བོད་ཡིག

e-texts based on the ACIP/ALL Input

text in 2 volumes

volume 1 (rgyud 'grel (chu）) - volume 2 (mdo 'grel (a）) -

(kun rdzob byang chub kyi sems bsgom pa'i man ngag yi ger bris ba slob dpon rta dbyangs kyis so//) //rgya gar skad du/ saM bri ti bo d+hi tsit+ta b+hA ba no pa de sha war+Na saM gra ha/ bod skad du/ kun rdzob byang chub kyi sems bsgom pa'i man ngag yi ger bris pa/ sangs rgyas dang byang chub sems dpa' thams cad la phyag 'tshal lo/ /kun rdzob byang chub kyi sems bsgom pa'i yi ge pad+ma spungs pa zhes bya ba cung zad bri bar bya'o/ /shes rab snying rje ldan pa'i mis/ /'gro ba mgon med rnams kyi phyir/ /dag par byed cing sdig sel ba/ /byang chub sems mchog rab bskyed nas/ /byang chub spyad pa'i 'gros chen gyis/ /nges 'byung lam ni mthar phyin na/ /pha dang ma la rab gus shing/ /rgan la sri zhu byed ba dang/ /mi yi chos lugs legs srung ba/ /'di ni ya rags spyod pa yin/ /mi 'tshe ba dang bden pa dang/ byin nas len dang tshangs par spyod/ /'dzin pa thams cad btang ba ni/ /'di ni bde 'gro'i spyod pa yin/ /'khor ba'i sdug bsngal yongs mthong nas/ /spang phyir bden pa'i lam bsgom zhing/ /kha na ma tho gnyis spong ba/ /'di ni zhi ba'i spyod pa yin/ /'di dag kun kyang blang bya ste/ /nges 'byung lam gyi yan lag yin/ /chos kun stong pa nyid rtogs pas/ /'gro la snying rje'i chu rgyun 'byung/ /thabs mkhas spyod pa mdza' yas pa/ /nges 'byung mchog gi spyod pa yin/ /de yang thog mar 'di lta ste/ /don med rnam par bslu ba yin/ 'jig rten chos la ma chags par/ /nags tshal la sogs dben par bsdad/ /sems nyid gdong nas ma skyes pa/ /rang byung dgon ba yin mod kyi/ /las dang po pa'i sems can gyis/ /phi rol dgon pa thog mar bsten/ /de'i 'og sems nyid dgon pa btsal/ byang chub snying po'i sa bon la/ /brten nas don chen 'di ltar bsgrub/ /de yang thog mar tshad med blo/ /btang snyoms sa gzhi legs bdal la/ /byams pa'i chu bos rnam bcus la/ /rab tu dga' ba'i rnal 'byor pas/ /snying rje'i sa bon legs par gdab/ /lta ba'i nam mkha' go phye la/ /byang sems myu gu thabs kyis bskyed/ /dngos grub lo tog rab btsal la/ /ma chags blo yis kun la skye/ /sbyin pa'i g.yab mos legs pos la/ /snyan par smra bas gtam byas te/ /don mthun pa yis bag phab cing/ /don spyod gros chen nges par gdab/ /dad pa'i chu bum rab thogs la/ /bdag gzhan sdig pa rnam par bkru/ /dran pa'i phreng ba mchog thogs te/ /yang dag gdams ngag gzungs su bzung/ /shes bzhin mar me lag thogs te/ /bag yod goms pa legs par bor/ /nad med sbyin pa'i lus la ni/ tshul khrims gtsang ma'i gos bgos shing/ /bzod pa'i mdangs chen rab phyung ste/ /brtson 'grus yan lag legs bskyod la/ /ting nge 'dzin gyi khang pa ru/ /bsam gtan kha zas legs sbyar zhing/ /shes rab snang bas sgo phye ste/ /stong nyid ye shes khang chen la/ /khams gsum skye po mgron po'i tshogs/ /smon lam snying rjes bos nas su/ /thabs mkhas pa yi go rims bzhin/ /dam chos stobs kyis dga' sngon bya/ /dad pa'i 'khor lo rin po ches/ /nyin mtshan dag pa'i lam sna drang/ /tshul khrims btsun mo rin po ches/ /rab tu mdzes pa'i rgyan 'phreng gdags/ /gtong pa'i blon po rin po ches/ /bsod nams ye shes 'phrul chen dbyung/ /thos pa dmag dpon rin po ches/ /log rtog dgra yi g.yul ngo gzhom/ /ngo tsha shes pa'i rta mchog gis/ /nyon mongs bdag med spubs su