བོད་ཡིག

e-texts based on the ACIP/ALL Input

(rnal 'byor bsgom pa la 'jug pa bzhugs so//) //rgya gar skad du/ b+ha ba na yo gA ba tA ra/ bod skad du/ rnal 'byor sgom pa la 'jug pa/ 'jam dpal gzhon nur gyur pa la phyag 'tshal lo/ /gang gis sgrib pa mdza' dag ma lus par bsal te/ chos kyi sku thob par 'dod pa des/ 'di ltar byang chub tu sems bskyed pa dang/ zhi gnas dang lhag mthong bsgom pa la 'bad te/ de lta ma yin na rgyu med pa la sogs pa las 'bras bu chos kyi sku mi thob ste/ de'i phyir de rnams la 'bad par bya'o/ /de la sangs rgyas kyi chos thams cad thob pa'i gzhi ni byang chub tu sems skyed pa yin te/ de bsod nams che bar byang chub sems kyi bsod nams gang/ /de la gal te gzugs mchis na/ /nam mkha' i khams ni kun gang ste/ /de ni de bas lhag par 'gyur zhes gsungs so/ /de bas na byang chub tu sems bskyed dgos te/ de la yang gnyis ste/ kun rdzob dang don dam pa'o/ /de la kun rdzob ni tshad med pas sems can sdug bsngal la dgrol bar dam bcas te de dag la phan pa'i phyir bdag sangs rgyas su gyur cig snyam du dang po sems bskyed pa'o/ /de yang cho ga bzhin du gzhan las nod par bya'o/ /don dam pa byang chub kyi sems ni brjod du med pa/ /khrim med pa/ mdza' med pa/ spros pa med pa/ g.yo ba med pa/ snang ba dang mi snang ba thams cad dang bral ba'o/ /de nas ting nge 'dzin mdza' dag gi ngo bo nyid zhi gnas sgrub par bya ste/ ji skad du gser gyi kha dog lta bu'i sku lus kyi/ 'jig rten mgon po kun tu mdzes pa te/ /dmigs pa de la gang gi sems 'jog pa/ /byang chub sems dpa' de mnyam gzhag ces bya/ /zhes gsungs pa lta bu ste/ /sangs rgyas kyi sku de ni gser btso ma dang 'dra bar ser ba mtshan dang dpe byad kyis brgyan pa/ 'od zer dang bcas pa de la 'dod pa skyed de/ 'dun pa dang sems kyis gnod pa spangs te/ lus drang por bsrangs la/ /sku de lta bu lugs ma 'am ri mor bris pa mdun du bzhugs te/ rgyun du yid la byas la/ de nyid dam gzhan yan lag la sogs pa nas rdzogs par mngon sum du mtho bar 'gyur ro/ /gang gi tshe dmigs par gyur pa de'i tshe nyin mtshan phyad par ma yengs par brtan par bya'o/ /sems bying pa'am rgod pa la sogs par gyur ba 'am/ dogs na sangs rgyas kyi yon tan la 'dod pa spro bar bya ste/ de bzhin du brtan par bya'o/ /des 'grub par 'gyur ro/ /de nas shes rab mdza' dag gi ngo bo lhag mthong bsgrub par bya ste/ de yang thos pa mang du byas te/ ji ltar zhe na/ lhag mthong gi thos pa dang bsam pa las byung ba'i lta ba rnam par dag pa'i rgyu las byung ba yin no zhes gsungs pa de lta bas na/ sangs rgyas kyi chos nges pa'i don dang/ drang pa'i don la gus pas mang du mnyan te/ bsam pas nges par yid ches pas the tshom med par bya'o/ /de lta ma yin na the tshom gyi dra bas bcings pa des ni lam kha dprag gi mdor phyin pa'i 'dron po ltar gang duAng nges par mi shes te/ de bas na mang du thos par bya'o/ /de nas gnas mchog tu bsngags par bya ba ci yod pa thams cad byas la/ zas tshod zin pa dang rigs bar zos nas/ bshang gci dor zhing 'chil lam snabs dor la/ snying rje chen pos sems can ma lus pa byang chub la dgong ngo snyam du bsams la/ phyogs bcu dang dus sum gyis sangs rgyas dang byang chub sems dpa' rnams la sgo gsum gyis phyag byas te/ bde ba'i stan la glong la 'dug nas/ dbugs rngam pa med par byas la/ gos ran par byas te/ lus mi dgye mi dgu ba dang/ mig zam zim du byas nas/ so dang mchu dang lce yang tha mal bar byas pa 'am/ yang na spyod lam ji ltar gnas kyang rung te/ sangs rgyas dang byang chub sems dpa' rnams mdun du zhugs par dmigs te/ de dag la mchod