rdzu 'phrul gyi rkang pa bzhi'i gnas dang/ brten ni gzugs kyi khams kyi bsam gtan dang po dang/ gnyis
 pa dang/ gsum pa dang/ bzhi pa yin te/ de bas na bsam gtan pha rol phyin la gnas zhes bya'o/ /de'i phyir 'phags pa blo gros mi zad pa'i mdo las kyang/ gzhan yang btsun pa shar dwA ti'i bu/ byang chub sems dpa' i rdzu 'phrul gyi rkang pa
 bzhi mi zad pa ste/ bzhi gang zhe na/ 'di lta ste/ mos pa dang/ brtson 'grus dang/ sems dang/ dpyod pa dang/ de dag gi rtsa ba'i rten dang gnas ni byams pa dang/ snying rje dang dga' ba dang btang snyoms tshad med bzhi rnams te/ de tshad med bzhi po de
 dag la bsnyen cing bsgoms te mang du byas pas sems las su rung ba thob par 'gyur ro/ /de sems las su rung ba thob pas bsam gtan dang po sems mnyam par gzhog go /de bzhin du gnyis pa dang/ gsum pa dang/ de bzhi pa la sogs pa la
 yang mnyam par gzhog ste/ de bsam gtan thob pas lus dang sems yang ba 'thob par 'gyur ro/ /de lus dang sems yang ba dang ldan pas mngon par shes pa la 'jug pa rab tu bsgrub bo zhes bya ba la sogs pa gsungs so/ /rab tu dbye ba rnam pa
 bzhi zhes bya ba la/ rdzu 'phrul gyi rkang pa la phyen rnam pa bzhi ste/ mos pa'i ting nge 'dzin pa dang/ brtson 'grus kyi ting nge 'dzin dang/ sems kyi ting nge 'dzin dang/ dpyod pa'i ting nge 'dzin dang/ de la chos thams cad stong pa dang/ bdag med par mos
 shing yid ches pa la brten nas spro zhing gus pa skyed de/ brtson 'grus bsam pa las sems rtse gcig tu gyur pa ni mos pa'i ting nge 'dzin ces bya'o/ /yang na sdig pa ni/ dge ba'i chos ma skyes pa mi skyed pa dang/ skyes pa spang ba dang/ dge ba'i chos ma
 skyes pa skyed pa dang/ skyes pa spel bar bya bar 'dod pa dang mos pa bskyed nas/ gus par brtson 'grus brtsams pa las/ sems rtse gcig par gyur pa ni mos pa'i ting nge 'dzin ces bya'o/ /yang na sdig pa mi dge ba'i chos ma skyes pa mi skyed pa dang/
 skyes pa spang ba dang/ dge ba'i chos ma skyes pa bskyed pa dang/ skyes pa spel bar bya ba'i phyir brtson 'grus su rgyun mi 'chad pa dang/ rtag tu bsams pa las sems rtse gcig tu gyur pa ni brtson 'grus kyi ting nge 'dzin ces bya'o/ /sems ni zhi gnas
 la bya ste/ tshe snga ma la zhi gnas bsgoms pa'i bag chags sems la brlan pa las bag chags de la brten nas/ tshe 'dir 'bad pa chen po med par sems rtse gcig tu gyur pa ni sems kyi ting nge 'dzin ces bya'o/ /dpyod pa ni lhag mthong la bya ste/ gang
 gzhan dag gis chos bstan pa rnams la shes rab kyi mtshan nyid rnam par dbye ba las/ the tshom dang bral nas sems rtse gcig tu gyur pa ni dpyod pa'i ting nge 'dzin ces bya'o/ /thabs dang mngon par bsgrub pa la rnam pa yang ni drug ces bya'o zhes bya ba la rdzu
 'phrul gyi rkang pa bzhi bsgrub pa'i thabs ni rnam pa bzhi'o/ /mngon par bsgrub pa ste 'bras bu ni rnam pa drug go /dang po spro ba byed pa ste zhes bya ba la/ thabs dang po ni spro ba byed pa'i thabs te spro? ba byed pa'i thabs ni brtson 'grus la bya'o/ gnyis pa phan 'dogs
 bdag nyid dod zhes bya ba la/ thabs gnyis pa ni phan 'dogs par byed pa'i bdag nyid de/ lus dang sems la dag par byed pa'o /gsum pa 'jog par byed pa ste zhes bya ba la/ thobs gsum pa ni 'jog par byed pa ste/ ting nge 'dzin la rtse
 gcig tu gnas pa'o/ /bzhi pa nyid ni gnyen po'i zhes bya ba la/ thabs bzhi pa ni gnyen po'i mtshan nyid do/ nyon mongs pa dang nye ba'i nyon mongs pa spong bar byed pa'o/ /spong ba'i 'du byed rnam pa brgyad la zhes bya ba la
 sogs pa la/ rdzu 'phrul gyi rkang pa rnams kyi bar du gcod pa'i mi mthun pa'i phyogs spong bar byed pa'i gnyen por 'gyur ba spong ba'i 'du byed rnam pa brgyad yod do/ /mos pa dang/ dad pa dang/ rtsol ba dang/ shin tu sbyangs pa dang/ dran pa dang/
 shes bzhin dang/ sems pa dang/ btang snyoms so/ /de la mos pa dang/ dad pa gsum pa ni spro ba'i thabs zhes bya'o/ /ci'i phyir de gsum la spro ba'i thabs zhes bya zhe na/ de'i phyir/ dad par 'gyur na mos dang? rtsol ba'i phyir ro zhes smos te/ de la
 mya ngan las 'das pa ni thob par byar rung bar yid ches 'phags pa'i lam ni bsgrub par byar rung bar yid ches pa ni dang pa'o/ /de ltar yid ches ba'i dang ba yod na/ mya ngan las 'das pa thob par bya ba dang/ lam bsgrub bar bya ba la 'dod pa skye ste/ de bas
 na mos pa'i rgyu ni dang pa yin no/ /de'i phyir gtsug lag gzhan dag las kyang/ dang po ni mos pa'i rten sbyin pa'i las can no zhes bshad do/ /de ltar mos pa ni 'gyur na mya ngan las 'das pa thob par bya ba dang/ lam bsgom par bya ba'i phyir brtson 'grus rtsom ste/
 de ltar brtson 'grus kyi rgyu ni smras pa'o/ /de'i phyir gtsug lag gzhan dag las kyang/ mos pa ni brtson 'grus kyi gnas sbyin pa'i las can no zhes bshad de/ de bas na de gsum ni spro ba'i thabs su gzhag go /shin tu sbyangs ba ni phan 'dogs pa'o zhes
 bya ba la/ shin tu sbyangs pa zhes bya ba ni lus dang sems las su rung ba la bya ste/ de ni phan 'dogs pa'i thabs so/ /ci'i phyir zhe na/ lus las su rung bas ni lus la phan 'dogs te/ lus ? mdog bde ba dang/ yang na skyed bar byed pa'i phyir ro/ /
 sems las su rung ba ni sems la phan 'dogs te/ sems ting nge 'dzin gyi yul la myur du 'jug pa dang/ gnyid dang rmugs pa la sogs pas mi non par byed pa'i phyir ro/ /dran pa dang shes bzhin ni 'thog par byed pa ste zhes bya ba la/ dran pa ni
 ting nge 'dzin la bya/ shes bzhin ni shes rab la bya ste/ de gnyis 'jig par byed pa'i thabs zhes bya'o/ /ci'i phyir de gnyis la 'jog par byed pa'i thabs zhes bya zhe na/ de'i phyir dang pos ni sems dmigs pa la mi g.yengs pa dang/ gnyis pa ni g.yeng ba
 rab tu shes pa'i phyir ro zhes smos te/ dang po ni zhi gnas kyi rang bzhin dran pa la bya ste/ des ni sems ting nge 'dzin gyi yul las sems gzugs la sogs pa'i yul las 'phros shing g.yengs pa las slar bsdus nas rtse gcig tu 'jog pas
 na 'jog pa'i thabs zhes bya'o/ /gnyis pa ni shes bzhin shes rab kyi rang bzhin te/ des sems yul la g.yeng bar shes nas myur ba myur bar ldon par byed pas na 'jog par byed pa'i thabs so/ /sems pa dang btang snyoms ni gnyen po'i thabs
 te zhes bya ba la/ sems pa dang btang snyoms gnyis la ni gnyen pa'i thabs zhes bya ste/ ci'i phyir zhe na/ sems pas ni zhum pa dang rgod pa'i nye ba'i nyon mongs pa gnyis gyi gnyen ba byed/ btang snyoms kyi sa ni 'dod chags dang zhe sdang la sogs pa
 nyon mongs pa'i gnyen bo byed do/ /sems zhum par gyur pa'i dus na ni sems pas de bzhin gshegs pa'i yon tan la sogs pa yid la byas nas sems gzengs bstod de/ zhum pa sel bar byed do/ /nam sems rgod par? gyur pa na 'khor ba'i skyon la sogs
 pa yid la byas nas sems zhi bar bya ste/ dge ba'i phyogs la 'jug par byed pas na/ sems pa ni nye ba'i nyon mongs pa gnyis kyi gnyen po'o/ /btang snyoms kyang 'dod chags la sogs pa nyon mongs pa'i gnyen po ste ji ltar zhe na/ btang snyoms ni nyon
 mongs pa'i chos skye ba dang mi mthun pa yin pas/ ji srid du btang snyoms su gnas pa de srid du nyon mongs pa rnams sems la cung zad kyang mi 'byung ba'i phyir ro/ /lta ba dang ni lung nod 'dod dang zhes bya ba la sogs pa
 rdzu 'phrul gyi rkang pa bzhi 'bras bu drug mngon par sgrub pa drug gang yin bston te/ mngon par sgrub pa drug ni lta ba mngon par sgrub pa dang/ lung nod pa mngon par sgrub pa dang/ gnas pas rnam par rtsen pa mngon par sgrub pa dang/ smon pa mngon par sgrub
 pa dang/ dbang byed mngon par sgrub pa dang/ chos thob pa mngon par sgrub pa'o/ /de la blta ba ni spyan rnam pa lnga ste zhes bya ba la/ spyan lngar blta ba zhes bya ste/ spyan lnga ni sha'i spyan la sogs pa'o/ /de la sha'i spyan ni byang chub sems dpa' rnams rdzu
 'phrul gyi rkang pa bsgoms pa'i mthus mig 'di lta bu rnam par 'gyur te/ gang gis stong gsum gyi stong chen po'i 'jig rten gyi khams na yod pa'i gzugs tshe phra thams cad mthong ba'o/ /rdzu 'phrul gyi spyan ni bsam gtan dang po gnyis pa la
 sogs pa bsgoms pa las grub pa ste/ sha'i spyan pas khyad zhugs par 'gyur bas gang gi phyogs bcu dus gsum gyi gzugs che phra thams cad mthong ba'o/ /'phags pa'i shes rab kyi spyan ni rnam par mi rtog pa'i ye shes so/ /chos kyi spyan
 ni mdo'i sde dang/ lung du bstan pa'i sde la sogs gsung rab yan lag bcu gnyis kyi chos thams cad la thogs ba med par shes pa'o/ /sangs rgyas kyi spyan ni zag pa dang bcas pa dang/ zag pa med pa dang/ 'dus byas dang/ 'dus ma byas
 la sogs pa'i chos thams cad thugs su chud pa'o/ /yang na sha'i spyan ni phyogs bcu'i 'jig rten mthar thugs pa med pa na da ltar gyi dus kyi sems can gyi gzugs che phra ci yod pa thams cad la thogs pa med par gzigs te/ de'i phyir
 mdo las kyang/ de'i sha'i mig gis dpag tshad gcig tu mthong/ dpag tshad brgya tshun chang du mthong/ 'dzam bu'i gling thams cad du mthong/ shin tu stong gsum gyi stong chen po'i 'jig rten gyi khams thams cad du mthong ngo zhes gsungs
 pa'o/ /de la 'phrul gyi spyan la yang rnam pa gnyis te/ las las skyes pa'i mig dang bsgoms pa'i 'bras bu dang gnyis so/ /de la las las skyes pa ni lha rnams kyi mig ste/ rang gi las kyis shin tu dbang po dang ma'i mig mthong na/
 gzugs dag la thogs pa med par mngon pa'o/ /bsgoms pa'i 'bras bu ni rnal 'byor byed pas ting nge 'dzin bsgoms pa'i mthus lha'i mig thob pa ste/ des na sems can de dag gi thog ma med pa'i dus kyi gnas gzigs pa ste/ sems
 can de dag de nas shi 'phos nas 'dir spyes so/ /de nas kyang shi 'phos nas kyang 'dir skyes so zhes bya ba'i tshul du da ltar gyi dus la thug gi bar du gzigs pa dang/ 'phrul gyi spyan gyis ni 'das pa dang/ ma 'ongs pa'i gzugs gzigs
 so/ /de la 'phags pa'i shes rab kyi spyan gyis ni chos rnams kyi rang dang spyi'i mtshan nyid rnams phyin ci ma log par thugs su chud do/ /de la chos kyi spyan zhes bya ba la chos kyi sgras ni gang zag la bya ste/ so so'i skye bo'i gang zag dang/ rgyun
 tu zhugs pa la sogs pa'i gang zag brgyad dang/ sa dang po nas sa bcu man chad kyi byang chub sems dpa' i gang zag rnams kyi sems kyi rgyud ci 'dra ba dang/ gang zag la phye na rnam pa du yod pa mkhyen pa ni chos kyi spyan zhes bya'o/ /shes par bya
 ba'i yul shes bya'i dkyil 'khor thams cad mngon sum du mngon pa ni sangs rgyas kyi spyan yin no/ /yang na spyan rnam pa lnga rnam pa bzhir gzhag ste/ gzugs mthong ba dang/ don dam pa'i chos mthong ba dang/ kun rdzob kyi chos mthong ba dang
 shes bya thams cad khong du chud pa'o/ /de la gzugs mthong ba rnam pa gnyis te/ las kyi rnam par smin pa las byung ba dang/ bsam gtan gyi 'bras bu'o/ /las kyi rnam par smin pa las grub ba'i mig la ni
 'phrul gyi spyan zhes bya ste/ gang stong gsum gyi stong 'jig rten gyi khams gcig gi nang na yod pa'i gzugs kun mthong ngo/ /bsam gtan gyi 'bras bu ni gzugs kyi khams kyi bsam gtan bzhi sgrub ba las thob pa ste/ gang gi phyogs bcu'i
 'jig rten gyi khams thams cad na yod pa'i gzugs kun mthong ba ste/ /de la ni 'phrul gyi spyan zhes bya'o/ /gang gis don dam pa gang 'gag pa med pa'i chos mthong ba la ni shes rab kyi spyan zhes bya'o/ /gang gis kun rdzob kyi chos mthong ba la ni
 chos kyi spyan zhes bya'o/ /gang gis 'dus byas dang 'dus ma byas la sogs pa'i chos thams cad gzigs pa la ni sangs rgyas kyi spyan zhes bya'o/ /yang na sha'i spyan dang/ 'phrul gyi spyan gyi ni sprul ba'i sku dang longs spyod rdzogs pa'i sku la mnga' ste
 sha'i spyan gyis ni da ltar gyi gzugs thams cad mthong ngo/ /'phrul gyi spyan gyis ni 'das pa dang/ ma 'ongs pa'i gzugs thams cad mthong ngo/ /bsam brtan bzhi dang/ snyoms par 'jug pa bzhi dang/ ting nge 'dzin rnamS gzugs su chud pa ni chos
 kyi spyan no/ /kun tu 'gro ba'i lam dang/ /las bdag gi dang/ mos pa sna tshogs dang/ khams sna tshogs mkhyen pa ni shes rab kyi spyan no/ /rdo rje lta bu'i ting nge 'dzin gyi 'og tu 'phags pa dgra bcom pa dang de bzhin gshegs pa rnams zag
 bzang bar bya ba mkhyen pa ni sangs rgyas kyi spyan no/ /lung nod ba ni mngon par shes pa ste/ rim bzhin du de dag kyang skad dang zhes bya ba la sogs pa la/ /bdag nyid de bzhin gshegs pa las lung nod ba dang/ bdag gis mnos ba'i lung sems can la
 brtan pa yang/ rdzu 'phrul gyi mngon par shes pa dang/ 'phrul gyi mig dang/ 'phrul gyi rna ba dang/ gzhan gyi sems shes pa dang/ sngon gyi gnas rjes su dran pa shes pa dang/ 'chi 'pho shes ba dang/ zag ba zad pa shes pa rnams kyis lung mnod
 cing gzhan la ston par byed pa'o/ /de yang rim bzhin du rdzu 'phrul gyi mngon bar shes pas ni sangs rgyas kyi zhing sems can gyi gnas de dang de dag tu 'gro bar byed do/ /'phrul gyi mig gis ni de bzhin gshegs pa'i sku dang sems can gyi lus
 dag mthong ngo/ /'phrul gyi rna bas ni de bzhin gshegs pa'i gsung dang/ sems can gyi skad sna tshogs thos so/ /gzhan gyi sems shes pas ni sems can ci dang ci sems pa rnams khong du chud do/ /sngon gyi gnas rjes su dran bas ni sems can dag
 'das ba'i dus nas gang nas 'phros te gang nas gang du shi 'phros te gang du skyes ba mthong ngo/ /'chi 'pho shes pas ni sems can dag 'di nas shi 'phos nas tshe rabs phyi mar gang nas gang du skyes pa mthong ba'o/ /zag pa zad pa'i mngon par
 shes pas ni bdag dang gzhan gyi sems kyi rgyud la nyon mongs pa yod pa zad par bya ba'i phyir de bzhin gshegs pa las kyang lung nod cing sems can la yang lung ston par byed do/ /gnas pas rnam par rtsen ba ni zhes bya ba la sogs pa la/ gnas
 pas rnam par rtsen pa mngon par bsgrub pa ni 'di ltar byang chub sems dpa' rnams rdzu 'phrul dang sprul pa rnam pa sna tshogs kyi mthus de bzhin gshegs ba'i 'khor gyi dkyil 'khor du ting nge 'dzin rnam pa du ma la 'jug pa dang ldan pas rol bar?
 byed pa'o/ /smon pa ni gang smon pas shes pa'i smon pa'i mthus zhes bya ba la sogs pa la/ /smon pa mngon par bsgrub pa ni gang smon lam gyi mthu las skyes pa'i ye shes te/ /smon lam gyi mthus skyes pa'i ye shes de'i dbang gi smon lam ji
 ltar btab bzhin du/ lha dang mi la sogs pa'i skye gnas de dang de dag tu ci dgar 'byung zhing sems can gyi don sna tshogs mdzad pas rol pa'o/ /de dag gi lus dang mthu dang sgra rnams zhes bya ba la sogs pa la/ smon
 lam gyi skye gnas de dang de dag tu skyes nas sems can gyi don mdzad bas rnam par rol pa ni sa bcu pa'i mdo las kyang/ de dag gi lus dang mthu dang sgra rnams bgrang bar sla ba ma yin na zhes bya ba la rgya cher gsungs te/ de dag gi zhes bya
 bas smon lam gyi dbang gis skye gnas de dang de dag tu skyes pa'i byang chub sems dpa' de dang de dag gis zhes bya ba'i don te/ de dag gi lus kyi yon tan dang/ sems kyi mthu'i yon tan dang/ sgra dbang gi yon tan la sogs pa'i bde bar brjod
 du sla ba ma yin no zhes bya ba'i don to/ /dbang byed pa ni de nyid ji ltar dbang bcu bstan pa nyid do zhes bya ba la dbang mngon par sgrub pa ni sa bcu ba'i mdo nyid las ji ltar dbang bcu bshad pa rnams bsgrubs te/ tshe la dbang ba dang/ sems la dbang ba dang/
 yo byad la dbang ba dang/ /las la dbang ba dang/ skye ba la dbang ba dang/ mos pa la dbang ba dang/ smon lam la dbang ba dang/ rdzu 'phrul la dbang ba dang/ ye shes la dbang ba dang/ chos la dbang ba'o/ /de'i tsho la dbang ba ni byang chub sems dpa' 
 rdzu 'phrul gyi rkang pa bzhi bsgoms ba'i mthus tshe'i 'du byed byin gyis brlabs ji srid 'dod pa de srid du gnas pa'i/ sems la dbang ba ni ji srid 'dod pa bzhin du theg pa chen po'i ting nge 'dzin dpag tu med pa la snyoms par 'jug pa'o/ /yo byang
 la dbang ba ni byin gyis brlabs nas nam mkha' la yo byad sna tshogs kyi char phab ste/ sems can rnams la phan 'dogs pa'o/ /las la dbang ba ni lus dang ngag gi las kyi sprul ba sna tshogs byed pa 'am/ khams dang/ 'gro ba dang/ skye gnas
 gzhan du skyes pa'i las dag byin gyis brlabs nas khams dang 'gro ba gzhan du skye bar byed pa'o/ /skye ba la dbang ba ni gzugs kyi khams kyi bsam gtan la gnas shing de yang yongs su ma nyams par sems can gyi don du 'dod pa'i khams
 su skye ba'o/ /mos pa la dbang ba ni sa la sogs pa chu la sogs par mos pa ni 'gyur ro/ /smon lam la dbang ba ni ji ltar 'dod pa bzhin du bdag dang gzhan gyi don phun sum tshogs par byed pa'i smon lam chen po grangs med pa mngon
 bar bsgrub pa ste/ de yang ji ltar sa bcu'i mdo las/ sa dang po la smon lam chen po bcu gsungs pa la sogs pa'o/ /rdzu 'phrul la dbang ba ni sems can rnams dad pa bskyed ba'i phyir ro/ /'bar ba dang 'phur ba la sogs pa'i rdzu
 'phrul dang cho 'phrul dpag tu med pa ston pa'o/ /ye shes la dbang ba ni chos dang/ don dang/ nges pa'i tshig dang/ /spobs pa rnams kyi mthar phyin pa rnams thob pa'o/ /chos la dbang ba ni mdo sde la sogs pa'i chos rnams sems can thams
 cad la ming tshig dang yi ge'i tshogs sna tshogs kyis bshad nas sems tshim par byed pa'o/ /de la tshe la dbang ba dang/ sems la dbang ba dang/ yo byad la dbang ba dang gsum ni sbyin ba'i pha rol tu phyin pa yongs su rdzogs pa las thob ste/ mi 'jigs
 pa'i sbyin pas ni tshe? la dbang ba thob pa'o/ /chos kyi sbyin pas ni sems la dbang ba thob pa'o/ /zang zing gi sbyin pas yo byad la dbang ba thob pa'o/ /las la dbang ba dang/ skye ba la dbang ba gnyis kyis ni tshul khrims kyi pha rol tu phyin pa yongs su
 rdzogs pa'i mthu las 'thob ste/ /lus kyi las yongs su dag pas ni lus kyi sprul pa sna tshogs byed do/ /dag gi las yongs su dag bas ni dag gi sprul pa rnam pa sna tshogs byed do/ /tshul khrims yongs su dag pas ni gang du skye bar 'dod pa
 der skye ba'i phyir ro/ /mos pa la dbang ba ni bzod pa'i pha rol tu phyin pa yongs su rdzogs pa'i mthu las 'thob ste/ bzod pas sems can gzhan gyi sems ma dkrugs shing yid dang mthun ba byas pas gang dang gang ji ltar
 mos pa brgyad ba de bzhin du/ de dang de dag de bzhin du 'grub par 'gyur ba'i phyir ro/ /smon lam la dbang ba ni brtson 'grus kyi pha rol tu phyin pa yongs su rdzogs pa'i mthu las 'grub ste/ brtson 'grus kyi sngon bdag dang gzhan gyi don bsgrubs
 pas phyis bdag dang gzhan gyi don 'grub par 'gyur bar ji ltar smon lam btab pa de bzhin du 'grub pa'i phyir ro/ /rdzu 'phrul la dbang ba ni bsam gtan gyi pha rol tu phyin pa yongs su rdzogs pa'i mthu las 'grub bo/ /ye shes la dbang
 ba dang/ chos la dbang ba ni shes rab kyi pha rol tu phyin pa yongs su rdzogs pa'i mthu las 'grub bo/ /chos thos pa ni zhes bya ba la sogs pa la stobs bcu dang mi 'jigs pa bzhi dang/ ma 'dres pa bco brgyad kyi chos sgrub pa ni chos thos pa
 mngon par grub ba zhes bya'o/ /dbang po rnam par dbye ba la tshigs su bcad ba zhes bya ba la/ rdzu 'phrul gyi rkang pa'i skabs bshad pa'i 'og tu dbang bo'i skabs bshad par 'brel ba ci yod ce na/ de ltar rdzu 'phrul gyi rkang pa bsgoms pas sems
 rtse gcig tu gyur pa de de'i 'og tu 'jig rten las 'das ba'i chos rtogs par 'gyur ba'i dbang po lnga skye bar 'gyur te/ de bas na rdzu 'phrul gyi rkang ba'i 'og tu dbang bo'i skabs bshad par 'grel te/ de la dbang po lnga ste/ dad pa'i dbang po dang/
 brtson 'grus kyi dbang po dang/ dran pa'i dbang po dang/ ting nge 'dzin gyi dbang po dang/ shes rab kyi dbang po dang/ de la yod pa dang/ yon tan can dang/ nus pa'i dngos po la rim bzhin du yid ches ba dang/ sems dad pa dang/ mngon bar
 ma dad pa ni dang ba'i dbang po zhes bya'o/ /las dang 'bras bu la sogs pa yod pa la ni yid ches pa'o/ /dkon mchog gsum la sogs pa yon tan can la ni sems dang ngo/ /mya ngan las 'das pa ni bsgrub par nus/ 'phags pa'i lam ni bsgrub bar
 nus pa la/ /bsgrub pa dang/ bsgom pa la 'dod pa skye'o/ /yang na chos bzhi la dad pa ni dad pa'i dbang po zhes bya ste/ chos bzhi ni dge ba dang mi dge ba dang/ de'i 'bras bu dang/ byang chub sems dpa' i spyod pa dang/ gang zag dang chos la bdag med
 pa'i chos zab mo dang/ stobs dang mi 'jigs pa la sogs pa'i rgya che ba'i chos so/ /de bas na 'phags pa blo gros mi zad ba'i mdo las kyang/ /de la dang ba'i dbang po gang zhe na/ dad ba gang gis chos bzhi la dad pa ste/ bzhi gang zhe na/ 'di lta ste/
 'khor ba la spyod pa'i 'jig rten pa'i yang dag pa'i lta ba la dad de/ de las kyi rnam par smin pa'i phyir 'brang ba yin pas dge ba 'am/ sdig pa 'am las gang byas pa de dang de'i rnam par smin pa myong bar 'gyur ro snyam ste/ /sreg gi phyir yang sdig ba'i
 las mi byed pa dang/ /byang chub sems dpa' i spyod ba la dang ba la ste/ spyod pa de la zhugs nas kyang theg pa gzhan la 'dod pa skyed pa dang/ chos thams cad la don dam par nges pa'i don zab mo rten cing 'brel pa ste/ 'byung ba bdag med pa sems
 can med pa/ srog med ba/ gso ba med pa/ gang zag med pa/ rnam bar spyod cing stong pa nyid dang/ mtshan ma med pa dang/ smon pa med pa'i mtshan nyid du dang pa ste/ /lta bar 'gyur ba thams cad bag la nyal bar mi byed ba dang/ stobs dang
 mi 'jigs pa la sogs pa sangs rgyas kyi chos thams cad la dang ba ste/ /dad pa'i phyir the tshom dang bral/ nem nur dang bral bas sangs rgyas kyi chos de dag yang dag par bsgrub pa ste/ /'di ni dad pa'i dbang po zhes bya'o zhes gsungs so/ /
 yang dag par spong ba bzhi la gnas pa ni brtson 'grus kyi dbang po zhes bya'o/ /yang na dad pa'i dbang pos yid ches par bya ba'i chos de la brtson 'grus kyi dbang por sgrub par byed de/ de bas na 'phags pa blo
 gros mi zad pa'i mdo las kyang/ de la brtson 'grus kyi dbang po gang zhe na/ chos gang la dad pa'i dbang pos dad par gyur pa'i chos dag brtson 'grus kyi dbang pos yang dag par bsgrubs te/ 'di ni brtson 'grus kyi dbang po zhes gsungs so/ /
 dran ba nye bar gzhag pa bzhi thob ba ni dran pa'i dbang po zhes bya'o/ /yang na brtson 'grus kyi dbang pos bsgrub pa'i chos dran pa'i dbang pos mi brjed par byed pa ni dran pa'i dbang po zhes bya'o/ /de bas na 'phags pa blo gros mi zad pa'i mdo las
 kyang/ de la dran pa'i dbang po gang zhe na/ chos gang brtson 'grus kyi dbang pos yang dag par bsgrub pa'i chos de dag gi dran pa'i dbang pos chung mi gson te/ 'di ni dran ba'i dbang po zhes bya'o/ /gzugs kyi bsam gtan bzhi dang/ gzugs
 med pa'i snyoms par 'jug pa bzhi thob pa ni ting nge 'dzin gyi dbang po zhes bya'o/ /yang na ting nge 'dzin gyi dbang po ni dran pa'i dbang pos ma brjed bar byas pa'i chos la rgyun tu rtse gcig tu 'jog pa ste/ de bas na 'phags pa blo gros mi
 zad pa'i mdo las kyang/ de la ting nge 'dzin gyi dbang po gang zhe na/ dran ba'i dbang pos chung mi gson ba'i chos de dag ting nge 'dzin gyi dbang pos rtse gcig tu byed de/ /'di ni ting nge 'dzin gyi dbang po zhes bya'o/ /'phags pa'i bden
 pa bzhi shes pa ni shes rab kyi dbang po zhes bya'o/ /yang na ting nge 'dzin gyi dbang po rtse gcig tu bzhag ba'i chos kyi rang dang spyi'i mtshan nyid shes pa ni shes rab kyi dbang po'o/ /de bas na 'phags pa blo gros mi zad pa'i mdo las
 kyang/ de la shes rab kyi dbang po gang zhe na/ chos gang ting nge 'dzin gyi dbang po rtse gcig tu byas pa'i chos de dag shes rab kyi dbang pos rab tu rtogs shing zhib tu rtogs par byed de/ gang chos de dang de dag la gzhan gyi dring la mi 'jog par
 shes shing so so rang gis shes pa 'di ni shes rab kyi dbang po zhes gsungs so/ /byang chub spyod dang thos pa mchog /zhi gnas dang ni lhag mthong ngo/ /dad pa rnams la sogs pa'i gnas zhes bya ba la/ gnas zhes bya ba ni dmigs par bya
 ba'i yul la bya ste/ dad ba'i dbang po'i dmigs par bya ba'i yul ni byang chub ste/ byang chub kyi sgras ni sa dang po'i gnyis su med pa'i ye shes sam/ zad la mi skye ba'i ye shes la bya ste/ dad bas ni de ji ltar thob par bya zhes dmigs
 so/ /brtson 'grus kyi dbang po'i dmigs par bya ba'i yul ni sa dang pha rol tu phyin pa'i mtshan nyid lhag pa'i tshul khrims dang/ lhag pa'i shes rab kyis bsdus pa'i byang chub sems dpa' i spyod pa la dmigs te/ brtson 'grus kyis spyod pa de dag sgrub
 ba'i phyir ro/ /dran pa'i dbang po'i dmigs bar bya'i yul ni ji ltar thos pa dang/ ji ltar bzung ba dang/ ji ltar tshig gis rgyal bar byas ba'i chos rnams te/ dran pas ji ltar thos pa'i chos ma brjed par byed ba'i phyir ro/ /ting nge 'dzin gyi dmigs
 par bya ba'i yul ni zhi gnas te/ mos pas spyod ba'i ting nge 'dzin gyi dbang bos ni sa dang po'i zhi gnas khyad par can de ji ltar thob par bya zhes dmigs pa'i phyir ro/ /shes rab kyi dbang po'i dmig par bya ba'i yul ni lhag mthong ste/ shes rab kyis
 ni sa dang por rtogs pa'i rnam par mi rtog pa'i ye shes ji ltar thob par bya zhes dmigs pa'i phyir ro/ /ci'i phyir de dag la dbang po zhes bya zhe na/ de'i phyir don grub phyir ni shes rab bya zhes bya ba smos te/ gang gi phyir dad pa'i dbang pos ni byang chub la
 dbang ste/ brtson 'grus kyi dbang pos spyod pa la dbang ste/ dran pa'i dbang pos ni mi brdzed pa la dbang ste/ ting nge 'dzin gyi dbang pos ni zhi gnas la dbang ste/ shes rab kyi dbang pos ni shes rab kyi dbang po la dbang
 byed cing bdag dang gzhan gyi don grub par byed pas na dbang po zhes bya'o/ /stobs rnam par dbye ba la tshigs su bcad pa zhes bya ba la/ dbang po lnga'i 'og tu stobs lnga bshad pa la 'brel ba ci? yod ce na/ ji srid du ma dad pa dang/ le lo
 la sogs pa dbang po lnga'i mi mthun pa'i phyogs kyis skabs skabs su bar chad byed pa de srid du ni dbang po zhes bya'o/ /de nas dbang po lnga nyid la yun ring du bsgoms pas ma dad pa la sogs pas bar chad byed mi nus par gyur ba de la dbang po lnga nyid
 la stobs lnga zhes bya bas dbang po'i 'og tu stobs bshad par 'brel to/ /sar 'jug nyon mongs med par 'dod ces bya ba la/ ji ltar sa dang po thob par bya zhing sa dang por 'jug par bya ba la ma dad pa dang/ le lo dang/ dran pa nyams pa dang/ sems
 nyams pa dang/ 'chal pa'i shes rab la sogs pa'i nyon mongs pa rnams kyis mi gos shing nyon mongs pas zil gyis mi non par 'gyur ba na stobs zhes bya bar 'dod do/ /de nyid kyi don bstan pa'i phyir/ dad pa rnams la sogs pa yang/ /
 kun nas nyon mongs can du 'dod/ /mi mthun phyogs ni nyams chung bas/ /de nyid stobs su shes par bya zhes bya ba smos te/ /dad pa'i mi mthun pa'i phyogs ni ma dad pa ste/ /nam ma dad pa mthu chung bar gyur pas dad pa la zil gyis mi non cing/ 'jig
 rten 'dir lha 'am bdud dam tshangs ba 'am/ gnas kyang 'jig rten na chos mthun par gyur ba yang nyon mongs ba'i kun nas dkris ba rnams kyis bzlog par mi nus pas na dad pa'i stobs zhes bya ste/ de bas na 'phags pa blo gros mi zad pa'i mdo las kyang/
 de la dad pa'i stobs gang zhe na/ 'di mos pa dang dad pa mi rdzi ba ste/ gal te bdud sdig can sangs rgyas kyi gzugs su bsgyur te/ bdag gi drung du 'ongs te/ chos la rtog pa'i mos pa gang yang rung ba las 'bral bar byed cing mos bzlog par byed na yang
 dad pa'i stobs la mos pa'i byang chub sems dpa' ni stobs las bskyod pa'am/ bskul ba 'am bslang bar mi nus te/ 'di ni dad pa'i stobs zhes gsungs so/ /de la brtson 'grus kyi mi mthun pa'i phyogs ni le lo ste/ nam le lo'i dbang du mi 'gyur
 zhing/ dge ba'i phyogs la rgyun mi gcod par sgom pa ni brtson 'grus kyi stobs zhes bya'o/ /de bas na 'phags pa blo gros mi zad pa'i mdo las kyang/ de la brtson 'grus kyi stobs gang zhe na/ byang chub sems dpa' brtson 'grus bsam pa la gang dang gang la
 rtsom pa dang/ dge ba'i chos gang dang gang la sbyor ba de dang de la stobs skyes par gyur te/ stobs skyes pa de dang ldan pa'i byang chub sems dpa' de gnas de las mrgal gyi bar du yi dam de ltar bcas pa 'jig rten gyis kyang bskyod pa 'am/ bskul? ba 'am
 bslad bar mi nus pa 'di ni brtson 'grus kyi stobs zhes bya'o zhes gsungs so/ /dran pa'i stobs kyis mi mthun pa'i phyogs ni dran pa nyams pa'i ste/ mi mthun pa'i phyogs mthu chung bas nyon mongs pa gang gis kyang byang chub sems dpa' i dran pa nyams par
 byed ni nus shing mnyan cing bsams pa'i chos rnams nam du yang mi brjod pa ni dran pa'i stobs so/ /de bas na 'phags pa blo gros mi zad pa'i mdo las kyang/ de la dran pa'i stobs gang zhe na/ de chos dran pa'i gnas gang dang gang la sems 'jog pa de las
 nyon mongs pa gzhan gang yang rung bas gtong par mi nus te/ /de'i dran pa'i stobs skyes pa nges nyon mongs pa thams cad 'joms shing byang chub sems dpa' i dran pa de ni nyon mongs pa thams cad kyis mi rdzi ba yin te/ 'di ni dran pa'i stobs zhes bya'o zhes
 gsungs so/ /de la ting nge 'dzin gyi mi mthun pa'i phyogs ni yul sems g.yengs pa ste/ mi mthun pa'i phyogs mthu chung bas yul gang gis kyang sems g.yengs par byed mi nus shing zhum pa dang rgod pa'i dbang du mi 'gyur
 ba'i ting nge 'dzin gyi stobs shes bya'o/ /de bas na 'phags pa blo gros mi zad pa'i mdo las kyang/ de la ting nge 'dzin gyi stobs gang zhe na/ /gang 'du 'dzi thams cad las dbyen par gnas shing spyod pa ste/ /de sgra dang tshig gi lam thams cad kyis
 shin tu ston kyang/ /bsam gtan dang po la sgrib par mi byed do zhes bya ba la sogs gsungs/ /shes rab kyi mi mthun pa'i phyogs ni 'chal pa'i shes rab ste/ mi mthun pa'i phyogs nyam chung bas gang la yang the tshom med par gyur cing 'jig
 rten las 'das pa'i chos thams cad shes pa ni shes rab kyi stobs shes bya'o/ /de bas na 'phags pa blo gros mi zad pa'i mdo las kyang/ /de la shes rab kyi stobs gang zhe na/ /gang 'jig rten dang 'jig rten las 'das pa'i chos la mi mthun par shes
 pa ste/ skyes shing byung na yang slob dpon med par bzo'i gnas dang rig sngags dang stobs kyi bsam gtan mngon sum du 'gyur ro zhes gsungs so/ /byang chub kyi yan lag rnam par dbye ba'i tshigs su bcad pa bdun te/ zhes bya ba la/ stobs lnga'i
 'og tu byang chub kyi yan lag gi skabs bshad par 'brel pa ci yod ce na/ /de ltar stobs kyi skabs su ma dad pa dang/ /le lo dang/ dran pa nyams pa dang/ g.yengs ba dang/ 'chal pa'i shes rab rnams kyi bar du gcod par bya bar mi nus par 'gyur
 na/ dam thag tu sa dang po thob nas byang chub kyi yan lag bdun bsgom par 'gyur pas na/ stobs kyi 'og tu byang chub kyi yan lag bdun gyi skabs bshad bar 'brel te/ byang chub kyi yan lag bdun yang tshigs su bcad pa? bdun gyis bstan to/ /byang
 chub kyi yan lag bdun na dran pa byang chub kyi yan lag dang/ chos rnam par 'byed pa byang chub kyi yan lag dang/ brtson 'grus byang chub kyi yan lag dang/ dga' ba byang chub kyi yan lag dang/ shin tu sbyangs pa byang chub kyi yan lag dang/
 ting nge 'dzin byang chub kyi yan lag dang/ btang snyom? byang chub kyi yan lag go /de la dran pa ni zhi gnas kyi phyogs yin pas byang chub gyi phyogs sum cu rtsa bdun bsgoms shing mngon sum du byas pa rnams sems la gsal bar yod cing ma brjed pa ni
 dran pa byang chub kyi yan lag ces bya'o/ /de bas na 'phags pa blo gros mi zad pa'i mdo las kyang/ de la dran pa yang dag byang chub kyi yan lag gang zhe na/ dran pa gang gis chos rtogs par 'gyur ba dang/ chos rnams la so sor rtog par 'gyur ro
 zhes bya ba la sogs pa gsungs te/ rtogs par 'gyur ba la sogs pa'i don kyang ma brjed pa nyid la bya'o/ /chos rnam par 'byed pa ni lhag mthong gi phyogs yin te/ mthong ba'i lam gyi dus ni spang bar bya ba'i chos kun nas nyon mongs pa'i phyogs dang/
 blang bar bya ba'i chos rnam par byang ba'i phyogs rnams kyi mtshan nyid ma 'dres par shes pa ni chos rab tu 'byed pa byang chub kyi yan lag ces bya'o/ /de bas na 'phags pa blo gros mi zang pa'i mdo las kyang/ de la chos rnam par 'byed pa byang chub kyi
 yan lag gang zhe na/ /gang chos kyi phung po stong phrag brgyad cu rtsa bzhi rnam par 'byed pa shes pa ste/ chos gang dang gang ji lta bur rnam par 'byed pa nges pa'i don yang nges pa'i don/ /drang pa'i don kyang drang ba'i don du/ kun rdzob kyi don yang kun rdzob kyi
 don du/ /don dam pa'i don kyang don dam par/ /brda'ang brdar?/ gdon mi za pa yang gdon mi za bar/ chos de dang de dag de lta bur rnam par 'byed pa 'di ni chos rnam par 'byed ba yang dag byang chub kyi yan lag ces bya'o zhes gsungs so/ /de la
 yon tan gong ma khyad par can rnams len par byed cing yon tan de thob par bya ba la bar du gcod pa'i nyes pa rnams spong bar byed pa 'di ni brtson 'grus yang dag byang chub kyi yan lag ces bya'o/ /de bas
 na 'phags pa blo gros mi zad pa'i mdo las kyang/ de la brtson 'grus yang dag byang chub kyi yan lag gang zhe na/ gang dran pa'i da dang/ chos rnam par 'byed pa dang zhes bya ba nas/ lam mngon par rtogs par bya ba'i phyir brtson
 'grus yang dag byang chub kyi yan lag ces bya'o zhes gsungs so/ /sa dang pos gang zag dang chos la bdag med par khong du chud nas chos kyi dbyings thams cad du 'gro ba'i mtshan nyid rtogs te/ mthong bas spang bar bya ba'i
 sgrib pa dang bral nas lus sems la dga' ba'i mchog skyes pa ni dga' ba yang dag byang chub kyi yan lag ces bya ste/ /de bas na sa dang po la yang sa rab tu dga' ba zhes btags so/ /de'i phyir 'phags pa blo gros mi zad
 pa'i mdo las kyang/ de la dga' ba yang dag byang chub kyi yan lag gang zhe na/ chos la dga' ba dang/ chos la mes pa dang zhes bya pa la sogs pa gsungs so/ /lus las su rung sems las su rung bar gyur na lus dang/
 sems las mi rung ba'i gnas ngan len dang bral te/ lus las su rung bar byas pa la zo mdog bde ba dang/ sems las su rung bas dmigs pa'i yul la thogs pa med par 'jug pa ni shin tu sbyangs pa yang dag byang chub
 kyi yan lag ces bya'o/ /de bas na 'phags pa blo gros mi zad pa'i mdo las kyang/ /de la shin tu sbyangs pa byang chub kyi yan lag gang zhe na/ /gang lus shin tu byang bar gyur pa dang/ sems rab tu byang bar gyur pas nyon
 mongs pa bsal ba dang zhes bya ba la sogs pa gsungs so/ /de bzhin nyid chos kyi dbyings la dmigs pa'i rtse gcig pa ni ting nge 'dzin yang dag byang chub kyi yan lag ces bya'o/ /de bas na 'phags pa blo gros mi zad pa'i mdo las
 kyang/ de la ting nge 'dzin yang dag byang chub kyi yan lag gang zhe na/ gang sems mnyam par bzhag pas chos kyi ye shes mngon par 'tshang rgya'i sems mnyam par ma bzhag pas ni ma yin no zhes bya ba la sogs pa gsungs so/ /zhum pa
 dang rgod pa'i nyes pa thams cad spangs nas zhum pa dang rgod pa med par gnas pa ni btang snyoms yang dag byang chub kyi yan lag ces bya'o/ /de'i phyir 'phags pa blo gros mi zad pa'i mdo las kyang/ de la btang snyoms yang dag byang chub kyi yan
 lag gang zhe na/ /gang 'di yid bde ba dang/ yid mi bde ba'i phyogs kyis sems kun nas mi bzung ba dang/ 'jig rten gyi chos rnams kyis mi phyogs pa dang/ mthon du mi gnas pa'i phyi/ mi bskul ba yin te zhes bya ba la sogs pa gsungs so/ /
 de la byang chub kyi yan lag bdun rnams zhi gnas kyi phyogs dang/ lhag mthong gi phyogs dang/ gnyi ga'i phyogs su bzhag go /chos rnam par 'byed pa dang/ brtson 'grus dang/ dga' ba gsum ni lhag mthong gi phyogs so/ /shin tu sbyangs ba
 dang/ ting nge 'dzin dang/ /btang snyoms gsum ni zhi gnas kyi phyogs so/ /dran pa ni gnyi ga'i phyogs te kun tu 'gro bas so/ /sar zhugs pa yi byang chub kyi/ /yan lag rnam gzhag shes par bya/ /zhes bya ba la sogs pa'i tshigs bcad
 gcig gis gang gi dus na byang chub kyi yan lag bdun rnam par bzhag pa dang/ /gang shes pas byang chub kyi yan lag bdun rnam par bzhag pa ste/ byang chub kyi yan lag bdun ni sa dang po la zhugs shing sa rab tu dga' ba thob pa'i
 tshe yan lag bdun la bsgom pa rnam par bzhag pa ste/ shes pa ste/ /'dis ni gang gi dus na rnam par bzhag pa ste de bstan to/ /chos dang sems can thams cad kyi/ /mnyam pa nyid ni shes pa'o zhes bya ba la/ ci'i phyir sa
 dang po'i dus na byang chub kyi yan lag bdun la bsgom par bzhag ce na/ de'i tshe chos dang gang zag la bdag med par khong du chud ba dang/ bdag dang gzhan du mnyam pa nyid khong du chud de/ de'i phyir chos rnams la mnyam pa nyid
 shes pa dang/ sems can thams cad kyi mnyam pa nyid shes pas na sa dang po'i byang chub kyi yan lag bdun la bsgom pa rnam par bzhag go /de yang chos la bdag med par khong du chud pas chos la mnyam pa nyid shes so/ /gang zag
 la bdag med par khong du chud pas sems can thams cad kyi mnyam pa nyid du shes so/ /yang na chos dang gang zag la bdag med par khong du chud pas na chos rnams kyi mnyam pa nyid shes so/ /bdag dang gzhan du mnyam pa nyid khong du chud pas
 na sems can thams cad kyi mnyam pa nyid shes so/ /yang nas dang po'i tshe chos kyi dbyings kun tu 'gro ba'i mtshan nyid du rtogs pas na chos rnams kyi mnyam pa nyid khong du chud do/ /de ltar khong du chud pas bdag gang yin pa sems can thams cad
 kyang de nyid yin/ sems can thams cad gang yin pa bdag kyang de nyid yin te/ ji ltar bdag gi sdug bsngal zhi bar bya ba bzhin du/ sems can thams cad kyi sdug bsngal yang zhi bar bya'o zhes khong du chud pas na sems can thams cad kyi
 mnyam pa nyid shes so zhes bya ste/ 'dis ni gang shes pas byang chub kyi yan lag rnam par bzhag pa de bstan to/ /de'i 'og tu byang chub kyi yan lag rnams 'khor lo la sogs pa rin po che pu? ngan dang 'dra bas bstan to zhes bya ba la/ 'di
 man gyi tshigs su bcad pas dper na 'khor los sgyur ba'i rgyal po la/ 'khor lo rin po che dang/ glang po rin po che dang/ rta rin po che dang/ nor bu rin po che dang/ btsun mo rin po che dang/ khyim bdag rin po che dang/ kun mgon rin po che dang ldan pa
 de bzhin du/ sa dang po thob pa'i byang chub sems dpa' ni 'khor los sgyur ba'i rgyal po dang 'dra bar dran pa la sogs pa'i byang chub kyi yan lag bdun ni 'khor lo rin po che la sogs pa dang 'dra bar ston to/ /shes bya kun la dran spyod pa/ /
 ma rgyal ba las rgyal ba'i phyir/ zhes bya ba la bran pa byang chub kyi yan lag ni 'khor lo rin po che dang 'dra ste/ dper na 'khor los sgyur ba'i rgyal po'i 'khor lo rin po ches rdzong dang mkhar la gnas pa'i rgyal bran ma rgyal ba rnams las
 rgyal bar bya ba'i phyir gnas te/ de dag tu 'jug pa de bzhin du/ dran pa yang dag byang chub kyi yan lag gis kyang shes bya ma rgyal ba las rgyal te/ mngon sum du mi shes pa rnams shes shing rgyal bar bya ba'i phyir 'jug ste/ shes bya
 rgyal ba'i sa dang po'o/ /ma rgyal ba ni mos pas spyod pa'i sa ste dran pas mos pas sbyong? pa'i sa spangs nas sa dang po mngon sum du byed pas na shes bya ma rgyal ba las rgyal bar byed pas so/ /rtog pa'i mtshan ma kun 'joms pa/ /de ni rab
 tu 'byed pa yin zhes bya ba la/ chos rab tu 'byed pa byang chub kyi yan lag ni 'khor los sgyur ba'i glang po rin po che dang 'dra ste/ ji lta zhe na/ dper na glang po rin po ches pas kyi rgol ba'i dpung dmag gi sde rnams 'joms par byed pa de
 bzhin du/ chos rab tu 'byed pa'i byang chub kyi yan lag gis kyang gang zag? tu rnam par rtog pa'i mtshan ma dang/ chos su rnam par rtog pa'i mtshan ma thams cad 'joms par byed pas na glang po rin po che dang 'dra'o/ /yang na rtog pa'i sgras
 ni mig gi dbang po la sogs pa'i 'dzin pa'i cha la bya ba la/ mtshan ma'i sgras ni gzugs la sogs pa gzung cha la bya ste/ chos rab tu 'byed pa byang chub kyi yan lag gis gang zag dang chos la bdag med par rtogS
 pas gzung ba dang 'dzin pa'i mtshan ma thams cad spong bar byed pas glang po rin po che dang 'dra'o/ /myur du ma lus shes bya'i phyir/ /de yi brtson 'grus rab tu 'jug ces bya ba la/ brtson 'grus yang dag byang chub kyi yan lag ni
 'khor los sgyur ba'i rgyal po'i rta rin po che dang 'dra ste/ ji ltar zhe na dper na 'khor los sgyur ba'i rgyal po'i rta rin po chos ji srid du 'khor lo bya ba'i gnas rgya mtsho'i mdza' i bar du myur du 'gro bar byed pa de bzhin du/ brtson 'grus
 yang dag byang chub kyi yan lag gis kyang 'phrul gyi mig la sogs pa'i mngon par shes pa rnams thob par bya ba myur du thob par byed pas na rta rin po che dang 'dra'o/ /chos kyi snang ba rnams 'phel bas/ rtag tu dga' bas gad bar byed ces
 pa la/ dga' ba byang chub kyi yan lag ni 'khor los sgyur ba'i rgyal po'i nor bu rin po che'i snang ba'i khyad par gyis mun pa la sogs pa bsal ba'i sgo nas 'khor los sgyur ba'i rgyal po de la dga' ba'i khyad par rtag tu skyed pa de bzhin
 du/ sa dang po'i tshe chos kyi dbyings thams cad du 'gro ba'i mtshan nyid du rtogs nas dga' ba'i khyad par skye ste/ dga' ba des kyang byang chub sems dpa' i lus dang sems la mchog tu dga' ba'i 'du shes pa skyes pas na nor bu rin po che
 snang ba'i khyad par dang 'dra'o/ /sgrib pa kun las thar pa'i phyir/ /shin tu sbyangs las bde ba 'thob/ /ces bya ba la/ shin tu sbyangs pa yang dag byang chub kyi yan lag ni 'khor los sgyur ba'i rgyal po'i btsun mo rin po che dang 'dra'o/ /
 dper na 'khor los sgyur pa'i btsun mo rin po che dgu la sogs pa'i sgreng? pa'i dus na ni lus kyi mthar dro par gyur nas drang ba bsal te 'khor los sgyur ba'i rgyal po dga' ba rjes su myong bar byed do/ /dbyar la sogs pa dro ba'i dus na ni lus
 kyi mthar bsil bar gyur nas dro ba bsal bas 'khor los sgyur ba'i rgyal po dga' ba rjes su myong bar byed do/ /de bzhin du shin tu spangs pa ni lus las su rung ba la bya ste/ de gnyis kyis lus las su mi rung ba dang/ sems las su mi rung ba
 bsal nas lus las su rung ba dang/ sems las su rung ba'i bde ba rjes su myong bar byed pas na/ btsun mo rin po che dang 'dra'o/ /bsams pa'i don rnams 'grub pa ni/ /ting nge 'dzin la skye bar 'gyur zhes bya ba la/ ting nge 'dzin gyi byang
 chub kyi yan lag ni 'khor los sgyur ba'i rgyal po'i khyim bdag rin po che dang 'dra ste/ dper na 'khor los sgyur ba'i rgyal po'i khyim bdag rin po ches 'khor los sgyur ba'i rgyal pos ji dang ji bsams pa dang ji dang ji 'dod pa thams cad bsam pa bzhin
 du 'grub par byed pa bzhin du/ ting nge 'dzin byang chub kyi yan lag gis kyang 'phrul gyi mig dang rna ba la sogs pa mngon par shes pa gang dang gang bsgrub par bsams pa de dang de dag thams cad 'grub par byed pas na khyim bdag rin po che dang 'dra'o/
 ji ltar 'dod bzhin btang snyoms kyi/ /de dag kun tu rab tu gnas/ /rgyab nas thob dang mi rtog la/ /gnas pas rtag tu mchog yin no /zhes bya ba la /btang snyoms yang dag byang chub kyi yan lag ni 'khor los sgyur pa'i rgyal po kun mgon rin po che dang
 'dra'o/ /de la btang snyoms pa'i sgras ni rnam par mi rtog pa'i ye shes la bya ste/ ji ltar 'khor los sgyur ba'i rgyal po kun mgon rin po ches pha rol gyi sde gzhom bar bya ba'i phyir 'joms pa dang/ nor dang rdzas la sogs pa rnams blang bar bya ba rnams
 sdud pa dang/ bskrad par 'os pa rnams skrod par byed pa dang/ bskyang zhing bsdu bar 'os pa rnams sdud par byed pa dang/ dmag gi dpung res khor nas 'gyed par byed pa dang/ res ma khor pa rnams sdud cing gtong
 par byas nas gnas gang du dmag gi dpung rnams 'tshe ba med pa dang/ gnod pa med par 'gyur ba'i gnas der gnas par byed pa de bzhin du/ rnam par mi rtog pa'i ye shes dang/ de'i rgyab nas thob pa dag pa 'jig rten pa'i ye
 shes gnyis kyis byang chub sems dpa' rnams kyis ji ltar 'dod pa bzhin du gnas par byed de/ de la yang dag pa'i 'jig rten pa'i ye shes la gnas pas ni sa gong ma dang yon tan khyad par can ma thob pa rnams thob par byed la/
 nyes pa ma spangs pa rnams ni spong bar byed cing sa 'og ma yang 'dor bar byed do/ /rnam par mi rtog pa'i ye shes kyis ni ci yang mi byed par gnas par byed de/ de bas na sa bcu kun tu yang ye shes de gnyis la gnas pa ni gnas
 pa'i mchog yin par bshad do/ /de la gnas pas gzhan thob par bya ba dang zhes bya ba la sogs pa la/ dag pa 'jig rten pa'i ye shes la gnas pas yon tan khyad par can dang/ sa ma thob pa rnams thob par byed la/ nyes pa dang skyon
 spang bar bya ba rnams ni spong bar byed do/ /rnam par mi rtog pa'i ye shes kyis ni zhes bya ba la sogs pa la/ rnam par mi rtog pa'i ye shes kyis ni ci yang byed pa med par gnas te/ dag pa 'jig rten pa'i ye shes kyis ni blang bar bya ba blangs zin la spang
 bar bya ba spangs zin pas rnam par mi rtog pa'i ye shes ni blang dor cung zad kyang mi byed par 'bad pa dang brtsal ba med pa'i mtshan nyid du gnas so/ /gang du yan lag bzhi pa'i stobs kyi tshogs skyo bar mi 'gyur ba der song nas gnas par rtog par
 byed do zhes bya ba la/ 'khor los sgyur ba'i rgyal po kun mgon rin po ches rta'i tshogs dang/ glang po'i tshogs dang/ shing rta'i tshogs dang/ dpung bu chung gi tshogs kyis gzhom zhing bskrad par bya ba rnams skrod par byed pa dang/ bsdu zhing
 bskyad par bya ba rnams sdud cing skyong bar byas nas/ gnas gang du dmag sde bzhi rnams 'tshe ba med pa dang/ gnod par mi 'gyur ba'i gnas der gnas par bya bar sems so/ /de la dmag sde bzhis bsdu bsdud pa dang/ skrad pa skrod par byed pa
 lta bu ni dag pa 'jig rten pa'i ye shes so/ /dmag sde bzhi 'tshe ba med pa'i gnas su gnas pa lta bu ni rnam par mi rtog pa'i ye shes so/ /de ltar byang chub sems dpa' yon tan ldan/ /'khor los sgyur ba bzhin du 'jug pa yin/ /rtag tu byang chub
 yan lag bdun pos ni/ /rin po che dang 'dra bas yongs su bskor/ ces gong du bshad pa ltar na sa dang po la zhugs pa'i byang chub sems dpa' byang chub kyi yan lag bdun gyi yon tan dang ldan pa'i 'khor los sgyur ba'i rgyal po dang 'dra bar gnas te/ ci'i
 phyir zhe na/ dper na 'khor los sgyur ba'i rgyal po rin po che bdun dang ldan zhing rin po che bdun gyis bskor ba de bzhin du/ sa dang po la zhugs pa'i byang chub sems dpa' yang byang chub kyi yan lag bdun dang ldan zhing yan lag bdun gyis bskor bas na
 'khor los sgyur ba'i rgyal po dang 'dra'o/ /gnas kyi yan lag dang rang bzhin yan lag dang/ 'byung ba'i yan lag de ni gsum pa'o/ /bzhi pa rjes su bsngags pa'i yan lag ste/ nyon mongs med pa'i yan lag gsum gyi dngos zhes bya ba'i
 tshigs su bcad ba 'dis/ byang chub kyi yan lag bdun sngar sdud cing/ byang chub kyi yan lag gang yin pa dang/ ji ltar byang chub kyi yan lag yin pa bstan te/ de la dran pa ni gnas kyi yan lag ces bya'o/ /chos rab tu 'byed pa ni rang bzhin gyi
 yan lag ces bya'o/ /gsum pa brtson 'grus ni 'byung pa'i yan lag ces bya'o/ /bzhi pa dga' ba ni rjes su bsngags pa'i yan lag ces bya'o/ /shin tu sbyangs pa dang/ ting nge 'dzin dang/ btang snyoms gsum ni nyon
 mongs pa med pa'i yan lag ces bya'o/ /de byang chub kyi yan lag gang zhe na/ byang chub kyi yan lag bdun nam/ chos rab tu 'byed pa ni byang chub kyi yan lag go /ji ltar yan lag tu 'gyur zhe na/ dran pa ni gnas pa'i yan lag tu gyur pa nas btang
 snyoms la sogs pa ni nyon mongs pa med pa'i yan lag tu gyur pas so/ /thams cad de la rten cing 'jug pa'i phyir ro zhes bya ba la/ dran pa ni gnas pa'i yan lag ste/ ji ltar gnas pa'i yan lag tu 'gyur zhe na/ chos rab tu 'byed pa la sogs pa
 yon tan thams cad ni dran pa la rten cing dran pa las byung ba'i phyir ro/ /byang chub de nyid de'i bdag nyid yin pa'i phyir ro zhes bya ba la chos rab tu 'byed pa ni rang bzhin gyi yan lag ces bya ste/ byang chub ces bya ba yang chos rnams kyi rang dang spyi'i mtshan
 nyid ma nor bar byed cing shes pa la bya ste/ byang chub kyi rang bzhin yang chos rab tu 'byed pa'i bdag nyid yin pas chos rab tu 'byed pa ni rang bzhin gyi yan lag tu bzhag go /de mthar thug pa thob par byed pa'i phyir ro zhes bya ba la/ brtson 'grus ni 'byung
 ba'i yan lag ste/ brtson 'grus kyis ji srid du bgrod par bya ba'i gnas su phyin gyi bar du 'gro zhing ma phyin gyi bar du bar ma dor mi 'jug pa'i phyir ro/ /sems bde ba'i phyir ro zhes bya ba la/ dga' ba de rjes su bsngags pa'i yan lag ste/ chos kyi
 dbyings mthong ba'i sgo nas dga' ba de sems la dga' ba'i khyad par skyed pa'i phyir ro/ /shin tu sbyangs pa dang/ ting nge 'dzin dang/ btang snyoms ni zhes bya ba la sogs pa la/ chos de gsum ni nyon mongs pa med pa'i yan lag ces bya ste/ ji
 ltar nyon mongs pa med pa'i yan lag ce na/ gang gis nyon mongs pa med pa'i byed pa dang/ gang la gnas na nyon mongs pa med par byed pa dang/ nyon mongs pa med pa gang yin pa'o/ /de la gang gis nyon mongs ba med par byed ce na/ shin tu
 sbyangs pas nyon mongs pa med par byed de/ lus dang sems las su rung bar gyur na/ des lus dang sems las su mi rung ba'i gnas ngan len dang nyon mongs pa dang shes bya'i sgrib pa'i gnas ngan len spyod pa med pa'i phyir ro/ /gang la gnas nas
 nyon mongs pa med par byed ce na/ ting nge 'dzin la gnas nas nyon mongs pa med par byed de/ ting nge 'dzin la gnas pa'i dus na zhum rgod kyi nye ba'i nyon mongs pa sel bar byed pa'i phyir ro/ /gang nyon mongs pa med pa ni btang snyoms te/ nyon mongs pa dang
 btang snyoms gnyis su 'gal bas btang snyoms la gnas pa'i dus na nyon mongs pa skye ba'i skabs cung zad kyang med pa'i phyir ro/ /lam gyi yan lag dbye ba tshigs su bcad pa gnyis te zhes bya ba la/ byang chub kyi yan lag bdun gyi 'og tu 'phags pa'i
 lam yan lag brgyad pa bshad par 'brel ba ci yod ce na/ sa dang po mthong ba'i lam du byang chub kyi yan lag bdun bsgoms pas mthong bas spangs bar bya ba'i nyon mongs pa spangs nas/ de bsgom pas spang bar bya ba'i nyon mongs pa dang shes bya'i sgrib pa
 spang bar bya ba'i phyir/ sa gnyis pa yan chad sa bcu pa man chad bsgom pa'i lam na 'phags pa'i lam yan lag brgyad pa bsgom pa de bas na byang chub kyi yan lag bdun gyi 'og tu 'phags pa'i lam gyi yan lag brgyad bshad par 'brel to/ /de lam
 gyi yan lag brgyad ni yang dag pa'i lta ba dang/ yang dag pa'i rtog pa dang/ yang dag pa'i dag dang/ yang dag pa'i las kyi mdza' dang/ yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge
 'dzin to/ /de la mthong ba'i lam na tshes rab tu 'byed pa byang chub kyi yan lag gis gang zag dang chos la bdag med par khong du chud pa de nyid la dmigs shing bsgom pa ni yang dag pa'i lta ba'o/ /de bas na 'phags pa blo
 gros mi zad pa'i mdo las kyang/ de la yang dag pa'i lta ba gang zhe na/ gang 'di 'phags pa'i 'jig rten las 'das te/ bdag tu lta ba las blangs pa ma yin srog tu ma yin zhes bya ba la sogs pa gsungs so/ /yang dag pa'i lta ba des rgyun
 byas nas khams gsum las 'byung ba'i rgyu lhag pa'i tshul khrims dang/ sems dang/ lhag pa'i shes rab rtog cing 'dod pa dang/ gnod sems med pa'i rtog pa ni yang dag pa'i rtog pa zhes bya'o/ /de bas na 'phags pa blo gros mi zad pa'i
 mdo las kyang/ de la yang dag pa'i rtog pa gang zhe na/ rtog pa gang gis 'dod chags dang zhe sdang dang gti mug gis nyon mongs pa 'byung bar 'gyur ba'i kun tu rtog pa de la mi rtog go /rtog pa gang gis tshul khrims dang/ ting nge 'dzin dang/ shes rab
 dang rnam par grol ba dang/ rnam par grol ba'i ye shes mthong ba'i phung po rnams 'byung bar 'gyur ba'i rtog pa de dag la rtog pa ni yang dag pa'i rtog pa zhes bya'o zhes gsungs so/ /yang dag pa'i lta ba dang/ rtog pa khong du chud pa ni chos de dag sems
 can la phan par bya ba'i phyir gzhan la 'chad cing/ sems can la gnod par 'gyur ba brdzun dang/ tshig rtsub po dang/ tshig 'khyal pa dang/ phra ma la sogs pa spangs pa ni yang dag pa'i dag ces bya'o/ /de bas na 'phags pa blo gros mi
 zad pa'i mdo las kyang/ de la yang dag pa'i dag gang zhe na/ dag gang gis bdag la yongs su mi gdung zhir? gzhan la yang ma yin pa dang/ bdag kyang nyon mi mongs la gzhan la yang ma yin pa dang/ bdag la yang mi gnod cing gzhan la
 yang ma yin te/ ngag gang gis 'phags pa'i lam la 'jug pa de lta bu'i mnyam par bzhag pa la sbyor ba'i dag dang ldan pa yin te/ 'di ni yang dag pa'i dag ces gsungs so/ /lus kyi sgo nas srog gcod pa dang/ ma byin par len
 pa dang/ mi tshangs par spyod pa spangs pa la brten nas/ de ma thag pa dang/ rnam par grol ba'i lam la 'jug pa ni yang dag pa'i las kyi mdza' zhes bya'o/ /de bas na 'phags pa blo gros mi zad pa'i mdo las kyang/ de la yang dag pa'i las
 kyi mdza' gang zhe na/ gang las kyang gnag la rnam par smin pa yang gnag pa de lta bu'i las mi byed ces bya ba la sogs pa gsungs so/ /chos gos dang/ lhung bzed la sogs pa kha gsag dang/ tshul 'chos pas tshol ba spangs nas tshul bzhin
 du 'tsho ba ni yang dag pa'i 'tsho ba zhes bya'o/ /de bas na 'phags pa blo gros mi zad pa'i mdo las kyang/ de la yang dag pa'i 'tsho ba gang zhe na/ gang 'phags pa'i rigs dang/ sbyangs pa'i yon tan dang/ yo byad bsnyungs pa mi gtong ba
 dang/ tshul 'chos pa med pa dang/ kha gsag med pa dang/ gzhogs slongs med pa zhes bya ba la sogs pa gsungs so/ /yang dag ba'i lta ba dang/ rtog pa dang las kyi mdza' dang/ yang dag pa'i 'tsho? ba la brten nas sgom pas spang bar bya ba'i
 nyon mongs pa dang shes bya'i sgrib pa spang bar bya ba'i phyir 'phags pa'i lam la rgyun du sgom par byed pa ni yang dag pa'i rtsol ba zhes bya'o/ /de bas na 'phags pa blo gros mi zad pa'i mdo las kyang/ de la yang dag pa'i 'bad pa gang zhe na/ 'bad
 pa gang log pa ste 'phags bas ma gnang ba 'dod chags dang zhe sdang dang gti mug dang nyon mongs pa'i phag la nyal gyi 'bad pa de mi 'dod cing 'bad pa gang yang dag pa 'phags pa'i lam dang/ bden pa la 'jug pa mya ngan las 'das par
 'gro ba'i lam du gtong pa'i 'bad pa de'i rjes su 'gro ba 'di ni yang dag ba'i 'bad pa zhes bya'o zhes gsungs so/ /ji ltar khong du chud pa'i chos rnams kyi don ma brjed cing sems la gsal bar snang
 ba de ni yang dag pa'i dran pa zhes bya'o/ /de bas na 'phags pa blo gros mi zad pa'i mdo las kyang/ /de la yang dag pa'i dran pa gang zhe na/ dran pa gang shin tu nye bar gzhag pa dang/ mi sdul ba dang zhes bya ba nas gzhungs pa
 dang/ 'phags pa'i lam mi brjed pa 'di ni yang dag pa'i dran pa zhes bya'o zhes gsungs so/ /de bzhin nyid chos kyi dbyings la sems rtse gcig tu mnyam par 'jog pa ni yang dag pa'i ting nge 'dzin ces bya'o/ /de pas na 'phags pa blo gros
 mi zad pa'i mdo las kyang/ de la yang dag pa'i ting nge 'dzin gang zhe na/ yang dag par mnyam pa dang chos thams cad mnyam pa ste zhes bya ba la sogs pa gsungs so /'phags pa'i lam gyi yan lag brgyad po de dag mdor bsdu na rnam pa gnyis
 su bzhag ste/ spyod pa'i tshe gang bya ba dang gnas pa'i tshe gang bya ba'o/ /de la spyod pa ni bsod snyoms la 'jug pa dang/ 'chag ba la sogs pa byed pa ste/ de'i tshe na ni yang dag ba'i ngag dang/ yang dag pa'i las kyi mdza' dang/ yang dag pa'i
 'tsho ba gsum la gnas par bya'o/ /gnas pa'i ting nge 'dzin du snyoms par 'jug pa ste/ de'i tshe na ni zhi gnas bsgom pa dang/ lhag mthong bsgom pa gnyis bya'o/ /de la yang dag pa'i lta ba dang/ yang dag pa'i rtog pa dang/ yang dag
 pa'i rtsol pa gsum ni lhag mthong gi phyogs 'khor dang bcas ba ste/ yang dag pa'i lta ba ni lhag mthong nyid do/ /yang dag pa'i rtog pa dang rtsol ba ni lhag mthong gi 'khor ces bya'o/ /yang dag pa'i dran pa dang/ yang dag pa'i ting nge
 'dzin ni zhi gnas kyi tshogs 'khor dang bcas pa ste/ ting nge 'dzin ni zhi gnas nyid do/ /dran ba ni zhi gnas kyi 'khor to/ /ji ltar shes bzhin rjes su 'jug /de nas kyang ni skye bar 'gyur zhes bya ba la/ de nas zhes bya ba ni 'og? tu
 zhes bya ba'i don to/ /sa dang po mthong ba'i lam du byang chub kyi yan lag bdun bsgoms pa'i rjes la/ shes bya'i sgrib pa dang/ bsgom pas spang bar bya ba'i nyon mongs pa'i sgrib pa spang bar bya ba'i phyir/ sa gnyis man chad na 'phags pa'i lam
 gyi yan lag brgyad la sgom par byed do/ /de yang sa dang por chos rab tu rnam par 'byed pa byang chub kyi yan lag gis gang zag dang chos la bdag med pa'i de kho na khong du chud ba la/ sa gnyis pa man chad chos de nyid la 'jug cing chos de nyid la sgom par
 byed pa ni yang dag pa'i lta ba zhes bya'o/ /ji ltar shes ba rnam par bzhag ces bya ba la/ yang dag pa'i lta ba de kho na khong du chud pa de la yang dag rtog pas de nyid rnam par 'jog par byed de/ ji ltar rnam par 'jog par byed ce na/ bdag gis de kho na nyid ni mnyam
 pa dang bcas pa dang/ bsgom pa'i rim pas khong du chud ces rtog cing ji ltar khong du chud pa'i chos rnams gtsug lag tu yang byed pa gzhan yang 'chad par byed na yang dag pa'i rtog pa zhes bya'o/ /don de nyid bstan par bya ba'i phyir/ rnam par bzhag la 'jug pa
 rang zhes bya ba smos te/ bcom ldan 'das kyis mdo sde la sogs pa gsung rab yan lag bcu gnyis bshad pa ni rnam par bzhag ba zhes bya ste/ yang dag pa'i rtog pas mdo sde dag gi don khong du chud pas rnam par bzhag pa la 'jug pa zhes bya'o/ /las
 gsum rnam par dag pa dang zhes bya ba la/ yang dag pa'i dag dang/ yang dag pa'i las kyi mdza' dang/ yang dag par 'tsho ba gsum gyis ni las gsum rnam par dag par byed de/ ngag gi las dang/ lus dang dag gi las dag par byed do/ /de la brdzun pa
 tshig rtsub po dang/ tshig 'khyal ba dang/ phra ma spangs pa'i yang dag pa'i ngag gis ni ngag gi las rnam par dag par byed do/ /srog gcod pa dang/ ma byin par len ba dang/ mi tshangs pa ba spyod pa spangs pa yang dag pa'i
 las kyi mdza' ni lus kyi las rnam par dag par byed do/ /ngag gi sgo nas kha gsag pa dang gcam bu la sogs pa spangs pa dang/ lus kyi sgo nas tshul 'chos pa la sogs bar 'tsho ba spangs pa yang dag pa'i 'tsho bas ni lus dang ngag gnyis ka'i las
 dag par byed do/ /gnyen po yang bsgom pa ste/ shes par bya ba lam rnams ni khyad par can gyi yon tan sgrib ces bya ba la yang dag ba'i rtsol ba dang/ yang dag pa'i dran pa dang/ yang dag pa'i ting nge 'dzin gsum gyis ni rim bzhin du shes bya'i sgrib
 pa dang/ lam gyi sgrib ba dang/ khyad par can gyi yon tan gyi sgrib pa'i gnyen por bsgom ste/ yang dag pa'i rtsol ba ni shes bya'i sgrib pa'i gnyen por bsgom mo/ /yang dag pa'i dran pa ni lam gyi sgrib pa'i gnyen por bsgom mo/ /yang dag pa'i
 ting nge 'dzin ni khyad par can gyi yon tan gyi sgrib pa'i gnyen po bsgom mo/ /byang chub kyi yan lag bdun rnams kyi 'og tu zhes bya ba la sogs pa la/ sa dang por byang chub yan lag bdun la bsgom ste/ de'i 'og tu sa gnyis pa yan chad na 'phags
 pa'i lam gyi yan lag brgyad la bsgom mo/ /de la yang chos rab tu 'byed pa byang chub kyi yan lag gis gang zag dang chos la bdag med par khong du chud pa'i chos de nyid la lta zhing de nyid kyi don khong du chud pa ni yang dag pa'i lta ba zhes bya'o/ /shes pa de
 rnam par bzhag nas zhes bya ba la sogs pa la/ shes pa ni bcom ldan 'das kyis de bzhin nyid thugs su chud pa'o/ /rnam par bzhag pa ni gsung rab yan lag bcu gnyis gsung rten 'jig rten du bzhag pa'o/ /yang na chos rab tu 'byed pa byang chub kyi
 yan lag gis chos kyi don ji ltar khong du chud pa ni shes pa de rnam par bzhag pa zhes bya ste/ /de la gang bdag gis de kho na nyid khong du chud pa yang nyan pa dang/ bsams pa dang/ bsgon pa la sogs pa'i las byas pas khong du chud do zhes rtog pa ni
 yang dag pa'i rtog pa zhes bya'o/ /bcom ldan 'das kyis gsungs pa zhes pa ni mdo sde la sogs pa gsung rab yan lag bcu gnyis bcom ldan 'das kyis gsungs pa ste/ mdo sde la sogs pa'i nang nas kyang de kho na khong du chud par bya ba de 'byung ngo/
 des de'i don khong du chud pa'i phyir zhes bya ba la/ /nges zhes bya ba ni yang dag pa'i rtog pa des so/ /de'i don khong du chud pa zhes bya ba ni yang dag pa'i lta bas de kho na nyid sngar khong du chud nas yang dag pa'i rtog pas kyang gsung rab kyi don rnams
 khong du chud de mngon sum du mthong ngo zhes bya ba'i don to/ /yang dag pa'i rtsol bas yun ring por mi skyo bar zhes bya ba la/ shes bya'i sgrib pa spang bar bya ba'i phyir yang dag pa'i rtsol bas yun ring por mi skyo bar bsgoms pas shes bya'i
 sgrib pa spong bar 'gyur te/ de bas na yang dag pa'i rtsol ba ni shes bya'i sgrib pa'i gnyen po bsgom mo/ /yang dag pa'i dran pas ni zhi gnas dang rab tu 'dzin pa zhes bya ba la sogs pa la/ lam bsgom pa na zhum pa dang rgod pa spang ba'i phyir yang dag
 pa'i dran pas zhi gnas kyi mtshan ma dang/ rab tu 'dzin pa'i mtshan ma dang/ btang snyoms kyi mtshan ma dag yid la byas nas zhum pa dang rgod pa spangs te zhum pa dang rgod pa med par 'phags ba'i lam la bsgoms pas na/ yang dag pa'i dran pa ni
 lam gyi sgrib pa'i gnyen por bsgom par bzhag go /de la nam zhum pa byung ba'i tshe na ni/ de bzhin gshegs pa'i yon tan la sogs pa sems gzengs bstod par 'gyur bar pa 'dzin pa'i mtshan ma yid la byas nas zhum pa sel bar byed do/ /nam
 sems rgod par 'gyur ba'i dus na sems zhi bar byed pa'i rgyu 'khor ba'i skyon yid la byed pa zhi gnas kyi mtshan ma yid la byas nas rgod pa med par byed do/ /nam zhum pa dang rgod pa dang bral ba'i dus na btang snyoms kyi
 mtshan ma yid la byas nas sems mi skyod par 'jog par byed do/ /yang dag pa'i ting nge 'dzin gyis ni zhes bya ba la sogs pa la 'phrul gyi mig la sogs pa yon tan khyad par can thob par bya ba la bar du gcod pa'i sgrib pa dang/ bgegs
 rnams bsal bar bya ba'i phyir yang dag pa'i ting nge 'dzin gyis rtag tu sems rtse gcig par 'jig ste/ rtse gcig tu bzhag na yon tan khyad par can thob pa la sgrib pa'i bar du gcod pa dang bral nas mngon par shes pa la sogs pa'i yon
 tan khyad par can thob par 'gyur bas na/ yang dag pa'i ting nge 'dzin ni khyad par can gyi yon tan mngon du sgrub pa la sgrib pa'i gnyen po bsgom bar bzhag go /zhi gnas dang lhag mthong rnam par dbye ba'i tshigs su bcad pa rnam gsum ste zhes bya
 ba la/ byang chub kyi phyogs kyi 'og tu zhi gnas dang lhag mthong gi skabs bshad par 'brel pa ci yod ce na/ zhi gnas dang lhag mthong ni byang chub kyi phyogs thams cad grub par byed pa'i thabs yin te byang chub kyi phyogs bsgom pa thams cad
 la/ zhi gnas dang lhag mthong ni med du mi rung la/ /byang chub kyi phyogs kyi skabs su zhi gnas dang lhag mthong bshad zin mod kyi mtshan nyid ma 'dres par bstan te/ da zhi gnas kyi mtshan nyid ni 'di lhag mthong gi mtshan nyid ni 'di'o zhes ma
 'dres par bstan dgos te/ de bas na byang chub kyi phyogs kyi 'og tu zhi gnas dang lhag mthong gi skabs bshad par 'brel to/ /sems la sems ni bzhag pa dang/ /chos rnams rab tu 'byed pa dang/ /yang dag gnas la nyer gnas pa/ /zhi gnas
 dang ni lhag mthong ngo/ /zhes bya ba la/ yang dag par gnas pa ni yang dag pa'i ting nge 'dzin la bya ste/ gzugs kyi khams kyi zag pa med pa'i ting nge 'dzin bzhi la brten nas/ sems la sems bzhag pa ste/ khams gsum thams cad ni
 sems tsam du zad pa ste/ sems las gzhan med do zhes sems rtse gcig tu 'jog pa ni zhi gnas zhes bya ste/ de tsam gyis na zhi gnas yongs su grub pa ste/ sems mnyam par bzhag pa rnyed na yang dag pa ji lta ba bzhin du shes
 pa'i shes rab 'byung ste/ chos gang rnams kyi don phyin ci ma log par shes pa'i rnam par mi rtog pa'i ye shes la lhag mthong zhes bya ste/ 'di dag ni theg pa chen po'i zhi gnas dang lhag mthong gi mtshan nyid mdor bstan to/ /de bas na
 'phags pa blo gros mi zad pa'i mdo las kyang/ de la zhi gnas mi zad pa gang zhe na/ gang sems zhi ba dang/ rab tu zhi ba dang/ nye bar zhi ba dang zhes bya ba la sogs pa gsungs pa dang/ byang chub sems dpa' rnams kyi lhag mthong mi zad pa gang zhen?
 gang shes rab kyi cha'i sgom pa'i lam ste/ chos rnams la g.yo ba med par shes pa dang/ bdag po med pa dang/ sems can med pa dang zhes bya ba la sogs pa gsungs te/ de ni zhi gnas dang lhag mthong gi mtshan nyid do/ /zhi gnas dang lhag mthong
 gi rab tu dbye ba bstan pa'i phyir/ de dag kun tu rab tu 'gro zhes bya ba la sogs pa smos te/ de dag ces bya ba ni sgra ni zhi gnas dang lhag mthong la bya ste/ zhi gnas dang lhag mthong ni byang chub kyi phyogs bsgom pa dang/ bsam gtan dang ting nge 'dzin
 thob par 'dod pa dang/ /mngon par shes pa la sogs pa thob par 'dod pa de dag kun gyis zhi gnas dang lhag mthong bsgom dgos te/ yon tan sgrub pa la zhi gnas dang lhag mthong med du mi rung bas na/ zhi gnas dang lhag mthong ni kun tu 'gro
 ba zhes bya'o/ /cha gcig cha med rgyur 'dod de zhes bya ba la/ gang gi tshe zhi gnas 'ba' zhig bsgom gyi/ lhag mthong shas chung ba de na yang cha gcig la bsgom pa zhes bya ste/ 'di ltar gzugs med pa'i
 snyoms par 'jug pa la bsgom pa'o/ /gzugs med pa'i snyoms par 'byug pa la ni zhi gnas dad shas che la lhag mthong shas chung ngo/ /gang gi tshe lhag mthong 'ba' zhig bsgom la/ zhi gnas shas chung ba de yang cha gcig la
 bsgom pa zhes bya ste/ 'di ltar gzugs kyi khams kyi bsam gtan dang po dang/ gnyis pa dang/ gsum pa la bsgom ba'o/ /de gsum gyi dus na lhag mthong shas che la/ zhi gnas shas chung ngo/ /zhi gnas dang lhag mthong zung du
 'brel par bsgom pa ni cha med pa zhes bya ste/ gzugs kyi khams kyi bsam gtan bzhi pa la bsgom pa'i dus na'o/ /mos pas spyod ba'i cha'i zhi gnas dang lhag mthong bsgom pa la ni rgyur 'dod pa zhes bya ste/ ci'i phyir zhe na/ mos
 pas spyod pa'i sar zhi gnas dang lhag mthong bsgoms pas/ sa dang po rtogs par 'gyur te/ mos pas spyod pa'i zhi gnas dang lhag mthong ni sa dang por 'jug pa'i gnas yin bas na rgyur zhes bya'o/ /zhi gnas dang lhag mthong
 gnyis kun tu 'gro bar ci mngon zhe na/ de'i phyir ji skad du mdo sde las kyang/ e ma'o dge slong dag ces bya ba la sogs pa smos te/ mdo las kyang 'dod ba las dben/ sdig pa mi dge ba'i chos las dbyed/ rtog pa dang bcas ba'i bsam
 btan dang po thob par 'dod pas zhi gnas dang lhag mthong bsgom par bya ba nas bsam btan gnyis pa dang/ gsum pa dang/ bzhi pa dang/ mngon par shes pa la sogs pa thob par 'dod pas zhi gnas dang lhag mthong bsgom par bya'o zhes
 gsungs pas na kun tu 'gro ba yin no/ /rab tu rtogs dang zhes bya ba la/ sa dang po'i zhi gnas dang lhag mthong la ni rab tu rtogs pa'i zhi gnas dang lhag mthong zhes bya ste/ de'i tshe chos kyi dbyings kun tu 'gro ba'i mtshan nyid du rtogs pa'i
 phyir ro/ /'byung ba dang zhes bya ba la/ sa gnyis pa dang/ gsum pa dang/ bzhi pa dang/ lnga pa dang/ drug pa'i dus na zhi gnas dang lhag mthong bsgom pa la ni 'byung ba'i zhi gnas dang lhag mthong zhes bya ste/ de'i dus kyi zhi gnas dang
 lhag mthong gis mtshan ma can du spyod pa mthar 'phyin par byed cing mtshan ma can thams cad spang par byed pa'i phyir ro/ /mtshan ma med pa dang zhes bya ba la/ sa bdun pa'i dus na zhi gnas dang lhag mthong bsgom pa ni mtshan ma med pa'i
 zhi gnas dang lhag mthong zhes bya ste/ de'i dus na mdo sde la sogs pa'i chos rnams sna tshogs la mtshan ma tha dad par mi byed kyi/ thams cad kyang ro? gcig par bsgom pa'i phyir ro/ /'dus ma byas zhes bya ba la/ sa brgyad pa dang/ dgu pa
 dang/ bcu pa'i dus kyi zhi gnas dang lhag mthong la ni 'dus ma byas kyi zhi gnas dang lhag mthong zhes bya ste/ de ni brtsal ba dang 'bad pa med par lhun gyis grub pa nyid du zhi gnas dang lhag mthong la gnas pa'i phyir ro/ /yongs su dag dang
 rnam par dag ces bya ba la/ sa brgyad ba dang/ dgu pa dang/ bcu pa'i dus kyi zhi gnas dang lhag mthong des sangs rgyas kyis gzhi shel gyi kha dog la sogs pa spyod bar byed pas na yongs su dag pa zhes bya'o/ /nyon mongs pa dang shes bya'i sgrib
 pa'i bag la nyal tshun chad spangs pa'i sangs rgyas thob par byed pas na/ rnam par dag pa zhes bya ste/ 'di ni zhi gnas dang lhag mthong gi rab tu dbye ba'o/ /zhi gnas dang ni lhag mthong rnams/ /brtan pas sa rnams thams cad la/ /de ni rnal 
 'byor kun sgrub pa'o zhes bya ba la/ rnal 'byor gyi sgra ni thabs la bya ste/ brtan pa byang chub sems dpa' rnams? sa bcu thams cad la zhi gnas dang lhag mthong bsgom pa ni bdag dang gzhan gyi don thams cad
 grub par byed pa'i thabs yin te/ de ni zhi gnas dang lhag mthong gi las so/ /'dus byas yod pa ni 'dus byas yin la zhes bya ba la/ gang la brtsal ba dang 'bad pa yod ba de la ni 'dus byas zhes bya na/ sa brgyad pa dang/ dgu pa
 dang/ bcu pa'i dus na brtsal ba dang/ 'bad ba med par zhi gnas dang lhag mthong lhun gyis grub par bsgom ba'i phyir 'dus ma byas zhes bya'o/ /thabs mkhas pa rnam par 'byed pa la tshigs su bcad pa rnam pa gnyis so zhes bya ba la/ zhi gnas
 dang lhag mthong gi 'og tu thabs mkhas pa'i skabs bshad par 'brel pa ci yod ce na/ zhi gnas dang lhag mthong ni don thams cad grub par byed pa'i thabs yin la zhi gnas dang lhag mthong bsgom pa de yang/ thabs la mkhas pas theg pa
 gzhan du mi 'jug par bya ba'i phyir theg pa chen po'i don rtogs par bya bar yongs su bsngo bar bya ste/ de bas na zhi gnas dang lhag mthong gi 'og tu thabs la mkhas pa'i skabs bshad bar 'brel to/ /de la byang chub sems dpa' i thabs kyang rnam pa lnga'o/
 sangs rgyas chos rnams rdzogs byed dang zhes bya ba la/ sangs rgyas kyi chos ni sa dang pha rol tu phyin pa dang/ byang chub kyi phyogs dang/ stobs dang/ mi 'jigs pa dang/ rnam pa thams cad mkhyen ba'i ye shes kyi bar la bya ste/ de yongs su rdzogs
 par byed pa'i thabs ni rnam par mi rtog pa'i ye shes te/ 'di ni thabs rnam pa gcig go bde bas na shes rab kyi pha rol tu phyin pa 'bum las kyang/ gal te sbyin pa'i pha rol tu phyin pa yongs su rdzogs par 'dod na shes rab kyi pha rol tu phyin pa
 la bslab par bya'o zhes bya ba nas rnam pa thams cad mkhyen pa'i ye shes thob par 'dod pas shes rab kyi pha rol tu phyin pa la bslab bar bya'o zhes gsungs so/ /sems can yongs su smin pa'i phyir ro zhes bya ba la/ sems can yongs su smin ba'i? byed pa'i
 thabs ni bsdu ba'i dngos po bzhi ste/ des sems can mi dge ba'i gnas nas blangs nas/ dge ba'i gnas su 'jog par byed pa'i phyir te/ /'di ni thabs rnam pa gnyis pa'o/ /myur du thob dang zhes bya la/ /mngon par shes pa myung du thob cing/
 myur du mngon par 'tshang rgya bar byed pa'i thabs ni mdo las/ sgrib pa thams cad bshags par bya'o/ bsod nams kun gyi rjes su yi rang bar bya'o/ /sangs rgyas thams cad la gsol ba gdab par bya'o/ /bdag gi shes pa bla na med pa'i byang chub tu
 'tshang rgya bar gyur cig ces bya ba ste/ mdo'i tshig? de bzhis rim bzhin du bshags pa dang/ /? rjes su yi rang ba dang gsol ba dang/ bsngo ba rnams bstan to/ /'di ni thabs rnam pa gsum pa'o/ /bya ba grub pa dang zhes bya ba la/ bya ba grub pa'i thabs
 ni ting nge 'dzin dang gzungs kyi sgo rnams te/ de gnyis kyis bdag dang gzhan gyi don rnams 'grub bar byed pa'i phyir ro/ /ting nge 'dzin gyis rdzu 'phrul rnam pa sna tshogs bstan pa'i sgo nas gzhan gyi don 'grub dar byed do/ /gzungs kyis ni bshad pa'i
 don dang tshig 'dzin pas bdag gi don 'grub par byed de/ 'di ni thabs bzhi pa'o/ /lam mi gcod par mkhas pa ni zhes bya ba la/ lam mi gcod pa ni de bzhin gshegs pa'i gdung mi gcod pa ste/ de'i thabs ni mi gnas pa'i mya ngan las
 'das pa'i lam mo/ /de la mi gnas pa'i mya ngan las 'das pa'i lam ni rnam pa gnyis te shes rab dang snying rje'o/ /de la shes rab dang ldan pa ni 'khor ba na gnas kyang 'khor ba'i nyes pas mi gos te/ dper na padmo chu las skyes kyang chu'i nyes ba
 'dam gyis mi gos pa bzhin no/ /snying rje dang ldan pas ni 'phags pa nyan thos bzhin du mya ngan las 'das pa 'ba' zhig tu mi 'jug gi /'khor bar sems can gyi don byed do/ /'di ni thabs rnam pa lnga ba'o/ /
 de yan chad thabs kyi rab tu dbye ba bstan te/ /byang chub sems dpa' rnams kyi thabs/ /sa rnams kun la mnyam pa med ces bya ba la/ 'jig rten bdag rang gi don grub bar bya ba'i thabs la gnas pa yod/ 'phags pa nyan thos dang rang sangs
 rgyas ngag kyang rang? gi 'bras bu thob par bya ba'i thabs la gnas pa yod mod kyi/ byang chub sems dpa' rnams sa bcu dag na thabs mkhas pa rnam pa lnga la gnas pa ni gnas bas khyad zhugs pas na mnyam pa med pa zhes bya'o/ /thabs gang
 la ni gnas nas su/ /don rnams thams cad 'grub par byed ces bya ba la/ byang chub sems dpa' rnams thabs mkhas pa rnam pa lnga la gnas na/ bdag gi don dang gzhan gyi don gnyi ga 'grub par byed de/ de ni thabs mkhas pa'i las so/ /
 gzungs rnam par dbye ba la tshigs su bcad pa gsum ste zhes bya ba la/ thabs kyi 'og tu gzungs kyi skabs bshad par 'brel pa ci yod ce na/ gzungs kyi byang chub sems dpa' byang chub kyi phyogs thams cad kyang thob la/ gzungs kyi stobs kyis sangs
 rgyas dang byang chub sems dpa' rnams kyis gsungs pa'i don dang chig rnams kyang ma lus bar 'dzin par byed cing/ sngon ma thos ba'i chos dang don rnams kyang sems la snang bar 'gyur te/ de bas na thabs dang lan na chos dang gzungs dang don 'dzin ba'i
 gzungs thob ba'i phyir/ thabs kyi 'og tu gzungs bshad par 'brel to/ /yang na thabs mkhas ba dang gzungs la sogs ba byang chub kyi phyogs kyi chos kyi nang du gtegs bas/ de'i don mi bshad du mi rung ba'i phyir bshad do/ /yang na gcug? lag 'di
 ni mdo sde'i don 'chad pa yin te/ theg pa chen po'i mdo las thabs dang/ gzungs dang/ smon lam dag 'byung ste de'i don bshad dgos pas gzungs kyi don bshad do/ /rnam smin thos pa goms pa dang/ ting nge 'dzin gzungs te zhes bya ba la
 sogs pa/ gzungs kyi rab tu dbye pa dang las bstan te/ 'dir gzungs kyi rang bzhin ma bshad mdo kyi/ gzungs kyi rang bzhin ni dran pa dang shes rab kyi rang bzhin te/ dran pa dang shes rab khyad bar can la gzungs zhes bya'o/ /de la
 gzungs rnam pa gsum ste/ rnam par smin pa las byung ba'i gzungs dang/ thos ba goms pa las byung ba'i gzungs dang/ ting nge 'dzin gyi gzungs so/ /de la tshe rabs gzhan du dam pa'i chos dris pa dang/ mchod pa dang/ bcangs pa dang
 bklags pa la sogs pa gzungs thob par 'gyur ba'i las dge ba bsags pas gang du skyes par 'di lta bu'i phung po mngon par 'grub par 'gyur te/ phung po gang grub pas sangs rgyas dang byang chub sems dpa' rnams kyis gang bshad ba'i don
 dang tshig rnams lan cig bshad pas kun 'dzin par nus te/ 'di ni rnam par smin pa las byung ba'i gzungs zhes bya'o/ /de bas na 'phags pa blo gros mi zad pa'i mdo las kyang/ de la gzungs mi zad pa gang zhe na/ gzungs zhes bya ba ni gang dge
 ba'i rtsa pa'i tshogs bsags pa dran pas chos kyi phung po stong phrag brgyad cu rtsa bzhi 'dzin pa dang/ kun 'dzin pa dang/ mi brjed pa dang/ dran bas kun 'dzin pa 'di ni gzungs zhes bya'o zhes gsungs so/ /tshe 'dir dge ba'i bshes gnyen mang po la
 chos mang po lan mang du mnyan ba las sangs rgyas dang byang chub sems dpa' la sogs pas bshad pa dang/ mkhan po dang slob dpon la sogs pas bshad pa'i chos kyi don tshig ma lus par 'dzin nus par 'gyur te/ 'di na thos pa la goms pa
 las byung ba'i gzungs zhes bya'o/ /gzungs de'i dbang du byas nas/ 'phags pa blo gros mi zad pa'i mdo las kyang/ yang gzungs zhes bya ba ni sangs rgyas bcom ldan 'das kyis gsungs pa thams cad 'dzin pa dang
 byang chub sems dpa' thams cad dang/ rang sangs rgyas thams cad dang/ nyan thos thams cad dang/ sems can thams cad kyis smras pa dang/ legs par smras pa thams cad ma lus par 'dzin pa ste/ 'di ni gzungs zhes bya'o zhes gsungs so/ /
 gang gis stong pa nyid dang/ mtshan ma med pa dang/ smon pa med pa'i ting nge 'dzin la sogs pa'i ting nge 'dzin gang yang rung ba zhig bsgoms te mngon du byas pa dang/ sangs rgyas dang byang chub sems dpa' rnams kyis bshad pa'i don dang tshig rnams lan
 cig gis 'dzin par nus pa ni ting nge 'dzin gyi gzungs zhes bya'o/ /chung ba dang ni chen po dang zhes bya ba la/ gong du bshad pa'i gzungs gsum las/ rnam par smin pa las byung ba dang/ thos pa goms pa las byung ba'i gzungs ni chung du zhes
 bya'o/ /ting nge 'dzin gyi gzungs ni chen po zhes bya'o/ /chen po la yang rnam gsum ste zhes bya ba la/ ting nge 'dzin gyi gzungs chen por bshad ba la chen po de la yang rnam pa gsum du bzhag ste/ chung ngu dang/ 'bring dang/ chen po'o/ ma zhugs
 zhugs pa brtan rnams kyi/ /chung ngu dang ni 'bring po dang/ /sa dag pa'i sa yin te zhes bya ba la/ sa dang po la ma zhugs pa mos pas spyod pa rnams ting nge 'dzin 'ga' zhig bsgoms pa las gzungs thob pa ni chung ngu zhes bya ste/ chung ngu ni chos dbyings mngon du
 ma byas pa'i phyir ro/ /sa la zhugs pa'i byang chub sems dpa' brtan pa rnams kyi gzungs la yang sa dang po yan chad sa bdun pa man chad ma dag pa'i ting nge 'dzin las grub pa'i gzungs ni 'bring po zhes bya ste/ sa de dag na brtsal ba dang 'bad pa
 yod ba'i phyir ro/ /dag pa'i sa ni chen po'o zhes bya ba la/ sa brgyad pa dang/ sa dgu pa dang/ sa bcu pa dag pa'i sa la gnas pa'i ting nge 'dzin las skyes pa'i gzungs ni brtsal 'bad? med bar lhun gyis grub par 'jug pa'i phyir te/ des ni
 gzungs kyi rab tu dbye ba bstan to/ /gzungs rnams la ni rab gnas te/ /yang dang yang ni byang chub dag /dam pa'i chos kyang ston byed cing/ /rtag? bar rab tu 'dzin par byed ces bya ba la/ byang chub sems dpa' i dag gong du bshad pa'i rnam
 par smin pa las byung ba'i gzungs dang/ thos pa goms pa las byung ba'i gzungs dang/ ting nge 'dzin gyi gzungs gsum la gnas shing brten nas rgyun tu sems can la phan bar bya ba'i phyir dam ba'i chos kyi tshig dang don kyang ston cing
 bdag la phan par bya ba'i phyir sangs rgyas dang byang chub sems dpas gsungs pa'i don dang tshig kyang 'dzin par byed de/ de ni gzungs kyi las so/ /yang dang yang zhes bya ba ni rtag pa dang rgyun mchad par zhes bya ba'i don to/ /thos pa goms pa ni tshe 'di
 la mang du thos pa 'dzin pa dang zhes bya ba la sogs pa la/ tshe 'dir dge ba'i sa shes gnyen mang bo la lan mang du mnyan pa las sangs rgyas la sogs pas bshad pa'i don dang tshig 'dzin cing mi brjed par bzung pa'i mthu yod de/ de ni thos pa goms pa
 las byung ba'i gzungs zhes bya'o/ /smon lam rnam par dbye ba'i tshigs su bcad pa gsum ste yang smon lam gang dang gang btab pa zhes bya ba la/ gzungs kyi 'og tu smon lam gyi skabs bshad par 'brel pa ci yod ce na/ de ltar gzungs thob pa'i
 byang chub sems dpa' rnams bdag dang gzhan gyi don du smon lam 'debs te/ smon lam btab pa yang smon lam gang dang gang btab pa de dang de dag thams cad de bzhin du 'grub par 'gyur te/ de bas na gzungs kyi 'og tu smon lam gyi skabs
 bshad par 'brel to/ /'dod dang ldan pa'i sems ba ni zhes bya ba la sogs pas smon lam gyi rang bzhin dang/ rgyu dang/ sa dang/ dbye ba dang/ las bstan to/ /de la 'dod pa ni 'dod par bya ba'i dngos po la
 'dod ba skye ba ste/ 'dir yang bla na med par byang chub kyi 'bras bu ji ltar thob par bya snyam du sems shing 'dod pa ni 'dod pa zhes bya'o/ /sems pa ni sems g.yo zhing 'gul bar byed ba'i mtshan nyid de/ sems bskyed nas bla na med pa'i byang
 chub kyi 'bras bu ji lta bar thob bar bya snyam du sems shing tshig tu 'byin pa ni smon lam gyi rang bzhin no/ /ye shes kyis ni de bskul te zhes bya ba la/ ye shes ni 'di'i rnam par mi rtog ba'i ye shes la bya ste/ byang chub sems dpa' rnams
 kyi smon lam ni rnam par mi rtog ba'i ye shes kyi rgyu las byung bas na ye shes kyis bskul ba zhes bya'o/ /yang na ye shes de thob par bya bar bsngos pa ni ye shes kyis bskul pa zhes bya ste/ 'dis ni rgyu bstan to/ /bstan pa rnams kyi smon
 lam ni/ /sa rnams kun la mnyam pa med/ ces bya ba la/ bstan pa byang chub sems dpa' rnams sa bcu thams cad du smon lam 'debs ba de ni 'jig rten pa dag lha dang mi'i 'bras bu thob par bya ba'i phyir smon lam 'debs ba dang/ nyan thos
 dang rang sangs rgyas dag gi 'bras bu thob bar bya ba'i phyir smon lam 'debs pa yod mod kyi/ smon lam de dag kun pas kyang khyad zhugs pas na mnyam pa med pa zhes bya ste/ 'dis ni sa bstan to/ /rgyur gyur pa'ang shes par bya zhes bya ba la/
 byang chub sems dpa' rnams kyi smon lam ni don thams cad 'grub ba'i rgyur 'gyur bar shes bar bya'o zhes bya ba'i don to/ /de la don thams cad 'grub bar bya ba ni rnam pa gnyis te/ tshe 'dir bdag dang gzhan gyi don 'grub par bya ba
 dang? de? tshor bas? gzhan du bdag dang gzhan gyi don 'grub par bya'o/ sems ls 'bral du 'bras buAng de zhes bya ba la/ de zhes bya ba'i sgra ni smon lam dang sbyar te/ byang chub sems dpa' i smon lam de zhes bya ba'i don to/ /sems las zhes bya
 ba ni sems tsam las zhe 'am/ smon lam btab pa tsam gyis zhes bya ba'i don to/ /'phral du zhes bya ba ni tshe 'di la bya ba'i don te/ don bun? lus dang ngag gi sgo nas las su byas pa med bar tshe 'dir yang smon lam btab pa tsam gyis bdag dang gzhan
 gyi don 'grub par 'gyur ro zhes bya ba'i don to/ /ma 'ongs don rnams 'grub pa'i phyir/ /sems tsam las ni 'grub par 'gyur zhes bya ba la/ ma 'ongs sa ni tshe phyi ma la bya ste/ lus dang ngag gi sgo nas g.yos pa med la/ sems tsam gyis bsams pa 'am/
 smon lam btab pa tsam gyis tshe phyi mar yang pa dag dang gzhan gyi don kun sgrub par byed do zhes bya ba'i don to/ /sna tshogs zhes bya ba la mos pas spyod pa'i dus kyi byang chub sems dpa' rnams kyi smon lam ni sna tshogs zhes bya ste/ de'i dus na chos kyi dbyings kun tu 'gro
 ba'i mtshan nyid ma rtogs bas 'di dang 'di lta bur gyur cig ces smon lam 'debs pa yang tha dad pa mi mthun par 'debs pas sna tshogs zhes bya'o/ /chen po zhes bya ba la/ sa dang por zhugs pa'i byang chub sems dpa' rnams kyi smon lam ni chen po zhes bya ste/ smon
 lam chen po bcu mngon par sbrub pa'i phyir ro/ /rnam dag gong? ma gong ma'i sa rnams la/ /byang chub bar du sems pa rnams zhes bya ba la/ sa gnyis nas brtsams te/ sangs rgyas kyi sa la ma thug gi bar gyi byang chub sems dpa' rnams kyi smon lam ni rnam par dag pa
 zhes bya ste/ ji ltar zhe nas 'og ma 'og ma la bltos nas sa gong ma gong ma rnams kyi smon lam 'phags shing khyad zhugs pa'i phyir te/ 'dis ni smon lam gyi rab tu dbye ba bstan to/ /bdag dang gzhan don rab tu sgrub ces bya ba la/ byang chub sems dpa' i 
 smon lam gyis ni bdag gi don yang sgrub par byed/ /gzhan gyi don yang sgrub par byed de/ /de ni las so/ /smon lam gyi mthus bsod nams kyi stobs dang ldan pa zhes bya ba la sogs pa la/ bsod nams kyi tshogs
 bsags ba'i byang chub sems dpa' bsod nams kyi stobs dang ldan pas smon lam btab pa'i mthus byang chub sems dpa' rnams lus dpag tu med pa dang/ /'od zer dpag tu med pa dang/ /rdzu 'phrul dpag tu med pas bdag dang gzhan
 gyi don sgrub par ni tshig gis brjod par sla ba ma yin no zhes bya ba la sogs pa mdo las gsungs pas na/ /smon lam gyi bdag dang gzhan gyi don sgrub bar mngon no/ /ting nge 'dzin gsum rnam par dbye ba la tshigs su bcad pa gsum ste zhes bya
 ba la/ smon lam gyi 'og tu ting nge 'dzin gsum bshad par 'brel pa ci yod ce na/ de ltar gzungs dang smon lam du ldan ba'i byang chub sems dpa' i sgrib pa thams cad sbang ba'i bya ba'i phyir ting nge 'dzin gsum la sgom par byed de/ de gsum la
 bsgoms na bdag dang gzhan gyi don phyin ci log rnams spong bar 'gyur pas na/ smon lam gyi 'og tu ting nge 'dzin gsum rnam par dbye ba'i skabs bshad bar 'brel to/ /yang na smon lam dang ldan pa'i byang chub sems dpa' rnams lus kyi
 las sam/ ngag gi las sam/ yid las gang sgrub par bsams pa de dang de dag thams cad de bzhin du sgrub ste/ las gsum la yang sems kyi las ting nge 'dzin bsgrub pa gtso bo yin pas na spron lam gyi 'og tu ting nge 'dzin gyi skabs bshad
 par 'brel to/ /bdag med gnyis po?/ ga dang ni/ /bdag 'dzin gnas su shes par bya/ /de dag rtag tu nye bar zhi/ /ting 'dzin gsum gyi spyod yul lo zhes bya ba la/ spyod yul ni dmigs pa'i yul la bya ste/ de la kun tu brtags pa'i gang zag
 la bdag med pa dang/ kun tu brtags pa'i chos la bdag med pa gnyis ni stong pa nyid kyi ting nge 'dzin gyi spyod yul te/ stong pa nyid kyi ting nge 'dzin gyis ni kun brtags kyi gang zag dang chos la bdag med pa'i stong pa nyid la dmigs pa'i phyir ro/ /gang
 zag la bdag med ba dang chos la bdag med pa'i gnas dang rten ni nye bar len pa'i phung po lnga ste/ nye bar len pa'i phung po lnga la dmigs nas gang zag dang chos yod par rtogs pa'i phyir ro/ /nye bar len pa'i phung bo lnga la ni smon pa med pa'i ting nge
 'dzin gyis dmigs te/ de ji ltar dmigs she na/ nye bar len pa'i phung po lnga po 'di dag ni bdag dang chos su 'khrul pa med par 'byung ba'i gnas dang rten yin zhing skye ba dang rga ba la sogs pa'i sdug bsngal rnam pa sna tshogs dang ldan pa yin pas
 smon par bya ba ma yin no zhes bya ba dmigs so/ /kun brtags kyi gang zag dang/ /kun brtags kyi chos nye bar zhi zhing spangs pa dang/ /de gnyis kyi gzhi nye bar len pa'i phung po lnga nye bar zhi zhing? spangs pa'i 'gog pa'i bden pa yongs su grub pa'i mtshan
 nyid la ni mtshan ma med pa'i ting nge 'dzin gyis dmigs te/ /ji ltar dmigs she na/ yongs su grub pa'i mtshan nyid ni mig dang gzugs la sogs pa'i mtshan ma thams cad bral ba yin no zhes dmigs so /ting nge 'dzin rnam pa gsum po ni/ /gzung 'dzin
 dngos bor shes par bya/ /zhes bya ba la/ gong du bshad pa ltar na stong ba nyid dang/ smon pa med pa dang/ mtshan ma med pa'i ting nge 'dzin gsum ni gzung ba dang 'dzin pa'i ngo bo lta bur gyur bar shes bar bya ste/ bdag med pa rnam pa gnyis dang/ de'i gnas nye
 bar len pa'i phung po lnga dang/ de dag nye bar zhi ba yongs su grub pa'i mtshan nyid ni gzung ba'i dngos po lta bu'o/ /stong pa nyid dang/ smon pa med pa dang/ mtshan ma med pa'i ting nge 'dzin gsum ni 'dzin pa'i dngos po lta bur shes par bya'o/ /gzung ba'i
 spyod yul gsum la 'dzin pa ni zhes bya ba la sogs pa la/ yul du gyur pa bdag med pa gnyis dang/ de'i gnas su gyur pa nye bar len pa'i phung po lnga po dang/ de dag nye bar zhi ba'i mtshan nyid yongs su grub pa'i
 mtshan nyid dmigs pa ni stong pa nyid la sogs pa'i ting nge 'dzin gsum ste/ de bas na bdag med pa rnam pa gnyis la sogs pa ni gzung bar bzhag /stong pa nyid kyi ting nge 'dzin gsum ni 'dzin par bzhag ste/ bdag med pa gnyis ni stong
 ba nyid kyi ting nge 'dzin gyi spyod yul la/ /'dzin pa gnyis kyi gnas ni smon pa med pa'i ting nge 'dzin gyi spyod yul lo de dag nye bar zhi ba ni mtshan ma med pa'i ting nge 'dzin gyi spyod yul te/ tshig de dag gis ting nge 'dzin gsum gyi spyod yul
 gang yin pa bstan to/ /rnam mi rtog dang rgyab kyi phyogs/ /dga' pa dang ni rtag tu ldan zhes bya ba la/ stong pa nyid kyi ting nge 'dzin gsum ni rnam par mi rtog pa'i mtshan nyid de/ stong pa nyid kyi ting nge 'dzin des kun brtags kyi chos dang/ kun
 brtags kyi gang zag la yod par mi rtog pa'i phyir ro/ /smon pa med pa'i ting nge 'dzin ni rgyab kyis phyogs pa'i mtshan nyid de/ kun brtags kyi gang zag dang? 'chos rnams byung pa'i rgyur gyur pa'i nye bar len pa'i phung po lnga sdug bsngal sna tshogs kyi
 rten du gyur par khong du chud bas chags pa mi skye ba'i phyir ro/ /mchen ma med pa'i ting nge 'dzin ni rtag tu dga' ba dang ldan pa'i mtshan nyid de/ kun brtags kyi gang zag dang/ chos su 'khrul pa spangs pa dang/ de dag gi gnas nye bar len pa'i phung po lnga spangs?
