<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4063: spyod 'jug gi rnam par bshad pa bzhugs so<br><table><tr><td>
<input type="button" onclick="location.href='tcompletep.php?id=N4063&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4063&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4063&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">spyod 'jug gi rnam bar bshad pa bzhugs so// */ /thugs rje chen po spyan ras gzigs la phyag 'tshal lo/ /gang zhig thugs rjes byang chub sems gnyis rab bskyed nas/ /brtson 'grus mtshungs ba med pas tshogs gnyis rdzogs
 mdzad de/ /bdag dang gzhan don phun sum tshogs pa brnyes gyur kyang/ /'jam dpal dbyangs kyis blo bskyed 'gyur la'ang phyag 'tshal te/ spyod la 'jug pa'i tshig gi don/ /bdag 'dra'i spyod yul ma yin yang/ /bslab pa kun las btus pa
 las/ /brten nas cung zad bri bar bya/ /da ni slob dpon bdag nyid kyi bstan bcos rtsom pa mthar phyin par bya ba dang/ nyan pa po dang 'chad pa po rnams kyi nyan pa dang bshad pa mthar phyin par bya ba dang/ bstan bcos la 'jug pa'i yan lag
 tu bya ba'i phyir/ gang gis rten cing 'brel par 'byung zhes bya ba la sogs pa dang/ sangs rgyas rnams dang byang chub sems dpa' dag ces bya ba la sogs pa mchod pa rnam pa gnyis gsungs te/ de la dang po ni sangs rgyas dkon mchog
 la gzhan gyi don phun sum tshogs pa'i thabs thun mong ma yin pa rten cing 'brel bar 'byung ba spros pa'i mdza' rnam pa brgyad dang bral ba'i lta ba bzhin du ston par mdzad pa zhes bya ba'i sgo nas mchod pa bstan te/ de bzhin gshegs pa kho
 na las gzhan gyi yul ma yin pa'i phyir ro/ /de la gnyis pa ni dkon mchog gsum char la yang gzhan gyi don phun sum tshogs pa'i sgo nas mchod pa bstan te/ sangs rgyas rnams dang byang chub sems dpa' dag ces bya ba'i sangs
 rgyas dkon mchog dang/ dge 'dun dkon mchog yin la/ de dag spyod dang zhes bya ba ni chos dkon mchog yin te/ ji ltar zhe na/ bstan pa'i tshul gyis spyod pa dang/ sgrub pa'i tshul gyis spyod pa dang/ mngon sum du byed pa'i tshul
 gyis spyod pa ste/ go rim bzhin du bstan pa'i chos dang/ sgrub pa'i chos dang/ don dam pa'i chos yin pa'i phyir ro/ /sems can ma lus gnod pa sel mdzad cing/ /bde ba rnam pa sna tshogs sgrub mdzad pa/ /zhes bya ba ni 'bras
 bu gzhan gyi don phun sum tshogs pa bstan pa'i phyir ro/ /de bsan mchod par brjod pa dang po'i dbang du byas nas phyag 'tshal lo zhes bya ba ni mchod pa dngos bstan pa yin la/ rdzogs pa'i sangs rgyas zhes
 bya ba ni mchod pa'i yul bstan pa yin zhing/ smra ba rnams kyi dam pa zhes bya bas ni mchod pa'i rgyu mngor bstan pa yin la/ lhag ma rnams kyis ni de nyid rgyas par bshad pa yin no/ /de bzhin du mchod pa brjod pa gnyis pa'i dbang du byas nas/
 sangs rgyas rnams dang byang chub sems dpa' ngag ces bya ba ngag /spyod dang ces bya ba ni mchod pa'i yul bstan pa yin la/ gus pas phyag 'tshal lo zhes bya ba ni mchod pa dngos bstan pa yin zhing/ lhag ma rnams kyi ni mchod pa'i rgyu bstan pa
 yin no/ /yang na mchod par brjod pa dang po'i dbang du byas nas phyag 'tshal lo zhes bya bas ni phyag 'tshal ba'i sgo nas mchod pa yin la/ lhag ma rnams ni bstod pa'i sgo nas mchod pa yin te/ de yang rdzogs pa'i sangs rgyas zhes bya ba ni/
 rang gi don phun sum tshogs pa yin zhing/ lhag ma rnams ni gzhan don phun sum tshogs pa'i thabs yin no/ /ji lta zhe na/ nyon mongs pa dang shes bya'i sgrib pa de gnyis ma lus par spangs pa dang/ bag chags dang bcas pa spangs pa dang ting nge
 'dzin dang snyoms par 'jug pa thams cad kyi sgrib pa spangs pa'i phyir rdzogs par sangs rgyas te/ dper na skyes bu gnyid sang pa lta bu yin zhing/ shes bya ji snyed yod pa dang ji lta ba bzhin du yod pa mkhyen pas shes bya la blo rgyas pa'i phyir rdzogs par
 sangs rgyas te/ me tog ku mu da kha bye ba lta bu yin pa'i phyir dang/ rten cing 'brel par 'byung ba spros pa'i mdza' rnam pa brgyad dang bral bar ji lta ba bzhin du ston pa ni gzhan gyi don phun sum tshogs pa'i thabs yin te/ de yang ji lta zhe na/ kun
 rdzob dang don dam pa'i bden pa gnyis kyi dbang du byas nas spros pa'i mdza' rnam pa brgyad dang bral bar ston pa/ go rim bzhin du gdul bya mdza' dag gis las rgyu 'bras la rmongs pa'i ma rig pa dang/ de kho na'i don la rmongs pa'i ma rig pa bsal bas/ rim pa bzhin
 du mngon par mtho ba dang nges par legs pa'i 'bras bu thob bar byed pa'i phyir te/ de ni ro zhig bsdus pa'i don yin no/ /da ni yan lag gi don brjod par bya ste/ gang gis zhes bya ba ni spyi'i sgra yin yang/ sangs rgyas bcom ldan 'das de kho na yin par mngon te/ gzhan
 dag la ji skad smos pa'i yon tan med pa'i phyir ro/ /rten cing 'brel par 'byung zhes bya ba ni/ gzhan gyi dbang gi mtshan nyid de/ de ji ltar kun rdzob kyi bden pa'i dbang du byas nas/ spros pa'i mdza' rnam pa brgyad dang bral ba yin zhe na/ ji ltar snang tshod tsam du yang
 gzhan mu stegs byed kyis khas blangs pa bzhin du/ dbang phyug la sogs pas bshig pa'i dgag pa med pa dang/ mi mthun pa'i rgyu dang/ rgyu med pa las skye ba med pa dang/ grangs can gyis khas blangs pa lta bu'i rtog pa dang/ rgyad phan pa 'dod pa lta bu chad
 pa dang/ rang gi sde pa bye brag tu smra ba la sogs pas 'dod pa lta bu 'dus byas dang 'dus ma byas kyi mtshan nyid rnam pa de nyid dang phan tshun tha dad pa dang/ grangs can pas 'dod pa lta bu dngos po thams cad yon tan gsum gyi rang bzhin du gcig pa dang/ yang mu
 stegs rtag par smra ba rnams kyis 'dod pa lta bu skye pa'i tshe/ tshe snga ma'i dngos po de nyid 'dir 'ong ba dang/ shi ba'i tshe nyid 'di nyid phyi mar 'pho ba med pas go rim bzhin du spros pa nye bar zhi ba yin la/ de nyid ji lta ba bzhin du bstan pa'i phyir/ zhi ba bstan pa
 zhes bya'o/ /ji ltar na don dam pa'i bden pa'i dbang du byas nas spros pa'i mdza' rnam pa brgyad dang bral ba yin zhe na/ re zhig kun rdzob gong ma lta bu'i 'gag pa la sogs pa med kyang/ rang rang gis 'gag pa dang/ rgyu rkyen gzhan las skye ba dang// 
 'bras bu 'byung ba'i tshe rgyu 'gag pa dang/ rgyu yod pa'i tshe 'bras bu 'byung pa dang/ so so'i rgyu las rang dang rjes su mthun pa'i 'bras bu skye ba dang/ rgyu dang 'bras bu de dag nyid kyang phan tshun log pa dang/ tshe snga ma'i phung po
 las bar ma chad par 'dir 'ong ba dang/ 'di nas shi 'phos pa'i dus su bar ma chad par skye ba yin yang don dam par des kyang ma grub ste/ ji lta zhe na/ mtshan gzhi dngos po nyid chad mas dpyad nam grub pa'i phyir de'i mtshan nyid dgag pa la sogs
 pa gal 'grub ste/ ji ltar de kho na nyid la 'jug pa las/ dngos po yod na ni de brten pa'i chos de dag dang/ de bsam gyis/ mo bsham bu la gtong pa'i ngang tshul can du 'ga' mi 'dogs pa zhes gsungs pa lta bu ste/ de'i phyir tshad mas dpyad
 na bden pa gnyis rnam par 'byed pa las/ ji skad du gal te rigs pa'i stobs kyis na/ /kun rdzob tu yang mi skye dang/ /zhes brgal ba'i lam de bden zhes bya ba la sogs pa gsungs pa'i tshul gyis na kun rdzob nyid kyang ma grub na/ dngos po smra ba
 khas blangs pa'i lta bu'i dngos po don dam pa lta smos kyang ci dgos te/ 'phags pa rdo rje gcod pa las ji skad du/ de bzhin gshegs pas mngon par rdzogs par sangs rgyas pa'i chos de la ni bden pa yang med brdzun pa yang med ces gsungs pa lta
 bu yin pas/ de'i phyir rigs pa ji lta ba bzhin du dngos po gang yang grub pa med pas/ bden pa gnyis rnam par 'byed pa las kyang/ ma skyes ngo bo nyid la ni/ /rtag dang chad pa ga la zhig /chos kyi bye brag rnam rtog pa/ /ngo bo nyid la rtog par
 byed/ /ji ltar sus kyang nam mkha' la/ /yig sogs dgod par mi nus ltar/ /dngos po rnams ni ma skyes la/ /chos su rnam rtog de bzhin na/ /zhes gsungs pa yin no/ /gal te de lar tshad mas dbyad na/ kun rdzob kyi skye 'gag nyid kyang ma grub
 pa yin na ni/ de'i tshe snang ba gsal ba nyid du 'gyur ro zhe na/ mi 'gyur te rigs pa'i bsam pa'i dbang du byas nas med pa khas blangs pa'i phyir/ kun rdzob de rigs pas brtag bzod pa'i mtshan nyid du med ces bya bar 'gyur kyis/ ji ltar snang ba tsam du yang med
 ces bya bar mi 'gyur te/ kun rdzob 'jig par byed pa'i shes pa rnams kyis bsam pa'i dbang du byas nas kyang med ces khas blang pa'i phyi ro/ /de bas na don dam par ni 'gag pa la sogs pas spros pa mdza' dag nye bar zhi ba ste/ bden pa gnyis rnam par
 'byed pa las kyang/ ji skad du/ de nyid phyir na de stong min/ /mi stong ma yin yod med min/ /mi skye ma yin skye min zhes/ /de la sogs pa bcom ldan gsungs ces 'byung ba yin no/ /de bas na de bzhin gshegs pas kyang don dam pa'i bden pa ni
 'phags pa yab dang sras mjal ba'i mdo las don dam pa gang yin pa de ni brjod du med pa ste/ shes par bya ba ma yin pa/ rnam par shes par bya ba ma yin pa/ zhes bya ba la sogs pa gsungs pa'i phyir zhing bstan pa zhes bya'o/ /'on te de ltar don
 dam pa'i bden pa brjod du med pa nyid yin na/ /de'i tshe stong pa nyid la sogs pa'i sgra dag gis ji ste zhe na/ de ni don dam pa'i bden pa de la mi stong pa de la sogs pa'i zhen pa dgag pa'i phyir yin gyis/ stong pa la sgra dag gis brjod par byar rung pa'i
 phyir gsungs pa ni ma yin te/ ji skad du 'phags pa sangs rgyas thams cad kyi yul la 'jug pa ye shes snang ba'i rgyan las/ 'jam dpal stong pa zhes bya ba ni mi stong par mngon par zhen pa dgag ba'i tshig bla dags yin gyi/ 'jam dpal 'di
 don dam par stong pa zhes bya ba'i chos ni 'ga' yang mi dmigs so zhes gsungs pa'i phyir te/ spro pas chog go /'o na de ltar ston pa po de su yin zhe na/ rdzogs pa'i sangs rgyas zhes bya ba gsungs te/ gzhan dag gis ston mi nus pa'i phyir ro/ /
 'on te rab 'byor la sogs pas kyang ston to zhe na/ de ni ston pas byin gyis brlabs pa'i phyir te/ ji ltar du rgyal ba'i nyan thos pa dag ji skad chos ston dang/ /'chad dang rig pa dag dang ldan par brjod pa dang/ mchog 'phags
 bde ba byed dang de'i 'bras ston pa/ /de dag kun kyang de bzhin gshegs pa skyes bu'i mthu/ /zhes gsungs pa'i phyir ro/ /de bas na smra ba rnams kyi dam pa zhes bya'o/ /da ni? ma tshad pa gnyis ba'i yan lag gi don gyi dbang du byas nas sangs rgyas rnams dang
 zhes bya ba la sogs pa smos te/ 'dir sems can ma lus pa zhes bya ba spyi sgra 'byung mod kyi/ gdul bya ma lus pa yin par mngon te/ gnod pa sel mdzad cing zhes bya ba la sogs pa 'byung pa'i phyir ro/ /gdul bya de dag gi don ji ltar mthad ce na/
 yong sangs rgyas dang byang chub sems dpa' rnams kyi ni skye ba rnam pa lnga zhes bya ba'i sgo nas 'phrin las rnam pa lnga'i tshul gyis gdul bya rigs rnam pa lngas bsdus pa rnams kyi tshe 'di dang phyi ma'i gnod pa spong zhing bde ba sgrub bas don mdzad ba'i phyir te/
 ji lta zhe na/ gnod pa las yongs su skyob ba'i 'phrin las kyis ni de dag las de dang der sems can long ba rnams ni mig gis mthong zhes bya bar gyur to/ /zhes bya ba la sogs pa'i tshul gyis gdul bya rigs las? bsdus pa rnams kyis tshe 'di'i gnod
 pa ma lus pa sel cing bde ba sgrub par mdzad pa yin la/ ngan song las yongs su skyob pa'i 'phrin las kyis gdul bya rigs chad pa rnams kyi tshe phyi ma'i ngan song gi gnod pa sel cing mtho rigs kyi bde ba sgrub par mdzad pa yin zhing/ de bzhin
 'jig tshogs las yongs su skyob pa'i 'phrin las kyis ni gdul bya nyan thos dang rang sangs rgyas kyi rigs can dag gis 'khor bar skye ba'i gnod pa sel bar mdzad cing/ nyan thos dang rang sangs rgyas kyi bde bsgrub par mdzad pa yin la/ de bzhin du
 theg pa dman pa las yongs su skyob pa'i 'phrin las kyis ni gdul bya rigs ma nges pa dag theg pa dman par lhung? pa'i gnod pa sel bar mdzad cing/ theg pa chen po'i bde pa yang sgrub par mdzad la/ de bzhin du gdul bya theg pa chen po'i rigs can dag la ni
 thabs ma yin pa las yongs su skyob pa'i 'phrin las kyis ni theg pa chen po'i thabs ma yin par 'jug pa'i gnod pa sel cing yang dag ba'i theg pa chen po'i thabs nyid la 'god pa'i bde ba sgrub par mdzad pa'i phyir/ sems can ma lus gnod pa sel mdzad cing/
 bde ba rnam mang sna tshogs sgrub mdzad pa zhes 'byung ba yin no/ /da ni byang chub sems dpa' i sbyong ba'i bzhi'i gzhung bshad pa'i phyir/ de yang sgrub pa po gang zag gi dbang du byas nas/ dal 'byor 'di ni zhes bya ba la sogs pa tshigs su bcad pa gnyis gsungs
 te/ de la tshigs su bcad pa dang pos ni spyod ba sgrub pa'i lhan cig byed pa'i rkyen/ dal 'byor phun sum tshogs pa rnyed par dka' ba khas rnyed pa'i phyir/ de thob pa chud mi za bar bstan te/ tshigs su bcad pa gnyis pas ni spyod bsgrub pa'i nye bar len pa'i rgyu
 theg pa chen po'i rigs dang ldan pa'i rgyod la/ bdag dang gzhan mnyam pa nyid du bya pa'i dge ba'i chos la 'dun pa rnyed pa dka' bas de chud mi za ba nyid du bstan te/ de yang bslab pa kun las btus pa las skye bu'i don rnams sgrub pa'i dal 'byor 'di
 zhes bya ba la sogs pa dang/ de lta bu dang phrad pa la brten nas sems can chen po dag la 'di lta bu'i rnam pr rtog pa 'byung ngo/ /'di ltar bdag dang gzhan dang 'jigs kyang sdug bsngal mi 'dod na/ bdag dang bye brag ci yod kyis/ gang de bsrung la de mi bsrung
 snyam ste/ zhes 'byung ba dang go rim bzhin du sbyar ro/ /dal 'byor zhes bya ba ni/ bdag gi 'byor ba lnga ste/ mir gyur pa dang/ dbang po tshang ba dang/ yul dbus su skyes pa dang/ gnas la dad par gyur pa dang/ las kyi mdza' ma log pa dang/ de bzhin
 du gzhan gyi 'byor pa lnga ste/ sangs rgyas 'jig rten du byung ba dang/ dam pa'i chos ston pa dang/ dam pa'i chos 'jig rten na gnas pa dang/ gzhan dag kyang de'i rjes su 'jug pa dang gzhan rjes su snying brtse ba ste/ ? mo 'di
 dag ni nyan thos kyi sa las 'byung ba bzhin du rig par bya'o/ /de rnyed par shin tu dka' ba ni mdo kun las btus pa las ji skad 'byung ba bzhin no/ /de nyid ni skyes bu'i don mngon par mtho ba dang nges par legs pa sgrub pa'i rten yin te/ de bltar? ci zhig
 ltar thob par gyur pa la/ gal te de thong pa'i gnas gnas skabs 'di la phan pa ste/ dge ba'i las ma sgrubs na thob pa chud zos ba nyid du 'gyur pas de thob pa chud mi za bar bya ba'i phyir/ de'i las la 'bad bar bya'o zhes bya bar bstan to/ /
 de ltar yin yang phyis sgrub bar bya mod ce na/ phyis ni 'grub par nges pa med pa'i phyir/ phyis ni yang dag par 'byor par ga la 'gyur zhes gsungs so/ /da ni spyod pa sgrub ba'i rten nye bar len ba'i rgyu'i dbang du byas nas ji ltar mtshan mo zhes bya ba
 la sogs pa smos te/ 'jig rten te theg pa chen po'i rigs can dag gi rgyud la dal 'byor phun sum tshogs pa dang phrad pa la brten nas bsod nams te dge ba'i chos bdag bzhin du sems can thams cad la yang sdug bsngal dang bral zhing/ bde ba
 bsgrub par bya'o/ /snyam pa'i byams pa dang/ snying rje'i bdag nyid kyi blo gros thang 'ga' zhig 'byung gi gtan du 'byung ba ma yin pas/ de thob ba chud mi za bar bya'o zhes bstan to/ /de ni rten khyad bar can thob pa'i gang zag des nyams su blang ba'i rim pa
 byang chub sems dpa' i spyod pa'i bdag nyid kyi dbang du byas nas/ re zhig spyod pa sgrub ba'i sngon du 'go ba ni byang chub tu sems bskyed pa yin pas de'i phan yon bstan pa dang/ de ltar dge ba nyams 'gyur zhes bya ba la sogs pa gsungs te/ 'di
 bsdus pa'i don no/ /dge ba bsgrub pa'i rten ni dal 'byor phun sum tshogs pa yin la 'di ni shin tu rnyed par dka' bas de la brten pa'i dge ba'i chos ni shin tu nyam chung ba'i phyir dang mi dge ba sgrub pa'i rten mi khom pa'i gnas ni shin tu rnyed par sla bas
 de rten pa'i mi dge ba'i chos ni dpag tu med pa rgyud la gnas pa yin pa de rnams ni byang chub chen por sems bskyed pa rnams pa gnyis kyis spong bar 'gyur te/ de ni rten gyi stobs dang nyes pa las bzlog pa'i stobs khyad par can yin pa'i phyir dang/
 lhag ma nyan thos la sogs par smon pa dang 'jug pa'i sems bskyed pa'i dge bas gzhan dag gis ni de ltar ma yin te/ de dag ni rten gyi stobs dan nyes ba las bzlog pa'i stobs khyad par can ma yin pa'i phyir ro/ /de bas na dus dpag tu med bar
 sems can gyi don la dgongs pa'i thub pa'i dbang po dngos kyis kyang nyan thos su sems bskyed pa la sogs pa'i nang nas theg pa chen por sems bskyed pa nyid mchog tu phan par gzigs so zhes bya ba yin/ phan yon gzhan yang byang chub tu sems
 bskyed pa 'dis ni gdul bya tshad med pa'i skye bo'i tshogs rnams kyis/ bde ba thams cad kyi mchog bla na med pa'i sangs rgyas kyang me lnga brten pa la sogs pa lta bu'i lus gdung ba'i dka' thub drag po bya mi dgos par grub par byed pa bde blag nyid du
 thob par byed ces bshad do/ /'di tsam gyis sdig pa spong zhing bde ba thob par byed pa'i rgyu nyid du bstan to/ /phan yon bstan pa'i sgo nas byang chub tu sems bskyed pa de gzung bar bya ba nyid du gdam ngag bstan pa/ 'jigs dang zhes bya ba la
 sogs pa smos te/ bdag gi rgyud la tshe 'di'i rgyal po'i chad pa la sogs pa'i 'jigs pa dang/ tshe phyi ma'i 'khor ba'i sdug bsngal brgya phrag dpag tu med pa gzhom par 'dod cing de bzhin du sems can gzhan gyi rgyud la tshe 'di dan phyi ma'i mi
 bde ba bsal bar 'dod pa dang/ bdag dang gzhan gyi rgyud la tshe 'di dan phyi ma'i bde ba mang po brgya phrag dpag tu med pa spyod par 'dod pas kyang smon pa dang 'jug pa'i byang chub kyi sems bskyed pa nyid rtag tu btang bar
 mi bya ste/ gdon mi za bar sems bskyed par bya'o/ /zhes bya ba'i tha tshig go /gzhan yang byang chub kyi sems bskyed par gyur na/ de bskyed pa'i skad cig gis gang zag de 'khor ba'i btson rang nyon mongs pa rnam pa sna tshogs kyis
 bsngams pa bskye ba la sogs pa'i sdug bsngal gyi nyam thag pa rnams kyang/ bde bar gshegs pa rnams kyi sras zhes brjod par bya zhing/ de nyid kyis na 'jig rten lha mir bcas pas phyag byar 'gyur zhes smos te/ mchod pa'i
 gnas su 'gyur ro/ /phan yon gzhan yang gser 'gyur rtsi'i zhes bya ba la sogs pa smos te/ 'phags pa sdong po bkod pa'i mdo las ji skad du rigs kyi bu 'di lta ste/ dper na dngul chu'i rigs gser du snang ba zhes bya ba yod de/
 de ni srang gcig gis kyang lcags srang stong gser du bsgyur te/ dngul chu srang gcig po de ni lcags srang stong po des zad par bya ba 'am lcags su bsgyur bar mi nus so/ /de bzhin du thams cad mkhyen pa nyid du sems bskyed pa'i khu ba'i
 'byung khungs/ dge ba'i rtsa ba yongs su bzung ba'i las dang nyon mongs pa'i sgrib pa'i lcags thams cad zad par byas te/ chos thams cad thams cad mkhyen pa nyid kyi kha dog tu byed kyang thams cad mkhyen pa nyid du sems bskyed pa'i khu ba'i
 'byung khungs gcig po de ni las dang 'bras bu nyon mongs pa'i lcags thams cad kyis kyang kun nas nyon mongs par bya ba 'am zad par bya bar mi nus so zhes gsungs pa lta bu'o/ /de lta bas na byang chub tu sems bskyed pa'i phan yon ni dpag tu
 med pa dang ldan par de bzhin gshegs pa rnams kyis gzigs la rtogs pa dang ldan pa gang zhig bdag dang gzhan gyi rgyud la spangs pa dang ye shes thob par 'dod pas yid bzhin gyi nor bu rin po che lta bur dgon pa dang rin che ba dang/ dga' bar byed pa
 dang/ phan 'dogs pa dang/ mi ma yin pa la sogs pa'i gnod pa las skyob pa ste/ dal 'byor phun sum tshogs pa la sogs pa brten pa'i phyir dang go rims bzhin du lus dang longs spyod dang/ dge ba'i rtsa ba btang dgos pa'i phyir dang/ 'gyod pa
 med pa'i rim gyi bde ba la reg par byed pa'i phyir dang/ bsod nams dang ye shes kyi tshogs dpag tu med pa bskyed pa'i phyir dang/ de nyid kyis na gzhan dag gis gnod pas mi tshugs pa'i phyir te/ de bas na yongs su bzung bar bya dgos pas 'gro
 pa'i ded dpon zhes bya ba la sogs pa smos so/ /gzhan yang dge ba gzhan kun zhes bya ba la sogs pas ni 'di skad bstan te/ ji lta bur chu shing 'bras bu bskyed nas zad par 'gyur ba bzhin du byang chub tu sems bskyed pa'i rten dam pa dang/ byang
 chub chen por yongs su bsngo ba dam pas ma zin pa'i dge ba de dag gis ni rang rang i 'bras bu bskyed nas/ de'i rjes la yongs su zad par 'gyur gyi/ byang chub tu sems bskyed pa rten dam pa dang/ yongs su bsngo ba dam pas yongs su zin pa'i dge ba'i rtsa
 ba rnams kyis ni ji srid du byang chub chen po ma thob kyi bar du mngon par mtho ba'i 'bras bu byin des zad par mi 'gyur te/ mthar byang chub chen po thob bas 'phel bar 'gyur ro zhes bya ba'am/ yang byang chub chen po'i 'bras bu 'byin zhing 'khor pa
 ji srid ma stongs par gzugs kyi sku rnam pa gnyis kyis 'go ba'i don mdzad pa'i phyir ram/ yang na bdag gi don gyi 'bras bu 'byin cing/ gzhan don yang sgrub par byed pa'i phyir 'bras bu 'byin pas mi zad 'phel 'gyur zhes bshad do/ /'dis ni
 byang chub tu sems bskyed pa 'di nyid dge ba'i rtsa ba mi zad par bsrung zhing lus la sogs pa spel pa'i thabs nyid du yang ston to/ /phan yon gzhan yang sdig pa shin tu mi bzang ces bya ba la sogs pas 'di skad bstan te/
 grogs khyad par can la brten nas dgra la sogs pa'i 'jigs pa chen po las skyob pa bzhin du smon pa'i sems bskyed pa'i bdag nyid kyi stobs dang 'jug pa'i bdag nyid kyi nyes pa las bzlog pa'i stobs kyis kyang sdig pa las grol ba'i phyir/ sdig la byang
 bar 'dod pa rnams kyis gdon mi za bar bsten par bya dgos te/ des ni bskal ba'i me bzhin du nyes byas rnams sreg pa'i phyir ro snyam du bsam pa ste/ 'di cam gyi phan yon rig pa'i sgo nas bstan to/ /da ni lung gi sgo nas bstan pa'i phyir/ de'i phan yon
 zhes bya ba la sogs pa ste/ 'phags pa sdong po bkod pa'i mdo las/ rigs kyi bu byang chub kyi sems ni sangs rgyas kyi chos thams cad kyi sa bon lta bu'o/ /'gro ba thams cad kyi chos dkar po rnam par 'phel pas zhing lta bu'o/ /'jig rten thams cad rten
 pas sa lta bu'o/ /dbul ba thams cad yang dag par gcod pas rnam thos kyi bu lta bu'o/ /byang chub sems dpa' thams cad yongs su bsrung bas pa lta bu'o/ /don thams cad yang dag par 'grub pas yid bzhin gyi nor bu'i rgyal po lha bu'o/ /bsam pa thams
 cad yongs su rdzogs par byed pas bum pa bzang po lta bu'o/ /nyon mongs pa'i dgra pham par byed pas mdung thung lta bu'o/ /tshul bzhin ma yin pa yid la byed pa 'gebs pas go cha lta bu'o/ /nyon mongs pa'i mgo ltung bar byed pas ral gri lta bu'o/ /nyon mongs
 pa'i shing gcod par byed pas lta ri lta bu'o/ /'tshe ba thams cad las skyob pas mtshon cha lta bu'o/ /'khor ba'i chu'i nang na gnas pa steng du 'byin pas mchil pa lta bu'o/ /sgrb pa thams cad khebs pa'i sa thams cad 'thor bas rlung gi dkyil 'khor lta bu'o//
 byang chub sems dpa' i spyod pa dang smon lam thams cad bsdus pa'i phyir mdor bstan pa lta bu'o/ /lha dang mi dang lha ma yin du bcas pa'i 'jig rten la mchod rten lta bu ste/ rigs kyi bu de ltar byang chub kyi sems ni yon tan de dag dang yon tan gyi bye brag tshad med pa gzhan dag dang ldan no
 zhes 'byung ba lta bu'o/ /'o na yon tan de lta bu dang ldan yang bdag cag lta bu so so'i skye bo la skyed rung ngam zhe na/ skyed rung ba nyid du rig par bya ste/ bslab pa kun la btus pa las ji skad bshad pa bzhin no/ /da ni byang chub kyi sems kyi rab tu dbye ba bstan pa'i phyir/
 byang chub sems su mdor bsdu na zhes bya ba la sogs pa smos te/ yang byang chub tu sems bskyed pa'i rab tu dbye ba ni/ de yangs gser zla ba me zhes bya ba la sogs pa nyi shu rtsa gnyis nyid du 'byung ba las 'di ni sems bskyed dang po 'dun pa dang ldan pas lta bu'i dbang du byas
 pa yin la/ yang sems bskyed pa ni/ mos dang lhag bsam dag pa dang/ rnam par smin pa gzhan du 'dod/ /de bzhin sgrib pa spangs pa'o/ /zhes pa ji skad bshad pa lta bur rnam pa bzhi nyid du dbye ba las 'di ni mos pa'i sems bskyed pa'i dbang du byas pa yin
 zhing/ yang kun rdzob dang don dam pa'i sems bskyed pa rnam pa gnyis las 'di ni kun rdzob byang chub kyi sems bskyed pa'i dbang du byas pa las/ de nyid la yang dag par blangs pa brda las byung ba dang/ chos nyid kyis thob pa dang rnam pa gnyis las/ 'di ni yang dag
 par blangs pa brda las byung ba'i dbang du byas te/ de ltar yang sdong po bkod pa'i mdo las gsungs pa/ rigs kyi bu sems can dag bla na med pa yang dag par rdzogs pa'i byang chub tu sems bskyed pa de dag kyang dkon na/ de bas kyang gang dag bla na med pa yang dag par
 rdzogs pa'i byang chub tu chos pa'i sems can de dag ni shin tu dkon no zhes 'byung ba lta bu'o/ /de la smon pa'i sems bskyed pa'i ngo bo ni sems can thams cad kyi don du bdag bla na med pa yang dag par rdzogs pa'i byang chub tu mngon par rdzogs par sangs rgyas par
 gyur cig/ snyam du byang chub dang sems can gnyis la dmis pa'i don du gnyer ba'i 'dun pa dang mtshungs par ldan pa'i yid kyi rnam par shes pa dper na 'go bar 'dod pa lta bu ste/ byang chub sems dpa' i sa las ji skad 'byun ba
 bzhin no/ /de la 'jug pa sems bskyed pa'i ngo bo nyid ni spong ba'i sems pa dang 'jug pa'i sems mtshungs par ldan pa'i yid kyi rnam par shes pas bag chags dang bcas pa ste/ de sdom pa'i tshul khrims ni spong ba'i sems pa'i ngo bo nyid yin la/
 lhag ma gnyis ni 'jug pa'i sems pa'i ngo bo nyid yin te/ de ni dper na lam du zhugs te chas pa lta bu'o/ /'on te smon pa'i sems bskyed pas chog mod/ 'jug pa'i sems bskyed pas ci zhig bya zhe na/ ma yin te 'jug pa'i sems bskyed pa ni
 smon pa las kyang 'bras bu bsod nams kyi phung po shin tu che ba'i phyir te/ ji ltar zhe na/ byang chub smon pa'i sems las ni zhes bya ba la sogs pa smos te/ smon pa'i sems bskyed pa las 'khor bar 'khor ba'i che 'bras bu chen po 'byung bar ci mngon ze na/
 'phags pa byams pa'i rnam par thar pa las gsungs pa bzhin te/ rigs kyi bu 'di lta ste dper na rdo rje rin po che ni chag kyang gser gyi rgyan khyad par du 'phags pa thams cad zil gyis gnon cing rin po che'i ming yang mi 'dod zhing dbul ba thams
 cad kyang rnam par bzlog go /rigs kyi bu de bzhin du thams cad mkhyen par sems bskyed pa'i rdo rje rin po che ni nan tan dang bral yang nyan thos dang rang sangs rgyas kyi yon tan gyi gser gyi rgyan thams cad zil gyis gnon cing/ 'khor ba'i dbul
 ba thams cad kyang rnam par bzlog go zhes 'byung ba dang/ de bzhin du rgyal po la gdams pa'i mdo las kyang/ rgyal po chen po 'di ltar khyod ni bya ba mang ba byed pa mang ba sto/ thams cad kyi thams cad rnam pa thaMs cad kyi thams cad du sbyin pa'i pha rol tu phyin pa la bslabs
 nas shes rab kyi pha rol tu phyin pa'i bar la brlab par mi nus kyis/ de bas na rgyal po chen po khyod yang dag par rdzogs pa'i byang chub la 'dun pa dang dad pa dang don du gnyer ba dang/ smon pa 'gro yang rung 'greng yang rung 'dug kyang rung sang kyang rung rtag par rgyun du
 dran par gyis la yid la zung ste/ bsgoms shig dang/ sangs rgyas dang byang chub sems dpa' dang 'phags pa nyan thos dang/ rang sangs rgyas dang so so'i skye bo thams cad dang/ bdag nyid kyi 'das pa dang ma 'ongs pa dang/ da ltar byung ba'i dge ba'i rtsa ba thams
 cad bsdus shing gzhol te rtsis la rjes su yi rang bar gyis shig /rjes su yi rang ba mchog dang nam mkha' dang 'dra ba dng/ mya ngan las 'das pa dang mtshungs par rjes su yi rang bar gyis shig /rjes su yi rang nas sangs rgyas dang byang chub sems dpa' dang/ 'phags pa nyan
 thos dang/ rang sangs rgyas thams cad la mchod par bya ba phul cig /phul nas sems can thams cad dang thun mong du gyis shig /de nas sems can thams cad thams cad mkhyen pa'i bar du 'thob par 'gyur ba dang/ sangs rgyas kyi chos thams cad yongs su
 rdzogs par 'gyur ba'i phyir nyin gcig bzhin dus gsum du bla na med pa yang dag par rdzogs pa'i byang chub tu bsngos shig /rgyal po chen po khyod de ltar zhugs na rgyal po'i bya ba yang nyams par mi 'gyur zhing byang chub kyi tshogs kyang rdzogs par 'gyur ro zhes
 gsungs so/ /mdo sde de nyid las rnam par smin pa yang gsungs te/ rgyal po chen po khyed yang dag par rdzogs pa'i byang chub kyi sems kyi dge ba'i rtsa ba'i las kyi rnam par smin pas lan du mar lha'i nang du skye/ lan du mar mi'i nang du skye ste lha dang mi dang skye bar
 'gyur ba na dbang po byed par 'gyur kyang/ da dung rgyal po chen po khyod kyi yang dag par rdzogs pa'i byang chub kyi sems kyi dge ba'i rtsa ba'i las la bri ba 'am gang bar mi mngon no/ /'on kyang rgyal po chen po bla na med pa yang dag par rdzogs pa'i byang chub kyi
 sems cig kyang sems can thams cad bsgral bar dmigs pa dang/ sems can thams cad dga' bar dmigs pa dang/ sems can thams cad dbugs dbyung bar dmigs pa dang/ sems can thams cad yongs su mya ngan las
 'da' bar dmigs pa'i phyir ro/ /dge ba'i rtsa ba grangs med dpag tu med pa la sogs par 'gyur na/ gang de ltar mang du byed pa lta ci smos zhes 'byung ngo/ /ji ltar 'jug pa'i sems bzhin du/ bsod nams rgyun chags 'byung ba min zhes bya ba ji ltar
 'jug sems bskyed pa bzhin du bsod nams kyi phung po dpag tu med pa 'byun ba ni ma yin no/ /'o na 'jug pa'i sems bskyed pa las dus gang nas ji srid kyi bar du grangs du zhig rgya ji snyed 'byung zhe na/ go rim bzhin du lan btab pa'i phyir gang nas
 bzung ste zhes bya ba la sogs pa smos te/ deng nas bzung ste zhes bya ba'i bar gyis dus gang nas 'byung ba bstan to/ /rgyun mi 'chad par zhes bya ba'i bar gyis dus ji srid 'byung bar bstan to/ /nam mkha' mnyam par rab tu 'byung ba zhes bya bas ni
 rgya ji snyed cig 'byung bar bstan to/ /sems can khams mdza' yas rab tu bsgrol ba'i phyir zhes bya bas ni ched du bya ba dam pa bstan to/ /mi ldog pa'i sems kyis su zhes bya bas ni srog la bab kyang btang bar mi bya'o/ /snyam pa'i bsam pa ste/
 bsam pa phun sum tshogs pa bstan to/ /sems de zhes bya bas ni dngos po dam pa ste/ sdom pa'i ngo bo nyid bstan to/ /yang dag ces bya bas ni yang dag par len pa'i cho ga phun sum tshogs pa bstan to/ /bsod nams de snyed cig 'byung bar ci
 mngon zhe na/ 'di ni zhes pa la sogs pa gsungs te/ dman pa nyan thos kyi theg pa la mos pa rnams theg pa chen po la drang ba'i phyir/ sems can dpag tu med pa'i don du yang dag par blangs pa'i phyir 'bras bu bsod nams kyi phung po dpag tu med pa
 dang ldan par gsungs te/ lag bzungs kyi mdo nyid las she par bya'o/ /'phags pa dpa' byin gyis zhus pa las kyang/ byang chub sems kyi bsod nams gang/ /de la gang de gzugs mchis na/ /nam mkha' i khams ni kun gang ste/ /de ni de bas lhag
 par 'phel/ /zhes bya ba 'byung ba dng/ de bzhin du 'phags pa phung po gsum pa'i mdo las kyang byang chub kyi sems bskyed pa de/ bskyed ma thag pa de bsod nams kyi phung po ni rab tu mang gi/ 'jig rten gyi khams kyi sems can thams cad 'khor
 los bsgyur ba dang/ 'jig rten skyong ba dang/ brgya byin dang/ tshangs pa dang/ nyan thos dang/ rang sangs rgyas su gyur pa'i bsod nams kyi phung po ni de tsam ma lags so zhes bya ba 'byung bas/ byang chub tu sems bskyed pa nyid kyis kyang nyan thos la
 sogs pa'i bsod nams kyi phung po thams cad de ltar zil gyis gnon na/ bla na med pa'i byang chub lta ci smos te/ de bas na bdag gis theg pa dman pa 'dod par mi bya'i theg pa chen po 'dod par bya'o snyam du sems bskyed par bya ba'i phyir
 gsungs so/ /des ni ched du bya ba dam pas zin par bya ba'i phyir bsod nams kyi phung po dpag tu med pa dang ldan pa bstan to/ /da ni byed pa'i sgo nas bsod nams kyi phung po dpag tu med pa dang ldan pa bstan pa'i phyir/ pha 'am yang na zhes bya ba
