བོད་ཡིག

e-texts based on the ACIP/ALL Input

tsam gdams ngag tu byas pa/ /slob dpon chen po dpal mar me mdzad ye shes kyis mdzad pa rdzogs so// //byang chub lam sgron jo bo rjes mdzad pa// //*/ /rgya gar skad du /bo d+hi pa thA pra dI paM/ bod skad du/ byang chub lam gyi sgron ma/ /byang chub sems dpa' 'jam dpal gzhon nur gyur pa phyag 'tshal lo /dus gsum rgyal ba thams cad dag dang de'i chos dang/ /dge 'dun rnams la gus pa chen pos phyag byas te/ /slob ma bzang po byang chub 'od kyis bskul gyur pas/ /byang chub lam gyi sgron ma rab tu gsal bar bya/ /chud du 'brid dang mchog gyur pas/ /skyes bu gsum tu shes par bya/ /de dag mtshan nyid rab gsal ba /so so'i dbye ba bri par bya/ /gang zhig thabs ni gang dag gis/ /'khor ba'i bde ba tsam dag la/ /rang nyid don du gnyer byed pa /de ni skyes bu tha mad shes/ /srid pa'i bde la rgyab phyogs shing/ /sdig pa'i las las ldog bdag nyid/ /gang zhig rang zhi tsam don gnyer/ /skyes bu de ni 'bring zhes bya/ /rang rgyud gtogs pa'i sdug bsngal gyis/ /gang zhig gzhan gyi sdug bsngal kun/ /yang dag zad par kun nas 'dod/ /skyes bu de ni mchog yin no/ /sems can dam pa byang chub mchog /'dod par gyur pa de dag la/ /bla ma rnams gyis bstan pa yi/ /yang dag thabs ni bshad par bya/ /rdzogs sangs bris sku? la? sogs dang/ /mchod rten dam pa mngon phyogs nas/ /me tog bdug spos dngos po dag /ci 'byor pa yi mchod pa bya/ / kun bzangs spyod las gsungs pa yi/ /mchod pa rnam pa bdun dag kyang/ /byang chub snying po'i mthar thug par/ /mi ldog pa yi sems dag gis/ /dkon mchog gsum la rab dad cing/ /bus mo'i lha nga? sar btsugs nas/ /thal mo sbyar ba byas nas ni/ /dang por skyabs 'gro lan gsum bya/ /de nas sems can thams cad la/ /byams pa'i sems ni sngon gro bas/ /ngan song gsum du skye sogs dang/ /'chi'? pho sogs kyis sdug bsngal ba'i 'gro ba ma lus la bltas te/ /sdug bsngal gyis ni sdug bsngal ba/ /sdug bsngal sdug bsngal rgyun chin las /'gro ba thar bar 'dod pa yis/ /ldog pa med par dam 'cha' ba' i/ /byang chub sems ni bskyed par bya'o/ /de ltar smon pa'i sems dag ni/ /bskyed pa'i yon tan gang yin pa/ /de ni sdong po bkod pa yi/ /mdo las byams pas rab tu bshad/ /de yi mdo klog pa 'am bla ma la mnyan te/ /rdzogs ba'i byang chub sems kyis yon tan mdza' med pa/ /rnam par shes par byas la de nas rgyu mtshan du/ /de ltar yang dang yang du sems ni bskyed par bya/ /dpa' sbyin gyis zhus mdo dag las/ /'di yi bsod nams rab bstan pa/ /gang de tshigs bcad gsum tsam du/ /mdor bsdus 'dir ni bri bar bya/ /byang chub sems kyi bsod nams gang/ /de la gal te gzugs mchis nas/ /nam mkha' i khams ni kun gang ste/ /de ni de bas lhag bar 'gyur/ /gang gA'i bye ma grangs snyed kyi/ /sangs rgyas zhing rnams mi gang gis/ /rin chen dag gis kun bkang ste/ /'jig rten mgon la phul ba bas/ /gang gi thal mo sbyar bgyis te/ /byang chub tu ni sems btud na/ /mchod pa 'di ni khyad par 'phags/ /de la mdza' ni ma mchis so/ /byang chub smon pa'i sems dag bskyed nas ni/ /'bad pa mad pos kun tu spel bya zhing/ /'di ni skye ba gzhan du 'ang dran don du/ /ji skad bshad pa'i bslab pa 'ang yongs su bsrung/ /'jug sems bdag nyid sdom pa ma gtogs par/ /yang dag smon pa 'phel bar 'gyur ma yin/ /rdzogs pa'i byang chub smon pa 'phel 'dod