 pa'i mya ngan las 'das pa yongs su grub pa'i mtshan nyid la rtag tu sems bka' ba skye ba'i phyir te tshig de dag gis ting nge 'dzin gyi mtshan nyid bstan to/ /ting nge 'dzin gsum du ci'i phyir bshad ce na/ de'i phyir/ yongs su shes dang spang ba dang/
 mngon sum du ni bya ba'i phyir/ /rnam pa gsum du rab tu bshad/ /ces smos te/ stong pa nyid dang/ smon pa med pa dang/ mchen ma med pa'i ting nge 'dzin gsum ni yongs su shes par bya ba dang/ spang bar bya ba dang/ mngon sum du bya ba'i
 phyir ting nge 'dzin gsum bshad do/ /de la kun brtags kyi chos dang gang zag la bdag med pa'i stong pa shes bya ba'i phyir stong pa nyid kyi ting nge 'dzin bshad de/ stong pa nyid kyi ting nge 'dzin gyis ni kun brtags kyi chos dang/ gang zag
 gi stong pa khong du chud pa'i phyir ro/ /de'i gnas su gyur pa nye bar len pa'i phung po lnga spang bar bya ba'i phyir ni smon pa med pa'i ting nge 'dzin bshad do/ /smon pa med pa'i ting nge 'dzin gyis ni nye bar len pa'i phung po lnga sdug
 bsngal gyi rang bzhin can yin par shes nas spong bar byed pa'i phyir ro/ /kun brtags kyi gang zag dang/ chos su brtags pa dang yang bral/ de'i gnas nye bar len pa'i phung po lnga yang spangs pa'i yongs su grub pa'i mtshan nyid mngon
 sum du bya ba'i phyir mtshan ma med pa'i ting nge 'dzin bshad do/ /mya ngan las 'das pa ni mtshan ma med pa'i ting nge 'dzin gyis mngon sum du byed pa'i phyir ro/ /mdo sde rgyan bam po drug pa'i bshad pa rdzogs so// //
 chos kyi mdo rnam par dbye ba la tshigs su bcad pa gnyis te/ zhes bya ba la/ ting nge 'dzin gsum gyi 'og tu chos kyi mdo bzhi bshad bar 'brel ba ci yod ce na/ gong du ting nge 'dzin gyi yul dang/ mtshan nyid la sogs pa bshad na/
 chos gang la bsgoms pa'i ting nge 'dzin gsum 'grub par 'gyur ba'i rgyu ma bstan te/ de bas na chos kyi mdo bzhi la bsgoms na ting nge 'dzin gsum gyi rgyu chos kyi mdo bzhi yin par bstan pa'i phyir/ ting nge 'dzin gyi 'og tu chos kyi mdo bzhi
 bshad par 'brel to/ /ting nge 'dzin gyi rgyu'i phyir/ /chos kyi mdo ni rnam pa bzhi/ /byang chub sems dpas bshad pa ni/ /sems can rnams la phan 'dod phyir/ /zhes bya ba la/ stong pa nyid dang/ smon pa med pa dang/
 mtshan ma med pa'i ting nge 'dzin gsum du mngon du bya ba'i rgyur byang chub sems dpa' rnams kyis 'dus byas thams cad mi rtog pa dang/ 'dus byas thams cad sdug bsngal pa dang/ chos thams cad bdag med pa dang/ zhi ba dang mya ngan/
 las 'das pa zhes bya bar chos kyi mdo bzhi bshad de/ su la bshad ce na/ sems can rnams la bshad do/ /ci'i phyir bshad ce na/ sems can rnams phan ba dang bde bar bya ba'i phyir bshad do zhes bya ba'i don to/ /de la 'dus byas thams cad
 mi rtag? pa'o/ /'dus byas thams cad ni sdug bsngal lo zhes bya ba la sogs pa la/ 'dus byas thams cad mi rtag pa'o zhes bya ba'i chos kyi mdo dang/ 'dus byas thams cad sdug bsngal pa'o zhes bya ba'i chos kyi mdo gnyis ni smon pa med pa'i ting nge 'dzin
 mngon sum du bya ba'i rgyu'i dngos por bshad de/ 'dus byas thams cad mi rtag pa dang/ 'dus byas thams cad sdug bsngal pa yin no zhes rnam pa gnyis ltar bsgoms na sogs le'i mo dang 'ra ba'i 'dus byas rnams la chags shing smon lam mi 'debs
 pas smon pa med pa'i ting nge 'dzin 'grub ste/ de bas na chos kyi mdo gnyis ni smon pa med pa'i ting nge 'dzin gyi rgyu'i dngos por bshad do/ /chos thams cad bdag med par zhes bya ba ni stong pa nyid kyi'o zhes bya ba la/ chos thams cad bdag med ces bya ba'i
 chos kyi mdo ni stong ba nyid kyi ting nge 'dzin gyi rgyu'i dngos por bshad de/ kun brtags kyi gang zag la bdag med pa dang/ kun brtags kyi chos la bdag med par bsgoms na stong pa nyid kyi ting nge 'dzin 'grub ste/ de bas na chos kyi mdo gsum pa ni stong pa nyid
 kyi ting nge 'dzin gyi rgyu'i dngos por bshad do/ /zhi ba ni mya ngan las 'das pa'o zhes bya ba la/ zhes bya ba la sogs pa la/ zhi ba ni mya ngan las 'das pa'o zhes bya ba'i chos kyi mdo ni mtshan mo med pa'i ting nge 'dzin gyi rgyu'i dngos por bshad de/ mya ngan
 las 'das ba ni dbang po dang yul la sogs pa'i mtshan ma thams cad dang bral ba rnam par rtog pa dang/ dpyod pa thams cad las 'das pa'i rnam par bsgoms na mtshan ma med pa'i ting nge 'dzin 'grub ste/ de bas na chos kyi mdo bzhi pa ni mtshan ma med pa'i
 ting nge 'dzin gyi rgyu'i dngos por bshad do/ /ji ltar na mi rtag pa'i don ces bya ba la sogs pa la/ mi rtag pa la sogs pa'i chos kyi mdo bzhi bshad pa la/ mi rtag pa'i don ni ji lta bu sdug bsngal ba'i don ni ji lta bu/ bdag med pa'i don ni ji lta bu/
 zhi ba'i don ni ji lta bu zhe na zhes bya ba'i don to/ /med pa'i don dang zhes bya ba la/ mi rtag ces bya ba'i sgra/ rgya gar skad du/ a nit+ta? zhes bya ba 'byung ste/ a ni med pa'i don to/ /ni t+ta? ni rtag pa'i don te/ byang chub sems dpa' rnams kyi skye ba dang/ 'jig
 pa'i don ni mi rtag pa'i don ma yin gyi/ gang du rtag tu med pa'i don ni mi rtag pa'i don te/ rtag tu med pa gang yang zhe na/ 'dus byas rnams la kun tu brtags pa'i gang zag dang/ kun brtags kyi chos rnams ni ri bong gi rwa bzhin du med de kun brtags kyi
 mtshan nyid rtag tu med pa'i don ni mi rtag pa'i don to/ /de bas na 'phags pa blo gras mi zad ba'i mdo las kyang de la mi rtag pa'i don gang zhe na/ med pa'i don dang mi rtag pa'i don to/ /dngos po 'jig pa'i don ni ma yin no/ /mi rtag pa'i don na chos la bdag
 med pa ste/ ngo bo nyid kyis dben pa'i phyir de la 'jig pa gang yang med de/ 'di la ni mi rtag pa'i don to zhes bya ba gsungs so /des ni 'dus byas thams cad mi rtag pa'i zhes bya ba'i chos kyi mdo'i don bstan to/ /rnam rtog don zhes bya bas/ gzung ba
 dang 'dzin par kun tu rtog pa'i sems dang sems las byung ba gzhan gyi dbang gi mtshan nyid gang yin pa'i don ni sdug bsngal ba'i don te/ ji tsam du gzhan gyi dbang gis gzung ba dang/ 'dzin par kun tu
 rtog par byed pa'i de tsam du 'khor ba na sdug bsngal bar 'gyur te/ de bas na gzhan dbang phyin ci log tu rtog pa'i don ni sdug bsngal ba'i don to/ /de bas na 'phags pa blo gros mi zad pa'i mdo las kyang/ de la sdug bsngal gyi don gang zhe na/
 dga' ba med pa'i don ni sdug bsngal gyi don to/ /dga' ba zad pa ni sdug bsngal ba'i don to/ /smon pa med pa'i don ni sdug bsngal gyi don to/ /sdug bsngal gyi sgra rab tu bstan pa ni sdug bsngal gyi don to zhes bya ba la sogs pa gsungs so/ /
 'dis ni 'dus byas thams cad sdug bsngal ba'o zhes bya ba'i chos kyi mdo'i don bstan to/ /yongs su rtog don de bzhin te zhes bya ba la/ de bzhin te/ zhes bya ba ni nges par yod de zhes bya ba'i don te/ kun brtags pa'i gang zag dang kun brtags
 pa'i chos la ni bdag dang rang bzhin med kyi/ de ltar kun tu rtog par byed pa'i gzhan dbang med pa ma yin pa'i don ni bdag med pa'i don te/ don du na kun brtags kyi gang zag dang/ chos la rang bzhin med pa'i don ni bdag med pa'i don to/ /de bas na
 bdag med pa'i don de ni gsob po/ /gsog go /rag lus pa'o/ pa'i don gang zhe na/ bdag ni shin tu bdag med pa ste/ gang bdag med pa'i don de ni gsob bo/ /gsog go /rag lus pa'o/ /stong pa'o/ /stong pa'i don ni bdag med pa'i don te/
 'di ni bdag med pa'i don ces bya'o zhes gsungs so/ /'dus? ni chos thams cad bdag med pa zhes bya pa'i chos kyi mdo'i don bstan to/ /rnam par rtog pa zhi? pa'i don/ /ces bya ba la/ ? rnam par rtog pa sems dang sems las byung ba gzhan dbang gi
 mtshan nyid kun brtags kyi gang zag dang/ kun brtags kyi chos su rtog pa dang bral te/ gzung 'dzin gyi dri ma spangs nas yongs su grub pa'i mtshan nyid kyi don gang yin pa zhi ba mya ngan las 'das ba zhes bya ba'i don kyang de yin no/ /de
 bas na 'phags pa blo gros mi zad pa'i mdo las kyang/ de la zhi ba'i don gang zhe na/ zhi bas zhi bar mi 'gyur te/ zhi ba nyid zhi ba'o/ /ma zhi ba yang zhi bas zhi bar mi 'gyur te/ gang zhi ba'i don de ni mtshan ma thams cad nye bar zhi ba ste/
 'di ni zhi ba zhes bya'o zhes gsungs so/ /'dis ni zhi ba mya ngan las 'das pa'i zhes 'byung ba'i chos kyi mdo'i don bstan to/ /de dag bzhi ni bstan pa'i zhes bya ba la/ byang chub sems dpa' rnams kyi chos kyi mdo bzhi'i don ni gong du bshad
 pa de lta bu yin no zhes bya ba'i don to/ /byang chub sems rnams kyi med pa'i don ni mi rtag pa'i don zhes bya ba la/ mi rtag pa'i don la rnam pa gnyis te/ skye ba dang 'jig pa'i don dang med pa'i don to/ /de la byang chub
 sems dpa' rnams kyi mi rtag pa'i don ni nyan thos la sogs pa dang med pa'i don to/ /de la byang chub gyi/ gang med pa'i don ni mi rtag pa'i don du 'dod do/ /gang rtag tu med pa de ni mi rtag pa ste/ zhes bya ba la/
 de bas na gang rtag tu med pa de la mi rtag pa zhes bya ste/ rtag tu med pa de'ang gang zhe na/ kun tu brtags pa'i gang zag dang/ kun tu brtags pa'i chos rnams te/ kun brtags kyi mtshan nyid thams cad ni ri bong gi rwa bzhin du rtag tu
 med de/ kun brtags rtag tu med la nyid la mi rtag pa'o zhes bya'o/ /yang dag pa ma yin pa la rtog pa'i don ni sdug bsngal ba'i don to zhes bya ba la/ kun brtags kyi gang zag dang/ kun brtags kyi chos la yod par rtags pa'i sems dang
 sems las byung ba'i don la sdug bsngal ba'i don zhes bya ste/ don du gzhan gyi dbang gi mtshan nyid la sdug bsngal ba zhes bya'o/ /de ni mdor na 'di skad du bstan pa yin te/ phyin ci
 log dang ldan pa'i sems dang sems las byung ba rnams med pa'i gang zag dang chos la yod par phyin ci log tu rtog ste/ ji tsam du phyin ci log tu log par yod pa de srid du skye ba dang/ rga ba dang sogs pa'i sdug bsngal 'byung zhing bslang
 pa'i bdag nyid yin pas sdug bsngal ba'o zhes bya'o/ /yang na zag pa dang bcas pa phyin ci log dang ldan pa'i sems dang sems las byung ba rnams skye zhing 'jig pa'i chos can te/ gang skye zhing 'jig pa 'gyur ba'i don de ni mi rtag
 pa'i don to/ /gang mi rtag pa de ni sdug bsngal ba ste/ sdug bsngal bar 'gyur ba nyid sdug bsngal ba'i don to/ des 'dus byas thams cad mi rtag ces bya ba dang/ 'dus byas thams cad sdug bsngal ba zhes bya ba'i chos kyi mdo gnyis kyi don
 bstan to/ /yongs su rtogs pa tsam gyi don ni bdag med pa'i don to zhes bya ba la/ yongs su rtog pa gzhan dbang tsam ni yod kyi/ kun brtags kyi gang zag dang chos med pa'i don ni bdag med pa'i don to zhes bya ba'i tha tshig go
 don de nyid bstan pa'i phyir/ /de bzhin te zhes bya ba'i sgra ni nges pa ste zhes bya ba la/ ka ri ka las/ de bzhin te zhes bya pa'i sgra 'byung ba nges par yod pa'i don du drangs te/ yongs su brtags pa'i gang zag dang/ yongs su brtags pa'i
 chos ni med kyi/ de la kun tu rtog par byed pa'i gzhan dbang gi sems tsam ni yod pa'i don la/ bdag med pa'i don zhes bya ste/ kun brtag ga kyi chos dang/ gang zag la rang bzhin med pa nyid bdag med pa'i don to/ /rnam par rtog pa nye bar
 zhi ba'i don ni zhes bya ba la sogs pa la/ /nam? gzhan gyi dbang gi mtshan nyid la/ kun tu brtags pa'i bdag nyid/ kun tu brtags pa'i chos dang bral nas yongs su grub pa'i mtshan nyid du 'gyur ba'i don la zhi ba mya ngan las 'das pa
 zhes bya'o/ /gzhan gyi dbang ni mtshan nyid skad cig tu 'jig pa'i don kyang zhes bya ba la sogs pa la/ skye zhing 'jig pa'i don la yang mi rtag pa zhes bya ste/ de bas na gzhan gyi dbang gi mtshan nyid skad cig ma snga ma ni 'gag /phyi ma ni skye ste/ skad
 cig ma'i don la yang mi rtag pa'i don du bsta'o? zhes bya ba'i don to/ /de bsam de bsgrub pa'i phyir zhes bya la/ de ltar gzhan dbang rnams skad cig ma yin bas na/ ji ltar skad cig ma yin par bsgrub pa'i phyir tshigs su bcad pa bcus skad cig ma yin
 pa'i rgyu dang gtan tshigs ston to/ /mi rigs rgyu las byung ba'i phyir zhes bya ba la sogs pa la/ dngos po rnams tshad mas bsgrub pa la ni rnam pa gsum gyis bsgrub par bya ste/ dam bca' pa dang/ rgyu dang/ dpe'o/ dper na dngos po thams cad rang bzhin med ces
 bya ba ni dam bca' pa'o/ /gcig dang du ma'i rang bzhin dang bral pa'i phyir zhes bya ba ni rgyu'o/ /gzugs brnyan bzhin zhes bya ba ni dpe'o/ /de dang 'dra bar 'dir yang tshigs bcad bcu'i mjug nas 'dus byas thams cad mi rtag pa'o zhes bya pa'i cheg ni dam
 bca' ba ste/ ji ltar dam bca' zhe na/ phyi nang gi 'dus bya ba rnams skad cig ma re re la 'jug pas na/ mi rtag ba yin par dam bcas so/ /de la yang mi rigs rgyu las 'gyur? ba'i phyir zhes bya ba la sogs pa'i tshigs su bcad pa gnyis kyis ni phyi
 nang gi do dam po gnyi ga bsdus nas mi rtag pa yin par gtan tshigs kyis ston te/ /de la gtan tshigs ni mi rigs pa'i phyir dang/ /rgyu las byung ba'i phyir dang/ /'gal ba'i phyir dang/ bdag nyid mi gnas pa'i phyir dang/ dngos po med pa'i
 phyir dang/ mtshan nyid nges pa'i phyir dang/ rjes su 'brang ba'i phyir dang/ 'gog pa'i phyir dang/ 'gyur ba nye bar dmigs pa'i phyir dang/ rgyu dang 'bras bu'i phyir dang/ zin pa'i phyir dang/ dbang gi phyir dang/
 dag pa'i phyir dang/ sems can gyi rjes su 'brang pa'i phyir dang/ phyi nang gi 'dus byas rnams mi rtag go zhes dam bca' ste mi rigs pa la sogs pa mi rtag par sgrub pa'i rgyu dang gtan tshigs yin no/ /de yang ji ltar 'grub ce na zhes bya
 ba ni phyi nang gi 'dus byas rnams mi rtag pa dang/ skad cig ma yin par rgyu gang dang/ gtan tshigs gang dang/ tshad ma gang gis 'grub ce na zhes bya ba'i don to/ /skad cig ma med par 'dus byas rnams 'jug par mi rigs pa'i phyir te zhes
 bya ba la/ phyi nang gi 'dus byas rnams skad cig ma snga ma 'gag cing phyi ma skye ba'i tshul du rgyun ma chad bar 'byung zhing 'jug par mi rigs te/ 'dus byas rnams te rgyun tu 'byung bas na skad cig ma yin no/ /'jug pa mi rigs zhes smras pa'i don
 bstan pa'i phyir/ 'jug pa ni rgyun tu 'byung bas na 'jug pa zhes bya'o zhes bya ba smos te/ 'jug pa zhes bya ba'i don ni breng mchad pa'am/ 'dod chags sam snga phyi'i rgyun 'brel bas skad cig ma sngas ni 'gags/ phyi ma ni skye ba'i tshul du chu po'i rgyun bzhin du breng ma
 chad pa la 'byung pa la 'jug pa zhes bya'o/ /breng ma chad pa la 'jug pa zhes bya bar gyur kyang re skad du smras ba/ nges ci zhig bsgrubs pa yin snyam pa la de'i phyir/ de yang skad cig ma re re la skye ba dang/ 'gog pa med par mi
 rung ngo zhes bya ba smos te/ de ltar rgyun du 'jug pa de yang skad cig ma snga ma ni 'gag /phyi ma skye ba'i tshul du skye ba dang/ 'gag pa med pa rgyun tu 'jug par mi rung ste/ dper na chu'i skad cig ma'i rgyun 'bab pa bzhin no/ /da? ste yang
 dus gzhan du 'jug cing snga ma dang phyi ma 'gog pa dang/ skye ba'i rgyun gyis 'jug par 'dod na zhes bya ba ni gal te gzhan dag 'di snyam du sems te/ skad cig ma dang po dang rgyus bskyed nas de ma thag tu mi 'gag gi /lo 'am zhag gam
 zla ba'i bar du ma bzhags? par 'dug nas/ de nas yang de 'gags te/ skad cig ma gzhan rgyus bskyed nas rgyus bskyed pa'i skad cig ma de yang lo 'am zla ba 'am zhag 'gags te/ yang gzhan skye ba'i tshul du rgyun du 'jug par rung ngo snyam du
 sems pa la/ de yang mi rung bar ston to/ /ji ltar mi rung bar rigs pa bstan pa'i phyir/ rgyu med pa'i phyir de ma thag tu 'byung ba med par 'gyur ro zhes bya ba smos te/ gal te skad cig ma dang po rgyus bskyed nas/ de'i bar du lo 'am zla ba skye 'gag
 med par gnas na de lta na ni bar der skye 'gags gi rgyun chad de rgyun du 'jug pa med pas na dngos po rnams de'i bar na de ma thag tu rgyun tu 'byung ba yang med par 'gyur ro/ /de ci'i phyir zhe na/ dang pa'i skad cig ma rgyus bskyed nas tha gi zad cig tu rgyun med par
 gnas par 'dod de/ de ltar na bar na gnas pa'i tshe na yang/ rgyu gang gis gnas pa'i tshe yang brjod dgos la/ de 'gags nas phyis skad cig ma gzhan skye ba yang rgyu gang gis bskyed pa'i rgyu yang smra dgos te/ 'di yan chad kyis mi rigs pa zhes bya ba'i
 don bshad do/ /skyes nas dus rgyun med par dngos po dus gzhan du gnas par mi rung ste zhes bya ba la /gzhan yang skad cig ma dang po rgyus bskyed nas/ skad cig ma gnyis pa phan chad ma 'gags kyi bar de na yang/ skad cig ma skye ba dang 'gag
 pa'i tshul du rgyun mi 'chad par 'byung ba med par ni dngos po rnams dus gzhan du snang zhing rgyun du 'byung bar mi rung ste/ dper na chu skad cig me'i rgyun gyis rgyu chu 'bab pa yod na ni chu'i breng rgyun tu snad la skad cig ma rgyun tu 'bab ba chad
 nas chu 'bab par mi snang pa bzhin no/ /de ci'i phyir zhe na/ rgyu las byung ba'i phyir zhes bya ba la/ skad cig ma'i rgyun med par dngos po rnams dus gzhan du snang par ci'i phyir mi rung zhe na/ ji ltar dngos po rnams ni rgyu las
 skyes te/ skad cig ma dang po ji ltar rgyus bskyed pa bzhin du/ skad cig ma gnyis pa phan cad ma 'gags kyi bar bu gnas bar 'dod na de'i bor na gnas ba byed pa'i rgyu yang mi rung ste/ gnas par byed pa'i rgyu gang yin pa smra bar bya dgos so/ /
 yang dngos po gang dus gzhan du yang skad cig ma'i rgyun gyis rgyun mi 'chad par gnas shing rtag tu yang snang ba'i dngos po de dag ni rgyu las skyes te/ dper na mar me bzhin no/ /ji ltar mar me rgya las skyes pas skad cig ma'i rgyun tu rgyun mi/
 'chad par snang la/ ras dang mar me la sogs pa'i rgyu zad de med par gyur na ni mi snang bar 'gyur ba bzhin du dngos po 'di dag kyang rgyun tu snang bar 'dod na ni rgyu las skyes pa yin te/ nam rgyu zad dam med par gyur na rgyun tu snang ba yang chad par 'gyur te/ de
 bas na bar du rgyun tu snang bar byed pa'i phyir rgyu 'gag med du mi rung ngo/ /'dus byas thams cad ni rgyu las skyes te 'gyur ba'i don te zhes bya ba la/ phyi dang nang gi 'dus byas thams cad ni rgyu rkyen las skyes te/ rgyu rkyen las skyes pa zhes bya ba'i don ci
 zhe na/ rgyu rkyen las byung ba zhes bya ba'i don te/ gang rgyu dang rkyen las skyes pa de dag ni rtag pa'i rang bzhin ma yin gyi/ skad cig ma'i rang bzhin yin no zhes bya ba'i don to/ /de gal te byung nas phyis kyang 'byung na ni de la nges par rgyu yod
 par 'gyur zhes bya ba ? skad cig ma dang po rgyu rkyen gyis bskyed de/ byung nas skad cig gnyis pa la sogs pa yang 'byung zhing skye bar 'dod na ni ji ltar skad cig ma dang po rgyus bskyed pa bzhin du/ skad cig ma gnyis pa la sogs pa la
 yang skyed par byed pa'i rgyu dgos so zhes bya ba'i don to/ /gal te gzhan dag 'di snyam du sems te/ skad cig ma dang po la ni skyed par byed pa'i rgyu yod kyi/ skad cig ma gnyis pa la skyed par byed pa'i rgyu med par rang 'jig go snyam na/ de mi
 rigs par bstan pa'i phyir/ rgyu med na ni thog ma nas med pa'i phyir ro zhes bya ba smos te/ ji ltar skad cig ma phyi ma la skyed par byed pa'i rgyu med na ni skad cig ma de thog ma nas med cing thog ma nas mi skye la mi snang bar 'gyur ro/ /de la gang dang gang
 rgyu yod pa de dag ni skyes te/ dper na myu gu bzhin no/ /gang dang gang rgyu med pa ni de mi skye ste/ dper na nam mkha' i me tog bzhin no/ /yang skad cig ma phyi ma skyes pa la rgyu med na ni skad cig ma snga ma skyes pa la yang rgyu? med par 'byung? te/ skad cig ma'i rang bzhin
 du 'dra bas skad cig ma la la la ni rgyu yod/ la la la ni rgyu med par mi rigs so/ /la la dag skad cig ma dang po skyed pa rgyu de nyid kyis/ skad cig ma phyi ma yang rgyu de nyid kyis bskyed do snyam na/ ma rigs par bstan pa'i phyir/ rgyu de nyid kyis brgyud bar mi 'os
 te/ de'i rgyas? dgos par spyad zin pa'i phyir ro zhes bya ba smos te/ skad cig ma snga ma bskyed pa'i rgyu nyid kyis/ phyi ma de nyid kyang bskyed bar ni mi rigs te/ ci'i phyir zhe na/ skad cig ma snga ma bskyed pa'i rgyu nges/ rang gi 'bras bu bskyed nas 'gags zin pas na/
 'gags pa des phyi ma bskyed mi nus so/ /rgyu gang gis 'bras bu gang bskyed de 'gags pa nges gzhan mi bskyed pa ni sa bon bzhin te/ dper na sa bon gyis myu gu bskyed nas 'gags pa'i sa bon des sdong bu phyi ma bskyed pa'i rgyu mi byed pa bzhin no/ /dgos pa
 sdad zin ces bya ba ni 'bras bu bsgrubs nas 'gags zin ces bya ba'i tha tshig go /gal te gzhan dag 'di snyam du skad cig ma snga ma bskyed pa'i rgyu des ni rang gi 'bras bu bskyed nas 'gags zin pas na des skad cig ma phyi ma mi bskyed kyi/ skad cig ma phyi ma
 de rgyu gzhan gyis bskyed do zhe na yang mi rigs par bstan pa'i phyir/ rgyu gzhan yang mi dmigs te/ de bas na nges par sngon gyi rgyu las gzhan 'byung bar rig par bya'o zhes smos te/ skad cig ma phyi ma de la/ rgyu gzhan
 kyis skyed par phyed pa'i rgyu gzhan yod par yang ma mthong ste/ de bas ni skad cig ma snga ma ni rgyu/ phyi ma ni 'bras bu lta bur rgyun mi 'chad par 'byung bar rig par bya'o/ /gong du bshad pa'i don rnams kyi mjug bsdu ba'i phyir/ de ltar rgyun med par dus
 gzhan na yod par mi rung ngo zhes smos te/ gong du bshad pa ltar na/ skad cig ma snga ma snga ma ni rgyu/ phyi ma phyi ma ni 'bras bu'i tshul du chu'i breng bzhin du rgyun ma chad par 'byung ba med par dngos po rnams dus thag gi zad kyi cig tu snang zhing yod par
 mi rigs so? zhes bya ba'i don to/ /tshig de dag gis ni rgyu las byung ba'i phyir zhes bya ba'i don to/ /ji ste 'di ltar gang gis rgyu dgos pa skyes zin pa ni ma skye'i/ skyes nas kyang dus gzhan la phyis 'gag par 'gyur te/ skyes ma thag tu ma yin par 'dod na zhes
 bya ba ni gal te gzhan dag 'di snyam du sems te/ dngos po dang po skyes pa la rgyu dgos ba bzhin du/ skad cig ma phyi ma skyes pa la yang rgyu dgos so zhes smras pa/ gal te dngos po dang po skyes pa bzhin du/ de'i 'og tu yang dngos po de dag skye na ni rgyu dgos pa bden
 ? rgyu dang rkyen gyis dang por dngos po gcig bskyed nas skyes zin pa'i 'og tu dang po nges phyis yang mi skye ste/ skyes nas lo 'am zla ba 'am zhag la sogs par dus thag gi zad cig gnas nas/ de nas gdod phyis bdag gi /skyes ma thag tu mi 'gag ste/ de bas na
 bar du skye ba med pa'i phyir rgyu mi dgos so snyam du sems so/ /de ltar yang mi rigs par bstan pa'i phyir/ yang de rgyu gang gis 'gag par 'gyur zhes bya ba la sogs pa smos te/ dngos po dang po rgyus bskyed nas/ thig zad cig gnas te/ phyis 'gags
 par 'gyur ba de'i dngos po gnas pa'i rang bzhin zhig pa las phyis 'gag par 'gyur ram/ 'jig pa'i rang bzhin zhig pa las 'gag par 'gyur bar brtag dgos so/ /gal te dngos po'i gnas pa'i rang bzhin zhig yin na gnas pa'i rang
 bzhin la 'jig pa'i rang bzhin med pas na/ dngos po de rnams yang mi 'jig ste/ phyis kyang 'gag par mi 'gyur te/ rtag tu gnas par 'gyur ro/ /gal te dngos po de 'jig pa'i rang bzhin zhig yin na ni 'jig pa'i rang bzhin la rtag pa dang
 gnas pa'i rang bzhin med pas dang po nas 'jig par 'gyur gyi bar du gnas par mi srid de/ dper na nam mkha' med pa'i rang bzhin yin pas dang po med pa bzhin du phyis kyang med pa kho nar gnas kyi/ dang po ni med la/ phyis yod pa lta bur mi 'gyur bo?
 dang 'dra'o/ /gzhan yang dngos po de skyes nas tha gi zang cig gnas te/ phyis 'gag par 'gyur ba rgyu gang gis 'gag par 'gyur ba'i 'gag pa'i rgyu bstan dgos so zhes bya ba'i don to/ /skyes pa'i rgyu gang yin par nyid do zhe na/ de yang mi rung ngo bzhes
 bya ba la/ gal te gzhan dag na de dngos po'i ma? 'gag par 'gyur ba ni dang po bskyed bskyed pa'i rgyu de nyid kyis phyis 'gag go zhe na yang de ltar yang mi rigs so/ /ji ltar mi rigs par bstan pa'i phyir/ ci'i phyir zhe na/ skye ba dang 'gag par 'gal ba'i phyir
 to zhes bya ba smos te/ dang po skye ba'i rgyu des mjug tu 'gag pa'i rgyu yang byas par ji lta mi rigs she na/ ji ltar skye ba ni dngos po yod pa yin la/ 'gag ba ni dngos po med pa yin pas gang na skye pa yod pa de na 'gag pa med la/ gang na 'gag pa yod
 pa de na skye ba med de/ de bas na skyed pa'i rgyu nyid kyis 'gag pa'i rgyu byed par mi rung ngo/ /smras pa/ skye ba 'gag ba gnyis 'gal du zin kyang/ skye ba'i rgyus 'gog pa byas kyang 'gal ba med do snyam pa la/ mi rigs par bstan pa'i phyir/ 'gal ba
 gnyis rgyu 'dra ba las mi dmigs so zhes bya ba smos te/ skye ba dang 'gag pa gnyis ni 'gal pa yin la/ 'gal ba'i chos gnyis rgyu gcig las skye bar ni mi mthong ste/ skyed par byed pa'i rgyus ni dngos po yod
 cing skyed par byed kyi/ dngos po med cing 'gag par mi byed do gal te skyed pa'i rgyu nges 'gag par byed na ni de bskyed ba'i rgyur mi dud so?/ /'gag pa'i rgyus kyang dngos po med cing 'gag par byed kyi/ dngos po yod cing skye bar mi byed de/ gal te 'gag
 pa'i rgyus dngos po skyed par byed na ni de 'gag pa'i ma yin te/ de bas na bskyed pa'i rgyu des 'gog par byed par mi rigs so/ /'gal ba'i chos gnyis rgyu gcig la mi skye ba'i dpe bstan pa'i phyir/ 'di lta ste/ grib ma dang/ nyi ma dang/ grad ba dang/ dro ba
 bzhin no zhes bya ba smos te/ de la grib ma ni gang la nyi ma'i 'od shar? cing mi gsal ba'i phyogs te/ de'i rgyu ni thog g.yogs pa la sogs pa'i skyabs? yong pa'o/ /nyi ma ni gang du nyi ma'i zer gyis khyab cing/ gsal ba'i phyogs te/ de'i rgyu ni nyi ma'i dkyil
 'khor ro/ /'di ltar grib ma'i rgyu skyabs can gyis kyang nyi ma'i 'od zer yang 'byin par byed/ grib ma lta bu mi gsal ba yang 'byin par byed pa'i rgyu gnyis byed bar ni ma mthong ngo/ /de bzhin du nyi ma'i dkyil 'khor gyis kyang nyi ma'i 'od zer snang ba'i rang
 bzhin yang 'byin par byed brib ma dang mi gsal ba'i rang bzhin yang 'byin par byed pa'i rgyu gnyis byed ba ni ma mthong ngo/ /'di ltar grang ba dang dro ba gnyis kyang phan tshun 'gal ba ste/ gang na grang ba yod pa de na dro pa med la/ gang na dro ba yod pa
 de na grang ba med de/ de la grang ba ni so tham tham pa dang spu ldang ba la sogs pa dro ba ni rdul ba zag pa la sogs pa'o/ /de la brang ba'i rgyu ni ba mo dang kha pa la sogs pa ste/ /ba mo dang kha ba la sogs pa grang ba yang skyed par byed/ dro ba yang skyed pa byed
 pa ma mthong ngo/ /dro ba'i rgyu ni me dang nyi ma'i 'ong la sogs ba ste/ des ni grang ba yang skyed par byed/ dro ba yang skyed par byed pa ma mthong ngo/ tshig de dag gis rgyu las byung ngo zhes bya ba'i tshig gi don bstan to/ /yang na dus gzhan 'gags
 so zhes bya bar 'gal pa'i phyir te zhes bya ba la/ rnam pa gzhan du yang phyi dang nang gi 'du byed rnams skyes ma thag tu mi 'gag gi /dus tha ge zad cig gnas nas/ phyis 'gog go zhes bya bar yang 'gal lo zhes bya ba'i don to/ /ci
 dang 'gal ba bstan pa'i phyir/ ci dang 'gal zhe na/ lung dang ngo zhes bya ba smos te/ 'gal zhes smras pa de 'gal ba la rnam pa gnyis te/ lung dang 'gal ba dang/ rigs pa dang 'gal ba'o/ /de la gal te dngos po rnams skyes nas tha
 gi zad cig gnas te 'gag go zhes smras pa ni bcom ldan 'das kyi bka' lung dang 'gal bar 'gyur ro/ /bka' lung dang ji ltar 'gal ba bstan pa'i phyir/ gang bcom ldan 'das kyis zhes bya ba la sogs pa smos so/ /'du byed dag ni
 sgyu ma lta bu'o zhes bya ba la/ ji ltar sgyu ma rgyu rkyen gyi mthu las skye ba bzhin du phyi nang gi 'du byed kyang rgyu rkyen gyi mthu las skye bas na sgyu ma lta bu'o/ /skye zhing 'gag pa'i chos can bas na 'jig pa zhes bya'o/ skyes nas skad cig ma gcig las
 ring ru mi gnas pas na/ re zhig pa zhes bya'o/ /sked cig ma re re skyes ma thag tu 'jig bas na/ yun thung du gnas pa zhes bya ba ste/ dngos po rnams dus tha gi zad cig tu gnas na ni de skad du 'byung ba'i lung dang 'gal lo/ /yang lung
 dang 'gal zhing rigs pa dang 'gal ba bstan pa'i phyir/ rnal 'byor pa yid la byed bas kyang/ 'du byed de dag skye ba dang/ 'jig par yid la byed pa na skad cig re re la 'gag bar mthong ste/ zhes bya ba smos te/ rnal 'byor ba 'phags pa'i bden pa
 bzhi sgom zhing yid la byed pas kyang/ phyi nang gi 'du byed rnams skye ba dang 'jig pa'i mtshan nyid du yid la byed pas na/ 'du byed rnams skad cig ma re re la 'jig cing 'gag par mthong ste/ de ltar mthong bas
 na 'du byed rnams la skyo ba skye'o/ skyo pa skyes nas 'dod chags dang bral bar 'gyur ro/ /'dod chags dang bral nas/ grol zhing mya ngan las 'das pa thob par 'gyur ro/ /de lta ma yin na ming dge la yang skyo ba dang 'dod chags dang bral ba dang/
 grol ba rnams med par 'gyur te zhes bya ba la/ gal te 'du byed rnams skad cig ma ma yin te/ rtag par gnas par gyur na ni rnal 'byor ba yid la byed pa rnams kyis kyang 'du byed rnams skad cig ma re re 'gag pa yin par mthong bar mi 'gyur ro/ /de
 ltar ma mthong na skyo bar mi 'gyur ro/ skyo bar ma gyur na 'dod chags dang bral bar mi 'gyur ro/ /'dod chags dang ma bral na grol bar mi 'gyur te/ de lta ni ma yin gyi rnal 'byor pa rnams kyis skad cing mar 'gag par mthong bas na phyir grol ba'i bar du 'gyur te/ de'o
 phyir 'du byed rnams sbyang cig ma'o/ /'gal ba'i dpe bstan pa'i phyir/ dper na gzhan dag 'chi ba'i dus la sogs pa na 'gag bar mthong ba bzhin no zhes bya ba smos te/ dper na sems can gzhan dag 'du byed rnams skad cig ma re re la 'jig par
 mi mthong gi /nam srog gi dbang po chad de shi bar gyur pa na/ 'gag cing mi rtag bar mthong ba de dag nam ma shi bar du ni skyo ba mi skye'i nam de 'gags par gyur bar mthong ba la gdong? skyo ba skye ba bzhin du rnal 'byor ba rnams kyis kyang 'du byed rnams rnal
 'byor bsgom pa'i tshe na 'du byed rnams skad cig ma re re la 'jig pa mthong bas na skyo ba skye bar 'gyur ro/ /yang na rnal 'byor ba rnams sems can phal pa bzhin du 'chi bar 'gag pa mthong nas gdong skyo bar gyur na ni ji ltar sems can phal ba 'chi khar
 skyo bar gyur pas de dag la rnam par grol ba med pa bzhin du/ rnal 'byor la yang rnam par grol ba med pa'i skyon du 'gyur te/ 'dis ni 'gal ba'i phyir zhes bya ba'i tshig gi don bstan to/ /gal te 'du byed skyes nas bdag nyid gnas par nus pas
 dus gzhan du 'ang bdag nyid gnas pa 'am/ rgyu 'ga' zhig gis gnas so zhes bya ba la/ gzhan yang 'di brtag dgos te/ 'du byed rnams skad cig tu 'jig pa ni ma yin gyi/ skyes nas lo'am/ zla ba la sogs bar dus tha gi rang cig gnas nas
 'gag ce na/ dus tha gi zad? cig dus gnas pa de la phyogs rnams la gnyis su brtag go /ji lta zhe na/ 'du byed rnams dus tha gi zang cig mi 'jig par gnas pa de/ 'du byed de bdag nyid gnas pa'i rang bzhin can zhig ste/ gnas pa'i mthu
 yod pas dus tha gi zad cig tu gnas pa 'am/ yang na bdag nyid gnas pa'i mthu ni med kyi gnas par byed pa'i rgyu dang rkyen 'ga' zhig gis grogs byas nas/ dus tha gi zad cig tu gnas te/ de gnyis gang ltar yang gnas par yang mi rigs so/ /de la
 dang po'i phyogs la mi rigs par bstan pa'i phyir/ yang bdag nyid gnas pa mi rung ste zhes smos te/ bdag nyid la gnas ba'i mthu yod pas dus tha gi zad cig tu gnas so zhes byar yang mi rung ngo/ /de ltar yang mi rigs so zhes bya ba'i don to/ /ji
 ltar mi rung snyam pa la/ de'i phyir/ bdag nyid mi gnas ba'i phyir te zhes bya ba smos te/ ji ltar phyi nang gi 'dus byas rnams bdag nyid mi gnas shing rang bzhin 'jig pa'i rang bzhin pa'i phyir bdag nyid la gnas pa'i mthu yod pas gnas so zhes bya bar
 yang mi rung ngo/ /ci'i phyir 'jig pa'i rang bzhin yin snyam pa la/ de'i phyir/ mthar phyin gnas par mi nus pa'i phyir ro zhes smos te/ ji ltar 'dus byas rnams mthar phyin cing med par gyur pas na/ bdag nyid la gnas ba'i mthu med do/ /gal te
 bdag nyid la gnas pa'i mthu yod pa zhig na rtag tu yang gnas pa'i mthu can du 'dug la/ mjug tu yang gnas par ga la 'gyur te/ /dper na nam mkha' rtag pa'i rang bzhin la skye 'jig med pa bzhin no/ /'dus
 byas rnams la ni mthar gnas par mi rung ste/ 'jig par 'gyur bas na/ bdag nyid gnas pa'i mthu yang med par rig bar bya'o/ /phyogs gnyis pa mi rigs par bstan pa'i phyir/ gnas pa'i rgyur yang mi rung ste zhes bya ba smos te/ 'di
 ltar gnas par byed pa'i rgyu rkyen gyis grogs byas nas dus tha gi zad cig tu gnas so zhes byar yang mi rung ste/ de ltar yang mi rigs so zhes bya ba'i don to/ /ji ltar mi rigs pa bstan ba'i phyir/ de med ba'i phyir/ de lta bu ni gang yang
 ma dmigs so zhes bya ba smos te/ dngos po rnams la bar du gnas par byed pa'i rgyu yang med de/ dngos po rnams la gnas par byed pa'i rgyu yod par ma mthong bas gnas par byed pa'i rgyus gnas par byas so zhes bya bar yang mi rigs so/ /
 tshig de dag gis ni de dag nyid mi gnas phyir zhes bya ba'i don bstan to/ /de ste gang gnas ba'i rgyu med kyang/ 'jig pa'i rgyu med pas gnas te/ 'jig pa'i rgyu dang phrad nas phyis 'jig par 'gyur te zhes bya ba la/ gal te 'di skad du dngos po nyid
 kyang gnas pa'i mthu med par gnas par ma nus na/ gnas pa'i rgyu gzhan gyis kyang bstangs shing dngos po rnams gnas par byas pa med du zin kyang dngos po gnas pa'i bar na de la 'jig par byed pa'i rgyu med de/ nam 'jig par byed pa'i
 rgyu rkyen dang/ ma phrad kyi bar du 'jig par mi 'gyur gyi/ 'jig par byed pa'i rgyu rkyen dang phrad nas gdong 'jig par 'gyur te/ snga ni mi 'jig par gnas so zhes zer ro/ /de'i dpe bstan pa'i phyir smras pa mes sngon po bzhin no zhes bya ba
 smos te/ dper na lugs kyi kha dog sngon po 'jig bar byed ba'i rgyu med dam phrad pa'i sngon rol na ni kha dog sngon por snang la/ phyis de 'jig bar byed pa'i rgyu me dang khrad nas mes sngon po bshig ste/ kha dog dmar por 'gyur ba dang/ dper na bum pa 'jig par
 byed pa'i rgyu tho ba la sogs ba dang ma phrad pa'i dus na ni bum pa mi 'jig la/ 'jig par byed pa'i rgyu tho ba la sogs pa dang phrad nas/ gdong? 'jig par 'gyur ba dang 'dra'o zhes zer ro/ /de ltar yang mi rigs par bstan pa'i phyir/ yang de med pa'i phyir
 de ltar mi rung ste zhes bya ba smos te/ ji ltar dngos po rnams la bskyed pa'i rgyu ni yod kyi/ 'jig par byed pa'i rgyu ni med de/ dper na rdo gnam du bor ba la gnam du 'dod ba'i rgyu lag pa la sogs pa ni yod kyi/ sa la lhung par byed pa'i rgyu med de rang lhung ba bzhin
 no/ /de dang 'dra bar dngos po rnams la 'jig pa'i rgyu med pa'i phyir/ 'jig pa'i rgyu dang ma phrad kyi bar du gnas so zhes bya bar yang mi rigs so/ /ji ltar mi rigs par bstan pa'i phyir/ smras pa/ 'jig pa'i rgyu ni phyis kyang gang yang med de zhes bya ba smos
 te/ ji ltar mes lcags kyi sngon po bshig go zhes smras pa yang ji ltar me dang ma phrang ba'i snga rol na ltags kyi sngon po 'jig par byed pa'i rgyu gang yang med de/ sngon po rang gi dang gis 'jig pa de bzhin du/ me dang phrad ba'i dus na yang mes sngon po
 bshig ste/ sngon po 'jig par byed pa'i rgyu mes ma byas kyi sngon po ni rang gi dang gis zhig go /gal te gzhan dag 'di skad du/ gal te rang gi dang gis zhig ste/ mes bshig pa ma yin na/ me dang phrang ma phrang pa'i sngon rol nas sngon po mi snang bar
 ci'i phyir mi 'gyur zhe na/ de'i lan du/ mes kyang sngon po 'jig par 'gyur ba ni ma grub kyi/ me 'dra bar skye bar nus par 'grub bo zhes smos te/ mes ldags kyi sngon po 'jig par byas pa ni ma grub kyi sngon po ni rang gi dang gis 'jig la/ mes ni gzhan
 bskyed de/ gang bskyed ce na/ lcags kyi kha dog dmar po bskyed do/ /'on de nyid bstan ba'i phyir/ 'di ltar de dang phrad ba'i phyir/ sngon po'i rgyud mi 'dra bar snang ste zhes bya ba smos te/ 'di ltar mes ni sngon po bshig pa ma
 yin gyi/ sngon po ni rang zhig la/ me dang phrad pas ni kha dog dmar bor bskyed do/ /rnam pa thams cad du mi 'jig pa ni ma yin no zhes bya ba la/ gal te mes sngon po thams cad nas thams cad du bshig ste med par byas na ni phyis grangs pa'i dus na yang sngon
 por 'gyur? bar mi rigs na/ phyis grangs ba'i tshe sngon por snang bas na/ mes sngon po bshig pa ni ma yin gyi/ me'i? snga rol gyi sngon po ni rang zhig la/ mes ni dmar po bskyed bar grub bo/ /gal te gzhan dag 'di skad du/ chu yang me dang phrang nas bskol
 ba dang/ gdong phyis med par snang gi /me dang ma phrad pa'i snga rol nas med par mi snang ste/ de ltar me dang phrad nas mi snang bar gyur pas na/ chu 'jig par byed pa'i rgyu me yin pa bzhin du dngos po rnams la yang 'jig par byed ba'i rgyu yod de/ dper na bum
 blta bu dbyig pa la sogs pa dang ma phrad pa'i snga rol na ni chag bar mi snang la dbyig pa la sogs pa dang phrad nas gdod chag bar snang bas na/ dngos po rnams la 'jig bar byed pa'i rgyu yod do zhes zer ba la/ me dang dpyig pa la sogs pa/ chu dang bum pa
 la sogs pa 'jig par byed pa'i rgyu ma yin par bstan pa'i phyir/ chu yang skol nas me dang phrad pa dang/ /je nyung je nyung du 'gyur te/ /shin tu nyung nga las mthar mi skye bar snang gi lan cig me dang phrad bas de med pa ni
 ma yin no zhes bya ba smos te/ 'di ltar chu yang me dang phrad nas bskol ba dang je nyung je nyung du 'gyur te/ khang kyis shin tu nyung ba las tha mar med par snang gi me dang phrang ma thag tu ni mi ? snang bar 'gyur ba ma yin pas
 na/ mes chu med pa'i rgyu ma byas kyi/ chu ni rang gi rang gis skad cig ma gcig gi rgyun gyis rang zhig go /mes ni de na ji nyung je nyung du gyur ba bskyed par zad kyi me ni chu 'jig ba'i rgyu mi byed do/ /gzhan dag gis smras pa/ gal te mes chu
 bskyed pa'i rgyu bas? kyi chu 'jig pa'i rgyu ma byas na/ mos chu bskyed bas na 'jug tu chu snang ba'i rigs na/ ci'i phyir mi snang bar 'gyur ces rgol na yang/ lan du chu phyis mi snang par 'gyur ba ni chu zad ba'i skad cig ma snga ma ni mjug thug ste zad/ chu'i
 skad cig ma bye? ma skyed par byed pa'i grogs rgyu rkyen gzhan med de/ rgyu rkyen dang mi ldan bas chu ma bskyed de/ de bas na chu kyis mi snang bar? 'gyur ro/ /gal te mes chu med par byed pa yin na ni me dang phrad ma thag tu chu med ba'i rigs na/ me dang phrad
 ma thag tu chu med par ma gyur pas na mes chu 'jig pa'i rgyu ma byas so/ /gzhan yang 'di dbyed par bya ste/ mes chu 'jig pa'i rgyu byas na chung mi 'jig ba'i rang bzhin can las/ mes 'jig par byas sam/ chu de 'jig pa'i rang bzhin can las mes 'jig par
 byas/ gal te chu de mes mi 'jig pa'i rang bzhin can yin na ni mi 'jig pa'i rang bzhin can la 'jig par byar mi rung bas gyu gang gis kyang 'jig par bya bar mi nus te/ dper na nam mkha' 'jig pa med pa la rgyu rkyen gyis 'jig par mi nus pa bzhin no/ gal
 te chu de 'jig pa'i rang bzhin can zhig yin na ni chu dang 'jig pas de la 'jig par byed ba'i rgyu gzhan gyis mi 'jig go /gzhan yang bum pa la sogs pa 'jig par byed pa'i rgyu tho ba la sogs pas byas so zhes smras pa de yang mi rigs te/ ji lta zhe na/ tho bas
 bum pa 'jig pa'i rgyu byed na/ tho ba des bum pa 'jig par byed ba'i dus na ni bum pa nyid byas sam/ bum pa bsam gtog par gzhan zhig byas gal te tho bas bum pa nyid byas na ne tho bas bum pa byas kyi/ bum pa'i 'jig pa ma byas pa na/ tho bas bum 
 pa gzhig pa'i rgyu byas so zhes smras pa yang 'gal lo/ /gal te tho bas bum pa ma yin pa zhig byas na ni thobs gzhan byas pas bum pa la ci yang ma byas pa'i phyir tho bas bum pa bshig bar mi rung ste/ dper na mchod
 sbyin la bde ba dang/ mi bde ba byas ba de lhas byin la ci yang byas pa ma yin pa bzhin no/ /gzhan yang tho bas bum pa bshig na bum pa 'jig pa'i rang bzhin can zhig yin pa las tho bas bum pa bshig gam/ bum pa 'jig pa'i rang bzhin can
 ma yin pa las tho bas bshig /gal te bum pa 'jig ba'i rang bzhin can zhig yin na ni kho rang zhig pas na/ de la tho ba la sogs pa'i rgyu gzhan gyis gzhig mi dgos so/ /gal te bum pa 'jig pa'i rang bzhin can ma yin na ni de 'jig tu mi btub pas na/
 rgyu gang gis kyang gzhig tu mi btub par 'gyur ro/ /de lta bu'i tshul du brtags na tho bas ni gyo mo bskyed kyi/ bum pa ni rang gi ngang gis 'jig pa yin no/ /tshig de dag gis dngos po med pa zhes bya ba'i tshig gi don bstan to/ /mtshan nyid gcig tu nges pa'i phyir
 skyes pa gang yang gnas par mi rung ngo zhes bya ba la/ 'dus byas kyi chos thams cad kyi mtshan nyid ni rtag pa zhes bya ba'i mtshan nyid dang/ mi rtag pa zhes bya ba'i mtshan nyid gnyis su med kyi/ /'dus byas thams cad ni mtshan nyid gcig kho nar nges so/ /gang zhe na/
 mi rtag pa dang/ skad cig ma'i mtshan nyid du nges so/ /de ltar 'dus byas rnams skad cig ma'i mtshan nyid du nges bas ni 'dus byas rnams dus thig? zad cig gnas nas phyis 'jig par mi rigs so/ /'dus byas kyi mtshan nyid ni gcig tu nges bar cis mngon zhe na/
 lung gi gtan tshogs bstan pa'i phyir/ 'dus byas kyi mtshan nyid gcig tu nges pa 'di bcom ldan 'das kyis kyang/ 'di lta ste/ 'dus byas ni mi rtag pa'o zhes gsungs so zhes bya ba smos so/ /'dus byas kyi mtshan nyid mi rtag pa kho nar nges pa ni bcom ldan
 'das kyis kyang gsungs te/ ji skad gsungs she na/ 'dus byas thams cad ni mi rtag pa'o zhes gsungs so/ /de gal te skyes ma thag tu mi 'jig na ni yun cung zad cig gi bar du mi rtag la med par mi 'gyur bas mi rtag par mtshan nyid gcig tu ma nges par
 'gyur ro zhes bya ba la/ gal te dngos po skyes ma thag tu mi 'jig gi /dus tha gi zad cig tu gnas nas gdod phyis 'jig par 'gyur na ni mi rtag pa'i mtshan nyid gcig tu nges par mi 'gyur te/ de ci'i phyir zhe na/ ma zhig gi bar du dus tha gi zad
 cig tu rtag par gnas pas na rtag? bar 'gyur la/ de nas 'jig bar 'gyur bas na/ mi rtag bar yang 'gyur te/ 'dus byas la rtag pa dang mi rtag pa gnyis su bzhag na ni mtshan nyid gcig tu nges pa med cing lung dang 'gal bar 'gyur ro/ /tshig de dag gis
 ni mtshan nyid des zhes bya ba'i tshig don bstan to/ /de skad cig ma re re la snga ma med pa skyes zin na/ de ni 'di yin no zhes bya ba med par 'gyur ro zhes bya ba la/ gal te gzhan dag 'di skad du zer te/ skad cig ma re re la dngos po rnams 'gags nas snga ma
 dang phyi ma 'dra bar skad cig ma gzhan skye'o zhes? zer na/ de lta na ni snga ma mthong ba'i dngos po dag phyis mthong ba'i dus na de dag bdag gis mthong ngo snyam pa'i blo dang sems skye bar mi rigs na/ de lta ni ma yin te/ sngar mthong ba'i dngos po dag phyis mthong ba'i
 tshe de nyid bdag gis mthong ngo snyam pa'i blo skyes bas na/ dngos po rnams skad cig ma re re la mi 'jig gi /dus thig zad cig gnas nas phyis 'jig go zhes zer ro/ /de ltar yang mi rigs par bstan pa'i phyir/ 'dra ba rjes su 'brang ba'i phyir/ de lta bur
 gyur pa'i phyir zhes bya ba smos te/ dngos po rnams mthong ba las phyis mthong ba'i dus na bdag gis de nyid mthong ngo snyam pa'i blo skye ba yang skad cig ma snga ma'i tshe dngos po rnams kyi kha dog dang por tshod ci 'dra bar byung ba skad cig ma phyi ma'i tshe na yang skad cig ma de
 dang 'dra ba'i kha dog dang gong? tshong skye bar 'gyur te/ phyi ma'i tshe yang 'dra ba byung na de nyid mthong ba'i blo skyes te nyes ba med do/ /dpe bstan pa'i phyir smras pa/ mig 'phrul can gyi rde'u bzhin no zhes bya ba smos te/ dper
 na mig 'phrul can gyis bo long brgya tsam gnam du bong? na/ 'dod pa la gor myur bas du ma byung ngo snyam pa mi skye'o/ gcig gcig mthong ngo snyam ba'i blo skye'o/ /de dang 'dra bar dngos po rnams skye ba yang skad cig ma 'dab chags su myur par skye la/ snga phyi
 'dra ba sha stag skye bas na de nyid mthong ngo snyam pa'i blo skye ba'o/ /dper na chu bo la sogs pa 'bab pa na yang skad cig ma re re la yang 'gags shing skyes mod kyi/ phyi ma rnams kyang snga ma dang 'dra ba sha stag skyes pas na/ chu de dag mthong ngo snyam pa'i blo skye ba bzhin no/ /
 tshig de dag gis ni rjes su 'brang zhes bya ba'i don bstan to/ /'dra ba'i phyir de'i blor 'gyur te/ de'i dngos po'i phyir ni ma yin par ji ltar shes she na zhes bya ba ni gal te gzhan dag yang 'di skad du rgol te/ gang sngar mthong ba'i dngos po phyis mthong bas na/
 snga ma de nyid kyi dngos po ma zhig bar mthong ba ni ma yin gyi/ skad cig ma snga ma 'gags pa dang 'dra ba'i skad cig ma gzhan sha stag skyes pas 'dra ba skyes ba'i phyir snga ma nyid mthong ngo snyam pa'i blor 'gyur bar ci mngon zhe na/ ma 'gags par dngos po sngar
 mthong ba nyid phyis mthong dam/ sus shes snyam rgol lo/ /de ltar mi rigs par bstan pa'i phyir/ 'gog pa'i phyir ro zhes smos te/ dngos po rnams mjug tu 'gag par 'gyur ba'i phyir/ dngos po snga ma nyid phyis mthong ba ni ma yin gyi/ skad cig ma snga ma
 'gags nas phyi ma de 'dra ba skyes pa mthong ba las de nyid mthong ngo snyam pa'i blo skye bar 'gyur ro/ /don de nyid bstan pa'i phyir/ de bzhin gnas pa la ni mthar 'gag par mi 'gyur te/ thog ma'i skad cig ma dang bye brag med pa'i zhes bya ba smos te/ gal te dngos
 po rnams skad cig ma re re la 'gag pa ni ma yin gyi/ brtan por gnas ba'i rang bzhin yin na ni dngos po de mjug tu 'gag par yang mi 'gyur te/ ci'i phyir zhe na/ ji ltar thog ma'i skad cig ma 'gag pa med de/ gnas pa'i rang bzhin
 yin pa de bzhin du/ phyi ma'i skad cig min yang gnas pa'i rang bzhin ni dngos po de nyid yin te/ de las dngos po ma brjes pas na/ phyis kyang 'gag par mi 'gyur ro/ /don de dag gis mjug bsdu ba'i phyir/ de bas na de nyid yin par mi rigs
 so zhes bya ba smos te/ gong du bshad ba'i rigs pa ltar na/ mjug tu dngos po rnams 'gag par 'gyur ba'i phyir dngos po sngar mthong ba gang yin pa phyis kyang de nyid mthong bar mi rigs so/ /tshig de dag gis ni 'gog pa'i phyir zhes bya ba'i chig
 gi don bstan to/ /tha mar? 'gyur ba nye bar dmigs pa'i yang phyir te zhes bya ba la/ rnam pa gzhan du yang nang gi dngos po rnams la mjug tu gnyer ma can dang/ sgra dkar la sogs pa gzhan du 'gyur ba'i dngos po mthong la phyi'i dngos po rnams la
 yang ka ba la sogs pa khong rul ba la sogs pa gzhan du 'gyur ba mthong pas na/ skad cig dngos po rnams skad cig ma yin par rig par bya'o/ /'gyur ba zhes bya ba ci yin pa bstan pa'i phyir/ yongs su 'gyur ba zhes bya ba ni gzhan du 'gyur ba yin la
 zhes bya ba smos te/ yongs su 'gyur ba zhes bya ba'i don ni nang gi dngos po la yang snga ma snga ma dang mi 'dra ba phyi ma'i dus na skra dkar la sogs pa gzhan du 'gyur ba la bya la/ phyi'i dngos po la yang ka ba la sogs pa snga ma dang mi 'dra bar rul ba'i
 mtshan nyid du 'gyur ba la 'gyur ba zhes bya'o/ /de gal te thog ma nas ma brtsams su zin na ni phyi nang gi dngos po rnams tha mar yongs su 'gyur ba yang mi dmigs la zhig na zhes bya ba la/ /gal te dngos po rnams thog ma nas skad cig ma re re
 la rga ba dang 'drul ba la sogs pa'i mtshan nyid du brtsams su zin na ni nang gi dngos po la yang tha mar skra dkar la soD pa'i mtshan nyid du gzhan du 'gyur bar mthong bar mi 'gyur la/ phyi'i dngos po la yang rul pa la
 sogs pa'i mtshan nyid du tha mar gzhan du 'gyur bar mthong bar mi 'gyur ro/ /de lta bas na thog ma nyid nas gzhan du 'gyur ba brtsams te zhes bya ba la/ gong du bshad pa ltar phyi nang gi dngos po rnams tha mar sngon dang mi 'dra ba'i mtshan nyid gzhan du
 'gyur bar 'gyur bas na/ dngos po rnams dang po nyid nas gzhan nas gzhan du 'gyur ba skad cig ma re re brtsams par rig par bya'o/ /gzhan gyi brgal ba/ gal te skad cig ma re re la rga ba dang rul pa la sogs pa'i mtshan nyid du gzhan nas gzhan du 'gyur bar brtsams
 na/ ci'i phyir na phyis mthong ba'i tshe bdag gis sngon mthong ba'i dngos po de nyid mthong ngo snyam pa'i blo skyes zer ba la/ gang mthar gyis skye ba ni tha mar snang bar 'gyur te zhes smos te/ skad cig ma dang po nas snga ma dang phyi ma 'dra ba'i rang bzhin gzhan du 'gyur skyes
 shing brtsams pas na/ mjug tu skra dkar la sogs ba'i mtshan nyid dang/ rul pa la sogs pa'i mtshan nyid du snang ste/ de bas na dang po nas gzhan nas gzhan du 'gyur ba brtsams pa yin no/ /de'i dpe bstan ba'i phyir/ 'o ma las zho'i gnas bzhin no zhes bya ba
 smos te/ dper na 'o ma las zhong 'gyur ba yang dang po nas skad cig ma re re la je ska je ska 'gyur bar brtsams pas na/ mjug tu ska ba'i rang bzhin zhor 'gyur bas na snang zhing mngon pa bzhin no/ /yang gzhan gyis brgal ba/ gal te skad cig ma de de la yang/
 gzhan nas gzhan du 'gyur bar brtsams/ ci'i phyir gzhan nas gzhan du 'gyur bar brtsams pa mtshor zhes brgal ba la/ lan du ji srid du de gzhan du 'gyur ba phra pas yongs su mi rigs pa de bzhin du de dang 'dra ba rjes su 'brang ba'i phyir te/ de nyid
 ni 'di yin no zhes shes par bya ba grub po zhes bya ba smos te/ dper na 'o ma dang bo nas gzhan nas gzhan du ska ba'i rang bzhin du 'gyur bar brtsams nas/ gzhan du 'gyur ba rtsom pa phra bas ni gzhan du 'gyur ba mi rigs pa de bzhin du/ phyi nang gi dngos po
 gzhan yang rga ba dang 'drul ba la? sogs pa'i mtshan nyid du gzhan nas gzhan du 'gyur bar brtsams pa phra bas na/ de'i tshe rig par ma gyur gyi/ mjug tu rga ba dang rul pa gsal bar snang bar 'gyur pa dang/ gdod rgas pa dang rul ba rig go /de bas na 'du byed
 rnams 'dab chags su bred ma chad bar skad cig ma snga ma dang 'dra bar phyi ma skyes bas na/ bdag gi skad cig ma snga ma nyid mthong ngo snyam pa'i blo skye'o/ /don de dag gi mjug bsdu ba'i phyir/ de'i phyir skad cig ma re re la gzhan du 'gyur ba'i phyir skad cig ma grub bo zhes
 bya ba smos te/ gong du bshad pa ltar na/ phyi nang gi 'du byed rnams mjug tu gzhan du 'gyur bar snang bas na/ 'du byed thams cad skad cig ma re re la gzhan du 'gyur bar snang bas na/ 'du byed thams cad skad cig ma yin par grub ste/ tshig de dag
 gis 'gyur bar nye bar dmig pa zhes bya ba'i don bstan to/ /ji ltar grub ce na zhes bya ba la/ 'du byed rnams skad cig mar grub bo zhes bshad na gtan tshigs gang gis skad cig mar grub cen zhes bya ba'i don to/ /de'i gtan tshigs smras pa/ de'i rgyu dang 'bras bu
 las? zhes bya ba'o/ /tshig gi don de'i don bstan pa'i phyir/ skad cig ma'i rgyu dang skad cig ma'i 'bras bu zhes bya ba'i don to zhes smos te/ rgyu skad cig ma yin pas na/ de las skyes ba'i 'bras bu yang skad cig ma yin bar brtag la/ 'bras bu skad
 cig ma yin pas na/ de skyed par byed pa'i rgyu yang skad cig ma yin bar rig bar bya'o/ /rgyu skad cig ma yin pas 'bras bu skad cig ma yin par 'grub pa'i phyir/ sems ni skad cig mar grags pas mig dang gzugs la sogs pa 'du byed gzhan
 de las gyur bas de dag kyang skad cig mar 'grub ste zhes bya ba smos te/ 'di ltar mig gi rnam par shes pa la sogs pas rnam par shes pa thams cad di? skad cig ma yin par sangs rgyas dang mu stegs pa thams
 cad la yang grags so/ /de ltar sems skad cig mar grags pas na/ sems de'i rgyu ni mig dang gzugs la sogs pa yin te/ mdo las kyang mig dang gzugs la brten nas mig gi rnam par shes pa skye'o/ zhes gsungs so/ /de bas na 'du byed
 rnams kyi 'bras bu sems skad cig mar grub pas na de skyed bar byed ba'i rgyu 'du byed rnams kyang skad cig mar grub bo/ /gal te gzhan dag 'di skad du 'du byed rtag pas sems skad cig mar skyed de/ de bas na 'du byed ni rtag pa yin la/ de
 las skyes ba'i sems ni skad cig ma yin no zhes zer ba la/ de mi rigs par bstan pa'i phyir/ skad cig ma ma yin pa las ni skad cig mar 'byung bar mi 'os so zhes bya ba smos so/ /mig dang gzugs la sogs pa skad cig ma ma yin zhing
 rtag pa las 'bras bu skad cig ma'i rang bzhin gyi sems 'byung bar ni mi rigs so zhes bya ba'i don to/ /de'i dpe bstan pa'i phyir/ 'di lta ste/ rtag pa las mi rtag pa bzhin no zhes bya ba smos te/ rtag pa las ni mi rtag pa 'byung bar
 mi srid de/ dper na nam mkha' rtag pa las bum pa dang snam bu la sogs pa mi rtag pa'i dngos po mi 'byung ba bzhin no/ /rgyu skad cig ma yin pas 'bras bu skad cig mar sgrub pa'i phyir ro/ /yang 'du byed thams cad ni sems kyi 'bras bu
 ste zhes smos te/ gzhan yang mig dang gzugs la sogs ba'i 'du byed thams cad ni sems kyi 'bras bu yin te/ 'du byed rnams ni sems 'bras bu yin la/ sems ni de dag gi rgyu yin no/ /de ltar na sems skad cig ma yin pas na
 de'i 'bras bu 'du byed rnams kyang skad cig mar rig par bya'o/ /ji ltar rig ce na zhes bya ba ni 'du byed ? sems kyi 'bras bu yin bar yang ci mngon la sems skad cig ma yin bar 'du byed rnams kyang skad cig ma yin par ci mngon zhe na zhes bya ba'i don
 to/ /de'i lan du zin pa dang/ dbang ba dang/ ngag pa dang/ sems can gyi rjes su 'brad ba'i phyir ro zhes bya ba smos te/ 'du byed rnams sems kyi 'bras bu yin par ni sems kyi 'du byed rnams zin pa dang/ sems 'du byed rnams la dbang byed pa dang/
 sems dag pa'i rjes su 'du byed rnams 'brang ba dang/ sems can gyi sems kyi rjes su 'du byed rnams 'brang bas ni 'du byed rnams sems kyi 'bras bu yin par mngon no/ /sems kyis 'du byed zin pa'i don bstan ba'i phyir/ sems kyis mig la
 sogs pa gnas dang bcas pa zin pa ste zhes smos te/ gnas ni lus la bya'o/ /sems ni 'dis mig gi dbang po dang bcas pa'i lus kun tu bzung ste/ de bas na 'du byed rnams sems kyi 'bras bu yin par rig par bya'o/ /sems kyis ji ltar lus zin
 pa bstan pa'i phyir/ lhan cig tu brgyal ba dang/ bde bar zin pa'i rjes su 'brang ba'i phyir zhes bya ba smos te/ 'di ltar ma'i mngal du rnam par shes pa zhugs nas brgyal bar gyur ba dang/ /gdong pha ma'i mi gtsang ba las nur? nur? po dang mer mer
 po la sogs lus kyi dngos por 'grub kyi/ ji srid du rnam par shes pa ma'i mngal du zhugs nas brgyal bar ma gyur ba de srid du pha ma'i mi gtsang ba las nur nur po dang mer mer po la sogs pa mi 'gyur bas na lus ni sems kyi rjes su 'brang ba'i phyir
 sems kyis lus yongs su bzung ngo/ /mdo las kyang/ dga' bo gal te ma'i mngal du rnam par shes pa brgyal bar ma gyur na pha ma'i mi gtsang ba las nur nur bo la sogs par mi 'gyur ro zhes bshad do/ /gzhan yang sems la gnod par gyur na lus 
 la yang gnod par 'gyur ba/ sems bde bar gyur na 'dus kyang bde bar 'gyur bas sems kyi rjes su lus 'brang ba'i phyir ro/ sems kyis lus zin pa'i phyir/ de bas na 'du byed rnams kyi 'bras bu yin no/ /'du
 byed rnams la sems dbang ba'i don bstan ba'i phyir/ sems ni 'du byed rnams la dbang ba ste zhes smos te /sems 'di ni 'du byed rnams la dbang byed de/ de bas na 'du byed ni sems kyi 'bras bu'o/ /ji ltar dbang byed pa lung gi
 gtan tshigs kyis bstan ba'i phyir/ ji ltar bcom ldan 'das kyis kyang/ 'jig rten 'di ni sems kyis khrid do/ /sems kyis drangs so zhes bya ba smos te/ sems kyis gang du bsams par lus kyang de'i rjes su 'brang bas na sems kyis
 khrid pa dang drangs ba zhes bya'o/ /sems skye zhing 'byung 'gyur ro zhes bya ba la/ sems la 'dod chags zhig skyes nas lus kyang de'i rjes su 'brangs nas spyod pa zed zed po dang/ /bzhin 'dzum pa la sogs ba'i mtshan nyid gzhan du 'gyur ro/ /
 gal te sems la zhe sdang zhig skyes na ni khu tshur 'tshangs pa dang/ bzhin khro gnyer bsdus pa la sogs par gzhan du 'gyur bas na 'du byed rnams la sems dbang ngo/ /lung gi gtan tshigs gnyis pa bstan ba'i phyir/ de bzhin du rnam par
 shes ba'i rkyen gyis ming dang gzugs zhes bya ba gsungs te zhes bya ba la/ de bzhin du mdo gzhan dag las rnam par shes pa'i dbang gis ming dang gzugs 'byung ngo zhes gsungs pas na/ de'i phyir 'du byed rnams snams kyi 'bras bu
 yin no/ /dag ba'i sems kyi rjes su 'brang ba'i don bstan pa'i phyir/ dag pa'i sems kyis rjes su 'brangs zhes bya ba ni rnal 'byor ba'i sems dag ba'i yin te/ de dag la ni 'du byed rnams de bzhin du 'gyur ro zhes smos te/ dag
 ba'i sems kyi rjes su 'brangs zhes bya ba la/ dag pa'i sems ni rnal 'byor ba rnams kyi sems la bya ba ste/ 'du byed rnams ni rnal 'byor ba'i sems kyis ji lta ji ltar bsams pa de bzhin du 'gyur bas na 'du byed rnams la sems
 dbang byed do/ /rnal 'byor pas ji ltar bsams pa de bzhin du 'gyur bar ci mngon zhe na/ lung gi gtan tshigs kyis bstan pa'i phyir/ 'di lta ste/ dge slong bsam gtan thob pa zhes bya ba la sogs pa smos so/ /sems can gyi sems
 kyi rjes su 'brang ba'i don bstan ba'i phyir/ sems can rjes su 'brang ba'i phyir zhes bya ba la sogs pa smos te/ 'di ltar 'du byed rnams ni sems kyi rjes su 'brangs te/ ji lta zhe na/ 'di ltar sdig pa byed ba'i sems can rnams kyi sems kyi
 dbang gis lo tog la sogs pa yang kha dog dang/ dri dang ro la sogs pa rnams mthu chud bar 'gyur zhing gser la sogs pa'i dngos po yang sol ba la sogs par snang la/ /bsod nams byed pa rnams kyi sems kyi dbang gis 'bru la sogs pa kha
 dog dang dri phun sum tshogs bar snang la/ dngos po ngan pa rnams kyang rin po tsha la sogs par snang bas na/ 'du byed rnams sems kyi 'bras bu yin bar mngon no/ /tshig de dag gis mjug bsdu ba'i phyir/ de bas na de dag skad cig ma'o zhes bya
 ba smos te/ gong du bshad pa ltar na 'du byed rnams sems kyi 'bras bu yin pa'i phyir 'du byed rnams skad cig mar rig par bya'o/ /don de nyid bstan pa'i phyir/ de'i rjes su 'brang ba'i phyir skad cig ma las 'bras bu skad cig ma las
 'bras bu skad cig ma med par mi rung ngo zhes smos te/ 'bras bu thams cad ni rgyu'i rjes su 'brang ste/ rgyu ci 'dra bar btab pa 'bras bu yang de 'dra bar skye'o/ /de yang dper na rgyu 'bras sA lu'i sa bon btab na 'bras bu yang 'bras sA
 lu'i 'bras bu nyid smin pa de bzhin du/ 'du byed rnams kyi rgyu sems skad cig ma yin pas na de'i 'bras bu 'du byed rnams kyang skad cig mar rig par bya ste/ sems ni skad cig ma yin la/ de'i 'bras bu 'du
 byed rnams skad cig ma ma yin pa rtag pa'i mtshan nyid du 'gyur yin par tshigs su bcad pa gnyis gyis bstan to zhes bya ba'i don med par skad cig mar tshigs su bcad pa gnyis kyis bsgrubs so zhes bya ba la/ 'di man chad du phyi nang gi 'du
 byed rnams so sor ma phye bar gcig tu bsdus nas skad cig ma yin par tshigs su bcad pa gnyis kyis bstan to zhes bya ba'i don to/ /yang nang gi rnams bsgrub pa'i phyir tshigs su bcad pa lnga rnams su rig par bya'o zhes bya ba la/ da ni
 tshigs su bcad pa lnga zhig gis nang gi 'du byed sems dang sems las byung ba rnams skad cig mar sgrub po zhes bya ba'i don to/ /thog ma je bas je che dang zhes bya ba la sogs pa la/ nang gi 'du byed skye ba la rnam pa bcu bzhi yod de/ thog mar
 skye ba dang/ je bas je cher skye ba dang/ sogs pa skye ba dang/ gnas kyi dngos por skye ba dang/ 'gyur bar skye ba dang/ smin par skye ba dang/ tha ma'i skye ba dang/ de bzhin du mchog gi skye ba dang/ 'od gsal bar skye ba dang/ 'od mi gsal
 bar skye ba dang/ yul gzhan du 'gro pa'i skye ba dang/ sa bon can gyi skye ba dang/ sa bon med ba'i skye ba dang/ gzugs brnyan du skye ba ste/ skye ba rnam pa bcu bzhi yod pa la ni rnam pa bcu bzhi po de skad cig mar sgrub pa'i rgyu dang tshad ma ni/ rgyu dang
 tshad kyi bye brag dang zhes bya ba nas sems kyi rjes su 'brang ba nas/ 'dus byas thams cad skad cig ma zhes bya ba'i bar dag gis bstan to/ /je bas je che zhes bya ba nas zhes bya ba la/ thog mar je che je che dang zhes bya ba nas brtsams
 te/ 'dus byas thams cad skad cig ma'o zhes bya ba'i bar dag gi tshigs su bcad pa lngas nang gi 'du byed rnams skad cig mar sgrub po zhes bya ba'i don to/ /de dag gis ji ltar skad cig ma 'grub ce na zhes bya ba ni tshigs su bcad pa lnga po de
 dag gis nang gi 'du/ byed rnams ji ltar skad cig mar 'grub tsa na zhes bya ba'i don to/ /thog mar skye ba ni dang por lus mngon par 'grub pa gang yin pa'o zhes bya ba la/ nang gi 'du byed sna la skye ba bcu bzhi yod pa'i mtshan nyid je bstan nas/
 de dag ji ltar skad cig ma yin pa ni gtan tshigs kyis phyis 'chad do/ /de la thog ma skye ba zhes bya ba ni 'chi ba'i char gtogs pa'i rnam par shes pa 'gags nas ma'i mngal du skad cig ma dang po la rnam par shes pa zhugs te brkyal nas skye ba'i nyid
 mtshams sbyar ba gang yin pa la/ thog ma skye ba zhes bya ste/ gal te rtag pa zhig yin na ni 'chi ba'i char gtogs pa rnam bar shes pa 'gags nas skye ba'i char gtogs pa rnam par shes pa 'byung mi srid de/ de ltar ni ma yin te/ 'chi ba'i char gtogs pa
 rnam par shes pa 'gags nas skye ba'i char gtogs pa rnam par shes pa 'byung bas na/ skad cig mar rig par bya'o/ /je bas je che ba ni dang po skyes pa'i skad cig ma phan chad do zhes bya ba la/ je bas je cher skye ba ni skad cig ma dang po la/ ma'i mngal du rnam
 par shes pa zhugs pa skad cig ma ma gtogs pa skad cig ma gnyis pa phan chad nur nur po dang mer mer po dang ltar ltar ba la sogs pa skyes ba la bya ste/ gal te skad cig ma ma yin na ni nur nur po'i rang bzhin 'gags nas mer mer po la sogs pa skye mi sred
 de/ /de lta ni ma yin gyis nur nur po la sogs pa snga ma 'gags nas mer mer po la sogs pa gzhan skye bar 'gyur te/ de bas skad cig mar rig par bya'o/ /sogs pa ni kha zas dang nyal ba dang/ tshangs par spyod pa dang/ snyoms par 'jug pa la sogs pa'o zhes
 bya ba la sogs pa'i don ni lus chung zhing ring ba las nyam che zhing rtas par 'gyur bar byed pa la bya ste/ 'dod pa'i khams na ni kha zas dang gnyid dang tshangs par spyod pas nyam chung ngu las nyam chen po dang rtas
 par byed do/ /gzugs la sogs pa'i khams na ni ting nge 'dzin la snyoms par zhuD pas lus rtas par 'gyur ro/ /gal te dngos po 'di dag rtag pa yin na ni kha zas la sogs pas kyang lus nyam chung du las nyam chen por 'gyur mi srid de//
 de lta na ni ma yin gyi/ kha zas la sogs pas lus nyam chung ngu las nyam chen por skyed par byed pas na/ dngos po rnams skad cig mar rig bar bya'o/ /gnas kyi dngos po ni gang mig gi rnam par shes pa la sogs pa mig la sogs
 pa'i gnas kyis so zhes bya ba la/ gnas kyi dngos por skye ba ni mig gi rnam par shes pa nas yid kyi rnam par shes pa'i bar du rnam par shes pa drug ni gnas pa zhes bya'o/ /mig gi dbang po nas yid kyi dbang po'i bar du dbang po drug ni gnas
 zhes bya ste/ gnas bar byed pa rnam par shes pa rnams skad cig ma yin pas de'i gnas dbang po rnams kyang skad cig ma ma yin du mi rung ste/ de bas na skad cig mar 'gyur ro/ /'gyur ba ni gang 'dod chags la sogs pas kha
 dog la sogs pa 'gyur ba'i phyir ro zhes bya ba la/ 'gyur ba'i skye ba ni nam sems 'dod chags la sogs pa'i rnam par skyes pas na lus kyang sngon dang mi 'dra bar bzhin 'dzum pa dang/ kha dog mdangs can du 'gyur ba dang/ nam
 zhe sdang gi rnam par skye ba na/ lus la sogs pa yang khro gnyer bsdus pa dang/ so gtsigs pa la sogs pa'i rnam pa gzhan du 'gyur te/ de lta bu dag kyang rtag pa'i chos rnams la mi srid kyi/ mi rtag pa'i chos rnams la sring ba?
 de bas na 'du byed rnams skad cig mar rig par bya'o/ /smin pa ni gang skye gnas dang/ byis pa dang/ gzhon nu dang/ dar la bab pa dang/ dar bying ba dang/ rgas pa'i gnas so zhes bya ba la/ dang po ma'i mngal du byung ma thag pa la ni skye gnas zhes
 bya'o/ /de nas de las 'das la 'gro nus la thug gi bar la ni byis pa zhes bya'o/ /de nas de las 'das nas rtsed mo nus kyi bar la ni gzhon nu zhes bya'o/ /de nas de las 'das nas sems dang lus kyi mthu rdzogs par 'gyur ba la ni dor la bab pa zhes
 bya'o/ /de las 'das lan mche rgas pa la sogs par 'gyur ba la ni dar brid ba zhes bya'o//ru zhom par gyur pa la ni rgas pa zhes bya ste/ dngos po rtag pa rnams la ni de lta bu gzhan nam gzhan du 'gyur ba 'byung mi srid de/ de lta ni ma yin gyi/
 dngos po rnams gzhan nas gzhan du 'byung ba na skad cig mar rig par bya'o/ /tha ma dang mchog ni gang ngan 'gro dang/ bde 'gror skye ba rnams te rim bzhin no zhes bya ba la/ tha ma dang mcho gi skye ba ni rim bzhin du ngan 'gro gsum du skyes pa ni tha mar skyes
 pa/ lha dang mi'i nang du skyes pa ni mchog tu skyes pa'o/ /de la rtag pa'i chos rnams la ni ngan song gsum du skyes pa la 'gags nas lha dang mir? skye ba dang/ lha dang mir skyes ba las 'gag nas/ ngan song du skye ba mi srid de/ de lta ni ma yin gyi/ ngan song gsum las
 shi 'thos nas/ lha dang mi'i nang du skye ba dang/ lha dang mi'i nang nas shi 'phos nas ngan song gsum du skyes te/ de bas na mi rtag par rig par bya'o/ 'od gsal ba ni gad 'dod pa'i sprul pa dang/ 'dod pa'i gzhan 'phrul dang/ gzugs dang gzugs med
 par skyes pa rnams sems tsam la rag las pa'i phyir ro zhes bya ba la/ 'od gsal bar skyes ba ni 'dod ba'i khams kyi lha drug las 'phrul dga' dang/ gzhan 'phrul dbang byed dang/ gzugs kyi khams kyi lha ril dang/ gzugs med pa'i
 khams kyi lha thams cad la 'od gsal bar skyes ba zhes bya ste/ ci'i phyir zhe na/ der skyes pa'i lha rnams bya ba thams cad rang gi sems la dag lus te/ bsams btsam gyis don thams cad 'grub pa'i phyir ro/ /
 ji lta zhe na/ 'phrul dga' i lha rnams kyang lha'i bu mo gang dang 'dod pas kun tu spyod pa 'dod pa de na/ lha'i bu mo de'i sems dang mthun pa'i lus kyi kha dog dang gos dang rgyan la sogs pa sems kyis sprul na de bzhin du snang bar 'gyur ro/ /lha'i
 bu mo dag kyang lha'i bu gang dang 'dod pas kun tu spyod par 'gyur ba na/ de lta bu'i rkyen dang/ lus kyi kha dog dang/ gos la sogs pa snang bar 'gyur ro/ /gzhan 'phrul dbang byed pa rnams kyang lha gzhan dag dang 'dod pa'i longs spyod myong bar
 bya ba'i phyir/ longs spyod dag sems kyis 'phrul ni de bzhin du snang bar 'gyur ro/ /gzugs dang gzugs med pa'i khams kyi lha rnams kyis kyang/ so so'i ting nge 'dzin la sogs pa gang la 'jug 'dod pa de bsams pa tsam gyis de dag 'grub
 par 'gyur zhing mngon sum du 'gyur te/ de ltar rtag pa'i dngos po la ni de lta bu 'byung mi srid kyi/ mi rtag pa'i dngos po la srid pas na/ 'du byed thams cad skad cig ma'o/ /'od mi gsal ba ni gang/ de las gzhan du skyes pa rnams kyi ?