 smos te/ 'dir bsdus pa'i don ni shin tu rnyed par dka' bar gyur pa sems can thams cad la phan pa dang bde bar bya ba'i lhag pa'i bsam pas kun nas blangs pa'i phyir 'jug pa'i sems bskyed pa 'dis bdag dang gzhan thams cad la sdug
 bsngal dang yid mi bde ba thams cad spong zhing/ bde ba dang yid bde ba thob par byed pas bsod nams kyi phung po dpag tu med pa dang ldan no zhes bya ba yin no/ /yang bsod nams zhes bya ba ni mchod pa las 'byung ba yin la/ mchod pa bla na
 med pa ni byang chub tu sems bskyed pa 'di yin te/ ji skad du 'phags pa blo gros mi zad pas bstan pa'i mdo las/ gsum po 'di dag ni mchod pa bla na med pa ste/ byang chub tu sems bskyed pa dang zhes 'byung bas/ 'di ni mchod pa bla na
 med pa yin pa'i phyir/ bsod nams kyi phung po bla na med pa dang ldan par bstan pa phan par bsam pa tsam gyis kyang zhes bya ba la sogs pa gsungs so/ /da ni byang chub tu sems bskyed pa 'di nyid sems can thams cad la phan pa dang bde ba thob par byed cing sdug
 bsngal dang yid mi bde ba rgyud dang bcas par spong bar byed pa'i phyir/ dge ba'i rtsa ba thams cad kyi mchog yin pa'i phyir dang sems can thams cad la phan pa dang bde bar bya ba'i ltag pa'i bsam pas kun nas bslang zhing/ de dang mtshungs par ldan pas
 sems can thams cad kyi mchog yin pa'i phyir bsod nams kyi phung po dpag tu med pa dang ldan pa sdug bsngal 'dor 'dod pas ces bya ba nas/ bsod nams de dang 'dra ba ga la yod ces bya ba'i bar du gsungs so/ /da ji 'jug pa'i sems bskyed pa'i gang
 zag de yang thams cad kyi bsngags pa'i gnas nyid du bstan pa'i phyir/ phan btags lan lon zhes bya ba la sogs pa gsungs so/ /da ni gang zag de sems can thams cad la mtho ris dang thar pa'i bde ba sbyin par byed pa'i yon tan dang ldan pa'i phyir/ de la
 ngan sems bskyed pa'i nyes dmigs bstan pa'i sgo nas de spyod du gzhug par bya ba'i phyir/ gang zhig de 'dra'i zhes bya ba la sogs pa smos te/ da ni de la sems dang ba'i phan yon bstan pa'i sgo nas sems dang ba bskyed du gzhug bar bya ba'i phyir/
 'on te gang zhig ces bya ba la sogs pa smos so/ /de nyid thun mong ma yin pa'i yon tan dang ldan pas/ phyag 'tshal ba'i gnas yin ba'i phyir dang/ gnod pa byas kyang bde bas phan 'dogs pa'i phyir phyag 'tshal zhing skyabs su 'gro ba'i gnas yin par
 bstan pa'i phyir gang la sems kyi dam pa zhes bya ba la sogs pa smos so/ /yan lag gi don ni go sla bas rnam par ma bye'o/ /byang chub sems dpa' i spyod pa la 'jug pa las zhes bya ba la sogs pa 'dis kyang byang chub sems dpa' i spyod pa la 'jug pa'i don ston pa'i phyir
 de skad cos bya ste/ de la byang chub sems dpa' ni gang/ spyod pa la 'jug pa ni gang/ gang gis ston ce na/ de la byang chub sems dpa' ni bdun ste/ rigs la gnas pa dang/ sems bskyed pa dang/ mos pa spyod pa dang/ spyod pa la zhugs pa dang/ phyir mi ldog pa dang/
 skye ba gcig gis thogs pa dang/ spong ba tha ma pa'o/ /de la rigs la gnas pa'i spyod pa ni/ byang chub sems dpa' i sa las pha rol tu phyin pa drug gi rigs kyi rtags ji skad 'byung ba bzhin du rig par bya'o/ /sems bskyed pa'i cho ga ni sdom pa nyi shu pa 'am/
 gzhung 'di nyid las ji skad 'byung ba yin no/ /mos pas spyod pa yang sng ma dang mthun par rig par bya'o/ /spyod pa la zhuD pa'i spyod pa ni sa dang po nas sa bdun pa'i bar gyi spyod pa ste/ mdo sde sa bcu pa las ji skad 'byung ba bzhin te/ 'dir yi ge mangs kyis
 dogs nas ma bris so/ /de la 'dir ni sems bskyed pa'i byang chub sems dpa' i spyod pa la 'jug pa gzung ste/ gang gi don du 'jug pa dang/ thabs gang la brten te 'jug pa dang/ gang du 'jug pa dang/ tshul ji ltar 'jug pa ste/ lnga po de rnams ni go rim
 bzhin du gang gis 'jug pa ste/ dal 'byor zhes bya ba la sogs pa'i tshigs su bcad pa gnyis dang/ gang gi don du 'jug pa snye/ le'u dang po las 'jigs dang sdug bsngal zhes bya ba la sogs pa tshigs su bcad pa gcig dng/ le'u drug pa las bdag dang gzhan
 mnyam par bstan pa dang/ le'u brgyad pa la sogs pa 'di dag thams cad kyang zhes bya ba la sogs pa tshigs su bcad pa gcig dang/ yang de nyid nyon mongs pa dang shes bya'i sgrib ba bcad bya ba la sogs pa tshigs su bcad pa gcig dang/ thabs gang la rten nas
 'jug pa ste /le'u bzhi pa las rtag par dge ba'i bshes gnyen ni zhes bya ba nas/ de'i 'og tu bstan par bya ste/ zhes bya ba'i par dang/ gang la 'jug pa ste/ sems bskyed pa dang/ pha rol tu phyin pa drug gi mtshan nyid de'i
 gzhung mdza' dag gis dang/ tshul ji ltar 'jug pa ste/ le'u gnyis pa nas bzhi pa'i bar gyis bstan to/ /yang byang chub kyi spyod ba ni sems bskyed pa dang/ pha rol tu phyin pa drug dang/ sdom pa gsum dang/ bslab pa gsum la sogs pa yin la/ de la
 'jug pa ni de rjod par byed pa'i sgo nas 'jug pa dang/ shes par byed pa'i sgo nas 'jug pa dang/ nyams su len pa'i sgo nas 'jug pa dang/ de la 'dir ni brjod par byed pa'i sgo nas 'jug pa gzung ba ste/ ji ltar brjod par bya zhe na/ le'u dang bo nas le'u
 gnyis pas ni sems bskyed pa brjod bar byed la/ le'u gnyis pa las de ltar 'di dag kun bya ba nas/ bdag ni nyer 'tsho'i rgyur yang shog ces bya ba'i bar gyis sbyin pa'i pha rol tu phyin pa brjod par byed cing/ ji ltar sngon gyi bde gshegs gyis zhes bya
 ba nas/ le'u bzhi pa'i bar gyis tshul khrims kyi pha rol tu phyin pa brjod par byed la/ lhag ma le'u bzhis ni bzod pa la sogs pa go rims bzhin du rjod par byed de/ de la sdom pa gsum las che long rnam par bzhag pa'i dbang du byas nas/ sdom
 pa dang/ dge ba dang/ sems can gyi don byed pa'i tshul khrims ni shes bzhin bsrungs pa'i le'u las bre mo'i gtam ni sna tshogs dang zhes bya ba nas/ des ni shing bzhin gnas par bya zhes bya ba'i bar dang/ mi bzod le lo'i zhes bya ba la sogs
 pa tshigs su bcad pa gnyis dang/ shin tu nges dang zhes bya ba la sogs pa'i tshigs su bcad pa gcig gis go rim bzhin du bstan to/ /de la zhib mo rnam par gzhag pa'i dbang du byas nas/ thog mar sems bskyed pa la sogs pa pha rol tu phyin pa
 drug po thams cad kyang so so'i mi mthun pa'i phyogs spong ba'i phyir sdom pa'i tshul khrims kyi ngo bo nyid yin la/ de bzhin du thams cad kyang byang chub chen po'i rgyud bsngos pa yin zhing/ dngos sam brgyud nas sems can gyi don dmigs pa'i phyir/ dge ba'i
 chos sdud pa dang sems can gyi don byed pa'i tshul khrims kyi ngo bo nyid yin te/ de bas na gzhung mdza' dag sdom pa'i bslab gsum ston par rig par bya'o/ /de la bslab pa gsum gyi dbang du byas nas/ le'u dang po bzhis ni lhag pa'i tshul khrims kyi
 bslab pa bstan te/ sbyin pa ni lhag pa'i tshul khrims kyi rgyu yin te/ lus la sogs pa btang na tshul la 'jug pa'i phyir dang/ sdom pa len cing bsrung pa ni lhag pa'i tshul khrims kyi bslab pa'i ngo bo nyid yin pa'i phyir/ le'u lnga pa dang bdun pas ni lhag
 pa'i sems kyi bslab pa bstan te/ skye ba bzod pa thob pa la brtson 'grus rtsom pas bsam gtan bsgom pa'i thabs shes pa'i phyir/ bzod pa dang brtson 'grus ni lhag pa'i sems kyis bslab pa'i rgyu yin pa'i phyir dang/ bsam gtan ni de'i ngo bo
 nyid yin pa'i phyir ro/ /le'u brgyad pas ni lhag pa'i shes rab kyi bslab pa bstan te/ de ltar na bstan bcos 'di ni byang chub sems dpa' i spyod pa bstan ma thag pa de dag la brjod pa'i tshul gyis 'jug pa'i phyir byang chub sems dpa' i spyod pa la
 'jug pa zhes bya'o/ /de la shes par byed pa'i sgo nas 'jug pa ni bstan chos 'di nyid la brten la/ nyan pa pos shes pa yin la/ de'i rjes la dang po sems bskyed pa nas bzung ste/ slob pa'i lam gyi gnas skabs su ci riD pa bsgrub pa ni
 nyams su len pa'i tshul gyis 'jug pa zhes bya'o/ /byang chub sems kyi phan yon bstan pa zhes bya ba ni nyan pa pos 'jug par bya ba'i don du gtso bor phan yon thog mar bstan pa'i phyir ro/ /le'u dang po'i bshad pa rdzogs so// /
 de ltar phan yon thos pas sgro ba skyes pa la 'jug pa 'byung bas/ da ni byang chub kyi sems yongs su bzung ba'i thabs brjod par bya ste/ de la sngon du bya ba'i cho ga'i dbang du byas nas/ bsod nams kyi tshogs kyis rgyun bstan
 par bya dgos pas bsod nams kyi tshogs bskyed pa'i phyir/ rin chen sems de zhes bya ba la sogs pa nas/ brtul zhugs mchog la phyag 'tshal lo zhes bya ba'i bar gyis ni/ dang por mchod pa bstan te de la tshigs su bcad pa dang pos
 dgos pa gang gi don du gang la ji ltar mchod pa mdor bstan to/ /lhag ma rnams kyis rgyas par bstan to/ /de la yo byad 'bul pa'i mchod pa'i dbang du byas nas/ me tog 'bras bu zhes bya ba nas nyid kyis mthus bzhes shig ces bya ba'i bar
 gyis ni bdag pos yongs su bzung ba'i mchod pa bstan to/ /rgyal dang de'i sras zhes bya ba la sogs pa tshigs su bcad pa gnyis kyis ni lus dbul pa phan yon dang bcas pa bstan to/ khrus kyi khang pa zhes bya ba nas thub dbang rnams la dbul
 bar bgyi zhes bya ba'i bar gyis ni yid kyi mchod pa bstan te/ 'di tsam gyi mchod pa bshad nas/ da ni de kun nas gnas par bya ba'i phyir/ de las gzhan yang zhes bya ba la sogs pa'i tshigs su bcad pa gnyis kyis gsungs so/ /ji ltar
 'jam dpal dbyangs zhes bya ba la sogs pa gcig gis bla na med pa'i mchod pa bstan to/ /yon tan rgya mtsho can dag zhing rdul kun gyi grangs snyed kyi/ phyag 'tshal zhes bya bas ni bstod pa'i dus bstan to/ /dbyangs kyi yan lag ni/ rgya mtsho
 snyed kyis bstod pas stong ces bya bas ni bstod pa dngos bstan to/ /dus gsum zhes bya ba la sogs pas ni bstod pa de kun tu gnas par bya ba'i phyir smon lam gdab pa bstan to/ /byang chub sems kyi zhes bya ba la sogs pa'i tshigs su
 bcad pa gcig gis phyag 'tshal ba'i mchod pa bstan to/ /de la mchod pa mdzod bstan pa'i skabs nas/ legs par mchod ces bya ba ni dam pa drug gis zin pa ste/ byang chub chen po thob par bya ba'i bsam pa dang/ sems can thams cad kyi mched du bya
 ba dang/ yid du 'ong ba'i dngos po dang/ 'khor gsum yongs su dag pa dang/ mi mthun pa'i phyogs kyi dri ma dang bral ba dang/ byang chub chen por bsngo ba dang/ go rim bzhin du brten pa dang/ ched du bya ba dang/ dngos po dang thabs la mkhas pa dang/ rnam par
 dag pa dang/ yongs su bsngo ba dam pas zin pas ni legs par rig par bya'o/ /lhag ma ni go sla'o/ /byang chub sems kyi gzhi rnams dang zhes bya ba ni 'phags pa chos bcu pa'i mdo las gsungs pa bzhin du byang chub kyi sems skye ba'i rgyu bzhi ste//
 gzhan dag gis bskul ba 'am/ byang chub bam/ byang chub kyi sems kyi bsngags pa brjod pa thos pa dang/ sems can rnams la snying rje chen po'i sems bskyed pa dang/ de bzhin gshegs pa'i che ba'i yon tan thos pa ste/ de ltar na bdag la
 bskul bar byed pa dang/ stags pa ji lta ba bzhin ston pa dang/ gang zag gang snying rje chen po dang ldan pa dang/ thun mong ma yin pa'i yon tan dang ldan pa'i de bzhin gshegs pa ni byang chub kyi sems skye ba'i gzhi zhes bya'o/ /da ni bsod nams spel
 pa'i rgyu gnyis la skyabs su'gro ba'i dbang du byas nas/ byang chub snying por mchis kyi bar zhes bya ba la sogs pa smos so/ /rgyu gsum dang sdig pa rnam par byang ba'i dbang du byas nas/ rnam pa sun 'byin pa kun tu spyod pas sdig pa rnam par spyad ba ni
 phyogs rnams kun tu bzhugs pa yi zhes bya ba la sogs pa ste/ de la rtsa ba dang po gsum gyis bshags pa'i yul bstan to/ /thal mo sbyar te zhes bya bas ni spyod lam ji lta bus bshags pa bstan to/ /lhag ma rnams kyis ni gang gi ltar bshegs
 pa bstan te/ de la thog ma med ldan zhes bya ba la sogs pa tshigs su bcad pa gnyis kyis ni/ ltung ba 'byung ba'i rgyu bzhi las/ mi? shes pa'i rgyu las 'byung ba'i ltung ba bshags pa bstan to/ /bdag gi dkon mchog
 zhes bya ba la sogs pa'i tshigs su bcad pa gcig gis nyon mongs pa mang po'i rgyu las byung ba'i ltung ba bshags pa bstan to/ /nyes pa du ma zhes bya ba la sogs pa'i tshigs su bcad pa gcig gis mgus pa dang/ bag med pa'i rgyu byung ba'i ltung
 pa bshags pa bstan te/ nyes pa du ma zhes bya ba ni ma gus pa dang/ bag med pa ste nyes byed pa'i rgyu yin pa'i phyir ro/ /da ni rten gyi stobs kyis sdig pa rnam par sbyad ba'i phyir myur du skyabs su 'gro ba'i rgyu dang bcas pa mdor bstan pa/
 bdag ni zhes bya ba la sogs pa tshigs su bcad pa gcig gsungs te/ de la rtsa ba dang bo gnyis kyis ni myur du skyabs su 'gro ba'i rgyu bstan te/ 'og ma gnyis kyis ni myur du skyabs su'gro ba dngos bstan to/ /da ni rgyas par bshad pa'i phyir/ yid
 bstan dumi rung zhes bya ba la sogs pa nas/ de tshe bdag gis ji ltar bya zhes bya ba'i bar gyis skyabs su 'gro ba'i rgyu rgyas par bshad do/ /de bas rgyal bas 'gro ba'i mgon po zhes bya ba nas/ 'jigs pa myur du bsal du gsol
 zhes bya ba'i par gyis skyabs su 'gro ba dngos rgyas par bshad do/ /bdag gis mi shes pa la sogs pa'i dbang gis thog ma med pa nas sdig pa dpag tu med pa bsags pa'i phyir dang/ bdag gi che la nges pa med pa'i phyir/ myur du
 skyabs su ma song pa'i sdig pa dang bcas bzhin du 'chi bar 'gyur ba'i nyes dmigs yod pa'i rgyu de'i phyir/ myur du skyabs su 'gro bar bya'o zhes bya ba ni bsdus pa'i don yin no// //da ni yan lag gi don brjod par bya ste/
 ci'i phyir myur du skyabs su 'gro bar bya zhe na/ yid brtan du mi rung zhes bya ba la sogs pa smos te/ tshel nges pa med pa'i phyir ro zhes bya ba'i tha tshig go/ de ltar yin du zin kyang bdag sdig pa mi ldan pa'i phyir myur du skyabs su 'gro ba ma song yang nyes pa med do
 zhe na/ thams cad por te/ zhes bya ba la sogs pa smos so/ /de ltar yin du zin kyang de dag gi don du byas pa'i sdig pa ni de dag nyid kyis nyams su myong bar 'gyur gyi/ bdag la mi gnod pa'i phyir myur du skyabs su 'gro bar bya'o zhe na/ mi mdza' ba
 rnams zhes bya ba la sogs pa gsungs te/ de dag dang ni? bral nas med par 'gyur ba'i phyir de dag gis na nyams su mong bar mi 'gyur te/ de dag gi don du byas pa'i sdig pa ni 'chi ba'i dus su dran pa'i yul du 'gyur ro zhes bstan to/ /de ltar yin du
 zin yang sdig pa dang bral bas med par 'gyur ro zhe na/ de dag don du zhes bya ba la sogs pa smos so/ /de ltar bdag ni zhes bya ba la sogs pas mjug bsdu'o/ /de lta yin du zin kyang bdag thams cad du mi 'chi ba'i phyir skyabs su 'gro bar mi byed
 do zhe na/ nyin mtshan zhes bya ba la sogs pa smos so/ /de ltar yin du zin kyang tshul 'di ltar 'chi ba'i phyir nges bdag mi 'jigs so zhe na/ bdag ni mal na zhes pa la sogs pa smos so/ /'o na de'i tshe gang phan zhe na/ de'i tshe zhes bya ba la sogs
 pa smos so/ /'o na de nyid kyi cho ga med zhe na/ de yang zhes bya ba la sogs pa smos so/ /da ni slob dpon bdag nyid kyis 'dod pa'i lha la smre ba'i tshul gyis skyabs su 'gro ba bstan pa/ mgron? po zhes pa la sogs pa smos so/ /de ltar yin du zin
 na de ni thams cad la 'byung ba'i phyir bdag mi 'jigs so zhe na/ skye bo zhes bya ba la sogs pa smos so/ /de ltar yin du zin na de nyid kyi tshe skyabs btsal bas cho ga mod kyi zhe na/ su zhig zhes bya ba la sogs pa smos? te/ de'i che tshol bar byad?
 mong kyi mi rnyed do zhes bya ba'i tha tshig go/ de bas na da ltar nyid nas skyabs btsal bar bya dgos pas/ de pas rgyal ba zhes bya ba la sogs pa smos so/ /'on te skyabs su song bas chog mong/ de'i bka' gnod cing gos zhe
 na/ tha mal nang kyis zhes bya ba la sogs pa smos so/ /'on te nad de tsam du ji tsam du nyes dmigs che bas sman pa'i dag mnod par bya zhe na/ de gcig gis kyang zhes bya ba la sogs pa smos so/ /sman pa gang gis bka' nod par bya zhe na/
 de dag gso ba'i zhes bya ba la sogs pa smos so/ /de ci'i phyir de'i bka' nod bar zhe na/ zug rdu thams cad 'byin pa yi zhes bya ba la sogs pa gsungs so/ /'on te bka' nod pas chog mong sgrub ci dgos snyam nas/ g.yang sa
 tha mal zhes bya ba la sogs pa smos so/ /de ltar yin yang da lta nyid nas bsgrub mi dgos so zhe na/ de ring kho na zhes bya ba la sogs pa smos so/ /'on te 'dod pa la longs spyod par bya dgos pas da lta nyid nas bsgrub par byar med
 ce na/ sngon chang myong ste zhes bya ba la sogs pa smos so/ /'on te gnyen dang dgra la sogs pa la phan pa dang gnod pa byar? yod do zhe na/ gson tshe 'di dang zhes bya ba la sogs pa smos so/ /de bas mi dge ba'i las kyis nyes dmigs
 shes par byas nas/ de las thar pa nyid gtso cher bstan gyi/ gzhan pas ma bar mi rigs bas myur du skyabs su 'gro bar bya dgos so zhes mjug bsdu ba'i phyir/ mi dge ba las zhes bya ba'i tshigs su bcad pa gcig bshad do//
 da ni bsdus pa'i tshul gyis sdig pa shags pa dang bcas pa bstan pa'i phyir bdag ni mi shes pa la sogs pa smos so/ /gang zhig mi dge ba'i sems kyis kun nas bslang bas lus dag yang gsum gyi gang byas
 pa de ni rang bzhin gyis kha na mtho ba yin la/ mi dge ba'i sems kyis kun nas bslang ba yang ma yin la/ de'i rkyen gyis gzhan dag mi mos par 'byung ba 'am/ dgos pa'i las su byas pa de thams cad ni/ bcas pa'i kha na ma tho ba yin zhing/ gong ma de dag las
 bzlog pa ni dge ba'i las yin par yig par bya'o/ /yang nas yang du phyag 'tshal te? zhes bya ba ni sdig pa bshags pa'i yan lag yin te/ nye bar 'khor gyis zhus pa las phyag 'tshal nas sdig pa bshags so zhes 'byung ba'i phyir/ de la yul ji snyed la phyag
 'chal ba dang/ lus ji snyed dang/ dag ji snyed dang/ dgos pa gang gi don du dang/ tshul ji ltar bshags pa rnams ni/ 'phags pa phung po gsum pa'i mdo las ji skad 'byung ba bzhin du rig par bya ste/ mdor na 'di yang dam pa rnam pa drug gis zin par bya'o/
 'di ni phung po gsum las bshags pa ste dang po'o// //'on te de sdig pa rnam par sbyang ba'i thabs ni/ 'phags pa chos bzhi bstan pa'i mdo las chos bzhi nyid du gsungs pa ma yin nam/ ci'i phyir rnam par sun 'byin pa kun tu spyod pa dang/
 rten gyi stobs kyis phyogs gcig skyabs su 'gro ba 'ba' zhig bshad kyi gzhan dag ci'i phyir ma bshad ce na/ rten gyi stobs kyi phyogs gcig smon pa'i sems bskyed pa dang/ nyes pa las bzlog pa'i stobs sdom pa yang dag par len pa ni dngos gzhi'i tshig
 yin pa'i phyir / 'dir sngon rol gyi cho gar ma bshad do/ /gnyen po kun tu spyod pa ni mchod pa la sogs pa sngar yang bshad la/ rjes su yi rang ba la sogs pa 'og nas kyang ston pas 'dir logs shig tu bshad de/ de ltar yin na ni skyabs su'gro ba yang gong
 du bshad zin pa'i phyir 'di bshad par mi bya'o zhe na/ de ni ma yin te/ gong du bshad pa ni sdom pa yang dag par blangs pa'i rten nyid du yin la/ 'dir myur du sdig pa rnam par sbyang ba'i thabs nyid du bshad pa yin pa'i phyir nyes pa med do/ /da ni rgyu ba bzhi pa 
 rjes su yi rang ba bstan pa'i dbang du byas nas/ sems can rnams kyis dge pa'i rtsa ba la rjes su yi rang ba sems can gyi zhes bya ba la sogs pa smos te/ rigs chad pa dang rigs dang ldan pa'i dge ba'i rtsa ba la rjes su yi rang ba ste/
 tshig rkang gnyis dang go rim bzhin no/ /lus can zhes bya ba la sogs pa'i tshig rkang gnyis kyis ni nyan thos dang rang sangs rgyas kyi dge ba'i rtsa ba la rjes su yi rang pa bstan pa'o/ /skyobs pa rnams kyi zhes bya ba la sogs pa'i tshig rkang drug gis sangs
 rgyas dang byang chub sems dpa' i dge pa'i rtsa ba la rjes su yi rang ba bstan te/ de yang nyid kyis don brnyes pa dang/ gzhan gyis don mdzad pa'i thugs bskyed pa'o/ /de yang dngos su gzhan gyi don mdzad pa'i thugs bskyed pa dang/ dngos su gzhan gyi don mdzad
 pa'i dge ba'i rtsa ba la rjes su yi rang ba ste/ tshig rkang gnyis gnyis dang go rim bzhin du sbyar ro/ /bsod nams kyi tshogs bskyed pa'i thabs lnga pa chos kyi 'khor lo bskul ba'i dbang du byas nas/ phyogs rnams kun gyi zhes bya ba la sogs pa smos te
 sangs rgyas ni mtshon pa tsam du zad kyi nyan thos dang rang sangs rgyas dang so so'i skye bo dag la bskul bar shes par bya ste/ 'phags pa phung po gsum pa'i mdo nas ji skad 'byung ba bzhin no/ /da ni drug pa mya ngan las mi 'da' bar gsol ba
 gdab pa'i dbang du byas nas/ rgyal ba zhes bya ba smos te/ dge ba'i rtsa bas sems can rnams la gtong ba zhes bya ba 'di mtshon pa tsam du zad kyi/ de bzhin du nyan thos dang rang sangs rgyas dang/ sangs rgyas dang byang chub sems dpa' rnams
 la yang dbul zhing btang ba ste/ de yang 'phags pa phung po gsum pa dang/ 'phags pa rdo rje rgyal mtshan gyis yongs su bsngo ba las ji ltar 'byung ba bzhin no/ /de ni dge ba'i rtsa ba btang ba bshad nas/ de ci 'ba' zhig btang bar zad
 dam snyam pa bsal ba'i phyir/ lus dang zhes bya ba la sogs pa smos te/ 'dis ni gang btang ba ste dngos po dam pa bstan to/ /sems can kun gyi don sgrub phyir/ phangs? pa med par btang bar bya/ /zhes bya bas ni go rims bzhin du ched du bya ba dang/
 rnam par dag pa dam pa bstan to/ /lhag ma rnams kyis ni rten dang yongs su bsngo ba dam pa bstan te/ ci'i phyir thams cad yongs su gtong zhe na/ thams cad btang bas mya ngan las 'da' zhes bya ste/ thams cad btang na tshul khrims la 'jug cing des
 bzod pas yongs su rdzogs par 'gyur la/ de mang du thos pa la sogs pas brtson 'grus rtsom zhing de'i dbang gis bsam gtan la mnyam par 'jog par 'gyur la/ des shes par 'byung ba'i sgo nas mya ngan las 'da' bar 'gyur ba'i phyir ro/ /thabs
 la mkhas pa dam pa ni don gyi shes par bya ste/ de dang mi ldan na byang chub chen po 'thob par mi 'gyur ba'i phyir ro/ /de ltar yin du zin kyang ci'i phyir thams cad gtong ce na/ bdag blo mya ngan 'das pa bsgrub ces bya ba smos te/ bdag ni de'i don du gnyer
 ba'i phyir ro/ /de lta yang de mi phod do zhe na/ thams cad btang du zhes bya ba la sogs pa smos te/ 'chi ba'i dus la sogs pa ni nges par gtong bar 'gyur ba'i phyir de la don med pa yin la/ gong du bshad pa bzhin btang na ni mya ngan las 'das pa'i
 rgyur 'gyur pas mchog yin pa'i phyir/ don med par btang bar mi bya'o zhes bya ba'i tha tshig go/ 'o na lus la sogs pa ji ltar btang zhe na/ bdag gi zhes bya ba la sogs pa smos te/ lus 'di zhes bya ba ni mtshon pa tsam du zad kyi longs
 spyod kyang gzung bar bya'o/ /bsam pa thag pa pa'i sgo nas mi mos par byed pa'i gang zag la sogs pa'i mdun du ngag gis kyang btang zhing spyod lam thams cad du yid kyis kyang de ltar btang gi/ las dang po'i skabs su lus kyi de ltar btang bar
 mi bya ste/ srog dang tshangs par spyod pa'i bar chad du 'gyur bas dge ba'i bar chad du 'gyur ba'i phyir/ 'og nas kyang/ snying rje bsam pa ma dag par/ /lus ni btang bar mi bya ste/ /zhes gsungs pa'i phyir ro/ /lus zhes bya ba
 ni mtshon pa tsam du zad de srog dang tshangs par spyong pa'i rten du gyur pa'i longs spyod dag kyang btang bar mi bya ste/ bslab pa kun las btus pa las tshe 'di'i longs spyod bsrung ba'i skabs su ji skad bshad pa dang/ 'phags pa drag shul can kyis zhus pa
 las kyang/ rab tu byung bas gsum rnam pa thams cad du sbyin par mi bya'o/ /zhes gsungs pa'i phyir ro/ /tshig gi don ni go sla'o/ /da ni dngos gzhi'i cho ga'i dbang du byas nas ji ltar sngon gyi zhes bya ba la sogs pa smos te/ 'dis ni gang
 zag khyad par can gyi dbang du byas nas/ smon pa dang 'jug pa'i sems bskyed gnyis ka dus gcig tu byad pa'i tshe/ byang chub sems ni bskyed par bgyi zhing zhes bya ba dang/ byang chub sems dpa' i bslab pa la zhes bya ba nas go rims bzhin du
 bstan pa'i phyir ro/ /'o na rim pa bzhin du zhes bya ba'i don ci zhe na/ rten dang rten pa'i dbang du byas pa ste/ smon pa med par 'jug pa mi 'byung ba'i phyir dang/ 'byung ? yang byang chub sems dpa' i sdom pa nyid du mi 'gyur ba'i phyir dang/
 mya ngan las 'das pa'i bsam pa brtan po med par sdom pa mi skye'o zhes dam pa'i chos 'dul ba las ji skad 'byug ba bzhin no/ /de ltar rten dang brten pa nyid yin du zin pa nyid kyi phyir dus gcig tu skyer mi rung ngo snyam na/ 'gal pa med
 de 'dul ba las cig car rab tu byung ba dang/ bsnyen par rdzogs pa dus gcig tu byar rung ba bzhin no/ /de ni gang zag khyad par can gyi dbang du byas pa yin no zhe na/ de 'dir yang mtshungs so/ /'on te nyan thos kyi sdom pa med par
 byang chub sems dpa' i sdom pa skyer rung ngam zhe na/ ci'i phyir mi rung/ brten pa'i phyir ro zhe na/ ci'i phyir brten med pa'i phyir ro zhes brjod dam/ 'on te rten sdom pa zhig med pa'i phyir zhes brjod par byed/ phyogs dang po ni rigs pa ma yin te/ smon
 pa'i sems bskyed pa nyid rten yin pa'i phyir ro/ /phyogs gnyis pa yang rigs pa ma yin te/ yod na mi mthun pa med par 'gyur ro/ /'on te nyan thos kyi sdom pa zhig rten du dgos na ni de'i tshe yongs su dag pa'i 'jig rten gyi khams la lar nyan
 thos dang rang sangs rgyas kyi ming yang med pa'i phyir chos nyid kyis thob pa 'ba' zhig las brda byung yang med par thal bar 'gyur ro/ /de ni 'dod pa ma yin no zhe na/ der sgrub pa'i tshad ma med pa'i phyir ro/ /gzhan yang shi 'phos pa'i dus su
 rten zhig pa'i phyir byang chub sems dpa' i sdom pa 'jig par thal bar 'gyur ro/ /'on te de ni thob pa'i rten yin gyi gnas pa'i rten ma yin pa'i phyir nyes pa med do zhe na/ ma yin te de nyid la bsgrub pa'i rigs pa med pa'i phyir ro//
 'on te gnas pa'i rten ma yin pa'i phyir shi 'phos kyang byang chub sems dpa' i sdom pa mi 'jog na ni/ de'i tshe 'dir nyan thos kyi sdom pa zhig kyang byang chub sems dpa' i sdom pa mi 'jig par thal bar 'gyur te/ gnas pa'i rten
 ma yin pa'i phyir/ dper na tshe phyi ma bzhin no/ /'on te tshe phyi ma la ni gnas pa'i rten ma yin pa'i phyir nyes pa med do zhe na/ 'o na ni tshe 'di la yang gnas pa'i rten ma yin pa nyid du mtshungs so/ /'on te tshe 'dir rang bzhin dang bcas pa'i kha na ma
 tho ba spong ba'i phyir gnas pa'i rten yin no zhe na/ de ni tshe phyi ma la yang mtshungs te/ de'i tshe rang bzhin dang bcas pa'i kha na ma tho ba spong ba'i phyir ro/ /'on te nyan thos kyi sdom pa med par byang chub sems dpa' i sdom pa mi skye ba'i phyir rten du dgos so zhe na
 mi skye ba nyid sgrub pa'i rigs pa med pa'i phyir ro/ /'on te nyan thos kyi sdom pa med par rang bzhin dang bcas pa'i kha na ma tho ba mi spong pa'i phyir nyan thos kyi sdom pa rten du dgos so zhe na/ de'i phyir byang chub sems
 dpa' i sdom pa'i tshul khrims kyis kha na ma tho ba rnam pa gnyis mi spong ngam ci nyan thos kyi sdom pa zhig rten du tshol par byed/ nyan thos kyi sdom pa ni spong ba bdun gyis bsdus pa yin la/ byang chub sems dpa' i sdom pa'i tshul khrims ni spong ba
 bcus bsdus pa ma yin nam/ gzhan yang nyan thos kyi sdom pa ni bdag nyid 'ba' zhig spong ba yin zhing/ tshe 'di'i 'ba' shig tu spong bar byed pa'i bdag nyid yin la/ byang chub sems dpa' i sdom pa ni gzhan dag kyang spong du 'jug par
 byed pa dang/ byang chub kyi snying po la thug gi bar du spong ba'i bdag nyid yin bzhin du bor nas nyan thos kyi sdom pa rten du tshol bar byed pa ni bdag nyid blun por ston cing mkhas pa rnams kyis bzhang gang du bya bar rigs so/ /de bas na sdom pa'i
 rten ni tshul khrims byang chub sems dpa' i sdom ba tshul khrims yin te/ byang chub sems dpa' i sa las/ dge ba'i chos sdud pa'i tshul khrims gang zhe na/ sdom pa'i tshul khrims yang dag par blangs pa la brten nas zhes 'byung ba dang/ rnam
 bar gtan la dbab pa bsdus pa las kyang/ de dag ba'i chos thams cad sdud par byed pa dang/ 'byor par byed pa'i zhes 'byung pa dang/ theg pa chen po bsdus pa las kyang/ mi dge ba'i las bcu spong ba'i phyir sdom pa'i tshul khrims nyid rten
 du gsungs kyi/ nyan thos kyi sdom pa ni de lta ma yin te/ de las gzhan pa'i dge ba'i rtsa ba chos thams cad sdud par byed pa dang 'byor bar byed pa ma yin pa'i phyir dang/ mi dge ba bcu'i las kyi lam thams cad dus thams cad du bdag
 kyang spong zhing gzhan dag kyang spong du 'jug par byed pa la yin pa'i phyir ro/ /ji ltar na sdom pa'i tshul khrims de dge ba'i chos thams cad sdud par byed pa yin zhe na/ dge ba'i chog? thams cad ni mdor bsdus dang gi rgyud la dge ba'i chos yongs su rdzogs
 bar byed pa dang/ sems can yongs su smin par byed pa nyid yin la/ de la rang gi rgyud la dge pa'i chos yongs su rdzogs par byed pa ni pha rol tu phyin pa drug gis sdus pa ste/ de la sdom pa'i tshul khrims la gnas pa ni tshul khrims kyi pha rol tu phyin pa'i
 ngo bo nyid yin par ma zad kyi/ dus thams cad du sems can thams cad kyi srog gcod pa la sogs pa spong ba'am spong du 'jug pa'i phyir/ sems can thams cad la mi 'jigs pa sbyin pa dang/ gzhan dag gnod par byed pa la mi zlog ba dang/ de
 nyid la gong nas gong du mngon par spong ba dang/ nyan thos dang rang sangs rgyas la sogs pa'i sar sems mi skyed kyi byang chub chen po nyid yin la bya ba dang/ mi 'bral ba dang/ de yang 'khor gsum yongs su dag pa'i mi dmigs pa'i shes rab kyis yongs su
 zin pa'i phyir go rim bzhin sbyin pa dang/ bzod pa dang brtson 'grus dang/ bsam gtan dang shes rab kyi ngo bo nyid kyang yin pa'i phyir dang/ tshul khrims gang bsrung pa de yang dngos sam brgyud pa'i sems can thams cad kyi don du 'gyur ba'i phyir sems
 can gyi don byed pa'i tshul khrims kyi ngo bo nyid kyang yin pa'i phyir ro/ /ji ltar na de la dge ba'i chos thams cad 'byor bar byed pa yin zhe na/ gong ma lta bu'i sdom pa'i tshul khrims la gnas pas 'gyod pa med pa'i sgo nas sems bde ba la rig par
 gnas pa'i phyir/ dge ba'i chos srung? pa dang sems can gyi don byed pa'i tshul khrims la 'jug par 'gyur pa'i phyir ro/ /de lta bas na sdom pa'i tshul khrims nyid rten yin gyi/ nyan thos kyi sdom pa ni rten ma yin par rtogs pa dang ldan? ba rnams
 kyis gzung bar bya'o/ /'on te de ltar sdom pa'i tshul khrims rten du bshad pa nyid nyan thos kyi sdom pa nyid du 'grub pa yin te/ byang chub sems dpa' i sa las sdom pa'i tshul khrims gang zhe na/ so so thar pa'i sdom pa ni
 bdun gyis bsdus pa ste/ zhes 'byung ba'i phyir ro zhe na/ de nyid nyan thos kyi sdom pa rten nyid du gyur pa'i khungs su mi rung ste/ 'phags pa nye ba 'khor gyis zhus pa las nyan thos kyi so so thar pa'i sdom pa dang/ rang sangs rgyas kyi so so thar pa dang/
 byang chub sems dpa' i so so thar pa'i sdom pa zhes gsum du gsungs pa'i phyir ro/ /de ni bden mod kyi nyan thos kyi so sor thar pa'i sdom pa zhes gsungs pa de nyid byang chub sems dpa' i so sor thar pa'i sdom pa nyid yin no zhe na/ de ni ma
 yin te gzhan rjes su mi bsrung ba dang/ mthar chags pa dang/ rjes su 'jug pa dang/ bcos su rung pa'i sgo nas kyang byed pa'i phyir mdo las ji skad 'byung ba bzhin no/ /'o na te mdo las byang chub sems dpa' i so sor thar pa'i sdom pa zhes
 gsungs pa ni dge ba'i chos sdud pa dang// sems can gyi don byed pa'i tshul khrims kyi dbang du byas pa yin gyi sdom pa'i tshul khrims kyi dbang du byas pa ni ma yin no zhe na ma yin te/ de la rigs pa med pa'i phyir dang/ de ltar khyad par phye
 ba ni sdom pa'i tshul khrims kyi dbang du byas nas gsungs pa ste/ mdo nyid las/ bcos su rung ba'i khyad par ston pa'i skabs su mtshams med pa lnga la sogs pa bcos su rung ba nyid du bstan pa'i phyir ro/ /'o na slob dpon sa mu dme? g+has?
 tshul khrims kyi le'u'i 'grel pa las nyan thos kyi sdom pa ni dge ba'i chos thams cad kyi gzhi yin no zhes bshad pa 'di ji ltar dra bzhe na/ de ni nyan thos sdom pas ji ltar rang bzhin dang bcas pa'i kha na ma tho ba spong bzhin du sdom pa?
