བོད་ཡིག

e-texts based on the ACIP/ALL Input

byang chub sems dpa' i spyod pa mdo tsam gdams ngag tu byas pa / sangs rgyas dang byang chub sems dpa' thams cad la phyag 'tshal lo/ /des par legs pa'i byang chub dang/ /mngon par mtho ba thob 'dod pas// dkon mchog gsum la lhar gzung nas/ /dang po snying rje kun la blta/ /de nas byang chub sems bskyed de/ /thabs dang ldan pa'i spyod pa yis/ /rang gi sems nyid dang bor gdul/ /dang por rang nyid ma dul bar/ /gzhan dag gdul bar ji ltar nus/ /ji ltar 'dab shog mtshang ba'i/ /bya yis mkha' la 'phur mi nus/ /de bzhin lha spyod med pa yi/ /gang zag dag ni ji ltar grol/ /de phyir de nyi gnyis 'grub pa'i phyir/ /dka' ba'i 'bad pa chen pos byad// dka' bas sbyangs pa ma byas par/ /sla bas goms par ji ltar 'gyur/ /gong dgos khur khyer rgyal sras des/ /dge ba'i bshes gnyen bsten byas te/ /shes rab gsum la gzhi bcas nas/ /go 'phang mchog tu 'gro ba yi/ /lta ba nyid la gtsor sbyangs te/ /tshul khrims gtsang ma'i gos gyon nas/ /sgrub la nan tan gces su bya/ /chos kyi rjes su bsgrub pa'i phyir/ /dus dang gnas skabs kun tu yang/ /sbyor ba dngos gzhi rjes gsum gyis/ /las rnams dran pas zin par bya/ /skyon spongs legs bsgrub don yod bya/ /spyod lam don med du mi gnas/ /rtag tu rang gi yon tan sbyang/ /dge ba'i phyogs kyi sbyor ba la/ /spro bya zhum dang sems mi gsang/ /nyes spong yon tan dge 'phel ba'i/ grogs tsal mthun pas de sems gzung/ /yon tan can la gus phyag bya/ /nyon mongs skye grogs thabs kyis yang/ /mtho dman grogs kun dag la yang/ /chu las 'o ma len pa bzhin/ /nyes pa dor la legs pa blad/ /byas la drin gzo slar phan gdags/ /gzhan gyi sdig rkyen mi bya zhing/ /dge ba'i bar chad mi bya zhing/ /mtho la phun tshogs phrag dog med/ /grogs dang dman la brnyas thabs dang/ /khyad du gsang ba nyid mi bya/ /rang skyon gzhan gyi yon tan bsgrag /gzhan skyon mi gleng rang mi bstod/ /'di bas phyi ma gtsor gzung ste/ /byed dgu chos dang bstun te bya/ /'di yi zang zing rnam spangs te/ /'phags pa'i nor gyis lus brgyan bya/ / sdug bsngal dag la bder mi gzung/ /gnyid rmugs le lo g.yeng spangs te/ /nges par 'chi ba'i 'du shes bskyed/ /dge ba chung yang 'bad pas bsgrub/ /sdig pa chung yang rnam par spang/ /chos kyi ched du ma gtogs par/ /kha zas gos sogs don mi gnyer/ /'dod pa chung dang chog shes bya/ /'jig rten chos brgyad rnam par spang/ /do dga' gzhog slongs sogs mi bya/ /rang la skyon yod mi tshor bar/ /gzhan gyi skyon la dpyad mi bya/ /smra dga' khas len dpa' byas nas/ /de bzhin mi bsgrub spang bar bya/ /g.yo dag rgyu dag mi bya zhing/ /log pa'i 'tsho ba rnam par spang/ /chos dang mthun pas bsgrub par bya/ /nye du 'brel pa la sogs la/ /zhen par chags par mi bya zhing/ /phyogs ris zhen phyogs med par bya/ /gzhan la re ba chung bar bya/ /mi dge'i las la mi bstod smad/ /dgos pa med pa'i 'du 'ji spang/ /bre mo'i gtam la dga' mi bya/ /zhen pas 'dod pa'i yid smon dgag/ yon tan thob dang tshogs 'phel ba'i/ /las la zhum dang do dga' spang/ /nga rgyal khengs pa gnyen pos gzhom/ /zhe gdug khengs grags rnam par spang/ /dngos dang brgyud pas sems can kun/ /nye du 'brel par gyur pas na/ /lus dag yid gsum dri med pas/ /de dag kun la bu bzhin blta/ /snying rje bzhin 'dzum gsong por smra/ /dga' ba'i mig gis kun la blta/ /'khor grogs mtho dman nye ring snyoms /bstod dang bkur stis mi dregs shing ? smod dang brnyas la zhe mi sdang/ /phongs pa rnams la snying rje yis/ /phan ni gdags pa nyid du bya/ /gang la chags pa spang bya ste/ /dman pa rnams la snying rje dang/ /phan pa'i bsam pas gdams ngag bya/ /sems can bsam pa tha dad pas/ /bya ba don chen brtags te/ /bya/ /thams cad mgu bar su yis nus/ /'on kyang 'gyod pa med pa yis/ /sdug bsngal khyad bsad ba de ma chags/ /rang gi sems sbyangs gzhan sems gzung/ /brnyas dang nyes pa byung la sogs/ /gnyen po las dang brdzun pas sbyang/ /de ltar blta zhing byang chub kyi/ /spyod pa yi dam brtan par bya/ /mi lus rin chen chud ma gsan/ /des par 'chi bas long med srid/ /brtson 'grus me bzhin drag tu spyod/ / mngon zhen bdag lta'i rtsa ba chod/ /dug gsum 'khor pa gnyen pos choms/ /phyin ci log gi g.yang sa dor/ /'khor ba'i rgyun chod las chu skoms/ /ngan song gsum po sgo chod la/ /sdug bsngal gsum gyi nad zhi ste/ / mtho ris thar pa'i skas la 'dzegs/ /sgribpa gnyis sbyongs tshogs gnyis rdzogs/ /sku dang ye shes sa thob ste/ /'bad pa med par gzhan don sgrubs/ /byang chub sems dpa' i spyod pa mdo tsam gdams dag tu byas pa/ slob dpon chen po dpal mar me mdzad ye shes kyis mdzad pa rdzogs so// //byang chub sems dpa' las dang po'i lam la 'jug pa bstan pa bzhugs// //*/ /rgya gar skad du /bo d+hi satwa karma