 zhes bya ba la 'od mi gsal bar skyes pa ni gang gang du bshad pa la ma gtogs pa rgyal chen bzhi'i ris dang/ dga' ldan dang/ mtshe ma dang/ sum cu rtsa gsum pa dang/ gling bzhi ba'i mi rnams dang/ ngan song gsum dag ste/ de
 dag ni bsams pa tsam gyis don thams cad mi 'grub pas na 'od mi gsal ba zhes bya ste/ 'di ltar 'od gsal ba las mi gsal bar 'gyur ba dang/ 'ong mi gsal ba las gsal bar 'gyur ba yang/ rtag pa'i chos la
 mi srid kyi/ mi rtag pa'i chos la srid pas na/ skad cig ma yin par rig par bya'o/ /yul gzhan du 'gro ba ni gang yul gzhan du skyes pa 'gags nas yul gzhan du skye ba'o zhes bya ba la yul gzhan du 'gro ba'i skye ba ni dngos po
 'ga' zhig yul gzhan byin cing skye ba de yang sngon yul gzhan na gnas pa de 'gags nas phyis de ma yin ba'i yul gzhan du 'phos shing skyes pa la bya ste/ da? lta bu yang skye ba dang 'gag ba'i chos can la srid kyi/ rtag pa'i
 chos can la mi srid de de bas na skad cig ma'o/ /sa bon dang bcas pa ni gang dag bcom pa tha ma'i phung po ma gtogs pa'o zhes bya ba la/ sa bon ni khams gsum du skye bar byed pa'i nyon mongs pa'i bag chags la bya ste/ sa bon dang
 bcas pa'i skye ba ni mthong ba dang bsgoms pas spang bar bya ba'i nyon mongs pa thams cad spangs pa'i dgra bcom pa'i/ phung po'i lhag ma dang bcas pa'i mya ngan las 'das pa thob pa dang/ iphung po'i lhag ma ma lus par
 spong ba'i dgra bcom pa'i phung po tha ma ma gtogs pa dgra bcom pa la 'jug pa dang/ phyir mi 'ong ba dang/ lan cig phyir 'ong ba dang/ rgyun du zhugs pa dang/ so so'i skye bo rnams ni sa bon dang bcas par skye ba zhes bya ste/ nyon mongs
 pa'i rgyus tshe gcig nas gcig tu len bas so/ /de ltar tshe len pa yang rtag ba'i dngos po la ni mi srid kyi/ mi rtag pa'i dngos po la srid pas na/ 'dus byas rnams skad cig mar rig par bya'o/ /sa bon med pa ni gang de dag gi tha ma'o zhes
 bya ba la/ sa bon med pa'i skye ba ni dgra bcom pa rnams kyi phung po'i lhag ma dang bcas pa'i mya ngan las 'das pa dang/ phung po lhag ma ma lus par spongs pa'i mya ngan las 'das pa'i dbyings su 'jug pa'i phung po tha ma la bya ste/ skad cig
 ma ma yin na ni sngon sa bon dang bcas pa las phyis sa bon med par skye mi srid kyi/ mi rtag pa rnams la sngon sa bon dang bcas pa las phyis sa bon med par 'gyur srid pas na skad cig mar rig par bya'o/ /gzugs brnyan la
 gang rnam par thar pa la bsgom pa rnams kyi ting nge 'dzin gyi dbang gis zhes bya ba la sogs pa la/ gzugs brnyan du skye ba ni gang rnam par thar pa brgyad la bsgom pa'i bsam gtan pa'i gang zag gi ting nge 'dzin gyi mthu thams cad skye la/ /
 thams cad sngon po dang thams cad ser po dang/ thams cad dmar po la sogs pa'i gzugs brnyan snang ba ste/ gal te rtag pa zhig yin na ni sngon gzugs brnyan mi snang ba las phyis gzugs brnyan snang bar 'gyur mi srid kyi/ mi rtag pa
 las de ltar 'gyur srid pas na skad cig mar rig par bya'o/ /skye ba rnam pa bzhi po 'di dag las zhes bya ba la sogs pa la/ nang gi 'du byed skye ba la rnam pa bcu bzhi yod de/ skye ba rnam pa bcu bzhi bo thams cad skad cig ma'o/ /gtan tshigs
 gang gis skad cig mar 'gyur zhe na/ rgyu dang tshad kyi bye brag la sogs pa'i gtan tshigs dang/ tshad mas skad cig mar rig par bya'o/ /thog mar skye ba la ni rgyu'i bye brag gi phyir te zhes bya ba la/ thog mar ma'i mngal du skye ba la ni rgyu'i bye brag
 gi gtan tshigs kyis na skad cig mar rig par bya ste/ 'di ltar dang po rnam par shes pa ma'i mngal du skyes ba des rgyu byas nas de'i 'og tu nur nur po 'byung ngo/ /nur nur pos rgyu byas nas med med po la sogs pa snga ma dang mi 'dra ba gzhan dag 'byung ste/
 de bas na skad cig mar rig par bya'o/ /gal te de'i rgyud bye brag med du zin na de phyis 'du byed 'byung ba phyi ma phyi ma'i bye brag mi dmigs par 'gyur te zhes bya ba la/ gal te dang po ma'i mngal du skyes ba skad cig ma de rtag pa gcig bu zhig yin te/ skad
 cig ma snga ma 'gag cing phyi ma gzhan skye ba rgyu gcig ste bye brag tu med tu? zin na phyis nur nur po las de dang mi 'dra ba'i mer mer po? 'byung ba dang/ mer mer po las de dang mi 'dra ba'i ltar ltar po la sogs pa phye ma phyi ma'i dus na snga ma dang mi 'dra ba'i rang bzhin
 gzhan dang gzhan dag 'byung zhing dmigs par 'gyur mi srid do zhes bya ba'i don to/ /rtag pa las ci'i phyir mi 'dra ba'i bye brag 'byung bar mi srid snyam pa la/ rgyu bye brag med pa'i phyir ro zhes smos te/ rtag pa gcig pu la ni rgyu'i bye brag du ma
 med de/ rgyu gcig tu zad pas rgyu gcig tu zer pa ni 'bras bu dum 'byung bar mi 'gyur te/ dper na nas kyi sa bon las nas dang 'bras la sogs pa 'bras bu dum mi 'byung ba bzhin no/ /bye brag yod du zin na ni de phyi ma dang tha dad pas skad cig ma 
 'grub bo zhes bya ba la/ gal te rgyul bye brag yod de/ dang po'i rgyu ni skad cig ma gzhan yin la/ de 'gags pa'i 'og tu snga mi dang mi 'dra bar phyi ma phyi ma gzhan skye ste/ rgyu la mi 'dra ba'i bye brag yod na 'bras bu la yang nur nur po dang mi 'dra ba'i
 mer mer po la sogs pa gzhan skye ste/ de ltar gyur na ni skad cig mar 'grub bo/ /gal te rtag pa zhig yin na ni rtag tu yang nur nur po 'ba' zhig tu snang bar 'gyur gyi/ mer mer po la sogs pa'i dngos po mi 'dra ba gzhan dang gzhan snang bar mi
 'gyur ro/ /je che je cher skye ba ni tshar kyi bye brag gi phyir te/ zhes bya ba la nur nur po las mer mer po la sogs pa'i chen por skye ba yang tshad kyi bye brag gi gtan tshigs kyis na skad cig mar rig par bya ste/ gang gi phyid? skad cig ma yin pas
 nur nur po'i dus kyi lus chung du 'gags nas mer mer po lta bur dngos po chen por skye bar 'gyur ro/ /tshad cis bya ba'i don bstan ba'i phyir/ tshad ces bya ba ni bod zhes bya ba'i don to zhes bya ba la/ tshad ces bya ba'i don ni bod skyed rje che je cher
 gyur ba la bya'o/ /skad cig ma re re la tha dad pa ma yin na ni tshad kyi bye brag med par 'gyur ro zhes bya ba la/ gal te dngos po de rtag pa zhig yin te/ skad cig ma snga ma 'gag nas skad cig ma phyi ma la gzhan dang gzhan skye
 ba ma yin na ni nur nur po'i tshe bong chung dur gnas pa las mer mer po'i tsha dod chen por 'gyur ba la sogs pa'i snga phyi la tshad che chung gi bye brag med par 'gyur te/ dang por nur nur po'i dus gang yin pa rtag tu yang de 'ba' zhig snang bar 'gyur
 gyi/ mer mer pa la sogs pa'i tshad chen por snang ba nam du yang mi 'gyur ro/ /de lta ni ma yin gyi nur nur po'i dus 'gags nas kyis? mer mer po la sogs pa 'byung ba na skad cig mar rig par bya'o/ /sogs par skye ba la ni sogs pa don
 med par mi 'gyur ba'i phyir te zhes bya ba la sogs pa skye ba la yang sogs pa don med par mi 'gyur ba'i gtan tshigs kyis nang gi 'du byed rnam skad cig mar rig par bya'o/ /sogs pa'i don bstan pa'i phyir/ ston pa ni sogs pa'o zhes smos te/
 sngon dus su nyam chung zhing ring bar gnas pa la/ phyis kha zas dang gnyid la sogs pa'i nyam che zhing tshon por rtas shing brtan pa la sogs pa zhes bya'o/ /'di ltar 'du byed rnams skad cig ma yin pas kha zas la sogs pas rtas pa na sngon nyam chung
 zhing ring pa'i dngos po 'gags nas phyis nyam tsho zhing tshon po'i dngos por skyed bar byed pas na/ sogs pa don med par 'gyur ba ma yin no/ /skad cig ma med na ni de bzhin du 'jug pa'i phyir de yang don med par 'gyur ro/ zhes bya ba la/ gal te dngos
 po rnams skad cig ma snga ma ni 'gags/ phyi ma skye ba lta bur skad cig ma'i rang bzhin ni ma yin gyi/ rtag pa zhig yin na ni rtag pa ni mi 'gyur zhing rtag tu de bzhin du gnas par 'gyur te/ de ltar na sngon ring cing nyam chung ba'i dngos po rnams
 kha zas la sogs pas brtas kyang ring ba nyid kyi ngo bo 'dug gi /tshon po dang nyam chen por 'gyur du mi btub pas kha zas la sogs pas nams kyang nyam chen po dang brtas par ma byas pas na/ kha zas la sogs pa zos pa don med par 'gyur ro/ /de
 lta ni ma yin gyi/ sngar nyam chung zhing ring ba las phyis ? bsal? sogs pa zos pa ni/ phyis nyam che zhing tshon por 'gyur ba la sogs pa don med pa ma yin pa'i phyir 'du byed rnams skad cig ma'o/ /rtag pa yin na sogs pa'i skabs su yang
 skyon gzhan yang yod par bstan pa'i phyir sogs pa nyid kyang mi rung ba'i phyir te/ skad cig ma re re la shin tu skye ba 'byung ba med de sogs pa mi rung ngo/ zhes smos te/ gal te skad cig ma re re la gzhan nas gzhan du 'jig cing 'gyur ba ma yin gyi/
 kha zas nyid kyang lus brtas par byed pa'i mtshan nyid du mi rung ste/ de ci'i phyir zhe na/ rtag pa la ni skad cig ma re re la yang skad cig ma dang mi 'dra ba'i bod je che je ched 'gyur ba 'am/ nyam chen po dang chen por 'gyur bar 'bogs ba med pas kha
 zas zos kyang brtas pa'i las ma byas pa'i phyir kha zas rtas par byed pa'i mtshan nyid du mi 'grub bo/ /gnas kyi dngos por skye ba la ni gnas pa mi srid pa'i phyir te zhes bya ba la/ gnas kyi dngos por skye ba la yang gnas kyi dngos po ni mig gi dbang
 po nas yid kyi dbang po'i bar du dbang po drug go /de la gnas pa ni mig gi rnam par shes pa nas/ yid kyi rnam par shes pa'i bar du rnam par shes pa drug go /de la rnam par shes pa rnams skad cig ma yin te/ gnas pa rnam par shes pa
 rnams la rtag pa med pas de'i gnas dbang po rnams la yang rtag pa yod par mi srid ba'i phyir/ dbang po rnams skad cig mar rig bar bya'o/ /gal te gzhan dag 'di skad du gnas dbang po ni rtag pa yin la/ de la gnas pa'i rnam par shes pa
 rnams ni mi rtag pa yin no snyam du sems na de ltar yang mi rigs par bstan pa'i phyir/ gnas 'dug pa yin la/ de la gnas pa mi 'dug par ni mi rung ste zhes smos te/ gal te mig gi dbang po la sogs
 pa dbang po rnams ni skad cig ma ma yin te/ rtag ba'i mtshan nyid du 'dug na/ de la gnas shing rtan pa'i rnam par shes pa rnams skad cig ma ste/ mi rtag pa ma yin par ni rung ngo/ /de lta bas na dbang po rtag pa zhig yin na ni rnam par shes
 pa yang rtag pa 'gyur to/ /gal te rnam par shes pa mi rtag pa zhig yin na ni dbang po yang mi rtag bar 'gyur ro/ /de'i dpe bstan pa'i phyir smras pa/ bzhin? pa 'dug pa la zhon pa mi 'dug pa bzhin no/ zhes bya ba la sogs pa ste/ bzhon
 pa ni rta la sogs pa'o/ /zhon pa ni de dang 'brel ba'i mi la sogs pa ste/ gal te bzhan pa rta gar yang ma song ste gnas gcig na 'dug na/ de la zhon ba'i mi gnas gzhan du phyin par mi rigs te mi'ang 'dug par 'gyur ro/ /gal te rta la
 zhon pa'i mi gnas gzhan zhig tu phyin na de khyer bar byed ba'i rtas kyang gdon mi za bar gnas gzhan du phyin par 'gyur ro/ /gzhan yang ras tshig na ras la brten ba'i kha dog sngon po la sogs pa yang gdon mi za bar
 tshig bar 'gyur ro/ /gal te kha dog sngon po ma tshig na ras kyang tshig par mi rigs so/ /de ma yin na ni gnas su yang mi rung ngo zhes bya ba la/ gal te rnam par shes pa skad cig ma yin/ dbang po rnams skad cig ma ma yin na te/ rtag
 pa yin na ni dbang po rnams rnam par shes pa'i gnas dang rten du mi rung ngo/ /'gyur ba dang smin pa skye ba dang gnas pa la mi srid de zhes bya ba la/ 'dod chags dang zhe sdang la sogs pa'i dbang gis lus kyi mdog gzhan du skye bar
 'gyur ba dang/ byis pa la sogs pa'i gnas las dar la bab pa la sogs pa'i mtshan nyid smin bar skyes ba yang skad cig ma ma yin zhing/ rtag par gnas pa'i dngos po la ni rnam pa de ltar 'gyur mi srid do/ /ji ltar
 mi srid pa bstan pa'i phyir/ thog ma nas mi 'jig cing mi 'gyur ba'i phyir te zhes bya ba smos te/ rtag pa'i dngos po rnams ni thog ma'i rang bzhin 'jig cing med par yang mi 'gyur la/ sngon dang mi 'dra ba'i mtshan nyid gzhan
 len par yang mi 'gyur te/ rang bzhin gcig par gnas pa ni rnam pa du mar mi 'gyur bas rtag pa la ni 'dod chags la sogs pa'i dbang gis bdag gi lus dang bzhin la sogs ba gzhan du 'gyur mi srid la/ byis pa las dar la
 bab pa la sogs pa smin par yang mi 'gyur ro/ /don de nyid zhib tu bstan pa'i phyir/ de ltar gnas pa la ni 'dod chags la sogs pas 'gyur bar yang mi 'gyur gnas la gzhan du yang smin par mi 'gyur te zhes smos te/ rtag pa'i mtshan
 nyid gnas pa rnams la ni 'dod chags kyi sems skyes pa'i dbang gis gzhan gyi kha dog sngon dang mi 'dra ba'i 'dzum pa la sogs pa'i mtshan nyid du phyis gzhan du 'gyur ba mi 'byung la/ byis pa la sogs pa las kyang phyis dar
 la bab pa la sogs pa'i mtshan nyid du lus bong chen bor smin par mi 'gyur ro/ /ji ltar mi 'gyur ba bstan pa'i phyir/ thog mar mi 'jig tu zin na/ tha mar yang 'gyur ba med ba'i phyir ro/ /zhes smos te/ 'gyur ba'i skye ba la yang 'dod
 chags kyi sems skyes pa na/ dang po sems ma skyes ba'i kha dog la sogs pas ma zhig ma 'gags na ni 'dod chags kyi sems skyes ba'i dus na yang bzhin la sogs ba'i kha dog 'dzum pa la sogs pa'i mtshan nyid du gzhan du 'gyur bar mi
 snang gi 'dod chags 'byung ba'i dus na yang 'dod chags ma byung ba'i dus kyi bzhin de nyid snang bar 'gyur ro/ /rnam par smin pa mang yang gal te rtag pa zhig yin yang byis pa'i mtshan nyid gzhan du gyur nas mi
 'jig tu mi btub na ni dar la bab pa'i dus na yang lus kyi bong tshod chen po la sogs par gzhan du mi 'gyur gyi/ dus thams cad du yang byis pa'i rang bzhin 'ba' zhig tu gnas shing snang bar 'gyur ro/ /de lta na mi yin gyi/ 'dod
 chags kyi sems skyes pa na sngon gyi bzhin dang kha dog 'gags nas phyis de ma yin pa'i bzhin dang kha dog gzhan 'byung ba dang/ smin pa la yang byis pa la sogs pa'i dus kyi lus kyi bong tshod la sogs pa 'gags nas phyis de ma yin
 par dar la bab pa la sogs pa'i lus kyi bod tshod gzhan skyes te/ de bas na skad cig mar grub bo/ /de ltar thog mar mi 'jig pa dang mi 'gyur ba'i gtan tshigs kyis 'gyur ba dang/ smin pa'i skye ba gnyis skad cig mar bsgrubs so/ /yang thog
 mar mi 'jig cing mthar mi 'gyur ba'i gtan tshigs de nyid mchog dang tha ma'i skye ba'i skad cig mar bsgrubs pa'i phyir/ de bzhin du tha ma dang mchog skye ba la yang skad cig mar rig par bya'o/ /zhes smos te/ ji ltar 'gyur ba dang/ smin pa
 skye ba la thog ma nas mi 'jig cing mi 'gyur ba'i gtan tshigs kyis skad cig ma bsgrubs pa de bzhin du tha ma dang/ mchog tu skyes pa la yang thog ma nas mi 'jig cing mi 'gyur ba'i gtan tshigs de nyid kyis skad cig mar bsgrubs par rig
 par bya'o/ /gtan tshigs de nyid kyis ji ltar skad cig mar sgrub pa bstan pa'i phyir/ ji ltar smin pa skye ba bzhin du 'du byed de bzhin gnas pa la yang las kyis bag chags 'jog par mi 'gyur ro zhes bya ba smos te/ ji ltar byis pa las
 dar la bab ba la sogs par smin par 'gyur ba la/ dang po byis pa'i dus mi 'jig cing/ dar la bab pa'i dus la yang gzhan du ma gyur na ni rtag tu byis pa 'ba' zhig tu snang bar 'gyur gyi/ dar la bab pa la sogs pa'i mtshan nyid du nams kyang
 snang bar mi 'gyur ro/ /de bzhin du 'du byed rnams de bzhin du gnas te rtag pa zhig yin na ni sngon lha dang mi la sogs ba'i gnas na dge ba byed byed pa las/ dge ba byed ba'i las 'gags nas mi dge ba'i las byas pa'i bag chags
 kyis phyis ngan song gsum du sdug bsngal gyi 'bras bu myong bar yang mi 'gyur te/ lha dang mi'i gnas su yang sdug bsngal gyi rang bzhin nyid dang ldan par 'gyur ba dang/ sdon dan song gsum gyi gnas na sdug bsngal ba'i rang bzhin du gnas
 pa las dge ba'i las byas ba'i bag chags kyis sngar sdug bsngal myong bar 'gags nas phyis bde ba myong bar mi 'gyur gyi/ rtag tu sdug bsngal ba dang ldan pa nyid du 'gyur ro/ /gang gi phyir ngan 'gror skye ba dang/ bzang 'gror skye bar yang
 rim gyis rgyud yongs su 'gyur ba'i bye brag las na 'jug pa rnyed par 'gyur ro zhes bya ba la/ de lta ni ma yin gyi sngon ngan song gsum gyi gnas su gnas par mi dge ba byed byed pa'i skad cig ma 'gags nas phyis dge ba byas pa'i rgyud bag chags je rtas
 su 'gyur ba'i bye brag las phyis lha dang mi'i bde 'gror 'bras bu bde ba myong bar 'gyur ba dang/ sngon lha dang mi'i nad na gnas pa na las dge ba byed byed pa las sdar las dge ba byas pa/ /'gags nas phyis las mi dge ba byas pa'i bag chaD
 je rtas je rtas su gyur pas mjug tu ngan song gsum du sdug bsngal ba'i 'bras bu myong bar 'gyur te/ mi rtag pa la ni de ltar 'gyur gyi/ rtag pa zhig na ni yang na rtag tu sdug bsngal 'ba' zhig myong bar 'gyur/ yang na rtag tu bde ba 'ba' zhig
 myong bar 'gyur gyi/ bar 'ga' bde bar 'gyur/ bar 'ga' sdug bsngal bar 'gyur ba lta bur rnam pa du mar ni mi 'gyur ro/ /thog mar ni mi 'jig cing mthar mi 'gyur ba'i gtan tshigs nges
 'od gsal ba dang/ 'od mi gsal ba la yang skad cig mar bsgrub pa'i phyir/ 'od gsal ba dang/ 'od mi gsal ba'i skye ba ni/ de bzhin du skad cig mar rung ngo/ zhes bya ba smos te/ gal te thog ma nas mi 'jig cing mi 'gyur ba med la/ dngos
 po rnams skad cig mar 'gyur na ni sngon 'od gsal ba las phyis 'od mi gsal bar 'gyur ba dang/ sngon 'od gsal ba las phyis 'ong mi gsal bar rung ngo/ /rtag ba las sngon 'od mi gsal ba las phyis 'od gsal ba'i mtshan nyid du mi rung
 bar bstan pa'i phyir/ 'od gsal ba ni de ltar gnas pa las mi 'byung ba'i phyir te/ 'byung ba ni sems la rag lus pa'i phyir ro zhes smos te/ mi 'jig cing 'gyur ba med de rtag pa'i mtshan nyid du gnas pa las ni sngon 'od mi gsal ba
 las phyis 'di gsal ba'i mtshan nyid 'byung mi srid de yang na ni rtag par 'od mi gsal bar 'gyur/ yang na ni rtag par 'od gsal bar 'gyur te/ sngon 'od mi gsal ba las phyis 'od gsal bar gyur na ni skad cig ma yin no/ /ci'i
 phyir zhe na/ 'phrul dga' la sogs pa'i lha'i ris ni 'od mi gsal ba las 'od gsal bar 'byung ba ni sems la dag lus shing sems kyi rgyu las skyes te/ de bas na sems skad cig ma yin pa'i phyir/ de las skyes pa'i bzhin
 gyi mdog dang lus la sogs pa 'bras bur gyur pa'i chos rnams kyang skad cig ma yin par rig par bya'o/ /'jig pa med cing mi 'jig pa'i dngos po la/ 'od gsal ba las 'od mi gsal bar 'gyur ba mi srid par bstan pa'i phyir/
 'od gsal ba ma yin pa la yang thog ma 'jig pa med par mthar 'gyur ba mi rung ba'i phyir ro zhes smos te/ thog mar 'od gsal ba'i rang bzhin du gnas pa las phyis 'od mi gsal ba'i rang bzhin du 'gyur ba yang thog ma nas
 'jig pa med cing rtag pa'i dngos po la ni sngon 'od gsal ba las tha mar 'od mi gsal ba lta bur 'gyur bar mi rung ste/ de bas na sngon 'od gsal bar gnas pa'i dngos po 'gags nas phyis 'od mi gsal ba'i ngo bo 'byung
 bas na dngos po rnams skad cig ma yin par rig par bya'o/ /yul gzhan du skye ba 'gro ba la yang 'gro ba med pa'i phyir te/ zhes bya ba la/ yul gzhan du skye ba'i 'gro ba la yang 'gro ba med pa'i gtan tshigs kyis na skad cig mar
 rig par bya ste/ 'di ltar dngos po rnams skad cig ma'i ngang? gi yul gcig nas gcig tu 'phos pa ma gtogs par yul gcig nas gcig tu 'pho bar byed pa'i 'gro ba zhes bya ba gang yang med pas na/ 'du byed rnams skad cig
 mar rig par bya'o/ /don de nyid bstan pa'i phyir/ 'du byed rnams yul gzhan du 'pho ba'i mtshan nyid 'gro ba zhes bya ba'i byed pa gang yang med de zhes smos te/ 'du byed rnams skad cig ma snga ma ni 'gags/ skad cig ma phyi ma ni skye ba'i tshul
 gyis yul gzhan du 'pho zhing phyin par zad kyi/ de la ma gtogs par 'du byed rnams yul gcig nas gcig tu 'pho bar byed pa'i mtshan nyid 'gro ba zhes bya ba'i byed pa po rdzas gzhan ni gang yang med do zhes bya ba'i don to/ /'du byed skad cig
 ma las ma gtogs pa'i 'gro ba byed pa po gang yang med par gtan tshigs kyis bstan pa'i phyir/ de'ang 'gro ba skyes pa 'am ma skyes pa yul gzhan du byed grang na zhes smos te/ 'gro ba des 'du byed rnams yul gzhan du 'pho bar byed na/
 'du byed gnas pa'i mtshan nyid zhig yin pa las/ 'gro ba zhes bya ba'i chos skyes nas gdod 'du byed rnams yul gcig nas gcig tu 'pho bar byed dam/ 'on te 'gro ba ma skyes pas 'du byed yul gzhan nas gzhan
 du 'pho bar byed ces bya grang na/ de gnyi ga ltar yang mi rigs so/ /de la phyogs dang po bstan pa mi rigs pa'i phyir/ gal te skyes pa yin na ni de'i phyir 'gro ba'i dus na gang yang ma song bas 'dug pa la ni 'gro ba mi rung ngo zhes smos te/
 gal te 'gro ba skyes pa zhig gis 'du byed gnas pa yul gzhan du 'pho ba byed ces bya bar yang 'du byed nyid gnas pa'i rang bzhin can yin te/ 'du byed de la 'pho ba'i rang bzhin med pas na/ 'gro ba skyes pa'i dus na yang 'du byed gang
 yang ma? sod? ste 'dug pas na/ 'gro bar byed pas 'du byed yul gzhan du sbos shing 'gro bar byas pa mi rung ngo/ /gal te 'du byed rnams gnas pa'i rang bzhin can ma yin te/ yul gzhan du 'gro ba'i rang bzhin can yin na ni 'du byed nyid
 yul gzhan du sod bas de la ma gtogs pa'i 'gro bar byed pa'i rdzas gzhan yod par mi rung ngo/ /phyogs gnyis pa mi rigs par bstan pa'i phyir/ de ste ma skyes pa yin na ni de'i phyir 'gro ba med par sod ba zhes bya bar mi rung ngo zhes smos te/ 'di
 ltar 'gro ba da dung ma skyes pas 'du byed yul gzhan spongs zhes byar yang mi rung ste/ 'gro ba med pa des 'du byed yul gzhan du spong bar mi nus ba'i phyir ro/ /'du byed ma gtogs par 'gro bar byed pa rdzas gzhan med par gtan tshigs gzhan
 gyis kyang dpyad de/ 'di ltar 'gro bar byed pa des 'du byed yul gzhan du spos na 'gro bar byed pa nyid yul 'di na gnas pas 'du byed yul gzhan du spong bar byed dam/ 'on te 'gro bar byed pa yul gzhan la gnas pas 'du byed yul
 'di na gnas yul gzhan du spong bar byed grang na/ gnyi ga ltar yang mi rigs so/ /de la dang po'i phyogs mi rigs par bstan pa'i phyir/ byed pa de yang yul de? de? na gnas gzhin du 'du byed kyi bya ba byed na/ gnas pas yul gzhan
 du phyin par mi rung ngo zhes smos te/ 'gro bar byed pa yul 'di na gnas pa des bdag nyid yul de na gnas bzhin du 'du byed rnams yul gzhan du phyin par byed par ni mi 'gyur te/ bdag nyid yul de na gnas te yul gzhan du
 ma song na/ 'du byed yul gzhan du phyin par ni mi rung ngo/ /dper na rtas mi khyer te/ yul gzhan du phyin par byed pa yin na/ gal te rta nyid yul de na gnas te/ yul gzhan du ma phyin na rta de la zhon pa'i mi yul gzhan
 du phyin cing bskyal to zhes bya bar mi rung ba bzhin no/ /phyogs gnyis bar mi rigs par bstan pa'i phyir/ de ste yul gzhan du gnas pa yin na ni/ byed pa med bar yul gzhan du mi phyin pa'i phyir mi rung ngo zhes smos te/ gal te
 'gro bar byed pa yul gzhan la gnas pas 'du byed 'di na gnas pa 'pho bar byed do zhes bya ba ni 'gro bar byed pa yul gzhan la gnas par byed pa yin pas 'du byed 'di na gnas pa yul gzhan du 'pho bar byed par mi rung
 bar 'gyur te/ dper na shar phyogs na gnas pa'i rtas nub phyogs na gnas pa'i mi yul gzhan du bskyal bar mi nus pa bzhin bas de ltar yang mi rung ngo/ /gzhan yang 'di dpyad bar bya ste/ 'gro bar byed pas 'du byed
 yul gzhan du phyin par byed na 'du byed sngar skyes la 'gro bar byed pa'i sa skyes pas 'du byed yul gzhan du phyin par byed dam/ yang 'du byed sngar skyes pa la/ 'gro bar byed la phyis skyes pas 'du byed yul gzhan du phyin
 par byed dam/ yang 'du byed dang 'gro bar byed pa gnyi ga mgo mnyam du skyes pas 'gro bar byed pas 'du byed spong grang na/ rnam pa gsum car ltar yang mi rigs so/ /de la 'gro bar byed pa sngar
 skyes pas/ 'du byed phyis skyes ba spong bar byed ces byar ni 'gro bar byed pa skyes pa'i dus na 'du byed ma skyes pas na/ 'du byed med pa la 'gro bar byed pas yul gzhan du spor med de/ lha byin skyes pas bu ma skyes pa gsor med
 pa bzhin no/ /gal te 'du byed sngar skyes la 'gro bar byed pa phyis skyes pas 'du byed yul gzhan du spong bar byed ces byar yang 'du byed skyes pas na/ 'gro bar byed pa da rung ma skyes te med pas 'gro bar byed pa med pa des/ 'du
 byed yul gzhan du spong mi nus te/ dper na rta da rung ma skyes pas mi yul gzhan du bskyal bar mi nus pa bzhin no/ /'du byed dang 'gro bar byed pa gnyis mgo mnyam du skyes pas kyang/ 'gro bar byed pas 'du byed yul
 gzhan du spong bar mi nus te/ dper na glad gi rwa g.yas g.yon gnyis mgo mnyam du skyes pa gang gis kyang gang bskyed pa'i rgyu ma byas pa dang 'dra bar 'du byed dang 'gro bar byed pa gnyi ga mgo mnyam du yul gzhan du phyin na/ 'gro
 bar byed pa gnyi ga 'du byed cung zad kyang yul gzhan du spos pa med do/ /byed pa ni yul de dang gzhan du gnas pa'i 'du byed las kun la yang mi dmigs te zhes bya ba la/ 'du byed rnams skad cig ma'i ngang gis skye zhing
 'gags nas skad cig ma phyi ma la yul gzhan du phyin pa la ma gtogs par 'gro bar byed pa zhes bya ba rdzas gzhan ni gang yang med do zhes bya ba'i don to/ /don de nyid bstan pa'i phyir/ /de bsan 'du byed rnams yul
 gzhan du skye ba las 'gro ba gzhan med de zhes smos te/ gong du bshad pa ltar na 'du byed rnams skad cig ma'i ngang gis rgyun mi 'chad par yul gzhan du 'phos pa ma gtogs pa'i 'gro bar byed ba zhes bya ba'i rdzas gzhan ni gang
 yang med do zhes bya ba'i don to/ /tshig de dag gi mjug bsdu ba'i phyir/ de med pa'i phyir skad cig mar grub bo zhes smos te/ de ltar 'du byed rnams yul gzhan du phyin par byed pa'i 'gro bar byed pa gzhan gang yang med pas
 na/ 'du byed rnams skad cig mar grub bo zhes bya ba'i don to/ /yul gzhan du bar chad med par skye ba'i mtshan nyid 'gro ba la ni rgyu mang po rig par bya ste zhes bya ba la/ skad cig ma snga ma 'jig phye ba skyes pa'i tshul du 'du byed rnams
 yul gzhan du phyin bar byed pa la/ rgyu mang pos yul gzhan du phyin par byed pa yod de zhes bya ba'i don to/ /sems kyi dbang gis 'gro ba yang yod do zhes bya ba la/ sems kyi rgyu byas nas 'du byed rnams yul gzhan du phyin pa la yod
 de/ dper na 'chag pa bsams pa'i sems kyi dbang gis lus la sogs pa'i skad cig ma'i rgyun gyi gom pa bor nas yul gzhan du phyin pa'o/ /sngon gyi las kyis 'phangs pa yang yod de/ zhes bya ba la/ sngon gyi las kyi rgyu'i phugs kyis
 'du byed rnams yul gzhan du phyin pa yod de/ dper na srid pa bar ma do'i sems can lta bu sngon gyi las kyi dbang gis ma'i mngal du 'pho ba'o/ /'phen pa'i dbang gis 'gro ba yang yod de zhes bya ba la/ 'phen bas rgyu byas nas 'du byed rnams
 yul gzhan du phyin pa yang yod de/ dper na mda''phen pa'i ma'i dbang gis mda' yul gzhan du phyin pa lta bu'o/ /'brel pa'i dbang gis 'gro ba yang yod de zhes bya ba la/ kha cig 'brel pa'i dbang gis rgyu byas nas 'du byed yul gzhan
 du phyin pa yang yod de/ dper na rta la mi zhon te rta dang mir 'brel ba yul gzhan du phyin na mi 'di yul gzhan du phyin pa dang/ chu dang gzings su 'bral bas chu gang du phyin pa gzings kyis kyang phyin pa lta bu'o//
 bskyod pa'i dbang gis 'gro ba yang yod de zhes bya ba la/ bskyod pas rgyu byas nas 'du byed yul gzhan du phyin pa'ang yod de/ dper na rlung gis bskyod nas rlung gis rtswa dang 'dab ma la sogs pa yul gzhan du phyin pa lta bu'o/ /rang bzhin gyi
 dbang gis 'gro ba yang yod de zhes bya ba la/ rang bzhin gyis rgyu byas nas 'du byed rnams yul gzhan du phyin pa'ang yod de/ dper na rlung thad kar 'gro ba'i rang bzhin yin pas 'di langs pa'i rlung yul gzhan du phyin par snang ba dang/ me gyen du 'bar?
 ba'i rang bzhin yin pas nam mkha' i phyogs mthon po dag tu me lce 'bar bas phyin par snang ba dang/ chu 'thur du 'bab pa'i rang bzhin yin pas gshod la sogs pa 'thur du bab nas yul gzhan du phyin pa lta bu'o/ /mthu 'gro ba yang yod de zhes bya ba
 la/ 'du byed kha cig ni mthu rgyu byas nas yul gzhan du phyin pa yang yod de/ dper na sngags pa dag sngags kyi mthu yul gcig nas gcig tu phyin par byed pa dang/ sman 'thungs pa 'am/ lus la bskus pa'i mthus sems can rnams yul gzhan du
 phyin pa dang/ rdo khab long gi mthus lcags dag 'gul zhing gyen du 'byung ba dang thad kar 'gro bar byed pa dang/ rdzu 'phrul thob pa'i sems can dag la rdzu 'phrul gyi mthus yul gzhan nas gzhan du phyin pa'o/ /sa bon can dang sa bon med pa'i
 dngos po skye bas skad cig mar rig par bya ste/ zhes bya ba la/ sngon nyon mongs pa'i sa bon dang bcas par gnas pa las 'phags pa'i lam bsgom pa'i mthus phyis nyon mongs ba med pa'i dngos por skyes te/ de bas na skad cig mar rig par bya'o/ /tshang
 ma gang gis de skad cig mar rig par bya zhe na/ de'i phyir gnas pa la mi rung ba dang/ tha ma la mi srid pa'i phyir ro zhes smos te/ dngos po rnams skad cig ma ma yin gyi/ rtag pa'i rang bzhin du gnas pa la ni sngon sa bon can las phyis sa bon med par
 'gyur bar yang mi rung ste/ rtag tu sa bon dang bcas par 'gyur ro/ /de ltar rtag par sa bon dang bcas par 'gyur na ni 'phags pa dgra bcom pa'i phung po lta bu phung po'i lhag ma dang bcas pa'i mya ngan las 'das pas sa bon med pa'i rang bzhin dang/
 phung po lhag ma ma lus par spangs pa'i mya ngan las 'das pa'i dbyings su 'jug pa'i phung po tha ma zhes bya ba yang yod mi srid par 'gyur ro/ /don de nyid zhib tu bstan pa'i phyir/ sa bon dang sa bon med pa'i dngos por skye ba skad cig ma ni gnas bar mi
 rung ba'i phyir te zhes smos te/ sdang sa bon dang bcas par gnas pa las de 'gags nas phyis kyang nyon mongs pa'i sa bon dang bcas pa'i sems gzhan du 'byung ba dang/ sngar sa bon dang bcas par gnas pa las skad cig ma de 'gags nas phyis sa bon
 med pa'i dngos po skad cig ma skye ba yang skad cig ma ma yin pa rtag par gnas pa'i dngos po la ni de lta bu 'byung bar mi rung ngo/ /de la rtag pa'i dngos po la ni sa bon dang bcas pa'i sems snga ma 'gags nas/ sa bon dang bcas pa'i sems phyi
 ma skye ba mi rigs par bstan pa'i phyir/ skad cig ma re re la rgyur 'gyur ba med par de bzhin du gnas pa la ni dus gzhan gyi tshe sa bon gyi dngos por mi rung ngo zhes smos te/ 'di ltar sa bon dang bcas pa las sa bon dang bcas par 'byung ba yang/ sa bon
 dang bcas pa'i skad cig ma snga ma 'gags pas rgyu byas nas sa bon dang bcas ba skad cig ma phyi ma skye ba yin na/ rtag ba'i dngos po de bzhin du mi 'gyur bar gnas pa rnams la ni skad cig ma snga ma snga ma ni rgyu/ phyi ma phyi ma ni 'bras bu lta bur
 'byung ba med de/ de ltar ma byung na sa bon dang bcas pa'i skad cig ma snga ma 'gags nas phyi ma sa bon dang bcas pa'i skad cig ma gzhan skyes byar yang mi rung ste/ rtag tu yang rang bzhin gcig pa 'ba' zhig
 tu gnas bar 'gyur ro/ /de yang dper na sa bon las myu gu skye ba sngar sa bon 'gags nas phyis gdong myu gu skye ba yin gyi/ sa bon ma 'gags pa ni nam yang myu gu mi skye ba bzhin no/ /rtag pa'i dngos po rnams la sngar sa bon yod bar
 gnas pa las phyis sa bon med pa'i dngos bor 'byung bar mi srid par bstan pa'i phyir/ skad cig tha ma la sa bon med pa yang mi rung ste zhes smos te/ gal te dngos po rtag pa yin te/ mi 'jig par rtag tu de bzhin du gnas na ni sngar sa bon
 dang bcas pa las dgra bcom pa thob pa'i dus kyi skad cig ma tha ma la sa bon med pa'i dngos por mi 'gyur bar mi rung ste/ rtag pa la ni sa bon dang bcas pa dang sa bon med pa rnam pa gnyis su 'gyur mi srid do/ /rtag pa la sngar sa bon dang
 bcas pa las phyis sa bon med pa'i mtshan nyid du ci'i phyir 'gyur mi srid pa bstan pa'i phyir/ sngon sa bon dang bcas pa la skad cig ma tha ma la sa bon med par khas blang du mi rung ngo zhes smos te/ sa bon ni sa bon dang bcas pa'i skad cig ma
 'gags nas skad cig ma tha ma la sa bon med pa'i skad cig ma skye ba yin na/ rtag pa la ni sngar sa bon nas phyi ma gzhan skye ba med pas so so'i skye bo'i dus na ni sems dang sems las byung ba sa bon dang bcas par gnas pa las/ tha ma dgra
 bcom pa'i phung po'i dus na ni sa bon med bar gyur to zhes khas blang bar mi nus so/ /de med na tha ma yang mi srid de 'di ltar tha ma nyid kyang mi 'byung ngo zhes bya ba la/ gal te sa bon dang bcas pa'i skad cig ma ni 'gags/ phyis sa bon med pa'i
 skad cig ma skyes ba ni ma yin gyi/ dus thams cad du rtag bar gnas na ni/ rtag tu yang sa bon dang bcas pa'i dngos por gnas kyi sa bon med par 'gyur bar ni phyis kyang med par 'gyur te/ sa bon med pa'i dngos po phyis med bar gyur
 bas na/ dgra bcom pa'i phung po tha ma zhes bya ba yang yod mi srid par 'gyur ro/ /de ltar phung po tha ma mi srid bar gyur na/ dgra bcom pa'i phung po tha ma 'byung ngo zhes bya ba yang mi 'byung bar gyur pas dgra bcom pa la sogs pa yang med
 par 'gyur ro/ /gzugs brnyan skye ba la skad cig ma ni sems kyi rjes su 'brang ba las rig par bya ste zhes bya ba la/ rnam par thar pa brgyad bsgom pa dag sems las thams cad sngon por snang ba dang/ thams cad ser por snang ba la sogs
 pa'i gzugs brnyan 'byung pa yang sems kyi dbang gis 'byung bas na skad cig mar rig par bya'o/ /don de nyid gsal bstan pa'i phyir/ skad cig ma re re la yang sems kyi dbang gi de skye pa'i phyir ro/ /zhes bya ba smos te/ skad cig ma re re
 la ser po dang sngon po la sogs pa gzugs brnyan snang ba yang rnal 'byor pa'i sems kyis ji lta ji ltar bsams pa de lta de ltar snang ste/ sems kyi dbang gis snang la sems kyang skad cig ma yin pas na sems las skyes pa'i sngon po la sogs
 pa'i gzugs brnyan yang skad cig mar rig par bya ste/ rgyu skad cig ma yin pa las 'bras bu skad cig ma yin ba 'byung ba mi srid par ni gong du sun phyung ba bzhin no/ /de ltar tshigs su bcad pa lngas nang gi 'du byed rnams skad cig mar bsgrubs
 nas/ da ni tshigs su bcad pa gsum zhig phyi'i 'du byed rnams skad cig mar bsgrub bo/ /'byung ba rnams dang don drug la/ /skad cig mar ni brjod bar bya zhes bya ba la/ phyi'i 'du byed 'di dag ste/ sa dang chu dang me dang rlung ste/ 'byung ba chen po
 dang/ kha dog dang dri dang ro dang reg dang sgra dang chos kyi skye mched kyi gzugs so/ /de la chos kyi skye mched kyi gzugs ni rnam par rig byed ma yin pa'i gzugs te/ de rnams skad cig mar brjod do/ /skam dang skye dang
 zhes bya ba la/ 'byung ba chen po bzhi las chu'i khams ni skam pa dang/ /skye ba'i gtan tshigs kyis skad cig mar brjod do/ /rang bzhin gyis g.yo zhing skye dang 'bri ba'i phyir zhes bya ba la/ rlung gi khams ni rang bzhin gyis g.yo ba dang
 skye zhing 'bri ba'i gtan tshigs kyis skad cig mar brjod do/ /sa ni de las 'byung ba dang zhes bya ba la sa'i khams ni chu dang rlung las 'byung ba'i gtan tshigs nyid kyis skad cig mar brjod do/ /kha dog ro dri reg pa yang/ /mtshungs
 bas de yang de bzhin no zhes bya ba la/ don drug las kha dog dang/ dri dang ro dang reg pa bzhi ni/ chu dang sa dang rlung la brten te/ de dag dang rang bzhin gcig pas ni sa dang chu dang rlung gi skabs skam pa dang skye ba dang la sogs pa'i
 gtan tshigs nyid kyis skad cig mar brjod do/ /'byung ba shing la rag lus shing zhes bya ba la/ me'i khams skad cig mar 'byung ba yang shing la rag lus pa'i gtan tshigs kyis skad cig mar brjod do/ /je che je cher dmigs
 pa'i phyir zhes bya ba la sgra ni je che je cher dmigs pa'i gtan tshigs kyis skad cig mar brjod do/ /sems kyi rjes 'brang zhes bya ba la/ chos kyi skye mched kyi gzugs rnam par rig byed ma yin pa'i gzugs kyang sems kyi rjes su 'brang
 ba'i gtan tshigs kyis skad cig mar rig bar bya'o/ /'dri ba la/ phyi rol rnams kyang skad cig ma zhes bya ba la/ skad cig mar mi 'dod pa rnams la 'dri ba'i gtan tshigs kyis 'byung ba chen po bzhi dang/ don drug po
 thams cad skad cig mar rig par bya'o/ /ji ltar brjod ce na zhes bya ba ni 'byung ba chen po bzhi dang/ don drug po rnams gtan tshigs dang tshad ma gang gis skad cig mar brjod ces bya ba'i don to/ /chu ni skam zhing skye ste zhes
 bya ba la/ chu'i khams ni skam pa dang skye ba'i gtan tshigs kyis skad cig mar brjod do zhes bya ba'i don to/ /don de nyid bstan pa'i phyir/ lted ka dang/ mtsho dang rdzing la sogs pa'i chu bags kyis skye ba dang skam bar dmigs
 te zhes smos te/ lteng ka dang mtsho la sogs pa dbyar lta bu char chu che ba'i dus na ni char zhag du ma'i snga rol nas bab la/ chu nyin cig gis lhug ces chen por snang bar mi 'gyur gyi/ skad cig ma re re khang kyis je che je cher snang
 ba dang/ dgun dpyid la sogs pa char chung zhing nyi ma che ba la sogs pa'i dus na yang nyin gcig du tug ces mi skam gyi skad cig ma re re khang kyis je chung je chung du skam zhing 'bri bas na chu skad cig ma yin par mngon no/ /skad
 cig ma re re mi 'byung ba med na phyis bye brag tu 'gyur ba'i rgyu med pa'i phyir de gnyi ga yang mi rung ngo/ /gal te chu 'di rtag pa zhig ste/ skad cig ma re re la snga ma ni 'gags nas phyi ma ni je che je cher 'gyur ba med pa dang/ 'bri ba'i
 dus na yang khang kyis je chung je chung du 'gyur ba med na ni dus gcig tu cher snad ba'i rgyu yang med la/ dus gcig du chung du snang ba'i rgyu yang med pas rtag pa zhig na ni yang na rtag par chen po 'ba' zhig du snang bar 'gyur/ yang na
 rtag phan tshun du 'ba' zhig du snang bar 'gyur gyi/ bar 'ga' je cher snang ba dang bar 'ga' je chung du snang ba gnyis 'byung du mi rung ngo/ /rlung yang rang bzhin gyis g.yo ba dang skye ba dang 'bri ba'i phyir te zhes bya ba la/ rlung yang
 skad cig mar brjod pa ni rang bzhin gyis g.yo ba'i gtan tshigs dang/ skye ba'i gtan tshigs dang/ 'bri ba'i gtan tshigs kyis skad cig mar brjod do zhes bya ba'i don to/ /de nyid kyi don rgyas par
 bstan ba'i phyir/ gnas pa la ni g.yo ba med par 'gyur te/ 'gro ba med pa de ni bsgrubs zin to zhes bya ba la/ skad cig ma ni ma yin gyi/ rtog pa'i mtshan nyid du gnas pa'i dngos po la ni gnas gcig nas gcig tu phyin
 par byed pa'i rang bzhin med de/ rtag pa la 'gro ba med par ni sngar bsgrubs zin te/ ji ltar bsgrubs she na/ dngos bo rnams skad cig ma'i dang gis yul gzhan du phyin pa la ma gtogs par dngos po yul gcig nas gcig tu phyin bar
 byed ba'i 'gro bar byed pa ni gang yang med do zhes bsgrubs zin to/ /rlung ni de lta ma yin gyi/ shar gyi phyogs la sogs pa nas langs nas nub la sogs pa'i phyogs su phyin par 'gro bas na skad cig mar rig par bya'o/ /de bzhin du
 gnas ba'i phyir skye ba dang 'bra ba med do zhes bya ba la/ rtag pa'i dngos po ni dus thams cad du yang skye ba dang 'bri ba med par gnas pa'i phyir bar 'ga' 'bri bar mi 'gyur ro/ /de lta na ni ma yin gyi rlung 'di dang po chung dud langs
 pa las phyis je che je cher ldang? ba dang/ dang por chen por langs pa las phyis je chung je chung ngu 'gyur bas na skad cig mar rig par bya'o/ /sa ni de las skyes pa dang/ 'gyur ba bzhi'i phyir te/ zhes bya ba la/ sa skad cig mang brjod
 pa yang de las skyes pa'i gtan tshigs dang/ 'gyur pa'i gzhi'i gtan tshigs kyis skad cig mar brjod do zhes bya ba'i don to/ /de la skyes pa zhes bya ba'i sgra gang la bya bar bstan pa'i phyir/ de zhes bya ba ni chu dang rlung gnyis la bya'o zhes smos te/ de zhes
 bya ba'i sgra chu dang rlung gnyis la bya ste/ chu dang rlung gnyis las sa skyes pas na skad cig mar rig par bya'o/ /chu dang rlung gnyis las ji ltar sa skyes ba bstan pa'i phyir/ chags pa ni chu dang rlung du bcas pa las 'byung ste/ de'i phyir de'i 'bras bu'o zhes
 bya ba smos te/ dang po 'jig rten chags pa na thog ma nyid du las kyi dbang gis nam mkha' la rlung gi khams chags so /de nas 'khor lo'i rgyun tsam gyi char bab nas chu'i khams chags so/ /de nas rlung gis chu bskyod pas chu'i sbu ba
 las ri rab dang/ gling bzhi la sogs pa gyur te/ de bas na ni chu dang rlung gi 'bras bu yin la/ chu dang rlung ni sa'i rgyu yin no/ /de'i 'bras bu yin pas na de'ang skad cig mar rig par bya'o zhes bya ba la/ sa chu dang rlung gi 'bras bu yin la/ chu
 dang rlung gnyis ni skad cig ma yin par bsgrubs pas/ de'i 'bras bu yang skad cig ma yin par rig par bya ste/ rgyu skad cig ma yin pa las 'bras bu skad cig ma ma yin pa rtag pa 'byung bar ni mi srid pas gong du bsgrubs zin to/ /sa la 'byung
 ba rnam pa bzhi dmigs te zhes bya ba la sa 'di la sngon dang mi 'dra bar kha dog dbyibs la sogs ba gzhan dang gzhan du 'gyur ba rnam pa bzhi dmigs pas na/ sa skad cig ma rig par bya'o/ /sems can rnams kyi las kyi bye brag gi phyir/
 las kyis byas pa dang zhes bya ba la/ sa la las kyis byas pa'i dbang gis gzhan du 'gyur ba yod de/ 'di ltar mtho ris la sogs pa'i gnas na lha rnams kyi las dge ba'i dbang gis sa gzhi shing bal bzhin du 'jam zhing mnyen pa dag 'byung
 pa dang/ sems can dmyal ba la sogs pa'i gnas na sems can dmyal pa las mi dge ba'i las kyi bye brag gi dbang gis sa gzhi lcags bsregs pa rab tu tsha ba dang bcas pa dang dam grog dang tsher ma la sogs pa'i sdug bsngal rnams pa sna tshogs
 'byung bdag kyang snang ngo/ /gzhan yang sa gzhi gcig las sems can gyi rmo brko dang lag byad kyis ma phyin pa'i dus na ni lo tog la sogs pa mi 'khrungs la/ sa de nyid la rmo brko ba la sogs pa lag byad kyis
 phyin pa'i dus na lo tog bzang du skye bas na skad cig ma ste/ 'di ni 'gyur ba rnam pa gcig go /bsnun pa la sogs pa dag gis 'jig pa byas pa dang zhes bya ba la/ tho ba dang 'jor la sogs pas bsnun cing bkro ba'i dbang gis kyang sa gzhan
 du 'gyur te/ sngon khung dang gshod du mi gnas pa las 'jor gyis brkos pa dang/ khung bu dang gshod du 'gyur te/ 'di ni 'gyur ba rnam pa gnyis so/ /me la sogs pa 'byung bas byas pa dang zhes bya ba la/ me la sogs pa 'byung ba chen
 po'i dbang gis kyang sa gzhan du 'gyur te/ mes bsregs na kha dog sngon po dang/ dmar por 'gyur ba dang/ rlung gis bdas na mtho ba las dma' bar 'gyur ba dang/ chur bcug na gsher ba dang/ zhig bar 'gyur ba ste/
 'di ni 'gyur ba rnam pa gsum mo/ /dus gzhan du 'pho ba'i phyir dus kyis byas pa'o zhes bya ba la/ sa'i dus kyis byas nas gzhan du 'gyur ba yod de/ dus bzang po'i tshe na 'bru la sogs pa bzang du 'khrungs pa'i gzhi byed pa las dus ngan
 pa'i tshe na 'bru la sogs pa ngan du 'khrungs pa'i rgyu byed pa dang/ dbyar gyi tshe na rtswa la sogs pa sngon po skyed par byed la/ dgun gyi dus na ni skya bor 'gyur zhing 'khyags pa la sogs pa'i rang bzhin du 'gyur ba dang/ sa phyogs kha cig na sngon
 dgon par gnas pa las phyis grong dang 'gro ba lang long dag na gnas par gyur pa dang/ sngon grong na gnas par gyur pa las/ phyis dgon par gyur pa dag snang ste/ 'di ni 'gyur ba rnam pa bzhi'o/ /de'ang skad cig ma re re la 'jug pa'i rgyu med na
 de skye bar mi rung ngo zhes bya ba la/ de ltar 'gyur ba rnam pa bzhi po de yang skad cig ma re re la skye zhing 'jig par 'gyur ba med de/ rtag pa'i dngos po la ni gzhan nas gzhan du 'gyur ba rnam pa bzhi 'byung bar mi rung ste/ de ltar na ni ma yin gyi/ 'gyur ba
 rnam pa bzhi dmigs pas na/ sa yang skad cig ma yin par rig par bya'o/ /kha dog dang dri dang ro dang reg ba rnams ni sa la sogs pa dang mtshungs pa'i phyir/ de bzhin du skad cig mar rig par bya'o zhes bya ba la/ kha dog dang dri dang/ ro dang reg
 pa ste/ don rnam pa bzhi yang sa dang chu dang me dang rlung dang rang bzhin gcig cing rgyur byas pa'i gzugs de dag 'byung ba chen po bzhi la brten pas 'byung ba chen po bzhi skam pa dang/ skye ba dang/ rang bzhin gyis g.yo ba dang/ de las 'byung ba
 dang/ yongs su 'gyur ba rnam bzhi'i gtan tshigs kyis skad cig mar bsgrubs te/ grub na de la brten pa'i kha dog la sogs pa yang skad cig mar grub par rig par bya'o/ /dper na lhas byin gyis lus bsregs pa dang/ lhas byin la brten pa'i
 kha dog dang dri la sogs pa yang ma bsregs pa ma yin te/ bsregs pa bzhin du me skad cig mar bsgrubs na me la yod pa'i kha dog ser po dang dri la sogs pa yang skad cig mar ma bsgrubs pa ma yin gyi skad cig ma bsgrubs pa nyid do/ /me yang skad cig
 ma'i 'byung ba shing la rag las pa'i phyir te zhes bya ba la/ me skad cig mar brjod pa yang me 'byung ba chen po shing la rag las shing 'byung ba'i gtan tshigs kyis skad cig mar brjod do/ shing la ji ltar dag las she na/ shing yod na ni me
 'byung shing med na ni me mi 'byung/ shing mang du bcug na ni me cher 'bar/ shing nyung du bcug na ni me chung du 'bar bas na skad cig mar rig par bya'o/ /me shing la rag las pas na las gtan tshigs bstan pa'i phyir/ me byung la me dang lhan
 cig skyes ba'i shing de bzhin du mi gnas te zhes bya ba la/ kha cig me skad cig mang 'dod kyang/ shing skad cig mang mi 'dod pa de sun 'byin te/ dang po shing gis me byung la me dang lhan cig tu 'brel cing gnas
 pa'i shing de yang ji tsam ci tsam du mes shing bsregs te me 'das shing mi gnas te/ zhigs pa de tsam du shing yang zhigs shing mi gnas te/ de bas na me dang shing lhan cig tu gnas pa yang yin la/ me bzhin du shing yang mi rtag
 pa yin no/ /gal te gzhan dag 'di skad du shing ni mi rtag pa yin la/ me? ni rtag pa yin no snyam na/ de ltar mi rigs par bstan pa'i phyir/ tha mar shing med par yang gnas par mi rung ba'i phyir/ shing tshig pa'i tshe ni gnas par mi
 nus so zhes smos te/ mes shing bsregs na shing za dang med par gyur ba na/ mjug tu me yang gnas par mi nus te/ shing tshig ste zang pa dang/ me yang ma gnas te mi snang bar gyur pas na me skad cig mar grub po/ /gal te me rtag pa zhig
 yin na ni shing zad ba'i 'og tu yang me snang bar 'gyur ba'i rigs so/ /gzhan gyis brgal ba/ 'byung ba chen po bzhi rim bzhin du skad cig mar bsgrubs nas/ de nas gdod kha dog dang dri dang ro dang/ reg skad cig mar bsgrubs
 pa'i rigs na/ de ltar ni ma bsgrubs gyi/ sa dang chu dang rlung gsum skad cig mar bsgrubs nas/ de nas kha dog la sogs pa'i don bzhi la skad cig mar bsgrubs te/ de'i 'og tu gdod me skad cig mar bsgrub ces rgol ba la/ tshigs
 su bcad pa sbyar ba la bde bar kha dog la sogs pa sngar bshad de/ me ni phyis bshad de zhes smos te/ tshigs bcad sbyar ba la mi bde bas tshigs bcad sbyar ba bde bar bya ba'i phyir/ kha dog la sogs pa don bzhi sngar skad cig mar
 bsgrubs nas/ me phyis skad? cig mar bsgrubs te bshad do/ /kha cig 'di skad du sgra ni rtag pa yin gyi/ mi rtag pa ma yin te/ gal te sgra skad cig ma re re la 'jig cing skye ba yin na ni/ dril bu la sogs pa'i skra skyes ma thag tu 'gags pas phyis sgra mi
 'byung ba'i rigs na phyis? kyang sgra 'byung bar snang bas sgra rtag pa'o zhes zer ba la/ de ltar mi rigs par bstan pa'i phyir/ sgra dus gzhan du dmigs pa de yang skad cig mar rig par bya ste/ je chung je chung dmigs pa'i phyir ro zhes bya ba smos
 te/ dril bu la sogs pa'i sgra dus gzhan du 'byung zhing grag pa yang skad cig mar rig par bya ste/ ci'i phyir zhe na/ dril bu'i sgra dang po cher grag pa las/ de'i 'og tu cher grag pa 'gags nas/ de bas chung du grag go /de nas de 'di 'gags nas
 je chung je chung du gyur pa'i rjes la mi grag par gyur pas na skad cig mar gyur par rig par bya'o/ /sgra rtag pa yin no skyon yod par bstan pa'i phyir/ skad cig ma med du zin na ni skad cig ma re re la ja chung du 'gyur? bar dmigs par mi 'gyur ro zhes smos te/ gal te
 dril bu la sogs pa'i sgra skad cig ma ma yin te/ rtag pa zhig yin du zin na ni/ sgra de je chung je chung du gyur nas mjug tu mi grag par mi 'gyur gyi/ dus thams cad du grag pa'i skyon du 'gyur ro zhes bya ba'i don to/ /chos kyi skye mched kyi gzugs kyang
 sems kyi rjes su 'brang ba'i phyir skad cig mar grub ste ji ltar sngar bshad pa bzhin te/ zhes bya ba la/ chos kyi skye mched ni rnam par rig byed ma yin pa'i gzugs la bya ste/ de'ang so sor thar pa'i sdom pa dang/ bsam gtan gyi sdom pa dang/ zag pa
 med pa'i sdom pa rnam pa gsum mo/ /sngom? pa de gsum sems kyi rjes su 'brang zhing sems kyi rgyu las skyes pas ni sems skad cig yin pa'i phyir/ de'i 'bras bur gyur pa rnam par rig byed ma yin pa'i gzugs kyang skad cig mar 'gyur te/ chos gang
 sems las skyes pa de dag ni skad cig ma yin no zhes sngar bsgrubs zin to/ /dri ba las kyang 'du byed thams cad skad cig mar grub ste zhes bya ba la/ mu stegs pa dang 'jig rten pa dag 'du byed rnams mi rtag pa 'di ni
 'dod kyis skad cig mar mi 'dod do/ /ji ltar mi rtag par 'dod ce na/ nang gi 'du byed rnams kyang mjug tu 'chi bar snang la/ bum pa la sogs pa yang mjug tu 'chag par snang bas na mi rtag pa yin no zhes zer ro/ /de ltar mi rtag par 'dod la/
 skad cig mar mi 'dod pa de dag la ji ltar skad cig ma mi 'dod pa dris nas dris pa'i lan med pa'i gtan tshigs kyis kyang 'du byed rnams skad cig mar grub bo/ /ji ltar zhe na/ zhes bya ba la sogs pa 'du byed mi rtag par 'dod la skad cig
 mar mi 'dod pa de dag la ji ltar dri bar bya zhe na/ de dag la 'di skad du dri bar bya'o zhes bya ba'i don to/ /khyod mi rtag par 'dod la/ ci'i phyir 'du byed rnams skad cig mar mi 'dod ces bya ba la/ mi rtag par 'dod la skad cig mar mi 'dod
 la de dag la 'di skad du dri par bya ste/ ji skad du dri bar bya zhe na/ khyed 'du byed mi rtag pa'o zhes zer zhing mi rtag par 'dod na/ 'du byed rnams skad cig mar gcig pa'i phyir mi 'dod ces dri bar bya'o/ /gal te 'di skad du skad cig ma re
 re la mi rtag par mi rig go zhes zer na zhes bya ba la/ de skad du dris pa dang/ skad cig mar mi 'dod pa de dag 'di skad du 'du byed rnams mjug tu 'chi ba dang/ bum pa la sogs pa 'chag par mthong bas de'i phyir mi rtag par ni mi
 'dod de/ de bzhin du 'dus byas rnams skad cig ma re re la 'jig par mthong na ni skad cig mar bdag cag 'dod na/ de ltar skad cig ma re re la mi rtag cing 'jig par mi rig cing ma mthong bas na skad cig ma mi 'dod do zhes zer ro/ /de
 la 'di skad ces dri bar bya'o/ /zhes bya ba la/ skad cig ma re re la 'jig par ma mthong bas na/ skad cig mar mi 'dod do zhes zer ba de la yang 'di skad ces dri bar bya'o zhes bya ba'i don to/ /ji skad du dri bar bya zhe na/ de'i phyir/ skad cig mar grub
 pa'i mar me la sogs pa mi g.yo ba'i tshe na yang de mi rig na ji ltar skad cig mar 'dod ces smos te/ gang dang gang skad cig mang mi rig bar de dang de skad cig mar mi 'dod na ni mar me dang chu'i rgyun la sogs pa skad cig ma yin par ni
 sangs rgyas dang mu stegs pa gnyis ka la grub ste/ de ltar de dag skad cig ma yin yang mar me dang chu la sogs pa rlung gis bskyod de mi g.yo ba'i dus na skad cig ma yin par rig na/ ci'i phyir de dag la yang skad cig ma yin par 'dod ces dri
 bar bya'o/ /gal te 'di skad du sngon gyi bzhin du phyis mi mthong pa'i phyir ro zhes zer ba de la yang 'di skad ces dri bar bya'o zhes bya ba la/ de skad du dris pa dang/ gal te 'di skad du mar me ni sngon che zhing kha dog gsal ba las phyis de dag mi
 snang gi /mar me chung zhing mi gsal bar gyur nas/ je chung je chung ba'i mjug tu mar me de nyid shi nas mi snang bar 'gyur ba'i phyir skad cig mar 'gyur zhes zer ba la/ de la ma gtogs pa'i dum pa la sogs pa 'du byed gzhan dag
 ni lo dang zla bar gzhag na yang/ je chung je chung du mi 'gyur bas na skad cig mar mi 'dod do zhes zer na yang de la 'di skad du dri'o/ /ji skad du dri bar bya zhe na/ de'i phyir 'o na yang 'du byed rnams la yang phyis de ltar ci'i mi 'dod
 ces smos te/ de ltar dang po snang la phyis mi snang ba rnams skad cig mar 'dod la/ myu gu dang/ khang khyim dang/ bum pa la sogs pa yang dang po snang la/ bar du dbyibs dang kha dog la sogs pa gzhan du gyur nas/ phyis
 mi snang bar gyur na/ ci'i phyir skad cig mar mi 'dod do zhes dri bar bya'o/ /gal te 'di skad du mar me la sogs pa dang/ de ma yin pa'i 'du byed rnams mtshan nyid tha dad pa'i phyir ro zhes zer na zhes bya
 ba la/ de skad du dris pa dang/ gal te gzhan dag 'di skad du mar me dang/ bum pa la sogs pa 'du byed gzhan dag mtshan nyid mi 'dra ste/ mar me ni skad cig mar dang gis 'byung zhing/ tsha ba dang snang bar byed pa'i mtshan nyid yin
 la/ bum pa la sogs pa ni nam zhig na phyis zhig cing sra ba dang/ chu blugs su rung ba'i mtshan nyid yin bas mtshan nyid mi 'dra ba'i phyir/ mar me ni skad cig ma yin la/ 'du byed gzhan skad cig ma ma yin no zhes zer na/ de
 la yang 'di skad du bstan par bya'o/ /ji skad du bstan par bya zhe na/ de'i phyir/ mtshan nyid mi mthun pa ni rnam pa gnyis te/ rang bzhin mi mthun pa dang/ 'jug pa mi mthun pa'o/ /zhes smos te/ de la 'du byed rnams phan tshun mi mthun pa la
 rnam pa gnyis yod de/ rang bzhin mi mthun pa dang/ mjug pa mi mthun pa'o/ /de la rang bzhin mi mthun pa ni me'i rang bzhin tsha ba dang/ chu'i rang bzhin gsher ba lta bu'o/ /'jug pa mi mthun pa ni/ mar me la sogs pa skad
 cig ma re re la skye zhing 'jig la/ bum pa la sogs pa'i 'du byed gzhan rnams ni skyes nas dus thag go zad cig gis chod de/ phyis 'jig pa'i tshul 'jug go /de la gal te rang bzhin mi mthun par 'dod na ni de'i phyir dpe rung ste
 zhes bya ba la/ gal te mar me ni tsha ba dang/ gal ba'i rang bzhin yin la/ de ma yin pa'i bum pa la sogs pa 'du byed gzhan ni sra ba dang chu blugs su rung ba'i rang bzhin yin pas/ rang bzhin mi mthun par 'dod na ni/ da ltar na mar
 me skad cig ma de 'du byed/ skad cig mar bsgrub pa'i dper rung gi /mthun pa gcig gi dper mthun pa gcig ston par ni mi rigs so/ /don de nyid bstan pa'i phyir/ de rang bzhin nyid ni de'i dpe ma yin te/ ji ltar mar me la mar me dang/ ba lang la ba
 lang bzhin no zhes smos te/ 'di ltar 'du byed 'ga' zhig rtag pa 'am/ mi rtag par bsgrub na/ de la rang bzhin mi gcig pa'i dpe gzhan gyis bsgrubs te/ dper na nyi ma'i 'od tsha bar sgrub pa la/ de dang rang bzhin gcig pa me dper bzhag ste/ tsha
 khyad me bzhin zhes bya ba dang/ ba? men sgrub pa la dper ba yang bzhag ste/ ba men ni dper na ba lang 'dra ste zhes dper bzhag go /rang bzhin gcig pa ni dper bzhag par mi rigs pa ste/ dper na mar me dang mar me 'dra'o/ /ba lang dang ba lang
 'dra'o/ /zhes dper mi 'jog pa bzhin no/ /de ste 'jug pa mi mthun na yang de bas na dper bstan te zhes bya ba la/ gal te mar me de las gzhan pa/ bum pa la sogs pa'i 'du byed skye zhing 'gags pa'i 'jug pa mi mthun zhes zer ba yang/ de'i phyir
 bum pa la sogs pa'i dper mar me bzhag ste/ 'di ltar mar me ni skad cig mar 'jig rten du grag ste/ bum pa skad cig ma yin yang skad cig mar 'jig rten du ma grags te/ de bas na mar me skad cig mar grags pa des dper byas na/ bum pa
 skad cig mar ma grags par skad cig mar sgrub bo/ /de la 'di skad ces 'dri ste/ bzhon pa 'dug la zhon pa 'gro bar 'dod dam zhes bya ba la/ mi rtag par 'dod la skad cig mar mi 'dod pa de dag la yang 'di skad du dri bar bya ste/ khyed skad cig mar mi
 'dod pa rnams la rta la mi zhon pa rta ni yul gar yang ma song ste 'dug la/ de la zhon pa'i mi yul gzhan du phyin par 'dod dam zhes zer te/ gal te bzhon pa rta yul gzhan du ma phyin na de la zhon pa'i mi gdon mi za bar yul gzhan du mi phyin par 'gyur ro/
 gal te mi yul gzhan du phyin na gdon mi za bar bzhon pa rta yang yul gzhan du phyin par 'gyur ro/ /de ltar mi 'dod do zhes zer na zhes bya ba la/ de skad du dris pa dang/ skad cig mar mi 'dod pa dag 'di skad zer te/ rta
 la mi zhon la mi yul gzhan du phyin na/ rta yul gzhan du phyin pa mi 'dod kyi/ mi bzhin du rtas kyang yul gzhan du phyin par 'dod do zhes zer na yang/ de la yang 'di skad du dri bar bya'o/ /ji skad du dri zhe na/ de'i phyir/ mig la sogs
 pa 'dug la gnas pa'i rnam par shes pa rgyun du 'gro'o/ /zhes byar mi rung ngo zhes smos te/ dper na rta la zhon pa'i mi yul gzhan du phyin na rtas kyang yul gzhan du phyin pa dang 'dra bar/ gal te mig la sogs pa'i dbang po la gnas pa'i rnam par
 shes pa rnams skad cig mar 'dod na ni de'i gnas su gyur pa mig la sogs pa'i dbang po lnga yang skad cig mar mi 'gyur du mi rung ngo/ /gal te mig la sogs pa'i dbang po ni rtag par 'dug na/ de la gnas pa'i rnam par shes pa skad cig ma'i rgyun gyis
 rgyun du 'gro bar mi rung ste/ mig la sogs pa'i dbang po rtag na ni/ de la gnas pa'i rnam par shes pa yang rtag par 'gyur ro/ /gal te rnam par shes pa mi rtag na ni dbang po rnams kyang mi rtag par 'gyur ro/ /gal te 'di skad du mar me snying po la gnas
 la rgyun du 'gro yang snying po ni gnas so zhes zer na yang/ de la 'di skad ces dri bar bya'o zhes bya ba la/ gal te skad cig mar mi 'dod pa dag 'di skad du zer te/ mar me ni mar me'i snying po la gnas shing 'bar la mar me nyid rgyun tu 'gro zhing 'jig
 tu zin kyang de'i snying po mi 'jig cing rtag par gnas pa mthong ngo/ /de bzhin du rnam par shes pa mig la sogs pa'i dbang po la gnas la/ rnam par shes pa ni 'jig cing rgyun tu 'gro ba'i dbang po ni mi 'jig cing rgyun du gnas so zhes zer na/
 de la yang 'di skad du dri shing lan glan par bya'o/ /ji skad du lan glan zhe na/ de'i phyir/ snying po ni skad cig ma re re la rgyun tu 'gyur zhing skye ba'i phyir ma mthong ngo zhes smos te/ 'di ltar ji srid du mar me'i me lce so snying po bsregs nas/ mar me'i rgyun skad cig
 ma re re la 'das shing zhigs pa de tsam du snying po bsregs pa yang skad cig ma re re zhig nas bzhag du gyur pas na/ mar me ni zhig gi /snying po ni ma zhig ste/ phyin gnas pa ma mthong ste/ de dang 'dra bar rnam par shes pa skad cig ma yin na/ de'i
 gnas dbang po rnams skad cig mar 'gyur ro/ /gal te 'di skad du 'du byed rnams skad cig ma yin na/ mar me la sogs pa bzhin du ci'i phyir/ skad cig mar ma grub ces zer na yang zhes bya ba la/ gal te skad cig mar mi 'dod pa dag 'di skad du
 'dri ste/ gal te mar me skad cig ma yin pa bzhin du bum pa la sogs pa'i 'du byed gzhan yang skad cig ma yin na/ ji ltar mar me skad cig ma yin par 'jig rten du grags pa bzhin du bum pa la sogs pa'i 'du byed gzhan yang skad cig mar ci'i phyir
 'jig rten du ma grags shing ma grub ces zer na/ 'di skad du lan glan par bya'o/ /ji skad du lan glan zhe na/ de'i phyir phyin ci log gi dngos po'i phyir 'dra ba'i rgyud rgyun du 'byung bas de dag skad cig mar mi shes so zhes bya ba smos te/ bum ba la sogs
 pa'i dngos po 'di dag mi rtag pa yin mod kyi/ mi gtsang ba las gtsang ba'i 'du shes dang/ mi rtag la rtag pa'i 'du shes phyin ci log skyes pa'i dngos po dang/ rgyu byed bas skad cig ma yin yang rtag pa'i 'du shes skye'o/ /ji ltar zhe na/ skad
 cig ma'i rgyun gyis 'byung bas na/ skad cig ma phyi ma rnams kha dog dang/ dbyibs la sogs pa skad cig ma snga ma dang 'dra ba sha stag rgyun du 'byung bas na/ de dag gis skad cig mar ma shes so/ /don de nyid gsal bar bstan ba'i phyir/ gang gi phyir 
 gcig nas gcig tu 'gyur ba yod kyang de nyid ni 'di yin no zhes phyin ci log skye ste zhes smos te/ 'di ltar 'du byed rnams skad cig ma'i rgyun gyis 'byung bas na skad cig ma snga ma snga ma ni 'gag /phyi ma phyi
 ma gzhan dag skye ste/ gcig nas gcig tu 'gyur ba'i bye brag yod du zin kyang skad cig ma phyi ma phyi ma skye ba rnams snga ma 'dra ba sha stag skye bas na skad cig ma ni ma yin par rig gi /snga ma mthong ba nyid bdag gis phyis kyang de mthong ngo snyam du
 blo byin ci log skye'o/ /de lta ma yin na ni mi rtag pa la rtag pa phyin ci log pa yang med par 'gyur ro/ /zhes bya ba la/ gal te 'dus byas rnams skad cig ma yin pa las/ skad cig ma phyi ma phyi ma rnams snga ma dang 'dra ba 'ba' zhig skyes pas snga ma?
 ma yin yang snga ma nyid mthong ngo sbam? pa'i blo phyin ci log skyes pa ni ma yin gyi/ dngos po rnams rtag tu gnas pas phyis mthong ba'i dus na yang/ snga ma nyid mthong bar gyur na ni/ des dngos po rnams phyin ci ma log pa mthong bas mi gtsang ba la gtsang
 bar 'dzin pa dang/ mi rtag pa la rtag par 'dzin pa'i phyin ci log med par 'gyur ro/ /de med na yang kun nas nyon mongs pa yang med par 'gyur na/ rnam par byed pa ga la yod ces dris pa las kyang 'du byed thams cad skad cig mar grub po zhes
 bya ba la/ gal te sems can rnams la phyin ci log med par gyur na ni phyin ci log med bas so/ /'dod chags la sogs pa kun nas nyon mongs par 'gyur ba yang med par 'gyur te/ ci'i phyir zhe na/ kun nas
 nyon mongs pa thams cad ni phyin ci log las 'byung ngo/ /de ltar na kun nas nyon mongs pa med par gyur na sems can rnams rang bzhin gyis thar par 'gyur bas mjug? tu rnam par byang zhing mya ngan las 'das par 'gyur pa ga la yod
 de/ /mya ngan las 'das par 'gyur ba yang med par 'gyur ro/ /de lta ni ma yin gyis sngar kun nas nyon mongs pa las phyis mya ngan las 'das par gyur te/ de ltar na dris pa las lan med pa'i sgo nas kyang 'du byed thams cad skad cig mar grub bo/ /gang
 zag la bdag med par grub pa'i phyir/ bdag med rnam par dbye ba la tshigs su bcad pa bcu gnyis so zhes bya ba la/ chos kyi mdo bzhi las 'dus byas thams cad mi rtag pa'i don bstan to/ de'ang rnam pa gnyis su bshad do/ /gang zhe na/ med
 pa'i don kyang mi rtag pa'i don du bstan la/ skad cig mar 'jig pa'i don kyang mi rtag pa'i don du bstan to/ /da ni chos thams cad la bdag med pa zhes bya ba'i chos kyi mdo'i don rgya cher ston te/ chos thams cad bdag med par tshigs su bcad
 pa bcu gnyis bsgrub pa'i sgo nas/ gang zag la yang bdag med par sgrub po/ /gong du skad cig mar bstan pa'i sgo nas yang gang slad cig ma yin pa des bdag med pa yin pas de'i skabs su bdag med pa bsgrubs zin mod kyi/ mu stegs pang pa? 'jig rten
 bdag? phung po lam gtags pa'i bdag dang byed pa po dang lta ba po dang/ tshor ba po dang/ shed can dang/ shed bdag la sogs pa yod par phyin ci log tu mngon par zhen te/ de dag gi phyin ci log dang bral ba'i phyir gtan tshigs kyis kyang gang zag la
 bdag med bsgrub bo /gang zag yod ces bya 'am med ces bya zhes bya ba la/ bdag dang gang zag yod par smra ba rnams/ gang zag rang bzhin med par 'dod pa la 'di skad du 'dri ste/ 'di ltar bcom ldan 'das kyis kyang so so'i skye bo'i gang zag dang/ rgyun du
 zhugs pa'i gang zag dang/ lan cig phyir 'ong ba'i gang zag dang/ phyir mi 'ong ba'i gang zag dang/ dgra bcom pa'i gang zag dang/ byang chub sems dpa' i gang zag dang/ gang zag gcig 'jig rten du 'byung ba na 'jig rten kun la phan pa dang
 bde bar byed pa ste/ 'di ltar de bzhin gshegs pa'i gang zag go zhes gsungs la/ rang gi sde pa las kyang/ a saM? bi ti pa dag phung po dang? gcig pa yang ma yin/ tha dad pa yang ma yin pa'i gang zag
 rdzas su yod la/ tshig? gis brjod du med par yang 'dod cing/ mu stegs pa dang 'jig rten pa dag bdag dang gang zag yod par 'dod na khyed gang zag med par 'dod pa rnams gang zag ces bya ba 'di yod pa zhig tu 'dod dam/ med pa zhig
 du 'dod pa smos shig ces dri'o/ /smras pa zhes bya ba ni de skad du 'dri ba la gang zag med par 'dod pa rnams kyis lan smras pa zhes bya'i don btags par yod par brjod pa ste zhes bya ba la/ brtags pa zhes bya ba dang/ tshig tsam zhes bya
 ba dang/ tha snyad tsam zhes bya ba dang/ ming tsam zhes bya ba dag don gcig go /rdzas su yod ces bya ba yang/ rang bzhin yod ces bya ba dang/ don dam par yod ces bya ba dag dang don gcig ste/ gang zag ces bya ba btags pa
 dang/ ming tsam dang/ tha snyad tsam du ni yod ces bya la/ rdzas dang rang bzhin du ni yod pa ma yin te med pa zhes bya'o/ /de bas na 'phags pa blo gros mi zad pa'i mdo las kyang/ gang zag gi sgra de dag thams cad ni de bzhin
 gshegs pas kun rdzob kyi tshig gi gnas kyi sems can drang ba'i phyir bstan te zhes bya ba la sogs pa rgya cher gsungs so/ /gang zag yod par 'dod pa rnams kyis smras pa/ khyed cag gang zag med par 'dod pa rnams yang na gang zag
 yod do zhes bya ba'i phyogs bzung ste/ gang zag yod par mi smra ba/ yang na ni gang zag med do zhes bya ba'i phyogs bzung ste/ gang zag med par mi smra bar ci'i phyir btags par ni yod par yang smra la/ rdzas su med par smra ste/ phyogs gcig tu chad
 par mi sma zhe na/ lan du ji ltar phyogs gcig ma yin par bzung na yod pa'i nyes pa dang med pa'i nyes pa'i skabs su yang mi 'gyur ro zhes smos te/ 'di ltar yod pa'i phyogs 'ba' zhig bzung na yang yod pa'i skyon gyis gos par 'gyur ro//
 med pa'i phyogs 'ba' zhig bzung na yang med pa'i skyon gyis gos par 'gyur te/ de ltar phyogs gcig kho nar chad pa ma yin par bzung na ni yod pa'i nyes pas kyang mi gos/ med pa'i nyes pas mi gos pas na phyogs tu chad par ma
 bzung ste/ /phyogs gcig tu bzung na nyes pas ji ltar gos par 'gyur ba ni phyis 'chad do/ /de'ang rdzas su med par ji ltar rig par bya zhe na zhes bya ba ni gang zag yod par smra ba rnams 'di skad du gang zag de rdzas kyi dngos por med cing
 rang bzhin med par ci mngon zhe na zhes 'dri'o/ /de'i gtan tshigs bstan pa'i phyir/ mi dmigs pa'i phyir te zhes smos so/ /kA ri kA de nyid kyi don dgrol pa'i phyir/ de ni gzugs la sogs pa bzhin du rdzas su mi dmigs so zhes
 smras te/ de la dngos po rnams rdzas su yod par sgrub ba'i tshad ma ni gnyis te/ mngon sum gyi tshad ma dang/ rjes su dpag pa'i tshad ma'o/ /'di ltar gzugs nas chos kyi bar du chos 'di dag yod pa yin pas mig gi dbang po dang mig
 gi rnam par shes pa la sogs pas dmigs shing mngon sum du mthong ste/ mngon sum gyi tshad mas bcad pa de bzhin te gang zag ni dbang po dang rnam par shes pa gang gis kyang ma dmigs shing ma mthong ste/ mngon sum gyi tshad mas
 ma bcad pas na gang zag rdzas su yod pa ma yin no/ /dmigs pa zhes bya ba ni blos rig pa ste gang zag tu smra ba rnams kyis gang zag blos mi rig pa ma yin no zhes bya ba la/ gang zag mi dmigs so zhes bshad pa dang/ gang zag tu
 smra ba rnams 'di skad du rgol te/ gang mig gi mthong ba de 'ba' zhig rdzas su yod pa yin gyi/ gzhan rdzas su yod pa ma yin no zhes byar yang mi rung ste/ mig gis mi mthong la rdzas su yod cing bros
 rig pa yang yod de/ 'di ltar sems dang sems las byung ba'i tshogs bzhin no/ /'di ltar dmigs pa zhes bya ba yang/ mig gis mthong ba 'ba' zhig la dmigs pa zhes bya bar yang ma zad kyi/ yid kyi rnam par shes pas
 'di ni 'di lta bu zhig go zhes blos rig cing bcad pa la yang dmigs pa zhes bya ste/ de bas na gang zag de bzhan dag gis ma rigs ma dmigs su zin kyang/ bdag cag gang zag tu smra ba rnams kyis blos ni gang zag mi dmigs
 mi rig pa ma yin gyi/ /gang zag dag gcig gis rig cing dmigs te/ de ltar na gang zag blos mngon sum du byas pas mngon sum gyi tshad mas bcad pa'i phyir/ gang zag rdzas su yod do zhes zer ro/ /gang zag dmigs su rung bar
 'jug gi tshad mas kyang sgrub pa'i phyir/ bcom ldan 'das kyis kyang tshe 'di nyid la bdag tu dmigs shing 'dogs so zhes gsungs na ji ltar dmigs pa yin zhes smos te/ gang zag rdzas su med cing mi dmigs pa yin na/ mdo dag
 las bcom ldan 'das kyis sems can dag tshe 'di nyid la gang zag tu dmigs gang zag tu 'dogs so zhes bka' mi stsol ba'i rigs so/ /de lta ma yin gyi bcom ldan 'das kyis kyang/ sems can dag tshe
 'di nyid la gang zag la dmigs shing 'dogs so zhes bka' stsal na/ ji ltar gang zag mi dmigs pa yin zhes zer ro/ /de la dmigs zhes bya ba ni sems kyis mthong zhes bya ba'i don to/ /'dogs so zhes bya ba ni tshig tu yang sla'o/
 zhes bya ba'i tha tshig go /de ni de ru dmigs kyang rdzas su dmigs par 'gyur ba ma yin te/ ci'i phyir zhe na/ phyin ci log gi phyir ro zhes bya ba la/ gang zag tu smra ba rnams kyis gang zag dmigs su zin kyang gang zag rdzas su yod pa las/
 de dag gis dmigs shing mthong ba ni ma yin gyi/ gang zag rdzas su med bzhin du/ de dag gis dmigs shing mthong ste/ de bas na de dag gis gang zag dmigs pa yang phyin ci log yin na/ /bcom ldan 'das kyis mdo las/ tshe 'di nyid
 la bdag tu dmigs shing 'dogs so zhes bka' stsal pa yang/ gang zag nyid yang dag par rdzas su yod pa la dgongs te bdag dmigs so zhes gsungs pa ni ma yin gyi/ sems can rnams kyi bdag med bzhin du bdag tu lta zhing bdag tu dmigs
 so zhes byin ci log tu smra ba la dgongs nas/ tshe 'di nyid la bdag tu dmigs shing 'dogs so zhes bka' stsal to/ /'di ji ltar shes she na zhes bya ba la/ gang zag tu smra bas dris pa/ gang zag 'di yod pa las gang zag tu dmigs shing 'dogs
 pa ni ma yin gyi/ gang zag tu dmigs pa phyin ci log tu yin par ci mngon zhe na zhes bya ba'i don to/ /lan du kun nas nyon mongs pa'i phyir te zhes smos te/ gang zag dang bdag tu lta ba kun nas nyon mongs pa'i rang bzhin yin pas na phyin ci log
 yin par mngon no/ /de la kun nas nyon mongs pa rnam pa drug ste/ 'dod chags dang/ khong khro pa dang/ nga rgyal dang/ ma rig pa dang/ lta ba dang/ the tsom ste/ drug yod pa las gang zag tu lta ba 'di kun nas nyon mongs pa gang gi? rang bzhin
 yin zhe na/ de'i phyir kun nas nyon mongs pa 'di ni 'jig tshogs la lta ba nyon mongs pa'i mtshan nyid de ltar sa dang nga'i zhes bya'o zhes smos te/ kun nas nyon mongs pa dag yod pa las de dang de'i zhes lta ba'i kun nas nyon mongs pa 'di ni 'jig
 tshogs lta pa'i kun nas nyon mongs pa'i mtshan nyid yin no/ /gal te gang zag tu smra ba dag 'di skab du gang zag tu lta ba 'di kun nas nyon mongs pa'i mtshan nyid yin yang phyin ci log gi mtshan nyid ma yin no snyam
 pa la/ mi rigs par bstan pa'i phyir/ phyin ci log ma yin pa ni kun nas nyon mongs par 'gyur bar mi 'os so zhes smos te/ gang dang gang du kun nas nyon mongs pa yin pa de dang de dag phyin ci log yin te/ dper na rtag pa dang gces?
