བོད་ཡིག

e-texts based on the ACIP/ALL Input

su bkod pa rdzogs so// //paN+Di ta dI po ka ra dang/ lots+tsha ba tshul khrims rgyal bas bsgyur cing zhus te gtan la phab pa'o// (//byang chub sems dpa' i spyod pa la 'jug pa'i don bsdus pa chos skyong gis mdzad pa bzhugs so/ /jo bos bskul/) rgya gar skad du/ bo d+hi satwa tsaryA ba tA ra piN+DArtha/ bod skad du/ byang chub sems dpa' i spyod pa la 'jug pa'i don bsdus pa/ sangs rgyas dang byang chub sems dpa' thams cad la phyag 'tshal lo/ /dal 'byor 'di ni shin tu rnyed par dka' / /skyes bu don grub thob par gyur pa la/ /gal te 'di la phan pa ma bsgrubs na/ /phyis 'di yang dag 'byor par ga la 'gyur/ /ji ltar mtshan mo mun nag sprin rum na/ /glog 'gyu skad cig rab snang ston pa ltar// de bzhin sangs rgyas mthu yis rgya lam na/ /'jig rten bsod nams blo gros thang 'ga' 'byung/ /de ltar dge ba nyam chung nyid la rtag /sdig pa stobs chen shin tu mi zad pa/ /de ni rdzogs pa'i byang chub sems min pa/ /dge gzhan gang gis zil gyis non par 'gyur/ /bskal pa du mar rab dgongs mdzad pa yis/ /thub dbang rnams kyis 'di nyid phan par gzigs/ /'dis ni tshad med skye bo'i tshogs rnams kyi/ /bde mchog bde blag nyid du thob par byed/ /'jigs dang sdug bsngal brgya phrag gzhom 'dod cing/ /sems can me bde gsal bar 'dod pa dang/ /bde mang brgya phrag spyod par 'dod pas kyang/ /byang chub sems nyid rtag tu gtang mi bya/ /rin chen sems 'di gzung bar bya ba'i phyir/ /de bzhin gshegs pa rnams dang dam pa'i chos/ /dkon mchog dri ma med dang sangs rgyas sras/ /yon tan rgya mtsho rnams la legs par mchod/ /ji ltar sngon gyi bde gshegs kyis/ /byang chub thugs ni bskyed pa na/ byang chub sems dpa' i bslab pa la/ /de dag rim bzhin gnas pa ltar/ /de bzhin 'gro ba'i phan don du/ /byang chub sems ni bskyed bgyi zhing/ /de bzhin du ni bslab pa la'ang/ /rim pa bzhin du bslab par bgyi/ /rgyal ba'i sras kyis de lta bur/ /byang chub sems rab brtan bzung nas/ /g.yel ba med par rtag tu yang/ /bslab pa las mi 'da' 'bad par bya/ /bslab pa srung bar 'dod pa yi/ /rab tu bsgrims nas sems bsrung ste/ /sems ni bsrung bar ma byas na/ /bslab pa bsrung bar yong mi nus/ /sems bsrung 'dod pa rnams la ni/ /dran pa dang ni shes bzhin dag /srog la bab kyang srungs shig ces/ /bdag ni de skad 'doms par byed/ /bla ma dang ni 'grogs pa dang/ /mkhan pos rjes su bstan pa la/ /'jigs pas skal ldan gus byed pa/ /dran pa shin tu skye bar 'gyur/ /rtag par dge ba'i bshes gnyen ni/ /theg chen don la mkhas pa dang/ /byang chub sems dpa' i brtul zhugs mchog /srog gi phyir yang mi gtang ngo/ /bskal pa stong du bsags pa yi/ /sbyin dang bde gshegs mchod la sogs/ /legs spyad gang yin de kun yang/ /khong khro gcig gis 'joms par byed/ /zhe sdang lta bu'i sdig pa med/ /bzod pa lta bu'i dka' thub med/ /de bas bzod la nan tan du/ /sna tshogs tshul gyis bsgom par bya/ /de ltar bzod pas brtson 'grus brtsam/ /'di ltar brtson la byang chub gnas/ /rlung med g.yo ba med pa bzhin/ /bsod nams brtson 'grus med mi 'byung/ /brtson gang dge la spro ba ste/ /de yi mi ma sun phyogs spang bya/ /sgyid lug med dang dpung tshogs dang/ /lhur blang bdag nyid dbang bya ste/ /bdag dang gzhan du mnyam pa dang/ /bdag dang gzhan du brje bar gyis/ /de ltar brtson 'grus bskyed nas ni/ /yid ni ting nge 'dzin la bzhag /sems ni rnam par g.yengs pa'i mi/ /nyon mongs mche ba'i phrag na gnas/ /lus dang sems ni dben pa yis/ /rnam par g.yeng pa mi 'byung ngo/ /de bas 'jig rten spang bya zhing/ /rnam par rtog pa yongs su dor/ /chags pa'i phyir dang rnyed sogs la/ /sred pas 'jig rten mi spong ste/ /de bas 'di dag yongs spangs la/ /mkhas pas 'di dag spyad par bya/ /bdag nyid skyon bcas gzhan la yang/ /yon tan rgya mtshor shes byas nas/ /bdag 'dzin yongs su dor ba dang/ /gzhan blang ba ni bsgom par bya/ /bdag dang gzhan du mnyam pa ni/ /dang po nyid du 'bad de bsgom/ /bde dang sdug bsngal mnyam pas na/ / thams cad bdag bzhin bsrung bar bya/ /gang zhig bdag dang gzhan rnams ni/ /myur du bskyab par 'dod pa yis/ /bdag dang gzhan du brje ba bya/ /gsang ba'i dam pa spyod par bya/ /de bas sgrib pa gsal ba'i phyir/ /log pa'i lam las sems bslan zhing/ /yang dag dmigs la rtag tu yang/ /yid ni brtan por gzung bar bya/ /de ltar de dag thams cad kyang/ /shes rab don du thub pas gsungs/ /de bas mya ngan 'das pa dang/ /bde ba 'dod pas shes rab bskyed/ /don dam dang ni kun rdzob ste/ /de ni bden pa gnyis su 'dod/ /don dam blo yi spyod yul min/ /blo dang sgra ni kun rdzob yin/ /de la 'jig rten rnams gnyis mthong/ /rnal 'byor pa dang de bzhin phal/ /de la rnal 'byor 'jig rten gyis/ /'jig rten phal pa sun yang 'byin/ /gong ma gong ma'i khyad par gyis/ /rnal 'byor pa yang sun 'byin to/ /bdag gis byang chub spyod pa la/ /'jug pa rnam par bsams pa yis/ /dge ba gang des 'gro ba kun/ /byang chub spyod la 'jug par shog/ //gser gling gi bla ma chos skyong bas/ /gus pa dang ldan pa'i slob ma ka ma la rak+Shi ta dang/ dI paM ka ra sh+rI dz+nyA nas gsol ba btab nas/ spyod pa la 'jug pa'i gtso bo'i don bcu gcig bsdus pa rdzogs so// // rgya gar gyi mkhan po dI po ka ra dang/ bod kyi lots+tsha ba tshul khrims rgyal bas bsgyur ba'o// (//spyod 'jug gi dgongs 'grel khyad par gsal byed bi b+hu ti tsan+d+ras mdzad/) /*/ /rgya gar skad du/ bo d+hi tsaryA ba tAn+ta tA parya pany+dzi kaM bi she