 tshul khrims kyis kyang spong bas/ byang chub sems dpa' i sdom pa'i tshul khrims nyid la spang bya thun mong ba spong bar 'dra ba'i phyir nyan thos kyi sdom pa des bston te/ dper na de bzhin gshegs pa la mnga' ba'i bsam gtan la sogs pa la 'jig rten pa'i
 yon tan zhes bshad pa bzhin du yin gyi/ dngos su nyan thos kyi sdom pa rten nyid du bshad pa ma yin te/ gong du bsgyur yang nye bar mi 'gro'o zhes bshad pa'i skabs su sa bon nam ldang ba'i gzhi yang ma yin pa'i phyir ro zhes bshad pa'i phyir ro/ /de lta ma yin
 na snga phyi yang 'gal ba nyid du 'gyur ro/ /'o na te de ltar nyan thos kyi sdom pa dang byang chub sems dpa' i sdom pa'i tshul khrims gnyis la mi 'dra ba'i khyad par ci lta bu zhig yod de snga ma rten ma yin la phyi ma rten nyid du bzhag ce na/ kho bos ni byang chub
 sems dpa' i sdom ba dang nyan thos kyi sdom pa'i khyad par ni dpag tu med pa yod kyang/ gtsor na rten yang dag par len pa'i bsam pa'i sgo nas mi 'dra pa nyid du shes te/ dper na gang zag 'ga' zhig lha'i yul du 'gro bar bya snyam pa'i bsam pas lam du zhugs pa'i tshe
 rdzu 'phrul la sogs pa dang mi ldan pa'i dbang gis/ lha'i yul du phyin par mi 'gyur yang der lam du zhugs pa zhes bya ba yin pa de bzhin du/ 'di na gang zag kha cig nyan thos thob par bya ba'i bsam pa sngon du btang nas srog gcod pa spong ba la sogs pa'i sdom pa yang
 dag par blangs pa'i tshe rigs dang mi ldan pa'i dbang gis nyan thos kyi byang chub thob par mi 'gyur yang nyan thos kyi sdom pa zhes bya ba yang dper na rdzu 'phrul la sogs pa dang ldan pa yin du zin kyang lha yul du 'gro ba ma bsams kyi gangs ri'i rtse mor 'gro ba nas lam
 du zhugs pa de ni gangs rir lam du zhugs ba zhes bya'o/ /lha yul du ma zhugs pa zhes bya ba de bzhin du/ 'di na gang zag kha cig rigs dang mi ldan yang? byang chub sems dpa' i bsam pas srog gcod pa la sogs pa'i sdom pa yang dag par blangs ba de'i 
 tshe/ byang chub sems dpa' i sdom ba zhes bya par 'gyur gyi/ de nyid nyan thos kyi sdom par ni mi 'gyur te/ byang chub chen po thob pa'i bsam ba spong ba'i phyir dang/ nyan thos thob par bya ba'i bsam pa med pa'i phyir ro/ /'on te theg
 pa chen po'i rigs dang mi ldan pa'i phyir de'i tshe bsam pa de lta bu'i sdom pa blangs kyang nye bar len pa'i rgyu med pas sdom pa mi skye'o zhe na/ nye ba ba len pa'i rgyu gang med par 'dod/ 'on te theg pa chen po'i rigs med pa'i phyir ro zhe na/ rigs zhes bya
 ba ni bsam pa nye bar len pa'i rgyu yin nam/ 'on te sdom pa nye bar len pa'i rgyu yin/ phyogs snga ma ni rigs pa ma yin te/ 'phags pa shA ri'i bu la sogs pa rigs dang mi ldan pa yang dge ba'i bshegs gnyen la sogs pa dang phrad pa'i dbang
 gis sems bskyed pa 'byung ba'i phyir dang/ de bzhin du sems can mdza' dag la yang rkyen gyi dbang gis sems bskyed pa mthong ba'i phyir dang/ sems bskyed pa tsam gyis de dag theg pa chen po'i rigs su ma nges pa'i phyir dang/ sems bskyed
 kyang de dag las ldog par mthong ba'i phyir ro/ /phyogs gnyis pa yang rigs pa ma yin te/ dam ba'i chos 'dul ba las kyang mya ngan las 'das pa'i bsam pa rten nyid du ma gsungs pa'i phyir dang/ byang chub sems dpa' i sa las kyang
 sdom pa yang dag par len pa'i dus su bsam pa rten yin pa'i phyir khyod byang chub sems dpa' yin nam/ byang chub tu smon lam btab bam zhes 'dri ba'i tshig gsungs kyi/ theg pa chen po'i rigs dang ldan nam zhes 'dri ba'i tshig
 ma gsungs pa'i phyir dang/ gzhan gal te rigs kho na sdom pa 'thob pa'i rgyu yin na ni bdag cag so so'i skye bo rnams kyis rang gi rigs ji lta bu mi rtogs pa'i phyir ro/ /mya ngan las 'das pa'i bsam pa yang ji lta bu bskyed par bya
 ba mi shes la sdom pa yang gang len par byed pa mi shes shing/ dge ba'i rtsa ba yang 'bras bu gang du yongs su bsngo ba yang mi shes pa zhig tu 'gyur te/ ci'i phyir zhe na/ gal te rigs dang mi ldan na mya ngan las 'das pa'i bsam pa dang ldan par sdom pa mi
 skye ba'i phyir dang/ sdom pa ma skyes pas gang bsngo bar bya ba nyid dang med pa'i phyir ro/ /de'i phyir sdom pa tha dad pa nyid rnam par bzhag pa ni yang dag par len pa'i bsam pa'i dbang gis yin gyi rigs kyi sgo nas dang 'bras bu'i thob par bya ba'i
 sgo nas bzhag pa ni ma yin no/ /'o na rigs dang mi ldan pa la yang sdom pa skye ba yin na/ de'i tshe de'i nye bar len ba'i rgyu gang zhe na/ de ltar rigs dang mi ldan pa la yang sdom pa skye ba de ni rkyen ji lta ba bzhin du bsam pa skyes pa'i sgo nas sdom?
 pa len pa la 'jug par byed pa'i spros pa'i bag chags thog ma med pa'i dus can kun gzhi'i rnam par shes pa la yod pa nyid yin te/ dper na mu stegs can gzhan rnams kyi bdag la sogs pa grol bar bya ba'i phyir sdom pa len pa la 'jug
 par byed pa nyid bzhin du/ de yang bdag grol ba zhes bya ba'i 'bras bu thob par byed pa nyid dam/ bdag ces bya ba rang gi rigs dang ldan pa zhes bya ba med kyang/ sdos? pa'i bag chags kyi sdom pa len pa la 'jug pa lta bu'o/ /gzhan yang
 sdom ba zhes bya ba ni chos 'di nyid las kyang/ spong ba'i sems ni thob pa las/ /tshul khrims pha rol phyin par bshad/ /ces gsungs pa'i phyir/ spong ba'i sems pa bag chags dang bcas pa dang mtshungs par ldan pa'i yid kyis rnam
 par bshad pa nyid ma yin nam/ de ltar ma yin na ni rigs dang mi ldan pa dag la yang de lta bu'i sdom pa ni skye bar mi 'gal lo snyam du bsam pa'o/ /zhar la 'ongs pas chog go /da ni yang dag par blangs pa mi nyams par bsrung ba'i
 tshul gyis 'jug pa rgyas par bya ba'i phyir mi zhum pa'i brtson 'grus kyi dbang du byas nas/ de ltar blo dang ldan pa yis zhes bya ba la sogs pa'i tshigs su bcad pa gnyis bstan to/ /da ni ji ltar yang dag par blangs pa'i sdom pa
 nyams su blang ba la go cha'i brtson 'grus kyi dbang du byas nas/ da ni ci nas kyang zhes bya ba la sogs pa sems can mgron chen po tshim par byed pa zhes bya ba'i bar du bstan to/ /de la tshigs su bcad pa dang pos bdag ni rigs thams cad kyi mchog tu
 skyes pa'i phyir/ rigs sun 'byin pa mi bya ba'i bslab pa la 'bad par bya bar sems la go bgo bar bstan to/ /lhag mas ni phan yon bstan pa'i sgo nas yang dag par mi nyams par sems la go bgo ba nyid du bstan te/ de yang long bas
 zhes bya ba la sogs pas ni yid bzhin gyi nor bu rin po che lta bur gyur pa'i phyir de rnyed par dka' ba las rnyed par bstan to/ /'gro ba'i 'chi bdag ces bya ba tshig rkang gnyis kyis ni rigs dang ldan pa dag gis 'chi bdag gi bdud spong bar byed
 pa'i gnyen po nyid du bstan to/ /'gro ba dbul ba zhes bya ba la sogs pa'i tshig rkang bzhis ni rigs can rnam pa lnga car gyi rgyud la mtho ris dang thar pa'i bde ba sbyin zhing 'khor ba'i sdug bsngal spong bar byed pa'i rgyu nyid bstan to/ /
 srid lam zhes bya ba la sogs pa'i tshig rkang gnyis kyis nyan thos dang rang sangs rgyas kyi byang chub thob par byed pa'i rgyu nyid bstan to/ /'gro ba thams cad ces bya ba tshig rkang gnyis kyis rigs chad pa nyid bde 'gro la dgod pa'i rgyu nyid du
 bstan to/ /'gro ba'i nyon mongs zhes bya ba la sogs pa'i tshig rkang bzhis theg pa chen po'i rigs can dag gi nyon mongs pa dang shes bya'i sgrib pa gnyis spong ba'i rgyu nyid du bstan te/ bsdus pa'i don ni/ bdag gi byang chub tu sems bskyed de?
 bslab pa la bslabs pas ci rigs par bdag dang gzhan nyid kyi don 'grub par byed pa'i rgyu yin no zhes bya ba'i tha tshig go /dam chos 'o ma zhes bya ba tshig rkang gnyis kyis ni chos kyi rjes su 'brang ba'i 'jug pa'i gang zag ni lam gyi snying po nyid du bstan te/ ji lta
 zhe na/ gang zag de dag gis chos bstan pa la sogs pas chos kyi mtshan nyid ji ltar gnas pa khong du chud pa ni 'o ma bsrubs pa yin la/ des rtogs pa'i sems can rnams la snying rje chen po skye ste/ de dag gi don du byang chub tu sems bskyed pa ni mar
 gyi snying po phyung ba lta bu yin pa'i phyir ro/ /'gro ba 'gron pa zhes bya ba la sogs pa bzhis ni/ byang chub sems dpa' rnams kyi 'gron chen po rigs lngas bsdus pa'i sems can thams cad pa mtho ris dang thar pa'i ston mo ster ba'i thabs dam pa nyid du
 bstan to/ /bdag gis de ring zhes bya ba rkang pa bzhis ni mgron de dag mi bslu ba'i phyir/ byang chub sems dpa' i bslab pa la 'bad par bya'o zhes gdams pa bstan to/ /yan lag gi don ni go sla'o/ /byang chub sems dpa' i spyod pa la 'jug
 pa zhes bya ba'i tshig gi don ni snga ma bzhin no/ /byang chub kyi sems yongs su bzung ba zhes bya ba ni sems bskyed pa'i cho ga'o/ /le'u gnyis pa'i bshad pa rdzogs so// //de ltar sdom pa yang dag par blangs pa'i las ni bsrung ba la
 'jug pa 'byung bas/ da ni de'i thabs bstan pa'i phyir thog mar ma chags pa dang/ zhe sdang med pa dang/ gti mug med pa dang/ brtson 'grus kyi ngo bo nyid kyis bag yod pa la gnas par bya dgos pas/ le'u gsum pa gsungs so/ /bag
 yod pa la gnas nas rang gi dang gis byang chub sems dpa' i bslab pa mi nyams par 'gyur ro snyam du dgongs so/ /'on te de ltar sdom pa mnos pas chog gam/ 'on te bsrung dgos snyam pa la bsrung dgos pa nyid du bstan pa'i phyir/ rgyal
 ba'i sras kyis zhes bya ba la sogs pa smos te/ bsrung ba bya ba nyid du dam bcas pa'i phyir ro snyam du bsam pa'o/ /'on te dam bcas su zin kyang brtags nas bsrungs bar bya ba'i phyir brtags ba ma yin no zhe na/ bab col
 zhes bya ba la sogs pa smos te/ yang thams cad ma brtags pa 'am/ cung zad brtags kyang legs par ma brtaD bde nyid gzod /brtags la sgrub kyi/ 'dir ni de ma yin te/ sangs rgyas dang byang chub sems dpa' rnams dang bdag nyid kyis
 kyang yang nas yang du sdom pa yang dag par len pa'i sngon rol tu brtags pa'i phyir ro zhes bya ba'i don to/ /'on te ma bsgrubs na nyes dmigs ci yod snyam pa la/ smon pa'i sems bskyed pa las 'das pa'i nyes dmigs kyi dbang du byas nas/ gal
 te de ltar zhes bya ba nas bdag gis gus par bsgrub par bya ba'i bar du smos pas/ 'di ltar ston te/ gong du ji skad bstan pa'i tshul gyis bdag gis byang chub chen po thob par byas la sems can thams cad kyi don bya'o zhes dam bcas nas de
 bzhin du ma bsgrubs te/ yod bdag gis sems can gyi don du byang chub chen po thob par bya bar mi nus kyi de bas na bdag gis nyan thos la sogs pa thob par 'dod snyam du sems bskyed na de'i tshe de dag bslus pa yin pa'i phyir/ skye ba phyi ma la
 bdag gis 'gro ba ci 'drar 'gyur zhes bya ba ni spong ba ste/ bzang por 'gro pa'i thabs med do zhes bya ba'i don to/ /de ci'i phyir zhe na/ dngos po phal pa zhes bya ba la sogs pa smos te/ dngos po tha mal pa las yang gang zag 'ga' zhig la tshig
 tu dam ma bcas par yod gyi sbyin par dam bcas ma byin pa de yang yi dags kyi rgyu nyid du bshad na tha mal ba'i dngos po ma yin te/ bla na med pa'i sangs rgyas kyi bde ba la yid kyis bsam pa lta buM yin gyi tshig tu dam bcas nas sems can 'ga' 
 zhig bslus pa ma yin te/ thams cad bslus par byas pas gdon mi za bar ngan song du 'gyur gyi/ bde 'gror skye ba'i thabs med do zhes bya ba'i tha tshig go /'o na de thams cad du thar bar mi 'gyur ram zhe na/ mi gang zhes bya ba la sogs pa smos te/ bsdus
 pa'i don ni sems can rnams kyis las kyi rnam par smin pa'i tshul bsam gyis mi khyab pa yin pa'i phyir /lang kar gshegs pa las/ blo gros chen po/ de bzhin gshegs pa ni sems can thams cad yongs su ma btang ngo zhes gsungs pa de dag kyang thar par
 mdzad pa ni/ de bzhin gshegs pa yin pa'i phyir dang/ de bzhin gshegs pa'i ye shes ni shes bya thams cad la khyab pa yin pa'i phyir de bzhin gshegs pa nyid kho nas mkhyen gyi/ bdag cag gis ni mi shes so zhes bya ba'i tha tshig ste/ /'di skad du
 ngas ni 'di yi thar pa yi/ /sa bon shin tu phra ba yang/ /sa yi khong na yod pa'i gser/ /bag la zha ba bzhin du gzigs/ /zhes gsungs pa lta bu'o/ /de tsam du thar par dka' ba ci'i phyir zhe na/ de ni zhes bya ba la sogs pa smos te/ smon pa'i
 sems bskyed pa de gtong ba de ni phas pham ba'i rnam pas ltung bci ba ste/ de ci'i phyir zhe na/ phas pham pa'i ltung ba ni byung du zin kyang sems bskyed pa ma btang na las su bya ba gtso bo sems can gyi don byed pa las nyams par mi 'gyur la/ sems
 bskyed pa btang na ni nyams par 'gyur ba'i phyir te/ gsang chen thabs la mkhas pa'i mdo las kyang/ sems bskyed pa gtong ba rtsa ba'i ltung ba shin tu lci ba nyid du bstan pa'i phyir ro/ /'on te bdag nyid kyis sems bskyed pa btang ba 'ba' zhig
 ltung ba lci ba yin nam zhe na/ ma yin te/ gzhan dag smon ba'i sems bskyed par 'dod pa'i bar chad byas sam/ gzhan dag sems bskyed pa las bzlog ste/ theg pa dman par sems bskyed du bcug na yang/ nam mkha' i snying po'i mdo las/
 ji skad du gsungs pa bzhin du rtsa ba'i ltung bar 'gyur bas/ gang gzhan zhes bya ba la sogs pa smos te/ gang zag de gdul bar bya ba mdza' dag gis bde bar nyams par bya ba'i phyir ro zhes bya ba'i tha tshig go /'o na
 te de ltar res 'ga' sems bskyed pa btang ba yang res 'ga' sems bskyed pa byas na rung ngam zhe na/ rung ba ma yin te/ ci'i phyir zhe na/ de ltar zhes bya ba la sogs pa smos te/ stobs dang ldan pa'i las gnyis 'dren par spyad pa'i phyir
 mtho ris dang ngan song du res kyis myong bar 'gyur gyi/ dge ba'i las thang chod par yongs su rdzogs par ma byas pa'i phyir thar pa thob par mi 'gyur ro zhes bya ba'i tha tshig go /de bas na de dag gis byang chub chen po thob par bya ste/ sems can yongs su smin
 par bya'o zhes dam bcas pa de ji ltar yang gtang bar mi bya'o zhes bstan pa'i phyir/ de ltar zhes bya ba la sogs pa smos so/ /da ni 'jug pa'i sems bskyedpa las 'das pa'i nyes dmigs bstan pa'i phyir/ de nas zhes bya ba la sogs pa skyos so/ /'on
 te bdag nyid kyis brtson par ma byas kyang de bzhin gshegs pa dpag tu med pa 'byung ba'i phyir ngan song du 'gro ba'i nye pa med do snyam na/ bdag nyid kyis brtson par ma byas na/ sngar gshegs pa rnams kyis kyang mi phan pa bzhin du phyis gshegs
 pa rnams kyis kyang phan par mi 'gyur na/ bdag nyid kyis brtson par bya'o zhes bstan pa'i phyir ro/ /sems can thams cad zhes bya ba la sogs pa smos so/ /de ltar bden mod kyi/ phyis ngal 'byor thob pa'i dus su 'bad par bya'o snyam na de ni
 shin tu rnyed par dka' bas da lta nyid du 'bad par bstan pa'i phyir de bzhin gshegs pa zhes bya ba la sogs pa smos so/ /de lta bu yin du zin kyang bdag la nad kyang med cing/ zas dang bcas la/ dgra la sogs pa'i tshe ba yang med pas/
 dus phyis bslab pa la brtson par bya'o snyam na/ de ltar yin du zin kyang/ bdag cag 'dzam bu gling pa'i 'tshe la nges pa med cing/ lus la? dbang byar med pas da lta nyid nas 'bad par bya'o zhes bstan pa'i phyir/ nad med ces bya ba la sogs pa smos so/ /de ltar
 yin du zin kyang nyes pa ci yod ce na/ bdag gis zhes bya ba smos so/ /mi lus mi ma thob na nyas dmigs ci yod ce na/ mi lus zhes bya ba la sogs pa smos te/ de'i tshe dge ba'i ming yang mi grags la/ sdig pa 'ba' zhig byed pas na ngan song du ltung bar
 'gyur ro zhes bya ba'i don to/ /de ltar bden mod kyi ngan song du skyes pa'i dus kyi tshe/ dge ba bsgrub mod snyam pa yang gang tshe zhes bya ba la sogs pa smos so/ /de ltar bden mod kyi dge ba ma byas kyang nyes pa ci yod snyam zhe na/ dge ba dag kyang zhes bya ba la
 sogs pa smos so/ /de ltar yin par ci mngon zhe na/ de nyid phyir na zhes bya ba la sogs pa smos so/ /de nyid ci'i phyir zhe na/ yul khyad par can la zhe sdang bskyed pa lta bu'o/ /skad cig gcig byas zhes bya ba la sogs pa smos so/ /de bden mod kyi las kyi
 'bras bu nyams su myong ba de las thar pa'i dus su 'bad par bya'o snyam na/ de tsam zhes bya ba la sogs pa smos so/ /ci'i phyir zhe na/ 'di ltar de ni zhes bya ba la sogs pa smos so/ /de lta bas na da ltar gyi dus su brtson par ma byas pa'i nyes dmigs
 mjug bsdus te bstan pa'i phyir/ 'di 'dra'i dal ba zhes bya ba la sogs pa smos so/ /gal te bdag gi zhes bya ba la sogs pa smos te/ byang chub sems dpa' i spyod pa de bya ba'i phyir yin par rtogs kyang gti mug gi dbang gis yang dag par
 blangs pa'i rjes la bya bar ga la nus snyam du sgyid lug ste/ ji ltar mdos pa bzhin du ma sgrubs pa'i tshe 'dir yang 'chi ka'i dus su 'gyong pa'i me chen pos gdung bar 'gyur la/ tshe phyi mer yang dmyal ba'i mes ni lus gdung zhing tshe snga ma'i la
 rjes su dran pa'i sgo nas 'gyod pa'i mes ni sems gdung bar 'gyur ro zhes bya ba'i don to/ /de bas na shin tu rnyed par dka' ba'i dal 'byor phun sum tshogs pa rnyed pa'i dus su bdag nyid kyis bya ba dang bya ba ma yin pa shes
 bzhin du/ bya ba'i cha ma bsgrubs shing bya ba ma yin pa'i cha ma spangs pas ngan song du lhung? bar 'gyur ba ni/ sngags kyis rmongs par byas pa bzhin du bdag nyid la gnod pa bya ba yin pas/ de ltar bya bar mi rigs so zhes bstan pa'i phyir/ shin tu
 rnyed dka' zhes bya ba la sogs pa smos so/ /ji ltar dam bcas pa las 'das pa'i nyes dmigs bstan pa'i sgo nas/ dam bcas pa las mi 'da' pa nyid du bstan nas/ da ni bag yod pa la gnas te bslab pa bsgrub pa'i dbang du byas te bslabs pa
 las 'das par byed pa'i rgyu ni nyon mongs pa yin par bstan pa'i phyir/ cis rmongs zhes bya ba la sogs pa smos so/ /da ni nyon mongs pa rnams kyi nyes dmigs bstan pa'i sgo nas/ de spang pa'i da? bar du byas nas/ bdag nyid kyi sems la
 brten cing bdag nyid la tshe 'di dang phyi mar gnod pa byed pa ni shin tu yang bzod par bya ba'i gnas ma yin pas/ de spang bar bya ba nyid du bstan pa'i phyir/ bdag gi sems la zhes bya ba la sogs pa smos so/ /gal te nyon mongs pa da ngag bdag la ji
 tsam du gnod par bya zhe na/ gal te lha dang zhes bya ba la sogs pa smos so/ /gal te dus ji srid du gnas zhe na/ bdag ces bya ba la sogs pa smos so/ /'on te tha mal pa'i dgra bzhin du bsdums byas pas phan nam zhe na/ mthun par zhes bya
 ba la sogs pa smos so/ /da ni mjug bsdu pa'i dbang du byas nas/ de ltar yun rings rgyun chags pa dgrar gyur pa zhes bya ba la sogs pa tshigs su bcad pa gcig gis bsdus te/ gnod pa'i rgyu tshogs rab tu 'phel ba'i rgyu gcig bu zhes bya bas
 gal te lha dang zhes bya ba la sogs pa tshigs su bcad pa gnyis don bsdus te bstan to/ /bdag gi snying la nges par gnas 'cha' na zhes bya bas ni/ bdag gis sems la zhes bya ba tshigs su bcad pa bsdus pa'i don bstan to/ /de bas na de ji srid ma spangs kyi bar du/
 'khor bar 'jigs med dga' bar ga la 'gyur ba zhes bya ba'o/ /nyes dmigs gzhan yang nyon mongs pa'i rkyen gyis las nyon mongs par 'dus byas pas/ khams gsum du 'chi bar byed pa'i phyir mi dge ba'i las byas pas dmyal bar skyes pa'i dus su/
 bya lcags kyi che ba? can la sogs pa bdag la gnod par byed pa'i phyir/ 'di ni 'khor ba'i zhes bya ba la sogs pa smos te/ de bas na bslab pa kun las btus pa las/ srid pa'i brtson bsrungs srung ba ni/ sems can dmyal ba'i khyi dang rngon? zhes
 'byung ba yin no/ /de bas na nyon mongs pa 'di ni ji ltar seng ge 'chor pa'i lcags gzeb dang ma bral na bde bar mi 'gyur bas sdom brtson zhes bya ba la sogs pa gsungs te/ de bas na de yang spangs bar bya ba dang brtson par bskyed pa'i phyir/ ji ltar
 ji srid ces bya ba la sogs pa smos so/ /'on te nyon mongs pa'i sdug bsngal de spong ba la bdag gis bzod par mi nus pa'i phyir/ de spang pa la brtson 'grus rtsom par ma nus so snyam pa la/ re zhig gnod ces bya ba la sogs pa dang/ rang bzhin 'chi bas
 zhes bya ba la sogs pa smos te/ 'di ltar bsdus pa'i don ni tha mal pa'i dgra bo la yang zhe sdang bskyed pa'i rgyus de la glan pa'i phyir/ tha na gnyid kyang mi log par brtson 'grus rab tu rtsom par byed na/ rtag tu gnod pa chen po'i rgyur gyur pa'i phyir / nyon
 mongs pa spang pa la brtson 'grus drag tu ci'i phyir mi rtsom zhes bya ba dang/ gzhan yang tha mal pa'i dgra bo dag ni bdag gis ma bsad kyang rang bzhin gyis 'chi bar 'gyur ba de dag bsad pa'i phyir/ de'i gnas skabs kyi sdug bsngal de dag bzod cing dang
 du len par byed na/ nyon mongs pa'i dgra bo rnams ni bdag gi gnyen po'i ral gris ma bsad pa'i bar du 'chi bar 'gyur ba'i phyir/ rang bzhin gyis dgra ? nges pa de dag gzhom par bya ba'i phyir/ de 'joms pa'i gnas
 skabs kyi sdug bsngal la bzed cing dang du blang bar bya ba lta smos kyang ci dgos zhes bya ba yin no/ /'on te sdug bsngal de ni bdag la gnod pa'i phyir bdag gis bzod par nus so zhes na/ don med pa'i sdug bsngal
 la yang gnod pa byed pa nyid mi brtsi ste/ phyir zhing 'jig rten pa dag ngoms par byed pa ma yin na/ nyon mongs pa spong pa'i skabs kyi sdug bsngal shin tu don chen po dang ldan par bcas pa yin pa'i phyir/ ci'i phyir gnod par byed pa yin te/
 ma yin pas de la bzod par bya ba'i don to/ /gzhan yang 'jig rten na don chung ngu'i phyir yang sdug bsngal chen po dag la bzod par byed pa mthong na/ bdag kyang gzhan gyi don chen po'i phyir lta ci ste mi bzod de/ shin tu yang bzod par
 bya dgos par bya ba'i phyir/ nya pa zhes bya ba la sogs pa smos so/ /'on te rgyu ci'i phyir nyon mongs pa de spang bar bya dgos snyam pa la/ de'i rigs pa bstan pa'i phyir/ phyogs bcu zhes bya ba la sogs pa smos te/ 'dir
 bsdus pa'i don ni bdag gis ni sems can thams cad kyi nyon mongs pa spang bar dam bcas pa yin pa'i phyir la/ gang gi tshe rang nyid grol ba ni gzhan dgrol bar nus kyi rang ma grol bar gzhan bsgral bar mi nus pa rgyu de'i
 phyir/ rang gi nyon mongs pa spang ba la 'bad par bya'o zhes bya ba yin no/ /'on te nyon mongs pa de ji ltar spang zhe na/ rnam pa gnyis kyi sgo nas te/ de la re zhig dang po nyon mongs pa rnam pa gnyis rgyud la bsten par? sgo nas
 nyon mongs pa spang bar bstan pa la/ re zhig khon du 'dzin ba rgyud la bzhag pa'i dbang du byas nas/ nyon mongs pa spang la zhes bya ba la sogs pa smos so/ /'on te khon du 'dzin pa zhes bya ba 'di ci yin zhe na/ nyon mongs pa rnams kyi nyes dmigs
 ji lta ba bzhin du shes pa dang/ ma brjed pa'i mtshan nyid de dran pa ste/ de ni khon du 'dzin pa dang 'dra ba'i phyir/ kho na du 'dzin pa'i nyon mongs pa zhes bla dags kyi dngos su nyon mongs pa ngo bo nyid ni ma yin no/ /da ni nga rgyal gyi mtshan nyid
 kyi nyon mongs pa'i rgyu la gzhag par bya ba'i phyir bdag ni bsregs te zhes bya ba la sogs pa smos so/ /nga rgyal zhes bya ba 'di ci zhig ce na/ de ni dran pa dang shes bzhin la gnas te/ sems nyid nyon mongs pa'i dbang du mi btang ba nyid la/
 nga rgyal dang 'dra ba'i nga rgyal gyi nyon mongs pa zhes gdags kyi/ dngos su nyon mongs pa'i ngo bo nyid ni ma yin no/ /'on te thabs de de dag gis nyon mongs pa spangs nas/ de'i tshe tha mal pa'i dgra rnams gzhan du bdag la gnod par
 mi 'gyur ram zhe na/ mi 'gyur bar bstan pa'i phyir/ tha mal pa'i dgra bo zhes bya ba la sogs pa rkang pa bzhi dang/ bdag yid la bsal zhes bya ba rkang pa gnyis smos so/ /'o na ci'i phyir ma spongs zhe na/ blo zhan zhes
 bya ba smos te/ brtson par byed pa'i phyir ma spangs par zad kyi/ phyis nang kyis 'jigs pa'i ni ma yin no/ /zhes bya ba'i don to/ /da ni nyon mongs pa gzhi nas spang bar bya ba'i don du/ nyon mongs zhes bya ba la sogs
 pa gsungs te/ 'dod chags la sogs pa'i nyon mongs pa nyon mongs 'di dag ni chos thams cad bdag med pa nyid du dmigs pa'i shas rab kyi mig gis spang dgos te/ des nyon mongs pa thams cad kyi rtsa ba dngos por mngon par
 zhen pa spod ba'i phyir ro/ /ji skad du de kho na nyid la 'jug pa las/ dngos por zhen pa'i dbang gis skyon/ /chags dang zhe sdang la sogs pa/ /dgra rnams rab 'byung de log na/ /de rnams 'byung bar ga la 'gyur/ /
 zhes 'byung ba dang/ dbu ma rgyan las kyang/ chos la bdag med mkhas pa ni/ /rang bzhin med pas goms byas pas/ /phyin ci log las byung ba ni/ /nyon mongs sgrib pa med par spong/ zhes 'byung ba'i phyir ro/ /'o na shes rab kyi mig ji
 ltar bskyed ce na/ nyon mongs pa rnams ni zhes bya ba la sogs pa smos te/ don dam par nyon mongs pa rnams ni yul la sogs pa la mi gnas te/ gcig dang du ma dang bral bas yul la sogs pa nyid ma grub pa'i phyir/ yul la
 sogs pa grub tu zin kyang de dag la mi gnas te/ res 'ga' yid du 'ong ba la sogs pa nye ba yin yang 'dod chags la sogs pa mi 'byung ba'i phyir ro/ /de bas na nyon mongs pa 'di dag gang na yang mi gnas pa'i phyir/ nyon mongs pa
 nyid dmod par ma grub par/ gang gi 'gro ba kun la gnod par byed de mi 'thad do/ /de bas na nyon mongs pa 'di rnams sgyu ma dang 'dra bar rab bzhin med pa'i phyir/ don dam par ni nyon mongs pa rnams kyis 'jigs par yang mi bya'o//
 de bas na nyon mongs pa nyid kyang rang bzhin med ba nyid du rtogs pa'i shes rab kyi mig bskyed pa'i sgo nas nyon mongs pa spang ba la brtson 'grus brtsam par bya'o/ /zhes gdams pa'o/ /de ltar ma yin par bdag nyid dmyal ba rnams
 su skyur bar bya ba mi rigs so zhe na/ da ni mjug bsdu ba'i tshul gyis gdams pa'i phyir/ de ltar rnam bsam zhes bya ba la sogs pa smos so/ /byang chub sems dpa' i spyod pa la 'jug pa zhes bya ba'i don snga ma bzhin no//
 bag yod pa bstan pa zhes bya ba ni/ chags pa dang/ zhe sdang dang gti mug pa le lo dang bcas pa ste/ de'i dbang du mi btang ba'o/ /le'u gsum pa'i bshad pa rdzogs so// //da ni bag yod pa la gnas par bya ba'i phyir/
 bag med pa las sems bsrungs pa'i nyes dmigs mdor bstan pa/ bslab pa bsrung bar bya ba'i tshigs su bcad pa gcig gsungs te/ tshe 'di'i dbang du byas nas phan yon dang nyas dmigs dngos su bstan pa la/ tshe phyi ma'i phan yon dang
 nyes dmigs shugs la bstan te/ de la dang por rtsa ba gnyis kyis ni yang dag par bslab pa mi nyams par 'gyur ba'i phan yon bstan te/ 'og ma gnyis kyis ni de las bzlog pa tshe 'di'i nyes pa bstan to/ /da ni tshe phyi ma'i nyes dmigs rgyas par
 bshad pa'i dbang du byas nas/ sems kyi glang po zhes bya ba la sogs pa smos so/ /da ni phan yon gyi dbang du byas nas/ kun nas dran pa'i zhes bya ba la sogs pa tshe 'di dang phyi ma'i phan yon mdor bstan pa'o/ /rtags dang zhes bya
 ba la sogs pas ni tshe 'di dang phyi ma'i 'jigs pa thams cad med par 'gyur ba'i phan yon rgyas par bshad pa'o/ /gal te zhes bya ba nas de dag don med kyis nang 'khyams zhes bya ba'i bar gyis ni/ sems bsrungs pa'i phan yon dge ba
 thams cad lag tu 'ong ba rgyas par bshad de/ de la dge ba'i chos thams cad ni mdor bsdus na pha rol tu phyin pa drug gis bsdus pas de la dang po sbyin pa'i pha rol tu phyin pa'i dbang du byas nas/ gal te 'go ba dbul po na zhes bya ba la
 sogs pas so/ /gang ji ltar na sems bsrung ba las byung ba'i dge pa lag tu 'ong bar 'gyur zhe na/ gal te sems bsrung ba tsam gyis 'grub pa ma yin no/ 'o na ji ltar zhe na/ 'jig rten gyi 'gro ba thams cad dbul por te/
 phyug por 'gyur bas sbyin pa'i pha rol tu phyin pa yongs su rdzogs par 'gyur na ni/ de ni shin tu tshegs che par yang 'gyur la/ da rung 'jig rten na dbul po dpag tu med pa yod pa'i phyir ro/ /sngon gyi skyob pa rnams
 kyis sbyin pa'i pha rol tu phyin pa yongs su rdzogs par yang thal bar mi 'gyur bas/ de lta bu mi bya'o/ /'o na ci zhe na/ sems 'di nyid lus dang longs spyod la sogs pa la lhag par ma chags pas bsrungs te/ gzhan la gtong ba'i
 sems dang ldan pa nyid kyis sbyen pa'i pha rol tu phyin pa yongs su rdzogs par gsungs te/ de lta bas na gzhan dag phyug por bya ba'i tshegs med par yang 'grub bas lag tu 'ong zhes bya ste/ de ni bsdus pa'i don yin no/ /bdog
 pa thams cad bya ba ni lus dang longs spyod yin la/ 'bras bcas te zhes bya ba ni btang ba las 'byung ba'i 'bras bu dge ba'i rtsa ba yin te/ de ltar na gsum po de mdza' dag gtong ba yin pas bdog pa thams cad 'bras
 bcas te zhes bshad do/ /da ni tshul khrims kyi dbang du byas te/ nya pa la sogs pa zhes bya ba la sogs pa smos te/ srog gcod pa spong ba zhes bya ba ni nya la sogs pa mi 'chi bar bya ba'i don du srog gcod par byed pa'i nya ba la
 sogs pa de dag srog gcod pa ni mi bya ste/ de ni tshegs che ba'i phyir dang/ sngon gyi skyob pa rnams kyis nga rung srog gcod pa spong ba'i tshul khrims yongs su ma rdzogs par thal bar 'gyur ba'i phyir dang/ de bas na srog gcod pa
 sgong? ba zhes bya ba ni/ bdag nyid la srog gcod pa spong ba'i sems thob pa tsam gyis nya pa la sogs skrod pa'i tshegs che med par yang srog gcod pa spong ba yongs su rdzogs par 'gyur ba'i phyir/ tshul khrims las byung
 pa'i dge pa'i rtsa ba yang dag par lag tu 'ong zhes bshad do/ /tshul khrims la ji lta ba bzhin du bzod pa nas shes rab kyi bar du yang bdag nyid kyis sems bsrung pa las phyi rol du gnod pa byed pa'i dgra bo dang/ le lo can gyi gang zag rnams par
 g.yeng ba dang/ shes rab 'chal pa'i gang zag spong ba la sogs pa'i tshegs med par bdag nyid kyi sems gnod sems dang/ le lo dang rnam par g.yeng ba dang/ 'chal pa'i shes rab las bsrungs pa tsam gyis/ bzod pa nas shes rab kyi bar du yongs su
 rdzogs par 'gyur ba'i phyir/ dge ba thams cad lag tu 'ong ba'i zhes bshad do/ /nga ni bzod ba'i dbang du byas nas/ bzod pa'i pha rol tu phyin pa gnod sems byed pa spong ba zhes bya ba yang/ gnod sems pa'i dgra bo la
 sogs pa spong ba la mi bya ste/ tshogs chen la sogs pa'i skyon gong ma gnyis po 'byung ba'i phyir ro/ /de bas na bdag nyid kyis sems gnod par byed pa'i bsam pa las bzlog pa tsam gyis 'grub ste/ dper na rkang pa la tsher mas mi
 tshugs par bya ba'i phyir/ sa stengs ko bas g.yogs pa ni mi 'grub kyi/ 'o na ci'i phyir zhe na/ lham mthil tsam gyi ko bas rkang pa chur g.yogs na/ de ni chegs chung pa'i phyir dang rkang pa la yang tsher mas mi 'jugs pa'i dgos pa yang
 'grub pa'i phyir/ de ni bsgrub par bya ba yin pa de bzhin du 'dir yang de dang 'dra'o zhes bstan pa'i phyir/ sems can mi srung zhes bya ba la sogs pa smos so/ /da ni brtson 'grus kyi dbang du byas nas/ gang tshe sems can 'di
 nyid le lo las bsrungs na/ bsam gtan dang po'i bar chad med pa'i lam dang mtshungs par ldan pa bsam gtan gyi sdom pas bsdus pa'i sems gsal po gcig tsam bskyed na ni/ de'i tshe 'bras bu tshangs pa'i 'jig rten la sogs pa
 thob pa ltar/ gang gi tshe sems de 'di nyid le lo las bsrungs na ni/ de'i tshe las kyi lus ngag gnyi ga dang bcas kyang 'bras bu khyad par can thob bar ma yin par bstan pa'i phyir/ sems gsal zhes bya ba
 la sogs pa smos so/ /da ni bsam gtan gyi dbang du byas pa gang gi tshe bdag nyid kyi sems nyid bsam gtan gyi mi mthun pa'i phyogs rnam par g.yeng ba las ma bsrungs pa'i tshe/ de'i dge ba'i rtsa ba ji snyed cig dus ji srid du spyad kyang/ rten dam pa
 dang/ ched du bya ba dam pa dang/ rnam par dag pa dam pa dang/ yongs su bsngo ba dam pas yongs su ma zin na/ tshogs rgya chen po mi sogs cing/ byang chub chen po thob par mi 'gyur bas/ de nyid kyi phyir bdag gis sems 'di nyid
 rnam par g.yeng ba las bsrung bar bya bar bstan pa'i phyir bzlas brjod dang ni zhes bya ba la sogs pa smos so/ /da ni shes rab kyi dbang du byas nas bdag nyid kyi sems shes rab 'chal pa ste/ dngos po la mngon par zhen pa'i las
 srungs shig/ chos kyi don gyis mchog bdag med pa'i don gyi de kho na nyid kyis sems la nang du bcangs te bslab par bya ba 'dir ma gtogs na/ de'i tshe dge ba'i rtsa ba ci byas pa thams cad kyang thabs la mkhas par dam bas ma zin
 pa'i phyir/ byang chub chen po 'thob pa'i rgyu nyid du mi 'gyur ro zhes bstan pa'i phyir gang gis chos kyi don mchog ces bya ba la sogs pa smos so/ /da ni mjug bsdu ba'i phyir de ltar zhes bya ba la sogs pa smos so/ /bsrungs pa'i