 bar 'dzin pa lta bu'o/ /gang dang gang kun nas nyon mongs pa med pa de dang de dag la phyin ci log med de/ dper na mi rtag pa dang me gtsang bar 'dzin pa lta bu'o/ /de bas na bdag dang gang zag tu 'dzin pa 'di kun nas nyon mongs pa'i rang bzhin du
 gyur na ni phyin ci log ma yin par 'gyur bar mi rigs te gdon mi za bar phyin ci log tu 'gyur ro/ /de nyon mongs pa yin par ji ltar rig ce na zhes bya ba ni bdag tu smra ba dang/ gang zag tu smra ba'i rnams 'dri ba ste/ 'jig tshogs la lta ba nyid
 kun nas nyon mongs pa'i rang bzhin yin bar ci mngon zhes 'dri'o/ /lan du/ kA ri kA las/ nyon mongs rgyus zhes bya ba smos so/ /kA ri kA de nyid kyis don dgrol ba'i phyir/ 'di ltar 'di'i rgyu las 'dod chags la sogs pa'i nyon mongs
 pa rnams 'byung ngo zhes smos te/ 'di ltar da dang bdag tu lta ba'i 'dod chags dang/ zhe sdang dang/ gti mugs la sogs pa'i nyon mongs pa snams 'byung ste/ de ltar bdag tu lta ba 'di nyon mongs pa'i rgyu byed pa'i phyir 'jig tshogs su lta
 ba ni nyon mongs pa'i rang bzhin yin par mngon no/ /gang zag yod par smra ba rnams 'di skad du rgol te/ 'di ltar gang zag rdzas su med gyi btags par yod do zhes smras na/ btags pa yang gzhi med par 'dogs ni me srid de/ dper na bum
 pa zhes bya ba bum pa med par 'dogs mi srid kyi/ bum pa la brten nas bum pa zhes 'dogs pa dang 'dra bar/ gang zag 'di ci la brten te 'dogs she na/ lan du gang zag ces 'dogs pa 'di yang gang zag rdzas su yod pa las 'dogs pa ni ma yin
 te/ nye bar len pa'i phung po lnga la 'dogs pa tsam du zad do/ /de bas na mdo las kyang/ dge sbyong dam bram ze 'am/ gang su yang rung ba bdag gam bdag gi zhes 'dogs pa de dag ni nye bar len pa'i phung po lnga nyid lang 'am bdag gi zhes
 lta zhing 'dogs par zad de? zhes gsungs so/ /de skad du lan glan pa dang/ gzhan dag gis dris pa/ gzugs la sogs pa'i dngos po gang la/ gang zag tu gdags pa de las/ gang zag gcig ces 'dri 'am/ de ste tha dad ces bya zhes smos
 te/ khyed gang zag med par 'dod pa rnams gzugs kyi phung po nas rnam par shes pa'i bar dag phung po lnga la gang zag tu 'dogs na phung po dang gang zag tu gcig ste/ phung po lnga gang yin pa gang zag kyang de yin/ gang zag gang yin pa phung po lnga
 yang de yin te/ rang bzhin gcig las phung po lnga la gang zag tu 'dogs pa 'am/ 'on ta phung po lnga dang gang zag tha dad de phung po lnga la ma gtogs par gang zag logs shig na yod pa phung po lnga la gdags zhes 'bri'o/ /smras pa zhes bya ba ni gang
 zag med par smra ba rnams kyi lan smras so zhes bya ba'i don to/ /gcig dang tha dad mi brjod de/ de ni de'i phyir zhes bya ba la/ gang zag de ni gong du bshad pa ltar na btags pa tsam du yod gyi rdzas su med pa nas gang zag dang po phung po rang bzhin gcig
 pa zhes kyang mi brjod de/ phung po nyid bdag yin no zhes mi smra'o/ /phung po lnga dang gang zag tu tha dad pa zhes kyang mi brjod de/ phung po lam gtogs par bdag sogs shig na yod do zhes bya mi smra'o zhes bya ba'i don to/ /ci'i phyir zhe na/ zhes bya ba ni gang 
 du smra pa rnams 'dri ba'itshig ste/ khyed phung po dang gzugs gang zag gcig par yang ci'i phyir mi smra la/ tha dad par yang ci'i phyir ni smra zhes bya ba'i don to/ /skyon gnyis gyi phyir te zhes bya ba ni gang zag
 med par 'dod pa rnams kyis lan 'debs pa'i tshig ste/ phung po dang gang zag gcig par smras na yang skyon yod par 'gyur/ tha dad ces smras na yang skyon yod par 'gyur to/ nyes pa gnyis 'byung bar 'gyur bas na gcig bar yang mi
 smra/ tha dad par yang mi smra'o zhes bya ba'i don to/ /skyon gnyis po gang yin pa bstan pa'i phyir/ phung po bdag tu 'gyur ba dang/ de nyid rdzas su 'gyur ba'i phyir zhes bya ba smos te/ gal te phung po dang gang zag gcig go
 zhes smras na ni ji ltar bdag ni rtag pa'i rang bzhin yin pa bzhin du/ phung po lnga yang rtag pa'i rang bzhin du 'gyur te/ de bas na phung po lnga nyid bdag yin no zhes mi smra ste/ phung po lnga nyid kyang bdag gi rang bzhin ma yin no/
 gzhan yang phung po lnga dang bdag gcig par gyur na/ phung po rdzas su yod pa bzhin du gang zag kyang rdzas su yod par 'gyur te/ gang zag ni rdzas su yod pa ma yin gyi btags par yod pa'i phyir ro/ /'di ni nyes pa gcig go/
 gal te phung po lnga la ma gtogs par gang zag logs shig na yod do zhes smras na ni ji ltar mu stegs pa rnams kyis bdag ces bya ba phung po la ma gtogs par logs shig na rdzas su yod do zhes smras pa ltar na/ gang zag ces bya
 ba yang logs shig na rdzas su yod pa'i skyon du 'gyur te/ gang zag ces bya ba ni phung po lam gtogs par logs shig na yang rdzas su dang rang bzhin grub par yod ma yin no/ /de ltar gang zag btags pa yod bas na brjod du med par mi rung ngo
 zhes bya ba la/ gong du bshad pa ltar na gang zag rdzas su med par 'gyur te/ btags pa tsam du yod bas na/ gang zag gi phung po dang rang bzhin gcig par 'gyur ro/ /phung po nyid gang zag gi rang bzhin yin no zhes kyang ma brjod la/ phung po la ma
 gtogs bar gang zag legs shig na yod par yang mi brjod la/ don? du na phung po la yang gang zag gi rang bzhin med/ phung po lam gtogs par gang zag ces bya ba logs shig na yang rdzas su med do zhes bya ba'i don to/ /de'i phyir/ lung du ma
 bstan pa'i dngos por grub bo zhes bya ba la/ gang gi phyir phung po dang gang zag gnyis gcig par yang mi brjod/ tha dad par mi brjod pa'i phyir na/ gal te gzhan dag phung po dang gang zag gcig gam zhes 'dri na yang gcig pa yin no zhes lung
 mi bstan to/ /gal te phung po dang gang zag tha dad pa gcig yin nam zhes 'dri na yang/ tha dad pa yin no zhes kyang lung du mi bstan te/ ci'i phyir zhe na/ gang zag rang bzhin med pa'i phyir phung po dang gcig par yang bstan du mi rung la/ tha
 dad pa yang bstan du mi rung ste/ dper na mo gsham gyi bu la kha dog nag par yang bstan du med /dmar por yang bstan du med pa bzhin no/ /'di yan chad du spyir mu stegs pa bdag tu smra ba dang/ sangs rgyas pa gang zag yod par smra ba gnyi
 ga spyir bsdus te sun phyung ste/ da ni bstan pa 'di la zhugs pa sam? bi ti pa dag gang zag rdzas su yod pa 'dod pa'i lta ba sun dbyung ba'i phyir/ gang rnams ston pa'i bstan pa las 'das te gang zag rdzas su yod par 'dod pa de la 'di skad
 ces brjod par bya'o zhes bya ba smos te/ gang rnams zhes bya ba ni sam bi ti ba dag go /ston pa ni sangs? rgyas bcom ldan 'das so/ /de'i bstan pa ni gsung rab yan lag bcu gnyis te/ chos thams cad mi rtag pa dang/ sdug bsngal ba dang
 stong pa dang/ bdag med par bshad pa'o/ /'das pa ni gsung rab kyi don phyin ci log tu gsungs ba ste/ ji ltar phyin ci log tu gsungs she na/ 'di ltar gang zag ces bya ba rdzas su yod la/ de yang
 phung po lnga dang gcig pa zhes kyang mi brjod/ tha dad pa zhes kyang mi brjod ces 'dod cing zer te/ de dag la 'di skad du dri bar bya'o zhes bya ba'i don to/ /ji skad du dri bar bya zhe na/ de'i phyir rdzas kyang yod la mi brjod pa/ dgos ba
 smra bar bya ba yin zhes smos te/ ji ltar bdag cag gang zag med par 'dod pa rnams kyis phung po dang gang zag gcig par smras na ni phung po yang bdag bzhin du rta 'khar? 'gyur ba dang/ gang zag kyang phung po bzhin du rdzas su yod ba'i skyon du 'gyur
 bas gcig par mi smra la phung po dang tha dad par smras pa na ni gang zag de mu stegs kyis brtags pa'i bdag bzhin du rjes su yod pa'i skyon du 'gyur ba na tha dad pa yang mi smra'o zhes dgos pa brjod pa bzhin du/ khyed kyi gang zag
 rdzas su yang yod la phung po dang gcig par yang mi brjod/ tha dad par yang mi brjod na/ ci'i phyir phung po dang gcig tu brjod du med pa dang/ ci'i phyir phung po dang tha dad par yang brjod du med pa'i gtan tshigs dang/ dgos pa smra
 dgos so zhes bya ba'i don to/ /ci'i phyir zhe na/ zhes bya ba ni gang zag tu smra ba rnams la 'dri ba ste/ gang zag tu phung por gcig par yod par yang mi brjod/ tha dad par yang mi brjod pa'i dgongs pa ci'i phyir smra dgos pa zhe na zhes bya ba'i
 don to/ /de'i lan du/ gcig dang tha dad mi brjod na/ dgos pa med par mi rung ngo zhes smos te/ ji ltar phung po dang gang zag tu rang bzhin gcig par yang mi brjod na ni ci'i phyir gcig par mi brjod pa'i dgos pa dang gtan tshigs
 med du mi rung ngo/ /gal te tha dad par yang mi brjod na ni ci'i phyir tha dad par mi brjod pa'i dgos pa dang gtan tshigs smra dgos te/ dgos pa dang gtan tshigs med pa ni gang zag rdzas su yod par mi 'gro'o/ /gzhan yang gal te phung
 po dang gang zag gcig par yang mi brjod na ni gang na gcig par mi brjod pa de na tha dad par 'gyur te/ dper na me dang chu gnyis tha dad bas na gcig par mi brjod pa bzhin te/ de lta na ni phung po dang gang zag tha dad par 'gyur ro/ /gal
 te phung po dang gang zag tha dad par mi brjod na ni gcig par 'gyur te/ dper na me dang me'i tsha ba gnyis gcig pas na tha dad par mi 'gyur ba bzhin te/ de lta na ni phung po dang gang zag gcig pa nyid du 'gyur gyi/ gcig pa ma yin te/ tha
 dad do zhes bya pa'i tshig mi 'grub po/ /ci ste dpe tsam gyi phyir gang zag mi brjod par 'dod de zhes bya ba la/ gal te gang zag tu smra ba rnams 'di skad du zer te/ gang zag rdzas su yod la/ phung po dang gcig par yang mi brjod/ tha dad
 par yang mi brjod pa dngos su 'di 'dra zhes ni bstan du mi rung gi /'jig rten na rdzas su yod pa gcig par yang mi brjod/ tha dad par yang mi brjod pa de bzhin du/ gang zag 'di yang rdzas su yang yod la phung po dang gcig par yang mi brjod
 tha dad par yang mi brjod par bdag cag 'dod do zhes zer ro/ /dpe gang yin pa bstan pa'i phyir smras pa/ /dper na me dang sreg pa gnyis tha dad par yang ma yin/ tha mi dad par yang ma yin par brjod pa bzhin no zhes bya ba smos te/ bsreg pa
 ni shing la bya'o/ /'di ltar me dang shing gnyis rdzas su yod kyang/ me dang shing gnyis tha dad pa ma yin te/ gang gi phyir shing las me 'byung ba na me dang shing gnyis tha dad pa ma yin no/ /gal te me dang shing gnyis tha dad na ni shing
 med par yang me 'byung bar 'gyur te/ shing med par me 'byung ba ma mthong bas de bas na tha dad pa ma yin no/ /me dang shing gnyis tha mi dad cing gcig pa yang ma yin te/ shing ni me'i rgyu yin la/
 tsha ba'i rang bzhin med pa yin la/ me ni shing gi 'bras bu yin te/ tsha ba'i rang bzhin can yin bas rang bzhin gcig pa yang ma yin te/ gal te rang bzhin gcig na ni me la reg na 'tshig par 'gyur pa bzhin du shing
 la reg na yang tshig par 'gyur pa'i skyon du 'gyur ba dang/ shing la reg na mi 'tshig pa bzhin du me dang shing gnyis rang bzhin gcig pas me la reg na yang mi 'tshig pa'i skyon du 'gyur ro/ /de dang 'dra bar gang zag rdzas su yod la
 phung po gcig pa zhes kyang mi brjod/ tha dad par yang mi brjod do zhes smra'o/ /yang de la 'di skad ces brjod par bya'o zhes bya la/ gang zag tu smra ba rnams de skad du smra ba la/ 'di skad du lan gdab bar bya'o zhes pa'i don to/ /me dang
 bsreg pa mi brjod pa'i/ mtshan nyid 'jig rten mthong ba dang/ /gtsug lag las kyang mi rung te/ /nye bar dmigs pa gnyis su'o zhes bya ba la/ khyed kyi me dang shing gnyis gcig bar mi brjed/ tha dad par yang mi brjod ces smras pa de mi
 rigs te/ ci'i phyir zhes me dang shing gnyis tha dad pa'i phyir/ tha dad pa ma yin par yang mi rung ngo/ /ji ltar tha dad ce na/ mtshan nyid tha dad pas tha dad pa dang/ 'jig rten bdag gis mthong pas na tha dad pa dang/ gtsug? lag? las me dang
 shing gnyis gcig par ma bshad kyi/ tha dad par bshad pas na tha dad pa'i phyir gcig tu mi rung ba dang/ nye bar dmigs ba'i tshad mas kyang tha dad pa dang gnyis su dmigs pa'i phyir yang tha dad do zhes bya ba'i don do/ /gcig pa dang tha dad par
 me rung ste zhes bya ba la/ me dang shing gnyis gcig pa mi rung ste/ tha dad par 'byar ro zhes bya ba'i don to/ /mtshan nyid tha dad pa'i don bstan pa'i phyir me zhes bya ba ni me'i khams so/ /sreg pa ni 'byung ba lhag ma rnams te/ de dag gi mtshan
 nyid tha dad pas me dang shing du tha dad do zhes smos te 'byung ba chen po bzhi las/ me zhes bya ba ni me'i khams la bya ste/ de ni tsha ba'i mtshan nyid do/ /shing zhes bya ba ni sa dang chu dang rlung gi khams gsum la bya ste/ de la sra ba'i mtshan nyid ni sa'i
 khams so/ /sdud ba'i mtshan nyid ni chu'i khams so/ /g.ye ba ni rlung gi khams so/ /de ltar na me dang shing gnyis mtshan nyid tha dad pas me dang shing tha dad pa zhes bya'o/ /'jig rten na me dang shing tha dad par mthong ba bstan pa'i phyir/ 'jig rten
 na yang me med par bsreg shing la sogs pa dang/ /bsreg pa med par me yang mthong ste tha dad par grub ba zhes smos te 'jig rten yang me dang shing gnyis tha dad par mthong gi gcig par ma mthong ste/ 'di ltar skabs 'ga' zhig tu me med
 par shing 'ba' zhig yod par mthong ste/ gang gi tshe shing dang me 'brel pa'i tshe'o/ /dus kha cig tu na shing med par me 'ba' zhig 'byung bar mthong ste/ shing med par me 'byung ba'i don ni phyis brjod par bya'o/ de ltar 'jig rten pa dag gis
 kyang me dang shing tha dad par mthong bas na de gnyis gcig pa ma yin te tha dad par grub po/ /gtsug lag las me dang shing gnyis gcig par ma bshad kyi/ tha dad par bshad par bstan pa'i phyir/ gtsug lag las kyang bcom ldan 'das
 kyis gang du yang me dang bsreg pa brjod du med par ma gsungs so zhes smos te/ mngon pa'i chos 'bum gyi gzhung las kyang/ bcom ldan 'das kyis me dang shing gnyis gcig par yang brjod du med/ tha dad par yang brjod du med/ tha dad par
 yang brjod du med par ni ma gsungs kyi/ shing dang me gnyis tha dad pa nyid du bka' stsal te/ ji ltar zhe na/ me ni tsha ba'i rang bzhin no/ /sa ni sra ba'i rang bzhin no/ /chu ni gshed pa'i rang bzhin no/ /rlung ni g.yo ba'i rang bzhin no//
 zhes bka' stsal pa'i phyir ro/ /de bas na 'di ni mi rung ngo/ /zhes bya ba la/ gong du bshad pa'i gtan tshigs kyis me dang shing gnyis gcig pa'i mtshan nyid du mi rung ngo zhes bya ba'i don to/ /bsreg pa med par me yod do zhes bya ba ni ji ltar shes
 she na/ zhes bya ba ni gang du 'jig rten na shing med par yang me yod do zhes smras pa la/ shing med par me yod par ji ltar shes she na zhes bya ba'i don to/ /de'i lan du kA ri kA las/ nye bar dmigs zhes smos te/ 'jig rten na shing med
 par yang yod par mthong ngo zhes bya ba'i don to/ /de nyid kyis don dgrol ba'i phyir/ /ji ltar rlung gis me 'phangs pa/ /rgyang ring por yang 'bar ba bzhin du 'gro'o/ /zhes bya ba smos te/ dus kha cig tu spang ngam/ nags la sogs pa mes
 tshig pa las rlung gi shugs kyis me lce bcad nas rlung gis 'phangs te/ me lce rgyang ring por song ba na shing med par yang me 'ba' zhig 'bar bar mthong ste/ de bas na shing med par me 'ba' zhig gnas pa mthong ngo/ /de ste des na g.yo
 ba rlung yin no/ /zhes bya ba ni zhes bya ba la/ gal te gang zag tu smra ba rnams me lce rlung gis khyer na ni shing lta bur me 'bar bar byed ba'i rgyu ni rlung yin no/ /zhes smra na/ de'ang mi rigs par bstan pa'i phyir/ gang de'i phyir me dang rlung gnyis tha
 dad bar grub bo/ /zhes smos te/ de ltar rlung ni de'i tshe me lce yul gzhan du phyin par byed pa'i las byed bas g.yo ba'i rang bzhin yin la/ mi lce ni tsha ba'i rang bzhin pas na/ de gnyis tha dad par grub kyi/ gcig pa'i rang bzhin ma yin
 no zhes bya ba'i don to/ /ci'i phyir zhe na/ zhes bya ba ni gang zag yod par smra ba rnams 'dri ba ste/ rlung gis me lce khyer ba'i dus na rlung dang me lce gnyis ji ltar gcig par grub cen zhes bya ba'i don to/ /lan du gnyis su ste/ dmigs pa zhes bya ba dang
 sbyar ro zhes smos te/ kA ri kA las gnyis su zhes 'byung gi /dmigs pa zhes bya ba ni tshig mi 'byung mod kyi/ rlung gis me lce khyer ba na rnam pa gnyis su dmigs te/ rlung ni g.yo bar byed pa'i mtshan nyid du dmigs la/ me lce la ni de'i tshe
 mtshan nyid du dmigs pas na de gnyis tha dad do zhes bya ba'i don to/ /de ltar sam bi ti pa dag gang zag rdzas su yod par 'dod pa'i lta ba sun phyung ste bkag go /dmu stegs pa bdag ces bya ba dang/ gang zag ces bya ba yod par 'dod ba sun phyung
 ba'i phyir/ gang 'di ltar blta ba po nas rnam par rig pa po dang/ za ba po dang/ shes pa po dang/ grol ba po'i bar du gang zag yod de kha? na zhes bya ba la/ mu sdegs pa dag ni 'di skad du de'i bdag ces bya ba yod de/ gzugs la blta pa'i bya ba byed pa
 nas/ chos la shes pa'i bya ba byed pa dang/ las dge ba dang mi dge ba'i 'bras bu bde ba dang sdug bsngal yang bdag des myong bas na/ las dge ba dang mi dge ba yang bdag des da ltar 'khor ba'i rnams kyang bdag des byed pa yin no/ /sems
 can rnams 'ching ba ni rnam pa gsum ste/ sems can dang/ rdul dang/ mun pa'o/ /de ltar sems can gyi 'ching ba rnam gsum las thar nas grol zhing ma ngan las 'das par yang bdag de 'gyur te/ de ltar na de'i bdag de ni byed pa po yin no zhes de
 skad du zer ro/ /bdag byed pa por ni mi rigs par bstan pa'i phyir/ de ni lta ba po nas grol ba po'i bar du mi rung ngo zhes smos te/ bdag de ni lta ba po'i bya ba byed pa nas/ grol ba po'i bar gyi byed pa bor mi rung ste zhes bya ba'i don to/ /ji ltar mi rung bar
 bstan pa'i phyir/ de'ang lta ba po zhes bya ba'i rnam par shes pa rnams kyi rkyen gyi dngos por byed par 'gyur ba 'am/ bdag por 'gyur pa bgrang na zhes bya ba smos te/ 'di ltar gzugs la lta ba ni mig gi rnam par
 shes ba yin pa dang/ sgra la nyan ba ni rna ba'i rnam par shes pa yin pa nas/ chos la shes par byed pa ni yid kyi rnam par shes pa yin na/ gal te bdag de byed pa por gyur na/ dper na mig gi dbang bos rkyen dang groD byas nas mig gi rnam par
 shes pa skye ba de bzhin du/ bdag nges kyang mig gi rnam par shes pa skye ba'i rkyen dang grogs byas nas mig gi rnam par shes pa gzugs la lta ba'i bya ba byed pa byung nas mig gi rnam par shes pa la gzugs kyi ji 'dra ba 'byung ba bdag
 des mthong bar 'gyur bas na de lta bu'i tshul du lta ba la sogs pa'i bya ba byed par 'dod dam/ 'on dper na rje bo dang dpon po bran la dbang bas/ de'i dbang gi mthus bran rnams kyis dgongs pa rnams rje bo la 'bul par byed pa bzhin du/
 mig gi rnam par shes pa la sogs pa rnam par shes pa rnams la bdag de dbang byed de bdag gi mthus rnam par shes pa rnams gzugs la lta zhing rnam par shes pa la gzugs ji ltar snang ba bdag des mthong zhing myong bar 'gyur bas de lta bu'i
 sgo nas byed ba po zhes bya grang na/ de gnyis ka ltar yang mi rigs so/ /de la dang po rnam par shes pa bskyed pa'i rkyen du mi rigs par bstan pa'i phyir de la re zhig /rnam shes gnyis la brten nas ni/ /'byung phyir de ni rkyen ma yin zhes smos te/ mig gi
 rnam par shes pa ni gzugs la yang brten/ mig gi dbang po la yang brten nas rkyen rnam pa gnyis las byung ba'i phyir bdag ces bya ba gang yin pa ni mig gi rnam par shes ba skyed pa'i rkyen ma yin no/ /de ci'i phyir zhe na/ don med pa'i phyir zhes bya
 pa la/ rkyen gnyis las mig gi rnam par shes pa skyes kyang/ bdag de ci'i phyir rnam par shes pa skyed pa'i rkyen ma yin zhe na/ 'di ltar shing gis me bskyed zin na chu de'i tshe cung zad kyang me bskyed mi dgos te/ chus cung zad kyang me bskyed par bya ba byed mi nus pa
 de bzhin du/ gzugs dang mig gnyis kyis mig gi rnam par shes pa skyed zin na ni de'i tshe bdag des cung zad kyang ci bya mi dgos te/ bdag de na med pa dang/ bdag gis cung zad kyang ci mi byed par 'gyur ro/ /bdag de rnam par shes pa la bdag po yang
 byed par mi rigs par bstan pa'i phyir/ bdag po yin na mi rtag dang/ /mi 'dod pa ni 'byung ma byed/ /ces smos te/ gal te bdag de rnam par shes pa rnams la dbang byed de/ rnam par shes pa la gzugs dang sgra la sogs pa ci snang mi byung ba
 rnams bdag des myong par 'gyur ro zhe na/ de lta na ni sems can dag rtag tu bde ba 'ba' zhig dang ldan par 'dod kyi/ sdug bsngal dang nam du yang phrad par mi 'dod pa yin pas/ bde ba dang ldan pa'i rnam par shes ba rnams ni bar 'ga' 
 'byung/ bar 'ga' mi 'byung par mi rtag pa'i mtshan nyid du mi 'byung par 'gyur gyi bde ba dang ldan pa'i rnam par shes pa ni rtag tu 'byung bar byed pa'i skyon du 'gyur ro/ /mi 'dod pa dang mi bde ba dang ldan pa'i rnam par shes pa ni nams kyang 'byung bar mi
 byed pa'i skyon du 'gyur te/ ci'i phyir zhe na/ rnam par shes pa rnams la ni bdag de dbang byed la rnam par shes pa la bde ba dang sdug bsngal ci byung yang bdag des myong bar gyur bas na/ bdag des rtag tu bde ba dang ldan pa'i rnam par shes pa
 'ba' zhig skyed par byed par 'gyur gyi sdug bsngal dang ldan pa'i rnam par shes pa ni nams kyang 'byung bar mi byed par 'gyur ro/ /de dag gi don mjug bsdu ba'i phyir/ de bas na gnyis kar yang mi srid pa'i phyir zhes bya ba la sogs
 pa smos te/ de ltar gong du bshad pa'i rigs pas na/ bdag ces bya ba de rnam par shes par skyed ba'i rkyen du yang mi rung/ rnam par shes pa la bdag po byed par yang mi rung bar bstan pas na/ bdag
 de lta ba po byed pas na/ grol ba po'i bar bdag byed pa mi rung ngo zhes bya ba'i don to/ /gang zag yod par smra ba la nyes pa'i skyon gzhan yang yod par bstan pa'i phyir/ de'i las dang mtshan nyid sgrub ces bya ba smos te/ 'di ltar
 mig gi dbang po dang/ rnam par shes pa la sogs pa rdzas su yod nas/ de dag la las kyang yod mtshan nyid kyang yod do/ /de la mig gi dbang po dang/ rnam par shes pa'i las ni gzugs la lta ba'i bya ba byed pa'o/ /mig gi dbang po'i
 mtshan nyid gzugs dang ba'o/ /mig gi rnam par shes pa'i mtshan nyid ni gzugs sngon po la sogs pa shes pa'i rang bzhin no/ /gal te gang zag ces bya ba de yang rdzas su yod par 'dod na ni gang zag de las ci byed pa'i las kyang sgrub
 dgos la/ gang zag de'i mtshan nyid ji lta bu yin pa'i mtshan nyid kyang sgrub dgos so/ /gal te de'i las dang mtshan nyid med na ni de ri bong gi rwa dang mo gsham gyi bu bzhin du med pa yin no/ /gang zag rdzas su yod par smra ba la/ nyes pa'i
 skyon gzhan yang yod par bstan pa'i phyir/ yang de rdzas su 'dod na ni zhes bya ba smos te/ gal te gang zag de rdzas su 'dod na ni yang nyes pa 'di dag 'byung bar 'gyur ro zhes bya ba'i don to/ /nyes pa gang dag 'byung zhe na/ de'i phyir
 sangs rgyas bcom ldan 'das kyi rdzogs pa'i byang chub gsum la gnod ces bya ba smos te/ 'di ltar sangs rgyas zhes bya ba yang ji snyed du yod pa'i chos thams cad kyi don phyin ci ma log par thugs su chud pa las sangs rgyas zhes bya
 ste/ de bas na sA lu ljang ba'i mdo las kyang/ de la sangs rgyas bcom ldan 'das gang zhe na/ gang gis chos thams cad thugs su chud ba'i phyir/ sangs rgyas zhes bya ste/ des dang 'phags pa'i chos kyi sku dang shes rab kyi spyan gyis byang chub byed
 pa dang slob pa dang mi slob pas chos gzigs so zhes gsungs so /gal te gang zag yod na ni thams cad mkhyen pa des gang zag de gzigs par 'gyur ro/ /gal te gang zag gzigs shing mkhyen par 'gyur na ni chos rnam pa gsum mngon
 par byang chub cing thugs su chud pa las sangs rgyas par 'gyur ro zhes bya ba ni med par 'gyur te/ de bas na rdzogs ba'i byang chub gsum la gnod ces bya ste/ gnod ces bya ba'i chos gsum thugs su chud pa med par zhes bya ba'i don
 to/ /chos gsum gang zhe na de'i phyir/ zab mo mngon par rdzogs par byang chub pa dang/ thun mong ma yin par mngon par byang chub pa dang/ 'jig rten las 'das pa mngon par byang chub ba'o zhes bya ba smos te/ de la chos la bdag med par
 thugs su chud pas na/ zab mo mngon par byang chub pa'o/ /gang zag la bdag med par thugs su chud pas na/ thun mong ma yin pa'i mngon par byang chub pa zhes bya ste/ su dang thun mong ma yin zhe na/ mu stegs pa dang thun mong ma yin
 pa ste/ ci'i phyir zhe na/ mu stegs pa rnams ni bdag yod par lta'i/ gang zag la bdag med par mi lta ba'i phyir ro/ /de ltar chos la bdag med pa dang/ gang zag la bdag med par thugs su chud pa 'jig rten las 'das par
 byang chub pa zhes bya'o/ /'jig rten pa rnams kyis ni chos dang gang zag la bdag med par ma rtogs pa'i phyir ro/ /yang na kun brtags rang bzhin med par mkhyen pas na/ zab mo mngon par byang chub pa zhes bya'o/ /gzhan gyi dbang
 kun brtags kyi chos dang/ kun brtags kyi gang zag gi rang bzhin gnyis bral ba/ sems dang sems las byung ba tsam du med pa ma yin zhing/ yod pa tsam du thugs su chud pas na/ thun mong ma
 yin pa mngon par byang chub pa zhes bya ste/ de ltar mu stegs la sogs pa gang gis kyang ma rtogs pas na thun mong ma yin pa zhes bya'o/ /yongs su grub pa'i mtshan nyid thugs su chud pas na 'jig rten las 'das pa mngon par byang
 chub ba zhes bya ste/ yongs su sgrub pa'i mtshan nyid ni 'jig rten pa su la yang med pas 'jig rten las 'das pa zhes bya'o/ /gal te gang zag mngon par byang chub cing gang zag thugs su chud par 'gyur ba ni zab mo ci'ang thugs su chud pa
 ma yin no/ /ci'i phyir zhe na/ 'di ji ltar 'dzin pa de ni 'jig rten thams cad kyi khongs su chud pa dang zhes smos te gang zag dang bdag yod par ni 'jig rten kun gyis kyang khong du chud pas 'jig rten las lhag par sangs rgyas kyis zab mo
 ci 'ang khong du chud pa med do/ /gzhan yang gang zag khong du chud pa med na ni mu stegs pa dang ma 'dres pa yang ma yin no/ /ci'i phyir zhe na/ mu stegs pa rnams mngon par chags pa dang zhes smos te/ mu stegs pa rnams kyang bdag yod par
 lta bas/ mu stegs pa la lhag par sangs rgyas kyis thun mong ma yin pa'i chos gang yang mkhyen par 'gyur ba med do/ /gzhan yang gal te bcom ldan 'das kyis gang zag thugs su chud par 'gyur na ni de ltar na 'jig rten ma 'ongs pa'ang
 ma yin no/ /ci'i phyir zhe na/ 'khor ba yun ring po dang mthun pa zhes smos te/ so so'i skye bo rnams ni 'khor ba thog ma med pa nas bdag tu lta ba la zhen pas na/ sangs rgyas bcom ldan 'das kyis 'jig rten las 'das pa gang yang
 lhag par thugs su chud pa ma yin no/ /gang zag rdzas su yod par lta na nyes pa gzhan yang yod par bstan pa'i phyir/ yang gang zag ni lta ba po nas rnam par rig pa po'i bar du yin na lta ba la sogs pa 'bad pa dang bcas pa dang 'bad pa med par
 'gyur grang na zhes bya ba smos te/ 'di ltar gang zag de lta ba po nas rnam par rig pa po'i bar 'du byed pa yin na ni de rnam pa gnyis su brtag go /ji lta zhe na/ 'di ltar dang po lta ba 'dod pa skye'o/ /de nas mig 'byed pa la sogs pa'i 'bad pa
 byas nas gzugs la lta ba'i bya ba byed par 'dod dam/ 'o na te mig 'byed pa la sogs pa'i 'bad pa med par gzugs la lta ba'i bya ba byed par 'dod grang na/ gnyi ga ltar yang mi rigs so/ /de la thad cig 'bad pa dang bcas pa'i sgo nas lta
 ba la sogs pa'i bya ba byed pa mi rigs par bstan pa'i phyir/ 'bad pa dang bcas pa yin na yang 'bad pa de yang rang byung ba glo bur ba 'am/ de'i rkyen las 'byung bar 'gyur ro zhes bya ba smos te/ 'bad pa dang bcas bas gzugs la sogs pa
 la lta ba'i bya ba byed par 'dod na yang 'bad pa de la rnam pa gnyis su brtag ste/ ji lta zhe na/ 'bad pa de rang byung ba ste gzugs la sogs pa la lta ba'i bya ba byed par 'dod grang na gnyi ga ltar yang mi rigs so/ /de la 'bad par rang 'byung mi rigs par bstan pa'i phyir/ lta ba la sogs pa byed pa de rang byung ma yin gsum las kyang zhes bya ba smos te/ gzugs la lta ba rang sgra la nyan pa la sogs byed pa'i 'bad pa de rgyu med par rang 'byung bar yang mi rigs te/ ci'i phyir zhe
 na/ 'bad pa rang 'byung bar 'gyur na ni 'og nas bshad pa lta bu'i nyes pa gsum 'byung ba'i phyir te/ de bas na 'bad ba rang 'byung bar mi rigs so/ /de'i rkyen las 'bad ba byung ba mi rigs bar bstan pa'i phyir byed pa de'i rkyen kyang ste/
 de ma yin zhes bya ba dang sbyar ro zhes bya ba smos te/ gzugs la sogs ba lta pa'i bya ba byed ba'i 'bad ba de bdag des rgyu dang rkyen byas nas byung ba yang ma yin te/ ci'i phyir zhe na/ mig gi rnam par shes
 ba la sogs ba gzugs la lta ba'i bya ba byed ba de mig gi dbang po dang gzugs kyi rkyen gyis byung ba yin bas na/ bdag gi rkyen las gzugs la lta ba'i bya ba byed ba'i rnam par shes pa byung ba ma yin no zhes sngar yang smras la/ phyis
 kyang bdag de rkyen du mi 'gyur bar 'chad de/ /'bad pa med par lta ba la sogs pa'i bya ba byed par mi rigs par bstan pa'i phyir/ 'bad pa med pa zhig yin na ni grub pa yin no zhes bya ba smos te/ gal te bdag de gzugs la lta
 ba'i bya ba byed pa'i 'bad ba mi byed pa nas sgra la nyan pa'i bar gyi bya ba byed pa'i 'bad pa mi byed na ni bdag gi byed pa po ma yin par grub po zhes bya ba'i don to/ /ji ltar grub snyam pa la de'i phyir/ lta la sogs ba byed pa med ces bya ba smos
 te/ 'di ltar bdag de gzugs la lta ba'i 'bad ba yang med pa nas sgra la sogs pa la nyan ba'i 'bad ba med na/ bdag de gzugs la yang mi lta/ sgra la sogs pa la yang mi nyan pa nas lta bar byed pa po ma yin pa nas/ nyan pa la sogs
 pa'i bar gyi byed pa po mi byed pas na/ bdag de lta ba'i byed pa po byed pa nas nyan pa'i byed pa po byed pa'i bar du byed pa'i byed par ji lta 'gyur te mi 'gyur ro zhes bya ba'i don to/ /gsum gyi phyir zhes bya ba'i nyes ba gsum po gang gi phyir
 zhes bya ba la gong du gal te 'bad pa glo bur du byung ste/ rgyu med pa las byung bar gyur na nyes pa rnam pa gsum 'byung ngo zhes gleng ba las nyes pa rnam pa gsum po gang yin zhe na zhes bya ba'i don to/ /nyes pa rnam pa gsum po bstan pa'i phyir/ byed
 pa ma yin mi rtag dang/ /gcig car rtag tu 'jug pa'i phyir zhes bya ba la smos te/ nyes pa gsum ni bdag byed pa po ma yin pa'i nyes pa dang/ 'bad pa la sogs pa'i byed pa yang mi rtag par 'gyur gyi/ rtag par 'gyur ba'i nyes ba dang/ 'bad pa
 rtag par gyur pas cig car 'byung ba dang/ rtag tu 'byung ba'i nyes par 'gyur te/ don de dag gi bar du ni dbye ba zhib du ni 'grel pa'i skabs su bstan to/ /de bas na lta ba la sogs pa'i byed pa ni rang 'byung bar yang mi rigs zhes bya ba smos
 te/ byed bar byung bar gyur na ni nyes pa rnam pa gsum yod par 'gyur bas/ lta ba la sogs pa'i byed pa de rang byung ngo zhes bya ba yang mi rigs so zhes bya ba'i don to/ /gal te lta ba la sogs pa la byed pa glo bur du byung na ni lte ba la sogs
 pa de dag gang zag byed pa ma yin na zhes bya ba la/ gal te lta ba'i bya ba byed pa nas shes pa'i bya ba byed pa'i bar de dag gi glo bur du byung ste/ rgyu gang las kyang byung ba ma yin na ni de lta na gang zag dang gang gis lta ba'i bya ba byed pa yang ma byas
 ma bskyed pa nas/ nyes pa'i bya ba byed pa'i bar dag gang yang gang zag gis ma byas ma bskyed pa na/ gang zag de lta ba'i bya ba byed pa po ma yin pa nas/ shes pa'i bya ba byed pa po ma yin pa'i bar du byed pa po ma yin par 'gyur ro/ /
 glo bur yin na ni ltos pa med pa'i phyir byed pa nam yang med par mi 'gyur te/ mi rtag pa med par 'gyur ro zhes bya ba la/ gal te lta ba la sogs pa'i bya ba byed pa 'di glo bur du byung gi /rgyus bskyed pa ma yin na ni gang rgyu la bltos pa de dag rgyu yod
 na ni skye la/ rgyu med na ni mi skye bas bar 'ga' yod par 'ga' med par mi 'gyur gyi/ rgyu med pa'i chos rnams ni rgyu rkyen la bltos pa med pas na/ lta la sogs pa'i byed pa 'di nam yang med par mi 'gyur gyi/ dus thams cad du lta ba la sogs
 ba'i bya ba byed pa dang ldan par 'gyur ro/ /de ltar gyur na ni lta ba la sogs ba'i bya ba byed ba 'di mi rtag par mi 'gyur gyi/ rtag pa'i mtshan nyid du 'gyur ro/ /byed pa rtag na ni lta ba la sogs pa ci gcar
 ram/ rtag tu 'byung ba'i nyes par 'gyur zhes bya ba la/ gal te lta ba la sogs pa'i byed pa 'di rtag pa'i mtshan nyid yin par 'gyur na ni lta ba la sogs pa'i bya ba byed pa cig car du thal ces bya ba'am/ dus thams cad du rtag tu
 'byung ba'i nyes par 'gyur ro/ /ci'i phyir zhe na/ mi rtag pa'i chos la ni cig car mi 'byung gi /kha cig 'byung kha cig mi 'byung bar 'gyur ba dang/ bar 'ga' 'byung/ bar 'ga' mi 'byung bar mi 'gyur gyi/ rtag pa'i chos
 la ni rnam pa du mar gzhag tu med pas na/ nam mkha' bzhin du thog thag tu khyab par 'byung ba dang/ dus thams cad du 'byung ba'i skyon du 'gyur ro/ /de lta bas na lta ba la sogs ba'i byed pa 'di glo bur du byung zhes bya bar yang mi rigs
 so/ /bdag de lta ba la sogs pa'i khyed ba'i rkyen du yang mi rigs par bstan pa'i phyir/ de bzhin gnas dang zhig ba las/ /snga na med cing mi rtag phyir/ /gsum pa'i phyogs kyang med pas na/ /rkyen du yang ni mi rung ngo zhes smos
 te/ 'di ltar bdag ni lta ba la sogs pa'i bya ba byed pa'i rgyu dang rkyen du yang mi rung ngo/ /ci'i phyir zhe na/ gal te bdag de lta ba la sogs pa'i rgyu dang rkyen byed na/ bdag de rtag pa zhig yin te/ rtag pa des rkyen byed dam/ gal te
 bdag mi rtag pa zhig yin te mi rtag pa des rkyen byed dam/ yang na bdag de rtag pa yang ma yin mi rtag pa yang ma yin te/ de lta bus lta ba la sogs pa'i rkyen byed gang na gsum char ltar yang mi rigs so/ /ji ltar mi rigs
 she na/ bdag de de bzhin du gnas te rtag pa zhig yin na ni rgyu rtag pa las byung ba'i 'bras bu rnams par 'ga' 'byung/ bar 'ga' mi 'byung bar mi rigs kyi/ dus thams cad du 'byung par 'gyur ba'i phyir nam mig bltas ba'i tshe na ni lta
 ba'i bya ba byed ba yod la/ ma bltas pa'i snga rol na lta ba'i bya ba byed pa med bar mi 'gyur te/ de'i snga rol na yang lta ba'i bya ba byed pa yod par 'gyur bas/ snga na med par mi 'gyur ro/ /gal te bdag de mi rtag ba ste zhig pa'i rang bzhin yin pa las lta ba
 la sogs pa'i rkyen byed zhes zer na ni de lta na bdag de mi rtag par 'gyur ba'i phyir rtag par khas blangs bdon med do/ /rtag pa dang mi rtag pa'i phyogs la ma gtogs pa rtag pa yang ma yin mi rtag pa yang ma yin par bzhag pa'i phyogs
 gsum pa gang yang med do/ /ci'i phyir zhe na/ rtag pa dang mi rtag pa gnyis 'gal ba'i chos yin pas gang na rtag pa yod pa de na mi rtag pa med do/ /gang na mi rtag ba yod ba de na rtag pa med de/ de bas na chos gcig la rtag pa yang ma yin mi
 rtag pa yang ma yin par rnam pa gnyis su bzhag tu mi rung ngo/ /yang rtag pa ma yin na ni mi rtag par 'gyur te/ mi rtag pa'i skyon yang sngar smras zin to/ /mi rtag pa ma yin na ni rtag par 'gyur te/ rtag pa'o skyon yang sngar smras zin to/ /de ste yang
 gang zag kyi rkyen gyis byed ba byung na yang de de bzhin du gnas pa rkyen du mi rung ste/ snga na med pa'i phyir ro zhes bya ba la/ 'di ltar gang zag gi rgyu dang rkyen byas nas gzugs la lta ba la sogs pa'i byed ba 'byung par yang mi rigs te/ ci'i phyir
 zhe na/ gang zag ni de bzhin du rtag par gnas pa yin pas/ ji ltar mig phye ba'i dus na gzugs mthong ba de bzhin du mig ma phye ba'i tshe na yang gzugs mthong bar 'gyur ba'i rigs ni mig ma phye ba'i snga rol na gzugs mthong ba med de/ phyis
 gzugs gdong mthong bas na gang zag byed pa'i rkyen du 'gyur ba'i mi rigs so/ /don de nyid bstan pa'i phyir/ de'i rkyen las byung ba yin na ni gang zag nams kyang med par mi 'gyur bas gang gi tshe skyes
 pa na byed pa snga na ci'i phyir med bar 'gyur zhes smos te gang zag gi rkyen las gzugs la lta ba la sogs pa byed ba 'byung pa yin na ni de ltan ni gang zag nams kyang med pa yin te/ gang zag rtag par yod pas gzugs? la lta ba la
 sogs pa'i byed pa yang nams kyang med par mi 'gyur gyi/ dus thams cad du yod ba'i rigs na de ltar ni mi 'gyur gyi/ gang gi tshe mig phye nas gzugs la bltas pa de'i tshe 'ba' zhig na gzugs la lta ba'i byed pa skyed kyi de'i snga rol na
 ci'i phyir mi skye ste/ de'i snga rol na yang gzugs la lta ba'i bya ba byed ba'i skye ba'i rigs na/ sngar ma skyes ba'i phyir gang zag rkyen du mi rigs so/ /'di ltar par 'gal? skye/ bar 'ga' mi skye na ni rgyu rtag pa las byung bar mi rigs so//
 zhig ba yang rkyen du mi rung ste/ mi rtag pa'i phyir ro zhes bya ba la/ gang zag 'jig cing mi rtag pa'i rang bzhin yang rkyen du mi rung ste/ ci'i phyir zhe na/ gang zag ni gzhan dag gis rtag pa'i rang bzhin yin par khas blangs pas
 gang zag mi rtag par gyur ba'i phyir rtag par khas blangs pa'i don med do/ /gang gnas pa yang ma yin zhig pa yang ma yin bar 'gyur ba'i phyogs gsum po gang yang med pa nas zhes bya ba la/ gong du rtag pa yang rkyen du mi rung
 bar bshad/ mi rtag pa yang rkyen du mi rung par bshad pa'i phyir na rtag pa yang ma yin mi rtag pa yang ma yin pa'i phyogs gsum du bzhag pa ni med de/ dngos po gcig la rtag pa yang ma yin/ mi rtag pa yang ma yin zhes
 gnyis su bzhag tu mi rung la/ rtag pa ma yin na ni mi rtag ba'i phyogs su ltung/ mi rtag pa ma yin na ni rtag pa'i phyogs su ltung bas phyogs de yang sngar sun phyung zin to/ /de ltar gcig pa las brten te rdzas su gang zag mi
 dmigs so zhes bya ba la 'di man chad mngon sum gyi tshad ma dang rjes su dpag pa'i tshad mas gang zag rdzas su med par bsgrubs nas da ni lung gi tshad mas kyang gang zag rdzas su med par sgrub po /chos rnams thams cad bdag med de/
 dam pa'i don du stong pa'o/ /bdag tu dmigs pa nyes par yang/ /gang phyir de yang bshad pas so zhes bya ba la lung las kyang gang zag rdzas su med par bshad de/ lung las she na/ chos kyi mdo bzhi las/ 'dus byas thams
 cad mi rtag pa dang/ 'dus byas thams cad sdug bsngal ba dang/ chos thams cad bdag med pa dang/ zhi ba mya ngan las 'das pa'o zhes 'byung ba'i nang nas 'dus byas thams cad dang 'dus ma byas kyi chos thams cad la bdag med do
 zhes gsungs so/ /nyan thos kyi mdo sde don dam par stong pa zhes bya ba las kyang/ chos thams cad don dam par stong ngo zhes bka' stsal to/ /nyan thos kyi gzhung gcig las brtsams pa dang/ lung ring po zhes bya ba la sogs pa gzhung mang
 du yod pa las lung ring po'i gzhung gi nang nas chos gcig las brtsams pa dang/ gnyi ga las brtsams pa dang/ gsum las brtsams pa dang/ bzhi las brtsams pa dang/ lnga las brtsams pa'i char gyi nang nas lnga lngas las brtsams
 ba'i lnga phrug? bshad pa'i skabs su/ gang gi phyir bdag tu ltas na nyes pa rnams pa lnga 'byung ngo zhes gsungs te/ de bas na gang zag rdzas su yod pa ma yin no/ /las kyang yod rnam par smin pa yang yod de zhes bya ba la/ las yod pa ni las
 dge ba dang mi dge ba byas pa yod pa'o/ /rnam par smin pa yod pa ni 'bras bu bde ba dang sdug bsngal myong bar 'gyur ba yod pa'o/ /chos kyi tha snyad ma gtogs par zhes bya ba la sogs pa la ma rig pa'i rkyen gyis
 'du byed nas/ skye ba'i rkyen gyis rga shi la sogs pa rten cing 'brel te 'byung ba yan lag bcu gnyis tshul gyis 'khor bar skye ba ni chos kyi tha snyad ces bya ste/ de lta bu'i tshul gyis skye ba ma gtogs pa'i phung po 'di 'dor zhing phung po gzhan len
 pa'i bdag ni med do zhes bka' stsal to/ /bdag tu lta ba dang/ srog tu lta ba yin zhes bya ba la gang zag rdzas su yod par khas blangs na/ bdag dang bdag gi med pa'i phung po la bdag dang srog tu lta bar 'gyur to/ 'di ni nyes pa rnam pa
 gcig go /mu stegs can rnams dang bye brag med pa zhes bya ba la/ 'di ltar mu stegs pa rnams kyang bdag dang gang zag yod par lta ba la/ gang zag rdzas su yod par lta ba 'di 'ang bdag dang gang zag lta bas mu stegs ba rnams dang gang zag tu
 lta bar khyad par med de 'di ltar nyes pa rnam pa gnyis so/ /lam 'og bar zhugs pa yin zhes bya ba la/ mya ngan las 'das pa dang/ thar pa'i lam ni 'du byed thams cad mi rtag pa dang/ sdug bsngal ba dang/ stong pa dang/ bdag med par bsgom
 pa yin na/ gang zag tu lta ba 'dis bdag dang gang zag tu bltas pas lam logs par zhugs pa yin te/ 'khor ba dang ngan song du skye ba'i lam la zhugs pa yin zhes bya ba'i don to/ /'di ni nyes pa rnam pa gsum mo/ /stong pa nyid
 la de'i sems mi 'jug ces bya ba/ stong pa nyid ni bdag dang bdag gi med pa'i chos te gang zag rdzas su yod par bltas pas stong pa nyid la de'i sems mi 'jug pa zhes bya'o/ /mi 'jug pa nyid bstan pa'i phyir/ mi dad mi gnas mi
 mos ba dang zhes bya ba smos te/ nyan pa'i dus na dad pa med pas na mi dad pa'o/ /sems pa'i dus na rtogs pa mi 'byung bas na mi gnas pa'o/ /bsgom pa'i dus na yang stong pa nyid mthong bar mi 'gyur bas na mi mos pa zhes bya ste/ 'di ni nyes pa rnam
 pa bzhi'o/ /de'i 'phags pa'i chos rnam par byang bar mi 'gyur zhes bya ba la de'i zhes bya ba ni gang zag rdzas su yod par smra ba'i gang zag tu lta ba de zhes bya ba'i don to/ /'phags pa'i chos ni mthong ba'i lam dang bsgom pa'i lam la bya ste/ mthong ba'i
 lam dang bsgom pa'i lam la brten nas/ mthong ba dang bsgom pas spang bar bya ba'i nyon mongs pa spangs te mya ngan las 'das pa mngon sum du thob pa mi 'byung bas na 'phags pa'i chos rnam par byang bar mi 'gyur ro zhes bya ba'i don to/ /
 'di ni nyes pa rnam pa lnga pa ste/ de ltar lung gi tshig rigs pa dang sbyar na yang gang zag rdzas su yod par mi rung ngo/ /bcom ldan 'das kyis de dang der zhes bya ba la sogs pa ni gang zag tu smra ba'i rnams yang rgol ba'i tshig ste/ 'di ltar
 bcom ldan 'das mdo sde de dang de dag gi nang nas kun shes pa'i gang zag dang/ shes par byed pa'i gang zag dang/ khur bor ba'i gang zag dang/ dad pa'i rjes su 'brang ba'i gang zag dang/ chos kyi rjes su 'brang ba'i gang zag ces bya ba la
 sogs pa gang zag rnam pa mang po bshad de/ de ste gang zag med pa zhig yin na ni ci'i phyir bcom ldan 'das kyis gang zag gi rnam grangs mang por bshad cing bka' stsal/ gal te gang zag rdzas su med na ni bcom ldan 'das kyis gang zag gi rnam grangs
 bka' stsal par mi 'gyur na/ bcom ldan 'das kyis bka' stsal cing bshad pas na lung las 'byung ba'i phyir gang zag rdzas su yod ces rgol lo/ /de skad du rgal gal gang zag rdzas su yod pa'i phyir bcom ldan 'das kyis gsungs pa ni ma yin gyi/ gang
 zag ces bya ba ming du gtags pa'i sgo nas kun nas nyon mongs pa'i chos dang rnam par byang ba'i chos la tha snyad du bya ba'i phyir gang zag ming du btags so zhes bstan ba'i phyir kun nas nyon mongs rnam par byang/ gnas
 dang chad pa tha dad pa/ /'jug dang rgyud kyang tha dad par/ /gang zag gis ni shin tu bstan ces bya ba smos te gal te gang zag ces bya ba'i ming dang tha snyad ma btags na ni kun nas nyon mongs pa tha dad pa dang/ rnam par byang ba tha dad pa dang/
 gnas pa tha dad pa dang/ chad ba tha dad pa dang/ 'jug pa tha dad pa dang/ rgyu tha dad pa dag bstan du mi rung gi /de dag tha dad par bstan pa yang/ gang zag tu btags pa'i ming gi sgo nas de dag bstan par mi nus te gang zag rdzas su med
 kyang gang zag ming du btags so/ /de la kun nas nyon mongs pa'i chos dang ldan na kun nas nyon mongs pa'i dus na ni kun nas nyon mongs pa dang bcas pa'i gang zag ces bya'o/ /rnam par byang ba'i chos dang ldan pa ni de'i dus na rnam par byang ba dang
 ldan pa'i gang zag ces bya'o/ /de la kun nas nyon mongs pa la yang gnas rnam pa mang ste/ kun nas nyon mongs pa chung ngu la gnas pa dang/ kun nas nyon mongs pa 'bring po la gnas pa dang/ kun nas nyon mongs pa chen po la gnas pa'o/ /de
 la kun nas nyon mongs pa chung ngu la gnas pa na gang zag 'di ni 'dod chags chung ngu zhes gdags so/ /kun nas nyon mongs pa 'bring? la gnas pa na ni gang zag 'di ni 'dod chags 'bring dang ldan pa zhes bya'o/ /kun nas nyon mongs pa chen po la
 gnas pa'i tshe na ni gang zag 'di ni 'dod chags chen po dang ldan pa zhes bya'o/ /de bzhin du zhe sdang la sogs pa yang sbyar ro/ /rnam par byang ba'i chos la yang rnam par byang ba chung ngu la gnas pa dang/ rnam par byang ba 'bring la gnas pa dang
 rnam par byang ba chen po la gnas pa ste/ rnam par byang ba la yang gnas pa tha dad pa rnam pa gsum mo/ /de la rnam par byang ba chung ngu la gnas pa la ni lam chung ngu thob pa zhes bya'o/ /rnam par byang ba 'bring la gnas pa
 la ni lam 'bring po thob pa'i gang zag ces bya'o/ /rnam par byang ba chen po la gnas pa la ni lam chen po thob pa'i gang zag ces bya'o/ /de la gang zag gang gcig tu mi dge ba'i las byed pa rnams ni kun nas nyon mongs pa'i phyogs su ltung
 zhing chad pa'i gang zag ces bya'o/ /gang zag gang gcig tu dge ba'i rnams la ni rnam par byang ba'i phyogs su ltung zhing chad pa'i gang zag ces bya'o/ /kun nas nyon mongs pa la spyod pa rnams la ni kun nas nyon mongs pa la spyod pa'i gang zag ces bya'o rnam par byang
 ba spyod pa rnams la ni rnam par byang ba la 'jug ba'i gang zag ces bya'o/ /gang zag gang kun nas nyon mongs pa la gnas pa'i gang zag de dag la ni gang zag 'di sems kyi rgyud kun nas nyon mongs pa dang ldan pa zhes bya'o/ /gang zag gang rnam par byang ba'i chos la
 gnas pa de dag la ni gang zag 'di sems kyi rgyud rnam par byang ba'i chos dang ldan pa zhes bya ste/ de ltar gang zag tu gdags pa med par de dag tha dad par dbye zhing bstan par mi rung ngo/ /kun nas nyon mongs pa dang/ rnam par byang ba gnas tha dad pa
 dang/ chad pa'i bye brag la gang zag btags pa med par 'jug pa tha dad pa dang/ rgyu tha dad par bstan par mi nus so zhes bya ba la gal te gang zag ces bya ba'i ming ma bstan ma btags par ni kun nas nyon mongs pa dang tha dad pa bstan pa dang/
 rnam par byang ba tha dad par bstan pa dang/ kun nas nyon mong pa dang rnam par byang ba gnas tha dad pa dang/ gang zag 'di ni dge ba byed par chad/ gang zag 'di mi dge ba byed par chad pa la sogs pa chad pa tha dad par bstan pa dang/ gang zag
 'di ni mi dge ba la 'jug pa/ gang zag 'di ni dge ba la 'jug pa'o zhes 'jug pa tha dad par bstan pa dang/ gang zag 'di'i sems kyi rgyud kun nas nyon mongs pa dang ldan pa'i gang zag 'di'i
 sems kyi rgyud rnam par byang ba dang ldan zhes rgyud tha dad par bstan pa la sogs pa tha dad pa rnam pa mang po bstan par mi nus te/ de bas na tha dad pa rnam pa sna tshogs bstan pa'i phyir gang zag ces bya ba'i ming btags shing bshad
 do/ /yongs su shes pa'i mdo sde las/ yongs su shes par bya ba'i chos ni kun nas nyon mongs pa'o/ /yongs su shes par byed pa ni rnam par byang ba'o zhes bya ba la yongs su shes pa'i mdo sde'i nang nas yongs su shes par bya ba'i
 chos dang/ yongs su shes par byed pa ste rnam pa gnyis su gsungs so/ /de la sdug bsngal gyi bden pa dang/ kun 'byung gi bden pa gnyis la ni yongs su shes pa'i chos zhes bya ste/ de nas kun nas nyon mongs pa'i phyogs su bsdu'o/ /
 'gog pa'i bden pa dang/ lam gyi bden pa gnyis la ni yongs su shes par byed pa ces bya ste/ de ni rnam par byang ba'i phyogs su bsdu'o/ /de la gal te gang zag ma gtogs na 'di ni yongs su shes pa bya ba'i gang zag 'di ni yongs su shes
 par byed pa'i gang zag ces gang zag de dag gi 'jug pa tha dad pa dang/ rgyud tha dad pa bstan cing bshad pa mi rung ste/ de bas na gang zag gi ming btags so/ /de la yongs su shes par bya ba'i gang zag ni kun nas nyon mongs pa'i
 phyogs la zhugs shing kun nas nyon mongs pa'i chos dang sems kyi rgyud dang ldan pa zhes bya ba'o/ /yongs su shes par byed pa'i gang zag ni rnam par byang ba'i chos la zhugs shing rnam par byang ba'i chos dang sems kyi rgyud dang ldan pa zhes
 bya'o/ /khur khyer ba'i mdo las kyang khur dang khur khyer ba ni nyon mongs pa'o/ /khur bor ba ni rnam par byang ba'o zhes bya ba la khur khyer ba'i mdo sde'i nang nas kyang/ khur khyer ba'i gang zag dang khur bor ba'i gang zag ces gang
 zag rnam pa gnyis su bshad do/ /de la sdug bsngal gyi bden pa la ni khur zhes bya'o/ /kun 'byung gi bden pa la ni khur 'khyer ba 'am/ khur len pa zhes bya ste de gnyis ni kun nas nyon mongs pa'i phyogs su gtogs so/ /khur bor ba la
 yang rnam pa gnyis te gang du/ khur bor ba dang gang gis khur bor ba'o/ /de la gang du khur bor zhe na 'gog pa'i dus su khur bor ro/ /gang gis khur bor zhe na/ lam gyi bden pas khur bor te/ 'di gnyis ni rnam par byang ba'i phyogs su
 gtogs so/ /de la gang gis sdug bsngal dang kun 'byung ma spangs pa'i gang zag rnams ni khur khyer ba la 'jug cing khur dang sems kyi rgyud ldan pa zhes bya'o/ /gang gis 'gog pa'i bden pa dang/ lam gyi bden pa thob pa'i gang zag gnyis
 la ni khur bor ba la 'jug cing khur bor ba'i chos dang sems kyi rgyud ldan pa zhes bya ste/ de ltar de dag gi 'jug pa tha dad pa dang sems kyi rgyud tha dad pa yang gang zag ces bya ba'i ming btags pa med pa 'di ni khur khyer ba'i gang zag go/
 'di khur bor ba'i gang zag go zhes bstan par mi nus so/ /byang chub kyi phyogs kyi chos rnams kyang sbyor ba dang/ mthong ba dang/ bsgom pa dang/ mthar thug pa'i lam gyi bye brag tha dad pas gnas rnam pa mang ste zhes bya ba la byang chub kyi
 phyogs sum cu rtsa bdun bsgom pa la yang sbyor ba'i lam gyi gnas na bsgom pa dang/ mthong ba'i lam gyi gnas na bsgom pa dang/ bsgom pa'i lam gyi gnas na bsgom pa dang/ mthar thug pa'i lam gyi gnas na bsgom pa la sogs
 sogs te bsgom pa'i gnas rnam pa mang du yod do/ /de la sbyor pa'i lam ni mos pa sbyong ba'i sa bzhi la bya ste/ de'i dus na byang chub kyi phyogs la sgom pa'i tshe na ni gang zag de mos pa spyod pa'i
 gang zag ces bya'o/ /mthong ba'i lam gyi dus na ni byang chub sems dpa' rnams kyis sa dang po thob po 'am/ nyan thos rnams kyis rgyun du zhugs pa'i las thob pa ste/ de'i dus na byang chub kyi phyogs kyi chos sum cu rtsa bdun la bsgom pa'i
 gang zag la ni mthong ba'i lam la gnas pa'i gang zag ces bya'o/ /theg pa chen po'i chul gyis ni sa gnyis pa yan chad bsgom pa'i lam yin la/ theg pa chung ngu'i tshul gyis ni rgyun du zhugs pa'i 'bras bu thob pa yan chad bsgom
 pa'i lam la gnas pa zhes bya ste/ de'i tshe byang chub kyi phyogs la bsgom pa'i tshe na ni bsgom pa'i lam la gnas pa'i gang zag ces bya'o/ /nyan thos kyi tshul gyis dgra bcom pa'i 'bras bu thob pa dang/ theg pa chen po'i tshul gyis
 mngon par sangs rgyas pa dag ni mthar thug pa'i lam zhes bya ste/ de'i dus na byang chub kyi phyogs la gnas pa'i gang zag la ni mi slob pa'i gang zag ces bya ste/ de ltar tha dad pa rnam par bzhag pa yang gang zag ces bya ba'i ming ma
 btags par 'jug pa tha dad pa dang/ rgyud tha dad par bstan par mi nus te de'i phyir gang zag ces bya ba'i ming btags nas bshad do/ /de'i phyir gang zag rdzas su yod pa ma yin yang zhes bya ba la sogs pa la/ bcom ldan 'das kyi
 mdo de dang de dag gi nang nas gang zag ces bya ba bshad cing bstan pa yang dgongs pa de dag gi phyir bshad cing bstan to zhes bya ba'i don to/ /de ltar ma yin na ni gang zag kyang rdzas su med la/ bcom ldan 'das kyis gang zag
 tu btags pa rnams kyang don med pa dang dgos pa med par 'gyur ro zhes bya ba'i don to/ /gal te gang zag yod par smra ba rnams 'di skad du 'di ltar sems can rnams kun sems kyi rgyud la bdag tu lta ba ma skyes pa'i sems kyi rgyud la bdag tu lta
 ba skyed pa'i phyir bcom ldan 'das kyis gang zag bshad do zhe na/ de ltar yang mi rigs par bstan pa'i phyir/ de ni bdag tu lta ba skyed pa'i don du yang mi rung ste zhes smos te/ bcom ldan 'das kyis gang zag yod do zhes bshad pa de
 bdag tu lta ba bskyed pa'i phyir bcom ldan 'das kyis bshad do zhes byar yang mi rung ngo zhes bya ba'i tha tshig go /ci'i phyir de ltar mi rung snyam pa la gang gi phyir/ bdag tu lta ba skyed pa ma yin/ snga nas skyed pa'i phyir ro zhes bya ba
 smos te/ sems can rnams kyi sems kyi rgyud la bdag tu lta ba skyed pa'i phyir gang zag yod do zhes bshad pa yang ma yin te/ ci'i phyir zhe na/ bdag tu lta ba ni 'khor ba thog ma med pa'i dus nas sems kyi rgyud la skyes zin pas na da
 skyed pa'i phyir ro zhes byar yang mi rung ngo/ /gal te gang zag tu smra ba rnams 'di skad du sems can gyi sems kyi rgyud la bdag tu lta ba skyes kyang bdag tu lta ba de la sems can gyis goms par mi bya ste/ de bas na bdag tu lta ba la goms
 pa bskyed pa'i phyir/ bcom ldan 'das kyis gang zag bshad do zhe na/ de ltar yang mi rigs par bstan pa'i phyir/ de goms par bya ba'i phyir yang ma yin te zhes bya ba smos te/ bdag tu lta ba la goms par bya ba'i gang zag yod par gsungs pa
 dang mi rigs so zhes bya ba'i don to/ /ji ltar mi rigs par bstan pa'i phyir gang phyir bdag tu lta ba ni thog ma med pa'i dus nas goms pa ste zhes bya ba smos te 'di ltar bdag tu lta ba ni 'khor ba thog ma med pa'i dus nas sems can gyis goms
 pa dang/ 'dris par byas zin pas na de la goms par bya ba'i phyir bshad ces byar mi rung ngo/ /yang gal te bdag mthong bar thar par 'gyur ba'i phyir bshad do zhe na zhes bya ba la yang gal te gang zag yod
 por smra ba rnams 'di skad du sems can rnams bdag tu lta pa la goms par byas shing bdag ces bya ba ming tsam gyi sgo nas shes par gyur kyang sems can gyis bdag mthe bong tsam mam yungs 'bru tsam gyi mtshan nyid ma mthong bas sems can
 thar pa dang grol bar 'gyur te/ de bdag mthe bong tsam dang yungs 'bru tsam mthong ba'i sgo nas sems can thar pa dang mya ngan las 'das pa thob par bya ba'i phyir/ bcom ldan 'das kyis gang zag bshad do zhe na yang mi rigs so zhes bya ba'i
 don to/ /de ltar mi rigs par bstan pa'i phyir/ de lta ma yin na ni 'bad pa ma byas thams cad kyis/ thar pa 'am zhes bya ba smos te gal te bdag tu lta bas thar par 'gyur na ni so so'i skye bo la phal pa bden pa bzhi mthong ba'i rnams la yang
 bdag tu lta ba yod pas/ de lta na ni bden pa mthong bar bya ba'i phyir/ mnyan pa dang/ bsam pa dang/ bsgom pa la sogs pa'i 'bad pa ma byas par yang sems can thams cad thar pa thob pa dang/ /mya ngan las 'das pa thob pa'i skyon du 'gyur
 ro/ /yang na thar pa yang don med par 'gyur te zhes bya ba la gal te bdag tu mthong bas thar par 'gyur ro zhe na/ de lta na ni bdag tu lta ba nyid 'ching ba yin pa'i phyir/ de bcings par 'gyur gyi thar par mi 'gyur bas na sems can thar par
 bya ba'i phyir/ bcom ldan 'das kyis gang zag bshad do zhes bya ba yang don med do/ /de nyid kyi don dgrol ba'i phyir/ sngon bdag dang bdag med par bzung la/ bden pa mthong ba rtogs par 'gyur ba'i tshe/ bdag yod par 'dzin te
 zhes bya ba la sogs pa smos te/ 'di ltar bdag yod par mthong ba nyid bden pa mthong ba dbang 'dra? ste/ sngon chad ma bsgoms pa'i tshe na ni bdag yod pa'i chos la bdag yod par ma mthong gi /bdag med par mthong bas na thar par 'gyur gyi/
 bsgoms nas phyis bdag yod par 'gyur ba dang/ thar pa dang mya ngan las 'das par gyur to zhes bya ba'i don to/ /ji ltar sdug bsngal la sdug bsngal du sngon mi 'dzin pa las kyang phyis 'dzin pa bzhin no zhes bya ba smos te/ dper na mnyan
 pa dang bsam pa dang/ bsgom pa la sogs pa ma byas pa'i sngon rol na sdug bsngal la sogs pa'i bden pa bzhi ma mthong bas na sems can rnams thar par ma gyur gyi phyis sdug bsngal la sogs pa'i bden pa bzhi mthong ba dang gdod thar
 bar gyur pa dang 'dra bar sems can rnams kyis kyang bdag yod pa'i chos la bdag yod par sngon mthong bas sems can thar par ma gyur gyi/ phyis bsgom pa la sogs pa'i mthus phyis bdag yad par mthong ba dang/ gdong thar par 'gyur
 ro zhes zer na yang mi rigs par bstan pa'i sngon ji lta ba bzhin du phyis kyang de bzhin du thar par 'gyur ro zhes bya ba smos te/ ji ltar bdag mthong bas thar 'gyur ba yin na ni sngon sems can rnams bdag tu lta ba yod pa de'i rkyen gyis
 'dod chags la sogs pas nyon mongs pa byung nas/ des bcings pa'i phyir thar par ma gyur pa de bzhin du bsgoms nas mthong bar gyur na yang 'di ltar bdag tu mthong ba las nyon mongs pa thams cad 'byung ste/ bdag dang mthun pa
 rnams la ni 'dod chags skye/ bdag dang mi mthun pa rnams la ni zhe sdang skye ste/ 'di ltar nyon mongs pa skyes par gyur na nyon mongs pas bcings par 'gyur gyi thar ba nams kyang mi 'gyur te/ de bas na bdag tu lta ba las thar
 par 'gyur ro zhes bya ba 'gal ba yin no/ /de yod na ni nyes pa de dag tu 'gyur ro zhes bya ba ni bdag tu lta ba yod na gong du bshad pa'i nyes pa rnams 'byung bar 'gyur ro zhes bya ba'i tha tshig go /da ni ngo tsha ba nas
 brtsams te/ gang zag la bdag med par bshad pa'i bar dag gi byang chub kyi phyogs rnams kyi las mdor bstan pa'i phyir/ de ltar yon tan de dag dang/ byang chub sems dpa' rtag ldan pas/ /bdag gi don kyang mi 'dor zhing/ /gzhan gyi
 don kyang sgrub pa yin zhes bya ba smos te de ltar zhes bya ba ni gong du bshad pa ltar te/ gong du bshad pa ltar byang chub sems dpa' ngo tsha ba dang bstan pa la sogs pa'i yon tan dang ldan pa rnams las rnam pa gnyis byed de/ las rnam pa gnyis ni
 bdag gi don mi 'dor ba dang gzhan gyi don kyang bsgrub pa'o/ /de la bdag gi don kyang spangs pa phun sum tshogs pa dang/ ye shes phun sum tshogs pa'i bdag nyid de rnam pa gnyis po de la spang pa ni nyon mongs pa dang/ shes bya'i sgrib pa spang ba'o/ /ye
 shes ni gang zag la bdag med pa khong du chud pa dang/ chos la bdag med par khong du chud pa ste de dag thob pa las nams kyang nyams par mi 'gyur ba ni bdag gi don mi 'dor ba zhes bya'o/ /sems can rnams kyang spangs pa dang ye shes
 nyid la 'god par byed pa ni gzhan gyi don kyang sgrub pa zhes bya'o/ /byang chub kyi phyogs kyi skabs bshad pa rdzogs so// //da 'di man chad ni yon tan gyi skabs bshad do/ /de la byang chub kyi phyogs kyi skabs su byang
 chub sems dpa' rnams kyi dmigs pa dang/ rnam pa dang/ rang bzhin dang/ khyad par la sogs pa rnam pa thams cad du byang chub sems dpa' i bslab pa'i lam rdzogs par bshad do/ /de la bslab pa'i lam de dag la slob pa'i byang chub
 sems dpa' ni yon tan rnam pa gnyis dang ldan pas 'gyur te/ yon tan gnyis po gang zhe na/ bsgrub pa'i yon tan dang/ rab tu bsngags pa'i yon tan te/ de bas na byang chub kyi skabs kyi 'og tu yon tan gyi skabs bshad par
 'brel to/ /de la bsgrub pa'i yon tan ni rnam pa gsum ste/ rgyu mthun pa'i yon tan dang/ 'brel pa'i yon tan dang/ sems can la mngon du lta ba'i yon tan no/ /de la rgyu mthun pa'i yon tan ni bslab pa'i lam de dag la
 dus ring por goms par byas pas byang chub sems dpa' nyid lam gyi ngo bor 'gyur te/ de bas na rtag tu yang lam sngar skyes pa'i rnams brtan pa dang/ dge ba ma skyes pa'i rnams phyir zhing 'phel bar 'gyur te/ de yang rang gi lus
 ni yongs su gtong zhes bya ba nas brtsams te/ rtog pa med pa'i shes rab ni blo ldan dag gis ngo mtshar zhes bya ba nas tshigs su bcad pa gnyis kyis bstan to/ /'brel ba'i yon tan ni mthong ba dang/ bsgom pa'i lam
 gnyis kyis nyon mongs pa dang shes bya'i sgrib pa gnyis spangs nas sangs rgyas kyi sar gnas rnam par dag pa thob pa ste/ yang de bzhin gshegs pa'i rigs su ste zhes bya bas ni mthong ba'i lam bstan to/ /lung bstan pa ni
 thob pa dang/ dbang bskur ba dang zhes bya bas ni bsgom pa'i lam bstan to/ /byang chub kyang thob par ngo mtshar che bar 'dod ces bya bas sgrib pa gnyis dang bral ba'i gnas rnam par dag pa thob par bstan to/ /de lta bu'i
 byang chub sems dpa' de ni sems can thams cad dang bdag tu mnyam pa nyid kyi sems thob par 'gyur te/ de yang ji ltar blo ldan sems can la/ /byams pas rab tu byed pa bzhin/ zhes bya ba la sogs pa tshigs su
 bcad pa gsum gyis bstan to/ /sems can la mnyam pa nyid kyi sems thob pa'i byang chub sems dpa' i de rtag tu sems can rnams la phan 'dogs par byed de/ de yang snod du yang ni byed pa'ang
 zhes bya ba la sogs pa tshigs su bcad pa bcu drug gis bstan te/ de ltar sems can la sems mnyam pa nyid thob pa dang/ sems can la phan 'dogs par byed pa nyid sems can la mngon par lta ba'i yon tan zhes
 bya'o// //ngo mtshar che ba'i rnam par dbye ba'i tshigs su bcad pa gsum mo zhes bya bas/ gang so so'i skye bo dang/ nyan thos dang/ rang sangs rgyas la sogs pa la med cing mi srid pa'i yon tan dang ldan pa
 ni ngo mtshar che ba zhes bya ste/ ngo mtshar che ba'i chos de la dbyen du yod pa tshigs su bcad pa gsum gyis ston to zhes bya ba'i don to/ /de la tshigs su bcad pa gsum gyis bsdus pa'i don ni pha rol tu phyin pa drug bsgrub
 pa la ngo mtshar che ba dang/ 'bras bu thob pa la ngo mtshar che ba bstan to/ /rang gi lus ni yongs su gtong zhes bya ba la/ sbyin pa'i pha rol tu phyin pa la yang bza' ba dang/ bgo ba la sogs pa tsam gyi dngos po gtong ba
 ni 'jig rten bdag dang/ nyan thos dang/ rang sangs rgyas la yang srid pas ngo mtshar che ba ma yin gyi gang 'dod pa rnam pas mgo dang rkang lag la sogs pa yang yongs su gtong bar byed pa ni byang chub sems dpa' 
 rnams kyis sbyin pa la ngo mtshar du bya ba yin no zhes bya ba'i don to/ /sdom pa'i phyir ni phun sum tshogs zhes bya ba la/ tshul khrims kyi pha rol tu phyin pa la yang dge slong pha dang dge slong ma la sogs pa sdom ba'i tshul
 khrims yang dag par blang ba'i phyir 'khor los sgyur ba la sogs pa longs spyod phun sum tshogs pa yang mi gtsang ba dang mchil ma'i sdog bu bzhin du bor nas khyim nas khyim med par rab tu byung bar byed pa ni byang chub sems dpa' 
 rnams kyi tshul khrims kyi pha rol tu phyin pa yang dag par len pa la ngo mtshar du bya ba yin no/ /nyam chung ba la bzod pa dang zhes bya ba la rgyal po dang blon po la sogs pa dbang dang mthu dang/ stobs la sogs pa che bas gnod
 pa byas pa rnams nyams su len cing bzod pa byed pa ni ngo mtshar ci che/ sprang po dang gdol bu la sogs pa mthu dang dbang chung ba rnams kyis gnod pa sna tshogs byas pa la yang nyams su len cing bzod pa ni byang chub sems dpa' i pha rol
 tu phyin pa la ngo mtshar bya ba yin no zhes bya ba'i don to/ /lus dang srog la mi lta bar brtson 'grus tsom pa dang zhes bya ba la brtson 'grus la yang nyan pa dang sems pa la sogs pa'i dge ba 'ga' tsam byed pa 'am dge ba cung zad tsam
 byed pa ngo mtshar du bya ba ma yin gyi/ dge ba'i chos la 'jug pa na/ lus la grang ba dang/ tsha ba la sogs pa'i sdug bsngal ba nyams su len cing srog la bab pa na yang brtson 'grus mi gtong bar lus dang srog la mi phangs par byas nas
 brtson 'grus rgya chen por rtsom pa ni byang chub sems dpa' i brtson 'grus la ngo mtshar du bya ba yin no zhes bya ba'i don to/ /bsam gtan gyi bde ba dag la ma chags te zhes bya ba la bsam gtan gyi pha rol tu phyin pa la yang bsam gtan dang
 po dang gnyis pa la sogs pa'i bde ba dam pa mchog thob na yang de la dga' ba dang bde bar bya ba 'dzin cing bsam gtan gyi bde ba spangs nas/ slar 'dod ba'i khams su ngan song gsum la sogs pa'i gnas man chad du skye bar byed pa ni
 ngo mtshar du bya ba yin no zhes bya ba'i don to/ /rtog pa med pa'i shes rab ste/ blo ldan dag gi ngo mtshar shes zhes bya ba la/ shes rab kyi pha rol tu phyin pa la yang/ shes rab ni chos rnams kyi
 rang dang spyi'i mtshan nyid 'byed pa yin na/ 'dus byas dang/ 'dus ma byas kyi chos la yang yod pa dang med pa la sogs pa gang la yang mi rtogs pa ni byang chub sems dpa' rnams kyi shes rab la ngo mtshar du bya ba yin te/ de ltar tshigs
 su bcad pa gnyis kyis pha rol tu phyin pa drug bsgrub pa la ngo mtshar che ba bstan to/ /da ni 'bras bu thob pa la ngo mtshar che ba ston te/ de la 'bras bu la yang slob pa'i 'bras bu dang mi slob pa'i 'bras bu ste/ rnam pa gnyis so/ /de bzhin
 gshegs pa'i rigs su ste zhes bya ba la mos pa spyod pa'i sa man chad na so so'i skye bo'i rigs su gnas pa las sa dang po thob pa'i dus na de bzhin gshegs pa'i rigs su skyes pa thob ste/ de yang ngo mtshar du bya ba yin no/ /de la de bzhin
 gshegs pa'i rigs ni chos kyi dbyings dang rnam par mi rtog pa'i ye shes te/ des sa dang po thob pa nas sa dang po la de bzhin gshegs pa'i rigs su skyes pa zhes bya'o/ /de bas na sa bcu pa'i mdo las kyang de'i tshe de'i bdag nyid
 kyis chos thob pa nas de bzhin gshegs pa'i rigs su skyes pa zhes bya'o zhes gsungs te/ 'di ni slob pa'i 'bras bu rnams gcig thob pa'o/ /lung bstan pa thob pa dang zhes bya ba las brgyad pa thob pa'i dus na rtsol ba dang 'bad pa thams
 cad las 'das nas rnam par mi rtog pa'i ye shes lhun gyis grub pa thob ste/ de'i tshe phyogs bcu'i de bzhin gshegs pa thams cad kyis bla na med pa'i byang chub tu lung bstan pa thob pa yang byang chub sems dpa' rnams kyi ngo mtshar du bya ba yin no
 zhes bya pa'i don to/ /'di ni slob pa'i 'bras bu rnam pa gnyis thob ba'o/ /dbang bskur ba dang zhes bya ba las dgu pa las 'das nas sa bcu thob pa dang/ phyogs bcu'i de bzhin gshegs pa thams cad kyis chos kyi rgyal po'i rgyal tshab tu dbang
 bskur bar mdzad de/ de'ang byang chub sems dpa' rnams kyi ngo mtshar du bya ba yin no zhes bya ba'i don to/ /'di ni slab pa'i 'bras bu gsum thob pa'o/ /byang chub kyang thob pa zhes bya ba la/ sangs rgyas kyi sar bla na med pa'i byang chub tu
 mngon par sangs rgyas pa thob pa yang byang chub sems dpa' rnams kyi ngo mtshar du bya ba ste/ 'dis ni mi slob pa'i 'bras bu mchog thob pa bstan to/ /'di dag la ni ci zhig ngo mtshar che zhe na/ gang du bshad pa'i chos de lta bu dag ni so? so'i skye
 bo dang/ nyan thos dang/ rang sangs rgyas la sogs pa la yod pa mi srid pas de'i phyir ngo mtshar du bya ba'o/ /ngo mtshar mi che bar rnam par dbye ba'i tshigs su bcad pa zhes bya ba la/ gong du bshad pa lta bu'i chos de dag 'jig rten dang/ nyan
 thos la sogs pa la bltos na ni ngo mtshar du bya ba yin med kyi/ byang chub sems dpa' bsam pa rlabs pa che dang 'dra ba rnams la/ de ngo mtshar du bya ba ma yin par bstan pa'i phyir tshigs su bcad pa gcig rtsom mo zhes bya ba'i don to//
 'dod chags bral dang snying rje dang/ /sgom pa dag ni dam pa dang/ /de bzhin sems ni mnyam pa la/ /de la sbyor ba ngo mtshar min/ /zhes bya ba la gang 'dod chags dang bral ba'i sems rnyed pa dang/ snying rje chen po dang ldan pa dang/ bsgom
 ba dam pa la bsgom pa dang/ bdag dang sems can du mnyam pa'i sems rnyed pa dag gis gong du bshad pa lta bu pha rol tu phyin pa dag la sbyor zhing byang chub dam pa'i bar dag thob par gyur pa la/ ngo mtshar mi che ba zhes bya ba'i don to/ /
 de la 'khor los sgyur ba'i longs spyod pa sogs pa la yang mi gtsang ba lta bur 'du shes pa rnyed cing longs spyod la chags ba'i 'dod chags dang bral ba rnams phyi nang gi dngos po yongs su gtong bar byed
 pa ni ngo mtshar du che ba ma yin no/ /sems can thams cad kyi sdug bsngal bsal bar bya'o snyam du sems pa'i snying rje chen po dang ldan pa rnams kyis sems can gyi srog mi gcod pa dang/ nor lam byin par mi len pa la sogs pa'i
 tshul khrims srung bar byed pa ni ngo mtshar du mi che ba yin no/ /gzhan yang snying rje khyad par can dang ldan pas bdag gi lus dang srogs las kyang sems can la phangs par 'dzin te/ sems can gyi sdug bsngal bsal bar bya ba'i
 phyir bdag nyid sdug bsngal rnam pa sna tshogs nyams su len pa des/ sems can gzhan gyi gnod pa byas nas slar gnod pa mi byed cing bzod pa byed pa ngo mtshar du bya ba ma yin no/ /'di ltar lo re re nyi ma re re skad cig ma re re la dge ba
 rgyun mchad par sgom nus ba'i brtson 'grus dang ldan pa dang/ theg pa chen po'i chos zhi gnas sgom pa'i sems dang ldan pa dang/ theg pa chen po'i lhag mthong bsgom pa'i sems dang ldan pa dang/ lus dang srog la'ang mi lta bar brtson
 'grus rtsom pa dang/ bsam gtan gyi sar ro la ma chags ba'i bsam gtan dang ldan pa dang/ ci la yang mi rtog pa'i shes pa dang ldan pa dang/ bsgom pa dam pa ste de lta bu dang ldan ba'i rnams sa dang po la de bzhin gshegs pa'i rigs
 su skyes pa dang/ sa brgyad pa la rtsol ba dang 'bad pa thams cad las 'das pas rnam par mi rtog pa lhun gyis grub pa thob pa'i phyir/ de bzhin gshegs pa rnams kyis lung bstan pa thob pa dang/ sa bcu la dbang bskur ba thob pa dang/ sangs
 rgyas kyi sar mngon par byang chub pa yang ngo mtshar du bya ba yin no zhes bya ba'i don to/ /gzhan yang bdag gang yin pa sems can yang de yin/ sems can gang yin pa bdag kyang de yin no zhes bdag dang gzhan du mnyam pa nyid
 kyi sems thob pa rnams pha rol tu phyin pa drug sgrub pas bdag gi don la 'jug pa bzhin du sems can thams cad kyi don du pha rol tu phyin pa drug sgrub pa yang ngo mtshar mi che po zhes bya ba'i don to/ /bsgom pa dam pa la brten
 nas sa brgyad pa la mngon par 'du byed pa med cing/ rnam par mi rtag pa'i brtson 'grus la sogs ba la sbyor ba ni ngo mtshar ma yin no zhes bya ba la bsgom pa dam pa ni skad cig ma re re la yang dge ba rgyun mi 'chad pa
 bsgom pa dang/ theg pa chen po'i zhi gnas bsgom pa dang/ theg pa chen po'i lhag mthong bsgom pa ste/ bsgom pa thob pa de lta bu thob pa la brten nas lus dang srog la yang mi phangs par brtson 'grus rtsom pa dang/ bsam gtan gyi
 ro la mi chags pa dang/ rnam par mi rtog pa'i shes rab dang ldan pa dang sa brgyad pa thob nas mngon par 'du mi byed cing/ rtsol ba dang 'bad ba med pa'i brtson 'grus dang/ bsam gtan dang shes rab thob pas lung bstan pa thob
 pa dang/ sa bcu dbang bskur ba thob pa dang/ /sangs rgyas kyi sar mngon par byang chub pa thob pa ni ngo mtshar du bya ba ma yin no zhes bya ba'i don to/ /sems mnyam pa la tshigs su bcad pa gsum mo zhes bya ba la gong du bshad pa ltar/
 ngo mtshar chen po'i chos dang/ ngo mtshar mi che ba dang/ byang chub sems dpa' de sems can thams cad la sems mnyam par 'gyur te/ ji ltar sems mnyam pa de tshigs su bcad pa gsum gyis bstan to/ /tshigs su bcad pa
 gsum gyis bsdus pa'i don ni sems can la sems mnyam pa dang/ sems can gyi don du pha rol tu phyin pa drug sgrub pa la mnyam pa'o/ /ji ltar blo ldan sems can la/ /byams pa rab tu byed pa bzhin//
 de ltar bdag dang chung ma dang/ /bu grogs rtsa lag rnams la min/ /zhes bya ba la/ ji ltar blo dang ldan pa'i byang chub sems dpa' dag sems can thams cad la byams pa dang sdug pa dang phangs pa dang gces pa'i sems su thams
 cad 'byung ba de ltar sems can dag bdag nyid la/ bdag nyid de tsam du sdug pa'i bsam pa mi 'byung ba dang/ khyim thab chung ma la de tsam du sdug pa'i bsam pa mi 'byung ba dang/ pha ma bu la de tsam du sdug ba'i
 bsam pa mi 'byung ba dang/ grogs grogs rnams la de tsam du sdug pa'i bsam pa mi 'byung ba dang/ nye du dag kyang nye du la de tsam du sdug pa'i bsam pa mi 'byung ba ste/ de ci'i phyir zhe na/ sems can dag la bar 'ga' bdag
 nyid zhe sdang skyes nas dug za ba dang/ g.yang du mchod ba la sogs pa byed cing bdag nyid kyis bdag nyid la gsod pa yod do/ /de bzhin du nye du la sogs pa dang/ nye du dag la brdeg 'tshog dang/ bsad pa la sogs
 ba'i las byed ba dang/ sems mnyam pa ma yin gyi/ byang chub sems dpa' rnams ni sems can thams cad la sdug bar byed cing dus thams cad du sdug par byed pas na sems can la sems mnyam pa ste/ 'dis ni
 sems can la sems mnyam pa bstan to/ /'dod pa la ni nye mgon med ces bya ba la 'dod ba la ni bza' ba dang bgo ba la sogs pa'i zang zing bram ze dang khyim bdag la sogs ba ste/ nye mgon mer ba ni mdza' ba dang ba shes pa
 'ba' zhig la zang zing gtong ba ma yin gyi mdza' ba dang/ mi mdza' ba dang/ phongs ba dang ma phongs pa kun la yang 'dra bar yo byad yongs su gtong ba ni nye mgon med pa zhes bya'o/ /de lta bu ni sbyin ba'i pha rol tu phyin pa
 la mnyam par sgrub pa'o/ /khrims rtag tu ma nyams shing zhes bya ba la tshul khrims rnam pa gnyis te/ rang bzhin gyi kha na ma tho ba srung ba dang bcas pa'i kha na ma tho ba srung ba'o/ /de la rang bzhin gyi kha na ma thob srung ba
 ni pas pham pa bzhi mi 'byung bar srung pa'o/ /bcas pa'i kha na ma tho ba srung ba ni phyed yol phan chad zas mi bza' o zhes bcas pa dang/ rtswa mi gcad do zhes bya ba la sogs pa bcas ba'i rnam pa bsrung ba ste/ de la ji
 ltar rang bzhin gyis kha na ma tho ba mi 'byung bar srung ba bzhin du bcas pa'i kha na ma tho ba rdul tsam tshun chad kyang mi 'byung bar srung zhing/ /de la bar 'ga' srung bar 'ga' mi srung ba ma yin gyi dus thams cad
 du srung ste/ de ni tshul khrims rtag tu ma nyams pa zhes bya ste/ de lta bu'i tshul khrims kyi pha rol tu phyin pa la mnyam par bsgrub pa'o/ /thams cad du bzod pa dang zhes bya ba la yul thams cad du bzod pa dang dus
 thams cad du bzod pa dang/ sems can thams cad du bzod pa zhes bya'o/ /de la shar phyogs su ni bzod par bya'i/ nub phyogs su ni bzod bar mi bya zhes bya ba med pas phyogs bcu thams cad du yang bzod
 par byed pa ni yul thams cad du bzod pa zhes bya'o/ /'das pa'i dus su ni bzod bar bya'i ma 'ongs ba'i dus su ni mi bzod ces bya ba med kyi dus gsum thams cad duAng bzod bar byed pa ni dus thams cad du bzod pa'o
 de la bshes pa dang mdza' ba rnams la ni bzod par bya'i dgra la sogs pa la bzod par mi bya'o/ /dbang dang mthu che ba rnams la ni bzod par bya'i/ dbang chung zhing nyam chung ba rnams la ni
 bzod par mi bya zhes bya ba med par ji ltar mdza' ba'i rnams la bzod pa bzhin du dgra la yang bzod par byed la/ 'di ltar dbang mthu che ba'i rnams la bzod par byed pa bzhin du mthu chung du'i rnams la yang bzod par byed pas
 na sems can thams cad la bzod pa zhes bya ste/ de lta bur bzod ba'i pha rol tu phyin pa la mnyam bar bsgrub pa'o/ /thams cad don la brtson chen rtsom zhes bya ba la ji ltar bdag gi don bsgrub bar bya ba'i phyir/ brtson 'grus
 rtsom pa de ltar sems can thams cad kyi don bsgrub par bya ba'i phyir brtson 'grus rtsom ba dang/ ji ltar dge ba gcig 'grub par bya ba'i phyir brtson 'grus rtsom pa de ltar dge ba thams cad 'grub par bya ba'i phyir yang
 brtson 'grus rtsom pa'i don chen thams cad la brtson chen brtsom pa zhes bya ste/ de lta bu ni brtson 'grus kyi pha rol tu phyin pa la mnyam par bsgrub pa'o/ /rtag tu dge ba'i bsam gtan dang zhes bya ba la bsam gtan
 rnam pa gsum ste nyon mongs ba can dang dag par gyur pa dang zag pa med pa'o/ /de la bsam gtan gyi bde ba'i ro la chags pa'i bsam gtan ni nyon mongs ba can zhes bya'o/ /bsam gtan gyi ro la ma chags pa'i
 bsam gtan ni dag bar gyur pa zhes bya ste/ byang chub sems dpa' rnams nyon mongs pa can gyi bsam gtan la mi gnas kyi dag par gyur ba'i bsam gtan dang/ zag pa med pa'i bsam gtan la bsgom la/
 de'ang bar 'ga' bsgom bar 'ga' mi bsgom pa ma yin gyi dus thams cad du bsgom pas rtag tu dge ba'i bsam gtan pa zhes bya ba ste/ de lta bu ni bsam gtan gyi pha rol tu phyin pa la mnyam par bsgrub ba'o/ /shes rab kyang
 ni rnam mi rtog ces bya ba la/ shes rab kyis chos thams cad nam mkha' i ngos bzhin bu rtog gi yod par yang mi rtog /med bar yang mi rtog pa'i rtag par yang mi rtog mi rtag par yang ma rtog pa ni shes rab rnam par mi rtog pa zhes bya ste
 de lta bu ni shes rab kyi pha rol tu phyin pa la mnyam pa nyid du bsgrub pa'o/ /de la byang chub sems dpa' i sems mnyam par ni shes par bya zhes bya ba la pha rol tu phyin pa drug po de dag la gong du bshad pa lta bur bsgrub pa na pha rol
 tu phyin pa bsgrub pa la sems mnyam pa yin par shes par bya ste/ de ltar tshigs su bcad pa gnyis kyis ni sems can gyi don du pha rol tu phyin pa drug bsgrub pa la sems mnyam pa bstan to/ /phan 'dogs pa rnam par dbye ba la/
 tshigs su bcad pa bcu drug go zhes bya ba la/ sems can thams cad la mnyam ba nyid kyi sems thob ba de sems can la sems mnyam pas byams ba dang sdug bar sems pa tsam du ma zad kyi/ lus dang srog dag gi sgo nas phan 'dogs
 par byed de/ de ltar phan 'dogs par byed de rnam par dbye ba la tshigs su bcad pa bcu drug gis bstan pa la de la tshigs su bcad pa gnyis kyis ni pha rol tu phyin pa drug gi phan 'dogs bar byed pa bstan to/ /tshigs su bcad pa bcu
 bzhis ni pha ma la sogs pas bu tsha la sogs pa la phan 'dogs pa bzhin du/ byang chub sems dpa' sems can la phan 'dogs par byed pa bstan to/ /stong du yang? ni byed pa dang zhes bya ba la/ sems can rnams bza' ba dang bgo ba la
 sogs pas phongs nas/ nyan pa dang sems pa la sogs pa'i dge ba byed mi nus pa ni snod du ma gyur ba zhes bya'o/ /de la byang chub sems dpa' sems can bza' ba dang bgo ba la sogs pa'i yo byad
 kyis phongs par gyur nas dge ba spyod mi nus pa rnams la zang zing byin nas/ phongs pa dang brel ba med bar byas te/ dge ba byed du bcug pa ni snod du byed pa zhes bya ste/ sbyin pas ni de ltar phan 'dogs par byed do/ /de bzhin tshul
 khrims 'jog pa dang zhes bya ba la/ byang chub sems dpa' nyid byang chub sems dpa' i sdom pa'i tshul khrims la gnas pa bzhin du sems can gzhan yang sdom ba'i tshul khrims la 'jog bar byed de/ tshul khrims kyis ni de ltar phan
 'dogs so/ /gnod pa la ni bzod pa dang zhes bya ba la sems can gzhan dag gis lus kyi sgo nas brdeg pa la sogs pa byas pa dang/ ngag gi sgo nas tshig rtsub po smras kyang slar lus dang ngag gis lan mi ldon pa ni gnod pa la bzod pa
 zhes bya ste/ bzod pas ni de ltar phan 'dogs par byed do/ /don spyod par ni 'gro ba dang zhes bya ba la don spyod pa ni sems can gyi las su bya ba la sgrub pa ste/ sems can las su bya ba ni grogs bya ba'i phyir thag ring po'i gnas dang/
 sdug bsngal ba'i gnas dag tu yang 'gro zhing grogs byed pa ni don spyod pas 'gro ba zhes bya ste/ brtson 'grus kyis ni de ltar phan 'dogs so/ /bstan pa la yang 'dzud par byed ces bya ba la/ gang bsam gtan dang ldan pa de dag
 ni rdzu 'phrul gyi mthu rnyed pa yin te/ de bas na bsam gtan gyis 'bar ba dang 'thul ba la sogs pa'i rdzu 'phrul bstan nas/ sems can dad pa bskyed nas/ skyabs su 'gro ba la sogs pa byed du bcug pa ni bstan pa la 'jug pa zhes
 bya ste bsam gtan gyis ni de ltar phan 'dogs par byed do/ /the tsom yang dag sel bar byed ces bya ba la/ sems can rnams theg pa gsum gyi chos mi shes shing de dag la yod dam med snyam du blo gnyis su 'jug pa ni the tshom zhes bya ste/
 de dag la theg pa gsum gyi mtshan nyid phyin ci ma log par bshad nas shes pa dang blo rnam pa gnyis med par byas pa ni the tshom yang dag par sel ba zhes bya ste/ shes rab kyis ni de ltar phan 'dogs so/ /blo ldan rnams kyis sems can
 la/ /phan 'dogs par ni 'di dag 'dod/ ces bya ba la gong du bshad pa lta bur pha rol tu phyin pa drug gis sems can gyi don sgrub pa ni pha rol tu phyin pa las phan 'dogs pa zhes bya ste/ de ltar tshigs su bcad pa gnyis kyis ni
 pha rol tu phyin pa drug gis phan 'dogs par byed ba bstan to/ /tshigs su bcad pa lhag mas ni ma la sogs pa dang 'dra bar phan 'dogs pa bstan to zhes bya ba la/ 'de man chad tshigs su bcad pa bzhis ni mas bu la phan 'dogs pa
 dang/ phas bu la phan 'dogs pa dang/ nye dus nye du la phan 'dogs pa dang/ grogs pos grogs po la phan 'dogs pa dang/ /bran gyis rje bo la phan 'dogs pa dang/ slob dpon gyis slob ma la phan 'dogs pa dang/ mkhan pas slob
 ma la phan 'dogs pa dang 'dra bar byang chub sems dpas kyang sems la phan 'dogs par byed pa bstan to/ /las lnga dag gis sems can gyi rgyal sras ma dang 'dra ba'o zhes bya ba la/ mas bu la las rnam pa lngas phan 'dogs par byed pa de bzhin
 du byang chub sems dpas kyang las rnam pa lngas sems can la phan 'dogs par byed de/ /de bas na byang chub sems dpa' rnams ni sems can thams cad kyi ma dang 'dra ba yin no/ /de la mas bu la phan 'dogs par byed pa'i las lnga po gang zhe na/
 skye gnas 'dzin pa dang gcig /skye bar byed pa dang gnyis/ mnun bar byed pa dang gso ba dang shin tu skyed par byed pa dang gsum/ /ngan las srung bar byed pa dang bzhi/ smra ba yang slob par byed pa dang lnga'o/ /
 bsam pa mtshungs pas sems can rnams/ /rtag tu de bzhin 'dzin par byed ces bya ba la 'di ltar ma ni bu ma byung gi bar du mi bde ba bzhin du/ bu mngal na 'dzin par byed pa de bzhin du byang chub sems dpa' snying rje chen po'i bsam pas
 sems can sdug bsngal ba gcig mi gtong ste 'dzin pa bzhin du snying rje'i sems de nyid kyis sems can sdug bsngal ba thams cad kyang mi gtong zhing 'khor ba'i mdza' i bar du 'dzin par byed de/ de bas ni byang chub sems dpa' ni ma dang
 'dra'o/ /de la byang chub sems dpa' ni ma lta bu'o/ /snying rje chen po ni ma ma lta bu'o/ /'phags pa'i sar ni skyed pa dang zhes bya ba la mos pas spyod pa'i sa 'jig rten gyi chos mchog 'das nas nyan thos kyi tshul gyis kyang rgyun tu zhugs pa dang/
 lan cig phyir 'ong ba dang/ phyir mi 'ong ba dang/ dgra bcom pa'i 'bras bu dang/ 'gog par snyoms par 'jug pa thob pa dag ni 'phags pa'i sa'o/ /byang chub sems dpa' tshul gyis ni 'jig rten gyi chos mchog 'das nas sa dang po yan
 chad sangs rgyas kyis man chad la 'phags pa'i sa zhes bya ste/ 'di ltar mas bu ma shi ba dang/ mi gnod bar lto nas 'byin cing skyed pa de bzhin du byang chub sems dpa' rnams kyang sems can rnams 'phags pa'i sa de dag tu 'byin cing/
 'jog la skyed par byed pas na ma lta bur gyur ba'o/ /dge ba yang ni 'phel bar byed ces bya ba la ji ltar mas bu skyes nas nu ma mnun par byed pa dang/ kha zas kyis gsos bar byed ba dang/ chus bkrus pa dang/ mar gyis mnye ba la
 sogs pa'i sgo nas bu'i lus cher bskyed ba la sogs pa de bzhin du byang chub sems dpa' rnams kyis kyang/ sems can rnams 'jig rten gyi dge ba dang/ 'jig rten las 'das pa'i dge ba thams cad 'phel zhing skyed par byed pas na ma dang 'dra'o//
 de la 'jig rten gyi dge ba ni so so'i skye bo'i dus na pha rol tu phyin pa drug spyod pa'o/ /'jig rten las 'das pa'i dge ba ni sa dang po yan chad pha rol tu phyin pa drug dang/ byang chub kyi phyogs kyi chos rnams bsgrub pa'o/ /nyes byas yongs
 su bsrung ba dang zhes bya ba la/ ji ltar mas bu la g.yang sa dang/ dam grag la sogs par mi ltung bar 'gyur ba srung bar byed pa de bzhin du byang chub sems dpa' rnams kyis kyang/ sems can rnams ngan song gsum du ltung bar 'gyur
 ba'i lus kyi nyes pa byed pa dang/ dag gi nyes pa byed pa dang/ yid kyi nyes pa byed pa las bsrung zhing bzlog par byed pas na ma dang 'dra ba yin no/ /nyan cing shes par byed pa ste zhes bya ba la/ ji ltar mas bu la 'jig rten gyi ming dang tshig dang
 brda dang/ tha snyad rnams longs pa dang mkhas par gyur pa slob par byed pa de bzhin du byang chub sems dpas kyang sangs rgyas dang byang chub sems dpa' rnams las dam pa'i chos nyan pa nas/ ji ltar mnyan ba'i chos sems can la ston cing slob pa
 byed de/ de bas na ma dang 'dra'o/ /las lnga yis ni sems can gyis/ /rgyal sras pha dang mtshungs pa'o/ /zhes bya ba la ji ltar phas bu la las rnam pa lngas phan 'dogs par byed pa de bzhin du byang chub sems dpas kyang las rnam pa lngas
 sems can la phan 'dogs par byed pas na byang chub sems dpa' rnams ni sems can gyi pha dang 'dra ba yin no/ /ji ltar pha las rnam pa lngas bu la phan 'dogs she na/ /las rnam lnga ni sa bon 'debs par byed pa dang/ bzo slob par
 byed ba dang/ mthun pa'i mna' ma len bar byed pa dang/ grogs po dam pa la phan 'dogs bar byed pa dang/ bu lon med par byed pas phan 'dogs so/ /dad pa sems can thams cad la/ thams cad du ni skyed
 pa dang/ zhes bya ba la/ /ji ltar phas bu'i lus skyed par byed ba'i sa bon khu ba ma bzhag na ni bu'i lus skye bar mi 'gyur bas lus rgyu khu ba 'jog bar byed do/ /de bzhin du dang? pa yang theg pa gsum gyi lus thob par byed ba'i sa bon yin te/ de
 bas na byang chub sems dpa' de rnams dkon mchog gsum gyi gdung mi gcod pa'i phyir/ sems can gyi sems kyi rgyun la dad pa'i sa bon 'jog par byed de/ de'i phyir pha dang 'dra'o/ /lhag pa'i tshul khrims la sogs slob
 /ces bya ba la/ ji ltar phas bu la so so'i rigs dang mthun pa'i bzo slob bar byed de/ rgyal rigs shig yin na ni dgra chos la sogs pa rgyal rigs kyis bslab par bya ba gang yin pa slob bar byed ba nas dmangs rigs la sogs
 pa yang so so'i bzo slob bar byed pa de bzhin du/ byang chub sems dpa' yang sems can la lhag pa'i tshul khrims kyi bslab pa dang/ lhag pa'i sems kyi bslab pa dang/ lhag pa'i shes rab kyi bslab pa gsum slob par byed bas na pha
 dang 'dra'o/ /rnam par grol ba sbyor ba'i phyir zhes bya ba la ji ltar phas chung ma'i bde ba dang dga' ba bus myong par bar bya ba'i phyir/ bu dang rjes su mthun ba'i mna' ma len par byed ba de bzhin du byang chub sems dpas kyang sems
 can rnams mya ngan las 'das pa'i bde ba dang dga' ba sems can gyis myong bar bya ba'i phyir/ rnam par grol ba'i gnas su sems can rnams 'jog der sbyor bar byed pas pha dang 'dra'o/ /sangs rgyas la ni gsol ba 'debs
 zhes bya ba la ji ltar phas bu de'i bu'i srog dang srid la phan par 'gyur ba'i grogs po dam pa dag la bu 'doms shing gtong par byed pa de bzhin du byang chub sems dpa' rnams kyis kyang sems can thams cad la phan par bya ba'i don du de
 bzhin gshegs pa rnams mya ngan las mi 'da' zhing bzhugs su gsol bar gsol ba 'debs pa dang/ chos kyi 'khor lo bskor bar gsol ba 'debs te de bas na pa dang 'dra'o/ sgrib pa de dag rnam par spang zhes bya ba la/ ji ltar bas bdag la bu
 lon mod ba'i rnam bu la khrin dang gnyer du mi 'gyur bas snga nas sbyong bar byed pa de bzhin du byang chub sems dpa' rnams kyis kyang sems can rnams 'khor ba las 'dar mi ster cing mya ngan las 'das pa'i gnas su 'jug tu mi ster
 ba'i sgrib ba dang/ shes bya'i sgrib pa sgrib pa sbyong bar byed de bas na pha dang 'dra'o/ /dad pa ni sems can rnams 'phags pa'i lus so sor thob par 'gyur ba'i sa bon no zhes bya ba la ji ltar pa'i khu ba bu'i lus kyi sa bon yin te/ de
 las bsgrub pa bzhin du theg pa gsum gyis chos so so la yang dad pa'i dad pas kyang theg pa gsum du 'phags pa rnams kyi lus thob par byed bas na/ dad pa ni 'phags pa'i lus thob par byed ba'i sa bon no/ /bzo ni slob ba'o zhes bya ba la/
 sems can rigs bzhi so so'i rigs kyi bzo slob pa dang 'dra bar byang chub sems dpa' lhag pa'i tshul khrims la sogs pa bslab pa rnam pa gsum ni bzo'i las lta bu zhes bya ba'i don to/ /rnam par grol ba ni chung ma ste
 zhes bya ba la mya ngan las 'das pa ni chung ma lta bu ste/ ji ltar chung mas dga' ba dang bde ba myong bar byed pa de bzhin du byang chub sems dpa' mya ngan las 'das pa thob na yang bde ba dang dga' ba myong bar 'gyur
 bas na chung ma lta bu ste/ bde ba ni lus la phan pa'o/ /dga' ba ni sems la phan pa'o/ /sgrib pa ni bu lon no zhes bya ba la/ ji srid du bu lon chags pa yod pa de srid du mi bde ba yod pa de bzhin du ji srid