pa dang bstod pa la sogs pa ci nus su bya'o/ /de nas gong gi sku de nyid shin tu gsal bar dran pa nang du bzhag nas dmigs so/ /de gsal bar gyur pa dang/ sku de gang nas byon/ gang du bzhud/ gang gi bzhugs/ ji ltar bzhugs par brtag go /de nas gang nas kyang ma byon pa la sogs pa shes par bya'o/ /sku de ni rang bzhin stong pa/ yod med las 'das pa/ spros pa rnams dang bral bar 'dug ste/ de bzhin du chos thams cad rang gi dang gi blos brtags pa las gud na med par khong du chud par bya'o/ /de'i phyir chos thams cad don dam par rang bzhin med par bsam mo/ /rang bzhin gang yang med do/ /snyam pa de yang yang dag pa'i shes rab kyis spangs te/ yod med las 'das pa'i yul de lta bu la/ shes pa yang yod med dang bral ba de lta bus dmigs pa med par bsgom par bya'o// de lta bas na bar bar du sems kyis sems la brtags te/ dmigs pa la sems 'jug na/ yang de bzhin du dang gi 'jug pa med na bar 'du bya ba med pa de kho na nyid la shin tu gsal bar gnas par bya'o/ /de sems kyi rgyud mi g.yeng bar bya'o/ /ci ste sems yengs par gyur na/ 'di ltar dngos po kun ni bzung ba 'dzin pa ste/ bzung ba'i dngos po rdul phra rab rab tu blos bshig ste/ de nyid kyang so sor phye na/ dngo po med do/ /'dzin pa yang de las gud na med de/ de'i rnam par rtog pa'i phyir ro/ /de g.yeng ba zhi bar byas la gong ma nyid la gnas par bya'o/ /yang sems mi dga' bar mthong na/ ting nge 'dzin gyi yon tan dran par byas nas/ de la dga' ba bsgom par bya'o/ /g.yengs pa la nyes pa bsam la me dga' ba zhi bar bya'o/ /yang rmugs pa dang gnyid kyi bying pa 'am rgod bar dogs na dga' ba'i dngos po sangs rgyas kyi sku 'am mdzad pa bcu gnyis la sogs pa bsams la bying ba zhi bar bya'o/ /yang sngon myong ba'i yul la sems rgod pa 'am dogs na 'du byed thams cad mi rtag pa la sogs pa dang/ rang la mi gtsang ba la sogs pa dang/ gzhan la myur du bral ba la sogs pa bsams la rgod pa zhi bar byas gong lam nyid la btang snyoms bya'o/ /de lta bus gnas pa las shin tu skyo bar gyur na/ de las langs la skyil mo krung ma bshig par 'di ltar bsams te/ chos thams cad don dam pa ji lta ba mi dmigs na/ kun rdzob tu rgyu rkyen las skye ba/ sgyu ma la sogs pa snang ba yod snyam du bsam la skyil mo krung bshig ste/ phyogs bcu'i sangs rgyas dang byang chub sems dpa' mdun du byas te/ bdun shin tu rnam par dag par bya'o/ /de'i rim pas brtag par dus drug tu bya'o/ /de nas sems mnyam par 'gyur te/ de gyur na gnas yid du 'ong ba brgyan te shin tu dga' bar byas la/ pha rol tu phyin pa drug sems de shin tu 'phel bar bya'o/ /spyod lam gyi snang ba kun sgyu ma la sogs pa las mi mnyam par gnas par bya'o/ de dag gi thabs dang yid ches pa yod de/ mangs kyis dogs nas ma bris te gzhan du lta'o/ /bde bar gshegs pa'i thugs kyi yang snying 'di/ /brjod du med kyang bdag gzhan don du brjod/ /de yi dge ba cung zad ci yod pas/ /'gro ba thams cad ba de gshegs 'dra bar shog /chos don zab cing bdag blo dman/ /de phyir shin tu rtogs dka' yang/ /thos nyung blo dman dga' phyir byas/ /de la mkhas mang bzod pa mdzod/ /mi rtog ye shes mi bsgrub na? tshig gis sangs rgyas grub pa med/ /'on kyang 'gro ba 'don pas na/ /mkhas pa rnams kyis bshad par rigs/ /rnal 'byor sgom pa la 'jug pa/ /slob dpon chen po ka ma la shI la'i zhal snga nas mdzad pa rdzogs so// // rgya gar gyi mkhan po chen po pradz+nyA warma dang/ zhu chen gyi lo ts+tsha ba bande ye shes sdes bsgyur cing zhus te gtan la phab po// //rgya gar skad du/ Arya pradz+nyA pA ra mi tA u pa de sha nA ma/ bod skad du/ 'phags