 phan yon dang ma bsrungs pa'i nyes dmigs yod pa de lta bas na/ bdag gi sems 'di nyid bag yod pa la legs par gzungs zhing/ bag med pa las legs par bsrung bar bya'o/ /ci'i phyir zhe na/ sems bsrung zhes bya ba smros te/ sgrib pa
 spong ba'i gnyen por gyur pa'i phyir sems bsrung ba nyid brtul zhugs kyi mchog yin pa ma gtogs pa/ sems brtul zhugs la mi gnas pa/ gzhan lus ngag yid brtul zhugs mang pos ci zhig bya ste/ nyon mongs pa'i gnyen por gyur ba ma yin
 pa'i phyir don med zhes bya ba'i tha tshig go/ 'on te de'i sbyangs pa'i yon tan bcu gnyis la sogs pa yang don med par 'gyur zhe na/ ma yin te/ yang nyon mongs par bcas pa'i phyir yin pas gang gi tshe nyon mongs pa spong ba'i yan lag tu ma 'gyur na ni/
 de dag kyang don med pa nyid yin na/ phyi rol tu brtul zhugs dag lta smos kyang ci dgos/ 'on te tshul ji ltar dus ji srid kyi bar du bsrungs bar bya zhe na/ ma grangs zhes bya ba la sogs pa smos so/ /'on te nyes dmigs dang phan yon ji lta bu zhig yod
 nas sems bsrung snyam na rma'i zhes bya ba la sogs pa smos pa dang/ spyod pa 'di 'dra zhes bya ba la sogs pa smos so/ /'on te ji tsam du sems bsrung bar bya snyam pa la/ bdag rnyed dang zhes bya ba la sogs pa smos te/ rnyed pa la sogs pa
 rnams dang bsngos nas sems bsrung bar bya ba'i tha tshig go/ 'on te ji ster sems bsrung bar bya snyam na /sems bsrung 'dod pa zhes bya ba la sogs pa smos te shes bzhin la gi nas pa'i ni bya ba dang bya ba ma yin par shes par gyur pa la/ dran pa la gnas
 pas ni/ de nyid la ma brjed pa'i phyir bya ba la 'jug cing bya bya ma yin pa'i cha spong bar 'gyur ba'i phyir ro/ /mdor bstan pa de nyid rgyas par bshad pa'i dbang du byas nas nyes dmigs ji lta bu zhig yod pa na / de spong ba'i phyir dran pa dang shes
 bzhin la gnas par bya snyam pa'i dog pa bsdus na/ dngos po shes bzhin la mi gnas pa'i nyes dmigs rnam pa gsum bstan te/ de la dbang po'i dbang du byas nas/ nad kyi zhes bya ba la sogs pa smos te/ nad kyis dkrugs pa
 bzhin du bya ba dang/ ma yin pa shes pa'i phyir de dag la go rim bzhin du bsgrub pa dang spong ba'i mthu med par 'gyur ro zhes bya ba'i don to/ /gnyis pa'i dbang du byas nas shes bzhin med pa zhes bya ba la sogs
 pa smos te/ mang du thos pa la sogs pa ji snyed byas su zin kyang 'dir ni brjod du mi rung snyam pa'i shes bzhin med pa'i phyir brjed ngas par 'gyur bas thos pa nyid kyang chun? za bar 'gyur ro zhes bya ba'i tha tshig go/ gsum pa'i dbang du
 byas nas/ thos pa dang ldan pa zhes bya ba la sogs pa smos te/ mang du thos pa la sogs pa yin du zin kyang/ bya ba dang bya ba ma yin pa mi shes pa'i phyir bya ba'i cha la 'jug pa dang/ bya ba ma yin pa'i cha las 'jug pas ltung ba dang
 bcas par 'gyur ro zhes bya ba'i don to/ /da ni dran pa la mi gnas pa'i nyes dmigs gnyis las/ dang po shes bzhin ma yin pa'i nye ba'i nyon mongs pa rgyud la 'byung bar bstan pa/ shes bzhin med pa'i zhes bya ba la sogs pa
 smos te/ bya ba dang bya ba ma yin pa mi shes pa'i mtshan nyid kyi shes bzhin ma yin pa 'byung la/ de'i dbang gis bya ba'i cha la mi 'jug pa'i phyir/ bsod nams phyi ma dag kyang sogs par mi 'gyur pa la/ bya ba ma yin pa byas
 ba'i phyir sngar bsags pa dag kyang brlag par byas pas/ mtho ris dang thar pa'i bde ba las nyams te ngan 'gror 'gro bar 'gyur ro zhes bya ba'i tha tshig go/ da ni gnyis pa'i dbang du byas nas/ nye ba'i nyon mongs pa gzhan dag rgyud la
 'byung bar bstan pa/ nyon mongs zhes bya ba la sogs pa smos te/ bdag gi tshe bya ba dang bya ba ma yin pa brjed par gyur pa de'i tshe 'dod chags la sogs pa'i nyon mongs pa gzhan dag kyang 'byung bar 'gyur bas nyes dmigs 'das ma thag
 par bstan pa bzhin no/ /da ni dran pa ji ltar bsrung ba'i dbang du byas pa nas dran pa bdag gi yid dang mi 'bral bar gdams pa/ de bas na zhes bya ba la sogs pa smos te/ nyes dmigs de lta bu yod pas de bas na zhes bya ba'i don to/ /ji ltar mi btang
 zhe na/ song na rang ngan song zhes bya ba la sogs pa smos te/ gal te dran pa nyams par gyur na gong du bstan pa bzhin gyis nyes dmig yod pas dran pa mi 'tshor bar bya ba'i tha tshig go/ yang 'di'i don 'di yin te/ dran pa mi btang ba de lta
 bu yin du zin kyang gal te nyams te song na ji ltar bya snyam na/ song nas zhes bya ba la sogs pa smos te/ gal te nyams par gyur na yang sngar bstan pa'i nyes dmigs dran par byas nas slar dgug par bya shes bya ba'i don to/ /'on te dran pa
 de rgyu gang las skyes zhes bla ma dang ni zhes bya ba la sogs pa smos te/ 'jigs pas zhes bya ba ni ngo tsha shes pa dang/ khrel yod pa'o/ /gus byed pa zhes bya ba ni/ bslab pa la gus par byed pa ste/ ji skad du bslab pa kun las btus pa las/ dran pa shin tu gus
 las byung zhes smos pa'i phyir ro/ /de ltar na slob dpon mkhas pos bstan pa dang/ bdag nyid kyis ngo tsha shes pa dang/ khrel yod pa dang ldan zhing bslab pa la gus par byed pa'i rgyus bslab ba kun las btus pa las ji skad 'byung pa'i dran
 pa bcu gnyis dag skye bar 'gyur ro zhes bya ba'i tha tshig go/ dran pa skye ba'i rgyu gzhan yang/ sangs rgyas zhes bya pa la sogs pa smos te/ bdag ni ye shes dang ldan pa de dag gi spyan snga na rtag tu gnas pa yin pas/ gal te bslab pa las nyams
 par gyur na/ de dag gi thugs kyis bas na mi rung ngo snyam du bsams nas bslab pa mi nyams par bya ba'i dran pa rtag tu bzhag go zhes bya ba'i don to/ /'on te de ltar byas na yon tan ci yod ce na/ des ni zhes bya ba la sogs pa smos
 gal te dran pa bas na yon tan ci yod snyam pa la/ gang tshe zhes bya ba la sogs pa smos te/ bya ba dang bya ba ma yin pa brjed par ma gyur pa na/ de ji lta ba bzhin du shes pa'i shes bzhin dang mi 'bral bar 'gyur zhing
 gang tshe bya ba gzhan dag byed pa'i tshe/ las gzhan dag rab tu 'byed pa'i shes bzhin yang mi ldan yang dran pa ma nyams pa'i rgyu sa las gzhan de dag dang phrad pa'i tshe/ shes bzhin de mngon du 'gyur ba zhes bya ba'i tha tshig go / da ni bsam
 bzhin rjes su gzung ba'i thabs bstan pa'i dbang du byas nas/ de las kyang dang por bya ba thams cad kyi thog mar 'gro pa'i shes bzhin gyis sems kyi spyod lam la brtag par bya ba bstan pa'i phyir/ re zhig dang por zhes bya ba la sogs pa
 smos te/ re zhig dang por zhes bya ba ni las de la ma zhugs pa'i sngon rol du bya ba thams cad kyi thog mar 'gro ba'i shes bzhin gyis mnyam par bzhag pa'i lam la zhugs pa'i gong dol? du yang bying ba dang rgod pa dang ldan pa'i sems ni skyon dang
 bcas pa yin la/ bzlog pa ni skyon med pa yin pa dang/ 'dug pa dang nyal ba'i dus la bab pa na/ 'dug pa dang nyal ba'i bde ba la lhag par chags pa ni skyon dang bcas pa yin zhing zhes lus kyi khams brtag bya ste/ dge ba'i chos
 yongs su rdzogs par bya ba'i bsam pa ni skyon med par shes par byas nas/ de'i tshe skyon dang bcas pa'i sems las bzlog pa ste/ skyon med pa'i sems la shing bzhin du zung thub bar gnas par bya'o zhes bya ba'i don to/ /de bas na 'di ni skyon
 bcas zhes bya ba ni mchod pa tsam du zad gyi/ de las bzlog pa'i skyon med pa'i sems kyang shes par bya'o/ /da ni 'gro ba'i spyod lam gyi dbang du byas nas/ bya ba thams cad kyi thog mar 'gro ba'i shes bzhin las lam du ma zhugs
 pa'i gong rol du ji ltar 'gro bar mi bya ba dang/ yul du 'gro bar bya ba dang/ 'gro bar mi bya ba la sogs pa shes par byas nas/ las la 'jug par bya'o zhes bstan pa'i phyir/ don med ces bya ba la sogs pa smos so/ /da ni nyal ba dang/ za ba dang/
 'dug pa dang smra ba la sogs pa'i lus dang ngag gi spyod lam gzhan dag la yang/ dang por bya ba thams cad thog mar 'gro ba'i shes bzhin gyis bya ba dang/ bya ba ma yin pa shes par byas nas bsgrub par bya'o zhes bstan pa'i phyir/ de ltar gnas
 skabs zhes bya ba la sogs pa smos so /da ni lhan cig rjes su spyod pa'i shes bzhin la gnas te/ lus dang ngag dang yid kyi spyod lam la brtan par bya ba'i phyir lus kyi zhes bya ba la sogs pa smos te/ dbye ba thams cad kyi thog mar 'gro ba'i shes
 bzhin gyis bya ba dang bya ba ma yin pa shes par byas nas/ bar bar du spyod lam 'khrugs pa bsrung pa'i phyir/ da ltar bdag gi lus dang ngag dang yid kyi spyod lam 'di ci chos dang mthun pa'i tshul du gnas zhes brtag par bstan to/ /de la
 tshigs su bcad pa dang pos ni/ dngos su lus kyi spyod lam brtag par bstan la/ shugs kyis ni dag gi spyod lam brtag par bstan pa'o/ /lus kyi spyod lam brtag pa yang/ dngos su ni gnas pa dang 'dug pa'i spyod lam la brtag par
 bstan la/ shugs kyis ni za ba dang nyal ba dang 'gro ba'i spyod lam la brtag par bstan to/ /tshigs su bcad pa gnyis pas ni yid gyi spyod lam la brtag par bstan to/ /de la lus kyis 'di ltar gnas bya zhes bya ba sogs nas zhes bya ba ni/
 dus gang gi tshe brtag par bstan la/ ci nas yang dag par blangs pa'i gtso/ skad cig gcig kyang mi 'tshor bar zhes bya bas ni dgos ched gang gi don du brtag pa bstan te/ yang dag par blangs pa mdza' dag kyang mi 'tshor bar bya ba yin
 mod kyi/ gtso zhes smos pas ni res 'ga' bslab pa'i gzhi kha cig dus gcig tu bsrung du mi btub pa'i dus de'i tshe/ gang gi tshe gtso? che bde bsrung zhing gtso chung ba btang snyoms su bzhag kyang nges pa med pa'i phyir ro/ /de la lus kyis
 zhes bya ba dang/ lus 'di zhes bya ba dang/ gnas pa yin zhes bya ba dag ni mtshon pa tsam yin gyi / 'di ltar yang sbyar bar bya ste/ lus kyi 'di ltar 'gro bya ste/ bya ba bsngogs nas de nas ni/ /ci nas yang dag blangs pa'i gtso/ /skad cig kyang mi 'tshor ba
 dang/ skabs su lus 'di ji lta bur/ /gnas pa yon zhe na/ blta bar bya zhes bya ba dang ? de bzhin du zab dang nyal ba yang mi brjed bar bya'o/ /de bzhin du dag gi dbang du byas nas kyang/ /dag gis 'di ltar smra bya zhes/ /bya ba bsngogs nas de nas ni//
 ci nas yang dag blangs pa'i gtso/ /skad cig gcig kyang mi 'tshor bar/ /skabs su dag ni ji lta bur/ /smra ba yin zhes brjod par bya/ /de bzhin yin kyi 'di dag bsam bya zhes/ /bya pa bsngogs nas de nas ni/ /ci nas yang dag blangs pa'i gtso//
 skad cig gcig kyang mi 'tshor bar/ bdag gi yid ni gang spyod ces/ /de ltar yid la so sor brtags ces bya bar brtag 'di dang 'di ltar bya'o zhes bya ba bsngogs pa na/ mtshon pa tsam du zad kyis/ 'di dang 'di ltar bya'o zhes bya ba ma yin
 pa bsngos par yang shes par bya'o/ /'on te de ltar brtags nas ji ltar bsrung bar bya snyam pa la/ 'jigs pa la sogs pa zhes bya ba la sogs pa smos so/ /dper na skabs 'ga' zhig tu gang zag 'ga' zhig la gshed ma la sogs
 pas brdas nas 'bros pa bdag nyid kyis mthong ba'i tshe gshed ma la sogs pa la ji ltar mthong ba bzhin du smra ba spong ba'i tshul khrims bsrung bar yang 'gyur yang/ mi 'jigs pa sbyin pa byin par mi 'gyur la/ /gang yang gang gi tshe mi
 'jigs pa'i sbyin pa byin pa'i don du/ brdzun du smras par gyur na ni/ tshul khrims bsrung bar mi 'gyur pas de'i tshe gnyis ka dus gcig tu bsrung bar mi nus pa de'i tshe/ mi 'jigs pa sbyin pa gtso che ba yin pa'i phyir srog gi skyabs bya ba'i don du brdzun smra? ba sdong
 ba'i tshul khrims btang snyoms su bzhag ste / ji skad du dam pa'i chos 'dul ba las kyang/ bsad pa bros te de te gshed ma yis/ /dris pa de la de tshe 'di skad brjod/ /tshur shog nam mkha' la ni sen mo mthong/ /lus can rnams kyi de nyid ma mthong ngo zhes 'byung
 ba dang/ 'phags pa blo gros mi zad pas bstan pa'i mdo las kyang/ sbyin pa'i dus su tshul khrims brtul ba'i btang snyoms zhes bya ba la sogs pa rgya cher gsungs so/ /de pas na mi nus na ni ltung ba med par rnam par bzhag gi/ nus na ni gang ma byas pa ltung ba
 nyid du 'gyur ro/ /'di ni mtshon pa tsam du zad kyi / gang gi tshe byang chub sems dpa' i bslab pa'i gzhi dag skabs kha cig tu bsrung bar mi nus pa de'i tshe/ gang gtso che ba de bsrung zhing cig shos btang snyoms su gzhag pa'i tshul gyis bsrung bar
 bya'o zhes bstan to/ /'o na gang gi tshe bslab pa'i gzhi 'dra bar 'gyur ba la dus gcig tu bsgrub mi nus pa de'i tshe ji ltar bsgrub par bya snyam pa la/ gang thog mar brtsams pa de bsgrub par bya zhing/ cig shos ni btang snyoms su bzhag kyang
 ltung bar mi 'gyur ba nyid du bstan pa'i phyir/ gang zhig bsams te zhes bya ba la sogs pa smos te/ dus de'i tshe na ni phyi mas bar du ma gcad pa'i phyir/ snga ma yang legs par zin pa nyid du 'gyur la/ snga ma'i 'phro ma lus pa phyi ma
 yang thang chod bar byar yod pa'i phyir / gnyi ga legs par zin pa gcig tu 'gyur gyi/ de lta ma yin na ni phyi mar par du gcod pa'i phyir dang/ snga ma'i 'phro lus pa'i phyir snga phyi gnyis ga legs par zin par mi 'gyur la/ snga ma ma zin par
 phyi ma mi bya ba nyid du mi shes pa'i phyir/ shes bzhin ma yin pa'i nye ba'i nyon mongs pa yang 'phel bar 'gyur gyi/ de lta ma yin na ni mi 'gyur ro/ /de ltar sbyir bstan nas/ da ni bye brag tu sdom pa gsungs pas/
 sdom pa'i tshul khrims la ji ltar bslab bar bya ba bstan pa'i phyir/ bre mo'i gtam zhes bya ba la sogs pa smos so/ /de la tshigs su bcad pa dang pos ni rang bzhin gyis kha na ma tho ba spong ba'i dbang du byas pa ste/ bre mo'i gtam la sogs
 pa ni rang bzhin gyis kha na ma tho ba yin pa'i phyir ro/ /de bas na de la 'jug par shes bzhin gyi tshor bar gyur ma thag tu spang bar bya'o zhes bya ba'i don te/ don med sa rko zhes bya ba kha sogs pa tshigs su bcad pa gcig gis ni bcas
 pa'i kha na ma tho ba spong ba bstan te/ sa rko ba la sogs pa bcas pa'i kha na ma tho ba yin pa'i phyir ro/ /'on te rang bzhin dang bcas pa'i kha na ma tho ba dag las 'di dag kho na ci'i phyir bshad ce na/ srog gcod pa dang/ myos par 'gyur
 ba 'thung ba lta bu ni nyan thos kyi 'dul ba khyim pa dang rab tu byung ba'i gzhi thun mong ba nyid du bshad la/ gong du bshad pa de dag gis rab tu byung ba la bshad kyi khyim pa lam bshad pa'i phyir dang/ 'dir ni de dag byang chub sems dpa' 
 rab tu byung bas bsrung bar bya ba de bzhin du byang chub sems dpa' khyim pas kyang bsrung bar bya ba yin pa'i phyir ro/ /bde gshegs bslab pa zhes bya ba ni/ mdo las gang sems can gyi don du mi 'gyur ba de spang bar bya'o zhes
 gsungs pa'o/ /de ltar na nyan thos dang thun mong ba'i sdom pa'i tshul khrims ji ltar bsrung ba'i tshul bshad nas/ da ni thun mong ma yin pa'i yid kyis mi dge ba'i las spong par byed pa'i tshul khrims kyi dbang du byas nas
 gang tshe bskyod par 'dod gyur tam zhes bya ba la sogs pa tshigs su bcang pa drug bshad de/ 'on te bdag la bstod pa dang/ gzhan la smod pa ji ltar na sdom pa'i tshul khrims kyi mi mthun pa'i phyogs yin zhe na/ bdag la bstod pa ni bdag
 lus dang longs spyod la lhag par chags pas kun nas bslang ba yin pa'i phyir la/ gzhan la smod pa ni phrag dog dang ser sna'i kun nas bslang pa'i phyir de dag yid kyi mi dge pa'i las yin pa'i phyir ro/ /da ni dge ba'i chos sdud pa'i tshul khrims
 la/ ji ltar bslab pa'i tshul bstan pa'i phyir/ mi bzod ces bya ba la sogs pa'i tshigs su bcang pa gnyis gsungs te/ 'di ji ltar na dge ba'i chos sdud pa'i mi mthun pa'i phyogs yin zhe na/ dge ba'i chos sdud pa ni pha rol tu phyin pa drug
 gis bsdus pa yin la/ 'dir yang mi bzod pa ni mi mthun pa'i phyogs yin zhing/ le lo ni brtson 'grus kyi yin la/ zab mo'i don la 'jigs pa ni shes rab kyi yin zhing/ sbyod pa spyi brtol dang mu cor smra ba ni bsam gtan gyi yin te/
 rang gi lus dang longs spyod dang/ gnyen 'dra pa la sogs pa la lhag par chags pa ni sbyin pa'i mi mthun pa'i phyogs yin no/ 'o na tshul khrims kyi mi mthun pa'i phyogs gang yin zhe na/ bshad pa 'di dag nyid yin gyi/ 'di las logs na
 med pa'i phyir te/ ji ltar zhe na tshul khrims ni sdom pa gsum gyis bsdus pa yin la/ de la bre mo'i gtam zhes bya ba la sogs pas ni sdom pa'i tshul khrims kyi dbang du byas pa yin la/ shin tu nges dang zhes bya ba la sogs
 pas ni/ sems can gyi don byed pa'i dbang du byas pa yin zhing/ mi bzod ces bya ba la sogs pas ni dge ba'i chos sdud pa'i dbang du byas pa yin la/ de las ma gtogs pa'i tshul khrims zhes bya ba ni med pa'i phyir ro/
 da ni sems can gyi don byed pa'i dbang du byas nas shin tu nges dang zhes bya ba la sogs pa smos te/ shin tu nges dang zhes bya ba ni/ sems can gyi don byed pa'i 'bras bu la yid ches pa'i dang pa'o /rab ces bya ba
 ni sems can gyis byas pa'i phan yon mthong ba'i dbang gis dang pa'i dad pa dang/ bdag nyid kyang de sgrub par 'dod pa'i dad pa'o/ /brtan dang zhes bya ba ni de la mi ldog pa'o/ /gus zhes bya ba ni lus kyi sgo nas so/ /zhes ni dag rigs
 sgo nas so/ /ngo tsha shes dang 'jigs dang ste/ /brel yod pa ni sgrogs kyi sgo nas so/ /zhi zhing bya ba ni yid kyi sgo nas te/ de lta bu'i tshul gyis/ gzhan gyi don byed pa la brtson par bya'o/ /yang na shin tu nges dang zhes bya ba ni/
 bdag gis sems can gyi don byed par nus so snyam pa ste/ mi zhum pa'i brtson 'grus kyis so/ /rab dang ces bya ba ni bdag gis gdon mi za bar sems can gyi don bya ba'o zhes sems la go gon pa ste/ go cha'i brtson 'grus
 kyis so/ /brtan zhes bya ba ni de las mi ldog pa'i brtson 'grus kyis so/ /brtson zhes bya ba ni de la spyod pa ste/ sbyor ba'i brtson 'grus kyis gzhan dga' byed la zhes bya ba ni gang la brtson 'grus brtsam par bya ba'i yul lo//
 ngo tsha shes dang 'jigs dang bcas zhes bya ba ni/ ngo tsha shes pa dang/ khrel yod pa ste brtson 'grus kyi grogs kyis so/ /gus dang zhe sar bcas pa dang/ zhi zhing zhes bya ba ni snga ma bzhin du lus dag yid gsum gyi sgo nas te/
 sems can gyi don la brtson 'grus ji ltar rtsom pa'i tshul bstan pa'o/ /de ltar lhan cig rjes su spyod pa'i shes bzhin la gnas te/ sdom gsum la ji ltar bslab pa'i tshul bstan nas/ da ni gtso bor sems bsrung pa la bslab
 pa bstan pa'i phyir/ phan tshun mi mthun zhes bya ba la sogs pa smos te/ tshigs su bcad pa dang pos ni snying rje la gnas te sems bsrung ba bstan to/
 gnyis pas ni ngo tsha shes pa dang khrel yod pa la gnas te bsrung par bstan to/ /gsum pas ni ngal 'byor rnyed par dka' bar bsams nas sems bsrung bar bstan to/ /de bas na 'jig rten gnas pa'i sems can 'di dag ni phan tshun mi mthun
 pa'i dbang gis 'dod pa la lhag par tshogs pa la sogs pa'i sgo nas sdug bsngal ji snying nyams su myong yang des skyo bar mi byed kyi/ phyir zhing 'dod chags la sogs pa'i nyon mongs pa skyes pas mi dge ba'i las mngon par rtsom zhing/
 bsam pa 'di 'byung ba'i phyir 'di dag ni sdug bsngal gyi rgyu la gnas pa yin pas de dag gi don du bdag gi sems nyon mongs pa'i dbang du mi btang bar bya snyam pa dang/ bdag dang sems can du byas te ngo tsha shes pa dang khrel yod pa la
 gnas nas bdag tu ma zhen par sgyu ma lta bu'i dbang gis dag pa'i chos dmigs pa yid la gzung bar bya ba dang/ dal ba 'byor pa shin tu rnyed par dka' ba las de thob pa'i dus su de thob pa chung mi za bar bya'o snyam nas sems bsrung ba ste
 yan lag gi don yin no/ /da ni lus la lhag par chags pa'i dbang gis bsrung bar mi bya bar bstan pa/ bya rgod ces bya ba la sogs pa smos te/ 'di skad bstan to/ /lus la lhag par chags pa'i tshul gyis ma bsrungs na de'i tshe/ lus ni mi dga' bar
 'gyur snyam pa'i dogs pa bsdus nas dur khrod la sogs par bya rgod la sogs pas gnod pa ji snyed byas kyang lus khyod mi dga' bar mi byed na/ da lta ci'i phyir ma bsrungs pas mi dga' ba byed cing kha da ste kha zin byas su re ste re bar mi rigs
 so? zhes bya ba yin no/ /de ltar yin du zin kyang yid kyis lus de lhag par chags pa'i sgo nas bsrung bar byed do zhe na/ lus ni zhes bya ba la sogs pa smos so/ /'on te ma bsrungs na yid la gnod zhe na/ khyod dang zhes bya
 ba la sogs pa spos so/ /'on te bdag la rten te dgos so zhe na/ rmongs pa'i zhes bya ba la sogs pa smos te/ mi gtsang pa yin pa'i phyir rten du gzung ri ni mchog snyam pa'am pa'o/ /ji ltar mi gtsang ba yin snyam pa la/ thog mar zhes bya ba
 la sogs pa smos so/ /'on te bdag gi longs spyod du dgos so zhe na/ khyod kyi zhes bya ba la sogs pa smos te/ gcig tu na khyod kyis longs spyod du mi rung ba'i phyir bsrung bar mi rigs te/ gnyis su na wa la sogs pas ni longs spyad
 du rung ba'i phyir bsrung bar rigs so zhes bya ba'i don to/ /'o na ji ltar bya snyam pa la/ mi'o cog gi lus 'di ni 'phral gyis gos la sogs pa byin pa'i sgo nas dge ba'i las la bkol bar bya ba nyid du ma zad kyi longs spyod du dgos so zhes
 bya ba'i go nas bsrung bar bya bar ni mi rigs te/ dag tu khyod kyi longs spyod du mi rung ba'i phyir dper na bran la sogs pa las byed du mi btub pa bzhin no snyam nas/ 'di ltar khyod kyis zhes bya ba la sogs pa smos so/ /de bas na los
 dang zas la sogs pa'i yo byad byin te/ byang chub sems dpa' rang gi bya ba sems can gyi don du gzhug par bya'o/ /de lta bu'i don med par zhes bya ba'i sgo nas sbyin par bya ba ma yin pas/ 'di la glo rngan zhes bya ba la sogs
 pa smos so/ /de bas na de ltar chu bo la brgal ba'o rten yin pas gru'i zag lhan la sogs pa bya dgos pa de bzhin du/ bdag nyid 'khor ba brgal te sems can gyi don byed pa'i rten yin pa'i phyir lus 'di la rten yid bzhin
 gyi nor bur 'gyur pa'i de bzhin gshegs pa'i sku thob par bya ba'i don du bsrung bar bya dgos so zhes bstan pa'i phyir 'gro dang zhes bya ba la sogs pa smos so/ /da ni nyon mongs pa'i dbang du ma song bar lhan cig rjes su spyod pa'i shes bzhin gyis
 rang nyid la dbang yod par bya ste/ cho ga ? spyod yul phun sum tshogs pa la bslab pa'i dbang du byas nas/ de ltar rang dbang zhes bya ba la sogs pa smos so/ /bdag dang gzhan gyi don gyi rten du 'byung ba'i longs spyod bsrung ba'i dbang du byas
 nas/ khri la sogs pa zhes bya ba la sogs pa smos so/ /zhi ba dang dul ba la gnas pa'i dbang du byas nas sgo yang zhes bya ba la sogs pa smos so/ /de la phan yon ci zhig yod snyam pa la/ chu skyar zhes bya ba la sogs pa smos so//
 legs par bslab pa'i gdams ngag la gus pa bskyed par bslab pa'i dbang du byas nas/ gzhan la zhes bya ba la sogs pa smos so/ /gzhan gyi yang dag pa'i yon tan la dga' ba skyed pa'i dbang du byas nas/ legs par smra ba zhes
 bya ba smos so/ /ci gzhan gyi ngo bo 'ba' zhig bstod par bya 'am zhe na/ ma yin te/ lkog na zhes bya ba smos so/ /bdag 'ba' zhig gis bstod par bya 'am zhe na/ gzhan gyi g.yam ma yang brjod par bya ba yin pas/ yon tan
 brjod na zhes bya ba la sogs pa smos so/ /gal te gzhan gyis bdag gi yon tan brjod na de'i tshe ji ltar bya zhe na/ rang gi yon tan zhes bya ba smos te/ des nga rgyal bskyed par mi bya'o zhes bya ba'i don te/ de ltar gzhan gyi yon tan la
 dga' ba bskyed pa de ci'i phyir zhe na/ brtsom pa thams cad ces bya ba la sogs pa smos so/ /de la phan yon ci yod ce na/ bdag la 'dir gnod ces bya ba la sogs pa smos so/ /smra ba dang lta ba'i tshul bstan pa'i dbang du byas nas
 smra na yid phebs zhes bya ba la sogs pa smos so/ /dge ba'i las sgrub pa'i tshul gyi dbang du byas nas/ mkhas shing zhes bya ba la sogs pa smos te/ 'phral du tshogs chung zhing dge ba'i 'ongs chang? shes
 na/ de'i tshe mkhas pa zhes bya ste/ tshegs chung bas ni snga ma la 'gyod pa med par 'gyur shing/ phyis sgyid lug par mi 'gyur la/ 'ongs tshe bas ni myur du tshogs bsags par 'gyur bas/ gang gi tshe ji ltar byas na de ltar 'gyur
 snyam pa la/ dge ba'i rtsa ba ci byed kyang dam pa drug gis zin pa'i tshul du byas na/ de ltar 'gyur te las su bya ba chung bas na cho gas chung pa yin la/ dam pa rnam pa drug gis zin pas ni 'ongs tshe bar 'gyur ro snyam du bsam pa'o/ /dga' 
 dang ldan byas nas zhes bya bas ni sngar? byas pa las rjes su yi rang pa skyed cing da ltar byas pa la ni phan yon mthong ba'i sgo nas dga' ba skyed pa ma 'ongs pa la ni snga mas chog par mi 'dzin te/ byed 'dod pa'i tshul gyis dga' ba dang ldan bar
 byas nas/ bdag nyid kyis rtag tu bya'i gzhan la ltos par mi bya ste/ gzhan gyis byas pa de bdag gi don du mi 'gyur pa'i phyir ro/ /'on te bdag nyid kyis ji ltar sbyar tsa na/ sbyin pa'i zhes bya ba la sogs pa smos te/ sbyin pa
 'ba' zhig tsam gyis chog par mi gzung gi/ de las gong mar gyur pa'i phyir tshul khrims la sogs pa yang spyad la/ de bzhin du sbyin pa nyid la yang gtong ba tsam gyis chog par mi gzung gi/ de las khyad zhugs par gtong ba
 chen po dang/ shin tu gtong pa la sogs pa la khyad zhugs par spyad par bya ste/ de bzhin du tshul khrims la sogs pa/ la yang gong nas gong du 'gro ba dang/ tshul khrims lta bu nyid la yang dge bsnyen dang/ dge bsnyen gyi sdom pa zhes
 bya ba la sogs pa khyad zhugs par byed pa ci rigs su sbyar ro/ /gal te de ltar pha rol tu phyin pa drug po gong nas gong du spyad pas spyad par bya ste/ de bzhin du tshul khrims las sogs pa la yang gong nas gong du 'gro ba dang/ tshul khrims lta bu nyid la yang
 dge bsnyen dang/ dge bsnyen gyi sdom pa zhes bya ba la sogs pa khyad zhugs par byed pa ci rigs su sbyar ro/ /gal te de ltar pha rol tu phyin pa drug po gong nas gong du spyad par bya ba yin no/ de'i tshe ji ltar sbyin pa'i dus dag tu tshul khrims so
 btang snyoms bzhag par gsungs zhes bshad pa dang 'gal lo zhe na/ chung du'i phyir ni zhes bya ba la sogs pa smos te/ gong 'og gi rim pa de ltar yin yang 'di ltar re zhig srog gi skyabs byed pa'i sbyin pa lta bu 'og ma yin yang che la
 de'i tshe brdzun du smra ba spong ba'i tshul khrims lta bu gong ma yin du zin kyang chung ba yin pa de'i tshe ni/ gong ma yin pa tsam gyis tshul khrims chung du dang du blang ba'i phyir mchog ma yin zhes te/ sbyin pa las byung ba'i dge ba'i rtsa ba che ba
 yin te / ma btang zhes bya ba yal bar dor par mi bya'o zhes bya ba'i tha tshig ste / 'og ma yin yang sbyin pa las byung ba'i dge ba'i rtsa ba che bar gyur ba'i dus su gong ma yin yang tshul khrims chung ba de btang snyoms su bzhugs go zhes
 bya ba'i don to/ /da ltar che chung du 'gyur ba med pa'i tshe ni 'og mas gtso cher dang du blang ba nyid du rig par bya'o/ /'o na che chung gnyis gang gi sgo nas gzhag ce na/ gtso cher zhes bya ba la/ sogs pa smos so/ /gzhan gyi don de ni
 cha ba yin pas gtso de nyid la 'bang bar bstan par bya ba'i phyir / de ltar rig byas zhes bya ba la sogs pa smos so/ /de ltar gzhan don gtso cher bya ba yin pas/ thugs rjes mnga' ba zhes bya ba la sogs pa smos te/ gang gi tshe
 sdom pa'i tshul khrims la 'bad pa'i kha na ma tho ba spang ba'i dbang du byas nas/ bcom ldan 'das kyis nyan thos kyi 'dul ba las don nye ba dang bya ba nyung ba dang/ /byed pa nyung ba la gzigs te/ chos gos lhag pa la
 sogs pa rnams kyang bcang par mi bya'o zhes bkag pa rnams kyang/ thugs rjes mnga' ba'i de bzhin gshegs pa don ring po gzhan gyi don du 'gyur ba la gzigs nas/ gzhan gyi don byed pa'i byang chub sems dpa' de la gnang ste/ ji skad
 du mdo las de ni nor gyi phung po re reb tsam zhig thob na yang len to zhes gsungs pa lta bu'o/ /yang rang bzhin gyis kha na ma tho ba'i dbang du byas nas don nye ba tsho 'di'i don la dgongs te/ nyan thos kyi 'dul ba las bsgral ba'i zhing du gyur pa
 rnams kyi srog gcod pa bkag pa yang don ring ba tshe phyi ma la ngan song gsum gyi sdug bsngal bsal bas bskyab par gzigs nas gzhan gyi don cher byed pa'i byang chub sems dpa' de la gnang ste/ ji skad du 'phags pa dkon mchog sbyin
 las/ mtshams med pa byed pa'i mi bsang par gnang ba lta bu'o/ /da ni dge ba chos sdud pa dang sems can gyi don byed pa'i dbang du byas nas bstan pa'i phyir/ rtsa ba'i tshig 'di gnad pa rnams kyang de la bkag ste rim pa bzhin du sbyar te?
 gang gi tshe don nye ba slong ba po re re'i don la gzigs nas/ gos 'dod pa la gos dang/ bgo ba 'dod pa la bgo ba sbyin pa la sogs pa gnang ba rnams don ring ba gzhan mang po dag gi don du 'gyur pa la gzigs nas gzhan mang po dag gi
 don gtso cher byed pa'i byang chub sems dpa' de la bkag ste ji skad du 'phags pa drag shul can gyis zhus pa las/ byang chub sems dpa' rab tu byung bas chos gos gsum pa rnam pa thams cad du sbyin bar mi bya'o zhes gsungs pa lta
 bu'o/ /'o na de ltar slong ba po dgal lus la sogs pa gtong ba rgyu ci'i phyir bkag ce na/ de ni tshangs par spyod pa'i rtan yin pa'i phyir te/ de btang na sems can thams cad kyi don nyams par 'gyur pas slongs mo pa 'ga' i thon? du btang bar bya ba ma
 yin pa'i phyir /dam pa'i chos ni zhes bya ba la sogs pa smos te lus zhes bya ba ni mtshon pa tsam du zad kyi/ chos byed pa'i rten du gyur ba'i longs spyod kyang de bzhin du lta bar bya ste/ de yang bslab pa kun las btus pa las/ tshe 'di la longs spyod
 bsrung ba'i phyir btong ba dgag pa ji skad bshad pa bzhin no/ /gal te de la phan yon ci yod snyam pa la/ de ltar byas na zhes bya ba la sogs pa smos te/ de dag la rten nas tshogs yongs su rdzogs pa'i rim gyis sangs rgyas thob bar 'gyur bas
 snyam ? bsam pa'o/ /'o na thams cad mi btang ngam zhe na/ snying rje'i bsam pa zhes bya ba la sogs pa smos te/ ji srid tu ltag pa'i bsam pa dag pa'i sar ma chud kyi bar du zhes bya ba'i tha tshig ste/ gtong ba la ma goms pas gtong mi nus pa'i
 phyir ram/ nus su zin kyang tshe snga ma'i sdig pa'i las kyi stobs kyis nad pa la sogs pa'i sdug bsngal 'byung ba'i phyir 'gyod pa skye zhing sgyid lug par 'gyur ba'i phyir ram/ chos thams cad la bde bar 'gro ba'i ting nge 'dzin ma thob pas dus de'i tshe bde ba'i
 tshor ba mi 'byung ba'i phyir/ phyi ma la byed 'dod pa'i bsam pa mi 'byung ba'i phyir ram/ bden pa'i stobs ma grub pas srog dang tshangs par spyod pa'i bar chad du 'gyur ba'i phyir ro snyam du bsam pa ste/ lhag pa'i bsam pa dag pa'i sar chud pa la ni
 nyes pa gong ma rnams las bzlog pa'i phyir dngos su gtong bar byed pa kho na'o zhes bya ba'i don to/ /'on te de lta yin na rnam pa thams cad du mi btang ngam/ de lta yin na ni dam bcas pa dang 'gal bar 'gyur ro zhe na/ ci nas 'di dag ces?
 bya ba la sogs pa smos te/ tshe 'dir don chen po sems can gyi don 'grub pa'i rgyur lus 'di nyid sems can rnams la bran gyi tshul du btang ste/ sems can gyi don byed pa'i tshul khrims rnam pa bcu gcig ji skad du bshad pa lta
 bu'o/ /de bzhin du gzhan du ste/ tshe phyi ma dang yang bdag dang gzhan gyi rgyud la dge ba'i rtsa ba ci rtsom pa thams cad sems can thams cad kyi don du rtsom pa'i phyir/ bdag nyid sems can thams cad kyi bran gyi tshul du gtong pa yin la /de bzhin
 du bdag nyid byang chub chen po thob par bya ba'i phyir yang bdag nyid sems can thams cad kyi thams cad du yid dang ngag gtong ste/ le'u gnyis par ji skad bshad pa bzhin no/ /da ni gang la bslab par bya ba'i yul bsdus te bstan par bya
 ba'i phyir rang ngam gzhan gyi zhes bya ba la sogs pa smos te/ rang gi dbang du byas pa ste/ sdom pa dang dge ba'i chos sdud kyis bsdus pa dang/ gzhan gyi dbang du byas pa ste/ sems can gyi don byed pa'i bsdus pa'am/ gzhan yang
 spyod lam gyi gnas skabs gang du lus ngag yid gsal gyi ci spyod kyang/ gang la bslab pa dang/ ji ltar bslab par gsungs pa ste ji skad du mdo dag las/ byang chub sems dpas chos rab tu mang po la bslab par mi bgyi ste//
 snying rje chen po la bslab par bgyi'o zhes gsungs po dang/ yang byang chub sems dpas ni ji nas kyang mthong ma thag tu sems can rnams dga' bar 'gyur ba de ltar bsgrub par bgyi'o zhes gsungs pa dang/ yang byang chub sems
 dpas ni rang gi sems kho na shin tu bsrung bar bgyi'o zhes gsungs pa dang/ spyod lam thams cad du ji ltar bslab pa ste spyod yul yongs su dag pa las ji skad gsungs pa bzhin du bslab par bya'o/ /'o na de'i tshe rig ba'i gnas?
