བོད་ཡིག

e-texts based on the ACIP/ALL Input

gtan la phab pa'o// (//byang chub kyi sems bsgom pa'i yi ge rin po che'i sgron ma slob dpon rta dbyangs kyis mdzad pa'o//) //rgya gar skad du/ pa ra mArtha bo d+hi tsit+ta b+hA ba kra ma na war+Na saM kra ha/ bod skad du/ don dam pa byang chub kyi sems bsgom pa'i rim pa yi ger bris pa/ /sangs rgyas dang byang chub sems dpa' thams cad la phyag 'tshal lo/ /bcom ldan 'das 'jam dpal gzhon nur gyur pa la phyag 'tshal lo/ /don dam pa byang chub kyi sems bsgom pa'i yi ge rin po che'i sgron ma zhes bya ba cung zang bri bar bya'o/ /ji ltar snang zhing grags pa'i chos/ /de ltar sgrub cing bden pa min/ /sna tshogs cing yang 'gyur pa'i phyir/ /dper na mig 'phrul rnam pa bzhin/ /ngo bo nyid med nam mkha' 'dra/ /rten 'brel tsam las byung ba'i phyir/ /shin tu med pa ma yin te/ /dper na rmi lam rgyu 'bras bzhin/ /bden pa ma grub rdzun mi bzlog /de lta'i don nyid ma shes pas/ /'khrul rtog rkyen gyis rab bslus te/ /mi bzang sdug bsngal 'khor lo bskor/ /kha cig yod mthong med bltas pas/ /sdig pa'i las byas sdug bsngal myong/ /dper na mi shes pa yi mis/ /rnam par ldang ba'i dug 'thungs shing/ /kha cig dge ba'i las byed kyang/ /rnam par dben don ma shes pas/ /rmi lam yul gyi bde ba bzhin ?re zhig thob kyang slar nyams 'gyur/ /de ltar 'jig rten thal pa yas/ yang dag bdag med de bzhin nyid/ /don dam 'jam dpal mthong ba min/ /de bas 'gro drug snying rje'i yul/ /kha cig rdul phran don dag ni/ /rten 'brel blo yis mngon sum mthong/ /kha cig rjes su rjes dpag shes/ /gnyis kas chos kyi bye brag rtogs?// sdug bsngal dang ni de rgyu dag /spangs te bdag nyid zhi bya'i phyir/ /sgrub pa bdun la gnas nas ni/ /sgrub pa cig gi thar par 'dod/ /rdul med rdul bral dri ma med/ /chos dbyings 'jam dpal mthong ba min/ /kha cig shes rab rtsal gyis ni/ /gzung ba stong par rab shes shing/ /'dzin pa rdzas su grub par lta/ /'khor ba ma rig rgyu las byung/ /bzlog phyir rig pa'i ye shes bsgom/ /gzhan don cung zad spyod gyur yang/ /lus kun las ni rnam grol ba'i/ /don dam 'jam dpal mngon pa min/ /rags pa'i chos ni ma grub na/ /phra ba'i chos kyang 'grub pa min/ /chos ni rab tu mthong gyur na/ /chos nyid de nyid ma mthong bas/ /dper na smig rgyu ma brtags par/ /chu bo 'jigs nas spong ba bzhin/ /kha cig rnam par 'khrul par smra/ /dper na nam mkha' gzugs mthong bzhin/ /sems nyid snang med mkha' 'dra ba/ /don dam nyid du grub par 'dod/ /kha cig chos kun rang rig lus/ /sna tshogs brtags pas rnam par dbye na/ /dper na rmi lam nyams myong bzhin/ /gnyis med ye shes grub par 'dod/ /chags dang sdang ba spangs pa dang/ /thabs mkhas blo chen de yis kyang/ /rnam shes chos nyid las 'das pa'i/ /chos dbyings 'jam dpal mthong ba min/ /sems nyid bar ba'i de nyid la/ /'dir ni cung zad rnam brtags na/ /bdag las ma yin gzhan las min/ /gnyis ka las min rgyu med min/ yod pa yod phyir skye mi rigs/ /yang na skye ba thug med 'gyur/ /med pa med pas skye mi rigs/ /yang na cig car skye bar 'gyur/ /de phyir yang dag skye med phyir/ /rdzun pas bden pa grub pa min/ /gal te grub pa mdza' yas pa'i/ /gnod pa 'ang la rab tu 'du/ des na ma brtags nyams dga' ste/ /sgyu ma tsam la brtags pas bslus/ /sems ni sgyu ma'i rnam pa ste/ /byang chub kyang ni sgyu ma 'dra/ /des kyang tshig tu brjod spangs te/ /spros bral 'jam dpal mthong ba min/ /sgyu ma sgyu ma tsam min te/ /gal te yin na de mi grub/ /grub na gzhan gyi gzhung lugs kyang/ /sgyu ma'i chos su thal bar 'gyur/ /de phyir sgyu ma'i rang bzhin ni/ /sgyu bzhin 'di zhes brjod du med/ /'di yang thugs rje ldan pa yis/ /bden pa gnyis kyi tshul gnas te/ /tha snyad don la rab brten nas/ /bdag med seng ge'i sgra chen bsgrags/ /stong pa nyid sogs rnam grangs sgo/ /sgyu ma 'dra sogs dpe mdza' yas/ /theg pa sna tshogs thabs tshul gyis/ /mi gnas dbu ma nye bar mtshon/ /mtshon kyang mtshon bya ma yin te/ /'di la bsal bya ci yang med/ /stong pa nyid kyang stong pas stong na 'di la sangs rgyas sems can med/ /bdag gzhan snang zhing srid pa'i chos/ /rnam grol rnam par bcings pa yang/ /ming tsam ming yang yod ma yin/ /thams cad nam mkha' dang 'dra ste/ /de ltar chos rnams mthong med na/ /mi mngon mi snang 'jam dpal mthong/ skye dang 'chi ba'i srid pa yi/ /'khor ba'i rgya mtsho pha rol 'gro/ /de lta bas na yon tan gyi skabs nas kyang/ /lta ba ngan pa'i tshang tshing ma lus par sel ba'o zhes pa dang/ chos thams cad brjod du med pa'i rang bzhin nyid do zhes pa dang/ chos kyi rgyal por 'gyur ro zhes pas bstan to/ /blo mchog sa gzhi lta bu la/ /dam chos nyi ltar kun nas gsal/ /blo dman khang bu lta bu'i phyir/ /rin chen sgron ma tsam 'di bris/ /don dam pa byang chub kyi sems bsgom pa'i yi ge rin po che'i sgron ma zhes bya ba'i slob dpon chen po rta dbyings kyis mdzad pa rdzogs so// //rgya gar gyi mkhan po pad+ma ka ra barmma dang zhu chen gyi lots+tsha ba dge slong rin chen bzang pos bsgyur cing zhus te gtan la phab pa'o// //