spa/ /khrel yod stobs kyi glang po ches/ /phyin ci log gi las rnams spang/ /shes rab nor bu rin po ches/ /bdag dang gzhan gyi re ba bskang/ /yon tan mdza' yas 'phags pa'i nor/ /nor gzhan phal pa sdug bsngal rgyu/ /thog mar dge bshes bsten pa yis/ /phyi nang chos kun slob dpon yin/ /nags sogs dus kyis 'gyur ba yis/ /'dus byas mi rtag stong par ston/ /nags sogs rgyu 'bras so so yis/ /kun rdzob slu ba med par ston/ /ro? dang rus pa chu shing sogs/ /phyi nang chos kun bdag med ston/ /kun la khyab pa'i nam mkha' yin/ /don dam spros bral la sogs ston/ /rang bzhin yongs su shes pa'i blos/ /chags med mig gis phyogs su lta/ /de tshe yul na ci snang yang/ /sgyu ma bzhin du gos pa med// don gyi chos ni rtogs gyur na/ /tha snyad dag gis ci zhig bya/ /grogs mchog rnyed na shin tu legs/ /de lta min na'ang gcig pur gnas/ /bung ba rgyags lding? glu len cing/ /ljon shing yal ga gang byed cing/ /bya rnams snyan pa'i skad kyang 'byin/ /bsil yab dang 'jam phyogs na g.yo/ /bu chu lhung rgyun sgra yang sgrogs/ /mdzes pa'i ri dags brgyug cing bskor/ /me tog tshogs ni rgod pa 'dra/ /tsandan sros sogs dri dad ldang/ /dgon pa'i yon tan 'di lta bus/ /rang gzhan dag la phan 'dogs shing/ /lan la cung zad mi re ste/ /grogs mang rnal 'byor ci phyir skyo/ /'jig rten phal pa de lta min/ /ji ltar nags kyi ri dags bzhin/ /rtsa ba sdong bu la sogs bza' / /yang na bung bas me tog bzhin/ /yang dag 'tsho ba gtsang ma blang/ /yang na thabs mkhas bya bzhin du// sdig med gsog 'jog cung zad bya/ /ji ltar nags kyi dom bu bzhin/ /dro ba'i skyabs la brten par bya/ /yang na dman zhing mi mkho'i gos/ /yang na bsod nams stobs dang sbyar/ /ji ltar ri dags phyogs su bdas/ /bag phebs nas ni nyal ba bzhin/ /de ltar bla mas bstan pa yi/ /yang dag don la rnal 'byor bya/ /bying rgod dbang du mi gtang bar/ /zhi gnas lhag mthong cha mnyam mo/ /nang gi zhi gnas ma rnyed kyang/ /phyi yi zhi gnas la brten te/ /ci nus pa yi chos spyod ni/ /nyin mtshan g.yel ba med par bya/ /de ltar bsod nams tshogs kyis ni/ /rang rgyud me long dag par 'gyur/ /de la dka' ba med par ni/ /shes rab ye shes 'char bar 'gyur/ /the tsom med cing dad ldan pas/ /chos gcig nan tan byas pa yis/ /yon tan mdza' yas rab snang ba/ /lo rgyus bzang dang gzhung nyid mthong/ /de lta bas na yon tan gyi skabs nas kyang/ byang chub sems dpa' i spyod pa'i 'byung khungs so zhes pa dang/ blang ba dang dor ba'i dngos po'i bye brag byed pa'i shes rab nyid do zhes ba dang/ ming yang dag par brjod pa 'di ni sangs rgyas kyi chos yang dag pa'i bar du yang yongs su rdzogs par bya'o zhes pas bstan to/ /blo yangs rgya mtsho lta bu la/ /spyod pa mdza' yas pad+ma gsal/ /blo dman rdzing bu lta bu'i phyir/ /pad+ma spungs pa tsam 'di bris/ /kun rdzob byang chub kyi sems bsgom pa'i yi ge pad+ma spungs pa zhes bya ba slob dpon mkhas pa chen po rta dbyangs kyis zhal snga nas mdzad pa rdzogs so// //rgya gar gyi mkhan po pad+ma ka ra barma dang/ zhu chen gyi lo tsA dge slong rin chen bzang pos bsgyur cing zhus te gtan la phab pa'o// (//byang chub kyi sems bsgom pa'i yi ge rin po che'i sgron ma slob dpon rta dbyangs kyis mdzad pa'o//) //rgya gar skad du/ pa ra mArtha bo d+hi tsit+ta b+hA ba kra ma na war+Na saM kra ha/ bod skad du/ don dam pa byang chub kyi sems