<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4108: ting nge 'dzin gyi tshogs kyi le'u zhes bya ba<br><table><tr><td>
<input type="button" onclick="location.href='tcompletep.php?id=N4108&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4108&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4108&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">dpon mahA ma ti'i zhal snga nas mdzad pa rdzogs so// //Atsarya bi na ya tsan+d+ra dang/ lo tsA ba dge slong chos kyi shes rab kyis bsgyur cing zhus te gtan la phab pa'o// //rgya gar skad du/ sa mA d+hi saM
 b+ha ra pa ri barta nA ma/ bod skad du/ ting 'dzin gyi tshogs kyi le'u zhes bya ba/ sangs rgyas dang byang chub sems dpa' thams cad la phyag 'tshal lo/ /srid pa ji srid bar du bzhugs pa yi/ /thub dbang sras bcas rnams la phyag 'tshal te/ gsang sngags mdo sde pha
 rol phyin pa yi/ /mdo sde'i rjes 'gro ting nge 'dzin mchog le'u brjod/ /deng sang skye bo phal cher bdud kyi lcags kyus gzung ste khyim gyi btson ra dam por bcug /bdud kyi 'jig rten skyod bzhis grims pas srungs shig sred sogs 'ching bas rab tu dam
 por bcings/ /sdom brtson dag kyang phal cher bdud kyi 'jig rten skyong bzhi'i dbang du gyur cing dge sbyong gi /gnas dang tshul spangs khyim pa rnams dang spyod mtshungs ngan 'gro'i g.yang sar mngon phyogs tho ris spangs/ /de'i phyir 'di ni bdag nyid dran phyir byas kyi
 gzhan la phan pa'i re ba yod ma yin/ /'on kyang bdag dang skal pa mnyam pa la la gnas 'dir dga' na yang dag rtogs pas smra 'di nyon/ /de la ting nge 'dzin gyi tshogs kyi yan lag ni rnam pa dgu ste/ spang bar bya ba dang sngon du 'gro ba dang/ ldog par bya
 ba dang/ gdung pa bcad pa dang/ yid 'byung bar bya ba dang/ yon tan rjes su dran par bya ba dang/ brtson par bya ba dang/ 'brel par bya ba dang/ gnas pa'i thabs zhes bya ba rnams so/ /de la spang bar bya ba ni bdud kyi las so/ /de la bdud ni gang de las ni
 gang zhe na/ bdud ni 'dod pa'i lha sdig can zhes bya ba chung ma pad+ma'i phreng ba can dang 'khor 'jig rten skyong pa bzhi dang/ bdud kyi rigs kyi yi dags dang bcas pa gang yin pa'o/ /de dag gi las ni 'dod pa'i lta de chung ma dang bcas pa'i spyi bo na me tog gi
 mda' lnga yod pa ni/ 'di lta ste dregs par byed pa dang/ rmongs par byed pa dang/ kun tu rmongs par byed pa dang/ brgyal bar byed pa dang/ sems mad par byed pa zhes pa rnams so/ /de'i me tog de dag bsnun pa de phog pa las nyon mongs pa lnga gang shas
 che ba de la des phog pa kho nas rab tu 'bar bar gyur te/ de'i dbang du sor? zhing thar pa dang mngon par mtho ba las nyams par 'gyur ro/ /de'i 'jig rten skyong ba bzhi ni 'di lta ste 'thab par byed pa dang/ g.yeng bar byed pa dang/ lhag par rab tu 'chags
 pa dang/ 'du shes log pa zhes bya'o/ /bdud de dag gi las ni tha dad pa ste/ 'di ltar 'thab par byed pa'i bdud des ni lam bsgom pa dag 'thab pa dang/ rtsod pa dang/ 'gyed pa la 'jug cing/ de'i rkyen 'bad pas bsgrub bo/ /g.yeng bar byed pa'i bdud
 des ni lam bsgom pa dag gnyid dang rmugs pa rab tu 'phel ba 'am/ chos nyan pa dag kyang gnyid la rab tu sbyor ba 'am/ kha cig rab tu g.yeng bar yang byed par gnas so/ /lhag par rab tu chags pa'i bdud des ni phal cher khyim la gnas pa la bar du
 gcod de/ sbyin pa'i dus nye bar gnas pa na/ bu dang bu mo dang/ chung ma dang bdag nyid longs ci sbyad ces de rang gi sha la gcod pa snyam byed pa'i 'du shes nye bar bsgrub bo/ /'du shes log pa'i bdud gang yin pa des ni phal cher rab tu byung ba'i phyogs sun
 'byin par byed pa ste/ 'di ltar rab tu byung ba'i sems nye bar gnas pa ni/ 'khrig pa'i bde ba dang/ bza' ba dang btung ba'i bde ba dang/ rang gi skye bo'i tshogs dang/ glu gar la sogs pa dran pas chags pa dang/ de'i rang gi skye mos bsu ba dang/ 'drid pa  
 dang bsdigs pa dang/ bzung pas de'i nges par 'byung ba'i bar chad byed du 'jug go /rab tu byung ba dag la yang bud med kyi mtshan ma dag yid la byed pa dang/ sngon ba gad pa dang/ rtses pa dag dran par byed pa dang/ tshong dang
 zhing las dang/ rang gi 'brel pa dang/ yid bcugs par bya ba'i sems bskyed cing/ rmi lam na bud med du sprul cing/ des chags pa dang sa bon 'byung bar byed pa la/ sna tshogs kyis kyang rab tu byung ba las 'bebs shing/ de'i tshangs par spyod pa
 dri ma can du yang byed do/ /'di dag bzhi char yang dzam+bu'i gling pa rnams sdug bsngal bar bya ba'i phyir klu ma rungs pa dag bskul la/ lha ma yin dag bskul zhing lo tog ma rungs pa byed/ mi chos dang ldan pa'i srog 'phrog cing/ lus la nad sna tshogs
 gtong bar byed de/ ji ltar rgyal po bzhi po dag chos ma yin pa la spyod pa dag la chad pa sbyin pa ltar/ 'di dag ni chos dang ldan pa rnams la chad pa sbyin no/ /bdud kyi rigs kyi yi dwags ni yi dwags kyi rigs sum cu rtsa drug las 'di dag rigs
 gcig tu 'grang ba yin te/ de dag gi bdud kyi las ni bsam gtan pa dag la rmi lam du 'jigs pa la bskyed par byed/ sangs rgyas kyi sku mtshan dang dpe byad kyis spras pa nye bar ston pas bar du gcod/ bsam gtan la mnyam par gzhag
 pa na sgra chen po sgrogs par byed do/ /mdor na bdud dang bdud kyi rigs su gtogs pa rnams ni yang dag par zhugs pa thams cad la chags pa bskyed pa 'am/ 'jigs pa bskyed pas bar du gcod de/ de ltar yang 'jig rten gsum las
 rnam par rgyal ba'i rtog pa las/ /mi bzad brtul zhugs bzung ba yi/ /sgrub pa la ni bdud kyi rigs/ /lha mo 'dod pa'i gzugs dag dang/ /de bzhin gzhan gyi lus su yang/ /rnam pa sna tshogs gzugs dag gis/ /dbang po bsdams
