<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4066: byang chub sems dpa'i spyod pa la 'jug pa'i dka' 'grel<br><table><tr><td>
<input type="button" onclick="location.href='tcompletep.php?id=N4066&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4066&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4066&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">rab kyi sgyur cing zhus te rtan la phab pa'o// // */ (/byang chub sems dpa' i spyod pa la 'jug pa'i dka' 'grel bai ro tsa nas mdzad pa bzhugs so/) / */ /rgya gar skad du/ bo d+hi satwa tsaryA ba
 tAr pany+dzi ka /bod skad du/ byang chub sems dpa' i spyod pa la 'jug pa'i dka' 'grel/ sangs rgyas dang byang chub sems dpa' thams cad la phyag 'tshal lo/ /don chen ldan pa'i byang chub spyod 'jug la/ /cung zad rtogs par dka' ba'i
 tshig yod pa/ /de dag gsal bar rtogs par bya phyir 'dir/ /da ni bdag gi cung zad tsam 'di bri/ /grags pa rnams kyis byas pa'i 'grel ba yod mod kyi/ /de ltar kho bos tshul bzhin bri bar bya/ /gang zhig zol med blo ldan bye brag shes de'i 'di
 yi bye brag shes par 'gyur/ /'dir slob dpon zhi ba'i lha gsung rab kyi de kho na nyid rig pa/ rang dang gzhan gyi bde ba la re ba med pa dang 'dod pa dang ldan pa byang chub sems dpa' i yon tan la nges par gnas pas/ gzhan rnams la yon
 tan de bskyed par bya ba'i phyir byang chub kyi spyod pa la 'jug pa mdzad par bzhed nas/ bde gshegs zhes bya ba la sogs pa'i tshigs su bcad pa gsungs so/ /tshigs su bcad pa 'di la don drug gis bstan te/ dkon mchog gsum dang
 nyan thos dang mkhan po la sogs pa rnams la phyag btsal ba dang/ brjod par bya ba dang/ 'grel ba dang dgos pa dang/ rang dga' i skyon spang pa dang/ zlos pa'i skyon spang pa'o/ /phyag btsal ba ni bya ba'i khyad par nyid kyi bstan pa'o/ /bde
 gshegs sras kyi sdom la 'jug pa ni/ zhes pa ni brjod par bya ba'i tshig go /bstan par bya zhes pa ni dgos pa mngon par brjod pa dang/ 'brel pa ni shugs las shes par bya'o/ /gsung rab kyi tshig ces pa ni rang dga' i skyon spang pa'o/ /
 btus pa zhes pa ni zlos pa'i skyon spong ba ste/ de dag ni bsdus pa'i don to/ /yan lag gi don ni bde bar gshegs pa zhes bya ba la sogs pa la/ bde ba'i sgra ni mdzes pa la sogs pa'i don to/ /nyon mongs pa la sogs pa'i sgrib pa spangs
 pas mdzes par gshegs pas na bde bar gshegs pa ste/ bu mo gzugs mdzes pa bzhin no/ /de kho na nyid mi gsal bar byed pa'i ma rig pa la sogs pa rab tu bsal nas phyir mi ldog par gshegs pa'i phyir na yang ste/ rims nad legs
 par byad pa bzhin no/ /bag chags thams cad rab tu gsal nas ji srid du 'gro bar bya ba'i mthar phyin pas na yang ste/ bum pa legs par gang ba bzhin no/ /de lta bu'i bde bar gshegs pa la gus par phyag btsal nas/ bde bar gshegs
 pa'i sras kyi sdom pa la 'jug pa bstan par bya'o/ /zhes bya bar 'brel te/ /sras bcas zhes bya ba ni rgyal ba rnams kyi sras pos rab tu dga' ba la sogs pa thob pa'i phyir byang chub sems dpa' de dag rnams dang bcas te stabs cig tu'o/ /de dag gis
 ni byang chub sems dpa' i dge 'dun bstan to/ /chos kyi sku mnga' zhes pa ni lung dang rtogs pa'i bdag nyid kyi chos kyi sku mnga' ba dang stabs gcig tu'o/ /chos kyi tshogs bcas zhes pa'i tshig gis ni nyan thos kyi dge 'dun yang brjod de/ nyan thos la
 sogs pa phyag bya ba'i 'os su gyur pa ma lus pa la phyag byas pa'o/ /ci ste sangs rgyas kyi rjes la chos la/ de'i rjes la dge 'dun la'o/ /zhes bstan par bya ba la ci ste go rim bzlog nas bstan zhe na tshigs su bcad pa 'brel bar bya ba'i phyir ro/ /bde
 bar gshegs pa'i bdag nyid kyis chos kyi de'i dbang gis bskyed pa ni bde bar gshegs pa'i sras te/ byang chub sems dpa' de dag gi sdom pa 'am sdom par byed pas na sdom pa ste/ byang chub kyi sems gzung ba sngon du 'gro ba can gyi byang chub sems
 dpa' i bslab pa yang dag par len pa de la/ gang byang chub kyi sems kyi phan yon la sogs pa nges 'jug par byed pa'o/ /ci ste khyod kyis rang dgar brtsams pa la sus 'dzin par byed snyam pa la brjod pa/ gsung rab kyi
 tshig ste lung las ma 'das pa'o/ /ci ste lung la dad pa rnams de nyid la 'jug par rag mod/ khyod kyis ci bstan zhe na/ brjod pa btus pa ste/ mdor bsdus nas so/ /ci lung bzhin du zhes smos pas don la khyad par med pa'i phyir ji ltar
 gzhan dag 'jug par byed snyam pa la sngon chad ma byung ba ni 'dir brjod med ces bya ba la sogs pa smos te/ ni zhes bya ba ni nas par gzung ba'o/ /sdeb sbyor ni tshag mdzes shing 'jibs par dgod pa'o/ /de'i phyir zhes pa ni sngar ma byung brjod pa dang/
 sdeb sbyor mkhas pa med pa de'i phyir re/ /'o na ci'i don du byas she na/ rang gi zhes bya ba smos te/ rang gi yid la byang chub kyi sems bsgom par bya ba'i phyir te/ bslab par bya ba'i phyir ro/ /de nyid bstan pa'i phyir/ bdag gi zhes smos te/ dge ba ni
 byang chub kyi sems so/ /dad pa'i shugs te dad pa'i stobs 'phel bar 'gyur ro/ /re zhig ces bya ba'i sgras ni gzhan gyi don la re ltos yod par bstan pa'i phyir smos te/ ci ste zhes smos te/ bdag dang skal pa mnyam pa ni skal pa mtshungs pa'o//
 sdom pa la 'jug par byed pa'i rgyu byang chub kyi sems kyi phan yon brjod par bzhed nas skabs su bab pa'i tshig /dal 'byor ni mi khom pa brgyad las rnam par grol pa'i mi'i dngos po'o/ /mi khom pa ni 'di dag rnams te/ dmyal ba yi dags
 byol song dang/ kla klo tshe ring lha dang ni/ /log lta sangs rgyas med pa dang/ /lkugs pa la sogs mi khom brgyad/ /gang na mtshan mo mun nag sprin du gyur ba de na 'am/ yang na de nas so/ /de bzhin du 'khor ba'i mun nag /sdig pa'i sprin rum
 du sangs rgyas kyis glog gi mthus bsod nams blo gros thad 'ga' ste skad cig tsam 'byung ba'o/ /gang gi phyir de lta yin pa de nyid kyi phyir/ dge ba nyam chung ba nyid la brtag pa'o/ /sdig pa'i stobs ni nus pa'o/ /chen po ni mi khom pa'o/ /shin tu mi
 bzad pa ni 'jigs par byed pa'o/ /gal te stobs chen po yin du zin mod/ de lta na yang bsod nams gzhan gyis rgyal bar byed do zhes dogs pa la/ de ni zhes bya ba smos te/ min pa zhes pa ni rtag pa'i mdza' bzung ba'o/ /yang na bar zhes
 pa mi srid pa'o/ /byang chub pa ni sangs rgyas nyid do/ /sems ni snying rje'i sems so/ gal te byang chub kyi sems de med na/ dge ba gzhan gang gis zil gyis non par 'gyur te mi srid do zhes bya ba'o/ /'di'i phyir yang blang bar bya'o/ /zhes bstan par bya ba'i
 phyir/ bskal pa dang zhes smos te/ bskal pa zhes bya ba ni thams cad dpag tshad phyed phyed pa la ka shi ki'i ras kyi lo brgya brgya na phyogs re phyags pas nam zad par 'gyur ba de tsam na bskal pa bar ma'o/ /bar gyi bskal pa brgyad cu tham pa na
 bskal pa chen po'o/ /gang gi phyir byang chub kyi sems de kho na de la phan pa yin snyam pa la 'di nyid ces smos te/ gang gi phyir bde blag nyid du ste/ skra 'bal ba la sogs pa'i dka' las med par ro/ /bde mchog ni rdzogs pa'i byang chub kyi sems so//   thob par byed pa ni bar gyi mthar phyin gyi bar du 'phel bar byed cing/ 'khor ba'i sdug bsngal las 'don cing thar bar byed pa'o/ /byams pa'i stobs la sogs pa'i gtam rgyud ni gzhan la phan par 'gyur ba 'dod pa'i bde ba nyid bde bar sgro btags pa'i
 phyir ro/ /'di'i phyir yang btang bar mi bya'o zhes bstan pa'i phyir srid pa'i zhes bya ba smos te/ lung las mi rtag pa'i phyir/ gzhom par 'dod pa'o/ /zhes 'byung bas na gzhom par 'dod pa'o/ /kyang gi sgra ni mi bde zhes bya ba'i mthar yang ngo/ /mi bde ba ni
 brel zhing phongs pa'o/ /yon tan gyi khyad par 'di'i phyir yang gzung bar bya'o/ /zhes bstan pa'i phyir 'khor ba zhes bya ba smos te/ 'khor ba nyid btson ra'o/ /bsdams pa ni der 'dod chags la sogs pas bcibs
 ba'o/ /nyams thag pa ni 'dir shin tu nyen pa'o/ /gang 'jig rten lha dang mir bcas pas phyag bya ba dang/ bstod cing bkur bar yang ngo/ /yang na bcas pa'i sgra ni zhes bya ba ste/ byang chub sems dpa' de'o/ /'gyur zhes pa ni 'das pa'i
 tshig kha bskong ba'o/ /nga ni yang dag par bskul ba'i phyir/ mi gtsang zhes smos te/ rin thang med pa'i yid bzhin gyi nor bu don chen por 'gyur ba'o/ /gser 'gyur rtsi yi rnam pa ni gser 'gyur rtsi'i bye brag go /bsgyur bas zhes pa ni
 nges par sgyur bar byed pa'o/ /des na bdag gi don du yang gzung bar bya'o/ /zhes bstan par bya'o/ /legs par yongs su zhes smos te/ 'gro ba nyid kyi tshong dus su dge ba dang mi dge ba las btsong bar bya ba'i phyir zong de byed pa'i gnas ni gnas te
 de dang bral bar 'dod pa'o/ /rin po che bzhin du rnyed par dka' ba'i phyir rin chen no/ /don ni 'di yin te khyod tshong ba bzhin du bde ba dang phun sum tshogs pa'i rnyed pa don du gnyer ba yin pas/ don chen po'i nor bu rin po che rin thang med pa 'di zung
 shig pa'o/ /yid bzhin gyi nor bu bzhin du dal 'byor phun sum tshogs pa rnyed par dka' o/ /sus de ltar brtags snyam pa la tshad med pa ste/ gzhal du med pa'i blo la sogs pa dang gang ldan pa de 'gro ba'i ded dpon no/ /de ni 'gro ba rnams kyi
 ded dpon gcig pu ste gnyis pa med pa des rtags pa'o/ /de'i don du chen po'i bdag nyid bstan pa'i phyir/ chu shing zhes smos te/ bskyed pa byin nas so/ /rtag tu 'bras bu 'byin pa skad cig re re rgyu 'thun pa'i 'bras ster ba'i phyir ro/ /
 mi zad pa ni skye ba re rer rnam par smin pa las byung ba'i sbyin pas rgyu mthun gyi 'bras bu rgyun mi 'chad pa'i phyir ro/ /'phel bar 'gyur ba ni de'i dbang gi gzhan rnams la yang byang chub kyi sems bskyed par byed pa'o/ /byang chub kyi sems ljon
 shing lta bur mtshon pa ni rtag la sogs pa'i rang bzhin lta bu'i bsdu ba byas pa'o/ /sdig pa zad par 'gyur ba'i rgyu yang ngo/ /zhes bstan pa'i phyir/ sdig pa byas nas yang zhes smos te/ sgrol ba ni zhu bar byed pa'o/ /bcom ldan 'das kyis
 kyang rten gyi stobs kyis byas shing bsags pa'i sdig pa zil gyis non par byed do zhes gsungs so/ /rten ni dkon mchog gsum mo/ /'di ni sreg par byed pa yang ngo zhes bstan pa'i phyir dus mdza' i zhes bya ba smos te/ dus mdza' ni 'jig rten 'jig
 pa'i dus so/ /me ni nyi ma bdun shar ba ste/ /de kun tu byung bas 'dod pa'i khams thams cad bsam gtan dang po'i bar du lhag ma med par rim gyis bsreg pa ste de bzhin du'o/ /phan yon ni yon tan no/ /dpag tu med pa ni gzhal gyis mi lang
 ba'o/ /nor bzangs ni tshong dpon gyi bu'o/ /blo dang ldan pa ni shes rab chen po can no/ /gsungs pa ni des rigs kyi bu byang chub kyi sems ni sangs rgyas kyi chos rnams kyi sa bon no/ /zhes bya ba la sogs pa gsungs so/ /de la bag can rnams kyis
 cis mi brten zhes bya ba de 'dir yang sbyor ro/ /ci ste bcom ldan 'das kyis lus can dag? gi las rnams ni/ /bskal pa brgyar yang chud mi za zhes gsungs pa ma yin nam/ de ji ltar 'thad ce na/ chud ma zos pa ni 'dir 'bras bu ster ba'i nus pa dang
 ldan pa ste/ des na nyes pa med do/ /nga ni de'i dbye ba bstan pa'i phyir/ de zhes bya ba smos te/ rigs kyi dbye ba rnam pa du ma yod du zin gyis kyang/ mdor bsdus nas rnam pa gnyis su gsungs so/ /smon pa'i sems ni sangs rgyas grub par shog
 ces pa'o/ /smon pa byang chub mchog tu sems bskyed nas spyod bzhin pa'i sems ni 'jug pa'i sems so/ /de gnyis ni bye brag bstan pa'i phyir 'gro bar 'dod dang zhes bya ba smos te/ dper na gcig la grong du 'gro bar 'dod pa'i bsam
 pa yod pa dang/ gzhan dag gcig lam du zhugs nas 'gro ba de dag gnyis kyi bye brag bzhin no/ /mkhas pa ni gang las shes rab khyad par can skyes pa nges so/ /rim bzhin ni rim pa las ma 'das pa ste/ go rims ji lta bar grangs bzhin no//
 smon pa'i sems la rtog pa ma tshang yang 'khor bar 'bras bu chen po bskyed do zhes bstan pa'i phyir/ byang chub ces smos te 'khor tshe 'ang zhes bya ba ni byang chub nas rang dang gzhan gyi don phun sum tshogs pa'i mtshan nyid dang ldan pa lta zhog ces
 bya ba'o/ /bsod nams rgyun mi 'chad pa nyid du bstan pa'i phyir/ gang nas zhes bya ba la sogs pa tshigs su bcad pa gnyis gsungs te/ sems can gyi khams ni rang bzhin no/ /nyon mongs pa la sogs pa'i rang bzhin no/ /de dgrol ba'i
 stong par byed pa'i rgyu mtshan gyis so/ /sems de ni rdzogs pa'i byang chub kyi sems te/ yang dag pa blang ba la zhugs par gyur pa'i mi ldog pa ni phyir mi ldog pa'o/ /gnyid log pa ni nyal ba'o/ /bag med pa ni mnyes pa'o/ /du ma ni skad cig
 so so re re la rnam pa du ma 'byung pa'o/ /rgyun ni rab tu 'brel ba'o/ /mkha' ni nam mkha' o/ /mnyam pa ni de dang mtshungs pa ste/ mdza' yas pa'i phyir ro/ /'di'i rigs pa bstan pa'i phyir 'di ni zhes bya ba smos te/ 'di ni zhes byang chub kyi
 sems so/ /lag bzangs kyis zhum pa'i mdo las 'thad pa dang bcas pa ste rigs pa dang bcas par gsungs pa'o/ /dman pa ni nyan thos dang rang sangs rgyas kyi theg pa'o/ /mos pa ni gang dag nga'i mos pa'o/ /de nyid bstan par bya ba'i phyir/
 klad nad ces bya ba la sogs pa'i tshigs su bcad pa gnyis gsungs te/ bsal lo snyam zhes bya ba la sman dang sngags la sogs pas so/ /zhes bya ba ni lhag ma'o/ /phan 'dogs pa'i bsam pas ni sred pa dang bral ba'i sman pa la sogs pa rnams
 kyi'o/ /mi bde ba ni lus dang sems gnyis kyi mi bde ba'o/ /re re ni sems can so so'i 'o/ /bsal bar 'dod pa ni bral bar 'dod pa'o/ /yon tan dpag tu med pa'i dngos por ro/ /de nyid kyi phyir mchod par bya ba'i 'os su gyur pa'o zhes bstan pa'i
 phyir su la zhes smos te/ su la 'di 'dra'i phan sems yod ces pas phyir bstan nas/ bye brag tu bstan pa'i phyir/ pha 'am zhes smos so/ /'am gi sgras ni spun zla la sogs pa gzung ngo/ /lha ni phyogs skyong ba rnams la sogs pa'o/ /tshangs pa ni
 sprul pa byed pa ste/ gzhan dag gis 'dod pas so/ /gang gi phyir sems de skyes par ma gyur snyam pa la de dag nyid la'ang zhes smos te/ /'jig rten thams cad na snying brtse ba ni rang yin yang/ de la yang 'di 'dra ba'i sems pa bskyed na/ gzhan
 la cil skye zhes bya'o/ /sngon ni sngar zhes shes par bya'o/ /'di ni thun mong ma yin pa nyid bstan nas 'jug bsdu bar bya ba'i phyir sems can zhes bya ba smos te/ ji ltar 'khrungs zhes rmad du byung bar bstan pa 'am yang na gang nas byung zhes bya ste/
 gal te byang chub kyi sems ma byung na zhes bya ba'i don to/ /gang gi phyir de skad du brjod ces dgos pa la/ gzhan dag ces bya ba smos so/ /yang byang chub kyi sems phan yon gyi sgo nas byang chub sems dpa' i bsod nams gzhal du med pa bstan pa'i
 phyir 'gro ba zhes smos te/ dga' ba ni lta la sogs pa'i phun sum tshogs pa'o/ /rgyu ni sa bon no/ /de la ji ltar gzhal gyi lang zhes pa ni de rnams gang gi sgo nas bgrang bar nus zhes bya'o/ /de skad du yang byang chub sems kyi bsod nams gang/ /de ni
 gzugs can yin gyur na/ /nam mkha' i khams kun gang ba 'am/ /de bas kyang ni lhag par 'gyur/ /zhes gsungs so/ /gzhan yang phan par zhes bya ba la sogs pas ni sems can la phan par bsams pa
 tsam nyid kyi zang zing gi sbyin pa las brtsams pa'i mchod pa'i khyad par gzhal gyis mi lang bas/ sangs rgyas la mchod pa byas pa bas kyang khyad par du 'phags pa yin par bstan to/ /de skad du yang skyes bu 'ga' zhig gis gang+gA'i klung gi
 bye ma snyed kyi sangs rgyas kyi zhing khams dgra ras gi mi lang ba rin po che sna bdun gyis bkang ste/ 'jig rten mgon po la phul bas gang zhig gis thal mo sbyar bas byang chub tu sems bskyed par byed na 'di khyad par du 'phags te/ mchod pa snga ma
 des 'di la char yang mi phod do zhes gsungs so/ /gal te sems can sgrin po rnams kyi rang rang gi phan pa dang mi phan pa blang ba dang/ dor ba shes pa ma yin nam/ de la khyod kyi ci bstan zhes dgongs pa la/ sdug bsngal zhes smos te/ sdug bsngal
 ni med 'jug pa la sogs pa'o/ /mngon par rgyug pa ni bsam pa nges 'jug pa'o/ /sdug bsngal na srid pa'o/ /dor bar 'dod pa ni gang la thar par 'dod pa'i bsam pa yod pa'o/ /de nyid kyi phyir bde bar 'dod kyang ste bde ba mngon par 'dod kyang ngo//
 bde ba ni mthong ba dang ma mthong pa'i dngos po'o/ /ji ltar zhe na/ gti mug pa ste/ mtho ris la sogs pa'i las ma shes pa'i phyir ro/ /nga ni de'i dgongs pa bskang pa'i don du/ gang zhig ces bya ba la sogs pas bstod pa gsungs pa la//
 bde ba ni kun nas tshim pa'i/ /phongs pa ni sdug bsngal mang pos gzir ba'o/ /tshim pa ni ngoms par byas pa'o/ /sel bar byed pa ni shes rab chen pos so/ /dge ba ni sems can gyi don byed pa'o/ /gang de ltar rgyu bar byed pa dang mtshungs pa
 gzhan na med pa'o/ /phan gdags pa ni mkho dgu byas pa'o/ /lan ldon pa ni sngar phan 'dogs pa'o/ /bsdigs par 'os pa ni 'dod par 'os pa'o/ /ma bcol bar phan par byed pa ni ma bskul bar phan par byed pa'o/ /smos ci dgos ces bya ba ni cher
 bsngags par 'os so zhes bya ba'i don to/ /'gro ba nyung zad ni tshad du byas pa la ster ba'o/ /nar ba ni sems can skyobs par byed pas na nar ma'o/ /nar ma de tshul ji ltar ster snyam pa la/ skad cig ste yun mi ring bar ro/ /zas tsam ste 'bras ngan gyi
 zan gtong 'ba' zhig po de tsam sbyin par byed pa'o/ /de ji lta bur gyur pa'i sbyin pa zhig snyam pa la brnyas bcas te/ gus pa med par btsan thabs su gar bab tu gral la bcug nas so/ /nyin phyed ni gang rgongs ka yan chad 'drangs tsam de/ de yang
 rgongs ka zas btsal dgos pa'i phyir ro/ /dge ba byed pa yin zhes skye bos bkur ba ni bstod par byed pa'o/ /byang chub sems dpa' i sbyin pa ni de las bzlog pa'o zhes bstan pa'i phyir/ sems can zhes smras te/ gang dus 'di tsam du'o zhes bya ba
 med pa ni dus ring du'o/ /sems can gyi grangs mdza' yas pa de la sbyin pa ster bar byed pa'o/ /'gro ba la phan pa rnams la nam mkha' bzhin du mdza' med pa'i phyir de dag kyang der zad pa'o/ /mdza' yas pa'i phyir 'di tsam du zad do zhes bya ba med
 pas na zad pa med pa'o/ /yang na 'gro ba dang nam mkha' o zhes zlas dbye ba'o/ /rdzogs par byed pa ni mngon par 'dod pa'i don byin pas so/ /smos ci dgos ni smos mi dgos pa'o/ /des ni byang chub sems dpa' shin tu bkur ba'i 'os su bstan nas/ byang chub
 sems dpa' la ngan sems skyed pa'i nyes dmigs bstan pa'i phyir/ de 'dra ba'i zhes bya ba smos te/ de 'dra ba'i zhes pa ni de lta bur gyur pa'o/ /sras la zhes bya ba'i yul gyi 'dun pa'o/ /ngan sems ni ma dad pas so/ /ji srid du na ngan sems
 bskyed pa'i skad cig ma'i rgyun 'di srid kyi bskal par dmyal bar gnas par 'gyur ro/ /zhes dgongs so/ /nga ni de las bzlog pa bstan pa'i phyir/ 'on te zhes smos te/ yid ni sems so/ /sems dang ba de'i 'bras
 bu snga ma de bas khyad ches 'phags par lhag par 'phel ba'o/ /gang gi phyir rgyal ba'i sras po rnams sems can gyi don 'ba' zhig byed pas dge ba dang gis 'phel ba yin pa'i phyir ro/ /da ni bstan bcos mkhan po rang gi sems kyi dang ba gsal
 bar bstan pa'i phyir/ gang la zhes smos te/ gang la ste lus po rnams la'o/ /skyes ba ni rdzogs par grub pa'o/ /bde 'brel zhes bya ba ni gang gnod par byed mkhan des byang chub sems dpa' i bzod pa mthong nas dad ba'i sems skye bar 'gyur ba 'am/
 yang na de byang chub sems dad pas 'dzin cing dad pas 'don pa'o/ /'byung gnas ni zhing ngo/ /skyabs su mchi ba ni skyob par byed pa nyid du khas blangs pa'o/ /dmyal bar nges par gnas par 'gyur ro/ /zhes gsungs pa ni gnod par byas pa'i
 rdzas la dmyal bar skyes pa la dgongs pa yin no/ /phan yon ni 'bras bu'o/ /le'u ni rab tu byed pa rdzogs pa'o/ /byang chub sems dpa' i spyod pa la 'jug pa las li'u dang po'i dka' 'grel lo// //da ni byang chub kyi
 sems de gzung bar bya ba'i phyir/ de bzhin gshags pa rnams la sogs pa rnams la mchod par bya ba bstan pa'i ched du sems de zhes bya ba smras te/ dri ma med pa ni dngos po dang dngos po med pa'i rnam par rtog pa'i dri ma spangs pas so/ /mchod
 pa ni yid kyis so/ /mchod pa nyid bstan pa'i phyir ji snyed yod pa dang zhes smos te/ rnam pa ni rigs so/ /dpen pa ni dge zhing nyams dga' ba'i rjes su 'thun ba'i gnas so/ /me tog mdzes pa dang ldan pa nyid rgyan? du spras pa ste/ des spras pa'o/ /
 'bras bzang ste 'bras bu mchog tu gyur pas yal ga gang dag 'dud par byas pa'i tshul du ldan pa ni yal ga dud pa'o/ /spos ni tsan dan la sogs pa'o/ /mngon par 'dod pa'i 'bras bu dang ldan pa'i phyir dpag bsam gyi shing ngo/ /ma rmos pa ni thong lcags/ lo
 sogs pas ma klog pa'o/ /'phrungs pa ni skyes pa'o/ /lo thog ni 'bras bu rnams so/ /gzhan yang zhes pa ni so sor brjod kyi mi lang ba'o/ /mchod par 'os pa ni sangs rgyas la sogs pa la mdzes par byed pa'o/ /nam mkha' rab 'byam khams kyi zhes bya ni ?
 'byed par byed pa'o/ /btugs pa ni de'i mthar btugs pa'o/ /yongs su gzung ba med pa ni sus kyang bdag tu byas pa med pa'o/ /blangs nas de bzung nas thub pa skyes bu rnams kyi mchog te ya rabs su gyur pa la legs par 'dul ba'o/ /de dag ni me
 tog la sogs pa'o/ /bzhes shes pa ni bzhes par rung ba'i yon bzhes cig pa'o/ /dngos po'i mchod pa mi byed pa ci ste snyam pa la/ bsod nams dang mi ldan zhes smos te/ mchod bya'i nor zhes pa ni gzhan gyi sgra'i khyad par du byed pa'o/ /nor ni dgos pa'o
 nyid kyi mthu ste rang gi nus pa yod tsam gyi phul ba'i me tog la sogs pa 'di bzhes shig pa ste bzhes par mdzod cig pa'o/ /de nyid kyi phyir bdag nyid yongs su gtong ba la sogs par bsten pa'i phyir/ rgyal dang zhes smos te/ rgyal dang sras zhes pa ni kha
 bskangs pa'o/ /lus kun gtan du zhes bya ba ni rnam pa kun nas sam yang na gtan du dus gsum gyi dge ba dang lhan cig bdag gi dngos po kun 'bul pa'o/ /kye sems pa'i mchog tu gyur rnams yongs su bzhes shig ste bzhes par mdzod cig
 pa'o/ /yongs su bzhes pa la yon tan ci yod nyam pa la/ yongs su bzung na zhes smos te/ mi 'jigs pa ni 'jigs pa med par 'gyur ba'o/ /de nyid kyi phyir sems can la phan pa bgyid pa'o/ /sngon ni 'das pa'o/ /gzhan yang ni ma 'ongs pa'o/ /'od
 gsal ni shel lo/ /de nges brtsams pas na shel las brtsams pa'i sa gzhi 'am/ yang na shel de'i sa gzhi bstar ba'o/ /rin chen 'bar ba ni 'od gsal ba ste/ gang de las grub pa'i ka ba ni yid du 'ong pa'o/ /mu tig
 'od chags ni 'od gsal zhing 'pho ba ste des bla re bres pa'o/ /de bzhin gshegs pa rnams kyi zhes bya ba ni 'brel ba drug pa'o/ /spos kyi chu yod pa yid du 'ong ba ni yid dga' par byed pa ste/ me tog gis kyang ka ba de dag la sku khrus gsol lo zhes
 bya ba'i don to/ /glu dang rol mor bcas zhes bya ba ni khrus kyi ched du byed pa 'am/ yang na byas pa'o/ /mtshungs pa med pa'i gos sam yang na spu dang bcas pa'i gos kyi sku khrus byas la rlan 'phyi ba dang/ bzang ba ni lha la 'os pa'i gos so/ /srab pa ni
 phra ba'o/ /'jam pa ni 'bol ba'o/ /sna tshogs ni gang kha dog du mas mdzes pa'o/ /gling bzhi pa dang nyi ma dang zla ba dang ri rab dang 'dod pa'i khams kyi lha rnams dang tshangs pa'i 'jig rten rnams so sor stong phrag der cis pa ni stong ngo/ /stong po de nyid so sor
 stong 'gyur du rtsis pa de nyid gnyis pa'o/ /stong gnyis pa nyid stong 'gyur du bsgres pa ni stong gsum pa zhes pa zhes bya ste/ gling bzhi pa ni bye ba phrag brgya'o/ /des ni sangs rgyas gcig gis zhing khams so/ /zhing khams rnams phyogs
 bcur mdza' med pa de dag tu khyab par dri ldang ba'i tshul dang gang ldan pa'o/ /byug par bgyi ba ni yang dag byug bar bgyi ba'o/ /mandA ra ba ni lha'i me tog go /pad+ma ni ma li ka'o/ /utpa la ni utpal sngon po'o/ /sogs pa'i sgras ni gang de
 la sogs pa'i me tog gang byung ba rnams so/ /dri zhim pos shes 'bru mang po'i sgra thob tu zin kyang lung gi tshig dri zhes smos so/ /phreng ba ni me tog gi phreng ba'o/ /spel legs pa ni rgyud pa'i bkod pa legs pa ste/ des yid dga' bar byed
 pa zhes bya ba'o/ /dri dang ni dri grub pa'o/ /khyab pa ni dri 'phos? pa'o/ /bdug pa'i sprin lta bur nam mkha' las 'khrigs pa 'am/ yang na de'i tshogs so/ /zhal zas ni bza' pa'i rigs so/ /bza' zhes pa ni sos bcad dgos pa'i rigs so/ /dbul bar
 bgyi ba ni mchod bar bgyi ba'o/ /tshar du dang rab ni phreng du bkod pa'o/ /dbul bar bgyi zhes pa ni mchod par bgyi nor bu mu tig gi chu na 'phyang rab tu mdzes par byas pas mdzes par gang gyur pa de'o/ /'bar ba ni kun nas 'bar bas mdzes pa'i tshul dang ldan pa
 'am/ yang na 'od gsal gyi lha'i yul du skyes pa'o/ /dpag yas ni nam mkha' la 'gro ba'i sprin no/ /rin po che las brtsams pa'i gdugs kyi tshad pa skyob par byed pa ni rin chen gdugs so/ /gser gyi yu bcan gyi zhes bya bar sbyar ba 'am/ yang na
 sems can zhes mtshon par sbyar ro/ /khor yug ste kun chub par mu tig la sogs pas rgyan pa'o/ /bsgreng ba zhes pa ni bslang nas bzung ba'o/ /spyir mchod pa dbul ba bstan pa'i phyir de las gzhan zhes smos te/ deng nas bzung ste/ bdag gis
 yongs su btang ba'i mchod pa'i tshogs de dag dang de las gzhan yang ngo/ /rol mo ni rnga la sogs pa'o/ /dbyangs snyan pa ni tshogs nas blangs pa 'am/ yang na gang la sogs pa dang 'dus par ldan pa'o/ /yid du 'ongs pa ni yid rangs par byed pa'o//
 so sor gnas gyur cig ces pa ni mchod pa'i rgyun so sor gnas par gyur cig pa'o/ /rin chen me tog la sogs pa de dag ni rgyun mi 'chad par ro/ /bla na med pa'i mchod pa dbul bar bya ba'i phyir/ ji ltar 'jam dbyangs zhes smos te/ de
 bzhin ni bsam pa ji lta ba bzhin du'o/ /zhing khams thams cad kyi rdul phra rab snyed kyis grangs brtses pa de ni zhing rdul snyed kyi grangs snyed do/ /dbyangs ni skad gsang bstod pa la sogs pa rnam pa bdun no/ /yan lag ni lnga la sogs pa'o/ /rgya mtsho ni de dag
 mang po rnams so/ /bstod pas bstod pa ni 'dus pa nas gzhan ma yin par ji lta ba bzhin du'o/ /dus gsum de dus gsum po der gshegs pa'o/ /tshogs kyi mchog ni byang chub sems dpa' i dge 'dun no/ /gzhi rnams zhes pa
 ni skyes pa'i gnas la sogs pa rnams so/ /srog shing dang 'khor lo la sogs pa 'dus nas dbyibs su byas pa ni mchod pa'i rten de nyid la mchod rten zhes bya ba 'am/ yang na bsags pa las yang dag par byung bas na mchod rten no/ /drung du phyin
 nas bdon 'jug pa'i mkhan po yin pas na mkhan po'o/ /thar ba'i don slob pas na slob dpon/ snying po ni bcud do/ /skyobs ni skyob pa'o/ /mchi zhes pa bka' stsal pa bzhin du yongs su bsrung ba'o/ /gsol pa zhes pa ni sdig pa bshags pa'i don du
 gsol ba 'debs pa'o/ /thog ma med ldan zhes pa ni thog ma dang tha ma dang bral ba'o/ /ma 'tshal ba ni rmongs pa'o/ /gti mug 'khrul pas bdag non pa ni dmyal ba la sogs par gnod par ma shes pa'i phyir ro/ /rjes su yi rang ba ni yang dag par
 rab tu dga' ba'o/ /nongs zhes pa ni lhung pa ste ngan song du khrid par byed lhung bar byed pas na lhung ba'o/ /gshegs par bgyid pa ni rab tu gsal bar bgyid pa'o/ /gtso bo nas mas rim bzhin du ltung ba bshags par bya ba'i phyir/ bdag gis dkon
 mchog gsum zhes bya ba la sogs pa'i tshigs su bcad pa gnyis gsungs te/ pha ma ni pha dang ma'o/ /gzhan dag ni slob dpon la sogs pa'o/ /nyon mongs pa'i sgo nas ni bsam pa ngan pa'i sgo nas so/ /gnod pa ni slus byas pa'o/ /mi bzad pa ni
 'bras bu yang bster ba'i phyir ro/ /sdig pa'i las yid la bcags pa bstan pa'i phyir/ bdag ni zhes bya ba smos te/ ji ltar 'di la te/ 'khor bar 'chid ba'i sdig pa las so/ /thar zhes pa ni sdig pa 'di las ji ltar thar bar 'gyur ba zhes bya'o/
 myur ba zhes pa ni bsdad long med pa'o/ /khyod kyis sdig pa byas kyang 'chi bdag gi glags ga la rnyed snyam pa la yid brtan du mi rung zhes smos te/ yid brtan du mi rung pa ni yid ches byar med pa'o/ /gsod par byed pas na 'chi bdag go byas pa ni byas zin pa'o/ /ma byas
 ni ma byas zin pa'o/ /mi sdod pa ni de dag gis dpyad pa mi byed pa'o/ /bdag ni nad med pa'o zhes gnas pa la des 'joms par byed do/ /mi na ba ni bde bar gnas pa'o/ /glo bur zhes pa ni ma dpyad par thog 'bab pa dang 'dra'o/ /gal te yid brtan du med bar cha yod na
 sdig pa ci'i phyir byas she na/ thams cad ces smos te/ thams cad ni mdza' ba la sogs pa'o/ khor ba ni 'dor pa'o/ /de nyid bstan pa'i phyir mi mdza' zhes smos te/ mi mdza' ba ni dgra rnams so/ /rnam pa sna tshogs zhes pa ni rnam pa du ma'o/ /skye ba gzhan
 yang lta zhog ces bstan pa'i phyir gson tshe 'di nyid la zhes smos te/ du ma ni rnam pa mang po'o/ /'o na de ci zhig gnas par 'gyur snyam pa la/ de dag don zhes smos te/ mdza' ba la sogs pa'i don du byas pa'i sdig pa gang yin pa'o/ /mjug bsdu
 bar bzhed nas de ltar zhes smos te/ de ltar skye ba snga ma nas thams cad bor te/ 'ongs nas skye ba gzhan du 'gro ba ni glo bur ste/ 'gron po zhes bya ba'o/ /rtag pa ni rnam par dpyad pa'i rgyu des rtogs par ma gyur pa'o/ /ci ste tshe ring bar thub pa ma yin
 nam 'chi ba'i dogs pa bya ci dgos snyam pa la/ nyin mtshan zhes smos te/ smon pa ni 'phel bar byed ba'o/ /'god pa ni thabs sam yang na 'brid pa'o/ /cis mi 'gyur zhes pa ni bag tsha ba'o/ /ci ste gang gi don du sdig pa byas pa'i sde tshan de dag gis khyod
 kyis grogs byed par 'gyur ro snyam pa la bdag ni mal na zhes smos te/ srog gcod pa ni srog gtong ba'o/ /gang de dag nyid la sogs pa gang yin pa de tshor ba'o/ /shi nas nams kyang ci phan zhes bstan pa'i phyir/ gshin rje zhes smos te/ gshin rje'i
 pho nya nyams su myong bar so so nas snang ba'i pho nyas zin pa'o/ /gnyen ni phyogs su dga' ba tsam mo/ /bshes zhes pa ni shin tu bcug pa'o/ /ci'i phyir dge ba ma bsags snyam pa la/ mgon po zhes smos te/ bag
 med pa ni sdig pa sogs pa'i rgyu'o/ /de tsam du sems khral mang po bya ci dgos snyam pa la/ skye bo yan lag ces smos te/ yan lag ni yan lag pa la sogs pa'o/ /bred par gyur pa ni thams cad nas skrag par gyur pa'o/ /kha skams pa
 ni h+rid pa la sogs pa'o/ /mig rtsa ngan pa ni gang mig rtsa dma' bar gyur pa'o/ /gzhan du 'gyur ba ni phyin ci log gyur pa'o/ /'jigs 'jigs blta zhes pa ni 'jigs su rung ba'i gzugs can no/ /gzung bar gyur pa ni bdag gis byas
 pa'o/ /gang gis lus 'jigs pa chen po'i nad kyis btab pa de'i lus rab tu nyam thag pa ste/ de'i bshang ba'i lam nas byung bas bsgos par 'gyur ba'o/ /smos ci dgos shas pa ni shin tu ngan pa'i don to/ /ji lta bur snyam pa la su zhig
 ces smos te/ dmyal ba la sogs pa'i gnas su skyob ces pa'o/ /bred sha thon pa'i mig bgrad ces pa ni mig rtsa dmar nas bzlog cing phyogs bzhir lta ba'o/ /de'i phyir de ring nyid nas bag zon bgyi'o zhes bstan pa'i phyir/ de bas
 rgyal zhes smos te/ nus pa dpag tu med pa dang ldan pas na stobs chen no de nyid kyis na rgyal ba'o/ /de bzhin yang dag ste/ bsam pa thag pa nas so/ /de ni gtso bo na rim bzhin du bdag nyid yongs su ba la sogs pa bstan pa'i phyir/ bdag