 du sgrib pa gnyis ma spangs pa de srid du sems can rnams 'khor ba las 'das zhing mya ngan las 'das pa'i gnas mi thob pas na nyon mongs pa dang shes bya'i sgrib pa gnyis ni bu lon lta bu'o/ /las lnga dag gis sems can gyi/ /rgyal
 sras rtsa lag 'dra pa'o zhes bya ba la dper na/ nye dus nye du rnams la las rnam ba lngas phan 'dogs par byed pa de bzhin du byang chub sems dpa' rnams kyang las rnam pa lngas sems can la phan 'dogs par byed de/ de bas na
 byang chub sems dpa' rnams ni sems can rnams kyi rtsa lag gi rtsa lag lta bur gyur pa'o/ /de la rtsa lag rnams rtsa lag la las rnam pa lngas phan 'dogs par byed pa ni gsang thub par byed pa dang/ nyes par byed pa la smod par byed pa dang/ legs
 par byed pa la stod par byed pa dang/ bya ba rnams rab tu ston par byed pa dang/ nyon mongs pa'i gnas las zlog par byed pa'o/ /gang yang bstan par mi rigs par/ /sems can rnams la stan par byed ces bya ba la ji lta
 nye du rnams kyis nye du'i lus dang srog la gnod par 'gyur ba'i gsang ba dag gzhan la mi sgrogs shing sped par byed pa dang/ nye dus gsang ba'i tshig smras te gzhan pa'i rnams thub par byed pa de bzhin du byang chub sems dpa' 
 yang sems can thos pa nyung du dang/ nyan thos dang/ rang sangs rgyas kyi theg pa rnams la zab cing rgya che ba'i chos zab mo dag mi ston cing gsang bar byed de/ de dag la zab mo bstan na skrag par 'gyur pa'i phyir ro/ /bslab pa las
 nyams pa smod pa dang zhes bya ba la 'di ltar nye dus lus dang srog la gnod par 'gyur ba'i las ngan pa srog gcod pa la sogs pa byas na khyed? kyis ma legs pa zhig byas so zhes smod par byed pa de bzhin du sems can rnams
 kyis lhag ba'i tshul khrims kyi bslab pa dang/ lhag pa'i sems kyi bslab pa dang/ lhag pa'i shes rab kyi bslab pa nyams pa rnams la ma legs so zhes smod par byed do/ /de bzhin phun sum tshogs la bsngags zhes bya ba la
 ji ltar nye dus nye du dag lus dang srog la phan par 'gyur ba'i las nyes ba zhig byas nas las 'di lta bu dag byas pa legs so zhes stod par byed pa de bzhin du sems can rnams lhag pa'i tshul khrims dang sems dang shes
 rab phun sum tshogs par gyur na legs so zhes stong par byed do/ /lung ston par byed ces bya ba la ji ltar gnyen rnams gnyen gyi phyi dang nang gi bya ba rnams kyi grogs byed cing ston par byed pa de bzhin du byang chub sems dpa' rnams kyis
 kyang/ sems can sa dang po la sogs pa khong du chud par bya ba'i phyir bklag pa dang/ bsam gtan sgom pa la sogs pa'i man ngag sbyin par byed do/ /bdud rnams kyang ni rig par byed ces bya ba la ji ltar gnyen gyis gnyen rnams
 brtson du bzung ba dang/ rgyal po dang/ rkun bo dang/ me dang/ chu la sogs pa'i 'jigs pa byung na/ 'jigs pa de las bzlog cing 'jigs pa'i skyabs byed pa de bzhin du byang chub sems dpa' rnams kyis kyang sems can rnams 'dod
 pa'i yon tan lnga la sogs pa la sems g.yengs pa rnams/ 'di dag ni bdud kyi las yin no zhes bstan cing bslabs te bdud kyi las yin par rig par byas nas bdud kyi las byed ba las zlog par byed do/ /las lnga dag gis sems
 can gyis/ /rgyal sras grogs po 'dra ba'o/ /zhes bya ba la/ ji ltar grogs pos grogs la las rnam pa lngas phan 'dogs par byed pa de bzhin du byang chub sems dpas kyang las rnam pa lngas sems can la
 phan 'dogs par byed pas na byang chub sems dpa' rnams ni sems can thams cad kyi grogs por gyur pa'o/ /de la grogs pos groD po la ji ltar na las rnam pa lngas phan 'dogs she na/ 'di ltar las rnam pa lnga ni grogs po la phan pa
 dang bde ba phyin ci ma log par shes pa dang/ bde ba dang phan pa stobs pa dang/ mi skyo ba dang mi phyid pa dang/ rtag tu than pa dang bde bar 'dod pa'o/ /nyon mongs rnam par byang ba las/ /bdag gi khrul pa med pa'i blos/ zhes bya ba la
 ji ltar grogs pos grogs po la ji ltar byas na phan pa dang bde par 'gyur pa phyin ci ma log par shes so/ /de bzhin du byang chub sems dpa' rnams kyis kyang nyon mongs pa'i phyogs dang rnam par byang ba'i phyogs kyi chos la blo 'khrul pa
 med de nyon mongs pa'i phyogs la rnam par byang ba'i chos su mi 'dzin/ rnam par byang ba'i chos la nyon mongs pa'i phyogs su mi 'dzin gyi nyon mongs pa la yang nyon mongs pa nyid du shes/ rnam par byang ba'i chos la yang rnam par byang ba'i chos nyid
 du shes pa'o/ /de la sdug bsngal dang kun 'byung gi bden pa gnyis ni nyon mongs pa'i phyogs so/ /'gog pa dang lam gnyis ni rnam par byang pa'i phyogs so/ /yang na ma rig pa'i rkyen gyis 'du byed nas skye ba'i rkyen kyis rga shin nyon mongs
 pa'i phyogs so/ /ma rig pa 'gags na 'du byed 'gag pa nas skye ba 'gags na rga shi 'gag pa'i bar dag ni rnam par byang ba'i phyogs so/ /'jig rten 'byor pa ma lus dang zhes bya ba la ji ltar grogs pos grogs po la 'phral du srog dang
 srid la bde bar 'gyur ba stobs pa de bzhin du byang chub sems dpas kyang sems can rnams brgya byin dang/ tshangs pa dang/ 'khor los sgyur ba la sogs pa'i 'jig rten gyi phun sum tshogs pa'i bde ba la sems can 'god par byed cing de lta bu dag sbyin
 par byed do zhes bya ba'i don to/ /'jig rten pa yang ma yin sbyin/ zhes bya ba la/ ji ltar grogs pos grogs po la nam nam zhar zhar srog dang srid la phan par 'gyur ba'i phan pa stobs pa bzhin du byang chub sems dpa' rnams kyis kyang sems can
 rnams 'jig rten las 'das pa'i phun sum tshogs pa theg pa chen po'i mya ngan las 'das pa la 'jog pas na phan par byed pa yin no/ /de la 'jig rten gyi phan pa dang bde ba ni 'phral du srog dang srid la phan pa ni bde ba'o/ /yun du srog dang srid la phan
 pa na phan pa'o/ /skyo ba med cing zhes bya ba la ji ltar grogs po dag grogs po la phan pa dang bde ba bya ba la skyo ba med pa de bzhin du byang chub sems dpa' yang sems can rnams 'jig rten gyi phun sum tshogs pa bde ba dang/ 'jig rten las
 'das pa'i phun sum tshogs pa phan pa la sems can dgod par bya ba la skyo ba cung zad kyang med do/ /mi phyed pa zhes bya ba la ji ltar grogs pa dag gis bdag gi grogs dang dbye bar 'gyur ba'i phra ma smras kyang phyed par mi 'gyur ba de bzhin du
 byang chub sems dpa' rnams sems can gyi don du dka' ba spyod pa rnam pa sna tshogs pa spyod cing pha rol tu phyin pa drug spyod pa la bdud la sogs pa'i dbang du mi 'gyur ba dang/ grang ba dang tsha ba la sogs pa sdug bsngal rnam pa sna tshogs
 kyi dbang du mi 'gyur te/ byang chub sems dpa' spyod pa las phyed par mi 'gyur ro/ /rtag tu bde dang phan 'dod ? zhes bya ba la ji ltar grogs pos grogs po rnams dus thams cad du bde ba dang/ phan pa'i chos dang ldan par 'dod
 cing dang la sems la yang rtag tu de ltar sems pa de bzhin du byang chub sems dpa' yang dus thams cad du sems can rnams phan pa dang bde ba dang ldan zhing rtag tu chos de dag dang 'grogs par 'dod do//
 'jig rten gyi phun sum tshogs pa ni bde ba ste/ zhes bya ba la brgya byin dang/ tshangs pa la sogs pa'i 'jig rten gyi phun sum tshogs pa rnams la bkod pa ni bde ba zhes bya ste/ de'i dus na 'jig rten 'jig rten gyi longs spyod kyi bde
 ba myong ba'i phyir ro/ /nyon mongs pa'i nang kyi gnyen bo'i phyir/ zhes bya ba la sogs pa la 'jig rten las 'das pa'i mya ngan las 'das pa dang/ de'i lam la bkod pa la ni phan pa zhes bya ste/ ci'i phyir zhe na/ dper na sman 'thungs
 na nang la phan pa bzhin du 'jig rten las 'das pa'i chos kyis kyang nyon mongs pa'i nang thams cad sel bar byed pas na phan pa zhes bya'o/ /las lnga dag gis sems can gyi/ /rgyal sras bran dang 'dra ba'o/ /zhes bya ba la ji ltar bran
 las rnam pa lngas jo bo la phan 'dogs par byed pa de bzhin du byang chub sems dpas kyang las rnam pa lngas sems can la phan 'dogs par byed de/ de bas na byang chub sems dpa' ni sems can thams cad kyi bran dang 'dra'o/ /bran
 jo bo la las rnam pa lngas phan 'dogs pa'i las rnam pa lnga gang zhe na/ bya ba la spro ba dang ldan pa yin/ mi slu ba yin spro zhing brdeg kyang bzod pa yin/ 'dod pa thams cad bya pa la mkhas pa yin/ thabs mkhas la khong
 bzo ba shes pa can yin no/ /sems can yongs su smin byed la/ /thams cad du ni brtson pa dang/ zhes bya ba la ji ltar bran jo bo'i bya ba la spro ba dang ldan pa yin te skyo ba dang le lo med cing/ rtson par byed pa de bzhin du
 byang chub sems dpa' yongs su smin par bya ba la bar 'ga' byed par 'ga' mi byed pa ma yin gyi/ dus thams cad du sems can gyi don byed de skyo ba dang le lo med cing brtson 'grus dang ldan pa yin no/ /yang dag 'byung bar smra ba dang/
 zhes bya ba la ji ltar bran brdzun dang/ g.yo sgyu med de/ jo bo la mthong ba dang/ thos pa la sogs pa drang por smra zhing mi slu ba yin pa de bzhin du byang chub sems dpa' rnams kyis kyang sdug bsngal dang/ kun 'byung gnyis la ni nyon
 mongs pa'i phyogs yin par ma nor par ston/ 'gog pa dang lam gnyis la ni rnam par byang ba'i phyogs gnyis ka ma nor bar ston cing nyon mongs pa dang las dang/ sdug bsngal las 'byung bar 'gyur ba'i chos ma nor bar smra zhing ston pas na bran
 dang 'dra ba'o/ /log par byed la bzod ba dang/ zhes bya ba la ji ltar bran jo bos tshig drag pos spyo zhing brdegs kyang sdug bsngal bzod cing nyams su len la jo bo mi gtong ba de bzhin du/ sems can rnams kyis lus dang ngag gi sgo
 nas byang chub sems dpa' la gnod pa rnam pa sna tshogs byas ba dang/ phan btags kyang slar log par gnod pa nyams su len cing sems can yongs su mi gtong bas na bran lta bu'o/ /phun sum tshogs gnyis gtong ba zhes bya ba la/
 ji ltar bran 'dod pa thams cad bya ba la mkhas pa yin te/ jo bo gang dang gang dgos pa'i rnams yid bzhin du sbyor zhing stobs par byed pa de bzhin du byang chub sems dpas kyang sems can thams cad la 'jig rten gyi phun sum tshogs pa
 dang/ 'jig rten las 'das pa'i phun sum tshogs pa gtong zhing stobs par byed bas na bran dang 'dra'o/ /yang na phun sum tshogs pa gnyis gtong ba ni bsod nams kyi tshogs rdzogs par byed pa dang/ ye shes kyi tshogs rdzogs par byed
 ba'o/ /de dag gi ni thabs la mkhas zhes bya ba la ji ltar bran thabs la khong bzo bas shes pa can yin te/ jo bo'i las su bya ba ji dang ji bya ba'i rnams/ myur du 'grub par bya ba'i thabs la mkhas
 pa de bzhin du byang chub sems dpa' yang sems can rnams kyis 'jig rten gyi phun sum tshogs pa dang/ 'jig rten las 'das pa'i phun sum tshogs pa 'grub par 'gyur ba'i thabs la mkhas pa yin te/ 'jig rten gyi phun sum
 tshogs pa 'grub par 'gyur ba'i thabs ni sbyin pa dang tshul khrims la sogs pa'o/ /'jig rten las 'das pa'i phun sum tshogs pa'i thabs ni byang chub kyi phyogs sum cu rtsa bdun bsgom pa'o/ /las lnga dag gi sems can gyi/ rgyal
 sras slob dpon 'dra ba'o/ /zhes bya ba la ji ltar las rnam pa lngas slob dpon gyis slob ma la phan 'dogs par byed pa de bzhin du byang chub sems dpa' rnams kyis kyang/ las rnam pa lngas sems can la phan 'dogs par byed do//
 slob dpon gyi las rnam pa lnga gang zhe na/ bdag nyid shin tu bslabs pa dang/ thams cad slob bar byed ba dang/ myur du slob par byed pa dang/ de'i rang bzhin can gyi phyir mdangs can dang/ zang zing med pa'i sems dang ldan
 pa'o/ /mi skyo ba'i chos la bzod pa thob ba zhes bya ba la 'di ltar slob dpon bdag nyid shin tu bslabs pa yin te/ bshad par bya ba dang/ shes par bya ba'i chos thams cad ma lus par shes pa dang/ gdod phan 'dogs
 par byas par slob dpon yin pa de bzhin du/ byang chub sems dpa' sa brgyad thob pa ni mi skye ba'i chos la bzod pa thob pas/ shes par bya ba dang/ mngon bar 'du bya ba dang/ bsgom par bya ba dang/ spang bar bya ba'i chos rnams
 la lhun gyis grub par spyod pa'i rnam par mi rtog pa'i ye shes thob pas na/ slob dpon shin tu bslabs pa dang 'dra ba yin no/ /gang 'dod pa/ theg pa thams cad ston pa dang zhes bya ba la ji ltar slob dpon thams cad slob par byed de/ kha
 cig slob kha cig mi slob pa ma yin gyi/ bdag ji shes pa rnams slob ma la ma lus par slob par byed pa de bzhin du/ byang chub sems dpa' rnams kyang/ sems can mi skye ba'i chos la bzod pa thob par 'dod ba'i rnams la theg pa
 'ga' ston pa ma yin gyi/ nyan thos dang/ rang sangs rgyas dang/ theg pa chen po'i chos thams cad ma lus bar ston cing/ slob bar byed pas na/ slob dpon lta bu'o rnal 'byor grub pa sbyor ba dang zhes bya ba la ji ltar 'jig rten pa'i slob dpon
 sgra'i gtsug lag dang/ rgyu'i gtsug lag la sogs pa 'chad pa/ slob ma nye g.yog tu bkol ba'i phyir/ slob ma de dag myur du lobs par mi byed kyi/ dus ring pos 'khos? par byed do/ /slob dpon yang dag pa dag ni de lta ma yin
 te/ slob ma bslab pa'i rnams bslab pa'i gnas dag myur du lobs par byed pa de bzhin du rnal 'byor gyi sgra ni zhi gnas dang lhag mthong bsgom pa la bya ste/ sems can rnams kyis zhi gnas dang lhag mthong sgrub pa'i ting nge
 'dzin myur du 'grub bar 'gyur bar sbyor bar byed pas na/ /slob dpon lta bu yin no/ /mdangs tsan dang ni zhes bya ba la ji ltar slob dpon dge slob ma la byams ba'i sems yin byas/ bzhin khro gnyer med cing/ rtag tu yang
 'dzum pa dang tshig 'jam por smra ba de bzhin du/ byang chub sems dpa' rnams kyang sems can thams cad la byams pa'i sems dang ldan pas khro gnyer med cing bzhin mdangs can ston pa la/ tshig? 'jam pos smra bas na slob dpon 
 lta bu'o/ /phyir bya ba dang/ rnam par smin pa re ba med ces bya ba la/ ji ltar slob dpon ma la chos ston cing 'chad pa la sogs pa byed pa yang/ rnyed pa dang bkur sti la sogs pa'i sems zang zing can gyis ston
 ba ma yin gyi/ slob ma'i sdug bsngal med par bya'o snyam pa'i sems snying rje dang ldan pas ston pa de bzhin du/ byang chub sems dpa' sems can rnams la phan pa dang bde ba byed pa yang/ tshe 'di la phan btags ba'i lan la re ba med pa dang/
 tshe phyi ma rnam par smin pa'i 'bras bu la re ba med pas phan 'dogs par byed de/ de bas na slob dpon dang 'dra'o/ /las lnga dag gis sems can gyi/ /rgyal sras mkhan po 'dra ba'o/ /zhes bya ba la ji ltar mkhan pos slob ma rnams la las rnam pa
 lngas phan 'dogs par byed pa de bzhin du byang chub sems dpas kyang las rnam pa lngas sems can la 'dogs par byed bas na byang chub sems dpa' ni sems can thams cad kyi mkhan po lta bu yin no/ /mkhan po las rnam pa lngas slob ma la phan
 'dogs pa'i las rnam pa lnga/ gang zhe na/ rab tu 'byung bar byed ba dang/ bsnyen par rdzogs par byed pa dang/ nyes pa yongs su spong ba ston par byed pa dang/ zang zing gis sdud pa dang/ chos kyis sdud pa'o/ /sems can don la rab brtson pa//
 tshogs ni rdzogs bar byed pa dang/ zhes bya ba la ji ltar mkhan pos slob ma khyim nas khyim med par rab tu 'byung ste/ dge spyod gi bslab pa byin nas/ rab tu 'byin par byed pa de bzhin du/ byang chub sems dpa' sems can gyi don la
 brtson pa rnams kyang/ sems can bsod nams dang ye shes kyi tshogs ma rdzogs pa rnams/ tshogs gnyis rdzoD par 'byin par byed pas na mkhan po lta bu'o/ /tshogs bsags grol bar byed ba dang/ zhes bya ba la/ ji ltar mkhan pos
 slob ma rab tu byung nas/ bslab pa nyis brgya lnga bcu byin te/ bsnyen par rdzogs par byed ba de bzhin du/ byang chub sems dpa' rnams kyis kyang sems can tshogs gnyis rdzogs pa dag rnam par grol ba mya ngan las 'das pa'i gnas su
 phyin par byed pas na/ byang chub sems dpa' rnams mkhan po lta bu'o/ /mi mthun phyogs ni nyams par byed/ ces bya ba la ji ltar mkhan pos slob ma la/ phas pham pa dang lhung ba dang nyes byas la sogs pa gang dang gang yin pa ston cing/ nyes
 pa la 'jug pa las/ zlog cing spong bar byed pa de bzhin du byang chub sems dpas kyang sems can rnams la rnam par grol ba dang/ mya ngan las 'das pa thob par bya ba la bgegs su gyur pa/ pha rol tu phyin pa drug gi mi mthun pa'i phyogs nyams
 shing spong bar byed pas na mkhan po lta bu'o/ /'jig rten phun sum tshogs sna tshogs/ zhes bya ba la ji ltar mkhan pos slob ma la/ chos gos dang lhung bzed la sogs pa'i yo byad 'jig rten gyi zang zing gis phan 'dogs par byed pa de bzhin
 du/ byang chub sems dpas kyang sems can thams cad brgya byin dang/ tshangs pa la sogs pa 'jig rten gyi phun sum tshogs pa rnam pa sna tshogs pa thob par byed pas mkhan po lta bu'o/ /'jig rten ma yin sbyor bar byed/ /zhes bya ba la ji ltar
 mkhan pos slob ma la chos bstan pa'i sgo nas kyang phan 'dogs par byed pa de bzhin du/ byang chub sems dpa' rnams kyis kyang/ sems can 'jig rten las 'das pa'i phun sum tshogs ba theg pa gsum gyi lam dang/ mya ngan las 'das pa la 'jog
 par byed pas na mkhan po lta bu'o/ /drin gzo ba'i rnam par dbye ba'i tshigs su bcad pa gnyis so/ /zhes bya ba la byang chub sems dpa' pha rol tu phyin pa drug la sogs pa la sems can la phan btags na phan btags pa'i sems can rnams byang
 chub sems dpa' la drin du gzo pa la/ byang chub sems dpa' sems can pha rol tu phyin pa drug la gnas na/ sems can la drin du gzo bar byed de/ de ltar na sems can dang/ byang chub sems dpa' gnyi ga
 phan tshun gcig la gcig drin du gzo par byed pa tshigs su bcad pa gnyis kyis bstan to/ /zhes bya ba'i don to/ /longs spyod la ni ma chags shing zhes bya ba la sems can bza' ba dang/ bgo ba la sogs pa'i yo byad kyis phongs pa'i
 rnam la/ yo byad thams cad byin te longs spyod dang ldan par byas na sems can de dag byang chub sems dpa' la drin du gzo bar byed do/ /de bzhin du sems can longs spyod dang ldan pa de dag gis longs spyod dang ldan pa dang/ ser sna spangs
 nas sbyin pa la sogs pa la 'jug pa na/ sems can 'di dag gis phan btags pa zhes sems can de dag la byang chub sems dpa' drin du gzo bar byed do/ /tshul khrims kyang ni ral pa med/ /ces bya ba la/ byang chub sems dpa' sems can
 rnams tshul khrims la bkod na/ sems can de dag byang chub sems dpa' la drin du gzo bar byed ba de bzhin du sems can rnams kyis kyang/ ji ltar byang chub sems dpa' tshul khrims la bkod pa'i sems can de dag gi tshul khrims
 nyams par ma byas te/ phas pham pa la bag bya ste/ bsrung ba bzhin du nyes byas la sogs pa nyes pa phra mo rnams la yang/ bag byas na/ byang chub sems dpa' sems can de dag la drin du gzo bar byed do/ /drin du gzo pa dang ldan pa ste/
 zhes bya ba la sems can rnams kyis lus dang ngag gi sgo nas byang chub sems dpa' la gnod pa byas kyang/ byang chub sems dpa' gnod pa dang ldan pa des/ sems can la slar gnod pa mi byed pa rnams la/ slar phan 'dogs par byed de/
 des na sems can rnams byang chub sems dpa' bdag cag la gnos pa ma byas so zhes/ byang chub sems dpa' drin du gzo par byed la/ byang chub sems dpa' bzod pa la dga' bas? sems can de dag kyang bzod pa la gnas par gyur na/
 sems can de dag la byang chub sems dpa' yang drin du gzo bar byed do/ /bsgrub pa la yang sbyor ba'o zhes bya ba la sems can rnams byang chub sems dpas brtson 'grus bsgrub pa dang/ bsam gtan bsgrub pa dang/ shes rab
 bsgrub pa la bkod na/ sems can de dag byang chub sems dpa' la drin du gzo bar byed pa de bzhin du/ byang chub sems dpas ji ltar bkod pa ltar/ sems can brtson 'grus bsgrub pa dang/ bsam gtan bsgrub pa dang/ shes
 rab bsgrub na/ byang chub sems dpa' sems can de dag la drin du gzo bar byed do/ /pha rol tu phyin pa drug la ni/ /de ltar lus can sgrub par byed/ /de bzhin byang chub sems dpa' la/ /phyir yang drin du gzo bar 'gyur/ zhes
 bya ba la 'di ltar byang chub sems dpa' sems can rnams pha rol tu phyin pa drug la bkod na/ sems can rnams byang chub sems dpa' la drin du gzo bar byed do/ /de bzhin du pha rol tu phyin pa drug la sems can bkod de/ lus can sems
 can rnams kyis pha rol tu phyin pa drug sgrub par byed na/ 'di dag gis bdag la phan btags so zhes de dag la byang chub sems dpa' drin du gzo bar byed do/ /de bzhin zhes bya ba ni ji ltar byang chub sems dpa' la drin du gzo ba de ltar ro zhes bya ba la
 sems can rnam la pha rol tu phyin pa drug spyod pa la bkod na/ sems can de dag byang chub sems dpas bdag cag la phan btags so zhes byang chub sems dpa' la drin du gzo bar byed pa de bzhin du/ sems can rnams pha rol tu phyin la drug sgrub par byed
 na yang/ sems can 'di dag gis bdag la phan btags so zhes sems can de dag la byang chub sems dpa' slar drin du gzo bar byed do/ /tshul khrims la'o/ /zhes bya ba ni byang chub sems dpas
 sems can tshul khrims la bkod na/ sems can de dag byang chub sems dpa' la drin du gzo bar byed pa ltar/ sems can de dag tshul khrims la gnas na yang/ sems can de dag la byang chub sems dpa' i drin du gzo bar byed do/
 bzod pa la dga' ba/ byang chub sems dpas phan pa byas pa la drin gzo ba'i phyir/ drin du gzo ba dang ldan pa ni bzod pa'o/ /zhes bya ba la sems can gyis byang chub sems dpa' la gnod pa byas kyang/ sems can de dag la byang chub
 sems dpa' gnod pa mi byed pas gnod pa byas pa'i sems can des byang chub sems dpa' bzod pa la dga' ba shes nas/ byang chub sems dpas phan btags pa'i sems can de la phan pa byas la drin du gzo pa'i phyir/ drin du gzo
 pa'i sems kyis byang chub sems dpa' bzod pa la dga' ba'i sems dang mthun par bzod pa la gnas par byed na/ sems can de la byang chub sems dpas drin du gzo bar byed do/ /gang gis gang du sgrub par byed pa'i phyir/ zhes bya
 ba la gang gis sgrub par byed ce na/ brtson 'grus kyis sgrub par byed do/ /gang la sgrub par byed ce na/ bsam gtan dang shes rab la sgrub par byed do/ /re ba rnam par dbye ba'i tshigs su bcad pa/ zhes bya ba la de ltar sems can la phan
 'dogs ba la zhugs pa'i byang chub sems dpa' de gnas rnam pa lngas ji ltar thob par bya zhes re ba dang smon pa skye ste/ /de bstan pa la tshogs su bcad ba gcig brtsams so zhes bya ba'i don to/ /'phel ba dang ni zhes bya ba la byang chub
 sems dpa' rnams rtag tu sbyin pa'i pha rol tu phyin pa nas/ shes rab kyi pha rol tu phyin pa'i bar du pha rol tu phyin pa drug ji ltar 'phel bar 'gyur zhes de zhing 'dod de/ 'di ni re ba'i gnas rnam pa gcig go /'bri bar 'dod ces bya ba la byang
 chub sems dpa' rnams pha rol tu phyin pa drug gi mi mthun pa'i phyogs/ ser sna nas 'chal ba'i shes rab kyi bar drug rtag tu ji ltar 'bri zhing nyams bar 'gyur zhes re zhig 'dod de/ 'di ni re zhing 'dod ba'i gnas rnam pa
 gnyis so/ /sems can rnams ni smin pa dang zhes bya ba la byang chub sems dpa' rnams ni sems can rtag tu dad pa ma skyes pa rnams ni dad pa skyed/ dad pa skyes pa rnams ni dge ba la 'god/ dge ba la bkod pa rnams ni yongs su smin
 par bya'o zhes re zhing 'dod de/ 'di ni re ba'i gnas rnam pa gsum mo/ /sa la khyad par 'gro ba dang zhes bya ba la byang chub sems dpa' rnams ni rtag tu sa dang po thob na/ sa gnyis pa ji ltar thob par bya zhes 'dod pa nas/ sa
 dgu pa thob na sa bcu pa ji ltar thob par bya zhes 'dod cing re ste/ 'di ni re ba'i gnas rnam pa bzhi pa'o/ /rtag tu bla med byang chub la'o/ /zhes bya ba ni byang chub sems dpa' rnams dus thams cad du sa bcu las 'das nas
 sangs rgyas kyis ji ltar thob par bya zhes 'dod de/ 'di ni re ba gnas rnam pa lnga ba ste/ byang chub sems dpa' rnams re zhing 'dod na yang gnas lnga po de dag la re zhing 'dod pa skye ste/ 'jig rten gyi phun sum tshogs pa 'am/ nyan
 thos dang/ ngang sangs rgyas kyi lam dang/ mya ngan las 'das pa la ni re ba cung zad kyang mi skye'o/ /sbyor ba chung mi za ba'i rnam par dbye ba'i tshigs su bcad pa zhes bya ba la/ nyan thos dag? gis sbyor ba byas ba nas/ bdag
 gi don du zhus pas sems can gyi don med pa'i phyir chud zos pa dang/ 'jig rten pa dag gi sbyor ba ni phal cher 'bras bu med par 'gyur bas chud zos pa yin gyi/ byang chub sems dpa' rab phyin ci ma
 log cing re ba phun sum tshogs pa dang ldan pas las su ji dang ji byas pa rnams de bzhin du 'bras bu grub cing 'bras bu med par mi 'gyur na/ sbyor ba chud mi za ba zhes bya ste/ de'ang sbyor ba rnam pa bzhi chud mi za'o/ /'jigs pa
 spangs dang zhes bya ba la gal te theg pa chen po'i chos zab cing rgya che ba las skrag na ni byang chub sems dpa' de theg pa chen po las sbyor ba las chud zas pa yin na ni/ byang chub sems dpa' rnams ni zab cing rgya che ba'i chos la bdag nyid
 kyang skrag cing 'jigs pa med pa/ sems can rnams theg pa chen po'i don la/ skrag cing 'jigs pa yang sel bar byed pas na/ sbyor ba chud mi za ba zhes bya ste 'di ni chud mi za ba rnam pa gcig go /de la chos dang gang zag bdag med pa
 ni zab pa'o/ /sa dang pha rol tu phyin pa rnams ni rgya che ba'o/ /bskyed pa dang/ zhes bya ba la/ gal te byang chub sems dpa' bdag dang sems can dag 'jig rten gyi phun sum tshogs pa 'dod pa'i phyir sems bskyed dam/ nyan thos dang/ rang sangs
 rgyas kyi phun sum tshogs pa 'dod pa'i sems bskyed na ni sbyor ba chud zos pa yin na/ byang chub sems dpa' ni de ltar mi mdzad kyi/ bdag dang sems can rnams kyang bla na med pa'i byang chub sems skyed par byed pas na/ byang chub kyi sems las
 mnyam pa'i phyir sbyor ba chud ma zos te/ 'di ni chud ma zos pa rnam pa gnyis pa'o/ /the tshom yang ni gcod pa dang/ zhes bya ba la gal te sems can bla na med pa'i byang chub tu sems bskyed pa rnams theg pa chen po'i chos la the tshom bcad na ni sems
 can de byang chub tu sems bskyed pa las log par 'gyur ba chud za ba yin na/ byang chub sems bskyed pa rnams theg pa chen po'i chos la the tshom za ba'i the tshom gcod par byed pas na byang chub kyi sems las mi ldog pa'i phyir sbyor ba chud mi zad ste/ 'di
 ni chud mi za ba rnam pa gsum pa'o/ /bsgrub pa dag ni gdam ngag rnams/ /rgyal sras rtag tu chud mi za/ /zhes bya ba la gal te byang chub sems dpa' rnams kyi sangs rgyas dang byang chub sems kyis/ sa dang pha rol tu phyin pa'i gdams ngag bstan pa
 bzhin du/ bdag nyid kyang mi bsgrub cing/ sems can la yang bsgrub pa'i gdams ngag mi ston na sbyor ba chud zos pa yin na/ byang chub sems dpa' i bdag nyid kyang yang dag pa'i gdams ngag dang man ngag bzhin du sgrub par byed pa yin la/ sems
 can la yang yang dag pa'i gdams ngag dang man ngag ston par byed pas sbyor pa chud mi za ste/ 'di chud mi za ba rnam pa bzhi pa ste/ 'di chud mi za ba gong du bshad pa'i chos bzhi ni byang chub sems dpa' rnams kyi rtag tu chud mi za ba'i chos zhes bya'o//
 yang dag pa'i sbyor ba'i rnam par dbye ba'i tshigs su bcad pa gnyis so/ /zhes bya ba la sbyor ba ni las su byed pa la bya ste/ de ltar chud mi za ba la gnas pa'i byang chub sems dpa' lus dang dag dang yid gsum kyi sgo nas las su byed pa rnams ma nor
 bar byed par 'gyur te/ de bas na las su byed pa lam nor par byed pa tshigs su bcad pa gnyis kyis bstan to/ /sbyin pa la ni re ba med/ ces bya ba la brel pa dang phongs pa rnams la chos dang zang zing dang/ mi 'jigs pa'i sbyin pa byas kyang/ tshe
 'di la phan 'dogs pa'i lan yang re ba med la/ tshe rabs gzhan du yang longs spyod chen po'i rnam par smin pa la re ba med par gtong ste/ de ltar gtong ba ni sbyin pa'i pha rol tu phyin pa yang dag par sbyor pa'o/ /tshul khrims sred par 'dod pa 
 med ces bya ba la tshul khrims bsrungs nas lha dang mi'i nang du skye bar 'gyur ba yin na/ byang chub sems dpa' tshul khrims bsrung ba ni srid ba'i bde ba lha dang mi'i gnas thob par bya ba'i phyir bsrung ba ma yin gyi/ bla na
 med pa'i byang chub thob par bya ba'i phyir bsrung ste/ 'di ni tshul khrims kyi pha rol tu phyin pa la yang dag par sbyor ba'o/ /thams cad du ni bzod pa dang/ zhes bya ba la lus kyi sgo nas mi rdeg pa dang dag gi sgo nas tshig rtsub bo tsam mi 'byin kyang sems
 'khor khro ba yod na/ thams cad du bzod pa ma yin gyi/ byang chub sems dpa' ni lus dang ngag gi gnod pa mi byed pa bzhin du yid la yang khong khro ba med pas na/ thams cad du bzod pa zhes bya ste/ 'di ni bzod pa'i pha rol tu phyin pa la yang
 dag bar sbyor ba'o/ /brtson 'grus dge ba thams cad 'byung/ /zhes bya ba la/ pha rol tu phyin pa 'ga' tsam bsgrub pa'i phyir brtson 'grus rtsom pa 'am/ theg pa 'ga' tsam gyi chos la brtson 'grus rtsom pa ni dge ba thams cad 'byung ba'i
 brtson 'grus zhes mi bya'i/ byang chub sems dpa' rnams ni pha rol tu phyin pa thams cad dang/ theg pa gsum char gyi chos la yang brtson 'grus rtsom pas na/ dge ba thams cad 'byung ba'i brtson 'grus zhes bya ste/ 'di ni brtson 'grus
 kyi pha rol tu phyin pa la yang dag pa'i sbyor pa'o/ /de bzhin gzugs med ma yin bsam gtan dang/ /zhes bya ba la byang chub sems dpa' rnams bsam gtan bsgom pa ni bsam gtan gyi 'bras bu 'dod pa'i khams dang/ gzugs kyi khams
 su skye bar 'gyur bar bsgom gyi gzugs med pa'i khams su skye bar 'gyur ba'i bsam gtan mi bsgom ste/ gzugs med pa'i khams su skyes na/ bdag nyid sangs rgyas kyi chos yongs su smin par bya ba dang/ sems can yongs su smin par bya ba'i
 mdza' med pa'i phyir te/ de lta bu'i bsam gtan ni bsam gtan gyi pha rol tu phyin pa la yang dag bar sbyor ba zhes bya'o/ /shes rab thabs dang ldan na ni/ /zhes bya ba la thabs yod la shes rab med pa dang shes rab yod pa la thabs med ba ni byang chub
 sems dpa' 'ching ba yin pas/ chos rnams stong pa nyid du shes pa'i shes rab de sems can yongs su smin par byed ba'i thabs bsdu ba'i dngos po bzhi dang ldan na thabs kyis yongs su zin pa'i shes rab yin te/ de lta bu ni byang chub sems
 dpa' i shes rab kyi pha rol tu phyin pa'i yang dag pa'i sbyor ba'o/ /pha rol tu phyin pa drug rnams la/ /brtan pa rnams kyis yang dag sbyor/ /zhes bya ba la gong du bshad ba lta bur pha rol tu phyin pa drug la sbyor na brtan pa byang chub sems dpa' rnams pha rol
 tu phyin pa rnams la yang dag pa dang ma nor bar sbyor ba? yin no zhes bya ba'i don to/ /ji ltar dkon mchog brtsegs ba las kyang/ zhes bya ba la sogs pa la gong du bshad pa lta bur pha rol tu phyin pa drug la sbyor na/ pha rol tu phyin pa drug la yang dag par sbyor ba
 yin par/ 'phags pa dkon mchog brtsegs pa'i mdo las kyang bshad de/ ji skad du gsungs she na/ rnam bar smin pa la mi re ba'i sbyin pa dang/ srid ba'i skye ba thams cad la mi gnas pa'i tshul khrims dang/ sems can thams cad la khong khro ba med pa'i
 bzod ba dang/ dge ba'i rtsa ba thams cad yang dag par sdud pa'i brtson 'grus dang/ gzugs med pa'i khams kyis ma gos pa'i bsam gtan dang/ thabs mkhas bas bsdu ba'i dngos po bzhi dang rab tu ldan pa'i thabs kyis yongs su zin pa'i shes
 rab dang zhes bya ba gsungs so/ /nyams pa dang khyad bar gyi phyogs kyi chos rnam bar dbye ba la tshigs su bcad ba rnam pa gnyis so zhes bya ba la chos gang gnas na pha rol tu phyin pa drug las nyams bar 'gyur ba na nyams pa'i phyogs kyi chos zhes bya'o/ /
 chos gang la gnas na pha rol tu phyin pa rnams 'phel zhing 'bogs par 'gyur ba'i chos la ni khyad par gyi phyogs kyi chos zhes bya ste/ byang chub sems dpa' yang dag pa'i sbyor ba la gnas pa de dag pha rol tu
 phyin pa drug gi mi mthun pa'i phyogs ni nyams shing 'bri bar 'gyur la/ de'i gnyen por gyur ba'i chos rnams ni zla ba yar gyi ngo bzhin du 'phel bar gyur te/ de bas na nyams pa dang 'phel bar 'gyur ba tshigs su bcad pa gnyis kyis
 bstan to/ /longs spyod chags dang/ zhes bya ba la gzugs la sogs pa 'dod pa lnga'i yon tan la chags pa ni longs spyod la chags pa zhes bya ste/ byang chub sems dpa' longs spyod la chags na sbyin ba yongs su gtong bar mi nus pas/
 sbyin pa'i pha rol tu phyin pa las nyams par 'gyur ro/ /ral bar bcas/ zhes bya ba la byang chub sems dpas bslab tshigs phra mo dag kyang nyams par byas na/ de tshul khrims kyi pha rol tu phyin pa las nyams par 'gyur ro/ /nga rgyal
 dang ni zhes bya ba la/ mkhan po dang slob dpon dang gang zag yon tan can la lus dang ngag dang yid kyis gus pa med pa ni nga rgyal dang bcas pa zhes bya ste/ yod ba'i rnams la bzod bar mi nus mi srid bas nga rgyal gyis ni bzod ba'i pha rol tu
 phyin pa nyams par 'gyur ro/ /nyams rangs dang/ zhes bya ba la nyal ba dang 'phres pa la sogs pa'i bde ba tsam la chags pa ni nyams rangs zhes bya ste/ de ltar nyams rangs yod na brtson 'grus kyi pha rol tu phyin pa la 'jug tu mi btub
 pas brtson 'grus kyi pha rol tu phyin pa las nyams bar 'gyur ro/ /myong dang zhes bya ba la myong ba ni bsam gtan gyi ro la chags pa ste/ bsam gtan gyi ro myangs na bsam gtan las nyams par 'gyur bas na bsam gtan gyi pha rol tu phyin
 pa las nyams par 'gyur ba'i rgyu'o/ /rnam par rtog pa ni/ zhes bya ba la bdag dang sems can dang/ rdzas kyi dngos po la sogs yod pa rtog ba ni rnam par rtog pa zhes bya ste/ de ltar brtag na rnam par mi rtog pa'i shes rab mi 'byung bas/ shes
 rab las nyams par 'gyur ba'i rgyu'o/ /de rnams kyis ni gnyen po la/ /gnas pa'i byang chub sems dpa' ni/ /de dag las ni bzlog pas na/ /khyad par phyogs chos shes par bya/ /zhes bya ba la de rnams kyi sgras ni gong du bshad pa'i longs
 spyod la chags ba nas/ rnam par rtog pa dang ldan pa'i nyams par 'gyur ba'i rgyu drug la bya ste/ rgyu drug po de'i gnyen po ni longs spyod lam chags pa dang/ tshul khrims ma ral pa dang/ nga rgyal med pa dang/ rang nyams med pa dang/ bsam
 gtan gyi rol? mi myang ba dang/ bdag dang sems can dang/ chos rnams la yod par mi rigs pa ste/ gnyen po'i chos de drug la gnas pa ni nag bo'i chos las bzlog ste/ dkar po'i phyogs la gnas pas sbyin pa'i pha rol tu phyin pa nas shes rab kyi pha
 rol tu phyin pa'i par du pha rol tu phyin pa drug 'bogs shing khyad par du 'gro ba'i chos yin no zhes bya ba'i don to/ /yon tan gyi gzugs brnyan du gyur pa dbye ba la tshigs? su bcad ba drug ste/ gcig rtsa ba drug pa'o zhes bya ba la pha rol tu phyin
 ba drug las nyams par 'gyur ba'i rgyu dang/ pha rol tu phyin pa drug 'phel bar 'gyur ba'i rgyur bshad de/ de la byang chub sems dpa' pha rol tu phyin pa drug nyams par 'gyur ba'i rgyu las gnas na ni yon tan gyi gzugs brnyan la gnas pa
 zhes bya ba ste/ de la yang dag pa'i yon tan med kyi/ yon tan sgyu ma tsam la gnas pa'o/ /gal te pha rol tu phyin pa'i rgyu la gnas na ni byang chub sems dpa' de yang dag pa'i yon tan la gnas pa zhes bya ste/ de bstan pa'i phyir tshigs su
 bcad pa gnyis brtsom mo/ /de la tshigs su bcad pa dang po ni rtsa ba drug pa'o/ /stobs pa dang zhes bya ba la phyi dang nang gi sbyin no zhes tshig gis stobs par byed pa tsam du zad kyi/ phyi nang gi dngos po gtong ba'i
 sbyin pa sgrub pa med na/ sbyin ba yang dag pa ma yin gyi/ sbyin ba'i gzugs brnyan la gnas ba zhes bya ste/ tshul 'chos dang/ zhes bya ba la phas pham pa dang ltung ba la sogs pa'i nyes ba ni mi srung zhing nyes pa rgyun tu 'byung la/ spyod lam
 can? gyi sgo nas tshul 'chos pa la yon tan dang 'dra bar ston pa ni tshul khrims kyi gzugs brnyan la gnas ba zhes bya'o/ /dag 'jam pa dag ston pa dang/ zhes bya ba la/ sems la sems can thams cad kyi zhe sdang spangs pa'i
 byams pa med pa la/ rtag tu sems can la bsod par bya ba'i zhe sdang dang/ sems ldan zhing tshig gi sgo nas 'jam zhing snyan pa tsam smra ba ni bzod pa'i gzugs brnyan la gnas ba zhes bya'o/ /glo bur 'jug pa de bzhin te/ zhes bya ba
 la rgyun tu dge ba la brtson 'grus byed pa ni med kyi skye bo mang po'i nang du brtson 'grus che ba dang phul 'phral la glo bur du brtson 'grus rtsom pa ni brtson 'grus kyi gzugs brnyan la gnas pa'o/ /lus dang ngag yid de bzhin zhi/ /zhes
 bya ba ni lus zhi ste shing drung dang brag la sogs pa'i gnas na gnas pa dang/ dag zhi ste smra ba mang po mi smra bar byed kyang sems la rgod pa dang/ g.yeng ba rnam pa sna tshogs rgyun du 'byung ste de na bsam gtan gyi gzugs brnyan la gnas
 ba'o/ /tshig snyan phun sum tshogs ba dang/ zhes bya ba la theg pa gsum gyi chos rnams kyi rang dang spyi'i mtshan nyid la shes pa ni med kyi/ 'jig rten gyi sgra'i gtsug lag dang rgyu'i gtsug lag shes shing smra ba'i dus na tshig 'brel
 pa tsam smra bar zad kyi don gang la bya gtol med na shes rab kyi gzugs brnyan la gnas pa zhes bya'o/ /bsgrub pa rab tu spangs pa ste/ /yang dag ma yin par yang bshad ces bya ba la stobs pa tsam la gnas nas tshig snyan pa phun sum tshogs pa la
 gnas bar zad kyi sbyin pa sgrub pa nas chos kyi rang dang spyi'i mtshan nyid rtogs pa'i sgrub pa med na/ byang chub sems dpa' de yang dag pa'i byang chub sems dpa' ma yin par bshad de/ pha rol tu phyin pa'i gzugs brnyan tsam la gnas pa'i byang
 chub sems dpa' yin par bshad do/ /bzlog pa rab tu sbyor ba ni/ /yang dag par ni de bshad do/ /zhes bya ba la gong du bshad pa'i stobs nas tshig snyan ba phun sum tshogs pa spyod pa las bzlog ste/ sbyin pa la sogs pa nas chos kyi mtshan
 nyid rtogs pa'i shes rab la spyod pa na byang chub sems dpa' de yang dag pa'i yon tan la gnas par bshad do/ /'dul ba rnam par dbye ba la tshigs su bcad pa zhes bya ba la/ de ltar yang dag pa'i yon tan la gnas ba'i byang chub sems dpa' 
 des ni sems can gyi sems kyi rgyud la pha rol tu phyin pa drug dang/ mi mthun pa yod pa'i phyogs rnams 'dul par byed pa nus te/ de bas na 'dul ba rnam par dbye ba la tshigs su bcad pa gcig gis bstan to/ /de'ang mdor na /gang gis
 'dul ba dang/ sa gang la gnas ba na 'dul ba dang/ chos gang sgrub pas 'dul ba dang/ gang gis 'dul ba dang/ gang 'dul bas 'dul ba rnam bar dbye ba bstan to/ /blo ldan ces bya ba las kun ni sa bcu kun la bya ste/ sa gang la gnas pa'i
 tshe 'dul zhe na/ sa bcu la gnas pa'i tshe 'dul lo/ /sbyin pa la sogs nyer bsgrubs pas/ /zhes bya ba la chos gang sgrubs she na/ sa bcu rnams su pha rol tu phyin pa drug gi chos bsgrubs bas 'dul lo/ /sems can rnams kyi/ zhes bya ba la su
 yis 'dul zhe na/ sems can rnams kyis 'dul lo/ /mi mthun phyogs/ rnam pa drug ni 'dul bar byed/ /ces bya ba la ci zhig 'dul zhe na/ sems can rnams kyi sems kyi rgyud la pha rol tu phyin pa drug gi
 mi mthun pa'i phyogs ser sna nas 'chal pa'i shes rab kyi bar dag yod par 'dul te/ de la byang chub sems dpa' sbyin pa bsgrubs pas sems can gyi ser sna 'dul lo/ /tshul khrims bsgrubs pas ni sems can gyi ngan pa'i dang tshul 'dul lo /
 bzod ba bsgrubs pas ni khong khro ba 'dul lo /brtson 'grus bsgrubs pas ni sems can gyi le lo 'dul lo/ /bsam gtan bsgrubs bas ni sems can gyi g.yeng ba 'dul lo/ /shes rab bsgrubs bas ni sems can gyi 'chal ba'i shes rab
 'dul lo/ /lung bstan pa rnam par dbye ba'i tshigs su bcad pa/ zhes bya ba la de ltar byang chub sems dpa' bdag nyid kyang yang dag pa'i yon tan la gnas shing sems can gyi sems kyi rgyud la pha rol tu phyin pa drug dang mi mthun pa'i phyogs yod pa
 'dul ba la zhugs pa de bdag nyid bla na med pa'i byang chub tu lung bsgo ba 'thob par 'gyur zhing mi skye ba'i chos la bzod pa thob pa'i gnas/ sa brgyad pa la yang 'jug par 'gyur te/ de bas na lung bstan pa rnam par dbye pa'i tshigs su bcad pa
 gsum gyis bstan to/ /blo ldan lung bstan rnam pa gnyis te/ /gang zag dus kyi bye brag gis/ /zhes bya ba la blo dang ldan pa byang chub sems dpa' rnams bla na med ba'i byang chub tu lung bstan pa rnam pa gnyis yod de/ gang zag gi bye brag gis lung
 bstan pa dang/ dus kyi bye brag gis lung bstan pa'o/ /de la gang zag gi bye brag gis bstan pa la rnam pa bzhi ste/ rigs la gnas pa'i gang zag lung bstan pa dang/ byang chub tu sems bskyed pa'i gang zag lung bstan pa dang/ mngon du gyur pa'i
 gang zag lung bstan pa dang/ mngon du gyur pa ma yin pa'i gang zag lung bstan pa'o/ /de la rigs la gnas pa'i gang zag lung bstan pa ni sbyin pa nas shes rab kyi pha rol tu phyin pa drug gi rigs dang sa bon yod pas byang chub tu sems bskyed kyang pha
 rol tu phyin pa drug gi mtshan ma snang na gang zag de de bzhin gshegs pa rnams kyis bla na med pa'i byang chub tu 'tshang rgya bar 'gyur ro/ /zhes lung ston gyi theg pa chen po'i rigs yod kyang rigs pa'i mtshan ma med pa rnams ni 'tshang rgya bar 'gyur bar lung mi
 ston te/ sems bskyed pa'i lung bstan pa rigs la gnas ba'i gang zag las bdag dang sems can phan par 'dod pa'i phyir dad pa dang/ mos pa chen po'i shugs kyis dkon mchog gsum la mchod pa rgya chen byos nas bla na med pa'i byang chub tu sems
 bskyed na/ de la de bzhin gshegs pa rnams kyis gang zag 'di ma 'ongs pa na 'tshang rgya bar 'gyur ro zhes lung ston to/ /mngon sum du 'gyur bar lung bstan pa ni de bzhin gshegs pa chos 'chad ba'i 'og tu gang zag de 'dus na/ de la de bzhin gshegs
 pa gang zag 'di mngon bar 'tshang rgya bar 'gyur ro zhes lung bstan pa'o/ /mngon sum ma yin pa la lung bstan pa ni gang zag lung ston par 'os? ba ste/ de bzhin gshegs pa chos 'chad pa'i 'khor du tshogs pa ni ma yin gyi/ de'i tshe 'jig rten gyi khams
 gzhan la gnas pa 'am/ sangs rgyas mya ngan las 'das ba'i 'og tu 'byung ba ste/ de dag la de bzhin gshegs pa rnams kyis 'jig rten gyi khams che ge mo zhig na gnas pa'i gang zag 'tshang rgya bar 'gyur ro zhes lung ston pa 'am ma 'ongs pa na gang
 zag 'di lta bu dag 'byung ste/ de mngon par 'tshang rgya bar 'gyur ro zhes lung ston pa ste/ dper na a tsArya nA ga rdzu na lung bstan pa lta bu'o/ /dus kyi bye brag gis lung ston pa la rnam pa gnyis te/ dus dpag tu yod pa lung ston pa dang/ dus 
 dpag tu med par lung ston ba'i lo dang zla ba dang bskal pa grangs chad par byas nas lung ston pa ste/ bskal ba brgya zhe 'am stong zhe 'am bskal pa bye ba stong ji snyed cig na 'tshang rgya bar 'gyur ro zhes lung
 ston bar 'gyur ro zhes lung ston pa'o/ /dus dpag tu med bar lung ston pa ni bskal pa'i grangs chad ba med de/ 'di ltar gang zag 'di nam zhig na 'tshang rgya bar 'gyur ro zhes lung ston pa'o/ /byang chub ba dang lung bstan pa dang zhes bya ba la
 yang lung bstan pa rnam ba gnyis te/ byang chub tu lung bstan pa dang/ lung bstan pa'i lung bstan pa'o/ /de la byang chub tu lung bstan pa ni ma 'ongs ba na/ sangs rgyas che ge mo zhig mngon par 'tshang rgya bar 'gyur ro zhes lung ston ba ste/
 dper na shAkya thub bas ma 'ongs pa na sangs rgyas byams pa zhes bya ba 'byung bar 'gyur ro zhes lung ston pa'o/ /lung ston pa'i lung bstan pa ni nam zhig na gang zag gang 'byung ba de bzhin gshegs ba nyid kyis lung mi ston gyi ma 'ongs pa na de
 bzhin gshegs pa che ge mo zhig 'byung bar 'gyur te/ des gang zag che ge mo zhig bla na med pa'i byang chub tu 'tshang rgya bar 'gyur ro zhes lung bstan par 'gyur ro/ /gzhan yang chen por shin tu bshad/ ces bya ba la/ lung bstan pa rnam ba gzhan
 yang yod de/ gang zhe na/ gang chen por lung bstan pa'o/ /de la chen bor lung bstan ba ni sa brgyad ba'i byang chub sems dpa' rnams bla na med pa'i byang chub tu lung bstan pa zhes bya'o/ /sa brgyad pa lung bstan pa la/ ci'i phyir? chen por lung bstan pa
 zhes bya na/ de'i phyir/ mi skye bzod pa thob pa dang/ /dang dang spyod pa spangs pa dang/ /sangs rgyas thams cad rgyal sras dang/ /gcig gi dngos su gyur pa'i phyir ro/ /zhes bya ba smos te/ sa brgyad ba la mi skye ba'i chos la bzod pa thob pas/ de spangs pa ste/
 rtsol ba dang 'bad ba spangs pa dang/ spyod pa spangs pa ste/ mtshan ma dang bcas ba'i spyod pa spangs pa dang/ sangs rgyas thams cad dang/ 'phrin las gcig tu gyur pa las sa brgyad pa la zhugs pa'i byang chub sems dpa' thams cad dang/ phrin las gcig
 cing rnam par mi rtog pa lhun gyis grub pa brnyes pa rang bzhin gcig pas na/ sa brgyad pa lung bstan pa ni chen por lung bstan ba zhes bya'o/ /lung bstan pa'i rnam grangs gzhan yang bstan pa'i phyir/ zhing dang dus dang ming dag dang/ /de yang bskal ba'i ming?
 dag dang/ /g.yog dang rjes su 'jug pa dang/ /dam chos rnams su de 'dod do/ /zhes bya ba smos te/ gzhan yang sangs rgyas kyi zhing bde ba can zhe 'am/ che ge mo zhig tu/ sangs rgyas kyi mtshan snang ba mdza' yas zhe 'am che ge mo zhig dus 'di srid cig 'das
 nas/ bskal pa'i ming skar ma can zhe 'am/ che ge mo zhig tu nyan thos kyi g.yog 'di snyed cig dang/ de'i rjes su 'brangs ba'i byang chub sems dpa' 'di snyed cig 'khor du 'gyur zhing de mngon bar sangs rgyas te bshad pa'i chos rnams kyang bskal ba 'di snyed
 cig tu gnas par 'gyur ro zhes lung ston pa'o/ /yang byang chub tu lung ston pa yin/ zhes bya ba la yang bstan ba gnyis te/ byang chub tu lung bstan pa dang/ lung bstan pa'i lung bstan pa'o/ /de ma byang chub tu lung bstan pa ni ma 'ongs ba na de bzhin
 gshegs pa che ge mo zhig mngon par rdzogs par 'tshang rgya bar 'gyur ro zhes lung ston pa'o/ /de bzhin gshegs pa 'di zhes bya bas/ dus che ge mo zhig na/ zhes bya ba la sogs pa'o/ /lung bstan pa'i lung bstan ba ni gang zag gang zhig lung ston
 na/ de bzhin gshegs ba de nyid kyis de la lung mi ston gyi nam zhig na de bzhin gshegs ba che ge mo zhig 'di srid cig na/ 'byung bar 'gyur te nges gang zag che ge mo zhig bla na med pa'i byang chub tu 'tshang rgya bar 'gyur ro zhes lung ston pa'i lung ston
 pa zhes bya'o/ /gzhan yang lung bstan pa chen po ni sa brgyad pa la mi skye ba'i bzod pa thob pa'i phyir/ bdag sangs rgyas su 'gyur ro/ /zhes bya ba la lung bstan pa'i grangs su gzhan yang yod de/ gang zhe na/ lung
 bstan ba chen bo zhes bya ba'o/ /de la sa brgyad ba la zhugs pa'i byang chub sems dpa' rnams de bzhin gshegs pa thams cad kyis/ bla na med pa'i byang chub tu lung bstan pa ni lung bstan pa zhes bya'o/ /ci'i phyir/ de'i tshe lung bstan
 pa zhes bya ba zhe na/ de'i tshe mi skye ba'i chos la bzod ba thob ba'i phyir/ sa brgyad ba la zhugs pa'i byang chub sems dpa' de bdag nyid gdon mi za ba bla na med pa'i byang chub tu 'tshang rgya bar shes pas/ bdag 'tshang rgya bar 'gyur ro
 zhes bdag nyid kyis bdag nyid la yang lung ston cing de bzhin gshegs pa rnams kyis kyang lung ston par mdzad bas na/ lung ston pa zhes bya'o/ /sa brgyad pa la zhugs pa ji ltar na mi skyes ba'i chos la bzod pa thob ce na de'i phyir/ nga rgyal
 spangs pa'i phyir dang/ mtshan ma la spyod pa spangs pa'i phyir dang/ de dang bdag gi rgyud tha dad pa med par mthong bas zhes bya ba la sogs pa smos te/ sa brgyad ba la zhugs pa'i tshe/ rtsol ba dang 'bang? ba thams cad spangs pas na nga rgyal
 spangs pa zhes bya'o/ /mdo sde la sogs pa'i chos mang po la mtshan ma rnam pa sna tshogs ? yid la byed ba spangs pa na/ mtshan ma la spyod pa spangs pa zhes bya'o/ /sa brgyad ba la zhugs ba'i byang chub sems dpa' rnams de bzhin gshegs
 pa thams cad dang/ bdag nyid du rnam par mi rtog pa'i ye shes lhun gyis grub ba thob pa mi 'dra ba med de/ rgyud tha dad ba med par mthong bas/ de'i tshe mi skye ba'i chos la bzod pa thob cing bdag 'tshang rgya bar 'gyur ro zhes bdag la
 bdag lung ston pa dang/ de bzhin gshegs ba rnams kyis kyang sangs rgyas par 'gyur ro zhes lung ston pas na/ lung ston pa chen po zhes bya'o/ /nges par 'gyur ba rnam par dbye ba'i tshigs su bcad ba rtsa ba drug pa ste/ zhes bya ba la/
 gong du bshad ba lta bur lung ston pa la sogs pa yon tan dang ldan pa byang chub sems dpa' de pha rol tu phyin pa drug sgrub pa yang de dag gi 'bras bu thob par 'dod pa'i bsgrub pa ni ma yin gyi bla na med pa'i byang chub thob par 'dod
 pa'i phyir sgrub mod kyi/ pha rol tu phyin pa'i 'bras bu rnam pa drug kyang gdon mi za ba dang/ nges par 'thob par 'gyur te/ de bas na nges par 'gyur ba'i rnam par dbye ba'i tshigs su bcad pa rtsa ba drug pa gcig gis bstan to/ /blo ldan phun
 sum tshogs pa dang/ /skye dang skyo med nges par 'gyur/ /rtag tu sgom par byed pa dang/ /mnyam par bzhag las mi nyams dang/ /bya ba 'grub dang lhun gyis 'grub/ /kun tu bzod ba thob pa la zhes bya ba la byang chub sems dpa' pha rol tu phyin pa
 drug sgrub pa na/ pha rol tu phyin pa drug gi 'bras bu rnam pa drug nges par 'thob par 'gyur te/ 'bras bu nges par thob pa rnam pa drug ni phun sum tshogs pa nges par 'thob par 'gyur ba dang/ skye ba nges par 'thob par 'gyur ba dang/ mi skye ba
 nges par 'thob bar 'gyur ba dang/ rtag tu sgom pa nges par 'thob par 'gyur ba dang/ mnyam par bzhag pa las mi nyams pa nges par 'thob par 'gyur ba dang/ bya ba bsgrub pa nges par 'thob par 'gyur ba dang/ lhun gyis grub cing mi skye ba'i chos la
 bzod pa thob pa nges par 'thob bar 'gyur ba'o/ /rtag tu rgya chen po'i longs spyod phun sum tshogs pa thob pa'i phyir ro/ /zhes bya ba la sbyin pa'i pha rol tu phyin ba bsgrubs bas ni phun sum tshogs pa nges par thob par 'gyur te/ sbyin pa'i mthus byang chub
 sems dpa' gang nas gang du skyes ba ste de dag thams cad du brgya byin dang tshangs pa dang/ 'khor los sgyur ba la sogs pa'i longs spyod 'thob par gdon mi za ba'i phyir ro/ /rtag tu ji ltar 'dod pa bzhin du/ skye ba
 yongs su 'dzin pa'i phyir ro/ /zhes bya ba la tshul khrims kyi pha rol tu phyin pa bsgrubs pas ni skye ba nges par 'thob par 'gyur te/ tshul khrims dang ldan ba byang chub sems dpa' sems can la phan pa bzhin du las dang nyon mongs pa'i dbang gis
 'khor bar skye ba lta bu ni ma yin gyi/ lha dang mi la sogs pa'i gnas de dang de dag tu ji dgar skye bar 'gyur bar gdon mi za ba'i phyir ro/ /rtag tu 'khor ba'i sdug bsngal gyis mi skyo ba'i phyir ro/ /zhes bya ba la bzod ba'i pha rol tu phyin pa bsgrubs
 pas ni mi skyo ba'i nges ba 'thob bar 'gyur te/ bzod ba la gnas ba rnams dus thams cad du yang bdag dang/ sems can gyi don du zhugs pa na grang ba dang tsha ba la sogs ba'i sdug bsngal thams cad kyis skyo ba med pa'i sems thob gang gdon mi za
 ba'i phyir ro/ /rtag tu bsgom ba rgyun mi 'chad ba'i phyir ro/ /zhes bya ba ni brtson 'grus kyi pha rol tu phyin pa bsgrubs pas/ rtag tu bsgom pa nges par 'thob par 'gyur te/ brtson 'grus kyi mthus/ byang chub sems dpa' gang skyes bar skyes kyang de dag
 thams cad du 'jig rten dang 'jig rten las 'das pa'i dge ba bsgom ba la rgyun mi 'chad bar bsgom ba gdon mi za ba 'thob par 'gyur ba'i phyir ro/ /rtag tu ting nge 'dzin las mi nyams pa dang/ sems can bya ba bsgrub pa'i phyir ro zhes bya ba la bsam
 gtan gyi pha rol tu phyin pa bsgrubs pas ni mnyam par bzhag pa las mi nyams par nges ba 'thob par 'gyur ba dang/ bya ba bsgrub ba nges par 'thob bar 'gyur te/ ji lta zhe na bsam gtan bsgrubs pa'i mthus/ byang chub sems dpa' tshe rabs gang
 skyes gang skyes kyang bsam gtan la gnas nas nams kyang nyams par mi 'gyur bar gdon mi za ba dang/ bsam gtan gyi mthus/ rdzu 'phrul bsgrubs nas rdzu 'phrul gyis sems can gyi don bsgrub bar gdon mi za bar rnam bar nges bar rnam pa gnyis ni
 bsam gtan gyi 'bras bu yin par bsdu'o/ /kun tu rnam bar mi rtog pa'i ye shes lhun gyis grub pa la gnas pa'i phyir ro zhes bya ba la shes rab kyi pha rol tu phyin ba bsgrubs pas ni lhun gyis grub bar mi skyo ba'i chos la bzod pa thob bar nges bar
 'gyur te/ ci'i phyir zhe na/ shes rab bsgoms pa'i mthus/ sa brgyad pa thob pa dang/ rnam bar mi rtog pa'i ye shes lhun gyis grub pa la gnas la gdon mi za bar 'thob par 'gyur te/ de bas na shes rab kyi 'bras bu ni lhun gyis grub bar mi skye
 pa'i chos la bzod pa thob par nges pa'o/ /gdon? mi za bar bya ba'i rnam par dbye ba'i tshigs su bcad pa rtsa ba drug ste/ zhes bya ba la chos gang ma byas na/ byang chub sems dpa' bla na med pa'i byang chub tu 'tshang rgya bar mi 'gyur te/ de bas na mi
 byar mi rung ba'i chos la gdon mi za bar bya ba zhes bya ste/ de tshigs su bcad pa rtsa ba drug pa zhig gis bstan to/ /mchod dang zhes bya ba la sbyin pa'i pha rol tu phyin pas ni de bzhin gshegs pa thams cad la chos gos dang/ lhung bzed la
 sogs ba mchod pa mi byar mi rung ste/ 'di ni sbyin pa'i pha rol tu phyin pa gdon mi za bar bya'o/ /bslab pa'i yi dam dang/ zhes bya ba la/ tshul khrims kyi pha rol tu phyin pas ni mkhan po dang slob dpon las/ byang chub sems dpa' i tshul
 khrims kyi bslab pa yang dag par blangs nas bslab pa mi nyams bar bya'o zhes dam bcas pa bzhin du/ bslab pa mi dral mi nyams par bya ba mi byar mi rung ste/ 'di ni tshul khrims kyi pha rol tu phyin pa la gdon mi za bar bya ba'o/ /snying rje zhes
 bya ba la/ bzod ba'i pha rol tu phyin pas ni sems can gyi sdug bsngal bar bya ba'i snying rje sems mi byar mi rung ste/ 'di ni bzod pa'i pha rol tu phyin pa gdon mi za bar bya ba'o/ /dge ba sgom pa dang zhes bya ba la brtson
 'grus kyi pha rol tu phyin pas ni 'jig rten dang 'jig rten las 'das pa'i dge ba rgyun du bsgom pa mi byang mi rung ste/ de ni brtson 'grus kyi pha rol tu phyin pa gdon mi za bar bya ba'o/ /bag yod de bzhin dgon pa dang/ zhes bya ba la/ bsam
 gtan gyi pha rol tu phyin pas ni bag med pa'i gnas su 'du 'dzi spangs nas dgon pa na gnas pa mi byang mi rung ste/ de ni bsam gtan gyi pha rol tu phyin pa gdon mi za bar bya ba'o/ /thos pa'i don la mi ngoms pa zhes bya ba la shes rab kyi pha rol
 tu phyin bas ni dge ba'i bshes gnyen mang po la brten cing mdo sde la sogs ba gsung rab mang du mnyan pa la chog mi shes pa mi byang mi rung ste/ de ni shes rab kyi pha rol tu phyin pa gdon mi za bar bya ba'o/ /sa rnams kun la brten pa yi/ /gdon mi
 za bar bya ba rnams/ /zhes bya ba gong du bshad pa'i chos mi byang mi rung ba rnam pa drug ni sa bcu kun du byang chub sems dpa' rnams kyis mi byar mi rung ba yin te/ gdon mi za bar bya dgos pa yin no zhes bya ba'i don to/ /rgyun tu bya ba la rnam par
 dbye ba'i tshigs su bcad pa rnam pa gnyis te/ zhes bya ba la bskal pa re re/ lo re re/ nyi ma re re/ skad cig ma re re la phreng mchad par bya ba ni rgyun tu bya ba zhes bya ste/ chos rnam pa drug ni rgyun du bya ba zhes bya ste/ chos rnam pa drug ni rgyun
 du bya ba yin par tshigs su bcad pa gnyis kyis bstan to zhes bya ba'i don to/ /'dod pa'i nyes la shes pa dang/ /zhes bya ba la 'dod pa'i gzugs dang/ sgra dang/ dri dang/ ro dang/ reg ste 'dod pa lnga'i yon tan la bya'o/ /byang chub sems
 dpa' ser sna spang zhing sbyin pa'i pha rol tu phyin pa rdzogs par bya ba'i phyir/ 'dod pa lnga'i nyes pa mi rtag pa dang/ sdug bsngal ba dang/ rmi lam dang/ sgyu ma lta bu dang/ dug dang/ mtshon lta bu yin par rtag tu shes par bya ste/ de ltar du yid la byas
 na longs spyod la sogs pa'i sems mi 'byung bas sbyin ba rdzogs par 'gyur ro/ /'khrul pa dag la rnam par rtog ces bya ba la ngan pa'i dang tshul spangs shing tshul khrims kyi pha rol tu phyin pa rdzogs par bya ba'i phyir/ tshul khrims nyams
 par 'gyur ba'i rgyu lus kyi 'khrul pa ji snyed yod pa dang/ dag gi 'khrul pa ji yod pa dang/ yid kyi 'khrul ba ji yod pa dag la rtag tu brtag cing/ 'khrul pa mi 'byung bar bag bya ste/ de ltar byas na ngan pa'i ngang tshul dang bral zhing tshul
 khrims kyi pha rol tu phyin pa yongs su rdzogs par 'gyur ro/ /de bzhin sdug bsngal bzod pa dang/ /zhes bya ba la bzod pa'i pha rol tu phyin pas ni bdag dang sems can gyi don du phyi dang nang gi sdug bsngal rnam pa sna tshogs myong ba nyams su
 blang zhing bzod par bya ba rgyun du bya ste/ de ltar byas na zhe sdang spangs shing bzod pa'i pha rol tu phyin pa rdzogs par 'gyur ro/ /dge ba dag kyang goms par byed/ ces bya ba la brtson 'grus kyi pha rol tu phyin pas ni 'jig rten dang 'jig rten las
 'das pa'i dge ba rgyun du bsgom par bya ste/ de ltar na le lo spangs shing brtson 'grus kyi pha rol tu phyin pa rdzogs par 'gyur ro/ /de ltar bde ba'i ro mi myang ba zhes bya ba la/ bsam gtan gyi pha rol tu phyin bas ni bsam gtan gyi bde ba'i ro la ma chags
 shing bsam gtan gyi rim? myang bar rgyun du bya ste/ de ltar byas na bsam gtan la mi nyams par 'gyur zhing bsam gtan gyi pha rol tu phyin pa myur du rdzogs par 'gyur ro/ /mtshan ma dag la mi rtog cing/ zhes bya ba la/ shes rab kyi pha rol tu phyin bas 
 dag dang chos dang sems can rnams la sogs pa dag la yod pa dang/ med par rtog pa'i mtshan ma la mi rtog pa rgyun tu bya ste/ de ltar byas na log pa'i shes rab spangs shing shes rab kyi pha rol tu phyin pa myur du
 rdzogs par 'gyur ro/ /sa rnams kun la bstan pa yi/ /rtag tu bya ba rnams yin no/ /zhes bya ba la gong du bshad pa'i chos drug po dag ni sa bcu thams cad du byang chub sems dpa' rnams kyis rtag tu rgyun mi 'chad par yid la bya ba yin
 no zhes bya ba'i don to/ /dam pa'i dngos po rnam par dbye ba'i tshigs su bcad pa rtsa ba drug pa'o zhes bya ba la/ de ltar mi byar mi rung ba'i chos dang/ rgyun du bya ba'i chos la gnas pa'i byang chub sems dpa' de yon tan dam pa dang ldan par 'gyur te/
 yon tan dam pa dang ldan pas na byang chub sems dpa' nyid kyang sems can thams cad kyi mchog dang dam par 'gyur te/ de bas na dam pa'i dngos po gang yin pa tshigs su bcad pa rtsa ba drug pa zhig gis bstan to/ /chos sbyin pa dang zhes bya ba
 la/ sbyin pa rnam pa gsum ste/ zang zing sbyin pa dang mi 'jigs pa sbyin pa dang/ chos sbyin pa'o/ /de la sbyin pa rnam pa gsum las chos kyi sbyin pa ni sbyin pa'i dam pa yin te/ ci'i phyir zhe na/ chos sbyin pas ni 'jig rten las 'das pa'i phun
 sum tshogs pa 'grub la mi 'jigs pa dang/ zang zing sbyin pas ni 'jig rten gyi phun sum tshogs pa 'grub par 'gyur ba'i phyir/ chos sbyin pa dam pa ste/ de bas na rdo rje gcod pa la sogs pa'i mdo las kyang/ gang gis stong gsum gyi stong chen po'i
 'jig rten gyi khams rin po che sna bdun gyis bkang ste byin pa bas/ gang gis mdo 'di las tshig bzhi pa'i tshigs su bcad pa gcig tsam bstan cing bshad na bsod nams dpag tu med pa 'phel bar 'gyur ro zhes gsungs pa lta bu'o/ /tshul
 khrims dag ces bya ba la/ tshul khrims la rnam pa gsum ste/ so sor thar pa'i sdom pa dang/ bsam gtan gyi sdom pa dang/ zag pa med pa'i sdom pa las gang 'phags pa rnams dgyes ba'i tshul khrims rnam par dag pa'i rang bzhin zag pa med
 pa'i sdom pa ni sdom pa rnam pa gsum gyi nang na dam pa yin no/ /yang na tshul khrims rnam pa gsum ste/ sdom pa'i tshul khrims dang/ dge ba sdud pa'i tshul khrims dang/ sems can gyi don byed pa'i tshul khrims dang gsum las/ tshul khrims
 rnam par dge ba zhes bya ba ni/ dge ba sdud pa'i tshul khrims la bya ste/ dge ba sdud pa'i tshul khrims gsum gyi nang na dam pa yin no/ /de bzhin ma skyes bzod pa dang/ zhes bya ba la bzod pa rnam pa gsum ste/ sdug bsngal ji mi snyam pa'i
 bzod pa dang/ gnod pa nyams su len pa'i bzod pa dang/ chos la nges par rtog pa'i bzod pa dang/ gsum las chos la nges par rtog pa'i bzod pa bzod pa'i dam pa yin no/ /de las mos pa spyod pa'i sa bzhi las bzod pa'i dus de kho na
 phyogs gcig la zhugs pa'i ting nge 'dzin dang ldan pa'i shes rab kyis rtogs pa la/ chos la nges par rtog pa'i bzod pa zhes bya'o/ /theg chen brtson 'grus brtsams pa dang zhes bya ba la 'jig rten pa dag lha dang mi la sogs pa'i 'bras
 bu thob par bya ba'i phyir/ dge ba la brtson 'grus rtsom pa yang yod/ 'phags pa nyan thos dang/ rang sangs rgyas dag rang gi theg pa la nyan pa dang/ sems pa dang/ bsgom pa'i sgo nas brtson 'grus rtsom pa yang yod mod kyi/ theg
 pa chen po'i chos zab cing rgya che ba nyan pa dang/ sems pa dang/ bsgom pa la sogs pa'i sgo nas/ brtson 'grus rtsom pa ni brtson 'grus thams cad kyi dam pa yin no/ /mthar ni snying rje ldan par gnas zhes bya ba la gzugs kyi khams
 kyi bsam gtan dang po dang/ gnyis pa dang/ gsum pa dang/ bzhi pa las mdza' i sgra ni bsam gtan bzhi pa la bya ste/ tshad med pa bzhi las snying rje tshad med pa dang ldan pa'i bsam gtan bzhi pa ni
 bsam gtan gyi nang na dam pa yin no/ /yang tshad med pa bzhi dang ldan pa'i zag pa med pa'i bsam gtan bzhi pa ni bsam gtan gyi nang na dam pa yin no/ /shes rab pha rol phyin pa la/ zhes bya ba la pha rol tu phyin pa drug las/ sbyin pa'i
 pha rol tu phyin pa nas bsam gtan gyi pha rol tu phyin pa'i bar du pha rol tu phyin pa lnga las/ shes rab kyi pha rol tu phyin pa dam pa yin te/ de bas na shes rab kyi pha rol tu phyin pa 'bum la sogs pa'i nang nas kyang/ gal te sbyin pa'i
 pha rol tu phyin pa yongs su rdzogs par 'dod na/ shes rab kyi pha rol tu phyin pa la bslab par bya'o zhes bya ba la sogs pa gsungs so/ /bshad pa rnam par bzhag pa dbye pa'i tshigs su bcad pa bzhi ste/ zhes bya ba la de ltar yon tan
 mchog dang ldan pa byang chub sems dpa' de/ sems can 'dul bar bya ba'i thabs kyang shes shing/ thabs de shes pas sems can rnams kyi ston par 'gyur ro/ /sems can gyi ston par 'gyur na/ sems can rnams la chos 'chad pa la
 yang mkhas par 'gyur te/ chos bshad pa yang rnam pa bzhi 'chad do/ /gang zhen chos rnam par bzhag pa 'chad pa dang/ bden pa rnam par bzhag pa 'chad pa dang/ rigs rnam par bzhag pa 'chad pa dang/ theg pa rnam par bzhag pa 'chad pa
 ste/ rnam par bzhag pa bzhi 'chad pa tshigs su bcad pa bzhis bstan to/ /mdo sogs rnam pa'i bye brag gis/ /rig pa'i gnas ni rnam par bzhag /sa rnams bdun la blo ldan pa'i/ /chos rnams rnam par bzhag rig bya/ /zhes bya ba la mdo la
 sogs pa ni/ mdo'i sde dang /lung du bstan pa'i sde dang/ tshigs su bcad pa'i ste la sogs pa gsung rab yan lag bcu gnyis la bya'o/ /rnam pa'i bye brag gis zhes bya ba ni/ gsung rab yan lag bcu gnyis kyi tshul du 'am/ gsung rab yan
 lag bcu gnyis dang mi 'gal bar zhes bya ba'i don to/ /gsung rab yan lag bcu gnyis dang mi 'gal bar nang rig pa dang/ rgyu rig pa dang/ sgra rig pa dang/ gso ba rig pa dang/ bzo'i las kyi gnas rig pa rnam par bzhag cing
 sems can gzhan la 'chad na/ byang chub sems dpa' rnam pa bcu kun tu chos rnam par bzhag pa yin par rig par bya'o/ /de nyid rnam bdun brten pa las/ /bden pa dag kyang rnam gzhag yin zhes bya ba la/ de kho na nyid rnam pa bdun la brten
 nas/ de kho na nyid rnam pa bdun 'chad cing ston pa ni bden pa bzhi rnam par bzhag pa 'chad pa yin par rig par bya'o/ /rigs dang theg pa rnam par bzhag pa ni/ rnam pa bzhi dang rnam pa gsum yin no zhes bya ba la rig pa bzhi ste/ ltos pa'i rig
 pa dang/ bya ba byed pa'i rigs pa dang/ 'thad pa sgrub ba'i rigs pa dang/ chos nyid kyi rigs pa ste/ rigs pa bzhi sems can la 'chad na/ rigs pa rnam par bzhag pa 'chad pa zhes bya'o/ /de la 'jig rten gyi tshul kyis rigs pa bzhi bshad na/
 mig dang gzugs la bltos nas/ mig gi rnam par shes pa skye ba dang/ sa bon la bltos nas myu gu skye ba ni ltos pa'i rigs pa zhes bya'o/ /de ltar dngos po rnams rgyu dang rkyen la bltos nas skyes pa'i 'og tu rang gis las byed pa ni bya ba byed pa'i
 rigs pa zhes bya ste/ dper na mig dang gzugs la bltos nas mig gi rnam par shes pa skyes pa dang/ mig gi rnam par shes pa gzugs la lta ba'i byed pa la bya ba byed pa'i rigs pa zhes bya'o/ /mngon sum dang rjes su dpag pa'i rigs pas dngos po
 mngon sum du gyur pa dang/ lkog tu gyur pa gnyis ni yongs su dpyod pa ni 'thad pa sgrub pa'i rigs pa zhes bya ste/ mngon sum gyi rigs pas ni sa phyogs gang du bum pa mthong na/ sa phyogs de na bum pa yod pa zhes bya'i/ bum
 pa med pa zhes mi bya ba ni mngon sum gyi tshad ma'o/ /sngon me gang na yod pa na du ba yod par mthong nas/ phyis ri su la la sogs pa nas dud pa byung bar mthong na me ma mthong yang de na me yod par dpag pa na rjes su dpag pa'i tshad ma zhes bya'o/ /'jig rten na me rang bzhin gyis
 tsha ba dang/ chu rang bzhin gyis gsher ba ni chos nyid kyi rigs pa zhes bya'o/ /rigs ba bzhi chos kyi don dang sbyar ba ste bstan pa'i phyir/ tshul bzhin yid la byed pa ltar zhes bya ba la sogs pa smos te/ nyan thos dang/ rang sangs rgyas kyi theg
 pas/ mos pa spyod pa'i sar chos rnams mi rtag pa dang/ sdug bsngal ba dang/ stong pa dang/ bdag med pa'i tshul bzhin yid la byed pa la bltos nas/ mthong ba'i lam sa dang por gang zag dang chos la bdag med par khong du chud pa'i 'jig
 rten las 'das pa'i lta ba skyes pa ni ltos pa'i rigs pa zhes bya'o/ /yang dag lta ba 'bras bu ldan/ zhes bya ba la 'bras bu zhes bya ba ni rnam par grol ba mya ngan las 'das pa la bya ste/ de ltar mthong ba'i lam du yang dag pa'i lta ba skyes nas
 yang dag pa'i lta ba des/ rnam par grol ba mya ngan las 'das pa skyed par byed pa ni bya ba byed pa'i rigs pa zhes bya'o/ /tshad mas rnam dbye zhes bya ba la mngon sum dang rjes su dpag pa'i tshad mas mngon sum du gyur pa dang/ lkog tu gyur pa dag
 thog tu dbab cing yongs su sgrub pa ni 'thad pa sgrub pa'i tshad ma zhes bya'o/ /dper na tshe 'dir srog gcod pa la sogs pa'i las ngan pa byas na/ 'phral du bcing ba dang/ brdeg pa la sogs pa'i sdug bsngal myong bar mngon sum du snang pa ni
 mngon sum gyi tshad ma'o/ /mig gi dbang po ltar mi snang yang mig dang/ gzugs la brten nas/ mig gi rnam par shes pa skye ba dang/ sbyar na mig gi rnam par shes pa skyed par byed pa'i sgo dang rten du gyur pa mig gi dbang po yod do zhes
 dpag pa ni rjes su dpag pa'i tshad ma zhes bya'o/ /gzhan yang rgyu dang rkyen gyis byas pa de dag mi rtag pa ste/ dper na/ bum pa bzhin no zhes rgyu rkyen gyis byas pa'i sgo nas mi rtag pa yin par dpag pa ni rjes su dpag pa tshad ma zhes bya'o/ /bsam mi khyab
 ces bya ba la/ chos kyi dbyings dang rnam par mi rtog pa'i ye shes la bsam gyis mi khyab pa zhes bya ste/ yang dag pa'i lta ba skyes na bsam gyis mi khyab pa'i gnas chos kyi dbyings dang rnam par mi rtog pa'i ye shes thob par 'gyur pa ni chos nyid kyi
 rigs pa zhes bya ste/ dper na me chos nyid kyis tsha ba yin pa bzhin du/ tshul bzhin yid la byed pa las yang dag pa'i lta ba skye la yang dag pa'i lta ba las mya ngan las 'das pa'i gnas thob pa ni/ chos nyid kyis de ltar thob pa yin pa'i phyir/ de la
 chos nyid kyi rigs pa zhes bya'o/ /bsam pa dang ni bshad pa dang/ /sbyor ba dang ni tshogs rnams dang/ /yang dag 'byung ba'i bye brag gis/ /theg pa rnam pa gsum du 'dod/ ces bya ba la/ rnam pa lngas theg pa gsum gyi mtshan nyid rig par bya ste/ de la
 bsam pa chung du dang/ bshad pa chung du dang/ sbyor ba chung du dang/ tshogs chung du dang/ yang dag par 'byung ba chung ba la ni nyan thos kyi theg pa zhes bya'o/ /bsam pa 'bring dang/ bshad pa 'bring dang/ sbyor ba 'bring dang/ chogs? 'bring dang/ yang dag
 par 'byung ba 'bring la ni/ rang sangs rgyas kyi theg pa zhes bya'o/ /bsam pa chen po dang/ bshad pa chen po dang/ sbyor ba chen po dang/ tshogs chen po dang/ yang dag par 'byung ba chen po la ni theg pa chen po zhes bya'o/ /mdo dang dbyangs kyis bsnyad pa'i bye
 brag gis so zhes bya ba la/ rig pa'i gnas lnga mdo dang dbyangs kyis bsnyad pa la sogs pa'i gsung rab yan lag bcu gnyis dang mthun pa 'chad pa ni chos rnam par bzhag pa 'chad ba zhes bya'o/ /brgal ba/ mdo sde la sogs
 pa gsung rab yan lag bcu gnyis ni nang rig pa zhes bya ste/ de bshad pas na rig pa bshad par zad de/ de'i nang du rgyu rig pa dang/ sgra rig pa dang/ gso ba rig pa dang/ bzo'i las kyi gnas rig pa rnams ji ltar 'dus shing bshad par 'gyur
 zhes rgol ba la/ theg pa chen po'i mdo sde'i nang rig par ni gnas lnga char 'dus par yod par bstan pa'i phyir/ rig pa'i gnas gzhan dag kyang der 'dus par theg pa chen po las byang chub sems dpa' rnams la bshad do zhes smos te/ de la theg pa
 chen po nyid ni nang rig pa zhes bya'o/ /rgyu rig pa dang/ sgra rig pa dang/ gso ba rig pa dang/ bzo'i las kyi gnas rig bdag kyang theg pa chen po'i mdo sder bsdus nas/ bcom ldan 'das kyis byang chub sems dpa' rnams la bshad de/ dper na rgyu rig pa
 lta bu yang mngon sum dang/ rjes su dpag pa'i tshad ma lad kar gshegs pa dang dgongs pa nges par 'grel pa la sogs pa mdo sde'i nang nas bshad de/ dgongs pa nges par 'grel pa'i mdo las/ rigs pa ni rnam pa bzhir shes par bya ste/ ltos pa'i
 rigs pa dang/ bya ba byed pa'i rigs pa dang/ 'thad pa sgrub pa'i rigs pa dang/ chos nyid kyi rigs pa'o zhes bya ba la sogs pa gsungs pa'o/ /sgra rig pa yang thogs pa dang bcas pa'i phyir gzugs so/ /myong ba'i bdag nyid kyi phyir tshor ba'o zhes bya ba la
 sogs pa mdo sde de dang/ de dag gi nang nas sgra'i mtshan nyid rgyas par bshad do/ /gso ba rig pa yang gser 'od dam pa'i mdo la sogs pa'i nang nas sman dpyad kyi cho ga bshad pa lta bu'o/ /bzo'i las kyi gnas rig pa yang theg pa chen po'i mdo sde de dang de
 dag gi nang nas/ gang dang glu dang rol mo la sogs pa'i bzo'i las rnam pa sna tshogs gsungs pa lta bu ste/ de bas na theg pa chen po'i mdo sde'i nang nas rig pa'i gnas thams cad 'dus so/ /de bzhin nyid rnam bdun bstan nas/ zhes bya ba la sogs pa la/
 de bzhin nyid rnam pa bdun la brten te/ de bzhin nyid rnam pa bdun bshad pa ni bden pa bzhi'i rnam par bzhag pa bshad pa zhes bya'o/ /'jug pa'i de bzhin nyid dang zhes bya ba la 'khor ba thog ma med pa dang/ tha ma med pa la 'jug pa'i de bzhin
 nyid ces bya ste/ 'di ltar 'khor ba ni ma rig pa'i rkyen gyis 'du byed bskyed pa nas/ skye ba'i rkyen gyis rga shi bskyed pa'i tshul du gcig gis gcig bskyed cing 'jug par byed la bden zhing ma nor bas na 'jug pa'i de bzhin nyid ces bya'o/ /mtshan
 nyid kyi de bzhin nyid dang/ zhes bya ba la kun brtags pa'i dang/ gzhan gyi dbang dang yongs su grub pa'i mtshan nyid gsum la/ mtshan nyid kyi de bzhin nyid ces bya ste/ kun brtags pa'i mtshan nyid ni ri bong gi rwa bzhin du mtshan nyid med par
 bden/ gzhan gyi dbang gi mtshan nyid ni gzung ba dang/ 'dzin pa lta bur phyin ci log tu rtog pa'i gzhi dang rten du 'byung bar bden/ yongs su grub pa'i mtshan nyid ni gzung 'dzin gnyis dang bral ba'i rang bzhin yin bde bden pas na
 mtshan nyid kyi de bzhin nyid ces bya'o/ rnam par rig pa'i de bzhin nyid ces bya ba la/ chos thams cad sems la snang ba tsam du zad pa ni/ rnam par rig ba'i de bzhin nyid ces bya ste/ 'dus byas dang 'dus ma byas kyi chos rnams sems tsam du zad de/ sems las logs shig na
 yod pa ma yin par bden zhing phyin ci ma log pas na/ rnam par rig pa'i de bzhin nyid ces bya ste/ de bas na sa bcu'i mdo las kyang/ kye rgyal ba'i sras dag khams gsum pa 'di dag ni sems tsam mo zhes gsungs so/ /gnas pa'i de bzhin
 nyid ces bya ba la sdug bsngal gyi bden pa la gnas pa'i de bzhin nyid ces bya ste/ sdug bsngal gyi bden pa ni skye ba dang rga ba la sogs pa'i mtshan nyid du gnas par bden zhing mnor ba'i phyir ro/ /log par
 sgrub pa'i de bzhin nyid dang zhes bya ba la/ las dang nyon mongs pa'i mtshan nyid dang/ kun 'byung gi bden pa la log par sgrub pa'i de bzhin nyid ces bya ste/ kun 'byung gi bden pas sdug bsngal gyi bden pa sgrub cing skyed par ma nor cing
 phyin ci ma log pa'i phyir ro/ /rnam par dag pa'i de bzhin nyid ces bya ba la/ 'gog pa'i bden pa la ni rnam par dag pa'i de bzhin nyid ces bya ste/ sdug bsngal dang kun 'byung gi bden pa shes pa'i mtshan nyid ma nor cing phyin ci ma log pa'i phyir
 ngo/ /yang dag par sgrub pa'i de bzhin nyid ces bya ba la/ lam gyi bden pa la ni yang dag par sgrub pa'i de bzhin nyid ces bya ste/ lam gyi bden pa des 'gog pa'i bden pa sgrub par byed bar ma nor cing phyin ci ma log pa'i phyir ro/ /de la 'jug pa'i
 de bzhin nyid dang/ gnas pa'i de bzhin nyid dang/ log par sgrub pa'i de bzhin nyid gsum gyis ni sems can thams cad 'dra zhing mnyam mo/ /mtshan nyid kyi de bzhin nyid gnyis kyis ni 'dus byas dang 'dus ma byas kyi chos thams cad 'dra zhing
 mnyam mo/ /rnam par dag pa'i de bzhin nyid kyis ni nyan thos dang/ rang sangs rgyas dang/ de bzhin gshegs pa rnams 'dra zhing mnyam mo/ /yang dag par sgrub pa'i de bzhin nyid kyis ni nyan pa dang sems pa nas bsgom pa'i dge ba la zhugs
 pa rnams 'dra zhing mnyam mo/ /de pas na 'phags ba dgongs pa nges par 'grel pa'i mdo las kyang/ byams pa de la kun nas nyon mongs ba dang/ rnam par byang ba'i chos de dag nyid kyis de bzhin nyid gang yin pa de ni ji lta ba bzhin yin pa
 ste/ de la rnam pa bdun te/ 'byung ba de bzhin nyid gang 'du byed rnams kyi thog ma dang tha ma med pa'o/ /mtshan nyid kyi de bzhin nyid ni gang chos rnams kyi gang zag la bdag med pa dang/ chos la bdag med pa'o/ /rnam par dag pa'i de bzhin nyid ni/
 gang du 'du byed rnam par rig pa tsam mo/ /gnas pa'i de bzhin nyid ni gang ngas sdug bsngal gyi bden pa bshad pa'o/ /log pa'i nan tan gyi de bzhin nyid ni gang ngas kun 'byung gi bden pa bshad pa'o/ /rnam par dag pa'i de bzhin nyid ni gang ngas
 'gog pa'i bden pa bshad pa'o/ /yang dag pa'i nan tan gyi de bzhin nyid ni gang ngas lam gyi bden pa bstan pa'o/ /byams pa de la 'byung pa'i de bzhin nyid dang/ gang gnas pa'i de bzhin nyid dang/ gang log pa'i nan tan gyi de bzhin nyid ni des ni
 sems can thams cad mtshungs shing mnyam mo/ /byams pa de la gang mtshan nyid kyi de bzhin nyid dang/ gang rnam par rig pa'i de bzhin nyid des ni chos thams cad mtshungs shing mnyam mo/ /byams pa de la gang rnam par dag pa'i de bzhin nyid des ni/ gang
 nyan thos kyi byang chub dang/ rang sangs rgyas kyi byang chub dang/ bla na med pa yang dag par rdzogs pa'i byang chub dang/ byang chub thams cad mtshungs shing mnyam mo/ /byams pa gang yang dag pa'i nan tan de bzhin nyid des ni thos pa dang/ bsams pa dang
 bsgoms pa'i 'dres pa la dmigs pa'i zhi gnas dang lhag mthong gis yongs su zin pa'i shes rab mtshungs shing mnyam mo zhes gsungs so/ /bya ba byed pa'i rigs pa ni yang dag par lta ba 'bras bu dang bcas pa'o zhes bya ba la/ 'bras bu ni rnam par grol
 ba mya ngan las 'das pa la bya ste/ mthong ba'i lam du nyan thos dang/ rang sangs rgyas kyi gang zag la med par mthong ba'i yang dag pa'i lta ba skyes pa dang/ byang chub sems dpa' rnams mthong ba'i lam na gang zag dang chos la bdag med par shes pa'i yang
 dag ba'i lta ba skyes pas rnam par grol ba'i 'bras bu thob pa byas pa ni bya ba byed pa'i rigs pa zhes bya'o/ /chos nyid kyi rigs pa ni bsam gyis mi khyab pa'i gnas te/ chos nyid ni grub pas bsam gyis mi khyab
 pa yin no zhes bya ba la chos kyi dbyings rnam par mi rtog pa'i ye shes la sogs pa bsam gyis mi khyab pa'i gnas la chos nyid kyi rigs pa zhes bya ste/ ci'i phyir de la chos nyid kyi rigs pa zhes bya na/ chos kyi dbyings la sogs pa ni chos
 nyid kyis tshul bzhin yid la byed pa las yang dag pa'i lta ba skye/ yang dag pa'i lta ba las mya ngan las 'das pa'i 'bras bu thob pa/ chos nyid kyis de de ltar 'grub pa yin pas na/ 'di la mngon sum dang rjes su dpag pa'i tshad mas ci'i
 phyir tshul bzhin yid la byed pa las yang dag pa'i lta ba skye/ yang dag pa'i lta ba las/ ci'i phyir de bzhin nyid la sogs pa bsam gyis mi khyab pa'i gnas 'thob ces dpyad cing/ dpag tu med ba'i phyir bsam gyis mi khyab pa'i gnas
 la chos nyid kyi rigs pa zhes bya'o/ /bsam pa dang bshad pa dang/ sbyor ba dang/ tshogs dang yang dag par 'byung ba tha ma ni nyan thos kyi theg pa'o zhes bya ba la/ de ltar nyan thos dag ni de'i don tsam bya bar sems pas bsam pa chung ste/ de dag
 bsam pa chung ba na/ de'i sems dang mthun pa de bzhin gshegs pa rnams kyi chos kyang chung du bshad do/ /chos chung du bshad pas de dag gis lus dang ngag dang yid kyi sgo nas las su bya'i sbyor ba yang chung du la sbyar zhing las su bya la/ ji
 ltar sbyor ba chung ba bzhin du de ltar bsod nams dang ye shegs kyi tshogs chung ba bzhin du mngon par 'byung ba ste/ 'bras bu 'ang chung ngu? 'thob bo/ /bang? ma ni rang sangs rgyas kyi theg pa'o zhes bya ba la rang sangs rgyas kyi theg pa? pa rnams ni bsam pa
 bar ma dang ldan pa ste/ de'i phyir de dag la de bzhin gshegs pas chos kyang bar ma ste/ rten cing 'brel bar 'byung ba lugs bzhin pa dang lugs las zlog pa bshad do/ /nyan thos rnams la chos chung du bshad pa ni rang bzhin tsam bshad pa'i phyir
 ro/ /de ltar chos bar ma bshad pas de dag gis lus dang ngag dang yid kyi sgo nas las su bya ba yang bar ma la sbyar zhing las su bya ba bar ma tsam la 'jug go /las su bya ba bang? ma byas pas tshogs kyang bar ma bsags so/ /tshogs bar ma
 bsags pas 'bras bu yang dag par 'byung ba yang bar ma thob ste/ nyan thos dang sangs rgyas la mya ngan las 'das pa'i 'bras bu la ni bye brag med med kyi/ mngon par shes pa lnga la ni bye brag yod de/ nyan thos 'phrul gyi mig gis stong
 gnyis las mi mthong na/ rang sangs rgyas kyi 'phrul gyi mig dang/ rna ba la sogs pas stong gsum gyi stong chen po'i 'jig rten gyi khams kyi gzugs dang sgra la sogs pa thos pa'i phyir 'bras bu la khyad par yod do/ /mchog ni theg pa chen po'i zhes
 bya ba la byang chub sems dpa' rnams ni bdag dang gzhan gnyi ga'i don bya bar sems pas bsam pa che'o/ /de ltar de dag bsam pa che bas na/ zab cing rgya che ba'i theg pa chen po'i chos bshad pa che'o/ /de dag chos ji ltar bshad pa bzhin du lus dang
 ngag dang yid gsum gyi sgo nas bdag dang gzhan gyi don du sbyor zhing 'jug pas na sbyor ba che ba'o/ /de dag gi sbyor ba chen po la sbyar bas bsod nams dang ye shes kyi tshogs chen po bsags pas tshogs che ba'o/ /de ltar tshogs chen po bsags pas
 mthad bla na med pa'i byang chub chen po'i 'bras bu thob pa/ yang dag par 'byung ba de che ste/ theg pa gsum gyi bye brag ni rnam pa lnga po dag gis dbye'o/ yongs su tshol ba rnam par dbye ba la tshigs su bcad pa zhes bya ba la/ de ltar rnam par bzhag pa
 bshad pa rnam pa bzhi la mkhas pa de/ ji ltar tshig gi sgo nas sems can la chos ston par mkhas pa de bzhin du bdag nyid kyi sems kyis kyang/ chos kyi mtshan nyid gang yin pa tshol zhing shes par byed de/ de
 bas na chos rnam pa bzhi'i mtshan nyid tshol ba tshigs su bcad pa gcig gis bstan pa'o/ /de la chos rnam pa bzhi'i tshol ba ni ming yongs su tshol ba dang/ dngos po yongs su tshol ba dang/ rang bzhin btags pa yongs su tshol ba dang/ khyad
 par du btags pa yongs su tshol ba ste/ yongs su tshol ba 'di dag ni mos pa spyod pa'i sa'i dus na/ tshol bar byed pa rig par bya'o/ /ming dang dngos po phan tshun du glo bur du 'byung ba tshol ba ste zhes bya ba la ming ni gang gis bum pa zhe
 'am/ snam bu zhes rjod par byed pa la ming zhes bya'o/ /dngos po ni bum pa lta bur chu blugs su rung ba dang snam bu lta bur bsgor rung ba brjod par bya ba'i chos la dngos po zhes bya ste/ 'di ltar bum pa la sogs pa chu blugs su rung ba'i
 dngos po la ming bum pa zhes btags pa ni ming nyid bum pa'i rang bzhin ma yin gyi/ ming thams cad glo bur du btags shing logs shing na brla brnyan tsam du btags pa yin par shes pa ni/ ming yongs su tshol ba zhes bya'o/ /ming
 thams cad glo bur du yin par ci mngon zhe na gal te ming glo bur ba ma yin gyi/ bum pa nyid kyi rang bzhin yin na ni/ me dang tsha ba nyid rang bzhin gcig pas me med par byas na tsha ba yang med par 'gro ba de bzhin du bum pa bcag ste
 med par byas na/ ming yang med par 'gyur ba'i rigs na/ bum pa bcag kyang ming med par mi 'gyur gyi/ ming phyin yod pa dang/ lhas byin shi ste med kyang lhas byin gyi ming yang med par mi 'gyur gyi/ ming phyin yod pas na/ ming
 dang dngos po rang bzhin gcig pa ma yin no/ /'di ltar bum pa zhes bya ba'i ming la/ lto zlum bo/ /skye seng seng po chu blugs su rung du ba btags pa yang glo bur dang/ brnyan ma tsam du btags pa yin par shes na dngos po yongs su tshol ba zhes
 bya ste/ don du na bum pa'i dngos po yang bum pa'i ming dang/ rang bzhin mi gcig par shes pa'o/ /bum pa'i dngos po dang/ ming gnyis ji ltar rang bzhin mi gcig ce na/ gal te ming dang dngos po gnyis rang bzhin gcig na ni/ ming med
 par byas pas dngos po nyid kyang med par 'gyur ba'i skyon du 'gyur te/ dper na rab tu ma byung ba'i dus na khyim na gnas pa'i ming btags pa las rab tu byung ba'i dus na khyim na gnas pa'i ming med par byas pa dang/ dngos po yang med par
 'gyur ba'i rigs na/ ming med par byas kyang dngos po phyin yod pas na/ ming dang dngos po gnyis gcig pa ma yin no/ /btags pa rnam pa gnyis po 'di/ /de tsam nyid du tshol ba'o zhes bya ba la 'di ltar brjod par byed pa'i ming dang/ brjod par
 bya ba'i bum pa la sogs pa'i dngos po gnyis phan tshun nas 'brel pa las/ rang bzhin du btags pa dang/ khyad par du btags so/ /de la rang bzhin du btags pa ni/ sa sra ba'i mtshan nyid btags pa dang/ tu? gsher ba'i mtshan nyid btags pa/
 dang/ thogs pa dang bcas pa'i phyir gzugs zhes gtags pa dang/ myong ba'i bdag nyid kyi phyir tshor ba zhes btags pa ste/ de ltar chos rnams kyi rang gi mtshan nyid so sor btags pa de dag kyang btags pa tsam du yod par zad kyi/ sa sra ba'i mtshan
 nyid dang chu gsher ba'i mtshan nyid du grub pa med par shes na rang bzhin du btags pa yongs su tshol ba zhes bya'o/ /de ltar rang gi mtshan nyid du btags pa'i chos de dag nyid la yang mi rtag pa dang/ sdug bsngal ba dang/ zag pa dang bcas pa dang/ zag pa
 med pa dang/ 'dus byas dang 'dus ma byas dang/ gzugs can dang/ gzugs med pa dang/ 'dod pa'i khams su gtogs pa dang/ gzugs med pa'i khams su gtogs pa la sogs pa ni khyad par du btags pa zhes bya
 ste/ khyad par du gtags pa de dag kyang ming tsam tshig tsam du zad kyi rang bzhin yod pa ma yin par shes pa ni/ khyad par du btags pa yongs su tshol ba zhes bya'o/ /de la dngos po la ming glo bur yin par yongs su tshol ba ni/ zhes bya ba la dngos
 po bum pa la sogs pa'o/ /ming ni bum pa zhes bya ba'i tshig ste/ bum pa'i dngos po la bum pa zhes bya ba'i ming btags pa 'di ming nyid bum pa'i rang bzhin ma yin gyi/ bla thabs dang/ bla dags su btags par zad do zhes tshol zhing shes pa ni ming
 yongs su tshol ba zhes bya'o/ /ming la dngos po glo bur ba yin par yongs su tshol ba zhes bya ba la/ ming ni bum pa zhes bya ba'i tshig la bya ste/ tshig 'dis? brjod par bya ba'i dngos po yang/ /chu blugs su rung ba'i bum pa ste/ bum pa zhes bya ba'i rjod
 par byed pa'i ming la/ bum pa zhes bya ba rjod par byed pa'i dngos po btags pa yang glo bur dang bla thabs su btags par zad kyi/ ming dang dngos po gnyis rang bzhin mi gcig par tshol ba ni/ dngos po yongs su tshol ba zhes bya'o/ /gang gnyi
 ga mngon par 'brel pa la rang bzhin dang khyad par du btags pa zhes bya ba la/ gnyi ga mngon par 'brel pa ni/ rjod par byed pa'i ming dang/ brjod par bya ba'i dngos po gnyis 'grel pa ste/ de gnyis 'brel ba las sra ba la sogs pa'i
 chos kyi rang gi mtshan nyid du btags pa dang/ skye ba dang 'jig pa la sogs pa spyi'i mtshan nyid du btags pa gnyis kyang btags pa tsam du yod par zad kyi/ rang gi mtshan nyid kyang rang bzhin du grub pa med par shes pa ni/ rang gi ngo bo
 yongs su tshol ba zhes bya'o/ /spyi'i mtshan nyid kyang btags pa tsam du zad kyi rang bzhin yod par ma yin par shes pa ni khyad par du yongs su tshol ba zhes bya'o/ /mdo sde rgyan bam po bdun pa'i bshad pa rdzogs so// //
 yang dag pa ji lta ba bzhin du yongs su shes pa rnam par dbye ba'i tshigs su bcad pa bcu'i zhes bya ba la/ de ltar mos pa spyod pa'i sar ming dang dngos po dang/ rang bzhin dang khyad par rnams yongs su btsal na/ sa dang por ming dang
 dngos po dang rang bzhin dang khyad par rnams stong pa nyid kyi mtshan nyid du yongs su shes par 'gyur te/ de bas na yang dag pa ji lta ba bzhin du shes pa tshigs su bcad pa bcus bstan to/ /thams cad dmigs su med pa'i phyir/ /yang
 dag shes pa rnam pa bzhi zhes bya ba la sogs pa tshigs su bcad pa gcig gis yang dag pa ji lta ba bzhin du shes pa bzhi'i mtshan nyid dang las kyi bdag nyid chen po bstan te/ /de la yang dag pa ji lta ba bzhin du shes pa bzhi ni/
 ming yongs su tshol pa dang ldan pa yang dag pa ji lta ba bzhin du shes pa dang/ dngos po yongs su tshol ba dang ldan pa yang dag pa ji lta ba bzhin du shes pa dang/ rang bzhin yongs su tshol ba dang ldan pa yang dag pa ji lta ba bzhin du shes
 pa dang/ khyad par yongs su tshol ba dang ldan pa/ yang dag pa ji lta ba bzhin yongs su shes pa'o/ /de la ming thams cad dngos po med cing stong pa la dmigs su med par shes na/ ming yongs su tshol ba dang ldan pa yang dag pa ji lta ba
 bzhin du shes pa zhes bya'o/ /bum pa la sogs pa'i dngos po thams cad kyang rang bzhin med cing stong la dmigs su med par shes na/ dngos po yongs su tshol ba dang ldan pa yang dag pa ji lta ba bzhin du yongs su shes pa zhes bya'o/ /
 sa'i rang gis mtshan nyid sra ba la sogs pa rang gi mtshan nyid thams cad rang bzhin med cing stong la dmigs su med par shes na/ rang bzhin yongs su tshol ba dang ldan pa yang dag pa ji lta
 ba bzhin du shes pa zhes bya'o/ /skye ba dang 'gag pa la sogs pa'i chos rnams kyang rang bzhin med cing stong la dmigs su med par shes na/ khyad par yongs su tshol ba dang ldan pa yang dag pa ji lta ba bzhin du shes pa zhes
 bya ste/ de ltar tshigs bcad phyed kyis ni yang dag pa ji lta ba bzhin du shes pa'i mtshan nyid bstan to/ /bstan pa thams cad don sgrub phyir/ /sa kun du ni skye bar byed ces bya ba la/ sa dang po nas brtsams te sa bcu man
 chad la sa kun ces bya ste/ brtan pa byang chub sems dpa' rnams sa bcu thams cad du bdag dang gzhan gyi don bsgrub par bya ba'i phyir/ yang dag pa'i shes pa bzhi skye bar byed cing de dag la sgom par byed de/ tshig bcad
 'og ma phyed kyis ni yang dag pa'i shes pa'i las kyi bdag nyid che ba bstan to/ /de ltar sa dang por chos thams cad bdag med par shes pa'i ye shes de bcings pa thams cad las dgrol bar bya ba'i thabs yin te/ des
 bcings pa thams cad las grol bar byed do/ /de la bcings pa la bcings pa gang yin pa dang/ des gang bcings pa shes par bya ba'i phyir/ gnas dang longs spyod sa bon gyi/ /mtshan ma dag gis bcings pa dang zhes bya ba la
 sogs pa smos te/ de la bcings pa ni gnas kyi mtshan ma dang/ longs spyod kyi mtshan ma dang/ sa bon gyi mtshan ma'o/ /de la gnas kyi mtshan ma ni snod kyi 'jig rten te/ mtshan ma dang yul zhes bya ba dag don gcig bas snod
 kyi 'jig rten ni kun gzhi rnam par shes pas dmigs par bya ba'i yul yin par bya ba'i snod kyi 'jig rten la gnas kyi mtshan ma zhes bya'o/ /de'i phyir sum cu pa'i bstan bcos la sogs pa las kyang kun gzhi rnam pa shes pa
 ni gnas rnam par rig par bshad do/ /longs spyod ni mig gi rnam par shes pa nas yid kyi rnam par shes pa'i bar du/ rnam par shes pa drug la longs spyod ces bya ste/ rnam par shes pa drug gi mtshan ma dang yul ni