 pa 'tsho bar byed ces gsungs te/ 'dir brtul zhugs bzung ba ni nye bar mtshon pa ste/ sems las su rung pa thams cad la yang de dag nye bar 'tshe bar byed do/ /de lta bu'i bdud kyi las de dag su zhig las 'byung zhe na/ bsam pa dag pas yang
 dag par brtson pa dag las 'byung ste/ ji skad du 'phags pa 'jam dpal rnam par 'phrul pa las gsungs pa/ 'jam dpal byang chub sems dpa' rnams kyi bdud kyi las ci las 'byung bar rig par bya/ 'jam dpal gyis smras pa/ lha'i bu byang
 chub sems dpa' rnams kyi bdud kyi las ni brtson 'grus las 'byung bar rig par bya'o/ /de ci'i phyir zhe na/ mi brtson pa la ni bdud kyis ci zhig bya ste/ de nyid bdud yin pa'i phyir ro/ zhes so/ /de ltar bdud kyi las shes pas de bzlog par bya ste/ ji
 skad du 'phags pa lha'i bu rin po che mchog gis zhus pa las gsungs pa/ gang gis cho bdud kyi las rtog pa de lta bu ni kha na ma tho ba med pa yin no/ /gang yang bdud kyi las rnams bzlog pa de lta bu'i dpyas med pa yin no/ zhes so/ de ma bzlog par ni
 rnam par thar pa mi thob pa kho na ste/ ji skad du 'phags pa dpung bzangs kyis zhus pa las gsungs pa/ bgegs kyis bsod nams ma lus zad par byed/ /de bas mi la gsang sngags 'grub mi byed/ /ji ltar zla ba sprin las rnam grol ltar/ /de bzhin bgegs
 las grol ba rnam par gsal zhes te/ /'dir bgegs kyang gnyis te/ rdzogs pa'i byang chub gzhig par bya ba'i phyir sbyor ba lha'i bu'i bdud dang/ de las gzhan pa ni ji skad du 'phags pa dpung bzangs kyi zhus pa las/ gtor ma 'dod pa 'am/ rtsed mo byed
 'dod pa 'am/ bsad pa'i don du lus la 'bab cing 'jug ces te/ 'dir de gnyis ka bzlog par bya'o/ /thabs gang gis bzlog par bya zhe na/ ji skad du 'phags pa rdo rje rtse mo las gsungs pa/ rang gi sems ni bdud ces gsungs/ /rang gi sems nyid 
 bgegs yin no/ /rnam par rtog pa thams cad spangs/ /bgegs kun rnam par rtog las 'byung zhes pa'o/ /gzhan yang bdud kyi las bzlog pa'i thabs ni/ 'phags pa mya ngan med kyis byin pas zhus pa dang/ 'phags
 pa seng ge lung bstan pa las shes par bya'o/ /'di ni spang bar bya ba'i yan lag go /gang gis thos pa'i rang bzhin gyis shes rab ma skyes pa des ni bdud kyi las bzlog par mi nus shing/ sems mnyam par 'jog par yang mi nus pas ni/
 dang por thos pa nyid sngon du bya ste/ ji skad du/ shes rab rgyas byed pa ni thos pa ste/ bsam pa dang ni gnyis po yod? gyur na/ /de nas bsgom pa la ni sbyar ba ste/ /de las dngos grub bla na med pa thob ces bshad la/ 'phags pa byang chub sems dpa' i rnam par
 dgod pa bcu bstan pa'i le'u las kyang/ kye rgyal ba'i sras byang chub sems dpa' las dang po pa de ni thog ma nyid du kha ton la bskul bar bya'o/ /mang du thos nas dben par gnas pa la bskul bar bya'o/ zhes gsungs la/ don de ltar 'phags pa drag shul
 can gyis zhus pa dang/ 'phags pa dkon mchog sgron ma las kyang gsungs so/ /de bzhin du 'phags pa sdong po bkod pa las kyang/ thog mar nyan 'dod bla ma bsnyen bkur bzod dang de byas shing/ rang bzhin med pa'i chos la rab rtog bsam gtan rnyed
 byed pa/ /bde gshegs nyid ni rtogs 'gyur 'gro ba rnams skom sems tshim byed/ /chos nyid de 'dra sbyod pa myur du bde gshegs thob par 'gyur/ zhes gsungs so/ /de bzhin du 'phags pa nyan thos kyi so so thar pa'i mdo las kyang/ mang du thos pa nags kyi
 nad dag tu/ /lang tsho yol pa rnams kyi gnas pa bde zhes gsungs te/ de bas na thos pa'i shes rab nyid don bsgrub pa'i sngon du 'gro ba'o/ /'di ni sngon du 'gro ba'i yan lag de ltar thos pa dang ldan pa'i byang chub sems dpa' de chos smra ba la 'jug ba dgag
 par bya ste/ mngon par shes pa ma thos par mang du thos pa tsam gyis gzhan la phan gdags par rgyal bas ma gsungs te/ de bas na 'phags pa byang chub sems dpa' i rnam par dgod pa bcu bstan pa'i le'u las/ byang chub sems dpa' las dang po pa de ni thog
 ma nyid du kha ton la bskul bar bya'o/ /mang du thos nas dben par gnas pa la bskul bar bya'o/ /rab tu dben par gyur nas dge ba'i bshes gnyen du gyur par yongs su bskul bar bya'o/ /dge ba'i bshes su gyur nas nga lo bde ba la bskul bar bya'o/ /nga lo
 bde bar gyur nas dus shes pa la bskul bar bya'o/ /dus shes par gyur nas mi 'jigs pa la yongs su bskul bar bya'o/ /mi 'jigs par gyur nas don shes pa la yongs su bskul bar bya'o/ /don shes par gyur nas chos kyi rjes su 'brang ba la yongs su bskul bar
 bya'o/ chos kyi rjes su 'brang bar gyur nas rmongs pa med pa la bskul bar bya'o/ /rmongs pa med par gyur nas rnam par dgod pa la yongs su bskul bar bya'o/ /de ci'i phyir zhe na/ de bas kyang shas cher sems can thams cad snying rje chen po sngon du 'jog par bya ba dang/
 gnas gang thos kyang de la bdag nyid sbyor bar bya ba dang/ bdag dang gzhan gyi dring 'jog par mi 'gyur bar bya ba'i phyir te/ kye rgyal ba'i sras dag 'di ni las dang po pa'i byang chub sems dpa' rnam par dgod pa'o zhes gsungs so/ /don 'di nyid 'phags
 pa drag shul can gyis zhus pa dang/ dkon mchog sgron ma las kyang gsungs so/ /gzhan yang 'phags pa lhag pa'i bsam pa bskul ba'i mdo las kyang/ bdag ni sgrub nyams dang ni ci bya zhes/ /byis pa 'chi ba'i dus na mya ngan byed ces bya ba la sogs pa
 chad? du thos pa dpen pa mi bsten par chos smra ba las nyes pa rnam pa rab tu mang po gsungs pas der zhib tu blta'o/ /de bas na mang du thos pa des thos pa tsam gyis chos smra bar de las ldog par bya zhing mngon par shes pa thob nas gzod 'gro ba'i don