 ni zhes bya ba la sogs pa smos te/ rnam par skrag pa ni thabs 'khyar ba'o/ /nyam thag pa'i tshul dang gang ldan pa de'i nga ros mtshan nas 'o dod 'bod pa ni nyam thag nga ros 'o dod 'bod pa ste/ sdug cing bsngal ba'i skad gdangs kyi sngar langs
 bzhin du 'bod pa'o/ /thams cad ces pa ni gzhan la smos pa rnams kyang ngo/ /rdo rje can ni phyag na rdo rje'o/ /yang de rnams mngon sum du dmigs nas brjod par bya ba bstan pa'i phyir sngon chad ces bya ba smos te/ bka' ni bsgo ba'o/ /'das pa ni de las
 brgal ba'o da ni ste deng nas brtsams te'o/ /'jigs pa chen po mthong nas te cher mi 'dod pa'i 'bras bu mthong nas so/ /mi 'dod pa'i 'bras bus bsgrags pa ni 'jig pa brlad pa'o/ /don 'di nyid bstan par bya ba'i phyir tha mal zhes smos te/ tha
 mal nad tses yun mi ring bar myur du sos nas 'gro ba'i nad do/ /bzhi brgya ni 'dod chags la sogs pa'i dbye bas so/ /rtsa bzhi zhes pa ni bzhi yis lhag ma'o/ /de ltar yin mod 'jigs ci dgos snyam pa la/ de gcig gis kyang zhes bya ba la sogs
 pa smos te/ de dag gi nang nas mkhris pa la sogs pa gang yang rung ba gcig gis kyang ngo/ /sman ni phyi rol gyi'o/ /thug zu 'dod chags la sogs pa'o/ /da ni bag med pa las ldog pa bstan pa'i phyir g.yang sa tha mal zhes smos te/ g.yang
 sa tha mal ni 'obs dang gcod la sogs pa'o/ /bag yod par gnas pa ni shin tu bag zon cher byed pa'o/ /cig shos gzhan mnar med pa'i g.yang sa dpag tshad stong tham pa'i tshad du yun ring ste bskal ba bar ma la sogs pa'i yun du
 dus su gnas pa'i sa der smos dgos te/ cis kyang bya dgos pa'o/ /de ring nyid du 'chi ba ni ma yin na de tsam ci thug snyam pa la/ de ring kho na zhes smos te/ 'dug pa ni gnas pa'o/ /dus zhes pa ni dus 'di nyid do/ /'byung zhes pa ni/
 nges par 'ong ba ste/ da lta bas kyang nye bas na da lta ba bzhin sbyar ro/ /de ltan na yang 'jigs par mi rigs so/ /snyam pa la/ bdag la mi 'jigs zhes smos te/ mi 'jigs zhes pa ni 'khor ba las nges par 'don pa'o/ /ji ltar
 zhes pa ni thabs gang gis pa'o/ /'di'i phyir na yang bde bar 'dug mi rigs so zhes bstan pa'i phyir sngon chad ces smos te/ sngar spyad cing nyams su myong ba kun ni zhig par 'gyur na zhes pa'o/ /lhag pa ste bogs su
 'gyur ba kho na'i snying po'o/ /bka' ni bka' sgo ba'o/ /de'i phyir da ni yid la bya bar rigs so zhes bstan pa'i phyir/ gson tshe zhes bya la sogs pa smos te/ gson tshe ni mi la sogs pa'o/ /gshed ces pa ni yi dags la sogs par
 sdig pa mi dge ba'i stobs kyi 'gro ba'o/ /da ni mjug bsdu ba'i sgo nas sdig pa bshags pa bstan pa'i phyir/ bdag ni zhes bya ba la sogs pa smos te/ mi shes pa ni byis pa ste/ so so'i skye bo yin pa'i phyir ro/ /gti mug pa ni
 phan pa la sogs pa mi shes pa'i phyir ro/ /rang bzhin gyi kha na ma tho ba ni srog gcod pa la sogs pa'o/ /bcas pa'i kha na ma tho ba ni chang 'thung ba la sogs pa'o/ /bgyis pa ni bsags pa'o/ /sdig pa ni ltung bas na sdig pa ste/
 dmyal ba la sogs par khrid nas 'gro ba'o/ /gzung du gsol zhes pa ni drang du gsol zhes bya ba'o/ /sdig pa gshags pa phal che bas na sdig pa gshags pa'i le'u'o/ /byang chub sems dpa' i spyod pa la 'jug pa las le'u
 gnyis pa'i dka' 'grel lo// //da ni sdig pa bshags pa'i rjes la bsod nams la rjes su yi rang ba bstan pa'i phyir/ sems can kun zhes smos te/ ngan song ni dmyal ba la sogs pa'o/ /mnar cing
 gdungs par byed pas na sdug bsngal lo/ /ngal ba bsos par byed pas na ngal bsos pa'i dge ba ste/ phyin ci log gri lam bkag pa'i phyir ro/ /bder gnas zhes bya ba ni dge ba de dag 'phel bar gyur cig pa'o/ /dga' bas rjes su
 yi rang ba ni yang dag par dga' bas so/ /'jig rten las 'das pa'i lam gyi phyir byang chub rgyur gyur zhes gsungs te/ byang chub rgyur gyur pa zhes pa rgyu dang 'bras bu'i dngos po'i tshogs gnyis so/ /'khor ba'i sdug bsngal las nges par thar par byed pa
 ni ye shes kyi tshogs so/ /rang gi mthong ba'i lam bstan pa'i phyir skyob pa zhes gsungs so/ /byang chub sems dpa' rnams kyi bsod nams la rjes su yi rang ba nyid bstan pa'i phyir sems can zhes bya ba smos te/ sems can thams cad bde mdzad pa zhes pa ni
 'jug pa'i sems sam yang bde ba skyed par byed pa'o/ /rgya mtsho dang 'dra bar mdza' gting mi rtogs pas na rgya mtsho'o/ /phan pa ni sangs rgyas kyi bstan pa'i thabs la goms par bslab pa ste/ de nyid la phan pa zhes btags nas brjod do/ /gsol ba btab pa
 bstan pa'i phyir/ phyogs rnams kun zhes smos te/ gsol ba 'debs pa ni 'bras bu'i don du'o/ /chos kyi sgron ma ni chos ston pa'i bdag nyid kyi snang ba ste/ sdug bsngal gyi mgo ltung bar byed pa'i tshul gang ldan pa'o/ /bzhugs su gsol bar zhu
 ba dbul ba'i phyir/ rgyal ba mya ngan 'da' zhes bya ba la sogs pa smos so/ /yongs su bsngo ba bstan pa'i phyir de ltar zhes bya ba smos te/ mchod pa nas bzhugs su gsol ba'i bar du'o/ /ji lta bu snyam pa la 'gro ba nad pa zhes bya ba la sogs pa
 smos te/ nad pa ni nad kyis gzir ba'o/ /ji srid du zhes pa ni nad sos kyi bar ro/ /sman ni nya ro hi ta la sogs pa'i dngos por ro/ /shog ces pa ni gyur cig pa'o/ /bkres pa ste ltogs pa la zas kyi char ba 'bab par shog /ces pa ni kha cig gi 'dod
 pa yin pa'i phyir ro/ /mu ge'i bskal pa bar mar gyur pa'i tshe ni bskal pa thar ma'i mi rnams kyi tshe tshad tshe lo bcu pa la thug par gyur ba'i tshe mu ge dang nad dang mtshon rnams rim pa bzhin du lo bdun dang zla ba bdun dang zhag bdun du 'byung bar 'gyur
 te/ de'i tshe zas dang skom med nas phan tshun gcig la gcig gi sha dang rus pa 'ba' zhig gis zas byed cing/ /bza' rgyu ma rnyed tsam na che'i dus byed par 'gyur ba de'i tshe der ltogs pa rnams la zas dang/ sgom pa la btung
 ba rnams dang/ nad pa rnams la sman dang/ mtshon cha rnams me tog du gyur cig pa'o/ /yo byad mkho dgu sna tshogs su zhes bya ba la/ sprul nas zhes bya ba tshig lhag ma'o/ /da ni bdag gi dngos po yongs su btang ba la sogs pa bstan pa'i
 phyir/ lus dang zhes bya ba smos te/ lus ni bdag gi lus so/ /longs spyad par bya bas na longs spyod do/ /phangs pa med pa ni re ba med pa ste/ /lan la re ba med pa'o/ /gtong ba'i 'thad pa bstan pa'i phyir/ thams cad ces smos te/ thams
 cad btang zhes pa ni gang la chags pa ste/ thams cad spangs pa'o/ /sdig pa sel bar byed pa/ /'da' bar byed pas na mya ngan las 'da' bar te thar par ro/ /de'i 'di'i tshul dang mthun par gtang bar bstan pa'i phyir/ bdag gis zhes smos te
 lus can thams cad la ci 'dod pa'i rgyur sbyin no zhes sbyar ro/ /ci bde zhes pa ni ci dgar ro/ /de nyid kyi phyir gsod dang ste/ brdung bdag byed pa'o/ /rdeg sogs ni bshag ma la sogs pas 'brab pa'o/ /lus la zhes pa ni rgyur byas nas so/ /ga
 zha ni 'dis ga zhar byed pa'o/ /ji ltar de la gnod par mi 'gyur ba de lta na yang bsran dka' ba'i las kyang ste/ kha na ma tho ba med pa'i las rnams kyis shig pa'o/ /de nyid ces pa ni khro ba la sogs pa nyid do/ /gzhan dag ces pa ni btang
 snyoms pa'o/ /gnod par byed pa ni gzhad gang du byed pa 'am/ yang na co 'dri ba'o/ /phyar ka gtong ba ni brdzun gyi sun 'byin pa'o/ /mgron zhes pa ni skyab pa'o/ /lam du zhugs pa ni lam la 'gro ba'o/ /sems can mang po lam du zhugs
 nas 'gro ba rnams kyi ched byed pa ni ded dpon no/ /zam ni zam stegs so/ /yid bzhin gyi nor bu dang bum pa ni ci bsam pa'i don ster ba'o/ /rig sngags grub pa ni sngags grub pa'o/ /ci brtags pa'i don ster ba ni dpag bsam gyi shing ngo/ /ji ltar 'dod
 pa bzhin dngos po thams cad bzhor rung yod pas na 'dod 'jo'o/ /'byung bas 'byung ba'o/ /ma lus pa ni mdza' dag go /gang nam mkha' bzhin du gnas pa'i tshul dang ldan pa de la de skad ces bya'o/ /de nyid kyi phyir dpag tu med pa zhes brjod do/ /rnam
 pa mang ste rnam pa sna tshogs kyis so/ /gang nam mkha' la mdza' thug pa med pa de bzhin du yongs su ma bcad pa'o/ /rnam kun zhes pa ni rnam pa du ma'o/ /ji srid du sems can rnams sangs rgyas kyi bar du nyer 'tsho ste/ longs spyod pa'i rgyur gyur cig  
 pa'o/ /byang chub tu sems bskyed pa bstan pa'i phyir/ ji ltar zhes bya ba la sogs pa smos te/ byang chub kyi sems ni byang chub sems pa'i sdom pa'o/ /de ni bla ma sdom pa la gnas pa kho na las blang bar bya'i/ de ma rnyed na thogs pa mi mnga' ba'i gzigs
 pa dang ldan pa'i sangs rgyas rnams mdun du bltas la/ mchod pa byas te tshigs su bcad pa 'di nyid lan gsum du bzlas te bzung ngo/ /sngon gyi sgra ni sngon gyi dus tsam nyid do/ /zhes bya ba'i don to/ /'gro ba la phan pa de de'i rgyu mtshan no/ /bslab par
 bgyi zhes pa ni de bzhin du bsgrub pa'o/ /byang chub kyi sems dang sdom pa'i 'jug rgyas par bya ba'i phyir de ltar zhes bya ba la sogs pa gsungs te/ rab tu dang ba ni dad pa lhag pa'i sgo nas so/ /mi'i zhes pa ni mi'i srid pa 'di'o/ /'di'i sgo nas kyang rang
 gi sems gzeng bstod pa'o zhes bstan pa'i phyir long bas zhes bya ba la sogs pa gsungs te/ phyag dar byas pa'i sa rdul spungs pa ni phyag dar phung po'o/ /ci zhig ltar ste/ zhes pa ni bsod nams kyis so/ /dmyal ba la sogs par skye ba'i kun
 bcad ba ni 'chi bdag bcom pa'o/ /mi zad gter zhes pa ni longs spyad kyang zas par mi 'gyur ba'i phyir ro/ /nad ni nyon mongs pa rnams so/ /de rnams rab tu zhi bar byed pa ni gong gi byang chub kyi sems de nyid
 ljon shing ngo/ /thar ba'i don du 'gro bas na 'gro ba'o/ /ngan par 'gro bas na ngan 'gro ste dmyal ba la sogs pa'o/ /nyon mongs pa nyid gdung ba ste sreg par byed pa'i phyir ro/ /nyon mongs pa'i sgrib pa sel bar byed pa'i phyir sel bar byed pa'o//
 shes bya'i sgrib pa spong bar byed pa'i phyir dbyis 'byin pa ste rtsad nas 'joms pa'o/ /rnam grangs gzhan gyis bstan pa'i phyir 'gro ba zhes smos te/ 'gron zhes bya ba ni glo bur ba'i ces mgron no/ /bde ba zhes bya ba ni so so gsod par longs spyod pa
 ste/ de longs spyod par 'dod pa'o/ /'grangs shing ngoms par byed pas na tshim par byed pa'o/ /da ni cher spro bar gyis shig ces bstan pa'i phyir bdag gis zhes smos te/ bar du zhes pa na ji srid du sangs rgyas nyid du ma gyur gyi bar de srid du'o/ /bde la
 zhes pa ni lha la sogs pa'i phun sum tshogs pa la'o/ /dga' bar gyis zhes pa ni rjes su yi rang mdzod cig ces pa'o/ /yongs su bzung ba zhes pa ni yang dag par len pa'o/ /byang chub sems dpa' i spyod pa la 'jug pa las le'u gsum pa'i
 dka' 'grel lo// //da ni byang chub kyi sems bskyed pas shin tu 'bad de bslab par bya'o/ /zhes bstan pa'i phyir/ rgyal ba'i sras kyi de lta bur zhes bya ba la sogs pa gsungs te/ de lta bur zhes pa ni mchod pa la
 sogs pa'i cho ga sngon du song ba can no/ /rab brtan zhes pa ni srog gi phyir yang mi gtang ba'o/ /g.yel ba med pa ni ma yengs pa'o/ /bslab las zhes pa ni bya rgyu'o/ /sdom pa bzung ba rnams kyi 'di ltar bsam par bya'o/ /zhes bstan pa'i phyir/
 bab col zhes bya ba la sogs pa smos te/ bab col zhes pa ni de spyad pa dang bcas par ma byas pa'o/ /dam bcas pa na khas len pa'o/ /'di ni de lta ma yin no/ zhes bstan pa'i phyir sangs rgyas rnams dang zhes smos te/ bdag nyid kyis nus pa yod tsam
 gyis tshul bzhin du rtags pa'o/ /bshol du ci yod ces pa ni 'gar 'gor ci bya zhes bya ba ste/ mi spyad par 'jug par bya'o/ /zhes bya ba'i tha tshig go /las kyi de'i rjes su sgrub pa'i sgo nas so/ /sgrub pa ste yang dag par don du gnyer bar ma byas na'o/ /de
 dag ste sangs rgyas la sogs pa bslus pa'i rgyus mnar med pa las ma gtogs pa'i 'gro sa gzhan gang na yod ces bya ba'o/ /de bzhin du dngos po phal pa zhes bya ba yang ngo/ /chos yang dag par sdud pa'i mdo las 'di nges par sbyin bar bya'o/ /
 zhes yid kyi bsams nas gang ma byin bar gyur na de yi dags su 'gyur ro zhes gsungs so/ /bla na med pa'i bde ba ni sangs rgyas nyid du'o/ /bsam pa thag pa ni nges par bsam nas so/ /'gron du gnyer ba ni khas blangs pa'o/ /cig 'gro 'gyur
 ram zhes pa ni gang na yang 'gro sa med pa'o/ /gal te shA ri'i bus byang chub kyi sems btang yang nyan thos kyi byang chub khong du chud nas sems can gyi don byas pa nyid ma yin nam/ zhes dogs pa la/ mi gang zhes smos te/ byang chub kyi sems med kyang
 sems can thar par mdzad pa ste/ 'khor ba las grol bar mdzad do zhes bya ba de ni thams cad mkhyen pa'i bcom ldan 'das kho nas mkhyen gyis/ bdag lta bu blo gros dman pas mi rtogs zhes bya ba'o/ /zhar las byung ba'i rtsod pa bsal nas skabs
 la bab pa'i don sbyar bar bya ba'i phyir/ de ni byang chub sems zhes bya ba la sogs pa smos te/ gang gi phyir sems can thams cad 'don par dam bcas pa de nyid kyi phyir/ gal te ltung ba byung ba de rnams kyi nad na lci ba ste/ shin tu lci ba
 yin pas na sems can gyi don nyid la dman pa'o/ /gzhan gang zhig byang chub sems dpa' i bsod nams la bar du gcod par byed na'o/ /mu mdza' med pa ni bya chad pa'o/ /de nyid kyi 'thad pa bstan pa'i phyir/ sems can
 gcig ces smos te/ nyams pa ni ngan song du sdug bsngal gyis so/ /gal te gang zhig la ltung ba yang byung byang chub kyi sems kyang ma shor na/ de ji ltar 'gyur snyam pa la/ de ltar zhes smos te/ de ltar na ni 'khor ba ngan song du khrid cing byang chub
 kyi sems kyis mya ngan las 'das par khrid pas phan tshun du 'then pa na rab tu dga' ba la sogs pa'i sa thob pa la yun ring du 'gor zhing dus ring mor 'khor bar 'khor bar 'gyur ba'o/ /de lta nad ci bya bar 'os snyam pa la/ de ltas zhes bya ba
 smos te/ de'i phyir ji ltar dam bcas pa bzhin du sems can rnams 'don bar 'os pa'o/ /gus par sgrub par bya ba ni yang dag par bsgrub par bya'o/ /'og nas te ngan song du 'gro ba'o/ /'og tu ste ngan 'gro gcig nas gcig tu brgyud ba'o/ /ci ste
 de dag sangs rgyas rnams kyis gnod bar bya ba ma yin nam snyam pa la/ sems can zhes smos te/ grangs med pa 'das su zin kyang rang gi nyes pa ste le lo la sogs pas bdag ni gso ba'i sbyod yul du ma gyur pa'o/ /yang nas yang du
 ni skye ba snga ma snga ma yang de bzhin du gal te bag med par gyur na'o/ /ngan 'gro ste yi dags la sogs pa'o/ /bde 'gror skyes kyang nad par ro/ /'chi ba ni rnam par shes pa la sogs pa 'gag pa'o/ /bcad pa ni rkang pa la sogs pa'o/ /
 gshegs pa ni mdung la sogs pas so/ /gzhan yang shin tu rnyed par dka' ba ji ltar 'khar? ches snyad pa 'di la tshor 'bad rtsol bya bar rigs so zhes bstan pa'i phyir de bzhin gshegs pa zhes bya ba la sogs pa smos te/ mi ni mi nyid de
 rung ba ni bzod pa'o/ /nang med pa'ang de nyid mi 'am de'o/ /zhes bya ba 'am yang na tha dad du'o/ /skad cig bslu ba zhes pa ni skad cig tsam yang yid brtan du med pa'i phyir ro/ /brnyan po ni g.yar bo nyid de gang de dang 'dra ba'o/ /de bzhin du yang 'di rnyed par dka' 
 ba'o/ /zhes stan pa'i phyir/ bdag gi spyod pa zhes bya ba la sogs pa smos so/ /de nyid kyi phyir gang tshe zhes bya ba la sogs pa smos so/ /ngan song ni dmyal ba la sogs pa'o/ /dge ba dag ma byas na ste deng nas brtsams de dge ba ma byas na'o/ /nye bar bsags
 pa ni 'phel bar ro/ /bskal pa brgyar yod pa de bar gshegs pa lta zhog /de'i sgra yang mi thos ba'o/ /de lta yin pa de nyid phyir/ bcom ldan 'das kyis dge slong dag la 'di lta ste/ rgya mtsho chen por klung gis khyer ba'i gnya' shing gi bu ga gcig pa der
 lo brgyar zhing phyogs re'i rgya mtsho'i steng du de lta bur 'od ba'i rus sbal gyi mgrin pa chung pa ni khwa'i mgo dang tA la bzhin shin tu dka' ba de bzhin du mi'i dngos po yang dka' o zhes gsungs so/ /ci'i phyir rnyed par dka' snyam pa la/ skad cig cig byas shes
 smos te/ sdig pa ni mtshams med pa la sogs pa'o/ /bskal pa ni bskal pa bar mar ro/ /sdig pa zad na grol bar 'gyur ro/ /snyam pa la/ de tsam kho na zhes smos te/ myong pa ni nyams su myong ba'o/ /rnam par thar bar mi 'gyur ba ni grol bar mi 'gyur
 ba'o/ /gcig la gcig za ba la sogs pa ni sdig pa bzhin no/ /rang gi yid la bcags par bstan pa'i phyir 'di 'dra zhes bya ba smos te/ slu ba ni rang dang gzhan bslu ba'o/ gal te ni gang gi phyir ro/ /rmongs pa ni kun tu rmongs pa'o/ /gzhan yang de ltar
 'das ma thag tu brjod pa rnams/ dpyad cing bzhig pas sgyid lug par gyur nas bslab pa mi bsrung na'o/ /mya ngan chen po lang zhes pa ni gshin rje'i pho nyas ci'i don du khyod kyis 'di lta bu'i sdig pa byas shes 'gyod pa'o/ /sreg pa 'gyur ba ni thal bar
 rlog par 'gyur ba'o/ /me 'bar zhes pa ni bdag gis 'di lta bu'i las ngan pa ji ltar byas zhes phyis gdung zhing 'gyod pa'i me 'bar bas sems sreg pa'o/ /phan pa'i sa ni bde 'gro'o/ /shes pa dang ldan pa ni thos pa las byung
 ba'i shes rab la sogs pa'o/ /khrid ces pa ni bdag nyon mongs pas khrid ba'o/ /gal te khyod shes pa dang ldan na bkrir nyan pa ji ltar song snyam pa la/ sngags kyi shes smos te/ 'dir zhes pa ni phan pa'i sa la'o/ /sems shes pa ni bslab pa las
 brtson pa'o/ /cis rmongs ma shes pa ni rgyu cis rmongs par byas cha med pa'o/ /khong na zhes bya ba ni lus po la'o/ /gal te sreg pa la sogs pa yin no snyam pa zhe sdang sred sogs zhes smos te/ sred ba ni phyir zhing 'dod pa skyes pa'o/ /gzugs can ma
 yin pa'i phyir dpa' o ma yin pa'o/ /gti mug dang yang dag par spyor ba'i phyir mkhas pa ma yin pa'o/ /bran bzhin du byas pa ni dbang du byas pa'o/ /de bzhin du 'di yang don cher du gyur pa de stan ba'i phyir/ bdag gi zhes smos te/ dgar mgur zhes pa ni
 dgos ba med par ro/ /gnas ma yin pa ni yul ma yin pa'o/ /bzod pa na sron pa'o/ /gal te khyod kyis de dag de tsan du mi bzod du ci yod snyam pa la/ gal te lta dang zhes smos te/ mnar med pa ni dmyal ba'o/ /'jug pa ni der 'jug pa'o/ /me de
 ji lta bu zhig snyam pa la nyon mongs stobs zhes bya ba smos te/ phrad nas te reg na'o/ /ri rab ni ri'i rgyal po ri rab bo/ /der zhes pa ni me'i nang du'o/ /'di bas gnod pa'i dgra gzhan na med dam/ de tsam du zheng ci dgos snyam pa la/ bdag gi nyon
 mongs zhes smos te/ stobs 'ba' zhig che bar ma zad de/ thog ma dang tha ma med pa'i phyir tshe ring ba'o/ /de ltar na mthun pa'i rim gros bsten par bya'o/ /snyam pa la/ mthun par zhes bya ba la sogs pa smos te/ mthun pa'i rim gros ni bsam? pa
 dang mthun par ro/ /phan pa dang bde bar byed pa ni nus pa yod tshad kyis so/ /yang na sems par byed pa'o/ /de ltar te de lta bur ro/ /yun ring ni dus ring du'o/ /rgyun chags ni bar chad med pa'o/ /dgrar gyur pa ni sdang bar byed cing yod pa'o/ /gnod pa ni shin
 tu gnod pa'o/ /tshogs ni bsdus pas so/ /dga' ba ni yid bde pa'o/ /bde ba rang yang med do/ /ces bstan pa'i phyir 'di ni 'khor ba'i zhes smos te/ 'khor ba nyid brtson ra ste/ 'ching bar byed pa'i gnas yin pas so/ /srung bar byed pas na srungs ma
 ste/ nyon mongs pas mi thar bar 'chi bar byed pa'i phyir ro/ /dmyal ba'i nang der gnod pa byar btub tshad kyis gnod pa byed pa'o/ /gsod par byed pas na gshed ma ni gshin rje'i skyes bu ste/ nyon mongs pa'i dbang gis gshin rje'i skyes bu la sogs
 par snang ba'i phyir ro/ /blo ni sems so/ /gnas ni khyim dang 'dra bas na'o/ /chags pa nyid lcags gzeb ste de na'o/ /gal te gnas bar gyur na zhes pa ni gal te gnas shing sdod na'o/ /'dir 'di nyid rigs par bstan par bya ba'i phyir/ de ltas zhes
 smos te/ mngon sum du zhes pa ni mngon sum du'o/ /'dir zhes pa ni nyon mongs pa'i g.yul dor ro/ /btson zhes ba ni sems khra la gyi khung bur ro/ /mi 'dor ba ni mi gtong ba'o/ /de zhes pa ni gnod par byed mkhan no/ /dpe'i sgo nas bstan pa'i phyir
 rang bzhin zhes smos te/ 'jig pa la rgyu med pa'i phyir rang bzhin gyis te rang gi dang gi gang 'chi ba des sdug bsngal bar gyur pa ni nyon mongs te lta ngan no/ /g.yul ngo ni g.yul bris pa'o/ /dngar ba ni brtsan thabs su chags pa'o/ /nan gyis te drag
 tu ma gyis so/ /mda' la sogs pa grangs med cing brtsi yis mi lang ba'i sdug bsngal khyad du bsad nas de phyir ldog ba'i skabs mi 'byed pa'o/ /dpe bshad nas don bstan pa'i phyir rtag tu zhes smos te/ rang bzhin gyi dgra ni nyon mongs pa'o/ /
 rgyu ni byed ba'i rgyu'o/ /rgyur zhes pa ni tshig kha bskong ba'o/ /yi chad pa ni yid zhum pa'o/ /sdug bsngal bar mi 'gyur ba ni mi spro bar mi 'gyur ba'o/ /ji ltar na mi rigs snyam pa la don med ces smos te/ 'jig rten pha rol gyi
 'bras bur gyur pa med pa'o/ /rma zhes pa ni mtshon gyi rma'o/ /don chen ni sems can gyi don no/ /yang dpe gzhan gyi sgo nas bstan pa'i phyir nya zhes smos te/ 'tsho ba ni 'tsho ba ste zas skom la sogs pa'o/ /tsam zhes ba ni de tsam mo/ /bzod ces ba ni
 sran 'dzugs pa'i tshig go /phyogs bcu zhes bya ba la sogs pa ni de lta ma yin na phyogs bcu'o/ /dgrol bar zhes pa ni rnam par grol bar byed pa'o/ /dam bcas pa ni dam bcas par gyur pa'o/ /gzhan lta zhog dang da rung du bdag nyid kyang ma
 grol bas na tshod rang gi nus spungs mi shes par rang smra ba ni smyon pa'o/ /de'i phyir nyon mongs pa rnams 'joms pa ste/ nyams par byed pa la phyir mi ldog pa ni slar mi ldog pa'i tshul can no/ /kun nas zhan par byas pa ni gdug pa drag pos so//
 kho na du bzung ba ni gnod par byed pa'i bsam pa mi 'dor ba'o/ /g.yul sprad pa na 'thab ba la brtson pa'o/ /ci nyon mongs pa thams cad spong ba 'am snyam pa la/ gzhan du zhes smos te/ nyon mongs pa'i gnod ba 'joms par byed pa'i nyon mongs
 pa gang yin pa de gzhag par bya'o/ /de'i phyir gzhan du ste/ nyon mongs pa mdza' dag rgyun gcod ba ni ma yin no/ /zhes brjod do/ /bdag ni srogs te/ zhes bya ba la sogs pas ni 'di ltar rnam pa thams cad du gtan 'dud bar mi bya ba
 nyid du bstan te/ nyon mongs pa'i dgra dang dgra gzhan mi 'dra ba nyid du bstan pa'i phyir/ tha mal dgra po zhes smos te/ yul gzhan ni ljongs btsan sa'o/ /gang yul de nas nus pa ste/ /tshogs pa 'phel tsam na phyis ldog pa ni slar
 yang rgol du 'ongs pa'o/ /de bzhin du nyon mongs zhes bya ba la sogs pa la/ shes rab te yang dag pa ji lta ba bzhin du so sor brtags pa'i mig gis gtan nas so/ /bdag nyid ni bdag gi yid las zhes bya ba'i don to/ /bsal ba ni bton
 nas btang ba'o/ /gang du 'gro zhes pa ni 'gro sa med pa'o/ /de nyid bstan pa'i phyir nyon mongs rnams ni zhes smos te/ yul ni gzugs la sogs pa'o/ /dbang po ni mig la sogs pa ste/ de dag go /dbang po btul na nyon mongs pa mi skye'o/ /bar
 ni de gnyis kyi bar ro/ /de las gzhan na zhes pa ni de dag rnams las gzhan na'o/ /gar gnas zhes pa ni gang du gnas nas zhes bya ba'o/ /gnod par byed pa ni 'tshe bar byed pa'o/ /'di ni rgyu 'dra zhes pa ni brdzun pa ste/ 'di mi shes pas gnod pa'i
 phyir ro/ /shas phyir ni shes rab bskyed par bya ba'i phyir ro/ /brtson pa ni 'bad rtsol lo/ /don med nyid du ste skabs su ma bab bzhin du'o/ /da ni mjug bsdu bar bya ba'i phyir/ de ltar zhes smos te/ bslab pa rnams rtogs par byas nas de bsgrub par
 bya ba'i don du ste/ de'i don du'o/ /sman dag gis te nad pas sman bsten pa tsam gyis so/ /sos gyur ga la yod de nad med cing bya bar ga la 'gyur zhes bya'o/ /bstan pa'i don rjes su sgrub pa ni bag yod ces bya'o/ /byang chub sems dpa' i spyod
 pa la 'jug pa las le'u bzhi ba'i dka' 'grel lo// //nga ni nyon mongs pa thams cad 'jil bar byed pa'i rgyur gyur ba bslab pa bsrung bar bya ba'i thabs bstan pa'i phyir/ bslab pa zhes bya ba la sogs pa gsungs te/
 bsrung ba ni dran pa dang shes bzhin dag gis so/ /g.yo ba ni mi brtan pa'o/ /'di'i phyir na yang sems kho na bsrung bar bya'o zhes bstan pa'i phyir/ sems kyi zhes bya ba smos te/ yan gtang zhes pa ni glang po che smyon pa lta bur rang dgar
 yan par gtang ba'o/ /mdul ba ni ma bslabs pa'o/ /myos pa ni glang smyon no/ /'di na zhes pa ni tshe 'di na'o/ /de dam du btags pa'i yon tan bstan pa'i phyir/ kun nas zhes smos te/ dran pa ni nyid thag pa ste/ de dma' btags
 na'o/ /'jig pa ni skrag pa'o/ /dge ba ni mngon par mtho ba'o/ /stag la sogs pa'i gcan zan yod pa ma yin nam/ da ji ltar na 'jigs pa thams cad med par 'gyur snyam pa la stag dang zhes bya ba la sogs pa ste/ btags par 'gyur ba ni dran
 pas so/ /btul ba ni shes bzhin gyis so/ /thul bar gyur pa ni rnam par dul bar gyur pa'o/ /de gang gi phyir snyam pa la 'di ltar zhes smos te/ yang dag pa'i don gsungs pa'i sangs rgyas kyis 'phags pa dkon mchog sprin du rigs kyi bu chos thams
 cad ni sems sngon du 'gro ba can ste gang gis tshe sems 'ba' zhig dbang du gyur ba de'i tshe chos thams cad dbang du gyur pa yin zhes gsungs so/ /sa bcu pa las kyang khams gsum pa 'di dag ni sems tsam mo zhes gsungs so/ /'di'i phyir na yang de
 kho na ltar yin gyis gzhan du ma yin no/ /zhes bstan pa'i phyir/ sems can dmyal ba zhes smos te/ shal ma li'i nags la sogs pa'i mtshon cha rnams sus mngon par sprul/ dbang phyug la sogs bas ma yin te/ 'og nas bgegs par
 'gyur ba'i phyir ro/ /lcags bsregs las byas pa'i sa gzhi dang/ gzhan gyi bud med kyi shal ma li'i steng nas lta ba rnams kyang sus byas zhes pa'o/ /de lta na de ji ltar yin snyam pa la/ de 'dra da deg ces bya ba smos te/ de dag ces bya ba ni mtshon
 cha la sogs pa'o/ /sdig sems zhes pa ni mi dge ba'i sems so/ /lus ngag yid gsum thub pa dang ldan pas na thub pa ste rgyal bas so/ /sbyin pa'i pha rol tu phyin pa la sogs pa yang sems gtso bor gyur pa can yin no zhes bstan pa'i phyir/
 gal te 'gro ba zhes smos te/ dbul ba ni zag pa dang bcas pa'i bde ba sred pa dang bcas pa'o/ /sbyin pa'i pha rol tu phyin te/ mthar phyin pas na sbyin pa'i pha rol tu phyin pa 'am yang na sbyin pa'i pha rol tu 'gro bas te pha rol tu phyin bar byed pa'o/ /ji ltar na de de
 ltar yin snyam pa la/ bdog pa thams cad ces smos te/ 'bras bu ni rnam bar smin pa'o/ /thams cad ni phyi dang nang gi bdag nyid do/ /gsungs zhes pa ni lung las so/ /tshul khrims kyi pha rol tu phyin pa yang sems nyid yin no zhes bstan pa'i phyir/ nya la sogs pa
 zhes smos te/ srog chags nye bar mtshon pa'o/ /gsod par mi 'gyur ba ni srog gcod pa spong ba'o/ /tshul khrims ni gzhan la phan pa'i bya ba'o/ /bzod pa'i pha rol tu phyin pa yang sems nyid do/ /zhes bstan pa'i phyir/ sems can mi sun zhes smos te/ bcom na zhe
 pa ni dran pa dang shes bzhin gyi ral gris bcom na'o/ /choms zhes pa ni zlogs pa'o/ /'di'i dpe bstan pa'i phyir/ sa stengs zhes smos te/ g.yog pa ni 'gebs pa'o/ /lham mthil ni bcag lham mo/ /de bzhin phyi rol zhes ba la sogs pa la/ de bzhin te/ sa
 steng bzhin no/ /phyi rol ni gzugs la sogs pa'o/ /yang zhes pa ni gang gi phyir gyi don no/ /gzhan rnams ni dngos po gzhan rnams so/ /dge ba la mngon bar spro ba'i bdag nyid can gyi brtson 'grus kyi pha rol tu phyin pa yang sems nyid do/ /zhes bstan pa'i
 phyir/ sems gsal zhes smos te/ sems ni lus dang ngag dang bcas pa'i sems gcig go /gsal ba ni brtson 'grus me 'bar ba lta bu gang yin pa'o/ /des tshangs pa la sogs pa'i 'jig rten du skye ba'o/ /lus ngag bcas pa ni lus dang ngag dang bcas
 pa'i sems so/ /spyod pa zhan pa ni dge ba'i phyogs su gsal bar ma gyur ba'i spyod pa'o/ /de ltar ma yin pa ni 'bras bu mi mtshungs pa'o/ dge ba la sems rtse gcig pa can gyi bsam gtan yang sems nyid do/ /zhes bstan pa'i phyir/ bzlas brjod ces gsung
 te/ sngags brjod pa ni bzlas brjod do/ /dka' thub ni dbang po brdams pa'o/ /sems gzhan te gzhan du zhen cing 'phro ba dang yengs pa ste/ gnyid la sogs pas nyen par byas pa'o/ /don med pa ni 'bras bu shin tu ngan par bya ba'i phyir
 ram/ yang na mngon par 'dod pa las gzhan du gyur pa'i 'bras bu kun tu sgrub pa'i phyir te/ bu yod du zin kyang bu'i bya ba mi byed pa'i phyir bu med ces zer ba bzhin no/ /shes dpal ni rtsod pa med par sems nyid do/ zhes bstan ba'i phyir/ gang gis
 chos kyi zhes smos te/ chos ni thams cad do/ /de bzhin gshegs pa'i chos rnams kyi mchog tu gyur pa ni don po mchog go /gsang ba ni shes rab kyi rang bzhin yin pa'i phyir byis pa rnams la gsang ba'o/ /ma shes na zhes pa ni de kho na nyid kyis mno? bsam
 bsten par ma byas na ste/ chos thams cad dmigs su byar med par shes rab kyi shes pa yin pa'i phyir ro/ /bde ba ni mya ngan las 'das pa'o/ /sdug bsngal ni sdug bsngal gyi bden pa la sogs pa'o/ /gyi na 'khyam pa nam mkha' la ku sha'i me tog bzhin du 'khyam pas
 don med par 'khyam pa'o/ /thabs kyi pha rol tu phyin pa la sogs pa shes rab kyi pha rol tu phyin pa'i rab tu dbye ba yin pa'i phyir logs su ma gsungs so/ /mjug bsdu ba'i phyir/ de ltas shes smos te/ legs par bsrung ba ni dran pa dang shes bzhin gyis so/ /
 'di'i dpe bstan pa'i phyir/ ma grangs 'gro ba ni rnam par g.yengs pa rnams so/ /rma ni mtshon la sogs pas so/ /skye bo ngan pa ni so so'i skye bo'o/ /sdug cing gdungs pa ster ba'i phyir na sems nyid rma'o/ /gzhan yang rma'i sdug bsngal nyid chung ba ste/ yang
 pa yin pa'i phyir ro/ /shig la sogs pa sen mo'i nang du bcir ba la sogs pa'i rnam par smin pas dmyal ba'i gnas su lcags kyi ri po gnyis kyi bar du 'joms pa ni ri bo ches 'joms so/ /ci yang de lta bur gnas pa la yon tan ci yod snyam pa la/
 spyod pa 'di 'dras zhes smos te/ sems bsrung ba'i bdag nyid kyis gnas par byed na'o/ /skye bo ngan pa'i khrod ni yul ngan pa'i khrod na'o/ /brtan pa ni bag yod pa'o/ /nyams pa ni zhig cing nyams pa'o/ /gal te lta bur gnas pa na spro zhing 'dud pa la sogs pa'i
 rnyed pas nyams par 'gyur snyam pa la bdag gis zhes smos te/ bdag ci lta ba 'dod pa bzhin du rnyed pa ni rnyed pa'o/ /bkur sti ni rim gro'o/ /lus dang 'tsho ba dang dge ba gzhan zhes pa ni rang gi don du byed pa'i dge ba'o/ /'di la gus pa nan tan du bskyed par bya'o//
 zhes gdams pa'i phyir/ bstan bcos mkhan pos sems srung zhes smos te/ dmigs pa'i don ma brjed pa ni dran pa'o/ /yang dag pa'i shes rab kyi sgra las grub pa ni shes bzhin te/ shes rab po/ /des bdag gi gnas skabs gang cug 'dug pa shes par
 byed do/ /ci'i phyir na de dag bsrung bar bya snyam du dogs pa la nad kyi zhes smos te/ rmongs pa ni dran ba dang shes bzhin 'di dag gnyis ma tshang bas so/ /las rnams kun ni bsam gtan la sogs pa'o/ /de lta bas na shes bzhin med pa'i zhes bya ba la sogs
 pa smos te/ rlog pa ni dri ma'o/ /shes bzhin med pa nyid rkun po ste dge ba'i nor 'phrogs pa'i phyir ro/ /dran pa nyams pa ste/ zhig pa'i tshul dang ldan pa de la de skad ces bya'o/ /nye bar bsags pa ni phung por byas pa'o/ /'di ltar nyon mongs pa nyid chom rkun