 gzugs dang/ sgra dang/ dri dang/ ro dang/ reg bya ste yul lnga'o/ /sa bon gyi mtshan ma ni kun gzhi rnam par shes pa la bya ste/ kun gzhi rnam par shes pa ni gnas dang longs spyod la sogs pa'i mtshan ma'i bag la zha ba
 dang/ bag chags kyi gzhi byed pa'i phyir/ sa bon gyi mtshan ma zhes bya ste/ bcing ba de gsum gyis bcings so zhes bya ba'i don to/ /des gang bcings she na de'i phyir/ rten bcas sems dang sems las byung ba dag ces bya ba smos
 te/ gong ma bcings pa nges ni rten dang sems dang sems las byung ba gsum bcings so zhes bya ba'i don to/ /de la rten gyi sgras ni mig gi dbang po nas yid kyi dbang po'i bar du/ dbang po drug dang bcas pa'i lus la bya ste/ don du na
 gzugs kyi phung po la bya'o/ /yid kyi dbang po yang 'di'i skabs su nyon mongs pa'i yid la bya'o/ /sems kyi sgras ni rnam par shes pa brgyad la bya ste/ phung po lnga'i nang nas rnam par shes pa'i phung po la bya'o/ /sems las byung ba'i sgras ni
 tshor ba'i phung po dang/ 'du shes kyi phung po'i gnyis dang/ reg pa dang yid la byed pa la sogs pa sems las byung ba lnga bcu rtsa gcig la bya ste/ don du bshad pa'i bcing pa des phung po lnga bcings so zhes bya ba'i don to/ gang du bcings
 ji ltar bcings she na/ de'i phyir/ 'dir ni sa bon ldan pas bcings zhes smos te/ gang du bcings she na/ khams gsum 'dir bcings so zhes bya ba'i don to/ /ji ltar bcings she na/ gnas kyi
 mtshan ma'i bag chags dang/ longs spyod kyi mtshan ma'i bag chags kun gzhi la bsags pas ji srid du bag chags ma spangs te/ bag chags dang ldan pa de srid du thar pa med pas na de ltar bcings so/ /de la gnas pa'i mtshan ma
 ni snod kyi 'jig rten to zhes bya ba la gnas ni snod kyi 'jig rten la bya ste/ de dag nyid kun gzhi'i gnas yin pas na gnas kyi mtshan ma zhes bya'o/ /longs spyod kyi mtshan ma ni zhes bya ba la/ longs spyod ni mig gi rnam par shes pa
 nas yid kyi rnam par shes pa drug la bya ste/ de dag gi mtshan nyid dang yul ni gzugs nas reg bya'i bar du lnga'o/ /gang de dag gi sa bon ni zhes bya ba la/ gnas dang longs spyod gnyis kyi sa bon gyi mtshan ma dang gzhir gyur pa ni
 kun gzhi rnam par shes pa ste/ kun gzhi ni chos thams cad kyi sa bon gyi rten byed pa'i phyir ro/ /da chos gang shes shing bsgoms pas bcings pa las thar par 'gyur ba'i thabs bstan pa'i phyir/ mtshan ma mdun du gang bzhag dang/ bdag
 nyid kyis ni gang gnas pa/ /brtan pas thams cad rnam bshig na/ /byang chub mchog ni rnyed par 'gyur/ /zhes bya ba smos te/ mtshan ma mdun du gang bzhag pa zhes bya ba ni gang sngon mnyan pa dang bsams pa dang bsgoms pa la sogs
 pa'i sbyor ba la brten nas/ rnal 'byor bas 'phral du bam pa dang bsngos pa dang keng rus la sogs pa'i mtshan ma mdun du bsams shing brtags te bzhag pa ni mtshan ma mdun du bzhugs pa zhes bya'o/ /gang 'phral du bsams te bzhag
 pa ni ma yin gyi/ sems can rnams 'khor ba thog ma med pa'i dus nas bsgrims shing 'bad mi dgos pas bum pa dang snam bu la sogs pa rang gis ngang gis sems la snang ba ni bdag nyid kyis gang gnas pa zhes bya ste/ byang chub sems
 dpa' brtan pa rnams kyis mdun du bzhugs pa'i mtshan ma dang/ bdag nyid kyis gnas pa'i mtshan ma gnyis bshig ste/ stong par dmigs su med pa'i mtshan nyid du byas nas/ de la yod pa'i ngo bor rtog pa'i tshul du bsgoms na/ byang chub
 thob pa dang/ byang chub mchog thob par 'gyur ro zhes bya ba'i don to/ /de la bsgom pa'i rim pa yang dang po ni mdun du bzhag pa'i mtshan nyid stong par bshig ste/ bsgom pa de stong par bshigs pa dang de'i 'og tu bdag nyid kyis gnas
 pa'i dngos po rnams stong par bshig ste/ ji ltar zhe na 'di ltar bam pa dang/ sngos pa la sogs pa 'di dag sems dang sems las byung ba la/ snang ba tsam du zad kyi rang bzhin du grub par yod pa ma yin pa de bzhin du/ bum pa dang snam bu la sogs
 pa 'di dag kyang sems dang sems las byung ba la snang bar zad kyi/ rang bzhin gyis grub par yod pa ma yin no/ zhes de ltar bsgom mo/ /de la nyan thos dang rang sangs rgyas kyis rtag pa dang/ gtsang ba dang bdag dang bde ba dang
 ldan pa'i gang zag stong par bshig ste bsgoms na ni/ nyan thos kyi byang chub dang/ rang sangs rgyas kyi byang chub thob po/ /byang chub sems dpa' rnams kyis gang zag dang chos gnyis stong par bshig ste/ bsgoms na ni bla na med pa'i byang chub
 mchog 'thob par 'gyur ro/ /de bzhin du mi rtog pa de lta bu rims su smra bar bya'o/ /zhes bya ba ni mdun du bzhag pa'i mtshan ma dang ldan bdag nyid gnas pa'i mtshan ma gnyis la bsgom pa'i rim pa yang/ dang por mdun du bzhag pa'i
 mtshan ma keng rus la sogs pa stong par bshig nas de la mi rtag par bya'o/ /de nas bum pa la sogs pa bdag nyid gnas pa'i mtshan ma stong par bshig ste/ de la mi rtag par bya'o/ /
 gang mnyan pa dang bsam pa dang zhes bya ba la sogs pa la mdun du bzhag pa'i mtshan ma zhes bya ba'i don 'chad de/ mdun du bzhag pa'i mtshan ma zhes bya ba ni gang rnal 'byor bas mnyan pa dang bsam pa dang bsgom pa'i ting
 nge 'dzin gyi yul la bya ste/ keng rus la sogs pa'i mtshan nyid 'phral du sems kyis brtags te bzhag pa'o/ /rang bzhin la gnas par gyur cing zhes bya ba la/ bdag nyid gnas pa ni gang 'phral du bsams te mdun du bzhag pa ni ma
 yin gyi/ 'khor ba thog ma med pa'i dus nas bsgrims shing 'bad mi dgos par sems la rang gi ngang gis snang ba ste/ gang bum pa la sogs pa rang bzhin gyis sems kyis brtags te/ sems las phyi rol du yod pa lta bur snang ba'o/ /de
 la bshig pa ni yod pa'i dngos po las bral ba rnam par mi rtog pa ste/ zhes bya ba la de gnyis stong par bshig pa'i thabs ni mdun du bzhag pa'i mtshan ma dang rang bzhin la gnas pa gnyis sems la snang ba dang bral zhing/ sems la mi
 snang bar bya ba nas/ de la yod par rtog pa spangs te/ mi rtog pa'i tshul du bsgom pa ni bzhag pa zhes bya'o/ /de'i thabs ni mtshan ma'i gnyen po'o/ /zhes bya ba la stong par bshig nas mi rtog pa'i tshul du bsgom pa nyid mtshan mar 'dzin pa thamS cad
 med cing 'jig par byed pa'i thabs yin no/ /mdun du bzhag pa dang/ phyir bdag nyid gnas pa zhes bya ba la sogs pa la de gnyis stong par bsgom pa'i rim pa ni dang po nyid du mdun du bzhag pa'i mtshan ma keng rus la sogs pa
 stong par bshig ste/ ji ltar bshig ? na/ keng rus la sogs pa snang ba 'di dag sems la snang ba tsam du zad kyi yang dag par yod pa ma yin no zhes gzhig go /bum pa la sogs pa bdag nyid kyi gnas pa rnams stong par bshig ste/
 ji ltar bshig ce na ste/ ji ltar keng rus la sogs pa sems la snang bar zad kyi/ rang bzhin yod pa ma yin pa de bzhin du bum pa la sogs pa 'di dag kyang sems la snang bar bad? kyi/ rang bzhin yod pa ma yin no zhes de de la phyin ci log
 bzhi dang ldan pa'i gang zag gi mtshan ma rnam par 'jig pa'i rnal 'byor can no zhes bya ba la sogs pa la rtag pa dang bde ba dang/ gtsang ba dang/ bdag dang ldan pa'i gang zag la yod par 'dzin pa/ stong par bshig nas bsgom
 pa'i rnal 'byor pas ni/ nyan thos kyi byang chub dang/ rang sangs rgyas kyi byang chub thob par 'gyur ro/ /chos thams cad kyi mtshan ma rnam par 'jig pa ni byang chub chen por ro zhes bya ba la/ gang zag gi mtshan ma dang/ chos kyi mtshan ma gnyis stong par
 bshig nas bsgom pa'i rnal 'byor pas ni bla na med pa'i byang chub 'thob bo zhes bya ba'i don to/ /de dag gis ji lta bur bcings pa yongs su shes par 'gyur ba dang/ yang dag pa ji lta ba bzhin yongs su shes pa de dag bstan to/ /zhes bya ba
 la/ gong du tshigs su bcad pa gsum bshad pa'i bsdus pa'i don ni/ ji lta bus sems can yongs su bcings pa shes pa dang/ yongs su bcings pa shes nas/ gang gis bcings pa las thar bar 'gyur ba shes pa dang/ yang dag pa ji lta
 ba bzhin du shes pa'i mtshan nyid gang yin pa ste/ don de gsum bstan to/ /de la gnas dang longs spyod sa bon gyi/ zhes bya ba la sogs pa tshigs su bcad pa gcig gis ni bcings pa gang yin pa shes pa bstan to/ /mtshan ma mdun du bzhag
 pa dang zhes bya ba la sogs pa'i tshigs bcad gcig gis ni gang yongs su shes pas thar par 'gyur ba'i thabs bstan to/ /dang po tshigs su bcad pa thams cad dmigs pa med pa'i phyir/
 zhes bya ba'i tshigs su bcad pa gcig gis ni yang dag pa ji lta ba bzhin du shes pa gang yin pa bstan to/ /da mtshan nyid gsum yongs su shes pas kun gzhi rnam par shes pa la nyon mongs pa dang/ shes bya'i sgrib
 pa'i bag chags yod pa spangs nas thar par 'gyur ba de bstan pa'i phyir/ de bzhin nyid dmigs ye shes kyis zhes bya ba la sogs pa smos so/ /de la de bzhin nyid ni stong pa nyid chos kyi dbyings la bya ste/ stong pa nyid la
 dmigs pa'i ye shes kyis ni yongs su rdzogs pa'i mtshan nyid mngon sum du byed do zhes bya ba'i don to/ gzung ba gnyis ni rnam par spangs zhes bya ba la gzung ba gnyis ni gzung 'dzin gnyis sam kun tu brtags pa'i gang zag dang/
 kun brtags kyi chos gnyis ri bong gi rwa bzhin du mtshan nyid med par shes na kun tu brtags pa'i mtshan nyid mngon sum du byed do zhes bya ba'i don to/ /gnas ngan len tshogs mngon sum dang/ zhes bya ba la gnas ngan len gyi
 tshogs ni kun gzhi rnam par shes pa nyon mongs pa dang shes bya'i sgrib pa dang bcas pa la bya ste/ kun gzhi rnam par shes pa ni nyon mongs pa dang/ shes bya'i sgrib pa thams cad kyi rten du gyur pa phyin ci log tu rnam par rtog pa rnams
 kyi gnas yin no zhes shes na/ gzhan gyi dbang mngon sum du 'gyur ro/ /brtan pa de dag zad par 'dod ces bya ba la/ de ltar byang chub sems dpa' mtshan nyid gsum mngon sum du byas nas/ kun gzhi rnam par shes pa gzhan gyi
 dbang gi mtshan nyid la nyon mongs pa dang/ shes bya'i sgrib bci yod pa zad cing dag nas thar pa thob par 'gyur zhing 'dod do zhes bya ba'i don to/ /gnas ngan len gyi tshogs mngon sum pa'i phyir zhes bya ba la/ gnas ngan len gyi tshogs ni
 nyon mongs pa dang shes bya'i sgrib pa la bya ste/ kun gzhi rnam par shes pa ni phyin ci log thams cad kyi rgyu yin no zhes shes na/ gzhan gyi dbang gi mtshan nyid mngon sum du 'gyur ro zhes bya ba'i don to/ /de nyid zad par bya ba ni zhes bya ba
 la sogs pa la gnas ngan len gyi tshogs kun gzhi rnam par shes pa la nyon mongs pa dang shes bya'i sgrib pa zad par bya ba'i phyir mtshan nyid gsum mngon sum du bya'o zhes bya ba'i don to/ /mtshan nyid gsum ngon sum du byas na/ kun gzhi
 rnam par shes pa la bag la nyal yod pa zad par gyur nas thar pa 'thob par 'gyur ro zhes bya ba'i don to/ /de la 'phags pa nyan thos rnams kyis kyang phyin ci log bzhi dang ldan pa'i gang zag stong par shes pa'i yang dag pI ye shes bsgom pas na/
 'phags pa nyan thos la yang yang dag pa'i ye shes yod de/ 'phags pa nyan thos la yang dag pa'i ye shes yod pa dang/ byang chub sems dpa' rnams la yang dag pa'i ye shes yod par khyad par ci yod ce na/ yang dag pa'i ye shes
 kyi khyad par bstan pa'i phyir/ de bzhin mi dmigs ye shes ni/ /rnam pa tha dad med bsgoms pas/ /zhes bya ba la sogs pa smos te/ tshigs su bcad pa 'dis/ nyan thos rnams mtshan ma med pa la bsgom pa bas/ byang chub sems dpa' dag
 mtshan ma med pas bsgom pa khyad zhugs pa ston te/ ji lta zhe na 'phags pa nyan thos rnams kyis ni mtshan ma dang mtshan ma med pa gnyis tha dad pa bsgom ste/ de la mtshan ma med pa zhes bya ba ni 'khor ba la bya'o/ /mtshan ma med pa zhes bya ba ni mya
 ngan las 'das pa la bya ste/ 'khor ba la ni skye ba dang rga ba la sogs pa'i sdug bsngal dang bcas pas/ ma zhi ba'i rang bzhin du yid la byed/ mya ngan las 'das pa la ni sdug bsngal thams cad spangs pas zhi ba'i
 mtshan nyid du yid la byed/ 'khor ba ni spong bar 'dod/ mya ngan las 'das pa ni mngon sum du bya bar 'dod do/ /de la de bzhin nyid la dmigs pa'i ye shes zhes bya ba ni chos rnams rang bzhin gyi mya ngan las 'das pa'i mtshan nyid du dmigs pa
 stong pa nyid lta ba ye shes la bya ste/ byang chub sems dpa' rnams kyis ni mtshan ma ste/ 'khor ba dang de bzhin nyid la dmigs pa'i ye shes te mya ngan las 'das pa gnyis tha dad pa med cing ro gcig par mthong nas 'khor ba'i stong pa
 nyid mya ngan las 'das pa yin no zhes bsgom pas na/ nyan thos mtshan ma med par bsgom pa pas khyad zhugs so/ /de bas na 'phags pa blo gros mi zad pa'i mdo las kyang chos kyi dbyings dang/ 'khor ba'i khams dang/ mya ngan las 'das pa'i
 dbyings de ni mtshungs so/ /chos kyi dbyings dang sems can gyi khams dang chos thams cad kyi khams de ni mtshungs so/ /ci'i phyir mtshungs she na/ stong pa nyid du mtshungs pas na de ni mtshungs so zhes bya ba la sogs pa gsungs so/ /de ltar
 mtshan ma dang de bzhin nyid tha dad pa med par bsgoms pas ji ltar na nyan thos la sogs pa'i mtshan ma med par bsgom pa bas khyad zhugs she na/ yod med don ni mngon sum du/ rnam par rtog las 'byor ces bya zhes smos te/ mtshan ma
 dang de bzhin nyid tha mi dad par bsgoms pas na/ yod pa'i don kyang mngon sum du gyur la/ med pa'i don kyang mngon sum du 'gyur te/ de ltar gyur pas sems can gyis gang dang gang bsams shing ji dang/ ji ltar bsams pa/ de dang de
 dag de bzhin du 'grub par 'gyur te/ nam mkha' stong pa las yo byad kyi char 'bab par gyur cig ces bsams na yang/ yo byad kyi char 'bab par 'gyur bas rnam par rtog pa las thams cad 'byor pa zhes bya ste/ de bas na nyan thos kyi mtshan
 ma med pa bas/ byang chub sems dpa' mtshan ma med par bsgom pa khyad zhugs pa yin no/ /de la yod pa ni yongs su grub pa'i mtshan nyid kyi chos kyi dbyings la bya ste/ chos kyi dbyings mngon sum du gyur pas na yod pa mngon sum du gyur pa zhes
 bya'o/ /de la med pa ni gzung ba dang 'dzin pa kun brtags kyi mtshan ma la bya ste/ kun brtags rang bzhin med pa yang mngon sum du gyur pas na/ med pa mngon sum pa zhes bya'o/ /mtshan ma dang de bzhin nyid tha dad pa med pa mthong ba'i phyir te zhes bya ba
 la/ mtshan ma ni 'khor pa'i chos la bya'o/ /de bzhin nyid ni chos thams cad rang bzhin gyis mya ngan las 'das pa'i mtshan nyid stong pa nyid la bya ste/ 'khor ba dang mya ngan las 'das pa gnyis rang bzhin gcig par mthong bas na mtshan ma dang
 de bzhin nyid tha dad pa med par mthong ba zhes bya ste/ don du 'khor ba dang rang bzhin gyis stong pa gang yin ba de nyid mya ngan las 'das pa yin gyi/ mya ngan las 'das pa zhes bya ba yang 'khor ba'i stong pa nyid la ma gtog par logs shig na yod pa ma
 yin par mthong ba'o/ /de bas na byang chub sems dpa' i mtshan ma med pa sgom pa ni/ nyan thos kyi mtshan ma med pa bsgom pa bas khyad zhugs pa yin no/ /ji ltar khyad zhugs pa bstan pa'i phyir ro/ /de dag gi mtshan ma dang/ mtshan ma med pa tha
 dad par mthong nas/ mtshan ma thams cad yid? la mi byed pa dang/ mtshan ma med bar dbyings yid la byed pas/ zhes bya ba ste/ nyan thos de dag gis ni/ mtshan ma ste 'khor ba dang/ mtshan ma med pa ste/ mya ngan las 'das pa gnyis tha dad par
 mthong ste/ ji ltar tha dad par mthong zhe na/ 'khor ba ni skye ba dang rga ba la sogs pa'i sdug bsngal rnam pa sna tshogs dang ldan pas ma zhi ba'i rang bzhin du mthong la/ mya ngan las 'das pa ni skye ba dang rga ba la sogs
 pa'i sdug bsngal rnams spangs pas zhi ba'i rang bzhin du mthong ste/ de bas na 'khor ba ni spong 'dod pas yid la byed la mya ngan las 'das pa ni mngon du bya bar 'dod pas/ mya ngan las 'das pa'i dbyings ni yid la byed do/ /byang chub
 sems dpas ni de bzhin nyid las gzhan du mtshan ma ma mthong bas/ mtshan nyid med par mthong ste zhes bya ba la/ byang chub sems dpa' rnams kyis ni de bzhin nyid stong pa nyid la ma gtogs pa'i mtshan ma zhes bya ba/ 'khor ba'i chos logs
 shig na yod par ma mthong ste/ mtshan ma ste 'khor ba nyid stong pa nyid kyi rang bzhin du mthong nas/ 'khor ba dang mya ngan las 'das pa gnyis ro gcig par mthong ba'i phyir/ 'khor ba yang mi spong la/ mya ngan las 'das pa yang
 mi len pa'i tshul du bsgoms te/ de bas na 'khor ba dang mya ngan las 'das pa tha dad pa med par bsgom pa'i phyir/ nyan thos mtshan ma med pa bsgom pa dang/ byang chub sems dpa' mtshan ma med pa bsgom pa la bye brag yod do//
 de bzhin nyid yod pa'i don dang/ zhes bya ba la/ de bzhin nyid ni stong pa nyid la bya ste/ stong pa nyid ni yod pa'i don du mngon sum du mthong ngo zhes bya ba'i don to/ /mtshan ma med pa'i don la mngon sum du gyur pa ste/ zhes bya ba la
 mtshan ma ni gzung ba dang/ 'dzin pa la sogs pa ste/ gzung 'dzin mtshan ma rnams ni med pa'i mtshan nyid yin pa mngon sum du mthong ngo zhes bya ba'i don to/ /ji ltar rnam par brtags pa bzhin du don thams cad 'byor pa'i
 phyir ro zhes bya ba ni de ltar med pa'i don kyang mngon sum du gyur/ yod pa'i don kyang mngon sum du gyur/ gang dang gang bsams pa rnams de bzhin du grub par 'gyur te/ de bas na rnam par rtog pa las 'byor pa rnyed pa zhes bya'o/ /brgal
 ba gal te 'khor ba ni mya ngan las 'das pa'i rang bzhin yin na/ sems can thams cad la mya ngan las 'das pa yod pas/ sems can thams cad kyis mya ngan las 'das pa mthong ba'i rigs na/ ci'i phyir ma mthong snyam pa la
 de'i phyir nus pa dag ni yang dag bsgribs/ yang dag ma yin kun tu snang zhes bya ba smos te/ 'di ltar 'khor ba nyid mya ngan las 'das pa'i rang bzhin yin yang/ byis pa so so'i skye bo dag bdag dang chos su mngon par chags pa'i
 bag chags kyis bsgribs pas yang dag par bsgribs te/ stong pa nyid la yod pa'i chos ma mthong la/ yang dag pa ma yin pa gzung ba dang 'dzin pa'i chos med pa rnams ni/ sems la snang zhing mthong ste/ dper na/ mi shes pas bsgribs
 pas/ thag pa yod pa ni mi mthong la/ thag pa la sprul gyi rang bzhin med pa'i sprul mthong ba lta bu'o/ /yang dag byang chub sems dpa' la/ /de bas la nas ni thams cad snang/ /zhes bya ba la byang chub sems dpa' rnams ni gang zag dang/
 chos su mngon par chags pa med pas/ yang dag pa stong pa nyid yod pa'i chos ni sems la snang zhing mthong la/ yang dag pa ma yin pa gzung ba dang/ 'dzin pa lta bu ni bsal nas sems la mi snang ste/ dper na/ sngas pa dang bral ba'i
 mis/ thag pa yod pa ni mthong la sprul med pa ni me mthong ba bzhin no/ /rang gi dang gis zhes bya ba la/ byis pa rnams la ni gzung ba dang/ 'dzin pa la sogs pa med pa'i chos ni bsgrim mi dgos par sems la snang ngo zhes bya ba'i
 don to/ /rang gi ngang gis yang dag ba nyid snang zhes bya ba la/ byang chub sems dpa' rnams la ni/ stong pa nyid kyi chos sems la bsgrim mi dgos par snang zhing sa mthong ngo zhes bya ba'i don to/
 'phags pa rnams la stong pa nyid snang gi /mtshan ma mi snang ngo zhes bstan pa'i don de nyid bsgrub pa'i phyir/ mi snang ba dang snang ba ni/ /yod med don du rig par bya zhes bya ba la soD pa smos te/ yod pa'i don ni stong pa nyid la/ med pa'i don ni
 gzung 'dzin gyi mtshan ma rnams te/ byang chub sems dpa' rnams kyis yod pa'i don ni sems la snang zhing mthong la/ med pa'i don mtshan ma rnams ni sems la mi snang zhing mi mthong bar rig par bya'o zhes bya ba'i don to/ /gnas kyang shin tu 'phos
 pa ste/ de ni thar pa 'dod bzhin spyod ces bya ba la/ gang gi tshe stong pa nyid yod pa'i chos kyang mthong/ mtshan ma ste med pa'i chos kyang mthong la/ de'i tshe na gzhan gyi dbang gi mtshan nyid kun gzhi rnam par shes pa/ gnas gzhan du gyur pa
 zhes bya ste/ gnas gzhan du gyur pa de nyid la thar pa dang mya ngan las 'das pa zhes bya ba yang gnas gzhan du gyur pa nyid la byaba yin par rig par bya'o/ /ci'i phyir gnas gzhan du gyur pa thar pa zhes bya zhe na/ dper na skye bo la la
 zhig bcings pa las thar na/ ji dgar spyod pa de bzhin du/ gnas gzhan du gyur pa'i de'i tshe/ sems la dbang thob ste/ dngos po gang mthong yang chags pa dang zhe sdang gi 'ching ba mi 'byung bar spyod pas na thar pa zhes bya'o/ /das ni mi
 snang ba dang snang ba de nyid thar bar rig par bya'o zhes bya ba la/ stong pa nyid mthong ba dang/ mtshan ma rnams mi mthong ba'i sems rnyed pa nyid thar pa dang/ mya ngan las 'das pa yin par rig par bya'o zhes bya ba'i don to/ /de ci'i phyir
 zhe na/ 'dod pa bzhin spyod pa'i phyir te zhes bya ba la/ yod med kyi don du mthong ba de la/ ci'i phyir thar ba zhes bya zhe na/ de'i tshe ji dgar 'dod pa bzhin du spyod pas na thar pa zhes bya'o/ /ji dgar 'dod bzhin du spyod pa pa'i don bstan pa'i phyir/
 de rang dbang thob pas rang gi sems la dbang byed pas/ rang bzhin gyi mtshan ma mi 'byung ba'i phyir ro zhes smos te/ ji srid du sems la mtshan ma 'byung ba'i de srid du 'ching ba yin no/ /nam stong pa nyid yod pa'i don mthong ba dang mtshan ma la sogs pa
 med pa'i don mthong ba na/ sems la dbang thob ste/ chags pa dang zhe sdang la sogs pa'i gang gi dbang du yang mi 'gyur zhing/ sems nam mkha' bzhin du gnas pa'i mtshan ma bcid la sems gang la yang mi 'byung ba'i phyir de'i tshe thar ba
 zhes bya'o/ /da tshigs su bcad pa gcig gis thabs gang gis sangs rgyas kyi zhing yongs su dag par 'gyur ba'i sangs rgyas kyi zhing dag par bya ba'i thabs bstan pa'i phyir thams cad chen por don snang na/ bar chad 'gyur zhes bya ba la sogs pa
 smos te/ chen po'i sgras ni snod kyi 'jig rten sa gzhi chen po la bya ste/ dus thams cad skad cig ma re re la yang/ kun gzhi rnam par shes pa las sa gzhi chen po lta bur snang bar 'gyur na/ ji srid du sems las de srid du snang ba yod pa de srid
 du sa gzhi chen po yod dam grog dang tsher ma dang gyo mo la sogs pa yod par ma dag par snang gi /gser la sogs pa rin po che'i kha dog tu mi snang bas na/ sangs rgyas kyi zhing yongs su sbyang bar bya ba la bar du gcod pa yin no/ /brgal ba gal
 te sa gzhi chen po 'di skad cig ma re re la sems la snang ba yin na/ sems can rnams ci'i phyir 'di snyam du/ kha rtsang sngar mthong ba'i sa gzhi nyid bdag gis di ring yang mthong ngo snyam pa'i blo skye bar 'gyur zhes rgol ba yin la/ de'i lan du/
 gcig nas gcig brgyud dang mthun pas zhes bya ba smos te sa gzhi chen po skad cig ma'i ngang gis snang ba nas skad cig ma snga ma las sa gzhi chen po'i dbyibs dang kha dog ci 'dra bar byung ba skad cig ma phyi ma la
 yang sa gzhi chen po'i kha dog dang dbyibs snga ma dang 'dra ba sha stag brgyud mar 'byung bas na/ kha sang sngar mthong ba'i sa nyid de ring yang bdag gis de mthong ngo snyam pa'i blo skye ste/ de bas na de lta bu'i blo ji srid yod kyi bar du sangs rgyas kyi
 zhing dag par mi 'gyur ro/ /'o na ji ltar byas pas sangs rgyas kyi zhing dag par 'gyur zhe na/ de'i phyir de bas na yongs su shes pas 'di dag pa'o zhes bya ba smos te/ de ltar ji srid du sa gzhi chen po sems la snang ba yod pa de srid du /sangs
 rgyas kyi zhing sbyor ba la bar du gcod pa yin par shes par byas nas/ ci nas kyang sa gzhi chen po lta bur sems la snang bar ma gyur zhing sa gzhi chen po la chags pa'i sems spang bar bya ste/ chags pa'i sems spangs na/ sangs rgyas kyi zhing
 yongs su dag pa'i mtshan nyid sems la snang bar 'gyur te/ sangs rgyas kyi zhing ni de ltar sbyong ngo/ /de bas na bar chad byed par yongs su shes nas zhes bya ba la sogs pa ji srid du sems la sa gzhi chen por lta bur yod par snang zhing/ yod
 par chags pa yod ba de srid du sangs rgyas kyi zhing yongs su dag par bya ba la bar du gcod pa yin par shes nas/ yod par chags pa spang bar bya ste/ de la yod par chags pa spangs na/ sangs rgyas kyi zhing shes gyi kha dog la sogs par dag
 pa'i mtshan nyid du sems la snang bar 'gyur te/ dpag tu med pa rnam par dbye ba la tshigs su bcad pa zhes bya ba la/ de ltar yang dag ye shes dang ldan pa'i byang chub sems dpa' bdag grol ba dang thar pa thob pa des sems can dpag tu
 med pa'i rnams sgrol bar byed de/ de bas na dpag tu med pa rnam par dbye ba la tshigs su bcad pa gcig gis bstan to/ /de la dpag tu med pa rnams bsdus na/ byang chub sems dpa' rnams kyis dpag tu med pa ni rnam pa lnga'o/ /smin par bya pa
 dang rnam sbyar dang/ /thob bya smin par rung ba dang/ /yang dag bstan pa'i dngos po dang/ /blo ldan rnams kyis dpag tu med ces bya ba la/ byang chub sems dpa' rnams kyis dpag tu med pa'i dngos po ni rnam pa lnga ste/ yongs su smin par bya ba'i
 dngos po dpag tu med pa dang/ rnam par byang ba'i dngos po dpag tu med pa dang/ thob par bya ba'i dngos po dpag tu med pa dang/ yang dag par bstan par bya ba'i dngos po dpag tu med pa ste dpag tu med pa'i dngos po rnam pa lnga'o/ /de la
 yongs su smin par bya ba'i dngos po ni khyad par med par nyan thos kyi rigs la gnas pa dang/ rang sangs rgyas kyi rigs la gnas pa dang/ byang chub sems dpa' i rigs la gnas pa dang/ rigs ma nges pa dang/ rigs med pa rnams te/ nam
 mkha' i khams gar thug pa sems can gyi khams der thug ste/ nam mkha' bzhin du sems can gyi khams la mthar thugs med pas na/ yongs su smin par bya ba'i dngos po dpag tu med pa zhes bya'o/ /de ltar nyon thos kyi rigs can dang/
 rang sangs rgyas kyi rigs can dang/ byang chub sems dpa' i rigs can ni theg pa gsum du yongs su smin par bya'o/ /ma nges pa'i rigs can rnams ni theg pa gsum du yongs su smin par bya'o/ /rigs med pa ni dge ba bcu la bkod nas
 lha dang mi'i nang du bzhag ste/ yongs su smin par bya'o/ /rnam par snang ba'i dngos po ni 'jig rten gyi khams snod kyi 'jig rten te/ de dag kyang ngam grog dang cher ma la sogs pa med cing ksa gzhi shel la sogs pa'i mtshan nyid du yongs
 su sbyang ba'i 'jig rten gyi khams byang? nam mkha' i mdza' thog thag tu za 'og gi gur bzhin du gnas pas na/ yongs su sbyang ba'i dngos po dpag tu med do/ /thob par bya ba'i chos dngos po ni dge ba'i chos
 dang mi dge ba'i chos rnam pa gnyis las mi dge ba'i chos rnams spangs nas/ stobs dang mi 'jigs pa la sogs pa dge pa'i chos thob par bya zhing/ mngon du bya ba yang dpag tu med pa zhig yod de/ smin par rung ba'i dngos po dpag tu
 med pa ni 'di ltar rigs lnga las/ nyan thos kyi rigs dang/ rang sangs rgyas kyi rigs dang/ theg pa chen po'i rigs dang/ rigs ma nges pa'i gang zag rnams ni theg pa gsum la gzung cing mya ngan las 'das pa thob bar bya ba'i skal ba
 yod pas na/ smin par byar rung ba'i dngos po zhes bya ste/ smin par byar rung ba'i sems can gyi khams la yang mdza' med pas na dpag tu med pa zhes bya'o/ /yang dag par bstan par bya ba'i dngos po dpag tu med pa ni gdul ba'i sems can
 de dag gdul bar bya ba'i thabs bstan pa'i thabs kyang dpag tu med de/ 'dod chags can la mi gtsang ba'i chos bstan pa dang/ zhe sdang can la byams pa'i chos bstan pa la sogs pa gsung rab yan lag bcu gnyis bstan cing
 bshad pa yang dpag tu med pa'i phyir ro/ /de la smin par bya ba'i dngos po dang/ smin par rung pa'i dngos po gnyis la khyad par ci yod ce na/ 'di ltar rigs yod pa dang/ rigs med pa la sogs pa'i sems can bye brag med par sems
 can thams cad la ni smin pa'i dngos po zhes bya'o/ /theg pa gsum du yongs su mya ngan las bzlar rung ba'i sems can rigs yod pa'i sems can rnams la ni smin par rung ba'i dngos po zhes bya'o/ /de'ang mdor na gang dmigs par
 bya ba yang dpag tu med pa dang/ gang la gnas nas smin par bya ba yang dpag tu med pa dang/ gang dang ldan pas smin par bya ba yang dpag tu med pa dang/ gang smin par bya ba yang dpag tu med pa dang/ thabs gang gi smin bar bya ba yang
 dpag tu med pa ste ? mdor na de rnams ston to/ /de la gang la dmigs she na/ rigs yod pa dang rigs med pa la sogs pa'i sems can kun la dmigs te/ de'ang dpag tu med do/ /gang la gnas nas smin par byed ce na/ snod kyi 'jig rten la
 gnas nas smin par byed de/ snod kyi 'jig rten de'ang dpag tu med do/ /gang dang ldan bas smin par byed ce na/ chos kyi khams dang pha rol tu phyin pa la sogs pa dang ldan pas smin par byed do/ /de'ang dpag tu med do/ /gang smin par byed de na/ smin
 bar nus pa'i sems can rigs can rnams smin par byed de/ de yang dpag tu med de/ gang gis smin par byed ce na/ gdul bar bya ba'i thabs chos bstan pas smin par byed de/ de'ang dpag tu med do/ /bstan pa'i 'bras bu rnam par dbye ba la
 tshigs su bcad pa gnyis te/ zhes bya ba la/ thabs gang gis sems can rnams 'dul bar byed ce na/ chos bstan pa'i thabs kyis sems can 'dul bar byed de/ de bas na tshigs su bcad pa gnyis kyis/ byang chub sems dpa' rnams kyis
 sems can rnams la chos bstan na/ 'bras bu rnam pa brgyad yod par tshigs su bcad pa gnyis kyis bstan to/ /byang chub kyi ni sems bskyed cing/ /de bzhin mi skye bzod pa dang/ /chu ngur dri ma med pa'i mig/ zag pa zad pa de bzhin te/ /dam chos
 ring du gnas pa dang/ /shes dang gcod dang longs spyod dang/ /bshad pa dag gi 'bras bu ni/ /de brtson blo ldan dag gis shas/ /zhes bya ba la blo ldan byang chub sems dpa' rnams chos bshad pa la brtson pa la/ 'bras bu rnam pa brgyad yod
 par shes par bya ste/ 'bras bu rnam pa brgyad ni/ byang chub tu sems bskyed pa dang/ mi skye ba'i chos la bzod pa thob pa dang/ theg pa chung ngur chos kyi mig dri ma med pa thob pa dang/ de bzhin du theg ba chung
 dur zag pa zad pa thob pa dang/ dam pa'i chos yun ring du gnas pa dang/ mi shes pa rnams chos kyi don shes par gyur pa dang/ the tshom du gyur ba rnams the tshom gcod pa dang/ chos kyi longs spyod chen po myong ba'o/ /'bras bu/
 rnam pa brgyad bsdus na/ 'bras bu rnam pa gsum zhig ston te/ nyan thos rnams kyis thob pa las/ 'bras bu gang thob pa dang/ byang chub sems dpa' rnams kyis 'bras bu gang thob pa dang/ nyan thos dang byang chub sems dpa' 
 gnyi gas 'bras bu gang thob pa ste/ rnam pa de gsum ston to/ /de la chos bshad pa na/ nyan pa'i sems can la la ni bla na med pa yang dag par rdzogs pa'i byang chub tu sems skyed par byed de/ de ni byang chub sems dpa' rnams kyis 'bras
 bu thob pa'o/ /de la mi skye ba'i chos la bzod pa thob pa rnam pa gsum ste/ mos pa spyod pa'i sa la bzod pa thob pa'i dus na de kho na phyogs gcig pa'i stong pa nyid khong du chud pa la yang bzod pa thob ba zhes bya'o/ /sa dang po'i dus na yang
 mi skye ba'i chos la bzod pa thob pa zhes bya ste/ de'i tshe gzung 'dzin gnyis dang bral ba'i chos kyi dbyings mngon sum du byas bas na/ mi skye ba'i chos la bzod pa thob pa zhes bya'o/ /sa brgyad pa thob pa'i dus na yang/ mi skye ba'i
 chos la bzod pa thob pa zhes bya ste/ rnam par mi rtog pa lhun gyis grub pa'i ye shes rnyed pa'i phyir ro/ /de la chos bshad pa'i dus na kha cig gis ni bzod pa'i dus de kho na phyogs gcig pa'i ting nge 'dzin mngon sum du byed/
 kha cig gis ni sa dang po thob kha cig gis ni sa brgyad pa la 'jug pas/ mi skye ba'i chos la bzod pa thob pa zhes bya ste/ 'bras bu 'di yang byang chub sems dpa' rnams kyis thob pa'i 'bras bu'o/ /chos la dri ma med pa'i mig thob
 pa ni/ nyan thos kyi theg pa la gnas pa rnams la mthong ba'i lam skyes nas mthong nas spang par bya ba'i nyon mongs pa spangs te/ rgyun tu zhugs pa thob pa ni chos kyi mig dri ma med pa zhes bya ste/ shes rab kyi bden pa bzhi mthong
 bas na/ chos kyi mig ces bya la/ mthong bas spang bar bya ba'i nyon mongs pa spangs pas na dri ma med ba zhes bya ste de bas na mdo sde de dag gi nang nas/ chos kyi rnam grangs 'di bshad pa na/ rdul med cing dri ma dang bral ba'i chos
 la chos kyi mig skyes so zhes gsungs so/ /de la bzod pa'i dus na ni/ rdul med ba zhes bya ste/ bzod pas mthong bas spang bar bya ba'i nyon mongs pa rnams spang bar byed pa'i phyir ro/ /ye shes kyi dus na ni dri ma dang bral ba zhes bya ste/ ye shes
 kyis rnam par grol ba mngon sum du byed pa'i phyir ro/ /mthong ba'i lam skyes pa'i gang zag dag ni chos bshad pa'i mthus/ bsgom pa'i lam dang mthar thug pa'i lam skyes nas/ nyon mongs pa thams cad dang bral ba'i mtshan nyid dgra bcom
 pa'i 'bras bu thob pa ni zag pa zad pa thob ba zhes bya ste/ dri ma med pa'i chos kyi mig thob pa dang/ zag bzang pa thob pa gnyis ni/ 'phags pa nyan thos rnams kyis ni chos thos pa'i 'bras bu'o/ /dam pa'i chos gzhan la bshad na/ des kyang gzhan
 la bshad/ des kyang gzhan la bshad pa'i sgo nas/ mar me gcig las mar me mang po 'phel ba bzhin du dam pa'i chos yun ring du mi 'jig par 'gyur bas na/ dam pa'i chos yun ring du gnas pa zhes bya'o/ /sngon theg pa che chung gi chos
 rnams kyi rang dang spyi'i mtshan nyid la shes pa med pa las/ dam pa'i chos shes nas shes pa med pa dang bral te/ theg pa che chung gi chos rnams kyi rang dang spyi'i mtshan nyid la mkhas par 'gyur bas na/ don
 shes par 'gyur ba zhes bya'o/ /sngon chos rnams kyi rang dang spyi'i mtshan nyid la the tshom du gyur ba'i chos/ chos thos nas chos kyi mtshan nyid la the tshom thams cad dang bral bar 'gyur bas na the tshom gcod pa zhes bya'o/ /sdun gyis mi shes
 pa yang med the tshom gyis mi shes pa yang med pa nges pa'i sems thob pa rnams ni/ dam pa'i chos rgya chen po dag thos na/ chos kyi longs spyod kha na ma tho ba med pa'i don sems kyis myong bar 'gyur bas chos la longs spyod thob pa zhes bya ste/ de ltar dam
 chos yun ring du gnas pa dang/ mi shes pa'i rnams don shes par 'gyur ba dang/ the tshom gcod pa dang chos kyi longs spyod myong ba rnams ni/ nyan thos dang byang chub sems dpa' gnyis ka'i chos thos pa'i thun mong gi 'bras bu'o /gcig nas
 gcig tu 'dzin pas zhes bya ba ni byang chub sems dpa' la las gzhan dag la chos bshad na/ /des chos bzung nas/ gzhan la 'chad par byed / des kyang gzhan la 'chad par byed pa'i sgo nas/ dam ba'i chos yun ring du 'jig rten du gnas bar
 'gyur ro/ /nges pa rnams ni bya ba la/ mi shes pa med pa dang the tshom med pa'i gang zag ni nges pa zhes bya'o/ /dam pa'i chos kyi dga' ba'i ro kha na ma tho ba med pa rgya chen po la longs spyod par 'gyur ro zhes bya ba la/ mi shes pa med pa dang the tshom med
 pa'i gang zag rnams dam pa'i chos thos ba ni/ chos kyi dga' ba'i ro nyon mongs pa'i dri mas ma gos pas zag pa med pa'i chos kyi longs spyod chen po myong bar 'gyur ro/ /theg pa chen po'i che ba bo rnam par dbye ba'i tshigs su bcad pa rnam pa gnyis te zhes bya
 kha la/ gzhan gyi don phun sum tshogs pa la zhugs pa'i byang chub sems dpa' de gzhan gyi don phun sum tshogs par byed pa yang ma zad kyi/ bdag nyid kyi don phun sum tshogs pa dang yang ldan te/ de la bdag gi ngon phun sum tshogs pa gang zhe na/
 theg pa chen po'i bdag nyid chen po dang ldan pa'o/ /de la theg pa chen po'i bdag nyid chen po la yang bdag nyid chen po rnam pa bdun yod do/ /bdag nyid chen po rnam pa bdun la theg pa chen po zhes bya'o/ /bdag nyid chen po rnam pa bdun yang/
 chen po rnam pa gnyis su 'dus te/ rgyu che ba dang 'bras bu che ba'o/ /dmigs pa dag ni che ba dang/ /grub pa gnyis kyang de bzhin du/ /ye shes kyi ni brtson 'grus brtsams/ /thabs la mkhas par gyur pa dang/ /yang dag thob pa chen po dang/ /sangs
 rgyas las ni chen po'o/ /chen po de dag ldan pas na/ /theg pa chen po brjod pa'o zhes bya ba la/ chen po rnam pa bdun dang ldan pas na theg pa chen po zhes bya ste/ chen po rnam par bdun ni/ dmigs pa che ba dang/ sgrub pa gnyis che ba dang ye shes gnyis che
 ba dang/ brtson 'grus brtsams ba che ba dang/ thabs la mkhas par 'gyur ba che ba dang/ yang dag par thob ba che ba dang/ sangs rgyas kyi las che ba'o/ /dmigs pa chen po ni rgyu che ba'i mdo la sogs pa dang ldan pa'i phyir ro zhes bya ba la/ nyan
 thos rnams ni sde snod gsum tsam la dmigs par zad kyi/ byang chub sems dpa' rnams ni zab cing rgya che ba'i mdo sde shes rab kyi pha rol tu phyin pa sdong phrag brgya pa la sogs pa stong phrag brgya pa'i mdo sde dpag tu med pa la dmigs pas na dmigs
 pa che'o /sgrub ba chen po ni sgrub pa rnam pa gnyis te/ bdag gi don dang gzhan gyi don to zhes bya ba la/ nyan thos rnams ni bdag gi don tsam sgrub par zad kyi/ byang chub sems dpa' dag bdag dang gzhan gnyi ga'i don sgrub pas na sgrub pa che'o
 ye shes chen po ni chen po gnyis te/ gang zag la bdag med pa dang/ chos la bdag med pa ste/ rtogs pa'i dus na'o zhes bya ba la/ rtogs pa'i dus ni sa dang po la bya ste/ sa dang po'i dus na gang zag la
 bdag med pa dang/ chos la bdag med pa gnyis rtogs bas na/ ye shes chen po zhes bya ste/ nyan thos pa rnams kyis ni/ mthong ba'i lam rgyun tu zhugs pa thob pa'i dus na/ gang zag la bdag med pa las ma rtogs pa'i phyir
 ye shes chen po zhes mi bya'o/ /brtson 'grus chen po ni bskal pa grangs med pa gsum du rtog tu gus par sbyor ba'i phyir ro zhes bya ba la/ nyan thos rnams kyi tshe gsum 'am/ tshe bdun tsam zhig brtson 'grus rtsom gyi/ byang chub sems
 dpa' rnams kyis ni rab tu nye ba/ bskal ba grangs med pa gsum gyi bar du brtson 'grus rtsom ste/ de bas na brtson 'grus brtsams pa che'o/ /thabs la mkhas pa chen po ni nyon mongs pa med par 'khor ba yongs su mi gtong ngo zhes bya ba la
 nyan thos rnams ni skye ba dang rga ba la sogs pa'i sdug bsngal dang ldan par mthong la mya ngan las 'das pa ni zhi ba'i mtshan nyid du mthong bas/ 'khor ba spangs nas/ mya ngan las 'das pa mngon sum du bya bar sems pa'i phyir thabs chen po zhes mi
 bya'o/ /byang chub sems dpa' rnams ni shes rab dang snying rje dang ldan pas/ snying rjes 'khor ba yongs su mi gtong la/ shes rab kyis ni 'khor bar gnas kyang 'khor ba'i nyon mongs pas mi gos par byed de/ dper na padmo 'dam las skyes kyang
 'dam gyi nyes pas mi gos pa bzhin du gnas pas na thabs mkhas pa che'o zhes bya'o/ /de yan chad rgyu che ba bstan to/ /yang dag par thob pa chen po ni stobs dang mi 'jigs pa dang zhes bya ba la sogs pa dang/ 'phags pa nyan thos rnams kyis ni
 mjug tu dgra bcom pa'i 'bras bu mdza' dag skye mched dang/ zil gyis gnon pa'i skye mched dang/ mngon par shes pa drug tsam las mi 'thob kyi/ byang chub sems dpa' rnams kyis ni mthar stobs dang/ mi 'jigs pa dang/ ma 'dres pa la sogs
 pa yon tan dpag tu med pa 'thob pa che pa zhes bya'o/ /sangs rgyas kyi 'phrin las chen po ni/ mngon par byang chub ston pa dang/ mya ngan las 'das pa yang dag ces bya ba la/ nyan thos rnams kyis ni/ dgra bcom pa'i 'bras bu 'thob cing mya ngan
 las 'das pa thob pa na/ mngon par byang chub pa dang/ chos kyi 'khor lo skor ba la sogs pa'i las mi byed kyi/ byang chub sems dpa' rnams kyis ni mngon par sangs rgyas nas kyang sems can bsgral bar bya ba'i phyir/ 'og min gyi pho brang na bzhugs pa
 dang/ lhums su gshegs pa dang/ mngon par 'tshang rgya ba la sogs pa nas/ yongs su mya ngan las 'das pa'i bar dag chos ston pa'i phrin las mdzad pas na 'phrin las che ba zhes bya ste/ rnam pa de gnyis kyis ni 'bras bu che bar bstan to/ /
 theg pa chen pos kun bsdus pas rnam par dbye ba'i tshigs su bcad pa gnyis te zhes bya ba la/ de ltar theg pa chen po'i bdag nyid chen po dang ldan pa rnams ni nyan thos dang rang sangs rgyas kyi theg pa la brten nas/ mya ngan las 'das pa'i gnas
 su 'byung bar med pa ni ma yin te/ theg pa chen po'i bdag nyid chen po nyid kyis mi gnas pa'i mya ngan las 'das pa'i gnas su 'byung bar byed do/ /de bas na theg pa chen po'i bdag nyid che ba'i 'og tu theg pa chen po bsdus pa'i skabs
 bshad do/ /de la theg pa chen po zhes bya ba ni/ shes rab kyi pha rol tu phyin pa stong phrag brgya ba las/ smad ga chad la sogs pa la bya bas theg pa chen po'i don brjod na dpag tu med mod kyi 'on kyang dpag tu med pa de dag bsdus na chos 
 rnam pa brgyad kyi nang du theg pa chen po'i don ma lus par 'dus pa na/ chos rnam pa brgyad la theg pa chen po zhes bya'o/ /de la chos rnam pa brgyad bsdus pa'i don kyang rigs la gnas pa'i byang chub sems
 dpa' bla na med pa'i byang chub tu sems bskyed nas mos pa spyod pa'i sar byang chub sems dpa' i sbyad pa pha rol tu phyin pa drug bsgrubs te/ de'i 'og tu sa bcu'i rigs kyis bsgoms nas sangs rgyas kyis mngon du byas pa ste/ de rnams
 la theg pa chen po zhes bya'o/ /rigs dang zhes bya ba la/ rigs zhes bya ba dang sa bon zhes bya ba dang skal ba yod pa zhes bya ba'i don gcig ste/ don dun sbyin ba nas shes rab kyi pha rol tu phyin pa'i bar du/ pha rol tu phyin pa
 drug gi sa bon yod pa la rigs zhes bya ste/ 'di ni rigs la gnas pa zhes bya ba'i don bstan te/ chos rnam pa gcig go/ chos la mos pa dang zhes bya ba la/ de ltar theg pa chen po'i rigs yod pas/ zab cing rgya che ba'i chos la sems
 gcig tu dang pa ni chos la mos pa zhes bya ste/ 'di ni chos rnam pa gnyis so/ /de ltar sems ni bskyed pa dang zhes bya ba la/ byang chub sems dpa' i rigs kyang yod/ zab cing rgya che ba'i chos la yang mos par 'gyur bas de'i 'og tu/ bdag
 dang sems can thams cad la phan par bya ba'i phyir bla na med pa'i byang chub thob par gyur cig ces smon lam 'debs pa ni sems bskyed pa zhes bya ba ste/ 'di ni chos rnam pa gsum ste/ de yan chad kyis rigs la gnas pas bla na med
 pa'i byang chub tu sems bskyed de zhes bya ba'i don smras so/ /sbyin la sogs pa sgrub pa dang zhes bya ba la/ de ltar bla na med pa'i byang chub tu sems bskyed nas mos ba spyod pa'i sar sbyin pa'i pha rol tu phyin pa nas shes rab kyi pha rol tu
 phyin pa'i bar du/ pha rol tu phyin pa drug bsgrub pa ni chos rnam pa bzhi ste/ des ni byang chub tu sems bskyed nas mos pa spyod pa'i sar pha rol tu phyin pa drug sgrub ces bya ba'i don bstan to/ /skyon med pa la 'jug pa dang zhes bya ba la gzung
 ba dang 'dzin pa la mngon par chags ba ni skyon te/ sa dang por gzung ba dang 'dzin pa la mngon par chags pa spangs pas na/ mos pa spyod pa'i sar pha rol tu phyin pa drug bsgrubs pas sa dang bo thob pa'i phyir skyon med pa zhes bya'o/ /
 'di ni chos lnga'o/ /sems can rnams ni smon byed dang zhes bya ba la/ de nas sa gnyis nas brtsams te/ sa bdun pa man chad na byang chub kyi phyogs dang/ pha rol tu phyin pa'i chos rnams kyis sems can bstan pa la ma dang pa rnams
 ni bstan pa la dang par byed/ bstan pa la dang ba rnams ni dge ba la bkod nas yongs su smin pa byed de/ 'di ni chos drug go /zhing yang yongs su sbyong ba dang/ mi gnas pa'i mya ngan 'das zhes bya ba la/ de nas phyir mi ldog pa'i
 sa/ sa brgyad pa dang/ dgu ba dang/ bcu pa la ni sangs rgya kyi zhing yongs su sbyong ba dang mi gnas pa'i mya ngan las 'das pa'i lam la gnas par byed de/ 'di ni chos bdun no/ /de sangs rgyas kyi zhing yongs su sbyong ba la ni
 snod kyi 'jig ten shel dang gser la sogs pa'i kho dog tu snang byed pa'o/ /mi gnas ba'i mya ngan las pa'i lam ni shes ba dang snying rje gnyis te/ snying rjes 'khor ba yongs su ma btang na/ mya ngan las 'das pa 'ba' zhig
 gi phyogs la ma gnas so/ /byang chub sems dpa' sems can gyi don du 'khor ba na gnas kyang ye shes kyi mthus/ 'khor ba'i nyes pas mi gos pas na/ 'khor ba na mi gnas so/ /byang chub mchog kyang rnam par ston/ ces bya
 ba la/ de nas sa bcu 'das nas sa bcu gcig pa sangs rgyas kyi sku gsum thob pas na byang chub pa zhes bya la/ byang chub pa nas yum gyi lhums su 'jug pa dang/ lhums nas 'byung ba dang/ kha ?
 nas byung zhing rab tu 'byung ba bstan pa la sogs pa bstan nas mngon par sangs rgyas pa dang/ chos kyi 'khor lo bskor ba dang/ mya ngan las 'das pa'i bar dag ston par byed do de ni chos brgyad pa'o/ /de pas na theg pa chen po zhes
 bya ba yang mdor bsdus na/ rigs nas brtsams te/ yongs su mya ngan las 'das pa'i par dag bstan pa theg pa chen po zhes bya'o/ /byang chub sems dpa' rnam par dbye ba'i tshigs su bcad pa bcu'o zhes bya ba la/ gang du byang chub kyi
 phyogs kyi chos bsgrubs pa des yon tan rnam pa gnyis thob ste/ yon tan gnyis ni sgrub pa'i yon tan dang/ rab tu bsngags pa'i yon tan no/ /de la sgrub pa'i yon tan la yang rgyu mthun pa'i yon tan dang bral pa'i yon tan
 dang sems can la mngon du lta ba'i yon tan gsum ni 'di yan chad du bshad zin to/ /da ni byang chub sems dpa' rnam par dbye ba man chad kyis rab tu bsngags pa'i yon tan ston to/ de la mos pa spyod pa'i sa nas/ sa bcu rnams la phye
 na byang chub sems dpa' du yod pa dang/ sa de dag la gnas pa'i byang chub sems dpa' rnams kyi mtshan nyid ji lta bu yin pa bstan pa ni byang chub sems dpa' rnam par dbye ba zhes bya ste/ de tshigs su bcad pa bcus bstan to/ /byang
 chub sems dpa' lnga po ni/ /sa rnams kun tu shes par bya zhes bya ba la/ sa bcu'i steng du/ mos pa spyod pa'i sa bsnan de sa bcu gcig po de dag la/ byang chub sems dpa' rnam pa lnga zhig yod par shes par bya pa'o zhes bya
 ba'i don to/ /gcig ni mos dang ldan pa dang zhes bya ba la/ byang chub sems dpa' rnam pa lnga po gang yin pa de ni ston te/ de la gcig ces bya ba ni mos pa spyod pa'i sa bzhi la gnas pa'i byang chub sems dpa' zhes bya ste/ mos pa spyod pa'i
 sa bzhi la gnas pa'i byang chub sems dpa' la ni mos pa dang ldan pa'i byang chub sems dpa' zhes bya ste/ ji lta'i phyir mos pa dang ldan pa zhes bya zhe na/ de'i tshe chos kyi dbyings kun tu 'gro ba'i mtshan nyid mngon sum du ma byas kyi/ chos kyi
 dbyings kun tu 'gro ba'i mtshan nyid la dad? cing yid ches pa tsam yod pa'i phyir ro/ /lhag pa'i bsam pa dag pa gzhan zhes bya ba la/ gzhan zhes bya ba ni byang chub sems dpa' gnyis pa ni zhes bya ba'i don to/ /sa dang po la zhugs pa'i byang chub
 sems dpa' la ni lhag pa'i bsam pa rnam par dag pa'i byang chub sems dpa' zhes bya ste/ ci'i phyir lhag pa'i bsam pa rnam par dag pa zhes bya zhe na/ de'i che chos kyi dbyings kun tu 'gro ba'i mtshan nyid rtogs pa dang/ bdag dang gzhan gyi don
 phun sum tshogs pa'i sems dang ldan pa lhag ba zhes bya ba la/ mthong bas spang bar bya ba'i nyon mongs pa dang/ shes bya'i sgrib pa spangs pa'i phyir rnam par dag pa zhes bya'o/ /mtshan ma dang ni zhes bya ba la/ sa gnyis pa yan chad sa drug ba man chad la
 gnas ba'i byang chub sems dpa' la mtshan ma dang bcas pa'i byang chub sems dpa' zhes bya ste/ /ci'i phyir mtshan ma dang bcas pa zhes bya zhe na sa gnyis pa la ni/ 'di ni nyan thos kyi theg pa 'di ni rang sangs rgyas kyi theg pa/ 'di ni theg pa chen po'o zhes theg pa la rnam
 pa sna tshogs su 'byed pa'i mtshan ma spyod pa'i phyir ro/ /sa gsum pa la ni lhan cig pa'i 'jig tshogs la lta ba'i mtshan ma spangs so/ /sa bzhi pa la ni sdug bsngal dang kun 'byung gi bdon pa la gnod pa'i rnam par mthong ba dang/ 'gog pa dang lam gyi bden
 pa la zhi ba'i rnam par mthang ba'i mtshan ma yod pa'i phyir ro/ /sa lnga pa la ni bzo'i las kyi gnas rnam pa sna tshogs la 'jug cing rtog pa kun 'byung ngo/ /sa drug ba la ni rten cing 'brel te 'byung ba/ ma rig pa'i
 rkyen gyis 'du byed la sogs pa lugs bzhin pa dang/ ma rig pa 'gags pas 'du byed 'gag pa la sogs pa lugs las bzlog pa la rtog pa'i mtshan ma yod pas/ sa de dag la gnas pa'i byang chub sems dpa' la mtshan ma dang bcas pa zhes
 bya'o/ /mtshan ma med ces bya ba la/ sa bdun pa la gnas pa'i byang chub sems dpa' la mtshan ma med pa'i byang chub sems dpa' zhes bya ste/ ji ltar mtshan ma med pa zhes bya zhe na/ sa de la gnas pa'i byang chub sems dpa' de sa drug pa man
 chad la 'byung ba'i mtshan ma thams cad spangs pa'i phyir mtshan ma med ba zhes bya'o/ /mngon par 'du mi byed la spyod ces bya ba la/ phyir mi ldog pa'i sa brgyad pa dang/ dgu ba dang bcu pa la gnas pa'i byang chub sems dpa' la ni/ mngon bar 'du mi
 byed ba la spyod pa'i byang chub sems dpa' zhes bya ste/ ci'i phyir pa de gsum la gnas pa la mngon par 'du mi byed pa la spyod pa zhes bya zhe na/ de'i tshe bdag dang gzhan gyi don sgrub pa dang/ rnam par mi rtog pa'i ting nge 'dzin la rtsol 'bad med par lhun
 gyis grub ba nyid du gnas pas mngon par 'du mi byed pa la spyod pa zhes bya'o/ /byang chub sems dpa' lnga po ni/ sa rnams kun tu shes par bya zhes bya ba la mos pa spyod pa'i sa yan chad sa bcu pa man chad sa bcu gcig rnams na byang chub sems
 dpa' rnam pa lnga zhig yod par shes par bya'o zhes bya ba'i don to/ /da ni byang chub sems dpa' de lnga'i mtshan nyid bshad de/ de la gang pha rol tu phyin pa drug bsgrub ba dang/ pha rol tu phyin pa drug bsgrubs pa'i rnams 'jig rten gyi
 phun sum tshogs pa dang/ nyan thos dang rang sangs rgyas kyi mya ngan las 'das par mi bsngo'o/ /bla na med pa'i byang chub chen po thob par bsngo zhing smon lam 'debs ba de/ byang chub sems dpa' i mtshan nyid yin par bstan pa'i phyir 'dod la ma chags zhes bya ba la
 sogs pa smos so/ /de la 'dod pa la ma chags pa ni/ sbyin pa'i pha rol tu phyin pa ste/ sbyin pa'i pha rol tu phyin pa la gnas na/ gzugs la sogs pa 'dod pa lnga'i yon tan dang /longs spyod la ma chags shing phyi nang gi dngos po yongs su gtong bar
 byed do/ /las gsum rnam par dag ces bya ba la/ las gsum rnam par dag pa'i tshul khrims kyi pha rol tu phyin pa ste/ tshul khrims la gnas na lus kyi sgo nas srog mi gcod/ ma byin par mi len/ mi tshangs par mi spyod pas/ lus kyi las
 rnam par dag pa dang ngag gi sgo nas brdzun dang/ phram dang/ tshig rtsub po dang/ tshig khyal pa mi smra bas dag gi las rnam par dag pa dang/ yid kyi sgo nas chags sems dang gnod sems dang log pa'i lta ba med pas yid kyi las rnam par dag
 go/ khro ba zil gnon ces bya ba la/ khro ba zil gyis gnon pa ni bzod pa'i pha rol tu phyin te/ bzod pa la gnas na/ zhe sdang gi sems mi 'byung par zil gyis gnon pa'i phyir ro/ /yon tan mchog la brtson zhes bya ba la yon tan gyi sgras ni sbyin
 pa la sogs pa 'jig rten las 'das ba'i dge ba la bya ste/ yon tan mchog la brtson pa ni brtson 'grus kyi pha rol tu phyin pa ste/ brtson 'grus kyis ni 'jig rten las 'das pa'i dge ba thams cad sgrub pa la brtson pa'i phyir ro/ /chos la mi
 g.yo zhes bya ba la/ chos la mi g.yo ba ni bsam gtan gyi pha rol tu phyin pa ste/ /bsam gtan gyis ni sems rtse gcig tu bzhag pa'i sems las sems phyi rol tu g.yo zhing g.yeng ba mi byed pa'i phyir ro/ /yang dag zab mo mthong zhes bya ba la/
 yang dag zab mo ni gang zag dang chos la bdag med pa'o/ /yang dag zab mo mthong ba ni shes rab kyi pha rol tu phyin pa ste/ shes rab kyis bdag med pa gnyis mthong zhing khong du chud pa'i phyir ro/ /'di yan
 ched kyi tshig gis pha rol tu phyin pa drug bsgrub pa bstan to/ /byang chub chen por mos ldan byang chub sems zhes bya ba la/ gong du pha rol tu phyin pa drug bsgrub pa rnams bla na med pa'i byang chub thob pa'i rgyur gyur cig ces bsngo ba ni byang chub
 chen bor mos pa dang ldan pa zhes bya ste/ 'dis ni byang chub tu smon lam 'debs pa bstan to/ /yang rnam grangs gzhan gyis pha rol tu phyin pa drug bsgrub pa dang/ byang chub tu smon lam 'debs pas byang chub sems dpa' yin par bstan pa
 pa'i phyir/ phan 'dogs 'dod dang zhes bya ba la sogs pa smos so/ /de la phan 'dogs par 'dod pa ni sbyin pa'i pha rol tu phyin pa ste/ sbyin ba ni bza' ba dang bgo pa la sogs pa'i yo byad kyis sems can rnams la phan 'dogs pa'i phyir ro/ /
 gnod pa med par lta zhes bya ba la/ gnod pa med par lta ba ni tshul khrims kyi pha rol tu phyin pa ste/ tshul khrims la gnas pa rnams sems can gzhan gyi srog mi gcod pas na srog la gnod par mi byed/ nor lam byin par mi len pas na/
 longs spyod la gnod par mi byed/ gzhan gyi bud med la mi tshangs par mi spyod pas na chung ma la gnod par mi byed do/ /pha rol gnod byed dag la bzod pa dang zhes bya ba la/ pha rol gnod byed la bzod pa ni bzod pa'i pha rol tu phyin pa ste/
 bzod pa la gnas pa rnams ni/ sems can gzhan gyis bdag gi srog dang longs spyod la gnod pa byas kyang/ slar gnod pa'i lan lon par mi byed de/ /'di ni bzod pa gsum las gnod pa la ji mi snyam pa'i bzod pa bstan to/ /brtan pa zhes
 bya ba la brtan pa ni brtson 'grus kyi pha rol tu phyin pa brtsams pa ste/ brtson 'grus drag po dang ldan pa'i rnam pa ni/ dge ba'i phyogs la brtson 'grus rtsom pa'i tshe/ grang ba dang tsha ba la sogs pa'i sdug bsngal myong bas/ mi skrag cing brtson
 'grus brtsams pa la mi ldog pa'i brtan pa zhes bya'o/ /bag yod ces bya ba la 'du 'dzi mang po'i nang na gnas shing bsam gtan thob pa'i ro la chags pa'i rnam pa ni bag med pa'o/ /bsam gtan gyi pha rol tu phyin pa la gnas pa ni
 bag yod pa zhes bya ste/ bsam gtan rdzogs par bya ba'i dgon ba na gnas shing bsam gtan gyi ro la ma chags par byed pas na bag yod ba zhes bya'o/ /mang du thos pa dang zhes bya ba la/ dge pa'i bshes gnyen mang po las chos mang
 du thos na/ shes rab 'byung bas mang du thos pa ni shes rab kyi pha rol tu phyin pa la gnas pa ste/ 'di yan chad kyis pha rol tu phyin pa drug bsgrub pa bstan to/ /pha rol don brtson byang chub sems dpa' yin zhes bya ba la/ de ltar pha rol tu phyin pa
 drug sgrubs pa'i rnam pa sems can yongs su bsgral bar bya ba'i don du/ bla na med pa'i byang chub tu bsngo ba ni pha rol gyi don la brtson pa zhes bya ste/ nges na byang chub chen por smon lam 'debs pa bstan to/ /de ltar pha rol tu phyin pa drug kyang bsgrub
 la byang chub chen por smon lam 'debs pa de byang chub sems dpa' yin no zhes bya ba'i don to/ /yang rnam grangs gzhan gyis pha rol tu phyin pa drug sgrub cing byang chub chen por smon lam 'debs pa byang chub sems dpa' yin par bstan pa'i phyir
 rang gi yongs su bzung ba nyes par mthong zhes bya ba la sogs pa smos te/ /rang gis yongs su bzung ba ni bdag la yod pa'i yo byad dang longs spyod la bya ste/ bdag gi longs spyod rnams la/ mi rtag pa dang/ sdug bsngal ba dang/ rmi lam dang sgyu 
 ma lta bu yin zhing longs spyod la chags pa'i rkyen gyis ngan song gsum du skye ba dang/ 'jig rten dang 'jig rten las 'das pa'i phun sum tshogs pa thob par bya ba la/ bar du gcod pa'i nyes pa
 yod par ma mthong ba rnams ni sbyin pa la 'jug par mi byed kyi/ byang chub sems dpa' rnams ni bdag gi longs spyod la chags na skyon dang nyes pa yod par mthong bas/ phyi nang gi dngos po yongs su gtong bar byed de/ 'dis
 ni sbyin pa'i pha rol tu phyin pa dang ldan par bstan to/ /longs spyod ma chags zhes bya ba la/ gang gis 'dod pa lnga'i longs spyod dang/ zang zing la chags pa rnams ni khyim nas khyim med par rab tu 'byung bar mi nus kyi/ byang
 chub sems dpa' i ni 'dod pa lnga'i yin tan dang/ zang zing la tshogs pa med pas khyim nas khyim med par rab tu 'byung ba ste/ 'dis ni tshul khrims kyi pha rol tu phyin pa dang ldan par bstan to/ /zhes la 'dzin pa med ces bya ba la/
 sems can gyis gnod pa byas pa dang phred nas 'dis bdag la 'di lta bu zhig gnod pa byas kyi lan ldon du btang ngo snyam du sems pa ni zhe la 'dzin pa zhes bya ste/ byang chub sems dpa' ni sems can gzhan gyis gnod pa byas kyang/ slar
 gnod pa bya'o snyam du sems pa'i bsam pa med pas zhe la 'dzin pa med pa zhes bya ste/ 'dis ni bzod pa'i pha rol tu phyin pa dang ldan pa bstan to/ /rnal 'byor zhes bya ba ni zhi gnas dang lhag mthong bsgom pa la sogs pa'i dge ba la
 rgyun du 'jug cing sgrub pa ni rnal 'byor ces bya ste/ 'dris ni brtson 'grus kyi pha rol tu phyin pa sgrub pa dang 'dra bar bstan to/ /mtshan ma mkhas zhes bya ba la/ nam sems rtse gcig pa'i ting nge 'dzin bsgom pa na zhi gnas
 kyi mtshan ma dang/ gzengs bstod pa'i mtshan ma dang/ btang snyoms kyi mtshan ma la bsgom pa ni/ mtshan ma la mkhas pa zhes bya zhe na/ gang gi tshe sems 'dod pa lnga'i yon tan la sogs pa g.yang bar gyur ba'i dus na ni
 'khor ba'i skyon yid la bya ba la sogs pa/ zhi gnas gyi mtshan ma yid la byas nas sems zhi bar bya'o/ /nam sems gnyid dang rmugs pas non te mi gsal bar gyur na bsam gtan gyi 'bras bu 'am/ de bzhin gshegs pa'i
 yon tan la sogs pa yod la bya ba gzengs bstod pa mtshan ma yid la byas nas sems g.yo bar bya'o/ /nam zhum rgod spangs pa'i phyir ba sngos na theg pa chen po'i spyod pa las mi nyams par 'gyur bas na/ nang du rab tu gnas pa
 zhes bya ste/ tshig des byang chub chen por smon lam btab po/ /de ltar pha rol tu phyin pa drug kyang bsgrub la/ byang chub chen po thob bar bya ba'i phyir smon lam yang 'debs pa de la byang chub sems dpa' zhes bya'o zhes bya ba'i don to/ /
 yang rnam grangs gzhan gyis pha rol tu phyin pa drug bsgrub pa dang/ byang chub chen por smon lam 'debs pa ni byang chub sems dpa' i mtshan nyid yin par bstan pa'i phyir/ snying rje ldan pa zhes bya ba la sogs pa smos so/ /de la sems
 can bkres pa dang grang ba la sogs pa'i sdug bsngal gyis nyen pa rnams la snying rje med pa dag ni bza' ba dang bgo ba la sogs pa'i yo byad gtong zhing sbyin par mi byed kyi/ byang chub sems dpa' ni sems can yo byang kyis phongs te/
 sdug bsngal ba rnams la snying rje dang ldan pas bza' ba dang bgo ba la sogs pa gtong zhing sbyin par byed de/ 'dis ni sbyin pa'i pha rol tu phyin pa bsgrub par bstan to/ /ngo tsha yon tan gnas zhes bya ba la/ gang dag srog gcod pa
 dang/ ma byin par len pa la sogs pas sdig pa'i las byed pa la 'dzem zhing ngo tsha ba med pa de dag la tshul khrims med kyi/ byang chub sems dpa' rnams ni ngo tsha ba'i yon tan la gnas pa ste/ srog gcod pa
 dang ma byin par len pa la sogs pa sdig pa'i las byed pa bag tsha zhing 'dzem pas/ de dag cung zad kyang mi byed de/ 'dis ni tshul khrims kyi pha rol tu phyin pa bsgrub pa bstan to/ /sdug bsngal bzod cing zhes bya ba la/ gang dag gzhan
 gyis brdog pa dang bcing ba la sogs pa'i gnod pa byas pa la/ mi bzod pa de dag ni slar sems can la gnod pa byed na/ byang chub sems dpa' ni sems can gzhan gyis gnod pa byas pa'i sdug bsngal rnams bzod cing nyams su len
 pas gzhan la slar gnod pa mi byed de/ 'dis ni bzod pa'i pha rol tu phyin pa bsgrub pa bstan te/ /bdag gi bde ma chags zhes bya ba la/ gang dag nyan pa dang/ sems pa la sogs pa'i dge ba byed na/ bkres pa dang skom pa'i sdug bsngal mi
 bzod cing/ nyal ba dang 'phres pa tsam gyis bdag gi bde ba la chags pa de dag ni/ bdag dang gzhan gyi don du brtson 'grus rtsom par mi nus kyi/ byang chub sems dpa' rnams ni nyan pa la sogs pa'i dge ba byed pas na/ grang ba dang bkres
 pa la sogs pa'i sdug bsngal bzod cing nyal ba dang/ 'phres pa la sogs pa'i bdag gi bde ba la ma chags pas bdag dang gzhan gyi don du brtson 'grus rtsom ste/ 'dis ni brtson 'grus kyi pha rol tu phyin pa'i bsgrub ba bstan to/ /dran
 gtso bo zhes bya ba la/ gang dag sems nyon mongs ba'i dbang du song nas bsgom par bya ba'i yul brjod par dag la ni bsam gtan med kyi/ byang chub sems dpa' rnams ni ting nge 'dzin gyi yul ma brjed pa'i dran pa dang ldan pa dang/ rtag tu
 yang bsam gtan dang ldan te/ 'dis ni bsam gtan gyi pha rol tu phyin pa sgrub pa bstan to/ /shin tu mnyam gzhag nyid ces bya ba la gang ? mnyam par bzhag pa'i ting nge 'dzin med pa de dag la yang dag pa ji lta ba bzhin du shes pa'i shes
 rab med kyi/ byang chub sems dpa' rnams ni rtag du sems mnyam par bzhag pas/ yod med gang yang mi rtog pa'i ye shes dang ldan te/ 'dis ni shes rab kyi pha rol tu phyin pa sgrub pa bstan to/ /'di yan chad kyis pha rol tu phyin pa bsgrub
 pa bstan pa yin no/ /theg pa mi 'khrugs byang chub sems dpa' o zhes bya ba la/ de ltar pha rol tu phyin pa drug bsgrub pa rnams 'jig rten gyi longs spyod dang/ theg pa chung ngu'i mya ngan las 'das par bsngos na ni theg pa chen po'i spyod pa las
 nyams pas/ theg pa chen po las 'khrugs pa zhes bya na/ byang chub sems dpa' rnams kyis pha rol tu phyin pa drug bsgrubs pa rnams bla na med pa'i byang chub thob par bya ba'i phyir bsngos pas/ theg pa chen po'i spyod pa la mnyam pa'i phyir theg
 pa las mi 'khrugs ba zhes bya ste/ 'dis ni byang chub chen po'i smon lam 'debs pa bstan to/ /de ltar pha rol tu phyin pa drug kyang bsgrub la/ byang chub chen por smon lam 'debs pa de la/ byang chub sems dpa' zhes bya'o zhes bya ba'i don
 to/ /yang rnam grangs gzhan gyis pha rol tu phyin pa drug bsgrub pa dang/ byang chub chen por smon lam 'debs pa de byang chub sems dpa' i mtshan nyid yin pa'i phyir/ sdug bsngal spangs shing zhes bya ba la sogs pa smos so/ /de sdug
 bsngal spangs pa ni sbyin pa'i pha rol tu phyin pa ste/ sbyin pas sems can grang ba dang bkres pa la sogs pa'i sdug bsngal gyis nyen pa rnams la bza' ba dang bgo ba la sogs pa'i yo byad byin nas grang ba dang bkres pa la sogs pa'i sdug
 bsngal med par byed pa'i phyir ro/ /sdug bsngal byed pa med ces bya ba la/ sdug bsngal bar byed pa med pa ni tshul khrims kyi pha rol tu phyin pa ste/ tshul khrims kyis sems can gyi srog mi gcod/ nor lam
 byin par mi len bas na srog dang nor la sogs pa la sdug bsngal skyed par mi byed pa'i phyir ro/ /sdug bsngal bzod cing zhes bya ba la sdug bsngal bzod ba ni bzod ba'i pha rol tu phyin pa ste/ bzod pa dang ldan pa rnams sems can
 gzhan gyis/ lus dang srog la gnod pa rnam pa sna tshogs byas shing sdug bsngal skyed kyang sdug bsngal nyams su len cing slar gnod pa'i lan mi ldon pa'i phyir ro/ /sdug bsngal 'jigs pa med ces bya ba la sogs pa sdug
 bsngal gyi 'jigs pa med pa ni brtson 'grus kyi pha rol tu phyin pa ste/ dge ba'i phyogs la brtson 'grus drag tu brtsams pa rnams brtson 'grus rtsom pa'i dus na/ grang ba dang chi ba la sogs pa'i phyi nang gi sdug bsngal byung yang 'jigs
 pa med de/ brtson 'grus brtsams pa las mi ldog pa'i phyir ro/ /sdug bsngal rnam grol zhes bya ba la sdug bsngal las rnam par grol ba ni bsam gtan gyi pha rol tu phyin pa ste/ bsam gtan dang ting nge 'dzin thob pa rnams 'dod pa'i/
 khams kyi 'dod chags dang bral bas khams gong mar gtogs par skyed pa'i phyir ro/ /'dod pa'i khams kyi ngan song gsum du skye ba'i sdug bsngal gyi sdug bsngal de la mi 'byung ba'i phyir ro/ /sdug bsngal rtog pa med ces bya ba la/ sdug
 bsngal la rtog pa med pa ni shes rab kyi pha rol tu phyin pa ste/ shes rab kyi pha rol tu phyin pa dang ldan pa rnams bdag dang sdug bsngal skye ba'i rgyu dang sdug bsngal gsums rlang bzhin yod pa mi rtog pa'i phyir te/ 'di dag gis ni pha rol tu
 phyin pa drug sgrub pa bstan to/ /sdug bsngal khas len byang chub sems dpa' o zhes bya ba la/ sdug bsngal khas len pa ni byang chub chen por smon lam 'debs pa ste/ byang chub tu smon lam 'debs pa na sems can gyi don du/ bla na med pa'i byang
 chub thob par shog cig ces smon lam 'debs la/ bla na med pa'i byang chub kyang sems can gyi don du 'khor ba mi gtong bar khas blangs na/ gdod bla na med pa'i byang chub thob par 'gyur la/ 'khor ba yang sdug bsngal gyi rang
 bzhin yin pas 'khor ba khas blangs na/ sdug bsngal khas blangs pa yin te/ 'dis ni byang chub chen por smon lam 'debs pa bstan to/ /de ltar pha rol tu phyin pa drug kyang sgrub la/ byang chub chen por yang smon lam 'debs pa de
 byang chub sems dpa' yin no zhes bya ba'i don to/ /yang rnam grangs gzhan gyis pha rol tu phyin pa drug sgrub pa dang/ byang chub chen por smon lam 'debs pa de byang chub sems dpa' i mtshan nyid yin par bstan pa'i phyir/ chos dga' zhes bya ba
 la sogs pa smos so/ /de la chos la dga' ba ni sbyin pa'i pha rol tu phyin pa dang ldan pa ste/ sbyin pa dang ldan pa rnams phyi dang nang gi dngos po gtong ba'i chos la dga' ba'i phyir ro/ /rang bzhin chos la dga' zhes bya ba la/ rang bzhin gyis chos
 la dga' ba ni tshul khrims kyi pha rol tu phyin pa dang ldan pa ste/ tshul khrims dang ldan pa rnams rang bzhin gyis kha na ma tho ba chos rdul tsam yang mi 'byung bar dga' ba'i phyir ro/ /chos la smod cing zhes bya ba la/ chos la smod pa ni/ bzod
 pa'i pha rol tu phyin pa dang ldan pa ste/ bzod pa dang ldan pa'i rnams mi bzod pas 'gyur ba'i rgyu zhe sdang gi chos la smod pa byed pa'i phyir ro/ /chos la brtson zhes bya ba la/ chos la brtson pa ni brtson 'grus kyi pha rol tu phyin pa dang ldan pa
 dag ste/ brtson 'grus dang ldan pa'i rnams 'jig rten dang 'jig rten las 'das pa'i dge ba'i chos la rtag tu rtson pa'i phyir ro/ /chos dbang zhes bya ba la chos la dbang byed pa ni bsam gtan gyi pha
 rol tu phyin pa dang ldan pa ste/ bsam gtan dang ldan pa rnams sems rtse gcig pa'i mtshan nyid du dbang sgyur zhing/ 'phrul gyi mig la sogs ba'i mngon par shes pa la dbang byed pa'i phyir ro/ /chos la mun pa med ces bya ba la chos
 la mun pa med pa ni/ shes rab kyi pha rol tu phyin pa dang ldan pa rnams te/ dper na mun pa med par gyur na/ lta bar bya ba'i dngos po rnams gsal bar mthong bar 'gyur ba bzhin du/ shes rab kyi snang ba skyes pa rnams kyis kyang/ chos rnams kyi rang
 dang spyi'i mtshan nyid gsal bar mthong ba'i phyir/ shes rab dang ldan pa rnams chos la mun pa med pa zhes bya ste/ tshig gang dag gis pha rol tu phyin pa drug sgrub pa bstan to/ /chos gtsor byed pa byang chub sems dpa' o zhes bya ba la/ pha rol tu
 phyin pa drug bsgrubs pa rnams bla na med pa'i byang chub chen po thob pa'i rgyur gyur cig ces bsngos shing dar gzhol bar byas na/ chos gtsor? byed pa zhes bya ste/ 'dis ni byang chub chen por smon lam 'debs pa bstan to/ /de ltar pha rol
 tu phyin pa drug kyang sgrub la/ byang chub chen por smon lam 'debs pa de la/ byang chub sems dpa' o zhes bya ba'i don to/ /yang rnam grangs gzhan gyis pha rol tu byin pa drug bsgrub pa dang/ byang chub chen por smon lam 'debs pa de byang chub
 sems dpa' i mtshan nyid yin no zhes bstan ba'i phyir/ longs spyod bag yod ces bya ba la sogs pa smos so/ /gang dag 'dod pa lnga'i longs spyod yod pa bdag nyid spyod cing gzhan la mi gtong ba de dag ni/ longs spyod la bag med
 pa zhes bya ste/ byang chub sems dpa' ni 'khor los sgyur ba la sogs pa'i longs spyod kyang mi gtsang ba lta bur mthong bas/ gzhan la gtod par byed pas longs spyod la bag yod pa zhes bya ste/ 'dis ni sbyin ba'i pha rol tu phyin pa dang ldan
 bar bstan to/ /gdul ba la bag yod dang zhes bya ba la/ gang dag gis bcas pa'i kha na ma tho ba dang/ rang bzhin gyi kha na ma tho ba ma srungs pa de dag ni gdul ba la bag med pa ste/ lus dang ngag dang yid gsum ma thul ba'i phyir ro//
 byang chub sems dpa' rnams ni rang bzhin gyi kha na mtho ba dang bcas pa'i kha na ma tho ba gnyis ka bsrung bar byed pas gdul ba la bag yod pa ste/ lus dang ngag dang yid gsum dul ba'i phyir te/ 'dis ni tshul khrims kyi pha rol
 tu phyin pa dang ldan to /bsrung pa bag yod ces bya ba la/ gang dag gzhan gyis gnod pa byas na/ sems 'khrugs nas gzhan la gnod pa byed pa de dag ni/ bsrung ba la bag med de/ bdag dang gzhan gnyi ga'i sems ma bsrungs pa'i
 phyir ro/ /byang chub sems dpa' rnams ni gzhan gyis gnod pa byas kyang/ bdag nyid zhe mi sdang zhing gzhan la slar gnod pa mi byed pas/ bsrung pa la bag yod pa zhes bya ste/ bdag gi sems kyang zhe sdang gi dbang du ma song bar
 bsrub ba la/ gzhan gyi sems kyang 'khrugs par mi 'gyur ma bsrungs pa'i phyir te/ 'dis ni bzod pa'i pha rol tu phyin pa dang ldan pa bstan to/ /dge ba bag yod dang zhes bya ba la/ gang le lo'i dbang du song nas dge ba mi byed pa de dag
 ni dge la bag med pa zhes bya ste/ de la dge ba 'phel ba med pa'i phyir ro/ /byang chub sems dpa' ni le lo thams cad spangs nas/ mnyam pa dang bsam pa la sogs pa'i dge ba rgyun du spyod pas/ dge ba la bag yod pa zhes bya
 ste/ 'dis ni brtson 'grus kyi pha rol tu phyin pa dang ldan par bstan to/ /dge ba la bag yod ces bya ba la/ gang dag bsam gtan thob kyang bsam gtan gyi bde ba'i ro la chags par byed pa de dag
 ni bde pa la bag med pa zhes bya ste/ bsam gtan khyad par can mi thob cing/ sngar thob pa'i bsam gtan las kyang nyams par 'gyur ba'i phyir ro/ /byang chub sems dpa' rnams ni bsam gtan thob pa bsam gtan gyi bde ba'i
 ro la chags par mi byed pas/ bde la bag yod pa zhes bya ba ste/ 'dis ni bsam gtan gyi pha rol tu phyin pa dang ldan pa bstan to/ /chos la bag yod pa zhes bya ba la/ gang dag gis chos rnams la rtag pa dang/ bdag yod pa
 la sogs par bzung ba de dag ni chos la bag med pa zhes bya ste/ chos kyi mtshan nyid log par bzung ba'i phyir ro/ /byang chub sems dpa' rnams mi rtag pa dang/ stong pa dang/ bdag med par yang dag pa ji lta ba bzhin du shes
 pas chos la bag yod pa zhes bya ste/ chos kyi mtshan nyid ma nor bar gzung ba'i phyir ro/ /'dis ni shes rab kyi pha rol tu phyin pa dang ldan pa bstan te/ tshig de dag gi pha rol tu phyin pa drug sgrub pa smras pa yin no/ /theg pa bag
 yod byang chub sems dpa' o zhes bya ba la/ pha rol tu phyin pa drug pa bsgrub pa rnams bla na med pa'i byang chub thob par bya ba'i phyir bsngos na/ theg pa chen po bag yod pa zhes bya ste/ 'dis ni byang chub chen por smon lam 'debs pa
 bstan to/ /de ltar pha rol tu phyin pa drug kyang bsgrub la/ byang chub chen por yang smon lam 'debs pa de dag byang chub sems dpa' yin no zhes bya ba'i don to/ /yang rnam grangs gzhan gyis pha rol tu phyin pa drug bsgrubs pa dang
 byang chub chen por smon lam 'des pa de/ byang chub sems dpa' i mtshan nyid yin no zhes bstan pa'i phyir/ sbyin med ngo tsha zhes bya ba la sogs pa smos so/ /de la dper na spong ba po rnams la bslangs pa las/ gtang bas ma byin na ngo
 tsha'o/ /de dang 'dra bar byang chub sems dpa' ni rang bzhin gyis ma bslangs par gtong ba'i bdag nyid can yin na/ 'gal te slong ba po 'ongs pa'i tshe/ mig gnags nas bkyigs te ma byin na ngo tsha'o/ /de bas na byang chub
 sems dpa' bdag gi chos nyid dang 'gal lo zhes slong ba po 'ongs pa'i rnams la phyi nang gi dngos po sbyin par byed de/ 'dis ni sbyin pa'i pha rol tu phyin pa dang ldan pa bstan to/ /nyes chung ngo tsha zhes bya ba la/ byang chub sems dpa' ni rang
 bzhin gyis kha na ma tho ba la 'jigs par lta bas/ rang bzhin gyis kha na ma tho ba 'byung ba srung ba bzhin du bcas pa'i kha na ma tho ba nyes pa chung du rdul tsam la yang 'jigs par lta bas/ gal te nyes pa chung ngu rdul tsam byung na yang
 ngo tsha zhing 'dzem pa yin no/ /de bas na byang chub sems dpa' chos nyid las 'das so zhes/ nyes ba chung ngu yang bsrung bar byed de/ 'dis ni tshul khrims kyi pha rol tu phyin pa dang ldan par bstan pa'o/ /mi bzod ngo tsha zhes bya ba la byang chub sems
 dpa' ni phyogs thams cad dang dus thams cad du sems can thams cad la/ bzod par byed pa'i rang bzhin can yin na gal te mi bzod pa'i sems shig byung na yang byang chub sems dpa' ngo tsha bar byed do/ /de bas na byang chub sems dpa' i chos
 nyid las 'das so zhes dus thams cad du phyogs thams cad du sems can thams cad la bzod par byed de/ 'dis ni bzod pa'i pha rol tu phyin pa dang ldan pa bstan to/ /nyams pas ngo tsha ba dang zhes bya ba la/ byang chub sems dpa' i rang bzhin gyis
 le lo spangs nas/ brtson 'grus kyi mthus dge ba rgyun du byed pa'i bdag nyid can yin na/ gal te le lo'i dbang du byas nas brtson 'grus nyams pas dge ba rgyun du mi byed na ngo tsha ba yin no/ /de bas na
 byang chub sems dpa' i chos nyid dang 'gal lo zhes le lo spangs nas brtson 'grus rgyun du rtsom par byed do/ /'dis ni brtson 'grus kyi pha rol tu phyin pa dang ldan pa bstan to/ /g.yeng bas ngo tsha zhes bya ba la/ byang chub sems dpa' ni rang
 bzhin gyis lus dben par byed de dgon pa na gnas pa dang/ sems dben par byed de gzugs la sogs pa la rtog cing g.yeng ba spong ba'i bdag nyid yin na/ gal te lus 'du 'ji'i? nang na gnas shing sems gzugs la sogs pa
 la g.yeng na ngo tsha bar byed de/ de bas na byang chub sems dpa' i chos nyid las 'das so zhes byang chub sems dpa' rnams ni lus kyi 'du 'dzi dang sems kyi g.yeng ba gnyi ga spong bar byed de/ 'dis ni bsam gtan gyi pha rol tu phyin pa dang ldan
 par bstan to/ /lta chung ngo tsha zhes bya ba la/ byang chub sems dpa' rnams ni rang bzhin gyis shes rab chen po dang ldan pas/ lta ba chen po'i bdag nyid can te/ gang zag dang chos la bdag med par lta ba'i phyir ro/ /de lta bu yin pa las chos
 la bdag med par lta ba ni med kyi/ lta ba chung du gang zag la bdag med pa tsam du lta na/ byang chub sems dpa' ngo tsha'o/ /de bas na byang chub sems dpa' i chos nyid las 'das so zhes byang chub sems dpa' rnams ni gang zag dang chos
 gnyi ga la bdag med bar lta ste 'dis ni shes rab kyi pha rol tu phyin pa dang ldan par bstan te/ tshig de dag gis pha rol tu phyin pa drug sgrub pa bstan pa yin no/ /theg gzhan ngo tsha byang chub sems dpa' o zhes bya ba la/ byang chub sems
 dpa' ni rang bzhin gyis pha rol tu phyin pa drug sgrub pa yang bla na med pa'i byang chub chen po thob par bya ba'i phyir/ bsngos shing smon lam 'debs pa yin na/ gal te pha rol tu phyin pa drug sgrub pa rnams theg pa gzhan te/ nyan thos dang rang sangs
 rgyas kyi theg pa'i mya ngan las 'das pa thob par bya ba'i phyir bsngo zhing smon lam 'debs na ngo tsha ba yin no/ /de bas na byang chub sems dpa' i chos nyid las 'das so zhes pha rol tu phyin pa drug sgrub pa rnams byang chub chen por thob par bya ba'i phyir bsngo
 bar byed de 'dis ni byang chub chen por smon lam 'debs pa bstan to/ /de ltar pha rol tu phyin pa drug kyang sgrub la/ byang chub chen por yang smon lam 'debs bde byang chub sems dpa' yin no zhes bya ba'i don to/ /slong ba la rim gro med pa'o zhes bya ba la
 slong ba 'ongs na mig gnags nas bkyigs? te ster ba ni rim gro med pa zhes bya ste/ de lta bu dag byang chub sems dpa' ngo tsha'o/ /tshigs su bcad 'di dag thams cad kyis zhes bya ba la/ 'dod la ma chags las gsum rnam dag ces bya ba nas brtsams te/
 theg gzhan ngo tshas byang chub sems dpa' o zhes bya ba yan chad kyis don gyi rnam grangs gzhan nas gzhan du sbyar te/ pha rol tu phyin pa drug sgrub pa dang byang chub chen por smon lam 'debs pa'i sgo nas byang chub sems dpa' i mtshan nyid gang yin pa bstan to zhes
 bya ba'i don to/ /de gong pha rol tu phyin pa drug sgrub pa dang byang chub chen por smon lam 'debs pa'i don/ rnam grangs du mas rgyas par bshad pa'i don gyi mjug mdor bsdus te/ bstan pa'i phyir/ 'di dang pha rol dag dang btang snyoms kyis zhes
 bya ba la sogs pa tshigs su bcad pa gcig smros so/ /tshigs su bcad pa 'dis kyang pha rol tu phyin pa drug sgrub pa dang/ byang chub chen por smon lam 'debs pa'i sgo nas byang chub sems dpa' rnams ji ltar sems can la phan 'dogs pa
 de ston to/ /phan 'dogs pa yang rnam pa gnyis te/ rgyu'i chos kyi phan 'dogs pa dang/ 'bras bu'i chos kyi phan 'dogs pa'o/ /de la tshe 'dir phan 'dogs pa ni sbyin pa'i pha rol tu phyin pas byed de/ yo byang
 kyis phongs pa rnams la yo byad byin nas longs spyod pa la bzhag pa'i sgo nas phan 'dogs so/ /tshe rabs pha rol tu tshul khrims kyi pha rol tu phyin pas phan 'dogs te/ sems can dag tshul khrims la bkod na/ lha dang mi la sogs pa'i skye
 ba bzang po 'thob par 'gyur ba'i phyir ro/ /bzod pa'i pha rol tu phyin pa ni btang snyoms su 'jog pa'i sgo nas phan 'dogs te/ sems can gzhan gyis gnod pa byas kyang/ slar gnod pa'i lan mi glon zhing ji la mi byed par btang snyoms
 su 'jog pa'i phyir ro/ /sbyor bar 'du byed pa dang zhes bya ba la/ sbyor ba ni sems can gyi las su bya ba'o/ /'du byed pa ni grogs su 'gro ba ste/ brtson 'grus kyi pha rol tu phyin pa ni sems can gyi las su bya ba rnams kyi grogs byed pa'i sgo
 nas phan 'dogs so/ /'byor pa thob ces bya ba la/ 'byor pa thob pa ni mngon bar shes pa thob pa la bya ste/ bsam gtan gyi pha rol tu phyin pa ni mngon par shes pas thob par byas nas/ mngon bar shes pa thob pa'i sgo nas sems can la phan
 'dogs so/ /mtshungs par ston dang/ ces bya ba la/ theg pa gsum gyi chos gang la gang bstan na 'dul bar 'gyur ba'i chos de ston pa zhes bya ste/ shes rab kyi pha rol tu phyin pas ni sems can dang 'tsham pa'i chos bshad de /the tshom bcad
 pa'i sgo nas phan 'dogs so/ /de ltar tshig de dag gis pha rol tu phyin pa drug sgrub pas rgyu'i chos kyis phan 'dogs par bstan to/ /'bras bu chen pos phan 'dogs par 'jug pa byang chub sems dpa' o zhes bya ba la/ de ltar pha rol tu phyin
 pa drug bsgrub pa bla na med pa'i byang chub tu bsngos nas/ bla na med pa'i byang chub thob par bya ste/ byang chub thob pa dang mngon par 'tshang rgya ba dang chos kyi 'khor lo bskor ba'i sgo nas sems can la phan 'dogs pa dang/ 'jug par
 byed de/ 'dis ni byang chub chen por smon pas 'bras bu'i chos kyi phan 'dogs pa bstan to/ /de ltar rgyu'i chos kyis kyang phan 'dogs pa 'bras bu'i chos kyis kyang phan 'dogs pa de byang chub sems dpa' yin no zhes bya ba'i don to/ /byang chub
 sems dpa' i mtshan nyid spyir rnam bar dbye ba'i tshigs su brgyad do zhes bya ba la/ de ltar sa bcu gcig po dag na/ byang chub sems dpa' grangs kyis du yod pa dang/ byang chub sems dpa' i mtshan nyid bshad nas da ni byang chub sems dpa' de dag
 la mi dbye bar mtshan du ji skad bya ba'i mtshan 'chad do/ /de la ming la rnam pa gnyis te don dang bcas pa dang don med pa'o/ /de la don dang bcas pa ni yon tan las dras nas ming du btags pa ste/ dper na bcom ldan 'das zhes bya ba lta bu'o/ /don med ba
 ni dper na mi dbul po la dbang phyug ces btags pa lta bu'o/ /'dir byang chub sems dpa' de dag gi mtshan gyi rnam grangs bcu drug po 'byung ste/ de dag thams cad ni yon tan las dras nas mtshan du btags pas don dang bcas par rig par bya'o//
 gang zag dang chos la bdag med pa'i mtshan nyid kyi shes bya zab mo la dad pas na/ byang chub sems dpa' zhes bya'o/ /mthu chen po mos bas na/ sems dpa' che zhes bya ste/ mthu chen po ni ba spu'i bu ga gcig nas kyang stong gsum gyi stong chen po'i
 'jig rten gyi khams 'byung ba dang 'jig pa'i bskal pa ston pa'i phyir ro/ /yang na bdag bla na med pa'i byang chub thob par bya bar sems pas byang chub sems dpa' o/ /sems can thams cad 'khor ba'i sdug bsngal las bsgral nas mya ngan 'das
 pa la bzhag par sems pa na sems dpa' chen po zhes bya'o/ /yang na shes rab dang ldan pas na byang chub sems dpa' zhes bya ste/ shes rab dang ldan pa rnams kyang 'khor ba na gnas kyang 'khor ba'i nyes
 pas gos bar mi 'gyur ro/ /brtson 'grus ni chen por 'gyur ba'i rgyu yin pas/ brtson 'grus dang ldan pa'i phyir sems dpa' chen po zhes bya'o/ /yang na chen po rnam bdun dang ldan bas sems dpa' chen po zhes bya ste/ chen po rnam pa
 bdun ni sngar bshad pa rnams so/ /shin tu zab cing rgya che ba'i shes rab dang ldan pas/ blo ldan zhes bya ba zab mo'i don gyi dgongs ba 'brel bar byed pa'i shes rab kyi snang ba chen po thob pas na gzi brjid mchog ces bya'o/ /de bzhin
 gshegs pa'i rigs su skyes pas na rgyal ba'i sras so zhes bya'o/ /sangs rgyas kyi rigs rgyun mi 'chad pas bya ba la zhugs pas na/ rgyal ba'i gzhi zhes bya'o/ /sku gsum 'bras bur gyur pa dang/ stobs dang mi 'jigs pa la sogs pa
 sangs rgyas kyi chos 'dab ma lta bur gyur pa'i rgyu byed pas na rgyal ba'i myu gu zhes bya'o/ /bdag dang gzhan gyi rgyud la yod pa'i nyon mongs pa las rgyal bar byed pas na rnam rgyal byed ces bya'o/ /bdud bzhi 'joms par byed pa'i grogs med par
 dpa' bo gcig bu yin pas na/ mthu rtsal can zhes bya'o/ /'jig rten thams cad kyis ma rtogs pa'i chos ngo mtshar du bya ba don dam pa'i chos rtogs pas na ngo mtshar mchog ces bya'o/ /'khor ba'i 'brog dgon par zhugs ba'i sems can gyi 'gron
 po mang po rnams mya ngan las 'das pa'i grong khyer chen por phyin par byed pas na/ ded dpon zhes bya'o/ /phyogs bcu thams cad du yon tan gyi dris khyab bas na/ grags pa chen po zhes bya'o/ /sbyin pa la sogs pa bsod nams kyi tshogs chen po dang
 ldan pas na bsod nams che zhes bya'o/ /sems can thams cad bskyab? pa'i thugs rje chen po dang ldan pas na snying rje can zhes bya'o/ /'jig rten las 'das pa'i longs spyod chen po dang ldan pas na dbang phyug ces bya'o/ /lus dang ngag dang yid
 kyi las kha na ma tho ba med pa dang ldan pas na chos ldan zhes bya'o/ /de ltar byang chub sems dpa' i mtshan bcu drug gi don so sor bstan nas byang chub sems dpa' zhes bya ba'i don rgyas par bshad pa'i phyir de nyid legs rtogs zhes bya ba la
 sogs pa smos so/ /de la khyad par rnam pa lnga khong du chud cing rtogs pas na/ byang chub sems dpa' zhes bya ste/ khyad par rnam pa lnga ni de nyid legs par rtogs pa dang/ don chen po legs par rtogs pa dang/ thams cad kyi don rtogs pa dang/ rtag pa'i
 don rtogs pa dang/ thabs rtogs pa ste/ de lnga rtogs pa'i byang chub sems dpa' zhes bya'o/ /de la gang zag la bdag med pa dang/ chos la bdag med par rtogs pas na de nyid legs rtoD pa'o/ /bdag gi don dang gzhan gyi don 'grub par
 bya ba rtogs pas na/ don chen po legs par rtogs pa'o/ /'dus byas dang 'dus ma byas dang/ zag pa dang bcas pa dang/ zag pa med pa la sogs pa'i chos ma lus par rtogs pas na thams cadkyi don rtogs pa zhes bya'o/ /byang chub sems dpa' 
 rnams ni bar 'ga' shes pa dang/ bar 'ga' shes pa dang mi ldan pa ma yin gyi phung po lhag ma ma lus par spangs pa'i mya ngan 'das 'das par zhugs kyang mkhyen pa zad pa med pa rtags pas na rtag pa rtogs so/ /sems can gang la chos gang bstan
 pas 'dul bar 'gyur ba dang sku ci 'dra ba bstan nas 'dul bar 'gyur ba'i chos de bstan pa dang/ sku de rtogs pa'i thabs rtogs pas na thabs rtogs pa zhes bya'o/ /yang rnam grangs gzhan gyis khyad par rnam pa bzhi rtogs pas byang chub
 sems dpa' zhes bya bar bstan pa'i phyir/ bdag gi rjes shes phra mo'i lta ba shes/ /rnam pa sna tshogs rnam rig shes pa dang/ /thams cad yang dag ma yin kun rtog shes/ /de phyir byang chub sems dpa' zhes
 kyang bya zhes bya pa smos te/ sems dang yid dang rnam par shes pa gsum gyi rang bzhin rtogs pa dang de gsum char yang dag pa ma yin par kun tu rtog pa'i mtshan nyid yin par shes pas na/ de'i phyir byang chub sems dpa' zhes bya'o/ /de la
 sems ni kun gzhi rnam par shes pa la bya ste/ kun gzhi rnam par shes pa'i rang bzhin ji lta bu yin pa rtogs bas na/ bdag gi rjes shes pa zhes bya ste/ kun gzhi rnam par shes pa la dmigs nas bdag tu rtog pa 'jug bas na /kun gzhi'i
 rang bzhin shes pa la bdag gi rjes shes pa'i zhes btags so/ /de la ji ltar shes na kun gzhi rang bzhin shes par 'gyur zhe na/ sum cu pa'i rab tu byed pa las/ de la kun gzhi rnam shes ni/ /rnam smin sa bon thams cad pa/ /len pa dag
 dang de yi gnas/ /rig pa rnam par mi rig ba'o/ /rtag tu rig dang yid byed dang/ /rig dang 'du shes sems par ldan/ /de na tshor ba btang snyoms te/ /ma bsgribs lung ma bstan kyang de zhes bshad pa lta bur shes na kun gzhi rang bzhin
 shes pa yin no/ /'di ni nyon mongs pa'i yid la bya ste kun gzhi rnam par shes pa la de dang bdag gir dmigs pa byed pa'o/ /nyon mongs pa'i yid kyi rang bzhin shes pas na/ phra mor lta ba shes pa zhes bya ste/ ci'i phyir nyon mongs pa'i yid
 kyi rang bzhin shes pa la phra mor lta ba shes zhes bya'o zhe na/ nyon mongs pa'i yid ni las dge ba mi dge ba lung du ma bstan pa byed pa'i dus na yang nga'o snyam pa dang/ bdag go snyam du sems pa rtag tu 'byung bas na/ lta dka' ba'i phyir nyon mongs
 pa'i yid shes pa la/ phra mo lta ba shes ba zhes btags so/ /ji ltar shes na nyon mongs pa'i yid shes par 'gyur zhe na/ sum cu pa'i rab tu dbye ba las/ de la gnas te rab 'jug cing/ /de la dmigs pas yid ces bya/ /rnam shes ngar sems
 bdag nyid can/ /nyon mongs pa zhi dang 'grogs pa ste/ /rtag tu bsgribs la lung ma bstan ces bshad pa'i tshul du shes na nyon mongs pa'i yid kyi rang bzhin shes pa yin no/ /rnam par shes pa ni mig gi rnam par shes pa nas yid kyi rnam
 par shes pa'i bar du 'jug pa'i rnam par shes pa drug la bya ste/ rnam par shes pa drug gi rang bzhin shes pas na rnam pa sna tshogs kyi rnam par rig pa zhes bya'o/ /ji ltar shes na rnam par shes pa drug gi rang bzhin shes pa yin zhe na/ sum cu
 pa'i rab tu byed pa las/ gsum ni rnam pa drug po la/ /dmigs pa gang yin de dag ste/ /kun tu 'gro dang bye brag nges/ /sems la byung ba dge ba dang/ /de bzhin nyon mongs nye nyon mongs/ /tshor ba gsum dang de ldan no zhes bshad pa'i tshul du shes na
 rnam par shes pa drug gi rang bzhin shes pa yin no/ /rnam par shes pa brgyad po de dag kyang gzung ba dang 'dzin pa'i rnam pa lta bu rtog pa'i rang bzhin can yin par shes pa ni/ thams cad yang dag ma yin pa/ /kun tu rtog par shes pa'o/ /yang rnam
 grangs gzhan? gyis spyad par rnam pa lnga rtogs pas na byang chub sems dpa' zhes bya'o zhes bstan pa'i phyir/ mi shes shes pa rjes su shes pa shes/ /dngos po? med shes rjes su 'byung pa shes/ /mi shes shes pa so sor shes pas na/ /de'i phyir byang
 chub sems dpa' zhes kyang bya zhes smos te/ rnam pa lnga shes pa ni mi shes pa shes pa so sor shes pa dang/ rjes su shes pa so sor shes pa dang/ dngos po med pas sor shes pa dang/ 'byung ba rjes su shes pa so sor shes pa dang/ mi shes
 pa shes pa so sor shes pa ste/ de ltar rnam pa lngas shes pas na/ de'i phyir byang chub sems dpa' zhes bya ba/ de la rnam par mi rtog pa'i ye shes kyi rang bzhin ni chos thams cad nam mkha' i ngos lta bur dmigs
 pa yin no zhes pas na/ mi shes pa shes pa so sor zhes bya ste/ rnam par mi rtog pa'i ye shes la gzung ba 'dzin pa lta bu'i shes pa med pas mi shes pa zhes bya'o/ /'on kyang rnam par mi rtog pa'i ye shes ni ye shes kyi rang bzhin te/ me
 long gi dkyil 'khor du gzugs brnyan snang ba lta bur ye shes kyi dkyil 'khor der yang/ shes bya'i dkyil 'khor thams cad snang bas shes pa zhes kyang bya'o/ /dag pa 'jig rten pa'i ye shes kyis ni chos thams cad la sgyu ma dang smig rgyu dang
 rmi lam lta bur dmigs par byed pa yin par shes pas na/ rjes su shes pa zhes bya ba ste/ dag pa 'jig rten pa'i ye shes ni rnam par mi rtog pa'i ye shes kyi rjes las byung bas rjes su shes pa zhes btags so/ /yang na mi rig pa'i rkyen gyis
 'du byed nas/ skye ba'i rkyen gyis rga shi la sogs pa rten cing 'brel te 'byung ba lugs bzhin pa dag ma rig pa las byung ba shes pa mi shes pa shes pa zhes bya'o/ ma rig pa 'gags na 'du byed 'gag pa nas skye pa 'gags na rga shi?