 bya ste/ 'di ni ldog par bya ba'i yan lag go /de ltar chos smra ba las ldog cing spros pa spangs pa de 'di snyam du/ da dung bdag gis phung po la mkhas par bya ba yang yongs su ma gtugs/ /khams dang skye mched la mkhas par
 bya ba yang yongs su ma gtugs so/ /dge la mkhas par ma gyur par ni thar pa yang mi thob ste/ ji skad du/ rig pa'i gnas lnga dag la brtson par ma byas par/ 'phags mchog gis kyang thams cad mkhyen nyid mi 'gyur te/ /de bas gzhan dag tshar
 bcad rjes su gzung phyir ram/ /rang nyid kun shes bya phyir de la de brtson byed/ /ces bstan pa'i phyir zhes sems pa dang/ gzhan yang slob ma dang yang slob kyi sbyor ba dang/ rnyed pa dang bkur sti dang/ grags pa dang sgra dang tshigs su bcad pa'i bde ba la
 'dod pa byung na/ de ni nges par bzlog par bya ste/ chos thos nas bsgoms pas byang bar byas pa ni cir yang mi bsngags te/ ji skad du 'phags pa sdong po bkod pa las gsungs pa/ yang dag sangs rgyas bstan pa 'di/ /thos pa tsam gyis mi 'grub
 po/ dper na la la chu klung gis/ /stobs med nan gyis khyer ba dag /skom nas shi bar gyur pa bzhin/ /ma bsgoms chos kyang de bzhin no/ /zhes pa dang/ yang gsungs pa/ dper na mtsho chen mnyen pa zhig /skye bo thams cad sgrol byed kyang/ /bdag
 nyid de nang 'chi 'gyur ba/ /ma bsgoms chos kyang de bzhin no/ /zhes bya ba la sogs pas bsgoms pas byang bar mi byed ba'i skyon rab tu mang du bstan te rgyas par de nyid las shes par bya'o/ /de bas ji tsam gyis sems mnyam par 'jog
 par nus pa de tsam gyis gdams ngag go nas tshim par byas la/ sems kyi dang tshul 'phral du byung ba yang bla ma la zhu zhing bsgom par bya'o/ /tshad ma rnam bdun dang/ brda sprod pa rnam pa bzhi dang chos mngon pa rnam pa bdun dang/ rnal
 'byor spyod pa'i sa la sogs pa'i mtshan mas yid mi gdung ste/ ji skad du/ don dam pa'i rig pa las/ gang zhig bla ma'i man ngag 'dud rtsi chu/ /gdung sel gsung ldan ngoms? par mi 'thung bar/ /de ni bstan bcos don mang mya ngam gyi/ /thang la skor
 bas gdungs te shi bar zad/ /ces bshad de bskal pa dpag tu med par ngal bar byas kyang/ tha snyad nye bar sbyar ba de dag ni mi zad kyi che yongs su gtugs pa kho nar 'gyur bar zad do/ /de bas na bde mchog phyi ma las kyang/ rnal 'byor pa ni phyi rol 'khor
 de yi khams rnams zad par 'gyur/ /de bas phyi rol kun spangs te/ /rnal 'byor rol pas gnas par bya/ zhes gsungs so/ /de bzhin du don dam pa'i rigs pa las kyang/ /yul rnams 'grod cing gdung bas nyen byas kyang/ /lhan cig skyes pa'i
 cha tsam yang mi 'phrad ces bshad do/ /phung po dang khams dang skye mched la mkhas par yang rnal 'byor gyi mthus dus gcig nyid la 'gyur gyi/ de dag rim par bslabs pa las ni ma yin te/ ji skad du 'phags pa rdo rje gtsug gtor las/ de
 las shes pa skye bar 'gyur/ /ma thos pa yang shes par 'gyur/ zhes gsungs la 'phags pa dpung bzangs kyis zhus pa las kyang/ tshig ni gzungs bar 'os shing yid gzhungs la/ snyan dngags dang ni bri ba rnams la mkhas zhes gsungs so/ /'di
 dag kyang rnal 'byor gyi mthu las byung ba yin gyi/ rim gyis bslab pa'i gnas skabs ni ma yin no/ /chos mngon pa las kyang/ zad par shes pa zag bcas kyang zhes bstan no/ /rnyed pa dang bkur sti 'dod pa'i gdung ba ni yid 'byung ba'i yan
 lag las shes par bya'o/ /'di ni gdung ba bcad pa'i yan lag go /rnam pa thams cad du 'khor ba la yid ma byung bar bya sgoms pas byang bar byed nus pa ma yin pas/ de la yid 'byung bar bya ste/ ji skad du/ byang chub sems dpa' i spyod pa la
 'jug pa las bshad/ thog mar zhi gnas btsal bya de yang ni/ /'jig rten chags pa med la mngon dags grub ces gsungs te/ 'dir gnyen la mngon par dga' zhing dgra la sdang bas chags pa dang/ nad med pa dang lang
 tsho la chags pa dang/ rang bzhin gyis srid pa la chags pa dang/ rnyed pa dang bkur sti dang grags pa dang sgra dang tshigs su bcad pa la chags pa rnams spangs par bya ste/ ji skad du/ 'phags pa dpung bzangs kyi zhus pa las gsungs pa/ ri zhig
 gcig na dgra yang mdza' bor gyur/ /mdza' bo yang ni dgrar yang 'gyur ba nyid/ /de bzhin kha cig kyang ni bar mar 'gyur/ /bar ma de nyid kyang ni dgra bor 'gyur/ /de bzhin mdza' bshes 'gyur bar rig nas ni/ /blo gros ldan pas rnam yang
 chags mi bya/ /gnyen la dga' ba'i sems kyis rnam rtog dag /bzlog nas dge la ci bder bzhag par bya/ /zhes so/ /'phags pa nA gA rdzu nas kyang/ pha ni bu nyid ma ni chung ma nyid/ /skye bo dgrar gyur pa dag bshes nyid dang/ /bzlog pa nyid du
 mchis pas de slad du/ /'khor ba dag la nges pa 'ga' ma mchis zhes bshad do/ /de bas na gnyen dang dgra dag la chags pa yongs su spang ngo/ /de bzhin du nad med mi rtag lang tsho rtag ma yin/ /tshe ring mi rtag 'byor pa rtag ma yin/ /zhes
 gsungs pas de dag la chags pa yang yongs su spang ngo/ /rnyed pa dang bkur sti dang grags pa dang sgra dang tshigs su bcad pa la chags pa yang spang ste/ ji skad du/ byang chub sems dpa' i spyod pa la 'jug pa las gsungs pa/ bdag ni rnyed mang
 bkur sti byas/ /bdag la mang po dga' o zhes/ /'di 'dra'i snyems pa 'chang 'gyur na/ /'chi ba'i 'og tu 'jigs pa skye zhes pa dang/ /yang de nyid las/ rnyed pa dag ni mang byung zhing/ /grogs dang snyen pa byung gyur yang/ /rnyed dang grags pa'i
 tshogs bcas te/ /gang du 'dod ba'i gtol med do/ /bdag la smod pa gzhan yod na/ /bstod pas bdag dgar ci zhig yod/ /bdag la bstod pa gzhan yod na/ /smod pas mi dgar ci zhig yod ces bshad la/ /yang de nyid las/ sems can rnyed?