 de gnod pa'i tshogs de dag go /glags skabs ni glags skabs nyid do/ /de bzhin du rnyed dam lta ba ni tshol ba'o/ /bde 'gro'i srog 'joms pa ni rku ba'o/ /dran pa'i yid sgo nas ni yid khang par bcug la gzhag pa'o/ /yul gyi steng du song yang slar bkug ste
 'jog pa ni nye bar gzhag pa'o/ /thabs ni ji ltar nye bar gzhag snyam pa la/ bla ma zhes smos te/ rjes su bstan pa ni bslab pa'i tshogs rnams so/ /'jigs pa ni mkhan po la sogs pas 'jigs pa'o/ /gzhan yang sangs rgyas la sogs pa kun tu ste/
 shes bya mdza' dag la thogs pa med cing bar du gcod pa med pa'i gzigs pa dang ldan pa rnams bsams nas te rnam par bltas pa la'o/ /kus pa la ni bslab pa la ste/ sangs rgyas dang chos la dmigs pa'i sems ni
 dran pas de las mi 'da' ba' o/ /tshul dang mi mthun pa'i las la 'jigs pa dang bcas pa ngo tsha shes pa'o/ /shes bzhin skye ba dang gnas pa dag gi rgyu yang dran pa nyid yin no/ /zhes bstan pa'i phyir gang tshe dran pa zhes smos te/ de'i tshe zhes smos pa
 ni dran pa yod pa'i tshe'o/ /bya bar 'os pa rnams 'di ltar bslab par bya'o/ /zhes bstan pa'i phyir/ re zhig dang por zhes bya ba smos te/ dang por zhes pa ni thog mar ro/ /'di 'dra ni 'di 'dra ba'i rnam par ro/ /bzhag pa ni mngon du byas pa'o/ /de nyid bstan pa'i
 phyir/ dbang po dang bral bas zhes smos te/ dbang po la ma ltos par ro/ /mig gzhan du yengs pa ni don med par yengs par blta ba'o/ /nges par sems pa ni bsam gtan byed ba kho nas so/ /ngal so ba ni mis yangs pa snyam byed pa med par byed pa'o//
 mig lam na ste snang ba ni 'ga' zhig 'ongs pa'i grib ma tsam mthong ma thag tu'o/ /'jigs par byed pas 'jigs pa ste/ rkun po chung ngu la sogs pa'o/ /phyogs bzhi zhes pa ni bzhi par mtshungs par bsdus pa'o/ /phyir bltas pa ni rgyab ngos la sogs
 su log nas so/ /mdun dang rgyab tu brtags nas 'gro bar bya'o/ /gnas skabs zhes pa ni spyod lam rnam pa bzhi char gyi skabs su'o/ /da ni shes bzhin srung bar 'dod pa rnams la bstan ba'i phyir/ lus kyis zhes smos te/ phung pos so/ /'di lta ste/  spyod pa rnam pa bzhi po 'di ltar ro/ /gnas par bya ba ni bsdad par bya ba'o/ /bya ba bsdogs nas bsam gtan la sogs pa'i bya ba brtsams shing skabs su ste/ bar bar tu lta bar bya ste/ brtag bar bya ba'o/ /sems la brtags pa bstan pa'i phyir
 'bad pa zhes smos te/ tshor bar mi 'gyur bar 'dogs pa ni rigs pas so/ /ji ltar brtag par bya snyam pa la/ ci nas zhes smos te/ yang dag pa ci lta ba bzhin du blangs pa'i gtso bo'i ched du bsam pa'i bya'i gtang bar mi bya'o/ /de ltar so sor rtog
 ba ni ci dge ba byed dam 'on te mi dge ba byed ces rtog pa'o/ /yang dag par blangs te btang par bya ba'i skabs bstan pa'i phyir/ 'jigs dang zhes smos te/ sbrul la sogs pa'o/ /dga' ston ni sangs rgyas mchod pa la sogs pa'o/ /de'i tshe yang
 dag pa ji lta ba bzhin du blangs pa ltar ma nus na/ ji ltar bde ba'i spyod pas gnas kyang ltung bar mi 'gyur ro/ /sbyin pa'i dus dag tu zhes bya ba ni mi nus pa'i rigs mtshon pa tsam mo/ /tshul khrims ni lus la sogs pa dag par bsdams pa'o/ /
 gsungs zhes pa ni bcom ldan 'das kyis so/ /bsams te zhes pa ni nad gi bdag nyid sems kyis brtag par byas pa'o/ /kun legs par byas pas ni mdzes par byas pa'o/ /gnyi gar mi 'gyur ba ni brtsam par bya ba dang rtsom par byed pa gnyi
 gar mi 'gyur ba'o/ /shes bzhin ma yin pa ni gti mug go /gzhan yang gtam ni rgyal po'i gleng bslad ba la sogs pa'o/ /sna tshogs ni rnam pa du ma'o/ /ngo mtshar ni zlos gar la sogs pa'o/ /chags pa ni mngon par 'dod pa'o/ /de bzhin
 du sa bko pa dang sen mo gcod pa dang sa ris byed pa la sogs pa ni don med pa ste 'bras bu med pa'o/ /byed par 'gyur na zhes pa ni de dag la 'jug par 'gyur na'o/ /bslab pa ni des 'gegs pa'o/ /rang gi sems la ste/ chags sems su
 'dug gam/ 'on te sdad? sems su 'dug mi 'dug ces brtag pa'o/ /brtan pa ni sems brtan bos byas pa'o/ /rigs par ldan pa ni tshig la sogs pa 'os shing 'thad ba'o/ /chags pa ni zhen pa'o/ /khro ba ni gdug sems kyis so/ /
 mi bya ba ni lus kyis las la sogs pa mi bya ba'o/ /rgod pa ni rnam par g.yengs pa'o/ /ga zha ni ngag gis mtho 'tsham pa'o/ /nga rgyal ni khongs pa'o/ /rgyags pa ni khong rgyags so/ /tshang 'dru ba ni lus sun 'don pa ste/ de shin tu gal che bar
 byed cing de dang lhan cig 'grogs pa'o/ /bskyor 'byin pa ni logs su 'khyogs pa'o/ /bslu ba ni slus byed pa'o/ /bdag la bstod pa ni bdag gi yon tan ched du brjod pa ste/ de'i rang bzhin de ltar snang pa'o/ /gshe ba ni ag tsar ro/ /'gyed pa ni khro 'dod cing
 'khrug pa'o/ /g.yog 'khor ni bran 'khor ro/ /rim gro ni gzhan gyis zhabs tog byed pa'o/ /yal bar 'dor ba ni rgyab kyis phyogs pa'o/ /'khor du 'dod pa ni slob bar 'dod pa'o/ /smra bar 'dod pa ni 'brel med smra bar 'dod pa'o/ /mi bzod pa ni sran par mi nus  
 pa'i tshul dang gang ldan? pa'o/ /le lo ni sgyid snyam mo/ /'jigs pa ni dngangs pa la sogs pa'o/ /spyi brtol ni tho cho'o/ /mu chor ni tshig ngan pa'i rung rung ngo/ /de ltar zhes pa ni brjod pa'i rim pa ltar ro/ /kun nas nyon mongs pa ni rnam par 'khrugs pa'o/
 don med brtson pa ni 'bras bu med pa'i bya ba byed pa'o/ /gnyen po ni shes bzhin no/ /des don brten por bzung bar bya'o/ /gnyen po de nyid bstan pa'i phyir/ shin tu nges par zhes bya ba la sogs pa tshigs su bcad pa gsum gsungs te/ shin tu nges
 pa ni dam bca' ba brtan pa'o/ /rab dad ni dad pa'o/ /brtan pa ni mi brdar ba'o/ /gus ? ni? sems 'dud pa'o/ /zhes ni lus la sogs pa 'dud pa'o/ /'jigs pa ni bag tsha ba'o/ /zhi ba ni dbang po sdams pa'o/ /gzhan dga' bar byed pa ni sbyin pa la sogs
 pas so/ /'dod pas mi skyo? ba ni byis pa rnams kyis 'dod bas so/ /phan tshun mi mthun pas mi skyo ste/ bzod pa'i tshul dang ldan pa'i phyir ro/ /nyon mongs pa'i dbang gis shes brtse pa dang ldan pa'o/ /bdag dang sems can dbang byas zhes pa ni rang bzhin gyi
 dbang du byas pa'o/ /ci thams cad du 'am snyam pa las ma tho ba med ces gsungs te/ rang bzhin dang bcas pa'i kha na ma tho bas stong pa la'o/ /sprul pa bzhin du zhes bya ba ni sprul pa ltar nga rgyal dang bral ba'o/ /'di zhes bya ba ni yid nges par bzung ba'o/ /
 gzhan yang 'di'i phyir yang gzung bar bya'o/ /zhes bstan pa'i phyir/ ring zhig lon nas zhes smos te/ grangs med pa nas so/ /gong du brjod pa'i rang bzhin gyi sems ba lta bu yun ring mo zhig nas zhes bya ba yin gyi lus ni ma yin te/ des rang gi don yang ni nus
 pa'i phyir ro/ /rab tu mi g.yo ba ni mi 'gul bar ro/ /gzhan yang lus kyi kha bsrung ba ci'i phyir byed ces bstan pa'i phyir bya rgod ces smos te/ bya rgod bza' bar bya rgyu sha la chags pa yis bshal khrid de drung cing khyer ba'o/ /mkho rgyu med pa'i lus 'di sems kyis kyang
 bsrung mi rigs so zhes bstan pa'i phyir lus 'di zhes smos te/ kye yid tshogs pa'i lus 'di la bdag nyid du byas nas bsrung ngam zhes pa'o/ /khyod dang ste yid khyod dang 'di gnyis tha dad nyid do/ /ci zhig bya zhes pa ni ci gal che zhes bya ba'o/ gzhan yang tha dad
 kyang 'dzin na shing gi gzugs kyang zung zhig /ces bstan pa'i phyir rmongs pa'i zhes smos te/ ci ste gzung bar mi byed ces bya ba'o/ /de mi 'dzin na mi gtsang pa ni rnag la sogs pa'o/ /tshogs ni des brtsams pa'o/ /'khrul 'khor ni lus so/ /rul ba ni 'drul pa la
 chos can no/ /'di la snying po cung zad tsam zhig yod pas bsrung bar rigs so snyam pa la/ thog mar zhes smos te/ pags pa ni pags pa 'am yang na g.yogs ma'o/ /tha dad par ni lus sam yang na so sor ro/ /rus pa las brtsams pa'i dra ba las sha yang phye
 shing bshig la 'di tsam blta bar bsha'o zhes bstan te snyil cig ba'o/ /rkang mar ni rus pa'i dkyil gyi bcud do/ /bar du zhes pa ni mthar thug ba'o/ /khyod kyis te khyod rang gis kyang ngo/ /de bzhin du khyod kyis mi gcid? bzar? mi rung ngo/ zhes bya ba la sogs
 pa yang ngo/ /dgos pa gzhan med pa'i phyir dgos pa 'di tsam zhig blta bar bsha'o zhes bstan pa'i phyir nyis na zhes smos te/ rigs na'o/ /lus ni lus bo nyid do/ /bkol bar bya ba ni bsod nams byed du bcug pa'o/ /'di
 ltar zhes pa ni de bzhin du nam yang bsod nams byed du ma bcug par rtse gcig tu srungs kyang/ 'chi bdag gi gzhan la byin pa de'i tshe/ khyod kyi ci yang byar med pa'o/ /de ltar na yang zan la sogs pas yongs su bskyong bar rigs so snyam pa la/ bran g.yog
 ces bya ba la sogs pa smos te/ de ci rnam pa thams cad du mi byin nam snyam pa la/ 'di la gla rngan zhes bya ba smos te/ las kyi rin no/ /yang na gla ngan tsam mo zhes bya ba'i tshig go /'gro dang zhes bya ba la sogs pa la/ 'gro dang 'ong ba ni mngon par 'dod
 pa'i bya ba dang ldan pa'o/ /de ltar na zhes pa ni brjod pa'i rim pa ltar ro/ /rang dbang ni rang gi sems la'o/ /gang nas kyang dus rtag tu 'dzum zhing mdangs yod par gyis shig pa'o/ /khro gnyer ni smin ma 'khyogs par bsdus pa'o/ /de nyid ni ngo 'dzom
 mo/ /bshed ni 'grogs pa'o/ /gsong por smra ba ni gzhan gyis ma smras pa'i gong rol du bsnyur nas gleng mo brjod pa'i tshul dang gang ldan pa'o/ /sgra dang bcas shes pa ni bya ba'i khyad par du byed pa'o/ /mi dor ba ni mi skyur ba'o/ /drag tu mi dbye ba ni btsan
 thabs su mi 'phul lo/ /de ltar du byas pa la yon tan ci yod snyam pa la chu skyar zhes smos te/ 'jab cing zhes pa bstan pa 'am/ yang na ma tshor bar 'jab pa'o/ /de gzhen skul 'debs pa ni 'gyod pa spong zhing bskul ba'o/ /mkhas pa ni de la
 gdams pa'i nus pa dang ldan pa'o/ /ma bcol bar phan pa byed pa de dag gi gdams ngag de rnams 'jebs par tshor nas rtag tu thams cad kyi slob mar 'gyur ba'o/ /phrag dog gi dri ma bkrub? pa'i phyir legs par smras pa zhes smos te/ kun nas
 nyon mongs pa'i gnyen po'i phyogs kyi don smra pa ni legs par smra ba'o/ /rjes su brjod pa ni gzhan gyi yon tan brjod pa'i rjes su bzlas par bya ba'o/ /gzhan gyi bdag gi yon tan bsngags pa brjod na/ de dag gi yon tan shes shing yon tan la rjes su chags pa
 can cig go snyam du yid kyis rig par bya'i rang khengs shing rang mi bya ba'o/ /rtsom pa ni gang du yang rung pa'o/ /de zhes pa ni dga' ba'o/ /gzhan gyis byas pa ni gzhan gyis 'bad pas bsgrubs pa'o/ /'dir zhes pa ni dga' ba'i bde ba 'di la'o/ /gzhan gyi
 yon tan la zhe sdang zhing mi dga' pa nyid kyis na 'dir sdug bsngal pa'o/ /sdug bsngal che ba ni dmyal ba la sogs pa'o/ /'di ltar bya zhing 'di ltar bslab pa'i dngos po zhes bstan pa'i phyir/ smra na zhes smos te/ yid phebs pa ni yid ches pa'i 'os? su 'gyur
 ba'o/ /'brel ba nyid rim par 'tsham pa'i rnam gzhag dang ldan pa'o/ /yid du 'ong ba ni yid dang mthun zhing 'thad pa ste/ snying la 'bab pa'o/ /'jam pa ni gnyen pa'o/ /ran zhes pa ni de bzhin du gang zhig skad mi che tsam gyi gtam smra pa'o/ /'di ltar blta bar
 'os so zhes bstan pa'i phyir/ mig gis zhes smos te/ drang zhing zhes bya ba ni 'phyogs pa ma yin pa ste/ mi'i skyon? nas mi lta pa'o/ /phan 'dogs pa'i zhing la sogs pa yang bsod nams kyi rgyu yin no zhes bstan pa'i phyir/ rtag tu zhes smos te/ rtag tu
 sbyin pa la sogs pa'i bsod nams chen po phul du byung ba zhes sbyor ro/ /rtag tu mngon zhes las byung ba ni rtag tu goms pas bskyed pa'o/ /yang ji lta bur 'gyur ba zhig snyam pa la/ zhe sdang la sogs pa'i nyon mongs gnyen po'i phyogs byams pa la sogs
 pa goms pa'i don nyid kyi mtshan ma dang gang ldan pa'o/ /gang yon tan gyi zhing sangs rgyas la sogs pa'o/ /phan 'dogs pa'i zhing pha ma la sogs pa'o/ /snying rje'i zhing ni sdug bsngal gyis mnar ba rnams la'o/ /'di yang rjes su bsgrub par bya'o/ /zhes
 bstan pa'i byed? pa mkhas shing zhes smos te/ mkhas shing ni sgrin pa'i spyod pa dang ldan pa'o/ /dga' ba dang ldan pa ni brtson 'grus dang ldan pa'o/ bdag gis byed pa ni rang dang gzhan gnyis ka'i don byed pa'i tshul gang dang ldan
 pa'o/ /ltos par mi bya ba ni gzhan la skabs mi 'byed par rgyun tu brtson pa phun sum tshogs pa dang ldan par ro/ /de ni tshul khrims 'jigs pa yin pa'i phyir dgag pa yin no snyam pa la/ sbyin pa'i zhes smos te/ gong nas ni tshul khrims so/ /khyad
 zhugs pa ni brtson 'grus kyi pha rol tu phyin pa'o/ /'o na sbyin pa'i dus su tshul khrims btang snyoms su gzhag go /zhes ji ltar gsungs snyam pa la chung du zhes smos te/ kun spyod ni bslab pa lci shes rnams so/ /da nyid dge ba'i 'bab chu srung byed pa'i chu
 lon te/ de bsgrub pa la khyad par gzhan rnams btang snyoms su gzhag ste dor bar bya'o zhes bya ba'i don to/ /dper bsam gtan btang la chos don du gnyer du 'ongs pa'i 'gro ba la chos kyi sbyin pa dam par bya ba yin la/ don du gnyer ba'i mi la chos ma
 byin na ni byang chub sems dpa' i ltung ba'i gnas su 'gyur ba bzhin no/ /brtson par gnas pa ni brtson 'grus dang ldan pa'o/ /ci ste khyad par de la ji ltar snyam pa la/ bkag pa rnams kyang de la gnang zhes gsungs so/ /gzhan gyi don la 'jug par
 gsungs su zin mod de lta na yang bdag nyid ni bsrung bar 'os pa yin no snyam pa la/ log par ltung dang zhes smos te/ de ni rkang rdum la sogs pa'o/ /mgon med pa ni skyabs kyis stong pa'o/ /brtul zhugs ni dka' thub pa'o bgo par bya ni bgos pa'i cha
 tsam rnal 'byor pas bza' pa'o/ /ran pa tsam du bza' bar bya ba ni ji tsam du lus las su rung ba tsam du bza' ba'o/ /chos gos gsum ste/ snam sbyar dang bla gos dang mthang gos dang gsum las lhag pa rnams sbyin par gtang ba'o chos gos gsum po yang
 sbyin par gtang bar rigs so snyam pa la/ dam pa'i zhes smos te/ dam pa dang ldan pas na dam pa'i chos so/ /de 'dzin pa ni spyod pa'o/ /phran tshegs ni sbyin pa'i don cha chung ba'o/ /de bzhin du lus nyon mongs par mi bya ba yang ngo/ /de'i phyir srog ni shin tu mi
 gtang ba'o/ /bsam pa ma dag pa ste/ rjes su bzung ba dang 'dzin pa la 'jug pa'i las dang po de'i tshe mgo bo la sogs par sbyin par mi gtang ngo/ /zhes bya ba'i don to/ /bsam pa mnyam pa ste/ sems mtshungs par 'gyur na ni yongs su nyams par mi
 'gyur la/ byang chub kyang nyams par mi 'gyur ro/ /da ni chos kyi sbyin pa gtang bar bya ba'i tshad bstan pa'i phyir min bzhin du zhes smos te/ kun la sbyor bar bya'o/ /mgo g.yogs pa ni mgo bo ras kyis gtums pa'o/ /chos ni gsung rab yan lag
 dgu'o/ /gdugs dang mkhar ba dang mtshon thogs pa ni de dag dang ldan pa'o/ /dkris pa ni thod byas pa'o/ /dman pa ni dman pa la mos pa'o/ /zab pa ni yid ma gzhungs pa rnams kyis rtogs par bya ba ma yin pa'i phyir ro/ /rgya chen po ni theg pa chen
 po'o/ /dman pa ni nyan thos kyi theg pa'o/ /'drid pa ni mdo sde'i tshig dang sngags kyis tshig 'ba' zhig gis thar pa thob par 'gyur ba la/ sdom pa la sogs pas ci bya zhes 'debs pa ste de skad du mi 'drid pa'o/ /spyod pa ni bslab pa'i sdom pa'o//
 'di dag bya bar mi 'os so/ /zhes bstan pa'i phyir/ so shing zhes smos te/ mtshal ma dang lung pa la sogs pa dor ba ni dgab pa ste/ gzhan gyis ma mthong bar dor zhing dgab pa'o/ /de bzhin du gci ba la sogs pa longs spyod par byed pa'i chu dang
 thang la dor ba smad pa ni bkag pa'o/ /kha bkang pa ni ji ltar shong shong tsang ba'o/ /kha gdangs pa ni bgrad pa'o/ /rkang pa brkyang? pa na ? pa brkyang ste? bsdad pa'o/ /mnyam pa ni gnyi ga dus gcig tu 'o/ /lam dang zhes pa ni lam nas 'gro tsam
 na'o/ /lam stan dang gnas khang yang gcig par mi bya'o/ /gzhan yang 'jig rten pa ma mos par 'gyur ba'i rgyu gang yin pa spang bar bya'o/ /gzhan gang la yang rngan chan mi bya'o zhes bsten pa'i phyir/ sor mo zhes smos te/ mi gang
 la yang sor mo gcig gis brda' mi bya ba ste/ brda sprad par mi bya'o/ 'on kyang lag pa g.yas pa kun gyi 'di ltar lags so zhes thams cad la bya'o/ /lag pa shas cher bskyod pa ni dpung pa drag tu bsgul zhing ngo/ /cung zad de dgos la phran tshegs la thug pa
 skad mi bya'o/ /dgos pa chen po la ni nyes pa med do/ /se gol gyi sgra la sogs pa lag pa g.yas pas brda bya bar gzung ngo/ /ma bsdams pa ni mnyam par ma gzhag pa'o/ /mgon po mya ngan las 'das pa'i gzims pa bzhin du ste/ 'on kyang 'byung ba rnams
 dgag pa'i tshul du'o/ /myur du ldang ba ni g.yal ba dang lus bsnyad ba la sogs pa dang bral zhing myur ba nyid du cog cog 'dug pa'o/ /thogs ma ste dang po nyel ba'i dus su nges par kho nar gdon mi za ba nyid du 'di lta bu'i tshul gyis myur du ldang bar bya'o/ /zhes bsam
 pas nyal bar bya'o/ /'dir gzhan yang mdor bsdus te bstan pa'i phyir/ byang chub ces smos te/ spyod pa zhes pa ni bslab par bya ba'o/ /sbyang ba ni nyes pa sal ba'o/ /de dag gis ni ltung ba bshags par mtshon pa yin no/ /de'i rjes la phung po gsum pa gdon par
 bya ba'i phyir/ nyin dang mtshan mo zhes bya ba smos te/ dus gsum po rnams mnyam par tshang ba ni dus gsum mo/ /nyin mo dang mtshan mo lan gsum gsum du byas te lan drug tu'o/ /phung po gsum ni sdig pa bshags pa dang/ bsod nams la rjes su yi
 rang ba dang/ byang chub tu yongs su bsngo ba'i mtshan nyid rnams mnyam par tshang? ba'o/ /lhag ma ni bshags pa las gzhan no/ /des shes pa ni phung po gsum pa'i tshigs su bcad pa ston pa des byang chub kyi sems dang rgyal ba la brten pa byas pa'o/ /zhi ba ni
 rab tu zhi ba'o/ /gzhan yang bslab par bya ba ma nges pa rnams bstan pa'i phyir/ rang ngam zhes smos te/ gzhan gyi dbang ni sems can gyi dbang ngo/ /gnas skabs ni go mi la sogs pa gang yang rung ba'o/ /bslab pa ni bslab par bya'o/ /ci yang de ltar ma nges pas ston
 par byed snyam pa la/ rgyal sras zhes smos te/ gzhan yang dngos sam rgyud kyang rung zhes bya ba la sogs pas ni dge ba thams cad byang chub kyi phyir te/ sangs rgyas nyid thob par bya ba'i phyir yongs su bsngo bar bya'o zhes bstan to/ /dge ba'i bshes gnyen ni dge ba
 la nges par sbyor bar byed pa'o/ /mkhas pa ni tshul bzhin shes pa'o/ /brtul zhugs ni bslab pa'o/ /dge ba'i bshes gnyen bsten par bya ba'i don du/ dpal 'byung zhes smos te/ dpal 'byung ba'i rnam thar ni sdong po bkod pa'i le'u gcig go /dang gi sgras gzhan
 dang bsdu ba'o/ /'di dang zhes pa ni brjod pa rnams so/ /gzhan zhes pa ni ma brjod pa rnams so/ /rtsa ba'i ltung ba ni gang sdoms pa 'jig par byed pa'o/ /rtag tu spyad pa ni byang chub sems dpa' i spyod pa'o/ /bslab pa kun las btus pa dang/ 'di nyid kyis mdzad pa pos mdo
 kun las btus pa yang mdzad pa'o/ /gnyis pa ni 'phags pa klu sgrub kyis mdzad pa'i mdo kun las btus pa'o/ /brjod pa gnyis pa la bltos nas gnyis pa yang gnyis su shes par bya'o/ /yang 'jig rten pa'i bsam pa'i rjes su 'brang ba'i phyir gang las zhes smos
 te/ gang du bgag pa med pa'i bya ba gang yin pa de nyid spyad par bya ste/ nges par sbyar bar bya ba ni 'jig rten pa rnams kyi sems bsrung ba'i don du yin pas na bslab pa mthong nas bslab pa de dang mi 'gal bar yang dag par spyad par bya ste/ de ltar na 'jig rten pa
 mos par 'gyur pa'i phyir ro/ /dran pa'i rang gi ngo bo ni ming nyid kyis ji lta ba bzhin du sngar brjod do/ /shes bzhin gyis ma rjed pas de nges par bstan par bya ba'i phyir/ lus dang zhes bya ba la sogs pa smos te/ lus ni yid sngon du 'gro ba can yin pas lus kyi bya
 bar thams cad 'dus pa yin no/ /spyad bar bya zhes bya ba ni yang dag par spyad par bya ste/ sgra tsam gyis ma yin no zhes bya ba'i tha tshig go /sman dpyad ces bya ba ni nad gso ba'i bstan bcos so/ /byang chub sems dpa' i spyod pa la 'jug pa
 las le'u lnga pa'i dka' 'grel lo// //gong du sbyin pa go rim ma nges par bshad pa'i rjes la tshul khrims bstan nas bzod pa bstan pa'i phyir/ bskal pa zhes bya ba la sogs pa smos te/ sbyin pa ni sngar brjod pa'o/ /mchod pa ni
 skyabs su 'gro ba sngon du 'gro ba can gyis bde bar gshegs pa la sogs pa mchod pa'o/ /legs par spyad pa ni tshul khrims so/ /de kun zhes pa ni 'das ma thag tu brjod pa rnams so/ /khong khro ni sems can la zhe sdang pa'o/ /rang gi rten bcom nas gzhan
 yang 'joms par byed pas na zhe sdang ngo/ /de skad du yang 'jam dpal khong khro zhes bya bas ni bskal pa brgya stong du bsags pa'i bsod nams 'joms par byed 'bras bu med par byed do zhes gsungs so/ /de ltar na zhe sdang dang sdig pa chen po'i rgyu yin pas na/
 de spangs la bzod par bsgoms par bya ba nyid do zhes bstan pa'i phyir/ zhe sdang lta bu'i zhes smos te/ zhe sdang ni nye bar mtshon pa tsam yin pas/ khro ba la sogs pa yang bzung bar bya'o/ /bsgom par bya zhes pa ni thabs so/ /zhe sdang gi nyes pa mthong
 ba'i chos nyid la myong par bstan pa'i phyir/ zhe sdang zug rdu zhes bya ba la sogs pa'i tshigs su bcad pa gsum gsungs te/ zhi ba'i yid ces pa ni yid rab tu zhi ba'o/ /dga' ba nyid bde ba'o/ /mi 'thob pa ni zhe sdang gi me 'bar ba'i phyir ro/ /brtan med
 ni mi brtan par 'gyur ba'o/ /gzhan yang nor dang bkur sti ni nor dang bkur sti nyid do/ /sdang ba dang ldan pa ni mi dga' par byed pa'o/ /de yis mdza' bshes zhes bya ba la sogs pa go sla'o/ /gang gi phyir te la sogs pa ste/ sdug bsngal rnams bskyed
 ba de'i phyir dgra yis brtags pa'o/ /gang khro ba 'joms pa de rnam pa thams cad du bde ba las gzhan du ma yin no/ /zhe sdang gzhom par bya ba'i phyir de'i rgyu brtag par bzhed nas mi 'dod ces smos te/ mi 'dod pa ni mngon par 'dod pa ma yin no/ /yid mi bde ba
 ni 'khrugs pa ste/ de nyid rengs par byed pa'i zas yin la de thob nas rtas par byed rgyags par byed pas na yang zas so/ /gzhom bya ni gsal bar bya'o/ /gnod pa ni dge ba'i phyogs 'joms pa'o/ /ji ltar de'i zas 'joms par byed snyam pa la/ ci la bab kyang zhes
 smos te/ dga' ba ni yid bde ba'o/ /dkrugs par mi bya ba ni gtang bar mi bya'o/ /gal te bcos su med pa la sogs pa ni 'di ltar de'i phyir sdug bsngal 'bad pas goms par bya'o/ /zhes bstan pa'o/ /gang gi phyir 'bad pas goms par bya ba yin snyam pa la/ /
 bdag gam zhes smos te/ bdag dang bdag gis bshes rnams la gang sdug bsngal de lus dang ngag las byung ba dang/ brnyas pa ste ngan pa 'di zhes bya ba dang/ tshig rtsub ste gnad du phog pa'i tshig dang/ mi snyan pa ste grags pa ma yin pa brjod pa ma yin pa rnams
 mi 'dod pa ste/ mngon par mi 'dod pa'o/ /dgra rnams la ni de las bzlog pa ste/ de thams cad 'dod pa'o/ /gal te rnams kyang ma goms pa goms par byed par mtshungs pa la bde ba nyid ci'i phyir goms par mi bya snyam pa la/ bde ba'i rgyu ni zhes smos te/
 gang gi phyir bde ba'i rgyu ni ris 'ga' ba yin pa'i phyir dkon pas na goms par bya bar mi nus la/ sdug bsngal gyi rgyu ni shin tu mang ba'i phyir de bsal bar bya bar mi nus so/ /ci ste dkon du zin kyang 'dod par bya ba yin pa'i phyir bde ba'i rgyu kho na goms par bya
 ba'i rigs so snyam pa la sdug bsngal med par zhes bya ba smos te/ sdug bsngal med par nges 'byung ste 'khor ba nas nges par 'byung bar mi 'gyur gyis/ de'i phyir sems khyod sdug bsngal goms pa la brtan par gyis la sngar ma'i tshul la goms par ma
 byed cig pa'o/ /gzhan yang sdug bsngal 'di don chen po sgrub ba yin pa'i phyir/ bsran par bya ba'i 'os kho na'o zhes dpe dang bcas par dka' zlog ces te/ 'di ltar dkar na de'i yul na tsand+hi la mos pa'i mi rnams
 kyis chos rgyu chen po'i dus su smyung ba zhag gsum mam zhag gcig byas kyi rjes la/ ched du bstan nas rang gi yan lag gcod par byed pa la sogs pa byed do/ /de bzhin 'gran pa tsam gyi phyir gcig la gcig srog 'dor bar byed do/ /de'i phyir
 sdug bsngal chen po yang bsran par bya ba nyid do/ /sdug bsngal chung ba gang dag yin snyam pa la/ sprul dang zhes smos te/ don med pa ni sngar brjod pa'i mtshan nyid do/ /de bzhin du 'di rnams kyang goms par bya'o zhes bstan pa'i phyir tsha grang zhes smos
 te/ sogs pa'i sgra lam du nyon mongs pa yang bzung ngo/ /de dag gis nye bar gnas par bya zhing bze re sran chung par mi bya ba ni bslab cing goms par bya ba'i 'os nyid do zhes bya ba'i don to/ /goms pa bstan par bya ba'i phyir/ la la zhes smos te/ g.yul
 dor rang gi khrag mthong na phyir zhing khong dga' ste/ g.yul bzlog par byed pa'i brgyal pa ni 'thoms pa'o/ /de zhes bya ba ni phyir zhing khong dga' ba la sogs pa'o/ /sdug bsngal dang sdug bsngal ba 'thob par byed cing pham du mi nyan pas na khyad du gsod pa
 ste/ sdug bsngal khyad du bsad nas sdug bsngal gyis bgrod par byed pa'o/ /sdug bsngal ni zug gzer ro/ /mi tshugs pa ni nyams mi nga ba'o/ /de'i phyir sdug bsngal byung yang rab dang ste/ dga' ba nyid dang rnyog ste yi sad pa nyid du mi bya'o/ /nyon mongs pa
 gzengs bstod pa nyid bstan pa'i phyir/ sdug bsngal thams cad ces smos te/ brang gi phul nas khyad du gsod pa ni dpa' ba' o/ /lhag ma ni g.yul ngor mi gsod pa'o/ /de ni ro la tsha bas byed pa ste/ mi rnams rang bzhin gyis mi rtag pas na ro'o/ /sdug
 bsngal la sran tshugs pa'i yon tan bstan pa'i phyir gzhan yang zhes smos te/ skyo ba la sogs pa nyid yon tan no/ /sel bar byed pa ni zad par byed pa'o/ /spro ba ni yon tan mngon par 'dod pa'o/ /rkyen gzhan gyis bskyed pa'i sdug bsngal la khro bar mi
 rigs pa nyid du bstan pa'i phyir mkhris pa zhes smos te/ sems med pa'i phyir dang/ rkyen 'dus pa'i stobs kyis bskyed pa yin pa'i phyir mkhris pa la sogs pa'i nyes pa bdo ba la ni kho bos khro ba ma yin no/ sems yod pa rnams la ci'i phyir khro bar byed/
 rkyen gyi stobs kyis bskul pa ni khro bar byed pa'o/ /zhes ni sbyar bar mi bya'o zhes bya ba'i don te/ rkyen 'dus pa'i stobs kyis khro ba 'byung ba yin no/ /rkyen gyis khro ba bskul ba nyid bstan pa'i phyir/ dper na mi 'dod ces smos te/ mi 'dod pa ni mngon par
 mi 'dod pa'o/ /nyes pa ni gzhan la gnod par byed pa'o/ /rang dbang ni rang gi 'dod pas byed pa'o/ /ci ste 'di ltar grangs can rnams kyi gtso bo dang rig pa can la sogs pa'i 'dir bdag nyid rang dbang yod pa ma yin nam de ji ltar na rang dbang yod pa
 ma yin no zhes brjod snyam pa la/ gtso bo zhes smos te/ gang rdul dang mun pa snying stobs cha mnyam pa'i gnas skabs kyi rang bzhin la gtso bo zhes 'dod pa dang/ bdag ces brtags pa de dag go /zhes bya ba de nyid ni mi 'dod pa'o/ /de dag nyid 'di ltar
 'byung ngo zhes ched du bsams shing 'byung ba ni ma yin te/ gang gi phyir de dag gnyis ka la skyed par byed pa'i rgyu med pas na skye ba med pa'i phyir ro/ /gang zhig rgyu dang bral ba de mo sham gyi bu bzhin du yod pa ma yin na/ de ji ltar rang byung du 'dod par byed
 gzhan yang bdag yod la ni rag na sngar longs spyod pa'i rang bzhin ma yin pa'i phyir longs spyod par byed pa'i rang bzhin du sbyor bar mi bya'o/ /yang na yul gtso bos nye bar gtad nas longs spyad par byed pa'i bya ba yod du bcug na yang 'gag pa ste/
 yul de las log pa'i bdag ni yod par 'dod pa ma yin te/ bdag de rtag pa yin pa'i phyir ro/ /rig pa can rnams kyis mngon par 'dod pa'i bdag la yang nyes pa de nyid de rtag pa yin pa'i phyir ro/ /de la nyes pa
 bye brag tu yang brjod pa'i phyir ro/ /ji ste bdag de zhes smos te/ dang gi sgras ni sems dang bcas pa yang bzung ngo/ /byed pa med pa ni byed pa dang bral ba'o/ /rkyen rnams gzhan zhes pa ni lhan cig byed pa'i rkyen no/ /'gyur ba med pa ni gzhan du mi 'gyur ba'o//
 sngon bzhin zhes pa ni byed pa med pa'i rang bzhin no/ /gzhan yang 'dir 'dis byos zhes byed pa po ma yin te/ 'brel pa med pa'i phyir ro/ /de ltar zhes bya ba la sogs pa ni mjug bsdu ba ste/ thams cad ces pa ni dbang thams cad do/ /de dbang med pa ni rnam pa
 kun nas so/ /mya ngan las 'das pa ste spros pa mdza' dag dang bral ba 'am/ yang na sprul pa lta bu zhes pa'i tshig sbyar ro/ /mi g.yo ba ni mi 'gul ba'o/ /dngos po rnams de lta bur shes na gang la khro bar 'gyur te khros med pa'o/ /gal te chos thams cad bya ba dang
 bral ba yin na de'i tshe khro ba la sogs pa yang zlog par mi rigs so zhes rtsod pa bslang ba'i phyir gang gis zhes smos te/ de lta bya ba dang 'brel ba nyid yin na/ mi dge ba la sogs pa bzlog pa mi rigs so she na zhes bya ba yan chad phyogs snga ma'o/ /lan  
 brjod pa'i phyir de la zhes smos te/ bzlog par rigs pa nyid do/ /gang gi phyir zhes bstan nas de'i las la brtan nas de skye bo zhes rten cing 'brel bar 'byung ba yin pa'i phyir dngos po la bya ba dang bral ba yin du zin kyang de las 'khor bar sdug bsngal
 bar bya bar 'gro ba la sogs pa rgyun chad par 'dod pa ste/ ldog par 'dod pa'o zhes dgongs pa'o/ /dgra ni mi phan par byed pa'o/ /mi rigs pa byed pa ni gnod pa skyel bar byed pa'o/ /'di 'dra zhes pa ni gnod pa byed pa'i rang bzhin gyis rkyen 'di 'dra
 ba'i rgyur sngar bsams pa las 'gyur ba'o zhes nges par byas pa la yid mi bde bar mi bya'o/ /gzhan yang 'grub 'gyur na ste/ 'bras bu smin par 'gyur na'o/ /sdug bsngal ni gzhan gyi gnod pa skyel ba'o/ /bag med pa ni rang la gnod pa'o/ /gzhan yang
 bdag nyid kyis kyang bdag nyid la gnod par byed na de dag gzhan gyi lus la gnod pa mi byed par ji ltar 'gyur zhes 'brel to/ /tsher ma la sogs zhes pa ni tsher ma stan du 'dings pa la sogs pa'o/ /nad med pa la sogs pa 'dod pa ma rnyed pa'o/ /gnod par byed pa ni
 sdug bsngal bar byed pa'o/ /zas gcod pa ni bza' rgyu mi za bar sdod pa'o/ /'geg pa ni ske thag pas btags nas spyang la 'phyong ba'o/ /g.yang sa ni 'obs la sogs pa'o/ /mchod pa ni chu la sogs par mchod pa'o/ /bsod nams ma yin pa ni mi gzhan la
 slus byed pa'o/ /gnod par byed pa ni gsod par byed pa'o/ /gang tshe ste dus gang gi tshe'o/ /de ltar na de dag la khro ba'i rigs so snyam pa la nyon mongs zhes bya ba la sogs pa smos te/ gzhan yang gzhan la rnam par 'tshe bar byed pa byis pa rnams kyi rang bzhin nam
 'on te glo bur yin zhes btags te/ phyogs dang po la gal te zhes bya ba la sogs pa'o/ /gnyis pa la 'on te zhes smos te/ glo bur ni rkyen glo bur ba'o/ /nges pa ni ma bcos pa'o/ /nam mkha' yongs su dag pa la blo bur ba'i dud pas gnod pa bskyal na nam mkha' 
 la khro ba mi rigs pa bzhin no/ /gal te dbyug pa la sogs pa 'phen mkhan ni yod pa kho na yin la/ de sems can gyi nyes pa yin no snyam du dogs pa la/ dbyug pa la sogs pa zhes bya ba smos so/ /gzhan yang bdag gis sngon chad ces bya ba la sogs par
 sbyar ro/ /gal te gzhan gyi mtshon phyung bas sdug bsngal gyi rgyu yin pas khro ba byed na de'i tshe bdag nyid la khro ba'i rigs te/ bdag gis kyang sdug bsngal gyi rgyu lus phyung ba'i phyir ro/ /zhes bstan pa'i phyir/ de'i mtshon zhes bya ba la sogs pa smos te/
 sngar bstan pa'i nyid gsal bar bya ba'i phyir/ shu pa zhes smos te/ reg tu mi bzod pa ste/ na tsha che ba 'am bsran dka' ba'o/ /sred pa'i mur bas non pas rig pas mthong du ma ster ba ni sred ldongs so/ /bzung bar gyur ba ni