 'gag pa'i bar du rten cing 'brel te 'byung ba'i rang bzhin shes pas na rjes su shes pa shes ba zhes bya'o/ /kun brtags kyi mtshan nyid thams cad ni ri bong gi rwa bzhin du rang bzhin med par shes pas dngos po med pa shes pa zhes bya'o//
 ji snyed kyi gzung pa dang 'dzin pa thams cad dang/ /sdug bsngal ba thams cad ni gzhan gyi dbang gi mtshan nyid las byung bar shes pas na 'byung ba rjes su shes pa zhes bya'o/ /yongs su grub ba'i mtshan nyid ni gzung 'dzin thams cad dang
 bral ba gnyis su med pa'i mtshan nyid yin par shes pas na mi shes pa shes pas so sor shes pa zhes bya ste yongs su grub pa'i mtshan nyid la gzung 'dzin gyi shes pa med pas na mi shes pa zhes bya'o/ /ye shes kyi bdag yin pas na shes
 pa zhes bya'o/ /yang rnam grangs gzhan gyis shes bya'i khyad par rnam pa lnga shes pas byang chub sems dpa' zhes bstan pa'i phyir ro/ /don med shes shing don dam? shes pa dang/ /thams cad shes dang ma lus ngan shes dang/ /shes bya shes
 gnas shes pa yongs shes pas/ /de ltar byang chub sems dpa' zhes kyang bya zhes bya ba smos te/ shes bya'i khyad par rnam pa lnga shes pa ni gzhan gyi dbang gi mtshan nyid shes pa dang/ yongs su grub pa'i mtshan nyid shes pa dang/ kun brtags kyi
 mtshan nyid shes pa dang/ shes pa thams cad rnam pa thams cad du shes pa dang/ shes bya dang shes pa po dang/ shes pas 'khor gsum yongs su dag pa shes pa ste/ de'i phyir byang chub sems dpa' zhes bya'o/ /de la don med par shes ba ni gzhan
 gyi dbang gi mtshan nyid shes pa ste/ khams gsum thams cad gzhan dbang tsam du zad kyi/ de las gzhan pa gzung ba dang 'dzin pa'i dngos po'i don yod pa ma yin par shes pa dang/ /ji tsam du gzhan dbang gis gzung ba dang 'dzin ba la mngon par
 chags pa de tsam du don? med pa'i ngo bo skye ba dang rga ba la sogs pa'i sdug bsngal rgyun du 'byung bar shes so/ /don dam pa shes pa ni yongs su grub pa'i mtshan nyid shes pa ste/ yongs su grub ba'i mtshan nyid gzung 'dzin gnyis dang bral ba gnyis su
 med pa'i mtshan nyid yin par shes pa'o/ /thams cad shes pa ni kun tu brtags pa'i mtshan nyid shes pa ste/ gzugs la sogs pa'i gzung pa'i chos rnams dang/ mig la sogs pa chos de gzung 'dzin du kun brtags pa'i chos thams cad ni ri bong gi rwa
 bzhin dang mtshan nyid med par shes pa'o/ /ma lus pa'i don shes pa ni phung po dang khams dang skye mched dang/ zag pa dang bcas pa dang/ zag pa med pa la sogs pa'i shes bya'i chos kun rdzob kyi bden
 pa thams cad shes pa ste/ ji snyed du kun rdzob kyi chos thams cad ni smra ba dang/ bsam pa'i yul du myur bar shes par bya'o/ /shes bya dang shes pa'i gnas dang/ shes pa gsum shes pa ni shes bya dang shes pa po dang/
 shes pa gsum 'khor gsum yongs su dag par shes pa dang/ don dam par na shes bya ste phyi'i yul dang/ shes pa po ste gang zag dang/ /shes pa ste shes rab gsum rang bzhin med par shes pa'o/ /de la don med par/
 shes pa dang/ don dam par shes pa dang/ thams cad shes pas ni mtshan nyid gsum shes pa bstan to/ /ma lus pa'i don rnam pa thams cad du shes pa dang/ shes bya dang/ shes pa po dang/ shes pa gsum 'khor gsum yongs
 su dag par shes pa ni kun rdzob kyi bden pa shes pa dang/ don dam pa'i bden pa shes pa bstan to/ /yang rnam grangs gzhan gyis rnam pa lnga shes pas na/ byang chub sems dpa' zhes bya'o zhes bstan pa'i phyir/ rdzogs pa shes dang
 gnas kyang shes pa dang/ /mang shes rim gyis ston pa shes pa dang/ /rab tu the tshom bsal ba shes pa dang/ /de'i phyir byang chub sems dpa' zhes kyang bya'o zhes bya ba smos te de la rdzogs pa shes pa ni 'og min gyi pho brang du
 rdzogs par longs spyod pa'i skus mngon par sangs rgyas par bya ba shes pa'o/ /yang na sangs rgyas kyi ye shes bzhi dang chos kyi dbyings rnam par dag pa lnga thob nas/ shes bya thams cad rnam pa thams cad du ma lus par shes pa ni
 rdzogs pa zhes bya'o/ /gnas shes pa ni byang chub sems dpa' gang gis dga' ldan gyi gnas na bzhugs shing lha rnams la phan gdags par bya bar shes pa'o/ /gang shes pa ni byang chub sems dpa' gang gis yum gyi
 lhums su gshegs shing/ yum gyi lhums su sems can gyi don ji ltar mdzad par bya ba shes pa'o/ /rim gyis ston pa shes pa ni byang chub sems dpa' gang gis lhums nas 'byung ba dang/ pho brang slas lnga brgya'i nang na
 'dod pa'i longs spyod la spyod pa dang/ khab nas byung zhing rab tu 'byung ba dang/ lo drug tu dka' ba spyad pa dang rdo rje gdan la sbrul pa'i skus mngon par rdzogs par byang chub pa bstan pa shes pa'o/ /rab tu the tshom sel ba
 shes pa ni sprul pa'i sku gang gis chos kyi 'khor lo bskor nas/ sems can gyi the tshom yongs su gcad par bya ba shes pa'o/ /rnam grangs gzhan du yang rnam pa bcu gcig shes pas ni byang chub sems dpa' zhes bya'o zhes bstan
 to/ /rnam pa bcu gcig gi ni 'das pa shes pa dang ma 'ongs pa shes pa dang/ da ltar byung ba shes pa dang/ nang shes pa dang/ phyi shes pa dang/ rtsing ba shes pa dang zhib pa shes pa dang/ tha ma shes pa dang/ bzang po shes
 pa dang/ nye pa shes pa dang/ ring ba shes pa'o/ /rnyed dang zhes bya ba la/ 'das pa shes pa ni rnyed pa shes pa zhes bya ste/ /'das pa'i chos ni rgyus 'bras bu bskyed nas gnyi ga 'gags pa shes so/ /ma rnyed ces bya ba la/ ma 'ongs
 pa'i dngos po shes pa ni ma rnyed pa shes pa zhes bya ste/ ma 'ongs pa'i dngos po rnams ni rgyu yang ma skyes la/ rgyu ma skyes pas rgyus 'bras bu da dung ma bskyed bar shes so/ /blo la rab tu gnas zhes bya ba 'o/ nga ltar gyi dngos po shes pa ni
 blo rab tu gnas pa shes pa zhes bya ste/ da ltar gyi dngos po rnams ni rgyus 'bras bu bskyed nas/ da dung ma 'gags pas na sems can gyi spyod yul du gyur par shes pa'o/ /shes pa dang zhes
 bya ba la/ bdag nyid kyi blos chos rnams mi rtag pa dang/ sdug bsngal ba la sogs par rtogs pa ni shes pa zhes bya ste/ 'dis ni nang shes pa bstan to/ /rjes shes zhes bya ba la dge ba'i bshes gnyen gyi chos
 bstan pa thos pa las chos rnams mi rtag pa dang sdug bsngal ba la sogs pa shes pa ni rjes su shes pa zhes bya ste/ 'dis ni phyir shes pa bstan to/ /so sor ston pa zhes bya ba la/ chos rnams kyi rang dang spyi'i
 mtshan nyid gzhan la ston pa'i blo dang shes pa la/ so sor ston pa zhes bya'o gzhan la ston pa'i shes pas ni rtsing ba'i shes pa bstan te/ chos ston pa'i blo ni ming tshig la sogs par rags pa la dmigs pa'i phyir
 ro/ /sgra med blo dang zhes bya ba la/ smra ba dang bshad pa thams cad spangs nas nang du bsam gtan du 'jog pa'i blo la smra med blo zhes bya ste/ 'dis ni zhib ba shes pa bstan te/ bsam gtan gyi shes pa ni sgra dang tshig la
 sogs pa thams cad las 'das pa rtog pa med pa'i sems rtse gcig la gnas pa'i phyir ro/ /nga dang zhes bya ba las bdun pa man chad kyi byang chub sems dpa' i shes pa la dang bcas pa'i shes pa zhes bya'o 'dis ni tha ma shes pa bstan
 te/ sa bdun pa man chad na nga rgyal phra mo yod pa dang/ rtsol 'bad da dung yod pa'i phyir ro/ /nga rgyal bcom zhes bya ba la/ sa brgyad pa dag ni shes pa'i nga rgyal bcom pa'i shes pa zhes bya'o/ /'dis ni shes pa bzang po bstan te/
 sa brgyad pa yan chad nga rgyal phra mo yang mi 'byung zhing brtsal 'bad pa spangs nas/ lhun gyis grub par gnas pa'i phyir ro/ /yang na mos pa spyod pa'i sa la gnas pa rnams kyis shes pa ni nga rgyal dang bcas pa zhes bya ste/ gzung 'dzin
 du rtog pa da dung ma spangs pa'i phyir ro/ /sa dang po yan chad kyi shes pa ni nga rgyal bcom pa'i shes pa zhes bya ste/ gzung 'dzin du chags pa spangs pa'i phyir ro/ /blo gros blo ldan zhes bya ba'i tshig ni shes pa bcu gcig pa gnas dang
 sbyar te/ rnyed pa shes pa'i blo gros kyi blo dang ldan pa dang zhes bya ba la sogs pa dang sbyar ro/ /smin dang zhes bya ba las brgyad ba yan chad kyi byang chub sems dpa' i shes pa la/ smin pa'i shes pa zhes bya'o/ /'dis ni nye ba'i shes
 pa bstan te sa brgyad pa yan chad rnam par mi rtog pa lhun gyis grub pa sangs rgyas kyi sa dang nye pa'i phyir ro/ /ma smin pa zhes bya ba las bdun pa man chad kyi byang chub sems dpa' i shes pa la ma smin pa zhes bya'o/ /'dis ni ring ba'i ma smin pa'i
 shes pa zhes bya ste/ 'dis ni ring ba'i shes pa bstan to/ /yang na mos pa spyod pa'i sa rnams kyi/ shes pa ni ma smin pa zhes bya ste/ de'i tshe chos kyi dbyings mngon sum du ma gyur pa dang sangs rgyas kyi sa dang yang thag ring bas 'dis ni ring ba'i
 shes pa bstan to/ /sa dang po la zhugs pa man chad kyi shes pa ni smin pa'i shes pa zhes bya ste/ de la zhugs pa rnams kyis chos kyi dbyings mngon sum du byas pa dang/ myur du 'tshang rgya bar 'gyur bas na/ 'dis ni nye ba'i shes pa
 bstan to/ /yon tan gyi skabs bshad ba rdzogs so// //mtshan ma rnam par dbye ba la tshigs su bcad pa gnyis so zhes bya ba la/ de ltar gong du bshad pa'i yon tan dang ldan pa'i byang chub sems dpa' yon tan 
 phun sum tshogs pa dang ldan yang/ dge ba sbed pa yin te/ yon tan sgrogs su zin kyang gang na chu bya snang ba de na chu yod par mngon pa dang/ gang na dud pa'i mtshan ma snang ba de na me yod par mngon pa
 de bzhin du byang chub sems dpa' de dag la yang pha rol tu phyin pa drug dang rjes su mthun pa'i mtshan ma rnam pa lnga 'byung ste/ mtshan ma rnam pa lnga'i sgo nas 'di ni byang chub sems dpa' yin no zhes shes par byang chub sems dpa' i
 grangs su 'gro ste/ de'i tshigs su bcad pa gnyis kyis bstan to/ /snying rje legs par smra ba dang/ /brtan pa lag pa brkyang ba dang/ /dgongs pa zab mo rnam par grol/ /mtshan ma 'di dag bstan pa'o/ zhes bya ba la byang chub sems
 dpa' brtan pa rnams kyis pha rol tu phyin pa drug dang/ rjes su mthun pa'i mtshan ma rnam pa lnga ste/ snying rje dang ldan pa dang legs par smra ba dang ldan pa dang/ brtan pa dang ldan pa dang/ lag pa brkyang ba dang dgongs pa zab mo rnam par 'grel
 ba'o/ /chos de lnga yang rnam pa lnga bshad de/ rang bzhin dang rten dang 'bras bu'i rjes su bsngags pa dang/ go rims dang bsdu bas so/ /de la snying rje'i rang bzhin ni rnam pa gnyis te/ bsam pa dang ldan pa dang bsgrub pa dang ldan pa'o/ /de la bsam
 pa ldan pa yang rnam pa gnyis te/ phan pa'i bsam pa dang/ bde ba'i bsam pa'o/ /de la mi dge ba'i gnas nas bslangs te/ dge ba'i gnas su bzhag par sems pa ni phan pa'i bsam pa'o/ /ngan song gsum la sogs pa'i sdug bsngal las bzlog
 thar pa dang mtho ris su bzhag par sems pa ni bde ba'i bsam pa zhes bya'o/ /de la bsgrub pa dang ldan pa ni bsam pa de la brten nas byang chub sems dpa' rnams lus dang ngag dang yid gsum gyi sgo nas sems can rnams la phan pa dang
 bde ba 'god par mdzad do/ /de ni bsgrub pa dang ldan pa zhes bya'o/ /de'i phyir na byang chub sems dpa' snying rje dang ldan pa zhes bya'o/ /de la legs par smra pa'i rang bzhin gang zhe na/ de la rnam pa gnyis te 'jig rten gyi tha snyad kyi gtam gyi rang bzhin
 dang/ chos 'chad pa'i gtam gyi rang bzhin no/ /de la 'jig rten gyi tha snyad kyi gtam gyi rang bzhin yang rnam pa gnyis te/ kun tu dga' bar byed pa dang/ yang dag par dga' bar byed pa'o/ /de la kun tu dga' bar byed pa ni bzhin 'dzum
 zhing khro gnyer spangs nas/ rtag tu yang khams snyoms sam ma snyoms pa la sogs pa 'dri bar byed pa'o/ /yang dag par dga' bar byed pa ni gang sems can rnams kyi bu tsha gnyen bshes dang bar byed pa 'am/ gter dang 'bru spel bar
 byed pa 'gyur ba mthong na/ de bzhin du gtam de dag byed pa'i sgo nas/ sems can rnams dga' bar byed pa'o/ /chos 'chad pa'i gtam gyi rang bzhin ni pha rol tu phyin pa dang byang chub kyi phyogs la sogs pa chos gang bshad pas sems can rnams
 thar ba dang mtho ris 'thob par 'gyur ba'i chos de 'chad de/ 'di ni legs par smra ba'i rang bzhin de lta bu yin par bstan to/ /de la brtan pa'i rang bzhin ni byang chub sems dpa' shes rab dang ting nge 'dzin dang brtson 'grus gsum dang ldan
 pas bdag dang gzhan gyi don gyi don bsgrub pa na/ sdug bsngal ba dang 'jigs pa gang byung yang mi skrag pa dang/ mi 'khum pa dang mthu dang ldan pa dang mi ldog pa ste de ni brtan pa'i rang bzhin du rig par bya'o/ /de la lag pa brkyang ba'i rang bzhin ni
 rnam pa gnyis te/ sbyin pa sbyin pa na rgya chen po sbyin pa dang/ nyon mongs pa med pa sbyin pa'o/ /de la gang nang gi dngos po la yang mgo dang rkang lag la sogs pa thams cad gtong ba dang/ phyi'i dngos po la yang 'khor los sgyur ba la sogs pa'i
 longs spyod kyang sbyin pa ni rgya chen po sbyin pa zhes bya'o/ /sbyin pa gang sbyin na tshe 'di dang tshe rabs gzhan du gnod par 'gyur ba'i sbyin pa dug dang mtshon la sogs pa sbyin par mi byed kyi/ dngos po skyon med pa
 sbyin par byed pa ni nyon mongs pa med pa sbyin pa zhes bya ste/ 'di ni lag pa brkyang ba'i rang bzhin du rig par bya'o/ /de la dgongs pa zab mo nges par 'grel pa'i rang bzhin ni so sor yang dag par rig pa bzhi dang ldan pas/ de bzhin
 gshegs pa'i dgongs pa bzhi dang/ ldem po dgongs pa bzhi la sogs pa phyin ci ma log pa'i bar 'chad par byed pa ste/ 'di ni dgongs pa nges par 'grel pa'i rang bzhin du rig par bya'o/ /de la snying rje dang ldan pa'i brten nam yul ni rnam pa lnga
 ste/ sdug bsngal ba'i sems can dang/ nyes par spyod pa'i sems can dang bag med pa'i sems can dang/ log par zhugs pa'i sems can dang/ nyon mongs pa'i bag la nyal ba'i sems can no/ /de la ngan song gsum du skyes pa'i
 sems can rnams ni sdug bsngal ba'i sems can zhes bya'o/ /bshan pa dang rngon pa la sogs pa lus dang ngag dang yid gsum gyi sgo nas/ las ngan pa la zhugs pa rnams ni nyes par spyod pa'i sems can zhes bya'o/ /gang gar dang glu la
 sogs pa la chags shing 'dod pa lnga'i yon tan la zhen pa'i sems can rnams ni bag med pa'i sems can zhes bya'o/ /gang khyim nas khyim med par rab tu byung yang/ mu stegs kyi lta ba sna tshogs la zhen pa'i sems can rnams ni log
 par zhugs pa'i sems can zhes bya'o/ /gang so so'i skye bo dge ba khams gsum gyi nyon mongs pa ma spangs pa rnams ni/ nyon mongs pa'i bag la nyal ba'i sems dang ldan pa zhes bya ste/ sems can de lnga la dmigs nas byang chub sems
 dpa' snying rje chen po 'byung ngo/ /de la legs par smra ba'i rten dang yul yang rnam pa lnga ste/ yang dag par kun tu smra ba dang yang dag par dga' bar byed pa dang/ yang dag par dbugs 'byin par byed pa dang/ yang dag par skabs 'byed pa
 dang rig pa'i man ngag ston pa'o/ /de la nyin re zhing khams bde ba dang/ mi bde ba 'dri ba ni yang dag par kun tu smra ba'o/ /bu tsha gnyen bshes dar ba dang/ gter dang 'bru la sogs pa phal pa'i gtam smra ba ni yang dag par
 dga' bar byed pa'o/ /rgyal po dang rkun po la sogs pa'i 'jig pa byung la 'jigs pa'i skyabs bya ba'i tshig smra ba ni yang dag par dbugs 'byin pa'o/ /gsol ba ma btab par yang don du bya ba dang/ las su gnyer ba rnams kyi
 grogs bya bar khas len pa ni yang dag par skabs 'byed pa'o/ /thar pa dang mtho ris 'thob par 'gyur ba'i chos 'chad pa ni yang dag par lung ston pa zhes bya ste/ rnam pa de la dmigs nas/ byang chub sems dpa' rnams legs par smra ba
 la 'jug go /de la byang chub sems dpa' rnams kyis brtan pa'i rten dang yul yang rnam pa lnga ste/ 'khor ba'i sdug bsngal rnams sna tshogs nyams su myong ba dang/ 'dul ba'i sems can rnams kyis log pa sna tshogs byas pa dang/ sems can
 rnams kyi don du dus ring por 'khor bar gnas par khas len pa dang/ 'khor mang po'i nang na chos 'chad pa'i tshe/ pha rol gyi gnas rnams kyis rnam pa du mar rgal ba dang/ byang chub sems dpa' i bslab tshig thams cad khas len cing rgya che ba'i chos nyan
 pa'o/ /de la byang chub sems dpa' rnams kyi lag pa brkyang ba'i gnas dang rten kyang rnam pa lnga ste/ che ba sbyin pa dang/ tha dad pa med par sbyin pa dang/ gus par bya ste sbyin pa dang/ nyon mongs pa med pa'i sbyin pa dang/ mi brten pa'i sbyin pa'o/ /de la
 phyi dang nang gi dngos bo thams cad gtong ba ni rgya che ba'i sbyin pa zhes bya'o/ /kha cig la sbyin kha cig la mi sbyin pa zhes bya ba med kyi 'dra ba kho nar sems can kun la sbyin par byed pa ni/ tha dad ba
 med ba sbyin pa zhes bya'o/ /slong ba rnams la rang gi lag pas bkur sti dang bcas bas sbyin par byed ba ni gus bar sbyin par byed pa zhes bya'o/ /dug dang mtshon la sogs pa sbyin pa ni ma yin gyi sbyin pa gang sbyin na/ tshe
 rabs gzhan du bde bar 'gyur ba sbyin par byed pa ni nyon mongs ba med pa'i sbyin pa zhes bya'o/ /sbyin pa'i 'bras bu tshe rabs gzhan du rnam par smin pa la ma chags/ tshe rabs 'dir lan la ma chags par sbyin pa ni mi gnas
 pa'i sbyin pa zhes bya'o/ /de la byang chub sems dpa' rnams kyis dgongs pa zab mo rnam par 'grel ba'i rten dang yul la yang rnam pa lnga ste/ 'di ltar de bzhin gshegs pa rnams kyi mdo sde zab mo zab par snang ba stong pa nyid dang ldan pa
 rten cing 'brel te 'byung ba lugs dang lugs las bzlog pa ni rten dang po'o/ /'dul ba yang ltung ba la mkhas pa dng/ ltung ba slong ba la mkhas pa ni rten gnyis pa'o/ /chos rnams kyi rang dang sbyi'i mtshan nyid phyin ci ma log par rnam
 par 'jog pa ni rten gsum pa'o/ /mdo sde de dang de dag gi nang nas dgongs ba dang bcas pa'i ming dang tshig la sogs pa rnam par 'byed pa ni rten bzhi pa'o/ /chos rnams kyi chos kyi tshig tha dad pa dbye ba ni rten lnga pa'o/ /de la snying rje dang ldan pa
 rnams tshe 'dir yang dgra med cing bde bar gnas pa'i sems 'thob ba dang/ tshe rabs gzhan du yang bde 'gro lta dang mi'i nang du skye ba ni snying rje dang ldan ba'i 'bras bur rig par bya'o/ /legs pa smra ba'i byang chub sems dpa' rnams dag?
 gi nyes pa rnam pa bzhi 'di lta ste/ brdzun dang phra ma dang/ tshig rtsub po dang/ tshig 'khyal ba spangs shing tshe 'di dang tshe rabs gzhan du bdag gi tshig btsun pa dang/ tshig gzhan gyis bzung bar 'gyur ba ni snyan par smra pa'i 'bras bu'o//
 brtan ba dang ldan ba'i byang chub sems dpa' ni tshe 'dir yang thams cad nas thams cad du le lo dang snyoms las dang bral bar 'gyur zhing rab tu dga' ba'i sems kyis byang chub sems dpa' i tshul khrims kyi sdom pa yang dag par len
 par byed la/ blangs nas kyang mi 'dor ba dang/ bzod pa bdag dang pha rol rjes su 'dzin pa dang/ ma 'ongs ba na yang byang chub sems dpa' rnams kyi las su bya zhing brtsams pa'i rnam pa la brtan par rtsom ste/ brtsams pa mthar ma
 phyin gyi bar du bar ma dor mi ldog ba 'di dag ni brtan pa'i 'bras bud rig par bya'o/ /de la byang chub sems dpa' lag brkyang ba dang ldan pa rnams ni phyi nang gi dngos po gtong pa'i sgo nas tshe 'dir sems can rnams la phan 'dogs par
 byed pa dang/ de'i rkyen gyis bdag nyid tshe rabs gzhan du longs spyod chen bor 'gyur zhing byang chub kyi tshogs chen bor yongs su rdzogs par 'gyur te/ 'di ni lag pa brkyang ba'i 'bras bu'o/ /dgongs pa zab mo rnam par dgrol ba'i byang chub
 sems dpa' tshe 'dir yang mdo sde dang/ 'dul ba dang/ ma mo lta bu 'chad ba'i sgo nas/ sems can rnams kyi mi shes pa dang log par shes pa dang/ the tshom sel ba tshe rabs gzhan du yang rig pa'i gnas thams cad la mkhas pa'i shes rab kyi
 snang ba chen po 'thob ste/ 'di ni dgongs pa zab mo rnam par 'grel pa'i 'bras bu'o/ /mtshan ma lnga po 'di dag gi go rims ni thog ma nyid du byang chub sems dpa' sems can rnams la snying rje bar byed pas snying rje dang bor bshad do/ /de nas
 snying rje dang ldan pa'i byang chub sems dpa' de sems can la phan par bya ba'i phyir/ mi dge ba'i gnas nas bslang dge ba'i gnas su bzhag pa'i don du rigs pa'i man ngag ston par byed de/ de bas
 na de'i 'og tu legs par smra pa bstan to/ /de ltar snying rje dang ldan zhing sems can gyi don du rigs par smra ba la zhugs pa de 'khor ba'i sdug bsngal rnam pa sna tshogs nyams su myong zhing sems can kyi don mi gtong zhing mi ldog ste/ de bas
 na de'i 'og tu brtan pa bstan to/ /de ltar brtan pa de dang ldan pa de sems can bstan pa la ma zhugs pa rnams ni bstan pa la gzung pa'i phyir zang zing gis phan 'dogs par byed do/ /bstan pas bzhugs pa rnams la ni chos
 bshad pas phan 'dogs par byed de/ de bas na de'i 'og tu lag pa brkyang pa dang/ dgongs pa zab mo rnam par dgrol ba bstan to/ /mtshan ma lnga po dag pha rol tu phyin pa drug gis bsdus te/ de la pha rol tu phyin pa gang gis
 mtshan ma gang bsdus she na/ snying rje ni bsam gtan gyi pha rol tu phyin pas bsdus so/ /legs par smra ba ni tshul khrims kyi pha rol tu phyin pa dang/ shes rab kyi pha rol tu phyin pas bsdus te/ de la sems can rnams la 'phral du tshig
 rtsub po mi smra zhing snyan par smra ba ni tshul khrims kyi pha rol tu phyin pas bsdus so/ /dam pa'i chos kyi gtam smra ba ni shes rab kyi pha rol tu phyin pas bsdus so/ /de la brtan pa ni brtson 'grus kyi pha rol tu phyin pa dang/ bzod pa'i pha
 rol tu phyin pa dang/ shes rab kyi pha rol tu phyin pas bsdus so/ /lag pa brkyang ba ni sbyin pa'i pha rol tu phyin pas bsdus so/ /dgongs pa zab mo rnam par 'grel pa ni/ bsam gtan gyi pha rol tu phyin pa dang/ shes rab kyi pha rol tu
 phyin pas bsdus so/ /mtshan ma lnga po de dag gi las bstan pa'i phyir yongs su sdud dang mos pa 'thob/ /skyo med gnyis kyis bsdus pa'i phyir zhes bya ba smos te/ snying rje dang ldan pa'i las ni byang chub kyi sems kyis sems can yongs su
 gzung ba ste/ snying rje dang ldan na skye gnas bzhir bsdus pa'i sems can thams cad phung po lhag ma ma lus pa'i mya ngan las bzla bar bya'o zhes khas len pa'i phyir ro/ /legs par smra ba ni sems can rnams sangs rgyas kyi bstan pa
 la dad pa bskyed par bya ba'i phyir smra ste/ byang chub sems dpa' rnams bzhin 'dzum zhing 'phral du snyan par smra ba'i tshig dang/ chos ston pa'i sgo nas sems can drangs te/ sangs rgyas kyi chos la dad pa skyed par byed do/ /brtan pa
 dang ldan par bya ba ni bdag yongs su smin par bya ba dang/ sems can yongs su smin par bya ba'i ched du grang ba dang/ tsha ba la sogs pa phyi'i sdug bsngal dang/ bkres pa dang skom pa la sogs pa nang gi sdug bsngal byung bas mi skyo zhing mi
 ldog par bya ba'i phyir/ brtan pa dang ldan par bya ste/ brtan pa dang ldan par gyur na dka' ba spyod pa'i sdug bsngal rnams kyis mi skyo bar 'gyur ro/ /lag pa brkyang pa dang/ dgongs pa zab mo 'grel pa gnyis dang bcas pa'i mya ngan las
 'das pa la bzhag par bya'o/ /snyam du sems pa'i phan pa'i lhag pa'i bsam pa zhes bya ste/ sems can gyi phung po'i lhag ma dang bcas pa'i mya ngan las 'das pa thob na 'dod chags la sogs pa'i nyon mongs pa'i gtso ba med pas phan pa
 dang ldan par 'gyur ro/ /semms can rnams phung po'i lhag ma ma lus par spangs pa'i mya ngan las 'das pa la 'god do snyam du bsams pa ni bde ba'i lhag pa'i bsam pa zhes bya ste/ sems can gyi phung po'i lhag ma ma lus pa'i mya ngan las 
 'das pa thob na/ skye ba dar rga ba la sogs pa'i sdug bsngal dang bral pas bde ba dang ldan par 'gyur ro/ /de la lhag pa'i bsam pa rnam pa lnga las mya ngan las 'das pa thob par 'dod pa ni phan pa dang bde ba'i
 bsam pa yin pas/ de ni phan pa'i lhag pa'i bsam pa dang/ bde ba'i lhag pa'i bsam pa'i nang du bsdus te/ de yan chad lhag pa'i bsam pa rnam pa gnyis bstan to/ /de ltar bsam pa de lta bu ni brtan pa byang chub sems dpa' 
 rnams kyi sems can rnams la phan pa'i bsam pa dang/ bde ba'i lhag pa'i bsam pa zhes bya ste/ 'dis ni sems can gyi don du lhag pa'i bsam pa rnam par dbye ba bstan to/ /ma dag pa dang zhes bya ba la mos pa spyod pa'i sa la gnas pa'i byang
 chub sems dpa' rnams kyi bsam pa ma dag pa'i lhag pa'i bsam pa zhes bya ste/ chos kyi dbyings kun tu 'gro ba'i mtshan nyid ma rtogs pas mthong bas spangs par bya ba'i nyon mongs pa dang gzung ba dang 'dzin pa la mngon par chags pa ma spangs
 pas na ma dag pa zhes bya'o/ /rnam par dag pa ces bya ba la/ sa dang po yan chad sa bdun pa man chad la zhugs pa'i byang chub sems dpa' rnams kyi bsam pa la rnam par dag pa'i lhag pa'i bsam pa zhes bya ba ste/ sa de dag la zhugs pa'i byang
 chub sems dpa' rnams thong bas spang bar bya ba'i nyon mongs pa ma lus par spangs shing gzung dang 'dzin pa la mngon par chags pa yang med la/ bsgom pas spang bar bya ba'i nyon mongs pa dang shes bya'i sgrib pa yang shes kyis spangs pa'i phyir
 rnam par dag pa zhes bya'o/ /shin tu dag pa zhes bya ba la/ phyir mi ldog pa'i sa/ sa brgyad pa dang dgu pa dang bcu pa la gnas pa'i byang chub sems dpa' rnams kyis bsam pa la shin tu dag pa'i bsam pa zhes bya ste/ ci'i phyir zhen sa bdun
 pa yan chad na ni brtsal 'bad dang bcas pas rtsol ba dang 'bad pa'i mtshan nyid du ldog pa yod kyi/ sa brgyad pa yan chad thob nas ni brtsal 'bad pa thams cad spangs te/ lhun gyis grub pas brtsal 'bad kyi mtshan nyid du phyir log
 ba med pas na shin tu dag pa zhes bya ste/ tshig de dag gis bdag gi dbang du byas nas/ lhag pa'i bsam pa rnam par dbye ba bstan to/ /sa kun la zhes bya ba la/ byang chub sems dpa' rnams sa bcu'i steng du mos pa spyod pa'i
 sa bsnan te sa bcu gcig po de dag kun na/ lhag pa'i bsam pa rnam pa lnga zhig 'byung ste/ sems can gyi dbang du byas nas ni/ phan pa'i lhag pa'i bsam pa dang/ bde ba'i lhag pa'i bsam pa gnyis 'byung ngo/ /bdag gi
 dbang du byas nas ni/ ma dag pa'i lhag pa'i bsam pa dang/ rnam par dag pa'i lhag pa'i bsam pa dang/ shin tu dag pa'i lhag pa'i bsam pa ste/ lhag pa'i bsam pa rnam pa gsum 'byung ngo/ /yongs su bsdu ba rnam par dbye ba la
 tshigs su bcad pa zhes bya ba la/ de ltar sems can gyi don dang bdag gi don bya'o snyam du sems pa'i byang chub sems dpa' de dag ni nyan thos bzhin du 'khor ba la zhe sdang ba ma yin gyi/ snying rje chen pos sems can rnams sdud cing
 mi gtong bar byed de/ de bas na lhag pa'i bsam pa'i rjes la/ yongs su bsdu ba'i rnam par dbye ba'i tshigs su bcad pa gcig gis bstan to/ /smon lam dang ni sems mnyam pa/ /bdag po byed pas yongs su bsdus/ /tshogs
 rnams drang bar bya ba'i phyir/ /blo ldan rnams kyis sa kun la/ zhes bya ba la/ byang chub sems dpa' rnams kyis sems can yongs su sdud pa ni rnam pa bzhi ste/ smon lam gyi yongs su sdud pa dang/ sems mnyam pa 'thob pa yongs
 su sdud pa dang/ bdag po byed pas yongs su sdud pa dang/ tshogs rnam par 'dren pas yongs su sdud pa ste/ blo ldan byang chub sems dpa' rnams mes pa spyed pa'i sa yan chad sa bcu gcig po
 kun la /rnam pa bzhi lta bu sems can yongs su sdud par byed do/ /de la smon lam gyis yongs su sdud pa ni dang po byang chub tu sems bskyed pa nas/ snying rje chen po dang ldan pa'i byang chub kyi sems kyis sems can thams cad mya ngan
 las 'das pa'i dbyings su dgod par bya'o zhes khas len pa ni smon lam gyis yongs su sdud pa zhes bya ste/ de'ang dper na 'phags pa rdo rje gcod pa'i mdo las/ ji snyed du sems can gyi bsdu bas bsdus pa mngal nas skyes pa
 dang/ sgo de las skyes pa dang/ brdzus te skyes pa dang/ gzugs yod pa dang/ gzugs med pa dang/ 'du shes yod pa dang/ 'du shes med pa la sogs pa sems can gyi grangs su 'gro ba bgrang ba'i rnams/ phung po'i lhag ma ma
 lus par spangs pa'i dbyings su dgod par bya'o zhes gsungs pa lta bu'o/ /sems mnyam pa nyid thob pas sems can yongs su sdud pa ni sa dang po la chos kyi dbyings su kun tu 'gro ba'i mtshan nyid rtogs pa'i dus na bdag dang pha rol mi
 'byed pa'i sems thob pas/ sems can rnams mi gtong zhing sdud par byed pa ste/ de'ang sa bcu pa'i sa dang po'i mod las/ 'di ltar de ni bdag gi 'du shes der? bral pas/ bdag la phangs par sems pa yang med na/ yo byad
 thams cad la phangs? par sems pa lta ga la yod de/ de ni su las kyang rim gro bya ba cung zad tsam yang re ba med la gzhan du na bdag nyid kyis sems can de dag la yo byad med po thams cad kyis bsdu bar bya'o snyam du sems so zhes
 bya ba la sogs pa rgya cher gsungs pa lta bu'o/ /bdag po byed pas sems can yongs su sdud pa ni gang gi phyir/ byang chub sems dpa' rgyal po 'am/ blon po 'am/ rje po 'am dpon po la sogs pa dbang dang ldan par gyur nas/ mthu
 dang dbang gis sems can mi dge ba las zlog cing dge ba la 'jog par byed pa ste/ de'ang dper na sa bcu ba'i sa dang po las de dag gnas pa'i byang chub sems dpa' sems dpa' chen po ni phal cher 'dzam+bu'i gling du rgyal por gyur te/
 srid chen po la dbang bsgyur ba rab tu thob cing chos kyis yongs su bskyang pa dang/ sems can rnams sbyin pa chen pos yongs su bsdus pa la/ mkhas shing mthu yod pa yin/ sems can rnams kyis 'jungs pa'i dri ma bzlog pa la mkhas
 pa yin zhes bya ba la sogs pa rgya cher gsungs so/ /sa gnyis pa las kyang/ de la gnas pa'i byang chub sems dpa' ni phal cher 'khor los sgyur pa'i rgyal por gling bzhi pa la dbang bar 'gyur te/ chos kyis dbang sgyur ba rab tu 'thob cing
 rin po che sna bdun dang ldan pa/ sems can thams cad kyi ser sna'i skyon dang/ tshul khrims ngan pa'i dri ma bzlog pa la mkhas shing mthu yod pa dang sems can rnams dge ba bcu'i las kyi lam la/ rab tu dgong bar bya bar shin tu
 mkhas pa dang zhes bya ba la sogs pa rgya cher gsungs te/ sa gsum pa la sogs pa la yang/ rgyal po dang jo bor gyur nas sems can gyi don byed pa mdo las 'byung ba bzhin du sbyar ro/ /tshogs rnam par drang bar bya ba'i phyir sems
 can sdud pa ni mkhan po dang slob dpon du gyur nas/ sems can rnams slob mar byas te/ sems can rnams mi dge ba'i gnas nas bzlog cing dge ba'i gnas su 'god par byed do/ /skye ba rnam par dbye ba'i tshigs su bcad pa zhes bya
 ba la/ de ltar sems can bsdu ba la zhugs pa'i byang chub sems dpa' ni nyan thos bzhin mya ngan las 'das pa'i phyogs 'ba' zhig la gnas pas sems can sdud par mi nus kyi 'khor bar skyes nas gdod sems can
 rdzud? par? nus te/ de bas na yongs su bsdu ba rnam bar dbye ba'i 'og tu skye ba rnam par dbye ba'i tshigs su bcad pa gcig gis bshad do/ /de la byang chub sems dpa' i skye bar mdor bsdus na rnam pa bzhi ste/ las kyi dbang gis skye ba dang/ smon lam gyi
 dbang gis skye ba dang/ ting nge 'dzin gyi dbang? gis skye ba dang/ 'byor pa'i dbang gis skye ba'o/ /las rnams kyi ni dbang dag dang zhes bya ba la/ 'dis las kyi dbang gis skye ba bstan te skye ba dang po la sogs ba zhugs pa mos pas spyod pa'i
 sa la gnas pa'i byang chub sems dpa' rnams ni las kyi dbang gis skyes te de dag sems la dbang ma thob pas gang du bsams shing smon lam btab pa der gdon mi za bar 'gyur bar res pa med de/ bsod nams kyi tshogs kyi las byas pas
 bdag dang gzhan la phan par 'gyur ba'i gnas de dang de dag du skye'o/ /de ltar skye ba de sdig pa mi dge ba'i las kyis skye ba ni ma yin par bzhag go /gzhan yang smon lam dag gis te zhes bya ba la/ gzhan gyi sgra ni sa la zhugs ba'i byang
 chub sems dpa' rnams la bya ste/ sa dang po dang gnyis pa la zhugs pa'i byang chub sems dpa' rnams ni/ sems can yongs su smin par bya ba'i phyir lha dang mi dang byol song dang yi dags dang sems can dmyal ba la sogs pa'i gnas de dang
 de dag tu skye bar gyur cig ces smon lam btab nas/ smon lam gyi dbang gis skye ba len te/ lo nyes chen po byung ba'i dus na sems can rnams kyi bkris pa dang/ sgom pa la sogs pa'i sdug bsngal med par bya ba'i phyir smon lam
 btab ste/ nya dang glang po che la sogs pa'i lus blangs nas/ rang gi shas sems can la tshim par byas ba dang/ nad kyi bskal pa bar ma byung nas nad rnam pa sna tshogs kyis sems can sdug bsngal bar gyur pa na/ smon lam gyi dbang gis rig
 'dzin sngags grub pa dang/ sman pa chen po'i las su bsgyur nas/ sems can rnams kyi nad rnam pa sna tshogs zhi bar byed pa ste/ rgyas par de bzhin gshegs pa'i gsang ba bstan pa'i mdo las/ sku'i gsang ba bstan pa'i skabs su ji skad
 'byung ba bzhin du sbyor ro/ /ting nge 'dzin dang zhes bya ba la/ sa gsum pa yan chad sa bdun pa man chad kyi byang chub sems dpa' ni sems can gyi don du ting nge 'dzin gyi dbang gis skye ste/ ting nge 'dzin dang bsam gtan bsgrubs bas ni gzugs kyi
 khams su skye zhing 'bras bu len pa yin pa las de las bzlog nas 'dod pa'i khams su skyes te/ sems can rnams yongs su smin par byed pa'o/ /brtan pa rnams ni skye ba 'dod/ /sa brgyad pa dang dgu pa dang bcu pa la sogs pa nas sa bcu pa'i 'byor
 pa thob pa nas/ sems can yongs su smin bar bya ba'i phyir/ sprul pa'i sku dga' ldan gyi pho brang na gnas pa dang/ de na 'chi 'pho bstan te/ yum gyi lhums su gshegs pa dang/ lhums nas 'byung ba la sogs pa ston pa ste/ dbang bcu'i 'byor
 pa thob pa yang sa bcu pa'i sa brgyad ba las des lus kyi ye shes mngon par bsgrub pa de lta bu rab tu thob pas/ bskal pa brjod du med pa'i yang brjod du med par tshe byin gyis brlabs pa'i phyir tshe'i dbang rab tu 'thob bo/ ting nge 'dzin shin tu rtogs
 ba'i ye shes la 'jug bar bya ba'i phyir/ sems kyi dbang rab tu 'thob bo/ /'jig rten gyi khams thams cad rgyan du mas rab tu brgyan cing shin tu klubs pa'i byin gyis brlabs yang dag par bstan pa'i phyir yo byad dbang rab tu 'thob
 bo/ /las kyi rnam pa smin pa'i byin gyis brlabs dus bzhin du mngon par bstan pa'i phyir/ las kyi dbang rab tu thob bo/ /'jig rten gyi khams thams cad skye ba yongs su bstan pa'i phyir skye ba'i dbang rab tu
 'thob bo/ /sangs rgyas kyi zhing dang dus gang du ji dga' bar mngon par 'tshang rgya bas yang dag par bstan pa'i phyir smon lam gyi dbang rab tu 'thob bo/ /'jig rten gyi khams thams cad sangs rgyas kyis rab tu gang ba yang dag par
 bstan pa'i phyir mos pa'i dbang rab tu 'thob bo/ /sangs rgyas kyi zhing thams cad du dzu 'phrul dang rnam par 'phrul pa yang dag par bstan pa'i phyir/ rdzu 'phrul gyi dbang rab tu 'thob bo/ /de bzhin gshegs pa'i stobs dang mi 'jigs pa
 dang/ sangs rgyas kyi chos ma 'dres pa dang/ mtshan dang dpe byad bzang po dang mngon par 'tshang rgya bar yang dag par bstan pa'i phyir ye shes kyi dbang rab tu 'thob bo/ /mdza' dang dbus med pa'i chos kyi snang ba yang dag par bstan pa'i phyir/
 chos kyi dbang rab tu 'thob bo zhes gsungs so/ /de ltar na brtan pa byang chub sems dpa' mos pa spyod pa'i sa la gnas pa rnams ni smon lam gyi dbang gis skye ba cang? yod mod kyi/ phal cher las kyi dbang gis skye'o/ /sa dang po dang gnyis pa la
 zhugs pa'i byang chub sems dpa' rnams ting nge 'dzin gyi dbang gis skye ba yang yod mod kyi phal cher smon lam gyi dbang gis skye'o/ /sa gsum pa yan chad bdun pa man chad ni phal cher ting 'dzin gyi dbang gis skye'o/ /sa brgyad pa dang
 dgu ba dang bcu ba la ni dbang bcu thob pa 'byor pa'i dbang du skye'o/ /gang bsam gtan rnams las bzlog nas zhes bya ba la/ bsam gtan las bzlog pa'i don ji lta bu/ ci bsam gtan yongs su btang ba la bsam gtan las
 bzlog ba zhes bya ba 'am zhe na/ lan du bsam gtan las bzlog ba'i don ni bsam gtan yongs su btang ba la mi bya'i/ bsam gtan gyi 'bras bu gzugs kyi khams su skye bar 'gyur ba las 'bras bu de bzlog nas sems can
 gyi don du 'dod pa'i khams su skye bar byed ba'o/ /gnas pa'i sa rnam par dbye ba'i tshigs su bcad pa zhes bya ba la/ de ltar 'phags pa byang chub sems dpa' rnams kyi skye ba rnam pa bzhir bshad pa yang 'gro ba dang skye gnas tha dang
 pa dang/ skyes pa rabs kyi sde'i bye brag gis skye ba mdza' yas bas te/ skye ba de dag gi tshe na byang chub sems dpa' rnams sems dag pa chung ngu dang 'bring dang/ chen po la sogs pa'i rnam pas sems dag pas bye brag mang du
 'byung ste/ de bas na skye ba'i rjes la sems rnam par dag pa dbye ba dus gnas pa'i sa ste sa bcu rnam par dbye ba bstan to/ /de la gnas pa nyid sa yin pas gnas pa'i sa zhes bya ste/ dper na sa'i steng na sems can dang sems can
 ma yin pa sna tshogs skye zhing gnas pa de bzhin du sems dag pa rab 'bring gi bye brag las kyang 'jig rten dang 'jig rten las 'das pa'i yon tan thams cad skye zhing 'byung bas na/ sems dag ba'i khyad par nyid las bcu zhes bya
 bar zad do/ /sa bcu'i rnam par dbye ba yang mdor bstan pa dang rgyas par bshad ba'i sgo rnam pa gnyis kyis bshad do/ /de la mdor bstan pa'i phyir/ mtshan nyid gang zag bslab pa dang/ /phung po grub bo mtshan ma dang/ /nges pa'i tshig dang
 'thob pa'i phyir/ /gnas pa'i sa ni de nyid do zhes bya ba smos te/ gnas ba'i sa ste sa bcu rnams ni don rnam pa brgyad kyis bshad de/ brgyad gang zhe na mtshan nyid dang/ gang zag dang/ bslab pa dang/ phung po dang/ grub pa dang/ mtshan ma
 dang/ des pa'i tshig dang/ 'thob pa ste/ don rnam pa brgyad po de nyid kyis sa bcu bstan cing bshad pa yin no zhes bya ba'i don to/ /mtshan nyid rnam par dbye ba las brtsams te tshigs su bcad pa lnga'o zhes
 bya ba la/ nga 'di man chad zhib tu 'chad de/ dper na sa'i mtshan nyid sra ba dang/ chu'i mtshan nyid bsher ba yin pa de bzhin du sa dang po'i mtshan nyid bstan pa nas/ sa bcu pa'i mtshan nyid gang yin pa bye ste bstan pa'i phyir tshigs su
 bcad pa lnga brtsom mo zhs bya ba'i don to/ /stong ba nyid mchog rtogs ba dang zhes bya ba la/ de las dang bo'i mtshan nyid ni stong pa nyid mchog rtogs ba'i mtshan nyid de/ stong pa nyid mchog ni gang zag dang chos la bdag med ba'o/ /bdag med
 ba de nyid gnyis sa dang po thob ba'i dus na rtogs bas nas dang po ni stong ba nyid du bzhag go /de bas na sa dang po las kyang bsam pa dang/ lhag pa'i bsam pa rab tu brtan pa zhes gsungs pa dang/ sems kyi stobs dang blo'i stobs kyis
 shin tu rnam par phye ba rnam par 'byed ba zhes gsungs pa dang dus gsum mnyam pa nyid du rtogs ba yin zhes gsungs te/ de'i don kyang gang zag la bdag med par rtogs bas bsam ba rab tu brtan pa zhes bya'o/ /chos la bdag med par rtogs pas
 lhag ba'i bsam ba rab tu rtogs pa zhes bya'o/ /yang gang zag la bdag med bar rtogs ba'i shes pa dang ldan pas sems kyi stobs kyis shin tu rnam bar 'byed ba zhes bya'o/ /chos la bdag med bar rtogs ba'i shes rab dang ldan pas blo'i
 stobs kyis shin tu rnam par phye ba rnam par 'byed pa zhes bya'o/ /dus gsum gyi dngos bo thams cad stong pa nyid du ro gcig ba'i mtshan nyid du rtogs bas dus gsum mnyam pa nyid du rtogs pa zhes bya'o/ /las rnams chud mi za bar gnas
 zhes bya ba las gnyis pa'i mtshan nyid ni las rnams chud mi za bar gnas pa'i mtshan nyid du bzhag ste/ ji ltar zhe nas gnyis ba'i tshe las dge ba dang mi dge ba dang las de'i 'bras bu bde ba dang sdug bsngal ba la sogs pa las kyi
 rnam bar smin pa yod par gzigs nas/ dus thams cad du dge ba bcu'i las kyi lam 'ba' zhig la gnas kyi mi dge ba'i las kyi lam ni rmi lam na yang nye bar mi sbyod do/ /de bas nas gnyis pa ni las rnams kyis
 chud mi za ba'i mtshan nyid du bzhag go/ /de bas nas gnyis pa la yang srog gcod pa las phyir ldog pa yin te/ dbyig pa spangs mtshon cha spangs zhes bya ba nas/ dkun tu rtog pa tsam gyis kyang/ sems can gzhan la 'tshe ba mi byed na/
 sems can gzhan dag la sems can du 'du shes shing ched du bsams shing lus kyi rnam pa 'tsho? ba chen po bya ba lta ci smos zhes bya ba la sogs pa dang/ yang de ltar sems mngon par sgrub ste/ sems can rnams kyi ngan song dang/
 ngan 'gro dang rnam par ltung ba yod pa gang yang rung ste/ de dag thams cad mi dge ba bcu'i las kyi lam rnams yang dag par blangs ba'i rgyu las byung gis bdag gis ni 'di ltar bdag nyid yang dag par sgrub pa la gnas te/ gzhan
 yang yang dag bar sgrub pa la dgod par bya'o zhes bya ba la sogs pa rgya cher gsungs so/ /mchog tu bde ba'i bsam gtan la/ /bsgrubs nas de dag 'dod par skye zhes bya ba la/ sa gsum pa'i mtshan nyid ni byang chub sems dpa' i mchog
 tu bde ba'i bsam gtan bsgrubs nas/ bsam gtan de las kyang ma nyams par bya ste/ sems can gyi don du 'dod ba'i skye ba'i mtshan nyid rnam bar bzhag go /de la mchog tu bde ba'i bsam gtan ni gzugs kyi khams
 kyi bsam gtan dang po dang gnyis pa dang gsum pa dang bzhi pa dag dang zag pa med pa'i mtshan nyid la bya'o/ /bsgrubs nas zhes bya ba ni de mngon sum du byas shing de thob par byas pa'o/ /mnyam
 ba ni bsam gtan de dag med par ma gyur pa'o/ /slar 'dod pa'i khams su skye ba ni sems can gyi don du 'dod pa'i khams kyi lus len pa'o/ /de bas na sa gsum pa las kyang nges de bzhin gshegs pa'i ye shes de ltar chad pa
 med pa yang dag par rjes su mthong ste/ 'du byed du gyur pa de ltar gnod pa mang po dang ldan pa yongs su rtog pa na/ sems can rnams la de bas kyang shas cher sems kyi bsam pa bcu nye bar bzhag ste/ bcu gang zhe na/ 'di
 lta ste mdon med pa dang rten med pa'i sems can gyi bsam pa dang zhes bya ba nas/ chos de dag thos nas kyang rang gi sems la nges par rtogs nas gcig pu dben par song ste/ de ltar spyod do/ /chos kyi rjes su mthun pa'i chos
 bsgrubs pas/ sangs rgyas kyi chos 'di dag khong du chud par bya ba'i tshig gi las yongs su dag pa 'ba' zhig gis ni ma yin no snyam ste/ de chos kyi rjes su mthun pa'i chos bsgrub pa'i rgyur 'dod pa rnams la dben pa sdig pa mi dge ba'i
 chos rnams las dben pa rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po rdzogs par byas te gnas so zhes bya ba nas/ bsam gtan dang rnam par thar pa dang ting nge 'dzin
 dang snyoms par 'jug pa dang/ rnam par ldang ba gang du byang chub kyi yan lag yongs su rdzogs par 'gyur ba mthong ba de ched du bsams te/ smon lam btab pa'i dbang gis skye ba ma gtogs par de dag las kyi dbang gis mi skye'o/ /zhes
 bya ba gsungs so/ /de nas byang chub phyogs rnams ni/ /'khor bar yongs su bsngo ba dang zhes bya ba la/ de nas zhes bya ba ni de'i 'og tu zhes bya ba'i don to/ /sa gsum pa bsgrubs pa'i 'og tus bzhi pa'i mtshan nyid ni shes rab kyi byang chub
 phyogs rnams mngon du byas la/ snying rje chen po'i mtshan nyid kyis sems can gyi don du 'khor bar yongs su bsngo ba'i mtshan nyid du bzhag go /brgal ba/ byang chub kyi phyogs ni 'khor ba las 'byung bar byed ba'i rgyu yin na/ de'i 'khor
 bar yongs su bsngo zhing 'khor ba'i rgyur ji ltar 'gyur zhe na/ lan du dper na thabs kyis ma zin pa'i dug ni 'chi ba'i rgyur 'gyur la/ thabs kyis zin pa'i dug ni sman du 'gyur ba de bzhin du thabs kyi mtshan nyid snying rje chen pos yongs su
 ma zin pa'i byang chub kyi phyogs bsgom pa ni/ 'khor ba las 'byung ba'i rgyur 'gyur la/ snying rje chen po'i thabs kyis zin pa'i byang chub kyi ni slar 'khor bar skye ba'i rgyur 'gyur te/ 'di ltar byang chub sems dpa' snying rje can 'khor ba la rgyab kyis
 lta ba de byang chub kyi phyogs bsgom pa yang snying rje'i dbang gis sems can gyi don bsgom pas/ byang chub kyi phyogs de dag 'khor ba la rgyab kyis lta bar mi byed kyi 'khor ba la mngon du lta ba'i rgyur 'gyur bas 'khor bas yongs su bsngos pa zhes
 bshad do/ /de bas na sa bzhi pa las kyang kye rgyal ba'i sras dag byang chub sems dpa' i sa 'od 'phro ba can 'di la gnas pa'i byang chub sems dpa' de ni kun tu sbyor ba dang ldan zhing shes bzhin can dran pa dang ldan par gyur nas/ 'jig rten gyi chags
 sems dang yid mi bde ba rnam par spangs te/ nang gi lus la lus kyi rjes su lta ba can gnas so zhes bya ba nas yang da pa'i ting nge 'dzin dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par byang bas yongs
 su bsgrubs pa sgom mo/ /de dag kyang sems can thams cad la lta ba dang bcas pas sngon smon lam mngon par bsgrub pas nye bar brtan pa/ snying rje chen po sngon du 'gro ba byams pa chen po dang ldan pa
 zhes bya ba la sogs pa gsungs so/ /sems la nyon mongs med pa yang/ sems can yongs su smin par byed ces bya ba la/ sa lnga pa'i mtshan nyid ni byang chub sems dpa' sems la nyon mongs pa med par sems can yongs su smin par byed
 pa'i mtshan nyid du rnam par bzhag ste/ sems la nyon mongs pa med pa ni sa de la 'phags pa'i bden pa bzhi bsgom zhing gnas pa mang pos nyon mongs pa'i gnyen po dang ldan pa'i phyir 'dod chags la sogs pa'i nyon mongs
 pas sems la mi gos pa'i phyir sems la nyon mongs med do/ /gtsug lag dang bzo'i las rnam pa sna tshogs la mkhas te/ de bas na mkhas pa des theg pa gsum gyi rigs can gyi sems can yongs su smin par yang bzhag go /de bas
 nas lnga pa las kyang de dran pa dang blo gros dang/ rtogs pa'i blo'i stobs bskyed pas yid la bya ba'i phyir mi ldog par gyur nas/ des 'di ni sdug bsngal gyi bden pa'o zhes yang dag pa ji lta ba bzhin rab tu shes so/ /'di ni sdug bsngal
 kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gyur ba'i lam 'phags pa'i bden pa'o zhes yang dag pa ji lta ba bzhin du shes so zhes bya ba la sogs pa gsungs pa dang/ khyad par can gyi chos
 yongs su btsal ba la/ mngon par brtson pas de gang 'di yi 'jig rten na yi ge dang gtsug lag dang rtsis dang khrims thabs la sogs pa yod pa de dag mngon par bsgrub bo/ /'byung khung gi dpyad dang/ gso ba'i dpyad dang/ skem
 pa dang brjed byed dang 'byung po'i gdon bsal ba dang/ dug dang ro langs kyi sbyor ba bsal ba dang/ sngags dang gang dang gtam dang rol mo dang sgrung gtam gyis rab tu dga' bar bya ba zhes bya ba nas/ sems can thams cad la phan pa dang
 bde ba yod par gyur ba de dag snying rje dang ldan pas mthar gyis sangs rgyas kyi chos la rab tu dgod pa'i phyir mngon par sgrub pa'o zhes gsungs so/ /bsams bzhin du ni skye ba dang/ /kun nas nyon mongs rjes su srung zhes bya ba la/ byang chub sems
 dpa' i sa drug pa'i mtshan nyid ni bsams bzhin du srid par skye ba na kun nas nyon mongs pa'i chos rjes su srung ba'i mtshan nyid du bzhag ste/ sa drug pa la gnas pa'i byang chub sems dpa' rnams sems can gyi don du khams gsum du skye ba nas las
 dang nyon mongs pa'i dbang gis rang dbang med par skye ba ni ma yin gyi/ bsod nams dang ye shes kyi tshogs chen pos zin pas/ dran pa dang shes bzhin ma nyams par gang nas gang du skye ba de dang der 'di dang 'dir skye bar bya'o zhes shes bzhin du skye bas
 na/ bsams bzhin du skye ba na yang rten cing 'brel te 'byung ba bsgom pa na mang du gnas pas nyon mongs pas mi gos pa'i phyir kun nas nyon mongs pa rjes su srung ba zhes bya'o/ /de bas nas drug pa las kyang/ de chos thams cad la rang gzhin de ltar
 rtog pa'i tshe/ de bas kyang snying rje chen po sngon du 'gro ba dang/ snying rje chen po'i dbang sgyur ba dang/ snying rje chen po yongs su rdzogs par bya ba'i phyir 'jig rten 'byung ba dang 'jig pa la rnam par lta'o/ /'jig rten 'byung ba dang 'jig pa la lta
 ba'i tshe 'di snyam ste/ 'jig rten gyi tha skye ba ji snyed yod pa de dag thams cad bdag tu mngon bar zhen pa las 'byung ste/ bdag tu mngon par zhen pa dang bral na 'byung ba gang yang med par 'gyur ro/ /byis pa'i blo can bdag tu mngon par zhen pa mi
 shes pa'i rab rib kyis bsgribs pa yod pa dang med pa la mngon par mos pa/ tshul bzhin ma yin pa yid la byed pa las byung ba/ yang dag pa ma yin par rab tu zhugs pa/ log pa'i rjes su 'brang pa
 de dag ni bsod nams dang bsod nams ma yin pa dang mi g.yo ba'i 'du byed nye bar sogs te zhes bya ba nas/ 'du ba dang rgyu rkyen ldan pa 'di dag rgyun gcad par bya'o/ /sems can yongs su smin par bya ba'i phyir 'du byed rnams
 shin tu zhi ba yang mngon du mi bya'o zhes bya ba'i bar du gsungs so/ /mtshan ma med pa phyogs gcig lam/ bgrod ba gcig pa'i lam dang 'brel zhes bya ba la/ byang chub sems dpa' rnams kyis bdun pa'i mtshan nyid ni bgrod
 pa gcig pa'i lam dang 'brel cing mtshan ma med pa la phyogs gcig gi lam gyi mtshan nyid du bzhag go /de la bgrod pa gcig ba'i ni sa brgyad pa la bya ste/ sa brgyad ba'i dus na bar 'ga' brtsal 'bar dang bcas par bar 'gal
 brtsal 'bad med bar gnas ba ma yin gyi rnam par mi rtog ba'i ting nge 'dzin la lhun gyis grub pa 'ba' zhig tu gnas pas na/ bgrod pa gcig pa'i lam zhes bya ste/ sa bdun pa ni sa brgyad pa lta bur gnas te/ sa bdun pa'i
 rjes las brgyad pa thob pas na/ sa bdun ba de bgrod pa gcig pa'i lam dang 'brel pa zhes bya'o/ /sa bdun pa'i dus na mdo la sogs pa'i chos mang po la mtshan ma tha dad par mi byed de/ mdo sde thams cad kyi don kyang mtshan nyid
 gcig pa yin pa kho nar rtag tu dmigs pas nas bdun pa ni mtshan ma med pa'i phyogs gcig pa'i lam zhes bya'o/ /de la bgrod pa gcig pa'i lam dang 'brel pa'i don kyang sa bdun pa nyid las/ kye rgyal ba'i sras 'di lta ste/ dper
 na kun nas nyon mongs shing rnam par dag pa'i 'jig rten gyi khams dang/ shin tu dag pa'i 'jig rten gyi khams gnyis kyi 'jig rten gyi khams gnyis kyi bar ni smon lam dang thabs dang shes rab dang mngon par shes pa'i stobs dang/
 shugs chen po ma gtogs par 'dod 'dod brgal bar mi nus so/ /kye rgyal ba'i sras de bzhin du byang chub sems dpa' i spyod pa 'dres pa dang yongs su dag ba'i bar yang/ smon lam dang/ thabs dang/ shes rab dang/ mngon par shes pa
 dang/ ye shes kyi stobs dang/ shugs chen po ma gtogs par 'dod 'dod brgal bar mi nus so zhes gsungs so/ /mtshan ma med pa la phyogs gcig pa'i don kyang sa bdun pa nyid las/ de ltar sa bdun ba la gnas pa'i tshe/ lus
 kyi las tshad ma med pa mtshan ma dang bral bar rab tu 'byung ngo/ /ngag gi las tshad med pa/ /mtshan ma dang bral ba rab tu 'byung ngo/ /yid kyi las chad med pa mtshan ma dang bral ba shin tu rnam par sbyangs pa/ mi skye ba'i chos kyi bzod
 pas spang bar gyur pa tshad med pa rab tu 'byung ngo zhes gsungs so/ /mtshan med lhun gyis grub pa na/ /zhing yang rnam par sbyong ba ste zhes bya ba la/ byang chub sems dpa' i sa brgyad pa'i mtshan nyid ni mtshan ma med pa la yang lhun gyis grub
 ste mngon par 'du bya ba med par mtshan ma med pa la gnas pa dang/ sangs rgyas kyi zhing yongs su sbyong ba'i mtshan nyid du rnam par bzhag go /de las brgyad pa'i dus na rnam par mi rtog pa'i ting nge 'dzin lhun gyis grub pa la gnas te/ rnam par mi
 rtog pa'i ting nge 'dzin la gnas pa'i tshe/ brtsal 'bad kyi bag cung zad kyang mi 'byung bas na/ mtshan ma med pa la lhun gyis grub cing mngon par 'du bya ba med par mtshan ma med pa la gnas pa zhes bya'o/ /sangs rgyas zhing gser dang shel la
 sogs pa'i kha dog lta bur snang bar spyod bas na/ sangs rgyas kyi zhing yang yongs su sbyong ba zhes bya'o/ /de bas na sa brgyad pa nyid las kyang mtshan ma med pa lhun gyis grub pa'i don kyang/ kye rgyal ba'i
 sras dag de lta bu'i bzod pa dang ldan pa'i byang chub sems dpa' ni byang chub sems dpa' i sa mi g.yo ba thob ma thag tu byang chub sems dpa' i gnas zab mo shes par dka' ba ma 'dres pa mtshan ma thams cad dang bral ba/ 'du shes
 kyi 'dzin pa thams cad las phyir log pa tshad med pa/ nyan thos dang rang sangs rgyas thams cad kyis mi 'phrogs pa dben pa/ dben pa thams cad mngon du gyur pa thob pa yin te/ /kye rgyal ba'i bras dag 'di lta ste dper na/ dge slong
 rdzu 'phrul dang ldan pa/ sems can thams cad la dbang thob pa/ mthar gyis 'gog pa'i bar du mnyam par bzhag pa ni rgyu ba dang sems pa dang/ g.yo ba'i rnam par rtog pa dang/ 'du shes thams cad dang bral ba yin no/ /kye rgyal
 ba'i sras dag de bzhin du byang chub sems dpa' yang/ byang chub sems dpa' i sa brgyad pa 'di thob ma thag tu ched du bya ba thams cad dang bral te/ lhun gyis grub pa'i chos nyid thob cing lus dang ngag dang sems kyi rtsol ba thams
 cad dang bral te/ rnam par smin pa'i chos nyid la gnas pa yin/ kye rgyal ba'i sras dag 'di lta ste/ mi la la zhig gnyid kyis log pa'i rmi lam du/ bdag chu klung chen pos khyer ba snyam byed la/ de de nas ci phyir du 'bad cing
 rtsol ba chen po rtsoms pa las/ de 'bang cing rtsol ba chen po de nyid kyis sad par gyur na/ de sad ma thag tu 'bad cing rtsol ba thams cad dang bral bar 'gyur ro/ /kye rgyal ba'i sras dag de bzhin du byang chub sems dpa' yang nyon
 mongs pa'i chu klung chen po bzhir sems can mang po dang bar sems nas/ 'bad cing rtsol ba yongs su rtsom mo/ /de brtson 'grus chen po dang ldan pas byang chub sems dpa' i sa mi g.yo ba thob ma thag tu ched du bya ba thams cad dang bral ba yin
 te/ de gnyis po rgyu ba 'am mtshan ma'i rgyu ba dag kyang thams cad kyis thams cad du mi snang par 'gyur ro zhes gsungs so/ /sangs rgyas kyi zhing yongs su spyod pa'i don kyang/ sa brgyad pa nyid las skye ba mngon par bsgrub pa tshad med pa dang zhing yongs su
 sbyang ba tshad med pa dang/ sems can yongs su smin par bya ba chad med pa dang zhes bya ba la sogs pa gsungs so/ /sems can smin par 'grub pa yang/ de dag phan chad skye bar 'gyur zhes bya ba la/ de dag phan chad ces bya ba ni sa brgyad pa
 phan cad ces bya ba'i don te/ sa brgyad pa phan chad/ sa rgyad pa 'das nas sa dgu pa'i mtshan nyid ni sems can yongs su smin pa 'grub pa'i mtshan nyid du bzhag ste/ ci'i phyir zhe na/ sa dgu pa thob pa na chos dang don dang nges pa'i tshig dang
 spobs pa so so yang dag par rig pa bzhi thob pas/ chos bshad pa la thogs pa med pa'i phyir sems can yongs su smin par byed pa'i mthu dang ldan pa yin no/ /de bas na sa dgu pa nyid las kyang byang chub sems dpa' i sa legs pa'i blo
 gros can 'di la gnas pa'i byang chub sems dpa' 'di ni chos smra ba chen po byed cing de bzhin gshegs pa'i chos kyi mdzad srung ngo/ /de chos smra ba'i tshul dang ldan pas ye shes la mkhas pa tshad med pa dang ldan pa'i phyir/ byang chub
 sems dpa' i tshig so so yang dag par rig pa bzhis mngon par bsgrubs pas chos ston te/ de chos so so yang dag par rig pas chos rnams kyi rang gi mtshan nyid rab tu shes so/ /don so so yang dag par gi bas chos rnams kyi rnam par dbye
 ba rab tu shes so/ /nges pa'i tshig so so yang dag par rig pas chos rnams ma 'dres par bstan pa rab tu shes so/ /spobs pa so so yang dag par rig pas chos rnams kyi mthun pa'i rgyun mi 'chad pa
 rab tu shes so zhes bya ba la sogs pa rgya cher gsungs so/ /ting nge 'dzin dang gzungs dang zhes bya ba la/ byang chub sems dpa' i sa bcu pa'i mtshan nyid ni ting nge 'dzin gyi sgo rnams dang/ gzungs kyi sgo rnams rnam par dag pa'i mtshan
 nyid du bzhag go /de la ting nge 'dzin byang chub sems dpa' i ting nge 'dzin dri ma med pa zhes bya ba dang/ theg pa chen po snang ba zhes bya ba la sogs pa ste/ ting nge 'dzin de dag kyang mngon par shes pa la sogs pa yon tan mang po
 'byung ba'i rgyur gyur pas na sgo zhes bya'o/ /gzungs ni mi zad pa za ma tog dang/ sgo mdza' yas kyi gzungs zhes bya ba la sogs pa ste/ gzungs de dag kyang de bzhin gshegs pa rnams kyi chos bshad pa'i don dang tshig mi brjed par
 'dzin pa'i rgyur gyur pa dang/ sems can la chos rnam pa sna tshogs ston pa'i rgyur gyur bas na sgo zhes bya ste/ sa dang po'i dus na ting nge 'dzin dag pa dang gzungs dag pa thob pa'i mtshan nyid du bzhag go /de la ting nge 'dzin dag pa thob pa
 yang/ sa bcu pa nyid las/ kye rgyal ba'i sras dag byang chub sems dpa' ye shes de lta bu dang ldan zhing dbang bskur ba thob pa de la/ byang chub sems dpa' i ting nge 'dzin dri ma med pa zhes bya ba mngon sum du 'gyur ro zhes bya ba nas/ byang
 chub sems dpa' i ting nge 'dzin da ltar byung ba'i sangs rgyas mngon sum du bzhugs pa zhes bya ba mngon du 'gyur te zhes bya ba la sogs pa gsungs so/ /gzungs kyi sgo dag pa thob pa yang sa bcu pa nyid las/ sa bcu pa 'di la gnas pa'i byang
 chub sems dpa' byang chub sems dpa' i rnam par thar pa'i sgo de dag la sogs pa rnam par thar pa'i sgo brgya stong grangs med pa dpag tu med pa rab tu 'thob bo/ /de bzhin du ting nge 'dzin brgya stong dang/ gzungs brgya stong 'thob po zhes
 gsungs so/ /byang chub nyid kyang rnam par dag ces bya ba la/ sa bcu gcig pa ste sangs rgyas kyi sa la ni byang chub rnam par dag pa'i mtshan nyid du rnam par bzhag go/ de la zad pa dang mi skye ba'i ye shes la byang chub ces bya ste/ sangs rgyas
 kyi sa'i dus na nyon mongs pa dang shes bya'i sgrib pa bag la nyal phra mo tshun chad kyang dag pa'i mtshan nyid du rnam par bzhag go /de bas na 'phags pa dgongs pa nges par 'grel pa'i mdo las kyang/ 'phags pa spyan ras gzigs dbang pos
 zhus pa/ bcom ldan 'das gnas ngan len rab tu spangs pa/ dus bag la nyal ba 'di dag rab tu phye/ spyan ras gzigs kyi dbang po rnam pa gnyis kyi ste/ shun pa la yod pa'i gnas ngan len spangs nas dbang po gnyis pa'o/ /sri la
 yod pas ni gsum pa yan chad do/ /snying po la yod pa'i gnas ngan len rab tu spangs pa de ni bag la nyal thams cad kyi thams cad du med pa'i gnas te/ ngas sangs rgyas kyi sar bshad do zhes gsungs so/ /rnam par bzhag pa de dag
 las/ /sa'i mtshan nyid shes par bya zhes bya ba la/ gong du sa dang po ni stong pa nyid mchog rtogs pa'i mtshan nyid du rnam par bzhag pa nas/ sangs rgyas kyi sa ni byang chub nyid rnam par dag pa'i mtshan nyid du rnam par bzhag pa ste/ rnam par
 bzhag pa de dag las/ sa bcu'i mtshan nyid de 'dra bar shes par bya'o zhes bya ba'i don to/ /las rnams chung mi za bar bzhag ste zhes bya ba la sa gnyis pa'i tshe las dge ba dang mi dge ba dang/ de'i 'bras bu bde ba dang sdug bsngal ba la
 sogs pa ji ltar smin cing skye ba yang thugs su chud la/ de ltar thugs su chud pas dge ba bcu'i las kyi lam 'ba' zhig na gnas kyi/ mi dge ba bcu'i las cung zad kyang mi mdzad pas na las rnams
 chud mi bra? bar bzhag go /yongs su mi 'bri bar zhes bya ba la gzugs kyi bsam gtan thob pa las/ ma nyams par byas nas bsam gtan thob pa'i 'bras bu gzugs kyi khams su skye bar mi byed kyi sems can gyi don du slar 'dod
 pa'i khams su skye ba'o/ /byang chub kyi phyogs rnams 'khor bar yongs su bsngo ba'o/ zhes bya ba la/ snying rje chen pos zin pa'i byang chub kyi phyogs bsgom pa ni 'khor ba las 'byung ba'i rgyur gyur gyi/ snying rje chen pos yongs su
 zin pa'i byang chub kyi phyogs bsgom pa ni mya ngan las 'das pa 'ba' zhig gi rgyur 'gyur bar ma zad kyi 'khor bar skye ba'i rgyur yang 'gyur bas na 'khor bar yongs su bsngo ba zhes bya'o/ /bdag nyid kyi sems kun nas nyon mongs pa med pa
 zhes bya ba la/ 'phags pa'i bden pa bzhi bsam pa ni nyon mongs pa'i gnyen po yin te/ sa lnga pa'i dus na yang 'phags pa'i bden ba bzhi bsgom pa la mang du gnas pas na sems can gyi don du 'khor ba na gnas kyang nyon mongs bas
 gos par mi 'gyur ba'i phyir/ bdag nyid kyi sems kun nas nyon mongs pa med pa zhes bya'o/ /sems can rnams yongs su smin par byed cing zhes bya ba la/ sa lnga pa la gtsug lag dang bzo sna tshogs la mkhas pas/ de'i sgo nas sems
 can drangs te/ theg pa gsum la 'god par byed pas sems can yongs su smin par byed pa zhes bya'o/ /de na nyon mongs pa rjes su srung ba'o zhes bya ba la/ sa drug pa'i tshe rten cing 'brel te 'byung ba sgom pa la mang du gnas pas/ rten
 'brel sgom pa ni nyon mongs pa'i gnyen po yin pa'i phyir 'khor ba na sems can gyi don byed kyang sems can nyon mongs pa'i dbang du mi 'gyur bas nyon mongs pa rjes su srung ba zhes bya'o/ /bdun pa la ni 'dres shing nye par 'dre bas/ bgrod
 pa gcig gi lam la gnas pa brgyad pa dang 'brel pa yin te zhes bya ba la/ sa brgyad pa'i dus na rnam par me rtog pa lhun gyis grub pa la gnas bas sa brgyad pa ni bgrod pa gcig pa'i las la gnas pa zhes bya'o/ /de las bdun pa'i byang
 chub sems dpa' rnams mtshan ma med pa la gnas pa/ sa bdun pa la gnas pa'i byang chub sems dpa' rnams dang rang bzhin gcig tu gyur pas na 'dres pa zhes bya'o/ /mngon par 'du byed pa med pa'i lam thob pas sa brgyad pa la gnas
 ba'i byang chub sems dpa' dang nye bar 'gyur te/ sa brgyad pa thob pa'i rgyur gyur bas na/ nye bar 'dres pa zhes bya ste/ de'i phyir sa brgyad pa dang 'brel ba zhes bshad do/ /brgal pa/ sa bdun pa la gnas pa rnams kyis sa brgyad pa ma thob na ji ltar
 nye bar 'dres pa zhes bya bar 'gyur zhe na/ lan du nye bar 'dres pa zhes bya ba'i tshig de ni dngos su thob pa la mi bya'o/ /sa de dang nye bar 'gyur pa la bya ste/ dper na skabs kyi 'gor byin khang pa'i steng na nye ba bzhin dus bdun pa mtshan ma
 med pa la gnas pa de ni mngon par 'du byed pa dang bcas pa thams cad mthar phyin te/ rtsol ba 'bad can gyi sa'i rtse mo la gnas pas mngon par 'du byed pa med pa'i sa brgyad pa dang nye bar 'gyur te/ de ma thag tu sa brgyad pa 'thob pas
 na nye bar 'dres pa zhes bya'o/ /yang na mngon par 'du byed pa dang bcas pa'i lam sa bdun pa nyid thob par gyur pa'i phyir 'dres pa zhes bya ste/ de ma thag tu sa brgyad pa la 'jug pas/ bgrod pa gcig pa'i lam la gnas pa brgyad pa dang
 'brel pa zhes bya'o/ /mtshan ma med pa la phyogs gcig pa'i lam mo zhes bya ba la sa bdun pa'i dus na bar 'ga' mtshan ma med par gnas pa ni ma yin gyi/ rtag tu brtsal 'bad dang bcas
 pa'i sgo nas rnam par mi rtog pa'i ye shes la gnas pas na mtshan ma med pa la phyogs gcig pa'i lam zhes bya'o/ /brgyad pa la mtshan ma med pa la lhun gyis grub ste zhes bya ba la/ sa brgyad pa'i dus na brtsal 'bad thams
 cad dang bral te/ rnam par mi rtog pa'i ting nge 'dzin lhun gyis grub pa la gnas pas na mtshan ma med pa yang lhun gyis grub pa zhes bya'o/ /de ltar na mtshan ma med pa la gnas pa rnam pa gnyis te/ mngon par 'du byed pa dang bcas shing
 brtsal ba dang bcas pas mtshan ma med pa la gnas pa dang mngon par 'du byed pa med cing brtsal ba med par mtshan ma med pa la gnas pa'o/ /de la sa bdun pa'i dus na mtshan ma med pa la gnas su zin kyang mi mthun pa'i phyogs shin
 tu rgyal bar ma gyur pas na brtsal 'bad dang bcas pa'i sgo nas mtshan ma med pa la sgom bas na sa bdun pa ni 'bad pa dang bcas brtsal ba dang bcas pas mtshan ma med pa la gnas pa zhes bya'o/ /sa brgyad pa la ni mtshan ma med pa
 de nyid la bsgom pa dang ming du byas pas brtsal 'bad med par lhun gyis grub pa nyid du rnam par mi rtog pa'i ting nge 'dzin gnas pa'i phyir/ 'bad pa med pa dang bcas pa med par mtshan ma med pa la gnas pa zhes bya'o/ /de
 bas na sa brgyad pa nyid las/ kyi rgyal ba'i sras dag 'di lta ste dper na rgya mtsho chen por 'gro ba'i gru ni rgya mtsho chen por ma phyin gyi bar du ched du bskyod cing 'gro bar bya ba yin te/ rgya mtsho chen po la zhen ma thag tu rlung gi dkyil 'khor gyis
 bsu bas ched du bskyod mi dgos pa ma yin la/ nges rgya mtsho chen po nyin gcig gis ci chod pa de ni sngon ched du bskyod cing 'gro bas lo brgyad yang de ltar tshad med par phyin par mi nus so/ /kye rgyal ba'i sras dag de bzhin du byang chub sems dpa' 
 sems dpa' chen po'i dge ba'i rtsa ba chen po'i tshogs yang dag par bsags pa'i theg pa chen po'i grur zhugs pa yang/ byang chub sems dpa' i spyod pa rgya mtshor byin nas yud tsam gcig tu lhun gyis grub pa'i ye shes kyis thams cad mkyen pa'i
 ye shes ci tsam yang dag par gnon pa de ni sngon ched du bya ba'i las kyis bskal pa brgya stong du yang yang dag par non par mi nus so zhes bya ba gsungs so/ /sa nyid la gang zag rnam par dbye ba las brtsams te tshigs su bcad pa gnyis so
 zhes bya ba la /sa dang po yan chad sa bcu pa man chad la nyid ces bya ste/ sa de dag nas 'di la gnas pa'i gang zag la ming du 'di skad ces bya/ sa 'di la gnas pa'i gang zag la ni ming du 'di skad ces bya/ zhes phye ste bstan pa ni sa nyid la gang
 zag rnam par dbye ba zhes bya ste/ de tshigs su bcad pa gnyis kyis bstan to zhes bya ba'i don to/ /lta ba rnam dag ces bya ba la/ sa dang po la gnas pa'i byang chub sems dpa' la ni ming du lta ba rnam par dag pa'i gang zag ces bya ste/ ci'i phyir zhe na/
 sa dang po thob pa'i dus na gang zag la yod par lta ba dang/ chos la yod par lta ba'i gnyen por gyur pa/ gang zag dang chos la bdag med par chud pa'i ye shes rnam par mi rtog pa'i ye shes rnyed pa'i phyir lta ba rnam par dag pa'i gang zag ces
 bya'o/ /de bas na sa dang po nyid las kyang sems kyi stobs dang blo'i stobs kyis shin tu rnam par phye ba rnam par 'byed pa yin zhes gsungs pa dang dus mnyam pa nyid du rtogs pa yin zhes gsungs so/ /tshul khrims shin tu dag ces bya ba la/ 
 sa gnyis pa la gnas pa'i byang chub sems dpa' la ming du tshul khrims shin tu dag pa'i gang zag ces bya ste/ sa gnyis pa la gnas pa'i byang chub sems dpa' rnams ltung ba chen po mi 'byung ba
 bzhin du ltung ba'i 'khrul pa phra mo yang 'byung ba med pa'i phyir/ tshul khrims rnam par dag pa'i gang zag tu bzhag go /de bas na sa gnyis pa nyid las kyang srog gcod pa las phyir log pa'i skabs su yang srog gcod
 pa las phyir log pa yin te/ dbyig pa spangs mtshon cha spangs zhes bya ba nas de kun tu rtog pa tsam gyis kyang srog chags la 'tshe ba mi byed na sems can gzhan la sems can du 'du shes shing ched du bsams shing lus
 rnam par 'tshe ba chen po bya ba lta ci smos zhes gsungs so/ /ma byin par len pa'i skabs su yang bdag gi longs spyod kyis chog shes pas gzhan gyi longs spyod la bag byed pa yin te tha na rtswa dang lo ma yang ma byin par mi len na
 'tsho ba'i yo byad gzhan dag lta ci smos zhes gsungs so/ /'dod pas log par spyod pa'i skabs su yang bdag gi chung mas chog shes pas gzhan gyi chung ma la mi 'dod pa yin te/ gzhan gyis yongs su bzung ba'i bud med
 gzhan gyi chung ma dus dang mtshan dang chos kyis bsrungs pa rnams la chags pa yang mi skyed na gnyis kyis spyod pa lta ci smos bya ba la sogs pa gsungs so/ /mnyam par bzhag dang zhes bya ba la sa gsum pa la gnas pa'i byang
 chub sems dpa' la ni ming du mnyam par bzhag pa'i byang chub sems dpa' zhes bya ste/ tshe rabs gar skyes te shi 'phos kyang/ bsam gtan dang ting nge 'dzin nyams pa med pa thob pas na mnyam par bzhag pa'i gang zag
 ces bya'o/ /de bskun? sa gsum pa las kyang de rnam pa lta bu'i brtson 'grus rtsom pas na/ chos yongs su tshol zhing chos de dag thob nas kyang rang gi sems la nges par rtog pas gcig tu dben par song ste/ 'di ltar dpyod do/ /chos
 kyi rjes su mthun pa'i chos bsgrub pas/ sangs rgyas kyi chos 'di dag khong du chud par bya'i tshig gi las yongs su dag pa 'ba' zhig gis ni ma yin no snyam ste/ de chos kyi rjes su mthun pa'i chos bsgrub pa'i rgyu 'dod pa rnams las
 dben pa/ sdig pa mi dge ba'i chos rnams las dben pa zhes bya ba la sogs pa rgya cher gsungs so/ /chos la nga rgyal spangs zhes bya ba la/ sa bzhi pa la gnas pa'i byang chub sems dpa' rnams la ni ming du chos la nga rgyal spangs pa'i
 gang zag ces bya ste/ 'di ltar sa gsum pa'i tshe na chos la bla mar byed cing chos la gus pa mang ste/ chos brtsal ba la gcig tu spro ba gang yin pa de sa bzhi pa'i tshe na sems de las kyang log go /sa gsum pa la chos la bla? mar byed
 cing/ chos brtsam pa la gcig tu spro ba yang/ sa gsum pa nyid las de de ltar shin tu brtags pa'i shes rab dang ldan pas/ de bas kyang shas cher dam pa'i chos yongs su tshol ba la mngon par brtson par gnas te/ nyin mtshan
 du chos nyan pa'i don du gnyer/ chos 'dod/ chos la dka' /chos la brten/ chos la gzhol/ chos la 'bab/ chos la phyogs/ chos la gnas tshol/ chos la skyabs tshol zhing chos kyi rjes su mthun pa'i chos spyod do/ /sangs rgyas kyi
 chos yongs su tshol ba la mngon par brtson pa de ni/ rdzas kyi rnam pa 'am/ /nor dang 'bru dang mdzod dang bang ba'i rnam pa yongs su mi gtong ba gang yang med do/ /de la bya dka' bar 'du shes pa ma yin gyi/ gzhan du na chos smra pa'i gang zag
 de la bya dka' ba'i 'du shes su gyur pa ni ma gtogs so/ /phyi rol gyi dngos po nye bar gzung ba yongs su mi gtong ba de gang cung zad kyang med do/ /nang gi dngos po yongs su mi gtong ba de gang cung zad
 kyang med do/ /bla ma'i yongs su spyod pa dang/ rim gro bya ba nyams su mi len pa cung zad kyang med do/ /nga rgyal gyi sems las kyang nga rgyal spangs te/ nga rgyal med pa nye bar spyad par bya ba ji 'ang rung ste/ nyams su mi len pa de
 gang yang med do zhes bya ba nas/ gal te la la zhig de la 'di skad ces zer te/ gal te khyod kyis me'i 'obs chen po kun tu 'bar ba/ kun tu rab tu 'bar ba/ mi lce gcig tu gyur ba'i nang du bdag bar te/ sdug bsngal gyi tshor ba
 chen po rang gi lus kyis nyams su blang ba lta na/ ngas khyod la chos kyi tshig yang dag par rdzogs pa'i sangs rgyas kyis bstan pa byang chub sems dpa' i spyod pa yongs su sbyong ba 'di bshad par bya'o zhe na yang/ de 'di snyam ste/ yang dag par
 rdzogs pa'i sangs rgyas kyi bstan pa la byang chub sems dpa' i spyod pa yongs su sbyong ba'i chos kyi tshig gcig gi don du yang stong gsum gyi stong chen po'i 'jig rten gyi khams mes gang bar tshangs pa'i 'jig rten nas bdag nyid dor bar