 rnam pa lnga las gang dang gang la bslab ce na/ rig pa'i gnas rnam pa lnga po mdza' dag la dam pa drug gis zin pa'i tshul gyis bslab par bya ba yin pas/ rgyal sres rnams kyis zhes bya ba la sogs pa smos te/ ji skad du mdo sde rgyan las/ rig
 pa'i gnas lnga dag las byang bar ma byas na/ 'phags pa mchog gis kyang thams cad mkhyen nyid thob mi 'gyur/ /de bas gzhan dag tshar bcad rjes su gzung phyir dang/ /bdag nyid dul bar bya phyir de la de brtson bya/ /ces gsungs pa lta bu'o//
 'on te de la phan yon ci yod ce na/ de ltar gnas pa'i zhes bya ba la sogs pa smos te/ /de ltar gnas pa'i zhes bya ba ni dam pa drug gis zin pa'i phyir de ji ltar zhe na/ sems
 can thams cad kyi don du byang chub chen po thob par bya ba'i bsam pas rig pa'i gnas lnga po de dag la 'khor gsum yongs su dag pa'i tshul gyis so so'i mthun pa'i phyogs kyis dri mas ma gos par dge ba'i rtsa ba de yang byang chub chen por
 yongs su bsngo ba'i phyir te/ de ltar go rim bzhin du ched du bya ba dang/ rten dang dngos po dang/ thabs la mkhas pa dang/ rnam par dag pa dang/ yongs su bsngo ba dam pas yongs su rig par bya'o/ /de lta bas na byang chub sems dpa' i
 bya ba ni mdor na sems can gyi don yin pas dngos san? zhes bya ba la sogs pa smos ste/ de la dngos su don du 'gyur ba ni/ sems can gyi don byed pa'i tshul khrims rnam pa bcu gcig ji skad bshad pa lta bu'o/ /brgyud nas don du 'gyur ba'i
 bsam gtan dang shes rab kha cig lta bu'o/ /dngos dang brgyud pa gnyi gas don du 'gyur ba ni sbyin pa byin te/ dge ba la bkod pa lta bu'o/ /dag pa'i rtsa ba ci byas pa thams cad yongs su bsngo bdam pas zin par bya ba'i phyir sems can kho na'i
 zhes bya ba la sogs pa smos so/ /de ltar shes bzhin gyis brtags te bslab pa bsrung ba nyid bdag cag gis rgyu gang las shes par bya snyam na/ rgyu gnyis las shes bar bya ste/ rgyu dang po ni rtag par zhes bya ba la
 sogs pa bstan te/ mkhas pa dang btsun pa'i yon tan gnyis dang ldan pa las shes par bya'o/ /dge ba'i bshes gnyen ji ltar mi btang zhe na/ dpal 'byung zhes bya ba la sogs pa smos so/ /rgyu gnyis pa'i dbang du byas nas bstan
 bcos 'dis mdo sde las zhes bya bar bstan pa'i phyir zhes bya ba la sogs pa smos so/ /yang na 'di dang zhes bya ba ni/ 'dir bslab pa ji ltar bstan pa rnams so/ /gzhan zhes bya ba 'dir ma bshad pa de bzhin gshegs pas gsungs pa rnams so
 de dag thams cad ni mdo sde las shes par bya ste ci'i phyir zhe na/ mdo sde zhes bya ba la sogs pa smos so/ /'on te mdo sde rnams la klag pa'i rims yong dam zhe na/ thog mar rtsa ba'i ltung ba rnams shes par bya ba'i phyir/ nam mkha' i snying po zhes bya
 pa la sogs pa smos so/ /de'i rjes la bslab pa phra pa gzhan dang kyang shes par bya ba'i phyir 'phags pa zhes bya ba la sogs pa smos so/ /'on te de'i rjes la ji ltar gsungs zhe na/ gang las zhes bya ba la sogs pa smos te/ mdo sde gang las 'di ni
 lus ngag gis spyad par mi bya'o/ /'di ni sems kyis bsgom par mi bya'o zhes ma bkag pa de nyid spyad kyi/ bkag pa rnams ni spyad par mi bya'o/ /'on te bkag pa thams cad mi spyad dam zhe na/ 'jig rten zhes bya ba la sogs pa smos te/ 'dir ni
 'di ltar sbyar te/ 'jig rten sems ni bsrung ba'i phyir/ /bslab pa mthong nas spong mi bya/ /ces bya ba ste mdo snga las gang dang gang la ci dang ci dgos pa de sbyin par bya'o/ /zhes gnang du zin kyang de byin pas gzhan mang po dag gi mi? mos bar
 'gyur ba la sogs pa gtsor bya ba'i bslab pa'i gzhi mthong nas longs spyod par mi bya'o zhes bya ba'i don to/ /da ni lhan cig rjes su spyod ba'i shes bzhin bsrung ba'i mtshan nyid mjug bsdu ba'i phyir/ lus dang zhes bya a la sogs pa smos so//
 da ni nyams su blang ba'i gdams ngag bstan pa'i phyir lus kyis zhes bya ba la sogs pa smos so/ /bstan bcos kyi ming gi don snga ma bzhin no/ /le'u'i ming gi don ni phyogs gcig las bstan to/ /le'u bzhi pa'i bshad ba rdzogs so// /
 de ltar sems bskyed cing sdom pas bsdams pa la bzod pa 'byung bas/ bsags pa'i dge ba chud mi za bar bya ba dang/ dge ba'i chos la brtson 'grus brtsam par bya ba'i la'u? lnga pa gsungs te/ de la bskal pa stong zhes bya ba la sogs pa
 tshigs su bcad pa gnyis kyis zhe sdang gi nyes? dmigs dang/ bzod pa'i phan yon bstan pa'i sgo nas zhe sdang spangs te bzod pa bsgom pa mdor bstan to/ /da ni rgyas par bshad pa'i dbang du byas nas zhe sdang gi tshe 'di'i nyes dmigs
 bstan pa'i phyir/ zhe sdang zug rngu la sogs pa smos te/ zhi ba ni btang snyoms kyi tshor ba'o/ /dga' ba ni lus kye'o/ /brtan med 'gyur zhes bya ba ni lus kyi spyod pa'i thar thub med pa'o/ /nyes dmigs gzhan yang gang dag ces bya ba
 ni bran la sogs pa'o/ /drin sbyin zhes pa ni rje bos so/ /de la zhes bya ba ni rje po la'o/ /de dag ces pa ni bran la sogs pa'o/ /sdang ldan pa zhes bya ba ni zhe sdang dang ldan pa'i dbang gis so/ /de yis zhes bya ba ni shin tu drin che ba'i rje bo
 la yang rgol bar byed pa'i rgyu yis so/ /sbyin pas sdud dang bsten mi byed ces bya ba ni/ bran gtong phong che yang zhe sdang ldan pa'i dbang gis su yang de dang 'grogs par mi byed ces bya ba'i don to/ /bde bar gnas pa zhes bya ba ni tshe 'di
 la'o/ /de la sogs pa zhes bya ba ni/ tshe 'di la gnod bar ma zad kyi phyi ma dang 'di dang phyi ma gnyi ga dang bdag ? gnod par byed par ma zad kyi/ gzhan dang bdag dang gzhan gnyi ga dang dngos su gnod la
 byed par ma zad kyis brgyud pa dang dngos dang brgyud pa gnyi ga'i sgo nas gnod par byed pas so/ /'on te zhe sdang spangs pa'i phan yon gang zhe na/ gang zhig ces bya ba la sogs pa smos so/ /de ni 'di dang gzhan du bde zhes bya ba ni tshe 'di
 dang phyi ma dang/ gnyi ga dang bdag dang gzhan dang gnyi ga dang dngos dang brgyud pa dang gnyi gar bde bas so/ /'on te zhe sdang de ji ltar spang? zhe na/ zas spangs pa'i sgo nas zhe sdang spang bar bstan pa'i phyir mi 'dod ces bya ba la sogs pa
 smos te/ /de la rtsa ba dang po de gnyis kyis zas de'i rgyu bstan to/ /gsum pas ni ngo bo nyid bstan to/ /bzhi pas ni byed pa bstan to/ /tshigs su bcad pa gnyis pas ni zas spang ba'i sgo nas spang pa'i 'thad pa bstan pa'o/ /tshigs su
 bcad pa gsum pa dang bzhi pas ni zas de nyid spang bar bya ba'i rigs pa bstan to/ /'on te zhe sdang gi bras? de ji ltar spang zhe na/ bzod pa rnam pa gsum kyi sgo nas spang bar bya ba yin pas dang po gnod par byed pa la ji mi snyam pa'i sgo nas
 yid mi bde ba spang par bstan pa'i phyir bdag gam zhes bya ba la sogs pa smos te/ de la tshigs su bcad pa dang pos ni sems can rnams kyi 'dod pa'i bye brag bstan to/ /tshigs su bcad pa gnyis pa'i phyed gong mas ni 'dod pa dang
 mi mthun par 'byung ba bstan to/ /byed? gong ma'i rtsa ba dang mos ni de'i gnyen po bsgom pa bstan to/ /rtsa ba gnyis pas ni yid mi bde ba spongs shig ces gdams par bstan to/ /de la sems can rnams kyi gnod pa'i bye brag ni bzhi
 ste bdag dang bdag gi gnyen bshes la sogs pa la/ sdug bsngal pa la sogs pa mi 'dod cing bde ba la sogs pa 'dod pa yin la/ dag la ni bde pa 'gyur bar mi 'dod cing sdug bsngal ni dkon zhing sdug bsngal gyi rgyu ni shin tu mang pa'i phyir ni
 dkon zhing sdug bsngal gyi rgyu ni shin tu mang pa'i phyir bde bas ni phongs la/ sdug bsngal mang po dang ldan pa'i dus su sdug bsngal med na khams gsum la skyo ba mi skye zhing nges par 'byung ba mi tshol bas de'i phyir sdug bsngal ni yon tan can? nyid du
 shes par byas pa'i sgo nas yid mi bde ba spangs te/ tha mal pa'i dang la bstan par mnos shig ces bya ba'i don to/ /'on te gnod pa dang sdug bsngal bzod pa de bdag gis mi phod do zhe na/ dka' bzlog ces bya ba ni mahA de ba dang lha mo u mde
 ba ste/ lha'i dka' thub las log pa yin pa'i phyir te/ da ni 'jig rten pa'i lo rgyus las shes par bya'o/ /de bas na de la dang pa'i mi mu stegs can dag gis kyang/ me lnga brten pa la sogs pa sdug bsngal bzod na/ bdag gis ji ste?
 mi gzod ces bya ba'i don to/ /'on te de shin tu dka' o zhe na goms nas zhes bya ba la sogs pa smos te/ da ni sdug bsngal dang du len pa la bzod pa'i dbang du byas nas/ sprul dang zhes bya ba la sogs pa smas te/ 'jig rten na don med
 par yang sbrul la sogs pa'i gnod pa bzod na/ don chen po dang bcas pa'i dam pa'i chos bsgrub pa'i gnas skabs kyis tshe ba la sogs pa'i sdug bsngal 'byung ba'i tshe yid mi bde ba'i bze re mi bya ste/ zhe sdang skye ba'i skyon yod pa'i phyir ro/
 'o na ji ltar bya snyam pa la/ la la bdag gis zhes bya ba la sogs pa smos te/ sdug bsngal bzod pa'i phan yon shes par byas la/ de la dga' ba bskyed par bya ba'i mi sngar mi dar? ma rnams bzhin du yid mi bde ba bskyed par mi 
 bya'o zhes bya ba'i don to/ /de bas zhes bya ba la sogs pas ni mjug bsdud do/ /de bas na tha mal pa'i dgra dag kho nyid rang 'chi bar 'gyur ba yin pas de gsod pa ni dpa' bo ma yin te/ nyon mongs pa rnams ni
 gnyen po ma bskyed kyi bar du 'bral bar mi 'gyur ba'i phyir de spong bar byed pa ni dpa' bo chen po nyid yin pas/ de bas na 'thab mo dang ni zhes bya ba la sogs pa smos so/ /gzhan yang sdug bsngal gyi yon tan shes par bya ba'i sgo nas yid
 mi bde ba spang ba'i phyir gzhan yang zhes bya ba la sogs pa smos te/ skyo bas zhes bya ba'i tshig gsum ni bdag dang gzhan dang gnyi ga'i rgyud la sdug bsngal yod pa'i yon tan de go rims bzhin du sbyar te/ da ni bdag nyid la gned pa byed pa
 rnams la don dam pa'i bden pa'i dbang du byas pa'i chos kyi mtshan nyid la nges par sems pa'i bzod pa bsgom pa'i dbang du byas nas/ mkhris pa la sogs pa zhes bya ba la sogs pa smos so/ bdag la yod pa'i mkhris pa la
 sogs pa nyid sdug bsngal gyi rgyu yin pa'i phyir/ de la khro bar rigs kyi gnod pa byed pa rnams la ni khro bar mi rigs te/ de dag gnod par byed pa ni rang bzhin gyis gnod pa byed pa ni ma yin gyi/ glo bur gyi rkyen las byung bas don dam
 par rang bzhin med snyam du bsams pa'o/ /ji ltar na glo bur gyo rkyen las byung ba yin zhe na/ rkyen las byung ba'i mtshan nyid ni/ mdor bsdu na rnam pa gsum ste/ dang po nus pa'i rkyen las byung ba bstan pa'i phyir/ dper na zhes bya pa
 la sogs pa smos to/ dper na bdag la nad la sogs pa 'byung bar mi 'dod bzhin du yang/ de skyed par nus pa'i rkyen 'tshogs pa'i dbang gis 'byung bar 'gyur ba bzhin du dgra po de dag gis gnod par bya bar bdag nyid kyang mi 'dod de/
 de bskyed par nus pa'i rkyen 'tshogs pa'i dbang gis 'byung par 'gyur ro zhes bya ba'i don to/ /de ni gnyis pa g.yo ba med pa'i rkyen las byung pa bstan pa'i phyir/ khro bar bya zhes bya ba la sogs pa smos te/ rkyen de dag la yang 'bras bu khro bar
 bya zhing gnod pa'i mtshan nyid skyo bar bya'o zhes bya pa'i blo sngon du gtong ba'i g.yo ba med la/ 'bras bu de dag la yang bdag ni rgyu rkyen 'di dag gis bskyed par bya ba yin no zhes blo sngon du ma btang yang nus pa'i rkyen de dag yod pa tsam gyis
 'byung bar 'gyur ro zhes bya ba'i don to/ /ci de 'ba' zhig tu zad dam zhe na/ ma yin te las dang nyon mongs pa mdza' dag kyang nus pa'i rkyen dang g.yo ba med pa'i rkyen las 'byung ba bstan pa'i phyir/ nyes pa zhes bya ba la sogs pa smos te/
 de la tshigs su bcad pa dang bos ni nus pa'i rkyen las byung ba bstan te/ ji skad du/ bcom ldan 'das kyis kyang/ ma rigs pa'i rkyen gyis 'du byed rnams zhes bya ba la sogs pa gsungs so/ /nyes pa ni nyes par byed pa'i rgyu yin pas
 nyes pa ste/ 'dod chags la sogs pa rnams so/ /sdig pa ni nges kun nas bslang ba'i srog gcod pa la sogs pa mi dge ba'i las rnams so/ /rkyen rnams tshogs zhes bya ba la sogs pas ni g.yo ba med pa'i rkyen las byung ba bstan
 te/ bcom ldan 'das kyis kyang 'di yod pas 'di 'byung zhes bya ba'i bka' rgyu de dag yod pa tsam gyis 'byung gi/ blo sngon du gtod pa'i g.yo ba yod pa ma yin no zhes gsungs so/ /da ni mi rtag pa'i rkyen las 'byung ba bstan pa'i phyir/
 gtso bor bya ba zhes bya ba la sogs pa smos te/ gal te 'di snyam du dag po la sogs pa de dag bdag la gnod par byed pa ni bdag la sogs pa'i rtag pa'i dngos po 'ga' zhig gi stobs kyis yin no zhe na ma yin te/ khyod kyis ni dngos po thams
 cad kyi gtso bo ste byed pa po nyid du gnas pa de la bdag ces bya bar khas blangs mod kyi/ de ni ma skyes pas mad pa'i phyir ram/ yod du zin kyang rtag pa nyid kyis? dngos po thams cad kyis stong pa'i phyir rang gis kyang
 mi skyel/ lhan cig byed ba'i rkyen la bltos te 'bras bu bskyed pa yang mi 'thad pa'i phyir/ bdag la sogs pa ni mi bskyed kyi/ gzhan mi rtag pa 'ga' zhig gis stobs 'byung ba yin no zhes te/ bsdus pa'i don te/ /ji ltar bdag
 chos bya ba de ma skyes pas med ce na/ re zhig skye gnas bdag nyid 'di lta bu zhig tu 'byung bar mi bya'o zhes blo sngon du gtang nas skye ba 'am/ yang na yul la sogs pa yod pa tsam gyis skye zhes bya ba gnyis su brtag grang ste/
 de? la phyogs dang po ni khyed nyid khas mi len pa'i phyir/ de nyid bdag ni ces bya ba la sogs pa smos so/ /de lta yin na yang smos pa ci yod snyam pa la ma skyes par ni de med na zhes bya ba smos te de ltar ma skyes na med pa'i phyir de 'bras
 bu bskyed pa lta ga la nus snyam du bsam pa'o/ /da ni phyogs gnyis pa'i dbang du byas nas de'i tshe skye bar 'dod pa zhes smos te/ gzhan gyis bsams pa'i blo sngon du gtang nas ma skyes kyang/ yul la sogs pa'i rkyen tshogs
 ba'i tshe skye bar 'dod dam snyam na/ de lta yin na/ yul ni dus gsum char du yod par de la dmigs te 'byung ba'i bdag kyang rtag tu gnas pa'i phyir dus thams cad du mi 'gal bas/ yul la rtag tu zhes pa la sogs te
 'on te de ni rtag pa yin pa'i phyir 'dod pa kho na'o zhe na ji ste zhes bya ba la sogs pa smos te/ de ltar rtag pa nyid kyis nus pa thams cad kyis stod pa'i phyir/ nam mkha' bzhin du 'bras bu mi skyed par shin tu yang gsal zhes
 bya pa'i don to/ /de lta yin du zin kyang/ lhan cig byed pa'i rkyen gzhan la bltos te/ 'bras bu skyed do zhe na/ rkyen rnams zhes bya ba la sogs pa smos te/ de ni rtag pas 'gyur ba med pa'i phyir/ grogs ci zhig byar yod/ de bas na ldan?
 cig byed pa'i rkyen la bltos te 'bras bu skye bar yang mi 'thad do/ /ji ltar na bdag de la 'gyur ba med ce? na/ byed pa'i tshe yang zhes bya ba la sogs pa smos te/ lhan chig byed pa'i rkyen dang phrad pa'i tshe yang rtag pa yin pa'i phyir/ sngon
 gyi ma phrad pa'i tshe yang gnas skabs kho na bzhin yin na/ byed pas bya ba lhan cig byed pa'i rkyen gyis bdag de la sngar mi nus pa las nus pa'i mtshan nyid kyi grogs ci zhag bya ste/ cung zad kyang ma byas so zhes bya ba'i tha tshig go /des ni lhan
 cig byed pa'i rkyen yod par grub na yang zhes khas blangs nas bcad do/ /de ni lhan cig byed pa'i rkyen nyid kyang ma grub par bstan pa'i phyir/ de'i byed par zhes bya ba la sogs pa smos te/ bdag de'i lhan cig byed pa'i rkyen ni 'di yin
 no zhes bzhag pa'i rgyu mtshan bdag dang lhan cig byed pa'i rkyen du 'dod pa'i dngos po de gnyis la 'bras bu ba byed? mi nus pa las phyis das? pa'i mtshan nyid du phan 'dogs par 'gyur ba'i 'brel pa ci zhig yod de/ bdag ni rtag pa yin pa'i
 phyir phan gdags par bya ba ma yin la rtag pa nyid kyis 'gyur ba med pa'i phyir/ lhan cig byed pa'i rkyen yang phan 'dogs par byed pa ma yin pas/ de ltar na 'bras bu thams cad ni rgyu rkyen gzhan gyi? rtag pa'i dbang gis 'bras bu de rang la
 dbang med par skye'o zhes bya ba'i don to/ /de ltar dag la sogs pa de dag gnod pa de dag ni rkyen las byung ba ste/ rten 'brel yin pa'i phyir don dam par rang bzhin med do zhes bya ba'i tshig gi? /de ni de ltar shes pa'i phan yon bstan
 pa'i phyir/ de ltar ni zhes bya ba la sogs pa rkang pa gnyis gsungs so/ /gal te de ltar chos thams cad rang bzhin med pa yin te/ bzod pa bsgom pa nyid mi rigs so snyam pa 'di sems can la bsngogs nas gang
 gis zhes bya ba la sogs pa smos so/ /slob dpon gyis de la brten nas zhes bya ba la sogs pa smos te/ kun rdzob tu bzod pa bsgom pa la brten nas/ sdug bsngal spong ba'i dgos pa yod pa'i phyir/ bzod pa bsgom par mi 'gal lo
 snyam du bsams pa'o/ /de bas zhes bya ba la sogs pas ni gong du bstan pa'i don mjug bsdu ba'o/ /gal te rang dags zhes bya ba la sogs pas ni gal te gzhan dag gnod pa byed pa de rkyen las mi bltos par khas len pa'i nges pa
 bstan to/ /da ni lus kyis brdeg pa la sogs pa'i tshul gyis gnod pa byed pa de dag kun rdzob kyi bden pa'i dbang du byas pa'i chos kyi mtshan nyid la nges par sems pa'i bzod pa bsgom par bstan par bya ba'i phyir bag med pas ni
 bdag ces bya ba'i tshigs su bcad pa bzhi gsungs te/ bsdus pa'i don ni kun rdzob tu yang nyon mongs pa'i dbang gis shin tu gces pa'i bdag nyid la yang gnod pa byed pa de dag nyon mongs pa'i dbang gis gzhan la gnod pa byed pa'i rigs pa med
 pa las de dag snying rje bar rigs kyi khro bar bya bar mi rigs so zhes bya ba yin no/ /da ni gzhan la gnod pa byed pa sems can rnams kyi rang bzhin na ni rang bzhin pa nyid kyi phyir khro bar bya bar mi rigs la/ 'on te rang bzhin ma yin na yang
 de'i rang bzhin ma yin pa nyid kyi phyir khro bar bya bar mi rigs so zhes dpe'i sgo nas bstan pa'i phyir/ gal te gzhan la zhes bya ba la sogs pa tshigs su bcad pa gnyis smos so/ /yang gcig tu na gzhan gyi mtshon pa la sogs pas nyes kyi/
 sems can gyis mnyes? pa'i phyir dang/ gnyis su na sems can gyis kyang ma nyes kyi/ de'i rgyud la yod pa'i zhe sdang gis nyes pa'i phyir dang/ gsum dun zhe sdang gis kyang ma nyes kyi bdag nyid kyi las kyis nyes pa'i phyir sems can la khro bar byar
 med do/ /zhes bstan pa'i phyir dbyug pa la sogs pa zhes bya ba la sogs pa gnyis smos so/ /rnam pa gcig tu na bdag gis ni sdug bsngal 'byung ba'i bzhi'i lus bzung la/ gzhan gyis ni sdug bsngal 'byung ba'i rkyen mtshon phyung ba'i phyir/
 bdag la nad la sogs pa'i sdug bsngal 'byung ba ni bdag cag gnyi gas nyes pas gzhan 'ba' zhig la khro bar byar? med do zhes bstan pa'i phyir/ de'i mtshon dang zhes bya ba la sogs pa'i tshigs su bcad pa bzhi smos so/ /yang rnam pa gcig
 tu na bdag gis tshe snga ma'i dus su gzhan la gnod pa byas pa'i las kyi dbang gis bskul nas tshe 'dir bdag la gnod pa byas pa'i dbang gis de dag skye ba phyi mar ngan song du ltung bar 'gyur ba'i phyir bdag ni de dag la shin tu gnod pa byed pa yin
 la bdag ni de dag la brten te bzod pa bsgom pas zla ba sgron ma'i mdo las/ byis pas yang dag ma lags pas/ /spros shing brgyab pa bzod par bgyi/ /smod dang 'dren pa dang du blang/ /byang chub sems dpa' gzhan dag la/ /bdag
 gis gnod sems bskyed pa dang/ /sngon chang bdag gis sdig pa'i las/ /bgyis pa rnams ni byang bar 'gyur/ zhes ji skad gsungs pa'i tshul gyis sngon nas bsags pa'i sdig pa byang bar byed pa bzod pa la byung pa'i bsod nams
 dpag tu med pa sdud par byed pa'i phyir de dag ni bdag la phan 'dogs pa yin bas/ de dag la shin tu yang khro ba po bya bar mi rigs so zhes bstan pa'i phyir bdag gi las kyis zhes bya ba la sogs pa tshigs su bcad pa gsum gsungs so/
 'on te gnod pa byed pa de dag la bdag gis bzod pa bsgoms pa'i bsam pa'i yon tan gyis dgra po de dag kyang 'gyod pa skyed pa'i dbang gis shad kyis sbyangs pa la sogs pa byas nas ngan song du lhung bar ma gyur na
 de'i tshe dgra bo ngal? bdag shin tu drin che ba yin no zhe na de'i che bdag nyid ngan song du skye ba'i rgyu ma lags pas bdag nyid kyi don byas par zad kyi/ de'i tshe yang gzhan la? lhag par drin tshe rgyu med do zhes bstan pa'i phyir bdag gi bsam pa'i zhes
 bya ba la sogs pa smos pa'o/ /ci'i phyir zhe na bdag gis bzod ba ma bsgoms na dgra bo de dag kyang shas cher nyon mongs pa skye ba'i phyir de dag kyang ngan song du lhung bar 'gyur zhing des na gzhan gyi lus bsrungs pa'i spyod pa yang nyams
 por 'gyur ro zhes bstan pa'i phyir/ 'on te lan du zhes bya ba la sogs pa smos so /da ni dag gi mi stan pa smra ba la sogs pa la chos kyi mtshan nyid la nges par sems pa'i bzod pa bsgom pa'i dbang du byas nas yang yid ni gzugs
 can ma yin pa'i phyir thams cad du gang gis gyang gnod pa bya bar mi nus la/ lus ni gzugs can ma yin pa'i phyir dang zhen pas bdag tu gzung ba'i phyir de la ni brdeg pa la sogs pas gnod pa bya bar nus kyi mi snyan par smra ba la
 sogs pa rnams kyis ni lus la yang gnod pa bya par mi nus na gzugs can ma yin pa la lta smos kyang ci dgos ste/ de bas na gang la yang mi gnod pas shin tu khro bar mi rigs so zhes bya ba bstan pa'i phyir yid ni zhes bya ba la
 sogs pa'i tshigs su bcad pa gnyis gsungs so/ /'on te mi snyan par smra ba de ni bdag la mi dga' ba ma yin pa'i phyir de bdag mi 'dod de khro bo zhe na/ gzhan dang zhes bya ba la sogs pa smos so/ /'on te gzhan dag bdag la mi
 dga' ba des ni bdag gi grags pa ma yin pa bsgrags pas bdag gis rnyed pa la sogs pa'i bar chad byed pa'i phyir gzhan dag mi dga' pa 'di dag mi 'dod do snyam du bsams nas rnyed pa'i bar chad zhes pa la sogs pa smos so/ /slob dpon
 gyis bdag gi rnyed pa zhes bya ba la sogs pa smos te/ 'di skad bstan te/ sdig pa dang sngos pa'i rnyed pa 'di 'dod la/ rnyed pa bsgrub pa'i don du gzhan la khros pa ni sdig pa ni 'bral ba'i phyir/ gal te sdig pa mi sogs su dung ba de rnyed pa
 med pa'i phyir bdag nyid shi ba ni sla'i?/ sdig pa bsdus pa'i rnyed pa log pas 'tsho pa'i sgo nas yun ring du gnas pas ni dgos pa med de/ ci'i phyir zhe na/ de ltar gnas kyang mthar 'chi bar 'gyur la/ de'i rjes la ngan song du ltung bar
 'gyur ro zhes bya ba yin no/ /gal te de rnyed pa 'dir 'dod? ba ma yin te/ shi 'phos kyang mi 'bral bar gnas so zhe na/ rmi lam zhes bya ba la sogs pa smos so/ /ci'i phyir zhe na/ rnyed pa mang po zhes bya ba la sogs pa smos so/ /gzhan gyi
 gal te rnyed pas zhes bya ba la sogs pa smos te/ gal te sdig pas bsgrubs pa'i rnyed pas gson par 'gyur zhing rjes la/ sdig pa zad par bya zhing gsod nams bsags par bya ba yin pas/ des na rnyed pa'i don du khras pa la 'gal ba med do
 snyam na/ lan du rnyed pa'i don du zhes bya ba la sogs pa smos so/ /de bas na sdig pas bsgrubs pa'i rnyed pa'i sgo nas gson bar bya ba'i don nyid mi 'grub ste/ slad? zhing sdig pa ni 'phel zhing bsod nams ni nyams par 'gyur te/ ji skad du/ bskal pa
 stong du bsags pa yi/ /sbyin dang bde gshegs mchod la sogs/ /logs spyad gang min de kun yang/ /khong khro gcig gis 'joms par byed/ /ces gong du bshad pa lta bu'o/ /gal te tha mal pa'i dang la gnas pa'i sems brtan pa 
 nyams par byed pas/ rgyu de'i phyir mi snyan par smra ba la khro'o zhe na/ 'o na ni sngan chad snyan par smra ba yang/ /yid khyod ca phyir mi khro ste/ /brtan pa nyams par byed par mtshungs so snyam du bsams pa'o/ /da ni snyan par
 smra ba de ji ltar dad pa med pa'i gang zag dge ba'i las la mi 'jug cing mi dge ba'i las la 'jug par byed pas snying rje'i gnas yin pa de bzhin du/ 'di yang snying rje'i gnas nyid du bstan pa'i phyir/ dad pa zhes bya ba la sogs pa smos so/ /da ni
 dkon mchog la gnod pa byed pa'i dbang du byas nas/ chos kyi mtshan nyid la nges par sems pa'i bzod pa bstan pa'i phyir/ sku gzugs zhes bya ba la sogs pa smos te/ de la zhe sdang bskyed par bya ba ni ma yin te/ bdag ning na song bu ltung
 bar 'gyur ba'i phyir dang/ sangs rgyas la gnod par mi 'gyur ba'i phyir/ 'on kyang bdag nyid la yang nus pa dang ldan zhing sbyor ba dang gzhi'i gnas skabs su snying rje la sogs pa'i bsam pa'i thabs la mkhas pa dang ldan pa la sbyor
 ba'i thabs la mkhas bas zin pas/ bsgrub bar bya ba de nyid kyi yang don du 'gyur zhing/ gzhan mang po dag gi mi mos pa mi skye bar 'gyur la thabs gzhan gyis mi bzlog par las de byed pa'i phyir tshar bcad pa'i zhing du 'gyur
 ba yang yin na ni/ de'i tshe gdon mi za bar bya dgos te/ 'dir sdug bsngal yang phyi ma la phan par 'gyur bas bya ba'i phyir dang/ gal te ma byas na de'i tshe ltung bar 'gyur te/ sdom pa nyi shu pa las ji skad du/ gzhan gyi yid mi
 bde bsrung ba yin pa'i phyir ma byas na ni nyon mongs ba bcas kyang 'chos mi byed / ces bya ba'i ltung bar 'gyur la da lta ma yin te / snyoms las dang le lo la sogs pas ma byas na ni rkyen du 'tsham par tshar mi bcad par bya ba'i
 ltung bar 'gyur ba'i phyir ro/ /de bas na de'i tshe 'ang zhe sdang nyi? kun nas bslang nas tshar bcad par bya ba ni ma yin te/ ci rigs par srog gcod pa la sogs pa'i ltung bar 'gyur ba'i phyir ro/ /da ni bla ma dang bshes gnyen la sogs pa la gnod pa
 byed pa rnams la don dam pa'i bden pa'i dbang du byas pa'i chos kyi mtshan nyid la nges bar sems pa'i bzod pa bsgom bar bstan pa bla ma zhes bya ba la sogs pa smos te snga ma bzhin no/ /da ni rkun rdzob kyi bden ba'i dbang du byas nas bzod pa bsgom
 pa bstan ba'i phyir/ lus can rnams la zhes bya ba la sogs pa smos te/ de yang gong du dbyug pa la sogs /dngos bkol te/ zhes bya ba la sogs pa sngar bshad ba bzhin no/ /da ni gnyi gas nyes pa'i phyir gzhan 'ba' zhig la khror med
 bar bstan pa'i phyir/ la las rmongs bas zhes bya ba la sogs pa smos te/ de yang de'i mtshon dang bdag gi lus zhes sdang bshad pa dang mtshungs so/ /bdag gi gnyen la sogs pa nyid kyis las kyis nges par gzhan la khro bar byar med par
 bstan pa'i phyir / gang gis gzhan dag zhes bya ba la sogs pa smos te/ de yang gong du byis pa sdug bsngal med 'dod cing zhes bya ba la sogs pa ji skad bstan pa dang mtshungs so/ /da ni 'jug pa'i tshul gyis/ thams cad kyang las la
 dag las pa'i phyir dus su phan tshun dge ba'i sems su 'gyur gyi/ de las gzhan pa'i sems su mi 'gyur bar bya ba'i phyir/ da ltar gyi dus su bsod nams la 'bad par bya'o zhes bstan par bya ba'i phyir/ de ltar mthong nas zhes bya ba la
 sogs pa gsungs te/ ji ltar 'phags pa brgyad stong pa las gang+gA'i lha mo'i le'u'i nang nas de skad gsungs pa de bzhin du bsgrub par bya'o zhes bya ba'i don to/ /da ni zhe sngar gi rgyu spangs pa'i sgo nas zhe sdang spang bar bya bar bstan pa'i phyir/
 dper na khyim tshig ces bya ba la sogs pa smos te/ gang la lhag par chags pa de la bdag gis gnod par byas pas zhe sdang 'byung ba'i phyir/ chags ba ni zhe sdang gi rgyu yin la/ bskal pa stong du bsags
 pa'i zhe sdang bya ba la sogs pa gong du bstan pa bzhin du zhe sdang skyes pa'i dbang gis bsod nams tshig par 'ogs? ba'i phyir/ zhe sdang spong ba'i don du de'i rgyu lhag par chags pa spang bar bya'o zhes bya ba'i don to/ /'on te de spong ba'i gnas
 skabs gyi sdug bsngal bzod par mi nus so zhe na/ sdug bsngal chen po spang ba'i phyir/ de spong ba'i thabs su gyur pa'i sdug bsngal bzod bar bya ba yin pas ngan song gsum gyi sdug bsngal gyi rgyu zhes sdang spang pa'i phyir zhe sdang gi rgyu 'dod
 chags spong ba'i gnas skabs kyi sdug bsngal la bzod par bya ba'i sgo nas zhe sdang bzlog par bya dgos so zhes bya ba'i don to/ /yang gang gi tshe res 'ga' bdag dang gzhan gyi rgyud la mngon par mtho ba dang/ nges par legs pa bsgrub
 pa'i don byed par yang/ 'phral gyi 'dod ba'i yon tan tsam bsgrub pa'i don du mi dge ba'i las byas pa'i rgyus sems can dmyal ba la sogs pa'i sdug bsngal dpag tu med pa yang bzod par nus na/ lhag par chags pa spong ba'i
 gnas skabs kyi sdug bsngal 'di la ni ci ste bzod par mi nus te/ ci'i phyir zhe na/ dmyal ba la sogs pa'i sdug bsngal de tsam du gnod pa yang ma yin pa'i phyir te/ ji ltar zhe na/ de la rten nas zhe sdang la sogs pa spang ba'i rim
 gyis krag? dang gzhan gyi don chen po mngon bar mtho ba dang/ des par leD pa yang 'grub pa'i phyir/ 'gro ba dag gzhan gyi don chen po mngon par mtho ba dang/ nges par legs pa 'grub pa'i rgyur gyur pa'i zhe sdang gi rgyu lhag par
 chags pa spong ba'i gnas skabs su sdug bsngal dang du blang ba 'di la phan yon mthong ba'i sgo nas dga' ba bskyed par rigs kyi / sgying lug par mi bya'o zhes bya ba'i don to/ /da ni zhe sdang gi char gtogs pa phrag dog sbong ba'i dbang du byas nas/
 gzhan gyi yon tan brjod pa thos pa'i tshe de la phrag dog spang ba'i phyir/ gzhan gyis zhes bya ba la sogs pa smos te/ gal te 'ga' zhig gis gzhan gyi yon tan dang ldan pa la bstod pa'i rgyus/ bstong pa'i yul de'i yid la dga' pa skye na /de'i
 che yid khyod kyis kyang pha rol po de la bstod pa'i sgo nas gzhan gyis bstod cing dga' bar byas pa ltar/ ci'i phyir dga' bar mi byed de/ dga' bar bya bar rigs so zhes bya ba'i don to/ /'on te de ltar byas na phan yon ci yod snyam na/ khyod kyi
 zhes bya ba la sogs pa smos te/ gzhan yon tan dang ldan pa khyod kyis yid dga' ba dang bde ba ni ma 'ongs pa'i dus su yang bdag nyid la gzhan gyis sdong ba la sogs ba'i rgyus yid dga' ba'i bde ba 'byung la/ gzhan yang sems can
 gyi don byed pa'i tshul khrims bcu gcig las/ gzhan gyi yon tan brjod pas dga' bar byed pa'i tshul khrims yin pa'i phyir/ kha na ma tho ba med pa yin zhing de nyid kyi phyir de bzhin gshegs pas kyang/ 'phags pa shes rab kyi phel? la tu
 phyin pa la sogs pa las/ gzhan gang dag pha rol tu phyin pa drug la gnas pa de dag gi legs pa rjod cing mthun bas dga' bar bya'o/ /zhes yon tan dang ldan pa rnams la bya ba'i cha yin bar gnad pa yin no/ /der ma zad kyi gzhan la yon
 tan ? lta pa bzhin du brjod cing dga' bar byed ba 'di ni bsdu ba'i dngos po bzhi las snyan par smra bzhes bya ba ste/ bdag nyid la tshegs chung ba'i sgo nas gzhan mos par byed pa'i phyir/ gzhan bsdu ba'i mchog kyang yin zhes bshad do/ /
 gal te 'di snyam du pha rol po bstong pa'i yul de la gzhan gyis bstong pas dga' bar byed pa de ltar bdag gis ni bstod kyang dga' ba mi skye ba'i phyir bstod par mi byed do snyam pa'i dogs pa bsus nas/ gzhan yang zhes
 bya ba la sogs pa smos te/ gzhan ni bdag gis bstod ? du zin kyang pha rol gyis bstod pas yul de'i rgyud la dga' ba skye ba de ltar/ bde ba skye bar mi 'gyur ro zhes gal te yid khyod bstod pa'i yul de'i rgyud la yang dga' pa'i bde ba
 'di skye bar mi 'dod na/ de'i tshe srog gcod pa spong ba dang/ gla pa la gla rngan sbyin pa la sogs pa'i 'bras bu gang zhe na/ mthong ba ste tshe 'dir gla pas las byed pa la sogs pa ma mthong ba ste/ che phyi mar mtho ris thob pa la sogs ba
 yang nyams te mi 'byung bar thal bar 'gyur ba zhig na de'i tshe srog gcod pa spong ba la sogs pa la rten pa'i phyir 'bras bu mtho ris su skye ba la sogs pa gdon mi za bar 'byung du rung ba bzhin du/ gzhan la bstod pa zhes bya
 ba'i rgyu de bdag gis byas na yang de'i tshe de'i 'bras bu pha rol po? de'i rgyud la yid dga' ba skye bar 'gyur bas/ pha rol po de la gzhan gyis bstod pa'i tshe/ bdag gis kyang bstod par bya'i/ /phrag dag mi bya'o zhes bya ba'i don to/
 yang ji ltar gzhan gyis bdag rang gi yon tan brjod pa'i tshe/ bdag la bstod par byed pa'i gang zag gzhan la bdag yid dga' zhing bde ba skyed par 'dod par byed na/ de bzhin du bdag gis gzhan gyi yon tan brjod pa'i dus de'i tshe/
 pha rol de bdag rang la yid dga' zhing bde ba skye bar mi 'dod par byed de/ gdon mi za bar 'dod par bya dgos so zhes bya ba'i don to/ /da ni pha rol po yon tan dang ldan pa la sogs pa mthong ba'i tshe/ de la phrag dog spang bar bstan
 ba'i phyir sems can thams cad zhes bya ba la sogs pa smos te/ bdag gis sems can thams cad kyi don du dang por byang chub tu sems bskyed pa yin pa'i phyir gang gi tshe bdag gis ma bsgrub par sems can nyid kyis bde ba phun sum tshogs pa rnyed
 pa da'i che/ de la shin tu dga' bar bya bar rigs kyi / phrag dog mi bya'o zhes bstan to/ /da ni zhes sdang la brten pa'i chos rnam pa gnyis las/ dang po dgra la sogs pa'i sdug bsngal byung ba'i tshe/ de la rjes su yi rang ba spang bar bstan pa'i
 phyir/ gal te dgra zhig ces bya ba la sogs pa smos te/ bya ba nyid kyis tshog mod de la dga' ba skyed pa don med do zhes bya ba'i tha tshig go / da ni nyes pa ma byung ba las yid smon mi bya bar bstan pa'i phyir/ khyod kyis zhes bya ba la
 sogs pa smos so/ /gal te yid smon byas pa'i gzhis sdug bsngal de pha rol po la grub pa'i phyir de las bdag dga' bar byed do zhe na / khyod kyis 'dod pas zhes bya ba la sogs pa smos te/ de'i tshe yang grub pa nyid kyis
 tshog? mod/ de la dga' bar bya mi dgos zhes bya ba'i don to/ /gal te des mtshengs? par 'gyur ba'i phyir de la bdag dga' bar byed de zhe na/ ma yin te/ de las phung ba gzhan ci yod ci yod ces bya ba smos so/ /ji ltar phung bar 'gyur zhe na/
 nyon mongs zhes bya ba la sogs pa smos te/ /nyon mongs nye bas btab ba yi/ /mchil pa ste lcags kyu'o/ /de ni bdag gi sems kyi rgyud gzhan du mi 'tshor bar gzung ba la shin tu mi zad par gze zhing rno ste/ gang zhe na/ dgra la sogs
 pa sdug bsngal byung zin pa la dga' bar byed pa dang/ ma byung ba la yid smon byed pa ste/ des bzung na bdag tshe phyi ma'i dus su sems can dmyal ba la sogs par gdon mi za bar 'tshong par 'gyur ro zhes bya ba'i don to/ /da ni bstod pa la
 sogs pa la lhag par dga' bar bya ba yin gyis/ gnod ba byed pa'i skabs ni bdag la phan 'dogs pa yin pa'i phyir/ de la ni khro bar mi bya bar dga' bar bya'o zhes bstan par bya ba'i phyir te/ bstong dang zhes bya ba la sogs
 pa smos te/ de la dga' zhing chags par bya ba'i rgyu med pa'i phyir ro/ /ci'i phyir zhe na/ des bsod nams la sogs par mi 'gyur ba'i phyir ro/ /'on te de la rang don zhig yod do snyam na/ bdag ni zhes bya ba la sogs pa smos so/ /'on te des yid bde bar
 'gyur ro snyam na/ yid bde 'ba' zhig ces bya ba smos te/ rab tu byung nas kyang dgos pa med do zhes bya ba'i don to/ /yang 'jig rten pa dag ni phyug po dang dpa' bo la sogs pa yin pa'i grags pa 'dod pa'i dbang gi bya ba sna tshogs byed mod kyi/
 grags pa ni tshig gi bdag nyid yin pas de la chags par bya ba'i rgyu med do zhes bstan pa'i phyir/ grags pa'i don du zhes bya ba la sogs pa smos so/ /gzhan yang 'gyur ba'i sdug bsngal gyi ngo bo nyid yin pas/ de la chags par mi bya'o zhes
 bya ba bstan pa'i phyir/ bye ma'i khang bu zhes bya ba la sogs pa smos so/ /'on te 'di snyam du bstod pa la sogs pa'i mig ni bems po yin pa'i phyir bdag gi yon tan brjod bar bya ba'i bsam pa med pas/ de la chags par bya ba ma yin yang
 bstod par byed pa'i gang zag de bdag la dga' ba yin pa'i phyir de la bdag chags par byed do snyam nas/ re zhig ces bya ba la sogs pa smos so/ /slob dpon gyis lan du gzhan nam zhes bya ba la sogs pa smos te/ pha rol bo de bdag gam
 bdag gi gnyen gshes la sogs pa dag las dga' ba yin du zin kyang de ni pha rol po de nyid kyi rang rig pas nyams su myong du zad kyang bdag la mi phan no zhes bya ba'i don to/ /gal te nges bdag la phan na ni de'i che gzhan dag kyang bde
 bar bya ba'i phyir/ bdag gis kyang bstod cing dga' bar bya bar rigs na/ de ltar ci'i phyir mi byed de/ de ltar yang bya dgos so zhes bstan par bya ba'i phyir/ de bde pa yis zhes bya ba la sogs pa smos te/ bdag bde zhes bya ba ni bdag dga' 
 bar bya ba'i don du/ bdag kyang ci mi bde ste/ ci'i phyir dga' bar mi byed ces bya ba'i don te/ de bas zhes bya ba la sogs pa ni/ ji skad bshad ba'i tshul gyis gzhan dga' bde la lhag par chags bar bya ba'i rgyu med do zhes bstan to/ /da ni
 bstod par byed pa la sogs pa'i nyes dmigs shes par bya ba'i sgo nas de la chags pa spang bar bstan pa'i phyir/ bstod ces bya ba la sogs pa smos so/ /da ni gnod pa byed pa'i phan yon shes par bya ba'i sgo nas/ de la khro bar mi bya
 ba bstan pa'i phyir/ gang dag bdag bcings zhes bya ba la sogs pa smos te/ gzhan gyis gnod pa byas pa la bzod pa byas pa'i rgyus bdag gis sdig pa byas shing bsod nams spel bas ngan song las thar bar byed pa'i phyir ro zhes bya ba'i don to//
 'on te bsod nams kyi gegs byed pa'i phyir de la khro bar byed do zhe na/ 'di ni zhes bya ba la sogs pa smos te/ bsod nams kyi rgyu 'di dka' thub yin la/ dka' thub kyi mchog tu gyur ba ni bzod pa yin zhing de'i rgyu ni gnod pa byed pa yin la/ /
 gal te bdag la gnod par byed pa yod bzhin tu/ bzod pa bsgom par mi byed na/ de'i tshe bdag nyid kyis 'gegs byas pa yin gyi / gnod par byed pa rnams kyis gegs byas pa ma yin no zhe na/ gang zhig ces bya ba la sogs pa
 smos so/ /de ltar rgyu yin pa'i phyir bgegs nyid du mi 'thad pa'i dpe bstan pa'i phyir/ dus su phyin pa'i zhes bya ba la sogs pa smos so/ /de lta bas na bzod pa'i rgyu ni rnyed par dka' ba yin pa las res 'ga' rnyed ba'i tshe phan yod 
 shes bar bya ba'i sgo nas/ de la khro bar mi bya ba'i dga' bar bya ba nyid du bstan pa'i phyir/ 'jig rten na ni zhes bya ba la sogs ba smos so/ /bzod pa las byung ba'i bsod nams 'di ni/ gnod par byed pa 'dral?