 khas blangs pa byas pa'o/ /de la ste lus pa'o/ /su la ste gang la khro bar bya'o/ /ji ltar na sred pa'i mun pas non par 'gyur snyam pa la byis pa zhes smos te/ byis pa ni rmongs pa'o/ /sdug bsngal ni na tsha'o/ /rgyu zhes pa ni lus pa nyid do/ /rang gi nyes pas
 gnod ces pa'i rnam smin dpe dang bcas par bstan pa'i phyir dper na zhes smos te/ 'di zhes pa ming ltar gyi sdug bsngal 'di'o/ /gang bdag gis byas pa'i las kyis bskul nas sems can dmyal bar btang bas na de dag brlag pa ste/ phung bar byas
 pa'o/ /ma brlag gam zhes bya ba ni rang gi sems la bos te gdams pa'i tshig go /de lta na gnod pa byed mkhan dmyal bar 'gro bar rigs so snyam pa las bdag la bsam pa'i zhes te/ gal te thabs la mkhas pa gang yang rung ba zhig gis
 bdag dmyal bar ma song na de'i de dag la gnod pa byas par 'gyur bar ni cung zad kyang med kyi/ bdag nyid kyi bsam pa'i yon tan bdag nyid bsrung bar 'gyur ba 'ba' zhig tu zad do/ /lan tu gnod pa byas pa de ni de dag la gnod pa'o/ /spyod pa ni
 gzhan rjes su bskyang ba'o/ /nyams pa ni zhig pa'o/ /zhig par 'gyur ba ni dmyal ba la sogs par 'gro ba'o/ /dga' thub ces bya ba ni rjes su brtse ba'i tshig ste/ phyis de dag gdon pa'i thabs bsam par bya'o/ /zhes dgongs pa'o/ /gzhan
 yang dbyug ba la sogs pas bsnun pas yid dam yang lus la gnod grang na de la ro zhig yid la ni gnod pa ma yin te/ lus can ma yin pa'i phyir ro/ /de nyid rtog pas byas par rig par bya'o/ /zhes bstan pa'i phyir lus la zhes smos te/
 lus la mngon par zhen pa'i phyir lus sdug bsngal bas yid la gnod par 'gyur ba 'am yang na lus su mngon par zhen pa'i phyir lus nyid yin pas na lus la gces pas gnod par 'gyur gyi brdeg par mi nus so/ /lus bems po yin pa'i phyir
 brnyes pa la sogs pas gnod par mi 'gyur ro/ /zhes bstan pa'i phyir brnyas dang zhes smos te/ de yis zhes pa ni brnyas pa la sogs pa'i tshogs 'dus pa de yis lus la gnod par mi 'gyur ba'o/ /yang na de dag nyid rgyu yin pas na tshogs so/ /
 brnyas pa la sogs pa byas pas bdag la ma dad par 'gyur bas de la khro ba'i rigs so snyam pa la/ gzhan dag ces smos te/ mi dga' ba ni ma dang pa'o/ /'di ni zhes pa ni ma dang pa'o/ /'dir zhes pa ni tshe ru'o/ /'dir zhes pa ni nyams par 'gyur pa'o/ sdig
 pa ni brnyas pa la sogs pa byas pas khro ba'i sdig pa gang yin pa de 'ba' zhig go /brtan pa ni longs ma spyad pa'i 'bras bu de nyams pa'i phyir ro/ /gnas pa ni de 'ba' zhig bstan par gnas pa'o/ /'dir 'ji yang bsam par bya'o zhes bstan pa'i
 phyir/ bdag nyid ces smos te/ bla'i zhes pa ni tshod yod kyi zhes bya ba'o/ /log 'tsho zhes pa ni 'dod pa can du gyur pa'i nor btsal ba'o/ /de bzhin du rmi lam mo zhes bya ba la sogs pa la/ bde ba zhes pa ni rmi lam nyid kyi'o/ /de'i phyir log 'tshos
 yun ring du gnas kyang ngan 'gror skye ba 'ba' zhig las gzhan ni khyad par cung zad kyang med do/ /'di ltar rnyed pa mang po zhes bya ba la sogs pa la/ lag pa stong pa zhes bya ba ni nor med pa'o/ /'gro zhes pa ni 'jig rten pha rol tu'o/ /gal te rnyed
 pa dang ldan na bsod nams byas la sdig pa zad par bya'o/ /zhes rtsod pa bslad pa'i don du gal te rnyed pas zhes gsongs so/ /rnyed pa'i don du zhes pas ni lan gsungs te/ khyod rnyed pa'i don du khros par gyur na phyin ci log nyid du ci'i phyir mi 'gyur gal
 te bsod nams kyis ci dgos/ re zhig rnyed pas ni yun rings du bde bar 'tsho'o snyam pa la/ gang gi don du zhes smos te/ gang gi don te dge ba'i don du'o/ /sdig pa zhes bya ba ni mi dge ba'o/ /gal te gzhan yang mi snyan par sgrogs
 pa yin pas de la zhe sdang byed pa'i lta na gzhan la mi snyan par sgrogs pa la yang khyod ci'i phyir khro bar mi byed/ bdag la mi snyan par sgrogs pa mi snyan pa yin pa bzhin du gzhan la mi snyan par sgrogs pa yang mi snyan pa yin pas/ de'i phyir de la yang
 khro bar rigs so/ /gal te 'di snyam du de la brten pa'i ma dad pa dang mi snyan par smras pa la sogs pa gzhan la rag las pa yin pa de dag la ni bzod pa nyid do/ /snyam du sems na nyon mongs pa'i mtshan nyid gzhan la rag las pa yin pa'i phyir rang 
 la mi snyan par smra ba la yang khyod kyi bzod par rigs pa nyid de/ bzod pa'i rgyu ma dad pa gzhan la rag las pa gnyis ka la yang mtshungs pa'i phyir ro/ /de lta na sku gzugs la sogs pa la gnod pa byed pa rnams la khro bar rigs so snyam pa la/
 sku gzugs zhes bya ba la sogs pa smos te/ mchod rten ni mchod rten nyid do/ /'khyal pa ni tshul dang mi mthun pa rjes su brjod pa'o/ /'jig par byed pa ni nyams par byed pa'o/ /gnyen ni 'brel pa'o/ /rkyen dag las 'gyur ba zhes pa ni 'di
 lta bu'i rkyen las 'byung ba'o/ /zhes rnam par dpyad pa'o/ /'di ltar bsam la yang sems can rnams la zhe sdang bar mi bya'o zhes bstan pa'i phyir/ lus can rnams la zhes smos te/ sems yod pa ni sems can no/ /sems med pa ni dbyug pa la
 sogs pa'o/ /gnod pa byas pa ni gnod pa de skyes pa'o/ /ci ste zhes pa ni gnod par byed pa de dag gnyis las sems yod kho na bkar ste ma khro zhig ces bya ba'o/ /da ni de dag gnyis ka'i nyes pa thun mong du sun dbyung ba'i phyir la la rmongs pa
 zhes smos te/ rmongs ba ste ma shes pas nyes pa byed pa ni bdag nyid skyon can byed pa'o/ /gzhan yang gang gis zhes bya ba la sogs pa la/ de zhes pa ni de lta bu'i las de byas pa'o/ /de lta ma yin na las byas pa'i 'bras bu bdag gis bsal bar ga la nus
 zhes bya ba'o/ /de ltar zhes bya ba la sogs pa ni go sla'o/ /ji lta bur 'bad par bya snyam pa la/ dper na khyim tshig pa zhes bya bba la sogs pa smos te/ mched pa zhes pa ni khyad par du 'gyur ba'i las su byed pa'o/ /de ni zhes pa ni rtsa la sogs pa'o/ /gang
 la sems chags pa ni kun tu zhen par gyur pa'o/ /me mched pa ni gdung bar byed pa'o/ /bsod nams ni rang gi lus so/ /tshig pa ni de yongs su nyams par byed pa'o/ /dor zhes pa ni las su byas pa'o/ /gzhan yang 'di ltar mi'i sdug bsngal bag tsam gyi
 dmyal ba'i las kyi 'bras bu bral bar byed pa 'di ni rnyed pa dam pa'o/ /zhes bstan pa'i phyir bsang pa'i rigs mi zhig ces smos so/ /khabs? ni sdug bsngal bag tsam yang sran par mi nus so snyam pa la/ da lta'i sdug bsngal zhes bya ba la sogs
 pa smos te/ 'di tsam zhes pa ni chung ngu 'di tsam mo/ /khro ba ci ste zhes bya ba ni dmyal ba'i rgyu khong khro ba ci ste mi bzlog ces pa'o/ /'di lta bur zhes pa ni 'bras bu med pa nyid du'o/ /myong bar gyur yang zhes pa ni bsreg pa dang bcas pa la sogs pa'i
 rgyus mnar bar gyur ba'o/ /'di ni zhes bya ba ni spyod pa la sogs pa'o/ /de tsam zhes pa ni dmyal ba la sogs pa tsam mo/ /don chen ni sangs rgyas nyid du'o/ /de'i phyir spyod pa la sogs pa'i sdug bsngal la dga' ba kho nar rigs so/ /gzhan gyi yon
 tan brjod pa thos pa la phrag dog gi dri ma bkru ba bstan pa'i phyir/ gzhan gyi zhes bya ba la sogs pa smos te/ kye yid khyod kyis kyang yon tan lhag tu bstod nas dga' ba nyams su myong ba ci'i phyir mi byed/ 'di zhes pa ni skye ba 'di'i bde ba dang
 dga' ba'o/ /bde ba 'byung ba ni 'di las gzhan gyi bde ba 'byung ba'o/ /kha na ma tho ba med pa ni tshe 'dir ro/ /yon tan dang ldan pa ni sangs rgyas la sogs pa'o/ /de kho na nyid la bstod pas bdag la bde ba skye ba'o/ /gzhan
 gyi yon tan la zhe sdang bas bdag bde ba mi 'dod pa ni dga' ba mi 'dod pa'o/ /de lta na de'i tshe gla rngan? la sogs pa byin pas kyang de kho na dga' bar 'gyur bas na/ 'dir da las kyang khyod ldog par 'gyur ro/ /las byed pa med pa las ni mthong ba nyams
 par 'gyur ro/ /las byed pa la gla rngan ma byin pa'i sdig pas ni ma mthong ba yang nyams par 'gyur ro/ /gzhan yang khyod kyi yon tan gzhan gyis bsgrags pa de'i tshe/ gzhan gyi yon tan sgrog mkhas pa la bde ba 'dod par byed dam pa'o/ /gzhan gyi
 yon tan ni dgra'i yon tan no/ /gzhan gyi yon tan phun sum tshogs pa la mi bzod pa bzlog pa'i phyir sems can zhes bya ba la sogs pa smos so/ /sangs rgyas nyid du dam bcas kyis de las gzhan gyi bde ba sbyin par byed pa khas blangs pa med pas mi
 bzod pa byas kyang mi 'gal zhes gal te rgol ba la/ bsnyen bkur zhes smos te/ ngan don tsam la yang mi bzod cing khro bar byed na de la byang chub kyi sems lta ga la srid ces pa'o/ /rnam grangs gzhan gyi sgo nas gdams par bzhed nas gal te zhes smos te/ des zhes
 pa ni gzhan gyis so/ /de zhes pa ni rdzas so/ /med ces pa ni khyod kyis mi thob pa'o/ /ci bya zhes pa ni byin pa 'am ma byin yang rung gal ci che ba'o/ /dad pa ni ster mkhan gyi dad pa'o/ /rang gi yon tan yang ngo/ /ci'i phyir 'dor zhes pa ni 'bras bu cung zad
 kyang ma byin cig ces ci nas 'geg par byed ces pa'o/ /gzhan gyi rnyed pa las byung ba'i bar mi 'dod pa bkag nas da ni mi 'dod pa las byung ba'i dga' ba dgag pa'i phyir/ gal te dgra zhig ces smos te/ ci zhig yod ces pa ni de la cung zad cig kyang
 gnod par mi 'gyur zhes bya ba'i don to/ /gal te bdag gis bsngags par ma byas pa nyid kyis de la mi 'dod pa skye bar 'gyur ro snyam pa la khyod kyis zhes smos te/ rgyur mi 'gyur zhes pa ni sngon gyi las med par zhes bya'o/ /ci ste khyod kyi 'dod pa kho nas gzhan gyi
 sdug bsngal de'i rgyur grub pa de lta na'ang gzhan gyi sdug bsngal de la khyod dgar ci yod de/ 'bras bu med pa nyid do/ /zhes bya ba'i don te/ 'tshong pa ni dgos pa'o/ /de las ma gtogs pa'i phung ba med pa ni 'di nyid 'bras bu med par phung ba nyid do zhes bya ba'o//
 ci'i phyir na 'di phung ba yin snyam pa la/ /nyon mongs zhes smos te/ nyon mongs pa nyid mchil ba 'debs par byed pas nya pa'o/ /mchil pa dang 'dra bas na mchil ba ste/ nya gzung bar bya ba'i don du sha dang bcas pa'i lcags kyu'o/ /mi bzad ces pa ni
 shin tu gze ba'o/ /gang nya ba dang 'dra ba'i nyon mongs pa de bsod nams kyi chu bo nas nya dang 'dra ba khyod gzung nas kha chung ba gsus pa che ba'i bum par bcug cing 'tshed par 'gyur ba'o/ /bstod pa la sogs pa la yang khengs par mi bya'o/ /zhes
 gdams pa'i phyir bstod dang zhes bya ba la sogs pa smos te/ skyes bu rnams kyi don du gnyer bar 'dod pa'i rnam pa ni lnga ste/ bsod nams dang de tshe dang stobs dang nad med pa dang/ lus bde ba rnams so/ /bstod pa ni yon tan brjod pa'o/ /stobs ni
 lus las gyur pa'o/ /shes gyur na mkhas par gyur na'o/ /de la zhes pa ni rnam pa lngar brjod pa la'o/ /ci ste yid kyang bde bar bya rung yod pa ma yin nam/ de ji ltar nges par bzung bar bya snyam du dogs pa la/ yid bde zhes smos te/ gzhan yang bstod
 pa la sogs pa ni slu byed nyid do zhes bstan pa'i phyir/ grags pa'i zhes smos te/ tshig 'bru ni bstod pa'i tshig rnams so/ /bde ba ni grags pa la sogs pa'i bde ba'o/ yang brtag pa gzhan gyi sgo nas 'di dag rnams ni byis pa'i chos nyid du bstan pa'i
 phyir/ bye ma'i khang bu zhes bya ba la sogs pa tshigs su bcad pa lnga gsungs te/ zhes grags pa zhes bya ba ni rang mi 'dod pa'o/ /de ni zhes pa na gzhan gyis dga' ba'o/ /grang zhes pa ni dga' ba'i rgyu yin la rag na zhes
 pa'o/ /bde ba de gzhan yin na bdag la ci yang mi phan pa ste/ de nyid kyi yin pas na 'brel pa med pa'i phyir ro/ /de bde ba zhes pa ni de'i dga' ba dang bde ba'o/ /ci ste bstod pa'i bde ba la bde ba nyid 'dod pa lta na de'i tshe/ thams cad la 'dod par
 rag mod/ so sor nges pa 'dis ci zhig bya/ bdag las gzhan la dga' ba skyes nas de la bde ba'i rigs nas bdag cis mi bde/ de'i phyir bdag bstod ces pa ni phyin ci log gis brtags pa nyid kyi bdag gi bde pa'o/ /de la gzhan gang bde ba
 dang lhan cig 'brel pa yod pa ma yin pa'i phyir byis pa'i spyod pa kho nar zad do/ /de'i phyir yang bde ba la sogs pa gnod pa byed pa'i rgyu yin no zhes bstan pa'i phyar bstod pa la sogs pa zhes smos te/ dge ba'i phyogs yongs su skyong ba las g.yeng
 ba ni g.yengs pa'o/ /gzhan gyi yon tan dag yon tan ma yin par sgrub par byed pa ni phrag dog go /gzhan gyi yon tan gyis bsags pa'i phun sum tshogs pa la zhe sdang gi 'jig pa ni 'jig par byed pa'o/ /gzhom phyir zhes pa ni bzlog par bya
 ba'i phyir ro/ /ngan song ni dmyal ba la sogs pa'o/ /gzhan yang bdag ni grol ba don du gnyer zhes bya ba la sogs pa la 'ching ba ni 'ching bar byed pa'o/ /sgo 'phang nyid ni 'gegs par byed pa nyid do/ /bsod nams kyi gegs byed pa la yang zhe
 sdang skye ba bzlog par bya ba'i phyir 'di ni bsod nams zhes bya ba la sogs pa smos te/ bzod pa dang mtshungs pa ni mnyam pa'o/ /dka' thub ni bsod na thos so/ /rang gi skyon gyis ma shes nas so/ /bsod nams kyi rgyu ni dgra'o/ /de ltar na ji ltar gegs
 zhes bstan pa'i phyir gang zhig ces smos te/ dpe bstan phyir dus su phyin pa'i zhes smos te/ dus su 'ongs pa'o/ /de'i phyir bzod pa nyid la nan tan bya'o/ zhes bstan pa'i phyir 'jig rten na ni zhes bya ba la sogs pa smos te/ gnod pa ni nyes par
 byed pa'o/ /ngal bsam bsgrubs pa ni dka' spyad kyis ma bsgrubs pa'o/ /gter zhes pa ni mi zad pa'i mdzod do/ /gzhan yang 'di dang zhes bya ba la sogs pa la ni sgra dang ngo/ /bsgrubs pa ni byas pa'o/ /bzod pa'i 'bras su ni chos khong du chud pa'o
 mtshan nyid do/ 'di la ste gnod pa byed mkhan la thog ma nyid du bdar bar bya ba'o/ /'di snyam du sgra 'di la bzod pa 'di grub par bya'o snyam pa'i bsam pa med pas mchod pa'i 'os ma yin no snyam du rtog pa'o/ /grub pa'i rgyu ni sangs rgyas grub pa'i rgyu'o/
 gal te zhes bya ba ni gal te gnod pa byed pa'i bsam pa med par gyur na de'i tshe bzod pa ji ltar 'grub ces pa'o/ /sman pa bzhin du phan pa la brtson pa ni phyogs pa'o/ /gang gi phyir phan pa la phyogs pa las bzod pa med pa de'i phyir dgra bo'i
 gnod pa bsam pa la brten na bzod pa 'grub pa yin pas na dgra bo de mchod par 'os pa'o/ /de'i phyir sems can la yang bsod nams kyi sgras brjod de/ ngo bsod nams kyi tshogs kyi rgyu yin pa'i phyir ro/ /phun sum tshogs pa'i pha rol na sangs
 rgyas nyid do/ /gzhan yang sems can rnams dang zhes bya ba la sogs pa la/ sangs rgyas kyi chos ni mi 'jigs pa la sogs pa'o/ /sgrub pa ni de sgrub par byed pa'o/ /tshul ni rim pa'o/ /chi ste bsam pa'i yon tan gyis bcom ldan 'das che ba ma
 yin nam zhes dogs pa la/ /bsam pa'i zhes smos te/ rang las zhes pa ni rang yod pa tsam las so/ /nges zhes pa ni 'bras bu ste/ sangs rgyas kyi chos bsgrub par mtshungs pa'i rgyu des na sems can de dag rgyal ba dang na nyam pa nyid yin no/
 'di'i phyir yang sems can dang sangs rgyas dag che ba mnyam pa'o/ /zhes bstan pa'i phyir byams sems zhes bya ba la sogs pa smos te/ sems can med par byams pa gang la srid/ de'i phyir mchod pa bya bar rigs pa
 nyid do/ /de'i phyir sangs rgyas kyi chos thob par byed pa'i cha nas sems can dang rgyal ba mnyam pa nyid do/ /yon tan rgya mtsho ni stobs la sogs pa'o/ /yon tan gyi phung po de dag mtshon pa'o/ /mdza' yas pa ni mu med pa'o/ /de ltar rgyu de'i sgo nas
 dga' ste sems can rnams dang mi mnyam mo/ /yon tan gyi che ba nyid bstan pa'i phyir yon tan zhes smos te/ gang sangs rgyas rnams kyi yon tan gyi mchog gi tshogs phung po gcig tu byas pa'o/ /shas tsam ni phyogs gcig go /'ga' 
 zhig la ste/ sems can 'ga' zhig la'o/ de la zhes pa ni yon tan phra mo'i gzhir gyur pa'i sems can la'o/ /khams gsum ste/ khams gsum du skyes pa'i rin po che la sogs pa rnams phul yang tshungs pa'o/ /ji ltar na sems
 can rnams bsten pas na sangs rgyas rnams la mchod pa byas pa yin snyam pa la/ sangs rgyas zhes smos te/ 'di tsam cha zhes pa ni sangs rgyas kyi chos sgrub pa'i cha'o/ /cha bstan nas te/ de 'dra bar byas nas so/ /des na sangs rgyas la
 mchod pa byas par 'gyur ro/ /yang na rgyal ba la ni gus byed bzhin du sems can la yin zhes pas sems can la mchod pa bya bar brjod pa 'di dag tsam dang cha bstun nas mchod pa bya ba rigs par 'gyur ro/ /gzhan yang zhes bya ba
 la sogs pa la g.yo ni bslu ba'o/ /gang dag sems can dpag tu med pa la phan par mdzad pa rnams so/ /lan ldon zhes pa ni byas pa la drin lan ldon pa'o/ /de la ste sems can rnams la'o/ /phan pa ni zad par byed pa'i don rnams so
 lan ni slar gyi lan no/ /ldon par 'gyur ba ni phyir phan par byed pa'o/ /thams cad bzang dgu ni dge ba rnam pa sna tshogs su/ /rjer gyur ni sangs rgyas la sogs pa'o/ /gang gi phyir te sems can gyi phyir ro/ /de la ste/ rjer gyur pa'i sangs rgyas kyi
 sras po de rnams la'o/ /nga rgyal ji ltar bya ste bran du bya ba'o/ /gang dag ste sems can rnams so/ /bgyes pa ni mnyes pa'o/ /mi dgyes pa ni skyo bar 'gyur ba'o/ /de dag ste sems can de dag dga' bas so/ /de la ste sems can rnams la'o/ /
 gnod pa ni rnam par gtses pa'o/ /rab tu skyo ba nyid dpe dang bcas te bstan pa'i phyir/ ji ltar lus la zhes smos te/ me rab tu 'bar bas sa phyogs kun ma lus pa bsregs par 'gyur ba'o/ /gnod pa ni gnod bar 'gyur ba ste/ smad pa la
 sogs pas gnod par 'gyur ba'o/ /byas pa zhes ni bskyed pa'o/ /mi dgyis pa ni thugs skyo bar 'gyur pa'o/ /bzod par gsol ba ni gang sems can rnams la gnod par 'gyur bas gnod par byas pa rnams so/ /bram ni bran gyi dngos por ro//
 mchi zhes pa ni bgyi'o zhes pa'o/ /'gro ba ni 'jig rten pa'i 'o/ /bdag gis zhes pa ni tshig gi lhag ma'o/ /gzhan yang sems can rnams la mi gus par mi bya'o zhes bstan pa'i phyir/ /thugs rje'i zhes bya ba la sogs pa smos te/ bdag dang
 gzhan du mnyam pa la sogs pas 'gro ba rnams bdag tu mdzad pas na sangs rgyas nyid sems can gyi gzugs su snang ba yin na gang gi phyir gus par mi byed pa 'di nyid do/ /sems can rjes su bsten pa'o/ /mnyes par byed rangs par byed
 pa'o/ /rang don ni sangs rgyas so/ /sdug bsngal ni nyon mongs pa'o/ /rtag tu ni nges par ro/ /ma 'ongs pas 'jigs pa'i sgo nas kyang gzhan la gnod par byed pa la rgyab kyi phyogs par bya'o zhes bstan pa'i phyir dper na zhes bya ba la sogs
 pa smos te/ gnod par byed pa ni 'tsher bar byed pa'o/ /mig rgyang ring ba ni ma 'ongs pa'i dus la blta ba'o/ /nus kyang ste stobs kyis thub kyang ngo/ /phyir gnod mi byed pa ni tshig tsam gyis kyang mi dga' ba'i tshul ston par mi
 nus pa'o/ /nyam chung ba ni nus pa dang bral ba'o/ /khyad du mi gsod pa ni rngan chan mi bya ba'o/ /thugs rje dang ldan pa ni sangs rgyas la sogs pa'o/ /rgyal po gtum po la sogs pas lhag par chad pa'i las dang rjes su gnang ba thob pa bstan pa'i
 phyir ji ltar dmangs kyis zhes bya ba la sogs pa smos so/ /sems can mnyes par byas pa'i 'bras bu bstan pa'i phyir sems can mgu las zhes bya ba la sogs pa smos te/ sems can mnyes par bya ba 'di dag 'byung ba'i gnas sogs dpal che ba ni
 phun sum tshogs pa'o/ /skyid pa ni sems skyid pa'o/ /'khor cha zhes bya bas ni skye ba gzhan dang gzhan du yang dpal la sogs pa thob par 'gyur ba'o/ /byang chub sems dpa' i spyod pa la 'jug pa las le'u drug pa'i dka' 'grel lo// //
 de ltar bzod pa bstan nas/ brtson 'grus bstan pa'i phyir/ de ltar zhes bya ba la sogs pa smos te/ 'di la bzod pa yod pas na bzod pa zhes bya'o/ /brtson 'grus kyi mi mthun pa'i phyogs bstan pa'i phyir/ le lo zhes smos te/ lo lo ni phyi shel lo//
 ngan la zhen pa ni rgod pa la sogs pa la zhen pa'o/ /sgyid lug pa ni yi sad pa'o/ /bsdus pa ni de dag rnams kyis bdag nyid brnyes pa'o/ /le lo'i rgyu bstan pa'i phyir mi rtsol ba dang zhes smos te/ mi rtsol ba nyid bde ba ste/ de'i ro nyams su myong ba'o/ /de
 la na gnyid dang blo rten la sred pa ni brnyes pa'o/ /le lo gtong ba'i thabs bstan pa'i phyir/ nyon mongs pa zhes smos te/ nyon mongs pa nyid rgya ste nya ba la sogs pa'o/ /rgya ni 'dra'o/ /des bshor ste mi gzung nas mi gtong ngo/ /skye ba nyid skye ba'i rgya'o//
 rang sde ni rang dang rigs mthun pa'i srid pa rnams so/ /rang gi sde tshan de rnams rim gyi bsad bcing kha btags na yang khyod kyis mthong bar gyur tam/ gang du ci zhig lta zhing bsdad ces bya ba'o/ /gdol bas khrid pa'i ma he bzhin/ rang gi sde tshan gsod pa mthong
 ba bzhin du yang gnyid log par byed dam zhes pa'o/ /dga' ba ni zhen pa'o/ /'chi bdag nye bar gyur pas le lo spang bar bya'o zhes smos te/ gang gi tshe gang zhig tshags su bcug pa ni nang la sogs pa'i mtshan nyid do/ /chas pa ni bsdogs su bcug pa'o/
 dus ma yin pa'i de nyid bstan pa'i phyir/ 'di ni ma byas zhes bya ba la sogs pa'i tshigs su bcad pa gsungs te/ ma byas pa ni ma brtsams pa'o/ /kye hung ces pa ni e ma'o/ /de ring 'dir bcos par gyur to zhes sems te/ ci zhig bya zhes 'og nas
 'byung ba dang 'brel to/ /mya ngan ni 'bral bar 'gyur pa'i sems khral lo/ /shugs ni de'i rgyun 'jug pa'o/ /skrangs pa ni des spos pa'o/ /de'i mig dmar por gyur nas mchi ma 'dzag pa ni 'bab pa'o/ /de lta bur gyur ba'i gdong pa ni gdong ngo/ /nye du ste gnyen
 'brel rnams kyi gdod du yang blta'o/ /de nas las kyi stobs kyis snang ba'i gshin rje'i pho nya'i bzhin la yang blta bar byed do/ /gdung ba ni phyis 'gyod pas zin pa'o/ /skrag pas mi gtsang ba ste/ bshad pas lus la gos par 'gyur ba'o//
 de'i phyir se 'di nyid la 'jigs pa dang ldan par 'gyur ro/ /dmyal ba'i las byung ba'i 'jigs pa ni dmyal ba'o/ /de dag gi sdug bsngal ni mi bzad pa'o/ /smos ci dgos zhes bya ba ni lta ci smos zhes bya ba'o/ /rab tu tsha ba zhes pa ni bsregs pas so/ /bde
 bar gnas zhes pa ni ji ltar khyod skyid du re nas sdod ces pa'o/ /lta bur zhes pa ni lha mchog rnams dang 'dra bar ro/ /snying rje'i rang bzhin de la skyo ba skyes nas kye hung sdug bsngal dag gis bcom zhes sems te/ kun tu rmongs pa mang po'i dbang du song bas
 na dka' bar gyur to zhes bya ba'o/ /gnyid stug po rnams dbang du bya ba ni mi'i gru zhes bya ba la sogs pa smos so/ /ngan pa la zhen ba bzlog par bya ba'i phyir dga' ba'i rgyun zhes smos te/ dga' ba ni zhen pa'o/ /rgyu ni bde ba'i rgyu no//
 mdza' yas pa ni rtsi yis mi lang ba'o/ /rgod pa ni lus dang sems ma non pa'o/ /sgyid lug pa'i dbang du gyur pa rnams dgag par bstan pa'i phyir/ sgyid ma lug pa dang zhes smos te/ spyid ma lug pa dang stobs kyi tshogs dang 'bad pa ste/ 'bad rtol dang
 bdag nyid dbang du 'gyur te/ bdag nyid dbang du byas pa'am yang na gsum dang ldan pas bdag nyid dbang du gyur pa dang bdag dang gzhan du mnyam pa dang/ bdag dang gzhan du brdze ba rnams ni gnyen po'i phyogs so/ /de la sgyid ma lug par bstan pa'i
 phyir/ bdag gis zhes bya ba la sogs pa smos te/ bdag lta bus byang chub thob par ga la nus zhes tshul de ltar yi bsad par mi bya ste/ gang gi phyir de bzhin gshegs pa nyid kyis gsungs pa de'i phyir yi bsad par mi bya'o/ /zhes bya bar 'brel to/ /
 ji skad gsungs snyam pa la sbrang bu zhes smos te/ des kyang brtson pa bskyed nas 'thob par ro/ /rigs kyi mir skyes shes bya ba ni bdag gis rigs mir skye ba thob par gyur pa'o/ /byang chub spyod pa ni byang chub sems so/ cis mi thob ces bya ba ni cis
 kyang 'thob pa'o/ /lci ba ni chen po nyid do/ /yang ba ni dka' sla chung pa'o/ /ma dpyad pa ni dpyod ma bzod pas so/ /rmongs pa ni mi shes pa'o/ /lci ba la ma rmongs pa nyid bstan pa'i phyir/ bskal ba zhes smos so/ /yang ba la ma rmongs pa nyid bstan pa'i
 phyir bdag gis zhes pa smos te/ 'di ni zhes pa lag pa la sogs pa sbyin pa'o/ /tshod yod ces pa ni dka' slad med pa'o/ /gnod bsal phyir zhes pa ni bton nas btang ba ste bsal bar bya ba'i phyir ro/ /sdug bsngal ni rang dang gzhan gyi rgyud la skyes pa'i
 sdug bsngal lo/ /mi bde chung bzod ces pa ni lag pa la sogs pa sgyin pa'o/ /las dang po pa'i byang chub sems dpa' rnams la dka' ba spyod pa ma gnang ngo/ zhes bstan pa'i phyir/ gso dpyad ces smos te/ lag pa la sogs pa sbyin pa'i mtshan nyid do/ /sman pa'i
 mchog ni thams cad mkhyen pa'o/ /ma mdzad pa ni rjes su ma gnang ba'o/ /'jam pos te byams pas so/ /nad chen dpag med ni 'dod chags la sogs pa'i nad kyis thengs pa'o/ /gso bar mdzad pa ni nad grol bar mdzad pa'o/ /spyod pa 'jam po de nyid bstan
 pa'i phyir/ tshod ma la sogs zhes pa ni dang po'o/ /rang gi sha sbyin pa'i spyod pa brling po sus byed par nus snyam pa la/ gang tshe zhes smos te/ blo ni 'du shes so/ /sems can gcig gi ched du yun ring por 'khor bar sdug bsngal nyams su len pa ji ltar
 na dka' ba spyod par mi bya snyam pa la/ sdig pa zhes smos te/ mkhas pa'i phyir ni zhes pa ni log par rtog pa dang bral ba'i phyir ro/ /gang gi phyir 'di ltar log par rtog pa dang sdig pa gnyis kyis sems dang lus la gnod par 'gyur ba ste/ 'di nyid
 bstan pa'i phyir bsod nams zhes smos pa la/ bde ba skyes pas na bde ba'o/ /'dod pa myur du sgrub pa'i mchog ni nyan thos kyi theg pa la bstan to snyam pa la 'di ni zhes smos te sngon gyi sdig pa rnams ma lus par zad par byed pa'o/ /rgya mtsho zhes pa ni tshogs
 bsod nams kyi bde bar 'gro ba thob par 'gyur ba'o/ /stobs kyis zhes pas sngar brjod pa'i mi mthun pa'i phyogs las rgyal bar byed pas na stobs so/ /de nyid gzhi 'dus pa'i rang bzhin yin pa'i tshogs so/ /de bstan par bya ba'i phyir/ sems
 can don zhes smos te/ 'grub bya na ste/ 'grub par bya ba'i don to/ /mos pa ni dge ba la spro ba'o/ /brtan pa ni brtsams pa mthar phyin pa'o/ /dga' ba ni dam pa'i las la zhen pa'o/ /dor ba ni nam mi nus pa'i skabs su gtong zhing glod pa'o/ /de la
 mos pa'i skye ba'i rgyu bstan pa'i phyir/ mos pa zhes smos te/ sdug bsngal ni dmyal ba la sogs pa'o/ /dge ba'i phan yon ni bde gshegs su skye ba la sogs pa'o/ khams pa zhes pa ni yang nas yang du bsam
 pas so/ /de ltar zhes pa ni bstan pa la sogs pa ste/ mos pa'i rab tu dbye ba yin pa'i phyir ro/ /mos pa la sogs pa'i mi mthun pa'i phyogs ni le lo la sogs pa'o/ /spangs pa ni drungs phyung ba'o/ /gang zhe na/ gang dag sdug bsngal gyis 'jar
 shing 'bras bu la mos pa la sogs pa rnams kyis so/ /nga rgyal ni sngar brjod pa'i bstan pa nyid do/ /de bzhin stong pa ni dor ba'o/ 'bad pa ste 'bad rtsol lo /dbang bsgyur ba ni bdag nyid dbang bsgyur ba'o/ /'bad pa dang dbang du gyur pa bdag gi sar
 phye ste/ bstan kyang mos pa la sogs pa yin pa'i phyir stobs nyid do/ /de dag rnams ni stongs nyid do/ nus pa'i rang bzhin yin pa'i phyir de dag gis drungs 'byin pa'o/ /'bad pa zhes bya ba ni brtson 'grus so/ /sngar bstan pa'i mos pa bskyed pa nyid
 rgyas par bstan pa'i phyir/ bdag dang gzhan zhes smos te/ bskal pa rgya mtsho ni bskal pa du ma'i tshogs so/ /brtson pa ni 'jug pa'o/ /cung zad tsam zhes pa'i brtson ba'i cha bag zhad tsam mo/ /snying ni brang gi'o/ /lo bas kyang zhes pa ni goms par byas
 kyang ngo/ /rmad du byung ba ni rnyed par dka' ba'i phyir/ ji ltar don med par byas snyam pa la bdag gis zhes bya ba la sogs pa smos te/ bcom ldan 'das nyid mchod pa nyid dga' ston chen po ste/ des bde ba'o bstan pa'i bya ba ni lha khang la sogs pa
 sbyin pa'o/ /nyam thag ces pa ni mnar ba'o/ /'di 'dra zhes pa ni dbul ba la sogs pa'i mtshan nyid do/ /rtsa ba zhes pa ni gtso bo'i 'o/ /de'i yang zhes pa ni mos pa mang ba'i yang ngo/ /lung du bstan pa'i las dge ba dang mi dge ba'i las skyes
 shing rang nyid lung du ma bstan ba'i rang bzhin can gyi sems can zhes bya ba 'dod pa dang mi 'dod pa'i mtshan nyid kyi rnam par smin pa'i 'bras bu ste/ rigs mi mthun pa la longs spyod pa de yang nas yang du dran bar byed pa ni bsgoms ba zhes bya'o/
 mi dge pa'i 'bras bu bstan pa'i phyir/ sdug bsngal zhes bya ba la sogs pa smos so/ /dge ba'i 'bras bu bstan pa'i phyir yid la zhes smos te/ yid ni 'jug par byed pa'i rgyu yin pa'i phyir shing rta dang 'dra bam na shing rta'o/ /'bras bu mchod rdzas dang 'gro
 bas na mchod rdzas kyis mchod par 'gyur ro/ /yang mi dge ba'i 'bras bu bstan pa'i phyir sdig pa byed pa zhes smos te/ sdig pa des shes pa ni byed pa po'i gsum pa'o/ /sdug bsngal nyid mtshon yin pas na mtshon na/ /mthong ba'i dge pa dang mi dge
 ba'i 'bras bu brjod nas ma mthong ba'i brjod pa'i phyir/ rgya che zhes bya ba la sogs pa tshigs su bcad pa gnyis gsungs so/ /pad+ma ni dri zhim pos dga' bar byed pa'i pad+ma'o/ /rgyal ba'i gsung snyan nyid zas te nges 'tsho ba'o byas zhes pa ni des bskyed pa'o//
 nyer sogs zhes bya ba ni 'phel zhing rgyas par byed pa'o/ /'od ni thub pa'i 'od dpag tu med par rab tu 'tsher ba'o/ /rgyas pa ni pad+ma gang zhig kha rgyas shing 'od zer gyi tshogs kyis bstar ba'o/ /byung ba ni de nas byung ba'o/ /lus kyi mchog ste mdzes
 pa'i lus gang zhig de las skyes pa'o/ /gshin rje'i skyes bu rnams kyis pags pa ma lus par bshus pas nyam thag pa'i nga ro 'don pa'o/ /me rab tu 'bar zhing gdung ba des rnam par bzhu ba ni zhu bar gyur ba ste/ de 'dra ba'i zangs zhun ma des de'i
 lus la ldugs par 'gyur ba'o/ /gang zhig rab tu 'bar ba'i ral gri dang/ mdung thung de dag gis bsnun cing gshegs na de'i sha dum bur byas pa ni dum bu brgyar lhags ba'o/ /mos pa'i stobs mjug bsdu ba'i phyir de bas zhes smos te/ de ltar
 dge ba mi dag ba'i 'bras bu gus bar bsgoms shing spyad nas dag ba la goms par bya'o/ /nga rgyal gyi stobs kyi dbang du byas te bstan pa'i phyir/ rdo rje zhes smos te/ rdo rje rgyal mtshan gyi mdo nas bshad pa'i cho ga'i rim pas
 bsgrub par bya ba'i don brtsams shing gong nas gong du brtan par bsgom par bya'o/ /yang na brtan par brtsams pa zhes pa ni brtsams te/ nga rgyal bsgom par bya'o/ /brtsams pa'i rim pa nyid bslab bar bya ba'i phyir/ dang por zhes smos te/ brtsams
 pa ni khas blangs ba'o/ /brtsams nas leg na skyon ci yod snyam pa la/ skye ba zhes smos te/ skye ba gzhan du yang dge ba las ldog pa la 'jug pa de goms na yang sdig pa dang sdug bsngal dag 'phel bar byed pa'o/ /gzhan yang zhes ba ni dang po brtsams?
 ba'i dus rang du yongs su spang pa'o/ /bya ba'i dus su zhes pa ni de yongs su btang ba'i dus gang yin pa de nyid 'bras bu gnyis pa brtsams pa'o/ /dman ba ni nyams ba'o/ /de ni zhes pa ni de yang zhes bya ba ste/ gang gi tshe brtsams pa yongs su btang ba de'i
 tshe de yang ma bsgrubs pa'o/ /ci thams cad du nga rgyal bya ba yin nam snyam pa la/ las dang zhes smos te/ nyon mongs pa ni 'dir nye ba'i nyon mongs pa'o/ /las kyi nga rgyal bshad par bya ba'i phyir/ bdag nyid ces smos te/ sems can rnams
 kyi kha na ma tho ba med pa'i las gang cung zad bya bar 'os pa byung na de thams cad bdag nyid gcig pus bya'i/ gzhan dag la go skabs sbyin par mi bya'o/ /de nyid bstan pa'i phyir/ nyon mongs pa zhes smos te/ nyon mongs pa la rag las pa ni dad pa?