 pa med la smod/ /rnyed pa can la mi snyan sma/ /rang bzhin 'grogs dka' de dag gis/ /dga' ba ji ltar skye bar 'gyur zhes bshad do/ /gzhan yang 'phags pa lhag pa'i bsam pa bskul ba'i mdo las/ rnyed pa dang bkur sti nyes pa rab tu mang
 po bstan pas de las shes par bya'o/ /'dir slob ma dang yang slob la sogs pa la chags pa ni snying rje'i bdag nyid ma yin nam/ ji ltar de spang bar rigs zhe na/ ma yin te gnas skabs ma yin pa'i snying rjes smad pa ste/ /mngon par
 shes pa ma thob par slob ma yongs su smin par mi nus kyis/ rang 'ching bar zad do/ /ji skad du/ byang chub sems dpa' i spyod pa la 'jug pa de nyid las/ gsungs pa/ sems can mos pa sna tshogs pa/ /rgyal bas kyang ni mi mgu na/ /bdag
 'dri ngan pas smos ci dgos/ /de bas 'jig rten bsam pa btang zhes so/ /yang de nyid las/ sems can rnams la tshogs byas na/ /yang dag nyid las kun nas sgrib/ /skyo ba'i sems kyang 'jig par byed/ /tha mar mya ngan gdung bar
 'gyur/ /de la sems pa 'ba' zhig gis/ /che 'di don med 'da' bar 'gyur/ /rtag pa med pa'i mdza' bshes kyis/ /rtag pa'i chos kyang 'jig par 'gyur/ /zhes bshad do/ /de bas na slob ma la sogs pa'i 'bras bus 'brel pa
 dang/ 'jig rten pa'i tha snyad kyi 'brel pa gnyis ka la snying rtse ba kho nas ma chags par dben par gnas par bya'o/ /srid pa la rang bzhin gyis chags pa yang spang bar bya'o/ /ji skad du/ 'phags pa dpung bzangs kyis zhus pa las
 gsungs pa/ 'jig rten stag dang sprul dang me 'dra bar/ /bsam nas spangs te dben la dga' bar bya/ /bud med mtshan nyid skyes pa'i mtshan nyid dang/ /sman dang glang chen brtag pa 'am skar ma'i dpyad/ /mtshon cha brtag
 pa 'am rta dpyad rang bzo 'am/ /bstan bcos ngan pa slob cing klog pa spang/ zhes so/ /yang de nyid las/ glang chen rta dang bya gag bya khyi dang/ /gong mo sreg pa dur pa skyes pa dang/ /bud med bu mo byis par lug sogs/ /'thab mo 'gyed po blta
 bar mi bya'o/ /sprul pa'i gtam dang rang dbang brten pa dang/ /dmag dang gyad dang na chung gtam dag dang/ /sgrung dang lde'u dang sngon gyi lo rgyus gtam/ /'dod chags dang ni smad 'tshong gtam mi bya/ /sngags pa sngags bzlas pa la brtson pa dang/
 dbyar zla gsum ni gcig pur gnas par bya zhes 'byung ngo/ /de yang de nyid las/ las kyi dbang gyur bdag po med pa dang/ /mgon med rten med tshe rabs gcig nas gcig /lus kyi kha brgyud rjes su rab 'gro ba/ /de yi rjes su dge dang mi dge
 'brang/ /mtsho dang mdza' bshes dang ni rnam par 'bral/ /mi sdug pa dang phrad cing 'dod pas gdungs/ /ngan pa skye rga na 'chi'i sdug bsngal can/ /yul rnams kun tu song na'ang med pa yin/ /sha sbrang tsha grang bkres dang ngal la sogs/ /gang
 du song yang sdug bsngal nyid yin pas/ /yul la mngon dga' i sems ni byung ba na/ /rnam rtog de dag rnams kyis bzlog par bya/ /'dod chags shas che mi gtsang sha tshil dang/ /lpags pa keng rus lta bas rnam par bzlog /byams dang snying rje chus
 gdab zhe sdang dang/ /gti mug la ni rten 'brel lam gyis so/ zhes gsungs so/ /'phags pa nA gA rdzu nas kyang/ /'jig rten gyi nyes pa du ma bstan nas/ ji ltar 'di ltar mi rtag bdag med de/ /skyabs med mgon med de slad du/ /'khor ba chu
 shing snying po med pa la/ /mi mchog khyod kyis thugs ni 'byung bar mdzod ces bshad do/ /gzhan yang byang chub sems dpa' i spyod pa la 'jug pa dang/ gzhon nu bdun la gdams pa dang/ bshes pa'i spring yig dang/ slob ma la spring ba la sogs pa'i gzhung la
 brten te/ srid pa la rang bzhin gyis chags pa spang bar bya'o/ /'di ni yid 'byung bar bya ba'i yan lag go /de ltar mi mthun pa'i phyogs spangs nas ting nge 'dzin gyi yon tan dran par bya ste/ de la 'dir yon tan ni gnyis te/ mthong ba'i chos la nyams su myong bar 'gyur
 ba dang/ de las gzhan pa'o/ /ji ltar zhe na/ lus bde bar gnas pa dang/ ngag bde bar gnas pa dang/ sems bde bar gnas pa dang/ chos skyong ba rnams dga' ba dang/ de yi mi lus thob pa don yod pa dang/ ston pa dang pha ma dang bla ma'i drin bsags pa
 dang/ mi ma yin pas mi tshugs pa dang/ nang nyung bar 'gyur ba dang/ tshe ring bar 'gyur ba dang/ 'chi ba'i dus su 'gyod pa med pa dang/ mkhas pa rnams kyis bsngags pa dang/ bza' ba dang btung ba dang gnas ma la dang nad kyi rkyen rtsi dang gos rnams
 bde blag tu rnyed pa dang/ nyon mongs pa dang las la gnod pa byed pa ste/ 'di dag ni dang po'i yon tan yin no/ /gang 'dod pa'i sangs rgyas kyi zhing du skye ba dang/ ngan song gsum spangs pa dang/ mi khom pa'i lhag ma spangs pa dang/ bud med du mi skye ba dang
 dbang po rno ba dang/ dkon mchog gsum dang bral bar mi 'gyur ba dang/ der yang ting nge 'dzin la dga' ba dang/ mngon par rdzogs par byang chub par 'gyur ba ste/ 'di ni yon tan gnyis pa'o/ /shin tu sbyangs pas ni tshe byin gyis brlab pa dang/ lha'i gnas
 su tse? 'di nyid la bgrod pa zhes bya'o/ /don 'di nyid las bsams te/ btsun pa zla bas rang gi slob ma'i phyir/ zla ba'i dkyil 'khor gsal bas nye bar rgyan byas zhing/ /rked chings char chen sprin gyis 'khrigs par 'khyud gyur pa'i/ /ri rtse nags kyi mthongs der 
 char pa med par ni/ /rlung ltar g.yo ba'i rang bzhin tshe gtugs bskal pa che/ /nags mthong ri dags rgyu ba'i tshogs kyis bsten byas pa/ /kun gnas bzang po de na skyid pa gang yin pa/ /de ci dga' ba'i gnas tshal lha mo'i nyams
 phag tu/ /thil gyis phebs pa'i rdo leb can 'ang yod 'gyur ram/ /nags klung chu gtsang dogs bde dben par skyid pa gang/ /de ci lha yi bu mo dri zhim byug pa yi/ /lan bu'i rgyan du thogs pa rgyun ldan me tog tshogs/ /mdzes pas zil gnon lha yi chu
 la'ang yod 'gyur ram/ /ri yul yangs pa skye bo lang long med par rab bde ba/ /nyes spyod rgya chen 'khor yug nags tshal sngon 'khrungs phreng bas sprengs/ /chu dogs snyan pa phu chu'i rgyun sgra rnga ltar snyan pa yis/ /bdag cag nyon mongs can gyi
 yul ma yin zhes 'gron la sgrogs pa bzhin/ zhes bstan la/ slob dpon zhi ba lhas kyang/ nags na ri dags bya rnams dang/ /shing rnams mi snyan brjod mi byed/ /'grogs na bde ba de dag dang/ /nam zhig lhan cig bdag gnas 'gyur/ bdug?