 brten te 'grub pas dge ba'i rtsa ba de yang de nyid kyi don du yongs su bsngo ba'i tshul gyis de mchod par bya ba nyid du bstan pa'i phyir/ 'di dang zhes bya ba la sogs ba smos so/ /'on te de ltar rgyu yin du zin kyang phan gdags ba'i bsam pa med pas
 mchod par bya ba ma yin no snyam du bsams nas/ gal te bzod sgrub ces bya ba la sogs pa smos so/ /rgyu yin yang bsam pa mang pa tsam gyis mchod par bya ba ma yin pa ni/ de'i tshad mgo bsgre ba'i phyir/ 'grub pa 'di ni zhes bya ba la
 sogs pa smos so/ /pha rol pos mi mtshungs pa nyid du bstan pa'i phyir/ gal te dgra 'di zhes bya ba la sogs pa smos so/ /de ltar gnod bar bya ba'i bsam pa dang ldan pas bzod pa'i rgyu nyid yin gyi / de lta ma yin na ni rgyu nyid du yang
 mi rung ba'i phan gdags pa'i bsam pa med kyang mchod bar bya ba'i gnas yin pas/ sman pa bzhin du zhes bya ba la sogs pa smos so/ /de ltar sems can rnams la brten nas spyin pa dang tshul khrims dang bzod pa la sogs pa'i chos
 skye bas/ de'i phyir zhes bya ba la sogs pa smos so/ /ci'i phyir snyam pa la/ 'di dag zhes bya ba la sogs ba smos so/ /de ltar dge ba'i chos skye ba'i rgyur 'dra bas/ rgyal ba bzhin du sems can la yal? mchod pa'i gnas yin pa'i
 phyir/ sems can rnams dang zhes bya ba smos so/ /'o na rnam pa thams cad du 'dra'o zhes na/ sangs rgyas ni gzhan la ban gdags pa'i mthu mnga' la/ sems can lan de lta ma yin yang/ dge ba'i chos skye bar 'dra ba'i phyir /bsam
 ba'i yon tan zhes bya ba la sogs pa smos so/ /'on te 'bras bu'i sgo nas ji ltar mnyam pa yin snyam pa la/ byams sems zhes bya ba la sogs pa smos te/ dge ba'i las stobs dang ldan pa ni mthong ba'i chos la myong bar 'gyur ba yin la/ de ni gnyi ga
 las kyang 'grub ste/ ji ltar sems can yin yang byams pa'i ting nge 'dzin las langs pa la mchod pa byas pa lta bu ste/ 'di ltar chos mngon pa las/ 'phags pa min yang pha ma dang/ /nad pa dang ni chos smra? dang/ skye mdza' i byang chub sems dpa' la/
 yon ni mthong ba'i chos la myong zhes bshad pa lta bu dang/ de bzhin du sangs rgyas la mchod pa byas pas tsho 'di nyid la rnam par smin pa phyug po la sogs pa'i 'bras bu nyams su myong bar 'gyur ro zhes mdo sda las ji skad gsungs pa lta bu'o/ /'on te
 de bzhin gshegs pa yon tan dpag tu med pa dang ldan pa'i phyir/ mchod par bya bar rigs kyi/ sems can rnams la de lta ma yin no zhe na/ de bzhin gshegs pa'i yon tan rnams kyi nang nas/ gang la brten te sangs rgyas kyi chos skye ba
 zhes bya ba'i yon tan ni sems can rnams la'ang yod pa'i phyir/ des na mchod pa'i gnas yin pas/ yon tan rgya mtsho zhes bya ba la sogs pa gsungs te/ ji ltar de bzhin gshegs pa la mchod pa la sogs pa la brten nas sangs
 rgyas kyi chos skye ba bzhin du/ sems can rnams la brten nas kyang skye bar 'gyur ro zhes bya ba'i tha tshig go / da ni thams cad la phan 'dogs par mdzad pa'i de bzhin gshegs pa rnams la drin lan ldon pa'i thabs dam pa yin pa'i phyir
 yang sems can rnams mgu bar bya'o zhes bstan pa'i gzhan yang zhes bya ba la sogs pa smos so/ /'on te ji tsam du bdag la phan 'dogs par mdzad ce na/ gang gi phyir zhes bya ba la sogs pa smos so/ /da ni slob dpon nyid kyis sems can
 gyi don la 'bad par bdag nyid la gdams pa'i phyir re zhig ces bya ba la sogs pa smos so/ /'on te gang dag bde bas thub pa rnams dgyes par 'gyur zhing/ gang la gnod pa byas na thub pa'i dbang po rnams mi dgyes
 'byung bar 'gyur ba yin zhe na/ de dag ces bya ba la sogs pa smos so/ /ji ltar zhe na/ ji ltar zhes bya ba la sogs pa smos so/ /da ni bdag gi sngon chad sems can la gnod pa byas pas de bzhin gshegs pa rnams mi dgyes par
 'gyur ba'i sdig pa bshags shing/ phyin chad mi byed par bsdams par bya ba'i phyir/ de bas bdag gis zhes bya ba la sogs pa smos te/ 'gums kyang mi bsngo zhes bya ba ni/ sems can de dag gis bdag gi srog gcad kyang/ de
 bzhin gshegs pa rnams mi dgyes pas mi bsngo ste/ 'o na/ ji ltar bya zhe na/ bdag gi srog gcod pa ni bla'i/ mi dgyes pa ni mi pa gyi'o zhes pa'i don to/ /'on te de ci'i phyir zhe na/ sems can rnams mgu bar 'gyur ba de ltar
 bya zhe na/ 'di nyid ces bya ba la sogs pa smos so/ /'on te nyes dmigs ci zhig yod nas de spang pa'i phyir sems rnams mgu ba de ltar bya zhe na/ dper na rgyal po zhes bya ba la sogs pa smos so/ /'on te sems can mgu bar byas na
 phan yon ci zhig yod nas de ltar bya zhe na/ sems can mgu las zhes bya ba la sogs pa smos so/ /bstan bcos kyi ming gi don ni snga ma bzhin no/ /bzod pa bstan pa zhes bya ba ste le'u lnga pa'o// //da ni bzod pa dang
 ldan pa la brtson 'grus 'byung bas/ dge ba'i chos yongs su rdzogs par bya ba'i phyir/ le'u drug pa gsungs te/ brtson 'grus brtsams pa'i phan yon dang ma brtsams pa'i nyes dmigs bstan pa'i sgo nas brtson 'grus brtsam par bya ba
 bstan pa'i phyir/ de ltar bzo dang sa zhes bya ba smos so/ /da ni brtson 'grus kyi le'u las rnam par bzhag pa bstan pa'i phyir/ sgyid lug ces bya ba la sogs pa smos te/ de la rtsa ba dang pos ni mi mthun pa'i phyogs gzhom pa bstan to/ rtsa ba
 gnyis pas ni brtson 'grus kyi ngo bo nyid bstan to/ /gsum pas ni gang gi don du brtsams pa bstan to/ /bzhi pas ni gang la brtsams pa bstan to/ /da ni de'i rgyas par bshad pa bstan pa'i phyir/ de la sgyid lug pa'i stobs gzhom pa'i
 dbang du byas nas/ bdag gi zhes bya ba la sogs pa smos so/ /de ci'i phyir zhe na/ 'di ltar zhes bya ba la sogs pa smos so/ /'on te byang chub thob par bya ba la ni shin tu gces pa'i rkang lag la sogs pa nyid kyang btang dgos pa'i
 phyir/ de ni bdag gis mi phong de 'jigs so zhe na/ gces dang zhes bya ba la sogs pa smos te/ bces dang mi gces pa ji lta ba bzhin du me shes pas gces par bya ba ma yin pa la gces su gzung ba'i phyir 'jigs par zad pas
 'jigs mi bya'o zhes bya ba'i ngon to/ /gzhan yang res 'ga' mi dge ba'i las kyis ngan song du skyes pa'i dus su don med par yang nas yang du lus dang yan lag la sogs pa gtong bar byed pa ni/ byang chub chen po bsgrub pa'i don du gtong ba'i
 sdug bsngal gyis te/ 'jigs zhes gsungs pa'i phyir/ bskal pa bye ba zhes bya ba la sogs pa gsungs so/ /de bas na 'khor pa'i sdug bsngal chen po gsal ba'i phyir byang chub bsgrub pa'i gnas skabs kyi lag pa gtong ba la sogs
 ba'i? sdug bsngal gyis 'jigs par mi bya'i/ de bzod cing dang du blang bar bya'i zhes bstan par bya ba'i phyir/ bdag gi byang chub ces bya ba la sogs pa smos so/ /'on te 'khor ba'i sdug bsngal chen po bsal bar bya'i phyir/ tha mal
 pa'i nang sel ba'i sdug bsngal lta bu zhig dang du blang bar bya dgos sam zhes na/ mi dgos par bstan pa'i phyir/ gsod dbyad ces bya ba smas so/ /'on ji lta bus gso bar mdzad ce na/ cho ga bzhin du zhes bya ba la sogs pa smos
 so/ /'on te de'i tshe sha la sogs ba'i bar btang bar bya ba ma yin nam/ ji ltar na cho ga 'jam po yin zhe na/ tshod ma la sogs pa gsungs te/ bsdus pa'i don ni las dang po ba'i skabs su shal sogs pa btang bar bya ba ma yin gyi/
 tshod ma la sogs pa sbyin ba tsam du zad la de ni dga' ba med pa'i phyir dang/ gang gis lhag pa'i bsam pa dag pa'i sar chung bar 'gyur ba'i dus su ni gtong ba la shin tu goms par 'gyur ba'i phyir dka' ba med pas cho ga shin tu 'jam po
 yin no zhes bya ba'i don to/ /'on te goms par 'gyur ba de lta yin na yang tsha ba la sogs ba'i sdug bsngal dang yan lag la sogs pa mtshang ba'i rgyus sems la mi dga' ba skye pa'i phyir cho ga shin tu 'jam po ma yin no zhe na/
 sdig pa spangs phyir zhes bya ba la sogs ba smos te/ lus la gnod pa 'byung ba'i rgyu/ sdig ba spangs pa'i phyir dang/ sems la gnod pa byed pa'i log bar rtog pa'i gnyen po rang bzhin med pa nyid du mkhas pa'i phyir/ sdug bsngal dang
 ya dri mi bde ba med kyi/ chos thams cad la bde bar 'gro ba'i ting nge 'dzin goms par byas ba'i bsod nams kyi yan lag la sogs pa bcad pa nyid kyis dus su bde ba'i tshor ba sha stag 'byung ba'i phyir/ lus bde ba yin zhing/ lus la
 sogs pa gtod ba de nyid byang chub chen po'i rgya nyid yin par mkhas pa'i phyir/ bdag gis sbyin pa'i pha rol tu phyin ba yongs su rdzogs par bya ba snam du sems dga' ba skye bar 'gyur bas/ de lta bas na cho ga shin tu 'jam po nyid yin
 pa'i phyir/ bskal pa grangs med pa gsum gyi bar du/ sems can rnams kyi don 'khor bar gnas shing bya dka' ba'i spyod pa ji snyed byed du zin kyang des skyo zhing sgyid lug par mi bya'o/ /'o na ci zhe na/ le'u dang por ji skad bshad pa'i tshul du/ byang chub tu
 sems bskyed pa'i stobs kyis sdig pa thams cad zad par byed cing/ bsod nams dpag tu med pas 'tshogs pas/ 'phags pa phung po gsum pa las ji skad gsungs pa bzhin du/ nyan thos dang rang sangs rgyas la sogs pa las khyad par du 'phags
 pa'i phyir/ mchog tu spro ba bskyed par bya'o zhes bya pa'i don to/ /de bas zhes bya ba la sogs pas ni/ mjug spung de/ bde nas bde bar zhes bya ba ni/ bde 'gro rnams su'o/ /sems zhes bya ba ni/ byang chub kyi sems kyi phan yon shes pa'o
 de si ni mi zhum pa'i brtson 'grus kyi sgo nas sgyid lug pa'i stobs gzhom pa bstan te/ de bas na sems can gyi don bsgrubs pa bstan pa'i phyir/ go cha dang/ sbyor ba dang / mi ldog pa dang/ chog par mi 'dzin pa'i brtson 'grus kyi sgo nas
 snyoms las kyi stobs gzhom ba'i phyir/ sems can don ni zhes bya ba la sogs pa rkang ba gnyis kyis dpung rnam pa bzhi bskyed pa bstan te/ tshigs su bcad pa sdebs pa'i dbang gis 'di ltar gsungs kyang/ don gyi dbang gis 'di ltar sbyar te/
 go cha'i brtson 'grus te/ mos pa'i dpung bskyed dang/ sbyor ba ste rigs pa'i dpung dang/ mi ldog pa ste brtan pa'i dpung dang / cho ga par mi 'dzin pa ste / dga' ba'i dpung bskyed par bya'o zhes bya ba'i don to/ /da ni rgyas par bshad pa'i
 dal? du byas nas mos pa'i dpang bstang ba rkang pa gnyis kyis bstan te/ dge ba'i las de ma byas pa'i nyes dmigs 'khor ba'i sdug bsngal gyi 'jigs ba dang/ de byas pa'i phan yon bdag dang gzhan phyis don yongs su rdzogs par 'gyur ba'i phan
 yon la bsams pas/ bdag gis dge ba'i chos bsgrub par bya'o snyam du sems la go gon pa'i mtshan nyid kyi dpung bskyed par bya'o zhes bya ba'i don to/ /da ni de'i 'og tu sbyor ba'i brtson 'grus kyi dbang du byas nas?
 bya bar mi rigs pa las ldog cing bya bar rig pa la sbyor bas rigs pa'i dpung bskyod? par bstan pa'i phyir/ nyams da che thad zhes bya ba la sogs pa smos te/ bya bar rigs pa ni bdag dang gzhan du brje bar 'gyur ba yan la log pa ni bya bar
 mi rigs pa yin no/ /de ltar bya bar rigs pa la sbyor pa'i tshe brtsams pa'i 'phro mi gcod pas mi ldog pa'i brtson 'grus te/ brtan pa'i dpung bskyed pa'i dbang du byas nas nyon mongs zhes bya ba la sogs pa smos te/ gang gis nyon mongs
 pa'i dbang du gyur na/ bya bar rigs pa las ldogpar byed par 'gyur pa'i phyir ro/ gang du nyon mongs pa skye bar 'gyur ba'i rkyen dang lhan cig gnas pa'i dus na gnyen po sna tshogs kyis nyon mongs pa'i dbang du mi gtong zhing/ bya bar rigs
 pa'i las la mi ldog par bstan par bya'o zhes bya ba'i don to/ /yang nyon mongs pa zhes bya ba ni/ sdug bsngal gyi don yin te/ bdag nyid dge ba'i las la zhugs pa'i tshe/ bya dka' ba'i sdug bsngal ji snyed byung yang gnyen po sna tshogs kyi sgo nas sdug bsngal
 de dag gis ji mi snyam par bya zhing/ las de la mi ldog par bstan par bya'o zhes bya ba'i tha tshig go/ da ni bya bar rigs pa'i las ji snyed byas kyang/ des chog par mi 'dzin par yang nas yang du byed 'dod pa'i dga' ba'i dpung bskyed par bstan pa'i phyir/
 rtsed mo zhes bya ba smos so/ /ci'i phyir de ltar bya snyam pa la/ bde ba'i don du zhes bya ba la sogs pa smos te/ yang 'jig rten dag na las gang zhig byas pas 'dod pa'i bde pa 'grub pa'i nges pa med pa la yang 'grub par srid pa tsam gyi sgo nas kyang/
 yang nas yang du brtson 'grus rtsom par byed na/ gdon mi za bar 'dod pa'i bde ba 'grub par 'gyur ba'i las la yang nas yang du brtson 'grus brtsams na 'dod pa'i bde ba thob pa'i phyir/ yang nas yang du brtson 'grus brtsam par bya'o zhes bya ba'i don to/ /
 yang las su bya ba 'ga' zhig gis ma 'ongs pa'i sdug bsngal dpag tu med pa skyed kyang/ 'phral gyi bde ba tsam pa bltas nas des ngoms par mi byed na/ thams cad la phan pa dang bde ba skyed par byed pa'i dge ba'i las kyis lta shin tu yang doms par mi
 bya ste /yang nas yang du brtson 'grus brtsam par bya'o zhes bstan pa'i phyir sbu gri zhes bya ba la sogs pa smos te/ rnam smin des zhi ba yi/ /zhes bya ba la / bde ba ni tshe 'di'o/ /zhi ba ni tshe phyi ma'i'o/ /yang na bde ba ni mtho ris kyi'o/ /zhi ba ni
 thar pa'i'o/ /yang na bde ba ni tshe phyi ma'i'o/ /zhi ba ni tshe 'di'i ste/ nyon mongs pa dang las dang las de nyid kyis mi mthun pa'i phyogs zhi bar byed pa'i phyir ro/ /yang na bde ba ni gzhan gyi don to/ /bzhi pa ni rang gi don to/ /de ltar zhes bya ba la sogs
 pas ni mjug sdung do/ /'o na mi dge ba'i las la yang chog par mi 'dzin par dga' ba'i dbung bskyed par bya'am zhe na/ ma yin te mi dge ba'i ? la ni lhan cig rjes su spyod pa'i shes bzhin gyis byed ba'i mdo la tshor bar 'gyur na phyis 'dod pa'i bsam
 pa sgang bar bya'o/ /zhes bstan pa'i phyir rjes su zhes bya ba la sogs pa smos so/ /da ni mi dge ba'i las la mngon par dga' ba'i rgyu nyon mongs pa'i mtshon brje dngos pa dang/ shos bzhin ma yin pa'i dbang du mi gtong zhing/ dran pa dang shes bzhin
 la gnas te/ nyon mongs pa rnams spang bar bya'o zhes bstan pa'i phyir /'thab rnying zhes bya ba la sogs pa smos so/ /dran pa nyams par 'gyur na ji ltar ba zhe na/ g.yul du zhes bya ba la sogs pa smos so/ /dang po nyid nas kyang 
 mi 'chor? bar sgrub pa'i phyir/ yud? mar zhes bya ba smos te/ dran pa zhes bya ba ni/ mtshon pa tsam du zad kyi shes bzhin la yang rig par bya'o/ /gal te de ltar 'bad kyang res 'ga' ltung ba byung na ji ltar bya snyam
 pa la/ nyes pa 'byung ba zhes bya ba la sogs pa smos so/ /dge bshes phrad dang zhes bya ba la sogs pa'i don ni/ gal te 'di snyam du dge ba'i bshes gnyen dang phrad pa la sogs pa la brten te/ dus thams cad du dran pa dang mi 'bral
 par bya snyam na de'i tshe de la thabs ji ltar bya snyam pa yin no/ /des na gdams dag mi brjed par bya zhing bdag nyid kyi lus sems kyi so glod de ha cang yang bsgrims ma yin par byas la/ las la ma zhugs pa'i gong rol? nas bya ba thams
 cad kyi thog mar 'gro ba'i shes bzhin la gnas par byas nas/ de'i tshe dus thams cad du mi 'bral bar 'gyur ro zhes bya ba'i phyir/ bag yod gtam zhes bya ba la sogs pa smos so/ /de ltar ma byas na nyes pa ci yod snyam pa la/
 ji ltar khrag la zhes bya ba smos so/ /da ni dpung rnam pa bzhi la gnas te/ snyoms las kyi stobs gzhom par byas ba mjug bsdus te bstan pa'i phyir/ de bas par du zhes bya ba la sogs pa smos so/ /de ltar mi mthun pa'i phyogs
 gzhom par bstan nas/ da ni brtson 'grus kyi ngo bo'i dbang du byas nas/ bdag nyid la dge ba'i chos yongs su rdzogs pa ni/ brtson 'grus rnam pa lnga'i dbang du gyur pas 'grub par 'gyur ro zhes bstan pa'i phyir/ ji ltar shing bal zhes
 bya ba la sogs te/ mos pa'i dbang du gyur pa zhes bya ba ni mtshon pa tsam du zad kyi/ de bzhin du mi zhum pa'i dbang du gyur pa dang/ rigs pa'i dbang du gyur pa dang/ brten pa'i dbang du gyur pa dang/ dga' ba'i dbang du gyur
 pas zhes bya ba de ltar yang shes par bya'o/ /da ni gang gi don du brtson 'grus brtsams pa'i dbang du byas nas/ 'di snyam du nyan thos la sogs pa dag kyang de ltar brtson 'grus rtsom pa ma yin nam/ de'i tshe byang chub sems dpa' i brtson
 'grus 'di gang gis khyad par du 'phags snyam pa'i sgo nas bsdus nas/ de dag de ltar brtson 'grus rtsom mod kyi/ de dag ni bdag gcig bu dul bar bya ba'i phyir brtson 'grus rtsom gyi/ bdag dang gzhan mnyam pa nyid du bya ba'i don du brtson
 'grus rtsom pa ma yin la/ byang chub sems dpa' ni bdag dang gzhan mnyam pa nyid du bya ba'i don du brtson 'grus rtsom par byed pas/ de ltar na nyan thos la sogs pa'i brtson 'grus las byang chub sems dpa' i brtson 'grus dgos pa'i sgo
 nas/ khyad par du 'phags par bstan par bya'o snyam du slob dpon gyi thugs la bzhag nas lag pa la sogs pa la zhes bya ba la sogs pa smos so/ /'dir 'grel pa byed pa gzhan dag na re/ bdag dang gzhan du mnyam pa dang zhes bya ba
 dang/ bdag dang gzhan du brje pa zhes bya ba 'di ni/ slob dpon gyis skabs 'dir bshad kyang 'dir ni bsam gtan dang shes rab kyis bsdus pa yin pa'i phyir bshad pa'i rigs pa ma yin pas/ le'u 'og mar bshad par bya'o
 zhes slob dpon la skyon? rjod par byed pa de dag gis ni/ slob dpon gyi dgongs paM shes par mthong ste/ gal te don gnyis po 'dir bshad na/ dus de'i rgol ba de la lan ji ltar gdab cing/ nyan thos la sogs pa'i brtson 'grus las
 byang chub sems dpa' i brtson 'grus rgyu gang gis khyad par du 'phags te/ de'i khyad par ma bstan pa nyid du 'gyur te/ gzhan gyis bshad pa de ni shin tu rigs pa ma yin pa'i phyir rtog pa dang ldan pa rnams kyis/ slob dpon nyid kyis 'dir
 bshad pa'i dgongs pa btsal bar bya'i/ /slob dpon gyi dgongs pa mi tshol bar/ slob dpon blo gros mi zad pa 'phags pa 'jam dpal gyi dngos grub brnyes pa'i bka' lung khyad du bsad nas/ so so skye bo rang dgar
 smra ba rnams kyi rjes su 'brang bar bya ba ni shin tu rigs pa ma yin pas de ni thag pa srings te spang par bya'o/ /de bas na slob dpon gyi dgongs pa ni gong du bshad pa lta bu yin no snyam du sems so/ /ci'i phyir bdag dang gzhan mnyam pa nyid du bya ba'i phyir
 brtson 'grus rtsom zhe na/ bdag nyid ltar bde ba 'dod la sdug bsngal mi 'dod pa bzhin du sems can thams cad kyang de bzhin te/ de bas na bdag la ji ltar bde bas phan gdags shing sdug bsngal las bskyab pa de bzhin du sems can thams cad la
 yang de bzhin du bya dgos te/ dper na lus 'di nyid la lag pa la sogs pa nang tshan du dbye ba mang yang bde bas phan gdags shing gnod pa las srung bar thams cad mtshungs pa bzhin no/ /de bas na bdag dang gzhan mnyam pa nyid du bya
 ba'i don du brtson 'grus rtsom zhes bya ba ni/ bdag dang gzhan gyi don phun sum tshogs pa rab kyi mthar phyin par bya ba'i don du brtson 'grus brtsam par bya ba'i don yin no/ /'on te gzhan gyi sdug bsngal de bdag la mi 'bab pa ma yin nam/
 ci'i phyir de mi bzod de/ gsal bar bya snyam pa la/ de lta yin mod kyi rang gi nyams kyis te/ ji ste zhe na/ bdag gi sdug bsngal de gzhan la mi 'bab kyang rang gi lus la chags pa'i phyir te/ mi bzod pa'i nyams kyis so/ /de bas na bdag
 gi sdug bsngal zhes bya ba la sogs pa smos so/ /gal te de ltar nyams gcig pa yin du zin kyang phan tshun mi gnod pa nyid kyi phyir bsal bar mi rigs so zhe na/ sdug bsngal gyi ngo bo nyid du mtshungs pa'i phyir te/ de bas na bdag gis
 gzhan gyi sdug bsngal zhes bya ba la sogs pa smos so/ /ci'i phyir bdag bzhin du gzhan la phan par bya zhe na/ gzhan de yang sems can yin pa'i phyir te/ de bas na bdag gi gzhan las zhes smos so/ /yang gzhan gyi don du bstan par bya ba'i phyir/ gang gi
 tshe bdag dang zhes bya ba la sogs pa tshigs su bcad pa gnyis smos te/ 'dod pa mtshungs pa'i phyir gnyi ga mnyam pa nyid du bya dgos zhes bya ba'i don to/ /gzhan yang gal te de la zhes bya ba la sogs pa smos te/ gzhan gyi rgyud la yod pa'i sdug bsngal de
 ni gzhan nyid la gnod pa yin pa'i phyir/ gzhan de nyid kyis bsrung par rigs kyi bdag la mi gnod pa'i phyir bdag la bsrung ba mi rigs zhe na/ gal te de lta na ni tshe phyi ma'i ngan song du skye ba'i sdug bsngal de yang da ltar rang gi lus 'di nyid la mi gnod
 pa'i phyir lus 'dis sbyin pa gtong ba la sogs pa'i tshul gyis bsrung bar mi rigs so snyam nas/ ma 'ongs pa'i zhes bya pa la sogs pa smos so/ /'on te ma 'ongs pa'i sdug bsngal de ni bdag nyid kyis nyams su myong ba'i phyir bdag nyid kyis bsrung par
 rigs so zhe na/ de ni mi rung ste/ tshe 'di dang phyi ma'i lus gnyis tha dad pa'i phyir ro snyam nas/ bdag gis de ni zhes bya ba la sogs pa smos so/ /yang gang gi tshe gzhan gyi sdug bsngal de ni gzhan nyid kyis bsrung bar bya ba yin no/ /de'i tshe rkang
 pa'i sdug bsngal yang rkang pa nyid kyis bsrung bar bya'i/ lag pas bsrung bar mi rigs so snyam du bsams nas/ gang tshe gang gi zhes bya ba la sogs pa smos so/ /'on te ma 'ongs pa'i sdug bsngal dang/ rkang pa'i sdug bsngal yang go rims bzhin
 du/ tshe 'di'i lus dang/ lag pas bsrung bar mi rigs te/ rgyud dang tshogs gcig pa'i phyir la/ gzhan gyi sdug bsngal de ni bdag dang rgyud dang tshogs pa mi gcig pa'i phyir ro zhe na/ rgyud dang zhes bya ba la sogs pa smos? te/ dper na phred pa
 dang chu'i rgyud la rgyun can gyi dbang du byas na ni phreng ba dang po dang gnyis pa dang chu rgyun snga ma phyi ma la sogs pa so so tha dad pa nyid yin la/ de las ma gtogs pa'i rgyun can zhes bya ba gcig pa ni med pa bzhin du/
 tshe phyi ma la yang rgyud ni tshe snga phyi'i skye 'jig so so tha dad pa yin la/ de las ma gtogs pa'i rgyud ces bya ba gcig pa ni chung zad tsam yang med do/ /yang de bzhin du nags tshal gyi tshogs zhes bya ba dang/ tshogs pa can ni dang ba dang kha
 der? la sogs pa tha dad pa yin la/ de las ma gtogs pa can zhes bya ba gcig pa med pa bzhin du/ lus la yang tshogs pa can ni lag pa la sogs pa mtshan nyid mi mthun pa'i phyir so so tha dad pa yin la/ de las ma gtogs pa'i
 lus kyi tshogs bya ba gcig pa nyid du bzhag pa ni cung zad kyang med do/ /'on te de lta yin na/ tshe snga ma la sems can gyi rgyud ces bya ba dang lag pa la sogs pa lus kyis tshogs zhes bya par gcig tu 'dzin par byed ce na/ de ni 'khrul pa'i
 dbang gi gcig pu 'dzin pa yin zhes bya ba'i tha tshig go /da ni yang khas blangs nas brjod par bya ste/ ji ltar lag pa la sogs pa lus kyi yan lag tu gcig pa'i phyir rkang pa'i don lag pas byed pa bzhin du/ sems can thams cad
 kyang 'gro ba'i yan lag tu gcig pa'i phyir bdag bzhin du gzhan gyi don yang bya'o zhes bstan pa'i phyir/ 'di ltar lag pa zhes bya ba la sogs pa smos so/ /yang na ji ltar sems can thams cad la yang bdag bzhin du goms par byas pa'i
 sgo nas?/ gzhan gyi don bya'o zhes bstan pa'i phyir/ ji ltar bdag med ces bya ba la sogs pa smos so/ /de ltar bdag dang sems can thams cad gcig pa nyid du gzung ba la yon tan ci yod snyam pa la/ de ltar na ni zhes bya ba la sogs pa
 smos so/ /de bas na ji ltar zhes bya bas ni mjug sdud do/ /bsrungs sems zhes bya ba ni sdug bsngal las so/ /snying rje'i sems zhes bya ba ni gong ma dang zlos pa'i phyir yi ger nor bar brtsi ste/ de bas na byang chub sems ni goms par bya zhes bya ba yin no//
 de bas mgon po zhes bya ba la sogs pa la/ rang gi mtshan zhes bya ba ni/ gang gis bdag gi ming thos pa de dag kyang 'jigs pa brgyad las thar par gyur cig ces bya ba la sogs pa'i tshul gyis so/ /bdag dang gzhan mnyam pa nyid du bya ba de ni dga' 
 ba'i phyir mi nus so snyam na/ goms par gyur na dka' ba med pa'i phyir/ dka' las zhes bya ba la sogs pa smos te/ gang gis zhes bya ba ni 'dre la sogs pa'o/ /de nyid med na zhes bya ba ni shin tu 'dris par gyur pa'i phyir 'dre la sogs pa de nyid
 med na'o/ /de ltar bdag dang gzhan mnyam pa nyid du bya bar 'dod pa des/ las gang zhig la brtson 'grus brtsam par bya zhe na/ bdag gi bde ba gzhan la btang zhing gzhan gyi sdug bsngal bdag gis dang du blang ba'i tshul gyis bdag dang gzhan brje
 bar bya ba nyan thos la sogs pas thos na/ sgrag par 'gyur ba'i phyir gsang bar bya ba de la brtson 'grus brtsam par bya'o zhes bstan pa'i phyir/ gang zhig bdag dang zhes bya ba la sogs pa smos so/ /ji tsam gyis bdag dang gzhan du brje ba
 zhes bya zhe na/ gang zhig bdag gi bde ba zas dang skom la sogs pa gzhan la byin zhing/ de nyid kyi bkres pa la sogs pa'i sdug bsngal bdag gis dang du blangs pa lta bu yang yin mod kyi/ de tsam 'ba' zhig la ni mi bya'am/ 'o na ci zhe na/
 gang gi tshe sdom pa'i tshul khrims kyi dbang du byas nas/ sems can thams cad bde bar bya'o zhes byams pa chen po kun nas bslang nas/ gzhan bde ba dang phrad par bya ba'i don du bdag gis khyim gyi bde ba la sogs pa yal bar 'dor
 bar byed ba de tsam gyis na bde ba gzhan la btang zhes bya ste/ mdor na bdag gi bde ba gzhan bde bar bya ba'i phyir btang zhes bya ba'i tha tshig go/ de bzhin du gzhan gyi sdug bsngal bdag gis dang du blang zhes bya ba
 yang gzhan gyi sdug bsngal bsal bar bya ba'i snying rje chen pos kun nas bslang nas/ rab tu byung ba la sogs pa'i dka' las dang du blang zhes bya ba ste/ mdor na gzhan gyi sdug bsngal bsal bar bya ba'i don du bdag gis sdug bsngal
 nyams su blang zhes bya ba'i tha tshig go/ de bzhin du dge ba'i tshes gzhan dag la yang ci rigs par bya ste /mdor na ci tsam du gzhan bde pa'i phyir bdag gi bde ba la mi lta ba de ni/ bdag gi bde ba gzhan la btang ba yin la/ ji tsam
 du gzhan gyi sdug bsngal bsal ba'i phyir bya dka' ba ji snyed nyams su len pa ni gzhan gyi sdug bsngal bdag gis dang du blangs pa zhes bya'o/ /yang ci'i phyir bdag gi bde ba gzhan la btang bar bya'i/ bdag nyid la phan gdags
 par mi bya zhe na/ bdag gi lus 'di ni tshe 'di dang phyi ma'i 'jigs pa bskyed pa'i rgyur gyur pa'i phyir/ 'di la dgra bzhin du sdang bar bya'o/ bde bas phan gdags par bya rin mi chog go snyam nas/ bdag dang lus zhes bya ba la
 sogs pa smos te/ 'jigs gnas chung du la yang zhes bya ba ni skrag par bya rin mi chog pa la yang ngo/ /ji ltar na 'jigs pa smos pa'i gnas yin zhe na/ rgyas par bshad pa'i phyir/ lus gang zhes bya ba smos te/ su zhig
 ces bya ba ni gnyi ga yang? dgag pa'i dgra ste/ su zhig de la 'dod cing srung ba dang/ mchod bar byed kyi su yang mi 'dod ces bya ba dang/ su zhig dgra bzhin du sdang bar mi byed cing dgra bzhin du brnyas par mi byed de/ lus 'di
 la dgra bzhin du sdang zhing brnyas par bya'o zhes bya ba'i don to/ /bdag gi don byas na nyes dmigs ci yod/ gzhan gyi don byas na phan yon ci zhig yod nas rang gi don yal par bor te gzhan gyi don la 'bad par bya snyam pa la/ gal te phyin na zhes
 bya ba la sogs pa smos te/ 'dre'i tshul zhes bya ba ni dman pa'i spyod pa zhes bya ba'i don to/ /lha'i chos zhes bya ba ni khyad par gyi spyod pa zhes bya ba'i don to/ /bdag phyir zhes bya ba ni bdag bde bar bya ba'i phyir ro/ /gzhan phyir zhes bya ba la
 sogs pa ni gzhan bde bar bya ba'i phyir ro/ /de nyid ces bya ba ni bdag mtho bar 'dod nas bdag la bstod par byed pa'o/ /gzhan la spo byas na zhes bya ba ni/ gzhan la spo bar bya ba'i phyir gzhan la bstod pa'o/ /lhag ma ni go sla'o/ /
 mdor bsdus te bstan pa'i phyir 'jig rten zhes bya ba smos so/ /de lta yin par ci mngon snyam pa la/ mang du bshad lta zhes bya ba la sogs pa smos so/ /bdag dang gzhan du ma brjes? pa'i nyes dmigs gzhan bstan pa'i phyir/ bdag
 bde zhes bya ba smos so/ /'o na tshe phyi ma'i don 'grub pa ma snyam pa la/ 'khor ba na yang zhes bya ba smos so/ /'o na tshe 'di'i don 'grub pam snyam pa la 'jig rten zhes bya ba smos so/ /da ni bdag dang gzhan du brje bar mi bya ba'i sgo nas de spong du
 gzhug par bya ba'i phyir/ mthong dang zhes bya ba smos te/ mthong ba zhes bya ba ni tshe 'di la'o/ /ma mthong pa zhes bya ba ni tshe phyi ma la'o/ /bdag tu 'dzin pa las gyur ces bya ba ni bdag tu chags pa'i dbang gis bdag gi don byed pa'o/ /'dri chen
 zhes pa yang de nyid do/ /da ni bdag dang gzhan mnyam pa nyid du bya ba'i phyir/ bdag dang gzhan brje bar bya'o zhes mjug bsdus te bstan pa'i phyir zhes bya ba smos te/ gnod pa dang sdug bsngal zhes bya ba ni mtshon pa tsam du zad kyi bde ba dang yid 
 bde ba thob pa'i phyir zhes bya ba yang shes par bya'o/ /gnod pa ni tshe 'di'i'o/ /sdug bsngal ni tshe phyi ma'i'o/ /yang na gnod pa ni yid kyi'o/ /sdug bsngal ni lus kyi'o/ /de ltar bdag dang gzhan du brje bar bya ba nyid du slob dpon nyid kyi
 thugs dang gzhan gyi rgyud bye brag ma phye bar sbyir bstan to/ /'grel pa byed pa kha cig na re lung gis bstan pa zer mod kyi/ de ni mi rigs te/ lung gang yang khungs sum drangs pa'i phyir ro/ /'on te lung gis don bstan pa yin no zhe na/ 'o na ni de'i tshe 'di 'ba' 
 zhig lung gis bstan pa zhes bya bar mi rigs te?/ gzhung mdza' dag gis kyang lung gi don bstan pa'i phyir ro/ /de lta bas na bdag dang gzhan gyi rgyud la bye brag phye ba med par bdag dang gzhan brje bar bya ba nyid du spyir gdags pa bstan pa zhes bya'o/ /da ni
 slob dpon gyis bye brag tu bdag nyid kyis yid la bdag dang gzhan du brje bar bya'o zhes gdams pa bstan pa'i phyir/ bdag ni zhes bya ba smos te/ bdag ni gzhan gyi byin pa yin gyi/ bdag mi dbang ba yin pa'i phyir/ gzhan gyi don bya ba las rang
 gi don mi bya'o zhes bya ba'i don to/ /gzhan dbang ba de nyid gang yin don ji lta bu zhig bya snyam pa la go rims bzhin du gzhan dbang ba de ni bdag nyid kyi phung po dang mig la sogs pa yin la/ de'i don ni de la phan par 'gyur ro zhes bstan pa'i phyir/
 gzhan dbang? zhes bya ba la sogs pa smos so/ /'on te rang gi don bya ba la nyes ci yod ce na/ yid khyod ces bya ba la sogs pa smos so/ /'on te gzhan gyi don bya ba la phan yon ci yod ce na/ de ltas zhes bya ba la sogs pa smos te/
 las 'di zhes bya ba ni gzhan gyi don byed pa'o/ /phun sum bde ba min zhes bya ba ni/ sangs rgyas kyi phun sum tshogs pa'i bde ba thob pa las ma gtogs pa khams gsum gyi 'khor ba'i sdug bsngal 'di 'dra ba'i gnas skabs
 su re mi 'gyur ba zhig na zhes bya ba'i don to/ /da ni rang nyid la bdag tu bzung nas don byed pa byed bzhin du gzhan gyi don yang gyis shig ces gdams pa'i phyir/ de bas zhes bya ba la sogs pa smos te/ gzhan dag gi zhes bya ba ni pha ma la sogs
 pa'o/ /gzhan gyi don ji ltar bya snyam pa la/ gzhan gyi rtog ces bya ba smos te/ gzhan gyi rgyud la bde ba gang gis phongs pa dang/ sdug bsngal gang dang ldan pa de nyid brtags nas gzhan gyi sdug bsngal bsal zhing bde ba bsgrub pa'i phyir/ bdag