 med pa'o/ /dman pa ni mi gtsang ba 'phyag? pa la sogs pa'o/ /nye ba'i nyon mongs pa rnams la nga rgyal bya bar bstan pa'i phyir sbrul gdug shi ba zhes bya ba la sogs pa smos te/ nyam chung na zhes pa ni brtson 'grus nan? na ste/ gal te bdag
 nyam chung pa na nyon mongs pa chung ngus bskyed pa yang gnod pa 'ching bar byed do/ /'di ltar zhum par byas shing rtsol ba dor nas/ /spro ba med par byas pas na nyon mongs pa las bde bar mi 'gyur ba'o/ /yang na zhum pas rtsol ba dor bar byas bas
 nyon mongs pa bde bar 'gyur te/ rang dbang thob par 'gyur pa'o/ /brtsol ba bskyed pas ni 'gal bar byed pa'o/ /gzhem? par bya ba ni brlag par bya ba ste/ de lta ma yin na gang bdag khams gsum las rgyal bar bya bar 'dod ba la gzhad? gang
 byed par 'gyur te/ nyon mongs pa rgyal ba'i phyir ro/ /de bas na bdag gis kun las rgyal bar bya ba'i 'os te/ gang gi phyir bdag rgyal ba seng ge'i sras po yin pa'i phyir ro/ /'gro ba gang dag gzhan la gnod pa'i nga rgyal gyis bcom pa de nyon
 mongs snying rje'i gnas te/ de nga rgyal can ma yin no/ /'on kyang de nga rgyal gyi dgra'i dbang du gyur pa'o/ /de nga rgyal gyi dgra'i dbang du gyur pa la skyon ci yod snyam pa la/ nga rgyal gyis ni zhes smos te/ ngan 'gro nas mir skye ba thob kyang dga' ston/
 kun tu dga' ba'i longs spyod dang mi ldan pa'o/ /mi sdug pa ni yid du mi 'di ba'o/ /de lta na nga rgyal ci 'dra ba zhig yin snyam ba la/ gang zhig ces smos te/ rnam par rgyal ba ni rgyal ba dang ldan pa'o/ /dpa' zhes pa ni rab tu dpa' ba' o/ bde zhes
 pa ni drag tu skyes pa'o/ /'bras bu rdzogs par byed pa ni sangs rgyas thob par byed pa'o/ /nus pa'i nga rgyal bstan pa'i phyir/ nyon mongs zhes bya ba la sogs pa smos te/ khrod na gnas zhes pa ni nyon mongs pas yongs su bskor ba'o/ /sman gzugs
 te zhes pa ni nyon mongs pa 'joms pa la nyam nga ba ste/ sdug bsngal byung bar gyur kyang ngo/ /dgal ba'i stobs kyis dbang du mdzad de bstan pa'i phyir/ /rtsed mo'i zhes smos te/ rgyan pa la sogs pa'i rtsed mo'i bde ba de nyid 'bras bu yin pa de
 bzhin du las de byed pa'i bde ba'i ro la yang chags par bya'o/ /bya ba'i las ni bsgoms pa la sogs pa gang skabs su bab pa'o/ /de la zhen pa ni de bzhin du zhen par bya'o/ /'di'i sgo nas las la dga' ba skyed
 par bya'o zhes bstan pa'i phyir/ bde ba'i don du zhes smos te/ las gang gzhan gang gi don du byed pa de nyid bde ba'o/ /rang dang gzhan gnyi ka'i bde ba'i rgyu de ma byas na nam zhig ste/ bde ba nam yang med do/ /zhes bya ba'i don to/ /'di
 ltar spu gri'i zhes bya ba la sogs pa la/ spu gri'i so la chags pa'i sbrang rtsi bldags pas lce chod pa la sogs pa ltar nyam nga ba ni shin tu mang la ro myong rgyu shin tu byung ba'i tshul dang gang ldan pa rnams sdug bsngal rnam pa sna tshogs pas
 kyang mi ngoms na rang dang gzhan gyi bde ba bskyed pa'i bsod nams kyi bdud rtsi'i sbrang rtsi zhi zhing dge ba'i ros ci ste ngoms par 'gyur/ mjug bsdu ba'i tshul gyi las la mngon par dga' ba bstan pa'i phyir/ de bas zhes smos te/ brtsams pa'i
 las mthar phyin nas kyang dga' ba la mngon par zhen pa 'jigs par byas la bzod kyis dor bar bya'o/ /gang mtsho dang phrad ba de la mtsho phrad ce 'am yang na mtsho de dang glang po cher phrad pa'o/ /dor pa'i stobs bstan pa'i phyir/ rjes su zhes smos te/ las
 gang zhig brtsams pa de yongs su rdzogs pa'i nus pa med cing rjes su mi bde bar 'gyur ba 'dra na byas bya'o snyam pa'i bsam pas skabs der re zhig bshol la btang ngo/ /gang gi tshe rdzogs par zin pa de'i tshe ni de bshol bar bya'i/ de
 la zhen nas sdad par mi bya ste/ phyir zhing gong nas gong du 'jug pa la sbyar bar bya'o/ /'bad pa'i stobs bstan pa'i phyir/ 'thab snying zhes bya ba la sogs pa smos te/ 'thab snying zhes par ral gri'i rig pa la sogs pa mkhas par
 bslabs pa'o/ /bzur bar bya ba ni bag zon bya ba'o/ /'jebs par btags ces pa ni dran pa dang shes bzhin gnyis kyis so/ /g.yul du 'thab mo'i sar 'jigs pas myur du len ba'o/ /rma'i khrag rnyed pa dang de la rten bcas nas lus la
 khyab bar 'gyur pa ni khyed par 'gyur ba'o/ /glags ni dran pa nyams pa'o/ /bdag nyid dbang du gyur pa'i stobs bstan pa'i phyir/ yungs mar zhes bya ba la sogs pa gsungs so/ /ji ltar yungs mar gyi snod thogs pa'i mi la ral gri thogs pas
 bsdigs pa ni yungs mar po? na bsad kyis dogs pa'i 'jigs pas yungs mar gyi snod 'ba' zhig sems pa de bzhin tu dran pa nyams na nyon mongs pa byung ba ni nyes pa byung ba'i chad pas gdung ba'o/ /ci nas kyang zhes pa ni gang nas kyang
 zhes pa'i don to/ /dran pa'i rgyu bstan pa'i phyir/ dge bshes zhes smos te/ dge ba'i bshes gnyen dang de'i phan yon thob par 'dod na'o/ /rgyu mtshan de gnyis nyid kyi nyon mongs pa zhugs pa'i gnas skabs la ji ltar bdag gi
 dran pa skye bar 'gyur zhes bya ste/ bsam pa de nyid bstan pa'i phyir ji ltar zhes smos so/ /gzhan yang bdag nyid de lus dang sems kyi mtshan nyid do/ /zo mdog bde bar bya ba ni brtson pa phun sum tshogs par bya ba'o/ /bag yod pa'i
 lo rgyus ni byang chub kyi sems bag yod pa bstan pa'i le'ur brjod do/ /'jug pa ni rtsom pa'o/ /'di nyid kyi dpe bstan pa'i phyir/ ji ltar shing bal zhes smos te/ shing bal ste ras bal chung ngu 'gro ba dang 'ong ba rlung la rag las pa'o/ /de bzhin du
 'gyur ba mos pa dang brtson 'grus kyi dbang du gyur nas myur du 'grub par 'gyur ba ste/ de bzhin du goms pas nam mkha' la 'gro zhing rgyu ba la sogs pa'i rdzu 'phrul yang 'grub par 'gyur zhing yongs su rdzogs par 'gyur ro/ /bdag dang gzhan du
 mnyam pa dang bdag dang gzhan du brje ba ni bsam gtan gtso bor gyur pa yin pa'i phyir/ de nyid kyi le'u nas ston par 'gyur ro/ /byang chub sems dpa' i spyod pa la 'jug pa las le'u bdun pa'i dka' 'grel lo// //
 da ni brtson 'grus bstan pa'i rjes la bsam gtan bstan par bya ba'i phyir de ltar zhes bya ba smos te/ ting nge 'dzin ni sems rtse gcig pa'o/ /gzhag pa ni mnyam par gzhag pa'o/ /ni zhes pa ni gang gi phyir g.yengs par gyur pa de'i phyir ro/ /nyon mongs
 pa'i mche ba'i phrag na gnas pa ni ting nge 'dzin la mnyam par gzhag pa rnams so/ /de yongs su spangs nas ting nge 'dzin brtsams pa'i don du rnam par g.yeng ba bzlog pa bstan pa'i phyir/ lus dang sems zhes smos te/ lus dben pa ni dben pa la
 gnas pa'o/ /sems dben pa ni 'dod pa la sogs pa'i rnam par rtog pa spangs pa'o/ /rnam par g.yengs pa ni mnyam par ma gzhag pa'i phyir ro/ /re zhig 'jig rten mi spang ba'i rgyu bstan ba'i phyir/ rnyed pa la sogs pa zhes smos te/ bskur sti la sogs
 pa bzung ngo/ /sred pa ni mngon par 'dod pa'o/ /chags pa ni bdag dang bdag gir mngon par zhen pa'o/ /'di dag ces pa ni 'chad par 'gyur ba'i mtshan nyid do/ /dpyad pa nyid bstan pa'i phyir/ zhi gnas zhes smos te/ zhi gnas ni ting nge 'dzin
 to/ /lhag mthong? ni shes rab po/ /chags pa med pa ni zhen pa med pa ste/ chags pa med pa dang zhen pa med pa'i mngon bar dga' ba skyed par bya ba'i don to/ /chags pa med pa la mngon par dga' ba nyid bskyed bar bya ba'i thabs bstan pa'i phyir mi
 rtags su zhig ces bya ba la sogs pa smos te/ ma mthong na ste sdug pa ma mthong na'o/ /rtog pa 'gog pa ste/ rangs par mi 'gyur ba'o/ /ngoms par mi 'gyur ba ni lhag par zhen pa'i phyir/ sngar bzhin te ma mthong ba'i gnas skabs bzhin no//
 sred pa ste sred pa yid so/ /gdungs par 'gyur ba ni sdug bsngal bar 'gyur ba'o/ /chags pa ni sems zhen pa'i phyir ro/ /yang dag pa nyid ni yon tan la sogs pa'o/ /skyo ba ni yid 'byung ba'o/ /ma phrad na sdug pa rnams dang phrad par 'dod pa rgyur gyur pa'i
 mya ngan gyis yid gdungs shing sreg par 'gyur ba'o/ /tshe thung zhes pa ni tshe bag tsam mo/ /yang yang zhes pa ni yang dang yang du'o/ /don med pa ni mdza' bshes kyi sems khral byas pa la 'bras bu med pa'o/ /g.yung drung ni yun ring du gnas pa'o/ /
 'jig par byed pa ni nyams par byed pa'o/ /skal pa mnyam par spyod pa ni rjes su mthun pa'i spyod pa'o/ /skal pa mi mnyam pa ni tshul dang mi mthun pa'o/ /khrid pa ni byis pa rnams kyi mi 'dod pa'i sar khrid pa'o/ /dga' ba'i gnas ni bsod nams so/ /so
 so'i skye bo ni nyon mongs pa dang bcas pa rnams so/ /ma mnyan na zhes pa la zlog par byed pa'i tshig ces pa ni tshig lhag ma'o/ /mtho ba ni yon tan gyis so/ /phrag dog pa ni mi bzod pa'o/ /mnyam pa yang yon tan mnyam pa'o/ /'gran pa ni rnam
 par rtsod pa'o/ /dma' ba ni yon tan gyi dma' ba' o/ /nga rgyal ni sems dbang bstod pa'o/ /dregs ba ni rang mthong byed pa'o/ /mi snyan par brjod pa ni smod ba'o/ /khong khro ni zhe sdang ngo/ /byis pa las te/ byis pa rnams las so/ /bstong pa ni smon pa'o/ /mi dge
 pa ni bsod nams ma yin pa'o/ /de ltar zhes pa ni byis pa rnams dang spyod pa mtshungs par spyod pa'o/ /bsten pa ni phrag dog can gyi byis pa rnams bsten ba'o/ /des zhes pa ni phrag dog la sogs pa'i rgyu yis so/ /phung ba mi sdug bsngal ba ste/ brtsams pa
 don med pa'o/ /'gyur zhes pa ni thob par 'gyur ba'o/ /de bas na yid nyon mi mongs pa ste/ ma 'khrugs pa gcig pur rgyu bar bya ba yin no/ /'byol bar bya ba ni 'bros par bya ba'o/ /phrad na ste rang bzhin 'ongs par gyur na'o/ /dga' ba ni snyan par
 smra bas so/ /mgu bar bya ba ni mnyes par bya ba'o/ /de yang 'dris chen nyid du mi 'gyur ba ste/ slar ngo shes shing bcugs par bya ba'i bsam pas ma yin pa'o/ /tha mal pa tsam ni btang snyoms pa tsam ste de bzhin du ma 'khon ma
 'gras par ro tha mal pa ste btang snyoms pa tsam du bya ba de nyid bstan pa'i phyir/ bung bas zhes smos te/ chos ni legs par gsungs pa'i don to/ /blangs nas te bzung nas so/ /'dris pa med pa ni ngo shes med pa'o/ /de ltar 'jig rten mi spong pa'i rgyu
 bzhin du rnyed pa la sogs pa yang yongs su dor bar bya'o zhes bstan pa'i phyir/ bdag ni zhes smos te/ shi ba'i 'og tu mi nas shi ba'i 'og tu'o/ /de yang 'di ltar rnam par dpyad na mi 'byung ngo zhes bstan pa'i phyir/ gang dang gang la zhes smos te/ rnyed
 pa la sogs pa la chags pa ni spro ba'o/ /gyur pa ni zhen par gyur pa'o/ /de dang de bsdongs zhes pa ni rnyed pa la sogs pa sdug bsngal gyi rgyur gyur nas gnas pa'o/ /des na rnyed pa la sogs pa la chags par mi bya ste/ de la sred par mi bya'o/ /'jigs
 pa ni 'ching bas byas pa'i 'jigs pa'o/ /gzhan yang rnyed pa la sogs pa de rang bzhin gyis 'dor bar gyur pa ni nyams par gyur pa'o/ /brtan par gyis zhes pa ni so so glod la zhes pa'o/ /rab tu rtogs zhes pa ni dus cung zad tsam
 brtag cing bzod par gyis shig pa'o/ /de bzhin du rnyed pa dag ni mang zhes bya ba la sogs pa yang ngo/ /smod pa la sogs pa dgag par bstan pa'i phyir bdag la zhes smos te/ smod pa ni mtshang 'dru ba'o/ /gang gi phyir sems can zhes bya ba la mos pa ni
 bsam pa'o/ /de nyid bstan pa'i phyir/ sems can rnyed pa med pa la zhes bya ba la sogs pa smos te/ mi snyan brjod ces pa ni ngan smras gtong ba'o/ /sdug bsngal dang sdug bsngal gyi rgyu yin pa'i phyir/ rang bzhin 'grogs par dka' ba ste/ gang stabs gcig
 tu'o/ /byis ba dang 'grogs pa spangs nas dben pa'i phan yon bstan pa'i phyir nags na zhes bya ba la sogs pa smos te/ bsten mi dgos pa ni dgos par bya mi dgos pa'o/ /chags pa med pa ni zhen pa med pa'o/ /bdag gir bzung ba med pa ni gzhan gyis
 bdag tu ma byas pa'o/ /chags pa med pa ni bdag tu byas pa med pa'i gnas so/ /ma sbas kyang ma 'jigs pa ni dngos po bzung ba med pa'i phyir bsrung mi dgos pa'o/ /kun tu chags pa rnams gtong ba'i rgyu mi rtag pa nyid bstan pa'i phyir/ dur khrod
 ces smos te/ dur khrod ni dur khrod do/ /'jig pa ni rul pa'i dngos po ste de'i chos can no/ /nam zhig mgo snyoms par byed par 'gyur zhes pa ni nam zhig de dang 'dra bar byed par 'gyur zhes pa'o/ /mgo bsnyams pa nyid bstan pa'i phyir/ bdag gis
 zhes smos so/ /chags par bya ba'i mdza' bshes rnams kyang mi rtag pa nyid du/ /zhes bstan pa'i phyir/ lus 'di nyid ces smos te/ gcig pu ste gcig pur rtags pa'o/ /lhan cig tu skyes pa ni stabs gcig tu skyes pa'o/ /bu la sogs pa
 rnams la chags par mi bya ba nyid du bstan pa'i phyir/ skye na gcig pu zhes smos te/ sdug bsngal ni de nyid kyis myong bar 'gyur ba'i sdug bsngal lo/ /skal ba ni de'i cha shes so/ /gzhan zhes pa ni bu la sogs pa'o/ /bgegs byed pa ni bde ba
 'joms par byed pa'o/ /don dam par na bshes gnyen zhes bya ba 'ga' yang yod pa ma yin no zhes bstan pa'i phyir/ lam dag tu zhes smos te/ lam thag rings su'o/ /zhugs pa ni der rab tu zhugs nas 'gro ba'o/ /de lta bas na dge ba'i
 rgyur nags su 'gro bar rigs so zhes bstan pa'i phyir 'jig rten zhes smos te/ rang gi gnas su shi ba la mya ngan byed pa med pa'o/ /yang 'di la yon tan ci yod snyam pa la/ bshes med ces smos te/ 'khon pa ni zhe sdang gi'o/ /bshes
 pa dang 'khon pa gnyi ga med par shi ba'i lus bo la mya ngan byed pa yang med pa'o/ /drung na 'dug pa ni nye du la sogs pa'o/ /bde zhing skyid pa ni sdug bsngal gyi mi mthun pa'i phyogs yin pa'i phyir ro/ /lus rnam par dben
 pa bstan nas/ sems rnam par dben pa bstan pa'i phyir/ bsam pa gzhan ni zhes smos te/ bdag la sems pa ni byang chub kyi sems la sems pa'o/ /gcig pu ste de la sems rtse gcig pa'i yid gang yin pa'o/ /yang na rang
 gi sems de byang chub kyi sems zhes bya'o/ /mnyam par gzhag pa ni zhi gnas kyis so/ /dul bar byed pa ni lhag mthong gis so/ /'dod pa'i rnam par rtog pa dgag pa'i phyir/ 'jig rten zhes smos te/ kun nas chags pa bzlog par bya ba'i phyir/ 'dod
 pa la smad pa brjod par bzhed nas/ gang gi phyir zhes bya ba la sogs pa smos te/ sngon ni sngar ro/ /ma bltas pa ni sdig pa la sogs pa 'ong gis dogs par ma bltas pa'o/ /rdzas ni nor ro/ /zhugs pa ni mi gnas bzhin du'o/ /mchog tu dga' 
 ba ni cher bde ba'o/ /nyid ces pa ni phags pas g.yogs pa'i rus pa de nyid kyi'o/ /rang dbang ni rang ji ltar 'dod ba ltar byar yod pa'o/ /'bad de bteg pa ni gdong gsal por blta'o/ /snyam du bsam pas bteg pa'o/ /ngo tsha ste ngo tsha ba'i stobs kyis
 yang slar la blta bar byed pa'o/ /yul dbus na cho rigs can gyi bag ma rnams kyis gdong pa g.yog par bya ba'i phyir gdong g.yogs kyi dra ba bzhin du bstar bar byed de/ des de'i gdong g.yogs pa'o/ /tshong pa drag rigs rnams kyang phal
 cher de ltar byed do/ /khyod nyon mongs pa ste/ dga' bzhin 'dogs pa'i gdong pa'o/ /mngon sum du gyur pa de bzhin du zhes pa ni bya rgod kyis ma zos nas so/ /de za na zhes pa ni bya rgod la sogs pas so/ /de nyid bstan par bya ba'i phyir/ sha'i 
 phung po zhes smos te/ sha'i phung po ni bud med kyi lus so/ /bya rgod dang gzhan ci spyang la sogs pa rnams kyi sha'i phung po de za ba mthong ba bzhin du zhe sdang bskyed de ci ste ba sbyor bar mi byed ces sbyar ro/ /zas ni gang bya rgod la sogs pa rnams kyi bza' 
 ston gyi rgyu'o/ /mchod ces pa ni sha'i phung po de la ci ste mchod par byed/ yongs su skyob par byed ces pa'o/ /yang chags can khyod la 'di ltar dri bar bya'o/ /zhes bstan pa'i phyir/ rus gong zhes smos te/ dur khrod la sogs par bor ba'i rkeng rus la
 sogs pa mi 'gul bzhin du yang des khyod skrag na gson po'i lus ro langs lta bus cung zhig kyang mi 'jigs par ma bsha' bar bya dgos so/ /zhes bya ba'i tha tshig go /gzhan yang rnams grangs gzhan gyi sgo nas chags pa can rnams rmongs
 pa nyid du bstan pa'i phyir/ zas ni zhes bya ba la sogs pa smos te/ bza' ston ni 'di lta ste/ bud med kyi lus po 'di bshang ba la sogs pa'i mi gtsang ba rnams bshang pa'i sgras bzung ngo/ /sngas la ste/ sngas nad tshangs can la'o/ /gzhan
 yang gang la g.yogs kyang ste/ rkeng rus gang la sha dang mi gtsang bas g.yogs tsam na chags pa skye na de bshus pa ste/ sha la sogs pas bral ba la yang cis na chags par mi byed/ gal te sha la sogs pas ma g.yogs pa'i rkeng rus la dgos pa med do/ snyam du
 sems na de'i tshe g.yogs pa ci'i phyir nyed bar byed de/ de ltar na lag pa la sogs pas byil byil ci ste byed/ gzhan yang mi gtsang ba de la chags pa med dam 'on te chags grang gal te chags pa med pa lta na/ de'i tshe khyod ci'i phyir phang du 'gyur? ces 'brel to/ /
 rgyus pa ste rgyus pa dang rtsas sprel ba'o/ /gzhan ni bud med kyi lus po'o/ /de ste chags pa yod pa lta na khyod nyid de khyod rang la'o/ /mang ba ni mi nyung bar yod pa'o/ /spyod la rag ces pa ni des 'ga' bar gyis bya? zhig? pa'o/ /rkyal pa de snod dam yang na phung po'o/ /mi gtsang
 brkam pas 'dod pa ni brtsag ge brtsog ge za ba'i tshul dang gang ldan pa'o/ /ci byed ces pa ni 'or cig pa'o/ /ci ste bdag ni sha'i phung po 'di la dga' bas reg par byed do snyam pa la/ de lta na gang sems med pa'i zhes
 bya ba la sogs pa smos so/ /gal te sems de 'dod pa lta na sems de reg par yang mi nus la blta bar yang mi nus te/ gzugs can ma yin pa'i phyir ro/ /gang lus la ni de lta nus su zin kyang de rig pa sems can ma yin pa'i phyir ro/ /gzhan yang gzhan
 gyi lus po mi gtsang bar mi rtogs pa ni lkog tu gyur pa yin pa'i phyir ya mtshan che ba med kyi/ rang nyid mi gtsang ba'i bdag nyid yin pa la phyod kyis mi gtsang bar rtogs par ma gyur pa de ngo mtshar ro/ /gal te kha dog legs pa la sogs pa'i lus
 'di yid du 'ong ba'i phyir kho bo 'dod ba skye'o/ /snyam du sems pa la/ sprin bral zhes smos te/ sprin bral zhes bya ba la sprin med pa'i nyi zer gyis/ kha phye ba ste/ rgyas par byas pa'o/ /mi gtsang ba ni rtsog pa'o/ /zhen pa ni sems gang dag zhen pa'o/ /mi gtsang
 ba'i gzeb ni lus po'o/ /gzhan yang sa phyogs mi gtsang bas gos pa yang ci'i 'dod pa mi byed ces bstan pa'i phyir/ sa phyogs zhes te gang las te lus las so/ /de ni ste mi gtsang ba'o/ /byung ba ni lus de'o/ /gzhan yang gal te zhes bya ba la sogs pa la/
 mi gtsang ba'i gzhi de khog smad nas byung ba de nyid mi gtsang pa'i sa bon no/ /des zhes pa ni mi gtsang ba des bskyed pa'o/ /mi gtsang ba las yang dag par byung ba nyid mi gtsang ba'o/ /srin zhes pa srog chags phra mo'o/ /'dod mi byed ces pa ni mi 'dod pa'o/ /mi
 gtsang mang po'i rang bzhin ni bud med kyi khog pa'o/ /lus ni bud med kyi lus so/ /da ni mi gtsang ba nyid dngos su bstan pa'i phyir/ ga bur zhes bya ba la sogs pa smos te/ khar blugs nas phyir bor ba'i sa ni phyir byung nas bor ba'i sa'o/ /the tshom zhes pa
 ni yid mi ches na zhes ba'o/ /de ltar na mi gtsang zhes bya ba rnags ba dang rul ba la sogs yang 'bad pas blta bar gyis shig pa'o/ /gzhan yang lus zhes bya ba ni rab bzhin gyis zhen pa ldog pa nyid yin pas de la mngon par dga' bar mi bya'o zhes bstan
 pa'i phyir/ gang zhig pags zhes smos so/ /tsan dan la sogs pas byi dor byas pa'i lus de ji ltar na mngon par dga' bar bya ba ma yin snyam pa la/ lus la zhes smos te/ bskus pa ni legs par byugs pa'o/ /dri ste dri gdang zhing sang bag can de gzhan
 ma yin pa ni lus las ma yin pa'o/ /gzhan yang dri 'di don med pa nyid do/ /zhes bstan pa'i phyir/ gal te zhes bya ba la sogs pa smos te/ 'di la ma chags pa ste zhen par ma gyur na'o/ /de lta na legs par dge ba ste/ chags pa med pa'i phyir ro/ /don
 med pa ni dmyal ba la sogs pa'i rgyu yin pa'o/ /de la dri zhim ste tsan dan no/ /dri yes zhes pa ni tsan dan gyi dri ngad kyis so/ /'di'i phyir yang lus la byi dor byas pa ni don med pa'i rgyu nyid do zhes bstan pa'i phyir/ gal te zhes bya ba la sogs pa smos te/
 'jigs ba ni 'jigs su rung ba'o/ /rang la gnod pa ni bdag nyid ngan 'gror gtong bar byed pa ste/ mtshon gyis gcod pa bzhin gnod par byed pa'o/ /mang po ci smra ston pa ste/ sa rnams khengs so/ /zhes bya'o/ /de bzhin 'di ltar rus gong zhes bya ba la sogs
 pa la/ yid byung ba ni 'jigs pa'o/ /g.yo ba ni rus gong ngo/ /khyab pa ni khengs pa'o/ /grong gi dur khrod grong nyid dur khrod dang 'dra bas na dur khrod do/ /gzhan yang de ltar zhes pa ni 'das ma thag tu brjod pa'i rim pa ltar ro/ /de zhes pa ni lus pa'o/ /don de
 lus pa'i don du'o/ /sgrib? pa ni zas nor nye bar sgrub pa'o/ /de bzhin du byis pa ste/ drod tshad med pa rnams so/ /ci zhes pa ni rnam pa gang gis so/ /'dod pa dang ldan pa yang de/ ngan pa yang de yin pa ni 'dod ldan ngan pa'o/ /nyin rangs zhes pa ni nyi ma
 rgas kyis bar ro/ /phyed bgrod ces pa ni rje dpon gyi bka' yul gzhan du dbang chen btang ba'o/ /khyung khor lo zhes pa ni lo khyung khor gyis kyang? ngo/ de'i don ni bud smad la sogs pa'i don no/ /gang don nyid du ste/ chung ma la sogs
 pa'i don du'o/ /de zhes pa ni chung ma la sogs pa'o/ /las kyi ste bya ba mang po'o/ /shing drung ni shing lo drug pa'i rtsa ba'o/ /srog gtor du dogs pa na the tshom za bzhin no/ /g.yul du ni 'thab gral du'o/ /'jug pa ni rab tu 'jug pa'o/ /khe phyir te
 'dir rnyed pa 'dis 'tsho zhing gson par bya'o zhes pa'i khe'i don du ste rnyed pa la sogs pa mi thob bo/ /zhes bya ba'i don to/ /gang 'dod pa la zhen pa rnams 'di nyid sdug bsngal bar 'gyur ba bstan pa'i phyir/ 'dod ldan zhes smos te/ btsed pa ni
 ral gri la sogs pas so/ /btsugs pa ni 'jebs par dka' ba'o/ /mdung thung ni mtshon gyi bye brag go /bsregs pa ni me la sogs pas so/ /gzhan yang 'dod pa'i don gyi nor ni don med bar 'gyur ba nyid do zhes bstan pa'i phyir/ bsags dang
 zhes bya ba la sogs pa smos te/ bsags pa ni nor sogs pa'o/ /brlag pa'i gdung ba ni sems khral lo/ /'dod ldan rnams la zhes bya ba la sogs pa ni mjug bsdu ba ste/ nyes dmigs ni gnod pa'o/ /mang ba ni shin tu mang ba ste/ 'dod ldan
 rnams la'o/ /mnog chung ba ni longs spyad pa'i rgyu'o/ /chung ba ni chung ba nyid do/ /las kyi zhes pa ni sngon gyi las te/ des mnar cing bcom pa'i 'dod ba can rnams kyi'o/ /ci ste byang chub kyi spyod pa yang sdug bsngal che ba nyid do snyam pa la/ 'dod pa
 nges bar 'jig 'gyur zhes bya ba la sogs pa smos te/ nges ba ni gdon mi za bar ro/ /'jig pa ni mi brtan ba'o/ /dub pa'i tshogs ni sdug bsngal gyis so/ /de'i ched du dub pa'i tshogs kyi'o/ /bye ba brgya zhes pa ni bye ba phrag brgya brgyar pa gos pa ste/
 de'i cha shas so/ /sangs rgyas nyid 'grub pa ni sangs rgyas nyid thob pa ste/ sdug bsngal chung ngu nyid kyis sangs rgyas nyid thob par 'gyur ro/ /zhes bya ba'i don to/ /des na byang chub sems dpa' i sdug bsngal bas 'dod pa dang ldan pa rnams kyi sdug bsngal shin
 tu che ba la byang chub mi 'thob po/ /de ji ltar na sdug bsngal shin tu che la snyam pa la/ dmyal sogs zhes stos te/ 'dod ba can rnams kyi sdug bsngal dmyal ba la sogs pa'i sdug bsngal gyi dper mi phod pa ni sgrun du med pa'o/ /ji ltar zhe na/ 'dod
 ldan rnams kyi dmyal ba la sogs pa'i sdug bsngal lung nas gsungs pa dran par bya'o/ /de ltar na sems rnam par dben pa bstan nas/ de'i mjug bsdu bar bya ba'i phyir/ de ltar zhes bya ba la sogs pa smos te/ dben pa ni rnam par rtog pa
 dang bral ba'o/ /skal ldan zhes pa ni dge ba'i nor chen po dang ldan pa'o/ /zla ba'i 'od nyid dkar po nyid du chos mthun nas tsan dan te des bsil ba'o/ /yangs pa ni de bzhin du yangs pa'o/ /khang bzangs ni/ khang stegs so/ /sgra med pa ni khams dang
 mi 'phrod pa'i sgra med pa'o/ /zhi ba ni bag kyis so/ /'chag par byed ces pa ni dngos po'i sbyor ba'o/ /gang du ji srid 'dod pa ni nam rang dgar ro/ /gnas pa ni sdod pa'o/ /bltos pa med pa ni re ltos dang bral ba'o/ /spyod pa ni rgyu ba'o/ /yo byad med pa'i phyir
 sdug bsngal phongs pa rnams kyis ji ltar bsam gtan bsgom snyam pa la/ rang dbang zhes bya ba la sogs pa smos so/ /de la sogs pa ni lus rnam par dben pa la sogs pa'o/ /bsam byas nas zhes pa ni bsgom par byas nas zhes bya ba ste/
 byang chub kyi sems zung du 'jug pas bsgrub pa'o/ /bdag dang gzhan du ma mnyam par byang chub kyi sems goms par mi nus pas bdag dang gzhan du mnyam par bstan pa'i phyir/ bdag dang gzhan du zhes bya ba la sogs pa smos te/ 'di ltar zhes 
 bya ba ni 'chad par 'gyur ba'i tshul gyis so/ /ji ltar snyam pa la/ brjod pa gang bde ba dang sdug bsngal mnyam pa ste/ mtshungs pas na'o/ nyams gcig pa ni bde ba dang sdug bsngal dag blang dor gyi rang bzhin du'o/ /gal
 te mtshungs pa yin pa de lta na khyod kyi sdug bsngal gyis gzhan gyi rgyud la ci ste mi gnod snyam du dogs pa la/ bdag gi zhes bya ba la sogs pa gsungs te/ bdag gi phung po la chags pa'i mi bzod pa ni bsan par dka' ba'o/ /des cir 'gyur
 snyam pa la/ bdag gi/ zhes bya ba la sogs pa smos te/ phan pa ni bde bar bya ba'o/ /sems can nyid bdag rang bzhin du bya ba'o/ /'di snyam du 'bad 'bungs la bdag la bdag nyid bde bar bya ba las ma gtogs pa gzhan gyi sems
 khral gyis ci bya snyam pa la/ gang tshe zhes bya ba la sogs pa smos te/ bdag cig ste bdag 'ba' zhig go /nga ni bdag nyid do/ /gzhan zhes pa ni pha rol lo/ /gzhan min zhes pa ni pha rol po de'i sdug bsngal ci ste srung bar mi byed ces pa'o//
 gzhan yin pas so zhe na/ de lta na ma 'ongs pa'i lus kyi sdug bsngal yang de ltar bdag la mi gnod pas bslab pas de srung bar ma byed cig ces pa'o/ /de ni zhes pa ni ma 'ongs pa'i dus kyi'o/ /gang tshe gang gi zhes bya ba la sogs pa la de nyid
 kyis zhes pa ni gzhan gyis gzhan gyi mi bsrung ba'o/ /bdag gir 'dzin ni phyin ci log tu 'dzin pa'o/ /bdag ni bdag tu bzung ba'o/ /gzhan ni gzhan tu bzung ba'o/ /nan gyis te stobs kyis so/ /ci ste rgyud la sogs pa gcig pa nyid yod
 pa ma yin nam/ de ji ltar na gzhan nyid yin snyam pa la/ rgyud dang zhes smos te/ 'das pa la sogs pa'i skad cig ma nyid ni ma yin te/ dper na grogs mo rim par gnas pa nyid phreng ba yin gyi gzhan ma yin pa bzhin no/ /
 tshogs pa yang tshogs pa las gzhan ma yin te/ 'dus pa rnams la de ltar tha snyad du byed pa'i phyir dper na dmag cas bya ba glang po la sogs pa las gzhan zhig med pa bzhin no/ /des cir 'gyur snyam pa la/ gang gi zhes smos te/ gang gi ste bdag
 gam gzhan gyi'o/ /de ni sdug bsngal lo/ /de'i phyir bdag po med par ni zhes bya ba la sogs pa la/ nges pa zhes bya ba ni bdag kho nas yin gyi gzhan ma yin no zhes bya ba'o/ /brtsad du med pa ni sdug bsngal bzlog par bya ba nyid du thams cad la grub pa'i
 phyir ro/ /thams cad ces pa gzhan gyi yang ngo/ /bzlog pa ni bdag gi gzhan du gzhan gyi yang ste/ bdag dang tha mi dad pa nye bar btags pa'i phyir ro/ /ma yin na phung po'i rang bzhin gyi sdug bsngal yang bzlog par bya ba ma yin te/ sdug bsngal thams
 cad sems can gyi sdug bsngal bzhin no/ /ci ste snying rjes sdug bsngal mang du gyur pas na snying rje ma bskyed pa nyid mchog yin no zhes rtsod pa bslang pa'i phyir/ ched du zhes smos te/ nan gyis ni 'bab pas so/ /lan brjod pa'i phyir/ 'gro ba'i zhes smos so/
 lan gzhan yang brjod pa'i phyir/ gal te zhes smos te/ sdug bsngal gcig gis sdug bsngal mang po med par 'gyur ba'i lta na sdug bsngal bskyed par bya ba nyid do/ /des na ste rgyu mtshan de'i phyir/ byang chub sems dpa' me tog zla mdzes kyis mngon par
 shes pa'i sgo nas rgyal po'i gnod pas bdag nyid 'chi ba shes kyang ngo/ /yang na rgyal po la gnod pa ste/ 'jig rten pha rol tu sdug bsngal lo/ /ma bsal ba ni de'i ngos ma bltas par dam bcas pa'o/ /zhes bya ba'i don to/ /zad byas te sdug bsngal can gyi
 mi mang po'i kun nas nyon mongs sems kyi skad cig rnams zad par byas pa ni dgag par byas pa'o/ /yang na sdug bsngal can de gdul bar bya ba rnams kyi rang gi don nyams pa ni zad pa ste/ de dag rnams kyi don sdug bsngal zad pa de yang 'di ltar bdag nyid
 sdug bsngal bar byas pa nyid la mthong ba yin no/ /'di ltar rgyal po'i gdan sa rin chen ldan zhes bya ba na rgyal po dpas byin zhes bya ba log par gyur pas rab tu byung ba'i byang chub sems dpa' me tog zla mdzes dang bcas
 pa bskrad nas nags na gnas pa dang/ me tog zla mdzes shin tu snying rjes ma bzod nas dben pa zhig tu song ste bsam pas 'di ltar bdag gi srog la ma bltas na rgyal po gcig po dang 'gal ba tsam ma yin pa gzhan sems can mang po'i don
 du 'gyur ro/ /zhes rigs nas de tshangs par spyod pa rnams la nga chos ston du 'gro zhes smras pas/ de dag gis bkag kyang ma khegs par rgyal po'i gdan sar phyin nas der sems can mang po la chos bstan pas de dag rnams mos par gyur pa rgyal
 pos gzigs so/ /gzigs ma thag tu zhe sdang dang bcas pa'i sems kyis gshed ma mi dga' byed ces bya ba la sogs pa bsgo nas rkang lag bcad de bsad pa dang der de'i lus la me tog gi char bab pa la sogs pa rmad du byung ba'i mtshan ma rnam
 pa du ma gzigs pas dge slong 'di ni chen por gyur pa gcig 'dug pa la snyam nas 'gyod pa drag po skyes par gyur to/ /de lta bu'i bdag nyid kyi sdug bsngal med do zhes bstan pa'i phyir/ de ltar zhes smos te/ de ltar te bdag dang gzhan mnyam
 par ro/ /rgyud ni gang sems kyi rgyun no/ /bsgoms ni de dag tu byas pa'o/ /gzhan gyi sdug bsngal gyis mtshungs par sdug bsngal ba ni gang dga' ba ste/ bde ba'i rgyu yin pas gang bdag nyid bde ru zin kyang gzhan gyi sdug bsngal gyis sdug bsngal ba nyid do
 zhes bya ba'i tan to/ /yang na gang dag gzhan gyi sdug bsngal zhi ba ste/ rnam par nyams pa la dga' ba'o/ /gzhan yang sems can grol ba la dga' ba ni mang po nyid de/ de nyid bde ba mthar phyin pa ste/ shin tu yongs su rdzogs pa thob par byed pa ni
 mthar pa thob pa bas lhag pa ste/ gang thar pa thob pas kyang de'i rjes la gzhan dga' ba'i don nyid byed pa'i phyir ro/ /des na thar ba ni bde ba de la bltos na ro bral te/ bcud med pa nyid do/ /des na bdag dang gzhan du mnyam par 'thob pa de'i phyir gzhan gyi don
 byas kyang rlom sems dang ngo mtshar te ya mtshan cher rgyu med pa'o/ /rnam smin 'bras bu ni gang las kyi rnam par smin pa ste de la yang re ltos med pa'o/ /de bas zhes bya ba la sogs pa ni mjug bsdu ba ste/ chung ngu na zhes bya ba ni bag tsam mo/ /mi snyan pa ste smod
 pa'o/ /bsrung ba ni sba ba'o/ /yang ji ltar na bdag gzhan mnyam pa'i dus su gzhan gyi lus la bdag tu bzung bar bya snyam pa la/ goms pa zhes smos te/ goms pa ni yang nas yang du phyin ci log gi rnam par rtog pa zhugs pas so/ /gzhan dag
 gi khu ba dang/ khrag gi thigs pa'i dngos po la bdag med kyang bdag tu rloms te bzung bas rang gi snyam pa'i 'du shes skye bar 'gyur ba ni bu'i blo la'o/ /de bzhin zhes pa ni goms na'o/ /gal te gzhan gang yin pa ni de nyid bdag tu byas pa'i lta na bdag
 gzhan mnyam par mi nus te/ de ni tha dad par gyur pa'i phyir ro/ /snyam pa la/ bdag gi lus ni zhes smos te/ dka' ba med ces bya ba ni tshegs med pa'o/ /bdag dang gzhan du mnyam pa bstan nas/ bdag dang gzhan du brje ba bstan pa'i phyir/ bdag nyid
 ces smos te/ gzhan blang zhes pa ni gzhan rnams la bdag go /snyam pa'i blo bskyed pa'o/ /so so so sor bdag dang gzhan du brje bar ji ltar nus she na/ ji ltar zhes stas te/ ji ltar lus kyi yan lag tha dad du zin kyang zhen pa'i lus po gcig
 tu tha snyad byed pa ltar 'gro ba'i yan lag tha dad par gyur pa la chags pa'i rnam par 'gro ba zhes bya ba gcig nyid du bzung la 'gro ba de dang brje bar bya'o/ /bdag dang gzhan du brje ba 'thad pa bstan pa'i phyir/ ji ltar bdag med ces bya ba la sogs pa
 smos te/ chung ngu zhes bya ba ni mngon par 'dod pa myur du bsgrub pa'o/ /mi snyan pa ni dga' ba las bzlog pa'i sbyor ba la sogs pas sdug bsngal lo/ /bsrung zhes pa ni sbed pa'o/ /de bas te de nyid kyi phyir lus dang sems
 bsrung ba lta zhog mtshan te ming yang byin gyis brlabs so zhes 'bral to/ /'khor ni tshogs pa'o/ /bsal ba ni 'jigs pa med par bya ba'o/ /de nyid dam de las 'jigs pa gzhan med do/ /gzhan yang dka' ba rnams las phyir ldog par mi bya ba'i
 rigs pa bstan pa'i phyir/ dka' ba zhes smos te/ mthu zhes pa ni nus pa'o/ /da ni bdag dang gzhan du brje ba'i tshig dngos su bstan pa'i phyir/ gang zhig ces smos te/ gsang ba ni dman pa rnams la bstan par mi bya ba'i phyir ro/ /dam pa ni byang chub
 sgrub pa yin pa'i phyir ro/ /gzhan yang bdag lus zhes bya ba la sogs pa la ni bdag gi lus la chags pa ni zhen pa'o/ /bdag 'jigs par byed pas na 'jigs pa'o/ /chung ngu ste/ tsher ma la sogs pa'o/ /nang ni nad tsha ba'o/ /lam sgugs byed
 ces pa ni gzhan la rku ba sham ba'i phyir lam du sgugs par byed pa'o/ /srung bar byed pa ni skyong bar byed pa ste gzhan gyis dam par byed pa'o/ /mchod par byed pa ni gos la sogs pas so/ /bdag nyid kyi skyon rnams brjod nas bdag gi don dang
 gzhan gyi don spyod pa'i skyon dang/ yon tan brjod par byed pa'i phyir/ gal te zhes bya ba la sogs pa gsungs so/ /de nyid gsal bar bstan pa'i phyir/ bdag phyir zhes bya ba la sogs pa smos te/ bde 'gro ni lha dang mi la sogs pa'i