 gam lha khang stong pa 'am/ /ljon zhing drung du gnas bcas te/ /nam zhig rgyab tu mi lta zhing/ /chags pa med par 'gyur zhig gu/ /sa phyogs bdag gis bzung med pa/ /rang bzhin gyis ni yangs rnams su/ /rang dbang spyod cing chags med par//
 nam zhig bdag ni gnas par 'gyur/ /lhung bzed la sogs nyid tshe dang/ /kun la mi kho'i gos 'chang zhing/ /lus 'di spa ba ma byas kyang/ /'jig med gnas par nam zhig 'gyur/ /dur khrod song nas gzhan dag gi /rus go dag dang bdag gi
 lus/ /'jig pa'i chos can dag tu ni/ /nam zhig mgo snyoms byed par 'gyur/ zhes bshad do/ /de bzhin du 'phags pa zla ba sgron ma la sogs pa'i mdo rnams las ting nge 'dzin gyi phan yon rgya cher shes par bya'o/ /'di ni yon tan rjes su dran pas
 spros pa'i yan lag go /de ltar yon tan mthong nas spro bar gyur pa des gnyen po yid la bya bas rab tu spro bar bya ste/ ji skad du/ byang chub sems pa'i spyod pa la 'jug pa las/ de ltar bzod pas brtson 'grus rtsom/ /'di ltar brtson la byang chub gnas
 rlung med g.yo ba med pa bzhin/ /bsod nams brtson 'grus med mi 'byung/ /zhes bstan pa lta bu'o/ /'di ltar bdag gis rab tu brtson pas 'dod pa'i don ma bsgrubs na/ tshe 'di ni rab tu g.yo ba yin pas/ yid brtan par bya ba'i nus pa med pas skad
 cig tsam yang g.yel bar mi bya'o/ /snyam du yid la bya ste/ don 'di nyid thugs la gzhag nas/ 'phags pa nA gA rdzu na'i zhal snga nas/ tshe 'di gnod mad rlung gis btab pa yi/ /chu yi chu bur bas kyang mi rtag na/ /dbugs 'byung dbugs rdub gnyid
 kyis log pa la/ /sad khom gang lags de ni ngo mtshar che zhes pa dang/ yang mgo 'am gos la glo bur med yod na/ /de dag phyir zlog bgyi ba btang nas kyang/ /yang sred med par bgyi slad 'bad 'tshal te/ /'di bas ches mchog dgos pa gzhan ma
 mchis/ /zhes rgyal po mthar 'gro gzhon gyi phyir gdams pa bya'o/ /bcun pa zla bas kyang rang gi slob ma la 'di skad du/ mi yi dngos po shin tu rnyed gyur nas/ /don du brnag pa gang yin de nyid brtun de bsgrubs/ /mar me me lce shugs drag rlung gis bskyod pa
 lta'o/ /tshe ni skad cig gnas pa'i gded yang yod ma yin/ /'di ni sang bya 'di ni thang cig 'og tu bya/ /'di ni de re'u bya zhes skye bo sems pa na/ /gshin rje be con nag thogs zur gyis lta ba yi/ /mig rtsa dmar khros ma rangs gdams re snyam 'debs/ /so ga
 me tog rgyas pa'i dus 'di 'byung par 'gyur/ /zla ba gsal bas mtshon pa'i sngon dus 'di 'byung zhes/ /skye bo thams cad dga' 'gyur bdag gi tsho 'di ni/ /zad par 'gyur zhes shin tu mi dgar 'gyur ba med ces gdams so/ /slob dpon zhi ba
 lha'i zhal snga nas kyang/ yid brtan mi rung 'chi bdag 'di/ /byas dang ma byas mi sdod pas/ /na dang mi na kun gyis kyang/ /glo bur tshe la yid mi brtan zhes bshad do/ /de bzhin du dpal dag gi dbang phyug grags pa'i zhal snga
 nas kyang/ 'di bya nad par slar yang 'di bya de nas gzhan yang 'di bya zhes/ /srid pa g.yo ba'i rang bzhin ma shes don med yid brtan tshol byed pa'i/ /skye dgu mchi bdag khar ni chu srin kha ru gru ni zhugs pa ltar/ /bya ba ma phyin par ni yul gyi chu yi dpa' 
 glong nang du lhung zhes bshad do/ /de bzhin du slob dpon sa ra ha'i zhal snga nas kyang/ de ring de bzhin du ni sad snyam pa'i/ /skyes bu nor rnams phun sum tshogs 'dod pa'i/ /snyim pa chu yis bkang pa 'dzag pa bzhin/ /mi mngon 'dra'o kwa ye bzhin bzangs
 rnams zhes bstan to/ /'di ni gnyen po yid la bya bas brtson par bya ba'i yan lag go /de ltar rab tu brtson pa nges yan lag gnyis zung du 'brel par bya ste/ 'di ltar zhi gnas dang lhag mthong dang/ thabs dang shes rab bo ci'i phyir zhe na/ zhi gnas
 kyis brtan po nyid ma byas pa'i lhag mthong ni brtan par mi gnas te/ mar me dang rlung bzhin no/ /lhag mthong dang bral ba'i zhi gnas kyis ni/ /sgrib pa'i dra ba rnams ma lus par byang bar mi nus te/ ji ltar gzugs med pa la sogs pa'i zhi gnas
 slar 'khor ba lta bu'o/ /de bas na byang chub sems dpa' i spyod pa la 'jug pa las/ zhi gnas rab tu ldan pa'i lhag mthong gis/ /nyon mongs rnam par 'joms par shes byas nas/ /thog mar zhi gnas btsal byed yang ni/ /'jig rten chags pa med
 pa med la mngon dags 'gyur ces bshad do/ /de bzhin du thabs dang shes rab kyang ste/ ji ltar zhe na/ sku rnam pa gnyis grub par bya ba yin pa dang/ sgrib pa gnyis spang bar bya ba'i phyir ro/ /de bas 'phags pa dri ma med par grags pas bstan pa dang/
 'phags pa ga ya go ri'i mdo las/ thabs dang bral ba'i shes rab ni 'chid ba'o/ /shes rab dang bral ba'i thabs kyang 'chid ba'i zhes gsungs so/ /de bzhin du 'phags pa sdong po bkod pa las/ smon lam mngon par mi 'grub pa'i phyir/ chos kyi ye shes
 khong du chud pa ni mngon par mi 'grub pa'i bdud do/ /bdud bcu las gcig tu gsungs so/ /ci'i phyir stong pa nyid kho nas de dag mi 'grub ce na/ ma yin te/ 'bras bu ni rgyu'i rjes su 'brang ba'i phyir ro/ /de bas na 'phags pa sdong po bkod pa las gsungs pa/
 smra ba'i mchog ni gang yang rung/ /chos gcig gis ni byung ba med/ /gang yang byung ba yod ma yin/ /'byung bar 'gyur pa de bzhin med ces so/ /de bzhin du 'phags pa rdo rje'i dra ba las kyang/ gal te stong pa thabs yin na/ /de'i tshe sangs rgyas nyid mi 'gyur/ /rgyu las
 'bras bu gzhan med phyir/ /thabs ni stong pa nyid ma yin zhes gsungs so/ /'o na ci'i phyir lung las stong pa 'ba' zhig bsgom pas chog par gsungs zhe na/ 'di ni bdag tu lta ba la sogs pa stong pa nyid dang 'gal bar 'jug pa de dag gi phyir stong pa nyid kyi che
 ba bstan pa ste/ de ltar yang 'phags pa rdo rje dra ba de nyid las/ lta ba rnam pas log rnams dang/ /bdag tu lta ba tshol rnams kyis/ /bdag du 'dzin par zlog pa'i phyir/ /rgyal ba rnams kyis stong pa bstan/ /de phyir dkyil 'khor 'khor lo zhes/ /thabs bde ba