pas/ de phyir 'bad pas 'di ni nges par blang/ /so sor thar ba rigs bdun gyi/ /rtag tu sdom gzhan ldan pa dang/ /byang chub sems dpa' i sdom pa yi/ /skal ba yod kyi gzhan du min/ /so sor thar pa rigs bdun dang/ /de bzhin gshegs pas bshad pa la/ /tshangs spyod dpal ni mchog yin te/ /dge slong sdom pa dag tu bzhad/ /byang chub sems dpa' i sa dag gi /tshul khrims le'ur gsungs cho ga yis/ /yang dag mtshan nyid ldan pa yi/ /bla ma bzang las sdom pa blang/ /sdom pa'i chog la mkhas dang/ /bdag nyid gang zhig sdom la gnas/ /sdom pa 'bogs bzod snying rjer ldan/ /bla ma bzang por shes par bya/ /de la 'bad bas 'di 'dra ba'i/ /gal te bla ma ma rnyed na/ /de las gzhan sdom nod ba yi/ /cho ga yang dag bshad par bya// de la sden? che 'jam ba'i dpal/ /am ba ra dzar gyur ba yis/ /ji ltar byang chub thugs bskyed pa/ /'jam dpal gyi ni sangs rgyas zhing/ /rgyan gyi mdo las bshad pa ltar/ /de bzhin 'dir ni rab gsal kri/ /mgon po rnams kyi spyan snga ru/ /rdzogs pa'i byang chub sems bskyed cing/ /'gro ba thams cad mgron du gnyeng/ /de dag 'khor ba las bsgral lo/ /gnod sems khro ba'i sems nyid dang/ /ser sna dang ni phrag dog nyid/ /deng nas bzung nas byang chub mchog /thob kyi bar du mi bya'o// tshangs bar spyod pa sbyang bya zhing/ /sdig dang 'dod pa sbad bar bya/ /tshul khrims sdom pa la dga' bas/ /sangs rgyas rjes su bslab par bya/ /bdag nyid myur ba'i tshul gyis ni/ /byang chub thob par mi sbro zhing/ /sems can gcig gi rgyu yis ni/ /phyi mI mu mthar gnas bar bgyi/ /tshad med bsam gyis mi khyab pa'i/ /zhing dag rnam par spyad par bya/ /ming nas gzung ba byas pa dang/ /phyogs bcu dag tu rnam par gnas/ /bdag gi lus dang ngag gi las/ /thams cad du ni dag par byas/ /yid/ kyi las kyang dag bya ste/ /mi dge'i las rnams mi bya'o/ /rang gi lus ngag sems ni rnam dag rgyu/ /'jug ba'i sems kyi bdag nyid sdom gnas pa/ /tshul khrims bslab pa gsum la legs bslabs paS// tshul khrims bslab pa gsum la gus tshar 'gyur/ /de bas rnam dag rdzogs byang chub/ /sems dpa' i sdom pa'i sdom dag ni/ /'bad par byas pas rdzogs byang chub/ /tshogs ni yongs su rdzogs par 'gyur/ /bsod nams ye shes rang bzhin gyi/ /tshogs ni yongs su rdzogs pa yi/ /rgyu ni sangs rgyas thams cad dag /mngon shes skyed pa nyid du bzhed/ /ji ltar 'dab gshog ma skyes pa'i/ /byas ni mkha' la 'phur mi nus/ /de bzhin mngon shes stobs bral bas/ /sems can don byed nus ba min/ /mngon shes ldan pa'i nyin mtshan gyi/ /bsod nams dag ni gang yin te/ /mngon shes dag dang bral gyur la/ /skye ba brgyar yang yod ma yin/ /myur du rdzogs pa'i byang chub tshogs/ / yongs su rdzogs par 'dod gyur pa/ /des ni 'bad byas mngon shes dag /'grub par 'gyur gyis lo los min/ /zhi gnas grub pa ma yin pas/ /mngon shes 'byung bar mi 'gyur bas/ /de phyir zhi gnas bsgrub pa'i phyir// yang dang yang du 'bad par bya/ /zhi gnas yan lag rnam nyams pas/ /rab tu 'bad de bsgom byas kyang/ /lo ni stong phrag dag gis kyang/ /ting 'dzin 'grub par mi 'gyur ro/ /de phyir ting 'dzin tshogs le'u las/ /gsungs pa'i yan lag la legs gnas/ /dmigs pa gang rung cig la 'ang/ /yid ni dge la gzhag par bya/ /rnal 'byor zhi gnas grub gyur na/ /mngon shes dag kyang 'grub par 'gyur/ /shes rab pha rol phyin sbyor dang/ /bral bas sgrib ba zad mi 