 'gro ba'o/ /rim gro ni bkur sti'o/ /blo ni shes rab phel bar 'gyur ba'o/ /de kun rang bde 'dod las byung zhes pa dang/ byis pa rnams dang thub pa'i khyad par te bye brag ltos shes pa dang 'brel to/ /sangs rgyas nyid bsgrub par bya ba khas mi len du
 chug des 'khor bar bde ba yang thob par mi 'gyur ba ste/ bdag dang gzhan du ma brjes par lha mi'i go 'phang thob par mi 'gyur zhes pa'o/ /dper na bran g.yog las byed du ma btub na rje dpon gyi 'tsho ba la sogs pa mi sbyin zhing/ rje dpon 'tsho ba
 ster du ma btub na bran g.yog gis las mi byed pa bzhin no/ /mthong ba dang ma mthong ba la bde bar 'gyur ba ni bde bar nus pa'o/ /bde skyid ni bde zhing skyid pa'o/ /bdag 'dzin ni ngar 'dzin pa'o/ /des zhes pa ni bdag tu 'dzin pas so/ /de ltar zhes bya ba la
 sogs pas mjug bsdu bar byed do/ /bdag dang gzhan du brje ba rab tu bsgrubs nas/ 'dir? bstan par bya ba'i rang gi yid la rjes su gdams pa bstan par bzhed nas/ bdag ni zhes bya ba la sogs pa smos so/ /bdag nyid kyis dgongs pa yang bsgrub
 par bya ba ma yin nam/ de ji ltar gzhan 'ba' zhig bsgrubs par bya snyam pa la/ gzhan dbang zhes smos te/ khyod kyis bdag dang gzhan du brjes pas/ mig la sogs pa gzhan gyi dbang du gyur pa yin la/ gzhan dbang des rang don te rang bde
 bar bya ba'i ched du yul la lta la sogs pa bsgrub par rigs pa ma yin no/ /tshigs bcad phyed gong mas mig la sogs pa bzung ste/ brjod nas phyed 'og mas lag pa la sogs pa bye brag tu smos so/ /des na ste de'i phyir ro/ /sems can dbang byas
 te sems can gzhan gyi dbang du gyur par byas nas gang gos la sogs pa de dag ni lus las phrogs shing long la gzhan dag la ste sems can la phan pa rab tu spyod cig pa'o/ /dman sogs te chung ba la sogs pa'o/ /rnam rtog med par te the tshom med pas
 so/ /phrag dog la sogs pa bsgom pa de nyid bstan pa'i phyir/ 'di ni zhes bya ba la sogs pa smos te/ 'di ni che bar grags pa dang bdag la med par grags shes bya ba gnyi ga yang mi 'dod pa'i tshig go /bdag la yon tan med pas khyod la ci gang de/
 rang nyid yon tan dang ldan pa nyid kyi chog mod/ /kho bo cag gis sems khral gyis ci bya/ /gang bdag la yon tan med ces bya ba de dag kyang khas blangs nas brjod pa ste/ rnam pa thams cad du yon tan med pa ni ma yin no/ /
 de'i phyir yon tan thams cad dang ldan par bya'o/ /de nyid bstan par bya ba'i phyir gang na zhes smos te/ 'jig rten pa'i nang na'o/ /'di zhes pa ni sngar gyi bdag gi dngos po'o/ /bdag ces pa ni gzhan gyi dngos po'o/ /yang na tshul khrims kyis phongs pa la sogs
 pa des khyod dman pa nyid kyis kho bo ni ma yin no zhes zer na/ tshul khrims zhes smos te/ tshul khrims kyis phongs pa ni tshul khrims 'chal ba la sogs pa'o/ /lta bas phongs pa ni sbyin pa med do zhes bya ba la sogs pa'i rnam pas log par lta ba rnams
 so/ /'tsho bas phongs pa ni zhing las la sogs pas 'tsho ba rnams te/ de dag thams cad kyang nyon mongs pa'i stobs te/ nus pas/ yin gyi bdag gi 'dod pas ni ma yin no/ /ci ste khyod kyis nus pas lta na ni de'i tshe bdag sos shig dang khyod la ci
 rigs par bya ba'i rnga chan mi bya/ nus tshad kyi gnod pa dang na tsha yang bdag gis bsran par bya'o/ /bdag ces pa ni gzhan du gyur pa'o/ /brnyas pa ni rngan can no/ /yon tan de dag gi bdag la ci bya ste/ dgos pa ci yod ces bya ba'o/ /'di ni zhes pa ni
 sngar gyi bdag yon tan dang ldan pa ste/ des kyang bdag la ci yang byar med do/ /ngan 'gro ste seng ge la sogs pa'i khar ro/ /bza' bar 'dod pa ni gzhan zil gyis mnan par 'dod pa'o/ /de ltar mtho ba rnams la phrag dog bya ba bstan nas/ mnyam
 po rnams la 'gran par bya bar bstan pa'i phyir/ bdag dang mnyam pa la zhes smos so/ /bdag ste gzhan du gyur pa la gzhan po'i mi'i yon tan la sogs pas mnyam pa ste/ mtshungs pa la bltas nas 'gran sems kyis lhag par zhes bya ba'i
 don gyis te/ gang tsug byas nas kyang bdag rnyed pa dang bkur sti la sogs pas yang lhag par bya ba ste/ rnyed pa dang bkur sti ni zhes pa na bsdu bar byas pa'o/ /de tshe gzhan gyi la rtsod ba yis kyang bdag gis zhes rlom zhing bsgrub par bya'o/ /kyang zhes pa
 ni srid pa'i don to/ /gnyis pa ni nges par bzung ba'i de'o/ /bdag ni zhes pa ni gzhan no/ /'di la min zhes pa ni sngar gyi bdag la'o/ /legs rnyed ces bya ba la gyur zhes bya ba lhag ma'o/ /ma rungs par byas pa ni rnyed pa la sogs pas bslus pa'o/ /gzhad gang
 de skyon brjod pas gzhad gang bya ba'o/ /smon pa ni 'tshad 'dru ba'o/ /nyon mongs zhes bya ba ni ltas ngan zhes bya ba'o/ /'gran pa ni mnyam par re ba'o/ /thos pa ste bstan bcos la sogs pa thos pa dang/ shes rab dang gzugs dang rigs dang nor rnams kyis
 ci re zhig 'di dang mnyam mam ste/ mtshungs sam zhes bya ba'o/ /yon tan zhes pa ni gzhan gyi yon tan chen po nyid du gyur pa ste de nyid bsgrubs pa yang yin no/ /ci ste brgya lam zhig na 'di rnyed pa dang ldan par gyur srid na de'i tshe ji ltar du bya snyam pa la/
 'di la zhes smos te/ kyang zhes pa ni srid na'i don to/ /ci thams cad blang bar bya ba kho na yin snyam pa la/ de'i zhes smos te/ gal te nga'i bka' bsgo ba bzhin byed na de'i tshe 'tsho ba 'am ste/ tshe phyid tsam lta ngan 'di la sbyin par bya'o/ /gzhan yang 'di
 gal te bde zhing skyid bar gyur na de'i tshe de las nyams par bya zhing bdag gi ji ltar gnod bar 'gyur ba'i gnod pa la yang sbyar bar bya ste/ de bzhin du 'di gzhan gyi sdug bsngal gyis sdug bsngal bar bya'o/ /zhes bya ba'i don to/ /da ni rim gyis rigs pa 'jam
 phugs nyid kyis gdam par bya ba'i phyir/ yid khyod ces bya ba la sogs pa smos te/ byed 'dod pa ni shes par 'dod pa'o/ /ngal ba ni rang gi don la thad chad pa'o/ /de ltar de'i bka' tshig 'jam pa'o/ /gdams pa ltar 'dir gzhan gyi don la yang 
 rang gi la 'jug pa bzhin du zhugs shig pa'o/ /nges par zhes pa ni ma dpyad par zhes bya ba ste/ shin tu lkog tu gyur pa'i don la ha cang dpyad par bya ba ma yin pa'i phyir ro/ /mi slu ba ni don ji lta ba bzhin du'o/ /las 'di
 zhes pa ni gzhan gyi don gyi mtshan nyid do/ /phun sum bde ba ni bde ba phun sum tshogs pa'o/ /ji ltar zhig snyam pa la/ sangs rgyas te sangs rgyas nyid phun sum tshogs pa'o/ /mjug bsdu ba'i tshul gyis sems brtan par bya ba'i phyir/ de bas
 zhes smos te/ bya ma rta zhes bya ba byas pa bzhin du bya ba'i rtog chen bya ba'o/ /brtags nas gzhan gyis ma bshig par ro/ /yang phrag dog bsgom pa bstan par bya ba'i phyir/ bdag skyid ces bya ba la sogs pa smos te/ bdag phrag dog byed
 pa yang sngar gyi bdag la'o/ /skyon ni nyes pa'o/ /rang gi zhes pa ni sngar gyi bdag go /gzhan gyi grags de rab tu gsal bar bya ba'i phyir/ rang gi grags pa bsal ba'i phyir te smad par gyis shig pa'o/ /bran gyi mdza' ma ni shin tu dman rigs so//
 bkol bar gyis shes pa ni las la chug cig pa'o/ /glo bur yon tan zhes pa ni so so'i skye bo rnams kyi yon tan phal cher mi brtan pa yin pa'i phyir ro/ /cha ni de'i cha shas so/ /gzhan la gnod byas ni gzhan la gnod pa byas pa'o/ /gnod
 de sdug bsngal de'o/ /gnya' drag pa ni khog shed skyes pa'o/ /shed skyal ba ni rnam smin che ba'o/ /ngo tsha ba ni bya bar mi 'os pa'i las la zhum pa'o/ /'jigs pa ni nyams kyi dogs pas skrag pa'o/ /bsdams pa ni dbang po brtul ba'o/ /de ltar lus
 'di dbang du bya bar rig pa las 'gal te/ 'das na ni chad pas bcad par bya ste/ gnod pa skyal bar bya'o/ /da ni sems la chad pa bcad par bya ba'i phyir/ 'on te zhes bya ba la sogs pa smos te/ brlag pa ni dmyal ba la sogs par shing
 pa'o/ /dregs pa ste khong rgyags pa'o/ /dpung du don yod do snyam nas don la sbyar bar byed pa de 'or la gzhan gyi bya ba la zhugs shig pa'o/ /skyo ba ste sdug bsngal gyis so/ /gal te ni ci ste'o/ /bag med pa ni nyams pa'o/ /de ltar zhes bya ba ni de ltar khyad dang rdzas su
 mthun pa'i spyod pa spyad pa'i rgyu mtshan gyis khyod kyis kho bo dmyal ba'i srung ma rnams la byin nas dus ring du sdug cing bsngal ba'i snod 'ba' zhig byas par 'gyur ro/ /rang don te rang 'dod do/ /sems pa ni dman pa ste bran dang 'dra ba'o/ /gzhom zhes pa ni 'gal
 bar byed pa'o/ /da ni 'jam phugs kyi rigs pas sems la bslab par bya ba'i phyir/ de ste zhes smos te/ bdag ces bya ba ni phung po lnga'o/ /dga' ba ni kun nas chags pa'o/ /rang la dga' ba ni rang byas pa ste/ 'gro sar 'gro bar mi 'dod pa'o/ /bsrung
 bar 'dod pa ni ngan 'gro las so/ /bsrung bar bya ba ni log 'tsho ba la sogs pas spyod pa rnams srung ma gzhan dag gi don la nges par sbyar ro/ /zhes bya ba'i don to/ /gal te sbyangs na kyong ci yod snyam pa la/ ji lta ji ltar zhes bya ba la sogs pa smos te/
 skyod pa bzo bas so/ /gze re can te shin tu sran chung bar ro/ /ltung ba ni dge ba la nyams par 'gyur ba'o/ /'di ni ste lus po'o/ /de ltar ste bde ba la rngam pas ltung mang de la kun chags pa'o/ /'dod pa ni khong bskam pa'o/ /de'i 'dod pa sus byed nus zhes pa ni
 sus kyang dga' bar mi nus so zhes bya ba ste/ dper na rgyal po nga las nus 'dzam bu'i gling la dbang byas te/ des mchog nas gling bzhi la dbang sgyur ba'i dbang phyug tu gyur nas kyang brgya byin gyi phyed stan thob la nges kyang chog par ma gyur pa bzhin no/ /
 gzhan yang 'dod pa byed mi nus pa ni tha chad do/ /nyon mongs pa ni tha chad pa'o/ /bsam pa nyams pa ni re ba rdugs pa'o/ /re thag chad pa ni rab tu rdugs pa'o/ thams cad du zhes pa ni nus pa'am mi nus pa thams cad du'o/ /ma dpyad pa na nyams shing chung pa nyid do/
 ma nyams pa ni rgya che ba ste/ phun sum tshogs pa lhag pa'o zhes bya ba'i don to/ /'dod pa ni rang dbang ste lus dang sems kyi 'dod pa gzhan la sbyor ba'i phyir ro/ /yang na yul la 'dod pa yis 'phel ba ni lus so/ /mngon
 par 'dod kyang skabs dbye bar mi bya ste/ gang la 'dzin pa med cing khas mi len pa de'i dngos po bzang po yin pa'i phyir/ des khas len pa bzang po ma yin pa'i phyir ro/ /gang zhig ces pa ni gang srid pa'o/ /yid 'ong ni rang gi lus so/ /gang gi phyir
 'dzin par mi byed stam pa la/ tha mar zhe smos te/ tha mar nam shi ba'i 'dus thal ba la gnas par 'gyur ro zhes bya ba 'am/ yang na shin tu mthar btugs pa'i dus su thal ba nyid du 'gyur ba'o/ /mi g.yo ba ni mi 'gul ba'o/ /gzhan gyis te yid kyis so//
 gson bo'i lus bzung bar mi bya ba'i 'thad pa bstan pa'i phyir/ ci'i phyir zhes smos te/ 'khrul 'khor ni lus kyis so/ /kyi hud ces pa ni spyir smre sngags btang ba'o/ /sel mi byed zhes bzlog par mi byed ces bya ba ste/ yul ma yin pa la
 'jug par byed dam/ zhes bya ba'i don to/ /khad byed ni kun tu 'dzin pa'o/ /skyong ba ni kha zas kyi nom pa la sogs pas rgyas par gso ba'o/ /chags pa med pa ni sems la'o/ /zhe sdang med pa ni bya rgod la sogs pa'o/ /gang zhig smad pa ste
 ngan smras brjod pas khro ba med pa ni sems las gzhan pa'i phyir ro/ /mi shes pa ste de nyid lus so zhes ma shes na'o/ /ngal ba ni dub bar byas pa'o/ /bdag gang gis don ngal bar bya zhe 'am/ yang na gang gis na bdag gis ngal ba zhes bya'o//
 gzhan yang gang zhig lus 'di zhes bya ba la sogs pa la/ 'gro la phan phyir zhes bya ba ni 'gro la phan pa'i don du'o/ /las byed pa'i spyad de dper na dgos pa'i don du chu la sogs pa'i snod lta bur snang ngo/ /lus kyang de bzhin du bzung bar bya'o
 gang gi phyir 'di ngam du ma byas par nyon mongs pa la gzhom thabs med pa de'i phyir 'jig rten pa'i spyod pa de tsam gyis chog pas so/ /da ni mkhas pa ste dpyad ra can rnams kyi rjes su snyog pa ni rjes su sgrub pa'i phyir ro/ /bag yod pa ni lus dang sems rnam par
 ma yengs pa'o/ /gnyid de gnyid kyis bying bar 'gyur ro/ /rmugs pa ni lus snyom pa ste/ le lo'i dbang du gyur zhes bya ba'i tha tshig go /de bas zhes bya ba ni mjug bsdu ba ste/ sgrib pa gsal ba ni nyon mongs dang shes bya'i 'o/ /bdag gis mnyam par gzhag
 par bya ba ni gtan du rgyun mi 'chad par mnyam par gzhag par bya'o/ /byang chub sems dpa' i spyod pa la 'jug pa las/ sems rtse gcig pa zhes bya ba ste le'u brgyad pa'i dka' 'grel lo// //da ni shes rab kyi pha rol tu
 pa med par sbyin pa la sogs pa pha rol tu phyin pa'i tha snyad du bya bar 'os pa ma yin pa'i phyir/ bsam gtan gyi rjes la shes rab kyi pha rol tu phyin pa bstan par bzhed nas/ brdogs pa 'di dag ces bya ba la sogs pa smos te/ brdogs pa sbyin pa
 la sogs pa'i tshogs so/ /shes rab ni don yang dag pa ji lta ba bzhin khong du chud pa ste/ de'i don du gsungs pa ni bka' stsal pa'o/ /nye bar len pa'i phung po lnga'o/ /mtshan nyid kyis sdug bsngal ldog pa ste/ zhi bar 'dod pa yis bskyed par bya ba ni
 dngos su bya ba'o/ /de skad du stong phrag brgya pa las/ rab 'byor 'di lta ste dper na 'khor los sgyur ba'i rgyal po rin po che sna bdun dang bral na 'khor los sgyur ba'i ming mi 'thob po/ /rab 'byor de bzhin du pha rol tu phyin pa lnga po ni shes rab kyi pha
 rol tu phyin pa dang bral ba'i phyir pha rol tu phyin pa'i ming mi 'thob bo/ /zhes gsungs so/ /shes rab kyi pha rol tu phyin pa rtogs par bya ba'i thabs su gyur pa'i kun rdzob dang don dam pa gnyis bstan pa'i bzhed nas/ kun rdzob ces smos te/
 de kho na nyid kyi don rdzob par byed sgrib par byed pas kun rdzob po/ /don dam pa ni 'phags pa rnams kyi spyod yul lo/ /gal te bden pa gnyis kho na yin pa'i lta na/ 'phags pa'i bden pa bzhi ji ltar gsungs she na/ sdug bsngal
 dang kun 'byung dang lam rnams ni kun rdzob kyi bden par 'dus la/ 'gog pa don dam pa nyid yin pa'i phyir nyes pa med do/ /don dam pa'i bden pa ci 'dra ba zhig snyam pa la/ don dam zhes brjod do/ /chos thams cad rnam pa thams cad du spros de
 dang bral ba yin pa'i phyir/ blo nub par gyur pas na/ blo spyod yul ma yin pa nyid don dam pa'o/ /ci ste blo'i spyod yul don dam pa ma yin zhe na/ ma yin te/ blo ni kun rdzob pa yin par brjod pa'i phyir te/ 'di ltar thams cad blo la dmigs pa
 dang ldan pa yin pa'i phyir rnam par rtog pa'i rang bzhin yin la/ rnam par rtog pa ni ma rigs pa yin pas so/ /de ltar kun rdzob pa dang don dam pa'i bye bas bden pa rnam pa gnyis su rnam par gzhag par byas nas de'i dbang du byas pa'i 'jig rten
 yang rnam pa gnyis su bstan pa bzhed nas/ de la zhes smos te/ 'jig par byed nyams par byed pas na 'jig rten no/ /rnam gnyis te/ kun rdzob dang don dam pa gnyis kyi dbang du byas pa'i/ 'jig rten yang gnyis so/ /mthong ba ni rab tu rtogs
 pa ste/ lung dang rigs pas so/ /thams cad mi dmigs pa'i mtshan nyid kyi ting nge 'dzin ni rnal 'byor ro/ /de gang la yod pa ni rnal 'byor ba ste de kho na nyid kyi don la lta ba'o/ /phal pa ni 'khor bar 'jug par byed pa'i rgyu ma rig pa ste phal bar
 skyes pa'o/ /phal ba nyid 'jig rten phal ba ste/ 'khrul ba yin pa'i phyir phyin ci log la lta bar byed do/ /de gnyis gang gi gang la gnod par byed snyam pa la de la zhes smos so/ /ci ste yang rnal 'byor pa rnams kyis 'jig rten phal pa kho na la
 gnod pa byed dam/ 'on te rnal 'byor ba la yang gnod snyam pa la/ gong ma gong ma zhes smos te/ de dag gi blo'i khyad par gyis sun 'byin par byed pa ni gnod par byed pa'o/ /'jig rten phal pa'i shes pa 'khrul pa yin par ji ltar rtog par bya snyam pa
 la/ gnyi ka 'dod pa'i zhes smos te/ rnal 'byor pa dang phal pa gnyi ka dngos po med par grub pa'i sgyu ma dang smig rgyu'i dpes so/ /kyang zhes pa ni tshul de ltar dngos po med par smra ba'i rnal 'byor pa gzhan dag gi sun 'byin na 'dir tha mal pa'i shes pa la
 lta smos kyang ci dgos zhes bya ba'o/ /chos thams cad dngos po med pa yin pa'i lta na ji ltar sbyin pa la sogs pas tshogs yongs su rdzogs par 'gyur snyam pa la/ dgos pa'i zhes smos te/ dgos pa ni bsgrub bya bsgrub pa'i rgyu nye bar blang ba'i 'bras bu'o/ /don du
 ste de'i rgyu mtshan du'o/ mi dpyad ces pa ni dpyad par mi bya ba ste/ ma dpyad pa de'i rgyu la 'jug par bya ba yin pa'i phyir ro/ /don dam par sbyin pa la sogs pa sgyu ma la sogs pa'i rang bzhin yin du zad mod/ de lta na yang 'khor gsum yongs su dag pa don dam pa khong
 du chud par byed pa'i thabs yin pas na rgyu dang 'bras bu'i dngos po las 'gal ba yod pa ma yin no/ /de skad du yang tha snyad pa'i bden pa ni thabs su gyur pa'o/ /don dam pa'i bden pa ni thabs las byung bar gyur pa'o zhes gsungs so/ /gal te 'di ltar rnal 'byor pas
 sgyu ma'i rang bzhin du mthong ba'i dngos po de nyid 'jig rten pas kyang mthong ba ma yin nam/ de ci ste rtsod par byed snyam pa la/ 'jig rten zhes smos te/ skye bo tha mal pa rnams kyis ni med pa nyid la rgyu dang rkyen la brten nas byung bas dngos por mthong la yang dag nyid
 du 'ang ste bden pa'i rang bzhin du 'dzin gyis/ ji ltar rnal 'byor pas sgyu ma ltar mthong ba ltar 'jig rten pa yis ma yin pas na 'dir rnam par rtsod par byed do/ /gzugs la sogs pas don byed par dus pa mngon sum du grub pa ma yin nam/ de
 la ji ltar na bsnyon gdab par bya snyam pa la/ gzugs sogs zhes smos te/ gang gzugs la sogs pa mngon sum du grub tu zin kyang rab tu grags pa ste/ 'jig rten pas smra bar byed pa tsam mo/ /zhes bya ba'i
 don yin no/ /tshad ma ste don dam pa'i tshad mas khong du chud par bya ba ni ma yin gyi/ 'on kyang kun rdzob pa'i tshad mas bzung ba yin pas na kun rdzob nyid do/ /de skad du yang gang zhig dbang po la dmigs pa de yi gal te don dam yin/ de nyid
 byis pas rig pas na/ don dam shes pa de ci bya zhes gsungs so/ /mngon sum du grub kyang brdzun pa'i dpe gang snyam pa la/ de ni mi gtsang zhes smos te/ 'di ltar bud med kyi lus bo la sogs pa mi gtsang ba'i dngos po rnams la zhen pa'i dbang
 gis gtsang ba'i blo skyes pa de nyid brdzun pa nyid de ma yin la der bzung ba'i phyir ro/ /de bzhin du gzugs la sogs pa yang ngo/ /gal te tshad mas grub pa'i dngos po ma yin du chug /de ltar bcom ldan 'das kyis phung po la sogs pa bstan par mdzad
 pa ji ltar snyam pa la/ 'jig rten zhes smos te/ dngos por mngon par zhen pa'i 'jig rten pa stong pa nyid la gzung bar bya ba'i phyir phung po la sogs pa bstan par mdzad pa ste/ dang po nas stong pa nyid brjod na skrag par 'gyur ba'i phyir ro/ /de skad du
 yang rgyal bas bdag dang bdag gi zhes/ gsungs pa dgos pa'i dbang gis te/ phung po khams dang skye mched kyang/ de bzhin dgos pa'i dbang gis gsungs/ zhes 'byung ngo/ /skad cig mar gsungs pas na dngos po yod pa nyid do snyam pa la/
 de bzhin nyid ces smos te/ don dam par dngos po med pa yin pa'i phyir skad cig ma yang ma yin no/ /'o na da ltar ji skad du brjod par bya snyam pa la/ kun rdzob yin zhes smos so/ /gzhan gyis brjod pa 'gal bar 'gyur zhes smos te/ 'gal bar
 'gyur ba ni skad cig ma ma yin par grags pas na grags pa dang 'gal lo zhes bya ba'i don to/ /lan brjod pa rnal 'byor pa ste/ gang zag gi bdag med par rtogs pa rnams kyi kun rdzob skad cig ma nyid du snang ba'i phyir nyes pa med de/ grags pa dang
 'gal ba'i nyes pa yod pa ma yin no/ /don dam par ni de dag yod pa ma yin te/ blo ni kun rdzob yin par brjod ces gsungs pa'i phyir ro/ /rnal 'byor pa kho nas mthong ba ji ltar snyam pa la/ 'jig rten la zhes smos te/ gzhan du zhes bya ba ni gal
 te rnal 'byor pa rnams kyis de kho na nyid mthong bar ma gyur na bcom ldan 'das kyis bud med kyi gzugs phung mi gtsang bar gsungs pa la/ 'jig rten pas gtsang ba nyid du mngon par rloms pas gnod par 'gyur ro/ /gal te thams cad sgyu ma lta bu nyid
 yin na de'i tshe rgyal ba yang sgyu ma lta bu nyid yin pas na de la mchod pa la sogs pa byas pas ji ltar bsod nams 'byung snyam pa la/ sgyu ma lta bu'i zhes smos te/ sgyu ma lta bu'i rgyal ba dngos po med pa yin pa'i phyir ro/ /bsod nams gang zhig de la ji ltar
 'byung zhes bya bar sbyar ro/ /sgyu ma'i skyes bu la phan pa dang gnod pa byas pa la bsod nams la sogs pa yod pa ma yin na/ de ji ltar sems par byed ces bya ba'i don to/ /lan brjod pa bden ba las 'byung bzhin du 'byung zhes smos te/ ji ltar don
 dam par bden pa'i bcom ldan 'das las 'byung ba ltar ro/ /bsod nams ji ltar zhes pa ni gnyis pa yang sbyar bar bya'o/ /de skad du yang ji ltar don dam par yod pa'i rgyal ba las bsod nams kyang don dam par 'byung ba bzhin du sgyu ma lta bu'i rgyal ba
 las kyang sgyu ma lta bu'i bsod nams 'byung bar 'gyur ro/ /zhes gsungs so/ de'i phyir 'u bu cag la khyad par cung zad kyang med do/ /rkyen 'di dang phrad pa las 'di 'byung ngo zhes bya ba ni gnyi ga la yang mtshungs pa'i phyir ro/ /gal te zhes bya ba ni rgol ba'o/ /ci ste ni gang gi
 phyir ro/ /shi nas te shi ba'i rjes la'o/ /skye ba ni 'byung ba ste skye zhing 'byung bas na don dam par yod pa'o/ /zhes bsams pa'o/ /lan brjod pa ji srid ces smos te/ ji ltar ji srid du sngags dang sman la sogs
 ba'i rkyen rnams tshogs pa'i dus de srid du sgyu ma yang 'byung bar 'gyur ro/ /de bzhin du ji srid du ma rigs pa la sogs pa'i rkyen rnams tshogs pa de srid du sems can yang 'byung bar 'gyur zhing shi ba rnams kyang slar skye bar 'gyur ro/ /gzhan yang
 yun ring bar gnas pa tsam gyi yang dag pa nyid du yod par 'gyur ba ma yin no zhes bstan pa'i phyir/ rgyun ring zhes smos te/ ring ba ni thog ma med pa nas rgyun skad cig ma gcig nas gcig tu brgyud pa'o/ /de tsam gyis dam par gzhan ni yun
 ring du gnas pa ma yin no/ /ci ste sgyu ma'i skyes bu dang rang bzhin tha mi dad pa'i phyir sems can bsad kyang nyes par mi 'gyur ro/ /snyam pa la sgyu ma zhes smos te/ sgyu ma'i skyes bu dang cig shos kyi skye bu dag dngos po med pa nyid du mtshungs su zin
 kyang sgyu ma'i skyes bu la sgyu ba'i skyes bu'i sems med pa'i phyir sdig pa med do/ /de la yang bsad sems kyis sbyar na nyes par mi 'gyur la/ srog cod par ni mi 'gyur ro/ /cig shos gzhan la ltar srog gcod par 'gyur snyam pa la/ sgyu ma'i
 zhes smos te/ sems nyid sgyu ma'o/ /ldan pa ni de dang ldan pa'o/ /phan pa dang gnod pa srid pa'i bsod nams la sogs pa'i rten sems yin pa'i phyir ro/ /gang gi tshe sgyu ma nyid du dngos su mthong ba de'i tshe ni bsad pa la sogs pa'i nyes pa yod
 pa ma yin na/ da dung sems kyi de ltar nus pa ma yin gyi 'on kyang tshig bzhin du mos pa byed pa tsam du zad do/ /pha rol pos sems sgyu ma nyid du mi 'thad par brtsad par 'dod nas/ sngags la sogs pa la sems skyed pa'i nus pa med pa'i
 phyir sems ni sgyu ma'i rang bzhin du mi srid do/ /lan brjod pa sna tshogs zhes brjod de/ rgyu dang rkyen sna tshogs las yang dag par byung ba'i sgyu ma de yang rnam pa sna tshogs pa nyid do/ /yang zhes pa ni rim pa bzhin du sbyar ba'o/ /de lta na sgyu ma'i sgra
 mtshungs su zin kyang rgyu tha dad pa nyid de/ des na sngags la sogs pa'i rgyu las ni gzhan nyid yin la/ ma rigs pa la sogs pa'i rgyu las ni sems sgyu ma nyid yin no/ /de nyid gsal bar bstan pa'i phyir/ rkyen gcig ces smos te/ kha gcig tu
 'bras bu bskyed par nus pa'i rgyus thams cad du nus pa ma yin no/ /de ltar sgyu ma kha cig ni sngags kyis bskyed pa yin la/ sgyu ma kha cig ni thog ma med pa nas kyi ma rig pas rab tu bskyed pa'o/ /de dag kyang tha snyad tsam du brjod par zad do/ /don
 dam par ni chos thams cad rang bzhin gyis mya ngan las 'das pa nyid do/ /pha rol pos yang skyon gzhan brjod par 'dod nas gal te don dam zhes smos te/ gdod ma nas zhi ba'i phyir ro/ /don dam par ni sems can rnams mya ngan las 'das
 pa nyid yin pas 'khor ba zhes bya ba ni kun rdzob tu tha snyad du brjod par zad do/ /zhes zer ba'i lta na de'i tshe sangs rgyas la yang 'khor bar skye ba la sogs pa mnga' bar 'gyur ro/ /sangs rgyas nyid thob nas kyang dga' ba la sogs pa yod par 'gyur na ni
 de ltar na mgo byin pa la sogs pa'i byang chub kyi spyod pa ci zhig bya ste/ 'bras bu med pa'i phyir ro/ /de la ji srid rkyen rnams tshogs par gyur pa zhes bya ba la sogs pas lan brjod du zin kyang yang gsal bar bya ba'i phyir/ rkyen rnams zhes
 smos te/ rkyen rnams yod par gyur na sgyu ma yang yod pa yin no/ /de bzhin du sems can sgyu ma yang ngo/ /rkyen rnams med na ni sgyu ma yang yod par mi 'gyur ro/ /de bzhin du sangs rgyas sgyu ma yang rkyen yod kyi bar du ni 'byung bar 'gyur te/
 sems can gyi bsod nams kyi rkyen gyi rgyal bar snang bar 'byung ngo/ /de med na ni kun rdzob tu yang mi 'byung ngo/ /de ltar re zhig mdo sde pa la sogs pa'i rtsod pa gsal nas/ da ni rnal 'byor sbyongs pa'i rtsod pa bsal ba'i phyir/ de'i
 rtsod pa bslang bar bzhed nas gang tshe zhes smos te/ 'khrul pa zhes bya ba ni blo la snang ba'o/ /gang gi tshe sems can thams cad sgyu ma'i rang bzhin yin zhing rang bzhin gyi stong pa nyid du gyur ba de'i tshe/ sgyu ma'i rang bzhin 'dzin par byed pa'i blo yang
 yod pa ma yin no/ /de lta na ni sgyu ma gang gis dmigs par byed/ des na rang gi sems phyi rol gyi gzugs su 'khrul ba ste/ de lta na nyes pa med do snyam pa la/ de bsal bar bzhed pa lan brjod pa'i phyir/ gang tshe zhes smos te/ gang gi tshe rnam
 par shes pa tsam du smra ba khyod la sgyu ma nyid de/ gzung bar bya ba glang po la sogs pa'i rnam pa'i gzugs kyang med pa'i lta na sems 'ba' zhig khas blang par bya dgos te/ phyi rol gyi don med pa'i phyir ro/ /de lta na de'i tshe ci zhig dmigs te/ 'dir
 ci zhig so sor rnang ba yang brjod par bya dgos so/ /rnal 'byor spyod pa'i bsam pa'i dgos pa bsdu ba'i phyir/ de ni sems zhes smos te/ rang gi sems nyid phyi rol gyi gzugs su 'khrul nas glang po la sogs pa'i rnam par snang ba ste/ des na de nyid
 don dam par ni sems gzhan zhig yod pa nyid de/ 'dzin pa las chad pa'i rnam par snang ba'i phyir ro/ /gal te zhes bya ba ni khas mi len na'o/ /de lta na yang 'tsham pa ma yin no zhes lan bstan par bya ba'i phyir/ gang tshe zhes smos te/ gang gi
 tshe shes pa nyid sgyu mar khas blangs pa de'i tshe gzhan gang gis 'dzin par byed/ 'di ltar mthong ba'i sgyu ma nyid rnam par shes pa yin na/ lta bar byed pa med par ji ltar na blta bar bya ba yod par 'gyur lta bar bya ba med par yang ji ltar na blta
 bar byed par yod par 'gyur des na 'gro ba rnams long ba nyid du 'gro bar 'gyur ro/ /ci ste 'di snyam du shes pa'i bdag gi sgyu ma'i rang bzhin ni bdag nyid kyis bdag nyid la lta bar byed pas na/ re zhig nyes pa de dag mi 'ong ngo snyam pa la/ 'jig rten zhes smos
 te/ byed pa por gyur ba'i sems kyi rang bzhin de nyid las su byas nas blta ba ni rigs pa ma yin te/ rang la dang byed pa 'gal ba'i phyir ro/ /'di skad du rin chen gtsug tor zhes bya ba'i mdo las/ rang gi sems la yongs su dpyad pa byas na nang du yang
 dag par rjes su ma mthong/ phyi rol tu yang ma yin phung po las yang ma yin/ khams rnams la yang ma mthong ngo zhes bya ba la sogs pa rgyas par gsungs so/ /'di ci dang 'dra bar snyam pa la/ ral gri zhes bya ba la sogs pa smos te/ ji ltar ral gri'i
 so yang rang la rang mi gcod pa de bzhin du yid kyis kyang rang gi rang mi rig ste cha shas med pa la rang bzhin gzhan 'gal ba'i phyir ro/ /gal te 'di snyam du dper na bum pa la sogs pa bsal bar byed pa'i mar me nyid rang gsal bar byed pa yin gyi/
 yang de gsal bar byed pa'i don du mar me gzhan la bltos pa ni ma yin no/ /de bzhin du rnam par shes pa yang ma yin pas 'gal ba med do/ /snyam du sems na gang mar me gsal bar byed pa yin du zin kyang/ mun pas bsgribs nas
 rang gi ngo bo gsal bar byas pa ni med do/ /yang rnam par shes pa tsam du smra ba'i rtsod pa bslad par bya ba'i phyir/ sngon po zhes smos te/ dper na shel gyi rdo ba sngon po nyid du 'gyur ba ni snam bu sngon po la sogs pa rkyen gzhan la bltos mod kyi/ rang
 bzhin gang zhig sngon po nyid du grub pa de sngon po nyid du byas pa'i phyir/ rkyen gzhan la bltos pa med do/ /de bzhin du cung zad bum pa la sogs pa gsal bar byed pa ni mar me la sogs pa la bltos par mthong la/ /cung zad mar me la sogs pa
 gsal bar bya ba'i don du me la sogs pa gzhan la bltos pa ni ma mthong ste/ rang nyid kyis gsal bar byed pa yin no/ /de bzhin du rnam par shes pa gsal ba nyid du grub pa yin no/ /snyam pa la lan brjod par bya
 ba'i phyir/ sngo nyid ces smos te/ dpe 'di yang 'dra ba ma yin no/ /gang yang sngon po nyid du 'gyur pa gzhan la mi bltos pa ni ma yin te/ rang gi rgyu la rag las pa'i phyir ro/ /gal te bltos pa med par 'gyur ba nyid yin na ni rang gi rgyud las sngon
 po ma yin pa nyid du skyes la/ phyis rkyen la mi bltos par bdag nyid kyis bdag nyid sngon por byed par 'gyur ba las/ de ltar 'gyur ba yang ma yin na de gang gis na sngon po nyid du 'gyur ba ltos pa med pa yin zhes brjod/ yang na sngon po zhes
 bya ba la sogs pa'i gzhung rnams ni mar me gsal byed ma yin zhes bya ba de nyid kyi 'thad ba ste/ 'di ltar bltos pa med pas kyang bdag nyid gsal bar byed par mi 'gyur ro zhes mdor bsdu pa'i don to/ /mar me rang gis gsal ba yin du chug ste/
 de lta na yang blo la ni yod pa ma yin no zhes bstan pa'i phyir/ mar me zhes bya ba la sogs pa smos te/ shes pa zhes pa ni mar me'i rnam par shes pas so/ /blo ni ste shes pa gzhan gang zhig gis khong du chud par byas nas 'dir rang gsal bar
 byed pa'o zhes brjod par byed de/ 'das pa dang ma 'ongs pa dag ni med pa'i phyir dang de ltar byung ba la ni dus mnyam pa nyid yin pas na 'dzin pa nyid ni mi 'thad pa nyid do/ /'di skad du yang 'od srungs sems ni shes pa kun gyis ma mthong ngo zhes bya ba
 la sogs pas gsungs so/ /de'i phyir gsal ba ni mar me bzhin mi gsal ba bum pa bzhin zhes pa ni rol pa ste/ longs chos so/ /brjod du zin kyang ste smras su zin kyang de don med pa nyid do/ /skye ba med cing 'gag pa med pa'i blo de mo gsham gyi
 bu mo dang khyad med do zhes bya ba'i don to/ /rgol bar brjod pa gal te zhes smos te/ gal te rnam par shes pa rang rig pa'i ngo bo yod par ma gyur na de'i dus phyis dran pa yod par mi 'gyur te/ dran pa ni nyams su myong ba yin pa'i phyir ro/ /des na dran pa yod
 pas nyams su myong ba yod par grub bo snyam pa la lan brjod pa/ gal te rang rig pa des par yod par gyur na ni de'i tshe de'i 'bras bu dran pa yang yod bar gyur na/ gang gi tshe de nyid la rtsod ba zhugs pa de'i tshe dran pa de de'i 'bras bu nyid yin no zhes  
 gang gis na 'gyur/ gzhan yang dran pa nyid kyis shes pa yin pa'i phyir/ ji ltar 'grub par 'gyur/ 'o na ji ltar dran pa 'byung snyam pa la/ gzhan smyong zhes smos te/ shes pa las gzhan gzung bar bya ba'i yul nyams su myong nas de dang rjes su
 'brel pa'i shes pa skye bar 'gyur te/ yul nyams su myong pa'i dran pa khyad par can nyid dran par byed do zhes bya ba'i don to/ /ci dang 'dra bar snyam pa la/ dran pa byi ba'i dug bzhin zhes smos te/ ldong ros kyis bskus pa'i byi ba'i dug gis lus la
 zin par gyur na dus gzhan du 'brug gi sgra bsgrags pa'i tshe rang rig pa med kyang rkyen de tsam gyis dug blangs nas rnam par 'phel bar byad ba bzhin du'o/ /pha rol po rnams grangs gzhan gyi sgo nas rang rig pa bsgrub par 'dod nas/ rkyen gzhan zhes
 smos te/ rkyen gzhan ni bsgom pa'o/ /de dang ldan pa ni sems so/ /gsal bar byed ba ste gzhan gyi shes pa so sor snang bar byed pa'i phyir gsal pa nyid kyang yod pa kho na ste/ des gzhan gyi shes pa la ji lta ba bzhin du dmigs par byed do/ /de bzhin
 du rang gi sems kyang dmigs par byed pa nyid de/ des na rig pa grub pa nyid do snyam pa la/ lan brjod pa sman zhes brjod de/ de lta na mig sman bsgrubs pas grub pa'i cho ga ste sbyor pa'i sa mthong ba'i bum pa ni bum pa bzang po ste bum pa bzang
 po gang yin pa de nyid mig sman du 'gyur ro/ /de'i phyir rkyen gyis dbang gis gzhan gyi sems mthong zhes te rang gi sems la yang lta bar byed do/ /zhes sbyar bar mi bya'o/ /gal te rang rig pa mi bden pa yin pa de ltar
 na bum pa mthong zhes bya ba la sogs pa'i tha snyad rnams kyang ji ltar yod par 'gyur te/ gsal byed nyid mi gsal bar gyur to/ /snyan pa la/ ji ltar zhes smos so/ /mthong ba ni mngon sum gyis so/ /thos pa ni sgra las byung bas so/ /shes
 pa ni rjes su dpag pa ste/ kun rdzob kyi mthong ba la sogs pa ni dgag par bya ba ma yin pas ji ltar gang yang yod la rag go /don dam par sgro btags pa ni sdug bsngal gyi rgyu nyid de de bzlog par byed zhes bya ba ni rjes bcad pa'i don to/ /
 zhar las byung ba rnams rdzogs par byas nas skabs su bab pa'i don sbyar ba'i phyir/ sems las zhes smos te/ dper na sgyu ma sems las gzhan yin nam/ ma yin te/ rnam par shes pa las lhag pa'i don khas blangs par 'gyur
 ba'i phyir ro/ /de ste gzhan ma yin pa yin nam yin no zhe na ma yin te/ rnam par shes pa nyid sgyu mar 'gyur pa'i phyir ro/ /gal te de nyid du rtog par byed na de la brjod pa gal te dngos po yin na de la gzhan cis min/ gal te gzhan