 yi sdom pa ste/ /sangs rgyas pa rgyal rnal 'byor gyis/ /sangs rgyas nyid yul mi ring 'gyur/ /zhes stong pa nyid 'ba' zhig mi bsten gyi/ /lha'i sku bsgom par bya'o zhes gsungs so/ /de bas na rdzogs par byang chub par bya ba la ni stong pa nyid snying rje'i snying po can
 bsgom gyi stong pa nyid 'ba' zhig ma yin no/ /lung dag ni dgongs pa dang ldan pa ste/ ji ltar manDal phul ba las/ pha rol tu phyin pa drug thob par bstan pa lta bu ste/ de bas na lung la sgra ji bzhin par mi gzung ste/ 'on kyang stong pa nyid la goms pa phul du phyin
 pa na dge ba'i las thams cad rang gi dang las 'byung ste/ dang por sems can gyi don gyi phyir stong pa nyid la zhugs pa nas/ nyan thos ltar zhi ba nyid du mi 'gyur te/ ji tsam du stong pa nyid brtan pa de tsam du sems can de ltar
 ma rtogs pa rnams la snying rje skye ste/ ji skad du 'phags pa nA gArdzu na'i zhal snga nas bshad pa/ de ltar rnal 'byor pa rnams kyis/ /stong nyid 'di ni bsgom byas na/ /blo ni gzhan don la dga' bar/ /'gyur ba nyid du dogs pa med ces so/ /gzhan yang chos
 la bdag med mkhas pa ni/ /rang bzhin med la goms byas pas/ /phyin ci log las byung ba yi/ /nyon mongs bsgrim pa med par spong zhes dbu ma'i rgyan las bshad pa'i rigs pa nyon mongs pa spong bar 'gyur te/ gang gi snying rje yang ma spangs la/
 nyon mongs pa yang zhi ba de la ni 'jig rten pa dang 'jig rten las 'das pa'i yon tan rnams tshegs med par 'grub par 'gyur te/ de bas na rgyu'i gtso bor 'gyur ba dang/ de 'ba' zhig las kyang yon tan mang po 'byung ba la dgongs te/ 'phags
 pa rnam par snang mdzad mngon par rdzogs par byang chub pa las/ mtshan mar bcas pa mtshan bcas kyis/ /dngos grub dam pa rgyal bas bzhed/ /mtshan ma med la gnas pas ni/ /mtshan mar bcas pa'ang 'gyur du rung/ /de bas rnam pa thams cad
 du/ mtshan ma med pa bsten par bya/ /zhes bya ba la sogs pa gsungs pas/ stong pa nyid 'ba' zhig gis chog par gsungs pa nyid do/ /'di ni 'brel par bya ba'i yan lag go /de ltar yan lag brgyad dang ldan pa des gnas rjes su mthun par kha
 zas dang spyod lam dang rjes su mthun pa dang/ gos dang grogs rjes su mthun pa dang ldan par byas la sems mnyam par gzhag par bya'o/ /de la rjes su mthun pa'i gnas ni/ 'phags pa dpung bzangs kyi zhus pa las gsungs pa/ rang sangs rgyas dang bde
 gshegs nyid skyes dang/ /rgyal ba sngon chad gang na bzhugs pa yi/ gnas gang bsod nams ldan zhing dga' ba yi/ /lha dang lha min la sogs phyag 'tshal mchod/ /gso sbyong sdom pa dang ni ldan pa yis/ /bdag nyid dag par bya phyir bsten bya ba/ /de
 lta bu ni ma rnyed gzhan yang ni/ /chu bo chu klung 'bab chu yod pa dang/ /pad+ma utpa las ni brgyan pa'i mtsho/ /skye bo rnams ni shin tu mi rgyu ba/ /dang zhing zhim pa'i chu ni mang ba dang/ /mi bzad gdon rnams kyang ni mi gnas pa/ /me tog 'bras bu gnang?
 ma yod pa dang/ /sman ljongs ljon shing sna tshogs dkrigs pa dang/ /sa stengs gnas mal shin tu gcang ba dang/ /gang na stag gzig seng ge med pa dang/ /yid 'ong mnyam zhing tsher ma med pa dang/ /mi yi dngos grub gnas su bsgrags pa yin//
 grogs po grog mkhar thal ba skra bshad dang/ /nyal nyil sol ba tshe sgo tshogs bcas spang?/ /der ni sa brkos sbyangs nas gnas brtsig pa/ /dro la brtan zhing 'jim pas zhal zhal bya/ /shar ram byang ngam nub tu sgo gdod cing/ /lho phyogs su ni nam
 yang sgo mi gdod ces gsungs te/ 'di ni rjes su mthun pa'i gnas so/ /kha zas kyang rjes su chags pa med pa dang/ tshod zin pa dang/ lus kyi stobs dang 'tsham pa de ltar bza' ste/ de bas na 'phags pa klu sgrub kyi zhal snga nas/ kha zas sman dang 'dra
 bar rigs pa yis/ /'dod chags zhe sdang med par bsten bgyi ste/ /rgyags phyir ma lags snyems pa'i phyir ma lags/ /'chag phyir ma lags lus gnas 'ba' zhig phyir/ /zhes bshad do/ /chags par gyur pa'i nyes pa ni/ ji skad du/ 'phags
 pa gang pos zhus pa las gsungs pa/ zhim po'i ro la zhen cing chags/ /skyon rnams mthong bar ma gyur pas/ /bdud kyis glags ni rnyed 'gyur te/ /mchil pas bzung ba'i nya bzhin no zhes gsungs so/ /de bzhin du 'phags pa dpung bzangs kyis zhus
 pa las kyang/ dper na rma yi gso dang bsal ba'i phyir/ /nad pa dag la sman ni sbyin pa ltar/ /de bzhin 'dir yang bkres pa'i sdug bsngal dag /bsal phyir rgyal bas kha zas bza' bar gsungs/ /la la lam gyi dub cing? 'gro
 ba'i tshe/ /bkres skom gdungs pas rang gi bu yi sha/ /za ba bzhin du rnal 'byor sems dman zhing/ /'tshe dar rgyags phyir bza' bar mi bya'o/ /mang du blugs pas rtsol med mtho ba la/ /de bzhin nyung ngus srang ni dma''gyur la/ /ran pas skad cig mnyam
 par 'gro ba ltar/ /lus can kha zas de ltar bza' bar bya/ /dper na khang ba snying mi zhig bya ba'i phyir/ /mi yis ka ba bzang po 'dzugs pa ltar/ /de bzhin lus kyi 'khrul 'khor gnas pa dang/ /shing rta'i mig skud bzhin du kha zas bza' / /'dod
 pa'i khams ni kha zas kyis gnas zhes/ /rgyal bas chos gcig tu ni bka' stsal ba/ lus ni chu shing bzhin du rig bya ste/ /sems ni bza' btung sogs la chags mi bya zhes gsungs so/ /de bzhin du lus kyi nyams dma' ba ltar na
 rnal 'byor pa thams cad kyis kyang bsnyung bar gnas par mi bya ste/ ji skad du 'phags pa rab tu grub par byed pa las byang chub du gsungs pa/ dub par gyur ba'i skyon yod phyir/ /bsnyung bar gnas pa smad par bshad ces so/ /gal te lus
 la dub pa med pa lta na ni lus yang bar bya ba'i phyir rnal 'byor pa thams cad kyis kyang bsnyung bar gnas par bya ste/ ji skad du/ 'phags pa dpung bzangs kyis zhus pa las/ bu gcig lus dag bya phyir bsnyung bya zhes/ /bde bar gshegs pa
 nam yang mi gsung yang/ /lus 'di mi gtsang pags pa sha khrag rkang/ /klad rgyas rgyu ma mcher mchin mkhal ma zhag /mkhris pa bad kan khu chu phyis dpag cin snabs ba spu skra dang rus pa dang/ /mig dang rna ba sna dang kha dang ni/ /bshang sgo mtshan ma