 gis? bde ba la mi lta bar yal bar bor nas/ gzhan la phan pa byed pa'i sdug bsngal dang du blang bar bya'o zhes bya ba'i don to/ /de yang ji ltar bya snyam pa la/ bdag skyid ces bya ba la sogs pa smos so/ /ci nas kyang bdag la phrag dog byas
 pa'i sgo nas te/ ji lta zhe na/ gzhan skyid par bya ba'i don du/ bdag skyid pa yal bar por te/ gzhan la btang bar bya'am/ bdag gi mtho ba btang ste/ gzhan dag mtho bar bya ba'i phyir gzhan la bstod par bya ba 'am/ bdag gis
 gzhan la phan pa byed pa yal bar bor te/ gzhan la sbyin zhing gtor du gzhug pa'i sgo nas te/ ji ltar mdo las/ nga las yo byad de dag long la sbyin pa byin ces ji skad gsungs pa lta bu'o/ /de ltar na bdag skyid ces bya ba ni yo byad kyi sgo nas
 so/ /bdag mtho bya ba ni yon tan gyi sgo nas so/ /bdag gi phan bde ces bya ba ni phan 'dogs pa'i sgo nas so/ /yang na bdag skyid ces bya ba la sogs pa ni ji ltar bdag nyid sdom pa gsum la gnas pa de bzhin du gzhan dag kyang sdom
 pa la dgod pa'i dbang du byas te/ bdag skyid gzhan ni mi skyid la/ zhes bya ba ni bdag gi sdom pa'i tshul khrims la gnas pa'i sgo nas sems bde pa la reg par gnas pa'i tshul gyis skyid la/ gzhan ni mi skyid pa ji ste snyam nas
 gzhan de dag la 'god pa dang/ bdag mtho na gzhan ni dma' ba dang zhes bya ba ni/ bdag ni dge ba'i chos sdud pa'i yon tan gyis brgyan pa'i sgo nas mtho la/ gzhan ni de lta ma yin pa ji ste snyam nas
 gzhan dag la 'god pa dang/ bdag ni phan byed gzhan min zhes bya ba ni/ bdag ni sems can gyi don byed pa ni tshul khrims kyi sgo nas gzhan la phan par byed la/ gzhan ni de lta ma yin pa ji ste snyam nas gzhan dag kyang de la dgod pa'i
 tshul gyis bdag nyid 'ba' zhig de ltar gnas pa la/ bdag la phrag dog cis mi byed de/ gzhan dag kyang de la dgod par bya'o zhes pa'i don to/ /de bas na gzhan la phan gdags pa'i don du bdag gi bde ba la mi lta zhing de
 yal bar bor pa'i sgo nas bdag bde ba dang bral gyis te/ gzhan gyi sdug bsngal bsal ba'i don du bdag gis dka' pa spyad pa'i sgo nas bdag la sbyor? zhes bya'o/ /yang spyod lam thams cad du bdag dang gzhan brje bar mi
 byed pa'i nyes pa bsal ba'i phyir/ lhan cig rjes su spyod pa'i shes bzhin gyis brtag par bya ba yin pas na/ res 'ga' zhes bya ba la sogs pa smos so/ /ci nas kyang gzhan gyi nyes pa bdag gis dang du blang bar bya
 ba yin pas/ gzhan gyi nyes pa zhes bya ba la sogs pa smos te/ gzhan gyis nyes pa byas kyang bdag gis nyes pa ltar bya'o zhes bya ba'i don to/ /'on te gzhan gyi nyes pa bzhin du rang gi nyes pa yang bcab par bya
 'am zhe na/ ma yin te/ bdag gi nyes pa zhes bya ba la sogs pa smos so/ /bdag mtho ba bsal nas/ gzhan mtho bar bya ba'i phyir/ gzhan gyi grags pa zhes bya ba la sogs pa smos so/ /ci nas kyang gzhan mtho zhing
 bdag dma' bar bya ba'i phyir/ bdag ni bran gyi/ zhes bya ba la sogs pa drug gsungs te/ mdor na tha mal pa'i spyod lam thams cad kyang/ spyod yul yongs su dag pa'i mdo las gsungs pa'i tshul du gzhan gyi don du bsngo zhing byed na sdom pa gsum gyis
 sdus pa'i dge ba'i las la lta ci smos te/ de bas na bran gyi tha ma ltar/ don rnams kun la bkol par gyis zhes bya ba dngos su gzhan gyi bar chen pa la sogs pa byed pa lta bu ma yin te mi nus pa'i phyir dang/ de sems can thams cad kyi don du mi
 'gyur ba'i phyir ro/ /'di ni skyon can? zhes bya ba ni bdag gi yon tan gzhan la bsgrags par gyur na dregs pa dang nga rgyal skye ba'i skyon 'byung bas bsgrags par mi bya ste/ bcab par bya'o zhes bya ba'i don to/ /da ni mdor bsdus nas sngon gyi dus su bdag
 bde bar bya ba'i don du/ gzhan la gnod pa byas pa deng phyin chad ni de'i lan gyi tshul du gzhan pa bya ba de bdag gis dang du blang bar bya'o zhes/ mdor na zhes bya ba la sogs pa smos te/ sems can rnams kyi don dge ba'i rtsa ba de dang/ de dag 'grub par
 byed pa'i sdug bsngal dang du blang bar bya'o/ /zhes bya ba'i don to/ /'di ni zhes bya ba la sogs pas ni 'di skad bstan te/ gnya'o drag po gnya' phung pa'i tshul duAm/ glegs bam kha cig las gnya' thag ces 'byung ste / de'i tshe ni gnya' thag
 'gyur ba'i tshul du? zhes bya ba'i don to/ /tshul de bzhin du bdag gi sems de yang rang gi don byed pa'i las la shed skyed par mi bya'o/ /'on kyang bag? sar? bzhin du ngo tsha shes pa dang /'jigs pa ste khrel yod pa gnyis kyi gnya' pa 'am gnya' thag gis
 bsdams? te gzhag go? zhes bya pa'i don to/ /de ltar ma byas pa'i nyes dmigs kyi dbang du byas nas/ gal te de ltar zhes bya ba la sogs pa smos so/ /de ltar 'das pa'i dus su rang gi don byas par gyur kyang phyin chad du rang gi don mi bya'i gzhan
 gyi don la 'bad par bya pa'i rang gi don byas pa'i nyes dmigs dang/ gzhan gyi don byas pa'i phan yon gyi sgo nas bstan par bya ba'i phyir/ khyod kyis kho bo zhes bya ba la sogs pa tshigs su bcad pa bzhi smos te/
 khyod kyi rtsa yang kun shes bya ba ni rgyu ste/ ngan song du skye pa'i rgyu rang gi don byed par 'dod pa bcom pa dang/ ngan song du 'gro pa'i thabs med do zhes bya ba'i don to/ /lhag ma ni go sla'o/ /da ni bdag dang gzhan du brje bar bya ba'i don nyid
 dang de'i phan yon bstan pa'i sgo nas mjug bsdu ba'i phyir/ de ste zhes bya ba la sogs pa smos te/ bdag gi bde ba yal bar bor te/ gzhan dag bde bar byas shing gzhan gyi sdug bsngal bsal ba'i don du bdag bi sdug bsngal dang
 du blangs nas dus de'i tshe bdag dang gzhan gyi don 'grub pa'i phyir/ bdag dang gzhan du 'grub par bya'o zhes bya ba'i don to/ /bstan bcos kyi ming gi don ni snga ma bzhin no/ /brtson 'grus bstan pa zhes bya ba ste le'u drug pa'i
 bshad pa rdzogs so/ /brtson 'grus dang ldan pa la bsam gtan 'byung zhing/ sems can mnyam par bzhag pa las nyon mongs pa'i gnyen po lhag mthong 'byung bas/ lhag mthong bskyed par bya ba'i
 phyir/ de'i rgyu bsam gtan bskyed pa'i don du/ zhi gnas zhes bya ba la sogs pa le'u bdun pa gsungs te/ zhi gnas rab tu ldan pa'i lhag mthong gis/ nyon mongs pa rnam par 'joms par shes byas nas/ zhes bya bas ni gang gi
 don du ni gnas btsal ba bstan la/ thog mar ni zhi gnas btsal bar bya zhes bya bas ni dus gang gi tshe btsal bar bstan to/ /lhag mas ni ji ltar btsal ba bstan te/ zhi? gnas gyi tshogs la gnas par bya ba dang/? tshogs la gnas
 pa nges mnyam par gzhag pa'i gnas skabs su ji ltar btsal bar bya ba dang gnyis kyis bstan te/ snga ma ni gnas kyi cho gas? la gnas par bya bal? yang/ 'jig rten la chags pa spang ba dang dgon par gnas par bya ba gnyis las/ de la dang
 po'i dbang du byas nas de yang ni/ 'jig rten chags pa med la mngon dags 'grub ces bya bas ni mdor bstan te/ 'jig rten la chags pa ni dgon par gnas pa la sogs pas mi 'grub pas zhi gnas thob par mi 'gyur la/ de las bzlog
 pas ni 'grub par 'gyur ro zhes bya ba'i don to/ /da ni de nyid rgyas par bshad pa'i dbang du byas nas/ gnyen 'dun la sogs pa la chags pa spong pa dang/ 'jig rten gyi chos brgyad la chags pa spang pa gnyis las/ re zhig la dang po'i
 dbang du byas nas/ mi rtag ces bya ba la sogs pa smos te/ mi rtag pa yin pa'i phyir chags par byad pa mi rigs la/ lus kyi mi 'jig pa'i gnas gzhan gyis mthong bar dogs pa'i 'jigs pa med pa'i phan yon bstan pa'i phyir/
 ltung bzed la sogs pa zhes bya ba la sogs pa smos so/ /phyi'i lus la lus kyi rjes su lta ba'i dran pa nye bar gzhag pa sgom par 'gyur ba'i sgo nas/ lus la rtag dang gtsang ba nyid du mngon par zhen pa'i nyon mongs pa spong ba'i gnyen por
 gyur pa bskyed pa bstan par bya ba'i phyir/ dur khrod ces bya ba smos so/ /tshigs su bcad pa dang pos ni gzhan shi pa'i lus mthong ba spyi'i dbang du byas nas bstan to/ /gnyis pas ni shi nas zhag bdun lon pa'i dbang du byas nas ston to/
 lus 'di gcig pu zhes bya ba la sogs pas ni dgon par gnas pa'i tshe gnyen 'dun la sogs pa dang bral ba'i rgyus yid mi bde ba spang ba'i phyir gnyen po ji ltar bsgom pa bstan to/ /rkyen gang zhes bya ba la sogs pas ni gnyen po la
 sogs pa dang 'bral bar mi phong pa'i gnyen po bsgom pa bstan to/ /lus 'di zhes bya ba la sogs pas ni dgon par gnas pa'i tshe gnyen la sogs pa dang lhan cig mi 'grogs pa'i phan yon bstan to/ /
 de bas na zhes bya ba la sogs pas ni phan yon brtag pa'i sgo nas dgon par gnas par bya bar gdams pa bstan to/ /da ni tshogs la gnas pa des mnyam par 'jog pa'i skabs su ji ltar btsal bar bya ba'i dbang du byas nas bsam pa
 gzhan gyi bya ba la sogs pa smos te/ bsam pa gzhan ni zhes bya ba ni bsam gtan gyi sgrib pa lnga'o/ /bdag la sems pas zhes bya bas ni bdag ci'i phyir dgon par 'ongs zhes bsams nas bdag ni sgrib pa spang ba'i don du 'ongs so//
 mnyam par gzhag phyir zhes bya ba ni rgod pa'i mtshan nyid kyi mtho ba dang/ phyir ba'i mtshan nyid kyi dma' ba spang ba'i sgo nas so/ /dul bar bya ba'i phyir zhes bya ba ni nyon mongs pa las so/ /da ni bsam gtan gyi sgrib pa lnga las 'dod pa'i rnam
 par rtog pa spang ba'i nyes dmigs bstan pa'i sgo nas/ de spang par bya ba mdor bstan pa'i phyir/ 'jig rten 'di dang zhes bya ba la sogs pa smras so/ /de dag nyid rgyas par bshad pa'i phyir/ de la dang por 'dod ldan ngan pa zhes bya
 ba nas rgas na 'dod pas ci zhig bya pa'i bar gyis tshe 'di'i nyes dmigs bstan te/ tshig gi don ni go sla'o/ /da ni tshe 'di dang phyi ma'i nyes dmigs bsdus te bstan pa'i sgo nas de sgrub pa'i don du/ dal 'byor chud? zos par
 byas pa 'am/ de chud za bar mi bya bar gdams pa zur gyis bstan pa'i phyir/ 'dod ldan rnams la zhes bya ba la sogs pa smos so/ /de? ni 'dod pa la zhen pa spangs te de bas shin tu tshegs? chung bar bya ba'i phyir/ thar pa thob
 par bya ba'i don la 'bad par bya'o/ /zhes bstan pa'i phyir/ 'dod pa zhes bya ba la sogs pa smos so/ /'on te 'dod pa las mngon par zhen pa ji tsam du nyes dmigs che bas de spang bar bya zhe na/ de'i dpe med par bstan pa'i phyir/ 'dod pa rnams la zhes
 bya ba la sogs pa smos te/ de dag gis ni tshe 'di'i sog 'phrog par byed pa tsam du zad gyi/ tshe phyi mar dmyal ba la sogs par ltung bar byed mi nus pa'i phyir ro snyam du bsams pa'o/ /de ltar phyi rol gyi yo byad la 'dod pa'i rnam par rtog pa spang bar
 bstan nas/ da ni nang sems can la 'dod pa'i rnam par rtog pa spang bar bstan pa'i phyir/ 'dod ldan zhes bya ba la sogs pa smos so /reg bya shin tu 'jam pa shing la sogs pa yang nyal po bya bar mi rung zhes bsams nas/ de la chags par
 mi byed na/ de'i tshe sems la yang reg bya'i sgo nas ci'i phyir chags par byed de/ chags par byar mi rigs so zhes bya ba'i don to/ /da ni gos kyi sgo nas chags par bya bar mi rigs par bstan pa'i phyir/ gang la g.yogs na zhes bya ba la sogs
 pa smos te/ snga ma las ngan par gyur pa med par gyur pa'i phyir ro snyam pa'i bsam pa'o/ /ci'i phyir 'dod par byed ces bya ba ni bla lhag tu bzang bar gyur pa med pa'i phyir ro snyam du bsams pa'o/ /da ni mi gtsang pa yin pa'i phyir/ chags par
 bya bar mi rigs par bstan pa ni/ gal te zhes bya ba la sogs pa smos te/ yan lag gi don ni go sla'o/ /da ni dri'i sgo nas chags par mi rigs par bstan pa'i phyir/ lus la bskus pa'i zhes bya ba la sogs pa smos pa'o/ /da ni
 ? pa dang go? nyid spang? pa'i phyir/ bdag gi zhes bya ba la sogs pa smos te/ pag yod gtam ni zhes bya ba rmugs pa dang gnyen por ting nge 'dzin gyi phan yon dang/ de bzhin gshegs pa'i che ba'i yon tan rjes su dran pa la sogs pa 
 pa'o/ /'on te bsam gtan gyi sgrib pa lnga yod pa ma yin nam/ 'dir 'dod pa la 'dun pa dang/ gnyid spang ba 'ba' zhig bshad kyi gzhan dag ci'i phyir ma bshad ce na/ rgod ba spang ba ni 'dod pa la 'dun pa spang ba'i thabs
 ji skad bstan pa nyid kyis 'grub pa'i phyir dang/ 'gyod pa spang ba ni le'u gnyis par sdom pa yang dag par blang ba'i cho ga ji skad bshad pa bzhin du yang dag par blangs pas sdom pa legs par mnos sam snyam pa'i 'gyod pa yang mi 'byung la/
 le'u gsum pa dang bzhi par sdom pa gsung pa'i thabs ji skad bshad pa bzhin du bsrungs pa'i phyir/ legs par ma bsrungs sam snyam pa'i 'gyed pa yang mi 'byung zhing res 'ga' ltung ba 'byung yang le'u gnyis par sdig pa rnam par sbyang
 ba'i thabs ji skad bshad pa dang/ le'u drug par nyes pa byung ba re re zhing/ bya ba la sogs pa ji skad bshad pa bzhin du/ sdig pa rnam par spyad pa'i phyir ltung ba byung ba legs par ma bshags sam snyam pa'i 'grod pa yang mi 'byung ba'i
 phyir dang/ gnod sems spang ba ni le'u lnga pa las bshad zin pa'i phyir dang/ the tshom spang zin le'u brgyad pa las ston par 'gyur ba'i phyir 'dir ma bshad do/ /da ni bsam gtan gyi sgrib pa ma spangs pa'i nyes dmigs bstan pa'i sgo nas/ sgrib pa
 gnyis spang ba'i don du bsam gtan gyi sgrib pa lnga spangs te/ sems mnyam par gzhag par bya bar gdams pa'i phyir/ rgyal sras zhes bya ba la sogs pa smos so/ /bstan bcos kyi ming gdags pa ni snga ma bzhin no/ /bsam gtan bstan pa
 zhes bya ba ste le'u bdun pa'i bshad pa rdzogs so// //da ni sems mnyam bar bzhag pa'i gang zag des go 'phang khyad par can thob par bya ba'i don du shes rab bskyed par bya ba'i phyir le'u brgyad pa gsungs te/ de la gang
 la bskyed par bya zhe na/ bsam gtan gyi le'ur zhi gnas kyi tshogs? la gnas te/ zhi gnas bsgom par bya ba nyid du bsdogs pa 'di dag thams cad kyang gang gi don du bsdogs she na/ bdag dang gzhan gyi rgyud la shes rab bskyed pa'i don du bsdogs te/ gang du
 bsam gtan bstan pa'i le'ur zhi gnas rab tu ldan pa'i lhag mthong gis/ nyon mongs rnam par 'joms par shes byas nas/ thog mar zhi gnas bcol bya zhes/ de skad du bsdog pa de bas na bdag dang gzhan kyi rgyud la mya ngan las 'das pa dang bde ba 'dod
 bas de thob par bya ba'i don te/ de la mya ngan las 'das pa zhes bya ba ni bdag gi don to/ /bde ba ni gzhan gyi don to/ /yang na mya ngan las 'das pa ni spangs pa'o/ /bde ba ni ye shes so/ /mya ngan las 'das pa ni nges par legs pa'o/ /bde ba ni mngon par
 mtho ba'o/ /de ltar bsam gtan ldan pa des mya ngan las 'das pa dang bde ba thob par bya ba'i don du shes rab gang bskyed par bya snyam pa la/ don dam dang ni zhes bya ba la sogs pa smos te/ 'dis ni yul bden pa gnyis la dmigs pa'i shes rab de
 bskyed par bya'o zhes bstan te/ bshad ces bya ba ni de bzhin gshegs pas so zhes bya ba ni tshig gi lhag ma'o/ /de dag gi so so'i mtshan nyid ji lta bu yin snyam pa la don dam zhes bya ba la sogs pa smos te/ don dam blo'i spyod yul min zhes
 bya ba la/ blo zhes bya ba ni mtshon pa tsam du zad kyi / sgra'i yul ma yin pa yang shes par bya ste/ ji skad du mde las don dam pa'i bden pa ni gang la sems rgyu ba yang med na/ yi ge rnams lta spos kyang ci dgos zhes 'byung ba dang/ yang
 lta'i bu don dam par don dam pa'i bden pa ni tha snyad thams cad las yang dag par 'das te ma skyes la/ ma 'gags pa brjod pa dang bral ba shes pa dang/ shes bar bya ba dang gral? ba'i phyir ro zhes gsungs pa'i phyir ro/ /'on te
 don dam pa de ji ltar blo'i spyod yul ma yin snyam pa la/ don dam ni rigs pa ji lta ba bzhin du yin la/ rigs pas dpyad na dngos po gang yang ma grub ste/ ji skad du mdo las/ blo yis rnam par gzhigs na ni/
 gzhan dbang med cing brtag pa'ang med ces bya ba la sogs pa gsungs pa dang/ 'phags pa klu sgrub kyis kyang/ gang ci brjod pa thams cad ni/ /ngo bo nyid kyis stong rig bya/ /stong zhes bya ba de yang stong/ /'di ltar mi stong yod ma
 yin/ /zhes gsungs pa dang/ bden pa gnyis las kyang/ de nyid phyir na de stong min/ /zhes bya ba la sogs pa gsungs pas gang ltar yang ma grub pa'i phyir/ rigs pas dpyad na blo dang sgras ji ltar yul du byar med do/ /yang
 na don dam pa zhes bya ba ni/ gzhan gyi dbang gi mtshan nyid la/ /sgro btags pa'i spros pa rnam par chad pa tsam du zad pas/ de la ni blo dang sgras ji ltar yang yul du byar med na/ dgag pa tsam ni ci yang ma yin pa'i phyir ro/ /de la bzlog la
 blo dang sgra ni kun rdzob yin pa zhes bya ba ni 'phags pa'i bden pa gnyis bstan pa las/ ji skad du lta'i bu gal te/ don dam par ni don dam pa'i bden pa lus dang ngag dang yid kyi yul gyi ngo bor gyur na ni/ de don dam pa'i bden pa zhes bya
 bya ba'i grangs su mi 'gro'o/ /de kun rdzob kyi bden pa nyid kho nar 'gyur ro/ /lha'i bu don dam par don dam pa'i bden pa ni rnam pa thams cad mkhyen pa'i ye shes rnam pa thams cad kyi mchog dang ldan pa'i yul las kyang yang dag par
 'das pa yin no zhes gsungs pa dang/ 'phags pa blo gros mi zad pas bstan pa'i mdo las kyang/ de la kun rdzob kyi bden pa gang zhe na/ ji snyed 'jig rten tha snyad gdags pa dang/ yi ge dang skad dang brdas bstan pa dgo zhes ji skad
 gsungs pa lta bu ste/ kun rdzob ni ji ltar snang bzhin yin pa'i phyir ro snyam du bsams pa'o/ /zhib tu ni dbu ma'i bstan bcos gzhan dag las kyang shes par bya ba yin pa'i phyir/ 'dir rgya mi? bkyed do/ /da ni dngos po bdag nyid la log par rtog pa
 bsal ba'i sgo nas dngos po'i bdag nyid dpyad par bya ba mdor bstan pa'i phyir/ de la zhes bya ba smos te/ dngos po'i bdag nyid bstan ma thag pa de la rnal 'byor pa dang/ phal pa dang mthun pas phal ba ste/ mdo sde pa la sogs pa 'jig rten
 pa rnam gnyis kyis go rim bzhin du/ gnyis med pa'i tshul dang/ gnyis kyi tshul du mthong ste/ de la rnal 'byor spyod pas 'jig rten phal pa'i 'dod pa sun 'byin par byed cing 'jig rten phal pa las/ gong mar gyur pa rnal 'byor pa'i
 'dod pa de ni/ de las gong mar gyur pa dbu ma pa'i lta ba'i khyad par gyis sun 'byin par byed pas des phyir mtshan nyid la dpyad par bya'o zhes bya ba'i tha tshig go /da ni re zhig de nyid rgyas par bshad pa'i dbang du byas nas 'on te 'jig rten
 phal pa'i 'dod pas ni gang de la rnal 'byor spyod pas ni ji ltar sun 'byin par byed ce na/ 'jig rten pa yi zhes bya ba la sogs pa smos te/ 'di skad bstan te/ gzugs la sogs pa ni spros pa'i bag chags gnyen la sogs pa yang
 mi rtag pa yin pa'i phyir chags par bya bar mi rigs te/ myur du 'bral bar 'gyur ro snyam du bsam pa'o/ /da ni gnyen la sogs pa la lhag par chags pa'i nyes dmigs bstan pa'i sgo nas/ de la lhag par chags pa spang ba'i phyir/
 des ni zhes bya ba la sogs pa smos so/ /de la lhag par chags pa'i rgyur sdug pa ste yid du 'ong ba'i dngos po mtho ris dang thar pa thob par mi 'gyur ro zhes bstan pa'i don to/ /gzhan yang gnyen la sogs pa de mthong ba'i tshe na ni
 mthong na ci rung du snyam? nas/ yid dga' par mi 'gyur zhing de'i dbang gis yid kyang ting nge 'dzin la mnyam par 'dzeg par mi 'gyur la/ 'o na mthong na phan nam zhe na/ mthong yang doms par mi 'gyur bas/ snga ma bzhin de sngar ma phrad pa'i gnas skabs bzhin du
 da rung yang ma bral na ni ci ma rung snyam pa'i sred pas gdung bar 'gyur ro/ /nyes dmigs gzhan bstan pa'i phyir sems can rnams la zhes bya ba la sogs pa smos te/ kun nas sgrib ces bya ba ni dge ba'i bar chad du 'gyur ba'i 'jigs par byed ces bya ba ni de'i rkyen gyis
 'khor ba'i sdug bsngal la mi sems pa'i phyir ro/ /tha mar zhes bya ba ni 'chi ba'i dus su 'gyod par 'gyur ba'i phyir ro/ /don med ces bya ba ni dge ba ma brtsams pa'i phyir ro/ /'jigs par 'gyur zhes bya ba ni mya ngan las 'das pa mi 'thob pa'i
 phyir ro/ /skal pa mnyam spyod na zhes bya ba ni mi dge ba'i las kyi rjes su 'jug pa'i phyir ro/ /dga' ba'i gnas la zhes bya ba ni dga' bar byed pa'i gnas so/ /gzhan yang byis pa rnams kyi mtshan nyid bstan pa'i phyir/ phan par smras na zhes bya
 ba la sogs pa smos te/ phan las zhes bya ba ni dge ba'i las so/ /bzlog ces bya ba ni pha rol po da deg go /lhag ma ni go sla'o/ /res 'ga' phrad pa'i tshe ji ltar bya snyam pa la/ phrad na zhes bya ba la sogs pa smos te/ chos kyi don dam? zhes bya ba ni/
 gdams ngag dang 'tsho ba'i rkyen tsam mo/ /kun la zhes bya ba ni sbyin bdag la sogs pa la'o/ /da ni gnyis pa 'jig rten pa'i chos brgyad la chags pa spang ba'i dbang du byas nas/ de'i nyes dmigs bstan par bya ba'i phyir/ bdag ni rnyed med bkur
 sti zhes bya pa la sogs pa smos so/ /'o na ji ltar spang bar bya zhe na /'di dag ces bya ba la sogs pa smos te/ mi rtag pa yin no zhes bya ba'i tha tshig ste/ de bas na de dag dang rtag tu 'grogs par 'gyur ba ma yin no zhes? bya ba'i don to/ /bstod pa dang sprod? ba la dga' ba dang mi dga' ba
 spang ba'i phyir /bdeg la smod pa zhes bya ba la soD pa smos te/ seMs can thams cad bdag la bstod pa 'am smod par byed pa ni ma yin gyi/ kha cig de ltar byed pa tsam gyis dga' ba 'am mi dga' bar bya rin mi chog go zhes bya ba'i don to/ /ci'i phyir de ltar yin snyam pa la
 sems can zhes bya ba smos te/ mos pa sna tshogs pa'i phyir ro zhes bya ba'i don to/ /sems can rnyed pa zhes bya ba la sogs pas ni de dag dang 'grogs pa spang bar bya'o zhes bya ba'i don to/ /de na zhi gnas kyi tshogs las gnyis pa dgon par bya
 ba'i dbang du byas nas dgon par gnas pa'i phan? yon bstan pa la/ dang po grogs kyi dbang du byas pa'i phan yon gyi dbang du byas nas/ nags zhes bya ba smos so/ /lus dang longs spyod la lhag par chags pa mi skye ba'i phan yon gyi dbang du byas
 nas/ phug gam zhes bya ba la sogs pa smos te/ rgyab tu mi lta zhing zhes bya ba ni 'phrog pa dang/ bsad pa'i 'jigs pa med pa'i phyir ro/ /nags tshol pa'i zhen pa dang/ spong mi nus pa'i zhen pa med pa'i phan yon bstan pa'i phyir/
 sa phyogs zhes bya ba la sogs pa smos so/ /longs spyod phrogs kyis dogs pa dang/ yongs su smin pa'i dbang gis mngon sum nyid du 'khrul nas de snang ba'i tshad mas 'grub pa ma yin te/ de grub par byed pa'i rigs pa med pa'i
 phyir dang/ gcig dang du ma 'tshogs pa'i tshad mas gnod pa'i phyir/ dper na mi gtsang ba la gtsang par 'dzin pa bzhin no zhes bstan pa yin no/ /'on te de ltar na 'phags pa don rnams par nges pa'i chos kyi rnam grengs las/ gzugs gang zhe? na?/
 gzugs gang yin pa ci'ang rung ste/ de dag thams cad 'byung ba chen po bzhi dag rgyur byas pa'o zhes gsungs pa'i lung dang 'gal zhe na/ 'jig rten gzud par zhes bya ba la sogs pa smos te/ 'di skad du 'dul bar 'gyur ba'i skye bo dag gzung par bya
 ba'i ched du bstan pa yin gyi dngos su yod pa'i phyir bstan pa ni ma yin te/ des na 'gal ba med do zhes bstan pa yin no/ /ci de lta bu'i dpe mthong dam zhe na/ sgyu ma lta bu'i zhes bya ba la sogs pa smos te/ ji
 skad du 'phags pa shes rab kyi pha rol tu phyin pa las/ rab 'byor 'di lta ste dper na de bzhin gshegs pa shin tu zhi pa zhes bya bas lung bstan par bya ba'i sems can 'ga' yang ma gzigs nas/ sprul pa zhig sprul te/ mya ngan las 'das so//
 de nas sprul pa des sangs rgyas kyi bya ba byas te/ byang chub sems dpa' dag bla na med pa'i byang chub tu lung bstan te/ yongs su mya ngan las 'das par gyur to/ /zhes gsungs pa'i tshul gyis gdul bya'i rgyud la bsod nams bskyed pa'i phyir ro
 sprul pa sgyu ma lta bu bstan pa bzhin no/ /de ltar 'jig rten phal pa'i 'dod pa rnal 'byor spyod pas ji ltar sun 'byin pa'i tshul bstan nas/ da ni rnal 'byor spyod pa'i 'dod pa dbu ma pas ji ltar sun 'byin pa bstan pa'i phyir/ gal te sems can
 zhes bya ba la sogs pa smos te/ gal te sems can 'di dag kyang don dam par rang bzhin med pa yin na sgyu ma bzhin du shi ba'i rjes pa yang/ mi skye par thal bar 'gyur bar zhig na/ de lta ma yin te/ skye pa'i phyir don dam par yod do zhe na/
 de yang mnyes pa nyid du bstan pa'i phyir /ji srid ces bya pa la sogs pa smos te/ dper na sgyu ma'i skyes bu yang/ rkyen tshogs pa'i dbang gis don dam par med kyang snga ma 'gags pa'i rkyen la yang skye ba de bzhin du 'dir yang de dang
 'dra bas skyes pa'i phyir yang dag par yod ces bya ba de ni ma nges pa'i don to/ /'o na de ltar don dam par ngo bo nyid med pa yin na/ de'i tshe lo brgya 'am stong la sogs par yun ring du gnas par mi rung ba bzhin na/ da ltar ni sems can zhes bya ba'i
 dngos po ni yun ring du gnas pa nyid kyi phyir don dam par yod do zhe na/ de yang ma nges pa nyid du bstan pa'i phyir rgyun ring tsam gyis zhes bya ba la sogs pa smos te/ res 'ga' sgyu ma'i skyes du la yang sman dang sngags la sogs pa'i stobs kyis yun ring du gnas
 pa srid ba'i phyir des na yun ring du gnas pa nyid kyi phyir don dam par yod ces bya ba de yang mnyes pa'i skyon chags pa nyid do snyam du bsam pa'o/ /'on te de ltar rang bzhin mad? pa nyid yin na sgyu ma'i skyes bu bzhin du srog gcad pas sdig pa mi 'byung
 ba thal? bar 'gyur ba zhig na/ sems can zhes bya ba'i dngos po 'di ni srog gcad pa las sdig 'byung ba'i phyir don dam par yod do zhe na/ de yang ma nges pa nyid du bstan pa'i phyir/ sgyu ma'i skyes bu zhig bya ba la sogs pa smos te/ 'di snyam du sdig
 pa 'byung ba'i phyir/ don dam par yod pa ni ma nges kyi/ 'o na ci zhe na don dam par med kyang kun rdzob tu srog gcod pa yod pa'i phyir de bsad pa dang ma bsad pa'i rgyus ci rigs par phan gnod 'byung ba yin pas/ de bas na bsad pa'i rgyus sdig pa
 'byung ba yin zhes bsams pa'o/ /'o na de ltar sems can rnams sems yod pa'i phyir don dam par yod pa yin gyi/ gal te don dam par med pa nyid yin na ni/ sems nyid kyang 'byung du mi rung ste/ dper na sgyu ma'i skyes bu bzhin no zhe na/
 don dam par med kyang rkyen tshogs pa'i dbang gi kun rdzob tu sems 'byung bar mi 'gal te/ dper na sgyu ma de nyid don dam par med kyang rkyen tshogs pa'i dbang gis/ rta dang glang po la sogs pa 'bras bu mi 'dra ba sna tshogs pa 'byung ba lta bu
 yin pas/ de pas khyod kyis sems can dang ldan par 'byung ba'i phyir/ don dam par yod ces bya ba de yang ma nges pa nyid bsams nas/ sngags la sogs pa zhes bya ba la sogs pa smos te/ 'di skad bstan te/ sgyu ma'i rgyu rkyen sngags la sogs 
 pa la nus pa med pa'i phyir sems dang mi ldan pa 'byung ba yin gyi/ don dam par med pa'i phyir ni ma yin la/ sems can rnams la ni rgyu rkyen la nus pa yod pas/ sems dang ldan par 'byung ba yin gyi/ don dam par
 yod pa'i phyir ni 'byung ba yin te/ de bas na nges pa nyid kyi bya ba'i don to/ /'on te sems can rnams la don dam par med kyang sems 'byung ba ni/ de'i tshe khyad par med pa de bzhin du sgyu ma la yang ci'i phyir mi 'byung zhe na/ rgyu rkyen gyi nus
 pa mi 'dra ba'i phyir te/ de bas na sna tshogs rkyen las zhes bya ba smos te/ gal te rgyu rkyen gcig gis 'bras bu mdza' dag skyed nus pa yin na ni/ de'i tshe sgyu ma la yang sems 'byung bar 'gyur ba zhig na/ de mi srid pa'i phyir ro zhes pa'i don to//
 gzhan gyi gal te zhes bya ba la sogs pa smos te/ yod lugs gyi don dam par mya ngan las 'das pa yin zhing bzlog nas kun rdzob ni 'khor ba nyid ma yin nam/ gang gi tshe khyed dbu ma pas ji skad bshad pa ltar don dam par ni skye
 'gag thams cad dang bral ba yin zhing bzlog nas/ skye 'gag gi mtshon nyid thams cad ni kun rdzob yin par 'khor ba nyid du thal bar 'gyur ba'i phyir/ byang chub kyi spyod pa don med par 'gyur ro zhe na/ nges pa med de skyes
 'gag thams cad kun rdzob yin yang kun rdzob thams cad 'khor ba yin pa'i nges pa med pa'i phyir rkyen rnams rgyun ni zhes bya ba la sogs pa smos te/ gang gi tshe gnyen po ye shes ma skyes pas/ rgyu las dang nyon mongs pa ma log ba'i
 tshe ni 'bras bu sdug bsngal gyi phung po mi log ste/ 'khor bar 'gyur ba de'i kun rdzob de ni 'khor ba yang yin la gang gi tshe gnyen po skyes? pas mi mthun pa'i phyogs las dang nyon mongs pa 'gags te 'bras bu sdug bsngal gyi phung po mi
 'byung ste/ mi 'khor bar 'gyur pa de'i tshe ni/ skye 'gag gi mtshan nyid kun rdzob yin yang 'khor ba ma yin pas nges pa med pa'i zhes bya ba'i don to/ /yang rnal 'byor ba dag na re/ gang tshe zhes bya ba la sogs pa smos te/ 'di skad khyod kyis gong du don dam/
 blo'i spyod yul min/ /blo dang sgra ni kun rdzob yin zhes smras pas don dam par sems nyid kyang ngo bo med pa nyid yin la/ yul ni ji ltar snang ba bzhin du yod do zhes khas blangs pa yin pas/ de ni dam bca' ba la phan tshun 'gal ba'i skyon chags te/
 ji lta zhe na/ gang gi tshe nges pa nyid kyang don dam par med pa yin na ni/ yul sgyu ma lta bu de shes pa gang la snang nas ji ltar snang ba nyid du yod de/ 'on te yul ltar snang ba bzhin du yod na ni de'i tshe de gang la snang ba'i shes pa nyid kyang yod pas shes pa don dam pa
 nyid du mi 'thad do zhe na/ nyes pa 'di ni khyod la yang mtshungs so snga? ma nas/ gang tshe zhes bya ba la sogs pa smos te/ khyed rnal 'byor spyod bdag chos thams cad sems tsam nyid nyid du khas len pa de'i tshe/ yul sgyu ma tsam yang med pa'i phyir/ shes pa don dam par
 yod par yang mi 'thad pa la yang gang gi tshe shes pa don dam par yod pa yin na ni/ de'i tshe yul sgyu ma tsam yang med pa mi 'thad de/ shes pa ni shes bya la bltos pa yin pa'i phyir/ khyod la phan tshun 'gal ba'i skyon 'di 'byung ba yin gyi/ gang gi kho bo
 la ni shes pa don dam med kyang sgyu ma tsam du gnas pa de la/ yul sgyu ma de lta bu snang ba'i phyir nyes pa med do zhes bya ba'i tha tshig go /gzhan gyis phan tshun 'gal ba'i nges pa nyid las ma grol ba nyid du sgrub pa'i phyir/ gang tshe sems nyid ces bya
 ba la sogs pa smos te/ de ltar yul dang sems gnyi ga sgyu ma nyid du khas len na ni gnyi ga yang don dam par rang bzhin med pa'i phyir te/ gang zhig gang la snang ste/ de lta bas na yul ji ltar snang ba bzhin du yang mi 'thad pas/ phan tshun 'gal ba'i
 des pa son gnas la/ kho bo cag ni yul sgyu ma tsam 'di med kyang rang rig pa'i sgo nas shes pa nyid du khas len pas dam bcas pa phan tshun 'gal ba'i nges pa mi mtshungs so zhe na/ slob dpon gyis nges pa de nyid so na gnas par
 sgrub pa'i phyir/ ral gri so ni zhes bya ba la sogs pa smos te/ ji ltar ral gri'i so de nyid la bcad par bya ba dang gcod par byed pa gnyis med pa'i phyir/ rang gis rang mi gcod pa bzhin du shes pa'i ngo bo de yang rig bya dang rig byed gnyis med pa'i phyir/