 med pa de lta na ni rnam par shes pa 'ba' zhig las gzhan sgyu ma zhes bya ba yod pa ma yin pas/ gang tshe khyod la sgyu ma 'ang med na de'i tshe ci zhig dmigs zhes bya ba de nyid 'ongs ba yin no/ /skabs su bab pa'i don bsgrubs nas mjug
 bsdu bar bya ba'i phyir/ ji ltar sgyu ma zhes smos te/ ji ltar sgyu ma dngos po yod pa ma yin yang ji lta ba bzhin du mthong ba de bzhin du yid kyang don dam par na dngos po med pa yin du zin kyang mthong bar nus pa yin no/ /de ltar na gang gi tshe 'grub
 pa'ang med na sgyu ma gang gis dmigs par 'gyur zhes brgal ba'i lan rdzogs par thebs so/ /gal te sgyu med pa'i kun rdzob ni sdig par 'gyur pa'i phyir/ yod pa'i dngos po la brten nas 'khor bar 'jug par byed do zhe na/ lan bstan pa'i phyir
 gzhan du zhes smos te/ gzhan du zhes pa ni gzhan du 'gyur zhes bya ba'i don to/ /don byed nus pas stong pa nyid dngos po las gzhan dngos po med pa nyid du 'gyur te/ nam mkha' bzhin du cung zad kyang yod par mi 'gyur ro/ /gzhan yang dngos po la ste/
 sems la brten nas dngos po med pa de 'khor bar bya ba dang ldan pa ste/ don byed nus par ji ltar 'gyur/ ci don byed nus pa'i mtshan nyid dang bral ba la brtag par byas nas sran bzod dam/ zhes bstan pa'i phyir grogs po med ces smos te/ rnal
 'byor spyod pa'i lta na 'khor grogs po 'di'o zhes bya ba 'di nyid du sems 'ba' zhig grogs po med par gcig pur 'byung bar 'gyur ro/ /kho gzung ba la sogs pa dang bral ba gnyis med pa'i sems 'dod pa ma yin nam/ de ji ltar nyes par 'gyur
 snyam ba la/ gang tshe zhes smos te/ de lta na ni gang gi tshe sems bzung pa la sogs pa dang bral ba tsam thams cad la yod pa de'i tshe thams cad de bzhin gshegs pa nyid du 'gyur/ gzung ba la sogs pa dang bral ba'i sems tsam zhig yod pas de kho na
 nyid thob na ni de lta na 'bad pa gzhan don med pa nyid do/ de lta zhes pa ni gnyis su med pa'i shes brtags su zin kyang sems can gyi rgyud la 'dod chags la sogs pa mthong ba'i phyir yon tan ci yang ma thob pa'o/ /gzhan gyis brgal ba sgyu ma zhes smos
 te/ sgyu ma lta bur sems can de 'gro ba rnams kyis zhes bas kyang nyon mongs pa ji ltar ldog par 'gyur te/ re zhig gzhan rnams de ltar 'gyur ba la lta the tshom yang med na de byed pa nyid kyang sgyu ma byed mkhan nyid kyang ngo/ /lan brjod par bya ba'i
 phyir/ de byed pas ni zhes smos te/ nyon mongs pa ni kun tu 'chags pa'o/ /shes bya ni bud med la sogs pa la chags pa de'i bag chags kyi sa bon no/ /ma spangs pa ni ma bcom pas so/ /de mthong ba ni sgyu ma'i bud
 med mthong ba'o/ /stong nyid de de kho na nyid kyi shes pa'i bag chags stobs chud ba'o/ /'o na ji ltar dngos po'i bag chags spong par 'gyur snyam pa la brjod pa stong pa nyid du bag chags goms pa ste/ bsgom pa'i rnal 'byor phul du phyin pas spong bar
 byed pa ni las su byed pa'o/ /ci ste dngos po'i bag chags dang stong pa nyid kyi bag chags la khyad par cung zad kyang yod pa ma yin no/ /de skad du yang/ lta ba thams cad stong nyid kyis/ /nges par 'byung bar rgyal bas gsungs/ /gang zhig
 stong nyid du lta na/ /de nas sgrub bya min par gsungs/ /zhes 'byung bas so zhe na/ de la lan brjod pa/ ci yang zhes smos te/ dngos po med pa'i rang bzhin yang med pa nyid do zhes goms par byas nas de yang ste/ stong pa nyid kyi bag chags kyang med
 par 'gyur ba nyid do/ /de lta na yang skyon gyi gnas skabs de nyid do snyem pa la/ gang tshe zhes smos te/ gang med pa nyid do zhes rtog par byed pa'i dngos po de gang gi tshe/ rnam par gzhig pa de'i tshe/ rnam pa thams cad du rnyed pa ma yin te/ 'di dngos
 po'i phreng ba can gang yang med par de ci la brten de gnas/ phar 'gram med pa'i tshur 'gram bzhin du rten med pa nyid kyis brten pa med pa nyid do/ /zhes bya ba'i don to/ /de ltar na blo'i mdun na dmigs pa nyid du ji ltar snang bar 'gyur/ de lta
 bur rnam par rtog pa nus pa la sgrib pa thams cad grol bar 'gyur ro/ /zhes bstan pa'i phyir/ gang tshe zhes smos te/ dngos po dang dngos po med pa dag las ma gtogs pa'i 'gro sa gzhan na med pa'i phyir dmigs pa med pa ni rten med pa'i
 phyir te/ shing zad pa'i me gzhan du rnam par rtog pa thams cad rab tu zhi ba ni mya ngan las 'das par 'gyur ba'o/ /de ltar na bcom ldan 'das kyis gzhan gyis don rdzogs pa ji ltar mdzad snyam pa la/ yid bzhin zhes smos te/ yid bzhin nor
 bu ni yid la bsams pa bzhin du 'bras bu ster ba'i rin po che'i bye brag go /dpag bsam shing ni ji ltar dpag bsam gyi shing bsam pa ltar 'bras bu ster ba'i shing gi bye brag go /de bzhin du bdud bzhi las rnam par rgyal bas na rgyal ba'o/ /de'i sku
 snang ba ni skyes bu chen po'i mtshan sum cu rtsa gnyis mthong ba'o/ /ji ltar mthong zhe na/ gzhan gdul bar bya ba med pa nyid du mi srid pas gdul bar bya ba dge ba'i rtsa ba thob cing smon par byas pa'i rkyen de dang de'i don du byang chub sems dpa' i dus
 na smon lam btab pa'i rgyu ste de nyid kyis so/ /de skad du yang bsam gtan de la snyoms zhugs nas/ /yid bzhin nor bu bzhin du gnas/ /tshogs la sogs pa rdzogs pas ni/ ji ltar 'dod bzhin bstan pa byung/ /zhes gsungs so/ /bstod pa bzhi
 ba las kyang/ bcom ldan mnga' bdag khyod kyis ni/ /yi ge gcig kyang ma gsungs te/ gdul bya'i 'gro ba mdza' dag la/ /chos kyi char bas tshim par mdzad ces gsungs so/ /yang de nyid kyi don gzhan gyi sgo nas bstan pa'i phyir/ mkha' lding
 zhes bya ba la sogs pa tshigs su bcad pa gnyis gsungs te/ bsgrubs pa ni sngags kyi mngon par 'dus byas pa'o/ /'das ni shi ba'o/ /de 'das zhes pa ni nam mkha' lding grub pa'o/ /de zhes pa ni chos sdong ngo/ /dpes mtshon pa'i don bstan
 par bya ba'i phyir/ byang chub ces smras te/ byang chub ni sangs rgyas nyid do/ /spyod pa ni de'i don du tshogs yongs su rdzogs pa'o/ /rjes su mthun pa de dang rjes su mthun pa'i 'bras bu'o/ /rgyal ba nyid chos sdong ngo/ /gdul bya'i smon lam la so sor snang ba
 nyid du bsgrubs pa la sgrub pa zhes brjod do/ /byang chub sems dpa' 'das pa ni sangs rgyas kyi skabs nyid do/ /gal te sems kyi rgyun nye bar zhi bar gyur pa'i sangs rgyas de la mchod pa byas pas ji ltar 'bras bu dang ldan par
 'gyur zhes rtsod pa bslang bar bya ba'i ched du sems med pa zhes smos te/ sems dang bral ba'i bcom ldan 'das la mchod pa byas pas 'bras bu dang ldan par ji ltar 'gyur te/ 'ongs mi spyod pa'i phyir ro/ /snyam pa la/ lan brjod pa gang
 zhig zhes smos te/ mtshungs pa ni 'dra ba'o/ /bshad pa ni lung las gsungs pa'o/ /don dam par longs spyod pa yod pa ma yin pas sbyin pa dang rjes su mthun pa'i bsod nams dang ldan pa nyid du ni khyad par ni cung zad kyang med do/ /gzhan yang lung
 las yin zhes bya ba la sogs pa la/ de ste zhugs pa 'am mya ngan las 'das pa'i bcom ldan 'das la mchod pa byas pas 'bras bu 'byung ba ni lung las gsungs pa yin na/ /khyad par ni kha cig ni kun rdzob kha cig ni don dam du 'dod
 par zad do/ /de skad du yang 'ga' zhig bzhugs pa mchod pa dang/ /gang zhig mya ngan 'das mchod pa/ /dad pa'i sems kyi mtshungs pa ste/ bsod nams khyad par yod ma yin zhes gsungs so/ /gzhan yang bden pa ste don dam par bzhugs
 pa'i bcom ldan 'das la mchod pa byas pas 'bras bu dang bcas par gyur pa lta bu ste/ dper na ji lta bur zhes bya ba'i don yin te/ lus las ma gtogs par dper brjod pa'i 'os gzhan med do zhes bya ba'i don to/ /bye brag tu smra bas rtsod pa
 bden pa zhes bya ba la sogs pa smos te/ sdug bsngal dang kun 'byung dang 'gog pa dang lam ste 'phags pa'i bden pa rnams mthong ba ste/ mngon du byas pa las mthong ba'i lam dang/ bsgom pa'i lam gyi sgo nas grol bas chog mod/
 stong pa nyid bsgom pas ci bya snyam pa la lan brjod pa/ gang gi phyir stong pa nyid kyi rang bzhin gyi lam 'di med par byang chub ces bya ba yod pa ma yin no/ /zhes bya ba lung las gsungs pa ste/ de yang 'di skad du sangs rgyas rang sangs rgyas dang ni/ nyan
 thos rnams la des bstan pa'i/ /thar pa'i lam ni khyod gcig pu/ /gzhan yod min zhes nges pa yin zhes 'byung ngo/ /'on te zhes pa ni rgol ba ste/ theg chen ni byang chub sems dpa' i theg pa'o/ /de'i lung gis ma grub po snyam pa la/ lan
 brjod pa/ khyod kyi yang lung gis ji ltar 'grub/ /rgol bas smras pa/ gang gi phyir gnyis ka la ste 'u bu cag gnyi ga la nga'i lung grub pa mnyam pa la grub pa pos brjod pa dang por zhes smos te/ dang por te re zhig sngon khyod kyis khas ma blangs pa'i lung de nyid
 mi 'grub pa'o/ /phyis khas blangs pa las ni 'grub la rag na/ de lta ni kho bo cig gi theg pa chen po yang khas blangs nas 'grub pa nyid yin pas gnyi ga la 'di grub ces gang gis brjod par byed/ gal te bla ma gcig nas gcig tu brgyu
 ba'i gdam ngag dang/ sangs rgyas kyi bka' yin pa nyid kyis mdo sde la 'jug pa dang 'dul ba la yang snang ba de sangs rgyas kyi bka' yin gyis gzhan ni ma yin no/ /snyam pa la brjod pa/ gang zhig ces smos te/ gang zhig rkyen rnams ni
 gang zhig rgyu mtshan du sprel pa rnams so/ /de la zhes pa ni rang gi lung la'o/ /gnas pa ste khas len no/ /de nyid ni theg pa chen po'i lung la yang yod pa nyid yin pas rkyan de rnams sbyar bar gyis shig /de skad du yang gang zhig don ldan chos
 kyi tshig dang nyer ldan pa/ /khams gsum rnams kyi kun nas nyon mongs gcod par brjod/ /gang zhig phan yon? ? ba mthong bar byed pa de/ /gtsug lag de lta min la phyin ci log tu brjod/ /ces gsungs so/ /gal te 'o skol gnyis ma
 yin pa'i gzhan po gnyis kyis 'dod pa de bden pa'i don yin no snyam pa la gzhan dag ces smos te/ 'o skol gnyis ma yin pa'i gzhan po gnyis kyis 'dod pa bden pa yin pa lta na ni rig byed la sogs pa yang
 bden pa nyid du 'gyur ro/ /gal te lung nyid yin ma yin rtsod pa yod pa'i phyir theg pa chen po ni rtsod pa dang bcas pa'o/ /snyam pa la sgrub pa pos brjod pa/ de ltar na ni khyod kyis lung yang dor dgos te/ de la yang khyod dang mu stegs pa
 nyid yang dag par rtogs pa dang log par rtog pa yod pa'i phyir ro/ /mu stegs pa 'ba' zhig tu ma zad kyi/ bdag dang ste/ rang gi sde pa'i bye brag dang gzhan gyi sde ba ste sde ba gzhan gyi dbye bas khyod kyis khas blangs pa'i lung las
 bzhan du rang dang gzhan gyi sde pas khas blangs pas de yang rtsod pa dang bcas pa yin pa'i phyir dor bar bya dgos te khas blangs par mi bsha' ba nyid do/ /gzhan gyi lung zhes pa'i tshig ni rang gi lung dang gzhan gyi lung zhes bya
 ba'i don to/ /zhar la byung pa'i tshul gyis lung la log par rtog pa bsal nas bden pa mthong bas grol bar 'gyur bas na/ stong pa nyid bsgoms pas ci zhig bya zhes dgos pa nyid bsal bar bya ba'i phyir bstan rtsa zhes smos te/
 bstan pa ni gsung rab bo/ /nyon mongs pa las thar pa dang zhi ba khas blangs pa ste dge slong gnyis kyi ni rtsa ba ste/ 'di dag gis yun ring du gnas par byed pas so/ /de la gtso bo ni nyon mongs pa las thar pa'i dge slong yin na/
 stong pa nyid med par bden pa mthong ba las ni nyon mongs pa las thar ba'i dge slong de 'gyur ba ma yin pas dkar bar gnas pa'o/ /dge slong dka' bar gnas pa 'ba' zhig tu ma zad kyi/ sems dmigs pa dang bcas pa ste gang
 dag dngos por mngon par zhen pa rnams kyi mya ngan las 'das pa yang dka' bar gnas pa yin no/ /de la dge slong nyid mi 'thad zhes bya ba'i phyir/ rgol ba slang ba nyon mongs zhes smos te/ bden pa mthong bas nyon mongs pa spangs te/ de nas grol bar
 'gyur ro snyam pa la lan brjod pa/ 'di ltar de'i rjes la ste nyon mongs pa spangs pa nyid kyi rjes la grol khongs chug /ci ste grol ba nyid du 'gyur ba la the tshom ci yod ce na/ ma yin no ci'i phyir zhe na/ brjod pa nyon mongs zhes smos te/ nyon mongs
 pa'i las med kyang de la ste/ mo'u gal gyi bu la sogs pa la rdeg pa la sogs pa'i las kyi mtshan nyid kyis nus pa mthong ba'i phyir ro/ /de bas na nyon mongs pa spangs pa'i rjes la grol bar 'gyur ba ni ma yin no/ /ci ste de dag la yang skye ba'i rgyu srid
 pa med do zhes rgol ba'i don du ci tsam zhes smos te/ nges pa ni de ltar des pa'o/ /sgrub pa pos brjod pa sred 'di zhes smos te sred pa 'di nyid nyongs pa ste/ kun nas nyon mongs pa dang ldan pa ma yin du zin kyang/ kun nas nyon mongs pa bzhin du ste nyon mongs
 pa'i shes pa bzhin du re ci ste med pa yin/ de bzhin du tshor ba'i zhes bya ba la tshor ba'i rkyen gyi sred pa ste/ tshor ba de ni 'dod chags dang bral ba rnams la yang yod pa yin bas na rgyu ma tshang ba med pa'i sred pa de ji ltar na med par 'gyur/ de'i phyir
 stong pa nyid med par dge slong nyid bde blag tu gnas shing so sor snang ba ma yin no/ /gang sems dmigs pa dang bcas pa rnams kyi mya ngan 'das pa la dka' bar gnas so/ /zhes brjod pa de nyid kyi 'thad pa bstan pa'i phyir/ dmigs pa zhes smos te/
 dmigs pa dang bcas pa'i sems kyis 'phags pa'i bden pa la sogs pas dang srid par 'jog par byed kyi yang skye ba'i skye ba ni ldog par mi byed do gzhan yang stong pa nyid dang zhes bya ba la sogs pa la/ gal te ni ting nge 'dzin gyi stobs kyis
 nus pa cung zad tsam ldog par srid kyang yang de bzhin du kun tu chags pa'i zhags pa slar 'chid bar skye bar 'gyur te/ 'du shes med pa la snyoms par zhugs kyang de las langs nas sems de yang skye bar
 'gyur ba bzhin na/ /gang zhig mdo sde la 'jug ces bya ba la sogs pa tsheg par bdun pa'i tshigs su bcad pa gsum ni gzhan gyi phangs pa yin gyi slob dpon nyid kyi ma yin te/ gang gi phyir dmigs pa dang bcas pa dang dmigs pa
 med pa spyod pa'i skabs yin gyi/ lung dang lung ma yin pa'i spyod pa skabs ma yin pa'i phyir ro/ /zhes kha cig zer ro/ /kho bos ni 'phags pa zhi pa'i lha seng+ge'i khri la zhugs pa'i dus de nyid kyi tshe chos bshad pa mdzad pa yin pas na/
 gong 'og gi 'brel pa ma gzigs par gsungs pa kho na 'dra bar mthong ngo/ /theg pa chen po dang khyod kyi mdo sde nyan thos kyi mdo sde mnyam pa ni don cig par ro/ /ma rtogs gcig ste phyogs gcig go /ma rtogs par gyur pa ni mtshungs par ma rtogs pa
 ste/ don tha dad pa'i phyir ro/ /thams cad de theg pa chen po thams cad do/ /nyes pa dang bcas pa ni sangs rgyas kyi gsungs pa nyid do/ /cig dang ste theg pa chen po'i phyogs gcig dad do/ /thams cad ni theg pa chen po thams cad do/ /
 khyod kyi shes pa ni bye brag tu smra ba rnams kyis so/ /stong pa nyid kyi phan yon bstan par bya ba'i phyir/ chags pa zhes smos te/ chags pa ni yod par zhen pa'o/ /'jig pa ni chad pa'i mthas skrag pa ste/ rtag chad gnyis kyis mdza' zhes bya ba'i
 don to/ /grol ba dod gnyis kyi mdza' yongs su btang nas dbu ma'i lam rtogs par byas te/ 'khor ba yang grub par gnas pa'o/ /rmongs pa zhes pa ni kun rdzob tu sems can la dmigs nas rjes 'khor ba zhugs pa'o/ /stong pa nyid mthong
 bas 'khor ba'i skyon gyis mi gos pa 'di ni stong pa nyid kyi 'bras bu'o/ /the tshom ni som nyi'o/ /nyon mongs pa dang shes bya nyid sgrib pa'o/ /de nyid mun pa dang 'dra bas na mun pa'o/ /de'i gnyen po ni de 'joms par byed pa'i stong pa nyid do/ /stong
 pa nyid kyi skrag par mi bya'o zhes gdams par bya ba'i phyir/ sdug bsngal zhes bya ba la sogs pa smos te/ bdag go snyam pa'i shes pa'i yul du brjod pa'i bdag de nyid bdag gi rang gi ngo bo ste/ de nyid gal te brtags shing dpyad na cung zad
 kyang yod pa ma yin no/ /zhes brtags dpyad nyid brjod par bya ba'i phyir/ so dang zhes bya ba la sogs pa smos te/ ma yin zhes pa ni bdag ma yin pa'o/ /mchil ma ni kha nas byung ba'o/ /chu ser ni rma nas 'dzag pa'o/ /zhag ni tshil bu ste/
 gang gi dbang gis lus rgyas par 'gyur ba'o rdul ni rab tu rdul ba'i rdul lo/ /nang grol ni sgyu mdza' phra mo yan chad do/ /rgyu ma ni rtsa dang nye ba'o/ /drod ni me'i khams so/ /bu ga ni mig la sogs pa'o/ /gal te grangs can pa rnams kyis bdag ni
 rig pa'i rang bzhin yin pa'i phyir/ sgra la sogs pa'i shes pa'i rang bzhin gyi bdag rtag par 'dod pa ma yin nam ji ltar na bdag 'gegs par byed snyam pa la gal te zhes smos te/ gal te sgra'i shes pa dag yin na ni/ de yang rtag
 pa yin pas de'i tshe/ dus thams cad du sgra 'dzin par 'gyur te/ rnam par shes pa rtag pa'i yul sgra yang yod pa ma yin pa'i phyir ro/ /gal te sgra ni rtag tu yod pa ma yin gyi/ rtag tu yod pa ma ni rnam par shes pa 'ba' zhig yin pas na
 de'i phyir rtag tu mi 'dzin no/ /snyam pa la gang gi shes smos te/ gang gis shes par brjod pa'i mngon par brjod par byed pas sgra la sogs pa med par ci zhig ces bya ba'o/ /de nyid bstan par bya ba'i phyir/ gal te zhes med ces bya ba la sogs
 ba smos te/ gzhan yang sgra 'dzin par byed pa'i bdag gcig po des de'i tshe gzugs la sogs pas 'dzin pa ma yin no zhes bya ba rnam grangs kyi brjod pa/ des na zhes smos so/ /sgra'i shes pa de nyid kyis gzugs kyang
 'dzin pa yin no zhe na/ sgrub pa pos brjod pa/ de tshe zhes smos te/ gzugs 'dzin pa'i dus de'i tshe sgra yang ci ste mi 'dzin te/ sgra'i shes pa yin pa'i phyir ro/ /gal te sgra nye phyogs na med pa'i phyir mi 'dzin pa nyid do zhe na/ kye he de ltar na ni shes
 pa de yang ste sgra'i shes pa de yang med pa nyid do/ /gzhan yang sgra 'dzin zhes bya ba la sogs pa'o/ /ci ste skyes bu gcig nyid la kha cig gi pha kha cig gi bu ru btub pa ma yin nam/ de ji ltar snyam pa la sgrub ba pos brjod pa/ pha dang zhes smos te pha
 rol pos brtags pa'i don ni btub la rag la 'dir don dam pa nyid kyi rang bzhin khas blangs bar bya ba'i skabs su bab pa yin no/ /'di ltar 'di ni don dam pa ma yin no zhes tha snyad du bya ba'i phyir/ snying stobs zhes smos te/ snying
 stobs ni bde ba'o/ /rdul ni sdug bsngal lo mun pa ni ma rig pa'o/ /zhes grangs can rnams kyis smas pa'i bu'i gnas skabs kyi yon tan gsum po de nyid pa'i gnas skabs na yang yin pas khyad par med pa'i phyir btags pa nyid yin gyi
 don dam pa ma yin no/ /gzhan yang sgra 'dzin zhes bya ba la gal te gzugs 'dzin pa'i dus na sgra 'dzin pa'i rang bzhin gyi shes pa de yang yod na ni de bzhin du dmigs par 'gyur ba zhig na de ltar yang mi dmigs pa'i phyir de'i rang bzhin de med pa nyid du nges
 pa yin no/ /ci ste sgra'i shes ba de nyid las gzhan gzugs kyi shes pa 'byung ba yin te/ dper na gar mkhan gyi rang bzhin gcig po de nyid rang bzhin gyis te/ ras 'ga' ni ardzu na'i gzugs kyis snang ba bzhin no/ /zhe na sgrub pa pos
 brjod pa/ de yang mi rtag ces smos te/ gar mkhan de yang mi rtag cing mi brtan pa nyid yin te/ gzugs gzhan por nas gzugs gzhan 'dzin par byed pa'i phyir ro/ /gal te gcig la rang bzhin gnyis ni yod pa ma yin te/ gar mkhan
 gcig po de nyid rang bzhin gyi tshul gyis 'ongs pa yin no zhe na/ lan brjod pa sngon med ni ngo mtshar can gyi gar mkhan snang ba'o/ /gang yang de nyid ces brjod pa ni bden par brjod pa nyid du ste/ yang de nyid gzhan nyid kyi tshul gyis gcig pa
 phan tshun du 'gal ba'i rang bzhin gnyis ni yod pa ma yin na gcig ces bya ba'i gcig nyid gang gis na yod/ gal te rig ba'i rang bzhin gyi bdag las gzhan yul gyi khyad par du byas pa ni shel gyi sngon po bzhin bden pa ma yin no snyam
 pa la lan brjod pa/ gnyug ma de'i rang bzhin smos/ /gal te yul gzugs la sogs pa tha dad du zin kyang shes pa nyid don dam pa gcig pur gyur ba nyid gcig yod do snyam pa la/ lan brjod pa/ de'i phyir zhes smos te/ de ltar na ni skye bo
 kun gcig gi bdag nyid du 'gyur te/ shes pa nyid thams cad thun mongs du yod pa'i phyir ro/ /gzhan yang sems can ma yin pa dag ni bdag dang rang bzhin te gcig par 'gyur ba ni de dngos po la tha mi dad par 'gyur ba'o/ /mnyam pa
 ni mtshungs pa'o/ /rgyu gang yin pa'i sgo nas sems pa can dang sems med pa gnyis yod par ma grub pa ni yod min no/ /'di snyam du skyes bu rnams la 'dra ba'i rgyu mtshan gcig nyid du gyur pa gcig mi 'dod na ni bden na/ 'on kyang
 'dod pa nyid do/ /snyam pa la gang tshe bye brag ces smos te/ yang zhes pa ni nyes pa gzhan sun dbyung ba'o/ /gang gi bye brag brdzun pa de'i tshe/ gcig pa nyid du gyur ba nyid de/ 'di ltar bye brag tu tha dad bar gyur na ni cung zad chos mthun
 ba'i sgo nas 'dra ba yod par 'gyur grang ni bye brag tha dad pa yod pa ma yin te/ de de nyid du gyur pa'i phyir 'dra ba yang ba ma yin no/ /da ni rig pa can la sogs pas brtags pa'i bdag sems pa med par 'dod pa dgag par bya
 ba'i phyir/ sems med pa yang zhes smos te/ bdag ces bya ba sems pa med pa'i dngos po ste/ sems pa med pa can gyi bdag go /ci ste sems ldan na ci sems pa dang sbyar nas shes pa byed pa yin no snyam pa la/ lan brjod pa/ de
 ltar na rgyal ba la sogs pa'i gnas skabs na sems pa yod pa ma yin pa'i phyir mi shes pa nyid 'thob par 'gyur zhing sems dang 'brel pa yang nyams par 'gyur bas na/ bdag nyams nas mi rtag pa nyid du thal bar 'gyur ro/ /ci
 ste bdag ni rtag pa nyid yin pa'i phyir/ nam yang 'gyur ba med pa nyid yin pa des na nyams par mi 'gyur ro zhes gzhan gyis brgal ba lan brjod pa/ sems pas zhes smas te/ shes pa dang sbyar bas 'gyur ba med pa'i bdag 'di la
 ci zhig byas par 'gyur/ gang gis na shes par byed par 'gyur/ de lta bas na bdag gi rang bzhin ni nam mkha' i bdag nyid du byas te/ rnam par gzhag par 'gyur te/ 'di de dang mtshungs pa'i phyir ro/ /yang rnam pa gzhan gyis bdag sgrub
 bar 'dod nas/ gal te zhes bya ba la sogs pa smos te/ gang gi phyir bdag rtag pa las byed cing myong ba med bar gyur pa de lta na las de dag byas pa nyams par 'gyur te/ gang gis 'bras bu 'byung bar 'gyur/ des na bdag ni
 yod pa nyid do snyam pa la lan brjod pa/ rten gzhan zhes smos te/ rten byas pa'i 'bras bu nyid du ni 'u bu gnyi ga rten bdag dang bdag med par smra ba gnyi ga la grub pa ste las gang zhig lus 'da' i byas nas de'i 'bras bu gzhan du
 skyes pa'i lus kyis myong bar byed pa yin no/ /de dang de bdag yongs su brtags pa ni dgos pa med pa nyid de bya ba med pa yin pa'i phyir dang bdag dang las kyi 'bras bu 'brel ba med pa'i phyir ro/ /gzhan yang rgyu ldan zhes bya ba la sogs pa smos
 pa ni chos thams cad skad cig ma yin pa'i phyir zhes dgongs pa yin no/ /de lta na 'di nyid kyis byas pa'i las gzhan gang gis nyams su myong bar 'gyur zhes gsungs pa de ji ltar 'tsham par 'gyur/ snyam pa la/ rgyun zhes smos te rgyun de skad cig
 ma gzhan dang gzhan gyi rang bzhin gcig la brten nas te sgro btags nas las gang byas pa'i 'bras bu de longs spyod par byed do/ /zhes bcom ldan 'das kyi gsal par gsungs te/ de lta ma yin na 'gro ba rnams las kyi 'bras bu rgyun
 chad do snyam du sems par 'gyur ro/ /de skad du yang gang gi rgyud la gzhag pa yi/ /las kyi bag chags da nyid kyi/ /'bras bu de nyid la 'brangs te/ /ras bal dmar po ji bzhin no zhes gsungs ste/ dper na rgyu rgya skyegs la sogs pa'i cho gas
 kyi ras bal la sogs pa'i sa bon las byung ba ni 'bras bu 'dus byas pa'i rgyun gcig tu zhugs pas bdag med bzhin du yang de'i me tog la sogs pa dmar por 'gyur ro/ /de bzhin du skabs la bab pa'i don yang ngo/ /gal te bdag med
 par gyur na/ bdag gi mgon po bdag nyid de/ gzhan dag mgon du ji ltar 'gyur/ /bdag nyid kyis ni legs btul na/ /mkhas pas mtho ris thob par 'gyur/ /zhes bya ba'i tshigs su bcad pa gsungs pa ji ltar 'tsham zhe na/ de ni sems
 nyid la brjod pa yin par gzung bar bya ste/ mdo ste gzhan las kyang sems nyid la bdag gi sgras brjod pa'i phyir/ lang kar gshegs pa las kyang/ gang zag rgyu dang phung po dang/ /de bzhin rkyen dang rdul phran dang/ /gtso ba dbang phyug
 byad po zhes/ /sems tsam nyid la nga yis bshad/ /ces gsungs so/ /sems de yang bdag go snyam du nga rgyal bskyed par bya ba'i spyod yul ma yin no zhes bstan pa'i phyir/ 'das dang zhes bya ba smos te/ bdag min zhes
 pa ni bdag go snyam pa'i yul ma yin ba'o/ /bdag gi sems da ltar ba yang bdag go snyam du nga rgyal bskyed par bya ba'i spyod yul ma yin te/ skyed kyi rjes nyid las nyams par 'gyur ba'i phyir ro/ /sems 'di zhig par gyur tsam yang
 bdag go snyam pa'i yul yod pa ni ma yin no/ /mjug bsdu bar bya ba'i phyir/ ji ltar zhes smos te/ bdag go snyam pa'i nga rgyal ba'i yul yang dngos por gyur pa ma yin no yang rnam pa gzhan gyis bdag sgrub par 'dod nas gal te zhes
 smos te/ sems can dang bdag med par gyur na ji ltar byang chub sems dpa' rnams kyis snying rje 'jug par 'gyur snyam pa la/ bsgrub pa pos brjod pa rmongs pas zhes smos te rmongs pas zhes ba ni kun rdzob tu zhes bya ba'o/ /btags pa ni sgro btags pa'o/
 dgos pa'i don du ste sangs rgyas sgrub pa'i don du'o/ /khas blangs ba ni dam bcas pa ste sems can rnams kyi thog tu'o/ /zhes bya ba'i don to/ /snying rje ni rnam pa gsum ste/ sems can la dmigs pa dang/ chos la dmigs pa dang
 dmigs pa med pa ste gsum mo/ /de skad du bstong pa bzhi pa las kyang mgon khyod sems can du shes kyis/ rnam pa kun tu 'jug mi mdzad/ /sdug bsngal gyis gzir sems can la/ khyod ni shin tu brtse bar ldan/ /zhes gsungs so//
 gal te rgyun gcig gis rjes su zhugs nas skye zhing 'gag pa'i sems can ni med na/ des na dgos par bya ba'i 'bras bu gang zhig yin zhe na/ lan brjod pa de ni bden pa ste/ don dam par de'i 'bras bu'o zhe 'am dgos pa'o zhes
 bya ba 'ga' zhig kyang yod pa ma yin yang 'dir ni rmongs pa ste/ kun rdzob tu sems can la dmigs nas 'bras bu'i don du des bya ba byed do/ /gal te yang rmongs pa zhes bya ba ni ma rig pa yin na/ de ji ltar khas len par byed snyam pa la brjod pa/
 sdug bsngal zhes smos te/ rmongs pa rnam pa gnyis te/ 'khor ba'i rgyu dang rab tu zhi ba'i rgyu'o/ /de la gang mya ngan las 'das pa'i rgyur 'gyur ba'i rmongs pa 'dir bzung ngo/ /gal te yang 'di snyam du ji ltar sdug bsngal nye bar zhi ba'i rgyu yin
 pa'i phyir rmongs pa'i bya ba bzlog par mi bya ba de bzhin du bdag tu rmongs pa yang bzlog par mi bya ba ste/ de'i dngos po 'dod pa'i don sgrub pa'i phyir ro/ /snyam pa la/ lan brjod pa/ sdug bsngal rgyu yi zhes smos te/ de skad du yang bdag 'dzin
 las ni gzhan gyi 'du shes 'byung/ /bdag 'dzin dbye bas yongs 'dzin zhe sdang ste/ /'di dag gnyis dang kun tu 'brel pa las/ /nyes pa thams cad rab tu skye bar 'gyur/ /zhes 'byung ngo/ /de bzhin du bdag 'dzin dang bcas yid kyi skye ba'i rgyu ni
 rab tu zhi byed min/ /bdag tu lta bas bdag tu 'dzin pa'i nga rgyal snying las spong byed min/ /bdag med smra ba gzhan yod min phyir 'gro na ston pa gzhan yod min/ /des na nye bar zhi byed cho ga khyed bzhed lam las gzhan yod min zhes 'byung ngo/ /de
 ltar bdag tu rmongs pas bdag tu 'dzin pa zlog par mi byed pa de'i cha bdag med pa nyid bsgom pa'i mchog yin no/ /phyis ni de yang dmigs pa'i rang bzhin yin pa'i phyir/ spang bar bya'o/ /gal te 'di ltar yan lag can gyi lus bdag
 'dzin pa'i yul yin no snyam pa la/ lus ni zhes bya ba la sogs pa gsungs te/ lus la ni rnam par dpyad na yan lag la/ /tha dad pa'i dngos po cung zhig kyang med la/ des na gzhan yod pa yin pa yang ma yin no/ /brla ni pus mo'i
 steng gi phyogs so/ /phrag pa la ni dpung pa'o/ /de ni ste lus ni'o/ /'di ni ste de dag rnams kyi nang na'o/ gal te yan lag thams cad la yan lag can gyi lus yod pa yin no snyam pa la/ gal te
 zhes la sogs pa smos te/ yan lag rnams la yan lag can phyogs gcig pa 'am/ yang na thams cad la yod grang/ gal te phyogs gcig la yod par 'gyur na ni de yang yan lag rnams kyi cha shas su gyur pa na yan
 lag can gcig gang na gnas te sus kyang rig pa med do/ /de ste lag pa la sogs pa'i yan lag gi bdag mun pa ste/ thams cad la gnas par 'gyur na ni de'i tshe lus kyi yan lag ji snyed pa'i lus su 'gyur/ kha bsgyur ba
 dang ma bsgyur ba'i thal par 'gyur ba yang brjod par bya'o/ /sha la sogs pa sngar dpyad par byas pa'i phyir na ste/ nad rol na lus yod pa ma yin no/ /ji ltar zhes pa ni rnam pa gang gis shes bya ba'o/ /gti mug pa ste ma
 rig pa'i dbang gis so/ /gal te rmongs pa nyid kyis lus kyi khyad byung gi don dam par ma yin pa ji ltar snyam pa la/ dbyings su shes smos te/ dbyibs su bkod pa ni gzugs su byas pa'o/ /shing du ma ste shing dum mthar bsgrang
 ba la rkyen gyi dbang gis skyes bu bzhin du snang ba'o/ /de zhes ba ni tshogs pa'o/ /'di la ste lag pa la sogs pa la'o/ /ji ltar lus med pa bzhin du yan lag kyang med pa zhes bstan pa'i phyir/ de bzhin zhes bya ba la
 sogs pa smos te/ de yang zhes pa ni sor mo'i tshogs so/ /tshigs kyang rang rang gi chag phyi na cha shas su yod pa ma yin no/ /cha shas kyang yod pa ma yin te/ rdul phra rab kyi rnam par dpyad cing gzhig pa'i phyir ro/ /rdul
 phra rab kyang yod pa ma yin te/ phyogs cha tha dad pa'i phyir ro/ /'di ltar phyogs bzhi steng 'og gnyis te drug tu 'gyur ro/ /dkyil gyi cha med pa gcig po de la shar phyogs na mo'i de'i cha de de'i phyogs gzhan na mo yin par 'gyur na ni gong bu yang
 rdul phran tsam du 'gyur ro/ /gzhan yin par 'gyur na ni de'i tshe de yang cha drug tu 'gyur te/ 'di ltar phyogs bzhi steng 'og gnyis te drug tu 'gyur ro/ /de'i phyir lus kyang bdag tu 'dzin pa'i blo'i spyod yul ma yin no/ /gzugs zhes pa ni gzugs
 kyi phung po'o/ /de ltar lus dran pa nye bar bzhag pa bstan nas tshor ba dran pa nye bar bzhag pa bstan pa'i phyir/ gal te zhes smos te/ gal te tshor ba don don par yod par gyur na des de'i tshe na yod pa'i rab dga' ste tshor ba bde ba ci'i phyir na mi
 'gegs/ /gdungs pa ni gzir ba'o/ /zhim pa ni dga' bar byed pa'o/ /de'i phyir de dag ni rtog pas kun tu sgro btags pa'o/ /pha rol pos brdung pa/ mang po zhes smos te/ dga' pa la sogs pa'i gnas skabs na bde ba la sogs pa
 mang zhing phal che bas sdug bsngal la sogs pa yod du zin kyang nyams su myong ngo snyam pa la/ lan brjod pa/ gang zhig ces smos te/ gang zhig nyams su myong ba'i bdag nyid du ma gyur pa'i tshor ba de ji lta bu zhig /gang las rig myong nas
 rig go zhes brjod par bya/ gzhan gyi brjod pa/ sdug bsngal zhes bya ba la sogs pa smos te/ sdug bsngal thams cad du med pa ni ma yin gyi/ 'on kyang sdug bsngal phra ba nyid du yod pa yin la/ bde ba ni rags pa nyid de chog tu
 dga' ba khyad par can skyes pa ma yin nam zhes pa ni bdo pa'o/ /phra ba nyid ni gang yin snyam na dga' ba tsam gzhan du gyur pa yin la/ dga' ba tsam ni rangs pa tsam nyid de dga' ba'i bag zhad chung ngu tsam mo/ /gzhan du gyur pa ni
 rmad du byung ba'i dga' ba gnyis pa'o/ /zhes gal te 'dod do zhe na/ lan brjod pa/ de'i phyir zhes smos te/ de'i bde ba phra ba ma yin par yod pas sdug bsngal yod par mi 'gyur te/ dga' ba med pa'i rigs
 yin pa'i phyir ro/ /yang na de'i phyir te/ de lta yin pa de'i phyir rmad du byung bar gyur pa'i bde ba las/ bde ba 'di las gzhan pa'i bde ba tsam 'byung gi sdug bsngal ni ma yin no/ /gzhan gyi brgal ba dga' ba'i gnas skabs na sdug bsngal
 dang 'gal ba bde ba'i rgyu'i tshogs pa tshang zhing sdug bsngal gyi rgyu ma tshang par gyur pas 'byung bar ma gyur to snyam pa la/ lan brjod pa/ de'i tshe tshor ba zhes bya ba brtags pa la mngon par zhen pa 'ba' zhig tu gyur pa ma yin nam/ 'di ltar
 dngos po gcig nyid la kha cig ni bde ba/ kha cig ni sdug bsngal du 'gyur la/ /gnas skabs kha cig na mi bde ba'i rgyur 'dug pa de nyid gnas skabs gzhan du gyur pa de'i tshe/ bde ba'i rgyur 'gyur ba yin no/ /de skad du yang sprul la rma bya dga' 
 ba skye bar 'gyur/ /dug la goms pa rnams la dga' nyid tsam/ /rnga mo'i kha na tshe ma tsha bzhin du/ /dga' ba'i rgyu yi khyad par skyed par byed/ /ces gsungs so/ /de'i phyir bde ba la sogs pa mngon par zhen pa'i bdag nyid kyi tshor ba 'di
 rnam par brtags la/ de'i gnyen po'i phyogs tshor ba dran pa nye bar gzhag pa'i bdag nyid bsgom par bya goms par bya'o/ /gzhan yang 'di'i phyir yang tshor ba mngon par zhen pa'i bdag nyid do zhes bstan pa'i phyir/ rnam brtags
 ces smos te/ 'di ltar rnam par brtags pa nyid zhing ngo/ /gang de las yang dag par byung ba'i bsam gtan gyi bde ba de nyid zas so/ /rgyu khas blangs nas tshor bar mngon par zhan pa la brjod pa/ de ni rgyu med pa nyid kyi tshor ba yod pa ma
 yin no zhes bstan pa'i phyir/ dbang don zhes smos te/ yul dang dbang po rnam par shes pa rnams 'dus shing phrad pa las reg pa/ de las tshor ba skye ba yin na de yang bar dang bcas pa 'am bar med pa cig yin grang na bar dang bcas pa ste/ rnam
 par chod pa'i lta na ni ji ltar 'du bar 'gyur/ bar mtshams med pa ste rnam par mchod par gyur na ni gcig nyid de bdag nyid du gcig par 'gyur/ gal te 'di ltar rdul phra rab rnams 'dus shing phrad pa las 'du bar 'gyur ro/ snyam pa la/
 rdul phran zhes smos te/ rdul phra rab kyang rdul phra rab la 'jug pa med de 'di ltar go skabs med pa'i rdul phra rab la bar mtshams med pa'o/ /mtshungs pa ni mnyam pa ste/ mtho dman med pa'i phyir ro/ /gal te 'jug pa med du chug /du ma