 bu ga dgu po yi/ /rma nas dri ma sna tshogs mi gtsang ba/ /'dzag pa'i rgyun ni rtag tu 'byung ba yin/ /de ltar yan lag thams cad 'dus pa dang/ /sa chu me rlung nam mkha' rnams dang ldan/ /ci bzhin las kyi rjes su 'brang ba'i lus/ /thams cad ldan pa'i
 gzugs la gnas pa yi/ /bshang gci rnams dang mchil ma bad kan dang/ /'di dag zad par bya phyir bsnyung bar gsungs/ /dri ma zad nas mi yi lus dag na/ /rang gi 'byor phyir sgrub la 'bad par bya ces gsungs so/ grogs po ni med pa 'am rjes su
 mthun pa bsten te/ ji skad du/ bcom ldan 'das kyis mdo sde de dang de dag las gsungs pa/ mang po dag ni rtsod par 'gyur/ /gnyis po dag ni gtam bcas 'gyur/ /gzhon nu ma yi gdub bu bzhin/ /gcig pu zhig ni gnas par bya zhes so/ /rjes su
 mthun pa dpung bzangs kyis zhus pa las gsungs pa nam yang 'khor lo gcig pa'i shing rta ni/ /rta dang ldan yang lam du mi 'gro ltar/ /de bzhin sgrub pa po na grags med na/ /lus can dngos grub thob par mi 'gyur ro/ /de ni khro ldan gzugs bzangs
 gtsang sbra che/ /rigs ni btsun zhing chos la gzhol ba dang/ /spobs pa che la dpa' zhing dbang po thul/ /snyan par smra zhing sbyin phod snying rje can/ /bkres dang skom dang nyon mongs bzod pa dang/ /bram ze dang ni lha gzhan mchod mi byed/ /sgrin zhing gzo la byas pa
 gzo ba dang/ /dkon mchog sum la dad pa drag po yin/ /de lta'i yon tan ma lus ldan pa dag /rtsod pa'i dus su shin du dkon pas na/ /yon tan phyed dam bzhi cha brgyad cha can/ /de lta bu ni sngags pas grogs por bsten/ zhes so/ /'dir ni spros pa gcod
 pa dang/ /spros dang bral ba'i dbang gis grogs po med pa 'am/ rjes su mthun pa'i grogs po dang ldan par bya'o/ /de bzhin du ji tsam gyis gnod pa de tsam gyi gos la brten gyi tshegs dang bcas shing lhag par chags par gyur pa'i gos dang gnas mal bsten
 par mi bya ste/ 'phags pa dpung bzangs kyis zhus pa las ji skad du gsungs pa/ gtsug pur gzhag ste skra ni bregs nas su/ /'byung khungs mtshon gyi gos kyi kha dog bsgyur/ /gos dkar dang ni shing lo 'am gso ba 'am/ /zar ma'i shin
 shun rnams kyi gos bgo'o zhes so/ /yang 'phags pa rab tu grub par byed pa las/ sngags zlos khyim pa mkhas pa yis/ /kha dog bsgyur ba'i gos mi bgo zhes gsungs te/ 'di dag ni rnyed bla bar bya ba dang/ sgeg pa nyid dgag par bya ba'i don yin no/
 rjes su mthun pa'i spyod lam ni gsum ste/ legs par gnas pa dang/ sdug bsngal gnon pa dang/ khyad par du 'gro ba'o/ /de la legs par gnas pa ni ji lta bu'i spyod lam gyis gnas kyang des sems la rma mi 'byung bas te/ ji skad du 'phags pa sdong po
 bkod pa las byang chub kyi sems nyams par byed pa'i dge ba'i rtsa ba rtsom pa thams cad ni bdud kyi las so/ /zhes gsungs la/ byang chub sems dpa' i spyod pa la 'jug pa las kyang/ sems bsrung brtul zhugs ma gtogs pa/ /brtul zhugs mang pos ci zhig bya
 zhes bshad la/ yang de nyid las/ bdag ni rnyed dang bkur sti dang/ /lus dang 'tsho ba med bla zhing/ /dge ba gzhan yang nyams bla yi/ /sems ni nams kyang nyams mi bya/ /zhes bstan te/ de bas na dus dang gnas skabs thams cad du yang sems
 la mi gnod pa'i spyod lam spyad do/ /de bas na slob dpon DoM pi pa'i zhal nas/ slob sbyong slob spang spyad pa dang/ /bram ze na yang gtsang sbra yid/ /rtag tu gtsang sbra'i spyod pa bya/ /sems la gnod pa ma yin no zhes bshad do/ /sdug bsngal gnod pa ni lam
 yid la byed pas grang ba dang tsha ba dang/ /bkres pa dang/ skom pa la sogs pa'i sdug bsngal mo lus pas mi g.yo bar bya ste/ byang chub sems dpa' i spyod pa la 'jug pa las/ ji skad du gsungs pa/ nya pa gdol pa zhing la sogs pa dang/ rang gi 'tsho
 ba tsam zhig sems pa yang/ /grang dang tsha la sogs pa'i gnod bzod na/ /'gro ba'i don phyir bdag lta cis mi bzod ces so/ /de bzhin du 'phags pa dpung bzangs kyis zhus pa las kyang/ 'dod la ma chags lus kyi nyon mongs bzod ces gsungs pa/ de
 bzhin du 'phags pa 'jig rten gsum las rnam par rgyal ba'i bka' las kyang/ /lus kyi nyon mongs dpyad pa las/ /dngos grub rnam gsum thob par 'gyur/ zhes gsungs so/ /de bzhin du dpal gsang ba 'dus pa las kyang 'dod chen sdug bsngal chen
 pa yis/ /rang gi sdug bsngal zhi bar bya zhes gsungs pas/ sdug bsngal 'bras bu dang bcas pa rnams ni/ rab tu dga' ba bzhin du bsten par bya'i/ /sems kyi ngang tshul bdar ba nyid du mi bya'o/ /de bas 'phags pa dpung bzangs kyis zhus pa las/
 lha yi bde ba dang ni 'byor pa dang/ /tshe dang stobs gzugs phun sum tshogs pa dang/ /thos mang mdangs bzangs gcig tu yid gzhungs dang/ /dbang thang che kun dka' thub stobs kyis 'thob ces gsungs so/ /khyad par du 'gro ba'i spyod lam ni des
 mnyam par ma gzhag pa na shes rab kyi pha rol tu phyin pa klag pa dang/ sAts+tsha gdab pa dang/ bskor ba bya ba la sogs pa bsod nams kyi tshogs la gus pa nyid du bya ste/ de ltar yang 'phags pa khro bo'i rgyal po gdong drug pa'i rgyud las gsungs pa/
 langs nas bcom ldan 'das kyi yum/ /shes rab kyi pha rol tu phyin pa klags zhes gsungs so/ /'phags pa dpung bzangs kyis zhus pa las kyang gsungs pa/ gtsang zhing dben pa'i sa phyogs rnams su ni/ /'jim pa 'am ni bye ma las byas pa'i
 bde gshegs mchod rten rten 'brel snying po can/ /sdig ba sbyang phyir rtag tu gdab par bya/ zhes gsungs so/ /de bzhin du 'phags pa 'jig rten gsum las rgyal ba'i cho ga zhib mo las kyang/ mkhas pas mchod rten las bya zhing/ /de bzhin dam pa'i
 chos kyang klag /dge ba cung zad gzhan dag kyang/ /cung zad zin nas 'di dag kyang/ /dngos grub mchog ni thob 'dod pas/ /rtag tu sems can rnams la bsngo/ /zhes gsungs so/ /de bas na ji tsam du sems la mi gnod pa'i bsod