'gyur/ /de phyir nyon mongs shes bya yi/ /sgrib pa ma lus spang ba'i phyir/ /shes rab pha rol phyin rnal 'byor/ /rtag tu thabs bcas bsgom par bya/ /thabs dang bral ba'i shes rab dang/ /shes rab bral ba'i thabs dag kyang// gang phyir 'ching ba zhes gsungs pa/ /de phyir gnyis ka spang mi bya/ /shes rab gang dang thabs gang zhes/ /the tshom dag ni spang bya'i phyir/ /thabs rnams dang ni shes rab kyi/ /yang dag dbye ba gsal bar bya/ /shes rab pha rol phyin spangs pa'i// sbyin ba'i pha rol phyin la sogs/ /dge ba'i tshogs rnams thams cad dag /rgyal ba rnams kyis thabs su bshad/ /thabs bsgom dbang gis bdag nyid kyis/ /gang zhig shes rab rnam bsgom pa/ /de ni byang chub myur du thob/ /bdag med gcig bu bsgom pas min/ /phung po khams dang skye mched rnams/ /skye ba med par rtogs gyur pa'i/ /rang bzhin stong nyid shes pa ni/ /shes rab ces ni yongs su bshad/ /yod pa skye ba rigs min te/ /med pa 'ang nam mkha' i me tog bzhin/ /nyes pa gnyis gar thal 'gyur phyir/ /gnyis ka dag kyang 'byung ba min/ /dngos po rang las mi skye zhing/ /gzhan dang gnyis ka las kyang min/ /rgyu med las min de yi phyir/ /ngo bo nyid kyis rang bzhin med/ /yang na chos rnams thams cad dag /gcig dang du mas rnam dbyad na/ /ngo bo nyid ni mi dmigs pas/ /rang bzhin med pa nyid du nges/ /stong nyid bdun bcu'i rigs pa dang/ /dbu ma rtsa ba sogs las kyang/ /dngos po rnams kyi rang bzhin gyi/ /stong pa nyid ni grub bshad ba/ /gang phyir gzhung ni mangs 'gyur bas/ /de phyir 'dir ni ma spros? la/ /grub? ba'i grub mdza' tsam zhig tu/ /bsgom ba'i phyir ni rab tu bshad/ /de bas chos rnams ma lus pa'i/ /rang bzhin dag ni mi dmigs pas/ /bdag 273a med par ni bsgom gang yin/ /de nyid shes rab bsgom pa yin/ /shes rab kyis ni chos rnams kun/ /gang gi rang bzhin ma mthong zhing/ /shes rab de nyid rig bshad pa/ /rnam rtogs med par de bsgom bya/ /rnam rtog las byung srid pa 'di/ /rnam par rtogs pa'i bdag nyid de/ /de phyir ma lus rtogs spangs pa/ /mya ngan 'das pa mchog yin no/ /de ltar yang bcom ldan 'das kyis/ /rnam rtog ma rig chen po ste/ /'khor ba'i rgya mtshor ltung bar byed/ /rtogs med ting nge 'dzin la gnas/ /nam mkha' bzhin du rtog med gsal zhes gsungs so/ /rnam par mi rtog pa la 'jug pa'i gzungs las kyang/ /dam chos 'di la rgyal ba'i sras/ /rnam par mi rtog bsam gyur na// rnam rtog bgrod dka' rnams 'das te/ /rim gyis mi rtog thob par 'gyur/ zhes gsungs so/ /lung dang rigs pa dag gis ni/ /chos rnams thams cad skye med pa'i/ /rang bzhin med pa des byas nas/ /rnam par rtog med bsgom par bya/ /de ltar de nyid bsgom byas nas/ /rim gyis drong sogs thob byas nas/ /rab dga' la sogs thob 'gyur te/ /sangs rgyas byang chub yun mi ring/ /sngags mthu nyid las grub pa yi/ /zhi dang rgyas sogs las rnams kyis/ /bum pa bzang grub la sogs pa/ /grub chen brgyad sogs stobs kyis kyang/ /bde ba yis ni byang chub tshogs/ /yongs su rdzogs par 'dod pa dang/ /bya ba spyod sogs rgyud gsungs pa'i/ /gal te gsang sngags spyod 'dod na/ /de tshe slob dpon dbang bkur phyir/ /bsnyen bkur rin chen soD sbyin dang/ /bka' bsgrub la sogs thams cad kyis/ /bla ma dam pa mnyes par bya/ /bla ma mnyes par gyur pa yis/ /yongs rdzogs slob dpon dbang bskur bas/ /sdig kun rnam dag bdag nyid ni/ /dngos