 yin la rag go /snyam pa la ma zhugs pa zhes smos so/ /rdul phra mo rnams kyi 'du ba ni bdag nyid gcig pa nyid du 'gyur ba yin te/ cha shas med pa yin pa'i phyir ro/ /de lta ma yin na cha shas dang bcas par thal bar 'gyur ro/ /gzhan yang
 cha shas med pa ni cha shas kyi stang pa'o/ /'du ba ni dngos po'i tshogs so/ /ji lta bur na zhes pa ni mi srid pa nyid du ston pa'o/ /rnam par shes pa la yang 'du ba yod pa ma yin te/ lus can ma yin pa'i phyir ro/ /de bzhin du tshogs pa ste/ yang
 dag pa'i tshogs pa'i dngos po yang yod pa ma yin pas 'du ba yod pa ma yin no/ /sngar spyad pa ni de bzhin sor mo'i tshogs rnams las zhes bya ba la sogs pas nges par bsal ba'o/ /sdug bsngal ni bde ba bsgrubs pa 'grub cing sogs pa ngal
 zhing du ba ba'o/ /gnod na zhes bya ba ni tshor ba'i rgyu med pa dang byed pa po med pas med pa'i sgo nas so/ /gang la ji ltar 'gyur zhes bya ba ni rgyu med pa nyid du bstan to/ /ci ste 'joms mi byed/ ces bya ba ni rgyu med pa nyid kyis ci ste zlog par mi
 byed ces bya ba'o/ /gal te rig par bya ba'i dngos po nyid med na ji ltar mthong ba la sogs pa'i tha snyad yod par 'gyur snyam pa la/ mthong ba 'am zhes smos te/ mthong ba 'am rig pa la sogs pa don gyi tha snyad ni rmi
 lam lta bu rten cing 'brel par 'byung ba'i sems kyis rig pa yin gyis/ don dam par yod pa nyid ni ma yin no/ /gal te de ltar na sems kyis mthong ba'i tshor ba yod snyam pa la sems dang lhan cig ces smos te/ tshor ba zhes bya ba
 ni sems dang yang dag par ldan pa'i ches yin la/ de yang lhan cig tu 'gyur ba'i phyir sems kyis gzung bar bya ba ma yin no/ /gzhan yang tshor ba de sngar skyes pa'i shes pas kyang rig par bya ba ma yin te/ de'i tshe de med pa'i phyir ro/
 tshor ba de phyis skyes ba'i shes pas kyang rig par bya ba ma yin te/ de'i tshe na yang yod pa ma yin pa nyid kyi phyir ro/ /de bas na dran pa 'ba' zhig tsam du zad do/ /tshor ba bdag nyid kyis bdag nyid rig pa
 yang ma yin te/ rang rig pa nyid ni sngar bsal ba'i phyir ro/ /gzhan gyis rig pa yang ma yin te/ de yang sngar gsal ba'i phyir ro/ /ni shes pa ni gang gi don te/ gang gi phyir de ltar tshor ba po 'ga' yang yod pa ma yin te/ de'i phyir
 gzhan du mngon par zhen pa las ma gtogs pa'i tshor ba yang dag pa nyid du yod pa ma yin no/ /'di yi zhes pa ni tshor bas so/ /de dag gis ni tshor ba dran pa nye bar gzhag pa zhes bya ba bstan pa yin no/ /tshes yang dag par sdud pa las
 kyang tshor ba nyams myong zhes brjod pa/ /tshor bya tshor byed tshor ba rnams/ /so sor gyur pa ma mthong na/ /gang gis na nyid nyams su myong/ /de ltar tshor ba rnams la ni/ /mkhas pas dran pa nye bar gzhag ces 'byung ngo/ /sems dran pa nye
 bar gzhag pa bstan pa'i phyir/ yid ni zhes bya ba la sogs pa smos te/ dbang po ni shes pa skye ba la bdag po'i tshul gyis dbang byed pa'i don gyis na dbang po'o/ /gzugs sogs zhes bya ba ni lus las tha dad pa'i gzugs rnams so/ /bar na zhes
 pa ni dbang po dang yul gyi bar na 'o/ /nang gi lus kyi nang na'o/ /phyi na ste lus kyi phyi na'o/ /gzhan na ste brjod pa rnams las gzhan na'o/ /sems dang yid ni don gcig pa'o/ /lus dang lhan cig tu 'dres pa ma yin zhing rten tha dad pa ma yin te
 dngos ba cung zad kyang yod pa ma yin no/ /kun rdzob tu sgyu ma lta bu'i rang bzhin gyi sems ni yod do zhes dgongs pa'o/ /de nyid kyi 'thad pa yang stabs gcig chos dran pa nye bar gzhag pa bstan par bzhed nas shes bya ba las shes bya ba la
 sogs pa smos te/ de ltar zhes bya ba ni brjod pa'i rim pa'o/ /gzhan gyis bden pa gnyis mi 'thad par brtsad par 'dod nas gal te zhes smos te/ chos thams cad rang bzhin gyis skye ba med pa nyid kyis don dam pa'i bden pa gcig pu
 kho nar 'gyur gyi/ bden pa gnyis su mi 'gyur ro/ /yang na don dam pa'i rang bzhin thob pa yang yod la kun rdzob kyang yod pa yin te/ de yang gzhan te rgyud gzhan gyi blo yis rnam par 'jog par byed do/ /des na don dam pa'i bden pa
 'ba' zhig ni ma yin gyi/ kun rdzob grub pa'i phyir gnyi ga yang grub pa yin pas bden pa gnyis su brjod par byed pa de lta na ni don dam pa yang blo'i spyod yul du 'gyur la/ blo ni kun rdzob yin pas na de'i tshe mya ngan las 'das pa yang
 rkun rdzob tu 'gyur ba'i phyir de thob nas sems can mya ngan las ga la 'da' ste/ gang gis ni grol ba nyid du 'gyur snyam du sems pa la/ sgrub pa pos lan brjod pa/ 'di ni zhes smos te/ gang gi tshe gzhan gyi mya ngan las 'das
 pa'o zhes mya ngan las 'das pa rtog par byed pa de'i tshe gzhan gyi sems nyid rtog pa dang bcas pa yin pas na des mya ngan las 'das pa yul du byed par mi 'gyur ro/ /rang gi kun rdzob ste rang gi rnam par rtog pa la
 mya ngan las 'das pa de yod min te/ sems dang sems las byung ba thams cad 'gags pa'i phyir ro/ /des na mya ngan las 'das pa ji ltar 'gyur/ gal te rang la kun rdzob de yod pa ma yin pa de lta na ni gzhan gyis kun rdzob kyang kun
 rdzob nyid du ji ltar 'gyur/ snyam pa la/ phyis de zhes smos te/ rnam par brtags pa ma yin pa'i gzhan las skyes pa yin no/ /zhes gang rkyen las byung ba'i mtshan nyid kyi chos phyis nges par byed pa yin na kun rdzob yod la/ gang gi
 tshe de yang med pa yin pa/ de'i tshe kun rdzob med pa nyid de/ rgyu rkyen 'di las byung zhes bya ba nam mkha' i me tog bzhin du med par gyur ba'i phyir ro/ /gal te 'di snyam du skyes yang med 'gag pa yang med pa'i chos rnams la don dam par shes
 par byed pa yang yod pa ma yin pa shes par bya ba yang yod pa ma yin te/ des na ci zhig ci yis rtogs par byed snyam pa la/ rtog dang zhes smos te/ rtog pa ni blo'o/ /brtag par bya ba ni shes bya'o/ /de dag gnyis po phan tshun rten pa ni
 phan tshun ltos pa'o/ /ji ltar grags pa gnas nas te bzung nas 'jig rten pa'i tha snyad du rtog par byed kyi/ don dam par ni rtog par byed pa yod pa ma yin no/ /gal te rtog par byed pa po yang brtags pa nyid yin pa'i phyir nges nye bar
 gzhag pa'i dngos po yang med pa nyid do snyam pa la/ gang tshe zhes smos te/ gang gi tshe rnam par rtog pas gzhan zhig la brtags nas de yang rtog par byed pa gcig gis brtags par bya ba yin na ni de'i tshe yang rtogs par byed pa gzhan zhig gis brtags
 par bya ba yin la/ yang de yang gzhan zhig gis brtag par bya ba yin pas thug pa med par 'gyur ro/ /des na rtog par byed pa la ni brtag par bya ba ma yin gyi/ 'on kyang brtag par bya ba nyid la'o/ /rnam par brtag par bya ba la brtags pa ni
 gtan la dbab par bya ba gtan la phebs pa ste/ yang dus phyis brtag par bya ba'i gnas ni yod pa ma yin no/ /gnas med pas na yang rnam par rtog par byed pa 'jug par mi 'gyur ro/ /'jug pa la sogs pa med pa de ni mya ngan las 'das par
 bshad de/ des bya ba med par zhi ba'i phyir ro/ don dam par bden par smra ba gang dag rnam par rtog par byed de/ tshang ma dang rnam par brtag par bya ba de gzhal bar bya ba'o/ /zhes 'di gnyis bden par 'dod pa ni shin tu yang 'khor bar ltung ba
 yin pa'i phyir gnas med pa ste ngan par gnas pa nyid do/ /de nyid brjod pa/ gal te zhes smos te/ gal te shes pa tshad ma'i dbang gis te stobs kyi don gzhal bar bya ba rnam par 'jog pa'i byed pa'i lta na/ de'i tshe shes pa yod pa nyid du gang gis
 nges par byed de/ rang gis rang rig pa ni med pa'i phyir la/ tshad ma gzhan tshol na yang thug pa med par 'gyur ba'i phyir ro/ /'on te shes bya'i dbang gis te gzhal bar bya ba'i stobs kyis tshad ma rnam par 'jog par byed pa ste/ des na gang gis thug
 pa med par 'gyur snyam na ni/ de tshe gzhal bya yod pa nyid du gang gis khong du chud par bya/ de ste shes pa'i stobs kyis shes bya yod pa nyid du 'jog cing/ shes bya'i stobs kyis shes pa nyid du 'jog go zhe na ni de'i tshe gnyi ka yod par mi 'gyur te/
 phan tshun rten pa yin pa'i phyir gcig ma grub pas gnyis pa yang mi 'grub po/ /pha med ces pa la sogs pa ni rjes su mthun pa'i dpe ste/ 'ga' zhig gis bu skyed pa na phar 'gyur gyi/ ji srid du ma bskyed kyi bar de srid du ni ma yin la/ ji srid
 du pha med par gyur gyi bar du bu'i skye ba yang yod pa ma yin pas gnyi ka yang med pa nyid do/ /de skad du yang/ phan tshun bltos nas gnyis grub pa'i/ /gnyis ka'i don dam nyid ma yin zhes gsungs so/ /de bzhin
 du shes pa dang shes bya dag kyang ma grub pa nyid do/ /rgol ba pos brjod pa myu gu zhes smos te/ mtshon zhes pa ni bgo bar byed pa'o/ /myu gu nyid bzhin du shes pa'i shes bya yod pa nyid du ci ste rtogs cing goms par mi byed snyam pa
 la/ sgrub pa pos brjod pa/ myu gu las zhes smos te/ myu gu las gzhan du gyur pa'i shes pa yis myu gu shes par byas nas sa bon yod do zhes go bar byed rtogs par byed grangs na/ shes pa yod pa nyid ni gang las kyang ma yin te/ rang
 rig pa med pa'i phyir la shes pa gzhan gyis kyang thug pa med par 'gyur ba'i phyir ro/ /btags pa'i phyogs la ni 'jig rten pa'i tha snyad du rgyu dang 'bras bu'i dngos po dgag par mi bya ba nyid yin gyi/ de kho na nyid du ma yin no 'di ltar rang
 bzhin du smra ba nyid rgyu med par smra ba ste/ de dag na re 'gro ba sna tshogs ni rgyu med pa nyid yin pa de las rgyu las byung ba ga la srid/ des na 'gro ba sna tshogs ni rgyu med pa nyid do/ /zhes 'dod par bya'o/ /de skad du yang pad+ma go sar la sogs
 te/ rnam pa sna tshogs su yin byas/ /rma bya'i mdongs la sogs pa yi/ /sna tshogs khra bo su sprul/ /zhes 'byung bas so snyam pa la/ lan brjod pa/ re zhig ces pa ni rjes dpag la bltos pa ste/ rgyu brjod pas de la gnod pa'i phyir ro//
 sna tshogs 'di ni dbang phyug rgyur byas nas byung ba yin no/ /snyam pa la dbang phyug ces smos te/ smros shes pa ni 'di ci 'dra ba zhig yin ston cig pa'o/ /gal te 'byung rnams te sa la sogs pa rgyu yin na ni sa la sogs pa rjes su 'gro ba dang
 ldog pa'i sgo nas rgyu nyid du grub par chog mod/ ming tsam la ngal bar byed pa ci'i tha tshig gzhan yang sgra'i sgo nas skyon rtag tu dgal bar bya ba'i phyir/ 'on kyang zhes smos te/ du ma zhes bya ba ni sa la sogs pa'i rang bzhin du ma'o/ /mi rtag
 pa ni rnam par 'jig pa'o/ /sems med pa ni shes pa dang bral ba'i phyir ro/ /lha ma yin pa ni bsten par bya ba ma yin pa'o/ /'goms dang zhes bya ba ni rkang la sogs pas gnod cing 'goms par bya ba'o/ /mi gtsang ba ni gang zhig brtsog
 par gyur pa rnams so/ /gal te dbang phyug 'di ni bsam du med pa ste/ des na dbang phyug rang gi ngo bo spyad nas ci zhig bya snyam pa la/ bsam min zhes smos te/ dbang phyug bsam du med pa yin na/ byed pa nyid kyang bsam du med pa'i phyir brjod
 pa byed pa po nyid du yang mi rigs so/ /gal te de'i rang gi ngo bo shin tu mtshon par dka' bas na bsam zhing dpyad par mi nus la/ 'bras bu ni 'gro ba kun gyi thun mong pa yin pas de bsam par bya ba nyid do/ /snyam pa la nges zhes bya ba la
 sogs pa smos te/ dbang phyug des ci zhig 'bras bu bskyed par bya bar 'dod/ gal te bdag yin no zhe na/ bdag de ni rtag pa yin na ji ltar bskyed par bya ba'i 'bras bur 'gyur/ sa la sogs pa'i 'byung ba rnams bskyed par bya ba ma  
 yin te/ rdul phra rab rnams rtag pa yin pa'i phyir ro/ /rags pa'i bya ba ni chung ngu nas dgag par bya'o/ /dbang phyug ces bya ba nas dbang phyug ni rtag pa des bdag nyid byed pa 'gal ba'o/ /'khor ba ji srid yod kyi bar du zhes bya ba las
 skyes pa'i shes pa yang thog ma med pas na de byas pa ni ma yin la/ rnam par shes pas bskyed pa'i dge ba la sogs pa'i las las 'byung ba'i bde ba dang/ 'di sdug bsngal de dag kyang des byas pa ma yin no/ /gzhan yang
 thog ma med pa nas gyi rgyu dbang phyug yin na ni/ /de'i thog ma 'di yin zhes bya ba med pas de'i tshe bskyed pa la sogs pa rtag pa nyid du 'gyur na/ srid pa chags nas tshur kho na skyed kyi 'jig pa'i tshe ma yin pa de
 ltar yin/ des na nus pa rtags pa de la skyed pa la sogs pa'i thog ma yod pa ma yin na 'bras bu la thog ma gang las 'byung bar 'gyur/ kho bo cag gi ltar na ni 'jigs pa'i tshe nub par 'gyur ba'i skyes bu rnams kyi dran pa'i rigs
 shes pa 'od gsal ba la sogs par skyes nas/ des na yang 'di nyid du skye ba yin no/ /gal te nus pa yod du zin kyang lhan cig byed pa med pa'i phyir rtag tu skyed pa ma yin no/ /snyam pa la/ de ni zhes smos te/ de ste dbang phyug gi ma
 byas pa med pa nyid yin pas rtag tu skyed cing 'byin par thal bar 'gyur ro/ /gal te tshogs pa la bltos pa yin na ni de'i tshe tshogs pa'i rjes su 'gro ba dang ldog pas bsgrubs pa yin pa'i phyir dbang phyug rgyur mi 'gyur ro/ /de nyid bstan
 par bya ba'i phyir/ de med ces smos te/ tshogs pa de med na byed par nus pa ma yin pas dbang phyug byed pa po ma yin no/ /gzhan yang tshogs pa'i nus bas bcu nas dbang phyug mi 'dod kyang gal te byed pa'i lta na ni de'i tshe gzhan
 gyi dbang du thal bar 'gyur ro/ /ci ste 'dod bzhin du byed pa'i lta na ni de'i tshe yang 'dod pa la rag las pa yin pa'i phyir rang dbang can du mi 'gyur na de'i 'bras bu byed pa'i mnga' dbang can nyid du gang gis 'gyur/ gal te 'di ltar
 rdul phra rab rnams las byung ba'i 'bras bu 'gro ba rnams yin no/ /snyam pa la gang dag ces smos te/ cha shas kyang ni rdul phye nas shes bya ba la sogs pas sngar rdul phra rab rnams bzlog zin to/ /gtso bo rgyur gyur nas 'gro
 ba rnams byung ba yin no zhes bstan pa'i phyir/ gtso zhes bya ba la sogs pa smos te/ mnyam pa zhes bya ba ni nus pa'i rang bzhin gyis so/ /mi mnyam 'gro ba zhes ni brjod ces bya ba ni gang gi tshe chen po la sogs pa yon tan rnams kyi skye ba
 mi mnyam pa nyid du gyur pa de'i tshe 'gro ba rnams kyis skye ba dang 'jigs pa dang gnas pa rnams 'byung ba yin no/ /de dag kyang 'di ltar rang bzhin las chen po /de las nga rgyal/ de las yon tan bcu drug go /bcu drug po'i lnga las 'byung ba
 lnga'o/ /'di'i don ni 'di yin te/ de las ngar 'dzin pa'o/ /ngar 'dzin pa las ni las kyi dbang po lnga ste/ ngag dang lag pa dang/ rkang pa dang/ rkub dang mtshan ma rnams so/ /blo'i dbang po lnga ste/ rna ba dang lag pa dang/ mig dang lce dang/ sna
 rnams dang/ thun mong ma yin pa yid kyi dbang po dang/ sgra dang gzugs dang ro dang dri dang reg rnams te bcu drug go /sgra la sogs pa lnga las ni sa dang chu dang me dang rlung dang nam mkha' ste 'byung ba lnga rnams dang/ de dag rnams dang bdag
 ste de kho na nyid nyi shu rtsa lnga rnam par dbye ba brjod pa'i rtsa ba rang bzhin ni 'gyur ba med pa'o/ /chen po la sogs pa rnam pa bdun ni rang bzhin dang 'gyur ba'o/ /bcu drug po 'di rnam par 'gyur ba'o/ /skyes bu ni rang bzhin yang ma yin 'gyur pa
 yang ma yin no zhes 'dod do/ /de la lan brjod pa/ gcig la zhes smos te/ gtso bo gcig la rang bzhin gsum nyid mi rigs te/ 'gal ba'i phyir ro/ /de bzhin du yon tan yang yod pa ma yin te/ thams cad yon tan gsum po
 zhes brjod pas/ yon tan yang yon tan gsum gyi rang bzhin nyid yin pas na/ gcig pu la ni yon tan gsum zhes ma rig pa nyid do/ /nyes pa de nyid kyis na yon tan yod par ma gyur pa de'i tshe des rgyu byas pa'i sgra la sogs
 pa ni ring du spangs pa nyid do/ /gzhan yang gal te yon tan gsum gyi bdag nyid kyi gos la sogs pa bde ba la sogs pa'i rang bzhin yin no zhes grangs can rnams 'dod na de yang rigs pa ma yin
 te/ 'di ltar sems med pa'i gos la sogs pa sems med pa nyid dang bde ba la sogs pa ni sems nyid du grub pa'i phyir ro/ /gal te bde ba la sogs pa yongs su gyur pa'i dngos po'i rgyur gyur pa'i rang bzhin nyid yin pas na/
 gos la sogs pa la bde ba slogs pa nyid rigs pa yin no zhe na/ lan brjod pa/ rnam par spyad na sems med ces smos te/ gos la sogs pa'i yan lag can yang yod pa ma yin/ rdul phra rab rnam kyang yod pa ma yin/ yon tan gsum gyi bdag
 nyid kyang yod pa ma yin no/ /zhes bya ba'o/ /gzhan yang bde ba dang sdug bsngal dang gti mug gi bdag nyid kyi yon tan rnams kyi rgyu yin pas na/ khyod kyi bde ba la sogs pa nyid gos la sogs pa'i rgyur 'gyur na/ bde ba la sogs pa las
 ni gos la sogs pa ma yin gyi/ 'on kyang snal ma la sogs pa nyid las te/ gos la sogs pa las ni bde ba la sogs pa skye bar mthong ba yin pa de bas na/ de med pas na ste/ rnam par spyad na gos la sogs pa yod pa ma
 yin pas na/ bde ba la sogs pa yang yod pa ma yin no/ /yon tan gyi bdag nyid kyi bde ba la sogs pa ni rtag pa nyid du 'dod do snyam pa la/ de yang ma yin no zhes bstan pa'i phyir/ bde sogs zhes bya ba la sogs pa smos te/ gang gi
 phyir snyam pa la brjod pa/ bde sogs gsal zhes smos te/ dus gcig gi tshe bde ba gsal ba rtag pa nyid du bden pa nyid yin na/ rtag tu de yang dag par rig par ci'i phyir ma gyur/ gal te mngon par gsal pa nyid nus pa phra mo'i gnas
 skabs su gyur pas na gzhan gyis tshe mthong ba ma yin no/ /zhe na brjod pa/ rags dang zhes smos te/ rags pa ste mngon par gsal ba'i rtag pa de nyid phra ba ste mi gsal bar ji ltar 'gyur te/ rtag pa'i rang bzhin gcig la du ma mi rigs pa'i
 phyir ro/ /gal te rim gyi rags pa spangs nas phyis phra bar 'gyur gyi/ gcig car du ni ma yin no snyam pa la/ rags pa zhes smos te/ de ltar na rags pa dang phra ba de dag gsal pa dang mi gsal ba'i rang bzhin mi rtag par 'gyur ro/ /ji ltar
 rigs pa dang phra ba de rjes 'gro med pa'i rnam par 'jig pas nyams par 'gyur ba de bzhin du dngos po thams cad kyang rjes 'gro med pa'i nyams par 'gyur ba nyid du 'dod par gyis shig /gzhan yang gang rags ba ste/ gsal ba de bde ba las
 gzhan du gyur pa ma yin na/ de'i tshe gsal ba bzhin du bde ba yang mi rtag pa nyid du 'gyur ro/ /gal te rnam pa thams cad du zhig par gyur pa de'i bde ba phyir zhing skye bar mi 'gyur te med pa yin pa'i phyir ro/ /des na dngos po rnams nus pa'i rang
 bzhin gyis yod pa yin pas de skye ba yin no snyam pa la/ lan brjod pa/ mthong pa'i gsal ba med pa ste med pa nyid skye bar ji ltar mi 'dod gzhan yang gal te sgyu la 'bras bu yod par smra ba yin pa'i phyir/ rgyu la 'bras bu yod pa nyid yin na de'i
 tshe zas de bza' bar bya ba'i zas rnams mi gtsang ba ste bshad pa la sogs pa za par 'gyur ro/ /ras kyi rin nyid de ras nyo ba'i rin nyid gyen par byed pa ste lus la bgo bar bya ba'o/ /gal te 'jig rten rmongs pa ste mi shes pas rgyu sa
 bon la snam bu la sogs pa mthong ngo snyam pa la/ de nyid ces smos te/ de kho na nyid shes pa'i grangs can la yang rmongs pa de gnas pa ma yin pas des kyang ji ltar mthong bar mi 'gyur/ yang na de gnas yin zhes bya ba rnam par gnas
 pa'o/ /yang na grangs can la yang snam bu de sa bon la gnas pa yin pas de nyid ci ste gyon par mi byed ces bya ba'o/ /gzhan yang 'jig rten pa las rgyu dang 'bras bu yod do zhes bya ba'i grags pa de ni yod
 na de ci'i phyir lta bar mi byed/ ci ste 'jig rten pa'i mthong ba tshad ma ma yin no/ /zhes brjod na ni de'i tshe 'jig rten pa'i tshad mas sgra la sogs pa gsal bar mthong ba'i 'jig rten pa'i mngon sum la sogs pa de yang bden pa ma yin
 te/ tshad mar mi 'gyur ro/ /gal te tshad mar mngon par 'dod na ni brjod par bya ste/ gang gsal bar mthong ba de ni tshad ma yin no/ /kho bo cag grangs can gyi tshad ma ni grol ba'i gnas skabs na rang bzhin la gsal ba
 rnams thim par 'gyur te/ de 'dod ba yin no snyam pa la/ lan brjod pa/ des de tshad ma des gzhal ba ste yongs su bcad pa'i gang gsal ba'i dngos po med pa'i rang bzhin te brdzun du 'gyur/ de bas na gsal ba rnams kyis stong
 pa nyid grangs can pa rnams la 'thad pa ma yin no/ /kho bo cag sangs rgyas pa'i ltar na ni blos brtags pa la sgro btags te/ dngos po la ma reg cing ma btsal ba de ni med pa ste brtags pa'i dngos po nyid brdzun pa'o/ /de'i phyir
 dngos po med pa de ni shin tu yang brdzun no/ /dngos po med pa ni dngos po la bltos pa yin pa'i phyir dngos po ma grub pa de'i dngos po med pa yang mi 'grub pa'o/ /yang na grangs can gyi rtsod pa blang pa ste tshad ma ni sngon po la sogs
 par 'dzin pa'o/ /gal te tshad ma yin no zhes brjod na ni de'i tshe gang tshad ma ma yin pas gzhal ba'i gang chos thams cad stong pa nyid du zhes bya ba la sogs pa de yang brdzun par 'gyur ro/ /de bas na sangs rgyas pa'i dngos po
 po rnams stong pa nyid du 'dod pa ni mi 'dod pa nyid do zhes dgos pa la/ brtags pa'i dngos la zhes bya ba la sogs pas ni lan btab pa'o/ /de bas zhes bya ba la sogs pa ni mjug bsdu ba ste/ de ni zhes bya ba ni med do zhes bya ba'i rnam par
 rtog pa'o/ /yod min zhes bya ba ni brtags pa'o/ /des ci byed ce na/ rtogs pa'i dngos po de lta bu yod do zhes rtogs par byed do/ /de'i skye ba bzlog pa ni 'gag par gyis shig pa'o/ /rgyu med pa'i zhes rgyu med par smra ba rnams gsal nas/ mjug
 bsdu par bya ba'i phyir de ltar zhes smos te/ so sor zhes bya ba ni so sor bye brag la'o/ /rnam par gnas shes bya ba ni bden pa'i tshul gyis gnas pa'o/ /dus gsum du smra ba'i 'dod pa bzlog par bya ba'i phyir/ gzhan las zhes smos te
 gzhan las zhes pa ni 'das pa'i dus las te/ de las 'ongs pa ma yin pa ni 'dus byas rtag par thal bar 'gyur ba'i phyir ro/ /de nyid kyis na de nyid dang ldan par gnas pa ma yin la/ de nyid ma 'ongs par 'gro ba yang ma yin no/ /sgyu ma
 dang khyad par ci yang med pa'i 'gro ba 'di dag rmongs pa ste mi shes pas bden pa nyid du brtags shing khas blangs pa'o/ /de nyid brjod pa/ sgyu ma zhes smos te/ sgyu ma ni sgyu ma mkhan te rgyu la 'bras bu btags pa'i phyir ro/ /rgyu rnams kyis zhes pa
 ni las dang nyon mongs pa rnams kyis so/ /gal te 'di snyam du rkyen la skyes pa ni bden pa nyid du rigs so snyam pa la/ gang zhig ces bya ba la sogs pa smos te/ de skad du yang gang zhig rgyu rnams las skyes pa/ /de yod min phyir med pa ste/ /ji bzhin
 du ni gsal ba de/ /gzugs brnyan dang ni mtshungs par 'dod/ ces gsungs so/ /rgyu rnams la yang nus pa med do zhes bstan pa'i phyir/ dngos po yod pa zhes bya ba la sogs pa smos so/ /ci ste dngos po med pa la ji ltar na rgyu yis dgos pa med snyam?
 pa la bye ba zhes smos te/ dngos po med cing gzugs med du gyur pa las bsgyur du med pa ste/ dngos po gzhan du byar med pa'o/ /gal te sgyur du med la rag mod/ dngos po'i rang bzhin du ni yod pa nyid
 do snyam pa la/ gnas skabs zhes smos te/ de'i gnas skabs ma spangs par dngos po med pa'i rang bzhin de dngos por ji ltar 'gyur/ gal te dngos po med pa'i rang bzhin log pa la dngos por 'gyur ro
 snyam pa la/ dngos 'gyur zhes smos te/ gal te dngos po med pa nyid ma gyur na ji ltar dngos po gzhan nyid du 'gyur par rang gis rig par 'gyur/ de'i phyir dngos po med pa dngos po ma yin pas na/ dngos po med pa'i tshe na ni dngos
 po yod ba ma yin na/ der nam zhig dngos po 'byung bar 'gyur/ gal te mi skye ba'i dngos po 'byung bar 'gyur ba rnam par 'jig par byed do snyam pa la/ dngos po zhes bya ba la sogs pa smos te/ skye ba med pa ni 'gal zla yod pa'i
 phyir ro zhes bya ba'i don to/ /gal te 'di ltar dngos po skyes pas dngos po bzlog par byed do snyam pa la/ dngos po med pa zhes bya ba smos te/ ma bral na zhes bya ba ni ma spangs na dngos po med pa la/ dngos po ni skye ba'i dngos po'o/ /de bas na skye
 bo 'di dag thams cad skye ba med cing 'gag pa med par gzung bar bya ba'o/ /yang khyad par du bstan pa'i phyir 'gro pa zhes smos te/ 'gro ba ni 'gro ba rigs drug go /de rnams rmi lam 'dra ba ni rmi lam dang mtshungs so/ /de nyid kyi phyir mya ngan
 las 'das pa ni 'dod chags la sogs pa'i 'ching ba las grol ba'o/ /yang de kho na nyid du khyad bar med pa ni bye brag med pa'o/ /yang kun rdzob tu ni tha dad tu yod pa nyid do/ /de skad du yang sangs rgyas rnams dang sems can khams/ /des na
 don la tha dad med/ /bdag nyid dang ni gzhan dag tu/ /mnyam pa nyid du khyod kyis bzhed/ /ces gsungs so/ /'phrog pa ni phyir khyer ba'o/ /re zhig sred pa ni yod pa nyid do snyam pa la de nyid du zhes smos te/ nam yang mi 'byung ngo/ /gson po'i 'jig rten
 ni sems can no/ /mkha' zhes pa ni brtags bas ston pa'i phyir nam mkha' dang 'dra'o/ /bdag bzhin zhes pa ni bdag dang 'dra bar bden ba mthong ba'o/ /'di ltar gang 'thab pa dang spro ba'i rgyu dag gis yang dag pa ma yin pa'i kun tu rtog pas sems
 dkrugs pa'i byis ba rnams phyir zhing 'khrug par byed pa'i 'khrug pa'o/ /dga' bar 'gyur ba ni dga' bar byed pa'o/ /nyon mongs pa ni sems khral te brang brdung ba la sogs pa'o/ /'tshe ba zhes pa ni yid mi bde ba'o/ /mi rang 'tshong pa ni
 'chod ba'i phyir nyams bar 'gyur pa'o/ /sdig pa ste mi dge ba'i chos kyis so/ /de nas shi nas ngan 'gror ltung ba ni dmyal ba la sogs par ro/ /yun ring zhes bya ba ni dus ring du 'byung ba'o/ /mi bzad ces pa ni sran dkar ba'i sdug bsngal
 gyis gzir ba'o/ /yang sems can rnams kyi sdug bsngal gcig nas gcig tu brgyud pa bstan par bya ba'i phyir/ srid pa zhes bya ba la sogs pa smos te/ g.yang sa ni ya nga ba'i sa'o/ /de ni ste srid par ro/ /de nyid min zhes pa ni rnam par
 rmongs pas dkrugs pa nyid do/ /'di 'dra zhes pa ni phan tshun 'gal bar brjod pa'i mtshan nyid de kho na nyid de ma yin ba ste/ don dam par yod pa'i dngos po ni gcig gi rang bzhin yin pa'i phyir ro/ /bya ba zhes pa ni 'tsho ba'i don gyis bya
 ba khrus dang/ sku byug pa la sogs pa dang/ nad med par bya ba'i don du rtsub pa kha tan te za ba la sogs pa'o/ /bkres pa ni ltogs pa'o/ /nad ni na ba'o/ /ngal ba ni lam la sogs pa'i nyon mongs pa'o/ /gnyid ni gnyid log pa'o/ /'tshe ba
 ni the 'tsham pa la sogs pa'o/ /tshe 'dzin pa ni tshe sgrub par byed pa'o/ /myur ba ni mgyogs pa'o/ /bden pa ni srid pa'i chags pa dang bral ba'o/ /de la'ang zhes pa ni bden pa yin pa'o/ /rnam par g.yengs pa ni rgod par
 gyur pa'o/ /gal ste rjes su 'jug pa'o/ /der yang don med par 'gyur ba'o/ /ngan 'gro chen po ni mnar med pa la sogs pa'o/ /ltung bar byed pa ni ltung bar 'gyur ba'i rgyu mtshan no/ /log pa'i lam ni bram ze la sogs pas bshad pa rnams
 so/ /gso ba ste yang dag pa'i lam gyis kyang thub par dka' ba'o/ /dal 'byor ste mi khom pa brgyad las rnam par grol ba'i gnas skabs rnyed pa'i dka' ba'o/ /e ma'o zhes pa ni skyo ba'o/ /sdug bsngal rnyed pa ni gcig nas gcig tu brgyud pa'i dka' 
 sla thob pa'o/ /kye ma kyi hud ces pa ni skyo nas ya mtshan du gyur pa'o/ /rab tu gdungs pa ni btsum par gyur pa'o/ /mi mthong ba ni mi lta pa'o/ /gang zhes pa ni sems can no/ /tshul dang mthun pa'i dpe bstan par bya ba'i phyir/ dper na zhes
 smos te/ khrus byas nas te khrus ji lta ba bzhin du byas nas grang bas nyen nas bde bar 'dod pas mer 'jug pa ni lus bsro ba'i don du'o/ /de ltar na ste brjod pa'i rim pa ltar na mi bde bar gnas pa ste/ sdug bsngal gyis mes khyur mid
 byas pa'o/ /e ma'o bdag nyid la yod par gyur pa'i bag med pa yang ma rig go /zhes bstan pa'i phyir/ rga dang zhes bya ba la sogs pa smos te/ 'chi ba ni shi nas rnam par shes pa 'pho ba ste da rung ma rig pa gang yin pa'o/ /rol pa ni
 gang de dag nyid kyi longs par byed pa'o/ /'jigs par byed pa ni sdug bsngal mi bzad par ster ba'i phyir ro/ /zhi ba ni bde ba'o/ /byed ba ni spyod par byed pa'o/ /dmigs pa med par ni sbyin par bya ba dang ster ba'o/ /so sor 'dzin pa po ste gsum
 mi dmigs par gus pas bsod nams kyi tshogs sogs pa'o/ /dmigs pas phung ba ni dmigs bar lta bas phung ba ste/ gang de dag rnams la nam gyi tshe stong pa nyid ston par 'gyur zhes bya ba ste/ gzhan du na bstan par mi nus pa'i phyir/ kun rdzob tu tha
 snyad tsam du'o/ /byang chub sems dpa' i spyod ba la 'jug pa las/ le'u dgu pa'i dka' 'grel lo// //da ni yongs su bsngo ba bstan pa'i phyir bdag gi byang chub spyod pa la/ zhes bya ba la sogs pa smos te/ rnam bar bsam
 pa ni rnam par spyad pa'o/ /dga' ba ni yi rang ba'o/ /nyams ba ste/ bri bar ma gyur cig ces bya ba'i don to/ /rgyun mi 'chad pa ste rtag tu'o/ /de ltar spyir brjod nas bye brag tu brjod par bya ba'i phyir/ 'jig rten zhes smos te/ de'i tshe pa'i dmyal ba chen po
 brgyad ni yang sos dang thig nag dang du 'bod chen po dang du 'bod dang/ rab tu tsha ba dang/ tsha ba dang bsdus 'joms dang/ mnar med ba rnams so/ /grang ba'i dmyal ba chen po brgyad ni/ so tham tham dang/ kyi hud dang/ a chu zer ba dang/ chu bur rdol
 pa dang/ chu bur can dang/ utpal ltar gas pa dang/ pad+ma ltar gas pa chen po rnams so/ /bde ba can zhes pa ni sangs rgyas 'od dpag tu med pa'i zhing khams te/ de'i bde bas dga' bar shog shig pa'o/ /mtsho yas zhes pa ni 'dus pa'i tshogs
 so/ /nye ba'i dmyal ba bstan pa'i phyir/ ral gri zhes bya ba la sogs pa smos te/ ral gri'i rnam pa lta bu'i lo 'dab dang gang ldan pa'i gnas de ral gri'i lo ma'i nags tshal lo/ /dga' tshal ni brgya byin gyi skyed mos tshal lo/ /de nyid sdug gu ste bde ba
 ster byed do/ /gang gzhan gyi bud med yid la byas pa tsam gyis mkho mgur ldan zhing yid du 'ong ba'i 'dod ldan ma rab tu snang bas na sprul ba ste/ shal ma ri'i sdong po yang de'o/ /dpag bsam gyi shing ni dpag bsam gyi sdong po'o/ /'khrung bar shog
 shig ces pa'o/ /che ldan zhes pa ni chad pa med par ldan pa'o/ /nyams dga' ba ni snying dga' ba'o/ /sol phung ni me mar mur gyi'o/ /rin chen ni baiDUrya la sogs pa'o/ /sa bsregs ni lcags kyi rang bzhin du
 'bar ba can gyi dmyal ba'i sa gzhi'o/ /shel gyi sa bzhi bstar ba zhes bya ba ni shel las byung zhing des brtsams pa'i sa gzhi'o/ /bsdus 'joms ri bo ni ri lug gi rnam pa lta bu'o/ /gzhal med khang ni lha'i gzhal yas khang ngo/ /chu bo
 rab med ni dmyal ba'i chu bo'o/ /me ni bsreg par byas pa'o/ /'dra ba ni de dang mtshungs pa'i chu gang yin pa'o/ /bying ba ni gting du nub pa'o/ /zhig pa ni zhig cing 'brul ba'o/ /lus thob pa ni bdag gi dngos bos so/ /bde bas mngon par dga' ba
 ni bde dga' o/ /me tog ni pad+ma'o/ /char pa ni 'bab pa'i rgyun no/ /'bab pa ni rab tu 'bab pa'o/ /phyag na pad+ma ni 'jig rten na dbang phyug go /sdug bsngal ni sdug cing bsal ba'o/ /shugs ni rab tu 'bab ba'i rgyun no/ /grogs ni grogs dag go/
 rlan pa ni bdas pa'o/ /spos dris gang ba'i khang pa brtsegs pa zhes bya ni mtshan nyid kyis gsungs pa'o/ /sgrib pa med ces bya ba ni nyon mongs pa dang shes bya'i sgrib pa dang/ bral ba 'am yang na mngon sum mo/ /byang chub sems dpa' i tshogs
 sprin dang 'dra bas na sprin no/ /bde ba ni dal gyi 'bab pa'o/ /tshim pa ni zas skom gyis so/ /khrus byas ni 'o rgyun gyis so/ /lha mo sgyu 'phrul ni ston pa skyed byed ma'o/ /bstan pa ni rtsom pa'o/ /thar par 'gyur zhes bya ba la sems can zhes bya ba tshig
 gi lhag ma'o/ /bde ba ni bkra shis par byed pa'o/ /'bad mi dgos pa ni thabs la mkhas pas so/ /gru chen ni gzings so/ /nyams nga ni bgrod dka' ba'o/ /myos pa ni smyos pa'o/ /rab myos na dpag med pas smyos pa'o/ /rtag tu zhes pa ni dus kyi
 mthar brjod pa'o/ /mdzod ni nam mkha' nyid do/ /de dang gang 'dra ba ni mdzod bzhin du zhes bya ba'o/ /rtsod pa ni 'thab pa'o/ /phongs pa ni nyon mongs pa'o/ /gzi brjid ni nus pa'o/ /dka' thub ni nyon mongs pa'o/ /mtho ba ni nor la sogs pa'o/ /'od zer zhes
 bya ba ni nyi zer la sogs pa'o/ /mthu dang ldan pa ni nus pa phun sum tshogs pa'o/ /nad pa ni nad yang dag par skyes pa'o/ /rgyas pa ni gang pa'o/ /mthun pa ni bsam pa gcig pa'o/ /las su rung ba ni le lo med pa'o/ /bde dang ldan zhes pa ni nges
 par bzung ba ste/ de dag ces bya ba ni tshig gi lhag ma'o/ /sdug pa ni gnas skabs na yang nyams dang ldan pa ste/ lus po zhes bya ba tshig gi lhag ma'o/ /dben pa'i don du gnas pa ni dben pa na gnas pa'o/ /de'i phun sum tshogs pa ni rjes su
 mthun par tshogs ba nyid/ smin gyur cig ni 'bras bu smin par gyur cig pa'o/ /bstan pa ni rgyal ba'i bka' de ston par byed pa'i gtsug lag la sogs pa yang ngo/ /dge ba'i bshes gnyen ni bla ma'o/ /byang chub sems dpa' i spyod pa la 'jug
 ba las/ /le'u bcu pa'i dka' 'grel lo// //dge slong bai ro tsa na yis/ /byang chub spyod pa la 'jug pa/ /phyogs tsam dkrol las dge ba gang/ /thob nges 'gro rnams rgyal bar shog/ //nub phyogs rgyud
 du 'gro snyam pa yis bsam pas bdag gis 'grel pa 'di brtsams te/ de na rtsa ba rkyang pa 'ang yod dam med snyam bdag ni the tshom gyur pa na/ /lta smos ci dgos 'grel pa med snyam des na nga rgyal sgo nas byas so shes/ /thugs dgongs
 ma mdzad dag pa'i blo can rnams kyis gzhan dag ci dgar sems la rag /byang chub sems dpa' i spyod pa la 'jug pa'i dka' 'grel/ dpal pa kra ma la shI la'i gtsug lag khang gi mkhas pa chen po/ /dge slong bai ro tsa na rakI
 tes mdzad ba rdzogs so/ (//shes rab le'u'i 'grel ba mdzad byang med pa bzhugs so/ 'di da na shI las mdzad pa yin pa dpyad par bya'o/ /he he//) //*/ /bde bar gshegs pa la phyag