 mos na/ me'i 'obs tha mal bar bdag dor ba lta ci smos/ sems can dmyal ba'i sdug bsngal thams cad nyams su bab kyang bdag gis chos btsal bar bya na me'i sdug bsngal dang 'grogs pa lta ci smos zhes gsungs so/ /de ltar sa
 gsum pa la chos la gcig tu gus pa'i bsam pa de'ang sa bzhi pa'i tshe na ldog ste/ ji ltar ldog ce na/ 'di ltar gang gcig tu chos tshol ba 'di'ang/ sems g.yeng ba dang/ sems nga rgyal can du byed pa yin no zhes chos tshol ba
 de spangs nas/ byang chub kyi phyogs bsgom pa la rab tu sbyor bar byed do/ /de'i phyir sa bzhi pa nyid las kye rgyal ba'i sras dang byang chub sems dpa' i sa 'od 'phro ba can 'di la gnas pa'i byang chub sems dpa' de ni kun sbyong ba dang ldan zhing
 shes bzhin can dran pa dang ldan par gyur nas/ snying rjes 'jig rten gyi chags sems dang yid mi bde ba rnam par spangs te/ nang gi lus la lus kyi rjes su lta ba can du gnas so/ /zhes bya ba la sogs pa gsungs so/ /rgyud dang nyon
 mongs pa rnam dag bye brag la zhes bya ba la/ rgyud bye brag med pa dang/ nyon mongs pa dang rnam par byang ba'i bye brag la nga rgyal med pa zhes bya bar sbyar ro/ /de la sa lnga pa la gnas pa'i byang chub sems dpa' rnams la ni ming du rgyud kyi
 bye brag las nga rgyal med pa'i gang zag ces bya ste/ de'i tshe sems kyi bsam pa rnam par dag pa mnyam pa nyid bcu thob pas dus gsum gyi de bzhin gshegs pa rnams kyi rgyud dang/ dus gsum gyi de bzhin gshegs pa'i chos rnams dang sa
 lnga pa la gnas pa'i byang chub sems dpa' i sems kyi rgyud dang/ chos rnams su rnam par dag pa'i mtshan nyid du tha dad pa med par khong du chud pas na/ rgyud kyi bye brag la brgyal med pa'i gang zag ces bya'o/ /de la sems kyi bsam pa rnam par
 dag pa mnyam pa nyid bcu ni sa lnga pa nyid las/ kyi rgyal ba'i sras dag byang chub sems dpa' i sa bzhi ba la/ sa'i lam yongs su rdzogs par byas pa de byang chub sems dpa' i sa lnga la 'jug ste/ rnam par dag pa la sems kyi mnyam pa nyid
 bcus 'jug go /bcu gang zhe na 'di lta ste/ 'das pa'i sangs rgyas kyi chos kyi bsam pa rnam par dag pa mnyam pa nyid dang/ ma byon pa'i sangs rgyas kyi bsam pa rnam par dag pa mnyam pa nyid dang/ da ltar byung ba'i sangs rgyas kyi chos kyi
 bsam pa rnam par dag pa mnyam pa nyid dang/ tshul khrims kyi bsam pa rnam par dag pa mnyam pa nyid dang/ sems kyi bsam pa rnam par dag pa mnyam pa nyid dang/ lta ba dang/ nem nur dang/ dogs pa
 bsal bas bsam pa rnam par dag pa mnyam pa nyid dang/ lam dang lam ma yin par shes pa bsam pa rnam par dag pa mnyam pa nyid dang/ nan tan spang bar shes pas bsam pa rnam par dag pa mnyam pa nyid dang/ byang chub kyi
 phyogs kyi chos thams cad gong nas gong du rnam par bsgom pa/ bsam pa rnam par dag pa mnyam pa nyid dang/ sems can yongs su smin par byas pas bsam pa rnam par dag pa mnyam pa nyid de zhes gsungs pa ste/ de'i don kyang ji
 ltar 'das pa'i sangs rgyas bcom ldan 'das rnams kyis sangs rgyas kyi chos rnam par dag par gyur pa/ de bzhin du sa lnga pa thob pa'i byang chub sems dpa' rnams kyang bdag cag gis kyang de dang 'dra bar sangs rgyas kyi chos rnams ring po
 mi thogs par sangs rgyas kyi chos de dag dag par 'gyur ro zhes de lta bu'i bsam pa thob po/ /sa drug pa la gnas pa'i byang chub sems dpa' rnams la ni ming du kun nas nyon mongs pa dang rnam par byang ba'i bye brag la nga rgyal med pa'i
 gang zag ces bya ste/ ci'i phyir zhe na/ sa de la gnas pa'i tshe/ chos mnyam pa nyid bcu thob pas/ rten cing 'brel te 'byung ba'i stong pa nyid rtogs pa'i phyir stong pa nyid la ni ma rig pa'i rkyen gyis 'du byed la sogs pa nag po'i phyogs su
 bzhag pa dang/ ma rig pa 'gags pas sogs pa dkar po'i phyogs su bzhag pa ste/ rnam pa gnyis su bzhag tu med kyi thams cad kyang ma skyes ma byung zhing stong pa nyid kyi mtshan du ro gcig par khong du chud pa na/ /de'i tshe kun nas nyon
 mongs pa dang/ rnam par byang pa la nga rgyal med pa'i gang zag ces bya'o/ /de bas na sa drug pa nyid las/ kye rgyal ba'i sras dag sa lnga pa la sa'i lam yongs su rdzogs pas byang chub sems dpa' i sa drug pa la 'jug go /de la chos mnyam
 pa nyid bcus 'jug ste/ bcu gang zhe na/ 'di lta ste/ chos thams cad mtshan ma med pa mnyam pa nyid dang/ chos thams cad mi skye ba mnyam pa nyid dang/ chos thams cad ma byung ba mnyam pa nyid dang/ chos thams cad dben pa
 mnyam pa nyid dang/ chos thams cad snga nas rnam par dag pa mnyam pa nyid dang/ chos thams cad spros pa med pa mnyam pa nyid dang/ chos thams cad blang ba med ba dang dor ba med pa mnyam pa nyid dang/ chos thams cad sgyu ma dang rmi lam
 dang mig yor dang sgra brnyan dang chu zla dang gzugs brnyan dang sprul pa dang mtshungs pa mnyam pa nyid dang/ chos thams cad dngos po yod pa dang dngos po med pa dang gnyi ga ma yin pa mnyam pa nyid dang zhes bya ba nas/ rgyu rkyen dang ldan pas ni
 'du byed 'phel bar 'gyur ro/ /rgyu rkyen dang mi ldan pas ni 'phel pa med do zhes bya ba'i bar du gsungs so/ /skad cig gcig thob blo zhes bya ba la/ sa bdun pa la gnas pa'i byang chub sems dpa' rnams la ni skad cig gcig la thob pa'i
 blo dang ldan pa'i gang zag ces bya ste/ ci'i phyir zhe na/ sa drug pa la gnas pa'i mtshan ma med pa'i ting nge 'dzin la gnas par 'gyur pas sangs rgyas kyi chos thams cad skyed par byed pa'i rgyu byang chub kyi phyogs kyi chos rnams skad cig ma
 re re la yongs su rdzogs par byed pa'i phyir skad cig ma la thob pa'i blo dang ldan pa'i gang zag ces bya'o/ /de bas na sa bdun pa nyid las kyang/ kye rgyal ba'i sras dag de ltar byang chub sems dpa' i sa ring du song ba 'di la gnas
 pa'i byang chub sems dpa' i pha rol tu phyin pa bcu po de dag de ltar yongs su rtogs par 'gyur te/ bsdu ba'i dngos po bzhi yang yongs su rdzogs par 'gyur ro/ /gnas bzhi dang byang chub kyi
 phyogs sum cu rtsa bdun dang/ rnam par dag pa'i sgo gsum dang/ mdor bsdu na byang chub kyi yan lag gi chos thams cad skad cig skad cig tu yongs su rdzogs par 'gyur ro zhes gsungs so/ /btang snyom pa dang zhing yang
 rnam par sbyong zhes bya ba la/ sa brgyad pa la gnas pa'i byang chub sems dpa' rnams la ni btang snyoms dang zhing rnam par sbyong ba'i gang zag ces bya ste/ lhun gyis grub par mtshan ma med pa rnam par mi rtog pa'i ting nge 'dzin la
 gnas pas btang snyoms pa zhes bya'o/ /lhun gyis grub par gnas pa'i dpe yang/ kye rgyal pa'i sras dag 'di lta ste/ dper na rgya mtsho chen por 'gro ba'i gru ni rgya mtsho chen por ma phyin gyi bar du ched du bskyod cing 'gro bar bya ba yin
 te/ rgya mtsho chen po la zhen ma thag tu rlung gi dkyil 'khor gyi bsu bas ched du bskyod mi dgos pa yin no zhes bya ba la sogs pa'i skabs su gsungs so/ /sa brgyad pa la gnas pa'i tshe sangs rgyas kyi zhing rin po che sna bdun gyis brgyan pa lta
 bur byin gyis rlab cing ston pas na zhing yongs su spyod ba zhes bya ste/ de yang sa brgyad pa nyid las/ 'jig rten gyi khams thams cad rgyan du mas rab tu brgyan cing shin tu klubs pa'i byin gyis brlabs yang dag par bstan ba'i yo byad kyi
 dbang rab tu 'thob bo zhes gsungs pa'o/ /sems can smin par khas pa dang zhes bya ba la/ sa dgu ba la gnas pa'i byang chub sems dpa' ni sems can rnams yongs su smin par bya ba la mkhas pa'i gang zag ces bya ste/ ci'i phyir zhe na/ sa dgu pa thob
 pa'i tshe so so yang dag par rig pa shin tu rnam par dag pa thob pa'i blo dang ldan pas rnam pa thams cad du sems can gyi don byed nus pa'i phyir sems can yongs su smin par bya ba la mkhas pa'i gang zag ces bya'o/ /de bas nas dgu pa nyid las
 kyang/ sa dge ba'i blo gros la gnas pa'i byang chub sems dpa' ni chos smra ba chen po'i go 'phang la gnas shing de bzhin gshegs pa'i chos kyi mdzod yongs su bsrung ba yin/ de chos smra ba'i tshul dang ldan pas ye shes la mkhas pa
 tshad med pa/ rjes su song zhing so so yang dag par gi pa bzhis mngon par bsgrubs pa'i byang chub sems dpa' i tshig gi chos ston te zhes bya ba la sogs pa gsungs so/ /rdzu 'phrul che lus kyang kun rdzogs ston par nus te/ dbang bskur byang chub
 sems dpa' 'gyur zhes bya ba la/ sa bcu pa la gnas pa'i byang chub sems dpa' la ni ming du rdzu 'phrul che ba dang lus kun rdzogs pa dang ston par nus pa dang dbang bskur ba thob pa'i gang zag ces bya'o/ /de las bcu pa la byang chub sems
 dpa' rnams rdzu 'phrul chen por rnam par bzhag ste/ ci'i phyir zhe na/ sa de la gnas pa'i tsha? thogs pa med pa'i mngon par shes pa chen po thob pa'i phyir ro/ /de bas nas bcu pa nyid las kyang mngon par shes pas mngon par bsgrub pas
 brkya stong rab tu 'thob bo zhes gsungs pa dang 'dod na 'jig rten gyi khams dog pa yangs par byin gyis rlob bo/ /'jig rten gyi khams yangs pa yang dog par byin gyis rlob bo zhes bya ba la sogs pa'o/ /sa bcu pa la chos kyi sku yongs su rdzogs par
 yang rnam par bzhag ste/ ci'i phyir zhe na/ chos kyi sku 'thob par 'gyur ba'i rgyu ting nge 'dzin gyi sgo dang gzungs kyi sgo tshad med pa thob pas byang chub sems dpa' i chos kyi sgo ni sa bcur rdzogs so// //de bas nas bcu pa 
 las kye rgyal ba'i sras de ltar byang chub sems dpa' i sa bcu pa 'di la gnas ba'i byang chub sems dpa' byang chub sems dpa' i rnam par thar pa'i sgo bcu po de dag la sogs pa rnam par thar pa'i sgo brgya
 stong grangs med pa rab tu 'thob bo/ /de bzhin du ting nge 'dzin brgya stong dang gzungs brgya stong 'thob bo zhes gsungs so/ /sa bcu pa la lung bstan par yang rnam par bzhag ste/ sa bcu pa la gnas pa'i tshe dga' ldan gyi pho brang
 na bzhugs pa dang yum gyi lhums su gshegs pa la sogs pa'i sprul pa'i lus rnam pa sna tshogs ston bar byed ba'i phyir ro/ /de bas na sa bcu pa nyid las kyang/ kye rgyal ba'i sras byang chub sems dpa' i sa chos kyi sbrin 'di la gnas pa'i
 byang chub sems dpa' ni 'jig rten gyi khams gcig na/ dga' ldan gyi pho brang na zhugs pa nas bzung ste/ 'pho ba dang gshegs pa dang/ lhums na bzhugs pa dang/ bltams pa dang mngon par 'byung ba dang/ mngon par rdzogs par
 byang chub pa dang/ bskul ba dang/ chos kyi 'khor lo bskor ba dang/ yongs su mya ngan las 'das pa chen po'i sa zhes bya ba'i bar du de bzhin gshegs pa'i mdzad pa thams cad sems can rnams kyi bsam pa ji lta ba dang 'dul ba ji
 lta ba bzhin du byin gyis rlob bo zhes gsungs so/ /sa bcu pa la gnas pa'i tshe sangs rgyas su dbang bskur ba thob ba zhes kyang rnam par bzhag ste/ sa de thob ma thag tu phyogs bcu'i de bzhin gshegs pa thams cad kyi 'od zer gyis
 chos kyi rgyal po'i rgyal tshab tu dbang bskur bar mdzad pa'i phyir ro/ /de bas na sa bcu pa nyid las/ kye rgyal ba'i sras dag de ltar byang chub sems dpa' de sa dgu pa'i bar shes par bya ba tshad med pa yongs su brtags pa'i blos rnam par
 dbye ba shin tu rnam par phye ba/ chos dkar po shin tu rdzogs pa bsags par bya ba'i tshogs mdza' yas pa shin tu bsags pa bsod nams dang ye shes kyi tshogs yongs su zin pa/ snying rje chen po shin tu yangs? pa thob pa/
 'jig rten gyi khams rnam par phye pa/ rnam pa tha dad pa la mkhas la sems can gyi khams thibs pos nye bar spyod pa la rab tu bzhugs pa/ de bzhin gshegs pa'i spyod yul la 'jug pa dang ldan pa'i 'du shes dang yid la byed pa
 can stobs dang mi 'jigs pa dang sangs rgyas kyi chos la lhag par dmigs pa'i rjes su song ba ni rnam pa thams cad du thams cad mkhyen pa'i ye shes su dbang bskur ba'i sa thob pa zhes bya'o zhes gsungs pa dang/ gzhan yang de mngon du gyur
 ma thag tu stong gsum brgya stong phrag bcu'i tha gru dang mnyam pa'i rin po che'i padmo chen po'i rgyal po las byung ba zhes bya ba nas/ kye rgyal pa'i sras dag 'di lta ste dper na 'khor los sgyur ba'i rgyal po'i bu thu bo/ /gzhon nu btsun mo dam
 pa las bcas pa rgyal po'i mtshan dang ldan pa de 'khor los sgyur ba'i rgyal pos lha rdzas kyi glang po rin po che gser gyi khri dam par bzhag ste/ steng nas bla re bre zhing gdugs dang rgyal mtshan dang/ rol mo brdung ba dang/ dkrol ba dang/ glu'i
 dbyangs la sogs pa rgya chen po ste/ rgya mtsho chen po bzhi las chu blangs pa gser gyi bum pas bcus te/ chu des gzhon nu de'i spyi bo nas/ mngon par dbang bskur na/ dbang bskur ma thag tu de ni rgyal po rgyal rigs spyi bo nas dbang bskur ba zhes bya ba'i
 gangs su 'gro'o/ /dge? ba bcu'i las kyi lam yongs su rdzogs nas ni 'khor los sgyur bar bgrang ba rab tu 'thob bo/ /kye rgyal ba'i sras dag de bzhin du byang chub sems dpa' yang sangs rgyas bcom ldan 'das de dag gis dbang bskur ma
 thag tu ye shes kyi dbang mngon par bskur bas dbang bskur zhes bya'o/ /stobs bcu yongs su rdzogs nas ni yang dag par rdzogs pa'i sangs rgyas kyi grangs su 'gro'o zhes gsungs so/ /sa bcu rnams la byang
 chub sems dpa' rnams su rnam par bzhag ste zhes bya ba la/ sa 'di thob ba'i tshe na/ sa thob ba'i gang zag de'i ming 'di skad ces bya'o zhes rnam par bzhag pa ni sa bcu rnams la byang chub sems dpa' rnams su rnam par bzhag pa zhes
 bya'o/ /gang zag dang chos su lta ba'i gnyen po'i ye shes thob pa'i phyir ro zhes bya ba la/ gang zag dang chos su lta ba'i gnyen po'i ye shes ni rnam par mi rtog pa'i ye shes la bya ste/ rnam bar mi rtog ba'i ye shes thob ces bya
 ba'i don to/ /bsam gtan dang ting nge 'dzin nyams pa med pa thob pa'i phyir ro/ /zhes bya ba la/ sa gsum pa thob phan chad/ tshe brjod kyang bsam gtan dang ting nge 'dzin thob pa las nyams pa mi 'byung bas na/ bsam gtan dang ting nge
 'dzin nyams pa med pa zhes bya'o/ /mdo la sogs pa sna tshogs la nga rgyal spangs pa'i phyir ro/ zhes bya ba la/ sa gsum ba'i dus ni tshigs su bcad pa gcig gi phyir yang/ stong gsum gyi stong chen po'i 'jig rten gyi khams me ma mur
 gyis gang ba'i nang du tshangs ba'i 'jig rten nas bdag nyid dor bar spro ba'i sems de lta bu yang sa bzhi ba thob pa na/ sems de yang g.yeng ba dang nga rgyal can du byed pa yin no zhes/ sa bzhi ba'i dus na de yang spangs na byang chub kyi phyogs bsgom
 pa la sbyor bar byed do/ /lnga ba la rgyud kyi bye brag med pa ste zhes bya ba la/ sa lnga pa thob pa'i dus na/ sems kyi bsam pa rnam bar dag pa bcu rnyed paS dus gsum gyi de bzhin gshegs pa dang/ bdag tu sems kyi rgyud gcig par mthong bas na rgyud kyi bye
 brag la nga rgyal med pa zhes bya'o/ /drug pa la ni kun nas nyon mongs pa dang/ rnam par byang ba'i bye brag la nga rgyal med ba ste zhes bya ba la/ sa drug pa thob ba na/ ma rig ba'i rkyen gyis 'du byed la sogs pa la/ kun nas nyon mongs pa'i phyogs
 su mi sems/ ma rig pa 'gags pas 'du byed 'gag pa la sogs pa/ dkar po'i phyogs su mi sems pas na kun nas nyon mongs pa dang rnam bar byad ba'i phyogs la nga rgyal med pa zhes bya'o/ /ci'i phyir nga rgyal med ce na/ de'i phyir rten cing
 'brel par 'byung ba'i de bzhin nyid la gnas pa mang pas rang bzhin rnam par dag pa la brten te zhes bya ba la sogs pa smos te/ sa drug pa thob pa'i dus na/ rten cing 'brel te 'byung ba'i stong pa nyid skye 'gag med pa'i don la sgom zhing
 gnas pa mang bas/ stong pa nyid la ni dkar po'i phyogs dang/ nag po'i phyogs shes rnam pa gnyis su bzhag tu med kyi/ stong pa nyid ni rang bzhin gyis rnam par dag pa yin pas rang bzhin gyis rnam par dag pa'i chos la ni ma rig pa la
 sogs ba'i kun nas nyon mongs pa'i phyogs ni nag po'i phyogs su ma mthong la/ ma rig pa 'gags pas 'du byed 'gag pa la sogs pa rnam par byang ba'i phyogs la ni dkar po'i phyogs sum mthong bas na/ kun nas nyon mongs pa dang/ rnam
 bar byang ba'i bye brag la nga rgyal med pa zhes bya'o/ /btang snyoms dang ni zhing rnam par sbyong ba ste/ mtshan ma med pa lhun gyis grub pa gnas pa'i phyir ro zhes bya ba la/ sa brgyad pa thob pa'i dus na btang snyoms bar spyod ba dang zhing rnam par
 sbyong bar bzhag ste de'i tshe rnam par mi rtog pa lhun gyis grub pa'i ting nge 'dzin thob pa'i phyir btang snyoms sbyong bar bzhag go /snod kyi 'jig rten rin po che sna bdun gyis brgyan pa kun tu ston pa'i phyir zhing rnam par sbyong bar rnam par bzhag
 go /phyir mi ldog pa'i sa la zhugs pa'i byang chub sems dpa' rnams dang 'dres shing/ nye bar 'dres par sbyong ba'i phyir ro zhes bya ba la/ sa brgyad pa thob nas brgyang pa la zhugs pa'i byang chub sems dpa' 
 rnams dang rang bzhin gcig cing 'phrin las gcig bar gyur bas phyir mi ldog pa'i sa la zhugs pa'i byang chub sems dpa' rnams dang 'dres shing nye bar 'dres pa zhes bya'o/ /gong du sa bdun pa la yang 'dres shing nye bar 'dres pa zhes
 bshad pa dang/ 'dir sa brgyad pa'i skabs su 'dres shing nye bar 'dres pa zhes bshad pa gnyis la bye brag ci yod ce na/ bye brag yod de gong du sa bdun pa'i tshe na sa brgyad ba dang 'brel pas 'dres shing nye bar 'dres pa zhes
 bshad la/ 'dir ni sa brgyad pa thob pa'i byang chub sems dpa' ste/ sa brgyad pa thob pa'i byang chub sems dpa' rnams dang/ rang bzhin gcig cing 'phrin las gcig tu gyur pas na 'dres pa dang rab tu 'dres pa zhes bshad
 ba'i phyir ro/ /sa dgu pa la ni sems can yongs su smin par bya ba la mkhas pa snga ma bzhin no zhes bya ba la/ sa dgu ba thob pa'i byang chub sems dpa' ni sems can yongs su smin par bya ba la mkhas pa'i gang zag ces bzhag
 ste/ de'i don yang sngar so sor yang dag bar rig pa bzhi thob pas na sems can smin par byed ba'i mthu yod ces bshad pa dang 'dra'o/ /mngon bar shes pa chen po thob pa'i phyir ro zhes bya ba la/ sa bcu pa'i tshe rdul phra mo gcig
 tsam yang stong gsum gyi stong chen po'i 'jig rten gyi khams tsam du cher sbro bar byed ba dang/ stong gsum gyi stong chen po 'jig rten gyi khams tsam yang rdul phra mo gcig tsam du chung du sdud mngon par shes pa thob pas na/ rdzu 'phrul
 chen por rnam par bzhag go /chos kyi sku kun tu rdzogs pa dang zhes bya ba la/ sa bcu pa'i tshe chos kyi sku'i rgyu ting nge 'dzin gyi sgo dpag tu med pa dang gzungs kyi sgo dpag tu med pa thob pas na byang chub sems dpa' chos kyi sku yongs su rdzogs pa zhes
 rnam par bzhag go /sangs rgyas su dbang bskur ba zhes bya ba la/ sa bcu pa'i tshe phyogs bcu'i de bzhin gshegs pa thams cad kyi 'od zer gyis/ chos kyi rgyal bo'i rgyal tshab tu dbang bskur ba zhes rnam bar bzhag go /bslab pa rnam par
 bzhag pa las brtsams te tshigs su bcad pa lnga'o zhes bya ba la/ byang chub sems dpa' i bslab pa ni gsum ste/ lhag ba'i tshul khrims kyi bslab pa dang/ lhag ba'i sems kyi bslab pa dang/ lhag pa'i shes rab kyi bslab pa'o/ /de la sa bcu
 thams cad na yang bslab pa 'di gsum la slob ste/ de bas na sa gang la bslab pa gang slob ba'i dbang du byas nas tshigs su bcad pa lnga ston to/ /chos nyid rab tu rtogs nas 'dir/ /lhag pa'i tshul khrims rjes su slob ces bya ba la/ sa dang por
 gang zag la bdag med pa dang/ chos la bdag med pa'i chos nyid rab tu rtogs nas/ 'dir zhes bya ba ni sa gnyis pa dang sbyar te/ de nas sa gnyis par lhag pa'i tshul khrims kyi bslab pa la slob bo zhes bya ba'i don to/ /'di ltar sa
 dang po la yang lhag pa'i tshul khrims kyi bslab pa yong mod kyi de'i tshe na ma bsams ma brtags par ltung ba dang nyes pa phra mo dag 'byung bas tshul khrims rnam par dag pa ma yin gyis gnyis pa la ni gnyid kyis log pa'i rmi lam duAng
 kha na ma tho ba'i las la 'jug pa mi rmi bas/ de'i tshe bslab pa shin tu rnam par dag pa'i phyir lhag pa'i tshul khrims kyi bslab pa la rjes su slob pa zhes bya'o/ /lhag sems zhes bya ba la/ sa gsum thob ba'i dus na bsam gtan dang ting nge
 'dzin nyams pa med pa thob pas lhag pa'i sems la rjes su slob par rnam par bzhag go /lhag pa'i shes rab la zhes bya ba las bzhi pa dang lnga pa dang drug pa la ni lhag pa'i shes rab la slob bar rnam par bzhag
 ste/ ji ltar zhe na sa bzhi pa'i dus na ni byang chub kyi phyogs sum cu rtsa bdun gyis zin cing byang chub kyi phyogs sum cu rtsa bdun pa'i shes rab dang ldan pas lhag pa'i shes rab la slob pa zhes bya'o/ /sa lnga pa dang drug pa la ji
 ltar lhag pa'i shes rab la slob pa bstan pa'i phyir/ shes rab spyod yul rnam gnyis te/ /chos kyi de mi shes pa dang/ /shes pas ldog pa de bzhin te/ /shes rab spyod yul de'i phyir/ /sa gnyis la de rnam bzhag go/ zhes
 bya ba smos te/ de ltar sa lnga pa dang drug pa la lhag pa'i shes rab la slob pa yang lhag pa'i shes rab kyi spyod yul rnam pa gnyis te/ chos rnams kyi de bzhin nyid dang 'phags pa'i bden pa bzhi ste de gnyis spyod yul rnam pa
 gcig go /mi shes pas 'jug pa dang shes pas ldog pa ste rten cing 'brel te 'byung ba lugs bzhin dang lus las bzlog pa ste/ shes rab kyi spyod yul rnam pa gnyis so/ /de chos kyi de bzhin nyid ni chos rnams kyi mtshan nyid stong
 pa nyid las bya'o/ /bden pa bzhi ni sdug bsngal dang kun 'byung dang 'gog pa dang lam la bya ste/ sa lnga pa'i dus ni sems kyi bsam pa rnam par dag pa mnyam pa nyid thob pa dang 'phags pa'i bden pa bzhi la gnas
 shing bsgom pas lhag pa'i shes rab kyi bslab pa la slob par bshad do/ /mi shes pas 'jug pa ni ma rig pa'i rkyen gyis 'du byed la sogs brten cing 'brel te 'byung ba lugs las 'byung ba dang/ shes pas ldog pa
 rten cing 'brel par 'byung ba/ lugs las bzlog pa la bya ste/ sa drug pa'i dus na yang rten cing 'brel te 'byung ba lugs bzhin dang lugs las bzlog pa la mang du gnas shing bsgoms pas na lhag pa'i shes rab la slob
 pa zhes bshad de/ 'di lhag pa'i shes rab kyi spyod yul rnam pa gnyis las sa lnga pa'i dus na ni lhag pa'i shes rab des chos kyi de bzhin nyid dang bden pa bzhi la dmigs/ sa drug pa'i dus ni rten cing 'brel te 'byung ba
 lugs bzhin dang lugs las bzlog pa la dmigs pas na sa lnga pa dang drug pa gnyis la yang lhag pa'i shes rab kyi bslab pa la slob par bzhag go /bslab pa rnams dang bsgom pa yi/ /'bras bu gzhan ni rnam pa bzhi zhes bya ba la/
 gzhan gyi sgra ni sa bdun pa dang brgyad pa dang dgu pa dang bcu pa la bya bar snyegs te/ sa de bzhi la bslabs gsum la bslab pa'i 'bras bu rnam pa bzhi thob par rig par bya ba'i don to/ /mtshan ma med dang 'du byed bcas/ /gnas pa 'bras bu
 dang po'o zhes bya ba la/ 'bras bu bzhi las 'bras bu dang po ni mtshan ma med pa 'du byed dang bcas par gnas te/ sa bdun pa'i dus na 'bad pa dang brtsal bar bcas pas rnam par mi rtog pa'i ting nge 'dzin la sgom pa'o phyir mtshan ma med pa la 'du byed
 pa dang/ bcas par gnas pa zhes bya ste/ 'di ni 'bras bu rnam pa gcig go /de nyid 'du byed med pa'i 'bras bu gnyis su 'dod pa'o/ /de nyid kyi sgras mtshan ma med pa la snyegs te/ sa brgyad pa'i dus na rnam par mi rtog pa'i ting nge
 'dzin la brtsal 'bad med par lhun gyis grub pa nyid du gnas shing sgom ste/ de ni 'bras bu rnam pa gnyis pa'o/ /zhing dag cing zhes bya ba la/ sa brgyad pa'i dus na mtshan ma med pa lhun gyis grub pa 'ba' zhig tu gnas par ma zad kyi 
 sangs rgyas kyi zhing yongs su dag par yang byed de de yang 'bras bu gnyis pa'i nang du bsdu'o/ /sems can rnams smin pa 'grub pa nyid kyang ngo zhes bya ba la/ sa dgu pa'i dus na so so yang dag par rig pa
 bzhi thob pas sems can yongs su smin par bya ba grub ste/ de ni 'bras bu gsum pa'o/ /ting nge 'dzin dang gzungs rnams kyang/ 'grub pa 'bras bu mchog yin no zhes bya ba la/ bcu pa la ting nge 'dzin mchog dang gzungs
 mchog rnams kyi 'bras bu 'grub ste/ de ni 'bras bu bzhi pa'o/ /'bras bu bzhi po 'di dag ni/ sa bzhi dag la shin tu gnas zhes bya ba la/ bslab pa gsum gyi 'bras bu rnam pa bzhi po dag ni sa bzhi dag gi dus ni rim bzhin du thob pas nas
 bzhi dag la rim bzhin du gnas pa zhes bya'o/ /de yang sa bdun pa la ni mtshan ma med pa la 'du byed pa dang bcas par gnas pa'i 'bras bu 'thob bo/ /sa brgyad ba la ni mtshan ma med pa la 'du byed pa med pa dang bcas pa'i 'bras bu
 'thob bo/ /sa dgu pa la ni sems can yongs su smin par byed ba'i 'bras bu 'thob bo/ /sa bcu pa la gzungs dang ting nge 'dzin mchog mngon du 'gyur ba'i 'bras bu 'thog? bo/ /sa bzhi pa la ni byang chub kyi phyogs kyi sa yang dag par zin
 pa'i shes rab po zhes bya ba la/ sa bzhi pa'i dus na byang chub kyi phyogs sum cu rtsa bdun la sgom par byed bas/ lhag pa'i shes rab la slob par bshad do/ /sa gnyis la yang spyod yul gnyis te zhes bya ba la/ sa lnga pa dang drug pa gnyis
 la lhag pa'i shes rab de spyod yul rnam pa gnyis la dmigs te/ sa lnga pa'i tshe na ni chos kyi de kho na nyid dang sdug bsngal la sogs pa'i bden pa bzhi la dmigs so/ /sa drug pa'i tsha na ni mi shes pa ste rten cing 'brel bar 'byung ba lugs
 bzhin pa dang/ shes pa ste rten cing 'brel par 'byung ba lugs las bzlog pa la dmigs so/ /'di yan chad bslab pa'i 'bras bu rnam pa bzhi ste zhes bya ba la/ sa bdun pa dang/ brgyad pa dang dgu pa dang bcu pa man chad bslab pa'i 'bras bu rnam
 pa bzhi rim bzhin 'thob ste/ sa bdun pa la ni mtshan ma med pa la mngon par 'du byed pa dang bcas par gnas pa'i 'bras bu 'thob bo/ /de la 'bras bu gnyis pa ni mtshan ma med pa la gnas pa ni/ de nyid mngon par 'du mi byed pa dang zhing yongs su dag
 par bya'o zhes bya ba las brgyad pa la 'bras bu gnyis pa ste/ mtshan ma med pa la mngon par 'du mi byed par gnas pa dang zhing yongs su dag pa'i 'bras bu 'thob po/ /sa dgu pa la ni so so yang dag par rig pa bzhis sems can yongs su smin par byed
 pa'i 'bras bu 'thob po/ /sa bcu pa la ni gzungs dang ting nge 'dzin dpag tu med pa'i 'bras bu 'thob bo/ /phung po rnam par bzhag pa las brtsams te tshigs su bcad pa gnyis so zhes bya ba la/ rnam par grol ba'i phung po lnga rnam pa lnga ste/ tshul khrims kyi
 phung po dang/ ting nge 'dzin gyi phung po dang/ shes rab kyi phung po dang/ rnam bar grol ba'i phung po dang/ rnam par grol ba'i ye shes mthong ba'i phung po'o/ /de las bcu dang sangs rgyas kyis ste/ sa bcu gcig po rnams la/ sa gang la phung po gang thob par
 bstan pa ni phung po rnam par bzhag pa las brtsams te zhes bya ste/ de tshigs su bcad pa gnyis kyis bstan to zhes bya ba'i don to/ /chos nyid rab tu rtogs na 'dir/ /tshul khrims kyi phung po sbyong zhes bya ba la/ sa dang por gang zag dang chos la bdag med
 pa'i mtshan nyid kyi chos nyid rab tu rtogs nas sa gnyis pa 'dir tshul khrims kyi phung po rab tu sbyong ste/ sa dang po la tshul khrims kyi phung po thob pa yod mod kyi ma bsams par nyes pa phra mo dag 'byung bas tshul khrims rnam par dag pa ma yin
 gyi/ sa gnyis pa'i dus na ni rmi lam du yang kha na ma tho ba dang bcas pa'i las byed pa mi rmi bas tshul khrims kyi phung po rnam par sbyong bar bshad do/ /ting 'dzin shes rab phung po ni/ /de dag phan chad rnam sbyong ngo zhes bya ba la
 de dag phan chad ces bya ba ni sa dang po dang gnyis pa phan chad sa gsum pa dang bzhi ba dang lnga pa dang drug po rnams la ting nge 'dzin gyi phung po dang/ shes rab kyi phung po gnyis rnam par sbyong ngo/ /de la yangs gsum pa la ni ting nge 'dzin gyi phung
 po rnam par sbyong ste/ bsam gtan dang ting nge 'dzin nyams pa med bas thob pa'i phyir ro/ /sa bzhi pa dang lnga ba dang drug pa la ni shes rab kyi phung po rnam par sbyong ste/ sa bzhi pa la ni byang chub kyi phyogs sgom ba'i shes rab dang ldan pa dang/ sa lnga
 pa la ni bden pa bzhi bsgom pa'i shes rab dang ldan pa dang/ sa drug pa la rten cing 'brel te 'byung ba lugs bzhin pa dang lugs las bzlog pa'i de bzhin nyid la bsgom pa'i shes rab dang ldan pa'i phyir ro/ /rnam grol rnam grol ye shes
 kyang/ /de las gzhan du rnam par sbyong zhes bya ba la/ de las gzhan pa zhes bya ste/ gong du bshad pa'i las gzhan pa ste/ sa bdun pa dang brgyad pa dang dgu pa dang bcu pa dang sangs rgyas kyis la ni rnam par grol ba'i phung po dang/ rnam par
 grol ba'i ye shes mthong ba'i phung po gnyis rnam par sbyong ngo/ /de la yang sa bdun pa dang brgyad pa dang dgu pa dang bcu pa la ni rnam par grol ba'i phung po rnam par sbyod do/ /sangs rgyas kyi sa la ni rnam par grol ba'i ye shes mthong ba'i
 phung po sbyong ngo/ /de las bdun pa dang brgyad pa dang dgu ba dang bcu pa la ji ltar rnam par grol ba'i phung po sbyong la/ sangs rgyas kyi sa la ji ltar rnam par grol ba'i ye shes mthong ba'i phung po rnam par sbyod zhe na/ de'i phyir/ sgrib
 pa rnam par gzhil ba dang/ thogs pa'i sgrib pa las kyang ngo zhes bya ba smos te/ 'di ltar sa bdun pa dang brgyad pa dang dgu pa dang bcu pa la ni 'bras bu rnam pa bzhi 'thob par bya ba la sgrib pa rnam pa bzhi dag las rnam par grol ba'i phung
 por rnam par bzhag go /de la 'bras bu bzhi ni gong du bshad ma thag pa'i rnams te/ sa bdun pa la mtshan ma med ba la mngon par 'du byed pa dang bcas pa'i 'thob pa dang/ sa brgyad pa mtshan ma med pa lhun gyis grub ba'i 'bras bu
 'thob cing yongs su sbyong ba dang/ sa dgu pa la sems can yongs su smin pa'i 'bras bu thob pa dang/ sa bcu pa la gzungs dang ting nge 'dzin dpag tu med pa'i 'bras bu 'thob bo/ /'bras bu de bzhi'i sgrib pa yang rnam pa bzhi ste/ mtshan ma phra ma
 kun tu rgyu bar byed pa dang mtshan ma med pa nyid la mngon bar 'du byed pa dang/ sems can gyi don bya ba la mngon par 'du byed pa med pa dang chos thams cad la dbang ma thob pa'o/ /de las bdun pa la mtshan ma med pa la mngon par 'du
 byed pa dang bcas par gnas pas mtshan ma phra mo kun tu sgrib pa dang bral lo/ sa brgyad pa mtshan ma med pa la mngon par 'du byed pa med par gnas pas mtshan ma med pa la mngon par 'du byed pa dang bcas pa'i sgrib pa dang bral lo/ /sa dgu ba la
 sems can yongs su smin par byed pa'i 'bras bu grub pas sems can gyi don bya ba la mngon par 'du byed pa med pa'i sgrib pa dang bral lo/ /sa bcu pa la gzungs dang ting nge 'dzin dpag tu med pa thob pa chos thams cad dbang ma thob pa'i
 sgrib pa dang bral te/ de bas na sa de dag la ni rnam par grol ba'i phung po rnam par sbyong bar bzhag go/ /sangs rgyas kyis la ni thogs pa'i sgrib pa las rnam par grol bas rnam par grol ba'i ye shes mthong ba'i phung po rnam par
 bzhag ste/ gang gi phyir sangs rgyas kyis thob pa dang/ shes bya'i sgrib pa dang las chod pa tsam yod pa dang bral nas ye shes kyis shes bya thams cad la thogs pa dang chags pa med par 'jug pa'i phyir ro/ /
 brgal pa/ rnam par grol ba'i 'gog pa'i bden pa'i rang bzhin yin la/ 'gog pa'i bden pa ni 'dus ma byas ba yin pas/ 'dus ma byas la spungs pa dang gcer ba'i don med na ji ltar 'dus ma byas phung par rnam par bzhag ste/ mngon
 pa'i chos mdzod las kyang/ phung po 'dus ma byas ma bshad/ /don dang rmi lam tsam phyir zhes smos so/ /lan 'dus ma byas ni phung pa'i mtshan nyid du mi bzhag ste/ 'di ltar rnam par grol ba la rgya gar skad du/ ba muk+ti zhes 'gyur ste/ bi
 muk+ti'i? don ni rnam pa gnyis su 'gro'o/ /gang zhe na nyon mongs pa spangs pa'i mtshan nyid la yang bi muk+ti ste/ rnam par grol ba zhes bya/ mos ba'i mtshan nyid la pi muk+ti ste/ rnam par grol ba zhes bya ba wa/ 'di skabs su ni rnam par
 grol ba zhes bya ba mos pa'i mtshan nyid la bya ste/ mos pa'i mtshan nyid ni 'dus byas yin pas/ rnam par grol ba'i phung por bzhag pa la nyes pa med do/ /gzhan du na rnam par grol ba phung po 'dus byas kyi phung por bsdus bar mi 'gyur ro/ /thogs
 pa'i sgrib pa las ni sangs rgyas kyis la ste zhes bya ba la/ sangs rgyas kyis ni thogs ba dang bcas pa'i sgrib pa las grol bas rnam par grol ba'i ye shes mthong ba'i phung po thob par rnam par bzhag go zhes bya ba'i don to/ /gang gis shes bya gzhan
 dag gi ye shes la thogs bar byed pa ste zhes bya ba la/ sangs rgyas kyis thob pa nas bcu'i byang chub sems dpa' rnams la yod pa'i sgrib pa dar la tsam gyis chod pa dang bral nas/ gang gi phyir nyan thos dang rang sangs rgyas la sogs pa'i ye shes kyis
 kyang thogs te/ de dag gi ye shes kyis kyang khong du chud pa'i shes bya thams cad la yang de bzhin gshegs pa'i ye shes 'jug pas na sangs rgyas kyi sa'i dus na ni rnam par grol ba'i ye shes mthong ba rnam par spyod bar rnam par bzhag go/ 'grub pa
 rnam par bzhag pa las brtsams te tshigs su bcad pa gsum mo zhes bya ba la/ sa gang dang gang thob bar bya ba'i phyir brtsams shing brtsal ba las sa de 'grub pa 'am/ thos pa 'am rdzogs par gyur pa la 'grub pa zhes bya ste/ mos pa spyod pa'i sa dang sa
 bcu rnams su yon tan ji tsam zhig ni grub ji tsam zhig ma grub pa phye ste/ bstan pa la 'grub pa rnam par bzhag pa zhes bya ste/ de tshigs su bcad pa gsum gyis bstan to/ /ma grub pa dang grub pa ni/ sa rnams thams cad shes par bya zhes bya ba la/
 sa bcu dang mos pa spyod pa'i sa bsnan te/ sa bcu gcig dag la rnam pa gnyis su shes par bya ste/ ma grub pa dang grub pa'i sa'o/ /de la mos pas spyod pa'i sa thams cad ni ma grub pa'i sa ste/ ci'i phyir zhen/ chos kyi dbyings thams cad 'gro ba'i
 mtshan nyid du ma rtogs pas/ sa bcu las sa 'ga' yang khong du chud pa med pa'i phyir/ ma grub pa'i sar bzhag go /sa dang po pa yan chad sa bcu pa man chad ni grub pa'i sa zhes bya ste/ chos kyi dbyings kun tu 'gro ba'i mtshan nyid rtogs shing so so'i
 sa gang yin pa mngon sum du byas pa'i phyir grub pa'i sa zhes bya'o/ /grub pa yang ni ma grub dang/ grub par yang ni 'dod pa ste zhes bya ba la/ sa dang po yan changs bcu man chad grub par bshad pa la yang rnam pa gnyis gnyis su bzhag
 ste/ grub par bzhag par 'dod pa dang/ ma grub par bzhag par 'dod pa'o/ /de la sa dang po lan chang sa bdun pa man chad ni ma grub pa zhes bya ste/ brtsal 'bad dang bcas par mtshan ma med pa'i lam la bsgom pa'i phyir ma grub pa'i sa zhes bya'o//
 sa brgyad pa dang dgu ba dang bcu pa rnams la ni grub pa zhes bya ste/ ci'i phyir zhe na/ lhun gyis grub par mtshan ma med pa'i lam la gnas pa'i phyir ro/ /de las rnams la grub pa dang ma grub pa rnam pa
 gnyis su bstan pa las/ grub pa rnams kyang thabs gang gis grub ce na/ ji ltar rnam bzhag yid byed pas /de ni brtags par shes pa dang/ /de nyid rnam par mi rtog ste zhes bya ba smos te/ 'di ltar sa de re re la/ sa'i ? ni tan
 gang yod pa dang/ sa'i skyon gang yin pa dang/ sa de la sgom par bya ba'i chos gang yin pa de dag kyang sems la gsal bar snang la/ sa gong ma'i yon tan ci 'dra ba dang/ sa gong ma thob par bya ba'i chos gang yin pa dag kyang
 yid la byed pa ni/ ji ltar rnam par bzhag pa yid la byed pa zhes bya ste/ dper na sa dang po grub par bya ba yang/ sa dang po'i yon tan dang/ bsgom par bya ba dag kyang yid la byed la/ sa gnyis par thob par bya ba'i rgyu chos
 rnams kyang yid la byed pa ni ji ltar rnam par bzhag pa yid la byed pa zhes bya'o/ /de la sa dang po'i yon tan yid la byed pa yang dper na sa dang po las/ kye rgyal ba'i sras dag de la sems can dge ba'i rtsa ba shin tu bsags pa
 spyad pa/ tshogs shin tu bsags pa zhes bya ba la sogs pa gsungs so/ /sa dang po thob pa des sa gnyis pa thob par bya ba'i rgyu yid la byed pa yang sa dang po nyid las/ kye rgyal ba'i sras dag de ltar byang chub sems dpa' sa dang po
 la shin tu sbyang bar byas pa des gnyis pa la mngon bar mos pa yin te/ de'i sems kyis bsam pa bcu 'byung ngo/ /bcu gang zhen 'di lta ste/ drang po'i bsam pa dang 'jam pa'i bsam pa dang/ las su rung ba'i bsam pa dang zhes bya ba la
 sogs pa gsungs so/ /yang na sa re re'i don rtogs par bya ba'i phyir ming gi tshogs dang tshig gi tshogs dang yi ge'i tshogs rnams ji ltar bshad pa/ sems shing yid la byed pa ni ji ltar rnam par bzhag pa yid la byed pa zhes bya'o/ /ji ltar
 rnam par bzhag pa yid la byed pa de'ang rtags pa tsam du shes te/ ji ltar sems nyid sa rnam par bzhag pa lta bur snang bar zad kyi/ sems las ma gtogs par sa zhes bya ba'i don phyi rol na yod pa ma yin no zhes rtogs pa ni brtags pa tsam du
 shes so zhes bya'o/ /de nas de'i 'og tu gzung ba'i yul med na/ 'dzin pa'i sems kyang ga la zhig yod ces brtags pa tsam du shes pa de la yang mi rtog ste/ gzung 'dzin la rtog pa med pa'i rnam par mi rtog pa'i ye shes la bsgoms nas dang po
 'thob par 'gyur te/ de las ni gong du yang/ de nas 'dzin gnyis rnam grol ba/ /'jig rten 'das pa bla na med/ /rnam par mi rtog dri med pa'i/ /des ni ye shes de 'thob po/ /des na gnas gzhan 'gyur ba ste/ /dang po'i sar ni 'dod pa'o zhes gsungs so/ /
 sa gnyis pa la sogs pas gong ma rnams la yang/ tshul de ltar bsgoms pas so so'i sa 'grub bar rig par bya'o/ /bsgom pa dang ni 'grub pa yang/ /sa rnams la ni bsam mi khyab/ /so so rang gi rig pa dang/ /sangs rgyas rnams kyi spyod yul phyir zhes
 bya ba la/ sa dang po nas sa bcu pa man chad kyi so so'i bsgom pa yang bsam gyis mi khyab/ de dag bsgoms pa las/ sa'i mthar phyin te/ sa grub pa yang bsam gyis mi khyab pas bsgom pa dang/ grub pa gnyis tshig gis bshad cing gtan la
 dbab par mi nus te/ ci'i phyir zhe na/ sa so so'i sgom pa dang grub pa gnyis ni ma thob pa'i byang chub sems dpa' rnams kyi rang gis rig par bya ba yin pas/ bsam gyis mi khyab pa dang/ sangs rgyas bcom ldan 'das kyi spyod yul 
 du 'byung bas na/ bsam gyis mi khyab pa ste/ de'i phyir sa'i bsgom pa dang/ grub pa ni so so'i skye bo rnams kyi sems kyis kyang mi rtogs la/ tshig gis bshad pa'i yul yang ma yin pas na bsam gyis mi khyab par
 bzhag go /de'i phyir sa bcu dang po bshad pa rnam par grol ba'i zla bas gsol pa btab pa dang/ de nas byang chub sems dpa' rdo rje'i snying pos phyogs bcur bltas nas/ 'khor thams cad de bas kyang dad par bya ba'i phyir/ de'i tshe tshigs su
 bcad pa 'di dag smras so/ /phra la shes dka' drang srong chen po'i lam/ /mi rtog spyod yul ma yin lta bar dka' / /rang bzhin zhi zhing 'gag med 'byung ba med/ /mkhas gsal shes pas khong du chud pa yin/ /ngo bo nyid stong zhi zhing gnyis
 med mi zad pa/ /rgyud las rnam grol mnyam nyid thob pas mya ngan 'das/ /mdza' dang dbus med tshig gis brjod du med/ /dus gsum grol ba nam mkha' 'dra zhing mtshungs/ /bde gshegs spyod yul zhi zhing nye bar zhi/ /smra ba'i lam rnams kun
 gyis rdzogs par dka' / /de dag sa dang spyod pa de 'dra bas/ /smra ba dkab na shes par ga la nus/ /de ni bsam pas sems lam rnam par spangs/ /ye shes mngon bsgrubs rgyal ba'i spyod yul te/ /phung po skye mched khams kyis brjod pa min/ /sems
 kyis mi shes yid kyis rnam ma brtags/ /ji lta bar snang gnas kyi bya yi rjes/ /shin tu smra dka' blta bar mi nus pa/ /de ltar bde gshegs sras kyis rnams kyang/ /yid dang sems kyi yul gyis shes mi nus/ /'on kyang byams dang snying rje smon lam
 gyis/ /de las phyogs tsam rim pa'i tshul bzhin du/ /spyad par bya ste sems kyi spyod yul min/ /ye shes tshul gyis rdzogs par bya'o zhes bya ba la sogs pa gsungs so/ /gang yang rab tu dga' ba'i 'grub pa ni sngar smras pa'o zhes bya ba la/ sa
 grub pa'i don 'chad de/ /sa dang po 'grub par 'gyur ba yang/ sngar smras pa lta bu ste/ mthong bas spang bar bya ba'i nyon mongs pa dang bral ba dang/ chos kyi dbyings khong du chud par 'gyur ba la/ bar du gcod pa gzung 'dzin gnyis
 dang bral bas sa ji ltar rnam par bzhag pa yid la byed pa ste zhes bya ba la/ sa so so'i yon tan dang/ bsgom bar bya ba yid la byed cing/ sa gong ma 'thob par 'gyur ba'i sa rnams la yang bsgom pa ni/ ji ltar rnam par bzhag pa yid
 la byed pa zhes bya'o/ /yang na sa rnams kyi don 'chad par byed pa'i ming dang tshig dang yi ge la sogs pa yid la byed pa ni ji ltar rnam par bzhag pa yid la byed pa zhes bya'o/ /sa rnam par bzhag pa de yang/ rtog pa tsam du shes pa dang/ de
 nyid du de mi rtog pa'i phyir rig par bya'o zhes bya ba la/ sems dang sems las byung ba nyid las/ rnam par bzhag pa lta bu snang bar zad kyi/ sems las logs shig nas zhes bya ba yod ba ma yin no zhes kyang rtog la/ sems
 tsam du rtog pa de yang spangs te/ ci la yang mi rtog pa la gnas na 'grub par 'gyur bar rig par bya'o zhes bya ba'i don to/ /yang sa rnams la bsgom pa dang/ grub pa gnyis ka bsam gyis mi khyab pa 'di sa kun la bya ste zhes bya ba
 la/ so sor ji ltar 'grub par 'gyur ba mdo tsam du ni gong du bshad pa yin mod kyi/ yang dag par sa re re la so so'i sa bsgom pa yang bsam gyis mi khyab sa 'grub pa yang bsam gyis mi khyab pa na/ so so'i skye bo rnams kyi sems kyis kyeng? bsam
 bar mi nus la tshig gis kyang gtan la dbab cing bshad par mi nus so zhes bya ba'i don to/ /ci'i phyir tshig gis bshad par mi nus so zhe na/ de'i phyir/ 'di ltar de gnyis na byang chub sems dpa' rnams kyi so so rang gis rig pa
 dang/ sangs rgyas rnams kyi spyod yul te/ gzhan gyi ni ma yin no zhes bya ba smos te/ 'di ltar sa bsgom pa dang/ sa 'grub pa gnyis ni/ sa 'thob pa'i byang chub sems dpa' rnams kyi ye shes kyis so so
 rang gis rig pa yin pa dang/ de bzhin gshegs pa rnams kyi spyod yul yin gyi/ so so'i skye bo dang/ nyan thos dang rang sangs rgyas dag gi spyod yul ma yin pas na bsam gyis mi khyab gos la rab tu zhugs pa'i mtshan ma rab tu dbye ba la
 tshigs su bcad pa gnyis po zhes bya ba la/ dper na chu skyar gang snang ba de na chu yod par rtog pa dang/ dud pa'i mtshan ma gang na snang ba de na me yod par brtag pa de bzhin du/ mtshan ma dang rtags ji lta bu dag snang na sa thob bo
 zhes brtag pa ni/ sa rab tu zhugs pa'i mtshan ma rnam par dbye ba zhes bya ste/ don dun sar zhugs pa'i byang chub sems dpa' rnams la mtshan ma rnam pa bcu ste/ mtshan ma rnam pa bcu snang ba dang sa la zhugs pa yin par shes
 par bya ba tshigs su bcad pa gnyis kyis bstan to/ /de la gong du snying rje ba dang/ legs par smra ba la sogs pa'i skabs su yang mtshan ma bshad na/ der mtshan ma bshad pa dang da 'dir mtshan ma bshad par bye brag ci yod ce na/
 gong du ni sar zhugs pa dang/ ma zhugs kyang rung ste/ byang chub sems dpa' spyi'i mtshan mar bshad do/ /'dir ni sa la zhugs pa'i byang chub sems dpa' rnams kyi mtshan ma bshad de bye brag ni de yod do/ /lhag par mos pa thams
 cad du zhes bya ba la/ sa la zhugs pa'i byang chub sems dpa' i mtshan ma ni 'di lta ste/ sa gang la ma zhugs shing ga la ma thob pa la ni sa de thob par bya ba'i phyir mos pa dang/ dad pa dang/ 'dod pa skye'o/ /snang bar bcas pa'i
 mtshan mar 'dod ces bya ba la/ sa gang la zhugs te sa thob bar gyur pa'i de la snang ba dang bcas zhes bya ba ni bdag gis thob pa'i sa'i spang ba dang blang ba dang/ bsgom par bya ba'i chos rnams kyi rang dang spyi'i mtshan nyid sems la gsal
 bar snang ste/ shes rab kyis gsal bar mthong ngo zhes bya ba'i don te/ 'di ni mtshan ma rnam pa gcig go don du na sa dang po thob pa dang/ sa dang po'i spang ba dang/ bsgom pa'i chos rnams ni sems la gsal bar snang la/ ma thob pa'i
 sa ma gnyis pa thob par bya ba'i phyir ni mos pa dang dad pa dang 'dod pa skye ste/ de lta bu'i mtshan ma byung na sa dang po thob zin par rig par bya ste/ sa gnyis pa la sogs pa gong ma la yang de bzhin du sbyar ro/ /ma zhum pa dang zhes bya ba la/
 nams thob par gyur na sa dang pha rol tu phyin pa dang yang dag par ldan pa'i theg pa chen po'i chos zab cing rgya che ba rnams la skrag pa dang/ zhum pa'i sems mi skye ste/ 'di ni mtshan ma gnyis pa'o/ /de la gang zag dang chos la bdag med pa
 bsgom pa zab pa zhes bya'o/ /sa dang pha rol tu phyin pa dang/ stobs dang mi 'jigs pa la sogs pa'i chos ston pas rgya che ba zhes bya'o/ /skyo ba med ces bya ba la/ sar zhugs pa dang bdag dang gzhan gyi don du grang ba dang tsha ba dang/ bkres
 pa dang/ skom pa dang/ mgo dang rkang lag la sogs pa gtong ba'i dka' bar spyod pa sdug bsngal sna tshogs byung ba'i skyo ba'i sems mi skye zhing sems ldog par mi 'gyur te/ 'di ni mtshan ma gsum pa'o/ /gzhan dring mi 'jog bdag
 nyid do zhes bya ba la/ bdag nyid ces bya ba ni rang gi bsod nams dang ye shes kyi stobs kyi mngon sum du byas shing/ rtogs par byas zin pa'i sa la bya ste/ /rang gis thob zin pa'i sa la ni gzhan gyi dring la mi 'jog gi /ci'i phyir zhe na/
 sa de bdag gis mngon sum du byas ma zin pas/ da de mngon sum du bya ba'i phyir dge ba'i bshes gnyen la brten mi dgos te 'di ni mtshan ma bzhi pa'o/ /rab tu rtogs pa thams cad du zhes
 bya ba la/ sa la zhugs kyang sa gang ma thob pa rnams thob par bya ba'i phyir/ de thob par bya ba'i thobs rtogs shing/ sa de 'grub par bya ba'i thabs mkhas par 'gyur te/ dper na sa dang po rtogs shing khong du chung na
 lhag ma ma thob pa rnams thob par bya ba la yang mkhas par 'gyur ro/ /de bas na sa bcus sa dang po las rnam par mi rtog pa'i ye shes kyis sa dang por chos kyi dbyings su rtogs na/ sa thams cad kyang rtogs par 'gyur
 te/ ji ltar rtogs par 'gyur zhe na/ rnam par mi rtog pa'i rjes las byung ba'i dag pa 'jig rten pa'i ye shes kyis sa lhag ma rnams 'grub par 'gyur ba'i thabs shes pas na rtogs par 'gyur te/ 'di ni mtshan ma lnga pa'o//
 de bzhin du sa lhag ma rnams la yang sbyar ro/ /de bas na sa dang po las byang chub sems dpa' rdo rje snying pos smras pa/ kye rgyal ba'i sras dag de ltar byang chub sems dpa' sa dang po la yongs su sbyangs pa byas pa de gnyis la mngon
 par mos pa yin te/ de'i sems kyi bsam pa bcu 'byung ngo/ /bcu gang zhe na 'di lta ste/ dang po'i bsam pa dang/ 'jam pa'i bsam pa dang las su rung ba'i bsam pa dang zhes bya ba la sogs pa gsungs so/ /sa gnyis
 pa nas gsum par 'jug pa'i thabs kyang byang chub sems dpa' rdo rje snying pos smras pa/ kye rgyal pa'i sras dag de ltar byang chub sems dpa' sa gnyis pa la bsam pa shin tu sbyang ba ni sa gsum pa yongs su gnon te/ de
 sems kyi bsam pa yid la bya ba bcu yongs su gnon to/ /bcu gang zhe na 'di lta ste/ dag pa'i bsam pa yid la bya ba dang/ mi g.yo ba'i sems kyi bsam pa yid la bya ba dang zhes bya ba la sogs pa gsungs te/ sa 'og ma
 rnams la yang de bzhin du sbyar ro/ /kun tu mnyam pa'i sems nyid dang zhes bya ba la/ sa la zhugs pa'i byang chub sems dpa' byang chub sems dpa' rnams ni gang zag dang chos la bdag med par rtogs pas chos kyi dbyings kun
 tu 'gro ba'i mtshan nyid khong du chung pa'i phyir/ /bdag dang sems can zhes tha dad par mi byed kyi sems can thams cad gang yin pa bdag kyang de yin la/ bdag gang yin pa sems can thams cad kyang da yin no zhes bdag dang
 sems can du mnyam pa nyid kyi sems thob ste/ de ni mtshan ma rnam pa drug pa'o/ /mi bkri zhes bya ba la/ mi bkri zhes bya ba'i don ni mi 'gyur zhe 'am/ dbang du mi 'gyur zhes bya ba'i don to/ /sa la zhugs pa'i byang chub sems dpa' 
 rnams ni bsod nams kyi tshogs chen po bsags pa dge ba phun sum tshogs pa dang ldan pa dang/ ye shes kyi tshogs bsags pas chos kun stong par khong du chud pa'i phyir/ gang la yang chags pa med ci la yang zhe sdang med pa de/ de bas na bsngags
 pa dang bsngags pa ma yin pa dang/ bde ba dang sdug bsngal ba la sogs pa gang byung ba de dag gis mi bskyod/ de dag gis sems bsgyur bar mi nus te/ bsngags na yang 'gying ba'i bsam pa mi skye/ bsngags pa ma yin pa
 smras na yang sro shi ba'i bsam pa mi skye bas na mi bkri ba zhes bya ste 'di ni mtshan ma bdun pa'o/ /de la bsngags pa ni yon tan brjod pa'o/ /bsngags pa ma yin pa ni smad cing skyon brjod pa'o/ /ma chags pa dang zhes bya ba la/ sa la zhugs
 pa'i byang chub sems dpa' rnams ni sangs rgyas dang byang chub sems dpa' i longs spyod phun sum tshogs pa dang ldan pas/ brgya byin dang tshangs pa dang 'khor los sgyur ba la sogs pa'i longs spyod la yang mi
 gtsang ba lta bur rtogs nas/ de dag kun spangs te/ rab tu 'byung bar byed pas na/ ma chags pa zhes bya ste/ 'di ni mtshan ma brgyad pa'o/ /thabs shes te zhes bya ba la/ sa la zhugs pa'i byang chub sems dpa' ni sangs
 rgyas kyi chos thams cad 'grub pa'i thabs rnam par mi rtog pa'i ye shes dang ldan pas thabs shes pa zhes bya ste/ 'di ni mtshan ma dgu pa'o/ /rnam par mi rtog pa'i ye shes de/ sangs rgyas kyi chos thams cad 'grub pa'i thabs yin
 par ci mngon zhe na/ shes rab kyi pha rol tu phyin pa'i 'bum las/ byang chub sems dpa' sems dpa' chen po rnams kyis/ gal te sbyin pa'i pha rol tu phyin pa yongs su rdzogs par bya bar 'dod na/ mi dmigs pa'i tshul gyis
 shes rab kyi pha rol tu phyin pa la bslab par bya'o zhes gsungs pa nas/ gal te rnam pa thams cad mkhyen pa thob par 'dod na mi dmigs pa'i tshul gyis shes rab kyi pha rol tu phyin pa la bslab par bya'o zhes gsungs pa'i phyir ro/ /
 dkyil 'khor du yang skye ba'o zhes bya ba la/ sa la zhugs pa'i byang chub sems dpa' rnams sems can gyi don du ni smon lam gyi dbang gis sangs rgyas med pa'i 'jig rten gyi khams su skye ba ma rtogs par gar skyes gar skyes
 kyang dus thams cad du de bzhin gshegs pa bzhugs pa'i 'khor gyi dkyil 'khor du skye ste/ 'di ni mtshan ma bcu pa'o/ /de bas na sa bcu pa'i sa dang po las kyang bdag shi nas kyang gdon mi za bar sangs rgyas dang byang chub sems
 dpa' dag dang mi 'bral bar 'gyur ro zhes de'i phyir de la ngan song gi 'jigs pa med do zhes gsungs so/ /thabs la mkhas pa ni mi dmigs pa'i sangs rgyas su 'grub pa'i thabs su shes pa'i phyir ro zhes bya ba la/ sangs rgyas
 su 'grub pa'i thabs ni mi dmigs te/ rnam par mi rtog pa'i ye shes yin par shes pas sa thams cad la yang rnam par mi rtog pa'i ye shes la gnas pa ni thabs la mkhas pa zhes bya'o/ /byang chub sems dpa' i sa rnams
 la/ pha rol tu phyin pa thob pa'i mtshan ma rnam par dbye ba la tshigs su bcad pa gnyis so zhes bya ba la/ sa thob pa'i byang chub sems dpa' rnams la mtshan ma bcu 'byung bar ma zad kyi/ sa thob pa'i byang chub sems dpa' 
 rnams sa re re pha rol tu phyin pa bcu bcu 'thob ste/ pha rol tu phyin pa bcu 'thob pa'i mtshan ma bcu drug 'byung ba'i tshigs su bcad pa gnyis kyis ston zhes bya ba'i don to/ /yang na sa re re zhing pha rol tu phyin pa re re rdzogs te/
 pha rol tu phyin pa re re rdzogs pa'i mtshan ma bcu drug 'byung ba'i tshigs su bcad pa gnyis kyis ston te zhes bya ba'i don to/ /tshigs su bcad pa bcu drug ba'i don bshad pa yang rnam pa gnyis te/ bsdus te sbyir bstan pa dang
 spros te rgyas par bshad pa'o/ /'dod med ma yin zhes bya ba la/ sa la zhugs phan chad pha rol tu phyin pa bcu bsgrub pa la 'dod pa dang mos pa dang bral ba ma yin te/ pha rol tu phyin pa rnams la bsgrub pa la/ 'dod pa
 dang mos pa'i shas cher yod pa na/ 'dod med ma yin pa zhes bya ste/ 'dis ni bsdus te spyir bstan pa yin no/ /pha rol tu phyin pa bsgrub pa la mos pa dang bral ba ma yin par spros te/ rgyas par bshad pa'i phyir/ chags
 med ces bya ba la sogs smos te/ de la lus dang longs spyod la zhen cing gtong mi phong pa ni chags pa zhes bya ste/ sa dang po la zhugs pa'i byang chub sems dpa' rnams bdag dang gzhan du
 mnyam pa nyid thob pas phyi nang gi dngos po thams cad sems can la yongs su gtong bar byed de/ de bas na sbyin pa'i mi mthun pa'i phyogs ser sna med pa'i phyir chags pa med ces bya'o/ /de'i phyir sa dang po la ni sbyin pa'i pha
 rol tu phyin pa shas che ba yin te/ de bas na sa dang po las/ de'i pha rol tu phyin pa bcu las sbyin pa'i pha rol tu phyin pa shas che ba yin te/ lhag ma rnams kyang ci tshul ci nus su yang dag par mi sgrub pa ma yin no zhes
 gsungs so/ /'khu ba'i sems med/ ces bya ba la/ sems can rnams kyi srog gcod pa dang nor la ma byin par len pa la sogs pa mi dge ba bcu spyod pa ni 'khu ba'i sems zhes bya ste/ sa gnyis pa la zhugs
 pa'i byang chub sems dpa' rnams rmi lam du yang/ mi dge ba bcu spyod pa mi rmi bas/ 'khu ba'i sems med pa zhes bya'o/ /de bas sa gnyis pa la ni tshul khrims kyi pha rol tu phyin pa shas che ba yin no/ /nga bas
 sa gnyis pa pha rol tu phyin pa bcu las tshul khrims kyi pha rol tu phyin pa shas che ba yin te/ lhag ma rnams kyang ji tshul ji nus su mi sgrub pa ni ma yin no zhes gsungs so/ /khro med ces bya ba la/ gzhan gyi srog dang
 longs spyod la sogs pa gnod pa byas na zhe sdang gi bsam pas slar gnod pa bya bar sems pa 'am/ grang ba dang che ba la sogs pa'i sdug bsngal myong na mi bzod pa'i sems skye ba ni khro ba zhes bya'o/ /sa gsum ba la
 zhugs pa'i byang chub sems dpa' rnams bzod pa mi mthun pa'i phyogs sems can gyis gnod pa byas kyang slar gnod pa'i lan glan pa'i bsam pa med pa dang/ bdag dang gzhan gyi don du grang ba dang tsha ba la sogs pa'i sdug
 bsngal myong yang bzod cing nyams su len pas khro ba med pa zhes bya ste/ de bas na sa gsum pa 'di la bzod pa'i pha rol tu phyin pa shas che ba yin no/ /de'i phyir sa gsum pa las kyang pha rol tu phyin pa bcu las bzod pa'i pha
 rol tu phyin pa shas che ba yin te/ lhag ma rnams kyang ji nus ji tshul du mi sgrub pa ma yin no zhes gsungs so/ /le lo med ces bya ba la/ nyal ba dang 'phres pa la sogs pa la dga' bar byas nas/ byang chub kyi phyogs kyi
 dge ba'i chos rgyun du mi sgom pa ni le lo zhes bya'o/ /sa bzhi pa la gnas pa'i byang chub sems dpa' rnams brtson 'grus kyi mi mthun pa'i phyogs le lo spangs nas byang chub kyi chos la rgyun du sgom par byed pas na le lo med pa zhes
 bya ste/ de bas na sa bzhi po 'di la brtson 'grus kyi pha rol tu phyin pa shas che ba yin no/ /de'i phyir sa bzhi pa nyid las/ pha rol tu phyin pa bcu la brtson 'grus kyi pha rol tu phyin pa shas che ba yin te/ lhag ma rnams kyang
 ji tshul ji nus yang dag par mi sgrub pa ma yin no zhes gsungs so/ /byams dang snying rje bsam pas zhes pa la/ bsam gtan bzhi dag la lhag par tshad med pa bzhi dang ldan pas bsam gtan bzhi dang ldan pa rnams ni
 byams pa dang snying rje'i bsam pa dang ldan pa zhes bya'o/ /sa lnga pa thob pa'i byang chub sems dpa' rnams bsam gtan dang ting nge 'dzin thob pa yin pas na/ byams pa dang snying rje'i bsam pa ldan pa zhes bya ste/ de bas
 na sa 'di la bsam gtan gyi pha rol tu phyin pa shas che ba yin no/ /de'i phyir sa lnga pa nyid las/ de'i pha rol tu phyin pa bcu las bsam gtan gyi pha rol tu phyin pa shas che ba yin te/ lhag
 ma rnams kyang ji tshul ji nus su mi sgrub pa ma yin no zhes gsungs so/ /blo log med rtog dang rnam rtog mi 'phrogs pa zhes bya ba la/ rtag pa dang gtsang ba dang bdag la sogs par yod par 'dzin pa ni blo log pa zhes
 bya'o/ /chos rnams kyi rang gi mtshan nyid la sems pa ni rtog pa zhes bya'o/ /rtog go zhes bya ba la sogs pa chos rnams kyi khyad par dang/ spyi'i mtshan nyid la sems pa ni rnam par rtog pa zhes bya'o/ /yang na ma rig
 pa'i rkyen gyis 'du byed la sogs pa lugs bzhin pa'i rten cing 'brel te 'byung ba la nag po'i phyogs su rtog pa ni rtog pa zhes bya'o/ /ma rig pa 'gags pas 'du byed 'gag pa la sogs pa lugs las bzlog pa'i rten
 cing 'brel te 'byung ba la dkar bo'i phyogs su rtogs pa ni rnam par rtog pa zhes bya'o/ /sa drug pa thob pa'i byang chub sems dpa' rnams stong pa nyid ro gcig pa'i mtshan nyid kyi ting nge 'dzin la gnas pas na/ de dag la rtag?
 pa dang bde ba la sogs par rtog pa med pa'i phyir/ blo log pa med pa zhes bya'o/ /lugs bzhin pa'i rten cing 'brel te 'byung ba dang/ lugs las bzlog pa'i rten cing 'brel te 'byung ba gnyi ga stong pa nyid kyi mtshan nyid
 rtogs pas dkar po'i phyogs dang nag po'i phyogs su mi rtog pa'i phyir rtog pa dang rnam par rtog pas mi 'phrogs pa zhes bya ste/ de bas na sa drug pa la shes rab kyi pha rol tu phyin pa shas che ba yin no/ /de'i phyir sa drug pa
 nyid las kyang/ pha rol tu phyin pa bcu las shes rab kyi pha rol tu phyin pa shas che ba yin te/ lhag pa rnams kyang ji tshul ji nus su yang dag par mi sgrub pa ma yin no zhes gsungs so/ /de yan chad sa drug dang pha rol tu
 phyin pa drug sbyar te bstan te/ /g.yengs pa'i blo min zhes bya ba la/ sa la zhugs pa'i byang chub sems dpa' rnams ni dge ba ci spyad pa'i rnams nyan thos dang rang sangs rgyas kyi theg par mi bsngo ste/ bdag 'ba' zhig
 gi don du 'gyur pa theg pa chung du yid la mi byed bas g.yengs pa'i blo ma yin pa zhes bya'o/ /bde bas mi 'phrogs zhes bya ba la/ sa la zhugs pa'i byang chub sems dpa' rnams brgya byin dang tshangs pa la sogs ba'i
 longs spyod kyang spangs nas khyim nas khyim md par rab tu 'byung ste/ longs spyod kyi bde ba gang la yang ma chags pas na bas mi 'phrogs pa zhes bya'o/ /sdug bsngal dag gis ldog mi 'gyur zhes bya ba la/ bdag dang sems
 can gyi don byed pa'i rtsen pa zhes bya ste/ de bas na sa bcu pa 'di la/ ye shes kyi pha rol tu phyin pa shas che ba yin zhing mngon par shes pa'i las la thogs ba med par 'jug pa yin no/ /de'i phyir sa bcu pa nyid las/ kye rgyal
 ba'i sras dag /de la byang chub sems dpa' i chos kyi sprin la gnas pa'i byang chub sems dpa' ni chos kyi khams yang dag par bsgrubs pa yang dag pa ji lta ba bzhin du rab tu shes so zhes bya ba la sogs pa gsungs so/ /de de
 lta bu'i ye shes dang ldan pa'i blos/ gong du sems can rnams kyi sprul pa'i las yang dag par ji lta ba bzhin du shes so zhes bya ba la sogs pa gsungs so/ /yang de'i pha rol tu phyin pa bcu las ye shes kyi pha rol tu phyin
 pa shas che ba yin te/ lhag ma rnams kyang ji tshul ji nus su mi sgrub pa ma yin no zhes gsungs so/ /de ltar sa bzhi dang pha rol tu phyin pa bzhi rnams su sbyar te bstan to/ /sa bcu rnams su pha
 rol tu phyin pa bcu bsgrubs pa'i 'bras bu gang yin pa bstan pa'i phyir ro/ kun gyi steng 'dug yon tan gter te sangs rgyas sras rig bya zhes bya ba smos te/ kun gyi steng ni sa bcu pa'i byang chub sems dpa' o/ /sa bcu pa'i
 steng na 'dug pa ni sangs rgyas kyi sa stobs dang mi 'jigs pa la sogs pa'i yon tan thams cad gter du gyur pa/ sangs rgyas su grub pa ste/ rgyal ba'i sras byang chub sems dpa' rnams sa bcu bsgrubs pas mjug tu yon tan thams cad kyi
 gter du gyur pa/ sangs rgyas kyi mtshan nyid kyi 'bras bu thob par rig par bya'o/ /yang na kun gyi steng ni sa bcu pa nyid la bya ste/ sa dgu man chad pha rol tu phyin pa dgu bsgrubs pas/ de'i 'og tu sa kun gyi steng yon tan thams cad kyi 'byung gnas su gyur
 pa sangs rgyas sa'i rgyu lta bur gnas pas bcu pa de rgyal ba'i sras byang chub sems dpa' 'thob par 'gyur bar rig par bya'o zhes bya ba'i don to/ /pha rol tu phyin pa bcu thob pa'i byang chub sems dpa' i mtshan ma bcu drug ston te/ zhes bya
 ba la sa re re thob pa la pha rol tu phyin pa bcu bcu thob pa shas cher byas na/ sa gcig cing pha rol tu phyin pa re re shas che ba'i mtshan ma bcu drug tshigs su bcad pa gnyis kyis ston to zhes bya ba'i don to/ /de la mtshan ma bcu drug ni chags med nas/ blo
 log med cing rtog dang rnam rtog mi 'phrogs zhes bya ba yan chad pha rol tu phyin pa drug dang sa drug tu sbyar te/ mtshan ma drug bstan to/ /g.yengs pa blo min zhes bya ba nas/ ston pa mchog la te bya ba yan chad mtshan ma drug ste/ de ltar mtshan ma
 bcu gnyis so/ /bsod nams kun bsags zhes bya ba nas mngon shes rtsen zhes bya ba yan chad pha rol tu phyin pa bzhi dang/ sa bzhir sbyar te mtshan ma bzhi bstan nas de ltar mtshan ma bcu drug go /'dod med ma yin zhes bya ba'i dang po ni pha rol tu
 phyin pa rnams bsgrub pa'i phyir ston pa'o/ /kun gyi steng 'dug yon tan gter te sangs rgyas sras rig bya'i tshig tha mas ni pha rol tu phyin pa drug bsgrubs pa'i 'bras bu gang yin pa bstan to/ /rtag tu pha rol tu phyin pa rnams sgrub pa la mos pa dang
 ma bral ba zhes bya ba ni sa re re la yang pha rol tu phyin pa bcu bsgrub pa la dad pa dang 'dod pa med pa ma yin te zhes bya ba'i don to/ /pha rol tu phyin pa drug rnams re re'i mi mthun pa'i phyogs dang bral ba dang zhes bya ba la/ sbyin pa'i pha rol tu phyin pa'i mi mthun
 pa'i phyogs ni chags pa ste/ de sa dang po'i tshe na med do/ /tshul khrims kyi pha rol tu phyin pa'i mi mthun pa'i phyogs ni/ 'khu ba'i sems te de se gnyis pa'i tshe na med do/ /bzod pa'i pha rol tu phyin pa'i mi mthun pa'i phyogs ni khro ba ste/ de sa gsum pa'i tshe na med do//
 brtson 'grus kyi pha rol tu phyin pa'i mi mthun pa'i phyogs ni le lo ste/ de sa bzhi pa'i tshe na med do/ /bsam gtan gyi pha rol tu phyin pa'i mi mthun pa'i phyogs ni gnod sems dang 'tsha ba ste/ de sa lnga pa'i dus na med do/ /shes rab kyi pha rol tu phyin pa'i mi
 mthun pa'i phyogs ni blo log pa ste/ rtog pa dang rnam par rtog pa ste/ de sa drug ba'i dus na med do/ /theg pa gzhan yid la byed pas ma g.yengs pa zhes bya ba la/ dge ba'i tshogs ci bsags pa rnams nyan thos dang rang sangs rgyas kyi theg par mi bsngo zhing
 nyan thos dang rang sangs rgyas kyi chos yid la mi byed pa'i theg pa gzhan yid la mi byed pas ma g.yengs pa zhes bya'o/ /'byor ba'i bde ba la ma chags zhes bya ba ni 'khor los sgyur ba la sogs pa'i longs spyod la ma chags zhes bya ba'i don to/ /rgud pa dang
 dka' bar spyod pa'i sdug bsngal gyis sbyor ba las phyir mi ldog ces bya ba la/ rgud pa ni longs spyod la sogs pa dang bral zhing shi bar gyur pa'o/ /dka' ba spyod pa ni mgo dang rkang lag la sogs pa btang ba ste/ bdag
 dang gzhan gyi don la sbyor ba na rgud pa'i sdug bsngal dang/ dka' ba spyod pa'i sdug bsngal byung yang bdag dang gzhan gyi don la sbyor ba'i las mi gtong bas na phyir mi ldog pa zhes bya'o/ /dge ba'i bshes gnyen la brten pa dang zhes bya ba
 la/ theg pa chen po ston pa'i dge ba'i bshes gnyen la phyag 'tshal ba dang/ bsnyen bkur bya ba dang/ dus dus su de dag gi thang du 'gro ba ni dge ba'i bshes gnyen la brten pa zhes bya'o/ /thos pa la brtson pa zhes bya ba la/ theg pa chen po'i chos
 kyi don dang tshig rgyun du nyan ba ni thos pa la brtson pa zhes bya'o/ /ston pa mchod pa la brtson pa dang zhes bya ba la/ sangs rgyas bcom ldan 'das rnams la/ spos dang me tog la sogs pas rgyun du mchod par byed pa ni ston pa mchod pa la brtson pa
 zhes bya'o/ /thabs la mkhas pa'i pha rol tu phyin pas yang dag par bsngo ba dang zhes bya ba la/ mi dmigs pa'i tshul du dge ba ci byas pa rnams bdag dang sems can gnyis ka'i thun mong du byas nas bla na med pa'i byang chub thob par byed pa'i
 phyir bsngo ba ni thabs la mkhas pa'i pha rol tu phyin pas yang dag par bsngo ba zhes bya'o/ /bde ba'i gnas su skye ba zhes bya ba la/ smon lam gyi pha rol tu phyin ba'i dbang gis gang du sangs rgyas dang byang chub sems dpa' rnams gnas pa
 der skye bar byed pa ni bde ba'i gnas su skye ba zhes bya'o/ /de mi mthun pa'i phyogs kyi chos dang ma 'dres pa'i phyir zhes bya ba la pha rol tu phyin pa drug gi mi mthun pa'i phyogs ni ser sna dang ngan pa'i dang tshul la sogs pa ste/ stobs kyi pha
 rol tu phyin pa dang ldan bas rgyun du dge ba 'ba' zhig byed kyi pha rol tu phyin pa drug dang mi mthun pa'i phyogs cung zad kyang mi byed ba ni rtag tu dge ba byed pa zhes bya'o/ /mngon par shes pa'i yon tan gyis rtsen pa ni ye shes kyi pha rol tu phyin pas so
 zhes bya ba la/ ye shes kyi pha rol tu phyin pa dang ldan pas rdul phra mo dag kyang 'jig rten gyi khams dpag tu med pa rtsam du chen por byed ba dang/ 'jig rten gyi khams dpag tu med pa yan rdul phra mo tsam du chung ngur byed pa la sogs pa rdzu 'phrul
 rnam pa sna tshogs byed pa ni mngon par shes pa'i yon tan gyis rtsen pa zhes bya'o/ /de la byams pa ni gnod sems kyi gnyen po ste/ bde ba sgrub pa'i bsam pa'o zhes bya'o/ /sems can rnams la brdeg pa dang bcing ba la sogs pa'i gnod pa
 sna tshogs pa bya bar sems pa ni gnod sems zhes bya'o/ /sems can rnams 'jig rten dang 'jig rten las 'das pa'i bde ba la bzhag par sems pa ni bde ba bsgrub pa'i bsam pa zes bya'o/ /byams pa'i sems byung na ni gnod sems med par
 'gyur bas byams pa ni gnod sems kyi gnyen po ste/ dngos su byams pa'i rang bzhin ji lta bu zhe na/ sems can rnams bde ba la bzhag par sems pa'o/ /snying rje ni 'tshe ba'i gnyen po ste/ sdug bsngal med par byed pa'i bsam
 pa'o zhes bya ba la/ sems can rnams la rdeg pa dang 'ching ba la sogs pa byed ba ni 'tshe ba'o/ /sems can rnams kyi skye rga na shi 'chi ba la sogs pa'i sdug bsngal med par byed ba'i bsam pa zhes bya'o/ /snying rje byung na sems
 can la 'tshe ba mi 'byung bas snying rje ni 'tshe ba'i gnyen po ste/ dngos su na snying rje'i rang bzhin ji lta bu yin zhe na/ sems can gyi sdug bsngal med par byed pa'i bsam pa'o/ /rang bzhin du rtog pa ni rtog pa'o zhes bya ba la/ sa ni sra ba'i
 rang bzhin no/ /chu ni gsher ba'i rang bzhin no zhes rtog pa rtog pa zhes bya'o/ /bye brag tu rtog pa ni rnam par rtog par rig par bya'o zhes bya ba la/ sa 'jig go/ sa mi rtag go /sdug bsngal ba'o zhes bye brag tu
 rtog pa la rnam par rtog pa zhes bya'o/ /de nyid kyi rjes su bsngags pa rnam par dbye ba la tshigs su bcad pa zhes bya ba la/ de ni sa bcu rnams su pha rol tu phyin pa bcu bsgrubs pa'i yon tan dang legs pa ji snyed yod pa rnam par dbye ba la tshigs su
 bcad pa gcig ston to zhi gnas dang ni lhag mthong gnyis/ /lnga dag nyid du rig par bya/ /blo ldan dag gi bsngags pa ni/ /rnam pa kun du sa kun la zhes bya ba la/ blo dang ldan pa byang chub sems dpa' rnams kyis mos par spyod pa'i sa yan changs
 bcu pa man chad na pha rol tu phyin pa bcu bsgrubs pa'i yon tan rnam pa lngar rig par bya ste/ yon tan rnam pa lnga ni 'grel pa las 'og nas 'byung ba'o/ /lnga po de la yang rnam pa gsum du bzhag ste/ kha cig ni zhi gnas kyi phyogs su bzhag go/ kha
 cig ni lhag mthong gi phyogs su bzhag go /kha cig ni gnyi ga'i phyogs su bzhag go /skad cig ma re re la gnas ngan len gyi gnas thams cad 'joms par byed ba dang zhes bya ba la/ gnas ngan len gyi gnas ni nyon mongs pa dang
 shes bya'i sgrib pa'i bag chags kyi rten du gyur pa rnam par shes pa la bya ste/ zhi gnas rtse gcig pas lus dang sems las byung rung bar byas nas/ de'i rgyus lus dang sems las su mi rung ba'i rgyu nyon mongs pa dang shes bya'i sgrib pa'i bag
 chags spong bar byed pa ni 'joms par byed pa zhes bya'o/ /mos pa spyod ba'i sa yan chad na yang gnas ngan len gyi bag chags 'joms mod kyi/ skad cig ma re re la mi 'joms te/ sa dang po yan chad ni skad cig ma re re la yang
 gnas ngan len kyi gnas thams cad 'joms par byed de/ 'di ni rjes su bsngags pa rnam pa gcig go /'du shes sna tshogs dang bral ba'i chos kyi dga' ba la/ dga' ba rab tu 'thob pa dang zhes bya ba la/ 'di ni gzugs can gyi chos/ 'di ni
 gzugs med pa'i chos/ 'di ni 'dus byas kyi chos/ 'di ni 'dus ma byas kyi chos zhes tha dad par mi rtog pa ni 'du shes sna tshogs dang bral ba'i chos so/ /de ltar mtshan ma rnam pa sna tshogs su rtog pa spangs nas/ zhi gnas mtshan ma'i gnod pa thams cad dang
 bral ba'i mtshan ma med par bde ba rang gis rig cing/ de la rtse gcig tu 'jog pa ni chos kyi dga' ba la rab tu dga' ba thob pa zhes bya ste/ rab tu dga' ba thob ces bya ba ni sems g.yengs pa med pa thob ces bya ba'i don to/ /de la sa dang po yan chad
 mtshan ma rnam pa sna tshogs la rtog pa spangs nas/ mtshan ma med pa la gnas pa'i zhi gnas kyi lam rtse gcig tu thob bas na 'du shes sna tshogs dang bral ba'i chos kyi dga' ba rab tu 'thob ba zhes bya/ 'di ni mtshan ma rnam pa gnyis pa'o/ /yongs su mchad pa'i
 rnam pa thams cad du tshad med pa'i chos kyi snang ba rab tu shes pa dang zhes bya ba la/ 'di ni gzugs can/ 'di ni gzugs med pa/ 'di ni gzugs/ 'di ni sgra zhes tha dad par mi byed par chos thams cad ro gcig pa'i mtshan nyid du
 shes pa ni yongs su mchad pa'i rnam pa thams cad du mtshan ma med pa'i chos kyi snang ba rab tu shes pa zhes bya'o/ /yang na chos kha cig shes/ kha cig mi shes pa ma yin gyi phyogs bcu dus gsum gyi chos thams cad/
 mnyam par shes pas na yongs su ma chad pa'i rnam pa thams cad du tshad med pa'i chos kyi snang ba rab tu shes pa zhes bya'o/ /'di ni mtshan ma rnam pa gsum pa'o/ /rnam par brtags pa ma yin pa rnam par dag pa'i phyogs
 kyi mtshan ma dag la spyod par 'gyur/ theg pa chen po mdo sde'i rgyan gyi 'grel pa rgya cher bshad pa slob dpon chen po blo gros brtan pas
 mdzad pa rdzogs so// //mang yul du mkhan po mu ne tsan+d+ra? dang/ lo tsA ba lce bkra shis kyis TI ka rnam gnyis kyi gzhi bzung ste/ mkhan
 pos kyang ci mkhyen du TI ka gsar du bsgyur ba rnam pa gnyis dang gtugs na yang/ TI ka gsar pa las mi mngon bdag kyang 'di las zhib tu 'chad pa 'di yang gces par bgyi'o
 mjug cung zad cig ma tshang ba 'di stor bas TI ka gnyis dang gtug cing bgyi lags so// dge'o//