 rang gis rang rig pa mi 'thad de/ de bas na yul khas mi len pa'i phyir/ shes pa don dam par yod pa nyid du mi 'thad pa'i nyes pa so na gnas la/ gang gi sgyu ma lta bu zhes bya ba 'dis ni ri bong gi rwa bzhin du thams cad du med pa'i don ni ma yin gyi/ snang
 du zin kyang don dam par med pa'i don yin pas/ de bas na yul dang shes pa gnyi ga don dam par med kyang/ snang? tshod tsam du yod pa yin pa'i phyir yul sgyu ma lta bu de la ji lta ba bzhin du yod pas/ nyes pa so na gnas pa ma yin no zhes bya ba'i don to/ /yang
 gzhan gyi zhes pa gcig po de la rig bya dang rig byed gnyis kyi bdag nyid ma grub kyang/ rang rig pa nyid du gzhung gzug pa'i phyir/ gal te mar me zhes bya ba la sogs pa smos te/ ji ltar mar me rang gis rang bsal bar bya ba dang/ gsal bar byed pa
 gnyis ma grub kyang/ gsal bar byed pa'i rkyen nyi ma la sogs pa gzhan la mi ltos par gsal ba'i rang bzhin yin pa'i phyir rang gis rang gsal bar byed pa de bzhin du/ shes pa gsal ba yang rig par bya ba dang/ rig par byed pa gnyis med kyang/
 rig byed gzhan la mi ltos par rig pa'i rang bzhin yin pa'i tshul gyis/ rang rig pa yin pa'i phyir/ yul sgyu ma tsam med du zin kyang/ shes pa don dam par yod pa 'gal ba med do zhe na/ slob dpon gyis dpe nyid ma grub pa'i sgo nas/ de mi 'thad
 par sgrub pa'i phyir/ mar me gsal bar byed pa ma yin zhes bya ba smos te/ gal te mar me de gsal ba'i rang bzhin du khas len na ni/ de'i tshe rang gis gsal bar byed pa shin tu yang mi 'thad de/ ci'i phyir zhe na/ rang gis rang gsal bar bya mi dgos pa'i phyir ro
 ji ltar zhe na/ gsal ba'i rang bzhin yin pa'i phyir mun pas bsgribs pa'i mtshan nyid kyis mi gsal ba med pa la/ de nyid kyi phyir rang gis rang gsal bar bya mi dgos pas/ rang gis rang gsal bar byed pa ma yin pa bzhin du/ 'dir shes pa yang rig pa'i
 rang bzhin yin pa'i phyir/ ma rig pa'i cha shas med la/ de nyid kyi phyir rang gis rang rig par bya mi dgos pas rang gis rang rig par byed pa ma yin te/ de bas na rig pa'i rang bzhin yin pa'i phyir shes pa rang gis rang rig par byed do zhes bya ba'i khyod kyi
 gtan tshigs 'di la 'gal ba'i skyon chags pa med do zhes bya ba'i don to/ /yan lag gi don brjod par bya ste/ gsal bar byed pa ma yin zhes bya ba ni/ rang gis rang gsal bar byed pa min pa zhes bya ba'i don te/ /gsal bar bya mi dgos pa'i
 phyir ro/ /de nyid ci'i phyir zhe na/ 'di ltar mun gyis bsgribs pa'i mtshan nyid kyi mi gsal ba med pa'i phyir te/ de gsal bar byed pa'i rang bzhin yin no zhes bya ba'i tha tshig go /sngon po dag ni mthun pa'i dpe ste/ de bzhin du baiDUrya bzhin no/ /shel
 lta bu zhes bya ba ni sngon po de nyid kyi mi mthun pa'i dpe ste/ ji ltar shel ni rang bzhin gyis sngon po ma yin pa'i phyir/ sngon por byed pa'i rkyen bai DUrya la sogs pa yin la/ bai DUrya sngon po nyid ni sngon po'i rgyu la mi bltos te/ ci'i phyir zhe na/
 dang po nas sngon po nyid du 'dug pa'i phyir de lta bu'i bai DUrya sngon po de rang la rang gis sngon por byed do/ /sngon por bya mi dgos pa'i phyir rang la sngon bzhin no zhes bya ba'i tha tshig go /yang gzhan gyi shes pa rang rig pa'i bdag nyid du sgrub pa'i phyir /
 rkyen gzhan zhes bya ba la sogs pa smras te/ de ltar rang rig pa'i rang bzhin yin pa'i phyir/ rang rig par byed ces bya bar mi 'thad du zin kyang/ yul gzugs dang mig gi dbang po la sogs pa rkyen gzhan gyi stobs kyis shes
 pa de rang rig par byed do zhe na/ khyed kyi lugs kyi chos thams cad sems tsam du 'dus pa yin pas sems las ma gtogs pa'i rkyen gzhan nyid ma grub pa'i phyir/ rkyen gzhan gyi stobs kyis kyang shes pa de rang rig par byed pa nyid du mi 'thad do zhes bstan
 pa'i phyir/ gzungs dang zhes bya ba la sogs pa smos so/ de ltar gnod pa byed pa'i tshad ma'i sgo nas shes pa don dam par yod pa nyid mi 'thad par bsgrubs nas de ni shes pa don dam par yod pa la sgrub par byed pa'i tshad ma med par bstan pa'i phyir/
 mar me zhes bya ba la sogs pa smos te/ mar me gsal bar byed pa yin par ni dbang po'i mngon sum gyi blos nyams su myong ba'i phyir/ khas len par rigs na shes pa rang gis rang gsal bar byed pa mngon sum du tshad ma gang gis kyang ma grub pa'i phyir
 rtog pa dang ldan pa rnams kyis khas blang par mi rigs so/ / snyam du bsams pa ste/ ci'i phyir zhe na/ rtogs pa dang ldan pa rnams kyis khas len pa ni/ sgrub par byed pa'i tshang mas grub pa'i phyir ro zhes bya ba'i don to/ /'on te mngon sum gyi
 ji ltar ma grub snyam pa la/ re shig yid dang dbang po'i mngon sum gyis ni mi 'grub ste/ de gnyis kyi yul ni gzugs dang sgra la sogs pa gzugs can gyi bskye mched lnga yin pa'i phyir dang/ rang rig pa'i mngon sum gyis kyang mi 'grub ste/
 de nyid ni gzong dpyod? pa'i skabs yin pa'i phyir dang/ rnal 'byor gyi mngon sum gyis kyang mi 'grub ste/ tshu rol mthong ba rnams la rnal 'byor gyi mngon sum gyi tha snyad mi 'dogs pa'i phyir ro/ /de bas na rang gis rang gsal bar byed kyang rung mi byed kyang
 rung ste/ mngon sum gyi chad mas ma grub pa'i phyir/ ma bcas kyang ma 'grub po zhes bya ba'i tha tshig go /gal te mngon sum gyis ma grub kyang 'bras bu'i rtags las skyes pa'i rjes su dpag pas 'grub po snyam nas/ gal te rang gi ces bya ba la sogs
 pa smras te/ gal te bde ba la sogs pa'i nyams su myong ba'i rang rig pa med na phyis kyang dran pa skye pa'i rgyu rang rig pa zhig yod la rjes su dpag pas 'grub po snyam pa la/ don dran zhes bya ba la sogs pa smos te/ dran pa'i shas pa skye ba'i sgo nas rang
 rig pa'i shes pa don dam pa zhig sgrub mi dgos te/ gong du ji skad bshad pa'i tshul gyis rang rig pa don dam pa de ni ma grub pa'i phyir ro snyam du bsams so/ /'on te rang rig pa don dam pa de yod pa nyid du ma grub na ni phyis dran pa'i shes pa skye ba mi 'thad
 do zhe na/ don dam pa med kyang rang rig pa kun rdzob tu yod pa'i dbang gis/ dran pa'i shes pa skye ba'i phyir de dran no zhes gsungs so/ /'on te kun rdzob tu yod pa nyid du yang mi 'thad de/ rang bzhin med par khas len pa'i phyir ro zhe na/ 'di ltar zhes bya
 pa la sogs pa smos te/ mthong ba dang thos pa la sogs pa kun rdzob pa ni 'dir mi 'gog pa'i phyir dang/ 'o na 'dir ci 'gog snyam pa la 'dir ni zhes bya ba la sogs pa smos te/ 'dir ni sdug bsngal thams cad 'byung ba'i rgyu dngos por zhen pa dgag
 ba'i phyir yang dag pa'i rang bzhin 'gog go snyam du bsams pa'o/ /da ni yul bden pa gnyis la dmigs pa'i stong pa nyid kyi rnal 'byor pa sgom par bya bar bstan pa'i phyir/ sgyu ma lta bur zhes bya ba la sogs pa gzhan gyi dri ba'i tshig bkod de/
 gzhan dag 'di snyam du stong pa nyid du shes pa ni sgrib pa spong pa'i rgyu ma yin pa'i phyir rtog pa dang ldan pa rnams kyis bsgom par mi bya ste/ /dper na sgyu ma mkhan la sogs pa bzhin no snyam du sems na/ de byed pa'i zhes bya ba la sogs pa smos te/
 yang zhen pa 'byung ba'i rgyu ni gnyis te/ nang gi tshul bzhin ma yin pa yid la byed pa ma spangs pa phyi rol na brtag par bya ba'i yul nye bar gyur pa yin pa las/ sgyu ma mkhan la ni de gnyis ka dang ldan pa'i phyir re zhig
 ma brtags pa'i tshe zhen pa skye ba ni rigs pa yin na gang gi tshe/ rnal 'byor pa chen po bskal pa grangs med pa gsum gyi bar du stong pa nyid la gom par byas pa ni/ dngos por zhen pa'i bag chags spong bas/ chos thams cad lag mthil du
 skyu ru ra'i 'bru bzhag pa bzhin du gzigs kyang zhen pa mi mnga' ba'i phyir nyon mongs pa mi 'byung bas/ de bas na sgrib pa spong ba'i rgyu yin pa'i phyir stong pa nyid kyi rnal 'byor bsgom par bya'o zhes bya ba'i don to/ /'o na stong pa nyid kyi rnal 'byor ji
 ltar bsgom par bya snyam pa la/ gang tshe zhes bya ba la sogs pa smos te/ re zhig gcig dang du ma la sogs pa dang bral pas spyod pa'i dus gang gi tshe/ gzugs la sogs pa'i dngos po gang zhig med do/ /zhes brtag cing dgag par bya ba'i dngos
 po yod pa cung zad kyang ma rnyed pa'i dus de'i tshe yod pa nyid du mngon par zhen pa mi 'byung la 'di ltar dgag bya ma grub pa nyid kyis bkag pa yang ma grub par shes pa'i tshe med do zhes bya bar yang mngon par mi zhen pa'i phyir/ mngon par zhen pa'i
 rtog par 'gyur ro/ /de ltar gang gi tshe dngos po dang dngos po med pa gnyis ka rnal 'byor pa'i blo'i mdun na mi gnas te/ gzung ba'i cha las mi ldan pa'i dus de'i tshe/ rnam pa gzhan gsum pa ni med pa'i phyir/ cir yang dmigs pa med pa'i sgo nas/
 rtog pa thams cad rab tu zhi bar 'gyur ro zhes bya ba'i don to/ /'on te de ltar rtog pa mi mnga' na gdul bya rnams la sangs rgyas kyi skur snang ba mi 'thad do/ zhe na/ rtog pa mi mnga' yang gdul bya'i bsod nams kyis yid bzhin nor bu dang/ dpag
 bsams kyi shing bzhin du snang ba la 'gal ba med do snyam du bsams nas yid bzhin nor bu zhes bya ba la sogs pa gsungs so/ /'on te de ltar rtog pa mi mnga' ba yin no sems can gyi don mdzad pa 'gal lo zhe na/ sngar byang chub sems dpa' i gnas skabs
 kyi rtog pa'i 'phen shugs kyis sangs rgyas nyid la rtog pa mi mnga' yang sems can gyi don mdzad pa mi 'gal te/ /dper na nam mkha' lding gi mchod sdong dang 'dra'o snyam nas/ mchod sdong grub pas zhes bya ba smos te/ 'di dag sangs rgyas kyi sa la rtog
 pa med pa ston pa yin gyi sku dang ye shes nyid kyang mi mnga' bar ston pa ma yin te/ phyi'i don yod par smra ba'i dbu ma'i lugs la de dag ji ltar snang ba bzhin du mi 'gal ba'i phyir dang/ rmi lam gyi don la sogs pa yang ji ltar snang ba bzhin khas len
 pa'i phyir te/ de bas na dpe yid bzhin gyi nor bu dang/ dpag bsam gyi shing dang/ mchod sdong la sogs pa yang rtog pa med pa bzhin du/ de dang de ltar snang ba dang/ de dang de ltar don byed pa yin gyi/ de dag rang nyid kyang med pa ni ma yin pa bzhin no/ /de
 bas na la la dag na re/ 'di 'gog par smra ba'i dbu ma yin zhes zer ro zhes grags te/ bdag gis ni ma mthong ngo/ /des ni sgrib pa spong ba'i rgyu nyid du bstan nas/ da ni thams cad mkhyen pa'i ye shes thob par byed pa'i rgyu yin pa'i phyir stong pa nyid kyi
 rnal 'byor bsgom par bya ba nyid du bstan pa/ nyon mongs pa dang zhes bya ba la sogs pa smos so/ /da ni rang gi sde pa bye brag tu smra ba dag na re/ theg pa chen po ni sangs rgyas thob par byed pa'i lam nyid du dge slong klu sgrub la sogs pas bshad par zad
 gyi/ sangs rgyas kyi gsungs pa ma yin pas/ de'i phyir bsgom par mi bya'o zhes zer bdag ni log par rtog pa dgag pa'i phyir lam? 'di nyid kyis zhes bya ba la sogs pa smos te/ man ngag brgyud pas zhes bya ba ni/ bcom ldan 'das kyis 'phags pa 
 'od srungs chen po la gtang/ des kun dga' mo la gtang/ des sha na'i gos can la gtad/ des u pa gupta la gtad/ des li tsha ka la gtang zhes bya ba la sogs pa gsungs so/ /da ni mtshungs pa nyid du bsgrub pa'o
 phyir/ khyed kyi gzhung gis zhes bya ba la sogs pa gsungs te/ de lta ma yin na nyan thos pa khyed gzhung gis byang chub thob par byed pa yin par sangs rgyas kyi bka' nyid du yang ji ltar 'grub ste/ mtshungs so snyam du bsams pa'i/ /de la
 yid ches te 'grub na zhes bya ba ni pha rol po dag 'di skad du kho bo cag gzhang de la sangs rgyas kyi bka' nyid du yid ches pa'i man ngag brgyud pas 'grub po snyam na/ theg pa chen po la yang yid ches kyi zhes bya ba theg pa chen po la yang sangs
 rgyas kyi bka' nyid du yid ches pa man ngag brgyud pa las grub pa nyid du shes par gyis shig ces bya ba'i don to/ /gnyi ga 'dod bden na ni zhes bya ba ni/ gal te pha rol po dag 'di snyam du sangs rgyas kyi bka' nyid rnam par gzhag
 pas ni khyed dang 'u bu cag gnyis kas 'dod pa yin na/ sangs rgyas kyi bka' nyid du bden pa yin gyi/ theg pa chen po ni kho bo cag gis mi 'dod pa'i phyir sangs rgyas kyi bka' nyid du bden pa ma yin no zhe na/ 'o na ni de'i tshe rig byed rnams
 kyang bden par 'gyur zhes pa ni rim byed kyi tshig rnams dug la sogs pas? zhi bar nus pa dang ldan pas gnyis kas 'dod pa'i phyir sangs rgyas kyi bka' nyid du thal par 'gyur ba'i phyir/ sangs rgyas kyi bka' nyid du rnam par bzhag pa gnyis
 ka 'dod pa zhes bya ba nyid ni rig par 'thad pa ma yin zhes bya ba'i don to/ /'on te sangs rgyas kyi bka' nyid du rnam par bzhag pa na 'jug 'dul ba la snang/ mtshan nyid dang mi mthun pa med pa zhes bya ba yin na/ theg pa chen po ni de lta ma yin te/
 ji lta zhe na/ nyan thos kyi theg pa'i lung las ni gzugs la sogs pa nyid du yod par gsungs la/ theg pa chen po ni bkag pa'i phyir te/ de lta bas na mdo sde dang 'gal bas sangs rgyas kyi bka' ma yin no zhes bsams nas gal te phan tshun 'gal?
 zhe na zhes bya ba smras so/ /'on ta de ltar tshul phan tshun mi mthun pa tsam gyi bka' nyid du mi 'gyur na ni de'i tshe/ 'dul pa la sogs pa dor dgos so zhes bya ba khyed nyan thos kyi lung las kyang phan tshun mi mthun pa'i phyir/ sangs rgyas kyi bka' ma yin no zhes
 dor bgos pa nyid du thal bar 'gyur ro/ /'on te de ni sems can mos pa mi mthun pa rnams dga' bar bya ba'i don du gsungs pa'i phyir na/ mi mthun pa yin yang sangs rgyas kyi bka' nyid du mi 'gal lo zhe na/ 'on kho bo cag la yang mtshungs so snyam nas sems can mi mthun dga' bya'i phyir gsungs pa zhes bya ba theg pa chen po'i lung la yang mi 'dod dam ste/ de yang sems can mos pa mi mthun pa rnams drang bar bya ba'i don du gsungs pa yin pas nyan thos kyi lung dang mi mthun pa yin yang sangs rgyas kyi bka' nyid du
 mi 'gal lo zhes bya ba'i don to/ /de ni 'jug bsdu pa'i phyir de ltar zhes bya ba la sogs pa smos so/ /sun 'byin pa zhes bya ba ni sangs rgyas kyi bka' ma yin pa nyid du'o/ /the tshom med par zhes bya bar ni sangs rgyas kyi bka' yin nam ma yin zhes bya ba'i the tshom mo/
 da ni las dang pho pa dag stong pa nyid kyi rnal 'byor bsgom pa la mi skrag par bya'o zhes bstan pa'i phyir/ sdug bsngal bskyed rngos zhes bya ba la sogs pa smos so/ /stong nyid 'jig pa zhi byed na zhes bya ba ni sdug bsngal zhi bar byed pa'i rgyu yin na zhes bya ba'i don to//
 da ni gang ? par gyur pa'i bdag ces bya ba ma grub pas/ stong pa nyid bsgom par bya pa la 'jigs par mi bya'o zhes bstan pa'i phyir/ bdag ces bya ba la sogs pa smos so/ /bdag gi ltar ma grub zhe na/ re zhig gzugs bdag med yin par bstan pa'i phyir/
 so dang sgra sen zhes bya ba la sog pa smos te/ de dag ni bdag ma yin te/ bdag dang mtshan nyid mi mthun pa'i phyir te/ ji ltar zhe na/ so la sogs pa de dag ni mi rtags pa du ma yin pa'i phyir dang/ bdag ni rtag pa gcig bu yin pa'i phyir ro/ /gal te
 de dag yin na ni/ de dag kyang bdag bzhin du rtag pa dang gcig du rtag pa dang gcig du nyid du 'gyur pa'am/ yang na ni bdag kyang mi rtag pa? du ma nyid du thal bar 'gyur ba'i phyir ro/ /da ni rnam par shes pa'i phung po bdag ma yin par bstan pa'i phyir/ rnam kun tu rnam shes drug ni bdag ma yin
 no zhes bya ba smos te/ de dag ni yul gzugs la sogs pa rnams la so sor 'dzin pa yin la/ bdag ni thams cad la 'dzin pa'i phyir/ de dag kyang bdag ma yin no/ /gal te yin na ni de dag kyang bdag bzhin du re res kyang yul thams cad 'dzin par thal
 bar 'gyur ba'am/ yang na ni bdag kyang de bzhin du yul re re la 'dzin gyi thams cad 'dzin pa nyid du thal bar 'gyur ba'i phyir ro/ /da ni yid bdag ma yin par bstan pa'i phyir/ gal te yid ni zhes bya ba la sogs pa smos te/ yid ni 'gags ma thag
 pa yin pas/ da ltar med pa yin la/ bdag ni rtag pa yin pas da ltar yod pa'i phyir ro/ /gal te yin na ni/ bdag bzhin du yid kyang da ltar yod pa thal bar 'gyur ba'i phyir ro/ /yid kyi mtshan nyid nyams su 'gyur ba'am/ yang na yid bzhin du bdag kyang de ltar med pas bdag gi mtshan nyid nyams par 'gyur ba'i phyir ro/ /da ni ma 'ongs pa'i sems bdag ma yin par bstan pa'i phyir/ 'on te ma 'ongs pa zhes bya ba la sogs pa smos te/ ma 'ongs pa'i sems ma byung bas da ltar med pa yin zhing/
 bdag ni rtag pas da ltar yod pa'i phyir ro/ /gal te yin na ni ma 'ongs pa'i sems bzhin bdag kyang da ltar med par thal bar 'gyur ba 'am/ /yang na bdag bzhin du ma 'ongs pa'i sems da ltar yod pa nyid du thal bar 'gyur ro/ /da ni da ltar ba'i sems
 bdag ma yin par bstan pa'i phyir/ gal te bum sems zhes bya ba la sogs pa smos te/ gal te da ltar gyi dus su bdag tu sems de bdag yin no zhe na/ mi rung ste/ da ni yul can yin pa'i phyir ro/ /gal te yin na/ de bdag tu 'dzin pa'i sems yin par mi rung ste/
 yul gyi ngo bo yin pa'i phyir te/ dper na bum pa yin na bum pa la 'dzin pa'i sems yin par mi rung ba bzhin nam/ bum pa la 'dzin pa'i sems yin na bum pa yin bar mi rung ba bzhin no/ /da ni 'das pa'i sems bdag ma yin bar bstan pa'i phyir/
 gal te byung sems zhes bya ba la sogs pa smos te/ 'das pa'i sems ni 'gags nas med pa'i phyir dang/ bdag ni rtag pa yin pas da ltar yod pa'i phyir ro/ /gal te yin na ni 'das pa'i sems bzhin du bdag kyang 'gags nas med par 'gyur ba 'am/
 yang na ni bdag bzhin du 'das pa'i sems kyang da ltar yod pa nyid du 'gyur ba/ de gnyis kyi so so'i mtshan nyid nyams par 'gyur ba'i phyir ro/ /de ltar rnam par nges pa'i phung po bdag ma yin par bstan nas/ da ni khams bco brgyad bdag ma yin par
 bstan pa'i phyir/ gal te bdag mig zhes bya ba la sogs pa smos te/ mig gi khams ni gzugs la sogs pa yongs su 'dzin gyi/ sgra la sogs pa gzhan la yongs su mi gcod pa'i phyir dang/ bdag ni thams cad 'dzin pa'i phyir ro/ /de ltar ma yin gyi
 mig gi khams bzhin du bdag gis kyang sgra mi thos par 'gyur pa'am/ yang na ni bdag bzhin du mig gi khams kyis kyang thams cad 'dzin pa nyid du thal bar 'gyur ba'i phyir ro/ /mig gi khams ji lta ba bzhin du mtshan nyid mi mthun pa'i phyir zhes bya ba
 sgrub par byed pa'i rigs pa dang/ so so'i mtshan nyid nyams par thal bar 'gyur zhes bya ba zlog na gang gnod pa can gyi tshad mas ci rigs su sbyar bar bya'o/ /da ni tshor ba dang 'du shes dang mtshungs par ldan pa'i 'du byed kyi phung po ste/ dngos su sems
 las byung pa rnams bdag ma yin par bstan pa'i de bzhin bde min zhes bya ba la sogs pa smos te/ bde ba ni bde ba nyams su myong gi sdug bsngal nyams su mi myong ba'i phyir/ tshong ba bde pa ni bdag ma'i yin te/ gal te yin? bdag
 bzhin tshor pa bde bas kyang thams cad nyams su myong bar thal bar 'gyur ba 'am yang na tshor ba bde ba bzhin du bdag gis kyir? bde ba 'ba' zhig kyang nyams su myong bar thal bar 'gyur ba'i phyir ro/ /de bzhin du sdug bsngal la sogs pa gzhan dag ? ci dgos
 su sbyar ro/ /da ni skabs kyi don gyis mjug bsdu pa'i phyir/ de ltar bdag tu rung ba zhes bya ba la sogs pa smos so/ /da ni mu stegs grangs can pas bdag sems pa yod pa'i bdag nyid du 'dod pa dang/ bye brag pe'i sems pa med pa bdag nyid du 'dod pa
 de dag gnyis ka yang sems las ma gtogs pa nyid du/ bas blangs pa'i phyir bdag nyid yin par mi 'thad ro zhes bstan pa'i don du sems 'di nyid ni zhes bya ba la sogs pa smos so/ /da ni bdag grub tu zin kyang rtag pa nyid kyis na las dang 'bras bu ji ltar
 yang mi 'thad par bstan pa'i phyir/ lus la sogs pa zhes bya ba la sogs pa smos so/ /bdag med kyang dngos po mi rtag pa la las dang 'bras bu mi 'gal bar phyi rol dang nang gi dpe gnyis kyi go rims bzhin du bstan pa'i phyir sa bon la ni zhes bya ba la
 sogs pa dang/ phyis ba'i lus la zhes bya ba la sogs pa smos so/ da ni lus la sogs pa mi rtag par bstan pa'i phyir/ mngal na gnas zhes bya ba la sogs pa smos so/ /ji ltar mi rtag par gyur pa'i tshul bstan pa'i phyir/ dper na zhes bya ba la sogs pa smos so//
 de ltar ni ma grub kyi so so'i rgyud las skye zhing 'jigs par bstan pa'i phyir/ de ltar sems can zhes bya ba la sogs par so so/ /sems can med kyang snying rje bya ba mi 'gal bar bstan pa'i phyir/ gal te sems can zhes bya ba la sogs pa smos so//
 dgos pa'i don du zhes bya ba la sogs pa ni tha snyad gdags pa'i phyir te/ skyes bu lha sbyin zhes bya ba tha snyad du btags na/ gzugs dang tshor ba la sogs pas tha snyad gdags dka' bar 'gyur pa'i phyir dang/ 'jig rten pa dang mthun pa'i phyir te/ 'jig rten
 la yang gang zag ces bya ba la sogs par grags kyi gzugs la sogs pa'i chos tsam du ma grags pa'i phyir dang/ lung dang mthun pa'i phyir te/ lung las kyang skyes bu gang zag 'di ni khams drug par zhes bya ba la sogs pa gsungs kyi gzugs la sogs
 pa 'di na ni zhes bya ba la sogs pa ma gsungs pa'i phyir dang/ skyon dang yon tan tshad gzung ba'i phyir te skyes bu gang zag ces bya par btags na de'i skyon la sogs pa tshad zin bar 'gyur gyi/ gzugs la sogs pa 'di ni skyon 'di tsam dang ldan no zhes brjod
 na de'i tshad zin par mi 'gyur ba'i phyir ro/ /ji ltar khyed la zhes bya ba ni/ khyed kyi sems can dang zhes bya ba la sogs par brtags nas/ de snying rje skye ba bzhin du kho bo cag gi gzhung gis gong du bstan pa bzhin du dgos pa rnam pa bzhi'i dbang gis sems can
 zhes bya bar btags nas snying rje bya bar 'gal pa med do zhes bya ba'i don to/ /de ltar ji skad bshad pa'i tshul gyis bdag ces bya ba ma grub pa'i phyir/ stong pa nyid du bsgoms pas 'jigs pa yang med la/ de ni bcings pa yang med cing grol bar bya ba'i phyir
 dag pa la brtson par bya pa ni ma yin gyi/ bdag ma grub kyang bdag tu gzung ba'i bzhi'i sems de bcings pa las grol bar bya ba'i phyir dge pa la brtson par bya'o zhes bstan pa'i don du ji ltar chu shing zhes bya ba la sogs pa smos so/ /'on te snying pa?
 nyid kyi rnal 'byor de ji ltar bsgom par bya zhe na/ de bsgom pa bstan pa'i phyir/ lus ni rkang pa byin pa min zhes pa la sogs pa gsungs te/ thog mar so sor rtog pa'i shes rab ji lta pa bzhin du gtan la phab nas/ de'i rjes la gtan la phab pa'i don bsgom?
 bzhi bsgom pa'i rim pa yin no/ /de ltar ma byas nas nyes pa ci yod snyam pa la/ dngos po'i mchin nyid gtan lam phebs pa'i phyir/ de bsgom pa la 'jug par yang mi 'gyur la/ zhugs nas kyang the tshom za bar yang 'gyur zhing/ de ni
 sgrib pa spong ba'i gnyen por yang mi 'gyur ba'i phyir te/ 'phags pa ting nge 'dzin gyi rgyal po las/ ting 'dzin de ni bsgom pa byed mod kyi/ /de ni bdag tu 'du shes 'jig mi byed/ /de ni nyon mongs phyir zhing rab 'khrugs te/ /lhag spyod 'dir ni ting 'dzin bsgom ba bzhin
 zhes sems su ngos pa lta bu'o 'on te so sor rtog pa'i shes rab gyi gtan la phab nas bsgoms na de'i che cir 'gyur zhe na/ thog ma bsgom pa la 'jug par 'gyur zhing/ zhugs nas the tshom mi za bar yang 'gyur la/ sgrib pa spong ba'i gnyen por 'gyur ba'i sgo nas mya ngan las 'das
 pa'i rgyud 'byung ba'i yang phyir te/ ji skad du mdo sde nyid las/ gal te chos la bdag med so sor rtog/ so sor de brtag gal te bsgom pa ni/ /de ni mya ngan 'das thob 'bras bu'i rgyu/ /rgyu gzhan gang yin de ni zhir? mi 'gyur zhes gsungs pa lta bu'o/ /gal te de ltar yin
 na de'i tshe gang la ji ltar brtag par bya snyam ba la/ rgyal ba byams pas dbus mdza' yas/ /phyin ci log bzhi spong ba dang/ /bden pa bzhi la 'jug pa'i phyir/ /dran pa nye bar gzhag pa bsgom/ /zhes gsungs pas/ lus dang tshor ba dang sems dang chos la brtag bar
 bya ste na de la dang po lus la brtag pa'i dbang du byas nas/ lus ni rkang pa zhes bya bas ni lus zhes bya ba de rkang pa la sogs pa de rkang gi ma yin na yang med par bstan te/ ci'i phyir zhe na/ rkang pa la sogs pa de dag tha dad pas du ma yin pa'i phyir dang/ de nas log
 shig na dmigs pa'i rig byar gyur pa las mi dmigs pa'i phyir ro snyam du bsams pa'o/ /da ni lus zhes bya ba de yan lag rnams la cha shas kyis gnas sam bdag nyid thams cad kyis gnas brtag ste/ de la phyogs dang po'i dbang du byas nas cha shas dang
 bcas pa nyid du thal bar 'gyur ro zhes bstan pa'i phyir/ gal te lus 'di zhes bya ba la sogs pa smos so/ /phyogs gnyis pa ltar yin na ni/ lus da nyid mang po nyid du thal bar 'gyur ro zhes bstan pa'i phyir ro/ /lus ni lag sogs zhes bya ba la sogs pa smos so/ /da ni lag pa la
 sogs pa'i nang dang phyi rol na yang med par bstan pa'i phyir/ lus ni lag sogs nad na gnas nas bya ba la sogs pa smos te/ cha shas med pas zhes bya ba ni lus gcig gi mtshan nyid do/ /cha can gyi nad du 'jug par bya zhes bya ba ni/ yan lag du ma'i?  nang du 'jug pa ste
 yan lag du ma'i nang du 'jug par mi rung ngo zhes bya ba'i don to/ /'on te de ltar lus med na lus kyi blo ji ltar 'byung snyam pa la/ de bas lus med ces bya ba la sogs pa smos so/ /da na yin lag rnams kyang ma grub par bstan pa'i phyir de bzhin sor mo zhes bya ba
 la sogs pa smos so/ /da ni rdul phra rab ma grub par bstan pa'i phyir/ phyogs cha zhes bya ba la sogs pa smos te/ cha med par zhes bya bas gzhi gsan med ces bya ba'i don to/ /de ni rdul phra rab ba sags pa ma grub par bstan pa'i phyir/ rdul rnams zhes bya ba la
 sogs pa smos so/ /de ltar lus dran pa nye bar gzhag pa bsgom pa'i thabs bstan nas/ de ni bsgoms pa'i phan yon bstan pa'i phyir/ de ltar brtags na zhes bya ba la sogs pa smos te/ rjes su chags pa dang khong bro ba la sogs pa'i nyon mongs pa spong bang?
 'gyur ro zhes bya ba'i don to/ /da ni tshor ba dran pa nye bar bzhag pa bsgom pa'i thabs kyi dbang du byas nas/ sems dang zhes bya ba la sogs pa smos te/ 'dis ni yul myong bar byed pa mi 'thad par bstan to/ /bdag gis zhes bya ba ni rang bzhin nyams su myong bar
 byed pa nyid mi 'thad par bstan te/ /gzhan gyis kyang ni zhes bya ba la sogs ba ni myong bar bya ba nyid du mi 'thad par bstan to/ /de ltar tshor ba bdag ces bya ba byod? ba'i ngo bo nyid yin la/ de ni myong par byed pa dang myong bar bya ba gnyis las/ gnyi ga mi 'thad par
 bstan to/ /da ni de ltar bsgom pa'i phan yon bstan pa'i phyir de ltar zhes bya ba la sogs pa smos te/ tshor ba ni sred pa skye ba'i rten byed pa'i las can yin la/ de ltar bden pa la sogs pa'i tshor ba dang rang bzhin med par shes par
 phra ba 'am bral ba'am/ rmongs pa'i sred pa mi 'byung ngo/ /zhes bya ba'i don to/ /da ni sems dran pa nye bar gzhag pa bsgom pa'i thabs bstan pa'i phyir/ yid ni dbang po zhes bya ba la sogs pa smos te/ 'dis ni dbang po la sogs pa de dag yid ces bya
 ba de gzung du med pa'i phyir/ mi gnas par rang bzhin med par ston te/ sems can zhes bya ba ni sems kyi zhes bya ba'i don to/ /da ni ma skyes pas rang bzhin med par bstan pa'i phyir/ shes bya bas ni zhes bya ba la sogs pa smos te/ ci'i phyir shes bya
 dus mnyam pa la dmigs te/ skyer mi rung snyam pa la/ shes bya'i dus na zhes bya ba la sogs pa smos te/ shes bya dus mnyam pa yod pa'i dus na shes pa de yod na shes bya dus mnyam pa de shes pa de la phan ci zhig bya ste/ shes pa ma skyes pa'i dus na ni
 shes bya nyid kyang med pa'i phyir/ gang gis phan byed gang gi tshe shes bya skyes pa'i dus de'i tshe na ni/ shes pa nyid kyang skye bar phan bya mi dgos pa'i phyir ro/ /'on te gang las kyang ma skyes kyang rang bzhin gyis gnas so snyin/ rang gi gnas pa 'gal ba
 med de/ ci'i phyir zhe na/ rgyu med pa'i phyir te/ dper na nam mkha' i me tog bzhin zhes bya ba'i don to/ /da ni chos dran pa nye bar gzhag pa bsgom pa'i dbang du byas nas/ rkyen rnams zhes bya ba la sogs pa smos te/ rkyen so so ba las mi skye ste/ sa bon
 la sogs pa re re las mi 'byung ba'i phyir ro/ 'dus pa las kyang mi skye ste/ gang las mi skye ba de dag nyid 'dus phyir ro/ /'o na gnyis po de las gzhan pa las skyes sam zhe na/ gzhan nas 'ongs pa ma yin la/ de ltar ma skyes pa'i phyir gnas pa
 med la 'gro ba med ces smras so/ /'o na 'jig rten pa rnams kyis ji ste bden par rtogs snyam pa la/ de ni 'khrul nas brtags pa'i phyir/ sgyu ma dang ni zhes bya ba la sogs pa spros so/ /da ni dngos po rnams la don dam par 'gro ba dang 'ongs ba dang bral par bstan pa'i
 phyir/ sgyu mas sprul pa zhes bya ba la sogs pa smos so/ /da ni dngos po rnams yod pa dang med pa gang yang ma skyes pa'i phyir/ dngos po med pa'i mtshan nyid yin pas/ dngos po yod pa nyid du mi 'gyur bar bstan pa'i phyir/ dngos po yod par 'gyur ba la zhes bya
 ba la sogs pa smos so/ /'o na gnyi ga yin no snyam pa la/ rang bzhin zhes bya ba la sogs pa smos so/ /da ni mtshan gzhi ma grub pas de'i mtshan nyid ma grub par bstan pa'i phyir/ de bzhin zhes bya ba la sogs pa smos so/ /da ni mjug bsdu ba'i phyir de bas
 zhes bya ba la sogs pa smos te/ rmi lam zhes bya ba la sogs pa ni don dam par med kyang snang ba'i phyir ro/ /snying po med ces bya ba ni brtags nas ma grub pa'i phyir ro/ /de ni de ltar brtags pa'i phan yon 'jig rten gyi chos brgyad la zhes pa dang bral bar 'gyur bar
 bstan pa'i phyir/ de ltar zhes bya pa la sogs pa smos so/ /yan lag gi don ni go sla'o/ /da ni dngos por zhen pa'i dbang gis sdug bsngal la bde bar gnas par phyin ci log pa dag la gnyen po stong pa nyid bstan pa'i phyir/ rang nyid grol bar bya ba'i
 thabs la 'bad par bya'o zhes bstan pa ni/ bdag nyid bde bar 'dod rnams ni zhes bya ba la sogs pa smos so/ /yan lag gi don ni go sla'o/ /bstan bcos kyi ming gi don ni snga ma bzhin no/ /shes rab bstan pa zhes bya ba ste/ le'u brgyad pa'i
 bshad pa rdzogs sto// //da ni las 'bras bu dang bcas par bya ba'i phyir/ /dge ba'i rtsa ba bsngo ba dang/ rang gi dge ba'i bshes gnyen la drin du gzo ba'i sgo nas phyag btsal ba'i phyir le'u dgu pa gsungs te/
 bdag gis byang chub spyod pa la zhes bya ba nas/ ston pa bzhin du mchod byed shog ces bya ba'i bar gyis las 'bras bu dang bcas par bya ba'i phyir/
 dge ba'i rtsa ba bsngo ba bstan to/ /bstan pa rnyed dang zhes bya ba tshig gnyis kyis bstan pa yun du gnas par bya ba'i phyir bsngo ba bstan to/ /gang gi drin gyis dge blo 'byung zhes
 bya ba'i tshigs su bcad pa gcig gis drin gzo ba'i sgo nas rang gi dge ba'i bshes gnyen la phyag 'tshal ba bstan to/ /bstan bcos kyi ming gi don ni le'u dang por bshad pa
 bzhin no/ /yongs su bsngo pa zhes bya ste/ le'u dgu pa'i bshad ba rdzogs so// //de dag gi yan lag gi don shin tu go sla ba'i
 phyir rnam par ma phye'o/ /byang chub sems dpa' i spyod pa la 'jug pa'i rnam par bshad pa'i bka' i 'grel pa rdzogs so// //
 slob dpon nag po pas mdzad pa chos kyi shes rab kyi 'gyur// //mang+gA laM// //