 nams dang ye shes kyi tshogs g.yeng ba dang bcas pa rnams sems can la phan par 'dod pas rab tu gus par byas la brtsams te/ 'di ni rjes su mthun pa'i spyod pa rnam pa gsum mo/ /de ltar tshogs thob pa des spyod lam rnam pa bzhi gang bde par
 gnas te/ mtshan ma dang bcas pa 'am/ mtshan ma med pa'i rnal 'byor la sems mnyam par bzhag par bya'o/ /de ltar sems mnyam par 'jog pa nges/ nyes pa lnga spang ba'i phyir spong ba'i 'du byed brgyad bsten par bya ste/ de la nyes pa lnga ni dbu
 dang mdza' rnam par 'byed pa'i tshig le'ur byas pa las/ le lo dang ni gdam ngag rnams/ /brjed dang bying dang rgod pa dang/ /'du mi byed dang 'du byed de/ /'di dag nyes pa lngar 'dod do zhes gsungs so/ /de dag gi gnyen po spong pa'i 'du byed
 brgyad kyang de nyid las gsungs te/ gnas de dag la gnas pa dang/ /rgyu dang 'bras bu nyid du'o/ /dmigs pa brjed par ma gyur dang/ /bying dang rgod pa rtog pa dang/ /de spong mngon par 'du byed dang/ /zhi tshe rnal du 'jug pa'o zhes so/ /de
 ltar yan lag yongs su rdzogs pa des/ /zhi gnas dang lhag mthong bsgom par bya ba las/ 'dir zhi gnas de ni gnyis te/ kha nang du bltas pas thob pa dang/ kha phyir bltas pa la dmigs pa'o/ /de la kha nang du bltas pa la yang gnyis te/ lus
 la dmigs pa dang/ lus la brten pa la dmigs pa'o/ /de la lus la dmigs pa la yang gsum ste/ lus nyid la lha'i rnam par dmigs pa dang/ keng rus la sogs pa mi sdug par dmigs pa dang/ kha TwAM ga sogs pa mtshan ma khyad
 par can la dmigs pa'o/ /lus la brten pa la yang dmigs pa yang lnga ste/ dbugs la dmigs pa dang/ mtshan ma phra mo la dmigs pa dang/ thig le la dmigs pa dang/ 'od zer gyi yan lag la dmigs pa dang/ dga' ba dang bde ba la
 dmigs pa'o/ /kha phyir bltas pa la dmigs pa la yang gnyis te/ khyad par can dang/ phal pa'o/ /de la khyad par can la yang gnyis te/ sku la dmigs pa dang/ gsung la dmigs pa'o/ /'di dag ni zhi gnas la 'jug pa'i yan lag go/
 ji ltar bsgom pa la 'dir mi brjod de/ gzhung shin tu mang po 'gyur bas 'jigs pa'i phyir dang/ bla ma dam pas nyams su myong ba'i man ngag la brten par rigs kyi/ bsgom par bya ba'i man ngag ni yi ger gnas pas shes par dga' ba'i phyir dang/
 zhib tu ni zhi gnas dang lhag mthong bstan pa las bshad pa'i phyir ro/ /zhi gnas kyi 'bras bu ni lhag mthong yin la lhag mthong gi 'bras bu ni/ zhi gnas dang lhag mthong zung du 'brel pa yin te/ de yang dngos po gang yang mi gnas pas dngos po
 med pa bye brag tu mthong la/ de nyid kyi tshe sems rtse gcig tu gyur pas dmigs pa du ma rab tu rgyug pa rab tu zhi bar gnas pa'i phyir ro/ /de ltar zhi gnas dang lhag mthong zung du 'brel pa'i gnas skabs 'dir/ ye shes kyi dmigs pa gang
 yin pa dang/ ye shes nyid tshul ji ltar gnas pa dang/ rnal 'byor spyod pa pa'i zhi gnas dang lhag mthong dang/ bdag cag dbu ma pa'i zhi gnas dang lhag mthong zung du 'brel pa la khyad par ci yin pa dag la/ bdag gi blo rab tu 'phro bar bzod
 mod kyi/ 'dir nyams su blang ba'i thabs tsam gsal bar byed 'dod kyi/ grub pa'i mdza' gtan la 'bebs par 'dod pa ni ma yin pa dang/ 'phags pa nA gA rdzun la sogs pas gsal bar mdzad pa las/ cung zad kyang sus kyang smrar med pa'i
 phyir rgya cher ma spros so/ /da ni gzhan 'di brjod par bya ste/ ci mtshan ma dang bcas pa'i zhi gnas mdun du ma bcas par lhag mthong skye ba rung ba yin nam zhe na/ de ni rung ba nyid de/ mtshan ma med pa'i zhi gnas so sor
 rtog pa'i shes rab nyid las mtshan ma med pa'i lhag mthong rnam par rtog pa'i ye shes 'byung ste/ de ltar yang 'phags pa 'od srungs kyis zhus pa las/ shing gnyis drud pa las ni me 'byung ste/ /byung ba de yis de nyid bsreg pa ltar/ /de bzhin
 shes rab dbang po skyes nas kyang/ /skyes pa de yis de nyid bsreg par byed zhes gsungs so/ /so sor rtog pa'i shes rab ni zhi gnas ma yin te/ rnam pa du mas dmigs so zhe na/ de lta na ni zhi gnas kyang zhi gnas ma yin te/ skad cig du ma dang cha
 shas du ma la dmigs pa'i phyir ro/ /gzhan yang zhi gnas las lhag mthong la 'jug pa yang ji ltar so sor rtog pa'i shes rab kyis mtshams sbyor bar mi byed/ de ni byed pa ni 'ga' zhig tu zad do/ /de la 'di'i rim pa yang lus kho na la brtags
 pas 'grub pa ste/ 'phags pa nA gA rdzu na'i zhal nas/ 'jig rten rnam par rtog las byung/ /rnam par rtog pa sems las byung/ /sems kyang lus las byung bas na/ /de phyir lus la spyad par bya zhes bshad la/ 'phags pa nA gA rdzu na'i zhal snga
 nas yang bshad pa/ lus med rnam par shes pa ni/ /med ces bya ba rtogs par gyis zhes bshad cing mdo las kyang/ rnam par shes pa ni lus las mi 'da' o/ /zhes gsungs so/ /de bas na chos thams cad sems la bsdu ba dang/ sems
 lus la bsdu ba dang/ lus chos kyi dbyings su nye bar rnal 'byor du bya ba 'di ni man ngag go /yang na lus dang sems tha dad pa la dmigs par bya ste/ 'di'i man ngag ni sangs rgyas rjes su dran pa las shes par bya'o/ /de bas na mtshan ma dang
 bcas pa'i zhi gnas la brten pa bas ni/ mtshan ma med pa'i zhi gnas la dmigs nas lhag mthong bskyed pa'i phyogs 'di bsngags te/ de'i gnas pa brten pa dang/ zhi gnas 'ba' zhig gis nyon mongs pa rab tu gnon cing sel ba dang/
 'bras bu dang rjes su mthun pa'i rgyu yin pa'i phyir ro/ /'dir ni bdag gi bla ma'i man ngag las 'byung 'di bris pas/ /nye bar 'phel ba'i dge ba'i zla zer dri ma med pa des/ /'gro ba'i mi shes rab rib mun bsal gdung ba zhi byas te/ /shes rab mig
 gis de bzhin nyid yul rab gsal thob par shog /bdag kyang rnam par g.yeng sogs rlung sogs rab zhi mun bsal nas/ /myur du thub rdbang rnams dang spyod yul gcig la lta bar shog /ting nge 'dzin gyi tshogs kyi le'u zhes bya ba/ slob dpon
 byang chub bzang pos mdzad pa rdzogs so// //rgya gar gyi mkhan po pi rya tsan+d+ra las zhus te/ bod kyi lo tsA ba dge slong chos kyi shes rab kyis bsgyur cing zhus te gtan la phab pa'o// //